[#THE FOLLOWING TEXT HAS INCOMPLETE SECTIONS, WHICH ARE ON ORDER] *, ,MA NO WI DZNY'A NA A'A LA YA WI DZNY'A NA t'I K'A, YID DANG KUN GZHI'I DKA' BA'I GNAS RGYA CHER 'GREL BA BZHUGS SO, , @01A *, ,BCOM LDAN 'DAS GSUNG GI DBANG PHYUG LA PHYAG 'TSAL LO, ,RGYAL DANG RGYAL BA'I SRAS RNAMS GSHEGS PA'I BSHUL, ,LEGS GSUNGS LEGS LAM JI BZHIN THUGS CHUD NAS, ,MA NOR MA 'DRES RDZOGS PAR STON MDZAD PA'I, ,MKHAS PA'I MKHAS PA DE LA MGOS PHYAG 'TSAL, ,RNAM RIG GZHUNG GI SHIN TU DKA' BA'I GNAS, ,YID DANG KUN GZHI GSAL BAR BSTAN PA DANG, ,BDAG NYID DRAN PA GSO BAR BYA BA'I PHYIR, ,BLA MA'I GSUNG LA BRTEN NAS 'DIR BSHAD BYA, ,'DIR YID DANG KUN GZHI GTAN LA 'BEBS NA DE DAG GANG NAS 'BYUNG BA'I SEMS TZAM GYI GRUB PA'I MTHA' DE DUS CI TZAM NAS BYUNG ZHE NA, ( SMRA BA'I DAM PAS THEG PA MCHOG ,'DZIN PAR LUNG BSTAN 'PHAGS PA KLUS, ,THEG MCHOG RGYAS PAR MDZAD PA'I RJES, ,LUNG BSTAN BRNYES PA'I THOGS MED KYIS, ,SROL BTOD ) THUB PA CHOS KYI DBYINGS SU SNYOMS PAR ZHUGS PA'I RJES SU 'DZAM BU'I GLING 'DIR THEG PA CHEN PO'I BSTAN PA NI NUB STE, NYAN THOS KYI BSTAN PA TZAM ZHIG GNAS LA NANG PA'I GRUB PA'I MTHA' SMRA BA YANG BYE BRAG SMRA BA SOGS 'BA' ZHIG TU GYUR PA, THEG PA CHEN PO'I MDO RNAMS LA NI GUS PAS GCES SPRAS SU BYED PA DANG, MNGON PAR SBYOR BA PO MED PAS CHOS MNGON PA 'BUM PA LA SOGS PA CHUD ZOS PAR GYUR, SHES RAB KYI PHA ROL TU PHYIN PA LA SOGS PA ZAB CING RGYA CHE BA'I MDO RNAMS NI KLU'I RGYAL PO CHEN PO RNAMS KYI GNAS NA BZHUGS PAR GRAGS TE, SLOB SPRINGS LAS, BSTAN PA RIN CHEN MCHOG LTAR BZANG LA 'PHAN MED PA, ,RNAM PAR DAG TSUL GANG YIN KLU MGO'I GDENGS KA CAN, ,CHEN PO RNAMS KYIS GTZUG GI RGYAN BZHIN GUS MNOS NAS, ,SA YI GTING NA GNAS PA'I RAB RIB SEL BAR MDZAD, ,CES SO, ,DE NAS 'PHAGS PA LANG KAR GSHEGS PA LAS, ,MGON PO MYA NGAN 'DAS 'OG TU, ,'DZIN PAR SU 'GYUR BSHAD DU GSOL, ,BDE GSHEGS MYA NGAN 'DAS 'OG TU, ,TSUL RNAMS 'DZIN PAR 'GYUR BA DE, ,DUS DAG 'DAS @02A *, ,NAS 'BYUNG BA NI, ,BLO GROS CHEN PO KHYOD SHES BYOS, ,LHO PHYOGS BEE DA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG BYED, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO 'O, ,ZHES LUNG BSTAN PA'I SKYES BU CHEN PO KLU SGRUB LHO PHYOGS BEE DA'I YUL DU SKU 'KHRUNGS NAS SANGS RGYAS KYI BSTAN PA LA RAB TU BYUNG STE KLU'I YUL NAS SHES RAB KYI PHA ROL TU PHYIN PA LA SOGS PA'I MDO RNAMS SPYAN DRANGS NAS 'DZAM BU'I GLING DU THEG PA CHEN PO MTSAN MA MED PA'I TSUL GSAL BAR MDZAD PA'I PHYIR DU RANG GZHAN GYI SDE PA'I LTA BA NGAN PA SEL BAR MDZAD PA DBU MA RIGS PA'I TSOGS LA SOGS PA'I BSTAN BCOS RNAMS MDZAD DO, ,DE'I RJES SU 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO'ANG RAB TU 'BYED, ,'JIG RTEN RIG PA STON BDAG NYID, ,GZHUNG 'BYED NGANG TSUL CAN DU 'GYUR, ,DE YI RIG PA GRUB PA NI, ,S'A LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YIS DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ,'KHOR BA RNAMS SU 'KHOR BA NA, ,YUN RING BDE BA RJES MYONG NAS, ,BDAG NYID CHEN PO MTHAR GYIS TE, ,BYANG CHUB THOB PAR 'GYUR BA YIN, ,ZHES LUNG BSTAN PA'I SLOB DPON THOGS MED KYIS 'PHAGS PA BYAMS PA BSGRUBS PAS ZHAL GZIGS TE, DGA' LDAN DU BYON NAS BYAMS PA'I CHOS LNGA SOGS GSAN CING SLAR 'DZAM BU'I GLING DU BYAMS CHOS RNAMS KHYER BYON TE RANG NYID KYIS KYANG THEG PA CHEN PO BSDUS PA SOGS MDZAD NAS SEMS TZAM GYI LTA BA'I SROL RGYAS PAR BTOD DE, JI SKAD DU, 'JIG RTEN KUN LA @02B PHAN PHYIR THOGS MED CES BYA BA, ,CHOS RGYUN TING 'DZIN STOBS KYIS DRANGS PA'I BDUD RTZI'I RGYUN, ,'PHAGS PA MI PHAM ZHAL GYI BUM PA NAS BLUGS PA, ,GSAN PA'I SNYIM PAS GSOL BA DE LA PHYAG 'TSAL LO, ,ZHES PA LTAR RO, ,'O NA THOGS MED KYIS SROL BTOD PA'I SNGON DU THEG CHEN GYI LTA BA DE JI 'DRA BA ZHIG TU GNAS SHE NA, ( SNGON DU DBU MA NYID,,) THOGS MED KYI SNGON DU RTEN CING 'BREL PAR 'BYUNG BA RTAG CHAD KYI MTHA' DANG BRAL BA NYID DE BZHIN GSHEGS PA'I BKA'I DGONGS PAR 'GREL BA DBU MA'I TSUL LAS GZHAN MED DE, THEG CHEN GSAL BAR MDZAD PA PO KLU SGRUB KHO NA YIN PA'I PHYIR RO, ,DES NA MDO SDE RGYAN SPYOD 'JUG DBU MA SNYING PO SOGS SU THEG PA CHEN PO BKAR BSGRUB PA 'BYUNG BA YANG, 'PHAGS PA KLU SGRUB KYIS THEG PA CHEN PO 'DZAM BU'I GLING DU DAR BAR BYAS PA'I TSE GRUB MTHA' 'OG MA'I PAndI TA RNAMS KYIS RANG NYID KYIS DE GONG DU THEG CHEN MA THOS PA DANG, RANG GIS TSAD MAR KHAS BLANGS PA'I SDE SNOD CI RIGS PA DANG MI MTHUN PAR 'DUG PA RGYU MTSAN DU BYAS NAS THEG PA CHEN PO BKA' MA YIN NO ZHES SKUR BA BYUNG BA'I TSE DE DAG GI LOG RTOG BSAL BA'I PHYIR DU MDZAD PA YIN NO, ,SLOB DPON RANG NYID KYIS KYANG RTEN CING 'BREL PAR 'BYUNG BA LA MTHA' BRGYAD LA SOGS PA'I SPROS PA MTHA' DAG 'GOG PA'I RIGS PA DANG, BCOM LDAN DNGOS DANG DNGOS MED PA, ,MKHYEN PAS K'A TY'A YA NA YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PA MDZAD, ,CES PA LTA BU THEG DMAN GYI LUNG LA BRTEN NAS KYANG RANG BZHIN GYIS STONG PA BKA'I DGONGS PAR BSTAN PA DANG, SEMS YOD SU ZHIG DE LA SMOD, ,CES GSUNGS PAS NA THEG PA CHEN PO SANGS RGYAS KYI BKAR BSGRUBS PA YIN NO, ,DE LTAR KLU SGRUB KYI RJES SU THOGS MED KYIS SEMS TZAM GYI LTA BA'I SROL RGYAS PAR BTOD PA NA SLOB DPON GYI DNGOS SLOB LEGS LDAN 'BYED LA SOGS PAS RNAM SHES SMRA BA'I 'DOD PA RNAMS RGYAS PAR BKOD NAS 'GOG PAR BYED DO, ,DE @03A *, ,LTAR BYAS NA 'DIR DE DAG GI DON 'DI 'BYUNG STE, THUB PA MYA NGAN LAS 'DAS PA'I RJES LA BYE BRAG TU SMRA BA SOGS KYI PAndI TA RNAMS KYIS MNGON PA SDE BDUN SOGS BRTZAMS NAS RANG RANG GI GRUB MTHA' RGYAS PAR BYAS TE MDO'I DON GZHAN DU BKRAL NAS BSTAN PA RIN PO CHE DRI MA CAN DU BYAS TE, JI SKAD DU, STON PA 'JIG RTEN MIG NI ZUM GYUR CING, ,DPANG GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, ,NGAN RTOG RNAMS KYIS BSTAN PA 'DI DKRUGS SO, ,ZHES DANG, 'DI NI STON PAS GSUNGS SO LO, ,ZHES 'BYUNG BA LTAR, SANGS RGYAS MYA NGAN LAS 'DAS PA'I 'OG TU BDUD KYI LAS CHER G-YOS, SDE PA RNAMS KYI 'DZIN PA SO SO NAS LANGS TE PHAL CHER YOD PA NYID DU LTA BA LA MNGON PAR ZHEN PAS BYANG CHUB SEMS DPA' KLU SGRUB SA RAB TU DGA' BA BRNYES PAS THEG PA CHEN PO MTSAN MA MED PA'I STONG PA NYID KYI GSUNG RAB LA BRTEN NAS BSTAN BCOS DBU MA LA SOGS MDZAD CES GSUNGS PA LTAR RO, ,DE LTAR DUS RING MO'I BAR DU GRUB MTHA' 'OG MA SHIN TU DAR LA THEG CHEN MING TZAM YANG MED PA KLU SGRUB KYIS THEG CHEN DAR BAR BYAS TE SROL BTOD, DE RJES SLOB DPON THOGS MED KYIS SEMS TZAM PA'I LTA BA'I SROL RGYAS PAR BTOD PA YIN PA'I PHYIR, KLU SGRUB DANG THOGS MED KYI SNGON DU DBU MA DANG RNAL 'BYOR SPYOD PA'I MING TZAM YOD SRID KYANG MDO'I DGONGS PA GRUB MTHA' GNYIS THA DAD DU BKRAL NAS GZHUNG 'DZUGS PA NI, SNGAR BSTAN PA KHO NA LTAR BZUNG STE GZHAN DU NA KLU SGRUB THOGS MED SOGS KYI SNGON DU THEG CHEN GYI SROL BTOD PA'I BKA'I DGONGS 'GREL GYI BSTAN BCOS DANG SLOB DPON GANG YIN PA BSTAN DGOS NA DE YANG RNYED PA MA YIN NO, ,DE LTAR DE BZHIN GSHEGS PAS LUNG BSTAN PA'I SLOB DPON DE GNYIS DUS CI TZAM NAS BYUNG ZHE NA, 'PHAGS PA KLU SGRUB NI, RTZA RGYUD DU, NGA NI MYA NGAN 'DAS 'OG TU, ,LO NI BZHI RGYA LON PA NA, ,ZHES 'BYUNG LA, DGONGS 'GREL GYI 'GREL CHEN BAM PO @03B BDUN CU RTZA LNGA LAS, DE NAS SANGS RGYAS MYA NGAN LAS 'DAS NAS LO NYIS BRGYA LON PA'I 'OG TU BYANG CHUB SEMS DPA' KLU SGRUB KYIS MDO SDE SHES RAB KYI PHA ROL TU PHYIN PA LA BRTEN NAS BSTAN BCOS RNAMS MDZAD DE, 'DI LTA STE, SHES RAB KYI PHA ROL TU PHYIN PA'I 'GREL PA DANG, DBU MA LA SOGS PA'O, ,DE DAG LAS RNAM PAR BRTAGS PA'I NGO BO NYID SPANGS PAS MTSAN NYID MED PA'I TSUL RAB TU BSTAN TO, ,DE NAS 'PHAGS PA'I LHA LA SOGS PAS GZHUNG DE YANG DAG PAR BLANGS TE GCIG NAS GCIG TU BRGYUD CING SPEL TE, SANGS RGYAS MYA NGAN LAS 'DAS NAS LO DGU BRGYA LON PA NA BYANG CHUB SEMS DPA' BYAMS PAS MDO SDE DGONGS PA ZAB MO NGES PAR 'GREL BA LA SOGS PA LA BRTEN NAS BSTAN BCOS RNAMS MDZAD DE RNAL 'BYOR SPYOD PA'I SA DANG, DBUS DANG MTHA' RNAM PAR 'BYED PA LA SOGS PA'O, ,SLOB DPON THOGS MED DANG DBYIG GNYEN GYIS GZHUNG DE YANG DAG PAR BLANGS NAS RAB TU SPEL TE, DE'I TSE SANGS RGYAS KYI CHOS RO GCIG PAS STONG PA DANG YID PAR SMRA BA LA RTZOD PA MED DO, ,DE'I PHYIR SLOB DPON NYE BA'I 'OD NA RE, LO STONG GI MDUN ROL DU NI SANGS RGYAS KYI CHOS RO GCIG GO ,DE TSUN CHAD NAS NI DRAN PA DANG SHES RAB KHAD KYIS 'GAGS PAS STONG PA DANG YOD PAR SMRA BA RNAMS 'JIG RTEN NA RGYAS PAR GYUR TO ZHES BSHAD DO ZHE'O ZHES SO, ,'O NA DE LTA BU'I SEMS TZAM GYI GRUB PA'I MTHA' LAS 'BYUNG BA'I KUN GZHI DANG NYON YID DE JI LTA BU ZHE NA, ( MTSAN NYID SGRUB PAR BYED PA DANG, ,DGU DANG GCIG PUR 'DOD PA DGAG , DON RNAM BZHI YIS KUN GZHI DANG, ,NYON MONGS CAN YID SHES PAR BYA,,) MTSAN NYID GTAN LA DBAB PA DANG, DE'I SGRUB BYED DANG, RNAM SHES TSOGS DGUR 'DOD PA DANG TSOGS GCIG TU 'DOD PA DGAG PA STE DON BZHI YIS KUN GZHI DANG NYON YID SHES PAR BYA'O ZHES MDOR BSTAN NO, ,RGYAS PAR BSHAD PA LA BZHI LAS, DANG PO MTSAN NYID LA, KUN GZHI DANG NYON YID KYI MTSAN NYID GTAN LA DBAB PA GNYIS LAS @04A *, ,KUN GZHI LA RTEN DU GYUR PA RNAM SMIN GYI KUN GZHI DANG, BRTEN PA SA BON GYI KUN GZHI'I MTSAN NYID GNYIS YOD CES STON PA NI, ( MTSAN NYID GNYIS LAS KUN GZHI NI, ,RTEN DANG BRTEN PA'I DBYE BA YIS,, MTSAN NYID RNAM PA GNYIS SU 'DOD, ,) RTEN DU GYUR PA'I KUN GZHI'I MTSAN NYID JI LTA BU ZHE NA, ( DE LA RTEN GYUR KUN GZHI NI, ,DON DANG SEMS CAN BAG CHAGS LA, ,RNAM PAR RIG PA MI RIG PA, ,LUNG DU MA BSTAN REG LA SOGS, ,LNGA NYID DANG LDAN ) ZHES PAS STON NO, ,DE YANG, DMIGS PA, RNAM PA, NGO BO, GROGS TE BZHIS RIG PAR BYA STE, DMIGS YUL GZUGS SGRA DRI RO REG BYA STE DON LNGA, MIG RNA BA SNA LCE LUS KYI DBANG PO LNGA'I SEMS CAN DANG, BDAG DANG CHOS KUN BTAGS PA'I NGO BO NYID LA MNGON PAR ZHEN PA'I BAG CHAGS DANG GSUM LA DMIGS, RNAM PA SNOD BCUD DE DAG SNANG YANG RANG GIS KYANG MI NGES LA RJES SU NGES PA YANG 'DREN MI NUS PA, NGO BO MA BSGRIBS LA LUNG DU MA BSTAN CING, 'KHOR TSOR BA, 'DU SHES, SEMS PA, REG PA, YID LA BYED PA STE SEMS BYUNG LNGA KHO NA DANG MTSUNGS PAR LDAN PA'O, ,DE SKAD DU'ANG, DON DANG SEMS CAN DU, ,SNANG BA'I RNAM PAR SHES PA NI, ,RAB TU SKYE'O ZHES DANG, SUM CU PA LAS, DE NI LEN PA DAG DANG GNAS, ,RNAM PAR RIG PA MI RIG PA, ,RTAG TU REG DANG YID BYED DANG, ,RIG DANG 'DU SHES SEMS PAR LDAN, ,DE LA TSOR BA BTANG SNYOMS TE, ,DE NI MA BSGRIBS LUNG MA BSTAN, ,REG LA SOGS PA'ANG DE BZHIN NO,, ZHES SO, ,RNAM SMIN DANG DE NYID DANG GZHAN DU BRJOD DU MED PA'I BAG CHAGS RNAM SMIN GYI DMIGS PAR JI LTAR 'GYUR ZHE NA, ( SA BON GYI, ,DBANG GIS GNAS DON LUS SU NI, ,SNANG PHYIR DMIGS PA DAG TU 'DED, ,) SA BON DE SNANG NAS YUL DU MI 'GYUR YANG DE'I DBANG GIS KUN GZHI RNAM SMIN DE GNAS DBANG RTEN DANG, LUS DBANG PO DANG, DON YUL LNGA'I SNOD BCUD DU SNANG BAR 'GYUR BAS NA DMIGS @04B PAR BZHAG STE, DPER NA YUL GYI DBANG GIS SHES PA DE'I RNAM PA CAN DU BYUNG BAS YUL DE MI SNANG YANG DMIGS PAR 'DOD PA BZHIN NO, ,'O NA GZUGS MED KYI KUN GZHI LA YANG SNOD BCUD SNANG NGAM ZHE NA, ( KUN GZHI'I GZUNG CHA DAG LA NI, ,RNAM SHES LNGA YIS 'DZIN BYED CING, ,DRUG PAS THA SNYAD 'DOGS PAS NA, ,KHAMS GNYIS DAG TU NGES PA STE, ,DE LTA MIN NA GZUGS MED PA, ,GZUGS KYI 'DU SHES MA 'DAS DANG, ,GZUGS CAN SA RU THAL 'GYUR TE, ,SHES LA GZUGS SU SNANG BA LAS, ,MA GTOGS PHYI ROL MED PHYIR RO, ,) KUN GZHI LA DON DU DNGOS SU SNANG BA LA DBANG SHES LNGAS 'DZIN ZHING YID SHES KYIS DBANG DON GNYIS CAR LA THA SNYAD 'DOGS PAS NA GZUGS MED KYI KUN GZHI LA SNOD BCUD MI SNANG STE, GZUGS MED KYI YID SHES KYIS GZUGS LA THA SNYAD 'DOGS PA MI SRID DO, ,DE'I PHYIR RTEN GCIG GI KUN GZHI LA DNGOS SU SNANG BA'I DON LNGA NI RTEN DE'I DBANG SHES LA LKOG TU GYUR PA MA YIN NO, ,'O NA GZUNG BYA GCIG NYID RNAM SHES GNYIS KYI GZUNG CHAR 'GYUR LA, 'DOD NA SHES PA LA GANG SNANG BA DE'I BDAG NYID YIN PA'I PHYIR SHES PA GNYIS RDZAS GCIG TU 'GYUR BAS NA GZUNG CHA THUN MONG BA MI SRID DO ZHE NA, SKYON MED DE SHES PA LA GANG SNANG BA DE'I BDAG NYID DAM, DE LAS GCIG THA DAD GANG DU YANG MA GRUB CES PA NI RNAM PAR DPYAD PA NA YIN GYI DE'I TSE NI THUN MONG BA KHAS MI LEN LA, MA BRTAGS MA DPYAD PA'I NGO NA GZUNG CHA THUN MONG BA 'DOD KYANG DE SHES PA'I BDAG NYID DU MI 'DOD DE GZHAN DU NA PHUNG PO LNGA'I RNAM GZHAG 'JIG PA DANG, SKRA SHAD DANG, DUNG GI SER PO SOGS DANG, RMI LAM GYI YUL RNAMS RDZAS SU GRUB PAR 'GYUR BA DANG, GZUGS SGRA SOGS MYONG BA'I NGO BOR THAL BA'I PHYIR RO, ,GAL TE GZUGS MED KYI KUN GZHI LA SNOD BCUD SNANG NA GZUGS MED KYI SEMS CAN RNAMS GZUGS KYI 'DU SHES LAS MA 'DAS PAR 'GYUR TE, GZUGS CAN GYI SNOD BCUD RANG GI SHES PA LA DNGOS SU SNANG BA'I PHYIR RO, ,'DOD @05A *, ,PAR MI NUS TE, THOGS PA'I 'DU SHES KYANG NUB, SNA TSOGS PA'I 'DU SHES KYANG NUB, CES GSUNGS PA'I PHYIR RO, ,GZHAN YANG GZUGS MED PA GZUGS CAN GYI SA RU 'GYUR TE, DANG PO'I KUN GZHI LA GZUGS CAN GYI SNOD BCUD MTSAN NYID PA DNGOS SU SNANG BA'I PHYIR RO, ,MA NGES PA YANG MA YIN TE, KHAMS GONG MA GNYIS NA'ANG SHES PA LA GZUGS SU SNANG BA TZAM LAS MA GTOGS PA'I PHYI ROL GYI GZUGS MA GRUB PA'I PHYIR RO, ,DES NA GZUGS MED KYI SNYOMS 'JUG BSGOMS PA'I MTHUS KUN GZHI LA YOD PA'I GZUGS CAN SNANG BAR 'GYUR BA'I SA BON LA GNOD PA BYAS PAS RE ZHIG GZUGS MED DU GNAS KYI BAR DU GZUGS CAN SNANG MI NUS TE, DPER NA 'DU SHES MED PA'I SNYOMS 'JUG BSGOMS PA'I MTHUS KUN GZHI LA YOD PA'I TSOGS DRUG GI SA BON LA GNOD PA BYAS PAS SNYOMS 'JUG DE LAS JI SRID MI LDANG GI BAR DU TSOGS DRUG MI 'BYUNG BA BZHIN NO, ,DE LTA NA GZUGS MED KYI KUN GZHI LA DMIGS PA MED PAR 'GYUR TE, GZUGS CAN GYI SNOD BCUD NI MI SNANG LA BAG CHAGS DMIGS PAR 'JOG PA'I DON YANG MED PA'I PHYIR RO, ,'DOD NA DMIGS PA DANG BRAL BA'I SHES PA KHAS BLANGS PAR 'GYUR RO ZHE NA, NYES PA MED DE, THEG PA CHEN PO BSDUS PA LAS, 'DAS SOGS DE BZHIN RMI LAM DANG, ,GZUGS BRNYAN RNAM PA GNYIS PO YANG, ,DMIGS PA YOD PA MA YIN PAS, ,DE LA DMIGS PAR RUNG PHYIR RO, ,ZHES GSUNGS PA LTAR, SHES PA THAMS CAD DMIGS PA YOD PA LA BLTOS MI DGOS KYI BYE BRAG TU KUN GZHI NI, SNGON GYI DGE MI DGE'I LAS KYIS BDE 'GRO DANG NGAN 'GRO'I GZHIR 'PHANGS NAS CI SRID MA SHI'I BAR DU SKAD CIG KYANG MI LDOG PAS NA 'PHEN BYED KYI LAS KYI STOBS KYIS 'JUG GI SNANG BA'I DMIGS PA LA BLTOS NAS NI MA YIN NO, ,DE LTA NA GZUGS MED DU DON DANG DBANG PO MED PA'I PHYIR DMIGS PA GSUM LAS BAG CHAGS DMIGS PA YIN LA, DE YANG BAG CHAGS DMIGS PAR 'GYUR BA'I DON DNGOS SU MED KYANG DE'I @05B MTHUS GNAS DON LUS SU SNANG RUNG YIN PAS DMIGS PAR 'GYUR TE, DPER NA SBYANG NA GNAS PA'I SA BON DE RKYEN DANG PHRAD NA MYU GU BSKYED RUNG YIN PAS MYU GU'I RKYEN BYED CES BRJOD PA BZHIN NO, , DE LTAR BYAS NA GZUGS MED KYI KUN GZHI LA GZUGS CAN GYI SNOD BCUD SNANG ZHES KHA CIG 'DOD PA BSNUN PA NYID DU GYUR TO, ,GZUGS MED DU DE LTA YIN NA KHAMS 'OG MA GNYIS SU'ANG KUN GZHI GCIG LA SNOD BCUD KYI RDZAS THAMS CAD SNANG NGAM ZHE NA, ( 'OG NA'ANG SEMS CAN GCIG GI NI, ,KUN GZHI LA NI SNOD DANG BCUD, ,THAMS CAD SNANG NA GZUGS KHAMS KYI, ,LHA LA'ANG DMYAL SNANG 'BYUNG BA DANG, , DMYAL BA LA YANG LHA RNAMS KYI, ,SNOD BCUD SNANG BA 'BYUNG BA DANG, ,THA MAL RNAMS LA'ANG BSKAL PA YI, ,YUL SNA TSOGS PA SNANG BAR 'GYUR, ,) KHAMS 'OG MA GNYIS LA'ANG KUN GZHI GCIG LA SNOD BCUD KYI RDZAS THAMS CAD SNANG NA GZUGS KHAMS KYI LHA LA'ANG LCAGS BSREGS 'BAR BA SOGS DMYAL BA'I SNANG BA RNAMS 'BYUNG BAR 'GYUR RO, ,'DOD NA DE DAG LA SDUG BSNGAL GYI GDUNG BA YOD PAR 'GYUR TE, DE DAG GI KUN GZHI'I STENG GI DMYAL SNANG MTSAN NYID PA SNANG BA'I SA BON SAD PA'I PHYIR RO, ,MA GRUB PA MA YIN TE, DMYAL SNANG DE KUN GZHI LA DNGOS SU SNANG LA DE YANG BAG CHAGS SAD PA LA BLTOS PA'I PHYIR RO, ,MA NGES PA YANG MA YIN TE, SA BON GYI MTHUS DE DAG DNGOS SU SNANG NA PHAN GNOD DU 'GYUR TE, DPER NA RMI LAM GYI DUS SU YID DU 'ONG MI 'ONG GI YUL SNANG BAS PHAN GNOD DU 'GYUR BA BZHIN NO, ,'GRO BA RIGS MTHUN PA'I SNOD NI SNANG 'GYUR DANG SPYOD 'GYUR GNYIS KA'I LAS LAS GRUB PAS PHAN GNOD DU 'GYUR YANG RIGS MI MTHUN GYI SNOD RNAMS SNANG 'GYUR GYI LAS LAS GRUB LA SPYOD 'GYUR GYI LAS LAS MA GRUB PAS PHAN GNOD DU MI 'GYUR ZHES KYANG BRJOD PAR MI NUS TE, GZUGS SGRA SOGS KYI YUL 'GA' ZHIG RIGS MTHUN PA'I 'GRO BA 'GA' ZHIG LA YANG KHA CIG LA PHAN PAR MTHONG LA KHA CIG LA GNOD PAR MTHONG BA'I @006A *, ,PHYIR DANG, NANG GI SHES PA LA GZUGS SU SNANG BA TZAM LAS MA GTOGS PA'I SNOD KYANG MI 'DOD PAS NA YID DU 'ONG BA DANG YID DU MI 'ONG BA RANG MTSAN PAR SNANG BA'I YUL SNANG BA TZAM GYIS PHAN GNOD DU 'GYUR GYI SPYOD 'GYUR LA MI BLTOS TE, DPER NA SGYU MA'I GSHIN RJE LA GSHIN RJE RANG MTSAN PAR SNANG BA NA 'JIGS PA BSKYED PA DANG, SGYU MA'I NA CHUNG LA NA CHUNG RANG MTSAN PAR SNANG BA NA DE TZAM GYIS CHAGS PA BSKYED PA BZHIN NO, ,GZHAN YANG MI LTA BU'I KUN GZHI LA DMYAL BA SNANG BA DE DMYAL BA PA LA JI LTAR SNANG BA LTAR SNANG NGAM MI SNANG, DANG PO LTAR NA, DMYAL SNANG DE DMYAL BA PA KHO NA'I LAS DBANG GIS SNANG BA DE MA YIN PAR THAL LO, ,'DOD NA, LCAGS BSREGS SA GZHI SU YIS BYAS, ,MO TSOGS DE DAG CI LAS BYUNG, ,DES NA DE DAG THAMS CAD NI, ,SDIG SEMS BYUNG BAR THUB PAS GSUNGS, ,ZHES PAS GNOD DO, ,YANG MI'I KUN GZHI LA SNOD JI LTAR SNANG BA LTAR DMYAL BA'I KUN GZHI LA YANG SNANG BAR KHAS LEN DGOS LA, DE LTA NA, JI SKAD DU, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,ZHES PHYI ROL GYI DON MA GRUB PA'I RIGS PA GSUNGS PA RNAMS BOR BAR YANG 'GYUR RO, ,GAL TE DE NI SEMS CAN DE DAG GI DBANG SHES LA DE LTAR SNANG BA YIN LA DE DANG KUN GZHI'I SNANG BA GNYIS MI GCIG GO ZHE NA, DBANG SHES LA DON LNGAR SNANG BA DE GNYIS KA KUN GZHI'I GZUNG CHA NYID YIN TE, DON DU SNANG BA'I RNAM PAR SHES LA SKYE'O, ,ZHES PA'I LUNG DANG, RNAM SHES LNGA YIS 'DZIN BYED CING, ,ZHES SOGS KYIS BSTAN ZIN TO, ,GNYIS PA LTAR NA, DMYAL BA PA LA JI LTAR SNANG BA LTAR MI SNANG YANG DMYAL SNANG MTSAN NYID PA SNANG BAR 'DOD NA HA CANG THAL BAR 'GYUR TE, BDE 'GRO'I BDE BA THAMS CAD LA YANG SNANG BAR 'GYUR RO, ,RKANG PA LHAG MA BZHI YANG RIGS PA 'DIS DPAGS LA SHES PAR BYA'O, ,DE'I PHYIR MNGON PA BA 'GA' ZHIG KUN @06B GZHI GCIG LA BSAM BTAN BZHI PA MAN CHAD MNAR MED PA YAN CHAD SNANG ZHES 'DOD LA, KHA CIG, BSAM GTAN BZHI PA NI THUN MONG MA YIN PA'I LAS LAS GRUB PAS MI SNANG LA GZHAN SNANG ZHES 'DOD PA DANG, GZHAN DAG, BYE BSHAD LAS, 'DI'I DMIGS PA DANG RNAM PA YONGS SU BCAD PAR MI NUS SO, ,ZHES PA'I DON DU BSAMS NAS TSAD KYIS BCAD MI NUS PA'I SNOD BCUD KYI RDZAS THAMS CAD SNANG BAR 'DOD PA LA NI SGRUB PAR BYED PA MED LA, GNOD PAR BYED PA YOD DO, ,MA YIN TE, LUNG 'DI NYID GNOD BYED DO ZHE NA, LUNG DE'I DON NI TSAD KYIS BCAD MI NUS PA'I SNOD BCUD THAMS CAD SNANG BAR STON PA MIN GYI DMIGS PA 'DI LTA BU ZHIG LA RNAM PA 'DI 'DRA BA ZHIG GIS BZUNG NGO ZHES KUN GZHI RANG NYID KYIS KYANG GSAL BAR BCAD MI NUS LA RJES SU NGES PA YANG 'DREN MI NUS PA'I DON YIN TE, GZHAN DU NA SNGAR LTAR GYI GNOD BYED 'JUG GO ,'O NA KHAMS 'OG MA GNYIS NA SNOD BCUD JI LTA BU ZHIG SNANG ZHE NA, ( DNGOS SU RANG GI DBANG DON NO, ,BRGYUD NAS DE YI TSOGS DRUG GI ,YUL DU SNANG BAR GANG NUS PA, ,KUN GZHI'I YUL DU'ANG 'JOG PA YIN, ,) DNGOS SU DMIGS PA NI RANG RGYUD KYI DBANG PO DE LA SNANG BA'I YUL RNAMS YIN LA BRGYUD NAS NI RTEN DE'I TSOGS DRUG GI YUL DU SNANG BAR GANG NUS PA RTEN DE'I KUN GZHI'I YUL DU'ANG 'JOG GO ,'O NA SEMS CAN ZHES PA'I 'GREL PAR, SEMS CAN NI BDAG DANG GZHAN GYI RGYUD LA DBANG PO LNGAR SNANG BA GANG YIN PA'O ZHES PAS GNOD DO ZHE NA, DE NI KUN GZHI LA SNANG BA'I DBANG PO LA BDAG GZHAN GYI RGYUD KYI DBANG PO LNGA'O ZHES STON GYI, KUN GZHI GCIG LA BDAG GZHAN GYI DBANG PO LNGA DNGOS SU SNANG ZHES STON PA MIN NO, ,DE LTAR MA YIN TE RANG GI KUN GZHI LA DNGOS SU SNANG BA'I GZHAN GYI DBANG PO DE GZHAN RGYUD KYI DBANG PO MTSAN NYID PA YIN NA 'GRO BA RNAMS RGYUD GCIG TU 'GYUR TE, LUS DANG LUS CAN GYI RNAM RIG RNAMS NI MNGON BRJOD KYI BAG CHAGS LAS 'BYUNG LA BAG CHAGS DE YANG RANG GI KUN @07A *, ,GZHI LA GZHAN RGYUD KYI SHES PAS GNOD MI NUS PA'I PHYIR RO, ,GAL TE TSOGS DRUG GI YUL THAMS CAD KUN GZHI'I YUL YIN NA YID SHES KYI YUL GSUNG RAB YAN LAG BCU GNYIS LTA BU DANG, 'DAS SOGS SGRO BTAGS RNAMS KYANG KUN GZHI'I YUL DU 'GYUR RAM ZHE NA, (DBANG DON LAS GZHAN DRUG PA'I YUL, ,KUN GZHI'I YUL DU MI 'GYUR TE, ,DRUG PA BTAGS PA'I YUL CAN DANG, ,KUN GZHI BKRAR 'DZIN GYIS DBEN PHYIR,,) DBANG DON BAG CHAGS GSUM LAS GZHAN PA'I YID SHES KYI YUL YAN LAG BCU GNYIS LTA BU DANG, 'DAS SOGS SGRO BTAGS RNAMS NI KUN GZHI'I YUL DU MI 'GYUR TE, DE DAG NI YID SHES KYIS SGRO BTAGS NAS YUL DU BYAS PA TZAM YIN ZHING KUN GZHI'I YANG THA SNYAD 'DOGS PA'I 'DU SHES BKRA BAR 'DZIN PA DANG BRAL BA'I PHYIR RO, ,KUN GZHI DE DGE MI DGE LA MI 'JOG PAR MA BSGRIBS LUNG MA BSTAN KHO NAR NGES PA CI ZHE NA, (BAG CHAGS BSGO GZHI YIN PHYIR DANG, ,DGE DANG MI DGE MNGON GYUR DANG, ,RGYUD GCIG LA NI 'JUG PA'I PHYIR, ,MA BSGRIBS LUNG MA BSTAN DU GRUB,,) KUN GZHI DE DGE MI DGE'I BAG CHAGS BSGO BA'I GZHI YIN PA'I PHYIR DANG, DGE MI DGE'I SEMS MNGON GYUR DANG RGYUD GCIG LA DUS GCIG TU 'JUG PA'I PHYIR MA BSGRIBS LUNG MA BSTAN DU GRUB STE DGE BA DANG NYON MONGS CAN BAG CHAGS KYI GZHIR MI RUNG BA'I PHYIR RO, ,REG LA SOGS, ,LNGA NYID DANG LDAN ZHES GANG SMRAS PA 'KHOR SEMS BYUNG LNGAR NGES PA CI ZHE NA, (LUNG MA BSTAN DANG MI GSAL PHYIR,, REG SOGS LNGAR NGES ) MA BSGRIBS LUNG MA BSTAN YIN PA'I PHYIR DGE BA BCU GCIG DANG RTZA NYON NYE NYON RNAMS MI 'BYUNG LA YUL BYE BRAG TU GSAL BAR GCOD MI NUS PA'I PHYIR YUL NGES LNGA MI 'BYUNG NGO, ,GZHAN DU 'GYUR BA BZHI YANG GDAGS GZHI MI 'BYUNG BA'I PHYIR DE DAG GANG YANG LDAN PA MA YIN NO, ,KUN TU 'GRO BA LNGA DANG NI MTSUNGS PAR LDAN TE, REG PA NI SEMS BYUNG KUN GYI RGYU YIN PA'I PHYIR DANG, SEMS @07B THAMS CAD LA MYONG BA RNAM PA GSUM LAS GANG YANG RUNG BA GCIG DMIGS PA'I PHYIR DANG, YUL GYI SPU RIS GCOD PA TZAM DANG, YUL LA G-YO BA TZAM DANG, RANG GI DMIGS PA LA SEMS GTOD PA TZAM SEMS THAMS CAD LA YOD PA'I PHYIR RO, ,KUN GZHI'I 'KHOR GYI TSOR BA DE MYONG BA GSUM GANG ZHE NA, (TSOR BA NI, ,BAR MA'O) TSOR BA NI BDE BA DANG GDUNG BA GNYIS KA'I NGO BOR MA GYUR PA BAR MAR NYAMS SU MYONG BA BTANG SNYOMS PA YIN TE, 'DI LA TSOR BA NI DMIGS LA BDE BA DANG GDUNG BA GANG YANG MED PA'I PHYIR, JI LTAR ZHE NA, GAL TE TSOR BA BDE BA DANG LDAN NA BSAM GTAN BZHI PA YAN CHAD KYANG TSOR BA BDE BA'I SAR 'GYUR LA, DMYAL BA NA YANG RNAM SMIN GYI BDE BA YOD PAR 'GYUR RO, ,DE STE SDUG BSNGAL DANG LDAN NA BSOD NAMS DANG MI G-YO BA'I LAS KYI RNAM PAR SMIN PA SDUG BSNGAL 'PHEN PAR 'GYUR BA DANG, GZUGS MED PA LTA BU YANG TSOR BA GDUNG BA'I SAR 'GYUR BA SOGS RGYA CHE'O, ,CI'I PHYIR RTEN DU GYUR PA RNAM PAR SMIN PA'I RNAM SHES DE LA KUN GZHI ZHES BYA ZHE NA, ('DI LA BDAG TU NI, ,SBYOR BA'I PHYIR NA KUN GZHI 'O,,) 'GRO BA LNGA'I SEMS CAN RNAMS 'DIR NYON YID KYIS BDAG TU SBYOR BA'I PHYIR KUN GZHI ZHES BYA STE NYON YID KYIS BDAG TU LTA BA'I YUL NI KUN GZHI'I RNAM SMIN GYI CHA YIN PA'I PHYIR RO, ,DE LTA BU'I RNAM SMIN GYI CHA DE DUS GANG BAR DU 'JUG CING LDOG CE NA, (LHAG MA MED DANG RDO RJE LTA'I, ,BAR DU RGYUN MI CHAD DU 'JUG ,) THEG DMAN GYI LHAG MED KYI MYANG 'DAS DANG, THEG CHEN GYI RDO RJE LTA BU'I TING NGE 'DZIN GYI RJES SU LDOG CING DE'I SNGON DU RGYUN MI CHAD DU 'JUG GO ,DE YANG JI SKAD DU, LAS KYI BAG CHAGS 'DZIN GNYIS KYI, ,BAG CHAGS BCAS PA SNGA MA YI, ,RNAM PAR SMIN PA ZAD NAS GZHAN,, RNAM SMIN BSKYED PA DE YIN NO, ,ZHES GSUNGS PA LTAR TSE SNGA MA'I DGE SDIG LAS KYIS 'PHANGS PA'I KUN GZHI'I RNAM SMIN DE TSE 'DIR JI SRID MA SHI'I BAR DU 'JUG CING, LAS DE'I NUS PA ZAD PA'I @08A *, ,TSE DE LOG NAS YANG LAS PHYI MAS BSKYED PA'I RNAM SMIN 'JUG PAS RGYUN MI CHAD DO, ,'DIR CI'I PHYIR RTEN DU GYUR PA'I RNAM PAR SHES PA KHO NA LA RNAM PAR SMIN PA ZHES BYA, MIG SOGS DBANG PO LNGA YANG RNAM PAR SMIN PA MA YIN NAM ZHE NA, NYES PA MED DE 'DI LTAR RNAM PAR SMIN PA NI MA BSGRIBS LA LUNG DU MA BSTAN PA DANG, TSE JI SRID KYI BAR DU RGYUN MI CHAD DU 'JUG PA DANG, SNGON GYI DGE BA'AM MI DGE BAS 'PHANGS PA'I 'BRAS BU YIN PA STE KHYAD PAR GSUM DANG LDAN PA ZHIG DGOS PA LAS DE KUN GZHI 'KHOR BCAS LAS GZHAN PA LA MI RUNG BA'I PHYIR TE, MA BSGRIBS LUNG MA BSTAN DE DGE MI DGE'I RNAM SMIN DU 'GAL BA MED LA DGE BA DANG MI DGE BA NI RIM PA BZHIN MI DGE BA DANG DGE BA'I RNAM SMIN DU 'GAL TE DE GNYIS MI MTHUN PA DANG GNYEN PO YIN PA'I PHYIR RO, ,GAL TE DGE BA NYID DGE BA'I RNAM SMIN DANG MI DGE BA NYID MI DGE BA'I RNAM SMIN DU 'GAL BA MED PAS RNAM SMIN LUNG MA BSTAN KHO NAR MA NGES SO ZHE NA, DE LTA NA KUN NAS NYON MONGS PA LDOG PA MED PA'I SKYON DU 'GYUR TE, 'DI LTAR RNAM SMIN NI TSE RABS THAMS CAD DU JI SRID 'TSO'I BAR DU RGYUN MI CHAD DU 'JUG PA NA RNAM SMIN DGE BA YIN NA DGE SEMS SKAD CIG KYANG RGYUN MI CHAD DU 'JUG PAS KUN NAS NYON MONGS PA SKYE BA'I SKABS MED LA SKYE BA MED PA'I PHYIR DE SNGON DU 'GRO BA'I 'GAG PA'ANG MED DO, , RNAM SMIN GYI MI DGE BA YIN NA MI DGE BA'I SEMS RGYUN MI CHAD PA'I GNYEN PO SKYE BA'I SKABS MED LA DE MED PA'I PHYIR KUN NAS NYON MONGS PA LDOG PAR MI 'GYUR RO, ,GZHAN YANG DGE RTZA CHAD PA'I GANG ZAG LA DGE SEMS MNGON GYUR DU YOD PA SOGS MTHA' YAS SO, ,DE'I PHYIR MA BSGRIBS LUNG MA BSTAN KHO NAR NGES SO, ,DE SKAD DU, CI'I PHYIR DGE BA DANG MI DGE BA'I CHOS RNAMS KYI RNAM PAR SMIN PA MA BSGRIBS LA LUNG DU MA BSTAN PA'I RNAM PAR SMIN PA ZHES BYA ZHE NA, 'DI LTAR MA BSGRIBS LA LUNG DU MA BSTAN PA 'DI NI DGE BA DANG MI DGE BA DANG 'GAL BA MED DE DGE BA DANG MI DGE BA NI PHAN TSUN MI @08B MTHUN NO, ,RNAM PAR SMIN PA YANG DGE BA DANG MI DGE BAR 'GYUR NA NI KUN NAS NYON MONGS PA LOG PAR MI 'GYUR RO, ,DE LTA BAS NA RNAM PAR SMIN PA'I RNAM PAR SHES PA NI MA BSGRIBS LUNG DU MA BSTAN PA NYID DO, ,ZHES SO, ,YANG THEG BSDUS SU RNAM PAR SMIN PA'I RNAM PAR SHES PA RGYUN CHAD PA NI NYID MTSAMS SBYOR BA MA GTOGS PA GZHAN DU MNGON PAR 'GRUB PA MED PA'I PHYIR ZHES 'BYUNG BAS RNAM SMIN JI SRID 'TSO'I BAR DU 'JUG DGOS PA YIN PA'I PHYIR MA SHI'I BAR DU 'BYUNG DGOS LA MIG LA SOGS PA NI MA SHI'I GONG DU YANG LDOG PA MTHONG BA'I PHYIR DE DAG RNAM SMIN MTSAN NYID PA MA YIN NO, ,KUN LAS BTUS SU YANG, RNAM PAR SMIN PA GANG ZHE NA, KUN GZHI RNAM PAR SHES PA MTSUNGS PAR LDAN PA DANG BCAS PA'O ZHES 'BYUNG NGO, ,DES NA RTEN DU GYUR PA'I RNAM SHES KHO NA RNAM SMIN YIN NO, ,DE DAG GIS RTEN GYI MTSAN NYID BSHAD ZIN TO, ` ,BRTEN PA SA BON GYI KUN GZHI'I MTSAN NYID DE JI LTA BU ZHE NA, ( BRTEN PA SA BON KUN GZHI NI, ,SGO BAR BYED PAS BSGO GZHI LA, ,'GAG LA MNGON DU PHYOGS PA'I TSE, ,BZHAG PA'I NUS PA'O ) SGO BYED TSOGS BDUN GYIS BSGO GZHI LA RANG NYID 'GAG PA LA MNGON DU PHYOGS PA'I TSE DGE MI DGE LUNG MA BSTAN GSUM GYI SA BON BZHAG PA'I NUS PA ZHIG GO , DE YANG TSOGS DRUG GIS NI DGE MI DGE LUNG MA BSTAN GSUM CHAR GYI SA BON 'JOG STE DE DAG LA DGE SOGS GSUM CHAR YOD PAS SO, ,NYON YID 'KHOR BCAS KYIS NI LUNG MA BSTAN GYI SA BON KHO NA BSGO STE, DE NI RTAG TU LUNG MA BSTAN GYI NGO BOR GNAS PA'I PHYIR RO, ,SGO BAR BYED PA TSOGS BDUN 'KHOR BCAS SU JI LTAR NGES SHE NA, 'JUG SHES RNAMS DANG KUN GZHI GNYIS NYID PHAN TSUN 'BRAS BU'I DNGOS DANG RGYU'I DNGOS POR RTAG TU SBYOR TE 'DI LTAR 'JUG PA'I SHES PA RNAMS KYIS SA BON RNYING PA GSO BAS KUN GZHI SA BON GYI CHA'I BDAG RKYEN BYED LA, SA BON GSAR PA 'JOG PAS DE'I RGYU'I RKYEN BYED DE JI SKAD DU, RNAM @09A *, ,PAR SHES PA GNYIS NI GCIG GI RKYEN GCIG YIN TE, CHOS MNGON PA'I MDO LAS, CHOS KUN RNAM PAR SHES LA SBYOR, ,DE DAG LA YANG DE DE BZHIN, ,PHAN TSUN 'BRAS BU'I DNGOS PO DANG, ,RGYU YI DNGOS POR RTAG TU SBYOR, ,ZHES SO, ,DUS MNYAM PA'I RGYU 'BRAS KYI DBANG DU BYAS NAS DE SKAD BSHAD KYI, MI MNYAM PA'I DBANG DU BYAS NA, TSE PHYI MA'I KUN GZHI'I RNAM SMIN CHA 'GRUB PA'I SA BON YANG 'JOG PAR BYED DO, ,DE YANG RTEN DE DANG SGO BA PO RANG NYID SKYE 'GAG LHAN CIG TU BYAS PAS SGO BAR BYED DE, DPER NA TIL DANG SNA MA GNYIS LHAN CIG TU GNAS TE SKYE 'GAG BYAS PAS PHYIS ME TOG DE MED KYANG TIL LA ME TOG GI DRI RJES SU 'JUG PA BZHIN NO, ,DE SKAD DU YANG, DE LA 'JUG PA'I RNAM PAR SHES PA NI KUN GZHI RNAM PAR SHES PA LA RNAM PA GNYIS KYIS RKYEN BYED DE, MTHONG BA'I CHOS LA SA BON YONGS SU GSO BA DANG, TSE PHYI MA LA DE MNGON PAR 'GRUB PAR BYA BA'I PHYIR SA BON YONGS SU 'DZIN PA 'JOG PA'I SGO NAS SO, ,DE'I PHYIR MTHONG BA'I CHOS LA SA BON YONGS SU RGYAS NA JI LTA JI LTAR KUN GZHI RNAM PAR SHES PA LA BRTEN PA'I DGE BA DANG MI DGE BA DANG, LUNG DU MA BSTAN PA 'BYUNG BA DE LTA DE LTAR RANG GI RTEN LA LHAN CIG 'BYUNG BA DANG 'GAG PAS SGO BAR BYED DO, ,ZHES SO, ,BSGO GZHI DE LA JI LTA BU ZHIG DGOS SHE NA, ( BSGO GZHI NI, ,BRTAN LUNG MA BSTAN BSGO BYA BA, ,SGO BAR BYED DANG 'BREL BA DANG, ,MTHA' GCIG RTEN DU GYUR PA STE, ,KHYAD PAR LNGA DANG LDAN PA'O, ,)KHYAD PAR LNGA DANG LDAN PA ZHIG BSGO GZHIR 'JOG GO , LNGA GANG ZHE NA, BRTAN PA NI TIL LA SOGS PA LTAR RGYUD RGYUN CHAGS PA ZHIG DGOS KYI SGRA GLOG LTA BU'I MI BRTAN PA NI BSGO GZHIR MI RUNG STE DE DAG LA BAG CHAGS 'CHAGS SU MI 'DOD CING CHAGS KYANG CHUD ZOS PA NYID DU 'GYUR RO, ,'DIS NI TSOGS BDUN DANG GZUGS BSGO GZHIR MI RUNG BAR BSTAN TE, DE DAG NI JI SKAD DU, YID KYI RNAM SHES 'BYUNG BA NI, ,RTAG TU'O 'DU SHES MED PA PA, ,SNYOMS PAR 'JUG PA RNAM @09B GNYIS DANG, ,SEMS MED GNYID DANG BRGYAL MA GTOGS, ,ZHES DANG, 'JIG RTEN 'DAS PA'I LAM NA MED, ,'GOG PA'I SNYOMS PAR 'JUG NA'ANG MED, ,CES 'BYUNG BA LTAR RGYUN CHAD PA'I PHYIR DANG GZUGS KYANG GZUGS MED DU MED PA'I PHYIR RO, ,DE LTA NA KUN GZHI YANG BSGO GZHIR MI RUNG STE, DGRA BCOM NYID NAS DE LDOG GO ,ZHES PA LTAR RGYUN CHAD PA'I PHYIR RO, ,ZHE NA, NYES PA MED DE JI SRID SGO BYED YOD KYI BAR DU RGYUN MI CHAD PAS CHOG PA'I PHYIR RO, ,LUNG DU MA BSTAN PA NI SGOG SKYA DANG TZANDAN LTA BU DRI MI MNYAM PA LA SA BON THAMS CAD BSGOD MI NUS KYI TIL LTA BU'I DRI MNYAM PA LA NUS PAS NA DRI MNYAM PA LTA BU'I LUNG MA BSTAN NI DGE BA DANG MI DGE BA'I SEMS HA CANG GSAL BA DANG MI MTHUN PA MED PA'I PHYIR RO, ,'DIS NI DGE BA DANG NYON MONGS CAN BSGO GZHIR MI RUNG BAR BSTAN TO, ,BSGO BYA BA NI, BSGO BAR NUS PA STE MI RTAG PA LA BSGOD KYI RTAG PA LA MI NUS SO ZHES PAS 'DUS MA BYAS BSGO GZHIR MI RUNG BAR BSTAN TO, ,SGO BAR BYED DANG 'BREL BA NI, SGO BYED DANG BSGO GZHI SKYE 'GAG DUS GCIG LA BYAS PA'I 'BREL BA DANG LDAN PA ZHIG DGOS SO, ,'DIS NI RGYUD THA DAD DANG DUS MI MNYAM PA'I CHOS RNAMS BSGO BYA SGO BYED DU MI RUNG BAR BSTAN TO, ,MTHA' GCIG TU RTEN DU GYUR PA NI, RNAM GRANGS KYIS MA YIN PAR MTHA' GCIG RTEN DU GYUR PA'O, ,'DIS NI KUN GZHI'I 'KHOR GYI REG PA SOGS BSGO GZHI YIN PA SEL TE DE DAG NI GTZO BO SEMS KUN GZHI RNAM SHES LA BRTEN PAS NA MTHA' GCIG TU BRTEN PA MA YIN NO,, 'O NA REG SOGS DE DAG GIS RANG 'GRUB PA'I SA BON KUN GZHI LA BSGOD DAM MI BSGOD, DANG PO LTAR NA, TSOGS BDUN LAS GZHAN PA'I SGO BYED YOD PAR 'GYUR RO, ,GNYIS PA LTAR NA DE DAG RGYU MED DU 'GYUR RO, ,ZHE NA, 'DI LA RGYU MED DU 'GYUR BA'I PHYIR BSGOD DGOS ZHES PA DANG, DE DAG SHIN TU MI GSAL BA'I LUNG MA BSTAN YIN PA'I PHYIR MI BSGOD DO, ,'ON KYANG SNGON LAS KYI RNAM SMIN YIN PAS MA SHI'I BAR @10A *, ,DU 'PHEN PAS 'JUG CES 'DOD PAS GNYIS BSHAD KYANG PHYI MA LEGS TE GZHAN DU NA KUN GZHI NYID KYIS KYANG BSGOD DGOS PAS BSGO GZHI MI RNYED PA'I SKYON DU 'GYUR RO, ,DE LTA BU'I BAG CHAGS DE LA DBYE BA DU ZHIG CE NA, DRUG TU DBYE BA, GSUM DU DBYE BA, BZHI TSAN GNYIS SU DBYE BA DANG BZHI'O, ,DANG PO DRUG TU DBYE BA NI, ( PHYI DANG NANG DANG MI GSAL BA, ,GNYIS DANG KUN RDZOB NYID DANG NI, ,DAM PA'I DON TE DE DAG KUN, ,SA BON RNAM PA DRUG TU 'DOD, ,) PHYI'I SA BON NI NAS DANG AUTPA LA'I RTZA BA LTA BU'O, ,NANG GI SA BON NI KUN GZHI'I SA BON GYI CHA'O, ,MI GSAL BA GNYIS NI, MI GSAL BA NI LUNG MA BSTAN PA YIN TE DE LA NI, KUN NAS NYON MONGS DANG RNAM BYANG GI MI GSAL BA'AM, DGE BA DANG MI DGE BA GNYIS MI GSAL BA'I PHYIR RO, ,GNYIS NI PHYI'I SA BON DANG NANG GI SA BON NO, ,THEG BSDUS KYI t'IKA BYED KHA CIG GI LUGS KYIS NI, GNYIS SU MI GSAL ZHES 'DON PA LTAR NA, KUN NAS NYON MONGS DANG RNAM BYANG NGAM, DGE MI DGER DPYAD NA DE DAG GANG DU YANG MI GSAL BA LUNG DU MA BSTAN PA'O, ,YANG NA GNYIS ZHES PA KUN GZHI RNAM SHES DE NYID NYON MONGS PA'I CHOS RNAMS KYI SA BON CAN YIN PAS KUN NAS NYON MONGS PA'I CHOS RNAMS 'BYUNG BAS DE DAG DANG RGYU 'BRAS DANG, RNAM BYANG GI CHOS RNAMS KYI SA BON YANG GNAS SAM, RTEN GYI DNGOS PO BYAS PAS DE DAG DANG RGYUD 'BRAS SU GYUR PA GNYIS SO, ,DE LTAR YANG DON GSANG DU, MI GSAL BA GNYIS ZHES PA NI, DGE BA DANG MI DGE BA GNYIS SAM, KUN NAS NYON MONGS PA DANG RNAM PAR BYANG BA GNYIS MI GSAL ZHING YONGS SU MI GSAL BA STE LUNG DU MA BSTAN PA ZHES BYA BA'I THA TSIG GO ,KHA CIG NI GNYIS SU ZHES 'DON TE SA BON NI DGE BA DANG MI DGE BA GNYIS SU DPYAD DAM, KUN NAS NYON MONGS PA'AM RNAM PAR BYANG BA GNYIS SU DPYAD NA MI GSAL TE LUNG DU MA BSTAN TO ZHES BYA BA'I DON NO, ,DE LA PHYI'I SA BON NI LUNG DU MA BSTAN PA STE LUNG DU MA BSTAN @10B PA NYID KYIS MI GSAL BA'O, ,NANG GI YANG DGE BA LA SOGS PA'I NGO BOR MI DMIGS PA'I PHYIR MI GSAL BA YIN NO, ,ZHES DANG, BSHAD SBYAR LAS KYANG, MI GSAL BA NI LUNG DU MA BSTAN PA'O, ,GNYIS NI PHYI DANG NANG GI'O, ,YANG NA 'BRAS BU DANG RGYU STE DE GNYIS KYI RGYU MTSAN KUN GZHI RNAM PA YANG GNYIS SO, ,DE LA RGYU DANG 'BRAS BU'I DNGOS POS KUN NAS NYON MONGS PA DANG RNAM PAR BYANG BA'I CHOS 'BYUNG BA'I PHYIR ZHES SO, ,KUN RDZOB PA'I SA BON NI PHYI'I SA BON TE THA SNYAD PA'I SHES PA'I YUL TZAM YIN PA'I PHYIR RO, ,DON DAM PA'I SA BON NI NANG GI SA BON TE RNAM PAR DPYAD PA NA YANG KHAS LEN DGOS PA'I PHYIR RO, ,DON GSANG DANG BSHAD SBYAR GYI BSHAD PA SNGA MA LTAR NA DANG PO DANG GSUM PA LNGA PA RNAMS ZHAR LA BYUNG BA TZAM YIN LA BSHAD SBYAR GYI BSHAD PA GNYIS PA LTAR NA ZHAR BYUNG NGO, ,DE SKAD DU YANG THEG CHEN BSDUS PA LAS, PHYI DANG NANG DANG MI GSAL BA, ,GNYIS DANG KUN RDZOB NYID DANG NI, ,DAM PA'I DON TE DE DAG KUN, ,SA BON RNAM PA DRUG TU 'DOD, ,BRTAN LUNG MA BSTAN BSGO BYA BA, ,SGO BAR BYED DANG 'BREL BA DANG, ,SGO BYED DE LAS GZHAN DU MIN, ,DE NI BAG CHAGS MTSAN NYID DO, ,ZHES SO, ,GNYIS PA GSUM DU DBYE BA NI, ( GZHAN YANG MNGON BRJOD BDAG LTA DANG, ,SRID PA'I YAN LAG BAG CHAGS GSUM,, ) DE YANG JI SKAD DU, KUN GZHI RNAM PAR SHES PA'I RAB TU DBYE BA GANG ZHE NA, MDOR BSDUS NA RNAM PA GSUM DANG, RNAM PA BZHIR BLTA BAR BYA'O, ,DE LA BAG CHAGS RNAM PA GSUM GYI BYE BRAG GIS RNAM PA GSUM STE MNGON PAR BRJOD PA'I BAG CHAGS KYI BYE BRAG DANG, BDAG TU LTA BA'I BAG CHAGS KYI BYE BRAG DANG, SRID PA'I YAN LAG GI BAG CHAGS KYI BYE BRAG GIS SO, ,ZHES PA LTAR GSUM MO, ,DE LA BAG CHAGS DANG PO NI, KUN GZHI'I STENG GI SA BON GZUGS NAS RNAM MKHYEN GYI BAR GYI CHOS RNAMS KYI MING DANG MTSAN MA'I RNAM PAR 'BYUNG ZHING MDOR NA THA SNYAD SNA TSOGS 'DOGS @11A *, ,PA'I YID SHES KYI RGYU'I RKYEN NO, ,'DI LA SPROS PA'I BAG CHAGS ZHES KYANG ZER TE, YID SHES YUL SNA TSOGS LA 'PHRO BA'I SA BON YIN PA'I PHYIR RO, ,MNGON BRJOD KYI BAG CHAGS ZHES KYANG ZER TE MIG MIG CES DANG, GZUGS GZUGS ZHES PA'I BRJOD PA'I RNAM PA CAN GYI YID SHES KYI SA BON YIN PA'I PHYIR RO, ,DE LTA NA THEG CHEN BSDUS PAR, DE LA LUS DANG LUS CAN DANG ZA BA PO'I RNAM PAR RIG PA GANG YIN PA DANG, DES NYE BAR DPYAD PAR BYA BA'I RNAM PAR RIG PA GANG YIN PA DANG, DE LA NYE BAR SPYOD PA'I RNAM PAR RIG PA GANG YIN PA DANG, DUS DANG GRANGS DANG YUL DANG THA SNYAD KYI RNAM PAR RIG PA GANG YIN PA DE MNGON PAR BRJOD PA'I BAG CHAGS KYI SA BON LAS 'BYUNG BA'I PHYIR RO, ,ZHES GSUNGS PA JI LTAR DRANG ZHE NA, NYES PA MED DE YID SHES KYI SA BON ZHES SNGAR BRJOD PA NI GTZO BO'I DBANG DU BYAS LA, 'DIR BSTAN PA NI, GZHAN DBANG DE KUN GZHI'I SA BON CAN YANG DAG PA MA YIN PA'I KUN TU RTOG PAS BSDUS PA'I RNAM RIG YIN LA DE LA YANG LUS ZHES PA NAS THA SNYAD PA'I BAR GYI RNAM RIG RNAMS NI BAG CHAGS GSUM DU BYED PA NA MNGON BRJOD KYI BAG CHAGS LAS 'BYUNG STE, GZHAN GNYIS LAS MI 'BYUNG LA 'DI DAG KYANG YID SHES KYI MNGON PAR BRJOD PAR BYA BA'I CHOS YIN PA'I PHYIR RO, ,SNYAM DU BSAMS SO, , DES NA MNGON PAR BRJOD PAR BYA BA'I DBANG DU BYAS NA, DE'I BAG CHAGS DE 'JOG PA YANG YID SHES 'KHOR BCAS KHO NAS 'JOG LA, BSKYED PA YANG THA SNYAD 'DOGS PA'I YID SHES NYID BSKYED DO, ,GNYIS PA BDAG LTA'I BAG CHAGS NI, NYON YID MTSUNGS LDAN DANG BCAS PAS BZHAG PA BDAG DANG GZHAN DU SNANG BA'I RNAM RIG 'BYUNG BA'I SA BON TE, JI SKAD DU, BDAG DANG GZHAN GYI BYE BRAG GI RNAM PAR RIG PA GANG YIN PA DE NI, BDAG TU LTA BA'I BAG CHAGS KYI SA BON LAS 'BYUNG BA'I PHYIR RO, ,ZHES SO, ,'DI LA 'JIG TSOGS LA LTA BA'I BAG CHAGS ZHES KYANG ZER TE 'JIG LTA'I SA BON YIN PA'I PHYIR RO, , @11B GSUM PA SRID PA'I YAN LAG GI BAG CHAGS NI, 'JUG SHES DGE BA'AM MI DGE BAS BZHAG PA SRID PA BDE 'GRO'AM NGAN 'GRO, 'CHI 'PHO DANG SKYE BAR SNANG BA'I SA BON TE, JI SKAD DU, BDE 'GRO DANG NGAN 'GRO DANG 'CHI 'PHO BA DANG SKYE BA'I RNAM PAR RIG PA GANG YIN PA DE NI, SRID PA YAN LAG GI BAG CHAGS KYI SA BON LAS BYUNG BA'I PHYIR RO, ,ZHES SO, ,'DI LA RNAM SMIN GYI BAG CHAGS ZHES KYANG BYA STE 'DI YONGS SU SMIN PA RNAM SMIN GYI NGO BOR GYUR PA YIN PA'I PHYIR RO, ,DBANG PO DANG DON 'DI DAG LA 'DIR RNAM PAR RIG PA ZHES PA DE DAG SHES RIG GI NGO BOR GYUR PAS DE SKAD BRJOD PA YIN NAM ZHE NA, MA YIN NO, ,'O NA JI LTA BU ZHE NA, DBANG PO LNGA DANG GZUGS SGRA SOGS DON LNGAR SNANG BA 'DI DAG LA DPYAD PA NA PHYI ROL LTA BUR KUN TU CHAD PAR SNANG LA DE'I TSE NI DE DAG SHES PA'I NGO BOR MI 'DOD DE 'JIG RTEN NA GRAGS PA DANG MA DAG PA'I BLO LA JI LTAR SNANG BA LTAR RNAM GZHAG BYED DO, ,BRTAGS SHING DPYAD PA NA DE LTAR SNANG BA DE SHES PA DANG DE NYID DANG GZHAN DU BRJOD DU MED PA YIN TE KUN BRTAGS PA YIN PA'I PHYIR RO, ,DES NA DON DU SNANG BAR NI DMIGS LA MU STEGS LTAR GYI BDAG DANG GTZO BO SOGS DANG, RANG SDE 'OG MA LTAR GYI RDUL PHRAN DU BTAGS PA RNAMS NI MA GRUB STE DE DAG SNANG BAR MI RIGS LA GZUNG 'DZIN RIGS PAS KHEGS KYANG MYONG BA RDZAS SU DMIGS PA'I PHYIR NANG GI SHES PA NYID DE LTAR SNANG BA YIN ZHING DE LA YID KYIS SGRO BTAGS PA YIN NO, ,DE SKAD DU YANG THEG CHEN BSDUS PAR, RNAM PAR RIG PA 'DI RNAMS KYIS KHAMS DANG 'GRO BA DANG SKYE GNAS THAMS CAD BSDUS PA GZHAN GYI DBANG GI MTSAN NYID YANG DAG PA MA YIN PA'I KUN TU RTOG PA BSTAN PA YIN NO, ,RNAM PAR RIG PA 'DI RNAMS KYI RNAM PAR RIG PA TZAM NYID YANG DAG PA MA YIN PA'I KUN TU RTOG PAS BSDUS PA YOD PA MA YIN PA DANG, NOR BA'I DON SNANG BA'I GNAS GANG YIN PA DE NI GZHAN GYI DBANG GI MTSAN NYID DO, ,DE LA KUN BRTAGS PA'I MTSAN NYID GANG ZHE NA, GANG @12A *, ,DON MED KYANG RNAM PAR RIG PA TZAM DE DON NYID DU SNANG BA'O, ,YONGS SU GRUB PA'I MTSAN NYID GANG ZHE NA, GANG ZHAN GYI DBANG GIS MTSAN NYID DE LA DON GYI MTSAN NYID DE GTAN MED PA NYID DO, ,ZHES DANG, RNAM PAR RIG PA 'DI DAG NI DON MED PA'I PHYIR RNAM PAR RIG PA TZAM MO ZHES BYA BA 'DI LA DPE CI YOD CE NA, RMI LAM LA SOGS PA NI DPER BLTA BAR BYA'O, ,DPER NA RMI LAM NA DON MED PAR YANG RNAM PAR SHES PA TZAM NYID GZUGS DANG SGRA DANG DRI DANG RO DANG REG BYA DANG, KHANG KHYIM DANG NAGS TSAL DANG SA DANG RI LA SOGS PA'I DON SNA TSOGS KYI RNAM PAR SNANG GI DE NA DON CI YANG MED DO, ,DPE 'DIS NI THAMS CAD DU YANG RNAM PAR RIG PA TZAM NYID DU KHONG DU CHUD PAR BYA'O, ,SOGS PA SMOS PAS NI RGYU MA DANG SMIG RGYU DANG RAB RIB RNAMS DPER RIG PAR BYA'O, ,ZHES SO, ,GSUM PA BZHI TSAN DANG POR DBYE BA NI, ( THUN MONG THUN MONG MA YIN DANG, ,TSOR DANG BCAS DANG TSOR MED DANG, ,SA BON RNAM BZHI ) DE YANG SA BON THUN MONG BA NI, KUN GZHI'I STENG GI SNOD KYI 'JIG RTEN 'GRUB PA'I SA BON NO, ,THUN MONG MA YIN PA NI, BCUD KYI 'JIG RTEN 'GRUB PA'I SA BON NO, ,DE GNYIS RIM PA BZHIN TSOR BA MED PA 'BYUNG BA'I SA BON DANG, TSOR BA DANG BCAS PA 'BYUNG BA'I SA BON ZHES KYANG BYA STE SNOD NI SEMS KYIS MA ZIN PAS BDE SDUG GI RTEN DU MI SNANG LA BCUD NI DE LAS BZLOG PAS SO, ,DE SKAD DU YANG, DE LA MTSAN NYID KYIS RAB TU DBYE BA GANG ZHE NA, GANG DE NYID THUN MONG GI MTSAN NYID DANG, THUN MONG MA YIN PA'I MTSAN NYID DANG, TSOR BA MED PA 'BYUNG BA'I SA BON GYI MTSAN NYID DANG, TSOR BA DANG BCAS PA 'BYUNG BA'I SA BON GYI MTSAN NYID DO, ,THUN MONG NI SNOD KYI 'JIG RTEN GYI SA BON GANG YIN PA'O, ,THUN MONG MA YIN PA NI SO SO RANG GI SKYE MCHED KYI SA BON GANG YIN PA'O, ,THUN MONG GANG YIN PA DE NI TSOR BA MED PA 'BYUNG BA'I SA BON NO, ,THUN MONG MA YIN PA GANG YIN PA DE @012B NI TSOR BA DANG BCAS PA 'BYUNG BA'I SA BON NO, ,ZHES SO, ,BZHI PA BZHI TSAN GNYIS PAR DBYE BA NI, ( GNAS NGAN LEN, ,SHIN TU SBYANGS DANG SPYAD ZIN DANG, ,MA ZIN PA DANG BZHI RU'ANG GSUNGS, ,)DE LA GNAS NGAN LEN GYI SA BON NI 'DOD CHAGS DANG ZHE SDANG SOGS RTZA NYON DANG KHRO BA DANG KHON DU 'DZIN PA SOGS NYE BA'I NYON MONGS PA RNAMS KYI SA BON NO, ,SHIN TU SBYANGS PA'I SA BON NI, 'JIG RTEN PA'I CHOS DGE BA RNAMS KYI SA BON NO, ,SPYAD ZIN PA'I SA BON NI, DGE MI DGE'I SA BON BDE 'GRO DANG NGAN 'GRO'I RNAM SMIN GYI NGO BOR RNAM PAR SMIN ZIN PA YIN TE DE NI G-YOS SU BYAS PA'I KHA ZAS DANG 'DRA BAR SLAR YANG RNAM PAR SMIN PAR MI 'GYUR BA'I PHYIR RO, ,SPYAD MA ZIN PA'I SA BON NI, MNGON BRJOD KYI BAG CHAGS TE DE NI THOG MA MED PA NAS 'BYUNG BA'I PHYIR TE, SEMS CAN RNAMS SKYES TZAM NAS CHED DU MA BLTOS PAR GZUNG BA DANG 'DZIN PA'I SPROS PA DU MA RGYUD LA 'JUG PA'I PHYIR RO, ,DE SKAD DU'ANG, YANG GNAS NGAN LEN GYI MTSAN NYID DANG, SHIN TU SBYANGS PA'I MTSAN NYID DO, ,GNAS NGAN LEN GYI MTSAN NYID NI, NYON MONGS PA DANG NYE BA'I NYON MONGS PA'I SA BON GANG YIN PA'O, ,SHIN TU SBYANGS PA'I MTSAN NYID NI, ZAG PA DANG BCAS PA'I DGE BA'I CHOS KYI SA BON GANG YIN PA'O, ,ZHES DANG, YANG SPYAD ZIN PA DANG MA ZIN PA'I MTSAN NYID DO, ,SPYAD ZIN PA'I MTSAN NYID NI GANG DGE BA DANG MI DGE BA'I SA BON GYI RNAM PAR SMIN PA RNAM PAR SMIN ZIN PA'O, ,MA SPYAD PA'I MTSAN NYID NI GANG MNGON PAR BRJOD PA'I BAG CHAGS KYI SA BON TE THOG MA MED PA'I DUS NAS SPROS PA 'BYUNG BA'I SA BON YIN PA'I PHYIR RO, ,ZHES SO, ,DES NA KHA CIG THEG BSDUS LAS SPYAD ZIN MA ZIN GNYIS GSUNGS PA NI, RIM PA LTAR MYU GU SKYES PA NA SA BON GYI SNYING PO 'GAGS PA LTAR, BDE 'GRO NGAN 'GRO'I RNAM SMIN GYI BAG CHAGS RNAM SMIN GYI NGO BOR SMIN ZIN PA NI MED PA'I PHYIR GSO BAR BYA BA MIN PA DANG, 'BRAS BU MA BYUNG BA'I BAG [#DATA INCOMPLETE HERE] @22A *, ,GZHI RNAM SHES DANG BRGYAD DU BYED PA NI RIGS LA SEMS KYI, RDZAS LA MA YIN TE, GZHAN DU DGRA BCOM PA DANG SA BRGYAD PA YAN GYI BYANG SEMS 'GOG PA LA ZHUGS PA 'JUG SHES DANG KUN GZHI GNYIS KA MED PA'I MUR GSUNGS PA MI RIGS PAR 'GYUR RO, ,KUN GZHI SA BON GYI CHA MED PA'O ZHES KYANG MI RIGS TE, RNAM SMIN GYI CHA KUN GZHIR 'JOG PA YANG NYON YID KYIS BDAG TU SBYOR BA'I DON DU GSUNGS PA'I PHYIR RO, ,DE LTAR YANG DON GSANG LAS, RNAM PAR SMIN PA'I RNAM PAR SHES PA LA 'JUG STE ZHES BYA BA LA KUN GZHI RNAM PAR SHES PA LA SMOS PA NI MA KHYAB PA'I PHYIR TE, 'DI LTAR DE NI SA BRGYAD PA LA SOGS PA LA GNAS PA'I BYANG CHUB SEMS DPA'I RGYUD DANG, DGRA BCOM PA DANG RANG SANGS RGYAS RNAMS KYI RGYUD LA MED KYI RNAM PAR SMIN PA'I RNAM PAR SHES PA NI YOD DO, ,ZHES PA DANG, RNAM PAR GTAN LA DBAB PA BSDU BAR YANG MU BZHI GSUNGS TE, KUN GZHI YOD LA 'JUG SHES MED PA'I MU NI SEMS MED PA'I GNAS SKABS LNGA'O, ,BZLOG PA NI SEMS YOD PA'I GNAS SKABS KYI MI SLOB PA DANG PHYIR MI LDOG PA'I BYANG CHUB SEMS DPA'O, ,GNYIS KA YOD PA NI DE DAG LAS GZHAN PA'I GNAS SKABS SEMS YOD PA'I DUS SO, ,GNYIS KA MED PA NI MI SLOB PA DANG PHYIR MI LDOG PA'I BYANG CHUB SEMS DPA' 'GOG PA LA ZHUGS PA DANG PHUNG PO LHAG MED KYI MYANG 'DAS ZHES GSUNGS PA DANG, SUM CU PAR YANG, DGRA BCOM NYID NAS DE LDOG GO ,ZHES GSUNGS PAS NA, SNGAR KHO BOS BSTAN PA'I KUN GZHI MED PA'I SA MTSAMS RMA MED PAR GZUNG BAR BYA'O, ,DES NA DBANG THOB PA'I SEMS DPA' DANG, DGRA BCOM PA'I RGYUD KYI RNAM SHES BRGYAD PO DE LA RNAM SMIN GYI RNAM SHES DANG, BSAM GYIS MI KHYAB PA'I 'CHI 'PHO BA YOD PAS LEN PA'I RNAM SHES ZHES ZER GYI KUN GZHI ZHES MI BRJOD DO, ,DE LTAR NA DBANG THOB PA DANG, DGRA BCOM PA LA SEMS KYANG MED PAR 'GYUR TE, JI SKAD DU, CI'I PHYIR SEMS ZHES KYANG BYA ZHE NA, CHOS KYI BAG CHAGS KYI @22B SA BON SNA TSOGS RNAMS KYIS KUN TU BSAGS PA'I PHYI ROL ZHES GSUNGS PAS SO ZHE NA, MI MTSUNGS TE, DE'I DON NI, MDO LAS SEMS YID RNAM PAR SHES PA ZHES YID DANG RNAM SHES LAS THA DAD PA'I SEMS KYI LUS GSUM PO GSUNGS LA, DE NI KUN GZHI RNAM SHES LA MA GTOGS PA GZHAN LA BZHAG TU MED DE, 'DI LTAR SEMS KYI DON NI SKABS DER BSAGS PA LA 'CHAD DGOS LA KUN GZHI NI BAG CHAGS THAMS CAD BSAGS PA YIN ZHING DON DE YID DANG RNAM SHES LA MA TSANG BAS SO SNYAM DU BSAM PAS NA YID DANG RNAM SHES LAS THA DAD PA'I BAG CHAGS BSAGS PA DE DAG NA MED KYANG, DE LA DON MTHONG RNAM PAR SHES, ,ZHES PA'I DON TSANG BA'I SEMS NI YOD DE, SEMS KYI DON BAG CHAGS BSAGS PA KHO NAR MA NGES PA'I PHYIR DANG, KUN GZHIR 'JOG BYED GSUM MAM GNYIS LAS GZHAN MA GSUNGS PA'I PHYIR RO, ,DE LTAR YANG THEG CHEN BSDUS PAR, KUN GZHI RNAM PAR SHES PA MA GTOGS PAR SEMS KYI MU GSUM PA MI DMIGS TE, DE LTA BAS NA KUN GZHI RNAM PAR SHES PA NI SEMS NYID YIN PAR GRUB CES SO, ,DA NI 'DI DPYAD DE, MKHAS PA 'GA' ZHIG RNAM SMIN GYI CHA THEG DMAN GYI LHAG MED NAS LDOG PAR THEG DMAN PA DAG 'DOD GSUNGS, CI GRUB MTHA' DMAN PA BYE BRAG SMRA BA DANG MDO SDE PA RNAMS 'DOD PA YIN NAM, THEG PA DMA' BA NYAN RANG GI LAM LA GNAS PA RNAMS BZHED BRTAG GRANG, DANG PO NI MI RIGS TE, GRUB MTHA' SMRA BA DE GNYIS RNAM SHES TSOGS DRUG LAS GZHAN PA'I RNAM SHES KHAS MI LEN PA'I PHYIR RO, ,GNYIS PA YANG MI RUNG STE, DE DAG GIS KUN GZHI'I 'JUG LDOG GTAN LA 'BEBS PA'I RNAM GZHAG MDZAD PA BSTAN DGOS NA DE YANG RNYED PA MA YIN NO, ,'O NA SU'I LUGS SHE NA, 'DI'I 'JUG PA DANG LDOG PA'I RNAM GZHAG RGYAS PAR NI RNAL 'BYOR SPYOD PA'I GZHUNG LAS 'BYUNG NGO, ,DE LTA NA THEG CHEN GYI LUGS LA THEG DMAN GYIS SHES SGRIB ZAD PAR SPANGS PA ZHIG SRID DE, DE'I LHAG MED NAS RNAM SMIN GYI CHA LDOG PA'I PHYIR @23A *, ,RO ZHE NA, NYES PA MED DE, 'DI LTAR LHAG MED KYI TSE NA THEG DMAN GYI LAM GYIS SHES SGRIB NAS CHUNG DU RIM GYIS BTANG BA'I MA LUS PAR SPANGS PA MED KYANG SHES SGRIB RGYUN CHAD PA'I LDOG PA YOD DE, PHUNG PO LNGA'I RGYUN LDOG PA'I PHYIR RO, ,MA GRUB PA MA YIN TE, LHAG MED KYI TSE NA DGRA BCOM PA TSE'I 'DU BYED BTANG BA YIN LA, DE SHI BA'I 'OG TU RIG PA 'BYUNG BA LA NI SKYE BA LEN DGOS NA, LAS DANG NYON MONGS PA MA LUS PAR SPANGS PA'I PHYIR DANG, DES BSKYED PA'I RNAM SMIN GYI PHUNG PO YANG LOG PA'I PHYIR LAS NYON GYI DBANG GIS SKYE BA YANG MED LA LAS NYON GYI RNAM PAS LUS 'GRUB PAR YANG MI NUS TE, 'DI ZHI BA PHYOGS GCIG PA YIN PA'I PHYIR DANG, RTEN LOG PA'I PHYIR RO, ,DES NA 'DIR NI SPROS PA NYE BAR ZHI BA 'DUS BYAS KYI 'JUG PA RGYUN CHAD PA'I MTSAN MA MED PA'I DBYINGS 'BA' ZHIG GO ,DE LTA NA THEG PA CHEN PO'I MTSAN MA MED PA'I DBYINGS DANG KHYAD MED PAR 'GYUR RO ZHE NA MI 'GYUR TE, 'DI NA 'DUS BYAS KYI 'JUG PA NYE BAR ZHI BA TZAM YIN GYI ZHI BA'I DBYINGS NAS GZHAN DON BYED PA'I SKUR MI LDANG STE, GZHAN DON DU LAM LA GOMS PAR MA BYAS PA'I PHYIR RO, ,GZHAN YANG RNAM PAR GTAN LA DBAB PA BSDU BAR, 'JUG SHES DANG KUN GZHI GNYIS KA MED PA'I MU, LHAG MED KYI MYANG 'DAS LA GSUNGS PA'I PHYIR YANG SNGAR LTAR YIN NO, ,'DI NYAN THOS DANG SGO BSTUN ZHES KYANG BRJOD MI NUS TE, KUN GZHI YOD NA GTAN LA 'BEBS PA'I SKABS YIN PA'I PHYIR RO, ,DES NA BYE BRAG SMRA BA NI, LHAG MED KYI TSE 'DUS BYAS RGYUN CHAD PA'I SO SOR BRTAGS 'GOG NI RDZAS SU GRUB PA'I 'DUS MA BYAS SHIG YOD PAR 'DOD LA, MDO SDE PA NI, 'DUS BYAS 'GAGS PA'I MED DGAG CANG MED PA ZHIG TU 'DOD DE, PHUNG PO DANG BRAL BAR NI 'DOD LA, 'DUS MA BYAS RDZAS SU MI 'DOD PA'I PHYIR RO, ,GNYIS KAS KYANG, LUS ZHIG TSOR BA BSIL BAR GYUR, ,'DU SHES 'GAGS SHING 'DU BYED ZHI, ,RNAM PAR SHES PA NUB GYUR PA, ,'DI 'DRA DE @23B NI SDUG BSNGAL MTHA', ,ZHES PA'I MDO'I DON YIN PAR SEMS SHING, BYE BRAG TU MDO SDE PAS, MAR ME SHI BAR GYUR PA LTAR, ,DE YI SEMS NI RNAM PAR THAR, ,ZHES DGRA BCOM PA'I SEMS KYI RNAM PAR GROL BA MAR ME SHI BA LTAR GSUNGS PA DANG, RANG GI GRUB MTHA' MTHUN PAR 'DOD DO, ,RNAL 'BYOR SPYOD PA NI, BEM RIG GI 'JUG PA THAMS CAD NYE BAR ZHI BA'I DE BZHIN NYID, TSOR BA'I BDE BA MED KYANG SDUG BSNGAL GTAN BRAL BA'I BDE BA YOD PA, MED DGAG CANG MED KYANG MIN LA, RDZAS GRUB KYI YOD PA YANG MIN PA, RTAG PA 'GYUR MED DU YOD PA YIN PAR 'DOD DO, ,DE'I PHYIR LHAG BCAS PHAN CHAD DU THEG CHEN DU 'JUG SRID LA, 'DIR SON NAS 'JUG PAR MI 'DOD DE, RNAM PAR GTAN LA DBAB PA BSDU BAR, NYAN THOS BYANG CHUB YONGS SU 'GYUR BA CI PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB SGRUB PAR BYED DAM, 'ON TE PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS SHING BYED CE NA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI, RTZOM PA THAMS CAD DANG BRAL ZHING 'BAD PA THAMS CAD RGYUN BCAD PA YIN PA'I PHYIR RO, ,ZHES SO, ,DE LTA BU'I 'DOD TSUL RNAMS MA PHYED PAR DBU SEMS PHYOGS GCIG TU BZUNG NAS RNAM SMIN GYI RNAM SHES THEG DMAN GYI LHAG MED DU 'GA' ZHIG LDOG PAR 'DOD, 'GA' ZHIG LHAG MED NAS KYANG THEG CHEN DU 'JUG DGOS PAS MI LDOG CES NGAL ZHING DUB PA'I MTHA' LA BRTEN PAR BYED DO, ,'DIR BSTAN PA LTAR RGYAS PAR PHUNG PO DANG BCAS PA DANG, PHUNG PO MED PA'I RNAM PAR GTAN LA DBAB PA'I SDOM GYI 'GREL PA DANG, BRGYAD STONG 'GREL CHEN GYI YUL NGES PA DANG KHYAB PA DANG ZHES PA'I 'GREL PAR SEMS TZAM PA'I 'DOD PA BKOD PA LAS SHES PAR BYA'O, ,SKABS @24A *, ,'DIR THEG PA GSUM DU GSUNGS PA DANG GCIG TU GSUNGS PA'I MDO LA, NGO BO NYID MED PAR SMRA BA DANG RNAM PAR SHES PA SMRA BA GNYIS DRANG NGES SU 'DOD TSUL, DE DAG GI SGRUB BYED DANG BCAS TE GZHUNG LUGS CHEN PO RNAMS SU 'BYUNG BA RNAMS SBYOR NUS MOD, TSIG MANG NA DBANG PO RTUL PO RNAMS MGO MYOS PAR 'GYUR BAS RE ZHIG BZHAG GO ,DE DAG GIS RNAM SMIN DANG SA BON GYI KUN GZHI'I DKA' BA'I GNAS THAMS CAD DPYIS PHYIN PAR BSHAD ZIN TO,, ` ,,NYON YID KYI MTSAN NYID DE JI LTA BU ZHIG CE NA, ( NYON MONGS CAN YID MTSAN NYID NI, ,KUN GZHI RNAM SMIN CHA NYID LA, ,BDAG LTA BSGRIBS LA LUNG MA BSTAN, ,REG DANG CHAGS SOGS DGU KHO NA, ,) DE LA DMIGS PA NI SA BON DANG RNAM SMIN GYI CHA GNYIS LAS PHYI MA STE 'DI'I DMIGS PA LA BDAG DANG CHOS MTSUNGS PA ZHIG DGOS PA'I PHYIR RO, ,RNAM PA NI DMIGS PA DE LA BDAG TU RLOM SEMS PA'O, ,DE YANG DON GSANG DU, BDAG GI RNAM PAR SKYE BA'I SGO NAS YIN GYI RANG GI NGO BO 'JOG PA'I SGO NAS NI MA YIN NO, ,ZHES GSUNGS PAS NA RNAM SMIN GYI RDZAS DE NYID SNANG NAS NYON YID KYI YUL DU MI 'GYUR YANG RNAM SMIN GYI RNAM SHES DE'I MTHUS RANG NYID LA BDAG TU 'KHRUL BA TZAM LA YUL DU 'JOG GO ,NGO BO NI BSGRIBS LA LUNG DU MA BSTAN PA'O, ,BSGRIBS PA DANG MA BSGRIBS PA'I DON GANG ZHE NA, BSGRIBS PA ZHES PA NI NYON MONGS PAS RNYOG RNYOG POR BYAS PA YIN LA YID 'DI YANG RTZA BA'I NYON MONGS PA BZHIS RNYOG RNYOG POR BYAS PA'I PHYIR RO, ,MA BSGRIBS PA ZHES PA NI NYON MONGS PAS DRI MA CAN DU MA BYAS PA DBANG PO LNGA DANG DAD PA SOGS BCU GCIG LTA BU'O, ,DON 'DI LA 'GA' ZHIG ,NYON YID 'PHAGS PA'I MNYAM GZHAG NA MED PA DANG, KUN GZHI YOD PA LA BSAMS NAS MNYAM GZHAG LA BSGRIB MI BSGRIB TU 'DOD PA DANG, NYON SGRIB MA LUS PAR MA SPANGS PAR THAR PA MI THOB PA LA BSAMS NAS THAR PA LA BSGRIB MI BSGRIB TU 'DOD PA NI, SGRIB PA DANG MA SGRIB @024B PA'I RANG GI NGO BO MA SHES SHING DE GNYIS KYI KUN GZHI NYON YID GNYIS KHO NA LA 'JOG PAS NA BSAM BLO RGYA CHUNG BAR 'DUG STE, 'DI LTAR, DE GNYIS KYI DON CHOS RANG NYID BSGRIBS PA'AM MA BSGRIBS PA DPYOD PA YIN GYI DES GZHAN LA BSGRIBS MI BSGRIBS MA YIN TE, GZHAN DU NA, 'PHAGS PA RNAMS KYI YID DGE BA DANG LUNG DU MA BSTAN G-YENG BA'I CHAR GYUR PA RNAMS KYANG MNYAM GZHAG LA GEGS BYED PA'I PHYIR BSGRIBS PAR 'GYUR BA DANG, YANG SRID 'PHEN NGES KYI KUN 'BYUNG MA LUS PAR MA SPANGS PAR THAR PA GSUM PO GANG YANG MI THOB PA'I PHYIR BSOD NAMS DANG MI G-YO BA'I LAS SRID PA 'PHEN NGES RNAMS KYANG BSGRIBS PAR THAL LO, ,DE DAG LAS KYI KUN NYON YIN PAS BSGRIBS PA'O ZHES KYANG BRJOD PAR MI NUS TE, SGRIB PA NI NYON MONGS PA'AM, DES KUN NAS BSLANGS PA'I LUS NGAG GI MI DGE BA LA GSUNGS PA'I PHYIR DANG, DGE BA DANG TSE'I KUN NYON MA BSGRIBS PA RNAMS KYANG BSGRIBS PAR 'GYUR BA'I PHYIR RO, ,DE SKAD DU'ANG, KUN LAS BTUS SU, MI DGE BA DANG BSGRIBS LA LUNG DU MA BSTAN PA NI NYON MONGS PA CAN NO, ,BSGRIBS LA LUNG DU MA BSTAN PA NI KUN TU 'GRO BA'I YID DANG MTSUNGS PAR LDAN PA'I NYON MONGS PA DANG, YID KYI RNAM PAR SHES PA DANG MTSUNGS PAR LDAN PA'I LHAN CIG SKYES PA'I 'JIG TSOGS DANG, MTHAR 'DZIN PAR LTA BA DANG, GZUGS DANG GZUGS MED PA DANG MTSUNGS PAR LDAN PA'O, ,ZHES DANG, DGE BA DANG MA BSGRIBS LA LUNG DU MA BSTAN PA NI NYON MONGS PA CAN MA YIN PA'O, , ZHES DANG, THEG CHEN BSDUS PAR YANG, YID NI NYON MONGS PA CAN YIN PA'I PHYIR BSGRIBS LA LUNG DU MA BSTAN PA STE, SGRIB PA'I NYON MONGS PA BZHI DANG RTAG TU MTSUNGS PAR LDAN NO, ,GZUGS DANG GZUGS MED PA NA SPYOD PA'I NYON MONGS PA BZHIN DU 'DI NI BSGRIBS LA LUNG DU MA BSTAN PA NYID DE, GZUGS DANG GZUGS MED PA NA SPYOD PA'I YID NI ZHI GNAS KYIS 'KHYUD PA YIN LA, YID NI DUS THAMS [#DATA APPARENTLY INCOMPLETE HERE] @028A *, ,LA MA RIG PA DANG LTA BA LOG PA NA LDOG PA'I PHYIR BRGYAD PA YAN DANG, DGRA BCOM PA RNAMS KYIS RTZA BA DANG NYE BA'I NYON MONGS PA MA LUS PAR SPANGS PAS NA GANG ZAG TU 'DZIN PA BSKYED PA'I NUS PA LOG ,DE LOG PAS DES NYON MONGS CAN DU BZHAG PA YANG MED PAS NYON YID LOG GO ,'ON KYANG YID DE CHOS SU 'DZIN PA BSKYED PA'I NUS PA MA LOG PA DANG, YID DE'I GSAL RIG GI RDZAS TZAM NI RGYUN CHAD PA MED DE DE'I PHYIR YID SHES KYI BDAG RKYEN MED PAS YID SHES MED PA'I SKYON YANG MED CING, MNYAM PA NYID KYI YE SHES DRI MA MTHA' DAG DANG BRAL BA LAS THOB PA'I PHYIR CHOS SU 'DZIN PA MA BCOM PAR YE SHES DE THOB PAR YANG MI 'GYUR RO, ,'DI NYID NI RIGS TE, RNAM SHES RKYEN SO SOR NGES PA TSANG BA LAS SKYE BAR NI 'DOD PA'I PHYIR DANG, BDUN YID NI NYON MONGS PA BZHI'I GZHAN STOBS KYIS NYON MONGS CAN DU GYUR PA YIN LA, RANG GI NGO BO NYID KYIS NI MA YIN PAS 'KHOR NYON MONGS CAN DE DAG NYON SGRIB SPANGS PA NA LDOG PA RIGS LA YID RANG GI NGO BO YE MED DU LDOG PA MI RIGS PA'I PHYIR TE, GNAS GYUR GYI DON GLO BUR GYI NYES PA RNAMPO [#DATA APPARENTLY INCOMPLETE HERE] @031A *, ,NA KUN GZHI MED NA TSOGS DRUG GIS LUS LEN PAR 'DOD DGOS LA DE DAG RGYU LNGAS MI RUNG BA'I PHYIR DANG, LUS LEN PA DMIGS PA'I PHYIR LUS LEN BYED KUN GZHI RNAM SHES KHAS BLANG BAR BYA'O, , DE SKAD DU YANG, CI'I PHYIR LUS NYE BAR LEN PA MI RUNG ZHE NA, SMRAS PA RNAM PA LNGA STE, 'DI LTAR KUN GZHI RNAM PAR SHES PA NI SNGON GYI 'DU BYED KYI RGYU LAS BYUNG BA'O, ,MIG LA SOGS PA 'JUG PA'I RNAM PAR SHES PA NI DA LTAR GYI RKYEN LAS BYUNG BA JI SKAD DU DBANG PO DANG YUL DANG YID LA BYED PA'I DBANG GIS RNAM PAR SHES PA RNAMS 'BYUNG BAR 'GYUR RO ZHES RGYA CHER GSUNGS PA LTA BU STE 'DI NI GTAN TSIGS DANG PO'O, , YANG RNAM PAR SHES PA'I TSOGS DRUG NI, DGE BA DANG MI DGE BA DMIGS TE 'DI NI GTAN TSIGS GNYIS PA'O, ,YANG RNAM PAR SHES PA'I TSOGS DRUG PO DAG LA LUNG DU MA BSTAN PA RNAM PAR SMIN PAS BSDUS PAR GYUR PA GANG YIN PA'I RNAM PA MI DMIGS TE 'DI NI GTAN TSIGS GSUM PA'O, ,YANG RNAM PAR SHES PA'I TSOGS DRUG 'BYUNG BA NI, GNAS SO SOR NGES PA STE, GNAS GANG DANG GANG LAS RNAM PAR SHES PA GANG DANG GANG 'BYUNG BA DE DANG DE NI DES ZIN PAR 'GYUR GYI LHAG MA NI MA ZIN PAR 'GYUR TE MI RUNG NGO, ,ZIN PAR YANG MI RUNG STE RNAM PAR SHES PA MED PA'I PHYIR 'DI NI GTAN TSIGS BZHI PA'O, ,YANG DANG YANG LUS 'DZIN PA'I NYES PAR 'GYUR TE, 'DI LTAR MIG GI RNAM PAR SHES PA RES 'GA' NI 'BYUNG RES 'GA' NI MI 'BYUNG NGO, ,LHAG MA RNAMS KYANG DE BZHIN TE 'DI NI GTAN TSIGS LNGA PA'O, ,ZHES SO, ,RIGS PA GNYIS PA NI, KHA CIG NA RE KUN GZHI YOD PAR 'DOD PA LA YANG SKYON YOD DE, 'DI LTAR RNAM SHES GNYIS CIG CAR 'BYUNG BAR 'GYUR TE, KUN GZHI RGYUN DU 'JUG LA 'JUG SHES KYANG RES 'GA' 'BYUNG BA'I PHYIR RO ZHE NA, KHYOD NI NYES PA MED PA LA NYES PAR 'DZIN PA ZHIG STE 'DI NI KHO BO 'DOD PA YIN NO, ,GAL TE RNAM SHES GNYIS CIG CAR MI 'BYUNG NA, GANG ZAG KHA @031B CIG YUL DRUG LA MTHONG BAR 'DOD PA NAS RNAM PAR SHES PA'I BAR DU 'DOD PA STE YUL DRUG SO SO LA YID BYED RIS SU MA CHAD PAR DRUG KA LA NYE RING MED PA NA THOG MAR RNAM SHES BYE BRAG PA GCIG KYANG MI SKYE BAR 'GYUR TE 'JUG SHES DE DAG YUL DBANG YID BYED KYI RGYU RNAMS YOD PAR KHYAD PAR MED PA'I PHYIR RO, ,MTHONG 'DOD NYAN 'DOD KYI RTOG PA GNYIS CIG CAR SKYE BA MI SRID PAS YUL DRUG KA LA YID BYED DRUG DUS MNYAM DU YOD PA LTAR GSUNGS KYANG, YUL SO SO LA RIS SU MA CHAD PAR NYE RING MED PA GANG YANG 'BYUNG RUNG GCIG LA BYA'O, ,GAL TE RIS SU MA CHAD PA'I YID BYED KYANG STE, YUL DBANG YANG NYE BA'I TSE RNAM SHES DRUG LAS 'DI DANG POR SKYE'O ZHES MI NGES KYANG GANG RUNG GCIG SKYES PA NA DE DANG DUS MNYAM PAR SHES PA GZHAN MI SKYE STE, YID BYED GCIG GIS SHES PA RIGS MTHUN GNYIS CIG CAR SKYE BA'I SKABS 'BYED PA MI SRID PA'I PHYIR RO ZHE NA, YUL GZUGS LTA BU LA BLTA 'DOD LTA BU'I YID BYED NGES PAR RGYUR DGOS NA RTOG PA GNYIS CIG CAR MI SRID PAS KHYOD BDEN MOD, 'ON KYANG RKYEN BZHI 'TSOGS NA 'BRAS BU RNAM SHES SKYE BAS NA SHES PA GNYIS CIG CAR 'BYUNG STE, 'DI LTAR TSOGS DRUG KA'I RGYU'I RKYEN DANG YUL DANG DBANG PO YANG DUS MNYAM DU YOD CING, DE MA THAG RKYEN YANG RANG GI SNGA ROL DU 'GAGS PAS BYED PA'I PHYIR RO, ,'O NA RNAM PAR SHES PA GNYIS CIG CAR 'BYUNG BA NI GNAS MA YIN ZHING SKABS MED DO, ,ZHES GSUNGS PA DANG 'GAL LO ZHE NA, MI 'GAL TE SHES PA RIGS MTHUN GNYIS LA DGONGS SO,, DE LTAR YANG, CI'I PHYIR GZOD MA'I 'JUG PA MI RUNG ZHE NA, GAL TE LA LA ZHIG 'DI SKAD DU, CI STE KUN GZHI RNAM PAR SHES PA YOD NA, DE'I PHYIR RNAM PAR SHES PA GNYIS CIG CAR 'BYUNG BAR 'GYUR RO ZHES ZER NA, DE LA 'DI SKAD BRJOD PAR BYA STE NYES PA MED PA LA KHYOD NYES PAR 'DU SHES SU ZAD KYI 'DI LTAR RNAM PAR SHES PA GNYIS CIG CAR 'BYUNG BA NYID DO, ,DE CI'I PHYIR ZHE NA, 'DI LTAR KHA CIG CIG CAR @032A *, ,MTHONG BAR 'DOD PA NAS RNAM PAR SHES PA'I BAR DU 'DOD PA LA, THOG MAR RNAM PAR SHES PA GANG YANG RUNG BA ZHIG 'BYUNG DU MI RUNG STE, 'DI LTAR DE NA YID LA BYED PA DANG, DBANG PO DANG YUL YANG YOD PAR BYE BRAG MED PA'I PHYIR RO, ,ZHES SO, ,RIGS PA GSUM PA NI, GAL TE RNAM SHES GNYIS CIG CAR MI 'BYUNG NA YID KYI RNAM PAR SHES PA GSAL BAR MI 'JUG GO ,DE JI LTA ZHE NA, 'DI LTAR DBANG SHES KYIS GZUNG BA'I YUL LA RJES SU RTOG PA'I YID SHES KYIS 'JUG PA LA RGYU BA GSAL BA ZHIG NI DMIGS LA DBANG SHES KYIS SNGAR MYONG ZIN PA'I 'DAS PA'I YUL DRAN PA'I YID KYI RGYU BA NI MI GSAL BA'I PHYIR DA LTA BA'I DBANG SHES KYI YUL LA RGYU BA NYID GSAL BAR 'DOD DGOS PAS SHES PA GNYIS CIG CAR 'BYUNG BA DANG YID KYI RGYU BA GSAL BAR YANG RUNG NGO, ,DE LTAR MA YIN NA RJES SU RTOG PA'I YID SHES DE DAG LA GSAL BA DANG MI GSAL BA MI RUNG NGO, ,GAL TE DBANG SHES DANG DUS MI MNYAM YANG DA LTAR BA'I YUL CAN YID NI GSAL LA, 'DAS PA LTA BU MI GSAL BA YIN NO ZHE NA, MI RUNG STE YID SHES DE GNYIS KA YANG YUL LA 'JUG PA NA YUL RNAMS KYI RANG GI MTSAN NYID NI MI SNANG LA 'DAS PA MED CING DUS MNYAM PA'I YUL GSAL BAR 'DZIN PA'I SHES PA YANG MED PA'I PHYIR RO, ,DE LTAR YANG, RNAM PAR SHES PA CIG CAR 'BYUNG BA MED NA CI'I PHYIR MIG LA SOGS PA'I RNAM PAR SHES PA DANG LHAN CIG RJES SU 'JUG PA YID KYI RNAM PAR SHES PA GSAL BAR MI 'GYUR ZHE NA, 'DI LTAR GANG GI TSE 'DAS PA'I YUL MYONG BA RJES SU DRAN PA DE'I TSE YID KYI RNAM PAR SHES PA RUNG BA NI GSAL BA MA YIN LA, DA LTAR GYI YUL LA RGYU BA'I YID NI DE LTAR MI GSAL BA MA YIN TE DE'I PHYIR YANG CIG CAR 'BYUNG BA DANG, YID KYI RNAM PAR SHES PA GSAL BAR YANG RUNG NGO, ,ZHES SO, ,RIGS PA BZHI PA NI, DGE MI DGE LA SOGS PA'I SA BON MED PAR THAL, KUN GZHI MED PA'I PHYIR, MA NGES PA MA YIN TE, KUN GZHI KHO NA BAG CHAGS SOG PA'I GZHI YIN @032B PA'I PHYIR RO, ,GAL TE TSOGS DRUG PO SA BON GYI RTEN YIN SKYON MED DO ZHE NA, MI RIGS TE, SA BON BSGOD PA LA SGOD BYED DANG BSGO GZHI SKYE 'GAG DUS GCIG TU BYED DGOS NA DE DAG DGE BA'I 'OG TU MI DGE BA DANG, BZLOG PA DANG, DE BZHIN DU 'JIG RTEN PA'I SEMS KYI 'OG TU 'JIG RTEN LAS 'DAS PA'I SEMS RNAMS 'BYUNG BA'I PHYIR RO, ,GZHAN YANG TSOGS DRUG RGYUN CHAD PA'I DUS SU BAG CHAGS KYI RTEN MED PA DE YANG RGYUN CHAD PAR 'GYUR LA DE LTA NA PHYIS 'BYUNG BA'I SEMS RNAMS RGYU MED PAR 'GYUR RO, ,DE LTA YANG, CI'I PHYIR RNAM PAR SHES PA'I TSOGS DRUG PO DAG PHAN TSUN SA BON NYID MA YIN ZHE NA, 'DIR DGE BA'I 'OG TU MI DGE BA 'BYUNG LA, MI DGE BA'I 'OG TU DGE BA DANG, DE GNYIS KA'I 'OG TU LUNG MA BSTAN PA DANG, KHAMS NGAN PA'I 'OG TU KHAMS BAR MA DANG, KHAMS BAR MA'I 'OG TU KHAMS BZANG PO DANG, DE BZHIN DU KHAMS BZANG PO'I 'OG TU KHAMS NGAN PA DANG, ZAG PA DANG BCAS PA'I 'OG TU ZAG PA MED PA DANG, ZAG PA MED PA'I 'OG TU ZAG PA DANG BCAS PA DANG, 'JIG RTEN PA'I 'OG TU 'JIG RTEN LAS 'DAS PA DANG, 'JIG RTEN LAS 'DAS PA'I 'OG TU 'JIG RTEN PA 'BYUNG STE DE DAG NI DE LTAR SA BON NYID DU MI RUNG NGO, ,RGYUD KYI RGYUN CHAD NAS YUN RING DU LON PA YANG YUN RING ZHIG NAS 'BYUNG BAS DE'I PHYIR YANG MI RUNG NGE ZHES SO, ,'DIS NI THEG BSDUS KYI RIGS PA LNGA BSHAD DO, ,RIGS PA LNGA PA NI, RNAM SHES DU MA CIG CAR MI 'BYUNG NA, SNOD LAM 'PHRANG LTA BU'I RNAM RIG DANG, GNAS RKANG PA 'DEGS 'JOG LTA BU'I RNAM RIG ,NGA'O SNYAM PA'I RNAM RIG ,YUL LAM GYI DRUNG GI SA RDO SOGS KYI RNAM RIG RNAMS DUS GCIG TU MI 'BYUNG BAR THAL LO, ,'DOD NA MGYOGS PAR 'GRO BA SOGS KYI TSE DE DAG DMIGS PAS GSAL LO ZHES GSUNGS SO, ,RNAM PA GCIG TU NA, SNOD KYI RNAM RIG NI, BRTAN PA PHYI'I 'JIG RTEN DU SNANG BA'O, ,GNAS KYI RNAM RIG NI, SEMS @033A *, ,CAN GYI RDZAS SKYE MCHED DRUG GZHI DANG BCAS PA G-YO BA'I 'JIG RTEN DU SNANG BA'O, ,NGA'O SNYAM PA'I RNAM RIG NI, KHA NANG DU BLTAS TE RTAG TU NGA'O SNYAM DU 'JUG PA'O, ,YUL GYI RNAM RIG NI, GZUGS SGRA SOGS SU SNANG BA'O, ,DES NA PHYI NANG DU SNANG BA DANG, NGAR 'DZIN PA DANG, YUL DRUG GANG RUNG LA 'DZIN PA RNAMS DUS GCIG TU DMIGS PA'I PHYIR RNAM SHES DU MA CIG CAR 'BYUNG STE, SHES PA GCIG LA NGO BO THA DAD PA'I LAS 'DI LTA BU MI RUNG BA'I PHYIR RO, ,BZHI PO 'DI LA LAS ZHES PA CI ZHE NA, 'DI NI BYED PA DANG LAS KYI DBANG DU BYAS PA'I LAS SU MNGON TE, BDAG BDAG GI BAR SNANG BA'I PHYIR RO, ,DE LTAR BZHI PO DE KUN GZHI MI 'DOD PA LA MI RIGS KYI KUN GZHI KHAS LEN PA LA NI RIGS TE, PHYI NANG DU SNANG BA DON DANG SEMS CAN DU SNANG BA'I RNAM RIG KUN GZHI NYID DO, ,BDAG TU SNANG BA NI BDAG GI RNAM RIG NYON YID DO, ,YUL DU SNANG BA NI, GSUM PA YUL RNAMS DRUG PO LA, ,DMIGS PA GANG YIN DE DAG STE, ,ZHES PA LTAR TSOGS DRUG GO ,DE LTAR YANG RNAM PAR SHES PA GNYIS CIG CAR 'BYUNG BA MED NA CI'I PHYIR LAS MI SRID CE NA, 'DI LTAR MDOR BSDUS NA LAS RNAM PA BZHI STE, SNOD KYI RNAM PAR RIG PA DANG, GNAS KYI RNAM PAR RIG PA DANG, NGA'O SNYAM PA'I RNAM PAR RIG PA DANG, YUL GYI RNAM PAR RIG PA'O, ,RNAM PAR RIG PA 'DI DAG NI SKAD CIG SKAD CIG LA CIG CAR 'BYUNG BAR DMIGS TE, RNAM PAR SHES PA GCIG GI SKAD CIG MA NI NGO BO THA DAD PA'I LAS 'DI LTA BU 'DI MI RUNG NGO, ,ZHES SO, ,RIGS PA DRUG PA NI, KUN GZHI MED NA TSUL BZHIN NAM TSUL BZHIN MA YIN PA'I SEMS LA SOGS PA'I SKABS THAMS CAD DU LUS LA KHYAB PAR SKYE BA'I MYONG BA DE MI SRID PAR 'GYUR TE, MYONG BA DE LA RTEN SBYIN PA'I SGO NAS LUS LA SKYE BAR 'JUG PA'I RTEN MED PAS RGYU'I RKYEN SA BON MED PA'I SKYON DU 'GYUR RO, ,DE @033B LTAR YANG, KUN GZHI RNAM PAR SHES PA MED NA CI'I PHYIR LUS KYI MYONG BA MI RUNG ZHE NA, 'DI LTAR 'GA' ZHIG TSUL BZHIN NAM TSUL BZHIN MA YIN PA'I SEMS SAM, RJES SU RNAM PAR RTOG GAM, SEMS MNYAM PAR BZHAG GAM, SEMS MNYAM PAR MA BZHAG KYANG RUNG STE, RNAM PA SNA TSOGS MANG PO DE DAG 'BYUNG BA DANG, DMIGS PAR YANG MI RUNG STE, DE'I PHYIR YANG KUN GZHI RNAM PAR SHES PA YOD DO, ,ZHES SO, , RIGS PA BDUN PA NI, KUN GZHI MED NA SNYOMS 'JUG GNYIS MI RUNG STE, 'DI LTAR DE MED NA SNYOMS 'JUG GNYIS LA ZHUGS PA'I GANG ZAG DE RNAM SHES KYIS LUS BOR BAR THAL, TSOGS DRUG 'GAGS SHING KUN GZHI MED PA'I PHYIR, 'DOD NA, DE DAG DANG SHI BA'I KHYAD PAR STON PA NI, DE'I RNAM PAR SHES PA LUS LAS MA 'DAS ZHES GSUNGS PA DANG 'GAL LO, ,GAL TE YID KYI RNAM SHES MI GSAL BA DANG BCAS PAS, RNAM SHES DANG BRAL BAR MI 'GYUR RO ZHE NA, MI RUNG STE, RNAM PAR SHES PA YOD NA GSUM 'DUS PA'I REG PA, DE YOD NA TSOR BA DANG 'DU SHES RNAMS YOD PAS 'DU SHES TSOR 'GOG GI SNYOMS 'JUG CES PA MI 'THAD PAR 'GYUR BA'I PHYIR RO, ,DE LTA NA KUN GZHI YOD NA YANG, TSOR BA DANG 'DU SHES KUN 'GRO YIN PAS DE'I TSE YANG 'DU SHES TSOR 'GOG MI 'THAD DO ZHE NA, BDEN TE 'ON KYANG TSOGS DRUG 'KHOR GYI 'DU SHES DANG TSOR BA RGYU BA RAGS PAS MED DGOS SHING, KUN GZHI'I 'KHOR GYI TSOR 'DU NI DMIGS RNAM SHIN TU PHRA BAS 'GOG SNYOMS DANG MI 'GAL BAS YOD KYANG SKYON MED PAS MI MTSUNGS SO, ,DE LTAR YANG, KUN GZHI RNAM PAR SHES PA MED NA CI'I PHYIR SEMS MED PA'I SNYOMS PAR 'JUG PA MI SRID CE NA, 'DI LTAR 'DU SHES MED PA'I SNYOMS PAR ZHUGS PA'I RNAM PAR SHES PA NYID LUS LAS 'DA' BAR 'GYUR BA'I RIGS NA MA 'DAS TE DE'I PHYIR 'CHI BA'I DUS BYED PA NYID DU 'GYUR RO, ,JI SKAD DU BCOM LDAN 'DAS KYIS KYANG, DE'I RNAM PAR SHES PA LUS DANG MA BRAL BA YIN NO ZHES GSUNGS PA LTA @034A*, ,ZHES SO, ,RIGS PA BRGYAD PA NI, KUN GZHI MED NA 'CHI 'PHO BA MI RUNG STE, 'DI LTAR RNAM SHES KYIS LUS 'DOR BAS 'CHI BAR NI 'DOD NA DE YANG KUN GZHI MED NA YID SHES KYIS 'DOR DGOS LA, DE LTA NA LUS KYI DROD RIM GYIS SDUD PA MI RUNG STE, 'CHI BA'I SKAD CIG MA TSUN CHAD DU YID SHES MI 'BYUNG BA MI SRID PA'I PHYIR RO, ,'O NA KUN GZHI YANG SROG 'GAG TSUN CHAD RGYUN MI CHAD PAS MTSUNGS SO ZHE NA, BYE BSHAD DU, KUN GZHI RNAM PAR SHES PA NI KHOG PA THAMS CAD LA KHYAB PA'O, ,ZHES GSUNGS PA LTAR LUS THAMS CAD LA KHYAB PAR BRTAN PAR GNAS PA'I KUN GZHI DE LAS KYI 'PHEN PA'I NUS PA ZAD NAS LUS KYI PHYOGS GANG NAS KUN GZHI DE GNAS PAR MI RUNG BAR GYUR PA'I LUS KYI PHYOGS DE NAS KUN GZHI DE BSDUS PAS DE LA BRTEN PA'I DBANG PO RNAMS 'GAG PAR 'GYUR ZHING DROD YAL BAR 'GYUR RO, ,RIM PA 'DIS DBANG PO MA LUS PA BOR BAS LUS RIL DROD YAL BAR 'GYUR BAS 'CHI 'PHO LA, YID KYI SHES PA NI LUS THAMS CAD LA KHYAB PAR GNAS SHING LUS KYI PHYOGS PHYOGS NAS SDUD PA MED PA'I PHYIR MI MTSUNGS SO,, DES NA 'CHI BA DROD TSOR RIM GYIS BSDUS PAS LUS 'BOR BA YIN ZHING, SHES PA LAS GZHAN GYIS DE BYED PAR MI RIGS TE SHES PA DANG BRAL BA LA DE LTA BU MA DMIGS PA'I PHYIR RO, ,SHES PA YIN YANG RE ZHIG SGO LNGA'I SHES PAS NI LUS 'BOR BA MA YIN TE, YIN NA DE DAG LUS KYI CHA SHAS LA GNAS PAS NA LUS KYI CHA GANG NA DE DAG MED PA DER DROD TSOR MED PAR THAL BA DANG, BRGYAL BA SOGS KYI TSE SHI BAR YANG 'GYUR RO, ,YID SHES NI LUS KYI CHA SHAS LA MI GNAS KYANG LUS THAMS CAD LA KHYAB PAR KUN GZHI LTAR YANG MI GNAS LA DE YOD TZAM GYIS LUS MI 'BOR NA SROG THA MA CHAD TSUN CHAD DU DROD TSOR MI SDUD PAR 'GYUR BA LAS DE GONG DU YANG DROD TSOR SDUD PA'I PHYIR DANG, DROD TSOR BSDUS TE LUS 'BOR BA YANG MTHONG BA'I PHYIR LUS 'DOR BYED KUN GZHI KHAS BLANG NGO, ,DE SKAD DU YANG, KUN GZHI RNAM PAR SHES PA MED NA CI'I PHYIR @034B 'CHI 'PHO BA YANG MI RUNG ZHE NA, 'DI LTAR 'CHI BA'I RNAM PAR SHES PA LUS KYI STOD DAM SMAD DU DROD YAL BAR BYED CING 'DOR NA, YID KYI RNAM PAR SHES PA NI NAM YANG MI 'BYUNG BA MA YIN TE, DE'I PHYIR YANG KUN GZHI RNAM PAR SHES PA LUS 'DZIN PA NYID DANG BRAL BA'I PHYIR LUS DROD YAL BA DANG, LUS TSOR BA MED PAR YANG DMIGS KYI, YID KYI RNAM PAR SHES PA DANG BRAL BAS NI MA YIN TE DE'I PHYIR YANG MI RIGS SO ZHES SO, ,DE LTAR BYAS NA RIGS PA DANG PO DANG, BZHI PA DANG, DRUG PA DANG, BDUN PA DANG, BRGYAD PA STE LNGA NI KUN GZHI MED PA LA SKYON BRJOD NAS YOD PAR SGRUB PA DNGOS YIN LA, LHAG MA GSUM NI RTZOD SPONG DU GNAS SO, ,CI KUN GZHI RNAM SHES DE THEG CHEN GYI MDO SDE LAS GZHAN PA THEG DMAN GYI GTZUG LAG RNAMS LAS MI 'BYUNG NGAM ZHE NA, ( DE LTAR KUN GZHI RNAM SHES NI, ,THEG DMAN GTZUG LAG RNAMS SU YANG, ,KUN GZHI RTZA BA'I RNAM SHES DANG, ,'KHOR BA JI SRID PHUNG PO DANG, ,SRID PA'I YAN LAG DAG GIS BSTAN, ,) DE LTAR KUN GZHI RNAM SHES DE THEG CHEN GYI MDO SDE RNAMS LAS SHES BYA'I GNAS DANG, LEN PA'I RNAM SHES ZHES SOGS KYI THA SNYAD KYIS BSTAN LA DER MA ZAD THEG DMAN GYI GTZUG LAG RNAMS SU YANG 'DI RNAM GRANGS KYIS BSTAN PA YIN TE, THEG PA CHEN PO BSDUS PAR, GCIG LAS 'PHROS PA'I LUNG DE BZHIN GSHEGS PA 'BYUNG BA'I PHAN YON RNAM PA BZHI'I MDO LAS, SKYE RGU KUN GZHI LA KUN TU DGA' BA, KUN GZHI LA DGA' BA, KUN GZHI LAS YANG DAG PAR 'BYUNG BA, KUN GZHI LA MNGON PAR DGA' BA CAN DAG LA KUN GZHI SPANGS PA'I PHYIR CHOS BSTAN NA NYAN 'DOD LA RNA BA GTOD DE, KUN SHES PAR BYED PAR SEMS NYE BAR 'JOG CING CHOS KYI RJES SU MTHUN PA'I CHOS SGRUB STE, DE BZHIN GSHEGS PA 'JIG RTEN @035A *, , DU BYUNG NA NGO MTSAR RMAD DU BYUNG BA'I CHOS 'DI YANG 'JIG RTEN DU 'BYUNG NGO ZHES JI SKAD GSUN SHES PA LA DE'I SA BON NI RGYUN MI CHAD PA'I PHYIR RO, ,'PHAGS PA GNAS BRTAN PA RNAMS KYI LUNG LAS KYANG, SRID PA'I YAN LAG LTA BA DANG, ,SHES PA DANG NI GTOD PA DANG, ,G-YO BA DANG NI RTOGS PA DANG, ,BDUN PA 'JUG PAR BYED PA YIN, ,ZHES 'BYUNG NGO, ,DE'I PHYIR GANG SHES BYA'I GNAS LA LEN PA'I RNAM PAR SHES PA NYID DANG, SEMS NYID DANG, KUN GZHI RNAM PAR SHES PA NYID DANG, RTZA BA'I RNAM PAR SHES PA NYID DANG, 'KHOR BA JI SRID BA'I PHUNG PO DANG, SRID PA'I YAN LAG TU BSTAN PA DE NI KUN GZHI RNAM PAR SHES PA STE, KUN GZHI RNAM PAR SHES PA'I LAM CHEN PO BTOD PA KHO NA YIN NO ZHES SO, ,GAL TE NYAN THOS KYI THEG PAR KUN GZHI BSTAN NA, THEG CHEN BSDUS PAR, BSTAN 'DI 'DI LTAR GZHAN NA MA MTHONG LA, ,'DI DAG BYANG CHUB MCHOG GI RGYUR MTHONG BAS, ,GNAS BCU BSTAN PAR KHYAD ZHUGS GANG YIN PA, ,THEG PA CHEN PO SANGS RGYAS BKAR 'DOD DO, , ZHES GSUNGS PA JI LTAR DRANG ZHE NA, NYES PA MED DE, NYAN THOS KYI THEG PAR NI SRID PA'I YAN LAG CES SOGS RNAM GRANGS GZHAN GYIS BSTAN LA, THEG PA CHEN POR NI KUN GZHI RNAM SHES, LEN PA'I RNAM SHES, SHES BYA'I GNAS ZHES SOGS SGRA DRANG POR RDZOGS PAR BSTAN CING DE LTA BU NYAN THOS KYI THEG PAR BSTAN PA ME DPA'I PHYIR RO, ,CI'I PHYIR NYAN THOS KYI THEG PAR DE LTAR MI STON ZHE NA, THEG CHEN DU BSTAN PA LTAR NYAN THOS KYI THEG PAR STON DGOS KYANG MI DGOS LA BSTAN NA NYES PAR YANG 'GYUR RO, ,JI LTAR MI DGOS NA, 'DI LTAR KUN GZHI STON PA NI SHES BYA PHRA ZHING PHRA BA BRJOD BYAR BSDU BA'I PHYIR YIN LA NYAN THOS NI RANG GI 'DOD PA @035B GRUB PA LA SHES BYA PHRA MO SHES MI DGOS TE, TSIG BZHI'I TSIGS SU BCAD PA TZAM GYI DON LA SBYANGS PAS KYANG NYON SGRIB SPANGS PA'I RNAM GROL GYI LUS MNGON DU BYED NUS PA'I PHYIR TE, DGRA BCOM PA LAM CHUNG PA BZHIN NO, ,BSTAN NA NYES PAR JI LTAR 'GYUR ZHE NA, CHOS KUN GYI SA BON GYI RTEN BYED PAS SNOD BCUD KUN GYI RGYU, 'KHOR BA JI SRID DU RGYUN MI CHAD DU 'JUG PA, BCING PA DANG GROL BA'I GZHIR GYUR PA'I RNAM SHES DE KUN GZHI'O ZHES BSTAN NA NYAN THOS KYI RIGS CAN MI MKHAS PA 'GA' ZHIG BDAG GO SNYAM NAS BDAG TU 'DZIN NA MI RUNG BA'I PHYIR RO, ,THEG PA CHEN POR NI BSTAN DGOS TE, BYANG CHUB SEMS DPA' RNAMS SHES BYA PHRA MO LA MA SBYANGS PAR THAMS CAD MKHYEN PA THOB MI NUS PA'I PHYIR DANG, KUN GZHI DA SNGAR LTAR BSTAN KYANG MI RTAG GZHAN DBANG CAN GYI CHOS TZAM DU GO BAR 'GYUR BAS NYES PA MI SKYE BA'I PHYIR RO, ,DE SKAD DU YANG, THEG CHEN BSDUS PAR, CI'I PHYIR NYAN THOS KYI THEG PAR SEMS DE KUN GZHI RNAM PAR SHES PA ZHES BYA BAR RAM, LEN PA'I RNAM PAR SHES PA ZHES BYA BAR MA BSTAN ZHE NA, SHES BYA PHRA MO BSDU PA'I PHYIR TE, NYAN THOS RNAMS NI SHES BYA THAMS CAD SHES PA LA GTOGS PA MA YIN NO, ,DE'I PHYIR DE DAG NI DE BSTAN PA MED PAR YANG SHES PA RAB TU GRUB PAS, RNAM PAR GROL BA RAB TU GRUB PA'I PHYIR MA BSTAN NO, ,BYANG CHUB SEMS DPA' RNAMS NI SHES BYA THAMS CAD SHES PA LA GTOGS PA YIN NO, ,DE'I PHYIR DE DAG LA DE BSTAN TE, DE SHES PA MED PAR NI THAMS CAD MKHYEN PA'I YE SHES THOB PAR SLA BA MA YIN NO ZHES SO, ,'O NA NYAN THOS KYI THEG PAR BSTAN PA'I SKYE RGU KUN GZHI LA ZHES PA DE NYAN THOS KYI GRUB MTHA' SMRA BA RNAMS KYIS MDO'I DON JI LTA BU ZHIG TU 'GREL ZHE NA, ( DE LTAR GSUNGS PA'I KUN GZHI LA, , DBYIG BSHES MI'U THUNG DBYANGS SGROG GSUM, ,RIM BZHIN PHUNG PO TSOR BA DANG, ,'JIG LTA GSUM LA DGONGS ZHES 'DOD, ,) DE LA BTZUN PA DBYIG BSHES NI, MDO YI DGONGS PA NYER LEN GYI PHUNG PO LNGA @036A *, ,LA DGONGS TE, DE NI SKYE RGU RNAMS DGA' BAR 'GYUR BA'I GZHI YIN PA'I PHYIR RO ZHES ZER RO, ,DE BZHIN DU BTZUN PA MI'U THUNG DANG BTZUN PA DBYANGS SGROG GNYIS KYANG TSOR BA BDE BA DANG 'JIG LTA DGONGS GZHI'O, ,ZHES 'DOD DE, THEG CHEN BSDUS PAR, YANG KHA CIG NI, BCOM LDAN 'DAS KYIS SKYE RGU KUN GZHI LA KUN TU DGA' BA ZHES RGYA CHER GANG GSUNGS PA DE LA, NYE BAR LEN PA'I PHUNG PO LNGA NI KUN GZHI ZHES BYA'O SNYAM DU SEMS SO, ,GZHAN DAG NI BDE BA'I TSOR BA 'DOD CHAGS DANG BCAS PA NI KUN GZHI'O SNYAM DU SEMS SO, ,GZHAN DAG NI 'JIG TSOGS LA LTA BA KUN GZHI'O SNYAM DU SEMS TE, DE DAG NI KUN GZHI RNAM PAR SHES PA LA RMONGS NAS LUNG DANG RTOGS PAS DE SNYAM DU SEMS SO, ,ZHES SO, ,'O NA CI MDO DE'I DON GRUB MTHA' SMRA BA DE DAG GIS BKRAL BA LTAR THEG PA CHEN POR YANG RUNG NGAM ZHE NA, ( THEG PA 'OG MA'I LUGS LA NI, ,TSUL DE MI RUNG MED MOD KYI, ,THEG CHEN PA RNAMS LUNG DE'I DON, ,KUN GZHIR 'DOD PA CHES BZANG STE, ,GANG PHYIR DBYIG BSHES SOGS KYIS NI, ,BKRAL BA SKYON DANG LDAN PHYIR RO, ,) THEG PA 'OG MA PA DE DAG NI KUN GZHI BSTAN PA'I SNOD MA YIN ZHING DE LA RMONGS PA'I PHYIR KUN GZHI'I DON GZHAN DU 'CHAD PA MI RUNG BA MED PA STE MTSANG CHUNG MOD, 'ON KYANG KUN GZHI LA MA RMONGS PA THEG CHEN PA RNAMS KYIS KUN GZHI ZHES GSUNGS PA'I DON KUN GZHI RNAM SHES SU 'DOD PA CHES BZANG STE, BTZUN PA GSUM GYI 'DOD PA NI SKYON DANG LDAN LA KUN GZHI RNAM SHES SU 'DOD PA NI RMA MED PA YIN PA'I PHYIR RO, , BTZUN PA GSUM GYI 'DOD PA SKYON DANG JI LTAR LDAN ZHE NA, JI SKAD DU, NYAN THOS KYI THEG PAR RNAM PAR BZHAG PA'I TSUL DU NA YANG DE DAG GI RNAM PAR BZHAG PA DE MI RUNG BA MED MOD KYI, DE LA MA RMONGS PA RNAMS KYIS KUN GZHI RNAM PAR BZHAG PA DE KUN GZHI RNAM PAR SHES PA YIN PAR YONGS SU BZUNG NAS RNAM PAR 'JOG PA NI CHES BZANG NGO, ,JI LTAR CHES BZANG ZHE NA, 'DI LTAR NYE BAR LEN PA'I PHUNG PO LNGA PO DAG NI SHIN MI MTHUN PA YIN NO, ,DES NA SHIN TU 'DOD PA MED PA DAG LA MI MTHUN PA YIN NO, ,DES NA SHIN TU 'DOD PA MED PA DAG LA SBYOR BA NI MI RIGS TE, 'DI LTAR DE DAG NI DE DANG 'BRAL BA NYID DU 'DOD DO, ,BDE @038B BA'I TSOR BA 'DOD CHAGS DANG BCAS PA YANG BSAM GTAN BZHI PA YAN CHAD GONG MA LA MED DE, DE DANG LDAN PA'I SEMS CAN RNAMS DANG MI MTHUN PA YIN PAS DER YANG DE DAG SBYOR BA MI RIGS SO, ,'JIG TSOGS LA LTA BA YANG CHOS 'DI PA BDAG MED PA LA MOS PA DAG DANG MI MTHUN PA YIN TE, DE'I PHYIR DE LA YANG DE DAG SBYOR BA MI RIGS SO, ,MDO'I DON KUN GZHI RNAM SHES SU 'DOD PA SKYON MED PA JI LTAR YIN ZHE NA, JI SKAD DU, KUN GZHI RNAM PAR SHES PA LA NANG GI BDAG GI DNGOS POR KHAS BLANGS PA NI, SHIN TU SDUG BSNGAL BA'I 'GRO BA RNAMS SU SKYES PA SDUG BSNGAL GYI PHUNG PO RNAM PAR ZHIG PAR 'DOD KYANG KUN GZHI RNAM PAR SHES PA LA BDAG TU CHAGS PAS BCINGS PA RNAMS, DE RNAM PAR ZHIG PAR 'DOD PAR NI NAM YANG MI 'GYUR RO, ,BSAM GTAN BZHI PA YAN CHAD GONG MAR SKYES PA RNAMS 'DOD CHAGS DANG BCAS PA'I BDE BA DANG MI MTHUN DU ZIN KYANG KUN GZHI RNAM PAR SHES PA LA BDAG GI DNGOS POR CHAGS PA'I RJES SU 'BREL BA NI YOD PA NYID DO, ,DE BZHIN DU CHOS 'DI PA BDAG MED PA LA MOS PA RNAMS BDAG TU LTA BA DANG MI MTHUN DU ZIN KYANG KUN GZHI RNAM PAR SHES PA LA BDAG GI DNGOS POR CHAGS PA'I RJES SU 'BREL BA YOD PA NYID DE, DE LTA BAS NA KUN GZHI RNAM PAR SHES PA LA KUN GZHI NYID DU CHES LEGS PAR RNAM PAR BZHAG PA GRUB BO, ,ZHES SO, ,DE DAG GIS 'DI BSTAN TE, KUN GZHI ZHES PA'I DON, SBYOR BA YIN ZHING DE YANG BDAG TU MNGON PAR 'DOD PA'I RNAM PAS SEMS CAN RNAMS DER SBYOR BA YIN PAS NA NGAN 'GRO RNAMS DANG, TSOR BA BDE BA MED PA BSAM GTAN BZHI PA YAN CHAD DANG, CHOS 'DI PA BDAG MED PA LA MOS PA RNAMS KYANG BDAG TU MNGON PAR 'DOD PA'I RNAM PAS KUN GZHI LA SBYOR BA YOD PA'I PHYIR RO SNYAM @037A *, ,DU BSAMS SO, ,DE LTAR BYAS NA NYON YID GNAS GYUR NAS KUN GZHI RNAM SHES MED PA NI SLOB DPON 'DI YIS BZHED PA KHA NA MA THO BA MED PA YIN NO, ,KUN GZHI SGRUB BYED 'PHROS PA DANG BCAS PA BSHAD ZIN TO,, ` ,,GNYIS PA NYON YID KYI RIGS PA NI, ( NYON MONGS CAN GYI YID MED NA, ,MA 'DRAS PA YI MA RIG DANG, ,LNGA PO DAG DANG 'DRA BA DANG, ,SNYOMS PAR 'JUG PA'I BYE BRAG DANG, ,NGES TSIG MED PA'I SKYON DU 'GYUR, ,'DU SHES MED PAR SKYES PA'I RGYUN, ,NGAR 'DZIN MED PA'I SKYON DU 'GYUR, ,NGAR 'DZIN PA DANG LDAN PA NI, ,RNAM PA KUN TU MI 'THAD PHYIR,, NYON YID YOD PAR SHES PAR BYA, ,) NYON YID MED NA GNOD PA DRUG 'BAB PA'I PHYIR NYON YID YOD PAR KHAS BLANG NGO, ,NYON YID MED NA MA 'DRES PA'I MA RIG PA MED PAR JI LTAR 'GYUR ZHE NA, THEG BSDUS SU, YANG DAG DON LA 'JUG PA YI, ,SEMS KYI GEGS SU RTAG GYUR DANG, ,DUS RNAMS KUN TU 'BYUNG BA DE, ,MA 'DRES PA YI MA RIG 'DOD, ,CES GSUNGS PA LTAR MA RIG PA DE NI BDAG MED PA'I DON MNGON SUM DU MTHONG BA LA RTAG TU GEGS BYED PA DGE MI DGE LUNG MA BSTAN GYI SEMS RNAMS 'BYUNG BA'I DUS THAMS CAD DU 'BYUNG BA ZHIG YIN LA, DE YANG SEMS BYUNG YIN PAS GTZO BO RNAM SHES GCIG DANG MTSUNGS PAR LDAN DGOS SHING 'DI NYON MONGS YIN PA DANG, JI SRID 'PHAGS LAM MA SKYES BAR DU RGYUN MI CHAD PA'I PHYIR KUN GZHI DANG TSOGS DRUG DANG LDAN PA MI SRID PA'I PHYIR RO, ,CI'I PHYIR 'DI LA MA 'DRES PA ZHES BYA ZHE NA, BTZUN PA NGO BO NYID MED PA NA RE, SANGS RGYAS KYI CHOS MA 'DRES PA LTAR RTEN NYON YID KHO NA LA YOD PA'I PHYIR RTEN MA 'DRES PA LA 'CHAD LA, DON GSANG MKHAN POS, 'DI'I MTHUS NYON MONGS GZHAN 'DREN NUS SHING GZHAN GYIS 'DI 'DREN MI NUS PA'I PHYIR MA 'DRES PA'AM, MA BLTOS PA'I RANG DBANG CAN LA BSHAD DE, BSHAD SBYAR DU, DE LTA NA YANG 'DI DE LAS GZHAN PA 'JIG @037B TSOGS LA LTA BA LA SOGS PA'I NYON MONGS PA DANG MTSUNGS PAR LDAN PA'I PHYIR MA 'DRES PA MI 'GRUB BO ZHE NA MA YIN NAM, MI MTHUN PAR BZHAG PA STENG NI NYON MONGS PA GZHAN DANG MTSUNGS PAR LDAN PA MA YIN PA'I PHYIR MA 'DRES PA NYID DU 'DOD PA MA YIN GYI 'O NA CI ZHE NA, GZHAN LA MED PA'I PHYIR TE SANGS RGYAS KYI CHOS MA 'DRES PA BCO BRGYAD BZHIN NO ZHES SO, ,DON GSANG DU, MA 'DRES PA NI MA RIG PA RANG DBANG CAN YIN GYI RTZA BA'I NYON MONGS PA GZHAN DANG MTSUNGS PAR MI LDAN PAS MA YIN TE KHRO BA LA SOGS PA DANG MTSUNGS PAR LDAN PA YANG DER THAL BAR 'GYUR DU 'ONG BAS SO, ,NYON MONGS PA DANG NYE BA'I NYON MONGS PA THAMS CAD DANG MTSUNGS PAR MI LDAN PAS DER THAL BAR 'GYUR BA YANG MA YIN TE DE MED PAR THAL BA NYID DU 'GYUR BAS SO, ,DE LTA BAS NA RTZA BA'I NYON MONGS PA DANG MTSUNGS PAR LDAN PA DANG, DE LAS GZHAN PA'I SEMS DANG SEMS LAS BYUNG BA'I TSOGS LA YANG RDZAS GZHAN DANG MA 'DRES PA'I PHYIR RANG DBANG CAN NI MA 'DRES PA YIN GYI THUN MONG MA YIN PA'I DON GYIS NI MA YIN TE, RNAM PAR SHES PA GZHAN DANG MTSUNGS PAR LDAN PAS DER THAL BAR 'GYUR DU 'ONG BAS SO ZHES, 'DI MTSUNGS LDAN MA 'DRES PAR 'DOD PA LA RTZA NYON GZHAN DANG MA 'DRES PA LA 'JOG NA KHRO BA LTA BU DANG MTSUNGS LDAN GYI MA RIG PA YANG MA 'DRES PAR 'GYUR LA, RTZA NYON NYE NYON THAMS CAD DANG MI LDAN PA LA 'DOD NA DE LTA BU'I MA RIG PA MI SRID DO, ,DES NA MA 'DRES PA NI RDZAS GZHAN DANG MA 'DRES PA RDZAS RANG DBANG CAN GYI DON YIN PAS NA, RTZA NYON GZHAN DANG SEMS SEMS BYUNG DE LAS GZHAN PA DANG LDAN PA LA MTSUNGS LDAN MA 'DRES PA MED KYANG RDZAS GZHAN DANG MA 'DRES PA YOD PA'I PHYIR MA 'DRES PA YIN ZHES 'DOD PA TZAM LAS RANG DBANG CAN GYI DON GZHAN SKABS 'DIR MA BSHAD KYANG, 'OG TU, DE NI NYON MONGS PA CAN GYI YID YIN NO, ,DE LA NI MA RIG PA RANG DBANG CAN YOD DE, DE'I STOBS KYIS DE DANG @038A *, ,MTSUNGS PAR LDAN PA'I 'DOD CHAGS LA SOGS PA DRANGS PA'I PHYIR RO ZHES 'BYUNG BA'I PHYIR RO, ,DON GSANG MKHAN PO RDZAS MA 'DRES PA ZHES BSHAD KYANG MTHU MA 'DRES PA LA BSHAD DO, ,DE LTAR LUGS GNYIS YOD PA LAS MA TA MA TI GNYIS PA 'THAD PAR BZHED KYANG RANG LUGS LA RTEN MA 'DRES PA 'THAD PAR MNGON TE, CI TZAM NAS RMONGS PA'I MTHUS CHAGS SOGS GZHAN RNAMS 'JUG KYANG DE DAG LA BRTEN NAS KYANG MA RIG PA 'JUG PA'I PHYIR DANG, NYON YID KYI 'KHOR RNAMS PHAN TSUN RGYU 'BRAS YIN PAS 'DI KHO NAS DRANG ZHES BZHAG TU MED PA'I PHYIR RO, ,CI'I PHYIR NYON YID MED NA LNGA PO DAG DANG MI 'DRA BA'I SKYON DU 'GYUR ZHE NA, THEG BSDUS SU, NYON MONGS PA CAN GYI YID DE YOD PAR CI MNGON ZHE NA, DE MED DU ZIN NA MA RIG PA MA 'DRES PA MED PA'I SKYON DU 'GYUR RO, ,LNGA PO DAG DANG 'DRA BA MED PA'I SKYON DU YANG 'GYUR TE 'DI LTAR RNAM PAR SHES PA LNGA'I TSOGS DAG GI LHAN CIG 'BYUNG BA'I GNAS NI MIG LA SOGS PA'O, ,ZHES SO, ,'DI LA GNYIS, DON GSANG GI LUGS NI YID SHES NI RTEN 'DAS PA KHO NA MA YIN TE, 'JUG SHES YIN PA'I PHYIR, DPER NA MIG SHES BZHIN, DON NI DBANG SHES LNGA LA 'DAS PA'I RTEN 'DAS MA THAG PA'I YID RE DANG LHAN CIG PA'I RTEN DBANG PO LNGA STE GNYIS YOD LA YID SHES LA MED PA MI 'THAD DE 'JUG SHES SU KHYAD PAR MED PA'I PHYIR ZHES PA'O, ,BSHAD SBYAR GYI LUGS NI, 'DI NI RANG LUGS LA 'DOD PA MIN GYI, GZHAN GYI GZHUNG LAS LHAN CIG SKYES PA'I GNAS MED PA'I RNAM PAR SHES PA CI YANG MED DO ZHES 'BYUNG BAS NI DE SUN 'BYIN PA'O, ,JI LTAR ZHE NA, TSOGS DRUG LAS MI 'DOD PA DE DAG LA KUN GZHI DANG NYON YID NI MED PAS NA YID SHES MED PAR 'GYUR TE LHAN CIG PA'I RTEN MED PA'I PHYIR RO, ,'GREL PA GNYIS KA MA GRUB STE, SNYING GI PHYOGS BU GA GCIG NAS DGU'I BAR RNAMS YIN NO ZHE NA, MI 'THAD DE YID SHES DE NGES PAR RTOG PA DANG RJES SU DREN PA'I RNAM @038B RTOG GIS RTOG BCAS SU MI 'GYUR TE DBANG PO GZUGS CAN RTEN DU YOD PA'I PHYIR RO, ,DPER NA DBANG SHES BZHIN, ,GZHAN YANG YID SHES KYI TSOR BA RDUL PHRA RAB BSAGS PA LA BRTEN PA'I PHYIR SEMS TSOR BA MA YIN PAR 'GYUR BA DANG, YID NI NANG GI SKYE MCHED DE BSTAN DU MED PA ZHES PA'I MDO DANG 'GAL [GSANG] BA'I PHYIR RO, ,ZHES PA'O, ,DE LTAR LUGS GNYIS YOD KYANG, [MDZOD] THA MA'I RTEN 'DAS LNGA RNAMS KYI, ,DE DANG LHAN CIG SKYES PA'ANG YIN, ,ZHES PA LTAR 'DOD PA RNAMS LA DON GSANG LTAR SGRUB DGOS LA YID SHES LA LHAN CIG SKYES PA'I RTEN SNYING GI GZUGS YOD PAR 'DOD PA BSHAD SBYAR LTAR YANG BYA'O, ,CI'I PHYIR NYON YID MED NA SNYOMS 'JUG BYE BRAG MED PA'I SKYON DU 'GYUR RO ZHE [GSANG] NA, NYON YID MED NA SNYOMS 'JUG GNYIS KYI NGO BO LA KHYAD MED PAR 'GYUR TE, TSOGS DRUG 'GAG PAR NI 'DRA LA NYON YID YOD MED KYI KHYAD PAR MED PA'I PHYIR RO, ,KHO BO CAG LTAR NA 'DU SHES MED PA'I SNYOMS 'JUG LA NGA'O SNYAM PA'I NGA RGYAL DANG NGAR 'DZIN DANG BDAG TU CHAGS PA RNAMS YOD PAS MA ZHI LA 'GOG SNYOMS DE DAG DANG BRAL BAS ZHI BA'I PHYIR [GSANG] RO, ,GAL [BSHAD] TE SA DANG YID BYED THA DAD PAS BYE BRAG MED PAR MI 'GYUR RO ZHE NA MA YIN TE KHYAD PAR DE TZAM YOD KYANG ZHI MA ZHI'I NGO BO'I KHYAD PAR MI 'THAD PA SO NA GNAS [SBYAR] SO, ,'ON [DON] TE 'PHAGS PA DANG SO SKYE'I RGYUD KYI KHYAD PAR YANG YOD DO ZHE NA, DE GNYIS KYI KHYAD PAR YANG MI 'THAD DE 'DI LTAR 'PHAGS PA RNAMS KYIS 'DU SHES MED PA'I SNYOMS 'JUG LA G-YANG SAR 'DU SHES NAS SPONG BA YIN LA DE YANG NGAR 'DZIN SOGS MA ZHI BAS YIN GYI TSOGS DRUG 'GAG TZAM GYIS SPONG NA 'GOG SNYOMS KYANG SPONG BAR 'GYUR RO, ,KHO BA CAG LTAR NA, ZHI BA DANG MA ZHI BA'I KHYAD PAR YOD PAS SPONG MI SPONG RIGS SO, ,DE LTAR YANG THEG CHEN BSDUS PAR, 'DU SHES MED PA DANG 'GOG PA'I SNYOMS PAR 'JUG PA BYE BRAG MED PA'I SKYON DU YANG 'GYUR TE 'DI @039A *, ,LTAR 'DU SHES MED PA'I SNYOMS PAR 'JUG PA NI NYON MONGS PA CAN GYI YID KYIS RAB TU PHYE BA YIN GYI, 'GOG PA'I SNYOMS PAR 'JUG PA NI MA YIN TE, GZHAN DU NA 'DI GNYIS BYE BRAG MED PA NYID DU 'GYUR RO, ,ZHES SO, ,CI NYON YID MED NA 'DU SHES MED PA BAR SKYES PA RNAMS NGAR 'DZIN MED PA'I SKYON DU 'GYUR RO ZHE NA, 'DU SHES MED PAR SKYES PA'I DANG PO'I TSE YID SHES NGAR 'DZIN DANG BCAS PAR SKYE BAS NYON MONGS CAN DANG NGAR 'DZIN YOD DU CHUG KYANG SKYES NAS JI SRID 'CHI BA'I SEMS MA SKYES KYI BAR GYI RGYUN DE NGAR 'DZIN MED PAR 'GYUR TE, NYON YID NI MED LA TSOGS DRUG 'GAG PA'I PHYIR RO,, GAL [BSHAD] TE DANG PO SKYES PA'I TSE NGAR 'DZIN CAN GYI YID MNGON DU 'GYUR BA DE'I RJES SU NGAR 'DZIN MNGON GYUR MED KYANG BAG CHAGS YOD PAS NA NGAR 'DZIN DANG BCAS PA'O ZHE NA, MI RUNG STE NGAR 'DZIN GYI RTEN YID SHES MED LA GZUGS KYI PHUNG PO BAG CHAGS KYI BSGO GZHIR MI RUNG BA'I PHYIR [SBYAR] RO, ,'DU SHES MED PA'I LHA LA NGAR 'DZIN MED NA NYON MONGS PA CAN MA YIN PAR 'GYUR RO, ,DE 'DOD NA [DON] 'PHAGS PA RNAMS KYIS 'DU SHES MED PA DE DAG MI KHOM PA'I GNAS SU GZIGS NAS SPONG BAR MI 'GYUR RO, ,TSOGS DRUG ZHI TZAM GYIS MA KHOM PAR MTHONG NAS SPONG BA YANG MA YIN TE 'GOG SNYOMS BZHIN NO, ,NYON YID YOD NA NI NGAR 'DZIN LA SOGS PA KUN TU 'BYUNG BA DANG TSOGS DRUG KYANG MED PAS PHYIN CI LOG GIS BSKAL CHEN LNGA BRGYA TZAM DU GNAS DGOS PAS MI KHOM PA'I GNAS SU 'GYUR RO, ,DE LTAR THEG CHEN BSDUS PAR, GAL TE 'DU SHES MED PA BA DE NA NGAR 'DZIN PA DANG, NGA'O SNYAM PA'I NGA RGYAL MED NA 'DU SHES MED PA BAR SKYE BA THOB MA THAG TU NYON MONGS PA CAN MA YIN PA'I SKYON DU YANG 'GYUR RO ZHES SO, ,NYON YID MED NA NGES TSIG MED PA'I SKYON DU JI LTAR 'GYUR ZHE NA, NYON YID MED NA RTAG TU NGAR SEMS PA'I PHYIR YOD DO ZHES PA'I NGES TSIG 'DI RNAM SHES GANG LA YANG MI GNAS PAR 'GYUR TE KUN GZHI DANG DBANG SHES LA NGAR SEMS PA @039B MED LA YID SHES 'KHOR BCAS LA RTAG TU SEMS PA MED PA'I PHYIR RO, ,DE LTAR YANG THEG BSDUS SU, NGES PA'I TSIG MED PA'I SKYON DU YANG 'GYUR RO ZHES SO, ,CI'I PHYIR NYON YID MED NA NGAR 'DZIN PA RNAM PA KUN TU 'BYUNG BA MI 'THAD CE NA, NGA SBYIN PA BYED NGA SROG GCOD NGA KHRUS BYED CES PA LTAR DGE MI DGE LUNG MA BSTAN GYI SEMS THAMS CAD LA NGAR 'DZIN DMIGS SHING DE YANG NYON YID YOD NA RUNG GI MED NA MI RUNG STE DE MED NA NGAR 'DZIN MI DGE BA'I SEMS DANG MTSUNGS PAR LDAN PAS NA DGE BA DANG LUNG MA BSTAN GYI SEMS DANG DUS GCIG TU 'BYUNG NGO, ,NYON YID YOD NA DE'I 'KHOR DU 'BYUNG ZHING DE YANG LUNG MA BSTAN YIN PA'I PHYIR DGE MI DGE'I SEMS DANG LHAN CIG TU 'JUG PAR MI 'GAL LO, ,DE SKAD DU YANG THEG BSDUS SU, DGE BA DANG MI DGE BA DANG LUNG DU MA BSTAN PA'I SEMS RNAMS LA YANG NGAR 'DZIN 'DZIN PA DUS THAMS CAD DU KUN TU 'BYUNG BAR DMIGS PA'I YANG PHYIR RO, ,GZHAN DU NA NI MI DGE BA'I SEMS KHO NA DANG DE MTSUNGS PAR LDAN PAS NGA'O SNYAM PA'I NYON MONGS PA KUN TU 'BYUNG GI DGE BA DANG LUNG DU MA BSTAN PA DAG LA NI MA YIN NO ZHES SO, ,'DI LA NGO BO NYID MED PAS NGAR 'DZIN DUS KUN TU 'BYUNG BA DE YANG MA RIG PA MED NA MED CING MA RIG PA DE YANG RTEN NYON YID KHO NA LA YOD PAS SO ZHES 'CHAD LA, DON GSANG DU, NGAR 'DZIN DGE MI DGE LUNG MA BSTAN GYI SEMS THAMS CAD KYI TSE YOD PA LTAR SNANG BA NI CHA PHRA BAS 'KHRUL NAS DGE BA DANG LUNG DU MA BSTAN GYI SEMS DANG DUS MNYAM PAR BZUNG BA YIN LA, NYON YID MI 'DOD NA MI DGE BA'I SEMS KHO NA LA NGAR 'DZIN 'BYUNG ZHES PA MI 'THAD DE, BYE SMRA LTAR NA 'JIG LTA BSGRIBS LA LUNG MA BSTAN DANG, MDO SDE PA DANG RANG NYID KYI LUGS LTAR NA YANG NGAR 'DZIN DANG NGA'O SNYAM PA'I NGA RGYAL LHAN SKYES RNAMS BSGRIBS LA LUNG DU MA BSTAN GYI SEMS KHO NA LA 'BYUNG BAR 'DOD PA'I PHYIR RO ZHE NA, ZHES PA'I RTZOD PA GNYIS BKOD NAS DANG PO'I LAN LA, NGAR 'DZIN DUS THAMS CAD DU MI 'BYUNG NA SO SKYE'I @40A *, ,DGE BA DANG LUNG MA BSTAN JI LTAR ZAG BCAS YIN, ZAG PA LA DMIGS PAS ZAG PA RGYAS PA'I ZAG BCAS SU MI 'GYUR TE, SEMS DE GNYIS MNGON DU GYUR PA'I TSE RANG RGYUD KYI ZAG PA 'GAG PA DANG MA SKYES NAS MED PAS MED PA LA RGYAS PAR MI SRID PA'I PHYIR RO, ,GZHAN GYI ZAG PA LA DMIGS PAS KYANG MA YIN TE PHYI'I DMIGS PA MI 'DOD PAS SO, ,ZAG PA'I BDAG PO TZAM GYIS YIN NA ZAG MED LA YANG THAL LO, ,ZAG PA'I SA BON DANG 'BREL BAS YIN NA LAM BDEN LA YANG THAL LO, ,DES NA NYON YID YOD NA ZAG PA MNGON GYUR DANG LHAN CIG 'JUG PA'I PHYIR ZAG BCAS SU RUNG NGO ZHES DANG, GNYIS PA'I LAN LA, 'BRAS BU MI 'DOD PA 'BYIN PA'I MI DGE BA MIN GYI DGE BA'I MI MTHUN PA'I PHYOGS TZAM LA BYA'O, ,ZHES 'CHAD DO, ,NYON YID KYI SGRUB PAR BYED PA RNAMS BSHAD ZIN TO, ,YID DANG KUN GZHI'I DKA' BA'I GNAS RGYA CHER 'GREL PA LEGS PAR BSHAD PA'I RGYA MTSO ZHES BYA BA LAS SGRUB BYED BSHAD PA STE LE'U GNYIS PA'O,, ` ,,GSUM PA RNAM SHES TSOGS DGUR 'DOD PA DGAG PA LA GNYIS LAS, PHYOGS SNGA MA NI, ( BDUN PA LEN PA'I RNAM SHES DANG, ,KUN GZHI GSUM DU 'CHAD PA DANG, ,DGU PA DRI MED RNAM SHES SU, ,'DOD PA YANG DAG BDEN PA'I LUGS, ,) 'DIR THEG PA CHEN PO'I SLOB DPON RNAMS RNAM SHES GRANGS MANG NYUNG DU 'DOD PA RNAMS RGYA'I SLOB DPON WEN TSEG GIS BSHAD PA LTAR DGOD DO, ,DE YANG DGONGS 'GREL GYI 'GREL CHEN BAM PO DON LNGA PA LAS, NYAN THOS KYI SNGE SNOD RNAMS LAS RNAM PAR SHES PA NI DRUG KHO NA'O ZHES 'BYUNG GI BDUN DANG BRGYAD CES PA NI MI STON TE DE NYID LAS BSTAN PA BZHIN NO, ,'DIR THEG PA CHEN PO'I BSTAN PA DANG SBYAR NA BSHAD PA RNAM PA GNYIS YOD DE, DE LA DANG PO NI SLOB DPON KLU SGRUB LA SOGS PA RNAM PAR SHES PA NI DRUG KHO NA'O ZHES BSHAD DE, DE'I PHYIR SLOB DPON BHA BYAS MDZAD PA'I BSTAN BCOS DBU MA SNYING PO'I NANG NAS DE KHO NA NYID KYI BDUD @40B RTZI LA 'JUG PA'I LE'U LAS RNAM PAR SHES PA DRUG LAS GUD NA GZHAN KUN GZHI RNAM PAR SHES PA MED DE, MIG LA SOGS PA'I RNAM PAR SHES PA DRUG GIS MA BSDUS PA'I PHYIR NAM MKHA'I ME TOG DANG MTSUNGS PA ZHES BSHAD DO, ,DE'I PHYIR DE DAG GI GZHUNG GIS RNAM PAR SHES PA DRUG KHO NA RNAM PAR BZHAG PAR RIG PAR BYA'O, ,GNYIS PA 'PHAGS PA BYAMS PA'I GZHUNG GIS NI, 'PHAGS PA GSER 'OD DAM PA'I MDO SDE LA SOGS PA LA BRTEN NAS RNAM PAR SHES PA BRGYAD TSANG BAR 'JOG PA'I GZHUNG LA BRTEN NAS, RGYA GAR YUL PA'I SLOB DPON RNAMS RNAM PA GSUM DU BSHAD DE, DANG PO NI, SLOB DPON BO DE LE'U CES BSTAN BCOS RNAM PAR RIG PA TZAM DU GRUB PA LA BRTEN NAS SEMS RNAM PA GNYIS RNAM PAR 'JOG GO ,DE LA DANG PO NI CHOS NYID KYI SEMS TE DE YANG DE BZHIN NYID KYI NGO BO NYID DO, ,DE BZHIN NYID KYI NGO BO NYID 'DI NYID LA SEMS ZHES BYA YANG DMIGS PA CAN NI MA YIN NO, ,GNYIS PA NI MTSUNGS PAR LDAN PA'I SEMS TE DAD PA DANG 'DOD CHAGS LA SOGS PA'I SEMS LAS BYUNG BA RNAMS DANG MTSUNGS PAR LDAN PA'O, ,ZHES BSHAD DE, DE NI 'DI SKAD DU RNAM PAR RIG PA TZAM GYI YID KYI NGO BO NYID YIN PA'I PHYIR YID DANG RNAM PAR SHES PA ZHES BSHAD KYANG 'GAL BA MED DO, ,ZHES BYA BA'I THA TSIG GO , GNYIS PA NI, SLOB DPON YANG DAG BDEN PAS RNAM PAR NGES PA'I MDZOD CES BYA BA'I BSTAN BCOS LA BRTEN NAS RNAM PAR SHES PA DGU'I DON 'JOG STE, RNAM PAR SHES PA DGU'I LE'U LAS BSTAN PA BZHIN NO, ,DE LA RNAM PAR SHES PA DGU ZHES BYA BA YANG MIG LA SOGS PA'I RNAM PAR SHES PA DRUG NI PHAL CHER BSTAN BCOS GZHAN DAG LAS BSHAD PA DANG MTHUN NO, ,BDUN PA NI LEN PA'I RNAM PAR SHES PA STE BRGYAD PA LA BDAG DANG BDAG GIR 'DZIN PAS NYON MONGS PA KHO NA'I SGRIB PA DANG LDAN GYI CHOS KYI 'DZIN PA NI MED DE NGES PAR SANGS RGYAS SU MI 'GRUB BO, ,BRGYAD PA NI KUN GZHI RNAM PAR SHES PA STE 'DI YANG RNAM PA GSUM @41A *, ,MO, ,KHA CIG NA RE, DANG PO NGO BO NYID KYI KUN GZHI NI SANGS RGYAS 'GRUB PA'I DON DANG LDAN PA'O, ,GNYIS PA RNAM PAR SMIN PA'I KUN GZHI NI KHAMS BCO BRGYAD PO DAG LA DMIGS PA STE DE'I PHYIR BSTAN BCOS DBUS DANG MTHA' RNAM PAR 'BYED PA'I TSIG LE'UR BYAS PA LAS, [ 'DIR BSGYUR BA LAS MI SNANG YANG RGYA NAG TU 'GYUR BA LA YOD PAR GSAL ] DBANG PO DON DANG BDAG RNAM RIG ,SNANG BA'I RNAM PAR SHES PA LAS, ,DE DANG 'DRA BAR RAB TU SKYE, ,ZHES 'BYUNG BAS BSTAN BCOS 'DI DAG LA SOGS PA LA BRTEN NAS BRGYAD PA KHAMS BCO BRGYAD LA DMIGS PAR BYED DO ZHES BSHAD DO, , GSUM PA KUN NAS NYON MONGS PA'I KUN GZHI 'DI NI DE BZHIN NYID KYI YUL LA DMIGS NAS NGA RGYAL RNAM PA BZHI 'BYUNG STE, DE NI CHOS 'DZIN PA YIN GYI GANG ZAG TU 'DZIN PA NI MIN NO ZHES SLOB DPON BLO BRTAN GYI GZHUNG LA BRTEN NAS DE SKAD DU 'CHAD DO, ,DGU PA NI DRI MA MED PA'I RNAM PAR SHES PA STE DE BZHIN NYID KYI BDAG NYID DO, ,DE BZHIN NYID KYI BDAG NYID GCIG LA DON GNYIS DANG LDAN PAS, DANG PO NI DMIGS PAR BYA BA'I YUL TE, DE BZHIN NYID DANG YANG DAG PA'I MTHA' ZHES BYA BA LA SOGS PA'O, ,GNYIS PA NI DMIGS PAR BYED PA STE DE NI DRI MA MED PA'I RNAM PAR SHES PA ZHES KYANG BYA BZOD MA NAS RIG PA ZHES KYANG BYA STE ZHIB TU RNAM PAR SHES PA DGU BSTAN PA DANG, BSTAN BCOS RNAM PAR NGES PA'I MDZOD KYI NANG NAS RNAM PAR SHES PA DGU BSTAN PA'I LE'U LAS 'BYUNG BA BZHIN NO ZHE'O, ,GSUM PA NI, SLOB DPON HYAN [ 'DI MKHAS PA GCIG BYUNG 'DUG ] TZANG GIS DE 'PHAGS PA LANG KAR GSHEGS PA'I MDO KUN LAS BRGYAD PA NI KUN GZHI RNAM PAR SHES PA'O, ,ZHES GSUNGS PA'I PHYIR RO, ,GAL TE DE LTAR NA CI'I PHYIR SHES RAB KYI PHA ROL TU PHYIN PA'I MDO LE'U CHEN PO LA SOGS PA LAS RNAM PAR SHES PA NI DRUG KHO NA'O ZHES GSUNGS, SLOB DPON CHOS SKYONG GI BSTAN BCOS RNAM PA RIG PA TZAM DU GRUB PA LAS, @41B BRDA SPRAD DE BSHAD PA LAS JI SKAD DU, MDO LAS RNAM PAR SHES PA NI DRUG GO ZHES GSUNGS PA DE NI RJES SU 'GYUR BA'I DON GYI SGO YIN NO, ,YANG NA RTEN DU GYUR PA'I DBANG PO DRUG GI RJES SU RNAM PA DRUG GO ZHES GSUNGS PA YIN TE RNAM PAR SHES PA'I RNAM PA'I BYE BRAG NI YANG DAG PAR NA RNAM PA BRGYAD DO, ,CI SLOB DPON KLU SGRUB KYIS RNAM PA DRUG KHO NA'O ZHES MA BZHAG GAM ZHE NA, SMRAS PA YANG DAG PAR NA SLOB DPON KLU SGRUB KYIS BDUN DANG BRGYAD PA YANG YOD PAR YID CHES MOD KYI ZHES SO, ,DE LTAR 'DOD PA GSUM BKOD NAS WEN TSEG RANG NYID HYAN TZANG GI RJES SU 'BRANG ZHING SLOB DPON LEGS LDAN 'BYED KYI BZHED PA BKOD PA NI DA LTA BOD DU 'GYUR BA'I DBU MA SNYING PO'I NANG NA KUN GZHI DE LTAR BKAG PA MI SNANG LA LE'U'I MING 'DOGS KYANG DE 'DRA MI 'DUG GO ,DES NA SLOB DPON WEN TSEG GI MING LA 'PHANG THANG GI DKAR CHAG TU RDZOGS GSAL ZER BA 'DUG PAS NA RIG PA'I RAL GRI DRI MA MED PA'I RNAM SHES DGUR 'DOD MKHAN RDZOGS GSAL DU BZHED PA MI 'THAD DE RDZOGS GSAL RGYA NAG YIN ZHING, DGUR YANG DAG BDEN PA 'DOD LA, DE RGYA GAR BA YIN PA'I PHYIR RO, ,DE LTAR TSOGS DGUR 'DOD PA DGAG PA NI, ( TSOGS BRGYAD DAG LAS LOGS PA YI, ,GTZO BO RNAM SHES YOD GYUR NA, ,RTAG PA'I DNGOS POR 'GYUR BA'I PHYIR, ,TSOGS DGUR 'DOD LA SGRUB BYED MED, ,) TSOGS BRGYAD LAS LOGS SU GYUR PA'I GTZO BO RNAM SHES YOD NA RTAG PA YANG YIN LA DNGOS PO YANG YIN PA YOD PAR 'GYUR TE, DE 'DUS BYAS MA YIN ZHING YUL DMIGS PAR BYED PA'I RNAM SHES YIN PA'I PHYIR RO, ,CI STE TSOGS BRGYAD DU MI 'DU YANG 'DUS BYAS SU 'DOD DO ZHE NA, MI RUNG STE GZUGS DANG LDAN MIN YIN NA DMIGS BYED DU 'GAL ZHING SEMS BYUNG YANG MIN LA SEMS SU YANG MI RUNG STE, TSOGS BRGYAD DU MI 'DU BA'I RNAM SHES YOD PAR 'DOD PA LA LUNG RIGS YANG DAG MED PA'I PHYIR DANG, RNAM SHES BDUN PA LEN PA'I RNAM SHES @42A *, ,SU DE BZHIN GSHEGS PA'I MDO DANG RGYAL BA BYAMS PA'I GZHUNG GI CHA GANG DU YANG MA GSUNGS PA'I PHYIR DANG, SHING RTA CHEN PO SKU MCHED KYI BZHED PA MIN LA DE DAG GI GZHUNG LA TSAD MAR GYUR PA BLO BRTAN RANG DANG YANG MI MTHUN PA'I PHYIR RO, ,YID DANG KUN GZHI'I DKA' BA'I GNAS RGYA CHER 'GREL PA LEGS PAR BSHAD PA'I RGYA MTSO ZHES BYA BA LAS RNAM SHES TSOGS DGUR 'DOD PA DGAG PA STE LE'U GSUM PA'O, ,`, , BZHI PA RNAM SHES TSOGS GCIG TU 'DOD PA DGAG PA LA, PHYOGS SNGA MA BRJOD PA DANG, DE DGAG PA GNYIS SO, ,DANG PO NI, (YID SHES GCIG NYID DBANG DRUG GI ,RTEN LA SO SOR RGYU BA'I TSE, ,SO SO'I MING DU BTAGS PA TZAM, ,BRAM ZE'I TSOMS DANG SKYE MCHED NI, ,BCU GNYIS STON PA'I MDO LAS KYANG, ,GCIG PUR GSUNGS DANG RNAM SHES DRUG ,YID KYI SKYE MCHED YIN GSUNGS PHYIR, ,SHES KUN YID SHES GCIG PU LO, ,) 'DI BYANG SEMS GCIG PUR SMRA BA'I 'DOD SBYAR DU BSHAD DO, ,DE YANG BRAM ZE'I TSOMS LAS, RING DU 'GRO BA GCIG PU RGYU, ,GDUL BAR DKA' BA'I SEMS 'DUL BYED, ,DE NI BRAM ZE NGAS BSHAD DO, ,ZHES GCIG PU RGYU ZHES SEMS DE GCIG PUR GSUNGS PA DANG, MDO LAS KYANG RNAM PAR SHES PA'I TSOGS DRUG NI YID KYI SKYE MCHED DO, ,ZHES DANG, RNAM PAR SHES PA DRUG GI YUL NI YID KYIS MYONG ZHING YID NI 'DI DAG GI STON PA'O, ,ZHES 'BYUNG BA'I PHYIR YID SHES GCIG NYID RTEN DBANG PO SO SO LA BRTEN NAS YUL SO SO LA RGYU BA RNAM SHES SO SO'I MING THOB PA YIN TE DPER NA KHANG PA BU GA MANG PO YOD PA RU MAR ME GCIG BTEGS PA BZHIN NO, ,DE LTAR YANG THEG CHEN BSDUS PAR, KHA CIG NI YID KYI RNAM PAR SHES PA DE NYID RTEN DE DANG DE NAS 'BYUNG BA NA DE DANG DE'I MING 'THOB STE, SEMS PA LA LUS DANG NGAG GI LAS ZHES BYA BA BZHIN NO SNYAM MO, ,RTEN THAMS CAD DU 'BYUNG BA LA SNA TSOGS KYI RNAM PAS GNYIS SU SNANG BA 'BYUNG STE, DE DON TZAM DU SNANG BA DANG, RNAM PAR RTOG PAR SNANG BA'I PHYIR RO, ,GZUGS CAN GYI KHAMS @42B NA NI YID KYI RNAM PAR SHES PA LUS LA GNAS PA'I PHYIR, DE LAS GZHAN PA'I DBANG PO GZUGS CAN LUS LA SNANG BA BZHIN DU GNAS THAMS CAD DU'ANG REG BYA LA 'DZIN PAR SNANG BA'ANG 'BYUNG NGO, ,'DIR TSIGS SU BCAD PA, GANG ZHIG LUS MED PHUG GNAS SHING, ,RING DU 'GRO LA GCIG PU RGYU, ,GDUL BAR DKA' BA'I SEMS 'DUL BYED, ,DE NI BRAM ZE NGAS BSHAD DO, ,YANG DBANG PO LNGA PO 'DI DAG GI SPYOD YUL GYI YUL NI YID KYIS MYONG STE YID NI 'DI DAG GI STON PA'O, ,ZHES JI SKAD GSUNGS PA LTA BU'O, ,YANG SKYE MCHED BCU GNYIS BSTAN PA LAS, RNAM PAR SHES PA'I TSOGS DRUG NI YID KYI SKYE MCHED DO ZHES JI SKAD GSUNGS PA LTA BU'O, ,ZHES SO, ,GZUGS CAN GYI ZHES PA NAS SNANG BA YANG 'BYUNG ZHES PA'I BAR GYI DON NI, YID SHES DE LAS GZHAN PA'I DBANG PO GZUGS CAN LNGA PO RNAMS LUS LA GNAS PA STE DBANG PO DE DAG LA PHAN PA DANG GNOD PA BZHIN GZUGS CAN GYI KHAMS NA YID SHES LUS LA GNAS PAS DE'I MYONG BA LUS KYI'ANG YIN ZHING LUS KYI GNAS THAMS CAD DU REG BYA LCI YANG SOGS LA 'DZIN PAR YANG SNANG ZHES PA'O, ,RNAM PA GNYIS SU SNANG ZHES PA YID SHES DE'I CHA GCIG NI DON TZAM DU SNANG ZHING RIG LA ZHEN ZHING RTOG PA MED LA CHA GCIG NI DON DU SNANG BA LA ZHEN ZHING RTOG PAS NA YID SHES KYANG YIN PA'I PHYIR RTOG MED KHO NAR 'GYUR BA'I SKYON MED CES PA'I DON NO, ,KHUNGS GNYIS PAR STON PA ZHES PA NI YID KYI DBANG GIS 'GRUB PA'I DON NO, ,GNYIS PA DE DGAG PA NI, (LUNG DON GZHAN DU NUS PHYIR DANG, , DBANG SHES KYIS KYANG LKOG GYUR DANG, ,'DAS DANG MA 'ONGS 'DZIN 'GYUR PHYIR, ,TSOGS GCIG 'DOD PA MUN SPRUL LO, ,) RE ZHIG LUNG LAS RNAM SHES GCIG TU MI 'GRUB STE 'DI LTAR GCIG TU RGYU ZHES PA YID SHES KHO NA LA DGONGS SHING DBANG PO LNGA'I SPYOD YUL LA YID RGYU BA DANG YID DBANG SHES KYI STON PAR GSUNGS PA NI RIM PA LTAR YID KYI SHES PAS CHOS THAMS CAD 'DZIN PA DANG, YID SHES KYI MTHUS DBANG @043A *, ,SHES YUL LA 'JUG PA YOD PA DANG, DE DAG YUL LA MI 'PHRO BAR NANG DU SDUD PA YANG YID SHES KYI NUS PA LA DGONGS PA YIN PA'I PHYIR DANG, TSOGS DRUG YID KYI SKYE MCHED DU GSUNGS PA SKYE MCHED BCU GNYIS SU BYED PA LA SKYE MCHED GZHAN DU GZHAG TU MED PAS DER BSHAD KYI YID SHES SU STON PA MA YIN TE, YID DANG YID SHES GCIG MA YIN PA'I PHYIR RO, ,RIGS PAS KYANG MI 'GRUB STE, GAL TE GCIG NA DBANG SHES KYIS KYANG LKOG GYUR RTAGS LAS DPOG PA DANG, 'DAS MA 'ONGS 'DZIN PA SRID PAR 'GYUR TE YID SHES YIN PA'I PHYIR RO, ,YANG YID SHES KYANG RTOG MED KHO NAR 'GYUR TE, DBANG SHES DANG RDZAS GCIG PA'I PHYIR RO, ,CI STE DE GCIG KYANG DON TZAM DU SNANG BA DANG ZHEN ZHING RTOG PA'I CHA GNYIS YOD CES MA BRJOD DAM ZHE NA, CHA GNYIS KYANG YIN LA RDZAS GCIG PU YANG YIN PA 'DI NI LHA RNAMS DGA' BAR BYED KYI DON SHES PA NI MA YIN NO, ,TSOGS GCIG TU 'DOD PA 'DI THEG BSDUS SU DNGOS SU MA BKAG KYANG TSOGS BRGYAD BSGRUB PA NYID 'DI BKAG PA YIN NO, ,BSHAD SBYAR DU 'DI'I 'GREL PAR MA BKAG MOD 'ON KYANG GONG DU YID SHES KYI RTEN GYI SNYING GI GZUGS SU 'DOD PA BKAG PA 'DI'I YANG DGAG PA'O, ,RNAM SHES BRGYAD LAS GRANGS MANG BA DANG NYUNG BAR SMRA BA LA LUNG RIGS KYI GNOD PA YOD PA, ( DE PHYIR YID CHES LUNG RIGS KYIS, ,GRUB PA RNAM SHES BRGYAD YIN PHYIR, ,GSANG BA'I GNAS LA MI ZHUM PA'I, ,MKHAS PAS BRGYAD NYID 'DOD PAR BYA, ,) DE BZHIN GSHEGS PA'I GNAS ZAB MO KUN GZHI DANG, RNAM PAR RIG PA TZAM GYI LTA BA LA MI SKRAG PA'I MKHAS PA RNAMS KYIS TSOGS BRGYAD NYID DU 'DOD PAR BYA'O, ,YID DANG KUN GZHI'I DKA' BA'I GNAS RGYA CHER 'GREL PA LEGS PAR BSHAD PA'I RGYA MTSO ZHES BYA BA LAS RNAM SHES GCIG PUR 'DOD PA DGAG PA STE LE'U BZHI PA'O,, ` ,,GZHAN GYI NGAL BRGYAS 'BAD KYANG SHIN TU RTOGS DKA'I GNAS, ,JI BZHIN RTOGS MA NUS PA YID DANG KUN GZHI'I GNAS,, @043B SKU MCHED GZHUNG DANG DE 'GREL DGONGS PA JI LTA BZHIN, ,BLA MA'I DRIN GYIS NGAS 'DIR MA 'DRES RDZOGS PAR BKOD, ,LAN MANG THOS PAS TSIG TZAM SHES GYUR CING, ,'DOD PA RIM PAS KHA TON BYANG BA CAN,, YI GE TZAM GYIS CHOG PAR 'DZIN PA YI, ,MKHAS PA'I SHA TSUGS CAN RNAMS MGU DKA' MOD, ,THUB PA'I GSUNG DANG SHING RTA CHE RNAMS KYI, ,GZHUNG LUGS 'BYED LA GZHAN DRING MI 'JOG CING, ,MUN SPRUL BRDA YIS BLO GROS MA DKRUGS PA'I, ,MKHAS PAS MKHAS PA'I YID RAB 'PHROG PAR BYED, ,RGYA CHEN RGYA MTSO LTA BU YI, ,RNAM RIG GZHUNG LA SBYANGS GYUR PA, ,DE DAG GIS NI RNAM SHES 'DI,, GZU BLOS RIGS DANG MI RIGS DPYAD, ,GAL TE RIGS PA LTA NA BLANG, ,PHRA ZHING PHRA LA BDAG 'DRA'I BLO, ,'KHRUL MI SRID PA MA YIN PHYIR, ,CI STE MIN NA GZHAN DU GYIS, ,DE LAS THOB PA'I RAB DKAR DGE BA 'DI, ,'DI DANG PHYI MA KUN TU MI ZAD GTER, ,GTER CHEN BUM BZHIN DPAG MED YON TAN DAG ,DAG DANG MA DAG 'GRO LA STZOL GYUR CIG ,GZHAN YANG SKYE ZHING SKYE BA THAMS CAD DU, ,SDOM BRTZON DAM PA'I RJES SU 'JUG PA DANG, ,THUB PA'I GSUNG GI BDUD RTZI 'THUNG BA DANG, ,KUN LA BRAN BZHIN KHENGS DANG BRAL GYUR CIG ,YID DANG KUN GZHI'I DKA' BA'I GNAS RGYA CHER 'GREL PA LEGS PAR BSHAD PA'I RGYA MTSO ZHES BYA BA 'DI NI MI 'PHROGS PA'I MKHYEN RAB DANG THUGS RJE DPAG TU MED PA MNGA' BAS GDUL BYA BGRANG LAS 'DAS PA'I THAR PA'I LAM GSAL BAR MDZAD PA DON GYI SLAD DU MTSAN NAS SMOS TE CHOS KYI RJE DON GRUB RIN CHEN ZHABS KYI RDUL SPYI BOS LEN ZHING, TSE RABS DU MAR TSOGS GNYIS RLABS PO CHE BSKRUN PAS DE BZHIN GSHEGS PA'I GSUNG RAB PHAL MO CHE MTHONG BA TZAM GYIS THUGS SU CHUD CING, THUB PA'I GSUNG GI MDZOD KYI GCES PA RTEN CING 'BREL PAR 'BYUNG BA ZAB MO'I DON LA SHES NAS THE TSOM BSAL BA, CHOS KYI SPYAN LDAN CHEN PO RED MDA' BA GZHON NU BLO GROS KYI ZHABS KYI PAD MO GUS PAS BSTEN PAS RGYAL @044A *, ,BA'I GSUNG GI PHYOGS RE'I DON LA BLO'I 'JUG PA CUNG ZHIG SAD PA, SHAR MDO SMAD PA SDE SNOD GSUM PA BLO BZANG GRAGS PAS MKHAS LA GRUB PA BRNYES PA'I DAM PA DU MAS BYIN GYIS BRLABS SHING, GANGS RI'I KHROD PA RNAMS KYI RDO RJE'I GDAN DPAL LDAN SA SKYA'I CHOS GRVA CHEN POR SBYAR BA 'DIS BSTAN PA DANG SEMS CAN DPAG TU MED PA LA PHAN THOGS PAR GYUR CIG, ,, ` 'DIS MTSON LEGS BYAS NYI GZHON GZIS, ,MI MTHUN MUN TSOGS KUN ZHI NAS, ,BDE SKYID SNANG BA GSAR PA'I DPAL, ,RE BA JI BZHIN MYUR 'GRUB SHOG ,CES PA 'DI YANG 'DI GA'I CHOS DON KHANG NAS DPAR SHOG NGO GTONG THOG ,RGYA GAR GYI MKHAS PA RA GHU WI RA DANG, LO KE SHA TZAN DRA GNYIS KYIS ROG RAM DANG BCAS KUN GZHI'I RTZA 'GREL DPAR BSKRUN BYED SKABS DGE BSNGO'I SMON TSIG TU, PAD DKAR 'CHANG BA'I MING 'DZIN SH'AKYA'I DGE SBYONG NGAG DBANG BLO BZANG BSTAN 'DZIN RGYA MTSOS 'PHAGS YUL PAN 'JAB DHA RAM SA LAR SBYAR BA 'GRO DON 'PHEL BAR GYUR CIG , ,,MANGGALAm,, ,,