@01A *, ,BSTAN BCOS DBU MA LA 'JUG PA'I RNAM BSHAD DGONGS PA RAB GSAL GYI DKA' GNAD GSAL BAR BYED PA'I SPYI DON LEGS BSHAD SKAL BZANG MGUL RGYAN ZHES BYA BA BZHUGS SO, , @01B #, ,NA MO {MNYDZU} GHO {sh'A} YA, DBU MA LA 'JUG PA'I RNAM BSHAD DGONGS PA RAB GSAL GYI DKA' GNAD GSAL BAR BYED PA SKAL BZANG MGUL RGYAN ZHES BYA BA, RJE BTZUN BLA MA DMIGS PA MED PA'I THUGS RJE CHEN PO DANG LDAN PA RNAMS KYI ZHABS KYI {PADMO} LA GUS PA CHEN POS PHYAG 'TSAL LO, ,LHA DBANG LHA YI SLOB DPON SNGON GYI LHA, ,GDONG DRUG GDONG PA BZHI PA GLANG PO'I GDONG, ,SNANG BDAG RGYU SKAR BDAG PO NYAG PHRAN BDAG, MIG GSUM PAD DKAR MIG DANG MIG DMAR SOGS, ,SRID PA'I YON TAN DU MAS DREGS PA YI; ;RLOM PAS BSGYINGS PA'I LHA BRGYA'I COD PAN GYIS, ,GANG GI ZHABS PAD GUS PAS STEN BYED PA, ,THUB DBANG LHA YI LHA LA PHYAG 'TSAL LO, ,CHOS DBYINGS RGYA MTSO'I DBUS NA GNAS BCAS SHING, ,NGES DON GZHUNG LUGS 'BUM GYI GDENGS KAS BRJID, ,RNAM DAG MKHYEN BRTZE'I NOR BUS GTZUG NA MDZES, ,KLU SGRUB KLU YI DBANG PO LA PHYAG 'TSAL, ,GANG GI MTSAN TZAM 'DZIN PA'I SKYE BO LA, ,DNGOS 'DZIN 'KHRUL BZHI BA'I DPAL STER BA, ,'PHAGS PA LHA DANG SANGS RGYAS BSKYANGS LA SOGS, ,SHING RTA CHEN @02A *, ,PO'I SROL 'DZIN RNAMS LA 'DUD, ,DRI MED BLO GROS DKYIL 'KHOR RAB TU RGYAS, ,MDO RGYUD GSUNG RAB MKHA' LA THOGS MED RGYU, ,MTHAR 'DZIN MUN PA SEL BA'I 'OD DKAR CAN, ,DPAL LDAN ZLA BA GRAGS PA'I ZHABS LA 'DUD, ,'JAM DBYANGS MKHYEN PA'I CHU GTER CHE LAS 'ONGS, ,DPAL LDAN SKU BZHI'I BAR RIM MNGON PAR MTHO, ,MKHAS MANG GSER RI'I DBUS NA LHAM ME BA, ,KUN MKHYEN RTZONG KHA PA LA GUS PAS 'DUD, ,THUB BSTAN GANGS RI'I SPO LA GNAS BCAS NAS, ,STONG NYID ZAB MO'I GAD RGYANGS CHER BSGRAGS PAS, ,LTA NGAN RI {DVAGS} TSOGS RNAMS SKRAG MDZAD PA, ,RGYAL TSAB DAM PA DAR MA'I ZHABS LA 'DUD, ,CHOS KUN GZIGS PA'I RNAM DPYOD MIG STONG LDAN, ,RIGS TSUL RDO RJES PHA ROL RGOL BA 'JOMS, ,THUB BSTAN SKABS GSUM BDAG PO DGE LEGS DPAL, ,KHYOD KYI RNAM DKAR MDZAD PAS BDAG YID SKYONGS, ,RGYA CHEN TSOGS GNYIS RING NAS GOMS PA'I MTHUS, ,ZHING 'DIR BSTAN PA'I RGYAL MTSAN 'DZIN PA LA, ,ZLA MED MKHAS PA'I DBANG PO DGE 'DUN GRUB, ,SRAS DANG BCAS PA'I ZHABS LA GUS PAS 'DUD,, THUB DBANG CHOS KYI RGYAL PO'I RIGS 'KHRUNGS SHING, ,'PHAGS NOR RIN CHEN BDUN GYI 'BYOR PAS PHYUG ,DPAL LDAN THUB BSTAN SA CHEN BZHI LA DBANG, ,'PHRIN LAS BZANG PO'I ZHABS LA GUS PAS 'DUD,, @02B NGES DON GZHUNG BRGYA'I DGONGS PA THUGS SU CHUD, ,THAMS CAD YONG SMRA'I BRTUL ZHUGS MCHOG LA GNAS, ,DPAL LDAN MKHAS PA'I GTZUG RGYAN CHOS KYI RJE, ,GNYAL STON YAB SRAS GNYIS LA PHYAG 'TSAL LO, ,KLU SGRUB THUGS KYI CHU MTSO LAS 'ONGS PA'I, ,BLO BZANG GSUNG GI LEGS BSHAD ME TOG PHRENG, ,SDEBS LEGS TSIG GI SRAD BU LA BRGYUS NAS, ,SKAL BZANG MGRIN PA'I RGYAN DU BDAG GIS SBYIN, ,PHYOGS LHUNG RAB RIB SKYON GYIS MIG BSGRIBS PA'I, ,SKYE BO RNAMS LA DGA' PA MI SKYED KYANG, ,GZUR GNAS RNAM DPYOD LDAN PAS 'DI MTHONG NA, ,'DZUM PA'I MDANGS KYIS LHAM MER 'GYUR BAR NGES, ` ,'DIR 'JIG RTEN THAMS CAD KYI MA 'DRIS PA'I MDZA' BSHES CHEN POS GSUM GYI SGRON ME SANGS RGYAS BCOM LDAN 'DAS ZHES GRAGS PA'I BDAN DKAR POS GSUM NA GA-YO BA DE NYID KYIS GDUL BYA'I RIM PA DANG MTHUN PAR DMAN PA LA MOS PA RNAMS LA CHAGS BRAL GYI SPYOD PA, RGYA CHEN PO LA MOS PA RNAMS LA SA DANG PHA ROL TU PHYIN PA'I THEG PA, ZAB MO LA LHAG PAR MOS PA RNAMS LA CHAGS BCAS KYI SPYOD PA'I CHOS KYI 'KHOR LO LEGS PAR BSKOR BAR MDZAD LA, DE THAMS CAD BSDU NA GNYIS SU 'DU STE, RGYU PHA ROL TU PHYIN PA'I THEG PA DANG, 'BRAS BU RDO RJE'I THEG PA'O, ,PHA ROL TU PHYIN PA'I THEG PA'I CHOS KYI RNAM GRANGS MTHA' YAS PA GSUNGS PA RNAMS KYI NANG NAS, CHES SNYING PO MCHOG DANG RAB DANG GTZO BOR GYUR PA NI, SHES RAB KYI PHA ROL TU PHYIN PA'I MDO SDE RIN PO CHE RGYAS 'BRING BSDUS GSUM 'DI NYID YIN TE, DON GNYIS MTHAR PHYIN PA'I SANGS RGYAS KYI GO 'PHANG LTA SMOS KYANG CI 'TSAL, 'KHOR BA'I NYER 'TSE MTHA' DAG DANG BRAL BA'I MYA NGAN LAS 'DAS PA'I GO 'PHANG TZAM THOB PA LA'ANG STONG NYID PHRA MO NGES PAR RTOGS DGOS PA'I PHYIR DANG, BCOM LDAN 'DAS KYIS GSUNG RAB RNAMS DNGOS SAM BRGYUD PAS @03A *, ,GDUL BYA DE KHO NA NYID LA BKRI BA'I THABS SHA STAG TU GSUNGS PA'I PHYIR TE, 'PHAGS PA YUL 'KHOR SKYONG GIS ZHUS PA'I MDO LAS, STONG PA ZHI BA SKYE BA MED PA'I TSUL, ,MI SHES PAS NI 'GRO BA 'KHYAM GYUR PA, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'DZUD PAR MDZAD, ,CES GSUNGS, DES NA GROL BA DON GNYER CAN RNAMS KYIS DE KHO NA NYID PHRA MO RTOGS PA LA 'BAD DGOS SHING, DE YANG BKA'I DGONGS PA 'GREL BA LA TSAD MAR GYUR PA'I SHING RTA'I SROL 'BYED DAG GI RJES SU 'BRANG NAS BTZAL BAR BYA BA YIN TE, PHYI RABS KYI GDUL BYA BLO DMAN PA DANG, BRTZON PA ZHAN PA BYIS PA'I NGANG TSUL CAN DAG GIS, DE DAG GI RJES SU MA 'BRANGS PAR BKA'I DGONGS PA RANG DBANG DU RTOGS MI NUS PA'I PHYIR, DES NA BKA'I DGONGS PA 'GREL PA LA TSAD MAR GYUR PA'I SHING RTA'I SROL 'BYED NI GNYIS TE, SA GSUM BRNYES PA 'PHAGS PA THOGS MED KYIS RGYAL BA MI PHAM PA LA BRTEN NAS, RNAM RIG TZAM GYI SHING RTA'I SROL PHYE BA DANG, RJE BTZUN 'JAM PA'I DBYANGS KYI MAN NGAG LA BRTEN NAS, SANGS RGYAS GNYIS PA KLU SGRUB ZHABS KYIS ZAB MO DBU MA'I SHING RTA'I SROL PHYE BA STE, DA LTA DBU SEMS ZHES GRAGS PA LTAR RO, ,DE GNYIS LA SHING RTA'I SROL 'BYED CES BYA STE, 'JIG RTEN NA RGYAL PO SOGS SKYES BU STOBS DANG LDAN PA ZHIG GIS GROGS GZHAN LA MA LTOS PAR SNGON MED PA'I LAM SROL ZHIG THOG MAR PHYE NA, DE LA THOG MA'I LAM SROL 'BYED PA POR GRAGS PA LTAR, DE GNYIS KYIS KYANG 'DZAM BU'I GLING DU MI'I BYAD GZUGS CAN GYI 'GREL BYED GZHAN LA MA LTOS PAR BKA'I DGONGS PA RANG DBANG DU BKRAL BA'I PHYIR, 'O NA KLU SGRUB DANG THOGS MED GNYIS BKA'I DGONGS PA 'GREL PA LA TSAD MAR GYUR PAR GANG LAS SHES SNYAM NA, STON PA RANG NYID KYIS LUNG BSTAN PA YIN TE, 'JAM DPAL @03B RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE DRANG DON NGES PA'I DON, ,RNAM PA MANG PO RAB TU 'BYED, ,CES SOGS KYIS THOGS MED LUNG BSTAN CING, LANG GSHEGS LAS, LHO PHYOGS BHE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES 'BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES DANG, GZHAN YANG, MDO SDE SPRIN CHEN PO DANG, RNGA BO CHE'I MDO, 'JAM DPAL RTZA RGYUD, DUS KYI 'KHOR LO'I RGYUD PHYI MA SOGS MDO RGYUD DU MA NAS KLU SGRUB KYIS NGES DON 'GREL PAR LUNG BSTAN PA'I PHYIR, SLOB DPON DE GNYIS KYIS THEG PA CHEN PO'I BKA'I DGONGS PA RANG DBANG DU 'GREL PA'I SHING RTA'I SROL PHYE NA, MDO GANG LA BRTEN NAS PHYE, DGONGS 'GREL GYI BSTAN BCOS KYANG JI LTAR MDZAD SNYAM NA, THOGS MED KYIS NI GTZO BOR MDO SDE DGONGS 'GREL LA BRTEN NAS YIN ZHING, BSTAN BCOS KYANG RGYAS PA'I BSTAN BCOS SA SDE LNGA, BSDUS PA'I BSTAN BCOS SDOMS RNAM PA GNYIS SOGS MDZAD LA, DE DAG GIS BKA'I DGONGS PA JI LTAR BKRAL BA'I TSUL SOGS BOD KYI MKHAS PA SNGA MA RNAMS KYIS JI LTA BA BZHIN DGONGS PA MA RNYED PAR, RJE NYID KYIS DRANG NGES RNAM 'BYED DU CHES NGO MTSAR CHE BA'I BSHAD PA'I SROL BTOD PA DANG, DE'I DGONGS PA LCI BAS DKA' BA RNAMS MKHAS GRUB THAMS CAD MKHYEN PAS STONG 'THUN SKAL BZANG MIG 'BYED DU GSAL BAR MDZAD PA LAS SHES PAR BYA'O, ,'PHAGS PA KLU SGRUB KYIS GTZO BOR BLO GROS MI ZAD PA'I MDO LA BRTEN NAS YIN LA, RTZA SHE SOGS RIGS TSOGS RNAMS KYANG MDO'I DRANG NGES 'BYED PA'I DGONGS 'GREL YIN TE, TSIG GSAL LAS DE LTA BUR BSTEN PA'I DGONGS PA MI SHES PAS, 'DIR DE KHO NA'I DON CAN GYI BSTAN PA NI GANG ZHIG YIN, DGONGS PA CAN NI 'DIR GANG ZHIG YIN SNYAM DU GANG ZHIG THE TSOM DU 'GYUR BA DANG, GANG ZHIG BLO ZHAN PA NYID KYIS, DRANG BA'I DON GYI BSTAN PA LA NGES PA'I DON DU RTOG PA DE GNYIS KA'I THE TSOM DANG, LOG PA'I SHES PA DAG RIG @04A *, ,PA DANG LUNG GNYIS KA'I SGO NAS BSAL BAR BYA BA'I PHYIR, SLOB DPON GYIS 'DI BRTZAMS SO, ,ZHES DANG, YANG GANG GI PHYIR RTEN CING 'BREL PAR 'BYUNG BA'I 'GAG PA LAS SOGS PA DAG THOS PAR 'GYUR BA DE NYID KYI PHYIR SLOB DPON GYIS DRANG BA DANG NGES PA'I DON GYI MDO SDE'I RNAM PAR DBYE BA BSTAN PAR BYA BA'I PHYIR, DBU MA'I BSTAN BCOS 'DI MDZAD PA YIN NO, ,ZHES GSUNGS PA'I PHYIR, NGES DON 'GREL BA LA RIGS PA DANG LUNG GI SGO NAS 'GREL BA'I TSUL GNYIS SO, ,DE YANG RTZA SHE SOGS RIGS TSOGS RNAMS TE, YUL STONG NYID PHRA MO RIGS PAS BSGRUB PA DANG, YUL CAN DE RTOGS PA'I LTA BA THAR PA DANG THAMS CAD MKHYEN PA GNYIS KA'I RTZA BAR STON PA GNYIS SU 'DUS LA, DANG PO LA YANG RANG BZHIN GYIS GRUB PA'I SGRUB BYA GTZO BOR 'GOG PA RTZA BA SHES RAB DANG, SGRUB BYED RTOG GE'I TSIG DON BCU DRUG 'GOG PA ZHIB MO RNAM THAG, RANG BZHIN MED KYANG BYA BYED 'THAD PA'I TSUL STON PA LA YANG, BYA BYED SPYIR 'THAD TSUL STON PA RTZA SHE'I RAB BYED BDUN PA LAS 'PHROS PA STONG NYID BDUN CU PA DANG, DGAG SGRUB KYI BYA BYED BYE BRAG TU 'THAD TSUL STON PA RAB BYED DANG PO LAS 'PHROS PA RTZOD ZLOG STE, DE DAG GIS YUL STONG NYID PHRA MO RIGS PAS BSGRUBS NAS, YUL CAN DE RTOGS PA'I LTA BA THAR PA TZAM THOB PA'I RTZA BAR STON PA LA RIGS PA DRUG CU PA DANG, THAMS CAD MKHYEN PA'I YANG RTZA BAR STON PA LA RIN CHEN PHRENG BA STE, DA LTA RIGS PA'I TSOGS DRUG TU GRAGS PA LTAR RO, ,DE LTAR STONG NYID PHRA MO GTAN LA PHAB PA YANG BCOM LDAN 'DAS KYI MDO'I DGONGS PA YIN GYI, KLU SGRUB KYI RANG BZO MA YIN ZHES STON PAR BZHED NAS NGES DON GYI LUNG DANG SBYAR BA'I PHYIR MDO KUN LAS BTUS PA MDZAD DO, ,TSIG GSAL DU NI RAB BYED PHAL MO CHE LA NGES DON GYI LUNG SBYOR SMOS PA DANG GNAD GCIG STE, 'DI DAG LA BLA MA YAB SRAS KYIS STONG NYID DAM NGES DON LUNG GIS 'GREL PA ZHES PA'I THA SNYAD MDZAD PA YIN NO, ,SLOB DPON KLU SGRUB KYI DGONGS PA 'GREL BA LA, SNGAGS DANG PHAR PHYIN THEG PA GNYIS KA'I SGO NAS GTZO BOR GYUR PA NI, SRAS KYI THU BO 'PHAGS @04B PA LHA YIN LA, ,DES DBU MA'I BSTAN BCOS RNAL 'BYOR SPYOD PA BZHI BRGYA BA MDZAD DO, ,YAB SRAS 'DI GNYIS LA RJES 'BRANG DAG GIS YID CHES PA'I GNAS SU KHYAD PAR MED PAR 'DZIN PAS BOD SNGA MAS GZHUNG PHYI MA'I DBU MA PA'I THA SNYAD KYANG MDZAD LA, DE GNYIS KYI RJES 'BRANG LA THAL RANG GI PHYOGS GNYIS LAS, RANG RGYUD PA LA LEGS LDAN 'BYED RJES 'BRANG DANG BCAS PA, 'PHAGS PA GROL SDE DANG ZHI 'TSO RJES 'BRANG DANG BCAS PA'I PHYOGS GNYIS LAS, LEGS LDAN 'BYED KYIS RTZA SHE'I 'GREL PA SHES RAB SGRON MA RANG GZHUNG DU BRTZAMS PA DBU MA SNYING PO, ,DE'I RANG 'GREL RTOG GE 'BAR BA DANG BCAS PA MDZAD CING, YE SHES SNYING POS DE'I RJES SU 'BRANGS NAS DBU MA BDEN GNYIS MDZAD, DE GNYIS KAS PHYI DON THA SNYAD DU ZHAL GYI BZHES SHING, RANG RIG MI BZHED PAS BOD SNGA MA RNAMS KYIS MDO SDE SPYOD PA'I DBU MA PA ZHES THA SNYAD BTAGS SO, ,ZHI BA 'TSOS NI THA SNYAD DU PHYI DON MED CING RANG RIG YOD PA DANG, SHES PA BDEN PAR MA GRUB PA'I DBU MA'I SROL PHYE NAS DBU MA RGYAN MDZAD CING, KA MA LA SH'I LAS DBU MA SNANG BA DANG SGOM RIM GSUM MDZAD LA, 'PHAGS PA'I YUL GYI SANGS RGYAS YE SHES ZHABS, ,AA {BHYA} KA RA'I GZHUNG RNAMS KYANG LTA BA'I 'JOG TSUL ZHI 'TSO LTAR BZHED PAS, BOD SNGA MAS RNAL 'BYOR SPYOD PA'I DBU MA PA'I THA SNYAD SBYAR RO, ,THAL 'GYUR BA'I PHYOGS LA SLOB DPON SANGS RGYAS BSKYANGS KYIS RTZA SHE'I 'GREL PA {BUDDHA} P'A LI TA MDZAD NAS, 'PHAGS PA'I DGONGS PA THAL 'GYUR DU THOG MAR BKRAL, DE LTA NA'ANG THAL 'GYUR 'THAD CING RANG RGYUD MI 'THAD PA SOGS KYI RNAM DBYE MA MDZAD DO, ,DE'I RJES SU DPAL LDAN ZLA BAS RTZA SHE'I 'GREL PA TSIG GSAL MDZAD NAS, 'PHAGS PA KLU SGRUB KYI DGONGS PA THAL 'GYUR DU GNAS SHING, RANG RGYUD MI 'THAD PA'I GSAL KA BTON NAS SHING RTA'I SROL PHYE BA YIN LA, DE BZHIN DU RIGS PA DRUG CU PA'I 'GREL BA DANG, BZHI BRGYA BA'I 'GREL BA GNYIS KA RANG GZHUNG DU BRTZAMS PA 'JUG PA RANG 'GREL DANG BCAS PA MDZAD DE, MKHAS MCHOG DPA' BO DANG ZHI BA LHA GNYIS KYANG DE DAG DANG MTHUN PA'I PHYOGS SO, ,'DI DAG LA 'JIG RTEN GRAGS SDE SPYOD PA'I DBU MA PA'I THA @05A *, ,SNYAD KYANG MDZAD DO, ,THOG MAR SANGS RGYAS BSKYANGS KYIS 'PHAGS PA'I DGONGS PA THAL 'GYUR DU BKRAL BA LA, DE NYID LEGS LDAN 'BYED KYIS BKAG NAS RANG RGYUD KYI SROL PHYE BAS 'DI GNYIS RJES 'BRANG DANG BCAS PA LA BOD SNGA MAS PHYOGS YONGS SU 'DZIN PA'I DBU MA PA'I THA SNYAD DU MDZAD DO, ,DE YANG RGYA GAR NA RTZA SHE LA 'GREL PA BRGYAD YOD PAR GRAGS TE, GA LAS 'JIGS MED, DE BA SHRA MA, GU {nA SHRI}, GU NA MA TI, {SITHAR} MA TI, SANGS RGYAS BSKYANGS, LEGS LDAN 'BYED, ZLA BA GRAGS PA'I 'GREL PA RNAMS SU YOD PA'I PHYIR, DE RNAMS KYI NANG NAS 'GREL PA GANG GI RJES SU 'BRANGS NAS 'CHAD PA YIN ZHE NA, ` JI SKAD DU DRANG NGES RNAM 'BYED LAS, 'DZAM GLING MKHAS PA'I RGYAN GYUR 'DI RNAMS KYI, ,LEGS BSHAD KUN LA SNYING NAS GUS MOD KYANG, ,'KHOR 'DAS RTEN 'BYUNG MI SLU'I GTAN TSIGS KYIS, ,MTSAN 'DZIN DMIGS GTAD THAMS CAD 'JIG BYED PA'I, ,ZLA BA LAS 'ONGS LEGS BSHAD 'OD DKAR GYIS, ,BLO MIG KUN DA'I TSAL RAB PHYE BA'I TSE, ,SANGS RGYAS BSKYANGS KYIS BSTAN PA'I LAM MTHONG NAS, ,KLU SGRUB LUGS BZANG GTZO BOR MI 'DZIN SU, ,ZHES GSUNGS PA LTAR DU 'PHAGS PA KLU SGRUB YAB SRAS KYI DGONGS PA, SLOB DPON SANGS RGYAS BSKYANGS KYI BSHAD SROL, DPAL LDAN ZLA BAS LEGS PAR BKRAL BA'I THAL 'GYUR BA'I LUGS MCHOG DRI MA MED PA, GANGS RI'I KHROD 'DIR RJE BTZUN TZONG KHA PAS GSAL BAR MDZAD PA'I SHING RTA'I SROL CHEN PO DRANG NGES RNAM 'BYED DANG, RNAM BSHAD RNAM PA GNYIS KYI DON SKAL BZANG MIG 'BYED KYIS BKRAL BA'I RJES SU 'BRANGS STE, RTOGS DKA' BA'I GNAD RNAMS GTAN LA DBAB PAR BYA BA YIN LA, DE LA 'DIR ZAB PA DANG RGYA CHE BA'I DON GNYIS PHYIN CI MA LOG PAR GTAN LA 'BEBS PA'I BSTAN BCOS CHEN PO DBU MA LA 'JUG PA RANG GI 'GREL BA DANG MTHUN PAR 'CHAD PA LA GSUM, MTSAN GYI DON, 'GYUR GYI PHYAG, GZHUNG GI DON NO, ,DANG PO LA GNYIS, MTSAN BSGYUR BA DANG, MTSAN BSHAD PA'O, ,DANG PO NI RGYA GAR SKAD DU ZHES PA NAS, ZHES BYA BA ZHES PA'I BAR BYUNG, DON NI, RGYA GAR NA SKAD RIGS CHEN @05B PO BZHI YOD PA'I NANG NAS, LEGS PAR SBYAR {BSAm SKRi} TA'I SKAD DU, BSTAN BCOS 'DI'I MTSAN LA, MA {DHYA'} MA KA AA BA T'A RA {N'A} MA, ZHES 'BYUNG LA, DE BOD SKAD DU BSGYUR NA, DBU MA LA 'JUG PA ZHES BYA BA ZHES PAR 'GYUR TE, MA {DHYA'} MA KA NI, DBU MA AA BA {T'AR} NI, 'JUG PA, N'A MA NI ZHES BYA BA ZHES PA LA 'JUG PA'I PHYIR, GNYIS PA NI, BSTAN BCOS 'DI CHOS CAN, KHYOD LA DBU MA LA 'JUG PA ZHES BRJOD PA'I RGYU MTSAN YOD DE, BSTAN BCOS DBU MA RTZA BA SHES RAB DE KHYOD 'JUG YUL GYI DBU MA YIN LA, KHYOD DE LA ZAB PA DANG RGYA CHE BA GNYIS KYI SGO NAS 'JUG PA'I RGYU MTSAN GYIS DE LTAR BRJOD PA'I PHYIR, GNYIS PA 'GYUR PHYAG NI, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,ZHES GSUNGS, SKABS 'DIR LO {PAn} RNAMS KYIS 'GYUR PHYAG MDZAD PA LA CHOS CAN, DGOS PA YOD DE, 'GYUR MTHAR PHYIN PA'I DGOS PA YOD PA'I PHYIR, 'GYUR PHYAG GI YUL DU 'PHAGS PA 'JAM DPAL BKOD PA'I RGYU MTSAN YOD DE, 'PHAGS PA 'JAM DPAL SHES RAB KYI LHA YIN LA, BSTAN BCOS 'DI LHAG PA'I SHES RAB KYI BSLAB PA DNGOS KYIS BRJOD BYA'I GTZO BOR STON PA'I MNGON PA'I SDE SNOD KYI DGONGS 'BREL GYI KHONGS SU GTOGS PAR GO BA'I CHED YIN PA'I PHYIR, GSUM PA GZHUNG GI DON BSHAD PA LA BZHI, BSTAN BCOS RTZOM PA LA 'JUG PA'I THABS MCHOD PAR BRJOD PA, BRTZAMS PA'I BSTAN BCOS KYI LUS DNGOS BSHAD PA, BSTAN BCOS JI LTAR BRTZAMS PA'I TSUL, BSTAN BCOS BRTZAMS PA'I MJUG TU DGE BA BSNGO BA'O, ,DANG PO BSTAN BCOS RTZOM PA'I THABS MCHOD PAR BRJOD PA BSHAD PA'I SGO NAS BYANG SEMS SO SKYE'I SAR NYAMS SU LEN PA'I RIM PA 'CHAD PA LA, NYAN THOS SANGS RGYAS 'BRING RNAMS THUB DBANG SKYES, ,ZHES PA NAS, GA-YO DANG RANG BZHIN NYID KYIS STONG PAR MTHONG BA YI,, ZHES PA'I BAR GSUNGS, GNYIS PA BRTZAMS PA'I BSTAN BCOS KYI LUS DNGOS BSHAD PA'I SGO NAS BYANG SEMS 'PHAGS PA'I SAR NYAMS SU LEN PA'I RIM PA 'CHAD PA LA, RGYAL BA'I SRAS PO 'DI YI SEMS GANG 'GRO BA RNAMS, ,ZHES PA NAS, BCOM LDAN THUGS RJES KHYOD THUGS @06A *, ,ZHI LAS BZLOG PAS KHYOD LA MYA NGAN 'DAS MI MNGA', ZHES PA'I BAR GSUNGS, GSUM PA NI, LUGS 'DI DGE SLONG ZLA GRAGS KYIS, ZHES PA NAS, GZHUNG LUGS RNAMS LTAR GZHAN LUGS BZHED GZHUNG 'DI LAS GZHAN LA DGA' BLO DOR BAR BYA, ,ZHES PA'I BAR GYIS 'CHAD, BZHI PA NI, SLOB DPON KLU SGRUB LUGS BZANG BSNYAD LAS BDAG GI BSOD NAMS PHYOGS KYI MTHAR, ,ZHES PA NAS, 'JIG RTEN MA LUS DE NYID RTOGS NAS MYUR DU BDE GSHEGS SAR BGROD SHOG ,CES PA'I BAR GYIS 'CHAD, NYAN THOS SANGS RGYAS 'BRING RNAMS THUB DBANG SKYES, ,ZHES PA NAS, GA-YO DANG RANG BZHIN NYID KYIS STONG PAR MTHONG BA YI, ,ZHES PA'I BAR GYIS BSTAN BCOS RTZOM PA'I THABS MCHOD BRJOD MDZAD TSUL DE JI LTA BU ZHE NA, GZHUNG GZHAN DU NYAN RANG SANGS RGYAS BYANG SEMS RNAMS LA DNGOS SU MCHOD BRJOD MDZAD PA YOD KYANG, 'DIR DE LTAR MA MDZAD PAR, BRTZE BA SNYING RJE CHEN PO KHO NA LA DNGOS SU MCHOD BRJOD MDZAD PA'I PHYIR, DE LTAR YANG, RANG 'GREL LAS, ,DBU MA'I BSTAN BCOS LA 'JUG PAR BYA BA'I PHYIR, DBU MA LA 'JUG PA BRTZAMS PAR 'DOD PAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAMS PAS KYANG THOG MAR, BCOM LDAN 'DAS MA SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO, ,SEMS CAN 'KHOR BA'I BRTZON RAR BSDAMS PA SKYABS MED PA DPAG TU MED PA, MA LUS PA BYONGS SU SKYOB PA'I MTSAN NYID CAN LA BSTOD PAR 'OS PA NYID DU BSTAN PA'I PHYIR, NYAN THOS SANGS RGYAS 'BRING RNAMS THUB DBANG SKYES, ,ZHES SOGS KYIS BRTZE BA SNYING RJE CHEN PO LA THOG MAR MCHOD BRJOD MDZAD PA'I RGYU MTSAN YOD DE, BRTZE BA SNYING RJE CHEN PO DE THEG PA GSUM GYI NGES LEGS THAMS CAD KYI RTZA BAR SHES PA'I CHED YIN PA'I PHYIR, BRTZE BA SNYING RJE CHEN PO DE DE LTAR 'GYUR TSUL YOD DE, NYAN RANG DGRA BCOM THUB DBANG LAS 'KHRUNGS, THUB DBANG BYANG SEMS LAS 'KHRUNGS, BYANG CHUB SEMS DPA' 'DIR BSTAN CHOS GSUM NYAMS SU BLANGS PA LAS 'KHRUNGS SHING @06B BYANG CHUB KYI SEMS DANG RIGS PA'I RNAM GRANGS MTHA' YAS PA'I SGO NAS STONG NYID RTOGS PA'I SHES RAB KYI RTZA BA SNYING RJE CHEN PO LA RAG LAS PA'I PHYIR, DE RNAMS KYI NANG NAS, DANG PO NI, NYAN THOS SANGS RGYAS 'BRING RNAMS THUB DBANG SKYES, ,ZHES PAS 'CHAD, GNYIS PA NI, SANGS RGYAS BYANG CHUB SEMS DPA' LAS 'KHRUNGS SHING, ,ZHES PAS 'CHAD, GSUM PA NI, SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,ZHES PAS 'CHAD, BZHI PA NI; GANG PHYIR BRTZE NYID RGYAL BA'I LO THOG PHUN TSOGS 'DI'I, ,ZHES SOGS KYIS 'CHAD, 'O NA, BSTAN BCOS RTZOM PA'I THOG MAR SNYING RJE CHEN PO LA MCHOD BRJOD MDZAD NA, SNYING RJE CHEN PO SO SO'I NGO BO DE GANG YIN, DE RNAMS LA PHYAG 'TSAL BA'I TSUL DE JI LTA BU ZHE NA, 'DI LA GSUM, SEMS CAN LA DMIGS PA'I SNYING RJE LA PHYAG 'TSAL BA DANG, CHOS LA DMIGS PA'I SNYING RJE LA PHYAG 'TSAL BA DANG, DMIGS MED LA DMIGS PA'I SNYING RJE LA PHYAG 'TSAL BA DANG GSUM, DANG PO NI, DANG POR NGA ZHES BDAG LA ZHEN GYUR CING, ,ZHES SOGS KYIS 'CHAD, GNYIS PA NI, 'GRO BA GA-YO BA'I CHU YI NANG GI ZLA BA LTAR, GA-YO DANG SKAD CIG GIS NI 'JIG PAR MTHONG BA YI, ,'GRO LA SNYING RJER GYUR GANG DE LA 'DUD, ,CES PAS 'CHAD, GSUM PA NI, GA-YO DANG RANG BZHIN NYID KYIS STONG PAR MTHONG BA YI, ,'GRO LA SNYING RJER GYUR GANG DE LA 'DUD, ,CES PAS 'CHAD,, ` ,,RGYAL BA'I SRAS PO, ZHES SOGS KYI SKABS SU, BRTZAMS PA'I BSTAN BCOS KYI LUS DNGOS BSHAD PA'I SGO NAS BYANG SEMS 'PHAGS PA'I SAR NYAMS SU LEN PA'I RIM PA DANG, DE LA BRTEN NAS THOB PA'I 'BRAS BU'I SA'I RNAM GZHAG DANG BCAS PA 'CHAD PA'I TSUL JI LTA BU ZHE NA, BYANG SEMS 'PHAGS PA'I SA DE LA YANG, RAB DGA' SOGS SA BCU'I GNAS SKABS SU PHAR PHYIN BCU'I NYAMS LEN DANG SBYAR NAS SA BCU SO SO'I RNAM GZHAG 'CHAD PA LA, RGYAL BA'I SRAS PO 'DI YI ZHES PA NAS, DGE BA'I LO THOG CHED DU RGYAL SRAS LAS KYANG LHUN GRUB CHOS CHAR 'BAB, ,CES PA'I BAR GYIS 'CHAD, DE LTAR SA BCU SO SO'I RNAM GZHAG BSHAD NAS SA 'OG MA 'OG MA LAS @07A *, ,GONG MA GONG MA YON TAN GYI GRANGS GONG 'PHEL DU THOB TSUL DE JI LTA BU ZHE NA, DE TSE 'DIS NI SANGS RGYAS BRGYA MTHONG ZHING, ,ZHES PA NAS, SKAD CIG SKAD CIG LA NI STON PAR NUS, ,ZHES PA'I BAR GYIS 'CHAD, SA BCU NYAMS SU BLANGS PA LA BRTEN NAS THOB PA'I 'BRAS BU'I SA'I RNAM GZHAG DE 'CHAD PA LA, GANG PHYIR NAM MKHA' DRI MA MED LA ZLA SNANG GSAL BAR 'GYUR BA'I PHYIR, ,ZHES PA NAS, BCOM LDAN THUGS RJES KHYOD THUGS ZHI LAS BZLOG PAS KHYOD LA MYA NGAN 'DAS MI MNGA', ,ZHES PA'I BAR GYIS 'CHAD, RGYAL BA'I SRAS PO 'DI YI SEMS GANG 'GRO BA RNAMS, ,ZHES SOGS KYIS SA BCU'I RNAM GZHAG 'CHAD PA LA, RAB DGA' SOGS SA LNGA BSHAD PA, DRUG PA MNGON DU GYUR PA BSHAD PA, BDUN PA RING DU SONG BA SOGS BZHI BSHAD PA'O, DANG PO LA, SA DANG PO RAB TU DGA' BA, GNYIS PA DRI MA MED PA, GSUM PA 'OD BYED PA, BZHI PA 'OD 'PHRO BA, LNGA PA SBYANG DKA' BA LNGA YOD PA LAS RIM PA BZHIN DU, DANG PO NI, RGYAL BA'I SRAS PO 'DI YI SEMS GANG 'GRO BA RNAMS, ,ZHES SOGS KYIS 'CHAD, GNYIS PA NI, DE TSUL PHUN TSOGS YON TAN DAG LDAN PHYIR, ,ZHES SOGS KYIS 'CHAD, GSUM PA NI, SHES BYA'I BUD SHING MA LUS SREG PA'I ME'I, ,ZHES SOGS KYIS 'CHAD, BZHI PA NI, YON TAN MA LUS BRTZON 'GRUS RJES 'GRO ZHING, ,ZHES SOGS KYIS 'CHAD, LNGA PA NI, BDAG NYID CHE DE BDUD RNAMS KUN GYIS KYANG, ,ZHES SOGS KYIS 'CHAD, GNYIS PAS DRUG PA MNGON DU GYUR PA NI, MNGON DU PHYOGS PAR MNYAM GZHAG SEMS GNAS TE, ZHES PA NAS, RGYAL BA'I YON TAN RGYA MTSO'I PHA ROL MCHOG TU 'GRO, ,ZHES PA'I BAR GYIS RGYAS PAR 'CHAD, GSUM PA RING DU SONG BA SOGS BZHI 'CHAD PA LA, BDUN PA RING DU SONG BA, BRGYAD PA MI GA-YO BA, DGU PA LEGS PA'I BLO GROS, BCU PA CHOS KYI SPRIN DANG BZHI LAS, DANG PO NI, RING DU SONG 'DIR 'DI NI SKAD CIG DANG, ZHES SOGS KYIS 'CHAD, GNYIS PA NI, YANG YANG SNGAR DGE LAS LHAG THOB BYA'I PHYIR, ,ZHES SOGS KYIS 'CHAD, GSUM PA NI, DGU PA LA NI DE'I STOBS LTA ZHIG @07B MTHA' DAG RDZOGS PAR DAG 'GYUR ZHING, ,ZHES PAS 'CHAD, BZHI PA NI, BCU PA'I SA LA DE YI KUN NAS SANGS RGYAS RNAMS LAS DBANG BSKUR BA, ,ZHES PA NAS, DGE BA'I LO THOG CHED DU RGYAL SRAS LAS KYANG LHUN GRUB CHOS CHAR 'BAB, ,CES PA'I BAR GYIS 'CHAD, DE RNAMS KYI NANG NAS, SA DANG PO RAB TU DGA' BA 'CHAD PA LA, ,KHYAD GZHI SA'I NGO BO MDOR BSTAN PA, KHYAD CHOS SA'I YON TAN RGYAS PAR BSHAD PA, SA'I YON TAN BRJOD PA'I SGO NAS MJUG BSDU BA DANG GSUM, DANG PO NI, RGYAL PA'I SRAS PO ZHES PA NAS, RAB TU GNAS PA DE NI DANG PO ZHES BYA'O, ,ZHES PA'I BAR GYIS 'CHAD, GNYIS PA NI, DE NAS BZUNG STE DE NI THOB PAR GYUR PA YIS, ZHES PA NAS, 'JIG RTEN 'DAS PA'I PHA ROL PHYIN CES BYA, ,ZHES PA'I BAR GYIS 'CHAD, GSUM PA NI, DE LTAR RGYAL BA'I SRAS KYI YID LA RAB GNAS SHING, ,ZHES PA NAS, MUN PA STUG PO THAMS CAD RNAM PAR BSAL NAS RGYAL, ,ZHES PA'I BAR GYIS 'CHAD, DE NAS BZUNG STE ZHES SOGS KYIS KHYAD CHOS SA'I YON TAN RGYAS PAR 'CHAD TSUL JI LTA BU ZHE NA, 'DI LA RANG RGYUD MDZES PAR BYED PA'I YON TAN, GZHAN RGYUD ZIL GYIS GNON PA'I YON TAN, SA 'DIR LHAG PA'I YON TAN GZHAN BSTAN PA DANG GSUM, DANG PO NI, DON LDAN GYI MTSAN THOB PA SOGS YON TAN BRGYAD KYI SGO NAS 'CHAD PA LA, DE NAS BZUNG STE ZHES PA NAS, DE TSE 'DI YI SO SO'I SKYE BO'I SA RNAMS THAMS CAD ZAD, ,CES PA'I BAR GYIS 'CHAD, YON TAN BRGYAD PO DE RGYUN DU ZHUGS PA'I DPE'I SGO NAS 'CHAD PA LA, 'DI NI 'PHAGS PA BRGYAD PA JI LTA DE LTAR NYI BAR BSTAN, ,ZHES PA 'DI GSUNGS; GNYIS PA LA, SA 'DIR NYAN RANG RIGS KYI SGO NAS ZIL GYIS GNON PA DANG, SA BDUN PAR NYAN RANG BLO'I SGO NAS ZIL GYIS GNON PA GNYIS, DANG PO NI, RDZOGS PA'I BYANG CHUB SEMS LTA DANG PO LA GNAS KYANG, ZHES SOGS KYIS 'CHAD, GNYIS PA NI, DE NI RING DU SONG BAR BLO YANG LHAG PAR 'GYUR, ,ZHES PAS 'CHAD, GSUM PA LA, RTEN SO SO LA YOD PA'I SBYIN PA BSHAD PA DANG, SBYIN PA'I PHAR PHYIN GYI DBYE BA BSTAN PA GNYIS, DANG PO NI, DE TSE DE LA RDZOGS SANGS BYANG @08A *, ,CHUB RGYU, ,ZHES PA NAS, DE GCOD BYA PHYIR MYUR DU BRTZON 'GRUS RTZOM, ,ZHES PA'I BAR GYIS 'CHAD, GNYIS PA NI, SBYIN PA SBYIN BYA LEN PO GTONG POS GTONG, ,ZHES PA NAS, 'JIG RTEN PA YI PHA ROL PHYIN CES BSTAN, ,ZHES PA'I BAR GYIS 'CHAD, DE RNAMS KYI NANG NAS THOG MAR,, ` ,,DBU MA LA 'JUG PA ZHES SOGS KYI SKABS SU BSTAN BCOS 'DI'I 'JUG BYA'I DBU MA NGOS BZUNG BA, DE LA BSTAN BCOS 'DIS JI LTAR 'JUG PA'I TSUL, DE DAG LA RTZOD PA SPONG BA'O, ,DANG PO NI, BSTAN BCOS 'DI'I 'JUG BYA'I DBU MA DE GANG ZHE NA, BSTAN BCOS 'DI'I 'JUG BYA'I DBU MA YIN NA, DBU MA'I BSTAN BCOS SHIG YIN DGOS TE, RANG 'GREL GYI THOG MAR, DBU MA'I BSTAN BCOS LA 'JUG PAR BYA BA'I PHYIR, DBU MA LA 'JUG PA BRTZAMS PAR 'DOD PAS, ,ZHES PA DANG, MJUG TU YANG, DBU MA'I BSTAN BCOS LA 'JUG PA 'DI SBYAR BA YIN NO, ,ZHES GSUNGS PA'I PHYIR, 'O NA, DBU MA'I BSTAN BCOS DE GANG, RIGS TSOGS DRUG KA 'DI'I 'JUG BYA'I DBU MA'I BSTAN BCOS YIN NAM ZHE NA, RTZA BA SHES RAB DE 'DI'I 'JUG BYA'I DBU MA YIN GYI, RIN CHEN PHRENG BA SOGS 'DI'I 'JUG BYA'I DBU MA MA YIN TE, RANG 'GREL LAS, RTZA SHE KHUNGS SU 'DREN PA NA, DBU MA LAS ZHES DANG, DBU MA'I BSTAN BCOS LAS ZHES MANG DU GSUNGS SHING, RIN CHEN PHRENG BA SOGS KHUNGS SU MDZAD PA NA, JI SKAD DU RIN CHEN PHRENG BA LAS, SOGS RANG MING GIS SMOS NAS GSUNGS PA'I PHYIR, DBU MA'I BSTAN BCOS LA DBU MAR BYAS PA GZHAN YANG YOD DE, DBU MA RTZA BA SHES RAB CES PA'I DBU MA DE DBU MA'I BSTAN BCOS LA BYED PA'I PHYIR TE, DE DBU MA'I BSTAN BCOS KUN GYI LUS 'DZIN PA'I GZHI LTA BU YIN PA'I DON GYIS BSTAN BCOS DE LA DBU MA RTZA BA SHES RAB CES BSHAD PA'I PHYIR, SHES RAB SGRON MAR YANG MA {DHYA} MA KA'I SKAD KYI BYINGS LAS BRTZAMS NAS DBU MA'I BSTAN BCOS SAM DBU MA'I GRUB MTHA' LA DBU MAR BYAS PAR GSUNGS PA'I PHYIR, DE LTAR YANG t'IK @08B CHEN LAS, 'DIR GANG LA 'JUG PA'I DBU MA NI, ZHES PA NAS, DBU MA'I BSTAN BCOS LA GO BAR BYA'O, ,ZHES PA'I BAR GSUNGS PA'I PHYIR,, ` ,,GNYIS PA LA, 'GREL BSHAD KYI LUGS DGAG PA DANG, RANG GI LUGS GNYIS LAS, DANG PO NI, DZA YA AA NAN TA NA RE, RTZA SHER KUN RDZOB DANG DON DAM PA'I RANG BZHIN RGYAS PAR MA BSTAN LA, 'DIR DE GNYIS RGYAS PAR BSTAN PA'I SGO NAS RTZA SHE'I DGONGS PA 'GREL BA DE BSTAN BCOS 'DIS RTZA SHES LA 'JUG PA'I DON YIN ZHES GSUNG, DE SKAD DU YANG 'GREL BSHAD LAS, 'DI LTAR DBU MA'I BSTAN BCOS SU KUN RDZOB DANG DON DAM PA'I RANG BZHIN RGYAS PAR MA BRJOD LA, DE 'DIR RGYAS PAR BSTAN PA'I SGO NAS BSTAN BCOS 'DI DE LA 'JUG PAR 'GYUR BA'O, ,ZHES GSUNGS, 'DI 'GOG PA LA, t'IK CHEN LAS, DE KHO NA NYID GTAN PA 'BEBS PA'I RIGS PA'I RNAM GRANGS NI, 'JUG PA LAS RTZA BA SHES RAB SHIN TU RGYAS PAS, BSHAD PA DE LEGS PAR MA MTHONG NGO, ,ZHES GSUNGS, 'DI'I DON THAL NGAG TU DRIL NA, RTZA SHER DON DAM PA'I RNAM GZHAG RGYAS PAR MA BSTAN LA, BSTAN BCOS 'DIR DON DAM PA'I RNAM GZHAG RGYAS PAR BSTAN PA'I KHYAD PAR MI 'THAD PAR THAL, STONG NYID GTAN LA 'BEBS PA'I RIGS PA'I RNAM GRANGS 'JUG BA LAS RTZA BA SHES RAB SHIN TU RGYAS PA'I PHYIR, GSAL BA 'GREL BSHAD LA DNGOS 'GAL YIN NO, ,'DI LA MKHAS PA CHEN PO KHA CIG, RTZA SHER KUN RDZOB KYANG MI RGYAS, DON DAM YANG MI RGYAS ZHES PA'I DON YIN NA, t'IK CHEN GYI DGAG PA DE 'JUG LA, BDEN GNYIS KYI RANG LDOG LA BSAMS NA, RTZA SHE LAS 'JUG PA RGYAS ZHES BSHAD NUS PAS DGAG PA DE MI 'JUG CES GSUNG, DE YANG MI 'THAD DE, BDEN GNYIS KYI RANG LDOG LA 'KHRIS PA'I BSHAD PA SKABS 'DIR 'ONG DON MED PA'I PHYIR DANG, BDEN GNYIS KYI RNAM GZHAG RTZA SHES LAS 'JUG PA RGYAS NA, DON DAM PA'I RNAM GZHAG KYANG RTZA SHES LAS 'JUG PA RGYAS DGOS PA'I PHYIR, GAL TE BDEN GNYIS KYI RNAM GZHAG RTZA SHES LAS 'JUG PA RGYAS PA YIN TE, RTZA SHES BDEN GNYIS KYI RNAM @09A *, ,GZHAG RGYAS PAR MA BSTAN LA, 'JUG PAR BDEN GNYIS KYI RNAM GZHAG RGYAS PAR BSTAN PA'I PHYIR, DANG PO MA GRUB NA, RTZA SHER KUN RDZOB KYI RNAM GZHAG RGYAS PAR BSTAN PAR 'GYUR LA, DE YANG MI 'THAD DE, KUN RDZOB BTAGS YOD MING RKYANG TZAM GYI 'JOG TSUL NI, TSIG GSAL DU DBU MA LA 'JUG PAR ZHAL 'PHANGS MDZAD CING, KUN RDZOB RGYA CHE PA'I LAM GYI RIM PA YANG RTZA SHER RGYAS PAR MA BSTAN PA'I PHYIR, ZHES GSUNG NA, SKYON MED DE, 'GREL BSHAD LAS, DE LTAR GSUNGS PA DE ZAB PA DANG RGYA CHE BA GNYIS KA'I 'JUG TSUL GYI DBANG DU BYAS PA YIN PAS, RTZA SHER DON DAM PA'I RNAM GZHAG RGYAS PAR MA BSTAN PA BSTAN BCOS 'DIR RGYAS PAR BSTAN PA ZAB PA'I SGO NAS 'JUG TSUL DANG, RTZA SHER KUN RDZOB RGYA CHE BA'I LAM GYI RIM PA RGYAS PAR MA BSTAN PA DE NYID BSTAN BCOS 'DIR RGYAS PAR BSTAN PA RGYA CHE BA'I 'JUG TSUL DU 'GREL BSHAD KYI LUGS LA 'CHAD DGOS PA'I PHYIR, DES NA t'IK CHEN GYI DGAG PA DE LA 'GREL BSHAD MKHAN POS LAN GDAB PAR MI NUS SO, ,KHA CIG, 'GREL BSHAD KYI LUGS t'IK CHEN DU BSKYAR BA MI 'THAD DE, 'GREL BSHAD LAS, 'DI LTAR DBU MA'I BSTAN BCOS SU KUN RDZOB DANG DON DAM PA'I RANG BZHIN RGYAS PAR BRJOD LA DE 'DIR RGYAS PAR BSTAN PA'I SGO NAS BSTAN BCOS 'DIS DE LA 'JUG PAR 'GYUR BA'O, ,ZHES GSUNGS PA'I PHYIR, DES NA 'GREL BSHAD LAS, RGYAS PAR BRJOD LA ZHES 'BYUNG GI MA BRJOD LA ZHES MI 'BYUNG NGO; ;ZER NA, 'GREL BSHAD KYI DPE KHA CIG LAS DE LTAR 'BYUNG YANG, DPE MA DAG PA YIN TE, RTZA SHER KUN RDZOB PA DANG DON DAM PA'I RANG BZHIN RGYAS PAR BSTAN PA LA 'GREL BSHAD KYI LUGS YIN NA, RTZA SHER KUN RDZOB MING RKYANG BTAGS YOD TZAM GYI 'JOG TSUL RGYAS PAR BSTAN PA YIN NAM, KUN RDZOB RGYA CHE BA'I LAM RIM PA RTZA SHER RGYAS PAR BSTAN PA GANG YIN NA ZHES DRIS NA LAN MI 'BYUNG BA'I PHYIR, DES NA MA BRJOD LA ZHES PA'I DGAG SGRA YOD PA DAG PA YIN NO, , ` ,,GNYIS PAR RANG LUGS NI, BSTAN BCOS 'DI CHOS CAN, KHYOD @09B LA DBU MA LA 'JUG PA ZHES BRJOD PA'I RGYU MTSAN YOD DE, KHYOD DBU MA RTZA BA SHES RAB LA ZAB PA DANG RGYA CHE BA GNYIS KYI SGO NAS 'JUG PAS DE LTAR BRJOD PA'I PHYIR, BSTAN BCOS 'DI CHOS CAN, RTZA SHE LA ZAB PA'I SGO NAS 'JUG STE, RTZA SHE'I DGONGS PA DBU MA RANG RGYUD PA DANG, RNAM RIG PAS DANG, THUN MONG MA YIN PAR BSTAN PA'I SGO NAS RTZA SHE'I DGONGS PA 'BREL BA'I PHYIR, DE SKAD DU'ANG RANG 'GREL LAS, LUGS 'DI NI THUN MONG MA YIN PA'O ZHES MKHAS PA RNAMS KYIS NGES PAR BYA'O, ,ZHES DANG, DE'I PHYIR BSTAN BCOS KYI DON GYI DE KHO NA NYID PHYIN CI MA LOG PAR BSTAN PAR BYA BA'I PHYIR, DBU MA'I BSTAN BCOS LA 'JUG PA 'DI SBYAR BA YIN NO, ,ZHES GSUNGS, RTZA SHE'I DGONGS PA DE GNYIS DANG THUN MONG MA YIN PAR BSTAN PA'I SGO NAS 'GREL TSUL DE GANG YIN ZHE NA, DE NYID LAS, GANG PHYIR RANG BZHIN GYIS DE MI 'GAG PA, ,ZHES PA'I THAD DU 'CHAD DO, ,BSTAN BCOS 'DI CHOS CAN, RTZA SHE LA RGYA CHE BA'I SGO NAS 'JUG SO, SO SO'I SKYE BO'I SA'I CHOS GSUM, 'PHAGS PA SLOB PA'I SA BCU, 'BRAS BU'I SA DANG, SA LNGA PA DANG DRUG PA'I GO RIM KYIS BSAM GTAN GYI NGO BO ZHI GNAS LA BRTEN NAS, BDAG MED PA GNYIS KYI DE KHO NA NYID LA SO SOR RTOG PA'I SHES RAB KYIS DPYOD PA'I LHAG MTHONG SGOM TSUL RNAMS 'PHAGS PA'I GZHUNG GZHAN GYI MAN NGAG GIS KHA BSKANGS TE, RTZA SHE'I DGONGS PA 'GREL BA'I PHYIR, GSUM PA RTZOD SPONG LA KHA CIG, RTZA SHES RGYA CHE BA'I LAM GYI RIM PA BSTAN PAR THAL, BSTAN BCOS 'DI RTZA SHE LA ZAB PA DANG RGYA CHE BA GNYIS KYI SGO NAS 'JUG PA'I PHYIR, 'DOD MI NUS TE, RTZA SHES RGYA CHE BA'I LAM GYI RIM PA DNGOS SU YANG MA BSTAN, SHUGS LA YANG MA BSTAN PA'I PHYIR ZER NA, 'DI'I LAN LA, RGYAL TSAB CHOS RJE'I LUGS DANG, MKHAS PA GZHAN GYI LUGS GNYIS LAS, DANG PO NI, RTZA BA SHES RAB KYIS RGYA CHE BA'I LAM GYI RIM PA BSTAN BYA'I GTZO BOR MI BYED KYANG, RGYA CHE BA'I LAM GYI RIM PA BSTAN PA YIN, ZHES GSUNGS, DE SKAD DU RIN CHEN PHRENG BA'I DAR t'IK LAS, GTAN LA 'PHEBS PA'I GTZO BO'I @010A *, ,DBANG DU BYAS PA YIN GYI, GZHAN DU NA RTZA BA SHES RAB KYIS THEG PA CHEN PO'I LAM GYI RIM PA RGYAS PAR STON PAR DBU MA LA 'JUG PAS BSGRUB PA'I PHYIR, ZHES GSUNGS, GNYIS PA NI, MKHAS GRUB CHOS RJE'I GSUNG SGROS SNGA MA MANG PO DANG, RJE THAMS CAD MKHYEN PA'I DNGOS SLOB KHA CIG GI GSUNG LAS, RTZA SHES RGYA CHE PA'I LAM GYI RIM PA MA BSTAN TE, DBU MA LA 'JUG PA 'DIR RTZA SHER BSTAN PA'I LAM DE NYID KYI STENG DU, RGYA CHE BA'I LAM 'PHAGS PA'I MAN NGAG GIS KHA BSKANGS NAS 'CHAD PAR t'IK CHEN DU GSUNGS PA'I PHYIR, ZHES GSUNGS LUGS DE GNYIS GANG GI RJES SU 'BRANG ZHE NA, RE ZHIG LUGS PHYI MA'I RJES SU 'BRANGS NAS BSHAD PAR BYA STE, RTZA SHES RGYA CHE BA'I LAM GYI RIM PA MA BSTAN TE, t'IK CHEN LAS, RTZA SHES LAS ZAB MO'I PHYOGS MA GTOGS PA RGYA CHE BA'I THEG CHEN GYI KHYAD CHOS MA BSTAN KYANG, GZHUNG DE NI THEG PA CHE CHUNG GNYIS KYI NANG NAS, THEG CHEN PA'I DBANG DU MDZAD PA YIN TE, RIGS PA'I RNAM GRANGS MTHA' YAS PAS CHOS KYI BDAG MED RGYAS PAR BSTAN PA NI, THEG CHEN PA'I GDUL BYA KHO NA'I DBANG DU MDZAD PA'I PHYIR DANG, RTZA SHER YANG DE BZHIN DU BSTAN PA'I PHYIR RO ZHES SOGS DANG, RTZA SHE'I RNAM BSHAD RIGS PA'I RGYA MTSO LAS, ,GZHUNG 'DIR LTA BA LAS MA GTOGS PA'I THEG CHEN GYI KHYAD CHOS MA BSTAN KYANG, CHOS KYI BDAG MED SHIN TU RGYAS PAR STON PAS CHED DU BYA BA'I GDUL BYA LA KHYAD PAR YOD DO ZHES GSUNGS PA'I PHYIR, GAL TE RTZA SHER RGYA CHE BA'I LAM GYI RIM PA MA BSTAN PAR 'PHAGS PA'I GZHUNG GZHAN GYIS KHA BSKANG STE, BSTAN BCOS 'DIR 'CHAD NA, BSTAN BCOS 'DI RTZA BA SHES RAB LA RGYA CHE BA'I SGO NAS 'JUG PA'I 'GREL PAR 'GAL LO ZHE NA, KHA SKONGS 'GREL PAR 'GRO BA MI 'GAL TE, DPER NA LUNG PHRAN TSEGS SO THAR GYI MDO'I 'GREL PA YIN PA BZHIN NO, ,GAL TE RTZA BA SHES RAB THEG CHEN THUN MONG MA YIN PA'I BSTAN BCOS MA YIN PAR THAL, RTZA SHES RGYA CHE BA'I LAM GYI RIM PA MA BSTAN PA GANG ZHIG ZAB MO'I DON NYAN THOS KYI SDE SNOD LAS @10B KYANG BSHAD PA'I PHYIR, ZER NA, RTZA BA SHES RAB LAS ZAB MO'I PHYOGS MA GTOGS PA RGYA CHE BA'I THEG CHEN GYI KHYAD CHOS MA BSTAN KYANG RTZA BA SHES RAB THEG CHEN GYI BSTAN BCOS YIN TE, DE CHOS KYI BDAG MED RIGS PA'I RNAM GRANGS MTHA' YAS PA'I SGO NAS STON PA'I BSTAN BCOS YIN PA'I PHYIR, DE LTAR YANG RANG 'GREL LAS, CHOS KYI BDAG MED PA GSAL BAR BYA BA'I PHYIR THEG PA CHEN PO BSTAN PA YANG RIGS PA NYID DE, RGYAS PAR BSTAN PA BRJOD PAR 'DOD PA'I PHYIR RO, ,NYAN THOS KYI THEG PA LAS NI CHOS KYI BDAG MED PA MDOR MTSON PA TZAM ZHIG TU ZAD DO, ,ZHES GSUNGS, MKHAS PA KHA CIG, RTZA SHES RGYA CHE BA'I LAM GYI RIM PA BSTAN PAR THAL, MNGON PAR RTOGS PA'I RGYAN LAS ZAB MO'I LAM GYI RIM PA BSTAN PA'I PHYIR, DER THAL, DE LAS THEG CHEN NA SGRUB PA'I RTEN RANG BZHIN GNAS RIGS BSTAN PA'I PHYIR, YANG KHA CIG, RTZA SHES RGYA CHE BA'I LAM GYI RIM PA BSTAN PAR THAL, DE LAS MNGON PAR RTOGS PA BRGYAD BSTAN PA'I PHYIR TE, YUM RGYAS 'BRING BSDUS GSUM LAS MNGON PAR RTOGS PA BRGYAD BSTAN PA GANG ZHIG, DE GNYIS RTZA 'GREL YIN PA'I PHYIR NA MA KHYAB STE, RTZA BA SHES RAB DES YUM RGYAS 'BRING BSDUS GSUM GYI DNGOS BSTAN GYI CHA 'GREL PA YIN GYI SBAS DON GYI CHA 'GREL BA MA YIN PA'I PHYIR RO,, ` ,,'GYUR PHYAG GI SKABS SU, t'IK CHEN LAS, GZHUNG 'DI DON DAM PA'I CHOS MNGON PA RNAM PAR BZHAG PA YIN PAS, SHES RAB KYI BSLAB PA GTZO BOR GYUR PA'I PHYIR, SNGON GYI BKAS BCAD PA DANG MTHUN PAR MDZAD PA'O, ,ZHES PA'I DON LAS BRTZAMS TE, DPYAD NA KHA CIG, MNGON PA GONG 'OG GNYIS MNGON PA'I BSTAN BCOS RNAM DAG YIN ZER NA, MNGON PA KUN BTUS CHOS CAN, DON DAM PA'I CHOS MNGON PA BSTAN BYA'I GTZO BOR BYED PAR THAL, MNGON PA'I BSTAN BCOS RNAM DAG YIN PA'I PHYIR, 'DOD NA, STONG NYID DNGOS KYIS BSTAN BYA'I GTZO BOR BYED PAR THAL, 'DOD PA'I PHYIR, 'DOD MI NUS TE, DNGOS SMRA BA'I THUN MONG MA YIN PA'I BSTAN BCOS YIN PA'I PHYIR, 'O NA, DON DAM PA'I CHOS MNGON PA GANG @11A *, ,ZHE NA, BDAG GI BLA MA MKHAS PA KHA CIG, STONG NYID MNGON SUM DU RTOGS PA'I ZAG MED KYI SHES RAB DON DAM PA'I CHOS MNGON PA YIN TE, DPER NA, MDZOD LAS, CHOS MNGON SHES RAB DRI MED RJES 'BRANG BCAS, ZHES ZAG MED KYI SHES RAB RJES 'BRANG DANG BCAS PA DON DAM PA'I CHOS MNGON PAR BSHAD PA BZHIN NO, ,ZHES GSUNG PA DANG, ZAB MO STONG PA NYID LA DON DAM PA'I CHOS MNGON PAR 'JOG PA GANG BDER BYA'O,, ` ,,NYAN THOS SANGS RGYAS 'BRING RNAMS THUB DBANG SKYES, ,ZHES SOGS KYI SKABS SU, SPYI DON DANG, GZHUNG DON GNYIS LAS, DANG PO LA, MTSAMS SBYOR GYI DON 'CHAD PA DANG, RTZA BA'I DON 'CHAD PA GNYIS, DANG PO NI, RANG 'GREL LAS, DBU MA'I BSTAN BCOS LA 'JUG PAR BYA BA'I PHYIR, DBU MA LA 'JUG PA RTZOM PAR 'DOD PAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAMS PAS THOG MAR, BCOM LDAN 'DAS SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO, SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA MA LUS PA YONGS SU SKYOB PA'I MTSAN NYID CAN LA BSTOD PAR 'OS PA NYID DU BSTAN PA'I PHYIR, NYAN THOS SANGS RGYAS 'BRING RNAMS THUB DBANG SKYES, ,SANGS RGYAS BYANG CHUB SEMS DPA' LAS 'KHRUNGS SHING, ,SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,ZHES BYA BA LAS SOGS PA TSIGS SU BCAD PA GNYIS SMOS SO, ,ZHES GSUNGS, 'DI'I DON LA 'GREL BSHAD MKHAN PO NA RE, BSTAN BCOS 'DI'I 'JUG BYA'I DBU MA YOD DE, RTZA BA SHES RAB LAS SOGS PA'I DBU MA'I BSTAN BCOS NI 'DI'I 'JUG BYA'I DBU MA YIN PA'I PHYIR, ZHES DANG, SNYING RJE CHEN PO LA BCOM LDAN 'DAS ZHES BRJOD PA'I RGYU MTSAN YOD DE, ZHE SDANG GI DGRA BCOM PAS, DE LTAR BRJOD PA'I PHYIR, SNYING RJE CHEN PO LA SANGS RGYAS NYID KYI RGYU PHUN SUM TSOGS PA DANG PO ZHES BRJOD PA'I RGYU MTSAN YOD DE, BYANG CHUB KYI SEMS DANG STONG NYID RTOGS PA'I SHES RAB GNYIS RDZOGS PA'I BYANG CHUB KYI RGYU YIN @11B KYANG, DE'I DANG PO'I RGYU MA YIN PAS SNYING RJE CHEN PO LA RGYU DANG PO ZHES SMOS PA'I PHYIR, ZHES GSUNGS, t'IK CHEN LTAR NA, 'DI RNAMS MI 'THAD PAR MNGON STE, RTZA BA SHES RAB LAS SOGS PA'I DBU MA'I BSTAN BCOS NI 'DI'I 'JUG BYA'I DBU MA YIN, ZHES SOGS SGRA SMOS PA MI 'THAD PAR THAL, RTZA SHE 'DI'I 'JUG BYA'I DBU MA YIN GYI, RIN CHEN PHRENG BA SOGS 'DI'I 'JUG BYA'I DBU MA MA YIN PAR GONG DU BSGRUB ZIN PA LTAR KHAS LEN DGOS PA'I PHYIR, GZHAN YANG, RIN CHEN PHRENG BA LAS, BDAG NYID DANG NI 'JIG RTEN 'DIS, ,BLA MED BYANG CHUB THOB 'DOD NA, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,PHYOGS MTHAS GTUGS PA'I SNYING RJE DANG, ,GNYIS LA MI RTEN YE SHES LAGS, ,ZHES BSHAD PA MI 'THAD PAR THAL, BYANG CHUB KYI SEMS DANG STONG NYID RTOGS PA'I SHES RAB GNYIS RDZOGS PA'I BYANG CHUB KYI DANG PO'I RGYU MA YIN PA'I PHYIR, KHYAB STE, DE YI RTZA BA BYANG CHUB SEMS, ,ZHES PA'I RTZA BA'I DON DANG PO LA 'CHAD RIGS PA'I PHYIR, DE LTAR YANG, t'IK CHEN LAS, LUNG DES BYANG CHUB KYI RTZA BAR BSTAN GYI BYANG SEMS KYI RTZA BAR DNGOS SU MA BSTAN KYANG, RTZA BA NI DANG PO'I DON DANG, DE'I DUS KYI GTZO BO'I RGYU GSUM STON PA'I SKABS YIN PAS, BYANG SEMS KYI GTZO BO'I RGYU YIN PAR SKABS LAS SHES SO, ,ZHES GSUNGS, BCOM LDAN 'DAS KYI SGRA BSHAD DE YANG MA 'THAD PA 'DRA STE, RANG LUGS KYI SKABS SU 'CHAD DO,, ` ,,RANG LUGS NI; MTSAMS SBYOR GYI 'GREL PA DE'I DON 'CHAD PA LA, t'IK CHEN LAS, DGOS PA DBU MA'I BSTAN BCOS LA 'JUG PAR BYA BA'I PHYIR DU, ZHES PA NAS, NYAN THOS ZHES SOGS TSIGS SU BCAD PA GNYIS SMOS SO, ,ZHES GSUNGS, DE'I DON NI, DGOS PA DBU MA'I BSTAN BCOS RTZA BA SHES RAB LA 'JUG PAR BYA BA'I PHYIR DU, GANG ZAG DBU MA LA 'JUG PA RTZOM BAR BZHED PA ZLA BA'I ZHABS KYIS GZHUNG GZHAN MNGON RTOGS RGYAN LAS SOGS PA'I MCHOD BRJOD KYI YUL DU MDZAD PA'I NYAN RANG GNYIS MCHOD BRJOD KYI YUL DU MA BKOD PAR MA ZAD, SANGS RGYAS @12A *, ,DANG BYANG CHUB SEMS DPA' RNAMS KYANG MCHOD BRJOD KYI YUL DU DNGOS SU MA BKOD PAR, BSTAN BCOS RTZOM PA'I THOG MAR SANGS RGYAS NYID KYI RGYU PHUN SUM TSOGS PA DANG PO, SEMS CAN THAMS CAD YONGS SU SKYOB PA STE, SDUG BSNGAL DANG BRAL BAR 'DOD PA'I MTSAN NYID CAN, RGYU'I GTZO BO LA 'BRAS BU'I MING GI BTAGS PA'I BCOM LDAN 'DAS MA SNYING RJE CHEN PO LA BSTOD PAR 'OS SO, ,ZHES SHES PAR BYA BA'I PHYIR DU, NYAN THOS SANGS RGYAS 'BRING RNAMS THUB DBANG SKYES, ,ZHES SOGS KYI TSIGS BCAD GNYIS SMOS PA YIN NO,, ZHES PA'I DON YIN TE, t'IK CHEN GYI THUN MONGS MA YIN PA'I BSHAD PA'O, ,GAL TE KHO NA RE, MNGON RTOGS RGYAN THEG DMAN GYI BSTAN BCOS YIN PAR THAL, MNGON RTOGS RGYAN DU NYAN RANG GNYIS LA MCHOD BRJOD MDZAD PA'I PHYIR ZER NA, MA KHYAB STE, MNGON RTOGS RGYAN DU NYAN RANG GNYIS LA MCHOD BRJOD MDZAD PAR THAL, MNGON RTOGS RGYAN DU NYAN RANG DGRA BCOM GYI RGYU'I GTZO BO THEG DMAN GYI GZHI SHES LA MCHOD BRJOD MDZAD PA'I PHYIR, KHYAB STE, RANG 'GREL LAS, RGYU LA MCHOD PA BRJOD PAS KYANG 'BRAS BU LA MCHOD PA DON GYIS 'PHAGS PAR DGONGS TE, ZHES GSUNGS PA'I PHYIR, YANG KHA CIG, 'GREL PA'I TSIG ZIN TZAM LA BRTEN NAS, DBU MA LA 'JUG PAR SANGS RGYAS DANG BYANG SEMS LA MCHOD BRJOD MA MDZAD ZER NA, DBU MA 'JUG PAR SANGS RGYAS DANG BYANG SEMS LA MCHOD BRJOD MDZAD PAR THAL, DBU MA 'JUG PAR SANGS RGYAS DANG BYANG SEMS KYI RGYU'I GTZO BO SNYING RJE CHEN PO LA DNGOS SU MCHOD BRJOD MDZAD PA'I PHYIR, KHYAB STE, RANG 'GREL LAS, RGYU LA MCHOD PA BRJOD PAS KYANG ZHES SOGS GSUNGS PA'I PHYIR, GAL TE DE'I DON NI, RGYU BYANG CHUB SEMS DPA' LA MCHOD PA BRJOD PAS, 'BRAS BU SANGS RGYAS LA MCHOD PA BRJOD PAR 'GYUR BA'I DON YIN ZER NA, RGYU SNYING RJE CHEN PO LA MCHOD PA BYAS PAS 'BRAS BU SANGS RGYAS LA MCHOD PA BYAS PAR 'GYUR BAR THAL, DAM BCA' 'THAD PA'I PHYIR, 'DOD NA, 'KHOR GSUM YOD DO, ,DES NA DBU MA LA 'JUG PAR SANGS RGYAS DANG BYANG SEMS LA DNGOS SU MCHOD BRJOD @12B MA MDZAD PA 'GREL BA'I DON YIN NO, ,KHA CIG, t'IK CHEN LAS, GZHUNG GZHAN LAS MCHOD BRJOD KYI YUL DU MDZAD PA'I NYAN RANG GNYIS MCHOD BRJOD KYI YUL DU MA BKOD PAR MA ZAD, CES GSUNGS PA'I DON LA, GZHUNG GZHAN THEG DMAN GYI SDE SNOD LAS MCHOD BRJOD KYI YUL DU BKOD PA'I NYAN RANG GNYIS, MCHOD BRJOD KYI YUL DU MA BKOD PAR MA ZAD CES PA'I DON YIN ZER BA NI MI 'THAD DE, SHES BYA CHOS CAN, THEG CHEN GYI SDE SNOD DU NYAN RANG LA MCHOD BRJOD MI MDZAD PA DANG, THEG DMAN GYI SDE SNOD DU NYAN RANG LA MCHOD BRJOD MDZAD PA'I KHYAD PAR 'THAD PAR THAL, LUNG DE'I DON 'CHAD TSUL 'THAD PA'I PHYIR, 'DOD NA, SANGS RGYAS KUN LA PHYAG 'TSAL LO, ,DRANG SRONG LHA MIG LDAN PA YI, ,BYANG CHUB SEMS DPA' RNAMS DANG YANG, ,NYAN THOS RNAMS LA PHYAG 'TSAL LO, ,ZHES BSHAD PA 'DI LA GZIGS SHIG DE LAS SOGS PA MTHA' YAS SO, ,YANG KHO NA RE, SNYING RJE CHEN PO SANGS RGYAS KYI RGYU YIN PAR THAL, 'GREL BA'I DON 'CHAD TSUL DE 'THAD PA'I PHYIR, 'DOD MI NUS TE, SANGS RGYAS KYI RGYU MED PA'I PHYIR, SANGS RGYAS RTAG PA YIN PA'I PHYIR, ZER NA, BRAL BA'I 'BRAS BU MED PAR THAL, BRAL BA RTAG PA YIN PA'I PHYIR, 'KHOR GSUM,, ` ,,GNYIS PA RTZA BA'I DON 'CHAD PA LA, THUB DBANG GI DON BSHAD PA DANG, NYAN THOS KYI DON BSHAD PA, DE KHO NA NYID RTOGS PA 'BRING GI DON BSHAD PA, NYAN RANG THUB DBANG LAS SKYES PAR BSTAN PA, RANG RGYAL SKYE TSUL LA RTZOD PA SPONG BA'O, ,DANG PO NI, THUB PA SANGS RGYAS BCOM LDAN 'DAS CHOS CAN, KHYOD LA THUB PA'I DBANG PO ZHES BYA STO, NYAN RANG DANG BYANG SEMS RNAMS LAS GONG NA MED PA'I CHOS KYI DBANG PHYUG PHUN SUM TSOGS PA MNGA' ZHING, NYAN RANG BYANG SEMS RNAMS KHYOD KYI BKAS CHOS KYI SRID LA MNGA' SGYUR BA'I RGYU MTSAN GYIS DE LTAR BRJOD PA'I PHYIR, GNYIS PA LA, DNGOS DANG, ZHAR LA THOS SGROGS KYI DON BSHAD PA GNYIS, DANG PO NI, THEG PA CHUNG NGU'I DGRA BCOM PA CHOS CAN, KHYOD LA NYAN THOS ZHES BRJOD PA'I RGYU MTSAN YOD DE, YANG DAG PA'I GDAMS @13A *, ,NGAG GZHAN LA NYAN NAS, BSGOMS PA'I 'BRAS BU NYAN THOS KYI BYANG CHUB THOB PA NA, DON DE GZHAN LA THOS PAR BYED PAS NA DE LTAR BRJOD PA'I PHYIR, THOS PAR BYED TSUL NI, 'DI LTAR BYA BA BYAS SO, ,'DI LAS SRID PA GZHAN MI SHES SO, ,ZHES SOGS GSUNGS PA BZHIN NO; ;GNYIS PA LA, DAM CHOS PAD DKAR LAS, MGON PO DE RING BDAG CAG NYAN THOS GYUR, ,BYANG CHUB DAM PA YANG DAG BSGRAG PAR BGYI, ,BYANG CHUB PA YI SGRA YANG RAB TU BRJOD, ,DE BAS BDAG CAG NYAN THOS MI ZAD 'DRA, ,ZHES GSUNGS, 'DI'I DON LA, 'GREL BSHAD MKHAN PO NA RE, NYAN THOS DGRA BCOM PA LA, THOS SGROGS ZHES BRJOD PA'I RGYU MTSAN YOD DE, BYANG CHUB DAM PA YANG DAG PAR RDZOGS PA'I BYANG CHUB GZHAN LAS THOS PAR BYED CING, ZAD MI SKYE SHES PA'I MTSAN NYID CAN GYI NYAN THOS KYI BYANG CHUB GZHAN LA STON PAR BYED PAS DE LTAR BRJOD PA'I PHYIR, DES NA BYANG CHUB SNGA MA THEG CHEN GYI BYANG CHUB DANG, PHYI MA NYAN THOS KYI BYANG CHUB YIN NO, ,ZHES GSUNG, DE LTAR YANG, 'GREL BSHAD LAS, BYANG CHUB PA YI ZHES PA NI 'DIR ZAD PA DANG MI SKYE PA SHES PA'I MTSAN NYID CAN GYI NYAN THOS KYI BYANG CHUB LA ZER BAS, DE'I PHYIR 'DIR DAM PA'I SGRA MA SMOS SO ZHES GSUNGS, DE 'GOG PA LA, t'IK CHEN LAS, KHA CIG RKANG PA GSUM PA LA DAM PA'I SGRA MED PAS, BYANG CHUB SNGA MA NI THEG CHEN GYI DANG, PHYI MA NI NYAN THOS KYI BYANG CHUB BO ZHES ZER MOD KYANG, DANG PO NI THEG CHEN GYI BYANG CHUB DANG, GNYIS PA NI BYANG CHUB DER BGROD PA'I LAM LA BYED PA 'GREL BA'I DGONGS PA'O, ,ZHES GSUNGS PA'I DON NI, 'GREL BSHAD KYIS LUGS DE MI 'THAD PAR THAL, BYANG CHUB SNGA MA THEG CHEN GYI BYANG CHUB DANG, GNYIS PA BYANG CHUB DER BGROD PA'I LAM LA BYED RIGS PA'I PHYIR, DER THAL, RANG 'GREL LAS, YANG NA 'BRAS BU'I MCHOG GAM BLA NA MED PA YANG DAG PAR RDZOGS PA'I SANGS RGYAS KYI LAM DE BZHIN GSHEGS PA RNAMS LAS THOS NAS DE DON DU GNYER BA RNAMS LA SGROG PAR BYED PAS NA NYAN THOS DAG STE, DAM PA'I CHOS PADMA DKAR PO'I MDO LAS, MGON PO DE RING BDAG CAG NYAN @13B THOS GYUR, ,ZHES SOGS GSUNGS PA'I PHYIR, GSUM PA LA, RANG 'GREL LAS, DE DAG NI BSOD NAMS DANG YE SHES GONG DU 'PHEL BA'I KHYAD PAR GYIS NYAN THOS RNAMS LAS KHYAD PAR DU 'PHAGS PA'I PHYIR DANG, BSOD NAMS DANG YE SHES KYI TSOGS DANG, THUGS RJE CHEN PO DANG, RNAM PA THAMS CAD MKHYEN PA LA SOGS PA MED PAS YANG DAG PAR RDZOGS PA'I SANGS RGYAS RNAMS LAS DMAN PA'I PHYIR NA 'BRING NGO, ,ZHES GSUNGS, 'DI'I DON LA, 'GREL BSHAD KYI LUGS DGAG PA DANG, RANG LUGS BZHAG PA GNYIS, DANG PO NI, 'GREL BSHAD MKHAN PO NA RE, RANG SANGS RGYAS DE LA SANGS RGYAS 'BRING ZHES BRJOD PA'I RGYU MTSAN YOD DE, DE NYAN THOS LAS LHAG CING SANGS RGYAS LAS DMAN PA'I PHYIR, DE NYAN THOS LAS LHAG PA YIN TE, RANG RGYAL DGRA BCOM GYIS GZUNG RTOG SPANGS LA, NYAN THOS DGRA BCOM GYIS DE MA SPANGS PA'I PHYIR, ZHES GSUNGS, DE LTAR YANG 'GREL BSHAD LAS, BSOD NAMS DANG YE SHES GONG DU 'PHEL BA'I KHYAD PAR GYIS ZHES BYA BA LAS SOGS PA LA, YE SHES GONG DU 'PHEL BA'I KHYAD PAR NI, RANG SANGS RGYAS RNAMS KYIS GZUNG BA'I RNAM PAR RTOG PA SPANGS LA, NYAN THOS RNAMS KYIS MA SPANGS PAS SO, ,BSOD NAMS GONG DU 'PHEL BA'I KHYAD PAR NI YE SHES GONG DU 'PHEL BA'I KHYAD PAR DANG LDAN PA LAS SHES PAR BYA'O, ,ZHES BSHAD, DE 'GOG PA LA, t'IK CHEN LAS, KHA CIG NYAN THOS LAS YE SHES LHAG PA'I DON, GZUNG DON RTOG PA SPONG PHYIR DANG, ,ZHES GSUNGS PA LTAR YIN ZHES SMRA BA NI MI RIGS TE, LUGS 'DIR CHOS THAMS CAD RANG BZHIN MED PAR RTOGS PA NYAN RANG GNYIS KA LA YOD PAR GSUNGS PA'I PHYIR DANG, DE SKAD SMRA BA DES KYANG GRUB MTHA' DE 'DOD PAR 'DUG PA'I PHYIR RO, ,ZHES GSUNGS, 'DI'I DON NI, NYAN THOS DGRA BCOM PAS GZUNG RTOG SPANGS PAR THAL, DES BDEN 'DZIN SPANGS PA'I PHYIR TE, BDEN 'DZIN DE NYON SGRIB YIN PA'I PHYIR TE, 'PHAGS PA YIN NA CHOS THAMS CAD RANG BZHIN MED PAR MNGON SUM DU RTOGS PAS KHYAB PA'I PHYIR, RTAGS @14A *, ,DNGOS 'GAL YIN TE, 'GREL BSHAD LAS, GAL TE NYAN THOS RNAMS KYIS GANG ZAG GI BDAG MED BSHES PA YIN GYI, RTEN CING 'BREL PAR 'BYUNG BA RANG BZHIN MED PAR JI LTAR SHES SHE NA, JI LTAR NYAN THOS LAS SOGS PA RNAMS LA CHOS KYI BDAG MED PA SHES PA YOD PAS DE LTAR RING DU SONG BA DER NI BLO YANG LHAG CES PA 'DIR BSTAN TO, ,ZHES BSHAD PA'I PHYIR, GNYIS PA RANG LUGS NI, RANG RGYAL LA DE KHO NA NYID RTOGS PA 'BRING PO ZHES BRJOD PA'I RGYU MTSAN YOD DE, RANG RGYAL DE NYAN THOS LAS LHAG CING, RDZOGS PA'I SANGS RGYAS LAS DMAN PA'I PHYIR, DANG PO GRUB STE, RANG RGYAL RNAMS KYIS BSKAL CHEN BRGYAR LAM LA GOMS PA SRID NUS, NYAN THOS RNAMS KYIS BSKAL CHEN BRGYAR LAM LA GOMS PA SRID MI NUS PA'I PHYIR, DE NI BSOD NAMS DANG YE SHES GONG DU 'PHEL BA'I KHYAD PAR GYIS ZHES PA'I DON NO, ,RANG RGYAL RNAMS RDZOGS PA'I SANGS RGYAS LAS DMAN PA YIN TE, RANG RGYAL RNAMS LA BSOD NAMS DANG YE SHES KYI TSOGS GNYIS GOMS PA MTHAR PHYIN PA DANG, SEMS CAN THAMS CAD LA DUS RTAG TU 'JUG PA'I THUGS RJE CHEN PO DANG RNAM PA THAMS CAD MKHYEN PA NYID LAS SOGS PA MED PA'I PHYIR, KHA CIG, 'DI'I DON LA, RANG SANGS RGYAS DE THEG PA 'BRING PO'I GANG ZAG YIN TE, NYAN THOS LAS KHYAD PAR DU 'PHAGS SHING BYANG CHUB SEMS DPA' LAS DMAN PA'I PHYIR, PHYI MA GRUB STE, RANG RGYAL RNAMS LA TSOGS GNYIS RLABS CHE BA DANG, SEMS CAN THAMS CAD LA DUS RTAG TU 'JUG PA'I THUGS RJE CHEN PO DANG, DE LA BRTEN NAS RANG LAM DU RNAM MKHYEN THOB PA MED PA'I PHYIR, ZHES PA RANG 'GREL DANG, t'IK CHEN GYI DON DU SMRA BA NI, DE GNYIS KYI TSIG TZAM LA YANG ZHIB TU MA BRTAGS PAR GYA TSOM DU SMRA BA YIN TE, t'IK CHEN DANG RANG 'GREL GNYIS KAR RDZOGS PA'I SANGS RGYAS LAS DMAN PAS NA 'BRING NGO ZHES GSUNGS KYI, BYANG CHUB SEMS DPA' LAS DMAN PAS NA 'BRING NGO ZHES MA GSUNGS PA'I PHYIR, ZHIB TU NGAG @14B LAS SHES PAR BYA'O, ,RANG 'GREL DANG, t'IK CHEN GYI TSIG TZAM LA BRTEN NAS THEG DMAN GYI RGYUD LA TSOGS MTSAN NYID PA MED ZER NA, SHES BYA CHOS CAN, DRIN LAN BSAB PA'I MDO LAS, RANG SANGS RGYAS RNAMS NI BSKAL PA CHEN PO BRGYAS TSOGS MTHAR PHYIN PAR 'GYUR RO, ,ZHES GSUNGS PA MI 'THAD PAR THAL, BSE RU LTA BU'I RANG RGYAL DGRA BCOM GYI 'BRAS BU THOB PAR BYED PA LA BSKAL CHEN BRGYAR TSOGS BSAG MI DGOS PA'I PHYIR, MA GRUB NA, RANG RGYAL SLOB PA'I RGYUD LA BSOD NAMS DANG YE SHES KYI TSOGS YOD PAR THAL, MA GRUB PA DE'I PHYIR, RTAG GSAL KHAS, GZHAN YANG, THEG DMAN GYI RGYUD LA BSOD NAMS DANG YE SHES KYI TSOGS YOD PAR THAL, DE'I RGYUD LA DE PHAL PA BA YOD PA'I PHYIR, RTAGS GRUB STE, t'IK CHEN LAS, DON DE MA TSANG BA GNYIS NI TSOGS PHAL PA'O, ,ZHES GSUNGS PA'I PHYIR, KHO NA RE, RANG 'GREL LAS, BSOD NAMS DANG YE SHES KYI TSOGS DANG, THUGS RJE CHEN PO DANG RNAM PA THAMS CAD MKHYEN PA LAS SOGS PA MED PAS YANG DAG PAR RDZOGS PA'I SANGS RGYAS RNAMS LAS DMAN PA'I PHYIR NA 'BRING NGO, ,ZHES BSHAD PA MI 'THAD PAR THAL, ,RANG RGYAL 'PHAGS PA'I RGYUD LA BSOD NAMS DANG YE SHES KYI TSOGS YOD PA'I PHYIR NA MA KHYAB STE, DE RANG RGYAL LA TSOGS GNYIS GOMS PA MTHAR PHYIN PA MED PA'I DON YIN PA'I PHYIR TE, DE RANG RGYAL RDZOGS PA'I SANGS RGYAS LAS DMAN PA'I RGYU MTSAN 'CHAD PA'I SKABS YIN PA'I PHYIR, KHO NA RE, RANG RGYAL GYI RGYUD KYI BSOD NAMS KYI TSOGS CHOS CAN, GTZO BOR GZUGS SKU'I LAG RJES 'JOG BYED YIN PAR THAL, SEMS CAN GYI RGYUD KYI BSOD NAMS KYI TSOGS YIN PA'I PHYIR, KHYAB STE, BSOD NAMS ZHES BYA'I TSOGS KYANG DE DAG NYID, ,SANGS RGYAS GZUGS KYI BDAG NYID DKU YI RGYU, ,ZHES GSUNGS PA'I PHYIR NA MA KHYAB STE, DE THEG CHEN GYI TSOGS GNYIS LA DPYOD PA'I SKABS YIN PA'I PHYIR, KHA CIG, BSE RU LTA BU'I RANG RGYAL KYIS BSKAL CHEN BRGYAR TSOGS GSOG, TSOGS SPYOD KYI RANG RGYAL GYIS DUS NGES MED DU TSOGS GSOG @15A *, ,CES GSUNG, SHES BYA CHOS CAN, RANG RGYAL DGRA BCOM PA'I 'BRAS BU 'THOB PA LA BSKAL CHEN BRGYAR TSOGS BSOG MI DGOS PAR THAL, DAM BCA' 'THAD PA'I PHYIR, 'DOD NA, BSKAL BA BRGYAR LAM LA GOMS PA SGRING NUS PA DE RANG RGYAL NYAN THOS LAS KHYAD PAR DU 'PHAGS PA'I 'PHAGS CHOS SU 'CHAD MI RIGS PAR THAL, TSOGS SPYOD KYI RANG RGYAL DGRA BCOM PA'I 'BRAS BU 'THOB PA LA BSKAL PA BRGYAR LAM LA BSLAB MI DGOS PA'I PHYIR, RTAGS KHAS, 'DOD NA, t'IK CHEN DANG 'GAL LO, ,YANG KHO NA RE, SPANG BYA CIG CAR BA'I RGYUN ZHUGS KYIS TSE PHYI MA DE NYID LA RANG RGYAL DGRA BCOM PA'I 'BRAS BU MNGON DU BYED PA MI SRID PAR THAL, DE'I 'BRAS BU 'THOB PA LA BSKAL BA BRGYAR TSOGS BSOG DGOS PA'I PHYIR, 'DOD NA, KUN BTUS LAS, SANGS RGYAS 'BYUNG BA MED NA RANG RGYAL BAR 'GYUR RO; ;ZHES GSUNGS PA MI 'THAD PAR THAL, 'DOD PA'I PHYIR, ZER NA SKYON MED DE, ,SKABS 'DIR NYAN THOS 'PHAGS PA RANG RGYAL LAM DU 'JUG PA SOGS KYI RNAM GZHAG KHAS MI LEN PA'I PHYIR, DE LTA MA YIN NA NYAN THOS DANG RANG RGYAL GYI SPANG BYA'I GTZO BO LA SPANG DKA' SLA'I KHYAD PAR YOD PAR THAL, NYAN THOS 'PHAGS PA RANG RGYAS LAM DU 'JUG PA YOD PA'I PHYIR, 'DOD MI NUS TE, DE GNYIS KAS BDEN 'DZIN SPANG BYA'I GTZO BOR BYED PA'I PHYIR, BYAS PA LA KHO NA RE, MDO SDE RGYAN LAS, NYAN THOS MA NGES RNAM GNYIS TE, ,THEG DON MTHONG DANG MA MTHONG DANG, ,DON MTHONG 'DOD CHAGS BRAL PA DANG, ,'DOD CHAGS BRAL MIN 'DIR DMAN PA'O, ,ZHIS GSUNGS PA MI 'THAD PAR THAL, NYAN THOS 'PHAGS PA RANG RGYAS LAM DU 'JUG PA MI SRID PA'I PHYIR NA MA KHYAB STE, THEG PA GSUM PO GANG RUNG GI MTHONG LAM THOB PA NA RANG LAM DU RIGS NGES PA THOB PA'I PHYIR TE, DPER NA, SNGAGS KYI SKABS SU SA DANG PO THOB PA NA PHAR PHYIN THEG PA'I RANG LAM DU RIGS NGES PA THOB PAS SA DANG PO THOB NAS BCU PA MA THOB KYI BAR LA BYANG CHUB SEMS DPA' SNGAGS LAM DU MI 'JUG PA BZHIN NO, ,KHO NA RE, @15B TSOGS SBYONG KYI RANG RGYAL MED PAR THAL, NYAN THOS KYI RTOGS PA SNGON DU SONG BA'I RANG RGYAL MED PA'I PHYIR, NYAN THOS 'PHAGS PA'I RTOGS PA SNGON DU SONG BA'I RANG RGYAL MED PA'I PHYIR NA RTZA BAR MA KHYAB STE, NYAN THOS KYI RTOGS PA SNGON DU SONG BA'I RANG RGYAL MED PAR THAL, RANG RGYAL TSOGS LAM PA YIN NA DANG PO NAS RANG RGYAL DU RIGS NGES PAS KHYAB PA'I PHYIR, RTAGS GRUB STE, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,ZHES RANG RGYAL LA BDAG NYID NGES ZHES PA'I TSIG SMOS PA LA DGOS PA YOD PA'I PHYIR, DES NA TSOGS SPYOD LA NYAN THOS KYI RTOGS PA SNGON DU 'GRO BAR BSHAD PA DANG, RANG RGYAL GSUM TSOGS KYI KHYAD PAR MI MTSUNGS PA SOGS RNAM BSHAD SNYING PO RGYAN LAS GSUNGS PA NI, RANG RGYUD PA MAN CHAD KYI LUGS YIN GYI, SKABS 'DIR KHAS MI BLANG NGO, ,GZHAN YANG, RANG RGYAL TSOGS LAM PA YIN NA DANG PO NAS RANG RGYAL DU RIGS NGES PAS KHYAB PAR THAL, DE YIN NA GNAS SKABS RANG RGYAL DU RIGS NGES PAS KHYAB PA'I PHYIR TE, DE YIN NA RANG RGYAL DGRA BCOM PA'I 'BRAS BU MNGON DU BYED PAS KHYAB PA'I PHYIR TE, BZHI BRGYA PA LAS, DE NYID SHES PAS GAL TE 'DIR, ,MYA NGAN 'DAS PA MA MTHOB KYANG, ,SKYE BA GZHAN DU 'BAD MED PAR, ,NGES PAR 'THOB 'GYUR LAS BZHIN NO, ,ZHES GSUNGS PA'I PHYIR,, ` ,,BZHI PA NYAN RANG THUB DBANG LAS SKYE TSUL LA, RANG 'GREL LAS, SANGS RGYAS RNAMS BYUNG BAR GYUR PA NA RTEN CING 'BREL PAR 'BYUNG BA PHYIN CI MA LOG PA STON PAR 'JUG PA'I PHYIR LA, DE NYAN PA DANG SEMS PA DANG, SGOM PA'I RIM PA LAS KYANG LHAG PAR MOS PA JI LTA BA BZHIN THOS LAS SOGS PA RNAMS YONGS SU RDZOGS PAR 'GYUR BA'I PHYIR RO, ,ZHES GSUNGS, DE'I DON NI, NYAN RANG DGRA BCOM THUB DBANG GI GSUNG LAS SKYES PA YIN TE, THUB DBANG GIS RTEN 'BREL ZAB MO'I CHOS BSTAN PA NYAN RANG GI RIGS CAN GYIS NYAMS SU BLANGS PAS, RANG RANG GI 'DOD PA RDZOGS PAR 'GYUR BA'I PHYIR,, ` ,,LNGA PA RANG RGYAL SKYE TSUL LA RTZOD PA SPONG BA LA RANG 'GREL LAS, @16A *, ,GAL TE YANG KHA CIG GIS, RTEN CING 'BREL PAR 'BYUNG BA NYE BAR BSTAN PA NYAN PA KHO NA LAS DON DAM PA RTOG PA LA MKHAS SU ZIN KYANG MTHONG BA'I SKYE BA KHO NA LA MYA NGAN LAS 'DAS PA THOB PAR MI 'GYUR MOD KYI, DE LTA NA YANG NYE BAR BSTAN PA'I SGRUB PA PO DAG GIS LAS RNAM PAR SMIN PA NGES PA'I 'BRAS BU LTAR, TSE RABS GZHAN DU MNGON PAR 'DOD PA'I 'BRAS BU YONGS SU SMIN PA GOR MA CHAG PAR 'THOB PAR 'GYUR RO, ,JI SKAD DU 'PHAGS PA LHAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA GZHAN DU 'BAD MED PAR,, NGES PAR 'THOB 'GYUR LAS BZHIN NO, ,ZHES BSHAD DO, ,DE NYID KYI PHYIR DBU MA LAS KYANG, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,RTEN PA MED PAR RAB TU 'BYUNG, ,ZHES GSUNGS SO, ,ZHES GSUNGS, 'DI'I DON LA, 'GREL BSHAD KYI LUGS LA DOGS PA BCAD PA DANG, BOD SNGA MA KHA CIG GI LUGS DGAG PA, RANG LUGS BZHAG PA'O, ,DANG PO NI, 'GREL BSHAD MKHAN PO NA RE, DE'I DON LA RTZOD PA DANG LAN GNYIS LAS, DANG PO NI, THUB DBANG GIS RTEN 'BREL ZAB MO'I CHOS BSTAN PA NYAN RANG GI RIGS CAN GYIS NYAMS SU BLANGS PAS RANG RANG GI 'DOD PA YONGS SU RDZOGS PAR BSHAD PA MI 'THAD PAR THAL, NYAN RANG GI RIGS CAN GYIS THUB PA'I DBANG PO LAS RTEN 'BREL ZAB MO'I CHOS THOS PA'I TSE DE NYID LA DGRA BCOM PA'I 'BRAS BU MA THOB PA SRID PA'I PHYIR ZER NA, DE'I LAN STON PA LA BSHAD MA THAG PA'I RANG 'GREL DE BYUNG BA YIN NO ZER, DE LTAR YANG, 'GREL BSHAD LAS, GAL TE RTEN CING 'BREL PAR 'BYUNG BA BSTAN PA YOD DU ZIN KYANG NYAN THOS LAS SOGS PA'I GO 'PHANG MA THOB PAR SNANG BAS PHYIN CI MA LOG PA'I RTEN CING 'BREL PAR 'BYUNG BA BSTAN PAS NYAN THOS LAS SOGS PA YONGS SU RDZOGS PAR 'GYUR, ZHES CI'I PHYIR BRJOD CE NA, DE LA LAN BSTAN PAR BYA BA'I PHYIR GAL TE YANG KHA CIG CES BYA BA LAS SOGS PA SMOS TE, ZHES BSHAD, DE NI MI 'THAD DE, SKABS 'DIR @16B THUB DBANG GIS RANG RGYAL SKRUN TSUL LA DOGS PA CHE BAS, DE LA DMIGS KYIS BKAR NAS DOGS PA BCAD DGOS PA LAS MA BCAD PA'I PHYIR DANG, GZHUNG 'DIS RANG RGYAL LA DMIGS KYIS BKAR NAS DOGS PA GCOD PA MA YIN NA, RANG SANGS RGYAS KYI YE SHES NI, ,ZHES SOGS KYI LUNG DRANGS PA; 'BREL MED DU 'GYUR BA'I PHYIR, GNYIS PA NI, BOD SNGA MA KHA CIG, THUB DBANG GIS RTEN 'BREL ZAB MO'I CHOS BSTAN PA NYAN RANG GI RIGS CAN GYIS NYAMS SU BLANGS PAS RANG RANG GI 'DOD PA RDZOGS PAR BSHAD PA MI 'THAD PAR THAL, DE LTAR NA NYAN RANG GI RIGS CAN GYIS RTEN 'BREL SKYE MED KYI DON NYAMS SU BLANGS MA THAG TU DGRA BCOM PA'I 'BRAS BU 'THOB RIGS PA LAS MI 'THOB PA'I PHYIR, ZHES PA'I LAN STON PA LA 'GREL PA 'DI BYUNG ZER BA MI 'THAD DE, SNGAR BSHAD PA LTAR GZHUNG 'DIS THUB DBANG GIS RANG RGYAL SKRUN TSUL LA DOGS PA GCOD PA'I SKABS YIN GYI, DES NYAN THOS SKRUN TSUL LA DOGS PA GCOD PA MA YIN PA'I PHYIR,, ` ,,GSUM PA RANG GI LUGS LA, RTZOD LAN GNYIS LAS, DANG PO NI, KHO NA RE, THUB DBANG GIS RTEN 'BREL ZAB MO'I CHOS BSTAN PA NYAN RANG GI RIGS CAN GYIS NYAMS SU BLANGS PAS RANG RANG GI 'DOD PA RDZOGS PAR BSHAD PA DE MI 'THAD PAR THAL, NYAN THOS KYI RIGS CAN GYIS SANGS RGYAS LAS CHOS THOS PA'I TSE DE LA BYANG CHUB MNGON DU BYED KYANG, RANG RGYAL GYI RIGS CAN RNAMS KYIS DE LTAR MI BYED PA'I PHYIR ZER NA, DE'I LAN STON PA LA, GAL TE YANG KHA CIG ,CES SOGS GSUNGS, DE'I DON NI, RTZOD PA DE'I SKYON MED DE, SANGS RGYAS KYIS RTEN 'BREL ZAB MO'I CHOS BSTAN PA'I RANG RGYAL GYI SGRUB PA POS, TSE DE LA MYANG 'DAS MA THOB KYANG, TSE RABS GZHAN BSKAL PA BRGYA TSUN CHAD LA RANG RGYAL GYI MYANG 'DAS NGES PAR 'THOB PA'I PHYIR TE, DPER NA, MYONG DES KYI LAS BZHIN NO, ,ZHES PA'I DON YIN TE, RJE TZONG KHA PAS LEGS PAR BSHAD PA'O, ,SKABS 'DI DAG LA DOGS PA CUNG ZAD DPYAD NA, KHA CIG ,MCHOG GI SPRUL SKU'I 'KHOR DU GYUR PA'I RANG RGYAL MED ZER NA, DE YOD PAR THAL, MCHOG GI SPRUL SKU'I 'KHOR DU GYUR PA'I GANG ZAG KYANG YIN, RANG RGYAL GYI SGRUB PA RGYUD LDAN @17A *, ,GYI GANG ZAG KYANG YIN PA'I GZHI MTHUN PA YOD PA'I PHYIR TE, RANG 'GREL LAS, DE LTA NA YANG NYE BAR BSTAN PA'I SGRUB PA PO DAG GIS, ZHES DANG, t'IK CHEN LAS, SANGS RGYAS KYIS RTEN 'BREL BSTAN PA'I RANG RGYAL GYI SGRUB PA POS, ZHES DANG, DE NYID LAS, DUS DER 'KHOR DU NYE BAR GYUR CING, THEG PA GSUM LA BKOD PA RNAMS THEG CHEN NYID LA NGES PAR SBYAR BAR BYA BA'I PHYIR RO, ,ZHES GSUNGS PA MI 'THAD PAR THAL, MCHOG GI SPRUL SKU'I 'KHOR DU GYUR PA'I THEG PA GSUM GA'I GANG ZAG MED PA'I PHYIR, RTAGS KHAS, DE LA KHO NA RE, RDZOGS SANGS RGYAS RNAMS MA BYUNG ZHING, ,ZHES SOGS BSHAD PA MI 'THAD PAR THAL, MCHOG GI SPRUL SKU'I 'KHOR DU GYUR PA'I RANG RGYAL YOD PA'I PHYIR NA MA KHYAB STE, RANG RGYAL SRID PA MTHA' MA PA'I TSE SANGS RGYAS DANG NYAN THOS MED PA'I ZHING DU 'BYUNG BA LUNG DE'I DON YIN PA'I PHYIR, DE LTA MA YIN NA BSE RU LTA BU'I RANG RGYAL GYIS BSKAL PA BRGYAR SANGS RGYAS 'BYUNG BA MNYES PAR BYED PAR BSHAD PA MI 'THAD PAR THAL, MCHOG GI SPRUL SKU'I 'KHOR DU BYUNG BA'I RANG RGYAL MED PA'I PHYIR, GZHUNG DON GONG DU SKYE TSUL BSHAD ZIN PAS GO NUS SO,, ` ,,SANGS RGYAS BYANG CHUB SEMS DPA' LAS 'KHRUNGS SHING, ,ZHES PA'I SKABS SU, BSHAD BYA'I LUNG DGOD PA DANG, LUNG GI DON BSHAD PA GNYIS, DANG PO NI, RANG 'GREL LAS, GAL TE BYANG CHUB SEMS DPA' RNAMS KYANG DE BZHIN GSHEGS PAS NYE BAR BSTAN PA LAS SKYES PAR GYUR PAS RGYAL BA'I SRAS ZHES BRJOD PA MA YIN NAM, DE'I PHYIR JI LTAR SANGS RGYAS BCOM LDAN 'DAS RNAMS BYANG CHUB SEMS DPA' LAS 'KHRUNGS SHE NA, 'DI NI BDEN MOD KYI, 'ON KYANG, RGYU GNYIS KYIS BYANG CHUB SEMS DPA' RNAMS SANGS RGYAS BCOM LDAN 'DAS RNAMS KYI RGYUR 'GYUR TE, GNAS SKABS KYI KHYAD PAR DANG, YANG DAG PAR 'DZIN DU 'JUG PA LAS SO, ,DE LA GNAS SKABS KYI KHYAD PAR LAS NI, DE BZHIN GSHEGS PA'I GNAS SKABS NI, BYANG CHUB SEMS DPA'I GNAS SKABS KYI RGYU CAN YIN PA NYID KYI PHYIR RO, ,YANG DAG PAR 'DZIN @17B TU 'JUG PA LAS NI, JI LTAR 'PHAGS PA 'JAM DPAL BYANG CHUB SEMS DPAR GYUR BA NYID KYIS BCOM LDAN 'DAS {SH'AKYA} THUB PA DANG, DE LAS GZHAN PA'I DE BZHIN GSHEGS PA RNAMS CHES THOG MA KHO NAR BYANG CHUB KYI SEMS YANG DAG PAR 'DZIN TU BCUG PAR 'DOD PA YIN NO, ,DE'I PHYIR DE LTAR 'BRAS BU MTHAR THUG PA DE'I RGYU'I GTZO BOR GYUR PA LA LTOS NAS DE BZHIN GSHEGS PA RNAMS BYANG CHUB SEMS DPA' LAS 'KHRUNGS PAR BSTAN TO, ,DE NYID KYI PHYIR RGYU PHUN SUM TSOGS PA CHES BRLING BA YIN PA'I PHYIR LA, RGYU LA MCHOD PA BRJOD PAS KYANG 'BRAS BU LA MCHOD PA DON GYIS 'PHANGS PAR DGONGS TE, SANGS RGYAS BCOM LDAN 'DAS DE DAG GIS SMAN GYI LJON SHING CHEN PO 'BRAS BU NGES PA DPAG TU MED PA STER BA, MYU GU LA SOGS PA MTHONG ZHING LO MA 'JAM PA'I GNAS SKABS SU GYUR PA LTAR, BSGRIMS TE YONGS SU BSKYANG PAR BYA BA NYID DU BSTAN PAR BYA ZHING, DUS DER NYE BAR GYUR CING, THEG PA GSUM LA BKOD PA'I SEMS CAN GYI PHUNG PO, THEG PA CHEN PO NYID LA NGES PAR SBYAR BAR BYA BA'I PHYIR BYANG CHUB SEMS DPA' RNAMS LA BSNGAGS PA MDZAD PA YIN NO, ,JI SKAD DU 'PHAGS PA DKON MCHOG BRTZEGS PA'I MDO LAS, 'OD SRUNG, 'DI LTA STE DPER NA, ZLA BA TSES PA LA PHYAG 'TSAL BA LTAR NYA BA LA NI MA YIN NO, ,'OD SRUNG, DE BZHIN DU GANG DAG, NGA LA RAB TU DAD PA DE DAG GIS, ,BYANG CHUB SEMS DPA' RNAMS LA PHYAG BYA YI, ,DE BZHIN GSHEGS PA RNAMS LA NI DE LTA MA YIN NO, ,DE CI'I PHYIR ZHE NA, BYANG CHUB SEMS DPA' RNAMS LAS NI DE BZHIN GSHEGS PA RNAMS BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD BYUNG NGO, ,ZHES GSUNGS PA LTA BU'O, ,DE'I PHYIR DE LTAR NA RIGS PA DANG LUNG DAG GIS DE BZHIN GSHEGS PA RNAMS BYANG CHUB SEMS DPA' LAS 'KHRUNGS PA YIN NO ZHES BYA BA 'DI BSGRUBS PA YIN NO, ,ZHES GSUNGS, ` ,GNYIS PA DE'I DON BSHAD PA @18A *, ,LA; DOGS PA DGOD PA DANG, DE'I LAN BSHAD PA GNYIS, DANG PO NI, KHO NA RE, SANGS RGYAS BCOM LDAN 'DAS RNAMS BYANG CHUB SEMS DPA' LAS 'KHRUNGS PA MI 'THAD PAR THAL, BYANG CHUB SEMS DPA' RNAMS SANGS RGYAS LAS 'KHRUNGS PA'I PHYIR TE, DE RNAMS RGYAL BA'I SRAS YIN PA'I PHYIR TE, DE RNAMS RGYAL SRAS YIN PA'I PHYIR, DE NI, GAL TE ZHES PA NAS, 'KHRUNGS SHE NA, ZHES PA'I BAR GYI DON YIN, GNYIS PA NI, 'DI NI BDEN MOD KYI ZHES SOGS KYIS BSHAD, DE'I DON LA, DGAG GZHAG GNYIS LAS, DANG PO NI, MKHAS PA KHA CIG ,LAN GYI 'GREL PA 'DI'I DON BSDU NA, RGYAL SRAS SU BZHAG PA DANG, RGYAL BA'I RGYUR BZHAG PA GNYIS GZHI THA DAD YIN PAS DOGS PA DE'I SKYON MED CES LAN 'DEBS PA YIN, ZHES GSUNGS, MKHAS PA KHA CIG, RGYAL SRAS YIN NA RGYAL BA'I SRAS YIN PAS MA KHYAB CES LAN 'DEBS DGOS TE, BYANG CHUB SEMS DPA' RNAMS RANG GI YAB TU GYUR PA'I RGYAL BA 'GA' ZHIG GI SRAS YIN PAS RGYAL SRAS YIN KYANG, RGYAL BA LAS 'KHRUNGS PA MA YIN PAS RGYAL BA'I SRAS MA YIN PA'I PHYIR, DPER NA, SKAM LAS SKYES PA'I {PADMA} DE MTSO SKYES YIN YANG, MTSO LAS MA SKYES PA BZHIN NO, ,'DI LA t'IK CHEN LAS, BYANG SEMS RNAMS RGYAL BA 'GA' ZHIG GI SRAS YIN PA NI BDEN MOD KYI ZHES PA'I DON YIN ZHES GSUNGS, LUGS DE GNYIS LAS, DANG PO LA THOG MAR DPYAD NA, RGYAL BA'I SRAS YIN NA RGYAL BA LAS 'KHRUNGS PAS KHYAB PAR THAL, BYANG CHUB SEMS DPA' RGYAL BA'I SRAS MA YIN PA'I PHYIR, MA GRUB NA, BYANG CHUB SEMS DPA' CHOS CAN, RGYAL SRAS YIN PAR THAL, MA GRUB PA DE'I PHYIR, 'DOD NA, RGYAL SRAS SU BZHAG PA DANG, RGYAL BA'I RGYUR BZHAG PA GNYIS GZHI THA DAD MA YIN PAR THAL, BYANG CHUB SEMS DPA' RGYAL SRAS KYANG YIN, RGYAL BA'I RGYU YANG YIN PA'I PHYIR, DANG PO DNGOS, GNYIS PA MA GRUB NA, RGYAL BA'I RGYU MED PAR THAL, MA GRUB PA DE'I PHYIR, RTAGS KHAS, RTZA BAR 'DOD NA, BYANG SEMS SA DANG PO BA CHOS CAN, DER THAL, DE'I PHYIR, MA GRUB NA, @18B RGYAL BA'I SRAS PO 'DI YI SEMS GANG 'GRO BA RNAMS, ,ZHES SOGS DANG, DE LTAR RGYAL BA'I SRAS KYI YID LA RAB GNAS SHING, ,ZHES SOGS BSHAD PA MI 'THAD PAR THAL, MA GRUB PA DE'I PHYIR, RTZA BAR 'DOD NA, BYANG SEMS SA DANG PO BA CHOS CAN, KHYOD RGYAL BA LAS MA 'KHRUNGS PAR THAL, KHYOD SANGS RGYAS 'PHAGS PA LAS MA 'KHRUNGS PA'I PHYIR, DER THAL, SANGS RGYAS 'PHAGS PA KHYOD LAS 'KHRUNGS PA'I PHYIR TE, SANGS RGYAS BYANG CHUB SEMS DPA' LAS 'KHRUNGS SHING, ,ZHES GSUNGS PA NGED RANG THAMS CAD LA MTHUN GRUB YIN PA'I PHYIR, GZHAN YANG; LUGS SNGA PHYI GNYIS KAS BYANG CHUB SEMS DPA' RGYAL BA'I SRAS MA YIN, ZHES GSUNGS PA LA, RGYAL BA'I SRAS MED PAR THAL, BYANG SEMS TSOGS LAM PA DE YANG DE MA YIN, BYANG SEMS SBYOR LAM PA DE YANG DE MA YIN, SA DANG PO NAS BCU PA'I BAR GYI BYANG SEMS RNAMS KYANG DE MA YIN PA'I PHYIR, MA GRUB NA, NANG 'GAL YOD, GZHAN YANG, RGYAL BA'I SRAS YIN NA RGYAL BA LAS 'KHRUNGS PAS KHYAB PA MI 'THAD DE, RGYAL BA'I SRAS PO SA BCU PA BA DE SANGS RGYAS 'PHAGS PA'I RGYU YIN PAR THAL, BYANG CHUB SEMS DPA' SA BCU PA BA DE SANGS RGYAS 'PHAGS PA'I RGYU YIN PA'I PHYIR, 'DOD NA, DE CHOS CAN, KHYOD DE'I RGYU MA YIN PAR THAL, KHYOD DE LAS 'KHRUNGS PA'I PHYIR, DER THAL, KHYOD RGYAL BA LAS 'KHRUNGS PA'I PHYIR TE, KHYOD RGYAL BA'I SRAS YIN PA'I PHYIR, 'KHOR GSUM, RTZA BAR MA KHYAB NA, RGYAL BA'I SRAS PO SA BCU PA BA DE SANGS RGYAS 'PHAGS PA'I RGYU MA YIN LA, SA BCU PA BA DE'I RGYU YIN ZHES SMRA DGOS PAS 'BREL MED DU 'GYUR RO, ,KHO NA RE, RGYAL BA'I SRAS YIN NA RGYAL BA LAS SKYES PAS KHYAB PAR THAL, SANGS RGYAS 'PHAGS PA'I YUM YIN NA SANGS RGYAS 'PHAGS PA SKYED BYED YIN DGOS PA'I PHYIR ZER NA, RGYAL BA'I SRAS PO SA DANG PO BA CHOS CAN, SANGS RGYAS LAS SKYES PAR THAL, SANGS RGYAS KYI SRAS YIN PA'I PHYIR, KHYAB PA DON GYIS DNGOS, MA GRUB NA, DER THAL, RGYAL BA'I SRAS YIN PA'I PHYIR TE, DE YOD PA'I PHYIR, RTZA BAR 'DOD @19A *, ,MI NUS TE, SANGS RGYAS LAS SKYES PA MED PA'I PHYIR TE, SANGS RGYAS RTAG PA YIN PA'I PHYIR, ` ,GNYIS PA RANG GI LUGS NI, LAN GYI 'GREL PA DE'I DON BSHAD PA LA, t'IK CHEN LAS, BYANG SEMS RNAMS RGYAL BA 'GA' ZHIG GI SRAS YIN PA NI BDEN MOD KYI ZHES PA NAS, RTZOD PA DE NI TSUL DE GNYIS RNAM PAR MA PHYED PA'I RTZOD PAR, 'GREL PAS LAN BTAB PA LA BRTEN NAS, SHES RAB YOD NA CI'I PHYIR MI RTOGS ZHES PA'I BAR GSUNGS, DE RNAMS GO BDE BAR BRJOD NA, 'DI LA GNYIS, SANGS RGYAS BYANG SEMS LAS 'KHRUNGS PAR RIGS PAS SGRUB PA DANG, LUNG GIS SGRUB PA GNYIS, DANG PO LA, DNGOS LAN GDAB PA DANG, SGRUB BYED 'GOD PA GNYIS, DANG PO NI, SANGS RGYAS 'PHAGS PA BYANG CHUB SEMS DPA' LAS 'KHRUNGS PA DANG, BYANG CHUB SEMS DPA' RGYAL BA'I SRAS SU BZHAG PA MI 'GAL TE, BYANG CHUB SEMS DPA' RANG GI BDAG RKYEN DU GYUR BA'I GANG ZAG GZHAN RGYUD LA GRUB ZIN GYI SANGS RGYAS ZHIG GI GSUNG LAS GSAR DU BYANG SEMS SU SKYES PAS BYANG CHUB SEMS DPA' RGYAL BA'I SRAS SU BZHAG PA YIN CING, SANGS RGYAS 'PHAGS PA RANG DANG RGYUD GCIG TU GYUR PA'I BYANG SEMS KYI LAM NYAMS SU BLANGS PA LAS 'KHRUNGS PA SANGS RGYAS 'PHAGS PA BYANG CHUB SEMS DPA' LAS 'KHRUNGS PA'I DON YIN PA GANG ZHIG, SANGS RGYAS 'PHAGS PA RANG DANG RGYUD GCIG PA'I BYANG SEMS KYI LAM NYAMS SU BLANGS PA LAS 'KHRUNGS PA DANG, BYANG CHUB SEMS DPA' RANG GI BDAG RKYEN DU GYUR PA'I GZHAN RGYUD LA GRUB ZIN GYI SANGS RGYAS LAS 'KHRUNGS PA MI 'GAL BA'I PHYIR, DES NA BYANG CHUB SEMS DPA' RGYAL BA'I SRAS YIN KYANG, DE RGYAL BA SPYI TZAM PA DE LAS SKYE MI DGOS TE, DPER NA BYANG CHUB SEMS DPA' SANGS RGYAS KYI SRAS YIN KYANG, SANGS RGYAS SPYI TZAM PA DE LAS SKYE MI DGOS PA BZHIN NO, ,GNYIS PA NI, 'O NA, BYANG CHUB SEMS DPA' SANGS RGYAS KYI RGYUR 'GYUR BA'I TSUL JI LTA BU ZHE NA, DE'I TSUL YOD DE, GNAS SKABS KYI KHYAD PAR DANG, YANG DAG @19B PAR 'DZIN DU 'JUG PA'I KHYAD PAR LAS BYANG CHUB SEMS DPA' SANGS RGYAS 'PHAGS PA'I RGYUR 'GYUR BA'I PHYIR TE, GNAS SKABS KYI KHYAD PAR LAS NI, SANGS RGYAS 'PHAGS PA DE RANG GI NYER LAN DU GYUR PA'I RANG DANG RGYUD GCIG PA'I BYANG SEMS KYI LAM NYAMS SU BLANGS PA LAS 'KHRUNGS SHING, YANG DAG PAR 'DZIN DU 'JUG PA'I KHYAD PAR NI, SANGS RGYAS 'PHAGS PA DE RANG GI LHAN CIG BYED RKYEN DU GYUR BA'I BYANG SEMS GZHAN GYIS YONGS 'DRIN BYAS PA LAS 'KHRUNGS PA'I PHYIR, DPER NA, BDAG CAG GI STON PA BCOM LDAN 'DAS {SH'AKYA} THUB PA DE RANG DANG RGYUD CIG PA'I BYANG CHUB SEMS DPA' BRAM ZE'I KHYE'U BLA MA DANG, RDZA MKHAN GYI KHYE'U SNANG BYED SOGS KYIS LAM NYAMS SU BLANGS PA LAS 'KHRUNGS SHING, RANG DANG RGYUD THA DAD PA'I BYANG CHUB SEMS DPA' 'JAM DPAL GYIS YONGS 'DZIN BYAS NAS, CHOS BSTAN PA LAS 'KHRUNGS PA BZHIN NO, ,GNYIS PA NI, DNGOS DANG BYANG SEMS LA BSNGAGS PA MDZAD PA'I DGOS PA BSHAD PA GNYIS, DANG PO NI, SANGS RGYAS 'PHAGS PA DE BYANG SEMS LAS 'KHRUNGS PAR LUNG GIS GRUB STE, DKON MCHOG BRTZEGS PA'I MDO LAS, 'OD SRUNG 'DI LTA STE; DPER NA ZLA BA TSES PA LA PHYAG 'TSAL BA LTAR NYA BA LA NI MA YIN NO, ,'OD SRUNG DE BZHIN DU GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA YI, DE BZHIN GSHEGS PA RNAMS LA NI DE LTA MA YIN NO, ,DE CI'I PHYIR ZHE NA, BYANG CHUB SEMS DPA' RNAMS LAS NI DE BZHIN GSHEGS PA RNAMS 'BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD 'BYUNG NGO ZHES GSUNGS PA'I PHYIR, GNYIS PA BSNGAGS PA MDZAD PA'I DGOS PA 'CHAD PA LA, RANG 'GREL LAS, DE NYID KYI PHYIR RGYU PHUN SUM TSOGS PA ZHES PA NAS, BSNGAGS PA MDZAD PA YIN NO ZHES PA'I BAR GSUNGS, DE'I DON NI, 'OD SRUNG GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA YI DE BZHIN GSHEGS PA RNAMS LA NI DE LTA MA YIN NO, ,DE CI'I PHYIR ZHE NA, @20A *, ,ZHES SOGS KYIS BYANG SEMS LA BSNGAGS PA MDZAD PA LA DGOS PA BZHI YOD DE, BYANG CHUB SEMS DPA' SANGS RGYAS KYI RGYU'I GTZO BOR RTOGS PA'I CHED DANG, SANGS RGYAS KYI RGYU'I GTZO BO BYANG SEMS LA MCHOD PAR BRJOD PAS 'BRAS BU SANGS RGYAS LA MCHOD PA BRJOD PAR 'GYUR PA DANG, SMAN GYI LJON SHING GI SDONG PO DON DU GNYER BA RNAMS KYIS SMAN GYIS LJON SHING GI MYU GU LA GCES SPRAS BYED DGOS PA BZHIN DU, RDZOGS PA'I SANGS RGYAS LA GUS SHING DON DU GNYER BA RNAMS KYIS RGYAL BA'I MYU GU BYANG SEMS LAS DANG PO LA'ANG GCES SPRAS SU BYED CING GUS PAR BYED DGOS SO, ,ZHES SHES PAR BYA BA DANG, BYANG SEMS LA BSNGAGS PA GSUNGS PA'I DUS DER 'KHOR DU NYE BAR GYUR CING, THEG PA GSUM GYI LAM LA BKOD PA'I SEMS CAN RNAMS THEG CHEN NYID LA NGES PAR SBYAR BAR BYA BA'I CHED YIN PA'I PHYIR, SKABS 'DI'I THEG PA GSUM LA BKOD PA ZHES PA NI THEG PA GSUM GYI LAM LA BKOD PA LA BYED PAR 'GREL BSHAD LAS KYANG GSUNGS TE, 'GREL BSHAD LAS, THEG PA GSUM LA BKOD PA'I SEMS CAN GYI PHUNG PO ZHES PA NI NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI LAM LA SBYAR BA'I SEMS CAN GYI TSOGS SO, ,ZHES GSUNGS PA'I PHYIR, 'O NA, 'DIR RANG RGYAL TSOGS LAM PA YIN NA, GNAS SKABS RANG RGYAL DU RIGS NGES PAS MA KHYAB PAR BSTAN PAR 'GYUR RO SNYAM NA DPYAD DO, ,GSUM PA NI, SKABS 'DIR NYAN RANG DANG BYANG SEMS SOGS LA DNGOS SU MCHOD BRJOD MI MDZAD PAR, NYAN THOS SANGS RGYAS 'BRING RNAMS THUB DBANG SKYES, ,SANGS RGYAS BYANG CHUB SEMS DPA' LAS 'KHRUNGS SHING, ,ZHES NYAN RANG THUB DBANG, THUB DBANG BYANG SEMS LAS 'KHRUNGS TSUL BSTAN PA LA DGOS PA CI YOD CE NA, SKABS 'DIR GSUNG RAB GZHAN PHAL CHE'I MCHOD BRJOD KYI YUL DU GRAGS PA'I NYAN RANG DANG BYANG SEMS RNAMS LA DNGOS SU MCHOD BRJOD MI MDZAD PA'I RGYU MTSAN YOD DE, DE RNAMS KYI MTHAR THUG PA'I RTZA BA'I RGYU SNYING RJE CHEN PO LA MCHOD BRJOD @20B MDZAD PAR BZHED PA YIN PA'I PHYIR, DES NA GONG DU GZHAN LA MCHOD BRJOD KYI YUL DU MDZAD CES PA'I GZHAN BSTAN BCOS MNGON RTOGS RGYAN SOGS NANG PA'I BSTAN BCOS PHAL CHE BA LA BYED DO, ,GZHUNG 'DIR NYAN RANG DANG SANGS RGYAS 'PHAGS PA DANG BYANG SEMS RNAMS RGYU 'BRAS SU BSTAN PA LA DGOS PA YOD DE, DE RNAMS KYI MTHAR THUG PA'I RTZA BA'I RGYU NGOS BZUNG BA'I CHED YIN PA'I PHYIR, KHO NA RE, THUB DBANG SKYE ZHES PA'I SKABS SU BYANG SEMS THUB DBANG LAS SKYE TSUL CIG 'CHAD RIGS PAR THAL, BYANG SEMS DE RANG GI YAB TU GYUR PA'I SANGS RGYAS KYIS CHOS BSTAN PA LAS 'KHRUNGS PA'I PHYIR ZER NA MA KHYAB STE, THUB DBANG SKYE ZHES PA'I SKABS SU NYAN RANG LTAR BYANG SEMS THUB DBANG LAS 'KHRUNGS TSUL 'CHAD MI DGOS TE, SKABS 'DIR NYAN RANG THUB DBANG LAS SKYES PAR BSTAN PA'I DGOS PA NI DE GNYIS KYI RTZA BA SNYING RJE CHEN PO LA THUG PAR BSTAN PA'I CHED YIN LA, BYANG SEMS KYI RTZA BA SNYING RJE LA THUG TSUL GANG PHYIR BRTZE NYID CES SOGS KYIS LOGS SU 'CHAD PA'I PHYIR, SBYOR BA NI RTOGS SLA'O,, ` ,,SNYING RJE'I SEMS DANG GNYIS SU MED BLO DANG, ,ZHES SOGS KYI SKABS SU, 'DIR BSTAN PA'I CHOS GSUM GYI NGO BO NGOS BZUNG BA DANG, CHOS GSUM BYANG SEMS KYI RGYUR BSTAN PA DANG, DE DAG LA DOGS PA SPONG BA'O, ,DANG PO LA, DGAG GZHAG GNYIS LAS, DANG PO NI, MKHAS PA KHA CIG, SKABS 'DI'I SNYING RJE LA 'BRAS DUS KYI SNYING RJE YOD DE, RANG 'GREL DANG t'IK CHEN GNYIS KAR SKABS 'DI'I SNYING RJE DE 'CHAD 'GYUR GYI SNYING RJE LA BSHAD CING, 'CHAD 'GYUR GYI SNYING RJE LA 'BRAS DUS KYI SNYING RJE YOD PA'I PHYIR, GANG PHYIR BRTZE NYID CES PA'I SKABS NAS BSTAN PA'I THA MAR GAL CHE BA'I SNYING RJE DE 'BRAS DUS KYI SNYING RJE LA BYED PA'I PHYIR, ZHES GSUNGS PA MI 'THAD DE, SKABS 'DIR BSTAN GYI SNYING RJE DE BYANG SEMS LAS DANG PO BAS SNGON DU 'GRO BA'I SNYING RJE LA BYED MI RIGS PAR THAL, SKABS 'DIR BSTAN GYI SNYING RJE DANG 'BRAS DUS KYI SNYING RJE'I GZHI 'THUN YOD PA'I PHYIR, 'DOD NA, RANG 'GREL LAS @21A *, ,BYANG CHUB SEMS DPA' DE DAG CI'I RGYU CAN ZHIG YIN ZHE NA, SNYING RJE'I SEMS DANG GNYIS SU MED BLO DANG, ,ZHES SOGS BSHAD PA MI 'THAD PAR THAL, 'DOD PA'I PHYIR, KHO NA RE, SKABS 'DI'I SNYING RJE DE LAM MA ZHUGS KYI GANG ZAG GI RGYUD KYI SNYING RJE LA BYED RIGS PAR THAL, DE BYANG SEMS LAS DANG PO PAS SNGON DU 'GRO RGYU'I SNYING RJE LA BYED RIGS PA'I PHYIR, 'DOD NA, SKABS 'DIR BSTAN GYI SNYING RJE RGYUD LDAN GYI SANGS 'PHAGS MED PAR THAL LO, ,'DOD NA, SKABS 'DIR BSTAN GYI SNYING RJE DE RGYAL BA'I LO THOG PHUN TSOGS SKYED PA LA THOG MTHA' BAR GSUM DU GAL CHE BA MA YIN PAR THAL, 'DOD PA'I PHYIR, 'DOD NA, GANG PHYIR BRTZE NYID CES SOGS KYI DON MA GRUB PAR THAL, 'DOD PA'I PHYIR, ZHES GSUNGS NA RTZA BAR MA KHYAB STE, BYANG SEMS LAS DANG POS SNGON DU 'GRO BA'I SNYING RJE YIN NA, LAM MA ZHUGS KYI GANG ZAG GI RGYUD KYI SNYING RJE YIN DGOS PAR THAL, THAL 'GYUR DE LA KHYAB 'BREL YOD PA'I PHYIR, 'DOD NA, SNYING RJE CHEN PO CHOS CAN, DER THAL, DE'I PHYIR, RTAGS GRUB STE, DE THEG CHEN SEMS BSKYED KYI SNGON DU 'GRO BA'I PHYIR TE, RGYU 'BRAS MAN NGAG BDUN GYI RNAM GZHAG 'THAD PA'I PHYIR, 'DOD NA SLA, GZHAN YANG RGYAL BA'I LO THOG PHUN TSOGS BSKYED PA LA THA MAR GAL CHE BA'I SNYING RJE YIN NA 'BRAS DUS KYI SNYING RJE YIN DGOS PAR THAL, GANG PHYIR BRTZE NYID CES SOGS KYI SKABS NAS BSTAN PA'I SNYING RJE DE 'BRAS DUS KYI SNYING RJE LA BYED RIGS PA'I PHYIR, 'DOD NA, SNYING RJE CHEN PO CHOS CAN, DER THAL, DE'I PHYIR, MA GRUB NA, BRTZE BA SNYING RJE CHEN PO DE RGYAL BA'I LO THOG PHUN TSOGS BSKYED PA LA THOG MTHA' BAR GSUM DU GAL CHE BA'I RGYU MTSAN GYI DPAL LDAN ZLA BA GRAGS PAS BSTAN BCOS RTZOM PA'I THOG MAR SNYING RJE CHEN PO LA BSTOD PA MA YIN PAR THAL, MA GRUB PA DE'I PHYIR, GAL TE SKABS 'DI'I SNYING RJE DANG 'BRAS DUS KYI SNYING RJE'I GZHI MTHUN YOD PAR THAL, SKABS 'DI'I SNYING RJE DANG SMIN PA LTA BU'I SNYING RJE'I GZHI MTHUN YOD PA'I PHYIR TE, t'IK CHEN LAS, THA MAR GAL CHE BA LA SMIN PA DANG 'DRA TSUL @21B NI; RGYAL BA'I GO 'PHANG THOB TU ZIN KYANG SNYING RJE'I SMIN PA DANG BRAL NA, 'KHOR BA JI SRID KYI BAR DU SEMS CAN RNAMS KYIS NYE BAR LONGS SPYOD PA'I RGYUR MI 'GYUR ZHING, ZHES SOGS GSUNGS PA'I PHYIR NA RTZA BAR MA KHYAB STE, SNYING RJE CHEN PO DE NA SMIN PA LTA BU'I SNYING RJE CHEN PO YIN PA'I PHYIR TE; LO THOG SMIN PA'I TSE NA LEGS PAR LONGS SPYAD DU RUNG BA BZHIN DU SNYING RJE CHEN PO'I DBANG GIS SANGS RGYAS KYIS CHOS KYI 'KHOR LO BSKOR NAS RGYAL BA'I LO THOG PHUN SUM TSOGS PA LA GDUL BYA RNAMS KYIS LONGS SPYOD PAR 'GYUR BAS NA SNYING RJE CHEN PO LA SMIN PA LTA BU'I SNYING RJE ZHES BSHAD PA'I PHYIR, SKABS 'DI'I GNYIS SU MED PA'I BLO DE GANG LA BYED ZER NA, 'DI LA BOD SNGA MA KHA CIG ,SKABS 'DI'I GNYIS SU MED PA'I BLO NI GZUNG 'DZIN GNYIS SU MED PA'I BLO LA BYED, SKABS 'DI'I SEMS BSKYED DON DAM SEMS BSKYED LA BYED, CES GSUNGS, 'DI 'GOG PA LA, MKHAS PA KHA CIG ,GZUNG 'DZIN GNYIS SU MED PA ZHES PA'I GNYIS DE GANG LA BYED, GZUNG 'DZIN RDZAS GZHAN LA BYED DAM, GNYIS SNANG LA BYED, DANG PO LTAR NA MI 'THAD DE, GZUNG 'DZIN RDZAS GZHAN YOD PA'I PHYIR TE, PHYI DON YOD PA'I PHYIR, GNYIS PA LTAR NA SKABS 'DI'I SEMS BSKYED DON DAM SEMS BSKYED LA BSHAD PA DANG ZLOS SKYON YOD PAR THAL, DAM BCA' 'THAD PA'I PHYIR, ZHES GSUNG LA, 'ON KYANG MKHAS GRUB CHOS RJES GZUNG 'DZIN RDZAS GZHAN MED PAR BSHAD DO, ,RANG LUGS KYI DGAG PA NI, SKABS 'DI'I GNYIS SU MED PA'I BLO GZUNG 'DZIN GNYIS SU MED PA'I BLO LA BYED PA MI 'THAD DE, GZUNG 'DZIN GNYIS SU MED PA'I BLO DE BYANG SEMS LAS DANG PO PAS SNGON DU 'GRO BA MA YIN PA'I PHYIR DANG, 'GREL PAR SKABS 'DI'I GNYIS SU MED PA'I BLO DE RTAG CHAD KYI MTHA' GNYIS DANG BRAL BA'I SHES RAB LA BSHAD PA'I PHYIR, 'GREL BSHAD MKHAN PO NA RE, SKABS 'DI'I GNYIS SU MED PA'I BLO DE GZUNG 'DZIN GNYIS SU MED PA'I BLO DON DAM SEMS BSKYED DANG, SKABS 'DI'I SEMS BSKYED RAGS PA BRDA LAS BYUNG BA'I SEMS BSKYED LA BYED CES ZER, DE LTAR YANG @22A *, ,'GREL BSHAD LAS, BYANG CHUB SEMS DPA' DE RNAMS SNYING RJE DANG LDAN PA'I SEMS DANG, DON DAM PA'I BYANG CHUB TU SEMS BSKYED PA'I RANG BZHIN CAN GNYIS SU MED PA'I BLO DANG, BRDA LAS BYUNG BA'I BYANG CHUB TU SEMS BSKYED PA NI RGYU YIN ZHES PA'O,, ZHES GSUNGS, GNYIS SU MED PA'I BLO DON DAM SEMS BSKYED LA BYED PA MI 'THAD DE, DON DAM SEMS BSKYED DE BYANG SEMS LAS DANG PO PAS SNGON DU 'GRO BA MA YIN PA'I PHYIR, KHA CIG ,SKABS 'DIR BSTAN GYI SEMS BSKYED DE SEMS BSKYED MTSAN NYID PA YIN ZER BA MI 'THAD DE, BYANG SEMS LAS DANG PO PAS SNGON DU 'GRO BA'I SKABS 'DIR BSTAN GYI SEMS BSKYED DE SEMS BSKYED MTSAN NYID PA YIN PAR THAL, DAM BCA' 'THAD PA'I PHYIR, 'DOD NA, t'IK CHEN LAS, BYANG SEMS KYI SNGON DU 'GRO BA'I SEMS BSKYED PA NI, SEMS BSKYED BSGOM PA'I SKABS LA DGONGS KYI, BSGOMS PA LA BRTEN NAS SKYES PA'I SEMS BSKYED DNGOS MIN PA'I PHYIR RO, ,ZHES BSHAD PA DANG 'GAL ZHING, LAM MA ZHUGS KYI GANG ZAG GI RGYUD LA THEG CHEN SEMS BSKYED YOD PAR THAL BA BZLOG TU MED DO,, ` ,,GNYIS PA RANG GI LUGS BZHAG PA NI, SKABS 'DI'I SNYING RJE NI, DANG POR NGA ZHES BDAG LA ZHEN GYUR CING, ,ZHES SOGS KYIS 'CHAD PAR 'GYUR BA'I SNYING RJE LA BYED DE, RANG 'GREL LAS, DE LA SNYING RJE NI BRTZE BA STE, 'DI NYID DU 'CHAD PAR 'GYUR BA'I RNAM PA DANG RANG GI NGO BO CAN NO,, ZHES GSUNGS PA'I PHYIR, SKABS 'DI'I GNYIS SU MED PA'I BLO NI RTAG CHAD KYI MTHA' GNYIS DANG BRAL BA'I STONG NYID RTOGS PA'I SHES RAB LA BYED RIGS TE, RANG 'GREL LAS, GNYIS SU MED PA'I BLO NI, DNGOS PO DANG DNGOS PO MED PA LA SOGS PA MTHA' GNYIS DANG BRAL BA'I SHES RAB BO, ,ZHES GSUNGS PA'I PHYIR, SKABS 'DI'I BYANG CHUB KYI SEMS NI, 'GREL PAR MDO DRANGS PA LAS, CHOS NYID 'DI LTA BU 'DI SEMS CAN RNAMS KYIS KHONG DU CHUD PAR BYA'O SNYAM NAS, BYANG CHUB SEMS DPA' LA SEMS GANG SKYE BA 'DI NI, BYANG CHUB SEMS DPA'I @22B BYANG CHUB KYI SEMS ZHES BGYI'O, ,ZHES BSHAD, RANG GIS CHOS NYID RTOGS NAS SEMS CAN RNAMS KYIS CHOS NYID KHONG DU CHUD PAR BYA'O SNYAM DU SEMS BSKYED PAR GSUNGS PA YANG 'DIR BSTAN PA'I SEMS BSKYED YONGS SU RDZOGS PA MA YIN TE, DES THEG CHEN SEMS BSKYED KYI CHED DU BYA BA GZHAN DON LA DMIGS KYANG, SEMS BSKYED KYI CHED DU BYA BA BYANG CHUB LA DMIGS PA MA YIN PA'I PHYIR, DE SKAD DU YANG, t'IK CHEN LAS, 'DI NI SEMS BSKYED KYI CHED DU BYA BA'I PHYOGS GCIG TZAM LA DMIGS PA YIN PAS, MTSAN NYID MA RDZOGS LA, ZHES BSHAD, DON 'DI MA GO BA KHA CIG ,t'IK CHEN LAS, BSHAD MA THAG PA'I DON RANG GIS CHOS THAMS CAD RTOGS NAS SEMS CAN RNAMS KYIS CHOS NYID KHONG DU CHUD PAR BYA'O SNYAM DU SEMS BSKYED PA DE SEMS BSKYED KYI MTSAN NYID YONGS SU RDZOGS PA MA YIN TE, DES CHED DU BYA BA SEMS CAN THAMS CAD LA MA DMIGS PAR STONG NYID MA RTOGS PA'I SEMS CAN PHYOGS RE BA LA DMIGS PA'I PHYIR, ZHES PA'I DON DU 'CHAD PA NI CHOS NGO MTSAR CHE BA'I GNAS YIN TE, SEMS CAN THAMS CAD THEG CHEN SEMS BSKYED KYI CHED DU BYA BAR 'JOG PA LAS YA MTSAN PA CI ZHIG YOD, YANG GANG PHYIR BRTZE NYID CES PA'I THAD KYI RANG 'GREL LAS, GDON MI ZA BAR BDAG GIS 'JIG RTEN 'DI MTHA' DAG SDUG BSNGAL NAS BTON TE SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ,ZHES SEMS CAN SDUG BSNGAL LAS BSGRAL NAS SANGS RGYAS KYI GO 'PHANG LA 'GOD PAR BYA'O SNYAM DU SEMS BSKYED PAR GSUNGS PA YANG SKABS 'DIR BSTAN GYI SEMS BSKYED YONGS SU RDZOGS PA MA YIN TE, DES SEMS BSKYED KYI CHED DU BYA BA GZHAN DON LA DMIGS KYANG RANG GI THOB BYA'I BYANG CHUB LA MA DMIGS PA'I PHYIR,, ` ,,RANG LUGS NI, RANG GI GROGS SU GYUR PA'I GZHAN DON DU RDZOGS PA'I BYANG CHUB THOB PAR 'DOD PA'I 'DOD PA DANG MTSUNGS LDAN DU BYUNG BA'I SEMS KHYAD PAR CAN SKABS 'DIR BSTAN GYI SEMS BSKYED YIN TE, 'GRO @23A *, ,BA GA-YO BA'I CHU YI NANG GI ZLA BA LTAR, ,ZHES PA'I SKABS KYI RANG 'GREL LAS, DAM PA'I CHOS KYI BDUD RTZI'I RO PHUL DU BYUNG BA 'BYUNG BA'I RGYU, PHYIN CI LOG GI RTOG PA MTHA' DAG LOG PA'I MTSAN NYID, 'GRO BA YONGS KYI GNYEN NYID KYI RANG BZHIN DU GYUR PA SANGS RGYAS NYID KYANG YANG DAG PAR THOB PAR 'DOD PA YIN NO, ,ZHES DANG, 'GREL BSHAD LAS, GZHAN GYI DON GYI CHED DU YANG DAG PAR RDZOGS PA'I BYANG CHUB LA DMIGS PAR MNGON PAR 'DOD PA'I RANG BZHIN CAN BYANG CHUB TU SEMS BSKYED PA BSTAN NO, ,ZHES DANG, t'IK CHEN LAS, CHED DU BYA BA SEMS CAN THAMS CAD KYI DON DU THOB BYA BLA NA MED PA'I BYANG CHUB THOB PAR 'DOD PA SEMS BSKYED KYI MTSAN NYID RDZOGS PAR 'DOD PAR BYA STE, 'GREL BSHAD LAS KYANG DE LTAR 'BYUNG BA LEGS SHING, MNGON RTOGS RGYAN LAS GSUNGS PA DANG, LUGS 'DI LA MI 'DRA BA MED DO; ;CES GSUNGS,, ` ,,GNYIS PA NI, SKABS 'DIR BSTAN GYI CHOS GSUM PO DE BYANG SEMS LAS DANG PO BA'I RGYUR 'JOG PA 'DI 'PHAGS PA KLU SGRUB KYI DGONGS PA YIN TE, RIN CHEN PHRENG BA LAS, BDAG NYID DANG NI 'JIG RTEN 'DIS, ,ZHES SOGS GSUNGS PA'I PHYIR, GSUM PA DOGS PA SPONG BA LA, DOGS PA 'GOD PA DANG, DE'I LAN BSTAN PA DANG, ZHAR LA GZHAN GYI LOG RTOG DGAG PA'O, ,DANG PO NI, CHOS GSUM BYANG SEMS KYI RGYUR BZHAG PA'I BYANG SEMS DE'I MA MTHA' LAM ZHUGS KYI BYANG SEMS THOG MA PA LA BYED DAM MI BYED, BYED NA THEG CHEN SEMS BSKYED BYANG SEMS KYI RGYUR 'JOG PA MI 'THAD DE, THEG CHEN SEMS BSKYED THOB MA THAG TU BYANG SEMS SU BZHAG DGOS PA'I PHYIR, MI BYED NA, SKABS 'DI'I BYANG SEMS DE ZLA BA TSES PA LTA BU'I BYANG SEMS DANG, SMAN GYI LJON SHING GI MYU GU LTA BU'I BYANG SEMS SU BSHAD PA DANG 'GAL LO, ,ZHES ZER, DOGS PA GNYIS PA YANG, MTHA' GNYIS LA MI BRTEN PA'I YE SHES BYANG SEMS KYI RGYUR 'JOG PA MI 'THAD DE, BYANG SEMS RNAMS NI THOG MAR KUN RDZOB KYI SEMS BSKYED NAS DE'I RJES SU STONG NYID RTOGS PA'I SHES RAB KYI NYAMS LEN SOGS BYANG SEMS @23B KYI SPYOD PA PHAR PHYIN DRUG LA SLOB PA YIN PA'I PHYIR, ZHES ZER NA, RTZOD PA DANG PO'I LAN LA, t'IK CHEN LAS, JI SKAD BSHAD PA'I SKYON DU 'GYUR BA'I PHYIR, ,PHYOGS GNYIS PA NI KHAS MI LEN PAS, DANG PO KHAS LEN NO, ,'ON KYANG SNGAR BKOD PA'I SKYON NI MED DE, ZHES SOGS GSUNGS, DE'I DON NI, CHOS GSUM GANG GI RGYUR BZHAG PA'I BYANG SEMS DE'I MA MTHA' LAM ZHUGS KYI BYANG SEMS THOG MA PA LA BYED KYANG, LAM MA ZHUGS NA THEG CHEN SEMS BSKYED YOD PAR THAL BA'I SKYON MED DE, BYANG SEMS LAS DANG PO BA'I SNGON DU 'GRO BA'I SKABS 'DIR BSTAN GYI SEMS BSKYED DE THEG CHEN SEMS BSKYED MTSAN NYID PA LA MI BYED PA'I PHYIR TE, DE THEG CHEN SEMS BSKYED SGOMS PA'I SKABS KYI RANG GI GROGS SU GYUR BA'I GZHAN DON DU RDZOGS PA'I BYANG CHUB 'THOB PAR 'DOD PA'I 'DOD PA DANG MTSUNGS LDAN DU BYUNG BA'I SEMS KHYAD PAR CAN LA BYED PA'I PHYIR, CHOS GSUM GANG GI RGYUR BZHAG PA'I BYANG SEMS DE'I MA MTHA' LAM ZHUGS KYI BYANG SEMS THOG MA PA LA BYED RIGS PA'I PHYIR TE, RANG 'GREL LAS, SKABS 'DI'I BYANG SEMS DE ZLA BA TSES PA LTA BU'I BYANG SEMS DANG, SMAN GYI LJON SHING GI MYU GU LTA BU'I BYANG CHUB SEMS DPAR BSHAD PA GANG ZHIG, DE 'DRA'I BYANG SEMS YIN NA BYANG SEMS LAS DANG PO BA YIN DGOS PA'I PHYIR, SNGAR GYI DOGS PA GNYIS PA DE'I SKYON MED DE, THEG CHEN GYI RIGS CAN DBANG RNON GYIS SNGON DU DE KHO NA NYID KYI LTA BA BTZAL NAS, DE NAS THEG PA CHEN POR SEMS BSKYED PA YIN CING, THEG CHEN RIGS DES KYI BYANG SEMS DBANG RTUL LA YANG LAM MA ZHUGS KYI GNAS SKABS SU STONG NYID RTOGS PA DU MA YOD PA'I PHYIR, 'O NA, SKABS 'DIR CHOS GSUM BYANG SEMS KYI RGYUR BSHAD PA DE, BYANG SEMS DBANG PO RNO RTUL GNYIS KA'I DBANG DU BYAS SAM, DBANG RNON KHO NA'I DBANG DU BYAS SHE NA, DON 'DI DKA' BAS ZHIB TU BSHAD NA, 'DI LA MKHAS PA PHAL CHE BAS, SKABS 'DIR CHOS GSUM BYANG SEMS KYI RGYUR BZHAG PA 'DI BYANG SEMS DBANG RNON KHO NA'I DBANG DU BYAS PA YIN TE, SNGAR GYI DOGS PA GNYIS PA'I LAN 'DEBS PA @24A *, ,NA; t'IK CHEN LAS, BYANG SEMS KYI RIGS CAN DBANG PO RNON POS SNGON DU DE KHO NA NYID KYI LTA BA BTZAL NAS, DE NAS SEMS BSKYED PA YIN PAS SKYON GNYIS PA YANG MED PA NI 'CHAD PAR 'GYUR RO, ,ZHES GSUNGS PA'I PHYIR, ZHES GSUNGS, 'DI NI t'IK CHEN GYI DGONGS PA MA YIN TE, DE'I RGYU MTSAN CHOS GSUM BYANG SEMS KYI RGYUR BSHAD PA 'DI BYANG SEMS DBANG PO RNO RTUL GNYIS KA'I DBANG DU MDZAD NAS GSUNGS PA YIN TE, GANG PHYIR BRTZE NYID CES SOGS KYIS BYANG CHUB KYI SEMS DANG, STONG NYID RTOGS PA'I SHES RAB KYI RTZA BA SNYING RJE CHEN PO LA THUG TSUL GSUNGS PA DE BYANG SEMS DBANG PO RNO RTUL GNYIS KA'I DBANG DU BYAS NAS GSUNGS PA'I PHYIR, DE GNYIS KYI RTZA BA SNYING RJE CHEN PO LA THUG TSUL 'CHAD PA LA, LUS PA YONGS SU BSKYOB PAR BYA BA'I PHYIR, GDON MI ZA BAR BDAG NI GZHAN GYI SDUG BSNGAL GYIS SDUG BSNGAL BA NYID KYIS SEMS CAN SDUG BSNGAL BAR GYUR PA MA LUS PA YONGS SU BSKYOB PAR BYA BA'I PHYIR, GDON MI ZA BAR BDAG GIS 'JIG RTEN 'DI MTHA' DAG SDUG BSNGAL NAS BTON TE, SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ,DAM BCA' BA 'DI YANG GNYIS SU MED PA'I YE SHES SPANGS PAS BSGRUB PAR MI NUS PAS GNYIS SU MED PA'I YE SHES LA YANG NGES PA KHO NAR 'JUG STE, ZHES DANG, DE'I DON BSDUS TE 'CHAD PA LA, t'IK CHEN LAS, DE LTAR NA GANG PHYIR ZHES PA BZHI'I DON BKRAL BAS NI, THEG CHEN PA BYED PAR 'DOD NA THOG MAR YID SNYING RJE CHEN PO'I GZHAN DBANG DU GYUR PA CIG DANG, DE NAS DE LA BRTEN NAS BYANG CHUB KYI SEMS MTSAN NYID TSANG BA CIG SNYING THAG PA NAS BSKYED PA DANG, SEMS BSKYED PAS NI GDON MI ZA BAR BYANG SEMS KYI SPYOD PA SPYI DANG, KHYAD PAR DU ZAB MO'I LTA BA PHU THAG GCOD DGOS PAR 'DUG SNYAM NAS DE DAG LA SLOB PA CIG DGOS PAR BSTAN PA LA NGES PA BRTAN PO RNYED DGOS SO, ,ZHES STONG NYID RTOGS PA'I SHES RAB DANG, BYANG CHUB KYI SEMS KYI RTZA BA SNYING RJE CHEN PO LA THUG TSUL THEG CHEN GYI @24B RIGS CAN DBANG RTUL LA SBYAR NAS BSHAD PA LA DGOS PA YOD PA'I PHYIR, 'O NA, BYANG SEMS DBANG RTUL YIN NA LAM MA ZHUGS KYI GNAS SKABS KYI CHOS GSUM LAS 'KHRUNGS DGOS PAS, BYANG SEMS YIN NA STONG NYID RTOGS PAS KHYAB PAR 'GYUR LA, DE LTA NA DBU MA RGYAN RTZA 'GREL GYI DON DANG 'GAL BAR 'GYUR RO, ,ZHE NA, SKABS 'DIR CHOS GSUM BYANG SEMS KYI RGYUR BSHAD PA DE BYANG SEMS DBANG PO RNO RTUL GNYIS KA'I DBANG DU BYAS KYANG, BYANG SEMS DBANG RTUL YIN NA LAM MA ZHUGS KYI GNAS SKABS KYI CHOS GSUM LAS 'KHRUNGS MI DGOS TE, DPER NA, DBU MA RGYAN LAS, YANG DAG DAD PA'I RJES 'BRANG BA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANGS BYAS TE, ,DE NAS YANG DAG SHES 'TSO LA BRTZON, ,ZHES DANG POR SEMS BSKYED NAS DE RJES LTA BA LA BLO SBYONG TSUL GSUNGS PA DE, THEG CHEN GYI RIGS CAN DBANG RTUL GYI DBANG DU MDZAD NAS GSUNGS KYANG, DE YIN NA DANG PO BYANG CHUB TU SEMS BSKYED NAS, DE RJES LTA BA LA BLO SBYANG BAS MA KHYAB PA BZHIN DU, THEG PA CHEN POR RIGS NGES PA'I BYANG SEMS KYI RIGS CAN DBANG RTUL LA DANG PO BYANG CHUB TU SEMS SKYED NAS DE RJES LTA BA LA BLO SBYONG BA DANG, DANG POR STONG NYID RTOGS PA'I LTA BA RANG RGYUD LA SKYES NAS DE RJES BYANG CHUB MCHOG TU SEMS BSKYED PA GNYIS YOD DE, RNAM BSHAD SNYING PO RGYAN LAS, BYANG CHUB KYI MCHOG TU SEMS BSKYED PA'I SNGA ROL DU STONG PA NYID RTOGS PA SNGON DU 'GRO DGOS PA NI GDUL BYA GNYIS KYI DBANG PO RNON PO LA YIN GYI RTUL PO LA NGES PA MED LA, ZHES GSUNGS PA'I PHYIR, DES NA CHOS GSUM BYANG SEMS KYI RGYUR BSHAD PA DE BYANG SEMS DBANG PO RNO RTUL GNYIS KA'I DBANG DU BYAS PA YIN TE, BYANG SEMS DBANG RTUL LA LAM MA ZHUGS KYI GNAS SKABS SU STONG NYID MA RTOGS PA SRID KYANG, BYANG SEMS DBANG RTUL PHAL CHE BAS LAM MA ZHUGS KYI GNAS SKABS SU THEG PA CHEN PO'I SEMS BSKYED LA BLO SBYANGS TE, RGYAL SRAS KYI SDOM PA BZUNG, THEG PA CHEN PO'I ZAB PA DANG RGYA CHE BA'I SDE SNOD LA THOS BSAM @25A *, ,BYAS PA LAS STONG NYID RTOGS PA CHES MANG BA'I PHYIR,, ` ,,GSUM PA ZHAR LA GZHAN GYI LOG RTOG DGAG PA LA, RJE RTZONG KHA PA'I LUGS LAS PHYI ROL TU GYUR PA KHA CIG ,ZLA BA TSES PA LTA BU'I BYANG SEMS DANG, SMAN GYI LJON SHING GI MYU GU LTA BU'I BYANG SEMS DE BYANG SEMS LAS DANG PO BA KHO NA LA BYED PAR KHYOD KYIS BSHAD PA DE MI 'THAD DE, DE LTAR KHAS LEN PA KLU SGRUB KYI GZHUNG DANG 'GAL, BYAMS PA'I GZHUNG DANG 'GAL, RANG GI KHAS BLANGS PA DANG 'GAL BA'I PHYIR, DANG PO GRUB STE, CHOS DBYINGS BSTOD PA LAS JI LTAR MAR NGO'I BCU BZHIN, ,ZLA BA CUNG ZAD GSAL BA LTAR, ,DE BZHIN THEG MCHOG MOS RNAMS LA, ,CHOS KYI SKU YANG CUNG ZAD SNANG, ,JI LTAR TSES PA'I ZLA BA LA, ,SKAD CIG SKAD CIG 'PHEL BAR MTHONG, ,DE BZHIN SA LA ZHUGS RNAMS KYI, ,RIMS GYIS RIMS GYIS 'PHEL BAR MTHONG, ,JI LTAR YANG NGO'I BCO LNGA NA, ,ZLA BA'I DKYIL 'KHOR RDZOGS PAR GSAL, ,DE BZHIN SA YI MTHAR THUG NA, ,CHOS KYI SKU YANG RDZOGS PAR GSAL, ,ZHES ZLA BA TSES PA LTA BU'I BYANG CHUB SEMS DPA' DE BYANG SEMS SA DANG PO BA LA BYED PAR BSHAD PA DANG 'GAL BA'I PHYIR, RTAGS GNYIS PA GRUB STE, RGYUD BLA MA LAS, JI LTAR MYUG SOGS RIMS SKYED PAS, ,SA BON SHUN PA GCOD PA LTAR, ,ZHES SOGS KYIS MTHONG LAM DANG MYU GU GNYIS DPE DON SPYAR NAS GSUNGS PAS, BYANG SEMS MTHONG LAM PA SMAN GYI LJON SHING GI MYU GU LTA BU'I BYANG SEMS SU 'JOG PAR 'GRUB PA'I PHYIR, KHAS BLANGS PA DANG YANG 'GAL TE, BYAMS PA'I RNAM PAR THAR PA'I MDO LAS GSUNGS PA'I 'KHOR LOS BSGYUR BA'I RGYAL PO'I BU SKYES MA THAG PAS MTSON PA'I BYANG CHUB SEMS DPA' DANG, NAM MKHA' LDING GI PHRU GU SKYES MA THAG PAS MTSON BA'I BYANG SEMS DE YANG BYANG SEMS TSOGS LAM PA LA BYED RIGS PAR THAL, ZLA BA TSES PA LTA BU'I BYANG SEMS DANG SMAN GYI LJON SHING GI MYU GU LTA BU'I BYANG SEMS DE BYANG SEMS TSOGS LAM PA LA BYED RIGS PA'I PHYIR, 'DOD NA, KHYOD RANG GI 'GREL @25B BSHAD BKAG PA DANG 'GAL, DES NA RGYAL SRAS RNAMS KYI RGYU ZHES PA'I SKABS KYI RGYAL SRAS DANG, RGYUD BLA MA LAS, MA DAG MA DAG DAG PA DANG, ,SHIN TU RNAM DAG GO RIMS BZHIN, ,SEMS CAN BYANG CHUB SEMS DPA' DANG, ,DE BZHIN GSHEGS PA ZHES BRJOD DO, ,ZHES PA'I SKABS KYI BYANG SEMS DANG, DE NAS BZUNG STE DE NI THOB PAR GYUR PA YIS, ,BYANG CHUB SEMS DPA' ZHES BYA'I SGRA NYID KYIS BSNYED DO, ,ZHES PA'I SKABS KYI BYANG SEMS RNAMS DON GCIG PAS, SKABS 'DI'I CHOS GSUM TSOGS SBYOR GYI SKABS KYI CHOS GSUM DANG, RGYAL SRAS DE BYANG SEMS 'PHAGS PA LA BYED CES ZER, LOG PAR RTOG PA DE RNAMS LA ZHIB TU DPYAD KYANG BAG CHAGS NGAN PAR 'JOG PAR SNANG BAS, BRDA GO BA TZAM BSHAD NA KHYOD KYIS CHOS DBYINGS BSTOD PA DANG 'GAL TSUL BSHAD PA CHES NGO MTSAR CHE STE, CHOS DBYINGS BSTOD PA LAS DE LTAR GSUNGS PA DE ZLA BA TSES PA DANG SA DANG PO BA DPE DON DU SBYAR BA MA YIN GYI ZLA BA TSES PA DANG CHOS SKU DPE DON DU SBYAR BA YIN PA'I PHYIR TE, LUNG DE'I 'JUG TU, JI LTAR YAR NGO'I BCO LNGA NA, ,ZLA BA'I DKYIL 'KHOR RDZOGS PAR GSAL, ,DE BZHIN SA YI MTHAR THUG NA, ,CHOS KYI SKU YANG RDZOGS PAR GSAL, ,ZHES ZLA BA DANG CHOS SKU DPE DON DU SBYAR 'DUG PA'I PHYIR, DON RAGS PA 'DI TZAM YANG GO MI NUS PAR RGYAL BA GNYIS PA SHAR TZONG KHA PA LA NGAN SMRAS KYI BZLAS BRJOD RGYUN MI CHAD PAS RANG GZHAN PHUNG BA'I LAS LA SBYOR BA KHYOD KYI RIGS PA THAMS CAD 'DI 'DRA BA SHA STAG SNANG NGO, ,RIGS PA GNYIS PA YANG MI 'THAD DE, KHYOD LTAR NA TSOGS LAM CHEN PO LA GNAS PA'I BYANG CHUB SEMS DPA' DE ZLA BA TSES PA LTA BU'I BYANG SEMS YIN PAR THAL, DE'I RGYUD KYI KUN RDZOB SEMS BSKYED DE ZLA BA TSES PA LTA BU'I SEMS BSKYED YIN PA'I PHYIR, MA KHYAB NA, JI LTAR MYUG SOGS RIMS SKYED PAS, ,ZHES MTHONG LAM MYU GU DANG DPE DON DU SBYAR NAS BSHAD NA, BYANG SEMS MTHONG LAM PA SMAN GYI LJON SHING GI MYU GU LTA BU'I BYANG CHUB SEMS DPA' YIN PAS KHYAB PA YOD PAR BUD, 'DOD NA, ZLA BA TSES PA LTA @26A *, ,BU'I BYANG SEMS SA DANG PO BA LA BYED PAR KHYOD RANG GIS BSHAD PA DANG 'GAL, THAL 'GYUR PHYI MA LA 'BREL CI YANG MI 'DUG PAS LAN 'DEBS DGOS PA MI 'DUG GO, DES NA SNGA RABS PA KHA CIG, SKABS 'DI'I CHOS GSUM TSOGS SBYOR GYI GNAS SKABS KYI CHOS GSUM DANG, SKABS 'DI'I RGYAL SRAS DE RGYAL SRAS 'PHAGS PA LA BYED PAR BSHAD PA MI 'THAD DE, RANG 'GREL LAS, BYANG CHUB SEMS DPA' DE DAG CI'I RGYU CAN ZHIG YIN ZHE NA, SNYING RJE'I SEMS DANG GNYIS SU MED BLO DANG, ,ZHES BSHAD PA MI 'THAD PAR THAL, GZHUNG 'DI THUB DBANG BYANG SEMS LAS 'KHRUNGS NA, BYANG SEMS GANG LAS 'KHRUNGS ZHES PA'I DRI BA'I DNGOS LAN STON BYED KYI GZHUNG MA YIN PA'I PHYIR TE, GZHUNG 'DI BYANG SEMS THOG MAR GANG LAS 'KHRUNGS PA'I RGYU GSUM 'CHAD BYED KYI GZHUNG MA YIN PA'I PHYIR TE, SKABS 'DI'I CHOS GSUM BYANG SEMS TSOGS SBYOR GYI RGYUD KYI CHOS GSUM DANG, RGYAL SRAS DE RGYAL SRAS 'PHAGS PA LA BYED RIGS PA'I PHYIR, RTAGS KHAS, DA NI DPYAD PAR BYA STE, KHA CIG, SKABS 'DIR BSTAN GYI THEG CHEN SEMS BSKYED DE THEG CHEN SEMS BSKYED BTAGS PA BA MA YIN PAR THAL, SKABS 'DIR BSTAN GYI SEMS BSKYED YANG YIN, BYANG CHUB SEMS DPA'I RGYUD KYI SEMS SKYED YANG YIN PA'I GZHI 'THUN PA YOD PA'I PHYIR TE, SKABS 'DIR BSTAN GYI SNYING RJE YANG YIN BYANG CHUB SEMS DPA'I RGYUD KYI SNYING RJE YANG YIN PA'I GZHI 'THUN PA YOD PA'I PHYIR TE; SKABS 'DIR BSTAN GYI SNYING RJE DE 'CHAD 'GYUR GYI SNYING RJE LA BYED RIGS PA GANG ZHIG, DANG POR NGA ZHES BDAG LA ZHEN GYUR CING, ,ZHES PA'I GZHUNG GI BSTAN BYA'I GTZO BOR GYUR PA'I SNYING RJE YANG YIN BYANG CHUB SEMS DPA'I RGYUD KYI SNYING RJE YANG YIN PA'I GZHI MTHUN PA YOD PA'I PHYIR TE, DANG POR NGA ZHES BDAG LA ZHEN GYUR CING, ,ZHES PA'I 'THAD KYI RANG 'GREL LAS, 'DI NI BYANG CHUB SEMS DPA' RNAMS KYI SNYING RJE SEMS CAN LA DMIGS PA'O, ,ZHES DANG, t'IK CHEN LAS, MCHOD BRJOD YUL DU GYUR PA'I SNYING RJE NI, THOG MA'I SNYING RJE GTZO @26B BO YIN KYANG, BYANG CHUB SEMS DPA'I SNYING RJE GZHAN RNAMS KYANG YIN PAS NA, SKABS 'DI RNAMS SU 'GREL PAS SNYING RJE SKYED PA PO BYANG CHUB SEMS DPAR GSUNGS PA RNAMS KYANG MI 'GAL LO, ,ZHES GSUNGS PA'I PHYIR ZER NA RTZA BAR MA KHYAB, BYAS PA LA KHO NA RE, SKABS 'DI'I SNYING RJE DANG 'BRAS DUS KYI SNYING RJE'I GZHI MTHUN YOD PAR THAL, DE DANG BYANG CHUB SEMS DPA'I RGYUD KYI SNYING RJE'I GZHI MTHUN YOD PA'I PHYIR, RTAGS KHAS, 'DOD NA, SNGAR MED PAR KHAS BLANGS PA DANG 'GAL LO, ,ZER NA YANG RTZA BAR MA KHYAB BO,, ` ,,GANG PHYIR BRTZE NYID RGYAL BA'I LO THOG PHUN TSOGS 'DI'I, ,ZHES SOGS KYI SKABS SU, BSHAD BYA'I LUNG 'GOD PA, LUNG GI DON BSHAD PA'O, ,DANG PO NI, RANG 'GREL LAS, 'DI LTAR SNYING RJE CAN NI GZHAN GYI SDUG BSNGAL GYIS SDUG BSNGAL BA NYID KYIS SEMS CAN SDUG BSNGAL BAR GYUR PA MA LUS PA YONGS SU BSKYOB PAR BYA BA'I PHYIR, GDON MI ZA BAR BDAG GIS 'JIG RTEN 'DI MTHA' DAG SDUG BSNGAL NAS BTON TE SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ,DAM BCA' BA 'DI YANG GNYIS SU MED PA'I YE SHES SPANG PAS BSGRUB PAR MI NUS PAS GNYIS SU MED PA'I YE SHES LA YANG NGES PA KHO NAR 'JUG STE, DE'I PHYIR SANGS RGYAS KYI CHOS THAMS CAD KYI SA BON NI SNYING RJE NYID YIN NO, ,JI SKAD DU RIN CHEN PHRENG BA LAS, THEG PA CHEN PO GANG ZHIG LAS, ,SNYING RJE SNGON BTANG SPYOD KUN DANG, ,YE SHES DRI MA MED BSHAD PA; ;SEMS YONGS SU ZHIG DE LA SMOD, ,CES GSUNGS SO, ,BYANG CHUB KYI SEMS BSKYED DU ZIN KYANG, GAL TE DUS 'PHYIS SNYING RJE'I CHUS YANG DANG YANG DU BCUS PAR MA GYUR NA, 'BRAS BU'I TSOGS YANGS PA MA BSAGS PA 'DI NGES PAR NYAN THOS DANG RANG SANGS RGYAS KYI YONGS SU MYA NGAN LAS 'DAS PAS MYA NGAN LAS 'DA' BAR 'GYUR RO, ,'BRAS BU MTHA' YAS PA'I GNAS SKABS THOB TU ZIN KYANG, GAL TE SNYING RJE'I YONGS SU SMIN PA DANG BRAL BAR GYUR NA NI 'DI DUS RING POR NYE BAR LONGS SPYOD PAR MI 'GYUR LA, 'PHAGS PA'I 'BRAS BU'I TSOGS @27A *, ,CHEN PO RIM PA GCIG NAS GCIG TU BRGYUD PA RNAMS BAR MA CHAD PA YUN RING POR MNGON PAR 'PHEL BAR YANG MI 'GYUR RO, ,ZHES GSUNGS SO, ,GNYIS PA LA, DPAL LDAN ZLA BAS BSTAN BCOS RTZOM PA'I THOG MAR SNYING RJE CHEN PO LA BSTOD PA'I RGYU MTSAN YOD DE, BRTZE BA SNYING RJE CHEN PO DE RGYAL BA'I LO THOG PHUN TSOGS SKYED PA LA THOG MTHA' BAR GSUM DU GAL CHE BA'I PHYIR, THOG MAR GAL CHE STE, BYANG CHUB KYI SEMS DANG RIGS PA'I RNAM GRANGS MTHA' YAS PA'I SGO NAS STONG NYID RTOGS PA'I SHES RAB KYI RTZA BA YANG SNYING RJE CHEN PO LA RAG LAS PA'I PHYIR, 'O NA DE GNYIS KYI RTZA BA SNYING RJE LA THUG TSUL DE JI LTA BU ZHE NA, 'DI LA DNGOS DANG, SHES BYED KYI LUNG 'GOD PA'O, ,DANG PO NI, 'DI LTAR ZHES SOGS KYIS 'CHAD, 'DI LA 'GREL PA'I DNGOS BSTAN GYI DON 'CHAD PA'I SGO NAS BYANG SEMS DBANG RTUL GYI DE GNYIS KYI RTZA BA SNYING RJE LA THUG TSUL BSHAD PA DANG, SHUGS BSTAN GYI DON BSHAD PA'I SGO NAS BYANG SEMS DBANG RNON GYI DE GNYIS KYI RTZA BA SNYING RJE LA THUG TSUL BSHAD PA GNYIS, DANG PO NI, BYANG SEMS DBANG RTUL GYI BYANG CHUB KYI SEMS DANG STONG NYID RTOGS PA'I SHES RAB KYI RTZA BA SNYING RJE CHEN PO LA THUG PA YIN TE, THEG CHEN GYI RIGS CAN DBANG RTUL DES THOG MAR SEMS CAN THAMS CAD SDUG BSNGAL DANG BRAL BAR 'DOD PA'I SNYING RJE CHEN PO SKYED CING, DE LA BRTEN NAS SEMS CAN THAMS CAD KYI DON DU BDAG GIS RDZOGS PA'I BYANG CHUB THOB PAR BYA'O SNYAM DU BYANG CHUB MCHOG TU SEMS BSKYED LA, RDZOGS PA'I BYANG CHUB THOB PA YANG PHYIN DRUG GI SPYOD PA LA SLOB DGOS PAR MTHONG NAS SPYOD PA'I GTZO BO SHER PHYIN NYAMS LEN LA 'JUG PAR 'GYUR BA'I PHYIR, GNYIS PA NI, BYANG SEMS DBANG RNON GYI BYANG CHUB KYI SEMS DANG STONG NYID RTOGS PA'I SHES RAB KYI RTZA BA SNYING RJE LA RAG LAS PA YIN TE, THEG CHEN GYI RIGS CAN DBANG RNON DES RGYU 'BRAS MAN NGAG BDUN GYI MAR SHES PA NAS, SNYING RJE CHEN PO'I BAR LEGS PAR SGOM PAS SEMS CAN THAMS CAD KYI DON DU SANGS RGYAS THOB DGOS PAR @27B RTOGS LA, DE'I RJES SU SGRIB GNYIS BAG CHAGS DANG BCAS PA SPANGS PA'I RDZOGS PA'I SANGS RGYAS KYI GO 'PHANG DE 'THOB NUS MI NUS DPYOD PAR BYED CING, DE LTAR DPYAD PA NA, BDEN 'DZIN GYI ZHEN YUL LA RIGS PA'I RNAM GRANGS MTHA' YAS PA'I SGO NAS GNOD BYED BSTAN PA LA BDEN 'DZIN SPONG NUS SU TSAD MAS GRUB PA'I SGO NAS SGRIB GNYIS BAG CHAGS DANG BCAS PA SPANGS PA'I RDZOGS PA'I BYANG CHUB TSAD MAS GRUB PA NA, BDAG GIS SEMS CAN THAMS CAD KYI DON DU RDZOGS PA'I SANGS RGYAS THOB PAR BYA'O SNYAM DU BYANG CHUB MCHOG TU SEMS SKYED PA YIN PA'I PHYIR, DE SKAD DU YANG RGYUD BLA MA'I DAR t'IK LAS, THEG PA CHEN PO'I RIGS CAN DBANG PO RNON POS NI, THOG MAR SEMS CAN THAMS CAD KYI DON DU YANG DAG PAR RDZOGS PA'I SANGS RGYAS THOB DGOS PA DANG, THOB NUS PA GNYIS TSAD MAS LEGS PAR GRUB NAS, DE'I RJES SU SEMS CAN THAMS CAD KYI DON DU SANGS RGYAS THOB PAR BYA'O SNYAM DU SEMS BSKYED PA'I DAM BCA' 'JOG PA YIN GYI, RGYU MTSAN YANG DAG MA MTHONG BAR DAM BCA' BA DBANG PO RTUL PO'I LUGS YIN PA'I PHYIR, DE YANG SNYING RJE CHEN PO LHAG BSAM RNAM DAG DANG BCAS PA'I SKYE TSUL LEGS PAR KHONG DU CHUD PA LAS NI SEMS CAN THAMS CAD KYI DON DU SANGS RGYAS THOB DGOS PAR RTOGS LA, STONG NYID 'KHOR DANG BCAS PA RTOGS PA LAS NI SANGS RGYAS THOB NUS PAR RTOGS PA YIN NO, ,DON 'DI LA DPAGS NAS DBANG PO RNON POS THAR PA TZAM DON GNYER GYI BLO SKYE BA LA YANG STONG NYID RTOGS PA SNGON DU SONG BAR SHES PAR BYA'O, ,ZHES GSUNGS, DON 'DI RNAMS LA DOGS PA GCOD DGOS PA MANG DU 'DUG PA GZHAN YANG RGYUD BLA MA'I DAR t'IK DANG, RJE TZONG KHA PA'I GSUNG GI MAN NGAG LEGS PAR BSHAD PA 'DI LTA BU BKOD KYANG, PHAL CHER GYIS MA MTHONG BAR SNANG NGO, ,GNYIS PA NI, JI SKAD DU RIN CHEN PHRENG BA LAS, ZHES SOGS KYIS 'CHAD, BAR DU GAL CHE BA NI, BYANG CHUB KYI SEMS BSKYED DU ZIN KYANG ZHES SOGS KYIS 'CHAD, THA MAR GAL CHE BA NI, 'BRAS BU MTHA' YAS PA'I GNAS SKABS THOB TU ZIN KYANG, @28A *, ,ZHES SOGS KYIS 'CHAD, DANG POR NGA ZHES BDAG LA ZHEN GYUR CING, ,ZHES SOGS KYI SKABS SU, GZHAN LUGS DGAG PA DANG, RANG LUGS BZHAG PA, RTZOD PA SPONG BA'O, ,DANG PO NI, BOD SNGA RABS PA KHA CIG, SNYING RJE DANG PO YIN NA RTAG GCIG RANG DBANG CAN GYI SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN PAS KHYAB, SNYING RJE GNYIS PA YIN NA SEMS CAN MI RTAG PAR RTOGS PAS KHYAB, SNYING RJE GSUM PA YIN NA SEMS CAN BDEN MED DU RTOGS PAS KHYAB, CES ZER, LUGS DANG PO 'GOG PA LA, t'IK CHEN LAS, DES NA SNYING RJE DANG PO 'DIS RTAG GCIG RANG DBANG CAN GYI SEMS CAN LA DMIGS DGOS PAR 'DOD PA NI, MI RIGS PAR SMRA BA STE, BDAG MED PA'I LTA BA MA RNYED PA'I RGYUD KYI SNYING RJE LA YANG SEMS CAN TZAM LA DMIGS NAS SKYE BA DU MA YOD PA'I PHYIR DANG, GANG ZAG GI BDAG MED THUN MONG BA DANG, DE KHO NA NYID KYI LTA BA RNYED PA'I RGYUD LA YANG, SNGAR BSHAD PA'I KHYAD PAR GNYIS GANG GIS KYANG KHYAD PAR DU MA BYAS PA'I SEMS CAN LA DMIGS PA'I SNYING RJE DU MA YOD PA'I PHYIR, ,DPER NA, BUM PA RTAG PAR 'DZIN PA'I ZHEN YUL SUN PHYUNG NAS, MI RTAG PAR KHONG DU CHUD PAS KYANG, BUM PA DMIGS PAR 'JOG RES KYIS MI RTAG PAS KHYAD PAR DU BYAS PA'I BUM PA DMIGS PAR MI 'JOG PA DU MA ZHIG 'ONG LA, BUM PA MI RTAG PAR KHONG DU MA CHUD PAS KYANG, BUM PA DMIGS PAR 'JOG RES KYIS RTAG PAS KHYAD PAR DU BYAS PA'I BUM PA DMIGS PA MI 'JOG PA BZHIN NO, ,ZHES GSUNGS, DON NI, SEMS CAN MI RTAG PAR TSAD MAS MA GRUB PA'I GANG ZAG GI RGYUD KYI SEMS CAN TZAM LA DMIGS PA'I SNYING RJE YIN NA RTAG PAS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN DGOS PAR THAL, DE YIN NA SNYING RJE DANG PO YIN PAS KHYAB, SNYING RJE DANG PO YIN NA RTAG GCIG RANG DBANG CAN GYI SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA @28B CAN GYI BLO YIN DGOS PA'I PHYIR, DANG PO BUD, GNYIS PA DNGOS, 'DOD NA, DE YIN NA SEMS CAN RTAG PAR 'DZIN PA'I BLO MNGON GYUR PAS DNGOS SU ZIN PAS KHYAB PAR THAL LO, ,'DOD NA, BUM PA MI RTAG PAR TSAD MAS MA NGES PA'I GANG ZAG GI RGYUD KYI BUM PA LA DMIGS PA'I BLO YIN NA; BUM PA RTAG PAR 'DZIN PA'I BLO MNGON GYUR PAS DNGOS SU ZIN PAS KHYAB PAR THAL LO, ,'DOD MI NUS TE, BUM PA MI RTAG PAR TSAD MAS MA GRUB PA'I GANG ZAG NGES BUM PA MTHONG RAS KYIS BUM PA 'DI NI RTAG PA'O SNYAM DU MI 'DZIN PA MYONG BAS GRUB PA'I PHYIR, RIGS PA GNYIS PA NI, GANG ZAG RTAG GCIG RANG DBANG CAN GYI BDAG GIS STONG PAR RTOGS PA'I GANG ZAG GI RGYUD KYI SEMS CAN TZAM LA DMIGS PA'I SNYING RJE CHOS CAN, RTAG GCIG RANG DBANG CAN GYI SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN PAR THAL, SEMS CAN TZAM LA DMIGS PA'I SNYING RJE YIN PA'I PHYIR, KHYAB PA KHAS, RTAGS GRUB STE, DE'I RGYUD LA SEMS CAN TZAM LA DMIGS PA'I SNYING RJE YOD PA'I PHYIR TE, SEMS CAN MI RTAG PAR TSAD MAS GRUB PA'I GANG ZAG GI RGYUD LA SEMS CAN TZAM LA DMIGS PA'I SNYING RJE YOD PA'I PHYIR MA GRUB NA, SEMS CAN MI RTAG PAR TSAD MAS GRUB PA'I GANG ZAG GI RGYUD KYI SNYING RJE YIN NA, MI RTAG PAS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN PAS KHYAB PAR THAL, MA GRUB PA DE'I PHYIR, 'DOD NA, DE YIN NA SEMS CAN MI RTAG PAR RTOGS PA'I SHES RAB KYIS DNGOS SU ZIN PAS KHYAB PAR THAL LO, ,'DOD NA, BUM PA MI RTAG PAR TSAD MAS RTOGS PA'I GANG ZAG GI RGYUD KYI BUM PA LA DMIGS PA'I BLO YIN NA BUM PA MI RTAG PAR RTOGS PA'I SHES RAB KYIS DNGOS SU ZIN PAS KHYAB PAR THAL LO, ,'DOD MI NUS TE, BUM PA MI RTAG PAR TSAD MAS GRUB PA'I GANG ZAG GIS BUM PA MTHONG RES KYIS BUM PA 'DI NI MI RTAG PA'O SNYAM DU 'DZIN PAS MA KHYAB PA MYONG BAS GRUB PA'I PHYIR, DE BZHIN DU SEMS CAN BDEN STONG DU TSAD MAS GRUB PA'I GANG ZAG GI @29A *, ,RGYUD KYI SEMS CAN TZAM LA DMIGS PA'I SNYING RJE CHOS CAN, GSAL BA GONG BZHIN YIN PAR THAL, SEMS CAN TZAM LA DMIGS PA'I SNYING RJE YIN PA'I PHYIR, RTAGS GRUB STE, DE'I RGYUD LA SEMS CAN TZAM LA DMIGS PA'I SNYING RJE YOD PA'I PHYIR, MA GRUB NA, DE'I RGYUD KYI SNYING RJE YIN NA, BDEN STONG GIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN DGOS PAR THAL, MA GRUB PA DE'I PHYIR, 'DOD NA, DE YIN NA SEMS CAN BDEN STONG DU RTOGS PA'I SHES RAB KYIS DNGOS SU ZIN PAS KHYAB PAR THAL LO, ,'DOD NA, SNGAR BZHIN 'GOG PHYI MA GNYIS 'GOG PA LA, t'IK CHEN LAS, BOD KYI t'IK BYED MANG POS SNYING RJE GNYIS PA NYID KYIS SKAD CIG GIS 'JIG PAR DMIGS PA DANG, SNYING RJE GSUM PA NYID KYIS RANG BZHIN MED PAR DMIGS ZER BA NI 'DI DAG GIS DMIGS RNAM LEGS PAR MA RTOGS PA'I BSHAD PA STE, ZHES GSUNGS, DON NI, SLOB PA'I RGYUD KYI CHOS LA DMIGS PA'I SNYING RJE CHOS CAN, KHYOD LA 'DZIN STANGS MI MTHUN PA GNYIS YOD PAR THAL, KHYOD SEMS CAN MI RTAG PA'I RNAM PA CAN GYI BLO YANG YIN, SEMS CAN SDUG BSNGAL DANG BRAL BAR 'DOD PA'I RNAM PA CAN GYI BLO YANG YIN PA'I PHYIR, 'DOD MI NUS TE, SLOB PA'I RGYUD KYI SNYING RJE YIN PA'I PHYIR, DE BZHIN DU SNYING RJE GSUM PA LA RIGS 'GRE, KHO NA RE, BYANG SEMS TSOGS LAM PA'I RGYUD KYI DMIGS MED LA DMIGS PA'I SNYING RJE DES BDEN MED RTOGS PAR THAL, DES BDEN MED LA DMIGS PA'I PHYIR, DES DMIGS MED LA DMIGS PA'I PHYIR TE, DE DMIGS MED LA DMIGS PA'I SNYING RJE YIN PA'I PHYIR NA MA KHYAB STE, BDEN MED KYIS KHYAD PAR DU BYAS PA'I SEMS CAN LA DMIGS PA LA DMIGS PA MED PA LA DMIGS PA'I SNYING RJE ZHES BAR GYI TSIG MI MNGON PAR BYAS PA YIN PA'I PHYIR, 'O NA t'IK CHEN GYI RANG LUGS LA, SNYING RJE GSUM GYI KHYAD PAR JI LTA BU ZHE NA, 'DI LA t'IK CHEN LAS, DES NA KHYAD PAR GNYIS KYIS KHYAD PAR DU BYAS PA'I SEMS CAN SNYING RJE'I DMIGS PAR 'JOG PA LA, SNYING RJE GNYIS RGYUD @29B LDAN GYI GANG ZAG GIS SEMS CAN SKAD CIG MA DANG, RANG BZHIN MED PAR SNGON DU NGES ZIN PA LA BRTEN NAS KHYAD CHOS GNYIS KYI RNAM PA SHAR BA CIG DGOS KYI, SNYING RJES DE GNYIS SU DMIGS PA MI DGOS SO, ,ZHES GSUNGS SO, ,DE'I DON LA KHA CIG, RANG GI DNGOS KYI NYER LEN SEMS CAN SDUG BSNGAL GYIS MNAR BA TZAM DU RTOGS PA'I BLO LAS BYUNG ZHING, SDUG BSNGAL GYIS MNAR BA'I SEMS CAN TZAM LA DMIGS NAS DE SDUG BSNGAL DANG BRAL BAR 'DOD PA'I RNAM PA CAN GYI BRTZE BA DE SNYING RJE DANG PO'I DON DANG, RANG GI DNGOS KYI NYER LEN SEMS CAN MI RTAG PAR RTOGS PA'I BLO LA BRTEN NAS BYUNG ZHING, RANG GI DMIGS YUL DU GYUR PA'I MI RTAG PAS KHYAD PAR DU BYAS SHING, PHUNG SOGS KYI CHOS TZAM LA BRTEN NAS BTAGS PA'I SEMS CAN LA DMIGS NAS DE SDUG BSNGAL DANG BRAL BAR 'DOD PA'I RNAM PA CAN GYI BRTZE BA DE SNYING RJE GNYIS PA'I DON DANG, RANG GI DNGOS KYI NYER LEN SEMS CAN RANG BZHIN MED PAR RTOGS PA'I BLO LA BRTEN NAS BYUNG ZHING, RANG BZHIN MED PAS KHYAD PAR DU BYAS PA'I SEMS CAN SDUG BSNGAL CAN LA DMIGS NAS DE RANG RGYUD KYI SDUG BSNGAL DANG 'BRAL BAR 'DOD PA'I RNAM PA CAN GYI BRTZE BA DE SNYING RJE GSUM PA'I DON YIN, SNYING RJE GSUM PO 'DI SEMS CAN GYI RGYUD LA 'GAL YANG SANGS RGYAS KYIS SAR MI 'GAL TE, SEMS CAN GYI RGYUD LA SDUG BSNGAL CAN GYI SEMS CAN DE SDUG BSNGAL GYIS MNAR BAR DNGOS SU RTOGS PA'I BLO DANG, DE MI RTAG PAR DNGOS SU RTOGS PA'I BLO DANG, DE RANG BZHIN MED PAR DNGOS SU RTOGS PA'I BLO GSUM DUS CIG CAR DU BSKYED MI NUS, SANGS RGYAS 'PHAGS PAS DE GSUM RANG RGYUD LA CIG CAR DU SKYED NUS PA'I PHYIR, ZHES ZER, 'DI 'DRA BA t'IK CHEN GYI DGONGS PAR SMRA BA CHES RNAM PAR MA BRTAGS PA YIN TE, SHES BYA CHOS CAN, SEMS CAN GYI RGYUD LA SNGAR BSHAD PA'I BLO GSUM PO CIG CAR DU SKYED NUS PAR THAL, DE'I RGYUD LA SEMS CAN MI RTAG PAR RTOGS PA'I BLO DANG, SEMS CAN SDUG BSNGAL DANG BRAL 'DOD KYI BLO GNYIS CIG CAR DU SKYED NUS PA'I @30A *, ,PHYIR TE, CHOS LA DMIGS PA'I SNYING RJE SKAD CIG DANG PO LA GNAS PA'I SEMS CAN GYI RGYUD LA DE 'DRA'I BLO GNYIS CIG CAR DU YOD PA'I PHYIR, CHOS LA DMIGS PA'I SNYING RJE SKAD CIG GNYIS PA DE RANG GI DNGOS KYI NYER LEN DU GYUR PA'I SEMS CAN MI RTAG PAR RTOGS PA'I BLO LAS KYANG BYUNG, RANG GI DNGOS KYI NYER LEN DU GYUR PA'I SEMS CAN SDUG BSNGAL DANG BRAL 'DOD KYI BLO LAS KYANG BYUNG BA'I PHYIR, DANG PO MA GRUB NA, DE CHOS CAN, DE LAS BYUNG BAR THAL, CHOS LA DMIGS PA'I SNYING RJE YIN PA'I PHYIR, 'KHOR GSUM, GZHAN YANG, SANGS RGYAS 'PHAGS PA'I RGYUD KYI SNYING RJE YIN NA SNYING RJE GSUM GA YIN DGOS PAR THAL, SEMS CAN GYI RGYUD LA SNYING RJE GSUM 'GAL YANG, SANGS RGYAS KYI SAR DE GSUM MI 'GAL BA'I KHYAD PAR 'THAD PA'I PHYIR, 'DOD NA, RNAM MKHYEN SKAD CIG DANG PO LA GNAS PA'I SANGS RGYAS 'PHAGS PA'I RGYUN KYI SNYING RJE CHEN PO CHOS CAN, DER THAL, DE'I PHYIR, 'DOD NA, RANG GI DNGOS KYI NYER LEN SEMS CAN MI RTAG PAR RTOGS PA'I BLO LAS BYUNG BAR THAL, CHOS LA DMIGS PA'I SNYING RJE YIN PA'I PHYIR, 'DOD NA, RANG GI DNGOS KYI NYER LEN DU GYUR PA'I SEMS CAN SDUG BSNGAL GYIS MNAR BA TZAM DU RTOGS PA'I BLO LAS BYUNG BAR THAL, SEMS CAN TZAM LA DMIGS PA'I SNYING RJE YIN PA'I PHYIR, RTAGS KHYAB KHAS, 'DOD NA, RANG GI DNGOS KYI NYER LEN DU GYUR PA'I SEMS CAN RANG BZHIN MED PAR CAN TZAM LA DMIGS PAR THAL, SNYING RJE GSUM PA YIN PA'I PHYIR, 'DOD NA, BYANG SEMS RGYUN MTHA' BA'I RGYUD LA SEMS CAN SDUG BSNGAL GYIS MNAR BA TZAM DU RTOGS PA'I BLO DANG, SEMS CAN MI RTAG PAR RTOGS PA'I BLO DANG, SEMS CAN RANG BZHIN MED PAR RTOGS PA'I BLO GSUM CIG CAR DU YOD PAR THAL, 'DOD PA GSUM PO DE'I PHYIR, 'KHOR GSUM, SANGS RGYAS KYI SAR SNYING RJE DANG PO YOD PAR 'DOD PA YANG t'IK CHEN GYI DGONGS PA MA YIN TE, 'OG TU 'CHAD PAR 'GYUR RO, ,SEMS CAN GYI RGYUD LA SNGAR GYI BLO GSUM CIG CAR DU YOD PA SRID PAR THAL, SEMS CAN GYI RGYUD LA SEMS CAN SDUG BSNGAL DANG BRAL 'DOD KYI BLO @30B DANG, SEMS CAN MI RTAG PA'I RNAM PA CAN GYI BLO GNYIS CIG CAR DU YOD PA SRID PA'I PHYIR TE, tIK CHEN LAS, SNYING RJE GNYIS RGYUD LDAN GYI GANG ZAG GIS SEMS CAN SKAD CIG MA DANG, RANG BZHIN MED PAR SNGON DU NGES ZIN PA LA BRTEN NAS KHYAD CHOS GNYIS KYI RNAM PA SHAR BA CIG DGOS KYI, SNYING RJES DE GNYIS SU DMIGS PA MI DGOS SO, ,ZHES GSUNGS PA'I PHYIR, GSUNG 'DI DAG LA LEGS PAR THUGS RTOG CHUD LA, PHYIN CHAD GRUB MTHA' 'JOG SHES PAR GYIS SHIG, 'DIS NI BAR CHAD MED LAM LA GNAS PA'I SEMS DPA'I RGYUD LA KUN RDZOB SEMS BSKYED YOD PA'ANG THON 'DUG GO, MKHAS PA CHEN PO KHA CIG, SANGS RGYAS KYI SAR SNYING RJE DANG PO YOD DE, RANG 'GREL LAS, SNYING RJE DANG PO'I DMIGS YUL LA KHYAD CHOS GNYIS KYIS KHYAD PAR DU BYA DGOS PAR MA GSUNGS PAR SDUG BSNGAL GYIS MNAR BA'I SEMS CAN TZAM DE'I DMIGS YUL DU GSUNGS PA'I PHYIR, ZHES DANG, BDAG GI BLA MA MKHAS PA'I DBANG PO KHA CIG KYANG 'DI NYID LEGS GSUNGS, 'ON KYANG, t'IK CHEN GYI DGONGS PA MA YIN SNYAM STE, SANGS RGYAS 'PHAGS PA'I RGYUD KYI SNYING RJE DANG PO CHOS CAN, KHYOD MI RTAG PA DANG BDEN MED GANG GIS KYANG KHYAD PAR DU MA BYAS PAR RANG GI DMIGS YUL DU GYUR PA'I SDUG BSNGAL GYIS MNAR BA'I SEMS CAN TZAM LA DMIGS PAR THAL, SNYING RJE DANG PO YIN PA'I PHYIR, KHYAB STE, t'IK CHEN LAS, RTZA 'GREL GNYIS KAR SNYING RJE PHYI MA GNYIS LA SNGAR BSHAD PA'I KHYAD PAR GYIS KHYAD PAR DU BYAS PA'I SEMS CAN DMIGS PAR BSHAD LA, SNYING RJE DANG PO LA DE 'DRA'I KHYAD PAR GYIS KHYAD PAR DU BYAS PA MA YIN PAR, SEMS CAN TZAM ZHIG DMIGS PAR GSUNGS PAS, DE LA DGONGS NAS SEMS CAN LA DMIGS PA'I SNYING RJE ZHES PA YANG THA SNYAD BDE BA'I PHYIR, NYER BSDU'I MING NGO, ,ZHES GSUNGS PA'I PHYIR, GONG DU 'DOD MI NUS TE, DES SEMS CAN MI RTAG PAR YANG MNGON SUM DU RTOGS, SEMS CAN BDEN MED DU YANG MNGON SUM DU RTOGS PA'I PHYIR, MA GRUB NA, CHOS CAN DE YOD PAR BUD, 'DI LA MKHAS PA GZHAN DAG NA RE, RTZA BA @31A *, ,MA KHYAB STE, t'IK CHEN LAS, DE LTAR GSUNGS PA'I DON NI, SNYING RJE DANG PO LA MI RTAG PA DANG BDEN MED KYIS KHYAD PAR DU BYAS NAS RANG GI DMIGS YUL DU GYUR PA'I SEMS CAN LA DMIGS PA MI DGOS ZHES PA'I DON YIN GYI, DE GNYIS KYIS KHYAD PAR DU MA BYAS PAR SEMS CAN LA DMIGS PA DGOS ZHES PA'I DON MA YIN PA'I PHYIR, ZHES GSUNGS, 'O NA SHES BYA CHOS CAN, t'IK CHEN LAS, CHOS LA DMIGS PA'I SNYING RJES NI, SEMS CAN TZAM ZHIG LA DMIGS PA MIN GYI, SKAD CIG GIS 'JIG PA'I SEMS CAN LA DMIGS PA YIN PAS SKAD CIG GI MI RTAG PAS KHYAD PAR DU BYAS PA'I SEMS CAN LA DMIGS PA'O, ,ZHES GSUNGS PA MI 'THAD PAR THAL, CHOS LA DMIGS PA'I SNYING RJE YANG YIN SEMS CAN TZAM LA DMIGS PA'I SNYING RJE YANG YIN PA'I GZHI MTHUN YOD PA'I PHYIR, GAL TE KHO NA RE, SANGS RGYAS 'PHAGS PA'I THUGS RGYUD LA SNYING RJE DANG PO YOD PAR THAL, DE'I THUGS RGYUD LA SEMS CAN TZAM LA DMIGS PA'I SNYING RJE YOD PA'I PHYIR TE, DE'I THUGS RGYUD LA SEMS CAN LA DMIGS PA'I SNYING RJE YOD PA'I PHYIR, KHYAB STE, SEMS CAN LA DMIGS PA'I SNYING RJE YIN NA SEMS CAN TZAM LA DMIGS PA'I SNYING RJE YIN DGOS PA'I PHYIR TE, t'IK CHEN LAS SNYING RJE DANG PO LA DE 'DRA'I KHYAD PAR GYIS KHYAD PAR DU BYAS PA MIN PAR SEMS CAN TZAM ZHIG DMIGS PAR GSUNGS PAS, DE LA DGONGS NAS, ZHES SOGS GSUNGS PA'I PHYIR ZER, DE'I LAN NI, t'IK CHEN GYI RJES 'BRANG KHA CIG, RTZA RTAGS MA GRUB KYI LAN 'DEBS DGOS PA MI 'THAD DE, SANGS RGYAS 'PHAGS PA'I THUGS RGYUD LA SEMS CAN LA DMIGS PA'I SNYING RJE MED PAR SMRAS NA BZHAD GAD KYI GNAS SU 'GYUR BA'I PHYIR, RANG LUGS SANGS RGYAS 'PHAGS PA'I THUGS RGYUD LA SEMS CAN LA DMIGS PA'I SNYING RJE YOD KYANG, SNYING RJE DANG PO MED LA, t'IK CHEN LAS DE LTAR GSUNGS PA'I DON YOD DE, SNYING RJE LA GSUM DU PHYE BA'I SEMS CAN LA DMIGS PA'I SNYING RJE YIN NA, SNYING RJE DANG PO YIN DGOS PA LUNG DE'I DON YIN PA'I PHYIR, GAL TE DE'I RGYUD LA SEMS CAN TZAM LA DMIGS PA'I SNYING @31B RJE YOD PAR THAL, DE'I RGYUD LA SDUG BSNGAL GYIS MNAR BA'I SEMS CAN SPYI TZAM PA DE LA DMIGS NAS DE SDUG BSNGAL DANG BRAL BAR 'DOD PA'I RNAM PA CAN GYI BRTZE BA YOD PA'I PHYIR ZER NA MA KHYAB STE, SEMS CAN TZAM LA DMIGS PA'I SNYING RJE ZHES PA'I TZAM SGRA 'DIS, MI RTAG PA DANG BDEN MED KYIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN YIN PA GCOD PA NI, t'IK CHEN GYI DGONGS PA YIN PA'I PHYIR, DE LTAR YANG t'IK CHEN LAS, CHOS LA DMIGS PA'I SNYING RJES NI, SEMS CAN TZAM ZHIG LA DMIGS PA MIN GYI, SKAD CIG GIS 'JIG PA'I SEMS CAN LA DMIGS PA ZHES SOGS DRANGS MA THAG PA'I LUNG GIS GSAL BAR BSTAN PA'I PHYIR, SA 'TSAMS LA MKHAS PA KHA CIG BDAG MED PHRA RAGS GANG RUNG MA RTOGS PA'I GANG ZAG GI RGYUD LA SNYING RJE DANG PO KHO NA YOD, BDAG MED RAGS PA RTOGS PHRA MO MA RTOGS PA'I GANG ZAG GI RGYUD LA SNYING RJE GNYIS PA YOD, GSUM PA MED, BDAG MED PHRA MO RTOGS PA'I LAM MA ZHUGS NAS BZUNG STE, SA BDUN PA'I RJES THOB KYI BAR DU SNYING RJE GSUM GCI RIGS PA YOD, SA BRGYAD PA YAN CHAD NA SNYING RJE GSUM PA KHO NA YOD, DANG PO GNYIS GANG YANG MED, SA BDUN PA'I RJES THOB TSUN CHAD DU SNYING RJE DANG PO YOD DE, GANG ZAG RANG RKYA THUB PA'I RDZAS YOD DU 'DZIN PA'I BLO MNGON GYUR PA RGYUD LA LDAN PA'I BYANG SEMS 'PHAGS PAS SEMS CAN LA DMIGS PA'I TSE NA BDAG MED PHRA RAGS GANG GIS KYANG KHYAD PAR DU MA BYAS PAR SEMS CAN LA DMIGS PA YIN PA'I PHYIR TE, t'IK CHEN LAS, BUM PA RTAG PAR 'DZIN PA'I ZHEN YUL SUN PHYUNG NAS, MI RTAG PAR KHONG DU CHUD PAS KYANG, BUM PA DMIGS PAR 'JOG RES KYIS MI RTAG PAS KHYAD PAR DU BYAS PA'I BUM PA DMIGS PAR MI 'JOG PA DU MA ZHIG 'ONG LA, ZHES SOGS KYI DON YIN ZER ZHING, SNYING RJE GSUM GYI KHYAD PAR 'JOG PA'I TSE, MI RTAG PAS KHYAD PAR DU BYAS NAS RANG GI DMIGS YUL DU GYUR PA'I SEMS CAN SDUG BSNGAL DANG BRAL BAR 'DOD PA DANG, BDEN MED KYIS KHYAD PAR DU BYAS NAS, RANG GI DMIGS YUL @32A *, ,DU GYUR PA'I SEMS CAN SDUG BSNGAL DANG BRAL BAR 'DOD PA'I RNAM PA CAN GYI ZHES SOGS MI ZAD PA'I TSIG SDUD SBYOR BA YIN GYI, MI RTAG PAS KHYAD PAR DU BYAS PA'I SEMS CAN LA DMIGS NAS ZHES DANG, BDEN MED KYIS KHYAD PAR DU BYAS PA'I SEMS CAN LA DMIGS NAS, ZHES SOGS DRUG SGRA SBYAR DU MI RUNG ZER BA MI 'THAD DE, SANGS RGYAS 'PHAGS PA'I RGYUD KYI SNYING RJE CHEN PO CHOS CAN, KHYOD CHOS LA DMIGS PA'I SNYING RJE YIN PAR THAL, KHYOD SEMS CAN MI RTAG PAR TSAD MAS GRUB PA'I GANG ZAG GI RGYUD KYI SNYING RJE GANG ZHIG MI RTAG PAS KHYAD PAR DU BYAS NAS SEMS CAN SDUG BSNGAL DANG BRAL BAR 'DOD PA'I RNAM PA CAN GYI BLO YIN PA'I PHYIR, MA KHYAB NA, CHOS LA DMIGS PA'I SNYING RJE YIN NA MI RTAG PA TZAM GYIS KHYAD PAR DU BYAS NAS RANG GI DMIGS YUL DU GYUR PA'I SEMS CAN SDUG BSNGAL DANG BRAL BAR 'DOD PA'I RNAM PA CAN GYI BLO YIN DGOS PAR THAL, MA KHYAB PA DE'I PHYIR, 'DOD NA, DMIGS PA MED PA LA DMIGS PA'I SNYING RJE YIN NA BDEN MED TZAM GYIS KHYAD PAR DU BYAS NAS RANG GI DMIGS YUL DU GYUR PA'I SEMS CAN SDUG BSNGAL DANG BRAL BAR 'DOD PA'I RNAM PA CAN GYI BLO YIN DGOS PAR THAL, 'DOD PA'I PHYIR, 'DOD NA, SANGS RGYAS 'PHAGS PA'I RGYUD KYI DMIGS MED LA DMIGS PA'I SNYING RJE CHOS CAN, DER THAL, DE'I PHYIR, 'KHOR GSUM, GZHAN YANG, GANG ZAG RANG RKYA THUB PA'I RDZAS YOD DU 'DZIN PA'I BLO MNGON GYUR PAS BDUN PA'I BAR DU 'JUG PA YANG 'OG TU DPYAD DO, ,GZHAN YANG, SNYING RJE GSUM GYIS 'TSAMS DE MI 'THAD DE, RGYUN MTHA'I BAR CHAD MED LAM PA'I RGYUD LA SNYING RJE CHEN PO MED PA NI RIGS PA DANG 'GAL BAS MI 'THAD LA, YOD NA DE SEMS CAN TZAM LA DMIGS PA'I SNYING RJE LAS 'OS MED PA'I PHYIR, SNYING RJE GSUM GYI KHYAD PAR 'JOG PA'I TSE MI RTAG PAS KHYAD PAR DU BYAS PA'I ZHES DRUG SGRA MI SBYOR BAR BYAS NAS ZHES MI ZAD PA'I TSIG SDUD SBYOR ZHES SMRA BA YANG DRUG SGRA SBYAR BA LA SKYON MI 'JUG PA'I GNAD ZAB MO YOD PA MA RTOGS PA, RJE THAMS CAD MKHYEN PA'I GSUNG LA @32B RTZIS MED PAR RANG DGAR POR PA'O,, ` ,,GNYIS PA RANG GI LUGS NI, SNYING RJE GSUM SO SO'I NGO BO NGES BZUNG BA DANG, SGRA DON BSHAD PA, SA 'TSAMS BSHAD PA'O, ,DANG PO NI, RANG 'GREL LAS, DA NI DMIGS PA'I BYE BRAG LA 'JUG PA'I SGO NAS KYANG, SNYING RJE'I RANG GI NGO BO'I KHYAD PAR MNGON PAR GSAL BAR BYAS TE DE NYID LA PHYAG 'TSAL BA BRTZAM PAR 'DOD PAS, DANG POR NGA ZHES BDAG LA ZHEN GYUR CING, ,ZHES DANG, CHOS LA DMIGS PA DANG, DMIGS PA MED PA'I SNYING RJE YANG DMIGS PA'I SGO NAS GSAL BAR BYA BA'I PHYIR, ZHES GSUNGS, DON NI, SNYING RJE GSUM GYI KHYAD PAR DMIGS PA'I SGO NAS 'BYED PA YIN GYI, 'DZIN STANGS KYI SGO NAS MI 'BYED DE, DE GSUM GA RANG GI DMIGS YUL DU GYUR PA'I SEMS CAN SDUG BSNGAL DANG BRAL 'DOD KYI RNAM PA CAN DU MTSUNGS PA'I PHYIR, SNYING RJE GSUM DMIGS PA'I SGO NAS SO SOR 'JOG KYANG, DE GSUM RANG GI DMIGS YUL DU GYUR PA'I SEMS CAN LA DMIGS PA LA KHYAD PAR MED DE, SNYING RJE DANG PO'I SKABS SU 'GRO LA SNYING RJER GYUR GANG DE LA 'DUD, ,CES DANG, PHYI MA GNYIS KYI SKABS SU YANG, 'GRO BA ZHES PA'I TSIG SMOS PA'I PHYIR, 'O NA, DE GSUM DMIGS PA'I SGO NAS 'BYED TSUL JI LTA BU ZHE NA, SNYING RJE GANG ZHIG RANG GI DMIGS YUL DU GYUR PA'I SDUG BSNGAL GYIS MNAR BA'I SEMS CAN TZAM LA DMIGS NAS SDUG BSNGAL DANG BRAL BAR 'DOD PAS RAB TU PHYE BA DE, SEMS CAN TZAM LA DMIGS PA'I SNYING RJE'I MTSAN NYID, TZAM SGRA SMOS PA LA DGOS PA YOD DE, MI RTAG PA DANG BDEN MED KYIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN DE GCOD PAR BYA BA'I CHED YIN PA'I PHYIR, DE SKAD DU 'ANG, t'IK CHEN LAS, CHOS LA DMIGS PA'I SNYING RJES NI, SEMS CAN TZAM ZHIG LA DMIGS PA MIN GYI, SKAD CIG GI 'JIG PA'I SEMS CAN LA DMIGS PA YIN PAS, SKAD CIG GI MI RTAG PAS KHYAD PAR DU BYAS PA'I SEMS CAN LA DMIGS PA'O, ,ZHES DANG, DMIGS PA MED PA LA DMIGS PA'I SNYING RJES KYANG SEMS CAN TZAM LA @33A *, ,DMIGS PA MIN GYI, DMIGS PA KHYAD PAR BA RANG BZHIN GYIS GRUB PAS STONG PA'I SEMS CAN LA DMIGS PA'O, ,ZHES GSUNGS, SEMS CAN MI RTAG PAR TSAD MAS GRUB ZIN PA'I GANG ZAG GI RGYUD KYI SNYING RJE GANG ZHIG, MI RTAG PAS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO, CHOS LA DMIGS PA'I SNYING RJE'I MTSAN NYID, SEMS CAN BDEN STONG DU TSAD MAS GRUB ZIN PA'I GANG ZAG GI RGYUD KYI SNYING RJE GANG ZHIG ,BDEN MED KYIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO, DMIGS MED LA DMIGS PA'I SNYING RJE'I MTSAN NYID, DE THAMS CAD KYI DON BSDU NA, SNYING RJE GANG ZHIG, SEMS CAN MI RTAG PAR RTOGS PA'I SHES RAB DANG, SEMS CAN BDEN MED DU RTOGS PA'I SHES RAB GANG RUNG GIS DNGOS SU MA ZIN PA'I SHES PAR DMIGS PA, SNYING RJE DANG PO'I MTSAN NYID, DE GANG ZHIG, SEMS CAN MI RTAG PAR RTOGS PA'I SHES RAB KYIS DNGOS SU ZIN PA, SNYING RJE GNYIS PA'I MTSAN NYID, DE GANG ZHIG, SEMS CAN BDEN MED DU RTOGS PA'I SHES RAB KYIS DNGOS SU ZIN PA SNYING RJE GSUM PA'I MTSAN NYID, DE SKAD DU'ANG, t'IK CHEN LAS, SNYING RJE GNYIS RGYUD LDAN GYI GANG ZAG GIS SEMS CAN SKAD CIG MA DANG, RANG BZHIN MED PAR SNGON DU DES ZIN PA LA BRTEN NAS KHYAD CHOS GNYIS KYI RNAM PA SHAR BA CIG DGOS KYI, ZHES SOGS SNGAR DRANGS PA LTAR GSUNGS SO, ,GNYIS PA SGRA DON NI, SNYING RJE DANG PO CHOS CAN, KHYED LA SEMS CAN LA DMIGS PA'I SNYING RJE ZHES BRJOD PA'I RGYU MTSAN YOD DE, MI RTAG PA DANG BDEN MED GANG GIS KYANG KHYAD PAR DU MA BYAS PAR RANG GI DMIGS YUL DU GYUR PA'I SDUG BSNGAL CAN GYI SEMS CAN TZAM LA DMIGS PA LA TZAM SGRA MI MNGON PAR TSIG BSDU BA BYAS NAS SEMS CAN LA DMIGS PA'I SNYING RJE ZHES GSUNGS PA'I PHYIR, DE LTAR YANG, t'IK CHEN LAS, DE LA DGONGS NAS SEMS CAN LA DMIGS PA'I SNYING RJE ZHES PA YANG THA SNYAD BDE BA'I PHYIR @33B NYER BSDU'I MING NGO, ,ZHES GSUNGS, SNYING RJE GNYIS PA CHOS CAN, KHYOD LA CHOS LA DMIGS PA'I SNYING RJE ZHES BRJOD PA'I RGYU MTSAN YOD DE, GANG ZAG GI GDAGS GZHI GZUGS LAS SOGS PA'I PHUNG PO LA CHOS ZHES BYA LA, KHYOD KYIS PHUNG SOGS KYI CHOS TZAM LA BRTEN NAS, BTAGS PA'I SEMS CAN LA DMIGS PA LA BTAGS PA ZHES SOGS BAR GYI TSIG MI MNGON PAR BYAS NAS, CHOS LA DMIGS PA'I SNYING RJE ZHES BRJOD PA'I PHYIR, DE LTAR YANG, t'IK CHEN LAS, CHOS TZAM LA BTAGS PA'I SEMS CAN LA DMIGS PA LA CHOS LA DMIGS PA ZHES PA NI, BAR GYI TSIG MI MNGON PAR BYAS PA'O, ,ZHES GSUNGS, SNYING RJE GNYIS PA RGYUD LDAN GYI GANG ZAG DES SEMS CAN PHUNG SOGS KYI CHOS TZAM LA BTAGS PAR NGES NUS PA'I RGYU MTSAN CI YIN ZHE NA, DE'I RGYU MTSAN YOD DE, SNYING RJE GNYIS PA RGYUD LDAN GYI GANG ZAG DES SEMS CAN MI RTAG PAR TSAD MAS NGAS PA GANG ZHIG, SEMS CAN MI RTAG PAR NGES PA NA, RTAG GCIG RANG DBANG CAN GYI SEMS CAN MED PAR NGES NUS, DE NGES PA NA DE LA BRTEN NAS PHUNG PO LAS NGO BO THA DAD PA'I SEMS CAN MED PAR NGES PA'I SGO NAS SEMS CAN PHUNG SOGS KYI CHOS TZAM LA BRTEN NAS BTAGS PAR KHONG DU CHUD NUS PA'I PHYIR, SNYING RJE GSUM PA CHOS CAN, KHYOD LA DMIGS MED LA DMIGS PA'I SNYING RJE ZHES BRJOD PA'I RGYU MTSAN YOD DE, SKABS 'DIR DMIGS PA NI BDEN GRUB DANG, DE MED PA NI BDEN MED LA ZER BA YIN PAS KHYOD KYIS BDEN PAR MED PA'I SEMS CAN LA DMIGS PA LA SEMS CAN ZHES PA'I BAR GYI TSIG MI MNGON PAR BYAS NAS DMIGS MED LA DMIGS PA'I SNYING RJE ZHES BRJOD PA'I PHYIR, DE SKAD DU'ANG t'IK CHEN LAS, DMIGS PA MED PA NI MTSAN 'DZIN GYIS BZUNG BA LTAR GYI ZHEN YUL MED PA BDEN MED DO, ,BDEN MED KYIS KHYAD PAR DU BYAS PA'I SEMS CAN LA DMIGS PA LA, DMIGS PA MED PA LA DMIGS PA ZHES SAM, DMIGS PA MED PA'I SNYING RJE ZHES BAR GYI TSIG MI MNGON PAR BYAS PA'O, ,ZHES BSHAD, GSUM PA SA 'TSAMS NI, BDAG MED PHRA RAGS GANG YANG MA RTOGS PA'I GANG @34A *, ,ZAG GI RGYUD LA SNYING RJE DANG PO KHO NA YOD, PHYI MA GNYIS MED, BDAG MED RAGS PA RTOGS, PHRA MO MA RTOGS PA'I GANG ZAG GI RGYUD LA SNYING RJE DANG PO GNYIS YOD KYANG GSUM PA MED, BDAG MED PHRA MO RTOGS PA'I LAM MA ZHUGS NAS SA BCU'I BAR DU SNYING RJE GSUM GA YOD, SNYING RJE PHYI MA GNYIS LAM MA ZHUGS NAS SANGS RGYAS KYI SA'I BAR NA YOD, RTZOD SPONG LA KHA CIG, MTSAN NYID LA BDEN MED KYIS KHYAD PAR DU BYAS PA'I SEMS CAN LA DMIGS PAS ZHES SOGS DRUG SGRA SBYAR BA MI 'THAD DE, SNYING RJE YIN NA RANG GI DMIGS YUL DU GYUR PA'I BDEN MED KYIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BLO YIN DGOS PA'I PHYIR TE, SEMS CAN LA DMIGS NA BDEN MED KYIS KHYAD PAR DU BYAS PA'I SEMS CAN LA DMIGS DGOS PA'I PHYIR TE; SEMS CAN LA DMIGS NA BDEN MED DU GYUR PA'I SEMS CAN LA DMIGS DGOS PA'I PHYIR SNYAM NA, 'DI NI GNAD ZAB MO MA RTOGS PA'I SKYON YIN PAS RTZOD PA DE GNOD BYED DU MI 'JUG STE, DNGOS SMRA BA'I RGYUD LA SNYING RJE YOD KYANG BDEN MED KYIS KHYAD PAR DU BYAS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I SNYING RJE MED PA'I PHYIR TE, BDEN PAS STONG BZHIN DU DER ZHEN PA'I SEMS CAN 'DI DAG SDUG BSNGAL DANG BRAL BAR BYA'O SNYAM PA'I SNYING RJE MNGON GYUR DU 'BYUNG BA LA, SEMS CAN BDEN PAR MED SNYAM PA'I BLOS DNGOS SU ZIN PA DGOS PA'I PHYIR, YANG KHA CIG, SA BRGYAD PA YAN CHAD NA SEMS CAN TZAM LA DMIGS PA'I SNYING RJE MED PAR THAL, DE YAN CHAD KYI SNYING RJE YIN NA, DMIGS MED LA DMIGS PA'I SNYING RJE YIN DGOS PA'I PHYIR TE, DE YAN CHAD DU CHOS GANG RTOGS KYANG BDEN STONG SGYU MA LTA BUR RTOGS PAS KHYAB PA'I PHYIR, BCOS MAR GYUR PA'I DNGOS NI KUN RDZOB TU'O ZHES GSUNGS PA'I PHYIR ZER BA MI 'THAD DE, SA BRGYAD PA BA'I RGYUD KYI SNYING RJE YIN NA BDEN MED RTOGS PA'I SHES RAB KYIS DNGOS SU ZIN PAS KHYAB PAR THAL, DE YIN NA DMIGS MED LA DMIGS PA'I @34B SNYING RJE YIN DGOS PA'I PHYIR, 'DOD NA, DE YIN NA, BDEN MED RTOGS PA'I SHES RAB MNGON GYUR DU RGYUD LA LDAN PAS KHYAB PA DANG, DE'I RGYUD KYI SNYING RJE YIN NA DE'I RGYUD LA MNGON GYUR DU YOD PAS KHYAB PAR THAL, 'DOD PA'I PHYIR, ZHIB TU DAG LAS SHES PAR BYA'O,, ` ,,RGYAL BA'I SRAS PO 'DI YI SEMS GANG 'GRO BA RNAMS, ,ZHES SOGS KYI SKABS SU, LUGS 'DI'I LAM NYAMS SU LEN TSUL SPYIR BSTAN PA DANG, BYE BRAG TU BYANG SEMS SO SKYE'I SAR NYAMS SU LEN TSUL BSHAD PA, BYANG SEMS 'PHAGS PA'I SA'I RNAM GZHAG BSHAD PA'O, ,DANG PO NI, BSTAN BCOS 'DIR BYANG SEMS KYI ZAB PA DANG RGYA CHE BA'I LAM KLU SGRUB KYI RJES SU 'BRANGS TE GTAN LA 'BEBS NA, MGON PO KLU SGRUB KYI LUGS KYIS SANGS RGYAS KYI SAR BGROD PA'I LAM GYI RIM PA DE JI 'DRA BA ZHIG BZHED CE NA, KLU'I ZHABS KYIS LAM GYI LUS PHYOGS RE BA BSHAD PA MANG YANG ZAB PA DANG RGYA CHE BA GNYIS LAS BRTZAMS PA'I LAM GYI LUS STON PA LA, RIN CHEN PHRENG BA, CHOS DBYINGS BSTOD PA, MDO KUN BTUS TE GZHUNG GSUM MDZAD LA, DE GSUM GYI RJES SU 'BRANGS NAS, SLOB DPON 'PHAGS PA LHAS ZAB PA DANG RGYA CHE BA'I LAM GTAN LA 'BEBS PA DBU MA BZHI BRGYA PA DANG, DPAL LDAN ZLA BAS DBU MA 'JUG PA MDZAD CING, SLOB DPON LEGS LDAN 'BYED KYIS DBU MA SNYING PO DANG, ZHI BA 'TSOS DBU MA RGYAN DANG, KA MA LA SH'I LAS DBU MA'I SGOM RIM GSUM LAS SOGS PA MDZAD CING, DE RNAMS LAS GSUNGS PA'I LAM GYI GNAD THAMS CAD MA TSANG BA MED PAR STON PA LA DPAL MAR ME MDZAD KYIS BYANG CHUB LAM GYI SGRON MA MDZAD, DE'I DGONGS PA 'GREL BA LA SNYIGS DUS KYI RGYAL BA GNYIS PA SHAR TZONG KHA PAS RGYAL BA'I GSUNG RAB THAMS CAD KYI GNAD BSDUS PA SHING RTA CHEN PO KLU SGRUB DANG THOGS MED KYI LAM SROL BYANG CHUB LAM GYI RIM PA MDZAD PA LAS SHES PAR BYA BA YIN NO, ,MKHAS BDAG RTZA BA SHES RAB KYIS ZAB PA DANG RGYA CHE BA'I LAM GNYIS KA BSTAN ZHES GSUNG PA t'IK CHEN GYI DGONGS PA MA YIN TE, t'IK CHEN LAS, KLU'I ZHABS KYIS LAM GYI CHA PHYOGS RE BA BSHAD @35A *, ,PA MANG YANG ZAB PA DANG RGYA CHE BA GNYIS KA LAS BRTZAMS PA'I LAM GYI LUS STON PA'I GZHUNG GSUM LAS, ZHES RTZA BA SHES RAB LAM GYI CHA PHYOGS RE BA STON PA'I GZHUNG DU BSHAD PA'I PHYIR, GNYIS PA NI, GAL TE BSTAN BCOS 'DIR BYANG SEMS KYI LAM ZAB PA DANG RGYA CHE BA GNYIS KA DANG, DES THOB PAR BYA BA'I 'BRAS BUS GTAN LA 'BEBS NA, BYANG SEMS SO SKYE'I LAM GYI RIM PA RNAMS MCHOD BRJOD KYI 'OG 'DIR STON DGOS PA LAS, DE MI STON PAR 'PHAGS PA'I SA NYID NAS 'CHAD PA JI LTAR RIGS SHE NA, BYANG SEMS SO SKYE'I LAM GYI RIM PA RNAMS SKABS 'DIR MI 'CHAD PA'I RGYU MTSAN YOD DE, DE MCHOD BRJOD KYI SKABS SU BSHAD ZIN PA'I PHYIR, DE YANG YIN TE, MCHOD BRJOD KYI SKABS SU GANG BSGOMS PA LA BRTEN NAS BYANG SEMS SU 'GYUR BA'I RGYU'I GTZO BO SNYING RJE CHEN PO DANG, STONG NYID RIGS PA'I RNAM GRANGS MTHA' YAS PA'I SGO NAS RTOGS PA'I SHES RAB DANG, RANG GI GROGS SU GYUR PA'I GZHAN DON DU RDZOGS BYANG THOB PAR 'DOD PA'I 'DOD PA DANG MTSUNGS LDAN DU BYUNG BA'I SEMS KHYAD PAR CAN GSUM BSTAN PA GANG ZHIG, DE GSUM NI BYANG SEMS SU GYUR NAS KYANG NYAMS SU BLANG DGOS PA'I PHYIR, GSUM PA BYANG SEMS 'PHAGS PA'I SA'I RNAM GZHAG BSHAD PA LA, BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, RANG 'GREL LAS, BYANG CHUB SEMS DPA' RNAMS KYI ZAG PA MED PA'I YE SHES SNYING RJE LA SOGS PAS YONGS SU ZIN PA NYID CHAR RNAM PAR PHYE BA NAS ZHES BYA BA'I MING THOB STE, YON TAN GYI RTEN DU 'GYUR BA'I PHYIR RO, ,DE YANG GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG, SBYIN PA LAS SOGS PA'I PHA ROL TU PHYIN PA LHAG PA DANG, RNAM PAR SMIN PA 'PHEL BA'I BYE BRAG GIS, SA RAB TU DGA' BA LAS SOGS PA'I RNAM PAR DBYE BAS DBYE BA RNAM PA BCUR GZHAG GO, 'DI LA RANG GI NGO BO'I KHYAD PAR GYIS BYAS PA'I DBYE BA NI YOD PA MA YIN NO, ,JI SKAD DU, JI LTAR BAR SNANG BYA RJES MKHAS RNAMS KYIS, ,BRJOD @35B PAR NUS MA YIN ZHING MI MTHONG BA, ,DE LTAR RGYAL BA'I SRAS KYI SA KUN KYANG, ,BRJOD MI NUS NA NYAN PAR GA LA NUS, ,ZHES GSUNGS SO, ,ZHES BSHAD, GNYIS PA LA 'GREL BSHAD KYI LUGS LA DOGS PA BCAD PA DANG, RANG LUGS GNYIS, DANG PO NI, BYANG CHUB SEMS DPA' RNAMS KYI ZAG PA MED PA'I YE SHES SNYING RJE LAS SOGS PAS YONGS SU ZIN PA NYID CES BSHAD NA, ZAG PA YOD MED KYI DON GANG ZHE NA, 'DI LA 'GREL BSHAD MKHAN PO NA RE, ZAG PA DMIGS PA DANG MTSUNGS LDAN GANG RUNG GI SGO NAS RGYAS SU MI RUNG BA ZAG MED DANG, RGYAS SU RUNG BA ZAG BCAS KYI DON YIN ZHES GSUNG, DE LTAR YANG, 'GREL BSHAD LAS, ZAG PA MED PA ZHES BYA BA NI, ZAG PA DE LA RGYAS PAR MI 'GYUR TE, 'DI LTAR STONG PA NYID DANG SNYING RJES YONGS SU ZIN PA'I SHES PA DE LAM GYIS BSDUS PA YIN LA LAM GYI RANG BZHIN CAN GYI SHES PA LA ZAG PA RGYAS PAR MI 'GYUR TE, BDAG TU LTA BA DANG, BDAG LA SRED PAS BRLAN PAR MA BYAS PA DE LA ZAG PA RNAMS RGYAS PAR MI 'GYUR TE, RDO TSAN RDO LA RKANG MTHIL BZHIN NO, ,ZHES BSHAD, 'DI 'GOG PA LA, t'IK CHEN LAS, KHA CIG, MDZOD LAS BSHAD PA LTAR GYI ZAG PA RGYAS SU MI RUNG BA LA ZAD MED DU 'CHAD PA NI, LUGS 'DI'I ZAG MED DU 'JOG PA'I DON THUN MONG MA YIN PA MA RTOGS PAR SNANG BAS ZHES GSUNGS, DON NI, KHYOD KYIS ZAG BCAS ZAG MED KYI DON DE MI 'THAD DE, TSIG GSAL LAS, MA RIG PA'I RAB RIB DANG BRAL BA DAG GI YE SHES ZAG PA MED PA'I YUL GYI RANG BZHIN LA LTOS NAS NI MA YIN NO, ,ZHES ZAG MED KYI YE SHES LAM RIG PA DANG DE'I BAG CHAGS GANG RUNG GIS MA BSLAD PA DGOS PAR GSUNGS PA DANG 'GAL BA'I PHYIR, YANG SKABS 'DIR 'GREL BSHAD MKHAN PO NA RE, GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG, ZHES PA'I DON MTHU PHUL DU BYUNG BA NI SA DANG POR ZHING BRGYA GA-YO BA DANG, SA GNYIS PAR ZHING STONG GA-YO BA SOGS LA BYED CES GSUNGS, DE SKAD DU'ANG, 'GREL BSHAD LAS, MTHU NI 'JIG RTEN GYI KHAMS STONG 'GUL BAR BYED DO, ,ZHES BYA BA LAS SOGS @36A *, ,PA'O, ,ZHES BSHAD, 'DI LA t'IK CHEN LAS, DE NI ZHING BRGYA GA-YO BA DANG STONG GA-YO BA SOGS LA 'CHAD MOD KYANG, DE YON TAN GYI GRANGS 'PHEL BA'I NANG DU SONG ZIN PAS, SA SO SO'I SKABS KYIS DRI MA SBYONG BA'I STOBS DANG, LAM BGROD PA'I STOBS GONG NAS GONG DU 'PHEL BA LA BYA DGOS PA 'DRA'O, ,ZHES GSUNGS, DE DAG GI DON NI GO SLA BAR 'DUG NA'ANG THAL 'GYUR DU BKOD NA MTHU PHUL DU BYUNG BA THOB PA'I KHYAD PAR ZHING BRGYA GA-YO BA DANG STONG GA-YO BA SOGS LA 'CHAD MI RIGS PAR THAL, DE YON TAN GYI GRANGS 'PHEL BA'I NANG DU BGRANGS ZIN PA'I PHYIR, DE LTAR YANG SA DANG PO'I YON TAN BRGYA PHRAG BCU GNYIS 'CHAD PA NA, 'JIG RTEN KHAMS BRGYA 'DI YIS KUN NAS GA-YO ZHING SNANG BAR NUS, ,ZHES GSUNGS PA YIN NO,, ` ,,GNYIS PA RANG LUGS NI, BYANG CHUB SEMS DPA' RNAMS KYI ZAG PA MED PA'I YE SHES ZHES PAS SA'I NGO BO DE BSTAN, SNYING RJE LAS SOGS PAS YONGS SU ZIN PA NYID CES PAS, SA DE YANG THABS KHYAD PAR CAN GYIS ZIN TSUL DE BSTAN, CHAR RNAM PAR PHYE BA NA ZHES PAS SA BCUR 'BYED PA'I TSUL DE BSTAN, SA ZHES BYA BA'I MING 'THOB STE, ZHES PAS SA'I MING 'THOB TSUL BSTAN, YON TAN GYI RTEN DU GYUR PA'I PHYIR ZHES PAS SA'I SGRA DON DE BSTAN, DE RNAMS KYI DON BSDU NA, SA'I MTSAN NYID DBYE BA, SA SO SOR 'JOG TSUL, SA'I SGRA DON, SA NAS SAR 'PHOS TSUL, ZHAR LA ZAG BCAS ZAG MED KYI DON BSHAD PA DANG LNGA, DANG PO NI, SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA'I BYANG 'PHAGS KYI MNGON RTOGS, BYANG 'PHAGS KYI SA'I MTSAN NYID, DNGOS BSTAN GYI DBANG DU BYAS NA, SNYING RJE CHEN PO SOGS THABS KHYAD PAR CAN GYIS ZIN PA'I BYANG 'PHAGS KYI RGYUD KYI STONG NYID MNGON SUM DU RTOGS PA'I YE SHES, BYANG SEMS KYI DON DAM PA'I SA'I MTSAN NYID, GNYIS PA NI, DE LA DBYE NA, SA DANG PO RAB TU DGA' BA NAS BCU PA CHOS KYI SPRIN GYI BAR BCU YOD, DE SKAD DU'ANG, RIN CHEN 'PHRENG BA LAS, JI LTAR NYAN THOS THEG PA LA, ,NYAN THOS SA NI BRGYAD BSHAD PA,, @36B DE BZHIN THEG PA CHEN PO LA, ,BYANG CHUB SEMS DPA'I SA BCU'O, ,ZHES BSHAD, 'O NA, NYAN THOS SA NI RGYAD BSHAD PA, ,ZHES PA'I SA BRGYAD PO DE GANG LA BYED CE NA, 'DI LA RIN CHEN PHRENG BA'I DAR t'IK LAS, 'DI'I SA BRGYAD RIGS KYIS NAS RANG SANGS RGYAS KYI SA'I BAR GYI DMAN PA SA BRGYAD LA BYED PAR GSUNGS KYANG, RANG 'GREL LTAR NA, ZHUGS GNAS BRGYAD KYI MNGON RTOGS BRGYAD LA BYED DGOS SAM SNYAM TE, RANG 'GREL LAS, JI LTAR NYAN THOS KYI THEG PAR ZHUGS PA DANG, 'BRAS BU'I LAM LA GNAS PA'I DBYE BAS NYAN THOS KYI SA BRGYAD RNAM PAR 'JOG PA DE BZHIN DU, THEG PA CHEN POR YANG BYANG CHUB SEMS DPA' RNAMS KYI BYANG CHUB SEMS DPA'I SA BCU YIN NO, ,ZHES GSUNGS PA GANG ZHIG ,DE LTAR GSUNGS PA DE, JI LTAR NYAN THOS THEG PA LA, ,ZHES PA'I TSIG DON 'GREL PA'I DBANG DU BYAS NAS GSUNGS PA'I PHYIR, GSUM PA NI, BYANG 'PHAGS KYIS DE LA BCUR 'BYED PA'I TSUL DE GANG ZHE NA, 'DI LA YON TAN GYI GRANGS 'PHEL BA'I KHYAD PAR, MTHU PHUL DU BYUNG BA'I KHYAD PAR, PHAR PHYIN LHAG TSUL GYI KHYAD PAR, RNAM SMIN GYI SKYE BA 'DZIN TSUL GYI KHYAD PAR DANG BZHI, DANG PO NI, SA DANG POR YON TAN BRGYA PHRAG BCU GNYIS, SA GNYIS PAR YON TAN STONG PHRAG BCU GNYIS SOGS THOB PA LA BYED, GNYIS PA NI, SA SO SO'I SKABS KYI DRI MA SBYONG BA'I STOBS DANG, LAM BGROD PA'I STOBS GONG NAS GONG DU 'PHEL BA LA BYED, GSUM PA NI, SA DANG POR SBYIN PA'I PHAR PHYIN GYI NYAMS LEN LHAG PA NAS, BCU PAR YE SHES KYI PHAR PHYIN GYI NYAMS LEN CHES LHAG PA LA BYED, BZHI PA NI, SA DANG PO LA GNAS PA'I BYANG CHUB SEMS DPA' DES 'DZAM BU GLING LA DBANG BA'I 'KHOR LOS SGYUR RGYAL DU SKYE BA LEN PA NAS, SA BCU PA LA GNAS PA'I BYANG CHUB SEMS DPA' DES GNAS GTZANG MA'I RGYAL POR SKYE BA LEN PA LA BYED DO, ,'O NA, DON DAM PA'I SA BCU PO DE LA DMIGS RNAM MI 'DRA BA'I KHYAD PAR YOD DAM ZHE NA, DE LA DMIGS RNAM MI 'DRA BA'I KHYAD PAR MED DE, DON DAM PA'I SA BCU PA'ANG DGAG BYA BDEN GRUB BKAG TZAM GYI STONG NYID LA GNYIS SNANG NUB PAR MTSUNGS @37A *, ,PA'I PHYIR DANG, DE RNAMS LA DMIGS RNAM MI 'DRA BA'I KHYAD PAR YOD NA, RJES THOB TU DMIGS RNAM MI 'DRA BA'I KHYAD PAR DE DRAN DGOS PA LAS DE LTAR 'PHAGS PA RNAMS KYIS MA DRAN PA'I PHYIR, DPER NA MKHA' LDING BCU NAM MKHA' LA 'PHUR BA'I TSE, 'PHUR YUL GYI NAM MKHA' LA RIGS MI 'DRA BA'I KHYAD PAR MED PA DANG, 'PHUR BA'I RJES MI 'DRA BA RNAMS SGRA BLO'I YUL DU BYED MI NUS PA BZHIN NO, ,KHO NA RE, SA BCU'I MNYAM GZHAG YE SHES LA DMIGS RNAM MI 'DRA BA'I KHYAD PAR MED NA, CHOS DBYINGS BSTOD PAR, JI LTAR TSES PA'I ZLA BA LA; ;ZHES SOGS KYIS SA BCU'I MNYAM GZHAG YE SHES LA BLO BUR DRI BRAL GYI CHOS SKU MTHONG TSUL MI 'DRA BAR GSUNGS PA DANG, RNAM BSHAD SNYING PO RGYAN LAS KYANG, SNGA MA KHA CIG GIS, SA BCU'I MNYAM GZHAG LA CHOS NYID MTHONG BA LA KHYAD PAR MED KYANG, CHOS SKU MTHONG BA LA KHYAD PAR YOD DO ZHES ZER BA NI, 'GOG BDEN DON DAM BDEN PAR 'DOD NA,, DE LTAR RIGS MOD KYANG, ZHES BSHAD PA JI LTA BU ZHE NA, DON 'DI RNAMS RTOGS DKA' BAS BSHAD PAR BYA STE, SA BCU'I MNYAM GZHAG YE SHES LA BLO BUR DRI BRAL GYI CHOS SKU MTHONG TSUL MI 'DRA BA'I KHYAD PAR GSUNGS PA'I DON YOD DE, SA DANG PO'I RNAM GROL LAM GYI RANG RGYUD LDAN GYI GANG ZAG GI RGYUD KYI SEMS KYI CHOS NYID, MTHONG SPANG DANG BRAL BA'I BRAL CHA DE MNGON SUM DU RTOGS, SA GNYIS PA'I RNAM GROL LAM DES RANG RGYUD LDAN GYI GANG ZAG GI RGYUD KYI SEMS KYI CHOS NYID SGOM SPANG BDEN 'DZIN CHEN PO'I CHEN PO DANG BRAL BA'I BRAL CHA DE MNGON SUM DU RTOGS PA NAS, SA BRGYAD PA'I RNAM GROL LAM DES RANG RGYUD LDAN GYI GANG ZAG GI RGYUD KYI SEMS KYI CHOS NYID BDEN 'DZIN MTHA' DAG DANG BRAL BA'I BRAL CHA DE MNGON SUM DU RTOGS, SA BRGYAD PA'I RNAM GROL LAM SKYES THEBS GNYIS PA NAS SA BCU PA'I RNAM GROL LAM GYI BAR RANG RGYUD LDAN GYI GANG ZAG GI RGYUD KYI SEMS KYI CHOS NYID RANG 'THOB BYED KYI THABS SU GYUR PA'I BAR CHAD MED LAM GYI DE SKAL GYI SHES SGRIB CI RIGS PA DANG BRAL BA'I BRAL CHA DE MNGON SUM DU RTOGS @37B PA'I PHYIR, DE LTAR RTOGS KYANG SA BCU'I MNYAM GZHAG LA DMIGS RNAM MI 'DRA BA'I KHYAD PAR YOD PAR THAL BA'I SKYON MED DE, SA BCU'I MNYAM GZHAG GIS BLO BUR DRI BRAL GYI CHOS SKU MNGON SUM DU MTHONG BA'I TSE NA'ANG, 'DZIN STANGS KYI RNAM PA NI DGAG BYA BDEN GRUB RNAM PAR BCAD TZAM GYI MED DGAG GI RNAM PA CAN DU MTSUNGS PA'I PHYIR, SA BCU'I MNYAM GZHAG LA BLO BUR DRI BRAL GYI CHOS SKU MTHONG TSUL MI 'DRA BA'I KHYAD PAR GSUNGS PA'I DON LA MKHAS PA KHA CIG, DE'I DON YOD DE, SA DANG PO'I RNAM GROL LAM GYI MTHONG CIG, DE'I DON YOD DE, SA DANG PO'I RNAM GROL LAM GYI MTHONG DU RTOGS KYANG, SGOM SPANG BDEN 'DZIN CHEN PO'I CHEN PO SPANGS PA'I CHOS NYID MNGON SUM DU MA RTOGS, SA GNYIS PA'I RNAM GROL LAM GYIS DE MNGON SUM DU RTOGS KYANG DE'I 'BRING SPANGS PA'I CHOS NYID MNGON SUM DU MA RTOGS PA YIN PA'I PHYIR, DES LHAG MA RNAMS LA RIGS 'GRE, ZHES GSUNGS PA MI 'THAD DE, SA DANG PO'I RNAM GROL LAM DES DE SPANGS PA'I CHOS NYID MNGON SUM DU RTOGS PAR THAL, DES SGRIB GNYIS MA LUS PAR SPANGS PA'I CHOS NYID MNGON SUM DU RTOGS PA'I PHYIR TE, DES RANG BZHIN RNAM DAG GI CHAR GYUR PA'I NGO BO NYID SKU MNGON SUM DU RTOGS PA'I PHYIR TE, DES SANGS RGYAS KYI CHOS SKU MNGON SUM DU RTOGS PA'I PHYIR TE, 'PHAGS PA GYAD BU NOR GYIS BDEN PA MTHONG BA'I TSE, BDAG GIS BCOM LDAN 'DAS KYI CHOS KYI SKU NI MTHONG NA GZUGS KYI SKU NI MA MTHONG BAS DE BLTA BA'I PHYIR DU 'GRO ZHES BSHAD PA'I PHYIR, GZHAN YANG, SA GNYIS PA'I RNAM GROL LAM DES SGRIB GNYIS MA LUS PAR SPANGS PA'I CHOS NYID MNGON SUM DU RTOGS PAR THAL, DES SANGS RGYAS KYI YE SHES KYI CHOS NYID MNGON SUM DU RTOGS PA'I PHYIR, DE LTAR YANG RGYUD BLA MA'I DAR t'IK LAS, SEMS CAN THAMS CAD KYI CHOS NYID MNGON SUM DU RTOGS NA SEMS CAN THAMS CAD MNGON SUM DU RTOGS PA'I NGES PA MED DE, DPER NA, SANGS RGYAS MA THOB PA'I 'PHAGS PA RNAMS KYIS ZAG PA MED PA'I YE SHES SDE TSAN NYER GCIG MNGON SUM DU MA RTOGS KYANG, DE'I CHOS NYID MNGON SUM DU RTOGS PA @38A *, ,BZHIN NO, ,ZHES DANG ,'DUL BA LUNG LAS, NYAN THOS 'PHAGS PA KHA CIG ,SANGS RGYAS KYI CHOS KYI SKU MNGON SUM DU MTHONG ZIN GYI GZUGS KYI SKU BLTA BA'I PHYIR 'GRO BAR BYA'O ZHES SMRA BAR GSUNGS PA BZHIN NO, ,ZHES BSHAD, BZHI PA NI, CI'I PHYIR, SA ZHES BYA ZHE NA; DE'I RGYU MTSAN YOD DE, YON TAN DU MA'I RTEN BYED PA'I RGYU MTSAN GYIS DE LTAR BRJOD PA'I PHYIR, SA SO SO'I SGRA BSHAD RIN CHEN PHRENG BA LAS SHES PAR BYA'O, ,LNGA PA SA NAS SAR 'PHO BA'I TSUL LA, GZHAN LUGS DGAG PA DANG, RANG LUGS BZHAG PA GNYIS, DANG PO NI, KHA CIG RGYU 'BRAS MAN NGAG BDUN LA SOGS PA'I SGO NAS BYANG CHUB KYI SEMS SBYONG BA'I MAN NGAG BZHIN DU LEGS PAR SBYANGS PA LA BRTEN NAS YID LEGS PAR 'KHUL THUB PA'I MYONG BA KHYAD PAR CAN DANG LDAN PA'I THEG PA CHEN PO'I SEMS BSKYED THOG MAR THOB PA DANG, THEG PA CHEN PO'I LAM DU ZHUGS PA DUS MNYAM, THEG PA CHEN PO'I TSOGS LAM DU STONG NYID RTOGS PA'I BLO YOD KYANG, BLO DE'I SNANG NGOR YUL STONG NYID DANG YUL CAN YE SHES RANG NYID 'BREL MED LTA BUR SNANG BA'I GNYIS SNANG RAGS PA YOD CING, TSOGS LAM DU DON DE BSGOMS PA LA BRTEN NAS YUL CHOS NYID DANG YUL CAN YE SHES GNYIS DON LA GNYIS SNANG YOD KYANG YE SHES DES CHOS NYID RIG PA'I RIG NGOR YE SHES RANG NYID CHOS NYID LA ZUG PA LTAR SNANG ZHING GNYIS SNANG NUB PA LTAR SNANG BA'I SGOM BYUNG GI YE SHES NAM THOB PA NA, TSOGS LAM NAS SBYOR LAM DU 'PHOS PA DANG, SBYOR LAM DU DON DE BSGOMS PAS YE SHES RANG NYID CHOS NYID LA GNYIS SNANG MED PAR YUL CHOS NYID MNGON SUM DU RTOGS PA NA, SBYOR LAM NAS MTHONG LAM DU 'PHOS PA DANG, SA DANG PO'I RNAM GROL LAM THOB PA NAS MTHONG SPANG MA LUS PAR SPANGS DE'I RJES SU SGOM SPANG SPONG PHYIR DU SA DANG PO'I RJES THOB TU TSOGS RGYA CHEN PO GSOG, DE LTAR BSAGS PA LA BRTEN NAS SGOM SPANG BDEN 'DZIN CHEN PO'I CHEN PO SPONG NUS PAR MTHONG NAS, SA DANG PO'I BYANG SEMS DES DE SPONG PHYIR DU CHOS NYID LA MNYAM PAR BZHAG PA LA BRTEN @38B NAS MKHYEN PA DE RANG GI NGO SKAL GYI SGOM SPANG CHEN PO'I CHEN PO DE'I DNGOS GNYEN DU NAM SONG BA NA, SA DANG PO NAS GNYIS PAR 'PHOS PA DANG, DE BZHIN DU SA GNYIS PA'I RNAM GROL LAM THA MA THOB PA NA SGOM SPANG CHEN PO'I CHEN PO MA LUS PAR SPANGS LA, DE'I RJES SGOM SPANG CHEN PO'I 'BRING SPONG PHYIR DU TSOGS RGYA CHEN PO GSOG, DE LTAR BSAGS PA LA BRTEN NAS DE SPONG NUS PAR MTHONG NAS, SA GNYIS PA BA DES DE SPONG PHYIR DU CHOS NYID LA MNYAM PAR BZHAG ,DE LTAR BZHAG PA LA BRTEN NAS YE SHES DE SGOM SPANG CHEN PO'I 'BRING GI DNGOS GNYEN DU NAM SONG BA NA; SA GNYIS PA NAS SA GSUM PAR 'PHOS PA YIN NO, ,DE BZHIN DU 'OG MA RNAMS SU SBYAR BAR BYA'O, ,ZHES SKABS 'DIR SMRAS NAS 'OG TU SA BDUN PA'I SPANG BYA SPONG TSUL 'CHAD PA'I TSE, SPYIR THEG CHEN GYI SGOM SPANG NYON MONGS LA CHEN PO BSKOR GSUM DANG, 'BRING SKOR GSUM GYI RNAM GZHAG 'BYED KYANG, CHUNG NGU SKOR GSUM GYI RNAM GZHAG MI 'THAD DE, DE YANG SA BDUN PA'I BAR CHAD MED LAM DANG PO DES THEG CHEN GYI SGOM SPANG NYON MONGS 'BRING GI CHUNG NGU PHAL CHE BA'I DNGOS GNYEN BYAS NAS, SA BDUN PA'I RNAM GROL LAM THOB PA'I TSE SGOM SPANG 'BRING GI CHUNG NGU PHAL CHER SPANGS KYANG, NYON MONGS PHRA ZHING PHRA BA MA LUS PAR MA SPANGS PAS, DE SPONG PHYIR DU RJES THOB TU TSOGS RGYA CHEN PO GSOG, DE LTAR BSAGS PA LA BRTEN NAS, NYON SGRIB PHRA ZHING PHRA BA MA LUS PAR SPONG NUS SU MTHONG NAS, DE SPONG PHYIR DU DE LTAR BZHAG PA'I MKHYEN PA DE DE'I DNGOS GNYEN BAR CHAD MED LAM DANG, SA BDUN PA'I MKHYEN PA THA MAR 'JOG, DE'I SKAD CIG GNYIS PA LA NYON SGRIB MA LUS PAR SPANGS PA'I RNAM GROL LAM THOB PA DANG, SA BRGYAD PA'I YE SHES THOG MAR THOB PAR 'JOG ,CES ZER RO; ;THOG MAR TSOGS LAM NAS SBYOR LAM DU 'PHOS TSUL DE MI 'THAD DE, THEG CHEN GYI SBYOR LAM DROD KYI YE SHES SKAD CIG DANG PO'I TSE YE SHES DE LA CHOS NYID LA GNYIS SNANG NUB PA LTAR SNANG BA'I SNANG TSUL MED PA'I PHYIR TE, STONG NYID LA RTZE GCIG TU MNYAM PAR BZHAG PA'I @39A *, ,DROD KYI YE SHES SKAD CIG DANG PO DE LA GNYIS SNANG YOD PAR BYANG SEMS DES MYONG STOBS KYIS NGES NUS PA'I PHYIR, DE LTAR YANG RNAM BSHAD SNYING PO RGYAN LAS, DE LTA BU'I STONG NYID RTOGS PA'I ZHI LHAG ZUNG 'BREL THOG MAR SKYES PA NA SBYOR LAM DROD SKYES PA ZHES BYA LA, DE'I TSE MNYAM PAR BZHAG BZHIN PA'I DUS NYID NA'ANG GNYIS SNANG YOD PA MYONG STOBS KYIS NGES NUS KYANG, SBYOR LAM BZOD PA THOB PA SOGS KYI TSE, DE LTAR NGAS MI NUS PAS, NYAN THOS KYI SA LAS, GNYIS SNANG NUB PA LTAR SNANG GI GNYIS SNANG NUB PA NI MA YIN NO, ,ZHES BSHAD DO,, ZHES GSUNGS, GZHAN YANG, SA DANG PO'I SGOM LAM BAR CHAD MED LAM MED PAR THAL, SA DANG PO NAS GNYIS PAR 'PHOS TSUL DE 'THAD PA'I PHYIR, 'DOD NA, DE YOD PAR THAL, SA DANG PO'I SKAD CIG THA MAR SKYES PA'I SA DANG PO'I BAR CHAD MED LAM YOD PA'I PHYIR TE, SA BDUN PA'I SKAD CIG THA MAR SKYES PA'I SA BDUN PA'I BAR CHAD MED LAM YOD PA'I PHYIR TE, RGYUD BLA MA'I DAR t'IK LAS, SA DANG PO'I SKAD CIG DANG PO SHES BZOD SKAD CIG MA BCU DRUG GIS BSDUS PA MTHONG BA'I LAM YIN YANG, SA DANG PO NI BSKAL PA DU MA'I YUN GYIS RDZOGS DGOS PAS SGOM LAM GYIS BSDUS PA YANG YOD PAR SHES PAR BYA'O, ,ZHES GSUNGS, KHO NA RE, t'IK CHEN LAS, SGOM SPANG GI NYON MONGS LHAN SKYES CHE 'BRING DRUG, SA GNYIS PA NAS BDUN PA'I BAR GYIS SPONG BAS SA 'DI'I SPANG BYA LA DGONGS SO, ,ZHES GSUNGS PA MI 'THAD PAR THAL, RANG GI NGO SKAL GYI SGOM SPANG CHEN PO'I CHEN PO'I DNGOS GNYEN DU GYUR PA'I SA DANG PO'I BAR CHAD MED LAM YOD PA'I PHYIR ZER NA, SKYON MED DE, SA GNYIS PAR THEG CHEN GYI SGOM SPANG NYON MONGS CHEN PO'I CHEN PO MA LUS PAR SPONG NUS PA NAS, SA BDUN PAR THEG CHEN GYI SGOM SPANG NYON MONGS 'BRING GI CHUNG NGU MA LUS PAR SPONG NUS PA LUNG DE'I DON YIN GYI, SA DANG PO'I SGOM LAM MED PAR BSTAN PA MA YIN PA'I PHYIR, GZHAN YANG, SA DANG PO'I SKAD CIG THA MAR SKYES PA'I SA DANG PO'I BAR CHAD MED LAM YOD PAR THAL, SA DANG PO @39B BAS SA DANG PO'I NGO SKAL GYI SPANG BYA SPANGS PA DANG, SA GNYIS PAR 'PHO BA DUS MNYAM PA'I PHYIR TE, SA BDUN PA BAS SA BDUN PA'I NGO SKAL GYI SPANG BYA SPANGS PA DANG, SA BRGYAD PAR 'PHO BA DUS MNYAM PA'I PHYIR, DE BZHIN DU, SA DANG PO BAS SA DANG PO'I NGO SKAL GYI SPANG BYA SPANGS PA DANG DES SA GNYIS PAR 'PHO BA DUS MNYAM PAR THAL, SA BCU PA BAS SA BCU PA'I NGO SKAL GYI SPANG BYA SPANGS PA DANG ,DES SANGS RGYAS KYI SAR 'PHO BA DUS MNYAM PA'I PHYIR, GZHAN YANG, SA DANG PO'I SKAD CIG THA MAR SKYES PA'I SA DANG PO'I BAR CHAD MED LAM YOD PAR THAL, SA GNYIS PA'I SKAD CIG DANG POR SKYES PA'I SA GNYIS PA'I RNAM GROL LAM YOD PA'I PHYIR, MA GRUB NA, SA GNYIS PA'I RNAM GROL LAM YIN NA RANG GI NYER LEN DU GYUR PA'I SA GNYIS PA'I BAR CHAD MED LAM LAS BYUNG BAS KHYAB PAR THAL, MA GRUB PA DE'I PHYIR, 'DOD NA, SA BRGYAD PA'I RNAM GROL LAM YIN NA RANG GI NYER LEN DU GYUR PA'I SA BRGYAD PA'I BAR CHAD MED LAM LAS BYUNG BAS KHYAB PAR THAL, 'DOD PA'I PHYIR, 'DOD NA, SA BRGYAD PA'I THOG MAR SKYES PA'I NYON SGRIB SPANGS PA'I RNAM GROL LAM CHOS CAN, DER THAL, DE'I PHYIR, 'KHOR GSUM, ` 'DI NI 'PHAGS PA BRGYAD PA JI LTA DE LTAR NYE BAR BSTAN, ,ZHES PA'I SKABS SU, KHA CIG, BYANG SEMS SA DANG PO BA CHOS CAN, KHYOD LA RGYUN ZHUGS ZHUGS PA 'PHAGS PA BRGYAD PA DANG 'DRA BAR STON PA'I RGYU MTSAN YOD DE, DE DANG SPANGS RTOGS CHA 'DRA BA'I RGYU MTSAN GYIS DE LTAR BRJOD PA'I PHYIR ZER NA, 'O NA, RGYUN ZHUGS ZHUGS PA'I RGYUD LA SPANGS PA YOD PAR THAL, KHYOD KYI SBYOR BA DE 'THAD PA'I PHYIR, 'DOD NA, DE'I RGYUD LA 'GOG BDEN YOD PAR THAL LO, ,BYAS PA LA KHO NA RE, DE'I RGYUD LA 'GOG BDEN YOD PAR THAL, SO SKYE'I RGYUD LA SPANG PA YOD PA'I PHYIR TE, DE'I RGYUD LA 'DOD NYON DGU PA SPANGS PA'I SPANGS PA YOD PA'I PHYIR TE, MTHONG LAM GYI SNGA ROL DU 'DOD NYON DGU PA SPANGS PA'I SPANGS PA YOD PA'I PHYIR TE, 'BRAS BU THOD RGAL BA'I PHYIR MI 'ONG YOD PA'I PHYIR NA MA KHYAB, KHA CIG , @40A *, ,SKABS 'DI'I 'PHAGS PA BRGYAD PA DE RGYUN ZHUGS 'BRAS GNAS LA BYED ZER NA MI 'THAD DE, RGYUN ZHUGS 'BRAS GNAS DE DGRA BCOM NAS MAR BGRANGS PA'I 'PHAGS PA BRGYAD PA YANG MA YIN, RGYUN ZHUGS ZHUGS PA NAS YAR BGRANGS BA'I 'PHAGS PA BRGYAD PA YANG MA YIN PA'I PHYIR, DANG PO GRUB STE, DE LTAR BGRANGS PA'I 'PHAGS PA BDUN PA YIN PA'I PHYIR, GNYIS PA GRUB STE, DE LTAR BGRANGS PA'I 'PHAGS PA GNYIS PA YIN PA'I PHYIR, BYAS PA LA KHO NA RE, RGYUN ZHUGS 'BRAS GNAS DE SKABS 'DIR BSTAN PA'I 'PHAGS PA BRGYAD PA YIN PAR THAL, RANG 'GREL LAS, MDOR NA JI LTAR 'PHAGS PA RGYUN DU ZHUGS PA LA RANG DANG RJES SU MTHUN PA'I 'PHAGS PA'I CHOS RTOGS PA LAS SKYON DANG BRAL ZHING, YON TAN 'BYUNG BA DE BZHIN DU BYANG CHUB SEMS DPA' 'DI LA YANG SA RTOGS PA LAS RANG DANG 'TSAM PA'I YON TAN 'BYUNG BA DANG, SKYON ZAD PAR RGYUN DU ZHUGS PA'I DPE'I SGO NAS YONGS SU GSAL BAR BYAS PA YIN NO, ,ZHES GSUNGS PA'I PHYIR NA MA KHYAB, DES NA RGYUN ZHUGS 'BRAS GNAS DE SKABS 'DI'I 'PHAGS PA BRGYAD PA YIN TE; DGRA BCOM ZHUGS 'BRAS, PHYIR MI 'ONG ZHUGS 'BRAS, PHYIR 'ONG ZHUGS 'BRAS, RGYUN ZHUGS ZHUGS 'BRAS RNAMS SU BGRANGS PA'I 'PHAGS PA BRGYAD PA YIN PA'I PHYIR NA, 'O NA, RGYUN ZHUGS ZHUGS PA'I RTOGS PA DE BRGYAD PA'I SA MA YIN PAR THAL, RGYUN ZHUGS ZHUGS PA DE 'PHAGS PA BRGYAD PA MA YIN PA'I PHYIR, 'DOD NA, DMAN PA SA BRGYAD KYI RNAM GZHAG MI 'THAD PAR THAL, 'DOD PA'I PHYIR, RANG LUGS LA, BYANG SEMS SA DANG PO BA CHOS CAN, KHYOD LA RGYUN ZHUGS ZHUGS PA 'PHAGS PA BRGYAD PA DANG 'DRA BAR STON PA'I RGYU MTSAN YOD DE, RGYUN ZHUGS ZHUGS PA DES RANG GI 'PHAGS CHOS THOB PA LAS SPANGS PA DANG ,RTOGS PA'I YON TAN 'BYUNG BA BZHIN DU, KHYOD KYIS SA DANG PO THOB PA LA BRTEN NAS SA DANG PO'I SKYON ZAD CING, YON TAN RNAMS 'BYUNG BAR @40B 'GYUR BAS DE LTAR BRJOD PA'I PHYIR,, ` ,,RDZOGS PA'I BYANG CHUB SEMS LTA DANG PO LA GNAS KYANG, ZHES SOGS KYI SKABS SU, BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, BYAMS PA'I RNAM PAR THAR PA'I MDO LAS, RIGS KYI BU, 'DI LTA STE, DPER NA, RGYAL BA'I BU SKYES NAS RING POR MA LON PA, RGYAL PO'I MTSAN DANG LDAN PA NI BLON PO'I TSOGS RGAN PO GTZO BOR GYUR PA THAMS CAD KYANG RIGS KYI BDAG NYID CHE BA'I DBANG GIS ZIL GYIS GNON TO, ,DE BZHIN DU BYANG CHUB SEMS DPA' LAS DANG PO BA BYANG CHUB TU SEMS BSKYED NAS RING POR MA LON PA, DE BZHIN GSHEGS PA CHOS KYI RGYAL PO'I RIGS SU SKYES BAS KYANG, BYANG CHUB KYI SEMS DANG SNYING RJE'I DBANG GIS NYAN THOS DANG ,RANG SANGS RGYAS YUN RING DU TSANGS PAR SPYOD PA RNAMS ZIL GYIS MNON TO, ,RIGS KYI BU, 'DI LTA STE DPER NA, NAM MKHA' LDING GI DBANG PO CHEN PO'I PHRU GU SKYES NAS RING POR MA LON PA'I GSHOG PA'I RLUNG GI SHUGS DANG, MIG YONGS SU DAG PA'I YON TAN GANG YIN PA DE NI, DE LAS GZHAN PA'I BYA'I TSOGS MA LUS PA RGAS PAR GYUR PA THAMS CAD LA YOD PA MA YIN NO, ,DE BZHIN DU BYANG CHUB SEMS DPA' BYANG CHUB TU SEMS DANG PO BSKYED PA, DE BZHIN GSHEGS PA NAM MKHA' LDING GI DBANG PO CHEN PO'I RIGS KYI RGYUD DU YANG DAG PAR BYUNG BA, NAM MKHA' LDING GI DBANG PO'I PHRU GU THAMS CAD MKHYEN PA NYID DU SEMS BSKYED PA'I GSHOG PA'I STOBS KYIS PHA ROL GNON PA DANG, LHAG PA'I BSAM PA YONGS SU DAG PA'I MIG GI YON TAN GANG YIN PA DE NI, BSKAL PA BRGYA STONG DU NGES PAR 'BYUNG BA'I NYAN THOS DANG, RANG SANGS RGYAS THAMS CAD LA YOD PA MA YIN NO, ,ZHES GSUNGS,, ` ,,GNYIS PA LA 'GREL BSHAD KYI LUGS BSHAD PA DANG, RANG LUGS BZHAG PA GNYIS, DANG PO NI, 'GREL BSHAD MKHAN PO NA RE, MDO 'DI LAS BYANG CHUB TU SEMS BSKYED NAS RING POR MA LON PA, ZHES DANG, BYANG CHUB TU SEMS DANG PO BSKYED PA ZHES PA'I SKABS KYI BYANG CHUB KYI SEM @41A *, ,DE RAGS PA BRDA LAS BYUNG BA'I SEMS BSKYED DANG, DE'I SKABS KYI BYANG SEMS LAS DANG PO PA YANG BYANG SEMS TSOGS LAM PA LA BYED GSUNG, DE SKAD DU'ANG 'GREL BSHAD LAS, BYANG CHUB TU SEMS BSKYED NAS RING POR MA LON PA ZHES PA 'DIS NI BRDA LAS BYUNG BA'I BYANG CHUB TU SEMS BSKYED PA BSTAN PA YIN NO, ,DE NYID KYI PHYIR BYANG CHUB SEMS DPA' LAS DANG PO BA ZHES SMOS SO, ,ZHES GSUNG, 'DI 'GOG PA LA t'IK CHEN LAS, 'GREL BSHAD LAS LUNG DE GNYIS KYI DON BRDA LAS BYUNG BA'I SEMS BSKYED LA 'CHAD MOD KYANG, LAS DANG PO PA DANG, SEMS BSKYED NAS RING DU MA LON PA ZHES GSUNGS PA NI, DON DAM PA'I SEMS BSKYED LA LTOS NAS YIN LA, SNGAR DE BZHIN GSHEGS PA'I RIGS SU SKYES PAS DANG PO NAS YIN PAR GSUNGS PA DANG, LUNG SNGA PHYI GNYIS KA NI DPE SO SO BA TZAM MA GTOGS PA DON GCIG PA'I PHYIR DANG, RTZA BA'I TSIG RKANG GSUM GYI DON YANG MDO DE'I DON BSDUS PAR SNANG PA'I PHYIR DANG, LHAG PA'I BSAM PA DAG PA'I SEMS BSKYED NI, SA DANG PO'I SEMS BSKYED LA MDO SDE RGYAN LAS SOGS PA MANG PO LAS GSUNGS PA'I PHYIR RO, ,ZHES GSUNG, DE RNAMS KYI DON NI, BYAMS PA'I RNAM PAR THAR PA'I MDO LAS GSUNGS PA'I BYANG CHUB TU SEMS DANG PO BSKYED BA ZHES PA'I SEMS DANG PO RAGS PA BRDA LAS BYUNG BA'I SEMS BSKYED LA BYED MI RIGS PAR THAL, DE DON DAM PA'I SEMS BSKYED DANG PO LA BYED RIGS PA'I PHYIR TE, DE DON DAM PA'I SEMS DANG PO BSKYED PA'I BYANG CHUB SEMS DPA'I YON TAN LA DOGS PA GCOD PA'I SKABS YIN PA'I PHYIR, GZHAN DU NA DBU MA 'JUG PA LAS, SEMS BSKYED BCU BSHAD PA'I SEMS BSKYED DANG PO DON DAM SEMS BSKYED LA BYED MI RIGS PAR THAL LO, ,RIGS PA GNYIS PA NI, DE BZHIN GSHEGS PA CHOS KYI RGYAL PO'I RIGS SU SKYES PAS KYANG ZHES PA'I SKABS KYI BYANG SEMS DE BYANG SEMS SA DANG PO BA LA BYED RIGS PAR THAL, 'DI NI DE BZHIN GSHEGS PA RNAMS KYI RIGS SU'ANG SKYES PA STE, ZHES @41B PA'I SKABS NAS DNGOS SU BSTAN PA'I BYANG SEMS DE BYANG SEMS SA DANG PO BA LA BYED RIGS PA'I PHYIR, 'DOD NA, DNGOS, 'O NA LUNG SNGA PHYI GNYIS KA NI DPE SO SO BA TZAM MA GTOGS DON GCIG PA'I PHYIR, ZHES PA'I DON GANG YIN ZHE NA, 'DI'I DON LA KHA CIG, MDO SNGA PHYI GNYIS KYIS BSTAN PA'I ZIL GYIS GNON BYED KYI SEMS BSKYED BYANG SEMS SO SKYE'I SEMS BSKYED MA YIN PAR THAL, DE LHAG BSAM DAG PA'I SEMS BSKYED GANG ZHIG, LHAG BSAM DAG PA'I SEMS BSKYED SA DANG PO YAN GYI SEMS BSKYED LA MDO SDE RGYAN SOGS MANG PO NAS GSUNGS PA'I PHYIR, DANG PO GRUB STE, MDO SNGA PHYI GNYIS PO DPE SO SO BA TZAM MA GTOGS DON GCIG PA GANG ZHIG, MDO PHYI MAS LHAG PA'I BSAM PA YONGS SU DAG PA'I MIG GI YON TAN GANG YIN PA DE NI, ZHES ZIL GYIS GNON BYED KYI SEMS BSKYED LHAG BSAM DAG PA'I SEMS BSKYED LA DNGOS SU BSHAD PA'I PHYIR, ZHES PA'I DON YIN ZER BA MI 'THAD DE, 'GREL BSHAD MKHAN PO LA BYAMS PA'I RNAM PAR THAR PA'I MDO TSAN SNGA PHYI GNYIS DON GCIG MI GCIG GI DOGS PA TZAM YANG MED PA'I PHYIR DANG, MDO PHYI MAS BSTEN PA'I SEMS BSKYED LHAG BSAM DAG PA'I SEMS BSKYED LA BYED PA 'GREL BSHAD MKHAN PO LA BSGRUB BYA YIN GYI, SGRUB BYED DU 'GOD MI RIGS PA'I PHYIR, DE BZHIN DU KHU CIG, BYAMS PA'I RNAM PAR THAR PA'I MDO LAS BSTAN PA'I ZIL GYIS GNON BYED KYI SEMS BSKYED SA DANG PO'I SEMS BSKYED LA BYED RIGS TE, DE BZHIN GSHEGS PA NAM MKHA' LDING GI DBANG PO CHEN PO'I RIGS RGYUD DU YANG DAG PAR BYANG BA ZHES PA'I SKABS KYI BYANG SEMS DE SA DANG PO BA LA BYED RIGS PA'I PHYIR, DE RIGS TE, MDO TSAN DANG PO'I SKABS SU DE BZHIN GSHEGS PA CHOS KYI RGYAL PO'I RIGS SU SKYES PA ZHES PA'I SKABS KYI BYANG SEMS DE BYANG SEMS DANG PO BA LA BYED RIGS PA'I PHYIR, KHYAB STE, BYAMS PA'I RNAM PAR THAR PA'I MDO SNGA PHYI GNYIS KA YANG DPE SO SO TZAM MA GTOGS DON GCIG YIN PA'I PHYIR, RTZA BA'I RTAGS GRUB STE, 'DI NI DE BZHIN GSHEGS PA RNAMS KYI RIGS @42A *, ,SU'ANG SKYES PA STE, ,ZHES PA'I SKABS KYI BYANG SEMS DE BYANG SEMS SA DANG PO BA LA BYED RIGS PA'I PHYIR, ZHES PA t'IK CHEN GYI DON YIN SNYAM NA YANG MI 'THAD DE, GONG DU BKAGS ZIN PA'I PHYIR,, ` ,,RANG LUGS NI, 'GREL BSHAD MKHAN PO NA RE, BYAMS PA'I RNAM PAR THAR PA'I MDO LAS GSUNGS PA'I NYAN RANG ZIL GYIS GNON BYED KYI SEMS BSKYED DE RAGS PA BRDA LAS BYANG BA'I SEMS BSKYED LA BYED, SA BCU PA'I MDO LAS, SEMS BSKYED MA THAG TU LHAG PA'I BSAM PA'I CHE BA NYID KYI NYAN THOS DANG RANG SANGS RGYAS ZIL GYIS GNON GYI, ZHES PA'I SKABS KYI SEMS BSKYED SA DANG PO PA'I SEMS BSKYED DE LA BYED ZER, DE LTAR YANG 'GREL BSHAD LAS DON DAM PA'I BYANG CHUB KYI SEMS LA NYAN THOS DANG RANG SANGS RGYAS DAG ZIL GYIS GNON PA'I NUS PA YOD PA NYID DU BSTAN PAR BYA BA'I PHYIR DU 'PHAGS PA SA BCU PA LAS ZHES BYA BA LA SOGS PA SMOS TE, ZHES DANG, DE LTAR BRDA LAS BYANG BA'I BYANG CHUB TU SEMS BSKYED PA'I STOBS KYI DBANG GIS NYAN THOS DANG RANG SANGS RGYAS DAG ZIL GYIS GNON PA NYID DU BSTAN NAS, DON DAM PA'I SEMS BSKYED DANG PO LA NYAN THOS DANG RANG SANGS RGYAS DAG ZIL GYIS GNON PA'I NUS PA YOD PA 'GREL PAS BSTAN PA DANG, DE BZHIN DU GNAS SKABS GANG NA RTOGS PA'I DBANG GIS BYANG CHUB SEMS DPAS NYAN THOS DANG RANG SANGS RGYAS ZIL GYIS GNON PA BSTAN PAR BYA BA'I PHYIR, DE NI RING DU SONG BAR ZHES BYA BA LA SOGS PA ZHES GSUNGS, DE MI 'THAD DE, BYAMS PA'I RNAM PAR THAR PA'I MDO LAS GSUNGS PA'I NYAN RANG ZIL GYIS GNON BYED KYIS SEMS BSKYED SA DANG PO BA'I SEMS BSKYED LA BYED RIGS PA'I PHYIR, BYAMS PA'I RNAM PAR THAR PA'I MDO TSAN PHYI MAS BSTAN PA'I ZIL GYIS GNON BYED KYI SEMS BSKYED DE LHAG BSAM DAG PA'I SEMS BSKYED LA BYED RIGS PA'I PHYIR TE, SA BCU PA'I MDO LAS, SEMS BSKYED MA THAG TU LHAG PA'I BSAM PA'I CHE BA NYID KYIS ZHES PA'I LHAG PA'I BSAM PA LHAG BSAM DAG PA'I SEMS BSKYED LA BYED RIGS PA'I PHYIR, @42B KHYAB STE, NAM MKHA' LDING GI PHRU GU THAMS CAD MKHYEN PA NYID DU SEMS BSKYED PA'I GSHOG PA'I STOBS KYIS PHA ROL GNON BA DANG, LHAG PA'I BSAM PA YONGS SU DAG PA'I MIG GI YON TAN ZHES SOGS BYAMS PA'I RNAM PAR THAR PA'I MDO 'DI DANG, SA BCU PA'I MDO LAS, SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANGS SANGS RGYAS THAMS CAD ZIL GYIS GNON GYIS, RANG GI BLO'I STOBS KYIS RNAM PAR DPYAD PAS NI MA YIN NO, ,ZHES PA YAN CHAD KYI SA BCU PA'I MDO 'JUG 'GREL DU GRANGS PA 'DI GNYIS DPE SO SO BA TZAM MA GTOGS DON GCIG PA'I PHYIR, SKABS 'DIR 'JUG 'GREL DU DRANGS PA'I BYAMS PA'I RNAM PAR THAR PA'I MDO DANG, RING SONG GI SKABS SU DRANGS PA'I KYE KYE RGYAL BA'I SRAS DAG CES PA NAS, RANG GI BLO'I STOBS KYIS RNAM PAR DPYAD PAS NI MA YIN NO, ,ZHES PA'I BAR GYI MDO GNYIS KA RDZOGS PA'I BYANG CHUB SEMS LTA DANG PO LA GNAS KYANG, ,ZHES PA'I GZHUNG 'DI'I BSHAD BYA RTZA BA'I MDO YIN PA'I PHYIR TE, BSHAD MA THAG PA'I SA BCU PA'I MDO DE GZHUNG 'DI'I BSHAD BYA RTZA BA'I MDO YIN PA'I PHYIR TE, GZHUNG 'DI'I BSHAD BYA RTZA BA'I MDOR GYUR PA'I SA BCU PA'I MDO CIG YOD PA'I PHYIR TE, t'IK CHEN LAS, 'DIR SA DANG PO SOGS BSHAD PA NI, MDO SDE SA BCU PA LA BRTEN NAS 'CHAD LA ZHES GSUNGS PA'I PHYIR, RTZA BA'I TSIG RKANG GSUM GYI DON YANG MDO DE'I DON BSDUS PAR SNANG BA'I PHYIR, ZHES PA'I DON NI, SKABS 'DIR 'JUG 'GREL DU DRANGS PA'I BYAMS PA'I RNAM PAR THAR PA'I MDO LAS GSUNGS PA'I SEMS DANG PO BSKYED PA'I BYANG SEMS DE SA DANG PO BA LA BYED RIGS PAR THAL, RDZOGS PA'I BYANG CHUB SEMS LTA DANG PO LA GNAS KYANG, ZHES PA'I SKABS KYI SEMS DANG PO BSKYED PA'I BYANG SEMS BYANG SEMS SA DANG PO BA LA BYED RIGS PA'I PHYIR, RTAGS TSAD MAS GRUB CING 'GREL BSHAD MKHAN POS ZHAL GYIS BZHES PA YIN TE, 'DI NI 'PHAGS PA BRGYAD PA ZHES PA'I THAD KYI RANG 'GREL LAS, BYANG CHUB SEMS DPA' 'DI RDZOGS PA'I BYANG CHUB SEMS LTA DANG PO @43A *, ,LA GNAS KYANG ZHES BSHAD CING, 'DI'I 'GREL BSHAD DU DE LTAR SA NAS SA GNON PA DANG, NGAN 'GRO'I LAM RNAMS 'GAG PA DANG, SO SO SKYE BO'I SA RNAMS ZAD PAR 'GYUR BA'I YON TAN RNAM PA GSUM BRJOD NAS, NYAN THOS DANG RANGS SANGS RGYAS DAG ZIL GYIS GNON PA'I YON TAN BSTAN PAR BYA BA'I PHYIR, BYANG CHUB SEMS DPA' 'DI ZHES BYA BA LAS SOGS PA SMOS TE, 'DI ZHES PA NI SEMS BSKYED PA DANG PO'O, ,ZHES GSUNGS PA'I PHYIR, RTZA BA'I THAL 'GYUR LA KHYAB PA YOD DE, GZHUNG 'DI BYAMS PA'I RNAM PAR THAR PA'I MDO DE'I DON 'CHAD BYED KYI GZHUNG YIN PA'I PHYIR,, ` ,,DE NI RING DU SONG BAR BLO YANG LHAG PAR 'GYUR, ,ZHES PA'I SKABS SU SA DANG POR NYAN RANG RIGS KYI SGO NAS ZIL GYIS GNON CING, SA BDUN PAR BLO'I STOBS KYI SGO NAS ZIL GYIS GNON PAR SA BCU PA'I MDO LAS GSUNGS TSUL DE LTAR GSUNGS PA GRUB PA'I DON BSHAD PA'O, ,DANG PO LA BSHAD BYA'I LUNG 'GOD PA, LUNG GI DON BSHAD PA GNYIS, DANG PO NI MDO SDE SA BCU PA LAS, KYEE RGYAL BA'I SRAS DAG, 'DI LTA STE, DPER NA RGYAL PO'I RIGS SU SKYES PA'I RGYAL PO'I MTSAN DANG LDAN PA NI, SKYES PA TZAM GYIS RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI RANG GI BLO'I STOBS KYIS RNAM PAR DPYOD PAS NI MA YIN NO, ,NAM DE NAR SON PAR GYUR PA DE'I TSE RANG GI BLO'I STOBS BSKYED PAS, BLON PO'I BYA BA THAMS CAD LAS SHIN TU 'DAS PA YIN NO, ,KYE RGYAL BA'I SRAS DAG, DE BZHIN DU BYANG CHUB SEMS DPA' YANG, SEMS BSKYED MA THAG TU LHAG PA'I BSAM PA'I CHE BA NYID KYI NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI, RANG GI YUL SHES PA'I CHE BA LA GNAS PAS, NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO, ZHES GSUNGS, GNYIS PA NI, LUNG GI TSIG DON BSHAD PA DANG, LUNG DON LA DOGS PA BCAD PA GNYIS, DANG PO NI, DON DAM PA'I SEMS DANG PO BSKYED MA THAG PA'I BYANG SEMS SA DANG PO BA DES NYAN RANG DGRA BCOM BLO'I STOBS KYIS ZIL GYIS GNON MI NUS KYANG, DES DE RIGS KYI SGO NAS ZIL GYI GNON NUS TE, DES LHAG BSAM DAG PA'I @43B SEMS BSKYED KYI STOBS KYIS ZIL GYIS GNON NUS PA'I PHYIR, 'DI'I SKABS KYI LHAG PA'I BSAM PA LHAG BSAM DAG PA'I SEMS BSKYED LA BYED RIGS TE, 'DI SA DANG PO'I YON TAN 'CHAD PA'I SKABS GANG ZHIG LHAG BSAM DAG PA'I SEMS BSKYED SA DANG PO NAS THOB PA'I PHYIR, MTHONG LAM BAR CHAD MED LAM LA GNAS PA'I SEMS DPA'I RGYUD LA KUN RDZOB SEMS BSKYED YOD DE, DON DAM SEMS BSKYED THOB MA THAG PA'I MTHONG LAM SDUG BSNGAL CHOS BZOD PA DE LHAG BSAM DAG PA'I SEMS BSKYED THOB MA THAG PA'I SEMS DPA' YIN PA'I PHYIR, BYANG SEMS SA DANG PO BA DES SA BDUN PA THOB PA'I TSE NYAN RANG DGRA BCOM BLO'I STOBS KYIS ZIL GYIS GNON NUS TE, DES DE'I TSE 'GOG PA YANG DAG PA'I MTHA' SHES PA'I CHE BA LA GNAS PAS BLO'I STOBS KYIS NYAN RANG DGRA BCOM ZIL GYIS GNON NUS PA'I PHYIR, DPER NA, RGYAL PO'I BU NAR SON PA'I TSE, BLON PO'I TSOGS BLO'I STOBS KYIS ZIL GYIS GNON NUS PA BZHIN NO, ,NYAN RANG GI BYA BA THAMS CAD LAS 'DAS PA'I DON NI, ,DE GNYIS BLO'I STOBS KYIS ZIL GYI SA GNON NUS PA LA BYED RIGS TE, 'GREL BA'I DON BSDUS LTAR NA SA RING DU SONG BA KHO NA NAS BZUNG STE BYANG SEMS RANG GI BLO'I STOBS BSKYED PAS NYAN THOS DANG RANG SANGS RGYAS DAG ZIL GYIS GNON PAR 'GYUR GYI, SA 'OG MA RNAMS SU NI MA YIN NO, ZHES BYA BAR NGES PAR BYA'O, GNYIS PA NI, SA DRUG PA MAN CHAD DU NYAN RANG DANG GRA BCOM BLO'I STOBS KYIS ZIL GYIS GNON MI NUS, SA BDUN PA NAS NUS PA'I DON GANG YIN ZHE NA, DE'I LAN LA KHA CIG, DE 'DRA'I KHYED PAR 'THAD DE, SA DRUG PA MAN CHAD KYI YIN SHES KYIS RANG GI NGO SKAL GYI SHES SGRIB SPONG MI NUS, SA BDUN PAR DE SPONG NUS PA'I PHYIR, ZHES ZER, YANG KHA CIG, DE 'DRA'I KHYED PAR 'THAD DE, SA DRUG PA MAN CHAD DU TING NGE 'DZIN LA THOD RGAL DU SNYOMS PAR 'JUG MI NUS, SA BDUN PA NAS DE LTAR NUS PA'I PHYIR, ZHES ZER, @44A *, ,YANG KHA CIG, DE'I RGYU MTSAN YOD DE, SA BDUN PA'I YE SHES DE PHYIR MI LDOG PA'I SA BRGYAD PA LA MNGON DU PHYOGS PA'I YE SHES YIN, SA DRUG PA MAN CHAD DE LTAR MA YIN PA'I PHYIR, ,ZHES ZER NA, LUGS DANG PO MI 'THAD DE, RANG GI NGO SKAL GYI SHES SGRIB KYI DNGOS GNYEN DU GYUR PA'I SA BDUN PA'I BAR CHAD MED LAM CHOS CAN, NYON SGRIB MA LUS PA SPANGS PAR THAL, DE 'DRA'I BAR CHAD MED LAM YIN PA'I PHYIR, KHYAB STE, NYON SGRIB MA LUS PAR MA SPANGS PAR SHES SGRIB SPONG BA'I MGO MI RTZOM PA'I PHYIR TE, BDEN 'DZIN MA LUS BAR MA SPANGS PAR BDEN 'DZIN GYI BAG CHAGS CUNG ZAD KYANG SPONG MI NUS PA'I PHYIR TE, DPER NA, BCO BLAG MKHAN GYIS GOS KYI DRI MA RAGS PA MA BSAL BAR GOS KYI DRI MA PHRA MO CUNG ZAD KYANG SEL MI NUS PA BZHIN NO, ,RTZA BAR 'DOD MI NUS TE, DMAN LAM SNGON DU MA SONG BA'I BYANG SEMS SA BDUN PA BAS NYON SGRIB MA LUS PAR SPANGS PA DANG DES SA BRGYAD PA THOB PA DUS MNYAM PA'I PHYIR, KHO NA RE, SA BDUN PA'I SKAD CIG THA MAR SKYES PA'I BAR CHAD MED LAM CHOS CAN, RANG GI NGO SKAL GYI SHES SGRIB KYI DNGOS GNYEN BAR CHAD MED LAM YIN PAR THAL, BDEN 'DZIN GYI SA BON GYI DNGOS GNYEN BAR CHAD MED LAM YIN PA'I PHYIR NA MA KHYAB STE, BDEN 'DZIN GYI SA BON NYON SGRIB YIN PA'I PHYIR, DE LTAR t'IK CHEN LAS, LUGS 'DIS NI GANG ZAG GI BDEN 'DZIN THAMS CAD NYON MONGS CAN GYI MA RIG PAR BZHED LA DE SLAR MI SKYE BA'I TSUL GYIS SPONG BA LA DE DAG GI SA BON ZAD DGOS SHING, SPANGS PA DE YANG DGRA BCOM PA GNYIS DANG THUN MONG BA YIN PAS, BDEN 'DZIN GYI SA BON SPONG BA NI SHES SGRIB SPONG BA MA YIN NO, ,ZHES GSUNGS, LUNG 'DIS DMAN LAM SNGON DU MA SONG BA'I SA BDUN PA'I SKAD CIG THA MAR NYON SGRIB KYI DNGOS GNYEN BAR CHAD MED LAM SKYE BA DANG, DMAN LAM SNGON DU MA SONG BA'I BYANG SEMS SA BDUN PA BAS SA BRGYAD PA THOB PA DANG, DES NYON SGRIB SPANGS PA DUS MNYAM PAR BSTAN TE, SA BDUN PAR BDEN 'DZIN GYI SA BON GYI DNGOS GNYEN BAR CHAD MED LAM SKYE BAR BSTAN PA GANG ZHIG @44B DE DER SKYES NA DES BDUN PA'I SKAD CIG THA MAR SKYE DGOS PA'I PHYIR, LUGS GNYIS PA YANG MI 'THAD DE, THOD RGAL ZHES PA BRDA RNYING PA LAS SMREL ZHI ZHES 'BYUNG BAS RIM PA 'CHOL BA LA ZER ZHING, RIM PA 'CHOL BA'I SGO NAS TING NGE 'DZIN LA SNYOMS PAR 'JUG PA SA DRUG PA MAN CHAD NA MED CING, BDUN PA NAS YOD PA LA SHES BYED MED PA'I PHYIR, 'DIR YANG TING NGE 'DZIN LA THOD RGAL DU SNYOMS PAR 'JUG PA DANG, THOD RGAL GYI TING NGE 'DZIN LA SNYOMS PAR 'JUG PA GNYIS KYI KHYAD PAR CHE'O, ,GSUM PA MI RIGS TE, SA DRUG PA'I YE SHES DE YANGS BRGYAD PA LA MNGON DU PHYOGS PA'I YE SHES YIN PA'I PHYIR, DE RDZOGS PA'I SANGS RGYAS KYI CHOS LA MNGON DU PHYOGS PA'I YE SHES YIN PA'I PHYIR TE, RDZOGS PA'I SANGS RGYAS CHOS LA MNGON PHYOGS SHING, ,ZHES BSHAD PA'I PHYIR, GAL TE SA BRGYAD PA LA MDO NA DU PHYOGS PA'I DON DAS SA BRGYAD PA THOB KHA MA'I YE SHES YIN PA LA BYED DO, ,ZHE NA, MI 'THAD DE, DE LTAR SMRA PAS BDUN PA NAS NYAN RANG DGRA BCOM BLO'I STOBS KYIS ZIL GYIS GNON NUS TE, SA BDUN PA'I YE SHES SA BDUN PA'I YE SHES YIN PA'I PHYIR, ZHES SMRA BA DANG MTSUNGS PA'I PHYIR ` 'GREL BSHAD MKHAN PO NA RE, SA DRUG PA MAN CHAD DU NYAN RANG DGRA BCOM BLO'I STOBS KYI ZIL GYI GNON MI NUS, SA BDUN PA NAS NUS PAR GSUNGS PA'I DON YOD DE, SA BDUN PAR MDO LA SOGS PA'I CHOS KYI MTSAN MA MNGON DU MI BYED PAS MTSAN MED KYI LAM THOB CING, SA DRUG PA MAN CHAD DANG NYAN RANG RNAMS KYIS MTSAN MED KYI LAM DE MA THOB PA'I PHYIR ZHES GSUNGS, DE SKAD DU YANG 'GREL BSHAD LAS, DE'I TSE ZHES BYA BA NI MDO LAS SOGS PA'I MTSAN MA MNGON DU MI BYED PAR 'JUG PA'O, ,ZHES GSUNG, DE 'GOG PA LA t'IK CHEN LAS, 'DI LA DE KHO NA NYID RTOGS PA'I STENG NAS KHYAD PAR BZHAG DGOS PAR SNANG NGO, ,ZHES GSUNGS, DON NI, 'GREL BSHAD KYI LUGS DE MI 'THAD DE, SA BDUN PA BAS NYAN RANG DGRA BCOM BLO'I STOBS KYIS ZIL GYIS GNON PA DE CHOS NYID LA SNYOMS PAR 'JUG LTAR BYED TSUL GYI SGO NAS 'JOG RIGS PA'I PHYIR TE, SA BCU PA'I MDO LAS, BYANG CHUB SEMS DPA'I SA BDUN PA 'DI LA GNAS @45A *, ,PA'I BYANG CHUB SEMS DPA' NI, RANG GI YUL SHES PA'I CHE BA LA GNAS PAS, NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO, ,ZHES GSUNGS PA'I PHYIR DANG, RING DU SONG 'DIR 'DI NI SKAD CIG DANG, ,SKAD CIG LA NI 'GOG PAR 'JUG 'GYUR ZHING, ,ZHES PA 'DIS SA BDUN PA BAS NYAN RANG DGRA BCOM BLO'I STOBS KYIS ZIL GYI GNON PA'I DON CIG BSTAN PA'I PHYIR, DE STON BYED KYI DBU MA 'JUG PA'I GZHUNG CIG YOD PA'I PHYIR, MKHAS PA KHA CIG, 'GREL BSHAD KYI DON NI, SA BDUN PA BAS CHOS NYID KYI SGRA SPYI YUL DU BYED PA LA MI LTOS PAR CHOS NYID NYID LA MNGON SUM DU SNYOMS PAR 'JUG NUS, SA DRUG PA MAN CHAD DU DE LTAR MI NUS PAS SA BDUN PA BAS NYAN RANG DGRA BCOM BLO'I STOBS KYIS ZIL GYIS GNON PAR BYED PA YIN ZER ZHING, MDO LA SOGS PA'I CHOS KYI MTSAN MA NI CHOS NYID KYI SGRA SPYI LA 'GREL BSHAD MKHAN POS 'DOD, CES ZER NA, 'O NA t'IK CHEN LAS, 'DI LA DE KHO NA NYID RTOGS PA'I STENG NAS KHYAD PAR BZHAG DGOS PAR SNANG NGO, ,ZHES SOGS DGAG PA 'GREL BSHAD MKHAN PO LA MI 'JUG PAR THAL, 'GREL BSHAD KYI LUGS LA YANG SA BDUN PAR NYAN RANG DGRA BCOM BLO'I STOBS KYIS ZIL GYIS GNON TSUL DE KHO NA NYID RTOGS TSUL KHO NA'I STENG NAS 'JOG PA'I PHYIR TE, 'GREL BSHAD KYI DON 'CHAD TSUL DE KHYOD KYI BSHAD PA LTAR 'THAD PA'I PHYIR, 'O NA 'GREL BSHAD KYI DON GANG ZHE NA, DE'I DON t'IK CHEN GYIS 'GREL BSHAD 'GOG PA'I TSUL DANG MTHUN PAR KHO BOS BSHAD PAR BYA STE, 'GREL BSHAD MKHAN PO NA RE, SA BDUN PAR BYANG PHYOGS SO BDUN, BDEN BZHI DANG RTEN 'BREL LA SOGS PA'I LAM MNGON DU BYED KYANG MDO SDE LA SOGS PA'I LUNG LA LTOS MED DU RANG GI SHES RAB KYI STOBS KYIS LAM DE MNGON DU BYED NUS LA, SA DRAG PA MAN CHAD DU DE LTAR MI NUS PAS, SA BDUN PA BAS NYAN RANG DGRA BCOM BLO'I STOBS KYIS ZIL GYIS GNON NUS PA YIN ZER ZHING, MDO LA SOGS PA'I CHOS KYI MTSAN @45B MA NI LUNG GI TSIG LA BYED PAR MNGON TE, DE LTAR YANG 'GREL BSHAD LAS, RING DU SONG ZHES BYA BA NI SA 'DIR BYANG CHUG KYI PHYOGS DANG BDEN PA DANG, RTEN CING 'BREL PAR 'BYUNG BA LA SOGS PA LA DMIGS PA'I MTSAN MA MED PA LA GNAS SHING RTZOL BAS 'JUG PA'I PHYIR RING DU SONG BA ZHES BYA STE, MTSAN MA MED PA LA GNAS PA SNGAR MED PA LTAR THOB BO ZHES DANG, SKABS 'DI'I 'GREL BSHAD LAS, RANG GI BLOS RNAM PAR DPYAD PAS KYANG, ZHES BYA BA NI RANG GI SHES RAB KYI RANG BZHIN MED PAR YONGS SU SHES PA'I SGO NAS SO ZHES PA'I DON TO, ,DE LTAR LUNG GI SGO NAS MA YIN PA'O, ,ZHES DANG, SA BDUN PA'I SNGA ROL SA DRUG PA LA SOGS PAR BYANG CHUB SEMS DPA' RNAMS KYIS MDO SDE LA SOGS PA GANG MTSAN MA MNGON DU BYAS NAS LAM LA 'JUG PA'I MTSAN MA DE MNGON DU MA BYAS PAR SA BDUN PA NAS BRTZAMS TE LAM LA 'JUG PA YIN NO, ,DE NYID KYI PHYIR DE'I GNAS SKABS NA KHO BO LAM LA 'JUG PAR BYA'O SNYAM PA'I RNAM PAR RTOG PA YOD PA DANG, MDO LA SOGS PA'I MTSAN MA MNGON DU MI BYED PA DANG RTZOL BA DANG BCAS PA DANG, MTSAN MA MED PA'I LAM ZHES BRJOD PAR BYA'O, ,ZHES BSHAD DO, ,DON 'DI NI MKHAS PA KHA CIG 'GREL BSHAD LAM GZIGS PAR RTOG BZO'I BSHAD PAS t'IK CHEN GYI 'GREL BSHAD 'GOG PA'I DGAG PA NUS MED DU BTANG 'DUG PAS, KHO BOS 'GREL BSHAD LA LEGS PAR BRTAGS TE 'GREL BSHAD KYI LUGS DANG DE t'IK CHEN GYI 'GOG TSUL NUS PA DANG LDAN PAR BSHAD PA 'DI, RJE TZONG KHA PA DGYES PA'I MCHOD PAR 'BUL LO,, ` ,,RANG LUGS NI, SA DRAG PA MAN CHAD DU NYAN RANG DGRA BCOM BLO'I STOBS KYIS ZIL GYIS GNON MI NUS ZHING, SA BDUN PA NAS NUS PA'I DON YOD DE, SA DRUG PA MAN CHAD DU SEMS KYI SKAD CIG RE RE LA 'GOG PA YANG DAG PA'I MTHA' LA MNGON SUM DU 'JUG LDANG BYED PA'I SGO NAS RANG GI YUL 'GOG PA YANG DAG PA'I MTHA' SHES PA'I CHE BA LA MI GNAS, SA BDUN PA NAS DE LTAR GNAS PA'I YON TAN THOB PA'I PHYIR, DE SKAD DU YANGS BCU PA'I MDO LAS, BYANG CHUB SEMS DPA'I SA BDUN PA 'DI LA @46A *, ,GNAS PA'I BYANG CHUB SEMS DPA' NI SEMS KYI SKAD CIG DANG SKAD CIG LA 'GOG PA LA SNYOMS PAR 'JUG CING LDANG STE, 'GOG PA MNGON DU BYAS PA ZHES NI MI BYA'O, ,ZHES DANG, RTZA BAR YANG, RING DU SONG 'DIR 'DI NI SKAD CIG DANG, ,SKAD CIG LA NI 'GOG PAR 'JUG 'GYUR ZHING, ,ZHES GSUNG, KHA CIG, 'DI'I SKAD CIG MA DUS MTHA'I SKAD CIG MA LA BYED ZER BA MI 'THAD DE, DUS MTHA'I SKAD CIG MA GCIG LA CHOS NYID LA SNYOMS PAR 'JUG LDANG BYED NUS PA'I SEMS CAN MED PA'I PHYIR, RANG LUGS 'DI'I SKAD CIG MA BYA RDZOGS KYI SKAD CIG MA'I THUNG MTHA' GCIG LA BYED, BYAS PA LA KHO NA RE, 'O NA SA BDUN PA NAS BYA RDZOGS KYI SKAD CIG MA'I THUNG MTHA' GCIG LA 'GOG PA YANG DAG PA'I MTHA' LA MNGON SUM DU 'JUG LDANG BYED NUS, DRUG PA MAN CHAD DU MI NUS PA'I RGYU MTSAN GANG ZHE NA, DE'I RGYU MTSAN YOD DE, MOS SPYOD DU SEMS DANG DE KHO NA NYID GNYIS RO GCIG TU MA SONG BAS STONG NYID KYI TING NGE 'DZIN LA DUS THUNG NGUR 'JUG LDANG BYED PA MI DKA' YANG, SEMS DANG DE KHO NA NYID CHU LA CHU BZHAG BZHIN DU SONG BA'I 'PHAGS PA'I GNAS SKABS SU 'JUG LDANG GI TSUL SHIN TU DKA' BA'I PHYIR, KHA CIG, LUGS 'DIR DUS MTHA'I SKAD CIG MA GZHI MA GRUB ZER BA MI 'THAD DE, SKYES BU DAR MA GCIG GIS SE GOL GTOG PA'I YUN LA SKAD CIG MA DRUG CU RTZA LNGA 'DAS PA'I SKAD CIG MA GCIG LA DUS MTHA'I SKAD CIG MAR 'JOG CING, DUS MTHA'I SKAD CIG MA BRGYA NYI SHU LA DE'I SKAD CIG MA GCIG DANG, DE'I SKAD CIG MA DRUG CU LA THANG GCIG THANG CIG SUM CU LA YUD TZAM GCIG ,YUD TZAM SUM CU LA NYIN ZHAG GCIG, NYIN ZHAG SUM CU LA ZLA BA GCIG TU 'JOG PA'I CHOS MNGON PA'I RNAM GZHAG 'DI DBU MA THAL 'GYUR BAS KHAS LEN GYI, DE LAS LDOG PA'I 'JOG TSUL MA BSHAD PA'I PHYIR DANG, BZHI BRGYA BA'I 'GREL PAR, DUS DANG RNAM PA THA DAD PA LAS KYANG SEMS SKAD CIG MA NYID DU 'GRUB BO, ,SKAD CIG CES PA NI DUS 'GRIB PA'I MTHAR THUG PA LA BYA LA, SKYES @46B BU STOBS DANG LDAN PAS SE GOL GTOG PA TZAM GYIS SKAD CIG DRUG CU RTZA LNGA 'DAS TE, RNAM PA DE LTA BU'I SKAD CIG GIS RNAM PAR SHES PA SKAD CIG MA YIN NO, ,ZHES DANG, DE TSE 'DIS NI SANGS RGYAS BRGYA MTHONG ZHING, ,ZHES PA'I SKABS KYI RANG 'GREL LAS, SKAD CIG THANG GCIG YUD TZAM ZHIG LA TING NGE 'DZIN BRGYA RAB TU THOB CING, ZHES DANG, DE'I THAD KYI 'GREL BSHAD LAS KYANG, GANG LA CHA'I DBYE BA BRTAGS PA MI SRID PA DE NI DUS KYI MTHAR THUG PA STE SKAD CIG MA ZHES BYA'O, ,SKAD CIG MA BRGYA NYI SHU NI DE'I SKAD CIG GO, DE'I SKAD CIG DRUG CU NI THANG GCIG GO, THANG CIG GSUM CU NI YUD TZAM GCIG GO, DUS DE TZAM NA TING NGE 'DZIN LA SNYOMS PAR 'JUG CING LDANG BA'O, ,ZHES GSUNGS SO, ,LUGS 'DI LA SHES PA CHA MED MI SRID KYANG, SHES PA SKAD CIG CHA MED YOD MED KYI DGAG GZHAG SOGS DPYAD PA BYA RGYU MANG PO ZHIG YOD PA DAG LAS SHES PAR BYA'O, ,GAL TE SA DANG PO'I YON TAN 'CHAD PA'I SKABS SU SA BDUN PAR NYAN RANG DGRA BCOM BLO'I STOBS KYIS ZIL GYIS GNON PA 'CHAD PA SKABS SU MA BAB PO SNYAM NA SKYON MED DE, RDZOGS PA'I BYANG CHUB SEMS LTA DANG PO LA GNAS KYANG, ZHES PA'I SKABS SU SA DANG POR NYAN RANG DGRA BCOM RIGS KYI SGO NAS ZIL GYIS GNON PAR BSHAD PA LA, 'O NA SA GANG NAS BLO'I STOBS KYIS ZIL GYIS GNON SNYAM PA'I DOGS PA GCOD PA LA GZHUNG 'DI GSUNGS PA'I PHYIR,, ` ,,GNYIS PA DE LTAR GSUNGS PAS GRUB PA'I DON BSHAD PA LA, SA BCU PA'I MDO LAS, NYAN RANG LA CHOS THAMS CAD RANG BZHIN MED PAR RTOGS PA YOD PAR BSTAN PA, DE SGRUB PA'I KHUNGS BSTAN PA, DE LTAR BSTAN PA LA RTZOD PA SPONG BA'O, ,DANG PO LA GNYIS, 'GREL PA MDZAD PA PO'I DGONGS PA GSAL BAR 'CHAD PA, DE NYID SPYOD 'JUG GI LUGS SU'ANG BSTAN PA'O, ,DANG PO LA RANG 'GREL LAS, LUNG 'DI LAS NI NYAN THOS DANG RANG SANGS RGYAS RNAMS LA YANG CHOS THAMS CAD RANG BZHIN MED PAR SHES PA YANG YOD DO, ,ZHES BYA BAR GSAL BAR NGES TE, DE LTAR MA YIN NA DNGOS PO RANG BZHIN MED PAR YONGS SU SHES PA DANG BRAL BA'I PHYIR, 'JIG RTEN PA'I 'DOD CHAGS DANG BRAL BA LTAR @47A *, ,DE DAG KYANG SEMS DANG PO BSKYED PA'I BYANG CHUB SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO, , GZUGS LA SOGS PA'I RANG GI NGO BO LA DMIGS PAS PHYIN CI LOG TU 'GYUR BA'I PHYIR, GANG ZAG GI BDAG MED PA RTOGS PAR YANG MI 'GYUR TE, BDAG TU GDAGS PA'I RGYU PHUNG PO LA DMIGS PA'I PHYIR RO, ,ZHES GSUNGS, DE'I DON NI, NYAN RANG DGRA BCOM PAS CHOS KYI BDAG MED RTOGS PA YIN TE, DES DE MA RTOGS PA LA RIGS PAS GNOD PA'I PHYIR, JI LTAR GNOD NA RIGS PA GSUM GSUNGS PA'I RIGS PA DANG PO'I DON NI, BYANG SEMS SA DANG PO BAS 'JIG RTEN PA'I CHAGS BRAL BA RNAMS BLO'I STOBS KYIS ZIL GYIS GNON NUS PA BZHIN DU, DES NYAN RANG DGRA BCOM BLO'I STOBS KYIS ZIL GYIS GNON NUS PAR THAL, BYANG SEMS SA DANG PO BAS CHOS KYI BDAG MED MNGON SUM DU RTOGS, NYAN RANG DGRA BCOM PAS CHOS KYI BDAG MED MNGON SUM DU MA RTOGS PA'I PHYIR, RTAGS KHAS, 'DOD NA SA BCU PA'I MDO LAS, DE BZHIN DU BYANG CHUB SEMS DPA' YANG, SEMS BSKYED MA THAG TU LHAG PA'I BSAM PA'I CHE BA NYID KYIS, NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, ,ZHES GSUNGS PA DANG 'GAL BA'I PHYIR, RIGS PA GNYIS PA NI, NYAN RANG DGRA BCOM CHOS CAN, KHAMS GSUM GYI PHRA RGYAS MA SPANGS PAR THAL, CHOS KYI BDAG MED MNGON SUM DU RTOGS PA'I SHES RAB DANG BRAL BA'I PHYIR, DPER NA PHYI ROL PA'I DRANG SRONG BZHIN NO, ,RIGS PA GSUM PA NI NYAN RANG DGRA BCOM CHOS CAN, KHYOD GANG ZAG GI BDAG MED TSAD MAS RTOGS PA'I GANG ZAG MA YIN PAR THAL, KHYOD GANG ZAG GI GDAGS GZHI'I PHUNG PO BDEN GRUB TU SGRO 'DOGS PA'I GANG ZAG YIN PA'I PHYIR TE, DES GANG ZAG GI GDAGS GZHI'I PHUNG PO BDEN MED DU @47B MA RTOGS PA'I PHYIR, DER THAL, DES CHOS KYI BDAG MED MA RTOGS PA'I PHYIR, RTAGS RNAMS RIM BZHIN KHAS, RTZA BAR 'DOD NA, DE CHOS CAN, KHYOD KYIS GANG ZAG GI BDAG MED MTSAN NYID TSANG BA MA RTOGS PAR THAL, 'DOD PA'I PHYIR, RIGS PA GSUM PA'I DON 'DI LTAR DU 'CHAD DGOS TE, DRANG NGES RNAM 'BYED LAS, CHOS BDAG GRUB MTHAS YOD PAR KHAS LEN NA GANG ZAG GI BDAG MED RTOGS PA 'ONG SA MED PAS 'JUG 'GREL LAS KYANG, CHOS LA BDAG TU 'DZIN PA MI 'DOR NA GANG ZAG GI BDAG MED MI RTOGS PAR GSUNGS SO, ,DE'I PHYIR NYAN RANG GIS KYANG BDAG MED GNYIS RTOGS DGOS SO, ,ZHES PA'I DGONGS PA BLA NA MED PA YIN TE, SNGON CHAD GZHAN GYIS YE MA MTHONG BAR 'DUG GO, RANG 'GREL LAS, GZUGS LA SOGS PA'I RANG GI NGO BO LA DMIGS PAS PHYIN CI LOG TU 'GYUR BA'I PHYIR, ZHES PA'I DON YANG DE KHO NA YIN NO, ,RIGS PA GSUM PA'I DON LA KHA CIG, GANG ZAG GI BDAG MED MNGON SUM DU RTOGS NA CHOS KYI BDAG MED MNGON SUM DU RTOGS DGOS PA LA 'CHAD PA NI KHYAB PA 'CHA' NUS PA TZAM RGYU MTSAN DU BYAS PA YIN GYI, 'GREL PA DANG t'IKKA'I DON MA YIN NO; ;YANG KHA CIG, GANG ZAG GI BDAG MED TSAD MAS RTOGS PA'I GANG ZAG YIN NA CHOS KYI BDAG MED TSAD MAS RTOGS PA'I GANG ZAG YIN DGOS PA RIGS PA GSUM PA'I DON DU 'CHAD PA YANG MI RIGS TE, GANG ZAG GI BDAG MED DANG CHOS KYI BDAG MED LA RTOGS DKA' SLA'I KHYAD PAR YOD PA'I PHYIR TE, LHAG MTHONG CHUNG BA LAS, GANG ZAG DANG CHOS KYI STENG DU NGES RGYU'I BDAG MED LA PHRAG RAGS MED KYANG, KHYAD GZHI'I GNAD KYIS GANG ZAG GI STENG DU NGES SLA LA, CHOS KYI STENG DU NGES DKA' BA'I PHYIR TE, ZHES DANG, YANG DE NYID LAS, BDAG 'DZIN GNYIS KYI SKYE RIM LA CHOS KYI BDAG 'DZIN GYIS GANG ZAG GI BDAG 'DZIN SKYED PA YIN YANG, BDAG MED KYI DE NYID LA 'JUG PA NA, SNGON DU GANG ZAG GI BDAG MED KYI LTA BA BSKYED NAS, DE'I 'OG TU CHOS KYI BDAG MED RTOGS PA'I LTA BA SKYED DGOS SO, ,ZHES GSUNGS PA'I @48A *, ,PHYIR, CHOS KYI BDAG MED RTOGS PA'I LTA BA RGYUD LA SKYED PA LA GANG ZAG GI BDAG MED RTOGS PA'I LTA BA RGYUD LA SKYED PA SNGON DU 'GRO DGOS PA MI 'THAD DE, GANG ZAG CHOS CAN, BDEN PAR MED DE, RTEN 'BREL YIN PA'I PHYIR, DPER NA, GZUGS BRNYAN BZHIN ZHES BKOD PA'I TSE RTEN 'BREL GYI RTAGS KYIS GANG ZAG BDEN MED DU SGRUB PA'I PHYI RGOL YANG DAG GIS GZUGS BRNYAN BDEN MED DU RTOGS PA'I PHYIR ZER NA SKYON MED DE, CHOS DANG GANG ZAG GNYIS SU PHYE BA'I CHOS GCIG BDEN MED DU RTOGS PA TZAM LA CHOS KYI BDAG MED RTOGS PAR MI 'JOG PA'I PHYIR TE, GANG ZAG GI GDAGS GZHI'I PHUNG PO BDEN MED DU NA MA RTOGS PA'I TSE CHOS KYI BDAG MED RTOGS PAR 'JOG PA'I PHYIR, GANG ZAG BDEN MED DU TSAD MAS RTOGS PA'I GANG ZAG YIN NA GANG ZAG GI GDAGS GZHI'I PHUNG PO BDEN MED DU TSAD MAS RTOGS PA'I GANG ZAG YIN MI DGOS NA, TING NGE 'DZIN RGYAL PO'I MDO LAS, DNGOS PO GCIG NI BSAM BYAS NA, ,DE DAG THAMS CAD BSGOM 'GYUR TE, ZHES DANG, 'JUG PAR, SHING RTA TSIG NA YAN LAG MED DPE BZHIN, ,BLO MES YAN LAG CAN BSREG YAN LAG GO, ,ZHES DANG, SLOB DPON 'PHAGS PA LHAS, GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES DANG, DNGOS PO GCIG GI LTA PO GANG, ,DE NI KUN GYI LTA PO YIN, ,ZHES CHOS GCIG GI GNAS LUGS RTOGS NA CHOS THAMS CAD KYI GNAS LUGS RTOGS DGOS PAR GSUNGS PA'I DON GANG ZHE NA, LUNG DE RNAMS KYI DON BZHAG TU YOD DE, GZHI GRUB PA GCIG GI STENG DU BDEN MED TSAD MAS NGES NA, DE NAS GZHI GZHAN LA BDEN PAR YOD MED BLO KHA PHYOGS PA TZAM GYIS BDEN MED DU RTOGS NUS PA LUNG DE RNAMS KYI DON YIN PA'I PHYIR, DE LTAR YANG LHAG MTHONG CHUNG BA LAS, 'DI DAG DPER LEN PA NI GZUGS SGRA SOGS KYI CHOS GZHAN RNAMS LAS 'DI RNAMS RANG BZHIN MED PAR RTOGS SLA BA'I RGYU MTSAN GYIS YIN LA, 'DI RNAMS NGO BO NYID KYIS GRUB PA'I RANG BZHIN GYIS STONG PAR NI, YUL BDEN PAR GRUB NA, @48B RANG GI GNAS TSUL GANG YIN PA DE LAS RNAM PA GZHAN DU BLO LA 'CHAR DU MI RUNG BAS, DE GNYIS LA 'GAL BA BSTAN NAS SGRUB PA YIN NO, ,'JIG RTEN NA RDZUN PAR GRAGS PA'I DPE 'DI RNAMS THOG MAR RANG BZHIN MED PAR RTOGS BCU GNAS, DE NAS 'JIG RTEN NA RDZUN PAR MA GRAGS PA'I CHOS GZHAN RNAMS RANG BZHIN MED PAR RTOGS PA SKYE DGOS SHING, DE GNYIS LA SNGA PHYI'I RIM PA DGOS PAS CHOS GCIG GI STONG NYID RTOGS PA NA GZHAN THAMS CAD KYI STONG NYID RTOGS DGOS PA MA YIN GYI, CHOS GZHAN BDEN PAR YOD MED BLO KHA PHYOGS PA NA RTOGS NUS PA'I DON NO, ,ZHES DANG t'IK CHEN LAS KYANG BZHI BRGYA BA'I LUNG GI DON SNGAR LTAR GSUNGS PA'I PHYIR RO,, ` ,,GNYIS PA DE LA DOGS PA SPANGS PA LA, DOGS PA 'GOD PA DANG, DE'I LAN BSHAD PA'O, ,DANG PO NI, KHO NA RE, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO, ,ZHES BSHAD PA MI 'THAD DE, DNGOS PO RANG BZHIN GYIS GRUB PAS STONG PA'I DE KHO NA NYID KYI LTA BA MA RNYED KYANG GANG ZAG RANG RKYA THUB PA'I RDZAS YOD KYIS STONG PAR MNGON SUM DU RTOGS ZIN GOMS PAR BYAS PA LA BRTEN NAS KHAMS GSUM GYI PHRA RGYAS SA BON DANG BCAS PA ZAD PAR SPONG NUS PA'I PHYIR TE, DE KHO NA NYID KYI LTA BA MA RNYOD KYANG GANG ZAG RANG RKYA THUB PA'I RDZAS YOD KYIS STONG PAR MNGON SUM DU GSAR DU RTOGS PA'I MTHONG LAM GYIS NYON SGRIB KUN BRTAGS KYI SA BON SPONG NUS SHING, DE MNGON SUM DU RTOGS ZIN GOMS PAR BYED PA'I SGOM LAM GYIS NYON SGRIB LHAN SKYES KYI SA BON SPONG NUS PA'I PHYIR TE, DE KHO NA NYID KYI LTA BA MA RNYED PA'I GANG ZAG GI RGYUD LA GANG ZAG RANG RKYA THUB PA'I RDZAS YOD KYIS STONG PAR MNGON SUM DU RTOGS PA'I MTHONG LAM DANG, DE MTHONG ZIN GOMS PAR BYED PA'I SGOM LAM YOD PA'I PHYIR TE, DE'I RGYUD LA DE MNGON SUM DU GSAR DU RTOGS PA'I YE SHES DANG, DE MTHONG ZIN GOMS PAR BYED PA'I YE SHES YOD PA'I PHYIR TE, DE'I RGYUD LA DE MNGON SUM DU RTOGS PA'I BLO YOD PA'I PHYIR, MA GRUB NA, DER THAL, @49A *, ,DE'I RGYUD LA GANG ZAG RANG RKYA THUB PA'I RDZAS YOD KYIS STONG PAR RTOGS PA'I BLO YOD PA GANG ZHIG, DE'I RGYUD LA DE YOD NA DE'I RGYUD LA DE MNGON SUM DU RTOGS PA'I BLO YOD DGOS PA'I PHYIR, GNYIS PA DER THAL, DE'I RGYUD LA DE RTOGS PA'I BLO YOD NA, DE'I RGYUD LA DE MNGON SUM DU RTOGS PA'I BLO YOD DGOS PAR RNAL 'BYOR MNGON SUM SGRUB PA'I RIGS PAS 'GRUB PA'I PHYIR, RNAL 'BYOR MNGON SUM SGRUB PA'I RIGS PA NI, GANG ZAG GI BDAG MED DON SPYI'I TSUL GYIS RTOGS PA'I BLO CHOS CAN, GOMS BYED KYI YAN LAG DANG MA BRAL BAR GOMS PAR BYAS NA, GOMS BYA'I DON LA GSAL SNANG MTHAR THUG PA 'BYUNG DU RUNG STE, RTEN BRTEN PA GOMS ZIN 'BAD RTZOL BSKYAR MA LA MI LTOS PA'I SEMS KYI YON TAN YIN PA'I PHYIR, ZHES PA'O, ,GNYIS PA NI, t'IK CHEN LAS, DE KHO NA NYID KYI LTA BA MA RNYED KYANG MI RTAG SOGS BCU DRUG TSAD MAS GTAN LA 'BEBS PA DANG, ZHES SOGS KYIS 'CHAD DON NI, SNGAR GYI DOGS PA DE'I SKYON MED DE, DE KHO NA NYID KYI LTA BA MA RNYED KYANG MNGON PA GNYIS NAS BSHAD PA'I MI RTAG SOGS BCU DRUG TSAD MAS GTAN LA 'BEBS PA DANG, DE'I GDUL BYA RNAMS KYIS GTAN LA PHABS PA'I DON DE NYID BSGOMS PA LAS GANG ZAG GI BDAG MED RAGS PA MNGON SUM DU GSAR DU RTOGS PA DANG, MTHONG ZIN GOMS PAR BYED PA YOD KYANG, DE 'DRA'I LAM DE GNYIS RIM PA BZHIN DU MTHONG LAM DANG SGOM LAM DU KHAS MI LEN PAS, LAM DE GNYIS KYIS RIM PA BZHIN DU MTHONG SPANG DANG SGOM SPANG GI SA BON SPONG MI NUS PA'I PHYIR, DES NA LAM DE GNYIS MTHONG LAM DANG, SGOM LAM DU BSHAD PA DANG, LAM DE GNYIS KYIS MTHONG SPANG DANG SGOM SPANG GI SA BON SPONG NUS PAR STON PA'I MDO RNAMS DRANG DON DGONGS PA CAN GYI MDO YIN TE, DPER NA, RDUL PHRAN CHA MED KYIS BRTZAMS PA'I RAGS PA DANG, DE 'DZIN PA'I TSAD MA @49B GNYIS RDZAS GZHAN GYIS STONG PAR MNGON SUM DU RTOGS ZIN GOMS PAR BYAS PA LA BRTEN NAS SLOB LAM PHYI MA GNYIS BGROD PAR GSUNGS PA'I MDO RNAMS SEMS TZAM PAS NGES DON GYI MDOR KHAS LEN KYANG, DBU MA PAS DRANG DON DGONGS PA CAN DU 'GREL BA BZHIN NO, ,YANG DE 'DRA'I STONG NYID MNGON SUM DU GSAR DU RTOGS PA DANG, MNGON SUM DU RTOGS ZIN GOMS PAR BYAS PA DANG, GOMS PA MTHAR PHYIN PA'I STENG NAS MTHONG LAM SOGS LAM PHYI MA GSUM BGROD PAR GSUNGS PA'I MDO SEMS TZAM PAS NGES DON GYI MDOR KHAS LEN KYANG, DBU MA PAS DRANG DON DGONGS PA CAN GYI MDOR KHAS LEN PA BZHIN NO, ,KHA CIG, RDUL PHRAN CHA MED KYIS BRTZAMS PA'I RAGS PA DANG, DE 'DZIN PA'I TSAD MA RDZAS GZHAN GYIS STONG PA'I STONG NYID SEMS TZAM PAS CHOS KYI BDAG MED PHRA MOR KHAS LEN PA MI 'THAD DE, SEMS TZAM PAS RDUL PHRAN CHA MED KYIS BRTZAMS PA'I RAGS PA GZHI MA GRUB PAR KHAS LEN PA'I PHYIR ZER NA, DE LTA BU'I DOGS PA RTOG LDAN LA SKYE BAR RIGS KYANG, DE'I LAN t'IK CHEN GYI DGONGS PA DANG MTHUN PAR KHO BOS BSHAD PAR BYA STE, RDUL PHRAN CHA MED KYIS BRTZAMS PA'I RAGS PA DANG, DE 'DZIN PA'I TSAD MA RDZAS GZHAN GYIS STONG PA'I STONG NYID 'DI SEMS TZAM PA RANG GI LUGS GZHIR GZHAG NAS SMRA BA'I TSE DON DAM PA YIN ZHES MI SMRA YANG, THAL 'GYUR BAS GZHAL BA'I TSE SEMS TZAM PAS DE DON DAM PAR KHAS BLANGS PAR SONG ZHES PHUL BA YIN NO, ,SEMS TZAM PAS RDUL PHRAN CHA MED KYIS BRTZAMS PA'I RAGS PA MED PA LA BSAMS NAS GZUNG 'DZIN RDZAS GZHAN MED PAR SMRA BA YIN PAS, SEMS TZAM PAS GZUNG 'DZIN RDZAS GZHAN MED PA DON DAM PAR KHAS BLANGS PA DE RDUL PHRAN CHA MED KYIS BRTZAMS PA'I RAGS PA DANG, DE 'DZIN PA'I TSAD MA RDZAS GZHAN DU MED PA DON DAM PAR KHAS BLANGS PAR SONG ZHES PHUL BA YIN PA'I PHYIR, YANG NA t'IK CHEN LAS DE LTAR GSUNGS PA'I DON YOD DE, RDUL PHRAN CHA MED KYIS BRTZAMS PA'I @50A *, ,RAGS PA MED PA DON DAM BDEN PA DANG, DE MNGON SUM DU RTOGS ZIN GOMS PAR BYAS PA'I STENG NAS SA BCU DANG LAM PHYI MA GSUM BGROD PAR GSUNGS PA SEMS TZAM PAS NGES DON DANG, DBU MA PAS DRANG DON DU 'GREL PA LUNG DE'I DON YIN PA'I PHYIR, KHO NA RE, RDUL PHRAN CHA MED MI SRID PAR TSAD MAS NGES PA'I GANG ZAG YIN NA, CHOS KYI BDAG MED TSAD MAS NGES PA'I GANG ZAG YIN PAS KHYAB PA SEMS TZAM PAS KHAS LEN PAR THAL, DES RDUL PHRAN CHA MED KYIS BRTZAMS PA'I RAGS PA MED PA DON DAM PAR KHAS LEN PA'I PHYIR, RTAGS KHAS, 'DOD NA, CHA MED MI SRID PAR TSAD MAS NGES PA'I GANG ZAG YIN NA CHOS KYI BDAG MED TSAD MAS NGES PA'I GANG ZAG YIN PAS KHYAB PA SEMS TZAM PAS KHAS LEN PAR THAL LO, ,'DOD NA, BUM PA CHA BCAS SU TSAD MAS NGES PA'I GANG ZAG YIN NA BUM PA CHOS KYI BDAG MED DU TSAD MAS NGES PA'I GANG ZAG YIN PAS KHYAB PA DES KHAS LEN PAR THAL, 'DOD PA'I PHYIR NA MA KHYAB, YANG KHO NA RE, SEMS TZAM PA'I SKABS KYI DRANG NGES RNAM 'BYED LAS, CHOS KYI BDAG 'DZIN YANG RDUL PHRA RAB PHYOGS KYI CHA MED DANG DES BSAGS PA'I GZUNG BA DANG, DUS SNGA PHYI'I CHA SHAS MED PA'I SHES PA SKAD CIG MA DANG DE MTHUD PA'I RGYUN GYI SHES PA YOD PAR 'DZIN PA LTA BU GRUB MTHAS BLO BSGYUR BA KHO NAS BTAGS PA RNAMS NI GRUB MTHA' SMRA BA DE DAG KHO NA LA YOD KYI SEMS CAN GZHAN LA MED DO, ,DES NA DE TZAM ZHIG MED PA'I STONG PAR BSTAN YANG THOG MA MED PA NAS ZHUGS PA'I LHAN SKYES KYI BDAG 'DZIN LA CI YANG MI GNOD PAS, ZHES BSHAD PA MI 'THAD PAR THAL, SEMS TZAM PAS RDUL PHRAN CHA MED KYIS BRTZAMS PA'I RAGS PA MED PA DON DAM BDEN PAR KHAS LEN PA'I PHYIR ZER NA SKYON MED DE, CHOS KYI BDAG 'DZIN LHAN SKYES KYI 'DZIN STANGS KYI YUL NGOS MA ZIN PAR KUN BRTAGS KYI ZHEN YUL LA RIGS PA'I GNOD PA BSTAN PAS CHOS KYI BDAG 'DZIN LHAN SKYES LA MI GNOD PA LUNG DE'I DON YIN PA'I @50B PHYIR, DPER NA, SGRA BYAS PAR RTOGS PA'I RJES DPAG TSAD MAS SGRA RTAG 'DZIN LHAN SKYES LA MI GNOD PA BZHIN NO, ,t'IK CHEN LAS, DPER NA, SEMS TZAM PAS RDUL CHA MED DANG, DE BSAGS PA'I PHYI DON DANG, DE LAS RDZAS THA DAD PA'I 'DZIN PA GNYIS BKAG PA YANG TSAD MAS 'GRUB CING, DES 'DUL BA'I GDUL BYAS RING DU GOMS PAR BYAS NA, DON DE MNGON SUM DU MTHONG BA DANG, MTHONG ZIN GOMS PAR BYED PA 'GRUB TU CHUG KYANG, DE'I STENG NAS SA BCU DANG, LAM PHYI MA GSUM BGROD PA DBU MA PAS DRANG DON DU 'GREL BA BZHIN NO, ,ZHES PA'I DON 'CHAD TSUL RANG LUGS NI SNGAR BSHAD PA LTAR YIN LA, MKHAS PA KHA CIG, LUNG 'DIS SBYOR LAM PA DANG SEMS TZAM PA'I GZHI MTHUN YOD PAR BSTAN TE, LUNG 'DIS SEMS TZAM GYI LTA BA LA BRTEN NAS LAM DANG PO GNYIS BGROD PAR GSUNGS PA DRANG DON DGONGS PA CAN DU MI 'GREL ZHING, LAM PHYI MA GSUM BGROD PAR GSUNGS PA DRANG DON DGONGS PA CAN DU 'GREL PAR BSTAN PA'I PHYIR, DES NA SBYOR LAM PAR GYUR PA'I SEMS TZAM PA YOD DE, DER GYUR PA'I BYE BRAG SMRA BA YOD PA GANG ZHIG, RGYU MTSAN MTSUNGS PA'I PHYIR, DANG PO GRUB STE, SBYOR LAM PAR GYUR PA'I PHAL CHEN SDE PA YOD PA GANG ZHIG, SDE PA BCO BRGYAD PO THAMS CAD BYE BRAG SMRA BA YIN PA'I PHYIR, DANG PO GRUB STE, DPAL LDAN AA TI SHA'I MKHAN PO SH'I LAR KsHI TA PHAL CHEN SDE PA DANG SBYOR LAM PA GNYIS KA YIN PA'I PHYIR TE, LAM RIM LAS, PHAL CHEN SDE PA'I GNAS BRTAN 'DUL BA 'DZIN PA CHEN PO SHA'I LA RA KsHI TA ZHES BYA BA SBYOR BA'I LAM GYI DE KHO NA NYID KYI PHYOGS GCIG LA ZHUGS PA'I TING NGE 'DZIN BRNYES PA ZHIG LAS MKHAN PO MDZAD NAS RAB TU BYUNG STE, MTSAN YANG DPAL MAR ME MDZAD YE SHES ZHES BTAGS SO; ;ZHES GSUNGS, DE RNAMS KYANG MI 'THAD DE, LUNG DES JO BO RJE'I MKHAN PO SH'I LA RA KsHI TA DE PHAL CHEN SDE PA'I DGE SLONG DU BSTAN PA YIN GYI, PHAL CHEN SDE PAR BSTAN PA MA YIN PA'I PHYIR, DE LTA MA YIN NA PHAL CHEN SDE PA'I DGE SLONG YIN NA, PHAL CHEN SDE @51A *, ,PA YIN DGOS NA, DPAL LDAN AA TI SHA CHOS CAN, PHAL CHEN SDE PA YIN PAR THAL, PHAL CHEN SDE PA'I DGE SLONG YIN PA'I PHYIR, RTAGS GRUB STE, BSTOD PA LAS, DGE 'DUL PHAL CHEN SDE PA'I DGE SLONG MDZAD CES GSUNGS PA'I PHYIR, RTZA BAR 'DOD NA, NYAN THOS RTZA BA'I SDE BZHI PO GANG RUNG YIN PAR THAL LO, ,'DOD NA, NYAN THOS SDE PA YIN PAR THAL, 'DOD PA'I PHYIR, DE BZHIN DU STON PA SANGS RGYAS CHOS CAN, THAMS CAD YOD SMRA YIN PAR THAL, THAMS CAD YOD PAR SMRA BA'I DGE SLONG YIN PA'I PHYIR TE, SLOB DPON YON TAN 'OD DE THAMS CAD YOD PAR SMRA BA'I DGE SLONG YIN PA'I PHYIR DANG, 'DUL BA LUNG SDE BZHI PO DE THAMS CAD YOD PAR SMRA BA'I 'DUL BA'I SDE SNOD YIN PA'I PHYIR, RTZA BAR 'DOD NA, DE CHOS CAN, NYAN THOS RTZA BA'I SDE PA BZHI PO GANG RUNG YIN PAR THAL LO, ,'DOD NA, NYAN THOS SDE PA YIN PAR THAL, 'DOD PA'I PHYIR, 'DOD MI NUS TE, DBU MA THAL 'GYUR PA YIN PA'I PHYIR, SNGAR GYI LUNG DON LA KHA CIG, DE KHO NA NYID KYI LTA BA MA RNYED PAR GANG ZAG RANG RKYA THUB PA'I RDZAS YOD KYIS STONG PA'I BDAG MED TZAM MNGON SUM DU RTOGS ZIN GOMS PAR BYAS PA LA BRTEN NAS, DGRA BCOM PA'I GO 'PHANG THOB NUS PAR MDO SDE DU MAR GSUNGS PA DRANG DON DGONGS PA CAN YIN TE, DPER NA, RANG RGYUD PA KHYED RANG GI LUGS LA STONG NYID MA RTOGS PAR RDUL PHRAN CHA MED KYIS BRTZAMS PA'I RAGS PA DANG, DE 'DZIN PA'I TSAD MA RDZAS GZHAN GYIS STONG PAR RTOGS PA'I SEMS TZAM PA'I LTA BA LA BRTEN NAS SA BCU DANG, THEG PA CHEN PO'I LAM PHYI MA GSUM BGROD NUS PAR GSUNGS PA'I SEMS TZAM PA'I MDO DANG, MDO SDE RGYAN LAS SOGS PA'I BSTAN BCOS RNAMS DRANG DON DGONGS PA CAN DU 'GREL PA BZHIN NO, ,ZHES PA'I DON YIN ZER BA MI 'THAD DE, DE'I STENG NAS SA BCU DANG LAM PHYI MA GSUM BGROD PA DBU MA PAS DRANG DON DU 'GREL BA BZHIN NO, ,ZHES PA DBU MA PA SPYI'I LUGS 'CHANG BYED YIN GYI, RANG RGYUD PA KHO NA'I 'DOD PA BRJOD PA'I GZHUNG YIN PA @51B LA 'BREL MED PA'I PHYIR DANG, KHYED LTAR NA RANG RGYUD PA DES SEMS TZAM GYI LTA BAS THEG CHEN GYI SBYOR LAM DU BGROD NUS PAR KHAS LEN, THAL 'GYUR BAS DE 'DRA'I LTA BAS THEG CHEN GYI SBYOR LAM DU BGROD MI NUS PAR KHAS LEN PA'I BYAD PAR 'THAD PAR THAL, LUNG DE'I DON RANG RGYUD PA'I GRUB MTHA' STON PA LA 'CHAD RIGS, THAL 'GYUR BA'I GRUB MTHA' STON PA LA 'CHAD MI RIGS PA'I PHYIR, RTAGS KHAS, RANG SDE 'OG MA RNAMS KYIS NYON MONGS SPONG BAR 'DOD PA'I NYAN THOS SLOB PA RNAMS KYIS MI RTAG SOGS BCU DRUG SGOM PA YIN YANG, SNGAR BSHAD PA'I GANG ZAG GI BDAG MED RTOGS PA'I LAM DE NYID NYON MONGS LAS GROL BAR BYED PA'I LAM DANG, MI RTAG SDUG BSNGAL SOGS SGOM PA'I LAM DE YONGS SU SBYONG BA'I THABS SU 'DOD PA YIN TE, DE LTAR KUN BTUS LAS GSUNGS SHING, RNAM 'GREL LAS KYANG, STONG NYID LTA BAS GROL 'GYUR GYI, ,SGOM PA LHAG MA DE DON YIN, ,ZHES KUN BTUS DANG MTHUN PAR GSUNGS PA'I PHYIR, STONG NYID LTA BA ZHES PA'I TSIG TZAM LA 'KHRUL NAS RGYAN MKHAN PO DANG, ZHI BA 'TSO YAB SRAS SOGS, RNAM 'GREL LAS, CHOS THAMS CAD BDEN PAS STONG PA'I STONG NYID BSTAN PAR BZHED PA MI 'THAD DE, 'DI'I STONG NYID LTA BA ZHES PA'I LTA BA GANG ZAG RANG RKYA THUB PA'I RDZAS YOD KYIS STONG PAR RTOGS PA'I LTA BA LA BYED RIGS PA'I PHYIR, GANG ZAG RANG RKYA THUB PA'I RDZAS YOD KYIS STONG PAR RTOGS PA'I LAM DES NYON MONGS PA GANG GI SA BON SPONG MI NUS KYANG, MNGON PA GNYIS NAS BSHAD PA'I NYON MONGS MNGON GYUR PA RE ZHIG SPONG NUS TE, PHYI ROL PA DANG THUN MONG BA'I ZHI RAGS KYI RNAM PA CAN GYI 'JIG RTEN PA'I LAM GYIS MNGON PA GNYIS NAS BSHAD PA'I CI YANG MED MAN CHAD LA CHAGS PA MNGON GYUR BA DANG BRAL BAR BYED NUS PA GANG ZHIG, DE NUS NA SNGAR BSHAD PA'I GANG ZAG GI BDAG MED RAGS PA RTOGS PA'I LAM DES MNGON PA GNYIS NAS BSHAD PA'I NYON MONGS MNGON GYUR PA RE ZHIG SPONG NUS PA LTA CI SMOS PA'I PHYIR, GANG ZAG GI BDAG MED RAGS PA RTOGS PA'I LAM DES MNGON PA GNYIS NAS @52A *, ,BSHAD PA'I NYON MONGS MNGON GYUR RE ZHIG SPONG NUS KYANG, LAM DES BDEN 'DZIN NYON MONGS CAN GYI MA RIG PAR BSHAD PA'I NYON MONGS KYI DBANG DU BYAS PA'I NYON MONGS MNGON GYUR TZAM YANG SPONG MI NUS TE, DE'I DBANG DU BYAS PA'I NYON MONGS MNGON GYUR SPONG BA LA STONG NYID RTOGS PA'I LTA BA DGOS PA'I PHYIR, ZHI RAGS KYI RNAM PA CAN GYI 'JIG RTEN PA'I LAM GYIS MNGON PA GNYIS NAS BSHAD PA'I CI YANG MED MAN CHAD KYI NYON MONGS MNGON GYUR PA SPONG NUS KYANG, DES MNGON PA GNYIS NAS BSHAD PA'I GANG ZAG RANG RKYA THUB PA'I RDZAS YOD DU 'DZIN PA'I 'DZIN PA MNGON GYUR BA SPONG MI NUS TE, DE 'DRA'I 'DZIN PA MNGON GYUR PA SPONG BA LA GANG ZAG RANG RKYA THUB PA'I RDZAS YOD KYIS STONG PAR RTOGS PA SNGON DU SONG BA LA LTOS PA'I PHYIR, ZHI RAGS KYI RNAM PA CAN GYI 'JIG RTEN PA'I LAM DANG, SNGAR BSHAD PA'I GANG ZAG GI BDAG MED RAGS PA RTOGS PA'I LAM GNYIS LA DMAN MCHOG GI KHYAD PAR YOD DE, MNGON PA GNYIS NAS BSHAD PA'I SRID RTZE'I SAS BSDUS PA'I NYON MONGS MNGON GYUR BA ZHI RAGS KYI RNAM PA CAN GYI 'JIG RTEN PA'I LAM GYIS SPONG MI NUS SHING, SNGAR BSHAD PA'I GANG ZAG GI BDAG MED RAGS PA RTOGS PA'I LAM LA GOMS PAR BYAS PAS, MNGON PA GNYIS NAS BSHAD PA'I SRID RTZE'I SAS BSDUS PA'I NYON MONGS MNGON GYUR PA SPONG NUS PA'I PHYIR, 'O NA, CHAGS BRAL SNGON SONG GI RGYUN ZHUGS DANG DGRA BCOM SOGS YOD PAR 'GYUR TE, MTHONG LAM GYI SNGA ROL DU SRID RTZE LA CHAGS PA MNGON GYUR BA DANG BRAL BA'I RGYUN ZHUGS DANG DGRA BCOM YOD PA'I PHYIR TE, SNGAR BSHAD PA'I GANG ZAG GI BDAG MED RAGS PA RTOGS PA'I LAM LA GOMS PAR BYAS PAS SRID RTZE LA CHAGS PA MNGON GYUR BA DANG BRAL BAR BYED NUS PA'I PHYIR TE, DES MNGON PA GNYIS NAS BSHAD PA'I SRID RTZE'I SAS BSDUS KYI NYON MONGS MNGON GYUR BA DANG BRAL BAR BYED NUS PA'I PHYIR ZER NA SKYON MED DE, MTHONG LAM GYI SNGA ROL DU ZHI RAGS KYI RNAM PA CAN GYI 'JIG RTEN PA'I LAM GYIS SRID RTZE LA CHAGS BRAL BYED @52B PA MED PAS CHAGS BRAL SNGON SONG GI DGRA BCOM SOGS MA BSHAD PA'I PHYIR, GNYIS PA DE NYID SPYOD 'JUG MKHAN PO'I LUGS SU BSTAN PA NI, PHYOGS SNGA MA 'GOD PA DANG, DE DGAG PA GNYIS, DANG PO NI, SPYOD 'JUG LAS, BDEN PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, ,ZHES PAS 'CHAD, DE'I DON NI KHO NA RE, 'KHOR BA LAS GROL BA THOB PA LA CHOS THAMS CAD RANG BZHIN GYI GRUB PAS STONG PA'I STONG NYID SGOM MI DGOS PAR THAL, MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB PA'I PHYIR, ZHES ZER, DE'I LAN NI, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ,ZHES SOGS KYIS 'CHAD, DON NI MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB MI NUS PAR THAL, CHOS THAMS CAD RANG BZHIN GYIS GRUB PAS STONG PAR RTOGS PA'I LAM 'DI MED PAR BYANG CHUB GSUM PO GANG RUNG THOB MI NUS PAR YUM GYI MDO LAS GSUNGS PA'I PHYIR TE, YUM GYI MDO LAS, DNGOS PO'I 'DU SHES CAN LA THAR PA MED, NYAN THOS KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA LA BSLAB PAR BYA'O, ,ZHES SOGS KYIS DUS GSUM GA'I RGYUN ZHUGS NAS RANG RGYAL GYI BAR RNAMS SNYING PO DON GYI SHER PHYIN 'DI NYID BSGOMS PA LA BRTEN NAS THOB PAR BSHAD PA'I PHYIR, BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,SEMS NI DMIGS DANG BCAS RNAMS KYIS, ,MYA NGAN 'DAS PA'ANG DKA' BAR GNAS, ,ZHES PA'I DON NI, BSTAN PA'I RTZA BA NYAN THOS DGRA BCOM LA SOGS PA DGE SLONG DU BZHAG PAR DKA' BA YIN PAR THAL, STONG NYID RTOGS PA'I NYAN THOS DGRA BCOM MED PA'I PHYIR, KHYAB STE, SEMS BDEN 'DZIN GYI DMIGS PA DANG BCAS PA'I LAM GYIS MYANG 'DAS THOB PAR DKA' BA'I PHYIR, NYAN THOS DGRA BCOM PA LA BSTAN PA'I RTZA BA ZHES BRJOD PA'I RGYU MTSAN GANG SNYAM NA, BU STON LA SOGS PA'I MKHAS @53A *, ,PA KHA CIG, DE'I RGYU MTSAN YOD DE, SO SOR THAR PA DE BSTAN PA'I RTZA BA YIN CING, NYAN THOS DGRA BCOM PA DE SO SO THAR PA'I SDOM PA NYAMS SU LEN PA'I RTEN GYI GANG ZAG GI GTZO BO YIN PA'I RGYU MTSAN GYIS DE LTAR BRJOD PA'I PHYIR, ZHES GSUNG, SPYOD 'JUG DAR t'IK LTAR NA NYAN THOS DGRA BCOM PA LA BSTAN PA'I RTZA BA ZHES BRJOD PA'I RGYU MTSAN YOD DE, 'OD SRUNG DANG, NYE BA 'KHOR DANG, KUN DGA' BO LAS SOGS PA'I DGRA BCOM PA RNAMS KYIS BKA' SDU BA MDZAD PA LA BRTEN NAS SANGS RGYAS KYI LUNG RTOGS KYI BSTAN PA 'JIG RTEN GYI KHAMS 'DIR YUN RING DU GNAS PA YIN PA'I PHYIR DANG, 'PHAGS PA'I GNAS BRTAN BCU DRUG SOGS KYIS SANGS RGYAS KYI BSTAN PA YUN RING DU GNAS PAR MDZAD PA'I PHYIR, ZHES GSUNG, NYON MONGS SPANGS PAS GROL NA DE'I, ,DE MA THAG TU DER 'GYUR RO, ,ZHES PA'I DON NI, MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PA LA BRTEN NAS MNGON PA GNYIS NAS BSHAD PA'I NYON MONGS MNGON GYUR PA RE ZHIG SPANGS PA'I DE MA THAG TU GROL BA THOB PAR 'JOG RIGS PAR THAL, DE GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB NUS PA GANG ZHIG, DE GNYIS NAS BSHAD PA'I GANG ZAG GI BDAG MED CI TZAM BSGOMS KYANG NYON MONGS PA'I SA BON SPONG MI NUS PA'I PHYIR, DANG PO MA GRUB NA, BDEN PA MTHONG BAS GROL 'GYUR GYI,, ZHES BSHAD PA DANG 'GAL, RTAGS PHYI MA GRUB STE, DE GNYIS NAS BSHAD PA'I GANG ZAG GI BDAG MED RTOGS PA'I LAM DES GNAS LUGS KYI DON PHYIN CI MA LOG PAR MA RTOGS PA'I PHYIR, 'DOD NA, NYON MONGS MED KYANG DE DAG LA, ,LAS KYI NUS PA MTHONG BA YIN, ,ZHES PA'I DON NI, DE 'DOD MI NUS TE, MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS MNGON PA GNYIS NAS BSHAD PA'I NYON MONGS MNGON GYUR RE ZHIG SPANGS PA'I GANG ZAG DE LAS KYI DBANG GIS YANG SRID PHYI MAR SKYE BA LEN PA @53B MTHONG BA'I PHYIR, RE ZHIG NYER LEN SRED PA NI, ,MED CES NGES PA NYID CE NA, ,ZHES PA'I DON NI KHO NA RE, ,LAS KYI NUS PA MTHONG BA YIN, ,ZHES PA RTAGS MA GRUB STE, MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS PA'I BLO BSGOMS PA LA BRTEN NAS YANG SRID PHYI MA'I NYER LEN GYI RGYU SRED PA ZAD PAR BYED NUS PA'I PHYIR ZER, DE 'GOG PA LA, SRED 'DI NYON MONGS CAN MIN YANG, ,KUN RMONGS BZHIN DU CI STE MED, ,CES GSUNGS, DON NI MNGON PA GNYIS NAS BSHAD PA'I GANG ZAG GI BDAG MED RTOGS PA'I LAM BSGOMS PAS YANG SRID PHYI MA'I NYER LEN GYI RGYU SRED PA SPONG MI NUS TE, SRED PA LA MNGON PA GNYIS NAS BSHAD PA LTAR GYI GANG ZAG RANG RKYA THUB PA'I RDZAS YOD DU 'DZIN PA'I 'JIG LTA TZAM GYIS DRANGS PA'I SRED PA NYON MONGS CAN GCIG DANG, GANG ZAG RANG GI MTSAN NYID KYIS GRUB PAR 'DZIN PA'I 'JIG LTAS DRANGS PA'I NYON MONGS CAN MA YIN PA'I SRED PA GNYIS SU YOD PA GANG ZHIG, DE GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS SRED PA PHYI MA ZAD PAR BYED MI NUS PA'I PHYIR, DANG PO DER THAL, MA RIG PA LA GANG ZAG RANG RKYA THUB PA'I RDZAS YOD DU 'DZIN PA'I NYON MONGS CAN GYI MA RIG PA DANG, DE LAS GZHAN PA'I NYON MONGS CAN MA YIN PA'I MA RIG PA GNYIS SU 'BYED RIGS PA'I PHYIR, RTAG KHAS, TSOR BA'I RKYEN GYIS SRED PA YIN, ,TSOR BA DE DAG LA YANG YOD, ,CES PA'I DON NI STONG NYID RTOGS PA'I LTA BA DANG BRAL BA'I GANG ZAG GI RGYUD LA TSOR BA BDE BA SKYES PA NA, DE'I RKYEN GYIS TSOR BA BDE BA LA MI 'BRAL BAR SRED PA DANG, TSOR BA SDUG BSNGAL SKYES PA NA, DE'I RKYEN GYIS TSOR BA SDUG BSNGAL DANG BRAL 'DOD KYI SRED PA NGES PAR SKYE STE, MTHUN RKYEN TSANG ZHING 'GAL RKYEN MED PA'I RGYU LAS RANG GI 'BRAS BU SKYE BAR NGES PA'I PHYIR, DMIGS PA DANG NI BCAS PA'I SEMS, ,'GA' ZHIG LA NI GNAS PAR 'GYUR, ,ZHES PA'I DON NI, STONG NYID PHRA MO RTOGS PA'I LTA BA DANG BRAL BA'I LAM GYIS SRED PA SPONG MI NUS TE, SEMS BDEN 'DZIN GYI DMIGS PA DANG BCAS BZHIN PA'I GANG ZAG GI RGYUD LA BDEN 'DZIN @54A *, ,DES DRANGS PA'I SRED PA MNGON GYUR DU 'BYUNG BA'I PHYIR, STONG PA NYID DANG BRAL BA'I SEMS, ,'GAGS PA SLAR YANG SKYES 'GYUR TE, ,'DU SHES MED PA'I SNYOMS 'JUG BZHIN, ,DE BAS STONG NYID SGOM PAR BYA, ,ZHES PA'I DON NI, THAR PA DANG THAMS CAD MKHYEN PA DON DU GNYER BA RNAMS KYIS GANG ZAG DANG PHUNG PO RANG GI MTSAN NYID KYIS GRUB PAS STONG PA'I STONG NYID SGOM PAR BYA DGOS TE, GANG ZAG DANG PHUNG PO RANG GI MTSAN NYID KYIS GRUB PA BKAG PA'I STONG NYID RTOGS PA DANG BRAL BA'I GANG ZAG GIS LAM GZHAN BSGOMS PAS NYON MONGS MNGON GYUR BA GZHAN RE ZHIG 'GAGS KYANG, SLAR YANG RGYUD LA MNGON GYUR DU 'BYUNG BA'I PHYIR, DPER NA, 'DU SHES MED PA'I SNYOMS 'JUG LA GNAS PA'I GANG ZAG BZHIN NO, ,RANG LUGS KYI TSOR BA LA SRED PA LDOG TSUL NI, GANG TSE TSOR BA 'GA' MED CING, ,TSOR BA'ANG YOD PA MA YIN PA, ,DE TSE GNAS SKABS 'DI MTHONG NAS, ,SRED PA CI'I PHYIR LDOG MI 'GYUR, ,ZHES PAS 'CHAD, DE'I DON NI, TSOR BA LA SRED PA LDOG PA'I TSUL YOD DE, TSOR BA DANG TSOR BA PO RANG BZHIN GYIS MED PAR RTOGS ZIN GOMS PAR BYAS PA LA BRTEN NAS TSOR BA LA SRED PA LDOG PAR 'GYUR BA'I PHYIR, SPYOD 'JUG GI LUNG DON BOD SNGA RABS BA RNAMS KYIS JI LTA BA BZHIN DU MA MTHONG ZHING, DE LA BRTEN NAS BOD PHYI MA KHA CIG GI PHYIN CI LOG KHO NAR BSHAD PA RNAMS NI ZUR DU DGAG PAR BYA'O, ,'GREL BSHAD MKHAN PO NA RE, DE GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS NYON MONGS KUN BRTAGS SPONG NUS KYANG LHAN SKYES SPONG MI NUS TE, ZHES GSUNG, DE MI 'THAD DE, DE GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS DE GNYIS NAS BSHAD PA'I NYON SGRIB KUN BRTAGS DANG LHAN SKYES GNYIS KA MNGON GYUR PA SPONG NUS PAR YANG MTSUNGS, DE GNYIS NAS BSHAD PA'I NYON SGRIB KUN BRTAGS DANG LHAN SKYES GNYIS KA'I SA BON SPONG MI NUS PAR YANG MTSUNGS PA'I PHYIR, YANG t'IK CHEN LAS, @54B PHUNG PO BDEN MED DU MA RTOGS NA, GANG ZAG BDEN MED DU MI RTOGS LA, DE LTA NA GANG ZAG GI BDAG MED MI RTOGS PA NI, ZHES PA'I DON NI, NYAN RANG DGRA BCOM PAS PHUNG PO BDEN MED DU MA RTOGS NA, DES GANG ZAG BDEN MED DU MI RTOGS DGOS TE, GZHI GRUB GCIG GI STENG DU BDEN MED TSAD MAS GRUB PA'I GANG ZAG YIN NA GZHI GZHAN LA BDEN PAR YOD MED BLO KHA PHYOGS PA TZAM GYIS BDEN MED DU RTOGS NUS PAS KHYAB PA'I PHYIR, DES PHUNG PO BDEN MED DU MA RTOGS NA, GANG ZAG GI BDEN MED MTSAN NYID TSANG BA MA RTOGS DGOS TE, PHUNG SOGS KYI CHOS BDEN PAS STONG PA CHOS KYI BDAG MED DU 'JOG DGOS PA BZHIN DU GANG ZAG BDEN PAS STONG PA GANG ZAG GI BDAG MED PHRA MOR 'JOG DGOS PA'I PHYIR, DES NA GANG ZAG BDEN PAR 'DZIN PA GANG ZAG GI BDAG 'DZIN YIN TE, GANG ZAG BDEN PAS STONG PA GANG ZAG GI BDAG MED PHRA MOR 'JOG RIGS PA'I PHYIR, DE RNAMS LA BRTEN NAS GANG ZAG BDEN PAR 'DZIN PA'I BLO NYON SGRIB TU GRUB STE, DE GANG ZAG GI BDAG 'DZIN YIN PAR SNGAR BSHAD PA'I RIGS PAS GRUB PA'I PHYIR, DES NA PHUNG SOGS KYI CHOS BDEN GRUB TU 'DZIN PA'I CHOS KYI BDAG 'DZIN YANG NYON SGRIB YIN TE, GANG ZAG BDEN PAR 'DZIN PA'I GANG ZAG GI BDAG 'DZIN NYON SGRIB GANG ZHIG, RGYU MTSAN MTSUNGS PA'I PHYIR, RTZA 'JUG GI t'IK CHEN DANG, LAM RIM CHEN MO SOGS SU, PHUNG PO BDEN MED DU MA RTOGS NA GANG ZAG BDEN MED DU MA RTOGS DGOS PA DANG, GANG ZAG GI BDAG MED RTOGS NA, CHOS KYI BDAG MED RTOGS DGOS PAR GSUNGS PA'I DON NI, GANG ZAG BDEN MED DU TSAD MAS GRUB PA'I GANG ZAG YIN NA, GZHAN GYI SGRUB BYED RGYAS PAR BKOD PA LA LTOS MED DU RANG NYID KYIS PHUNG PO BDEN PAR GRUB MA GRUB BLO KHA PHYOGS PA TZAM GYIS PHUNG PO BDEN GRUB TU 'DZIN PA'I SGRO 'DOGS GCOD NUS ZHES PA'I DON YIN GYI, GANG ZAG BDEN MED DU RTOGS NA PHUNG PO BDEN MED DU RTOGS DGOS ZHES PA'I DON BSTAN PA MA YIN TE, LAM RIM LAS, GAL TE GANG ZAG LA RANG BZHIN MED PAR RTOGS PA'I BLO DE NYID KYIS, PHUNG PO RANG BZHIN MED PAR RTOGS PA YIN NA BDAG @55A *, ,MED GNYIS RTOGS PA'I BLO GNYIS GCIG TU 'GYUR BA'I SKYON YOD DO, ,CHOS DANG GANG ZAG GNYIS SO SO BA YIN PAS DE GNYIS RANG BZHIN MED PAR RTOGS PA'I BLO GNYIS KYANG SO SO BA YIN TE, DPER NA BUM PA DANG KA BA MI RTAG PAR RTOGS PA'I BLO BZHIN NO, ,GANG ZAG RANG BZHIN MED PAR RTOGS PA'I BLO DE NYID KYIS PHUNG PO RANG BZHIN MED PAR MA RTOGS NA GANG ZAG GI BDAG MED RTOGS PA'I TSE, PHUNG PO RANG BZHIN MED PAR RTOGS PAR JI LTAR 'JOG SNYAM NA, DRI BA DANG PO KHAS MI LEN PAS DRI BA 'OG MA BSHAD PAR BYA'O, ,GANG ZAG RANG BZHIN MED PAR RTOGS PA'I BLO DE NYID KYI PHUNG PO RANG BZHIN MED DO SNYAM DU MI 'DZIN KYANG BLO NGES GZHAN LA LTOS MED DU PHUNG PO RANG BZHIN MED PAR NGES PA'I NGES SHES 'DREN NUS PAS NA PHUNG PO LA RANG BZHIN GYI SGRO 'DOGS PA'I SGRO 'DOGS GCOD PAR NUS PA YIN NO, ,DE'I PHYIR GANG ZAG RANG BZHIN MED PAR RTOGS PA'I TSE, PHUNG PO YANG RANG BZHIN MED PAR RTOGS PAR GSUNGS SO, ,ZHES GSUNGS PA'I PHYIR, DES NA MKHAS PA KHA CIG, t'IK CHEN SOGS SU PHUNG PO BDEN MED DU MA RTOGS NA GANG ZAG BDEN MED DU MI RTOGS PAR GSUNGS PA'I DON, PHUNG PO BDEN MED DU MNGON SUM DU MA RTOGS NA GANG ZAG BDEN MED DU MNGON SUM DU MA RTOGS DGOS PA LUNG DE'I DON DU 'CHAD PA YANG, KHYAB PA YOD PA RGYU MTSAN DU BYAS PA YIN GYI, LAM RIM DANG t'IK CHEN GYI DGONGS PA MA YIN NO, ,YANG SPYOD 'JUG GI LUNG DON BSHAD PA'I TSE NA, MI RTAG SOGS BCU DRUG MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB MI NUS ZHES KHA CIG 'CHAD PA MI 'THAD DE, BDEN PA BZHI LA SGRAS BRJOD RIGS KYI SGO NAS PHRA RAGS GNYIS GNYIS SU 'BYED RIGS PAS, PHRA BA'I BDEN BZHI MI RTAG SOGS BCU DRUG MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB NUS PA'I PHYIR, 'O NA, DE LA PHRA RAGS GNYIS GNYIS SU 'BYED TSUL GANG ZHE NA, GANG ZAG RANG GI MTSAN NYID KYIS GRUB PAR 'DZIN PA'I BDEN 'DZIN GYIS BSKYED PA'I ZAG BCAS KYI PHUNG PO DE PHRA @55B BA'I SDUG BDEN DANG GANG ZAG RANG RKYA THUB PA'I RDZAS YOD DU 'DZIN PA'I 'JIG LTAS BSKYED PA'I ZAG BCAS KYI PHUNG PO DE RAGS PA'I SDUG BDEN DANG, DE BZHIN DU GANG ZAG RANG GI MTSAN NYID KYIS GRUB PAR 'DZIN PA'I 'JIG LTAS DRANGS PA'I SRED PA DE PHRA BA'I KUN 'BYUNG BDEN PA DANG, GANG ZAG RANG RKYA THUB PA'I RDZAS YOD DU 'DZIN PA'I 'JIG LTAS DRANGS PA'I SRED PA RAGS PA'I KUN 'BYUNG BDEN PA YIN, SEMS KYI CHOS NYID GANG ZAG RANG RKYA THUB PA'I RDZAS YOD KYI 'DZIN PA DANG GANG ZAG RANG GI MTSAN NYID KYIS GRUB PAR 'DZIN PA'I 'DZIN PA CI RIGS DANG BRAL BA'I BRAL BA DE PHRA BA'I 'GOG BDEN DANG, GANG ZAG RANG RKYA THUB PA'I RDZAS YOD KYIS STONG PA'I STONG NYID MNGON SUM DU RTOGS ZIN GOMS PAR BYAS PA LA BRTEN NAS GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR PA RE ZHIG SPANGS PA'I SPANGS PA DE RAGS PA'I 'GOG BDEN YIN GANG ZAG RANG GI MTSAN NYID KYIS GRUB PAS STONG PA'I STONG NYID MNGON SUM DU RTOGS PA'I YE SHES PHRA BA'I LAM BDEN DANG, GANG ZAG RANG RKYA THUB PA'I RDZAS YOD KYIS STONG PAR MNGON SUM DU RTOGS PA'I YE SHES RAGS PA'I LAM BDEN YIN, 'O NA, BDEN BZHI'I KHYAD CHOS MI RTAG SOGS BCU DRUG PO THAMS CAD LA PHRA RAGS GNYIS GNYIS SU 'BYED DAM ZHE NA KHYAD CHOS GZHAN RNAMS LA PHRA RAGS GNYIS GNYIS SU DBYE RUNG BA TZAM DU SNANG YANG, SDUG BSNGAL BDEN PA'I KHYAD CHOS SU GYUR PA'I MI RTAG PA LA THAL 'GYUR BAS 'DOD PA LTAR GYI PHRA BA DANG, GRUB MTHA' 'OG MAS 'DOD PA LTAR GYI RAGS PA GNYIS SU 'BYED MI RIGS PA'I PHYIR TE, GANG ZAG RANG GI MTSAN NYID KYIS GRUB PAR 'DZIN PA'I 'JIG LTAS BSKYED PA'I ZAG BCAS KYI PHUNG PO'I STENG GI MI RTAG PA, SDUG BSNGAL BDEN PA'I KHYAD CHOS SU GYUR PA'I PHRA BA'I MI RTAG PA YIN, GANG ZAG RANG RKYA THUB PA'I RDZAS YOD DU 'DZIN PA'I 'JIG LTAS BSKYED PA'I ZAG BCAS KYI PHUNG PO'I STENG GI MI RTAG PA DE SDUG BSNGAL BDEN PA'I KHYAD CHOS SU GYUR PA'I MI RTAG PA RAGS PA MA YIN PA'I PHYIR TE, DE PHRA BA'I MI RTAG PA YIN PA'I PHYIR, KHA CIG, 'GOG BDEN LA PHRA RAGS GNYIS SU GSUNGS PA @56A *, ,'GOG BDEN LA KUN RDZOB BDEN PA DANG DON DAM BDEN PA'I CHA GNYIS YOD ZER BA MI 'THAD DE, 'JUG PA'I RANG 'GREL LAS, DE LA SDUG BSNGAL DANG KUN 'BYUNG DANG LAM GYI BDEN PA NI KUN RDZOB KYI BDEN PA'I KHONGS SU GTOGS SO, ,'GOG PA'I BDEN PA NI DON DAM PA'I BDEN PA'I RANG GI NGO BO'O, ,ZHES DANG, t'IK CHEN LAS KYANG, 'GOG BDEN KUN RDZOB BDEN PAR SMRA BA NI, MTHA' MCHOD PA'O ZHES RIGS PA DRUG CU PA'I SHES BYED DANG BCAS TE GSUNGS PA'I PHYIR, KHA CIG, 'GOG BDEN LA PHRA RAGS GNYIS SU YOD PA DANG, 'GOG BDEN LA DON DAM BDEN PAS KHYAB PAR SMRA BA MI 'THAD DE, SO SO SKYE BO'I RGYUD LA RAGS PA'I BDEN BZHI MI RTAG SOGS BCU DRUG MNGON SUM DU RTOGS PA'I RNAL 'BYOR MNGON SUM YOD PAR STONG MTHUN LAS BSHAD PAS, SO SO SKYE BO'I RGYUD LA DON DAM BDEN PA MNGON SUM DU RTOGS PA'I YE SHES YOD PAR THAL BA'I SKYON YOD PA'I PHYIR, DE'I LAN LA KHA CIG, ,STONG 'THUN CHEN MOR, SO SO SKYE BO'I RGYUD LA RNAL 'BYOR MNGON SUM YOD PAR BSHAD PA YI GE MA DAG PA YIN, ZHES SMRA BA MI 'THAD DE, t'IK CHEN LAS, DE KHO NA NYID KYI LTA BA MA RNYED KYANG MI RTAG SOGS BCU DRUG TSAD MAS GTAN LA PHABS PA DANG, DE'I GDUL BYA RNAMS KYIS DON DE BRTZON PA CHEN POS SGOM PA DANG, BSGOMS PA LAS GANG ZAG GI BDAG MED RAGS PA MNGON SUM DU MTHONG BA DANG, MTHONG ZIN GOMS PAR BYED PA NI MI 'ONG ZHES KHO BO CAG MI SMRA'O, ,ZHES SO SO SKYE BO'I RGYUD LA RNAL 'BYOR MNGON SUM YOD PAR GSAL BAR BSHAD PA'I PHYIR, DE LA MKHAS PA KHA CIG, RNAL 'BYOR MNGON SUM GYI SA 'TSAMS STONG NYID LA DMIGS PA'I SGOM BYUNG GI YE SHES THOB PA NAS 'JOG GSUNGS PA MI 'THAD DE, t'IK CHEN LAS, DE KHO NA NYID KYI LTA BA MA RNYED PA'I GANG ZAG GI RGYUD LA RAGS PA'I GANG ZAG GI BDAG MED MNGON SUM DU RTOGS PA'I RNAL 'BYOR MNGON SUM YOD PAR BSHAD PA'I PHYIR, RANG LUGS KYI LAN NI, SKAL BZANG MIG 'BYED LTAR NA DOGS PA DE'I SKYON MED DE, 'GOG BDEN LA SGRAS BRJOD RIGS KYI SGO NAS PHRA RAGS GNYIS SU PHYE BA YIN GYI, @56B RAGS PA'I 'GOG BDEN 'GOG BDEN DU KHAS MI LEN PAS SO SO SKYE BO'I RGYUD LA RAGS PA'I BDEN BZHI MI RTAG SOGS BCU DRUG MNGON SUM DU RTOGS PA'I YE SHES YOD PA LA 'GAL BA MED PA'I PHYIR, DE LA KHA CIG, 'DI SNYAM DU DOGS TE, 'O NA, GANG ZAG RANG RKYA THUB PA'I RDZAS YOD DU 'DZIN PA'I RTOG PA SPANGS PA'I SPANGS PA MNGON SUM DU RTOGS PA'I SO SO SKYE BO YOD PAR THAL, RAGS PA'I 'GOG BDEN MNGON SUM DU RTOGS PA'I SO SKYE YOD PA'I PHYIR, RTAGS KHAS, 'DOD NA, SPANGS PA THOB PA'I SO SKYE YOD PAR THAL, 'DOD PA'I PHYIR, DES NA STONG 'THUN CHEN MO LAS DE LTAR GSUNGS PA YI GE MA DAG PA YIN ZER NA, RTZA BAR MA KHYAB STE, GANG ZAG RANG RKYA THUB PA'I RDZAS YOD DU 'DZIN PA'I RTOG PA'I SA BON SPANGS PA'I SPANGS PA RAGS PA'I 'GOG BDEN DU KHAS MI LEN PA'I PHYIR TE, DE MNGON PA GNYIS NAS BSHAD PA'I 'GOG BDEN MA YIN PA'I PHYIR TE, DE MNGON PA GNYIS NAS BSHAD PA'I LAM BDEN GYI STOBS KYIS THOB PA MA YIN PA'I PHYIR TE, DE GNYIS NAS BSHAD PA'I LAM BDEN GYIS SPANG BYA GANG GI YANG SA BON SPONG MI NUS PA'I PHYIR, ZHES PA NI STONG 'THUN GYI LUGS YIN LA, LUGS 'DI 'DZIN PAR 'DOD PA RNAMS KYIS JI LTA BA BZHIN 'DZIN MI NUS PAR 'DUG PAS DA LAN LUGS 'DI LA SGRUB BYED DGOD PAR BYA STE, DA LTA DBU MA PA PHAL CHE BAS RAGS PA'I 'GOG BDEN 'GOG BDEN YIN PA DANG, 'GOG BDEN LA DON DAM BDEN PAS KHYAB PA DANG, GANG ZAG RANG RKYA THUB PA'I RDZAS YOD DU 'DZIN PA'I RTOG PA SPANGS PA'I SPANGS PA RAGS PA'I 'GOG BDEN DU KHAS BLANGS NAS, STONG 'THUN CHEN MOR SO SO SKYE BO'I RGYUD LA RAGS PA'I BDEN BZHI MI RTAG SOGS BCU DRUG MNGON SUM DU RTOGS PA'I RNAL 'BYOR MNGON SUM YOD PAR 'DOD PA SGRA JI BZHIN PA MA YIN ZER BA RNAMS LA DPYAD NA, MNGON PA MDZOD KYI BSTAN BYA'I GTZO BOR GYUR PA'I DON DAM BDEN PA YOD PAR THAL, DES RAGS PA'I BDEN BZHI MI RTAG SOGS BCU DRUG BSTAN BYA'I GTZO BOR BYAS NAS BSTAN PA GANG ZHIG, RAGS PA'I 'GOG BDEN DON DAM BDEN PA YIN PA'I PHYIR, DE BZHIN DU MDO SDE PAS TSAD @57A *, ,MAS RTOGS PA'I DON DAM BDEN PA YOD PAR THAL, GANG ZAG RANG RKYA THUB PA'I RDZAS YOD DU 'DZIN PA'I RTOG PA SPANG PA'I SPANGS PA DON DAM BDEN PA GANG ZHIG, MDO SDE PAS DE 'DRA BA'I SPANGS PA TSAD MAS RTOGS PA'I PHYIR, RTAGS DANG PO KHAS BLANGS, GNYIS PA GRUB STE, DE RAGS PA'I 'GOG BDEN GANG ZHIG, GANG ZAG RANG SKYA THUB PA'I RDZAS YOD KYIS STONG PA'I STONG NYID TSAD MAS RTOGS PA'I MDO SDE PA YOD PA'I PHYIR, MA KHYAB NA, GDUL BYA DBANG RNON GYIS STONG NYID TSAD MAS RTOGS PA NA RDZOGS PA'I BYANG CHUB LA TSAD MAS DRANGS PA'I NGES PA RNYED PAS SEMS BSKYED LA BLO SBYONG BA'I RJE YAB SRAS KYI BSHAD SROL DANG 'GAL LO, ,DES NA MNGON PA GNYIS NAS BSHAD PA'I 'GOG BDEN 'GOG BDEN MA YIN TE, DE GNYIS NAS BSHAD PA'I DGRA BCOM DGRA BCOM MA YIN PA'I PHYIR, 'DI GNYIS GNAD GCIG TU YOD DO, ,GAL TE GANG ZAG RANG RKYA THUB PA'I RDZAS YOD KYIS STONG PA'I STONG NYID MNGON SUM DU RTOGS ZIN GOMS PAR BYAS PA LA BRTEN NAS GANG ZAG RANG RKYA THUB PA'I RDZAS YOD DU 'DZIN PA'I RTOG PA MNGON GYUR RE ZHIG SPANGS PA'I SPANGS PA DE MNGON PA GNYIS NAS BSHAD PA'I 'GOG BDEN MA YIN PAR THAL, DE DE GNYIS NAS 'GOG BDEN DU MA BSHAD PA'I PHYIR ZER NA MA KHYAB BO,, ` ,,GNYIS PA DE SGRUB PA'I KHUNGS BSTAN PA LA, THEG CHEN GYI MDO'I SHES BYED 'GOD PA DANG, BSTAN BCOS DANG THEG DMAN GYI MDO'I SHES BYED 'GOD PA GNYIS, DANG PO NI, LHAG PA'I BSAM PA BSTAN PAS ZHUS PA'I MDO TSIG GSAL DU DRANGS PA LAS, RIGS KYI BU 'DI LTA STE, DPER NA, MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS, 'DOD CHAGS KYI SEMS BSKYED DE, DE 'DOD CHAGS KYIS SEMS BKRIS NAS 'KHOR GYIS 'JIGS SHING, BAG TSA STE BSTAN LAS LANGS NAS SONG STE, DE SONG NAS KYANG BUD MED DE NYID LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED NA, RIGS KYI BU, DE JI SNYAM DU SEMS, MI DE @57B YANG DAG PAR ZHUGS PA YIN NAM, 'ON TE LOG PAR ZHUGS PA YIN, ,GSOL PA, BCOM LDAN 'DAS GANG BUD MED MA MCHIS PA LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU, 'DI NA DGE SLONG DANG, DGE SLONG MA DANG, DGE BSNYEN DANG, DGE BSNYEN MA KHA CIG, MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ,NGA NI MI BLUN PO DE DAG LA LAM SGOM PA YIN NO, ,ZHES MI SMRA STE, DE DAG NI LOG PAR ZHUGS PA ZHES BYA'O, ,ZHES NYAN RANG 'PHAGS PAS STONG NYID RTOGS PA YIN TE, SGYU MA'I BUD MED LA BUD MED DNGOS SU BZUNG NAS, SGYU MA'I BUD MED 'DI MI RTAG PA DANG, SDUG BSNGAL BA DANG, STONG PA DANG BDAG MED PA'O SNYAM DU 'DZIN PA'I BLO DE LOG SHES YIN GYI, DE LA BRTEN NAS BUD MED LA CHAGS PA SPONG MI NUS PA BZHIN DU, PHUNG PO BDEN GRUB TU BZUNG BA'I SGO NAS BDEN PAR GRUB PA'I PHUNG PO 'DI MI RTAG PA DANG, SDUG BSNGAL BA DANG, STONG PA DANG, BDAG MED PA'I PHUNG PO'I SNYAM DU 'DZIN PA'I BLO DE LOG SHES YIN GYI, THAR LAM SGOM PA MA YIN CING DE LA BRTEN NAS NYON MONGS SPONG MI NUS PAR GSUNGS PA'I PHYIR, KHO NA RE, DNGOS SMRA BA RNAMS KYIS GANG ZAG RANG RKYA THUB PA'I RDZAS YOD KYIS STONG PAR RTOGS ZIN GOMS PA LA BRTEN NAS GANG ZAG RANG RKYA THUB PA'I RDZAS YOD KYIS STONG PAR MNGON SUM DU RTOGS PA'I YE SHES SKYE BA MA YIN PAR THAL, PHUNG PO BDEN GRUB TU BZUNG BA'I SGO NAS BDEN PAR GRUB PA'I PHUNG PO 'DI MI RTAG PA DANG, SDUG BSNGAL BA SOGS SU BSGOMS PAS, THAR LAM SGOM PAR MI 'GYUR BA'I PHYIR NA, MA KHYAB STE, DNGOS SMRA BA'I RIGS CAN RNAMS KYIS BDEN RDZUN GANG GIS KYANG KHYAD PAR DU MA BYAS PA'I PHUNG PO LA DMIGS NAS BDEN RDZUN GANG GIS KYANG KHYAD PAR DU MA BYAS PAR @58A *, ,MI RTAG SDUG BSNGAL STONG BDAG MED SOGS SU BSGOMS PAS GANG ZAG RANG RKYA THUB PA'I RDZAS YOD KYIS STONG PAR MNGON SUM DU RTOGS PA'I YE SHES SKYE BA'I PHYIR, NYAN RANG 'PHAGS PAS CHOS KYI BDAG MED RTOGS PAR 'PHAGS PA BSAM GTAN DPE MKHYUD KYI MDO LAS GSUNGS TE, MDO DE NYID LAS, BDEN 'DZIN DANG MA BRAL BA'I LAM GYIS 'KHOR BA LAS GROL BA THOB MI NUS PA DANG, 'KHOR BA LAS GROL BA LA BDEN BZHI RANG BZHIN MED PAR MTHONG BA'I LAM DGOS PAR GSUNGS PA'I PHYIR, DANG PO GRUB STE, MDO DE LAS, 'JAM DPAL, 'PHAGS PA'I BDEN PA RNAMS YANG DAG PAR JI LTA BA BZHIN DU MA MTHONG BAS, SEMS CAN PHYIN CI LOG BZHIS SEMS PHYIN CI LOG TU GYUR PA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR BA BSTAN DU GSOL, BCOM LDAN 'DAS KYIS BKA' STZAL PA, 'JAM DPAL, BDAG DANG BDAG GI BAR DMIGS PAS SEMS CAN RNAMS 'KHOR BA LAS MI 'DA'O, ,DE CI'I PHYIR ZHE NA, 'JAM DPAL, BDAG DANG GZHAN DU YANG DAG PAR MTHONG BA GANG YIN PA DE NI LAS MNGON PAR 'DU BYED PAR 'GYUR RO, , ZHES GSUNGS PA'I PHYIR, MNGON PA GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PAS 'KHOR BA LAS GROL BA THOB MI NUS TE, DE GNYIS NAS BSHAD PA'I GANG ZAG GI BDAG MED MNGON SUM DU RTOGS ZIN GOMS PAR BYAS PA LA BRTEN NAS, DE GNYIS NAS BSHAD PA'I NYON MONGS MNGON GYUR SNYAM DU 'KHRUL NAS 'CHI BA'I TSE RANG SKYE BA LEN PAR MTHONG BA NA, SANGS RGYAS LA THE TSOM ZOS PA'I NYES PAS NGAN 'GROR LHUNG BA YOD PA'I @58B PHYIR, DE LTAR YANG 'PHAGS PA BSAM GTAN DPE MA KHYUD KYI MDO LAS, DE 'DI SNYAM DU BDAG SDUG BSNGAL THAMS CAD LAS GROL BAR 'GYUR TE, YANG PHYIS BYA BA CI YANG MED CING, BDAG NI DGRA BCOM PAR 'GYUR RO, ,ZHES BYA BAR BDAG NYID SHES SO, ,DE 'CHI BA'I DUS BYED PA'I TSE BDAG NYID SKYE BAR MTHONG BAS, DE SANGS RGYAS KYI BYANG CHUB LA THE TSOM SOM NYI ZA BAR 'GYUR RO, ,ZHES SOGS GSUNGS PA'I PHYIR, 'DIS MNGON PA GNYIS NAS BSHAD PA'I DGRA BCOM DGRA BCOM MA YIN PAR BSTAN PA YIN NO, ,RTZA RTAGS GNYIS PA GRUB STE, DE NYID LAS, DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, 'PHAGS PA'I BDEN PA BZHI PO RNAMS JI LTAR BSGOMS PAR BGYI, BCOM LDAN 'DAS KYIS BKA' STZAL PA, 'JAM DPAL, GANG GIS 'DU BYED THAMS CAD MA SKYES PAR MTHONG BA DAS NI SDUG BSNGAL YONGS SU SHES PA YIN NO, ,GANG GIS CHOS THAMS CAD 'BYUNG BA MED PAR MTHONG BA DES NI KUN 'BYUNG BA SPANGS PA YIN NO, ,GANG GIS CHOS THAMS CAD GTAN NAS MYA NGAN LAS 'DAS PAR MTHONG BA DES NI 'GOG PA MNGON DU BYAS PA YIN NO, ,GANG GIS CHOS THAMS CAD SHIN TU MA SKYES PAR MTHONG BA DES NI LAM BSGOMS PA YIN NO, ,ZHES GSUNGS PA'I PHYIR, 'DI t'IK CHEN DU MDO TSIG BSDUS NAS GSUNGS PAS BSHAD PA RGYA GA 'KHREG PA 'DRA BA ZHIG 'DUG PAS, t'IK CHEN GYI DON LEGS PAR BSDUS NAS TSIG GSAL DU MDO DRANGS PA JI LTA BA BZHIN DU BKOD PA YIN NO, ,MDO 'DI LAS, DE 'DI SNYAM DU BDAG SDUG BSNGAL THAMS CAD LAS GROL BAR 'GYUR TE, ZHES SOGS GONG DU DRANGS BA RNAMS KYIS MNGON PA GNYIS NAS BSHAD PA'I DGRA BCOM DGRA BCOM MA YIN PAR BSTAN TE, DES DE GNYIS NAS BSHAD PA'I DGRA BCOM 'GA' ZHIG LAS KYIS 'KHOR BAR SKYE BA YOD PAR DON GYIS BSTAN PA'I PHYIR, 'DI RNAMS LEGS PAR MA PHYED PAR NYAN THOS LA NYON MONGS SPANGS PA'I LAM RANG RKYA THUB PA'I RDZAS YOD KYIS STONG PAR BSGOMS @59A *, ,PA TZAM LAS MED PAR BZUNG NAS NYAN THOS 'PHAGS PA DANG, NYAN THOS DGRA BCOM GYI 'PHAGS PA DANG, DGRA BCOM GYI GO MI CHOD CES SMRA BA 'PHAGS PA LA SKUR 'DEBS KYI SDIG PA CHEN PO GSOG LA, DE LTAR SMRA BA LA BYANG SEMS KYI SDOM PA YOD NA RTZA LTUNG YANG SKYED PA YIN TE, BSLAB BTUS LAS, SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,PHA ROL DAG KYANG 'DZIN 'JUG DANG, ,ZHES RTZA LTUNG DU GSUNGS PA'I PHYIR, GZHAN YANG, NYAN RANG 'PHAGS PAS CHOS KYI BDAG MED RTOGS PAR RDO RJE GCOD PA LAS GSUNGS TE, RDO RJE GCOD PA LAS, RAB 'BYOR 'DI JI SNYAM DU SEMS, RGYUN TU ZHUGS PA 'DI SNYAM DU BDAG GIS RGYUN DU ZHUGS PA'I 'BRAS BU THOB BO SNYAM DU SEMS SNYAM MAM, RAB 'BYOR GYIS GSOL PA, BCOM LDAN 'DAS DE NI MA LAGS SO, ,DE CI'I SLAD DU ZHE NA; BCOM LDAN 'DAS DE NI GANG LA YANG ZHUGS PA MA MCHIS PA'I SLAD DU STE, DES NA RGYUN DU ZHUGS PA ZHES BGYI'O, ,ZHES DANG, BCOM LDAN 'DAS, GAL TE RGYUN DU ZHUGS PA DE 'DI SNYAM DU BDAG GIS RGYUN DU ZHUGS PA'I 'BRAS BU THOB BO SNYAM DU SEMS PAR PAR GYUR NA, DE NYID DE'I BDAG TU 'DZIN PAR 'GYUR LAGS SO, ,SEMS CAN DU 'DZIN PA DANG, SROG TU 'DZIN PA DANG, GANG ZAG TU 'DZIN PAR 'GYUR LAGS SO, ,ZHES GSUNGS PA'I PHYIR, LUNG DE'I DON NI, BCOM LDAN 'DAS KYIS RAB 'BYOR LA RGYUN ZHUGS KYI RANG GI THOB BYA'I 'BRAS BU DANG, THOB PA PO'I GANG ZAG BDEN PAR BZUNG BA'I SGO NAS, BDAG GIS DON DAM PAR RGYUN TU ZHUGS PA'I 'BRAS BU THOB BO SNYAM DU SEMS SAM, ZHES DRIS PA'I LAN DU, RAB 'BYOR GYIS RGYUN ZHUGS KYIS DE LTAR BDAG TU MI 'DZIN TE, RGYUN ZHUGS KYIS THOB BYA'I 'BRAS BU DANG THOB PA PO'I GANG ZAG BDEN PAR GRUB PA 'THAD SNYAM DU 'DZIN PA'I BDEN 'DZIN KUN BRTAGS SOGS MTHONG SPANG KUN SBYOR SPANGS BA'I CHA NAS RGYUN ZHUGS DE MYANG 'DAS THOB PA'I LAM GYI RGYUN TU ZHUGS PAR @59B BZHAG PA'I PHYIR, ZHES PA'I DON YIN, MDO PHYI MA'I DON NI, RGYUN ZHUGS KYIS DON DAM PAR BDAG GIS RGYUN DU ZHUGS PA'I 'BRAS BU THOB BO SNYAM DU MI 'DZIN TE, DE LTAR 'DZIN NA DE'I RGYUD LA GANG ZAG GI BDAG TU 'DZIN PA KUN BRTAGS DANG, SROG TU 'DZIN PA KUN BRTAGS SOGS YOD DGOS PA LAS RGYUN ZHUGS KYIS BDEN 'DZIN KUN BRTAGS ZAD PAR SPANGS PA'I PHYIR, ZHES PA'I DON YIN NO, ,RGYUN ZHUGS KYIS DON DAM PAR BDAG GIS RGYUN ZHUGS KYI 'BRAS BU THOB BO SNYAM DU MI 'DZIN PAR GSUNGS PA YANG BDEN 'DZIN GYI ZHEN YUL SUN MA PHYUNG BAR DON DAM PAR BDAG GIS RGYUN ZHUGS KYI 'BRAS BU THOB BA 'THAD SNYAM DU MI 'DZIN PA'I DBANG DU BYAS PA YIN GYI, RGYUN ZHUGS KYI RGYUD LA THOB BYA'I 'BRAS BU DANG THOB PA PO'I GANG ZAG BDEN PAR 'DZIN PA'I BDEN 'DZIN LHAN SKYES MED PAR BSTAN PA MA YIN TE, DE'I RGYUD LA BDEN 'DZIN LHAN SKYES YOD PA'I PHYIR, DE LTAR YANG t'IK CHEN LAS, RGYUN ZHUGS KYIS BDEN PAR BZUNG NAS BDAG GI 'BRAS BU THOB BO SNYAM DU MI 'DZIN PA NI, BDEN 'DZIN GYI ZHEN YUL SUN MA PHYUNG BA'I DBANG DU MDZAD PA YIN GYI, LHAN SKYES KYIS 'DZIN PA YANG MED PAR STON PA NI MIN NO, ,ZHES GSUNGS, KHA CIG, ,LUNG DE'I DON LA, BDEN 'DZIN GYI YUL SUN MA PHYUNG BA'I DBANG DU MDZAD PA YIN GYI, DE'I YUL SUN PHYUNG BA'I DBANG DU MDZAD CES PA YI GE MA DAG PA YIN ZER BA RNAMS LUNG DE'I DON LA 'BRU SNON TSUL BSHAD MA THAG PA DE GZIGS LA RJES SU YI RANG BAR MDZOD CIG SKABS 'DIR BDEN 'DZIN GYI YUL SUN MA PHYUNG BA'I DBANG DU MDZAD CES PA DANG, BDEN 'DZIN GYI YUL SUN PHYUNG BA'I DBANG DU MDZAD CES PA DON 'DRA BA ZHIG YOD DO, DPER NA, TSOGS LAM DE SBYOR LAM SKYES PA'I SNGA ROL NAS YOD CES PA DANG, SBYOR LAM MA SKYES PA'I SNGA ROL NAS YOD CES PA DON 'DRA BA BZHIN NO, ,RDO RJE GCOD PA'I LUNG 'DI DBU MA RANG RGYUD PA KHA CIG GZHAN DU 'CHAD KYI, SHER 'BYUNG BLO GROS KYIS NYAN RANG GI BYANG CHUB TU BGROD PA LA STONG NYID RTOGS DGOS PA'I SHES BYED DU DRANGS @60A *, ,PA LTAR LEGS TE, LUNG 'DIS NYAN RANG GI BYANG CHUB THOB PA LA STONG NYID RTAGS PA SNGON DU SONG BA DGOS PAR GSAL BAR BSHAD PA'I PHYIR, 'DI'I SHER 'BYUNG BLO GROS DE 'GREL PA DON GSAL GYI BSDUS DON MDZAD PA PO'I SHER 'BYUNG BLO GROS YIN NAM, SPYOD 'JUG GI 'GREL PA MDZAD PA PO'I THAL 'GYUR BA GANG YIN DPYAD PAR BYA'O, ,DE BZHIN DU YUM CHEN MO SOGS LAS RGYAS PAR GSUNGS KYANG SKABS 'DIR DNGOS SUM BRIS PA'I RGYU MTSAN YOD DE, TSIG MANG DU DOGS PA'I PHYIR, GNYIS PA LA, BSTAN BCOS KYI SHES BYED 'GOD PA DANG, THEG DMAN GYI MDO'I SHES BYED 'GOD PA GNYIS, DANG PO NI, 'KHOR BA LAS GROL BA THOB PA LA STONG NYID RTOGS PA'I LTA BA DGOS PAR RIN CHEN PHRENG BA LAS GSUNGS TE, DE NYID LAS, JI SRID PHUNG POR 'DZIN YOD PA, ,DE SRID DE LAS NGAR 'DZIN NYID, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ,LAM GSUM THOG MTHA' DBUS MED PA, ,'KHOR BA'I DKYIL 'KHOR MGAL ME YI, ,DKYIL 'KHOR LTA BUR PHAN TSUN GYI, ,RGYUN CAN 'DI NI 'KHOR BAR 'GYUR, ,DE NI RANG GZHAN GNYIS KA DANG, ,DUS GSUM NYID DU'ANG MA MTHONG PHYIR, NGAR 'DZIN PA NI ZAD PAR 'GYUR, ,DE LAS LAS DANG SKYE BA YANG, ,ZHES SOGS GSUNGS PA'I PHYIR, LUNG DE'I DON NI, NYAN RANG 'PHAGS PAS CHOS KYI BDAG MED RTOGS PA YIN TE, PHUNG SOGS KYI CHOS BDEN GRUB TU 'DZIN PA'I CHOS KYI BDAG 'DZIN GYIS RGYUD BCINGS NAS YOD PA DE SRID DU NGAR 'DZIN LHAN SKYES KYI ZHEN YUL SUN MA PHYUNG BAR YOD LA, DE YOD NA DE'I DBANG GIS LAS BSAGS NAS YANG SRID DU SKYE BA LEN PAR 'GYUR BA'I PHYIR, CHOS KYI BDAG 'DZIN GYIS RGYUD BCINGS PA'I DON NI, RNAM BSHAD SNYING PO RGYAN LAS, BDEN 'DZIN GYIS BCINGS PA'I DON YANG GZHI DANG LAM DANG BDEN PAR GRUB MA GRUB BRTAGS PA NA BDEN PAR ZHEN PA LAS MI 'DA' BA'I DON TE, SNGAR CHOS KYI GNAS LUGS THOS BSAM GYIS KYANG GTAN LA MA PHAB PA'I DBANG DU BYAS PA'O, ,ZHES GSUNGS PA LTAR YIN NO, ,DES NA RIN CHEN PHRENG @60B BA'I LUNG DE'I DON NI, GANG ZAG GI GDAGS GZHI PHUNG SOGS KYI CHOS BDEN GRUB TU KHAS LEN PA DE SRID DU, NGAR 'DZIN LHAN SKYES KYI ZHEN YUL SUN MA PHYUNG BAR YOD DO, ,ZHES PA'I DON YIN GYI, CHOS KYI BDAG 'DZIN GYI ZHEN YUL SUN MA PHYUNG BAR YOD PA DE SRID DU, NGAR 'DZIN LHAN SKYES KYI ZHEN YUL SUN MA PHYUNG BAR YOD CES PA'I DON MA YIN TE, DE LTA NA GANG ZAG GI BDAG MED TSAD MAS RTOGS PA'I GANG ZAG YIN NA, CHOS KYI BDAG MED TSAD MAS RTOGS PA'I GANG ZAG YIN PAS KHYAB PAR THAL BA'I SKYON YOD PA'I PHYIR, DON 'DI NI 'JUG 'GREL GYI DGONGS PA DRANG NGES RNAM 'BYED DU BKRAL BA BZHIN, RIN CHEN PHRENG BA LA RGYAS BKAB NAS BSHAD PA STE, ` RJE TZONG KHA PA'I DGONGS PA'O, ,RKANG PA BAR PA BZHI'I DON NI, SKABS 'DIR LAM GSUM NI NYON MONGS PA DANG, LAS DANG, SKYE BA'I KUN NAS NYON MONGS PA GSUM LA BYED, DE GSUM LA THOG MTHA' DANG DBUS MED PA ZHES GSUNGS PA'I DON NI, NYON MONGS LAS, RANG 'BRAS LAS DANG, LAS LAS RANG 'BRAS SDUG BSNGAL SKYE ZHING, SDUG BSNGAL LAS KYANG RANG 'BRAS LAS DANG NYON MONGS PA DANG, SDUG BSNGAL GYI RIGS 'DRA PHYI MA SKYE ZHING, DE RNAMS KYANG 'GAL ME'I SKAD CIG SNGA PHYI'I RIM PA NGES DKA' BA BZHIN DU 'BYUNG BA'I SGO NAS SEMS CAN RNAMS 'KHOR BAR 'KHOR BA'I PHYIR, ZHES PA'I DO NO, RKANG PA THA MA BZHI'I DON NI, KUN NAS NYON MONGS KYI RTEN 'BREL DE SPONG BA'I THABS YOD DE, RTEN 'BREL DE BDAG DANG GZHAN DANG, GNYIS KA DANG RGYU MED LAS MA SKYES PA'I RTAGS KYIS RANG BZHIN GYIS SKYE MED DU RTOGS NAS BSGOMS PAS 'KHOR BA LAS GROL BAR 'GYUR BA'I PHYIR, ZHES PA'I DON YIN, GZHAN YANG, NYAN RANG 'PHAGS PAS CHOS KYI BDAG MED RTOGS PAR RIN CHEN PHRENG BA LAS GSUNGS PA YIN TE, RIN CHEN PHRENG BAR, JI LTAR MIG NI 'PHRUL PA YI, ,MGAL ME'I 'KHOR LO 'DZIN BYED PA, ,DE BZHIN DBANG PO RNAMS KYIS NI, ,DA LTA'I YUL DAG 'DZIN PAR BYED, ,CES SOGS KYIS PHUNG KHAMS SKYA MCHED RANG BZHIN MED PAR GTAN LA PHABS LA, YANG DE NYID LAS, DE LTAR YANG DAG JI BZHIN DU, ,'GRO BA @61A *, ,DON MED SHES NAS NI, ,RGYU MED PA YI ME BZHIN DU, ,GNAS MED LEN MED MYA NGAN 'DA', ,ZHES NYAN RANG SLOB PA 'PHAGS PAS PHUNG KHAMS SKYE MCHED RANG BZHIN MED PAR RTOGS PA'I LAM BSGOMS PA LA BRTEN NAS MYANG 'DAS THOB PAR GSUNGS PA'I PHYIR, GAL TE KHO NA RE, DE LTAR GSUNGS PA BYANG SEMS KYI DBANG DU MDZAD NAS GSUNGS PA YIN ZER NA, DE LTAR GSUNGS PA NYAN THOS KYI DBANG DU MDZAD NAS GSUNGS PA YIN TE, LUNG DE'I MJUG DE MA THAG TU, DE LTAR BYANG CHUB SEMS DPA' YANG, ,MTHONG NAS BYANG CHUB NGES PAR 'DOD, ,'ON KYANG DE NI SNYING RJE YIS, ,BYANG CHUB BAR DU SRID MTSAMS SBYOR, ,ZHES GSUNGS PA'I PHYIR, GNYIS PA NI, NYAN THOS 'PHAGS PA RNAMS KYIS CHOS KYI BDAG MED RTOGS PA YIN TE, NYAN THOS RNAMS KYIS GANG LA THOS BSAM BYA BA'I GZHI NYAN THOS KYI SDE SNOD LAS CHOS KYI BDAG MED BSTAN PA'I PHYIR TE, NYAN THOS LA BSTAN PA'I MDO LAS, GZUGS NI DBU BA BRDOS PA 'DRA, ,TSOR BA CHU YI CHU BUR 'DRA, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TE, ,ZHES DPE LNGAS PHUNG PO LA RANG BZHIN MED PAR GSUNGS PA'I PHYIR, KHO NA RE, BYANG CHUB SEMS 'GREL LAS, STON PAS NYAN THOS RNAMS LA PHUNG PO LNGA DANG, BYANG SEMS RNAMS LA GZUGS DBU BA SOGS LNGA DANG 'DRA BAR BSHAD, CES GSUNGS PA DANG 'GAL ZHE NA, SKYON MED DE, DE LTAR GSUNGS PA RE ZHIG STONG NYID RTOGS MI NUS PA'I NYAN THOS LA DGONGS KYI SGRA JI BZHIN PA MA YIN TE, BYANG CHUB SEMS 'GREL LAS, GANG DAG STONG NYID MI SHES PA, ,DE DAG THAR PA'I RTEN MA YIN, ,'GRO DRUG SRID PA'I BRTZON RAR NI, ,RMONGS PA DE DAG 'KHOR BAR 'GYUR, ,ZHES THAR PA THOB PA LA STONG NYID RTOGS PA'I LTAS BAS SGOM PA SNGON DU SONG BA ZHIG DGOS PAR GSUNGS PA'I PHYIR, GZHAN YANG, THEG DMAN THUN MONG MA YIN PA'I SDE SNOD LAS STONG NYID BSTAN PA YIN TE, THEG CHEN GYI SDE SNOD LAS 'DUS BYAS RANG BZHIN GYIS SKYE BA MED PAR BSTAN PA DANG, THEG @61B DMAN GYI SDE SNOD LAS 'DUS BYAS ZAD PA BSTAN PA GNYIS STONG NYID STON PA'I DON DU GCIG PA'I PHYIR, DE LTAR YANG RIN CHEN PHRENG BA LAS, THEG PA CHE LAS SKYE MED BSTAN, ,GZHAN GYIS ZAD PA STONG PA NYID, ,ZAD DANG MI SKYE'I DON DU NI, ,GCIG PA DE'I PHYIR BZOD PAR GYIS, ,ZHES GSUNGS, 'DI GNYIS DON GCIG TSUL LA KHA CIG, THEG CHEN GYI SDE SNOD 'DUS BYAS RANG BZHIN GYIS SKYE BA MED PA DANG, 'DUS BYAS ZAD PA DON GCIG STE, ,'DUS BYAS RANG BZHIN GYIS YOD NA 'DUS BYAS ZAD PA MED DGOS PA'I PHYIR, ZHES ZER BA SHIN TU MI RIGS TE, DE LTA NA MYU GU SOGS 'BRAS BU DNGOS PO THAMS CAD DANG STONG NYID DON GCIG PAR THAL, RANG BZHIN GYIS YOD NA 'BRAS BUR 'GAL BA'I PHYIR TE, RANG BZHIN GYIS YOD NA RGYU LA LTOS PAR 'GAL BA'I PHYIR, DES NA RIN CHEN PHRENG BA'I 'GREL PAR, SKYE BA MED PA DANG, SKAD CIG MA LA DON GYI KHYAD PAR 'GA' YANG MED DO, ,ZHES PA YANG GZHUNG DON MA GO BA'I BSHAD PA YIN TE, 'DUS BYAS SKAD CIG MAR STON PA'I MDO BSTAN BCOS THAMS CAD KYIS STONG NYID BSTAN PAR THAL BA'I SKYON YOD PA'I PHYIR, RANG LUGS DE GNYIS DON GCIG PA'I TSUL NI, RIG PA DRUG CU PA'I 'GREL PAR DRANGS PA'I THEG DMAN GYI MDO LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR GYUR PA, ZAD PA, 'DOD CHAGS DANG BRAL BAS, 'GOG PA, NYE BAR ZHI BA, NUB PA, SDUG BSNGAL GZHAN GYI MTSAMS MI SBYOR ZHING, MI 'BYUNG, MI SKYE BA 'DI NI ZHIG 'DI NI BYA NOM PA STE, 'DI LTA STE, PHUNG PO THAMS CAD NGES PAR SPANGS PA, SRED PA ZAD PA, 'DOD CHAGS DANG BRAL BA, 'GOG PA MYA NGAN LAS 'DAS PA'O, ,ZHES GSUNGS PA 'DI GZHAN GYIS ZAD PA STONG PA NYID CES GSUNGS PA'I 'DUS BYAS ZAD PA STON PA'I THEG DMAN GYI MDO YIN LA, 'DI'I DON NI MA LUS PAR SPANGS PA NAS NUB PA ZHES PA'I BAR GYIS, THEG DMAN GYI LHAG MED MYANG 'DAS LA GNAS PA'I TSE, TSE 'DI'I PHUNG PO'I SNANG BA ZHI ZHING NUB PA DE BSTAN, SDUG BSNGAL GZHAN GYIS MTSAMS MI SBYOR ZHES PA NAS, 'GOG PA MYA NGAN LAS 'DAS PA'O, ,ZHES @62A *, ,PA'I BAR GYIS THEG DMAN GYI LHAG MED MYANG 'DAS LA GNAS PA'I TSE, TSE PHYI MA'I SDUG BSNGAL GYI PHUNG PO'I SNANG BA ZHI ZHING NUB PA DE BSTAN, DES NA LUNG DES THEG DMAN DGRA BCOM PA'I RGYUD KYI STONG NYID LA RTZE GCIG TU MNYAM PAR GZHAG PA'I MNYAM GZHAG YE SHES DES PHUNG SOGS GNYIS SNANG GI SPROS PA MA LUS PA NYE BAR ZHI ZHING NUB PA'I SGO NAS PHUNG SOGS GDOD MA NAS ZAD PA STE, GDOD MA NAS RANG BZHIN GYIS MA GRUB PA'I STONG PA NYID MNGON SUM DU RTOGS PA'I YE SHES DE LA GNAS PA'I THEG DMAN DGRA BCOM LHAG MED MYANG 'DAS PAR BSTAN CING, DE LAS LANGS PA'I RJES THOB KYI TSE, THEG DMAN DGRA BCOM LHAG BCAS MYANG 'DAS PAR BSTAN PA YIN TE, LUNG 'DIR THEG DMAN DGRA BCOM PA'I RGYUD KYI STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES DES PHUNG SOGS GDOD MA NAS ZAD BA'I STONG PA NYID MNGON DU BYAS PAS DES STONG NYID GZIGS PA'I GZIGS DOR PHUNG SOGS MED PA DE, GANG SDUG BSNGAL 'DI MA LUS PAR SPANGS PA ZHES SOGS LHAG MED MYANG 'DAS KYI TSE, PHUNG PO MED PAR GSUNGS PA'I DON DU LUNG 'DIS 'CHAD PA'I PHYIR, DES NA THEG DMAN GYI MYANG 'DAS GANG ZHIG, BDEN SNANG MNGON GYUR PA NUB PAS KHYAD PAR DU BYAS PA, THEG DMAN GYI LHAG MED MYANG SPYI MTSAN NYID, DPER NA STONG NYID LA RTZE GCIG TU MNYAM PAR GZHAG PA'I THEG DMAN DGRA BCOM PA'I RGYUD KYI 'GOG BDEN LTA BU, DE GANG ZHIG, BDEN SNANG MNGON GYUR PA DANG BCAS PA THEG DMAN GYI LHAG BCAS MYANG 'DAS KYI MTSAN NYID, DPER NA, RJES THOB LA GNAS PA'I THEG DMAN DGRA BCOM PA'I RGYUD KYI 'GOG BDEN LTA BU, DON 'DI NI GZHUNG RTZA BAR GSAL BAR BSHAD PA YIN TE, JI LTAR PHUNG PO SPANGS NAS ZHIR BZHUGS PA, DGRA BCOM RNAMS LA YOD PA MIN DE LTAR, ,ZHES LHAG MED MYANG 'DAS LA GNAS PA'I TSE, DGRA BCOM DE'I MNYAM GZHAG GI GZIGS NGOR KUN RDZOB KYI SNANG BA MED PAR GSUNGS PA'I PHYIR, 'DI DAG KHAS LEN PA'I TSE, TSIG SKYON GCOD DGOS PA YOD DO, ,RIGS PA DRUG CU'I 'GREL @62B PAR DRANGS PA'I THEG DMAN GYI MDO LAS, THEG DMAN GYI LHAG MED MYANG 'DAS KYI TSE PHUNG PO RANG BZHIN GYIS ZAD PA MNGON DU BYAS PAR GSUNGS TE, RGYUD BLAR NYONGS GDOD NAS ZAD PHYIR RO, ,ZHES GSUNGS PA LTAR, PHUNG PO GDOD MA NAS RANG BZHIN GYIS MA GRUB PAR MNGON DU BYAS PA DE GDOD MA NAS ZAD PAR GSUNGS PA'I ZAD PA MNGON DU BYAS PA LA 'CHAD RIGS PA'I PHYIR TE, DE LTAR 'CHAD RIGS PA'AM, DNGOS SMRA BAS 'DOD PA LTAR LHAG MED MYANG 'DAS KYI TSE PHUNG PO LAM GYI ZAD PA'I ZAD PA MNGON DU BYAS PA GANG RUNG LA 'CHAD RIGS PA LAS PHYI MA LTAR 'CHAD MI RIGS PA'I PHYIR, PHYI MA MA GRUB NA, MNGON DU BYA RGYU'I MYANG 'DAS YOD PA NA, MNGON DU BYED MKHAN MED PA DANG, MNGON DU BYED MKHAN YOD PA NA, MNGON DU BYA RGYU'I MYANG 'DAS MED PA'I SKYON YOD PAR THAL, THEG DMAN GYI LHAG MED MYANG 'DAS KYI TSE PHUNG PO RGYUN CHAD PA'I PHYIR, RTAGS KHAS SO, ,t'IK CHEN LAS, DNGOS SMRA BA 'GOG TSUL 'DI LTAR GSUNGS PA'I DON LA KHA CIG ,THEG DMAN GYI MDO 'DI LAS LHAG MED MYANG 'DAS KYI DUS SU ZAG BCAS SDUG BSNGAL GYI PHUNG PO ZAD PAR GSUNGS PA'I ZAG BCAS KYI PHUNG PO ZAD PA DE LAM GYI ZAD PA'I ZAD PA LA BYED RIGS PAR THAL, DE YIN PA'AM , GDOD MA NAS RANG BZHIN GYIS ZAD PA LA BYED RIGS PA GANG RUNG GANG ZHIG PHYI MA LTAR MI RIGS PA'I PHYIR, RTAGS PHYI MA NYAN THOS SDE PAS KHAS BLANGS, 'DOD NA, LHAG MED MYANG 'DAS KYI DUS SU ZAG BCAS SDUG BSNGAL GYI PHUNG PO MED PAR THAL LO, ,'DOD NA, MNGON DU BYA RGYU'I MYANG 'DAS YOD PA NA, MNGON DU BYED MKHAN MED PA DANG, MNGON DU BYED MKHAN YOD PA NA, MNGON DU BYA RGYU'I MYANG 'DAS MED PA'I SKYON YOD PAR THAL LO, ,KHYAB STE, THEG DMAN GYI LHAG MED MYANG 'DAS RGYUD LDAN GYI GANG ZAG YIN NA ZAG BCAS SDUG BSNGAL GYI PHUNG PO RGYUD LDAN GYI GANG ZAG YIN DGOS PA'I PHYIR TE, DE YIN NA SHES SGRIB RGYUD LDAN GYI GANG ZAG YIN DGOS, SHES SGRIB YIN NA SDUG BSNGAL GYI BDEN PA YIN DGOS PA'I PHYIR, ZHES ZER BA MI 'THAD DE, THAL 'GYUR @63A *, ,PA'I SKABS 'DIR LHAG MED MYANG 'DAS LA GNAS PA'I NYAN THOS DGRA BCOM PA'I RGYUD LA SDUG BSNGAL BDEN PA YOD PA TZAM MKHAS LEN KYANG, DE YIN NA SDUG BSNGAL BDEN PA RGYUD LDAN YIN PAS KHYAB PA KHAS LEN PA MI 'THAD DE, BDE BA CAN GYI RTEN CAN GI LHAG MED MYANG 'DAS PA'I RGYUD LA SDUG BSNGAL BDEN PA MED PA'I PHYIR, SHES SGRIB YIN NA SDUG BSNGAL BDEN PA YIN PAS KHYAB PAR KHAS LEN PA YANG MI RIGS TE, BYANG 'PHAGS KYI RGYUD LA SHES SGRIB YOD KYANG SDUG BDEN MED PA'I PHYIR DANG SHES SGRIB LA DE 'DRA BAS KHYAB PA SKABS 'DIR KHAS LEN PA'I SHES BYED MED PA'I PHYIR, GONG GI RTAGS DANG PO GRUB STE, KUN BTUS LAS, YONGS SU DAG PA'I 'JIG RTEN GYI KHAMS DE DAG NI, SDUG BSNGAL GYI BDEN PA MA YIN PAR BLTA STE, ZHES DAG ZHING GI SNOD BCUD KYI 'JIG RTEN SDUG BDEN MA YIN PAR GSUNGS PA 'DI, MDO'I BSHAD PA BKOD PA YIN GYI, DNGOS SMRA BA KHO NA'I RANG LUGS MA YIN PA'I PHYIR, DES NA MDO 'DI LAS THEG DMAN 'PHAGS PAS CHOS KYI BDAG MED RTOGS PA GSAL BAR BSTAN TE, MDO 'DI LAS LHAG MED MYANG 'DAS LA GNAS PA'I THEG DMAN DGRA BCOM PAS RANG RGYUD KYI STONG NYID LA RTZE GCIG TU MNYAM PAR GZHAG PA'I MNYAM GZHAG GI GZIGS NGOR SDUG BSNGAL GYI PHUNG PO MED PA DE MNGON DU BYAS PA LA DES THEG DMAN GYI LHAG MED MYANG 'DAS MNGON DU BYAS PAR BZHAG CING, RANG RGYUD KYI MNYAM GZHAG DE'I GZIGS NGOR PHUNG PO GDOD MA NAS MA GRUB PA LA GDOD MA NAS ZAD PAR GSUNGS PA'I ZAD PA MNGON DU BYAS PAR BSTAN PA'I PHYIR DANG, STONG NYID LA RTZE GCIG TU MNYAM PAR GZHAG PA'I MNYAM GZHAG GI GZIGS NGOR PHUNG PO MED PA DANG, DE'I GZIGS NGOR PHUNG PO GDOD MA NAS MA GRUB PA GNAS LUGS MTHAR THUG YIN PA'I PHYIR TE, DE LTAR 'OG NAS 'CHAD PA'I PHYIR, GZHAN YANG, THEG DMAN GYI MDO LAS STONG NYID BSTAN PA YIN TE, LUNG PHRAN TSEGS KYI KA TA YA NA LA GDAMS PA LAS STONG NYID BSTAN PA'I PHYIR TE, DE NYID LAS, KA TA YA NA GANG GI PHYIR, , @63B 'JIG RTEN 'DI NI PHAL CHER YOD PA NYID DANG, MED PA NYID LA ZHEN TE, DE'I DBANG GIS SKYE BA DANG, RGA BA DANG ZHES SOGS GSUNGS PA'I PHYIR, DE DAG KYANG MTSON PA TZAM YIN GYI, RIN CHEN PHRENG BA NAS 'DIR MA DRANGS PA 'GA' ZHIG DANG, RIGS PA DRUG CU PA DANG BSTOD PA'I TSOGS LAS KYANG, THEG DMAN GYI MDO LAS STONG NYID BSTAN PA DU MA ZHIG GSUNGS SO, ,KHA CIG ,MDO 'DI NI LUNG PHRAN TSEGS NA SNANG NGO, ,ZHES PA'I DON MA GO BAR, BCOM LDAN DNGOS DANG DNGOS MED PA, ,MKHYAN PAS KA TA YA NA YI, ,ZHES SOGS LUNG PHRAN TSEGS KYI MDO YIN ZER BA CHES SHIN TU RAGS PA'I LOG RTOG YIN TE, DE MGON PO KLU SGRUB KYIS MDZAD PA'I RTZA SHE'I RAB BYED BCO LNGA PA'I GZHUNG YIN PA'I PHYIR, DE MA YIN NA, RAB BYED BCO LNGA PA LA TSIGS BCAD BCU GCIG MA TSANG PAR THAL BA'I SKYON YOD PA'I PHYIR, DE LTA MA YIN NA, BCOM LDAN 'DAS KYIS CHOS GANG ZHIG, BSLU BA DE NI RDZUN ZHES GSUNG, ,ZHES PA'I RAB BYED BCU GSUM PA'I GZHUNG 'DI YANG THEG DMAN GYI MDO YIN PAR THAL, BCOM LDAN DNGOS DANG DNGOS MED PA, ZHES SOGS LUNG PHRAN TSEGS KYI MDO YIN PA'I PHYIR, YANG KHA CIG ,MDO 'DI RTZA SHER TSIGS BCAD DU BSDEBS NAS DRANGS KYANG LUNG PHRAN TSEGS NA TSIG LHUG PAR YOD ZER BA YANG MI 'THAD DE, THEG DMAN GYI MDO LAS MTHA' GNYIS 'GOG PA'I MDO KHUNGS SU DRANGS PAS THEG CHEN GYI SDE SNOD DU TSIGS BCAD DU SDEBS PAR MI 'GYUR PA'I PHYIR,, ` ,,GSUM PA DE LTAR BSTAN PA LA RTZOD PA SPONG PA LA, 'GREL BA NAS BSHAD PA'I RTZOD PA SPONG PA DANG, DER MA BSHAD PA'I RTZOD PA SPONG BA GNYIS, DANG PO NI, RANG 'GREL LAS, GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA, DE'I TSE THEG PA CHEN PO BSTAN PA DON MED PAR 'GYUR RO, ,SNYAM DU SEMS PA DE'I LUGS DE YANG 'DI LTAR RIGS PA DANG LUNG DANG 'GAL BAR RTOGS SO, ,ZHES GSUNGS, DE'I DON NI SLOB DPON SANGS RGYAS BSKYANGS KYI RAB BYED BDUN PA'I 'GREL PAR, THEG DMAN THUN MONG MA YIN PA'I SDE SNOD LAS CHOS KYI @64A *, ,BDAG MED BSTAN PAR BSHAD PA LA, SLOB DPON LEGS LDAN 'BYED NA RE, THEG CHEN BSTAN PA DON MED PAR THAL, THEG DMAN THUN MONG MA YIN PA'I SDE SNOD LAS CHOS KYI BDAG MED BSTAN PA'I PHYIR, ZHES ZER, DE'I LAN 'CHAD PA LA, BSHAD MA THAG PA'I RANG 'GREL DE BYUNG, DE'I DON NI, THAL 'GYUR DE SGRA JI BZHIN PA YIN NAM, THEG CHEN GYI SDE SNOD DU CHOS KYI BDAG MED BSTAN PA DON MED PAR THAL, THEG DMAN THUN MONG MA YIN PA'I SDE SNOD LAS CHOS KYI BDAG MED BSTAN PA'I PHYIR, ZHES PA'I DON YIN, DANG PO LTAR NA DE LA KHYAB PA MED DE, THEG CHEN GYI SDE SNOD GSUNGS PA CHOS KYI BDAG MED BSTAN PA KHO NA'I PHYIR DU GSUNGS PA MA YIN PA'I PHYIR TE, THEG CHEN GYI MOD LAS, BYANG SEMS KYIS DANG, SBYIN SOGS PHA ROL TU PHYIN PA DANG, BYANG CHUB SEMS DPA'I SNYING RJE DANG SMON LAM SOGS THABS KYIS CHA RNAMS DANG, BYANG SEMS KYI MTHU BSAM GYI MI KHYAB PA DAG KYANG STON PA'I PHYIR, DE LTAR YANG RANG 'GREL LAS, THEG PA CHEN PO BSTAN PAS NI CHOS LA BDAG MED PA TZAM 'BA' ZHIG STON PAR BYED PA MA YIN GYI, 'O NA CI ZHE NA, BYANG CHUB SEMS DPA' RNAMS KYIS SA DANG PHA ROL TU PHYIN PA DANG, SMON LAM DANG SNYING RJE CHEN PO LA SOGS PA DANG, YONGS SU BSNGO BA DANG, TSOGS GNYIS DANG BSAM GYIS MI KHYAB PA'I CHOS NYID KYANG YIN NO, ,JI SKAD DU RIN CHEN PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SBYONG PA YONGS BSNGO MA BSHAD DES, ,BYANG CHUB SEMS DPAR GA LA 'GYUR, , BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYIS GZUNG, ,ZHES GSUNGS SO, ,ZHES BSHAD, GNYIS PA LTAR NA THAL 'GYUR DE LA KHYAB PA MED DE, THEG CHEN GYI SDE SNOD DANG THEG DMAN GYI SDE SNOD GNYIS SKAR CHOS KYI BDAG MED BSTAN PAR MTSUNGS KYANG, STON TSUL LA MI 'DRA BA'I KHYAD PAR YOD DE, THEG CHEN GYI SDE SNOD DU CHOS KYI BDAG MED RIGS PA'I RNAM GRANGS MTHA' YAS PA'I SGO NAS BSTAN CING, THEG DMAN GYI SDE SNOD DU CHOS KYI BDAG MED RIGS PA MDOR @64B BSDUS TZAM GYI SGO NAS BSTAN PA'I PHYIR, DE LTAR YANG RANG 'GREL LAS, CHOS KYI BDAG MED PA GSAL BAR BYA BA'I PHYIR THEG PA CHEN PO BSTAN PA YANG RIGS PA NYID DE, RGYAS PAR BSTAN PA BRJOD PAR 'DOD PA'I PHYIR RO, ,NYAN THOS KYI THEG PA LAS NI CHOS KYI BDAG MED PA MDOR MTSAN PA TZAM ZHIG TU ZAD DO, ,JI SKAD DU SLOB DPON GYI ZHAL SNGA NAS KYIS MTSAN MA MED PA MA RTOGS PAR, ,KHYOD KYI THAR PA MED PAR GSUNGS, DE PHYIR KHYOD KYIS THEG CHEN LAS, DE NI TSANG PAR BSTAN PA LAGS, ,ZHES GSUNGS SO, ,ZHES BSHAD, THEG PA CHE CHUNG GI SDE SNOD DU CHOS KYI BDAG MED RDZOGS PAR STON MI STON DANG, DE GNYIS KYI LAM DU CHOS KYI BDAG MED RDZOGS PAR SGOM MI SGOM GYI KHYAD PAR BSHAD PA'I DON GANG YIN SNYAM NA, SNGA MA KHA CIG ,THEG CHEN LA SHES BYA THAMS CAD RANG BZHIN MED PAR RTOGS PA YOD LA, NYAN RANG LA DE MED PAR SHES BYA PHYOGS RE BA RANG BZHIN MED PAR RTOGS PA YOD PA DE'I DON DU SMRA BA CHES MI 'THAD DE, GZHI GRUB PA CIG GI STENG DU BDEN MED TSAD MAS NGES NA, DE NAS GZHI GZHAN LA BDEN PAR YOD MED KYI DPYAD PA ZHUGS PA NA RIGS PA SNGA MA LA BRTEN NAS BDEN MED DU RTEN NUS PA'I PHYIR, RANG LUGS LA, DE 'DRA'I KHYAD PAR YOD DE, THEG CHEN GYI SDE SNOD DU CHOS KYI BDAG MED RIGS PA'I RNAM GRANGS MTHA' YAS PA'I SGO NAS BSTAN CING, THEG DMAN GYI SDE SNOD DU DE RIGS PA MDOR BSDUS TZAM GYI SGO NAS BSTAN PA DANG, THEG CHEN GYI LAM DU DE RIGS PA'I RNAM GRANGS MTHA' YAS PA'I SGO NAS SGOM ZHING, THEG DMAN GYI LAM DU DE RIGS PA MDOR BSDUS TZAM GYI SGO NAS SGOM PA LA DGONGS NAS DE LTAR GSUNGS PA'I PHYIR TE, RANG 'GREL LAS, DE LTA NA YANG DE DAG LA CHOS KYI BDAG MED PA YONGS SU RDZOGS PAR SGOM PA MED DE, KHAMS GSUM NA SPYOD PA'I NYEN MONGS PA SPONG BA'I THABS TZAM ZHIG NI YOD DO, ,DE DAG LA GANG ZAG GI BDAG MED PA MA LUS PAR BSGOM PA NI YOD PAR RNAM PAR GZHAG GO, ZHES NYAN RANG 'PHAGS PA CHOS KYI BDAG MED RDZOGS PAR SGOM PA MED CING, GANG ZAG GI BDAG @65A *, ,MED RDZOGS PAR SGOM PA YOD PAR GSUNGS PA'I DON GANG ZHE NA, DE LA MKHAS PA KHA CIG, NYAN RANG 'PHAGS BAS CHOS KYI BDAG MED RIGS PA'I RNAM GRANGS MTHA' YAS PA'I SGO NAS MA RTOGS SHING, GANG ZAG GI BDAG MED RIGS PA'I RNAM GRANGS MTHA' YAS PA'I SGO NAS RTOGS PA 'DI'I DGONGS PAR SMRA BA MI 'THAD DE, t'IK CHEN LAS, GANG ZAG BDEN GRUB 'GOG PA'I RIGS PA'I RNAM GRANGS MTHA' YAS PA'I SHES RAB MI SKYED KYANG, NYON MONGS KYI SA BON GYI GNYEN PO RDZOGS PAR SGOM PA YOD LA SHES BYA'I SGRIB PA'I GNYEN PO RDZOGS PAR SGOM PA NI MED DO, ,ZHES GSUNGS PA DANG 'GAL BA'I PHYIR, RANG LUGS DE LTAR GSUNGS PA'I DON YOD DE, NYAN RANG 'PHAGS PAS NYON SGRIB KYI GNYEN PO RDZOGS PAR SGOM ZHING, SHES SGRIB KYI GNYEN PO RDZOGS PAR MI SGOM PA'I PHYIR, ZHES PA NI t'IK CHEN GYI DGONGS PA MTHAR THUG PA'I LEGS PAR BSHAD PA YIN TE, DE YANG SNGON CHAD SUS KYANG GSAL PO BSHAD MA NUS SO, ,NYAN RANG 'PHAGS PAS CHOS KYI BDAG MED RDZOGS PAR SGOM MAM MI SGOM ZHE NA, DES CHOS KYI BDAG MED RDZOGS PAR SGOM STE, DES CHOS KYI BDAG 'DZIN RDZOGS PAR SPANG BA'I PHYIR TE, DES DE MA LUS PAR SPANGS PA'I PHYIR, 'GREL PA NAS BSHAD PA'I RTZOD PA DANG, DE'I DON LA DENG SANG GI DBU MA PA THAMS CAD ZHAL 'CHAM PAR, SANGS RGYAS BSKYANGS KYIS RAB BYED BDUN PA'I 'GREL BAR THEG DMAN GYI SDE SNOD DU CHOS KYI BDAG MED BSTAN PAR BSHAD PA LA, SLOB DPON LEGS LDAN 'BYED NA RE, THEG CHEN BSTAN PA DON MED PAR THAL, THEG DMAN GYI SDE SNOD LAS CHOS KYI BDAG MED BSTAN PA'I PHYIR ZER NA, DE'I LAN 'CHAD PA LA, GANG ZHIG GAL TE ZHES SOGS KYI RANG 'GREL GSUNGS PA YIN ZHES ZER BA NI, t'IK CHEN GYI DGONGS PA GTAN NAS MA YIN TE, SLOB DPON LEGS LDAN 'BYED DES THEG DMAN GYI SDE SNOD LAS CHOS KYI BDAG MED BSTAN PAR BZHED PA'I @65B PHYIR, RTZA BA SHES RAB LAS, 'DUS BYAS THAMS CAD SLU BA'I CHOS, ,DES NA DE DAG RDZUN PA YIN, ,ZHES PA'I THAD KYI 'GREL BA SHES RAB SGRON MA LAS, NYAN THOS KYI THEG PA LAS KYANG, 'DI LTA STE, 'DUS BYAS GANG YIN PA DE NI RDZUN PA SLU BA'I CHOS SO,, DGE SLONG 'DI LTA STE, MI SLU BA'I CHOS MYA NGAN LAS 'DAS PA DE NI BDEN PA'I MCHOG GO, ZHES NYAN THOS KYI SDE SNOD LAS 'DUS BYAS RDZUN PA BSLU BA'I CHOS CAN DU GSAL BAR BSHAD CING, 'DUS BYAS RDZUN PA SLU BA'I CHOS CAN DU BSHAD PA'I MDO DES STONG NYID BSTAN PAR, BCOM LDAN 'DAS KYIS GSUNGS PA, STONG NYID YONGS SU BSTAN PA YIN, ,ZHES PAS BSTAN PA'I PHYIR, YANG SLOB DPON LEGS LDAN 'BYED DES, THEG DMAN GYI SDE SNOD LAS STONG NYID BSTAN PAR BZHED DE, DES THEG DMAN GYI SDE SNOD LAS DON DAM PAR GZHAN SKYE MED PAR BSTAN PAR BZHED PA'I PHYIR, KHA CIG, SDUG BSNGAL BDAG GIS BYAS, ZHES PA'I 'GREL BA SHES RAB SGRON MA LAS, NYAN THOS KYI THEG PA LAS KYANG BKA' STZAL TE, KYE KYE GO'U TA MA SDUG BSNGAL BDAG GIS BYAS SAM, TSE DANG LDAN PA MA YIN NO, ,GZHAN GYIS BYAS SAM, TSE DANG LDAN PA MA YIN NO, ,BDAG GIS KYANG MA BYAS, GZHAN GYIS KYANG MA BYAS SAM, TSE DANG LDAN PA MA YIN NO, ,ZHES BYA BA LA SOGS PA RGYA CHER GSUNGS PA DE DAG GIS GRUB PA YIN NO, ,GZHAN YANG, SLOB DPON LEGS LDAN 'BYED DES THEG DMAN GYI SDE SNOD LAS CHOS KYI BDAG MED BSTAN PAR BZHED DE, DES LUNG PHRAN TSEGS KYI KA TA YAN LA GDAMS PA'I MDO LAS STONG NYID BSTAN PAR BZHED PA'I PHYIR, SHES RAB SGRON MA LAS, BCOM LDAN DNGOS DANG DNGOS MED PA, ,MKHYEN PAS KA TA YA NA YI, ,GDAMS NGAG LAS NI YOD PA DANG, ,MED PA GNYIS KA DGAG PAR MDZAD, ,KA TA YA NA 'JIG RTEN 'DI NI GNYIS LA GNAS TE, PHAL CHER YOD PA NYID DANG MED PA NYID LA'O, ,ZHES BYA BA LA SOGS PA DANG, DE BZHIN DU KUN @66A *, ,DGA' BO YOD CES BYA BA NI RTAG PAR 'GYUR LA, MED CES BYA BA NI CHAD PAR 'GYUR RO ZHES KYANG GSUNGS SO, ,ZHES BCOM LDAN DNGOS DANG DNGOS MED PA, ,ZHES SOGS KYI DON TSIG GSAL BZHIN DU BSHAD PA'I PHYIR, DE BZHIN DU NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,ZHES SOGS KYI DON YANG THEG DMAN THUN MONG MA YIN PA'I SDE SNOD LAS BYANG SEMS KYI SPYOD PA NYAMS LEN SOGS MA BSHAD CES PA'I DON YIN GYI, NYAN THOS KYI SDE SNOD LAS BYANG SEMS KYI SPYOD PA NYAMS LEN MA BSHAD CES PA'I DON MA YIN PA'I PHYIR TE, 'DUL BA LUNG LAS, THAMS CAD SGROL GYI SKYES RABS SOGS BRGYA PHRAG MANG PO BSHAD PA'I SGO NAS BYANG CHUB SEMS DPA'I SPYOD PA NYAMS LEN MANG DU GSUNGS PA'I PHYIR, KHO NA RE, 'O NA, BCOM LDAN DNGOS DANG DNGOS MED PA, ,ZHES SOGS DRANGS NAS DBU MA RANG RGYUD PA'I NGOR THEG DMAN GYI MDO LAS STONG NYID BSTAN PAR SGRUB PA MA YIN PAR THAL, SLOB DPON LEGS LDAN 'BYED LA SOGS PA'I RANG RGYUD PA RNAMS KYIS THEG DMAN GYI MDO LAS STONG NYID BSTAN PAR BZHED PA'I PHYIR ZER NA, DE LTAR BSGRUBS PA DE LEGS LDAN 'BYED LA SOGS PA'I RANG RGYUD PA'I NGOR SGRUB PA MA YIN TE, RANG 'GREL DANG t'IK CHEN DU DE LTAR SGRUB PA NYAN THOS SDE PA'I NGOR SGRUB PA'I PHYIR TE, THEG PA CHE LAS SKYE MED BSTAN, ,ZHES SOGS KYIS THEG DMAN GYI MDO LAS STONG NYID BSTAN PAR SGRUB PA DE NYAN THOS SDE PA'I NGOR SGRUB PA'I PHYIR TE, DE THEG CHEN GYI MDO RGYAS 'BRING BSDUS GSUM SANGS RGYAS KYI BKA' MIN PAR 'DOD PA'I RGOL BA'I NGOR SGRUB PA'I PHYIR TE, GCIG PA DE PHYIR BZOD PAR GYIS, ,ZHES GSUNGS PA'I PHYIR, 'O NA, RANG 'GREL LAS, JI SKAD DU, RIN CHEN PHRENG BA LAS, JI SRID PHUNG POR 'DZIN YOD PA, ,ZHES SOGS DRANGS PA YANG NYAN THOS SDE PA'I NGOR DRANGS PA JI LTAR RIGS SHE NA, DE DAG NI THEG CHEN GYI GRUB MTHA' SMRA @66B BA'I RANG SDE 'OG MA RNAMS DANG, RANG RGYUD PA SOGS KYI NGOR 'DREN PA YIN PAS SKYON MED TSUL GONG DU BSHAD ZIN PA LTAR YIN NO, ,'DI DAG RJE THAMS CAD MKHYEN PA TZONG KHA PA'I DGONGS PA SA 'OG KYI GTER BZHIN DU GYUR PA KHO BOS GSAL BAR BYAS PA YIN GYI, DBU NAG GI RTZOM PA NI MA YIN NO,, ` ,,GNYIS PA 'GREL PA NAS MA BSHAD PA'I RTZOD PA NI, KHO NA RE, NYAN RANG 'PHAGS PAS CHOS KYI BDAG MED RTOGS PA DANG BDEN 'DZIN NYON SGRIB TU BSHAD PA MI 'THAD DE, DE LTAR NA MNGON RTOGS RGYAN LAS, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,ZHES RANG RGYAL GYI LAM GYIS GZUNG PA LA BDEN ZHEN SPONG MI NUS PAR GSUNGS PA DANG, NYON MONGS SHES BYA LAM GSUM GYIS, ,NYAMS PHYIR SLOB MA BSE RU DANG, , ZHES SOGS KYIS GZUNG BA LA BDEN ZHEN SHES SGRIB TU GSUNGS PA JI LTAR DRANG ZHE NA, LUNG DE'I DON NI, PHYI DON TSAD MAS GRUB PA GZHIR BYAS PA LA RANG RGYAL 'PHAGS PAS PHYI DON BDEN MED DU RTOGS SHING, DE LTAR BSGOMS PAS GZUNG BA LA BDEN ZHEN GYI RTOG PA SPONG NUS PA DANG, 'DZIN PA BDEN MED DU MA RTOGS PAS 'DZIN PA LA BDEN ZHEN SPONG MI NUS ZHES PA'I DON YIN NAM, RANG RGYAL 'PHAGS PAS PHYI DON MED PAR RTOGS SHING, 'DZIN PA BDEN MED DU MA RTOGS PAS, GZUNG BA LA BDEN ZHEN SPONG NUS KYANG, 'DZIN PA LA BDEN ZHEN SPONG MI NUS PA GANG YIN, DANG PO LTAR NA MI 'THAD DE, GZHI GRUB PA GCIG GI STENG DU BDEN MED TSAD MAS NGES NA DE NAS GZHI GZHAN LA BLO KHA PHYOGS PA TZAM GYIS BDEN MED DU RTOGS NUS PA'I PHYIR, SLOB DPON 'PHAGS PA LHAS, GANG GIS DNGOS GCIG DE BZHIN NYID MTHONG BA, ,CES SOGS GSUNGS PA'I PHYIR, GNYIS PA LTAR NA MI 'THAD DE, LUNG DE'I DON 'DI LTAR DU 'CHAD PA NI, SLOB DPON SENG BZANG LA SOGS PA'I RANG RGYUD PA RNAMS KYI LUGS YIN @67A *, ,PAS, GZUNG DON RTOG PA SPONG PHYIR DANG, ,ZHES SOGS SGRA JI BZHIN PA MA YIN TE, GZHUNG DE ZAB MO'I LAM STON DU MI RUNG BA'I RANG RGYUD PA RNAMS RJES SU BZUNG BA'I PHYIR DU GSUNGS PA'I DRANG DON DGONGS PA CAN YIN PA'I PHYIR, DE BZHIN DU NYON MONGS SHES BYA LAM GSUM GYIS, ,ZHES SOGS KYANG DRANG DON DGONGS PA CAN YIN NO, GZUNG DON RTOG PA SPONG PHYIR DANG, ,ZHES SOGS KYIS THEG CHEN LA LTA BA RAB DBU MA'I LTA BA, THEG 'BRING LA LTA BA 'BRING SEMS TZAM GYI LTA BA, THEG CHUNG LA LTA BA THA MA GANG ZAG GI BDAG MED THUN MONG BA'I LTA BA BZHAG PA'I SGO NAS THEG PA CHE 'BRING CHUNG GSUM LA, DBANG PO RNO 'BRING RTUL GSUM GYI KHYAD PAR BZHAG PA YIN YANG, SKABS 'DIR SGRA JI BZHIN PAR KHAS MI LEN TE, SKABS 'DIR THEG PA GSUM GYI BSGOM BYA'I LTA BA LA MTHO DMAN GYI KHYAD PAR MED PA'I PHYIR, DE LTAR KHAS LEN KYANG THEG PA GSUM LA DBANG PO'I RIM PA MI 'DRA BA GSUM YOD DE, DE KHO NA NYID MYUR DU GTING DPOG MI DPOG GI SGO NAS DBANG PO'I RIM PA MI 'DRA BA GSUM GYI RNAM GZHAG 'BYED PA'I PHYIR, SKABS 'DI'I t'IK CHEN GYI DON 'DI KHO NA YIN GYI, 'DI LAS GZHAN DU 'CHAD PA NI DGONGS PA MA YIN NO,, ` ,,MNGON RTOGS RGYAN GYI SKABS KHA CIG TU NYAN RANG 'PHAGS PAS CHOS KYI BDAG MED RTOGS PA'I RNAM GZHAG KYANG GSUNGS TE, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES DANG, BRTEN PA'I CHOS KYI BYE BRAG GIS, ,DE YI DBYE BA YONGS SU BRJOD,, CES SOGS KYI RTZOD LAN GYI GZHUNG RNAMS KYIS NYAN RANG 'PHAGS PAS CHOS KYI BDAG MED RTOGS PA GSAL BAR BSTAN PA'I PHYIR, RTZOD LAN GYI GZHUNG RNAMS KYI DON GANG ZHE NA, 'DI LA GSER 'PHRENG LTAR NA, RIGS SO SOR MA NGES PA'I RTZOD @67B LAN DANG, RIGS CAN SO SOR MA NGES PA'I RTZOD LAN GNYIS, DANG PO NI, RTZA BAS DNGOS SU BSTAN PA'I RTZOD LAN YIN LA, DE'I DON NI, BSGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,ZHES PA'I SKABS SU THEG CHEN BSGRUB PA'I RTEN RANG BZHIN GNAS RIGS CHOS DBYINGS SU BSTAN CING 'JUG PA'I RTEN LA RIGS ZHES BYA, ZHES PA'I SKABS SU BSGRUB PA BCU GSUM GYI CHOS NYID THEG CHEN BSGRUB PA'I RTEN RANG BZHIN GNAS RIGS SU BSTAN PA LA RTZOD, JI LTAR RTZOD NA, KHO NA RE, RIGS THA DAD PA GSUM DU DBYE BA MI RUNG BAR THAL, THEG PA GSUM GYI RANG BZHIN GNAS RIGS CHOS DBYINGS GANG ZHIG, CHOS DBYINGS LA NGO BO MI 'DRA BA'I DBYE BA MED PA'I PHYIR, ZHES RTZOD, DE LTAR YANG, RTZA BA LAS, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES DANG, NYI SNANG LAS, DE LTAR NA'ANG CHOS KYI DBYINGS LA DBYE BA MED PA'I PHYIR, ,'DI NI NYAN THOS KYI RIGS SO, 'DI NI RANG SANGS RGYAS KYI RIGS SO, ,'DI NI SANGS RGYAS KYI RIGS SO, ,ZHES RIGS NI THA DAD DU RUNG BA MA YIN, ZHES GSUNGS PA'I PHYIR, RTZOD PA DE'I LAN NI, RTZA BAR, BRTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES DANG, DON GSAL LAS, DPER NA, 'JIM PA GCIG LAS MNGON PAR GRUB CING ME LCE GCIG GIS GSO BTANG BA'I RTEN BUM PA LA SOGS PA BRTEN PA SBRANG RTZI DANG LI KHAR LA SOGS PA'I SNOD KYIS THA DAD PA DE BZHIN DU, ZHES DANG, RGYAN SNANG LAS KYANG, DPER NA 'JIM PA GCIG LAS ZHES SOGS GSUNGS, DON NI, RTZOD PA DE'I SKYON MED DE, CHOS DBYINGS LA NGO BO MI 'DRA BA'I DBYE BA MED KYANG, BRTEN PA THEG PA GSUM GYIS DBYE BAS RTEN RIGS GSUM GYI DBYE BA 'THAD PA'I PHYIR RO, ,GNYIS PA NI, 'GREL CHUNG DANG @68A *, ,'GREL CHEN LAS BSHAD PA'I RTZOD LAN YIN LA, DE'I DON NI NYI SNANG LAS, DE LA RTOG PA DANG RNAM PAR RTOG PA NI DNGOS PO DANG DE'I MTSAN MA LA MNGON PAR ZHEN PA STE, DE MED PA'I PHYIR CHAGS PA MED PA NYID DU RIG PAR BYA'O, ,YOD PAR MA GYUR PA NYID NI CHOS THAMS CAD KYI DE BZHIN NYID DE, DES NA 'DIS NI CHOS KYI DBYINGS NYID 'PHAGS PA'I CHOS RNAMS KYI RGYU YIN PA'I PHYIR, RANG BZHIN DU GNAS PA'I RIGS NYID SGRUB PA'I RTEN YIN NO ZHES STON PAR BYED DE, CES SGRUB PA'I RTEN DU GYUR PA'I RANG BZHIN GNAS RIGS CHOS DBYINGS SU BSTAN PA LA RTZOD, JI LTAR RTZOD NA KHO NA RE, SEMS CAN THAMS CAD THEG PA CHEN PO'I LAM GYI SKABS KYI RIGS LA GNAS PAR THAL, BYANG SEMS KYI CHOS DBYINGS THEG CHEN SGRUB PA'I RTEN RANG BZHIN GNAS RIGS GANG ZHIG, CHOS DBYINGS SEMS CAN THAMS CAD LA SPYIR GNAS PA'I PHYIR, 'DOD NA, BYANG SEMS KHO NA THEG CHEN GYI LAM GYI SKABS KYI RIGS LA GNAS PA MA YIN PAR THAL, 'DOD PA'I PHYIR ZHES ZER, DE LTAR YANG GAL TE CHOS KYI DBYINGS NYID RIGS YIN NA THAMS CAD RIGS LA GNAS PAR 'GYUR TE, DE NI SPYIR GNAS PA YIN PA'I PHYIR, ZHES DANG, RGYAN SNANG LAS, DE'I TSE CHOS KYI DBYINGS NI SPYIR GNAS PA YIN PA'I PHYIR, ZHES SOGS DANG, 'GREL CHUNG LAS, 'O NA NI DE'I TSE DE NI SPYIR GNAS PA YIN PA'I PHYIR, BYANG CHUB SEMS DPA' KHO NA MA YIN NO SNYAM PA'I SKYE BO BLO DMAN PA'I NGOR DOGS PA BSU NAS, ZHES GSUNGS, RTZOD PA DE'I LAN BSHAD PA LA, NYI SNANG LAS, JI LTAR DMIGS PA NA 'PHAGS @68B PA'I CHOS RNAMS KYI RGYUR 'GYUR BA DE LTAR RIGS PAS BSHAD PA YIN NA, 'DIR SHIN TU THAL CHES PAR CI'I PHYIR RTOG PAR BYED, DE LTAR YIN NA YANG, CES DANG, RGYAN SNANG DANG 'GREL PA DON GSAL LAS, JI LTAR NYAN THOS KYI THEG PA LA SOGS PA'I ZHES SOGS GSUNGS, DON NI THAL 'GYUR DE LA KHYAB PA MED DE, BYANG SEMS KYI SEMS KYI CHOS DBYINGS THEG CHEN SGRUB PA'I RTEN RANG BZHIN GNAS RIGS YIN KYANG, DE LA GNAS PA TZAM GYIS THEG CHEN GYI LAM GYI SKABS KYI RIGS LA GNAS PAR MI 'GYUR BA'I PHYIR,, ` ,,DE TSUL PHUN TSOGS YON TAN DAG LDAN PHYIR, ,ZHES SOGS KYI SKABS SU, BYANG SEMS SA GNYIS PA BA CHOS CAN, RMI LAM DU YANG TSUL KHRIMS 'CHAL BA'I DRI MA MTHA' DAG SPANGS PA YIN TE, TSUL KHRIMS KYI PHAR PHYIN GYI NYAMS LEN CHES LHAG PA THOB PA LA GNAS PA'I BYANG 'PHAGS YIN PA'I PHYIR, GAL TE DE NI KHRIMS DAG RANG BZHIN LTA, ,ZHES SOGS KYI SKABS SU KHA CIG, TSUL KHRIMS KYI 'KHOR GSUM RANG BZHIN GYIS GRUB PAR LTA BA'I GANG ZAG YIN NA, TSUL KHRIMS RNAM DAG DANG MI LDAN PAS KHYAB PA LUNG DE'I DON YIN ZER NA, 'O NA TSUL KHRIMS RNAM DAG DANG LDAN PA'I BYE BRAG SMRA BA MED PAR THAL, GZHUNG DON DE 'THAD PA'I PHYIR, 'DOD NA, SO THAR GYI SDOM PA RNAM DAG DANG LDAN PA'I BYE BRAG SMRA BA MED PAR THAL LO, ,KHA CIG, RTZA BA'I RTAGS DE YIN NA BYANG SEMS KYI SDOM PA RNAM DAG DANG MI LDAN PAS KHYAB PA LUNG DE'I DON YIN ZER NA, BYANG SEMS KYI SDOM PA RNAM DAG DANG LDAN PA'I SEMS TZAM PA MED PAR THAL, DAM BCA' 'THAD PA'I PHYIR, 'DOD MI NUS TE, SEMS TZAM PAR GYUR PA'I BYANG SEMS YOD PA'I PHYIR, KHA CIG, RTZA BA'I RTAGS DE YIN NA, TSUL KHRIMS CHES @69A *, ,YONGS SU MA DAG PA ZHES PA'I SGRAS BRJOD RUNG YIN PAS KHYAB PA LUNG DE'I DON YIN ZHE NA, BYANG SEMS DU GYUR BA'I SEMS TZAM PA CHOS CAN, ,DER THAL, DE PHYIR, RANG LUGS NI, TSUL KHRIMS KYI 'KHOR GSUM RANG BZHIN GYIS GRUB PAR LTA BA'I GANG ZAG YIN NA 'JIG RTEN LAS 'DAS PA'I TSUL KHRIMS KYI PHAR PHYIN DANG MI LDAN PAS KHYAB PA LUNG DE'I DON YIN PA'I PHYIR RO, ,DES NA BYANG SEMS SA GNYIS PA BA CHOS CAN, KHYOD TSUL KHRIMS KYI 'KHOR GSUM RANG BZHIN GYIS GRUB PAR LTA BA'I GANG ZAG MA YIN TE, KHYOD 'JIG RTEN LAS 'DAS PA'I TSUL KHRIMS KYI PHAR PHYIN THOB PA LA GNAS PA'I SEMS DPA' YIN PA'I PHYIR, ,` SHES BYA'I BUD SHING MA LUS SREG PA'I ME'I, ,ZHES SOGS KYI SKABS SU, MTHA' BCAD PA DANG, GZHUNG DON LA DOGS PA GCOD PA GNYIS, DANG PO NI, KHA CIG, SA GSUM PA'I BAR CHAD MED LAM GYI NGO SKAL GYI SPANG BYAR GYUR PA'I SHES SGRIB YOD ZER NA, 'O NA DMAN LAM SNGON DU MA SONG BA'I SA GSUM PA'I BAR CHAD MED LAM CHOS CAN, NYON SGRIB MA LUS PAR SPANGS PAR THAL, RANG GI NGO SKAL GYI SPANG BYAR GYUR PA'I SHES SGRIB KYI DNGOS GNYEN BAR CHAD MED LAM YIN PA'I PHYIR, KHYAB STE, SA DER RGYAL SRAS BSAM GTAN MNGON SHES DANG, ,ZHES PA'I THAD KYI t'IK CHEN LAS, NYON MONGS THAMS CAD MA ZAD BAR DU SHES SGRIB MI SPONG BA'I PHYIR, SHES SGRIB NI DAG PA SA GSUM GYIS SPONG NGO, ,ZHES GSUNGS PA'I PHYIR, RTZA BAR 'DOD MI NUS TE, CHOS CAN DE'I PHYIR, KHO NA RE, DE'I NGO SKAL GYI SPANG BYAR GYUR PA'I SHES SGRIB YOD PAR THAL, DMAN LAM SNGON DU MA SONG BA'I THEG CHEN GYI MTHONG LAM SDUG BSNGAL CHOS BZOD KYI NGO SKAL GYI SPANG BYA'I GTZO BOR GYUR PA'I SHES SGRIB YOD PA'I PHYIR TE, DE'I NGO SKAL GYI SPANG BYAR GYUR PA'I SGRIB PA YOD, DER GYUR PA'I NYON SGRIB MED PA'I PHYIR, DANG PO DER THAL, BAR CHAD MED LAM YIN PA'I PHYIR, GNYIS PA MA GRUB NA, DES NYON SGRIB SPANG BYA'I GTZO BOR BYED PAR THAL, MA GRUB PA DE'I PHYIR, 'DOD MI NUS TE, DES SHES SGRIB SPANG BYA'I GTZO BOR BYAD PA'I PHYIR, @69B ZHES ZER, DE'I LAN LA KHA CIG, 'DIR MA KHYAB STE, DMAN LAM SNGON DU MA SONG BA'I BYANG 'PHAGS KYIS NYON SGRIB SPANG BYA'I GTZO BOR BYED PA'I PHYIR ZER NA, BYANG SEMS 'PHAGS PAS RANG RGYUD KYI NYON MONGS GZHAN DON BYED PA'I YAN LAG TU BSGYUR BA CIG MED PAR THAL, DES RANG RGYUD KYI NYON MONGS SPANG BYA'I GTZO BOR BYED PA'I PHYIR, RTAGS KHAS, 'DOD MI NUS TE, DE LTAR BYED PA'I GANG ZAG CIG YOD PA'I PHYIR, KHA CIG, DMAN LAM SNGON DU MA SONG BA'I SBYANG 'PHAGS KYIS 'KHOR BA SPANG BYA'I GTZO BOR MI BYED CING, BDEN 'DZIN SPANG BYA'I GTZO BOR BYED ZER NA, DE 'DRA'I BYANG 'PHAGS CHOS CAN, KHYOD KYIS 'KHOR BA'I RTZA BA SPANG BYA'I GTZO BOR BYED PAR THAL, KHYOD KYIS BDEN 'DZIN SPANG BYA'I GTZO BOR BYED PA'I PHYIR, RTAGS KHAS, 'DOD NA, KHYOD KYIS 'KHOR BA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, KHYOD KYIS THAR PA THOB BYA'I GTZO BOR BYED PAR THAL, 'DOD PA'I PHYIR, 'DOD MI NUS TE, KHYOD KYIS THAMS CAD MKHYEN PA THOB BYA'I GTZO BOR BYED PA'I PHYIR, BYAS PA LA KHO NA RE, DE 'DRA'I BYANG 'PHAGS KYI BDEN 'DZIN SPANG BYA'I GTZO BOR BYED PAR THAL, DE 'DRA'I BYANG SEMS MTHONG LAM PAS BDEN 'DZIN SPANG BYA'I GTZO BOR BYED PA'I PHYIR, MA GRUB NA DE CHOS CAN, KHYOD KYIS BDEN 'DZIN SPANG BYA'I GTZO BOR BYED PAR THAL, KHYOD KYIS DE MA SPANGS PA GANG ZHIG, KHYOD KYIS BDEN MED SGOM BYA'I GTZO BOR BYED PA'I PHYIR NA, MA KHYAB, PHYI MA DER THAL, BYANG 'PHAGS YIN PA'I PHYIR, GZHAN YANG, DE 'DRA'I BYANG SEMS MTHONG LAM PAS BDEN 'DZIN SPANG BYA'I GTZO BOR BYED PAR THAL, DMAN LAM SNGON DU MA SONG BA'I SA BDUN PA'I BAR CHAD MED LAM LA GNAS PA'I SEMS DPA' DES BDEN 'DZIN SPANG BYA'I GTZO BOR BYED PA'I PHYIR, MA GRUB NA DE CHOS CAN, KHYOD KYIS BDEN 'DZIN SPANG BYA'I GTZO BOR BYED PAR THAL, KHYOD KYIS BDEN 'DZIN GYI DNGOS GNYEN BAR CHAD MED LAM SGOM BYA'I GTZO BOR BYED PA'I PHYIR TE, KHYOD KYIS BDEN 'DZIN GYI DNGOS GNYEN DU GYUR PA'I SA BDUN PA'I BAR CHAD MED LAM BSGOM @70A *, ,BYA'I GTZO BOR BYED PA'I PHYIR NA, MA KHYAB STE, DMAN LAM SNGON DU MA SONG BA'I MTHONG LAM SDUG BSNGAL CHOS BZOD LA GNAS PA'I SEMS DPA' CHOS CAN, KHYOD KYIS RTAG GCIG RANG DBANG CAN DU 'DZIN PA'I RTOG PA SPANG BYA'I GTZO BOR BYED PAR THAL, KHYOD KYIS DE'I DNGOS GNYEN BAR CHAD MED LAM SGOM BYA'I GTZO BOR BYED PA'I PHYIR, MA GRUB NA DER THAL, DE'I DNGOS GNYEN DU GYUR PA'I THEG CHEN GYI MTHONG LAM BAR CHAD MED LAM BSGOM BYA'I GTZO BOR BYED PA'I PHYIR, 'KHOR GSUM, RANG LUGS NI, DE'I SKYON MED DE, DMAN LAM SNGON DU MA SONG BA'I BYANG SEMS MTHONG LAM PA'I NGO SKAL GYI SPANG BYA'I GTZO BOR GYUR PA'I BDEN 'DZIN YOD KYANG, DES DE SPANG BYA'I GTZO BOR MI BYED DE, DES BDEN 'DZIN SPANG BYA'I GTZO BOR MI BYED PA'I PHYIR, DES NA MTHONG SPANG SHES SGRIB MED BYAS PA LA KHO NA RE, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM BAR CHAD MED LAM MED PAR THAL, DE'I NGO SKAL GYI SPANG BYAR GYUR PA'I SGRIB PA MED PA'I PHYIR TE, DE'I NGO SKAL GYI SPANG BYAR GYUR PA'I SHES SGRIB KYANG MED, NYON SGRIB KYANG MED PA'I PHYIR, 'DOD NA DE 'DRA'I MTHONG LAM RNAM GROL LAM MED PAR THAL LO, 'DOD NA, DE 'DRA'I MTHONG LAM MNYAM GZHAG YE SHES MED PAR THAL, 'DOD PA'I PHYIR ZER NA, 'DIR MA KHYAB, DE'I LAN LA KHA CIG, NYAN THOS DGRA BCOM PA'I RTOGS PA SNGON DU SONG PA'I THEG CHEN GYI MTHONG LAM BAR CHAD MED LAM GYI NGO SKAL GYI SPANG BYAR GYUR PA'I SGRIB PA YOD DE, DER GYUR PA'I SNYOMS 'JUG GI SGRIB PA YOD PA'I PHYIR TE, RJES THOB TU YON TAN BRGYA PHRAG BCU GNYIS THOB PA LA GEGS BYED KYI SGRIB PA DE DE'I NGO SKAL GYI SPANG BYAR GYUR PA'I SGRIB PA YIN PA'I PHYIR ZER NA, SHES BYA CHOS CAN, NYAN THOS DGRA BCOM GYI RTOGS PA SNGON DU SONG BA'I SA DANG PO'I SGOM LAM BAR CHAD MED LAM YOD PAR THAL, DAM BCA' 'THAD PA'I PHYIR, 'DOD MI NUS TE, DE'I NGO SKAL GYI SPANG BYAR GYUR PA'I SGRIB @70B PA MED PA'I PHYIR TE, DER GYUR PA'I SHES SGRIB KYANG MED, NYON SGRIB KYANG MED, RJES THOB TU YON TAN BRGYA PHRAG BCU GNYIS THOB PA LA GEGS BYED KYI SGRIB PA YANG DE MA YIN, RJES THOB TU YON TAN STONG PHRAG BCU GNYIS THOB PA LA GEGS BYED KYI SGRIB PA YANG DE MA YIN PA'I PHYIR, GSUM PA GRUB STE, DES DE SPANG ZIN PA'I PHYIR, RTAGS SONG, BZHI PA GRUB STE, DE SA GNYIS PA'I BAR CHAD MED LAM GYI NGO SKAL GYI SPANG BYA YIN PA'I PHYIR, GZHAN YANG SNYOMS 'JUG GI SGRIB PA YIN NA SGRIB PA YIN DGOS PAR THAL, DAM BCA' 'THAD PA'I PHYIR, 'DOD NA DMAN SGRIB YIN NA SGRIB PA YIN DGOS PAR THAL, 'DOD PA'I PHYIR, 'DOD NA, RANG NYID GCIG PU ZHI BDE DON GNYER GYI BLO CHOS CAN, DER THAL, DE'I PHYIR, RTAGS GRUB STE, DE'I MTSAN GZHI YOD PA'I PHYIR, DE LA KHO NA RE, MTHONG SPANG SHES SGRIB YOD DE, GZUGS 'DZIN DBANG SHES LA GZUGS BDEN PAR SNANG BA DE SNANG BA LTAR GRUB PA 'THAD SNYAM DU 'DZIN PA'I BLO DANG BCAS PA MTHONG SPANG SHES SGRIB YIN ZHES GSUNG, DE 'DRA'I BLO CHOS CAN, KHYOD SHES SGRIB MA YIN PAR THAL, KHYOD BDEN 'DZIN YIN PA'I PHYIR TE, KHYOD GZUGS BDEN GRUB TU 'DZIN PA'I BLO YIN PA'I PHYIR TE, CHOS CAN DE'I PHYIR, KHO NA RE, MTHONG SPANG SHES SGRIB YOD PAR THAL, MTHONG SPANG DU GYUR PA'I THOGS SGRIB YOD PA'I PHYIR TE, MTHONG LAM RNAM GROL LAM DE CHAGS THOGS DMAN GSUM GYI SGRIB PA CI RIGS LAS GROL BA YIN PA'I PHYIR TE, RGYUD BLA MA LAS, JI LTA JI SNYED NANG GIS NI, ,YE SHES GZIGS PA DAG PA'I PHYIR, ,ZHES GSUNGS PA'I PHYIR NA, MA KHYAB STE, THEG CHEN GYI MTHONG LAM RNAM GROL LAM PA BA DE, GZHUNG DE'I SKABS NAS DNGOS SU BSTAN PA'I DGE 'DUN DKON MCHOG MA YIN PA'I PHYIR, DE DE YIN NA DE 'DRA BA DE DAG SA LA GNAS PA'I SEMS DPA' YIN DGOS PA'I PHYIR TE, RGYUD BLA MA LAS, 'PHAGS PA PHYIR MI LDOG PA NI, ,LUS CAN KUN GYI SKYABS YIN NO, ,ZHES GSUNG @71A *, ,PA'I PHYIR, SPANG BYA SPONG TSUL LA KHA CIG ,SPYIR SGOM SPANG LA CHEN PO SKOR GSUM, 'BRING SKOR GSUM, CHUNG NGU SKOR GSUM YOD LA, CHE 'BRING DRUG PO NYON SGRIB DANG, CHUNG NGU GSUM SHES SGRIB YIN CING, NYON MONGS CHUNG NGU SKOR GSUM GYI RNAM GZHAG MI BYED DE, DE LTAR t'IK CHEN LAS BSHAD PA'I PHYIR, ZER NA, SHES BYA CHOS CAN, SGOM SPANG NYON MONGS CHUNG NGU SKOR GSUM YOD PAR THAL, DE 'BRING SKOR GSUM YOD PA'I PHYIR TE, t'IK CHEN LAS, DE YANG SGOM SPANG KYI NYON MONGS LHAN SKYES CHE 'BRING DRUG SA GNYIS PA NAS, BDUN PA'I BAR GYIS SPONG BAS SA 'DI'I SPANG BYA LA DGONGS SO, ,ZHES GSUNGS PA'I PHYIR, GZHAN YANG DMAN LAM SNGON DU MA SONG BA'I BYANG SEMS SA BRGYAD PA BA CHOS CAN, KHYOD KYIS SGOM SPANG NYON MONGS CHUNG NGU SKOR GSUM SPANGS PAR THAL, SGOM SPANG NYON MONGS DE GSUM YOD PA GANG ZHIG ,KHYOD KYIS SGOM SPANG NYON MONGS MA LUS PAR SPANGS PA'I PHYIR, DANG PO DER THAL, SGOM SPANG NYON MONGS 'BRING SKOR GSUM YOD PA'I PHYIR, RTZA BAR 'DOD NA, KHYOD KYIS DE'I DNGOS GNYEN BAR CHAD MED LAM THOB PAR THAL LO, ,'DOD NA, KHYOD KYIS DE'I DNGOS GNYEN DU GYUR PA'I THEG CHEN GYI BAR CHAD MED LAM THOB PAR THAL, 'DOD PA GANG ZHIG ,KHYOD DMAN LAM SNGON DU MA SONG BA'I BYANG 'PHAGS YIN PA'I PHYIR, 'DOD NA, DE'I DNGOS GNYEN DU GYUR PA'I THEG CHEN GYI BAR CHAD MED LAM YOD PAR THAL, 'DOD PA'I PHYIR, 'DOD NA, THEG CHEN GYI SGOM SPANG NYON MONGS CHUNG NGU SGOR GSUM YOD PAR THAL, 'DOD PA'I PHYIR, RANG LUGS LA, THEG CHEN GYI SGOM SPANG NYON MONGS CHE 'BRING CHUNG NGU DGU YOD CING, DANG PO DRUG SA GNYIS PA NAS BDUN PA'I BAR GYIS RIM BZHIN SPONG, SA BDUN PA'I BAR CHAD MED LAM SKYE THEBS DANG PO DES SGOM SPANG NYON MONGS 'BRING GI CHUNG NGU SPONG BAR BYED LA, SA BDUN PA'I BAR CHAD MED LAM SKAD CIG THA MA NGES SGOM SPANG NYON MONGS CHUNG NGU SKOR GSUM PO DE CIG CAR DU SPONG BAR BYED, BYAS PA LA KHO NA RE, THEG CHEN GYI SGOM @71B SPANG NYON MONGS CHUNG NGU SKOR GSUM LA SPONG DKA' SLA' KHYAD PAR MED PAR THAL, SA BDUN PA'I BAR CHAD MED LAM SKAD CIG THA MA DES DE GSUM GA'I DNGOS GNYEN BYED PA'I SGO NAS CIG CAR DU SPONG BA'I PHYIR, 'DOD NA, DE LA CHE 'BRING CHUNG NGU GSUM GSUM DU DBYE BA BYAS PA LA DGOS PA MED PAR THAL LO, ,ZHES BKAG NAS KHO RANG GI LUGS LA, SGOM SPANG NYON MONGS CHE 'BRING SKOR GSUM GSUM 'BYED CING, CHUNG NGU LA SKOR GSUM DU MI BYED PAR, GCIG TU BSDUS NAS DE SA BRGYAD PA'I BAR CHAD MED LAM SKAD CIG DANG PO DES SPONG BA YIN TE, DE LA GSUM DU 'BYED PA GONG DU BKAG ZIN PA'I PHYIR ZER NA, GANG ZAG RANG SKYA THUB PA'I RDZAS YOD DU 'DZIN PA'I RTOG PA KUN BRTAGS DANG, GANG ZAG GI BDAG 'DZIN KUN BRTAGS GNYIS LA SPONG DKA' SLA'I KHYAD PAR MED PAR THAL, DMAN LAM SNGON DU MA SONG BA'I THEG CHEN GYI MTHONG LAM BAR CHAD MED LAM DE DE GNYIS KA'I DNGOS GNYEN BAR CHAD MED LAM YIN PA'I PHYIR, KHYAB PA KHAS, 'DOD NA, GANG ZAG RANG SKYA THUB PA'I RDZAS YOD KYIS STONG PA DANG, GANG ZAG GI BDAG MED GNYIS LA RTOGS DKA' SLA'I KHYAD PAR MED PAR THAL, 'DOD PA'I PHYIR, KHA CIG ,THEG CHEN GYI SGOM SPANG NYON MONGS CHUNG NGU SKOR GSUM 'BYED CING, DE YANG SA BRGYAD PA'I BAR CHAD MED LAM SKYE THEBS DANG POS CHUNG NGU'I CHEN PO SPONG, GNYIS PAS CHUNG NGU'I 'BRING SPONG, GSUM PAS CHUNG NGU'I CHUNG NGU SPONG BA YIN, ZHES GSUNG, 'O NA, SA BRGYAD PA'I RNAM GROL LAM SKAD CIG DANG PO LAS LANGS MA THAG PA'I RJES THOB YE SHES LA GNAS PA'I SA BRGYAD PA BA CHOS CAN, KHYOD KYI RGYUD LA BDEN 'DZIN MNGON GYUR DU YOD PAR THAL, KHYOD BDEN 'DZIN MA SPANGS PA'I GANG ZAG GANG ZHIG ,KHYOD RJES THOB YE SHES LA GNAS PA'I GANG ZAG YIN PA'I PHYIR, 'DOD MI NUS TE, DAG SA LA GNAS PA'I SEMS DPA' YIN PA'I PHYIR, GZHAN YANG, BYANG SEMS SA BRGYAD PA BA YIN NA, NYON SGRIB SPANG PAS MA KHYAB PAR THAL, RANG GI NGO SKAL GYI SPANG BYAR GYUR PA'I NYON SGRIB KYI DNGOS GNYEN BAR CHAD @72A *, ,MED LAM DU GYUR PA'I SA BRGYAD PA'I BAR CHAD MED LAM BRGYAD PA LA DRI MA DE DAG RTZA BCAS NYE BAR ZHI 'GYUR ZHING, BRGYAD PA LA DRI MA DE DAG RTZA BCAS NYE BAR ZHI 'GYUR ZHING, ,NYON MONGS ZAD CING SA GSUM BLA MAR GYUR KYANG SANGS RGYAS RNAMS KYIS NI, ,ZHES GSUNGS PA'I PHYIR, KHA CIG ,BYANG SEMS SA DANG PO BA YIN NA, MTHONG SPANG KUN SBYOR GSUM SPANGS PAS KHYAB PAR THAL, DE NYID LAS, 'DI NI KUN TU SBYOR BA GSUM PO THAMS CAD SPANGS PA YIN, ,ZHES GSUNGS PA'I PHYIR, KHYAB PA KHAS ZER NA, MI MTSUNGS SO, ,KHA CIG ,DMAN LAM SNGON DU MA SONG BA'I BYANG SEMS SA BRGYAD PA BA DE DGRA BCOM YIN ZER NA, DE CHOS CAN, DE MA YIN PAR THAL, THEG CHEN DGRA BCOM YANG MA YIN, THEG DMAN DGRA BCOM YANG MA YIN PA'I PHYIR, DANG PO DER THAL, SANGS RGYAS 'PHAGS PA MA YIN PA'I PHYIR, KHA CIG GIS, DE THAR PA THOB PA'I GANG ZAG YIN ZHE NA, DE CHOS CAN, KHYOD KYIS THAR PA MA THOB PAR THAL, THEG CHEN GYI THAR PA YANG MA THOB, THEG DMAN GYI THAR PA YANG MA THOB PA'I PHYIR, DANG PO DER THAL, KHYOD KYIS THEG CHEN GYI BYANG CHUB MA THOB PA'I PHYIR TE, KHYOD SANGS RGYAS MA YIN PA'I PHYIR, GZHAN YANG DE CHOS CAN, MI SLOB LAM THOB PAR THAL, DGRA BCOM THOB PA'I PHYIR, 'DOD NA, THEG CHEN GYI MI SLOB LAM THOB PAR THAL, 'DOD PA GANG ZHIG ,THEG DMAN GYI MI SLOB LAM MA THOB PA'I PHYIR, 'DOD NA, SANGS RGYAS 'PHAGS PA YIN PAR THAL LO, ,BYAS PA LA KHO NA RE, DES THAR PA THOB PAR THAL, DES THAR PA THOB PAR THAL, DES THAR PA THOB PA LA GEGS BYED KYI SGRIB PA SPANGS PA'I PHYIR NA, MA KHYAB, DER THAL, NYON SGRIB SPANGS PA'I PHYIR, DE CHOS CAN, NYAN THOS KYI THAR PA THOB PAR THAL, DES NYAN THOS KYI THAR PA THOB PA LA GEGS BYED KYI SGRIB PA SPANGS PA'I PHYIR, KHYAB PA KHAS, DER THAL, NYON SGRIB SPANGS PA'I PHYIR, 'KHOR GSUM, GZHAN YANG, DE CHOS CAN, DGRA BCOM THOB PAR THAL, NYON SGRIB SPANGS PA'I PHYIR NA, MA KHYAB, GZHAN @72B YANG, DE CHOS CAN, KHYOD DGRA BCOM YIN PAR THAL, KHYOD KYI RGYUD KYI 'GOG BDEN DE MYANG 'DAS YIN PA'I PHYIR, MA GRUB NA, DE'I RGYUD KYI 'GOG BDEN CHOS CAN, MYANG 'DAS YIN PAR THAL, NYON SGRIB MA LUS PAR SPANGS PA'I SO SOR BRTAGS 'GOG YIN PA'I PHYIR NA MA KHYAB, DE 'DRA'I BYANG SEMS CHOS CAN, KHYOD KYIS THEG CHEN GYI MYANG 'DAS THOB PAR THAL, KHYOD KYIS MYANG 'DAS THOB PA GANG ZHIG ,KHYOD KYIS THEG DMAN GYI MYANG 'DAS MA THOB PA'I PHYIR, 'DOD NA, MI GNAS PA'I MYANG 'DAS THOB PAR THAL LO, ,'DOD NA, SANGS RGYAS 'PHAGS PA YIN PAR THAL LO,, GZHAN YANG, DE CHOS CAN, MI SLOB PA YIN PAR THAL, DGRA BCOM YIN PA'I PHYIR, 'DOD NA THEG CHEN MI SLOB PA YIN PAR THAL, 'DOD PA GANG ZHIG ,THEG DMAN MI SLOB PA MA YIN PA'I PHYIR, 'DOD MI NUS TE, SANGS RGYAS 'PHAGS PA MA YIN PA'I PHYIR, RTZA BAR 'DOD MI NUS TE, SLOB PA YIN PA'I PHYIR TE, DMAN LAM SNGON DU MA SONG BA'I BYANG SEMS YIN PA'I PHYIR, ,` RANG LUGS LA, SGRIB PA GNYIS KYI RNAM GZHAG BSHAD PA, SGRIB PA GNYIS LAM GANG DU TSUL JI LTAR DU SPONG BA DANG GNYIS, DANG PO LA NYON SGRIB BSHAD PA DANG, SHES SGRIB BSHAD PA GNYIS, DANG PO NI SGRIB PA YIN PA GANG ZHIG ,GTZO BOR THAR PA THOB PA LA BAR DU GCOD BYED DE, NYON SGRIB KYI MTSAN NYID, DE LA DBYE NA KUN BRTAGS DANG LHAN SKYES GNYIS, DANG PO NI, GRUB MTHAS RGYUD BSLAD PA'I DBANG GIS BYUNG BA'I NYON MONGS PA MTSUNGS LDAN DANG BCAS PA'AM, DES SKYED PA'I SA BON GANG RUNG GIS BSDUS PA NYON SGRIB KUN BRTAGS KYI MTSAN NYID, DBYE NA KUN BRTAGS MNGON GYUR PA DANG, SA BON GYI CHA GNYIS YOD, NYON SGRIB GANG ZHIG ,GRUB MTHAS RGYUD BSLAD PA'I DBANG GIS BYUNG BA MA YIN PAR, RANG RGYUD THOG MA MED PA'I BAG CHAGS KYI DBANG GIS BYUNG BA'I NYON MONGS PA MTSUNGS LDAN DANG BCAS PA'AM, DES SKYED PA'I SA BON GANG RUNG GIS BSDUS PA NYON SGRIB LHAN SKYES KYI MTSAN NYID, DE LA DBYE NA MNGON GYUR DANG, SA BON GYI CHA GNYIS YOD, GNYIS PA NI SGRIB PA GANG ZHIG, @73A *, ,GTZO BOR THAMS CAD MKHYEN PA THOB PA LA BAR DU GCOD BYED DE, SHES SGRIB KYI MTSAN NYID, DE LA DBYE NA, SHES SGRIB MNGON GYUR PA DANG, SA BON GYI CHA GNYIS, DANG PO NI, BDEN 'DZIN MA LUS PAR SPANGS PA'I 'PHAGS PA SLOB PA'I RGYUD LA 'BYUNG BA'I SGRIB PA'I RIGS SU GNAS PA GANG ZHIG ,RANG YUL GZUGS SOGS BDEN GRUB TU SNANG BA'I GNYIS SNANG 'KHRUL PA'I CHA, SHES SGRIB MNGON GYUR GYI MTSAN NYID, MTSAN GZHI NI, 'JUG SHES DRUG LA RANG YUL GZUGS SOGS BDEN GRUB TU SNANG BA'I GNYIS SNANG 'KHRUL PA'I CHA LTA BU YIN, RANG GI RGYUR GYUR PA'I BDEN 'DZIN GYIS THUN MONG MA YIN PA'I LAG RJES BZHAG PA LAS BYUNG ZHING, RANG GI 'BRAS BUR GYUR PA'I GNYIS SNANG 'KHRUL BA'I NYER LEN GANG ZHIG ,BDEN 'DZIN MA LUS PAR SPANGS PA'I 'PHAGS PA SLOB PA'I RGYUD LA 'BYUNG BA'I SGRIB PA'I RIGS SU GNAS PA, SHES SGRIB KYI SA BON GYI CHA'I MTSAN NYID, SHES SGRIB LA KUN BRTAGS DANG LHAN SKYES GNYIS SU 'BYED MI RIGS TE, SHES SGRIB KUN BRTAGS MED PA'I PHYIR TE, MTHONG SPANG SHES SGRIB MED PA'I PHYIR, DES NA SHES PAR GYUR PA'I SHES SGRIB MED DE, BDEN 'DZIN SHES SGRIB MA YIN PA'I PHYIR, GNYIS PA DE GNYIS LAM GANG DU TSUL JI LTAR DU SPONG PA LA, NYON SGRIB LAM GANG DU TSUL JI LTAR DU SPONG BA DANG, SHES SGRIB LAM GANG DU TSUL JI LTAR DU SPONG BA'I TSUL LO, ,DANG PO NI THEG DMAN GYI DBANG DU BYAS NA, THEG DMAN GYI MTHONG LAM SDUG BSNGAL CHOS BZOD NAS NYON SGRIB SPONG BA'I MGO RTZOM ZHING, THEG DMAN DGRA BCOM THOB PA DANG NYON SGRIB SPANGS PA DUS MNYAM, THEG CHEN GYI DBANG DU BYAS NA, THEG CHEN GYI MTHONG LAM SDUG BSNGAL CHOS BZOD NAS NYON SGRIB SPONG BA'I MGO RTZOM ZHING, SA BRGYAD PA THOB PA DANG NYON SGRIB SPANGS PA DUS MNYAM, GNYIS PA NI SA BRGYAD PA THOB NAS SHES SGRIB SPONG BA'I MGO RTZOM ZHING, RNAM MKHYEN THOB PA DANG SHES SGRIB SPANGS PA DUS MNYAM, SA BRGYAD PA MA THOB PAR DU SHES SGRIB SPONG BA'I @73B MGO MI RTZOM STE, DMAN LAM SNGON DU MA SONG BA'I SA BRGYAD PA MA THOB BAR DU BDEN 'DZIN MA SPANGS PA GANG ZHIG ,BDEN 'DZIN MA LUS PAR MA SPANGS PAR SHES SGRIB SPONG BA'I MGO MI RTZOM PA'I PHYIR, DES NA THEG CHEN MTHONG LAM BAR CHAD MED LAM PA DES MTHONG SPANG RTOG PA SPONG TSUL YOD DE, DES DE'I SA BON SPANGS PA'I SGO NAS DE SPONG BAR BYED PA'I PHYIR TE, THEG CHEN MTHONG LAM BAR CHAD MED LAM RANG RGYUD LA SKYE BA LA MNGON DU PHYOGS PA DANG, MTHONG SPANG RTOG PA'I SA BON RANG RGYUD LA 'GAGS PA LA MNGON DU PHYOGS PA DUS MNYAM, THEG CHEN GYI MTHONG LAM BAR CHAD MED LAM RANG RGYUD LA SKYES ZIN PA DANG, MTHONG SPANG RTOG PA'I SA BON RANG RGYUD LA 'GAGS ZIN PA DUS MNYAM PA'I SGO NAS DE'I SA BON SPONG BAR BYED PA'I PHYIR, THEG CHEN MTHONG LAM BAR CHAD MED LAM PA'I RGYUD LA MTHONG SPANG RTOG PA'I SA BON MED MOD, DE'I RGYUD LA SGOM SPANG RTOG PA'I SA BON YOD DAM MED CE NA, RANG RGYUD PA'I LUGS LA MED DE, DE'I LUGS LA THEG CHEN MTHONG LAM BAR CHAD MED LAM PA'I RGYUD KYI RNAM PAR SHES PA DE ZAG MED KYI NGO BOR GYUR ZIN LA, DE'I RGYUD KYI YID KYI RNAM PAR SHES PA DE THEG CHEN MTHONG LAM BAR CHAD MED LAM PA'I MTSAN GZHIR GYUR PA'I GANG ZAG TU KHAS LEN CING, DE ZAG MED KYI NGO BOR GYUR ZIN PA DE'I STENG DU SGOM SPANG RTOG PA'I SA BON YOD NA DE ZAG BCAS SU THAL BA'I SKYON DU GYUR PA'I PHYIR, THAL 'GYUR BA'I LUGS LA DE'I RGYUD LA SGOM SPANG RTOG PA'I SA BON YOD DE, DE'I RGYUD KYI YID KYI RNAM SHES ZAG MED KYI NGO BOR GYUR ZIN KYANG, DE'I RGYUD KYI NGA TZAM GYI STENG DU SGOM SPANG RTOG PA'I SA BON KHAS LEN PA MI 'GAL BA'I PHYIR TE, DES NGA TZAM GANG ZAG GI MTSAN GZHIR KHAS LEN PA'I PHYIR, RTZOD PA SPONG BA LA KHO NA RE, 'JUG SHES DRUG BDEN 'DZIN GYI BAG CHAGS KYIS BSLANG BA'I DBANG GIS RANG YUL GZUGS SOGS BDEN GRUB TU SNANG BA SHES SGRIB YIN PAR THAL, SHES SGRIB MNGON GYUR PA'I MTSAN NYID DE 'THAD PA'I PHYIR, 'DOD NA, @74A *, ,RTOG PA BDEN 'DZIN GYI BAG CHAGS KYIS BSLAD PA'I DBANG GIS RANG YUL GZUGS SOGS BDEN GRUB TU SNANG BA SHES SGRIB YIN PA'AM, RTOG MED KYI SHES PA BDEN 'DZIN GYI BAG CHAGS KYIS BSLAD PA'I DBANG GIS RANG YUL GZUGS SOGS BDEN GRUB TU SNANG BA SHES SGRIB YIN PA GANG RUNG YIN PAR THAL LO, ,'DOD MI NUS TE, DANG PO YANG SHES SGRIB MA YIN, GNYIS PA YANG SHES SGRIB MA YIN PA'I PHYIR, DANG PO DER THAL, DE DNGOS MED YIN PA'I PHYIR TE, BUM 'DZIN RTOG PA LA BUM PA BDEN GRUB TU SNANG BA DNGOS MED YIN PA'I PHYIR, GNYIS PA MA GRUB NA, TSUR MTHONG GI RGYUD KYI DBANG SHES KYI SNANG 'JUG PA RNAM PA DE LTA BU'I RGYU YANG YIN TE, MA RIG PA DANG 'DOD CHAGS LA SOGS PA'I BAG CHAGS DE YANG RNAM PA THAMS CAD THAL, SHES PAR GYUR PA'I SHES SGRIB MED PA'I PHYIR NA MA KHYAB, GZHAN YANG BYANG SEMS SA BCU PA BA'I RGYUD LA STOBS BCU LA SOGS PA'I DE BZHIN GSHEGS PA'I GSANG BA'I GNAS PHRA MO DANG, LAS 'BRAS PHRA ZHING PHRA BA LA RMONGS PA'I SEMS BYUNG RMONGS PA MED PAR THAL, SHES PAR GYUR PA'I SHES SGRIB MED PA'I PHYIR, 'DOD NA, DES DE RNAMS MNGON SUM DU RTOGS PAR THAL LO, ZHES BKAG NAS KHONG RANG GI LUGS LA, RANG 'GREL LAS, DE LA MA RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS DANG NGAG GI 'JUG PA RNAM PA DE LTA BU'I RGYU YANG YIN TE, MA RIG PA DANG 'DOD CHAGS LA SOGS PA'I BAG CHAGS DE YANG RNAM PA THAMS CAD MKHYEN PA'I SANGS RGYAS KHO NA LA LDOG PAR 'GYUR GYI, GZHAN DAG LA NI MA YIN NO, ,ZHES PA 'DI PAS SHES SGRIB DANG SHES PA'I GZHI MTHUN BSTAN TE, 'DI PAS 'DOD CHAGS KYI BAG CHAGS KYI DBANG GIS DGRA BCOM PAS LUS KYIS SPRE'U LTAR MCHONG BA'I LUS KYI GNAS NGAN LEN DANG, ZHE SDANG GI BAG CHAGS KYI DBANG GIS @74B GZHAN LA DMANG MO ZER BA'I NGAG GI GNAS NGAN LEN GNYIS SPANG BYAR DNGOS SU BSTAN PAS SHUGS LA, RANG RGYU BDEN 'DZIN GYIS THUN MONG MA YIN PA'I LAG RJES BZHAG PA LAS BYUNG ZHING, RANG YUL GZUGS SOGS BDEN GRUB TU SNANG BA'I YID KYI RNAM SHES 'KHRUL PA DE SHES SGRIB TU GSAL PAR BSTAN PA'I PHYIR, GZHAN YANG, SHES SGRIB DANG SHES PA'I GZHI 'THUN YOD DE, t'IK CHEN LAS, DE'I 'BRAS BU GNYIS SNANG 'KHRUL PA'I CHA THAMS CAD KYANG DER BSDU'O, ,ZHES GSUNGS PA'I PHYIR, ZHE NA, RANG 'GREL LAS, DE LA MA RIG PA'I BAG CHAGS ZHES SOGS KYI LUNG 'DIS 'DOD CHAGS KYI BAG CHAGS KYI DBANG GIS DGRA BCOM PAS SPRE'U LTAR MCHOD BA'I LUS KYI GNAS NGAN LEN DANG, ZHE SDANG GI BAG CHAGS KYI DBANG GIS GZHAN LA DMANG MO ZER BA'I NGAG GI GNAS NGAN LEN GNYIS SGRIB PAR DNGOS SU BSTAN PAR THAL, LUNG DON 'CHAD TSUL 'THAD PA'I PHYIR, 'DOD NA, DE GNYIS SGRIB PA YIN PAR THAL, 'DOD PA'I PHYIR, 'DOD NA, SHES SGRIB YIN PAR THAL, 'DOD PA GANG ZHIG ,NYON SGRIB MA YIN PA'I PHYIR, PHYI MA DER THAL, DE GNYIS DGRA BCOM PA'I RGYUD LA 'BYUNG BA'I PHYIR, 'DOD MI NUS TE, DE GNYIS GZUGS KYI PHUNG PO YIN PA'I PHYIR, KHO NA RE, SHES PAR GYUR PA'I SHES SGRIB YOD PAR THAL, MA RIG PAR GYUR PA'I SHES SGRIB YOD PA'I PHYIR NA MA KHYAB, MA GRUB NA, DER THAL, t'IK CHEN LAS, SANGS MA RGYAS PA'I 'PHAGS PA RNAMS KYIS NI SHES SGRIB KYI MA RIG PA MA SPANGS PAS ZHES DANG, DES NA SHES SGRIB KYI MA RIG PA GCOD PA'I PHYIR, ZHES PA NI SNANG BA YOD PA'I RGYU MTSAN MA YIN GYI, MNYAM RJES SU SNANG BA YOD MED RES 'JOG TU 'BYUNG BA'I SGRUB BYED DO, ,ZHES GSUNGS PA'I PHYIR, GZHAN YANG, SHES PAR GYUR PA'I SHES SGRIB YOD PAR THAL, RANG 'GREL LAS, DE YANG SHES BYA'I SGRIB PA'I MTSAN NYID CAN GYI MA RIG PA TZAM KUN TU GCOD PA'I PHYIR, ZHES GSUNGS PA'I PHYIR NA MA KHYAB STE, DE'I DON NI, SHES BYA'I SGRIB PA'I MTSAN NYID CAN GYI NYON MONGS CAN MA YIN PA'I @75A *, ,MA RIG PA TZAM KUN TU GCOD PA'I PHYIR, ZHES PA'I DON DU, t'IK CHEN LAS BSHAD PA'I PHYIR, KHO NA RE, t'IK CHEN LAS, DE'I 'BRAS BU GNYIS SNANG ZHES SOGS KYI DON MA GRUB PAR THAL, DE'I SKABS NAS BSTAN PA'I GNYIS SNANG 'KHRUL PA DANG, SHES PA'I GZHI 'THUN YANG MED, DE DANG GANG ZAG GI GZHI 'THUN YANG MED PA'I PHYIR, DANG PO GRUB STE, SHES SGRIB DANG SHES PA'I GZHI 'THUN MED PA'I PHYIR, GNYIS PA GRUB STE, GANG ZAG DANG SHES SGRIB KYI GZHI 'THUN MED PA'I PHYIR ZER NA, RTZA BAR MA KHYAB STE, SHES BYA CHOS CAN, LAS 'BRAS LA RMONGS PA'I MA RIG PA YIN NA, MA RIG PA YIN DGOS PAR THAL, NYON MONGS CAN MA YIN PA'I MA RIG PA YIN NA, MA RIG PA YIN DGOS PA'I PHYIR, RTAGS KHAS, 'DOD NA, SBYIN PA BTANG PA LAS LONGS SPYOD MI 'BYUNG PAR 'DZIN PA'I SEMS BYUNG RMONGS PA CHOS CAN, DER THAL, DE'I PHYIR, RTAGS SLA, 'DOD NA, NYON MONGS CAN GYI MA RIG PA YIN PAR THAL, 'DOD PA GANG ZHIG ,NYON SGRIB YIN PA'I PHYIR, 'DOD NA, BDAG MED RTOGS PA'I RIG PA YE SHES KYI 'GAL ZLA MI MTHUN PHYOGS SU GYUR PA'I RIG PA YIN PAR THAL LO, ,KHYAB STE, t'IK CHEN LAS, DE'I PHYIR NYON MONGS CAN GYI MA RIG PA NI, BDAG MED PA'I DE KHO NA NYID RIG PA'I MI 'THUN PHYOGS DANG, DE YANG RIG PA DE MED PA TZAM DANG, DE LAS GZHAN PA TZAM LA MI BYED KYI ZHES GSUNGS PA'I PHYIR, 'DOD NA, BDEN 'DZIN YIN PAR THAL, 'DOD PA'I PHYIR, GZHAN YANG, SA BRGYAD PA'I RJES THOB YE SHES LA GNAS PA'I SEMS DPA'I RGYUD LA YID KYI RNAM SHES RIGS MTHUN RDZAS THA DAD PA GNYIS MNGON GYUR DU DUS CIG CAR DU YOD PAR THAL, DE'I RGYUD LA RANG GI RGYUR GYUR PA'I BDEN 'DZIN GYIS THUN MONG MA YIN PA'I LAG RJES BZHAG PA LAS BYUNG ZHING RANG YUL GZUGS SOGS BDEN GRUB TU SNANG BA'I YID KYI RNAM PAR SHES PA GCIG DANG, RANG RGYU MNYAM GZHAG YE SHES KYIS THUN MONG MA YIN PA'I LAG RJES BZHAG PA LAS BYUNG ZHING, @75B RANG YUL GZUGS SOGS BDEN MED DU SNANG BA'I YID KYI RNAM SHES GNYIS MNGON GYUR DU CIG CAR DU YOD PA GANG ZHIG ,DE GNYIS RDZAS THA DAD YIN PA'I PHYIR, KHYAB PA DNGOS, PHYI MA GRUB STE, BDEN 'DZIN DANG BDEN MED RTOGS PA'I MNYAM GZHAG YE SHES GNYIS RDZAS THA DAD YIN PA'I PHYIR, RTZA BAR 'DOD NA, t'IK CHEN LAS, RNAM PAR SHES PA'I RGYUN RE RE BA'O, ,ZHES GSUNGS PA'I DON, GTZO BO'I RNAM SHES RIGS MTHUN LA DGONGS PA YANG MA SHES SHING, ZHES, DE NYID KYIS DE MYONG BAS GRUB MA YIN, ZHES PA'I THAD DU BSHAD PA MI 'THAD PAR THAL LO, ,GZHAN YANG, BDEN SNANG SHES SGRIB MA YIN PAR THAL, RANG RGYU BDEN 'DZIN GYIS THUN MONG MA YIN PA'I LAG RJES BZHAG PA LAS BYUNG ZHING, RANG YUL GZUGS SOGS BDEN GRUB TU SNANG BA'I GNYIS SNANG 'KHRUL PA SHES SGRIB YIN LA, SA BRGYAD PA'I RJES THOB YE SHES KYI STENG GI BDEN SNANG SHES SGRIB MA YIN PA'I KHYAD PAR 'THAD PA'I PHYIR, RTAGS KHAS, RANG LUGS NI, RANG 'GREL LAS, DE LA MA RIG PA'I BAG CHAGS ZHES SOGS GSUNGS PA'I DON GANG YIN ZHE NA, YOD DE, DE LA MA RIG PA'I BAG CHAGS ZHES PAS SHES SGRIB KYI MTSAN GZHI BSTAN, SHES BYA YONGS SU GCOD PA'I GEGS SU GYUR PA YIN LA, ZHES PAS MTSAN NYID BSTAN, 'DOD CHAGS LA SGOS PA ZHES SOGS KYI YANG SGRAS NYON MONGS PA'I BAG CHAGS DE SHES SGRIB YIN PAR MA ZAD, DGRA BCOM PA'I RGYUD LA 'BYUNG BA'I LUS NGAG GI GNAS NGAN LEN GYI RGYUR YANG BSTAN PA'I PHYIR, DES NA LUS KYI GNAS NGAN LEN NI, 'DOD CHAGS KYI BAG CHAGS KYI DBANG GIS DGRA BCOM PAS LUS KYIS SPRE'U LTAR MCHOD BA LTA BU YIN, NGAG GI GNAS NGAN LEN NI, ZHE SDANG GI BAG CHAGS KYI DBANG GIS DGRA BCOM PAS GZHAN LA DMANG MO ZER BA LTA BU YIN, YID KYI GNAS NGAN LEN NI, SHES BYA'I CHA PHRA MO RTOGS DKA' BA LA BLO MI GSAL BA'I CHA LTA BU YIN TE, DPER NA, MO'U 'GAL GYI BUS RANG GI MA 'JIG RTEN GYI KHAMS 'OD ZER CAN GYI DMYAL @76A *, ,BAR SKYES PA MNGON SHES KYIS YUN RING DU BLTAS KYANG MA RTOGS PA LTA BU'O, ,DE LA KHO NA RE, NYON SGRIB MA LUS PAR SPANGS PA'I DMAN LAM SNGON DU MA SONG BA'I SA BDUN PA'I RNAM GROL LAM YOD PAR THAL, NYON SGRIB KYI DNGOS GNYEN DU GYUR PA'I DMAN LAM SNGON DU MA SONG BA'I SA BDUN PA'I BAR CHAD MED LAM YOD PA'I PHYIR ZER NA MA KHYAB, 'O NA SHES SGRIB MA LUS PAR SPANGS PA'I SA BCU PA'I RNAM GROL LAM YOD PAR THAL, SHES SGRIB KYI DNGOS GNYEN BAR CHAD MED LAM DU GYUR PA'I SA BCU PA'I BAR CHAD MED LAM YOD PA'I PHYIR, KHYAB PA KHAS, KHO NA RE, SA BRGYAD PA THOB MA THAG PA'I RNAM GROL LAM CHOS CAN, KHYOD DANG MNYAM GZHAG THUN GCIG LA SKYES PA'I SA BRGYAD PA'I BAR CHAD MED LAM YOD PAR THAL, KHYOD SA BRGYAD PA'I RNAM GROL LAM YIN PA'I PHYIR NA MA KHYAB, KHO NA RE, MA DAG PA'I YE SHES YIN NA, NYON SGRIB MA SPANGS PAS KHYAB PAR THAL, DAG SA'I YE SHES YIN NA DE SPANGS PAS KHYAB PA'I PHYIR NA MA KHYAB, 'DOD NA, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM CHOS CAN, DER THAL, DE'I PHYIR, DE LA KHO NA RE, BDEN SNANG SHES SGRIB YIN PAR THAL, 'JUG SHES DRUG LA RANG YUL GZUGS SOGS BDEN GRUB TU SNANG BA'I GNYIS SNANG 'KHRUL PA'I CHA DE SHES SGRIB YIN PA'I PHYIR, 'DOD NA, BYANG SEMS RGYUN MTHA' PA'I RGYUD LA SHES SGRIB YOD PAR THAL, 'DOD NA GANG ZHIG DE'I RGYUD LA BDEN SNANG YOD PA'I PHYIR, PHYI MA DER THAL, DE'I RGYUD LA BDEN SNANG CAN GYI SHES PA YOD PA'I PHYIR TE, DE'I RGYUD LA RANG YUL BDEN GRUB TU SNANG BA'I SHES PA YOD PA'I PHYIR ZER NA, GONG MA LA MA KHYAB STE, THEG CHEN GYI MTHONG LAM BAR CHAD MED LAM DE GNYIS SNANG CAN GYI SHES PA YIN PAR THAL, DE LA KA BA'I CHOS NYID DANG BUM PA'I CHOS NYID GNYIS GNYIS SU SNANG BA'I PHYIR, KHYAB PA KHAS, DER THAL, @76B DE LA DE GNYIS SNANG BA'I PHYIR TE, DES DE GNYIS MNGON SUM DU RTOGS PA'I PHYIR, NGAG DON NI, BYANG SEMS KYI SA GSUM PA CHOS CAN, KHYOD LA 'OD BYED PA ZHES RJOD PA'I RGYU MTSAN YOD DE, MNYAM GZHAG TU YE SHES KYI SNANG BA KHYAD PAR CAN DANG, RJES THOB TU 'OD KYI SNANG BA KHYAD PAR CAN GNYIS 'BYUNG BA'I RGYU MTSAN GYIS DE LTAR RJOD PA'I PHYIR, ` GANG PHYIR RGYAL SRAS RNAMS LA KHROS PA YIS, ,ZHES SOGS KYI SKABS SU, SNGA RABS PA KHA CIG NA RE, THEG CHEN SEMS BSKYED KYIS ZIN PA'I DGE RTZA KHONG KHROS 'JOMS MI NUS TE, BLO GROS RGYA MTSOS ZHUS PA'I MDO BSLAB BTUS SU DRANGS PA LAS, JI LTAR RGYA MTSO CHE NANG CHU THIGS LHUNG, ,RGYA MTSO MA BSKAMS BAR DU DE MI 'DZAD, ,DE BZHIN BYANG CHUB RGYUR BSNGOS DGE BA YANG, ,BYANG CHUB MA THOB BAR DU DE MI 'DZAD, ,CES PA DANG, SDONG PO BKOD PA'I MDO BSLAB BTUS SU DRANGS PA LAS KYANG, DNGUL CHU'I RIGS GSER DU SNANG BA ZHES PA SRANG GCIG GIS, LCAGS SRANG STONG GSER DU BSGYUR KYANG, LCAGS DES DE CUNG ZAD ZAD PAR BYA MI NUS PA DPER MDZAD NAS, THEG CHEN SEMS BSKYED KYIS ZIN PA'I DGE RTZAS LAS DANG NYON MONGS KYIS BON ZAD PAR BYED NUS KYANG, CIG SHOS KYIS DE'I SA BON TSUR LA 'JOMS MI NUS PAR BSHAD PA'I PHYIR, ZER NA, THEG CHEN SEMS BSKYED KYIS ZIN PA'I DGE RTZA KHONG KHROS 'JOMS PA YOD PAR THAL, BYANG SEMS BDAG NYID CHEN PO'I DGE RTZA KHONG KHROS 'JOMS NUS PA'I PHYIR, DE LTAR YANG 'DI'I THAD KYI 'GREL PAR BSHAD PA'I PHYIR, RANG LUGS LA, LUNG DANG PO'I DON NI, RDZOGS BYANG DU BSNGOS PA'I DGE RTZA'I 'BRAS BU LA CI TZAM LONGS SPYAD KYANG ZAD PAR MI NUS PA LUNG DE'I DON YIN CING, LUNG GNYIS PA'I DON NI, THEG CHEN SEMS BSKYED LA BRTEN NAS LAS NYON GYI SA BON ZAD PAR BYED NUS KYANG, LAS NYON GYIS THEG CHEN SEMS BSKYED KYI SA BON ZAD PAR BYED MI NUS PA LUNG DE'I DON YIN PA'I PHYIR, KHA CIG, STONG NYID RTOGS PA'I SHES RAB KYIS ZIN PA'I DGE RTZA KHONG KHROS 'JOMS MI NUS SO, ,ZHE NA, DE @77A *, ,NUS PAR THAL, TSOGS LAM CHEN PO LA GNAS PA'I BYANG SEMS KYI DGE RTZA KHONG KHROS 'JOMS NUS PA'I PHYIR TE, t'IK CHEN LAS, DPER NA, BYANG SEMS KYI TSOGS LAM CHEN PO NAS, MYUR POR SBYOR LAM DU 'PHO THUB PA CIG GIS LUNG BSTAN THOB PA LA KHROS NA, KHRO SEMS KYI GRANGS DE SNYED KYI BSKAL PAR SBYOR LAM DU 'PHO MI NUS PAR GZHI NAS LAM LA SLOB DGOS PA LTA BU'O, ,ZHES GSUNGS PA'I PHYIR, KHONG KHROS DGE RTZA BCOM PA'I DON LA MKHAS PA KHA CIG, KHONG KHROS RANG GI GZHOM BYA'I DGE RTZA'I RNAM SMIN GYI 'BRAS BU MYUR DU 'BYIN PA'I NUS PA BCOM NAS 'BRAS BU THAG SRING BA 'BYIN PA YIN GYI, 'BRAS BU 'BYIN PA'I NUS PA GTAN MED DU BYED PA NI MA YIN TE, KHONG KHROS DGE RTZA'I SA BON 'JOMS MI NUS PA'I PHYIR TE, 'JIG RTEN PA'I LAM GYIS SPANG BYA'I SA BON SPONG MI NUS PA'I PHYIR, ZHES GSUNG, DE 'GOG PA LA t'IK CHEN LAS, RGYU MTSAN DE NI MA NGES TE, SO SO SKYE BOS GNYEN PO STOBS BZHIS MI DGE BA SBYANGS PA'I DGE BA YANG SA BON SPANGS PA MIN KYANG, DA GZOD RKYEN DANG PHRAD KYANG RNAM SMIN 'BYIN PA MI SRID PA'I PHYIR DANG, SBYOR LAM RTZE MO DANG BZOD PA THOB PA'I TSE LOG LTA DANG, NGAN 'GRO'I RGYUR GYUR PA'I MI DGE BA'I SA BON MA SPANGS KYANG, RKYEN DANG PHRAD NA'ANG LOG LTA DANG NGAN 'GROR SKYE BA MI SRID PA'I PHYIR RO, ,ZHES GSUNGS, DE'I DON NI SBYOR LAM RTZE MO LA GNAS PA'I SEMS DPA'I RGYUD LA LOG LTA MNGON GYUR DU SKYE BA SRID PAR THAL, DES LOG LTA'I SA BON MA SPANGS PA'I PHYIR, KHYAB STE, KHONG KHROS DGE RTZA'I SA BON MA BCOM NA DGE RTZA'I RNAM SMIN YID 'ONG 'BYIN NGES PAS KHYAB PAS KHYAB PA YOD PA'I PHYIR, GZHAN YANG, SBYOR LAM BZOD PA LA GNAS PA'I SEMS DPA' LAS NYON GYI DBANG GIS NGAN 'GROR SKYE SRID PAR THAL, DES NGAN SONG GI SA BON MA SPANGS PA'I PHYIR, KHYAB PA KHAS, GZHAN YANG, SROG GCOD KYI MI DGE BA'I LAS GNYEN PO STOBS BZHIS BSHAGS ZIN PA'I GANG ZAG @77B GI RGYUD LA SROG GCOD KYI LAS KYI RNAM SMIN GYI 'BRAS BU YID MI 'ONG 'BYUNG SRID PAR THAL, DES SROG GCOD KYI LAS KYI SA BON MA SPANGS PA'I PHYIR, KHYAB PA KHAS, GZHAN YANG, MI DGE BA'I LAS STOBS LDAN YIN NA, RANG LAS STOBS CHUNG BA'I DGE RTZA 'JOMS BYED YIN DGOS PAR THAL, DE YIN NA RANG LAS STOBS CHUNG BA'I DGE RTZA'I NUS PA THAG SRING NUS YIN PAS KHYAB PA GANG ZHIG, KHONG KHROS DGE RTZA 'JOMS PA'I DON DGE RTZA'I RNAM SMIN GYI 'BRAS BU 'BYIN PA'I NUS PA THAG SRING BA LA BYED RIGS PA'I PHYIR, RTAGS PHYI MA KHAS, DANG PO DER THAL, MDZOD 'GREL DU MDO DRANGS PA LAS, LAS KYI 'KHOR BA LCI GANG DANG, ,NYE BA GANG DANG GOMS PA GANG, ,SNGON BYAS GANG YIN DE DAG LAS, ,SNGA MA SNGA MA RNAM SMIN 'GYUR, ,ZHES GSUNGS PA'I PHYIR, MKHAS PA KHA CIG, KHONG KHROS DGE RTZA 'JOMS PA'I DON, KHONG KHROS RANG GI GZHOM BYA'I DGE RTZA'I RNAM SMIN 'BYIN PA'I NUS PA GTAN MED DU BYED PA YIN NO, ,ZHE NA MI 'THAD DE, t'IK CHEN LAS, DGE BA 'JOMS PA YANG KHONG KHRO SKYES MA THAG RGYUD LA DGE BA MED PAR 'GRO BA MIN GYI, 'BRAS BU 'BYIN PA'I NUS PA LA GNOD PA BYED PA'O, ,DE YANG ZAD PA CHUNG 'BRING CHE GSUM BSHAD PA'I GANG GNOD PA BYAS TSOD DE SLAR SMIN MI NUS PA'O, ,ZHES GSUNGS PA'I PHYIR, RANG LUGS LA, GZHOM BYA'I DGE RTZA NGOS BZUNG BA, DGE RTZA 'JOMS PA'I RTEN GYI GANG ZAG NGOS BZUNG BA KHONG KHROS DGE RTZA BCOM PA'I DON BSHAD PA DANG GSUM, DANG PO NI, SKABS 'DIR BSHAD PA'I KHONG KHRO'I GZHOM BYA'I DGE RTZA YIN NA BSOD NAMS KYI TSOGS KYIS BSDUS PAS KHYAB STE, RANG 'GREL LAS, DE TZAM GYIS KYANG BSKAL PA BRGYAR BSAGS PA'I BSOD NAMS KYI TSOGS SNGAR BSTAN PA'I SBYIN PA DANG TSUL KHRIMS KYI PHA ROL TU PHYIN PA GOMS PA LAS SKYES PA 'JOMS PAR 'GYUR NA, ZHES DANG, SPYOD 'JUG LAS, SBYIN DANG BDER GSHEGS MCHOD LA SOGS, LEGS SPYAD GANG YIN DE KUN KYANG, ,KHONG @78A *, ,KHRO GCIG GIS 'JOMS PAR BYED, ,CES BSHAD PA'I PHYIR, GNYIS PA LA BYANG SEMS STOBS CHE BAS CHUNG BA LA KHROS PA DANG, STOBS CHUNG BAS CHE BA LA KHROS PA DANG, STOBS MNYAM PAS MNYAM PA LA KHROS PA DANG, BYANG SEMS MA YIN PA'I GANG ZAG GIS BYANG SEMS LA KHROS PA DANG, BYANG SEMS MA YIN PA'I GANG ZAG GI, BYANG SEMS MA YIN PA LA KHROS PA DANG LNGA, DANG PO NI, BYANG SEMS STOBS CHE BAS CHUNG BA LA KHROS NA, BSKAL PA BRGYAR BSAGS PA'I DGE RTZA 'JOMS PA YIN TE, RANG 'GREL LAS, GAL TE BYANG CHUB SEMS DPA' BDAG NYID CHEN PO DES GANG ZAG GI KHYAD PAR DU NGES PA DANG BRAL BA'I PHYIR LA, NGES PA YIN DU ZIN KYANG, NYON MONGS PA GOMS PA LA RAG LAS NAS 'JUG PA NYID KYI PHYIR BYANG CHUB TU SEMS BSKYED PA RNAMS LA BDEN PAR GYUR PA DANG BDEN PAR GYUR PA MA YIN PA'I NYES PA LHAG PAR SGRO BTAGS NAS KHONG KHRO'I BSAM PA SKAD CIG TZAM ZHIG BSKYED NA YANG, DE TZAM GYIS KYANG BSKAL PA BRGYAR BSAGS PA'I BSOD NAMS KYI TSOGS SNGAR BSTAN PA'I SBYIN PA DANG TSUL KHRIMS KYI PHA ROL TU PHYIN PA GOMS PA LAS SKYES PA 'JOMS PAR 'GYUR NA, BYANG CHUB SEMS DPA' MA YIN PAS BYANG CHUB SEMS DPA' RNAMS LA BSKYED PA LTA CI SMOS TE ZHES DANG, RTZA BAR YANG, GANG PHYIR RGYAL SRAS RNAMS LA KHROS PA YIS, ,ZHES SOGS GSUNGS PA'I PHYIR, GNYIS PA NI, BYANG SEMS STOBS CHUNG BAS CHE BA LA KHROS PA DANG, STOBS MNYAM BAS MNYAM PA LA KHROS PA RNAMS LUNG LA BRTEN NAS SHES PAR BYA BA YIN LA, DE YANG LUNG BSTAN MA THOB PA'I BYANG SEMS KYIS LUNG BSTAN THOB PA'I BYANG SEMS LA KHROS NA KHRO SEMS KYI GRANGS JI SNYED PA DE SNYED KYI BSKAL PAR GZHI NAS LAM LA SLOB DGOS PAR GSUNGS TE, MDO SDUD PA LAS, LUNG BSTAN MA THOB BYANG CHUB SEMS DPA' GANG ZHIG GIS, ,LUNG BSTAN THOB LA SEMS KHROS RTZOD PA RTZOM BYED @78B NA; ;THA BA SKYON LDAN SEMS KYI SKAD CIG JI SNYED PA, ,DE SNYID BSKAL PAR GZHE NAS GO CHA BGO DGOS SO, ,ZHES GSUNGS PA'I PHYIR, BYANG SEMS MA YIN PA'I GANG ZAG GIS BYANG SEMS LA KHROS NA BSKAL PA STONG DU BSAGS PA'I DGE RTZA 'JOMS PAR GSUNGS TE, SPYOD 'JUG LAS, BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN KYANG, ,KHONG KHRO GCIG GIS 'JOMS PAR BYED, ,CES GSUNGS PA'I PHYIR, LNGA PA LA, BYANG SEMS MA YIN PA'I GANG ZAG GIS BYANG SEMS MA YIN PA GZHAN LA KHROS NA DGE RTZA 'JOMS PAR GSUNGS TE, DGE SLONG GIS DE BZHIN GSHEGS PA'I SKRA DANG SEN MO'I MCHOD RTEN LA DAD PAS KUN NAS BSLANGS TE, PHYAG BYAS PA'I DGE RTZAL BRTEN NAS RANG GI LUS KYIS NON PA'I SA GZHI NAS GSER GYIS GZHI LA THUG PA'I BAR GYI RDUL PHRA RAB KYI GRANGS DANG MNYAM PA'I 'KHOR LOS SGYUR BA'I RGYAL SRID LA LONGS SPYOD PA'I LAS BSAGS SHING DE LTA BU'I DGE RTZA DE YANG GROGS TSANGS PA MTSUNGS PAR SPYOD PA LA KHROS NA BSRABS PA DANG, BYANG BA DANG YONGS SU KYANG BAR 'GYUR BA THAMS CAD YOD SMRA'I MDO BSLAB BTUS SU DRANGS PA LAS GSUNGS PA'I PHYIR TE, DE NYID LAS, DGE SLONG DAG, DGE SLONG GIS 'DI LTAR SKRA DANG SEN MO'I MCHOD RTEN LA YAN LAG THAMS CAD KYIS PHYAG 'TSAL TE, SEMS DANG BAR BYED PA LA LTOS, BCUN PA DE LTAR LAGS SO, ,DGE SLONG DAG, DGE SLONG 'DIS CI TZAM NON PA'I 'OG DPAG TSAD BRGYAD KHRI BZHI STONG NA GSER GYI 'KHOR LO LA THUG PA'I BAR NA, BYE MA JI SNYED YOD PA DE SNYED DU, DGE SLONG 'DIS 'KHOR LOS SGYUR BA'I RGYAL SRID STONG 'GYUR DU LONGS SPYOD PAR 'GYUR RO, , ZHES PA NAS, NYE BAR 'KHOR, DES DGE BA'I RTZA BA CHEN PO 'DI DAG BSRA BAS PA DANG, YONGS SU BYANG BA DANG, YONGS SU ZAD PAR 'GYUR RO, ,ZHES GSUNG, DES NA 'BRAS BU PHUN SUM TSOGS PA YUN RING POR 'BYUNG 'GYUR THUNG NGUR BYAS PA DANG, CHEN PO 'BYUNG @79A *, ,'GYUR CHUNG NGUR BYAS PA NI, DGE RTZA DE BSRABS PA DANG, ZAD PA CHUNG NGU DANG, DGE RTZA'I 'BRAS BU YID 'ONG 'BYIN PA'I NUS PA PHAL CHER BCOM PA NI YONGS SU BYANG BA STE, ZAD PA CHEN PO DANG, DE GNYIS KYI BAR GYI BYANG BA LTA BU ZAD PA 'BRING NGO; ;GSUM PA KHONG KHROS DGE RTZA BCOM PA'I DON NI, DE'I DON YOD DE, KHONG KHROS RANG GI GZHOM BYA'I DGE RTZA'I 'BRAS BU YID 'ONG 'BYIN PA'I NUS PA LA GNOD PA BYAS PA DE DE'I DON YIN PA'I PHYIR, GNOD PA BYAS TSUL NI BSRABS PA SOGS GONG GI GSUM PO LAS SHES PAR BYA'O, ,KHA CIG ,LUNG BSTAN MA THOB PA'I BYANG SEMS KYIS LUNG BSTAN THOB PA'I BYANG SEMS LA KHROS NA LAM LA GZHI NAS SLOB DGOS PAR GSUNGS PA'I DON YOD DE, TSOGS LAM CHEN PO NAS SBYOR LAM LA MYUR POR 'PHO THUB PA CIG GIS LUNG BSTAN THOB PA'I BYANG SEMS LA KHROS NA LAM LA GZHI NAS BSLAB DGOS PA DE, DE'I DON YIN ZER NA, 'O NA BYANG SEMS SBYOR LAM PAS BYANG 'PHAGS LA KHROS NA, GZHI NAS TSOGS LAM CHUNG DU NAS BSLAB DGOS PAR THAL, DAM BCA' 'THAD PA'I PHYIR, 'DOD NA, THEG CHEN GYI SBYOR LAM THOB MYONG GI GANG ZAG KYANG YIN THEG CHEN GYI TSOGS LAM CHUNG NGU THOB MA THAG PA'I GANG ZAG KYANG YIN PA'I GZHI MTHUN PA YOD PAR THAL LO, ,DAG DON NI, THAR 'DOD KYI SKYES BU RNAMS KYIS KHONG KHRO SGO DU MA NAS 'GOG RIGS TE, BYANG SEMS STOBS CHE BAS CHUNG BA LA KHROS NA YANG BSKAL PA BRGYAR BSAGS PA'I SBYIN PA DANG, TSUL KHRIMS SOGS LAS BYUNG BA'I DGE RTZA 'JOMS NUS PA'I PHYIR, ` SA DRUG PA MNGON DU GYUR PA BSHAD PA LA, 'BREL NI BYANG SEMS SA LNGA PA BA DES BSAM GTAN GYI PHAR PHYIN NYAMS SU BLANGS PA LAS SA GONG MA CI ZHIG THOB PAR 'GYUR ZHE NA, SA DRUG PA MNGON GYUR PA THOB, BYAS PA LA KHO NA RE, SA DRUG PA LA MNGON DU GYUR PA ZHES RJOD PA'I RGYU MTSAN GANG, SA DRUG PAR YON TAN GYI KHYAD PAR GANG @79B THOB CE NA, THOG MAR SA'I NGES TSIG DANG, SA DRUG PAR SHER PHYIN GYI NYAMS LEN LHAG PA'I YON TAN KHYAD PAR CAN THOB CES 'CHAD PA LA, MNGON DU PHYOGS PAR MNYAM GZHAG SEMS GNAS TE, ,ZHES SOGS SHO LO KA GCIG GSUNGS, KHO NA RE, SA DRUG PAR SHER PHYIN GYI NYAMS LEN LHAG PAR THOB CING BSTAN BCOS 'DIR DE NYID RGYAS PAR 'CHAD NA, TSUL JI LTAR DU 'CHAD CE NA, JI LTAR LONG BA'I TSOGS KUN BDE BLAG TU, ,ZHES PA NAS, DE DAG DE SKAD RAB TU BSGRAGS, ,ZHES PA'I BAR GYIS SHER PHYIN DE RGYAS PAR 'CHAD, DE LTAR BLO GROS ZER GYIS SNANG BA GSAL BYAS PA, ,ZHES SOGS SHO LO KA GSUM GYI DON BSDUS TE 'CHAD PAR BYED, DANG PO NI, RDZOGS PA'I SANGS RGYAS CHOS LA MNGON PHYOGS SHING, ,ZHES 'CHAD NA, SA DRUG PAR SHER PHYIN GYI NYAMS LEN LHAG PAS RDZOGS PA'I SANGS RGYAS KYI CHOS THOB PA LA MNGON DU PHYOGS PAR JI LTAR 'GYUR ZHE NA, DE'I RGYU MTSAN YOD DE, SA LNGA PA MAN CHAD DU LHAG PAR THOB PA'I SBYIN SOGS RNAMS KYIS SANGS RGYAS KYI SAR BGRED PA SHER PHYIN GYI NYAMS LEN KHYAD PAR CAN GYIS ZIN PA LA RAG LAS PA'I PHYIR, ZHES DPE DANG BCAS TE STON PA NI, JI LTAR LONG BA'I TSOGS KUN BDE BLAG TU, ,ZHES SOGS SHO LO KA GCIG GIS 'CHAD, 'DI BRTEN 'BYUNG BA'I DE NYID MTHONG BA DE, ,ZHES 'CHAD NA, SA DRUG PA BAS GZIGS PA'I RTEN 'BYUNG GI DE KHO NA NYID JI LTA BU ZHE NA, DE KHO NA NYID MNGON SUM DU RTOGS PA LA 'DRI NA SANGS RGYAS DANG BYANG SEMS GONG MA RNAMS LA 'DRI BAR BYA BA YIN LA, LUNG LA BRTEN NAS SHOD CIG CE NA, LUNG GI DGONGS PA NGES PA YANG DKA' BA'I PHYIR, RANG DBANG DU LUNG GIS DGONGS PA 'CHAD MI NUS LA, 'ON KYANG MGON PO KLU SGRUB KYI RJES SU 'BRANGS NAS 'CHAD CES STON PA LA, JI LTAR DE YIS CHES ZAB CHOS RTOGS PA, ,ZHES SOGS GSUNGS, 'O NA DE 'DRA'I STONG NYID RGYAS PAR STON PA'I SNOD RUNG GI GDUL BYA DE GANG ZHE NA, DE NGOS 'DZIN PA LA, SO SO SKYE BO'I DUS NA'ANG STONG PA NYID THOS NAS, ,ZHES SOGS GSUNGS, @80A *, ,STONG NYID STON PA'I SNOD RUNG GI THEG CHEN GYI RIGS CAN DE LA STONG NYID BSTAN PAS PHAN YON CI ZHIG 'BYUNG ZHE NA, DE'I LAN STON PA LA, DE LA DE YI RJES SU 'GRO BA'I YON TAN 'BYUNG, ,ZHES GSUNGS SO, ,DES STONG NYID RGYAS PAR STON PA'I SNOD RUNG GI BSTAN BCOS 'DI'I CHED DU BYA BA'I GDUL BYA DES SNGAR BSHAD PA'I ZAB PA DANG RGYA CHE BA'I LAM NYAMS SU BLANGS PA LAS LAM GONG MAS RAB TU DGA' BA SOGS RIMS KYIS THOB PAR 'GYUR BAS DE 'DRA'I GDUL BYA DE LTONG NYID NYAN PA'I PHYIR DU BSKAL RIGS, ZHES 'CHAD PA LA, ZAB CING RGYA CHE'I TSUL LA MKHAS PA'I SKYE BOS NI, ,ZHES SOGS GSUNGS, 'O NA BSTAN BCOS 'DIR SA DRUG PA BAS GZIGS PA'I RTEN 'BYUNG GI DE KHO NA NYID DE MGON PO KLU SGRUB KYI RJES SU 'BRANGS TE 'CHAD TSUL DE GANG ZHE NA, 'DI LA YANG DAG PA'I DON LUNG GIS BSTAN TSUL, LUNG GI DON RIGS PAS SGRUB PA, DES SGRUB PA'I STONG NYID KYI RAB DBYE BSHAD PA'O, ,DANG PO LA, BSHAD BYA'I LUNG 'GOD PA, LUNG GI DON BSHAD PA'O, ,DANG PO NI, SA BCU PA LAS, SA LNGA PA BA DE SA DRUG PA LA 'JUG PA NA, CHOS MNYAM PA NYID BCUS 'JUG GO, BCU GANG ZHE NA, 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MTSAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG BA DANG, SPROS PA MED PA DANG, BLANG BA MED PA DANG DOR BA MED PAR MNYAM PA NYID DANG, CHOS THAMS CAD SGYU MA DANG, RIM LAM DANG, MIG YOR DANG, BRAG CHA DANG, CHU ZLA DANG, GZUGS BRNYAN DANG, SPRUL PA LTA BUR MNYAM PA NYID DANG, CHOS THAMS CAD DNGOS PO DANG DNGOS PO MED PA GNYIS SU MED PAR MNYAM PA NYID DE, DE CHOS THAMS CAD KYI RANG BZHIN DE LTAR RAB TU RDZOGS PA NA, RNO ZHING RJES SU MTHUN PA'I BZOD PAS BYANG CHUB SEMS DPA'I SA DRUG PA MNGON DU GYUR PA RJES SU THOB STE, ZHES GSUNGS, GNYIS @80B PA NI, SKABS 'DI'I MNYAM NYID DE LA BCU YOD DE, SPROS PA MED PAR MNYAM PA NYID YAN CHAD BDUN DANG, BLANG DOR MED PAR MNYAM PA NYID GCIG DANG, SGYU MA LTA BUR MNYAM PA NYID LOGS GCIG DANG, DNGOS PO DANG DNGOS PO MED PA MNYAM PA NYID GCIG TU DRANGS BAS BCUR YOD PA'I PHYIR, MNYAM NYID BCU'I DANG PO NI, SNGO SER LAS SOGS PA'I CHOS THAMS CAD KYI MTSAN MA MI 'DRA BA STONG NYID MNGON SUM DU RTOGS PA'I 'PHAGS PA'I MNYAM GZHAG GI GZIGS NGOR MED PA MNYAM PA NYID DANG PO DANG, CHOS THAMS CAD RANG GI MTSAN NYID KYIS MED PAR MNYAM PA NYID DE MNYAM NYID GNYIS BA STE, DE GNYIS MDOR BSTAN DANG, GZHAN BRGYAD RGYAS BSHAD KYIS KHYAD PAR DU PHYE NAS STON PA YIN TE, MA 'ONGS PA RNAMS STONG NYID LA RTZE GCIG TU MNYAM PAR BZHAG PA'I MNYAM GZHAG GIS STONG NYID GZIGS PA'I GZIGS NGOR SKYE BA MED PAR MNYAM PA NYID DE MDOR BSTAN DANG PO'I DBANG DU BYAS PA'I MNYAM NYID GSUM PA DANG, MA 'ONGS PA RNAMS RANG BZHIN GYIS SKYE BA MED PAR MNYAM PA DE MDOR BSTAN GNYIS PA'I DBANG DU BYAS PA'I MNYAM NYID GSUM PA'O, ,MDOR BSTAN RGYAS BSHAD SBYOR TSUL 'OG MA RNAMS LA'ANG DES RIGS 'GRE, 'DAS PA DANG DA LTAR GYI CHOS RNAMS RANG BZHIN GYIS MA SKYES PA MNYAM PA DE MDOR BSTAN GNYIS PA'I DBANG DU BYAS PA'I MNYAM NYID BZHI BA DANG, DNGOS PO SKYE 'GYUR DANG SKYES PA, RANG BZHIN GYI GRUB PAS STONG BAR MNYAM PA DE MDOR BSTAN GNYIS PA'I DBANG DU BYAS PA'I MNYAM NYID LNGA PA DANG, CHOS THAMS CAD MDOD MA NAS RANG BZHIN GYIS GRUB PAS RNAM PAR DAG PA DE MDOR BSTAN GNYIS PA'I DBANG DU BYAS PA'I MNYAM NYID DRUG PA DANG, CHOS THAMS CAD STONG NYIS LA RTZE GCIG TU MNYAM PAR GZHAG PA'I 'PHAGS PA'I MNYAM GZHAG GIS STONG NYID GZUGS PA'I GZIGS NGOR GNYIS SNANG GI SPROS PA MED PAR MNYAM PA DE MDOR BSTAN DANG PO'I DBANG DU BYAS PA'I MNYAM NYID BDUN PA DANG, CHOS THAMS CAD DON @81A *, ,DAM PAR BLANG BA MED PA DANG, DOR BA MED PAR MNYAM PA DE, MNYAM NYID BRGYAD PA DANG, CHOS THAMS CAD SGYU MA LTA BU DANG, RMI LAM DANG, MIG YOR DANG, BRAG CHA DANG, CHU ZLA DANG, GZUGS BRNYAN DANG, SPRUL PA LTA BUR RANG BZHIN GYIS GRUB PAS STONG PAR MNYAM PA NYID DE MNYAM NYID DGU PA DANG, 'DUS BYAS KYI CHOS DNGOS PO DANG, 'DUS MA BYAS KYI CHOS RNAMS DNGOS MED DU RANG BZHIN MED PAR MNYAM PA DE MNYAM NYID BCU PA YIN NO, ,'DI'I MIG YOR GANG LA BYED CE NA, SPYIR GZUGS BRNYAN DANG, MIG YOR MI 'GAL TE, GZHI SHES KYI LAM BDEN GYI RNAM PA 'CHAD PA'I SKABS KYI MDOR, GZUGS BRNYAN ZHES BSHAD PA LA, RGYAN SNANG DU MIG YOR ZHES 'BYUNG BA'I PHYIR, SKABS 'DIR GZUGS BRNYAN DANG MIG YOR DON MI GCIG STE, DE GNYIS SO SOR BGRANGS PA'I PHYIR, DES NA 'DI'I MIG YOR NI 'GREL BSHAD LTAR NA SKYES BU'I LUS KYI GRIB MA LA BYED PA'AM, GNOD 'JOMS CHUNG BA LAS, RAB RIB CAN LA SKRA SHAD 'DZAG PAR SNANG BA LA MIG YOR ZHES BSHAD PAS DE LA BYED PA'AM, YANG NA THEG BSDUS KYI BSHAD SBYAR LAS, BAG 'DRA'I RTZE MO ZHES BSHAD PA LTAR MGAL ME'I 'KHOR LO SNANG BA LA MIG YOR DU BSHAD PA RNAMS CI RIGS LA BYA'O, ` ,GNYIS PA STONG NYID RIGS PAS SGRUB PA NI, SNGAR BSHAD PA'I MNYAM NYID BCU'I NANG NAS 'DUS BYAS THAMS CAD RANG BZHIN GYIS SKYE BA MED PAR MNYAM PA NYID BSTAN BCOS 'DIR GTZO BOR GTAN LA 'BEBS PA YIN TE, RANG 'GREL LAS, DE'I PHYIR 'DIR CHOS SKYE BA MED PAR MNYAM PA NYID KYI DON RIGS PAS BSTAN PA NYID KYIS CHOS MNYAM PA NYID GZHAN BSTAN PA SLA BAR DGONGS TE, SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, , @81B ZHES GSUNGS, 'O NA, BSTAN BCOS 'DIR 'DUS BYAS RANG BZHIN GYIS SKYE MED DU BSTAN TSUL DE GANG ZHE NA, 'DI LA CHOS KYI BDAG MED RIGS PAS SGRUB PA DANG, GANG ZAG GI BDAG MED RIGS PAS SGRUB PA GNYIS, DANG PO NI, DE NYID DE LAS 'BYUNG MIN GZHAN DAG LAS LTA GA LA ZHIG, CES PA NAS, RNAM DPYOD PA NI MYUR DU GROL BAR 'GYUR, ,ZHES PA'I BAR GYIS 'CHAD, GNYIS PA NI, NYON MONGS SKYON RNAMS MA LUS 'JIG TSOGS LA, ,ZHES PA NAS, DE SKAD SNGAR BSHAD LHAG MA PHYOGS 'DI NYID KYIS RTOGS PAR BYA, ,ZHES PA'I BAR GYIS 'CHAD, DES SGRUB PA'I STONG NYID KYI RAB DBYE NI, BDAG MED 'DIS NI 'GRO BA RNAM GROL PHYIR, ,ZHES PA NAS, DE DAG DE SKAD RAB TU BSGRAGS, ,ZHES PA'I BAR GYIS 'CHAD, DANG PO, CHOS KYI BDAG MED RIGS PAS SGRUB PA LA, DE YANG BDAG MED SGOM PA'I RIM PA LA DANG POR GANG ZAG GI BDAG MED SGOM PAR BYED KYANG, BSTAN BCOS 'DIR NI RTOGS DKA' SLA'I RIM PA'I DBANG DU BYAS NAS THOG MAR CHOS KYI BDAG MED GTAN LA 'BEBS PAR BYED LA, DE YANG DNGOS SMRA BA RNAMS KYI 'DUS BYAS RANG BZHIN GYIS GRUB PAR 'DZIN PA'I LOG RTOG 'GOG DKA' ZHING, DE KHEGS NA 'DUS MA BYAS RANG BZHIN GYIS GRUB PA ZHAR LA KHEGS PAS, THOG MAR PHUNG SOGS 'DUS BYAS KYI CHOS RNAMS KYI STENG DU CHOS KYI BDAG MED GTAN LA 'BEBS SHING, DE YANG DNGOS SMRA BAS 'DUS BYAS LA SKYE 'JIG GNAS GSUM MTHONG BA'I RGYU MTSAN GYIS 'DUS BYAS RANG BZHIN GYIS GRUB PAR 'DOD PAS, BSTAN BCOS 'DIR 'DUS BYAS RANG BZHIN GYIS SKYE MED DU THOG MAR GTAN LA 'BEBS PAR BYED LA, 'DI LA YANG RANG BZHIN GYIS SKYE BA MED PA'I DAM BCA' BA ZHAG PA NI, DE NYID DE LAS 'BYUNG MIN GZHAN DAG LAS LTA GA LA ZHIG, CES SOGS GSUNGS, DE YANG GZHUNG 'DIS DNGOS SU MTHA' BZHI LAS SKYE BA MED PA'I DAM BCA' TZAM ZHIG BSTAN GYI, MTHA' BZHI LAS MI SKYE BA'I RTAGS KYIS DNGOS PO RANG BZHIN GYIS SKYE MED @82A *, ,DU SGRUB PA'I RTAGS DNGOS SU BSTAN PA MA YIN TE, RANG 'GREL LAS, 'DIR MA YIN ZHES BYA BA 'DI YOD PA NYID KYI SGRUB BYED, RANG LAS SKYE BA DANG 'BREL GYI, ,YOD PA DANG NI MA YIN TE, DE DGAG PA DON GYIS 'GRUB PA'I PHYIR RO, ,ZHES GSUNGS, 'DIR DNGOS SU MTHA' BZHI LAS SKYE BA MED PA'I DAM BCA' BZHAG PA YIN YANG, RANG BZHIN GYIS SKYE BA MED PA'I DAM BCA' BZHAG CES NGES PAR SMOS DGOS TE, RANG BZHIN GYIS SKYE BA LA MTHA' BZHI'I SKYE BA GANG RUNG DU KHA TSON CHOD CING, RANG BZHIN GYIS SKYE BA KHAS LEN PA RNAMS KYIS MTHA' BZHI GANG RUNG GI SKYE BA NGES PAR KHAS LEN PA'I PHYIR DANG, BSTAN BCOS 'DIR MNYAM NYID BCU'I NANG NAS RANG BZHIN GYIS SKYE BA MED PAR MNYAM PA NYID GTZO BOR GTAN LA 'BEBS PAS, RANG BZHIN GYIS SKYE BA MED PA'I DAM BCA' BZHAG CES SMOS PA LA DGOS PA YOD PA'I PHYIR, 'DI LA SA BCAD NOR BA YIN SNYAM DU MA 'DZIN CIG, DES NA, CHOS KYI BDAG MED RIGS PAS SGRUB PA LA, MTHA' BZHI'I SKYE BA BDEN PA GNYIS KAR DGAG PA, DE LTAR BKAG PA LA RTZOD PA SPANG BA, RTEN 'BYUNG GI SKYE BA NYID KYIS MTHAR 'DZIN PA'I LOG RTOG 'GOG TSUL, RIGS PAS DPYAD PA BYAS PA'I 'BRAS BU NGOS BZUNG BA'O, ,DANG PO LA GSUM, RANG BZHIN GYIS SKYE BA MED PA'I DAM BCA' BZHAG PA, DE RIGS PAS SGRUB PA'I SGRUB BYED BSTAN PA, MTHA' BZHI'I SKYE BA BKAG PAS GRUB PA'I DON NO, ,DANG PO NI, DE NYID DE LAS 'BYUNG MIN GZHAN DAG LAS LTA GA LA ZHIG, CES SOGS KYIS 'CHAD, GNYIS PA LA, BDAG SKYE DGAG PA, GZHAN SKYE DGAG PA, GNYIS KA LAS SKYE BA DGAG PA, RGYU MED LAS SKYE BA DGAG PA'O, ,DANG PO NI, DE NI DE LAS 'BYUNG NA YON TAN 'GA' YANG YOD MA YIN, ,ZHES PA NAS, BYA MIN RGYA CHER BSHAD PA'I NYES PAR THAL BAR 'GYUR PHYIR RO, ,ZHES PA'I BAR GYIS 'CHAD, GNYIS PA NI, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,ZHES PA NAS, STONG NYID DON CAN NGES DON SHES PAR GYIS, @82B ZHES PA'I BAR GYIS 'CHAD, GSUM PA NI, GNYIS LAS SKYE BA'ANG RIGS PA'I NGO BO MA YIN GANG GI PHYIR, ,ZHES SOGS KYIS 'CHAD, BZHI PA NI, GAL TE RGYU MED KHO NAR SKYE BAR LTA ZHIG 'GYUR NA NI, ,ZHES SOGS KYIS 'CHAD, MTHA' GZHI'I SKYE BA BKAG PAS GRUB PA'I DON NI, GANG GI PHYIR NA BDAG DANG GZHAN DANG GNYIS KA LAS SKYES DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES PAS 'CHAD, DE LTAR BKAG PA LA RTZOD PA SPONG BA NI, GANG GIS SPRIN TSOGS DANG MTSUNGS GTI MUG STUG PO 'JIG RTEN LA, ,ZHES SOGS KYIS 'CHAD, RTEN 'BYUNG GI SKYE BA NYID KYIS MTHAR 'DZIN GYI LOG RTOG 'GOG TSUL NI, GANG PHYIR RGYU MED PA DANG DBANG PHYUG GI, ZHES SOGS KYIS 'CHAD, RIGS PAS DPYAD PA BYAS PA'I 'BRAS BU NGOS BZUNG BA NI, SO SO SKYE BO RNAMS NI RTOG PAS BCINGS, ,ZHES SOGS KYIS 'CHAD, MNGON DU PHYOGS PAR MNYAM BZHAG SEMS GNAS TE, ,ZHES SOGS KYI SKABS SU, RANG 'GREL LAS, BYANG CHUB SEMS DPA'I SA LNGA PAR BSAM GTAN GYI PHA ROL TU PHYIN PA YONGS SU DAG PA THOB PAS SA DRUG PAR MNYAM PAR BZHAG PA'I SEMS LA GNAS SHING RTEN CING 'BREL BAR 'BYUNG BA ZAB MO'I DE NYID MTHONG BA'I BYANG CHUB SEMS DPA' NI SHES RAB KYI PHA ROL TU PHYIN PA YONGS SU DAG PAS 'GOG PA 'THOB PAR 'GYUR GYI SNGA ROL DU NI MA YIN TE, SHES RAB LHAG PAR GYUR PA MED PA'I PHYIR, SBYIN PA LA SOGS PA PHA ROL TU PHYIN PA PHUL DU BYUNG BA DANG LDAN PAS NI, 'GOG PA 'THOB PAR MI NUS SO, ,ZHES GSUNGS PA'I DON LA, KHA CIG, SA DRUG PA MAN CHAD DU 'GOG PA'I SNYOMS 'JUG 'THOB PA MED DE, DE MAN CHAD DU SHER PHYIN PHUL DU BYUNG BA 'THOB PA MED PA'I PHYIR, ZHES ZER BA MI 'THAD DE, SA DRUG PA MAN CHAD DU 'GOG PA'I SNYOM 'JUG 'THOB PA YOD PAR THAL, PHYIR MI 'ONG LUS MNGON BYED DANG, GNYIS KA'I CHA LAS RNAM PAR GROL BA'I NYAN THOS DGRA BCOM GYIS 'GOG SNYOMS THOB PA'I PHYIR, RTAGS SLA, GZHAN YANG, SA DRUG PA, @83A *, ,MAN CHAD DU 'GOG PA'I SNYOMS 'JUG 'THOB PA YOD PAR THAL, MTHONG LAM RTZE SBYOR GYIS BSDUS PA'I MTHAR GNAS SNYOMS 'JUG DGU YOD PA'I PHYIR TE, MDO LAS, DE RNAM PAR THAR PA BRGYAD PO DE DAG DANG MTHAR GYIS GNAS PA'I SNYOMS PAR 'JUG PA DGU PO DE DAG RNAM PAR PHYE ZHING SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ,ZHES GSUNGS PA'I PHYIR, RANG LUGS LA 'GREL PA DE'I DON NI, SA DRUG PA'I SNGA ROL SA LNGA PA MAN CHAD DU 'DIR BSTAN THUN MONGS MA YIN PA'I 'GOG SNYOMS MI THOB STE, SA LNGA PA MAN CHAD DU SHER PHYIN LHAG PA'I YON TAN KHYAD PAR CAN MA THOB PA'I PHYIR, DE LTAR YANG t'IK CHEN LAS, DE'I PHYIR 'GOG PA LA SNYOMS PAR 'JUG PA THUN MONG MA YIN PA 'DI NAS THOB PA YIN NO, ,ZHES GSUNGS, DES NA RANG 'THOB BYED KYI THABS SU GYUR PA'I 'JIG RTEN LAS 'DAS PA'I LAM DANG SRID RTZE'I DNGOS GZHI'I SNYOMS 'JUG LA BRTEN NAS THOB CING SRID RTZE LA 'DOD CHAGS DANG BRAL BA'I RIGS SU GNAS PAS RAB TU PHYE BA'I STONG NYID MNGON SUM DU RTOGS PA'I YE SHES DE, 'GOG SNYOMS KYI MTSAN NYID, 'O NA, CI'I PHYIR 'GOG PA'I SNYOMS 'JUG CES BYA ZHE NA, SA DRUG PA'I MNYAM GZHAG YE SHES CHOS CAN, 'GOG PA'I SNYOMS 'JUG CES RJOD PA'I RGYU MTSAN YOD DE, DE BZHIN NYID LA 'GOG PA ZHES BYA LA, DE LA SNYOMS PAR 'JUG PA'I YE SHES YIN PA'I RGYU MTSAN GYIS DE LTAR RJOD PA'I PHYIR, DE BZHIN NYID LA 'GOG PA ZHES BRJOD PA'I RGYU MTSAN YOD DE, DE BZHIN NYID MNGON SUM DU RTOGS PA'I YE SHES DE, GNYIS SNANG GI SPROS PA BKAG PA'I YE SHES YIN PA'I PHYIR, DE LTAR YANG RANG 'GREL LAS, DE BZHIN NYID LA 'GOG PA ZHES RJOD DE 'DIR SPROS PA THAMS CAD 'GAG PAR 'GYUR BA'I PHYIR RO, ,ZHES GSUNGS, DE YANG SGRA BSHAD PA TZAM YIN GYI, STONG NYID LA GNYIS SNANG NUB PA'I YE SHES YIN NA 'GOG PA'I SNYOMS @83B 'JUG YIN MI DGOS TE, 'GOG SNYOMS 'THOB PA LA SRID RTZE'I DNGOS GZHI'I SNYOMS 'JUG THOB DGOS PA'I PHYIR DANG, 'GOG SNYOMS 'THOB PA LA 'DAS LAM THOB PA SNGON DU 'GRO DGOS PA'I PHYIR, KHO NA RE, KHYOD KYI 'JUG 'GREL GYI DON 'CHAD TSUL DE MI 'THAD DE, SA DRUG PAR 'GOG PA'I SNYOMS 'JUG THUN MONG MA YIN PA MA THOB PAR THAL, SA DRUG PAR SHER PHYIN PHUL DU BYUNG BA MA THOB PA'I PHYIR, KHYAB PA KHAS, RTAGS GRUB STE, SLOB LAM NA SHER PHYIN MED PA'I PHYIR, ZHE NA, SLOB LAM NA SHER PHYIN YOD DE, DE NA SBYIN PA'I PHAR PHYIN YOD PA GANG ZHIG, RGYU MTSAN MTSUNGS PA'I PHYIR, DANG PO GRUB STE, SGRIB GNYIS SPANGS PA'I SANGS RGYAS KYI SAR PHYIN PAR BYED PA'I BYANG SEMS KYI SBYIN PA YIN NA SBYIN PA'I PHAR PHYIN YIN DGOS PA'I PHYIR TE, RANG 'GREL LAS, YONGS SU BSNGO BA'I KHYAD PAR GYIS PHA ROL TU 'GRO BA LA NGES PAR BZHAG NA NI SBYIN PA'I PHA ROL TU PHYIN PA'I MING RNYED PAR 'GYUR RO, ,ZHES DANG, t'IK CHEN LAS, PHA ROL TU PHYIN PA'I DON LA PHA ROL 'DIR PHYIN PA ZHES LAS LA SBYAR NA, SANGS RGYAS KYI SAR PHYIN PA YIN LA, 'DIS PHA ROL TU PHYIN PAR BYED PA ZHES BYED PA LA SBYAR NA; SLOB LAM NA YANG PHAR PHYIN YOD DO, ,ZHES GSUNGS, KHO NA RE, RANG 'GREL LAS, DE LA PHA ROL ZHES BYA BA NI GANG 'KHOR BA'I RGYA MTSO'I PHAR 'GRAM MAM DOGS TE, NYON MONGS PA DANG SHES BYA'I SGRIB PA MA LUS PA SPANGS PA'I RANG BZHIN MNGA' BA'I SANGS RGYAS NYID DO,, PHA ROL TU SON PA NI PHA ROL TU PHYIN PA'O, ,ZHES BYA STE, ZHES GSUNGS PA DANG 'GAL LAM SNYAM NA SKYON MED DE, PHA ROL TU PHYIN PAR BYED PA'I BYANG SEMS KYI YE SHES DANG, PHA ROL TU PHYIN ZIN PA'I YE SHES GANG RUNG LA PHAR PHYIN DU 'JOG PA'I PHA ROL DE SGRIB GNYIS SPANGS PA'I SANGS RGYAS LA BYED PA LUNG DE'I DON YIN PA'I PHYIR, RTZA RTAGS GNYIS PA RGYU MTSAN MTSUNGS PA YANG GRUB STE, RANG 'GREL LAS, TSUL KHRIMS LA SOGS PA 'CHAD PAR 'GYUR BA DAG KYANG DE BZHIN DU RIGS PAR BYA'O, ,ZHES GSUNGS PA'I PHYIR, GZHAN YANG, @84A *, ,SLOB LAM NA SBYIN PA'I PHAR PHYIN YOD DE, SEMS BSKYED BSNGO BA STONG NYID MNGON NYID MNGON SUM DU RTOGS PA'I SHES RAB KYIS ZIN PA'I SBYIN PA DE YIN NA SBYIN PA'I PHAR PHYIN YIN DGOS PA'I PHYIR TE, DE YIN NA 'JIG RTEN LAS 'DAS PA'I SBYIN PA'I PHAR PHYIN YIN DGOS PA'I PHYIR, RTAGS GRUB STE, SBYIN PA SBYIN BYA LEN PO GTONG POS STONG, ,ZHES SOGS KYIS SEMS BSKYED BSNGO BA STONG NYID MNGON SUM DU RTOGS PA'I SHES RAB KYIS ZIN PA'I SBYIN PA DE 'JIG RTEN LAS 'DAS PA'I SBYIN PA'I PHAR PHYIN DANG, STONG NYID MNGON SUM DU RTOGS PA'I SHES RAB KYIS MA ZIN PA'I THEG CHEN SEMS BSKYED KYIS ZIN PA'I SBYIN PA DE 'JIG RTEN PA'I PHAR PHYIN DU GSAL BAR BSTAN PA'I PHYIR, YANG 'GOG SNYOMS KYI DON SNGAR LTAR KHAS BLANGS PA LA, KHA CIG, 'GOG SNYOMS YIN NA THUN MONG MA YIN PA'I 'GOG SNYOMS YIN DGOS PAR THAL, MTSAN NYID DE 'THAD PA'I PHYIR, 'DOD NA, RANG RGYUD PA DANG THAL 'GYUR BA GNYIS KAS 'GOG SNYOMS SU KHAS LEN PA'I 'GOG SNYOMS SHIG MED PAR THAL LO, ,'DOD NA, 'GOG SNYOMS LA THUN MONG BA'I 'GOG SNYOMS DANG THUN MONG MA YIN PA'I 'GOG SNYOMS GNYIS SU DBYER MED PAR THAL, 'DOD PA'I PHYIR, 'DOD NA, t'IK CHEN LAS, 'GOG PA LA SNYOMS PAR 'JUG PA THUN MONG MA YIN PA 'DI NAS 'THOB PA YIN NO, ,ZHES 'GOG SNYOMS LA THUN MONG BA DANG THUN MONG MA YIN PA GNYIS SU GSUNGS PA MI 'THAD PAR THAL, 'DOD PA'I PHYIR NA SKYON MED DE, DGAG GZHI YID KYI RNAM SHES PHRA MO'I STENG DU DGAG BYA TSOGS DRUG RAGS PA 'KHOR BCAS BKAG PA'I SNYOMS 'JUG DE THEG PA THUN MONG BA'I MDO NAS 'GOG SNYOMS SU BSHAD PAS DE LA THUN MONG BA'I 'GOG SNYOMS ZHES GSUNGS PA YIN GYI, DE 'GOG SNYOMS SU KHAS MI LEN PA'I PHYIR, DPER NA, t'IK CHEN LAS, GANG ZAG RANG SKYA THUB PA'I RDZAS YOD DU 'DZIN PA'I BLO LA THUN MONG BA'I 'JIG LTA ZHES GSUNGS @84B KYANG DE 'JIG LTA YIN PAR RANG LUGS LA MI BZHED PA BZHIN NO, KHA CIG, 'GOG SNYOMS YIN NA CHOS NYID LA RTZE GCIG TU MNYAM PAR BZHAG PA'I YE SHES YIN MI DGOS PAR THAL, BYANG 'PHAGS KYI RGYUD KYI 'GOG SNYOMS DE CHOS NYID LA RTZE GCIG TU MNYAM PAR BZHAG PA'I YE SHES YIN YANG, PHYIR MI 'ONG LUS MNGON BYED DANG GNYIS KA'I CHA LAS RNAM PAR GROL BA'I NYAN THOS DGRA BCOM PA'I RGYUD KYI 'GOG SNYOMS DE CHOS NYID LA RTZE GCIG TU MNYAM PAR BZHAG PA'I YE SHES MA YIN PA'I PHYIR ZER BA MI 'THAD DE, 'O NA, PHYIR MI 'ONG LUS MNGON BYED DANG GNYIS KA'I CHA LAS RNAM PAR GROL BA'I THEG DMAN DGRA BCOM PAS STONG NYID MNGON SUM DU MA RTOGS SHING, BYANG 'PHAGS KYIS STONG NYID MNGON SUM DU RTOGS PA'I KHYAD PAR 'THAD PAR THAL, DAM BCA' 'THAD PA'I PHYIR, YANG BDAG GI BLA MA MKHAS PA'I DBANG PO KHA CIG ,DOGS PA 'DI LTAR GSUNGS TE, YAR 'ONG THOD RGAL LA 'GOG PA SPEL BA YOD PAR GSUNGS PA MI RIGS PAR THAL, YAR 'ONG THOD RGAL GYI SPEL GZHI BSAM GZUGS BRGYAD PO DANG SPEL CHOS 'GOG PA GNYIS KA 'GOG PA'I SNYOMS 'JUG TU MTSUNGS PA'I PHYIR TE, DE'I SPEL GZHI BSAM GZUGS BRGYAD PO DE 'GOG PA'I SNYOMS 'JUG YIN PA'I PHYIR TE, BYANG SEMS SGOM LAM PA'I RGYUD KYI CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES YIN NA, 'GOG PA'I SNYOMS 'JUG YIN DGOS PA'I PHYIR, YAR 'ONG THOD RGAL GYI 'GOG PA DANG MAR 'ONG THOD RGAL GYI 'GOG PA GNYIS LA ZHI MA ZHI'I KHYAD PAR MED PAR THAL, DE GNYIS KA CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES SU MTSUNGS PA'I PHYIR, RTAGS KHAS, GSUNG BA LA LAN JI 'DEBS GZIGS SHIG, ` DE NYID DE LAS 'BYUNG MIN GZHAN DAG LAS LTA GA LA ZHIG, CES SOGS KYI SKABS SU, DON DAM DPYOD BYED KYI RTAGS KYI DGAG BYA NGOS BZUNG BA, @85A *, ,DE 'GOG BYED KYI RIGS PA BSHAD PA'O, ,DANG PO LA DGAG BYA'I RNAM GZHAG SPYIR BSHAD PA, RANG RGYUD PA'I LUGS KYI PA'I TSAD BSHAD PA, THAL 'GYUR BA'I LUGS KYI DGAG BYA'I TSAD TSAD BSHAD PA'O, ,DANG PO NI, SPYIR DGAG BYA LA LAM GYI DGAG BYA DANG, RIGS PA'I DGAG BYA GNYIS, DANG PO NI, SGRIB PA GNYIS LTA BU, GNYIS PA NI, BDEN GRUB DANG BDEN 'DZIN LTA BU, DES NA BDEN 'DZIN DON DAM DPYOD BYED KYI RIGS PA'I DGAG BYA YIN TE, RTZOD ZLOG LAS, YANG NA KHA CIG SPRUL PA YI, ,BUD MED LA NI BUD MED SNYAM, ,LOG 'DZIN 'BYUNG BA SPRUL PA YIS, ,'GOG BYED DE NI DE LTAR YIN, ,ZHES GANG ZAG KHA CIG SPRUL PA'I BUD MED LA BUD MED DU BZUNG NAS CHAGS PA SKYES PA NA DE BZHIN GSHEGS PA'AM, DE'I NYAN THOS KYIS SPRUL PA ZHIG SPRUL NAS SPRUL PA'I BUD MED LA BUD MED DO SNYAM DU 'DZIN PA'I LOG RTOG 'GOG PA BZHIN DU, BDEN MED STON PA'I TSIG STONG PA SPRUL PA LTA BUS RANG BZHIN GYIS GRUB PAS STONG PA'I SPRUL PA'I BUD MED 'DRA BA'I DNGOS PO THAMS CAD LA BDEN GRUB TU 'DZIN PA'I LOG RTOG 'GOG PAR GSUNGS PA'I PHYIR, DE LTAR YANG LAM RIM CHEN MOR, PHYIN CI LOG GI 'DZIN PA LA DGAG BYAR GSUNGS PA DANG DES BZUNG BA'I RANG BZHIN YOD PA LA DGAG BYAR MDZAD PA GNYIS YOD DO, ,'ON KYANG, DGAG BYA'I GTZO BO NI PHYI MA YIN TE, ZHES GSUNGS SHING, STONG 'THUN CHEN MOR YANG, CHOS RNAMS KYI DE KHO NA NYID LA PHYIN CI LOG TU SGRO 'DOGS PA'I LOG RTOG DANG, LOG RTOG DES JI LTAR BZUNG BA LTAR DU GRUB PA GNYIS KA DGAG BYA YIN TE, ZHES GSUNGS, SKABS 'DIR DOGS PA CUNG ZAD BCAD NA, LAM RIM GYI RJES 'BRANG GI MKHAS PA CHEN PO KHA CIG, DON DAM DPYOD BYED KYI RIGS PA'I DGAG BYA YIN NA GZHI MA GRUB PAS KHYAB GSUNG BA MI 'THAD DE, BDEN 'DZIN DON DAM DPYOD BYED KYI RIGS PA'I DGAG BYAR LAM RIM CHEN MOR GSAL BAR BSHAD PA'I PHYIR DANG, SEMS @85B TZAM PA'I SKABS KYI DRANG NGES RNAM 'BYED LAS KYANG, LUGS 'DI'I RIGS PA'I DGAG BYA LA GNYIS YOD PA'I SKUR 'DEBS NI GRUB MTHAS BZHAG PA KHO NA DANG, ZHES SOGS KYIS SEMS TZAM PA'I SKABS SU YANG DON DAM DPYOD BYED KYI RIGS PA'I DGAG BYA YOD PAR BSHAD PA'I PHYIR, GZHAN YANG, DON DAM DPYOD BYED KYI RIGS PA'I DGAG BYA YOD PAR THAL, DON DAM DPYOD BYED KYI TSAD MA'I DGAG BYA YOD PA'I PHYIR TE, BDEN MED RTOGS PA'I SHES RAB KYI DGAG BYA YOD PA'I PHYIR TE, DE SRID MTHA' 'GOG BYED KYI SHES RAB YIN PA'I PHYIR TE, SRID MTHA' 'GOG BYED KYI SHES RAB YOD PA'I PHYIR, 'O NA, LAM RIM LAS, DGAG BYA 'DI NI SHES BYA LA MED PA ZHIG DGOS TE YOD NA DGAG PAR MI NUS PA'I PHYIR RO, ,ZHES GSUNGS PA DANG 'GAL LO, ,ZHE NA, DE NI LAM RIM LA ZHIB TU MA BLTAS PA'I SKYON YIN TE, DGAG BYA LA PHYIN CI LOG GI 'DZIN PA DANG, DE'I YUL GYI DBANG DU BYAS PA GNYIS LAS, PHYI MA'I DBANG DU BYAS PAR LAM RIM DU GSAL BAR BSHAD PA'I PHYIR RO, ,LHAG MTHONG CHEN MO DANG, STONG 'THUN SGRA JI BZHIN DU KHAS BLANGS PA LA KHO NA RE, MYU GU BDEN GRUB TU 'DZIN PA'I BLO DE MYU GU BDEN MED DU SGRUB PA'I RTAGS YANG DAG GI DGAG BYA YIN PAR THAL, DE DON DAM DPYOD BYED KYI RIGS PA'I DGAG BYA YIN PA'I PHYIR, 'DOD NA, MYU GU BDEN MED DU 'DZIN PA'I BLO DE, RTAGS DE'I BSGRUB BYA YIN PAR THAL, 'DOD PA'I PHYIR NA, MA KHYAB, YANG KHO NA RE, MYU GU BDEN GRUB TU 'DZIN PA'I BLO CHOS CAN, MED PAR THAL, RTAGS YANG DAG GI DGAG BYA YIN PA'I PHYIR ZER NA, MA KHYAB, MYU GU MED PA CHOS CAN, MED PAR THAL, RTAGS YANG DAG GI DGAG BYA YIN PA'I PHYIR TE, MYU GU YOD PAR SGRUB PA'I RTAGS YANG DAG GI DGAG BYA YIN PA'I PHYIR, MA GRUB NA, MYU GU MED PA MYU GU YOD PAR SGRUB PA'I RTAGS YANG DAG GI DGAG BYA YIN PAR THAL, MYU GU YOD PA DE MYU GU YOD PAR SGRUB PA'I RTAGS YANG DAG GI BSGRUB BYA YIN PA'I PHYIR, MA KHYAB MTSAMS @86A *, ,DANG PO LA, 'KHOR GSUM, RTAGS YANG DAG MIN PA CHOS CAN, MED PAR THAL, RTAGS YANG DAG GI DGAG BYA YIN PA'I PHYIR, RTAGS GRUB STE, RTAGS YANG DAG MA YIN PA LAS LOG PA DE RANG RJOD PA'I SGRAS RANG GI DGAG BYA BKAG BSHUL DU CHOS GZHAN SGRUB PA 'PHEN PA YIN PA'I PHYIR, MA KHYAB MTSAMS DANG PO LA, BDEN MED DON DAM DPYOD BYED KYI RTAGS KYI BSGRUB BYA YIN PAR THAL, BDEN GRUB DE'I DGAG BYA YIN PA'I PHYIR, KHYAB PA KHAS, 'DOD NA, BDEN MED DE DON DAM DPYOD BYED KYI RTAGS JI LTA BU ZHIG GI BSGRUB BYA YIN, DE MYU GU BDEN MED DU SGRUB PA'I RTAGS YANG DAG GI BSGRUB BYA YIN NO, ,ZHE NA, MI 'THAD PAR THAL, DE DE SGRUB KYI BSGRUB BYA'I CHOS YIN PA'I PHYIR, BDEN MED DON DAM DPYOD BYED KYI RTAGS KYI BSGRUB BYA YIN PAR THAL, BDEN MED RTAGS YANG DAG GI BSGRUB BYA YIN PA'I PHYIR TE, BDEN MED SGRUB PA'I RTAGS YANG DAG YOD PA'I PHYIR NA MA KHYAB BO, ` ,GNYIS PA RANG RGYUD PA'I LUGS KYI DGAG BYA'I TSAD BSHAD PA NI, BDEN GRUB DANG BDEN 'DZIN NGOS BZUNG BA, 'JIG RTEN PA LA LTOS PA'I BDEN BRDZUN SGYU MA'I DPES BSTAN PA, DPE DE DON LA SBYAR NAS BSHAD PA'O, ,DANG PO LA DBU MA SNANG BA LAS, DNGOS PO YANG DAG PAR NGO BO NYID MED PA DAG LA YANG DE LAS BZLOG PA'I RNAM PAR SGRO 'DOGS PA'I 'KHRUL PA'I BLO GANG YIN PA DE NI KUN RDZOB CES BYA STE, 'DI 'AM, 'DIS DE KHO NA NYID SGRIB PA LTA BUR BYED, 'GEBS PA LTA BUR BYED PA'I PHYIR RO, ,DE SKAD DU MDO LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS SO,, DE LAS BYUNG BA'I PHYIR, DES NYE BAR BSTAN PA MTHONG BA'I DNGOS PO RDZUN PA THAMS CAD NI KUN RDZOB PA KHO NA YIN ZHES BYA'O, ,DE YANG THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG @86B DAG PAR DNGOS PO'I BDAG NYID LTA BUR NYE BAR BSTAN PA MTHONG BAR 'GYUR TE, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI, KUN RDZOB TU YOD PA KHO NA'O, ,ZHES BYA'O, ,ZHES GSUNGS, 'DI'I DON NI, DNGOS PO ZHES PA NAS; 'GEBS PA LTA BUR BYED PA'I PHYIR, ZHES PA'I BAR GYIS DNGOS PO RNAMS DON DAM PAR GRUB PAR 'DZIN PA'I BDEN 'DZIN GYIS DE KHO NA NYID MTHONG BA LA SGRIB PAR BYED PAS, DE BLO KUN RDZOB PA YIN ZHES BSTAN, DE'I SHES BYED DU LANG GSHEGS KYI MDO DRANGS PA NI, DNGOS RNAMS SKYE BA KUN RDZOB TU, ,ZHES SOGS GSUNGS PA RNAMS YIN, DE LAS DNGOS RNAMS ZHES SOGS TSIG RKANG DANG POS, DNGOS PO RNAMS KUN RDZOB TU YOD CES BSTAN, TSIG RKANG GNYIS PAS DNGOS PO RNAMS DON DAM PAR MED PAR BSTAN, TSIG RKANG THA MA GNYIS KYIS DNGOS PO RNAMS DON DAM PAR GRUB PAR 'DZIN PA'I BDEN 'DZIN DES YANG DAG PA'I GNAS LUGS MTHONG BA LA SGRIB PAS BLO KUN RDZOB PAR BSTAN, DE LAS BYUNG BA'I PHYIR, ZHES SOGS KYI DON NI, BDEN 'DZIN LAS BYUNG BA STE, BDEN 'DZIN GYIS RGYUD BSLAD PA'I DBANG GIS BDEN PAR MED BZHIN DU RTOG PA LA BDEN PAR SNANG BA'I GZUGS SGRA SOGS KUN RDZOB PA STE RDZUN PA KHO NA YIN ZHES BSTAN, DE YANG ZHES PA NAS, 'GYUR TE ZHES PA'I BAR GYIS DNGOS PO RNAMS DON DAM PAR 'DZIN PA'I BDEN 'DZIN DE LHAN SKYES YIN PAR BSTAN, DE'I PHYIR DE DAG GI ZHES SOGS KYI DON NI, DNGOS RNAMS SKYE BA KUN RDZOB TU, ,ZHES PA'I KUN RDZOB TU YOD PA'I DON DE GANG ZHE NA, BLO GNOD MED LA SNANG BA'I DBANG GIS BZHAG PA'I YOD PA TZAM DE KUN RDZOB TU YOD PA'I DON YIN, ZHES DNGOS SU BSTAN NAS BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS GRUB NA BDEN PAR GRUB PA DANG DON DAM PAR GRUB PA DANG, YANG DAG PAR GRUB PA DANG, DE KHO NA NYID DU GRUB PA DANG, GSHIS LUGS SU GRUB BAR BSTAN CING, DE RNAMS SU GRUB PAR @87A *, ,'DZIN PA'I BLO BDEN 'DZIN DU BSTAN, DES NA BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS GRUB PA DON DAM DPYOD BYED KYI RTAGS KYI DGAG BYA YIN PAR RJE YAB SRAS KYIS BSHAD BA 'DI RANG RGYUD PA'I GZHUNG GI DGONGS PA MTHAR THUG YIN TE, JI LTAR SNANG BA 'DI KHO NA, ,KUN RDZOB GZHAN NI CIG SHOS SO, ,ZHES DANG, JI LTAR SNANG ZHEN NGO BO'I PHYIR, ,'DI LA DPYAD PA MI 'JUG GO, ZHES SOGS RANG RGYUD PA'I GZHUNG LAS CHES GSAL BA'I PHYIR, KHO NA RE, DBU MA SNANG BA LAS, DON DAM PAR SKYE BA MED DO, ,ZHES BYA BA NI, 'DI DAG YANG DAG PA'I SHES PAS SKYE BA MA GRUB BO, ,ZHES BSHAD PAR 'GYUR RO, ,ZHES SKYE BA SOGS DE KHO NA NYID LA DPYOD PA'I RIGS SHES KYIS DE KHO NA NYID RIG PA'I RIG NGOR MA GRUB PA DE SKYE BA DON DAM PAR MA GRUB PA'I DON DU GSUNGS PA'I SHUGS KYIS DE KHO NA NYID LA DPYOD PA'I RIGS SHES KYIS DE KHO NA NYID RIG PA'I RIG NGOR YOD PA DON DAM PAR YOD PA'I DON DU GSUNGS PA JI LTAR YIN ZHE NA SKYON MED DE, DBU MA SNANG BA LAS, DE LTAR GSUNGS PA'I DON NI DE KHO NA NYID LA DPYOD PA'I RIGS SHES KYIS DE KHO NA NYID RIG PA'I RIG NGOR MED PA DE, DON DAM PAR MED PA'I SGRUB BYED DU STON PA YIN GYI, DE DON DAM PAR MED PA'I DON DU BSTAN PA MA YIN PA'I PHYIR, DES NA DON DAM PAR MED PA'I TSUL LA GNYIS YOD DE, DE KHO NA NYID LA DPYOD PA'I THOS BSAM SGOM GSUM GYI RIGS SHES LA DON DAM DU BYAS NAS DE 'DRA'I RIGS SHES KYIS DE KHO NA NYID NGES PA'I NGES NGOR MED PA LA DON DAM PAR MED PAR BSHAD PA DANG, BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS MA GRUB PA LA DON DAM PAR MED PAR BSHAD PA'I TSUL GNYIS YOD PA'I PHYIR, KUN RDZOB KYI CHOS RNAMS DON DAM SNGA MA'I DBANG DU BYAS PA'I BLO DON DAM PA DES DE KHO NA NYID NGES PA'I NGES NGOR GRUB PA MA YIN YANG, DON DAM SNGA MA'I DBANG DU BYAS PA'I BLO DON DAM PA DES DE KHO NA NYID @87B NGES PA'I NGES NGOR GRUB PA YOD DE, DON DAM PA DE, DE KHO NA NYID NGES PA'I NGES NGOR GRUB PA'I PHYIR, BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS GRUB NA DE KHO NA NYID LA DPYOD PA'I RIGS SHES KYIS DE KHO NA NYID NGES PA'I NGES NGOR YOD PAS KHYAB STE, DE LTAR GRUB NA BDEN PAR GRUB DGOS PA'I PHYIR, KUN RDZOB KYI CHOS RNAMS DE KHO NA NYID LA DPYOD PA'I RIGS SHES KYIS DE KHO NA NYID NGES PA'I NGES NGOR MED KYANG, DE KHO NA NYID LA DPYOD PA'I RIGS SHES KYI NGOR MED PA MA YIN TE, GZHI GRUB NA DE KHO NA NYID LA DPYOD PA'I RIGS SHES KYI NGOR YOD DGOS PA'I PHYIR, KUN RDZOB KYI CHOS RNAMS DE KHO NA NYID LA DPYOD PA'I RIGS SHES KYIS DE KHO NA NYID NGES PA'I NGES NGOR YOD PAR 'DZIN PA'I BLO DE BDEN 'DZIN YIN YANG BDEN 'DZIN LHAN SKYES MA YIN TE, DE BDEN 'DZIN KUN BRTAGS YIN PA'I PHYIR, KUN RDZOB KYI CHOS RNAMS DE 'DRA'I BLOS DE KHO NA NYID NGES PA'I NGES NGOR YOD BAR 'DZIN PA LA DE RNAMS BLO LA SNANG BA'I DBANG GIS BZHAG PA MA YIN PAR YUL RANG GI SNGOD LUGS KYI NGOS NAS GRUB PAR 'DZIN PA DGOS TE, DE LTAR 'DZIN PA LA BDEN GRUB TU 'DZIN PA DGOS PA'I PHYIR, DBU MA SNANG BA'I LUNG 'DI LA BRTEN NAS DGAG BYA'I TSAD 'DZIN RIGS PAS DPYAD BZOD DANG, DPYAD BZOD KYI DNGOS PO LA 'DOD PA MANG DU BYUNG ZHING, LO TZTSA BA CHEN PO SOGS KHA CIG, DON DAM BDEN PA YANG DE KHO NA NYID LA DPYOD PA'I RIGS SHES KYI RIG NGOR MED PAR BZUNG NAS DON DAM BDEN PA SHES BYA MA YIN PAR BZHED PA DANG, CHVA BA SOGS KHA CIG, DON DAM BDEN PA DE KHO NA NYID LA DPYOD PA'I RIGS SHES KYI NGOR YOD PAR BZUNG NAS DON DAM PA BDEN GRUB TU 'DOD PA RNAMS MI 'THAD DE, DE KHO NA NYID LA DPYOD PA'I RIGS SHES KYI NGOR MED BA DON DAM PAR MED PA'I DON DU LUNG DES MA BSTAN CING, LUNG DES KUN RDZOB KYI CHOS RNAMS DE KHO NA NYID LA DPYOD PA'I RIGS SHES KYIS DE KHO NA NYID NGES PA'I NGES NGOR MED PA KUN RDZOB KYI CHOS RNAMS DON DAM @88A *, ,PAR MED PA'I SGRUB BYED DU BSTAN PA'I PHYIR, 'DI RNAMS LEGS PAR SHES NA CHOS NYID DE GSHIS LUGS DANG DON DAM YIN YANG, CHOS NYID DE GSHIS LUGS DANG DON DAM DU MED PAR SMRA BA MI 'GAL BA'I GNAD KYANG SHES PAR 'GYUR TE, CHOS NYID DON DAM DPYOD PA'I RIGS SHES KYIS DE KHO NA NYID NGES PA'I NGES NGOR YOD KYANG CHOS NYID DON DAM DPYOD BYED KYI RIGS PAS DPYAD BZOD DU YOD MI DGOS PA'I PHYIR, 'DI'I SKABS SU t'IK CHEN LAS, CHOS NYID DE, CHOS NYID KYI GNAS LUGS LA DPYOD PA'I RIGS SHES KYIS CHOS NYID KYI GNAD LUGS NGES PA'I NGES NGOR MED PAR BSTAN SNYAM PA'I DOGS PA 'BYUNG NYE BAR 'DUG PAS t'IK CHEN LA 'BRU SNON TSUL LEGS DGOS SO, ` ,GNYIS PA 'JIG RTEN PA LA LTOS PA'I BDEN RDZUN SGYU MA'I DPES BSTAN PA NI, LUGS 'DI LA CHOS RNAMS BLO'I DBANG GIS BZHAG PA TZAM DU SHES PA SGYU MA'I DPE'I STENG NAS SHES PAR BYED PA BSNGAGS PAS DE BSHAD NA, SGYU MA MKHAN GYIS RDE'U SHING RTA GLANG DU SPRUL PA'I TSE, SGYU MA MKHAN DANG SGYU MA'I SNGAGS RDZAS KYIS MGI BSLAD PA'I LTAD MO BA DANG, SGYU MA'I SNGAGS RDZAS KYIS MIG MA BSLAD PAR GNAS DER PHYIS SLEBS PA'I GANG ZAG GSUM LA SNANG TSUL GSUM 'BYUNG STE, DANG PO LA RDE'U SHING RTA GLANG DU SNANG BA TZAM DU YOD KYANG DER ZHEN PA MED, GNYIS PA LA RDE'U SHING RTA GLANG DU SNANG ZHEN GNYIS KA YOD, GSUM PA LA RDE'U SHING RTA GLANG DU SNANG ZHEN GNYIS KA MED PA'I PHYIR, SKABS 'DIR t'IK CHEN LAS, SPRUL GZHI RTA GLANG DU SNANG BA NA, DPER NA THAG PA SPRUL DU 'KHRUL PA'I TSE SHES PA DE'I NGOR THAG PA SPRUL YIN GYI, SPYIR SPRUL MIN ZHES ZER BA BZHIN DU, SHES PA 'KHRUL PA'I NGO BOR RTA GLANG DU SNANG BA YIN GYI, SPYIR SPRUL GZHI RTA GLANG DU MI SNANG ZHES BYAR MI RUNG GI, KHYAD PAR DE LTAR MA SBYAR YANG SPRUL GZHI RTA GLANG DU SNANG BAR KHAS BLANG DGOS TE, DE LTA MA YIN NA SNANG BA LA 'KHRUL PA MI SRID PAR 'GYUR BA'I PHYIR RO, ,ZHES GSUNGS PA'I DON LA KHA @88B CIG, RDE'U SHING RTA GLANG DU SNANG BA YIN TE, DE LTA MA YIN NA SNANG YUL LA 'KHRUL PA MED PAR 'GYUR PA'I PHYIR, 'GYUR TSUL NI, RDE'U SHING CHOS CAN, KHYOD RTA GLANG DU SNANG BA MED PAR THAL, KHYOD RTA GLANG DU MI SNANG BA'I PHYIR, RTAGS KHAS, 'DOD NA, SNANG YUL LA 'KHRUL PA MED PAR THAL, RDE'U SHING RTA GLANG DU SNANG BA MED PA'I PHYIR, RTAGS KHAS, ZHES PA'I DON YIN ZER BA CHES MI 'THAD DE, 'O NA, SHES BYA CHOS CAN, KHYOD RTA GLANG DU SNANG BA MED PAR THAL, KHYOD RTA GLANG DU MI SNANG BA'I PHYIR, KHYAB PA KHAS, MA GRUB NA, BDAG MED YIN NA RTA GLANG DU SNANG BA YIN DGOS PAR THAL, MA GRUB PA DE'I PHYIR, 'DOD NA, DE LAS BZHAD GAD CHE BA CI ZHIG YOD, RTZA BAR 'DOD NA, SHES BYA RTA GLANG DU 'DZIN PA'I RTOG PA MED PAR THAL, 'DOD PA'I PHYIR, GZHAN YANG, CHOS NYID CHOS CAN, KHYOD BDEN GRUB TU SNANG BA MED PAR THAL, KHYOD BDEN GRUB TU MI SNANG BA'I PHYIR, KHYAB PA KHAS, MA GRUB NA, DE CHOS CAN, KHYOD SNANG BA LTAR MA GRUB PAR THAL, KHYOD BDEN GRUB TU SNANG BA'I PHYIR, 'DOD NA, BDEN PA MA YIN PAR THAL, 'DOD PA'I PHYIR, GZHAN YANG BUM PA CHOS CAN, KHYOD SNANG BA LTAR MA GRUB PAR 'JIG RTEN RANG DGA' BAS RTOGS NUS PAR THAL, KHYOD RTA GLANG DU SNANG BA GANG ZHIG, KHYOD RTAG GLANG DU SNANG BA LTAR MA GRUB PAR 'JIG RTEN RANG DGA' BAS RTOGS NUS PA'I PHYIR, RTAGS DANG PO KHAS, 'DOD NA, DE CHOS CAN, KHYOD 'JIG RTEN GYI SHES NGO LA LTOS TE YANG DAG PA MA YIN PAR THAL, 'DOD PA'I PHYIR, LAN GYIS BZLOG PAR MI NUS PA'I THAL 'GYUR RO, ,'O NA, t'IK CHEN LAS DE LTAR GSUNGS PA'I DON GANG YIN ZHE NA YOD DE, SGYU MA'I SPRUL GZHI'I RDE'U SHING DE RTA GLANG DU SNANG BA YIN TE, DE MA YIN NA SNANG YUL LA 'KHRUL PA MI SRID PAR 'GYUR BA'I SKYON YOD PA'I PHYIR, JI LTAR YOD NA, RDE'U SHING RTA GLANG DU SNANG BA MED PAR THAL, SGYU MA MKHAN GYIS RDE'U SHING RTA GLANG DU SPRUL PA'I TSE SGYU MA'I SPRUL GZHI'I RDE'U SHING DE RTA @89A *, ,GLANG DU MI SNANG BA'I PHYIR, RTAGS KHAS, 'DOD NA, SNANG BA LA 'KHRUL PA MI SRID PAR THAL, RDE'U SHING RTA GLANG DU SNANG BA MED PA'I PHYIR, ZHES PA'I DON YIN TE LEGS PAR BSHAD PA'O, ,KHO NA RE, RDE'U SHING RTA GLANG DU SNANG BA YIN PAR THAL, SGYU MA'I SPRUL GZHI'I RDE'U SHING RTA GLANG DU SNANG BA YIN PA'I PHYIR ZER NA MA KHYAB PAR GSAL LO, ,SKABS 'DIR t'IK CHEN LAS, TSAD MA'I GZHAL BYA 'JOG PA DANG MTSUNGS PA'I RTZOD SPONG 'OG TU BSHAD PAR BYA'O, ,GSUM PA DPE DANG DON SBYAR NAS BSHAD PA NI, SGYU MA'I SNGAGS RDZAS KYIS MIG BSLAD PA'I LTAD MO BA LA RDE'U SHING RTA GLANG DU SNANG ZHEN GNYIS KA YOD PA BZHIN DU, STONG NYID MA RTOGS PA'I SO SKYE RANG DGA' BA RNAMS LA PHYI NANG GI CHOS RNAMS BLO LA SNANG BA'I DBANG GIS BZHAG PA MA YIN PAR YUL RANG GI SDOD LUGS KYI NGOS NAS GRUB PAR SNANG ZHING ZHEN LA, DE LTAR GRUB PAR 'DZIN PA'I RTOG PA DE LA BDEN 'DZIN LHAN SKYES ZHES BYA ZHING, DE LTAR GRUB PA DE DON DAM DPYOD BYED KYI RTAGS KYI DGAG BYE PHRA MOR 'JOG, SGYU MA MKHAN LA RDE'U SHING RTA GLANG DU SNANG BA TZAM YOD KYANG DE LA DE LTAR ZHEN PA MED PA BZHIN DU, STONG NYID RTOGS PA'I SO SO SKYE BO RNAMS LA CHOS THAMS CAD BLO LA SNANG BA'I DBANG GIS BZHAG PA MA YIN PAR YUL RANG GI THUN MO MA YIN PA'I SDOD LUGS KYI NGOS NAS GRUB PAR SNANG BA YOD KYANG, DES DE LTAR DU GRUB PAR MI 'DZIN TE, NGES CHOS THAMS CAD BLO LA SNANG BA'I DBANG GIS BZHAG PA'I YOD PA TZAM DU RTOGS PA'I PHYIR, KHO NA RE, MYU GU SA BON LAS SKYE BA BLO'I DBANG GIS BZHAG PA TZAM YIN NA, MYU GU RANG NGOS NAS SA BON LAS MI SKYE BAR 'GYUR RO SNYAM NA SKYON MED DE, SPRUL GZHI RDE'U SHING RTA GLANG DU SNANG BA BLO'I DBANG GIS BZHAG PA TZAM YIN YANG, SPRUL GZHI RDE'U SHING RANG NGOS NAS RTA GLANG DU SNANG BA LA 'GAL BA MED PA'I PHYIR, SPRUL GZHI RDE'U SHING RANG NGOS NAS RTA GLANG DU SNANG BA'I RGYU MTSAN GANG SNYAM NA, DE CHOS CAN, RANG NGOS NAS RTA GLANG DU SNANG STE, RANG NGOS NAS RTA GLANG DU SNANG BAR @89B GRUB PA'I PHYIR TE, KHYOD RTA GLANG DU SNANG BAR GRUB PA'I PHYIR, KHYAB STE, YOD NA RANG NGOS NAS YOD DGOS PA'I PHYIR, SGYU MA'I SNGAGS RDZAS KYIS MIG MA BSLAD PA'I LTAD MO PA LA RDE'U SHING RTA GLANG DU MI SNANG ZHING, DES RDE'U SHING RTA GLANG DU MI ZHEN PA BZHIN DU, STONG NYID MNGON SUM DU RTOGS PA'I BYANG SEMS 'PHAGS PA'I MNYAM GZHAG YE SHES LA CHOS RNAMS BDEN GRUB TU SNANG BA TZAM YANG MED DE, STONG NYID MNGON SUM DU RTOGS PA'I 'PHAGS PA'I MNYAM GZHAG YE SHES DE, MA RIG PA'I BAG CHAGS KYIS MA BSLAD PA'I PHYIR, CHOS THAMS CAD SGYU MA LTA BUR GSUNGS PA'I DON DE LTAR BSHA DPA YIN GYI, KHA CIG, SGYU MA'I RDE'U SHING RTA GLANG DU SNANG YANG RTA GLANG DU MA GRUB PA BZHIN DU, BUM PA BUM PAR SNANG YANG YUM PA YUM PAR MA GRUB PA DE BUM SOGS KYI CHOS DANG SGYU MA DPE DON DU SBYAR BA'I DON DANG, CHOS THAMS CAD RANG STONG DU GSUNGS PA'I DON DU 'DOD PA NI CHES MI 'THAD DE, DE LTAR NA BUM PA MA GRUB PAR THAL, BUM PA BUM PAR YANG MA GRUB, BUM PA BUM PA LAS GZHAN PA'I CHOS SU YANG MA GRUB PA'I PHYIR, RANG STONG YANG CHOS CAN, KHYOD RANG NYID MA YIN PAR THAL, KHYOD RANG NYID KYIS STONG PA'I PHYIR, KHYAB RTAGS KHAS, DE BZHIN DU BDEN MED CHOS CAN, KHYOD BDEN MED MA YIN PAR THAL, KHYOD BDEN MED KYIS STONG PA'I PHYIR, RTAGS KHAS, DE LTAR YANG t'IK CHEN LAS, DE LTA NA CHOS DE YIN PA MI SRID BAR 'GYUR ZHING, DPE DON SBYAR BA YANG DER SNANG BA YIN GYI DE DNGOS MIN PAR 'GYUR BA'I PHYIR RO, ,ZHES GSUNGS, KHA CIG, SGYU MA'I RTA MA'I RTAR SNANG BA YIN YANG SGYU MA'I RTAR MA GRUB CES KHAS LEN RIGS PAR THAL, DON GYI SKABS SU BUM PA BUM PAR SNANG YANG BUM PA BUM PAR MA GRUB CES KHAS LEN RIGS PA'I PHYIR, ZHES PA LUNG PHYI MA'I DON DU 'CHAD KYANG DGONGS PA MA YIN TE, DE PHYOGS SNGA SMRA BA BO LA MI 'DOD PA THAL BAR 'PHEN PA MA YIN PA'I PHYIR, SKABS 'DIR GCIG GU BRAL GYI RNAMS GZHAG RGYAS PAR t'IK CHEN DU GSUNGS PA RNAMS RGYAS PAR GZHAN DU BSHAD PAR BYA ZHING, t'IK @90A *, ,CHEN LAS, DE LTAR NA BLO LA SNANG BA'I DBANG GIS BZHAG PA MIN PA'I SNGOD LUGS MED KYANG, DE'I DBANG GIS BZHAG PA'I SNGOD LUGS MING DU BTAGS PA TZAM MIN PA CIG YOD PA LUGS 'DI LA MI 'GAL BAS, DBU MA LA GNYIS KYI DGAG BYA LA BLO'I NGOR MI 'DAR BA CHEN PO 'ONG NGO, ,ZHES GSUNGS PA'I DON GANG ZHE NA, KHA CIG, 'DI'I DON RANG RGYUD PA'I LUGS GZHIR BYAS PA LA MING DANG BRDAS BZHAG PA GZHI MA GRUB STE, CHOS THAMS CAD MING DANG BRDAS BZHAG PA MA YIN PA'I PHYIR, MING DANG BRDAS BZHAG PA MA YIN PA'I CHOS CIG YOD PA'I PHYIR TE, t'IK CHEN LAS, DE'I DBANG GIS BZHAG PA'I SDOD LUGS MING DU BTAGS PA TZAM MIN PA CIG YOD PA LUGS 'DI LA MI 'GAL BAS ZHES GSUNGS PA'I PHYIR, ZHES ZER BA MI 'THAD DE, THAL 'GYUR BA'I 'DOD PA LTAR GYI RING GIS BTAGS PA TZAM MA YIN PA CIG YOD PA LUGS 'DI LA MI 'GAL ZHAS PA'I DON YIN PA'I PHYIR TE, DE'I RJES DE MA THAG TU, DBU MA PA GNYIS KYI DGAG BYA LA BLO'I NGOR MI 'DRA BA CHEN PO 'ONG NGO, ,ZHES GSUNGS PA'I PHYIR, ` GNYIS PA THAL 'GYUR BA'I LUGS BSHAD PA NI LUGS 'DI LA CHOS RNAMS RTOG PA'I DBANG GIS BZHAG PA TZAM GYI 'JOG TSUL SHES NA, DE LAS BZLOG STE 'DZIN PA'I BDEN 'DZIN BDE BLAG TU SHES PAR 'GYUR PAS, 'DI LA GNYIS, CHOS RNAMS RTOG PA'I DBANG GIS 'JOG TSUL DANG, DE LAS ZLOGS STE 'DZIN PA BDEN 'DZIN DU BSTAN PA'O, ,DANG PO NI, NYE BAR 'KHOR GYIS ZHUS PA'I MDO LAS, SNA TSOGS YID DGA' ME TOG KHA ZHING, ,GSER GYI, BANG CHOG 'BAR BA YIN 'ONG BA, ,'DI NA DE LA'ANG BYE PO 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,ZHES SOGS KYIS MTHO RIS DANG, NGAN SONG GI 'JIG RTEN LA SOGS PA'I CHOS THAMS CAD RTOG PAS BRTAGS PA TZAM DU GSUNGS SHING, RIGS PA DRUG CU PA LAS KYANG, 'JIG RTEN @90B MA RIG RKYEN CAN DU, ,GANG PHYIR RDZOGS PA'I SANGS RGYAS GSUNG, ,DE YI PHYIR NA 'JIG RTEN 'DI, ,RNAMS RTOG YIN ZHES CIS MI 'THAD, ,CES DANG, BZHI BRGYA PA LAS, RTOG PA MED PAR 'DOD CHAGS LAS, ,SOGS LA YOD NYID YOD MIN NA, ,YANG DAG GON DANG RTOG PA ZHES, ,BLO DANG LDAN PA LU NIG 'DZIN, ,ZHES DANG, DE'I 'GREL PAR, RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG NI, GOR MA CHAG PAR THAG PA BSDOGS PA LA BRTAGS PA'I SBRUL LTAR RANG GI NGO BOS MA GRUB PAR NGES SO, ,ZHES CHAGS SOGS KYIS MTSON PA'I TSES THAMS CAD THAG KHRA LA SBRUL DU BRTAGS PA LTAR RTOG PA'I DBANG GIS BZHAG PAR GSUNGS PA DES DE LAS BZLOG STE 'DZIN PA'I BDEN 'DZIN SHES PAR 'GYUR BAS, DE BSHAD NA KHRA BO'I MI DOG DANG 'KHYIL LUGS SBRUL DANG 'DRA ZHING, YUL MI GSAL BA NAM ZE'U ZE'I DUS SU THAG KHRA 'DI SBRUL LO, ,SNYAM PA'I BLO SKYES PA'I TSE, THAG KHRA'I STENG GI SBRUL RTOG PAS BRTAGS PA TZAM YIN GYI THAG KHRA RANG NGON NAS SBRUL DU MED DE, DE'I TSE THAG PA'I CHA SHAD DANG TSOGS PA GANG YANG SBRUL GYI MTSAN GZHIR MED CING, DE'I TSE THAG KHRA'I STENG DU THAG PA LAS DON GZHAN PA'I SBRUL GYI MTSAN GZHI YANG ME DPA'I PHYIR, DPE DE BZHIN DU PHUNG PO LA BRTEN NAS NGO'I SNYAM PA 'BYUNG BA NA NGA DE RTOG PAS PHUNG PO LA BRTEN NAS BTAGS PA TZAM YIN GYI NGA RANG GNON NAS GRUB PA CUNG ZAD KYANG MED DE, PHUNG PO'I CHA SHAS RE RE BA DANG TSOGS PA GANG YANG NGA'I MTSAN GZHI MA YIN, PHUNG PO LAS DON GZHAN PA'I NGA'I MTSAN GZHI YANG MED PA'I PHYIR, DE LTAR YANG RIN CHEN PHRENG BA LAS, SKYES BU SA MIN CHU MA YIN, ,ME MIN RLUNG MIN NA MKHA' MIN, ,RNAMS SHES MA YIN KUN MIN NA, ,DE LAS GZHAN NA SKYES BU GANG, ,ZHES GSUNGS, LUNG 'DI RNAMS KYI NGO NA ZHIB PAR t'IK CHEN LAS SHES PAR BYA'O, ,GNYIS PA NI, MING GI THA SNYAD KYI DBANG GIS BZHAG PA TZAM MA YIN PA GCIG YOD PA DE DON DAM DPYOD BYED KYI RTAGS KYI DGAG BYA @91A *, ,DANG, DE KHYAD GZHI GANG ZAG GI STENG DU MED PA GANG ZAG GI BDAG MED PHRA MO DANG ,DE MIG SNA SOGS CHOS KYI STENG DU MED PA CHOS KYI BDAG MED PHRA MO DANG ,DGAG BYA DE GANG ZAG DANG CHOS KYI STENG DU YOD PAR 'DZIN PA NI RIM PA BZHIN DU GANG ZAG GI BDAG 'DZIN DANG CHOS KYI BDAG 'DZIN YIN TE, BZHI BRGYA PA'I 'GREL PA LAS, DE LA BDAG CES BYA BA NI, GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE, DE MED PA NI BDAG MED PA'O, ,DE NI CHOS DANG GANG ZAG GIS DBYE BAS GNYIS SU RTOGS TE, CHOS KYI BDAG MED PA DANG GANG ZAG GI BDAG MED PA ZHES BYA'O, ,ZHES GSUNGS PA'I PHYIR, GANG ZAG RTOG PAS BZHAG LUGS DE LTAR SHES NA CHOS GZHAN THAMS CAD KYANG RTOG PAS BZHAG LUGS DE DANG 'DRA STE, RIN CHEN PHRENG BA LAS, SKYES BU KHAMS DRUG 'DUS PA'I PHYIR, ,YANG DAG MA YIN JI LTA BAR, ,DE BZHIN KHAMS NI RE RE YANG, ,'DUS PHYIR YANG DAG NYID DU MIN, ,ZHES DANG, TING NGE 'DZIN RGYAL PO LAS KYANG, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SBYAR BYA, , ZHES DANG, 'PHAGS PA SDUD PA LAS KYANG, BDAG JI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD JI 'DRA DE 'DRAR CHOS KUN SHES, ,ZHES GSUNGS, 'DI'I SKABS KYI 'JIG LTA'I DOGS GCOD MANG DU GSUNGS PA RNAMS GANG ZAG GI BDAG 'GOG PA'I SKABS SU BSHAD PAR BYA'O, ` GNYIS PA DE 'GOG BYED KYI RIGS PA BSHAD PA NI, BDEN MED GTAN LA 'BEBS PA'I RIGS PA DE LA DU MA YOD DE, THAL 'GYUR GYI DBANG DU BYAS PA DANG, GTAN TSIGS KYI DBANG DU BYAS PA GNYIS, DANG PO LA ,GZHAN LA GRAGS KYI RJES DPAG SKYED BYED KYI THAL 'GYUR, RGYU MTSAN MTSUNGS PA'I MGO SNYOMS KYI THAL 'GYUR, 'GAL RJOD KYI THAL 'GYUR, SGRUB BYED BSGRUB BYA DANG MTSUNGS PAS MA GRUB PA'I THAL 'GYUR RO, ,DANG PO NI, MYU GU CHOS CAN, @91B RANG GI RGYU LA MA LTOS PAR THAL, RANG BZHIN GYIS GRUB PA'I PHYIR, ZHES PA'I THAL 'GYUR LTA BU, GNYIS PA NI, SGRA 'DZIN NYAN SHES KYIS GZUGS MTHONG BAR THAL, GZUGS 'DZIN MIG SHES KYIS DON DAM PAR GZUGS LA LTA BA'I PHYIR, ZHES PA LTA BU, GSUM PA NI, MYU GU CHOS CAN, SLAR YANG SKYE BA DON MED PAR THAL, RANG GI RGYU'I DUS NA RDZOGS PAR GRUB ZIN PA'I PHYIR, ZHES PA LTA BU, BZHI PA NI, GZUGS PHUNG RANG BZHIN GYIS GRUB PAR THAL, TSOR PHUNG RANG BZHIN GYIS GRUB PA'I PHYIR, ZHE NA, TSOR PHUNG RANG BZHIN GYIS GRUB PA'I RTAGS KYIS GZUGS PHUNG RANG BZHIN GYIS GRUB PA BSGRUB MI NUS PAR THAL, SGRUB BYED TSOR PHUNG RANG BZHIN GYIS GRUB PA DANG, BSGRUB BYA GZUGS PHUNG RANG BZHIN GYIS GRUB PA GNYIS BSGRUB DKA' SLA MTSUNGS PA'I PHYIR, ZHES PA LTA BU, GNYIS PA, GTAN TSIGS KYI DBANG DU BYAS PA LA DU MA YOD DE, CHOS RNAMS KYI NGO BO LA DPYOD BA GCIG DU BRAL GYI GTAN TSIGS, RGYU LA DPYOD PA RDO RJE GZEGS MA'I GTAN TSIGS, 'BRAS BU LA DPYOD PA YOD MED SKYE 'GOG GI GTAN TSIGS, RGYU 'BRAS GNYIS KA LA DPYOD PA MU BZHI'I SKYE 'GOG GI GTAN TSIGS, RIGS PA'I RGYAL PO RTEN 'BREL GYI GTAN TSIGS RNAMS SU YOD PA'I PHYIR, DE RNAMS KYI NANG NAS 'PHAGS PA YAB SRAS KYIS GTZO BOR RDO RJE GZEGS MA'I GTAN TSIGS KYI SGO NAS BDEN MED GTAN LA 'BEBS PAR MDZAD PA YIN TE, RTZA SHE'I RAB BYED DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES DANG, 'DIR YANG, DE NYID DE LAS 'BYUNG MIN GZHAN DAG LAS LTA GA LA ZHIG ,CES GSUNGS, BDAG LAS MA YIN, ZHES SOGS KYIS KYANG MTHA' BZHI LAS SKYE BA MED PA'I DAM BCA' TZAM ZHIG BSTAN PA YIN GYI MTHA' BZHI LAS MI SKYE BRTAGS SU BKOD NAS DNGOS PO RNAMS RANG BZHIN GYIS SKYE BA MED PAR SGRUB PA'I RTAGS YANG DAG @92A *, ,BSTAN PA MA YIN TE, RANG 'GREL LAS, 'DIR MA YIN ZHES BYA BA 'DI YOD PA NYID KYI SGRUB BYED RANG LAS SKYE BA DANG 'BREL GYI, ,YOD PA DANG NI MA YIN TE, DE DGAG PA DON GYIS 'GRUB PA'I PHYIR RO, ,ZHES GSUNGS PA'I PHYIR, 'O NA, MTHA' BZHI LAS SKYE BA 'GOG PA'I RIGS PA GANG ZHE NA, 'DI LA BDAG SKYE DGAG PA, GZHAN SKYE DGAG PA, GNYIS KA LAS SKYE BA DGAG PA, RGYU MED LAS SKYE BA DGAG PA'O, ,DANG PO LA, SLOB DPON SANGS RGYAS BSKYANGS KYIS 'GREL PAR BDAG SKYE 'GOG PA'I RIGS PA JI LTAR BYUNG TSUL, DE LA LEGS LDAN 'BYED KYIS SKYON RJOD TSUL, SKYON DE SANGS RGYAS BSKYANGS LA MI 'JUG PA'I TSUL, LEGS LDAN 'BYED RANG NYID KYIS BDAG SKYE 'GOG PA'I 'KREL BA LA SKYON 'JUG PAR BSTAN PA'O, ,DANG PO NI, BU DDHA B'A LI TA LAS, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR PA'I PHYIR RO, ,DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO, ,ZHES GSUNGS, 'DI'I DON LA, GZHAN LUGS DGAG PA, RANG LUGS BZHAG PA GNYIS, DANG PO NI, MKHAS PA KHA CIG ,MYU GU CHOS CAN, SLAR YANG SKYE BA DON MED PAR THAL, RANG GI RGYU'I DUS NA GRUB ZIN PA'I PHYIR, RTAGS GRANGS CAN LA KHAS, MA KHYAB NA, DE CHOS CAN, THUG MED DU SKYE BAR THAL, RANG GI RGYU'I DUS NA GRUB ZIN KYANG SLAR YANG SKYE DGOS PA'I PHYIR, ZHES PA 'GREL NGAG 'DI'I DNGOS BSTAN GYI THAL 'GYUR YIN, DE YANG BSDU NA, MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA 'GREL NGAG 'DI'I DNGOS BSTAN GYI BDAG SKYE 'GOG PA'I THAL 'GYUR YIN, ZHES GSUNGS, DE MI 'THAD DE, MYU GU CHOS CAN, SLAR YANG SKYE BA DON MED PAR THAL, RANG GI RGYU'I DUS NA GRUB ZIN PA'I PHYIR, ZHES PA'I THAL 'GYUR 'DI CHOS CAN, KHYOD KYI RTAGS THA SNYAD DU YOD PAR THAL, KHYOD DNGOS PO BDAG GI BDAG NYID DU YOD PA @92B RNAMS LA NI YANG SKYE BA LA DGOS PA MED DO, ,ZHES PA'I RGYAS BSHAD KYI 'GREL NGAG DANG PO'I SKABS NAS DNGOS SU BSTAN PA'I BDAG SKYE 'GOG PA'I THAL 'GYUR YIN PA'I PHYIR, KHYAB STE, DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS PA MED DO, ,ZHES PA'I 'GREL NGAG 'DIS BDAG SKYE 'GOG PA'I GZHAN GRAGS KYI GTAN TSIGS YANG DAG CIG BSTAN PA'I PHYIR TE, TSIG GSAL LAS, DE LA RANG GI BDAG NYID DU YOD PA ZHES BYA BA 'DIS NI GTAN TSIG 'DZIN PA YIN NO, ,ZHES GSUNGS PA'I PHYIR, GONG DU 'DOD NA, MYU GU CHOS CAN, BDAG LAS SKYE BAR THAL, RANG GI RGYU'I DUS NA GRUB ZIN PA'I PHYIR, RTAGS KHAS, DON BSDU NA, DNGOS PO BDAG GI BDAG NYID DU YOD PA RNAMS LA NI YANG SKYE BA DGOS PA MED DO, ,ZHES PA'I BDAG GI BDAG NYID DU YOD PA'I DON DE BDAG SKYE LA BYED RIGS PAR THAL, MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA'I THAL 'GYUR 'DI SKABS 'DI'I SANGS RGYAS BSKYANGS KYI 'GREL NGAG GI DNGOS BSTAN GYI THAL 'GYUR YIN PA'I PHYIR, RTAGS KHAS, 'DOD NA, DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS PA MED DO, ,ZHES PA'I 'GREL NGAG 'DIS BDAG SKYE 'GOG PA'I GZHAN GRAGS KYI RTAGS YANG DAG MA BSTAN PAR THAL, 'DOD PA'I PHYIR, 'DOD NA, TSIG GSAL DANG 'GAL LO, ,YANG MKHAS PA KHA CIG ,MYU GU CHOS CAN, SA BON LAS SLAR YANG SKYE BA DON MED PAR THAL, SA BON GYI DUS NA GRUB ZIN PA'I PHYIR, MA KHYAB NA, MYU GU CHOS CAN, SA BON LAS THUG MED DU SKYE BAR THAL, SA BON GYI DUS NA GRUB ZIN KYANG SLAR YANG SA BON LAS SKYE DGOS PA'I PHYIR, ZHES PA 'GREL NGAG 'DI'I DNGOS BSTAN GYI THAL 'GYUR YIN GSUNG BA YANG MI 'THAD DE, RGYAS BSHAD KYI 'GREL NGAG DANG PO DE'I SKABS NAS DNGOS SU BSTAN PA'I BDAG SKYE 'GOG PA'I THAL 'GYUR YIN NA RANG GI RTAGS TSAD MAS GRUB PA CIG DGOS PA GANG ZHIG MYU GU CHOS CAN, @93A *, ,SA BON LAS SLAR YANG SKYE BA DON MED PAR THAL, SA BON GYI DUS NA GRUB ZIN PA'I PHYIR, ZHES PA'I THAL 'GYUR GYI RTAGS TSAD MAS MA GRUB PA'I PHYIR, ` RANG LUGS LA, SANGS RGYAS BSKYANGS KYI 'GREL NGAG DE'I DON, GRANGS CAN NA RE, DNGOS PO RANG GI RGYU'I DUS NA MED PA SKYE BA MI 'THAD PAS 'BRAS BU THAMS CAD RANG RANG GI RGYU'I BDAG NYID DU MNGON PAR MI GSAL BA'I TSUL GYIS YOD LA, 'BRAS BU DE MNGON PAR GSAL BA'I TSUL GYIS GRUB PA LA SKYES PA ZHES THA SNYAD DU BYA ZHING , GSAL ZIN PA DE NYID SLAR YANG SKYE DGOS PA MA YIN NO, ,ZHES ZER, DE SNGAR GYI 'GREL NGAG DES 'GOG TSUL NI, MYU GU CHOS CAN, SLAR YANG SKYE BA DON MED PAR THAL, RANG GI BDAG NYID DU GRUB ZIN PA'I PHYIR, MA KHYAB NA, KHYOD THUG MED DU SLAR YANG SKYE BAR THAL, RANG GI BDAG NYID DU GRUB ZIN KYANG SLAR YANG SKYE DGOS PA'I PHYIR, DON BSDU NA, MYU GU CHOS CAN, SLAR YANG SKYE BA DON MED PAR THAL, YOD PA'I PHYIR, MA KHYAB NA, DE CHOS CAN, THUG MED DU SKYE BAR THAL, YOD KYANG SLAR YANG SKYE DGOS PA'I PHYIR, DE LTAR YANG RTZA SHE'I t'IK CHEN LAS, YANG SKYE BA DON YOD PA DANG YOD PA GNYIS 'GAL BA BRJOD PA'I THAL 'GYUR GYIS BDAG SKYE DGAG NUS LA MI NUS NA RANG RGYUD BKOD KYANG MI NUS PAS RANG RGYUD KYI DPE RTAGS BRJOD MI DGOS PA DANG, ZHES SOGS GSUNGS, SLOB DPON LEGS LDAN 'BYED KYIS SLOB DPON SANGS RGYAS BSKYANGS KYI 'GREL NGAG DES THAL 'GYUR BSHAD MA THAG PA DE BSTAN PA MA DGONGS PAR, MYU GU CHOS CAN, SKYE BA DON MED DANG THUG MED YIN PAR THAL, BDAG LAS SKYES PA'I PHYIR, ZHES PA'I THAL 'GYUR BSTAN PAR DGONGS NAS 'OG NAS BSHAD PA'I SKYON RJOD MDZAD PA YIN TE, RTZA SHE'I t'IK CHEN LAS, LEGS LDAN GYIS KYANG SLAR YANG SKYE BA DON MED DANG THUG MED DU THAL BA 'PHANGS PA MA DGONGS PAR SPYIR SKYE BA DON MED DANG THUG MED DU THAL BA 'PHANGS PAR BZUNG NAS BZLOG DON KHAS @93B LEN DGOS ZHES SMRAS PAR BSTAN TO, ,ZHES GSUNGS, ` GNYIS PA DE LA SLOB DPON LEGS LDAN 'BYED KYIS SKYON RJOD TSUL NI, SHES RAB SGRON ME LAS, DE LA GZHAN NI, DNGOS PO BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,ZHES RNAM PAR BSHAD PAR BYED DO, ,DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,GLAGS YOD PA'I TSIG YIN PA'I YANG PHYIR TE, SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS, DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR, MDZAD PA'I MTHA' DANG 'GAL BAR 'GYUR RO, , ZHES GSUNGS, 'DI'I DON LA RANG LUGS BZHAG PA DANG, GZHAN GYI LUNG DON 'CHAD TSUL DGAG PA GNYIS, DANG PO NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL NGAG DE MI RIGS TE, 'GREL NGAG DES BDAG SKYE 'GOG NUS KYI GTAN TSIGS DANG DPE YANG DAG MA BRJOD PA'I PHYIR DANG, GRANGS CAN GYIS BDAG LAS MI SKYE ZHES PA'I DON 'BRAS BU GSAL BA'I BDAG NYID LAS MI SKYE ZHES PA YIN NA, GRUB ZIN SGRUB PAR 'GYUR LA, RGYU MI GSAL BA NUS PA'I BDAG NYID LAS MI SKYE ZHES PA YIN NA KHYAB PA 'GAL BAR 'GYUR RO, ,ZHES DAM BCA' LA BRTAGS NAS SKYON RJOD PA MA BSAL BA'I PHYIR, GZHAN YANG, 'GREL NGAG DE MI RIGS TE, DE LA RGOL BA GZHAN GYI KLAN KA'I GLAGS YOD PA'I PHYIR, GLAGS JI LTAR YOD NA, SKABS KYI DON 'GREL NGAG DE'I DNGOS ZIN LAS BZLOG DGOS PAS GLAGS YOD PAR 'GYUR TE, BSGRUB PAR BYA BA DE SGRUB PA'I CHOS 'GREL NGAG DE'I DNGOS ZIN GYI RTAGS BZLOG PA'I DON MNGON PAS SKYE BA DON BCAS DANG THUG BCAS DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG TU 'GYUR BA DANG, BSGRUB PAR BYA BA BZLOG PA'I DON MNGON @94A *, ,PAS DNGOS PO RNAMS BDAG LAS SKYE BA MED CES PA'I DAM BCA'I TSIG GIS DNGOS PO RNAMS GZHAN LAS SKYE BA SHUGS LA 'PHANGS PA'I SGO NAS MA YIN DGAG SKABS 'DI'I BSGRUB BYAR 'GYUR BAS MGON PO KLU SGRUB KYI GRUB MTHA' DANG 'GAL BA'I PHYIR, DNGOS ZIN GYI RTAGS ZLOG DGOS TSUL NI, 'GREL NGAG DE'I DNGOS ZIN GYI SKYE BA DON MED DANG THUG MED DNGOS PO RNAMS BDAG LAS MI SKYE BAR SGRUB PA'I RTAGS YANG DAG MA YIN TE, DNGOS PO RNAMS SKYE BA DON BCAS DANG THUG BCAS YIN PA'I PHYIR, BDAG LAS SKYE NA SKYE BA DON MED DANG THUG MED DU 'GYUR BA LAS SKYE BA DON BCAS DANG THUG BCAS YIN PA DE YANG DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG MA YIN TE, RTAGS DE'I PHYOGS CHOS GRUB PA'I TSE BSGRUB BYA YANG NGES PAR 'GRUB DGOS PA'I PHYIR, DES NA BZLOG DON SKYE BA DON BCAS DANG THUG BCAS DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG TU SANGS RGYAS BSKYANGS 'DOD PAR MNGON TE, MYU GU CHOS CAN, SKYE BA DON MED DANG THUG MED YIN PAR THAL, BDAG LAS SKYE BA'I PHYIR ZHES PA'I THAL 'GYUR 'DI 'GREL NGAG DE'I SKABS NAS DNGOS SU BSTAN PA'I BDAG SKYE 'GOG PA'I THAL 'GYUR GANG ZHIG THAL 'GYUR DES SGRUB BYED 'PHEN PA NI, 'GYUR BA'I PHYIR ZHES PA'I TSIG SNGA PHYI GNYIS KYI NUS PAS SHUGS LA 'PHANGS PA'I PHYIR, 'GROL NGAG 'DI'I DNGOS ZIN GYI DAM BCA' YANG BZLOG DGOS PAR THAL, 'DI'I DNGOS ZIN GYI RTAGS BZLOG DGOS PA GANG ZHIG, 'DI'I DNGOS ZIN GYI RTAGS BZLOG DGOS NA, 'DI'I DNGOS ZIN GYI DAM BCA' YANG BZLOG DGOS PA'I PHYIR, DE LTAR YANG RNAM BSHAD RIGS PA'I RGYA TSO LAS, DNGOS ZIN GYI RTAGS BZLOG DGOS NA DNGOS ZIN GYI DAM BCA' YANG BZLOG DGOS TE, MTSUNGS PA'I PHYIR RO, ,ZHES BSHAD, 'DOD NA, DNGOS PO RNAMS BDAG SKYE RNAM PAR BCAD TZAM MA YIN PA DE, DNGOS PO @94B RNAMS BDAG LAS SKYE BA MED PAR SGRUB PA'I DNGOS ZIN GYI SGRUB BYA BZLOG PA'I DON YIN PAR THAL, 'DOD PA GANG ZHIG, DNGOS PO RNAMS BDAG LAS SKYE BA NI DNGOS ZIN GYI BSGRUB BYA BZLOG PA'I DON MA YIN PA'I PHYIR, DE LTAR YANG RTZA SHE'I t'IK CHEN LAS, DE LA RTAGS BZLOG PA LTAR BYAR MED PAS BDAG SKYE RNAM PAR BCAD TZAM MIN PA BZLOG PA'I DON NO, ,ZHES GSUNGS, 'DOD NA, DNGOS PO RNAMS BDAG LAS SKYE BA MED CES PA'I DAM BCA'I TSIG 'DIS, DNGOS PO RNAMS BDAG SKYE RNAM PAR BCAD TZAM MA YIN PA'I SKYE BA DE DNGOS PO RNAMS BDAG LAS MI SKYE BAR SGRUB PA'I BSGRUB BYAR 'PHANGS PA'I SGO NAS, DNGOS PO RNAMS GZHAN LAS SKYE BA SHUGS LA 'PHANGS PAR THAL LO, ,'DOD NA, 'PHAGS PA KLU SGRUB KYIS DNGOS PO RNAMS BDAG LAS SKYE BA MED PAR SGRUB PA'I BSGRUB BYA MED DGAG TU BSHAD PA DANG 'GAL LO, ,DE LTAR YANG SHES RAB SGRON ME LAS, BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, DGAG PA GTZO CHE BA'I PHYIR, MA YIN PAR DGAG PA YONGS SU BZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO, ,ZHES SGRUB PAS SKYE BA MED PA STON PA'I PHYIR, MDZAD PA'I MTHA' DANG BRAL BAR 'GYUR TE, LUNG LAS, GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO, ,ZHES 'BYUNG BA'I PHYIR RO, ,'DIR DNGOS PO RNAMS BAR BYA'O, ,GZHAN DU NGES PAR BZUNG NA, BDAG KHO NA LAS SKYE BAR BYA'O, ,GZHAN DU NGES PAR BZUNG NA, BDAG KHO NA LAS SKYE BA MED DE, 'O NA CI ZHE NA, GZHAN LAS SKYE'O ZHES BYA BAR NGES PAR 'GYUR PA DANG, DE BZHIN DU BDAG KHO NA LAS SKYE BA MED DE, 'O NA CI ZHE NA, BDAG DANG GZHAN LAS SKYE'O, ,ZHES BYA BAR NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO, ,ZHES DANG, 'GREL BSHAD SPYAN RAS GZIGS KYI BRTUL ZHUGS LAS, DNGOS PO RNAMS BDAG LAS SKYE BA MED DO, ,ZHES MED @95A *, ,PAR DGAG PA'I DON DU BLTA BAR BYA'I, BDAG LAS MA SKYES PA YOD DO ZHES MA YIN PAR DGAG PA'I DON DU NI BA LTA BAR MI BYA'O, ,ZHES, BDAG LAS MA YIN, ZHES SOGS BDAG SKYE MED PA'I DAM BCA' DANG, DE'I SGRUB BYED 'GOD PA'I SKABS THAMS CAD DU BSGRUB BYA MED DGAG KHO NA YIN GYI MA YIN DGAG BSGRUB BYAR BYAS NA MDZAD PA'I MTHA' DANG BRAL TSUL GSUNGS PA 'DI DANG, LEGS LDAN 'BYED KYI SANGS RGYAS BSKYANG 'GOG PA'I SKABS SU BSGRUB PAR BYA BA DANG DE'I CHOS BZLOG PA'I DON MNGON PAS MDZAD PA'I MTHA' DANG BRAL TSUL GSUNGS PA GNYIS, SKYON BRJOD MDZAD TSUL SHIN DU 'DRA BA'I PHYIR RO, ,DE LTAR YANG RNAM BSHAD RIGS PA'I RGYA MTSO LAS, DE'I CHE SKYE BA DON DANG THUG BCAS YIN PA'I PHYIR DNGOS PO RNAMS BDAG SKYE RNAM PAR BCAD TZAM MA YIN NO, ,ZHES PAS GZHAN LAS SKYE BAR 'GYUR RO, ,DE LTA NA BDAG LAS MA YIN, ZHES PA'I DON BDAG SKYE RNAM PAR BCAD TZAM YIN PA'I GRUB MTHA' DANG 'GAL LO, ,ZHES GSUNGS, 'O NA, DNGOS ZIN GYI RTAGS BZLOG DGOS NA, DNGOS ZIN GYI DAM BCA' BZLOG DGOS TE, MTSUNGS PA'I PHYIR RO, ,ZHES GSUNGS NA; DE GNYIS MTSUNGS TSUL GANG YIN ZHE NA, 'DI'I DON STONG 'THUN SKAL BZANG MIG 'GYED LAS BSHAD PA DE LEGS PAR BSHAD PA NYID DU KHO BO KHO NAS MTHONG BAS STONG 'THUN CHEN MO'I LUGS BZHIN DU BSHAD PAR BYA'O, ,DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ,ZHES PA'I 'GREL NGAG 'DI'I DNGOS ZIN GYI RTAGS BZLOG DGOS PA DANG 'GREL NGAG 'DI'I DNGOS ZIN GYI BSGRUB BYA BZLOG DGOS PA RGYU MTSAN MTSUNGS PAR STON PA MA YIN TE, SKYE BA DON MED DANG THUG MED DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG YIN PA LA SKYON 'BYUNG BA DANG, DNGOS PO RNAMS BDAG LAS SKYE BA MED PA BSGRUB BYAR BYAS PA LA SKYON YOD PA GNYIS MTSUNGS PAR DOGS PA'I GNAS TZAM YANG MED PA'I PHYIR @95B DANG; 'GREL NGAG 'DI'I DNGOS ZIN GYI BSGRUB BYA'I BZLOG DON BSGRUB BYA YANG DAG YIN PAR THAL, 'DI'I DNGOS ZIN GYI RTAGS KYI BZLOG DON RTAGS YANG DAG YIN PA'I PHYIR, ZHES KHYAB 'BREL MED BZHIN DU NAN GYIS 'PHUL BA YANG MA YIN TE, SKABS 'DIR DE LTAR 'PHEN PA LA 'BREL KHYAD PAR CAN YOD PA'I PHYIR, 'BREL YOD TSUL GANG YIN ZHE NA, DE'I TSUL NI DNGOS PO RNAMS GZHAN LAS SKYE BA DNGOS PO RNAMS BDAG LAS MI SKYE BAR SGRUB PA'I BSGRUB BYA YANG DAG YIN PAR THAL, DNGOS PO RNAMS CHOS CAN, BDAG LAS MI SKYE STE, SKYE BA DON BCAS DANG THUG BCAS YIN PA'I PHYIR, ZHES PA'I SBYOR NGAG 'DI DNGOS PO RNAMS BDAG LAS SKYE BA MED PAR SGRUB PA'I SBYOR NGAG RNAM DAG GANG ZHIG, SBYOR NGAG DES DNGOS PO RNAMS GZHAN LAS SKYE BA BSGRUB BYA YANG DAG TU 'PHANGS PA'I PHYIR, RTAGS DANG PO SANGS RGYAS BSKYANGS LA DNGOS, GNYIS PA DER THAL, SBYOR NGAG DES DNGOS PO RNAMS GZHAN LAS SKYE BA SHUGS LA 'PHANGS PA'I PHYIR, DER THAL, SBYOR NGAG DES DNGOS PO RNAMS SKYE BAR NI DNGOS SU BSTAN, DNGOS PO RNAMS BDAG LAS SKYE BA DNGOS SU BKAG PA GANG ZHIG, SKYE BA LA BDAG SKYE DANG GZHAN SKYE GNYIS SU KHA TSON CHOD PA'I PHYIR, DPER NA, LHAS SBYIN TSON PO NYIN PAR ZAS MI ZA ZHES PA'I NGAG GIS LHAS SBYIN TSON PO MTSAN MO ZAS ZA BA SHUGS LA 'PHEN PA BZHIN NO, ,DES NA SLOB DPON LEGS LDAN 'GYED KYI THUGS LA 'DI LTA BU'I 'KHRUL GZHI ZHIG BYUNG BA YIN GYI, SANGS RGYAS BSKYANGS LA DON LA 'JUG PA'I SKYON RJOD GCIG GA LA YOD, LAR GSHIN RJE CHOS KYI RGYAL PO SOGS, ,RJE RGYAL BA GNYIS PA'I BSTAN SRUNG GIS, ,MI KHYOD LAS MKHAS MCHOG GZHAN MED CES, ,LAN DU MAR BSNGAGS PA'I PAndI TA, ,KHYED MKHAS GRUB DGE LEGS DPAL BZANG GIS, ,KHONG RANG RGYUD MKHAN PO'I LUGS BSKYAR BA, ,DE KHO NA KHONG GIS BZHED PA YIN, ,GZHAN 'BREL MED KYI BSHAD PAS BDAG MI MGU, ,ZHES PA NI PAR SKABS KYI TSIGS SU BCAD PA'O,, ,, @96A *, , ` RTZA SHE'I t'IK CHEN DANG STONG 'THUN CHEN PO LAS LEGS LDAN 'BYED KYI 'DOD PA RJOD TSUL LA, KHA CIG, LEGS LDAN 'BYED KYIS SANGS RGYAS BSKYANGS KYI 'GREL DAG DE LA BDAG SKYE 'GOG PA'I GTAN TSIGS DANG DPE MA BRJOD CES PA'I SGO NAS SKYON BRJOD PA MA YIN PAR THAL, SLOB DPON LEGS LDAN 'BYED DES SANGS RGYAS BSKYANGS KYI 'GREL NGAG DES BDAG SKYE 'GOG PA'I RTAGS YANG DAG BSTAN PAR 'DOD PA'I PHYIR, DER THAL, SLOB DPON LEGS LDAN 'BYED KYIS SANGS RGYAS BSKYANGS KYI 'GREL NGAG DES SKYE BA DON BCAS DANG THUG BCAS DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG TU BSTAN PAR 'DOD PA'I PHYIR, RTAGS KHAS ZHE NA, 'DI LA RTZA SHE'I t'IK CHEN LAS, DE NI BDAG SKYE MED PA SGRUB NUS PA'I RTAGS MA BRJOD PA LA 'DOD PAS DE'I LUGS LA MI 'GAL LO, ,ZHES GSUNGS, DON NI SANGS RGYAS BSKYANGS KYI 'GREL DAG DE'I SKABS NAS DNGOS SU BSTAN PA'I BDAG SKYE 'GOG PA'I GTAN TSIGS YIN NA BDAG SKYE 'GOG NUS KYI GTAN TSIGS MIN DGOS ZHES PA, LEGS LDAN 'BYED KYI BZHED PA YIN ZHES PA'I DON YIN TE, ZHIB TU DAG LAS RTOGS PAR BYA'O, ,YANG KHO NA RE, SKYE BA DON BCAS DANG THUG BCAS DNGOS PO RNAMS BDAG LAS SKYE BA MED PAR SGRUB PA'I RTAGS YANG DAG YIN PAR SLOB DPON LEGS LDAN 'BYED KYIS KHAS LEN PAR THAL, DE DE SGRUB KYI RTAGS YANG DAG TU SANGS RGYAS BSKYANGS KYIS KHAS LEN PA GANG ZHIG ,RGYU MTSAN MTSUNGS PA'I PHYIR, DANG PO DER THAL, DE DE SGRUB KYI RTAGS YANG DAG YIN PA'I PHYIR ZER NA, MANG PO ZHIG LA 'DIS 'KHRUL GZHI BYAS NAS, RTZA SHE'I t'IK CHEN GYI THAL BA BZLOG LUGS MI BDE SNYAM PA'I LOG RTOG SHAR 'DUG PA DE KHO BOS RTZA BA NAS DBYUNG BAR BYA'O, ,SKYE BA DON BCAS DANG THUG BCAS DE MYU GU RANG GI RGYU'I DUS NA MED PAR SGRUB PA'I RTAGS YANG DAG YIN PAR THAL, DE MYU GU BDAG LAS MI SKYE BAR SGRUB PA'I RTAGS YANG DAG YIN PA'I PHYIR, RTAGS KHAS, @96B 'DOD MI NUS TE, MYU GU SKYE BA DON BCAS DANG THUG BCAS SU TSAD MAS GRUB PA'I GANG ZAG YIN NA, MYU GU RANG GI RGYU'I DUS NA MED PAR TSAD MAS GRUB PA'I GANG ZAG YIN DGOS PA'I PHYIR TE, MYU GU SKYE BAR TSAD MAS GRUB PA'I GANG ZAG YIN NA MYU GU RANG GI RGYU'I DUS NA MED PAR TSAD MAS GRUB PA'I GANG ZAG YIN DGOS PA'I PHYIR, DER THAL, DE YIN NA MYU GU RANG RGYU LAS SNGAR MED GSAR SKYES SU TSAD MAS GRUB PA'I GANG ZAG YIN DGOS PA'I PHYIR, RTAGS 'BUD, GZHAN YANG, SKYE BA DON BCAS DANG THUG BCAS DE MYU GU RGYU MED LAS MI SKYE BAR SGRUB PA'I RTAGS YANG DAG YIN PAR THAL, DE MYU GU BDAG LAS MI SKYE BAR SGRUB PA'I RTAGS YANG DAG YIN PA'I PHYIR, 'DOD MI NUS TE, MYU GU SKYE BAR TSAD MES GRUB PA'I GANG ZAG YIN NA MYU GU RGYU MED LAS MI SKYE BAR TSAD MAS GRUB PA'I GANG ZAG YIN DGOS PA'I PHYIR TE, DE YIN NA MYU GU RANG RGYU LAS SKYE BAR CHAD MAS GRUB PA'I GANG ZAG YIN DGOS PA'I PHYIR, LAN MED DO, ,YANG MKHAS PA KHA CIG ,SKABS 'DIR LEGS LDAN 'BYED KYIS SANGS RGYAS BSKYANGS 'GOG TSUL LA, GANG LA RTZOD PA'I YUL, JI LTAR RTZOD PA'I TSUL GNYIS, DANG PO NI, SLOB DPON SANGS RGYAS BSKYANGS KYI 'GREL PAR DNGOS PO RNAMS BDAG LAS SKYE BA MED DE, ZHES PA NAS, NAM YANG MI SKYE BAR MI 'GYUR RO, ,ZHES PA'I BAR LA RTZOD, GNYIS PA NI, SHES RAB SGRON MA LAS, DE NI RIGS PA MA YIN TE ZHES PA NAS, MDZAD PA'I MTHA' DANG BRAL BAR 'GYUR RO, ,ZHES PA'I BAR GYIS 'CHAD, DON NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL DAG DE MI RIGS TE, RANG RGYUD KYI DBANG DU BYAS NAS BDAG SKYE 'GOG PAR BYED DAM, THAL 'GYUR GYI DBANG DU BYAS NAS BDAG SKYE 'GOG PAR BYED, DANG PO LTAR NA MI RIGS TE, 'GREL NGAG DES BDAG SKYE 'GOG PA'I RANG RGYUD KYI GTAN TSIGS DANG DPE MA BRJOD PA'I PHYIR DANG DAM BCA' LA GZHAN GYIS SMRAS PA'I NYES PA MA BSAL BA'I PHYIR, GNYIS PA LTAR NA DE 'GOG PA LA SHES RAB SGRON MAR, GLAGS YOD PA'I TSIG YIN PA'I YANG PHYIR @97A *, ,ZHES 'BYUNG YANG, TSIG GSAL LAS, THAL BAR 'GYUR BA'I TSIG YIN PA'I PHYIR ZHES 'BYUNG BAS, DE'I DON NI, SGRUB BYED MI 'PHEN PA'I THAL 'GYUR GYIS 'GOG MI NUS PAS THAL 'GYUR GYIS SGRUB BYED 'PHEN DGOS LA, DE LTAR NA SGRUB BYED 'PHEN PA'I THAL BAR 'GYUR BA'I TSIG YIN PA'I PHYIR, SBYOR BA'I SKABS KYI DON LAS BZLOG PAS BDAG SKYE MED PA BSGRUB BYA DANG, THAL 'GYUR GYI CHOS BZLOG PA'I DON MNGON PAS SLAR YANG SKYE BA DON BCAS DANG THUG BCAS RTAGS SU 'GYUR LA, DE LTAR NA SLOB DPON GYIS SLAR YANG SKYE BA DON BCAS DANG THUG BCAS MI BZHED PA DANG 'GAL, ZHES RTZOD, DE'I TSUL NI, MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA'I THAL 'GYUR 'DI SGRUB BYED 'PHEN PA'I THAL 'GYUR YANG DAG YIN PAR THAL, DE 'DRA'I THAL 'GYUR DE SANGS RGYAS BSKYANGS KYI 'GREL NGAG DE'I SKABS NAS DNGOS SU BSTAN PA'I BDAG SKYE 'GOG PA'I THAL 'GYUR GANG ZHIG ,'GREL NGAG DES BDAG SKYE 'GOG PA'I SGRUB BYED 'PHEN PA'I THAL 'GYUR CIG BSTAN PA'I PHYIR, 'DOD NA, SLAR YANG SKYE BA DON BCAS DANG THUG BCAS DE MYU GU BDAG LAS MI SKYE BAR SGRUB PA'I RTAGS YANG DAG YIN PAR THAL, 'DOD PA'I PHYIR, 'DOD NA, SLOB DPON KLU SGRUB KYIS SLAR YANG SKYE BA DON BCAS DANG THUG BCAS MI BZHED PA DANG 'GAL LO, ,GZHAN RNAMS DE LTAR YIN MOD, GZHAN SKYE 'PHEN TSUL JI LTA BU ZHE NA, DE'I TSUL NI, SLAR YANG SKYE BA DON BCAS DANG THUG BCAS MYU GU BDAG LAS MI SKYE BAR SGRUB PA'I RTAGS YANG DAG YIN NA, MYU GU CHOS CAN, GZHAN LAS SKYE BAR THAL, BDAG LAS NI MI SKYE, SLAR YANG SKYE BA DON BCAS DANG THUG BCAS YIN PA'I PHYIR, 'DOD NA, SLOB DPON GYI GRUB MTHA' DANG 'GAL ZHES PA'I DON YIN, SLOB DPON LEGS LDAN 'BYED KYIS SLAR YANG GI DON DGONGS TE, DE MA DGONGS NA, TSIG GSAL LAS, THAL BAR 'GYUR BA ZLOG PA'I DON DANG YANG PHA ROL PO NYID 'BREL BA YIN GYI, KHO BO CAG NI MA YIN TE, @97B RANG LA DAM BCA' BA MED PA'I PHYIR, ZHES SANGS RGYAS BSKYANGS KYI 'GREL NGAG DES BSTAN PA'I THAL 'GYUR GYI THAL CHOS BZLOG PA'I DON SLAR YANG SKYE BA DON BCAS DANG THUG BCAS GRANGS CAN GYIS KHAS BLANGS KYI KHO BO CAG GIS KHAS MA BLANGS PA'I PHYIR, ZHES LAN BTAB PA 'BREL MED DU 'GYUR BA'I PHYIR, GTAN TSIGS KYI DBANG DU BYAS PA'I RTAGS CHOS BZLOG PA LA 'CHAD MI RIGS TE, DE LTA BU DE BZLOG KHYAB KYI BZLOG TSUL MA YIN PA'I PHYIR, DNGOS ZIN GYI RTAGS BZLOG NA DNGOS ZIN GYI BSGRUB BYA BZLOG PA YANG MI 'THAD DE, RTAGS CHOS SO SOR BZLOG PA'I PHYIR, SLOB DPON LEGS LDAN 'BYED RGOL BA SHIN TU MKHAS PA YIN PAS KHYED KYI BSHAD PA DE LTA BU'I RTZOD PA HA CANG THAL BA NAN GYIS 'PHUL NAS RTZOD PAR MI BYED DAM SNYAM MO, ,ZHES GSUNG, 'DI LA STONG 'THUN SKAL BZANG MIG 'BYED LAS, BZLOG TSUL DE 'DRA CHES MI 'THAD DE, ,SLAR YANG SKYE BA DON BCAS DANG THUG BCAS MYU GU BDAG LAS MI SKYE BAR SGRUB PA'I RTAGS YANG DAG TU KHAS LEN NA RTAGS DE'I PHYOGS CHOS TSAD MAS MA GRUB LA KHYAB PA 'GAL KHYAB RANG DU SONG 'DUG CING, GTAN TSIGS KYI SKYON LA DE 'DRA LAS CHE BA CI ZHIG YOD, DE LTA NA YANG SKYON DE DAG BRJOD RGYU GCIG KYANG MA RNYED PAR SLOB DPON SLAR YANG SKYE BA DON BCAS DANG, THUG BCAS MI BZHED PA'I GRUB MTHA' DANG 'GAL ZHES PA TZAM ZHIG ZER DGOS PA BYUNG BAS LEGS LDAN 'BYED LTA BU'I {PAndI} TA CHEN PO DE BAS KYANG SHIN TU YA MTSAN CHE'O, ,ZHES GSUNGS, GZHAN YANG, GZHAN SKYE 'PHEN TSUL DE CHES MI 'THAD DE, SLOB DPON LEGS LDAN 'BYED RANG NYID GZHAN SKYE YOD PA KLU SGRUB KYI DGONGS PAR KHAS LEN PAS GZHAN SKYE KHAS LEN NA KLU SGRUB KYI GRUB MTHA' DANG 'GAL ZHES PA'I SKYON RJOD 'ONG DON MED PA'I PHYIR DANG, SLAR YANG SKYE BA DON BCAS DANG THUG BCAS KYI RTAGS KYIS GZHAN LAS SKYE BAR 'PHUL BA RIGS PA SMRA BA RNAMS KYI LUGS MA YIN PAS LEGS LDAN 'BYED LTA BU'I MKHAS PAS THAL 'GYUR LTAR SNANG DE 'DRA 'PHEN PA CHES SHIN TU MI RIGS PA'I PHYIR, GZHAN YANG, @098A *, ,SLOB DPON LEGS LDAN 'BYED KYIS SLOB DPON SANGS RGYAS BSKYANGS LA SKABS 'DIR DNGOS PO RNAMS BDAG LAS SKYE BA MED DO ZHES PA'I DNGOS ZIN GYI BSGRUB BYA BZLOG PA'I SGO NAS SKYON BRJOD PA MA YIN PAR THAL, KHYED KYIS SHES RAB SGRON ME'I DON 'CHAD TSUL DE 'THAD PA'I PHYIR, 'DOD NA, SHES RAB SGRON MA LAS, SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS, DNGOS PO RNAMS GZHAN LAS SKYE BAR 'GYUR BA DANG ZHES PA SLOB DPON LEGS LDAN 'BYED KYI RANG GZHUNG MA YIN PAR THAL, 'DOD PA'I PHYIR, DE LTAR BYAS PA LA KHO NA RE, SKABS KYI DON LAS BZLOG PAS ZHES SOGS KYI DON NI, SKABS KYI DON MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR ZHES PA'I THAL 'GYUR GYI RTAGS BZLOG PAS MYU GU BDAG LAS SKYE BA MED PA BSGRUB BYA DANG, THAL 'GYUR DE'I THAL CHOS BZLOG PA'I DON MNGON PAS SLAR YANG SKYE BA DON BCAS DANG THUG BCAS RTAGS SU 'GYUR BAS SLOB DPON GYI GRUB MTHA' DANG 'GAL ZHES PA'I DON YIN ZHE NA, MI 'THAD DE BSGRUB PAR BYA BA BZLOG PAS ZHES GSUNGS PAS BDAG SKYE MED PA BZLOG DGOS PA LA, KHYED KYI BSHAD PA DE BDAG SKYE BZLOG TSUL YIN PA'I PHYIR, DES NA, BSHAD TSUL DE 'DRA LUNG DON DU 'CHAD PA BYUNG DOGS NAS, RTZA SHE'I RNAM BSHAD LAS, 'DI THAL CHOS KYI RTAGS BZLOG PA MIN TE BSGRUB PAR BYA BA BZLOG PAS ZHES BSHAD PA'I PHYIR DANG, BDAG SKYE MED PA RTAGS SU MA SMRAS PA'I PHYIR RO, ,ZHES GSUNGS PA YIN NO, ,MKHAS PA KHA CIG ,SKYON MED DE, SHES RAB SGRON MA'I DON NI, SKABS KYI DON LAS BZLOG PAS BSGRUB BYA GSAL BAR THON, DE'I CHOS BZLOG PAS RTAGS GSAL BAR THON, ZHES PA'I DON YIN PA'I PHYIR, ZHES GSUNG, DE YANG MI 'THAD DE SHES RAB SGRON MAR BSHAD PA BZHIN DU, 'GREL BSHAD SPYAN RAS GZIGS KYI BRTUL ZHUGS LAS, BSGRUB BYA @98B BZLOG TSUL LA GSAL BAR BSHAD PA'I PHYIR TE, 'GREL BSHAD LAS, BSGRUB PAR BYA BA ZHES BYA BA NI DNGOS PO RNAMS BDAG GI BDAG NYID LAS SKYE BA MED DE ZHES BSGRUB PAR BYA BA'O, ,DE BZLOG PA'I DON MNGON PAS ZHES BYA BA NI DNGOS PO RNAMS BDAG GI BDAG NYID LAS SKYE BA MED DE ZHES BYA BA LAS BZLOG PA'I DON DNGOS PO RNAMS GZHAN LAS SKYE BA ZHES BYA BA MNGON PAS SO, ,ZHES GSUNGS PA'I PHYIR, DE'I CHOS BZLOG PA'I DON MNGON PAS, ZHES PA YANG 'GREL DAG DE'I DNGOS ZIN GYI RTAGS BZLOG PA LA 'CHAD RIGS TE, 'GREL BSHAD SPYAN RAS GZIGS KYI BRTUL ZHUGS LAS, DE'I CHOS ZHES BYA BA NI BSGRUB PAR BYA BA DE'I CHOS TE, DNGOS PO RNAMS BDAG GI BDAG NYID LAS SKYE BA MED DE, ZHES BSGRUB PAR BYA BA DE'I PHYOGS KYI CHOS, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,ZHES BYA BA'O, ,DE BZLOG PA'I DON MNGON PAS ZHES BYA BA NI, DE DAG GI SKYE BA DON MED PA NYID DU 'GYUR BA'I PHYIR, ZHES BYA BA BZLOG PA'I DON SKYE BA 'BRAS BU DANG BCAS PA NYID DU 'GYUR BA'I PHYIR ZHES BYA BA DANG, SKYE BA THUG PA MED PAR 'GYUR BA'I PHYIR RO, ,ZHES BYA BA BZLOG PA'I DON SKYE BA THUG PA YOD PAR 'GYUR BA'I PHYIR RO ZHES BYA BA MNGON PAS SO, ,ZHES PA SHES RAB SGRON ME'I DGONGS PA YIN PA'I PHYIR, DNGOS ZIN GYI RTAGS BZLOG NA DNGOS ZIN GYI BSGRUB BYA BZLOG DGOS PA MI 'THAD DE, RTAGS CHOS SO SOR BZLOG PA'I PHYIR, ZHES RJOD PA'I SKYON MI 'JUG STE, SPYIR DNGOS ZIN GYI RTAGS BZLOG NA DNGOS ZIN GYI BSGRUB BYA BZLOG MI DGOS KYANG SKABS 'DIR SANGS RGYAS BSKYABS KYI 'GREL NGAG 'DI'I DNGOS ZIN GYI RTAGS BZLOG DGOS NA DE'I DNGOS ZIN GYI BSGRUB BYA BZLOG DGOS PA LA 'GREL YOD TSUL GONG DU BSHAD ZIN PA'I PHYIR, TSIG GSAL LAS, THAL BAR 'GYUR BA BZLOG PA'I DON DANG YANG PHA ROL PO NYID 'BREL BA YIN GYI, KHO BO CAG NI MA YIN TE, ZHES SOGS KYIS LEGS LDAN 'BYED KYIS YANG SGRA'I DON @99A *, ,DGONGS PAR BSTAN PA MA YIN PAR THAL, DES LEGS LDAN 'BYED KYIS YANG SGRA'I DON MA DGONGS PAR BSTAN PA'I PHYIR, TSIG GSAL GYI DE'I DON NI, SANGS RGYAS BSKYANGS KYI 'BREL NGAG GIS BSTAN PA'I THAL 'GYUR GYI BZLOG DON KHAS BLANGS PA'I SGO NAS SANGS RGYAS BSKYANGS LA SKYON YOD PA MI 'THAD DE, MYU GU CHOS CAN, SKYE BA DON MED DANG THUG MED YIN PAR THAL, BDAG LAS SKYE BA'I PHYIR, ZHES PA 'GREL NGAG DE'I DNGOS ZIN GYI THAL 'GYUR MA YIN GYI, MYU GU CHOS CAN, SLAR YANG SKYE BA DON MED PAR THAL, YOD PA'I PHYIR, MA KHYAB NA, DE CHOS CAN, THUG MED DU SLAR YANG SKYE BAR THAL, YOD KYANG SLAR YANG SKYE DGOS PA'I PHYIR, ZHES PA'I THAL 'GYUR 'DI GNYIS YIN LA, THAL 'GYUR DE GNYIS KYI THAL CHOS BZLOG PA'I DON PHA ROL PO GRANGS CAN GYI KHAS BLANGS KYI KHO BO CAG GI DAM BCA' BA MED PA'I PHYIR, ZHES PA'I DON YIN PA'I PHYIR, SLAR YANG GI DON DGONGS NA, 'GREL DAG DES BSTAN PA'I THAL 'GYUR GYI THAL CHOS BZLOG PA'I DON SANGS RGYAS BSKYANGS KYIS KHAS MA BLANGS PAR LEGS LDAN 'BYED KYI NGOR SGRUB MI DGOS TE, SLAR YANG SKYE BA DON BCAS DANG THUG BCAS SANGS RGYAS BSKYANGS KYIS KHAS MA BLANGS PAR SLOB DPON LEGS LDAN 'BYED RANG NYID KYIS GRUB ZIN PA'I PHYIR, DE LTAR YANG RNAM BSHAD RIGS PA'I RGYA MTSO LAS, ZLA BAS THAL BA BZLOG PA'I DON DANG MA 'BREL BAR BSTAN PA 'DIS NI LEGS LDAN GYIS KYANG, SLAR YANG SKYE BA DON MED DANG THUG MED DU THAL BA 'PHANGS PA MA DGONGS PAR SPYIR SKYE BA DON MED DANG THUG MED DU THAL BA 'PHANGS PAR BZUNG NAS BZLOG DON KHAS LEN DGOS ZHES SMRAS PAR BSTAN TO, ,ZHES GSUNGS, RGYAS BSHAD KYI YANG SGRA'I DON LEGS LDAN 'BYED KYIS MA DGONGS PA'I SGRUB BYED 'OG TU YANG 'CHAD PAR 'GYUR RO, ,GZHAN YANG, KHYED KYI THAL BAR 'GYUR BA'I TSIG YIN PA'I PHYIR, ZHES PA SGRUB BYED 'PHEN PA'I THAL BAR 'GYUR BA'I TSIG YIN PA'I PHYIR, ZHES PA'I DON DU 'CHAD @99B MI RIGS PAR THAL, TSIG GSAL LAS, THAL PAR 'GYUR BA'I TSIG YIN PA'I PHYIR ZHES PA DANG, SHES RAB SGRON MAR GLAGS YOD PA'I TSIG YIN PA'I PHYIR, ZHES PA GNYIS 'GYUR KHYAD MA GTOGS DON GCIG PA'I PHYIR, MKHAS PA'I DBANG PO KHA CIG ,LEGS LDAN 'BYED KYIS SANGS RGYAS BSKYANGS LA SKYON BRJOD TSUL NI TSIG GSAL 'GYUR RNYING LTAR BSHAD NA BDE LA, DE YANG TSIG GSAL 'GYUR RNYING LAS, 'DI LA KHA CIG GIS, DE NI RIGS PA MA YIN TE, GTAN TSIG DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR DANG, THAL BAR 'GYUR BA'I TSIG YIN PA'I PHYIR, SKABS KYI DON LAS BZLOG PAS BZLOG PA'I BSGRUB BYA BA DANG, DE'I CHOS GSAL BA YIN PAS DNGOS PO RNAMS GZHAN LAS SKYE BAR 'GYUR LA SKYE BA 'BRAS BU DANG BCAS PA'I PHYIR DANG, SKYE BA LA THUG PA YOD PA DE'I PHYIR GRUB PA'I MTHA' DANG 'GAL BAR 'GYUR RO ZHES SUN 'BYIN PA 'DZER TO, ,ZHES 'BYUNG LA, DE'I DON NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL DAG DE MI RIGS TE, 'GREL DAG DES BDAG SKYE 'GOG PA'I GTAN TSIG DANG DPE YANG DAG MA BRJOD PA'I PHYIR DANG, DAM BCA' LA GRANGS CAN GYI SMRAS PA'I NYES PA MA BSAL BA'I PHYIR, DANG PO MA GRUB NA, MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR ZHES PA'I THAL 'GYUR 'DI SGRUB BYED 'PHEN PA'I THAL 'GYUR YANG DAG YIN PAR THAL, DE 'DRA'I THAL 'GYUR DE SANGS RGYAS BSKYANGS KYI 'GREL DAG DE'I SKABS NAS BSTAN PA'I BDAG SKYE 'GOG PA'I THAL 'GYUR GANG ZHIG ,'GREL DAG DES BDAG SKYE 'GOG PA'I RTAGS YANG DAG CIG BSTAN PA'I PHYIR, 'DOD NA, SLAR YANG SKYE BA DON BCAS DANG, THUG BCAS MYU GU BDAG LAS MI SKYE BAR SGRUB PA'I RTAGS YANG DAG YIN PAR THAL LO, ,'DOD NA, 'PHAGS PA KLU SGRUB SLAR YANG SKYE BA DON BCAS DANG THUG BCAS MI BZHED PA'I GRUB MTHA' DANG 'GAL LO, ,'O NA, GZHAN SKYE 'PHEN TSUL JI LTAR PHYIR RO SLAR YANG SKYE BA DON BCAS DANG THUG BCAS MYU GU BDAG LAS @100A *, ,MI SKYE BAR SGRUB PA'I RTAGS YANG DAG YIN NA MYU GU DE RANG GI RGYU'I DUS NA YOD DGOS LA, DE LTA NA MYU GU RANG GI RGYU'I DUS NA RANG RGYU DANG NGO BO GCIG TU YOD DAM, NGO BO THA DAD DU YOD, DANG PO LTAR NA BDAG SKYE MED PA DANG 'GAL, GNYIS PA LTAR NA, MYU GU CHOS CAN, DON DAM PAR SKYE BAR THAL, RANG GI RGYU'I DUS NA RANG RGYU DANG NGO BO THA DAD PA'I TSUL GYIS SKYE BA GANG ZHIG, THA SNYAD PA'I SKYE BA LA DE 'DRA'I SKYE TSUL MI 'THAD PA'I PHYIR, 'DOD NA, DON DAM PAR GZHAN LAS SKYE BAR THAL, 'DOD PA'I PHYIR, 'DOD NA, 'PHAGS PA KLU SGRUB KYIS DON DAM PAR GZHAN SKYE MI BZHED PA'I GRUB MTHA' DANG 'GAL LO, YANG MYU GU CHOS CAN, GZHAN LAS SKYE BAR THAL, BDAG LAS MI SKYE BA GANG ZHIG ,SLAR YANG SKYE BA DON BCAS DANG THUG BCAS YIN PA'I PHYIR, RTAGS KHAS, 'DOD NA, SANGS RGYAS BSKYANGS RANG NYID GZHAN SKYE MI BZHED PA'I GRUB MTHA' DANG 'GAL ZHES PA'I DON YIN, DES NA SKABS 'DIR SANGS RGYAS BSKYANGS KYI 'GREL DAG DE'I DNGOS ZIN GYI BSGRUB BYA BZLOG TSUL 'CHAD MI RIGS TE, 'GYUR GSAR LAS, BSGRUB PAR BYA BA DANG, DE'I CHOS BZLOG PA'I DON MNGON PAS ZHES BSHAD KYANG, TSIG GSAL 'GYUR RNYING DU SKABS KYI DON LAS BZLOG PAS BZLOG PAS BSGRUB BYA DANG, DE'I CHOS GSAL BA YIN PAS ZHES 'BYUNG BA 'GYUR LEGS PA'I PHYIR, 'GYUR DE'I DON YANG SKABS KYI DON THAL 'GYUR GYI RTAGS CHOS LAS BZLOG PAS BZLOG DON GYI RTAGS KYIS BSGRUB BYA DANG RTAGS GNYIS GSAL BAR THON ZHES PA'I DON YIN GSUNG, 'DI BSHAD PA SNGA MA LAS CHES PHUL DU BYUNG BA YIN YANG, RTZA SHE'I t'IK CHEN DANG MI MTHUN PAS DPYAD PAR BYA STE, SHES RAB SGRON MA LAS, 'DI LA GZHAN NI DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,ZHES RNAM PAR BSHAD PAR BYED DO, ,DE NI RIGS PA MA YIN TE, ZHES SANGS RGYAS BSKYANGS KYI, 'GREL DAG DE'I MDOR BSTAN PHYOGS SNGAR DRANGS NAS RGYAS BSHAD MA DRANGS @100B PA LA RGYU MTSAN MED PAR THAL, SLOB DPON LEGS LDAN 'BYED DES DNGOS PO BDAG GI BDAG NYID DU YOD PA RNAMS LA NI, YANG SKYE BA LA DGOS PA MED DO, ,ZHES PA'I RGYAS BSHAD KYI YANG SGRA'I DON DGONGS PA'I PHYIR, RTAGS ZHAL GYIS BZHES, DE LA KHA CIG ,SKYON MED DE, MDOR BSTAN LA SKYON RJOD DNGOS SU MDZAD PAS RGYAS BSHAD LA YANG SKYON BRJOD PAR SONG BA LA DGONGS NAS RGYAS BSHAD MA DRANGS PA YIN GYI, YANG SGRA'I DON MA DGONGS PA MA YIN PA'I PHYIR, DES NA, SLOB DPON LEGS LDAN 'BYED KYIS YANG SGRA'I DON DGONGS PAR THAL, SPYAN RAS GZIGS BRTUL SHUGS KYIS YANG SGRA'I DON DGONGS PA'I PHYIR TE, 'BREL BSHAD SPYAN RAS GZIGS KYI BRTUL ZHUGS LAS, DE DAG GI SKYE BA DON MED PA NYID DU 'GYUR BA'I PHYIR ZHES BYA BAS NI 'DI SKAD BSTAN TE, GAL TE DNGOS PO RNAMS YOD PA LAS SKYE NA DE DAG GI SKYE BA DON MED PA NYID DU 'GYUR TE, 'DI LTAR SKYES ZIN PA LA KHYAD PAR SNGON MA BYUNG BA 'GA' YANG MED PA'I PHYIR RO, ,YANG SKYE BA THUG PA MED PAR 'GYUR BA'I PHYIR TE, GAL TE YOD KYANG SKYE BAR 'GYUR NA SKYE BAR 'GYUR BAS, RNAM PA DE MA SHI'I BAR DU SKYE BAR 'GYUR TE, DES NA SKYE BA YONGS SU RDZOGS PA MED PA KHO NAR 'GYUR RO ZHES YANG SGRA'I DON GSAL BAR BSHAD PA'I PHYIR, ZHES GSUNG, DE YANG MI 'THAD DE, SKABS 'DIR YANG SGRA'I DON DGONGS MA DGONGS DPYOD PA NI, DNGOS PO BDAG GI BDAG NYID DU YOD PA RNAMS LA NI, YANG SKYE BA LA DGOS PA MED DO, ,ZHES PA 'DI'I YANG SGRA'I DON DGONGS MA DGONGS DPYOD PA YIN LA, 'GREL BSHAD SPYAN RAS GZIGS KYI BRTUL ZHUGS LAS, RGYAS BSHAD DANG PO'I DON 'CHAD PA'I TSE, GAL TE DNGOS PO RNAMS YOD PA LAS SKYE NA DE DAG GI SKYE BA DON MED PA NYID DU 'GYUR TE, ZHES PA MA GTOGS PA YANG SGRA MA BYUNG BA'I PHYIR, DE LA KHO BO'I DOGS PA NI, SPYAN RAG GZIGS KYI BRTUL ZHUGS KYIS, SKABS 'DI'I YANG SGRA'I DON DGONGS PAR THAL, SPYAN RAS GZIGS KYI BRTUL ZHUGS LA 'GREL PA TSIG GSAL GYI RGYUS @101A *, ,YOD PA GANG ZHIG 'GREL PA TSIG GSAL DU YANG SGRA'I DON GSAL BAR BSHAD PA'I PHYIR, DE LTAR YANG DRANG NGES RNAM 'BYED LAS, LEGS LDAN GYI RJES 'BRANG SPYAN RAS GZIGS BRTUL ZHUGS LA, 'GREL PA TSIG GSAL GYI RGYUS 'DUG PAS, SHES RAB SGRON MAR SANGS RGYAS BSKYANGS BKAG PA'I 'GREL BSHAD KYI SKABS SU ZLA BAS LEGS LDAN LA SKYON BRJOD PA RNAMS 'JUG MI 'JUG GI BSHAD PA 'OD RGYUR SNANG ZHING, ZHI BA 'TSO DPON SLOB LA SOGS PAS KYANG, ZLA BAS RANG RGYUD BKAG PA'I SKYON SPONG MDZAD RGYUR SNANG YANG MA MDZAD DO, ,ZHES GSUNGS PA'I PHYIR, SNYAM NA, 'GREL BA TSIG GSAL GZIGS KYANG YANG SGRA'I DON MA DGONGS PA 'DRA'O, ,GZHAN YANG, SHES RAB SGRON MAR, SANGS RGYAS BSKYANGS 'GOG PA'I SKABS 'DIR GRUB MTHA' DANG 'GAL BA'I SKYON BRJOD PA DE DNGOS PO RNAMS BDAG LAS SKYE BA MED PAR SGRUB PA'I BSGRUB BYA YANG DAG MED DGAG TU BSHAD PA'I GRUB MTHA' DANG 'GAL BA LA 'CHAD RIGS PAR THAL, SHES RAB SGRON MA LAS, BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, DGAG PA GTZO CHE BA'I PHYIR, ZHES DANG, MA YIN PAR DGAG PA YONGS SU BZUNG NA NI, DE SGRUB PA GTZO CHE BA'I PHYIR CHOS RNAMS MA SKYES SO, ,ZHES SGRUB PAS SKYE BA MED PA STON PA'I PHYIR, MDZAD PA'I MTHA' DANG BRAL BAR 'GYUR TE ZHES PA'I SKABS KYI GRUB MTHA' DANG 'GAL TSUL DE DNGOS PO RNAMS BDAG LAS SKYE BA MED PAR SGRUB PA'I BSGRUB BYA MED DGAG TU BSHAD PA'I GRUB MTHA' DANG 'GAL TSUL LA 'CHAD RIGS PA'I PHYIR, RTAGS LUNG DE NYID LAS GSAL LO, ,GZHAN YANG, 'GYUR GSAR LAS, BSGRUB PAR BYA BA BZLOG PAS ZHES BSHAD PA LTAR, LEGS LDAN 'BYED KYIS SANGS RGYAS BSKYANGS LA DNGOS PO RNAMS BDAG LAS SKYE BA MED DE, ZHES PA'I DNGOS ZIN GYI BSGRUB BYA BZLOG DGOS PA'I SGO NAS SKYON BRJOD PA YIN PAR THAL, SHES RAB SGRON ME'I RGYA DPE LAS, BSGRUB PAR BYA BA DANG DE'I CHOS BZLOG @101B PA'I DON MNGON PAS ZHES BSGRUB BYA BZLOG DGOS TSUL BSHAD PA'I PHYIR, 'GREL BSHAD SPYAN RAS GZIGS KYI BRTUL ZHUGS LAS, BSGRUB PAR BYA BA ZHES BYA BA NI, DNGOS PO RNAMS BDAG GI BDAG NYID LAS SKYE BA MED DE, ZHES BSGRUB PAR BYA BA'O, ,DE BZLOG PA'I DON MNGON PAS ZHES BYA BA NI, DNGOS PO RNAMS BDAG GI BDAG NYID LAS SKYE BA MED DE ZHES BYA BA LAS BZLOG PA'I DON DNGOS PO RNAMS GZHAN LAS SKYE BA ZHES BYA BA MNGON PAS SO, ,ZHES BSGRUB BYA BZLOG TSUL LA 'BRU SNON MDZAD PA'I PHYIR, 'GYUR KHYOD YIN NA 'GREL BSHAD DU 'BRU SNON 'ONG DON MED DO, ,YANG SLOB DPON LEGS LDAN 'BYED KYIS SKABS 'DI'I YANG SGRA'I DON DGONGS PAR 'DOD PA KHA CIG, SHES RAB SGRON ME'I DON NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL NGAG DE MI RIGS TE, DES BDAG SKYE 'GOG NUS KYI GTAN TSIG DANG DPE YANG DAG MA BRJOD PA'I PHYIR DANG, DAM BCA' LA GZHAN GYIS SMRAS PA'I NYES PA MA BSAL BA'I PHYIR, THAL BAR 'GYUR BA'I TSIG YIN PA'I PHYIR, ZHES PA'I DON NI, SLOB DPON SANGS RGYAS BSKYANGS NA RE, MYU GU CHOS CAN, SLAR YANG SKYE BA DON MED DANG THUG MED YIN PAR THAL, BDAG LAS SKYE BA'I PHYIR ZHES PA'I THAL 'GYUR 'DIS RANG GANG LA 'PHANGS YUL DU GYUR PA'I RGOL BAS BDAG SKYE YOD PAR 'DZIN PA'I LOG RTOG LAS LDOG NAS BDAG SKYE MED PAR RTOGS PA'I RJES DPAG SKYED NUS PA YIN ZER NA, DE 'DRA'I THAL 'GYUR DE SGRUB BYED 'PHEN PA'I THAL BAR 'GYUR BA'I TSIG YIN PAR THAL, DE 'DRA'I THAL 'GYUR DE RANG GANG LA 'PHANGS YUL GYI RGOL BA'I RGYUD KYI BDAG SKYE YOD PAR 'DZIN PA'I LOG RTOG LAS LDOG NAS DE'I RGYUD LA BDAG SKYE MED PAR RTOGS PA'I RJES DPAG SKYED BYED YIN PA'I PHYIR, RTAGS KHAS, 'DOD NA, SLAR YANG SKYE BA DON BCAS DANG THUG BCAS DE MYU GU BDAG LAS MI SKYE BAR SGRUB PA'I RTAGS YANG DAG YIN PAR THAL, 'DOD PA'I PHYIR, 'DOD NA, 'PHAGS PA KLU SGRUB SLAR YANG SKYE BA DON BCAS DANG THUG BCAS MI BZHED PA'I GRUB MTHA' DANG 'GAL, 'O NA, GZHAN SKYE 'PHEN @102A *, ,TSUL JI LTAR YIN ZHE NA, SLOB DPON LEGS LDAN 'BYED KYIS DNGOS PO RNAMS BDAG LAS MI SKYE BAR SGRUB PA'I SKABS 'DIR SKYE BA KHYAD PAR CAN CIG BSGRUB BYA'I CHOS SU 'DZIN RIGS PAR THAL, SLAR YANG SKYE BA DON BCAS DANG THUG BCAS DNGOS PO RNAMS BDAG LAS MI SKYE BAR SGRUB PA'I RTAGS YANG DAG YIN PA'I PHYIR, RTAGS KHAS, 'DOD NA, BDAG SKYE RNAM PAR BCAD TZAM MA YIN PA'I SKYE BA DE DNGOS PO RNAMS BDAG LAS MI SKYE BAR SGRUB PA'I DNGOS KYI BSGRUB BYA'I CHOS YIN PAR THAL LO, ,'DOD NA, DNGOS PO RNAMS BDAG SKYE RNAM PAR BCAD TZAM MA YIN PA'I SKYE BA DE DNGOS PO RNAMS BDAG LAS MI SKYE BAR SGRUB PA'I DNGOS KYI BSGRUB BYA YIN PAR THAL LO, ,'DOD NA, DNGOS PO RNAMS BDAG SKYE RNAM PAR BCAD TZAM MA YIN PA'I SKYE BA CHOS CAN, KHYOD DNGOS PO RNAMS BDAG LAS SKYE BA MED PAR RTOGS PA'I RJES DPAG GI DNGOS KYI GZHAL BYA YIN PAR THAL, DE DE SGRUB KYI DNGOS KYI BSGRUB BYA YANG DAG YIN PA'I PHYIR, 'DOD NA, DE CHOS CAN, DE'I DNGOS KYI GZHAL BYAR GYUR PA'I SKYE BA YIN PAR THAL, 'DOD PA GANG ZHIG, SKYE BA YIN PA'I PHYIR, 'DOD NA, DE CHOS CAN, DNGOS PO RNAMS BLO LA SNANG BA'I DBANG GIS BZHAG PA MA YIN PAR DON DAM PAR BDAG DANG GZHAN DANG GNYIS KA DANG RGYU MED PA GANG LAS SKYE SNYAM DU DPYAD PA'I MTHAR RNYED PA'I SKYE BA YIN PAR THAL LO, ,'DOD NA, DE CHOS CAN, DON DAM PA'I SKYE BA YIN PAR THAL LO, ,'DOD NA, DE CHOS CAN, DON DAM PA'I GZHAN SKYE YIN PAR THAL, 'DOD PA GANG ZHIG, BDAG SKYE MED PA'I PHYIR, 'DOD NA, 'PHAGS PA KLU SGRUB DON DAM PAR GZHAN SKYE MI BZHED PA'I GRUB MTHA' DANG 'GAL, ZHES PA'I DON YIN ZER BA 'DI DAG RJE TZONG KHA PA'I LUGS LAS PHYI ROL DU GYUR PA'I BSHAD PA YIN TE, SHES BYA CHOS CAN, SLOB DPON SANGS RGYAS BSKYANGS DE 'GAL RJOD KYI THAL 'GYUR LA BRTEN NAS RJES DPAG SKYE BAR 'DOD PAR LEGS LDAN 'BYED KYIS DGONGS PAR THAL, THAL BAR 'GYUR BA'I TSIG YIN PA'I PHYIR, ZHES PA'I DON 'CHAD TSUL DE 'THAD PA'I PHYIR, @102B 'DOD NA, SLOB DPON LEGS LDAN 'BYED KYIS, SANGS RGYAS BSKYANGS RANG RGYUD KYI RTAGS YANG DAG MI BZHED PA DE DGONGS PAR THAL LO, ,'DOD NA, DRANG NGES RNAM 'BYED LAS, LEGS LDAN LA YANG SANGS RGYAS BSKYANGS DANG RANG NYID RANG RGYUD KHAS LEN MI LEN MI MTHUN SNYAM PA MI 'DUG GI RANG RGYUD KHAS LEN PA 'OS MED DU BYAS PA'I LUGS SU SNANG NGO, ,ZHES PA'I GSUNG 'DI TZAM LAS BRGAL NAS 'BREL MED KYI RTOG BZO SMRAS PA LA DGOS PA CI ZHIG YOD, GAL TE LEGS LDAN 'BYED KYIS SKABS 'DI'I YANG SGRA'I DON MA DGONGS PAR BZHED PA RTZA SHE'I t'IK CHEN LTAR NA, SHES RAB SGRON MAR, SANGS RGYAS BSKYANGS KYI 'GREL PA 'GOG PA'I DGAG GZHAG MDZAD PA'I TSE THAL RANG MA GYES PAS, LEGS LDAN 'BYED KYI SANGS RGYAS BSKYANGS RANG RGYUD MI BZHED PA MA DGONGS LA, SLOB DPON LEGS LDAN 'BYED KYIS YANG SGRA'I DON DGONGS PAR BZHED PA LTAR NA, SHES RAB SGRON MAR DGAG GZHAG MDZAD PA'I TSE THAL RANG GYES ZIN PAS LEGS LDAN 'BYED KYIS SANGS RGYAS BSKYANGS RANG RGYUD MI BZHED PA DGONGS PA YIN PAS LUGS PHYI MA'I RJES SU SONG ZHE NA, DE LTAR SMRA BA LA 'GREL PA TSIG GSAL GYI RGYUS MED PA YIN TE, TSIG GSAL LAS, BRJOD PAR BYA STE RANG RGYUD KYI RJES SU DPAG PA SMRAS PA DAG LA NYES PA 'DI 'GYUR GYI, KHO BO CAG NI RANG RGYUD KYI RJES SU DPAG PA MI SBYOR TE, RJES SU DPAG PA DAG NI GZHAN GYI DAM BCA' BA 'GOG PA'I 'BRAS BU CAN YIN PA'I PHYIR, ZHES DPAL LDAN ZLA BA GRAGS PAS LEGS LDAN 'BYED KYI NGOR SANGS RGYAS BSKYANGS RANG RGYUD KYI GTAN TSIGS MI BZHED PAR BSGRUBS PA LA DGOS PA MED PAR THAL, SLOB DPON LEGS LDAN 'BYED KYIS SLOB DPON SANGS RGYAS BSKYANGS RANG RGYUD KYI RTAGS YANG DAG MI BZHED PA DE DGONGS PA'I PHYIR, LAN CI 'DUG BSAM PAR BYA'O, ,GZHAN YANG, SLOB DPON LEGS LDAN 'BYED KYIS DNGOS PO BDAG GI BDAG NYID DU YOD PA RNAMS LA NI, YANG SKYE BA LA DGOS PA MED DO, ,ZHES PA'I 'GREL DAG GIS BDAG SKYE 'GOG PA'I GTAN @103A *, ,TSIGS BSTAN PA DGONGS PAR THAL, DES 'GREL NGAG 'DI'I YANG SGRA'I DON DGONGS PA'I PHYIR, RTAGS KHAS, 'DOD NA, RGYUS MED PA 'GAL LO, ` ,GSUM PA SKYON DE SANGS RGYAS BSKYANGS LA MI 'JUG PA'I TSUL LA, TSIG GSAL LAS, SKYON 'DI DAG THAMS CAD NI RIGS PA MA YIN PAR KHO BO CAG GIS MTHONG NGO, ,JI LTAR ZHE NA, DE LA RE SHIG GTAN TSIGS DANG DPE MA BRJOD PA'I PHYIR DANG, ZHES GANG SMRAS PA DE NI MI RIGS SO, ,CI'I PHYIR ZHE NA, GANG GI PHYIR BDAG LAS ZHES BYA BA NI YOD PA RGYU NYID DANG, DE NYID SKYE'O, ,ZHES SMRAS PA YIN LA, YOD PA NI YANG SKYE BA LA DGOS PA MA MTHONG ZHING, THUG PA MED PAR YANG MTHONG LA, KHYOD KYIS SKYES PA SLAR YANG SKYE BA YANG MI 'DOD CING, THUG PA MED PAR YANG MI 'DOD DO, ,DE'I PHYIR KHYED CAG GI RTZOD PA NI 'THAD PA DANG BRAL BA DANG, RANG GIS KHAS BLANGS PA DANG 'GAL BA YIN NO, ,ZHES PHA ROL PO BDAG LAS SKYE BAR 'DOD PA LA DRI BAR BYED PA YIN TE, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA 'DI TZAM ZHIG GIS RTZOD PA NA, CI PHA ROL PO KHAS LEN PAR MI BYED DAM, 'ON TE PHA ROL PO RANG GI KHAS BLANGS PA DANG 'GAL BAR RTZOD PAS KYANG MI BZLOG NA NI, DE'I TSE NGO TSA MED PA NYID KYIS, GTAN TSIGS DANG DPE GNYIS KYIS KYANG BZLOG PAR MI 'GYUR BA NYID DE, KHO BO CAG NI SMYON PA DANG LHAN CIG RTZOD PA YANG MA YIN NO, ,DE'I PHYIR SLOB DPON NI GNAS MA YIN PAR YANG RJES SU DPAG PAR 'CHAD BAR BYED PA NI BDAG NYID RJES SU DPAG PA LA DGA' BA NYID MNGON PAR BYED PA YIN NO, ,ZHES GSUNGS, DE'I DON NI LEGS LDAN 'BYED KYIS, SANGS RGYAS BSKYANGS KYIS 'GREL NGAG GIS GTAN TSIGS DANG DPE MA BRJOD PA'I SGO NAS SKYON BRJOD MI RIGS TE, DES RANG RGYUD KYI GTAN TSIGS DANG DPE MA BRJOD PA'I PHYIR ZER BA YIN NAM, GZHAN GRAGS KYI GTAN TSIGS DANG DPE YANG DAG MA BRJOD PA'I PHYIR, ZHES ZER BA GANG YIN, DANG PO LTAR NA SANGS RGYAS BSKYANGS KYI 'GREL NGAG DES RANG RGYUD KYI GTAN @103B TSIGS DANG DPE MA BRJOD PA'I SGO NAS SKYON MED DE, DES RANG RGYUD KYI GTAN TSIGS DANG DPE MA BRJOD KYANG, 'GAL BRJOD KYI THAL 'GYUR LA BRTEN NAS GRANGS CAN GYIS BDAG SKYE YOD PAR 'DOD PA'I LOG RTOG BKAG NAS, DE'I RGYUD LA BDAG SKYE MED PAR RTOGS PA'I RJES DPAG SKYED NUS PA GANG ZHIG, 'GREL NGAG DES BDAG SKYE 'GOG PA'I 'GAL RJOD KYI THAL 'GYUR GNYIS BSTAN PA'I PHYIR, DE LA KHA CIG, 'GAL RJOD KYI THAL 'GYUR LA BRTEN NAS BDAG SKYE MED PAR RTOGS PA'I RJES DPAG SKYED MI NUS KYI, DE 'DRA'I RJES DPAG SKYE BA LA RANG RGYUD KYI GTAN TSIGS NGES PAR 'GOD DGOS SO, ,ZHE NA, 'O NA 'GAL RJOD KYI THAL 'GYUR LA BRTEN NAS BDAG SKYE 'DOD PA'I LOG RTOG MI LDOG NA, RANG RGYUD KYI GTAN TSIGS BKOD PAS KYANG DE MI LDOG GO ,RANG NYID KYIS BDAG SKYE KHAS BLANGS PA NA, KHAS LEN NANG 'GAL MTHONG YANG BDAG SKYE 'DOD PA'I LOG RTOG MI LDOG PA'I PHYI ROL PA DE DANG DBU MA PA LHAN CIG RTZOD PAR BYA BA MA YIN PA'I PHYIR TE, TSIG GSAL LAS KHO BO CAG NI SMYON PA DANG LHAN CIG RTZOD PA YANG MA YIN NO, ,ZHES GSUNGS PA'I PHYIR, GZHAN YANG, 'GREL NGAG DES RANG RGYUD KYI GTAN TSIGS DANG DPE YANG DAG MA BRJOD PA'I SGO NAS SKYON YOD PA MA YIN TE, DBU MA PA YIN NA RANG RGYUD KYI GTAN TSIGS KHAS LEN MI RIGS PAS KHYAB PA'I PHYIR TE, DE YIN NA RANG GI MTSAN NYID KYIS GRUB PA'I CHOS KHAS LEN MI RIGS PAS KHYAB PA'I PHYIR TE, DE YIN NA RANG GI MTSAN NYID KYIS GRUB PA'I CHOS KHAS LEN MI RIGS PAS KHYAB PA'I PHYIR TE, TSIG GSAL LAS, DBU MA PA YIN NA RANG GI RGYUD KYI RJES SU DPAG PA BYA BAR RIGS PA YANG MA YIN TE, PHYOGS GZHAN KHAS BLANGS PA MED PA'I PHYIR RO, ,ZHES GSUNGS PA'I PHYIR, DES NA DBU MA PA YIN NA RANG RGYUD KYI GTAN TSIGS KHAS LEN MI RIGS PAS KHYAB KYANG, DE KHAS LEN PA'I DBU MA PA YOD PA MI 'GAL TE, DPER NA, BCAS LDAN DGE SLONG YIN NA SANGS RGYAS KYI BCAS PA DANG 'GAL BA MI RIGS PAS KHYAB KYANG DE DANG 'GAL BA'I BCAS LDAN GYI DGE SLONG YOD PA BZHIN NO, ,GNYIS PA LTAR YIN NO ZHE NA, SANGS RGYAS BSKYANGS KYI 'GREL NGAG DES GZHAN GRAGS KYI GTAN TSIGS YANG DAG MA @104A *, ,BRJOD PA'I SGO NAS SKYON MED DE, SPYIR BDAG SKYE MED PAR RTOGS PA'I RJES DPAG SKYE BA LA GZHAN GRAGS KYI GTAN TSIGS DNGOS SU 'GOD MI DGOS SHING, GAL TE DGOS NA YANG 'GREL DAG DES GZHAN GRAGS KYI GTAN TSIGS MA BSTAN PA'I SKYON MED DE, DNGOS PO BDAG GI BDAG NYID DU YOD PA RNAMS LA NI, YANG SKYE BA LA DGOS PA MED DO, ,ZHES PA'I RGYAS BSHAD KYI 'GREL NGAG 'DIS GZHAN GRAGS KYI GTAN TSIGS YANG DAG BSTAN PA'I PHYIR, 'O NA, DES GZHAN GRAGS KYI GTAN TSIGS BSTAN TSUL GANG YIN ZHE NA, DE'I TSUL YOD DE, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ,ZHES PA MDOR BSTAN YIN ZHING, DNGOS PO BDAG GI BDAG NYID DU YOD PA RNAMS LA NI, YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO, ,ZHES PA RGYAS BSHAD YIN LA, DE YANG MDOR BSTAN DU DNGOS PO RNAMS BDAG LAS SKYE BA MED DE, DE DAG GI, ZHES PA RGYAS PAR 'CHAD PA LA, DNGOS PO BDAG GI BDAG NYID DU YOD PA RNAMS LA NI, ZHES PA 'DIS 'CHAD, SKYE PA DON MED PA NYID DU 'GYUR BA'I PHYIR, ZHES PA RGYAS PAR 'CHAD PA LA, YANG SKYE BA LA DGOS PA MED DO, ,ZHES PAS 'CHAD, SHIN TU THAL BAR 'GYUR BA'I PHYIR, ZHES PA RGYAS PAR 'CHAD PA LA, CI STE YOD KYANG SKYE NA NAM YANG MI SKYE BAR MI 'GYUR RO, ,ZHES PAS 'CHAD, DES NA MDOR BSTAN GYI DNGOS PO RNAMS ZHES PA 'DIS DNGOS PO RNAMS BDAG LAS SKYE BA MED PA'I CHOS CAN DANG, DE DAG CES PA 'DIS GTAN TSIGS DANG MTHUN DPE BSTAN PA YIN TE, RGYAS BSHAD KYI DNGOS PO BDAG GI BDAG NYID DU YOD PA RNAMS LA NI, ZHES PAS, DNGOS PO RNAMS BDAG LAS SKYE BA MED PAR SGRUB PA'I CHOS CAN DANG, GTAN TSIGS DANG MTHUN DPE GSUM BSTAN PA GANG ZHIG GZHUNG 'DI DE DAG GI SKYE BA ZHES SOGS KYI RGYAS BSHAD YIN PA'I PHYIR, DES NA RGYAS BSHAD KYI GZHUNG 'DIS DE GSUM BSTAN TSUL YOD DE, DNGOS PO BDAG GI @104B BDAG NYID DU YOD PA RNAMS LA NI, ZHES PA'I DNGOS PO ZHES PAS RTZOD GZHI CHOS CAN BSTAN, BDAG GI BDAG NYID DU YOD PA ZHES PAS GTAN TSIGS BSTAN, RNAMS LA NI ZHES PAS MTHUN DPE BSTAN PA'I PHYIR, RNAMS LA NI ZHES PAS MTHUN DPE BSTAN TE, BDAG GI BDAG NYID DU YOD PA RNAMS LA NI ZHES PA'I DON 'CHAD PA'I TSE TSIG GSAL LAS, DE LA RANG GI BDAG NYID DU YOD PA ZHES BYA BA 'DIS NI GTAN TSIGS 'DZIN PA YIN NO, ,ZHES GTAN TSIGS 'DZIN PA'I TSE, DNGOS PO ZHES PA DANG, RNAMS ZHES PA'I MANG TSIG DOR NAS BSHAD PA LA DGOS PA YOD PA'I PHYIR TE, DE NYID LAS, BSHAD MA THAG PA'I LUNG DE DANG, YANG DE NYID LAS, SKYE BA DON MED PA NYID DU 'GYUR BA'I PHYIR DANG, ZHES BYA BA 'DIS NI BSGRUB PAR BYA BA'I CHOS 'DZIN PA YIN NO, ,DE LA JI LTAR SGRA MI RTAG STE, BYAS PA MI RTAG PA'I PHYIR RO, ,BYAS PA NI MI RTAG PAR MTHONG STE, DPER NA BUM PA BZHIN NO, ,DE BZHIN DU SGRA YANG BYAS PA YIN TE, DE'I PHYIR BYAS PA NYID KYI PHYIR MI RTAG PA YIN NO, ,ZHES 'DIR NYE BAR SBYAR BAS GSAL BAR BYAS PA'I BYAS PA GTAN TSIGS YIN PA DE BZHIN DU, 'DIR YANG DNGOS PO RNAMS BDAG LAS SKYE BA MED DE, RANG GI BDAG NYID DU YOD PA RNAMS LA, YANG SKYE BA DON MED PA NYID DU 'GYUR BA'I PHYIR RO, ,'DI NA JI LTAR BUM PA LA SOGS PA MDUN NA GNAS SHING GSAL BA RANG GI BDAG NYID DU YOD PA NI, YANG SKYE BA LA MI LTOS PAR MTHONG BA DE BZHIN DU, ZHES GSUNGS PA'I PHYIR, ZHANG THANG SAG PA NA RE, KHYAB PA STON PA'I DAG DES MTHUN DPE STON PA YIN TE, MTHUN DPE STON PA'I DAG KHYAB PA STON PA'I NGAG GI NANG DU 'DUS PA'I PHYIR ZER, MA TI SH'I LA NA RE, 'GREL DAG DAS GRANGS CAN GYI BLO NGO LA LTOS NAS MTHUN DPE STON PA YIN TE, GRANGS CAN GYIS, SGRA NI MA RTAG STE, BYAS PA MI RTAG PA'I PHYIR, ZHES PA'I YAN LAG LNGA'I MTHA' CAN GYI KHYAB PA STON PA'I TSIG DES MTHUN DPE STON PA GRANGS CAN GYI GZHUNG LAS BSHAD PA'I PHYIR TE, GRANGS CAN GYI GZHUNG LAS, GANG DU GTAN TSIGS BSGRUB BYA @105A *, ,DANG, ,RJES 'GRO MED LA MI RJOD PA, ,LNGA PA DE NI DPER RJOD DO, ,GTAN TSIGS NYE BAR SBYAR BA LAS, ,ZHES BSHAD PA'I PHYIR, ZHE NA MI RIGS TE, RANG LUGS KYI MTHUN DPE 'CHAD PA'I SKABS SU GRANGS CAN GYI GZHUNG SHES BYED DU 'DREN PA MI RIGS PA'I PHYIR, 'O NA, DNGOS PO RNAMS BDAG LAS SKYE BA MED DE, ZHES SOGS KYIS SANGS RGYAS BSKYANGS KYIS GZHAN GRAGS KYI GTAN TSIGS BSTAN NA, BSTAN TSUL GANG ZHE NA, DPE'I SBYOR BA DANG, DON GYI SBYOR BA GNYIS, DANG PO NI, SGRA NI MI RTAG STE, BYAS NA MI RTAG PAS KHYAB PA'I PHYIR, BYAS NA MI RTAG PAS KHYAB STE DPER NA BUM PA BZHIN, BUM PA BYAS PA DE BZHIN DU SGRA YANG BYAS, DE BAS NA SGRA BYAS PA'I PHYIR SGRA MI RTAG GO, ZHES PA DPE DANG, GNYIS PA NI, DNGOS PO RNAMS SLAR YANG SKYE BA DON MED DE, RANG GI BDAG NYID DU GRUB ZIN NA SLAR YANG SKYE BA DON MED PAS KHYAB PA'I PHYIR, KHYAB STE, DPER NA, MNGON PAR GSAL ZIN PA'I MYU GU BZHIN, MNGON PAR GSAL ZIN PA'I MYU GU RANG GI BDAG NYID DU GRUB ZIN PA DE BZHIN DU DNGOS PO RNAMS RANG GI BDAG NYID DU GRUB PA YIN NO, ,DE BAS NA DNGOS PO RNAMS RANG GI BDAG NYID DU GRUB ZIN PA'I PHYIR, DNGOS PO RNAMS SLAR YANG SKYE BA DON MED DO, ,ZHES PA NI DON SBYOR YAN LAG LNGA LDAN NO, ,YAN LAG LDAN, DNGOS PO RNAMS SLAR YANG SKYE BA DON MED DO, ZHES PAS DAM BCA' BRJOD, RANG GI BDAG NYID DU GRUB ZIN NA SLAR YANG SKYE BA DON MED PAS KHYAB PA'I PHYIR, ZHES PAS KHYAB PA BRJOD, DE KHYAB STE, DPER NA, MNGON PAR GSAL ZIN PA'I MYU GU BZHIN, ZHES PAS, KHYAB PA DPE DANG NYE BAR SBYOR BA'I SGO NAS DPE BRJOD, MNGON PAR GSAL ZIN PA'I MYU GU RANG GI BDAG NYID DU GRUB ZIN PA DE BZHIN DU DNGOS PO RNAMS RANG GI BDAG NYID DU GRUB ZIN PA YIN NO, ,ZHES PAS NYER BSTOD BSTAN, DE BAS NA DNGOS PO RNAMS RANG GI BDAG NYID DU GRUB ZIN PA'I PHYIR, DNGOS PO RNAMS SLAR YANG SKYE BA DON MED DO, ,ZHES PAS MJUG SDUD KYI YAN LAG BSTAN PA YIN NO, ,DON BSDU NA, DNGOS PO RNAMS CHOS @105B CAN, SLAR YANG SKYE BA DON MED DE RANG GI BDAG NYID DU GRUB ZIN PA'I PHYIR, DPER NA, MNGON PAR GSAL ZIN PA'I MYU GU BZHIN NO, ,DE LTAR YANG TSIG GSAL LAS, CI STE YANG RANG GI RJES SU DPAG PAS 'GAL BA GDON MI ZA BAR BRJOD PAR BYA BA YIN NO, ,ZHE NA, DE YANG SLOB DPON SANGS RGYAS BSKYANGS KYIS BRJOD PA NYID YIN NO, ,JI LTAR ZHE NA, GANG GI PHYIR DES NI 'DI SKAD DU BSHAD PA YIN TE, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, ZHES BSHAD PA'I PHYIR RO, ,DE LA DE DAG CES BYA BA 'DIS NI RANG GI BDAG NYID DU YOD PA 'DZIN PA YIN NO, ,DE CI'I PHYIR ZHE NA, 'DI LTAR RANG GI BDAG NYID DU YOD PA DAG LA NI, YANG SKYE BA LA DGOS PA MED DO, ,ZHES BYA BA 'DI NI MDOR BZHAG PA'I NGAG DE'I 'GREL PA'I NGAG YIN LA, NGAG 'DIS NI CHOS MTHUN PA'I GZHAN LA RAB TU GRAGS PA BSGRUB PAR BYA BA DANG, SGRUB PAR BYED PA'I CHOS DANG LDAN PA NYE BAR BZUNG BA YIN NO, ,DE LA RANG GI BDAG NYID DU YOD PA ZHES BYA BA 'DIS NI, GTAN TSIGS 'DZIN PA YIN NO, ,ZHES GSUNGS PA'I PHYIR, 'DI'I SKABS SU KHA CIG, SGRA CHOS CAN, MI RTAG STE, BYAS PA'I PHYIR, DPER NA, BUM PA BZHIN NO, ,BUM PA BYAS PA DE BZHIN DU SGRA YANG BYAS, DE BAS NA SGRA BYAS PA'I PHYIR, MI RTAG GO, ZHES PAS YAN LAG LNGA LDAN BSTAN PA YIN TE, SGRA CHOS CAN, MI RTAG STE, ZHES PAS DAM BCA' RJOD, BYAS PA'I PHYIR, ZHES PAS PHYOGS CHOS RJOD, DPER NA BUM PA BZHIN, ZHES PAS DPE RJOD, BUM PA BYAS PA DE BZHIN DU SGRA YANG BYAS, ZHES PAS NYER BSTOD BSTAN, DE BAS NA SGRA BYAS PA'I PHYIR MI RTAG GO, ZHES PAS MJUG SDUD BSTAN PA YIN NO, ,ZER BA MI 'THAD DE, DE LA KHYAB PA BRJOD PA'I YAN LAG MA TSANG BA'I SKYON YOD PA'I PHYIR DANG, TSIG GSAL LAS, YAN LAG LNGA LDAN GYI SGRUB NGAG 'CHAD PA'I TSE, DE LA JI LTAR SGRA MI RTAG STE, BYAS PA MI RTAG PA'I PHYIR RO, ,ZHES GSUNGS PA DANG 'GAL BA'I PHYIR, ` SKYON GNYIS PA DAM BCA' LA GZHAN GYIS SMRAS PA'I DAM BCA'AM BSAL BA'I SGO NA @106A *, ,SANGS RGYAS BSKYANGS LA SKYON YOD PA MA YIN TE, BDAG SKYE 'GOG PA'I RANG RGYUD KYI GTAN TSIGS KHAS MI LEN BAS DE LA NI GZHAN GYIS SMRAS PA'I NYES BA SAL MI DGOS LA, SNGAR BSHAD PA LTAR GYI GZHAN GRAGS KYI RTAGS YANG DAG LA GZHAN GYIS SMRAS PA'I NYES PA DE RNAMS MI 'JUG PA'I PHYIR TE, GRANGS CAN GYIS RGYU DUS SU MI GSAL BA'I TSUL GYIS YOD PAR 'DOD PA'I MYU GU CHOS CAN DANG, MNGON PAR GSAL ZIN PA'I MYU GU MTHUN DPER BZUNG BA 'DI TSIG GSAL LAS, GTAN TSIGS DANG DPE MA BRJOD PA MA YIN PA 'BA' ZHIG TU MA ZAD KYI, GZHAN GYIS SMRAS PA'I NYES PA MA BSAL BA YANG MA YIN NO, ,JI LTAR ZHE NA, GRANGS CAN PA DAG MDUN NA GNAS PA'I BUM PA MNGON PAR GSAL BA'I RANG BZHIN CAN NI YANG MNGON PAR GSAL BAR MI 'DOD CING, DE NYID 'DIR DPE NYID DU GRUB PA'I NGO BO YIN PA'I PHYIR TE, NUS PA'I NGO BOR GYUR CING, MNGON PAR GSAL BA'I RANG BZHIN CAN MA YIN PA, SKYE BA BKAG PAS KHYAD PAR DU BYAS PA NI, BSGRUB PAR BYA BA YIN PA NYID KYI PHYIR GRUB PA LA SGRUB PA'I PHYOGS KYI SKYON NYID DU DOGS PA'AM, GTAN TSIGS 'GAL BA'I DON NYID DU DOGS PA GA LA YOD, DE'I PHYIR RANG GI RJES SU DPAG PAS 'GAL BA BRJOD PA NA YANG JI SKAD SMRAS PA'I NYES PA BRJOD PA MED PA'I PHYIR, GZHAN GYIS SMRAS PA'I NYES PA MA BSAL BA MED PA NYID DE, DE'I PHYIR SUN 'BYIN PA 'DI DAG NI 'BREL PA MED PA NYID DO, , ZHES SHES PAR BYA'O, ,ZHES GSUNGS, ` GSUM PA ZLOG DON KHAS BLANGS PA'I SGO NAS SANGS RGYAS BSKYANGS LA SKYON YOD PA MA YIN TE, SANGS RGYAS BSKYANGS KYI 'GREL PA LA SKYON MA ZHUGS PA'I TSUL STON PA LA, TSIG GSAL LAS, THAL BAR 'GYUR PA BZLOG PA'I DON DANG YANG PHA ROL PO NYID 'BREL BA YIN GYI, KHO BO CAG NI MA YIN TE, RANG LA DAM BCA' BA MED PA'I PHYIR RO, ,DE'I PHYIR KHO BO CAG LA GRUB PA'I MTHA' DANG 'GAL BA GA LA YOD, CES GSUNGS, ` BZHI PA BDAG SKYE 'GOG PA'I LEGS LDAN 'BYED KYI @106B 'BREL PA LA SKYON ZHUGS TSUL STON PA LA, SANGS RGYAS BSKYANGS KYIS BDAG SKYE 'GOG PA'I 'GREL NGAG LA SKYON MED PAR MA ZAD, LEGS LDAN 'BYED RANG NYID KYI BDAG SKYE 'GOG PA'I 'GREL NGAG LA SKYON YOD DE, DON DAM PAR NANG GI SKYE MCHED RNAMS BDAG LAS SKYE BA MED DE, YOD PA'I PHYIR TE, SHES PA YOD PA NYID BZHIN NO, ,ZHES DON DAM GYI KHYAD PAR SBYAR BA MI 'THAD PA'I PHYIR TE, DON DAM GYI KHYAD PAR BSGRUB BYA LA SBYAR BA YANG MI 'THAD, CHOS CAN LA SBYAR BA YANG MI 'THAD PA'I PHYIR, TSIG GSAL LAS, GZHAN YANG, RTOG GE PA 'DIS BDAG NYID RTOG GE'I BSTAN BCOS LA SHIN TU MKHAS PA TZAM ZHIG BSTAN PAR 'DOD PAS, DBU MA'I LTA BA KHAS LEN BZHIN DU YANG RANG RGYUD KYI SBYOR BA'I DAG BRJOD PA GANG YIN PA DE NI CHES SHIN TU NYES BA DU MA'I TSOGS KYI GNAS SU RTOGS TE, JI LTAR ZHE NA, DE LA RE SHIG, GANG 'DI SKAD DU, 'DIR SBYOR BA'I TSIG TU 'GYUR BA NI, ZHES SOGS GSUNGS PA'I PHYIR, DON NI, LEGS LDAN 'BYED NA RE, MIG SOGS NANG GI SKYE MCHED RNAMS DON DAM PAR BDAG LAS SKYE BA MED DE, YOD PA'I PHYIR, DPER NA SEMS PA CAN BZHIN NO, ,ZHES BDAG SKYE 'GOG PA'I TSE DON DAM GYI KHYAD PAR NGES PAR SBYOR BA YIN NO, ,ZHEN MI RIGS TE, BSGRUB BYA LA DON DAM GYI KHYAD PAR SBYOR BA YIN NAM, CHOS CAN LA DON DAM GYI KHYAD PAR SBYOR BA GANG YIN, DANG PO LTAR NA DE LTAR SBYOR BA MI RIGS TE, DE LTAR SBYOR BA LA SNGA RGOL DBU MA PA LA LTOS PA'I DGOS PA YANG MED, PHYI RGOL GRANGS CAN PA LA LTOS PA'I DGOS PA YANG MED PA'I PHYIR, DANG PO GRUB STE, DBU MA BAS BDAG SKYE THA SNYAD DU YANG 'GOG RIGS PA'I PHYIR, GNYIS PA GRUB STE, BDEN PA GNYIS CHAR LAS NYAMS PA'I MU STEGS PA'I LUGS BDEN PA GNYIS CHAR DU 'GOG RIGS PA'I PHYIR, DE LTAR YANG TSIG GSAL LAS, 'DIR DON DAM PAR ZHES BYA BA'I KHYAD PAR CI'I PHYIR NYE BAR BKOD PA YIN, GAL TE 'JIG RTEN GYI KUN RDZOB TU SKYE BA KHAS BLANGS PA DGAG PAR BYA BA MA YIN PA'I PHYIR DANG, 'GOG NA YANG KHAS BLANGS PAS GNOD PAR THAL BAR 'GYUR BA'I PHYIR RO, ,ZHE NA, @107A *, ,'DI NI RIGS PA MA YIN TE, BDAG LAS SKYE BA NI KUN RDZOB TU YANG KHAS MA BLANGS PA'I PHYIR RO, ,JI SKAD DU MDO LAS, SA BON GYI RGYU LAS BYUNG BA'I MYU GU DE YANG SKYE BA NA, BDAG GIS MA BYAS, GZHAN GYIS MA BYAS, GNYIS KAS MA BYAS, DBANG PHYUG GIS MA BYAS, DUS KYIS MA BSGYUR, PHRA RAGS LAS MA BYUNG, RANG BZHIN LAS MA BYUNG, NGO BO NYID LAS MA BYUNG, RGYU MED PA LAS MA SKYES, ZHES GSUNGS PA DANG, DE BZHIN DU, SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE LTAR RTAG MIN CHAD MIN CHOS NYID DO, ,ZHES GSUNGS PA DANG, 'DI NYID LAS KYANG, GANG LA BRTEN NAS GANG 'BYUNG BA, ,DE NI RE SHIG DE NYID MIN, ,DE LAS GZHAN PA 'ANG MA YIN PHYIR, ,DE PHYIR CHAD MIN RTAG MA YIN, ,ZHES 'CHAD DO, ,GZHAN GYI LUGS LA LTOS TE KHYAD PAR DU BYAS SO, ,ZHE NA, DE YANG RIGS PA MA YIN TE, DE DAG GI RNAM PAR BZHAG PA NI KUN RDZOB TU YANG KHAS BLANGS PA MED PA'I PHYIR RO, ,BDEN PA GNYIS PHYIN CI MA LOG PAR MTHONG BA LAS NYAMS PA'I MU STEGS PA DAG NI, JI SRID DU GNYIS KA'I SGO NAS 'GOG PA DE SRID DU YON TAN NYID YIN PAR RTOGS SO, ,ZHES GSUNGS PA'I PHYIR, GONG GI GNYIS PA LTAR, DON DAM PAR MIG SOGS NANG GI SKYE MCHED RNAMS CHOS CAN, ZHES CHOS CAN LA DON DAM GYI KHYAD PAR SBYOR BA YIN NO, ,ZHE NA, DE YANG MI RIGS TE, SNGA RGOL DBU MA PA LA LTOS PA'I CHOS CAN MA GRUB PA'I SKYON YOD PA'I PHYIR TE, TSIG GSAL LAS, RANG LA GZHI MA GRUB PA'I PHYOGS KYI NYES PA'AM GZHI MA GRUB PA'I GTAN TSIGS KYI SKYON DU 'GYUR TE, RANG GI DON DAM PAR MIG LA SOGS PA'I SKYE MCHED RNAMS KHAS MA BLANGS PA'I PHYIR RO, ,ZHES GSUNGS PA'I PHYIR, KUN RDZOB TZAM GYI MIG SOGS KYANG CHOS CAN DU 'DZIN MI RIGS TE, PHYI RGOL GRANGS CAN LA LTOS PA'I CHOS CAN MA GRUB PA'I SKYON DU 'GYUR BA'I PHYIR, TSIG GSAL LAS, GZHAN LA GZHI MA GRUB PA'I PHYOGS KYI SKYON DU 'GYUR BAS 'DI NI MI RIGS SO, ,ZHES @107B GSUNGS PA'I PHYIR, DE LA SLOB DPON LEGS LDAN 'BYED NA RE, MIG SOGS NANG GI SKYE MCHED RNAMS CHOS CAN, DON DAM PAR BDAG LAS SKYE BA MED DE, YOD PA'I PHYIR, DPER NA SEMS PA CAN BZHIN, ZHES BKOD PA'I TSE NA, BDEN BRDZUN GANG GIS KYANG KHYAD PAR DU MA BYAS PAR SNGA RGOL PHYI RGOL GNYIS KA LA MTHUN SNANG DU GRUB PA'I MIG SOGS TZAM, CHOS CAN DU 'DZIN RIGS TE, DPER NA, SANGS RGYAS PA 'OG MAS BYE BRAG PA'I NGOR SGRA MI RTAG PAR SGRUB PA'I TSE, RTAG MI RTAG GANG GIS KYANG KHYAD PAR DU MA BYAS PAR SNGA RGOL DANG PHYI RGOL GNYIS KA LA MTHUN SNANG DU GRUB PA'I SGRA TZAM CHOS CAN DU 'DZIN PA YIN PA'I PHYIR, DE LTAR YANG TSIG GSAL LAS, CI STE JI LTAR SGRA MI RTAG CES BYA BA LA, CHOS DANG CHOS CAN GNYIS KYI SPYI NYID GZUNG BA YIN GYI, KHYAD PAR NI MA YIN TE, KHYAD PAR 'DZIN NA NI RJES SU DPAG PA DANG RJES SU DPAG PAR BYA BA'I THA SNYAD MED PAR 'GYUR RO, ,'DI LTAR GAL TE 'BYUNG BA CHEN PO BZHI LAS GYUR PA'I SGRA 'DZIN NA NI, DE PHA ROL PO LA MA GRUB PO, ,'ON TE NAM KHA'I YON TAN 'DZIN NA NI, DE RANG NYID SANGS RGYAS PA LA MA GRUB PA YIN NO, ,DE BZHIN DU BYE BRAG PA SGRA MI RTAG PAR DAM BCA' BA NA YANG, BYAS PA'I SGRA 'DZIN NA NI DE GZHAN LA MA GRUB BO, ,'ON TE MNGON PAR GSAL BAR BYA BA YIN NA NI DE RANG LA MA GRUB PA YIN NO, ,DE BZHIN DU CI RIGS PAR BSGRUB CHOS SU 'DZIN PA YANG GAL TE RGYU DANG BCAS PA YIN NA NI, DE SANGS RGYAS PA RANG LA MA GRUB PA YIN LA, 'ON TE RGYU MED PA YIN NA NI, DE PHA ROL PO LA MA GRUB PA YIN NO, ,DE'I PHYIR JI LTAR 'DIR CHOS DANG CHOS CAN SPYI TZAM ZHIG 'DZIN PA DE BZHIN DU, 'DIR YANG KHYAD PAR DOR BA'I CHOS CAN TZAM ZHIG 'DZIN PAR 'GYUR RO, ,ZHE NA, ZHES GSUNGS SO, ,DE'I LAN NI 'DI LA DON DGAG PA DANG, DPE DGAG PA GNYIS, DANG PO NI, TSIG GSAL LAS, DE NI DE LTA MA YIN TE, 'DI LTAR GANG GI TSE 'DIR SKYE BA BKAG PA BSGRUB PAR BYA'I CHOS SU 'DOD PA DE'I TSE, DE KHO NAR DE'I RTEN CHOS CAN PHYIN CI LOG TZAM GYIS BDAG GI DNGOS PO RNYED PA NI NYAMS PAR GYUR PAR 'DIS RANG NYID KYIS KHAS @108A *, ,BLANGS PA NYID DO, ,PHYIN CI LOG PA DANG PHYIN CI MA LOG PA DAG NI THA DAD PA YIN NO, ,ZHES GSUNGS, DE'I DON NI, SLOB DPON LEGS LDAN 'BYED KYIS GRANGS CAN GYI NGOR MIG SOGS DON DAM PAR BDAG LAS SKYE BA MED PAR SGRUB PA'I TSE, BDEN BRDZUN GANG GIS KYANG KHYAD PAR DU MA BYAS PAR SNGA RGOL PHYI RGOL GNYIS KA LA MTHUN SNANG DU GRUB PA'I MIG SOGS CHOS CAN DU 'DZIN MI RIGS TE, DE LTAR 'DZIN RIGS NA MIG GSOGS DE NYID, MIG SOGS KYI GNAS LUGS 'JAL BA'I PHYIN CI MA LOG PA'I TSAD MA'I RNYED DON DANG, GRANGS CAN GYI RGYUD KYI PHYIN CI LOG GI TSAD MA'I RNYED DON GYI GZHI 'THUN YIN DGOS PA LAS, DE DE MA YIN PA'I PHYIR, DANG PO DE LTAR DGOS TE, DE LTAR 'DZIN NA MIG SOGS DE MIG SOGS KYI GNAS LUGS 'JAL BA'I PHYIN CI MA LOG PA'I TSAD MA'I RNYED DON YANG YIN DGOS, DE LTAR 'DZIN NA DE GRANGS CAN GYI RGYUD KYI PHYIN CI LOG GI TSAD MA'I RNYED DON YANG YIN DGOS PA'I PHYIR, PHYI MA GRUB STE, SLOB DPON LEGS LDAN 'BYED KYIS, GRANGS CAN GYI NGOR MIG SOGS DON DAM PAR BDAG LAS MI SKYE BAR SGRUB PA'I TSE, SLOB DPON DANG GRANGS CAN GNYIS LA MIG SOGS TSAD MAS GRUB TSUL MTHUN SNANG BA YOD PA'I PHYIR, RTAGS DANG PO MIG SOGS DE MIG SOGS KYI GNAS LUGS 'JAL BA'I TSAD MA'I RNYED DON MA YIN NO, ,ZHE NA, DE CHOS CAN, KHYOD MIG SOGS KYI GNAS LUGS 'JAL BA'I TSAD MA'I RNYED DON YIN PAR THAL, KHYOD RANG GI MTSAN NYID KYIS GRUB PA'I PHYIR, RTAGS KHAS, GNYIS PA DPE DGAG PA LA, TSIG GSAL LAS, DPE LA YANG 'DRA BA YOD PA MA YIN TE, DER NI SGRA'I SPYI DANG MI RTAG PA NYID KYI SPYI KHYAD PAR BRJOD PAR MI 'DOD PA GNYIS KA LA YOD NA, DE BZHIN DU MIG GI SPYI NI, STONG PA NYID DANG, STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA, DON DAM PAR YANG MA YIN PAS, DPE LA YANG 'DRA BA YOD PA MA YIN NO, ,ZHES GSUNGS, DON NI, SANGS RGYAS PA 'OG MAS BYE BRAG PA'I NGOR SGRA MI RTAG PAR SGRUB PA'I TSE, @108B RTAG MI RTAG GANG GIS KYANG KHYAD PAR DU MA BYAS PAR SNGA RGOL DANG PHYI RGOL GNYIS KA LA MTHUN SNANG DU GRUB PA'I SGRA TZAM CHOS CAN DU 'DZIN PA DANG, SLOB DPON LEGS LDAN 'BYED KYIS, GRANGS CAN GYI NGOR MIG SOGS DON DAM PAR BDAG LAS SKYE BA MED PAR SGRUB PA'I TSE, BDEN BRDZUN GANG GIS KYANG KHYAD PAR DU MA BYAS PAR SNGA RGOL PHYI RGOL GNYIS LA MTHUN SNANG DU GRUB PA'I MIG SOGS TZAM CHOS CAN DU 'DZIN PA DPE DON MTSUNGS PA MA YIN TE, DPE DE LTAR RIGS SHING, DON GYI 'DZIN TSUL DE LTAR MI RIGS PA'I PHYIR RO,, ` GNYIS PA, GZHAN SKYE 'GOG PA'I SANGS RGYAS BSKYANGS KYI 'GREL PA JI LTAR BYUNG TSUL, DE LA LEGS LDAN 'BYED KYIS SKYON BRJOD TSUL, SKYON DE SANGS RGYAS BSKYANGS LA MI 'JUG PA'I TSUL DANG GSUM, DANG PO NI, TSIG GSAL LAS, SANGS RGYAS BSKYANGS NI DNGOS PO RNAMS GZHAN LAS SKYE BA MED DE, THAMS CAD LAS THAMS CAD SKYE BAR 'GYUR BA'I PHYIR RO, ,ZHAS RNAM PAR 'CHAD DO, ,ZHES GSUNGS, GNYIS PA NI, TSIG GSAL LAS, SLOB DPON LEGS LDAN 'BYED NI, DES NA DE LA THAL BAR 'GYUR BA'I NGAG YIN PA'I PHYIR, BSGRUB PAR BYA BA DANG, BSGRUB PAR BYED PA BZLOG PA BYAS NA, DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BA'I PHYIR, DES NA GONG MA'I PHYOGS DANG 'GAL BAR 'GYUR RO, ,GZHAN DU NA YANG THAMS CAD LAS THAMS CAD SKYE BAR 'GYUR BA'I PHYIR RO, ,DE BAS NA DE LA SGRUB PA DANG SUN 'BYIN PA NYID MED PA'I PHYIR, DE'I DON 'GREL MED PA YIN TE, ZHES SUN 'BYIN SMRA'O ZHES GSUNGS, DON NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL NGAG DE MI 'THAD DE, DES KUN RDZOB KYI DBANG DU BYAS NAS GZHAN SKYE 'GOG PAR BYED DAM, DON DAM GYI DBANG DU BYAS NAS GZHAN SKYE 'GOG PAR BYED, DANG PO LTAR NA MI RIGS TE, SANGS RGYAS BSKYANGS KYIS KUN RDZOB TU GZHAN SKYE YOD PAR KHAS BLANGS PA'I PHYIR, GNYIS PA LTAR NA @109A *, ,MI RIGS TE, GZHAN SKYE 'GOG BYED KYI 'GREL NGAG DES DON DAM GYI DBANG DU BYAS PA'I GTAN TSIGS DANG DPE YANG DAG MA BRJOD PA'I PHYIR, BRJOD DE ZHE NA, 'O NA, 'GREL NGAG DE'I DNGOS ZIN LTAR NA THAMS CAD LAS THAMS CAD SKYE BA DE DON DAM GYI DBANG DU BYAS NAS DNGOS PO RNAMS GZHAN LAS MI SKYE BAR SGRUB PA'I RTAGS YANG DAG TU MI RIGS PAS, DNGOS ZIN LAS BZLOG PA'I DON 'GA' ZHIG LAS 'GA' ZHIG SKYE BA DE DON DAM GYI DBANG DU BYAS NAS DNGOS PO RNAMS GZHAN LAS MI SKYE BAR GRUB PA'I RTAGS YANG DAG TU KHAS LEN DGOS LA, DE LTAR NA DNGOS PO RNAMS BDAG GAM GNYIS KA'AM RGYU MED PA GANG RUNG LAS SKYE BAR THAL, DNGOS PO RNAMS DON DAM PAR SKYE BA GANG ZHIG, DE RNAMS DON DAM PAR GZHAN LAS MI SKYE BA'I PHYIR, DANG PO MA GRUB NA, 'GA' ZHIG LAS 'GA' ZHIG SKYE BA DE DON DAM GYI DBANG DU BYAS NAS DNGOS PO RNAMS GZHAN LAS MI SKYE BAR SGRUB PA'I RTAGS YANG DAG TU KHAS BLANGS PA DANG 'GAL LO, ,'DOD MI NUS TE, PHYOGS GONG MA KLU GRUB KYI GRUB MTHA' DANG 'GAL BA'I PHYIR, YANG NA DNGOS ZIN GYI RTAGS BZLOG TSUL GONG DANG 'DRA LA, DNGOS ZIN GYI RTAGS BZLOG NA DNGOS ZIN GYI BSGRUB BYA YANG BZLOG DOGS TE, RGYU MTSAN MTSUNGS PA'I PHYIR, DNGOS ZIN GYI BSGRUB BYA BZLOG PA'I DON GANG YIN ZHE NA, 'GREL NGAG DES DNGOS PO RNAMS DON DAM PAR BDAG GAM GNYIS SAM RGYU MED PA GANG RUNG LAS SKYE BAR SHUGS SU 'PHANGS PA'I SGO NAS DNGOS PO RNAMS DON DAM PAR GZHAN SKYE RNAM PAR BCAD TZAM MA YIN PA'I SKYE BA, DNGOS PO RNAMS DON DAM PAR GZHAN LAS MI SKYE BAR SGRUB PA'I BSGRUB BYA YANG DAG YIN PA DE DNGOS ZIN GYI BSGRUB BYA BZLOG PA'I DON YIN PAR THAL, DNGOS ZIN GYI BSGRUB BYA BZLOG DGOS PA GANG ZHIG DNGOS PO RNAMS DON DAM PAR GZHAN LAS SKYE BA DE DNGOS PO GZHAN LAS MI SKYE BAR BSGRUB PA'I DNGOS ZIN GYI BSGRUB BYA BZLOG PA'I DON DU MI RIGS PA'I PHYIR, 'DOD MI NUS TE, PHYOGS GONG MA KLU SGRUB KYIS DE'I BSGRUB @109B BYA MED DGAG TU BSHAD PA'I GRUB MTHA' DANG 'GAL LO, ,` GSUM PA SKYON DE SANGS RGYAS BSKYANGS LA MI 'JUG PA'I TSUL NI, TSIG GSAL LAS, 'DI YANG DON 'BREL PA MED PA YIN TE, GONG KHO NAR BSTAN ZIN PA'I PHYIR DANG, GZHAN GYI DAM BCAS PA'I DON SUN 'BYIN PAR BYED PA'I PHYIR DANG, SUN 'BYIN PA NYID KYANG YIN PA'I PHYIR, 'DI NI GYI NA'O, ,DES NA SLAR YANG 'BAD PAR MI BYA'O, ,ZHES GSUNGS, DON NI, SLOB DPON SANGS RGYAS BSKYANGS KYI 'GREL NGAG DES DNGOS PO RNAMS DON DAM PAR GZHAN LAS MI SKYE BAR SGRUB PA'I GTAN TSIGS DANG DPE YANG DAG MA BRJOD PA'I CHA NAS SANGS RGYAS BSKYANGS LA SKYON YOD PA MA YIN TE, DES DON DAM GYI DBANG DU BYAS PA'I DNGOS PO RNAMS GZHAN LAS MI SKYE BAR SGRUB PA'I GTAN TSIGS DANG DPE YANG DAG DNGOS SU MA BRJOD KYANG, 'GAL BRJOD KYI THAL 'GYUR LA BRTEN NAS DON DAM PAR GZHAN LAS SKYE BA ZLOG NUS PA GANG ZHIG, 'GREL NGAG DES DON DAM PAR GZHAN SKYE 'GOG NUS PA'I THAL 'GYUR CIG BSTAN PA'I PHYIR, ` GSUM PA GNYIS KA LAS SKYE BAR 'GOG PA'I RIGS PA GO SLA'O, ,` BZHI PA RGYU MED LAS SKYE BA 'GOG PA LA, RGYU MED LAS SKYE BA 'GOG PA'I SANGS RGYAS BSKYANGS KYI 'GREL PA BYUNG TSUL, DE LA SLOB DPON LEGS LDAN 'BYED KYIS SKYON BRJOD TSUL, SKYON DE SANGS RGYAS BSKYANGS LA MI 'JUG PA'I TSUL DANG GSUM, DANG PO NI, TSIG GSAL LAS, SLOB DPON SANGS RGYAS BSKYANGS NI DNGOS PO RNAMS RGYU MED PA LAS KYANG SKYE PA MED DE, RTAG TU THAMS CAD LAS THAMS CAD SKYE BAR THAL BAR 'GYUR PA'I PHYIR RO, ,ZHES 'CHAD DO, ,ZHES GSUNGS, GNYIS PA NI, TSIG GSAL LAS 'DI LA YANG SLOB DPON LEGS LDAN 'BYED NI, DE LA YANG THAL BAR 'GYUR BA'I NGAG YIN PA'I PHYIR, GAL TE BSGRUB PAR BYA BA DANG SGRUB PAR BYED PA BZLOG PA GSAL PA NGAG GI DON DU MNGON PAR 'DOD NA, DE'I TSE 'DI SKAD DU DNGOS PO RNAMS RGYU LAS SKYE BAR 'GYUR BA DANG, LAN 'GA' KHA CIG LAS KHA CIG SKYE BAR 'GYUR BA DANG, RTZOM PA 'BRAS BU DANG BCAS PA NYID DU 'GYUR PA'I PHYIR RO, ,ZHES BSTAN @110A *, ,PAR 'GYUR NA, BSHAD PA DE NI MI RIGS TE, SNGAR SMRAS PA'I SKYON DU 'GYUR BA'I PHYIR RO ZHES SUN 'BYIN PA SMRA'O, ,ZHES GSUNGS, DON NI, SLOB DPON LEGS LDAN 'BYED NA RE, SANGS RGYAS BSKYANGS KYI 'GREL NGAG DE MI RIGS TE, DES DNGOS PO RNAMS RGYU MED LAS MI SKYE BAR SGRUB PA'I GTAN TSIGS DANG DPE YANG DAG MA BRJOD PA'I PHYIR, GAL TE BRJOD DO ZHE NA, 'O NA 'GREL NGAG DE'I DNGOS ZIN LTAR RTAG TU THAMS CAD LAS THAMS CAD SKYE BA DE, DNGOS PO RNAMS RGYU MED LAS MI SKYE BAR SGRUB PA'I RTAGS YANG DAG TU MI RIGS PAS, DNGOS ZIN LAS BZLOG PA'I DON, 'GA' ZHIG LAS 'GA' ZHIG SKYE BA DE, DNGOS PO RNAMS RGYU MED LAS MI SKYE BAR SGRUB PA'I RTAGS YANG DAG TU KHAS LEN DGOS LA, DE LTAR DNGOS ZIN GYI RTAGS BZLOG NA DNGOS ZIN GYI DAM BCA' YANG BZLOG DGOS TE, RGYU MTSAN MTSUNGS PA'I PHYIR, 'O NA, DNGOS ZIN GYI DAM BCA' BZLOG PA'I DON GANG ZHE NA, DNGOS PO RNAMS RGYU MED LAS SKYE BA RNAM PAR BCAD TZAM MA YIN PA'I SKYE BA DE, DNGOS PO RNAMS RGYU MED LAS MI SKYE BAR SGRUB PA'I RTAGS YANG DAG GI SGRUB BYA YANG DAG YIN PA DE, DNGOS ZIN GYI DAM BCA' BZLOG PA'I DON YIN PAR THAL, DE'I DNGOS ZIN GYI DAM BCA' BZLOG NI DGOS, DNGOS PO RNAMS RGYU MED LAS SKYE BA DE, DE'I DNGOS ZIN GYI DAM BCA' BZLOG PA'I DON DU MI RIGS PA'I PHYIR, 'DOD MI NUS TE, 'PHAGS PA KLU SGRUB KYIS DE'I BSGRUB BYA MED DGAG TU BSHAD PA DANG 'GAL BA'I PHYIR RO, ,GSUM PA NI, TSIG GSAL LAS, GZHAN DAG NA RE, 'DI NI MI RIGS TE, SNGAR LAN BTAB ZIN PA'I PHYIR RO ZHE'O, ,ZHES GSUNGS, DON NI, 'GREL NGAG DES DNGOS PO RNAMS RGYU MED LAS MI SKYE BAR SGRUB PA'I GTAN TSIGS DANG DPE YANG DAG MA BRJOD PA'I CHA NAS SANGS RGYAS BSKYANGS LA SKYON YOD PA MA YIN TE, RGYU MED LAS SKYE BA 'GOG PA LA GTAN TSIGS DANG DPE YANG DAG NGES PAR BRJOD MI DGOS SHING, 'GAL RDZOD KYI THAL 'GYUR LA BRTEN NAS KYANG RGYU MED LAS SKYE BA'I LOG RTOG BZLOG @110B NUS PAR GONG DU BSTAN ZIN PA'I PHYIR RO, ` ,GZHAN SKYE 'GOG PA LA RANG SDE DNGOS SMRA BA SOGS NA RE, BDAG SKYE MED PAS GNYIS KA LAS SKYE BA MI RIGS SHING, RGYU MED DU SKYE BA GCIG TU THA CHAD PAS 'GOG RIGS MOD, GZHAN DAG LAS LTA GA LA ZHIG, CES GZHAN SKYE 'GOG MI RIGS TE, BCOM LDAN 'DAS KYI MDO LAS, DNGOS PO RNAMS RANG GI MTSAN NYID KYIS GRUB PA'I RKYEN BZHI LAS SKYE BAR GSUNGS PA'I PHYIR ZHE NA, DE 'GOG PA LA, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR BYUNG, DE YANG DNGOS SMRA BA DANG RANG RGYUD PA RNAMS KYI GZHAN SKYE 'DOD PA'I LUGS SPYIR 'GOG PA LA, GZHAN LA BRTEN NAS, ZHES PA NAS, MYUG TSE SA BON YOD CES BRJOD MI BYA, ,ZHES PA'I BAR GSUNGS, GZHAN SKYE 'DOD PA'I RANG RGYUD PA'I LUGS BYE BRAG TU 'GOG PA LA, GAL TE RANG GI MTSAN NYID BRTEN 'GYUR NA, ZHES PA NAS, YOD CES DRANG DON NYID DU BSTAN PA YIN, ,ZHES PA'I BAR GSUNGS, GZHAN SKYE 'DOD PA'I SEMS TZAM PA'I LUGS 'GOG PA LA, GZUNG BA MED PAR 'DZIN PA MA MTHONG ZHING, ,ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR GSUNGS, DE RNAMS KYI NANG NAS GZHAN SKYE SPYIR 'GOG PA LA, THAL 'GYUR GYI DBANG DU BYAS NA RGYU MTSAN MTSUNGS PA'I MGO SNYOMS SOGS BZHI LAS, 'DIR RGYU MTSAN MTSUNGS PA'I MGO SNYOMS KYI RIGS PA LA BRTEN NAS RGYU 'BRAS SO SOR MA PHYE BAR GZHAN SKYE SPYIR 'GOG PA LA, GZHAN LA BRTEN NAS, ZHES SOGS RKANG PA BZHI GSUNGS, DE'I SKYON SPONG GI LAN DGAG PA LA, RAB TU BYA BAR NUS PA DE PHYIR 'BRAS BUR NGES RJOD CING, ,ZHES PA NAS, SA LU'I SA BON YANG NI DE YI MIN TE GZHAN NYID PHYIR, ,ZHES PA'I BAR GSUNGS, RGYU 'BRAS SO SOR PHYE NAS GZHAN SKYE 'GOG PA LA, RGYU LA DPYAD NAS GZHAN SKYE 'GOG PA DANG, 'BRAS BU LA DPYAD NAS GZHAN SKYE 'GOG PA GNYIS, DANG PO LA, 'BRAS BU LAS SNGA @111A *, ,PA'I RGYU LA DPYAD NAS 'GOG PA DANG, 'BRAS BU DANG DUS MNYAM PA'I RGYU LA DPYAD NAS 'GOG PA'O, ,DANG PO NI, MYU GU SA BON DANG NI DUS MNYAM YOD PA MA YIN TE, ,ZHES PA NAS, SKYE BA 'DI NI BYED PO MED PAR RIGS PA'I NGO BO'ANG MIN, , ZHES PA'I BAR GSUNGS, GNYIS PA LA, GAL TE MIG GI BLO LA RANG GI SKYED BYED DUS GCIG PAR, ,ZHES SOGS RKANG PA BZHI GSUNGS, GNYIS PA 'BRAS BU LA DPYAD NAS 'GOG PA LA, SKYED PAR BYED PA BSKYED BYA GZHAN SKYED PA DE RGYU YIN NA, ,ZHES SOGS RKANG PA BZHI GSUNGS, DE LTAR BKAG PA LA RTZOD PA SPONG BA LA, GANG GIS RANG LTA LA GNAS 'JIG RTEN TSAD MIR 'DOD PAS NA, ,ZHES PA NAS, GZHAN LAS SKYE BA 'JIG RTEN LAS KYANG MED, ,CES PA'I BAR GSUNGS, DE LTAR BKAG PA'I DON BSDUS TE STON PA LA, GANG PHYIR MYU GU SA BON LAS GZHAN MIN, ,ZHES SOGS RKANG PA GSUM GSUNGS, DE'I NANG NAS GZHAN SKYE BKAG PA LA RTZOD PA SPONG BA LA, RTZOD LAN GNYIS, DANG PO NI, GANG GIS RANG LTA LA GNAS 'JIG RTEN TSAD MAR 'DOD PAS NA, ,ZHES GSUNGS SO, ,DE LA KHO NA RE, GZHAN SKYE DKAG PA MI 'THAD PAR THAL, GZHAN SKYE 'JIG RTEN GYI MNGON SUM GYIS GRUB PA'I PHYIR TE, SA BON LAS MYU GU SKYE BAR 'JIG RTEN GYIS MNGON SUM GYIS GRUB PA'I PHYIR ZER NA, DE'I LAN NI, RTZOD PA DE 'JIG RTEN GYIS GNOD PA'I YUL DANG MI GNOD PA'I YUL SO SOR MA SHES PA'I RTZOD PA YIN PAS, DE SHES PA LA BDEN GNYIS KYI RNAM DBYE SHES PA SNGON DU 'GRO DGOS PAS, THOG MAR BDEN GNYIS KYI RNAM GZHAG GTAN LA 'BEBS PA LA, DNGOS KUN YANG DAG BRDZUN PA MTHONG BA YIS, ,ZHES SOGS RKANG PA BZHI GSUNGS, DE YANG MTSON BYA BDEN GNYIS SO SO'I NGO BO MDOR BSTAN GYI SGO NAS STON PA LA, DNGOS KUN YANG DAG, CES SOGS RKANG PA GNYIS GSUNGS, BDEN GNYIS SO SO'I MTSAN NYID STON PA LA, YANG DAG MTHONG YUL GANG DE DE NYID DE, ,ZHES SOGS RKANG PA GNYIS GSUNGS, DE LA KHO NA RE, SNGAR GYI RTZOD PA DE 'JIG RTEN GYI @111B GNOD PA'I YUL DANG MI GNOD PA'I YUL SO SOR MA PHYE BA'I RTZOD PA YIN NA, 'JIG RTEN GYI MNGON SUM GYI GNOD PA DANG MI GNOD PA'I YUL GANG ZHE NA, DE YANG BRDZUN PA MTHONG BA'I YUL CAN DE LA 'JIG RTEN SHES NGO LA LTOS TE YANG DAG PA DANG LOG PA GNYIS YOD CES STON PA LA, MTHONG BA BRDZUN PA'ANG RNAM PA GNYIS 'DOD TE, ,ZHES SOGS RKANG PA BZHI GSUNGS, MTHONG BA BRDZUN PA'I YUL DE LA YANG 'JIG RTEN SHES NGO LA LTOS TA YANG LOG GNYIS YOD CES STON PA LA, GNOD PA MED PA'I DBANG PO DRUG RNAMS KYIS, ,ZHES SOGS RKANG PA BZHI GSUNGS, 'O NA 'JIG RTEN NYID LAS LOG PAR RNAM PAR BZHAG, CES 'CHAD NA, 'JIG RTEN PA'I LOG PA GANG ZHE NA, DE'I MTSAN GZHI DPE DANG BCAS TE STON PA LA, MI SHES GNYID KYIS RAB BSKYOD MU STEGS CAN, ,ZHES SOGS RKANG PA BZHI GSUNGS, DE RNAMS KYIS 'JIG RTEN PA'I MNGON SUM GYIS GNOD PA'I YUL NGOS BZUNG NAS, DES MI GNOD PA'I YUL NGOS BZUNG BA'I SGO NAS GZHAN SKYE DGAG PA LA, 'JIG RTEN GYIS MI GNOD PA'I TSUL DPE DANG BCAS TE STON PA LA, MIG NI RAB RIB CAN GYIS DMIGS PA YIS, ,ZHES SOGS RKANG PA BZHI GSUNGS, 'O NA, DNGOS KUN YANG DAG BRDZUN PA MTHONG BA YIS, ,ZHES BSHAD NA, KUN RDZOB BDEN PA'I NGO BO DE GANG YIN ZHE NA, DE STON PA LA, GTI MUG RANG BZHIN SGRIB PHYIR KUN RDZOB STE, ,ZHES SOGS RKANG PA BZHI GSUNGS, DON DAM BDEN PA'I NGO BO GANG YIN ZHE NA, DE STON PA LA, RAB RIB MTHU YIS SKRA SHAD LA SOGS PA'I, ,ZHES SOGS RKANG PA BZHI GSUNGS, MTHONG BA DE NYID DE BZHIN 'DIR SHAS GYIS, ZHES DON DAM LA DPYOD PA'I SKABS SU 'JIG RTEN GYI GNOD SGRUB 'JUG NA, NYES PA CI YOD CE NA, DON DAM LA DPYOD PA'I SKABS SU 'JIG RTEN GYI GNOD SGRUB 'GOG PA LA, GAL TE 'JIG RTEN TSAD MA YIN NA NI, ,ZHES SOGS RKANG PA DRUG GSUNGS, 'O NA, DON DAM LA DPYOD PA'I SKABS SU 'JIG RTEN GYI GNOD SGRUB MI 'JUG NA, 'JIG RTEN GYIS GNOD TSUL JI LTA BU ZHE NA, DE'I DON STON PA LA, 'JIG RTEN DON NI 'JIG RTEN GRAGS NYID KYIS, ,ZHES SOGS RKANG PA GNYIS GSUNGS, DES NA GZHAN @112A *, ,SKYE 'JIG RTEN GYI MNGON SUM GYIS GRUB PA MI 'THAD DE, 'JIG RTEN GYI THA SNYAD DU YANG GZHAN SKYE MED PA'I PHYIR, ZHES STON PA LA, GANG PHYIR 'JIG RTEN SA BON TZAM BTAB NAS, ,ZHES SOGS RKANG PA BZHI GSUNGS, GZHAN SKYE 'DOD PA'I RANG RGYUD PA'I LUGS 'GOG PA LA YANG, RANG RGYUD PA 'DOD PA'I RANG BZHIN GYIS SKYE BA 'GOG PA'I RIGS PA DNGOS 'CHAD PA LA, GAL TE RANG GI MTSAN NYID BRTEN 'GYUR NA, ,ZHES PA NAS, KHYOD KYI SKYE BA GANG GIS YIN PAR 'GYUR, ,ZHES PA'I BAR GSUNGS, RANG BZHIN GYIS GRUB PA'I SKYE BA 'GOG PA'I RIGS PA LA YANG 'PHAGS PA'I MNYAM GZHAG DNGOS PO'I 'JIG RGYUR THAL BAS DGAG PA DANG, THA SNYAD BDEN PA RIGS PAS DPYAD BZOD DU THAL BAS DGAG PA, DON DAM PA'I SKYE BA MI KHEGS PAR THAL BAS DGAG PA GSUM GYI DANG PO STON PA LA, GAL TE RANG GI MTSAN NYID BRTEN 'GYUR NA, ,ZHES SOGS RKANG PA BZHI GSUNGS, GNYIS PA STON PA LA, GANG PHYIR DNGOS PO 'DI DAG RNAM DPYAD NA, ,ZHES SOGS RKANG PA BZHI GSUNGS, GSUM PA STON PA LA, DE NYID SKABS SU RIGS PA GANG ZHIG GIS, ,ZHES SOGS RKANG PA BZHI GSUNGS, DE YAN GYIS RANG BZHIN GYIS SKYE BA 'GOG PA'I RIGS PA MDOR BSTAN NAS, DE LTAR BKAG PA LA RTZOD PA SPONG PA LA, DNGOS PO STONG PA GZUGS BRNYAN LA SOGS PA, ,ZHES SOGS RKANG PA DRUG GSUNGS, RANG BZHIN GYIS SKYE BA BKAG PA'I YON TAN STON PA LA, BDEN PA GNYIS SU'ANG RANG BZHIN MED PA'I PHYIR, ,ZHES PA NAS, YOD CES DRANG DON NYID DU BSTAN PA YIN, ,ZHES PA'I BAR GSUNGS, DES RANG BZHIN GYIS SKYE BA BKAG PA'I YON TAN LA RTAG CHAD KYI LTA BA SPANG SLA BA'I YON TAN DANG, LAS 'BRAS KYI 'BREL BA CHES 'THAD PA'I YON TAN GNYIS KYI DANG PO STON PA LA, BDEN PA GNYIS SU'ANG RANG BZHIN MED PA'I PHYIR, ,ZHES SOGS RKANG PA GNYIS GSUNGS, GNYIS PA STON PA LA, GANG PHYIR RANG BZHIN GYIS DE MI 'GAG PA, ,ZHES SOGS RKANG PA BZHI GSUNGS, LA LAR LAS 'GAGS YUN RING LON LAS KYANG @112B ZHES RANG BZHIN GYIS SKYE BA MED PA'I LUGS LA KUN GZHI SOGS MED KYANG LAS ZHIG PAS 'BRAS BU SKYED PA DPE DANG BCAS TE STON PA LA, RMI LAM DMIGS PA'I YUL DAG MTHONG NAS NI, ,ZHES SOGS RKANG PA BZHI GSUNGS, GANG PHYIR RANG BZHIN GYIS DE MI 'GAG PA,, ZHES RANG BZHIN GYIS GRUB PA'I SKYE 'GAG MED PA LA, LAS 'BRAS KYI RNAM GZHAG MI 'THAD PA'I RTZOD PA SPONG PA LA, JI LTAR YUL NI YOD NYID MI MTSUNGS KYANG, ,ZHES PA NAS, LAS 'BRAS RNAMS LA SEMS PA'ANG DGAG PAR MDZAD, ,CES PA'I BAR GSUNGS, DE PHYIR KUN GZHI MED KYANG 'DI NUS PHYIR, ,ZHES KUN GZHI MED NA LAS 'BRAS KYI 'BREL PA MI 'THAD PA'I RTZOD PA SPONG BA LA, KUN GZHI YOD CING GANG ZAG NYID YOD LA, ,ZHES PA NAS, YOD CES DRANG DON NYID DU BSTAN PA YIN, ,ZHES PA'I BAR GSUNGS, DE RNAMS KYI NANG NAS, GANG PHYIR RANG BZHIN GYIS DE MI 'GAG PA, ,ZHES SOGS KYI SKABS SU, t'IK CHEN LAS, 'PHAGS PA'I GZHUNG 'GREL TSUL LA, RANG GI MTSAN NYID KYIS GRUB PA RDUL TZAM MED KYANG, BYA BYED THAMS CAD BZHAG PAS CHOG PA'I 'GREL TSUL GYI LUGS THUN MONG MA YIN PA 'DI LA BRTEN NAS, RNAM PAR DAG PA'I GRUB MTHA' 'GREL BYED GZHAN DANG THUN MONG MA YIN PA MANG DU YOD DE, DE GANG ZHE NA, RE SHIG GTZO BO RNAMS BRJOD NA, TSOGS DRUG LAS NGO BO THA DAD PA'I KUN GZHI RNAM SHES DANG, RANG RIG 'GOG LUGS THUN MONG MA YIN PA DANG, RANG RGYUD KYI SBYOR PAS PHYIR RGOL GYI RGYAD LA DE KHO NA NYID KYI LTA BA BSKYED PA KHAS MI LEN PA GSUM DANG, SHES PA KHAS LEN PA BZHIN DU PHYI ROL GYI DON YANG KHAS LEN DGOS PA DANG, NYAN RANG LA DNGOS PO RANG BZHIN MED PAR RTOGS PA YOD PA DANG, CHOS KYI BDAG 'DZIN NYON MONGS SU 'JOG PA DANG, ZHIG PA DNGOS PO YIN PA DANG, DE'I RGYU MTSAN GYIS DUS GSUM GYI 'JOG TSUL THUN MONGS MA YIN PA SOGS YIN NO, ,ZHES GSUNGS, DE'I DON LA KHA CIG, THAL 'GYUR PA'I THUN MONG MA YIN PA'I GRUB MTHA' LA DU MA YOD DE, KUN GZHI MI BZHED PA DANG, RANG RIG MI BZHED @113A *, ,PA; RANG RGYUD KYI RTAGS YANG DAG MI BZHED PA, PHYI DON YOD PA, NYAN RANG 'PHAGS PAS CHOS KYI BDAG MED RTOGS PA, CHOS KYI BDAG 'DZIN NYON MONGS YIN PA, ZHIG PA DNGOS POR 'DOD PA, DE'I DBANG GIS DUS GSUM GYI 'JOG TSUL THUN MONG MA YIN PA RNAMS SU YOD PA'I PHYIR, ZHES ZER, SHES BYA CHOS CAN, KUN GZHI MED PA DE THAL 'GYUR BA'I THUN MONG MA YIN PA'I GRUB MTHA' MA YIN PAR THAL, NYAN THOS SDE GNYIS KYIS KYANG KUN GZHI MED PAR KHAS LEN, SLOB DPON LEGS LDAN 'BYED RJES 'BRANG DANG BCAS PAS KYANG DE LTAR KHAS LEN PA'I PHYIR, RANG RIG MI 'DOD PA YANG DE'I THUN MONG MA YIN PA'I GRUB MTHA' MA YIN PAR THAL, BYE BRAG SMRA BA DANG PHYI ROL PAS KYANG, RANG RIG MED PAR KHAS LEN, SLOB DPON LEGS LDAN 'BYED KYIS KYANG DE LTAR KHAS LEN PA'I PHYIR, RANG RGYUD KYI RTAGS YANG DAG MED PA YANG DE LTAR MA YIN PAR THAL, RGYANG 'PHEN PAS KYANG DE MED PAR KHAS LEN PA'I PHYIR, PHYI DON YOD PA'ANG DE LTAR MA YIN PAR THAL, MDO SDE PAS KYANG DE YOD PAR KHAS LEN PA'I PHYIR, ZHIG PA DNGOS PO YIN PA YANG DE'I THUN MONG MA YIN PA'I GRUB MTHA' MA YIN PAR THAL, BYE BRAG SMRA BAS KYANG DE DNGOS POR KHAS LEN PA'I PHYIR, ` DES NA RANG LUGS LA, KUN GZHI MED PA DANG, RANG RIG MED PA DANG, RANG RGYUD KYI RTAGS YANG DAG MED PA DANG, PHYI ROL GYI DON YOD PA DANG, NYAN RANG 'PHAGS PAS CHOS KYI BDAG MED RTOGS PA DANG, CHOS KYI BDAG 'DZIN NYON SGRIB YIN PA DANG, ZHIG PA DNGOS PO YIN PA SOGS YIN TE, RANG GI MTSAN NYID KYIS GRUB PA RDUL TZAM YANG MED PA'I PHYIR, ZHES RANG GI MTSAN NYID KYIS GRUB PA THA SNYAD DU YANG MED PA SGRUB BYED DU BKOD NAS, ZHIG PA DNGOS PO YIN PA SOGS SU SGRUB PA THAL 'GYUR BA'I THUN MONG MA YIN PA'I GRUB MTHA' YIN PA LUNG DE'I DON NO, ,YANG NA DPAL LDAN ZLA BAS RTZA SHE'I DGONGS PA 'GREL TSUL DU MA YOD DE, RTZA SHE'I DGONGS PA SEMS TZAM DU 'GREL BAR BYED PA'I 'GREL BYED GZHAN DANG THUN MONG @113B MA YIN PA'I KUN GZHI MED PA DANG, RANG RIG MED PA DANG, PHYI DON YOD PA DANG, RTZA SHE'I DGONGS PA RANG RGYUD DU 'BREL BAR BYED PA'I 'GREL BYED GZHAN DANG THUN MONG MA YIN PA'I RANG RGYUD KYI RTAGS YANG DAG MED PA DANG, NYAN RANG 'PHAGS PAS CHOS KYI BDAG MED RTOGS PA DANG, CHOS KYI BDAG 'DZIN NYON SGRIB YIN PA DANG, ZHIG PA DNGOS PO YIN PAR 'GREL BAR BYED PA'I 'GREL TSUL DU MA YOD PA'I PHYIR, ` DNGOS KUN YANG DAG RDZUN PA MTHONG BA YIS, ,ZHES SOGS KYI SKABS SU, MTHA' DPYAD PA LA, KHA CIG, MTHAR THUG DPYOD PA'I RIGS SHES KYI RNYED DON, DON DAM BDEN PA'I MTSAN NYID, THA SNYAD DPYOD PA'I TSAD MA'I RNYED DON, KUN RDZOB BDEN PA'I MTSAN NYID ZER NA, DANG PO LA, BUM PA CHOS CAN, MTSON BYA DER THAL, MTSAN NYID DE'I PHYIR, DER THAL, JI LTA BA RTOGS PA'I RNAM MKHYEN GYI RNYED DON YIN PA'I PHYIR, KHYAB STE, t'IK CHEN LAS, 'BRAS BU'I SKABS SU DE'I PHYIR SANGS RGYAS KYI MKHYEN TSUL YANG BSDUS PA'I DBANG DU BYED NA NI YANG DAG PA MTHONG BA'I RIGS SHES TSAD MAS RNYED PA DANG, YUL DE LA RIGS SHES TSAD MA YIN PA NI, DON DAM BDEN PA'I MTSAN NYID YIN LA, DES KUN RDZOB BDEN PA'I MTSAN NYID KYANG SHES PAR BYA'O, ,ZHES GSUNGS PA'I PHYIR, GNYIS PA LA, BUM PA'I CHOS NYID CHOS CAN, MTSON BYA DER THAL, MTSAN NYID DE'I PHYIR, DER THAL, JI SNYED PA MKHYEN PA'I RNAM MKHYEN GYI RNYED DON YIN PA'I PHYIR, KHYAB STE, t'IK CHEN LAS, ,DE'I PHYIR ZHES SOGS DRANGS MA THAG PA'I DON GRUB PA'I PHYIR, GZHAN YANG, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, THEG CHEN GYI MTHONG LAM BAR CHAD MED LAM GYI RNYED DON YIN PA'I PHYIR, MA GRUB NA, DE CHOS CAN, DER THAL, DES KHYOD RTOGS PA'I PHYIR, DER THAL, DES THEG CHEN GYI MTHONG LAM BAR CHAD MED LAM LA SNANG BA DE RTOGS PA'I PHYIR, MA GRUB NA, DE CHOS CAN, KHYOD KYIS RANG LA SNANG BA DE RTOGS PAR THAL, KHYOD RANG GI SNANG BA LA TSAD MA YIN PA'I @114A *, ,PHYIR TE, KHYOD SHES PA YIN PA'I PHYIR, RTZA BAR 'DOD MI NUS TE, SHES PA YIN PA'I PHYIR, KHA CIG, MTSAN NYID DE LTAR 'THAD DE, MTHAR THUG DPYOD PA'I RIGS SHES KYI RNYED DON DANG, THA SNYAD PA'I TSAD MA'I RNYED DON GNYIS 'GAL BA'I PHYIR TE, 'KHRUL SHES KYI RNYED DON DANG, MA 'KHRUL BA'I SHES PA'I RNYED DON 'GAL BA'I PHYIR TE, TSIG GSAL LAS, PHYIN CI LOG DANG, PHYIN CI MA LOG PA DAG NI THA DAD PA YIN NO, ,ZHES GSUNGS PA'I PHYIR ZER NA, JI LTA BA RTOGS PA'I RNAM MKHYEN GYI GZHAL BYA YIN NA MTHAR THUG DPYOD PA'I RIGS SHES KYI RNYED DON YIN PAS MA KHYAB PAR THAL, MTHAR THUG DPYOD PA'I RIGS SHES KYI RNYED DON DANG, THA SNYAD PA'I TSAD MA'I RNYED DON GNYIS 'GAL BA'I PHYIR, RTAGS KHAS, YANG KHO NA RE, BDEN MED YOD PA CHOS CAN, MTHAR THUG PYOD PA'I RIGS SHES KYI RNYED DON YIN PAR THAL, JI LTA BA RTOGS PA'I RNAM MKHYEN GYI RNYED DON YIN PA'I PHYIR, 'DOD NA, MTHAR THUG DPYOD PA'I RIGS SHES KYIS BDEN MED YOD PA DE 'GRUB PAR THAL, 'DOD PA'I PHYIR, 'DOD MI NUS TE, MTHAR THUG DPYOD PA'I RIGS SHES KYIS DE MI 'GRUB PA'I PHYIR TE, DE LTAR RTZA SHE'I t'IK CHEN LAS GSUNGS PA'I PHYIR, ZER NA, BDEN MED KYI DON SPYI CHOS CAN, DON DAM BDEN PA YIN PAR THAL, MTHAR THUG DPYOD PA'I RIGS SHES KYI RNYED DON YIN PA'I PHYIR, KHYAB PA MTSAN NYID LA KHAS, MA GRUB NA, DER THAL, BDEN MED RTOGS PA'I RIGS SHES RJES DPAG GI RNYED DON YIN PA'I PHYIR TE, DE DE'I GZHAL BYA YIN PA'I PHYIR TE, DES DE RTOGS PA'I PHYIR, MA GRUB NA, DER THAL, DES BDEN MED RTOGS PA'I RIGS SHES RJES DPAG LA SNANG BA DE RTOGS PA'I PHYIR TE, DE RANG GI SNANG BA LA TSAD MA YIN PA'I PHYIR, RTZA BAR 'DOD NA SLA, GZHAN YANG, BDEN MED CHOS CAN, KUN RDZOB BDEN PA YIN PAR THAL, MTSAN NYID DE'I PHYIR, DER THAL, BDEN 'DZIN LOG SHES SU RTOGS PA'I THA SNYAD PA'I TSAD MA'I RNYED DON YIN PA'I PHYIR, MA GRUB NA, DER THAL, DES DE RTOGS @114B PA'I PHYIR TE, DES BDEN 'DZIN GYI ZHEN YUL MED PAR RTOGS PA'I PHYIR TE, DES DE LOG SHES SU RTOGS PA'I PHYIR, 'DOD MI NUS TE, DON DAM BDEN PA YIN PA'I PHYIR, KHA CIG, MTHAR THUG DPYOD PA'I RIGS SHES KYI DNGOS KYI RNYED DON, DON DAM BDEN PA'I MTSAN NYID, THA SNYAD PA'I TSAD MA'I DNGOS KYI RNYED DON, KUN RDZOB BDEN PA'I MTSAN NYID ZER NA, BDEN MED KYI DON SPYI CHOS CAN, MTSON BYA DANG PO DER THAL, MTSAN NYID DE'I PHYIR, BDEN MED RTOGS PA'I RIGS SHES RJES DPAG GI DNGOS KYI RNYED DON YIN PA'I PHYIR TE, DE'I DNGOS KYI YUL GANG ZHIG, DE'I RNYED DON YIN PA'I PHYIR, DANG PO MA GRUB NA, BDEN MED RTOGS PA'I RIGS SHES RJES DPAG CHOS CAN, BDEN MED KYI DON SPYI DE, KHYOD KYI DNGOS YUL YIN PAR THAL, KHYOD BDEN MED RTOGS PA'I RJES DPAG YIN PA'I PHYIR, KHA CIG, 'PHAGS PA'I MNYAM GZHAG ZAG MED YE SHES KYIS GNYIS SNANG NUB PA'I SGO NAS RTOGS PAR BYA BA, DON DAM BDEN PA'I MTSAN NYID, DES GNYIS SNANG DANG BCAS PA'I SGO NAS RTOGS PAR BYA BA, KUN RDZOB BDEN PA'I MTSAN NYID ZER NA, MNYAM GZHAG ZAG MED YE SHES CHOS CAN, MTSAN NYID PHYI MA DER THAL, MTSON BYA DE'I PHYIR, 'DOD NA, 'PHAGS PA'I MNYAM GZHAG ZAG MED YE SHES LA SNANG BAR THAL LO 'DOD NA, THEG CHEN GYI MTHONG LAM BAR CHAD MED LAM DE THEG CHEN GYI MTHONG LAM BAR CHAD MED LAM LA SNANG BAR THAL, 'DOD PA'I PHYIR, 'DI'I THAD KYI t'IK CHEN DU, GAL TE YANG DAG PA'I KUN RDZOB MI 'DOD PAS YANG LOG GNYIS SU MI 'BYED KYANG, MA RIG PAS BSLAD PA'I YUL DANG YUL CAN RNAMS LOG PA'I KUN RDZOB TU CI'I PHYIR MI 'JOG CE NA, KUN RDZOB MI THA SNYAD PA'I TSAD MAS 'JIG DGOS PA'I PHYIR, LOGS PA'I KUN RDZOB 'JOG NA YANG DE LA LTOS NAS 'JOG DGOS NA, MA RIGS BAG CHAGS KYIS BSLAD PA NI 'KHRUL PAR THA SNAD PA'I TSAD MAS MI 'GRUB PA'I PHYIR, ZHES GSUNGS, DE'I DON LA, KHA CIG , KUN RDZOB YIN NA LOG PA'I KUN RDZOB YIN PAS KHYAB ZER NA, @115A *, ,BDEN 'DZINN CHOS CAN, DER THAL, DE'I PHYIR, 'DOD NA, DE CHOS CAN, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS LOG SHES SU RTOGS NUS PAR THAL, KHYOD YUL CAN LOG PA'I KUN RDZOB YIN PA'I PHYIR, 'DOD NA, t'IK CHEN LAS, MA RIG PA'I BAG CHAGS KYIS BSLAD PA NI 'KHRUL BAR THA SNYAD PA'I TSAD MAS MI 'GRUB PA'I PHYIR, ZHES BSHAD PA MI 'THAD PAR THAL, 'DOD PA'I PHYIR, YANG KHA CIG, LOG PA'I KUN RDZOB MED PA LUNG DE'I DON YIN ZER NA, SHES BYA CHOS CAN, DE YOD PAR THAL, ME LONG NANG GI BYAD BZHIN GYI GZUGS BRNYAN BYAD BZHIN LDU SNANG BA'I MIG SHES DE DE YIN PA'I PHYIR, MA GRUB NA, DE CHOS CAN, KHYOD LOG PA'I KUN RDZOB YIN PAR THAL, KHYOD STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS LOG SHES SU RTOGS NUS PA'I PHYIR, MA GRUB NA, DES DE DE LTAR RTOGS PAR THAL, DES ME LONG NANG GI BYAD BZHIN GYI GZUGS BRNYAN SNANG BA LTAR MA GRUB PAR RTOGS PA'I PHYIR TE, DES DE BYANG BZHIN DU MA GRUB PAR RTOGS PA'I PHYIR, GZHAN YANG, SHES BYA CHOS CAN, MA RIG PA'I BAG CHAGS KYIS BSLAD PA'I SHES PA RNAMS 'KHRUL SHES SU THA SNYAD PA'I TSAD MAS RTOGS MI NUS PA DE, MA RIG BAG CHAGS KYIS BSLAD PA NI 'KHRUL PAR THA SNYAD PA'I THAD MAS MI 'GRUB PA'I PHYIR, ZHES PA'I DON YIN PAR THAL, LOG PA'I KUN RDZOB MED PA LUNG GONG MA DE'I DON YIN PA'I PHYIR, 'DOD NA, MA RIG BAG CHAGS KYIS BSLAD PA'I SHES PA RNAMS 'KHRUL SHES SU THA SNYAD PA'I TSAD MAS MA RTOGS PAR THAL, 'DOD PA'I PHYIR, 'DOD MI NUS TE, DE 'KHRUL SHES YIN PAR RTOGS PA'I PHYIR, MA GRUB NA, MA RIG BAG CHAGS KYIS BSLAD PA'I SHES PA 'KHRUL SHES YIN PA CHOS CAN, KHYOD THA SNYAD PA'I TSAD MAS RTOGS PAR THAL, KHYOD KUN RDZOB BDEN PA YIN PA'I PHYIR, KHO NA RE, ME LONG NANG GI BYAD BZHIN GYI GZUGS BRNYAN CHOS CAN, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD @115B MAS KHYOD LOG PAR RTOGS PAR THAL, KHYOD LOG PA'I KUN RDZOB YIN BA'I PHYIR, 'DOD NA, DES KHYOD RDZUN PAR RTOGS PAR THAL, 'DOD PA'I PHYIR NA MA KHYAB, 'DOD NA, DES KHYOD BDEN MED DU RTOGS PAR THAL LO ZER NA, DE STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS LOG PAR RTOGS PAR THAL, DE 'DRA'I TSAD MA DES ME LONG NANG GI BYAD BZHIN GYI GZUGS BRNYAN BYAD BZHIN DU 'DZIN PA'I MIG SHES DE LOG SHES SU RTOGS PA'I PHYIR TE, DES DE BYAD BZHIN DU MA GRUB PAR RTOGS PA'I PHYIR, KHA CIG, KUN RDZOB LA YANG DAG KUN RDZOB DANG LOG PA'I KUN RDZOB GNYIS SU 'BYED ZER NA, SHES BYA CHOS CAN, KUN RDZOB LA SNANG BA LTAR GRUB PA DANG, SNANG BA LTAR MA GRUB PA GNYIS SU 'BYED RIGS PAT THAL, DAM BCA' 'THAD PA'I PHYIR, 'DOD MI NUS TE, KUN RDZON GYI BDEN PA YIN NA SNANG BA LTAR MA GRUB PAS PHYAB PA'I PHYIR, GZHAN YANG, TSUR MTHONG GI RGYUD KYI SHES PA LA 'KHRUL SHES DANG MA 'KHRUL PA'I SHES PA GNYIS SU 'BYED RIGS PAR THAL, DAM BCA' 'THA DPA'I PHYIR, 'DOD MI NUS TE, DE'I RGYUD KYI SHES PA YIN NA 'KHRUL SHES YIN PAS KHYAB PA'I PHYIR, KHO NA RA, RNAMS MKHYEN LA SNANG BA CHOS CAN, SNANG BA LTAR MA GRUB PAR THAL, KUN RDZOB BDEN PA YIN PA'I PHYIR, 'DOD NA, DE CHOS CAN, KHYOD LA SNANG BA DE SNANG BA LA LTAR GRUB PAR THAL, KHYOD MA 'KHRUL PA'I SHES PA YIN PA'I PHYIR NA MA KHYAB, KHO NA RE, MA 'KHRUL BA'I SHES PA'I DON GCIG MED PAR THAL, RANG NYID LA SNANG BA SNANG BA LTAR DU GRUB PA'I SHES PA DE, MA 'KHRUL BA'I SHE SPA'I DON MA YIN PA'I PHYIR ZER NA MA KHYAB STE, RANG NYID LA SNANG BA DE RANG NYID LA SNANG BA LTAR DU GRUB PA'I SHES PA DE DE'I DON YIN PA'I PHYIR, KHA CIG SHES PA GANG ZHIG, RANG NYID RANG GI SNANG YUL LA 'KHRUL PAR SEMS TZAM PA YAN CHAD KYI GRUB MTHA' LA MA ZHUGS PA'I 'JIG RTEN RANG GA BAS RTOGS NUS PA, 'JIG RTEN SHES NGO LA LTOS TE YUL CAN LOG PA'I KUN RDZOB KYI MTSAN NYID, DE GANG ZHIG, RANG NYID RANG GI SNANG YUL LA 'KHRUL PAR 'JIG RTEN RANG GA BAS RTOGS MI NUS PAR DE LTAR STONG NYID RTOGS PA'I GANG ZAG @116A *, ,GIS RTOGS DGOS PA 'JIG RTEN SHES NGO LA LTOS TE YUL CAN YANG DAG PA'I KUN RDZOB KYI MTSAN NYID, YUL GYI KUN RDZOB GANG ZHIG, RANG NYID RANG GI GTZO BO SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GA BAS RTOGS NUS PA, YUL GYI LOG PA'I KUN RDZOB KYI MTSAN NYID, DE GANG ZHIG ,DES DE LTAR RTOGS MI NUS PAR STONG NYID RTOGS PA'I GANG ZAG GIS RTOGS DGOS PA DE DE LA LTOS TE, YUL GYI YANG DAG PA'I KUN RDZOB KYI MTSAN NYID ZER NA, SHES BYA CHOS CAN, GZUGS DE 'JIG RTEN SHES NGO LA LTOS TE YANG DAG KUN RDZOB YIN PAR THAL, DE LA LTOS TE YANG DAG KUN RDZOB CIG YOD PA'I PHYIR, 'DOD NA, DE CHOS CAN, DE LA LTOS TE KUN RDZOB YIN PAR THAL LO, ,'DOD NA, MA YIN PAR THAL, DE LA LTOS TE BDEN PA YIN PA'I PHYIR TE, DE LA LTOS TE YANG DAG KUN RDZOB YIN PA'I PHYIR, KHO NA RE, 'JIG RTEN SHES NGO LA LTOS TE YANG DAG KUN RDZOB YOD PAR THAL, DE LA LTOS TE YANG DAG PA YANG YIN KUN RDZOB KYANG YIN PA'I GZHI MTHUN PA YOD PA'I PHYIR, MA GRUB NA, KUN RDZOB BDEN PA YIN NA 'JIG RTEN SHES NGO LA LTOS TE YANG DAG MA YIN DGOS PAR THAL, MA GRUB PA DE'I PHYIR NA MA KHYAB, 'DOD NA, GZUGS CHOS CAN, DER THAL, DE'I PHYIR, GZHAN YANG, 'JIG RTEN SHES NGO LA LTOS TE YUL CAN LOG PA YIN NA SEMS TZAM PA YAN CHAD KYI GRUB MTHA' LA MA ZHUGS PA'I GANG ZAG GIS RANG NYID LOG SHES SU RTOGS NUS PAS KHYAB PAR THAL, MTSAN NYID DANG PO 'THAD PA'I PHYIR, 'DOD NA, RDUL PHRAN CHA MED BSAGS PA'I RAGS PA DANG, DE 'DZIN PA'I TSAD MA RDZAS GZHAN DU GRUB PAR 'DZIN PA'I RTOG PA CHOS CAN, DER THAL, DE'I PHYIR, RTAGS GRUB STE, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS KHYOD LOG SHES SU RTOGS NUS PA'I PHYIR, RTZA BAR 'DOD MI NUS TE, MDO SDE PAS KYANG DE LTAR MA RTOGS, BYE BRAG SMRA BAS KYANG DE LTAR MA RTOGS PA'I PHYIR, DANG PO GRUB STE, DES RDUL PHRAN CHA MED BSAGS @116B PA'I RAGS PA DANG, DE 'DZIN PA'I TSAD MA RDZAS GZHAN DU KHAS LEN PA'I PHYIR, GNYIS PA GRUB STE, DES DE GNYIS RDZAS GZHAN DU BDEN ZHEN GYIS 'DOD PA'I PHYIR TE, DES PHYI DON KHAS LEN PA'I PHYIR, GZHAN YANG, SPYI GTZO BO YOD PAR 'DZIN PA'I RTOG PA DE 'JIG RTEN RANG DGA' BA RNAMS KYIS LOG SHAS SU RTOGS NUS PAR THAL, MTSAN NYID RNAMS 'THAD PA'I PHYIR, 'DOD NA, t'IK CHEN LAS, GRUB MTHA' NGAN PAS BTAGS PA NI GRUB MTHAS BLO BSGYUR BA KHO NAS LOG PAR BRTAGS PA'I GTZO BO SOGS YIN LA, DE DAG PHYIN CI LOG TU 'DZIN PA'I BLO RANG DGA' BAS MI RTOGS KYANG, DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA, 'JIG RTEN PA'I SHES PAS LOG PAR RTOGS PA YIN NO, ,ZHES BSHAD PA MI 'THAD PAR THAL, 'DOD PA'I PHYIR, GZHAN YANG, BUM 'DZIN RTOG PA CHOS CAN, 'JIG RTEN SHES NGO LA LTOS TE YUL CAN LOG PA YIN PAR THAL, SHAS PA GANG ZHIG ,RANG NYID RANG GI SNANG BA LA 'KHRUL PAR SEMS TZAM PA YAN CHAD KYI GRUB MTHA' LA MA ZHUGS PA RNAMS KYIS RTOGS NUS PA'I PHYIR, PHYI MA DER THAL, MDO SDE PAS DE LTAR RTOGS NUS PA'I PHYIR TE, DES BUM 'DZIN RTOG PA LA BUM PA'I DON SPYI BUM PAR SNANG BA BUM PA MA YIN PAR RTOGS NUS PA'I PHYIR, RTZA BAR 'DOD NA, STONG NYID RTOGS MA MYONG BA'I THA SNYAD PA'I TSAD MAS LOG SHES SU RTOGS NUS PAR THAL LO, ,GZHAN YANG, BUM PA'I DON SPYI CHOS CAN, 'JIG RTEN SHES NGO LA LTOS TE YUL GYI LOG PA'I KUN RDZOB YIN PAR THAL, YUL GYI KUN RDZOB GANG ZHIG ,RANG NYID RANG GI GTZO BO SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GI BAS RTOGS NUS PA'I PHYIR, KHYAB PA KHAS, RTAGS PHYI MA DER THAL, MDO SDE PAS DE LTAR RTOGS NUS PA'I PHYIR, DER THAL, DES BUM PA'I DON SPYI BUM PA MA YIN PAR RTOGS PA'I PHYIR, RTZA BAR 'DOD NA, BUM 'DZIN RTOG PA DE 'JIG RTEN SHES NGO LA LTOS TE YUL CAN LOG PA YIN PAR THAL, 'DOD PA'I PHYIR, KHO NA RE, MDO SDE PAS BUM 'DZIN RTOG PA LA BUM PA BDEN PAR SNANG BA LTAR DU MA GRUB PAR RTOGS PAR THAL, DES DE LA BUM PA SNANG BA @117A *, ,LTAR MA GRUB PAR RTOGS PA'I PHYIR, 'DOD NA, DES BUM PA BDEN MED DU RTOGS PAR THAL, 'DOD PA'I PHYIR ZER NA, 'O NA, MDO SDE PAS ME LONG NANG GI BYAD BZHIN GYI GZUGS BRNYAN BYAD BZHIN DU SNANG BA'I DBANG SHES LA DE BDEN PAR SNANG BA LTAR DU MA GRUB PAR RTOGS PAR THAL, DE LA DE SNANG BA GANG ZHIG, DBANG SHES LA DE SNANG BA LTAR MA GRUB PAR RTOGS PA'I PHYIR, KHYAB PA KHAS, 'DOD NA, DES BYAD BZHIN GYI GZUGS BRNYAN BDEN MED DU RTOGS PAR THAL, 'DOD PA'I PHYIR, KHA CIG ,SHES PA GANG ZHIG ,RANG GI THUN MONG MA YIN PA'I RGYU 'PHRAL GYI 'KHRUL RGYUS BSLAD PA'I DBANG PO LAS BYUNG ZHING, RANG NYID RANG NYID KYI SNANG YUL LA 'KHRUL PAR 'JIG RTEN RANG GA BA RNAMS KYIS RTOGS NUS PA DE 'JIG RTEN SHES NGO LA LTOS TE YUL CAN LOG PA'I KUN RDZOB KYI MTSAN NYID, SHES PA GANG ZHIG RANG GI THUN MONG MA YIN PA'I BDAG RKYEN DU GYUR PA'I RGYU 'PHRAL GYI 'KHRUL RGYUS BSLAD PA'I DBANG PO LAS BYUNG ZHING, RANG NYID RANG NYID KYI SNANG YUL LA 'KHRUL PA'I SHES PAR 'JIG RTEN RANG GI BAS RTOGS MI NUS PAR DE LTAR RTOGS PA THEG CHEN GYI LAM LA ZHUGS PA LA LTOS DGOS PA DE, 'JIG RTEN SHES NGO LA LTOS TE YUL CAN YANG DAG PA'I KUN RDZOB KYI MTSAN NYID ZER NA, SGRA RTAG 'DZIN RTOG PA CHOS CAN, RANG GI THUN MONG MA YIN PA'I RGYU 'PHRAL GYI 'KHRUL RGYUS BSLAD PA'I DBANG PO LAS BYUNG BAR THAL, MTSON BYA DANG PO DE'I PHYIR TE, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS KHYOD LOG SHES SU RTOGS NUS PA'I PHYIR, RTZA BAR 'DOD NA, BLO BUR GYI 'KHRUL RGYUS BSLAD PAR THAL LO, ,'DOD MI NUS TE, SGRA RTAG 'DZIN RTOG PA LHAN SKYES YOD PA'I PHYIR, GZHAN YANG, 'PHRAL GYI 'KHRUL RGYUS BSLAD PA'I SHES PA YIN NA, 'JIG RTEN SHES NGO LA LTOS TE YUL CAN LOG PA YIN DGOS PAR THAL, MTSAN NYID DANG PO DE 'THAD PA'I PHYIR, 'DOD NA, GRUB MTHA' NGAN PAS RGYUD BSLAD PA'I DBANG GIS GZUGS BDEN PAR GRUB PA 'THAD SNYAM DU 'DZIN PA'I BDEN 'DZIN CHOS CAN, DER THAL, DE'I PHYIR, RTAGS @117B GRUB STE, CHOS CAN DE YOD PA'I PHYIR, RTZA BAR 'DOD NA, DE CHOS CAN, STONG NYID MA RTOGS PA'I GANG ZAG GI RGYUD KYI THA SNYAD PA'I TSAD MAS KHYOD LOG SHES SU RTOGS PAR THAL, 'DOD PA'I PHYIR, 'DOD NA, DE 'DRA'I GANG ZAG DES KHYOD KYI ZHEN YUL MED PAR RTOGS PAR THAL, 'DOD PA'I PHYIR, 'DOD MI NUS TE, BDEN 'DZIN YIN PA'I PHYIR, KHO NA RE, MTHONG BA BRDZUN PA'ANG RNAM PA GNYIS 'DOD DE, ,DBANG PO GSAL DANG DBANG PO SKYON LDAN NO, ,SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS LOG PAR 'DOD, ,CES SOGS BSHAD PA MI 'THAD PAR THAL, 'PHRAL GYI 'KHRUL RGYUS BSLAD PA'I SHES PA YIN NA 'JIG RTEN SHES NGO LA LTOS TE YUL CAN LOG PA YIN PAS MA KHYAB PA'I PHYIR, ZHE NA, DE LA SPYIR BTANG DANG DMIGS BSAL GNYIS KYI KHYAD PAR YOD PA'I PHYIR, YANG KHO NA RE, 'PHRAL GYI 'KHRUL RGYUS BSLAD PA'I SHES PA LA SNANG BA'I SGO NAS YOD PAR BZHAG PA'I 'PHRAL GYI 'KHRUL RGYUS BSLAD PA'I SHES PA'I SNANG YUL DU GYUR PA'I YUL GYI KUN RDZOB GANG ZHIG RANG NYID RANG GI SNANG YUL DU BYED PA'I BLO LA SNANG BA LTAR MA GRUB PAR MDO SDE PA MAN CHAD KYI 'JIG RTEN RANG GA BA RNAMS KYIS RTOGS PA'I YUL DE, 'JIG RTEN SHES NGO LA LTOS TE YUL GYI LOG PA'I KUN RDZOB KYI MTSAN NYID, DE GANG ZHIG RANG NYID RANG GI GTZO BOR SNANG YUL DU BYED PA'I BLO LA SNANG BA LTAR MA GRUB PAR MDO SDE PA MAN CHAD KYI 'JIG RTEN RANG GA BAS RTOGS MI NUS PAR, DE LTAR RTOGS PA BDAG MED PHRA RAGS GANG RUNG RTOGS PA LA LTOS PA PA'I YOD PA DE 'JIG RTEN SHES NGO LA LTOS TE YUL GYI YANG DAG KUN RDZOB KYI MTSAN NYID ZER NA, SHES BYA CHOS CAN, 'PHRAL GYI 'KHRUL RGYUS BSLAD PA'I SHES PA YIN NA, 'JIG RTEN SHES NGO LA LTOS PA'I YUL CAN LOG PA YIN DGOS PAR THAL, MTSAN NYID DANG PO 'THAD PA'I PHYIR, 'DOD NA, SNGAR BKAGS ZIN, 'JIG RTEN SHES NGO LA LTOS PA'I YANG DAG PA YIN NA YOD PAS KHYAB ZER NA, BDEN GRUB CHOS CAN, DER THAL, DE'I PHYIR, RTAGS GRUB STE, t'IK CHEN LAS, BDAG 'DZIN LHAN SKYES GNYIS KYIS BZUNG BA'I DON LTA BU NI, GNOD PA MED PA'I DBANG POS GZUNG BA @118A *, ,ZHES PA YIN LA, 'JIG RTEN PA'I BSAM PA RANG DGA' BA LA LTOS NAS YANG DAG PA'AM BDEN PA YIN MOD KYANG THA SNYAD DU YANG MED DO, ,ZHES BSHAD PA'I PHYIR, MKHAS PA KHA CIG, BDEN 'DZIN DE SKABS 'DIR BSTAN GYI 'JIG RTEN PA'I SHES PA YIN ZER NA MI 'THAD DE, 'DIR BSTAN 'JIG RTEN PA'I SHES PA DANG, THA SNYAD PA'I TSAD MA'I GZHI 'THUN YOD PA'I PHYIR TE, 'DI'I THAD KYI t'IK CHEN LAS, DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA, 'JIG RTEN PA'I SHES PAS LOG PAR RTOGS PA YIN NO; ;ZHES GSUNGS PA'I PHYIR, YANG t'IK CHEN LAS, GZHI DE KUN RDZOB KYI BDEN PA YIN PAR TSAD MAS RNYED PA LA NI, SNGON DU DBU MA'I LTA BA RNYED PA ZHIG NGES PAR DGOS TE, GZHI DE KUN RDZOB BDEN PAR GRUB NA RDZUN PAR 'GRUB DGOS SHING, RDZUN PAR DNGOS SU 'GRUB PA LA GZHI DA LA SNGON DU BDEN GRUB TSAD MAS KHEGS DGOS PA'I PHYIR RO, ,ZHES GSUNGS, 'DI'I DON LA KHA CIG, KUN RDZOB BDEN PA TSAD MAS NGES PA'I GANG ZAG YIN NA, BDEN MED TSAD MAS NGES PA'I GANG ZAG YIN PAS KHYAB ZER NA, KUN RDZOB BDEN PA RTOGS PA'I BLO LA THABS DANG, DON DAM BDAN PA RTOGS PA'I BLO THABS BYUNG DU BSHAD PA MI 'THAD PAR THAL, DAM BCA' 'THAD PA'I PHYIR, 'DOD NA, 'DI NYID LAS, KUN RDZOB BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,ZHES BSHAD PA MI 'THAD PAR THAL LO, ,KHO NA RE, KUN RDZOB BDEN PA TSAD MAS NGES NAS BDEN MED TSAD MAS MA NGES PA'I GANG ZAG CHOS CAN, KUN RDZOB BDEN PA KUN RDZOB BDEN PAR TSAD MAS NGES PA'I GANG ZAG YIN PAR THAL, DE TSAD MAS NGES PA'I GANG ZAG YIN PA'I PHYIR, 'DOD NA, DE BDEN MED DU TSAD MAS NGES PA'I GANG ZAG YIN PAR THAL, 'DOD PA'I PHYIR, KHYAB STE, t'IK CHEN LAS, GZHI DE KUN RDZOB KYI BDEN PA YIN PAR TSAD MAS RNYED PA LA NI ZHES GSUNGS PA'I PHYIR ZER NA, SANGS RGYAS 'PHAGS PA CHOS CAN, KUN RDZOB BDEN PA KUN RDZOB BDEN PAR TSAD MAS NGES PA'I GANG ZAG YIN PAR THAL, @118B KUN RDZOB BDEN PA TSAD MAS NGES PA'I GANG ZAG YIN PA'I PHYIR, 'DOD NA, KUN RDZOB BDEN PA KUN RDZOB BDEN PAR TSAD MAS RTOGS PAR THAL, DE DER SANGS RGYAS 'PHAGS PAS RTOGS PA'I PHYIR, 'DOD NA, KUN RDZOB BDEN PA KUN RDZOB BDEN PAR YOD PAR THAL, 'DOD PA'I PHYIR, 'DOD NA; GZHI GRUB NA KUN RDZOB BDEN PAR YOD PAS KHYAB PAR THAL LO, ,'DOD NA, KHYOD BDEN PAS STONG PA KHYOD KYI GNAS LUGS YIN PAR THAL, KHYOD GZHI GRUB PA'I PHYIR, ZHES PA'I THAL 'GYUR LA KHYAB PA YOD PAR THAL, BUM PA BDEN PAS STONG PA BUM PA'I GNAS LUGS YIN PA'I PHYIR, 'DOD NA, KUN RDZOB CHOS CAN, DER THAL, DE'I PHYIR, 'DOD NA, KUN RDZOB BDEN PAS STONG PA CHOS CAN, KHYOD YOD PAR THAL, KHYOD KUN RDZOB KYI GNAS LUGS YIN PA'I PHYIR, KHYAB PA KHAS, 'DOD NA, KUN RDZOB BDEN PAS STONG PA CIG MED PAR THAL, GZHI GRUB NA, KUN RDZOB BDEN PAR YOD PAS KHYAB PA'I PHYIR, RTAGS SONG, GZHAN YANG, BUM PA TSAD MAS NGES PA LA DE'I GNAS LUGS TSAD MAS NGES PA SNGON DU 'GRO DGOS PAR THAL, KUN RDZOB BDEN PA TSAD MAS NGES PA LA DE'I GNAS LUGS TSAD MAS NGES PA SNGON DU 'GRO DGOS PA'I PHYIR, DE TSAD MAS NGES PA LA BDEN MED TSAD MAS NGES PA SNGON DU 'GRO DGOS PA'I PHYIR, KHO NA RE, KUN RDZOB BDEN PA KUN RDZOB BDEN PAR TSAD MAS NGES PA LA DE'I GNAS LUGS TSAD MAS NGES PA SNGON DU 'GRO DGOS PAR THAL, KUN RDZOB BDEN PA KUN RDZOB BDEN PA YIN PAR TSAD MAS NGES PA LA DE'I GNAS LUGS TSAD MAS NGES PA SNGON DU 'GRO DGOS PA'I PHYIR, DE DE LTAR TSAD MAS NGES PA LA KUN RDZOB BDEN PA BDEN STONG DU TSAD MAS NGES PA SNGON DU 'GRO DGOS PA'I PHYIR TE, RANG 'GREL LAS, DE YANG NYAN THOS DANG RANG SANGS RGYAS DANG BYANG CHUB SEMS DPA' NYON MONGS CAN GYI MA RIG PA SPANGS PA, 'DU BYED GZUGS BRNYAN DANG 'DRA BAR GZIGS PA RNAMS LA NI BCOS MA'I RANG BZHIN YIN GYI, BDEN PA NI MA YIN TE, BDEN PAR MNGON PAR RLOM PA MED PA'I PHYIR RO, ,ZHES GSUNGS PA'I PHYIR, ZHES ZER, 'DI'I DON LA SNGA RABS PA KHA CIG , @119A *, ,GZUGS SGRA LA SOGS PA CHOS CAN, NYAN THOS DGRA BCOM PA DANG DAG SA LA GNAS PA'I BYANG SEMS KYI NGOR KUN RDZOB TZAM YIN GYI, KUN RDZOB KYI BDEN PA NI MA YIN TE, DE RNAMS KYI RGYUD LA BDEN 'DZIN MED PA'I PHYIR TE, DE RNAMS KYIS DE SPANGS PA'I PHYIR ZER NA, NYAN RANG DGRA BCOM DANG DAG SA LA GNAS PA'I SEMS DPA'I NGOR GZUGS SOGS KUN RDZOB BDEN PA MA YIN PA'I SGRUB BYED DU, DE RNAMS KYI RGYUD LA BDEN 'DZIN MED PA SGRUB BYED DU 'GOD MI RIGS TE, GZHI DE KUN RDZOB KYI BDEN PAR 'GRUB PA LA GZHI DE RDZUN PAR 'GRUB DGOS SHING, GZHI DE RDZUN PAR 'GRUB PA LA GZHI DE LA BDEN GRUB BLO DOR KHEGS DGOS PA'I PHYIR, ` RANG LUGS LA GZUGS SGRA SOGS CHOS CAN, NYAN RANG DGRA BCOM DANG DAG SA LA GNAS PA'I SEMS DPA'I NGOR KUN RDZOB TZAM YIN GYI, BDEN GRUB MA YIN TE, DE RNAMS KYI RGYUD LA BDEN 'DZIN MED PA'I PHYIR, ZHES PA LUNG DE'I DON YIN PA'I PHYIR, KHO NA RE, GZUGS CHOS CAN, DAG SA LA GNAS PA'I SEMS DPA'I NGOR BDEN GRUB YIN PAR THAL, DE'I SNANG NGOR BDEN GRUB YIN PA'I PHYIR TE, DE'I RGYUD LA DE BDEN SNANG CAN GYI BLO YOD PA'I PHYIR ZER NA, GZUGS DE BYANG SEMS SBYOR LAM PA'I NGOR BDEN GRUB YIN PAR THAL, DE DE'I SNANG NGOR BDEN GRUB YIN PA'I PHYIR, KHYAB PA KHAS, RTAGS GRUB STE, DE'I RGYUD LA DE BDEN GRUB TU SNANG BA'I BLO YOD PA'I PHYIR, RTZA BAR 'DOD MI NUS TE, GZUGS DE'I NGOR BDEN MED YIN PA'I PHYIR TE, BYANG SEMS SBYOR LAM PAS GZUGS BDEN MED DU TSAD MAS NGES PA'I PHYIR, KHO NA RE, KUN RDZOB BDEN PA MED DE, BDEN 'DZIN DE KUN RDZOB BDEN PA 'JOG BYED KYI BLO YIN PA'I PHYIR TE, RANG 'GREL LAS, RE SHIG SRID PA'I YAN LAG GI YONGS SU BSDUS PA NYON MONGS PA CAN GYI MA RIG PA'I DBANG GI KUN RDZOB KYI BDEN PA RNAM PAR BZHAG GO, ZHES GSUNGS PA'I PHYIR ZER NA, SHES BYA CHOS CAN, SGYU MA'I RDE SHING RTA GLANG YIN PA DANG SMIG RGYU'I STENG GI CHU LA SOGS PA KUN RDZOB TU YOD PAR THAL, KUN RDZOB TU YOD NA YOD MI @119B DGOS PA'I PHYIR, MA GRUB NA, KUN RDZOB KYI BDEN PA CHOS CAN, DER THAL, DE'I PHYIR, RTAGS GRUB STE, KUN RDZOB KYI BDEN PA YIN PA'I PHYIR, RTZA BAR 'DOD NA, DE NYID LAS, SGYU MA SMIG SGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, ,CES BSHAD PA MI 'THAD PAR THAL, 'DOD PA'I PHYIR, GZHAN YANG, MU STEGS KYIS BRTAGS PA'I BDAG KUN RDZOB TU YOD PAR THAL, KUN RDZOB TU YOD NA YOD BAS MA KHYAB PA'I PHYIR, 'DOD NA, DE NYID LAS, 'DI NI NGAR 'DZIN RTEN DU'ANG MI RIGS LA, ,'DI NI KUN RDZOB TU YANG YOD MI 'DOD, ,CES BSHAD PA MI 'THAD PAR THAL LO, ,DES NA, RE SHIG SRID PA'I YAN LAG GI, ZHES SOGS KYI DON NI, KUN RDZOB BDEN PA ZHES PA'I TSIG ZUR GYI BDEN PA GANG GI NGO BOR 'JOG PA'I BLO KUN RDZOB PA DE BDEN 'DZIN YIN PA'I PHYIR, ZHES PA LUNG DE'I DON NO, ,KHO NA RE, BDEN GRUB CHOS CAN, YOD PAR THAL, KUN RDZOB TU YOD PA'I PHYIR, MA GRUB NA SONG, DER THAL, BUM PA KUN RDZOB TU BDEN PAR YOD PA'I PHYIR, MA GRUB NA, BUM PA KUN RDZOB TU MED PAR THAL, BUM PA KUN RDZOB TU BDEN PAR MED PA'I PHYIR, KHYAB STE, RANG 'GREL LAS, GANG ZHIG KUN RDZOB TU YANG RDZUN PA NI KUN RDZOB KYI BDEN PA MA YIN NO, ,ZHES GSUNGS PA'I PHYIR NA MA KHYAB STE, BRDA LA BYANG BA'I GANG ZAG GI BLO KUN RDZOB PA'I NGOR BYAD BZHIN GYI GZUGS BRNYAN BYAD BZHIN YIN PA BDEN PA MA YIN TE, DE LA DE YOD PAR SNANG YANG YOD PA MA YIN PAR RDZUN PA'I PHYIR, ZHES PA'I DON YIN NO, ,GZHAN YANG, BDEN MED RTOGS PA'I SHES RAB KUN RDZOB TU MED PAR THAL, BDEN GRUB MED PAR RTOGS PA'I TSAD MA KUN RDZOB TU MED PA'I PHYIR TE, BDEN GRUB KUN RDZOB TU YOD PA'I PHYIR, RTAGS KHAS, RTZA BAR 'DOD NA, DE CHOS CAN, KUN RDZOB TU YOD PAR THAL, KUN RDZOB BDEN PA YIN PA'I PHYIR, GZHAN YANG, BUM PA'I CHOS NYID DON DAM PAR GRUB PAR THAL, DE DON DAM BDEN PA YIN PA'I PHYIR, MA KHYAB NA, KHYAB PA YOD PAR THAL, KUN RDZOB BDEN PA YIN NA KUN RDZOB BDEN PAR @120A *, ,GRUB DGOS PA'I PHYIR, 'DOD NA, DE CHOS CAN, BDEN PAR GRUB PAR THAL, DON DAM PAR GRUB PA'I PHYIR, KHO NA RE, KUN RDZOB BDEN PA YIN NA RDZUN PA YIN PAS MA KHYAB CE NA, RTZA SHE LAS, 'DUS BYAS THAMS CAD SLU BA'I CHOS, ,DES NA DE DAG RDZUN PA YIN, ,ZHES BSHAD PA MI 'THAD PAR THAL, 'DUS BYAS YIN NA RDZUN PA SLU BA'I CHOS CAN YIN PAS MA KHYAB PA'I PHYIR, DER THAL, DAM BCA' 'THAD PA'I PHYIR, KHO NA RE, LAS 'BRAS CHOS CAN, KHYOD SLU BA'I CHOS CAN YIN PAR THAL, KHYOD KUN RDZOB BDEN PA YIN PA'I PHYIR, 'DOD MI NUS TE, MI SLU BA'I PHYIR ZER NA, RI BONG {RVA} CHOS CAN, MA 'ONGS PA YIN PAR THAL, MA 'ONGS PA'I PHYIR, KHYAB PA KHAS, MA GRUB NA, DE CHOS CAN, YOD PAR THAL, 'ONGS PA'I PHYIR, RTAGS KHAS, GZHAN YANG, BUM PA ZHIG PA CHOS CAN, MA ZHIG PA YIN PAR THAL, MA ZHIG PA'I PHYIR, KHYAB PA KHAS, MA GRUB NA, SHES BYA CHOS CAN, BUM PA ZHIG PA BUM PA ZHIG PA'I DUS SU ZHIG PAR THAL, DE ZHIG PA'I PHYIR, 'DOD NA, BUM PA ZHIG PA'I DUS SU BUM PA ZHIG PA'I 'BRAS BU SKYES PAR THAL, 'DOD PA GANG ZHIG, BUM PA ZHIG PA ZHIG PA DANG, BUM PA ZHIG PA'I 'BRAS BU SKYES PA DUS MNYAM PA'I PHYIR TE, DE'I 'BRAS BU YOD PA'I PHYIR, 'DOD MI NUS TE, DNGOS PO YIN PA'I PHYIR, RTZA BAR 'DOD NA, DE MA YIN PAR THAL, ZHIG PA YIN PA'I PHYIR TE, 'DAS PA YIN PA'I PHYIR TE, 'DAS PA'I MTSAN GZHI ZHIG YOD PA'I PHYIR, ` RANG LUGS LA, DON DAM BDEN PA DANG, KUN RDZOB BDEN PA SO SO'I MTSAN NYID, DBYE BA, SGRA BSHAD PA DANG GSUM, DANG PO NI, MTHAR THUG DPYOD PA'I RIGS SHES KYI RNYED DON GANG ZHIG, MTHAR THUG DPYOD PA'I RIGS SHES DE KHYOD LA MTHAR THUG DPYOD PA'I RIGS SHES SU SONG BA KHYOD DON DAM BDEN PA YIN PA'I MTSAN NYID, STONG GZHI'I SGO NAS DBYE NA BCU DRUG SOGS YOD, THA SNYAD PA'I TSAD MA'I RNYED DON GANG ZHIG, DE KHYOD LA THA SNYAD PA'I TSAD MAR SONG BA, KHYOD KUN RDZOB BDEN @120B PA YIN PA'I MTSAN NYID, DBYE NA, 'JIG RTEN SHES NGO LA LTOS TE YANG DAG PA DANG, LOG PA GNYIS SU YOD, DE GNYIS KYI KHYAD PAR GANG ZHE NA, 'DI LA SPYIR BTANG DANG DMIGS BSAL GNYIS LAS, DANG PO NI, 'PHRAL GYI 'KHRUL RGYUS MA BSLAD PA'I SHES PA YUL DANG BCAS PA DE, DANG PO DANG, DES BSLAD PA'I SHES PA YUL DANG BCAS PA DE, DE LA LTOS TE LOG PA'I KUN RDZOB YIN, 'PHRAL GYI 'KHRUL RGYU LA YANG DBANG PO GZUGS CAN PA LA GNOD PA DANG, YID DBANG LA GNOD PA GNYIS, DANG PO LA, 'KHRUL RGYU NANG LA YOD PA DANG, PHYI LA YOD PA GNYIS, DANG PO NI, RAB RIB DANG, MIG SER DANG, DA {DHUR} ZOS PA LTA BU, GNYIS PA NI, ME LONG DANG, BRAG PHUG STONG PA'I SGRA DANG, SOS KA'I DUS KYI NYI MA'I 'OD ZER BYE MA SKYA BO DANG PHRAN PA DANG, MIG 'KHRUL MKHAN GYIS SBYAR BA'I SMAN DANG SNGAGS LA SOGS PA RNAMS SO, ,DE RNAMS KYIS 'KHRUL SHES SU SKYED TSUL NI, RAB RIB KYIS NI SGRA SHED 'JIG SNANG GI DBANG SHES 'KHRUL PA'I RGYU BYED, MIG SER GYIS DUNG DKAR SER POR SNANG BA'I DBANG SHES 'KHRUL PA'I RGYU BYED, DA {DHUR} ZOS PAS SA GZHI GSER DU SNANG BA'I DBANG SHES 'KHRUL PA'I RGYU BYED, ME LONG DANG BYAD BZHIN PHRAD BAS NI ME LONG NANG GI BYAD BZHIN GYI GZUGS BRNYAN BYAD BZHIN DU SNANG BA'I DBANG SHES 'KHRUL PA'I RGYU BYED, BRAG PHUG STONG PA'I SGRAS BRAG CA RJOD BYED KYI SGRAR SNANG BA'I DBANG SHES 'KHRUL PA'I RGYU BYED, SOS KA'I NYI MA'I 'OD ZER BYE MA SKYA BO'I YUL DANG NYE BAS NI SMIG SGYU LA CHUR SNANG BA'I DBANG SHES 'KHRUL PA'I RGYU BYED, MIG 'KHRUL MKHAN GYIS SBYAR BA'I SMAN DANG SNGAGS KYIS NI, RDE'U SHING RTA GLANG DU SNANG BA'I DBANG SHES 'KHRUL PA'I RGYU BYED DO, ,GNYIS PA YID DBANG LA GNOD PA'I 'KHRUL RGYU NI, GRUB MTHA' NGAN PA DANG, GTAN TSIGS LTAR SNANG DANG, GNYID LA SOGS PA YIN LA, 'KHRUL PA SKYED TSUL NI, DANG PO GNYIS KYIS, BDAG RTAG PA DANG, SPYI GTZO BO YOD PAR 'DZIN PA'I YID SHES 'KHRUL PA'I RGYU BYED, GSUM PAS NI, RMI LAM NA GLANG PO CHE SNANG BA LA GLANG PO CHER 'DZIN PA'I YID SHES 'KHRUL PA'I RGYU BYED PA YIN NO, ,GNYIS PA DMIGS BSAL NA 'PHRAL GYI @121A *, ,'KHRUL RGYUS MA BSLAD PA'I YUL DANG YUL CAN GANG RUNG YIN NA 'JIG RTEN SHES NGO LA LTOS TE LOG PA MA YIN PAS MA KHYAB STE, GANG ZAG RANG SKYA THUB PA'I RDZAS YOD DU 'DZIN PA'I RTOG PA LHAN SKYES DANG, SGRA RTAG 'DZIN RTOG PA RNAMS 'PHRAL GYI 'KHRUL RGYUS MA BSLAD PA'I SHES PA YIN YANG, 'JIG RTEN SHES NGO LA LTOS TE LOG PA YIN PA'I PHYIR, 'PHRAL GYI 'KHRUL RGYUS BSLAD PA'I YUL DANG YUL CAN GANG RUNG YIN NA 'JIG RTEN SHES NGO LA LTOS TE LOG PA YIN PAS MA KHYAB STE, GRUB MTHA' NGAN PAS RGYUS BSLAD PA'I DBANG GIS GANG ZAG BDEN PAR GRUB PA 'THAD SNYAM DU 'DZIN PA'I RTOG PA DE 'PHRAL GYI 'KHRUL RGYUS BSLAD PA'I SHES PA YIN YANG, 'JIG RTEN SHES NGO LA LTOS TE LOG PA MA YIN PA'I PHYIR, DES NA, 'JIG RTEN SHES NGO LA LTOS TE YANG LOG GI KHYAD PAR NI, SHES PA GANG ZHIG, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS KHYOD LOG SHES SU RTOGS MI NUS PA KHYOD 'JIG RTEN SHES NGO LA LTOS TE YUL CAN YANG DAG PA'I MTSAN NYID, DE GANG ZHIG, DES DE LTAR RTOGS NUS PA DE 'JIG RTEN SHES NGO LA LTOS TE YUL CAN LOG PA'I KUN RDZOB KYI MTSAN NYID, YUL GYI KUN RDZOB GANG ZHIG, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS KHYOD SNANG BA LTAR MA GRUB PAR RTOGS MI NUS PA DE, KHYOD 'JIG RTEN SHES NGO LA LTOS TE YUL YANG DAG PA'I MTSAN NYID, DE GANG ZHIG, DES DE LTAR RTOGS NUS PA DE, KHYOD 'JIG RTEN SHES NGO LA LTOS TE YUL GYI LOG PA'I KUN RDZOB KYI MTSAN NYID, KUN RDZOB BDEN PA LA YANG DAG KUN RDZOB DANG LOG PA'I KUN RDZOB GNYIS SU MI 'BYED DE, YANG DAG KUN RDZOB MED PA'I PHYIR, 'O NA, LOG PA'I KUN RDZOB YOD DAM MED CE NA, KHA CIG, YOD DE, BDEN 'DZIN LA SOGS PA MA RIG BAG CHAGS KYIS BSLAD PA'I YUL YUL CAN RNAMS LOG PA'I KUN RDZOB YIN ZHE NA, BDEN 'DZIN GNYIS LOG PA'I KUN RDZOB MA YIN @121B TE, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS BDEN 'DZIN LOG SHES SU RTOGS MI NUS PA'I PHYIR, DE'I SHUGS LA LOG PA'I KUN RDZOB YOD DE, STONG NYID RTOGS MA MYONG BA'I GANG ZAG GI RGYUD KYI THA SNYAD PA'I TSAD MAS LOG SHES SU RTOGS NUS PA'I YUL CAN DANG, DE'I YUL RNAMS LOG PA'I KUN RDZOB YIN PA'I PHYIR, GSUM PA LA, DON DAM BDEN PA'I SGRA BSHAD DANG, KUN RDZOB BDEN PA'I SGRA BSHAD GNYIS LAS, DANG PO NI, BUM PA'I CHOS NYID CHOS CAN, KHYOD LA DON DAM BDEN PA ZHES RJOD PA'I RGYU MTSAN YOD DE, DON YANG YIN, DAM PA YANG YIN, BDEN PA YANG YIN PAS DE LTAR RJOD PA'I PHYIR, DON YIN TE, 'PHAGS PA'I MNYAM GZHAG YE SHES KYI RNYED DON YIN PA'I PHYIR, DAM PA YIN TE, GNAS LUGS DAM PA YIN PA'I PHYIR, BDEN PA YIN TE, SNANG TSUL DANG GNAS TSUL MTHUN PA'I MI SLU BA YIN PA'I PHYIR, DE LTAR YANG TSIG GSAL LAS, DON YANG DE YIN LA DAM PA YANG YIN PAS NA DON DAM PA'O, ,DE NYID BDEN PA YANG YIN PAS DON DAM PA'I BDEN PA'O, ,ZHES GSUNGS, GNYIS PA LA YUL GYI NGOS NAS SGRA BSHAD PA YUL CAN GYI NGOS NAS SGRA BSHAD PA GNYIS, DANG PO NI, BUM PA CHOS CAN, KHYOD LA KUN RDZOB BDEN PA ZHES BRJOD PA'I RGYU MTSAN YOD DE, BLO KUN RDZOB PA GTI MUG BDEN 'DZIN GYI NGOR BDEN PAS DE LTAR RJOD PA'I PHYIR, GNYIS PA NI, BDEN 'DZIN CHOS CAN, KHYOD LA KUN RDZOB BDEN PA ZHES RJOD PA'I RGYU MTSAN YOD DE, GNAS LUGS KYI DON MNGON SUM DU MTHONG BA LA SGRIB BYED YIN PA'I RGYU MTSAN GYIS DE LTAR RJOD PA'I PHYIR TE, GTI MUG RANG BZHIN SGRIB PHYIR KUN RDZOB STE, ,ZHES GSUNGS, GNYIS PA LA, KUN ZHES PA SNA TSOGS PA DANG, RDZOB CES PA RDZUN PA'I DON DANG, BDEN PA ZHES PA NI BDEN 'DZIN GYI NGOR BDEN PA'O, ,GZHUNG DON NI, PHYI NANG GI DNGOS PO RNAMS CHOS CAN, KHYOD KYI STENG DU NGO BO GNYIS YOD DE, KHYOD KYI STENG DU MTHAR THUG DPYOD PA'I RIGS SHES KYI RNYED DON DANG, THA SNYAD PA'I TSAD MA'I RNYED DON GNYIS YOD PA'I @122A *, ,PHYIR; RTZOD PA SPONG BA LA KHO NA RE, BUM PA'I DON SPYI CHOS CAN, 'JIG RTEN SHES NGO LA LTOS TE YUL GYI LOG PA'I KUN RDZOB YIN PAR THAL, MTSAN NYID DE'I PHYIR, ZUR PHYI MA DER THAL, KHYOD STONG NYID MA RTOGS PA'I GANG ZAG GI RGYUD KYI THA SNYAD PA'I TSAD MAS KHYOD BUM 'DZIN RTOG PA LA SNANG BA LTAR MA GRUB PAR RTOGS NUS PA'I PHYIR NA MA KHYAB BO, KHO NA RE, BYAD BZHIN GYI GZUGS BRNYAN CHOS CAN, STONG NYID MA RTOGS PA'I THA SNYAD PA'I TSAD MAS SNANG BA LTAR MA GRUB PAR RTOGS NUS PAR THAL, 'JIG RTEN SHES NGO LA LTOS TE YUL GYI LOG BA'I KUN RDZOB YIN PA'I PHYIR, KHYAB PA KHAS, 'DOD MI NUS TE, DE SNANG BA LTAR MA GRUB PA DE'I GNAS LUGS YIN PA'I PHYIR TE, NGA SNANG BA LTAR MA GRUB PA NGA'I GNAS LUGS YIN PA'I PHYIR NA MA KHYAB, GZHAN YANG, BUM PA'I CHOS NYID DE SNANG BA LTAR GRUB PAR THAL, DE SNANG TSUL DANG GNAS TSUL MTHUN PA'I MI SLU BA YIN PA'I PHYIR, 'DOD MI NUS TE, DE SNANG BA LTAR MA GRUB PA DE'I GNAS LUGS YIN PA'I PHYIR TE, NGA SNANG BA LTAR MA GRUB PA NGA'I GNAS LUGS YIN PA'I PHYIR NA MA KHYAB BO, ` ,RAB RIB MTHU YIS SKRA SHAD LA SOGS PA'I, ,ZHES SOGS KYI SKABS SU, SANGS RGYAS KYI YE SHES KYIS SHES BYA MKHYEN TSUL LA GNYIS YOD DE, DON DAM PA'I SHES BYA MKHYEN TSUL DANG, KUN RDZOB PA'I SHES BYA MKHYEN TSUL GNYIS YOD PA'I PHYIR, DANG PO NI, PHUNG PO LA SOGS PA KUN RDZOB KYI SNANG BA RNAMS MA GZIGS PA'I TSUL GYIS DES DE RNAMS KYI DE KHO NA NYID GZIGS PA'O, ,GNYIS PA NI, 'DI'I THAD KYI t'IK CHEN LAS, MI SNANG YANG RTOGS PA'I SHUGS RTOGS SANGS RGYAS LA BZHAG TU MI RUNG BA'I PHYIR, SNANG NAS MKHYEN DGOS PAS JI SNYED PA MKHYEN PA'I YE SHES DE'I NGOR, YUL DANG YUL CAN GNYIS SU SNANG BA'I TSUL GYIS MKHYEN PA'O, ,ZHES GSUNGS, DE'I DON LA, MKHAS PA KHA CIG, SANGS RGYAS KYI YE SHES KYIS KHO RANG SHUGS LA RTOGS ZHES GSUNG, t'IK CHEN LAS, MI SNANG YANG RTOGS PA'I ZHES @122B SOGS DANG, RNAM KUN MKHYEN PA'I STOBS KYIS MYUR DU RGYAL RNAMS KYI, ,ZHES PA'I THAD DU SANGS RGYAS KYI MNGON SUM LA SHUGS RTOGS MI RUNG BAS SNANG NAS MKHYEN DGOS SO, ,DE YANG RNAM PA MA SHAR BAR MKHYEN PA 'DI'I LUGS MIN PA NI RIGS PA DRUG CU PA'I 'GREL PAR GSAL BAR BSHAD DO, ,ZHES GSUNGS PA MI 'THAD PAR THAL, DAM BCA' 'THAD PA'I PHYIR, KHO NA RE, SANGS RGYAS KYI YE SHES CHOS CAN, SANGS RGYAS KYI YE SHES GNYIS SNANG NUB PA'I SGO NAS RTOGS PAR THAL, DES DE DNGOS SU RTOGS PA GANG ZHIG, DES DE GNYIS SNANG DANG BCAS PA'I TSUL GYIS MA RTOGS PA'I PHYIR, DE'I DON LA MKHAS PA KHA CIG, DES DE GNYIS SNANG NUB PA'I TSUL GYIS RTOGS KYANG, DE LA DE'I RNAM PA MA SHAR TE, GAL TE SHAR NA DE DE DANG 'DRA BAR THAL, DE LA DE'I RNAM PA SHAR BA'I PHYIR, 'DOD NA, DE DE DANG THA DAD YIN PAR THAL LO, , ZHE NA, SHES BYA CHOS CAN, t'IK CHEN LAS, DE YANG RNAM PA MA SHAR BA ZHES SOGS BSHAD PA MI 'THAD PAR THAL, SANGS RGYAS KYI YE SHES LA KHO RANG GI RNAM PA MA SHAR BA'I PHYIR, GZHAN YANG, SANGS RGYAS KYI YE SHES CHOS CAN, KHYOD DON DAM BDEN PA YIN PAR THAL, KHYOD LA GNYIS SNANG NUB PA'I BLO YOD PA'I PHYIR, KHO NA RE, SANGS RGYAS KYI YE SHES KYIS KHO RANG GNYIS SNANG NUB PA'I TSUL GYIS RTOGS PAR THAL, DES DE RANG LAS THA MI DAD PA'I TSUL GYIS RTOGS PA'I PHYIR TE, DES KHO RANG DNGOS SU RTOGS PA GANG ZHIG, KHO KHO RANG DANG THA DAD MA YIN PA'I PHYIR NA MA KHYAB 'O, ,RANG LUGS NI, SANGS RGYAS KYI YE SHES DES DE GNYIS SNANG DANG BCAS PA'I TSUL GYIS RTOGS PAR THAL, DES DE GZIGS PA'I GZIGS NGOR GNYIS SNANG YOD PA'I PHYIR TE, DES DE GZIGS PA'I GZIGS NGOR SANGS RGYAS KYI YE SHES KYI BYAS PA MI RTAG SOGS GNYIS CHOS DU MA RTOGS PA'I PHYIR, KHO NA RE, SANGS RGYAS KYI YE SHES DE KHO RANG DANG THA DAD YIN PAR THAL, DES DE RANG LAS THA DAD PA'I TSUL GYIS RTOGS PA'I PHYIR ZER NA, RNAM MKHYEN CHOS CAN, KHYOD STONG NYID DANG THA MI DAD YIN PAR THAL, KHYOD KYIS STONG NYID RANG LAS THA MI DAD PA'I TSUL @123A *, ,GYIS RTOGS PA'I PHYIR, KHYAB PA KHAS, RTAGS GRUB STE, KHYOD KYIS DE GNYIS SNANG NUB PA'I TSUL GYIS RTOGS PA'I PHYIR, GZHAN YANG, SANGS RGYAS KYI YE SHES KYIS KHO RANG DNGOS SU RTOGS PAR THAL, SANGS RGYAS KYI YID KYI RNAM PAR SHES PA DES KHO RANG DNGOS SU RTOGS PA'I PHYIR, MA GRUB NA, DE CHOS CAN, KHYOD KYIS DE DNGOS SU RTOGS PAR THAL, KHYOD KYIS DE RTOGS PA GANG ZHIG, KHYOD LA DE'I RNAM PAR SHAR BA'I PHYIR, PHYI MA MA GRUB NA NANG 'GAL YANG YOD CING, DER THAL, KHYOD KYI 'KHOR DU BYUNG BA'I TSOR BA LA DE'I RNAM PA SHAR BA'I PHYIR, MA GRUB NA, DE'I 'KHOR DU BYUNG BA'I TSOR BA CHOS CAN, KHYOD LA SANGS RGYAS KYI YE SHES KYI RNAM PA SHAR BAR THAL, KHYOD DE DANG THA DAD GANG ZHIG, KHYOD SANGS RGYAS KYI YE SHES YIN PA'I PHYIR, GZHAN YANG, SANGS RGYAS KYI YE SHES KYIS KHO RANG DNGOS SU RTOGS PAR THAL, DE KHO RANG LA MNGON SUM YIN PA'I PHYIR, MA GRUB NA, DE CHOS CAN, KHYOD SANGS RGYAS KYI YE SHES LA MNGON SUM YIN PAR THAL, KHYOD DE MI RTAG PA LA MNGON SUM GANG ZHIG, DE MI RTAG PA DANG DE GNYIS YUL DUS RANG BZHIN GANG LA LTOS KYANG GRUB STE DBYER MED KYI CHOS YIN PA'I PHYIR, DANG PO MA GRUB NA, SANGS RGYAS KYI YE SHES MI RTAG PA CHOS CAN, SANGS RGYAS KYI YE SHES DE KHYOD LA MNGON SUM YIN PAR THAL, KHYOD DE DANG THA DAD YIN PA'I PHYIR, KHA CIG, JI LTA BA RTOGS PA'I RNAM MKHYEN GYIS PHUNG SOGS KYI CHOS NYID GZIGS PA'I GZIGS NGOR PHUNG SOGS YOD ZER NA, SHES BYA CHOS CAN, JI LTA BA RTOGS PA'I RNAM MKHYEN GYIS PHUNG SOGS MA GZIGS PA'I TSUL GYIS DE DAG GI CHOS NYID GZIGS PA MA YIN PAR THAL, DES PHUNG SOGS KYI CHOS NYID GZIGS PA'I GZIGS NGOR PHUNG SOGS GZIGS BA'I PHYIR TE, DES PHUNG SOGS KYI CHOS NYID GZIGS PA'I GZIGS NGOR PHUNG SOGS YOD PA'I PHYIR, RTAGS KHAS, RTZA BAR 'DOD NA, t'IK CHEN LAS, DES NA JI LTAR SANGS RGYAS DE DAG GIS DON DAM BDEN PA GZIGS SHE NA, DE KHO NA NYID KYI GZIGS NGOR GNYIS SNANG NUB @123B PAS GNYIS KYI TSUL GYIS MI GZIGS PA NI BDEN MOD KYI, 'ON KYANG MA GZIGS PA'I TSUL GYIS DE DAG GIS GZIGS SO, ,ZHES RJOD DO, ,ZHES SOGS BSHAD PA MI 'THAD PAR THAL, 'DOD PA'I PHYIR, KHO NA RE, SANGS RGYAS KYIS PHUNG SOGS MA GZIGS PAR THAL, DES PHUNG SOGS MA GZIGS PA'I TSUL GYIS PHUNG SOGS KYI DE KHO NA NYID GZIGS PA'I PHYIR, ZER NA, RNAM MKHYEN CHOS CAN, KHYOD STONG NYID DANG THA MI DAD YIN PAR THAL, KHYOD KYIS DE RANG LAS THA MI DAD PA'I TSUL GYIS RTOGS PA'I PHYIR TE, KHYOD KYIS STONG NYID GNYIS SNANG NUB PA'I TSUL GYIS RTOGS PA'I PHYIR, GZHAN YANG, JI LTA BA RTOGS PA'I RNAM MKHYEN GYIS PHUNG SOGS KYI CHOS NYID GZIGS PA'I GZIGS NGOR PHUNG SOGS MED PAR THAL, DES DE GZIGS PA'I GZIGS NGOR DE MED PA DE DE'I GNAS LUGS YIN PA'I PHYIR TE, 'DI'I THAD KYI t'IK CHEN LAS, JI LTA BA MKHYEN PA'I YE SHES DES PHUNG SOGS KYI DE KHO NA NYID MNGON SUM DU GZIGS PA'I PHYIR DANG, PHUNG SOGS RNAMS GZIGS NGO DER MA GRUB PA DE DAG GI DE KHO NA NYID YIN PA'I PHYIR DANG, PHUNG SOGS MA GZIGS PA'I TSUL GYIS DE DAG GI DE KHO NA NYID GZIGS DGOS PA'I PHYIR TE, ZHES DANG, RANG 'GREL LAS, DNGOS PO BYAS PA CAN LA MA RIG PAR, RANG BZHIN 'BA' ZHIG MNGON SUM DU MDZAD PAS, DE NYID THUGS SU CHUD PA'I PHYIR SANGS RGYAS ZHES RJOD DO, ,ZHES GSUNGS PA'I PHYIR, KHO NA RE, RGYUN MTHA'I BAR CHAD MED LAM DES BUM PA'I CHOS NYID GZIGS PA'I GZIGS NGOR BUM PA MED PA DE BUM PA'I GNAS LUGS YIN PAR THAL, JI LTA BA RTOGS PA'I RNAM MKHYEN GYIS PHUNG SOGS KYI CHOS NYID GZIGS PA'I GZIGS NGOR PHUNG SOGS MED PA DE PHUNG SOGS KYI GNAS LUGS YIN PA'I PHYIR, 'DOD NA, BUM PA MED PA CHOS CAN, BUM PA'I GNAS LUGS YIN PAR THAL, RGYUN MTHA'I BAR CHAD MED LAM GYIS BUM PA'I CHOS NYID GZIGS PA'I GZIGS NGOR BUM PA'I GNAS LUGS YIN PA'I PHYIR, ZHE NA, YOD PA CHOS CAN, GNAS LUGS YIN PAR THAL, RGYUN @124A *, ,MTHA'I BAR CHAD MED LAM GYIS CHOS NYID GZIGS PA'I GZIGS NGOR GNAS LUGS YIN PA'I PHYIR, KHYAB PA 'GRIG, MA GRUB NA, DE 'DRA'I GZIGS NGOR YOD PA CHOS CAN, GNAS LUGS YIN PAR THAL, DE'I GZIGS NGOR YOD PA YIN PA'I PHYIR, MA GRUB NA, DE'I GZIGS NGOR YOD PA DE'I GZIGS NGOR YOD PA YIN PAR THAL, DE'I GZIGS NGOR YOD PA'I CHOS SHIG YOD PA'I PHYIR, GZHAN YANG, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR PHUNG SOGS MED PA DE PHUNG SOGS KYI GNAS LUGS YIN PAR THAL, t'IK CHEN LAS, PHUNG SOGS RNAMS ZHES SOGS GSUNGS PA'I PHYIR, 'DOD NA, DES PHUNG SOGS MA GZIGS PAR THAL, 'DOD PA'I PHYIR ZER RO, ,GZHAN YANG, JI LTA BA RTOGS PA'I RNAM MKHYEN DE JI LTA BA LA GNYIS SNANG DANG BCAS PAR THAL, DES JI LTA BA GZIGS PA'I GZIGS NGOR GNYIS SNANG YOD PA'I PHYIR TE, DES JI LTA BA GZIGS PA'I GZIGS NGOR SHES BYA JI SNYED PA YOD PA'I PHYIR, RTAGS KHAS, GZHAN YANG, JI LTA BA GZIGS PA'I RNAM MKHYEN GYIS JI LTA BA GZIGS PA'I GZIGS NGOR JI SNYED PA MED PAR THAL, DES DE GZIGS PA'I GZIGS NGOR JI SNYED PA MED PA DE JI SNYED PA'I GNAS LUGS YIN PA'I PHYIR TE, DES DE GZIGS PA'I GZIGS NGOR JI SNYED PA MA GZIGS PA DE, DES JI SNYED PA GZIGS PA'I GZIGS TSUL YIN PA'I PHYIR TE, MDO LAS, MTHONG BA MED PA NI MTHONG BA DAM PA'O, ,ZHES DANG, SDUD PA LAS, GZUGS RNAMS MI MTHONG TSOR BA DAG KYANG MI MTHONG ZHING, 'DU SHES MTHONG BA MED LA SEMS PA MI MTHONG ZHING, ,GANG LA RNAM SHES DANG SEMS YID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB RJOD PA, ,NAM MKHA' JI LTAR MTHONG STE DES 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,ZHES GSUNGS PA'I PHYIR, GZHAN YANG, JI LTA BA RTOGS PA'I RNAM MKHYEN GYIS @124B JI LTA BA GZIGS PA'I GZIGS NGOR JI SNYED PA MED PAR THAL, 'DI NA JI LTA SAD BZHIN JI SRID DU, ,ZHES PA'I THAD KYI t'IK CHEN LAS, CHOS KYI DBYINGS MNGON SUM DU MDZAD PA'I SANGS RGYAS RNAMS LA NI, GSUM CHAR YANG YOD PA MA YIN PAS PHYIR ROL MED PA'I RNAM PAR SHES PA MED DO, ,DE YANG JI LTA BA GZIGS PA'I NGOR NI GSUM PO MI SNANG LA, JI SNYED PA GZIGS PA'I NGOR NI YUL CAN RANG NYID MA RIG BAG CHAGS KYIS BSLAD PA'I DBANG GIS SNANG BA MED KYANG, GANG ZAG GZHAN GYIS SHES PA BSLAD PA'I DBANG GIS SNANG BA RNAMS, DE SNANG BA'I SGO NAS SANGS RGYAS LA SNANG NAS MKHYEN PA YIN NO, ,ZHES BSHAD PA'I PHYIR, KHA CIG, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR JI LTA BA MED ZER NA, SHES BYA CHOS CAN, STONG NYID LA RTZE GCIG TU MNYAM PAR BZHAG PA'I RGYUN MTHA'I BAR CHAD MED LAM GYI NGOR STONG NYID MED PAR THAL, DAM BCA' 'THAD PA'I PHYIR, 'DOD NA, DE'I NGOR DE YOD PAR THAL, DE STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES YIN PA'I PHYIR, KHYAB STE, DRANG NGES RNAM 'BYED LAS, MNYAM GZHAG GIS DE KHO NA NYID RTOGS PAR 'DOD PA THAMS CAD KYANG RANG GI YUL CAN GYI NGO NA YUL YOD PAR 'DOD PA KHO NA YIN PAS DON DAM PAR YOD MED RTZOD PA'I DON DAM PAR YOD PA DE GA LA YIN, ZHES GSUNGS PA'I PHYIR, KHO NA RE, KHYOD KYI NGOR STONG NYID YOD PAR THAL, KHYOD STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES YIN PA'I PHYIR, ZHES PA'I THAL 'GYUR LA KHYAB PA YOD PAR THAL, STONG NYID LA RTZE GCIG TU MNYAM PAR BZHAG PA'I RGYUN MTHA'I YE SHES KYI NGOR STONG NYID YOD PA'I PHYIR, 'DOD NA, STONG NYID KYI GNAS LUGS LA RTZE GCIG TU MNYAM PAR BZHAG PA'I RGYUN MTHA'I YE SHES CHOS CAN, DER THAL, DE'I PHYIR, 'DOD NA, DE'I NGOR STONG NYID MED PAR THAL, DE'I NGOR STONG NYID MED PA STONG NYID KYI GNAS LUGS YIN PA'I PHYIR TE, BUM PA'I CHOS NYID LA RTZE GCIG TU MNYAM PAR BZHAG PA'I RGYUN MTHA'I BAR CHAD MED LAM GYI NGOR BUM PA MED @125A *, ,PA BUM PA'I GNAS LUGS YIN PA'I PHYIR NA MA KHYAB BO, ,KHA CIG, KHYOD KYI NGOR STONG NYID YOD PAR THAL, KHYOD KYI NGOR STONG NYID KYI GNAS LUGS YOD PA'I PHYIR, ZHES PA'I THAL 'GYUR LA KHYAB PA YOD PAR THAL, STONG NYID KYI GNAS LUGS LA RTZE GCIG TU MNYAM PAR BZHAG PA'I RGYUN MTHA'I BAR CHAD MED LAM GYI NGOR STONG NYID YOD PA'I PHYIR, 'DOD NA, BDEN MED KYI THA SNYAD BTAGS PA'I BTAGS DON BTZAL BA'I TSE NA BDEN MED YOD PAR THAL, DE'I TSE NA BDEN MED RNYED PA'I PHYIR ZER NA, DE'I LAN LA KHA CIG, BDEN MED KYI THA SNYAD BTAGS PA'I BTAGS DON BTZAL BA'I TSE NA BDEN MED MA RNYED ZER NA, SHES BYA CHOS CAN, DE'I TSE BDEN MED RNYED PAR THAL, DE'I TSE BDEN MED TSAD MAS RTOGS PA'I PHYIR TE, DE'I TSE BDEN MED TSAD MA'I RNYED DON YIN PA'I PHYIR TE, DE'I TSE BDEN MED YOD PA'I PHYIR TE, DE'I TSE BDEN GRUB MED PA YOD PA'I PHYIR, KHO NA RE, BDEN MED BDEN MED KYI THA SNYAD BTAGS PA'I BTAGS DON BTZAL BA'I TSE NA RNYED PAR THAL, BDEN MED KYI THA SNYAD BTAGS PA'I BTAGS DON BTZAL BA'I TSE NA BDEN MED RNYED PA'I PHYIR NA MA KHYAB BO, ,KHO NA RE, GANG ZAG GI THA SNYAD BTAGS PA'I BTAGS DON BTZAL BA'I TSE NA GANG ZAG RNYED PAR THAL, BDEN MED LA DE'I PHYIR, MA GRUB NA, RIM PA LTAR SONG, 'DOD NA, GANG ZAG RNAM BCAD RNAM PA BDUN GYIS DPYAD MTHAR RNYED PAR THAL LO, ,'DOD NA, 'JUG PA LAS, DE NI DE NYID DU 'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,ZHES BSHAD PA MI 'THAD PAR THAL LO, ,ZER NA RTZA BAR MA KHYAB BO, ,YANG KHO NA RE, GANG ZAG GI THA SNYAD BTAGS PA'I BTAGS DON BTZAL BA'I TSE NA GANG ZAG RNYED PAR THAL, DE'I TSE GANG ZAG TSAD MAS RNYED PA'I PHYIR TE, DE'I TSE GANG ZAG TSAD MA'I RNYED DON YIN PA'I PHYIR TE, DE'I TSE GANG ZAG YOD PA'I PHYIR TE, DE'I TSE GANG ZAG 'TSOL MKHAN GYI GANG ZAG YOD PA'I PHYIR TE, DE'I TSE GANG ZAG 'TSOL MKHAN GYI GANG ZAG DES GANG ZAG MA RNYED PA'I PHYIR NA MA KHYAB BO,, ,, @125B ` GANG PHYIR RANG BZHIN GYIS DE MI 'GAG PA, ,ZHES SOGS KYI SKABS SU, MTHA' BCAD PA LA, BZHI BRGYA PA'I 'GREL PA LAS, DE LA MA 'ONGS PA NI DA LTAR BA'I DUS SUM PHYIN PA'O, ,'DAS PA NI DE NYID LAS 'DAS PA'O, ,DE LTAR BYUNG BA NI, SKYES LA MA 'GAGS PA'O, ,DA LTAR BYUNG BA NI, DA LTAR DMIGS PA'I PHYIR GTZO BO YIN GYI, MA 'ONGS PA DANG RGYAL PA DAG GIS MA 'ONGS PA DANG 'DAS PA'I DUS GNYIS RNAM PAR 'JOG PA NI GTZO BO MA YIN NO, ,ZHES GSUNGS, DE'I DON NI, MKHAS PA KHA CIG, DUS GSUM GYI GTZO BO MA YIN PA GANG ZHIG, ,SKYE BA LA MNGON DU PHYOGS SHING MA SKYES PA DE MA 'ONGS PA'I MTSAN NYID, DE GANG ZHIG, SKYES ZIN 'GAGS PA, 'DAS PA'I MTSAN NYID, DUS GSUM GYI GTZO BO GANG ZHIG, SKYES LA MA 'GAGS PA, DA LTAR BA'I MTSAN NYID ZER NA, MYU GU MA 'ONGS PA CHOS CAN, MA 'ONGS PA'I MTSAN NYID KYI ZUR PHYI MA DER THAL, MTSON BYA DE'I PHYIR, 'DOD NA, SKYE BA LA MNGON DU PHYOGS PA MA YIN PAR THAL, SKYES ZIN PA'I PHYIR, KHO NA RE, MYU GU ZHIG PA CHOS CAN, 'JIG PA LA MNGON DU PHYOGS PA MA YIN PAR THAL, ZHIG PA YIN PA'I PHYIR, 'DOD NA, DE YIN PAR THAL, 'GAG BZHIN PA YIN PA'I PHYIR, KHYAB STE, 'GAG BZHIN PA NI YOD KYANG 'JIG LA PHYOGS PAR 'DOD GYUR PA, ZHES GSUNGS PA'I PHYIR NA RTZA BAR MA KHYAB, KHO NA RE, ZHIG PA YIN NA 'JIG PA LA MNGON DU PHYOGS PA MA YIN DGOS PAR THAL, MYU GU ZHIG PA 'JIG PA LA MNGON DU PHYOGS PA MA YIN PA'I PHYIR TE, 'JIG PA YIN PA'I PHYIR NA MA KHYAB, GZHAN YANG, DNGOS PO YIN NA DUS GSUM GANG RUNG YIN DGOS PAR THAL, MTSAN NYID GSUM PO DE 'THAD PA'I PHYIR, 'DOD NA, BUM PA DANG BUM PA'I MA 'ONGS PA GNYIS CHOS CAN, DER THAL, DE'I PHYIR, 'DOD NA, DA LTAR BA YIN PA THAL, DUS GSUM GANG RUNG GANG ZHIG, MA 'ONGS PA YANG MA YIN, 'DAS PA YANG MA YIN PA'I PHYIR, DANG PO MA GRUB NA, BUM PA MA 'ONGS PA YIN PAR THAL, DE GNYIS KA MA 'ONGS PA YIN PA'I PHYIR, RTZA BAR 'DOD NA, DE GNYIS KA DUS GSUM GYI GTZO @126A *, ,BO YIN PAR THAL LO, ,'DOD NA, BUM PA MA 'ONGS PA DUS GSUM GYI GTZO BO YIN PAR THAL, 'DOD PA'I PHYIR, 'DOD NA, ,DE DA LTAR BA YIN PAR THAL, 'KHOR GSUM, KHA CIG, DUS GSUM PHAL PA BA YIN PA GANG ZHIG, RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I DUS SU RANG NYID THAL ZIN PA DE, 'DAS PA'I MTSAN NYID, DE GANG ZHIG, RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I DUS SU RANG NYID MA SKYES PA'AM MA PHYIN PA DE, MA 'ONGS PA'I MTSAN NYID, DUS GSUM GYI GTZO BO GANG ZHIG, RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I DUS SU RANG NYID SKYES LA MA 'GAGS PA DE, DA LTAR BA'I MTSAN NYID ZER NA, SHES BYA CHOS CAN, MYU GU ZHIG PA DE MYU GU LA LTOS TE 'DAS PA YIN PAR THAL, MTSAN NYID DANG PO 'THAD PA'I PHYIR, 'DOD NA, DE MA YIN PAR THAL, DE LA LTOS TE MA 'ONGS PA YIN PA'I PHYIR TE, DE'I DUS SU MA 'ONGS PA YIN PA'I PHYIR TE, DE MYU GU'I 'BRAS BU YIN PA'I PHYIR, MA GRUB NA, MYU GU CHOS CAN, KHYOD KYI ZHIG PA KHYOD KYI 'BRAS BU YIN PAR THAL, KHYOD DNGOS PO YIN PA'I PHYIR, GZHAN YANG, MYU GU MA 'ONGS PA MYU GU LA LTOS TE MA 'ONGS PA YIN PAR THAL, MTSAN NYID GNYIS PA 'THAD PA'I PHYIR, 'DOD MI NUS TE, DE MYU GU LA LTOS TE 'DAS PA YIN PA'I PHYIR TE, DE MYU GU'I DUS SU 'DAS PA YIN PA'I PHYIR TE, DE MYU GU'I RGYU YIN PA'I PHYIR, MA GRUB NA, MYU GU CHOS CAN, KHYOD MA 'ONGS PA KHYOD KYI RGYU YIN PAR THAL, KHYOD DNGOS PO YIN PA'I PHYIR, GZHAN YANG, MYU GU ZHIG PA MYU GU LA LTOS TE MA 'ONGS PA YIN PAR THAL, DE MYU GU'I RJES SU BYUNG BA GANG ZHIG, SANG GI LAM DE DE RING GI LAM LA LTOS TE 'GRO BA'I BYA BA MA 'ONGS PA YIN PA'I PHYIR TE, DE DE LA LTOS TE 'GRO BA'I BYA BA MA SKYES PA YIN PA'I PHYIR TE, LHAS BYIN GDONG SHAR LA GTAD NAS 'GRO BA'I MDUN PHYOGS KYI LAM RNAMS GOM PA DA LTAR BA'I LAM LA LTOS TE 'GRO BA'I BYA BA MA SKYES PA'I LAM DANG, @126B DE'I RGYAB PHYOGS KYI LAM RNAMS DE LA LTOS NAS 'GRO BA'I BYA BA 'GAG PA'I LAM DU 'JOG RIGS PA'I PHYIR, KHA CIG, LUNG DE'I DON DU BSAM NAS, DA LTAR BA GCIG ZHIG PA'I ZHIG PAR DMIGS PA, 'DAS PA'I MTSAN NYID, DA LTAR BA GCIG MA 'ONGS PA'I MA 'ONGS PAR DMIGS PA, MA 'ONGS PA'I MTSAN NYID, DA LTAR DMIGS PA, DA LTAR BA'I MTSAN NYID, DES NA KHYOD DNGOS PO GANG LA LTOS NAS 'DAS PAR 'JOG NUS NA DNGOS PO DE DA LTAR BA YIN PAS KHYAB, KHYOD MA 'ONGS PA YIN PAS KHYAB, KHYOD DNGOS PO GANG LA LTOS NAS MA 'ONGS PAR 'JOG NUS NA DNGOS PO DE DA LTAR BA YIN PAS KHYAB, KHYOD MA 'ONGS PA YIN PAS KHYAB ZER NA, MYU GU ZHIG PA ZHIG PA CHOS CAN, MTSAN NYID DANG PO DER THAL, MTSON BYA DE'I PHYIR, MA GRUB NA, MYU GU ZHIG PA CHOS CAN, KHYOD ZHIG PA 'DAS PA YIN PAR THAL, KHYOD DNGOS PO YIN PA'I PHYIR, RTZA BAR 'DOD NA, MYU GU ZHIG PA DA LTAR BA YIN PAR THAL, 'DOD PA'I PHYIR, KHO NA RE, MYU GU ZHIG PA'I ZHIG PA DE DA LTAR BA GCIG ZHIG PA'I ZHIG PA YIN PAR THAL, DE GANG LA LTOS NAS 'DAS PAR 'JOG PA'I DA LTAR BA GCIG YOD PA'I PHYIR TE, MYU GU ZHIG PA SKYES LA MA 'GAGS PA DE DA LTAR BA GANG ZHIG, MYU GU ZHIG PA'I ZHIG PA DE LA LTOS NAS 'DAS PA YIN PA'I PHYIR, DANG PO DER THAL, MYU GU ZHIG PA'I SKABS KYI DA LTAR BA GCIG YOD PA'I PHYIR TE, MYU GU ZHIG PA DE RANG DUS SU DA LTAR BA YIN PA'I PHYIR, MA GRUB NA, DE CHOS CAN, DER THAL, DNGOS PO YIN PA'I PHYIR ZER NA, GAL TE DUS NI DNGOS RTEN NA, ,ZHES PA'I THAD KYI t'IK CHEN LAS, MYU GU ZHIG PA DE RANG DUS NA KHO RANG ZHIG PA MIN KYANG SPYIR ZHIG PA YIN PAS 'DAS PA KHO NA'O, , ZHES BSHAD PA MI 'THAD PAR THAL, MYU GU ZHIG PA RANG DUS SU 'DAS PA MA YIN PA'I PHYIR, MA GRUB NA SONG, DER THAL, DE RANG DUS SU DA LTAR BA YIN PA'I PHYIR, RTAGS KHAS, GZHAN YANG, RTZA SHA'I t'IK CHEN LAS, DE LTAR NA DA LTAR BA NI DNGOS PO GZHAN CIG ZHIG @127A *, ,PA DANG MA SKYES PA'I SGO NAS BZHAG MI DGOS PA'I SKYES LA MA 'GAGS PA MYU GU LTA BU YIN PAS MA 'ONGS PA'I SKAD CIG MA SKYES LA MA 'GAGS PA RNAMS DANG KHYAD PAR CHE'O, ,ZHES BSHAD PA MI 'THAD PAR THAL, MYU GU MA 'ONGS PA SKYES LA MA 'GAGS PA DE DA LTAR BA YIN PA'I PHYIR TE, MYU GU ZHIG PA SKYES LA MA 'GAGS PA DE DA LTAR BA YIN PA'I PHYIR, RTAGS KHAS, GZHAN YANG, MYU GU ZHIG PA'I ZHIG PA CHOS CAN, KHYOD MYU GU ZHIG PA LA LTOS TE 'DAS PA YIN PAR THAL, KHYOD MYU GU ZHIG PA SKYES LA MA 'GAGS PA LA LTOS TE 'DAS PA YIN PA'I PHYIR, RTAGS KHAS, 'DOD NA, MYU GU ZHIG PA DE DA LTAR BA YIN PAR THAL, 'DOD PA'I PHYIR, KHYAB PA RTZA BA'I DAM BCA' LA KHAS, GZHAN YANG, MYU GU ZHIG PA CHOS CAN, KHYOD RANG DUS SU 'DAS PA YIN PAR THAL, KHYOD RANG DUS SU MYU GU'I 'DAS PA YIN PA'I PHYIR, MA KHYAB NA, MYU GU'I ZHIG PA DE MYU GU'I 'DAS PA YIN PA'I SGRUB BYED DU SPYIR 'DAS PAR 'JOG PA MA YIN PAR THAL, MA KHYAB PA DE'I PHYIR, 'DOD NA, DE 'DAS PA YIN PA'I SGRUB BYED MED PAR THAL, 'DOD PA'I PHYIR, GAL TE DUS NI DNGOS RTEN NA, ,ZHES PA'I THAD DU t'IK CHEN LAS, 'O NA MYU GU ZHIG PA'I ZHIG PA RIGS 'DRA RGYUN MAR 'BYUNG BA NI 'DOD PAS DE'I SKAD CIG MA SKYES LA MA 'GAGS PA RNAMS DA LTAR BAR 'GYUR LA DE LTAR NA DA LTAR BA DANG ZHIG PA GNYIS MI 'GAL BAR 'BYUR RO ZHE NA, SKYON MED DE, MYU GU ZHIG PA'I SKAD CIG MA DANG PO NI MYU GU ZHIG PA YIN LA, DE'I RIGS 'DRA'I ZHIG PA RNAMS NI SNGA MA SNGA MA ZHIG PA YIN ZHING ZHIG PA THAMS CAD 'DAS PA YIN PA'I PHYIR RO, ,ZHES GSUNGS, DE'I DON LA KHA CIG, MYU GU ZHIG PA ZHIG PA'I DUS SU MYU GU ZHIG ZER NA, 'O NA, DE'I DUS SU MYU GU ZHIG PA SKYES PAR THAL, DAM BCA' 'THAD PA GANG ZHIG, MYU GU ZHIG PA DANG MYU GU ZHIG PA SKYES PA DUS MNYAM PA'I PHYIR, PHYI MA GRUB STE, MYU GU'I ZHIG PA MYU GU'I DNGOS 'BRAS YIN PA'I PHYIR, RTZA BAR 'DOD NA, DE'I DUS SU MYU GU ZHIG PA YOD PAR THAL, 'DOD PA'I PHYIR, @127B KHO NA RE, MYU GU ZHIG PA ZHIG PA'I DUS SU MYU GU ZHIG PAR THAL, DU BA'I DUS SU BUD SHING ZHIG PA'I PHYIR, MA GRUB NA, DU BA CHOS CAN, KHYOD KYI DUS SU BUD SHING ZHIG PAR THAL, KHYOD BUD SHING GI 'BRAS BU YIN PA'I PHYIR NA MA KHYAB STE, SHES BYA CHOS CAN, MYU GU ZHIG PA ZHIG PA DE MYU GU'I ZHIG PA YIN PAR THAL, DE'I DUS SU MYU GU ZHIG PA'I PHYIR, RTAGS KHAS, 'DOD NA, t'IK CHEN RIG PA'I RGYA MTSO LAS, MYU GU ZHIG PA'I SKAD CIG MA DANG PO MYU GU ZHIG PA YIN LA, ZHES SOGS BSHAD PA MI 'THAD PAR THAL, MYU GU ZHIG PA'I RIGS 'DRA PHYI MA ZHIG PA RNAMS MYU GU'I ZHIG PA YIN PA'I PHYIR TE, MYU GU ZHIG PA ZHIG PA DE MYU GU'I ZHIG PA YIN PA'I PHYIR, KHO NA RE, MYU GU ZHIG PA'I DUS SU MYU GU ZHIG PA'I 'BRAS BU SKYES PAR THAL, DE'I DUS SU MYU GU ZHIG PA ZHIG PA GANG ZHIG, MYU GU ZHIG PA ZHIG PA DANG, MYU GU ZHIG PA'I 'BRAS BU SKYES PA DUS MNYAM PA'I PHYIR, DANG PO MA GRUB NA, MYU GU ZHIG PA CHOS CAN, KHYOD RANG DUS SU ZHIG PAR THAL, KHYOD RANG DUS SU ZHIG PA YIN PA'I PHYIR NA MA KHYAB, PHYI MA MA GRUB NA, MYU GU ZHIG PA CHOS CAN, KHYOD ZHIG PA DANG, KHYOD KYI 'BRAS BU SKYES PA DUS MNYAM PAR THAL, KHYOD DNGOS PO YIN PA'I PHYIR, ZHES ZER RO, ,TSIG GSAL LAS, 'JIG PA RGYU MED DU KHAS BLANGS NAS, 'DUS BYAS SKAD CIG MAR SMRA PA LTAR NA, RGYU MED PAS 'JIG PA MED PA'I PHYIR, DNGOS PO SKAD CIG GI 'JIG PA DANG BRAL BA RNAMS 'DUS BYAS SU JI LTAR 'GRUB DE'I PHYIR DE THAMS CAD MI 'GRIG PAR 'GYUR RO, ,ZHES PA'I DON LA, KHA CIG, BUM PA RANG GRUB DUS KYI SKAD CIG GNYIS PAR MI SDOD PA LA RGYU MED PAR THAL, BUM PA RANG GRUB DUS KYI SKAD CIG GNYIS PAR ZHIG PA LA RGYU MED PA'I PHYIR, RTZA BAR 'DOD NA, BUM PA RANG GRUB DUS KYI SKAD CIG GNYIS PAR MA SDAD PA LA RGYU MED PAR THAL LO, ,'DOD NA, DE RANG GRUB DUS KYI SKAD CIG GNYIS PAR 'JIG PA MA YIN PAR THAL LO, ,'DOD NA, BUM PA 'DUS BYAS MA YIN PAR THAL LO, ,ZER NA, BUM PA CHOS CAN, KHYOD RANG GRUB DUS KYI SKAD CIG GNYIS PAR MI RTAG PA YIN @128A *, ,PAR THAL, KHYOD RANG GRUB DUS KYI SKAD CIG GNYIS PAR 'JIG PA YIN PA'I PHYIR, RTAGS KHAS, 'DOD NA, KHYOD RANG GRUB DUS KYI SKAD CIG GNYIS PAR YOD PAR THAL LO, ,GZHAN YANG, BUM PA RANG GRUB DUS KYI SKAD CIG GNYIS PAR MA SDAD PA DE BUM PA'I ZHIG PA YIN PAR THAL, LUNG DON 'CHAD TSUL 'THAD PA'I PHYIR, RTAGS KHAS, 'DOD NA, BUM PA RANG GRUB DUS KYI SKAD CIG GNYIS PAR MA SDAD PA CHOS CAN, KHYOD BUM PA DANG 'BREL PAR THAL, KHYOD BUM PA'I ZHIG PA YIN PA'I PHYIR, 'DOD NA, BUM PA MED NA KHYOD MED DGOS PAR THAL LO, ,DE'I THAD KYI t'IK CHEN LAS, SKAD CIG DANG PO DUS GNYIS PAR ZHIG PA NI DNGOS SU DGAG BYA BCAD NAS RTOGS DGOS PAS, DGAG PA NI YIN LA, MED DGAG NI MA YIN PAS MA YIN DGAG STE, ZHIG RGYU DE BCAD PA TZAM MIN GYI, DE BCAD PA'I DNGOS PO CIG 'PHANGS PA'I PHYIR RO, ,ZHES PA'I DON LA KHA CIG, BUM PA ZHIG PA MA YIN DGAG YIN TE, DE RANG BRJOD PA'I SGRAS RANG GI DGAG BYA BKAG SHUL DU CHOS GZHAN SGRUB PA 'PHEN PA'I PHYIR TE, BUM PA ZHIG PA ZHES PA'I SGRAS BUM PA RANG GRUB DUS KYI SKAD CIG DANG POR GNAS PA 'PHEN PA'I PHYIR ZER NA, BUM PA ZHIG PA ZHES PA'I SGRA DES BUM PA 'PHEN PAR THAL, DES BUM PA RANG GRUB DUS KYI SKAD CIG DANG POR GNAS PA 'PHEN PA'I PHYIR, 'DOD NA BUM PA ZHIG PA DE RANG BRJOD PA'I SGRAS RANG GI DGAG BYA BKAG SHUL DU RANG GI DGAG BYA 'PHEN PAR THAL, BUM PA DE'I DGAG BYA GANG ZHIG, 'DOD PA'I PHYIR, 'DOD NA, HA CANG THAL LO, ,KHA CIG, MYU GU'I MA 'ONGS PA YIN NA DGAG PA YIN PAS KHYAB, DE'I 'DAS PA YIN NA DGAG PA YIN PAS KHYAB ZER NA, MYU GU SKYE BZHIN PA CHOS CAN, DER THAL, DE'I PHYIR, MA GRUB NA, MYU GU SKYE BZHIN PA MYU GU'I MA 'ONGS PA YIN PAR THAL, MYU GU 'GAG BZHIN PA MYU GU'I DA LTAR BA YIN PA'I PHYIR, MYU GU'I DA LTAR BA YOD PA'I PHYIR TE, RTZA BAR 'DOD NA, MYU GU SKYE BA DGAG PA YIN PAR THAL LO, ,'DOD NA, DE SKYES PA DGAG PA YIN PAR THAL LO, @128B 'DOD NA, DE MI RTAG PA DGAG PA YIN PAR THAL LO, ` ,RANG LUGS LA, DUS GSUM SO SO'I NGO BO NGOS BZUNG BA DANG, 'DAS PA DANG MA 'ONGS PA DNGOS PO YIN PA'I SGRUB BYED BSHAD PA GNYIS, DANG PO NI, DNGOS PO NI, DNGOS PO GZHAN ZHIG, SKYES ZIN ZHIG PA'I CHA, 'DAS PA'I MTSAN NYID, DNGOS PO GZHAN ZHIG RANG NYID SKYE BYAD KYI RGYU YOD KYANG RKYEN MA TSANG BA'I DBANG GIS RE SHIG MI SKYE BA'I CHA, MA 'ONGS PA'I MTSAN NYID, SKYES LA MA 'GAGS PA YIN PA GANG ZHIG, RANG NYID KYI DON SPYI 'CHAR BA 'DAS PA'I DON SPYI 'CHAR PA DANG MA 'ONGS PA'I DON SPYI 'CHAR PA LA MI LTOS PA, DA LTAR BA'I MTSAN NYID, GNYIS PA LA LUNG GIS SGRUB PA DANG, RIGS PAS SGRUB PA GNYIS, DANG PO NI, 'DAS PA DNGOS PO YIN TE, SA BCU PA'I MDO LAS, SKYE BA'I RKYEN GYIS RGA SHI STE, ZHES SHI BA DE RANG GI RGYUR GYUR PA'I SKYE BA LAS BYUNG BAR BSHAD PA GANG ZHIG, SHI BA DE SEMS CAN GANG SHI BA'I ZHIG PAR 'JOG PA'I PHYIR, DES NA ME DU BA'I DUS SU 'DAS PA YIN KYANG, 'DAS PA MA YIN, MYU GU ZHIG PA ZHIG PA YIN KYANG MA ZHIG, DE RANG DUS SU 'DAS PA YIN KYANG, RANG DUS SU MA 'DAS, THA MAL PA SROG DBANG 'GAG PA SHI BA'I MTSAN GZHI YIN, GNYIS PA NI, TSIG GSAL LAS, 'JIG PA RGYU MED DU KHAS BLANGS NAS 'DUS PAS SKAD CIG MAR SMRA BA LTAR NA, ZHES GSUNGS SO, ,DE'I DON NI, BUM PA 'JIG PA LA RGYU MED PAR THAL, BUM PA ZHIG PA LA RGYU MED PA'I PHYIR TE, BUM PA ZHIG PA DNGOS POR MED PA'I PHYIR, RTAGS KHAS, 'DOD NA, BUM PA ZHIG PA DE RGYU MED DU 'BYUNG BAR THAL LO, ,'DOD NA, BUM PA 'JIG PA MA YIN PAR THAL LO, ,'DOD NA, BUM PA 'DUS BYAS MA YIN PAR THAL LO, ,RTZOD PA SPONG BA LA, KHO NA RE, BUD SHING ZHIG PA DU BA'I RGYU YIN PAR THAL, DE DNGOS PO YIN PA'I PHYIR, 'DOD NA, DE CHOS CAN, KHYOD DU BA'I DUS SU MED PAR THAL LO, ,'DOD MI NUS TE, DU BA'I DUS SU DE YOD PA'I PHYIR, MA GRUB NA, DU BA CHOS CAN, KHYOD KYI DUS SU BUD SHING ZHIG PA YOD PAR THAL, KHYOD KYI DUS SU BUD SHING GI ZHIG PA YOD PA'I PHYIR TE, KHYOD @129A *, ,DE'I 'BRAS BU YIN PA'I PHYIR NA MA KHYAB, YANG KHO NA RE, 'DAS PA'I 'BRAS BU CHOS CAN, KHYOD KYI DUS SU 'DAS PA MED PAR THAL, KHYOD 'DAS PA'I 'BRAS BU YIN PA'I PHYIR TE, 'DAS PA DNGOS PO YIN PA'I PHYIR, RTZA BAR 'DOD NA, KHYOD KYI DUS SU 'DAS PA YOD PAR THAL, KHYOD KYI DUS SU KHYOD KYI RGYU DE 'DAS PA YIN PA'I PHYIR NA MA KHYAB, DGE BA'I LAS KYI ZHIG PA DE RANG 'BRAS RNAM SMIN YID 'ONG 'BYIN BYED DANG, MI DGE BA'I LAS KYI ZHIG PA DE RANG 'BRAS RNAM SMIN YID MI 'ONG 'BYIN BYED YIN BYAS PA LA, KHO NA RA, DGE BA'I LAS KYI ZHIG PA DGE BA YIN PAR THAL, DAM BCA' DANG PO 'THAD PA'I PHYIR, 'DOD NA, DE CHOS CAN, DA LTAR BA YIN PAR THAL, 'DOD PA'I PHYIR NA MA KHYAB, DES DAM BCA' PHYI MA LA'ANG RIGS 'GRE, KHO NA RE, SANGS 'PHAGS KYI RGYUD LA MI DGE BA YOD PAR THAL, DE'I RGYUD LA MI DGE BA'I LAS KYI ZHIG PA YOD PA GANG ZHIG MI DGE BA'I LAS KYI ZHIG PA MI DGE BA YIN PA'I PHYIR, DANG PO DER THAL, DE'I RGYUD LA MI DGE BA'I LAS ZHIG PA YIN PA'I PHYIR TE, DE'I RGYUD LA DE 'GAG PA YIN PA'I PHYIR, YANG KHO NA RE, KHONG KHROS DGE RTZA BCOM PA'I GANG ZAG GI RGYUD LA KHONG KHRO'I GZHOM BYAR GYUR BA'I DGE RTZA YOD PAR THAL, DE'I RGYUD LA KHONG KHRO'I GZHOM BYAR GYUR BA'I DGE BA'I LAS KYI ZHIG PA YOD PA GANG ZHIG, DGE BA'I LAS KYI ZHIG PA DGE BA YIN PA'I PHYIR, DANG PO GRUB STE, DE'I RGYUD LA KHONG KHROS DGE RTZA BCOM PA DANG, DE'I RGYUD LA KHONG KHRO'I GZHOM BYAR GYUR PA'I DGE BA'I LAS ZHIG PA DUS MNYAM PA'I PHYIR ZER NA, THAL 'GYUR DANG PO'I SKYON MED DE, DU BA'I DUS SU BUD SHING 'GAGS PAR THAL, SANGS 'PHAGS KYI RGYUD LA MI DGE BA 'GAGS PA YIN PA'I PHYIR, 'DOD NA, DU BA'I DUS SU ME SKYES PAR THAL, 'DOD PA GANG ZHIG, BUD SHING 'GAGS PA DANG MA SKYES PA DUS MNYAM PA'I PHYIR, 'DOD NA, DU BA'I DUS SU ME YOD PAR THAL, 'DOD PA'I PHYIR, SANGS 'PHAGS KYI RGYUD LA MI DGE BA'I LAS KYI ZHIG PA MED PAR THAL, MI DGE BA'I LAS KYI ZHIG PA DE MI DGE BA'I LAS KYI SKAD CIG GNYIS PA NA @129B YOD KYI, DE PHYIN CHAD NA MED PA'I PHYIR, ZHES LAN 'DEBS PA'AM, DGE BA'I LAS KYI ZHIG PA DANG, MI DGE BA'I LAS KYI ZHIG PA RNAMS RIM PA BZHIN DU DGE BA DANG MI DGE BAR GSUNGS PA'I DON NI, RANG 'BRAS RNAM SMIN PHYUNG MA ZIN PA'I DGE BA'I LAS KYI ZHIG PA DE DGE BA DANG, DE 'DRA'I MI DGE BA'I LAS KYI ZHIG PA MI DGE BAR GSUNGS PA YIN GYI, DGE MI DGE'I LAS KYI ZHIG PA GANG YIN THAMS CAD DGE BA DANG MI DGE BAR MI 'JOG PA'I PHYIR, THAL 'GYUR GNYIS PA'I LAN NI, KHONG KHROS DGE RTZA BCOM PA'I GANG ZAG GI RGYUD LA KHONG KHRO'I GZHOM BYAR GYUR PA'I DGE BA YOD DE, KHONG KHROS DGE RTZA GTAN MED DU BYAS PA KHONG KHROS DGE RTZA BCOM PA'I DON DU MI RIGS PA'I PHYIR, KHONG KHROS DGE RTZA'I RANG 'BRAS RNAM SMIN 'BYIN PA'I NUS PA LA GNOD PA BYAS PA DE KHONG KHROS DGE RTZA BCOM PA'I DON YIN PA'I PHYIR, ` RAB RIB DANG LDAN DBANG PO CAN MTSUNGS PA, ,ZHES SOGS KYI SKABS SU, GZHUNG DON DANG, MTHA' DPYAD PA GNYIS, DANG PO NI, CHU KLUNG RNAG KHRAG TU SNANG BA'I YI {DVAGS} KYI MIG SHES CHOS CAN, PHYI ROL MED PA'I SHES PA RANG BZHIN GYIS GRUB PA'I MTHUN DPE YANG DAG TU MI RIGS TE, RAB RIB CAN GYI SHES PA DANG RANG BZHIN MED MTSUNGS YIN PA'I PHYIR, GNYIS PA LA, RANG LUGS BZHAG PA, DE LA RTZOD PA SPONG BA GNYIS, DANG PO NI, LAS STOBS LDAN BSAGS PA'I LHA MI YI {DVAGS} GSUM GYIS, BRLAN ZHING GSHER BA PHOR PA GANG LA THUN MONG DU BLTAS PA'I TSE, BRLAN ZHING GSHER PA PHOR PA GANG PO DE'I STENG DU, BDUD RTZI DANG CHU {DVAGS} SHING BSIL BA DANG, RNAG KHRAG GSUM TSAD MAS GRUB PA YID BYAS PA LA KHO NA RE, RAB RIB CAN LA SKRA SHAD SNANG BA'I TSE SGRA SHAD YOD PAR THAL, YI {DVAGS} KYI MIG SHES LA CHU KLUNG RNAG KHRAG TU SNANG BA'I TSE, CHU KLUNG GI STENG DU RNAG KHRAG TSAD MAS GRUB PA YIN PA'I PHYIR, KHYAB STE, DE GNYIS YOD NA YOD MTSUNGS DANG, MED NA MED MTSUNGS YIN PA'I PHYIR TE, RAB RIB DANG LDAN DBANG PO CAN MTSUNGS PA, ZHES GSUNGS PA'I PHYIR NA MA KHYAB STE, DE'I DON NI, CHU KLUNG @130A *, ,RNAG KHRAG TU SNANG BA'I YI {DVAGS} KYI MIG SHES DANG, RAB RIB CAN GYI SHES PA GNYIS RANG BZHIN MED MTSUNGS YIN PA LUNG DE'I DON YIN PA'I PHYIR, KHA CIG, GZUGS CAN GYI DNGOS PO RNAMS KYIS RANG GI GO SAR GZUGS CAN GYI DNGOS PO GZHAN 'BYUNG BA'I GO MI 'GEG PAR THAL, BRLAN ZHING GSHER BA PHOR PA GANG PO DE LA DE GSUM GYIS THUN MONG DU LTAS PA'I TSE, PHOR PA GANG PO DE'I STENG DU BDUD RTZI PHOR BA GANG, CHU PHOR PA GANG, RNAG KHRAG PHOR GANG GSUM TSAD MAS GRUB PA YOD PA'I PHYIR, ZHES ZER, YANG MU STEGS RDZOGS BYED DANG KUN DGA' BO GNYIS KYIS STON PA SH'AKYA THUB PA'I SKU LA THUN MONG DU BLTAS PA'I TSE, STON PA SH'AKYA THUB PA'I SKU GZUGS LA MI MJES ? PA DANG MDZES PA'I CHA GNYIS YOD PAR THAL, KHYOD KYIS BRLAN ZHING GSHER BA PHOR PA GANG GI MTHONG TSUL DE 'THAD PA'I PHYIR ZER NA, THAL 'GYUR DANG PO'I LAN LA KHA CIG, SKYON MED DE, BRLAN ZHING GSHER BA PHOR PA GANG LA DE GSUM GYIS THUN MONG DU BLTAS PA'I TSE, DE'I STENG DU BDUD RTZI PHOR PA GANG, CHU PHOR PA GANG, RNAG KHRAG PHOR PA GANG GSUM TSAD MAS GRUB PA YOD PAR KHAS BLANGS NA SKYON DU 'GYUR YANG DE LTAR KHAS MA BLANGS PA'I PHYIR ZHES GSUNG KYANG, RANG LUGS LA, GZUGS CAN GYI DNGOS PO RNAMS KYIS RANG GI GO SAR GZUGS CAN GYI DNGOS PO GZHAN 'BYUNG BA'I GO MI 'GEGS PAR THAL, CHA CAN GYI RI RAB GCIG GI GO SAR DUS 'KHOR NAS BSHAD PA'I RI RAB ZLUM PO GCIG DANG, MNGON PA MDZOD NAS BSHAD PA'I RI RAB GRU BZHI GNYIS CIG CAR DU GRUB PA'I PHYIR, KHYAB PA KHAS, RTAGS GRUB STE, DE 'DRA'I RI RAB GNYIS YOD PA'I PHYIR, THAL 'GYUR GNYIS PA'I LAN LA, KHA CIG, DE'I SKYON MED DE, MU STEGS RDZOGS BYED LA STON PA'I SKU GZUGS MI MDZES PAR SNANG BA NI 'PHRAL GYI 'KHRUL RGYU GRUB MTHA' NGAN PAS BSLAD PA'I DBANG GIS SNANG BA YIN LA, YI {DVAGS} KYI MIG SHES LA CHU KLUNG RNAG @130B KHRAG TU SNANG BA NI PHUGS KYI 'KHRUL RGYU LAS NGAN PA'I DBANG GIS SNANG BA YIN PAS, DE GNYIS MI MTSUNGS PA'I PHYIR, ZHES GSUNGS, RANG LUGS NI, MU STEGS RDZOGS BYED DANG KUN DGA' BO GNYIS KYIS STON PA'I SKU GZUGS LA THUN MONG DU LTAS PA'I TSE, RDZOGS BYED LA MI MDZES PA DANG, KUN DGA' BO LA MDZES PAR SNANG BA'I KHYAD PAR MI 'THAD PAR THAL, STON PA'I SKU GZUGS 'DZIN PA'I MIG SHES LA STON PA'I SKU GZUGS MI MDZES PAR SNANG BA MED PA'I PHYIR, DKON MCHOG RJES DRAN GYI MDO LAS, MTHONG NA MI MTHUN PA MED PA ZHES GSUNGS PA LTAR KHAS LEN RIGS PA'I PHYIR, KHA CIG, YI {DVAGS} KYI MIG SHES LA CHU BO {GANGG'A} SKAM PAR SNANG BA'I TSE, DE 'DRA'I MIG SHES DE SKAM PA LA TSAD MAR SONG BAR THAL, YI {DVAGS} KYI MIG SHES LA CHU KLUNG RNAG KHRAG TU SNANG BA'I TSE DE 'DRA'I MIG ZHES DE CHU KLUNG DI STENG GI RNAG KHRAG LA TSAD MAR SONG BA'I PHYIR, GZHAN YANG, YI {DVAGS} KYI MIG ZHES LA LJON SHING 'BRAS BU CAN 'BRAS BU MED PAR SNANG BA'I TSE, DE 'DRA'I MIG SHES DE LJON SHING DE'I 'BRAS BU MED PA LA TSAD MAR SONG BAR THAL, RTAGS LNGAR BZHI, GZHAN YANG, YI {DVAGS} KYI MIG SHES LA CHU BO {GANGG'A} ME MA MUR DU SNANG BA'I TSE, DE'I STENG NA ME MA MUR YOD PAR THAL, RTAGS SNGAR BZHIN, 'DOD NA, TSA REG DANG GRANG REG MI 'GAL BAR THAL LO, ,ZER NA THAL 'GYUR DANG PO'I SKYON MED DE, YI {DVAGS} CHU BO {GANGG'A'I} RTZAR SLEBS PA'I TSE, LAS KYI SGRIBS NAS DES CHU BO {GANGG'A} MA MTHONG BA YIN GYI, DES DE MED PAR GZHAL BA MA YIN PA'I PHYIR, DE 'DRA'I YI {DVAGS} KYI MIG SHES TSAD MAR SONG BA'I YUL YOD DE, DE'I TSE CHU KLUNG DE'I 'OG GZHI GRAM PA DANG, GSEG MA SOGS LA TSAD MAR SONG BA'I PHYIR, THAL 'GYUR GNYIS PA'I SKYON MED DE, DES DE LTAR BLTAS PA'I TSE, LAS KYIS BSGRIBS NAS LJON SHING GI 'BRAS BU MA MTHONG BA YIN GYI, DE'I TSE DES LJON SHING GI 'BRAS BU MED PAR GZHAL BA MA YIN PA'I PHYIR, DES NA DE 'DRA'I YI {DVAGS} KYI MIG SHES TSAD MAR SONG BA'I YUL YOD DE, DE'I TSE DE LJON SHING GI YAL GA DANG @131A *, ,LO MA DANG, 'DAB MA RNAMS LA TSAD MAR SONG BA'I PHYIR, THAL 'GYUR PHYI MA'I THAL 'GYUR GNYIS PA LA MA KHYAB STE, SEMS CAN GYI LAS KYI NUS PA DANG, RNAL 'BYOR BA'I TING NGE 'DZIN BSGOMS PA'I MTHU DANG, SANGS RGYAS BYANG SEMS KYI RDZU 'PHRUL BSAM GYIS MI KHYAB PA RNAMS 'JIG RTEN PA'I THA SNYAD PA'I LAM LAS 'DAS PA'I PHYIR, KHA CIG ,DGUN GYI DUS SU NYI MA'I 'OD ZER DANG YI DVAGS KYI LUS SHES PHRAD PA'I TSE NYI MA'I 'OD ZER GYI STENG DU GRANG REG YOD PAR THAL, DE'I MIG SHES LA CHU KLUNG RNAG KHRAG TU SNANG BA'I TSE CHU KLUNG GI STENG NA RNAG KHRAG YOD PA'I PHYIR, 'DOD NA, ME STOBS CHEN POS KHYAB PAR NON PA'I SHAR GZHIR GRANG REG YOD PAR THAL LO, ,'DOD NA, ME STOBS CHEN POR GYUR PA'I DNGOS PO DE DES KHYAB PAR NON PA'I SHAR GZHIR GRANG REG MED PAR SGRUB PA'I RTAGS YANG DAG MA YIN PAR THAL LO, ,ZHES ZER NA, THAL 'GYUR GNYIS PAR MA KHYAB, ME STOBS CHEN POS KHYAB PAR NON PA'I DNGOS PO DE DES KHYAB PAR GNON PA'I SHAR GZHIR GRANG REG RGYUN CHAGS YUN RING DU MI GNAS PAR SGRUB PA'I RTAGS YANG DAG YIN KYANG, SNGA MA DE MA YIN PA'I PHYIR TE, ME STOBS CHEN POR GYUR PA'I DNGOS PO DE ME STOBS CHEN PO YIN KYANG, ME STOBS CHEN POS KHYAB PAR NON PA MA YIN PA'I PHYIR, KHA CIG ,CHU MIG SHES KYI GZUNG BYA YIN PAR THAL, YI DVAGS KYI MIG SHES LA CHU KLUNG RNAG KHRAG TU SNANG BA'I PHYIR, 'DOD NA, DE CHOS CAN, DE MA YIN PAR THAL, REG BYA'I SKYE MCHED YIN PA'I PHYIR ZER NA, t'IK CHEN LAS, YI DVAGS LA CHU KLUNG RNAG KHRAG TU SNANG BA NI DE'I MIG SHES LA SNANG BA YIN PAS GZUGS KYI SKYE MCHED DU BZHAG DGOS SO, ,ZHES GSUNGS PA MI 'THAD PAR THAL, YI DVAGS KYI MIG SHES LA CHU KLUNG RNAG KHRAG TU SNANG BA MI SRID PA'I PHYIR, RTAGS KHAS, DE RNAMS KYI LAN LA KHA CIG ,BRLAN ZHING GSHER BA PHOR PA GANG LA CHA SHAS GSUM LDAN DU GSUNGS PA'I DON YOD DE, PHOR PA GANG PO DE YI @131B DVAGS RANG GI LAG TU BLANGS TE KHAR SLEB PA NA CHA SHAS PHYI MA RNAG KHRAG TU SKYE BA LA DGONGS NAS DE LTAR GSUNGS PA'I PHYIR, DE LTAR MA YIN NA BYANG CHUB SEMS DPA'I SMON LAM GYI STOBS KYIS NAM MKHA' LA 'BRAS BU'I CHAR PHAB PA'I TSE, SEMS CAN 'GA' ZHIG LA RIN PO CHE'I CHAR DANG, KHA CIG LA 'BRAS BU'I CHAR DANG, LA LA LA MTSON CHA'I CHAR BABS PA'I TSE, SPRIN GYI GSEB NA MTSON CHA DNGOS GNAS PA YOD PAR THAL, BRLAN ZHING GSHER BA PHOR PA GANG LA LHA MI YI DVAGS GSUM GYIS THUN MONG DU BLTAS PA'I TSE, DE'I STENG DU BDUD RTZI DANG CHU DANG RNAG KHRAG GSUM DNGOS GNAS LA YOD PA'I PHYIR, ZHES GSUNGS, SHES BYA CHOS CAN, t'IK CHEN LAS, GZHI GANG DU CHU KLUNG 'BAB PA'I GZHI DER CHU KLUNG DE'I CHA SHAS GCIG YI DVAGS RNAMS LA SNGON LAS KYI DBANG GIS RNAG KHRAG TU SKYES PA DANG, CHU KLUNG GI CHA SHAS GZHAN GCIG MI LA SNGON LAS KYI DBANG GIS RNAG KHRAG TU MI SNANG BA'I BTUNG BA DANG, KHRUS KYI CHUR SKYE BA NA DE GNYIS KA CHU KLUNG GCIG GI CHA SHAS RE YIN PAS, YI DVAGS KYI MIG SHES TSAD MAS GRUB PA'I DON DANG, MI'I MIG SHES TSAD MAS GRUB PA'I DON GNYIS KYANG DNGOS PO SO SO BA YIN PAS DE GNYIS GCIG GIS GRUB PA'I DON DE NYID, CIG SHOS KYI DE'I BZLOG PHYOGS SU GRUB PA GA LA YIN, ZHES BSHAD PA MI 'THAD PAR THAL, YI DVAGS KYI MIG SHES LA CHU KLUNG RNAG KHRAG TU SNANG BA'I TSE CHU KLUNG GI STENG DU RNAG KHRAG TSAD MAS GRUB PA MI SRID PA'I PHYIR, GZHAN YANG, BRLAN ZHING GSHER BA PHOR PA GANG LA DA GSUM GYIS CIG CAR DU BLTAS PA'I TSE, PHOR PA GANG PO DE RNAG KHRAG TU SNANG BA'I YI DVAGS KYI MIG SHES DE RTOG MED LOG SHES YIN PAR THAL, DE'I TSE DE LA DE RNAG KHRAG TU SNANG BA GANG ZHIG ,DE'I TSE DE NA RNAG KHRAG MED PA'I PHYIR, 'DOD NA, DE'I TSE DE BDUD RTZIR SNANG BA'I LHA'I MIG SHES DE YANG LOG SHES YIN PAR THAL LO, ,'DOD NA, DE'I TSE DE CHUR SNANG BA'I MI'I MIG SHES DE YANG LOG @132A *, ,SHES YIN PAR THAL LO, ,GZHAN YANG, MI 'TSIG PA'I RIG SNGAGS DANG LDAN PA'I LUS SHES KYIS LCAGS GENG DMAR 'BAR BA LA REG PA'I TSE, LCAGS GONG DMAR 'BAR BA'I STENG DU GRANG REG GCIG GSAR DU BSKYED PA MA YIN PAR THAL, YI DVAGS KYI MIG SHES LA CHU KLUNG RNAG KHRAG TU SNANG BA'I TSE CHU KLUNG GI STENG DU RNAG KHRAG GSAR DU SKYES PA MI SRID PA'I PHYIR, RTAGS KHAS, 'DOD NA, t'IK CHEN LAS, 'O NA JI LTAR ZHE NA THOG MAR DPE BSHAD PAR BYA STE, LCAGS GONG MES BSREGS PA'I DMAR 'BAR BA LA REG KYANG MI 'TSIG PA'I RIG SNGAGS DANG LDAN PA GCIG GIS LCAGS GONG DE LAG TU BLANGS PA NA, LUS SHES KYIS LCAGS DE'I REG BYA 'DZIN KYANG, DE LA REG BYA DE SHIN TU TSA ZHING SREG PA'I RNAM PA CAN DU MI SKYE BA NI, RIG SNGAGS BZLAS PA'I CHUS LAG PA BKRUS PA SOGS KYI RKYEN GYIS YIN NO, ,DE 'DRA'I RIG SNGAGS ZLOS PA DANG BRAL BA LA NI, LCAGS GONG GI REG BYA DE SHIN TU TSA ZHING SREG PA'I RNAM PA CAN DU SKYE'O, ,DE LTAR NA MI SREG PA DANG SREG PA'I REG BYA GNYIS KA LCAGS GONG GCIG PU DE'I REG BYAR NI BYA DGOS LA, LUS SHES TSAD MA GNYIS GCIG GIS GRUB PA'I REG BYA CIG SHOS KYIS GRUB PA NI MIN PAS, GNYIS KA TSAD MAR KHAS BLANGS KYANG TSAD MA GCIG GIS GRUB PA CIG SHOS KYIS 'GOG PA MIN NO, ,ZHES BSHAD PA MI 'THAD PAR THAL, 'DOD PA'I PHYIR, KHO NA RE, LCAGS GONG DMAR 'BAR BA'I STENG NA GRANG REG YOD PAR THAL, MI 'TSIG PA'I RIG SNGAGS DANG LDAN PA'I LUS SHES KYIS DE LA REG PA'I TSE DE'I STENG DU GRANG REG CIG GSAR DU SKYES PA'I PHYIR, 'DOD NA, TSA GRANG GNYIS LHAN CIG MI GNAS 'GAL MA YIN PAR THAL, DE GNYIS GZHI GCIG GI STENG DU 'DU SRID PA'I PHYIR NA MA KHYAB, YANG KHO NA RE, LCAGS GONG DMAR 'BAR BA'I REG BYA DANG GRANG REG GI GZHI 'THUN YOD PAR THAL, DE'I STENG DU GRANG REG YOD PA'I PHYIR, 'DOD NA, ME'I REG BYA DANG GRANG REG GI GZHI 'THUN YOD PAR THAL LO, ,'DOD NA, TSA ZHING SREG PA'I REG BYA DANG GRANG REG @132B GI GZHI 'THUN YOD PAR THAL LO, ,'DOD NA, TSA REG DANG GRANG REG GI GZHI 'THUN YOD PAR THAL, 'DOD PA'I PHYIR NA MA KHYAB, KHA CIG ,TSA REG DANG MI LDAN PA'I NYI MA'I DKYIL 'KHOR YOD DE, DGUN GYI DUS SU YI DVAGS KHO NA'I LAS DBANG LAS GRUB PA'I NYI MA'I DKYIL 'KHOR YOD PA'I PHYIR, GRANG REG DANG MI LDAN PA'I ZLA BA'I DKYIL 'KHOR YOD DE, SOS KA'I DUS SU YI DVAGS KHO NA'I LAS DBANG LAS GRUB PA'I ZLA BA'I DKYIL 'KHOR YOD PA'I PHYIR ZER NA, SHES BYA CHOS CAN, TSA REG DANG MI LDAN PA'I ME STOBS CHEN PO YOD PAR THAL, DGUN GYI DUS SU YI DVAGS KHO NA'I LAS DBANG LAS GRUB PA'I ME STOBS CHEN PO YOD PA'I PHYIR, KHYAB PA KHAS, 'DOD MI NUS TE, DE YIN NA TSA REG DANG LDAN PAS KHYAB PA'I PHYIR, GZHAN YANG, RTZA BA'I DAM BCA' MI 'THAD DE, NYI MA'I DKYIL 'KHOR DANG ZLA BA'I DKYIL 'KHOR GANG RUNG YIN NA SEMS CAN SPYI 'THUN GYI LAS DBANG GIS GRUB PA YIN DGOS PA'I PHYIR, ` GANG PHYIR GANG GI YUL MYONG 'GYUR DE LAS, ZHES SOGS KYI SKABS SU, MTHA' BCAD PA DANG, GZHUNG DON GNYIS, DANG PO NI, KHA CIG, RANG YUL GYI GTZO BO LA MI SLU BA'I RIG PA, , TSAD MA'I MTSAN NYID, DBYE NA, MNGON SUM GYI TSAD MA DANG, RJES SU DPAG PA'I TSAD MA GNYIS, RANG LA MNGON DU GYUR PA'I RANG GI YUL GYI GTZO BO MNGON 'GYUR LA MI SLU BA'I RIG PA DANG PO'I MTSAN NYID, DBYE NA, DBANG PO'I MNGON SUM DANG, YID KYI MNGON SUM, RNAL 'BYOR MNGON SUM GSUM, RANG GI BDAG RKYEN DBANG PO GZUGS CAN PA LA BRTEN NAS RANG GI SNANG YUL RTOGS PA'I GSAL SNANG CAN GYI RIG PA, DANG PO'I MTSAN NYID, THA SNYAD PA'I TSAD MA'I NANG TSAN GANG ZHIG ,KHYOD YIN PA'AM KHYOD KYI NANG TSAN DU GYUR PA'I DBANG MNGON DANG FRNAL 'BYOR MNGON SUM MI SRID PA, GNYIS PA'I MTSAN NYID, BSAM GTAN GYI DNGOS GZHI'I SEMS LA BSTEN NAS RANG YUL LA GOMS PA'I STOBS KYIS 'JUG PA'I RNAL 'BYOR PA'I SHES PA, GSUM PA'I MTSAN NYID, SA 'TSAMS, STONG NYID LA DMIGS PA'I @133A *, ,SGOM BYUNG GI YE SHES THOB PA NAS SANGS RGYAS KYI SA'I BAR NA YOD, RANG LA LKOG TU GYUR PA'I YUL GYI GTZO BO LKOG GYUR LA MI SLU BA'I RIG PA, RJES DPAG GI MTSAN NYID, DBYE NA TSUL GSUM PA'I RTAGS LA BRTEN PA'I RJES DPAG ,DPE NYER 'JAL GYI TSAD MA DANG, LUNG LA BRTEN NAS GZHAL BYA SHIN TU LKOG GYUR RTOGS PA'I RJES DPAG GO ,RTOG MED KYI SHES PA YIN NA MNGON SUM TSAD MA YIN PAS KHYAB CING, RTOG PA YIN NA RJES DPAG TSAD MA YIN PAS MA KHYAB STE, SGRA RTAG 'DZIN RTOG PA TSAD MA MA YIN PA'I PHYIR, ZLA BA GNYIS SNANG GI DBANG SHES DANG SGRA RTAG 'DZIN RTOG PA GNYIS TSAD MA YIN MIN MI MTSUNGS TE, RTOG MED KYI SHES PA'I YUL GYI GTZO BO SNANG YUL YIN RTOG PA'I YUL GYI GTZO BO ZHEN YUL LA BYED PA GANG ZHIG ,ZLA BA GNYIS SNANG GI DBANG SHES YUL GYI GTZO BO RANG GI SNANG YUL LA TSAD MA YIN, SGRA RTAG 'DZIN RTOG PA RANG GI ZHEN YUL LA TSAD MA MA YIN PA'I PHYIR ZER NA, TSUR MTHONG GI RGYUD KYI STONG NYID DRAN PA'I DRAN SHES CHOS CAN, RANG LA MNGON DU GYUR PA'I YUL GYI GTZO BO MNGON GYUR LA MI SLU BA'I RIG PA YIN PAR THAL, MNGON SUM TSAD MA YIN PA'I PHYIR TE, TSAD MA GANG ZHIG ,RJES DPAG MA YIN PA'I PHYIR, DANG PO GRUB STE, RANG YUL GYI GTZO BO LA MI SLU BA'I RIG PA YIN PA'I PHYIR TE, STONG NYID LA MI SLU BA'I RIG PA YIN PA'I PHYIR TE, CHOS CAN DE'I PHYIR, RTAGS PHYI MA MA GRUB NA, BYANG SEMS SBYOR LAM PA'I RGYUD KYI STONG NYID DRAN PA'I DRAN SHES DE RJES DPAG YIN PAR THAL LO, ,'DOD NA, DMAN LAM SNGON DU MA SONG BA'I SBYOR LAM CHOS MCHOG CHEN PO'I YE SHES DE RJES DPAG YIN PAR THAL LO, ,'DOD NA, THOS BYUNG GI BLO YIN PAR THAL LO, ,'DOD MI NUS TE, SGOMS BYUNG GI BLO YIN PA'I PHYIR, RTZA BAR 'DOD NA, DE LA STONG NYID MNGON SUM DU SNANG BAR THAL, DE RANG LA MNGON DU GYUR PA'I YUL GYI GTZO BO MNGON GYUR LA MI SLU BA'I RIG PA GANG ZHIG, DE LA STONG NYID SNANG BA DE'I YUL @133B GYI GTZO BO MA YIN PA'I PHYIR TE, DE'I ZHEN YUL DE'I YUL GYI GTZO BO YIN PA'I PHYIR, GZHAN YANG, TSUR MTHONG GI RGYUD KYI LHA'I MIG GI MNGON SHES CHOS CAN, DBANG MNGON YIN PAR THAL, MTSAN NYID DE'I PHYIR TE, CHOS CAN DE'I PHYIR, 'DOD MI NUS TE, YID MNGON YIN PA'I PHYIR TE, MNGON SHES YIN PA'I PHYIR, GZHAN YANG, GZHAN SEMS SHES PA'I MNGON SHES CHOS CAN, KHYOD DU GYUR PA'I RNAL 'BYOR MNGON SUM MED PAR THAL, KHYOD YIN PA'AM KHYOD DANG NGO BO GCIG TU GYUR PA'I RNAL 'BYOR MNGON SUM MI SRID PA'I PHYIR, RTAGS SLA, 'DOD MI NUS TE, SANGS RGYAS 'PHAGS PA'I RGYUD KYI GZHAN SEMS SHES PA'I MNGON SHES DE RNAL 'BYOR MNGON SUM YIN PA'I PHYIR TE, DE STONG NYID MNGON SUM DU RTOGS PA'I MKHYEN PA YIN PA'I PHYIR, GZHAN YANG, RGYUN ZHUGS KYI RGYUD KYI MTHONG LAM RNAM GROL LAM CHOS CAN, BSAM GTAN GYI DNGOS GZHI'I SEMS LA BRTEN PAR THAL, RNAL 'BYOR MNGON SUM YIN PA'I PHYIR, 'DOD NA, RGYUN ZHUGS KYIS BSAM GTAN GYI DNGOS GZHI'I SEMS THOB PAR THAL LO, ,GZHAN YANG, MYU GU BDEN MED DU RTOGS PA'I RJES DPAG GIS DRANGS NAS SKYES PA'I MYU GU BDEN MED DU NGES PA'I NGES SHES CHOS CAN, RJES DPAG YIN PAR THAL, MTSAN NYID DE'I PHYIR TE, MYU GU BDEN MED DE'I YUL GYI GTZO BO GANG ZHIG ,DE LA MI SLU BA'I RIG PA YIN PA'I PHYIR, DANG PO GRUB STE, MYU GU BDEN MED DE MYU GU BDEN MED DU RTOGS PA'I RJES DPAG GI YUL GYI GTZO BO YIN PA'I PHYIR, GNYIS PA GRUB STE, DE DRAN PA'I DRAN SHES YIN PA'I PHYIR, 'DOD NA, DE CHOS CAN, RANG GI RTEN RTAGS YANG DAG LA BRTEN NAS DNGOS SU SKYES PAR THAL, RJES DPAG YIN PA'I PHYIR, 'DOD MI NUS TE, MYU GU BDEN MED DU RTOGS PA'I RJES DPAG DE RANG GI RTEN DU GYUR PA'I RTAGS LA BRTEN NAS DNGOS SU SKYES PA'I PHYIR, GZHAN YANG, ZLA BA GNYIS SNANG GI DBANG SHES CHOS CAN, RANG GI SNANG YUL GYI GTZO BO LA MI SLU BA'I RIG PA YIN PAR THAL, KHYOD RANG GI YUL GYI GTZO BO LA MI SLU BA'I RIG PA GANG ZHIG ,KHYOD @134A *, ,KYI YUL GYI GTZO BO KHYOD KYI SNANG YUL LA BYED PA'I PHYIR, RTAGS GNYIS KA KHAS, 'DOD NA, DE'I SNANG YUL GYI GTZO BO YOD PAR THAL LO, ,'DOD NA, ZLA GCIG ZLA GNYIS YIN PA YOD PAR THAL LO, ,GZHAN YANG, ZLA BA GNYIS SNANG GI DBANG SHES CHOS CAN, MI SLU BA'I RIG PA YIN PAR THAL, TSAD MA YIN PA'I PHYIR, RTAGS KHAS, 'DOD MI NUS TE, LOG SHES YIN PA'I PHYIR, KHO NA RE, DE TSAD MA YIN PAR THAL, CHU KLUNG RNAG KHRAG TU SNANG BA'I YI DVAGS KYI MIG SHES TSAD MA YIN PA'I PHYIR TE, DE RANG GI YUL GYI GTZO BO LA TSAD MA YIN PA'I PHYIR TE, CHU KLUNG GI STENG GI RNAG KHRAG DE'I YUL GYI GTZO BO GANG ZHIG ,DE DE LA TSAD MA YIN PA'I PHYIR TE, DE TSAD MA YIN PA'I PHYIR, ZER NA, RTZA BAR MA KHYAB, KHO NA RE, DE CHOS CAN RANG GI SNANG YUL GYI GTZO BO LA MI SLU BA'I RIG PA YIN PAR THAL, MNGON SUM GYI TSAD MA YIN PA'I PHYIR, 'DOD NA, DE'I SNANG YUL GYI GTZO BO YOD PAR THAL LO, ,'DOD NA, CHU KLUNG RNAG KHRAG YIN PA YOD PAR THAL, 'DOD PA'I PHYIR, KHYAB PA KHAS, ZER NA MI MTSUNGS TE, CHU KLUNG RNAG KHRAG TU SNANG BA'I YI DGAS KYI MIG SHES DE 'PHRAL GYI 'KHRUL RGYUS BSLAD PAR THAL, ZLA BA GNYIS SNANG GI DBANG SHES DE LTAR YIN PA'I PHYIR, KHYAB PA KHAS, 'DOD MI NUS TE, CHU KLUNG RNAG KHRAG TU SNANG BA'I LAS STOBS LDAN BSAGS PA'I YI DVAGS KYI MIG SHES YIN PA'I PHYIR, KHA CIG ,RANG GI GZHAL BYA LA MI SLU BA'I RIG PA, TSAD MA'I MTSAN NYID, RTAGS YANG DAG LA MA BRTEN PAR RANG LA MNGON DU GYUR PA'I RANG GI GZHAL BYA LA MI SLU BA'I RIG PA, MNGON SUM TSAD MA'I MTSAN NYID, RANG GI BDAG RKYEN DBANG PO GZUGS CAN PA LA BRTEN NAS RANG LA MNGON DU GYUR PA'I GZHAL BYA LA MI SLU BA'I RIG PA, DBANG MNGON GYI MTSAN NYID, RANG GI THUN MONG MA YIN PA'I BDAG RKYEN YID DBANG LAS SKYES SHING, RANG GI THUN MONG MA YIN PA'I BDAG RKYEN TING NGE 'DZIN LA MA BRTEN PAR RANG LA MNGON DU GYUR @134B PA'I GZHAL BYA LA MI SLU BA'I RIG PA, YID MNGON GYI MTSAN NYID, RANG GI BDAG RKYEN ZHI LHA BZUNG 'BREL GYI TING NGE 'DZIN LAS SKYES SHING, RANG YUL DU GYUR PA'I BDEN PA'I RNAM PA LA MI SLU BA'I RIG PA, RNAL 'BYOR MNGON SUM GYI MTSAN NYID ZER NA, SGRA RTAG 'DZIN RTOG PA CHOS CAN, TSAD MA YIN PAR THAL, MTSAN NYID DE'I PHYIR TE, RANG GI GZHAL BYA LA TSAD MA YIN PA'I PHYIR TE, RANG GI SNANG BA LA TSAD MA YIN TE, GNYIS SNANG CAN GYI SHES PA YIN PA'I PHYIR, 'DOD MI NUS TE, LOG SHES YIN PA'I PHYIR, GZHAN YANG, SGRA RTAG 'DZIN RTOG PA CHOS CAN, MNGON RSUM TSAD MA YIN PAR THAL, RTAGS YANG DAG LA MA BRTEN PAR RANG LA MNGON SUM DU GYUR PA'I GZHAL BYA LA MI SLU BA'I RIG PA YIN PA'I PHYIR TE, KHYOD LA SGRA RTAG PAR SNANG BA DE KHYOD LA MNGON GYUR YIN PA GANG ZHIG ,DE LA MI SLU BA'I RIG PA YIN PA'I PHYIR, DANG PO GRUB STE, DE MNGON GYUR YIN PA'I PHYIR TE, TSUR MTHONG LA MNGON GYUR YIN PA'I PHYIR TE, DE RTAGS LA MA LTOS PAR TSUR MTHONG GI MYONG STOBS KYIS RTOGS PAR BYA BA YIN PA'I PHYIR, GNYIS PA GRUB STE, DE RANG GI SNANG BA LA TSAD MA YIN PA'I PHYIR TE, GNYIS SNANG CAN GYI SHES PA GANG ZHIG ,KHYOD DE LA MI SLU BA'I RIG PA YIN PA'I PHYIR TE, RTAGS GONG BZHIN NO, ,GZHAN YANG, GZHAN SEMS SHES PA'I MNGON SHES CHOS CAN, RANG GI THUN MONGS MA YIN PA'I BDAG RKYEN TING NGE 'DZIN LA MA BRTEN PAR THAL, YID MNGON YIN PA'I PHYIR, 'DOD NA, DE LA BRTEN PAR THAL, MNGON SHES YIN PA'I PHYIR, KHYAB PA GRUB STE, KUN BTUS LAS, PHYI ROL PA'AM NYAN THOS SAM, BYANG CHUB SEMS DPA'ANG RUNG STE, ZHES SOGS BSHAD PA'I PHYIR, KHA CIG, RTAGS YANG DAG LA BRTEN NAS RANG GI 'DZIN STANGS KYI YUL DU GYUR PA'I GZHAL BYA LKOG GYUR LA MI SLU BA'I RIG PA, RJES DPAG GI MTSAN NYID ZER NA, SGRA MI RTAG RTOGS KYI RJES DPAG GIS DRANGS NAS SKYES PA'I SGRA MI RTAG PAR NGES PA'I NGES SHES CHOS CAN, MTSON BYA DER THAL, MTSAN NYID DE'I PHYIR TE, RTAGS YANG DAG LA BRTEN PA GANG ZHIG ,RANG GI GZHAL BYA LKOG GYUR LA @135A *, ,MI SLU BA'I RIG PA YIN PA'I PHYIR, DANG PO GRUB STE, RTAG YANG DAG LA BRGYUD NAS BRTEN PA'I PHYIR, GNYIS PA GRUB STE, SGRA MI RTAG PA LA MI SLU BA'I RIG PA YIN PA'I PHYIR, 'DOD NA, PHUNG PO BDEN MED DU NGES PA'I NGES SHES RJES DPAG YIN PAR THAL LO, ,'DOD NA, BYANG SEMS SBYOR LAM PA'I RGYUD KYI CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES RJES DPAG YIN PAR THAL LO, ,'DOD NA, DE CHOS CAN, THOS BYUNG GI SHES PA YIN PAR THAL LO, ,'DOD MI NUS TE, SGOM BYUNG GI BLO YIN PA'I PHYIR, KHA CIG ,TSOR BA BDE SDUG BTANG SNYOMS GSUM YID MNGON DU 'JOG ZER NA, TSOR BA BDE BA YIN NA RANG YUL DU GYUR PA'I BDE BA MNGON SUM DU RTOGS PAS KHYAB PA DANG, TSOR BA BTANG SNYOMS YIN NA RANG YUL DU GYUR PA'I BTANG SNYOMS MNGON SUM DU RTOGS PAS KHYAB PA DANG, DE SDUG BSNGAL YIN NA DER GYUR PA'I SDUG BSNGAL MNGON SUM DU RTOGS PAS KHYAB PAR THAL, DAM BCA' 'THAD PA'I PHYIR, 'DOD NA, DBANG SHES 'KHOR GYI TSOR BA BDE BA CHOS CAN, RANG YUL DU GYUR PA'I TSOR BA BDE BA MNGON SUM DU RTOGS PAR THAL, TSOR BA BDE BA YIN PA'I PHYIR, 'DOD MI NUS TE, BDE BA DANG GZUGS KYI SKYE MCHED GNYIS KYI NANG NAS GZUGS KYI SKYE MCHED KHO NA'I YUL CAN YIN PA'I PHYIR TE, GCIG GIS GNYIS SHES MA YIN TE, ZHES SOGS BSHAD PA'I PHYIR, GZHAN YANG, DE CHOS CAN, YID MNGON MA YIN PAR THAL, DBANG MNGON YIN PA'I PHYIR TE, DBANG SHES DANG MNGON SUM GYI GZHI 'THUN YIN PA'I PHYIR, KHO NA RE, YID SHES SU GYUR PA'I TSOR BA BDE BA LA DGONGS PA YIN ZER NA, YID SHES 'KHOR GYI TSOR BA BDE BA YIN NA RANG YUL DU GYUR PA'I BDE BA MNGON SUM DU RTOGS PAS KHYAB PAR THAL LO, ,'DOD NA, THEG CHEN GYI MTHONG LAM BAR CHAD MED LAM DU GYUR PA'I BDE BA CHOS CAN, DER THAL, DE'I PHYIR TE, DE YOD PA'I PHYIR, MA GRUB NA, DE'I 'KHOR DU GYUR PA'I TSOR BA MED PAR THAL, DE 'DRA'I TSOR BA BDE BA YANG MED, SDUG BSNGAL YANG MED, BTANG SNYOMS @135B KYANG MED PA'I PHYIR, PHYI MA MA GRUB NA, THEG CHEN GYI MTHONG LAM BAR CHAD MED LAM DU GYUR PA'I TSOR BA BTANG SNYOMS CHOS CAN, DER THAL, DE'I PHYIR, 'DOD NA, KHYOD KYI DNGOS YUL DU GYUR PA'I DNGOS PO YOD PAR THAL LO, ,'DOD MI NUS TE, CHOS CAN DE'I PHYIR, KHA CIG ,DE RTOG PAR GYUR PA'I YID SHES 'KHOR GYI TSOR BA LA DGONGS PA YIN NO ZHE NA, RTOG PAR GYUR PA'I TSOR BA BDE BA YIN NA RANG YUL DU GYUR PA'I BDE BA MNGON SUM DU RTOGS PAS KHYAB PAR THAL, DAM BCA' 'THAD PA'I PHYIR, 'DOD NA, DMAN LAM SNGON DU MA SONG BA'I STONG NYID LA RTZE GCIG TU MNYAM PAR BZHAG PA'I SBYOR LAM CHOS MCHOG CHEN PO'I YE SHES SU GYUR BA'I TSOR BA MED PAR THAL, DER GYUR PA'I TSOR BA BDE BA YANG MED, SDUG BSNGAL YANG MED, BTANG SNYOMS KYANG MED PA'I PHYIR, PHYI MA MA GRUB NA, DE 'DRA'I TSOR BA BTANG SNYOMS CHOS CAN, DER THAL, DE'I PHYIR, 'DOD NA, KHYED KYI DNGOS YUL DU GYUR PA'I DNGOS PO YOD PAR THAL LO, ,'DOD MI NUS TE, STONG NYID LA RTZE GCIG TU MNYAM PAR BZHAG PA'I SLOB PA'I YE SHES YIN PA'I PHYIR, RANG LUGS NI, BDAG MED PHRA RAGS GANG YANG MA RTOGS PA'I RTOG PAR GYUR PA'I YID SHES 'KHOR GYI TSOR BA PA LA DGONGS PA YIN NO, ,KHA CIG ,SNGO 'DZIN DBANG SNGON GYIS SNGON PO MYONG BA YUL MYONG BA'I DON YIN NO, ,ZER NA, DE LA KHA CIG ,BLO DES DMIGS NA BLO DES MYONG BAS KHYAB PAR THAL, DAM BCA' DE 'THAD PA'I PHYIR, 'DOD NA, SNGO 'DZIN DBANG MNGON GYI RJES SU SKYES PA'I SNGON PO DRAN PA'I DRAN SHES CHOS CAN, FSNGO 'DZIN DBANG MNGON MYONG BAR THAL, DES DE LA DMIGS PA'I PHYIR, 'DOD NA, DE MYONG BYED DON GZHAN YOD PAR THAL, DES DE MYONG BA GANG ZHIG ,DE GNYIS DON GZHAN YIN PA'I PHYIR ZER NA, MYONG BYED DON GZHAN YOD PAR THAL, LCE SHES KYIS RO MYONG BA GANG ZHIG ,DE GNYIS DON GZHAN YIN PA'I PHYIR, DANG PO GRUB STE, 'JIG RTEN NA DE LTAR GRAGS PA'I PHYIR TE, MIG GIS GZUGS MTHONG BA 'JIG RTEN NA GRAGS PA'I PHYIR, KHO NA RE, GZHAN SKYE YOD PAR THAL, SA MYUG GNYIS GZHAN YIN PA GANG ZHIG, SA BON LAS MYUG GU SKYES PA'I PHYIR, ZHES ZER NA, MA KHYAB, @136A *, ,RANG LUGS NI, SNGON 'DZIN DBANG MNGON GYIS SNGON PO MYONG BAR THAL, DES SNGON PO MYONG BAR SNGON 'DZIN DBANG MNGON GYI RJES SU SKYES PA'I SNGON PO DRAN PA'I DRAN SHES KYIS DRAN PA'I PHYIR, GZHAN MYONG BA DANG 'BREL BA LAS, ,DRAN GYUR BYI BA'I DUG BZHIN NO, ,ZHES BSHAD PA'I PHYIR, KHO NA RE, DE 'DRA'I SNGON PO DRAN PA'I DRAN SHES DES SNGO 'DZIN DBANG MNGON MYONG BAR THAL, DES DE MYONG BA LA BRTEN NAS, DE DRAN PA'I DRAN SHES DES DE DRAN PA'I PHYIR, GZHAN MYONG BA DANG, ZHES SOGS BSHAD PA'I PHYIR, 'KHOR GSUM ZER NA, DRANG NGES RNAM 'BYED LAS, MYONG BA LA RANG MYONG BA DANG GZHAN MYONG BA GNYIS SU KHA TSON CHOD MCHOD GSAL BAR MA GSUNGS KYANG, MA CHOD DGOS PA YIN NO, ,ZHES BSHAD PA MI 'THAD PAR THAL, SNGO 'DZIN DBANG MNGON LA MYONG BA YOD PA'I PHYIR TE, DE'I RJES SU SKYES PA'I DRAN SHES DES DE MYONG BA'I PHYIR, RTAGS KHAS, KHA CIG, SNGO 'DZIN DBANG MNGON GYIS KHO RANG RTOGS ZER NA, RE SHIG SNGO 'DZIN DBANG MNGON GYIS KHO RANG MYONG BAR THAL, DES KHO RANG RTOGS PA'I PHYIR, 'DOD NA, KHO'I DUS SU KHO RANG MYONG BYED KYI SHES PA YOD PAR THAL LO, ,'DOD NA, DE MYONG BYED KYI RANG RIG YOD PAR THAL LO, ,GZHAN YANG, SNGAR BSHAD PA'I DRANG NGES RNAM 'BYED KYI LUNG DON MA GRUB PAR THAL, SNGO 'DZIN DBANG MNGON LA RANG MYONG YOD PA'I PHYIR TE, DES KHO RANG MYONG BA'I PHYIR, KHO NA RE, SNGO 'DZIN DBANG MNGON GYIS KHO RANG RTOGS PAR THAL, KHO'I DUS SU KHO RANG RTOGS BYED KYI TSAD MA YOD PA'I PHYIR TE, TSAD MAS DE'I DUS SU DE RTOGS PA'I PHYIR ZER NA MA KHYAB BO, ,GZHAN YANG, SNGO 'DZIN DBANG MNGON GYI RJES SU SKYES PA'I SNGO 'DZIN DBANG MNGON DRAN PA'I DRAN SHES CHOS CAN, SNGO 'DZIN DBANG MNGON RTOGS ZIN RTOGS PA'I BLO YIN PAR THAL, DE LA DPYAD SHES YIN PA'I PHYIR NA MA KHYAB, 'DOD NA, SNGO 'DZIN DBANG MNGON GYIS KHO RANG RTOGS PAR THAL LO, ,GZHAN YANG, SNGO 'DZIN DBANG MNGON GYI DUS SU DE RTOGS PA'I TSAD MA YOD PAR THAL, DGUN GYI DUS SU BYI BAS LUS LA RMUGS PA'I TSE @136B DUG ZHUGS PA YIN PA'I PHYIR, KHYAB STE, GZHAN MYONG BA DANG 'BREL BA LAS, ,ZHES BSHAD PA'I PHYIR ZER NA, DGUN GYI DUS SU BYI BAS LUS LA RMUGS PA'I TSE NA LUS LA BYI DUG ZHUGS PA RTOGS PA'I TSAD MA YOD PAR THAL, SNGO 'DZIN DBANG YOD NA GYI DUS SU DE RTOGS PA'I TSAD MA YOD PA'I PHYIR, KHYAB STE, GZHAN MYONG BA DANG, ZHES SOGS BSHAD PA'I PHYIR, 'KHOR GSUM, GZHAN YANG, SHES PA YIN NA RANG NYID KYIS RANG NYID RTOGS PAS KHYAB PAR THAL, SNGO SNANG DBANG SHES KYIS KHO RANG RTOGS PA'I PHYIR, 'DOD NA, BDEN 'DZIN LOG SHES YIN PA CHOS CAN, DER THAL, DE'I PHYIR, 'DOD NA, BDEN 'DZIN GYI ZHEN YUL MED PAR RTOGS PAR THAL LO, ,'DOD NA, BDEN MED RTOGS PAR THAL, 'DOD PA'I PHYIR, GZHAN YANG SNGO 'DZIN DBANG MNGON TSAD MAR SGRUB PA SKABS SU BAB PA'I PHYIR RGOL YANG DAG GI RGYUD KYI SNGO 'DZIN DBANG MNGON TSAD MA YIN PA CHOS CAN, KHYOD KYIS KHYOD RANG RTOGS PAR THAL, SHES PA YIN PA'I PHYIR, GZHAN YANG, THEG CHEN GYI MTHONG LAM BAR CHAD MED LAM CHOS CAN, DER THAL, DE'I PHYIR, 'DOD NA, KHYOD KYIS STONG NYID MNGON SUM DU RTOGS PA'I SHUGS LA KHO RANG RTOGS PAR THAL LO, ,'DOD NA, DE'I YUL DU GYUR PA'I STONG NYID CHOS CAN, MA YIN DGAG YIN PAR THAL, DGAG PA GANG ZHIG, KHYOD MNGON SUM DU RTOGS PA'I THEG CHEN GYI MTHONG LAM BAR CHAD MED LAM DES DE SHUGS LA RTOGS PA'I PHYIR, RTAGS KHAS, 'DOD MI NUS TE, STONG NYID YIN PA'I PHYIR, GZHAN YANG, MYU GU BDEN MED DU RTOGS PA'I RIGS SHES RJES DPAG CHOS CAN, DER THAL, DE'I PHYIR, 'DOD NA, DES MYU GU BDEN MED DU YOD PA DE RTOGS PAR THAL LO, ,'DOD NA, MYU GU BDEN MED CHOS CAN, KHYOD MA YIN DGAG YIN PAR THAL, KHYOD DGAG PA GANG ZHIG, KHYOD DNGOS SU RTOGS PA'I RJES DPAG DES MYU GU BDEN MED DU YOD PA DE RTOGS PA'I PHYIR, GZHAN YANG, TSUR MTHONG GI RGYUD KYI SNGO SNANG DBANG SHES CHOS CAN, KHYOD RANG NYID DANG TSUR MTHONG GI RGYUD KYI SNGO SNANG DBANG SHES GNYIS LA RIG BYA RIG BYED KYI RNAM PA SO SOR MI 'CHAR BA BZHIN DU RIG PAR THAL, KHYOD DANG GCIG GANG ZHIG, KHYOD KYIS DE RIG PA'I PHYIR, 'DOD NA, RANG RIG YIN PAR THAL LO, ,GZHAN YANG, DES DE RTOGS PA MI SRID PAR THAL, RAL GRI'I @137A *, ,SOS RANG NYID MI GCOD, SOR MO'I RTZES RANG LA MI REG, SKYES BU YANG ZOR CAN GYIS RANG GI PHRAG PA LA ZHON MI THUB, MES RANG NYID SREG PAR MI BYED PA'I PHYIR, KHA CIG, TSAD MAS TSAD MA MA RTOGS, RNAM MKHYEN GYIS RNAM MKHYEN MA RTOGS ZER NA, TSAD MA ZHES PA'I SGRA'I ZHEN GZHI'I BRJOD BYA TSAD MAS MA GRUB PAR THAL, DE'I ZHEN GZHI'I BRJOD BYA YANG YIN, TSAD MAS GRUB PA YANG YIN PA'I GZHI 'THUN PA MED PA'I PHYIR, 'DOD MI NUS TE, NGAG DON 'THUN YIN PA'I PHYIR, RNAM MKHYEN CHOS CAN, RNAM MKHYEN GYIS RTOGS PAR THAL, DE LA SNANG BA'I PHYIR TE, RNAM MKHYEN GYI 'KHOR DU BYUNG BA'I SEMS BYUNG LA SNANG BA'I PHYIR TE, DE DANG THA DAD YIN PA'I PHYIR, KHO NA RE, RNAM MKHYEN LA RNAM MKHYEN MI SNANG BAR THAL, DE LA DE GNYIS SNANG DANG BCAS PA'I SGO NAS KYANG MI SNANG, GNYIS SNANG NUB PA'I SGO NAS KYANG MI SNANG BA'I PHYIR, DANG PO MA GRUB NA, DE CHOS CAN, RNAM MKHYEN DANG GNYIS YIN PAR THAL, DE LA GNYIS SNANG DANG BCAS PA'I SGO NAS SNANG BA'I PHYIR ZER NA, JI LTA BA RTOGS PA'I RNAM MKHYEN CHOS CAN, STONG NYID DANG GCIG YIN PAR THAL, STONG NYID LA GNYIS SNANG NUB PA'I SGO NAS SNANG BA'I PHYIR, KHYAB PA KHAS, RTAGS GNYIS PA MA GRUB NA, DE CHOS CAN, RANG RIG YIN PAR THAL, RANG YUL DU GYUR PA'I KUN RDZOB BDEN PA LA GNYIS SNANG NUB PA'I BLO YIN PA'I PHYIR TE, RNAM MKHYEN LA GNYIS SNANG NUB PA'I BLO YIN PA'I PHYIR, KHA CIG, RNAM MKHYEN GYIS RNAM MKHYEN SHUGS LA RTOGS ZER NA, t'IK CHEN LAS, MI SNANG YANG RTOGS PA'I SHUGS RTOGS SANGS RGYAS LA GZHAG TU MI RUNG BA'I PHYIR, ZHES BSHAD PA MI 'THAD PAR THAL LO, ,KHA CIG, RTZA RTAGS GNYIS PA LA MA KHYAB STE, RNAM MKHYEN GYIS RNAM MKHYEN GNYIS SNANG NUB PA'I SGO NAS RTOGS PA'I PHYIR TE, DES DE RANG LAS THA MI DAD DU SNANG BA'I SGO NAS RTOGS PA'I PHYIR TE, DE DANG GCIG YIN PA'I PHYIR ZER NA, RNAM MKHYEN CHOS CAN, KHYOD DON DAM BDEN PA YIN PAR THAL, KHYOD LA GNYIS SNANG NUB PA'I BLO YOD @137B PA'I PHYIR, KHA CIG, MNGON SUM TSAD MA YIN NA RANG GI 'DZIN STANGS KYI YUL DU GYUR PA'I GZHAL BYA MNGON GYUR PA YOD PAS KHYAB, RJES DPAG YIN NA DER GYUR PA'I GZHAL BYA LKOG GYUR YOD PAS KHYAB, MNGON GYUR DANG LKOG GYUR 'GAL ZHE NA, SGRA MI RTAG PA MNGON SUM DU RTOGS PA'I RNAL 'BYOR MNGON SUM CHOS CAN, RANG GI 'DZIN STANGS KYI YUL DU GYUR PA'I GZHAL BYA MNGON GYUR PA YOD PAR THAL, KHYOD MNGON SUM CHED MA YIN PA'I PHYIR, 'DOD NA, SGRA MI RTAG PA MNGON SUM YIN PAR THAL LO, ,'DOD NA DE MNGON GYUR YIN PAR THAL LO, ,'DOD MI NUS TE, LKOG GYUR YIN PA'I PHYIR TE, SGRA MI RTAG RTOGS KYI RJES DPAG GI 'DZIN STANGS KYI YUL DU GYUR PA'I LKOG GYUR YOD PA'I PHYIR, MA GRUB NA, DE YOD PAR THAL, DE RJES DPAG YIN PA'I PHYIR, 'KHOR GSUM, KHA CIG, GZHI GRUB NA, MNGON SUM YIN PAS KHYAB ZER NA, BLO DE LA MNGON SUM MA YIN NA MNGON SUM YIN PAS KHYAB PAR THAL, DAM BCA' 'THAD PA'I PHYIR, 'DOD NA, ZLA BA GNYIS CHOS CAN, MNGON SUM YIN PAR THAL, ZLA BA GNYIS SNANG GI DBANG SHES LA MNGON SUM YIN PA'I PHYIR TE, TSIG GSAL LAS, ZLA BA GNYIS LA SOGS PA DAG NI RAB RIB CAN MA YIN PA'I SHES PA LA LTOS NAS MNGON SUM NYID MA YIN LA, RAB RIB CAN LA SOGS PA LA LTOS NAS NI MNGON SUM NYID KHO NA'O, ,ZHES BSHAD PA'I PHYIR, GZHAN YANG, SGRA MI RTAG PA CHOS CAN, MNGON SUM YIN PAR THAL, GZHI GRUB PA'I PHYIR, 'DOD NA, MA YIN PAR THAL, LKOG GYUR YIN PA'I PHYIR, KHYAB STE, TSIG GSAL LAS, MNGON SUM GYI SGRA NI LKOG TU MA GYUR PA'I DON GYI BRJOD PAR BYED PA DE YIN PA'I PHYIR, ZHES BSHAD PA'I PHYIR, KHA CIG, SGRA MI RTAG RTOGS KYI RJES DPAG CHOS CAN, MNGON SUM YIN TE, SGRA MI RTAG RTOGS KYI RJES DPAG MNGON SUM DU RTOGS PA'I TSUR MTHONG GI RGYUD KYI GZHAN SEMS SHES PA'I MNGON SHES DE LA MNGON SUM YIN PA'I PHYIR, ZER NA, TSUR MTHONG GI RGYUD KYI MIG DBANG CHOS CAN, MNGON SUM YIN PAR THAL, TSUR MTHONG GI RGYUD KYI LHA'I MIG GI MNGON SHES DE LA @138A *, ,MNGON SUM YIN PA'I PHYIR, KHYAB PA KHAS, 'DOD MI NUS TE, SHIN TU LKOG GYUR YIN PA'I PHYIR, KHA CIG, GZHI GRUB NA MNGON SUM YIN PAS KHYAB PAR THAL, SHES BYA MNGON SUM DU RTOGS PA'I BLO YOD PA'I PHYIR ZER NA, SBYIN PA BTANG BA LAS LONGS SPYOD 'BYUNG BA CHOS CAN, MNGON SUM YIN PAR THAL, GZHI GRUB PA'I PHYIR, 'DOD MI NUS TE, SHIN TU LKOG GYUR YIN PA'I PHYIR, GZHAN YANG, SGRA MI RTAG PA CHOS CAN, MNGON SUM YIN PAR THAL, GZHI GRUB PA'I PHYIR, 'DOD NA, MYONG STOBS KYIS SGRO 'DOGS BCAD PAR BYA BA YIN PAR THAL LO, ,'DOD NA, MA YIN PAR THAL, RTAGS STOBS KYIS SGRO 'DOGS BCAD PAR BYA BA YIN PA'I PHYIR TE, BSGRUB BYA YANG DAG YIN PA'I PHYIR, GZHAN YANG, SGRA MI RTAG RTOGS KYI RJES DPAG DE RANG GI 'DZIN STABS KYI YUL DU GYUR PA'I GZHAL BYA MNGON GYUR PA LA MI SLU BA'I RIG PA YIN PAR THAL, SGRA MI RTAG PA MNGON SUM YIN PA'I PHYIR, RTAGS KHAS, 'DOD NA, SGRA MI RTAG RTOGS KYI RJES DPAG CHOS CAN, MNGON SUM TSAD MA YIN PAR THAL, 'DOD PA'I PHYIR, KHA CIG, BUM PA RTOGS PA'I RJES DPAG CHOS CAN, MNGON SUM TSAD MA YIN PAR THAL, RANG GI 'DZIN STANGS KYI YUL DU GYUR PA'I GZHAL BYA MNGON SUM PA LA MI SLU BA'I RIG PA YIN PA'I PHYIR TE, BUM PA DE DE'I 'DZIN STANGS KYI YUL YIN PA'I PHYIR ZER RO, ,RANG LUGS LA, BUM PA DANG, SNAM BU LA SOGS PA MNGON SUM DANG, MNGON GYUR YIN CING, DE GNYIS DON GCIG BYAS PA LA KHO NA RE, GSER GYI LTO LDIR BA BUM PA YIN PA MNGON SUM YIN PAR THAL, BUM PA YIN PA MNGON SUM YIN PA'I PHYIR, 'DOD NA, MYONG STOBS KYIS SGRO 'DOGS BCAD PAR BYA BA YIN PAR THAL LO, ,'DOD NA, MA YIN PAR THAL, RTAGS STOBS KYIS SGRO 'DOGS BCAD PAR BYA BA YIN PA'I PHYIR TE, BSGRUB BYA YANG DAG YIN PA'I PHYIR ZER NA, GSER GYI LTO LDIR BA BUM PAR BSGRUBS PA'I RTAGS DANG, BUM PA YOD PAR SGRUB PA'I RTAGS YOD MED DPYAD GZHIR SNANG STE, BUM 'DZIN MNGON SUM GYI RJES @138B SU SKYES PA'I BUM PA DRAN PA'I DRAN SHES DE BUM PA YOD PA LA TSAD MA YIN PA'I PHYIR RO, ,KHA CIG, RTOG PA YIN NA RANG NYID KYIS MNGON SUM DU RTOGS PA MED PAS KHYAB ZER NA, SGRA RTAG 'DZIN RTOG PA CHOS CAN, DER THAL, DE'I PHYIR, 'DOD NA, DE CHOS CAN, KHYOD KYIS MNGON SUM DU RTOGS PA'I CHOS YOD PAR THAL, KHYOD KYIS SGRA RTAG PA'I DON SPYI MNGON SUM DU RTOGS PA'I PHYIR TE, DE KHYOD LA MNGON SUM DU SNANG BA'I PHYIR TE, KHYOD DE LA MNGON SUM GYI TSAD MA YIN PA'I PHYIR, RTAGS GRUB STE, DE RANG GI SNANG BA LA MNGON SUM GYI TSAD MA YIN PA'I PHYIR TE, GNYIS SNANG CAN GYI SHES PA YIN PA'I PHYIR, GZHAN YANG, SGRA RTAG PA'I DON SPYI CHOS CAN, SGRA RTAG 'DZIN RTOG PA'I MNGON SUM GYI YUL YIN PAR THAL, DE'I YUL GANG ZHIG, DES RTAGS LA LTOS MED DU RTOGS PA'I PHYIR, YANG KHO NA RE, SNGO 'DZIN DBANG MNGON GYI RJES SU SKYES PA'I SNGON PO DON 'THUN DU NGES PA'I NGES SHES CHOS CAN, SNGON PO MNGON SUM DU RTOGS PAR THAL, DE LA MNGON SUM GYI TSAD MA YIN PA'I PHYIR ZER NA, MA KHYAB, 'DOD NA, LONG BA'I RGYUD LA SNGON PO MTHONG BA'I MNGON SUM YOD PAR THAL LO, ,GZHAN YANG, DES SNGON PO MNGON SUM DU RTOGS PAR THAL, SGRA RTAG 'DZIN RTOG PAS SGRA RTAG PA'I DON SPYI MNGON SUM DU RTOGS PA'I PHYIR NA MA KHYAB BO, ,KHA CIG, SNGO 'DZIN DBANG SNGON GYI RJES SU SKYES PA'I SNGON PO NGES PA'I NGES SHES DE MNGON SUM TSAD MA YIN CING, SGRA MI RTAG RTOGS KYI RJES DPAG GIS DRANGS NAS SKYES PA'I SGRA MI RTAG PAR NGES PA'I NGES SHES MNGON SUM TSAD MA MA YIN TE, RTZA SHE'I t'IK CHEN LAS, MNGON SUM TSAD MA RTOG MED KYIS DRANGS PA'I DPYAD SHES RNAMS KYANG TSAD MAR BZHED PAR MNGON NO, ,ZHES GSUNGS PA'I PHYIR ZER NA, SGRA MI RTAG RTOGS KYI RJES DPAG GIS DRANGS PA'I SGRA MI RTAG PAR NGES PA'I NGES SHES CHOS CAN, MNGON SUM GYI TSAD MA YIN PAR THAL, TSAD MA GANG ZHIG RJES DPAG MA YIN PA'I PHYIR, MA GRUB NA, DE CHOS CAN, RANG GI RTEN RTAGS LA BRTEN NAS DNGOS SU SKYES PAR THAL, RJES DPAG YIN PA'I PHYIR, @139A *, ,'DOD NA, MA YIN PAR THAL, DE LA BRTEN NAS BRGYUD NAS SKYES PA'I PHYIR, KHO NA RE, BA LANG GI DPE LAS BA MIN RTOGS PA'I BLO CHOS CAN, RANG GI RTEN RTAGS LA BRTEN NAS DNGOS SU SKYES PAR THAL, RJES DPAG YIN PA'I PHYIR TE, DPE NYER 'JAL GYI TSAD MA YOD PA'I PHYIR, 'DOD NA, BA LANG DE BZHI 'GA' ZHIG TU BA MIN 'GOG BYED KYI RTAGS YIN PAR THAL LO, ,ZER NA, RJES DPAG YIN NA RANG GI RTEN RTAGS LA BRTEN NAS SKYES BAS KHYAB PAR THAL, TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MA 'KHRUL BA LAS SKYES PA'I SHES PA NI RJES DPAG GO, ZHES BSHAD PA'I PHYIR, GZHAN YANG, BUM PA CHOS CAN, LKOG GYUR YIN PAR THAL, KHYOD SHIN TU LKOG GYUR DU RTOGS PA'I TSAD MA YOD PA'I PHYIR TE, KHYOD LKOG GYUR PA'I TSUL GYIS RTOGS PA'I TSAD MA YOD PA'I PHYIR, KHYAB PA KHYOD RANG GI KHYOD MNGON SUM DU RTOGS PA'I BLO YOD NA, KHYOD MNGON SUM YIN PAS KHYAB CES PA'I STENG DU 'GAL LO, ,RTZA BAR 'DOD NA, DE CHOS CAN, LKOG GYUR MA YIN PAR THAL, MNGON GYUR YIN PA'I PHYIR TE, MNGON SUM YIN PA'I PHYIR, KHO NA RE, SGRA MI RTAG PA CHOS CAN, MNGON SUM YIN PAR THAL, TSUR MTHONG LA MNGON SUM YIN PA'I PHYIR TE, DE'I RGYUD KYI SGRA 'DZIN MNGON SUM LA MNGON GYUR YIN PA'I PHYIR TE, DE DE LA MNGON GYUR DU SNANG BA'I PHYIR TE, DE LA SGRA MNGON GYUR DU SNANG BA GANG ZHIG, DE DANG SGRA GNYIS YUL DUS RANG BZHIN GANG LA LTOS KYANG GRUB BDE DBYER MED KYI CHOS YIN PA'I PHYIR, KHA CIG, MNGON SUM LA GSUM DU GRANGS MA NGES PAR THAL, BUM PA MNGON SUM YIN PA'I PHYIR, RTAGS KHAS, 'DOD NA, GZHAL BYA LA MNGON LKOG GNYIS SU GRANGS MA NGES PAR THAL LO, ,KHA CIG, BUM PA YOD PA CHOS CAN, MNGON GYUR MA YIN PAR THAL, LKOG GYUR YIN PA'I PHYIR, KHYAB PA KHAS, RTAGS GRUB STE, BSGRUB BYA YANG DAG YIN PA'I PHYIR, 'DOD MI NUS TE, TSUR MTHONG LA MNGON GYUR YIN PA'I PHYIR TE, TSUR MTHONG GI @139B TSAD MAS GZHAN LA LTOS MED DU NGES SHES 'DREN NUS PA'I PHYIR, KHA CIG, MNGON LKOG GNYIS 'GAL ZHING, RJES DPAG YIN NA RANG GI 'DZIN STANGS KYI YUL DU GYUR PA'I GZHAL BYA LKOG GYUR LA MI SLU BA'I RIG PA YIN PAS KHYAB ZER NA MI 'THAD DE, DU LDAN LA LA ME YOD PAR RTOGS PA'I RJES DPAG CHOS CAN, DER THAL, DE'I PHYIR, 'DOD NA, DU LDAN LA LA ME LKOG GYUR YIN PAR THAL LO, ,'DOD MI NUS TE, MNGON GYUR YIN PA'I PHYIR, KHYAB PA KHAS, DER THAL, TSUR MTHONG LA MNGON GYUR YIN PA'I PHYIR TE, RGOL BA GNAG RDZI MO LA MNGON GYUR YIN PA'I PHYIR, KHA CIG ,SHES PA YIN NA TSAD MA YIN PAS KHYAB ZER NA, SGRA RTAG 'DZIN RTOG PA 'PHEN NO, ,'DOD MI NUS TE, MNGON SUM TSAD MA DANG RJES DPAG TSAD MA GANG RUNG MA YIN PA'I PHYIR, KHA CIG, SHES PA YIN NA RANG GI SNANG BA LA TSAD MA YIN PAS KHYAB ZER NA, THEG CHEN GYI MTHONG LAM BAR CHAD MED LAM CHOS CAN, DER THAL, DE'I PHYIR, 'DOD MI NUS TE, RANG LA CHOS NYID DU SNANG BA DE LA TSAD MA MA YIN PA'I PHYIR, MA GRUB NA, DE LA CHOS NYID DU SNANG BA CHOS CAN, DON DAM BDEN PA YIN PAR THAL, DE'I GZHAL BYA YIN PA'I PHYIR, DES NA GNYIS SNANG CAN GYI SHES PA YIN NA RANG GI SNANG BA LA TSAD MA YIN PAS KHYAB BO, ,KHO NA RE, TSUR MTHONG GI RGYUD KYI DUS MTHA'I SKAD CIG MAR GYUR PA'I SHES PA CHOS CAN, DER THAL, DE'I PHYIR, 'DOD NA, DES RANG GI SNANG BA RTOGS PAR THAL LO, ,'DOD MI NUS TE, DES RTOGS PA'I CHOS MED PA'I PHYIR TE, TSUR MTHONG GI RGYUD KYI DUS MTHA'I SKAD CIG MA YIN PA'I PHYIR ZER NA PHYI MA LA MA KHYAB STE, DUS MTHA' SKAD CIG MA MNGON SUM DU RTOGS PA'I TSUR MTHONG YOD PA'I PHYIR, DER THAL, PHRA BA'I MI RTAG PA MNGON SUM DU RTOGS PA'I DE YOD PA'I PHYIR TE, RNAL 'BYOR MNGON SUM RGYUD LDAN GYI DE YONG BA'I PHYIR DANG DUS MTHA'I SKAD CIG MA YIN NA SKAD CIG MA CHA MED MA YIN DGOS PA'I PHYIR, KHO NA RE, TSUR MTHONG GI RGYUD KYI DUS MTHA'I SKAD CIG MAR GYUR PA'I SHES PA CHOS CAN, BYA RDZOGS KYI SKAD CIG MA YIN PAR THAL, SKAD CIG SNGA PHYI'I CHA DANG BCAS PA'I DNGOS PO YIN PA'I PHYIR, @140A *, ,ZER RO, ,YANG KHO NA RE, SO SKYE'I RGYUD KYI DUS MTHA'I SKAD CIG MAR GYUR PA'I BUM 'DZIN RTOG PA CHOS CAN, RTZA BA'I DAM BCA' DER THAL, DE'I PHYIR TE, RTOG PA YIN PA'I PHYIR, 'DOD NA, DUS MTHA'I SKAD CIG MA MNGON SUM DU RTOGS PA'I TSUR MTHONG YOD PAR THAL LO, ,'DOD MI NUS TE, PHRA BA'I MI RTAG PA MNGON SUM DU RTOGS PA'I DE MED PA'I PHYIR TE, RNAL 'BYOR MNGON SUM RGYUD LDAN GYI SO SKYE MED PA'I PHYIR, ZHES ZER RO, ` ,RANG LUGS LA, DOGS PA 'DI LTAR BRJOD PAR BYA STE RNAL 'BYOR MNGON SUM RGYUD LA MI LDAN PA'I TSUR MTHONG GI RGYUD KYI DUS MTHA'I SKAD CIG MAR GYUR PA'I BUM 'DZIN RTOG PA CHOS CAN, RANG GI SNANG YUL LA TSAD MA YIN PAR THAL, GNYIS SNANG CAN GYI SHES PA YIN PA'I PHYIR, 'DOD MI NUS TE, RANG YUL GTAN LA 'BEBS NUS MA YIN PA'I PHYIR, 'DI YAN CHAD BSKAL BZANG MIG 'BYED KYI LUGS SO, ` ,DA NI DGONGS PA RAB GSAL GYI LUGS JI LTA BA BZHIN BRJOD PAR BYA'O, ,KHA CIG, SNGO 'DZIN DBANG MNGON GYIS KHO RANG GRUB CES PA'I DON, KHO RANG GIS KHO RANG 'GRUB PA'I DON YIN GYI, RANG GI RANG RTOGS PA'I DON MA YIN TE, RANG GI RANG MA RTOGS PA'I PHYIR ZER NA, SNGO 'DZIN DBANG MNGON GYIS KHO RANG RTOGS PAR THAL, DE'I RJES SU SKYES PA'I KHO RANG DRAN PA'I DRAN SHES DE SNGO 'DZIN DBANG MNGON RTOGS ZIN RTOGS PA'I BLO YIN PA'I PHYIR TE, DE DE LA DPYAD SHES YIN PA'I PHYIR, GZHAN YANG, SNGO 'DZIN DBANG MNGON GYIS KHO RANG RTOGS PAR THAL, THEG CHEN GYI MTHONG LAM BAR CHAD MED LAM DES KHO RANG RTOGS PA'I PHYIR, DER THAL, DGONGS PA RAB GSAL LAS, MNYAM GZHAG RNAM PAR MI RTOG PA'I YE SHES KYIS RANG GI GZHAL BYA CHOS NYID GRUB PA NA, DE'I STOBS KYIS YUL CAN GYI YE SHES 'GRUB PA LA, RIG BYA RIG BYED SO SOR SNANG BA'I GNYIS SNANG LOG PA DANG, GZHAN LUGS KYIS SHES PA THAMS CAD KHA NANG LTA LA GNYIS SNANG LOG PA'I 'DZIN RNAM YAN GAR BA 'DOD PA DANG MI MTSUNGS PA'I KHYAD PAR NI 'BRAS BU'I SA'I SKABS SU 'CHAD @140B PAR 'GYUR RO, ,ZHES GSUNGS PA'I PHYIR, GZHAN YANG, SNGO 'DZIN DBANG MNGON GYIS KHO RANG RTOGS PAR THAL, DE NYID LAS, DE LTAR NA SNGO 'DZIN NI GZHAN LUGS LTAR RANG RIG GI MI 'GRUB KYI, DBANG PO'I MNGON SUM TSAD MAS 'GRUB PAR BSTAN TE, DE YOD PA NI SNGON 'DZIN GYI GZHAL BYA 'GRUB PA DE NYID KYIS RTOGS PA'I PHYIR RO, ,ZHES BSHAD PA'I PHYIR, GZHAN YANG, SNGO 'DZIN DBANG MNGON GYIS RANG NYID RTOGS PAR THAL, DES RANG NYID DPYAD PA GANG ZHIG DPYAD PA DE RTOGS PA'I DON DU RANG 'GREL LAS GSUNGS PA'I PHYIR, RTAGS GNYIS KA GRUB STE, RANG 'GREL LAS, GANG GI PHYIR DRAN PA GZHAN NYID YOD PA MA YIN PA DE'I PHYIR, GANG NYAMS SU MYONG BAS MYONG BA DE DRAN PA'I SHES PAS MYONG BA MA YIN PA MA YIN PAS DRAN PA YUL DANG LDAN PAR 'BYUNG LA, NYAMS SU MYONG BA'I SHES PAS YONGS SU DPYAD PA GANG YIN PA DE DRAN PAS YONGS SU MA DPYAD PA MA YIN PAS BDAG GIS MTHONG NGO ZHES BYA BAR YANG 'GYUR RO, ,ZHES BSHAD PA'I PHYIR, KHO NA RE, THEG CHEN GYI MTHONG LAM BAR CHAD MED LAM DES STONG NYID DNGOS SU RTOGS PA'I SHUGS LA RANG NYID RTOGS PAR THAL, DES RANG NYID RTOGS PA'I PHYIR, 'DOD NA, DE'I GZHAL BYAR GYUR PA'I STONG NYID CHOS CAN, KHYOD MA YIN DGAG YIN PAR THAL, DGAG PA GANG ZHIG KHYOD DNGOS SU RTOGS PA'I THEG CHEN GYI MTHONG LAM BAR CHAD MED LAM DES, KHYOD DNGOS SU RTOGS PA'I SHUGS LA THEG CHEN GYI MTHONG LAM BAR CHAD MED LAM RTOGS PA'I PHYIR ZER NA MA KHYAB, THEG CHEN GYI MTHONG LAM BAR CHAD MED LAM CHOS CAN, KHYOD KYIS STONG NYID DNGOS SU RTOGS PA'I SHUGS LA RANG NYID RTOGS PAR THAL, KHYOD STONG NYID MNGON SUM DU RTOGS PA'I SLOB PA'I YE SHES YIN PA'I PHYIR, ` ,RANG LUGS BZHAG PA LA, MTSAN NYID, DBYE BA, RANG RIG MED KYANG DRAN PA SKYE TSUL LO, ,DANG PO NI, MI SLU BA'I RIG PA, TSAD MA'I MTSAN NYID, DBYE NA, MNGON SUM TSAD MA DANG, RJES DPAG NTSAD MA GNYIS, TSAD MA GANG ZHIG, RTAGS LA @141A *, ,DNGOS SU MA BRTEN PAR RANG GI 'DZIN STANGS KYI YUL DU GYUR PA'I GZHAL BYA LA MI SLU BA'I RIG PA, DANG PO'I MTSAN NYID, DBYE NA, DBANG PO'I MNGON SUM, YID KYI MNGON SUM, RNAL 'BYOR MNGON SUM DANG GSUM, MNGON SUM GYI TSAD MA GANG ZHIG RANG GI THUN MONG MA YIN PA'I BDAG RKYEN DBANG PO GZUGS CAN PA LA DNGOS SU BRTEN PA'I SGO NAS RANG YUL DU GYUR PA'I GZHAL BYA MNGON SUM PA LA MI SLU BA'I RIG PA, DANG PO'I MTSAN NYID, DE GANG ZHIG, RANG GI THUN MONG MA YIN PA'I BDAG RKYEN YID DPANG LAS DNGOS SU SKYES SHING RANG GI 'DZIN STANGS KYI YUL DU GYUR PA'I GZHAL BYA LA MI SLU BA'I RIG PA GNYIS PA'I MTSAN NYID, DBYE NA, RTOG PAR GYUR PA'I YID MNGON DANG, RTOG MED YID MNGON GNYIS, MTSAN GZHI, BDAG MED PHRA RAGS GANG RUNG MA RTOGS PA'I GANG ZAG GIS RGYUD KYI YID SHES SU GYUR PA'I RTOG PA'I 'KHOR DU BYUNG BA'I TSOR BA BDE SDUG BTANG SNYOMS GSUM DANG, SNGO 'DZIN DBANG MNGON GYI RJES SU SKYES PA'I SNGON PO DON 'THUN DU NGES PA'I NGES SHES LTA BU, DANG PO'I MTSAN GZHI, GZHAN SEMS SHES PA'I MNGON SHES, GNYIS PA'I MTSAN GZHI, MNGON SUM GYI TSAD MA GANG ZHIG, RANG GI BDAG RKYEN ZHI LHAG ZUNG 'BREL GYI TING NGE 'DZIN LAS SKYES SHING, RANG YUL DU GYUR PA'I BDEN PA'I RNAM PA'AM, BDAG MED PHRA RAGS GANG RUNG MNGON SUM DU MTHONG BA'I SGO NAS RTOG PA DANG BRAL BA'I MI SLU BA'I RIG PA, RNAL 'BYOR MNGON SUM GYI MTSAN NYID, GZHAL BYA MNGON SUM PA NI RTAGS LA MA LTOS PAR TSUR MTHONG GIS RTOGS NUS PA RNAMS YIN TE, RTZA SHE'I t'IK CHEN LAS, RANG BZHIN MED PA KHYAD GZHIR GRUB NAS YOD MED KYI DON DANG THA SNYAD GANG LA YANG DPYOD PA MED PAS RTAGS KYIS 'GRUB PA MIN ZHING RTAGS LA MI LTOS PAR RANG BZHIN MED PA MED PAR 'DZIN PA'I SGRO 'DOGS GCOD PAR YANG NUS PAS RANG BZHIN MED PA YOD PA NI MNGON GYUR RO, ,ZHES GSUNGS PA'I PHYIR, KHA CIG ,TSIG GSAL LAS, GAL TE, @141B MTSAN GZHI'AM, RANG GI MTSAN NYID DAM, SPYI'I MTSAN NYID KYANG RUNG STE, 'JIG RTEN NA YOD NA NI THAMS CAD MNGON SUM DMIGS PAR BYA BA YIN PA'I PHYIR NA LKOG TU MA GYUR PA YIN TE, DE'I PHYIR, DE'I YUL CAN GYI RNAM PAR SHES PA DANG, LHAN CIG MNGON SUM NYID DU RNAM PAR BZHAG GO, ZHES PA 'DIS GZHI GRUB NA MNGON SUM YIN PAS KHYAB PA BSTAN ZER BA MI 'THAD DE, DE'I 'JUG THOGS SU, LKOG TU GYUR PA'I YUL CAN RTAGS BSGRUB PAR BYA BA MI 'KHRUL BA LAS SKYES PA'I SHES PA NI RJES SU DPAG PA'O, ,ZHES BSHAD PA'I PHYIR DANG, BLO DE LA MNGON GYUR YIN NA MNGON GYUR YIN MI DGOS PA'I PHYIR, DPER NA STONG NYID DE THEG CHEN GYI MTHONG LAM BAR CHAD MED LAM LA MNGON GYUR YIN KYANG, DE LKOG GYUR YIN PA BZHIN NO, ,KHA CIG, SHES PA LA TSAD MAS KHYAB ZER BA DANG, GZHAN DAG DES MA KHYAB KYANG, RTOG MED LOG SHES RNAMS TSAD MA YIN ZER BA MI 'THAD DE, t'IK CHEN LAS, BDAG GNYIS DANG BDAG MED GNYIS DANG, GZUGS SOGS RTAG MI RTAG SOGS LA TSAD MAR 'GRO MI 'GRO'I KHYAD PAR CHEN PO YOD PAS, BLO LA TSAD MA DANG TSAD MIN GYI RNAM PAR GZHAG PA'ANG 'GRUB BO, ,ZHES GSUNGS PA'I PHYIR, ,GNYIS PA RJES DPAG GI MTSAN NYID NI, RANG GI RTEN RTAGS YANG DAG LA BRTEN NAS DNGOS SU SKYES SHING, RANG LA LKOG TU GYUR PA'I GZHAL BYA LA MI SLU BA'I RIG PA'O, ,'DI'I DBYE BAR GYUR PA'I LUNG GI TSAD MA NI, DPYAD GSUM GYIS DAG PA'I LUNG GI RTAGS LAS, SBYIN PAS LONGS SPYOD KHRIMS KYIS BDE, ,ZHES PA'I LUNG RANG GI BSTAN BYA'I DON LA MI SLU BAR RTOGS PA'I RJES DPAG LTA BU LA BYED LA, LUNG TSAD MA DANG LUNG GI TSAD MA MI 'DRA STE, LUNG GI TSAD MA NI SNGAR BSHAD PA DE YIN LA, LUNG TSAD MA NI SHER PHYIN 'BUM PA LTA BU LA BYED DGOS PA'I PHYIR, PHYI MA GRUB STE, LUNG TSAD MA DANG SKYES BU TSAD MA SOGS KHAS LEN DGOS, DE DAG SHES PAR KHAS LEN DU MI RUNG BA'I PHYIR, PHYI MA DER THAL, RJE YAB SRAS KYIS TSAD MA'I DBYE BA MDZAD PA'I TSE LUNG GI TSAD MA ZHES 'BYUNG GI, LUNG TSAD MA ZHES GANG @142A *, ,DU YANG MI 'BYUNG BA'I PHYIR, DPE NYER 'JAL GYI TSAD MA YANG RTAGS LA MA BRTEN PAR, DPE BKOD PA TZAM LAS DON RTOGS PA'I BLO LA MI BYED DE, DE 'DRA'I TSAD MA YIN NA RANG GI RTEN RTAGS LA RTEN DGOS PA'I PHYIR TE, TSIG GSAL LAS, RTAGS BSGRUB PAR BYA BA LA MA 'KHRUL PA LAS ZHES SOGS GSUNGS PA'I PHYIR, GSUM PA RANG RIG MED KYANG DRAN PA SKYE TSUL LA, SPYOD 'JUG LAS GSUNGS TSUL, 'JUG PA LAS GSUNGS TSUL LO, ,DANG PO NI, SPYOD 'JUG LAS, GAL TE RANG RIG YOD MIN NA, ,RNAM SHES DRAN PAR JI LTAR 'GYUR, ,ZHES GSUNGS, KHO NA RE, SNGO SNANG DBANG SHES DRAN PA'I DRAN SHES SKYE BA MI 'THAD PAR THAL, DE MYONG BYED KYI RANG RIG MED PA'I PHYIR, ZHES ZER, 'DI'I LAN LA SPYOD 'JUG LAS, GZHAN MYONG BA DANG 'BREL BA LAS, ,DRAN 'GYUR BYI BA'I DUG BZHIN NO, ,ZHES GSUNGS, DON NI, KHYOD KYI THAL 'GYUR DE LA KHYAB PA MED DE, SNGOR SNANG DBANG SHES KYIS RJES SU SKYES PA'I SNGON PO DRAN PA'I DRAN SHES DES YUL SNGON PO DRAN PA NA, SNGOR SNANG DBANG SHES KYANG DRAN PAR 'GYUR BA'I PHYIR, DPER NA, DGUN GYI DUS SU BYI BAS LUS LA RMUGS PA NA LUS LA BYI DUG ZHUGS KYANG, DE'I DUS SU RMUGS PA DE MYONG GI DUG MA MYONG LA, PHYIS 'BRUG GI SGRA THOS PA NA SNGAR RMUGS PA'I DUS SU DUG ZHUGS 'DUG SNYAM PA'I DRAN PA SKYE BA BZHIN NO, ,GNYIS PA 'JUG PA LAS GSUNGS TSUL NI, KHYAB PA MED DE, SNGOR SNANG DBANG SHES KYI RJES SU SKYES PA'I SNGON PO DRAN PA'I DRAN SHES DANG, SNGOR SNANG DBANG SHES GNYIS RANG BZHIN GYI GZHAN MA YIN ZHING, YUL SNGON PO GCIG LA THUN MONG DU 'JUG PA'I PHYIR, DE LTAR YANG, GANG ZHIG GANG GIS YUL MYONG 'GYUR DE LAS, , ZHES GSUNGS, SNGOR SNANG DBANG SHES RTOGS BYED KYI BLO YOD DE, SNGOR SNANG DBANG SHES DE SNGOR SNANG DBANG SHES RTOGS BYED KYI BLO YIN PA'I PHYIR, DE RTOGS BYED KYI BLO DANG, DE MYONG BYED KYI BLO DON MI GCIG STE, SNGOR SNANG DBANG SHES DE RANG NYID RTOGS BYED KYI BLO YIN YANG, RANG @142B MYONG BYED MA YIN PA'I PHYIR, SO SKYE'I RGYUD LA RAGS PA'I BDEN BZHI MI RTAG SOGS BCU DRUG MNGON SUM DU RTOGS PA'I RNAL 'BYOR MNGON SUM YOD BYAS PA LA, KHO NA RE, DE MI 'THAD PAR THAL, RAGS PA'I 'GOG BDEN MNGON SUM DU RTOGS PA'I TSUR MTHONG MED PA'I PHYIR TE, GANG ZAG RANG SKYA THUB PA'I RDZAS YOD DU 'DZIN PA'I 'DZIN PA SPANGS PA'I SPANGS PA MNGON SUM DU RTOGS PA'I TSUR MTHONG MED PA'I PHYIR TE, DE MNGON SUM DU RTOGS PA'I GANG ZAG YIN NA DE RGYUD LDAN GYI GANG ZAG YIN DGOS PA'I PHYIR ZER NA, BAR PA LA MA KHYAB BO, ,KHA CIG, RNAL 'BYOR MNGON SUM RGYUD LDAN GYI TSUR MTHONG MED PAR THAL, PHRA BA'I MI RTAG PA MNGON SUM DU RTOGS PA'I TSUR MTHONG MED PA'I PHYIR TE, KHYAB PA 'DU BYED KYI SDUG BSNGAL GYI NYES DMIGS PHRA MO MNGON SUM DU RTOGS PA'I TSUR MTHONG MED PA'I PHYIR TE, BYIS PA LAG MTHIL 'DRA BA YIS, ,'DU BYED SDUG BSNGAL SPU MI RTOGS, ,ZHES BSHAD PA'I PHYIR ZER NA MA KHYAB BO, ,KHA CIG, MNGON SUM TSAD MA YIN NA RANG GI 'DZIN STANGS KYI YUL MNGON SUM DU RTOGS PAS KHYAB ZER NA, GZUGS 'DZIN MNGON SUM GYI RJES SU SKYES PA'I GZUGS DON 'THUN DU NGES PA'I NGES SHES CHOS CAN, DER THAL, DE'I PHYIR TE, YID KYI MNGON SUM YIN PA'I PHYIR TE, DPYAD SHES YIN PA'I PHYIR, 'DOD NA, GZUGS MNGON SUM DU RTOGS PAR THAL, 'DOD PA'I PHYIR, 'DOD NA, DE DANG GZUGS 'DZIN DBANG PO'I MNGON SUM GNYIS RANG YUL 'DZIN TSUL MTSUNGS PAR THAL LO, ,KHA CIG, SGRA MI RTAG RTOGS KYI RJES DPAG SGRA MI RTAG PA LA MA 'KHRUL ZER NA, DE CHOS CAN, DE LA 'KHRUL PAR THAL, KHYOD LA DE RANG GI MTSAN NYID KYIS GRUB PAR SNANG BA GANG ZHIG, DE RANG GI MTSAN NYID KYIS MA GRUB PA'I PHYIR, KHO NA RE, DE RANG GI ZHEN YUL LA 'KHRUL PAR THAL, DE SGRA MI RTAG PA LA 'KHRUL PA'I PHYIR, 'DOD NA, LOG SHES YIN PAR THAL LO, ,KHYAB PA GRUB STE, RANG GI ZHEN YUL LA 'KHRUL PA'I BLO DE LOG SHES KYI MTSAN NYID YIN PA'I PHYIR ZER NA MA GRUB STE, RANG DANG 'DZIN STANGS 'GAL BA'I TSAD @143A *, ,MA YOD PA'I BLO, LOG SHES GYI MTSAN NYID YIN PA'I PHYIR, GZHAN YANG, GZHAL BYA LA MNGON LKOG GNYIS SU GRANGS NGES PA'I RTAGS LAS TSAD MA LA MNGON RJES GNYIS SU GRANGS NGES PAR SGRUB NUS PAR THAL, SKABS 'DIR TSAD MA'I GRANGS NGES 'THAD CING, GZHAL BYA LA RANG SPYI GNYIS SU GRANGS MA NGES PA'I PHYIR TE, RANG MTSAN MED PA'I PHYIR, 'DOD NA, RANG YUL MNGON GYUR PA'I TSUL GYIS 'JAL BA'I TSAD MA YIN NA MNGON SUM GYI TSAD MA YIN DGOS PAR THAL LO, ,'DOD NA, SGRA RTAG 'DZIN RTOG PA CHOS CAN, DER THAL, DE'I PHYIR, RANG YUL LA MNGON SUM GYI TSAD MA YIN PA'I PHYIR TE, RANG GI SNANG BA LA MNGON SUM GYI TSAD MA YIN PA'I PHYIR TE, GNYIS SNANG CAN GYI SHES PA YIN PA'I PHYIR, ` ,RNAM PA DE LTA'I MDO SDE GZHAN YANG NI, ,ZHES SOGS KYI SKABS SU, MTHA' BCAD PA LA KHA CIG, SKABS 'DIR DRANG DON DU BSGRUB DGOS KYI LUNG DE LA LNGA YOD DE, SEMS CAN THAMS CAD KYI RGYUD LA RTAG BRTAN THER ZUG GI BDER GSHEGS SNYING PO YOD PAR STON PA'I MDO, ,PHYI DON MED PAR STON PA'I MDO, ,KUN GZHI'I RNAM SHES YOD PAR STON PA'I MDO, ,MTSAN NYID GSUM LA BDEN PAR YOD MED KYI KHYAD PAR PHYE NAS STON PA'I MDO, ,MTHAR THUG THEG PA GSUM DU GRUB PAR STON PA'I MDO RNAMS SU YOD PA'I PHYIR ZER NA, SHES BYA CHOS CAN, SEMS CAN THAMS CAD KYI RGYUD LA RTAG BRTAN THER ZUG GI BDER GSHEGS SNYING PO MED PAR THAL, DAM BCA' SNGA MA DE'I PHYIR, 'DOD NA, DE YOD PAR THAL, DE'I RGYUD LA DE RTAG BRTAN THER ZUG YIN PA'I PHYIR TE, DE'I RGYUD LA DE MI 'JIG PA'I CHOS YIN PA'I PHYIR, YANG STONG 'THUN CHEN MO LAS, SKABS 'DIR DRANG DON DU SGRUB DGOS KYI LUNG LNGA YOD DE, SEMS CAN THAMS CAD KYI RGYUD LA MTSAN DPE GSAL RDZOGS KYI BDEN GRUB KYI BDER GSHEGS SNYING PO YOD PAR STON PA'I MDO, ,PHYI DON MED PAR STON PA'I MDO, ,KUN GZHI'I RNAM SHES YOD PAR STON PA'I MDO, ,MTSAN NYID GSUM @143B LA BDEN PAR YOD MED KYI KHYAD PAR PHYE NAS STON PA'I MDO, ,MTHAR THUG THEG PA GSUM DU GRUB PAR STON PA'I MDO RNAMS SU YOD PA'I PHYIR, ZHES GSUNGS, SEMS CAN THAMS CAD KYI RGYUD LA DE 'DRA'I BDER GSHEGS SNYING PO YOD PAR STON PA'I MDO CHOS CAN, KHYOD SEMS TZAM PAS DES DON GYI MDOR KHAS LAN PAR THAL, KHYOD SKABS 'DIR DRANG DON DU 'GREL RGYU'I MDO YIN PA'I PHYIR, KHYAB PA GRUB STE, RANG 'GREL LAS, DE'I PHYIR DE LTAR NA RNAM PA DE LTA BU MDO SDE RNAM PAR SHES PAR SMRA BA RNAMS KYI NGES PA'I DON NYID DU KHAS BLANGS PA THAMS CAD DRANG BA'I DON NYID YIN PAR LUNG 'DIS MNGON PAR GSAL BAR BYAS NAS, ZHES GSUNGS PA'I PHYIR, 'DOD NA, SEMS TZAM PAS SEMS CAN THAMS CAD KYI RGYUD LA DE 'DRA'I BDER GSHEGS SNYING PO YOD PAR KHAS LEN PAR THAL, 'DOD PA'I PHYIR, KHO NA RE, PHYI ROL DON DU GYUR PA'I LEN PA'I RNAM PAR SHES PA ZAB CING PHRA ZHES PA'I LUNG CHOS CAN, SEMS TZAM PAS NGES DON GYI MDOR KHAS LEN PAR THAL, KHYOD SKABS 'DIR DRANG DON DU 'GREL DGOS PA'I MDO YIN PA'I PHYIR, KHYAB PA KHAS, RTAGS GRUB STE, MDO SDE DGONGS 'GREL GYI MDO TSIG TU GYUR PA'I KUN GZHI'I RNAM SHES YOD PAR STON PA'I MDO YIN PA'I PHYIR, RTZA BAR 'DOD NA SLA, MDO SDE DGONGS 'GREL GYIS MTSAN NYID GSUM LA BDEN PAR YOD MED KYI KHYAD PAR DNGOS SU PHYE NAS BSTAN PAR THAL, MTSAN NYID GSUM LA BDEN PAR YOD MED KYI KHYAD PAR PHYE NAS STON PA'I MDO DE SKABS 'DIR DRANG DON DU SGRUB DGOS PA'I MDO YIN PA'I PHYIR, RTAGS KHAS, 'DOD NA, DGONGS 'GREL DES KUN BTAGS BDEN MED DNGOS KYI BRJOD BYA'I GTZO BOR BYED PAR THAL, 'DOD PA'I PHYIR, 'DOD NA, DES DON DAM BDEN PA DNGOS KYI BRJOD BYA'I GTZO BOR BYED PAR THAL, 'DOD PA'I PHYIR, RANG LUGS NI, SKABS 'DIR DRANG DON DU 'GREL DGOS PA'I MDO BZHI YOD DE, KUN GZHI'I RNAM SHES YOD PAR STON PA'I DGONGS 'GREL GYI MDO, PHYI DON MED PAR STON PA'I DGONGS 'GREL GYI MDO, ,MTSAN NYID GSUM @144A *, ,LA SEMS TZAM PAS 'DOD PA LTAR GYI BDEN PAR YOD MED GYI KHYAD PAR PHYE NAS STON PA'I DGONGS 'GREL GYI MDO, MTHAR THUG THEG PA GSUM DU GRUB PAR STON PA'I DGONGS 'GREL GYI MDO RNAMS SU YOD PA'I PHYIR, DANG PO NI, LEN PA'I RNAM PAR SHES PA ZAB CING PHRA, ZHES SOGS KYI MDO YIN LA, DE DRANG DON DU 'GREL BYED NI, MTSAN DPE GSAL RDZOGS KYI BDER GSHEGS SNYING PO STON PA'I MDO DRANG DON DU 'GREL BYED KYI MDO DE NYID YIN NO, ,GNYIS PA NI, BCOM LDAN 'DAS KYI TING NGE 'DZIN GYI SPYOD YUL GZUGS CAN GANG LAGS PA DE CI SEMS LAS THA DAD PA ZHES BGYI'AM, THA DAD PA MA LAGS, ZHES BGYI, BCOM LDAN 'DAS KYIS BKA' STZAL PA, BYAMS PA, THA DAD PA MA YIN ZHES BYA'O, ,ZHES SOGS YIN LA, DE DRANG DON DU 'GREL BYED NI, JI LTAR NAD PAS NAD PA LA, ,SMAN PAS SMAN RNAMS GTONG BA LTAR, ,ZHES SOGS YIN NO, ,GSUM PA NI, CHOS RNAMS KYI MTSAN NYID NGO BO NYID MED PA GANG ZHE NA, KUN BTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAS RNAM PAR BZHAG PA YIN GYI, RANG GI MTSAN NYID KYIS RNAM PAR GNAS PA NI MA YIN PAS DE'I PHYIR, DE NI MTSAN NYID NGO BO NYID MED PA ZHES BYA'O, ,ZHES SOGS YIN LA DE DRANG DON DU 'GREL BYED NI, BLO GROS CHEN PO STONG PA NYID DANG, MA SKYES PA DANG ZHES SOGS YIN NO, , BZHI PA NI, ZHI BA BGROD PA GCIG PU BA NI, SANGS RGYAS THAMS CAD BRTZON PA DANG LDAN PAR GYUR KYANG, BYANG CHUB KYI SNYING PO LA BZHAG STE, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA STE, ZHES SOGS YIN LA, DE DRANG DON DU 'GREL BYED NI, SKABS 'DIR DNGOS SU 'DREN MI DGOS TE, SLOB DPON KLU SGRUB KYI MDO KUN BTUS SU BSGRUBS ZIN PA'I PHYIR, SEMS CAN THAMS CAD KYI RGYUD LA MTSAN DPE GSAL RDZOGS KYI BDER GSHEGS SNYING PO YOD PAR STON PA'I MDO NI, SOR 'PHRENG @144B CAN GYI MDO LAS DE LTAR BSHAD KYANG, GTZO BO NI STONG GSUM DAR YUG GI MDO YIN NO, ` ,NYON MONGS SKYON RNAMS MA LUS 'JIGS TSOGS LA, ,ZHES SOGS KYI SKABS SU, MKHAS PA KHA CIG, 'KHOR BA'I RTZA BAR GYUR PA'I MA RIG PA LA DBYE NA, LAS 'BRAS LA RMONGS PA'I MA RIG PA DANG, DE KHO NA NYID LA RMONGS PA'I MA RIG PA GNYIS, DANG PO NI, LAS RGYU 'BRAS SOGS DANG SKYE BA SNGA PHYI SOGS MED PAR 'DZIN PA'I SEMS BYUNG RMONGS PA LTA BU YIN, GNYIS PA LA, GANG ZAG GI BDAG 'DZIN DANG CHOS KYI BDAG 'DZIN GNYIS YOD, DANG PO LA KUN BTAGS DANG, LHAN SKYES GNYIS, DANG PO NI, RANG RGYUD PA MAN CHAD KYIS 'DOD PA'I GANG ZAG GI BDAG 'DZIN LTA BU, CHOS KYI BDAG 'DZIN LA YANG KUN BTAGS DANG LHAN SKYES GNYIS, DANG PO NI, SEMS TZAM PAS 'DOD PA LTAR GYI CHOS KYI BDAG 'DZIN LTA BU, GNYIS PA NI, CHOS THAMS CAD RANG GI MTSAN NYID KYIS GRUB PAR 'DZIN PA'I BLO LTA BU, ZHES ZER, 'O NA, 'JIG LTA DANG GANG ZAG GI BDAG 'DZIN GYI KHYAD PAR JI LTA BU ZHE NA, 'DI LA 'JIG LTA YIN LA, GANG ZAG GI BDAG 'DZIN MA YIN PA'I MU, DE YIN LA CIG SHOS MA YIN PA'I MU, GNYIS KA YIN PA'I MU, GNYIS KA MA YIN PA'I MU STE BZHI LAS, DANG PO NI, NGA YI BAR 'DZIN PA'I BLO LTA BU, GNYIS PA NI, GANG ZAG GZHAN RGYUD KYI NGA LA DMIGS NAS RANG GI MTSAN NYID KYIS GRUB PAR 'DZIN PA'I BLO LTA BU, GSUM PA NI, RANG RGYUD KYI NGA LA DMIGS NAS NGA RANG GI MTSAN NYID KYIS GRUB PAR 'DZIN PA'I BLO LTA BU, BZHI PA NI, CHOS KYI BDAG 'DZIN LTA BU YIN ZER NA, 'KHOR BA'I RTZA BAR GYUR PA'I MA RIG PA DANG, MA RIG PA KUN BTAGS KYI GZHI 'THUN YOD PAR THAL, DE DANG LAS 'BRAS LA RMONGS PA'I MA RIG PA'I GZHI 'THUN YOD PA'I PHYIR, RTAGS KHAS, 'DOD NA, LHAG MTHONG CHEN MO LAS, SEMS CAN THAMS CAD 'KHOR BAR 'CHING BA NI LHAN SKYES KYI MA RIG PA YIN PA'I PHYIR DANG KUN BTAGS KYI MA RIG PA NI GRUB MTHA' SMRA BA DE @145A *, ,DAG KHO NA LA YOD PAS 'KHOR BA'I RTZA BAR MI 'THAD PA'I PHYIR RO, ,ZHES GSUNGS PA MI 'THAD PAR THAL, 'DOD PA'I PHYIR, GZHAN YANG, 'KHOR BA'I RTZA BAR GYUR PA'I MA RIG PA DE LA 'DZIN STANGS MI MTHUN PA GNYIS PAR THAL, LAS 'BRAS DANG DE KHO NA NYID LA RMONGS PA'I MA RIG PA GNYIS YOD PA'I PHYIR, 'DOD MI NUS TE, DE MED PAR t'IK CHEN LAS BSHAD PA'I PHYIR, GZHAN YANG, LAS 'BRAS MED PAR 'DZIN PA'I BLO DE 'KHOR BA'I RTZA BAR GYUR PA'I MA RIG PA YIN PAR THAL, RTZA BA'I DAM BCA' DE 'THAD PA'I PHYIR, 'DOD NA, DE NYON MONGS CAN GYI MA RIG PA YIN PAR THAL LO, ,'DOD NA, BDAG MED RTOGS PA'I SHES RAB KYI 'GAL ZLA MI MTHUN PHYOGS SU GYUR PA'I RIG PA YIN PAR THAL, 'DOD PA'I PHYIR, KHYAB STE, t'IK CHEN LAS, NYON MONGS ZHES SOGS GSUNGS PA'I PHYIR, GZHAN YANG, SHES BYA CHOS CAN, GANG ZAG RANG SKYA THUB PA'I RDZAS YOD DU 'DZIN PA'I BLO LHAN SKYES MED PAR THAL, RANG RGYUD PA MAN CHAD KYI 'DOD PA LTAR GYI GANG ZAG GI BDAG 'DZIN DE GANG ZAG GI BDAG 'DZIN KUN BTAGS YIN PA'I PHYIR, 'DOD NA, SA BZHI PA'I NGO SKAL GYI SPANG BYAR GYUR PA'I GANG ZAG RANG SKYA THUB PA'I RDZAS YOD DU 'DZIN PA'I RTOG PA MED PAR THAL, 'DOD PA'I PHYIR, 'DOD NA, DE YOD PAR THAL, RANG DU LTA BA DANG 'BREL YONGS SU ZAD, ,CES GSUNGS PA'I PHYIR, GANG ZAG GI BDAG 'DZIN KUN BTAGS YIN NA GANG ZAG GI BDAG 'DZIN YIN DGOS SHE NA, GANG ZAG RTAG GCIG RANG DBANG CAN DU 'DZIN PA'I RTOG PA CHOS CAN, DER THAL, DE'I PHYIR, MA GRUB NA, DER THAL, BDAG MED RTOGS TSE RTAG PA'I BDAG SPONG ZHING,, ZHES GSUNGS PA'I PHYIR, 'DOD NA, BDEN 'DZIN YIN PAR THAL LO, ,'DOD NA SLA, BYAS PA LA KHO NA RE, GANG ZAG GI BDAG 'DZIN LA PHRA RAGS KYI DBYE BA MI 'THAD PAR THAL, GANG ZAG RANG SKYA THUB PA'I RDZAS YOD DU 'DZIN PA'I RTOG PA DE GANG ZAG GI BDAG 'DZIN RAGS @145B PA MA YIN PA'I PHYIR TE, DE DANG GANG ZAG GI BDAG 'DZIN GYI GZHI 'THUN MED PA'I PHYIR NA MA KHYAB, RTZA BAR 'DOD NA, BDAG MED LA PHRA RAGS KYI KHYAD PAR MI 'THAD PAR THAL LO, ,GZHAN YANG, NGA YI BAR 'DZIN PA'I 'JIG LTA CHOS CAN, GANG ZAG GI BDAG 'DZIN YIN PAR THAL, RANG GI DMIGS YUL DU GYUR PA'I GANG ZAG LA DMIGS NAS RANG GI MTSAN NYID KYIS GRUB PAR 'DZIN PA'I BLO YIN PA'I PHYIR TE, RANG GI DMIGS YUL DU GYUR PA'I NGA LA DMIGS NAS RANG GI MTSAN NYID KYIS GRUB PAR 'DZIN PA'I BLO YIN PA'I PHYIR TE, DES NGA LA DMIGS PA'I PHYIR TE, NGA YI BA ZHES PA'I SGRAS NGA DNGOS SU BRJOD PA'I PHYIR, DE LA KHA CIG, NGA YI MIG RNA SOGS LA DMIGS NAS RANG GI MTSAN NYID KYIS GRUB PAR 'DZIN PA'I BLO CHOS CAN, GANG ZAG GI BDAG 'DZIN YIN PAR THAL, RANG GI DMIGS YUL DU GYUR PA'I NGA LA DMIGS NAS, RANG GI MTSAN NYID KYIS GRUB PAR 'DZIN PA'I BLO YIN PA'I PHYIR TE, DES RANG GI DMIGS YUL DU GYUR PA'I NGA LA DMIGS PA'I PHYIR TE, DES NGA LA DMIGS PA'I PHYIR, DER THAL, NGA'I MIG CES PA'I SGRAS NGA DNGOS SU BRJOD PA'I PHYIR, ,'KHOR GSUM ZER NA MA GRUB STE, DES NGA YI BA'I MTSAN GZHI DNGOS SU BRJOD, CIG SHOS KYIS NGA YI BA TZAM DNGOS SU BRJOD PA'I PHYIR, KHO NA RE, NGA YI BA CHOS CAN, GANG ZAG YIN PAR THAL, GANG ZAG GI BDAG 'DZIN GYI DMIGS YUL DANG 'DZIN STANGS KYI YUL GNYIS KYI NANG NAS DMIGS YUL YIN PA'I PHYIR TE, NGA YI BAR 'DZIN PA'I 'JIG LTA'I DMIGS YUL GANG ZHIG, NGA YI BAR 'DZIN PA'I 'JIG LTA DE GANG ZAG GI BDAG 'DZIN YIN PA'I PHYIR, RTZA BAR KHYAB STE, GAL TE PHUNG PO BDAG NA DE'I PHYIR DE, ZHES SOGS GSUNGS PA'I PHYIR NA MA KHYAB STE, DE'I DON NI, NGAR 'DZIN LHAN SKYES KYI DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN NA, GANG ZAG YIN DGOS PA LUNG DE'I DON YIN PA'I PHYIR, KHO NA RE, NGA YI BAR 'DZIN PA'I 'JIG LTA DANG, NGAR 'DZIN PA'I 'JIG LTA MI 'GAL BAR THAL, NGA YI BAR 'DZIN PA'I 'JIG LTA DANG GANG ZAG GI BDAG 'DZIN GNYIS MI 'GAL BA'I PHYIR ZER NA MA KHYAB STE, NGAR 'DZIN @146A *, ,PA'I 'JIG LTA YIN NA RANG RGYUD LDAN GYI GANG ZAG GI RGYUD KYI NGA TZAM LA DMIGS PAS KHYAB KYANG, GANG ZAG GI BDAG 'DZIN LA DE LTAR MA KHYAB PA'I PHYIR, YANG KHO NA RE, BDAG DANG BDAG GI BA GNYIS MI 'GAL BAR THAL, GANG ZAG GI BDAG 'DZIN LHAN SKYES DANG, BDAG GI BAR 'DZIN PA'I 'JIG LTA LHAN SKYES GNYIS MI 'GAL BA'I PHYIR ZER NA MA KHYAB, KHO NA RE, BDAG MED 'DI NI 'GRO BA RNAM GROL PHYIR, ,ZHES SOGS GSUNGS PA MI 'THAD PAR THAL, STONG NYID DE LA GANG ZAG GI BDAG GIS STONG PA'I STONG NYID DANG, CHOS KYI BDAG GIS STONG PA'I STONG NYID GNYIS SU GRANGS MA NGES PA'I PHYIR TE, BDAG 'DZIN LA GANG ZAG GI BDAG 'DZIN DANG CHOS KYI BDAG 'DZIN GNYIS SU GRANGS MA NGES PA'I PHYIR TE, NGA YI BAR 'DZIN PA'I 'JIG LTA DE GANG RUNG MA YIN PA'I PHYIR, ZHES ZER, DE'I LAN LA KHA CIG, NGA YI BAR 'DZIN PA'I 'JIG LTA DE DE GNYIS GANG YANG MA YIN PA'I BDAG 'DZIN PHUNG GSUM PA YIN PAR THAL, NGA YI BA DE CHOS DANG GANG ZAG GNYIS SU BYE BA'I CHOS KYANG MA YIN, GANG ZAG KYANG MA YIN PA'I PHYIR ZHES ZER, DE LA KHA CIG, NGA YI BA DE GANG ZAG YIN ZER NA, DE CHOS CAN, GANG ZAG MA YIN PAR THAL, LHAS BYIN GYI MIG DBANG DE KHYOD YIN PA'I PHYIR, DES NA 'JIG LTA YIN NA GANG ZAG GI BDAG 'DZIN YIN PAS KHYAB PAR KHAS BLANGS PA LA KHO NA RE, GZUGS BDAG MA YIN PA LA BDAG TU 'DZIN PA'I 'JIG LTA CHOS CAN, GANG ZAG GI BDAG 'DZIN YIN PAR THAL, 'JIG LTA YIN PA'I PHYIR, KHYAB PA KHAS, DER THAL, GZUGS BDAG MA YIN BDAG NI GZUGS LDAN MIN, ,ZHES SOGS GSUNGS PA'I PHYIR NA MA KHYAB, 'DOD NA, GZUGS BDAG YIN PAR THAL LO, ,GZHAN YANG, GANG ZAG RANG RKYA THUB PA'I RDZAS YOD DU 'DZIN PA'I 'JIG LTA CHOS CAN, GANG ZAG GI BDAG 'DZIN YIN PAR THAL, 'JIG LTA YIN PA'I PHYIR TE, 'JIG LTA LHAN SKYES YIN PA'I PHYIR TE, GANG ZAG RANG RKYA THUB PA'I RDZAS YOD DU 'DZIN PA'I 'JIG LTA LHAN SKYES YOD PA'I PHYIR ZER NA MA KHYAB, RTAGS GRUB STE, t'IK CHEN LAS, MDO LAS KYANG 'JIG LTA LHAN SKYES YOD PAR BSTAN TE, ZHES GSUNGS PA'I PHYIR ZER NA, MA @146B KHYAB MTSAMS LA, LAS 'BRAS LA RMONGS PA'I MA RIG PA YIN NA, MA RIG PA YIN PAS KHYAB PAR THAL, DE YOD PA'I PHYIR, KHYAB PA KHAS, 'DOD NA, SBYIN PA BTANG BA LAS LONGS SPYOD MI 'BYUNG BAR 'DZIN PA'I BLO CHOS CAN, DER THAL, DE'I PHYIR, RTAGS GRUB CING, 'DOD MI NUS PAR GONG DU BSGRUBS ZIN, GZHAN YANG, 'JIG LTA KUN BRTAGS YIN NA 'JIG LTA YIN PAS KHYAB PAR THAL, GANG ZAG GI BDAG 'DZIN KUN BRTAGS LA DE'I PHYIR, 'DOD NA, GANG ZAG RTAG GCIG RANG DBANG CAN DU 'DZIN PA'I BLO CHOS CAN, DER THAL, DE'I PHYIR TE, BDAG MED RTOGS TSE, ZHES SOGS GSUNGS PA'I PHYIR, DE LA KHO NA RE, GANG ZAG RTAG GCIG RANG DBANG CAN DU 'DZIN PA'I BLO CHOS CAN, KHYOD RGYU MTSAN LTAR SNANG LA BRTEN NAS GANG ZAG RANG GI MTSAN NYID KYIS GRUB PAR 'DZIN PA'I BLO YIN PAR THAL, 'JIG LTA KUN BTAGS YIN PA'I PHYIR, KHYAB STE, 'JIG LTA LHAN SKYES YIN NA RGYU MTSAN LTAR SNANG LA MI LTOS PAR GANG ZAG RANG GI MTSAN NYID KYIS GRUB PAR 'DZIN PA'I BLO YIN DGOS PA'I PHYIR ZER NA MA KHYAB STE, GANG ZAG GI BDAG 'DZIN KUN BTAGS YIN NA BDAG 'DZIN YIN PAS KHYAB PAR THAL, DE YIN NA GANG ZAG GI BDAG 'DZIN YIN PAS KHYAB PA'I PHYIR, 'DOD NA, GANG ZAG GI BDAG 'DZIN KUN BTAGS YIN NA RANG GI ZHEN YUL MED PAR RTOGS ZIN GOMS PAR BYAS PA LAS 'KHOR BA LAS GROL NUS PAS KHYAB PAR THAL, 'DOD PA'I PHYIR, KHO NA RE, BDEN 'DZIN KUN BTAGS YIN NA BDEN 'DZIN YIN DGOS PAR THAL, GANG ZAG GI BDAG 'DZIN KUN BTAGS YIN NA GANG ZAG GI BDAG 'DZIN YIN DGOS PA'I PHYIR, 'DOD NA, DNGOS PO RANG GI MTSAN NYID KYIS GRUB PAR 'DZIN PA'I BLO KUN BTAGS YIN NA DE 'DRA'I BLO YIN DGOS PAR THAL, 'DOD PA'I PHYIR ZER NA, LHAS BYIN GYI NGA YI BA DE DE'I NGA YIN PAR THAL, NGA YI BA DE NGA YIN PA'I PHYIR, RTAGS KHAS, 'DOD NA, LHAS BYIN GYI NGA YI BA CHOS CAN, KHYOD LA DMIGS NAS RANG GI MTSAN NYID KYIS GRUB PAR 'DZIN PA'I LHAS BYIN GYI RGYUD KYI BLO DE NGAR 'DZIN PA'I BLO LHAN SKYES YIN PAR THAL, KHYOD LHAS BYIN NGAR 'DZIN PA'I BLO LHAN SKYES YIN PAR THAL, KHYOD LHAS BYIN YIN NA RANG RGYUD LDAN GYI GANG ZAG GI RGYUD KYI NGA TZAM @147A *, ,LA DMIGS PAS KHYAB PA'I PHYIR, GZHAN YANG, LHAS BYIN GYI RGYUD KYI NGA YI BAR 'DZIN PA'I 'JIG LTA DE NGAR 'DZIN LHAN SKYES YIN PAR THAL, DAM BCA' 'THAD PA'I PHYIR, 'DOD NA, DE'I RGYUD KYI NGA YI BAR 'DZIN PA'I 'JIG LTA DANG, DE'I NGAR 'DZIN LHAN SKYES GNYIS YIN KHYAB MNYAM YIN PAR THAL LO, ,KHA CIG, LHAS BYIN GYI MIG RNA SOGS LA DMIGS NAS RANG GI MTSAN NYID KYIS GRUB PAR 'DZIN PA'I BLO DE NGA YI BAR 'DZIN PA'I 'JIG LTA YIN ZER NA, MI 'THAD DE, DE 'JIG LTA MA YIN PA'I PHYIR TE, DE GANG ZAG GI BDAG 'DZIN MA YIN PA'I PHYIR TE, DE CHOS KYI BDAG 'DZIN YIN PA'I PHYIR TE, DE'I MIG RNA SOGS DE CHOS DANG GANG ZAG GNYIS SU PHYE BA'I CHOS YIN PA'I PHYIR, KHA CIG, LHAS BYIN GYI RGYUD KYI MIG RNA SOGS CHOS CAN, KHYOD LA DMIGS NAS RANG GI MTSAN NYID KYIS GRUB PAR 'DZIN PA'I BLO DE NGA YI BAR 'DZIN PA'I 'JIG LTA YIN PAR THAL, KHYOD NGA YI BA YIN PA'I PHYIR NA MA KHYAB STE, SANGS 'PHAGS KYI RGYUD KYI NGA CHOS CAN, KHYOD LA DMIGS NAS RANG GI MTSAN NYID KYIS GRUB PAR 'DZIN PA'I BLO DE NGAR 'DZIN LHAN SKYES YIN PAR THAL, KHYOD NGA YIN PA'I PHYIR, KHYAB PA KHAS, 'DOD MI NUS TE, SANGS RGYAS 'PHAGS PA'I RGYUD LA NGAR 'DZIN LHAN SKYES MED PA'I PHYIR, KHO NA RE, MCHOD SBYIN GYI RGYUD KYI NGA LA DMIGS NAS DE RANG GI MTSAN NYID KYIS GRUB PAR 'DZIN PA'I LHAS BYIN GYI RGYUD KYI BLO CHOS CAN, KHYOD NGAR 'DZIN LHAN SKYES YIN PAR THAL, KHYOD NGA LA DMIGS NAS RANG GI MTSAN NYID KYIS GRUB PAR 'DZIN PA'I BLO YIN PA'I PHYIR NA MA KHYAB, KHA CIG, NGA'O SNYAM DU 'DZIN PA'I BLO DE NGAR 'DZIN LHAN SKYES YIN ZHE NA, 'O NA NGA DE NGAR 'DZIN LHAN SKYES KYI 'DZIN STANGS KYI YUL YIN PAR THAL, DAM BCA' 'THAD PA'I PHYIR, 'DOD NA, DE CHOS CAN, KHYOD THA SNYAD DU YANG MED PAR THAL, 'DOD PA'I PHYIR, KHYAB STE, 'DI NI NGAR 'DZIN RTEN DU'ANG MI RIGS LA, ,'DI NI KUN RDZOB TU YANG YOD MI 'DOD, ,CES GSUNGS PA'I PHYIR, GANG ZAG LA MA SBYAR NA YANG DE LTAR GTONG NGO, ,STON PA SANGS RGYAS BZHUGS DUS SU DE'I RDZAS RIN THANG TSANG BA BRKUS BAS PHAM PA SKYED CING, MYA NGAN LAS 'DAS @147B PA'I RJES SU DE LTAR BRKUS KYANG DE LTAR MI SKYE BA'I KHYAD PAR 'DUL BA LUNG LAS BSHAD PA MI 'THAD PAR THAL, STON PA'I THUGS RGYUD LA NGA'I CHOS GOS NGA'I LHUNG BZED SNYAM PA'I BLO MED PA'I PHYIR TE, DAM BCA' 'THAD PA'I PHYIR, 'DOD MI NUS TE, MDO RTZAR, MYA NGAN LAS 'DAS PA NI LHA NYID DO, ,ZHES GSUNGS PA'I PHYIR, GZHAN YANG, SANGS RGYAS 'PHAGS PA'I RGYUD LA NGA'O SNYAM PA'I BLO YOD PAR THAL, DE'I RGYUD LA NGAS CHOS THAMS CAD RNAM PA THAMS CAD DU BYANG CHUB BO SNYAM PA'I BLO YOD PA'I PHYIR TE, DE MI 'JIGS PA BZHI DAM BCA' BA PO'I GANG ZAG YIN PA'I PHYIR, KHO NA RE, NGA YI BAR 'DZIN PA'I 'JIG LTA CHOS CAN, NGA YI BAR 'DZIN PA'I 'JIG LTA MA YIN PAR THAL, NGA YI BAR 'DZIN PA'I 'DZIN STANGS KYI RNAM PA CAN MA YIN PA'I PHYIR TE, NGA YI BA DE KHYOD KYI 'DZIN STANGS KYI YUL MA YIN PA'I PHYIR, MA GRUB NA, NGA YI BA CHOS CAN, THA SNYAD DU YANG MED PAR THAL, MA GRUB PA'I PHYIR, KHYAB STE, 'DI NI KUN RDZOB TU YANG YOD MI 'DOD, ,CES GSUNGS PA'I PHYIR, NGAR 'DZIN PA'I 'JIG LTA YANG CHOS CAN, GONG LTAR DER THAL, DE'I PHYIR NA GNYIS KA'I RTZA BAR MA KHYAB BO, ,MKHAS PA KHA CIG, DNGOS PO RANG GI MTSAN NYID KYIS GRUB PAR 'DZIN PA'I BDEN 'DZIN KUN BRTAGS KYI ZHEN YUL MED PAR RTOGS ZIN GOMS PAR BYAS PA LAS 'KHOR BA LAS GROL MI NUS ZER NA, DE NUS PAR THAL, DE'I ZHEN YUL MED PA DON DAM BDEN PA YIN PA'I PHYIR, MA GRUB NA, DE CHOS CAN, KHYOD KYI ZHEN YUL MED PA DON DAM BDEN PA YIN PAR THAL, KHYOD BDEN 'DZIN YIN PA'I PHYIR, KHA CIG, BDAG 'DZIN GNYIS DMIGS PA'I SGO NAS MI 'BYED KYI RNAM PA'I SGO NAS 'BYED CING, BDEN 'DZIN YIN NA BDAG 'DZIN YIN PAS KHYAB, GANG ZAG GI BDAG 'DZIN YIN NA NYON SGRIB YIN PAS KHYAB ZER NA, 'O NA CHOS DE BDEN 'DZIN YIN NA CHOS DE BDAG 'DZIN YIN PAS KHYAB PAR THAL, BDEN 'DZIN LA BDAG 'DZIN GYIS KHYAB PA'I PHYIR, 'DOD NA, GANG ZAG BDEN PAR 'DZIN PA'I BDEN 'DZIN CHOS CAN, GANG ZAG LA DER THAL, DE'I PHYIR, MA GRUB NA, DER THAL, CHOS CAN DE'I PHYIR, 'DOD NA, GANG ZAG GI BDAG 'DZIN YIN PAR THAL, 'DOD @148A *, ,PA'I PHYIR, 'DOD NA, NYON SGRIB YIN PAR THAL LO, ,'KHOR GSUM, KHA CIG, GANG ZAG THA SNYAD BTAGS PA'I BTAGS DON BTZAL BA'I TSE NA RNYED ZER NA, BDEN GNYIS KYI SKABS SU BKAGS ZIN TO, ,KHA CIG, GANG ZAG GI THA SNYAD BTAGS PA'I BTAGS DON BTZAL BA'I TSE, GANG ZAG MA RNYED BA DE GANG ZAG BDEN MED DU RNYED PA'I DON MA YIN PAR THAL, DE GANG ZAG BDEN MED DU RTOGS PA'I THABS YIN PA'I PHYIR TE, RNAM BDUN GYIS MED GANG DE JI LTA BU, ,ZHES SOGS DANG, THA SNYAD BDEN PA THABS SU GYUR PA DANG, ,ZHES SOGS DANG, DRANG NGES RNAM 'BYED LAS, SHING RTA RANG GI YAN LAG DANG GCIG DANG THA DAD DANG LDAN PA DANG, PHAN TSUN BRTEN PA'I TSUL GNYIS DANG TSOGS TZAM DANG TSOGS PA'I DBYIBS TE BDUN DU BTZAL BAS MI RNYED KYANG, RANG GI YAN LAG LA BRTEN NAS BTAGS PA'I BTAGS YOD DU 'JOG PA BZHIN DU GANG ZAG KYANG 'JOG PAR GSUNGS LA, DE NYID ZAB MO'I LTA BA BDE BLAG TU RNYED PA'I THABS SU GSUNGS PAS DE'I RIGS PA RNAMS GANG ZAG GI BDAG 'GOG PA'I RIGS PA'I GTZO BOR SHES PAR BYA STE, ZHES GSUNGS PA'I PHYIR ZER NA, GANG ZAG GI THA SNYAD BTAGS PA'I BTAGS DON BTZAL BA'I TSE NA GANG ZAG MA RNYED PA GANG ZAG BDEN MED DU RNYED PA'I DON YIN PAR THAL, DRANG NGES RNAM 'BYED LAS, 'DI YANG PHUNG PO LA BRTEN NAS BTAGS PA NYID KYIS BDUN PO DER GANG ZAG MA RNYED PA GANG ZAG GI BDAG MED KYI DON YIN PAS RTEN 'BYUNG GI RIGS PA LA THUG GO, ZHES GSUNGS PA'I PHYIR, GANG ZAG MING RKYANG BTAGS YOD DU RTOGS PA DE BDEN MED RTOGS PA'I THABS YIN GSUNG NA, 'O NA, GANG ZAG MING RKYANG BTAGS YOD DU RTOGS NAS DE BDEN MED DU MA RTOGS PA'I GANG ZAG CHOS CAN, KHYOD KYIS GANG ZAG KUN RDZOB TZAM DU YOD PAR RTOGS PAR THAL, KHYOD KYIS DE MING RKYANG BTAGS YOD TZAM DU RTOGS PA'I PHYIR, 'DOD NA, DE DON DAM PAR MED PAR RTOGS PAR THAL, 'DOD PA'I PHYIR 'KHOR GSUM, GZHAN YANG GANG ZAG KUN RDZOB TZAM DU RTOGS NA DE BDEN MED DU RTOGS DGOS PAR THAL, GANG ZAG KUN RDZOB KYI BDEN PAR TSAD MAS NGES PA LA DE BDEN MED DU @148B TSAD MAS NGES PA SNGON DU 'GRO DGOS PA'I PHYIR TE, t'IK CHEN LAS, GZHI DE KUN RDZOB KYI BDEN PA YIN PAR TSAD MAS NGES PA LA NI ZHES GSUNGS PA'I PHYIR, GZHAN YANG, DE LTAR BTZAL BA'I TSE DE MA RNYED PA DE'I GNAS LUGS RNYED PA'I DON YIN PAR THAL, MKHAS GRUB KYI GSUNG 'BUM GYI LTA BA'I DOGS GCOD DU, DE LA GANG ZAG DANG CHOS GANG YIN KYANG RUNG STE, YUL STENG NAS GRUB TSUL JI LTAR 'DUG DON DAM DPYOD PA'I RIG PA YANG DAG GIS BTZAL BA NA MTHAR GANG DU YANG MA GRUB PA'AM, YUL STENG NAS RNYED RGYU CUNG ZAD KYANG MED PA'I NGES PA LHANG GIS SKYES PA NA LTA BA'I RGYUN SKYONG BA YIN GYI, DE LTAR BTZAL BAS CUNG ZAD KYANG RNYED RGYU MED PAR NGES PA TZAM GYIS MI CHOG PAR DA DUNG DE'I STENG DU BDEN PAR GRUB PA MED SNYAM DU LAN RE RE ZHING SLAR DGAG BYA'I KHYAD PAR NGES PAR SBYAR NAS SKYONG DGOS SNYAM PA NI DON DAM DPYOD BYED KYI RIG PAS BTZAL BAS MA RNYED PA DE BDEN PAR MED PA'I DON DU MA GO BAR DON DAM DPYOD BYED KYI RIG PAS BTZAL BA NA MA RNYED PA'I TSE, DE LTAR BTZAL BAS MI 'DUG GO SNYAM DU 'DZIN PA'I CHAD LTAR SONG GI DOGS NA NI DON DAM DPYOD PA'I RIG PAS BTZAL BA NA MED PA DE GTAN MED KYI DON DU 'DZIN PA ZHE PHUGS SU 'TSANGS 'DUG PAS LTA BA'I GOL SA SHIN TU CHE BA LA GNAS PA'O, ,ZHES GSUNGS PA'I PHYIR, KHA CIG, BDAG PHUNG BDEN GRUB KYI THA DAD DU MED PA DE GNAS LUGS MTHAR THUG YIN PAR THAL, GANG ZAG RNAM PA BDUN GYIS DPYAD MTHAR MA RNYED PA DE GNAS LUGS MTHAR THUG YIN PA'I PHYIR, 'DOD MI NUS TE, SEMS TZAM PAS DE RTOGS PA'I PHYIR, YANG KHO NA RE, SKYES BU'I PHUNG PO LNGA TSOGS TZAM SKYES BU MA YIN PA DE GNAS LUGS MTHAR THUG YIN PAR THAL, RTAGS SNGAR BZHIN, 'DOD MI NUS TE, MDO SDE PAS DE RTOGS PA'I PHYIR, KHO NA RE, SKYES BU'I PHUNG PO LNGA'I DBYIBS KYI BKOD PA SKYES BU MA YIN PA DE GNAS LUGS MTHAR THUG YIN PAR THAL, RTAGS SNGAR BZHIN, 'DOD MI NUS TE, MDO SDE PAS DE RTOGS PA'I PHYIR TE, DES SKYES BU'I TSOR PHUNG DANG RNAM SHES KYI PHUNG PO GNYIS DBYIBS MA YIN PAR RTOGS PA'I PHYIR ZER NA, BDAG PHUNG BDEN GRUB KYI THA @149A *, ,DAD MA YIN PA GNAS LUGS MTHAR THUG YIN PAR THAL, SA MYUG GNYIS BDEN GRUB KYI THA DAD DU MED PA GNAS LUGS MTHAR THUG YIN PA'I PHYIR TE, GZHAN SKYE MED PA GNAS LUGS MTHAR THUG YIN PA'I PHYIR TE, DON DAM PAR SKYE BA MED PA GNAS LUGS MTHAR THUG YIN PA'I PHYIR, BYAS PA LA KHO NA RE, BDEN GRUB KYI THA DAD DU MED PA GNAS LUGS MTHAR THUG YIN PAR THAL, BDAG PHUNG LA DE'I PHYIR, 'DOD MI NUS TE, DE NYI TSE BA'I STONG NYID YIN PA'I PHYIR TE, DE BUM PA'I STENG DU STONG NYID MA YIN PA'I PHYIR TE, MDO SDE PAS BUM PA BDEN GRUB KYI THA DAD MA YIN PAR RTOGS PA'I PHYIR, ZHES ZER, KHA CIG GIS, BDEN GRUB KYI GCIG TU MA GRUB PA GNAS LUGS YIN PAR THAL, THA DAD LA DE'I PHYIR, 'DOD MI NUS TE, DE NYI TSE'I STONG NYID YIN PA'I PHYIR TE, DE KA BUM GNYIS KYI STENG DU STONG NYID MA YIN PA'I PHYIR TE, MDO SDE PAS KA BUM GNYIS BDEN GRUB KYI GCIG TU MA GRUB PAR RTOGS PA'I PHYIR ZER NA, BDEN GRUB KYI GCIG TU MED PA DON DAM BDEN PA YIN PAR THAL, LONGS SPYOD BYAR BDEN PAR MA GRUB PA DON DAM BDEN PA YIN PA'I PHYIR TE, LONGS SPYOD BYED DU BDEN PAR MA GRUB PA GNAS LUGS MTHAR THUG YIN PA'I PHYIR TE, LONGS SPYAD BYAR BDEN PAR 'DZIN PA YANG YOD, LONGS SPYOD BYED DU BDEN PAR 'DZIN PA YANG YOD PA'I PHYIR, GZHAN YANG, GANG ZAG RNAM BCAD RNAM PA BDUN GYIS BTZAL BAS MTHAR MA RNYED PA DE GANG ZAG GI GNAS LUGS RNYED PA'I DON YIN PAR THAL, MDO LAS, MA MTHONG BA NI MTHONG BA DAM PA'O, ,ZHES DANG, SDUD PA LAS KYANG, GZUGS RNAMS MI MTHONG TSOR BA DAG KYANG MI MTHONG ZHING, ,ZHES GSUNGS PA'I PHYIR, GZHAN YANG DON DAM PAR SKYE BA MED PA STONG NYID MA YIN PAR THAL, DE NYI TSE BA'I STONG NYID YIN PA'I PHYIR TE, DE 'DUS MA BYAS KYI NAM MKHA'I STENG DU STONG NYID MA YIN PA'I PHYIR TE, MDO SDE PAS DE'I STENG DU DE MED PAR RTOGS PA'I PHYIR, KHYAB PA RNAMS KHAS, KHA CIG, LHAS BYIN GYI RGYUD KYI NGA YI BA LA DMIGS NAS RANG GI MTSAN NYID KYIS GRUB PAR 'DZIN PA'I MCHOD SBYIN GYI RGYUD KYI BLO LHAN SKYES DE NGA YI BAR 'DZIN PA'I @149B BLO LHAN SKYES YIN PAR THAL, RANG GI DMIGS YUL DU GYUR PA'I NGA YI BA LA DMIGS NAS RANG GI MTSAN NYID KYIS GRUB PAR 'DZIN PA'I BLO LHAN SKYES YIN PA'I PHYIR NA MA KHYAB, KHO NA RE, KHYAB PAR THAL, RANG GI DMIGS YUL DU GYUR PA'I GANG ZAG LA DMIGS NAS RANG GI MTSAN NYID KYIS GRUB PAR 'DZIN PA'I BLO LHAN SKYES YIN NA GANG ZAG GI BDAG 'DZIN LHAN SKYES YIN DGOS PA'I PHYIR NA MA KHYAB BO, ` ,RANG LUGS LA, RANG YUL BDEN GRUB TU 'DZIN PA'I BLO, BDEN 'DZIN GYI MTSAN NYID, DBYE NA, GANG ZAG GI BDAG 'DZIN DANG, CHOS KYI BDAG 'DZIN GNYIS, RANG GI DMIGS YUL DU GYUR BA'I GANG ZAG LA DMIGS NAS RANG GI MTSAN NYID KYIS GRUB PAR 'DZIN PA'I BLO, DANG PO'I MTSAN NYID, DE LA SGRAS RJOD RIGS KYI SGO NAS DBYE NA, KUN BTAGS DANG, LHAN SKYES GNYIS, GANG ZAG RTAG GCIG RANG DBANG CAN DU 'DZIN PA'I RTOG PA DANG, GRUB MTHAS RGYUD BSLAD PA'I DBANG GIS GANG ZAG BDEN PAR GRUB PA 'THAD SNYAM DU 'DZIN PA'I BLO LTA BU, DANG PO'I MTSAN GZHI, GANG ZAG RANG GI MTSAN NYID KYIS GRUB PAR 'DZIN PA'I BLO LHAN SKYES LTA BU, GNYIS PA'I MTSAN GZHI, RANG GI DMIGS YUL DU GYUR PA'I CHOS DANG GANG ZAG GNYIS SU PHYE BA'I CHOS LA DMIGS NAS RANG GI MTSAN NYID KYIS GRUB PAR 'DZIN PA'I BLO, CHOS KYI BDAG 'DZIN GYI MTSAN NYID, DE LA SGRAS RJOD RIGS KYI SGO NAS DBYE NA, KUN BTAGS DANG LHAN SKYES GNYIS, GRUB MTHAS RGYUD BSLAD PA'I DBANG GIS GZUGS RANG GI MTSAN NYID KYIS GRUB PA 'THAD SNYAM DU 'DZIN PA'I BLO DANG, RDUL PHRAN CHA MED BSAGS PA'I RAGS PA DANG, DE 'DZIN PA'I TSAD MA RDZAS GZHAN DU GRUB PAR 'DZIN PA'I RTOG PA, DANG PO'I MTSAN GZHI, GZUGS RANG GI MTSAN NYID KYIS GRUB PAR 'DZIN PA'I BLO LHAN SKYES, GNYIS PA'I MTSAN GZHI, DES NA 'JIG LTA YIN LA, GANG ZAG GI BDAG 'DZIN MA YIN PA'I MU NI MED DE, DE YIN NA GANG ZAG GI BDAG 'DZIN YIN PAS KHYAB PA'I PHYIR, GANG ZAG GI BDAG 'DZIN YIN LA 'JIG LTA MA YIN PA'I MU YOD DE, GZHAN RGYUD KYI NGA LA DMIGS NAS RANG GI MTSAN NYID KYIS GRUB PAR 'DZIN PA'I BLO LTA BU YIN TE, 'JIG LTA YIN NA RANG RGYUD LDAN GYI GANG ZAG GI RGYUD KYI NGA DANG NGA YI BA GANG RUNG LA DMIGS NAS RANG GI MTSAN NYID KYIS GRUB @150A *, ,PAR 'DZIN PA CIG DGOS PA'I PHYIR TE, RANG 'GREL LAS, DE LA 'JIG TSOGS LA LTA BA NI NGA DANG NGA'I SNYAM PA DE LTA BU'I RNAM PAR ZHUGS PA SHES RAB NYON MONGS PA CAN NO, ,ZHES GSUNGS PA'I PHYIR, DES NA THAR 'DOD KYI GDUL BYA RNAMS KYIS THOG MAR BDAG RANG BZHIN GYIS GRUB PA 'GOG RIGS TE, BDAG 'DZIN 'KHOR BA'I RTZA BA YIN PA'I PHYIR, BYAS PA LA KHO NA RE, BDAG 'DZIN CHOS CAN, RTEN 'BREL YAN LAG BCU GNYIS KYI THOG MA'I MA RIG PA YIN PAR THAL, 'KHOR BA'I RTZA BAR GYUR PA'I MA RIG PA YIN PA'I PHYIR NA MA KHYAB, 'DOD NA, KHYOD RGYUD LDAN GYI 'PHAGS PA MED PAR THAL LO, ,ZHES ZER RO, ,KHO NA RE, GANG ZAG BDEN PAR 'DZIN PA'I BDEN 'DZIN CHOS CAN, NYON SGRIB YIN PAR THAL, GANG ZAG GI BDAG 'DZIN YIN PA'I PHYIR, 'DOD NA, DE MA YIN PAR THAL, SHES SGRIB YIN PA'I PHYIR TE, BDEN 'DZIN YIN PA'I PHYIR, KHYAB PA GRUB STE, BDEN 'DZIN SHES SGRIB YIN PA'I PHYIR TE, RGYUD BLA MA LAS, 'KHOR GSUM RNAM PAR RTOG PA GANG, ,DE NI SHES BYA'I SGRIB PAR 'DOD, ,SER SNA LA SOGS RNAM RTOG GANG, ,DE NI NYON MONGS SGRIB PAR 'DOD, ,CES GSUNGS PA'I PHYIR NA MA KHYAB STE, BDEN 'DZIN GYI BAG CHAGS SHES SGRIB DANG, SER SNA SOGS DUG GSUM RNAMS NYON SGRIB YIN PA LUNG DE'I DON YIN PA'I PHYIR, BDAG DANG GANG ZAG DON GCIG BYAS PA LA KHO NA RE, GANG ZAG GI BDAG 'DZIN CHOS CAN, KHYOD LOG SHES MA YIN PAR THAL, KHYOD KYI DMIGS PA GANG LA DMIGS NAS BDAG TU BZUNG BA'I DMIGS YUL GANG ZAG DE BDAG YIN PA'I PHYIR NA MA KHYAB STE, 'O NA, CHOS NYID BDEN PAR 'DZIN PA'I BDEN 'DZIN CHOS CAN, KHYOD LOG SHES MA YIN PAR THAL, KHYOD KYI DMIGS PA GANG LA DMIGS NAS BDEN PAR BZUNG BA'I DMIGS YUL CHOS NYID DE BDEN PA YIN PA'I PHYIR RO, ` ,GAL TE PHUNG PO BDAG NA DE'I PHYIR TE, ,ZHES SOGS KYI SKABS SU, KHA CIG, KUN GZHI DANG NYON YID YOD ZER NA, NYON YID DE DMIGS PA KUN GZHI LA DMIGS NAS RNAM PA NGAR SEMS PA'I BLO YIN PAR THAL, DE GNYIS YOD PA'I @150B PHYIR, 'DOD NA, KUN GZHI'I RNAM SHES CHOS CAN, GANG ZAG GI BDAG 'DZIN LHAN SKYES KYI DMIGS YUL DANG 'DZIN STANGS GNYIS KYI NANG NAS DMIGS YUL YIN PAR THAL, 'DOD PA'I PHYIR, 'DOD NA, DE CHOS CAN, GANG ZAG YIN PAR THAL, 'DOD PA'I PHYIR, 'DOD NA, SKABS 'DIR KUN GZHI DANG YID KYI RNAM SHES BDAG TU KHAS LEN PA'I LUGS 'GOG MI RIGS PAR THAL LO, ,KHA CIG, PHUNG PO LNGA PO BDAG YIN ZHE NA, GANG ZAG GCIG GI RGYUD LA BDAG MANG PO YOD PAR THAL, DAM BCA' 'THAD PA GANG ZHIG, PHUNG PO LNGA PO MANG BA YIN PA'I PHYIR, 'DOD MI NUS TE, LUNG DE'I DON GRUB PA'I PHYIR, KHO NA RE, GANG ZAG GCIG GI RGYUD LA BDAG MANG PO YOD PAR THAL, DE'I RGYUD LA BDAG SKAD CIG SNGA PHYI MANG PO YOD PA'I PHYIR NA MA KHYAB BO, ` ,MYA NGAN 'DAS TSE NGES PAR BDAG CHAD 'GYUR, ,ZHES SOGS KYI SKABS SU, KHA CIG, DNGOS SMRA BAS LHAG MED MYANG 'DAS KYI TSE BDAG RGYUN CHAD PAR KHAS LEN ZER NA, 'O NA, DE'I TSE DE RGYUN CHAD PAR THAL, PHUNG PO LNGA BDAG GANG ZHIG, DE'I TSE PHUNG PO LNGA'I RGYUN CHAD PA'I PHYIR, ZHES PA'I THAL 'GYUR DE DNGOS SMRA BA LA GNOD BYED KYI THAL 'GYUR MA YIN PAR THAL, DES DE 'DRA'I THAL 'GYUR LA 'DOD LAN DON 'THUN THEBS PA'I PHYIR TE, DES LHAG MED MYANG 'DAS KYI TSE BDAG RGYUN CHAD PAR KHAS LEN PA'I PHYIR, ` ,GZHAN GYI BSAGS LA GZHAN GYIS ZA BAR 'GYUR, ,ZHES SOGS KYI SKABS SU, KHA CIG, SKYE BA SNGA MA LHA LAS TSE 'PHOS NAS DA LTA MIR SKYES PA'I MI DE SKYE BA SNGA MA LHAR SKYES PA YIN ZER NA, DE 'DRA'I MI CHOS CAN, SKYE BA SNGA MAR SKYES PAR THAL, DAM BCA' 'THAD PA'I PHYIR, 'DOD NA, SKYE BA SNGA MAR YOD PAR THAL LO, ,RANG LUGS LA, SKYE BA SNGA MA'I LHA DE'I NGA DANG, TSE 'DI'I MI DE'I NGA CHA SHAS SU LDAN PA'I NGA TZAM DE SKYE BA SNGA MA LHAR SKYES PA YIN NO,, ` ,KHYOD KYI RNAL 'BYOR BDAG MED MTHONG BA LA, ,ZHES SOGS KYI SKABS SU, KHA CIG, PHUNG PO LNGA CHOS CAN, RNAL 'BYOR BAS BDAG MED MNGON SUM DU MTHONG BA'I TSE DES KHYOD MED PAR MNGON SUM DU MTHONG BAR THAL, KHYOD BDAG YIN PA'I PHYIR ZER NA, GANG ZAG CHOS CAN, DER THAL, DE'I PHYIR, RANG LUGS LA, GANG ZA @151A *, ,GI PHUNG PO LNGA CHOS CAN, GSAL BA DER THAL, RANG BZHIN GYIS GRUB PA'I GANG ZAG YIN PA'I PHYIR, ` ,GANG PHYIR STON PAS PHUNG PO BDAG GO ZHES, ,ZHES SOGS KYI SKABS SU, KHA CIG, PHUNG PO LNGA RE RE NAS BDAG YIN NO, ,ZHE NA, DE RE RE NAS BDAG TU STON PA'I MDO YOD PAR THAL, DAM BCA' 'THAD PA'I PHYIR, 'DOD NA, JI SKAD DU BCOM LDAN 'DAS KYIS DGE SLONG DAG ,DGE SLONG DANG BRAM ZE GANG SU DAG CIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO 'DI KHO NA LA YANG DAG PAR RJES SU BLTA'O, ,ZHES PA'I MDO 'DIS PHUNG PO RE RE NAS BDAG TU BSTAN PAR THAL LO, ,'DOD MI NUS TE, MDO LAS PHUNG PO BRTEN NAS YIN GSUNGS PA, ZHES SOGS KYI LUNG DANG 'GAL BA'I PHYIR, ` ,PHUNG PO BDAG CES BRJOD TSE PHUNG RNAMS KYI, ,ZHES SOGS KYI SKABS SU, KHA CIG ,PHUNG PO LNGA CHOS CAN, BDAG MA YIN TE, BDAG GI GDAGS GZHI YIN PA'I PHYIR, GDUNG 'DEGS KYI DON BYED NUS PA CHOS CAN, KA BA MA YIN TE, KA BA'I GDAGS GZHI YIN PA'I PHYIR, ZHES GSUNG ZHING, 'BROG PA SANGS RGYAS SANGS RGYAS YIN TE, DE LA DE LTAR 'JIG RTEN NA GRAGS PA'I PHYIR, ZHES GSUNG NA, SANGS RGYAS KYI PHUNG PO LNGA CHOS CAN, SANGS RGYAS MA YIN PAR THAL, SANGS RGYAS KYI GDAGS GZHI YIN PA'I PHYIR, KHYAB PA KHAS, 'DOD MI NUS TE, YON TAN MTHAR THUG YIN PA'I PHYIR, GDUNG 'DEGS KYI DON BYED NUS PA CHOS CAN, KA BA YIN PAR THAL, KHYOD LA KA BA ZHES 'JIG RTEN NA GRAGS PA'I PHYIR, 'KHOR GSUM, BYAS PA LA KHO NA RE, SANGS RGYAS DE THA SNYAD BTAGS PA'I BTAGS DON BTZAL BA'I TSE RNYED PAR THAL, DE'I PHUNG PO LNGA SANGS RGYAS YIN PA'I PHYIR NA MA KHYAB STE, DE'I PHUNG PO LNGA PO RANG NYID GANG LA BRTEN NAS BTAGS PA'I BTAGS CHOS SU GYUR PA'I SANGS RGYAS MA YIN PA'I SKYON MED DO, ` ,RTZOD PA SPONG BA LA KHO NA RE, BDEN 'DZIN GANG ZAG GI BDAG 'DZIN YIN PAR THAL, DE RANG GI DMIGS YUL DU GYUR BA'I GANG ZAG LA DMIGS NAS RANG GI MTSAN NYID KYIS GRUB PAR 'DZIN PA'I BLO YIN PA'I PHYIR TE, DE'I DMIGS YUL DU GYUR PA'I GANG ZAG @151B YOD, DE BDEN 'DZIN YIN PA'I PHYIR, DANG PO MA GRUB NA, DE CHOS CAN, KHYOD BDEN 'DZIN MA YIN PAR THAL, KHYOD KYI DMIGS YUL DU GYUR PA'I GANG ZAG KYANG MED, DER GYUR PA'I CHOS DANG GANG ZAG GNYIS PHYE BA'I CHOS KYANG MED PA'I PHYIR, DANG PO KHAS, GNYIS PA MA GRUB NA, DE CHOS CAN, KHYOD CHOS KYI BDAG 'DZIN YIN PAR THAL, KHYOD RANG GI DMIGS YUL DU GYUR PA'I CHOS DANG GANG ZAG GNYIS SU PHYE BA'I CHOS LA DMIGS NAS RANG GI MTSAN NYID KYIS GRUB PAR 'DZIN PA'I BLO YIN PA'I PHYIR, KHYAB PA SONG, RTAGS DER THAL, KHYOD KYI DMIGS YUL DU GYUR PA'I DE GNYIS SU PHYE BA'I CHOS YOD PA GANG ZHIG, KHYOD BDEN 'DZIN YIN PA'I PHYIR, GZHAN YANG, KHYOD KYI DMIGS YUL DANG 'DZIN STANGS GNYIS KYI NANG NAS DMIGS YUL YOD PAR THAL, KHYOD CHOS KYI BDAG 'DZIN YIN PA'I PHYIR ZHES PA'I THAL 'GYUR LA KHYAB PA YOD PAR THAL, KHYOD KYI BDAG 'DZIN SO SO'I MTSAN NYID DE 'THAD PA'I PHYIR, 'DOD NA, BDEN GRUB YOD PAR 'DZIN PA'I BLO CHOS CAN, DER THAL, DE'I PHYIR, MA GRUB NA, DE CHOS KYI BDAG 'DZIN YIN PAR THAL, DE'I ZHEN YUL MED PA CHOS KYI BDAG MED PHRA MO YIN PA'I PHYIR TE, BDEN GRUB MED PA DON DAM BDEN PA YIN PA'I PHYIR, RTZA BAR 'DOD NA, BDEN GRUB YOD PAR THAL ZER NA MA KHYAB BO, , ` RNAM KUN MKHYEN PA'I STOBS KYIS MYUR DU RGYAL RNAMS KYI, ,ZHES SOGS KYI SKABS SU, KHA CIG ,t'IK CHEN LAS, DE LTAR STOBS RNAMS KYIS SHES BYA MTHA' DAG MKHYAN PAR GSUNGS PA NI MNGON GYUR DU YIN LA, SANGS RGYAS KYI MNGON SUM LA SHUGS RTOGS MI RUNG BAS SNANG NAS MKHYEN DGOS SO, ZHES SOGS KYI DON LA KHA CIG ,SANGS RGYAS KYI YE SHES NGES RANG LAS THA DAD PA'I CHOS SHUGS LA MA RTOGS KYANG, DES SHUGS LA RTOGS PA'I CHOS YOD DE, DES RANG NYID SHUGS LA RTOGS PA'I PHYIR, ZHES PA'I DON YIN ZER NA, 'O NA, RNAM MKHYEN GYIS DNGOS SU MA RTOGS PA'I CHOS SHIG YOD PAR THAL, LUNG DON 'CHAD TSUL DE 'THAD PA'I PHYIR, 'DOD NA, DES SHES BYA NYI TSI BA TZAM DNGOS SU RTOGS PAR THAL LO, ,'DOD MI NUS TE, SHES BYA THAMS CAD @152A *, ,MNGON SUM DU RTOGS PA'I PHYIR, RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, ,CES GSUNGS PA'I PHYIR, t'IK CHEN LAS, 'BRAS BU'I SA'I SKABS SU SNGAR RANG RIG 'THAD MI 'THAD DPYAD PA BYAS PA'I RANG LUGS KYANG DRAN PAR BYA'O, , ZHES PA'I DON LA KHA CIG ,SNGAR RANG RIG LA DPYAD PA'I SKABS SU MNYAM GZHAG RNAM PAR MI RTOG PA'I YE SHES KYI RANG GI GZHAL BYA GRUB PA NA, ZHES SOGS KYI DON LA, JI LTA BA RTOGS PA'I RNAM MKHYEN GYIS JI LTA BA DNGOS SU RTOGS PA'I SHUGS LA YUL CAN RANG NYID RTOGS PAR KHAS BLANGS PA LA KHO NA RE, JI LTA BA RTOGS PA'I RNAM MKHYEN CHOS CAN, DON DAM BDEN PA YIN PAR THAL, MTHAR THUG DPYOD PA'I RIGS SHES KYI RNYED DON YIN PA'I PHYIR, ZHES PA'I DON YIN NO, ,ZHES ZER NA, MI 'THAD DE, DE 'DRA DNGOS SU MA BSHAD PA'I PHYIR, RANG LUGS LUNG DE'I DON NI, RANG RIG 'THAD MI 'THAD DPYAD PA'I SKABS SU THEG CHEN GYI MTHONG LAM BAR CHAD MED LAM DES YUL STONG NYID DNGOS SU RTOGS PA'I SHUGS LA YUL CAN YE SHES KHO RANG RTOGS PAR KHAS BLANGS PA LA KHA CIG, THEG CHEN GYI MTHONG LAM BAR CHAD MED LAM CHOS CAN, DON DAM BDEN PA YIN PAR THAL, MTHAR THUG DPYOD PA'I RIGS SHES KYI RNYED DON YIN PA'I PHYIR TE, THEG CHEN GYI MTHONG LAM BAR CHAD MED LAM GYI RNYED DON YIN PA'I PHYIR TE, DES KHYOD RTOGS PA'I PHYIR ZER NA SKYON MED DE, DON DAM BDEN PA YIN PA LA MTHAR THUG DPYOD PA'I RIGS SHES RANG NYID LA MTHAR THUG DPYOD PA'I RIGS SHES SU SONG BA ZHIG DGOS PA'I PHYIR, YANG t'IK CHEN LAS, DE'I PHYIR DA LTAR BA MNGON SUM DU 'JAL BA'I SHUGS LA 'DAS MA 'ONGS GNYIS 'JAL BA YANG MIN NO, ,'DI YANG NYI MA DE RING LTA BU'I DUS DA LTAR BA 'DI'I DUS SU, DE LA LTOS PA'I 'DAS MA 'ONGS GNYIS MED PAS DUS DER DE GNYIS MA GZHAL YANG, DE RING GI DUS MKHYEN PA'I YE SHES DE NYID KYIS 'DAS MA 'ONGS THAMS CAD MKHYEN PA MI 'GAL TE, DPER NA SA BON GYI DUS KYI MYU GU DE SA BON GYIS MI SKYES KYANG, SA BON GYIS MYU GU SKYED PA MI 'GAL BA BZHIN NO, ZHES @152B PA'I DON LA KHA CIG ,DE RING GI DUS SU KHA SANG GI BUM PA SANGS RGYAS KYI YE SHES KYIS RTOGS KYANG, DE'I DUS SU DE YOD MI DGOS TE, MKHYEN DUS DANG GRUB DUS MI GCIG PA'I PHYIR ZER NA, DE RING GI DUS SU KHA SANG GI BUM PA TSAD MAS RTOGS PAR THAL, DE'I DUS SU DE RNAM MKHYEN GYIS RTOGS PA'I PHYIR, 'DOD NA, DE'I DUS SU DE YOD PAR THAL, 'DOD PA'I PHYIR, ` RANG LUGS NI, DE RING GI DUS MKHYEN PA'I SANGS RGYAS KYI YE SHES DES DE RING GI DUS SU KHA SANG GI BUM PA MNGON SUM DU RTOGS TE, DES DE RING GI DUS SU SHES BYA THAMS CAD MNGON SUM DU RTOGS PA'I PHYIR TE, DES DUS GSUM CIG CAR DU MNGON SUM DU RTOGS PA'I PHYIR TE, MKHYEN PA'I SKAD CIG GCIG GIS NI, ,ZHES SOGS GSUNGS PA'I PHYIR, JI LTA BA RTOGS PA'I RNAM MKHYEN GYIS JI SNYED PA MA RTOGS ZER NA, RTOGS PAR THAL, DES SEMS BSKYED SOGS CHOS BCU MNGON SUM DU RTOGS PA'I PHYIR TE, RNAM MKHYEN YIN PA'I PHYIR, KHO NA RE, DE CHOS CAN, GNYIS SNANG DANG BCAS PA'I BLO YIN PAR THAL, JI SNYED PA LA GNYES SNANG DANG BCAS PA'I BLO YIN PA'I PHYIR, 'DOD NA, GNYIS SNANG NUB PA'I BLO YIN PAR THAL, JI LTA BA LA GNYIS SNANG NUB PA'I BLO YIN PA'I PHYIR NA MA KHYAB, KHA CIG ,JI LTA BA MKHYEN PA'I RNAM MKHYEN GYIS JI LTA BA GZIGS PA'I GZIGS NGOR JI SNYED PA YOD ZER NA, BKAG ZIN, DE MI 'THAD PAR THAL, t'IK CHEN LAS, GANG GI TSE CHOS NYID LA LTOS TE, ZHES SOGS KYI LUNG DON GRUB PA'I PHYIR, ` GANG PHYIR NAM MKHA' DRI MA MED LA ZLA SNANG GSAL BAR 'GYUR BA'I PHYIR, ,ZHES SOGS KYI SKABS SU, KHA CIG ,BYANG SEMS RGYUD MTHA' BAS DANG POR RANG DON CHOS SKU MNGON DU MDZAD, DE RJES LONGS SKU MNGON DU MDZAD PA YIN NO, ,ZER NA, MI 'THAD DE, DES DE GNYIS CIG CAR THOB PA'I PHYIR TE, t'IK CHEN LAS, DE'I PHYIR GO 'PHANG DE NI DANG POR LONGS SPYOD RDZOGS PA'I SKUS MNGON SUM DU MDZAD PA STE BRNYES PAR KUN RDZOB TU ZHES DANG, 'DIR YANG, SEMS 'GAGS PAS DE SKU YIS MNGON DU MDZAD, ,CES GSUNGS PA'I PHYIR, 'DI'I DON LA KHA CIG ,SANGS RGYAS KYI SA NA SEMS SEMS BYUNG GI RGYU BA 'GAGS PA DE'I DON @153A *, ,YIN ZER NA MI RIGS TE, DE NA RNAM RTOG GI RGYU BA 'GAGS PA DE'I DON YIN PA'I PHYIR TE, TSIG GSAL LAS, MDO LAS DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA SMOS KYANG CI DGOS, ZHES GSUNGS PA'I PHYIR, DE LTAR NA RNAM PAR RTOG PA MED PA YANG YIN NO, ,ZHES DANG, RANG 'GREL LAS, SKU GANG GIS DE KHO NA NYID 'DI MNGON SUM DU MDZAD PAR BSHAD PA DE NI ZHI BA'I RANG BZHIN CAN DU 'DOD DE, SEMS DANG SEMS LAS BYUNG BA DANG BRAL BA'I PHYIR RO, ,ZHI BA'I RANG BZHIN CAN YIN YANG, SEMS CAN GYI DON MDZAD PAR SPYOD PA GSAL BAR BYED PA NI, ZHI SKU DPAG BSAM SHING LTAR GSAL GYUR CING, YID BZHIN NOR BU JI BZHIN RNAM MI RTOG CES BYA BA STE, 'DI RNAM PAR MI RTOG PA NYID YIN DU ZIN KYANG, DPAG BSAM GYI SHING DANG, YID BZHIN GYI NOR BU LTAR JI LTAR MNGON PAR 'DOD PA'I DON 'GRUB PA'I RGYU NYID DO, ,ZHES GSUNGS PA'I PHYIR DANG, t'IK CHEN LAS, 'DI'I DON BSHAD PA'I SKABS SU, RNAM RTOG GI SEMS SEMS BYUNG DANG BRAL BA LA GSAL BAR GSUNGS PAS, SANGS RGYAS LA YE SHES MED PA'I KHUNGS SU 'DREN PA NI GZHUNG GI DON MA RTOGS PA'I SKUR 'DEBS CHEN PO'O, ,ZHES GSUNGS PA'I PHYIR, ` ,LUGS 'DI DGE SLONG ZLA GRAGS KYI, ,ZHES SOGS KYI SKABS SU, RANG 'GREL LAS, 'DI LTAR DBU MA'I BSTAN BCOS MA GTOGS PAR BSTAN BCOS GZHAN LAS STONG PA NYID CES BYA BA'I CHOS 'DI PHYIN CI MA LOG PAR MI BRJOD PA DE BZHIN DU, KHO BO CAG GIS 'DIR LUGS GANG GIS BRGAL LAN DANG BCAS PAR BSNYAD PA'I LUGS 'DI NAS 'BYUNG BA 'DI YANG STONG PA NYID KYI CHOS LTAR BSTAN BCOS GZHAN NA MED DO, ,ZHES MKHAS PA RNAMS KYIS NGES PAR MDZAD DU GSOL LO, ,DE'I PHYIR KHA CIG GIS, MDO SDE PA RNAMS KYI LUGS LA GANG ZHIG ,DON DAM PAR SMRAS PA DE NYID, DBU MA PA RNAMS KYIS KUN RDZOB TU 'DOD DO, ,ZHES SMRAS PA GANG YIN PA DE NI, DBU MA'I BSTAN BCOS KYI DON GYI DE KHO NA NYID MNGON PAR MI SHES PA KHO NAS SMRAS PA YIN NO, ,ZHES @153B SHES PAR BYA'O, ,ZHES GSUNGS, 'DI LA KHA CIG ,MDO SDE PAS DON DAM DU KHAS LEN PA'I BUM PA DBU MA PAS KUN RDZOB TU 'ANG KHAS MI LEN ZHES PA'I DON YIN ZHE NA MI 'THAD DE, BUM PA MDO SDE PAS DON DAM PAR KHAS LEN PA GANG ZHIG, DE DBU MA PAS KUN RDZOB TU KHAS LEN PA'I PHYIR, KHA CIG ,MDO SDE PAS RANG GI MTSAN NYID KYIS GRUB PA'I DON DU KHAS BLANGS PA DE, DBU MA PAS KUN RDZOB TU YANG KHAS MI LEN ZHES PA'I DON YIN ZHE NA DE MI 'THAD DE, MDO SDE PAS GZHI GRUB NA RANG GI MTSAN NYID KYIS GRUB PAS KHYAB PAR KHAS LEN PA'I PHYIR TE, DES 'DUS MA BYAS KYI NAM MKHA' RANG GI MTSAN NYID KYIS GRUB PAR KHAS LEN PA'I PHYIR TE, DES 'DUS MA BYAS KYI NAM MKHA' 'DUS MA BYAS KYI NAM MKHA' ZHES PA'I SGRA 'JUG PA'I 'JUG GZHIR RANG GI MTSAN NYID KYIS GRUB PAR KHAS LEN PA'I PHYIR, ` RANG LUGS LA, MDO SDE PAS KHAS LAN PA'I BDEN GRUB DE, DBU MA PAS KUN RDZOB TU YANG KHAS MI LEN TE, MDO SDE PAS KUN RDZOB DANG DON DAM GANG YIN YANG, RANG GI BTAGS DON BTZAL NA RNYED PAR 'JOG LA, DBU MA PAS DE LTAR RNYED PA'I CHOS KUN RDZOB TU YANG KHAS MI LEN PA'I PHYIR, ZHES PA LUNG DE'I DON YIN NO, ,DBU MA THAL RANG GNYIS KYI LTA BA LA MTHO DMAN GYI KHYAD PAR MED DO, ZHE NA, SHES RAB SGRON ME LAS, STONG NYID DNGOS KYI BSTAN BYA'I GTZO BOR BYAS NAS BSTAN PAR THAL, RANG RGYUD PAS 'DOD PA LTAR GYI STONG NYID DNGOS KYI BSTAN BYA'I GTZO BOR BYAS NAS BSTAN PA GANG ZHIG ,THAL RANG GNYIS LA LTA BA MTHO DMAN GYI KHYAD PAR MED PA'I PHYIR, 'DOD MI NUS TE, RANG 'GREL LAS, JI LTAR DBU MA'I BSTAN BCOS MA GTOGS PAR, ZHES PA NAS, MKHAS PA RNAMS KYIS NGES PAR MDZAD DU GSOL, ,ZHES PA'I BAR GSUNGS PA'I PHYIR, DBU MA LA 'JUG PA'I RNAM BSHAD DGONGS PA RAB GSAL GYI DKA' GNAD RNAMS GSAL BAR BYED PA SKAL BZANG MGUL RGYAN ZHES BYA BA, RJE BTZUN CHOS KYI RGYAL MTSAN DPAL BZANG POS SE RA CHOS SDING GI GZIMS KHANG SER POR SBYAR BA'O,, ` ,,'DREN MCHOG DON DAM SMRA @154A *, ,BA'I DBANG PO YI, ,ZAB DON DGONGS PA JI BZHIN 'PHAGS MCHOG KLUS, ,MTHA' BRAL LAM SROL 'BYED PA'I DBU MA'I GZHUNG, ,GANG DER ZAB DANG RGYA CHES 'JUG PA'I TSUL, ,ZLA BA'I ZHABS KYIS GSAL MDZAD MAN NGAG DER, ,PHYI RABS GDUL BYA BA DE BLAG 'JUG BDE'I PHYIR, ,'JAM MGON BLA MA YAB SRAS RIM BYON NAS, ,DGAG GZHAG DU MA'I SGO NAS GSAL BAR MDZAD, ,DE LTAR MKHAS MANG SA 'DZIN DBUS NYID NA, ,ZAB BRLING RGYA CHES MNGON 'PHAGS RI DBANG BZHIN, ,'JAM DPAL DBYANGS DANG MI GNYIS SMRA BA'I DBANG, ,RJE BTZUN CHOS KYI RGYAL MTSAN DPAL BZANG POS, ,ZLA BA'I ZHABS DANG 'JAM MGON TZONG KHA PA'I, ,DGONGS DON SNYING PO BE d'UR DKAR PO'I PHRENG, ,DAG GSAL TSIG GI SRAD BUR RGYUS PA 'DI, ,SKAL BZANG MGUL PA MDZES PA'I RGYAN DU CHE, ,DE LTA BAS NA SLAR YANG PAR DU BZHENGS, ,'DIR 'BAD DANG 'BREL GANG GI BSOD NAMS KUN, ,MKHA' MNYAM SKYE RGUS CI DGAR LONGS SPYAD KYANG, ,GANG PHAN MI 'DZAD GTER DU RGYAS GYUR CIG, MTHA' BRAL DBU MA'I RIGS PA'I 'PHRUL 'KHOR GYIS, ,KUN GYI SRID PA'I SROG LA RGOL SLAD DU, ,BSHAD SGRUB 'KHOR LO GSUM GYI BYA BA LA, ,KUN KYANG BRTZON PA'I GO CHA SRA BRTAN SHOG ,SNGON BYON DAM PAS GSAL MDZAD BYANG BGROD KYI, ,LAM BZANG MCHOG DER 'KHRID DANG BGROD BYED PA'I, ,SKYES BUS SA CHEN YONGS KHENGS DUS RTAG TU, ,ZAB RGYAS CHOS TSUL PHYOGS BRGYAR RGYAS GYUR CIG, SARBA MANG+GALAm,, ,,