,BYANG CHUB SEMS DPA'I NOR BU'I PHRENG BA BZHUGS SO,,

@001 *, ,RGYA GAR SKAD DU, BO DHI SATVA MA ni AA BA LI, BOD
SKAD DU,

BYANG CHUB SEMS DPA'I NOR BU'I PHRENG BA, THUGS RJE CHEN PO LA
PHYAG 'TSAL LO, ,BLA MA

RNAMS LA PHYAG 'TSAL LO, ,DAD PA'I LHA LA PHYAG 'TSAL LO, ,THE
TSOM THAMS CAD

SPANG BYA ZHENG , BSGRUB LA NAN TAN GCES SU BYA, ,GNYID RMUGS
LE LO RAB SPANG ZHING , 

@002 RTAG TU BRTZON 'GRUS 'BAD PAR BYA, ,DRAN DANG SHES BZHEN
BAG YOD PAS, ,DBANG

PO'I SGO RNAMS RTAG TU BSRUNG, ,NYIN MTSAN DUS GSUM YANG DANG
YANG, ,SEMS

KYI RGYUD LA BRTAG PAR BYA, ,BDAG GI NYES PA BSGRAG BYA ZHING,
,GZHAN GYI 'KHRUL PA

BTZAL MI BYA, ,BDAG GI YON TAN SBA BYA ZHING, ,GZHAN GYI YON
TAN BSGRAG PAR BYA,,

RNYED DANG BKUR STI SPANG BYA ZHING, ,KHYED GRAGS RTAG TU
SPANG BAR BYA, ,'DOD PA CHUNG

ZHING CHOG SHES DANG , ,BYAS LA DRIN DU BZO BAR BYA, ,BYAMS
DANG SNYING RJE BSGOM

BYA ZHING, ,BYANG CHUB SEMS NI BRTAN PAR BYA, ,MI DGE BCU NI
SPANG BYA ZHING, ,RTAG

TU DAD PA BRTAN PAR BYA, ,KHRO DANG NGA RGYAL GZHOM BYA ZHING,
,DMAN PA'I SEMS DANG

LDAN PAR BYA, ,LOG PA'I 'TSO BA SPANG BYA ZHING, ,CHOS KYI
'TSO BAS 'TSO BAR BYA,,

ZANG ZING THAMS CAD SPANG BYA ZHING, ,'PHAGS PA'I NOR GYIS
BRGYAN PAR BYA, ,'DU

'JI THAMS CAD SPANG BYA ZHING, ,DGON PA LA NI GNAS PAR BYA,
,'KHYAL BA'I TSIG

RNAMS SPANG BANG ZHING, ,RTAG TU NGAG NI BSDAM PAR BYA ,BLA MA
MKHAN PO MTHONG BA'I

TSE; ;GUS PAR RIM GRO BSKYED PAR BYA, ,GANG ZAG CHOS KYI MIG
CAN DANG , LAS

DANG PO PA'I SEMS CAN LA, ,STON PA'I 'DU SHES BSKYED PAR BYA,
,SEMS CAN

THAMS CAD MTHONG BA'I TSE, ,PHA MA BU TSA'I 'DU SHES BSKYED,
,SDIG PA'I GROGS

PO SPANG BYA ZHING, ,DGE BA'I BSHES GNYEN BSTEN PAR BYA,
,SDANG DANG MI BDE'I SEMS

SPANGS ZHING, ,GANG DU BDE BAR 'GRO BAR BYA, ,GANG LA'ANG
CHAGS PA SPANG BYA ZHING,,

CHAGS PA MED PAR GNAS PAR BYA, ,CHAGS PAS BDE 'GRO'ANG MI THOB
CING , THAR

PA'I SROG KYANG GCOD PAR BYED, ,GANG DU BDE BA'I CHOS MTHONG
BA, ,DER NI RTAG TU, 

'BAD PAR BYA, ,THOG MAR BRTZAMS PA GANG YIN PA, ,DANG POR DE
NYID BSGRUB BYA STE, ,

DE LTA NA NI KUN LEGS BYAS, ,GZHAN DU GNYIS KA 'GRUB MI 'GYUR,
,RTAG TU

@003 SDIG DANG DGA' BRAL BAS, ,GANG DU MTHO BA'I SEMS BYUNG
TSE, ,DE TSE NGA RGYAL BCAG

BYA ZHING, ,BLA MA'I GDAMS NGAG DRAN PAR BYA, ,ZHUM PA'I SEMS
NI BYUNG BA'I TSE,,

SEMS KYI GZENGS NI BSTOD PAR BYA, ,GNYIS KA STONG PA NYID DU
BSGOM, ,GANG DU

CHAGS SDANG YUL BYUNG TSE, ,SGYU MA SPRUL PA BZHIN DU LTA, ,MI
SNYAN TSIG RNAMS THOS

PA'I TSE, ,BRAG CHA BZHIN DU BLTA BAR BYA, ,LUS LA GNOD PA
BYUNG BA'I TSE, ,SNGON

GYI LAS SU BLTA BAR BYA, ,BAS MTHA' DGON PAR RAB GNAS SHING,
,RI DVAGS SHI

BA'I RO BZHIN DU, ,BDAG GIS BDAG NYID SBA BYA ZHING, ,CHAGS PA
MED PAR

GNAS PAR BYA, ,RTAG TU YI DAM BRTAN BYA ZHING, ,LE LO SNYOMS
LAS SEMS BYUNG

TSE; ;DE TSE BDAG LA RNGAN BGRANG ZHING, ,BRTUL ZHUGS SNYING
PO DRAN PAR BYA, ,GAL

TE GZHAN DAG MTHONG BA'I TSE, ,ZHI DES GSONG POR SMRA BA DANG
, ,,KHRO GNYER NGO ZUM

SPANG BYA ZHING, ,RTAG TU 'DZUM ZHING GNAS PAR BYA, ,RGYUN DU
GZHAN DAG MTHONG BA'I 

TSE; ;SER SNA MED CING SBYIN LA DGA', ,PHRAG DOG THAMS CAD
SPANG PAR BYA, ,

GZHAN GYI SEMS NI BSRUNG BA'I PHYIR, ,RTZOD PA THAMS CAD SPANG
BYA ZHING, ,RTAG TU

BZOD DANG LDAN PAR BYA, ,NGO DGA' MED CING GSAR 'GROGS MED,
,RTAG TU

TSUGS NI THUB PAR BYA, ,GZHAN LA BRNYAS PA SPANG BYA ZHING,
,GUS PA'I TSUL GYIS

GNAS PAR BYA, ,GZHAN LA GDAMS NGAG BYED PA'I TSE, ,SNYING RJE
PHAN SEMS LDAN

PAR BYA, ,CHOS LA BSKUR BA MI 'DEBS SHING ,GANG MOS DE LA 'DUN
PA DANG ,,

CHOS SPYOD RNAM BCU'I SGO NAS NI, ,NYIN MTSAN PHYED PAR 'BAD
PAR BYA, ,DUS

GSUM DGE BA CI BSAGS PA, ,BLA MED BYANG CHUB CHEN POR SNGO,
,BSOD NAMS

SEMS CAN RNAMS LA BDAR , ,RTAG TU YAN LAG BDUN PA YI, ,SMON
LAM CHEN

PO GDAB PAR BYA, ,DE LTAR BYAS NA BSOD NAMS DANG , ,YE SHES
TSOGS GNYIS

@004 RDZOGS PAR 'GYUR, ,SGRIB PA GNYIS KYANG ZAD 'GYUR TE, ,MI
LUS THOB PA DON

YOD PAS, ,BLA MED BYANG CHUB THOB PAR 'GYUR, ,DAD PA'I NOR
DANG TSUL KHRIMS

NOR, ,GTONG BA'I NOR DANG THOS PA'I NOR, ,KHREL YOD NGO TSA
SHES PA'I NOR, ,

SHES RAB NYID KYI NOR BDUN TE, ,NOR GYI DAM PA 'DI DAG NI, ,MI
ZAD PA YI NOR

BDUN TE, ,MI MA YIN LA BRJOD MI BYA, ,MANG PO'I NANG DU NGAG
LA BRTAG, ,GCIG

PHUR 'DUG NA SEMS LA BRTAG, ,RGYA GAR GYI MKHAN PO DPAL LDAN
MAR ME MDZAD

BZANG PO YI SHES SNYING POS MDZAD PA, ,BYANG CHUB SEMS DPA'I
NOR BU'I PHRENG BA 

RDZOGS SO,, ,,DGE LEGS 'PHEL, ,