@1A *, ,SHES PHYIN KHA PA BZHUGS SO, , @1B [DD] #, ,RGYA GAR SKAD DU, PANYTZA BIm SHA TA SA HA SRI KA A'ARYA PRADZNY'A P'A RA MI TA AU PA DE SHA AA BHI SA MA YA AA LAm K'A RA SH'ASTRA SYA K'A RI K'A BARTIK'A, BOD SKAD DU, 'PHAGS PA SHES RAB KYI PHA [DD] ROL TU PHYIN PA STONG PHRAG NYI SHU LNGA PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA'I RNAM PAR 'GREL PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA SNA TSOGS 'DI DAG KUN MKHYEN PA, ,SANGS RGYAS NYAN THOS BYANG CHUB SEMS DPA'I TSOGS DANG LDAN YUM DE LA PHYAG 'TSAL LO, ,DON GANG ZHIG YIN ZHE NA, 'PHAGS PA'I GANG ZAG THAMS CAD KYI DBANG DU MDZAD NAS, THAMS CAD MKHYEN PA GSUM GYI RANG BZHIN THA DAD MED PA'I YON TAN GYIS 'DIR SHES RAB KYI PHA ROL TU PHYIN PA LA PHYAG 'TSAL LO ZHES BRJOD @2A *, ,NAS; MNGON PAR RTOGS PA'I RGYAN GYI MAN NGAG DE BSHAD PAR DAM BCAS NAS, 'DI LTAR RNAM PAR BSHAD PAR BYED PAS MNGON PAR RTOGS PA'I RGYAN NYE BAR BSHAD PAR BYA'O SNYAM DU DGONGS SO, ,CI'I DON DU ZHE NA, MDO'I DON BSDUS NAS TSIG BSDUS PAS SKYE BO BLO DMAN PA RNAMS KYI RJES SU MTHUN PAR RGYA CHER RNAM PAR PHYE BAS SHES PAR BYA BA'I CHED DU SMRAS PA PHYAG 'TSAL BA NYE BAR DGOD PA'I TSIGS SU BCAD PA DON YONG PAR BSTAN PA YIN NO, ,'DI SKAD KYANG BRJOD PAR BYA STE, CI MNGON PAR RTOGS PA'I RGYAN BZHI BSDUS PA YIN NAM, 'ON TE GNYEN POS BSDUS SAM, YANG NA RNAM PA BSDUS PAS RGYAN DU GYUR PA YIN, DE LAS CIR 'GYUR ZHE NA, PHYOGS DANG PO LTAR YIN NA, 'BAD PA DON MED PA YIN TE, CI'I PHYIR ZHE NA, MDO 'DI LAS MTSAN NYID KYI BSTAN BCOS DAG LAS MA SMOS PA'I GZHI GANG YIN PA DE BSHAD PA NI MED DO, ,GNYIS PA LTAR NA RNAM PAR BYANG BA'I DNGOS PO BSDUS PA'I PHYIR KUN NAS NYON MONGS PA'I DNGOS PO MA BSDUS PAS, 'DI GANG GI GNYEN PO YIN PAR RTOGS PAR MI 'GYUR RO, ,GSUM PA LTAR NA YANG RNAM PA BZHI MED PA TZAM ZHIG BSDUS PA'I PHYIR DON RTOGS PA MED PAS CUNG ZAD KYANG MA BSHAD PA YIN NO ZHE NA, PHYOGS GSUM CAR @2B GYIS KYANG BSDUS PA YIN NO ZHES BSTAN TO, ,GANG BSDUS SHE NA, NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS RNAMS KYI DBANG DU MDZAD NAS, THAMS CAD SHES PA NYID DANG, LAM SHES PA NYID DANG, RNAM PA THAMS CAD MKHYEN PA NYID KYI RANG BZHIN GYI BDAG NYID YIN PA'I PHYIR SHES RAB KYI PHA ROL TU PHYIN PA YIN NO, ,DE LTAR YANG BCOM LDAN 'DAS KYIS GSUNG BAR 'GYUR TE, RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YIN NO, ,RAB 'BYOR GYIS GSOL BA, BCOM LDAN 'DAS CI'I SLAD DU THAMS CAD 'TSAL BA NYID NI NYAN THOS DANG RANG SANGS RGYAS RNAMS KYI LAGS, BCOM LDAN 'DAS KYIS BKA' STZAL PA, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM YIN LA, DE DAG NYAN THOS DANG RANG SANGS RGYAS RNAMS KYIS SHES KYI, LAM THAMS CAD KYANG MA YIN, RNAM PA THAMS CAD KYANG MA YIN PA DE'I PHYIR, NYAN THOS DANG RANG SANGS RGYAS RNAMS KYI NI THAMS CAD SHES PA NYID YIN NO, ,GSOL PA, BCOM LDAN 'DAS CI'I SLAD DU LAM GYI RNAM PA 'TSAL BA NYID BYANG CHUB SEMS DPA' RNAMS KYI LAGS, BKA' STZAL PA, RAB 'BYOR BYANG CHUB SEMS DPA' RNAMS KYI NI NYAN THOS KYI LAM GANG YIN PA DANG, RANG SANGS RGYAS KYI LAM GANG YIN PA DANG, SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING, LAM THAMS CAD SHES PAR BYA'O, ,DE DAG KYANG YONGS SU RDZOGS PAR BYA ZHING DE DAG GI LAM GYI BYA BA YANG BYA STE, SMON LAM YONGS SU RDZOGS PAR MA BYAS PA DANG, SEMS CAN RNAMS YONGS SU SMIN PAR MA BYAS PA DANG, SANGS RGYAS KYI ZHING YONGS SU MA SBYANGS PAR DE DAG GI YANG DAG PA'I MTHA' MNGON SUM DU MI BYA'O, ,GSOL PA, BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG @3A *, ,PAR RDZOGS PA'I SANGS RGYAS RNAMS KYI LAGS, BKA' STZAL PA, RAB 'BYOR RNAM PA GANG DAG DANG, RTAGS GANG DAG DANG, MTSAN MA GANG DAG GIS CHOS RNAMS RAB TU BRJOD PA'I RNAM PA DE DAG DANG, RTAGS DE DAG DANG, MTSAN MA DE DAG DE BZHIN GSHEGS PAS THUGS SU CHUD DE, DE'I PHYIR DE BZHIN GSHEGS PA RNAMS KYI NI RNAM PA THAMS CAD MKHYEN PA NYID CES BYA'O ZHES JI SKAD GSUNGS PA YIN NO, ,DE LTA BAS NA DE NI GZHI DANG, GNYEN PO DANG, RNAM PA YONGS SU RDZOGS PA BSDUS PAS MNGON PAR RTOGS PA'I RGYAN MTHA' DAG YONGS SU RDZOGS PAR BSTAN PA YIN PAS ZHES BYA BA 'DI NI 'THAD PA BSTAN PA YIN NO, ,'DI SKAD CES KYANG BRJOD PAR BYA STE, SHES RAB KYI PHA ROL TU PHYIN PA DE DU ZHIG CE NA, DE LA THAMS CAD SHES PAS NI NYON MONGS PA'I MA RIG PA TZAM SPANGS PA'O, ,LAM SHES PA NYID KYIS NI GNYEN PO THAMS CAD KUN NAS BSKYED DO, ,RNAM PA THAMS CAD MKHYEN PA NYID NI NYON MONGS PA CAN MA YIN PA'I MI SHES PA SPANGS PA YIN NO, ,YANG THAMS CAD SHES PA NYID NI CHOS 'DI DAG JI SNYED PA LA BRTEN PA'I 'BRAS BU BDAG TU RMONGS PA SPANGS PA CAN YIN NO, ,LAM SHES PA NYID NI THEG PA JI LTA BA BZHIN DU NGES PAR 'BYUNG BA DANG, DE KHO NA NYID MNGON SUM DU MI BYED PA RTEN PA 'BRAS BU SEMS CAN MA BSDUS PA SDUD PA DANG, SEMS CAN YONGS SU MA SMIN PA SMIN PAR BYED PA DANG, SEMS CAN YONGS SU MA GROL BA GROL BAR BYED PA CAN YIN NO, ,RNAM PA THAMS CAD MKHYEN PA NYID NI CHOS THAMS CAD KYI SPYI'I RTEN CAN 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON RGYUN MI 'CHAD PA DANG, YANG DAG PA'I MTHA' RTOGS PA DANG, BAG CHAGS KYIS MTSAMS SBYOR BA SPANGS PA CAN NO, ,YANG RNAM PA GANG GIS NA RNAM PA THAMS CAD MKHYEN PA NYID CES BYA ZHE NA, RAB 'BYOR RNAM PA GCIG GIS RNAM PA THAMS CAD MKHYEN PA NYID CES BYA STE, 'DI LTA STE, ZHI BA'I RNAM PA NYID KYIS SO, ,YANG BKA' STZAL PA, RAB 'BYOR RNAM PA THAMS CAD MKHYEN PA NYID NI DNGOS PO MED PA LA DMIGS PA, BDAG PO'I RKYEN NI DRAN PA YIN NO, ,RNAM @3B PA NI ZHI BAS MTSAN MA MED PA ZHES BYA'O, ,RAB 'BYOR GNYIS NI DNGOS PO GNYIS MED PA NI DNGOS PO MED PA'O ZHES BYA'O, ,DE LTA YIN NA 'GOG PA DMIGS PA DANG LDAN PA DES 'GOG PA THOB PAR 'GYUR TE, DE NI ZHI BA YIN PA'I PHYIR RO, ,DES 'GOG PA YIN PAR MI BZHED DE; RANG BZHIN GYIS ZHI BA'I RNAM PA YIN PA'I PHYIR RO, ,'GOG PA NI YE SHES YIN TE, DE LTA BU GANG YIN PA LA NI 'GOG PAR BZHED DO, ,YANG CI KUN MKHYEN GSUM PO 'DI DAG SPANGS PAR GYUR PA LA KHYAD PAR MCHIS SAM, BKA' STZAL PA, CUNG ZAD KYANG MED DO, , DE BZHIN GSHEGS PA BAG CHAGS KYIS MTSAMS SBYOR BA SPANGS PAS KHYAD PAR YOD DO, ,KUN RDZOB TU DE DAG LA KHYAD MCHIS ZHES BGYI'AM, RAB 'BYOR BAG CHAGS KYIS MTSAMS SBYOR BA NI NYON MONGS PA'ANG MA YIN TE 'ON KYANG DE DAG GIS 'DOD CHAGS DANG, ZHE SDANG DANG, GTI MUG SPANGS PA YOD DO, ,NYAN THOS RNAMS LA NI LUS NGAG GI RNAM 'GYUR SO SO'I SKYE BO BZHIN DU 'JUG GO ZHES GSUNGS SO, ,DPER NA DGE SLONG MCHONG RGYUG BYED PA BZHIN NO, ,DE BZHIN GSHEGS PA LA NI MI MNGA'O, ,GANG SHES RAB KYI PHA ROL TU PHYIN PA'I DBANG DU BYAS NAS, SANGS RGYAS NYAN THOS BYANG CHUB SEMS DPA'I TSOGS DANG LDAN YUM DE LA PHYAG 'TSAL LO ZHES GSUNGS PA LA, DE JI LTA BU ZHIG LA SHES RAB KYI PHA ROL TU PHYIN PA ZHES BYA ZHES 'DRI BA LA, MNGON RTOGS BDAG NYID BDUN YIN PAR, ,SHES RAB PHA ROL PHYIN ZHES BYA, ,RNAM KUN MKHYEN NYID LAM SHES NYID, ,THAMS CAD SHES PA NYID DANG GSUM, ,RNAM KUN RTZE MOR BCAS PA DANG, ,MTHAR GYIS BCAS DANG SKAD CIG BDAG ,CHOS SKU MDZAD PAR BCAS PA STE, ,RNAM PA BRGYAD DU BSDUS PA YIN, ,SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NGO, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,RNAM KUN MKHYEN PA NYID DU 'DOD, ,MOG MOG POR BYED LA SOGS DANG, ,SLOB MA @4A *, ,BSE RU'I LAM GANG DANG, ,'DI DANG GZHAN GYI PHAN YON GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG DANG, ,DE RNAMS YID LA BYED PA GZHAN, ,BSGRUB DANG SHIN TU DAG PA ZHES, ,BYA BA 'DI NI BSGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES DE 'DRAR SHES PAR BYA, ,SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,MTHONG BA'I LAM ZHES BYA BA YIN, ,DE 'DRA KUN SHES NYID DU 'DOD, ,RNAM PAR SBYOR BA BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA DANG, ,DE LTAR THABS LA MKHAS PA NI, ,RNAM KUN MNGON RDZOGS RTOGS PA'O, ,DE YI RTAGS DANG RNAM 'PHEL DANG, ,BRTAN DANG SEMS NI KUN GNAS DANG; ,MTHONG ZHES BYA DANG SGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PA BSGRUB PA RTZE MOR GYUR, ,MTHAR GYIS BYA BA SHES PA NI, ,RNAM PA BCU GSUM BDAG NYID DO; ,GCIG GI MNGON RDZOGS BYANG CHUB BA, ,RNAM PA BZHI RU YANG DAG MTSON, ,NGO BO NYID LONGS RDZOGS BCAS DANG, ,SPRUL PA DANG NI DE LTAR GSUM, ,MDZAD PA DANG BCAS BZHI RU BRJOD, ,CES BYA STE, DON CI ZHIG YIN ZHE NA, 'DI NI TSIG LE'UR BYAS PA BCO LNGAS MDOR BSDUS PA DANG RGYAS PAR BSTAN PAS SHES RAB KYI PHA ROL TU PHYIN PA STONG PHRAG NYI SHU LNGA PA'I DON BSDUS PA YIN PAR SHES PAR BYA'O, ,JI LTA ZHE NA, MNGON RTOGS BDAG NYID BDUN YIN PAR, ,SHES RAB PHA ROL PHYIN ZHES BYA, ,ZHES BYA BA NAS BRTZAMS TE, CHOS SKU MDZAD PAR @4B BCAS PA STE, ,RNAM PA BRGYAD DU BSDUS PA YIN, ,ZHES BYA BA'I BAR GYI TSIG LE'UR BYAS PA GNYIS KYIS NI BSDUS PA YIN NO, ,DE LA 'DIR DNGOS PO BRGYAD KYI DBYE BAS BSDUS PA YIN TE, 'DI LTA STE, RNAM PA THAMS CAD MKHYEN PA NYID DANG, LAM GYI RNAM PA SHES PA NYID DANG; THAMS CAD SHES PA NYID DANG, RNAM PA KUN MNGON PAR RDZOGS PAR RTOGS PA DANG, RTZE MO'I MNGON PAR RTOGS PA DANG, MTHAR GYIS PA'I MNGON PAR RTOGS PA DANG, SKAD CIG MA GCIG GIS MNGON PAR RTOGS PA DANG, DE DAG GI 'BRAS BUR GYUR PA NI CHOS KYI SKU MDZAD PA DANG BCAS PA'I CHOS KYI SKU'O ZHES BYA BA YIN NO, ,SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,ZHES BYA BA NAS BRTZAMS TE, TSIGS SU BCAD PA RNAM PA BCU GSUM GYIS NI RGYAS PAR BSTAN PA'O, ,DE LTAR RNAM PA THAMS CAD MKHYEN PA NYID LA SOGS PA DNGOS PO BRGYAD KYI RAB TU DBYE BAS BSDUS PAR BSTAN PAS DE LTAR BSDUS PA DANG RGYAS PAR RNAM PAR PHYE BA NYID KYIS LEGS PAR BSHAD PA YIN NO, ,DE BSHAD ZIN NAS DA NI GANG ZHIG MNGON PAR RTOGS PA'I DON GANG LA KHYAD PAR CAN GYI RNAM PA GANG DANG, DNGOS PO GANG JI SNYED BSTAN PA DE DAG GI GO RIMS BSDU BA 'BA' ZHIG BRJOD PAR BYA'O, ,DE LA RE ZHIG ,SEMS BSKYED PA NI GZHAN DON PHYIR, ,DKAR PO'I CHOS RNAMS DON GNYER 'DOD, ,JI LTAR GZHAN GYI MING GZHAN GYI YIN PAR 'GYUR, SEMS NI YUL SO SOR RIG PA'I MTSAN NYID CAN YIN LA, DON DU GNYER BA ZHES BYA BA NI SRED PA YIN PAS SO ZHE NA, BDEN MOD KYI 'ON KYANG 'DIR RGYUS 'BRAS BU BSTAN PA YIN TE, DON DU GNYER BA DGE BA'I CHOS LA 'DUN PA'I MTSAN NYID DON DU GNYER BA YOD NA 'TSANG RGYA BA NYID KYI DON DU SEMS BSKYED PA YIN NO, ,DE LTAR NA 'DUN PA'I RTZA BA NI DGE BA'I CHOS RNAMS THAMS CAD CES BYA BA LA SOGS PA'I RJES SU MTHUN PAR 'GYUR RO, ,YANG NA DON DU GNYER BA NI SMON LAM YIN TE, DE DANG LHAN CIG SPYOD PA NYID KYI PHYIR SEMS BSKYED PA'I DON DU GNYER BA NYID LA SEMS BSKYED CES BYA'O, ,DE LTAR BYAS NA YANG SMON LAM DANG LHAN @5A *, ,CIG SPYOD PA'I SEMS BSKYED PA ZHES BYA BA LA SOGS PA SEMS BSKYED PAR 'GYUR BAR 'THAD PA YIN NO ZHES GANG GTZO BO YIN PAR 'DIR BSTAN TE, DON DU GNYER BA CAN GANG YIN PA SEMS BSKYED PA'I GTZO BO YIN PAR RNAM PAR GZHAG PA BYAS SO, ,DKAR PO'I CHOS RNAMS DANG GZHAN GYI DON DE YANG GANG YIN ZHE NA, DE RNAMS DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,DE DANG ZHES BYA BA NI DKAR PO'I CHOS RNAMS SO, ,DE NI ZHES BYA BA NI GZHAN DON NO, ,DE LA 'DIR MDO JI LTA BA BZHIN DU DE DAG GIS MDOR BSDUS NAS BSTAN TO, ,SH'A RI'I BU 'DI LA BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZON PAR BYA'O, ,ZHES GANG GSUNGS PA YIN NO, ,CHOS THAMS CAD RNAM PA THAMS CAD DU MNGON PAR 'TSANG RGYA BAS DKAR PO'I CHOS THAMS CAD NANG DU 'DUS PAR GYUR PA YIN NO, ,DE LA 'DIR MDO DE DAG GIS RGYAS PAR BSTAN PA NI SH'A RI'I BU 'DI LA BYANG CHUB SEMS DPA' SEMS DPA' CHEN PO MI GNAS PA'I TSUL GYIS SHES RAB KYI PHA ROL TU PHYIN PA LA GNAS TE, MI GNAS PA'I SBYOR BA SBYIN PA PO DANG, SBYIN PAR BYA BA DANG, LEN PA PO MI DMIGS PAS SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BA NAS BRTZAMS TE, PHA ROL TU PHYIN PA DANG, BYANG CHUB KYI PHYOGS LA SOGS PA RNAMS NI MNGON PAR RTOGS PA BDUN DANG, CHOS KYI SKU MDZAD PA DANG BCAS PA BSDUS PA'I RGYAS PAR BSTAN PA YIN TE, JI SNYED RDZOGS PAR MTHAR THUG PA'I BAR DU GSUNGS SO, ,LHAG MA SEMS BSKYED PA'I SKABS SU 'DI 'DOD PA DANG, DE DAG 'DOD PAS SHES RAB KYI PHA ROL TU PHYIN PA LA BRTZON PAR BYA'O ZHES BYA BA'I MDO'I GZHUNG 'GREL PA NYID KYIS DON RGYAS PAR BSTAN PAS YANG 'DIR RNAM PAR MA PHYE'O, ,DA NI GANG ZHIG BSDUS PA RNAMS KYI TSIG BSHAD PAR BYA STE, MI GTZANG BA'I 'DU SHES DGU BSGOM PAR BYA'O ZHES GSUNGS PA LA, RNAM PAR BAM PA'I 'DU SHES DANG, 'BU CAN GYI 'DU SHES DANG, RNAM PAR RANGS PA'I 'DU SHES DANG, RNAM PAR @5B DMAR BA'I 'DU SHES DANG, RNAM PAR BSDOS PA'I 'DU SHES DANG, RNAM PAR ZOS PA'I 'DU SHES DANG, RNAM PAR 'THOR BA'I 'DU SHES DANG, RUS PA'I 'DU SHES DANG, RNAM PAR TSIG PA'I 'DU SHES SO, ,DE LA RKYAL PA RLUNG GIS BUS PA BZHIN DU SROG MTHAR THUG PA'I RJES LA RIM GYIS LUS RGYAS PAR GYUR TE, MA LUS PAR RNAM PAR BAM PAS NA RNAM PAR BAM PA STE, DE NI DBYIBS LA CHAGS PA RNAMS LUS KYI DBYIBS DE'I RGUD PA STON PAS 'DI BSGOM PAR BYA'O, ,GANG PHYI DANG NANG DANG BAR RNAM PA DU MAR 'BUS GZHIGS PAS NA 'BU CAN TE, DE NI NANG KHONG STONG DU GYUR PAR SNANG BAS LUS RGYAS PAR GYUR PA LA CHAGS PA RNAMS KYI GNYEN PO'O, ,GNAS THA DAD NAS 'DZAG PAS RNAM PAR 'DZAG PA STE, DE NI LUS KYI NANG DANG 'BREL PA LAS DRI NGA BAR SNANG BAS PHRENG BA DANG DRI LA SOGS PA'I DBANG LAS BYUNG BA'I DRI LA SOGS PA LA CHAGS PA RNAMS KYI GNYEN PO'O, ,PHAN TSUN DU RNAM PAR DMAR BAR 'THOR ZHING DGYES LA 'DZAG PAS NA RNAM PAR DMAR BA STE, DE NI RNAM PAR DMAR BAS GOS SHING MI MTHUN PA'I DNGOS POR SNANG BAS RGYAN GYIS BRGYAN PAS MDZES PA SHA LA CHAGS PA CAN GYI GNYEN PO'O, ,RNAM PAR GSAL BAR SNGO BAS NA RNAM PAR BSNGOS PA STE, KHA DOG THA DAD PAR MTSUNGS PA'I GNAS SU ZANGS KYI MDOG DANG, RNAG 'DZAG PA'I GNAS SU SKYA BA DANG, SNGON PO'I GNAS DER PHYIN ZHING SNGO BA RAS SNGON POS G-YOGS PA LTA BU STE, 'DI NI RO'I LUS KYI TSIG BLA DAGS SO, ,DE NI PAGS PA LA CHAGS PA'I RGUD PA STON PAS YUL GYI KHA DOG LA CHAGS PA RNAMS KYI GNYEN PO'O, ,KHYI DANG CE SBYANG LA SGOS PAS PHAN TSUN DU RNAM PA SNA TSOGS PAR ZOS PA NI RNAM PAR ZOS PA STE, DE NI SHA RGYAS PA 'JIG PAR STON PAS DE NI NU MA LA SOGS PA'I SHA RGYAS PA LA CHAGS PA RNAMS KYI GNYEN PO'O, ,LAG PA YANG GZHAN DU, MGO BO YANG GZHAN DU, RKANG PA YANG GZHAN DU SNA TSOGS PAR RNAM PAR 'THOR BAS TE, DE NI YAN LAG DANG NYING LAG RNAM PAR 'THOR BAR SNANG BAS YAN LAG DANG NYING LAG GI SGEG PA LA CHAGS PA RNAMS KYI GNYEN PO'O, ,RUS PA NYID NI RUS GONG STE, RUS PA'I GONG @6A *, ,RE SBREL BAS TSOGS GCIG PA'I DBANG DU BYAS PA YIN TE, DE NI LUS KYI RUS PA'I MI MTHUN PA'I DNGOS POR SNANG BAS SO LA SOGS PA RUS PA'I 'BYOR PA LA CHAGS PA RNAMS KYI GNYEN PO'O, ,MA LUS PA RNAM PAR TSIG PAS RNAM PAR TSIG PA STE, DE NI PAGS PA'I DBYIBS DANG MI MTHUN PAR 'KHUMS PAR SNANG BAS KHA DOG DANG DBYIBS LA 'DOD CHAGS PA RNAMS KYI GNYEN POR BSGOM PA STE, LUS 'DI YANG SHI BA'I RO DANG 'DRA'O ZHES DANG PO'I TSIG BZHIN NO, ,MI SDUG PA'I 'DU SHES BCUR GZHAN DAG 'DOD DE, RNAM PAR TSIG PA'I 'DU SHES MA GTOGS PA RUS PA RNAMS GTUBS PAS RNAM PAR 'THOR BA'I 'DU SHES TE, TSOGS PA'I LUS LA CHAGS PA'I GNYEN POR MTSON LA SOGS PAS LUS GTUBS PAS THA DAD PAR RNAM PAR 'GYUR BA BSTAN PA'I PHYIR RO, ,'BUS GZHIGS PA'I SRIN BU'I 'DU SHES NI YANG LUS LA BDAG TU CHAGS PAR MTSUNGS PAR LTA BA'I GNYEN POR SRIN BU'I RIGS DU MAS LUS KHYAB PA'I RANG BZHIN CAN DU BSTAN PA'I PHYIR RO, ,DE LA DANG PO RNAM PAR 'THOR BA'I 'DU SHES NYID YIN NO, ,GNYIS PA YANG GNYEN POR GYUR PA NYID MA YIN TE, BDAG LA CHAGS PA DANG, 'JIG TSOGS LA DE'I LUS SU LTA BA'I GNYEN POR MTSUNGS PA YIN PA'I PHYIR RO, ,RNAM PAR TSIG PA'I 'DU SHES NI KHA DOG DANG DBYIBS LA CHAGS PA'I GNYEN PO YIN PA'I PHYIR 'DI NI GDON MI ZA BAR GRANGS SU NYE BAR BRJOD PAR BYA'O, ,DE NYID KYI PHYIR MI SDUG PA'I 'DU SHES DGU NYID LEGS PA YIN NO; ,SKYES BU CHEN PO'I RNAM PAR RTOG PA BRGYAD CES BYA BA NI MDO JI LTA BA BZHIN NO, ,MDO LAS JI LTAR 'BYUNG ZHE NA, 'DI NI 'DOD PA CHUNG BA RNAMS KYI CHOS YIN GYI 'DOD PA CHE BA RNAMS KYI MA YIN PA DANG, 'DI NI CHOG SHES PA DANG, RAB TU RNAM PAR DBEN PA DANG, BRTZON 'GRUS RTZOM PA DANG, DRAN PA NYE BAR 'JOG PA DANG, MNYAM PAR 'JOG PA DANG, SHES RAB DANG LDAN PA RNAMS KYI YIN GYI SHES RAB 'CHAL PA RNAMS KYI NI MA YIN NO, ,SKYES BU CHEN PO'I RNAM PAR RTOG PA BDUN PO 'DIS GNAS BRTAN MOOD GAL GYI BU GNAS PA YIN TE, BCOM LDAN 'DAS @6B KYIS KYANG MOOD GAL GYI BU SKYES BU CHEN PO'I RNAM PAR RTOG PA BRGYAD PO 'DI LA RNAM PAR RTOGS SHIG ,'DI NI SPROS PA MED PA'I CHOS DANG, SPROS PA MED PA'I KUN DGA' RA BA LA LTOS PA MED PA'I KUN DGA'I RA BA'I TSUL DANG LDAN PA YIN NO ZHES GSUNGS SO, ,DE LA 'DOD PA CHUNG BAS NI CHOS BZHI SPONG STE, 'DI LTAR TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA'O, ,DE LA TSUL 'CHOS ZHES BYA BA NI MDO JI LTA BA BZHIN DU STE, 'DI NA 'GA' ZHIG RNYED PAR 'DOD CING RNYED PA DANG, BKUR STI DANG, TSIGS SU BCAD PA 'DOD LA SEMS LTOS PA DANG BCAS PAS BCINGS PAS DGON PA PAR GYUR PA'AM, PHYAG DAR KHROD PA'AM, STAN GCIG PA NAS SBYANGS PA'I YON TAN GANG YANG RUNG BA LA NYE BAR BRTEN TE GNAS PA NA DE 'DI SNYAM DU SEMS TE, BDAG LA GZHAN DAG GIS BSNYEN BKUR BYED, BLA MAR BYED, MCHOD PAR BYED, RJED PAR BYED NA CI MA RUNG, BDAG KYANG RNYED PA DANG, BKUR STI DANG, TSIGS SU BCAD PA BSGRUB PAR YANG BYA'O SNYAM DU SEMS SHING, DE RNYED PA DANG, BKUR STI DON DU GNYER BAS RNYED PA LA SOGS PA'I BSNGAGS PA BRJOD CING, TSUL DE LTA BU'I SPYOD LAM LA RTOG PA 'DI NI TSUL 'CHOS PA ZHES BYA'O, ,KHA GSAG CES BYA BA NI 'DI NA GANG ZHIG RNYED PA DANG, BKUR STI'I LTOS PA DANG BCAS PAS GZHAN DAG LA 'DI LTAR KHYED NI BDAG GI MA DANG 'DRA BA DANG, PHA JI LTA BA DANG, SBUN ZLA JI LTA BA DANG, NYE DU GANG YANG RUNG BA JI LTA BA DANG, SNAG GI GNYEN MTSAMS 'DRA BA YIN TE, KHYED DE LTAR YIN PA DES NA, KHO BOS SBYIN PA LA SOGS PA YANG KHYED CAG GI DON DU YIN NO, ,KHO BO NI KHYED CAG GI DON DU THAG RING PO NAS KYANG KHYED KYI THAD DU 'ONG ZHING 'DIR GNAS PA YANG KHYED CAG NYID KYI DON YIN NO, ,ZHES ZER NA YANG DE RNAMS MANG DU DE LA BKUR STI MI BYED PA NA RNYED PA DON DU GNYER ZHING RNYED PA LA SOGS PA 'DOD PA'I LTOS PA DANG BCAS PAS SEMS BCINGS PAS GZHAN DAG LA TSUL DE LTAR KHA GSAG SMRA ZHING YONGS SU SMRA BAS DGOS PA'I DON GYI 'BRAS BU DANG 'BREL PA'I GCAM GSAG GI LAS BYED PA 'DI NI KHA GSAG CES BYA'O, ,GZHOGS @7A *, ,SLONG ZHES BYA BA NI 'DI NA RNYED PA'I PHYIR DNGOS PO DE DANG DE LA MI GSAL BAR GZHOGS KYIS RNYED PA'I LAS BYED PA STE, LHUNG BZED 'DI NI MDZES ZHE'AM, CHOS GOS SAM, SNAM SBYAR RAM, MAL STAN NAM, LDE MIG KYOG PO 'DI NI BZANG NGO ZHE'AM, YO BYAD 'DI BZANG NGO, ,GAL TE KHO BOS 'DI LTA BU ZHIG RNYED NA BCANG BAR BYA BA NA SBYIN PA PO YANG RNYED PAR DKA'O, ,GANG YANG RUNG BA'I KHYIM DU SONG NAS DER 'DI SKAD CES SMRAS TE, KHYED KYI 'BRAS CHAN 'DI NI BZANG NGO, ,BCA' BA 'DI NI BZANG NGO, ,GOS 'DI NI BZANG NGO, ,KHYED KYI BZA' BAR BYA BA'AM, BCA' BAR BYA BA 'DI NI BZANG NGO, ,SNGON CHAD KYANG BDAG CAG LA KHYED KYIS BYIN PAR GYUR LA KHO BO CAG KYANG KHYED KYIS BYIN PAR BYAS NA YANG DAG PAR DGA' NA DA LTAR NI KHYED CAG BDAG CAG LA SBYIN PAR BYA BA'AM, BYA BA BYED PAR MI SEMS SO ZHES DE GANG YANG RUNG BA'I MI GSAL BA BRJOD PAS BRKAMS PA LAS BYUNG BA'I GZHOGS SLONG GI LAS KYI DNGOS PO DE DANG DE RJOD PAR BYED PA 'DI NI GZHOGS SLONG ZHES BYA'O, ,THOB KYIS 'JAL BA ZHES BYA BA NI 'DI NA 'GA' ZHIG RNYED PA DON DU GNYER ZHING, RNYED PA LA SOGS PA 'DOD PA'I LTOS PA DANG BCAS PAS SEMS BCINGS PAS GZHAN LA 'DI SKAD CES SMRAS TE, KHYED KYIS MA LA YANG SBYIN PAR MI BYA, PHA LA YANG MA YIN, SRING MO LA YANG MA YIN, NYE DU DANG, SNAG GI GNYEN MTSAMS GANG YANG RUNG BA GZHAN DAG LA YANG SBYIN PAR MI BYED NA KHYED KYIS GANG ZHIG LA SBYIN PAR BYED PA YIN, GANG ZHIG GI KHYIM DU SONG NAS YANG DE NYID LA KHYOD KYI KHYIM DU SONG NA DE NYID KYI KHYIM DU DGRA BCOM PA BZHUGS SHING KHYED DANG 'DRA BAR MI BYA, DGRA BCOM PA DANG LHAN CIG TU GNAS PA DANG, LHAN CIG TU 'DUG PA DANG 'BREL PA'I GTAM SMRAS PAR GYUR PA NI KHYED RNYED PA CHEN PO RNYED PA YIN, 'BYOR PA LEGS PAR THOB PA YIN, KHYED KYIS MIR RNYED PA DON YOD PA YIN NO, ,DE 'DI SNYAM DU SEMS TE, 'DI YANG 'DI SNYAM DU SEMS SU GZHUG PAR YANG BYA STE, BDAG GI KHYIM DU 'PHAGS PA MA GTOGS PA DGE SLONG NGAM, BRAM ZE SU YANG 'JUG PAR MI BYED LA, 'PHAGS PA 'DI @7B NI GAL TE DGRA BCOM PA YIN NO SNYAM DU SEMS PAR BYED DO, ,GANG DU RNYED PA DON DU GNYER ZHING RNYED PA LA LTOS PA DANG BCAS PAS SEMS BCINGS PA DE DE LTA BU'I TSUL DU GZHAN RNAMS LA NGES PAR SGROGS PA NI THOB KYIS 'JAL BA ZHES BYA'O, ,CHOG SHES PAS NI RNYED PAS RNYED PA 'DOD PA SPONG BAR BYED PA YIN NO, ,DE LA RNYED PAS RNYED PA TSOL BA ZHES BYA BA NI 'DI NA 'GA' ZHIG RGYAL PO'AM, RGYAL PO'I BLON PO CHEN PO'AM, BRAM ZE'AM, KHYIM BDAG GAM, GZHAN GANG YANG RUNG BAS LHUNG BZED DAM, CHOS GOS SAM, SNAM SBYAR RAM, LDE MIG KYOG PO'AM, GDING BA'AM, YO BYAD GANG YANG RUNG BA GTER BA YOD NA DE YONGS SU BLANGS NAS GZHAN DAG LA BSTOD CING 'DEMS TE, 'DI NI BDAG LA RGYAL PO CHE GE MO ZHES BYA BA'AM, DAM PAR GYUR PA GZHAN ZHIG BDAG LA MCHOG SBYIN NO ZHES SMRAS PA NA, 'DI SNYAM DU CI NAS RE ZHIG DE LTA BU YANG 'PHAGS PA 'DI LA SBYIN ZHING BYA BA BYED NA, KHO BOS KYANG 'PHAGS PA LA SBYIN PAR BYA ZHING BYA BA CI'I PHYIR MI BYA SNYAM DU SEMS SU GZHUG PA 'DI NI GZHAN GYI RNYED PAS RNYED PA GZHAN TSOL BA ZHES BYA'O, ,BYANG CHUB SEMS DPA'I SKYON MED PAR 'JUG PA ZHES BYA BA NI LAM ZHES PA LA MTHONG BA'I LAM DE'I DBANG DU BYAS NAS BSTAN TO, ,PHYIR MI LDOG PA'I SA LA GNAS ZHES BYA BA NI PHYIR MI LDOG PA'I SA LA GNAS PAR 'DOD PA'I BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA BRTZON PAR BYA'O ZHES GANG GSUNGS PA YIN NO, ,GANG DE LTA YIN NA RIN CHEN ZLA BAS ZHUS PA'I MDO DANG, RIN CHEN PHRENG BA'I MDO'I RJES SU 'BRANGS NAS, BCOM LDAN DPAL BZANGS DPAL BZANGS ZHES BYA DANG NI TZAN DPAL TZAN DPAL ZHES BYA DANG, ,GZHAN YANG MTHA' YAS SNANG BA BKOD DPAL ZHES BYA RDZOGS SANGS RGYAS SU GRAGS PA DANG; ,TOG DPAL TOG DPAL ZHES BYA DANG NI MYA NGAN MED DPAL DANG NI RNAM KUN MYA NGAN MED DPAL DANG, ,RIN CHEN MCHOD DPAL RIN CHEN MCHOD DPAL ZHES BYA DANG NI BDE GSHEGS ME TOG DPAL ZHES BYA BA DANG, ,RGYAL BA BRTZON 'GRUS GSUM GYI ROL PA BRTZON 'GRUS GSUM GYI ROL PA @8A *, ,ZHES BYA DANG, ,'OD DPAL 'OD DPAL ZHES BYA BCOM LDAN YON DPAL YON DPAL MTSO ZHES BYA BA NI, ,BCOM LDAN BCOM LDAN LDAN PHYOGS BCU DAG NA GANG DAG BZHUGS PA'I BCOM LDAN GYI, ,DE RNAMS KYI NI MTSAN RNAMS BZUNG BAR BYAS NA PHYIR MI LDOG NYID 'GYUR BA LAGS; ,ZHES GSUNGS PA DANG, DE BZHIN DU SEMS CAN JI SNYED KYIS BCOM LDAN 'DAS SH'AKYA THUB PA'I MTSAN THOS PA DE DAG THAMS CAD PHYIR MI LDOG PAR 'GYUR RO ZHES BYA BA LA SOGS PA GSUNGS PA DANG, SHES RAB KYI PHA ROL TU PHYIN PA 'DI LA BRTZON PA NI PHYIR MI LDOG PA'I SA LA GNAS PA'I RGYUR GYUR PA DANG THA DAD PAR SNANG BA JI LTAR YIN ZHE NA, BSTAN PA 'DI NI DGONGS PA CAN YIN TE, JI SKAD DU, DE BZHIN GSHEGS PA RNAMS KYI MTSAN THOS PA LAS RIGS KYI BU DAG PHYIR MI LDOG PA'I SA BON SKYED PA GZIGS NAS SEMS CAN PHYIR MI LDOG PAR LUNG BSTAN PA YIN GYI, DE RNAMS KYIS MTSAN THOS PA'I MOD LA PHYIR MI LDOG PAR 'GYUR BA NI MA YIN NO, ,RIGS KYI BU DPER NA SHING 'GA' ZHIG NYID KYI SA BON KHYAD PAR CAN DU GYUR PA'I SA BON RNAM PAR GYUR PA DE YANG SA BON GYI SKYON THAMS CAD DANG BRAL BAR GYUR CING 'DI'I RKYEN RNAMS TSOGS PAR GYUR PA LAS MYU GU SKYED PA'I PHYIR RO, ,RIGS KYI BU DE LA SA BON ZHES JI LTAR BRJOD PAR BYA, BCOM LDAN 'DAS SA BON GYI NYES PA THAMS CAD SPANGS PAS YONGS SU RDZOGS PA ZHES BRJOD PAR BGYI'O, ,RIGS KYI BU DE BZHIN DU MTSAN THOS PAR GYUR PA TZAM GYIS PHYIR MI LDOG PA'I SA BON DANG LDAN PAS NA, SEMS CAN THAMS CAD PHYIR MI LDOG PAR BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR RO ZHES GSUNGS PA YIN NO, ,DE'I PHYIR SHES RAB KYI PHA ROL TU PHYIN PA LA BRTZON PA TZAM NYID PHYIR MI LDOG PA'I RGYUR 'THAD PA YIN NO, ,PHYIR MI LDOG PA'I SA GANG, BYANG CHUB SEMS DPA'I SA BRGYAD PA 'DI LTAR PHYIR MI LDOG PA YE SHES PHYIR MI LDOG PA'I PHYIR PHYIR MI LDOG PA'I SA ZHES BRJOD DO ZHES BYA BA NI YE SHES LDOG PA MED PA'I PHYIR RO ZHES GSUNGS PA YIN NO, ,SANGS RGYAS KYI RIGS SU SKYES PAS ZHES BYA BA NI 'DI YIN TE, GANG SANGS RGYAS KYI RIGS SU SKYE BAR 'DOD PAS @8B ZHES BYA BA LA SOGS PA GSUNGS SO, ,'DIR KHA CIG NA RE BDEN PA DANG, GTONG BA DANG, SHES RAB DANG, NYE BAR ZHI BA LA BRTEN TE SANGS RGYAS KYI RIGS YIN NO ZHES ZER RO, ,GZHAN DAG NI 'DI LTAR SANGS RGYAS RNAMS KYIS SANGS RGYAS NYID DU SKYED PA'I PHYIR PHA ROL TU PHYIN PA DRUG LA BYA'O ZHES ZER RO, ,GZHAN DAG NI 'DI LAS SANGS RGYAS 'DI LTAR 'KHRUNGS PAS SHES RAB KYI PHA ROL TU PHYIN PA NI SANGS RGYAS RNAMS KYI YUM YIN LA, THABS LA MKHAS PA NI YAB YIN TE, DE GNYIS LAS SANGS RGYAS 'BYUNG BAS NA SANGS RGYAS RNAMS KYI RIGS YIN NO ZHE'O, ,GZHAN DAG NI SANGS RGYAS KYIS BCAS PA'I CHOS RNAMS NI BSLAB PA STE, DE'I PHYIR BSLAB PA YANG DAG PAR BLANGS PAS NI SANGS RGYAS KYI RIGS SU SKYE PAR 'GYUR RO ZHES ZER RO, ,GZHAN DAG NI ZHI GNAS DANG LHAG MTHONG GI DGE BA'I CHOS THAMS CAD KYI GTZO BO YIN PA'I PHYIR SANGS RGYAS KYI RIGS YIN NO ZHES ZER RO, ,BYANG CHUB SEMS DPA'I DA LTAR GYI SANGS RGYAS LA MNGON DU PHYOGS PA'I TING NGE 'DZIN DANG SNYING RJE CHEN PO GNYIS NI SANGS RGYAS KYI RIGS YIN NO ZHES GZHAN DAG ZER RO, ,GZHON NU'I SA LAS 'DA' BAR 'DOD PA ZHES BYA BA NI SA BRGYAD PA LA SANGS RGYAS RNAMS KYIS DE YANG DAG PAR BSKUL NAS YANG SEMS CAN GYI DON MNGON DU BYED PA LA 'JUG PA'I PHYIR RO, ,DGE BA'I SEMS BSKYED PA GCIG KYANG MI ZAD PAR BYA BAR 'DOD PAS ZHES GANG GSUNGS PA DANG, BYANG CHUB CHEN POR YONGS SU BSNGOS PA'I DGE BA'I RTZA BA CHUNG DU YANG RGYA MTSO CHEN POR CHU'I THIGS PA GCIG BOR BA'I DPES YANG DAG PAR RDZOGS PA'I BYANG CHUB KYI BAR DU ZAD PA MED PAR 'GYUR BA'I PHYIR RO, ,CHOS THAMS CAD KYI DE BZHIN NYID RJES SU RTOGS PAR 'DOD PAS ZHES BYA BA NI, CHOS THAMS CAD KYI DE BZHIN NYID GANG ZHE NA, GANG MI MTHUN PA DANG GNYEN PO'I PHYOGS KYIS BSDUS PA'I CHOS RNAMS KYI CHOS NYID DO, ,CHOS KYI DBYINGS DE BZHIN NYID RJES SU RTOGS PAR 'DOD PAS ZHES BYA BA NI KHYAD PAR GANG GIS CHOS KYI DBYINGS LA RIGS ZHES BYA BAR 'CHAD PAR 'GYUR BA DE'I CHOS NYID GANG YIN PA'O, ,YANG DAG PA'I MTHA' THAMS CAD KYI DE BZHIN NYID RJES SU RTOGS PAR 'DOD PAS ZHES @9A *, ,BYA BA NI YANG DAG PA'I MTHA'I YE SHES THAMS CAD KYI PHYIN CI MA LOG PA'I CHOS NYID GANG YIN PA'O, ,THAMS CAD CES BYA BA NI THAMS CAD MKHYEN PA NYID GSUM GYIS BSDUS PA'O, ,RJES SU RTOGS PAR ZHES BYA BA RJES SU SMOS PA NI RNAM PA THAMS CAD MKHYEN PA DANG RJES SU MTHUN PA'I RTOGS PA SHES PAR BYA BA'I PHYIR RO, ,RI'I RGYAL PO RI RAB LA SOGS PA'I RI RNAMS SKRA NYAG MA GCIG GIS BCINGS NAS 'JIG RTEN GYI KHAMS GZHAL DU MED PAR 'PHANG BAR 'DOD PAS ZHES BYA BA NI BDUD RTZI BSGRUBS PA BYAS PA LTAR 'DI LA MA DAD PAR MI BYA STE, BYANG CHUB SEMS DPA'I BSAM GTAN PHUL DU BYUNG BAS 'DOD PA BZHIN DU THOB PA'I PHYIR TING NGE 'DZIN DANG LDAN PA LA GANG YANG MI SRID PA MA YIN TE, GDON MI ZA BAR 'DI DE BZHIN DU SHES PAR BYA'O, ,GZHAN DU NA DE BZHIN DU ME 'BAR BA DANG, CHU 'BAB PA'I CHO 'PHRUL YA MA ZUNG LA YANG MI DAD PAR MI BYA BAR MI RIGS SO, ,YANG SKRA NYAG MA GCIG GIS RI RAB BCINGS PA DANG 'PHANGS PA MED MOD KYI DES DE 'DRA BA'I TING NGE 'DZIN GYI KHYAD PAR LA SNYOMS PAR ZHUGS PAS GANG GDUL BYA PHA ROL POS DE BZHIN DU MTHONG BA ZHES BYA'O, ,'DUS BYAS DANG, 'DUS MA BYAS KYI PHA ROL TU 'GRO ZHES BYA BA NI 'KHOR BA DANG MYA NGAN LAS 'DAS PA MNYAM PA NYID DU RTOGS PAR BYED PA YIN NO, ,DUS GSUM GYI SANGS RGYAS KYI DE BZHIN NYID RJES SU RTOGS PA ZHES BYA BA NI DE RNAMS KYI CHOS SKU'I MTSAN NYID LA KHYAD PAR MED PAR GZUNG BA'I PHYIR RO, ,SANGS RGYAS RNAMS KYI NANG GI 'KHOR ZHES BYA BA NI PHRA BA LA 'JUG PA'I YE SHES DANG, GSANG BA LA 'JUG PA'I YE SHES LA SOGS PA LA RJES SU ZHUGS PAR GYUR PA NI SANGS RGYAS RNAMS KYI NANG GI 'KHOR ZHES BYA'O, ,PHRA BA LA 'JUG PA'I YE SHES NI YANG SA BCU LAS JI SKAD DU, SPYOD PA PHRA BA LA 'JUG PA'I YE SHES DANG, 'CHI 'PHO BA DANG; SKYE BA PHRA BA LA 'JUG PA'I YE SHES DANG, MNGON PAR 'BYUNG BA PHRA BA LA 'JUG PA'I YE SHES ZHES BYA BA LA SOGS PA DANG, YANG GSANG BA LA 'JUG PA'I YE SHES NI JI LTAR DE NYID LAS 'DI LTA STE, SKU'I GSANG BA DANG, GSUNG GI GSANG BA DANG, THUGS KYI GSANG BA DANG, @9B DUS DANG DUS MA YIN PA LA RNAM PAR SPYOD PA'I GSANG BA DANG, BYANG CHUB SEMS DPA' RNAMS LUNG BSTAN PA'I GSANG BA DANG, SEMS CAN RNAMS BSDU BA DANG, TSAR BCAD PA NI GSANG BA'O ZHES BYA BA LA SOGS PA GANG GSUNGS PA YIN TE, DE'I PHYIR GZHAN NYAN THOS RNAMS NI PHYI'I 'KHOR ZHES BYA'O, ,LHA'I SDE RNAMS DANG, BYANG CHUB SEMS DPA'I TSOGS CHEN PO'I 'KHOR GYIS YONGS SU BSKOR ZHING MDUN DU BDAR NAS BYANG CHUB KYI SNYING POR 'GRO BA ZHES BYA BA LA, KUN NAS BSKOR BA NI YONGS SU BSKOR BA'O, ,CHER MCHOD CING RJED PA SNGON DU BYAS PA NI MDUN DU BYAS PA STE, PHYOGS YONGS SU CHAD PA NI MDUN DU BYAS PA LTAR NA NI SNGA PHYI 'GAL BAR 'GYUR BA'I PHYIR RO, ,GANG STONG GSUM GYI STONG CHEN PO'I 'JIG RTEN GYI KHAMS NA RGYAL PO CHEN PO BZHI TSOGS NAS 'OG MIN GYI LHA RNAMS SU GYUR PA'I BAR DU DE DAG 'DI SNYAM DU SEMS TE, SANGS RGYAS 'JIG RTEN DU BYUNG BAS NI 'JIG RTEN SKYONG BA'I 'JIG RTEN RNAMS MNGON PAR MTHO BA DANG, NGES PAR LEGS PA STON PA'I PHYIR DANG, RANG GI TSOGS YONGS SU BSKANG BAR 'DOD PA DANG, YON TAN GYI PHYOGS SU ZHEN PA'I PHYIR ZHES BYA BA LA SOGS PA BRJOD PAR BYA'O, ,DE LA RGYAL CHEN BZHI'I RIS KYI LHUNG BZED KYI DBANG DU MDZAD PA YIN TE, DE RNAMS KHAM GYI ZAS MCHOG TU RO ZHIM PA'I YON TAN DANG LDAN ZHING MANG BA YIN PA'I PHYIR TE, GSAL RGYAL GYIS ZHUS PA DPER BYED, SUM CU RTZA GSUM PA LA SOGS PA NI RIM GRO BYED PA'I DBANG DU MDZAD PA YIN TE, DE RNAMS NI SGYU RTZA LA MA LUS PA LA MKHAS PAS 'DOD PA TZAM LA RAG LAS PA 'JUG PA YOD PA'I PHYIR RO, ,TSANGS RIS LA SOGS PA NI GSOL BA 'DEBS PA'I DBANG DU MDZAD PA YIN TE, DE RNAMS KYIS 'JIG RTEN DANG 'JIG RTEN LAS 'DAS PA'I 'DOD CHAGS DANG BRAL BA'I SKAL BA MNYAM PAS GZHAN DAG 'DOD CHAGS DANG BRAL BA LA MNGON PAR DGA' BAR BYED PA YIN PA'I PHYIR RO, ,DE LA 'JIG RTEN PA'I 'DOD CHAGS DANG BRAL BA NI TSANGS PA LA SOGS PA'O, ,'JIG RTEN LAS 'DAS PA'I 'DOD CHAGS DANG BRAL BA NI GNAS GTZANG MA PA RNAMS TE, 'DI NI SHAS CHER BSTAN PA YIN GYI TSANGS PA LA @10A *, ,SOGS PA NA YANG 'JIG RTEN LAS 'DAS PA'I 'DOD CHAGS DANG BRAL BA MED PA NI MA YIN NO, ,YANG RTOGS PA SNGON DU GTONG BA SU ZHIG GANG 'DI LTA BU'I DBANG DU BYAS PA GSUM STON PAR BYED CE NA, GANG GIS KYANG MA YIN MOD KYI 'ON KYANG 'DI DAG NI DGE BA'I RTZA BA YONGS SU SMIN PA'I CHOS NYID DU RNAM PAR GZHAG STE, SO SOR NYE BAR GNAS PA'I MTSAN NYID CAN YIN ZHING RTEN CING 'BREL PAR CHOS RNAMS KYI CHOS NYID TSAD MAR BYAS PA YIN NO, ,DE LA RGYAL CHEN BZHI PO NI DE RNAMS KYI BDAG PO YIN PAS NA RGYAL PO CHEN PO BZHI'I RIGS SO, , LEGS PAR SPYOD PA LHAN CIG SPYAD PA LAS SUM CU RTZA GSUM PO DER MTSUNGS PAR SKYES PAS NA SUM CU RTZA GSUM MO, ,SDUG BSNGAL DANG BRAL BAR NYE BAR SONG BAS NA 'THAB BRAL LO, ,DGA' BAR SONG ZHING NYE BAR PHYIN PAS NA DGA' LDAN TE, MGU BA DANG LDAN PA ZHES BYA BA'I DON TO, , RANG GIS SPRUL ZHING BYAS PA'I LONGS SPYOD RNAMS KYIS DGA' ZHING ROL PAS NA DE NI 'PHRUL DGA'O, ,GZHAN GYIS SPRUL PA'I LONGS SPYOD RNAMS LA DBANG BYED CING GNAS PAS NA GZHAN 'PHRUL DBANG BYED DO, ,TSANGS PA'I 'KHOR YIN PAS NA TSANGS RIS SO, ,TSANGS PA CHEN PO'I 'KHOR YIN PAS NA TSANGS 'KHOR RO, ,CIG SHOS DE'I MDUN NA 'DON LTA BUR GNAS PAS TSANGS PA'I MDUN NA 'DON NO, ,TSANGS PA GZHAN RNAMS LAS TSE DANG KHA DOG LA SOGS PA'I KHYAD PAR GYIS TSANGS PA CHEN PO 'PHAGS PA YIN PAS NA TSANGS CHEN NO, ,TSANGS PA GZHAN DAG PAS 'OD CHUNG BAS NA 'OD CHUNG NGO, ,DE DAG LAS TSAD MED PAR CHE BA'I 'OD 'BYUNG BA YOD PAS NA TSAD MED 'OD DO, ,DE DAG NI DGA' BA DANG BCAS PA'I BSAM GTAN LAS GRUB CING SPRIN MTHONG BA LA SOGS PA LAS BYUNG BA'I GLOG LTAR PHAN TSUN 'OD GSAL BA 'BYIN PA'I PHUNG PO'I RGYUN YOD PAS NA 'OD GSAL LO; ,YANG NA DE LTA BU'I GZUGS KYI 'OD KYIS SNANG BAR BYED PAS NA 'OD GSAL LO, ,DGE BA ZHES BYA BA NI LUS KYI 'OD GCIG TU 'DUG CING MI 'GYUR BA LA BYA BAR BSHAD LA, DE NI DE'I GONG GI 'PHAGS BA RNAMS LAS DE'I 'OD CHUNG BA YIN PA'I PHYIR DGE CHUNG NGO, ,DE DAG TSAD MED @10B PAR CHE BA'I PHYIR TSAD GZUNG BAR MI NUS PAS TSAD MED DGE'O, ,DE DAG NI DGE BA STE 'OD KUN TU 'BYUNG BA MA LUS PAR RGYAS PAS NA DGE RGYAS TE, RGYAS PA ZHES BYA BA NI THAMS CAD DE DGA' BA MED PA'I BSAM GTAN LAS GRUB CING BDAG NYID KYI DNGOS PO RDZOGS PAR BYAS TE GNAS SO, , DE RNAMS NI DPER NA RIN PO CHE'I ZA MA TOG GI NANG GI MAR ME GNAS PA RIN PO CHE'I 'OD DANG 'DRES PA'I RANG GI 'OD KYIS 'OD GCIG TU BYUNG BAR GYUR NAS GNAS PA DANG 'DRA BAR LUS GCIG TU 'BAR BAR SNANG BAR GNAS SO, ,'DU SHES LAS 'DOD CHAGS DANG BRAL BA BSGOMS PAS MNGON PAR GRUB PA'I GZUGS KYI PHUNG PO TZAM YOD KYI DE LA 'DU SHES YOD PA MA YIN PAS NA 'DU SHES MED PA'O, ,SPRIN MED PA DANG, BSOD NAMS 'PHEL NI GO SLA'O, ,DE RNAMS NA NI BSAM GTAN GYI MTHU LAS GRUB PA'I 'BRAS BU CHEN PO YIN PAS 'BRAS BU CHE BA'O, ,PHUNG PO LNGA DANG LDAN PAS SO SO'I SKYE BO'I SA'I MTHA' NYID DU GNAS SHING GNOD PA CUNG ZAD KYANG MED LA BDAG NYID KYI GNAS DUS NYUNG ZAD CIG GIS MI 'DOR BAS MI CHE BA'O, ,LA LA NI 'DOD PA MED PAR 'DOD DE, DE DAG GI GZHUNG LTAR NA DE RNAMS NI 'OG MA LA MED PAS NA 'DOD PA MED PA ZHES BYA'O, , SU LA YANG GDUNG BAR MI BYED PAS NA MI GDUNG NGO, ,PHONGS PA MED PA'I BDE BA DANG LDAN PAR SNANG ZHING SHIN TU YID 'PHROG PA YIN PA'I PHYIR GYA NOM SNANG NGO, ,GZHAN DAG NI BLTA NA SDUG CES ZER RO, ,LTA BA YONGS SU DAG PA'I PHYIR DANG, RAB TU MTHONG BA'I PHYIR SHIN TU MTHONG NGO, , PHUN SUM TSOGS PA'I MCHOG YIN PA'I PHYIR DANG, DE RNAMS KYI GONG NA GZHAN MED PAS NA 'OG MIN TE, DE NI MTHAR THUG PA'I MCHOG YIN NO, ,ZHES BTZUN PA ZANGS KYI LO MA PAS BSHAD DO, ,GZHAN DAG NI SDIG MTHA' YAS ZHES ZER TE, SDIG PA NI SEMS LA GNAS PAR GRAGS PA'I TSUL TE, DE DAG SHIN TU 'JOMS PA'I MTHAR THUG PA YIN PA'I PHYIR RO, ,YANG SEMS BSKYED PA 'DI'I RAB TU DBYE BA'I MTSAN NYID NI GZHAN 'PHAGS PA POR GOS MI ZAD PA DANG, SDONG PO BKOD PA'I MDO LAS SOGS PA'I RJES SU 'BRANGS NAS BLTA ZHING SBYAR RO, ,BDAG GIS NI @11A *, ,GZHUNG MANGS PA YONGS SU SPANG BA'I PHYIR NYE BAR MA BKOD DO, ,SEMS BSKYED PA ZHES BYA BA LA SEMS NI RNAM PAR SHES PA DANG RNAM PAR RIG PA'O, ,RNAM PAR SHES PA ZHES BYA BA JI LTA ZHE NA, YID KYI RNAM PAR SHES PA STE, DES DKAR PO'I CHOS THAMS CAD LA DMIGS PA 'BYUNG BA YIN PA'I PHYIR RO, ,BSKYED PA ZHES SMOS PA NI MA BSKYED PA BSKYED PAR SHES PAR BYA'O, ,SEMS ZHES BYA BA NI DE RTOGS PA'I CHOS KYI DANG PO'I MTSAMS SU GYUR PAR SHES PAR BYA BA'I PHYIR RO, ,DE LTA MOD KYI MI SDUG PA'I 'DU SHES DGU PO'I DE DAG DANG SKYES BU CHEN PO'I RNAM PAR RTOG PA BRGYAD SNGAR BSTAN PA DE DAG DANG SEMS BSKYED PA'I RAB TU DBYE BA CI ZHIG 'BREL ZHE NA, SEMS BSKYED PA'I YONGS SU MI NYAMS PA'I CHOS NYID SHES PAR BYA BA'I DON DU YIN NO, ,SEMS BSKYED PA'I YONGS SU MI NYAMS PA'I RGYU MTSAN NI BRGYAD DE, 'DOD CHAGS DE'I GNYEN PO MI SDUG PA'O, , LOG PAS 'TSO BA DE'I 'DOD PA CHUNG BA DANG CHOG SHES PA'O, ,YANG DAG PAR DGA' BA DANG RGUD PAR LTA BA DE'I RAB TU DBEN PA'O, ,LE LO DE'I BRTZON 'GRUS RTZOM PA'O, ,DRAN PA NYAMS PA DE'I DRAN PA NYE BAR GNAS PA'O, ,RNAM PAR G-YENG BA DE'I NI TING NGE 'DZIN TO, ,SHES RAB 'CHAL PA DE'I NI SHES RAB BO, ,'JIG RTEN PA'I SNA TSOGS PA LA MNGON PAR DGA' BA DE'I GNYEN PO NI SPROS PA MED PA'I KUN DGA' RA BA'O, ,SHES RAB KYI PHA ROL TU PHYIN PA MAN NGAG GI BSTAN BCOS MNGON PAR RTOGS PA'I RGYAN LAS SEMS BSKYED PA'I RNAM PAR 'GREL PA'O, ,SEMS BSKYED PA BSHAD ZIN TO,, ,,DA NI GDAMS NGAG BRJOD PAR BYA STE, DE LA DON DU GNYER BAR BYA BA THOB PAR BYED PA'I MAN NGAG NI GDAMS NGAG GO, ,THOB PA'I YON TAN YONGS SU BSKYANG BA'I PHYIR YONGS SU MI NYAMS PAR BYED PA'I THABS NI GDAMS NGAG YIN LA, DE'I RJES LA MA THOB PA'I YON TAN THOB PAR BYED PA'I THABS NI RJES SU BSTAN PA YIN TE, MJUG BSDU BAR SHES RAB KYI PHA ROL TU PHYIN PA 'DI NI BYANG CHUB SEMS DPA' SEMS DPA' CHEN PO'I GDAMS NGAG DANG RJES SU BSTAN PA YIN NO ZHES BSTAN TO, ,GDAMS NGAG DE YANG RNAM PA BCUR 'GYUR TE, JI SKAD DU, GDAMS @11B PAR BYA BA BSGRUB PA DANG, ,BDEN PA RNAMS DANG BDE GSHEGS SOGS, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN NI LNGA RU SHES PAR BYA, ,MNGON SHES YON TAN DRUG DANG NI, ,MTHONG BA'I LAM ZHES BYA BA MCHOG ,BSGOM PA'I LAM STE GDAMS NGAG BCU, ,ZHES BSTAN PA YIN NO, ,DE LA BSGRUB PA LA GDAMS PA NI GANG SH'A RI'I BU 'DI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE BYANG CHUB SEMS DPA' YANG DAG PAR RJES SU MI MTHONG NGO ZHES BYA BA NAS BRTZAMS TE, MI DMIGS PA'I TSUL DU BSGRUB PA NI SGRUB PA DE NYAN THOS LA SOGS BA DANG THUN MONG MA YIN PA NYID KYIS NA 'DZAM BU'I GLING 'DI DGE SLONG SH'A RI'I BU DANG, MDO GAL GYI BU LTA BU SHA STAG GIS 'DAM BU'I TSAL LA SOGS PA LTA BUR YONGS SU GANG BA DPER BYA BA NAS BRTZAMS TE, PHYOGS BCU RE RE ZHING 'JIG RTEN GYI KHAMS GANG GA'I KLUNG GI BYE MA SNYED DES YONGS SU GANG BA'I SHES RAB LAS BYANG CHUB SEMS DPA' SEMS DPA' CHEN PO'I SHES RAB NYIN GCIG TU BSGOMS PA KHYAD PAR DU 'PHAGS PAR BSTAN PA YIN NO, ,SH'A RI'I BU GAL TE 'DZAM BU'I GLING 'DI DGE SLONG SH'A RI'I BU DANG; MOOD GAL GYI BU 'DRA BA SHA STAG GIS 'DI LTA STE, DPER NA 'DAM BU'I TSAL LAM, 'OD MA'I TSAL LAM, BU RAM SHING GI TSAL LAM, SMYIG MA'I TSAL LAM, 'BRAS KYI ZHING NGAM, TIL GYI ZHING LTAR YONGS SU GANG BAR GYUR KYANG ZHES GANG GSUNGS PA'I DON JI LTA BU YIN ZHE NA, NGES PAR BYED PA'I CHA BZHI DANG, MTHONG BA'I LAM DANG, BSGOM PA'I LAM DAG GO RIMS BZHIN DU SBYAR TE, 'DAM BU LTAR LAS DANG NYON MONGS PA'I GNOD PA CHUNG DU BZOD PAS MI NUS PA DANG, 'OD MA DANG 'DRA BAR ME DANG, MTSON DAG DANG 'DRA BA'I LAS DANG NYON MONGS PA DRAG POS NYEN DU ZIN KYANG DGE BA'I RTZA BA'I RGYUN KUN TU MI 'CHAD PA DANG, BU RAM SHING DANG 'DRA BAR SKYE BA DANG 'CHI BA'I GNAS SKABS GZHAN THOB PA NA BDE 'GRO RNAMS SU SKYE BAR 'GYUR ZHING, RGYUN MA'I 'CHAD PA'I SBYOR BA CHOS SGOM PA'I MNGAR BA LAS MI 'DA' BA NYID DANG, MDA' @12A *, ,RGYU DANG 'DRA BAR MNGON PAR 'BIGS PA YIN PA'I PHYIR MTHONG BA'I LAM RTOGS PAR BYED PA NYID DANG, 'BRAS KYI ZHING DANG 'DRA BAR 'PHAGS PA'I GANG ZAG RNAMS KYI RTOGS PA'I 'BRAS BU MCHOG NYID DANG, TIL GYI ZHING 'DRA BAR ME TOG LA SOGS PA'I DNGOS PO DANG THA MI DAD DU ZIN KYANG JI LTAR MTHONG BA MNGON DU BYED PA NAS NYE BAR BZUNG STE, DUS GZHAN DU BSGOMS PAS SPANGS PA'I KHYAD PAR GYI DBANG DU BYAS NAS DPE DRUG DANG 'DRA BAR SHES PAR BYA'O, ,CI'I PHYIR TSAL SMOS SHE NA, DRO BAR RTOGS PA LA SOGS PA'I GANG ZAG GZHAN DAG GI DBANG PO LA SOGS PA'I DBYE BA'I RIGS KYI KHYAD PAR SHES PAR BYA BA'I PHYIR YIN TE, DON MANG PO BRTAGS NA YANG DPE GCIG GIS RTOGS PAR 'GYUR RO, ,RE ZHIG SNGA MA SNGA MA LA'AM ZHES BYA BA'I SGRA SMOS PA NI DPE PHYI MA PHYI MA DRANG BAR BYA BA'I DON YIN NO, ,DE LTA YIN NA THA MAR RAM ZHES CI'I PHYIR SMOS SHE NA, 'PHAGS PA'I GANG ZAG DE RNAMS LAS MTHONG BA'I CHOS LA BDE BAR GNAS PA SHES PAR BYED PA DRANG BAR BYA BA YIN NO, ,DE LTA NA DPE GZHAN DAG GIS CI'I PHYIR MA BSHAD CE NA, MTHONG BA'I CHOS LA BDE BAR GNAS PA RNAMS KYI NI RANG BZHIN SNA TSOGS PA NYID KYI RIGS BSDUS PA'I NGO BO SHES PAR BYA BA'I DON TO, ,GZHAN YANG RE RE ZHING BRJOD PA BRTAGS NA NI DPE JI SNYED CIG BRJOD PAR BYA STE, NYE BAR BSHAD PA LA MI MKHAS PA NYID THOB PAR 'GYUR RO, ,'DIR TSIG NI 'DI YIN TE, DGE SLONG SH'A RI'I BU DANG, MDO GAL GYI BU 'DRA BA ZHES GANG GSUNGS PA 'DIS NI JI SKAD GSUNGS PA'I RTOGS PA MTHUN PA RNAMS KYIS SO, ,BRGYA'I CHAR YANG NYE BAR MI 'GRO ZHES BYA BA LA SOGS PA RGYA CHER GSUNGS PA'I DON CI ZHIG YIN ZHE NA, 'DI NI GRANGS KYI KHYAD PAR DANG, MTHU'I KHYAD PAR DANG, RIGS KYI KHYAD PAR DANG, RGYU'I KHYAD PAR DANG, DPE LAS 'DAS PA LAS BYANG CHUB SEMS DPA' SEMS DPA' CHEN PO'I SHES RAB NYIN GCIG TU BSGOMS PA KHYAD PAR DU 'PHAGS PA YIN NO, ,DE LA BRGYA'I CHAR YANG NYE BAR MI 'GRO ZHES BYA BA NAS, GRANGS DANG ZHES BYA BA'I BAR NI GRANGS KYI KHYAD PAR GYI KHYAD PAR MED PA'I GRANGS BZUNG BA YIN TE, DE @12B LAS GZHAN PA'I GRANGS GSAL BAR SHES PAR BYA'O, ,BRGYA LA SOGS PA SMOS PA NI KHYAD PAR SMOS PAS KHYAD PAR MED PA'I GRANGS KHONG DU CHUD PA'I RGYUR BYAS PA YIN TE, KHYAD PAR MED PA TZAM YIN NO ZHES SHES PAR BYA BA'I DON DU BRGYA LA SOGS PA SMOS PAS GO RIMS MANG PO YIN PAR SHES PA'I PHYIR RO, ,CHAR YANG ZHES BYA BA NI MI MTHUN PA'I KHYAD PAR RO, ,BGRANG BAR YANG ZHES BYA BA NI RIGS KYI KHYAD PAR YIN TE, BYANG CHUB SEMS DPA'I SHES RAB KYI RIGS DE LA BGRANG DU MED PA'I PHYIR RO, RGYUR YANG ZHES BYA BA NI RGYU'I KHYAD PAR TE, SHES RAB DE NI 'DI'I RGYU TZAM DU YANG MI 'GYUR RO, ,DPER YANG NYE BAR MI 'GRO ZHES BYA BA NI DPE LAS 'DAS PA'O, ,'DIR YANG BYANG CHUB SEMS DPA' CI TZAM ZHIG GI DBANG DU BYAS NAS DE LTA BU'I SHES RAB NYIN GCIG TU BSGO PA YIN, CI DANG PO SEMS BSKYED PA YIN NAM, SPYOD PA LA ZHUGS PA YIN NAM, PHYIR MI LDOG PA YIN NAM, SKYE BA GCIG GIS THOGS PA YIN NAM, SA BCU PA NI DE BZHIN GSHEGS PA NYID YIN NO ZHES BSTAN PA'I DON CI ZHIG YIN ZHE NA, DE BZHIN GSHEGS PA'I MDZAD PAS NYE BAR GNAS PA'I PHYIR, DE NYID LA DE BZHIN GSHEGS PA ZHES BRJOD KYI DE BZHIN GSHEGS PA'I THUGS SU CHUD PAS NI MA YIN NO, ,GSUM PA YANG MA YIN TE, BRGYAD PA LA NI MNGON PAR 'DOD PA'I MYA NGAN LAS 'DAS PA BKAG PAS NYAN THOS THAMS CAD LAS SHES PA KHYAD PAR DU 'PHAGS PA YIN PA'I PHYIR RO, ,DE YANG KYE RGYAL BA'I SRAS DAG KHYED LA SHES PAR BYA, KHYED LA KHONG DU CHUD PAR BYA STE, GAL TE SANGS RGYAS BCOM LDAN 'DAS KYIS BYANG CHUB SEMS DPA' DE RNAMS MNGON PAR BSGRUB PA'I SGO LA MTSUNGS PAR GYUR NA DE NYID DU DE'I YONGS SU MYA NGAN LAS 'DAS PAR GYUR PA YIN NO ZHES JI SKAD GSUNGS PA LTA BU'O, ,YANG DE'I MYA NGAN LAS 'DAS PA GANG ZHIG YIN, 'ON TE NYAN THOS KYI MYA NGAN LAS 'DAS PA YIN NA DE NI RE ZHIG MI RIGS TE, NYAN THOS KYI MYA NGAN LAS 'DAS PA 'DOD PA'I YID LA BYED PA NI SEMS BSKYED PA NAS BRTZAMS TE RING DU YONGS SU SPANG BAR BYA BA'I PHYIR RO, ,'ON TE SANGS RGYAS KYI MYA NGAN LAS 'DAS PA YIN NO ZHES ZER NA NI BSGOMS PAS SPANG @13A *, ,BAR BYA BA MA SPANGS PA DANG DE YANG MI RIGS SO, ,BSTAN PA 'DI LA YONGS SU MYA NGAN LAS 'DA' BAR GZHAG PA'I BRJOD PAR BYA BA NI MANG PO YOD DE, 'DIR RTZE MO THOB PA RNAMS KYI NI DGE BA'I RTZA BA RGYUN CHAD PA LAS YONGS SU MYA NGAN LAS 'DAS PA YIN NO, ,BZOD PA THOB PA RNAMS KYI NI NGAN 'GRO LAS YONGS SU MYA NGAN LAS 'DAS PA YIN NO, ,BSAM GTAN THOB PA RNAMS KYI NI DE'I YAN LAG LAS YONGS SU MYA NGAN LAS 'DAS PA YIN NO, ,RGYUN DU ZHUGS PA THOB PA RNAMS KYI NI SRID PA BRGYAD PA LAS YONGS SU MYA NGAN LAS 'DAS PA YIN NO, ,LAN CIG PHYIR 'ONG BA RNAMS KYI NI 'DIR SRID PA GNYIS PA LAS YONGS SU MYA NGAN LAS 'DAS PA YIN NO, ,PHYIR MI 'ONG BA NI 'DOD PA'I KHAMS LAS YONGS SU MYA NGAN LAS 'DAS PA YIN NO, ,DGRA BCOM PA NI PHUNG PO LHAG MA DANG BCAS PA DANG, LHAG MA MED PA'I MYA NGAN LAS 'DAS PA YIN NO, , 'DIR YANG DAM PA'I CHOS PADMA DKAR PO LA SOGS PA'I MDO TSAD MAR BYAS NAS, JI LTAR 'PHAGS PA SH'A RI'I BU LA SOGS PA'I BYANG CHUB SEMS DPA' CHEN PO RNAMS NYAN THOS KYI YONGS SU MYA NGAN LAS 'DAS PAR RNAM PAR GZHAG PA GSUNGS PA DE BZHIN DU DGONGS PA CAN GYI MYA NGAN LAS 'DAS PA YIN PAR SHES PAR BYA STE, DUS DE SRID DU 'GRO BA'I DON LA 'JUG PA BSHOL BA NYID YIN PA'I PHYIR RO, ,DE NYID KYI PHYIR SEMS CAN THAMS CAD KYI DON GYI BYA BA RGYUN CHAD PA 'DI NI MYA NGAN LAS 'DAS PA YIN NO ZHES BSHAD DO, ,GNYIS PA YANG MA YIN TE, DE YANG DE RNAMS LAS RTOGS PA GO BZLOG PA YIN PA'I PHYIR TE, RGYUN DU ZHUGS PA DANG, RANG SANGS RGYAS KYI SHES PA DANG, SPONG BA GANG YIN PA DE NI BYANG CHUB SEMS DPA' BZOD PA YIN NO ZHES JI SKAD GSUNGS PA LTA BU'O, ,DE BAS NA YONGS SU MI NYAMS PA'I CHOS CAN GYI BRDAR BTAGS PA'I SEMS KYIS DANG PO SEMS BSKYED PA NYID 'DIR BYANG CHUB SEMS DPA' YIN PAR MNGON NO, ,GANG DE LTA YIN PA DE BAS NA RAB TU BYED PA DANG POR SEMS BSKYED PA BSTAN TO, ,GAL TE DE LTA YIN NA SH'A RI'I BU 'DI JI SNYAM DU SEMS, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I SHES RAB NYIN GCIG @13B BSGOMS PA ZHES BYA BA NAS BRTZAMS TE, SEMS CAN YONGS SU MYA NGAN LAS 'DA' BA DANG, PHA ROL TU PHYIN PA DRUG YONGS SU RDZOGS NAS CHOS KYI SKU THOB PAR BSDUS PAR BSTAN PA'I SBYOR BA RTOGS PA LAS YANG DAG PAR 'DA' BA YIN NO ZHES BSTAN PA'ANG MI RIGS TE, DE DAG NI BSKAL PA GRANGS MED PA MANG PO'I 'BRAS BU YIN PA'I PHYIR SHES RAB NYIN GCIG YONGS SU BSGOMS PA'I 'BRAS BU MA YIN NO ZHE NA, 'DIR YANG MAR ME'I SNYING PO TSIG PA'I DPES SEMS BSKYED PA DANG PO DANG, PHYI MA 'BRAS BU DANG BCAS PAR LAN BTAB, LHAG MA NI GO SLABS RNAMS PAR MA PHYE'O, , SGRUB BA LA GDAMS PA BSHAD ZIN TO,, ,,BDEN PA LA GDAMS PA GANG ZHE NA, 'PHAGS PA'I BDEN PA BZHI LA GDAMS PA GANG YIN PA'O, ,DE LA SDUG BSNGAL GYI BDEN PA'I DBANG DU MDZAD NAS PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'I YAN LAG DANG, CHOS THAMS CAD DANG, 'DUS BYAS DANG, 'DUS MA BYAS DANG, STONG PA NYID KYI SBYOR BAS ZHES BSTAN PA STE, 'DI'I MDO NI SH'A RI'I BU 'DI LA BYANG CHUB SEMS DPA' SEMS DPA' CHEN PO'I GZUGS STONG PA NYID LA BRTZON NA BRTZON ZHES BYA'O ZHES BYA BA LA SOGS PA GANG GSUNG PA YIN NO, ,KUN 'BYUNG GI BDEN PA'I DBANG DU MDZAD NAS GZUGS LA SOGS PA'I PHUNG PO RNAMS SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA DANG, CHOS PHAN TSUN YANG DAG PAR 'DU BA BKAG PA YIN TE, 'DI'I MDO NI GAL TE GZUGS SKYE BA'I CHOS CAN NAM, 'GAG PA'I CHOS CAN DU YANG DAG PAR RJES SU MI MTHONG NGO, ,GZUGS KUN NAS NYON MONGS PA'I CHOS CAN NAM, RNAM PAR BYANG BA'I CHOS CAN DU YANG DAG PAR RJES SU MI MTHONG NGO, ,GZUGS NI TSOR BA YANG DAG PAR 'DU BA YIN NO ZHES BYA BAR YANG DAG PAR RJES SU MI MTHONG NGO ZHES BYA BA LA SOGS PA DANG, DE DAG STONG PA NYID NI DE'I RANG BZHIN BKAG PA YIN TE, 'DI'I MDO NI DON 'DI LTAR SH'A RI'I BU GZUGS STONG PA NYID GANG YIN PA DE NI GZUGS MA YIN NO ZHES BYA BA LA SOGS PA DANG, DE RNAMS STONG PA NYID DANG PHAN TSUN NGO BO GCIG PA YIN @14A *, ,TE; 'DI'I MDO NI SH'A RI'I BU 'DI LTAR GZUGS GZHAN MA YIN LA, STONG PA NYID KYANG GZHAN MA YIN TE, GZUGS NYID STONG PA NYID STONG PA NYID NI GZUGS SO ZHES BYA BA LA SOGS PA GANG GSUNG PA YIN TE, DES NA 'DIS NI SGRO 'DOGS PA DANG, SKUR PA 'DEBS PA'I MTHA' GNYIS SPANGS PA YIN NO, ,'GOG PA'I BDEN PA'I DBANG DU MDZAD NAS STONG PA NYID LA SKYE BA DANG, 'GAG PA DANG, KUN NAS NYON MONGS PA DANG, RNAM PAR BYA BA DANG, 'GRIB PA DANG, 'PHEL BA DANG, DUS GSUM BKAG PA'I SGO NAS DE DAG LA PHUNG PO LA SOGS PA DANG, 'PHAGS PA'I BDEN PA LA SOGS PA 'JUG PA DANG LDOG PA'I PHYOGS LA SPYOD PA'I SBYOR BA RAB TU BKAG PA BSTAN PA YIN TE, DE'I MDO NI SH'A RI'I BU STONG PA NYID GANG YIN PA DE NI MI SKYE, MI 'GAG ,KUN NAS NYON MONGS PAR 'GYUR BA MED, RNAM PAR BYANG BA MED, 'GRIB PA MED, 'PHEL BA MED, DE NI 'DAS PA MA YIN, MA 'ONGS PA MA YIN, DA LTAR BYUNG BA MA YIN NO, ,GANG YANG 'DRA BA DE LA NI GZUGS MED DO, ,TSOR BA MED DO ZHES BYA BA NAS MA RIG PA SKYE BA MED DO, ,MA RIG PA 'GAG PA MED DO ZHES BYA BA'I BAR DANG; RGYUN DU ZHUGS PA MED DO, ,RGYUN DU ZHUGS PA'I 'BRAS BU MED DO ZHES BYA BA'I BAR DANG, SANGS RGYAS MED DO, ,BYANG CHUB MED DO ZHES BYA BA'I BAR GANG GSUNGS PA YIN NO, ,LAM GYI BDEN PA'I DBANG DU MDZAD NAS PHA ROL TU PHYIN PA RNAMS DANG, PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'I YAN LAG RNAMS DANG, BYANG CHUB KYI PHYOGS RNAMS DANG, BDEN PA RNAMS DANG, SO SO YANG DAG PAR RIG PA DANG, MNGON PAR SHES PA RNAMS DANG, STOBS RNAMS DANG, MI 'JIGS PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID LA SBYOR BA'AM, MI SBYOR BA DE LA RJES SU MI DMIGS PA'I PHYIR RO ZHES BYA BA'I MDO NI JI SKAD DU, DE SHES RAB KYI PHA ROL TU PHYIN PA LA SPYOD KYANG SBYIN PA'I PHA ROL TU PHYIN PA LA LDAN ZHES BYA BA'AM, MI LDAN ZHES BYA BAR BDAG NYID LA @14B YANG DAG PAR RJES SU MI MTHONG NGO ZHES BYA BA LA SOGS PA DANG, STONG PA NYID DANG, MTSAN MA MED PA DANG, SMON PA MED PA RNAMS STONG PA NYID LA SOGS PA DE DANG SBYOR BAR BYED PA BKAG PA'I PHYIR ZHES BYA BA YIN TE, DE'I MDO NI DE SHES RAB KYI PHA ROL TU PHYIN PA LA SPYOD PA NA STONG PA NYID LA STONG PA NYID KYIS SBYOR BAR MI BYED DO, ,STONG PA NYID KYIS 'BYED PA MA YIN NO, ,MTSAN MA MED PA DANG, MTSAN MA MED PAR MI SDUD MI 'BYED DO, ,SMON PA MED PA DANG, SMON PA MED PAR MI SDUD MI BYED DO ZHES BYA BA LA SOGS PA GANG GSUNGS PA YIN NO, ,'DIS NI LAM GYI BDEN PA RNAM PAR MI RTOG PA NYID YIN PAR GSAL BAR BSTAN TO, ,GZUGS LA SOGS PA'I PHUNG PO RNAMS SNGON GYI MTHAR SBYOR BA DANG 'BYED PA RAB TU BKAG PA YIN TE, MDO NI SH'A RI'I BU BYANG CHUB SEMS DPA'I GZUGS SNGON GYI MTHAR MI SBYOR MI 'BYED DO, ,'DI LTAR DE SNGON GYI MTHA' NYID KYANG YANG DAG PAR RJES SU MI MTHONG NGO ZHES BYA BA LA SOGS PA GANG GSUNGS PA YIN NO, ,DUS RNAMS GCIG LA GCIG SBYOR BA DANG BKAG PA YIN TE, MDO NI DE SNGON GYI MTHA' LA PHYI MA'I MTHA' MI SBYOR MI 'BYED DE, DUS GSUM MNYAM PA NYID NYER BAR BZUNG NAS ZHES BYA BA LA SOGS PA GANG GSUNGS PA YIN NO, ,DUS RE RER RNAM PA THAMS CAD MKHYEN PA NYID DU SBYOR BA BKAG PA YIN TE, MDO NI RNAM PA THAMS CAD MKHYEN PA NYID DANG, 'DAS PA MI SBYOR MI 'BYED DE, DE NI 'DI LTAR 'DAS PA NYID KYANG YANG DAG PAR RJES SU MI MTHONG NGO ZHES BYA BA LA SOGS PA GANG GSUNGS PA YIN NO; ,DE LTAR LAM GYI NGES PAR 'BYUNG BA'I NGO BO NYID GSAL BAR BSTAN PA YIN NO, ,BDEN PA LA GDAMS PA'O, ,DKON MCHOG LA GDAMS PA GANG ZHIG YIN ZHE NA, DE NI DKON MCHOG GSUM LA GDAMS PA YIN PAR SHES PAR BYA'O, ,SANGS RGYAS DKON MCHOG GANG YIN PA'I DBANG DU MDZAD NAS BSTAN PA NI PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'I YAN LAG DANG, BYANG CHUB KYI PHYOGS RNAMS DANG, SO SO YANG DAG PAR RIG PA DANG, MNGON PAR SHES PA DANG, STOBS DANG, MI 'JIGS PA DANG, SANGS RGYAS KYI CHOS @15A *, ,MA 'DRES PA RNAMS DANG, SANGS RGYAS DANG, RNAM PA THAMS CAD MKHYEN PA NYID DU SBYOR BA BKAG PA YIN TE, 'DI'I MDO NI DE SHES RAB KYI PHA ROL TU PHYIN PA LA SPYOD PA NA GZUGS RNAM PA THAMS CAD MKHYEN PA NYID DANG SBYOR BAR MI BYED DE, GZUGS NYID KYANG YANG DAG PAR RJES SU MI MTHONG NGO ZHES BYA BA NAS, SANGS RGYAS DANG, RNAM PA THAMS CAD MKHYEN PA NYID DU SBYOR BAR MI BYED DO ZHES GANG GSUNGS PA YIN NO, ,RNAM PA THAMS CAD MKHYEN PA NYID DANG SANGS RGYAS SU SBYOR BA BKAG PA YIN TE, MDO NI RNAM PA THAMS CAD MKHYEN PA NYID DANG, SANGS RGYAS SU SBYOR BAR MI BYED DE, SANGS RGYAS NYID KYANG YANG DAG PAR RJES SU MI MTHONG NGO ZHES GANG GSUNGS PA YIN NO, ,SANGS RGYAS DANG, RNAM PA THAMS CAD MKHYEN PA NYID DAG DANG, BYANG CHUB DANG, RNAM PA THAMS CAD MKHYEN PA NYID DAG NGO BO GCIG BAR BZHED PA YIN TE, MDO NI, DE CI'I PHYIR ZHE NA, SANGS RGYAS NYID RNAM PA THAMS CAD MKHYEN PA, RNAM PA THAMS CAD MKHYEN PA NYID KYANG SANGS RGYAS YIN NO, ,BYANG CHUB NYID RNAM PA THAMS CAD MKHYEN PA, RNAM PA THAMS CAD MKHYEN PA NYID KYANG BYANG CHUB PO ZHES GANG GSUNGS PA YIN NO, ,CHOS DKON MCHOG GI DBANG DU MDZAD NAS BSTAN PA NI GZUGS KYI PHUNG PO LA SOGS PA DNGOS PO MED PAR SBYOR BA BKAG PA YIN TE ZHES BYA BA LA SOGS PA'O, ,GANG JI SKAD DU, DE SHES RAB KYI PHA ROL TU PHYIN PA LA SPYOD PA'I TSE, GZUGS DNGOS PO YOD CES BYA BA MI SBYOR RO, ,GZUGS DNGOS PO MED CES BYA BAR MI SBYOR RO ZHES BYA BA LA SOGS PA GSUNGS PA YIN NO, ,CHOS NI 'DOD CHAGS DANG BRAL BA YIN PA'I PHYIR THAMS CAD DU 'DOD CHAGS DANG BRAL BAR BSTAN PA'I DON DU GSUNGS PA NI, BYANG CHUB SEMS DPA' SBYIN PA'I PHA ROL TU PHYIN PA'I DON DU SHES RAB KYI PHA ROL TU PHYIN PA LA MI SPYOD DO ZHES BYA BA LA SOGS PA YIN NO, ,'JIG RTEN PA'I NYON MONGS PA BSAL BA ZHES BSTAN PA YIN TE, MDO NI DE LTAR SPYOD PA 'DIS 'JIG RTEN PA'I NYON MONGS PA JI SNYED PA BSAL BAR 'GYUR RO ZHES GSUNGS PA YIN NO, ,DE LA 'JIG RTEN NYON MONGS PA NI MA RIG PA DANG LTA BA ZAG PA DANG @15B BCAS PAS BSDUS PA'O, ,BYANG CHUB SEMS DPAS NI DE DAG RTZA BA NAS SHIN TU GZHOM PA'I PHYIR RNAL 'BYOR DU BYED DO, ,'DOD PA'I ZAG PA YONGS SU SHES BZHIN DU YANG SEMS CAN YONGS SU SMIN PAR BYA BA'I PHYIR BSAMS BZHIN DU 'DOD PA'I KHAMS SU SKYE BA LEN PAR BYED DO, , SRID PA'I ZAG PA YONGS SU SHES BZHIN DU YANG BSAM BZHIN DU SRID PA YONGS SU 'DZIN TO, ,YANG BYANG CHUB SEMS DPA' NI NYON MONGS PA DANG BCAS PA DANG, NYON MONGS PA MED PAR BRJOD PAR MI BYA'O, ,DE CI'I PHYIR ZHE NA, NYON MONGS PA RNAMS KUN TU MI SPYOD PAS NYON MONGS PA DANG BCAS PA ZHES BRJOD PAR MI BYA LA, DE BZHIN GSHEGS PA'I YE SHES MNGON PAR 'DOD PA DANG, BSAM PA YONGS SU MA RDZOGS PA'I PHYIR NYON MONGS PA MED PA ZHES BRJOD PAR MI BYA'O, ,DGE 'DUN DKON MCHOG GI DBANG DU MDZAD NAS BSTAN PA NI, SH'A RI'I BU BYANG CHUB SEMS DPA' DES SANGS RGYAS KYI ZHING GZHAN DAG GAM, DGA' LDAN GYI LHA'AM, MI NAS SHI 'PHOS TE 'DIR SKYES NAS DE MYUR DU 'DI LA RNAL 'BYOR DU BYED CES BYA BA NAS BRTZAMS TE, BYANG CHUB SEMS DPA' MNGON PAR SHES PA MYUR PA ZHES BYA BA LA SOGS PA YIN NO, ,DKON MCHOG LA GDAMS PA BSTAN NAS, MA ZHEN PA LA GDAMS PA'I DBANG DU MDZAD NAS BSTAN PA NI, LUS DE CI ZHIG LUS DE GANG GI LUS LAS RTZOM ZHES BYA BA NAS, LUS LA SOGS PA MI DMIGS SO ZHES BYA BA LA SOGS PA YIN NO, ,YONGS SU MI NGAL BA'I DBANG DU MDZAD NAS BSTAN PA NI; PHUNG PO DANG, KHAMS DANG, SKYE MCHED RNAMS DANG, BYANG CHUB KYI PHYOGS RNAMS DANG, PHA ROL TU PHYIN PA RNAMS DANG, SO SO YANG DAG PAR RIG PA DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA RNAMS DANG, 'BRAS BU BZHI DANG, RANG BYANG CHUB DANG, YANG DAG PAR RDZOGS PA'I BYANG CHUB LA RLOM SEMS MED DO ZHES RLOM SEMS BKAG PA YIN TE, 'DI'I MDO NI, SHES RAB KYI PHA ROL TU PHYIN PA LA SPYOD PA NA GZUGS LA RLOM SEMS MED CES BYA BA NAS, BLA NA MED PA YANG DAG PAR RDZOGS PA'I BYANG CHUB LA RLOM SEMS @16A *, ,MED CES BYA BA'I BAR DU GSUNGS PA YIN NO, ,RLOM SEMS MED PAR GYUR NA YONGS SU SKYO BAR 'GYUR BA YIN PA'I PHYIR RO, ,LAM YONGS SU 'DZIN PA LA GDAMS PA GANG ZHE NA, PHYOGS BCU'I 'JIG RTEN GYI KHAMS THA DAD PA GANG G'A'I KLUNG GI BYE MA SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYANG MTHONG NGO, ,DE RNAMS KYIS CHOS BSTAN PA'ANG NYAN TO, ,DE DAG GI DGE 'DUN YANG MTHONG NGO, ,DE DAG GI SANGS RGYAS KYI ZHING YONGS SU DAG PA RNAMS MTHONG ZHING, PHA ROL TU PHYIN PA LA SOGS PA RNAM PAR BYANG BA'I PHYOGS THAMS CAD MI DMIGS PA'I RNAM PAR YE SHES KYI YUL DU BYED PA YIN TE, 'DI'I MDO NI, BYANG CHUB SEMS DPA' YE SHES DE LTA BU DANG LDAN PAS NI, SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYANG MTHONG NGO, ,DE RNAMS LAS CHOS BSTAN PA'ANG NYAN TO ZHES BYA BA LA SOGS PA'O, ,SPYAN LNGA LA GDAMS PA LAS, SHA'I SPYAN GYI DBANG DU MDZAD NAS BSTAN PA NI, DPAG TSAD BRGYA'I BAR NAS BRTZAMS TE, STONG GSUM GYI STONG CHEN PO'I 'JIG RTEN GYI KHAMS MTHONG BA NI SHA'I SPYAN GYI YUL YIN TE, 'DI'I MDO NI, SHA'I RI'I BU BYANG CHUB SEMS DPA' SEMS DPA' CHEN PO'I SHA'I MIG GIS DPAG TSAD BRGYA MTHONG BA YOD DO ZHES BYA BA NAS, GANG STONG GSUM GYI STONG CHEN PO'I 'JIG RTEN GYI KHAMS MTHONG BA YOD DO ZHES BYA BA'I BAR DU YIN NO, ,LHA'I SPYAN GYI DBANG DU MDZAD NAS BSTAN PA NI, RGYAL CHEN BZHI'I RIS NAS BRTZAMS TE, 'OG MIN GYI BAR GYI LHA'I MIG GI YUL GANG YIN PA DE RAB TU SHES SO, ,LHA RNAMS KYI'ANG DE DAG GI DE'I YUL GYI KHYAD PAR MI SHES SO, ,PHYOGS BCU'I 'JIG RTEN GYI KHAMS THA DAD PA GANG G'A'I KLUNG GI BYE MA SNYED KYI SEMS CAN THAMS CAD KYI 'CHI 'PHO BA DANG SKYE BA SHES PA'I YUL CAN NI LHA'I MIG YIN TE, 'DI'I MDO NI, SH'A RI'I BU RGYAL PO CHEN PO BZHI'I LHA RNAMS ZHES BYA BA NAS, 'OG MIN GYI LHA RNAMS KYI LHA'I MIG GANG YIN PA DE NI BYANG CHUB @16B SEMS DPAS RAB TU SHES SO, ,YANG BYANG CHUB SEMS DPA' SEMS DPA' CHEN PO'I LHA'I MIG GANG YIN PA DE NI RGYAL CHEN BZHI'I RIS KYI LHA RNAMS NAS 'OG MIN GYI LHA RNAMS KYIS MI SHES SO, ,DE CI'I PHYIR ZHE NA, DE'I LHA'I MIG DES PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN RNAMS KYI 'CHI 'PHO BA DANG SKYE BA JI LTA BA BZHIN DU RAB TU SHES PA'I PHYIR RO, ,SHES RAB KYI SPYAN GYI DBANG DU MDZAD NAS BSTAN PA NI, 'DUS BYAS DANG, 'DUS MA BYAS DANG, DGE BA DANG, MI DGE BA DANG, KHA NA MA THO BA DANG BCAS PA DANG, KHA NA MA THO BA MED PA LA SOGS PA DANG, MTHONG BA DANG THOS PA LA SOGS PA'I CHOS SU RNAM PAR RTOG PA DANG BRAL BA NI SHES RAB KYI SPYAN ZHES BYA STE, 'DI'I MDO NI, BYANG CHUB SEMS DPA'I SHES RAB KYI SPYAN GANG GIS CHOS GANG JI SNYED PA 'DUS BYAS SAM, 'DUS MA BYAS SAM, DGE BA'AM, MI DGE BA ZHES BYA BA LA SOGS PA YIN NO, ,CHOS KYI SPYAN GYI DBANG DU MDZAD NAS BSTAN PA NI GANG ZAG 'DI NI DAD PA'I RJES SU 'BRANG BA ZHES BYA BA NAS BRTZAMS NAS, BYANG CHUB SEMS DPA' BYANG CHUB KYI SNYING POR 'DUG STE ZHES BYA BA NAS 'DI LA NI BDUD 'BYUNG PAR 'GYUR RO, , 'DI LA NI BDUD 'BYUNG BAR MI 'GYUR RO ZHES BYA BA DANG, 'PHAGS PA'I GANG ZAG THAMS CAD RTOGS PA'I YUL CAN NI CHOS KYI SPYAN TE, 'DI'I MDO NI, 'DI LA SH'A RI'I BU BYANG CHUB SEMS DPA' SEMS DPA' CHEN PO'I CHOS KYI SPYAN GYIS GANG ZAG 'DI NI DAD PA'I RJES SU 'BRANG BA'O, ,'DI NI CHOS KYI RJES SU 'BRANG BA'O, ,GANG ZAG 'DI NI STONG PA NYID KYIS GNAS PA'O, ,'DI NI MTSAN MA MED PAS GNAS PA'O, ,'DI NI SMON PA MED PAS GNAS PA'O, ,GANG ZAG 'DI NI 'JIG TSOGS LA LTA BA DANG, TSUL KHRIMS DANG, BRTUL ZHUGS MCHOG TU 'DZIN PA DANG, THE TSOM SPANGS PA'I PHYIR RGYUN DU ZHUGS PA'O, ,BSGOM PA'I LAM GYI 'DOD PA'I 'DOD CHAGS DANG GNOD SEMS BSRABS PA'I PHYIR LAN CIG PHYIR 'ONG BA'O, ,DE LA RAB TU 'DOD PA'I 'DOD CHAGS DANG GNOD SEMS SPANGS PA'I PHYIR PHYIR MI 'ONG BA'O, ,DE NYID KYIS GZUGS DANG GZUGS MED @17A *, ,PA'I 'DOD CHAGS DANG NGA RGYAL RNAMS SPANGS PAS GANG ZAG 'DI NI DGRA BCOM PAR BRJOD DO ZHES BYA BA LA SOGS PA YIN NO, ,SANGS RGYAS KYI SPYAN GYI DBANG DU MDZAD NAS BSTAN PA NI, SEMS KYI SKAD CIG GCIG GIS RNAM PA THAMS CAD MKHYEN PA NYID DU MNGON PAR BYANG CHUB PA'I LAM YUL SPYAN NI SANGS RGYAS KYI SPYAN YIN TE, 'DI'I MDO NI, SH'A RI'I BU BYANG CHUB SEMS DPA' SEMS DPA' CHEN POS BYANG CHUB TU SEMS BSKYED MA THAG TU RDO RJE LTA BU'I TING NGE 'DZIN LA MNYAM PAR BZHAG NAS, RNAM PA THAMS CAD MKHYEN PA NYID RJES SU THOB PAR BYED DO ZHES BYA BA LA SOGS PA YIN NO, ,SPYAN GANG GIS BYANG CHUB SEMS DPA' MA MTHONG BA'AM, MA THOS PA'AM, MA DRAN PA'AM, MNGON PAR MA SHES PA'AM, RNAM PA THAMS CAD MI MKHYEN PA NYID CES BYA BA CUNG ZAD KYANG MED DE, JI SKAD DU, SHES RAB KYI PHA ROL TU PHYIN PA RTOGS PAS NA DGE BA'I CHOS THAMS CAD BSDUS SO ZHES BSTAN PA YIN NO, ,JI SKAD DU, SH'A RI'I BU SHES RAB KYI PHA ROL TU PHYIN PAR DGE BA'I CHOS THAMS CAD BSDUS SO ZHES SMRAS PA NI YANG DAG PAR SMRA BA YIN TE, DE CI'I PHYIR ZHE NA, 'DI LTAR SHES RAB KYI PHA ROL TU PHYIN PAS PHA ROL TU PHYIN PA THAMS CAD BSKYED DO ZHES GSUNGS PA YIN NO, ,SPYAN LNGA LA GDAMS PA BSTAN NAS, MNGON PAR SHES PA DRUG LA GDAMS PA BSTAN PAR BYA STE, DE LA RDZU 'PHRUL GYI MNGON PAR SHES PA'I DBANG DU MDZAD NAS BSTAN PA NI, SA YANG G-YO ZHES BYA BA LA SOGS PA STE, RDZU 'PHRUL GYIS DE DANG DE DAG BSGRUB PA YIN NO ZHES BYA BA STE, 'DI'I MDO NI, JI SKAD DU, GAL TE RDZU 'PHRUL DU MA RNAM PA SNA TSOGS PA SO SOR NYAMS SU MYONG BAR BYED DE, SA YANG G-YO PAR BYED DO, ,GCIG TU GYUR CING MANG POR 'GYUR RO ZHES BYA BA LA SOGS PA GSUNGS PA YIN NO, ,DE'I DMIGS PA'I SEMS BKAG PA YIN TE, GANG 'DI LTAR DE RDZU 'PHRUL MI DMIGS TE, GANG GI RLOM SEMS SU BYA BA DANG, GANG LA'ANG RLOM SEMS PA ZHES BYA BA LA SOGS PA GANG GSUNGS PA YIN NO, ,DE BZHIN DU LHA'I RNA BA DANG, PHA ROL GYI SEMS SHES PA DANG, SNGON GYI GNAS RJES SU DRAN PA'I MNGON @17B PAR SHES PA YANG DAG PAR BZUNG STE, YANG LHA'I MIG DANG, ZAG PA ZAD PA SHES PA MNGON SUM DU BYAS TE, THAMS CAD SGYU MA LTA BUR GNAS PA NA DER DMIGS PA'I SEMS BKAG NAS THAMS CAD DU YANG RNAM PA THAMS CAD MKHYEN PA NYID DANG LDAN PA'I YID LA BYED PA ZHES BYA BA NI MDO JI LTA BA BZHIN DU MNGON PAR SHES PAR BRJOD PAR BYA'O, ,YANG RGYU CI'I PHYIR MNGON PAR SHES PA LA GDAMS PAR MDZAD CE NA, MNGON PAR SHES PA YONGS SU DAG PAS RNAM PA THAMS CAD MKHYEN PA NYID GTOD PAR BYED PA YIN NO ZHES BYA BA DANG, JI SKAD DU, MNGON PAR SHES PA YONGS SU DAG PAS RNAM PA THAMS CAD MKHYEN PA NYID GTOD PAR BYED PA'O ZHES GSUNGS PA YIN NO, ,GZHAN YANG MNGON PAR SHES PAS GDUL BYA BTUL NAS SBYIN PA LA SOGS PA DRUG LAS GANG YANG RUNG BA NYID KYIS GNAS TE, DE DANG DE'I MI MTHUN PA'I PHYOGS SBONG DU BCUG NAS RNAM PA THAMS CAD MKHYEN PA NYID KYI LAM YONGS SU SBYONG BAR BYED DO ZHES BSTAN TE, PHA ROL TU PHYIN PA'I GNAS SKABS RE RE ZHING RNAM PA THAMS CAD MKHYEN PA NYID KYI LAM YONGS SU SBYONG BA YIN PAS DANG, GANG JI SKAD DU, SHES RAB KYI PHA ROL TU PHYIN PA LA SPYOD PA NI SBYIN PA'I PHA ROL TU PHYIN PA LA GNAS NAS RNAM PA THAMS CAD MKHYEN PA NYID KYI LAM SBYONG BA YANG YOD DO, ,SHIN TU STONG PA NYID KYIS 'DZIN PA MED PAR NYE BAR BZUNG STE, DE BZHIN DU KHA NA MA THO BA MED PAR NYE BAR BZUNG BA DANG, DE BZHIN DU 'KHRUG PA MED PA NYID NYE BAR BZUNG STE ZHES BYA BA LA SOGS PA GSUNGS PA YIN NO; ,SBYIN PA LA SOGS PA'I GNYEN PO'I PHYOGS MI MTHUN PA'I PHYOGS NYE BAR BTAGS PA STE ZHES BYA BA NI GANG YANG JI SKAD DU, SBYIN PA RNAMS LA YONGS SU 'DZIN PAR NYE BAR GDAGS SHING, TSUL KHRIMS LA TSUL KHRIMS 'CHAL BA NYE BAR 'DZIN PA LA GDAGS SO ZHES BYA BA LA SOGS PA GSUNGS PA YIN NO, ,MNGON PAR SHES PA LHAG MA'I DON NI RTOGS PAR SLA BAS RNAM PAR MA PHYE'O, ,MNGON PAR SHES PA DRUG LA GDAMS PA BSTAN NAS, MTHONG BA'I LAM LA GDAMS PA BRJOD PAR BYA STE, DE NI GNAS BRTAN RAB 'BYOR GYIS BYIN GYIS BRLABS PAS BSTAN ZHES GSUNGS @18A *, ,TE; GNAS BRTAN RAB 'BYOR GYI KHA NAS THABS LA MKHAS PAS RANG NYID KYIS SHES RAB KYI PHA ROL TU PHYIN PA BSTAN PA YIN PAS ZHES BYA STE, GANG JI SKAD DU, ,SH'A RI'I BU 'DI NI DE BZHIN GSHEGS PA NYID BYANG CHUB SEMS DPA' SEMS DPA' CHEN PO RNAMS LA SHES RAB KYI PHA ROL TU PHYIN PA THABS KYIS STON PA YIN TE, 'DI NYAN THOS DANG RANG SANGS RGYAS THAMS CAD KYI YUL MA YIN NO ZHES BYA BA LA SOGS PA GANG GSUNGS PA YIN NO, ,CI'I PHYIR GZHAN GYI KHA NA STON PAR MDZAD CE NA, GZHAN DAG KYANG DON DE THOB PAR MDZAD CING SPYOD PA NYID KYIS NA BDAG NYID LA GZUNG BAR 'OS PA MA YIN PA NYID KYIS NYES PA SPANG BAR BYA BA'I DON DU'O, ,CI'I PHYIR NYAN THOS KYI KHA NAS STON PAR MDZAD CE NA, BYIN GYIS BRLABS PA LA MNGA' BRNYES PA SHES PAR BYA BA'I DON DU'O, ,CI'I PHYIR GNAS BRTAN RAB 'BYOR GYI KHA NYID NAS STON PAR MDZAD CE NA, DE NI NYON MONGS PA MED PAR GNAS PA'I MCHOG TU GYUR PA NYID KYIS NYON MONGS PA DANG BRAL BA'I SKAL BA MNYAM PAS LHAG PA'I PHYIR MTHONG LAM DANG RJES SU MTHUN PA'I STON PA PO YIN PA'I PHYIR RO, ,DE LTAR BYAS NA TSE DANG LDAN PA RAB 'BYOR LEGS SO LEGS SO, ,JI LTAR NYAN THOS NYON MONGS PA MED PAR GNAS PA RNAMS KYI MCHOG TU DE BZHIN GSHEGS PAS GSUNGS TE BSTAN PA 'DI YANG DE'I TSUL DANG 'DRA'O ZHES 'OG NAS GSUNGS PA YIN NO, ,DE LA MTHONG BA'I LAM SKAD CIG MA BCU DRUG LAS SDUG BSNGAL LA CHOS SHES PA'I BZOD PA'I DBANG DU BYAS NAS GSUNGS PA NI, SHES RAB KYI PHA ROL TU PHYIN PA DANG, BYANG CHUB SEMS DPA'I MING DANG, PHUNG PO DANG, SKYE MCHED DANG, KHAMS RNAMS DE DAG RE RE YANG BTAGS PA TZAM YIN TE ZHES BYA BA STE, MDO NI JI SKAD DU, RAB 'BYOR 'DI LTA STE, SEMS CAN SEMS CAN ZHES BRJOD KYANG SEMS CAN CUNG ZAD KYANG MI DMIGS SO, ,GANG YANG MING DU BTAGS PA'I CHOS DE NI ZHES BYA BA LA SOGS PA GSUNGS PA YIN NO, ,SDUG BSNGAL LA CHOS SHES PA'I DBANG DU MDZAD NAS BSTAN PA NI, DE DAG KYANG BRTAGS PA YIN PA'I PHYIR SKYE BA DANG 'GAG PA BKAG PA YIN TE, GANG JI SKAD DU, BTAGS PA'I @18B CHOS GANG YIN PA DE LA NI MING DANG BRDA TZAM DU THA SNYAD GDAGS PA MA GTOGS PAR SKYE BA'AM, 'GAG PA MED DO, ,GZHAN DU NA MING DU BTAGS PA YIN TE ZHES GANG GSUNGS PA YIN NO, ,GANG SDUG BSNGAL LA RJES SU SHES PA'I BZOD PA BSTAN PA NI, PHUNG PO LA SOGS PA RNAMS DANG; TSOR BA DRUG SHES PA DRUG PO RE RE NAS PHYE BA YIN TE, RTAG PA DANG, MI RTAG PA DANG, BDE BA DANG, SDUG BSNGAL BA DANG, BDAG DANG, BDAG MED PA DANG, ZHI BA DANG, MA ZHI BA DANG, STONG PA DANG, MI STONG PA DANG, MTSAN MA YOD PA DANG, MTSAN MA MED PA DANG; SMON PA YOD PA DANG, SMON PA MED PA DANG, 'DUS BYAS DANG, 'DUS MA BYAS DANG, SKYE BA DANG, 'GAG PA DANG, DBEN PA DANG, MI DBEN PA DANG, DGE BA DANG, MI DGE BA DANG, KHA NA MA THO BA DANG BCAS PA DANG, KHA NA MA THO BA MED PA DANG, ZAG PA DANG BCAS PA DANG, ZAG PA MED PA DANG, NYON MONGS PA DANG BCAS PA DANG, NYON MONGS PA MED PA DANG, 'JIG RTEN PA DANG, 'JIG RTEN LAS 'DAS PA DANG, KUN NAS NYON MONGS PA DANG, RNAM PAR BYANG BA DANG, 'KHOR BA DANG MYA NGAN LAS 'DAS PA RNAMS MTHONG BA BKAG PA YIN TE ZHES BYA BA NI, GANG JI SKAD DU, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA GZUGS RTAG CES BYA BA'AM, MI RTAG CES BYA BAR YANG DAG PAR RJES SU MI MTHONG NGO, ,GZUGS BDE ZHES BYA BA'AM, SDUG BSNGAL ZHES BYA BAR YANG DAG PAR RJES SU MI MTHONG NGO ZHES RGYA CHER GSUNGS PA YIN NO, ,GANG SDUG BSNGAL LA RJES SU SHES PA BSTAN PA NI, DE CI'I PHYIR ZHE NA, CHOS THAMS CAD LA RNAM PAR MI RTOG PA'I RGYUS YIN PAS ZHES BYA STE, JI SKAD DU, RAB 'BYOR 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA CHOS THAMS CAD LA MI RTOG RNAM PAR MI RTOG GO ZHES BYA BA LA SOGS PA GANG GSUNGS PA YIN NO, ,GANG KUN 'BYUNG LA CHOS SHES PA'I BZOD PA BSTAN PA NI, KUN NAS NYON MONGS PA CAN DANG, RNAM PAR BYANG BA'I CHOS RNAMS KYI MTSAN @19A *, ,NYID MED PAR BKAG PA YIN PAS ZHES BYA BA STE, JI SKAD DU, DE SHES RAB KYI PHA ROL TU PHYIN PA LA SPYOD PA NA CHOS KYI MTSAN NYID SHIN TU RTOGS PA YIN TE, CHOS RNAMS KYI MTSAN NYID GANG YIN PA DE NI KUN NAS NYON MONGS PAR MI 'GYUR RO, RNAM PAR BYANG BAR MI 'GYUR RO ZHES GANG GSUNGS PA YIN NO, ,GANG KUN 'BYUNG LA CHOS SHES PA BSTAN PA NI, PHUNG PO LA SOGS PA RNAMS DANG, SHES PA DRUG LA MNGON PAR ZHEN PA BKAG PA YIN PAS ZHES BYA BA STE, MDO NI GANG JI SKAD DU, DES MING DANG BRDAR BYAS PA'I CHOS SU BTAGS PAR KHONG DU CHUD PAS GZUGS LA MNGON PAR ZHEN PAR 'GYUR BA MED DO, ,TSOR BA LA MNGON PAR ZHEN PAR 'GYUR BA MED DO, ,'DU SHES LA MNGON PAR ZHEN PAR 'GYUR BA MED DO ZHES BYA BA LA SOGS PA GANG GSUNGS PA YIN NO, ,GANG KUN 'BYUNG LA RJES SU SHES PA'I BZOD PA BSTAN PA NI, PHA ROL TU PHYIN PA LA SOGS PA RNAMS DANG, STONG PA NYID THAMS CAD DANG, SEMS CAN YONGS SU SMIN PAR BYA BA DANG, SANGS RGYAS KYI ZHING RNAM PAR DAG PA DANG, THABS LA MKHAS PA DANG, CHOS RNAMS MI DMIGS PA NYE BAR BZUNG NAS MNGON PAR ZHEN PA BKAG PA YIN PAS ZHES BYA BA STE, MDO NI JI SKAD DU, DE SBYIN PA'I PHA ROL TU PHYIN PA LA'ANG MNGON PAR ZHEN PAR 'GYUR BA MED DO, ,TSUL KHRIMS KYI PHA ROL TU PHYIN PA LA YANG ZHES BYA BA LA SOGS PA DANG, DE CI'I PHYIR ZHE NA, DE NI 'DI LTAR GANG MNGON PAR ZHEN PAR BYED PA PO'AM, GANG GIS MNGON PAR ZHEN PAR BYED PA'AM, GANG LA MNGON PAR ZHEN PAR BYA BA'I CHOS DE DAG YANG DAG PAR YOD PA MA YIN NO ZHES GANG GSUNGS PA YIN NO, ,GANG KUN 'BYUNG LA RJES SU SHES PA BSTAN PA NI, DE LTAR SPYOD PAS PHA ROL TU PHYIN PA RNAM PAR 'PHEL TE, BYANG CHUB SEMS DPA'I SKYON MED PA LA 'JUG PA YIN PAS ZHES BYA BA STE, MDO NI JI SKAD DU, MNGON PAR ZHEN PA MED PAR DE LTAR SPYOD PA DE SBYIN PA'I PHA ROL TU PHYIN PA DANG, CHOS THAMS CAD RNAM PAR 'PHEL TE ZHES BYA BA NAS, BYANG CHUB SEMS DPA'I SKYON MED PA LA 'JUG PA'I BAR DU 'GYUR RO ZHES GANG @19B GSUNGS PA YIN NO, ,GANG 'GOG PA LA CHOS SHES PA'I BZOD PA BSTAN PA NI, PHYIR MI LDOG PA'I SA GNON PA YIN PAS ZHES BYA BA STE, 'DI'I MDO NI PHYIR MI LDOG PA'I SA GNON PAR 'GYUR RO ZHES GANG GSUNGS PA YIN NO, ,DE NI MTSAN MA MED PAR LHUN GYIS GRUB PA LA GNAS PA'I MTSAN NYID BYANG CHUB SEMS DPA'I SA BRGYAD PA YIN PAR RIG PAR BYA'O, ,DE YANG 'GOG PA'I BZOD PA'I DBANG DU MDZAD NAS DE NYID BSTAN PA NI, RIGS KYI BU LEGS SO LEGS SO, ,'DI NI DON DAM PA DE LA BZOD PA YIN TE, SANGS RGYAS KYI CHOS RJES SU RTOGS PAR 'GYUR RO ZHES GANG GSUNGS PA YIN NO, ,GANG 'GOG PA LA CHOS SHES PA BSTAN PA NI, MNGON PAR SHES PA YONGS SU RDZOGS NAS SANGS RGYAS THAMS CAD MCHOD CING DER SKYES NAS DES BSTAN PA'I CHOS NYAN PA YIN TE, 'DI'I MDO NI, DE MNGON PAR SHES PA YONGS SU RDZOGS NAS SANGS RGYAS KYI ZHING NAS KYANG SANGS RGYAS KYI ZHING DU 'GRO ZHING SANGS RGYAS BCOM LDAN 'DAS RNAMS LA BSNYEN BKUR BYED DO ZHES BYA BA LA SOGS PA GANG GSUNGS PA YIN NO, ,'GOG PA LA RJES SU SHES PA'I BZOD PA BSTAN PA NI, PHUNG PO DANG, KHAMS DANG, SKYE MCHED DANG; KHAMS DRUG DANG, RTEN CING 'BREL PAR 'BYUNG BA'I SO SO'I YAN LAG KYANG BYANG CHUB SEMS DPA' MA YIN PA 'DUS PA'ANG MA YIN, DE DAG MA YIN PA GZHAN ZHIG LA'ANG MA YIN, BYANG CHUB SEMS DPA' LA DE DAG YONG BA MA YIN, DE DAG LA BYANG CHUB SEMS DPA' YOD PA MA YIN NO, ,DE DAG GI BDAG NYID KYANG BYANG CHUB SEMS DPA' MA YIN ZHES BYA BA NI DE DAG BYANG CHUB SEMS DPA'I NGO BO YIN PA BKAG NAS RNAM GRANGS GZHAN GYIS DGAG PAR BZHED PA YIN TE, 'DI'I MDO NI, RAB 'BYOR DE JI SNYAM DU SEMS, BYANG CHUB SEMS DPA' ZHES GANG BRJOD PA YIN TE, GZUGS BYANG CHUB SEMS DPA' YIN SNYAM MAM, GZUGS MA YIN PA GZHAN ZHIG BYANG CHUB SEMS DPA' YIN SNYAM MAM, BYANG CHUB SEMS DPA' LA GZUGS YOD SNYAM MAM, GZUGS LA BYANG CHUB SEMS DPA' YOD SNYAM MAM, GZUGS @20A *, ,MED PA BYANG CHUB SEMS DPA' YIN SNYAM MAM ZHES BYA BA LA SOGS PA GANG GSUNGS PA YIN NO, ,GANG 'GOG PA LA RJES SU SHES PA BSTAN PA NI, 'DI LTAR PHUNG PO LA SOGS PA RNAMS SO SO YANG MA YIN, 'DUS PA YANG MA YIN TE, DE DAG GI DE BZHIN NYID BYANG CHUB SEMS DPA' MA YIN, DE DAG MA GTOGS PA'ANG BYANG CHUB SEMS DPA' MA YIN LA, DE DAG LA YANG MA YIN NO, ,DE DAG GI BDAG NYID BYANG CHUB SEMS DPA' MA YIN TE, SEMS CAN SHIN TU MI DMIGS PA NYE BAR BZUNG NAS DE DAG GI DE BZHIN NYID BYANG CHUB SEMS DPA'I NGO BO YIN PA BKAG NAS RNAM GRANGS GZHAN GYIS DGAG PA YIN PAR DGONGS SO, ,'DI'I MDO NI, RAB 'BYOR 'DI JI SNYAM DU SEMS, GZUGS KYI DE BZHIN NYID GANG YIN PA DE BYANG CHUB SEMS DPA' YIN SNYAM MAM, GZUGS KYI DE BZHIN NYID LAS GZHAN PA ZHIG BYANG CHUB SEMS DPA' YIN SNYAM MA, GZUGS KYI DE BZHIN NYID LA BYANG CHUB SEMS DPA' YOD SNYAM MAM, BYANG CHUB SEMS DPA' LA GZUGS KYI DE BZHIN NYID YOD SNYAM MAM, GZUGS MED PA'I DE BZHIN NYID BYANG CHUB SEMS DPA' YIN SNYAM MAM ZHES BYA BA LA SOGS PA GANG GSUNGS PA YIN NO, ,GANG LAM LA CHOS SHES PA'I BZOD PA BSTAN PA NI, GZUGS LA SOGS PA'I PHUNG PO RNAMS SO SOR RTAG PA DANG, MI RTAG PA DANG, BDE BA DANG, SDUG BSNGAL GYI TSIG BLA DAGS ZHES BYA BA NAS, JI SRID SMON PA DANG, SMON PA MED PA'I TSIG BLA DAGS SHIN TU MI DMIGS PA'I PHYIR BYANG CHUB SEMS DPA'I NGO BO BKAG PA YIN TE, 'DI'I MDO NI, RAB 'BYOR DE JI SNYAM DU SEMS, BYANG CHUB SEMS DPA' ZHES BYA BA NI, GZUGS RTAG PA NYID KYI TSIG BLA DAGS YIN SNYAM MAM, DE BZHIN DU GZUGS MI RTAG PA NYID DANG, GZUGS BDE BA NYID DANG; GZUGS SDUG BSNGAL BA NYID DANG, GZUGS BDAG DANG BCAS PA NYID DANG, GZUGS BDAG MED PA NYID DANG, GZUGS ZHE BA NYID DANG, GZUGS MA ZHI BA NYID CES BYA BA DE DAG NI BYANG CHUB SEMS DPA'I TSIG BLA DAGS YIN SNYAM MAM ZHES BYA BA LA SOGS PA YIN NO, ,GANG @20B LAM LA CHOS SHES PA BSTAN PA NI, CHOS KYI DBYINGS GCIG LA GCIG MTHONG BA BKAG PA YIN TE, 'DI'I MDO NI, RAB 'BYOR CHOS KYIS CHOS KYI DBYINGS YANG DAG PAR RJES SU MI MTHONG NGO, ,CHOS KYI DBYINGS KYIS KYANG CHOS YANG DAG PAR RJES SU MI MTHONG NGO ZHES BYA BA YIN NO, ,GANG LAM LA RJES SU SHES PA'I BZOD PA BSTAN PA NI, 'DI LTAR GZUGS KYI DBYINGS DANG, CHOS KYI DBYINGS DANG, TSOR BA'I DBYINGS DANG, CHOS KYI DBYINGS DANG ZHES BYA BA NAS, RNAM PAR SHES PA'I DBYINGS DANG, CHOS KYI DBYINGS DANG ZHES BYA BA NAS YID KYI DBYINGS DANG, CHOS KYI DBYINGS ZHES BYA BA'I BAR DU YIN TE, 'DI'I MDO NI, RAB 'BYOR GZUGS KYI DBYINGS KYIS CHOS KYI DBYINGS YANG DAG PAR RJES SU MI MTHONG NGO, ,CHOS KYI DBYINGS KYIS KYANG GZUGS KYI DBYINGS YANG DAG PAR RJES SU MI MTHONG NGO ZHES BYA BA LA SOGS PA YIN NO, ,GANG LAM LA RJES SU SHES PA BSTAN PA NI, 'DUS BYAS KYI DBYINGS DANG, 'DUS MA BYAS KYI DBYINGS PHAN TSUN MTHONG BA GCIG LA GCIG BKAG PA YIN TE, 'DI'I MDO NI, RAB 'BYOR 'DUS BYAS KYI DBYINGS KYIS 'DUS MA BYAS KYI DBYINGS YANG DAG PAR RJES SU MI MTHONG NGO, ,'DUS MA BYAS KYI DBYINGS KYIS KYANG 'DUS BYAS KYI DBYINGS YANG DAG PAR RJES SU MI MTHONG NGO ZHES BYA BA 'DIS NI DMIGS PAR BYA BA DANG, DMIGS PAR BYED PA MNYAM PAS MNYAM PA NYID KYI YE SHES GSAL BAR BSTAN TO, ,BSGOM PA'I LAM GYI DBANG DU MDZAD NAS BSTAN PA NI, 'DUS BYAS DANG 'DUS MA BYAS NYID GCIG LA GCIG THA DAD PAR GDAGS PAR MI NUS TE, CHOS THAMS CAD MI DMIGS PAS SKRAG PA MED PA YIN TE, 'DI'I MDO NI, RAB 'BYOR 'DUS BYAS LAS THA DAD PAR 'DUS MA BYAS GDAGS PAR MI NUS SO, ,'DUS MA BYAS LAS KYANG THA DAD PAR 'DUS BYAS GDAGS PAR MI NUS SO, ,DE LTAR BYANG CHUB SEMS DPA' CHOS THAMS CAD YANG DAG SPAR MI DMIGS PAS MI SKRAG ,KUN TU MI SKRAG CES BYA BA SOGS PA GSUNGS PA YIN NO, ,DE LA 'DUS BYAS NI LAM MO, ,'DUS MA BYAS NI SPANGS PA STE, DE GNYIS GCIG LA GCIG THA DAD PAR BYAS SHING @21A *, ,GDAGS PAR MI NUS PA'I PHYIR DES NA BSGOM PA'I LAM GYI RNAM PAR GZHAG PA NI BTAGS PA YIN GYI JI LTAR MTHONG BA'I MNGON SUM DU PHYOGS PAR BYED PA'I MTSAN NYID PA NI MA YIN TE, DNGOS PO LAS THA DAD PA MED PA'I PHYIR RO ZHES STON PA YIN NO ZHES STON PAR BYED DO; ,DE LTAR BYAS NA SHES RAB KYI PHA ROL TU PHYIN PA BSGRUB PA GANG YIN PA MI DMIGS PA'I RNAM PA DANG, DE'I DMIGS PA GANG YIN PA 'PHAGS PA'I BDEN PA BZHI DANG, RTEN GANG YIN PA SKYABS GSUM DANG, KHYAD PAR DU 'GRO BA'I RGYU GANG YIN PA MA CHAGS PA DANG, MI LDOG PAR 'GRO BA'I RGYU GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, GZHAN GYI DRING MI 'JOG PAR 'GRO BA NYID KYI RGYU GANG YIN PA SPYAN LNGA DANG, RNAM PA THAMS CAD MKHYEN PA NYID YONGS SU RDZOGS PA'I RGYU GANG YIN PA MNGON PAR SHES PA DRUG DANG, SGRUB PA MTHAR THUG PA'I RGYU GANG YIN PA MTHONG BA DANG BSGOM PA'I LAM DAG STE, DE DAG THAMS CAD GDAMS NGAG GI GNAS SKABS SU BSTAN PAR RIG PAR BYA'O, ,DES NA 'DI NI BYANG CHUB SEMS DPA' SEMS DPA' CHEN PO LA SHES RAB KYI PHA ROL TU PHYIN PAR GDAMS PA STE, 'DI NI RJES SU BSTAN PA YIN NO ZHES GSUNGS PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS GDAMS NGAG DANG RJES SU BSTAN PA'I RNAM PAR 'GREL PA'O,, ,,NGES PAR 'BYED PA'I CHA DANG MTHUN PA RNAMS BRJOD PAR BYA'O, ,YANG 'DI DAG LA BRJOD PAR BYA BA CI YOD CE NA, NYAN THOS LA SOGS PA LAS KHYAD PAR RNAM PA BZHI BRJOD PAR BYA BA YIN TE, DMIGS PA'I KHYAD PAR DANG, RNAM PA'I KHYAD PAR DANG, RGYU'I KHYAD PAR DANG, YONGS SU 'DZIN PA'I KHYAD PAR RO, ,RNAM PAR RTOG PA DANG LDAN PA'I SBYOR BA YANG BRJOD PAR BYA STE, 'OG NAS BSHAD PA'I MTHONG BA'I LAM GYIS SPANG BAR BYA BA'I GZUNG BA DANG 'DZIN PA'I RNAM PAR RTOG PA BZHI PO NGES PAR 'BYED PA'I CHA DANG MTHUN PA 'DI LA RNAM PAR RTOG PA DU ZHIG TU RNAM PAR GZHAG PAR BYA ZHE NA, 'DI LA NI RE RE ZHING CHUNG DU @21B DANG; 'BRING DANG, CHEN PO'I DBYE BA BRJOD PAR BYA BA YIN PAS, DMIGS PA DANG NI RNAM PA DANG, ,RGYU DANG YONGS SU 'DZIN PA YIS, ,BYANG CHUB SEMS DPA' BLO LDAN GYI, ,DROD SOGS BDAG NYID CI BZHIN DU, ,RNAM RTOG BZHI PO LDAN BRTEN PA, ,CHUNG DANG 'BRING DANG CHEN PO DANG, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BYA BA'I TSIG LE'UR BYAS PA GNYIS PO 'DI DAG NYE BAR DGOD PAR MDZAD PA YIN TE, DE DAG GIS NI SEMS BSKYED PA DANG, GDAMS NGAG DANG, RJES SU BSTAN PA'I SBYOR BA DANG LDAN PA DANG, THOS PA DANG, BSAMS PA DE DAG KHYAD PAR DU 'GRO BA THOB PA LAS THAR PA'I CHA DANG MTHUN PA'I DGE BA'I RTZA BA BSGOM PA'I RANG BZHIN DRO BA ZHES BYA BA'I NGES PAR 'BYED PA'I CHA DANG MTHUN PA'I DGE BA'I RTZA BA SKYE'O, ,DRO BA DANG 'DRA BAS DRO BA STE, RNAM PAR MI RTOG PA'I YE SHES KYI ME 'BYUNG BA'I SNGON DU 'GRO BA'I RGYU YIN PA'I PHYIR RO, ,DE KHYAD PAR RNAM PA BZHIS NYAN THOS LA SOGS PA LAS KHYAD PAR DU 'PHAGS PA STE, DMIGS PA'I KHYAD PAR NI 'PHAGS PA'I BDEN PA BZHI PO MI RTAG PA LA SOGS PA'I RNAM PA LA DMIGS PA'I PHYIR RO, ,RNAM PA'I KHYAD PAR NI SDUG BSNGAL DANG KUN 'BYUNG GI BDEN PA'I RNAM PA LA MNGON PAR MA ZHEN PA LA SOGS PA'I RNAM PA YIN PA'I PHYIR RO, ,GANG GZUGS LA SOGS PA'I PHUNG PO THA DAD PA RNAMS SDUG BSNGAL DANG, KUN 'BYUNG GI RNAM PA BSGOM PA LA MNGON PAR MA ZHEN PA STE, RJES SU MTHUN PA'I CHOS LA SRED PA NI SKYON NO, ,DE DAG NYID LA STONG PA NYID DANG, SMON PA MED PAR MNGON PAR MA ZHEN PA NI SKYON MED PA YIN NO ZHES BSTAN PA YIN NO, ,'DI'I MDO NI, TSE DANG LDAN PA SH'A RI'I BU 'DI LA BYANG CHUB SEMS DPA' SEMS DPA' CHEN PO GZUGS MI RTAG CES BYA BAR MNGON PAR ZHEN PA DANG, LHAG PAR GNAS PA DANG, KUN SHES PA DANG, GZUGS SDUG BSNGAL ZHES BYA BA DANG, STONG ZHES BYA BA DANG, GZUGS BDAG MED CES BYA BAR MNGON PAR ZHEN CING LHAG PAR GNAS PA DANG, KUN SHES PA DANG, DE BZHIN DU GZUGS STONG ZHES BYA BA DANG, SMON PA MED CES @22A *, ,BYA BAR MNGON PAR ZHEN PA DANG, LHAG PAR GNAS PA DANG, KUN SHES PA ZHES BYA BA NAS TSE DANG LDAN PA SH'A RI'I BU 'DI LA BYANG CHUB SEMS DPA'I RJES SU MTHUN PA'I CHOS LA SRED PA NI SKYON NO ZHES BYA BA LA SOGS PA YIN NO, ,'DI NI RE ZHIG SDUG BSNGAL GYI BDEN PAR RTOGS PA'I DMIGS PA DANG RNAM PA'I KHYAD PAR RO, ,KUN 'BYUNG GI BDEN PAR RTOGS PA'I DMIGS PA DANG RNAM PA'I KHYAD PAR NI, MDO LAS JI SKAD DU, DE BZHIN DU GZUGS 'DI SPANG BAR BYA'O ZHES MNGON PAR ZHEN ZHES BYA BA LA SOGS PA GANG GSUNGS PA YIN NO, ,DE LA SDUG BSNGAL DANG, KUN 'BYUNG GI BDEN PA LA MI RTAG PA LA SOGS PAR DMIGS SHING, MNGON PAR ZHEN PA MED PA LA SOGS PA RNAMS KYIS RNAM PAR BYED DO, ,CI ZHIG BRJOD PAR 'GYUR ZHE NA, NYAN THOS RNAMS NI GZUGS LA SOGS PA'I MTSAN NYID KYI DNGOS PO DE LA MNGON PAR ZHEN PAR BYED DE, DE MI RTAG PA LA SOGS PA'I RNAM PAR 'GYUR TE, BDAG TU LTA BA'I GNYEN PO MA YIN PA'I PHYIR RO, ,BYANG CHUB SEMS DPA' RNAMS NI YANG MI RTAG PA LA SOGS PA'I MTSAN NYID KYI DNGOS PO LA DMIGS SHING DE'I MNGON PAR ZHEN PA MED PA LA SOGS PA'I RNAM PAR 'GYUR TE, CHOS SU LTA BA'I GNYEN PO YIN PA'I PHYIR RO, ,'DIR YANG MTSAN MA MED PA ZHES BYA BA MA SMOS PA NI BDEN PA GNYIS STON PAR BZHED PAS 'JUG PA'I PHYOGS KYI DBANG DU MDZAD PA YIN TE, MTSAN MA MED PA LA THEG PA CHEN PO 'GOG PA DANG, LAM GYI BDEN PA'I RNAM PA YIN PA'I PHYIR RO, ,DE LTAR BYAS NA GANG LA MTSAN MA MED PA DANG, GANG GI RNAM PAR RTOG PA'I MTSAN MA SEL BA NI, ZHI BA'I RNAM PA YIN NO ZHES GANG GSUNGS PA DE NI DNGOS PO DANG, MTSAN MA DANG 'BREL BA'I NYAN THOS KYI LAM GYI DBANG DU MDZAD PA YIN PAS DE DANG 'DI LA 'GAL BA MED DO, ,MNGON PAR ZHEN PA MED PA LA SOGS PA GANG GSUNGS PA 'DIR DPYAD PAR BYA STE, GAL TE RE ZHIG MNGON PAR ZHEN PA MED PA YIN NO ZHE NA, DE LTAR NA NI MED PA YIN PA'I PHYIR GNYEN POR MI RIGS SO, ,'ON TE MNGON PAR ZHEN PA MA YIN PA YIN NA NI MIG LA SOGS PA YIN PAR THAL BAR 'GYUR RO ZHE NA, @22B JI LTAR MI MTHUN PA YIN PA DE LTAR NI MNGON PAR ZHEN PA YIN LA, JI LTAR GNYEN PO YIN PA DE LTAR NI MNGON PAR MA ZHEN PA YIN NO, ,YANG JI LTAR NA MI MTHUN PA YIN ZHE NA, MI BDEN PA'I KUN TU RTOG PAS KUN NAS BSLANG BA'I YOD PA DANG MED PAR 'DZIN PA'O, ,JI LTAR GNYEN PO YIN ZHE NA, CI NAS KYANG DE DAG MED PA'O, ,YANG JI LTAR DE DAG MED PA YIN ZHE NA, TSE DANG LDAN PA SH'A RI'I BU GAL TE SEMS MA YIN PA DE LA YOD PA'AM, MED PA DMIGS PAR 'GYUR ZHES DRIS PA LA SEMS GANG LA SEMS MED PA ZHES BYA BA YOD DAM ZHES PHYIR DRIS PA 'DI NI GNAS MED PA DANG, SHES PA MED DO ZHES BYA BAS LAN BTAB PA YIN NO, ,'GOG PA DANG LAM GYI BDEN PA'I DMIGS PA DANG, RNAM PA'I KHYAD PAR DAG GI DBANG DU BYAS NAS BSTAN PA NI 'GOG PA DANG, LAM DAG MNGON DU BYA BA DANG, BSGOM PAR BYA BAR MNGON PAR ZHEN PA NI SKYON YIN NO, , 'DI'I MDO NI, ,'GOG PA 'DI NI MNGON DU BYA'O, ,'DIS 'GOG PA MNGON DU BYA'O, ,LAM 'DI BSGOM PAR BYA'O, ,'DIS NI LAM BSGOM PAR BYA ZHING MNGON PAR ZHEN PA MED PAR BYA'O ZHES BYA BA LA SOGS PA GSUNGS PA LA, DE LA 'DI LTAR ZHES BYA BA NI KUN 'BYUNG LA SOGS PA'I BDEN PA RE RE ZHING RNAM PA BZHI BZHIR GSUNGS PA YIN LA, 'DIS ZHES BYA BA NI RGYUR GYUR PA'I BYANG CHUB KYI PHYOGS GSUNGS PA YIN NO, ,'DIS NI 'GOG PA DANG LAM DAG NI MTSAN MA MED PA RNAM PAR THAR PA'I SGOR BSHAD PA LA MTSAN MA YANG RNAM PA GSUM STE, KUN NAS NYON MONGS PA DANG; RNAM PAR BYANG BA'I CHOS RNAMS BSTEN PAR BYA BA DANG, BSTEN PAR MI BYA BA'I MNGON PAR ZHEN PA'I MTSAN MA DANG, SPYAD PAR BYA BA DANG, SPYAD PAR BYA BA MA YIN PA RNAMS LA BSLAB PAR GNAS PA'I MTSAN MA DANG, SBYIN PA LA SOGS PA'I PHA ROL TU PHYIN PA RNAMS DANG, DE'I PHA ROL TU PHYIN PA MA YIN PA LA SOGS PA RNAMS LA THABS LA MKHAS PA DANG, THABS LA MKHAS PA MA YIN PA ZHES BYA BA'I MTSAN MA'O, ,DE DAG LAS GO BZLOG PA'I TSUL GYIS MTSAN MA MED PA GSAL BAR BSTAN TO, ,KUN NAS NYON MONGS PA DANG, RNAM PAR BYANG BA'I CHOS RNAMS LA BSTEN PAR BYA BA @23A *, ,DANG; BSTEN PAR BYA BA MA YIN PA DANG, SPYAD PAR BYA BA DANG, SPYAD PAR BYA BA MA YIN PA DANG, BSLAB PAR BYA BA DANG, BSLAB PAR BYA BA MA YIN PA DANG, SBYIN PA LA SOGS PA'I PHA ROL TU PHYIN PA RNAMS, DE LAS GZHAN PA'I PHA ROL TU PHYIN PA MA YIN PA RNAMS LA MKHAS PA DANG, THABS LA MKHAS PA MA YIN PA DANG, MNGON PAR ZHEN PA DANG, LHAG PAR GNAS PA DANG, 'DU SHES PA NI RJES SU MTHUN PA'I CHOS LA SRED PA STE SKYON ZHES BYA'O, ,'DI'I MDO NI, ,'DI NI KUN NAS NYON MONGS PA'O, ,'DI NI RNAM PAR BYANG BA'O, ,CHOS 'DI DAG NI BSTEN PAR BYA'O, ,CHOS 'DI DAG NI BSTEN PAR BYA BA MA YIN PA'O, ,'DI NI SPYAD PAR BYA BA'O, ,'DI NI SPYAD PAR BYA BA MA YIN PA'O ZHES BYA BA NAS MNGON PAR ZHEN PA MED PA ZHES BYA BA LA SOGS PA YIN NO, ,RJES SU MTHUN PA'I RTOG PA'I CHOS 'DI LA SRED PA YIN NO, ,RJES SU MTHUN PA ZHES BYA BA NI LUGS SU 'JUG PA'I CHOS LA SRED PA'O ZHES BYA BA NI NYON MONGS PA ZHES BYA BA'I THA TSIG GO, ,BYANG CHUB SEMS DPA' 'DI'I SKYON ZHES BYA BAR RTOGS PAR 'GYUR BA GANG YIN SNYAM NA'ANG SKYON MED PA DE LAS BZLOG PA'I MTSAN NYID YIN PA'I PHYIR RO, ,NANG STONG PA NYID LA PHYI STONG PA NYID YANG DAG PAR RJES SU MI MTHONG NGO ZHES BYA BA NAS BRTZAMS TE, STONG PA NYID THAMS CAD KYIS SO SOR GCIG LA GCIG MTHONG BA DGAG PA YIN TE ZHES BSTAN PA'O, ,'DI'I MDO NI, DE NANG STONG PA NYID LA PHYI STONG PA NYID YANG DAG PAR RJES SU MI MTHONG NGO, ,PHYI STONG PA NYID LA NANG STONG PA NYID YANG DAG PAR RJES SU MI MTHONG ZHES BYA BA LA SOGS PA YIN NO, ,RLOM PA'I MTSAN MA THAMS CAD KUN TU BCAD PA'I MTSAN NYID LAM GYI DBANG DU MDZAD NAS BSTAN PA NI, GZUGS LA SOGS PA'I PHUNG PO RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS DANG, SO SO YANG DAG PAR RIG PA DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA RNAMS DANG, BYANG CHUB KYI SEMS DANG DE'I MING DU YANG SHES PA'I RLOM SEMS BKAG PA YIN NO, ,'DI'I MDO NI, 'DI LTAR BSLAB PAR BYA STE, GZUGS @23B SHES PAR BYA STE ZHES BYA BA NAS SANGS RGYAS KYI CHOS RNAMS SHES PAR BYA STE ZHES BYA BA'I BAR DANG, BYANG CHUB KYI SEMS ZHES BYA BA SHES PAR BYA STE DES KYANG RLOM SEMS SU MI BYA'O ZHES BYA BA YIN NO, ,'DIS NI LAM GYI BDEN PA'I DMIGS PA KHYAD PAR DU GSAL BAR BSTAN TO, ,DE LA BYANG CHUB KYI SEMS KYI MING SHES PAR BYA STE ZHES BYA BA NI 'DI DAG NI MING TZAM STE, 'DI LTA STE, BYANG CHUB KYI SEMS NI RDZAS DANG, DE YONGS SU GRUB PA YOD PA MA YIN PAR BLTA BAR BYA STE, CI'I PHYIR ZHE NA, SEMS NI SEMS MA YIN TE, RANG BZHIN GYIS 'OD GSAL BA NYID YIN PA'I PHYIR TE, JI SKAD DU, DE CI'I PHYIR ZHE NA, 'DI LTAR SEMS DE NI SEMS MA YIN TE, SEMS KYI RANG BZHIN 'OD GSAL BA YIN PA'I PHYIR RO ZHES GSUNGS PA YIN NO, ,YANG SEMS RANG BZHIN GYIS 'OD GSAL BA DE GANG YIN ZHE NA, NYON MONGS PA DANG YANG DAG PAR LDAN PA DANG, YANG DAG PAR MI LDAN PA MA YIN PA NI RANG BZHIN GYIS 'OD GSAL BA'I MTSAN NYID YIN TE, JI SKAD DU, TSE DANG LDAN PA SH'A RI'I BU SEMS GANG 'DOD CHAGS DANG LDAN PA MA YIN, BRAL BA MA YIN ZHES BYA BA NAS NYON THOS DANG, RANG SANGS RGYAS KYI SEMS DANG LDAN PA MA YIN; BRAL BA MA YIN PA 'DI NI ZHES BYA BA LA SOGS PA GSUNGS PA YIN NO, ,YOD PA TZAM DU RLOM SEMS DANG RJES SU 'BREL PA LA BRTZAMS NAS SMRAS PA NI YANG CI TSE DANG LDAN PA RAB 'BYOR SEMS YOD PA GANG YIN PA DE SEMS MA YIN NAM ZHES BYA BA YIN NO, ,DE'I PHYIR BSTAN PA NI DE SEMS DANG SEMS MA YIN PA YOD PA DANG MED PA NYID DU DRIS PA MI RIGS SO ZHES BYA BA YIN TE, 'DI'I MDO NI, YANG CI TSE DANG LDAN PA SH'A RI'I BU SEMS GANG MED PA DE LA YOD PA'AM, MED PA'AM, YOD PA MA YIN PA'AM, DMIGS PA'AM ZHES BYA BA LA SOGS PA GSUNGS PA YIN NO, ,GANG 'DI LTAR CI'I PHYIR 'DI LA SEMS MED PA ZHES BYA ZHE NA, RNAM PAR RTOG PA MED PA, 'GYUR BA MED PA, SEMS MED PA'I MTSAN NYID YIN TE, JI SKAD DU, TSE DANG LDAN PA SH'A RI'I BU RNAM PAR RTOG PA MED PA 'GYUR BA MED PA NI SEMS MED PA ZHES BYA BA YIN NO, ,SEMS NI RNAM PAR RTOG PA MED @24A *, ,CING 'GYUR BA MED PA DES KYANG PHUNG PO LA SOGS PA NAS YANG DAG PAR RDZOGS PA'I BYANG CHUB KYI BAR DU 'GYUR BA MED CING RNAM PAR RTOG PA MED PA YIN NO, ,JI SKAD DU, TSE DANG LDAN PA SH'A RI'I BU JI LTAR SEMS LA 'GYUR BA MED CING RNAM PAR RTOG PA MED PA DE BZHIN DU PHUNG PO LA SOGS PA NAS YANG DAG PAR RDZOGS PA'I BYANG CHUB KYI BAR DU ZHES GSUNGS PA YIN NO, ,SEMS DANG SEMS MA YIN PA NYID NI RANG BZHIN GYIS 'OD GSAL BA YIN NO ZHES BYA BA NAS BRTZAMS TE, JI SRID 'DI'I BAR GYIS LAM GYI BDEN PA'I DBANG DU MDZAD NAS KHYAD PAR BSTAN PA YIN PAR RIG PAR BYA'O, ,RGYU'I KHYAD PAR GYI DBANG DU MDZAD NAS DE CI'I PHYIR ZHE NA, GANG 'DI LTAR THUN MONG PA'I MTSAN NYID CAN GYI NGES PAR 'BYED PA'I CHA DANG MTHUN PA NI SHES RAB KYI PHA ROL TU PHYIN PA NI THEG PA GSUM GYI RGYU YIN PA'I PHYIR RO ZHES BSTAN PA YIN TE, JI SKAD DU, 'DI LTAR 'DIR SHES RAB KYI PHA ROL TU PHYIN PA 'DI LAS GANG LA BYANG CHUB SEMS DPA' BSLAB PAR BYA BA'I THEG PA GSUM RGYA CHER BSTAN TO ZHES GSUNGS PA YIN NO, ,YONGS SU 'DZIN PA'I KHYAD PAR NI THABS LA MKHAS PA DANG, DGE BA'I BSHES GNYEN GYI MTSAN NYID YIN TE PHYIS 'CHAD PAR 'GYUR RO, ,'DI NI RE ZHIG DRO BAR GYUR PA CHUNG DU YIN NO, ,PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA ZHES BYA BA NAS BRTZAMS TE, JI SRID NYON MONGS PA DANG BRAL BA NAS RNAM PAR DBEN PA'O ZHES BYA BA'I BAR GYIS SO, ,DNGOS PO 'GAGS PAS NA ZHI BA'O, ,RANG NYID MA SKYES PA NYID KYIS NA SKYE BA MED PA'O, ,PHA ROL GYI MU MED PA NYID KYIS NA RTOGS PAR DKA' BA'I PHYIR 'BYUNG BA MED PA'O, ,'PHAGS PA'I GANG ZAG THAMS CAD KYI SNGON THOB PA DANG LDAN PAR GYUR PA'I RGYU DANG BRAL BA'I PHYIR KUN NAS NYON MONGS PA MED DO, ,SEMS CAN DMIGS SU MED PAS NA RNAM PAR BYANG BA MED PA'O, ,'PHAGS PA'I CHOS RNAMS KYI RGYUR 'GYUR BAS NA CHOS KYI DBYINGS SO, ,GZHAN DU 'GYUR BA MED PAS DE BZHIN NYID DO, ,PHYIN CI LOG PA'I MTHAR THUG PA NYID KYIS NA YANG DAG PA'I MTHA'O, ,'PHAGS PA THAMS CAD KYIS MA MDZAD PAS NA @24B CHOS GNAS PA NYID DO, ,SANGS RGYAS THAMS CAD KYIS ZHES BYA BA NAS CHOS THAMS CAD KYI DE BZHIN NYID DO ZHES BYA BA DANG 'DU BA DANG 'GOD PA DANG MI DMIGS SHING MA MTHONG BA NYID KYI PHYIR DANG, MING THAMS CAD YOD PA MA YIN PA'I PHYIR GNAS PA DANG, GNAS PA DANG BRAL BA MED PA ZHES BYA BA NI 'BRING YIN NO, ,DE LA 'DU BA NI SKYE BA STE, DE MI DMIGS PA'O, ,'GOD PA NI 'GAG PA STE, DE YANG DAG PAR RJES SU MI MTHONG NGO ZHES BYA BA NI DON GZHAN YIN TE, MI DMIGS SHING YANG DAG PAR RJES SU MI MTHONG NGO ZHES BYA BA'I TSIG GNYIS NI GO RIMS JI LTA BA BZHIN DU MI DMIGS PA'I RNAM PA SGOM PA LHAG PAR MOS PA YID LA BYED PA DANG, DE KHO NA NYID MTHONG BA'I DBANG DU BYAS TE BSTAN PA'O, ,RIM PA JI LTA BA BZHIN DU MI DMIGS, YANG DAG PAR RJES SU MI MTHONG NGO ZHES BYA BA'I TSIG GNYIS BRJOD PAS DE LA GNAS PA NI RGYUN 'DRA BA'O, ,GNAS PA DANG BRAL PA NI RGYUN MI 'DRA BA'O, ,PHUNG PO LA SOGS PA CHOS KYI BRDAR BTAGS PA DANG, RMI LAM DANG, SGRA BRNYAN DANG, GZUGS BRNYAN DANG, SPRUL PA BZHIN DU DGE BA LA SOGS PA GANG GIS KYANG BRJOD DU MED PA'I PHYIR ZHES BYA BA NAS SEMS PAR MI 'GYUR, SKRAG PAR MI 'GYUR BA LA SOGS PAS RNAM PA THAMS CAD MKHYEN PA NYID DU NGES PAR 'BYUNG BAR 'GYUR RO ZHES BYA BAS NI CHEN PO BSTAN PA YIN NO, ,THAR PA'I CHA DANG MTHUN PA LAS 'DI KHYAD CI YOD CE NA, DRO BAR GYUR PA ZHES BYA BA NI CHUNG NGU DANG, 'BRING DANG, CHEN PO'I RIGS ZHES BYA BA'I DON NAM, YANG DBANG PO RTUL PO LA SOGS PA'I GANG ZAG GI DBYE BA LA'ANG 'DI'I DMIGS PA'I GNAS LA SOGS PA'I KHYAD PAR SHES PAR BYA BA'I DON NO, ,RTZE MO LA SOGS PA LA YANG THAL BAR 'GYUR RO ZHE NA, NYES PA MED DE 'DOD PA YIN NO, ,GANG DRO BAR GTOGS PA BDEN PA BZHI'I RNAM PA BCU DRUG TU GANG BSHAD PA DRO PAR GYUR PA NI BDEN PA BZHI LA DMIGS PA RNAM PA BCU DRUG DANG LDAN PA YIN LA, DROD LAS NI RTZE MO YIN ZHING DE DAG KYANG DE 'DRA BAR GYUR BA YIN NO ZHES BYA BA LA SOGS PA DE CI LTAR YIN ZHE NA, CI BRE DANG KHANG BZANGS MTSAN NYID 'DRA BA'AM, CI 'DI NI 'JUG PA KHO NA YIN NO, ,DRO BAR @25A *, ,GYUR PA BSHAD ZIN TO, ,DE BZHIN DU CHUNG NGU DANG, 'BRING DANG, CHEN PO LA SOGS PA'I RIM GYIS MNGON PAR 'PHEL BA'I DRO BAR GYUR PA LAS RTZE MO RNAMS SKYE STE, G-YO BA'I DGE BA RNAMS KYI RTZE MO YIN PA'I PHYIR RTZE MO NYID DO, ,DE RNAMS KYI YONGS SU 'DZIN PA DANG, RGYU NYID KHYAD PAR SNGA MA BZHIN DU SHES PAR BYA'O, ,RTZE MO RNAMS JI LTA BA BZHIN DU BZOD PA DANG, 'JIG RTEN PA'I CHOS KYI MCHOG RNAMS LA'ANG DMIGS PA DANG RNAM PAS KHYAD PAR BRJOD PAR BYA STE, DE LA RTZE MO'I KHYAD PAR NI RE ZHIG DMIGS PA'I KHYAD PAR NI CHOS THAMS CAD LA MI GNAS PA YIN TE, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I TSE, GZUGS LA GNAS PAR MI BYA'O ZHES BYA BA NAS BRTZAMS TE, PHUNG PO DANG, KHAMS DANG, SKYE MCHED DANG, RTEN CING 'BREL BAR 'BYUNG BA'I YAN LAG RNAMS DANG, SA'I KHAMS LA SOGS PA RNAMS LA CHAGS PA'I GNAS BKAG PA ZHES BYA STE, DE LA GNAS PA NI DNGOS PO LA DMIGS PA'I RAB TU GNAS PA'I SEMS LAS BYUNG BA'O, ,'DI LAS BZLOG PA NI MI GNAS PA YIN PAR SHES PAR BYA'O, ,'DI NI DPYAD PAR BYA STE, GAL TE RE ZHIG GNAS PA MED PA GNAS PAR MI BYA BA YIN NA NI MED PA YIN PA'I PHYIR GNYEN POR MI RIGS SO, ,'ON TE GNAS PA MA YIN PA YIN NA THAL CHES PA YIN NO ZHE NA, MNGON PAR ZHEN PA MED PA LA TSUL JI LTAR BSHAD PA DE LTAR 'DI LA YANG BLTA BAR BYA'O, ,CHOS THAMS CAD RANG BZHIN GYIS STONG PA NYID RNAM PA'I KHYAD PAR CAN YIN TE, DE CI'I PHYIR ZHE NA, DE RNAMS DE'I NGO BOS STONG ZHES SO, ,MDO NI JI SKAD DU, GANG GI PHYIR GZUGS NI GZUGS NYID KYIS STONG NGO ZHES BYA BA LA SOGS PA GSUNGS PA YIN NO, ,DE 'DIS NI RTAG PAR DMIGS PA'I GNAS SPANGS PA YIN TE, CHOS RNAMS DANG DE'I STONG PA NYID RNAM PA'I KHYAD PAR CAN DANG, GANG DE CI'I PHYIR ZHE NA, DE RNAMS DANG DE'I STONG PA NYID PHAN TSUN DE'I RANG BZHIN GCIG PAR 'DOD PAS BSTAN PA YIN NO, ,JI SKAD DU MDO LAS BCOM LDAN 'DAS GZUGS NYID STONG PA NYID STONG PA NYID KYANG GZUGS SO ZHES BYA BA LA SOGS PA GSUNGS PA @25B YIN NO, ,DE'I PHYIR 'DIS NI CHAD PAR 'DZIN PA'I DMIGS PA'I GNAS SPANGS PA YIN NO, ,SDUG BSNGAL LA SOGS PA'I BDEN PA'I RNAM PA DAG LA GNAS PA MED PAR DMIGS PA'I KHYAD PAR NI GANG GZUGS LA SOGS PA'I PHUNG PO RNAMS LA SO SO NAS SDUG BSNGAL LO ZHES BYA BA NAS ZHI BA'O ZHES BYA BAR GNAS PA BKAG PA'O ZHES BSTAN PA YIN NO, ,SDUG BSNGAL LA SOGS PA'I RNAM PA RNAMS NI STONG PA NYID NI RNAM PA'I KHYAD PAR YIN TE, GANG DE CI'I PHYIR ZHE NA, GZUGS LA SOGS PA'I PHUNG PO SDUG BSNGAL LA SOGS PA DE'I RNAM PA RNAMS RANG BZHIN GYIS STONG PA NYID YIN TE, SDUG BSNGAL LA SOGS PA'I RNAM PA RNAMS DANG, DE'I STONG PA NYID PHAN TSUN DE'I BDAG NYID GCIG PA NI RNAM PA'I KHYAD PAR YIN TE, GANG DE CI'I PHYIR ZHE NA, SDUG BSNGAL LA SOGS PA DANG, DE'I STONG PA NYID DAG PHAN TSUN RANG BZHIN GCIG PAR 'DOD PA'O ZHES GSUNGS PA YIN NO, ,'DIR YANG SDUG BSNGAL NYID LA STONG PA NYID KYIS KHYAB PAS PHAN TSUN DE'I RANG BZHIN GCIG PA YIN TE, YANG SDUG BSNGAL GYIS NI STONG PA NYID LA MA YIN TE, DE NI CHOS THAMS CAD KYI SPYI'I MTSAN NYID YIN PA'I PHYIR RO, ,'DI NI RE ZHIG SDUG BSNGAL DANG, KUN 'BYUNG GI BDEN PA'I DBANG DU BYAS PA'I DMIGS PA DANG RNAM PA'I KHYAD PAR YIN PAR SHES PAR BYA'O, ,'GOG PA'I BDEN PA'I DBANG DU BYAS PA NI DE BZHIN NYID LA SOGS PA GNAS MED PA LA DMIGS PA'I KHYAD PAR NI GANG 'DI LTAR DE BZHIN NYID DANG, CHOS NYID DANG, CHOS KYI DBYINGS DANG, CHOS SKYON MED PA NYID DANG, YANG DAG PA'I MTHA' DANG, GZUNGS KYI SGO THAMS CAD DANG SBYAR RO ZHES BSTAN PA YIN TE, JI SKAD DU MDO LAS, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I TSE, DE BZHIN NYID LA GNAS PAR MI BYA'O ZHES BYA BA LA SOGS PA GSUNGS PA YIN NO, ,DE BZHIN NYID LA SOGS PA RNAMS RANG BZHIN GYIS STONG PA NI RNAM PA'I KHYAD PAR YIN TE, JI SKAD DU, BCOM LDAN 'DAS 'DI LTAR DE BZHIN NYID NI RANG BZHIN GYIS STONG NGO ZHES BYA BA LA SOGS PA GSUNGS PA YIN NO, ,DE BZHIN NYID LA SOGS PA DANG, DE'I STONG PA NYID PHAN TSUN DE'I BDAG NYID @26A *, ,GCIG PA NI RNAM PA'I KHYAD PAR YIN TE, JI SKAD DU, BCOM LDAN 'DAS GANG DE BZHIN NYID STONG PA NYID DE, DE DE BZHIN NYID LAS GZHAN MA LAGS, DE DE BZHIN NYID KYANG STONG PA NYID LA GZHAN MA LAGS TE, STONG PA NYID KYANG DE BZHIN NYID DO, ,DE BZHIN NYID KYANG ZHES BYA BA LA SOGS PA GSUNGS PA YIN NO, ,'DIR YANG GNYIS KAS GNYIS KA LA KHYAB PA YIN PAR RIG PAR BYA'O, ,DE LTAR NA DON LA KHYAD PAR MED DO ZHE NA, DON GZHAN MA YIN PA DE NI DE BZHIN NYID YIN LA, LTA BAR GYUR PA'I GNYEN PO NI STONG PA NYID YIN NO, ,'DI LTAR KUN LA DON LA BYE BRAG MED PA NI CHOS NYID YIN LA, 'PHAGS PA'I CHOS RNAMS KYI RGYU YIN PA'I PHYIR CHOS KYI DBYINGS SO, ,GCIG TU NGES PAR 'BYUNG BA'I PHYIR CHOS SKYON MED PA'O, ,PHYIN CI MA LOG PAS NA YANG DAG PA'O, ,RAB KYI MTHAR 'GRO BAS NA MTHA' ZHES BYA'O, ,LAM GYI DBANG DU BYAS PA NI GNAS MED PA DANG MNGON PAR 'DUS MA BYAS PA LA DMIGS PAS KHYAD PAR DU 'PHAGS PA YIN TE, GANG GZHAN YANG THABS MI MKHAS PAS BDAG DANG BDAG GIR 'DZIN PA'I SEMS KYIS GZUGS LA SOGS PA'I PHUNG PO RNAMS ZHES BYA BA NAS GZUNGS KYI SGO RNAMS DANG, RNAM PA THAMS CAD MKHYEN PA NYID DANG RJES SU MTHUN PAR SHES RAB KYI PHA ROL TU PHYIN PA LA SBYOR BA DANG, 'GAL BAR GNAS PA DANG, MNGON PAR 'DU BYED PAR DMIGS PA BKAG PA YIN TE ZHES BSTAN PA YIN NO, ,'DI'I MDO NI, BCOM LDAN 'DAS GAL TE BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NA THABS LA MI MKHAS PAS BDAG DANG BDAG GIR 'DZIN PA'I SEMS KYIS GZUGS LA GNAS SHING, DA YANG GZUGS MNGON PAR 'DU BYA BA LA SPYOD NA SHES RAB KYI PHA ROL TU PHYIN PA LA MI SPYOD DO ZHES BYA BA NAS BRTZAMS TE, MNGON DU MI BYED PA LA SPYOD NA SHES RAB KYI PHA ROL TU PHYIN PA YONGS SU 'DZIN PA MA YIN, DE RNAL 'BYOR DU BYED PA MA YIN TE, YONGS SU MA RDZOGS PAS RNAM PA THAMS CAD MKHYEN PA NYID DU NGES PAR MI 'BYUNG NGO ZHES BYA BA'I BAR DU GSUNGS PA YIN NO, ,GZUGS LA SOGS PA YONGS SU 'DZIN PA NYID STONG PA NYID KYI RNAM PAS KHYAD PAR DU 'PHAGS PA @26B YIN TE, GANG DE RNAMS NYID LA YONGS SU 'DZIN PA'I NGO BO BKAG PA YIN NO ZHES BSTAN TO, ,'DI'I MDO NI, BCOM LDAN 'DAS GANG GZUGS YONGS SU MA BZUNG BA DE NI GZUGS MA LAGS TE, RANG BZHIN GYIS STONG PA NYID NYE BAR BZUNG STE ZHES BYA BA LA SOGS PA GSUNGS PA YIN NO, ,DE LA SPANGS PA NI CHOS KYI DBYINGS RGYA CHE BA'I PHYIR RO, ,BDUN DU MA BYAS PA NI DMIGS PA DANG RNAM PA DAG GIS SNGAR 'JUG PA'I PHYIR RO, ,TSAD MED PA NYID NI RNAM PA THAMS CAD MKHYEN PA NYID DO, ,NGES PA NI RAB TU NGES PA'I PHYIR RO, ,NYAN THOS LA SOGS PA THAMS CAD DANG THUN MONG MA YIN PA NI JI SKAD DU, DMIGS PA DANG, RNAM PA DANG, RGYU DANG, YONGS SU 'DZIN PAS KHYAD PAR DU 'PHAGS SO ZHES BSTAN PA YIN NO, ,CHOS THAMS CAD YONGS SU MA BZUNG BA JI LTA BA RJES THOGS SU STON TO, ,RNAM PA THAMS CAD MKHYEN PA NYID DU CHOS THAMS CAD STONG PA NYID NYE BAR BZUNG NAS YONGS SU MI 'DZIN PA'I PHYIR RO ZHES BYA BA YIN TE, 'DI'I MDO NI, BCOM LDAN 'DAS DE YANG RNAM PA THAMS CAD MKHYEN PA NYID DU YONGS SU MI 'DZIN TE, NANG STONG PA NYID NAS DNGOS PO MED PA'I NGO BO NYID STONG PA NYID NYE BAR BZUNG NAS ZHES BYA BA DANG, DE MTSAN MA MED PAR BRJOD DO ZHES BYA BA YIN NO, ,TING NGE 'DZIN NI SEMS RTZE GCIG PA STE, DE YANG DKYIL 'KHOR YIN TE, TING NGE 'DZIN GZHAN DANG GZHAN BSDUS PA YIN PA'I PHYIR RO, ,DES NI RE ZHIG RTZE MOR GYUR PA CHUNG DU BSTAN NO, ,JI SKAD DU RNAM PA THAMS CAD MKHYEN PA NYID NI MTSAN MA MED PAR BRJOD DE, 'DI LTAR MTSAN MA NI NYON MONGS PA'O ZHES GSUNGS PA YIN NO, ,CI'I PHYIR MTSAN MA LA NYON MONGS PA ZHES BYA ZHE NA, GZUGS LA SOGS PA'I PHUNG PO RNAMS DANG, BYANG CHUB KYI PHYOGS LA SOGS PA RNAMS DANG, GZUGS KYI SGO RNAMS KYI BAR GYI MTSAN MA NYON MONGS PA NYID YIN NO; ,'DI'I MDO NI, GZUGS NI MTSAN MA MED PA'O, ,TSOR BA NI MTSAN MA MED PA'O ZHES BYA BA NAS GZUNGS KYI SGO RNAMS NI MTSAN MAR BRJOD DE, NYON MONGS PA YIN NO, ,DE'I MTSAN NYID NI YANG DAG PA MA YIN PAR SGRO BTAGS PA'I MTSAN NYID YIN PAR RIG PAR BYA'O, ,JI LTAR MTSAN @27A *, ,MA 'DI DAG BYANG CHUB SEMS DPA'I NYON MONGS PA YIN PAR NGES SHE NA, KUN DU RGYU SDE CAN GYI MTSAN MA NYON MONGS PA'I GNYEN POR RTOGS PAS ZHES GSUNGS PA DANG DPANG PO YIN TE, JI SKAD DU MDO LAS GAL TE DES MTSAN MAR BZUNG BAR 'GYUR NA NI KUN DU RGYU SDE CAN BSTAN PA 'DI LA DAD PA THOB PAR MI 'GYUR RO ZHES GSUNGS PA YIN NO, ,SDE CAN DPER BYAS PA NI DE MU STEGS PA DANG 'BREL PA YIN YANG DE LANGS NAS RTOGS PA 'BA' ZHIG GIS STOBS NYID KYIS DON DE MNGON SUM DU BYAS PA NI SHES PAR BYED PA YIN NO, ,RTOGS PA'I YE SHES KYI MTSAN MAR RE ZHIG GDON MI ZA BAR 'GYUR RO ZHE NA, SMRAS PA, NANG LA SOGS PA RNAMS YE SHES KYI MTHONG BA BKAG NAS BZLOG PA GSUM PA YIN TE, 'DI'I MDO NI, YE SHES DE NANG DU YANG DAG PAR RJES SU MI MTHONG, PHYI ROL DANG, PHYI DANG NANG LA SOGS PA LAS GZHAN DU YE SHES DE YANG DAG PAR RJES SU MI MTHONG NGO ZHES BYA BA NAS DE CHOS CUNG ZAD KYANG YONGS SU MI 'DZIN TE, MTSAN MA MED PA YID LA BYED PA NYE BAR BZUNG NAS ZHES GSUNGS PA YIN NO, ,YANG CI'I PHYIR CHOS THAMS CAD YONGS SU MI 'DZIN PA YIN ZHE NA, CHOS THAMS CAD YONGS SU 'DZIN PA MED PA NI SHES RAB KYI PHA ROL TU PHYIN PA YIN NO ZHES BSTAN TO, ,JI SKAD DU, 'DI NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA CHOS THAMS CAD YONGS SU MI 'DZIN PA NYE BAR BZUNG BA YIN NO ZHES GSUNGS PA YIN NO, ,DES NI 'BRING BSTAN TO, ,GANG GIS, GANG LAS, GANG GIS NI, 'DRI BA'I TSIG GO, ,CHOS GANG CI YANG MED CING MI DMIGS PA DE NI SHES RAB KYI PHA ROL TU PHYIN PA NYE BAR RTOG STE, GO RIMS BZLOG PAS PHA ROL TU PHYIN PA RNAMS MED CING MI DMIGS PA'I PHYIR RO, ,DE BZHIN DU GZUGS LA SOGS PA'I PHUNG PO LA SOGS PA RNAMS KUN MKHYEN GSUM DANG, STONG PA NYID DANG, BLANG BAR BYA BA MED CING MI DMIGS PA'I PHYIR DE BZHIN DU NYE BAR BRTAGS NAS SEMS MI ZHUM, MI SKRAG CES BYA BA LA SOGS PAS MI SPONG BA NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA NYID DU RIG PAR BYA'O ZHES BYA BA DE DAG GIS NI CHEN PO BSTAN TO, , @27B 'DI'I MDO NI, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA NYE BAR BRTAGS PAR MI BGYI STE, SHES RAB KYI PHA ROL TU PHYIN PA NYID NI GANG, SHES RAB KYI PHA ROL TU PHYIN PA NYID NI GANG YIN, SHES RAB KYI PHA ROL TU PHYIN PA 'DI SU'I YIN, SHES RAB KYI PHA ROL TU PHYIN PA 'DI GANG LAS YIN, SHES RAB KYI PHA ROL TU PHYIN PA 'DI GANG GI YIN ZHES BYA BA LA SOGS PA YIN NO, ,RTZE MOR RTOGS PA BSTAN NAS BZOD PA BRJOD PAR BYA STE, RTAG TU SBYOR BA'I RGYU STON PA ZHES BYA BA NAS BRTZAMS TE, GZUGS LA SOGS PA'I PHUNG PO RNAMS RE RE NAS GZUGS LA SOGS PA'I PHUNG PO'I RANG BZHIN DANG BRAL BA'I PHYIR RO, ,DE BZHIN DU KHAMS DANG, SKYE MCHED LA SOGS PA NAS MA 'DRES PA RNAMS KYI BAR DU STE, DE NYID LA SOGS PA'I RANG BZHIN DANG BRAL BA NI, DE BZHIN NYID LA SOGS PA'I RANG BZHIN YIN PA'I PHYIR RO ZHES BYA BA YIN NO, ,DE BAS NA RE ZHIG BZOD PA NI CHOS THAMS CAD RANG BZHIN MED PA NYID KYIS DMIGS PA KHYAD PAR CAN DU 'PHAGS SO ZHES BSTAN TE, JI SKAD DU MDO LAS, TSE DANG LDAN PA SH'A RI'I BU GZUGS NI GZUGS KYI RANG BZHIN DANG BRAL BA STE ZHES BYA BA LA SOGS PA GSUNGS PA YIN NO, ,GZUGS LA SOGS PA'I PHUNG PO LA SOGS PA RNAMS DANG, DE BZHIN NYID LA SOGS PA RNAMS RE RE NAS RANG BZHIN MED PA'I PHYIR RO ZHES BYA BA 'DIS NI CHOS THAMS CAD RANG BZHIN MED PA NYID KYIS RNAM PA KHYAD PAR 'PHAGS PA YIN NO ZHES BSTAN TE, JI SKAD DU MDO LAS, TSE DANG LDAN PA SH'A RI'I BU GZUGS KYI RANG BZHIN NI DNGOS PO MED PA'O ZHES BYA BA NAS TSE DANG LDAN PA SH'A RI'I BU RNAM GRANGS DE NYID KYI PHYIR 'DI LTAR GZUGS NI GZUGS KYI RANG BZHIN DANG BRAL BA'O ZHES BYA BA LA SOGS PA GSUNGS SO, ,DE RNAMS RE RE NAS MTSAN NYID KYI RANG BZHIN DANG BRAL BA'O, ,RANG BZHIN YANG RANG BZHIN DANG BRAL BA'O, ,'DIS NI MTSAN NYID KYI RANG BZHIN DANG, RANG BZHIN GYI MTSAN NYID DAG PHAN TSUN NGO BO MED PA NYID KYIS RNAM PA DANG KHYAD PAR DU 'PHAGS PA YIN TE, JI SKAD DU MDO LAS, TSE DANG LDAN PA SH'A RI'I BU MTSAN NYID KYI RANG BZHIN YANG @28A *, ,MTSAN NYID DANG BRAL BA'O ZHES BYA BA LA SOGS PA GSUNGS PA YIN NO, ,RANG BZHIN GYI MTSAN NYID KYANG RANG BZHIN DANG BRAL BA YIN NO, ,DE LTAR SLOB PA NI RNAM PA THAMS CAD MKHYEN PA NYID DU NGES PAR 'BYUNG BA'I RGYU NYID DU BSTAN PA'I PHYIR BZOD PA CHUNG DU DANG MTHUN BA THOB PA NI BZOD PA CHUNG NGU YIN NO ZHES BYA'O, ,'BRING BSTAN PA'I PHYIR CI'I PHYIR RNAM PA THAMS CAD MKHYEN PA NYID DU NGES PAR 'BYUNG ZHES YONGS SU DRIS PA NI TSE DANG LDAN PA SH'A RI'I BU DE NI 'DI LTAR CHOS THAMS CAD NI MA SKYES MA BYUNG BA'I PHYIR RO ZHES PA NAS BRTZAMS TE, PHUNG PO DANG, KHAMS DANG, SKYE MCHED LA SOGS PA RNAMS KYANG RANG BZHIN STONG PA NYID KYI PHYIR SKYE BA DANG 'GAG PA MI DMIGS TE, DE DAG RIM PA BZHIN DU CHOS THAMS CAD MA SKYES PA NYID KYIS DMIGS PA KHYAD PAR DU 'PHAGS PA YIN NO, ,DE'I PHYIR 'BYUNG BA MED PAS RNAM PA KHYAD PAR DU 'PHAGS PA YIN PAR RIG PAR BYA'O, ,RJES SU MTHUN PA'I BZOD PA THOB PA'I BYANG CHUB SEMS DPA' NGAN SONG DANG DBYE BA RNAM PA GSUM LAS 'DAS PA THOB PA YIN TE, RNAM PAR SMIN PA LAS YANG DAG PAR 'DAS PA NI GANG LUS LA SOGS PA YONGS SU DAG PA THOB PO ZHES BSTAN TE, JI SKAD DU MDO LAS, JI LTA JI LTAR RNAM PA THAMS CAD MKHYEN PA NYID DU NYE BAR GYUR PA DE LTA DE LTAR LUS YONGS SU DAG PA DANG, SEMS YONGS SU DAG PA DANG, MTSAN YONGS SU DAG PA THOB PO ZHES GSUNGS PA YIN NO, ,NGAN 'GRO'I RGYU LAS YANG DAG PAR 'DAS PA NI 'DOD CHAGS KYI SEMS MI SKYED DO ZHES BSTAN TE, JI SKAD DU 'DOD CHAGS DANG LDAN PA'I SEMS MI SKYED DO, ,ZHE SDANG DANG LDAN PA'I SEMS MI SKYE ZHES BYA BA LA SOGS PA GSUNGS PA YIN NO, ,YONGS SU NYAMS PA LAS YANG DAG PAR 'DAS PA THOB PA NI GANG BRDZUS TE SKYE BAR 'GYUR TE, SANGS RGYAS KYI ZHING GZHAN DU 'GRO ZHING ZHING YONGS SU SBYONG BAR BYED; SEMS CAN YONGS SU SMIN PAR BYED CING, YANG DAG PAR RDZOGS PA'I BYANG CHUB MA YIN PA DANG BRAL BA'I PHYIR RO ZHES BSTAN TE, JI SKAD DU MDO LAS, 'DOD CHAGS KYI SEMS MI SKYED CES BYA BA NAS LTA BA DANG LDAN PA'I SEMS MI SKYED, NAM YANG MA'I MNGAL DU SKYE BAR MI 'GYUR, @28B DE RTAG PAR RGYUN DU RDZUS TE SKYE BAR 'GYUR ZHING, SANGS RGYAS KYI ZHING DU 'GRO ZHING SEMS CAN YONGS SU SMIN PAR BYED DO ZHES BYA BA LA SOGS PA GSUNGS PA YIN NO, ,DE DAG GIS 'BRING BSTAN NAS CHEN PO BRJOD PAR BYA BA'I PHYIR, BCOM LDAN 'DAS GAL TE BYANG CHUB SEMS DPA' THABS MI MKHAS PAS SHES RAB KYI PHA ROL TU PHYIN PA LA SPYOD PA'I TSE, GZUGS LA SPYOD NA MTSAN MA LA SPYOD KYI SHES RAB KYI PHA ROL TU PHYIN PA LA MI SPYOD DO ZHES BYA BA NAS BRTZAMS TE, GZUGS LA SOGS PA'I PHUNG PO RNAMS LA SPYOD NA MTSAN MA LA SPYOD PAS SHES RAB KYI PHA ROL TU PHYIN PA LA SPYOD PA BKAG NAS, DE DAG RE RE NAS RTAG PA DANG, MI RTAG PA DANG, SDUG BSNGAL PA DANG, BDE BA DANG, BDAG DANG, BDAG MED PA DANG, ZHI BA DANG, MA ZHI BA ZHES BYA BA DANG, DBEN PA DANG, MI DBEN PA ZHES BYA BA DANG, DE BZHIN DU KHAMS DANG, SKYE MCHED LA SOGS PA RNAMS ZHES BYA BA NAS MTSAN MA LA SPYOD NA SHES RAB KYI PHA ROL TU PHYIN PA LA MI SPYOD DO ZHES BKAG NAS, BDAG LA SOGS PA LA SPYOD NA THABS LA MI MKHAS PAS ZHES BYA BA DE DAG GIS BZOD PA CHEN PO YIN TE, CHOS THAMS CAD MTSAN MA MED PA NYID NI DMIGS PAS KHYAD PAR DU 'PHAGS PA YIN NO, ,DE LTAR BYAS NA GANG RGYUN TU ZHUGS PA'I ZHES BYA BA NAS DGRA BCOM PA'I YE SHES DANG, SPANGS PA GANG YIN PA DE NI BYANG CHUB SEMS DPA'I BZOD PA YIN ZHES GSUNGS SO, ,DE LTAR YANG MTSAN MA MED PA LA GNAS PA'I BZOD PA'I DBANG DU BYAS NAS SA BRGYAD PA YIN PAR BSTAN TE, RIGS KYI BU LEGS SO LEGS SO, ,DON DAM PA LA BZOD PA SANGS RGYAS KYI CHOS RNAMS THOB PA ZHES BYA BA DE NI 'DI YIN NO, ,BZOD PA NI YANG SKAD CIG MA YIN PAR BSTAN TE, CHEN PO DE YANG SKAD CIG CES BSTAN TO, ,PHUNG PO LA SOGS PA RNAMS ZHES BYA BA NAS MA 'DRES PA'I BAR DANG, GNAS PA DANG, MOS PA DANG, 'DU SHES BKAG PA ZHES BYA BAS NI CHOS THAMS CAD GNAS PA DANG, MOS PA DANG, 'DU SHES MED PAS NI RNAM PA KHYAD PAR DU 'PHAGS PA YIN NO, ,JI LTAR BZOD PA DE LA GNAS PA YIN ZHE NA, THABS LA MKHAS PAS DE LA MI GNAS PA'I @29A *, ,DBANG DU BYAS NAS GZUGS LA SOGS PA NAS MA 'DRES PA'I BAR DU BZLOG PA LA SPYOD PA BSTAN TE, THABS LA MKHAS PA DANG ZHES BYA BA NAS BRTZAMS TE, GZUGS KYI STONG PA NYID GZUGS MA YIN, STONG PA NYID KYANG GZUGS LAS GZHAN MA YIN TE, GZUGS LA SOGS PA DANG STONG PA NYID GNYIS PHAN CHUN NGO BO NYID GCIG PAR BSTAN TE, 'KHOR BA DANG MYA NGAN LAS 'DAS PA'I MTHAR LHUNG BA LAS NGES PAR GROL BA NI THABS LA MKHAS PA YIN PAR GSAL BAR BSTAN TO, ,YANG CI'I PHYIR 'KHOR BA DANG MYA NGAN LAS 'DAS PAR MI LTUNG ZHE NA; GAL TE CHOS 'GA' ZHIG LA SPYOD NA SPYOD PA NYE BAR BKAG PA YIN TE, CHOS THAMS CAD RANG BZHIN MED PAR BSTAN PA NI BZOD PA CHEN PO THOB PA YIN TE, BZOD PA CHEN PO BSTAN TO, ,CHOS CHEN PO LA BZOD PAS NI BZOD PA ZHES BYA'O, ,BZOD PA BSTAN NAS CHOS KYI MCHOG BSTAN PA'I PHYIR TSE DANG LDAN PA SH'A RI'I BU GZHAN YANG TING NGE 'DZIN RNAMS LA GNAS PA'I BYANG CHUB SEMS DPA' ZHES BYA BA NAS BRTZAMS TE, MYUR DU BLA NA MED PA YANG DAG PAR RDZOGS PA'I BYANG CHUB PA'I RGYU TING NGE 'DZIN BRGYA LAS LHAG PA LA SOGS PA DPAG TU MED PA THOB PA YIN NO ZHES BSTAN TE, JI SKAD DU MDO LAS, DPA' BAR 'GRO BA ZHES BYA BA'I TING NGE 'DZIN DANG, RIN CHEN PHYAG RGYA ZHES BYA BA'I TING NGE 'DZIN DANG, SENG GE RNAM PAR BSGYINGS PA ZHES BYA BA LA SOGS PA GSUNGS PA YIN NO, ,DES CHOS KYI MCHOG GI DMIGS PA KHYAD PAR DU 'PHAGS PA GSAL BAR BSTAN TO, ,DE LA CI'I PHYIR DPA' BAR 'GRO BA'I TING NGE 'DZIN ZHES BYA ZHE NA, TING NGE 'DZIN THAMS CAD KYI SPYOD YUL NYAMS SU MYONG BAR GYUR PA YIN NO, ,DE BAS NA DPA' BAR 'GRO BA'I TING NGE 'DZIN ZHES BRJOD DO, ,DE LA CI'I PHYIR RIN CHEN PHYAG RGYA'I TING NGE 'DZIN ZHES BYA ZHE NA, TING NGE 'DZIN GANG GIS TING NGE 'DZIN THAMS CAD LA RGYAS BTAB PA YIN NO, ,YANG SENG GE RNAM PAR BSGYINGS PA'I TING NGE 'DZIN ZHES BYA ZHE NA, TING NGE 'DZIN GANG LA GNAS NAS TING NGE 'DZIN THAMS CAD LA RNAM PAR ROL PA YIN NO, ,TING NGE 'DZIN GYI BYED PA'I BYE BRAG RGYA CHE BA'I PHYIR CHOS KYI MCHOG GO, , @29B TING NGE 'DZIN GYI BYED PA NI RNAM PA KHYAD PAR DU 'PHAGS PA GSAL BAR BSTAN TO, ,DES NI 'JIG RTEN PA'I CHOS KYI MCHOG CHUNG DU BSTAN TO, ,SANGS RGYAS RNAMS KYIS LUNG STON PA YIN TE, JI SKAD DU MDO LAS, TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO TING NGE 'DZIN DE RNAMS LA GNAS PA NI SNGON GYI DE BZHIN GSHEGS PAS KYANG LUNG BSTAN CING, DA LTAR PHYOGS BCU'I 'JIG RTEN GYI KHAMS NA SANGS RGYAS BCOM LDAN 'DAS BZHUGS PA DE DAG GIS KYANG DE LUNG STON PAR 'GYUR RO ZHES GSUNGS PA YIN NO, ,TING NGE 'DZIN DE LA MNYAM PAR GZHAG PA LA SOGS PA'I RNAM PAR RTOG PA MED CING MI DMIGS PA YIN TE, JI SKAD DU, TING NGE 'DZIN DE YANG YANG DAG PAR RJES SU MI MTHONG, BDAG SNYOMS PAR ZHUGS PAR RLOM SEMS MED DO, ,BDAG SNYOMS PAR 'JUG PAR 'GYUR RO, ,BDAG SNYOMS PAR 'GYUR RO ZHES BYA BA LA SOGS PA GSUNGS PA YIN NO, ,DE DAG THAMS CAD KYI RNAM PAR RTOG PA MED CING MI DMIGS PA 'DI NI CHOS KYI MCHOG GI 'BRING YIN TE, SHES RAB KYI PHA ROL TU PHYIN PA DANG, TING NGE 'DZIN DANG, BYANG CHUB SEMS DPA' RNAMS PHAN TSUN NGO BO GCIG PAR BSTAN PA YIN TE, JI SKAD DU MDO LAS; TSE DANG LDAN PA SH'A RI'I BU SHES RAB KYI PHA ROL TU PHYIN PA'ANG GZHAN LA, TING NGE 'DZIN KYANG GZHAN, BYANG CHUB SEMS DPA' 'ANG GZHAN ZHES BYA BA NI MED KYI BYANG CHUB SEMS DPA' NYID KYANG TING NGE 'DZIN, TING NGE 'DZIN NYID KYANG BYANG CHUB SEMS DPA' ZHES BYA BA YIN NO, ,TING NGE 'DZIN DE DAG MED PA NYID KYI PHYIR NGES PAR SHES PA LA SOGS PA BKAG PA YIN TE, JI SKAD DU MDO LAS, TSE DANG LDAN PA SH'A RI'I BU BYANG CHUB SEMS DPA' DE NI TING NGE 'DZIN DU 'DU SHES PA MED DO, ,SMRAS PA, JI LTAR 'DU SHES PAR MI 'GYUR, DE LTAR RNAM PAR RTOG PA MED PA'I PHYIR RO, ,SMRAS PA, JI LTAR NA RNAM PAR RTOG PA MED PA YIN, SMRAS PA, CHOS THAMS CAD MED PA'I PHYIR ZHES BYA BA LA SOGS PA GSUNGS PA YIN NO, ,DE DAG GIS CHOS KYI MCHOG CHEN PO BSTAN TE, DMIGS PA DANG, RNAM PA DANG, RGYUS NGES PAR 'BYED PA'I CHA DANG MTHUN PA NGES PA CHUNG NGU DANG, 'BRING DANG, @30A *, ,CHEN PO'I BYE BRAG KHYAD PAR DU 'PHAGS PA BSTAN NAS, DA NI RNAM PAR RTOG PA'I SBYOR BA RNAMS BRJOD PAR BYA'O, ,MTHONG BA'I LAM GYIS SPANG BAR BYA BA BZHI PO GZUNG BA DANG, 'DZIN PA'I RNAM PAR RTOG PA'I BYE BRAG LAS 'DIR NGES PAR 'BYED PA'I CHA GANG YIN PA'I RNAM PAR RTOG PA GANG YIN PA RNAM PAR GZHAG PAR BYA'O, ,DE LA RNAM PAR RTOG PA DE DAG NI RNAM PA BZHI LAS GZUNG BA'I RNAM PAR RTOG PA GNYIS TE, DNGOS PO'I RTEN CAN DANG, GNYEN PO'I RTEN CAN NO, ,'DZIN PA'I RNAM PAR RTOG PA YANG DBYE BA RNAM PA GNYIS TE, GANG ZAG RDZAS SU YOD PA'I RTEN CAN DANG, BTAGS PA'I RTEN CAN NO, ,DE LA NGES PAR 'BYED PA'I CHA DANG MTHUN PA DANG PO DANG GNYIS PA NA RIM PA BZHIN DU GZUNG PA'I RNAM PAR RTOG PAR GYUR PA GNYIS DANG NGO, ,GSUM PA DANG BZHI PA GANG YIN PA NI YANG 'DZIN PA'I RNAM PAR RTOG PA GNYIS DANG YIN NO, ,GNAS BRTAN RAB 'BYOR NYON MONGS PA MED PAR GNAS PA'I YON TAN BRJOD PA'I PHYIR RNAM PAR RTOG PA'I MTSAN NYID STON PA NYON MONGS PA MED PAR GNAS PA RNAMS KYI MCHOG YIN TE, DES BDAG DANG GZHAN GYI RTEN CAN GYI RNAM PAR RTOG PA 'GEGS PA LA MKHAS PA STON PA'I DBANG DU MDZAD PAR SHES PAR BYA BA'I PHYIR RO, ,DE LA GZUNG BA'I RNAM PAR RTOG PA'I DBYE BA NI RNAM PA DGUR RIG PAR BYA'O, ,RNAM PAR BYANG BA LA DMIGS PA'I RNAM PAR RTOG PA NI GANG SHES RAB KYI PHA ROL TU PHYIN PA ZHES BYA BA NAS SBYIN PA'I PHA ROL TU PHYIN PA DANG, BYANG CHUB KYI PHYOGS RNAMS ZHES BYA BA NAS MA 'DRES PA MI DMIGS PA'I RNAL 'BYOR LA SLOB PA NI SHES RAB KYI PHA ROL TU PHYIN PA LA SLOB PA YIN PAR STON PA YIN TE, JI SKAD DU MDO LAS, SH'A RI'I BU DE LTAR SLOB PA'I BYANG CHUB SEMS DPA' SEMS DPA' CHEN PO'I MI DMIGS PA'I RNAL 'BYOR NI SHES RAB KYI PHA ROL TU PHYIN PA LA SLOB PA'O ZHES BYA BA LA SOGS PA GSUNGS PA YIN NO, ,SEMS CAN LA DMIGS PA'I RNAM PAR RTOG PA NI GANG BDAG DANG, SEMS CAN DANG, SROG LA SOGS PA RNAMS DANG, PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA RNAMS DANG, GZUGS MED PA'I SNYOMS PAR 'JUG PA @30B RNAMS DANG, BYANG CHUB KYI PHYOGS KYI CHOS RNAMS DANG, STOBS RNAMS DANG, MI 'JIGS PA RNAMS DANG, SANGS RGYAS KYI CHOS MA 'DRES PA RNAMS DANG, RGYUN DU ZHUGS PA LA SOGS PA RNAMS DANG, BYANG CHUB SEMS DPA' DANG, BYANG CHUB DANG, SANGS RGYAS KYI CHOS SHIN TU RNAM PAR DAG PA NYE BAR BZUNG NAS DMIGS PAR BSTAN PA YIN TE, DE'I MDO NI SH'A RI'I BU BDAG MI DMIGS, SEMS CAN DANG, SROG DANG, SKYES BU DANG, GANG ZAG CES BYA BA LA SOGS PA GSUNGS PA YIN NO, ,GZUGS LA SOGS PA GANG MA SKYES PA DANG, MA BYUNG BA DANG, MI DMIGS PA MNGON PAR 'DU BYED PA MED PA NI RNAM PAR DAG PA YIN PAR BSTAN PA YIN TE, JI SKAD DU MDO LAS, SH'A RI'I BU MA SKYES PA MI DMIGS SHING MNGON PAR 'DU BYED PA MED PA NI RNAM PAR DAG PA ZHES BRJOD DO ZHES GSUNGS PA YIN NO, ,MA RIG PA'I RNAM PAR RTOG PA NI CHOS 'GA' ZHIG LA JI LTA BA BZHIN MA YIN PAR MNGON PAR ZHEN PA NI MA RIG PA YIN PAR BSTAN PA YIN TE, JI SKAD DU MDO LAS, SH'A RI'I BU 'DI LTAR BYANG CHUB SEMS DPA' CHOS CUNG ZAD KYANG MI SLOB STE, DE CI'I PHYIR ZHE NA, SH'A RI'I BU DE NI 'DI LTAR CHOS 'DI DAG BYIS PA SO SO'I SKYE BOS JI LTAR MNGON PAR ZHEN PAR BYA BA DE LTA BU'I RNAM PA YOD PA MA YIN TE, JI LTAR MED PA DE LTAR YOD DO, ,DE LTAR MED PAS NA MA RIG PA ZHES BRJOD DO ZHES GSUNGS PA YIN NO, ,PHUNG PO LA SOGS PA DMIGS PA'I RNAM PAR RTOG PA GANG DE GRUB PA'I CHED DU PHUNG PO LA SOGS PA RNAMS DAG ,BYANG CHUB KYI PHYOGS RNAMS DANG, MI 'JIGS PA RNAMS DANG, STONG PA NYID THAMS CAD NYE BAR BZUNG NAS YANG DAG PAR MED PAR BSTAN PA YIN TE, JI SKAD DU SH'A RI'I BU GZUGS NI YANG DAG PAR YOD PA MA YIN TE NANG STONG PA NYID NYE BAR BZUNG NAS ZHES BYA BA LA SOGS PA PA GSUNGS PA YIN NO, ,MING DANG GZUGS LA MNGON PAR ZHEN PA'I RNAM PAR RTOG PA DANG, MTHA' GNYIS LA CHAGS PA'I RNAM PAR RTOG PA YANG GNYIS PO DE'I DBANG DU BYAS NAS MA RIG PA DANG, SRED PA NYID KYIS MING DANG GZUGS LA MNGON PAR ZHEN CING MTHA' GNYIS LA CHAGS PA @31A *, ,YIN TE, DE LA BYIS PA RNAMS MA RIG PA DANG, SRED PAS MING DANG GZUGS SU MNGON PAR ZHEN ZHES BYA BA NAS SANGS RGYAS KYI CHOS RNAMS SU MNGON PAR ZHEN CING MNGON PAR ZHEN PAS MTHA' GNYIS LA CHAGS PAS NI YANG DAG PAR MED PA'I PHYIR CHOS SU BTAGS PA YIN NO, ,KUN NAS NYON MONGS PA DANG, RNAM PAR BYANG BA MI SHES PA'I RNAM PAR RTOG PA NI GANG DE DAG LA YID CHES PAS GZUGS RNAMS DANG, KUN NAS NYON MONGS PA RNAMS DANG, RNAM PAR BYANG BA MI SHES PAS 'DOD PA'I KHAMS LA SOGS PA LAS NGES PAR MI 'BYUNG BAR BSHAD PA YIN TE, DE'I MDO NI, DES GZUGS MI SHES MI MTHONG, TSOR BA DANG, 'DU SHES ZHES BYA BA NAS BYIS PA'I GRANGS SU 'GRO BA STE, 'DOD PA'I KHAMS ZHES BYA BA LA SOGS PA YIN NO, ,'PHAGS PA'I LAM LA MI GNAS PA'I RNAM PAR RTOG PA NI GANG GZUGS LA SOGS PA STONG PA NYID LA MNGON PAR MI DAD PA SNGON DU 'GRO BAS SBYIN PA LA SOGS PA'I PHA ROL TU PHYIN PA RNAMS ZHES BYA BA NAS MA 'DRES PA RNAMS LA MI GNAS PA YIN TE, JI SKAD DU MDO LAS, GZUGS GZUGS KYIS STONG PAR MI DAD CING ZHES BYA BA NAS BYANG CHUB BYANG CHUB KYIS STONG NGO ZHES BYA BAR MI DAD DE, DE SHES RAB KYI PHA ROL TU PHYIN PA LA MI GNAS SO ZHES BYA BA LA SOGS PA GSUNGS PA YIN NO, ,GZUNG BA'I RNAM PAR RTOG PA DANG PO'O, ,DE THABS MI MKHAS PAS PHA ROL TU PHYIN PA DANG, TSAD MED PA RNAMS DANG, BSAM GTAN DANG, GZUGS MED PA'I SNYOMS PAR 'JUG PA ZHES BYA BA NAS MA 'DRES PA'I BAR DANG, RNAM PA THAMS CAD MKHYEN PA NYID DU RTOG CING MNGON PAR ZHEN TE ZHES BYA BA NAS BRTZAMS TE, MI DMIGS PA'I SBYOR BAS RNAM PA THAMS CAD MKHYEN PA NYID DU NGES PAR 'BYUNG NGO ZHES BYA BA'I BAR DU BSTAN PA YIN NO, ,GZUNG BA'I RNAM PAR RTOG PA GNYIS PA'O, ,DE'I MDO NI, SH'A RI'I BU BYANG CHUB SEMS DPA' THABS MI MKHAS PAS SHES RAB KYI PHA ROL TU PHYIN PAR RTOG CING MNGON PAR ZHEN TO ZHES BYA BA LA SOGS PA GSUNGS PA YIN NO, ,DNGOS PO THAMS CAD KYI GZHI CAN NI DANG PO YIN LA, RNAM PAR BYANG BA'I DNGOS PO'I GZHI CAN NYID @31B KYIS GNYIS PA DE LTA BU NI GZUNG BA'I RNAM PAR RTOG PA GNYIS KYI KHYAD PAR YIN NO, ,DE LTAR BYAS NA GZUNG BA'I RNAM PAR RTOG PA DANG PO GANG YIN PA DE GNYIS PA YANG DE NYID YIN NO ZHES BSHAD PA SNGA MAS STON PAR BYED PA YIN PAS RE ZHIG DANG PO GANG YIN PA DE GNYIS PA YIN TE, 'DI LTA STE, GZHI'I DNGOS PO THAMS CAD PA'I RNAM PAR RTOG PA DANG PO NI GNYIS PAR 'GYUR BA NYID YIN NO, ,GNYIS PA NI DANG PO MA YIN TE, 'DI LTA STE, RNAM PAR BYANG BA TZAM LA BRTEN PA'I GZUNG BA'I RNAM PAR RTOG PA GNYIS PA NI DANG PO MA YIN NO, ,GANG ZAG RDZAS SU YOD PA'I RTEN CAN 'DZIN PA'I RNAM PAR RTOG PA'I DBANG DU MDZAD NAS DE YANG MI DMIGS PA'I SBYOR BA ZHES BYA BA NAS BRTZAMS TE, PHUNG PO RNAMS ZHES BYA BA NAS RNAM PA THAMS CAD MKHYEN PA NYID STONG PA NYID MI DMIGS PA'I RNAL 'BYOR GYIS CI SGYU MA'I SKYES BU RNAM PA THAMS CAD MKHYEN PA NYID DU NGES PAR 'BYUNG NGAM ZHES BYA BA NAS BRTZAMS TE PHUNG PO RNAMS KYI BAR DANG, MI 'JIGS PA RNAMS DANG, RNAM PA THAMS CAD MKHYEN PA NYID DANG, SGYU MA PHAN TSUN NGO BO GCIG PAR BSTAN PAS SGYU MA KUN NAS NYON MONGS PA DANG, RNAM PAR BYANG BA DANG, SKYE BA DANG, 'GAG PA BKAG PAR GYUR PAS DE PHA ROL TU PHYIN PA RNAMS ZHES BYA BA NAS MA 'DRES PA'I BAR DANG, RNAM PA THAMS CAD MKHYEN PA NYID DU NGES PAR 'BYUNG ZHING RNAM PA THAMS CAD MKHYEN PA NYID THOB PAR 'GYUR BA YIN NAM ZHES BYA BAS NI NGES PAR 'BYUNG BA BKAG PA GSUNGS PA YIN NO, ,'DZIN PA'I RNAM PAR RTOG PA DANG PO'O, ,GNYIS PA 'DZIN PA'I RNAM PAR RTOG PA SKYES BU BTAGS PAR YOD PA'I RTEN CAN GYI DBANG DU MDZAD NAS NYE BAR LEN PA'I PHUNG PO RNAMS LA BYANG CHUB SEMS DPA' BTAGS PA BSTAN PA YIN TE, DE'I MDO NI RAB 'BYOR DE JI SNYAM DU SEMS, GANG 'DI LA 'DU SHES PA DANG, KUN SHES PA DANG, BTAGS PA DANG, THA SNYAD DU BYANG CHUB SEMS DPA' ZHES BYA BA GANG, 'DI LTA STE, NYE PAR LEN PA'I PHUNG PO LNGA RNAMS YIN NAM, GSOL PA, BCOM LDAN 'DAS DE LTA MA LAGS SO ZHES BYA BA LA SOGS PA GSUNGS PA YIN NO, ,DE LTA BU GZHAN DU YANG MDO ZUR GNYIS DANG YANG BSTAN BCOS SBYAR BAR BYA STE, @32A *, ,BDAG GIS NI GZHUNG MANGS PA'I NYES PA SPANG BA'I PHYIR GANG DU YANG MTSON PAR MA BYAS SO, ,PHUNG PO LA SOGS PA'I BTAGS PA'I SKYE BA DANG 'GAG PA'I SGO NAS GANG YANG RUNG BA ZHIG RNAM PA THAMS CAD MKHYEN PA NYID DU NGES PAR 'BYUNG BA LA DMIGS PAR SBYOR BAS NGES PAR 'BYUNG BA DE'I RJES SU 'JUG PAS SGYU MA'I SKYES BU NYID DE LTAR BSLAB PAR BYA'O ZHES NGES PAR GZUNG BA SHES PAR BYA BA NYID YIN NO, ,DE BZHIN DU BCOM LDAN 'DAS PHUNG PO LNGA PO DE NYID SGYU MA'I SKYES BUR RIG PAR BGYI'O ZHES BYA BA DANG, GZUGS LA SOGS PA'I PHUNG PO RNAMS RMI LAM DANG, SGRA BRNYAN DANG, MIG YOR DANG, CHU ZLA DANG, SMIG RGYU DANG, SPRUL PA LTA BU ZHES BYA BA'I DPES DNGOS PO MED PA'I NGO BO NYID MI DMIGS PAS DPE DON DANG 'GAL BA CAN YIN TE, DE YANG BCOM LDAN 'DAS GZUGS NI SGYU MA LTA BU'O ZHES BYA BA NAS BRTZAMS TE, NANG STONG PA NYID LA SOGS PAS PHUNG PO LA SOGS PA DMIGS SU MED PAS DPE DON MI 'THAD PA'I PHYIR SEMS ZHUM PA MED PA NYID DANG, SKRAG PA MED PA LA SOGS PA DANG, MI ZHUM, MI 'GONG, 'GYOD PAR MI 'GYUR ZHES BYA BA'I TSIG GSUM DANG, MI 'JIGS, MI DNGANG, SKRAG PAR MI 'GYUR ZHES BYA BA'I TSIG GSUM GO RIMS BZHIN BSTAN PA YIN PAR SHES PAR BYA'O, ,DE LA GNAS MA YIN PA LA 'JIGS PA NI 'JIGS PA STE, LAM LOG PA DANG 'DRA'O, ,DE MED PAS MI ZHUM PA'O, ,RTAG TU SKRAG PA NI KUN TU DNGANG PA STE, 'JIGS PA SKYES PA LAS MA BZLOG PA'O, ,DE MED PAS NA MI 'GONG BA'O, ,KUN TU DNGANG BA'I NGES PAR GYUR PA NI SKRAG PA STE, DE MED PAS NA 'GYOD PAR MI 'GYUR BA'O, ,'DZIN PA'I RNAM PAR RTOG PA GNYIS PA'O, ,DE DANG DE NAS BRTZAMS TE 'DI DANG 'DIR SBYAR RO, ,'DI LTAR MED PAS NA MA RIG PA ZHES BRJOD DO ZHES BYA BAS MA RIG PA STE DANG PO'O, ,THABS LA MI MKHAS PAS SHES RAB KYI PHA ROL TU PHYIN PAR RTOG CING MNGON PAR ZHEN PA ZHES BYA BA NI GNYIS PA'O, ,LAM SHES PAS NGES PAR MI 'BYUNG ZHING RNAM PA THAMS CAD MKHYEN PA NYID RJES SU MI 'THOB CES BYA BAS NI GZUGS BRNYAN LTA BU'I PHUNG PO RANG BZHIN MED DO ZHES BYA BA'I @32B BAR GYIS NI BZHI PA'O, ,DE RNAMS NGES PAR 'BYED PA'I CHA DANG MTHUN PA RNAM PA BZHI DANG, MTSUNGS PAR LDAN PA YIN TE, MTHONG BA'I LAM GYIS SPANG BAR BYA BA'I RNAM PAR RTOG PA GZUNG BA DANG 'DZIN PAS PHYE BAS RIM PA BZHIN DU BSTAN TO, ,RNAM PAR BSHAD PA BYED PAS GZHUNG GI DON GTAN LA PHAB PA JI SKAD BSTAN PA DANG, RAB TU BYED PAS 'BREL PAR SBYAR RO, ,YANG BSGOM PA'I LAM GYIS SPANG BAR BYA BA'I RNAM PAR RTOG PA'ANG YOD DO, ,RJES THOGS LA BSGRUB PA DANG DGAG PAR NUS PA YIN TE, MTHONG BA'I LAM DU NYE BAR BKOD PA LAS GZHAN PA 'DI LTAR BSGOM PA'I LAM GYI YIN PAR NGES PAR GZUNG STE, GZHAN DU SA GNYIS PA LA SOGS PA DON MED PA THOB PAR 'GYUR BA'I PHYIR RO, ,MTSUNGS PAR LDAN PAS KHYAD PAR DU 'PHAGS PA BSTAN NA, JI SKAD DU THABS LA MKHAS PA DANG, DGE BA'I BSHES GNYEN GYIS YONGS SU BZUNG BAS KHYAD PAR DU 'PHAGS SO ZHES BSTAN PA DE LAS THABS LA MKHAS PA'I DBANG DU BYAS NAS GSUNGS PA NI SEMS ZHUM PA MED PA NYID DANG, MI SKRAG PA LA SOGS PA'I RGYU NAS BZUNG STE, THABS LA MKHAS PA'I YONGS SU BZUNG BA NAS BRTZAMS TE, GZUGS KYI PHUNG PO RNAMS RE RE NAS MI RTAG PA DANG, SDUG BSNGAL BA DANG, STONG PA NYID DANG, BDAG MED PA DANG, ZHI BA DANG, DBEN PA DANG, STONG PA NYID DANG, MTSAN MA MED PA DANG, SMON PA MED PA NYID KYIS RNAM PA THAMS CAD MKHYEN PA NYID DANG RAB TU LDAN PA'I SEMS KYIS SO SOR PHYE NAS MI DMIGS PAS, DE RNAMS NYID MI RTAG PA LA SOGS PAR CHOS STON PA NA DMIGS SU MED PAR SBYONG BA'I RNAM PA THAMS CAD MKHYEN PA NYID DANG LDAN PA YID LA BYED PA DANG RAB TU LDAN PA'I SBYIN PA'I PHA ROL TU PHYIN PA NYID DANG, MI RTAG PA LA SOGS PA DE RNAMS NYID YID LA BYED PA'I TSUL KHRIMS KYI PHA ROL TU PHYIN PA MCHOG TU 'DZIN PA MED PA NYID DANG, DE BZHIN DU SA LA SOGS PA'I KHAMS DRUG PO MI RTAG PA LA SOGS PAR BZOD PA DANG, SMON PA DANG, SO SOR RTOG PAR BYED PA'I BZOD PA'I PHA ROL TU PHYIN PA NYID DANG, 'DIR YANG BU GA NAM MKHA'I KHAMS ZHES BYA BA DES MI RTAG PAR BYA'O, ,PHUNG PO LA SOGS PA @33A *, ,LA MI RTAG PA LA SOGS PAR SO SOR RTOG CING MI DMIGS PA DANG LDAN PA'I RNAM PA THAMS CAD MKHYEN PA NYID DANG RAB TU LDAN PA'I YID LA BYED PA MI GTONG ZHING MI 'DOR BA'I BRTZON 'GRUS KYI PHA ROL TU PHYIN PA DANG, THEG PA DMAN PA'I SEMS DANG LDAN PA'I YID LA BYED PA'I SKABS MI 'BYED PA'I BSAM GTAN GYI PHA ROL TU PHYIN PA NYID DANG, PHUNG PO LA SOGS PA NAS SANGS RGYAS KYI CHOS MA 'DRES PA'I BAR GYIS STONG PA NYID DE STONG PA NYID DU RTOGS SHING DE RNAMS DANG STONG PA NYID KYANG GCIG LA GCIG DE'I NGO BOR RJES SU 'BREL BA'I SHES RAB KYI PHA ROL TU PHYIN PA NYID KYIS PHUNG PO LA SOGS PA NAS SANGS RGYAS KYI CHOS MA 'DRES PA NYID DANG MA BRAL BAS ZHES BYA BA YIN TE, 'DI'I MDO NI, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NA 'DI LTAR SO SOR RTOG STE, GZUGS MI STONG PA GZUGS NYID MA YIN, GZUGS NYID STONG PA NYID, STONG PA NYID KYANG GZUGS SO, ,TSOR BA MI STONG PA TSOR BA NYID MA YIN, TSOR BA NYID STONG PA NYID CES BYA BA LA SOGS PA GSUNGS PA YIN NO, ,THABS LA MKHAS PA'O, ,DGE BA'I BSHES GNYEN GYIS YONGS SU 'DZIN PA BSTAN PA NI, PHUNG PO LA SOGS PA RNAMS ZHES BYA BA NAS MA 'DRES PA RNAMS KYI BAR DU MI RTAG PA LA SOGS PAR BSTAN PA DANG, DGE BA'I RTZA BA DE RNAMS BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA NI DGE BA'I BSHES GNYEN YIN NO ZHES BSTAN TE, DGE BA'I BSHES GNYEN YIN NO ZHES YANG THABS LA MI MKHAS PA GANG ZHE NA, GANG JI SKAD DU BSTAN PA'I THABS LA MKHAS PA LAS BZLOG PA YIN PAR RTOGS PAR BYA BA STE, GANG ZHE NA, PHA ROL TU PHYIN PA ZHES BYA BA NAS MA 'DRES PA RNAMS DANG BRAL BAS RNAM PA THAMS CAD MKHYEN PA NYID DANG RAB TU LDAN PA'I YID LA BYED PAS SGOM ZHING DE DMIGS PA'I YID KYIS SKRAG PA LA SOGS PA THABS LA MI MKHAS PA YIN NO ZHES BSTAN PA YIN NO, ,MI DGE BA'I BSHES GNYEN GANG YIN ZHE NA, DE GANG JI SKAD BSHAD PA'I MOS PA BZLOG PA NI SDIG PA'I GROGS PO YIN NO ZHES RTOGS PAR BYA BA'I PHYIR RANG BZOR BYAS PA LA SOGS PAS SHES RAB KYI PHA ROL TU PHYIN PA STON PAR BYED CING, SANGS @33B RGYAS KYI CHA LUGS KYIS 'ONGS NAS SHES RAB KYI PHA ROL TU PHYIN PA BSGOMS PAS KHYOD LA CI ZHIG BYA ZHES BYA BA LA SOGS PA DANG, RANG GI LAS NYAN THOS KYI THEG PA DANG RAB TU LDAN PA'I MDO SDE LA SOGS PA STON CING, KHYED LA BYANG CHUB KYI SEMS KYIS CI ZHIG BYA ZHES BYA BA LA SOGS PA SLU BA'I TSIG STON PAR BYED PA DANG, MIG LA SOGS PA'I SKYE MCHED RNAMS NAS SANGS RGYAS KYI CHOS MA 'DRES PA'I BAR DAG BDAG GAM BDAG GIS STONG NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE KHYED LA CI ZHIG BYA ZHES 'DIR SLU BA'I CHOS STON PA'I SMRA BA PO NI BDUD YIN NO, ,DE BZHIN DU RANG SANGS RGYAS DANG, NYAN THOS DANG, MKHAN PO DANG, SLOB DPON DANG, TSANGS PAR SPYOD PA'I CHA LUGS KYIS SMRA BAR BYED PA'I BAR DU STE, 'DI DAG KYANG BDUD KYI LAS TE, BYANG CHUB SEMS DPA'I THEG PA MI STON PA NI SDIG PA'I GROGS POR RIG PAR BYA'O ZHES BYA BA NAS BYANG CHUB SEMS DPAS SPANG BAR BYA'O ZHES BSTAN TO, ,DE LTAR MI MTHUN PA DANG, GNYEN PO RNAM PAR GZHAG NAS THABS LA MKHAS PA DANG, DGE BA'I BSHES GNYEN GYI MTSAN NYID BSTAN PAS NI NGES PAR 'BYED PA'I CHA DANG MTHUN PA RNAMS YONGS SU 'DZIN PAS KHYAD PAR DU 'PHAGS PAR RIG PAR BYA'O, ,DE LTA BU'I DBANG DU BYAS NAS JI LTAR, DMIGS PA DANG NI RNAM PA DANG, ,RGYU DANG YONGS SU BZUNG BA YIS, ,ZHES BYA BA LA SOGS PA BSTAN PA'I TSIG LE'UR BYAS PA'I RKANG PA DON DANG LDAN PAR BSDUS NAS BSTAN PA'I NGES PAR 'BYED PA'I CHA ZHES BYA BA'I DON CI ZHIG YIN ZHE NA, NGES PAR 'BYED PA'I RNAM PAR MI RTOG PA RTOGS PAR BYED PA'I PHYIR RO, ,RNAM PA BZHI PO GZUNG BA DANG 'DZIN PA'I RNAM PAR RTOG PA GNYIS KYIS GNYEN PO NI MTHONG BA'I LAM YIN NO, ,DE'I PHYOGS GCIG THOB PAR BYED PA'I PHAN PA NYID KYIS NA NGES BAR 'BYED PA'I CHA DANG MTHUN NO, ,SHES RAB KYI PHA ROL TU PHYIN PA MNGON PAR RTOGS PA'I RGYAN GYI BSTAN BCOS LAS, NGES PAR 'BYED PA'I CHA DANG MTHUN PA'I RNAM PAR 'GREL PA'O,, ,,NGES PAR 'BYED PA'I CHA DANG MTHUN PAR BSHAD NAS BSGRUB PA'I RTEN BRJOD PAR BYA'O, , @34A *, ,RIGS ZHES BYA BA'I DON TO, ,BSGRUB CHOS DE NI GNAS SKABS KYI DBYE BAS RNAM PA BCU BZHIR 'GYUR RO, ,JI LTA ZHE NA, RTOG PA'I CHOS DRUG STE, DE CI ZHIG CE NA, ZHABS SU 'JUG PA'I RTEN PA LA RIGS ZHES MTHAR GSUNGS PA YIN NO, ,'DI LTA STE, NGES PAR 'BYED PA'I CHA BZHI DANG, MTHONG BA DANG, BSGOM PA'I LAM DAG GO, ,GANG GI PHYIR SEMS BSKYED PA NAS BRTZAMS TE, NGES PAR 'BYED PA'I CHA DANG MTHUN PA RNAMS DANG, MTHONG BA'I LAM DANG, BSGOM PA'I LAM DU GSUNGS PA'O, ,DE DANG DES BCOM LDAN 'DAS KYIS BYANG CHUB SEMS DPA' SEMS DPA' ZHES GSUNGS SO, ,BCOM LDAN 'DAS BYANG CHUB SEMS DPA' ZHES BYA BA'I TSIG GI DON GANG LAGS, RTOGS PA'I CHOS GANG YIN PA DE DANG, DE'I RTEN GANG YIN PA DE LAS ZHES BYA BA NAS BRTZAMS TE, BYANG CHUB TU SKYE BA DANG, YOD PA BKAG PAS BYANG CHUB SEMS DPA'I TSIG GI DON MED DO ZHES BYA BA BSTAN PA YIN TE, JI SKAD DU MDO LAS, RAB 'BYOR BYANG CHUB SEMS DPA'I TSIG GI DON NI MED PA STE, DE CI'I PHYIR ZHE NA, RAB 'BYOR BYANG CHUB NI SKYE BA'AM, YOD PA'AM, MED PA NYE BAR MI DMIGS SO ZHES GSUNGS PA YIN NO, ,NAM MKHA' LA BYA'I RJES MED CING MI DMIGS PA'I DPE DANG, 'DI LTAR RMI LAM GYI DNGOS PO DANG, SGYU MA DANG, SMIG RGYU DANG, SGRA BRNYAN DANG, MIG YOR DANG, GZUGS BRNYAN DANG, DRI ZA'I GRONG KHYER DANG, SPRUL PA LA GNAS MED CING DMIGS SU MED PA'I DPES NGES PAR 'BYED PA'I CHA DANG MTHUN PA'I DANG PO'I RTEN YIN NO, ,DPE YANG DON GYI KHYAD PAR LAS YIN TE, GANG NGES PAR 'BYED PA'I CHA DANG MTHUN PA DANG PO DANG MTSUNGS PAR LDAN PA RNAM PAR RTOG PA DANG PO DGU'I DBYE BA BSTAN PA YIN TE, DE'I DBYE BA DANG, SO SOR SBYAR BA YIN PA LAS, GZHUNG MANGS KYIS DOGS NAS KHO BOS RNAM PAR MA PHYE'O, , DE BZHIN DU NGES PAR 'BYED PA'I CHA DANG MTHUN PA LAS GZHAN DAG MTHONG BA DANG, BSGOM PA'I LAM DAG KYANG RANG RANG GI RNAM PAR RTOG PA DANG, DPE RNAMS DON GYI KHYAD PAR RE RE NAS SBYAR TE BRJOD PAR BYA'O, ,YANG DAG PA'I MTHA' DANG, DE BZHIN NYID DANG, MA NOR BA DE BZHIN NYID DANG, GZHAN @34B MA YIN PA DE BZHIN NYID DANG, CHOS NYID DANG, CHOS KYI DBYINGS DANG, CHOS GNAS PA NYID DANG, CHOS SKYON MED PA NYID DANG, BDEN PA NYID LA GNAS MED CING DMIGS SU MED PA NYID KYI DPES NI NGES PAR 'BYED PA'I CHA DANG MTHUN PA GNYIS PA'I RTEN YIN NO, ,SGYU MA'I SKYES BU'I GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA LA GNAS MED CING MI DMIGS PA'I DPES DE NYID KYI MIG LA SOGS PA'I TSIG GI DON DANG, DE NYID KYI GZUGS LA SOGS PA'I TSIG GI DON DANG, DE NYID KYI MING DANG GZUGS LA SOGS PA'I TSIG GI DON DANG; DE NYID KYI RNAM PAR SHES PA LA SOGS PA'I TSIG GI DON MED CING MI DMIGS PA DE NYID KYI DPES NGES PAR 'BYED PA'I CHA DANG MTHUN PA GSUM PA'I RTEN BSTAN TO, ,SGYU MA'I NANG STONG PA NYID LA SOGS PA NAS MA 'DRES PA RNAMS LA SPYOD PA NA TSIG GI DON MED CING MI DMIGS PA'I DPES NGES PAR 'BYED PA'I CHA DANG MTHUN PA BZHI PA'I RTEN BSTAN PA YIN NO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI GZUGS LA SOGS PA'I PHUNG PO RNAMS KYI TSIG GI DON MED CING MI DMIGS PA'I DPE DANG, DE NYID KYI MIG LA SOGS PA NAS YID KYI BAR GYI TSIG GI DON DANG; DE NYID KYI NANG STONG PA'I NYID LA SOGS PA STONG PA NYID RNAMS DANG, MA 'DRES PA RNAMS KYI TSIG GI DON MED CING MI DMIGS PA'I DPE DANG, 'DUS MA BYAS KYI KHAMS LA 'DUS BYAS KYI TSIG GI DON DANG, 'DUS BYAS KYI KHAMS LA 'DUS MA BYAS KYI KHAMS KYI TSIG GI DON MED CING MI DMIGS PA'I DPES MTHONG BA'I LAM GYI RTEN BSTAN TO, ,'DIR YANG DPE DU MA RNAMS ZLOS PA'I SKYON NI MED DE, MTHONG BA'I LAM GYI MI MTHUN PA'I PHYOGS RNAM PAR RTOG PA BZHI PO DE RNAMS GZUGS BRNYAN DANG MTSUNGS PAR BSTAN PA'I PHYIR RO, ,SKYE BA MED PA DANG, 'GAG PA MED PA DANG, MNGON PAR 'DU BYA BA MED PA DANG, 'BYUNG BA MED PA DANG, MI DMIGS PA DANG, KUN NAS NYON MONGS PA MED PA DANG, RNAM PAR BYANG BA MED CING MI DMIGS PA'I DPES BSTAN NAS, RAB 'BYOR DE CI'I PHYIR ZHE NA, GZUGS SKYE BA MED PA LA GNAS MED DO ZHES BYA BA NAS BRTZAMS TE, SANGS RGYAS KYI CHOS MA 'DRES @35A *, ,PA RNAMS SKYE BA MED PA LA GNAS MED DO, ,'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA DANG, MNGON PAR 'DU BYA BA MED PA DANG, 'BYUNG BA MED PA DANG, MI DMIGS PA LA GNAS MED DO ZHES BYA BA'I DPE DANG, YANG DE RNAMS NYID RNAM PAR DBEN PA NYID DANG, MTSAN MA MED PA'I GNAS DANG, YANG BYANG CHUB KYI PHYOGS KYI CHOS RNAMS BDAG DANG, SEMS CAN DANG, SROG LA SOGS PA SHIN TU RNAM PAR DAG PA LA MTSAN MA'I GNAS MED CING NYE BAR MI DMIGS PA'I DPES BSTAN TE, SKYE BA MED PA LA SOGS PA DANG, MTSAN MA'I GNAS MED PA DANG, SHIN TU RNAM PAR DAG PA'I RNAM PA STE, RNAM PA GSUM GYIS BSGOM PA'I LAM GYI RTEN BSTAN PA YIN NO, ,GNYEN PO DANG NI SPONG BA DAG ,DE JI LTA BU ZHE NA, RTEN NI RIGS YIN PAR GNAS SKABS KYIS SO, ,DE LTAR YANG NYI MA'I DKYIL 'KHOR GYI 'OD ZER LA MUN PA'I GNAS MED CING MI DMIGS PA'I DPES GNYEN PO BSKYED PA GSUNGS PA YIN NO, ,BSKAL PA'I ME 'BAR BA LA 'DU BYED KYI GNAS MED CING RJES SU MI DMIGS PA'I DPES MI MTHUN PA'I PHYOGS SPANGS NAS GNYEN PO BSKYED DE MI MTHUN PA'I PHYOGS SPANGS PA DANG, GNYEN PO DE DAG NYID DE DAG YONGS SU BTAGS PA STE RTEN YIN NO ZHES BYA BAR SBYAR RO, ,DE LA GNYEN PO DANG MI MTHUN PA'I PHYOGS KYIS RNAM PAR RTOG PA SPONG BA'I RTEN NI 'DI YIN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI TSUL KHRIMS DANG, TING NGE 'DZIN DANG, SHES RAB DANG; RNAM PAR GROL BA DANG, RNAM PAR GROL BA'I YE SHES GZIGS PA'I PHUNG PO RNAMS LA, DE DANG DE'I MI MTHUN PA'I PHYOGS MED CING NYE BAR MI DMIGS PA'I DPES SHES BYA'I SGRIB PA SPANGS PA'I DON BSTAN TO, ,SHES RAB SNYING BRTZER BCAS PA DANG, ,ZHES BYA BA DE CI ZHIG CE NA, RTEN NI RIGS YIN NO, ,DE LTAR YANG SHES RAB DANG, SNYING RJES GSAL ZHING MDZES PA RNAMS 'KHOR BA DANG MYA NGAN LAS 'DAS PA LA MI GNAS SO ZHES GSUNGS PA YIN NO, ,SLOB MA THUN MONG MIN NYID DANG STE, RTEN YIN NO ZHES BYA BA'I RJES SU 'JUG GO, ,DE LTAR YANG GZA' DANG, SKAR MA DANG, @35B NYAN THOS LA SOGS PA'O, ,NOR BU RIN PO CHE ZHES BYA BA NI THUN MONG MA YIN PA'I YE SHES KYIS 'JIG RTEN GYI KHAMS DPAG TU MED PAR YE SHES KYI SNANG BA NYID KYIS KHYAB PAR GSUNGS PA YIN NO, ,GZHAN GYI DON GYI GO RIMS DANG ZHES BYA BA RTEN YIN NO ZHES BYA BAR SBYAR RO, ,DE LTAR YANG LHA'I RIGS SU RNAM PAR GZHAG PA DANG 'DRA BAR 'JIG RTEN PA'I GONG NAS GONG DU LEGS PA'I KHYAD PAR DU 'GRO BA'I RGYU NYID YIN PAR BSTAN PA YIN NO, ,YE SHES RTZOL BAR MI MNGA' BAR, ,ZHES BYA BA JI LTA BUR RTOGS PAR BYA ZHE NA, 'JUG PA'I RTEN LA RIGS ZHES BYA BA YIN NO, ,DE LTAR YANG LHUN GYIS GRUB PAR SEMS CAN GYI DON LA 'JUG PA'I YE SHES NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA'O ZHES BSTAN PA YIN NO, ,'DI'I MDO NI RAB 'BYOR 'DI LTAR YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI TSIG GI DON MED CING MI DMIGS SO ZHES BYA BA LA SOGS PA YIN NO, ,DE LA DNGOS PO GNAS MED CING MI DMIGS PA ZHES BYA BA LA SOGS PA GSUNGS PA YIN NO, ,DNGOS PO RAB TU GNAS PA MED CING MI DMIGS ZHES BYA BA'I BAR GYIS YOD PA DANG MED PA MI DMIGS PA GSAL BAR BSTAN TO, ,DPE DE DANG DE RNAMS KYIS DON BSTAN PA YIN NO, ,THAMS CAD DU BYANG CHUB SEMS DPA'I TSIG GI DON MED CING MI DMIGS PA YIN TE, JI SKAD DU, RAB 'BYOR DE CI'I PHYIR, 'DI LTAR GANG BYANG CHUB GANG YIN PA DANG, BYANG CHUB SEMS DPA'I TSIG GI DON GANG YIN PA'I CHOS DE DAG THAMS CAD KYANG LDAN PA YANG MA YIN, MI LDAN PA YANG MA YIN TE, GZUGS MED PA, BSTAN DU MED PA, THOGS PA MED PA, 'DI LTAR MTSAN NYID MED CING MTSAN NYID GCIG PA'O ZHES GSUNGS PA YIN NO, ,NGES PAR 'BYED PA'I CHA BZHI NAS BRTZAMS TE BSGOM PA'I ZHES BYA BA'I BAR DANG, RKANG PA'I BKOD PA'I KHYAD PAR MA MTHONG BA MTHONG BA DANG, MTHONG BA MNGON DU PHYOGS PA'I GNAS SKABS RNAMS SU GO RIMS BZHIN DU SBYAR TE, DNGOS PO'I GNAS SKABS LA LDAN PA DANG, MI LDAN PA DAG LTA BAS MTHONG BA DANG, CIG SHOS DAG TU 'BREL PA'I SNGON MED PA SKYES PA DAG DANG, DE'I NGO BO GONG DU 'JUG PA MED @36A *, ,PA'I DNGOS PO DANG THA MI DAD PA'I DBANG DU BYAS PA YIN PA STE, 'DI LTA STE, DNGOS PO MED PA NYID YIN PA'I PHYIR RO ZHES BYA BA 'DIS NI CHOS KYI DBYINGS NYID 'PHAGS PA'I CHOS RNAMS KYI RGYU YIN PA'I PHYIR RIGS NI RTEN YIN PAR GSAL BAR BSTAN TO, ,RANG BZHIN GYIS GNAS PA 'DI YANG RIGS YIN GYI RKYEN LAS BYUNG BA NI MA YIN NO, ,'GA' ZHIG RANG BZHIN GYIS GNAS PA LA RIGS ZHES BYA BAR 'DOD NA 'KHOR BA THOG MA MED PA NAS GANG G'A'I KLUNG GI BYE MA SNYED KYI SANGS RGYAS YONGS SU MYA NGAN LAS 'DAS KYANG RANG BZHIN GYIS GNAS PA'I RIGS DANG LDAN PA'I SROG CHAGS RNAMS DA RUNG YANG MYA NGAN LAS MA 'DAS PA CI'I PHYIR ZHE NA, DE NYES DMIGS BZHI DANG LDAN PA YIN TE, GANG JI SKAD DU, NYON MONGS PA DANG BSHES GNYEN NGAN, ,BAR CHAD GZHAN GYI DBANG NYID DO, ,ZHES GSUNGS PA YIN NO, ,YANG 'DIR NI RGYUN MI 'CHAD PA KHO NAR RANG BZHIN GYIS GNAS PA'I RIGS SU 'DOD DO, ,GZHAN DAG NI SKYE MCHED DRUG GI KHYAD PAR NI RIGS YIN LA, DE YANG RKYEN TSOGS PA LAS BYUNG BA DANG, RANG BZHIN GYIS GNAS PA RNAM PA GNYIS SU 'DOD DO, ,RANG BZHIN GYIS GNAS PA'I RIGS LA RANG BZHIN ZHES BYA BAR BRJOD NA RGYU'I RNAM GRANGS YIN NO, ,DE DE LTAR NA TSOGS PA LAS BYUNG BA DANG ZHES BYA BA DANG DON LA KHYAD PAR CI ZHIG YOD, CHOS NYID KYI RNAM GANGS LA YANG NYES PA DES GOS PA MED DO, ,YANG NA DE RNAMS KYI RIGS NI BTAGS PA YIN LA, DE MTSAN NYID DANG LDAN PA YIN PA'I PHYIR DE DANG 'DI 'BREL PA MED DO, ,CHOS KYI DBYINGS RIGS YIN NA DE NI SPYIR KHYAB PA NYID YIN PA'I PHYIR THAMS CAD RIGS LA GNAS PAR 'GYUR BA MA YIN NAM ZHE NA, JI LTAR DMIGS PA NA 'PHAGS PA'I CHOS RNAMS KYI RGYUR GYUR PA DE LTAR RIGS ZHES BSHAD PA YIN NAM, 'DIR SHIN TU THAL CHES PAR CI'I PHYIR RTOG PAR BYED, DE LTAR YIN YANG, CHOS KYI DBYINGS LA DBYER MED PHYIR, , RIGS NI THA DAD RUNG MA YIN, ,ZHES BYA BAS 'DI NI NYAN THOS KYI RIGS SO, ,'DI NI RANG SANGS RGYAS KYI RIGS SO, ,'DI NI SANGS RGYAS KYI RIGS ZHES BYA BA DANG, JI SKAD DU, 'JAM DPAL CHOS KYI DBYINGS GCIG DANG, DE BZHIN NYID GCIG DANG, YANG DAG PA'I MTHA' GCIG YIN NA, @36B SNOD DAM, SNOD MA YIN PA JI LTAR BRTAG PAR BYA ZHE NA, DE NI BDEN MOD KYI, BRTEN PA'I CHOS KYI BYE BRAG GIS, ,NGO BO'I DBYE BA YONGS SU BRJOD, ,CES GSUNGS PA DANG, JI SKAD DU MDO DE LAS, BTZUN PA RAB 'BYOR 'DI LTA STE, RDZA MKHAN GCIG GIS 'JIM PA LAS SNOD THA DAD PA BYAS TE, DE DAG LAS KHA CIG SBRANG RTZI DANG, SHA KA RA'I SNOD DU GYUR, KHA CIG NI MAR KHU'I SNOD DU GYUR, KHA CIG NI DMAN PA MI GTZANG BA'I SNOD DU GYUR KYANG SNOD SA NYID DU KHYAD PAR DANG THA DAD PAR BYAS PA 'GA' YANG MED DO ZHES BYA BA LA SOGS PA GSUNGS PA YIN NO, ,YANG MDO GZHAN DAG LAS, GANG DU SUS KYANG 'DUS MA BYAS PA DE NI 'DUS MA BYAS LA, GANG 'DUS MA BYAS PA DE NI 'PHAGS PA'I RIGS YIN ZHING, RIGS DE NI NAM MKHA' DANG MNYAM PAR BYE BRAG MED PAR KUN TU KHYAB PA YIN TE, CHOS KYI DBYINGS RO GCIG PA NYID YIN PA'I PHYIR RO, ,RTAG CING CHOS KYI DE KHO NA NYID YIN PA LA SOGS PAS RIGS PA DE NI RTAG PA YIN NO, ,NGES PA'I TSIG TU NI YON TAN BSKYED PA'I DON GYIS NI RIGS TE, DE LAS YON TAN DANG DE SKYE ZHING 'BYUNG BA YIN NO ZHES BYA BA'I THA TSIG GO, ,DE LTAR BYAS NA 'PHAGS PA'I GANG ZAG THAMS CAD DU NI 'DUS MA BYAS PA LAS BYUNG BA YIN NO ZHES BSHAD DO, ,YANG GZHAN DAG NA RE GO ZHES BYA BA'I SGRA NI SA YIN LA SA NI GNAS YIN NO, ,DE LA GNAS DANG LHAN CIG SPYOD PA'I SROG CHAGS RNAMS LA GO'I SGRA NYE BAR 'DOGS SO, ,DE BAS NA GO ZHES BYA BA SEMS CAN DU BSDUS PA YIN LA, TRA NI DE RNAMS SKYOB PA YIN PAS RIGS LA GO TRA ZHES BYA'O, ,YANG NA PHYOGS LA GO ZHES BYA STE, PHYOGS RNAMS NA GNAS PA'I SROG CHAGS RNAMS LA GO ZHES BYA BAR NYE BAR 'DOGS SO, ,DE BAS NA GO SKYOB PAS NA GO TRA ZHES BYA'O, ,SEMS BSKYED PA DANG, THAR PA DANG, NGES PAR 'BYED PA'I CHA RNAMS KYI SNGON DU DE 'GRO BA YIN PAS DANG PO KHO NA RIGS BSHAD PAR BYA BA YIN PA DE NI DON GYI GO RIMS YIN LA, 'DI NI 'BRAS BUS RGYU BSHAD PA YIN PAS BSHAD PA'I GO RIMS YIN LA, DE YANG RIGS DANG, NGES PAR 'BYED PA'I CHA DANG MTHUN PA GZHAN DU GYUR PA DAG SNANG STE, DPER NA MTSAN NYID LAS, SLOB MA RIGS @37A *, ,LAS BZLOG GNYIS NI, ,SANGS RGYAS SU 'GYUR GZHAN GSUM YANG, ,ZHES BSHAD PA YIN NO, ,MNGON PAR RTOGS PA'I RGYAN SHES RAB KYI PHA ROL TU PHYIN PA MAN NGAG GI BSTAN BCOS LAS BSGRUB PA'I RTEN GYI RNAM PAR 'GREL PA'O,, ,,RTEN DU GYUR PA'I DMIGS PA BSHAD PAR BYA'O, ,YANG DMIGS PA RNAMS CHOS THAMS CAD DE ZHES BYA BA SMOS TE, DE DAG KYANG GANG ZHE NA, 'JIG RTEN DGE DANG MI DGE BA, ,'JIG RTEN RTOGS PA ZHES BYA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MA THUN MONG CHOS RNAMS DANG, ,GANG DAG STON PA'I STOBS LA SOGS, ,ZHES BYA BA LA, DE LA 'JIG RTEN PA'I DGE BA'I CHOS NI 'DI LTA STE, MAR 'DZIN PA DANG, DGE SBYONG ZHES BYA BA LA SOGS PA YIN NO, ,'JIG RTEN PA'I MI DGE BA'I CHOS NI SROG GCOD PA DANG, MA BYIN PAR LEN PA DANG ZHES BYA BA LA SOGS PA YIN NO, ,LUNG DU MA BSTAN PA NI DE LA LUS DANG, NGAG DANG, YID KYI LAS DANG, 'BYUNG BA CHEN PO DANG, DBANG PO LNGA DANG, SKYE MCHED DRUG DANG, GZUGS MED PA RNAMS DANG, PHUNG PO DANG, KHAMS DANG, SKYE MCHED DANG ZHES BYA BA RNAMS YIN TE, DGE BA DANG MI DGE BA'I RAB TU DBYE BAS GANG ZHIG LUNG DU MA BSTAN PA'I CHOS GSUM PA'I DBYE BA SRID PA GDON MI ZA BAR BSDUS PAS TSIG LE'UR BYAS PA 'DIR MA SMOS SO, ,DE LA 'JIG RTEN PA'I RTOGS PA'I CHOS NI PHUNG PO DANG, DRAN PA NYE BAR GZHAG PA BZHI LA SOGS PA'O, ,ZAG PA DANG BCAS PA NI PHUNG PO LNGA NAS GZUGS MED PA'I SNYOMS PAR 'JUG PA'I BAR DU'O, ,ZAG PA MED PA NI DRAN PA NYE BAR GZHAG PA BZHI NAS STOBS DANG MI 'JIGS PA DANG, SANGS RGYAS KYI CHOS MA 'DRES PA RNAMS KYI BAR DU'O, ,'DUS BYAS NI 'DOD KHAMS LA SOGS PA DANG 'BREL PA'I BYANG CHUB KYI PHYOGS LA SOGS PA YIN NO, ,'DUS MA BYAS NI SKYE BA MED PA DANG, 'GAG PA MED PAR SHES PA DANG, GZHAN MA YIN PAR SHES PA 'DI LTA STE, 'DOD CHAGS ZAD PA LA SOGS PA DANG, DE BZHIN NYID DANG, PHYIN CI MA LOG PA NYID DANG ZHES BYA BA LA SOGS @37B PA'O, ,THUN MONG GI CHOS NI BSAM GTAN DANG, TSAD MED PA DANG, GZUGS MED PA'I SNYOMS PAR 'JUG PA BZHI'O, ,THUN MONG MA YIN PA'I CHOS NI BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA DANG, RNAM PAR GROL BA DANG, SANGS RGYAS KYI CHOS MA 'DRES PA RNAMS YIN NO, ,'JIG RTEN PA'I DGE BA'I CHOS ZHES BSTAN PA ZHES BYA BA LA SOGS PA DE DAG GIS CHOS THAMS CAD BSTAN TO, ,YANG 'GA' ZHIG GIS CHOS KYI DBYINGS NYID DMIGS PA YIN NO SNYAM DU SEMS NA, DMIGS SU MED PA DES GONG NAS GONG DU RNAM PAR DAG PA'I KHYAD PAR DU 'GRO BA CI LTA BU YIN ZHE NA, BRJOD PAR BYA STE, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES BYA BA YIN ZHE NA, DE LTAR NA MI MTHUN PA DANG, GNYEN PO'I PHYOGS KYI RNAM PAR RTOG PA SPONG BA MED PAS DAG PA PHYOGS GCIG PAR THAL BAR 'GYUR RO, ,GAL TE KHYED KYI PHYOGS LTAR NA YANG RAB 'BYOR RNAM PA THAMS CAD MKHYEN PA NYID KYI DMIGS PA NI DMIGS PA MED PA'O ZHES BYA BA'I DMIGS PA RNAM PAR DAG PA'I MTHAR THUG THOB PAR MI 'GYUR RO, ,DE CI'I PHYIR ZHE NA, CHOS RNAMS 'KHRUL PA TZAM NYID YIN PA'I PHYIR RO; ,'OG NAS KYANG RAB 'BYOR GNYIS NI DNGOS PO'O, ,GNYIS PA NI DNGOS PO MED PA'O ZHES BSHAD PAS DNGOS PO YANG GZHAN CI ZHIG TU 'GYUR TE, GNYIS MED PA LAS GZHAN PA NI 'KHRUL PA ZHES BYA'O ZHE NA, MNGON PAR ZHEN PA NI GNYIS KYI MTSAN NYID YIN GYI 'KHRUL PA NI MA YIN TE, DE NI GZUNG BA DANG 'DZIN PA'I TSUL DU BRJOD DU RUNG BA MA YIN PA NYID YIN NA 'DI LA KHYED 'KHRUL PAR ZAD DO, ,DE LTAR BYAS NA RANG BZHIN GTZO BO NI RIG YIN LA, 'GYUR BA GTZO BOR GYUR PA NI DMIGS PA YIN ZHING DE DAG GNYIS KA YANG GNYIS KA YIN PA LA 'GAL BA MED DO ZHES BYA BA NI RTEN DANG DMIGS PA'I MTSAN NYID KYI DBYE BA YIN PAS DMIGS PA DAG LA RTOGS PA YANG 'THAD PAR 'GYUR BA YIN NO, ,DE NYID KYI PHYIR RAB 'BYOR BYANG CHUB SEMS DPA' SEMS DPA' CHEN PO CHOS THAMS CAD LA MA CHAGS PA NYID DANG, YANG DAG PA MA YIN PAS 'BYUNG BA NYID DU BSLAB PAR BYA'O ZHES GSUNGS PA'I DON GANG YIN ZHE NA, @38A *, ,RANG BZHIN DANG RJES SU 'BREL PA'I 'GYUR BA NI DMIGS PA YIN GYI GZHAN DU 'GYUR BA TZAM NI MA YIN NO, ,GNYIS SU MED PA'I SBYOR BAS KYANG CHOS THAMS CAD KHONG DU CHUD PAR BYED DE, RTOG PA MED PA DANG, BRTAG TU MED PA NYID YIN PA'I PHYIR RO, ,DE LA DMIGS PA RNAM PAR GZHAG PA NI GZUNG BA DANG 'DZIN PA RNAM PA GNYIS SO, ,BRJOD PAR BYA BA MANG DU YOD MOD KYI SHIN TU SPROS PAS CHOG GO, ,MNGON PAR RTOGS PA'I RGYAN SHES RAB KYI PHA ROL TU PHYIN PA MAN NGAG GI BSTAN BCOS LAS BSGRUB PA'I DMIGS PA BSTAN PA'I RNAM PAR 'GREL PA'O,, ,,BSGRUB PA'I DMIGS PA BSTAN NAS CHED DU BYA BA BRJOD PAR BYA BA YIN PAS, SEMS CAN KUN MCHOG NYID SEMS DANG, ,SPONG DANG RTOGS DANG GSUM PO LA, ,CHEN PO GSUM GYI RANG 'BYUNG GI ,CHED DU BYA BA 'DI SHES BYA, ,ZHES BYA BA DE LA BSGRUB PA'I CHED DU BYA BAR GYUR PA NI RNAM PA GSUM STE, 'DI LTA STE, SEMS BSKYED PA CHEN PO NYID DANG, SPONG BA CHEN PO NYID DANG, RTOGS PA CHEN PO NYID DO, ,'DI LTAR SEMS BSKYED PA CHEN PO NYID KYI DBANG DU MDZAD NAS BYANG CHUB SEMS DPA' SEMS DPA' CHEN PO ZHES BYA BA'I SGRA 'JUG PA'I RGYU MTSAN NAS BRTZAMS TE, SEMS CAN GYI PHUNG PO CHEN PO NYID DANG, SEMS CAN GYI TSOGS CHEN PO BRGYAD LA SOGS PAS NGES PAR 'BYUNG BA NAS PHYIR MI 'ONG BA'I BAR DU MCHOG TU 'GYUR BA'I RGYU YIN PA'I PHYIR DE LA SEMS CAN GYI PHUNG PO ZHES BYA BA NI SEMS CAN GYI TSOGS RNAMS SO, ,CHEN PO ZHES BYA BA NI DPAG TU MED PA'O, ,SEMS CAN GYI TSOGS ZHES BYA BA NI SEMS CAN DU MA YIN LA, GCIG CIG KYANG 'KHOR BA THOG MA MED PAR 'JUG PAS NA CHEN PO NYID YIN PAS CHEN PO ZHES BYA BAR 'GYUR RO, ,PHUNG PO ZHES SMOS PAS NI SEMS CAN GYI TSOGS RGYUN TU ZHUGS PA DANG, LAM GYI 'BRAS BU LA GNAS PA'I SDE CAN GYI DBYE BAS KYANG NGO, ,DE RNAMS KYANG CHOS DU ZHIG SEMS CAN THAMS CAD KYI MCHOG NYID DU BYED PAR 'GYUR BAR BSTAN PA NI DPAG TU MED PA'I 'KHOR BA YONGS SU 'DZIN PA ZHES SMOS PA STE, JI SKAD DU MDO LAS, RAB 'BYOR 'DI LA BYANG CHUB SEMS DPA' 'DI LTAR SEMS BSKYED PAR BYA STE, DPAG TU MED PA'I 'KHOR BAR BDAG GIS GO CHA @38B BGO'I ZHES BYA BA LA SOGS PA DANG, BDAG GIS THAMS CAD LA YONGS SU GTANG BAR BYA'O, ,SEMS CAN THAMS CAD LA SEMS MNYAM PA NYID KYIS DE RNAMS KYANG THEG PA GSUM GYIS YONGS SU MYA NGAN LAS 'DA' BAR BYAS KYANG SEMS CAN 'GA' YANG MYA NGAN LAS 'DAS PA MED DO, ,DE CI'I PHYIR ZHE NA, CHOS THAMS CAD SKYE BA DANG 'GAG PA MED PAR RTOGS PAR BYA ZHING MA 'DRES PA RNAM PA THAMS CAD MKHYEN PA NYID SEMS KYIS PHA ROL TU PHYIN PA DRUG LA SPYAD PAR BYA'O, ,THAMS CAD DU KHYAB PA'I YE SHES RTOGS PA YONGS SU RDZOGS PAR BSLAB PAR BYA'O ZHES GSUNGS SO, ,PHUNG PO LA SOGS PA RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS LA SOGS PA RNAMS DANG, SANGS RGYAS KYI CHOS MA 'DRES PA'I BAR DANG, CHOS KYI TSUL GCIG TU BSGRUB PAR RTOGS PA NYID LA BSLAB PAR BYA ZHING, SEMS CAN NGAN 'GROR SKYES PA THAMS CAD LA SEMS CAN RE RE'I DON GYI PHYIR YANG DE RNAMS YONGS SU MYA NGAN LAS MA 'DAS KYI BAR DU RANG NYID KYIS SDUG BSNGAL DE DAG NYAMS SU MYONG BAR BYA'O ZHES KHAS BLANGS PA'I RJES LA RANG GI TSOGS YONGS SU RDZOGS PAR BYA STE, BLA NA MED PA YANG DAG PAR RDZOGS PA'I BYANG CHUB 'DOD PA NYID KYIS SEMS DANG PO BSKYED PHYIN CHAD 'DOD CHAGS LA SOGS PA DANG, NYAN THOS LA SOGS PA'I SEMS MI BSKYED PA NYID KYIS RNAM PA THAMS CAD MKHYEN PA NYID DANG LDAN PA'I YID LA BYED PA NYID KYI PHYIR SEMS GZHAN MI BSKYED PAS SEMS CAN THAMS CAD SKYOB CING YONGS SU MI GTONG BA DAG DANG, DES RLOM SEMS SU 'GYUR BA MED PA DANG, PHAN PA DANG BDE BA'I SEMS KYIS BYA'O, ,GANG SEMS DBYER MED PA STE, DE LA 'DOD CING MNGON PAR DGA' BA GANG YIN PA 'DI NI CHOS LA DGA' BA'O, ,DE'I BSGOM PA'I MING DU BYED PA GANG YIN PA 'DI NI CHOS LA DGA' BA ZHES BYA BA STE CHOS LA DGA' BA NYID DANG, CHOS LA DGA' BA'I RNAL 'BYOR DANG LDAN PAS NANG STONG PA NYID NAS DNGOS PO MED PA'I NGO BO NYID KYI BAR DANG, BYANG CHUB KYI PHYOGS KYI CHOS RNAMS NAS SANGS RGYAS KYI CHOS MA 'DRES PA BCO BRGYAD KYI BAR DU GNAS TE, RDO RJE LTA BU'I TING NGE 'DZIN NAS NAM MKHA' LTAR CHAGS PA MED PAS RNAM PAR GROL ZHING GOS PA MED PA'I TING NGE 'DZIN GYI BAR LA GNAS NAS THAMS @39A *, ,CAD DU YANG MI DMIGS PA'I SBYOR BA MCHOG GIS 'BYED PA YIN TE, SEMS BSKYED PA'I CHE BA'I BDAG NYID BSTAN NAS SPONG BA CHE BA'I BDAG NYID KYI DBANG DU BYAS TE, YANG GNAS BRTAN SH'A RI'I BUS SPOBS PA SKYES SO ZHES BYA BA NAS BRTZAMS TE, BDAG DANG, SEMS CAN DANG; SKYES BU LA SOGS PAR LTA BA DANG, CHAD PAR LTA BA DANG, RTAG PAR LTA BA DANG, YOD PA DANG, MED PAR LTA BA DANG, PHUNG PO LA SOGS PA RNAMS SU LTA BA ZHES BYA BA NAS SANGS RGYAS KYI CHOS MA 'DRES PA RNAMS SU LTA BA ZHES BYA BA'I BAR DANG, SEMS CAN YONGS SU SMIN PA DANG, SANGS RGYAS KYI ZHING YONGS SU SBYONG BA DANG, BYANG CHUB KHONG DU CHUD PA DANG, CHOS KYI 'KHOR LO BSKOR BAR LTA BA SPANG BAR BYA BA'I PHYIR MI DMIGS PA'I TSUL GYIS CHOS STON PA NYID DE BSTAN PA YIN NO, ,THABS LA MKHAS PA MI DMIGS PAS DMIGS PA LA SBYOR BA NI, JI SKAD DU, LTA BA'I TSOGS MI SKYE BA'I RGYU YIN PAR BSTAN PA NYID KYIS BSHAD MA THAG PA'I MI DMIGS PA'I THABS LA MKHAS PAS KHYAD PAR DU BYAS PA'I DON YIN NO ZHES BSTAN TO, ,SPANGS PA CHE BA'I BDAG NYID BSTAN NAS RTOGS PA CHE BA'I BDAG NYID KYI DBANG DU BYAS TE, YANG GNAS BRTAN RAB 'BYOR GYIS SPOBS PA SKYES SO ZHES BYA BA NAS BRTZAMS TE, BYANG CHUB KYI SEMS MI MNYAM PA DANG MNYAM PA THUN MONG MA YIN PA'I SEMS CHAGS PA MED PA NYID DE, DE CI'I PHYIR ZHE NA, SEMS DE NI SEMS MED PAS ZAG PA MED PA KHONGS SU MA GTOGS PA, SKYE BA LA SOGS PA LAS RNAM PAR GROL BA, MI MNYAM PA DANG MNYAM PA, THUN MONG MA YIN PA'I MTSAN NYID DU BSTAN PA YIN TE, JI SKAD DU MDO LAS, TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, CHOS GANG LA YANG SKYE BA'AM 'GAG PA YANG DAG PAR RJES SU MI MTHONG NGO ZHES BYA BA LA SOGS PA NA 'DI LTAR BYANG CHUB SEMS DPA'I MI MNYAM PA DANG MNYAM PA'I SEMS, NYAN THOS DANG RANG SANGS RGYAS THAMS CAD DANG THUN MONG MA YIN PA'I SEMS ZHES BYA BA LA SOGS PA GSUNGS PA YIN NO, ,DE LA SEMS DANG PO BSKYED PA NAS NYE BAR BZUNG STE, BRDAR BTAGS PA'I CHOS GANG YANG SKYE BA'AM 'GAG PAR @39B YANG DAG PAR RJES SU MI MTHONG ZHES BYA BA NI DROD KYI DUS SU STE, SNGON DANG PHYI MA'I GNAS SKABS DAG TU SKYE BA DANG 'GAG PA DAG MI DMIGS PA'I TSUL GYIS SO, ,'PHEL BA MED PA DANG, 'GRIB PA MED PA ZHES BYA BA NI RTZE MO'I DUS TE, SNGON DANG PHYI MA'I GNAS SKABS DAG ZAD PA DANG, KHYAD PAR DU 'GRO BA MI DMIGS PA'I TSUL GYIS SO, ,'ONG BA MED CING 'GRO BA MED PA ZHES BYA BA NI BZOD PA'I DUS TE, RTOGS PA'I CHOS KYI NYE BA DANG RING BA DANG MI DMIGS PA'I TSUL GYIS SO, ,KUN NAS NYON MONGS PA MA YIN, RNAM PAR BYANG BA MA YIN ZHES BYA BA NI 'JIG RTEN PA'I CHOS KYI MCHOG GI DUS TE, MI MTHUN PA DANG, GNYEN PO'I PHYOGS MA LUS PA LA DMIGS PA'I TSUL GYIS SO, ,GANG DU KUN NAS NYON MONGS PA DANG, RNAM PAR BYANG BA YANG DAG PAR RJES SU MI MTHONG BA NI MTHONG BA'I LAM YIN NO, ,LUGS LAS BZLOG PA'I GO RIMS KYIS NI MTHONG BA'I LAM GSAL BAR STON PA YIN TE, CI MTHONG BA MNGON DU BYED PA'I PHYIR RO, ,DE LA NYAN THOS KYI SEMS MED DO, ,RANG SANGS RGYAS KYI SEMS MED DO ZHES BYA BA NI SEMS BSKYED PA MI MNYAM PA DANG MNYAM PA GSAL BAR STON TO, ,SMRAS PA, TSE DANG LDAN PA RAB 'BYOR GZUGS LA YANG DAG PAR CHAGS PA MED DO ZHES BYA BA NAS BRTZAMS TE, RANG BZHIN GYIS STONG PA NYID NYE BAR BZUNG NAS CHOS THAMS CAD LA CHAGS PA MED PA NYID DU KHAS BLANGS PAS NI RTOGS PA'I YUL SHES PAR BYA BA'I CHED YIN NO, ,TSE DANG LDAN PA RAB 'BYOR GZUGS MED PA YANG GZUGS LA CHAGS PA MED DO ZHES BYA BA NAS BRTZAMS TE, SANGS RGYAS KYI CHOS MA 'DRES PA RNAMS KYI BAR DU MED PA YANG SANGS RGYAS KYI CHOS MA 'DRES PA RNAMS LA CHAGS PA MED PA NYID KHAS BLANGS PA DANG, SEMS DE LA MNGON PAR ZHEN PA'I RLOM SEMS SU 'GYUR BA BKAG PAS NI MI DMIGS PA'I RNAL 'BYOR GYIS RTOGS PA LA CHAGS PA BKAG PA'I PHYIR RO, , RTOGS PA CHEN PO NYID YIN PA DE BAS SPANGS PA DANG, RTOGS PA CHEN PO KHYAD PAR DU 'PHAGS PA'I PHYIR SEMS CAN GYI TSOGS CHEN PO NYID DE, SEMS CAN GYI SDE CHEN PO'I MCHOG TU GYUR PAR BYED PA'I MTSAN NYID NI MA RGYAL BA LAS RGYAL BAR BYA BA'I CHED DANG, MTHUN PAR BSGRUB PA'I CHED DU BYA @40A *, ,BA BSTAN PAS BYANG CHUB SEMS DPA' KHYAD PAR DU 'PHAGS PAR SHES PAR BYA'O, ,DMIGS PA DANG, CHED DU BYA BA'I KHYAD PAR CI YOD CE NA, DMIGS PA NI DE'I TSE 'PHRAL DU BYUNG BA YIN LA SEMS CAN GYI CHED DU BYA BA PHYIS 'BYUNG BA YIN TE, STONG PA BSGRUB PA'I CHOS NI DMIGS PA'O, ,PHYIS YUN RING BA NI CHED DU BYA BA STE, DMIGS PA DANG, CHED DU BYA BA DAG NI MDA' LTONG SBYAR BA DANG, 'BEN LA SOGS PA DANG CHOS DANG MTHUN PA YIN NO, ,MNGON PAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS CHED DU BYA BA'I RNAM PAR 'GREL PA'O,, ,,BSGRUB PA'I RTEN SA DANG, DMIGS PA DANG, CHED DU BYA BA BSTAN NAS, DA NI BSGRUB PA BRJOD PAR BYA'O, ,DE LA DKAR PO'I RTEN CAN GYI BYA BA NI BSGRUB PA YIN TE, RNAM PA THAMS CAD MKHYEN PA NYID LA SOGS PA MNGON PAR RTOGS PA BDUN GYI DBYE BA MNGON PAR RTOGS PA RE RE ZHING 'DOR BA DANG, 'GRO BA DANG, RTOGS PA NI BSGRUB PA YIN NO ZHES BYA BA'I DON TO, ,DE YANG DBYE BA RNAM PA BZHI STE, GO CHA'I BSGRUB PA DANG, 'JUG PA'I BSGRUB PA DANG, TSOGS KYI BSGRUB PA DANG, NGES PAR 'BYUNG BA'I BSGRUB PA'O, ,RNAM PA DRUG NYID KYI DBANG DU BYAS NAS; SBYIN LA SOGS PA RNAM DRUG LA, DE DAG SO SOR BSDUS PA YIS, ,GO CHA'I BSGRUB PA GANG YIN TE, ,DRUG TSAN DRUG GIS JI BZHIN BSHAD, ,CES BSTAN PA YIN TE, JI LTAR NA DRUG LA DRUG YOD CE NA, YANG GNAS BRTAN GANG PO SPOBS PA SKYES PAS GO CHA CHEN PO BGOS TE, SEMS CAN THAMS CAD CES BYA BA NAS BRTZAMS TE, 'DI SNYED DO ZHES YONGS SU CHAD PA MED PA'I SEMS CAN GYI KHAMS KYI DON DU SBYIN PA LA SOGS PA'I PHA ROL TU PHYIN PA RNAMS LEGS PAR SPYOD PA'I GO CHA NYID KYIS DE DAG NYID YONGS SU MYA NGAN LAS 'DAS PA THOB PA DANG, DE DAG NYID YANG DAG PAR RDZOGS PA'I BYANG CHUB LA RAB TU 'JOG CING BDAG DANG GZHAN PHA ROL TU PHYIN PA RNAMS ZHES BYA BA NAS MA 'DRES PA RNAMS LA RAB TU 'JOG GO ZHES BYA BA'I BAR GYIS NI BSGRUB PA'I RTEN CHEN PO NYID KYIS KHYAD PAR DU 'PHAGS PA YIN NO, ,BYANG CHUB SEMS DPA' SEMS DPA' CHEN PO ZHES BYA BA'I SGRA 'JUG PA'I @40B RGYU MTSAN GSAL BAR BSTAN PA YIN NO, ,SHES RAB KYI PHA ROL TU PHYIN PA LA SPYOD CING RNAM PA THAMS CAD MKHYEN PA NYID DANG LDAN PA'I YID LA BYED PAS SBYIN PA GTONG ZHING SBYIN PA'I PHA ROL TU PHYIN PA'I GO CHA BGOS PA NYID DANG, DE NYID NYAN THOS LA SOGS PA'I YID LA BYED PA DANG BRAL BAS TSUL KHRIMS KYI PHA ROL TU PHYIN PA LA SPYOD PA'I GO CHA BGOS PA NYID DANG, CHOS DE DAG LA BZOD PA DANG, MOS PA DANG NYE BAR RTOGS PAS, BZOD PA'I PHA ROL TU PHYIN PA'I GO CHA BGOS PA NYID DANG, DE NYID KYI DGE BA'I RTZA BA DE BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I BRTZON 'GRUS KYIS BRTZON 'GRUS KYI PHA ROL TU PHYIN PA'I GO CHA BGOS PA NYID DANG, DE NYID KYI THEG PA GZHAN DANG MA 'DRES PA'I SEMS RTZE GCIG PA NYID KYIS DGE BA'I RTZA BA BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAS BSAM GTAN GYI PHA ROL TU PHYIN PA'I GO CHA BGOS PA NYID DANG, DE NYID KYI SGYU MANG BYAS PA'I 'DU SHES LA NYE BAR GNAS TE SBYIN PA DANG, GTONG PA PO DANG LEN PA PO MI DMIGS PA'I SHES RAB KYI PHA ROL TU PHYIN PA'I GO CHA BGOS PA YIN NO, ,DE DAG NI GO CHA'I BSGRUB PA DANG PO YIN PA LAS SBYIN PA'I PHA ROL TU PHYIN PA'I GO CHA LA DRUG ,DE BZHIN DU DE NYID KYI TSUL KHRIMS KYI PHA ROL TU PHYIN PA LA SPYOD PA NI GNYIS PA'O, ,BZOD PA'I PHA ROL TU PHYIN PA LA SPYOD PA NI GSUM PA'O, ,BRTZON 'GRUS KYI PHA ROL TU PHYIN PA LA SPYOD PA NI BZHI PA'O, ,BSAM GTAN GYI PHA ROL TU PHYIN PA LA SPYOD PA NI LNGA PA'O, ,DE NYID KYI SHES RAB KYI PHA ROL TU PHYIN PA LA SPYOD PA NI DRUG PA'O, ,DE LTAR DRUG PO DE DAG DRUG DRUG TU 'GYUR MOD KYI GO CHA RNAMS SBYIN PA LA SOGS PA CHOS DRUG DANG CHOS MTHUN PAS GO CHA'I BSGRUB PA DRUG TU BSHAD PA YIN NO, ,RNAM PA THAMS CAD MKHYEN PA NYID DANG LDAN PA'I SEMS KYIS PHA ROL TU PHYIN PA RNAMS LA MTSAN MA MED PA DANG, DMIGS SU MED PA'I GO CHA CHEN PO BGOS PA NYID KYIS GO CHA'I BSGRUB PA RANG GI NGO BO CHEN PO SHES PAR BYA BA'I CHED DU DE BSAM GTAN LA SOGS PA LA YANG SNYOMS PAR 'JUG PAR BYED CING DE RNAMS KYI RO MYONG BAR BYED PA YANG MA YIN LA, DE LA CHAGS PAR BYED PA YANG MA YIN, DE RNAMS KYI DBANG GIS SKYE BA LEN PAR BYED PA'ANG MA YIN, @41A *, ,BSAM GTAN LA SOGS PA LA STONG PA NYID DANG, MTSAN MA MED PA DANG, SMON PA MED PA LA LTA BAS GNAS KYANG YANG DAG PA'I MTHA' SNGON DU BYED PA NI MA YIN TE, THABS LA MKHAS PA DANG BCAS PA'I SHES RAB KYI PHA ROL TU PHYIN PA'I GO CHA BGOS PA'I PHYIR RO, ,GO CHA'I BSGRUB PA THABS LA MKHAS PAS YONGS SU BZUNG BA'I CHE BA NYID SHES PAR BYA BA'I CHED YIN NO, ,PHYOGS BCU'I 'JIG RTEN GYI KHAMS KYI SANGS RGYAS BSNGAGS PA LA SOGS PA GSUNGS PA NI GO CHA'I BSGRUB PA LA DGE BA'I BSHES GNYEN GYIS YONGS SU BZUNG BA'I CHE BA NYID SHES PAR BYA BA'I CHED DU YIN NO, ,MNGON PAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS GO CHA'I BSGRUB PA'I RNAM PAR 'GREL PA'O,, ,,GO CHA'I BSGRUB PA BSTAN NAS 'JUG PA'I BSGRUB PA BRJOD PAR BYA'O, ,DE NI RNAM PA GNYIS TE, 'DI LTA STE, THEG PA CHEN PO LA ZHUGS PA DANG, DE LA ZHON PA'O, ,DE LTAR BYAS NA MDO NI TSE DANG LDAN PA GANG PO BZANG PO JI TZAM GYIS NA BYANG CHUB SEMS DPA' THEG PA CHEN PO LA ZHUGS PA DANG, THEG PA CHEN PO ZHON PAR GYUR PA ZHES BYA ZHE NA ZHES GSUNGS PA YIN NO, ,DE YANG THEG PA CHEN PO LA 'JUG PAS THOG PA LA ZHON PA YIN LA, ZHON PA LA YANG THEG PA LA 'JUG PA ZHES BYA STE, DON GCIG PA NYID KYIS MING GCIG TU RNAM PAR GZHAG KYANG DBYE BA RNAM PA DGUR 'GYUR TE, BSAM GTAN GZUGS MED SBYIN SOGS DANG, ,LAM DANG BYAMS PA LA SOGS DANG, ,DMIGS PA MED DANG LDAN RNAMS DANG, , 'KHOR GSUM RNAM PAR DAG RNAMS DANG, ,CHED DU BYA DANG MNGON SHES RNAMS, ,RNAM KUN MKHYEN PA'I TSUL LA NI, ,'JUG PA'I BSGRUB PA THEG CHEN LA, ,ZHON PA YIN PAR SHES PAR BYA, ,ZHES BSTAN PA YIN NO, ,DE LA DE'I DBYE BA DGU NI 'DI LTA STE, BSAM GTAN DANG, GZUGS MED PA'I SNYOMS PAR 'JUG PA LAS LDAN PA'I 'JUG PA DANG, PHA ROL TU PHYIN PA DRUG GI 'JUG PA DANG, TSAD MED PA'I 'JUG PA DANG, MI DMIGS PA DANG LDAN PA'I 'JUG PA DANG, 'KHOR GSUM RNAM PAR DAG PA'I 'JUG PA DANG, CHED DU BYA BA'I 'JUG PA DANG, MNGON PAR SHES PA'I 'JUG @41B PA DANG, RNAM PA THAMS CAD MKHYEN PA NYID KYI 'JUG PA'O, ,DE LA BSAM GTAN DANG, GZUGS MED PA'I SNYOMS PAR 'JUG PA LAS LDANG BA'I BSGRUB PA NI GANG SBYIN PA'I PHA ROL TU PHYIN PA ZHES BYA BA NAS SHES RAB KYI PHA ROL TU PHYIN PA LA SPYOD PA NA NAM MKHA'I RNAM PA DANG, RTAGS DANG, MTSAN MAS BSAM GTAN DANG, GZUGS MED PA'I SNYOMS PAR 'JUG PA LA 'JUG CING LDANG BAR GYUR PA NA DGE BA'I RTZA BDE BLA NA MED PA YANG DAG PAR RDZOGS PA'I BYANG CHUB TU BSNGO BA NI THEG PA CHEN PO YIN NO ZHES BSTAN TO, ,DE LA NAM MKHA'I RNAM PA DANG, RTAGS DANG, MTSAN MA ZHES BYA BA'I BAR DANG, DE LA RNAM PAS DBEN PA NI 'DOD PAS DBEN, SDIG PA MI DGE BA'I CHOS ZHES BYA BA NAS RTAGS NI RTOG PA DANG BCAS, DPYOD PA DANG BCAS ZHES BYA BA LA SOGS PA DANG, MTSAN MA NI DBEN PA LAS SKYES PA'I DGA' BA DANG ZHES BYA BA LA SOGS PAS BSTAN PA YIN NO, ,YANGS SA 'OG MA DANG, GONG MA'I DBYE BAS RAGS PA DANG, ZHI BA'I RNAM PA'O, ,SA GANG LA TSOR BA GANG ZHIG YOD PA DE RTAGS SO, ,MTSAN MA NI SNYOMS PAR 'JUG PA'I RO MYANG BA'O, ,PHA ROL TU PHYIN PA DRUG GI 'JUG PA NI GANG RNAM PA THAMS CAD MKHYEN PA NYID DANG LDAN PA'I YID LA BYED PAS, SEMS CAN RNAMS KYI NYON MONGS PA RAB TU SPANG BA'I PHYIR CHOS BSTAN PA NI SBYIN PA'I PHA ROL TU PHYIN PA'I THEG PA CHEN PO NYID DO, ,DE NYID THEG PA DMAN PA'I SEMS KYI GO SKABS MI 'BYED PA NI TSUL KHRIMS KYI PHA ROL TU PHYIN PA'I THEG PA'O, ,DE NYID KYI BZOD PA'I PHA ROL TU PHYIN PA'I THEG PA CHEN PO NYID KYIS SEMS CAN RNAMS KYI NYON MONGS PA ZAD PAR BYA BA'I PHYIR CHOS STON PA'I YID LA BYED PA DE DAG LA BZOD PA DANG, MOS PA DANG, RTOGS PA DANG, KHONG DU CHUD PAR BYED PA DANG, SEMS PA DE NI BZOD PA'I PHA ROL TU PHYIN PA'I THEG PA CHEN PO NYID DO, ,DANG BA TZAM NYID LA MI MTHUN PA MED PA NI MOS PA'O, ,GNYIS PA LA SOGS PA'I SKAD CIG MA RGYUN RJES SU 'BREL PA DANG LDAN PA NI BZOD PA'O, ,GZHUNG SNA TSOGS PA GZHAN LA RIGS PA RTOG PA NI NYE BAR RTOG PA'O, ,YONGS SU BRTAGS PA'I DON BSKYANG BAR BYA BA'I PHYIR DANG, DE NYAMS PAR BYED PA'I RKYEN SHES PA @42A *, ,KHO NA KHONG DU CHUD PAR BYED PA'O, ,DON DE LA YID CHES PAR BYA BA'I PHYIR BLO MA LUS PAS GNOD PAR BYED PA NI SEMS PA'O, ,DE NYID BRTZON 'GRUS NYAMS PAR MI BYED PA'I YID LA MI BYED PA NI BRTZON 'GRUS KYI PHA ROL TU PHYIN PA'I THEG PA CHEN PO NYID DO, ,DE NYID KYI BSAM GTAN DANG PO LA SOGS PA DANG, GZUGS MED PA'I SNYOMS PAR 'JUG PA NI BSAM GTAN GYI PHA ROL TU PHYIN PA'I THEG PA CHEN PO NYID DO, ,DE NYID KYI RNAM PA THAMS CAD MKHYEN PA NYID KYI YID LA BYED PA DANG LDAN PA'I BSAM GTAN DANG PO'I YAN LAG RNAMS LA MI RTAG PA DANG, SDUG BSNGAL BA DANG, BDAG MED PA DANG, ZHI BA DANG, STONG PA DANG, MTSAN MA MED PA DANG, SMON PA MED PA'I RNAM PAR RAB TU RTOGS PA NI SHES RAB KYI PHA ROL TU PHYIN PA'I THEG PA CHEN PO NYID DO ZHES BSTAN TO, ,'PHAGS PA'I LAM GYI 'JUG PA NI GANG BYANG CHUB KYI PHYOGS RNAMS DANG, RNAM PAR THAR PA'I SGO RNAMS DANG ZHES BYA BA NAS MA 'DRES PA RNAMS DANG, RNAM PA THAMS CAD MKHYEN PA NYID BSGOM PA NI THEG PA CHEN PO NYID DO ZHES BSTAN PA YIN NO, ,DE'I MDO NI JI SKAD DU, ,BYANG CHUB SEMS DPA'I THEG PA NI RNAM PA THAMS CAD DU BYANG CHUB KYI PHYOGS KYI CHOS SUM CU RTZA BDUN BSGOM PA ZHES BYA BA LA SOGS PA GSUNGS PA YIN NO, ,TSAD MED PA'I 'JUG PA NI GANG TSAD MED PA BZHI LA SPYOD CING RNAM PA THAMS CAD MKHYEN PA NYID KYI BZOD PA NYID KYIS BZOD PA'I PHA ROL TU PHYIN PA NYID DANG, BRTZON 'GRUS KYI PHA ROL TU PHYIN PA'I THEG PA CHEN PO NYID KYIS THEG PA DMAN PA'I SEMS DANG, MA 'DRES PA NYID DANG; SHES RAB KYI PHA ROL TU PHYIN PA'I THEG PA CHEN PO NYID KYIS BSAM GTAN GYI RO MYANG BA MED PA NYID DANG, BSAM GTAN GYI PHA ROL TU PHYIN PA'I THEG PA CHEN PO NYID KYIS TSAD MED PA BZHI LA SNYOMS PAR 'JUG PA DANG, SBYIN PA'I PHA ROL TU PHYIN PA'I THEG PA CHEN PO NYID KYIS SEMS CAN RNAMS ZAG PA ZAD PAR NGES PAR 'DREN PA DANG, TSUL KHRIMS KYI PHA ROL TU PHYIN PA'I THEG PA CHEN PO NYID KYIS BSAM GTAN DANG, TSAD MED PA RNAMS DANG, RTAGS DANG, MTSAN MA RNAMS RNAM PA THAMS CAD MKHYEN PA NYID DU YONGS SU BSNGO BA YIN PAR BSTAN TO, ,PHA ROL TU PHYIN PA'I GO RIMS 'DI NI @42B TSAD MED PA BZHI LA GNAS PA'I GANG ZAG GI BYA BA'I DBANG DU BYAS PA YIN TE, DE NYID LA DE LTA BU SRID PA SHES PAR BYA'O, ,YANG TSAD MED PA NI BZHI STE, 'DI LTA STE, BYAMS PA DANG, SNYING RJE DANG, DGA' BA DANG, BTANG SNYOMS LA YANG DE DAG RE RE ZHING RNAM PA GSUM STE, SEMS CAN LA DMIGS PA DANG, CHOS LA DMIGS PA DANG, DMIGS PA MED PA'O, ,DE LA SEMS CAN LA DMIGS PA NI RGYU RNAM PA BZHIS RNAM PAR GZHAG STE, NYE BAR BSDUS PA NYID DANG, MI MTHUN PA'I GNYEN PO'I PHYOGS NYID DANG, RNAM PAR DAG PA NYID DANG, 'BRAS BU YONGS SU 'DZIN PA NYID DO, ,JI LTAR NYE BAR BSDU BA YIN ZHE NA, BDE BA GSUM GYIS NYE BAR BSDUS PA'I PHYIR TE, DE BYAMS PA DANG LDAN PA'I SEMS ZHES BYA BA NI PHAN PA DANG BDE BAS NYE BAR BSDUS PA'I DON DU NYE BAR GNAS SO, ,RGYA CHEN PO ZHES BYA BA NI 'DOD PA NA SPYOD PA'I BDE BAS BSDUS PA'I PHYIR RO, ,CHEN POR GYUR PA ZHES BYA BA NI DGA' BA DANG BCAS PA'I BSAM GTAN DANG PO DANG, GNYIS PA'I SA YIN ZHES BYA BA'I DON TO, ,DE GNYIS NA DGA' BA YOD PA'I PHYIR RO, ,MI GNYIS PA ZHES BYA BA NI DGA' BA MED PA'I BSAM GTAN GSUM PA'I SA ZHES BYA BA'I THA TSIG GO, ,DE NI SDUG BSNGAL DANG BRAL BA NYID YIN PA'I PHYIR GNYIS SU MED PA'O, ,TSAD MED PA ZHES BYA BA NI 'BRAS BU TSAD MED PAS NA CHU BO CHEN PO BZHI'I CHU 'DUS PA DANG 'DRA BAR DE NYID TSAD MED PAR SHES PAR BYA STE, DE LTAR YANG BDE BA LA SOGS PA DANG LDAN PA'I PHYIR RO ZHES BSHAD PA YIN NO, ,DE LTAR NA RE ZHIG NYE BAR BSDUS PA NYID YIN NO, , JI LTAR NA MI MTHUN PA'I GNYEN PO'I PHYOGS NYID YIN ZHE NA, GCUGS MED PA ZHES BYA STE, MI SDUG PAS NYE BAR BSDUS PA DANG, SDUG PAS NYE BAR BSDUS PA'I 'GAL BAR GYUR PA GNOD SEMS KYI GNYEN PO YIN PAS SO, ,JI LTAR NA RNAM PAR DAG PA YIN ZHE NA, GNOD PA MED PA, SGRIB PA MED PA ZHES BYA BA STE, GNYID DANG, RMUGS PA DANG, RGOD PA DANG, 'GYOD PA'I SGRIB PA RNAMS GO RIMS JI LTA BA BZHIN DU SPANGS NAS DE KHO NA NYID LA 'JUG PA'I PHYIR RO, ,'BRAS BU YONGS SU 'DZIN PA NI 'TSE BA MED PA ZHES BYA'O, ,'DOD PA DANG GZUGS KYI KHAMS KYI RNAM PAR SMIN PA DANG, @43A *, ,RGYU MTHUN PA GNOD PA MED PA NYID KYIS CI RIGS PAR 'BRAS BU YONGS SU 'DZIN PA YIN NO, ,DE LTAR NA RE ZHIG SEMS CAN LA DMIGS PA NI RGYU RNAM PA BZHIS RNAM PAR GZHAG PA YIN NO, ,CHOS LA DMIGS PA ZHES BYA BA NI GCIG THAMS CAD KYI RJES SU 'GRO BA YIN TE, THAMS CAD KYI RJES SU 'GRO BA NYID NI 'DOD PA DANG, GZUGS DANG, GZUGS MED PA NA SPYOD PA'I SO SO'I SKYE BO DANG, SLOB PA JI SNYED PA'O, ,CHOS GANG YIN PA STE, GANG DAG LA SEMS CAN DU BTAGS PAR BYAS PA'O, ,DE LA DMIGS PA NYID NI SHIN TU BSGOMS PA ZHES BYA STE, LEGS PAR GOMS PAR BYA BA'I PHYIR RO, ,DMIGS PA MED PA YANG RGYU RNAM PA GNYIS TE, CHOS KYI DBYINGS MCHOG 'JIG RTEN ZHES BYA BA'I MTSAN NYID LA DMIGS PA YIN TE, 'JIG RTEN PA'I CHOS LAS BDAG MED PA GTZO BOR GYUR PA YIN PA'I PHYIR RO, ,NAM MKHA'I KHAMS KYI MTHAS GTUGS PA ZHES BYA BA NI MTHA' MED PA DANG, YONGS SU CHAD PA MED PA STE, DE LTAR NA DMIGS PA MED PA YIN NO, ,BYAMS PA DANG LDAN PA'I SEMS DES CI ZHIG BYED CE NA, DE'I PHYIR THAMS CAD DANG LDAN PA'I PHYOGS BCU RGYAS PAR BKANG NAS RDZOGS PAR BYAS TE GNAS SO ZHES GSUNGS TE, 'JIG RTEN GYI KHAMS THAMS CAD DU LHAG PA'I BSAM PAS LHAG PAR MOS PAS SPROS PA NYID KYIS KHYAB CES BYA BA'I THA TSIG GO, ,LDAN PA NI DU MAR SHES PAR BYAS TE, MA TRA LA SOGS PA MTHA' YAS PAS PADMA CAN BZHIN DU RING PO NYID YIN NO, ,NYE BAR RDZOGS PAR BYAS TE ZHES BYA BA NI BLOS DE DANG DER NYE BAR YANG DAG PAR SONG STE DE'I NYE BAR 'TSE BA BSAL ZHES BYA BA'I DON TO, ,TSIG GI PHRAD DANG, SKAD KYI DBYINGS KYI DON NI DE YIN PA'I PHYIR RO, ,SNYING RJE LA SOGS PA LA YANG DE BZHIN DU BRJOD PAR BYA'O, ,MI DMIGS PA DANG LDAN PA'I 'JUG PA NI GANG NANG STONG PA NYID LA SOGS PA MI DMIGS PA DANG LDAN PAR SHES PA NYID KYIS CHOS THAMS CAD G-YENG BA MED PAS MNYAM PAR GZHAG PAR SHES PA DANG, RTAG PA DANG, BDE BA DANG, BDAG DANG, MA ZHI BA DANG, STONG PA MA YIN PA DANG, MTSAN MA MED PA DANG, SMON PA MED PA RNAMS LA DE DANG MTHUN PA'I SHES PA 'JUG PA DANG, DUS GSUM MI DMIGS PA'I YE SHES DANG, KHAMS GSUM @43B MI DMIGS PA'I YE SHES DANG, YANG 'JIG RTEN PA ZAG PA DANG BCAS PA DANG, 'DUS BYAS DANG, DE DANG MI MTHUN PA RNAMS YANG SBYIN PA LA SOGS PA LA MI DMIGS PA'I RNAL 'BYOR PA'I SHES PA NI THEG PA CHEN PO DE LA ZHON PA YIN ZHES BSTAN TE, DE'I MDO NI 'DI YIN TE, TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO NI GANG STONG PA NYID SHES KYANG MI DMIGS PA'I RNAL 'BYOR ZHES BYA BA LA SOGS PA GSUNGS PA YIN NO, ,'KHOR GSUM RNAM PAR DAG PA'I 'JUG PA NI, GANG YANG SBYIN PA LA SOGS PA'I PHA ROL TU PHYIN PA RNAMS LA 'KHOR GSUM RNAM PAR DAG PAS MI DMIGS PA'I RNAL 'BYOR GYIS ZHON PA'O ZHES BSTAN PA YIN NO, ,DE'I MDO NI BYANG CHUB SEMS DPA' SHES RAB KYI PHA ROL TU PHYIN PA LA SPYOD NA SBYIN PA LA SOGS PA'I PHA ROL TU PHYIN PA RNAMS LA ZHON NAS BYANG CHUB SEMS DPA' DE SBYIN PA'I PHA ROL TU PHYIN PA MI DMIGS PA RAB TU 'DZIN TE ZHES BYA BA LA SOGS PA GSUNGS PA YIN NO, ,YANG BYANG CHUB SEMS DPA' SEMS CAN MI DMIGS PA NYE BAR BZUNG NAS GZUGS LA SOGS PA'I PHUNG PO RNAMS DANG, KHAMS LA SOGS PA RNAMS NAS MA 'DRES PA RNAMS KYI BAR DANG, STONG PA NYID THAMS CAD DANG, DE BZHIN NYID LA SOGS PA RNAMS DANG, BYANG CHUB DANG, SANGS RGYAS GANG YIN PA DE DAG MI DMIGS PA NYID NYE BAR BZUNG NAS MING TZAM NYID DU SHES PA'I PHYIR THEG PA CHEN PO DE LA DE ZHON PA YIN NO ZHES BSTAN TO, ,DE'I MDO NI DE RNAM PA THAMS CAD MKHYEN PA NYID DANG LDAN PA'I YID LA BYED PA'I MA 'DRES PA'I SEMS KYIS BYANG CHUB KYI PHYOGS KYI CHOS SUM CU RTZA BDUN SGOM PAR BYED CING BSGOM PA DANG RNAM PAR BSGOM PA'I CHED DU MI DMIGS PA'I RNAL 'BYOR GYIS ZHES BYA BA LA SOGS PA GSUNGS PA YIN NO, ,MNGON PAR SHES PA'I 'JUG PA NI GANG GZHAN YANG MNGON PAR SHES PA RNAMS THOB NAS SEMS CAN YONGS SU SMIN PAR BYED, SANGS RGYAS KYI ZHING YONGS SU SBYONG, SANGS RGYAS BCOM LDAN 'DAS RNAMS LA MCHOD PA DANG, CHOS NYAN ZHING GNYIS SU MED PA'I SA LA GNAS TE THEG PA CHEN PO DANG NAM DU YANG MI 'BRAL TE, RANG GI NGO BO YONGS SU 'DZIN PA YIN NO ZHES BSTAN TO, ,DE'I MDO NI SEMS DANG PO BSKYED PA NAS NYE BAR BZUNG STE BYANG CHUB @44A *, ,KYI SNYING PO LA 'DUG GI BAR DU MNGON PAR SHES PA RDZOGS PA NYID KYIS SEMS CAN YONGS SU SMIN PAR BYED CING SANGS RGYAS KYI ZHING NAS SANGS RGYAS KYI ZHING DU 'GRO'O ZHES BYA BA LA SOGS PA GSUNGS PA YIN NO, ,RNAM PA THAMS CAD MKHYEN PA NYID KYI 'JUG PA NI GANG DES RNAM PA THAMS CAD MKHYEN PA NYID KYI YE SHES THOB NAS KYANG, CHOS KYI 'KHOR LO RAB TU BSKOR BA DANG, PHYOGS BCU'I 'JIG RTEN GYI KHAMS KYI SANGS RGYAS GANG YIN PA RNAMS KYIS 'JIG RTEN GYI KHAMS DE'I MING SMOS PAR MDZAD CING DE RNAM PA THAMS CAD MKHYEN PA NYID THOB NAS KYANG CHOS KYI 'KHOR LO RAB TU SKOR BAR BYED DO ZHES GRAGS PA SGROGS SHING DBYANGS BRJOD PAR MDZAD PAS THEG PA CHEN PO LA ZHON PA YIN NO ZHES BYA BA LA SOGS PA GSUNGS PA YIN NO, ,MNGON PAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS 'JUG PA'I BSGRUB PA'I RNAM PAR 'GREL PA'O,, ,,'JUG PA'I BSGRUB PA BSHAD NAS TSOGS KYI BSGRUB PA BSHAD PAR BYA STE, DE NI SNYING RJE CHEN PO LA SOGS PA'I DBYE BAS RNAM PA BCU DRUG TU GYUR PA NI, BRTZE DANG SBYIN LA SOGS PA DRUG ,ZHI GNAS LHAG MTHONG BCAS PA DANG, ,ZUNG DU 'BREL PA'I LAM GANG DANG, ,THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG SA BCU GANG YIN DANG, ,GNYEN PO TSOGS KYI BSGRUB PA YI, ,RIM PA YIN PAR SHES PAR BYA, ,ZHES GSUNGS PA YIN NO, ,DE LA TSOGS KYI BSGRUB PA RNAM PA BCU DRUG NI 'DI LTA STE, ,SNYING RJE CHEN PO'I TSOGS DANG, SBYIN PA'I TSOGS DANG, TSUL KHRIMS KYI TSOS DANG, BZOD PA'I TSOGS DANG, BRTZON 'GRUS KYI TSOGS DANG, BSAM GTAN GYI TSOGS DANG, SHES RAB KYI TSOGS DANG, ZHI GNAS KYI TSOGS DANG, LHAG MTHONG GI TSOGS DANG, ZUNG DU 'BREL BA'I LAM GYI TSOGS DANG, THABS LA MKHAS PA'I TSOGS DANG, YE SHES KYI TSOGS DANG, BSOD NAMS KYI TSOGS DANG, LAM GYI TSOGS DANG, SA'I TSOGS DANG, GNYEN PO'I TSOGS ZHES BYA BA YIN NO, ,DE LA SNYING RJE CHEN PO'I TSOGS NI GANG GO CHA CHEN PO BGOS PA ZHES BYA BA'I SGRA 'JUG PA'I RGYU MTSAN BSTAN PA'I SGO NAS @44B TSOGS KYI BSGRUB PA'I DBANG DU MDZAD NAS PHYOGS BCU RE RE ZHING 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN DMYAL BA DANG, BYOL SONG GI SKYE GNAS DANG, GSHIN RJE'I 'JIG RTEN GYI SEMS CAN RNAMS RANG GI LUS KYI 'OD KYIS SNANG BAR BYAS NAS SDUG BSNGAL DE DANG DE NYE BAR ZHI BAR BYA BA'I PHYIR SANGS RGYAS LA SOGS PA LA PHYAG 'TSAL BA THOS NAS, DGE BA DES DE RNAMS NGAN SONG DE RNAMS LAS THAR NAS BYANG CHUB PA'I BAR DU SANGS RGYAS MNYES PA DANG RJES SU MTHUN PA'I RIGS YANG DAG PAR 'DZIN PAS SDUG BSNGAL DANG BRAL BA'I THUGS RJES BYAS PA YIN PAR BSTAN TO, ,SBYIN PA'I TSOGS NI GANG SBYIN PA'I TSOGS KYIS SEMS CAN DE SNYED CIG ZAS LA SOGS PA'I YO BYAD DE DANG DE 'DOD PA RNAMS LA ZAS LA SOGS PA'I YO BYAD DE DANG DE SBYIN PA NYID DANG, CHOS BSTAN PA DES BYANG CHUB PA'I BAR DU PHA ROL TU PHYIN PA DRUG GI CHOS STON PA DANG NAM YANG 'BRAL BAR MI 'GYUR RO ZHES BSTAN TO, , TSUL KHRIMS KYI TSOGS NI GANG SEMS CAN DE SNYED DGE BA BCU'I LAS KYI LAM DANG, BSAM GTAN LA SOGS PA NAS SANGS RGYAS KYI CHOS MA 'DRES PA'I BAR LA BYANG CHUB KYI BAR DU CHOS BSTAN PA DES BKOD PA YIN NO ZHES BSTAN TO, ,BZOD PA'I TSOGS NI GANG SEMS CAN THAMS CAD DE SNYED CIG BDAG LA DBYUG PA DANG, BONG BA DANG, KHU TSUR GYIS BRDEG KYANG DE LA BDAG GIS 'KHRUGS PA'I SEMS 'GA' TZAM YANG BSKYED PAR MI BYA'O, ,RANG GI BZOD PA DE DANG 'DRA BA LA GZHAN DA RAB TU DGOD PA YIN NO ZHES BSTAN PA YIN NO, ,BRTZON 'GRUS KYI TSOGS NI GANG SEMS CAN DE SNYED CIG NI RNAM PA THAMS CAD MKHYEN PA NYID DANG LDAN PA'I YID LA BYED PA DANG LDAN PAS LUS DANG SEMS KYI BRTZON 'GRUS LA RAB TU 'JOG GO, ,'GOD PA DANG, YANG DAG PAR SBYOR BA DANG, RAB TU 'JOG PA DANG MI 'BRAL BAR BYED PA'I TSIG GI DON YIN NO ZHES BSTAN PA YIN NO, ,BSAM GTAN GYI TSOGS NI GANG SEMS CAN DE SNYED CIG RANG NYID CHOS THAMS CAD KYI CHOS NYID MNYAM PA NYID LA GNAS SHING CHOS GANG LA YANG 'KHRUL PA'AM, 'KHRUL PA MED PAR RJES SU MI MTHONG BA BZHIN DU BYANG CHUB KYI BAR DU DE NYID LA YANG DAG PAR BSKUL ZHING 'JOG PA YIN NO ZHES BSTAN PA YIN NO, ,SHES RAB KYI TSOGS NI GANG 'DI LTAR CHOS GANG LA YANG @45A *, ,TSU ROL LAM, PHA ROL MI DMIGS PA DE BZHIN DU DE RNAMS KYANG DE LA YANG DAG PAR BSKUL ZHING 'JOG PA YIN NO, ,DE LA TSU ROL NI 'KHOR BA STE, BYIS PA RNAMS KYIS RE ZHIG MYANGS PA TZAM YIN PA'I PHYIR RO, ,PHA ROL NI MYA NGAN LAS 'DAS PA STE, RANG GI DON LA MCHOG TU GZHOL BA RNAMS BRTZON 'GRUS LA RAB TU SBYOR BAS PHA ROL TU SEMS DGA' BA NYID KYI PHYIR RO ZHES BSTAN PA YIN NO, ,ZHI GNAS KYI TSOGS NI GANG YANG BDAG NYID PHA ROL TU PHYIN PA DRUG LA GNAS PA BZHIN DU SEMS CAN GYI KHAMS JI SNYED CIG 'KHOD PA DE DAG THAMS CAD KYANG PHA ROL TU PHYIN PA DRUG DANG; BYANG CHUB KYI PHYOGS KYI CHOS RNAMS DANG, RGYUN DU ZHUGS PA'I 'BRAS BU LA SOGS PA NAS MA 'DRES PA RNAMS KYI BAR LA 'DI SNYED CES BYA BAR YONGS SU CHAD PA MED PA'I SEMS CAN YIG KHAMS LA DMIGS PAS YANG DAG PAR BSKUL ZHING BZHAG STE, SBYIN PA'I PHA ROL TU PHYIN PAS TSE 'DI NYID LA 'DEBS BSDUS PA DANG, TSUL KHRIMS KYI PHA ROL TU PHYIN PAS TSE PHYI MA'I BDE BAS BSDUS PA DANG, BZOD PA DANG, BRTZON 'GRUS DANG, BSAM GTAN GYI PHA ROL TU PHYIN PAS GCIG TU BDE BAS BSDUS PA YIN TE, BZOD PA DANG, SPRO BA DANG, RTZE GCIG PAS GCIG TU BDE BA DANG LDAN PA'I 'BRAS BU 'THOB PAR BYED PA'I PHYIR RO, ,SHES RAB KYI PHA ROL TU PHYIN PAS NI SHIN TU PHUL DU BYUNG BA'I BDE BAS NYE BAR BSDUS PA'O ZHES BSTAN PA YIN NO, ,LHAG MTHONG GI TSOGS NI GANG SGYU MA'I MKHAN PO'AM, SGYU MA'I MKHAN PO'I MCHAN BU MKHAS PA ZHIG GIS ZHES BYA BA'I TSIG GNYIS PAS NI 'GA' YANG MED KYI RANG NYID DRI ZA'I GRONG KHYER LA SOGS PA BZHIN NO, ,CI ZHIG TU 'GYUR RAM ZHES BYA BA'I TSIG GIS JI LTAR BSTAN PAR 'GYUR ZHE NA, GZHAN GYI RKYEN GYIS MI 'GRO BA CI YANG RUNG BA'I BZHIN DU YOD PA NI MI RIGS TE, DE NI BRJOD PA TZAM NYID YIN PA'I PHYIR RO, ,DE NYID KYI PHYIR; DE'I CI'I PHYIR ZHE NA, RAB 'BYOR SGYU MA'I CHOS NYID NYE BAR BZUNG BA'I CHOS RNAMS KYI CHOS NYID DE BZHIN YIN PA'I PHYIR TE ZHES GSUNGS PA YIN NO, ,RTOG GES YONGS SU MA BSKYOD CING SUN MA PHYUNG BA'I 'JIG RTEN THAMS CAD LA NI SNANG BA TZAM DU GYUR BA KHO NA YIN PA'I PHYIR RO ZHES BYA BA'I BAR @45B DU'O, ,DE NYID KYI PHYIR BCOM LDAN 'DAS BDAG GIS BCOM LDAN 'DAS KYIS GSUNGS PA'I DON 'TSAL BA LTAR NA SGYU MA'I CHOS NYID NYE BAR BZUNG NAS DE'I DON 'TSAL BA LAGS TE, BYANG CHUB SEMS DPA' SEMS DPA' CHEN PO GO CHA 'DZAM 'TSAL BA LAGS PAR RIG PAR BGYI STE, RANG GI MTSAN NYID STONG PA NYID SGYU MA CHOS NYID NYE BAR BZUNG BA LAGS PA'I PHYIR RO ZHES BYA BA DANG, GNAS BRTAN RAB 'BYOR GYI SHES PA GSAL BAR BYAS PA NAS BRTZAMS TE, DE CI'I SLAD DU ZHE NA, GZUGS LA SOGS PA'I PHUNG PO LA SOGS PA RNAMS DANG, PHA ROL TU PHYIN PA RNAMS DANG, STONG PA NYID THAMS CAD DANG, BYANG CHUB KYI PHYOGS RNAMS NAS MA 'DRES PA'I BAR DANG, BYANG CHUB SEMS DPA' DANG, THEG PA CHEN PO 'GO CHA DANG, GZUGS LA SOGS PA NAS THEG PA CHEN PO'I GO CHA'I BAR DU RNAM GRANGS STONG PA NYID KYIS GO CHA MED PA'I GO CHA BGOS PA YIN PAR RJES SU BSTAN PA'I PHYIR RO, ,DE CI'I PHYIR ZHE NA, BYED PA PO NYE BAR MI DMIGS PA NYID YIN PA'I PHYIR RO, ,RNAM PA THAMS CAD MKHYEN PA NYID NAS SEMS CAN DU BSTAN CING BRJOD PA'I BAR DU MA BYAS, RNAM PAR MA BYAS, MNGON PAR MA BYAS PA NYID KYIS NA PHUNG PO LA SOGS PA RNAMS DANG, BDAG DANG, SEMS CAN LA SOGS PA RNAMS DANG, RMI LAM DANG, SGRA BRNYAN DANG, MI G-YOR DANG, GZUGS BRNYAN DANG, SMIG RGYU DANG, SBRUL BA RNAMS YIN TE, MA 'DRES BA'I BAR DU DE BZHIN NYID DANG, PHYIN CI MA LOG PA DE BZHIN NYID DANG, CHOS NYID DANG, CHOS KYI DBYINGS NYID DANG, CHOS KYI GNAS NYID DANG, CHOS NYID NGES PA NYID DANG, YANG DAG PA'I MTHA' RNAMS SU BYANG CHUB DANG, RNAM PA THAMS CAD MKHYEN PA NYID KYI BAR DU SHIN TU MI DMIGS PA'I PHYIR, DE NYID NYE BAR BZUNG NAS BYAS PA DANG, RNAM PAR BYAS PA DANG, MNGON PAR 'DUS BYAS PA BKAG PAS ZHES BSTAN PA YIN NO, ,DE LA GO CHE DANG, 'JUG PA DANG, TSOGS KYI BSGRUB PA NI RNAMS MA SKYES PA BSKYED PA DANG, DE KHYAD PAR DU 'GRO BA DANG, 'BRAS BU THOB PA MNGON DU BYED PA'I DBANG DU MDZAD NAS TSIG GCIG DANG, GCIG DANG, GCIG GO RIMS BZHIN DU SBYAR BAR RIG PAR BYA'O ZHES @46A *, ,BSTAN PA YIN NO, ,ZUNG DU 'BREL PA'I LAM GYI TSOGS NI GANG JI LTAR BCOM LDAN 'DAS KYIS SHIN TU MI DMIGS PA NYE BAR BZUNG NAS MI BYED, RNAM PAR MI BYED, MNGON PAR MI BYED DO ZHES GSUNGS PA'I DON BDAG GIS 'TSAL BA LTAR NA ZHES BYA BA NAS BRTZAMS TE, MED PA DANG, DBEN PA DANG, MA SKYES PA DANG, ZHI BA DANG, STONG PA DANG, MTSAN MA MED PA DANG, SMON PA MED PA DANG, MNGON PAR 'DU MA BYAS PA DANG, MA SKYES PA NYID KYIS NA SHIN TU MI DMIGS PA'I RNAM PAS PHUNG PO LA SOGS PA RNAMS NAS BYANG CHUB KYI PHYOGS RNAMS DANG, MA 'DRES PA RNAMS KYI BAR DANG, BYANG CHUB DANG, RNAM PA THAMS CAD MKHYEN PA NYID MA BCINGS MA GROL BA NYID KYIS SANGS RGYAS KYI ZHING SPYOD ZHING, SANGS RGYAS RNAMS LA BSNYEN BKUR BYED CING, SANGS RGYAS DE DAG LAS CHOS NYAN ZHING, MNGON PAR SHES PA DANG, SPYAN LNGA DANG, GZUNGS DANG; TING NGE 'DZIN RNAMS LA SPYOD CING GNAS NAS LAM GYI RNAM PA SHES PA NYID BSTAN PAS RNAM PA THAMS CAD MKHYEN PA NYID DU MNGON PAR BYANG CHUB NAS CHOS KYI 'KHOR LO BSKOR BAS SEMS CAN RNAMS THEG PA GSUM GYIS MYA NGAN LAS 'DAS KYANG BYANG CHUB SEMS DPA' DANG, SANGS RGYAS RNAMS MA BCINGS MA GROL BA YIN NO ZHES BSTAN TO, ,DE LA SHES RAB KYIS YONGS SU BZUNG BAS NI MA BCINGS PA YIN LA, SNYING RJES YONGS SU BZUNG BAS NI MA GROL BAR RIG PAR BYA'O, ,DE LTAR RIGS PAS BYANG CHUB SEMS DPA'I SNYING RJE NI SRID PAR GNAS PA'I RGYU YIN LA, SHES PAS DE RU GNAS BYAS KYANG, ,'KHOR BAR CHAGS PAR MI BYED DO, ,DRAN PA YIS NI BSDAMS PA'I SEMS, ,PHYI ROL DU NI 'JUG MI 'GYUR, ,SO SOR RTOG PA'I LCAG BRDABS PAS, ,PHUN TSOGS GNAS SU 'DREN PAR BYED, ,SKYE BA'I SEMS LA BRTEN PA DAG ,'GA' ZHIG MYA NGAN 'DA' BAR 'DOD, ,'JIG RTEN LEGS PA LA BRTEN LA, ,'GA' ZHIG 'KHOR BAR 'KHOR BAR 'DOD, ,CES GSUNGS PA YIN NO, ,SHES RAB DANG SNYING RJE'I SBYOR BA DANG, DE DAG PHAN TSUN THA MI DAD PA DANG, MI MTHUN PA'I PHYOGS LAS 'DAS PA DANG, SBYOR BA LA SHIN TU SBYANGS PA DANG, RTOGS PA PO'I DBANG DU MDZAD @46B NAS SBYOR BA NI GANG GIS, GANG LAS, GANG DU, GANG ZHIG NGES PAR 'BYUNG ZHES GANG GIS STON PA'I ZHUS PA LNGA YIN TE, BYANG CHUB SEMS DPA' SEMS DPA' CHEN PO'I THEG PA CHEN PO NI GANG LAGS, GANG DE LA JI LTAR NA ZHUGS PAR RIG PAR BGYI, GANG LAS NGES PAR 'BYUNG BA LAGS, GANG DU GNAS PAR 'GYUR BA LAGS, GANG ZHIG 'DIS NGES PAR 'BYUNG BAR 'GYUR ZHES BSTAN PA YIN NO, ,DE LA DANG PO ZHUS PA NAS BRTZAMS TE, THABS LA MKHAS PA'I TSOGS NI GANG RNAM PA THAMS CAD MKHYEN PA NYID DANG LDAN PA'I YID LA BYA BAS PHA ROL TU PHYIN PA RNAMS RE RE ZHING MI DMIGS PA'I RNAL 'BYOR GYIS BDAG NYID GNAS SHING GZHAN DAG KYANG YANG DAG PAR BSKUL BA NI THEG PA CHEN PO ZHES BSTAN PA YIN NO, ,YANG YE SHES KYI TSOGS NI NYI SHUR GCIG GIS MA TSANG BA'I STONG PA NYID NI YE SHES KYI TSOGS NYID YIN PAR RIG PAR BYA'O, ,DE LA 'DIR NYI SHUR GCIG GIS MA TSANG BA'I STONG PA NYID NI NANG GI MIG LA SOGS PA LNGA RTAG PA MA YIN TE, 'JIG PA MA YIN PA DE BZHIN NYID DE, DE'I RANG BZHIN DE YIN PA NYE BAR BZUNG BA'I PHYIR NANG STONG PA NYID DO, ,PHYI ROL GYI GZUGS LA SOGS PA RTAG PA MA YIN, 'JIG PA MA YIN PA NYID DE'I RANG BZHIN DE YIN PAR NYE BAR BZUNG BA'I PHYIR PHYI STONG PA NYID DO, ,DE BZHIN DU PHYI DANG NANG GI SKYE MCHED RNAMS DE'I RANG BZHIN DE YIN PAR NYE BAR BZUNG BA'I PHYIR PHYI NANG STONG PA NYID DO, ,CHOS THAMS CAD KYI STONG PA NYID KYANG STONG PA YIN PAS STONG PA NYID STONG PA NYID DO, ,PHYOGS BCU PO NI PHYOGS KYI STONG PA NYID KYI PHYIR CHEN PO STONG PA NYID DO, ,DON DAM PA NI MYA NGAN LAS 'DAS PA STE, MYA NGAN LAS 'DAS PA'I DON GYI TSUL GYIS STONG PAS NA DON DAM PA STONG PA NYID DO, ,'DUS BYAS STONG PA NYID NI KHAMS GSUM PO, KHAMS GSUM PO NYID KYIS STONG PAS NA 'DUS BYAS STONG PA NYID DO, ,'DUS MA BYAS NI SKYE BA MED PA DANG, 'GAG PA MED PA DANG, GNAS PA LAS GZHAN DU 'GYUR BA MED PA NI DE NYID KYIS STONG PA'I PHYIR 'DUS MA BYAS STONG PA NYID DO, ,MTHA' NI MTHA' STONG PA NYID KYIS NA MTHA' LAS 'DAS PA STONG PA NYID DO, ,THOG MA DANG, DBUS DANG, THA MAR GYUR PA RNAMS DES STONG PA @47A *, ,NYID NI THOG MA DANG THA MA MED PA STONG PA NYID DO, ,DOR BA NI SPANGS PA STE, YONGS SU SPANGS PA'I MTSAN NYID CAN GYI DOR BA LAS GO BZLOG PA NYID KYIS NA DOR BA MED PA STE, DE NI DES STONG PA NYID KYI PHYIR DOR BA MED PA STONG PA NYID DO, ,'PHAGS PA THAMS CAD KYIS MA BYAS PA'I RANG BZHIN TE, DE NI DES STONG PA NYID KYI PHYIR RANG BZHIN STONG PA NYID DO, ,CHOS RNAMS NI CHOS RNAMS KYIS STONG PA YIN PA'I PHYIR CHOS THAMS CAD STONG PA NYID DO, ,GZUGS LA SOGS PA'I MTSAN NYID GZUGS SU RUNG BA LA SOGS PA'I MTSAN NYID KYIS STONG PA'I PHYIR RANG GI MTSAN NYID STONG PA NYID DO, ,GANG LA DUS GSUM MI DMIGS PA NI DE NYID KYIS STONG PA'I PHYIR MI DMIGS PA STONG PA NYID DO, ,'DUS PA'I CHOS RNAMS NI NGO BO NYID KYIS YOD PA MA YIN TE, RTEN CING 'BREL PAR 'BYUNG BA'I RANG BZHIN YIN PA'I PHYIR DANG, DE NI 'DUS PAS STONG PA NYID YIN PA'I PHYIR DNGOS PO MED PA'I NGO BO NYID STONG PA NYID DO, ,DNGOS PO MED PA NI NYE BAR LEN PA'I PHUNG PO'I MTSAN NYID NI DES STONG PA NYID YIN PA'I PHYIR DNGOS PO STONG PA NYID DO, ,DNGOS PO MED CING 'DUS MA BYAS PA NI DE RNAMS KYIS STONG PA NYID KYI PHYIR DNGOS PO MED PA STONG PA NYID DO, ,RANG BZHIN STONG PA ZHES BYA BA NI 'PHAGS PA RNAMS KYIS SHES PA DANG, MTHONG BAS MA BYAS PA NYID KYI PHYIR DE BZHIN GSHEGS PA RNAMS BYUNG YANG RUNG, MA BYUNG YANG RUNG, CHOS RNAMS KYI CHOS NYID 'DI NI GNAS PA'O ZHES BYA BA NI GZHAN GYI BYED PA STONG PAS NA GZHAN GYI DNGOS PO STONG PA NYID DO ZHES BYA BA YIN NO, , PHYOGS 'DIS NI RAB TU BYED PA'I GO RIMS MA TSANG BA'I RAB TU BYED PA'I DON STON PA YIN PAR YANG BRJOD PAR BYA'O, ,DE DAG NI GZHAN DGAG PA'I SGO NAS STONG PA NYID 'BA' ZHIG STON PA YIN PAS DE DAG LA NI MNGON PAR RTOGS PA'I GO RIMS 'GA' YANG YOD PA MA YIN ZHING, DE RNAMS NI RAB TU BYED PA'I DON KHO NA RJOD PAR BYED KYI BSTAN BCOS DON GTZO BOR BYED PA NI MA YIN NO ZHES BYA BA 'DIS NI STONG PA NYID KYI RAB TU BYED PA'I SONG BA DANG, 'ONG BA'I BYA BA'I RIM PA MED PAS CHED DU BYA BA LAS NYAMS PA SRID PAR BSTAN PA YIN NO, ,'DIR YANG CI RNAM PAR MI RTOG PA'I YE SHES KYI DMIGS PA CI @47B ZHIG YIN ZHE NA, CHOS THAMS CAD NGO BO NYID KYIS STONG PA'O ZHES BSTAN TO, ,'DI LTAR GANG MI DMIGS PA DE NI YOD PA MA YIN TE, DPER NA MO GSHAM GYI BU BZHIN NO, ,STONG PA NYID 'DI YANG RNAM PAR MI RTOG PA'I SEMS KYIS MA DMIGS PA YIN PA'I PHYIR RO, ,DE LTAR NA STONG PA NYID MED PAS CHOS THAMS CAD YOD PA NYID DU 'GYUR BA MA YIN NAM ZHE NA, DE NI 'DIR DPYAD PAR BYA STE, 'DI NI CHOS THAMS CAD LA DMIGS PA DANG BRAL BAS STONG PA NYID CES BYA BA NI GANG ZHIG KYANG YOD PA MA YIN TE, RNAM PAR MI RTOG PA'I YE SHES TZAM NYID YIN NO ZHES BYA BAR 'DOD DO, , KHA CIG NI GZUNG BA DANG 'DZIN PA'I NGO BO CHA GNYIS PA NYID KYIS NA CHA GCIG LA GNAS PA NI MA YIN NO ZHES BYA BAR 'DOD DO, ,LA LAN RE DE NI CHOS THAMS CAD NGO BO NYID KYIS STONG PA NYID DMIGS PA YIN NO ZHES ZER RO, ,DE NI RIGS PA MA YIN TE, GANG CHOS THAMS CAD NGO BO NYID STONG PA NYID LA DMIGS PAR 'GYUR BA DE NI RMI LAM GYI RTA LA SOGS PA RANG BZHIN GYIS STONG PA LA DMIGS PA CAN GYI SHES PA BZHIN NO, ,SNGA MA'I PHYOGS GNYIS PO DE DAG KYANG YE SHES KYI DNGOS PO MED PA YUL DU 'GYUR LA, STONG PA NYID 'DUS BYAS SU THAL BAR 'GYUR RO, ,PHYOGS GSUM PA LA NYES PA YOD PAR MI BRJOD DAM ZHE NA, NYES PA YOD PA MA YIN TE, GANG GI PHYIR LHA SBYIN BSAD NAS YANG 'BYUNG BAR 'GYUR BA NI MA YIN NO, ,ME LONG LTA BU'I YE SHES LA SOGS PA'I DBYE BA NI BRJOD PAR BYA BA MANG DU YOD MOD KYI YE SHES KYI TSOGS BZHAG PA 'DI NI PHYOGS TZAM MO, ,BSOD NAMS KYI TSOGS NI GANG DE LA DPA' BAR 'GRO BA'I TING NGE 'DZIN GANG ZHE NA, ZHES BYA BA NAS BRTZAMS NAS GANG GSUNGS ZHES BYA BA'I BAR DU'O, ,NAM MKHA' LTAR CHAGS PA MED PA RNAM PAR GROL ZHING GOS PA MED PA ZHES BYA BA'I TING NGE 'DZIN NAS TING NGE 'DZIN BRGYA RTZA GCIG BSTAN PA NI, JI SKAD DU, NGES PAR 'BYUNG BA DANG MI 'BRAL BAR 'GYUR BA DANG, NYE BAR 'GYUR BA DANG, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA'O ZHES GSUNGS PA YIN NO, ,GO CHA DANG, 'JUG PA DANG, TSOGS KYI BSGRUB PA NAS BRTZAMS TE, TING NGE 'DZIN BSGOM @48A *, ,PA YIN ZHES SONG ZIN BA DANG SBYOR BAR BLTA BAR BYA'O, ,LAM GYI TSOGS NI GANG DRAN PA NYE BAR GZHAG PA ZHES BYA BA NAS BRTZAMS TE BSLAB PA LAS 'DAS PA DANG, RNAM PAR G-YENG BA'I GNYEN POR GNAS PA DANG, 'DUG PA LA SOGS PA'I SPYOD LAM RNAMS DANG, 'GRO BA DANG, 'ONG BA DANG, LTA BA DANG RNAM PAR LTA BA'I BYA BA RNAMS DANG, DBUGS 'BYUNG BA DANG, RNGUB PA RNAMS LA RDZA MKHAN GYI DPES RING BA DANG, THUNG BAR RAB TU SHES PA DANG, LUS KYI GNYEN PO'I 'DU SHES BA LANG GI SHAN PA'I DPES BSTAN PA DANG, KHAMS RNAMS LA SO SOR BRTAGS NAS GTZANG BAR PHYIN CI LOG PA'I GNYEN POR CHUD PA'I SNOD KYI DPES MI GTZANG BAR SO SOR BRTAGS PA DANG, MI DMIGS PA'I TSUL GYIS NANG DANG, DE BZHIN DU PHYI ROL DANG, PHYI DANG NANG GI LUS LA LUS KYI RJES SU LTA BAS, DRAN PA NYE BAR GZHAG PA NA LUS DE YANG 'DI LTA BU'I CHOS CAN NO, ,SKYE BA 'DI'I'O, ,'DI LTA BU'I RANG BZHIN TE ZHES BYA BA LA GSUNGS TE, KHU BA DANG, KHRAG GI GNAS SKABS DANG, GNAS SKABS DE NYID 'PHEL BAR GYUR PA LAS 'CHI BA LA THUG PA'I MI RTAG PA NYID KYIS CHOS NYID BSGRUB PA DE LA SBYOR BA YIN TE, TSIG GNYIS PO 'DIS SHES PAR BYA'O, ,GANG YANG ME LA SOGS PAS MTHAR THUG PAR BYAS PA DE LA YANG CHOS NYID 'DI LAS MA 'DAS SO ZHES BYA BA'I TSIG GSUM YIN NO, ,GDUNG CAN ZHES BYA BA LA STOBS ZAD PA DANG, ZAS GCOD PA DANG, SDUG BSNGAL BA DANG, SHIN TU LDAN PA'I DON TE, GANG DE YOD PA DE NI MYUR BA'I 'BAD PA CAN NO, ,SHES BZHIN DANG LDAN PA ZHES BYA BA NI YANG DAG PAR SHIN TU RIG PA'O, ,DRAN PA DANG LDAN PA ZHES BYA BA NI DMIGS PA MA BRJED PA'O, ,RNAM PAR BSAL BA ZHES BYA BA NI PHYIR BZLOG PA'O, ,CI ZHIG LAS SHE NA, 'JIG RTEN GYI CHAGS SEMS DANG; YID MI BDE BA DAG LAS SO, ,DE LANG DANG NGA'I ZHES BYA BA MNGON DU BYAS NAS LUS LA SEMS PA NI CHAGS PAS SO, ,TSOR BA MI SDUG PA DANG, RAB TU LDAN PA'I SEMS ZHUM PA NYID NI YID MI BDE BA'O, ,DE BZHIN DU BDE BAR PHYIN CI LOG PA'I GNYEN PO TSOR BA DRAN PA NYE BAR GZHAG @48B PA DANG, RTAG PAR PHYIN CI LOG PA'I GNYEN PO SEMS DRAN PA NYE BAR GZHAG PA DANG, BDAG TU PHYIN CI LOG PA'I GNYAN PO CHOS DRAN PA NYE BAR GZHAG PA'O, ,SDIG PA MI DGE BA'I CHOS MA SKYES PA RNAMS MI SKYED PA DANG, SKYES PA RNAMS SPANG BA'I PHYIR DANG, DGE BA'I CHOS MA SKYES PA RNAMS SKYED PA'I PHYIR DANG, SKYES PA RNAMS GNAS PA DANG PHYIR ZHING BSGOM PA LA SOGS PA'I PHYIR 'DUN PA BSKYED KYANG GNAS TE, BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR 'JOG CING TSUL BZHIN DU YID LA BYED PA DANG, DE MI SPONG BA DANG, TSUL BZHIN DU SO SOR RTOG PA'I DBANG DU MDZAD NAS TSIG GCIG DANG, GNYIS DANG, GNYIS KYIS GSUNGS PAR SHES PAR BYA'O, ,MOS PA DANG, BRTZON 'GRUS DANG, SEMS DANG, DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA BZHI NI RDZU 'PHRUL GYI RKANG PA'O, ,DE LA MOS PA NI BYED 'DOD PA'O, ,TING NGE 'DZIN NI SEMS RTZE GCIG PA STE, DES NYON MONGS PA SPANG BAR BYA BA'I PHYIR MNGON PAR 'DU BYED PAS NA DE NI 'DU BYED DO, ,DE YOD PAS NA DE DANG LDAN PA'O, ,GANG DES YON TAN SNA TSOGS BSGRUBS PAS NA RKANG PA'O, ,DE'I YAN LAG YIN ZHES BYA BA'I DON TO, ,SGOM MO ZHES BYA BA'I SGOM PA NI GOMS PAR BYED PA STE, SBYOR BA RGYAS PA'O, ,DE YANG SBYOR BA LAS SU RUNG BA NYID DAM, SBYOR BA BRTAN PAR GYUR PA'AM, MI DGE BA'I TSOGS DANG MA 'DRES PA'O, ,SGOM PA YANG CHOS MNGON PA BDAG RNAM PA GNYIS SU 'DOD DO, , CHUNG DU DANG, 'BRING DANG, CHEN PO RNAM PA GSUM DANG, BCOS MA DANG BRAL BA'I 'BRAS BU DANG, RGYU MTHUN PA'I 'BRAS BU DANG, MTHONG BA'I CHOS DE NYID LA BDE BAR GNAS PA'I 'BRAS BU'O, ,GZHAN DAG NI BZHIR 'DOD DE SGOM PA RNAM PAR BSGOM PA NI LUS KYI'O, ,YONGS SU SBYANGS PA BSGOM PA NI TSUL KHRIMS KYI'O, ,GNOD PA MED PA NI SEMS KYI'O, ,MA LUS PAR BRTEN PA BSGOM PA NI SHES RAB KYI'O ZHES BSTAN TO, ,DBEN PA LA GNAS PA BSAM GTAN DANG PO DANG LDAN PAR GYUR PAS DES 'DOD PA LA SOGS PA LAS RNAM PAR DBEN PA NYID YIN PA'I PHYIR RO, ,'DOD @49A *, ,CHAGS DANG BRAL BA LA GNAS PA ZHES BYA BA NI BSAM GTAN GNYIS PA DANG LDAN PAR GYUR PAS DES RNAM PAR RTOG PA LA SOGS PA DANG, 'DOD CHAGS DANG BRAL BA'I PHYIR RO, ,'GOG PA LA GNAS PA ZHES BYA BA NI BSAM GTAN GSUM PA DANG LDAN PAR GYUR BA STE, DGA' BA'I 'DOD CHAGS DANG BRAL BA NI DE 'GAG PA YIN PA'I PHYIR RO, ,RNAM PAR SPONG BA YONGS SU GRUB PA ZHES BYA BA NI BSAM GTAN BZHI PA DANG, GZUGS MED PA DANG CI RIGS PAR LDAN PAR SHES PA SNGON DU 'GRO BAS DOR BYA BSAL BAS NA RNAM PAR SPONG BA ZHES BYA'O, ,YANG BAG LA NYAL BA YANG DAG PAR BCOM PA NI DBEN PA'O, ,KUN NAS LDANG BA'I 'DOD CHAGS DANG BRAL BA NI 'DOD CHAGS DANG BRAL BA'O, ,KUN TU SBYOR BA YANG DAG PAR GCOD PA NI 'GOG PA'O, ,NYE BAR LEN PA THAMS CAD YONGS SU SPANGS PA NI RNAM PAR SPANGS PA'O, ,YANG CHOS MNGON PA BA RNAMS NI DBEN PAS NA KHAMS LAS DBEN PA'O, ,'DOD CHAGS LAS BRAL BAS NA NYON MONGS BA'I 'DOD CHAGS DANG BRAL BA'O, ,'GOG PAS NA LAS 'DOD PA'O, ,RNAM PAR SPONG BAS NA DNGOS PO RNAM PAR SPONG BA STE, TSIG THAMS CAD KYIS MYA NGAN LAS 'DAS PA NYID STON PA YIN NO ZHES CHOS MNGON PA PA RNAMS 'CHAD DO, ,DMIGS PA LA BRTEN PA'I STOBS KYIS SNGA MA'I RTEN GTONG BA NI RNAM PAR SPONG BA ZHES BYA'O ZHES GNAS BRTAN SANGS RGYAS BSHES GNYEN GYIS BYANG CHUB KYI PHYOGS KYI RAB TU BYED PAR BSHAD DO, ,'DIR YANG BDAG GIS NI RNAM PAR RTOG PA BZHI'I GNYEN PO RNAM PA BZHI NI MTHONG BA'I LAM YIN NO, ,DE LA RTOG PA DE RNAMS DANG, DBEN PA LA GNAS ZHES BYA BA LA SOGS PA RIM PA JI LTA BA BZHIN DU SBYAR BAR BYA BA YIN PAR RIG PAR BYA STE, BYANG CHUB KYI PHYOGS RNAMS MTHONG BA'I LAM GYIS YANG DAG PAR BSDUS PA'I PHYIR RO, ,DE LA GZUNG BA'I RNAM PAR RTOG PA DANG PO'I GNYEN PO NI DBEN PA STE, DES RNAM PAR BYANG BA'I PHYOGS KYI KUN NAS NYON MONGS PA'I PHYOGS SPANG BYA RNAM PAR DBYE BA'I PHYIR RO, ,GZUNG BA'I RNAM PAR RTOG PA GNYIS PA'I GNYEN PO NI 'DOD CHAGS DANG BRAL BA STE, DES DGE BA'I CHOS LA 'DUN PA NI 'DOD CHAGS DANG BRAL BA NYID YIN PA'I PHYIR RO, ,'DZIN @49B PA'I RNAM PAR RTOG PA DANG PO'I GNYEN PO NI 'GOG PA STE, DES BDAG RANG DBANG CAN LA SOGS PA'I 'DZIN PA MA LUS PAR 'GOG CING SPONG BA'I PHYIR RO ZHES BYA BA'I DON TO, ,'DZIN PA'I RNAM PAR RTOG PA GNYIS PA'I GNYEN PO NI RNAM PAR SPONG BA STE, DES BDAG TU BTAGS PA'I MTSAN MA SNA TSOGS DANG, PHUNG PO LA SOGS PA JI LTA BA NYID YONGS SU SHES PAS SPONG BA'I PHYIR RO, ,DE BZHIN DU DAD PA LA SOGS PA LNGA PO DBANG BYED PA'I DON GYIS NA DBANG PO YIN NO, ,LNGA PO DE DAG NYID MI THUB PA'I DON GYIS NA STOBS SO, ,DRAN PA DANG, CHOS RNAM PAR 'BYED PA DANG, BRTZON 'GRUS DANG, SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG RNAMS KYIS MTHONG BA'I LAM GYI YAN LAG TU GYUR PA YIN PA'I PHYIR RO, ,YANG DAG PA'I LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, YANG DAG PA'I TING NGE 'DZIN TE, 'PHAGS PA'I LAM YAN LAG BRGYAD KYIS MYA NGAN LAS 'DAS PA'I GRONG KHYER DU PHYIN PA'I DON GYIS NA LAM MO, ,SGRA JI BZHIN SHES PA DANG BCAS PA'I SHES PA BCU GCIG DANG, MI SHES PA KUN SHES PA LA SOGS PA'I DBANG PO DANG, RTOG PA DANG BCAS, DPYOD PA DANG BCAS PA LA SOGS PA RNAMS DANG, TING NGE 'DZIN RNAMS DANG, SKYE BA DANG, 'CHI BA DANG, LUS SU GYUR PA'I BZA' BA DANG, BTUNG BA DRAN PA RNAMS DANG BCAS PA DANG, RJES SU DRAN PA BCU PO RNAMS DANG, BSAM GTAN DANG, GZUGS MED PA'I SNYOMS PAR 'JUG PA RNAMS DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCU BRGYAD DANG, GZUNGS KYI SGO RNAMS DANG, THAMS CAD MI DMIGS PA'I RNAM PA DANG, GZHUNG GI TSOGS BRTZAMS PA DANG; BSTAN PA DE DAG NI LAM GYI TSOGS YIN PAR RIG PAR BYA'O, ,CHOS DE DANG DE DAG THAMS CAD MTHONG BA DANG, BSGOM PA'I LAM GYIS BSDUS PA'I PHYIR RO, ,SA'I TSOGS NI BYANG CHUB SEMS DPA'I SA YONGS SU SBYONG BA'I DBYE BAS RNAM PA BCUR 'GYUR BAR RIG PAR BYA'O, ,GANG YANG RAB @50A *, ,'BYOR KHYOD JI SKAD DU, JI LTAR NA BYANG CHUB SEMS DPA' SEMS DPA' CHEN PO'I THEG PA CHEN PO LA YANG DAG PAR ZHUGS PA NI ZHES BYA BA NAS BRTZAMS TE, PHA ROL TU PHYIN PA LA SPYOD CING SA NAS SAR 'PHAR BA YIN ZHE NA, DE CI'I PHYIR ZHE NA, CHOS THAMS CAD KYI 'GRO BA DANG; 'ONG BA BKAG PA YIN NO ZHES GSUNGS PA YIN NO, ,YANGS GANG LA CHOS DU ZHIG YONGS SU SBYONG BAR 'GYUR ZHE NA, RNAM PA BCUS SA DANG PO YONGS SU SBYONG BA YIN TE, YONGS SU SBYONG BA RNAM BCU YIS, ,SA NI DANG PO THOB 'GYUR TE, ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN BSTEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS BKUR 'DOD DGA' BA DANG, ,CHOS STON PA DANG BDEN PA YI, ,TSIG NI BCU PO YIN PAR 'DOD, ,'DI DAG RANG BZHIN MI DMIGS PAS, ,YONGS SU SBYONG BAR SHES PAR BYA, ,ZHES GSUNGS PA YIN NO, ,MDO LAS JI SKAD DU LHAG PA'I BSAM PA YONGS SU SBYONG BA MI DMIGS PA'I RNAL 'BYOR DANG, PHAN PA'I DNGOS PO YONGS SU SBYONG BA MTSAN MA MI DMIGS PA NYE BAR GZUNG STE ZHES BYA BA LA SOGS PA GSUNGS PA YIN NO, ,RNAM PA BRGYAD KYIS NI SA GNYIS PA YONGS SU SBYONG BA YIN TE, TSUL KHRIMS BYAS PA GZO DANG BZOD, ,RAB TU DGA' DANG SNYING RJE CHE, ,BKUR STI GUS PAR NYAN PA DANG, ,BRGYAD PA SBYIN LA SOGS PAR BRTZON, ,ZHES BYA BA LA SOGS PA GSUNGS PA YIN NO, ,DE LA BYAS PA GZO BA NI CHUNG DU BYAS PA LAS LHAG PAR BYED PA STE, CHUD MI GSON PA YIN PA'I PHYIR RO, ,RNAM PA LNGAS NI SA GSUM PA YONGS SU SBYONG BA YIN TE, THOS PAS MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, ,'KHOR BAS YONGS SU MI SKYO DANG, ,NGO TSA KHREL YOD CES BYA BA, ,RLOM MED BDAG NYID DE RNAM LNGA, ,ZHES GSUNGS PA YIN NO, ,RNAM PA BCUS SA BZHI PA YONGS SU SBYONG BA YIN TE, NAGS GNAS 'DOD CHUNG CHOG SHES DANG, ,SBYANGS PA YANG DAG SDOM BSTEN DANG, BSLAB PA YONGS SU MI GTONG @50B DANG; ,'DOD PA RNAMS LA SMOD PA DANG, ,MYA NGAN LAS 'DAS DANG BDOG KUN GTONG, ,MI ZHUM PA DANG LTA BA MED, ,JI SKAD DU MDO LAS, ,DGON PA LA GNAS PA DANG, 'DOD PA CHUNG BA LA DGA' BA ZHES BYA BA LA SOGS PA GSUNGS PA YIN NO, ,DE LA 'DOD PA CHUNG BA NI GANG MA RNYED PA'I RNYED PAR MI 'DOD PA'O, ,CHOG SHES PA NI JI LTAR RNYED PA LAS LHAG PAR MI 'DOD PA GANG YIN PA'O, ,RNAM PA BCUS NI SA LNGA PA YONGS SU SBYONG BA YIN TE, 'DRIS DANG KHYIM LA 'KHREN PA DANG, ,'DU 'DZIR GYUR PA'I GNAS DANG NI, ,BDAG BSTOD GZHAN LA BRNYAS PA DANG, ,MI DGE LAS KYI LAM BCU DANG, ,RLOM PAS KHENGS DANG PHYIN CI LOG ,YID GNYIS DANG NI NYON MONGS BZOD, ,BCU PO 'DI NI RNAM SPANGS NAS, ,SA NI LNGA PA YANG DAG 'THOB, ,CES GSUNGS PA YIN NO, ,RLOM PA NYID NI KHENGS PA STE, MTHO BA LA SOGS PA'I RNAM PA'O, ,RNAM PA DRUG GIS NI SA DRUG PA YONGS SU SBYONG BA YIN TE, SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB RAB RDZOGS PA, ,ZHES BYA BA'I MDO NI JI SKAD DU, ,PHA ROL TU PHYIN PA DRUG YONGS SU RDZOGS PAR BYA'O ZHES GSUNGS PA YIN NO, ,SLOB MA DANG NI BSE RU LA, ,DGA' DANG SKRAG PA'I SEMS SPANGS PA, ,SLONG NA MI ZHUM BDOG PA KUN, ,BTANG YANG MI DGA' MED PA DANG, ,DBUL YANG SLOB PA MI SPONG BAS, ,SA NI DRUG PA YANG DAG THOB, ,CAS GSUNGS PA YIN NO, ,JI SKAD DU MDO LAS, ,NYAN THOS 'DOD PA'I SEMS YONGS SU SPANG BAR BYA'O, ,RANG SANGS RGYAS 'DOD PA'I SEMS YONGS SU SPANG BAR BYA'O, ,'KHOR BA LA SKRAG PA'I SEMS YONGS SU SPANG BAR BYA'O ZHES BYA BA LA SOGS PA GSUNGS PA YIN NO, ,DBYE BA NYI SHUS SA BDUN PA YONGS SU SBYONG BA YIN NO, ,BDAG DANG SEMS CAN 'DZIN PA DANG, ,SROG DANG GANG ZAG CHAD RTAGS DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG DANG NI, ,KHAMS GSUM PA LA CHAGS GNAS DANG, ,SEMS NI KUN TU ZHUM PA DANG, ,DKON MCHOG GSUM DANG TSUL KHRIMS DANG, ,DER LTA BA LA MNGON ZHEN DANG, ,STONG PA NYID LA RTZOD PA DANG, ,DE DANG 'GAL BA'I NYES PA NI, ,NYI SHU @51A *, ,GANG LA RNAM CHAD PA, ,DE YIS SA NI BDUN PA THOB, ,CES GSUNGS PA YIN NO, ,GANG GIS DRI MA NYI SHU RNAM PAR SPANGS PAS SA BDUN PA GNON PA YIN NO, ,YANG DE NYID LA RNAM PA NYI SHUS YIN TE, RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, ,SNYING RJES RLOM PA MED PA DANG, ,CHOS MNYAM NYID DANG TSUL GCIG SHES, ,MI SKYE BA LA BZOD BA DANG, ,CHOS RNAMS RNAM PA GCIG STON PA, ,RTOG PA KUN TU 'JOMS PA DANG, ,'DU SHES LTA DANG NYON MONGS SPONG, ,ZHI GNAS NGES BAR SEMS PA DANG, ,LHAG MTHONG LA NI MKHAS PA DANG, ,SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STON PA NYID DANG NYI SHU'O, ,ZHES BYA BA BSTAN PA YIN NO, ,JI SKAD DU MDO LAS; STONG PA NYID KYI RAB TU DBYE BA DANG, MTSAN MA MED PA MNGON SUM DU BYAS PA DANG, SMON PA MED PA'I YE SHES DANG, BRTZE BA NI SNYING RJE BA'O, ,DE DAG DANG RLOM PA MED PA LA ZHES BYA BA LA SOGS PA GSUNGS PA YIN NO, ,DE LA SNYING RJE NI SKAL BA DMAN PA RNAMS LA'O, ,PHAN GDAGS PA'I DUS LA RTOG PA'I BSAM PAS SNYING RJE BYA BA DANG LDAN PA'I SKAL BA DANG LDAN PA RNAMS LA PHAN GDAGS PAS BSDU BAR SBYOR BA YIN NO, ,DBYE BA RNAM PA BZHIS SA BRGYAD PA YONGS SU SPYOD DO, ,YANG RNAM PA BZHI NI 'DI DAG YIN TE, SEMS CAN KUN YID SHES PA DANG, ,MNGON PAR SHES PAS RTZE BA DANG, ,SANGS RGYAS ZHING BZANGS BSGRUB PA DANG, ,SANGS RGYAS BSTEN DANG DBANG PO SHES, ,ZHING GI SBYONG BA SGYU MA YI, ,TING NGE 'DZIN NI THOB PA DANG, ,BSAMS BZHIN SRID PA LEN PA DANG, ,LAS NI RNAM PA BRGYAD DU 'DOD, ,CES BSTAN PA YIN NO, ,ZHING SBYONG ZHES BYA BA NI SEMS CAN GYI 'JIG RTEN NI SEMS CAN GYI STE, BYANG CHUB SEMS DPA' 'JAM DPAL GYI SANGS RGYAS KYI ZHING LTA BU'O, ,CHOS RNAM PA BCU GNYIS BSGRUBS PAS SA DGU PA YONGS SU SBYONG BA YIN TE, SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU @51B DANG; ,MNGAL DU 'JUG PA'I MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE GNAS DAG DANG NI, ,NGES 'BYUNG BYANG CHUB SHING RNAMS KYIS, ,YON TAN PHUN TSOGS RDZOGS BA YIN, ,ZHES BSTAN PA YIN NO, ,SA BCU BA NYID NI DE BZHIN GSHEGS PA NYID DU BRJOD DO ZHES BYA BA NI SEMS CAN RNAMS LA DE BZHIN GSHEGS PA'I MDZAD PA NYE BAR GNAS PAS DE LA DE BZHIN GSHEGS PAR BRJOD KYI DE BZHIN GSHEGS PA'I THUGS SU CHUD PA LAS DGONGS PA MA YIN NO, ,SA DANG PO LA SOGS PA DE DAG GI YANG YONGS SU SBYONG BA'I CHOS BSTAN TE, DE LA BSHAD PA GANG ZHE NA, BYANG CHUB SEMS DPA' SEMS DPA' CHEN PO LHAG PA'I BSAM PA YONGS SU SBYONG BA ZHES BYA BA NAS BRTZAMS TE, BYANG CHUB SEMS DPA' SA BCU ZHES BYA BA'I BAR DU STE, RANG GI MTSAN NYID RE RE NAS MI DMIGS PA'I RNAM PAR BSTAN TO, ,BYANG CHUB SEMS DPA'I SA BCU BA JI LTA BU ZHE NA, SA DGU LAS SHIN TU 'DAS NAS SANGS RGYAS KYI SA LA 'JUG PA YIN TE, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES BSTAN PA YIN NO, ,DE LAS DGU NI 'DI LTA STE, DKAR PO RNAM PAR MTHONG BA'I SA NI DAD PA DANG, CHOS KYI RJES SU 'BRANG BA DANG, MOS PAS SPYOD PA'I SA YIN NO, ,DE LA RIGS KYI SA NI NYAN THOS LA SOGS PA'I RIGS KYI MTSAN NYID YIN NO, ,DE LA YANG BRGYAD PA'I SA NI RGYUN DU ZHUGS PA'I 'BRAS BU DANG PO YIN NO, ,DE LA YANG MTHONG BA'I SA NI RGYUN DU ZHUGS PA'I SA YIN NO, ,DE LA YANG BSRABS PA'I SA NI LAN CIG PHYIR 'ONG BA'I SA YIN NO, ,'DOD CHAGS DANG BRAL BA'I SA NI DE YANG PHYIR MI 'ONG BA'I SA YIN NO, ,BYAS PA RTOGS PA'I SA NI DE YANG DGRA BCOM PA'I SA YIN NO, ,RANG SANGS RGYAS KYI SA DANG, BYANG CHUB SEMS DPA'I SA DANG RNAM PA DGU YIN NO, ,SA'I TSOGS BSTAN NAS GNYEN PO'I TSOGS BRJOD PAR BYA STE, MTHONG DANG GOMS PA'I SA DAG LA, ,GZUNG DANG 'DZIN PA'I DBYE BA RNAMS, ,NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES BSTAN PA YIN NO, ,DE LA YANG RNAM PAR RTOG PA BRGYAD DO, , @52A *, ,'DI DAG NI RE ZHIG MTHONG BA'I LAM GYI MI MTHUN PA'I PHYOGS RNAM PAR RTOG PA BZHI YIN NO, ,DE LA GZUNG BA'I RNAM PAR RTOG PA NI RNAM PA GNYIS TE, DNGOS PO'I RTEN CAN DANG, GNYEN PO'I RTEN CAN NO, ,'DZIN PA'I RNAM PAR RTOG PA YANG RNAM PA GNYIS TE, GANG ZAG RDZAS SU YOD PA'I RTEN CAN DANG, SKYES BU BTAGS BAR YOD PA'I RTEN CAN NO, ,BSGOM PA'I LAM GYI MI MTHUN PA'I PHYOGS KYANG BZHI PO KHO NA YIN NO, ,DNGOS PO'I RNAM PA TZAM GYI RTEN CAN DANG, GNYEN PO'I RNAM PA'I RTEN CAN TE, RNAM PA GNYIS SO, ,'DZIN PA'I RNAM PAR RTOG PA YANG 'PHAGS PA'I GANG ZAG THAMS CAD BTAGS PA'I RTEN CAN DANG, BTAGS PA DE'I MTSAN MA'I RTEN CAN TE, RNAM PA GNYIS SO, ,RNAM PAR RTOG BA DE DAG NI KHAMS GSUM KA'I YIN NO ZHES BSTAN PA YIN NO, ,RAB 'BYOR KHYOD KYIS GANG 'DI SKAD DU DE GANG LAS NGES PAR 'BYUNG BAR 'GYUR ZHES SMRAS PA NI KHAMS GSUM LAS NGES BAR 'BYUNG BAR 'GYUR RO, ,GANG GI RNAM PA THAMS CAD MKHYEN PA NYID DU GNAS PAR 'GYUR BA NI GNYIS SU MED PA'I RNAL 'BYOR RO, ,JI LTAR GNAS PAR 'GYUR BA DE'I MI MTHUN PA'I PHYOGS SU GYUR PA GNYIS MTHONG BA DANG, SGOM PA GNYIS KYI MI DMIGS PA'I RNAL 'BYOR GYIS RNAM PAR MI RTOG PA LA SBYOR ZHES BYA BA'I DON TO, ,DE CI'I PHYIR ZHE NA, THEG PA CHEN PO GANG YIN PA DANG, RNAM PA THAMS CAD MKHYEN PA NYID GANG YIN PA'I CHOS DE GNYI GA YANG LDAN PA YANG MA YIN, MI LDAN PA YANG MA YIN PA'I PHYIR RO, ,GZUGS MED PA ZHES BYA BA LA SOGS PAS NI DE LA MTHONG BA'I LAM GYI RNAM PAR RTOG PA DANG PO'I GNYEN PO'I DBANG DU MDZAD NAS CHOS KYI DBYINGS DANG, DE BZHIN NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS DANG, NAM MKHA' DANG, SPANGS PA DANG, 'DOD CHAGS DANG BRAL BA'I DBYINGS RNAMS DANG, SKYE BA MED PA DANG, 'GOG PA DANG, PHUNG PO DANG, SKYE MCHED DANG, KHAMS LA SOGS PA NGES PAR 'BYUNG BA MI 'THAD PA NYID KYI PHYIR MTSAN NYID MED PA'I CHOS RNAMS 'BYUNG BAR 'DOD PA YIN NO, ,DE BZHIN DU PHUNG PO DANG, KHAMS DANG, SKYE MCHED RNAMS LA SOGS PA NGES PAR 'BYUNG BA @52B MI 'THAD PAS MTSAN MA MED PA'I CHOS RNAMS 'BYUNG BAR 'DOD PA BKAG PA YIN NO, ,DE CI'I PHYIR ZHE NA, GZUGS LA SOGS PA'I PHUNG PO LA SOGS PA RNAMS NI GZUGS LA SOGS PAS STONG PA'I PHYIR RO, ,DE CI'I PHYIR ZHE NA, DE RNAMS KYI STONG PA NYID DANG, KHAMS GSUM LAS NGES PAR 'BYUNG BA GANG YIN PA DANG, RNAM PA THAMS CAD MKHYEN PA NYID LA GNAS PA BKAG PAS RMI LAM DANG, SMIG RGYU DANG, SGYU MA DANG, SGRA BRNYAN DANG, MIG YOR DANG, GZUGS BRNYAN DANG, SPRUL PA RNAMS NGES PAR 'BYUNG BA MI 'THAD PAS MTSAN NYID MED PA'I CHOS RNAMS 'BYUNG BAR 'DOD PA BKAG PA YIN NO, ,DE CI'I PHYIR ZHE NA, DE RNAMS KYI RANG BZHIN KHAMS GSUM LAS NGES PAR 'BYUNG BA BKAG PAS RNAM PA THAMS CAD MKHYEN PA NYID DU GNAS PA YIN PA BKAG PA'I PHYIR RO, ,DE CI'I PHYIR ZHE NA, DE RNAMS KYI RANG BZHIN DE DAG STONG BA NYID KYI PHYIR RO ZHES GSUNGS PA YIN NO, ,MTHONG BA'I LAM GYI GZUNG BA'I RNAM PAR RTOG PA GNYIS PA'I GNYEN PO'I DBANG DU MDZAD NAS PHA ROL TU PHYIN PA RNAMS NGES PAR 'BYUNG BA MI 'THAD PAS MTSAN NYID MED PA'I CHOS RNAMS NGES PAR 'BYUNG BAR GNAS PA BKAG PA YIN NO, ,DE CI'I PHYIR ZHE NA, DE RNAMS KYI NGO BO DANG, KHAMS GSUM LAS NGES PAR 'BYUNG BA DANG, RNAM PA THAMS CAD MKHYEN PA NYID BKAG PA NYID YIN NO, ,DE CI'I PHYIR ZHE NA, DE RNAMS KYI RANG GI NGO BO DE DAG STONG BA NYID YIN PA'I PHYIR RO ZHES GSUNGS PA YIN NO, ,MTHONG BA'I LAM GYI 'DZIN PA'I DBANG DU MDZAD NAS DGRA BCOM PA DANG, RANG SANGS RGYAS DANG, BYANG CHUB SEMS DPA' DANG, YANG DAG PAR RDZOGS PA'I SANGS RGYAS RNAMS NGES BAR 'BYUNG BAR MI 'THAD PAS MTSAN NYID MED PA'I CHOS RNAMS NGES PAR 'BYUNG BA LA GNAS PA BKAG PA YIN NO, ,DE CI'I PHYIR ZHE NA, DE RNAMS DE DAG GIS STONG PA'I PHYIR RO, ,DE CI'I PHYIR ZHE NA, DE RNAMS KYI STONG PA NYID DANG, KHAMS GSUM LAS NGES PAR 'BYUNG BA DANG, RNAM PA THAMS CAD MKHYEN PA NYID DU NGES PAR 'BYUNG BA BKAG PA YIN NO, ,DE CI'I PHYIR ZHE NA, DE RNAMS KYI RANG GI NGO BO DE DAG GIS STONG PA'I PHYIR RO, ,DE BZHIN DU RGYUN DU ZHUGS PA'I @53A *, ,'BRAS BU DANG, RANG BYANG CHUB DANG, RNAM PA THAMS CAD MKHYEN PA NYID KYI RANG GI NGO BO DE DAG STONG BA NYID YIN PA'I PHYIR RO ZHES STON PA YIN NO, ,MTHONG BA'I LAM GYI 'DZIN PA'I RNAM PAR RTOG PA GNYIS PA'I GNYEN PO'I DBANG DU MDZAD NAS MING DANG, MTSAN MA DANG, BRDA DANG; THA SNYAD DANG, GDAGS PA RNAMS NGES PAR 'BYUNG BA MI 'THAD PAS MTSAN NYID MED PA'I CHOS RNAMS NGES PAR 'BYUNG BA LA GNAS PA BKAG PA YIN NO, ,DE CI'I PHYIR ZHE NA, DE RNAMS NI DE RNAMS KYIS STONG PA'I PHYIR RO, ,DE CI'I PHYIR ZHE NA, DE RNAMS KYI STONG PA NYID DANG, KHAMS GSUM LAS NGES PAR 'BYUNG BA DANG, RNAM PA THAMS CAD MKHYEN PA NYID DU GNAS PA BKAG PA YIN NO, ,DE CI'I PHYIR ZHE NA, DE RNAMS KYI RANG GI NGO BO DE DAG STONG PA NYID YIN PA'I PHYIR RO, ,DE LA MING DU BTAGS PA NI 'DU SHES DANG, GZUGS DANG, TSOR BA DANG ZHES BYA BA LA SOGS PA'O, , MTSAN MAR BTAGS PA NI DNGOS PO 'DI NI GZUGS SU RUNG BA'I MTSAN NYID YIN PAS GZUGS SO ZHES BYA BA LA SOGS PA'O, ,TSOR BA NI NYAMS SU MYONG BA'O ZHES BYA BA LA SOGS PA YIN NO, ,BRDAR BTAGS PA NI KHAMS DANG, 'GRO BA DANG, SKYE GNAS LAS SKYES PA'I DBYE BAS SEMS CAN RNAMS RANG GI SKAD DANG BRDAR JI LTAR GRAGS PA'O, ,'DI DAG THAMS CAD KYI DBYE BA YANG RNAM PA GSUM STE, THA SNYAD DANG, BTAGS PA DANG, THA SNYAD JI LTA JI LTA BA'I RJES SU 'JUG PA TZAM NYID YIN GYI DON DAM PA STONG PA NYID YIN NO, ,DE BZHIN DU SKYE BA MED PA DANG, 'GAG PA MED PA DANG; KUN NAS NYON MONGS PA DANG, RNAM PAR BYANG BA DANG, MNGON PAR 'DUS MA BYAS PA RNAMS RANG BZHIN GYIS STONG PA NYID YIN PA'I PHYIR RO ZHES BSTAN PA YIN NO, ,BSGOM PA'I LAM GYI GZUNG BA'I RNAM PAR RTOG PA'I GNYEN PO'I DBANG DU MDZAD NAS RAB 'BYOR KHYOD KYIS GANG 'DI SKAD DU DE GANG DU GNAS PAR 'GYUR ZHES SMRAS PA NI THEG PA DE GANG DU YANG GNAS PAR 'GYUR BA MED DE, RAB 'BYOR 'DI LTAR CHOS THAMS CAD MI GNAS PA STE, YANG RAB 'BYOR 'DI LTAR CHOS THAMS CAD MI GNAS PAR GNAS PA'I RNAL 'BYOR GYIS GNAS BA ZHES BYA BA NAS BRTZAMS TE, CHOS KYI DBYINGS DANG, SKYE BA @53B MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED BA DANG, MNGON PAR 'DU BYA BA MED PA NYID THEG PA CHEN PO LA GNAS PA DANG, MI GNAS PA BKAG PA YIN NO, ,DE CI'I PHYIR ZHE NA, DE RNAMS DE DAG GIS STONG PA'I PHYIR RO, ,DE CI'I PHYIR ZHE NA, STONG PA NYID LA GNAS PA DANG, MI GNAS PA LA BKAG PA YIN NO, ,DE CI'I PHYIR ZHE NA, DE RNAMS KYI RANG GI NGO BO DE DAG STONG PA NYID YIN PA'I PHYIR RO ZHES BSTAN PA YIN NO, ,BSGOM PA'I LAM GYI GZUNG BA'I RNAM PAR RTOG PA GNYIS PA'I GNYEN PO'I DBANG DU MDZAD NAS RAB 'BYOR GANG YANG KHYOD KYIS 'DI SKAD DU THEG PA DES GANG ZHIG NGES PAR 'BYUNG BAR 'GYUR ZHES SMRAS PA NI THEG PA DES GANG YANG NGES PAR 'BYUNG BA MED DO, ,DE CI'I PHYIR ZHE NA, RAB 'BYOR DE NI 'DI LTAR THEG PA DE GANG YIN PA DANG, GANG NGES PAR 'BYUNG BAR 'GYUR BA'I CHOS DE DAG THAMS CAD MED CING MI DMIGS NA CHOS RNAMS LAS CHOS GANG GIS NGES PAR 'BYUNG BAR 'GYUR ZHES BYA BA NAS BRTZAMS TE, DE CI'I PHYIR ZHE NA, BDAG DANG, SEMS CAN DANG, SROG LA SOGS PA RNAMS SHIN TU RNAM BAR DAG PA NYE BAR BZUNG BA'I PHYIR DMIGS SU MED DO, ,CHOS KYI DBYINGS LA SOGS PA RNAMS DANG, PHUNG PO RNAMS NAS MA 'DRES PA'I BAR RNAMS KYANG, SHIN TU RNAM PAR DAG PA NYE BAR BZUNG BA'I PHYIR MI DMIGS TE, SO SOR RANG GI NGO BOR DMIGS PA NYE BAR MI DMIGS SO, ,DE CI'I PHYIR ZHE NA, RAB 'BYOR CHOS KYI DBYINGS DMIGS SU MED DO ZHES BYA BA NAS MA 'DRES PA RNAMS KYI BAR DU DMIGS PA MI DMIGS SO ZHES BYA BA BSTAN PA YIN NO, ,'DIR SHIN TU RNAM PAR DAG PA SMOS PA NI BSGOM PA'I LAM GYI SHIN TU RNAM PAR DAG PA'I RGYU MTSAN SHES PA YIN PA'I PHYIR RO, ,BSGOM PA'I LAM GYI 'DZIN PA'I RNAM PAR RTOG PA'I GNYEN PO'I DBANG DU MDZAD NAS RGYUN TU ZHUGS PA LA SOGS PA RNAMS NAS YANG DAG PAR RDZOGS PA'I SANGS RGYAS KYI BAR DU SHIN TU RNAM PAR DAG PA NYE BAR BZUNG BA'I PHYIR DMIGS SU MED DO, ,GANG DAG DMIGS SU MED CE NA, RANG GI NGO BO DMIGS SU MED DO, ,DE CI'I PHYIR ZHE NA, RAB 'BYOR RGYUN TU ZHUGS PA DMIGS @54A *, ,SU MED DO ZHES BYA BA NAS YANG DAG PAR RDZOGS PA'I SANGS RGYAS KYI BAR DU THAMS CAD DMIGS SU MED PA'I PHYIR MI DMIGS SO ZHES BSTAN PA YIN NO, SGOM PA'I LAM GYI 'DZIN PA'I RNAM PAR RTOG PA GNYIS PA'I GNYEN PO'I DBANG DU MDZAD NAS RGYUN TU ZHUGS PA LA SOGS PA'I 'BRAS BU RNAMS DANG, RAB TU DGA' BA LA SOGS PA'I SA BCU RNAMS DANG, DKAR PO RNAM PAR MTHONG BA'I SA DANG, RIGS KYI SA DANG, BRGYAD PA'I SA DANG, MTHONG BA'I SA DANG, BSRABS PA'I SA DANG, 'DOD CHAGS DANG BRAL BA'I SA DANG, BYAS PA RTOGS PA'I SA DANG, RANG SANGS RGYAS KYI SA DANG, SANGS RGYAS KYI SA RNAMS LAM GYI 'BRAS BUR GYUR PA 'PHAGS PA'I GANG ZAG THAMS CAD GDAGS PA'I RGYU MTSAN MI DMIGS SO ZHES BSTAN PA YIN NO, ,YANG GANG RNAM PAR RTOG PA BZHI PO SNGAR BSTAN PA NGES PAR 'BYED PA'I CHA DANG MTHUN PA DANG 'BREL PA YIN NO, , DE LTAR 'DIR NI YANG GNYEN PO'I DBANG DU MDZAD PA'I RNAM PAR RTOG PA BRGYAD BSTAN PA YIN NO, ,SNYING RJE LA SOGS PA 'DI DAG NI BYANG CHUB KYI RGYU'I NGO BO YIN PA'I PHYIR TSOGS ZHES BYA'O, ,MNGON PAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS TSOGS KYI BSGRUB PA'I RNAM PAR 'GREL BA'O,, ,,TSOGS KYI BSGRUB PA BSHAD NAS NGES PAR 'BYUNG BA'I BSGRUB PA BSHAD PAR BYA STE, CHED DU BYA DANG MNYAM NYID DANG, ,SEMS CAN DON LA 'BAD MED DANG, ,SHIN TU NGES PAR 'BYUNG BA DANG, ,THOB PA'I NGES PAR 'BYUNG NYID DANG, ,RNAM PA THAMS CAD MKHYEN NYID DU, ,NGES BAR 'BYUNG BA'I LAM NYID DANG, ,RNAM PA BRGYAD KYI BDAG NYID NI, ,NGES 'BYUNG BSGRUB PA YIN ZHES BYA, ,ZHES BSTAN PA YIN NO, ,DE LA NGES PAR 'BYUNG BA'I BSGYUR PA NI RNAM PA BRGYAD DU 'GYUR TE, 'DI LTA STE, CHED DU BYA BA'I NGES PAR 'BYUNG BA DANG, MNYAM PA NYID KYI NGES PAR 'BYUNG BA DANG, SEMS CAN GYI DON GYI NGES PAR 'BYUNG BA DANG, LHUN GYIS GRUB PA'I NGES PAR 'BYUNG BA DANG, SHIN TU NGES PAR 'BYUNG BA DANG, THOB PA'I NGES PAR 'BYUNG BA DANG, RNAM PA THAMS CAD MKHYEN PA NYID DU NGES PAR 'BYUNG BA DANG, LAM GYI NGES PAR 'BYUNG BA'O, ,DE LA @54B CHED DU BYA BA'I NGES PAR 'BYUNG BA NI RNAM PA GSUM STE, MCHOG TU NGES PAR 'BYUNG BA DANG, SPANGS PA'I NGES PAR 'BYUNG BA DANG, RTOGS PA'I NGES PAR 'BYUNG BA'O, ,GANG DU MCHOG NYID NGES PAR 'BYUNG BA'I DBANG DU MDZAD NAS, JI LTAR 'DI LTAR DE DANG DE, ,ZHES BYA BA NAS BRTZAMS TE, GO CHA CHEN PO BGOS PA NI BYANG CHUB SEMS DPA' ZHES BYA BA'I GO CHA'I BSGRUB PA CHEN PO NYID DANG, THEG PA CHEN PO LA YANG ZHON PA ZHES BYA BA 'JUG PA'I CHE BA NYID DANG, CI'I PHYIR GO CHA CHEN PO BGOS PA ZHES BYA BA'I TSOGS KYI BSGRUB PA'I CHE BA NYID KYIS 'DI'I CHEN PO RNAM PA GSUM PO NGES PAR 'BYUNG BA'I BSGRUB PA NAS BRTZAMS TE, DE NI 'CHAD PAR 'GYUR BA YIN NO, ,BCOM LDAN 'DAS THEG PA CHEN PO ZHES BGYI BA 'DI NI LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN TE 'BYUNG BAR 'GYUR BAS ZHES GNAS BRTEN RAB 'BYOR GYIS NGES PAR 'BYUNG BA'I BSGRUB PA BSTAN NAS, DE NYID BSTAN PA NI RAB 'BYOR 'DI DAG NI BYANG CHUB SEMS DPA' SEMS DPA' CHEN PO'I THEG PA CHEN PO STE, PHA ROL TU PHYIN PA DRUG DANG, GZUNGS KYI SGO THAMS CAD DANG, TING NGE 'DZIN GYI SGO THAMS CAD DANG, STONG PA NYID THAMS CAD DANG, BYANG CHUB KYI PHYOGS KYI CHOS RNAMS DANG, MA 'DRES PA'I BAR DU JI SKAD BSTAN PA RNAMS THEG PA CHEN PO'I NGES PAR 'BYUNG BA NAS BRTZAMS TE, RAB 'BYOR GANG YANG KHYOD KYIS 'DI SKAD DU THEG PA CHEN PO DE NI LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN TE 'BYUNG BAR 'GYUR RO ZHES SMRAS PA NI RAB 'BYOR GAL TE 'DOD PA'I KHAMS DE BZHIN, MA NOR BA DE BZHIN, GZHAN MA YIN PA DE BZHIN TE, PHYIN CI MA LOG PA YIN TE, DE KHO NA BDEN PA YANG DAG PA STE, JI LTA BA BZHIN DU RTAG CING BRTAN LA THER ZUG MI 'GYUR BA'I CHOS CAN GYI DNGOS PO ZHIG YIN NA THEG PA CHEN PO 'DIS KYANG LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN CING 'BYUNG BAR MI 'GYUR RO, ,GANG GI PHYIR RAB 'BYOR 'DOD PA'I KHAMS DE RNAM PAR RTAG PA ZHES BYA BA NI YANG DAG PA MA YIN PAR YONGS SU BRTAG PA'I MA RIG PAS RNAM PAR GZHAG CING DE NI RKYEN GYI 'DU BYED KYIS RNAM PAR BSGRUBS PA SRED PA DANG, LEN PA DANG, @55A *, ,SRID PA YONGS SU 'GYUR BA'I CHOS CAN YIN NO, ,DE BAS NA THEG PA CHEN PO 'DIS LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN NAS NGES PAR 'BYUNG BAR 'GYUR RO, ,DE CI'I PHYIR ZHE NA, 'JIG RTEN NA GRAGS PA TZAM GYI DON JI LTA BA NYID MA YIN PAS MNGON PAR RTOGS PA'I 'BRAS BU'I THEG PA CHEN PO NI DE LA MNGON PAR ZHEN PA'I BCINGS PAN YID YIN ZHES BSTAN PA'I PHYIR RO, ,GZHAN DU NA THEG PA CHEN PO GNYEN PO NYID NI DON MED DO ZHES BYA BA YIN NO, ,DE LA DMIGS PA DANG, DMIGS PA PO DANG, GNYI GA'I DBANG DU MDZAD NAS TSIG DANG PO DANG, BZHI PA DANG, BDUN PA'O, ,GNYIS PA GNYIS NI SNGA MA DAG GIS BSHAD PA DAG GI TSIG YIN LA, DE NAS DE LA GZHAN GSUM GYI DBANG DU BYAS NAS NI TSIG GSUM YIN NO, ,DE BZHIN DU DMIGS PA LA SOGS PA DE RNAMS KYIS MNYAM PA'I NGES PAR 'BYUNG BAR 'GYUR BAS GZHAN DU 'GYUR BA'I CHOS CAN NI TSIG BCU GCIG YIN PAR SHES PAR BYA'O, ,DE BZHIN DU GZUGS DANG, GZUGS MED PA'I KHAMS DANG, PHUNG PO LA SOGS PA DANG, CHOS KYI DBYINGS DANG, YANG DAG PA'I MTHA' DANG, PHA ROL TU PHYIN PA LA SOGS PA NAS MA 'DRES PA'I BAR DU DNGOS PO DANG DNGOS PO MED PA BKAG PAR GSUNGS PA NI THEG PA CHEN PO'I NGES PAR 'BYUNG BA YIN PAR 'DOD PA'I 'OG MA RNAMS LA YANG KHAS BLANG BAR BYA'O ZHES BSTAN PA YIN NO, ,SPANGS PA'I NGES PAR 'BYUNG BA'I DBANG DU MDZAD NAS RIGS KYI SA'I CHOS DANG, BRGYAD PA'I SA'I CHOS DANG, RGYUN TU ZHUGS PA LA SOGS PA'I CHOS RNAMS DANG, RIGS KYI SA'I GANG ZAG NAS YANG DAG PAR RDZOGS PA'I SANGS RGYAS KYI BAR DANG, LHA DANG MI DANG, LHA MA YIN DU BCAS PA'I 'JIG RTEN DNGOS PO YOD PA DANG DNGOS PO MED PA MA YIN NA NI THEG PA CHEN PO 'DIS KYANG LHA DANG MI DANG LHA MA YIN DU BCAS PA'I 'JIG RTEN DNGOS PO DANG, DNGOS PO MED PA BKAG PAS THEG PA CHEN POS NGES PAR 'BYUNG BA BSTAN PA YIN NO, ,RTOGS PA'I NGES PAR 'BYUNG BA'I DBANG DU MDZAD NAS SEMS DANG PO BSKYED PA NAS NYE BAR BZUNG STE, BYANG CHUB KYI SNYING PO LA 'DUG GI BAR DU SEMS BSKYED PA RNAMS DNGOS PO DANG, DNGOS PO MED @55B PA BKAG PAS THEG PA CHEN POS NGES PAR 'BYUNG BA BSTAN PA YIN NO, ,RDO RJE LTA BU'I YE SHES DNGOS PO DANG DNGOS PO MED PA BKAG PAS BSTAN PA YIN NO, ,BYANG CHUB SEMS DPA'I BAG CHAGS KYIS MTSAMS SBYOR BA'I NYON MONGS PA THAMS CAD SPONG BA DANG, RNAM PA THAMS CAD MKHYEN PA NYID THOB PA DANG, THEG PA CHEN POS NGES PAR 'BYUNG BA DANG, SKYES BU CHEN PO'I MTSAN SUM CU RTZA GNYIS DNGOS PO DANG DNGOS PO MED PA BKAG PAS BSTAN TO, ,SANGS RGYAS KYIS LHA DANG MI DANG LHA MA YIN DU BCAS PA'I 'JIG RTEN GZI BRJID DANG DPAL GYIS MNAN CING, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYANG DNGOS PO DANG DNGOS PO MED PA BKAG PA BSTAN TO, ,SANGS RGYAS KYIS 'JIG RTEN GYI KHAMS GANG G'A'I KLUNG GI BYE MA SNYED RANG GI SKU'I 'OD KYIS RGYAS PAR 'GENGS PAR MDZAD PA DANG, GSUNG DBYANGS YAN LAG DRUG CU DANG LDAN PA DNGOS PO DANG DNGOS PO MED PA BKAG PA BSTAN TO, ,SANGS RGYAS KYIS PHYOGS BCU'I 'JIG RTEN GYI KHAMS RE RE ZHING TSAD MED CING GRANGS MED BA'I 'JIG RTEN GYIS KHAMS GSUNG GIS GO BAR MDZAD PA SNGA MA BZHIN NO, ,DE LA GSUNG DBYANGS YAN LAG DRUG CU LAS DE LAS KYANG MNYEN PA GANG ZHEN, 'DI LTAR SANGS RGYAS KYIS DGE BA'I RTZA BA NYE BAR STON PAR MDZAD PA'I PHYIR MNYEN PA'O, ,MTHONG BA'I CHOS NYID LA BDE BAR NGES PAR MDZAD PA'I PHYIR 'JOMS PA'O, ,DON BZANG BA'I PHYIR YID DU 'ONG BA'O, ,YI GE BZANG BA'I PHYIR YID DU 'THAD PA'O, ,'JIG RTEN LAS 'DAS PA BLA NA MED PA'I RJES LA THOB PA'I PHYIR DAG BA'O, ,NYON MONGS PA'I BAG LA NYAL GYI BAG CHAGS THAMS CAD DANG BRAL BA'I PHYIR DRI MA MED PA'O, ,TSIG DANG YI GE RAB TU GRAGS PA'I PHYIR RAB TU GSAL BA'O, ,MU STEGS CAN BLO GROS NGAN PA THAMS CAD KYI LTA BA RNAM PAR 'JOMS PA'I STOBS KYI YON TAN DANG LDAN PA'I PHYIR SNYAN CING 'JEBS PA'O, ,BSGRUBS PA NGES PAR 'BYUNG BA DANG LDAN PA'I PHYIR MNYAN PAR 'OS PA'O, ,PHA ROL GYI RGOL BA THAMS CAD KYIS MI RTZOL BA'I PHYIR MI TSUGS PA'O, ,THAMS CAD DGA' BAR BYED PA'I PHYIR SNYAN PA'O, ,'DOD CHAGS LA SOGS PA'I GNYEN POR GYUR PA'I PHYIR DUL BA'O, @56A *, ,BSLAB PA BCAS BA'I THABS BDE BA MNGA' BA'I PHYIR MI RTZUB PA'O, ,DE LAS 'DAS NA NGES PAR 'BYUNG BA'I THABS YANG DAG PAR STON PAR MDZAD PA'I PHYIR MI BRLANG BA'O, ,THEG PA GSUM GYIS 'DUL BA STON PA'I PHYIR RAB TU DUL BA'O, ,RNAM PAR G-YENG BA'I GNYEN PO YIN PA'I PHYIR RNAR SNYAN PA'O, ,TING NGE 'DZIN BSKYED PA'I PHYIR LUS SIM PAR BYED PA'O, ,LHAG MTHONG GIS RAB TU DGA' BA SKYED PAR MDZAD PA'I PHYIR SEMS TSIM PAR BYED PA'O, ,THE TSOM GCOD PAR MDZAD PA'I PHYIR SNYING DGA' BAR BYED PA'O, ,LOG PAR NGES PA DANG MA NGES PA SEL BAS NA DGA' BA DANG BDE BA SKYED BA'O, ,BSGRUB PA LA 'GYOD PA MED PA'I PHYIR YONGS SU GDUNG BA MED PA'O, ,THOS PA LAS BYUNG BA'I SHES PA PHUN SUM TSOGS PA'I RTEN YIN PA'I PHYIR KUN SHES PAR BYA BA'O, ,BSAMS PA LAS BYUNG BA'I SHES PA PHUN SUM TSOGS PA'I RTEN YIN PA'I PHYIR RNAM PAR RIG PAR BYA BA'O, ,SLOB DPON GYI DPE MKHYUD MI MNGA' BAR CHOS STON PAR MDZAD PA'I PHYIR RNAM PAR GSAL BA'O, ,RANG GI DON RJES SU THOB PA RNAMS DGA' BAR BYED PA'I PHYIR DGA' BAR BYED PA'O, ,RANG GI DON THOB PA RNAMS KYIS DGA' BAR BYA BA YIN PA'I PHYIR MNGON PAR DGA' BAR BYED PA'O, , BSAM GYIS MI KHYAB PA'I CHOS YANG DAG BAR STON PAR MDZAD PA'I PHYIR KUN SHES PAR BYED PA'O, ,BSAM DU RUNG BA'I CHOS RNAMS YANG DAG PAR STON PAR MDZAD PA'I PHYIR RNAM PAR RIG PAR BYED PA'O, ,TSAD MA DANG MI 'GAL BA'I PHYIR RIGS PA'O, ,GDUL BYA RNAMS LA JI LTAR RIGS PAR STON PAR MDZAD PA'I PHYIR 'BREL PA'O, ,DON MED BA MI GSUNG BA'I PHYIR ZLOS PA'I SKYON MED PA'O, ,MU STEGS BYED KYI TSOGS THAMS CAD SKRAG PAR MDZAD PA'I PHYIR SENG GE'I SHUGS SO, ,GSUNG RGYA CHE BA'I PHYIR GLANG PO CHE'I SGRA SKAD DO, ,ZAB PA'I PHYIR 'BRUG GI SGRA DBYANGS SO, ,GZUNG BAR 'OS PA'I PHYIR KLU'I DBANG PO'I SGRA'O, ,SNYAN PA'I PHYIR DRI ZA'I GLU DBYANGS SO, ,RNO BA DANG 'JIGS PA'I PHYIR KA LA PIm KA'I SGRA DBYANGS SO, ,THAG RING POR GRAG PA'I PHYIR TSANGS PA'I SGRA DBYANGS SU BSGRAGS PA'O, ,GRUB PA THAMS CAD KYI SNGON DU 'GRO BAR SHES PA YIN PA'I PHYIR SHANG SHANG TE'U'I SGRA DBYANGS @56B SU GRAGS PA'O, ,DE LA SGRA SMOS PAS NI DON STON PA'I MTSAN NYID SGRA YIN PAR GO BAR BYA BA'I DON TO, ,DBYANGS SMOS PA NI DE'I BRDA GO BAR BYED PA'I DON TO, ,GRAG PA SMOS PAS NI BRDA DE DANG RJES SU SGROGS PA GO BAR BYED PA'I DON YIN NO, ,'DA' BAR BYA BA MA YIN PA'I PHYIR LHA'I DBANG PO'I DBYANGS LTAR SNYAN PA'O, ,BDUD DANG PHYIR RGOL BA THAMS CAD LAS RNAM PAR RGYAL BA'I SNGON DU 'GRO BA'I PHYIR RNGA'I SGRA'O, ,BSTOD PAS KUN NAS NYON MONGS PA MI MNGA' BA'I PHYIR MA KHENGS PA'O, ,SMAD PAS ZHUM PA MI MNGA' BA'I PHYIR MI DMA' BA'O, ,SGRA'I BSTAN BCOS THAMS CAD LA RNAM PA THAMS CAD KYI MTSAN NYID RJES SU ZHUGS PA NYID YIN PA'I PHYIR SGRA THAMS CAD KYI RJES SU ZHUGS PA'O, ,BSNYEL TE GSUNGS BA MI MNGA' BA'I PHYIR TSIG ZUR CHAG PA MED PA'O, ,GDUL BYA RNAMS KYI BYA BA LA DUS THAMS CAD DU NYE BAR GNAS PAR MDZAD PA'I PHYIR MA TSANG BA MED PA'O, ,RNYED PA DANG BKUR STI LA MI RTON PA'I PHYIR MA ZHUM PA'O, ,BSNYENGS PA DANG BRAL BA'I PHYIR MI ZHAN PA'O, ,SKYO BA MED PA LA MNGA' BRNYES PA'I PHYIR RAB TU DGA' BA'O, ,RIG PA'I GNAS THAMS CAD LA MKHAS PA DANG LDAN PA'I PHYIR KHYAB PA'O, ,SEMS CAN GYI DON DE DAG THAMS CAD RDZOGS PAR MDZAD PA'I PHYIR CHUB PA'O, ,RGYUN CHAD PA MED PA'I PHYIR RGYUN CHAGS PA'O, ,RNAM PA SNA TSOGS PA'I RNAM PAR RAB TU GNAS PA'I PHYIR 'BREL PA'O, ,GSUNG GCIG LAS SGRA'I RNAM PA DU MAR GNAS PA'I PHYIR SGRA THAMS CAD RDZOGS PAR BYED PA'O, ,GCIG LAS DON DU MA'I RNAM PAR RIG BAR NYE BAR GNAS PA'I PHYIR DBANG PO THAMS CAD TSIM PAR BYED PA'O, ,JI LTAR BCAS PA BZHIN MDZAD PA'I PHYIR MA SMAD PA'O, ,PHYIS DUS LA BAB PAR RAB TU SBYOR BA'I PHYIR MI 'GYUR BA'O, ,RTAB RTAB POR MI GSUNG BA'I PHYIR MA RTABS [*RTAB?] PA'O, ,'KHOR THAG RING BA DANG NYE BAR MTSUNGS PAR THOS PA'I PHYIR KUN TU GRAG PA'O, ,'JIG RTEN PA THAMS CAD KYI DON DANG, 'JIG RTEN LAS 'DAS PA'I DON THAMS CAD DPE CHOS SU BSGYUR BA'I PHYIR RNAM PA THAMS CAD KYI MCHOG DANG LDAN PA'O ZHES 'PHAGS PA THOGS MED KYIS GSUNGS SO, ,CHOS KYI 'KHOR LO LAN GSUM BSKOR BA RNAM PA BCU GNYIS KYI @57A *, ,CHOS KYI 'KHOR LO DNGOS PO DANG DNGOS PO MED PAS BSTAN PA YIN NO, ,SNGAR MA BSKOR BA'I CHOS KYI 'KHOR LO LAN GSUM BSKOR BA 'DI YIN TE, SDUG BSNGAL 'PHAGS PA'I BDEN PA YONGS SU SHES PAR BYA'O, ,YONGS SU SHES SO ZHES BYA BA LA SOGS PA 'DI LA RE RE ZHING MIG DANG, SHES PA DANG, RIG PA DANG, BLO SKYES PA'I PHYIR 'DI LTAR RNAM PA BCU GNYIS SO, ,DE BZHIN DU BDEN PA RE RE ZHING YANG GSUM DANG, BCU GNYIS SU CHOS MTHUN PAS LAN GSUM RNAM PA BCU GNYIS SU BSKOR BA ZHES GSUNGS PA YIN NO, ,SEMS CAN GANG DAG LA BSKOR BA DE RNAMS KYI DNGOS PO DANG DNGOS PO MED PA BKAG PAR BSTAN PAS DUS GSUM PA'I SEMS CAN DE DAG PHUNG PO MA LUS PA'I MYA NGAN LAS 'DAS BA'I DBYINGS SU YONGS SU MYA NGAN LAS 'DA' BA'I PHYIR RO, ,GSOL PA, BCOM LDAN 'DAS DNGOS PO NI GANG ZHIG LAGS, DNGOS PO MED PA NI GANG ZHIG LAGS, BKA' STZAL PA, RAB 'BYOR GNYIS NI DNGOS PO'O, ,GNYIS SU MED PA NI DNGOS PO MED PA'O ZHES GSUNGS PA YIN NO, ,NGES PAR 'BYUNG BA GSUM NI CHED DU BYA BA'I NGES PAR 'BYUNG BA YIN PAR RIG PAR BYA'O, ,MNYAM PA NYID KYI NGES PAR 'BYUNG BA'I DBANG DU MDZAD NAS RAB 'BYOR KHYOD KYIS GANG YANG 'DI SKAD DU THEG PA DE NI NAM MKHA' DANG MNYAM PA'O ZHES BYA BA LA SOGS PA DANG, NAM MKHA' DPER BYAS PAS NI THEG PA CHEN PO LA PHYOGS YOD PAR SHES PAR BKAG PA YIN PAS RING PO DANG, THUNG NGU DANG, SNGON PO DANG SER PO LA SOGS PA DANG, DBYIBS DANG, KHA DOG GI GZUGS BKAG PA DANG, DUS GSUM BKAG PAS KUN NAS NYON MONGS PA DANG, RNAM PAR BYANG BA DANG, SKYE BA DANG, 'GAG PA DANG, GNAS PA DANG, MTHAR THUG PA DANG, GNAS PA LAS GZHAN DU 'GYUR BA MED PA'I PHYIR RO, ,DE LA MED PA LA 'BYUNG BA NI SKYE BA'O, ,YOD PA LAS LOG PA NI BKAG PA'O, ,RGYUN 'DRA BA NI GNAS PA'O, ,RGYUN RNAM PAR 'GYUR BA NI MTHAR THUG PA'O, ,NYE BAR ZHIG CING RGYUN GZHAN DU 'GYUR BA NI GNAS PA LAS GZHAN DU 'GYUR BA'O, ,DGE BA DANG, MI DGE BA DANG, LUNG DU MA BSTAN PA MA YIN PA RNAMS DANG, MTHONG @57B BA DANG, THOS PA DANG, RTOGS PA DANG, RNAM PAR SHES PA RNAMS DANG, SHES PAR BYA BA DANG, RNAM PAR SHES PAR BYA BA DANG, YONGS SU SHES PAR BYA BA DANG, MNGON DU BYA BA DANG, SPANG BAR BYA BA DANG, BSGOM PAR BYA BA'O, ,DE LA SHES PAR BYA BA NI THAMS CAD SHES PA NYID DE, NYAN THOS DANG, RANG SANGS RGYAS KYIS MTHONG ZHING, YE SHES KYIS BLTAS NAS BYANG CHUB SEMS DPA' 'DA' BAR BYA'O ZHES GSUNGS PA'I PHYIR RO, ,KUN SHES PA NYID NI LAM SHES PA NYID DE, DES SANGS RGYAS NYID KYI BAR DU SHES PAR BYA BA NYID YIN PA'I PHYIR RO, ,RNAM PAR SHES PAR BYA BA NI RNAM PA THAMS CAD MKHYEN PA NYID DE, DES NI MA LUS PA YUL DU MDZAD BA'I PHYIR RO, ,RNAM PAR SMIN PA DANG, DE DANG 'BREL BA'I CHOS DANG, 'DOD PA'I KHAMS LA SOGS PAR GTOGS PA NYID BKAG PAS NAM MKHA' DANG, THEG PA CHEN PO MTSUNGS PAS SEMS BSKYED PA DANG PO NAS NYE BAR BZUNG STE, DE BZHIN DU SA BCU PA DANG, DKAR PO RNAM BAR MTHONG BA'I SA LA SOGS PA RNAMS DANG, BYAS PA RTOGS PA'I SA NAS RGYUN DU ZHUGS PA LA SOGS PA'I 'BRAS BU RNAMS DANG, NYAN THOS DANG, RANG SANGS RGYAS DANG, SANGS RGYAS KYIS BKAG PAS THEG PA CHEN PO NI GZUGS DANG, BSTAN DU YOD PA DANG, THOGS PA DANG BCAS PA DANG, MTSUNGS PAR LDAN PA RNAMS LAS GO BZLOG PA RNAMS BKAG PA DANG, DE BZHIN DU BDE BA DANG, RTAG PA DANG, ZHI BA RNAMS LAS GO BZLOG PA DANG, MI STONG PA DANG, MTSAN MA DANG, SMON PA YOD PA DE RNAMS GO BZLOG PA DANG, DBEN PA DANG, SNANG BA LAS GO BZLOG PA RNAMS DANG, THOB PA DANG, NYE BAR THOB PA DANG, BRJOD DU YOD PA DANG, RAB TU BRJOD DU YOD PA GNYIS BKAG PAS NI THEG PA CHEN PO NI NAM MKHA' DANG MNYAM PA NYID DU BSTAN PA YIN NO, ,SEMS CAN GYI DON GYI NGES PAR 'BYUNG BA'I DBANG DU MDZAD NAS RAB 'BYOR GANG KHYOD KYIS 'DI SKAD DU JI LTAR NAM MKHA' SEMS CAN TSAD MAD GRANGS MED PA'I GO 'BYED PA DE BZHIN DU THEG PA CHEN PO DE YANG DE BZHIN NO, ,SEMS CAN DANG, NAM MKHA' DANG, THEG PA CHEN PO DE YANG MED PA'I PHYIR THEG PA CHEN PO NI SEMS CAN TSAD MED GRANGS MED PA'I GO 'BYED PA @58A *, ,YIN NO, ,DE CI'I PHYIR ZHE NA, SEMS CAN DANG, NAM MKHA' DANG, THEG PA CHEN PO MI DMIGS PA'I PHYIR RO, ,YANG SEMS CAN DANG, NAM MKHA' DANG, THEG PA CHEN PO TSAD MED BA'I PHYIR SNGAR BSTAN PA LTAR THEG PA CHEN PO SEMS CAN GYI GO 'BYED PA YIN NO, , DE CI'I PHYIR ZHE NA, SEMS CAN LA SOGS PA DMIGS SU MED BA'I PHYIR RO, ,YANG SEMS CAN DANG, NAM MKHA' DANG, THEG PA CHEN PO GRANGS MED PA'I PHYIR DE NYID KYIS SEMS CAN GRANGS MED PA'I GO 'BYED PA YIN NO, ,DE CI'I PHYIR ZHE NA, DE RNAMS THAMS CAD DMIGS SU MED PA'I PHYIR RO, ,YANG SEMS CAN GYI KHAMS DANG, CHOS KYI DBYINGS DANG, NAM MKHA' DANG, THEG PA CHEN PO RNAMS TSAD MED PA DANG, GRANGS MED PA NYID KYI PHYIR DE LTA BAS NA SNGAR BSHAD PA LTAR SEMS CAN GYI GO 'BYED PA YIN NO, ,DE CI'I PHYIR ZHE NA, DE RNAMS THAMS CAD DMIGS SU MED BA'I PHYIR RO, ,YANG SEMS CAN DANG, DE BZHIN GSHEGS PA DANG, NAM MKHA' DANG, THEG PA CHEN PO DANG, 'DUS MA BYAS DANG, MI 'JAL BA DANG, MI 'GRANGS PA DANG, MI DPOGS PA MED PA NYID KYI PHYIR CHOS THAMS CAD MED PA DE NYID KYIS SNGAR BSTAN PA DE LTAR SEMS CAN GYI GO 'BYED PA YIN NO, ,DE CI'I PHYIR ZHE NA, DE RNAMS MI DMIGS PA'I PHYIR RO, ,GZHAN YANG BDAG DANG, SEMS CAN DANG, SROG LA SOGS PA DANG, YANG DAG PA'I MTHA' DANG, GRANGS MED PA RNAMS DANG, CHOS THAMS CAD MED PA NYID KYI PHYIR DE NYID KYIS SEMS CAN GYI GO 'BYED PA YIN NO, ,DE CI'I PHYIR ZHE NA, DE LTAR DMIGS SU MED PA'I PHYIR RO, ,YANG BDAG LA SOGS PA DANG, BSAM GYIS MI KHYAB PA'I DBYINGS DANG, GZUGS LA SOGS PA'I PHUNG PO LA SOGS PA RNAMS DANG, KHAMS DANG, THEG PA CHEN PO DANG, MI 'JAL BA DANG, MI 'GRANGS PA DANG, MI DPOGS PA MED PA NYID KYI PHYIR DE NYID KYIS SEMS CAN GYI GO 'BYED PA YIN NO, ,DE CI'I PHYIR ZHE NA, DE RNAMS DMIGS SU MED PA'I PHYIR RO, ,YANG BDAG LA SOGS PA DANG, MIG LA SOGS PA DANG, NAM MKHA' DANG, THEG PA CHEN PO DANG, MI 'JAL BA DANG, MI 'GRANGS BA DANG, MI DPOGS PA MED PA NYID @58B KYI PHYIR DE NYID KYIS SEMS CAN GYI GO 'BYED PA YIN NO, ,DE CI'I PHYIR ZHE NA, DE RNAMS DMIGS SU MED PA NYID KYI PHYIR RO, ,YANG BDAG LA SOGS PA DANG, SBYIN PA LA SOGS PA'I PHA ROL TU PHYIN PA RNAMS DANG, NAM MKHA' DANG, THEG PA CHEN PO DANG, TSAD MED PA DANG, GRANGS MED PA DANG, DPAG TU MED PA NYID DANG, CHOS THAMS CAD MED PA NYID KYI PHYIR DE NYID KYIS SEMS CAN RNAMS KYI GO 'BYED PA YIN NO, ,DE CI'I PHYIR ZHE NA, DE RNAMS DMIGS SU MED PA NYID KYI PHYIR RO, ,YANG BDAG LA SOGS PA DANG, SEMS CAN STONG PA NYID DANG, DE BZHIN DU BYANG CHUB KYI PHYOGS LA SOGS PA RNAMS NAS MA 'DRES PA DANG, RIGS KYIS DANG, RGYUN DU ZHUGS BA LA SOGS PA RNAMS DANG, NYAN THOS DANG, RANG SANGS RGYAS KYI THEG PA GANG YIN PA DANG, DE BZHIN GSHEGS PA RNAM PA THAMS CAD MKHYEN PA NYID DANG, NAM MKHA' DANG, THEG PA CHEN PO DANG, CHOS THAMS CAD MED PA NYID KYI PHYIR DE NYID KYIS NA SEMS CAN RNAMS KYI GO 'BYED PA YIN NO, ,DE CI'I PHYIR ZHE NA, DE RNAMS DMIGS SU MED PA NYID KYI PHYIR RO, ,MYA NGAN LAS 'DAS PA DANG, NAM MKHA' DANG, DPER BRJOD PA DANG, THEG PA CHEN PO SNGAR BSTAN PA LTAR SEMS CAN RNAMS KYI GO 'BYED PA YIN NO, ,JI SKAD DU MDO LAS, RAB 'BYOR YANG 'DI LTA STE, MYA NGAN LAS 'DAS PA'I DBYINGS DANG, TSAD MED PA DANG, GRANGS MED PA DANG, DPAG TU MED PA'I SEMS CAN GYI GO 'BYED PA'O, ,DE LTA YIN NA THEG PA CHEN PO 'DIS ZHES BYA BA LA SOGS PA LA RNAM PA MANG DU DPE GZHAN BRGYUD PA ZLOS PA'I NYES PA'I SKABS MED DO, ,DE DANG DE RTOGS PA'I BYE BRAG GI GNAS SKABS KYIS GONG NAS GONG DU SEMS CAN GYI DON MANG BAS RIM GYIS 'JUG PA SHES PA'I DON DU DE BZHIN DU BSTAN PA YIN TE, JI SKAD DU MDO GZHAN DAG LAS, ZHI BA'I BLO GROS RNAM GRANGS 'DI LTAR RIG PAR BYA STE, JI LTA JI LTAR BLA NA MED PA YANG DAG PAR RDZOGS PA'I BYANG CHUB DANG NYE BAR 'GYUR BA DE LTA DE LTAR SEMS CAN TSAD MED PA DANG, GRANGS MED PA DANG, DPAG TU MED PA YONGS SU SMIN PAR BYED DO ZHES BYA BA LA SOGS PA GSUNGS PA YIN NO, ,LHUN GYIS GRUB PA'I NGES PAR 'BYUNG BA'I DBANG DU MDZAD NAS RAB 'BYOR @59A *, ,GANG YANG KHYOD KYIS 'DI SKAD DU, NAM MKHA' DANG, THEG PA CHEN PO DE LA 'ONG BA'AM, 'GRO BA ZHES BYA BA MTHONG BA YANG MED, GNAS PA YANG MED, 'GRO BA DANG, 'ONG BA DANG, GNAS PA MED PA NI LHUN GYIS GRUB PA'I NGES PAR 'BYUNG BA YIN PAR BSTAN TE, DE CI'I PHYIR ZHE NA, CHOS THAMS CAD G-YO BA MED PA'I PHYIR RO, ,DE CI'I PHYIR ZHE NA, GZUGS LA SOGS PA'I PHUNG PO RNAMS DANG, MIG LA SOGS PA RNAMS DANG, SA LA SOGS PA'I KHAMS DRUG DANG, CHOS KYI DBYINGS DANG, DE BZHIN NYID DANG, YANG DAG BA'I MTHA' DANG, BSAM GYIS MI KHYAB PA'I DBYINGS DANG; PHA ROL TU PHYIN PA RNAMS DANG, BYANG CHUB KYI PHYOGS RNAMS DANG, STOBS LA SOGS BA NAS SANGS RGYAS KYI CHOS MA 'DRES PA'I BAR DANG, YANG DAG PAR RDZOGS PA'I BYANG CHUB DANG, 'DUS BYAS DANG, RANG BZHIN DANG, NGO BO NYID KYI MTSAN NYID RNAM PAR 'ONG BA DANG, 'GRO BA DANG, GNAS PA BKAG PA NI LHUN GYIS GRUB PA'I NGES PAR 'BYUNG BA SHES PAR BYED PA'I CHED YIN NO, ,MTHA' LAS 'DAS PA'I NGES PAR 'BYUNG BA'I DBANG DU MDZAD NAS RAB 'BYOR GANG YANG KHYOD KYIS 'DI SKAD DU THEG PA CHEN PO DE LA SNGON GYI MTHA' YANG MI DMIGS SO, ,PHYI MA DANG, DBUS KYANG MI DMIGS TE, DUS GSUM MNYAM PA NYID CES BYA BA'I THEG PA CHEN PO STE, DE'I PHYIR THEG PA CHEN PO ZHES BYA'O ZHES BYA BA YIN TE, DUS GSUM MNYAM PA NYID NI MTHA' LAS 'DAS BA'I NGES PAR 'BYUNG BA YIN PAR BSTAN TO, ,DE CI'I PHYIR ZHE NA, DUS GSUM NI DE'I MNYAM PA NYID YIN PA DANG, THEG PA CHEN PO DANG; BYANG CHUB SEMS DPA' NI DE DANG DE'I BDAG NYID KYIS STONG PA NYID YIN PA'I PHYIR STONG PA NYID KYIS NI GCIG NAS BCU'I BAR GYI GRANGS BKAG PAS THEG PA CHEN PO LA MNYAM PA DANG, MI MNYAM PA DANG, 'DOD CHAGS DANG, 'DOD CHAGS DANG BRAL BA DANG, ZHE SDANG DANG, ZHE SDANG DANG BRAL BA DANG, GTI MUG DANG, GTI MUG DANG BRAL BA DANG, MING DANG, MING MED PA NAS, MI DGE BA DANG, DGE BA DAG DANG, ZAG PA DANG BCAS PA DANG, ZAG PA MED PA DANG, KHA NA MA THOB BA DANG BCAS BA DANG, KHA NA MA THO BA MED PA DANG, NYON MONGS PA DANG BCAS PA DANG, NYON MONGS PA ZAD PA DANG, 'JIG RTEN PA DANG, @59B 'JIG RTEN LAS 'DAS PA DANG, KUN NAS NYON MONGS PA DANG, RNAM PAR BYANG BA DANG, 'KHOR BA DANG, MYA NGAN LAS 'DAS PA DANG, RTAG PA DANG, BDE BA DANG, BDAG DANG, ZHI BA DANG, DE DAG LAS GO BZLOG PA DANG, 'DOD PA LA SOGS PA'I KHAMS RNAMS DANG, DE LAS 'DAS BA YANG MI DMIGS BA'I PHYIR RO, ,DE CI'I PHYIR ZHE NA, DE DAG THAMS CAD NI NGO BO NYID KYIS MI DMIGS PA'I PHYIR RO, ,'DAS PA LA SOGS PA'I GZUGS LA SOGS PA STONG PA NYID YIN PA'I PHYIR RO, ,DE CI'I PHYIR ZHE NA, STONG PA NYID NI STONG PA NYID KYIS DMIGS SU MED PA NYID YIN BA'I PHYIR RO, ,'DAS PA LA SOGS BA'I GZUGS LA SOGS PA DMIGS SU MED PA'I PHYIR DUS GSUM MNYAM PA NYID KYIS NA SNGON GYI MTHA' LA SOGS PA DANG, PHA ROL TU PHYIN PA DMIGS SU MED PA'I PHYIR RO, ,DE CI'I PHYIR ZHE NA, MNYAM PA NYID LA MNYAM PA NYID MI DMIGS PA'I PHYIR RO, ,'DAS PA LA SOGS PA DANG, PHA ROL TU PHYIN PA DMIGS PA MI SRID PA NYID KYI PHYIR DRAN PA NYE BAR GZHAG PA NAS SANGS RGYAS KYI CHOS MA 'DRES PA BCVA BRGYAD KYI BAR DU YANG DE BZHIN DU BRJOD PAR BYA'O, ,DE BZHIN DU SNGON GYI MTHA' LA SOGS PA DANG, SO SO'I SKYE BO NAS DE BZHIN GSHEGS PA'I BAR DU MI DMIGS PA'I PHYIR RO, ,DE CI'I PHYIR ZHE NA, SEMS CAN DMIGS SU MED PA'I PHYIR RO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO'I THEG PA NI DUS GSUM MNYAM PA NYID CES BYA STE, DE LA GNAS SHING BYANG CHUB SEMS DPA' SEMS DPA' CHEN PO LHA DANG, MI DANG, LHA MA YIN DU BCAS PA'I 'JIG RTEN ZIL GYIS MNAN TE RNAM PA THAMS CAD MKHYEN PA NYID DU NGES PAR 'BYUNG NGO ZHES BSTAN PA YIN NO, ,THOB PA'I MTSAN NYID NGES PAR 'BYUNG BA'I DBANG DU MDZAD NAS, BCOM LDAN 'DAS THEG PA CHEN PO 'DI LA BSLABS SHING 'DAS PA DANG, MA 'ONGS PA DANG, DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS RNAM PA THAMS CAD MKHYEN PA NYID THOB PAR GYUR TO, ,THOB PO 'THOB PAR 'GYUR RO ZHES BYA BA YIN TE, NGES PAR 'BYUNG BA THOB PA'I NYE BAR DGOD BAS SHES RAB KYI PHA ROL TU PHYIN PA NI 'PHAGS BA'I GANG ZAG THAMS CAD KYI RTOGS PA THOB PA'I RGYU NYID DANG RJES SU MTHUN PA YIN ZHING, THEG PA CHEN PO @60A *, ,BSTAN PA THOB PAS KHYAD PAR SHES PAR BYA BA'I DON YIN PA'I PHYIR DANG, SHES RAB KYI PHA ROL TU PHYIN PA NI CHOS THAMS CAD BSDUS PA DANG, MNYAM PAR 'JUG PA THOB PA BSTAN PAS MA LUS PA THOB PA YIN PAR SHES PAR BYA BA'I DON YIN PA'I PHYIR RO, ,DE CI'I PHYIR ZHE NA, THEG PA CHEN PO NI PHA ROL TU PHYIN PA LA SOGS PA DANG, GZUGS LA SOGS PA DANG, BYANG CHUB KYI PHYOGS KYI CHOS RNAMS NAS SANGS RGYAS KYI CHOS MA 'DRES PA'I BAR DANG, MYA NGAN LAS 'DAS PA'I DBYINGS ZHES GSUNGS PA'I BAR GYI CHOS DE DAG THAMS CAD NI LDAN PA YANG MA YIN, MI LDAN PA YANG MA YIN TE, GZUGS MED PA, BSTAN DU MED PA, THOGS PA MED PA, 'DI LTAR MTSAN NYID MED BAR MTSAN NYID GCIG PA SHA STAG STE ZHES BYA BA NI RTOG PA THOB CING, NGES PAR 'BYUNG BA'I RNAM GRANGS KYIS JI SKAD DU BSHAD PAS NI SHES RAB KYI PHA ROL TU PHYIN PA NI THEG PA CHEN PO BSTAN PA DANG RJES SU MTHUN NO, ,DE CI'I PHYIR ZHE NA, THEG PA CHEN POR SHES RAB KYI PHA ROL TU PHYIN PA LA SOGS PA NAS CHOS THAMS CAD GNYIS SU MED CING GNYIS SU BYAR MED PA THOB PA'I RNAM GRANGS KYIS THEG PA CHEN PO DANG RJES SU MTHUN PAR BSTAN PA YIN NO, ,DE LA THOB BA NI NGES BAR 'BYUNG BA'I DON RNAM PA GSUM BKAG PA'I MTSAN NYID CAN YIN PAR SHES PAR BYA'O, ,YANG DGAG BA RNAM PA GSUM NI 'DI LTAR THOB PAR BYA BA DGAG PA DANG, THOB PA PO DGAG BA DANG, DE GNYIS KYI 'BREL PA DGAG PA'O, ,TSE DANG LDAN PAR RAB 'BYOR CI'I PHYIR BYANG CHUB SEMS DPA' SEMS DPA' CHEN POS SNGON GYI MTHA' DMIGS SU MED PA YIN ZHES BYA BA DANG, CI'I PHYIR NA GZUGS KUN TU MTHA' YAS PA'I PHYIR, ,BYANG CHUB SEMS DPA' MTHA' YAS PAR RIG PAR BYA BA YIN, BYANG CHUB SEMS DPA' ZHES BYA BA DE LTA BU YANG MED CING MI DMIGS PA YIN TE, DE SKAD DU DE LTAR BYANG CHUB SEMS DPA' SEMS DPA' CHEN PO THAMS CAD DU THAMS CAD RNAM BA THAMS CAD KYI THAMS CAD DU YANG DAG PAR RJES SU MA MTHONG NA BYANG CHUB SEMS DPA' GANG ZHIG SHES RAB KYI PHA ROL TU PHYIN PA GANG LA GDAMS SHING RJES SU BSTAN PAR BGYI ZHES SMRAS ZHES BYA BA DANG, BYANG CHUB SEMS DPA' ZHES BYA BA 'DI NI MING @60B TZAM DU BAS SO ZHES BYA BA DANG, BYANG CHUB SEMS DPA' GZUGS MNGON PAR GRUB PA LTA GANG ZHIG MCHIS, GANG MNGON PAR MA GRUB PA DE NI GZUGS MA LAGS SO, ,MNGON PAR MA GRUB PA'I SHES RAB KYI PHA ROL TU PHYIN PA LA GDAMS SHING RJES SU BSTAN PAR BGYI'AM ZHES SMRA, DE SKAD DU MNGON PAR MA GRUB PA LAS GUD NA YANG BYANG CHUB SEMS DPA' ZHES BGYIB DMIGS SU MA MCHIS SO ZHES SMRA, GAL TE DE LTAR BSTAN PA DE'I TSE ZHES BYA BA LA SOGS PA BSTAN PA YIN NO, ,DE LA DRIS PA DANG PO BSTAN PA NAS BRTZAMS TE, THOB PAR BYA BA DGAG PA'I DBANG DU MDZAD NAS SEMS CAN MED PA'I PHYIR DANG, STONG PA DANG, DBEN PA DANG, RANG BZHIN MED PA DANG, SNGON DANG, PHYI MA DANG, DBUS KYI MTHA' RNAMS SU BYANG CHUB SEMS DPA' KHAS BLANGS PA'I THOB PA BKAG PAS DUS GSUM DU THOB PAR BYA BA'I DON MED PAR SHES PAR BYA BA'I CHED YIN BA'I PHYIR RO, ,DE BZHIN DU PHUNG PO LA SOGS PA DANG; PHA ROL TU PHYIN PA RNAMS DANG, BYANG CHUB KYI PHYOGS KYI CHOS RNAMS NAS SANGS RGYAS KYI CHOS MA 'DRES PA BCVA BRGYAD KYI BAR DU MED PA'I PHYIR DANG, STONG PA NYID DANG, DBEN PA DANG, RANG BZHIN MED PA RNAMS KYIS SNGON GYI MTHA' LA SOGS PAR BYANG CHUB SEMS DPA' KHAS BLANGS PA'I THOB PA BKAG PA YIN PA'I PHYIR RO, ,DE CI'I PHYIR ZHE NA, MED PA NYID LA SOGS PAR SNGON GYI MTHA' LA SOGS PA MI DMIGS PA NYID KYIS NA MED PA NYID LA SOGS PA'I PHA ROL TU PHYIN PA LA SOGS PA RNAM GRANGS GZHAN DU GSUNGS PAS, MDO LAS STONG PA NYID GZHAN MA YIN, ,SBYIN PA'I PHA ROL TU PHYIN PA GZHAN MA YIN ZHES BYA BA LA SOGS PA DANG, DE BZHIN DU TING NGE 'DZIN DANG, GZUGS KYI SGO RNAMS DANG, CHOS KYI DBYINGS DANG, DE BZHIN NYID DANG, YANG DAG PA'I MTHA' RNAMS LA YANG BRJOD PAR BYA'O, ,NYAN THOS LA SOGS PA 'PHAGS PA'I GANG ZAG RNAMS MED PA LA SOGS PAS SNGON GYI MTHA' LA SOGS PAR BYANG CHUB SEMS DPA' KHAS BLANGS PA'I THOB PA BKAG PA YIN PA'I PHYIR RO, ,DE CI'I PHYIR ZHE NA, MED PA NYID LAS BRTZAMS TE, SANGS RGYAS ZHES BYA BA'I BAR DU DE DAG THAMS CAD KYANG GNYIS SU MED DE GNYIS SU BYAR MED DO ZHES BYA BA BSTAN PA YIN NO, ,THOB PA PO DGAG PA'I DBANG DU MDZAD NAS GZUGS KUN @61A *, ,TU MTHA' YAS PA'I PHYIR ZHES BYA BA NAS BRTZAMS TE, GZUGS LA SOGS PA'I PHUNG PO LA SOGS PA NAS SANGS RGYAS KYI CHOS MA 'DRES PA'I BAR LA SNGON GYI MTHA' LA SOGS PA MI DMIGS PA NYID YIN PA'I PHYIR RO, ,DE CI'I PHYIR ZHE NA, STONG PA NYID KYI PHYIR GZUGS BYANG CHUB SEMS DPA' ZHES BYA BA MED CING MI DMIGS SO ZHES BYA BA NAS BRTZAMS TE, DE CI'I PHYIR ZHE NA, GZUGS LA SOGS PA'I PHUNG PO LA SOGS PA NAS DE BZHIN GSHEGS PA'I BAR DE DAG GIS STONG PA NYID DE YIN PA'I PHYIR RO, ,BYANG CHUB SEMS DPA' CHEN PO THAMS CAD DU THAMS CAD RNAM PA THAMS CAD KYI THAMS CAD DU MI DMIGS PA NI ZHES BYA BA NAS BRTZAMS TE, GZUGS LA SOGS PA'I PHUNG PO LA SOGS PA NAS SANGS RGYAS KYI CHOS MA 'DRES PA'I BAR DANG, SANGS RGYAS SANGS RGYAS NYID DU MI DMIGS PA NYID YIN PA'I BAR DU'O, ,DE LA THAMS CAD DU ZHES BYA BA NI PHUNG PO LA SOGS PA'I DNGOS PO'I MTSAN NYID THAMS CAD DU'O, ,THAMS CAD CES BYA BA NI BYANG CHUB SEMS DPA'I PHUNG PO LA SOGS PA'I RANG BZHIN MTHA' DAG DANG BSDUS PA RNAMS SO, ,RNAM PA THAMS CAD NI NANG STONG PA NYID LA SOGS PA'I RNAM PA'I KHYAD PAR RO, ,YANG THAMS CAD CES BYA BA NI RNAM PA MDOR BSDUS PA DANG RGYAS PA'I MTSAN NYID DO, ,THAMS CAD GNYIS SMOS PA NI DNGOS PO THAMS CAD NYID DANG, RNAM PA THAMS CAD NYID DO, ,THOB PAR BYA BA DANG, 'THOB PAR BYED PA DANG, THOB PA PO 'BREL PA BKAG PA'I DBANG DU MDZAD NAS GANG YANG BYANG CHUB SEMS DPA' ZHES BYA BA 'DI NI GLO BUR DU MING DU BTAGS PA STE, CHOS THAMS CAD MING TZAM YIN PA NYID KYIS NA MED CING MI DMIGS PA YIN PA'I PHYIR MNGON PAR GRUB PA BKAG CING THA SNYAD TZAM DU GSUNGS PA DANG, SHIN TU MNGON PAR MA GRUB PA DAG GIS BKAG PA YIN NO, ,DE LA NGO BO NYID MA YIN PA'I DON NI GLO BUR DU ZHES BYA BA'I DON TO, ,SGRO BTAGS PA'I DON NI MING DU BTAGS PA STE, BDAG BDAG CES BYA BA STE, BDAG SHIN TU MA GRUB PA'O, ,BDAG JI LTA BA BZHIN DU CHOS THAMS CAD KYANG DE BZHIN NO ZHES JI SKAD GSUNGS PA DANG, YANG CHOS THAMS CAD KYI 'DUS PA'I NGO BO NYID BKAG PAS CHOS THAMS CAD NI DNGOS PO MED PA'I NGO BO NYID YIN PA'I PHYIR MI RTAG PA NYID DE GANG DANG YAD BRAL @61B BAS MA YIN NO, ,DE BZHIN DU DE RNAMS NYID GANG DANG YANG BRAL BAS MA YIN PAS DGE BA DANG, KHA NA MA THO BA MED PA NYID NAS DNGOS PO MED PA'I BAR NYID YIN PA'I PHYIR DANG, RTAG PA MA YIN PA DANG, 'JIG PA MA YIN PA NYID YIN PA'I PHYIR RO, ,DE CI'I PHYIR ZHE NA, DE'I RANG BZHIN DE YIN NO, , YANG CHOS THAMS CAD MNGON PAR 'DUS MA BYAS PA NYID KYIS MNGON PAR GRUB PA BKAG PA'I PHYIR RO, ,DE CI'I PHYIR ZHE NA, MNGON PAR 'DU BYED PA DMIGS SU MED PA NYID KYIS CHOS THAMS CAD RANG BZHIN GYIS STONG PA NYID YIN PA'I PHYIR RO, ,SKYE BA DANG, 'GAG PA DANG, GNAS PA LAS GZHAN DU 'GYUR BA BKAG PAS MNGON PAR MA GRUB PA NYID KYIS SHES RAB KYI PHA ROL TU PHYIN PA DE NI MNGON PAR MA GRUB PA STE, DE MNGON PAR MA GRUB PA DANG, SHES RAB KYI PHA ROL TU PHYIN PA ZHES BYA BA'I CHOS DE GNYIS NI GNYIS SU MED DE GNYIS SU BYAR MED DO, ,CHOS THAMS CAD BYED PA MED PA DANG, SGYU MA LA SOGS PA DANG 'DRA BAR MTHONG BAS BYANG CHUB SEMS DPA'I SEMS MI 'JIGS, MI DANG NGA, SKRAG PAR MI 'GYUR RO, ,CHOS DE DAG LA 'DI LTAR YONGS SU RTOGS PA DE'I TSE NYE BAR MI LEN, MI GNAS, MNGON PAR ZHEN PAR MI BYED, THA SNYAD DU 'DOGS PA BKAG PA YIN NO, ,DE CI'I PHYIR ZHE NA, CHOS THAMS CAD MA SKYES PA DANG; CHOS THAMS CAD KYI NGO BO NYID MED PA NYID KYIS NA DMIGS SU MED PA YIN PA'I PHYIR RO, ,DE CI'I PHYIR ZHE NA, CHOS RNAMS DANG, DE'I STONG PA NYID LA SOGS PA NI GNYIS SU MED CING GNYIS SU BYAR MED DO, ,DE BZHIN DU CHOS RNAMS KYI 'GRIB PA DE YANG CHOS MA LAGS SO, ,DE CI'I PHYIR ZHE NA, CHOS RNAMS DANG 'GRIB PA NI GNYIS SU MA MCHIS SHING GNYIS SU BGYIR MA MCHIS PA'I SLAD DU'O, ,GANG YANG GZUGS NAS RNAM PA THAMS CAD MKHYEN PA NYID KYI BAR 'DI NI GNYIS SU MA MCHIS SHING, NYAMS PA MA MCHIS PA'I CHOS KYI RNAM GRANGS SU BGYIS PA'O ZHES BYA BA NI THOB PAR BYA BA DANG, THOB PA PO GNYIS KA BKAG PA YIN PA'I PHYIR RO ZHES BSTAN PA YIN NO, ,GSUM PA RNAMS BKAG PA NI THOB PA'I NGES PAR 'BYUNG BA YIN PAR RIG PAR BYA'O, ,RNAM PA THAMS CAD MKHYEN PA NYID DU NGES PAR 'BYUNG BA'I DBANG DU MDZAD NAS, BYANG CHUB DES KYANG CHOS THAMS CAD KYI RNAM PA SHES TE, GZUGS LA SOGS PA'I PHUNG PO LA @62A *, ,SOGS PA RNAMS DANG ZHES BYA BA NAS MA 'DRES PA RNAMS KYI BAR DU RNAM PA SHES TE, MNGON PAR ZHEN PA BKAG PA'I PHYIR CHOS THAMS CAD KYI RNAM PA DANG, RTAGS DANG, MTSAN MA'I RNAM PA NYID NI CHOS THAMS CAD KYI RNAM PA ZHES BYA'O, ,SHES RAB KYI PHA ROL TU PHYIN PA NYID MCHOG TU SONG BAS NA MCHOG TU PHYIN PA ZHES BYA STE, RNAM PA THAMS CAD MKHYEN PA NYID KYI SGYU MA NYID DU SHES PAR BYA BA'I PHYIR YIN NO, ,GZUGS NAS CHOS THAMS CAD KYI BAR DU RE RE ZHIG CES BYA BA DANG, RTAG PA DANG, MI RTAG CES BYA BA NAS, ZHI ZHES BYA BA DANG, MA ZHI ZHES BYA BA DANG, DBEN ZHES BYA BA DANG, MI DBEN ZHES BYA BA'I BAR DU CHOS YONGS SU BRTAGS PA NYID KYIS RNAM PA THAMS CAD DU BSDUS PAR SHES PAR BYA BA'I PHYIR CHOS THAMS CAD STONG PA NYID NI MA SKYES PA NYID NAS RNAM PA THAMS CAD MKHYEN PA NYID KYI BAR DE'I NGO BO NYID YOD PA BKAG PA'I PHYIR RO, ,DE LTAR 'GRIB PA GANG YIN PA DANG, GNYIS SU BYAR MED PA'I CHOS DE DAG THAMS CAD KYANG LDAN PA YANG MA YIN, MI LDAN PA YANG MA YIN, GZUGS MED PA, BLTAR MED PA, THOGS PA MED PA STE, 'DI LTAR MTSAN NYID MED PAR MTSAN NYID GCIG PA'O ZHES BYA BA'I MNGON PAR RTOGS PAS CHOS SKYE BA MED PA DANG, CHOS RNAMS NI GCIG LA GCIG THA MI DAD PA'I RNAM GRANGS SU BYAS PAS CHOS THAMS CAD NAS SANGS RGYAS KYI BAR DU RNAM PAR DAG PA'I SLAD DU MA SKYES PA MTHONG BA NI SHES RAB KYI PHA ROL TU PHYIN PA LA NYE BAR BTAGS PA YIN NO, ,DE LTAR NA BYANG CHUB SEMS DPA' DANG, 'GRO BA LNGA RNAMS KYANG THA MI DAD PAR 'GYUR LA, RGYUN DU ZHUGS PA LA SOGS PA DANG, BYANG CHUB THOB PA'I LAM DE BSGOM PA MED PAS DKA' BA SPYOD PA YANG MI 'THAD LA, DE BZHIN GSHEGS PA'I BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS CHOS KYI 'KHOR LO BSKOR BA YANG MED PAR 'GYUR RO, ,RAB 'BYOR GYIS SMRAS PA, TSE DANG LDAN PA SH'A RI'I BU BDAG NI CHOS MA SKYES PA LA THOB PA YOD PA DANG, KHONG DU CHUD PA YOD PAR MI 'DOD DO, ,MA SKYES PA LA RGYUN DU ZHUGS PA YOD PAR MI 'DOD DO, ,RGYUN DU ZHUGS PA'I 'BRAS BU YOD PAR MI 'DOD DO ZHES BYA BA NAS BRTZAMS TE, CHOS THAMS CAD KHAS LEN PA MI 'THAD PAR BSTAN PA @62B DANG; MA SKYES PA DANG, SKYES PA'I CHOS DE DAG LA SKYES PA DANG, MA SKYES PA THOB PA'AM, THOB PAR BYA BA MED PAR DRIS PAS DE GNYI GA YANG DNGOS POR MI 'DOD PAR STON PA'I PHYIR MA SKYES PA DANG, SKYES PA'I CHOS DAG THOB PA'I DRI BAS DE GNYI GA DNGOS POR 'DOD PA BKAG PA YIN NO, ,THOB PAR BYA BA DANG, MNGON PAR RTOGS PA MED PAR DRIS PAS NA DE GNYI GA YANG BDEN PA GNYIS SU GSUNGS PAS MNGON PAR RTOGS PAR BRJOD PA BZHIN DU DE GNYI GA YANG 'JIG RTEN GYI THA SNYAD DU YOD PAR GSUNGS PA YIN NO, ,DE NYID KYIS NA MA SKYES PA'I SKYE BA BKAG PA'I PHYIR, MA SKYES PA RNAMS KYI SKYE BA YANG BDAG GIS BRJOD PAR SPOBS PA MED DO, ,DE CI'I PHYIR ZHE NA, SKYE BA MED PA DANG, SPOBS PA DANG, BRJOD PA GANG YIN PA NI MTSAN NYID MED PA'I PHYIR SKYE BA'I MNGON PAR RTOGS PA DANG LDAN PA MA YIN NO, ,DE CI'I PHYIR ZHE NA, CHOS THAMS CAD SKYE BA MED PA NYID YIN PA'I PHYIR RO, ,DE LA SPOBS PA BRJOD PA'I TSIG GO, ,BRJOD PA NI BRJOD PAR BYA BA YIN PAS NA BRJOD PA STE, DON NO, ,THOB PA DANG MNGON PAR RTOGS PA 'JIG RTEN GYI THA SNYAD DU YOD PA DA BZHIN DU 'GRO BA LNGA'I DBYE BA YANG DE DANG 'DRA'O, ,DE CI'I PHYIR ZHE NA, DON DAM PAR NI LAS DANG, RNAM PAR SMIN PA DANG, SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA'I MTSAN NYID DANG BRAL BA NYID YIN PA'I PHYIR RO, ,MA SKYES PA'I CHOS SKYE BAR 'GYUR RAM, 'ON TE SKYES PA'I CHOS SKYE BAR 'GYUR ZHES DRIS PAS NI, DE GNYI GA SKYE BAR 'DOD PA BKAG PA YIN TE, YOD PA ZHES BYA BA DE ZHES BYA BAR DGONGS SO, ,MA SKYES PA'I CHOS SKYE BAR MI 'DOD PA GANG YIN ZHES DRIS PA NI GZUGS NAS BRTZAMS TE, CHOS THAMS CAD KYI BAR DU MA SKYES PA YANG MI SKYE BA DANG, MA SKYES PA'I CHOS ZHES BRJOD PAS DRIS PA THAMS CAD KYI LAN LA THOGS PA MED PAS GNAS BRTAN RAB 'BYOR NI CHOS STON PA'I NANG NA MCHOG TU BYA BAR 'OS PA YIN TE, CHOS THAMS CAD LA MI GNAS PAS MCHOG TU GYUR BA'I PHYIR SHES RAB KYI PHA ROL TU PHYIN PA STON PA'I 'OS YIN PAS DBANG BAR SHES PAR BYA BA'I PHYIR RO, ,GZUGS LA SOGS PA'I PHUNG PA RNAMS NAS CHOS THAMS CAD KYI BAR DU RANG BZHIN STONG PA NYID NYE BAR BZUNG NAS NANG LA SOGS PA LA MI GNAS PA'I PHYIR MI DMIGS PA STON PA LA GNAS PAR DBANG @63A *, ,BAR SHES PAR BYA'O, ,'DI'I MDO NI TSE DANG LDAN PA SH'A RI'I BU GZUGS NI GZUGS KYI RANG BZHIN GYIS STONG NA DE NYID KYI PHYIR NANG NA YANG MI GNAS, PHYI ROL NA YANG MI GNAS ZHES BYA BA LA SOGS PA GSUNGS PA YIN NO, ,LAM GYI NGES PAR 'BYUNG BA'I DBANG DU MDZAD NAS TSE DANG LDAN PA SH'A RI'I BU SBYIN PA'I PHA ROL TU PHYIN PA 'JIG RTEN PA YANG YOD DO, ,'JIG RTEN LAS 'DAS PA YANG YOD CES BYA BA LA, RNAM PA THAMS CAD MKHYEN PA NYID THOB PAR BYED PA'I LAM STON PA NA SBYIN PAR BYA BA DANG, SBYIN PA PO DANG, LEN PA PO DMIGS PAS 'JIG RTEN LAS MI G-YO, ,MI 'PHAGS, MI 'DA' BAS NA DE'I PHYIR 'JIG RTEN PA'I SBYIN PA'I PHA ROL TU PHYIN PA ZHES BYA'O, ,'KHOR GSUM YONGS SU DAG PA'I SBYIN PA YANG DAG PAR RDZOGS PA'I BYANG CHUB TU BSNGOS PA DES NI 'DI LTAR 'JIG RTEN LAS G-YO ZHING 'PHAGS LA 'DA' BAS DE'I PHYIR 'JIG RTEN LAS 'DAS PA'I SBYIN PA'I PHA ROL TU PHYIN PA ZHES BYA'O, ,DE BZHIN DU SHES RAB KYI PHA ROL TU PHYIN PA LA YANG BRJOD PAR BYA'O, ,DE LA 'JIG RTEN LAS 'DAS PA'I LAM GYI NGES PA BRNYES PAS NA 'JIG RTEN LAS G-YO BA'O, ,DE'I THABS NYE BAR MTSON PAS NA 'PHAGS PA'O, ,DE'I BAR CHAD KYI CHOS YONGS SU SPANGS PA NA 'DA' BA'O, ,YANG NA G-YO BA NI SEMS BSKYED PA'I DUS SU'O, ,'PHAGS PA NI NGES PAR 'BYED PA'I CHA'I DUS SU'O, ,'DA' BA NI SDUG BSNGAL LA CHOS SHES PA'I DUS SU'O ZHES BYA BA NI RNAM GRANGS GZHAN NO, ,'DI LA GO BZLOG PA MI G-YO, ,MI 'PHAGS, MI 'DA' BA YIN PAR SHES PAR BYA'O, ,GANG GIS 'JIG RTEN MNGON PAR GRUB PA'AM, GANG ZHIG 'JIG RTEN DANG MNYAM PA'AM, 'JIG RTEN GYI PHYIR GANG ZHIG SBYIN PAR BYED PA'AM, GANG GIS 'JIG RTEN MI 'BYUNG BA'AM, GANG ZHIG 'JIG RTEN LA SRID PA'AM, 'JIG RTEN DU SKYE BAR BYED PAS DE NI 'JIG RTEN PA'I PHA ROL TU PHYIN PA NYID YIN NO, ,GANG GIS 'JIG RTEN 'DA' BA'AM, GANG GIS 'JIG RTEN SGROL BA'AM, GANG GIS 'JIG RTEN LA BRGAL BA'AM, GANG GIS 'JIG RTEN NA MI SRID PA'AM, GANG GIS 'JIG RTEN LAS NGES PAR 'BYUNG BA'AM, GANG ZHIG 'JIG RTEN PA RNAMS 'DON PA'I PHYIR YIN PA'AM, GANG 'JIG RTEN GYIS BLA MAR GYUR PA DE 'JIG RTEN LAS 'DAS PA'I PHA ROL TU PHYIN PA ZHES BYA'O, ,BYANG CHUB KYI PHYOGS KYI CHOS SUM CU RTZA BDUN NI BYANG CHUB KYI LAM NYID YIN PA'I PHYIR DANG, 'DAS PA LA SOGS @63B PA'I 'PHAGS PA'I GANG ZAG THAMS CAD RTOGS PA'I RGYU NYID YIN PA'I PHYIR DANG, SHES RAB KYI PHA ROL TU PHYIN PA NI SKYED PA NYID YIN PA'I PHYIR DANG, 'PHAGS PA RNAMS KYI 'JIG RTEN LAS 'DAS PA'I LAM GYI NGES PAR 'BYUNG BA NYID DU SHES PAR BYA BA'I PHYIR DANG, SEMS ZHUM PA NYID KYIS MI SKRAG PA LA SOGS PA DANG MA BRAL BA'I YID LA BYED PA NYID KYI PHYIR TE, DE LTAR NA SHIN TU SPROS NAS BKOD PA'I YANG DAG PA'I TSIG DE RNAMS KYIS BRJOD PA NYID YIN PA'I PHYIR RO, ,DE CI'I PHYIR ZHE NA, SEMS CAN MED PA NYID DANG, RANG BZHIN MED PA NYID DANG, STONG PA NYID DANG, DBEN PA DANG, MNGON PAR RDZOGS PAR 'TSANG MI RGYA BA NYID KYI PHYIR YID LA BYED PA MNGON PAR RDZOGS PAR 'TSANG MI RGYA BA NYID DU RIG PAR BYA'O, ,DE BZHIN DU GZUGS LA SOGS PA'I CHOS THAMS CAD NAS RNAM PA THAMS CAD MKHYEN PA NYID KYI BAR DU DE BZHIN DU BYANG CHUB SEMS DPA'I YID LA BYED PA DANG MA BRAL BA NYID DU BRJOD PAR BYA'O, ,DE LTAR NGES PAR 'BYUNG BA BRGYAD PO 'DI DAG NGES PAR 'BYUNG BA'I BSGRUB PA YIN PAR SHES PAR BYA'O, ,GO CHA'I BSGRUB PA LA SOGS PA 'DI DAG KYANG RIGS PA'I TSUL NYID YIN TE, GO CHA BGOS NAS 'JUG PA YIN LA ZHUGS PA NI DPUNG GI TSOGS SOGS PA YIN NO, ,DPUNG GI TSOGS BSAGS PA NI PHAM PA MED PAR RGYAL BA THOB PA NI NGES PAR 'BYUNG BA YIN PA'I PHYIR RO, ,DE LTA BAS NA, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,BSGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA'I 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,CES BSTAN PA YIN NO, ,DE NI RIM GYIS 'BYUNG BA'I GO RIMS KYIS 'BREL BA YIN PAR BLTA PAR BYA'O, ,'DIS NI SEMS BSKYED PA LA SOGS PA'I TSIG GI DON GYI GO RIMS KYANG RIGS PA'I TSUL YIN TE, BYANG CHUB TU SEMS BSKYED PAS NI GDAMS NGAG TSOL BA DON DU GNYER BA YIN NO, ,GDAMS NGAG PHYIN CI MA LOG PA LA GNAS PA LA NI NGES PAR 'BYED PA'I CHA SKYE'O, ,DE NAS NI BSGRUB PA'I RTEN TE, RTEN GYI CHOS GANG DANG GANG LA DMIGS PA DANG, GANG GI CHED DU BYA BA DANG, SGRUB PA RNAM PA BZHI GANG YIN PA'O, ,MNGON PAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS RNAM PA THAMS CAD MKHYEN PA'I MNGON PAR RTOGS PA'I RNAM PAR 'GREL PA'O,, ,, @64A *, ,RNAM PA THAMS CAD MKHYEN PA NYID BSTAN NAS LAM SHES PA NYID BRJOD PAR BYA'O, ,DE LA RE ZHIG ,LHA RNAMS RUNG BAR BYA BA'I PHYIR, ,'OD KYIS MOG MOG POR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, , ZHES BRJOD PAR BYA'O ZHES BYA BA'I TSIG GI LHAG MA'O, ,DE LA 'OD KYIS MOG MOG POR BYAS PA NI GANG LHA'I TSOGS THAMS CAD KYI 'OD DE BZHIN GSHEGS PA'I RANG BZHIN GYI 'OD KYIS MOG MOG POR MDZAD NAS 'JIG RTEN SKYONG BA LA SOGS PA RNAMS KYI BSAM GTAN LA SOGS PA MNGON PA'I NGA RGYAL BSAL BAR BYA BA'I DON DU'O ZHES BYA BA BSTAN PA YIN NO, ,BSAL BA NI DE RNAMS SNOD DU RUNG BAR BYA BA'I MDZAD PA STE, DE RNAMS NYID LA BYANG CHUB SEMS DPA' CHEN POS SHES RAB KYI PHA ROL TU PHYIN PA LA JI LTAR GNAS PAR BYA ZHES GANG GSUNGS PA YIN TE, DE LA LAM SHES PA NYID KYI DBANG DU MDZAD NAS SHES RAB KYI PHA ROL TU PHYIN PA LA GANG GNAS PAR BYA ZHES GNAS BRTAN RAB 'BYOR GYIS BSTAN PA NYAN PAR 'DOD PA'I DON GYI PHYIR RO, ,DE LA RANG BZHIN GYI 'OD NI RNAM PAR SMIN PA LAS BYUNG BA'I 'OD DO, ,YUL SO SOR NGES PA NI GANG BYANG CHUB TU SEMS MA BSKYED PA DAG NI SHES RAB KYI PHA ROL TU PHYIN PA LA GNAS PA DE BSTAN PA'I SKAL BA MED PA NYID KYIS NA BYANG CHUB SEMS DPA'I LAM SHES PA NYID NI NYAN THOS LA SOGS PA DANG THUN MONG MA YIN NO ZHES BSTAN TE YUL SO SOR NGES PA'I DON GYI PHYIR RO, ,DE'I MDO NI 'DI YIN TE, KOO SHI KA LHA'I BU GANG BLAN MED PA YANG DAG PAR RDZOGS PA'I BYANG CHUB TU SEMS MA BSKYED PA DE DAG GIS KYANG BSKYED PAR BYA'O, ,GANG YANG NGES PAR ZHUGS PA 'KHOR BA'I RGYUN GYI MTSAMS BCAD PA DE DAG SKAL BA MED MOD KYI ZHES GSUNGS PA YIN NO, , KHYAB PA NI GANG SEMS BSKYED PA NAS BRTZAMS TE, LAM SHES PA NYID KYI DBANG DU MDZAD NAS SHES RAB KYI PHA ROL TU PHYIN PA NI PHYOGS GCIG PA MA YIN NO ZHES KHYAB PA'I DON DANG, GANG ZAG MTHAR GYIS PA'I KHYAD PAR GYI DON GYIS TE, ,DE LTAR BYAS NAS 'DOD CHAGS DANG BRAL BA SNGON @64B DU 'GRO BA'I DBANG DU MDZAD NA 'DI 'THAD PAR GYUR PA YIN TE, 'ON KYANG GAL TE DE DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED NA DE DAG LA YANG RJES SU YI RANG NGO, ,KHYAD PAR DU 'PHAGS PA NI CHOS LAS CHES KHYAD PAR DU 'PHAGS PA'I CHOS LA DMIGS PAR BYED PAS DE DAG GI DGE BA'I PHYOGS GANG LA YANG KHO BO BAR CHAD MI BYED DO, ,DES NI THEG PA GSUM DU RNAM PAR GZHAG PA NI DGONGS PA CAN YIN GYI MTSAN NYID PA NI MA YIN NO ZHES BSTAN PA YIN NO, ,RANG BZHIN NI GANG JI LTAR NYAN THOS LA SOGS PA'I LAM SO SOR NGES PA'I LAM YIN ZHING RTOGS PAS NI 'BRAS BU'I LAM YIN PA DE LTAR NI LAM SHES PA'I BYANG CHUB SEMS DPA' RNAMS KYI NI MA YIN TE, NYON MONGS PA RNAM PA THAMS CAD DU SPONG BA MA YIN PAS RANG GI NGO BO KHYAD PAR DU 'PHAGS PA'I DON GYIS JI SKAD DU BSTAN PA YIN NO, ,BYED PA NI GANG JI LTAR NYAN THOS LA SOGS PA'I LAM YANG DAG PA'I MTHA' MNGON SUM DU BYA BA'I PHYIR SPONG BSGOM PAR BYED PA YIN LA, BYANG CHUB SEMS DPA'I RTOGS PA NI DE LTA MA YIN TE, GZHAN DU NA 'DI'I LAM SHES PA NYID NI SEMS CAN YONG SU SMIN PA LA SOGS PA'I BYED PA SGOM PA YIN TE, DE'I BYED PA'I 'BRAS BU NYID KHYAD PAR DU 'PHAGS PA'I DON GYIS SO ZHES BSTAN PA YIN NO, ,LAM SHES PA NYID KYI RUNG BAR BYED PA'I YUL SO SOR NGES PA DANG, KHYAB PA DANG, RANG GI NGO BO DANG BYED PA RNAMS BSTAN NAS, DA NI NYAN THOS KYI LAM BRJOD PAR BYA BA YIN PAS DE'I PHYIR, LAM SHES NYID KYI TSUL LA NI; ,'PHAGS PA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES BSTAN PA YIN NO, ,JI LTAR ZHE NA, GZUGS LA SOGS PA'I PHUNG PO RNAMS KYIS SA LA SOGS PA'I KHAMS DRUG ,BU GA NAM MKHA'I KHAMS ZHES BSHAD PA'I PHYIR RO, ,RTEN CING 'BREL PAR 'BYUNG BA'I YAN LAG RNAMS RNAM PA THAMS CAD MKHYEN PA NYID DANG LDAN BA'I YID LA BYED PAS NYAN THOS LA SOGS PA'I THEG PA 'DOD PA DANG, MA 'DRES PA'I DON GYI PHYIR RO, ,MI RTAG PA DANG, SDUG BSNGAL BA DANG, BDAG MED @65A *, ,PA DANG, ZHI BA DANG, NAD DANG, SHU BA DANG, ZUG RDU DANG, SDIG PA DANG, PHA ROL NYID DANG, 'JIG PA'I CHOS CAN DANG, G-YO BA DANG, RAB TU 'JIG PA DANG, 'JIGS PA DANG, 'GO BA'I NAD DANG, 'TSE BA RNAMS NI NYAN THOS KYI LAM RNAM PA RNAMS YID LA BYED PA MI DMIGS PA'I PHYIR SBYOR BAS SO ZHES BSTAN PA YIN NO, ,DE LA MI RTAG PA ZHES BYA BA NAS ZHI BA ZHES BYA BA'I BAR DU NI SDUG BSNGAL GYI BDEN PA'I RNAM PA YIN NO, ,NAD CES BYA BA NAS SDIG PA ZHES BYA BA'I BAR DU NI KUN 'BYUNG GI BDEN PA'I RNAM PA'O, ,PHA ROL DANG, 'JIG PA'I CHOS CAN ZHES BYA BA NI DE DAG RE RE LA YID 'BYUNG BA'I RNAM PA'O, ,G-YO BA DANG, RAB TU 'JIG PA ZHES BYA BA NI DE DAG RE RE NYID LA 'DOD CHAGS DANG BRAL BA'I RNAM PA'O, ,'JIGS PA DANG, 'GO BA'I NAD DANG, 'TSE BA ZHES BYA BA NI DE DAG RE RE LA 'GOG PA'I RNAM PA'O, ,DE LTAR BYAS NA 'PHAGS PA NYAN THOS RNAMS YID 'BYUNG BA DANG, 'DOD CHAGS DANG BRAL BAR BYA BA'I PHYIR DANG, 'GOG PA'I SNYOMS PAR 'JUG PAR 'GYUR RO ZHES BYA BA'I LUNG YIN NO, ,DE LA MI RTAG PA ZHES BYA BA NI SKYE BA DANG, 'JIG PA'I CHOS CAN NYID YIN PA'I PHYIR RO, ,SDUG BSNGAL ZHES BYA BA NI ZAG PA DANG BCAS PA'I DNGOS PO RNAMS TE, RJES SU MTHUN PA NYID YIN PA'I PHYIR RO, ,DE LTAR BYAS NA MI RTAG PA YANG 'PHAGS PA'I LAM YIN TE, ZAG PA MED PA NYID KYI PHYIR 'PHAGS PA RNAMS DANG MI MTHUN PA MA YIN PAS 'DI SDUG BSNGAL BA NYID DU THAL BAR MI 'GYUR RO, ,BDAG MED PA ZHES BYA BA NI GZHAN GYIS BTAGS PA'I BDAG GIS STONG PA NYID YIN PA'I PHYIR RO, ,ZHI BA ZHES BYA BA NI RANG NYID BDAG MED PA NYID YIN PA'I PHYIR RO, ,NAD CES BYA BA NI 'BRAS BU'I SA BON DANG 'DRA BAR RGYU'I RTZA BAR GYUR BA NYID YIN PA'I PHYIR RO, ,SHU BA ZHES BYA BA NI SDUG BSNGAL KUN 'BYUNG BA NYID YIN PA'I PHYIR RO, ,ZUG RDU ZHES BYA BA NI SDUG BSNGAL GYI RKYEN NYID YIN PA'I PHYIR RO, ,SDIG PA ZHES BYA BA NI SDUG BSNGAL GCIG NAS GCIG TU BRGYUD DE, RAB TU 'BYUNG BA NYID KYIS SHIN TU 'JOMS PA @65B NYID YIN PA'I PHYIR RO, ,PHA ROL ZHES BYA BA NI PHYIR RGOL BAR GYUR PA NYID YIN PA'I PHYIR RO, ,'JIG PA'I CHOS CAN ZHES BYA BA NI PHYIR RGOL BA'I DNGOS POS 'JIG PA'I CHOS CAN NYID YIN PA'I PHYIR TE, YID 'BYUNG BA'I DMIGS PAR YANG 'GYUR RO ZHES BYA BA'I DON TO, ,G-YO BA ZHES BYA BA NI RANG GI NGO BOR GNAS PA MED PA NYID KYI PHYIR RO, ,RAB TU 'JIG PA ZHES BYA BA NI RGYU NYID LA LTOS PA MED PAR RANG BZHIN GYIS 'JIG PA NYID YIN PA'I PHYIR TE, 'DOD CHAGS DANG BRAL BA'I DMIGS PAR YANG 'GYUR RO, ,'JIGS PA ZHES BYA BA NI 'DI DANG GZHAN GYI GNONG PA'I GNAS SU GYUR PA NYID YIN PA'I PHYIR RO, ,'GO BA'I NAD CES BYA BA NI SRIN PO LA SOGS PA RTZOL BA LAS BYUNG BA NYID YIN PA'I PHYIR RO, ,'TSE BA ZHES BYA BA NI 'BYUNG BA CHEN PO 'KHRUGS PA DANG, THOG 'BAB PA LA SOGS PA 'BYUNG BA'I GNAS SU GYUR PA NYID YIN PA'I PHYIR TE, 'GOG PA'I DMIGS PAR 'GYUR RO ZHES 'THAD PA YIN NO, ,YID LA BYED PA DE NYID KYIS MA RIG PA 'GOG PA NI BDAG MED PA DANG, ZHI BA DANG, DBEN PA ZHES BYA BA GSUM NI 'GOG PA'I BDEN PA'I RNAM PA'O, ,NGES PAR 'BYUNG BA RNAM PA BZHI NI GANG STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON BAR 'DU BYED PA MED PA NYID KYI YID LA BYED PA MI DMIGS PA'I TSUL GYIS SHES PAR BSTAN PA YIN TE, RNAM PAR THAR PA'I SGO GSUM LA SOGS PAS JI LTAR NGES PAR 'BYUNG BA DANG, GANG NGES PAR 'BYUNG BA DANG, MNGON BAR 'DU BYED PA MED PA'O; ,BYANG CHUB KYI PHYOGS RNAMS KYI NGO BO MI DMIGS PA'I RNAL 'BYOR NI LAM GYI RNAM PA STE, DE RNAMS KYIS MYA NGAN LAS 'DAS PA'I GRONG KHYER THOB PAR BYED PA'I DON GYIS NA LAM GYI RNAM PA'O, ,DE NYID KYIS SBYIN PA LA SOGS PA'I PHA ROL TU PHYIN PA'I SPYOD PA MI DMIGS PA'I SBYOR BA ZHES BYA BAS NI RTOGS PA MA LUS PA'I RIGS PA YIN PA'I PHYIR RIGS PA'I RNAM PA'O, ,YANG SHES RAB KYI PHA ROL TU PHYIN PA LA SPYOD NA BDAG DANG, BDAG GI DANG 'BREL BA'I CHOS LA SO SOR RTOGS PAS NA BDAG MED PA'O, ,DE CI'I PHYIR ZHE NA, DGE @66A *, ,BA'I RTZA BA'I SEMS DANG, BYANG CHUB KYI SEMS 'GROGS PA MA YIN PA NYID KYIS NA YONGS SU BSNGO BA'I SEMS KYANG BYANG CHUB KYI SEMS DANG, DGE BA'I RTZA BA GNYIS NI 'GROGS PA MA YIN PAS BYANG CHUB KYI SEMS DANG, YONGS SU BSNGO BA'I SEMS 'GROGS PA MA YIN PA NYID YIN PA'I PHYIR RO, ,DE CI'I PHYIR ZHE NA, BYANG CHUB KYI SEMS DANG YONGS SU BSNGO BA'I SEMS GNYIS NI GCIG LA GCIG YOD PA MA YIN ZHING MI DMIGS PA'I PHYIR RO ZHES BYA BA NI BSGRUB PA'I RNAM PA STE, RTOGS PA'I PHYIR BSGRUB PA YIN PAS NA BSGRUB PA'O, DE CI'I PHYIR ZHE NA, BYANG CHUB KYI SEMS DANG, YONGS SU BSNGO BA'I SEMS DAG NI SEMS MA YIN PA NYID KYIS NA SEMS MA YIN PAS SEMS MA YIN PA YONGS SU BSNGO BA NI MI 'THAD PA YIN PA'I PHYIR SEMS MA YIN PA GANG YIN PA DE NI BSAM GYIS MI KHYAB PA'O, ,BSAM GYIS MI KHYAB PA GANG YIN PA DE NI SEMS MA YIN PA STE, DE LTAR CHOS SO SOR BRTAGS PA LA MNGON BAR ZHEN PA NI SHES RAB KYI PHA ROL TU PHYIN PA NYID YIN PAS NGES PAR 'BYUNG BA'I RNAM PA STE, MNGON BAR ZHEN PA MED PAR 'GRO BA NI NGES PAR 'BYUNG BA YIN PA'I PHYIR RO, ,NYAN THOS KYI LAM LA 'PHAGS PA'I BDEN PA BZHI LA DMIGS PA RNAM PA BCU DRUG TU BZHAG PA BSHAD ZIN NAS, NGES PAR 'BYED PA'I CHA DANG MTHUN PA BRJOD PAR BYA STE, 'PHAGS PA NYAN THOS LAM LA NI, ,GZUGS LA SOGS PA STONG BA'I PHYIR, ,STONG PA NYID RNAMS DBYER MED PAS, ,DRO BA ZHES BSTAN PA YIN NO, ,JI SKAD DU MDO LAS, KOO SHI KA GZUGS NI GZUGS KYIS STONG NGO, ,DE BZHIN DU TSOR BA LA SOGS PA DANG, GZUGS KYI STONG PA NYID GANG YIN PA DANG TSOR BA LA SOGS PA GNYIS SU MED CING GNYIS SU BYAR MED DO ZHES BYA BA LA SOGS PA GSUNGS PA YIN NO, ,DE DAG MI DMIGS PAS, RTZE MOR GYUR PA DAG TU 'DOD, ,CES BSTAN PA'I MDO NI JI SKAD DU, KOO SHI KA 'DI LA BYANG CHUB SEMS DPA' SEMS DPA' CHEN POS MI DMIGS PA'I TSUL GYIS GZUGS LA GNAS PAR MI BYA'O, ,DE BZHIN DU TSOR BA LA SOGS PA LA @66B GNAS PAR MI BYA'O ZHES GSUNGS PA YIN NO, ,DE LA RTAG PA LA SOGS TSUL GYIS, ,GNAS PA BKAG PAS BZOD PA RNAMS, ,ZHES BSTAN TE, JI SKAD DU MDO LAS, GZUGS RTAG CES BYA BA 'AM, MI RTAG CES BYA BAR GNAS PAR MI BYA'O, ,BDE ZHES BYA BA DANG, SDUG BSNGAL ZHES BYA BA DANG, BDAG YOD CES BYA BA DANG, BDAG MED CES BYA BA DANG, ZHI ZHES BYA BA DANG, MA ZHI ZHES BYA BA DANG, STONG ZHES BYA BA DANG, MI STONG ZHES BYA BA DANG, MTSAN MA YOD CES BYA BA DANG, MTSAN MA MED CES BYA BA DANG, SMON PA YOD CES BYA BA DANG; SMON PA MED CES BYA BAR MI DMIGS PA'I TSUL GYIS GNAS PAR MI BYA'O ZHES BYA BA LA SOGS PA GSUNGS PA YIN NO, ,SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,ZHES BSTAN PA NI 'PHAGS PA NYAN THOS KYI LAM YIN TE, JI SKAD DU MDO LAS, BYANG CHUB SEMS DPA' CHEN POS SA DANG PO LA DMIGS PA'I TSUL GYIS GNAS PAR MI BYA'O ZHES BYA BA NAS BDAG GI SANGS RGYAS KYI ZHING DER SANGS RGYAS KYI SGRA YANG YOD PAR MA GYUR CIG CES BYA BA'I BAR DU DMIGS PA'I TSUL GYIS GNAS PAR MI BYA'O ZHES RGYA CHER GSUNGS PA YIN NO, ,CI'I PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES BSTAN PA'I MDO NI JI SKAD DU, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR SANGS RGYAS KYANG CHOS THAMS CAD MI DMIGS PA'I PHYIR ZHES BYA BA LA SOGS PA DE DAG NAS BRTZAMS TE, 'DI ZHES BYA BA RAB TU BYED PA DANG 'BREL PAR BYAS PAS NYAN THOS KYI LAM YIN NO, ,BYANG CHUB SEMS DPA' NI THAMS CAD DU MI DMIGS PA'I TSUL YIN NO, ,LAM SHES PA'I DBANG DU MDZAD NAS, SHES BYA NYAN THOS KYI LAM GYI RNAM PAR 'GREL PA'O, ,NYAN THOS KYI LAM BSHAD NAS, ,RANG SANGS RGYAS KYI LAM BRJOD PAR BYA'O, ,DE LA RE ZHIG ,RANG 'BYUNG BDAG NYID RTOGS PA'I PHYIR, ,GZHAN GYIS @67A *, ,BSTAN KYANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES BYA BA NI RANG SANGS RGYAS KYI YIN NO ZHES BYA BA'I DON TO, ,GZHAN GYIS BSTAN KYANG MI DGOS PA'I DON NI GANG RANG SANGS RGYAS KYI LAM GYI DBANG DU MDZAD NAS GANG GNOD SBYIN GYI SKAD LA SOGS PA NI SHES PAR RUNG GI ,GNAS BRTAN RAB 'BYOR GYIS BSHAD PA NI DON SHES PAR MI RUNG ZHES BSTAN TE, DE LA GNOD SBYIN RNAMS RANG GI BRDA GO BAR BYED DE, GNOD SBYIN GYI SGRA'O, ,SPYI NI TSIG STE JI SNYED KYIS BRJOD PAR 'DOD PA'I DON RDZOGS PA NI SKAD DE, NGAG CES BYA BA'I DON TO, ,GANG DANG GANG GI GTAM GYI SGO GZHAN GYIS DRIS PA DE DANG DE'I LAN SMRA BA NI BRJOD PA'O, ,DE LTA BU NI SHES PAR RUNG GI 'PHAGS PA GNAS BRTAN RAB 'BYOR SHES RAB KYI PHA ROL TU PHYIN PA 'CHAD PA DANG, BRJOD PA DANG, STON PA DANG, RNAM PAR 'BYED PA DANG, GSAL BAR BYED PA DANG, GTAN LA PHAB PAR STON PA DE NI SHES PAR MI RUNG NGO, ,DE LA GSOL BA BTAB NAS STON PA DE NI 'CHAD PA'O, ,DRIS NA LAN SMRA BA NI BRJOD PA'O, ,DE GNYIS GDUL BYA RMONGS PA'I DBANG DU MDZAD NAS 'CHAD PA NI STON PA'O, ,BAG MED PA RNAMS KYI DBANG DU MDZAD NAS CHED DU STON PA MDZAD PA NI RNAM PAR 'BYED PA ZHES BYA STE, DE YANG LHA'I BU DAG YI GE GCIG KYANG BRJOD PA MED DO ZHES BYA BA NAS BRTZAMS TE, STON PA DANG, NYAN PA BKAG PAS SHES RAB KYI PHA ROL TU PHYIN PA DANG, YANG DAG PAR RDZOGS PA'I BYANG CHUB NI YI GE MED PA YIN TE, SBRUL PA DANG, RMI LAM DANG, SGRA BRNYAN DANG, SGYU MA LTA BU'I DPES YI GE MED PAR STON PA DANG, NYAN PA DANG, SHES PAR BYED PA MED PA NYID YIN PA'I PHYIR RO, ,CHOS STON PA DANG, TSIG TU BRJOD PA JI LTAR MED PA YIN ZHE NA, CHOS STON PA'I 'BRAS BU THOB PA'I RGYU NYID YIN PA'I PHYIR DANG, CHOS STON PA'I TSIG TU SMRA BAS KYANG RNAM PAR G-YENG BA CHEN POR 'GYUR BA YIN LA, RNAM PAR G-YENG BAS KYANG RGYUD SHAS CHER 'KHRUGS PA SKYED PAR BYED PA YIN PAR DGONGS PAS NA SANGS RGYAS BCOM LDAN 'DAS SNGON BYANG CHUB @67B SEMS DPAR GYUR PA NA 'DI LTAR BDAG GIS SANGS RGYAS NYID THOB NAS YID BZHIN GYI NOR BU LTAR TSIG TU SMRA BA MED PAR YANG CHOS STON CING SEMS CAN GYI DON GYI BYA BA RDZOGS PAR BYED PAR NUS PAR GYUR CIG CES SMON LAM BTAB PA YIN NO, ,TSIG TU SMRA BA MED PAR YANG DON STON PA RUNG PA NYID YIN NO ZHES BSTAN PA'I PHYIR, GANG DANG GANG DON GANG GANG LA, ,JI LTA JI LTAR DE LA NYAN, ,DE LA SGRA MED KYANG DON TE, ,DE NI DE LTA DE LTAR SNANG, ,ZHES BSTAN PA YIN NO, ,DE LA YE SHES ZAB MO 'DI YIN TE, DE SKAD DU MDO LAS, KYE MA GNAS BRTAN BA 'BYOR 'DI NI GSAL BAR BYED PA STE, ZAB PA BAS KYANG SHIN TU ZAB PA STON PA LA, PHRA BA BAS KYANG SHIN TU PHRA BAR 'JUG GO ZHES GSUNGS PA YIN NO, ,DE LA GNAS BRTAN RAB 'BYOR GYIS NYE BAR BSTAN PA'I DON SHES PAR MI NUS SHING ZAB BA YIN LA, YI GE GCIG TZAM YANG MA BRJOD PAR THOB BAS SHIN TU ZAB PA YIN NO, ,DE NYID MDO SDE GZHAN DAG LAS KYANG DGE BA BCU'I LAS KYI LAM RANG NYID KYIS MNGON BAR RTOGS PA DANG, RKYEN ZAB MO KHONG DU CHUD PAS RANG SANGS RGYAS KYI THEG PA RDZOGS PAR BYED PA YIN NO ZHES GSUNGS PA YIN NO, ,BDAG NYID GCIG PU'I DON DU DMIGS NAS RANG NYID SANGS RGYAS PAS NA RANG SANGS RGYAS SO, ,NYAN THOS SU THAL BAR 'GYUR BA YANG MA YIN TE, DE NI GZHAN GYI LUNG LA LTOS PA MA YIN PA'I PHYIR RO, ,YANG DAG PAR RDZOGS PA'I SANGS RGYAS SU 'GYUR RO ZHE NA MA YIN TE, DE NI RNAM PA THAMS CAD MKHYEN PA NYID KYIS SEMS CAN GYI DON MDZAD PAS DE RNAMS LAS KHYAD PAR DU 'PHAGS PA NYID YIN PA'I PHYIR RO, ,RANG SANGS RGYAS RNAMS NI GANG GIS JI TZAM ZHIG RTOGS PA TZAM DE LA RANG NYID MNGON DU SANGS RGYAS PA YIN NO, ,YANG DE RNAMS KYIS RTOGS PA NI GANG JI TZAM ZHIG RTOGS SHE NA, GZUNG BAR RTOGS PA NYAMS PHYIR DANG, ,'DZIN PA MA SPANGS PHYIR DANG NI, ,RTEN GYI BSE RU LTA BU'I LAM, ,YANG DAG BSDUS PA SHES PAR BYA, ,ZHES STON PA YIN TE, GANG GI PHYIR DE RNAMS KYIS GZUNG BA'I RNAM PAR RTOG PA'I DBANG DU MDZAD NAS PHUNG PO DANG, KHAMS DANG, @68A *, ,SKYE MCHED RNAMS ZHES BYA BA NAS RNAM PA THAMS CAD MKHYEN PA NYID KYI BAR DU RGYA CHER RANG BZHIN ZAB PA DANG, PHRA BA BKAG PA'I PHYIR SANGS RGYAS KYIS SHES BYA'I SGRIB PA'I PHYOGS GCIG SPANGS PA YIN PAR BSTAN PAS NI DE RNAMS NYAN THOS RNAMS LAS KHYAD PAR DU 'PHAGS PA SHUGS KYIS BSTAN PA YIN NO, ,'DI NI NGAG GI CHOS BSTAN PA MA YIN NO ZHES RANG SANGS RGYAS KYI DBANG DU MDZAD NAS BYANG CHUB TU BTAGS PA MED DO ZHES BYA BA'I BAR DU BSTAN PA YIN TE, DE RNAMS KYIS GZUNG BA'I RNAM PAR RTOG PA SPANGS PA'I PHYIR RO, ,YI GER BTAGS PA MED DO ZHES BYA BA NI DE RNAMS KYI RANG GI MNGON PAR RTOGS PA YIN PA'I PHYIR RO, ,LA LA ZHIG RGYUN TU ZHUGS BA'I 'BRAS BU LA GNAS PAR 'DOD CING ZHES BYA BA NAS, LA LA ZHIG RANG BYANG CHUB THOB PAR 'DOD NA YANG BZOD PA 'DI LA MA BRTEN PAR MI 'GRUB PO ZHES BYA BA'I BAR NI LAM SHES PA NYID LA LAM THAMS CAD YUL DU BYA DGOS NAS GSUNGS PA YIN NO, ,RANG SANGS RGYAS KYI LAM LA DE RNAMS KYIS GZUNG BA'I RNAM PAR RTOG PA NI SPANGS PA YIN LA, 'DZIN PA'I RNAM PAR RTOG PA MA SPANGS PA'I DBANG DU MDZAD NAS GSUNGS PA NI SEMS CAN DE DAG NI SGYU MA LTA BU STE, CHOS BSTAN PA DE DAG KYANG SGYU MA LTA BU'O ZHES BYA BA YIN TE, RANG SANGS RGYAS RNAMS NI 'DZIN PA'I DNGOS PO MED PAR RTOGS PA MA YIN PA'I PHYIR RO, ,SNGAR RNAM PA THAMS CAD MKHYEN PA NYID KYI DBANG DU MDZAD NAS SGYU MA'I SKYES BU LTAR BSLAB PAR BYA'O ZHES GSUNGS PA DE DANG 'DI LA 'GAL BA YOD PA MA YIN PAR BSTAN PA LAS BRTZAMS TE, PHUNG PO LA SOGS PA NAS MYA NGAN LAS 'DAS PA'I BAR DU YANG RMI LAM LTA BU DANG, SGYU MA LTA BUR BSHAD PA YIN NO, ,DE CI'I PHYIR ZHE NA, SGYU MA DANG, MYA NGAN LAS 'DAS PA LA SOGS PA DE LAS GNYIS SU MED CING GNYIS SU BYAR MED DO, , RANG SANGS RGYAS KYI LAM LA 'DZIN PA'I RNAM PA MA SPANGS PA YIN NO, ,RTOGS PA'I RTEN RIGS KYI DBANG DU MDZAD NAS GSUNGS PA NI PHYIR MI LDOG PA'I BYANG CHUB SEMS DPA' SEMS DPA' CHEN PO LA SOGS PA SHES RAB KYI PHA ROL TU PHYIN PA TSOL BA BSTAN NAS RANG SANGS RGYAS DGAG @68B PA'I DON TE, DE RNAMS NYID GZUGS LA SOGS PA DANG, DE'I STONG PA NYID LA SOGS PA GNYIS PHAN TSUL RTOG PA BKAG STE, DE CI'I PHYIR ZHE NA, DE NI 'DI LTAR 'DI LA CHOS GANG YANG MA BRJOD MA BSHAD DE, DE BZHIN DU 'DI LA SEMS CAN GANG YANG YID CHES PAR BYED PA MED DO ZHES BYA BA'I BAR GYIS GANG GSUNGS PAS RANG SANGS RGYAS KYI DBANG DU MDZAD NAS SEMS CAN GANG YANG YID CHES PAR BYED PA MED DO, ,ZHES BYA BA DANG, RTEN GYI SBYOR BA'I GNAS SU BYANG CHUB SEMS DPA' ZHES BYA BA'I TSIGS DON MED CING MI DMIGS SO ZHES BYA BAS NI DE GSAL BAR BYAS PA YIN NO, ,TSE DANG LDAN PA RAB 'BYOR 'O NA SHES RAB KYI PHA ROL TU PHYIN PA 'DI LAS THEG PA GSUM PO RGYAS PAR BSTAN ZHES BYA BA NAS BRTZAMS TE, RNAM PA MANG PO ZHIG GI MTHA' RDZOGS PAR BYAS NAS, TSE DANG LDAN PA SH'A RI'I BU DE DE BZHIN NO ZHES BYA BA NAS BRTZAMS TE, BYANG CHUB SEMS DPA' CHEN PO 'JIG RTEN THAMS CAD LAS MNGON PAR 'PHAGS SHING KHYAD PAR DU ZHUGS PA'I SPOBS PA DANG LDAN PA'I BAR DU YANG 'GYUR ZHES BYA BA'O, ,DE YANG MI DMIGS PA'I TSUL ZHES BYA BA'I BAR GYIS MNGON BAR 'DOD PA'I DON YANG DAG PAR GRUB PAS DNGOS POR GYUR PA'I RTEN MED PAR YANG RTOGS PA'I CHOS THOB PAR BSTAN PA'I CHED DU SPRUL PA'I ME TOG GTOR BA YIN LA, ME TOG DE DAG KYANG MA SKYES PA'I ME TOG YIN PA DANG 'DRA BAR GZUGS NAS BRTZAMS TE, CHOS THAMS CAD KYI BAR DANG, YANG DAG PAR RDZOGS PA'I SANGS RGYAS KYI BAR DU MA BYUNG BA NYID KYIS DE NAS BRTZAMS TE, 'DI ZHES BYA BA'I BAR DU BYED PA DANG 'BREL PAR BSGRUBS PAS RANG SANGS RGYAS KYI LAM RTOGS PA'I RTEN BSTAN PA YIN NO, ,RANG SANGS RGYAS DE DAG GIS GZUNG BA'I RNAM PAR RTOG PA SPANGS PAS RANG SANGS RGYAS KYI RTOGS PA NYAN THOS RNAMS LAS KHYAD PAR DU 'PHAGS PA YIN LA, 'DZIN PA'I RNAM PAR RTOG PA MA SPANGS PAS NI RANG SANGS RGYAS RNAMS LAS SANGS RGYAS KYI RTOGS PA KHYAD PAR DU 'PHAGS PA YIN NO, ,RIGS KYIS NI RTOGS PA'I RGYU KHYAD ZHUGS PAR BSTAN PA NI RANG SANGS RGYAS KYI LAM YIN NO, ,DE NI @69A *, ,SANGS RGYAS KYI LAM GYI NGES PAR 'BYED PA'I CHA DANG MTHUN PA'I DBANG DU MDZAD NAS, BTAGS PA'I CHOS NYID MI 'GAL BAR, ,STON PA'I RNAM PA DROR GYUR PA, ,ZHES BSTAN PA YIN NO, ,JI SKAD DU, KYE MA GNAS BRTAN RAB 'BYOR 'DI NI DE LTAR BTAGS PA DANG MI 'GAL LA, CHOS NYID KYANG STON PA NI SHES RAB ZAB PO ZHES BYA BA DANG, GZUGS NI BTAGS PA TZAM MO, ,DE YANG CHOS NYID DE, GNAS BRTAN RAB 'BYOR GYIS MI 'GAL BAR STON TO ZHES BYA BA LA SOGS PA BSTAN PA YIN NO, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,ZHES BSTAN TE, GANG GZUGS NAS RNAM PA THAMS CAD MKHYEN PA NYID KYI BAR DU 'PHEL BAR BYA BA DANG, 'GRIB PAR BYA BA'I PHYIR MI SLOB BO, ,YONGS SU GZUNG BAR BYA BA DANG, MED PAR BYA BA'I PHYIR MI SLOB PO ZHES BYA BA LA SOGS PA BSTAN PA YIN NO, ,BZOD PA NI, NANG STONG NYID LA SOGS PA YIS, ,GZUGS SOGS MI 'DZIN PHYIR BZOD PA, ,ZHES BSTAN PA YIN TE, GANG GZUGS NAS RNAM PA THAMS CAD MKHYEN PA NYID KYI BAR DU NANG STONG PA NYID NAS DNGOS PO MED PA'I NGO BO NYID STONG PA NYID KYI PHYIR YONGS SU GZUNG BA MED PA NYID DO ZHES BSTAN PA YIN NO, ,GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,CES BSTAN PA YIN NO, ,JI SKAD DU GZUGS KYI SKYE BA MI MTHONG, 'GAG PA DANG, BLANG BA DANG, DOR BA DANG, KUN NAS NYON MONGS PA DANG, RNAM PAR BYANG BA DANG, SOGS PA DANG, 'BRI BA DANG, 'GRIB PA DANG, 'PHEL BA MI MTHONG STE ZHES BYA BA LA SOGS PA BSTAN PA YIN NO, ,RANG SANGS RGYAS KYI LAM BSHAD NAS MTHONG BA'I LAM PHAN YON DANG BCAS PA'I DBANG DU MDZAD NAS; BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,ZHES BSTAN PA YIN NO, ,DE LA SDUG BSNGAL LA CHOS SHES PA'I BZOD PA NI DE BZHIN GSHEGS PA DAG NI GCIG @69B LAS GCIG GUD NA MED PAR DGAG PA'I RNAM GRANGS GZHAN GYIS STON TE, JI SKAD DU MDO LAS, KOO SHI KA GZUGS KYI DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LAS GZHAN DU YANG DE BZHIN GSHEGS PA MI DMIGS SO ZHES BYA BA LA SOGS PA GSUNGS PA YIN NO, ,SDUG BSNGAL LA CHOS SHES PA NI KOO SHI KA GZUGS RGYA CHE BA'I PHYIR BYANG CHUB SEMS DPA' RNAMS KYI PHA ROL TU PHYIN PA 'DI RGYA CHE BA YIN TE, CI'I PHYIR ZHE NA, KOO SHI KA DE NI 'DI LTAR GZUGS LA SNGON GYI MTHA' MI DMIGS, PHYI MA'I MTHA' MI DMIGS, DBUS MI DMIGS SO ZHES BYA BA LA SOGS PA GSUNGS PA YIN NO, ,SDUG BSNGAL LA RJES SU SHES PA'I BZOD PA NI GANG KOO SHI KA GZUGS GZHAL DU MED PA'I PHYIR, BYANG CHUB SEMS DPA' RNAMS KYI PHA ROL TU PHYIN PA 'DI GZHAL DU MED PA YIN TE, DE CI'I PHYIR ZHE NA, KOO SHI KA DE NI 'DI LTAR GZUGS GZHAL DU MED PA'I PHYIR DMIGS SU MED DO ZHES BYA BA LA SOGS PA BSHAD PA YIN NO, ,GZHAL DU MED PA ZHES BYA BA NI GANG GI GZUGS 'GYUR BA'I MTSAN NYID DU GZHAL DU MED PA'O, ,SDUG BSNGAL LA RJES SU SHES PA NI GANG KOO SHI KA GZUGS TSAD MED PA'I PHYIR PHA ROL TU PHYIN PA 'DI TSAD MED DO, ,KOO SHI KA 'DI LTA STE DPER NA, NAM MKHA'I TSAD NI DMIGS SU MED DO ZHES BYA BA LA SOGS PA BSTAN PA YIN NO, ,TSAD CES BYA BA NI DBYINGS RNAMS PHRA RAB KYI BAR DU GZHIG TU RUNG BAR BSHAD PA YIN PAS TSAD RNAMS NI GZUGS CAN MA YIN PA'I MTSAN NYID DO, ,KUN 'BYUNG LA CHOS SHES PA'I BZOD PA NI GANG KOO SHI KA GZUGS MTHA' YAS PA'I PHYIR BYANG CHUB SEMS DPA' RNAMS KYI PHA ROL TU PHYIN PA 'DI MTHA' YAS PA YIN TE, DE CI'I PHYIR ZHE NA, KOO SHI KA DE NI 'DI LTAR GZUGS KYI MTHA' DANG DBUS MI DMIGS SO ZHES BYA BA LA SOGS PA BSTAN PA YIN NO, ,DE NI RGYU BKAG PA YIN NO, ,RNAM PA THAMS CAD MKHYEN PA NYID DMIGS PA MTHA' YAS PA'I PHYIR PHA ROL TU PHYIN PA MTHA' YAS PA NYID KYIS NA KUN 'BYUNG BKAG PA YIN NO, ,CHOS KYI DBYINGS MTHA' YAS PA'I PHYIR PHA ROL TU PHYIN PA MTHA' YAS @70A *, ,PA NYID KYIS NI RAB TU SKYE BA BKAG PA YIN NO, ,DE BZHIN NYID MTHA' YAS PA'I PHYIR PHA ROL TU PHYIN PA MTHA' YAS PA NYID KYIS NI SKYE BA BKAG PA YIN NO, ,SEMS CAN MTHA' YAS PA'I PHYIR, PHA ROL TU PHYIN PA MTHA' YAS PA NYID KYIS NI KUN 'BYUNG LA CHOS SHES PA'I BZOD PA SEMS CAN GYI KHAMS LA DMIGS PAR BYED PAR BSTAN PA YIN NO, ,KUN 'BYUNG LA CHOS SHES PA NI GANG SHES RAB KYI PHA ROL TU PHYIN PA YID LA BYED PA DANG MA BRAL BA 'DI NI DE BZHIN GSHEGS PA NYID DU GZUNG BAR BGYI'O ZHES BSTAN PA YIN NO, ,DE'I MDO NI LHA'I BU BYANG CHUB SEMS DPA' GANG SHES RAB KYI PHA ROL TU PHYIN PA'I MI DMIGS PA'I RNAL 'BYOR DANG MA BRAL BAR GYUR NA DE BZHIN GSHEGS PA NYID DU GZUNG BAR BYA STE, DE CI'I PHYIR ZHE NA, SHES RAB KYI PHA ROL TU PHYIN PA 'DI LAS THEG PA GSUM RGYA CHER BSTAN PA'I PHYIR RO ZHES GSUNGS PA YIN NO, ,KUN 'BYUNG LA RJES SU SHES PA'I BZOD PA NI GANG BCOM LDAN 'DAS BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA 'DI RNAM PA THAMS CAD MKHYEN PA NYID KYI BAR DU MI 'DOR BA'I TSUL ZHES BYA BA NI RNAM PA THAMS CAD MKHYEN PA NYID DANG MTHUN PA YONGS SU 'DZIN PA NI NGO MTSAR CHE'O BYA BA'I BAR DU BSTAN PA YIN NO, ,BAR CHAD BYED PA THAMS CAD KYIS GLAGS RNYED PAR MI 'GYUR BAR YONGS SU GZUNG BA'I DON GYI SHES RAB KYI PHA ROL TU PHYIN PA 'DI 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, SGOM PA DANG, GZHAN DAG LA RGYA CHER 'CHAD PA DANG, TSUL BZHIN YID LA BYED PA DANG, RNAM PA THAMS CAD MKHYEN PA NYID KYI SEMS DANG YANG MI 'BRAL BA DE DAG NI BDUD SDIG CAN LA SOGS PA THAMS CAD KYIS GLAGS RNYED PAR MI 'GYUR RO ZHES BYA BA NI PHAN YON BSTAN PA YIN NO, ,DE CI'I PHYIR ZHE NA, GZUGS STONG PA NYID NAS BRTZAMS TE, RNAM PA THAMS CAD MKHYEN PA NYID KYI BAR DU STONG PA NYID DE, DE LTAR DE RNAMS KYIS SHIN TU BYIN GYIS BRLABS PA'I PHYIR RO, ,DE CI'I PHYIR ZHE NA, DE NI 'DI LTAR STONG PA NYID KYIS STONG PA NYID LA GLAGS @70B MI RNYED DE, MTSAN MA MED PA DANG, SMON PA MED PA YANG DE BZHIN NO, ,DE CI'I PHYIR ZHE NA, DE NI 'DI LTAR GANG GIS GANG DU GLAGS RNYED PAR 'GYUR BA DE DAG NYID MED DO, ,KUN 'BYUNG LA RJES SU SHES PA'I BZOD PA NI GANG SEMS CAN THAMS CAD LA MI DMIGS PA'I TSUL GYIS BYAMS PA DANG, SNYING RJE DANG, DGA' BA DANG, BTANG SNYOMS KYI MTSAN NYID SHIN TU BSGOM PA'I PHYIR DE RNAMS LA MI DANG MI MA YIN PA LA SOGS PA RNAMS KYIS GLAGS RNYED PAR MI 'GYUR TE, MTHONG BA'I LAM GYI SKAD CIG MA BRGYAD PA LA BYANG CHUB SEMS DPA'I DGONGS PA MTHA' YAS PA MDZAD PA YIN GYI, GZHAN DU NA SKAD CIG MA DGU PA LA SEMS CAN GYI KHAMS LA LTOS PA MED PAR 'GOG PAR LTUNG BAR 'GYUR RO, ,DE YANG SPYIN BA'I PHA ROL TU PHYIN PAS SEMS CAN RNAMS LA YANG DAG PA'I SPYOD PAS RIM GRO DANG, BSNYEN BKUR BYAS PA'I PHYIR DE RNAMS YANG BA MA SPANGS PAS 'CHI BA'I DUS BYED PAR MI 'GYUR RO ZHES BSTAN PA YIN NO, ,'GOG PA LA CHOS SHES PA'I BZOD PA NI GANG YANG STONG PA NYID THAMS CAD SHIN TU BSGOMS PA NYID YIN BA'I PHYIR 'JIGS PA 'AM, DANG NGAS PAR MI 'GYUR RO ZHES BYA BA LA SOGS PA BSTAN PA YIN NO, ,'GOG PA LA CHOS SHES PA NI GANG BCOM LDAN 'DAS DE LTAR BYANG CHUB SEMS DPA' CHEN PO SHES RAB KYI PHA ROL TU PHYIN PA 'DI 'DZIN PA DANG ZHES BYA BA NAS BRTZAMS TE, THEG PA GSUM LA 'DUL BA NI NGO MTSAR CHE'O ZHES BSTAN PA YIN NO, ,SHES RAB KYI PHA ROL TU PHYIN PA 'DZIN PA LA SOGS PAS NI 'TSANG RGYA BA NYID KYI 'BRAS BU NYID YIN PA'I PHYIR RO, ,'GOG PA LA RJES SU SHES PA'I BZOD PA NI GANG BCOM LDAN 'DAS DE LTAR SHES RAB KYI PHA ROL TU PHYIN PA 'DI YONGS SU BZUNG BA NI NGO MTSAR CHE'O ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU YONGS SU BZUNG BAR GYUR PA YIN TE, SHES RAB KYI PHA ROL TU PHYIN PAS RNAM PAR BYANG BA'I PHYOGS THAMS CAD BSDUS PA YIN TE ZHES BYA BA LA SOGS PA BSTAN PA YIN NO, ,'GOG PA LA RJES SU SHES PA NI GANG YANG RTZI MA GI'I DPES BSTAN PAS SHES RAB KYI PHA ROL TU PHYIN PA NI NYE BAR 'TSE BA THAMS CAD @71A *, ,ZHI BA'I MDANGS DANG STOBS YOD PA NYID DU BSTAN PA YIN NO, ,LAM LA CHOS SHES PA'I BZOD PA NI GANG, DE CI'I PHYIR ZHE NA, SHES RAB KYI PHA ROL TU PHYIN PA NI GANG 'DI LTA STE, 'DOD CHAGS DANG, ZHE SDANG DANG, GTI MUG LA SOGS PA'I NGES PA NAS; MYA NGAN LAS 'DAS PAR 'DZIN PA'I BAR DU NYE BAR BYED DE, RNAM PAR 'PHEL BAR BYED PA MA YIN NO ZHES BSTAN PA YIN NO, ,LAM LA CHOS SHES PA NI GANG PHYOGS BCU'I 'JIG RTEN GYI KHAMS KYI SANGS RGYAS DE DAG GIS LHA RNAMS KYIS BYAS PA DANG, 'BYUNG BA LAS GYUR PA DANG, NANG GI BAR CHAD KYI DBANG DU MDZAD NAS GO RIMS BZHIN DU BSRUNG BA DANG, BSKYAB PA DANG, BSKYANG BAR MDZAD PA DANG, 'DI LTAR MI DMIGS PA'I TSUL GYIS SBYIN BA'I PHA ROL TU PHYIN PA LA SOGS PA NAS RNAM PA THAMS CAD MKHYEN PA NYID KYI BAR GYI DGE BA'I CHOS RNAMS RNAM PAR 'PHEL BAR 'GYUR RO ZHES BYA BA LA SOGS PA BSTAN PA YIN NO, ,LAM LA RJES SU SHES PA'I BZOD PA NI GANG SROG GCOD PA YOD PAR 'GYUR TE ZHES BYA BA NAS BRTZAMS TE, BDAG KYANG RNAM PA THAMS CAD MKHYEN PA NYID THOB PAR 'GYUR, GZHAN YANG DE LA 'JOG PA DANG, DE NYID KYI LEGS PA BRJOD PAR 'GYUR BA LA SOGS PA RJES SU GNANG BA NYID DU BSTAN PA YIN NO, ,LAM LA RJES SU SHES PA NI GANG DE PHA ROL TU PHYIN PA DRUG LA SPYOD PA'I TSE, SBYIN BA'I PHA ROL TU PHYIN PA SEMS CAN THAMS CAD DANG THUN MONG DU BYAS SHING MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR 'GYUR RO ZHES BYA BA LA SOGS PA BSTAN PA YIN NO, ,DE'I MDOR GTOGS PAR GYUR PA'I TSIGS SU BCAD PA NI 'DI YIN TE, DE BZHIN NYID DANG SANGS RGYAS DAG, ,PHAN TSUN RTEN PA MED PA'I PHYIR, ,RNAM GRANGS KHAS MI LEN PA DANG, ,CHEN PO TSAD MED NYID BCAS DANG, ,DPAG MED MTHA' NYID MED PA DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS LA SOGS PA STONG NYID DANG, ,SANGS RGYAS NYID @71B NI THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYIS GSUNGS LA SOGS, ,RNAM KUN MKHYEN PA'I TSUL LA NI, ,BDAG NYID GNAS TE SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB LA BSNGO BA, ,LAM SHES NYID KYI SKAD CIG MA, ,ZHES BSTAN PA YIN TE, LAM SHES PA NYID LA MTHONG BA'I LAM GYI RNAM PAR 'GREL PA'O,, ,,MTHONG BA'I LAM BSHAD NAS, DA NI BSGOM PA'I LAM BRJOD PAR BYA STE, DE LA RE ZHIG 'DI'I BYED PA BRJOD PAR BYA BA YIN LA PHYIS NI DE STON PAR 'GYUR RO, ,'DI'I BYED PA DE YANG RNAM PA DRUG TU SHES PAR BYA STE, GANG ZHE NA, KUN NAS DUL DANG THAMS CAD NAS, ,BDUD DANG NYON MONGS LAS RGYAL DANG, ,GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES BYA BA BSTAN TE, RNAM PA THAMS CAD DU DUL BA'I DBANG DU MDZAD NAS BCOM LDAN 'DAS SHES RAB KYI PHA ROL TU PHYIN PA 'DI NI DE LTAR BYANG CHUB SEMS DPA' CHEN PA RNAMS NYON MONGS PA THAMS CAD SPONG BA DANG, RNAM PA THAMS CAD DU DUL BA DON DU GNYER BA DANG, YONGS SU DUL BAR BGYID PA NYE BAR GNAS PA NI NGO MTSAR CHE'O ZHES BSTAN PA YIN NO, ,RNAM PA THAMS CAD DU 'DUD PA'I BYED PA NI GANG RNAM PA THAMS CAD KYANG RTOGS PAS NGAR 'DZIN PA MED PAR THAMS CAD LA 'DUD PA'I DON GYIS NA YONGS SU 'DUD PA'I SLAD DU NYE BAR GNAS SO ZHES BYA BA LA SOGS PA BSTAN PA YIN NO, ,NYON MONGS PA LAS NGES PAR RGYAL BA'I BYED PA NI GANG G-YUL GYI NANG DU ZHUGS PA'I SKYES BU'I DPES 'DOD CHAGS LA SOGS PA'I TSOGS MA LUS PA LAS RGYAL ZHING BRDZI BA MED PA NYID KYIS NYON MONGS PA THAMS CAD KYI BAR LAS NGES PAR RGYAL BA'I BSGOM PA'I LAM YANG NAS YANG DU BYA BA NYID DU SHES PAR BYED PA YIN NO ZHES BSTAN TO, ,YUL GYI GNOD PAS ZIL GYIS MI NON PA'I BYED PA NI GANG DE LA LA ZHIG GIS ME MDAG GIS GTOR TAM, BYAD BYAS SAM, MTSON DANG, CHU DANG, DUG LA SOGS PA'I GNOD PAS DE LA GNOD @72A *, ,PAR MI 'GYUR RO ZHES BYA BA LA SOGS PA BSTAN PA YIN NO, ,BYANG NI BYANG PHYOGS KYI MI MA YIN PA'I RIGS SO, ,YANG DAG PAR RDZOGS PA'I BYANG CHUB KYI BYED PA NI GANG CHOS THAMS CAD MI DMIGS PAS BLA NA MED PA YANG DAG PAR RDZOGS PA'I BYANG CHUB THOB CING SEMS CAN THAMS CAD KYI SEMS LA RNAM PAR BLTA BAR 'GYUR RO ZHES BYA BA LA SOGS PA BSTAN PA YIN NO, ,SHES RAB KYI PHA ROL TU PHYIN PA'I RTEN GYI YUL MCHOD PA NYID KYI BYED PA NI GANG YANG SNYING PO BYANG CHUB KYI DPES SHES RAB KYI PHA ROL TU PHYIN BA'I RNAL 'BYOR GYI RTEN GYI YUL BAR CHAD MED PA NYID YIN NO, ,DE CI'I PHYIR ZHE NA, LHA'I RIGS THAMS CAD KYIS SRUNG BA DANG, SKYOB PA LA SOGS PA YIN PAR BSTAN PA YIN NO, ,BYED PA BSHAD NAS YANG BSGOM PA'I LAM NI RNAM PA GNYIS TE, ZAG PA DANG BCAS PA DANG, ZAG PA MED PA'O, ,DE LA ZAG PA DANG BCAS PA NI MOS PA DANG, BSNGO BA DANG, RJES SU YI RANG BA'I BYED PA ZHES BYA'O, ,ZAG PA MED PA YANG MNGON BAR BSGRUB PA'I MTSAN NYID DANG, SHIN TU RNAM PAR DAG PA'I MTSAN NYID DO, ,GANG GI PHYIR MOS PA YID LA BYED PA'I DBANG DU MDZAD NAS, MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM PA GSUM DU SHES PAR BYA, ,ZHES BSTAN PA YIN TE, GANG ZHIG GIS RANG GI DON DU MOS PA'I RANG GI DON NYID RDZOGS PAR 'GYUR LA, BSNGO BA'I TSUL GYIS NI GZHAN GYI DON DU YANG 'GYUR RO, ,RANG DANG GZHAN GYI DON DU BYA BA GANG YIN PAS NI GNYI GA'I DON RDZOGS PAR BYED DO, ,GANG ZHIG GANG GIS GZHAN GYI DON DU BYA BA NI GZHAN GYI DON DU 'GYUR MOD KYI RANG GI DON YANG DAG PAR RDZOGS PAR BYED DE, 'DI LA RANG GI DON DGAG PA MED BA'I PHYIR TE, GZHAN GYI DON DANG MI 'GAL BA NYID KYIS DE RDZOGS PA YIN NO, ,DE DAG RE RE YANG, CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CES BSTAN TE, RANG GI DON GYI MOS PA NI CHUNG NGU DANG, 'BRING DANG, CHEN PO STE, RNAM PA GSUM STE, DE BZHIN DU GZHAN LA YANG BRJOD PAR BYA'O, ,DE LA @72B RANG GI DON LA MOS PA CHUNG NGU DANG, 'BRING PO DANG, CHEN PO NI GANG YIN PA DE BZHIN DU GZHAN GYI DON LA MOS PA'I BAR GANG YANG GANG ZHIG YIN ZHE NA, CHUNG NGU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES BSTAN TE, SO SOR ZHES BYA BA NI RANG BZHIN YIN BAR SBYOR BA'O, ,RANG GI DON LA SOGS PA LA MOS PA CHUNG NGU LA SOGS PA RNAM PA GSUM DU SHES PAR BYA'O ZHES BYA BA'I DON TO, ,DE LTAR RANG GI DON LA MOS PA 'DI NI RNAM PA DGUR 'GYUR TE, 'DI LTAR CHUNG NGU'I CHUNG NGU DANG, CHUNG NGU'I 'BRING DANG; CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO'O, ,DE BZHIN DU RANG DANG GZHAN GYI DON LA MOS PA DANG, GZHAN GYI DON LA MOS PA'I RNAM PA'I DBYE BA LA YANG BRJOD PAR BYA'O, ,DE BAS NA, DE LTAR NA, RNAM PA NYI SHU BDUN DU 'DOD DO ZHES BSTAN TE, MOS PA ZHES BYA BA NI DKYUS MA NYID YIN NO, ,DE LA RANG GI DON LA MOS PA CHUNG NGU'I CHUNG NGU'I RNAM PA NI SHES RAB KYI PHA ROL TU PHYIN PA 'DI BRIS SHING GLEGS BAM DU BGYIS PA BCANGS LA MCHOD PA BGYIS PA DANG, SANGS RGYAS YONGS SU MYA NGAN LAS 'DAS PA'I DE BZHIN GSHEGS PA'I SKU GDUNG RNAMS RIN PO CHE SNA BDUN GYI MCHOD RTEN DU BCUG STE MCHOD PAR BYAS PA BAS SHES RAB KYI PHA ROL TU PHYIN PA NI RNAM PA THAMS CAD MKHYEN PA NYID KYI RGYUR GYUR PA YIN PA'I PHYIR DANG, DE LA BRTEN BAR GYUR PAS SANGS RGYAS KYI SKUR GYUR PA'I PHYIR, MCHOD PA BRNYES PAS NA, DANG PO'I MCHOD PA'I LAS 'DI NYID DE BAS BSOD NAMS MANG DU 'PHEL LO ZHES BYA BA LA SOGS PA BSTAN PA YIN NO, ,CHUNG NGU'I 'BRING NI KOO SHI KA DE JI SNYAM DU SEMS, 'DZAM BU'I GLING GI MI DE DAG LAS GANG SANGS RGYAS LA MOS PA MI BYED PA DANG, DE BZHIN DU CHOS DANG, DAG 'DUN LA SHIN TU BRTEN PA DE LTA BU NI NYUNG NGU ZHES BYA BA NAS BRTZAMS TE, TSIG RE RE ZHING PHRA BA RGYA CHER BSTAN PA NAS, KOO SHI KA 'DI NAS SANGS RGYAS KYI SPYAN SGRIB PA MED PAS @73A *, ,PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN TSAD MED GRANGS MED PA YANG DAG PAR RDZOGS PA'I BYANG CHUB TU SEMS BSKYED DE, BYANG CHUB TU SPYOD KYANG SHES RAB KYI PHA ROL TU PHYIN PA'I THABS MKHAS PA DANG MI LDAN PAS, DE LA GCIG GAM GNYIS SHIG PHYIR MI LDOG PA'I SA LA GNAS PAR 'GYUR RO, ,DE CI'I PHYIR ZHE NA, LE LO CAN LA SOGS PAS MNGON BAR RDZOGS PAR BYANG CHUB PAR BSGRUB PA NI DKA' BA NYID YIN PA'I PHYIR RO ZHES GANG BSTAN PA YIN NO, ,GANG CHUNG NGU'I CHEN PO NI DE BZHIN DU MYUR ZHING BDE BAR BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR 'TSANG RGYA BAR 'DOD NA ZHES BYA BA NAS BRTZAMS TE, DE BZHIN GSHEGS PA BZHUGS KYANG RUNG, MYA NGAN LAS 'DAS KYANG RUNG STE, SHES RAB KYI PHA ROL TU PHYIN PA 'DI NI BDAG GI STON PA'O ZHES BSTAN PA YIN NO, , SANGS RGYAS KYI YON TAN THAMS CAD THOB PA'I RGYUR GYUR PA'I PHYIR DANG, MOS PA GSUM PA'I RNAM PA YONGS SU GSAL BAR BYAS PA'I DON GYIS SO, ,'BRING GI CHUNG NGU NI DE BZHIN DU GANG RIN PO CHE SNA BDUN GYI MCHOD RTEN BYAS TE, DE LA MCHOD PA'I BSOD NAMS PAS SHES RAB KYI PHA ROL TU PHYIN PA LA MCHOD PA BSOD NAMS CHES MANG DU 'PHEL LO ZHES BSTAN PA YIN NO, ,'BRING GI 'BRING NI DE BZHIN DU GANG 'DZAM BU'I GLING RIN PO CHE SNA BDUN LAS BYAS PA'I DPES BSTAN PA YIN NO, ,'BRING GI CHEN PO NI DE BZHIN DU GANG GLING BZHI PA'I 'JIG RTEN GYI KHAMS 'DI RIN PO CHE SNA BDUN LAS BYAS PA'I MCHOD RTEN ZHES BYA BA LA SOGS PA BSTAN PA YIN NO, ,CHEN PO'I CHUNG NGU NI DE BZHIN DU GANG STONG GI 'JIG RTEN GYI KHAMS ZHES BYA BA LA SOGS PA BSTAN PA YIN NO, ,CHEN PO'I 'BRING NI DE BZHIN DU GANG STONG GNYIS PA BAR MA'I 'JIG RTEN GYI KHAMS 'DI ZHES BYA BA LA SOGS PA BSTAN PA YIN NO, ,CHEN PO'I CHEN PO NI DE BZHIN DU GANG STONG GSUM GYI STONG CHEN PO'I 'JIG RTEN GYI KHAMS 'DI ZHES BYA BA LA SOGS PA BSTAN PA YIN NO, ,RANG GI DON LA MOS PA RNAM PA DGU BSTAN NAS, RANG DANG GZHAN GYI DON LA MOS PA RNAM PA DGU BRJOD PAR BYA'O, ,DE LA @73B RE ZHIG CHUNG NGU'I CHUNG NGU'I RNAM PA NI GANG STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED YOD PA DE DAG LAS SEMS CAN RE RES RIN PO CHE SNA BDUN LAS BYAS PA'I MCHOD RTEN BYAS TE, MCHOD PA'I BSOD NAMS PAS SHES RAB KYI PHA ROL TU PHYIN PA 'DI LA BRTZON PA BSOD NAMS CHES SHIN TU MANG DU BSKYED PA NYID LA SOGS PA BSTAN PA YIN NO, ,CHUNG NGU'I 'BRING NI GANG KOO SHI KA KHYOD KYIS SHES RAB KYI PHA ROL TU PHYIN PA ZUNG SHIG CES BYA BA NAS BRTZAMS TE, MTHONG BA'I CHOS KYI PHAN YON LA SOGS PA RGYA CHER BSTAN PA YIN NO, , CHUNG NGU'I CHEN PO NI GANG KUN DGA' BO 'DI JI SNYAM DU SEMS, RNAM PA THAMS CAD MKHYEN PA NYID DU YONGS SU MA BSNGOS PA'I SBYIN BA SBYIN PA'I PHA ROL TU PHYIN PA YIN NAM, ZHES BYA BA NAS BRTZAMS TE, CHOS THAMS CAD DE RNAMS KYI STONG PA NYID YIN PA'I PHYIR, GNYIS SU MED PA NYID YIN PAS GNYIS SU MED PAR YONGS SU BSNGO BA'I TSUL GYIS PHA ROL TU PHYIN PA THAMS CAD KYI SNGON DU SHES RAB KYI PHA ROL TU PHYIN PA 'GRO BA NYID KYI SHES RAB KYI PHA ROL TU PHYIN PA LA SOGS PA NI RNAM PAR BYANG BA'I PHYOGS THAMS CAD RAB TU SHES PA'I RGYU YIN PA'I PHYIR DANG, RANG GZHAN GYI DON GYI MOS PA RNAM PA GSUM YONGS SU GSAL BAR BYA BA'I PHYIR RO, ,ZHES BSTAN PA YIN NO, ,'BRING GI CHUNG NGU NI GANG SHES RAB KYI PHA ROL TU PHYIN PA 'DZIN PA LA SOGS PA DANG RAB TU LDAN PA NYAN THOS DANG, RANG SANGS RGYAS KYI TSUL KHRIMS LA SOGS PA'I PHUNG PO RNAMS LAS TSUL KHRIMS LA SOGS PA'I PHUNG PO TSAD MED PA DANG LDAN PA NYID YIN NO ZHES BSTAN TO, ,'BRING GI 'BRING NI GANG SHES RAB KYI PHA ROL TU PHYIN BA DANG LDAN PA'I CHOS STON PA DE LA NI LHA'I BU DAG SPOBS PA NYE BAR BSGRUB PAR SEMS SO ZHES BYA BA LA SOGS PA BSTAN PA YIN NO, ,'BRING GI CHEN PO NI GANG YANG PHA DANG MA LA SOGS PA NAS MI SLOB PA'I BAR THAMS CAD KYIS KYANG DBEN ZHING YID DU 'ONG BAR BYA BA YIN ZHES BYA BA LA SOGS PA BSTAN PA YIN NO, CHEN PO'I CHUNG NGU NI GANG STOBS PA MI 'PHROGS PAR 'GYUR BA NAS BRTZAMS TE, RNAM PA THAMS CAD MKHYEN PA NYID KYI SEMS @74A *, ,MI 'PHROGS PAR 'GYUR BA DANG MA BRAL BAR BYED PA NYID KYIS RNAM PA BDUN PA'I SKABS SU BSGOM PA'I LAM GYI MI 'PHROGS PAR 'GYUR BA DNGOS PO MED PAR SHES PAR BYA BA'I DON GYIS YIN NO ZHES BSTAN NO, ,CHEN BO'I 'BRING NI GANG PHYOGS BCU'I 'JIG RTEN GYI KHAMS KYI LHA'I RIS THAMS CAD KYANG DER DONG ZHING GLEGS BAM DU CHUD PA 'DI KLOG PA DANG, GZUNG BA DANG, 'CHANG BA DANG, KUN CHUB PAR BYA BA LA SOGS BA DANG, DE DAG LA CHOS KYI SBYIN PA 'DI BYIN PAR GYUR CIG CES SEMS BSKYED PAR BYA STE, ZHES BYA BA LA SOGS PA BSTAN PA YIN NO, ,CHEN PO'I CHEN PO NI GANG LHA'I TSOGS 'ONGS PAS MOS PA RGYA CHEN PO DANG LDAN PAR GYUR BA DANG, LUS DANG, SEMS LAS SU RUNG BA THOB NAS CHOS GOS LA SOGS BA LA SHAS CHER CHAGS PA BKAG PA DANG, MOS PA RNAM PA DGU'I DON GSAL BAR BYA BA'I PHYIR BSTAN PA YIN NO, ,RANG DANG GZHAN GYI DON LA MOS PA RNAM PA DGU BSTAN NAS GZHAN GYI DON LA MOS BA RNAM PA DGU BRJOD PAR BYA'O, ,DE LA RE ZHIG CHUNG NGU'I CHUNG NGU NI GANG YANG GLEGS BAM DU BRIS BA 'DI GZUNG BA DANG, MCHOD PA 'BA' ZHIG TZAM BYED KYI MA BZUNG BA NAS GZHAN DAG LA RGYA CHER MI STON NA MA TSANG BA'I BYED PAS, LAS YONGS SU RDZOGS PAR BYED PA NI BSOD NAMS CHES MANG DU SKYED PAR BSTAN PA YIN NO, ,CHUNG NGU'I 'BRING NI GANG YANG KOO SHI KA KHYOD KYIS 'DZAM BU'I GLING DE BZHIN GSHEGS PA'I SKU GDUNG GIS BYUR BUR BKANG BA ZHIG KYANG RNYED CES BYA BA NAS BRTZAMS TE, CHA GNYIS LAS SHES RAB KYI PHA ROL TU PHYIN PA BLANG BAR BGYI BA NYID LA SOGS PA BSTAN PA YIN NO, ,CHUNG NGU'I CHEN PO NI GANG SBYOR BA 'DI DANG LDAN PA DE NI NAM BLA NA MED PA YANG DAG PAR RDZOGS BA'I BYANG CHUB TU MNGON BAR RDZOGS PAR SANGS RGYAS KYI BAR DU NYAN THOS LA SOGS PA'I SA'I DOGS PA MED PA NYID KYIS GZHAN GYI DON LA MOS PA RNAM PA GSUM GSAL BAR BYA BA'I PHYIR BSTAN PA YIN NO, ,'BRING GI CHUNG NGU NI GANG YANG STONG GSUM GYI STONG CHEN PO'I 'JIG RTEN GYI KHAMS 'DI DE BZHIN GSHEGS BA'I SKU GDUNG GIS BYUR BUR GTAMS @74B PA ZHIG DANG, SHES RAB KYI PHA ROL TU PHYIN PA GNYIS LAS GANG YANG RUNG BA ZHIG 'DOM DU STZAL NA, 'DI NYID MCHOG YIN PA NYID LA SOGS PA BSTAN PA YIN NO, ,'BRING GI 'BRING NI GANG PHYOGS BCU'I 'JIG RTEN GYI KHAMS KYI SANGS RGYAS RNAMS MDO LA SOGS PA GSUNG RAB YAN LAG BCU GNYIS KYI CHOS STON PAR MDZAD PA DANG, CHOS SMRA BA SHES RAB KYI PHA ROL TU PHYIN PA STON PA NI 'DI LAS BYUNG BA YIN PA'I PHYIR DE GNYIS KYANG MI 'DRA BA MA MCHIS SO ZHES BYA BA LA SOGS PA BSTAN PA YIN NO, ,'BRING GI CHEN PO NI GANG MTHU DANG RAB TU LDAN PA'I RGYAL PO LA BRTEN PA'I SKYES BU DANG 'DRA BA'I DPES GANG GIS KYANG 'JIGS PAR MI 'GYUR BA DANG, MCHOD PA LA RNYED PA LA SOGS BAS BSTAN PA YIN NO, ,CHEN PO'I CHUNG NGU NI GANG PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED CIG DE BZHIN GSHEGS PA'I SKU GDUNG GIS BYUR BUR GTAMS PA DANG, SHES RAB KYI PHA ROL TU PHYIN PA CHA GNYIS SU BYAS TE, GCIG 'DOM DU BCUG NA 'DI NYID LEN PA MCHOG YIN PA LA SOGS PA BSTAN PA YIN NO, ,CHEN PO'I 'BRING NI GANG PHYOGS BCU'I 'JIG RTEN GYI KHAMS KYI 'PHAGS PA'I GANG ZAG THAMS CAD KYI THUGS SU CHUD PA'I RGYU NI SHES RAB KYI PHA ROL TU PHYIN PA NYID YIN NO ZHES BYA BA LA SOGS PA BSTAN PA YIN NO, ,THEG PA CHEN PO NI GANG SHES RAB KYI PHA ROL TU PHYIN PA CHEN PO 'DI NI SHES RAB KYI PHA ROL TU PHYIN PA CHEN PO STE ZHES BYA BA NAS BRTZAMS TE, SHING RNAMS LO MA DANG, ME TOG DANG; 'BRAS BU DANG, DBYIBS SNA TSOGS KYANG GRIB MA LA KHYAD PAR DANG, BYE BRAG MI DMIGS PA'I DPES PHA ROL TU PHYIN PA THAMS CAD MI DMIGS SHING SHES RAB KYI PHA ROL TU PHYIN PAR RO GCIG PA NYID DANG, GZHAN GYI DON GYI MOS PA RNAM PA DGU GSAL BAR BYA BA'I PHYIR BSTAN PA YIN NO, ,MOS BA'I RNAM PA THAMS CAD LA YANG CHUNG NGU'I CHUNG NGU LA SOGS PA NAS DPE GZHAN DANG, GZHAN GYIS CHOS GANG DANG GANG BSTAN PA DE'I RJES SU 'BRANGS NAS CHEN PO'I CHEN PO LA SOGS PA LAS GO BA ZLOG PAS MI MTHUN BA'I PHYOGS SHES PAR BYA'O, ,DE LA RANG @75A *, ,GI DON LA MOS PA NI GZHAN GYI DON LA MOS PAR 'GYUR LA, GNYIS PA NI BAR CHAD DANG BCAS PA'I SBYOR BA'O, ,GSUM PA LA NI BAR CHAD MED PA'I SBYOR BA YIN NO, ,MOS PA YID LA BYED PA BSHAD NAS DA NI BSTOD PA LA SOGS PA BRJOD DGOS PAS DE'I PHYIR, SHES RAB PHA ROL PHYIN PA LA, ,MOS BA'I GNAS SKABS RNAMS LA NI, ,DGU TSAN GSUM GYIS BSTOD PA DANG, ,BKUR BA DANG NI BSNGAGS PAR 'DOD, ,CES BSTAN PA YIN NO, ,DE LA DANG PO 'DI NI BSTOD PA TZAM YIN TE, GANG YANG SNGAR BSTAN PA LAS, LA LA ZHIG BRIS TE, GLEGS BAM DU BGYIS NAS GZHAN LA GSAL BA ZHES BYA BA NAS BRTZAMS TE, SBYIN PA'I BSOD NAMS MANG DU 'PHEL BA NYID DU BSTAN PA YIN NO, ,GNYIS PA NI GZHAN GYI DRUNG DU SONG STE BSHAD CING BSTAN NA SNGA MA DAG PAS BSOD NAMS SHAS CHER 'PHEL TE, DE NI BSTOD PA YIN PAR BSAM MO ZHES BYA BA LA SOGS PA BSTAN PA YIN NO, ,GSUM PA NI GANG SEMS CAN GCIG RGYUN DU ZHUGS PA'I 'BRAS BU LA GZHAG PA DANG, 'DZAM BU GLING GI SEMS CAN DE DAG DGE BA BCU'I LAS KYI LAM LA BKOD PAR GYUR PA NI BSOD NAMS MANG DU 'PHEL BAR 'GYUR BA NAS BRTZAMS TE, DE NYID GZHAN LA BYIN NA BSOD NAMS MANG DU 'PHEL BAR BSTAN PA YIN NO, ,BZHI PA NI GANG SEMS CAN GCIG LAN CIG PHYIR 'ONG BA'I 'BRAS BU LA ZHES BSTAN PA YIN NO, ,LNGA PA NI DE BZHIN DU SEMS CAN GCIG LAN CIG PHYIR MI 'ONG BA'I 'BRAS BU DANG ZHES BSTAN PA YIN NO, ,DRUG PA NI GANG DE BZHIN DU SEMS CAN GCIG CIG DGRA BCOM PA NYID LA BKOD PA ZHES BSTAN PA YIN NO, ,BDUN PA NI GANG DE BZHIN DU SEMS CAN GCIG CIG RANG BYANG CHUB LA BZHAG NA ZHES BSTAN PA YIN NO, ,BRGYAD PA NI GANG 'DZAM BU'I GLING GI SEMS CAN THAMS CAD RGYUN DU ZHUGS PA'I 'BRAS BU LA BKOD PA BAS SEMS CAN GCIG CIG BLA NA MED PA YANG DAG PAR RDZOGS PA'I BYANG CHUB LA BZHAG NA DE'I BSOD NAMS CHES MANG DU 'PHEL LO, ,DE CI'I PHYIR ZHE NA, DE NI SANGS RGYAS KYI TSUL RGYUN MI 'CHAD PA'I DON DU BZHUGS PA @75B YIN NO ZHES BYA BA BSTAN PA YIN NO, ,DE LA SANGS RGYAS KYI TSUL NI SANGS RGYAS KYI RIGS SO, ,BSTOD PA'I CHA DGU PA NI DE BZHIN DU 'DZAM BU'I GLING GI SEMS CAN THAMS CAD LAN CIG PHYIR 'ONG BA'I 'BRAS BU LA GZHAG PA NI ZHES BSTAN PA YIN NO, ,BKUR BA YANG CHA DGUR SHES PAR BYA'O, ,DE LA BKUR BA DANG PO NI 'DI YIN TE, 'DZAM BU'I GLING GI SEMS CAN THAMS CAD PHYIR MI 'ONG BA'I 'BRAS BU LA GZHAG PA BAS ZHES BSTAN PA YIN NO, ,GNYIS PA NI GANG DE BZHIN DU DGRA BCOM PA NYID LA GZHAG PA BAS ZHES BSTAN PA YIN NO, ,GSUM PA NI GANG DE BZHIN DU RANG BYANG CHUB LA GZHAG PA BAS ZHES BSTAN PA YIN NO, ,BZHI PA NI GANG DE BZHIN DU YANG 'DZAM BU'I GLING GI SEMS CAN THAMS CAD DGE BA BCU'I LAS KYI LAM LA BKOD PAR GYUR PA'I BSOD NAMS PAS GLEGS BAM LA BRIS NAS GZHAN LA BYIN PA DANG, TSUL BZHIN DU YID LA BYED NA BSOD NAMS MANG DU 'PHEL BA NYID DU BSTAN PA YIN NO, ,TSUL BZHIN YID LA BYED PA NI 'DI YIN TE, BYANG CHUB LA GNYIS SU MED PAR SPYOD PA'I BLOS SHES RAB KYI PHA ROL TU PHYIN PA 'DZIN PA LA SOGS PA ZHES BSTAN PA YIN NO, ,LNGA PA NI GANG YANG GNYIS SU MED PA'I DON DE BSTAN PAS BSOD NAMS MANG DU 'PHEL BA NYID DU BSTAN PA YIN NO, ,DRUG PA NI GANG YANG DON DANG, YI GE DANG LDAN PAR BSTAN PA LAS YONGS SU RDZOGS PAR BYED PA NI BSOD NAMS MANG DU 'PHEL BAR BSTAN PA YIN NO, ,BDUN PA NI GANG PHYOGS BCU'I 'JIG RTEN GYI KHAMS KYI SANGS RGYAS RNAMS LA NAM 'TSO'I BAR DU BDE BA'I YO BYAD THAMS CAD KYIS RIM GROR BYAS PA BAS 'DI NYID DON DANG YI GE MA NOR BAR BSHAD CING BSTAN PA BYAS NA BSOD NAMS DE NI CHES MANG DU 'PHEL BA NYID YIN NO, ,DE CI'I PHYIR ZHE NA, SANGS RGYAS RNAMS NI 'DI LAS NGES PAR 'KHRUNGS PA NYID DU BSTAN PA YIN NO, ,BRGYAD PA NI GANG YANG BSKAL PA TSAD MED GRANGS MED PAR SBYIN BA LA SOGS PA'I SPYOD PA BYANG CHUB SEMS DPA' BCOS MA LAS GO BZLOG PA'I TSUL GYIS SHES RAB KYI PHA ROL TU PHYIN PA MI DMIGS PAS PHYIN CI MA LOG PAR STON PAR BYED PA NI BSOD NAMS MANG DU SKYES @76A *, ,PAR 'GYUR RO ZHES BYA BA LA SOGS PA BSTAN PA YIN NO, ,BKUR BA'I CHA DGU PA NI GANG YANG 'DZAM BU'I GLING GI SEMS CAN ZHES BYA BA NAS BRTZAMS TE, PHYOGS BCU'I PHYOGS RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN JI SNYED YOD PA RGYUN DU ZHUGS PA'I 'BRAS BU LA BKOD PA BAS SEMS CAN GCIG CIG BLA NA MED PA YANG DAG PAR RDZOGS PA'I BYANG CHUB 'DZIN DU BCUG CING PHYIR MI LDOG PA'I SA LA BZHAG PA NI BSOD NAMS CHES MANG DU 'PHEL BA NYID DU BSTAN PA YIN NO, ,BKUR BA'I CHA RNAM PA DGU BSTAN NAS, DA NI BSNGAGS PA'I CHA RNAM PA DGU BRJOD PAR BYA STE, DE LA BSNGAGS PA'I CHA DANG PO NI 'DIR GANG DE BZHIN DU SEMS CAN JI SNYED CIG KHO NA DGRA BCOM PA NYID DU ZHES BSTAN PA YIN NO, ,GNYIS PA NI GANG YANG DE LTAR SEMS CAN DE SNYED CIG PHYIR MI 'ONG BA'I 'BRAS BU LA BKOD PA BAS ZHES BYA BA'O, ,GSUM BA NI GANG DE BZHIN DU DE LTAR RE ZHIG SEMS CAN DE SNYED CIG DGRA BCOM PA NYID LA BKOD PA BAS ZHES BSTAN PA YIN NO, ,BZHI PA NI GANG DE BZHIN DU SEMS CAN DE SNYED KHO NA RANG BYANG CHUB LA BKOD NA ZHES BSTAN PA YIN NO, ,LNGA PA NI GANG 'DZAM BU'I GLING GI SEMS CAN BLA NA MED PA YANG DAG PAR RDZOGS PA'I BYANG CHUB TU YANG DAG PAR BSKUL BA BYAS PA BAS SEMS CAN GCIG CIG PHYIR MI 'ONG BA'I SA LA BKOD PA'I BSOD NAMS CHES CHER MANG DU 'PHEL BA NYID DU BSTAN PA YIN NO, ,DRUG PA NI GANG DE BZHIN DU GLING BZHI PA'I SEMS CAN DE NYID DU BKOD PA BAS ZHES BSTAN PA YIN NO, ,BDUN PA NI GANG DE BZHIN DU STONG GI 'JIG RTEN GYI KHAMS KYI SEMS CAN DE NYID DU BKOD PA PAS ZHES BSTAN PA YIN NO, ,BRGYAD PA NI GANG DE BZHIN DU STONG GNYIS PA DANG, GSUM BA DANG, PHYOGS BCU'I 'JIG RTEN GYI KHAMS KYI SEMS CAN RNAMS DE NYID DU YANG DAG PAR BKOD PA NA ZHES BSTAN PA YIN NO, ,BSNGAGS PA'I CHA DGU PA NI GANG YANG 'DZAM BU'I GLING NAS BRTZAMS TE, PHYOGS BCU'I PHYOGS RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN @76B THAMS CAD PHYIR MI LDOG PA'I SA LA BKOD NAS PHYIR MI LDOG PA DE RNAMS LAS BYANG CHUB SEMS DPA' SEMS DPA' CHEN PO GZHAN GANG YANG RUNG BA ZHIG MYUR DU BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS BAR 'TSANG RGYA BAR MNGON BAR SHES NAS, SHES RAB KYI PHA ROL TU PHYIN PA PHYIN CI MA LOG PAR STON PA'I BSOD NAMS NI CHES MANG DU 'PHEL LO ZHES BYA BA LA SOGS PA BSTAN PA YIN NO, ,BYANG CHUB SEMS DPA' LA SPRO BA SKYED PA RNAMS LA LEGS SO LEGS SO ZHES BSNGAGS PA BRJOD PAS BSNGAGS PA'I TSIG GIS DON YONGS SU GSAL BAR BYAS BA YIN NO, ,DE LA BSTOD PA NI RANG GI DON LA MOS PA'I YUL LA YIN NO, ,BKUR BA NI RANG DANG GZHAN GYI DON LA MOS PA YIN NO, ,BSNGAGS PA NI GZHAN GYI DON DU MOS PA LA YIN NO, ,DE LTAR BSTOD PA LA SOGS PA 'DI DAG NI TSIG GI DON YANG DAG PA JI LTA BA BZHIN DU RTOGS PA'I CHA'I MTSAN NYID YIN GYI RIG BYED SMRA BA RNAMS KYI DON SMRA BA'I BSTOD PA LTAR DON DANG 'GAL BA'I GCAM GSAG TU SMRA BA NI MA YIN NO, ,GANG YANG TSAD PHYED DANG BZHI AAM NI BKUR BA NYID DE ZHES SMRAS TE, DE RNAMS KYI NI SGRA'I TSANGS PA NI MCHOG YIN PAR BKUR BA'O ZHES KHA CIG ZER MOD KYI 'DIR NI YANG JI SKAD BSHAD PA RTOGS PA'I CHA'I MTSAN NYID YIN NO, ,GANG YANG BSNGAGS PA'I DBANG DU BYAS NAS SREG RDZAS KYI BSNGAGS PA BDAG GIS SHES SO ZHES SMRAS LA, LAN DANG LDAN PA'I TSIG PHYI NAS BRJOD NAS DE NI 'DI DAG GI BSNGAGS PA BRJOD PA YIN NO ZHES SMRA MOD KYI DE YANG SGRAR GTOGS PA NYID YIN NO, ,'DIR NI YANG CHA DGU PA'I RTOGS PA'I MTSAN NYID NI BSNGAGS PA YIN NO, ,TSANG DANG, CHA DANG, CHAR BGO BA ZHES BYA BA'I DON TO, ,DE LTAR BYAS NA MDO GZHAN DE DANG DE'I GLENG GZHI LAS, DE NAS BCOM LDAN 'DAS BYANG CHUB SEMS DPA' SEMS DPA' CHEN PO THAMS CAD DANG, SANGS RGYAS THAMS CAD KYIS BSTOD CING BKUR LA BSNGAGS PA DANG LHAN CIG BZHUGS SO ZHES GSUNGS PA DE 'THAD PAR GYUR PA NYID YIN NO, ,MOS PA YIN LA BYED PA'I RNAM PAR 'GREL BA'O,, ,,MOS PA @77A *, ,YID LA BYED PA DANG, BSTOD PA DANG, BKUR BA DANG, BSNGAGS PA BSHAD ZIN NAS DA NI YONGS SU BSNGO BA YID LA BYED PA ZHES BYA BA BRJOD PAR BYAD BA YIN PAS NA, YONGS SU BSNGO BA KHYAD PAR CAN, ,DE YI BYED PA NYID DANG NI, ,DE NI DMIGS MED RNAM PA CAN, , PHYIN CI LOG GI MED NYID DANG, ,DBEN DANG SANGS RGYAS BSOD NAMS TSOGS, ,RANG BZHIN DRAN PA'I MTSAN NYID CAN, ,THABS BCAS MTSAN MA MED PA DANG, ,SANGS RGYAS KYIS NI RJES GNANG DANG, ,KHAMS GSUM GTOGS PA MA YIN DANG, ,CHUNG DANG 'BRING DANG CHEN PO DANG; ,BSNGO BA GZHAN NI RNAM PA GSUM, ,BSOD NAMS CHES 'BYUNG BDAG NYID DO, ,ZHES BSTAN PA LA, DE LA YONGS SU BSNGO BA KHYAD PAR CAN NI 'DI YIN TE, NYAN THOS DANG, RANG SANGS RGYAS THAMS CAD KYI SBYIN PA LA SOGS PA'I BSOD NAMS BYA BA'I DNGOS PO RNAMS LAS BYANG CHUB SEMS DPA' CHEN POS BLA NA MED PA YANG DAG PAR RDZOGS PA'I BYANG CHUB TU MI DMIGS PA'I TSUL GYIS YONGS SU BSNGO BA 'DI NYID RAB CES BYA'O, ,DAM PA ZHES BYA'O, ,GTZO BO ZHES BYA'O ZHES BYA BA LA SOGS PA BSTAN PA YIN NO, ,DE LA RAB CES BYA BA NI RAB RNAM PA GNYIS TE, DAM PAR GYUR PA'I RAB NYID DANG, ,BRTZON 'GRUS 'BAR BAS GTZO BOR GYUR BA GNYIS PA MED PA NYID KYIS SO, ,DE LA DAM BAR GYUR PA'I RAB NYID KYANG RNAM PA GNYIS TE, MCHOG NYID NI THABS LA MKHAS PAS SO, ,PHUL ZHES BYA BA NI SHES RAB KYI PHA ROL TU PHYIN PAS SO, ,GTZO BOR GYUR PA 'ANG RNAM PA GNYIS TE, MNYAM PA MED PAS GTZO BO NYID YIN PA DANG, MI MNYAM PA DANG MNYAM PAS GTZO BOR GYUR PA STE, TSIG BDUN GYIS DE'I KHYAD PAR GYI MTSAN NYID BSTAN PA YIN PA'I PHYIR RO, ,YONGS SU BSNGO BA'I BYED PA NI GANG YANG SEMS CAN RNAMS KYI THEG PA GSUM GYI NGES PAR 'BYUNG BA'I LAM STON PA'I RGYUR GYUR PAS NA MNYAM PA MED PA ZHES BYA'O, ,MI MNYAM PA'I SANGS RGYAS DANG, MNYAM PA THOB PA'I RGYUR GYUR PAS NI MI MNYAM PA DANG MNYAM PA ZHES BYA'O, ,DE CI'I PHYIR ZHE NA, NYAN THOS @77B LA SOGS PA DANG, BYANG CHUB SEMS DPA' RANG DANG GZHAN GYI DON GYI DBANG DU BYAS PA'I KHYAD PAR GYIS ZHES BSTAN PA YIN NO, ,MI DMIGS PA'I RNAM PAR BSNGO BA NI GANG PHYOGS BCU'I SANGS RGYAS THAMS CAD KYI THUGS DANG PO BSKYED PA NAS BRTZAMS TE, DAM PA'I CHOS GNAS PA'I BAR GYI TSUL KHRIMS LA SOGS PA'I PHUNG PO RNAMS DANG, DES YONGS SU BSDUS PA DANG, THEG PA GSUM GYIS YONGS SU SMIN PA DANG, RNAM PAR GROL BA'I SEMS CAN RNAMS KYI DGE BA'I RTZA BA THAMS CAD GCIG TU BSDUS TE RJES SU YI RANG BA DANG, YONGS SU BSNGO BA'I DNGOS PO NI GANG YIN ZHES BYA BA NAS BRTZAMS TE, DNGOS PO DANG, DMIGS PA DANG, BYANG CHUB DANG, SEMS DANG, DGE BA'I RTZA BA DANG, RJES SU YI RANG BA DANG LDAN BA'I BSOD NAMS BYA BA'I DNGOS PO NI GANG ZHIG YIN ZHES BYA BA DANG, SEMS DE NI ZAD CING 'GAGS LA MED PAR GYUR PA NYID NAS CHOS THAMS CAD DNGOS PO MED PA'I RJES SU 'GRO BA MI DMIGS PA'I RNAM PAR BSNGOS PA LEGS PA NYID KYIS ZHES BYA BA LA SOGS PA BSTAN PA YIN NO, ,DE LA DNGOS PO NI RIGS SO, ,DMIGS PA NI CHOS THAMS CAD DO, ,BYANG CHUB NI CHED DU BYA BA'O, ,SEMS NI GZUNG BA'I RNAM PAR RTOG PA'O, ,DGE BA'I RTZA BA NI MA CHAGS BA LA SOGS PA'O, ,BSOD NAMS BYA BA'I DNGOS PO NI SEMS LAS BYUNG BA'O, ,DE DAG ZAD PA NI BSTZAGS PA RNAM PAR 'JIG PAS SO, ,'GAGS PA NI RGYUN GYIS 'JIGS PAS SO, ,MED PA NI RANG BZHIN GYIS 'JIG PAS SO, ,RNAM PAR GYUR PA NI RNAM PAR 'GYUR PA'I 'JIG PAS SO, ,PHYIN CI MA LOG PA'I MTSAN NYID KYI BSNGO BA NI GANG YANG SEMS GANG GIS YONGS SU BSNGO BA'I SEMS KYANG DE YIN NO, ,DE CI'I PHYIR ZHE NA, DE NI 'DI LTAR CHOS THAMS CAD RANG BZHIN GYIS STONG NGO ZHES BSTAN PA YIN NO, ,DBEN PA'I YONGS SU BSNGO BA NI GANG GAL TE BYANG CHUB SEMS DPA' CHEN POS BSOD NAMS BYA BA'I DNGOS BO MNGON BAR 'DU BYA BA DE PHUNG PO LA SOGS PAS DBEN PAR SHES ZHES BYA BA NAS BRTZAMS TE, SANGS RGYAS KYI CHOS THAMS CAD DE NYID KYI NGO BO @78A *, ,NYID KYIS DBEN PAR SHES TE ZHES BYA BA'I BAR DU BSTAN PA YIN NO, ,SANGS RGYAS RNAMS KYI DGE BA'I RTZA BA'I RIGS SU GTOGS PA'I RANG BZHIN DRAN PA'I YONGS SU BSNGOS PA NI YANG SANGS RGYAS RNAMS KYI DGE PA'I RTZA PA'I RIGS SU GTOGS PA GANG YIN PA DANG NGO BO NYID GANG YIN PA DANG, ,DE BZHIN DU BSOD NAMS BYA PA'I DNGOS PO YONGS SU BSNGO BA YIN TE ZHES BSTAN PA YIN NO, ,THABS LA MKHAS PA'I YONGS SU BSNGO BA NI GANG YANG 'DIR BYANG CHUB SEMS DPA' CHEN POS THABS LA MKHAS PAS DE DAG LA BSLAB PAR BYA STE ZHES BYA BA LA SOGS PA BSTAN PA YIN NO, ,MTSAN MA MED PA'I YONGS SU BSNGO BA NI GANG KHA ZAS DUG DANG BCAS PA'I DPES MTSAN MA'I 'DU SHES CAN GYI YONGS SU BSNGO BA NI DUG CAN ZUG RDU CAN TE, ZHES BYA BA LA SOGS BA BSTAN PA YIN NO, ,SANGS RGYAS KYIS RJES SU GNANG BA'I YONGS SU BSNGO BA NI GANG JI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS SANGS RGYAS KYI YE SHES BLA NA MED PA THUGS SU CHUD PA DE BZHIN DU BDAG GIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'O ZHES BYA BA LA SOGS PA BSTAN PA YIN NO, , KHAMS GSUM DU GTOGS PA MA YIN PA'I YONGS SU BSNGO BA NI GZHAN YANG DGE BA'I RTZA BA DE DAG 'DI LTAR YONGS SU BSNGO BAR BYA STE, JI LTAR 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS SU GTOGS PA ZHES BYA BA BSTAN PA YIN NO, ,BSOD NAMS CHEN PO 'BYUNG BA'I YONGS SU BSNGO BA YANG CHUNG DU DANG, 'BRING DANG, CHEN PO'I DBYE BAS RNAM BA GSUM MO, ,DE LA CHUNG NGU NI GANG DGE BA BCU'I LAS KYI LAM NAS BRTZAMS TE, MNGON PAR SHES PA LNGA ZHES BYA PA'I BAR DANG, 'JIG RTEN PA'I RTOGS PA'I GNAS PA'I GNAS STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAN GYI DPES 'DI LTAR YONGS SU BSNGO BA NI BSOD NAMS MANG DU 'PHEL LO ZHES BYA BA'I BAR DU BSTAN PA YIN NO, ,'BRING NI GANG YANG DE SNYED CIG KHO NA RGYUN TU ZHUGS PA NAS DGRA BCOM PAR GYUR BA LA BKUR STI DANG MCHOD PA LA SOGS PA BYAS PA'I @78B BSOD NAMS KYI DPES 'DI NI BSOD NAMS CHES MANG DU 'PHEL LO ZHES BYA BA'I BAR DU BSTAN PA YIN NO, ,CHEN PO NI GANG SEMS CAN DE SNYED KHO NAR YANG DAG BAR RDZOGS PA'I SANGS RGYAS KYI BYANG CHUB LA GNAS PA LA PHYOGS BCU'I 'JIG RTEN GYI KHAMS KYI SEMS CAN RNAMS KYIS RE RE NAS MCHOD PA'I BSOD NAMS KYI DPES MI DMIGS PAR YONGS SU BSNGO BA'I BSOD NAMS NI SNGA MA BZHIN NO, ,DE CI'I PHYIR ZHE NA, DE DAG THAMS CAD NI DMIGS SU MED PA CAN NO ZHES BYA BA LA SOGS PA BSTAN PA YIN NO, ,YONGS SU BSNGO BA'I 'GREL PA'O,, ,,YONGS SU BSNGO PA YID LA BYED PA BSHAD ZIN NAS, RJES SU YI RANG BA'I DBANG DU MDZAD NAS, THABS DANG MI DMIGS PA DAG GIS, ,DGE BA'I RTZAL YI RANG BA, ,RJES SU YI RANG YID BYED PA, ,BSGOM PA YIN PAR 'DIR BRJOD PA'O, ,ZHES BSTAN PA YIN TE, RJES SU YI RANG BA'I YID LA BYED PAR GYUR PAR STON TE; GANG BCOM LDAN 'DAS JI TZAM GYIS NA RJES SU YI RANG BA'I DAM PAR 'GYUR ZHE NA, ZHES BYA BA NAS BRTZAMS TE, SHES RAB KYI PHA ROL TU PHYIN PA LA MI DMIGS PA'I TSUL GYIS SPYOD PA'I TSE, ,THABS LA MKHAS PAS DGE BA'I RTZA BA DE DAG BLA NA MED PA YANG DAG BAR RDZOGS PA'I BYANG CHUB TU BSNGO BAR BYA'O ZHES BYA PA'I BAR DU BSTAN PA YIN NO, ,DE LA MOS PA YID LA BYED PAS NI 'BYUNG KHUNGS DAG NAS GSER GYI GAR BU BZHIN DU BSOD NAMS MNGON BAR 'DU BYED DO, ,YONGS SU BSNGO BA YID LA BYED PAS NI MGAR BAS GSER GYI RGYAN BZHIN DU YANG DAG PAR RDZOGS PA'I BYANG CHUB KYI YAN LAG TU BYED DO, ,RJES SU YI RANG BA YID LA BYED PAS NI RANG GI GZHAN GYIS BYAS PA'I BSOD NAMS DANG MNYAM PA NYID DU THOB BO, ,RJES SU YI RANG BA YID LA BYED PA'I RNAM PAR 'GREL PA'O,, ,,RJES SU YI RANG BA YID LA BYED PA BSTAN NAS, BSGRUB PA BRJOD PAR BYA STE, ,NGO BO NYID NI MCHOG NYID DANG, ,KUN LA MNGON DU MI BYED DANG, ,CHOS RNAMS DMIGS SU MED PAR NI, ,GTOD PAR BYED PA DON CHEN NYID, ,CES BSTAN PA YIN NO, ,'DI LTAR NGO BO NYID KYI DBANG DU MDZAD NAS, BCOM LDAN 'DAS SHES RAB KYI PHA ROL TU PHYIN PA SNANG @79A *, ,BAR BGYID PA'O ZHES BYA BA NAS BRTZAMS TE, CHOS THAMS CAD KYI NGO BO NYID STON PA'O ZHES BYA BA GSUNGS PA YIN TE, MCHOG NYID NI GANG DMUS LONG NGAM LAM DU ZHUGS NAS GRONG KHYER CHEN POR PHYIN PAR MI NUS PA'I DPES SHES RAB KYI PHA ROL TU PHYIN PA MED PAR PHA ROL TU PHYIN PA LNGAS LAM SHES PA NYID DU ZHUGS NAS RNAM PA THAMS CAD MKHYEN PA NYID KYI GRONG KHYER CHEN POR PHYIN PA'I NUS PA BKAG PA YIN NO ZHES BSTAN TO, ,CHOS THAMS CAD LA MNGON BAR 'DU MI BYED PA NI GZUGS MNGON PAR BSGRUB PA MED PA'I PHYIR ZHES BYA BA NAS BRTZAMS TE, CHOS THAMS CAD MNGON BAR 'DU BYED PA MED PAS SHES RAB KYI PHA ROL TU PHYIN PA MNGON BAR BSGRUB PAR BYA ZHES BYA BA'I BAR DU BSTAN PA YIN NO, ,CHOS THAMS CAD DMIGS PA MED PAR GTOGS PA LA GTOD PAR BYED PA NI GANG MI DGE PA'I CHOS RNAMS THOB PAR MI BYED DO ZHES BYA BA NAS BRTZAMS TE, SHES RAB KYI PHA ROL TU PHYIN PA'I GRANGS SU 'GRO BAS MYA NGAN LAS 'DAS PA'I BAR DU GANG LA YANG GTOD PAR MI BYED DO, ,DE CI'I PHYIR ZHE NA, DE'I CHOS THAMS CAD DMIGS SU MED PA'I RNAM PAR RAB TU GNAS PA NYID KYI MING JI LTA BA DANG, MTSAN MA JI LTA BA DE LTAR GTOD PAR MI BYED CING MI DMIGS PA'I RNAM PA DE CHOS THAMS CAD LA GTOD PAR BYED PA NYID YIN PA'I PHYIR RO, ,DE LA MING NI BTAGS PA'O, ,MTSAN MA NI 'JUG PAR BYED PA'I RGYU'O, ,GTOD PA NI GTOD PA MED PA NYID KYIS GNYIS KYI 'DU SHES DE LAS RING DU BYED PA NYID YIN PA'I PHYIR GZUGS NAS RNAM PA THAMS CAD MKHYEN PA NYID KYI BAR DU DMIGS PAR MI BYED DE, DE NI YID CHES PA NYID DU BSTAN PA YIN NO, ,DON CHEN PO NYID NI GANG GZUGS NAS RNAM PA THAMS CAD MKHYEN PA NYID KYI BAR DU CHE BA DANG, CHUNG BAR BYED PA BKAG PA NAS BRTZAMS TE, SANGS RGYAS KYI CHOS RNAMS KYI BAR GYI STOBS YONGS SU GRUB PA MA MCHIS PA'I SLAD DU SHES RAB KYI PHA ROL TU PHYIN PA'I STOBS YONGS SU GRUB PA MA MCHIS PAR BLTA'O ZHES BYA BA DANG, SANGS RGYAS KYI DON CHEN PO SANGS RGYAS NYID DU SGRUB PAR BYED PAS NA PHA ROL TU PHYIN PA CHEN MO'O ZHES BSTAN PA YIN NO, , @79B MNGON BAR BSGRUB PA'I 'GREL PA'O,, ,,MNGON BAR BSGRUB PA BSHAD ZIN NAS, SHIN TU RNAM PAR DAG PA BRJOD PAR BYA STE, SANGS RGYAS BSTEN DANG SBYIN SOGS DANG, ,THABS LA MKHAS PA GANG YIN DANG, ,'DI LA MOS PA'I RGYU DAG YIN, ,CHOS KYIS PHONGS PA'I RGYU DAG NI, ,BDUD KYIS THIBS KYIS NON PA DANG, ,ZAB MO'I CHOS LA MA MOS DANG, ,PHUNG PO SOGS LA MNGON ZHEN DANG, ,SDIG PA'I GROGS POS ZIN PA'O, ,'BRAS BU DAG PA GZUGS LA SOGS, ,DAG PA NYID DE GANG GI PHYIR, ,DE GNYIS THA DAD MA YIN ZHING, , GCAD DU MED PAS DAG PAR BRJOD, CES BSTAN TE, DE LA SANGS RGYAS LA BRTEN PA NI 'DI YIN TE, GANG SH'A RI'I BU BYANG CHUB SEMS DPA' CHEN PO PHYOGS BCU'I 'JIG RTEN GYI KHAMS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED GRANGS MED PA BSNYEN BKUR BYAS NAS 'DIR 'ONGS TE ZHES BYA BA NAS BRTZAMS TE, SANGS RGYAS DU MA BSTEN PAR BYA'O ZHES BSTAN PA YIN NO, ,SBYIN BA LA SOGS PA'I PHA ROL TU PHYIN PA YANG DAG PAR SGRUB PAR BYED PA NI GANG BSKAL PA MANG POR SBYIN BA'I PHA ROL TU PHYIN PA LA SPYAD DO ZHES BYA BA LA SOGS PA BSTAN PA YIN NO, ,THABS LA MKHAS PA NI GANG RAB 'BYOR DE NI RNAM PAR PHYE ZHING BSHAD DGOS TE ZHES BYA BA NAS BRTZAMS TE, DE LTA BU DAG NI SHES RAB KYI PHA ROL TU PHYIN PA ZAB MO'I 'DI LA BRTZON PAR BYED DO ZHES BYA BA'I BAR DU BSTAN PA YIN NO, ,CHOS KYIS PHONGS PA LA 'JUG PAR GYUR PA'I LAS NI GANG RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU 'AM ZHES BYA BA NAS DMIGS PA'I TSUL GYIS SHES RAB BSGOM PA YOD DE ZHES BYA BA NAS BRTZAMS TE, DRAG PA DANG, RGYUN MI 'CHAD PA DANG, DUS RING POR BDAG NYID KYI LUS CHEN PO LA RNAM PAR SMIN PA SDUG BSNGAL BA'I LAS KYI SGRIB PA NYE BAR BSTAN PAS ZHES BSTAN PA YIN NO, ,SEMS CAN RNAMS MI DGE BA'I DE LAS LDOG PAR BYA BA'I PHYIR DE BSTAN PA YIN NO, ,YANG LAS KYI SGRIB PA 'DI'I RGYU BZHI'I DBANG DU MDZAD NAS BDUD KYIS BYIN GYIS BRLABS PA DANG, CHOS ZAB MO @80A *, ,LA MA MOS PA DANG, PHUNG PO LA SOGS PA LA MNGON BAR ZHEN PA DANG, SDIG PA'I GROGS POS ZIN PA STE, CHOS BZHI PO DE DAG NI CHOS SPONG BA'I RGYU YIN NO ZHES BSTAN TO, ,'BRAS BU RNAM PAR DAG PA NI GANG RAB 'BYOR GZUGS RNAM PAR DAG PA GANG YIN PA DE NI 'BRAS BU RNAM PAR DAG PA 'DI LA GNYIS SU MED DE GNYIS SU BYAR MED DO, ,RANG GI NGO BO THA DAD PA DANG, CHA GNYIS SU BCAD PA'I DGAG PA'I DBANG DU MDZAD NAS, SO SO MA YIN THA MI DAD PA NYE BAR BZUNG NAS ZHES BYA BA NAS BRTZAMS TE, 'DAS PA DANG, MA 'ONGS PA DANG, DA LTAR BYUNG BA RNAM PAR DAG PA 'DI LA GNYIS SU BYAR MED DO ZHES BYA BA'I BAR DU BSTAN PA YIN NO, ,GZUGS SOGS DUS GSUM DU MED PA, ,SHIN TU DAG PA'I MTHA' MED PA, ,'DI DAG MTHA' NI MI MKHYEN PA, ,THUB PA'I CHOS MNGON RTOGS PA YIN, ,ZHES BYA BA BSTAN TE, GANG BCOM LDAN 'DAS RNAM PAR DAG PA 'DI NI ZAB LAGS SO, ,SH'A RI'I BU SHIN TU RNAM PAR DAG PA'I PHYIR, GZUGS DANG TSOR BA ZHES BYA BA NAS BRTZAMS TE, GANG DE LTAR RTOGS PA NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA'O, ,LAM SHES PA SHIN TU RNAM PAR DAG PA BSTAN TO, ,LAM GYI RNAM PA SHES PA NYE BAR BZUNG NAS RAB 'BYOR 'DI LTAR BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'I DBANG DU BYAS PA RDZOGS PAR BSTAN TO, ,DE LTAR BSTAN PA NYID NI JI SKAD DU, MOG MOG POR BYED LA SOGS DANG, ,SLOB MA BSE RU'I LAM GANG DANG, ,'DI DANG GZHAN PA'I YON TAN GYI, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG DANG, ,YID LA BYED PA DANG NI GZHAN, , SGRUB DANG SHIN TU DAG PA ZHES, ,BYA BA 'DI NI BSGOM PA'I LAM, ,LAM SHES DE 'DRAR SHES PAR BYA, ,ZHES BSTAN PA YIN NO, ,'BREL PA NI DE'I RJES SU 'JUG PA YIN PAR BLTA BAR BYA'O, ,SHES RAB KYI PHA ROL TU PHYIN PA MAN NGAG GI BSTAN BCOS LAS LAM SHES PA NYID @80B KYI MNGON BAR RTOGS PA'I 'GREL PA'O,, ,,LAM SHES PA NYID BSHAD NAS DA NI THAMS CAD SHES PA NYID BRJOD PAR BYA STE, DE LA RE ZHIG 'KHOR BA DANG, MYA NGAN LAS 'DAS PA LA MI GNAS PA'I DBANG DU MDZAD NAS, TSU ROL PHA ROL MTHA' LA MIN, ,DE DAG BAR LA MI GNAS PA; ,ZHES BYA BA BSTAN PA LA, JI SKAD DU, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD NA TSU ROL GYI 'GRAM MAM, PHA ROL GYI 'GRAM MAM, GNYIS KA'I DBUS NA MI DMIGS TE, SHIN TU RNAM PAR DAG PA'I PHYIR RO, ,'KHOR BA DANG, MYA NGAN LAS 'DAS PA'I 'DU SHES SU NYE BAR DMIGS PA BKAG PA YIN NO, ,YANG DE GNYIS JI LTAR MI DMIGS PA YIN ZHE NA, DUS GSUM MNYAM PA NYID SHES PHYIR, ,SHES RAB PHA ROL PHYIN DU 'DOD, ,CES BYA BA SMOS TE, JI SKAD DU, DE MI DMIGS PAS RAB 'BYOR DUS GSUM MNYAM PA NYID YIN NO, ,DE NYE BAR GZUNG BA GSUNGS PA NI 'THAD PA YIN NO, ,THABS MA YIN PAS RING BA STE, ,ZHES BYA BA SMOS SO, ,THABS MA YIN PA GANG ZHE NA, DE NI MTSAN MAR DMIGS SGO NAS, ,ZHES BYA BA SMOS TE, GANG MING NYID KYIS NI SHES RAB KYI PHA ROL TU PHYIN PA RING DU BYED DO ZHES BSTAN TO, ,DE NYID LAS BZLOG PA NI THABS LA MKHAS PA STE, DE DANG NYE BA NYID YIN PAR BLTA BAR BYA'O, ,GANG NYAN THOS LA SOGS PA'I RTOGS PA LAS BZLOG PA'I SBYOR BAS NI DE DAG RTOGS PA PHYOGS GCIG PA YIN NO, ,ZHES GSUNGS PAS DE DAG NI MA LUS PA MTHAR THUG PAR 'GRO BA MA YIN ZHING, NYE BAR BZUNG NAS DE'I LAM LEGS PAR BSHAD CING LEGS PAR MTHAR THUG PAR BSTAN TO, ,MI MTHUN PA'I PHYOGS KYI DBANG DU MDZAD NAS, GZUGS SOGS PHUNG PO STONG NYID DANG, ,DUS GSUM GTOGS PA'I CHOS RNAMS DANG, , ZAG BCAS ZAG PA MED CHOS DANG, ,SBYIN SOGS BYANG CHUB PHYOGS RNAMS LA, ,SPYOD PA'I 'DU SHES MI MTHUN PHYOGS, ,ZHES SMOS PA LA, GANG THABS LA MI MKHAS PAS GZUGS STONG PA ZHES BYA BAR 'DU SHES SHING DES 'DAS PA LA SOGS PA'I CHOS SU 'DU SHES LA, DE BZHIN DU @81A *, ,SEMS DANG PO BSKYED PA NAS NYE BAR BZUNG STE, GANG SBYIN PA'I PHA ROL TU PHYIN PAR 'DU SHES SHING, DE BZHIN DU BYANG CHUB KYI PHYOGS LA SOGS PA NAS RNAM PA THAMS CAD MKHYEN PA NYID KYI BAR DU 'DU SHES PA NI CHAGS PA'O ZHES BSTAN TO, ,GNYEN PO GANG ZHIG YIN ZHEN, SBYIN LA SOGS PA NGAR 'DZIN MED, ,CES BYA BA SMOS TE, JI SKAD DU, GZHAN YANG TSE DANG LDAN PA SH'A RI'I BU BYANG CHUB SEMS DPA'I SEMS DPA' CHEN PO SHES RAB KYI PHA ROL TU PHYIN PA LA SPYOD PA NI THABS LA MKHAS BAR GYUR PAS GZUGS LA GZUGS SU 'DU SHES BA MED DO ZHES BYA BA NAS BRTZAMS TE, BDAG GI RNAM PA THAMS CAD MKHYEN PA NYID RJES SU THOB PAR BYA'O SNYAM DU MI SEMS TE ZHES BYA BA'I BAR DU'O, ,MI MTHUN PA'I PHYOGS BSTAN PA LAS BZLOG PAR RNAM PAR RTOG PA THAMS CAD BKAG PA YIN NO, ,DE CI'I PHYIR ZHE NA, STONG PA NYID THAMS CAD GZUNG PA NI 'THAD PA YIN TE, THABS LA MKHAS PAS CHAGS PA MED DO ZHES SO, ,YANG MI MTHUN PA'I PHYOGS NI GANG KOO SHI KA 'DI LA BYANG CHUB SEMS DPA' SEMS SU 'DU SHES PA ZHES BYA BA NAS BRTZAMS TE, CHAGS PA GANG GIS CHAGS PA MED PAR MI NUS NA CHAGS PA MED PA'I SHES RAB KYI PHA ROL TU PHYIN PA LA SPYOD PA MA YIN NO ZHES BYA BA'I BAR DU BSTAN BA YIN NO, ,CHAGS PA'I MTSAN NYID BSTAN PA NI, DE CI'I PHYIR ZHE NA, GZUGS NAS RNAM PA THAMS CAD MKHYEN PA NYID KYI BAR NGAR 'DZIN PA'I RNAM PAR RTOG PA MED PA BKAG PA YIN NO, ,GNYEN PO'I PHYOGS NI, GZHAN YANG DE LA SBYOR BYED CING, ,DE NI CHAGS PA'I MTHA' 'GOG PA, ,ZHES BSTAN PA YIN TE, JI SKAD DU, GZHAN DAG DE NYID DU NGAR 'DZIN PA BKAG PA YANG DAG PAR BSTAN PAR BYA BA DANG, YANG DAG PAR BSKUL BAR BYA BA DANG, YANG DAG PAR SPRO BA BSKYED PAR BYA BA RNAMS CHAGS PA'I MTHA' THAMS CAD SPONG BA YIN TE, DE LA KUN NAS NYON MONGS PA DANG, BAG MED PA KUN DU ZHUM PA DANG, YANG DAG PAR ZHUM PAR ZHUGS PA RNAMS YANG DAG PAR BSTAN PA DANG, YANG DAG PAR BSKUL BA DANG, YANG DAG BAR SPRO BA BSKYED PA DANG, YANG DAG PAR DGA' BA BSKYED PA RNAMS @81B GO RIMS BZHIN DU SBYAR BAR BYA BA YIN PAR RIG PAR BYA'O ZHES BSTAN PA YIN NO, ,YANG, RGYAL LA SOGS LA CHAGS PA PHRA, ,ZHES BSTAN PA NI GANG DE BZHIN GSHEGS PA DE DAG GI DGE BA'I RTZA BA LA RJES SU YI RANG BAS YONGS SU BSNGO ZHING YANG MTSAN MAR BYED PA NI CHAGS PA PHRA MO ZHES BSTAN TO; ,YANG CI'I PHYIR RNAM PA DE LA CHAGS PA ZHES BYA ZHE NA, GANG GI PHYIR, CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CES BYA BA LA SMOS TE, GANG CHOS THAMS CAD RANG BZHIN GYIS DBEN PA'I PHYIR, SHES RAB KYI PHA ROL TU PHYIN PA ZAB PO ZHES BSTAN PA YIN NO, YANG CHAGS PA THAMS CAD JI LTA BUS SPONG ZHE NA, CHOS RNAMS RANG BZHIN GCIG PAR NI, ,SHES PAS CHAGS BA SPONG BA YIN, ,ZHES BSTAN PA LA, GANG CHOS RNAMS KYI RANG BZHIN GCIG BAR SHES PA NI SHES PA DANG, SHES BYA BA MNYAM PA NYID DU THOB PA YIN PA'I PHYIR CHAGS PA'I MTHA' CAN YONGS SU SPONG BA YIN NO ZHES BSTAN TO, ,YANG CI'I PHYIR RGYUS SHES RAB KYI PHA ROL TU PHYIN PA 'DI ZAB MO YIN ZHE NA, GANG GI PHYIR, MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,CES BYA BA SMOS TE, GANG MTHONG BA DANG, THOS PA DANG, RTOGS PA DANG, RNAM PAR SHES PAR BYA BA RNAMS BKAG PA NYID KYIS RTOGS PAR DKA' BA'I PHYIR SHES BYA BA MNYAM PA NYID DU ZUR GYIS BSTAN PA YIN NO, ,YANG CI'I RGYUS, SHES RAB KYI PHA ROL TU PHYIN PA 'DI RTOGS PAR DKA' ZHE NA, GANG GI PHYIR, GZUGS LA SOGS PA MI SHES PHYIR, ,DE NI BSAM GYIS MI KHYAB 'DOD, ,CES SMOS TE, GANG GZUGS NAS SANGS RGYAS KYI CHOS MA 'DRES PA'I BAR DU MI SHES PA'I PHYIR TE, DES BSAM GYIS MI KHYAB PA'I PHYIR SHES PA MNYAM BA NYID DU ZUR GYIS BSTAN TE, DE LTAR BYAS NAS JI SKAD DU, ,DE LTAR KUN SHES NYID LUGS LA, ,MI MTHUN PHYOGS DANG GNYEN PO DAG, ,RNAM DA BYE MA LUS 'DIS SHES BYA, ,ZHES BSTAN PA YIN NO, ,MI MTHUN PA'I PHYOGS DANG GNYEN PO'I RNAM PAR 'GREL PA'O,, ,,DA NI SBYOR BA BRJOD PAR BYA STE, GZUGS DE MI RTAG LA SOGS PA, ,DE MA @82A *, ,RDZOGS DANG RAB RDZOGS DANG, ,SBYOR BA BKAG PAS SPYOD PA NI, ,DE LA CHAGS PA MED NYID DANG, ,MI 'GYUR BYED PO MED NYID DANG, ,SBYOR BA BKAG PA RNAM GSUM DANG, ,SKAL BA JI BZHIN 'BRAS 'THOB PAS, ,DE YI 'BRAS BU YID 'DOD DANG, ,GZHAN LA RAG LAS MI GANG DANG, ,SHES BYED RNAM BDUN SNANG BA LAS, ,ZHES BSTAN PA YIN NO, ,SBYOR BA DE NI RNAM PA BCUR 'GYUR TE, ,DE LA GZUGS LA SOGS PA'I SBYOR BA NI, GANG GAL TE GZUGS LA MI SPYOD NA SHES RAB KYI PHA ROL TU PHYIN PA LA SPYOD DO, ,ZHES BYA BA NAS RNAM PA THAMS CAD MKHYEN BA NYID KYI BAR DU SPYOD PA BKAG NAS, DE LTAR SPYOD PA NI RJES SU GNANG BA YIN PAR BSTAN TO, ,GZUGS MI RTAG PA'I RNAM PA'I SBYOR BA NI, GANG PHUNG PO LA SOGS PA NAS RNAM PA THAMS CAD MKHYEN BA NYID KYI BAR DU RTAG PA DANG, MI RTAG PA DANG, BDE BA DANG, SDUG BSNGAL BA DANG, BDAG DANG, BDAG MED PA DANG, ZHI BA DANG, MA ZHI BA'I RNAM PA LA SPYOD PA BKAG PA NI, DE LTAR SPYOD PA YANG RJES SU GNANG BA YIN TE, DE CI'I PHYIR ZHE NA, GZUGS NAS RNAM PA THAMS CAD MKHYEN PA NYID KYI BAR DU DE BZHIN DU MED PA NYID DU BSTAN TO, , GZUGS LA SOGS PA RDZOGS PA DANG MA RDZOGS PA'I SBYOR BA NI GANG GZHAN YANG GZUGS LA SOGS PA YONGS SU RDZOGS PA DANG, MA RDZOGS PA'I RNAM PA LA SPYOD PA BKAG NAS, DE LTAR SPYOD PA YANG RJES SU GNANG BA YIN TE, DE CI'I PHYIR ZHE NA, DE DAG GI NGO BO YONGS SU RDZOGS PA DANG MA RDZOGS PA BKAG PA YIN PAR BSTAN TO, ,GZUGS LA SOGS PA LA CHAGS PA MED PA'I SBYOR BA NI GANG, DE DAG NYID LA CHAGS BA MED PAR SPYOD PA NYID BKAG PAS YANG DE LTAR SPYOD PA NI RJES SU GNANG BA YIN NO ZHES BSTAN TO, ,GZHAN DU MI 'GYUR BA'I SBYOR BA NI GANG SBYOR BA DE MI 'GYUR BA'I CHOS NYID BZUNG NAS NAM MKHA'I DPES BSTAN PA YIN NO, ,DE'I MDO NI RAB 'BYOR 'DI LTA STE DPER NA, NAM MKHA' NI BSNGAGS BA BRJOD KYANG 'PHEL BA MED LA, MA BRJOD KYANG 'GRIB PA MED DO, ,RAB 'BYOR DE BZHIN DU SHES RAB KYI PHA ROL TU PHYIN PA @82B BSTAN KYANG 'PHEL BA MED LA, MA BSTAN KYANG 'GRIB BA MED DO, ,ZHES GSUNGS PA YIN NO, ,BYED PA PO MED PA'I SBYOR BA NI GANG SBYOR BA DE LA NI BYED PA POR SNANG BA NYID NYE BAR BZHUGS NAS SGYU MA'I SKYES BU'I BSNGAGS PA BRJOD PA'AM, MA BRJOD PA GNYIS KYIS RJES SU CHAGS PA DANG; KHRO BA MED PA'I DPES DE BZHIN DU 'PHEL BA DANG, 'GRIB PA MED DO, ,DKA' BA'I SPYOD PA NI RNAM PA GSUM STE, GANG DE NYID KYI PHYIR, BYANG CHUB SEMS DPA'I DKA' BA NYID NI RNAM PA GSUM STE, DE LA CHED DU BYA BA'I DKA' BA NYID NI RNAM PA THAMS CAD MKHYEN BA NYID YIN NO, , SBYOR BA DKA' BA NYID NI LAM GYI RNAM PA SHES PA NYID YIN NO, ,BYA BA RNAMS DKA' BA NYID NI THAMS CAD SHES PA NYID YIN TE, RIM PA JI LTA BA BZHIN DU SBYOR BAR 'DOD PA DANG, RTZOL BAR 'DOD PA DANG, BYA BAR 'DOD PA ZHES BYA BA TSIG RNAM PA GSUM DANG NGO, ,DKA' BA'I TSIG GSUM GSAL BAR BYED DE, ,DE LA RNAM PA THAMS CAD MKHYEN PA NYID KYIS GANG ZHIG SEMS CAN THAMS CAD KYI DON LA SBYOR BAR 'DOD PA'O, ,NAM MKHA' YONGS SU SGROL BAR 'DOD PA LAM SHES PA NYID KYIS DE LA RTZOL BAR 'DOD PA'O, ,NAM MKHA' BAR SNANG LA 'PHANG BAR 'DOD PA NI GANG ZHIG THAMS CAD SHES PA NYID KYIS DE LA BYA BAR 'DOD PA'O, ,RNAM PA GSUM PO DES BRTZON 'GRUS KYI PHA ROL TU PHYIN PA THOB PAR BSTAN TO, ,DE CI'I PHYIR ZHE NA, PHYOGS BCU'I 'JIG RTEN GYI KHAMS KYI DE BZHIN GSHEGS PA THAMS CAD KYIS SEMS CAN TSAD MED PA YONGS SU MYA NGAN LAS 'DA' BAR MDZAD KYANG SEMS CAN GYI KHAMS LA 'BRI BA'AM, GANG BA MED PA NI NAM MKHA' GO BGOS PA'I DPES 'THAD PA YIN NO, ,ZHES BSTAN TO, ,DON YOD PA'I SBYOR BA NYID NI GANG, DE NAS DGE SLONG ZHIG GIS ZHES BYA BA'I MING DU MA BSTAN PA'I SKYES BU'I RJES SU MTHUN PA'I RTOGS PA NYE BAR BKOD NAS 'KHOR GZHAN DAG GIS KYANG SKAL BA JI LTA BA BZHIN DU RTOGS PA THOB PAR BSTAN PA YIN NO, ,GZHAN GYI RKYEN GYIS MI 'GRO BA'I SBYOR BA NI BRGYA BYIN GYIS BSRUNG BA DANG, BSKYANG BA DANG, BSKYAB PAR KHAS BLANGS PA NI SGYU MA DANG, SMIG RGYU DANG, RMI LAM DANG, SGRA @83A *, ,BRNYAN DANG, MIG YOR DANG, DE BZHIN GSHEGS PA'I SPRUL PA DANG, YANG DAG PA'I MTHA' DANG, DE BZHIN NYID DANG, BSAM GYIS MI KHYAB PA'I DBYINGS LA BSRUNG BA LA SOGS PAR MI NUS BA NYID KYI DPES SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' RIGS KYI BU'AM, RIGS KYI BU MO LA YANG DAG PAR BSRUNG BA NI RNAM PAR NYAMS SHING DUB PA'I SKAL BA CAN NYID DU 'GYUR TE, PHYIN CI MA LOG PA LA GNAS PA DE NYID BSRUNG BA YIN TE, PHYIN CI MA LOG BAR MI GNAS NA NI, MI DANG, MI MA YIN PA DE DAG GIS GLAGS RNYED PAR 'GYUR BAS BSRUNG BAR NUS PA MA YIN NO, ,GZHAN GYI RKYEN GYIS MI 'GRO BA YIN PAR GSAL BAR BSTAN TO, ,SHES BYED RNAM BDUN BSTAN PA'I SBYOR BA NI, GANG BTZUN PA RAB 'BYOR JI TZAM GYIS BYANG CHUB SEMS DPA' LA YONGS SU 'GYUR BAS CHOS THAMS CAD RMI LAM LTA BUR SNANG BA YIN LA, 'DUS PA'I SBYOR BAS SGYU MA LTA BUR SNANG BA YIN, 'GAL BAS SMIG RGYU LTA BUR SNANG BA YIN, RKYEN GYIS BRAG CA LTA BUR SNANG BA YIN, MI 'DA' BAS GZUGS BRNYAN LTA BUR SNANG BA YIN, RTEN PA MED PAS DRI ZA'I GRONG KHYER LTA BUR SNANG BA YIN, BYED PA PO MED PAS THAMS CAD SPRUL PA LTA BUR SNANG BA YIN PAR YONGS SU SHES PAR 'GYUR, ZHES BYA BA NAS BRTZAMS TE, THAMS CAD SHES PA NYID NYAN THOS LA SOGS PA'I DBANG DU BYAS NAS DPES DON 'THAD PA YIN NO, ,SBYOR BA RNAMS BSTAN NAS, DA NI MNYAM BA NYID BSTAN PA'I PHYIR, GZUGS LA SOGS PA RLOM MED PA, ,RNAM BZHI DE YI MNYAM PA NYID, ,CES BYA BA SMOS PA SBYOR BA'I DON YIN TE, DE LA 'DI LTAR RNAM PA BZHIR 'GYUR TE, GZUGS RLOM SEMS SU MI BYED, GZUGS KYI RLOM SEMS SU MI BYED, GZUGS LA THA DAG GI RLOM SEMS SU MI BYED, GZUGS LA RLOM SEMS SU MI BYED, CES BYA BA DANG, DE BZHIN DU RNAM PA THAMS CAD MKHYEN PA'I BAR LA YANG BRJOD BAR BYA'O, ,RLOM SEMS RNAM PA BZHI'I RNAM PAR MI RTOG PA'I SHES PA BKAG PA YIN NO, ,MNYAM PA NYID KYI SBYOR BA'I RNAM PAR 'GREL PA'O,, ,,DA NI MTHONG BA'I @83B LAM BRJOD PAR BYA STE, DE'I PHYIR SANGS RGYAS KYI MTHUS LHA'I RIGS THAMS CAD KYI PHYOGS BCU'I PHYOGS RE RE ZHING SANGS RGYAS STON DANG, 'PHAGS PA BYAMS PA LA SOGS PA BSKAL PA BZANG PO'I SANGS RGYAS RNAMS SHES RAB KYI PHA ROL TU PHYIN BA ZAB MO 'DI NYID LHAG CHAD MED PAR STON PAR MDZAD PAR SEMS SO, ,MTHONG BA'I LAM GYIS SKAD CIG MA BCU DRUG LAS MA GTOGS BAR SKAD CIG MA GZHAN MED PAR SHES PAR BYA BA DANG, DPANG POR GYUR PA DGOS PA'I PHYIR YIN NO, ,DE LA 'DAS PA'I SANGS RGYAS DPER MA BYAS PA NI, DE'I BSTAN PA MTHAR THUG PA'I SBYOR BA SHES BAR BYA BA'I CHED YIN NO, ,MA 'ONGS PA SMOS PA NI MA 'ONGS PA'I SEMS CAN RNAMS KYI DON DU DE GOS PA STON PA'I CHED YIN NO, ,GRANGS STONG DU NGES PAS NI 'JIG RTEN GYI KHAMS MI MJED DU BSKAL PA BZANG PO PA STONG DU GYUR PA NYID KYI PHYIR THABS MKHAS BAS GZHAN DAG KYANG BSGRUB PA DANG, DGAG PA MED PAR SHES PAR BYA BA'I DON YIN NO, ,MTHONG BA'I LAM GYI SKAD CIG MA GANG ZHE NA, DE'I PHYIR, SDUG BSNGAL LA SOGS DBEN PA LA, ,CHOS SHES RJES SU SHES BZOD DANG, ,SHES PA'I SKAD CIG BSAG NYID 'DI, ,KUN SHES TSUL LA MTHONG BA'I LAM; ,ZHES BYA BA SMOS PA STE, DE LA SDUG BSNGAL CHOS SHES PA'I BZOD PA NI 'DI YIN TE, GANG GZUGS RTAG CES BYA BA 'AM, MI RTAG CES BYA BAR CHOS STON PAR 'GYUR RO ZHES BYA BA NAS BRTZAMS TE, RNAM PA THAMS CAD MKHYEN PA NYID 'DAS PA ZHES BYA BA'AM, MA 'ONGS PA ZHES BYA BA'AM, DA LTAR BYUNG BA ZHES BYA BAR CHOS STON PAR MI 'GYUR RO ZHES BYA BA'I BAR DU BSTAN PA YIN NO, ,GNYEN PO DANG MI MTHUN PA'I PHYOGS KYI RNAM PAR RTOG PA LA PHYIN CI LOG TU ZHEN PA BKAG PA'I PHYIR RO, ,SDUG BSNGAL LA CHOS SHES PA NI GANG GZUGS RNAM PAR DAG GO ZHES RNAM PAR DAG PA'I CHOS STON PAR 'GYUR RO ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU RNAM PAR DAG GO ZHES BSTAN PA YIN NO, ,JI SKAD DU BSHAD PA'I RNAM PAR RTOG PA GNYIS PO MED CING, PHYIN CI MA LOG PAR RNAM PAR DAG PA'I CHOS @84A *, ,STON PAR RJES SU GNANG BA YIN PA'I PHYIR RO, ,SDUG BSNGAL LA RJES SU SHES PA'I BZOD PA NI GANG RAB 'BYOR GZUGS LA SOGS PA NAS RNAM PA THAMS CAD MKHYEN PA NYID KYI BAR DU YONGS SU DAG PA'I PHYIR, SHES RAB KYI PHA ROL TU PHYIN PA YONGS SU DAG PA NYID DO ZHES BSTAN PA YIN NO, ,SDUG BSNGAL LA RJES SU SHES PA NI GANG GZUGS LA SOGS PA SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA YONGS SU DAG PA'I PHYIR RO ZHES BSTAN PA YIN NO, ,KUN 'BYUNG LA RJES SU SHES PA'I BZOD PA NI GANG RNAM PA DE DAG NAM MKHA' YONGS SU DAG PA'I DPES DE DAG GI RNAM PA YONGS SU DAG GO ZHES BSTAN PA YIN NO, ,KUN 'BYUNG LA CHOS SHES PA NI GANG DE LTAR DE DAG GI RNAM PAS GOS PA MED PA'I PHYIR RO ZHES BSTAN PA YIN NO, ,KUN 'BYUNG LA RJES SU SHES PA'I BZOD PA NI GANG, DE LTAR DE DAG GI RNAM PAS GZUNG DU MED PA'I PHYIR RO, ,KUN 'BYUNG LA RJES SU SHES PA NI GANG SGRA BRNYAN GYI DPES DE DAG GI THA SNYAD KYI RNAM PA MED PAS 'DIR THA SNYAD KYI RNAM PA DON GYIS BKAG PA YIN NO ZHES BSTAN TO, ,'GOG PA LA CHOS SHES PA'I BZOD PA NI GANG NAM MKHA' BRJOD DU MED PA'I PHYIR RNAM PA BRJOD DU MED DO, ,'DIR YANG GZHAN GYI BRGYUD PA BRJOD PAS DE'I DON GZHAN GYI RTOGS PA BKAG PA YIN NO, ,'GOG PA LA CHOS SHES PA NI DE LTAR RNAM PA MI DMIGS PAR BSTAN TO, ,'GOG PA LA RJES SU SHES PA'I BZOD PA NI GANG CHOS THAMS CAD SHIN TU RNAM PAR DAG PAS MI DMIGS PA'I SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG PA MED PA'I RNAM PA NI SHES RAB KYI PHA ROL TU PHYIN PA RNAM PAR DAG PA YIN NO ZHES BYA BA BSTAN TO, ,'GOG PA LA RJES SU SHES PA NI GANG DE 'DZIN PA DANG, 'CHANG BA DANG, KLOG PA DANG, TSUL BZHIN DU YID LA BYED PA DE LA NI NAD LA SOGS PA 'BYUNG BAR MI 'GYUR BA DANG, LHA RNAMS KYANG DE'I PHYI BZHIN 'BRANG BAR 'GYUR BA DANG, DE STON PA DER YANG ZHAG GSUM DU LHA'I TSOGS CHEN PO 'DU BAR 'GYUR BA @84B DANG, CHOS STON PA BSOD NAMS MANG DU 'PHEL BA NYID KYIS CHOS GSUM SMOS TE, DE LA LHA RNAMS MCHOD PAR BYED PA DANG, BLTA BA DANG, 'DU BAS NI SHES PAR BYED PA'I DON YIN NO ZHES BSTAN TO, ,LAM LA CHOS SHES PA'I BZOD PA NI GANG, SHES RAB KYI PHA ROL TU PHYIN PA'I RIN PO CHE THAMS CAD SHES PA'I DBANG GIS SDIG PA THAMS CAD ZI BA DANG, RNAM PAR BYANG BA'I PHYOGS SHES PA'I RGYU MTSAN YIN PA'I PHYIR, DGA' BAR BYED PAS NI RIN PO CHE ZHES BYA'O ZHES BSTAN TO, ,LAM LA CHOS SHES PA NI GANG, YANG LAM SHES PA'I DBANG GIS CHOS 'GA' YANG SKYE BA 'AM, 'GAG PA MED DO ZHES BYA BA NAS BRTZAMS TE, 'DUS BYAS DANG, 'DUS MA BYAS ZHES BYA BA'I BAR DU YANG DAG PA'I MTHA' MNGON SUM DU BYAS PAS RNAM PAR MI RTOG PA'I PHYIR, RTOG PA MED PA'I DGE BA'I RANG BZHIN LA NI RIN PO CHE ZHES BSTAN TO, ,LAM LA RJES SU SHES PA'I BZOD PA NI GANG YANG RNAM PA THAMS CAD MKHYEN PA NYID KYI DBANG GIS CHOS DE DANG DE DAG GI RNAM PA DANG, RTAGS DANG MTSAN MA RNAMS RTOGS PA'I PHYIR CHOS LA SOGS PA'I RTOGS PA DANG MI LDAN PAS GOS PA MED PA'I RIN PO CHE YIN NO ZHES BSTAN TO, ,LAM LA RJES SU SHES PA NI GANG YANG JI SKAD DU, DKON MCHOG GSUM GYI DON RNAM PAR MI SHES PA DNGOS PO'I YUL SHES PAS RNAM PAR RTOG PAR YANG MI BYED, DE DAG GI MTSAN MA'I RNAM PAR RTOG PA MI DMIGS PAS GNYIS SU DMIGS PA MED PA'I PHYIR, MNGON BAR 'DOD PA'I DON YONGS SU RDZOGS PA ZHES BSTAN PA YIN NO, ,DE'I MDOR BSDUS PA NI, GZUGS RTAG MA YIN MI RTAG MIN, ,MTHA' LAS 'DAS DANG RNAM DAG DANG, ,MA SKYES MA 'GAGS LA SOGS DANG, ,MKHA' 'DRA CHAGS PA SPANGS PA DANG, ,YONG SU 'DZIN LAS GROL BA DANG, ,NGO BO NYID KYI BRJOD MED DANG, ,GANG PHYIR 'DI YI DON BRJOD PAS, ,GZHAN LA SPYIN DU MED PA DANG, ,DMIGS PA MED PA NYID DANG NI, ,SHIN TU RNAM DAG NA DA MI 'BYUNG, ,NGAN SONG CHAD DANG 'BRAS BU NI, ,MNGON DU BYA LA MI RTOG NYID, ,MTSAN MA DAG DANG MA 'BREL DANG, ,DNGOS DANG MING DANG GNYIS PO LA, , @85A *, ,SHES PA SKYE BA MED PA NI, ,KUN SHES NYID KYI SKAD CIG MA, ,ZHES BSTAN PA YIN NO, ,DE NYID NI RAB 'BOR SHES RAB KYI PHA ROL TU PHYIN PA NI CHOS GNAG YANG THOB PAR MI BYED, MTHONG BAR MI BYED, THAMS CAD SHES PA NYID KYI DBANG DU BYAS TE RDZOGS PAR GSAL BAR BSTAN PA 'DI DANG, RAB 'BYOR DE LTAR SHES RAB KYI PHA ROL TU PHYIN PA NI 'DOD PA'I KHAMS LAS SHIN TU 'DA' BA MA YIN TE, BZLOG PA'I RIM PAS DE MA THAG TU LAM SHES PA'I DBANG DU BYAS PA RDZOGS BAR BSTAN PA 'DI DANG, RAB 'BYOR GZHAN YANG DE LTAR SHES RAB KYI PHA ROL TU PHYIN PA NI SANGS RGYAS KYI CHOS RNAMS SBYIN BAR MI BYED, 'DUS BYAS 'DOR BAR MI BYED, 'DUS MA BYAS 'THOB PAR MI BYED DE, RNAM PA THAMS CAD MKHYEN PA NYID KYI DBANG DU BYAS PA RDZOGS PAR GSAL BAR BSTAN PA YIN NO, ,DE LTAR 'DI DANG YANG 'DI ZHES BYA BA NI TSIG PHRAD KYIS SHIN TU KHYAD PAR BYAS NAS GSUM GYI DBANG DU BYAS PA KHYAD PAR DU BSTAN TO, ,DE LA DAD PAS BA SPU LANGS PA'I SGRA NI CA CO'I SGRA YIN NO, ,LHAG MA'I TSIG GI DON NI 'GREL PAS BSHAD DO, ,YANG CI'I PHYIR LAM SHES PA NYID BZHIN DU THAMS CAD SHES PA LA BSGOM PA'I LAM LOGS SHIG NA MED CE NA, NYAN THOS DANG, RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PA DANG, MTHONG BAS BLTAS NAS 'DA' BAR BYA'O ZHES GSUNGS PAS 'DI NI GZHAN GTZO BOR BYED PA YIN NO ZHES BYA BAR DGONGS SO, ,GANG GZHAN YANG RGYUN TU ZHUGS PA NAS RANG SANGS RGYAS KYI BAR GYI SHES PA DANG, SPONG BA GANG YIN PA DE NI MI SKYE BA'I CHOS LA BZOD PA'I BYANG CHUB SEMS DPA'I BZOD PA YIN NO ZHES GSUNGS SO, ,DE LTAR NA GANG, JI SKAD DU, SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, SBYOR DANG DE YI MNYAM NYID DANG, ,MTHONG BA'I LAM ZHES BYA BA YIN, ,DE 'DRAR KUN SHES NYID DU 'DOD, ,CES BSTAN PA YIN NO, ,DE 'DIR RJES SU 'BREL @85B BA YIN PAR BLTA BAR BYA'O, ,SLOB DPON RNAM PAR GROL BA'I SDES MDZAD PA'I MNGON PAR RTOGS PA'I RGYAN SHES RAB KYI PHA ROL TU PHYEN PA'I MAN NGAG GI BSTAN BCOS LAS THAMS CAD SHES PA'I RNAM PAR 'GREL PA'O,, ,,THAMS CAD SHES PA NYID BSTAN NAS, DA NI RNAM PA KUN MNGON PAR RDZOGS PAR RTOGS PA'I PHYIR RNAM PA KUN MNGON BAR BYANG CHUB PA NI YANG KUN MKHYEN GSUM PO'I RNAM PA BSTAN PA YIN NO, ,DE LA RE ZHIG ,DMIGS BA'I KHYAD PAR BZUNG BA LA, ,RNAM PA ZHES NI BYA BAR BRJOD, ,DMIGS PA NI DMIGS PA RNAMS SO, ,RNAM PA NI MI MTHUN PA'I PHYOGS GANG GIS GANG ZHIG GNYEN PO'I PHYOGS NI CHOS YIN TE, DPER NA RTAG PAR 'DZIN PA'I MI RTAG PA LA SOGS PA LTA BU'O, ,GNYEN PO'I PHYOGS KYANG KUN MKHYEN GSUM GYIS BSDUS PAR BSTAN PA'I PHYIR, KUN MKHYEN NYID NI RNAM GSUM PHYIR, ,DE NI RNAM PA GSUM DU 'DOD, , CES BSTAN PA YIN NO, ,RNAM PA ZHES BYA BA'I DON TO, ,DE LA 'PHAGS PA'I BDEN PA BZHI'I RTEN CAN DU BYAS PA KUN MKHYEN GSUM GYI DBANG DU BYAS NAS BDEN PA GANG LA RNAM PA JI SNYED YOD PA DE BSTAN PA'I PHYIR, MED PA'I RNAM PA NAS BZUNG STE, ,MI G-YO BA YI RNAM PA'I BAR, ,BDEN PA SO SO LA BZHI DANG, ,LAM DE LA NI BCO LNGAR BSHAD, ,CES BSTAN PA YIN NO, ,DE LA SDUG BSNGAL GYI BDEN PA RNAM PA BZHI'I DBANG DU MDZAD NAS, ,RE ZHIG BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI MA MCHIS PA'I PHA ROL TU PHYIN PA'O, ,RAB 'BYOR NAM MKHA' MED PA NYE BAR BZUNG BA'I PHYIR RO ZHES GSUNGS PA YIN NO, ,NYAN THOS LA SOGS PA'I RNAM PA NI THAMS CAD SHES PA'I MI RTAG PA'I RNAM PA'I SHES RAB KYI PHA ROL TU PHYIN PA NAM MKHA' MED PA'I DPES MED PA'I DON NI RNAM PA YIN NO, ,DE BZHIN DU TSIG SO SO LA YANG BYA BAR DON BSHAD PA DANG, 'BREL TO, ,MNYAM PA NYID CES BYA BA'I RNAM PA NI DE LA 'DI'I DON BSHAD PA DANG, MTSAMS SBYAR BA NI, JI SKAD DU MDO LAS, BCOM LDAN 'DAS 'DI NI MNYAM PA NYID KYI PHA ROL TU PHYIN PA LAGS SO, ,RAB 'BYOR CHOS THAMS CAD MI DMIGS PA NYE BAR BZUNG BA'I @86A *, ,PHYIR RO ZHES BYA BA YIN NO, ,BDE BA DANG, SDUG BSNGAL MI DMIGS PA MNYAM PA NYID KYI DBANG DU BYAS PA'I PHYIR RO, ,DBEN PA'I RNAM PA NI JI SKAD DU, 'DI NI DBEN PA'I PHA ROL TU PHYIN PA LAGS SO, ,SHIN TU STONG PA NYID NYE BAR BZUNG BA'I PHYIR RO ZHES GSUNGS PA YIN NO, ,SHIN TU STONG PA NYID NI BDAG RANG DBANG GI RDZAS KYIS STONG PA'I PHYIR RO, ,MI BRDZI BA ZHES BYA BA'I RNAM PA NI, JI SKAD DU, 'DI NI BRDZI BA MA MCHIS PA'I PHA ROL TU PHYIN PA'O, ,CHOS THAMS CAD DMIGS SU MED PAR NYE BAR BZUNG BA'I PHYIR RO, ,BDAG MED PA'I RNAM PAS MI BRDZI BA NI MU STEGS CAN THAMS CAD DANG THUN MONG MA YIN PA'I PHYIR RO, ,DE LTAR DE DAG RIM PA JI LTA BA BZHIN DU MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PA RNAMS SDUG BSNGAL GYI BDEN PA'I RNAM PA CAN YIN PAR RIG PAR BYA'O, ,KUN 'BYUNG GI BDEN PA'I RNAM PA'I DBYE BA BZHI'I DBANG DU BYAS NAS MI GNAS PA ZHES BYA BA'I RNAM PA NI, JI SKAD DU, 'DI NI GNAS PA MA MCHIS PA'I PHA ROL TU PHYIN PA'O, ,MING DANG LUS MED PA NYE BAR BZUNG BA'I PHYIR RO, ,RGYU NI BSKYED PA'I RTEN YIN PA'I PHYIR GNAS ZHES BYA BAR BRJOD DO, ,DE LA MING NI GZUGS MED PA'I PHUNG PO BZHI'O, ,DE LTAR BYAS NA DE GNYI GA'I RGYU YIN PA'I PHYIR RO, ,NAM MKHA'I RNAM PA ZHES BYA BA NI DBUGS DBYUNG BA DANG, 'JUG PA MI DMIGS PA NYE BAR BZUNG BA'I PHYIR RO, ,SGRIB PA MED PA NYE BAR BZUNG BA'I PHYIR RO, ,BRJOD PAR MI RIGS TE, NAM MKHA' MI SGRIB PA'I MTSAN NYID YIN PA'I PHYIR RO, ,DE LTA YIN PA BDEN MOD KYI, 'ON KYANG NANG GI BDAG NYID RTOGS PAR BYA BA'I PHYIR BSTAN PA YIN TE, DBUGS DBYUNG BA DANG RNGUB PA GNYIS NI DE'I NANG GI RTAGS SU DE DAG DE LTAR BSTAN TO, ,BRJOD DU MED PA'I RNAM PA ZHES BYA BA NI DPYOD PA MI DMIGS PA NYE BAR BZUNG BA'I PHYIR RO ZHES BYA BA YIN PA'I PHYIR RO, ,RTOG CING DPYOD NAS BRJOD PA MED PA'I PHYIR RO, ,MING MED PA ZHES BYA BA'I RNAM PA ZHES BYA BA NI TSOR BA LA SOGS PA'I PHUNG PO MI DMIGS PA NYE BAR BZUNG @86B BA'I PHYIR RO ZHES BYA BA YIN TE, TSOR BA LA SOGS PA'I PHUNG PO BZHI NI MING DU BYAS PA'O, ,DE LTAR DE DAG RIM PA BZHIN DU, RGYU DANG KUN 'BYUNG BA DANG, RAB TU SKYE BA DANG, RKYEN GYI RNAM PA YIN TE, KUN 'BYUNG GI BDEN PA'I RTEN CAN YIN PAR RIG PAR BYA'O, ,'GOG PA'I BDEN PA'I RNAM PA DBYE BA BZHI'I DBANG DU BYAS NAS BSTAN PA 'GRO BA MED PA'I RNAM PA ZHES BYA BA NI, JI SKAD DU, CHOS THAMS CAD 'GRO BA MED PA NYE BAR BZUNG BA'I PHYIR RO ZHES GSUNGS PA YIN TE, 'GOG PA LUS KYI MNGON SUM BYAS PA NI 'GRO BA THOB PAR BYAS PA MED PA NYID KYI PHYIR, MI 'PHROGS PA ZHES BYA BA'I RNAM PA NI CHOS THAMS CAD GZUNG DU MED PA NYE BAR BZUNG BA'I PHYIR RO ZHES BYA BA YIN TE, BZUNG BA THOB PA'I YUL NYID KYI NGO BO MI 'PHROGS PAR BYAS PA'I PHYIR RO, ,MI ZAD PA BYA BA'I RNAM PA NI CHOS THAMS CAD ZAD CING BYA BA NYE BAR BZUNG BA'I PHYIR RO ZHES BYA BA YIN NO, ,SKYE BA MED PA ZHES BYA BA'I RNAM PA NI, JI SKAD DU, CHOS THAMS CAD SKYE BA MED PA DANG, 'GAG PA MED PA NYE BAR BZUNG BA'I PHYIR RO ZHES BYA BA YIN TE, DE LTAR DE DAG RIM PA JI LTA BA BZHIN DU 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA YIN TE, 'GOG PA'I BDEN PA'I RTEN CAN YIN PAR RIG PAR BYA'O, ,LAM GYI BDEN PA'I RNAM PA NI BCO LNGA STE, BZHI NI NYON MONGS PA'I GNYEN POR GYUR PA YIN NO, ,LHAG MA NI SHES BYA'I SGRIB PA'I GNYEN PO YIN NO, ,DE NYID SNGA MA'I DBANG DU BYAS NAS GSUNGS PA LA BYED PA PO MED PA'I ZHES BYA BA'I RNAM PA LA, JI SKAD DU, BYED PA PO MI DMIGS PA NYE BAR BZUNG BA'I PHYIR RO ZHES BYA BA GSUNGS PA YIN NO, ,SHES PA PO LA SOGS PA MED PA ZHES BYA BA'I RNAM PA NI SHES PA PO LA SOGS PA MI DMIGS PA NYE BAR BZUNG BA'I PHYIR RO ZHES BYA BA YIN NO, ,'PHO BA MED PA ZHES BYA BA'I RNAM PA NI 'CHI 'PHO BA DANG, SKYE BA MI DMIGS PA NYE BAR BZUNG BA'I PHYIR RO ZHES BYA BA YIN NO, ,DUL BA MED PA ZHES BYA BA'I RNAM PA NI JI SKAD DU, CHOS THAMS CAD RANG BZHIN GYIS DUL BA NYE BAR BZUNG BA'I PHYIR RO ZHES GSUNGS PA YIN NO, ,DE LTAR DE @87A *, ,DAG RIM PA JI LTA BA BZHIN DU LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA YIN TE, NYON MONGS PA'I GNYEN PO LAM GYI BDEN PA'I RTEN CAN YIN PAR RIG PAR BYA'O, ,SHES BYA'I SGRIB PA'I GNYEN PO'I PHYOGS KYI LAM NI RNAM PA GNYIS TE, BSGOM PA'I LAM ZAG PA DANG BCAS PA DANG, MTHONG BA'I LAM ZAG PA MED PA'O, ,DE LA BSGOM PA'I LAM GYI RNAM PA'I DBANG DU MDZAD NAS BSTAN PA NI RMI LAM ZHES BYA BA'I RNAM PA NI JI SKAD DU, RMI LAM MTHONG BA DMIGS SU MED PA NYE BAR BZUNG BA'I PHYIR RO ZHES GSUNGS PA YIN NO, ,SGRA BRNYAN ZHES BYA BA'I RNAM PA NI SGRA BRJOD PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,MIG YOR ZHES BYA BA'I RNAM PA NI GZUGS BRNYAN DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,SMIG RGYU ZHES BYA BA'I RNAM PA NI CHU'I PHUNG PO DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,SGYU MA ZHES BYA BA'I RNAM PA NI MTSAN MA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LTAR DE DAG RMI LAM LA SOGS PA'I RNAM PA LNGA PO RIM PA JI LTA BA BZHIN DU CHOS THAMS CAD RANG BZHIN MED PA DANG, SKYE BA MED PA DANG, 'GAG PA MED PA DANG, GDOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA ZHES BYA BA YIN TE, LNGAS BSGOM PA'I LAM GYI RNAM PAR GYUR PA BSTAN TO, ,SHES BYA'I SGRIB PA'I GNYEN PO MTHONG BA'I LAM RNAM PA DRUG NI RNAM PAR RTOG PA SPONG BA YIN PAR RNAM PAR GZHAG GO, ,DRUG GANG ZHE NA, KUN NAS NYON MONGS PA'I RTOG PA SPONG BA GSUNGS PA LA, KUN NAS NYON MONGS PA MED PA ZHES BYA BA'I RNAM PA NI JI SKAD DU, KUN NAS NYON MONGS PA DMIGS SU MED PA'I PHYIR RO ZHES GSUNGS PA YIN NO, , RNAM PAR BYANG BA'I RNAM PAR RTOG PA SPONG BA NI GANG RNAM PAR BYANG BA'I RNAM PA MED DO ZHES BSTAN PA YIN NO, ,NYON MONGS PA'I SEMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,BAG CHAGS KYI RNAM PAR RTOG BA SPONG BA NI GANG RNAM PA DMIGS SU MED PA'I PHYIR RO @87B ZHES BSTAN PA YIN TE, NAM MKHA' DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,SPROS PA SPANG BA NI GANG SPROS PA ZHES BYA BA'I RNAM PA NI ZHES BSTAN PA YIN NO, ,SPROS PA THAMS CAD BCOM PA NYE BAR BZUNG BA'I PHYIR RO ZHES BYA BA YIN NO, ,SPROS PA ZHES BYA BA NI GANG GZUGS LA SOGS PA CHOS SU 'DU SHES PA YIN PAR RIG PAR BYA'O, ,RANG GI RTOG PA SPONG BA NI GANG RLOM SEMS KYI RNAM PA MED DO ZHES BSTAN PA YIN NO, ,RLOM SEMS THAMS CAD YANG DAG PAR BCOM PA NYE BAR BZUNG BA'I PHYIR RO ZHES BYA BA YIN NO, ,YONGS SU NYAMS PA'I RNAM PAR RTOG PA SPONG BA NI GANG MI G-YO BA'I RNAM PA YIN NO ZHES BSTAN PA YIN NO, ,JI SKAD DU MDO LAS, BCOM LDAN 'DAS 'DI NI MI G-YO BA'I PHA ROL TU PHYIN PA'O, ,RAB 'BYOR CHOS KYI DBYINGS GNAS PA NYID NYE BAR BZUNG BA'I PHYIR RO, ,DE LTAR DE DAG NYON MONGS PA DANG, SHES BYA'I SGRIB PA'I GNYEN PO'I BYE BRAG GIS LAM GYI BDEN PA'I RTEN CAN GYI RNAM PA NI BCO LNGAR GYUR PA YIN NO, ,THAMS CAD SHES PA NYID BSTAN NAS LAM SHES PA NYID BRJOD PAR BYA STE, DE LA BDEN PA RNAMS KYI DON GYI GO RIMS JI LTA BA BZHIN DU BLTA BAR BYA'O, ,DON JI LTA BU YIN ZHE NA, KUN NAS NYON MONGS PA DANG, RNAM PAR BYANG BA'I PHYOGS KYI DBANG DU BYAS NAS KUN 'BYUNG DANG, LAM GYI BDEN PA GNYIS NI RGYU YIN NO, ,SDUG BSNGAL DANG, 'GOG PA GNYIS NI 'BRAS BU YIN PAS NA, 'DI LTAR, RGYU DANG LAM DANG SDUG BSNGAL DANG, , 'GOG PA DANG BCAS GO RIMS BZHIN, ,DE DAG BRGYAD DANG BDUN DANG NI, ,LNGA DANG BCO LNGA ZHES SGROGS SO, ,ZHES BSTAN TO, ,SKABS KYI RNAM PA ZHES BYA BA YIN NO, ,DE LA RGYU NI 'DUN PA DANG, 'DOD CHAGS DANG, DGA' BA YIN TE, YANG SRID PA 'BYUNG BA'I PHYIR RO; ,'DI LTAR 'DUN PA'I GNYEN PO NI 'DOD CHAGS DANG BRAL BA'I RNAM PA YIN PAR BSTAN TO, ,'DOD CHAGS DE DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,BYED 'DOD PA'I DNGOS PO'I DBANG DU BYAS NAS 'DOD CHAGS KYI GNYEN PO NI MI GNAS PA'I RNAM PA YIN @88A *, ,PAR BSTAN TO, ,CHOS THAMS CAD RNAM PAR RTOG PA MED PA NYE BAR BZUNG BA'I PHYIR RO ZHES BYA BA YIN TE, DE DAG LA CHAGS PA MED PA'I DBANG DU BYAS NAS SRID PA'I GNYEN PO NI ZHI BA'I RNAM PA YIN PAR BSTAN TO, ,CHOS THAMS CAD MA NOR BA DE BZHIN NYID KYIS MNGON PAR BYANG CHUB PA NYE BAR BZUNG BA'I PHYIR RO ZHES BYA BA YIN NO, ,SRED PA NI MA ZHI BA GTZO CHE BA YIN PAS DE LTAR BYAS PA YIN NO, ,KUN 'BYUNG GI DBYE BA NI GSUM STE, 'DOD CHAGS KUN 'BYUNG BA DANG, ZHE SDANG KUN 'BYUNG BA DANG, GTI MUG KUN 'BYUNG BA'O, ,DE DAG GI GNYEN PO NI 'DOD CHAGS MED PA'I RNAM PA YIN PAR BSTAN TO, ,'DOD CHAGS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,'DOD CHAGS KYI RANG BZHIN GYI DBANG DU BYAS PA DE BZHIN DU ZHES SDANG MED PA'I RNAM PA YANG YIN NO, ,ZHES SDANG DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,GTI MUG MED PA'I RNAM PA YIN TE, GTI MUG GI MUN PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,RAB TU SKYE BA NI KUN DU RTOG PA STE, DE LA 'DOD CHAGS LA SOGS PA SKYE BA DE'I GNYEN PO NI NYON MONGS PA MED PA'I GNYEN PO YIN PAR BSTAN TO, ,KUN DU RTOG PA MED PA NYE BAR BZUNG BA'I PHYIR RO ZHES BYA BA YIN NO, ,RKYEN NI SEMS CAN DU ZHEN PA DANG, 'JIG TSOGS LA LTA BA YIN TE, DNGOS PO THAMS CAD KYI RKYEN YIN PA'I PHYIR RO, ,GNYEN PO NI SEMS CAN MED PA'I RNAM PA YIN NO ZHES BSTAN TO, ,SEMS CAN DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LTAR BYAS PA DANG, RGYU NI GANG 'DOD CHAGS DANG, DGA' BA'O, ,KUN 'BYUNG BA NI GANG 'DOD CHAGS DANG, ZHE SDANG DANG, GTI MUG GO, RAB TU SKYE BA NI GANG KUN DU RTOG PA YIN NO, ,RKYEN NI GANG SEMS CAN DU MNGON PAR ZHEN PA ZHES BYA BA YIN TE, KUN 'BYUNG GI BDEN PA'I RTEN CAN GYI RNAM PA NI BRGYAD DU GYUR PA YIN NO, ,DE LA LAM GYI BDEN PA'I DBANG DU BYAS NAS GSUNGS PA LA TSAD MED PA'I RNAM PA YIN NO, ,CHOS THAMS CAD KUN NAS LDANG BA MED PA NYE BAR BZUNG BA'I PHYIR RO ZHES BYA BA YIN NO, , @88B SEMS CAN TSAD MED PA'I GO SKABS 'BYED PA NYID DU DGONGS PA YIN NO, ,YANG JI LTAR NA, LAM SEMS CAN DPAG TU MED PA'I GO 'BYED PA YIN ZHE NA, MTHA' GNYIS SU RTOG PA MED PA'I RNAM PA YIN NO ZHES BSTAN TO, ,MTHA' GNYIS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,'KHOR BA DANG MYA NGAN LAS 'DAS PA MNYAM PA NYID DU RTOGS PA'I PHYIR RO ZHES DGONGS PA YIN NO, ,DE LA RIGS PA GANG THA DAD PA MED PA'I RNAM PA YIN NO ZHES BSTAN TO, ,CHOS THAMS CAD THA DAD PA MED PA NYE BAR BZUNG BA'I PHYIR RO ZHES BYA BA YIN NO, , THA DAD PA MED PA'I CHOS NYID KYIS LAM MA LUS PA THEG PA GCIG PA YIN TE, DE LA RIGS PA ZHES BYA NA, CI'I PHYIR MA LUS PA YIN ZHE NA, MCHOG TU 'DZIN PA MED PA'I RNAM PA YIN NO ZHES BSTAN TE, NYAN THOS DANG, RANG SANGS RGYAS KYI BYANG CHUB LAS 'DAS PA NYE BAR BZUNG BA'I PHYIR RO ZHES BSTAN PA YIN NO, ,THEG PA DMAN PA 'DOD PA MED PA'I DBANG DU BYAS NAS DE LA BSGRUB PA NI GANG RTOGS PA MED PA'I RNAM PA YIN NO ZHES BSTAN TO, ,RNAM PAR RTOG PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,BYA BA'I RNAM PAR RTOG PA MED PA'I DBANG DU BYAS NAS SO SOR YUL RTOGS PA MED PA'I GNAS NI BSGRUB PA ZHES BYA BA YIN PA'I PHYIR RO, ,YANG JI LTAR NA DE LA BYA BA'I RNAM PAR RTOG PA MED CE NA, DPAG TU MED PA RNAM PA YIN NO ZHES BSTAN TO, ,CHOS THAMS CAD KYI TSAD DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,THOB PA YONGS SU SPANGS PA DANG, MA THOB PA'I THOB PA DMAN PA DANG, MCHOG TU GYUR PA'I RTOG PA MED PA SNGON DU 'GRO BAS DE LA NGES PAR 'BYUNG BA NI GANG CHAGS PA MED PA'I RNAM PA YIN NO ZHES BSTAN TO, ,CHOS THAMS CAD NAM MKHA'I RANG BZHIN NYE BAR BZUNG BA'I PHYIR RO ZHES BYA BA YIN NO, ,DE DANG DE'I CHOS RTOGS PA'I NGES PAR 'BYUNG BA'I DBANG DU BYAS NAS, DE LTAR BYAS KYANG JI LTAR SEMS CAN THAMS CAD LA LAM GO 'BYED PA GANG YIN PA DANG, JI LTAR SEMS CAN THAMS CAD GO 'BYED PA DANG, RIGS @89A *, ,PA GANG YIN PA DANG, JI LTAR RIGS PA GANG YIN PA DANG, SGRUB PA GANG YIN PA DANG, JI LTAR SGRUB PA GANG YIN BA DANG, GANG YANG NGES PAR 'BYUNG BA YIN PA STE, LAM GYI BDEN PA'I RTEN CAN GYI RNAM PA NI BDUN DU 'GYUR RO, ,SDUG BSNGAL GYI BDEN PA'I DBANG DU BYAS NAS GSUNGS PA LA MI RTAG PA RNAM PA YIN NO ZHES BSTAN TO, ,CHOS THAMS CAD 'JIG PA MED PA NYE BAR BZUNG BA'I PHYIR RO ZHES BYA BA YIN NO, ,'JIG PA MED PA LAS DON GZHAN MA YIN PA'I DBANG DU BYAS NAS SDUG BSNGAL NI RNAM PA YIN NO ZHES BSTAN TO, ,CHOS THAMS CAD GDOD MA NAS NYE BAR BZUNG BA'I PHYIR RO ZHES BYA BA YIN NO, ,DE DAG NI BDE BAR PHYIN CI LOG TU MNGON BAR ZHEN PA STONG PA YIN PA'I PHYIR RO ZHES BYA BA YIN NO, ,CHOS THAMS CAD DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,BDAG GI RDZAS MI DMIGS PA'I PHYIR RO ZHES BYA BA'I DON TO, ,BDAG MED PA NI RNAM PA YIN NO ZHES BSTAN TO, ,CHOS THAMS CAD MNGON BAR ZHEN PA MED PA NYE BAR BZUNG BA'I PHYIR RO ZHES BYA BA YIN NO, ,GANG RANG BZHIN DU MNGON BAR ZHEN PA MED PA'I PHYIR RO ZHES BYA BA'I DON TO, ,YANG JI LTAR BYAS NAS GANG DU BRTAGS PA'I MTSAN MA RNAMS KYI YANG CHOS RNAMS LA MNGON BAR ZHEN PA MED PA YIN ZHE NA, MTSAN MA MED PA'I RNAM PAS YIN NO ZHES BSTAN TO, ,CHOS THAMS CAD MTSAN MA MED BA NYE BAR BZUNG BA'I PHYIR RO ZHES BYA BA YIN NO, ,DE RNAMS 'GOG PA'I MTSAN NYID SNGON DU 'GRO BA'I PHYIR RO, ,DE LTAR MNGON DU BYAS PAS BZHI PO MI RTAG PA LA SOGS PA'I RNAM PA GANG YIN PA DANG, YANG RANG BZHIN GANG YIN PA SDUG BSNGAL GYI BDEN PA'I RTEN CAN RNAM PAR GYUR PA NI LNGA YIN NO, ,DE 'GOG PA'I RNAM PA LNGA NI DNGOS PO 'GOG PA NANG GI MTSAN NYID CAN LA SOGS PA DNGOS PO'I DBYE BAS RNAM PA GSUM TE, GANG NANG GI CHOS RNAMS KYI STONG PA NI RNAM PA YIN NO ZHES BSTAN TO, ,NANG GI BDAG NYID CAN GYI CHOS RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,PHYI'I BDAG NYID KYIS STONG PA NI RNAM @89B PA YIN TE, PHYI'I CHOS RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,PHYI DANG NANG GI STONG PA NI RNAM PA YIN TE, PHYI DANG NANG GI CHOS RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,BTAGS PA'I 'GOG PA RNAM PA BRGYAD NI MNGON BAR ZHEN PA'I DBYE BAS GNYEN PO RNAM PA BRGYAD YIN NO, ,STONG PA NYID LA MNGON PAR ZHEN PA'I 'GOG PA NI GANG STONG PA NYID NI RNAM PA YIN NO ZHES BSTAN TO, ,STONG PA NYID STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,'OD SRUNGS GANG ZAG TU LTA BA RI RAB TZAM MCHOG YIN GYI MNGON PAR NGA RGYAL BA NI DE LTA MA YIN NO, ,STONG PA NYID DU LTA BA YIN BAR BSTAN TO, ,SNOD KYI 'JIG RTEN GYI DBYIBS LA ZHEN PA'I 'GOG PA NI GANG CHEN PO STONG PA NYID KYI RNAM PA YIN NO ZHES BSTAN TO, ,CHEN PO STONG PA NYID NYE BAR BZUNG BA'I PHYIR ZHES BYA BA YIN NO, ,PHYOGS DANG, MTSAMS STONG PA NYID KYI DBANG DU BYAS PA NYID YIN NO, ,DON DAM PAR MNGON PAR ZHEN PA'I 'GOG PA NI GANG DON DAM PA STONG PA NYID KYI RNAM PA YIN NO ZHES BSTAN PA YIN NO, ,DON DAM PA STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO; ,DE LA STONG PA NYID DU LTA BAS BYAS PA'I GNYEN PO YIN NO, ,DON DAM PA NI GNYEN PO MA YIN TE, YONGS SU GRUB PA TZAM YIN TE DE NI STONG PA NYID DANG, ,DON DAM PAR MNGON BAR ZHEN PA'I KHYAD PAR YIN NO, ,'DUS BYAS SU MNGON PAR ZHEN PA'I 'GOG PA NI GANG 'DUS BYAS STONG PA NYID RNAM PA YIN NO ZHES BSTAN TO, ,'DUS BYAS STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,'DUS MA BYAS SU MNGON PAR ZHEN PA'I 'GOG PA NI GANG 'DUS MA BYAS STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, , RTAG PA DANG, CHAD PA'I MNGON PAR ZHEN PA'I 'GOG PA NI GANG SHIN TU STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,MTHA' NI MTHA' LAS 'DAS PA NYID DU MNGON PAR 'DOD PA DANG, THOG MA DANG THA MA 'KHOR BAR MNGON PAR ZHEN PA 'GOG PA NI GANG THOG @90A *, ,MA DANG THA MA MED PA STONG PA NYID RNAM PA YIN NO ZHES BSTAN TO, ,THOG MA DANG THA MA MED PA STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,MANG DU RTOGS PAR BYED PA BYANG CHUB KYI PHYOGS KYI CHOS RNAMS DOR BA MED PA'I MTSAN NYID RNAM PA LA MNGON PAR ZHEN PA'I 'GOG PA NI GANG DOR BA MED PA STONG PA NYID RNAM PA YIN NO ZHES BSTAN TO, ,DOR BA MED PA STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE DAG NI BTAGS PA'I 'GOG PA'I DBYE BAS RNAM PA BRGYAD NI ZHI BA'I RNAM BAS BSDUS PA YIN PAR RIG PAR BYA'O, ,'PHAGS PA THAMS CAD KYI MDZAD PA'I RANG BZHIN ZHES BYA BA DES NI BYED PA PO 'GOG PA YIN TE, RNAM PA YIN PAR RIG BAR BYA'O, ,YUL LA 'KHRUL PA'I 'GOG PA NI RNAM PA GNYIS TE, BTAGS PA LA 'KHRUL PA'I 'GOG PA'I RNAM PA NI GANG CHOS THAMS CAD STONG BA NYID RNAM PA YIN NO ZHES BSTAN TO, ,CHOS THAMS CAD DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,CHOS THAMS CAD BTAGS PA TZAM DU BYAS PA NYID LA 'KHRUL PA'I 'GOG PA NI GANG RANG GI MTSAN NYID STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,GZUGS LA SOGS PA RNAMS GZUGS LA SOGS PA RNAMS KYI RANG GI MTSAN NYID KYIS DBEN PA'I DBANG DU BYAS PA'I RANG BZHIN 'GOG PA NI GANG DNGOS PO MED PA'I NGO BO NYID RNAM PA YIN NO ZHES BSTAN TO, ,DNGOS PO MED PA'I NGO BO NYID STONG PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,YUL LA 'KHRUL PA'I 'GOG PA DANG, RANG BZHIN GYIS 'GOG PA 'DI GNYIS NI NGES PAR 'BYUNG BA'I RNAM PA YIN PAR RIG PAR BYA'O, ,DE LTAR BYAS NA NANG GI BDAG NYID CAN GYI DNGOS PO NI 'GOG PA GANG YIN BA DANG, JI LTAR YANG ZHI BA YIN ZHE NA, MNGON PAR ZHEN PA BRGYAD LOG PA'I PHYIR RO, ,JI LTAR GYA NOM PA YIN ZHE NA, RANG NYID YIN PA'I PHYIR RO, ,YANG JI LTAR NGES PAR 'BYUNG BA YIN ZHE NA, GNYIS SU 'KHRUL PA BKAG PA'I PHYIR RO, ,GANG YANG NGES PAR 'BYUNG ZHE NA, DNGOS PO @90B MED PA'I NGO BO NYID DO, ,DE LTAR NA DE DAG DNGOS PO'I 'GOG PA DANG, BYED PA PO 'GOG PA DANG, YUL LA 'KHRUL PA 'GOG PA DANG, DNGOS PO GZHAN 'GOG PA'I DBANG DU BYAS TE, RIM PA JI LTA BA BZHIN DU GSUM DANG, BRGYAD DANG, GCIG DANG, GNYIS DANG, GCIG NI 'GOG PA'I BDEN PA'I RTEN CAN GYI RNAM PAR GYUR PA NI BCO LNGA'O, ,LAM SHES PA NYID BSTAN NAS RNAM PA THAMS CAD MKHYEN PA'I RNAM PA BRJOD PAR BYA'O, ,DE LA 'PHAGS PA'I GANG ZAG THAMS CAD KYI DBANG DU MDZAD NAS KUN MKHYEN RNAM PA GSUM GYIS BSDUS BAR 'GYUR BA YIN PA DE BAS NA, DRAN PA NYER GZHAG NAS BZUNG STE, ,THA MA SANGS RGYAS NYID RNAM PA, ,SLOB MA BYANG CHUB SEMS DPA' DANG, ,SANGS RGYAS RNAMS LA RIM BZHIN TE, ,SUM CU BDUN DANG SUM CU BZHI, ,SUM CU RTZA DGU DAG TU BZHED, ,CES BSTAN PA YIN NO, ,JI LTA BU ZHIG CE NA, KUN MKHYEN GSUM GYI BYE BRAG GIS, ,LAM GYI BDEN PA DANG MTHUN PAR, ,ZHES SMOS SO, ,DE DANG RJES SU MTHUN PA'I LAM GYI BDEN PA NI LAM 'DI GSUM YIN TE, THAMS CAD SHES PA NYID KYI LAM DANG, RNAM PA THAMS CAD MKHYEN PA NYID DE, DE LA THAMS CAD SHES PA NYID KYI LAM RNAM PA SUM CU RTZA BDUN LAS GZHI YONGS SU SHES PA'I LAM NI DRAN PA NYE BAR GZHAG PA STE, GANG DRAN PA NYE BAR GZHAG PA NI RNAM PA YIN TE ZHES BSTAN PA YIN NO, ,LUS DANG, TSOR BA DANG, SEMS DANG CHOS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,RNAM PA BZHI PO DE DAG NI GZHI YONGS SU RTOG PA YIN NO, ,RTZOL BA'I LAM YANG DAG PAR SPONG BA NI GANG YANG DAG PAR SPONG BA NI RNAM PA YIN TE ZHES BSTAN PA NYIN NO, ,DGE BA DANG, MI DGE BA'I CHOS RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE BZHIN DU DNGOS PO LA YONGS SU BRTAGS NAS SGRIB PA MED PA'I SPONG BA'I BRTZON 'GRUS RTZOM MO, ,TING NGE 'DZIN YONGS SU SBYONG BA'I LAM NI RDZU 'PHRUL GYI RKANG PA RNAMS NI RNAM PA YIN TE ZHES BSTAN PA YIN NO, ,'DUN PA DANG, BRTZON 'GRUS DANG, SEMS DANG, @91A *, ,DPYOD PA RNAMS DMIGS SU MED PA NYE BAR BZUNG BA'I PHYIR RO ZHES BSTAN PA YIN NO, ,DE BZHIN DU SGRIB PA YONGS SU SBYONG BAS NI 'DUN PA LA SOGS PA'I SGO NAS DE DAG GI GNAS PA LAS SU RUNG BAR BYED PA'I PHYIR RO, ,MNGON BAR RTOGS PA DANG 'BREL BA'I LAM DBANG PO RNAMS NI GANG DBANG PO'I RNAM PA YIN TE ZHES BSTAN PA YIN NO, ,DAD PA LA SOGS PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LTAR BYAS NA TING NGE 'DZIN YONGS SU SBYONG BA'I LAM GYIS DE NI 'PHAGS PA'I YANG DAG PAR SKYED PA LA DBANG DU GYUR PA DRO BA SNGON DU 'GRO BA'I SBYOR BAS RTZE MO'I MNGON BAR RTOGS PA DANG 'BREL BA'I LAM NI STOBS RNAMS TE, GANG STOBS RNAMS NI RNAM PA YIN TE ZHES BSTAN PA YIN NO, ,STOBS RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LTAR DBANG THOB NAS DES MJUG THOGS SU BDEN PA RTOGS NA MA DAD PA LA SOGS PA MI MTHUN PA'I PHYOGS ZIL GYIS MNAN NAS BZOD PA DANG, CHOS KYI MCHOG GI SBYOR BAR GYUR PA'I PHYIR MNGON PAR RTOGS PA'I LAM BYANG CHUB KYI YAN LAG RNAMS YIN TE, GANG BYANG CHUB KYI YAN LAG GI RNAM PA NI RNAM PA YIN NO ZHES BSTAN TO, ,BYANG CHUB KYI YAN LAG RNAMS DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LA DNGOS PO SO SOR RANG GIS RIG PA'I DE KHO NA NYID MNGON PAR RTOGS PA'I PHYIR RNAM PAR DAG PAR NGES PAR 'BYIN PA'I LAM 'PHAGS PA'I LAM YAN LAG BRGYAD PA'I LAM STE, GANG 'PHAGS PA'I LAM NI RNAM PA YIN NO ZHES BSTAN PA YIN NO, ,'PHAGS PA'I LAM YAN LAG BRGYAD PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE'I 'OG TU BSGOMS PAS SPANG BAR BYA BA'I NYON MONGS PA RNAM PAR DAG PAR BYA BA'I PHYIR NGES PAR 'BYUNG BA YIN TE, DE BAS NA BYANG CHUB KYI PHYOGS DE RNAMS KYI GO RIMS NI 'DI YIN TE, DE LTAR BYAS NA DNGOS PO YONGS SU RTOG PA'I LAM DANG, RTZOL BA'I LAM DANG, TING NGE 'DZIN YONGS SU SBYONG BA'I LAS KYI LAM DANG, MNGON PAR RTOGS PA LA SBYOR BA'I LAM DANG, MNGON @91B PAR RTOGS PA DANG 'BREL PA'I LAM DANG, MNGON PAR RTOGS PA'I LAM DANG, NGES PAR 'BYED PA'I LAM GYI DBANG DU MDZAD NAS GO RIMS JI LTA BA BZHIN DU BZHI DANG, BZHI DANG, BZHI DANG, LNGA DANG, LNGA DANG, BDUN DANG BRGYAD KYI DBYE BA RNAMS THAMS CAD SHES PA'I LAM GYI RTEN CAN GYI RNAM PA NI SUM CU RTZA BDUN DU BSTAN TO, ,DE LA LAM SHES PA NYID KYI LAM RNAM PA DRUG LAS GNYEN PO'I LAM NI RNAM PA GSUM YIN TE, LTA BAS BYAS PA'I GNYEN PO NI STONG PA NYID YIN NO, ,MCHAN MA DANG RTOG PA'I GNYEN PO NI MTSAN MA MED PA'O, ,KHAMS GSUM DU SMON PA'I GNYEN PO NI SMON PA MED PA YIN TE, RNAM PAR THAR PA GSUM NI RNAM PA YIN TE ZHES BSTAN PA YIN TE, LTA BA DANG, RNAM PAR RTOG PA DANG, SMON PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LA STONG PA NYID DANG, BDAG MED PA DAG NI RNAM PAR THAR PA'I SGO DANG PO'O, ,MI RTAG PA DANG, SDUG BSNGAL BA DANG, RGYU DANG, KUN 'BYUNG BA DANG, RAB TU SKYE BA DANG, RKYEN GYI RNAM PA NI SMON PA MED PA'O, ,'GOG PA DANG, LAM GYI RNAM PA NI MTSAN MA MED PA YIN PAR RIG PAR BYA'O, ,LAM GYI RTOG PA MED PA NI MTSAN MA MED PA'O ZHES BYA'O, ,JI SKAD DU, MTSAN MA MED PA NI ZHI BA'I RNAM PA YIN NO ZHES BYA BA DE DANG 'DI 'GAL BA MED DO, ,MTSAN MA MED PA GANG YIN PA DE NI 'GOG PA STE, GANG GI PHYIR LAM GYIS MTSAN MA MED PAR BYAS PA'I PHYIR RO, ,SEMS CAN GYI DON BYED PA LAM SHES PA'I 'BRAS BU YIN GYI SPANGS PA NI 'BRAS BU MA YIN NO, ,SEMS CAN GYI DON YANG SPRUL PA MED PAR MA YIN PAS SPRUL PA'I LAM NI RNAM PA GNYIS TE, GZUGS KYI 'DU SHES RNAM PAR MA ZHIG PA NI BDAG NYID BSAM GTAN NAM, GZUGS MED PA'I STOMS [?] PAR 'JUG PA LA BRTEN NAS GZUGS KYI 'DU SHES MNGON SUM DU BYED PA STE, ,GANG GZUGS CAN GZUGS KYI KHA DOG BZANG PO DANG, NGAN PA RNAMS LA LTA BA'O, ,GZUGS KYI 'DU SHES RNAM PAR ZHIG PA NI BDAG NYID KYI DE BZHIN DU PHYI ROL GYI GZUGS KYI 'DU SHES MNGON DU BYED PA STE, GANG @92A *, ,GIS NANG GZUGS MED PAR 'DU SHES SHING PHYI ROL GYI GZUGS RNAMS LA LTA BA'O ZHES GSUNGS PA YIN TE, GNYIS PO 'DI DAG NI SPRUL PA'I SGRIB PA'I GNYEN PO YIN PAS RNAM PAR THAR PA'I SGO GNYIS PA YIN PAR SHES PAR BYA'O, ,SPRUL PA'I KUN NAS NYON MONGS PA NI RNAM PA GNYIS TE, SDUG PA'I GZUGS LA DGA' BA DANG, MI SDUG PA'I GZUGS SU SPRUL PA LA MI DGA' BA'O, ,DE'I GNYEN POR SDUG PA'I RNAM PAR THAR PA'I LUS KYIS MNGON SUM DU RDZOGS PAR BYAS TE GNAS SO ZHES GSUNGS PA YIN TE, BDAG NYID KYI SDUG PA DANG, MI SDUG PA'I GZUGS RNAMS LA PHAN TSUN LTOS PA'I 'DU SHES DANG, ,GCIG LA GCIG RJES SU 'BREL BA'I SHES PA LA BRTEN NAS PHAN TSUN RO GCIG PA'I 'DU SHES THOB PAS CI 'DOD PA'I GZUGS LA LHAG PAR MOS PA LA DBANG THOB PA YIN PA'I PHYIR RO, ,MTHONG BA'I CHOS LA BDE BAR GNAS PA'I LAM RNAM PA GNYIS LAS THAR PA'I CHA DANG MTHUN PAR GNAS PA'I LAM NI GZUGS MED PA'I SNYOMS PAR 'JUG PA RNAM PA BZHI'O, ,ZHI BAR GNAS PA'I RNAM PAR THAR PA'I SGRIB PA CHAGS PA MED PA'I PHYIR NI 'DU SHES DANG, TSOR BA 'GOG PA ZHES BYA BA YIN NO, ,GZHAN GYI SPRUL PA'I DBANG DU BYAS PA GSUM DANG, BDAG GI DON MTHONG BA'I CHOS LA BDE BAR GNAS PA GZHAN GYI CHED DU BYAS PA'I DBANG DU BYA BA'I LAM LNGA STE, RNAM PAR THAR PA BRGYAD DU 'GYUR RO, ,DE BAS NA RNAM PAR THAR PA BRGYAD NI RNAM PA YIN NO ZHES BSTAN TO, ,RNAM PAR THAR PA BRGYAD DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,'JIG RTEN LAS 'DAS PA'I LAM MTHAR GYIS GNAS PA'I SNYOMS PAR 'JUG PA DGU NI 'GOG PA'I SNYOMS PAR 'JUG PAS 'JIG RTEN LAS 'DAS PA'I LAM 'THOB PA'I PHYIR RO, ,GANG MTHAR GYIS GNAS PA'I SNYOMS PAR 'JUG PA DGU NI RNAM PA YIN TE ZHES BSTAN PA YIN NO, ,MTHAR GYIS GNAS PA'I SNYOMS PAR 'JUG PA DGU DMIGS SU MED PA NYE BAR BZUNG PA'I PHYIR RO ZHES BYA BA YIN NO, ,SPONG BA'I LAM BDEN PA BZHI'I RTEN CAN DE MA THAG PA'I LAM YIN TE, GANG BDEN PA @92B BZHI NI RNAM PA YIN TE ZHES BSTAN PA YIN NO, ,KUN 'BYUNG BA DANG, 'GOG PA DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,SANGS RGYAS NYID KYI LAM NI GANG PHA ROL TU PHYIN PA BCU STE, GANG PHA ROL TU PHYIN PA BCU NI RNAM PA YIN TE ZHES BSTAN TO, ,PHA ROL TU PHYIN PA BCU DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,DE LTAR NA GNYEN PO'I LAM DANG, SPRUL PA'I LAM DANG, MTHONG BA'I CHOS LA BDE BAR GNAS PA'I LAM DANG, 'JIG RTEN LAS 'DAS PA'I LAM DANG, SPONG BA'I LAM DANG, SANGS RGYAS KYI LAM STE; DE DAG GI DBANG DU MDZAD NAS RIM PA JI LTA BA BZHIN DU GSUM DANG, GSUM DANG, LNGA DANG, DGU DANG, BZHI DANG, BCU STE, LAM SHES PA'I RTEN CAN GYI RNAM PA NI SUM CU RTZA BZHIR 'GYUR RO, ,DE LA RNAM PA THAMS CAD MKHYEN PA NYID KYI LAM NI SHIN TU PHUL DU BYUNG BA'I PHYIR GCIG NYID YIN MOD KYI, STOBS DANG MI 'JIGS PA LA SOGS PA'I DBYE BAS RNAM PA'I DBYE BA THUN MONG MA YIN PA BRJOD PAR BYA'O, ,'DIR STOBS BCU NI RNAM PA YIN NO ZHES BSTAN TO, ,CHOS THAMS CAD DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,CHOS RNAMS KYI RNAM PA CHOS NYID THOB PA YIN PA'I PHYIR RO ZHES BSTAN TO, ,LAM GYI RNAM PA SHES PA NYID DMIGS SU MED PA NYE BAR BZUNG BA'I PHYIR RO ZHES BYA BA YIN NO, ,LAM THAMS CAD MNGON PAR SHES PA'I DBANG DU BYAS NAS SO SOR RIG PA NI RNAM PA YIN NO ZHES BSTAN TO, ,RNAM PA THAMS CAD MKHYEN PA NYID CHAGS PA MED PA DANG, THOGS PA MED PA NYE BAR BZUNG BA'I PHYIR RO ZHES BYA BA YIN NO, ,THAMS CAD KYI GRANGS DANG, CHOS KYI MTSAN NYID DANG, YUL GYI SKAD RNAMS DANG, CHOS RAB TU DBYE BA'I YUL LA GO RIMS BZHIN DU SO SO YANG DAG PAR RIG PA YE SHES KYI RTOGS PA NYAMS SU MYONG BA CHAGS PA MED PA'I PHYIR DANG, SHES BYA'I SGRIB PA SPANGS PAS THOGS PA MED PA'I PHYIR RO ZHES BYA BA'I DON TO, ,SANGS RGYAS KYI CHOS MA 'DRES PA RNAMS NI RNAM PA YIN TE, ZHES BSTAN PA MA YIN NO, ,CHOS THAMS CAD LAS 'DAS PA NYE @93A *, ,BAR BZUNG BA'I PHYIR RO ZHES BYA BA YIN NO, ,MA 'DRES PA DE DANG DER MI MTHUN PA'I PHYOGS KYI CHOS GANG DANG GANG YIN PA DE DE DANG DE LAS YANG DAG PAR 'DAS PA'I DBANG DU MDZAD NAS, MDO LAS, DGE SLONG DGRA BCOM PA ZAG PA ZAD PA LAN 'GA' GRONG DU BSOD SNYOMS LA RGYU BA NA GLANG PO CHE GTUM PO 'AM, RTA MI BGRUNGS PA'AM, BA LANG BRDUNG PA'AM, KHYI ZA LE BA DANG BCAS PAR 'GRO BA DANG, TSANG TSING NGAM, TSER MA'I NAGS SU 'GRO BA DANG, SPRUL NAG PO LA RKANG PAS BRDZI BA DANG, DE LTA BU'I TSUL GYIS KHYIM DU ZHUGS PA DANG, GANG NA BUD MED KYI YUL MI RIGS PAR SMRA BAS MGRON DU BOS PA'AM, DGON PA'AM, YANG NA LAM GOL BAR 'GRO ZHING, LAM BOR BA DANG, RKUN PO DANG, DGRA DANG BCAS PAR 'GRO BA DANG, SENG GE DANG, STAG DANG, GZHAN GYI CHUNG MA DAG GIS DE DE LTAR BSTEN PA NA DGRA BCOM PA NI 'KHRUL PAR 'GYUR GYI DE BZHIN GSHEGS PA LA RNAM PA THAMS CAD KYI THAMS CAD DU MI MNGA'O ZHES GSUNGS PA DANG, GZHAN YANG 'GA' ZHIG TU DGRA BCOM PA DGON PA NAGS KHROD STUG POR 'GRO BA NA LAM NOR BA DANG, KHANG PA STONG PAR SGRA SGROGS PA DANG, KU CO 'DON PAR BYED PA DANG, SNYING RJE RJE LTAR 'O DOD 'BOD PA DANG, BAG CHAGS KYI NYES PA KUN DU BSKYOD PAS NYON MONGS PA DANG, RTA GAD CHEN POS DGOD CING SO STON PA DANG, STEG TSUL DU 'DZUM YANG NYE BAR STON TO, ,DE LTA BU'I CHA DANG LDAN PA'I CA CO DE DAG NI DE BZHIN GSHEGS PA LA RNAM PA THAMS CAD KYI THAMS CAD DU MI MNGA'O, ,DE BZHIN GSHEGS PA LA DRAN PA NYAMS PA MI MNGA' STE, NYON MONGS PA'I SEMS KYIS BYAS PA'I NGAG GI RJES SU 'GRO BA MI MNGA' BA'I PHYIR RO, ,GZHAN YANG DGRA BCOM PA NI PHUNG PO LA GCIG TU MI MTHUN PA'I 'DU SHES BSKYED CING PHUNG PO LHAG MA MED PA'I MYA NGAN LAS 'DAS PA LA ZHI BA'I 'DU SHES CAN YIN LA, DE BZHIN GSHEGS PA LA PHUNG PO DANG, MYA NGAN LAS 'DAS PA SNA TSOGS PA'I 'DU SHES MI MNGA' STE, BTANG SNYOMS MCHOG GIS BZHUGS PA'I PHYIR RO, ,GZHAN YANG DGRA BCOM PA NI SNYOMS PAR ZHUGS NAS MNYAM PAR GZHAG PA YIN GYI LDANG BA NA MNYAM @93B PAR GZHAG PA MA YIN NO, ,DE BZHIN GSHEGS PA NI GNAS SKABS THAMS CAD DU THUGS MNYAM PAR MA GZHAG PA MI MNGA'O, ,GZHAN YANG DGRA BCOM PA NI SO SOR BRTAGS NAS SEMS CAN GYI DON BYED PA LA BTANG SNYOMS SU BYED KYI, DE BZHIN GSHEGS PA NI 'DI NI 'DI LTA BU'I TSUL CAN ZHES SO SOR MA BRTAGS PA'I BTANG SNYOMS MI MNGA'O, ,GZHAN YANG DGRA BCOM PA NI SHES BYA'I SGRIB PA RNAM PAR DAG PA NAS BRTZAMS TE, MA THOB PAS YONGS SU NYAMS PAS 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA LAS YONGS SU NYAMS PA YIN TE, NYAMS PA DRUG PO DE DAG DE BZHIN GSHEGS PA LA MI MNGA'O, ,GZHAN YANG DGRA BCOM PA NI RES 'GA' LUS KYI DGE BA'I LAS LA 'JUG, ,RES 'GA' NI LUNG DU MA BSTAN PA'O, ,NGAG DANG YID KYI LAS LA YANG DE BZHIN NO, ,DE BZHIN GSHEGS PA NI LAS GSUM CHAR YANG YE SHES SNGON DU 'GRO ZHING YE SHES KYI RJES SU 'BRANG BA NYID KYIS LUNG DU MA BSTAN PA MI MNGA'O, ,DE LA YE SHES KYIS KUN NAS BSLANG BA YIN PA'I PHYIR YE SHES SNGON DU 'GRO BA YIN NO, ,YE SHES DANG LHAN CIG SPYOD PA'I PHYIR YE SHES KYI RJES SU 'BRANG BA YIN NO, ,GZHAN YANG DGRA BCOM PA NI DUS GSUM GYI DNGOS PO 'BAD PA MED PAR SHES PAR MI 'GYUR TE, GANG GIS 'DI DAG LA CHAGS PA DANG, THOGS PA'I YE SHES MTHONG BAR 'GYUR BA YIN GYI GANG GIS 'DI DAG LA CHAGS PA DANG, CHAGS PA MED PA'I YE SHES KYI MTHONG BA 'JUG PA NI MA YIN NO, ,DE BZHIN GSHEGS PA NI 'BAD PA MED PAR YANG DUS GSUM GYI SHES BYA'I DNGOS PO THAMS CAD THUGS SU CHUD PA YIN NO, ,DE BAS NA BCO BRGYAD PO DE DAG LA SANGS RGYAS KYI CHOS MA 'DRES PA ZHES BSHAD DO, ,MED PA'I RNAM PA NI GANG DE BZHIN NYID NI RNAM PA YIN TE ZHES BSTAN PA YIN NO, ,SANGS RGYAS THAMS CAD KYIS GSUNGS PA DE BZHIN NYID DU NYE BAR BZUNG BA'I PHYIR RO ZHES BYA BA YIN NO, ,GZHAN GYI RKYEN GYIS MI 'GRO BA'I RNAM PA NI RANG BYUNG GI RNAM PA'O ZHES BSTAN PA YIN NO, ,CHOS THAMS CAD LA DBANG SGYUR BA DMIGS SU MED PA NYE BAR BZUNG @94A *, ,BA'I PHYIR RO ZHES BYA BA YIN NO, ,SANGS RGYAS NYID KYI RNAM PA NI BCOM LDAN 'DAS SHES RAB KYI PHA ROL TU PHYIN PA 'DI NI, 'DI LTA STE, SANGS RGYAS KYI PHA ROL TU PHYIN PA'O, ,RAB 'BYOR CHOS THAMS CAD KYI RNAM PA MNGON BAR BYANG CHUB PA NYE BAR BZUNG BA'I PHYIR RO ZHES BYA BA YIN NO, ,DE DAG DE LTAR BYAS NA JI LTAR STOBS LA SOGS PA'I RNAM PA RNAMS KYI RAB TU DBYE BA DANG RANG BZHIN GANG YIN PA DE RNAMS NI DE BZHIN NYID DANG, GANG GIS CHOS THAMS CAD LA DBANG SGYUR BA'I RANG BYUNG DANG, GANG GI CHED DU CHOS THAMS CAD MNGON PAR RDZOGS PAR SANGS RGYAS PA ZHES BYA BA RNAMS GO RIMS BZHIN DU BCU DANG, BZHI DANG, BZHI DANG, BCO BRGYAD DANG, GCIG DANG, GCIG DANG, GCIG STE, RNAM PA THAMS CAD MKHYEN PA NYID KYI LAM GYI RTEN CAN GYI RNAM PA NI BZHI BCUR GCIG GIS MA TSANG BAR 'GYUR RO, ,DE DAG BSDUS NA RNAM PA BRGYA BDUN CU RTZA GNYIS SU 'GYUR RO, ,RNAM PA ZHES BYA BA'I CHOS 'DI DAG GANG LA BYA ZHE NA, DANG PO RTZOM PA NYID KYI TSE, ,DMIGS PA'I KHYAD PAR 'DZIN PA LA, ,RNAM PA ZHES NI BYA BAR BRJOD, ,CES BSTAN PA YIN NO, ,DE'I MTSAN NYID BSTAN PA LA MA YIN NAM, ,DMIGS PAR BZHAG PAS YANG DMIGS PA STE, 'JIG RTEN PA'I DGE BA'I CHOS THAMS CAD DANG, DGE BA LA SOGS PA YIN PAR BSTAN PA'I PHYIR 'DIR DNGOS PO MED PAR RNAM PAR THAR PA'I GNYEN PO'I PHYOGS SU MI 'GYUR RO, ,DE LA THAMS CAD SHES PA NYID KYI RNAM PA NI NYAN THOS DANG, BYANG CHUB SEMS DPA'I RNAM PAR DBYE BAS ZAG PA MED PA DANG, ZAG PA DANG BCAS PA YIN NO, ,LAM SHES PA NYID KYI RNAM PA NI BYANG CHUB SEMS DPA' RNAMS KYIS NYON MONGS PA SHIN TU MA SPANGS PA'I PHYIR RNAM GRANGS KYI ZAG PA DANG BCAS PA DE KHO NA YIN NO, ,RNAM PA THAMS CAD MKHYEN PA NYID KYI RNAM PA NI CHOS THAMS CAD KYI RNAM PA THUGS SU CHUD PAS SANGS RGYAS PA'I PHYIR ZAG PA MED PA KHO NA YIN NO, ,GANG DRI MA MED PA'I RNAM PA BCU DRUG LAS GZHAN MED DO ZHES BSTAN PA NI, NYON MONGS PA'I SGRIB PA TZAM GYI GNYEN PO'I PHYOGS LA DGONGS PA YIN GYI DE DANG 'DI LA 'GAL BA MED DO, ,RNAM PA'I RNAM PAR @94B 'GREL PA'O,, ,,RNAM PA RNAMS BSTAN NAS; DA NI SBYOR BA'I RNAM PA BRJOD PAR BYA STE, DE LA RE ZHIG SBYOR BA'I RTEN SBYOR BA PO YIN PAS DE BRJOD PAR BYA BA YIN PAS BRJOD PAR BYA'O, ,DE LA SBYOR BA PO RNAM PA BZHI STE, GANG ZHE NA, SANGS RGYAS RNAMS LA BKUR STI BYAS, , DE LA DGE BA'I RTZA BA BSKRUN, ,DGE BA'I BSHES KYIS MGON BCAS PA, ,'DI NYAN PA YI SNOD YIN NO, ,ZHES BSTAN PA YIN NO, ,DE LTAR YANG RNAM PA THAMS CAD MNGON PAR BYANG CHUB PA'I SBYOR BA'I RTEN GYI DBANG DU BYAS NAS SNGON GYI RGYAL BA RNAMS LA LHAG PAR BYA BA BYAS PA, ,'DAS PAS BSTAN PA'I GSUNG RAB DANG, DE BZHIN GSHEGS PA LAS SNGON DGE BA'I RTZA BA BSKYED PA DANG, DGE BA'I BSHES GNYEN GYIS YONGS SU BZUNG BA NI SHES RAB KYI PHA ROL TU PHYIN PA NYAN PA'I SNOD YIN NO ZHES BSTAN PA YIN NO, ,'DI NYAN PA'I SBYOR PA'I RTEN NI RNAM PA GSUM YIN NO, , YANG 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, TSUL BZHIN DU YID LA BYED PA DANG, DE LA RJES SU MI SKRAG PA LA SOGS PA'I SBYOR BA'I RTEN GYI DBANG DU MDZAD NAS, SANGS RGYAS BSTEN DANG KUN 'DRI DANG, ,SBYIN DANG TSUL KHRIMS SOGS SPYOD PA, ,LEN DANG 'DZIN LA SOGS PA YI, ,SNOD DU DAM PA RNAMS BZHED DO, ,ZHES BSTAN PA YIN NO, ,GANG SANGS RGYAS MANG PO LA BSNYEN BKUR BYAS PA DANG, YONGS SU ZHU BA BYAS PA DANG, PHA ROL TU PHYIN PA DRUG GI SPYOD PA DANG LDAN PA 'DI 'DZIN PAR BYED PA'I SNOD YIN PAR BSTAN PA YIN NO, , GANG GI PHYIR JI SKAD DU BSTAN PA'I RGYU MED PA NI DE LA MI MOS PA DANG, MCHOG TU SPONG BAR BYED DO ZHES BSTAN PA YIN NO, ,JI SKAD DU BSTAN PA LAS BZLOG PA NI MI MOS PA DANG, SPONG BAR BYED PA'I RGYU YIN TE, MOS PA MED PA'I RGYUS SHES RAB KYI PHA ROL TU PHYIN PA ZAB MO DE SPONG BA'I RGYU NI GZHAN MA YIN TE, SEMS CAN RNAMS KYI RANG BZHIN ZHES BYA BA YIN TE, BTZUN PA SHA RA DVA TI'I BU SHES RAB KYI PHA ROL TU PHYIN PA 'DI NI SHIN TU ZAB PA'I PHYIR RO ZHES GSUNGS PA YIN NO, ,DE ZAB PA NI MOS PA MED PA TZAM GYI RGYU YIN PA'I PHYIR DE SPONG BA'I SEMS CAN GYI NYES PA'I RGYU @95A *, ,NYID YIN PAR SHES PAR BYA BA'I PHYIR RO, ,DE CI'I PHYIR ZHE NA, LAM GYI RNAM PA SHES PA NYID LA GNAS PAR 'DOD PA DANG, RNAM PA THAMS CAD MKHYEN PA NYID BSKYED PAR 'DOD PAS RNAM PA THAMS CAD DU DE LA BRTZON PAR BYA'O ZHES BSTAN PA NA SBYOR BA BSTAN PA'I NYE BAR 'GOD PA'I DON YIN NO, ,RNAM PA THAMS CAD MKHYEN PA NYID DANG, SHES RAB KYI PHA ROL TU PHYIN PA NI PHAN TSUN DE LAS 'KHRUNGS PA DANG, DE'I MTHUS GSAL BA NYID YIN NO, ,JI LTA BU'I DON GYIS YIN ZHE NA, SHES RAB KYI PHA ROL TU PHYIN PA LAS RNAM PA THAMS CAD MKHYEN PA NYID 'KHRUNGS PA NI MNGON PAR BSKRUN PA YIN NO, ,RNAM PA THAMS CAD MKHYEN PA NYID KYI MTHUS SHES RAB KYI PHA ROL TU PHYIN PA DE YANG GSAL BAR RTOGS PA LA SOGS PAR 'GYUR BA'I PHYIR DE BAS NA RIM PA JI LTA BA BZHIN DU RANG LAS 'KHRUNGS PA DANG, MTHUS GSAL BAR SMOS PA YIN NO, ,BSTAN PA'I SNOD KYI NYES PA SPANG PA'I PHYIR, LEGS PAR NYON LA YID LA LEGS PAR ZUNG SHIG CES GSUNGS TE, SNOD KHA SPUB DANG, MI GTZANG PA DANG, RDOL BA RNAMS NYAN PA'I SNOD NGAN PA SPANGS PA BSTAN PA'I SNOD YIN PAR BSTAN TO, ,DES NI BSTAN PA'I SNOD KYI NYES PA GSUM SPANGS PA YIN NO, , SHES RAB 'CHAL PA NI LEGS PAR ZHES GSUNGS PAS SO, ,RNAM PAR G-YENG BA'I NYES PA NI NYON CIG CES GSUNGS PAS SO, ,'DUN PA DMAN PA'I NYES PA NI YID LA LEGS PAR ZUNG SHIG CES GSUNGS PAS SO, ,SBYOR BA'I RTEN BSTAN NAS SBYOR BA RNAMS BRJOD PAR BYA'O, ,DE NI RNAM PA NYI SHUR BLTA BAR BYA STE, GZUGS LA SOGS LA MI GNAS PHYIR, ,DE LA GNAS PA BKAG PA'I PHYIR, ,DE YI DE BZHIN NYID ZAB PHYIR, ,DE RNAMS GTING DPAG DKA' BA'I PHYIR, ,DE DAG TSAD NI MED PHYIR DANG, ,TSEGS CHEN YUN RING RTOG PHYIR DANG, ,LUNG BSTAN PHYIR MI LDOG PHYIR DANG, ,NGES 'BYUNG BAR CHAD MED NYID DANG, ,BYANG CHUB NYE DANG MYUR BA DANG, ,GZHAN DON 'PHEL MED 'GRIB MED DANG, ,CHOS DANG CHOS MIN SOGS MING MTHONG, ,GZUGS SOGS BSAM MI KHYAB MI MTHONG, ,GZUGS SOGS DE YI MTSAN MA DANG, ,DE YI NGO BOR RNAM MI @95B RTOG; ,'BRAS BU RIN CHEN SBYIN BYED DANG, ,DE NI DAG PA MTSAMS DANG BCAS, ,ZHES BSTAN PA YIN NO, ,DE LA GZUGS LA SOGS PA MI DMIGS PA'I SBYOR BA NI GANG GZUGS ZHES BYA BA NAS DE GZUGS LA BRTZON PAR MI BYED DO ZHES BYA BA NAS BRTZAMS TE, MA 'DRES PA'I BAR LA GNAS PA BKAG PA DE LA BRTZON PAR BYED PA RJES SU GNANG BA YIN NO, ,DE CI'I PHYIR ZHE NA, GZUGS LA SOGS PA MI DMIGS PA'I PHYIR RO ZHES BSTAN PA YIN NO, ,SBYOR BA DANG RAB TU SBYOR BA NI GANG GZUGS LA MI SBYOR, ,GZUGS LA SBYOR BAR MI BYED DO, ,DE BZHIN DU GZUGS LA BRTZON PAR MI BYED DO ZHES BYA BA NAS, RNAM PA THAMS CAD MKHYEN PA NYID KYI BAR DU SBYOR BA YIN TE, RJES SU GNANG BA YIN ZHES BSTAN PA YIN NO, ,DE CI'I PHYIR ZHE NA, GANG GZUGS LA SOGS PA SNGON DANG, PHYI MA DANG, DBUS SU MI DMIGS SO ZHES BSTAN TO, ,ZAB PA'I SBYOR BA NI GANG GZUGS LA SOGS PA'I DE BZHIN NYID ZAB PA'I PHYIR RAB TU GNAS PA MI DMIGS PA'I DON GYIS THAMS CAD SHES PA'I DBANG DU MDZAD NAS, SHES RAB KYI PHA ROL TU PHYIN PA ZAB PAR BSTAN PA YIN NO, ,GZUGS LA SOGS PA'I GTING DPAG DKA' BA NI GANG GZUGS LA SOGS PA GTING DPAG DKA' PA'I PHYIR RANG BZHIN GYI DRI MA MED PA'I DON GYIS LAM SHES PA'I DBANG DU MDZAD NAS, DE DAG GIS GTING DPAG DKA' BA NYID DU BSTAN PA YIN NO, ,TSAD MED PA'I SBYOR BA NI GANG GZUGS LA SOGS PA TSAD MED PA'I PHYIR MTHA' MI DMIGS PA NYID KYIS RNAM PA THAMS CAD MKHYEN PA'I DBANG DU MDZAD NAS, DE'I TSAD MED PA'I PHYIR RO ZHES BSTAN PA YIN NO, ,SBYOR BA RNAM PA GSUM PO DE DAG NYID KYIS BSHAD PA'I RNAM GRANGS GZHAN BSTAN PA NI GANG ZAB MO MNGON BAR BYANG CHUB PA DANG, THUN MONG MA YIN PAR MNGON PAR BYANG CHUB PA DANG, BLA NA MED PAR BYANG CHUB PA'I DBANG DU MDZAD NAS, RNAM PA GSUM DU GSUNGS SO ZHES BSTAN PA YIN NO, ,DE YANG RNAM PA GSUM STE, SBYOR BA CHUNG NGU DANG, 'BRING DANG, CHEN PO GO RIMS JI LTA BA BZHIN DU RIG PAR BYA STE, GANG YANG GAL TE GZUGS ZAB CES BYA BA DANG, @96A *, ,GZUGS GTING DPAG DKA' ZHES BYA BA DANG, GZUGS TSAD MED DO ZHES BYA BAR MI SBYOR NA SHES RAB KYI PHA ROL TU PHYIN PA LA SPYOD DO ZHES BYA BA NAS BRTZAMS TE, MA 'DRES PA'I BAR DU DBYE BA RNAM PA GSUM LA DPYOD PA BKAG PA'I PHYIR DE LTAR SPYOD PA NI RJES SU GNANG BA MA YIN NO, ,DE CI'I PHYIR ZHE NA, GANG GZUGS ZAB CES BYA BA DANG, GTING DPAG DKA' BA DANG, TSAD MED PA GANG YIN PA DE NI GZUGS MA YIN ZHES BYA BA NAS MA 'DRES PA'I BAR DU'O, ,GZUGS LA SOGS PA'I RNAM PA'I BDAG NYID CAN MA YIN PA'I PHYIR RO ZHES BSTAN PA YIN NO, ,LAS DANG PO PA SPANGS NAS TSEGS CHEN POS YUN RING PO NAS MNGON PAR BYANG CHUB PA LA SPYOD PA YIN TE, LAS DANG PO PA RNAMS ZAB MOS SKRAG STE, DANG PO SKRAG PA SKYE BA'I PHYIR RO, ,GTING DPAG DKA' BA NYID KYIS NA SPANG BAR 'GYUR TE, MI DGE BA'I BAG CHAGS KYIS BSGOS PA'I PHYIR RO, ,TSAD MED PA NYID KYIS NA KUN DU SKRAG PA SKYE BAS SHES RAB KYI PHA ROL TU PHYIN PA'I SPYOD MA YIN PA THOB PAS GSUM GYI RGYUS LAS DANG PO PA'I MDUN DU MA YIN GYI PHYIR MI LDOG PA'I MDUN DU BRJOD PAR RJES SU GNANG BA YIN NO, ,DE CI'I PHYIR ZHE NA, LAS DANG PO PA RNAMS SKRAG PA LA SOGS PA'I RKYEN GYIS NGAN SONG DU 'GRO BA'I LAS BSAGS PAS TSEGS CHEN POS YUN RING PO NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I PHYIR RO ZHES BSTAN PA YIN NO, ,LUNG BSTAN PA THOB PA'I SBYOR BA NI GANG 'DOD CING MI 'JIGS PA DANG, RMI LAM GYI NANG DU YANG PHA ROL TU PHYIN PA DRUG YID LA BYED PA NI LUNG BSTAN PA NYE BA YIN TE, DE BZHIN GSHEGS PA GCIG GAM GNYIS LAS MI 'DA' BAR LUNG BSTAN PA THOB PAR 'GYUR RO, ,PHYIR MI LDOG PA'I SBYOR BA NI GANG RMI LAM GYI NANG DU 'THAD PA'I RIGS PAS 'DZIN PA LA SOGS PA BYED PA DAG NI PHYIR MI LDOG PAR RIG PAR BGYI BA DAG GO ZHES BSTAN PA YIN NO, ,NGES PAR 'BYUNG BA'I SBYOR BA NI GANG SKYES BU 'BROG DGON PA DPAG TSAD BRGYA PA ZHIG NAS 'BYUNG BA'I DPES BAR CHAD BYED PA'I CHOS LAS 'DAS PAR DON GYIS YANG DAG PAR BSTAN TO ZHES BSTAN @96B PA YIN NO, ,BAR CHAD MED PA'I SBYOR BA NI GANG SKYES BU RGYA MTSO CHEN PO'I DPES NYE BAR BSTAN PA NA LDUM BU LA SOGS PA'I MTSAN MA MTHONG BAR BSTAN PA'I DON ZHES BSTAN PA YIN NO, ,RDZOGS PA'I BYANG CHUB LA NYE BAR SBYOR BA NI GANG SHING GI LO MA DANG, 'DAB MA LHAGS PA'I DPES ZAG PA MED PA'I CHOS GSAR GYI RTEN CAN CIG LA GNAS PAR DON GYIS BSTAN PA YIN TE ZHES BSTAN TO, ,MYUR DU MNGON PAR RDZOGS PAR BYANG CHUB PA'I SBYOR BA NI GANG BUD MED SBRUM MA BTZAR NYE BA'I DPES RTEN GYI SGRUB PA'I CHOS NI 'BRAS BU'I CHOS KYI SKU MYUR DU MNGON BAR GRUB PAR DON GYIS BSTAN PA YIN TE ZHES BSTAN PA YIN NO, ,DE BZHIN DU GNAS BRTAN SH'A RI'I BU'I SPOBS PAS GSAL BAR DPE BZHIS BYAS TE, NGES PAR 'BYUNG BA'I SBYOR BA NAS BRTZAMS TE, MYUR DU MNGON PAR BYANG CHUB PA'I BAR GYI RNAM PA THAMS CAD MNGON PAR BYANG CHUB PA'I DBANG DU MDZAD NAS RIM PA JI LTA BA BZHIN DU NGES PAR 'BYUNG BAR 'GYUR RO, ,BAR CHAD MED PAR 'GYUR RO, ,NYE BAR 'GYUR RO, ,MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES RAB TU BSTAN PA YIN NO, ,GZHAN GYI DON GYI SBYOR BA NI GANG RAB 'BYOR 'DI LTAR BYANG CHUB SEMS DPA' SEMS DPA' CHEN PO DE DAG NI SKYE BO MANG PO LA PHAN PA DANG, SKYE BO MANG PO LA BDE BA DANG ZHES BYA BA NAS BRTZAMS TE, BDAG NYID KYANG CHOS KYI 'KHOR LO BSKOR LA, GZHAN DAG KYANG CHOS KYI 'KHOR LO BSKOR BA LA YANG DAG PAR BSKUL LO ZHES BYA BA'I BAR DU GSUNGS SO ZHES BSTAN PA YIN NO, ,DE RNAMS NI GNYI GA'I DON BYED PA NYID KYIS NA DE BZHIN GSHEGS PA'I BSGRUB PA LA SHIN TU GTOD PA NYID YIN TE, 'PHEL BA DANG, 'GRIB PA MED PA'I SBYOR BA NI GANG SHES RAB KYI PHA ROL TU PHYIN PA'I BSGOM PA YONGS SU RDZOGS PAR 'GYUR BA LAGS ZHES BYA BA NAS BRTZAMS TE, GZUGS NAS RNAM PA THAMS CAD MKHYEN PA NYID KYI BAR DU 'PHEL BA DANG, 'GRIB PA MTHONG BA BKAG PAS DE BSGOM PA YONGS SU RDZOGS PAR 'GYUR BAR RJES SU GNANG BA YIN NO ZHES BSTAN PA YIN NO, ,CHOS DANG CHOS MA YIN PA MI DMIGS PA'I SBYOR BA NI GANG YANG CHOS DANG, @97A *, ,CHOS MA YIN PA DANG, 'DAS PA DANG, MA 'ONGS PA DANG, DA LTAR BYUNG BA DANG, DGE BA DANG, MI DGE BA DANG, 'DUS BYAS DANG, 'DUS MA BYAS DANG, 'DOD PA LA SOGS PA'I KHAMS RNAMS DANG, PHA ROL TU PHYIN PA RNAMS NAS RNAM PA THAMS CAD MKHYEN PA NYID KYI BAR DU BKAG PA SNGA MA BZHIN NO, ,DE BSGOM PA YONGS SU RDZOGS PA NI GNANG BA MA YIN NO, ,DE CI'I PHYIR ZHE NA, CHOS RNAMS KYI MTSAN NYID NI PHYIR LDOG PA MED PA DE'I PHYIR RO, ,PHYIN CI LOG GI MTSAN NYID ZLOG PAR BYED KYI RANG BZHIN GYI MTSAN NYID NI MA YIN NO ZHES BSTAN PA YIN NO, ,BSAM GYIS MI KHYAB PA'I RNAM PA'I 'DU SHES 'GOG PA'I SBYOR BA NI GANG GZUGS NAS RNAM PA THAMS CAD MKHYEN PA NYID KYI MTHAR THUG PA'I BAR DU BSAM GYIS MI KHYAB PA'I RNAM PA'I 'DU SHES PA BKAG PAS DE BSGOM PA YONGS SU RDZOGS PAR GNANG BA YIN NO ZHES BSTAN PA YIN NO, ,RNAM PAR MI RTOG PA'I SBYOR BA NI GANG GZUGS DANG, DE'I MTSAN MA DANG, RANG BZHIN DU RNAM PAR MI RTOG PA NAS RNAM PA THAMS CAD MKHYEN PA NYID KYI BAR DU DE'I MTSAN MA DANG, DE'I RANG BZHIN DU RNAM PAR MI RTOG PAS NA RNAM PAR MI RTOG PA'O, ,DE CI'I PHYIR ZHE NA, GZUGS LA SOGS PA BSAM GYIS MI KHYAB PA'I PHYIR RNAM PAR MI RTOG PA'I RJES SU 'THAD PA YIN NO ZHES BSTAN PA YIN NO, ,'BRAS BU RIN PO CHE SBYIN PA'I SBYOR BA NI GANG RGYUN DU ZHUGS PA LA SOGS PA NAS BLA NA MED PA YANG DAG PAR RDZOGS PA'I BYANG CHUB KYI BAR GYI RIN PO CHE STER BA YIN PA'I PHYIR SHES RAB KYI PHA ROL TU PHYIN PA NI RIN PO CHE'I PHUNG PO STE CHOS RIN PO CHE'I PHUNG PO RNAMS BSGRUB PA'O ZHES BSTAN PA YIN NO, ,RNAM PAR DAG PA'I SBYOR BA NI GANG GZUGS LA SOGS PA RNAM PAR DAG PA'I SLAD DU SHES RAB KYI PHA ROL TU PHYIN PA NI DAG PA'I PHUNG PO'I ZHES BSTAN PA YIN NO, ,SA MTSAMS KYI SBYOR BA NI GANG RIN PO CHE DANG 'DRA BAR BAR CHAD MANG BA NYID KYI PHYIR LO'I BAR GYI BRI BA LA SOGS PA LA MNGON BAR BRTZON PA GTANG BAR MI BYA ZHES BYA BAR BSTAN PA YIN NO, ,LO SMOS PA DE TZAM GYI DUS TSIGS LA SOGS PAS RKYEN TSOGS PA'I PHYIR RO, ,SPAG NYA PAL KA'I GZHUNG DANG @97B MTHUN PAR LO'I BAR DU SPYOD DO, ,LO 'DAS NAS 'DOD PA MED DO ZHES BYA BA DANG, DE BZHIN GANG GIS LO SKOR DU MTHONG BA DES ZHES BYA BA LA SOGS PA SMRAS PA YIN NO, ,SBYOR BA NYI SHU PO DE DAG GI GO RIMS 'DI NI RIGS PA'I TSUL NYID YIN TE, CHOS THAMS CAD LA MNGON BAR ZHEN PA MED PAR GNAS PA DANG, DE LA MI SBYOR BA DE DAG NI ZAB PA DANG, GTING DPAG DKA' BA DANG, TSAD MED PAR RTOGS PAR 'GYUR RO, ,SBYOR BA MA YIN PA BYED PA NYID KYIS NI LAS DANG PO PA NI TSEGS CHEN POS 'THOB BO, ,DE LAS GZHAN PA NI BDE BLAG TU LUNG BSTAN PA DANG, PHYIR MI LDOG PA'I SA THOB NAS NGES PAR 'BYUNG BA DANG, BAR CHAD MED PAR 'GYUR BA DANG, MNGON PAR RDZOGS PAR BYANG CHUB PA NYE BAR 'GYUR BA DANG, MYUR DU MNGON PAR RDZOGS PAR BYANG CHUB PAR 'GYUR RO, ,DES NI GZHAN GYI DON BYED CING 'PHEL BA MED PA DANG, 'GRIB PA MED PA DANG, CHOS SAM CHOS MA YIN PA LA SOGS PA'I 'DU SHES THAMS CAD DANG BRAL BAS RNAM PAR MI RTOG PA DANG, 'BRAS BUR RIN PO CHE 'BYIN PAS MCHOG TU RNAM PAR DAG PA'I MTHAR THUG PA THOB PA STE, SNGA MA BZHIN DU LO'I PAR DU BRTZON PAS SEMS CAN GYI RGYUD YONGS SU SBYANG BA YIN NO, ,DE DAG DE LTAR BYAS NAS SNGON GYI RGYAL BA LA BYA BA BYAS PA'I DBANG DU MDZAD NAS DE BZHIN GSHEGS PA RNAMS LA DGE BA'I RTZA BA BSKRUN PA DANG ZHES BYA BA NAS BRTZAMS TE, GAL TE ZHES BYA BA'I BAR DU LO SKOR GYIS BRIS PA ZHES BYA BA'I GZHUNG GANG YIN PA DES NI SBYOR BA'I RTEN RNAM PA BZHI DANG, SBYOR BA GANG YIN PA RNAM PA NYI SHUR 'GYUR RO ZHES DES BSHAD DO, ,SBYOR BA'I RNAM PAR 'GREL PA'O,, ,,SBYOR BA BRTAN NAS DE'I PHAN YON BRJOD PAR BYA STE, BDUD KYI MTHU BCOM PA LA SOGS, ,YON TAN RNAM PA BCU BZHI'O, ,ZHES BSTAN PA YIN NO, ,DE LA BDUD BCOM PA'I YON TAN NI GANG BDUD BAR CHAD BYED PA BRTZON PAR ZHUGS SU ZIN YANG PHYOGS BCU'I 'JIG RTEN GYI KHAMS KYI SANGS RGYAS KYIS DGONGS SHING YONGS SU BZUNG BA'I MTHUS BCOM PA'I RGYU YIN NO, ,DE CI'I PHYIR ZHE NA, SH'A RI'I BU CHOS NYID KYIS DGONGS PAR MDZAD PA DE NI RIG PA YIN NO, ,ZHES BSTAN @98A *, ,TO; SANGS RGYAS KYIS DGONGS SHING MKHYEN PA'I YON TAN NI GANG RIG PAR BYA'O ZHES BYA BA NAS CHOS SMRA BA DE LA SANGS RGYAS KYI DGONGS PAR SHES PAS LHAG PAR MOS PA BRTAN PO SKYE ZHING SPRO BAR 'GYUR TE, CHE GE MO LA BDUD KYIS BAR BCAD PA'I GO SKABS KYIS GLAGS RNYED BAR MI 'GYUR BAR SHES PAR BYED PA'I CHED DU'O ZHES BSTAN PA YIN NO, ,SANGS RGYAS KYIS MNGON SUM DU MDZAD PA'I YON TAN NI GANG YE SHES KYIS MKHYEN CING DE LA SPYAN GYIS GZIGS PAR MDZAD DO ZHES BSTAN PA YIN NO, ,DON RJES SU DPAG PA DANG, LOG PA'I SHES PA BSAL BA'I CHED DU GNYIS KA SMOS PAR MDZAD DO, ,YANG DAG PAR RDZOGS PA'I BYANG CHUB DANG NYE BA'I YON TAN NI GANG DE DAG THEG PA CHEN PO DANG LDAN PAS BLA NA MED PA YANG DAG PAR RDZOGS PA'I BYANG CHUB DANG NYE BAR 'GYUR BAR RIG PAR BYA'O ZHES BSTAN PA YIN NO, ,DON CHEN PO NYID LA SOGS PA'I YON TAN NI GANG YI GER BRIS NAS GLEGS BAM BCANGS PA TZAM GYI DON CHEN PO DANG, PHAN YON CHEN PO DANG, 'BRAS BU CHEN PO DANG, RNAM PAR SMIN PA CHEN POR 'GYUR RO ZHES BSTAN PA YIN NO, ,DE LA SANGS RGYAS DANG MI 'BRAL BA NYID DANG, BDE 'GROR GZHOL BA NYID DANG, YANG DAG BAR RDZOGS PA'I BYANG CHUB TU 'TSANG RGYA BA NYID DANG, MYA NGAN LAS 'DAS PA'I RJES LA YANG GZHAN GYI DON LA 'JUG PA'I DBANG DU MDZAD NAS GO RIMS BZHIN DU TSIG BZHI BSHAD PA YIN NO, ,YUN RING PO NAS SMIN PAS RNAM PAR SMIN PA YIN PAR BLTA BAR BYA'O, ,YUL DPYAD PA'I YON TAN NI GANG LHO PHYOGS KYI RGYUD NAS BAR TA NI DANG, BYANG PHYOGS KYI RGYUD DU SPYOD PAR 'GYUR RO ZHES BYA BA LA SOGS PA GSUNGS TE, YUL LA SOGS PA DPYAD PAS CHOS SMRA BA LA SANGS RGYAS RNAMS DGONGS PAR 'GYUR BA LA SO MI NYA ZA BA BSAL BA'I PHYIR RO, ,PHYI MA'I DUS ZHES BYA BA NI MA 'ONGS PA STE; PHYI MA'I DUS NA RKYEN TSOGS PA'I PHYIR RO, ,ZAG PA MED PA'I CHOS THAMS CAD YONGS SU RDZOGS PA'I YON TAN NI GANG SKRAG PA LA SOGS PAR MI 'GYUR BA DANG, PHA ROL TU PHYIN PA DRUG LA SOGS PA DKAR PO'I CHOS THAMS CAD YONGS SU RDZOGS PA NYID DU BSTAN PA YIN NO, ,SMRA BA'I @98B SKYES BU'I YON TAN NI GANG YANG BA DANG, SANGS RGYAS THAMS CAD KYIS KYANG RIGS KYI BU DANG, RIGS KYI BU MO DE RNAMS LA RNAM PA THAMS CAD MKHYEN PA NYID DANG LDAN PA'I GTAM BRJOD DO ZHES BSTAN PA YIN NO, ,MI PHYED PA'I YON TAN NI YANG BRTAN PAR 'GYUR PA'I PHYIR RO, ,BDUD DANG BDUD KYI RIGS KYI LHA RNAMS KYIS KYANG BYANG CHUB LAS BZLOG PAR MI NUS PAR BSTAN PA YIN NO, ,DGE BA THUN MONG MA YIN PA'I YON TAN SKYE BA'I YON TAN NI GANG YANG DGA' BA DANG, DANG BA DANG, MGU BA RGYA CHEN PO SKYE BAR 'GYUR ZHING SKYE BO MANG PO YANG DGE BA'I CHOS LA 'GOD PAR 'GYUR BA'I PHYIR RO ZHES BSTAN PA YIN NO, ,DE YANG DGA' BA NI 'JIG RTEN LAS 'DAS PA'I CHOS TSOL BA'O, ,DANG BA NI SANGS RGYAS DANG, CHOS DANG, DGE 'DUN LA BRTEN PA YIN NO, ,MGU BA NI DGE BA LA SEMS RANGS PA GANG YIN PA'O, ,DAM BCAS PA'I YON TAN NI JI LTA BA BZHIN DU BSGRUB PA'I YON TAN NI GANG SANGS RGYAS THAMS CAD KYI SPYAN SNGAR BDAG GIS SROG CHAGS BRGYA STONG PHRAG MANG PO BYANG CHUB LA RAB TU DGOD PAR BGYI'O ZHES SANGS RGYAS RNAMS RJES SU DGYES PA'I TSIG SMRAS PA GANG YIN PA DE NI DAM BCAS PA JI LTA BA BZHIN DU RDZOGS PAR BYED PA'I SHES PAR BYED PA BSTAN PA YIN NO, ,'BRAS BU RGYA CHEN PO 'DZIN PA'I YON TAN NI GANG DE DAG MOS PA RGYA CHE BA NYID KYI LAS DANG, RNAM PAR SMIN PA YONGS SU 'DZIN PAR 'GYUR BA BSTAN PA YIN NO, ,SEMS CAN GYI DON BSGRUB PA'I YON TAN NI GANG DES 'BRAS BU PHYI DANG, NANG GI SEMS CAN DE DAG NYID LA YONGS SU GTONG BA DANG, SANGS RGYAS MNGON SUM DU 'GYUR ZHING, GZHAN DANG GZHAN DU BRTEN PAR 'GYUR BAS SEMS CAN GYI DON GONG NAS GONG DU BSGRUB CING NYAMS SU LEN PAR BSTAN PA YIN NO, ,SHES RAB KYI PHA ROL TU PHYIN PA MA RNYED PA DANG, MA TSANG BA RNYED PA LAS GO BZLOG PAS TSANG BA RNYED PA'I YON TAN NI GANG 'DI DAG TSOL BA DANG, YONGS SU TSOL BA'I TSE LA LAS NI THOB PAR 'GYUR BA DANG, THOB PAR MI 'GYUR BA DANG, NGES PAR 'BYUNG BA'I MA TSANG BA THOB PAS BRTZON 'GRUS MI GTONG BA DE DAG NI SKYE BA RJES SU ZIN KYANG SH'A RI'I BU DE @99A *, ,DAG 'GRUB PAR 'GYUR RO ZHES BSTAN PA YIN NO, ,DE CHOS NYID KYI RIGS PA YIN TE, NGES PAR THOB PAR 'GYUR BAS BLA NA MED PA YANG DAG PAR RDZOGS PA'I BYANG CHUB KYI BAR DU THOB PAR 'GYUR RO ZHES BSTAN PA YIN NO, ,PHAN YON GYI RNAM PAR 'GREL PA'O,, ,, PHAN YON BSHAD NAS DE'I BAR CHAD BRJOD PAR BYA'O, ,SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,ZHES BYA BA SMOS TE, BZHI BCU RTZA DRUG CES BYA BA'I DON TO, ,DE DAG KYANG TSEGS CHEN POS THOB PA NI GANG PHA ROL TU PHYIN PA DKA' BAR YONGS SU RDZOGS PAR BYED PA NI DES SHIN TU PHYIS TE SPOBS PA SKYE BAR 'GYUR RO ZHES BYA BA BSTAN PA YIN NO, ,SPOBS PA MYUR ZHES PA NI GANG DANG PO PHA ROL TU PHYIN PA LA SPYOD PA'I GNAS SU HA CANG MYUR BAR SPOBS PA SKYE BA NA'ANG BDUD KYI LAS SU RIG PAR BYA'O ZHES BSTAN PA YIN NO, ,LUS KYI GNAS NGAN LEN DU 'GYUR BA RNAM PA GSUM NI GANG YANG GLAL BA DANG, DGOD PA DANG, PHAN TSUN STE GA CING 'DRI NA LUS KYI RNAM PAR 'GYUR BA'I BAR CHAD YIN PAR BSTAN PA NYID YIN PAR BSTAN TO, ,STEG PA NI RANG GI YO BYAD KYIS GZHAN GYI YAN LAG BZHI BKOD PA'O, ,SEMS KYI GNAS NGAN LEN NI GSUM STE, SEMS G-YENG BA DANG, PHAN TSUN YI GE GZHAN LA CHAGS SHING 'DRI ZHING NYAN PA DANG, BDAG GIS 'DI'I GTING MI RNYED DO ZHES BYA BA ZHES SMRA ZHING, SEMS BSKYED NAS LANGS TE 'GRO BA NI SEMS KYI BAR CHAD BYED PA YIN PAR BSTAN PA YIN NO, ,GZHAN LA CHAGS PA NI GANG LOG PAR RTOG CING DMIGS PAS DNGOS PO LA CHAGS PA STE, PHAN TSUN SMRA BA'O ZHES BSTAN PA YIN NO, ,RIGS PA MA YIN PAS BSKYED PA'I KHA TON LA SOGS PA BYED PA NI GANG YANG LUS KYI RNAM PAR 'GYUR BA DE NYID KYIS MGO BO DANG, YANG SEMS KYI RNAM PAR 'GYUR BA DE NYID KYIS 'DZIN PA LA SOGS PA BYED PA NI BAR DU GCOD PA YIN PAR BSTAN PA YIN NO, ,PHYIR PHYOGS PA'I RGYU MTSAN NI GANG YANG 'DIR NI BDAG LUNG MA BSTAN TE, BDAG GI MING YANG MA BRJOD DO ZHES MA DAD PAR GYUR NAS ZHES BSTAN PA YIN NO, ,YUL LA SOGS PAR BRTAG PA MED PA'I @99B RIGS PAS SO, ,RGYU LA MNGON BAR ZHEN PA'I NYAMS PA NI GANG SHING GI RTZA BA SPANGS TE 'DAB MA DANG, YAL GAL 'JU BAR BYED PA'I DPES NI RGYU YONGS SU NYAMS PAR BYED PA'I PHYIR RO, ,DE CI'I PHYIR ZHEN, SHES RAB KYI PHA ROL TU PHYIN PA LAS BYUNG BA NI 'JIG RTEN DANG, 'JIG RTEN LAS 'DAS PA'I CHOS RDZOGS PA 'BYUNG BAR 'GYUR RO ZHES BSTAN PA YIN NO, ,GYA NOM PA'I RO MYANG BA LAS NYAMS PAR GSUNGS PA NI KHYI'I DPES GYA NOM PA JA'I MYANG BA LAS NYAMS BA NI DON GYIS BSTAN PA YIN NO, ,THEG PA'I MCHOG 'DZIN PA LAS NYAMS PA NI GANG GLANG PO 'DOD PAS GLANG PO RNYED NAS GLANG PO'I RJES TSOL BA'I DPES THEG PA MCHOG LAS NYAMS PAR DON GYIS BSTAN PA YIN NO, ,CHED DU BYA BA LAS NYAMS PA NI GANG RGYA MTSO CHEN PO DANG, BA LANG GI RJES SU 'GRAN PAS DPES CHED DU BYA BA LAS NYAMS PAR DON GYIS BSTAN PA YIN NO, ,RGYU DANG 'BRAS BU'I 'BREL PA LAS NYAMS PA NI GANG PHYA MKHAN GYI RNAM PAR RGYAL BA'I GZHAL MED KHANG NYI MA DANG, ZLA BA'I TSAD KYIS GZHAL YAS KHANG BYED BAR 'DOD PA'I DPES RGYU DANG 'BRAS BUR 'JOMS PA LAS GO BZLOG PA STON PAS DE DANG RJES SU MTHUN PAR 'BREL PA LAS NYAMS PAR DON GYIS BSTAN PA YIN NO, ,BLA NA MED PA'I GNAS LAS NYAMS PA NI 'KHOR LOS SGYUR BA'I RGYAL PO DANG, KHAMS KYI RGYAL PHRAN BSKRUN PAR BYED PA'I DPES CHOS KYI SKU'I GO 'PHANG LAS NYAMS PAR DON GYIS YANG BAR DU GCOD PA'I BDUD KYI LAS NYID BSTAN PA YIN NO, ,YUL RNAM PA MANG PO LA RNAM PAR RTOG PA'I SPOBS PA 'BYUNG BA NI GANG CHOS DE DAG NI SHES RAB KYI PHA ROL TU PHYIN PA ZAB MO 'DI LA MED CING MI DMIGS SO ZHES BSTAN PA YIN NO, ,CHOS KYI YUL DE LA SOGS PA MANG PO 'BYUNG BAS YI GE 'DRI BA LA MNGON BAR ZHEN PA DANG, DNGOS PO MED PA LA MNGON PAR ZHEN PA DANG, SHES RAB KYI PHA ROL TU PHYIN PA BRIS PA'I YI GE LA MNGON PAR ZHEN PA DANG, 'DI'I YI GE MED PA LA MNGON PAR ZHEN PA DANG, YUL LA SOGS PA YID LA BYED PA DANG, RNYED PA DANG, BKUR STI DANG, TSIGS SU BCAD PA'I RO MYANG BA DANG, LAM MA YIN PAS THABS LA MKHAS BA ZHES BYA BA STE, @100A *, ,BAR DU GCOD PA BDUN NI CHOS THAMS CAD KYI NGO BO YOD PA MA YIN PAS DNGOS PO MED PAS DNGOS PO MED PA 'DRI BAR MI NUS PA'I PHYIR DNGOS PO MED PA LA MNGON PAR ZHEN PA DANG, BRIS PA'I YI GE LA DE YIN PAR ZHEN PA DANG, BRIS PA'I YI GE LA DE YIN PAR ZHEN PA DANG, RNYED PA DANG, BKUR STI DANG, TSIGS SU BCAD PA'I RO MYONG BAR BYED PA DANG, SHES RAB KYI PHA ROL TU PHYIN PA POR STE, BDUD KYIS NYE BAR BSDUS PA'I MDO SDE RNAMS LAS THABS LA MKHAS PA TSOL BA NI BDUD KYI LAS NYID DU BSTAN PA YIN NO, ,'DUN PA DANG, SNYOM LAS KYI NYAMS PA NI GANG YANG CHOS SMRA BA DANG, NYAN PA DANG, PHAN TSUN DU MNGON PAR 'BREL BA NI GANG GCIG LA GCIG 'DUN PA DANG, SNYOM LAS KYI NYAMS PA NYID DU BSTAN PA YIN NO, ,'DUN PA'I YUL THA DAD PAS NYAMS PA NI GANG YANG DE DAG NYID GCIG LA GCIG 'DUN PA DANG LDAN PA YUL GZHAN DU 'GRO BAR 'DOD PA NYID DU BSTAN PA YIN NO, ,RNYED PA DANG, BKUR STI DANG, 'DOD ZHEN CHUNG BA NYID KYIS NYAMS PA NI GANG YANG DE DAG GCIG LA GCIG RNYED PA LA SOGS PA LHUR LEN PA DANG, CHOS NYAN PA 'DOD PA CHUNG BA LA SOGS PA'I TSUL GYIS BSTAN PA YIN NO, ,DE BZHIN DU SBYANGS PA'I YON TAN DANG LDAN PA DANG, MI LDAN PA DAG DANG, DGE BA DANG, MI DGE BA'I CHOS NYID DANG, GTONG BA LA SER SNA BYED PA DANG, SBYIN PA LA KUN DU 'DZIN PA DANG, MGO SMOS PAS GO BA DANG, RNAM PAR SPROS PAS GO BA NYID DANG, MDO LA SOGS PA'I CHOS MNGON PAR SHES PA DANG, MNGON PAR MI SHES PA NYID DANG, PHA ROL TU PHYIN PA DRUG DANG LDAN PA DANG, MI LDAN PA DANG, THABS DANG, THABS MA YIN PA LA MKHAS PA DANG, GZUNGS THOB PA DANG, MA THOB PA DANG, YI GE 'DRI BAR 'DOD PA DANG, 'DRI BAR MI 'DOD PA DANG, 'DOD PA LA SOGS PA'I 'DUN PA DANG BRAL BA DANG MA BRAL BA NYID CES BYA BA GO RIMS BZHIN DU 'CHAD PA PO DANG, NYAN PA PO DANG, SNGA MA DANG, PHYI MA 'BREL BA DANG, TSOGS PA DANG MI LDAN PA RNAMS PA BCU GCIG NI BAR CHAD BCU GCIG TU BSTAN PA YIN TE, GANG GZHAN YANG DE DAG SBYANGS PA'I YON @100B TAN DANG LDAN PA DANG MI LDAN PA NAS BRTZAMS TE, YANG DE DAG NYID PHAN TSUN 'DOD PA LA SOGS PA'I 'DUN PA DANG BRAL BA NYID KYIS TSOGS PA DANG MI LDAN PA'I PHYIR BDUD KYI LAS SU RIG PAR BYA'O ZHES BYA BA'I BAR BSTAN PA YIN NO, ,NGAN 'GRO LAS PHYIR PHYOGS PA NI GANG GZHAN YANG LA LA ZHIG DER 'ONGS TE, DMYAL BA LA SOGS PA'I MI BSNGAGS PA BRJOD CES BYA BA LA SOGS PA BSTAN PA YIN NO, ,BDE 'GROR 'GRO BA LA YID BDE BA NI GANG DE BZHIN DU RGYAL CHEN BZHI PA'I LHA RNAMS LEGS PAR BRJOD CES BYA BA LA SOGS PA BSTAN PA YIN NO, ,'DI NI DANG POR NYAN PA PO DANG, PHYIS CHOS SMRA BA NGES PAR BYA BA'I TSOGS PA DANG MI LDAN PA NGES PAR BYAS PA YIN LA, DA NI DANG POR 'CHAD PA PO DANG, PHYIS NYAN PA PO'I NGES PAR BYAS PA'I TSOGS DANG MI LDAN PA RNAM PA BDUN DU BRJOD PAR BYA'O, ,DE CI'I PHYIR ZHE NA, 'DIR 'CHAD PA DANG, NYAN PA DAG DANG, NYAN PA PO DANG, 'CHAD PA PO DANG, SNGON DANG, PHYI MAR GZHAG PAS BAR CHAD RNAMS LA 'JUG PAR 'GYUR, NYAN PA PO DANG, 'CHAD PA PO GNYI GA SNGON DANG, PHYI MA GNYI GA LA BRTEN PA NYID DU SHES PAR BYA BA YIN NO, ,DE LA 'CHAD PA PO DANG, NYAN PA PO DAG GIS MNGON PAR 'BREL BA'I TSOGS PA DANG MI LDAN PA NI 'DI YIN TE, GANG 'DI LTAR GCIG PU NYID DANG, 'KHOR LA DGA' BA NYID DANG, 'DOD PA NYID NI RJES SU 'BREL PA DANG, GO SKABS MI 'BYED PA NYID DANG, ZANG ZING CUNG ZAD 'DOD PA DANG, DE SBYIN PAR MI 'DOD PA DANG, SROG GI BAR CHAD DU 'GYUR BA DANG, BAR CHAD DU MI 'GYUR BA'I PHYOGS SU 'GRO BA DANG, MI 'GRO BA DANG, DE BZHIN DU LO LEGS PA DANG, MU GE BYUNG BA LA SOGS PA'I PHYOGS SU 'GRO BA DANG, MI 'GRO BA DANG, CHOM RKUN LA SOGS PA'I RGYUS DKRUGS PA'I PHYOGS SU 'GRO BA DANG, MI 'GRO BA DANG, ,KHYIM LA LTA BAS NYAN PA PO 'DOR BAR BDE BA NI RAB 'BYOR CHOS SMRA BA NI GCIG PU STE, ZLA MED CING BDAG GIR BYED PA YIN LA, CHOS NYAN PA NI 'KHOR GYI NANG NAS ZHES BYA BA NAS BRTZAMS TE, DGE SLONG CHOS SMRA BA NI BSOD SNYOMS STER BA'I GRONG DU 'GRO DGOS SO ZHES BYA BA @101A *, ,NAS DES NYAN PA DE DAG PHYIR LDOG PAS PHYIR DONG NAS ZHES BYA BA'I BAR BSTAN PA YIN NO, ,BDUD SDIG CAN GYIS DBYE BA'I SBYOR BA NI GANG GZHAN YANG BDUD SDIG TO CAN 'DI SKAD DU, NGED KYI KHONG DU JI LTAR CHUD PA 'DI YIN GYI KHYOD KLOG PA DE NI SHES RAB KYE PHA ROL TU PHYIN PA MA YIN NO ZHES DBYEN BYED KYI, YANG SHES RAB KYI PHA ROL TU PHYIN PA LA SBYOR BA GANG YIN BA DE NI YANG DAG PA'I MTHA' SNGON DU BYED PAR 'GYUR TE ZHES BYA BA LA SOGS PA TSOGS PA DANG MI LDAN PA'I SBYOR BAS ZHES BSTAN PA YIN NO, ,BCOS MA NYE BAR BSGRUB PA NI GANG SHES RAB KYI PHA ROL TU PHYIN PA'I GZUGS BRNYAN NI BDUD KYI LAS TE, DE YONGS SU SHES NAS RNAM PAR SPANG BAR BYA'O ZHES BSTAN PA YIN NO, ,YUL JI LTA BA BZHIN MA YIN PA LA DGA' BA BSKYED PA NI GZHAN YANG BDUD SDIG CAN DAG SANGS RGYAS KYI CHA BYAD DU 'ONGS PA MTHONG STE, 'DOD PA BSKYED PA DANG, BDUD KYIS SPRUL PA'I BYANG CHUB SEMS DPA' MTHONG NAS THAMS CAD MKHYEN PA NYID BOR STE, DES DE LA 'DOD PA BSKYED PA'O, ,DE CI'I PHYIR ZHEN, SHES RAB KYI PHA ROL TU PHYIN PA LA CHOS THAMS CAD YOD PA MA YIN NO, ,DE CI'I PHYIR ZHE NA, CHOS RNAMS KYI NGO BO NYID YIN PA'I PHYIR RO ZHES BSTAN PA YIN NO, ,SKYON BZHI BCU RTZA DRUG NI BAR CHAD DU GYUR PA YIN NO, ,'DZAM BU'I GLING GI RIN PO CHE CHEN PO'I DPES NI DE LTAR BAR CHAD MANG POS YONGS SU ZIN YANG BAR CHAD KYANG RNAM GRANGS BSTAN PAS SKYES BU RMONGS PA BDUD KYIS BYIN GYIS BRLABS PA, BLO CHUNG BA, BLO DMAN PA DE DAG LA ZHES BYA BA NI BAR CHAD BYED PA NGES PA LAS BZLOG BA BSTAN PA YIN NO, ,BAR CHAD MANG PO YOD KYANG DE LA YANG SANGS RGYAS NYID 'THOB PA NI SANGS RGYAS KYIS BYIN GYIS BRLABS PA'I RGYUS YIN NO ZHES BSTAN TO, ,BAR CHAD KYI CHOS SKYES PA RNAMS BSAL BA YIN NO, ,DKAR PHO'I PHYOGS MA LUS PA RDZOGS PA NI SANGS RGYAS KYI MTHU'I RGYU NYID YIN NO, ,DE CI'I PHYIR ZHE NA, BU MANG PO YOD PA'I DPES DE LA PHYOGS BCU'I SANGS RGYAS 'JIG RTEN GYI KHAMS KYI SANGS RGYAS DANG BYANG CHUB SEMS DPA' LA SOGS PA'I 'PHAGS PA'I GANG ZAG THAMS CAD DE LA DGONGS @101B SHING DE LA BRTZON PA RNAMS LA DE RNAMS KYIS SRUNG BA LA SOGS PA MDZAD PA NYID YIN NO, ,DE CI'I PHYIR ZHE NA, SHES RAB KYI PHA ROL TU PHYIN PA DE NI SANGS RGYAS RNAMS BSKYED PA DANG, 'JIG RTEN STON PAR BYED PA YIN PA'I PHYIR RO ZHES BSTAN PA YIN NO, ,BAR CHAD KYI CHOS RNAMS KYI RNAM PAR 'GREL PA'O,, ,,SBYOR BA RNAMS BSTAN NAS DE'I MTSAN NYID BRJOD PAR BYA DGOS PAS DE'I PHYIR, GANG GIS MTSON TE MTSAN NYID DU, ,SHES BYA DE YANG SHES PA DANG, ,KHYAD PAR BYED DANG RNAM GSUM STE, ,MTSON BYA'I NGO BO NYID GANG YANG, ,ZHES BYA BA SMOS TE, DE LTAR MTSAN NYID BZHIR 'GYUR BAR RIG PAR BYA'O, ,DE LA SHES PA'I MTSAN NYID THAMS CAD SHES PA'I DBANG DU MDZAD NAS RE ZHIG RNAM PA BCU DRUG TU 'GYUR RO, ,GANG DAG YIN ZHE NA, DE BZHIN GSHEGS PA 'BYUNG BA DANG, ,'JIG RTEN 'JIG MED BDAG NYID DANG, ,SEMS CAN SEMS KYI SPYOD PA DANG, ,DE BSDUS PA DANG PHYIR BLTAS DANG, ,MI BZAD PA YI RNAM PA DANG, ,CHAGS BCAS SOGS DANG RGYA CHEN DANG, ,CHEN POR GYUR DANG TSAD MED DANG, ,RNAM SHES BSTAN DU MED PA DANG, ,SEMS BLTAR MED DANG SHES PA DE, ,G-YO BA LA SOGS SHES BYA DANG, ,DE LA GZHAN YANG DE DAG NI, ,DE BZHIN NYID KYI RNAM PAR SHES, ,THUB PA DE BZHIN NYID RTOGS DANG, ,GZHAN BSTAN PA ZHES BYA BA DAG ,THAMS CAD SHES PA NYID SKABS KYI, ,SHES PA'I MTSAN NYID BSDUS PA YIN, ,ZHES BSTAN PA YIN NO, ,DE LA DE BZHIN GSHEGS PA 'BYUNG BA'I SHES PA NI GANG RNAM PA THAMS CAD MNGON BAR BYANG CHUB PA'I DBANG DU MDZAD NAS SHES PA'I MTSAN NYID STON PA ZHES BYA BA NAS BRTZAMS TE, STOBS LA SOGS PA'I BAR DU'O ZHES BSTAN PA YIN NO, ,RNAM PA THAMS CAD MKHYEN PA NYID KYI MTHAR THUG BA NAS SANGS RGYAS SU BYED PA'I CHOS DE DAG BSKYED PA'I PHYIR, SHES RAB KYI PHA ROL TU PHYIN PA NI DE BZHIN GSHEGS PA RNAMS KYI YUM YIN NO ZHES BSTAN PA YIN NO, ,'JIG RTEN 'JIG PA MED PAR SHES PA NI STONG PA NYID LA SOGS PA NI 'JIG PA MA YIN, RAB TU 'JIG PA MA YIN PA'I DON GYIS NA, PHUNG PO @102A *, ,LA SOGS BA 'JIG PA MA YIN, RAB TU 'JIG PA MA YIN PA LA SOGS PA'I CHOS NYID NGES PAR STON PAR BYED PA NYID KYI PHYIR 'JIG RTEN STON PAR BYED PA NYID DO ZHES BSTAN PA YIN NO, ,SEMS CAN THAMS CAD KYI SEMS KYI SPYOD PA SHES PA NI GANG ZHEN, SEMS CAN THAMS CAD KYI SPYOD PA MKHYEN PA NI SHES RAB KYI PHA ROL TU PHYIN PA LA RAG LAS PA'I PHYIR DE YANG SEMS CAN DU BTAGS PA'I RGYU PHUNG PO LA SOGS PA NAS RNAM PA THAMS CAD MKHYEN PA NYID KYI BAR DMIGS SU MED PA NYID KYIS 'JIG RTEN STON PA NYID KYI PHYIR RO, ,DE CI'I PHYIR ZHE NA, RE ZHIG SHES RAB KYI PHA ROL TU PHYIN PA NYID KYANG DMIGS SU MED PA YIN NO, ,YANG JI LTA BU ZHIG CE NA, RNAM PA THAMS CAD MKHYEN PA NYID KYI BAR DU YOD PA'AM, DMIGS PAR GA LA 'GYUR ZHES BYA BA NAS 'THAD PA BSTAN PA YIN TE ZHES BSTAN PA YIN NO, ,SEMS BSDUS PA DANG, DE RNAM PAR G-YENG BA ZHES BYA BA NI CHOS NYID 'DI LA CHOS NYID DE MI DMIGS TE, DE NYID SEMS CAN THAMS CAD KYI SEMS BSDUS PA DANG, G-YENGS PA YANG DAG PAR CI LTA BA BZHIN DU SHES SO ZHES BSTAN PA YIN NO, ,SEMS MI BZAD PA'I RNAM PAR SHES PA NI GANG YANG DE RNAMS NYID KYIS 'DOD PA DANG BRAL BA DANG, 'GOG PA DANG, SPONG BA'I RNAM PA MI BZAD PA'I RNAM PA RAB TU MKHYEN PAR BSTAN PA YIN NO, ,SEMS 'DOD CHAGS BCAS PAR SHES PA NI GANG 'DOD CHAGS DANG BCAS PA'I SEMS GANG YIN PA DE NI SEMS YANG DAG PA JI LTA BA NYID MA YIN NO, ,DE CI'I PHYIR ZHE NA, RAB 'BYOR SEMS NI YANG DAG PA JI LTA BA BZHIN DU DMIGS SU MED DO, ,SEMS LAS BYUNG BA'I CHOS RNAMS KYANG DMIGS SU MED NA, 'DOD CHAGS DANG BCAS PA'I SEMS LA SOGS PA YANG DAG PA JI LTA BA BZHIN DU SHES PA LTA CI SMOS ZHES BSTAN PA YIN NO, ,SEMS RGYA CHEN PO SHES PA NI GANG SEMS KYI NGO BO NYID DMIGS SU MED PAS RGYA CHE BAR BYED PA'I SEMS RGYA CHE BA YANG DAG PA JI LTA BA BZHIN DU RAB TU MKHYEN TO ZHES BSTAN PA YIN NO, ,SEMS CHEN POR GYUR PA SHES PA NI GANG DE BZHIN DU SEMS CHEN POR GYUR PA YANG DAG PA JI LTA BA BZHIN DU RAB @102B TU MKHYEN TO ZHES BSTAN PA YIN NO, ,SEMS TSAD MED PA NI SEMS KYI RGYU NI RTEN MED CING TSAD MED PA NI SEMS DE DAG LA GANG GNAS BAR BYA BA'I RTEN MED PA'I PHYIR RO ZHES BYA BA LA SOGS PA SNGA MA BZHIN DU 'O ZHES BSTAN PA YIN NO, ,SEMS BSTAN DU MED PA ZHES PA NI GANG SEMS LA RANG GI MTSAN NYID STONG PA NYID KYI PHYIR MTSAN NYID MED PA'I SEMS ZHES BYA BA LA SOGS PA SNGA MA BZHIN NO ZHES BSTAN PA YIN NO, ,SEMS BLTAR MED PA SHES PA NI GANG DE BZHIN GSHEGS PA'I SPYAN LNGA LA SNANG BAR MA GYUR TO ZHES SNGA MA BZHIN DU BSTAN PA YIN NO, ,SEMS G-YO BA LA SOGS PA SHES PA NI GANG SEMS 'PHRO BA DANG, 'DU BA LA SOGS PA'I PHUNG PO LNGA LA BRTEN PAS SKYE ZHING 'BYUNG BAR 'GYUR BA NYID DU SNGA MA BZHIN NO ZHES BSTAN PA YIN NO, ,DE YANG BDAG DANG 'JIG RTEN RTAG CES BYA BA NI BDEN GYI GZHAN NI GTI MUG GO ZHES BYA BA NAS BRTZAMS TE, SROG GANG YIN PA DE NI LUS SO, ,LUS KYANG GZHAN SROG KYANG GZHAN ZHES BYA BA NI RNAM PAR SHES PA LA BRTEN PA'O ZHES BSTAN PA YIN NO, ,DE BZHIN NYID KYI RNAM PAR SHES PA NI GANG YANG DE BZHIN NYID GANG YIN PA DE NI PHUNG PO LNGA'I DE BZHIN DU MKHYEN PAS BCUM PA LA SOGS PA YONGS SU MKHYEN PA NYID DO ZHES BSTAN PA YIN NO, ,YANG DAG PAR RDZOGS PA'I SANGS RGYAS KYIS DE BZHIN NYID THUGS SU CHUD PA GZHAN DAG LA YANG DAG PAR BSTAN CING BRTAG PAR ZHES BYA BAR SHES PA NI GANG RAB 'BYOR DE LTAR SEMS 'PHRO BA LA SOGS PA DE BZHIN NYID CES BYA BA NAS BRTZAMS TE, CHOS THAMS CAD DE BZHIN NYID KYIS SHES RAB KYI PHA ROL TU PHYIN PA RTOGS PAS DE BZHIN GSHEGS PA MNGON BAR RDZOGS PAR SANGS RGYAS SO ZHES BSHAD DO, ,DE BAS NA DES DE BZHIN GSHEGS PA'I YUM YIN PA'I PHYIR 'DI LTAR 'JIG RTEN STON PAR BYED DO ZHES BSTAN PA YIN NO, ,'DI SKAD DU THAMS CAD SHES PA NYID KYI SGO NAS SHES RAB KYI PHA ROL TU PHYIN PAS DE BZHIN GSHEGS PA BSKYED PA'I PHYIR 'JIG RTEN STON TO ZHES BSTAN TO, ,DA NI LAM GYI RNAM PA SHES PA NYID BSKYED PAS 'JIG RTEN STON PAR BYED PA RNAM PA BCU GSUM GYI DBANG DU MDZAD NAS, STONG NYID MTSAN MA MED @103A *, ,BCAS DANG, SMON PA RNAM PAR SPANGS PA DANG, ,SKYE MED 'GAG PA MED SOGS DANG, ,'KHRUG PA MED PA NYID DAG DANG, ,'DU MI BYED DANG RNAM MI RTOG, ,RAB DBYE MTSAN NYID MED PHYIR RO, ,LAM SHES NYID KYI SKABS KYIS NI, ,SHES PA'I MTSAN NYID YIN PAR BZHED, ,CES SMOS TE, DE LA STONG PA NYID SHES PA NI GANG DE'I MTSAN NYID KYI PHYIR RO ZHES BSTAN PA YIN NO, ,MTSAN MA MED PA SHES PA NI GANG DE'I MTSAN MA MED PA'I MTSAN NYID YIN PA'I PHYIR RO ZHES BSTAN PA YIN NO, ,SMON PA MED PA SHES PA NI GANG DE'I MTSAN NYID SMON PA MED PA NYID DO ZHES BSTAN PA YIN NO, ,SKYE BA MED PA NYID, 'GAG PA MED PA SHES PA NI GANG DE'I MTSAN NYID SKYE BA MED PA DANG, 'GAG PA MED PA'I PHYIR RO ZHES BSTAN PA YIN NO, ,SOGS PA SMOS PA NI KUN NAS NYON MONGS PA DANG, RNAM PAR BYANG BA DANG, DNGOS PO MED PA'I NGO BO NYID DANG, RANG BZHIN SHES BA NYID DANG, RTEN MED PA'I SHES PA DANG, NAM MKHA'I MTSAN NYID DU SHES PA BSDU BAR RIG PA BYA'O ZHES GANG BSTAN PA YIN NO, ,GANG KUN NAS NYON MONGS PA DANG, DNGOS PO MED PA'I NGO BO NYID DANG, RTEN MED PA'I MTSAN NYID MED PA'I PHYIR DANG, NAM MKHA'I MTSAN NYID CES BSTAN PA YIN NO, ,CHOS NYID 'KHRUG PA MED PA SHES PA NI GANG LHA DANG MI DANG LHA MA YIN DU BCAS PA'I 'JIG RTEN YANG MTSAN NYID DER ZAD PAS MTSAN NYID DE NI RNAM PAR 'KHRUG PAR MI NUS SO ZHES BSTAN PA YIN NO, ,MNGON BAR 'DU BYED PA MED PAR SHES PA NI GANG GZUGS NAS RNAM PA THAMS CAD MKHYEN PA NYID KYI BAR DU MTSAN NYID DE DAG MNGON BAR 'DUS MA BYAS PA NYID DO ZHES BSTAN PA YIN NO, ,RNAM PAR MI RTOG PA'I SHES PA NI GANG DE MTSAN NYID DE DAG RNAMS ZAG PA DANG BCAS PA DANG, ZAG PA MED PA DANG, 'JIG RTEN PA DANG, 'JIG RTEN LAS 'DAS PA DANG, 'DUS BYAS PA'I DNGOS PO BKAG PAS NAM MKHA'I DPES LAM SHES PA'I DBANG DU MDZAD NAS YANG DAG PAR BSTAN TO ZHES BSTAN PA YIN NO, ,RAB TU DBYE BA SHES PA NI GANG YANG DE BZHIN GSHEGS PA BYUNG YANG RUNG, MA BYUNG @103B YANG RUNG ZHES BYA BA NAS BRTZAMS TE, DE LA SPYAD PAS DE BZHIN GSHEGS PA MNGON PAR RDZOGS PAR SANGS RGYAS TE, MTSAN MA THAMS CAD KYI RAB TU DBYE BA MDZAD PA NI NGO MTSAR CHE'O ZHES BYA BA'I BAR GYIS LAM SHES PA'I DBANG DU MDZAD NAS BSTAN PAS 'BRAS BU SEMS CAN GYI DON BYED BA YIN PAR GSAL BAR BYA BA'I CHED DU ZHES BSTAN PA YIN NO, ,MTSAN MA MED PA'I SHES PA NI GANG GZUGS LA SOGS PA'I MTSAN NYID RNAMS DANG, YONGS SU GTONG BA'I MTSAN NYID LA SOGS PA NI PHA ROL TU PHYIN PA RNAMS SO, ,BSAM GTAN DANG, TSAD MED BA DANG, GZUGS MED PA'I SNYOMS PAR 'JUG PA RNAMS NI MI 'KHRUG PA'I MTSAN NYID DO, ,BYANG CHUB KYI PHYOGS NI NGES PAR 'BYUNG BA'I MTSAN NYID DO, ,RNAM PA THAMS CAD MKHYEN PA NYID NI MNGON SUM DU MDZAD PA'I MTSAN NYID DO ZHES BYA BA NAS DE NI DE BZHIN GSHEGS PAS MTSAN NYID MED BAR MNGON BAR RDZOGS PAR SANGS RGYAS SO ZHES BYA BA'I BAR DU'O ZHES BSTAN PA YIN NO, ,DE BZHIN DU LAM SHES PA NYID KYI SGO NAS DE BZHIN GSHEGS PA'I SHES RAB KYI PHA ROL TU PHYIN PA SKYED PAR BYED PA YIN PA'I PHYIR RO, ,DE LAS GZHAN JI LTA BA BZHIN RNAM PA THAMS CAD MKHYEN PA NYID STON PA SHES PA'I DBYE BA BCU BZHI LAS BRTZAMS NAS, DE BZHIN NYID KYI CHOS BRTEN NAS, ,GNAS DANG GUS PAR BYA BA DANG, ,BLA MA NYID DANG MNYES PA DANG, ,MCHOD DANG BYED PA MED NYID DANG, ,KUN 'JUG MKHYEN PA GANG YIN DANG, ,MA MTHONG STON PAR MDZAD PA DANG, ,'JIG RTEN STONG NYID ZHES BYA DANG, , BRJOD DANG SHES MDZAD MNGON SUM DANG, ,BSAM MI KHYAB DANG ZHI NYID STON, ,'JIG RTEN 'DU SHES 'GOG PA NI, ,RNAM KUN MKHYEN PA'I TSUL LA NI, ,SHES PA'I MTSAN NYID CES BSHAD DO, ,ZHES BYA BA STON TE, DE LA DE BZHIN GSHEGS PA NYID KYI CHOS LA BRTEN NAS BZHUGS PA SHES PA NI GANG GIS BSKYED PA DANG, STON PA NYID YIN NA, JI SKAD DU, RAB 'BYOR RGYU DES DE BZHIN GSHEGS PA NYID KYI CHOS LA BRTEN NAS BZHUGS SO ZHES BSTAN PA YIN NO, ,DE LA GUS PAR BYA BA DANG, BLA MAR BYA BA DANG, MNYES PAR BYA BA DANG, MCHOD PAR BYA BA SHES PA NI GANG DE LTAR CHOS LA RIM @104A *, ,GRO MDZAD PA DANG, BKUR STI MDZAD PA DANG, MCHOD PAR MDZAD PAS RNAM PA THAMS CAD MKHYEN PA NYID DU MNGON PAR RDZOGS PAR BYANG CHUB PO ZHES BYA BAR 'BREL TO, ,SLAR MDZAD PA MED PA NYE BAR BZUNG NAS BYAS PA GZO BA'I PHYIR RO ZHES BSTAN PA YIN NO, ,BYED PA MED PA SHES PA NI GANG BYED PA PO NYE BAR BZUNG NAS CHOS THAMS CAD BYED PA MED PAR RDZOGS PAR SANGS RGYAS SO ZHES BSTAN PA YIN NO, ,THAMS CAD DU 'GRO BA SHES PA NI GANG YANG CHOS THAMS CAD BYED PA MED PA LA YE SHES 'JUG PA'I PHYIR RO ZHES BSTAN PA YIN NO, ,MA MTHONG BA'I DON BSTAN PA NI GANG GZUGS MTHONG BA MED PA NAS RNAM PA THAMS CAD MKHYEN PA'I BAR LA MTHONG BA MED PA'I PHYIR RNAM PAR SHES PA MI 'BYUNG BA'I DON GYIS NA MTHONG BA MED PA'I GZUGS LA SOGS PA MTHONG BA DE NI 'JIG RTEN STON PA NYID YIN NO ZHES BSTAN PA NYID YIN NO, ,STONG PA NYID KYI RNAM PAR BRJOD PA SHES PA NI GDUL BYA RNAMS YANG DAG PAR SDUD PA STE, GANG YANG 'JIG RTEN 'DI STON PA'O ZHES BRJOD PA LA SOGS PAS STONG PA'O ZHES BSTAN PA YIN NO, ,THAMS CAD MKHYEN PA GSUM LA DGONGS NAS 'PHAGS PA'I GANG ZAG GSUM GYI DBANG DU MDZAD DE, GO RIMS BZHIN DU PHYOGS GCIG TU 'JUG PA DANG, CHED DU BYA BA'I 'JUG PA DANG, MNGON SUM DU BYA BA'I 'JUG PA'I DBANG DU MDZAD NAS STON PA DANG, SHES PA DANG, MTHONG BA YIN PAR SHES PAR BYA'O, ,BSAM GYIS MI KHYAB PA SHES PA NI GANG GZHAN YANG BSAM GYIS MI KHYAB PA STON PA'O ZHES BSTAN PA YIN NO, ,ZHI BA'I SHES PA NI GANG 'DI NI ZHI BA'O, ,STON PA'O ZHES BSTAN PA YIN NO, ,'DU SHES 'GOG PA'I SHES PA NI GANG YANG CHOS RNAMS MED PA NYID KYI JI NAS 'JIG RTEN 'DI'I 'DU SHES DANG, 'JIG RTEN PHA ROL GYI 'DU SHES SU MI 'GYUR BA DE LTAR GZIGS PA NI SHES RAB KYI PHA ROL TU PHYIN PAS DE BZHIN GSHEGS PA BSKYED PAS 'JIG RTEN GZIGS PAR MDZAD PA'I PHYIR RO ZHES BSTAN PA YIN NO, ,SHES PA'I MTSAN NYID KYI RNAM PAR 'GREL PA'O,, ,,SHES PA'I MTSAN NYID BSTAN NAS KHYAD PAR GYI MTSAN NYID BRJOD PAR BYA BA'I PHYIR, BSAM MI KHYAB SOGS KHYAD PAR GYIS, ,BDEN PA LA BRTEN @104B KHYAD PAR CAN, ,DRUG RNAMS DANG NI BCU YIS NI, ,KHYAD PAR MTSAN NYID SHES PAR BYA, ,ZHES BSTAN PA LA BDEN PA'I RTEN CAN ZHES BYA STE, 'PHAGS PA'I BDEN PA BZHI'I SPYOD YUL CAN NO, ,KHYAD PAR ZHES BYA BA NI NYAN THOS LA SOGS PA'O, ,DU ZHIG CE NA, DRUG DANG BCU ZHES BYA BA SMOS TE, BSAM GYIS MI KHYAB PA'I KHYAD PAR SDUG BSNGAL LA CHOS SHES PA'I BZOD PAS BSDUS PA NI KHYAD PAR GYI MTSAN NYID BSAM GYIS MI KHYAB PA DE BZHIN GSHEGS PA'I CHOS ZHES BYA STE, BSAM PA LAS 'DAS PA'I PHYIR RO, ,RAB 'BYOR GZUGS BSAM GYIS MI KHYAB PO, ,TSOR BA LA SOGS PA DANG, DE BZHIN DU RGYUN DU ZHUGS PA NAS DGRA BCOM PA'I YE SHES DANG, SPANGS PA NI BYANG CHUB SEMS DPA'I BZOD PA YIN PAR BRJOD DO, ,MI MNYAM PA NYID KYI KHYAD PAR SDUG BSNGAL LA CHOS SHES PAS BSDUS PA NI GANG MI MNYAM PA ZHES BYA BA NI MNYAM BA LAS 'DAS PA'I PHYIR RO, , RAB 'BYOR GZUGS MI MNYAM PA ZHES BYA BA LA SOGS PA GSUNGS SO ZHES BSTAN PA YIN NO, ,TSAD MED PA'I KHYAD PAR SDUG BSNGAL LA CHOS SHES PA'I BZOD PAS BSDUS PA NI GANG TSAD MED PA ZHES BYA BAS NI TSAD LAS YANG DAG PAR 'DAS PA'I PHYIR RO, ,RAB 'BYOR GZUGS KYANG TSAD MED DO ZHES BYA BA LA SOGS PA GSUNGS SO ZHES BSTAN PA YIN NO, ,GRANGS MED PA'I KHYAD PAR SDUG BSNGAL LA RJES SU SHES PAS BSDUS PA NI GRANG MED PA ZHES BYA BA NI BGRANG BA LAS 'DAS PA'I PHYIR RO, ,RAB 'BYOR GZUGS KYANG GANGS MED BA ZHES BYA BA LA SOGS PA GSUNGS SO ZHES BSTAN PA YIN NO, , MI MNYAM PA DANG MNYAM PA'I KHYAD PAR NI BSTAN PAR GYUR PA'I PHYIR RGYU'I KHYAD PAR GYI SGO NAS THAMS CAD LA NYE BAR DGONGS PAR SHES PAR BYA'O, ,YANG NA SDUG BSNGAL LA CHOS SHES PA DANG, RJES SU SHES PA 'DI GA NYIS KHYAD PAR DU 'PHAGS PA'I MTHAR PHYIN PAS MI MNYAM PA'I SANGS RGYAS DANG MNYAM PAR GYUR PA LA MI MNYAM PA DANG MNYAM PA ZHES BYA'O ZHES BSTAN PA YIN NO, ,MNYAM PA DANG MI MNYAM PA LAS YANG DAG PAR 'DAS PA'I PHYIR SEMS CAN THAMS CAD KYI GNAS DANG, SKYOB PA YIN PA'I PHYIR, DE BZHIN GSHEGS PA SHES RAB KYI PHA ROL TU PHYIN PAS MDZAD PA CHEN POS @105A *, ,NYE BAR ZHUGS PA YIN PA'I PHYIR RO, ,NYAN THOS LA SOGS PA LA YANG CHOS SHES PA'I BZOD PA'I MTSAN NYID YOD PAR MTSUNGS PA MA YIN NAM, YANG CI'I PHYIR DE BZHIN GSHEGS PA DE LTAR BSAM GYIS MI KHYAB PA LA SOGS PA'I CHOS KYI BYAD PAR DU 'PHAGS PA BSTAN STE; RAB 'BYOR GZUGS KYANG BSAM GYIS MI KHYAB PO ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU DNGOS PO RNAMS RANG BZHIN MED PA'I PHYIR BSAM GYIS MI KHYAB PA NYID DANG, MI DMIGS PA NYID THUGS SU CHUD PA'I PHYIR DE BZHIN GSHEGS PA LA BSAM GYIS MI KHYAB PA LA SOGS PA BRJOD PAR RIGS PA YIN NO, ,GZHAN YANG NAM MKHA'I DPES BSAM GYIS MI KHYAB PA LA SOGS PA'I CHOS BSTAN PA DE BZHIN GSHEGS PAS MKHYEN PA GSAL BAR THUN MONG MA YIN PA'I PHYIR RO, ,ZAG PA MED PA'I CHOS BSTAN PA GYU PHUN SUM TSOGS PAS 'BRAS PU MED PA MA YIN NO ZHES BSTAN PA NI DU MA ZAG PA MA LUS PA LAS SEMS GROL BA LA SOGS PA YANG DAG PAR 'DZIN TE, DE BSTAN PA'I TSE 'BRAS BU THOB PO ZHES BSTAN TO, ,'PHAGS PA'I GANG ZAG THAMS CAD SDUD PAR BYED PA'I KHYAD PAR KUN 'BYUNG LA CHOS SHES PA'I BZOD PAS BSDUS PA NI GANG YANG BLON PO'I DPES NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS KYI CHOS THAMS CAD SHES RAB KYI PHA ROL TU PHYIN PA DANG YANG DAG PAR LDAN PA NYID KYIS MDZAD PA CHEN PO LA SOGS PAS NYE BAR GNAS PA NYID YIN TE, DE CI'I PHYIR ZHEN, GZUGS YONGS SU 'DZIN PA DANG, MNGON BAR CHAGS PA MED DO ZHES GSUNGS PAS BSTAN PA YIN NO, ,DE BAS NA THUGS SU CHUD PA THUN MONG MA YIN PA'I 'THAD PA YIN NO, ,SKYES BU'I KHYAD PAR GYIS RIG PAR BYA BA'I KHYAD PAR KUN 'BYUNG LA CHOS SHES PAS BSDUS PA NI GANG 'DI'I CHA PHRA BA DANG, MKHAS PA, GSAL BA, YID GZHUNGS PAS SHES PAR BYA BA YIN PAR BSTAN PA YIN NO, ,DE LA PHRA BA NI DE KHO NA NYID KYI DON LA 'JUG PA'I PHYIR PHRA BA'O, ,MA LUS PA'I DON LA 'JUG PA'I PHYIR MKHAS PA STE, JI LTA BA DANG, JI SNYED PA'I NGO BOR RTOGS PA'I PHYIR RO, ,DE DAG KYANG RNAM PA GNYIS TE, MKHAS PA ZHES BYA BA NI SNGON @105B BLO YONGS SU SBYANGS PA DANG, SO SO'I SKYE BOS SKYE BAS THOB PAS DON DE GNYI GA LA 'JUG NUS PA NI SHES RAB DANG YANG DAG PAR LDAN PA'O, ,YID GSAL BA NI DE BDEN PA MTHONG BAS DON DE GNYIS KA LA 'JUG PA'I SHES PA YOD PAS YID GSAL BA'O, ,THUN MONG MA YIN PA'I KHYAD PAR KUN 'BYUNG LA RJES SU SHES PA'I BZOD PAS BSDUS BA NI GANG STONG GSUM GYI STONG CHEN PO'I 'JIG RTEN GYI KHAMS KYI SEMS CAN GYI GRANGS SNYED 'DAS PAS RJES SU 'BRANG BA NAS RANG SANGS RGYAS KYI BAR DU GYUR PA'I SHES PA DANG, SPANGS PA LAS 'DI NYID LA MOS PA LA SOGS PA MCHOG TU 'GYUR RO ZHES BSTAN PA YIN NO, ,MYUR DU SHES PA'I KHYAD PAR KUN 'BYUNG LA RJES SU SHES PAS BSDUS PA NI GANG 'DI NI PHUL DU BYUNG BA'I CHOS YIN PAR RGYA CHER BSHAD PAS, NYAN THOS KYI THEG BA LA LTOS NAS 'DI NYID LA MNGON BAR BRTZON PA RNAMS MYUR DU MYA NGAN LAS 'DA'O ZHES BSTAN PA YIN NO, ,NYUNG BA DANG, MANG BA MED PA'I KHYAD PAR 'GOG PA LA CHOS SHES PA'I BZOD PAS BSDUS PA NI GANG SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU MYA NGAN LAS 'DAS SU ZIN KYANG 'DI LA 'PHEL BA'AM, 'GRIB PA MED PA NI PHA ROL TU PHYIN PA CHE BA NYID KYI PHYIR RO ZHES BSTAN PA YIN NO, ,DRAG TU BSGRUB PA'I KHYAD PAR 'GOG PA LA CHOS SHES PAS BSDUS PA NI GANG BA DRUS MA BE'U MI 'DOR BA'I DPES THOS PA DANG BCAS PA'I MOS PA LA SOGS PA DANG LDAN PA SNGON GYI THOS BA LA SOGS PA'I RGYU YIN PA'I PHYIR RO ZHES BSTAN PA YIN NO, ,YANG DAG SBYOR BA'I KHYAD PAR 'GOG PA LA RJES SU SHES PA'I BZOD PAS BSDUS PAS NI GANG YANG DE NYID SANGS RGYAS MANG PO LA BRTEN PAS DGA' LDAN NAS SHI 'PHOS NAS 'DIR SKYES PA NYID SKYE BA SNGA MAR YONGS SU DRI BA MA BYAS PA DANG LDAN PA NI 'DI LA YID GNYIS LDAN PAS DE BZHIN DU NANG STONG PA NYID MA THOS, YONGS SU DRI BA MA BYAS ZHES BYA BA NAS BRTZAMS TE, DE DAG NI SA GNYIS SU LTUNG ZHING 'DOD PA YIN TE, SNGON GYI RGYU'I BAG CHAGS KYIS RGYUN CHAD CING SPYAD PA YIN TE ZHES BSTAN PA YIN NO, ,DMIGS PA'I KHYAD PAR 'GOG PA LA RJES SU SHES PAS BSDUS PA NI GANG YANG RGYA MTSOR GRU ZHIG PA'I DPES BAR CHAD DANG @106A *, ,BCAS PA DANG, BAR CHAD MED PA DAG NI RNAM PA THAMS CAD MKHYEN PA NYID THOB PA'I MTSAN MAR DMIGS PA DANG, DMIGS PA MED PA'I DBANG DU MDZAD NAS 'KHOR BA'I RGYA MTSO LAS BRGAL BA'I DON NO ZHES BSTAN PA YIN NO, ,RTEN GYI KHYAD PAR LAM LA CHOS SHES PA'I BZOD BAS BSDUS PA NI GANG YANG BUM PA SO BTANG BA DANG, MA BTANG BA'I DPES BSGRUB PA'I CHOS GZHI MED PA DANG, GZHI YOD PAR BSTAN PA'I DON GYIS SO ZHES BSTAN PA YIN NO, ,RGYU TSOGS PA'I KHYAD PAR LAS CHOS SHES PAS BSDUS PA NI GANG YANG RGYA MTSOR GRU ZAG LHAN BYAS PA DANG, MA BYAS PA'I DPES SGRUB PA TSANG BA DANG, MA TSANG BA'I DON GYIS BSTAN TO ZHES BSTAN PA YIN NO, ,YONGS SU BZUNG BA'I KHYAD PAR LAM LA RJES SU SHES PA'I BZOD PAS BSDUS PA NI GANG YANG SKYES BU RGAS SHING NYAM CHUNG BA'I DPES LHAN CIG BYED PA'I RGYU SHES RAB KYI PHA ROL TU PHYIN PA DANG, THABS LA MKHAS PAS YONGS SU BZUNG BA DANG, YONGS SU MA BZUNG BAR LDAN PAS 'KHOR BA DANG, MYA NGAN LAS 'DAS PAR LHUNG BA DANG MI LHUNG BAR BSTAN PA'I DON LA SOGS PA'O ZHES BSTAN PA YIN NO, ,YANG THABS LA MI MKHAS PA DANG, THABS LA MKHAS PA JI LTA BU ZHEN, DAR 'DZIN PA DANG, NGA YIR 'DZIN PAS PHA ROL TU PHYIN PA DRUG LA SPYOD PA NI THABS LA MI MKHAS PAS SA GNYIS SU LTUNG NGO, ,DE LAS BZLOG PA NI THABS LA MKHAS PA YIN TE, RNAM PA THAMS CAD MKHYEN PA NYID DU NGES PAR 'BYUNG NGO ZHES BSTAN PA YIN NO, ,RO MYANG BA MED PA'I KHYAD PAR BCU DRUG PA LAM LA RJES SU SHES PAS YANG DAG PAR BSDUS PA NI GANG RANG BZHIN MED PA'I PHYIR CHOS THAMS CAD KUN DU RTOG PA DANG, RE BA MED PA'I PHYIR BLA NA MED PA YANG DAG PAR RDZOGS PA'I BYANG CHUB TU DGE BA'I RTZA BA RNAMS SNGO BAR BYED CING BSTEN PA NYID LA SOGS PA'O ZHES BSTAN PA YIN NO, ,BSHAD MA THAG PA'I LHUG BAS BSTAN PA'I DON GANG YIN BA DE TSIGS SU BCAD PAS PHYIS BSDUS PA NI 'DI YIN TE, ,BSAM MI KHYAB DANG MI MNYAM DANG, ,GZHAL DANG GRANGS LAS YANG DAG 'DAS, ,'PHAGS PA KUN SDUD MKHAS PA YIS, ,RIG BYA THUN MONG MIN ZHES NYID, ,SHES MYUR BRI DANG GANG BA MED, ,SGRUB DANG YANG DAG 'GRUB PA DANG, DMIGS @106B PA RTEN DANG BCAS PA DANG, YANG DAG PA DANG YONGS 'DZIN DANG, ,RO MYANG MED DANG KHYAD PAR NI, ,BCU DRUG BDAG NYID CES BYA STE, GANG GI LAM NI GZHAN DAG LAS, ,KHYAD DU 'PHAGS PA KHYAD PAR RO, ,KHYAD PAR GYI MTSAN NYID KYI RNAM PAR 'GREL BA'O,, ,,KHYAD PAR GYI MTSAN NYID BSTAN NAS BYED PA'I MTSAN NYID BRJOD PAR BYA BA'I PHYIR, ,PHAN DANG BDE BA SKYOB PA DANG, ,MI RNAMS KYI NI SKYABS DAG DANG, ,GNAS DANG DPUNG GNYEN GLING DANG NI, ,YONGS SU 'DREN PA NYID DANG NI, ,LHUN GYIS GRUB DANG THEG GSUM GYIS, ,'BRAS BU MNGON SUM MI BYED BDAG ,THA MA RTEN GYI MDZAD PA STE, ,'DI NI BYED PA'I MTSAN NYID YIN, ,ZHES SMRAS PA LA, DE LA PHAN PA'I BYED PA NI GANG RANG GI MTSAN NYID STONG PA NYID DU SHES PAS BYANG CHUB SEMS DPA' RNAMS 'JIG RTEN LA PHAN PA DANG, 'JIG RTEN LA BDE BA'I PHYIR RDZOGS PA'I BYANG CHUB TU ZHUGS NAS, DKA' BA SPYOD PAS 'GRO BA RGYUD LNGA RNAM PAR GROL BA'I MYA NGAN LAS 'DAS PA LA DGOD PA'I PHYIR PHAN PAS BSDUS PA'I DON NO ZHES BSTAN PA YIN NO, ,BDE BA BYED PA NI GANG SDUG BSNGAL BA DANG, YID MI BDE BA DANG, 'KHRUG PA RNAMS NAS MYA NGAN LAS 'DAS PA LA RAB TU 'GOD PA'I PHYIR DANG, 'JIG RTEN LA BDE BA'I PHYIR YANG DAG PAR ZHUGS PA YIN TE, TSE 'DI'I BDE BAS BSDUS PA'I DON NO ZHES BSTAN PA YIN NO, ,SKYOB PA'I BYED PA NI GANG BYANG CHUB SEMS DPA' RNAMS 'KHOR BA NA YOD PA'I SDUG BSNGAL GANG CI YANG RUNG BA LAS SKYOB CING, YANG MI SKYE BA'I CHOS BSTAN PAS 'JIG RTEN SKYOB PA NYID KYI PHYIR RNAM BAR SMIN PA MED PA'I CHOS LA BKOD PA'I DON NO ZHES BSTAN PA YIN NO, ,SKYABS KYI BYED PA NI GANG SEMS CAN SKYE BA'I CHOS CAN RNAMS PHUNG PO LHAG MA MED PA'I MYA NGAN LAS 'DAS PA'I DBYINGS SU RAB TU DGONGS PA'I PHYIR 'JIG RTEN GYI SKYABS SU GYUR PA NYID KYIS GTAN DU PHAN PA LA ZHUGS PA'I DON NO ZHES BSTAN PA YIN NO, ,GNAS KYI BYED PA NI GANG CHOS THAMS CAD 'DRE BA MED PA DANG, 'BREL BA MED PA DANG, SKYE BA MED PA DANG, 'GAG PA MED PAR CHOS STON PA NYID KYI GNAS SU GYUR BA'I PHYIR SDUG BSNGAL RGYU LAS BZLOG PA'I DON GYIS SO ZHES BSTAN PA YIN NO, ,DPUNG GNYEN GYI BYED PA NI @107A *, ,GANG ZHIG GANG CHOS THAMS CAD KYI PHA ROL GANG YIN PA DE NI CHOS THAMS CAD MA YIN NO, ,DE CI'I PHYIR ZHE NA, GZUGS LA SOGS PA'I PHA ROL TU PHYIN PA GZUGS LA SOGS PA'I RNAM PAR RTOG PA GANG MED PAR CHOS STON PA'I DBUNG GNYEN DU GYUR PA NYID KYI PHYIR 'KHOR BA DANG, MYA NGAN LAS 'DAS PAR MNYAM PA NYID DU RTOGS PA LA ZHUGS PA'I DON NO ZHES BSTAN PA YIN NO, ,GLING GI BYED PA NI GANG GZUGS SNGON GYI MTHA' DANG PHYE MA'I MTHA' YONGS SU CHAD PAS CHUS YONGS SU BSKOR BA DANG, CHOS MTHUN PAR SRED PA ZAD PA DANG, 'DOD CHAGS DANG BRAL BA DANG, 'GOG PA DANG, MYA NGAN LAS 'DAS PA'I PHYIR GLING DU GYUR PA NYID KYIS RANG DANG, GZHAN GYI DON RTOGS PA'I RTEN GYI NGO BOR GYUR PA'I ZHUGS PA'I DON NO ZHES BSTAN PA YIN NO, ,YONGS SU 'DREN PA'I BYED PA NI GANG GZUGS LA SOGS PA'I CHOS THAMS CAD SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA'I CHOS YANG DAG PAR STON PA'I PHYIR YONGS SU 'DREN PAR GYUR PA NYID KYIS GZHAN GYI DON BSGRUB PA LA 'JUG PA'I DON GYIS SO ZHES BSTAN PA YIN NO, ,LHUN GYIS GRUB PA'I BYED PA NI GANG, RAB 'BYOR GZUGS NI NAM MKHA'I NGANG TSUL CAN ZHES BYA BA LA SOGS PA DANG, GZUGS STONG PA NYID NI 'GRO BA MED PA STE, DE NI MI 'GRO MI 'ONG ZHES BYA BA NAS BRTZAMS TE, RAB 'BYOR CHOS THAMS CAD NI MNGON BAR 'DU BYED PA MED PA'I NGANG TSUL CAN TE, DE DAG NI NGANG TSUL DE LAS MI 'DA'O ZHES BYA BA'I BAR GYIS CHOS THAMS CAD SHES PA'I DBANG DU MDZAD NAS CHOS STON PAR MDZAD PA NYID KYI PHYIR SEMS CAN GYI DON LA LHUN GYIS GRUB PAR 'JUG CING ZHUGS PA'I DON GYIS SO ZHES BSTAN PA YIN NO, ,THAMS CAD SHES PA'I DBANG DU MDZAD NAS MYA NGAN LAS 'DAS PA STON PA'I DON GYIS SO ZHES BSTAN PA YIN PAR SHES PAR BYA'O, ,THEG PA GSUM GYIS NGES PAR 'BYUNG BA'I DON GYIS 'BRAS BU MNGON SUM DU MI BYED PA'I BYED PA NI GANG RAB 'BYOR CHOS THAMS CAD MI SKYE MI 'GAG PA DANG, KUN NAS NYON MONGS PA MED PA DANG, RNAM PAR BYANG BA'I NGANG TSUL CAN ZHES BYA BA NAS BRTZAMS TE, CHOS THAMS CAD NI @107B MI G-YO BA'I NGANG TSUL CAN TE ZHES BYA BA'I BAR GYIS LAM SHES PA'I DBANG DU MDZAD NAS CHOS BSTAN PA NYID KYIS THEG PA JI LTA BAS NGES PAR 'BYUNG BA DANG, DE MNGON SUM DU MI BYED PA LA ZHUGS PA'I DON NO ZHES BSTAN PA YIN NO, ,RTEN GYI BYED PA NI GANG RAB 'BYOR CHOS THAMS CAD NI GZUGS KYI NGANG TSUL CAN TE ZHES BYA BA NAS BRTZAMS TE, RAB 'BYOR CHOS THAMS CAD NI BLA NA MED PA YANG DAG PAR RDZOGS PA'I NGANG TSUL CAN TE ZHES BYA BAS RNAM PA THAMS CAD KYI CHOS THAMS CAD MKHYEN PA NAS CHOS STON PA NYID KYI PHYIR, BYANG CHUB SEMS DPA' RNAMS NI 'JIG RTEN DU GYUR PA'I DON GYIS SO ZHES BSTAN PA YIN NO, ,BYED PA'I MTSAN NYID BSTAN NAS RANG BZHIN GYI MTSAN NYID BSTAN PA'I PHYIR, NYON MONGS RTAGS DANG MTSAN MA DANG, ,MI MTHUN PHYOGS DANG GNYEN PO DANG, ,DBEN DANG DKA' DANG NGES PA DANG, ,CHED DU BYA DANG MI DMIGS DANG, ,MNGON BAR ZHEN PA BKAG PA DANG, , DMIGS PA ZHES BYA GANG YIN DANG, ,MI MTHUN THOGS PA MED DANG NI, ,GZHI MED 'GRO MED SKYE MED DANG, ,DE BZHIN NYID NI MI DMIGS DANG, ,NGO BO NYID BCU DRUG BDAG NYID, ,MTSAN BZHI LTA BUR MTSON BA NAS, ,MTSAN NYID BZHI PAR BZHED PA YIN, ,ZHES BSTAN PA YIN NO, ,JI LTAR BCU DRUG GI BDAG NYID YIN ZHE NA, NYON MONGS PA LAS DBEN PA'I RANG BZHIN NI GANG 'DOD CHAGS DANG, ,ZHE SDANG DANG, GTI MUG RNAM PAR BSAL BA'I PHYIR DBEN PA'I RANG BZHIN DU GYUR PA NYID DO ZHES BSTAN PA YIN NO, ,DE'I RTAGS DBEN PA'I RANG BZHIN NI GANG 'DOD CHAGS DANG, ZHES SDANG DANG, GTI MUG RNAMS KYI RTAGS KYIS DBEN PA'I RANG BZHIN DU GYUR PA NYID DO ZHES BSTAN PA YIN NO, ,DE'I MTSAN MAS DPEN PA'I RANG BZHIN NO ZHES BSTAN PA YIN NO, ,DE LA RTAGS NI LUS LA SOGS PA'I GNAS NGAN LEN NO, ,MTSAN MA NI TSUL BZHIN MA YIN PA YID LA BYED PA'O, ,MI MTHUN PA DANG GNYEN PO'I PHYOGS DAG GIS DBEN PA'I RANG BZHIN NI GANG DE BZHIN DU 'DOD CHAGS DANG, 'DOD CHAGS MED PA DANG, ZHE SDANG DANG, ZHE SDANG MED PA DANG, GTI MUG DANG, GTI MUG MED PA DANG, DBEN PA'I NGO BO NYID KYIS RNAM PA THAMS CAD MKHYEN PA NYID KYI NGANG TSUL CAN DU 'GYUR BA @108A *, ,DANG, LHAG PAR MOS PAR BYED PA RNAMS LA BSGOM PA'I LAM NYE BAR BKOD PAS ZHES BSTAN PA YIN NO, ,DKA' BA NYID KYI RANG BZHIN NI GANG CHOS THAMS CAD SHIN TU MED PA YIN PAS DE DANG 'BREL BA MED PA'I PHYIR, SEMS CAN THAMS CAD YONGS SU MYA NGAN LAS 'DA' BAR BYA'O ZHES GO CHA BGOS PA NI DKA' BA BYED PA NYID KYI PHYIR, SHES RAB KYI PHA ROL TU PHYIN PA BSGOM PA NI DON DKA' BA YIN PAR BSTAN PA NYID KYIS SO, ,GCIG TU NGES PA'I NGO BO NI GANG DE LA GO BGOS PA NI NYAN THOS LA SOGS PA'I SAR LHUNG BA'I GNAS MED PA NYID KYI PHYIR RO, ,NGES PAR BSGOM BA BSTAN PA NYID KYI DON GYIS SO ZHES BSTAN PA YIN NO, ,CHED DU BYA BA'I RANG BZHIN NI GANG BYANG CHUB SEMS DPA' CHEN POS SEMS CAN THAMS CAD RNAM PA THAMS CAD MKHYEN PA NYID KYI YE SHES THOB BAR BYA BA'I DON DU GO CHA BGOS PA'I CHED DU BYA BA LAS GZHAN DU MI 'KHRUL PAR SHES PAR BYA BA'I DON DU'O ZHES BSTAN PA YIN NO, ,MI DMIGS PA'I RANG BZHIN NI GANG BCOM LDAN 'DAS SHES RAB KYI PHA ROL TU PHYIN PA 'DI NI SHIN TU ZAB STE, DE NI SUS KYANG BSGOM PAR MI BGYI BAS BSGOM PAR BYA BA DANG, SGOM PA PO DANG, SGOM PA'I DMIGS PA RNAM PAR BSGOM PA ZHES BYA BA NAS BRTZAMS TE RNAM PA THAMS CAD MKHYEN PA NYID KYI BAR DU BSGOM BA RNAM PAR BSGOM PA MI DMIGS PA DE BAS NA, BCOM LDAN 'DAS 'DI LTA STE, SHES RAB KYI PHA ROL TU PHYIN PA ZAB MO BSGOM PA NI RNAM PA THAMS CAD MKHYEN PA NYID BSGOMS PA LAGS SO ZHES BSTAN PA YIN NO, ,MNGON BAR ZHEN PA BKAG PA'I RANG BZHIN NI GANG RAB 'BYOR SHES RAB KYI PHA ROL TU PHYIN PA ZAB MO 'DI LA PHYIR MI LDOG PA'I BYANG CHUB SEMS DPA' CHEN POS YONGS SU BRTAG PAR BYA'O ZHES BYA BA NAS SHES RAB KYI PHA ROL TU PHYIN PA MNGON PAR ZHEN PA MED PAR YONGS SU BRTAG PAR BYA'O ZHES BYA BA NAS BRTZAMS TE, 'DI BSTAN PA'I TSE MI 'JIGS, MI SKRAG BA LA SOGS PAS LAM SHES PA'I RNAM PAR BSGOM PA NYID DO ZHES BSTAN PA YIN NO, ,DMIGS PA'I RANG BZHIN NI GANG BCOM LDAN 'DAS JI LTAR NA RNAM PA THAMS CAD MKHYEN PA NYID DU GZHOL BA'I BSAM BAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA YONGS SU RTOG PA @108B LAGS ZHES BYA BA NAS BRTZAMS TE, RAB 'BYOR RMI LAM DANG, SPRUL PA LA GZHOL BA'I BSAM PAS BYANG CHUB SEMS DPA' CHEN POS SHES RAB KYI PHA ROL TU PHYIN PA ZAB MO 'DI LA YONGS SU RTOG PA YIN ZHES BYA BA'I BAR GYIS NI RNAM PA THAMS CAD MKHYEN PA NYID RNAM PAR BSGOM PA NYID BSTAN PAS ZHES GSUNGS PA YIN TA, DE CI'I PHYIR ZHEN, GZUGS NAS RNAM PAR THAMS CAD MKHYEN PA NYID KYI BAR LA YANG YONGS SU RTOG PA YIN NO ZHES BYA BA NAS THAMS CAD SHES PA NYID DANG, LAM GYI RNAM PA SHES PA NYID KYI DBANG DU BYAS NAS GSUNGS PA NYID LAS, DMIGS PA'I BSGOM PA'I KHYAD PAR RAB TU BSKYED PAS RNAM PA THAMS CAD MKHYEN PA NYID KYI DMIGS PA'I KHYAD PAR NGO BO STON PA'I DON GYIS ZHUS PA LA, RAB 'BYOR BYANG CHUB SEMS DPA' CHEN PO NI GZUGS NAS RNAM PA THAMS CAD MKHYEN PA NYID KYI BAR LA RTOG PA MA YIN NO; ,ZHES BYA BA NAS BRTZAMS TE, RNAM PA THAMS CAD MKHYEN PA NYID KYI DE BZHIN GANG YIN PA DE NI SANGS RGYAS RNAMS KYI DE BZHIN NYID DO ZHES BYA BA NAS RNAM PA THAMS CAD MKHYEN PA NYID KYI DE BZHIN NYID LA DMIGS PA'I KHYAD PAR SHES PA'I DON GYI LAN SO SOR BSTAN PAS SO ZHES BSTAN PA YIN NO, ,GAL TE DE DE LTAR YIN NA, SDIG PA'I CHOS RNAMS THAMS CAD DE, ,MI DGE BA LA SOGS PA DE JI LTAR YIN ZHES BYA BA LA SOGS PA DE JI LTAR YIN ZHEN, GZUGS NYID RNAM PA THAMS CAD MKHYEN PA NYID DO, ,RNAM PA THAMS CAD MKHYEN PA NYID GZUGS SO ZHES BYA BA GSUNGS PA DE NYID KYI PHYIR GCIG LA GCIG NGO BO ZAB PA YIN NO, ,DE CI'I PHYIR ZHE NA, DE DAG GI DE BZHIN NYID NI GNYIS SU MED CING GNYIS SU BYAR MED PA NYID YIN PA'I PHYIR RO, ,DE LTAR CHOS KYI 'KHOR LO BSKOR BA JI LTAR 'THAD PA YIN ZHE NA, SANGS RGYAS DANG THAMS CAD MKHYEN PA NYID KYI DE BZHIN NYID DAG NI GNYIS SU MED CING GNYIS SU BYAR MED PA NYID KYIS CHOS KYI 'KHOR LO BSKOR BA'I DON DU THUGS LAS CHUNG BA NYID KYI RGYU NI DMIGS PAR BYA BA DANG, DMIGS PAR BYED PA'I DBYE BA MED PA NYID KYI PHYIR RO ZHES BYA BA'I DON TO, ,'JIG RTEN THAMS CAD DANG MI MTHUN @109A *, ,PA'I RANG BZHIN NI GANG LHA'I BU DAG NAM MKHA' ZAB PA'I PHYIR CHOS 'DI ZAB PO ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU BZUNG BA'I SLAD DU BSTAN PA MA LAGS, MI GZUNG BA'I SLAD DU BSTAN PA YANG MA LEGS SO, , BCOM LDAN 'DAS 'JIG RTEN NI MTSAN MA LA SPYOD DO ZHES BYA BA 'JIG RTEN THAMS CAD DANG MI MTHUN PA NYID KYIS NI 'DZIN PA LA SPYOD PA NI SHES RAB KYI PHA ROL TU PHYIN PA'I SNOD MA YIN PA NYID DO ZHES BSTAN PA YIN NO, ,THOGS PA MED PA'I RANG BZHIN NI GANG DE LTAR THAMS CAD MKHYEN PA RNAM PA GSUM YONGS SU RDZOGS PA'I MNGON PAR RTOGS PA DANG MTHUN PA NYID KYI PHYIR GZUGS LA SOGS PA'I CHOS THAMS CAD LA YE SHES THOGS PA MED PA NYID DO ZHES BSTAN PA YIN NO, ,GZHI MED PA'I RANG BZHIN NI GANG GZUGS LA SOGS PA'I RTEN MI DMIGS PA NAS BRTZAMS TE, SHES PA DANG, SHES BYA MNYAM PA NYID KYI DON NYID DO ZHES BSTAN PA YIN NO, ,'GRO BA MED PA'I RANG BZHIN NI GANG 'DI NI THAMS CAD MKHYEN PA GSUM PO KUN BSKYED PA'I DBANG DU MDZAD NAS SHES RAB KYI PHA ROL TU PHYIN PA BSGOM PA LA, GNAS BRTAN RAB 'BYOR DPER BYAS NAS, JI LTAR DE BZHIN GSHEGS PA'I DE BZHIN NYID GANG YIN PA DE NI MA 'ONGS MA SONG BA DE BZHIN DU, GNAS BRTAN RAB 'BYOR GYI DE BZHIN NYID KYANG MA 'ONGS MA SONG BA NAS, GNAS BRTAN RAB 'BYOR NI DE BZHIN GSHEGS PA'I RJES SU SKYES SO, , DE BZHIN DU CHOS RNAMS KYI DE BZHIN NYID CES BYA BA NI CHOS SU MNGON BAR 'DOD PA YIN TE, GZUGS LA SOGS PA RNAMS KYI SPYI YIN NO, ,CHOS NYID GNAS PA NI DE BZHIN NYID CES BYA STE, CHOS NYID KYI RGYUN 'GYUR BA MED CING RNAM PAR RTOG PA MED PA NI DE BZHIN NYID CES BYA'O; ,BSGRUB PA'I CHOS KYI KHYAD PAR DU 'GRO BA NI DE'I RNAM PAR RTOG PA MED PA NI CHOS NYID YIN NO, ,MI BYED PA'I DE BZHIN NYID CES BYA BA NI THEG PA GSUM GYI DBYE BA DMIGS SU MED PA'I CHOS NYID YIN NO, ,GZHAN MA YIN PA DE BZHIN NYID CES BYA BA NI THEG PA @109B GSUM GZHAN DU TSOL BA MED PA NI CHOS NYID YIN NO, ,DUS GSUM MNYAM PA NYID KYI DE BZHIN NYID NI RANG BZHIN GYIS MYA NGAN LAS 'DAS PA'O, ,DE BZHIN DU PHUNG PO RNAMS KYI DE BZHIN NYID DANG, KHAMS DANG, SKYE MCHED RNAMS DANG, RTEN CING 'BREL BAR 'BYUNG BA LA SOGS PA'I DE BZHIN NYID DANG, SBYIN PA'I PHA ROL TU PHYIN PA LA SOGS PA'I DE BZHIN NYID NAS RNAM PA THAMS CAD MKHYEN PA NYID KYI BAR GYI DE BZHIN NYID DANG, DE BZHIN GSHEGS PA'I DE BZHIN NYID DE LA GNYIS SU MED DE GNYIS SU BYAR MED PA NYID DU RTOGS PAS DE BZHIN GSHEGS PA ZHES BYA BA'I MING THOB PAR GYUR PA'I PHYIR MING DE'I MTSAN MA DPANG POR GYUR PAS, STONG GSUM GYI STONG CHEN PO'I 'JIG RTEN GYI KHAMS SU RTOGS PA MTHO BA DANG DMA' BAR GYUR BA YIN PA'I PHYIR, 'DI LTA STE, MDO LAS DE'I TSE STONG GSUM GYI STONG CHEN PO'I 'JIG RTEN GYI KHAMS RNAM PA DRUG TU G-YOS PA'I MTSAN MA CHEN PO BCO BRGYAD DU GYUR PA NI G-YO BA DANG, RAB TU G-YOS PA DANG, KUN TU RAB TU G-YOS PA'O, ,'GUL, RAB TU 'GUL, KUN TU RAB TU 'GUL LO, ,LDE ,RAB TU LDEG ,KUN TU RAB TU LDEG GO, ,CHEM, RAB TU CHEM, KUN TU RAB TU CHEM MO, ,'UR 'UR, RAB TU 'UR 'UR, KUN TU RAB TU 'UR 'UR RO, ,SHIG ,RAB TU SHIG ,KUN TU RAB TU SHIG SHIG CES BSTAN PA YIN NO, ,DE LA RNAM PA DRUG NI G-YO BA DANG, MTHO BA DANG, DMA' BA DANG, STENG DU 'GRO BA DANG, 'OG TU 'GRO BA DANG, SGRA RJES SU SGROGS PA'O, ,LTAS CHEN PO BCO BRGYAD NI G-YO BA LA SOGS PA'I 'GYUR BA RNAM PA DRUG PO DE DAG NYID GO RIMS BZHIN DU CHUNG DU DANG, 'BRING DANG, CHEN PO NYID KYIS SHES PAR BYA STE, SNOD KYI 'JIG RTEN SPYAD BAR BYAS PA DANG, MA BYAS PA'I DBANG DU BYAS PA GNYIS DANG, SEMS CAN GYI 'JIG RTEN GYI DBANG DU BYAS PA NI RNAM PA BZHI STE, SEMS CAN GYI TSOGS MI DGE BA LA SPYOD PA DANG, SNA TSOGS LA MOS PA DANG, NGA RGYAL DANG, RIGS PA DANG LDAN PA'I BYA BA CHUNG DU DANG, 'BRING DANG, CHEN @110A *, ,PO'I DBYE BAS G-YOS SO ZHES BYA BA NAS KUN DU RAB TU SHIG SHIG CES BYA BA'I BAR DU TSIG BCO BRGYAD KYIS DON BSTAN PA YIN PAR SHES PAR BYA'O ZHES GNAS BRTAN DBYIG GNYEN GYIS BSHAD DO, ,DE LTAR THAMS CAD SHES PA'I RNAM PAR RJES SU SKYES PA NYID KYIS SO ZHES BSTAN PA YIN NO, ,SKYE BA MED PA'I RANG BZHIN NI GANG LHA'I BU DAG GNAS BRTAN RAB 'BYOR NI GZUGS KYI RJES SU MA SKYES, GZUGS KYI DE BZHIN NYID KYI ZHES BYA BA NAS BRTZAMS TE, DE CI'I PHYIR ZHE NA, DE NI 'DI LTAR CHOS 'DI DAG MED CING MI DMIGS SO, , GANG SKYE BA MED CING, GANG SKYE BA'ANG MED DO, ,DE BZHIN DU LAM GYI RNAM PAR SHES PA YANG RJES SU SKYE BA MED PA'I PHYIR RO ZHES BSTAN PA YIN NO, ,DE BZHIN NYID MI DMIGS PA'I RANG BZHIN BCU DRUG NI GANG BCOM LDAN 'DAS DE BZHIN NYID 'DI NI ZAB STE, RTAG TU DE BZHIN NYID DU GNAS PA'I PHYIR RO ZHES BSTAN PA YIN NO, ,MA NOR BA'I DE BZHIN NYID CES BYA BA NI PHYIN CI MA LOG PA'I DON GYIS SO, ,GZHAN MA YIN PA'I DE BZHIN NYID NI, CHOS NYID LAS CHOS NYID BRTZAL BA'I DON GYIS SO, ,CHOS NYID CES BYA BA NI CHOS RNAMS KYI DBYE BA MED PA'I MTSAN NYID YIN PA'I PHYIR RO, ,CHOS KYI DBYINGS ZHES BYA BA NI 'PHAGS PA'I CHOS THAMS CAD THOB PA'I RGYU'I DON GYIS SO, ,CHOS GNAS PA NYID CES BYA BA NI SANGS RGYAS THAMS CAD KYIS MDZAD PA'I PHYIR RO, ,CHOS SKYON MED PA NYID CES BYA BA NI RGYU DANG RKYEN MI 'KHRUL PA'I PHYIR RO, ,YANG DAG PA'I MTHA' ZHES BYA BA NI PHYIN CI MA LOG PA DE LA DMIGS PA'I PHYIR RO, ,YANG DAG PA NI PHYIN CI MA LOG PA NYID DO, ,DE'I MTHA' NI MTHAR THUG PA STE, BDAG MED PA LAS GZHAN DU DE KHO NA BRTZAL DU MED PA'I PHYIR RO, ,RNAM PA THAMS CAD MKHYEN PA NYID KYI BAR DU DMIGS SU MED PA'I PHYIR RO, ,YANG CI'I PHYIR DE BZHIN NYID DMIGS SU MED CE NA, RNAM PA THAMS CAD MKHYEN PA NYID MA SKYES PA NYID YANG DAG PAR MTHONG BA'I PHYIR RO, ,DE'I TSE DU MA RNAMS LA BSTAN PAS RTOGS PA THOB PA GSAL BA NYID YIN NO, ,SHES RAB KYI PHA ROL TU PHYIN PAS @110B YONGS SU MA BZUNG ZHING, THABS LA MKHAS PA DANG BRAL BA NI NYAN THOS LA SOGS PA'I SAR LTUNG BAR 'GYUR TE, GZHAN DE RNAMS KYIS DE LTAR SHES NAS SHES RAB KYI PHA ROL TU PHYIN PA DANG THABS LA MKHAS PA LA SBYAR ZHING SPRO BA BSKYED PA'I DON DU BYA LUS CHEN POR GYUR PA'I DPES SBYIN PA LA SOGS PAS RAB TU ZIN KYANG GNYIS PHO DANG BRAL NA NYAN THOS LA SOGS PA'I SAR LTUNG STE, DE LTAR BSTAN PAS GNYIS PO NI NGES PAR 'BYUNG BA LA GCO BO YIN PAR BSTAN TO, ,DE LA GSHOG BA DANG LDAN PA LA NI 'DAB CHAGS ZHES BYA'O, ,DES DBYE BA NI BYA NYID YIN NO, , ZHES SHES PAR BYA BA'I PHYIR BYA ZHES BYA BA SMOS SO, ,DE LTAR BDAG NYID LUS CHE LA GSHOG PA DANG BRAL BA'I PHYIR ZHIG CES GSUNGS PA YIN NO, ,RANG BZHIN GYI MTSAN NYID KYI RNAM PAR 'GREL PA'O,, ,,CI NAS KYANG 'DIR SBYOR BA LA BRTZON PA THAMS CAD 'BRAS BU DANG BCAS PAR 'GYUR BA MA YIN NO, ,'DIR MED PAR NI MI 'GYUR RO, ,DE LTA MOD KYI JI LTA BU ZHIG LA ZHE NA, THAR PA'I CHAD DANG MTHUN PA'I DGE BA'I RTZA BA DANG LDAN PA RNAMS LA'O, ,THAR PA'I CHA DANG MTHUN PA YANG JI LTA BU ZHIG CE NA, ,MTSAN MED RAB TU SBYIN LA SOGS, , YANG DAG BSGRUB LA MKHAS PA NI, ,RNAM PA THAMS CAD RTOGS 'DI RU, THAR PA'I CHA DANG MTHUN PAR 'DOD, ,CES BSTAN TO, ,GANG RNAM PA KUN MNGON PAR RDZOGS PAR RTOGS PA 'DI THAR PA'I CHA DANG MTHUN PA'I DGE BA'I RTZA BA'I DBANG DU BYAS NAS DANG PO SEMS BSKYED PA NAS NYE BAR BZUNG STE, RNAM PA THAMS CAD MKHYEN PA NYID KYI BAR DU THABS LA MKHAS PAS MTSAN MA MED PAR BYAS NAS SBYIN PA LA SOGS PA SBYIN PAR BYED PA NI SPYOD PAR RJES SU GNANG BA YIN NO ZHES BSTAN PA YIN NO, ,DE YANG DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI MTSAN NYID DU RIG PAR BYA'O, ,YANG CI'I PHYIR 'DIR SBYIN PA LA SOGS PA'I MTSAN MA'I 'DU SHES RNAMS BKAG CE NA, SHIN TU RNAM PAR DAG PA'I PHYIR CHOS RNAMS GANG CUNG ZAD KYANG CHOS KYI NGO BOR MED CING MI DMIGS PA'I PHYIR RO, , @111A *, ,MTSAN MA'I 'DU SHES KYIS BLA NA MED PA YANG DAG PAR RDZOGS PA'I BYANG CHUB PAR DKA' BA'I PHYIR RO, ,MTSAN MA MED PA'I 'DU SHES KYIS CHOS THAMS CAD STONG PA NYID KYI RNAM PAR GOMS PAR BYAS PAS DES SLA BAR MNGON PAR RDZOGS PAR BYANG CHUB PAR 'GYUR BA'I PHYIR RO, ,MTSAN MA MED PA'I 'DU SHES LAS BZLOG PA NI 'KHRUL PA ZHES BYA STE, GANG G'A'I KLUNG GI BYE MA SNYED KYI BYANG CHUB SEMS DPA' BZLOG PA MTHONG BAS BLA NA MED PA YANG DAG PAR RDZOGS PA'I BYANG CHUB DKA' BA NYID KYI PHYIR RO ZHES GSUNGS SO, ,MTSAN MA'I 'DU SHES NI RNAM PA BZHI STE, GZUGS LA SOGS PA'I 'DU SHES DANG, DE LAS GZHAN PA SKYES BU'I 'DU SHES DANG, DE BZHIN NYID KYI 'DU SHES DANG, CHOS KYI 'DU SHES SO, ,GANG LA DE DAG GI MED PA NI 'DU SHES MED PA ZHES BYA STE, DES NI YANG MNGON BAR BYANG CHUB PAR SLA BA YIN NO, ,GZUGS LA SOGS PA RNAMS DANG, DE LAS GZHAN PA DANG, DE BZHIN NYID DANG, DE LAS BZLOG PA'I CHOS GZHAN MI DMIGS PA'I PHYIR RO, ,'DI LTAR DE BZHIN NYID DANG, CHOS KYI DBYINGS DANG, CHOS KYI GNAS NYID DANG, CHOS NGES PA NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS LAS GZHAN PA'I LDOG PA BYANG CHUB SEMS DPA' MI DMIGS PAS NI YANG MNGON PAR RDZOGS PAR BYANG CHUB PAR SLA BA NI 'THAD PA YIN PA'I PHYIR RO, ,DE LTA MOD KYI NYAN THOS KYI THEG PA LA SOGS PA'I BYANG CHUB SEMS DPA' RNAM PA GSUM MED PA'I PHYIR, BYANG CHUB SEMS DPA' GCIG TU YANG 'DOD PAR BYA BA MA YIN PAR THAL BAR 'GYUR RO, ,DE LTA BU'I NYES PAR 'GYUR TE, DE CI'I PHYIR ZHE NA, KHYED BYANG CHUB SEMS DPA' GCIG TU YANG 'DOD DAM ZHES BYA BA NAS BRTZAMS TE, BDEN PA LA GNAS PAS DES CHOS RNAMS MI DMIGS NA DE LTAR GA LA 'GYUR, BYANG CHUB SEMS DPA' GCIG DANG DU MAR KHAS MI LEN PA'I 'THAD PA YIN NO ZHES BSTAN PA YIN NO, ,BDEN PA NI DON DAM PA'I BDEN PA NYID DO, ,GNAS PA ZHES BYA BA NI THA SNYAD DU BTAGS PA ZHES BYA BA'I DON TO, , @111B THAR PA'I CHA DANG MTHUN PA'I RANG GI NGO BO BSTAN NAS, DA NI RTAGS BRJOD PAR BYA STE, GANG GI RTAGS SU SHES SHE NA, DE LA RTAGS NI RNAM PA GSUM STE, GNAS MA YIN PA LA SKRAG PA'I PHYIR RO, ,KUN DU ZHUM PA NI RGYUN DU SKRAG PA'I PHYIR RO, ,RGYAB KYIS PHYOGS PA NI KUN DU SKRAG PA MTHAR THUG PA'O, ,DE DAG GI SNOD MA YIN PA THOB PA'I PHYIR, GANG ZHIG DE LAS BZLOG PA GANG YIN PA NI CHOS THAMS CAD KYI DE BZHIN NYID YIN TE, RNAM PA THAMS CAD MKHYEN PA NYID LA RAB TU BRTAGS NAS BYANG CHUB SEMS DPA' SEMS DPA' CHEN PO DANG, BYANG CHUB SEMS DPA' LA KHYAD PAR MED DO ZHES BSTAN TO, ,BYANG CHUB SEMS DPA' RNAM PA GSUM DU BRTAGS PA MI DMIGS PA SEMS MA ZHUM PA DANG, MI SKRAG PA LA SOGS PA NI BLA NA MED PA YANG DAG PAR RDZOGS PA'I BYANG CHUB TU NGES PAR 'BYUNG NGO ZHES GSUNGS PA'I PHYIR RO, , 'DI LTAR THAR PA'I CHA DANG MTHUN PA'I DGE BA'I RTZA BA CHUNG NGU DANG, 'BRING DANG, CHEN PO RNAMS LAS DE LA CHUNG DU NI GANG MTSAN MA MED PAR BYA STE, SBYIN PA LA SOGS PA GTONG BA DANG, THABS LA MKHAS PA LA SOGS PA YIN NO ZHES BSTAN PA YIN NO, ,'BRING NI GANG CHOS THAMS CAD STONG PA NYID KYI RNAM PAR GOMS PAR BYAS PA LA SOGS PA'O ZHES BSTAN PA YIN NO, ,CHEN PO NI GANG GZUGS LA SOGS PA DE RNAMS LAS DE BZHIN NYID DE GZHAN PA DANG, DE LAS GZHAN PA'I LDOG PA'I CHOS MI DMIGS PA LA SOGS PA'O ZHES BSTAN PA YIN NO, ,DE DAG THAMS CAD KYANG THOS PA DANG, BSAMS PA'I SHES RAB KYI RANG BZHIN YIN PAR RIG PAR BYA STE, DANG POR BSTAN PA LA 'JUG PA'I RGYU YIN NO ZHES BSTAN PA YIN NO, ,SBYOR BA LA THAR PA'I CHA DANG MTHUN PA'I RNAM PAR 'GREL PA'O,, ,, THAR PA'I CHA DANG MTHUN PA BSTAN NAS DA NI SBYOR BA'I LAM NGES PAR 'BYED PA'I CHA DANG MTHUN PAR BRJOD PAR BYA'O, ,DMIGS PA DANG NI RNAM PA DANG, ,RGYU DANG YONGS SU BZUNG BA YIS, ,ZHES SNGAR BSTAN PA MA YIN NAM, SBYOR BA LA NGES PAR 'BYED PA'I CHA DANG MTHUN @112A *, ,PA YANG CI'I PHYIR BSHAD CE NA, KHYAD PAR GYI MTSAN NYID BSTAN NAS DA NI SEMS CAN THAMS CAD KYI RTEN CAN SBYOR BA'I LAM GYIS BSDUS PA BSTAN PA'I PHYIR, ,DRO BA RNAMS KYIS DMIGS PA 'DIR, ,SEMS CAN THAMS CAD YIN PAR BSNGAGS, ,DE DAG NYID LA SEMS MNYAM SOGS, ,RNAM PA DGU RU RIG PAR BYA, ,ZHES BSTAN PA LAS 'DIR SEMS CAN THAMS CAD LA DMIGS PA'I SEMS MNYAM PA NYID LA SOGS PA'I RNAM PAR SBYOR BA'I LAM NGES PAR 'BYED PA DRO BAR GYUR BA JI LTAR BRJOD CE NA, DE LA SMRAS PA, SEMS CAN THAMS CAD LA SEMS MNYAM PA NYID BSKYED NAS DES DMIGS NAS GNAS PA DANG, DE BZHIN DU BYAMS PA'I SEMS BSKYED NAS DES DMIGS PA NYID DANG, NGA RGYAL MED PA'I SEMS BSKYED NAS 'TSE BA MED PA DES DMIGS PAR BYED PA NYID DANG, KHONG KHRO MED PA'I SEMS BSKYED NAS DES DMIGS PAR BYED PA NYID DANG, DE BZHIN DU MA DANG, PHA DANG, SPUN ZLA DANG, SRING MO DANG, GROGS PO DANG, GNYEN DANG, SNAG GI GNYEN MTSAMS KYI BAR DU SEMS BSKYED NAS DES DMIGS PAR BYED PA NYID DANG, YANG RNAM PA THAMS CAD DU MI ZAD PA MED PA'I SEMS BSKYED PAR BYA'O ZHES BYA BA LA SOGS PA BSTAN PAS NI GNYIS SU MI 'BYED PAR SHES PAR BYA BA'I CHED YIN NO, ,PHA DANG MA LA SOGS PA GNYIS GNYIS GCIG TU BYAS NAS RNAM PA DGUR 'GYUR BA YIN NO, ,'DIR RE ZHIG SBYOR BA'I LAM LA DRO BAR GYUR BA DE LTA BU YIN NA, RTZE MOR GYUR PA JI LTA BU ZHIG CE NA, BDAG NYID SDIG PA LAS LDOG CING, ,SBYIN LA SOGS PA GNAS PA GZHAN, ,DE DAG LA NI 'GOD PA DANG, ,BSNGAGS PA BRJOD DANG RJES MTHUN NYID, ,RTZE MOR GYUR CES BYA BA LA, BDAG NYID SDIG PA LAS LDOG CING SBYIN BA LA SOGS PA LA 'JUG PA NI GANG BDAG NYID KYANG SROG GCOD PA SPONG BAR BYED, GZHAN DAG KYANG DE LA SBYOR BAR BYED CES BYA BA NAS BRTZAMS TE, BDAG KYANG RTEN CING 'BREL PAR 'BYUNG BA LUGS DANG MTHUN PA DANG, LUGS DANG MTHUN PA LAS BZLOG PA LA MNYAM PAR 'JOG PAR @112B BYED CING DE LA GZHAN DAG YANG DAG PAR SBYOR BA DANG, DE'I BSNGAGS PA BRJOD PA DANG, DE SNYOMS PAR 'JUG PA GZHAN DAG LA YANG MTHUN PAS DGA' BAR BYED CING, 'DIR YANG SEMS CAN THAMS CAD LA DMIGS NAS SDIG PA LAS LDOG PA DANG, DGE BA LA SOGS PA LA 'JUG PA LA YANG DAG PAR SBYOR ZHING, BSNGAGS PA BRJOD PA LA SOGS PAS MTHUN PAR DGA' BAR BYED PA NI 'DIR SBYOR BA'I LAM RTZE MOR GYUR PA YIN NO ZHES BSTAN PA YIN NO, ,BZOD PAR GYUR PA JI LTA BU ZHIG CE NA, DE BZHIN BZOD PA NI, BDAG GZHAN RTEN CAN BDEN ZHES PA, ,ZHES BSTAN PA LA, DE BZHIN ZHES BYA BA NI JI LTAR SNGAR GZHAN GYI RTEN CAN GYI DBYE BA LTAR, DMIGS PA'I DBYE BAS PHYE BA NI GANG BDAG GIS KYANG SDUG BSNGAL YONGS SU SHES PAR BYA, KUN 'BYUNG SPANG BAR BYA, 'GOG PA MNGON DU BYA, LAM BSGOM PAR BYA ZHES BYA BA NAS BRTZAMS TE, BDAG KYANG BYANG CHUB SEMS DPA'I SKYON MED PAR GNON CING, DE LA GZHAN DAG SBYOR ZHING BSNGAGS PA BRJOD PA LA SOGS PAS DE GNON PA LA MTHUN PAS DGA' BAR BYED PA YIN TE, DMIGS PA'I RNAM PA'I BYE BRAG BRJOD PA SNGA MA BZHIN NO, ,'DIR SBYOR BA'I LAM NGES PAR 'BYED PA'I BZOD PAR GYUR PA YIN NO ZHES BSTAN PA YIN NO, ,'JIG RTEN PA'I CHOS JI LTA BU ZHIG CE NA, CHOS MCHOG DE BZHIN SEMS CAN RNAMS, ,ZHES BYA BA SMOS TE, JI LTAR BSHAD PA DE BZHIN DU BZOD PA BSTAN NO, ,BDAG GZHAN RTEN CAN NYID KYANG 'DIR RJES SU SBYAR RO, ,DMIGS PA DANG RNAM PA'I BRE BRAG RNAMS JI LTA BU ZHIG CE NA, SEMS CAN RNAMS SMIN BYED SOGS KYIS, ZHES BYA BA LA GANG BDAG NYID KYANG SEMS CAN RNAMS YONGS SU SMIN PAR BYED CING ZHES BYA BA NAS BRTZAMS TE, DE DE LTAR SLOB CING 'DOD PA DE NYID KYIS BSGRIBS PA MED PA'I GZUGS SU 'GYUR BA YIN TE, DAM PA'I CHOS GNAS PA NYID SGRIB PA MED PAR 'GYUR BA YIN PA'I PHYIR RO, ,DE CI'I PHYIR ZHE NA, 'DI LTAR DE NI BYANG CHUB SEMS DPA' SEMS DPA' CHEN POS SNGA MA BZHIN DU GZUGS NAS RNAM PA THAMS CAD MKHYEN PA NYID KYI BAR DU YONGS SU MA BZUNG BA'I PHYIR RO, ,DE CI'I PHYIR ZHE NA, 'DI LTAR @113A *, ,GZUGS YONGS SU GZUNG BA MED PA NAS RNAM PA THAMS CAD MKHYEN PA NYID KYI BAR DU YONGS SU GZUNG BA MED PA NI RNAM PA THAMS CAD MKHYEN PA NYID MA YIN NO, ,ZHES BYA BA NI 'THAD PA YIN NO, ,SBYOR BA'I LAM 'JIG RTEN PA'I CHOS KYI MCHOG DE YANG DE'I NGES PAR 'BYED PA'I CHA DANG MTHUN PA CHUNG NGU DANG, 'BRING DANG, CHEN PO'I RIGS KYI DBYE BAS RE RE ZHING RNAM PA GSUM GSUM DU 'GYUR RO, ,DE LA DRO BAR GYUR PA CHUNG NGU NI JI SKAD DU, SEMS CAN THAMS CAD LA SEMS MNYAM PA NYID BSKYED NAS DES DMIGS PAS GNAS PAR BYA'O ZHES BYA BA LA SOGS PA GSUNGS PA YIN NO, ,TSE 'DI YIN TE, GZHAN LA MI 'TSE BA NYID NYE BAR GZUNG BA YIN NO, ,'BRING NI JI SKAD DU, PHAN PA'I SEMS BSKYED NAS DES DMIGS PA NYID DU BYA'O, ,ZHES BYA BA LA SOGS PA GSUNGS PA YIN NO, ,PHYI MA GZHAN LA PHAN BAR DGONGS PA NYE BAR GZUNG BA YIN NO, ,CHEN PO NI JI SKAD DU, PHA DANG, MA DANG, SPUN ZLA DANG, SRING MO LA SOGS PA'I SEMS BSKYED NAS DES DMIGS PA NYID DU BYA'O ZHES GSUNGS PA YIN NO, ,'PHRAL DANG YUN RING POR YID DU 'ONG BAS BSDUS PA LA 'JUG PAR 'DOD PA NYID KYI PHYIR 'DI DANG, PHYI MA GNYI GA YIN NO ZHES NYE BAR GZUNG BA YIN NO, ,RTZE MO RGYUD PA CHUNG NGU NI JI SKAD DU, BDAG NYID KYANG SROG GCOD PA SPONG BAR BYED CES BYA BA LA SOGS PA GSUNGS PA YIN NO, ,GZHAN SDUG BSNGAL GYI RGYU LA 'JUG PA LAS BZLOG PAR BZHES PA NYE BAR GZUNG BA'I PHYIR RO, ,RTZE MOR GYUR PA 'BRING NI JI SKAD DU, BDAG NYID KYIS KYANG SBYIN BA'I PHA ROL TU PHYIN PA YONGS SU RDZOGS PAR BYED CES BYA BA LA SOGS PA GSUNGS PA YIN NO, ,GZHAN BDE BA'I RGYU LA YANG DAG PAR SBYOR BAR BZHED PA NYE BAR BZUNG BA YIN PA'I PHYIR RO, ,RTZE MOR GYUR PA CHEN PO NI JI SKAD DU, BDAG NYID KYANG NANG STONG PA NYID LA MNYAM PAR GZHAG PAR BYA'O ZHES BYA BA LA SOGS PA GSUNGS PA YIN NO, ,GZHAN DAG SDUG BSNGAL LA BDE BAR PHYIN CI LOG TU 'DZIN PA SPANGS PAR BZHED PA NYE BAR GZUNG BA'I PHYIR RO, ,BZOD PA CHUNG NGU NI JI SKAD DU, BDAG NYID KYANG SDUG BSNGAL YONGS SU SHES PAR BYA ZHES BYA BA LA SOGS PA @113B GSUNGS PA YIN NO, ,GZHAN DAG 'PHAGS PA'I LAM LA NGES PAR SBYOR BAR BZHED PA NYE BAR GZUNG BA'I PHYIR RO, ,BZOD PA 'BRING NI JI SKAD DU, BDAG NYID KYANG RGYUN DU ZHUGS PA'I 'BRAS BU MNGON DU BYA BA'I SHES PA BSKYED PAR BYA STE, YANG DAG PA'I MTHA' MNGON SUM DU MI BYA'O ZHES BYA BA LA SOGS PA GSUNGS PA YIN NO, ,GZHAN DAG 'BRAS BU LA YANG DAG PAR SBYOR BAR BZHED PA NYE BAR GZUNG BA'I PHYIR RO, ,BZOD PA CHEN PO NI JI SKAD DU, BDAG NYID KYANG BYANG CHUB SEMS DPA'I SKYON MED PA NYID LA 'JUG PAR BYA ZHES BYA BA LA SOGS PA GSUNGS PA YIN NO, ,GZHAN DAG SANGS RGYAS NYID LA YANG DAG PAR SBYOR BAR BZHED PA NYE BAR GZUNG BA YIN PA'I PHYIR RO, ,BZOD PA DE YANG SKAD CIG MA GCIG YIN PAR SHES PAR BYA'O, ,CHOS KYI MCHOG CHUNG DU NI BDAG GIS KYANG SEMS CAN YONGS SU SMIN PAR BYA ZHES BYA BA LA SOGS PA GSUNGS PA YIN NO, ,KHYAD PAR MED PA'I THEG PA GSUM GYIS YONGS SU SMIN PAR BZHED PA NYE BAR GZUNG BA YIN PA'I PHYIR RO, ,CHOS KYI MCHOG 'BRING NI JI SKAD DU, BDAG NYID KYANG BYANG CHUB SEMS DPA'I MNGON PAR SHES PA BSKYED PAR BYA ZHES BYA BA LA SOGS PA GSUNGS PA YIN NO, ,SEMS CAN RNAMS KHYAD PAR GYI LAM LA BYANG CHUB SEMS DPA'I MNGON BAR SHES PA LA YANG DAG PAR SBYOR BAR BZHED PA NYE BAR GZUNG BA YIN NO, ,CHOS KYI MCHOG CHEN PO NI JI SKAD DU, BDAG NYID KYANG RNAM PA THAMS CAD MKHYEN PA NYID BSKYED PAR BYA ZHES BYA BA LA SOGS PA GSUNGS PA YIN NO, ,GZHAN PHUN SUM TSOGS PA THAMS CAD MTHAR THUG PA LA 'JOG PA BZHED PA NYE BAR GZUNG BA YIN PA'I PHYIR RO, ,GANG 'DI LTAR BZOD PA'I CHEN PO SKAD CIG MA GCIG YIN PAR BSTAN PA DE BZHIN DU CHOS KYI MCHOG KYANG YIN NO, ,ZHES BYA BA DE NI RANG GI DON GYI DBANG DU BYAS PA YIN LA, 'DIR NI GZHAN GYI RTEN CAN CHUNG NGU DANG, 'BRING DANG, CHEN PO'I BYE BRAG BSHAD PA'I PHYIR, GZHAN GYI DON LA GONG NAS GONG DU 'GRO BA'I GNAS SKABS YOD PA'I PHYIR DE DANG 'DI LA 'GAL BA MED DO, ,SBYOR BA'I LAM NGES PAR BYED PA'I RNAM PAR 'GREL PA'O,, ,, @114A *, ,'ON TE 'DI SKAD DU, NYAN THOS KYI DGE 'DUN NAM, BYANG CHUB SEMS DPA'I DGE 'DUN YIN ZHES ZER NA, DA DAG NI NYAN THOS KYI DGE 'DUN YIN PAR SHES PAR BYA STE, LAM GYI 'BRAS BU DANG, 'BRAS BU'I LAM GYI DBYE BAS SKYES BU ZUNG BZHI YIN PAR SHES PAR BYA'O, ,BYANG CHUB SEMS DPA'I DGE 'DUN YIN PAR BSTAN PA'I PHYIR RNAM PA KUN MNGON BAR RDZOGS PAR RTOGS PA'I DBANG DU BYAS NAS, PHYIR MI LDOG PA'I MTSAN NYID LAS BRTZAMS NAS SO SO'I BDAG NYID KYI MTSAN NYID BSTAN PA'I PHYIR DRING THA DAD PA YIN NO ZHES BSTAN TO, ,JI SKAD DU, BCOM LDAN 'DAS BDAG GIS JI LTAR PHYIR MI LDOG PA DANG, PHYIR MI LDOG PA'I MTSAN NYID DU 'TSAL BAR BGYI ZHES BYA BAS NI BDAG DANG, GZHAN RTOGS PA'I RGYU MTSAN NI YONGS SU ZHUS PA YIN NO, ,RAB 'BYOR GANG YANG SO SO'I SKYE BO'I SA ZHES BYA BA NAS BRTZAMS TE, GZHAN GYIS BYAS PA DANG, MA BYAS PA LA BLTA BAR MI BYA'O ZHES BYA BA'I BAR GYIS NI DE'I MTSAN NYID GSUNGS PA YIN NO, ,GZHAN RTOGS PA'I RGYU MTSAN DU PHYIR MI LDOG PA'I DBANG DU MDZAD NAS YANG BYANG CHUB SEMS DPA'I DGE 'DUN RNAM PA GSUM DU 'GYUR BAR RIG PAR BYA'O, ,NGES PAR 'BYED PA'I CHAS BSDUS PA SBYOR BA'I LAM GYI GNAS SKABS DANG, BZOD PA DANG SHES RAB BSDUS PA MTHONG BA'I LAM GYI GNAS SKABS DANG; RGYUN DANG LDAN PA'I BSGOM PA'I LAM GYI GNAS SKABS SO, ,DE YANG GANG, NGES 'BYED YAN LAG NAS BZUNG STE, ,MTHONG DANG GOMS PA'I SA DAG LA, ,BYANG CHUB SEMS DPA' GANG DAG GNAS, ,DE 'DIR PHYIR MI LDOG PA'I TSOGS, ,SHES BSTAN PA NI DGE 'DUN YIN, ,ZHES BYA BA'I DON TO, , GZUGS LA SOGS PA LAS LDOG PA'I RTAGS RNAM PA NYI SHU NI NGES PAR 'BYED PA'I YAN LAG LA GNAS PA 'DI'I MTSAN NYID YIN TE, GANG BCOM LDAN 'DAS RNAM PA ZHES BGYI BA 'DI JI LTA BU LAGS ZHES BYA BA NI RTOGS PAS BSDUS PA NI RTAGS ZHES BYA'O, ,RANG GI RTEN @114B MTSON PA NI MTSAN MA ZHES BYA'O, ,DES YONGS SU LONGS SPYOD PA NI RNAM PA'O, ,DE LTA BU NI BYANG CHUB SEMS DPA' SEMS DPA' CHEN PO PHYIR MI LDOG PAR RIG PAR BYA STE, DE NI GZHAN DAG RTOGS PAR BYA BA'I PHYIR ZHUGS PA YIN NO, ,RTAGS NYI SHU GANG DAG YIN ZHE NA, GZUGS LA SOGS PA LAS LDOG PAS TE, GANG RAB 'BYOR CHOS THAMS CAD NI RNAM PA MED PA, RTAGS MED PA, MTSAN MA MED PA'O ZHES BSTAN PA YIN NO, ,TSOR BAR BYA BA DANG, TSOR BA PO'I 'BREL PA BKAG PAS GZUGS LA SOGS PA NAS YANG DAG PAR RDZOGS PA'I BYANG CHUB LAS PHYIR LDOG PA NI PHYIR MI LDOG PA NYID YIN NO, ,DE CI'I PHYIR ZHE NA, GZUGS LA SOGS PA RNAMS RANG GI NGO BO GNAS PA MED PA'I PHYIR RO, ,GZHAN YANG YID GNYIS MED PA NYID KYIS LHA GZHAN DAG LA PHYAG MI 'TSAL ZHING, ME TOG LA SOGS PAS MCHOD PAR MI SEMS PA DANG, GZHAN YANG MI KHOM PA BRGYAD DANG, BUD MED KYI DNGOS PO YONGS SU 'DZIN PAR MI 'GYUR BA DANG, YANG BDAG NYID KYANG DGE BA BCU'I LAS KYI LAM LA YANG DAG PAR GNAS PA YIN TE, DE NYID GZHAN DAG YANG DAG PAR 'DZIN DU 'JUG PA YIN TE, DE'I BSNGAGS PA BRJOD PA YIN, ,MTHUN PAS DGA' BAR BYED PA YIN, ,SEMS CAN THAMS CAD LA PHA ROL TU PHYIN PA DRUG STON CING BSGOM PA LA MDO SDE LA SOGS PA'I CHOS KYI SBYIN PA GTONG ZHING, DE SEMS CAN THAMS CAD KYIS MNGON PAR 'DOD PA YONGS SU RDZOGS PAR BYA BA'I PHYIR BLA NA MED PA YANG DAG PAR RDZOGS PA'I BYANG CHUB TU BSNGO BA DANG, CHOS THAMS CAD MI MTHONG BAS CHOS ZAB MA LA NAM NUR DANG, THE TSOM DANG, YID GNYIS MED PA DANG, DE LAS LAM GZHAN 'DOD CING MTHAR THUG PA'I NUS PA MED PA'I PHYIR NEM NUR RO, ,LAM DANG 'DRA BA LAS BZLOG PA NI YID GNYIS SO, ,RIGS KYI CHOS DGE BA RNAM PA SNA TSOGS 'PHEL BA MED PAR 'GRO BAS NA, THE TSOM ZA BA'I PHYIR THE TSOM MO, ,BYAMS PA'I LUS DANG, NGAG DANG, YID KYI LAS DANG LDAN PA DANG, SGRIB PA LNGA DANG, LHAN CIG MI GNAS PA DANG, BAG LA NYAL THAMS CAD DUS THAMS CAD DU MED PA NI MA RIG @115A *, ,PA DANG; LTA BAS BSDUS PA'I BAG LA NYAL BA YIN GYI, BYANG CHUB SEMS DPA' NI BSAMS BZHIN DU SRID PA LEN PA'I PHYIR 'DOD PA DANG, SRID PA'I ZAG PAS BSDUS PA MA YIN NO, ,'GRO BA DANG, 'ONG BA LA SOGS PA'I SPYOD LAM LA SOGS PA'I DRAN PA NYE BAR 'JOG PA NYID DANG, GTZANG SBRA'I KUN TU SPYOD PA DANG LDAN ZHING NAD NYUNG BA NYID YIN LA, CHOS GOS DANG LONGS SPYOD SMAD DU MED PA NYID KYIS DROD DU GTOGS PA'I GNAS SKABS YIN NO, ,DGE BA'I RTZA BA 'JIG RTEN THAMS CAD LAS MNGON PAR 'PHAGS PA NYID YIN PAS LUS LA SRIN BU'I RIGS STONG PHRAG BRGYAD CU MED PA NYID DANG, DGE BA'I RTZA BA RNAM PAR DAG PA'I PHYIR SEMS KYI GYA GYU DANG BRAL BAS NYAN THOS LA SOGS PA'I SA LAS 'DAS NAS, GONG NAS GONG DU LUS DANG SEMS YONGS SU DAG PA 'DZIN CING RGYU NYID DU GYUR PA DANG, RNYED PA DANG, BKUR STI LA SOGS PA LHUR LEN PA MA YIN PA DANG, SBYANGS PA'I YON TAN BCU GNYIS YANG DAG PAR BLANGS TE SPYOD PA DANG, PHA ROL TU PHYIN PA'I MI MTHUN PA'I PHYOGS SER SNA LA SOGS PA'I SEMS MI BSKYED PA DANG, BLO BRTEN ZHING ZAB PAS GZHAN LAS CHOS NYAN PA NA CHOS NYID SBYOR BA YIN PA'I PHYIR SHES RAB KYI PHA ROL TU PHYIN PA'I RNAL 'BYOR YANG DAG PAR BSGRUB PA DANG, YANG BDUD SDIG CAN GYIS SEMS CAN DMYAL BA CHEN PO BRGYAD SPRUL TE, NGAN SONG DU LHUNG ZHING SDUG BSNGAL MI BZAD PAS RGYUN DU SDUG BSNGAL BA'I TSOR BA'I DBANG DU BYAS PA 'DI NI BYANG CHUB SEMS DPA'I PHYIR MI LDOG PAR LUNG BSTAN PA YIN NO, ,ZHES BSTAN CING 'BYED PA NA SEMS MI 'KHRUGS PAR 'GRO BA YONGS SU SKYOB CING, BLA NA MED PA YANG DAG PAR RDZOGS PA'I BYANG CHUB LAS SEMS PHYIR MI LDOG PA NYID KYIS RTZE MOR GTOGS PA'I GNAS SKABS YIN NO, , YANG BYANG CHUB SEMS DPA'I DRUNG DU BDUD SDIG CAN DGE SBYONG GI CHA BYAD DU 'ONGS TE 'DI SKAD DU ZHES BYA BA NAS BRTZAMS TE, LAM GZHAN BSTAN DU ZIN KYANG DGE SLONG DGRA BCOM PA'I DPES GZHAN LA YID CHES PAR MI 'GRO BA NYID YIN NO, ,DE CI'I PHYIR ZHE NA, 'DI LTAR @115B DES GANG LA YID CHES PAS 'GRO BA'I CHOS GANG YANG YANG DAG PAR RJES SU MI MTHONG BA LA SOGS PA NI 'THAD PA YIN NO, ,GZHAN YANG BDUD SDIG CAN 'JIG RTEN PA'I RNAM PAS RUS GONG GI 'DU SHES LA SOGS PA LAM GYI GZUGS BRNYAN STON PA NA, 'DI NI BDUD SDIG CAN YIN NO ZHES KHONG DU CHUD PAS SEMS CAN THAMS CAD YONGS SU GTONG BA'I SEMS MI BSKYED PA'I PHYIR BZOD PAR GTOGS PA'I GNAS SKABS YIN NO, ,SHES RAB KYI PHA ROL TU PHYIN PA YID LA BYED PA DANG MA BRAL BAS DE BZHIN GSHEGS PAS YANG DAG PAR GSUNGS PA'I SPYOD PA DANG RJES SU MTHUN PAS GNAS SHING, SPYIN PA'I PHA ROL TU PHYIN PA LA SOGS PA NAS RNAM PA THAMS CAD MKHYEN PA NYID KYI BAR LAS YONGS SU MI NYAMS PA'I BSAM PAS ZHES BYA STE, CHOS KYI MCHOG GI GNAS SKABS SO, ,MDO 'DI'I DON TSIG LHUG PAS RGYA CHER BSTAN PA'I DON RJES SU DRAN PAR BYA BA'I PHYIR, NYE BAR 'BREL PA SDUD PA'I TSIG LE 'UR BYAS PA NI DRUG YIN TE, GZUGS LA SOGS PA LDOG SOGS RTAGS, ,RNAM PA NYI SHU BSKYED PA YIS, ,NGES 'BYED YAN LAG LA GNAS PA'I, ,PHYIR MI LDOG PA'I MTSAN NYID 'DI, ,GZUGS LA SOGS PAS LDOG PA DANG, ,THE TSOM MI KHOM ZAD PA DANG, ,BDAG NYID DGE BA LA GNAS SHING, ,GZHAN DAG DE LA DGOD PA DANG, ,GZHAN GYI RTEN CAN SBYIN SOGS DANG, ,ZAB MO'I DON LA SOM NYI MED, ,BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG; ,BAG LA NYAL KUN 'JOMS PA DANG, ,DRAN PA DANG NI SHES BZHIN DANG, ,GOS LA SOGS PA GTZANG BA DANG, ,LUS LA SRIN BU RNAMS MI 'BYUNG, ,GYA GYU MED SEMS SBYANGS PA NI, ,LEN DANG SER SNA MED SOGS DANG, ,CHOS NYID LDAN PA 'GRO NYID DANG, ,SEMS CAN DON DU DMYAL 'TSOL DANG, ,GZHAN GYIS BKRI BAR MI BTUB DANG, ,LAM GZHAN NYE BAR STON BDUD LA, ,BDUD CES BYA BAR RTOGS PA DANG, ,SANGS RGYAS DGYES PA'I SPYOD PA STE, ,RTAGS NI NYI SHU DE DAG GIS, ,DROD DANG RTZE MO BZOD DANG BCAS, ,CHOS MCHOG @116A *, ,RNAMS LA GNAS PA NI, ,RDZOGS PA'I BYANG CHUB LAS MI LDOG ,NGES PAR 'BYED PA'I CHA DANG MTHUN PA LA GNAS PA'I PHYIR MI LDOG PA'I BYANG CHUB SEMS DPA'I MTSAN NYID KYI RNAM PAR 'GREL PA'O,, ,,NGES PAR 'BYED PA'I CHA DANG MTHUN PA'I GNAS SKABS KYIS PHYIR MI LDOG PA'I BYANG CHUB SEMS DPA'I MTSAN NYID BSTAN NAS DA NI MTHONG BA'I LAM GYI GNAS SKABS BSTAN PAR BYA BA'I PHYIR; MTHONG BA'I LAM LA BZOD PA DANG, ,SHES PA'I SKAD CIG BCU DRUG GIS, ,BYANG CHUB SEMS DPA' MI LDOG PA'I, ,MTSAN NYID YIN PAR SHES PAR BYA, ,ZHES BSTAN PA LA, BCU DRUG GANG ZHE NA, 'DI LTA STE, SDUG BSNGAL LA CHOS SHES PA'I BZOD PA NI GANG MTHONG BA'I LAM GYI GNAS SKABS KYI PHYIR MI LDOG PA'I MTSAN NYID KYI DBANG DU BYAS NAS, GZUGS LA SOGS PA'I 'DU SHES LAS PHYIR MI LDOG PA'I MTSAN NYID KYIS PHYIR MI LDOG PA NYID YIN NO, ,DE CI'I PHYIR ZHE NA, DE NI 'DI LTAR PHYIR MI LDOG PA'I BYANG CHUB SEMS DPA' SEMS DPA' CHEN PO NI CHOS THAMS CAD RANG GI MTSAN NYID STONG PA NYID KYI PHYIR BYANG CHUB SEMS DPA'I SKYON MED PAR 'JUG STE, DES CHOS DE YANG DMIGS LA DES NA MNGON BAR 'DU MI BYED DO, ,DES NA SKYE BO DE NI PHYIR MI LDOG PA'I BYANG CHUB SEMS DPA' SEMS DPA' CHEN PO MI SKYE BA LA BZOD PA ZHES BYA'O ZHES BSTAN PA YIN NO, ,'DU SHES DANG, MNGON PAR 'DU BYED PA LAS LDOG PA NI PHYIR MI LDOG PA'I MTSAN NYID YIN PA'I PHYIR ZHES BYA BA NI 'THAD PA YIN NO, ,SDUG BSNGAL LA CHOS SHES PA NI GANG YANG BDUD SDIG CAN NYE BAR 'ONGS TE MOS PA ZLOG PAR BYED CING, RNAM PA THAMS CAD MKHYEN PA NYID NI NAM MKHA' DANG MTSUNGS PA DNGOS PO MED PA'I NGO BO NYID DE, RANG GI MTSAN NYID KYIS STONG PA'O ZHES BYA BA NAS BRTZAMS TE, RTOGS PA PO DANG, RTOGS PA DANG, RTOGS PAR BYA BA MI DMIGS PAS CHOS KYI RJES SU MTHUN PA LDOG PA NA, DE KHONG DU CHUD CING SEMS BRTAN PA DANG, MI G-YO BA DANG, MI 'PHROGS PA NYID KYIS DAM BCAS PA'I SBYOR BAS CHED DU BYA BA @116B LAS MI NYAMS PA'I DON GYIS SO, ,ZHES BSTAN TO, ,DE LA SEMS BRTAN PA NI RGYUN DU GCES PAR BYED PAS SO, ,MI G-YO BA NI MNGON SUM DU BYED PAS SO, ,MI 'PHROGS PA NI GZHAN RNAMS KYI YUL MA YIN PA NYID KYIS SO, ,SDUG BSNGAL LA RJES SU SHES PA'I BZOD PA NI GANG NYAN THOS DANG, RANG SANGS RGYAS KYIS DAG DANG, RNAM PA THAM CAD MKHYEN PA NYID GANG YIN PA'I BAR LA LDOG PA DANG, 'JUG PA NYID KYI PHYIR LDOG PA DANG, PHYIR MI LDOG PA GNYIS KA LA MI BRTEN PA'I BYANG CHUB SEMS DPA' BSTAN PAS SO ZHES BSTAN PA YIN NO, , BDEN PA LA ZHUGS PA LAS LDOG PA YOD PA GANG YIN PA DANG, BDEN PA LA MA ZHUGS PA LAS 'JUG PA YOD PA GANG YIN PA DE DAG NI, 'DIR LDOG PA DANG, MI LDOG PAR SBYAR GYI, LDOG PA TZAM MAM, 'JUG PA TZAM NI MA YIN NO, ,SKAD CIG MA GSUM LA NI RJES SU SHES PA DANG 'BREL BAS NYAN THOS LA SOGS PA'I SAR LHUNG BAR 'GYUR BA MI SRID DE, DE NI KHAMS GSUM PA'I GNYEN PO THOB PA NYID YIN PA'I PHYIR RO, ,SDUG BSNGAL LA RJES SU SHES PA NI GANG YAN LAG ZAD PAR BYED PA SPANG BA LA GNAS PA'I BYANG CHUB SEMS DPA' DBANG DU MDZAD NAS MTHAR GYIS GNAS PA'I SNYOMS PAR 'JUG PA DGU DANG, BYANG CHUB KYI PHYOGS KYI CHOS SUM CU RTZA BDUN DANG, RNAM PAR THAR PA'I SGO GSUM GYI TING NGE 'DZIN LA SNYOMS PAR 'JUG LA, DE'I 'BRAS BU THOB PAR MI BYED PAS YAN LAG ZAD PAR BYA BA'I PHYIR SEMS CAN RNAMS DANG RJES SU MTHUN PA'I BDAG NYID KYI DNGOS PO YONGS SU 'DZIN PAR BYED PA'I PHYIR YAN LAG ZAD PAR BYED PA ZHES BYA BA STE, BSAM GTAN NAM SNYOMS PAR 'JUG PA GANG LA YAN LAG GANG YOD PA DE SPONG BA LA GNAS PA ZHES BYA BA'I DON NO, ,DPER NA BSAM GTAN DANG PO LA YAN LAG LNGA STE ZHES BYA BA LA SOGS PA'I YAN LAG ZAD PAR BYED PA ZHES SMOS PA'I RJES SU SHES PAS NI GZUGS DANG, GZUGS MED PA'I GNYEN PO NYID YIN PAR RTOGS PAR BYA BA'I PHYIR YIN NO, ,RJES SU MTHUN PA'I BDAG NYID KYI DNGOS PO YONGS SU 'DZIN PAS ZHES BYA BA NI SDUG BSNGAL LA RJES SU SHES PA'I GNAS SKABS SU @117A *, ,BYANG CHUB SEMS DPA'I 'DOD CHAGS DANG BRAL BA 'DOR BAR BYED PA YIN NO, ,KUN 'BYUNG LA CHOS SHES PA'I BZOD PA NI GANG YANG BYANG CHUB SEMS DPA' CHEN PO BYANG CHUB YID LA BYED PA DANG LDAN TE, BYANG CHUB KYI SEMS DANG MI 'BRAL BA NI MTHONG BAS SPANG BAR BYA BA'I RNAM PAR RTOG PA BSAL BA NYID KYIS LUS DANG SEMS YANG BA NYID KYIS GZUGS LHUR LEN PA MA YIN PA ZHES BYA BA NAS SANGS RGYAS BLTA BA DANG, DGE BA'I RTZA BA BSKYED PA LHUR LEN PA NYID KYI BAR DU RGYA CHER BKAG PA YIN NO, ,DE CI'I PHYIR ZHE NA, DE NI 'DI LTAR DE'I CHOS THAMS CAD NAM MKHA' DANG MNYAM ZHING DNGOS PO MED PA'I NGO BO NYID RANG GI MTSAN NYID STONG PA NYID KYI PHYIR RO ZHES BYA BA NI 'THAD PA YIN NO, ,DE LTAR YID LA BYED PA NA, 'O NA SPYOD LAM THAMS CAD DU 'KHRUL BA MED PA'I SEMS KYIS BYED PA NYID DO ZHES BSTAN PA YIN NO, ,KUN 'BYUNG LA CHOS SHES PA NI GANG YANG KHYIM NA GNAS PA THABS LA MKHAS PAS 'DOD PA'I YON TAN LNGA LEN PA DANG, ZAS LA SOGS PA'I YO BYAD MANG ZHING SNA TSOGS PAS SBYIN BA'I PHA ROL TU PHYIN PA LA BDAG NYID GNAS PA DANG, GZHAN DAG YANG DAG PAR DGOD PA DANG, DE'I BSNGAGS PA BRJOD CING MTHUN PAS DGA' BAR BYED PA NYID DO ZHES BSTAN PA YIN NO, ,KUN 'BYUNG LA RJES SU SHES PA'I BZOD PA NI GANG RTAG TU RGYUN MI 'CHAD PAR TSANGS PAR SPYOD PA DANG, GZHAN MI DGA' BAR 'GYUR BA'I GNOD PA MI BYED CES BYA BA NI RTAG TU TSANGS PAR SPYOD PA NYID KYI PHYIR, 'KHRUG PA'I 'DOD CHAGS SPANG BA YIN NO, ,GZHAN LA GNOD PA MI BYED PA NYID KYI PHYIR 'DI ZHI GNAS KYIS RGYUD MNYEN PA NYID DU STON PA DANG, 'DZAM BU'I GLING NAS BRTZAMS TE, STONG GSUM GYI STONG CHEN PO'I 'JIGS RTEN GYI KHAMS KYI BAR DU RIN PO CHE SNA BDUN GYIS YONGS SU BKANG BA SBYIN PA GTONG BA DANG, LAG NA RDO RJE'I RIGS LNGA RJES SU 'BRANG BAS DE LA BDUD LA SOGS PAS MI BRDZI BA NYID DU BSTAN PA YIN NO, ,KUN 'BYUNG LA RJES SU SHES PA NI GANG SEMS MI G-YENG BA THOB PAS DAD PA LA SOGS PA'I DBANG PO @117B MA TSANG BA MED PA DANG, BYANG CHUB KYI SEMS MI BRJED PA LA DBANG THOB PA NYID KYI PHYIR, SKYES BU DAM PAR GYUR PA NYID DANG, BUD MED DBANG DU 'GYUR BA'I SNGAGS DANG, RIG PA DANG, SMAN DANG, RTZI LA SOGS PA DANG, BUD MED DANG, SKYES PA LA SOGS PA ZE SLONG BA'I SBYOR BA MI BYED PA YIN NO, ,DE CI'I PHYIR ZHE NA, RAB 'BYOR 'DI LTAR BYANG CHUB SEMS DPA' SEMS DPA' CHEN POS RANG GI MTSAN NYID STONG PA NYID KYI PHYIR CHOS THAMS CAD LA MTSAN MAR MI MTHONG BA DANG, 'TSO BA YONGS SU DAG PAS GNAS PA NYID DO ZHES BSTAN PA YIN NO, , DE LA YAN LAG TSOGS PAR BYED PA'I MTSAN NYID NI SMAN NO, ,YAN LAG GCIG PA NI RTZI'O, ,YANG NA NAD SKYES PA GSO BAR BYED PA NI SMAN NO, ,PHYIS MI SKYE BAR BYED PA 'GEGS PA NI RTZI'O, ,YANG NA LUS LA BGOS PA'I GNAS SKABS THOB PAR BYED PA NI SMAN NO, ,MI RGAS PA'I KHYAD PAR THOB PAR BYED PA NI RTZI ZHES BYA STE RNAM GRANGS GZHAN NO, ,'GOG PA LA CHOS SHES PA'I BZOD PA NI GANG RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA BYANG CHUB YID LA BYED PA DANG MI 'BRAL ZHES BYA BA NAS BRTZAMS TE, PHUNG PO DANG, KHAMS DANG, SKYE MCHED RNAMS LA SBYOR BA DANG, RJES SU SBYOR BA BKAG PAS NYAN THOS LA SOGS PA'I PHYIN CI LOG YIN PAR SHES PAR BYA BA'I PHYIR RO, ,SBYOR BA DANG, RJES SU SBYOR BA SMOS PA NI SDUG BSNGAL DANG, KUN 'BYUNG GI BDEN PA GNYIS DANG, 'GOG PA DANG, LAM GYI BDEN PA GNYIS GO RIMS JI LTA BA BZHIN DU SBYOR BA DANG, RJES SU SBYOR BA SNGA MA DANG, PHYI MAR SHES PAR BYA BA'I PHYIR RO, ,DE CI'I PHYIR ZHE NA, DE NI 'DI LTAR DE'I RANG BZHIN STONG PA NYID LA GNAS PAS CHOS GANG YANG BZANG PO'AM, NGAN PAR YANG DAG PAR RJES SU MI MTHONG NGO ZHES BSTAN PA YIN NO, ,PHYIN CI MA LDOG PA'I SHES PA YIN PA'I PHYIR NI 'THAD PA YIN NO, ,'GOG PA LA CHOS SHES PA NI GANG RTOGS PA'I RGYUR GYUR PA'I DGE BA'I PHYOGS 'PHROG PA'I BAR CHAD KYI CHOS KYI @118A *, ,GTAM LA SBYOR BA DANG, RJES SU SBYOR BAR GNAS PA BKAG PAS DE DAG SHIN TU MI SNANG BAR GYUR PA'I DON BSTAN PA NYID DE, DE CI'I PHYIR ZHE NA, 'DI LTAR RANG GI MTSAN NYID KYIS STONG PA'I CHOS RNAMS LA CHOS GANG YANG 'PHROG PA'AM, SBYIN PAR RJES SU MI MTHONG BA'I PHYIR ZHES BYA BA'I 'THAD PAS SO, ,GTAM SMOS PA NI DNGOS PO'I RNAM PAR RTOG PA NI SDUG BSNGAL DANG, KUN 'BYUNG SHES PA'I DUS SU 'GAG PA'I PHYIR RO, ,'GOG PA SHES PA NI GTAM GYI SBYOR BA TZAM GYIS RNAM PAR RTOG PA'I GNYEN PO SHES PAR BYA BA'I PHYIR RO ZHES BSTAN PA YIN NO, ,DE LTA BU'I GNAS SKABS KYI DBANG DU MDZAD NAS, JI SKAD DU, 'DI DAG THAMS CAD MING TZAM STE, 'DU SHES TZAM DU RAB TU GNAS, ,BRJOD PA LAS NI GZHAN GYUR PA, ,BRJOD PAR BYA BA YOD MA YIN, ,ZHES GSUNGS SO, ,'GOG PA LA RJES SU SHES PA'I BZOD PA NI BYANG CHUB KYI TSOGS SU GYUR PA'I SBYIN PA LA SOGS PA'I GTAM MANG PO RNAM PA SNA TSOGS PA CHOS KYI GTAM GYI SBYOR BA NI SNGA MA BZHIN NO, ,'GOG BA SHES PA NI GNAS SKABS SU YANG DAG PAR BSGRUB PA MANG PO DANG NYE BAR LDAN PA'I DON STON PA YIN NO, ,DE CI'I PHYIR ZHE NA, DE NI 'DI LTAR DE'I RANG BZHIN GYIS STONG PA NYID LA GNAS PAS CHOS GANG YANG NYUNG NGU'AM, MANG POR YANG DAG PAR RJES SU MI MTHONG NGO ZHES GSUNGS PA'I 'THAD PAS SO ZHES BSTAN PA YIN NO, ,'GOG PA LA RJES SU SHES PA NI GANG GNYEN PO DANG MI MTHUN PA'I PHYOGS DAG GSOD PA PO DANG, GSAD PAR BYA BA'I G-YUL GYI GTAM NI SNGA MA BZHIN NO, ,DE CI'I PHYIR ZHE NA, LAM GYI DE BZHIN NYID LA GNAS PAS CHOS GANG YANG CHAGS PA'AM, KHONG KHRO BA YANG DAG PAR RJES SU MI MTHONG BA NYID DO ZHES BSTAN PA YIN NO, ,GANG DE LTA BU'I GNAS SU RANG NYID KYIS RNAM PAR SMIN PA'I 'GOG PA RNAM PA BZHI LAS GANG GIS 'DIR DBANG PO'I GRONG 'GOG PA DANG, DE NAS GZHAN YANG RNAM PAR SMIN PA MA LUS PA'I DBANG PO'I GRONG GI @118B GTAM NI SNGA MA BZHIN NO, ,DE CI'I PHYIR ZHE NA, 'DI LTAR DE CHOS THAMS CAD STONG PA NYID LA GNAS PAS CHOS GANG YANG TSOGS SAM, TSOGS MA YIN PAR YANG DAG PAR RJES SU MI MTHONG BA NYID KYIS SO ZHES BSTAN PA YIN NO, ,DBANG PO'I RTEN 'BYUNG BA CHEN PO LA SOGS PA'I GRONG KHYER 'GOG PA NI GANG, DE NAS DBANG PO'I RTEN DU GYUR PA 'BYUNG BA DANG, 'BYUNG BAR 'GYUR BA'I GRONG KHYER GYI GTAM GYI SBYOR BA NI SNGA MA BZHIN NO, ,DE CI'I PHYIR ZHE NA, NAM MKHA' STONG PA NYID LA GNAS PAS CHOS GANG LA YANG GZUNG BA'AM, MI GZUNG BAR YANG DAG PAR RJES SU MI MTHONG BA NYID KYIS SO ZHES BSTAN PA YIN NO, ,DBANG PO'I YUL GYI GRONG RDAL LA 'GOG PA NI GANG, DE NAS GZUGS LA SOGS PA'I YUL GYI GRONG RDAL GYI GTAM GYI SBYOR BA NI SNGA MA BZHIN NO, ,DE CI'I PHYIR ZHE NA, DE YANG DAG PA'I MTHA' LA GNAS PAS CHOS GANG YANG 'PHEL BA'AM, 'GRIB PAR YANG DAG PAR RJES SU MI MTHONG BA NYID KYIS SO ZHES BSTAN PA YIN NO, ,BDAG TU MNGON BAR ZHEN PA 'GOG PA NI GANG DE NAS RNAM PA THAMS CAD DU RNAM PAR DAG PA'I CHOS KYI DBYINGS BSGOMS BAS DE'I BDAG NYID CAN NYID KYIS GNAS YONGS SU GYUR PA YIN PA'I PHYIR GTAM GYI SPYOR BA LA MI GNAS PA SNGA MA BZHIN NO, ,DE CI'I PHYIR ZHE NA, RNAM PA THAMS CAD MKHYEN PA NYID DANG LDAN PA'I YID LA BYED PAS SHES RAB KYI PHA ROL TU PHYIN PA'I GTAM GYI SBYOR BA DANG, RJES SU SBYOR BA LA GNAS PAR GSUNGS PA NI 'THAD PA'O ZHES BSTAN PA YIN NO, ,RNAM PAR SMIN PA'I 'GOG PA RNAM PA BZHI PO 'DI YANG KHAMS GSUM PO RE RE NA YANG YOD PAR SHES PAR BYA'O, ,JI LTA ZHE NA, RE ZHIG DBANG PO LA 'GOG BA NI BSAM GTAN DANG, GZUGS MED PA GANG NA DBANG PO GANG ZHIG YOD PA STE, JI LTAR YID BDE BA DANG, BTANG SNYOMS DANG, BTANG SNYOMS KYI YID BDE BA DANG, BTANG SNYOMS LA NI BTANG SNYOMS DANG, ,TSOR BA'I BYE BRAG BSAM GTAN SKYES, ,ZHES BSHAD PA DANG, GZUGS MED NA NI BTANG SNYOMS DANG, ,SROG DANG YID KYI DBANG PO YOD, ,CES @119A *, ,BSTAN TO, ,JI LTAR DE DBANG PO'I RTEN 'GOG PA YIN ZHE NA, RIGS MTHUN PA DANG SROG LA 'DIR, ,SEMS KYI RGYUD NI RTOGS PA YIN, ,ZHES BSTAN PA YIN NO, DBANG PO'I YUL GYI GRONG RDAL NI DE NA YOD PA YID KYI YUL CHOS RNAMS KYANG 'GOG PA YIN NO; ,BDAG TU MNGON PAR ZHEN PA NI THAMS CAD NA YOD PA'I PHYIR DE THAMS CAD DU'ANG 'GOG PA KHO NA YIN NO, ,LAM LA CHOS SHES PA'I BZOD PA NI GANG PHA ROL TU PHYIN PA DRUG LA SPYOD CING, SER SNA LA SOGS PA'I RJES SU SBYOR BA LA BRTZON PA BKAG PA'I PHYIR DANG, BZOD PA BAR CHAD MED PA'I LAM YIN PA NYID KYI PHYIR NYON MONGS PA DANG BRAL BA'I RGYU NYID YIN PAR SHES PAR BYA BA'I PHYIR DANG, CHOS THAMS CAD STONG PA NYID LA GNAS SHING CHOS 'DOD PA 'DI NYID KYIS DGE BA'I CHOS LA 'DUN PA'I RJES SU 'JUG PA SHES PAR BYA BA'I PHYIR DANG, CHOS KYI DBYINGS LA SPYOD CING CHOS THA MI DAD PA'I BSNGAGS PA BRJOD PA NYID KYIS BSGRUB PA DANG, 'BRAS BU'I CHOS DAG 'DUS BYAS PA DANG, 'DUS MA BYAS PA NYID KYIS GO RIMS BZHIN DU DOR BA DANG, BLANG BAR SHES PA'I PHYIR DANG, SANGS RGYAS DANG BYANG CHUB SEMS DPA'I BSHES GNYEN MNGON DU BYA BAR 'DOD PAS MNYES PAR BYED PA NYID KYIS SHIN TU KHYAD PAR CAN GYI GNAS SKABS THOB PA'I RGYU SHES PAR BYA BA'I PHYIR DANG, NYAN THOS LA SOGS PA'I THEG PAS 'GRO BA RNAMS BLA NA MED PA YANG DAG PAR RDZOGS PA'I BYANG CHUB LA BSKUL BA DANG, GZHUG PA DANG, RAB TU 'JOG PAS KHYAD PAR RTOGS PAS THOB PA'I TSOGS 'DOD PAS SANGS RGYAS MNGON DU GYUR PAR SKYE ZHING, SKYE BA LA DBANG BA SHES PAR BYA BA'I PHYIR RO ZHES BSTAN PA YIN NO, ,LAM LA CHOS SHES PA NI GANG RGYUN TU ZHUGS PA LA SOGS PA'I DPES CHOS CUNG ZAD DNGOS SU MA DMIGS PAS, NANG STONG PA NYID NAS RNAM PAR THAR PA'I SGO SMON PA MED PA LA GNAS PA'I BAR GYI RANG GIS LA DOGS PA MED PA NYID KYIS RNAM PAR GROL BA'I LAM NYID DU SHES PA'I BRAL BA THOB PA'I RGYU SHES PAR BYA BA'I PHYIR, PHYIR @119B MI LDOG PA'I SA LA GNAS PA NI, SANGS RGYAS KYI ZHING YONGS SU SBYANGS PA DANG, SEMS CAN RNAMS YONGS SU SMIN PA DANG, BDUD KYI LAS SHES PA DANG, RNAM PAR 'JOMS PA DANG, SRAB MOR BYED PA DANG, BRAL BA THOB PAR BYED PA SHES PAR BYED PA'I PHYIR, MTSAMS MED PA BYED PA'I SKYES BU'I DPES YANG DAG PA LA GNAS SHING, RNAM PAR MI RTOG PA'I PHYIR PHYIR MI LDOG PA'I SEMS NI LHA DANG BCAS PA'I 'JIG RTEN GYIS BZLOG PAR MI NUS SO, ,DE CI'I PHYIR ZHE NA, LHA DANG BCAS PA'I 'JIG RTEN LAS 'DAS TE, YANG DAG PA'I SKYON MED PAR ZHUGS PA NYID KYI LAM LA CHOS SHES PA NI KHAMS GSUM GYI GNYEN PO YIN PAR SHES PAR BYA BA'I PHYIR DANG, MNGON PAR SHES PA THOB NAS SANGS RGYAS KYI ZHING NAS SANGS RGYAS KYI ZHING DU SANGS RGYAS RNAMS LA BLTA BA LA SOGS PA'I PHYIR, SANGS RGYAS KYI ZHING NAS SANGS RGYAS KYI ZHING DU 'GRO ZHING, KHYAD PAR CAN GYI YON TAN RNAMS MNGON PAR SGRUB PA LA SHIN TU SBYANGS PA SHES PAR BYA BA'I PHYIR DANG, BA'I PHYIR DANG, BDUD KYI LAS RNAMS LA THABS LA MKHAS PAS YANG DAG PA'I MTHA' LA SBYOR BAR BYED PA'I PHYIR, RANG GI SA LA NIM NUR MED PA NYID KYIS SBYOR PA 'DREN MA MA YIN PA RNAM PAR DAG PA SHES PAR BYED PA'I PHYIR RO, ,DE CI'I PHYIR ZHE NA, DE NI 'DI LTAR YANG DAG PA'I MTHA' LA NEM NUR MED PA'I PHYIR GCIG GAM, GNYIS SU YANG DAG PAR RJES SU MI MTHONG BA'I PHYIR, TSE 'PHOS SU ZIN KYANG NYAN THOS LA SOGS PA'I SEMS MI SKYED PA'I PHYIR, SBYOR BA THEG PA GZHAN DU NGES PAR 'BYUNG BA MED PAS GCIG TU NGES PA NYID SHES PAR BYA BA'I PHYIR RO, ,DE CI'I PHYIR ZHE NA, CHOS THAMS CAD RANG GI MTSAN NYID KYIS STONG PA'I PHYIR, SKYE BA'AM, 'GAG PA LAM CHEN PO'I CHEN POR RTOG PA CHUNG NGU'I CHUNG NGU'I BAR DU SPONG BA YIN NO, ,DANG PO NYID LAM CHEN PO SKYE BA'I PHYIR DANG, LAM CHEN PO SKYES PA NA NYON MONGS PA CHEN PO YOD PA MI SRID PA'I PHYIR TE, DANG POR GOS KYI DRI MA CHEN PO BSAL NAS PHYIS CHUNG BA DAG PAR BYED PA DANG, MUN PA CHEN PO NI SNANG BA CHUNG @120A *, ,NGUS SEL LA, CHUNG NGU NI CHEN POS SEL BA'I DPES CHUNG NGUS CHEN PO SEL BA'I DPE DE RIGS PA YIN NO, ,DKAR PO'I CHOS NI STOBS DANG LDAN PA YIN LA, NAG PO NI NYAM CHUNG BA YIN PAS 'PHAGS PA'I LAM GYI SKAD CIG MA GCIG LA CHUNG NGUS KYANG 'KHOR BA THOG MA MED PA NAS GCIG NAS GCIG TU BRGYUD PA'I NYON MONGS PA CHEN PO BRTAN PA RTZA BA NAS 'BYIN PA'I PHYIR RO, ,SLOB DPON DBYIG GNYEN GYIS KYANG DUS MANG POR BSAGS PA'I NAD RNAMS DUR BYID KYI KHU BA BTANG BAS NAD RNAMS SEL BA DANG MTSUNGS PA DANG, SKAD CIG MA GCIG LA SGRON ME CHUNG NGUN [?] GYIS MUN PA CHEN PO 'JOMS PA DANG 'DRA'O ZHES BSHAD DO, ,DE LA RNAM PAR RTOG PA'I RNAM PA CHEN PO'I CHEN PO NI GANG SHES RAB KYI PHA ROL TU PHYIN PA DANG BRAL BAS BSKAL PA GANG G'A'I KLUNG GI BYE MA SNYED DU DKON MCHOG GSUM LA ZANG ZING GI SBYIN PA SBYIN BAS ZHES BYA BA LA SOGS PAS SO ZHES BSTAN PA YIN NO, ,DE'I GNYEN PO LAM GYI RNAM PA CHUNG NGU'I CHUNG NGU'I NI GANG SHES RAB KYI PHA ROL TU PHYIN PA NYAN PA LA SOGS PA LA BRTZON PAR BYED NA, DE'I BSOD NAMS MANG DU 'PHEL LO, ,DE CI'I PHYIR ZHE NA, GANG GIS BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PA'I BYANG CHUB SEMS DPA' CHEN PO RNAMS KYI LAM NI 'DI YIN NO ZHES 'BAD PAS BSTAN PA 'DI YIN NO, ,RNAM PAR RTOG PA CHEN PO'I 'BRING NI GANG DE NYID BSKAL PA DE SRID DU, RGYUN DU ZHUGS PA NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA ZANG ZING GI YON PHUL BAS SO ZHES BSTAN PA YIN NO, ,DE NYID CES BYA BA NI SHES RAB KYI PHA ROL TU PHYIN PA DANG BRAL BA STE, DE BZHIN DU 'OG MA RNAMS LA YANG SBYAR RO, ,'DI'I GNYEN PO'I LAM CHUNG NGU'I 'BRING NI GANG SHES RAB KYI PHA ROL TU PHYIN PA LA BRTZON PAR BYED NA BSOD NAMS MANG DU 'PHEL LO, ,DE CI'I PHYIR ZHE NA, NYAN THOS LA SOGS PA'I SA LAS 'DAS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I @120B 'THAD PA BSTAN PA YIN NO, ,RNAM PAR RTOG PA CHEN PO'I CHUNG NGU NI GANG YANG DE NYID BSKAL PA DE SNYED DU GNAS SHING SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB BSGOMS PAS SO ZHES BYA BAS BSTAN PA YIN NO, , 'DI'I GNYEN PO'I LAM CHUNG NGU'I CHEN PO NI GANG CIG SHOS NYIN ZHAG GCIG LA SBYIN PA LA SOGS PA DANG LDAN PA DE'I BSOD NAMS MANG DU 'PHEL LO, ,DE CI'I PHYIR ZHE NA, 'DI LA GNAS NA CHOS THAMS CAD YONGS SU RDZOGS PAR BYED PAS SHES RAB KYI PHA ROL TU PHYIN PA NI BYANG CHUB SEMS DPA' CHEN PO RNAMS BSKYED PA'O ZHES BYA BA NI 'THAD PA'O ZHES BSTAN PA YIN NO, ,CIG SHOS ZHES BYA BA NI SHES RAB KYI PHA ROL TU PHYIN PA LA BRTZON PA DANG LDAN PA STE, DE BZHIN DU 'OG MA RNAMS LA YANG SBYAR RO, ,RNAM PAR RTOG PA 'BRING GI CHEN PO NI GANG YANG DE NYID BSKAL PA DE SNYED DU SEMS CAN RNAMS LA CHOS KYI SBYIN PAS ZHES BYA BA BSTAN PA YIN NO, ,DE'I GNYEN PO'I LAM 'BRING GI CHUNG NGU NI GANG CIG SHOS KYIS NYIN ZHAG GCIG CHOS KYI SBYIN PA BYIN PAS DE'I BSOD NAMS MANG DU 'PHEL LO, ,DE CI'I PHYIR ZHE NA, GANG SHES RAB KYI PHA ROL DU PHYIN PA DANG MA BRAL BAR YONGS SU BSNGO BA DE NI RNAM PA THAMS CAD MKHYEN PA NYID DANG MA BRAL BAR GNAS PA NYID 'THAD PA'O ZHES BSTAN PA YIN NO, ,RNAM PAR RTOG PA 'BRING GI 'BRING NI GANG YANG DE NYID BSKAL PA DE SNYED DU BSAM GTAN BZHI DANG, DRAN PA NYE BAR GZHAG PA RNAMS NAS SANGS RGYAS KYI CHOS MA 'DRES PA BCO BRGYAD LA BRTZON PAR BYAS PA BAS ZHES BYA BA BSTAN PA YIN NO, ,'DI'I GNYEN PO LAM 'BRING GI 'BRING NI CIG SHOS KYIS DE RNAMS LA NYIN ZHAG GCIG MNGON BAR BRTZON PAR BYAS NA DE'I BSOD NAMS MANG DU 'PHEL LO, ,DE CI'I PHYIR ZHE NA, SHES RAB KYI PHA ROL TU PHYIN PA DANG MA BRAL BAR GNAS PA DE NI RNAM PA THAMS CAD MKHYEN PA NYID LAS PHYIR LDOG PA'I GNAS SKABS MED CING, GNAS MA YIN PA NYID DU'O ZHES BSTAN PA YIN NO, ,MTHA' GCIG TU NGES PAR 'BYUNG BA'I PHYIR NI 'THAD BA YIN NO, ,RNAM PAR RTOG PA 'BRING GI CHUNG NGU NI GANG YANG @121A *, ,DE'I BSKAL PA DE SNYED ZANG ZING GI SBYIN PA DANG, NANG DU YANG DAG 'JOG PA DANG LDAN PA YID LA BYED PA DE DAG BLA NA MED PA YANG DAG PAR RDZOGS PA'I BYANG CHUB TU BSNGO BAS ZHES SMOS PAS BSTAN PA YIN NO, ,'DI'I GNYEN PO LAM 'BRING GI CHEN PO NI GANG CIG SHOS KYIS NYI MA GCIG ZANG ZING GI SBYIN PA DE'I BSOD NAMS MANG DU 'PHEL LO, ,DE CI'I PHYIR ZHE NA, SHES RAB KYI PHA ROL TU PHYIN PA'I YONGS SU BSNGO BA NI MTSAN NYID DO ZHES BYA BAS 'THAD PA YIN NO, ,RNAM PAR RTOG PA CHUNG NGU'I CHEN PO NI GANG YANG DE NYID BSKAL PA DE SNYED DU 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS NYAN THOS KYI DGE 'DUN DANG BCAS PA RNAMS KYI DGE BA'I RTZA BA GANG CI YOD PA DE DAG THAMS CAD LA RJES SU YI RANG NAS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAS ZHES BYA BA BSTAN PA YIN NO, ,'DI'I GNYEN PO'I LAM CHEN PO'I CHUNG DU NI GANG CIG SHOS KYIS NYI MA GCIG RJES SU YI RANG BA'I DGE BA'I RTZA BA DE BLA NA MED PA YANG DAG PAR RDZOGS PA'I BYANG CHUB TU BSDOS NA BSOD NAMS CHES MANG DU 'PHEL LO, ,DE CI'I PHYIR ZHE NA, SHES RAB KYI PHA ROL TU PHYIN PA'I RJES SU YI RANG BA'I BSNGO BA NI MCHOG NYID YIN NO ZHES 'THAD PA BSTAN PA YIN NO, ,RNAM PAR RTOG PA CHUNG NGU'I 'BRING NI GANG MNGON BAR 'DU BYAS PA NI YONGS SU BTAGS PA NYID KYIS BSOD NAMS MANG DU SKYE BA NA, MNGON BAR 'DU BYAS PAS YANG DAG PAR LTA BA BSKYED PA'AM, SKYON MED PAR 'JUG PA'I BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR 'TSANG RGYA BA MI NUS PAS MI 'DOD PA BSKYED PA NYID DO ZHES BSTAN BA YIN NO, ,DE'I GNYEN PO'I LAM CHEN PO'I 'BRING NI GANG RAB 'BYOR MNGON DU BYAS PA DE YANG STONG PA NYID DU SNANG NGO, ,GSO BA NYID DANG, GSOG NYID DANG; SNYING PO MED PA NYID DU SNANG NGO ZHES BYA BAS BSTAN PA YIN NO, ,BSGOM PA'I LAM RNAM PA DGU PA'I GNAS SKABS SU SNGA MA LA NI MA YIN NO ZHES DGONGS PA'I PHYIR RO, ,LAN RJOD PAR BYED PA STE, DE LA NANG STONG PA NYID DANG, PHYI STONG PA NYID DANG, PHYI NANG STONG PA NYID KYIS NI @121B MNGON BAR 'DU BYA BA STONG PA NYID DU SNANG BAR BSHAD DO, ,STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID KYIS NI MNGON BAR 'DUS BYAS PA GSOG NYID DU SNANG BAR BSHAD DO, ,'DUS BYAS STONG PA NYID DANG, THOG MA DANG THA MA MED PA STONG BA NYID DANG; DOR BA MED PA STONG PA NYID KYIS NI DE DAG GSOB NYID DU SNANG BAR BSHAD DO, ,RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID DANG, DNGOS PO MED PA'I NGO BO NYID STONG PA NYID NI SNYING PO MED PA NYID DU SNANG BAR BSHAD DO, ,DE NYID KYI PHYIR SMRAS PA, DE CI'I PHYIR ZHE NA, 'DI LTAR NANG STONG PA NYID NAS DNGOS PO MED PA'I NGO BO NYID STONG PA NYID KYI BAR DU SHIN TU BSLABS PA'I PHYIR RO ZHES BYA BA NI 'THAD PA'O ZHES BSTAN PA YIN NO, ,YANG MNGON BAR 'DU BYAS PA NI GO CHA DANG, 'JUG PA DANG, TSOGS DANG, NGES PAR 'BYUNG BA'I BSGRUB PA'I DBANG DU MDZAD NAS STONG PA NYID DU SNANG BA LA SOGS PA RNAM PA BZHIR BRJOD PA YIN NO, ,DE YANG DE RNAMS LA BCOM LDAN 'DAS KYIS BKA' STZAL PA'I DON BDAG GIS 'TSAL BA LTAR NA BYANG CHUB SEMS DPA' SEMS DPA' CHEN PO DE DAG NI GO CHA CHEN PO BGOS PA LAGS PAR RIG PAR BGYI STE, JI LTAR RANG GI MTSAN NYID STONG PA NYID NI MI SKYE BA'I CHOS NYID LAGS PA'I SLAD DU'O ZHES BSHAD PA YIN NO, ,RNAM PAR RTOG PA CHUNG NGU'I CHUNG NGU LA SOGS PA RJES SU MI MTHONG BAS NYAN THOS LA SOGS PA'I SA LA GO BZLOG PAR SHES PAR BYA BA'I PHYIR RO ZHES BYA BA'I 'THAD PAS SO ZHES BSTAN PA YIN NO, ,LAM LA RJES SU SHES PA'I BZOD PA NI GANG BDAG GI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO SNYAM PA'I NGES PAR MNGON BAR BYANG CHUB PA DANG MI 'BRAL BA'I SBYOR BA SHES PA'I PHYIR RO, ,DE CI'I PHYIR ZHE NA, BLA NA MED PA YANG DAG PAR RDZOGS PA'I BYANG CHUB NI RANG GI MTSAN NYID KYIS STONG PA NYID YIN PA'I PHYIR, DE LTAR GNAS PA NI RANG GI SA LA GNAS PA NI THAMS CAD SHES PA NYID DO, , @122A *, ,GZHAN GYI LAM LA RAG MA LUS PA NI LAM GYI RNAM PA SHES PA NYID DO, ,GZHAN GYIS GZHOL BAR MI NUS PA NI RANG GIS ZHES BYA STE, RNAM PA THAMS CAD MKHYEN PA NYID DO, ,YANG BRAL BA THOB PA DE NI BDUD KYI LAS YIN PAR RTOGS PA'I DBANG DU BYAS NAS, DE CI'I PHYIR ZHE NA, DE LTAR GNAS PA NI MI 'PHROGS PA'I YE SHES DANG LDAN PA NYID KYIS NA 'DI NYID DU DGRA BCOM PA THOB PAR GYIS SHIG ,KHYOD NI BLA NA MED PA YANG DAG PAR RDZOGS PA'I BYANG CHUB TU LUNG MA BSTAN TO, ,GANG GIS KHYOD LUNG BSTAN PAR 'GYUR BA MI SKYE BA'I CHOS LA BZOD PA KHYOD KYIS MA THOB BO, ,GANG GIS KHYOD DE BZHIN GSHEGS PAS LUNG BSTAN PA ZHES BYA BA LA SOGS PA BDUD KYIS 'DUN PA BZLOG PA'I TSIG THOS NAS BYANG CHUB SEMS DPA' CHEN PO SEMS MA ZHUM, MI 'GONG BA LA SOGS PA DANG LDAN NA LUNG BSTAN PAR NGES PA YIN NO, ,'DI LA GNAS PA NI RTOGS PA'I CHOS KYI SKAD CIG MA GCIG LUS YIN PA'I PHYIR LTUNG BA'AM KHYAD PAR DU 'GRO BAR 'GYUR RO, ,DE CI'I PHYIR ZHE NA, DE LUNG BSTAN PAR 'GYUR BA'I RGYU'I CHOS YOD PA NYID DO ZHES BSTAN PA YIN NO, ,DE LTAR BYAS NA SKYON MED PAR ZHUGS PA NI LUNG BSTAN PA'I RGYU YIN PA'I PHYIR RO, ,LAM LA RJES SU SHES PA NI GANG BDUD KYIS KHYOD LA BLA NA MED PA YANG DAG PAR RDZOGS PA'I BYANG CHUB KYIS CI ZHIG BYA, GANG LA SPYOD PA 'DI DAG NI BDUD KYIS BSHAD PA YIN NO, ,ZHES ZER ZHING RNAM PAR 'BYED PAR BYED NA, KYE MA BDAG BLA NA MED PA YANG DAG PAR RDZOGS PA'I BYANG CHUB DANG BRAL BAR BYED PA NI BDUD SDIG CAN YIN NO SNYAM DU RIG PAR BYED PA NI PHYIR MI LDOG PA YIN PAR SHES PAR BYA'O, ,MNGON PAR BYANG CHUB PA DANG MI 'BRAL BA THOB PAR BYA BA RNYED PAR SHES PAR BYA BA'I PHYIR DANG, CHOS THAMS CAD STONG PA'O ZHES YANG DAG PAR RDZOGS PA'I SANGS RGYAS KYIS BSTAN PA'I DAM PA'I CHOS YONGS SU GZUNG BA'I PHYIR BDAG KYANG SROG YONGS SU GTONG BAS ZHES GA NYI GA SMOS PAS NI BDAG NYID DU RTOGS PA'I PHYOGS GCIG DANG, MA LUS PA'I BDAG YONGS SU GTONG BA SHES PAR BYA BA'I DON DANG, SANGS RGYAS @122B THAMS CAD DANG, BDAG NYID KYANG CHOS 'DI NYID YIN NO ZHES DON GYI DBANG GIS MTHONG NAS, SROG DANG BRAL YANG DAM PA'I CHOS YONGS SU 'DZIN PA DANG, SKAL BA MNYAM PAR SHES PAR BYA BA'I PHYIR DANG, YANG GZHUNG 'DZIN PA'I GZUNGS THOB NAS SANGS RGYAS KYIS GSUNGS PA CHUD MI ZOS PA'I PHYIR, DES YON TAN GYI KHYAD PAR MNGON PAR BSGRUB PA SHES PAR BYA BA'I PHYIR DANG, YANG GZUNGS THOB PA'I RGYU NYID KYIS NYEN PA PO'I LHA LA SOGS PA'I SKAD DANG BRDA LA SOGS PA LA NGES PAR RNYED PA NYID KYIS DE NI PHYIR MI LDOG PA'I MTSAN NYID 'GOG PA THOB PAS SEMS CAN SMIN PAR BYA BA'I THABS KYIS BYED PA SHES PAR BYA BA NYID KYI PHYIR RO ZHES BSTAN PA YIN NO, ,YON TAN CHEN PO DANG LDAN PA'O ZHES BYA BA NI JI SKAD BSTAN PA'I BZOD PA THOB PA DE NI YON TAN CHEN PO DANG LDAN PA YIN TE, GANG 'DI LTAR MTHONG BAS SPANG BAR BYA BA'I NYON MONGS PA DANG 'BRAL BAR BYED PA YIN PA'I PHYIR RO, ,YON TAN TSAD MED PA DANG LDAN PA'O ZHES BYA BA NI JI SKAD BSTAN PA'I SHES PA THOB PA NI YON TAN TSAD MED PA DANG LDAN PA YIN TE, DUS GSUM RNAMS TSAD MED PA'I PHYIR DANG, GANG 'DI LTAR MTHONG BAS SPANG BAR BYA BA'I NYON MONGS PA YANG MI SKYE BAR BYED PA YIN PA'I PHYIR RO, ,YON TAN DPAG TU MED PA DANG LDAN PA'O ZHES BYA BA NI DES PHYIS RNAM PA THAMS CAD MKHYEN PA NYID MNGON BAR 'GRUB PA NI DE'I YON TAN DPAG TU MED PA DANG LDAN PA YIN TE, GANG 'DI LTAR TSAD BYA BAR MI NUS PA'I PHYIR RNAM PA THAMS CAD MKHYEN PA NYID YIN PA'I PHYIR RO, ,DE LTAR JI SKAD DU, RAB 'BYOR DE CI'I PHYIR ZHE NA, 'DI LTAR DE NYID KYI PHYIR 'DIS NI MTHA' LAS 'DAS PA MTHAR THUG PA MED PA'I YE SHES THOB PA DANG, RTOGS PAR MI NUS PA'I YE SHES RAB TU THOB PA DANG, NYAN THOS DANG, RANG SANGS RGYAS RNAMS KYIS MI 'PHROGS PA YIN NO, ,BCOM LDAN 'DAS KYIS DE MNGON SUM DU MDZAD PA NYID KYIS RJES SU BZLAS NAS GSUNGS SO, ,DE LA MTHA' YAS PA NI RNAM PA MTHA' YAS PA'I PHYIR RO, ,MTHAR THUG PA MED PA NI THAMS CAD DU YUL MA YIN PA'I PHYIR RO, ,DE BAS NA 'DI SKAD @123A *, ,DU SO SO YANG DAG PAR RIG PA MNGON BAR BSGRUBS PAS LHA DANG BCAS PA'I 'JIG RTEN GYI MTHAR GTUGS PAR MI NUS PA'I PHYIR RO, ,BCOM LDAN 'DAS KYIS MKHYEN PA'I STOBS KYIS PHYIR MI LDOG PA 'DI'I RNAM PA LA SOGS PAR BSTAN PAR BCOM LDAN 'DAS KYIS SPYOD MOD KYI, SHIN TU THAL CHES PA'I LAN DU 'GYUR BAS BSGOM PA'I LAM GYI DBANG DU MDZAD PAR BZHED PA'I PHYIR RO ZHES BSTAN PA YIN NO, ,MDO 'DI NI DON RGYAS PAR BSTAN PA 'DI'I TSIG LE'UR BYAS PA LNGAS BSDUS PAR GYUR PA YIN TE, GZUGS SOGS 'DU SHES LDOG PA DANG, ,SEMS BRTAN THEG PA DMAN DAG LAS, ,RNAM LOG BSAM GTAN LA SOGS PA'I, ,YAN LAG YONGS SU ZAD PA DANG, ,LUS SEMS YANG BA NYID DANG NI, ,'DOD LA SPYOD LA THABS MKHAS DANG, ,RTAG TU TSANGS PAR SPYOD NYID DANG, , 'TSO BA RNAM PAR DAG NYID DANG, ,PHUN TSOGS BAR CHAD MED RNAMS DANG, ,TSOGS DANG DBANG TSOGS BCAS PA YI, ,G-YUL 'GYED SER SNA LA SOGS LA, ,SBYOR DANG RJES SU SBYOR BA YI, ,GNAS PA SO SOR BKAG PA DANG, ,CHOS NI RDUL TZAM MI DMIGS NYID, ,RANG GI SA LA NGES BA NYID, ,SA GSUM LA NI GNAS PA DANG, ,CHOS KYI DON DU SROG GTONG DANG, ,DE 'DRA'I SKAD CIG BCU DRUG NI, ,BLO LDAN MTHONG BA'I LAM GNAS KYI, ,PHYIR MI LDOG PA'I RTAGS DAG YIN, ,PHYIR MI LDOG PA'I BYANG CHUB SEMS DPA'I MTSAN NYID KYI RNAM PAR 'GREL PA'O,, ,,MTHONG BA'I LAM GYI GNAS SKABS KYI BYANG CHUB SEMS DPA' PHYIR MI LDOG PA'I MTSAN NYID BSTAN NAS DA NI BSGOM PA'I LAM LA GNAS PA'I PHYIR MI LDOG PA'I MTSAN NYID BRJOD PAR BYA'O, ,BSGOM PA'I LAM NI ZAB PA STE, ,ZHES BYA BA NI; GANG BCOM LDAN 'DAS GNAS ZAB MO LEGS PAR BSTAN DU GSOL ZHES BYA BA NI YANG DANG YANG DU GOMS PAR BYA BA NI BSGOM PA SHES PAR BYA BA'I PHYIR ZLOS PA'I SBYOR BAS GSUNGS SO, ,GANG LA GNAS PA LA BYANG CHUB SEMS DPA' CHEN PO ZHES BYA ZHE NA, RGYUN NYID YIN @123B PA'I BSGOM PA'I LAM LA GNAS PA ZHES BSTAN TO, ,DRAN PA NYE BAR GZHAG PA BZHI NAS SANGS RGYAS KYI CHOS MA 'DRES PA BCO BRGYAD KYI BAR DU YONGS SU RDZOGS PAR BGYID PA LAGS ZHES BYA BA NI BSGOM PA'I LAM DE SANGS RGYAS KYI CHOS YONGS SU RDZOGS PA'I RGYU YIN PAR SHES PAR BYA BA'I PHYIR BSTAN PA YIN NO, ,YANG JI LTAR BSGOM PA'I LAM ZAB PA YIN ZHE NA, ZAB MO STONG PA NYID LA SOGS, ,ZHES BYA BA NI GANG DE NI STONG PA NYID DANG, MTSAN MA MED PA DANG, SMON PA MED PA DANG, MNGON BAR 'DU BYA BA MED PA DANG, SKYE BA MED PA DANG, 'DOD CHAGS DANG BRAL BA DANG; 'GOG PA DANG, MYA NGAN LAS 'DAS PA DANG, ZHI BA DANG, DE BZHIN NYID DANG, YANG DAG PA'I MTHA' RNAMS NI ZAB MO'I GNAS NYID YIN PAR BSTAN PA YIN NO, ,YANG CI'I PHYIR STONG PA NYID LA SOGS PA LA ZAB MO ZHES BYA ZHE NA, ZAB MO DE NI SGRO 'DOGS DANG, ,SKUR BA'I LAM LAS GROL BA NYID, ,CES BYA BA NI, GANG GZUGS KYI DE BZHIN NYID GANG YIN PA YANG GZUGS MA YIN, GZUGS KYI DE BZHIN NYID LAS GUD NA YANG GZUGS MED CES BYA BA LA SOGS PA RNAMS KYIS NI ZAB PA NYID YIN PA'I PHYIR, CHOS THAMS CAD ZAB PA NYID DO ZHES BSTAN PA YIN NO, , JI LTAR SGRO BTAGS PA SPANG ZHE NA, GANG GZUGS LAS KYANG MA YIN, DE BZHIN NYID LA YANG GZUGS MED DO ZHES BSTAN PA YIN NO, ,JI LTAR SKUR PA 'DEBS PA SPANG ZHE NA, GANG MYA NGAN LAS 'DAS PA BSTAN TO, ,GZUGS LAS GZHAN NA YANG DE BZHIN NYID MED PA'I PHYIR RO, ,CHOS THAMS CAD BSAL NAS MYA NGAN LAS 'DAS PA YIN NO ZHES BSTAN PA YIN NO, ,YANG BSGOM PA'I LAM JI LTA BU ZHIG CE NA, YANG DANG YANG DU SEMS PA DANG, ,'JAL DANG NGES RTOG BSGOM PA'I LAM, ,ZHES BSTAN PA NI GANG, GANG GI TSE GNAS ZAB MO 'DI DAG DANG LDAN PA ZHES ZLOS PA'I SBYOR BA BSTAN PA'I DON GYIS NI SEMS SHING ZHES BYA BA NI THOS PA'I SHES RAB KYIS SO, ,'JAL BA NI BSAMS PA'I RANG BZHIN GYIS SO, ,RTOGS PAR BYED PA NI BSGOMS PA'I RANG BZHIN GYI SHES RAB BO, ,YANG BSGOM PA'I LAM GYI YUL JI LTA BU YIN ZHE NA, NGES 'BYED YAN LAG DANG MTHONG BA'I, , @124A *, ,LAM DANG BSGOM PA'I LAM NYID LA, ,ZHES BSTAN PA NI GANG BDAG GIS JI LTAR GNAS PAR BGYI ZHES BYA BA NI NGES PAR 'BYED PA'I CHA JI LTA BA'I DBANG DU MDZAD NAS SHES RAB KYI PHA ROL TU PHYIN PA BSTAN PA'O, ,JI LTAR BDAG GIS BSLAB PAR BGYI ZHES BYA BA NI MTHONG BA'I LAM JI LTA BA'I DBANG DU MDZAD NAS SHES RAB KYI PHA ROL TU PHYIN PA BSTAN PA'O, ,JI LTAR BDAG GIS BSGRUB PAR BGYI ZHES BYA BA NI BSGOM PA'I LAM JI LTA BA'I DBANG DU MDZAD NAS SHES RAB KYI PHA ROL TU PHYIN PA BSHAD PA YIN NO, ,DE NYID KYI PHYIR NGES PAR 'BYED PA'I CHA DANG MTHUN PA BZHI DANG, MTHONG BA'I LAM DANG, BSGOM PA'I LAM GYI DBANG DU MDZAD NAS, DE BZHIN DU BSGRUB PA DANG, DE BZHIN DU SEMS PA DANG, DE BZHIN DU YONGS SU RTOG PA DANG, DE BZHIN DU YANG BRTZON PA DANG, DE BZHIN DU 'BAD PA ZHES BYA BA TSIG DRUG GSUNGS SO, ,JI LTAR BSGOM PA'I LAM GYI YUL DE NYID CI YIN ZHE NA, DE NI RGYUN CHAGS YIN PA'I PHYIR, ,ZHES BYA BA SMOS TE, PHYI MA PHYI MA'I YUL SNGA MA SNGA MA YIN PAS NYES PA MED DO, BSGOM PA'I LAM GYI PHAN YON RNAM PA GSUM NI GANG TSAD MED PA'I DGE BA'I RTZA BA TSAD MED PA YONGS SU 'DZIN PAS, GZHAN GYI BUD MED DANG DUS BTAB NAS BRDA BYAS PA'I SKYES BU'I RTOGS PA MANG PO'I DPES BSOD NAMS TSAD MED PA SKYE BAS BSKAL PA DPAG TU MED PAR 'KHOR BA SPONG ZHING RGYAB KYIS PHYOGS PAR 'GYUR TE, LAS ZAD PA DANG, BSAL BA DANG, SNGAR MA SKYES PA'I TSIG GIS NI BSGOM PA'I LAM GYI BYED PA YIN PAR SHES PAR BYA BA'I PHYIR RO ZHES BSTAN PA YIN NO, ,RNAM PA DU ZHIG YIN ZHE NA, ,DE NI RGYUN CHAGS PA YI PHYIR, ,CHUNG DANG 'BRING DANG CHEN PO RNAMS, ,CHUNG NGU'I CHUNG SOGS DBYE BA YI, ,RNAM PAS RNAM PA DGUR 'DOD DO, ,ZHES BSTAN PA LA, MI MTHUN PA DANG GNYEN PO'I PHYOGS ZHES BYA BAR SBYAR RO, 'DIR RTZA BA'I RNAM PAR DBYE BA NI CHUNG DU DANG, 'BRING DANG, CHEN PO GSUM YIN LA, DE RNAMS RE RE YANG CHUNG NGU DANG, 'BRING DANG, CHEN PO'I DBYE BA BYAS PAS RNAM PA DGUR 'GYUR TE, 'DI LTAR CHUNG NGU'I CHUNG NGU DANG, CHUNG NGU'I 'BRING DANG, @124B CHUNG NGU'I CHEN PO'O, ,'BRING GI CHUNG NGU DANG, 'BRING GI 'BRING DANG, 'BRING GI CHEN PO'O, ,CHEN PO'I CHUNG NGU DANG, ,CHEN PO'I 'BRING DANG, CHEN PO'I CHEN POS DGUR 'DOD DO, ,GNYEN PO'I PHYOGS JI LTA BA BZHIN DU MI MTHUN PA'I PHYOGS KYANG DE BZHIN DU SHES PAR BYA'O, , DE LA LAM CHUNG DU'I CHUNG DUS NI RNAM PAR RTOG PA CHEN PO'I CHEN PO SPONG BA NAS, LAM CHEN PO'I CHEN POS NI RNAM PAR RTOG PA CHUNG NGU'I CHUNG DU SPONG BA'I BAR DU NI GRANGS YOD PA DANG, DPAG TU YOD PA DANG, TSAD YOD PA'I RTOG PAS BSDUS PA BSGOM PA'I LAM GYI DBANG DU BYAS NAS DGU PA'I GNYEN PO NI LAM GYI RNAM PA CHEN PO'I CHEN PO NI GANG STONG PA NYID LA GNAS PA'I ZHES BYA BA BSGOM PA'I LAM RNAM PA DGUS BSDUS PA, SHES RAB KYI PHA ROL TU PHYIN PA DANG MA BRAL BA LA BSOD NAMS GRANGS MED PA DANG, DPAG TU MED PA DANG, TSAD MED PAS BSDUS PAS NYE BAR BSDUS PA RNAM PA GSUM CHAR DGAG PA MED PAR SHES PAR BYA BA'I PHYIR RO ZHES BSTAN PA YIN NO, ,GRANGS MED PA LA SOGS PA LA KHYAD PAR CI ZHIG YOD, THA DAD DU BYA BA CI ZHIG YOD CE NA, RANG GI MTSAN NYID DANG NYE BAR MTSON PA'I CHED DU YONGS SU DRIS PA YIN LA, GRANGS YOD PA DANG, GRANGS MED PA'I KHAMS NI 'KHOR BA DANG, MYA NGAN LAS 'DAS PA'I MTSAN NYID DAG YOD PA MA YIN PA'I PHYIR, GRANGS MED PA NYID KYIS DE MNYAM PA NYID RTOGS PA SHES PAR BYA BA'I PHYIR YIN NO, ,DUS RNAMS LA TSAD MI DMIGS PA'I PHYIR DPAG TU MED PA NYID KYIS DE'I RTOGS PA 'DUS MA BYAS PA NYID DU SHES PAR BYA BA'I PHYIR YIN NO, ,GZHAL BAR MI NUS PA'I PHYIR TSAD MED PA NYID KYIS RNAM PA THAMS CAD MKHYEN PA NYID KYI YUL BSAM GYIS MI KHYAB PA NYID DU SHES PAR BYA BA'I PHYIR YIN NO, ,DE NI GRANGS MED PA LA SOGS PA'I NYE BAR MTSON PA YIN NO; ,RANG GI NGO BOS MTSAN NYID KYI DBANG DU MDZAD NAS, CHOS THAMS CAD STONG PA NYID YIN PA'I PHYIR GRANGS MED, DPAG TU MED, TSAD MED PA STONG PA NYID YIN NO, ,GAL TE DE LTA YIN NA, GRANGS MED LA SOGS BSTAN PA RNAMS, ,DAM PA'I DON DU BZOD MA YIN, ,STONG @125A *, ,PA NYID KYI MTSAN NYID THA DAD PA MA YIN PA'I PHYIR, RJOD PAR BYED PA'I DBYE BA DANG, DON GYI DBYE BA MED PAR DGONGS SO, ,KUN RDZOB DE DAG THUGS BRTZE BA'I, ,RGYU MTHUN GYUR PA THUB PA BZHED, ,CES BYA BA NI, GANG DON YIN PAR YI GE THA DAD DU BYA BA MI DMIGS MOD KYI, GRANGS MED PA ZHES BYA BA NAS MYA NGAN LAS 'DAS PA ZHES BYA BA'I BAR DU 'DI NI BRJOD DU MED PA LAS DE BZHIN GSHEGS PAS THUGS RJE'I RGYU MTHUN PAR GYUR PAS BSTAN PA MDZAD PA YIN NO, ,DE BZHIN GSHEGS PA'I THUGS RJE'I RGYU MTHUN PA'I DBANG GIS 'DI DAG THAMS CAD KYI YUL DU GYUR PA ZHIG NA, BCOM LDAN 'DAS KYIS GSUNGS PA'I DON BDAG GIS 'TSAL BA LTAR NA, CHOS THAMS CAD RNAM PA THAMS CAD DU MNGON PAR BYANG CHUB PA'I RNAM PAS DE BZHIN GSHEGS PA'I CHOS THAMS CAD NI BRJOD DU MA MCHIS PA'O ZHES BSTAN PA YIN NO, ,JI LTA ZHE NA, GANG DE RNAMS KYI STONG PA NYID NI BRJOD PAR MI NUS SO ZHES BSTAN PA YIN NO, ,DNGOS PO BRJOD DU MED PA LA, ,NYAMS PA DANG NI 'PHEL MI RUNG, ,BSGOM ZHES BYA BA'I LAM GYIS NI, ,CI ZHIG NYAMS SHING CI ZHIG THOB, ,CES BYA BA NI JI SKAD DU, RNAM PAR RTOG PA'I RIGS CHEN PO'I CHEN PO LA SOGS PA RNAM PA DGU NI CI ZHIG NYAMS ZHES BSTAN PA YIN NO, ,JI SKAD DU, LAM CHUNG NGU'I CHUNG NGU LA SOGS PA RNAMS PA RNAMS PA DGU NI CI ZHIG THOB CES BRGAL BA NI GANG BRJOD DU MED PA'I DON LA 'PHEL BA DANG, YONGS SU 'GRIB PA BKAG PAS, PHA ROL TU PHYIN PA LA SOGS PA NAS SANGS RGYAS KYI CHOS MA 'DRES PA BCO BRGYAD KYI BAR GYI 'PHEL BA DANG, YONGS SU 'GRIB PA BKAG PAS RNAM PA THAMS CAD MKHYEN PA NYID KYIS YANG DAG PAR RDZOGS PA'I BYANG CHUB THOB PA'I SKAL BA MED PA NYID DO ZHES BYA BAS BSTAN PA YIN NO, ,'DI LA LAN DU BRJOD PA NI, ,BYANG CHUB JI LTA DE BZHIN DU, ,DE YI 'DOD PA DON SGRUB BYED, ,CES BSTAN TE, BSGOM PA'I LAM ZHES BYA BA'I THA TSIG GO, ,GANG THAMS CAD DU RTOGS PA'I NGA RGYAL BKAG PAS BLA NA MED PA YANG DAG PAR RDZOGS PA'I BYANG CHUB JI LTA BA BZHIN DU YID LA BYED PA LA SOGS PAS YONGS SU BSNGO @125B BA DANG LDAN PA DE SNOD DU 'GYUR BA NYID DO ZHES BSTAN PA YIN NO, ,BYANG CHUB KYANG JI LTA BU ZHIG CE NA, BYANG CHUB DE BZHIN NYID MTSAN NYID, ,DE YANG DE YI MTSAN NYID BZHED, ,CES BYA BA NI GANG, GZUGS NAS MYA NGAN LAS 'DAS PA'I BAR GYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB PA YIN PA'I PHYIR, DE LTAR SHES RAB KYI PHA ROL TU PHYIN PA 'PHEL BA DANG, YONGS SU 'GRIB PA BKAG PA'I SBYOR BA RJES SU GNANG BA NYID KYIS SO ZHES BSTAN PA YIN NO, ,DE LTAR NA RGYU DANG 'BRAS BU DAG GAM, 'BRAS BU DANG RGYU DAG GCIG LA GCIG RANG BZHIN GYIS RJES SU BRGYUD PAS, ,RGYU DANG 'BRAS BU'I 'BREL BA PHYIN CI MA LOG PAR 'BYUNG BAR GYUR PA YIN PAR BSHAD PA YIN NO, ,YANG DE LTAR BYAS NAS GANG, SEMS NI SNGA MAS BYANG CHUB PAR, ,RIGS MIN PHYI MAS KYANG MA YIN, ,ZHES BYA BA LA, ,SEMS DANG PO BSKYED PA DANG, ,PHYIS SKYED PA DAG NI GCIG LA GCIG PHRAD PA MED PAS, BSKAL PA GRANGS MED PA GSUM DU YANG DAG PAR BSGRUB PA'I DGE BA'I RTZA BA'I TSOGS SU 'GYUR BA MED PAS SEMS CAN GANG, BLA NA MED PA YANG DAG PAR RDZOGS PA'I BYANG CHUB TU 'TSANG RGYA BAR 'GYUR ZHES ZHUS PAS BSTAN PA YIN NO, ,DA NI JI LTAR BYANG CHUB 'BYUNG BAR 'GYUR ZHE NA, 'JIG RTEN DU GRAGS PA'I MAR ME'I DPE TSUL GYIS NI ZHES BYA BA NI GANG SNYING PO'I DPES SEMS BSKYED PA GNYI GA 'BRAS BU DANG BCAS PAR SHES PAR BYA BA'I PHYIR RO, ,SEMS BSKYED PA DE'I YUL DU 'GYUR BAS SA BCU LA BSLABS PAS, BLA NA MED PA YANG DAG PAR RDZOGS PA'I BYANG CHUB THOB PAR SHES PA NI SEMS BSKYED PA DANG PO DANG, PHYI MA DAG BSGOM PA LA MA BRTEN PAR MNGON BAR BYANG CHUB PA RTOGS PA MA YIN NO ZHES BSTAN PA YIN NO, ,'DIR CI ZHIG SHES PAR BYA ZHE NA, ZAB MO'I CHOS NYID RNAM PA BRGYAD, ,CES BYA BSTAN PA'I SKABS 'DIR RJES SU 'BRANG BAR BYA'O ZHES BYA BAR SBYAR RO, ,JI LTAR NA RNAM PA BRGYAD YIN ZHE NA, ZAB MO RNAM PA BRGYAD DO, ,GANG YIN ZHE NA, SKYE BA DANG NI 'GAG PA DANG, DE BZHIN NYID DANG SHES BYA DANG, ,SHES @126A *, ,DANG SPYOD DANG GNYIS MED DANG, ,THABS LA MKHAS PA ZAB PA NYID, ,CES BYA BAS BSTAN PA YIN NO, ,DE LA SKYE BA ZAB PA NI DE DAG MA YIN LA, DE LAS GZHAN PA LAS KYANG MA YIN PAS MNGON BAR RDZOGS PAR 'TSANG BA DE NI, RTEN CING 'BREL BAR 'BYUNG BA ZAB PA NYID KYIS 'GAGS PA'I SEMS SKYE BA 'GAGS PA NYID DO ZHES BSTAN PA YIN NO, ,JI SKAD DU MDO LAS, RAB 'BYOR DE JI SNYAM DU SEMS, SEMS GANG 'GAGS PA DE PHYIS SKYE BAR 'GYUR RAM, BCOM LDAN 'DAS DE NI MA LAGS SO ZHES GSUNGS PA YIN NO, ,'GAG PA ZAB PA NI GANG SEMS SKYES PA NI 'GAGS PA'I CHOS NYID YIN PA'I PHYIR, CHOS CAN DE 'GAG PA BKAG PA NYID DO ZHES BSTAN PA YIN NO, ,JI SKAD DU MDO LAS, RAB 'BYOR DE JI SNYAM DU SEMS, GANG SKYES PA DE 'GAG PAR 'GYUR BA'I CHOS CAN YIN NAM, BCOM LDAN 'DAS 'GAG PA'I CHOS CAN LAGS SO, ,RAB 'BYOR DE JI SNYAM DU SEMS, GANG 'GAG PA'I CHOS CAN NI YANG 'GAG PAR 'GYUR RAM, GSOL PA, BCOM LDAN 'DAS DE NI MA LAGS SO ZHES GSUNGS PA YIN NO, ,DON CI ZHIG YIN ZHE NA, SKYES PA TZAM NYID NA DE 'GAG PA LA MNGON DU PHYOGS PA YIN PA'I PHYIR RO, ,YANG CI ZHIG 'GAG PAR 'GYUR BA DE BZHIN NYID ZAB PA NI GANG DE BZHIN NYID JI LTA BA DE BZHIN DU DE LA GNAS PA'I PHYIR RNAM PAR MI RTOG PA'I YUL YIN PAR DGONGS PAS, YANG DAG PA'I MTHA'I NGO BO NYID DU THAL BAR 'GYUR BA NYID KYIS SO, ,DE BZHIN NYID ZAB PO ZHES BSTAN PA YIN NO, ,JI SKAD DU MDO LAS, DE BZHIN NYID JI LTA BA BZHIN DU DE BZHIN NYID GNAS SO ZHES BYA BA LAS GSO PA GSUNGS PA YIN NO, ,SHES BYA GANG DE ZAB PA NI GANG SEMS DE BZHIN NYID LAS GZHAN MA YIN PA NYID KYI PHYIR RO ZHES BSTAN PA YIN NO, JI SKAD DU MDO LAS, DE BZHIN NYID GANG YIN PA DE NI BSAM GYIS MI KHYAB PA LAS GZHAN MA YIN PA'I PHYIR RO ZHES GSUNGS PA YIN NO, ,SHES PA ZAB PA NI GANG DE BZHIN NYID KYIS DE BZHIN NYID MI MTHONG BA'O ZHES BSTAN PA YIN NO, ,JI @126B SKAD DU MDO LAS, YANG DE BZHIN NYID KYIS DE BZHIN NYID MI MTHONG NGO ZHES GSUNGS PA YIN NO, ,SPYOD PA ZAB PA NI GANG DE LTAR SPYOD PA DE NI CI LA YANG MI SPYOD PA YIN PA'I PHYIR, SHES RAB KYI PHA ROL TU PHYIN PA LA SPYOD PA ZAB PA NYID DO ZHES BSTAN PA YIN NO, ,JI SKAD DU MDO LAS, DE CI'I PHYIR ZHE NA, DE BZHIN NYID LA GNAS PA LA LUNG BSTAN PA LA SOGS PA'I YONGS SU RGYU BA MI 'BYUNG BA'I PHYIR RO ZHES GSUNGS PA YIN NO, ,GNYIS SU MED PA ZAB PA NI GANG DON DAM PA LA SPYOD PA LA GNYIS SU KUN DU SPYOD PA MED PA'I PHYIR, BYANG CHUB SEMS DPA'I MTSAN MA DANG, MTSAN MA MED PA'I 'DU SHES KYI SBYOR BA MED PA NYID KYI PHYIR RO ZHES BSTAN PA YIN NO, ,THABS LA MKHAS PA ZAB PA NI GANG STOBS BCU LA SOGS PA NAS SANGS RGYAS KYI CHOS MA 'DRES PA RNAMS KYI BAR DU YONGS SU RDZOGS PAR MA BGYIS PAR, BLA NA MED PA YANG DAG PAR RDZOGS PA'I BYANG CHUB TU 'TSANG RGYAB BKAG PA'I THABS LA MKHAS PA NYID KYIS CHOS GANG YANG DNGOS PO DANG, DNGOS PO MED PA BKAG PA YIN NO, ,DE CI'I PHYIR ZHE NA, CHOS THAMS CAD KYI RANG GI MTSAN NYID STONG PA NYID DU SHES PA LA GNAS PA NI MI MTHUN PA'I PHYOGS DE DANG DE LA SPYOD PA'I SEMS CAN RNAMS, GNYEN PO'I PHYOGS DE DANG DE LA RAB TU 'GOD KYANG SEMS CAN YONGS SU SMIN PA LA MKHAS PA NYID DO ZHES BSTAN PA YIN NO, ,BSGOM PA'I LAM LA GNAS PA BYANG CHUB SEMS DPA' SLOB PA PHYIR MI LDOG PA'I DGE 'DUN GYI MTSAN NYID KYI RNAM PAR 'GREL PA'O,, ,, SLOB PA PHYIR MI LDOG PA'I BYANG CHUB SEMS DPA'I DGE 'DUN BSTAN NAS, 'KHOR BA DANG MYA NGAN LAS 'DAS PA MNYAM PA NYID DU BRJOD PAR BYA'O, ,MI SLOB PA'I DGE 'DUN BSTAN PA'I DON CI DGOS SHE NA, 'DI NYID KHO NA BSLAB PAR BYA BA MA YIN TE, GANG 'DI LTAR KUN NAS NYON MONGS PA'I RTOG PA SPANG BAR BYA BA DANG, RNAM PAR BYANG BA'I RTOG PA SPANG BAR BYA BA'I PHYIR, DE GNYIS MNYAM PA NYID DU RDZOGS PAS MI SLOB PAR 'GYUR BA YIN TE, DE PHAN CHAD BSLAB PAR BYA BA MED PA'I PHYIR RO, ,YANG JI LTAR 'KHOR BA DANG MYA NGAN LAS 'DAS PA MNYAM PA NYID YIN @127A *, ,ZHE NA; CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ,ZHES BSTAN PA NI GANG DE NAS MI MTHUN PA DANG, GNYEN PO'I PHYOGS KYI RNAM PAR RTOG PA'I GNAS SKABS DANG BRAL BA'I SBYOR BA'I DBANG DU MDZAD NAS GNYI GA MNYAM PAR RTOGS PAS 'KHOR BA RMI LAM DANG 'DRA BAR RTOGS NAS, RNAM PAR MI RTOG PA'I YE SHES LA, NYIN MO BSGOMS PAS RNAM PAR 'PHEL BA BKAG PA'I PHYIR, RMI LAM GYI NANG DU BSGOMS PAS RNAM PAR 'PHEL BA BKAG PA YIN NO, ,DE CI'I PHYIR ZHE NA, TSE DANG LDAN PA SH'A RI'I BU, RMI LAM DANG, NYIN PAR DU RNAM PAR RTOG PA MED DO ZHES BSTAN PA YIN NO, ,MI MTHUN PA DANG, GNYEN PO'I PHYOGS KYI RNAM PAR RTOG PA MED PA'I PHYIR ZHES BYA BA NI 'THAD PA YIN NO, ,LAS MED LA SOGS KLAN KA YI, ,LAN NI JI LTAR BSHAD PAR ZAD, ,CES BYA BA LA, DE LA LAS MED PA'I KLAN KA NI GANG RMI LAM DANG 'DRA BA'I CHOS NYID LA RMI LAM LTA BU'I SBYOR BA DANG, DNGOS DANG MJUG GIS BSDUS BA'I LAS DE LA SOGS PA DANG, 'BRI BA MED PAR BSTAN PA NYID KYIS BSTAN PA YIN NO, ,DE'I LAN NI GAL TE SAD NAS, BLA NA MED PAR YONGS SU SHES PAS RNAM PAR RTOG PA NI DE LA SOGS PA'AM, 'BRI BAR YANG 'GYUR GYI, MI RTOG PA NI MA YIN NO, ,LAS DANG 'BRAS BU 'BREL BA NI BRDA TZAM DU BSHAD PAS, GANG YANG NYIN PAR SROG GCOD PAR BYAS PA DANG, RMI LAM NANG DU SROG GCOD PA ZHES BYA BA NI NYIN MO DANG, MTSAN MO ZHES BYA BAR GRAGS PA YIN NO, ,NANG DU SMOS PA NI 'KHOR BA'I RMI LAM KHYAD PAR BYA BA'I PHYIR RO, ,TSE DANG LDAN PA SH'A RI'I BU LAS DE LA KHYOD CI ZER ZHES BYA BA NI BDEN PA DANG, BDEN PA MA YIN PA DRIS PA YIN TE, GNYEN PO'I PHYOGS RTOGS SU ZIN KYANG RNAM PAR RTOG PA RJES SU 'JUG PA SKYE BA'I PHYIR, DE NI DON DAM PA BSTAN PA'I PHYIR RGOL BA YIN NO, ,'DI'I LAN NI GANG DMIGS PA LAS LAS SKYE BAR BSHAD PA DANG, DMIGS PA MED PA LAS LAS SKYE BA 'GAG PA BSTAN PA YIN NO, ,DE YANG BRDA DANG BCAS PA YIN PA'I PHYIR, DMIGS PA'I @127B DNGOS PO MED PA YIN NO ZHES BRGAL BA LA, 'DI'I LAN NI JI SKAD DU, TSE DANG LDAN PA SH'A RI'I BU MTSAN MAR BYAS NAS ZHES GSUNGS PA YIN NO, ,YONGS SU BRTAG PA'I DNGOS PO DMIGS PAR BRTEN PA'I PHYIR RO, ,RMI LAM GYI NANG GI SBYIN PA LA SOGS PA'I DGE BA'I RTZA BA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA YANG DAG PA'AM, YANG DAG PA MA YIN PAR BSNGOS PA YIN ZHES DRIS PA LA, 'DI'I LAN NI JI SKAD DU, BYANG CHUB SEMS DPA' BYAMS PA 'DI NI THAMS CAD MKHYEN PA GSUM GYI MNGON PAR RTOGS PA MNGON SUM DU GYUR PA; SKYE BA GCIG GIS THOGS PA YIN PAS DON 'DI LAN LDON PAR 'GYUR RO ZHES GSUNGS PA YIN NO, ,DON CI ZHIG YIN ZHE NA, DRIS PA DE'I LAN LDON PA'I DBANG DU MDZAD PAS MA 'ONGS PA'I SANGS RGYAS GCIG NAS GCIG TU 'BYUNG NGO ZHES BYA BA'I DRI BA DE NI YONGS SU MA RDZOGS PA YIN NO, ,DE RDZOGS PAR GYUR NA NI MA 'ONGS PA NA SANGS RGYAS 'BYUNG BA DON MED PAR THAL BAR 'GYUR RO, ,JI LTAR YONGS SU MA RDZOGS PA BSTAN PA YIN ZHE NA, MING NAS BRTZAMS TE, CHOS THAMS CAD LDAN LDON PAR BYED PA'I DNGOS PO DMIGS SU MED PA YIN NO, ,DE LTAR 'DI DAG RANG NYID KYIS MNGON SUM DU BYAS PAR DAM 'CHA' ZHING DON MNGON SUM DU BYAS NA, DRIS PA'I LAN YONGS SU RDZOGS PA'I NYES PAR SPANG BAR BYA BA'I PHYIR MA 'ONGS PA'I SANGS RGYAS KYI TSUL RGYUN CHAD MED PAR 'DOD PA NYID YIN NO, ,DE NYID KYI PHYIR BYANG CHUB SEMS DPA' CHEN PO BYAMS PA 'DI NI PHA ROL TU PHYIN PA DRUG LA MI DMIGS PAR SPYOD PA'I PHYIR, SHES RAB ZAB MO DANG LDAN PA NYID YIN PAS MA 'ONGS PA'I 'KHOR BA DANG, MYA NGAN LAS 'DAS PA'I DBYE BA BSTAN PA'I MTSAN MA MED PA RTOGS PA NYID DU BSTAN PA'I PHYIR RO ZHES BSTAN PA YIN NO, ,'KHOR BA DANG MYA NGAN LAS 'DAS PA MNYAM PA NYID DU BSTAN PA NI DUS DE NYID KYI DGONGS PA'I DBANG DU MDZAD NAS DMIGS PA MED PAR SPYOD PA YIN PA'I PHYIR MI 'JIGS PA LA SOGS PA MNGON BAR BYANG CHUB PA NYID DU NGES PA'I PHYIR RO ZHES BSTAN PA YIN NO, ,'KHOR BA DANG MYA NGAN LAS @128A *, ,'DAS PA MNYAM PA NYID KYI RNAM PAR 'GREL PA'O,, ,,'KHOR BA DANG MYA NGAN LAS 'DAS PA MNYAM PA NYID DU BSTAN NAS, DA NI SANGS RGYAS KYI ZHING RNAM PAR DAG PA BRJOD PAR BYA'O, ,DE YANG RNAM PA GNYIS SU BSTAN TE, SEMS CAN GYI 'JIG RTEN DANG, SNOD KYI 'JIG RTEN GYI BYE BRAG GIS YIN TE, SEMS CAN 'JIG RTEN DE BZHIN DU, ,SNOD KYI 'JIG RTEN MA DAG PA, ,DE LA DAG PA SGRUB PA YIS, ,SANGS RGYAS ZHING NI DAG PA NYID, ,CES BSTAN PA YIN NO, ,SEMS CAN GYI 'JIG RTEN BKRES PA LA SOGS PA NI LUS KYI MA DAG PA'O, ,DE'I GNYEN PO NI LHA'I LONGS SPYOD LA SOGS PA DAG PAS NYE BAR BSDUS PA'O, ,SNOD KYI 'JIG RTEN NI SA CHEN PO 'DI LA SDONG DU MA DANG, TSER MA LA SOGS PA NI MA DAG PA'O, ,DE'I GNYEN PO NI LAG MTHIL LTAR MNYAM PA LA SOGS PA DAG PAS BSDUS BA STE, 'DI NI SANGS RGYAS KYI ZHING YONGS SU DAG PA MDOR BSDUS PA YIN NO, ,RGYAS PAR NI MDO LAS GANG SANGS RGYAS KYI ZHING YONGS SU DAG PA'I DBANG DU MDZAD NAS, SEMS CAN BKRES PA LA SOGS PA MTHONG NAS, RANG GI SANGS RGYAS KYI ZHING LHA'I RIS DAG GI LONGS SPYOD LA SOGS PA DANG 'DRA BAR 'GYUR BA DE LTAR PHA ROL TU PHYIN PA LA SPYOD DE, SBYIN PA'I PHA ROL TU PHYIN PA YONGS SU RDZOGS PAR BYED DO, ,DE LA NYE BAR LONGS SPYOD PA NI ZAS LA SOGS PA'O, ,YONGS SU LONGS SPYOD PA NI NOR BU DANG, MU TIG GI RGYAN LA SOGS PA'O, ,DE BZHIN DU SROG GCOD PA LA SOGS PA DANG, DE'I 'BRAS BU LAS BZLOG PAS BSDUS PA NI TSUL KHRIMS KYI PHA ROL TU PHYIN PA YONGS SU RDZOGS PA YIN NO, ,GNOD SEMS LAS BZLOG PAS BSDUS PA NI BZOD PA'I PHA ROL TU PHYIN PA YONGS SU RDZOGS PA YIN NO, ,LE LO LAS BZLOG PAS BSDUS PA NI BRTZON 'GRUS KYI PHA ROL TU PHYIN PA YONGS SU RDZOGS PA YIN NO, ,SGRIB PA LNGA DANG, BSAM GTAN DANG PO LA SOGS PA MA GTOGS PA LAS BZLOG PAS BSDUS PA NI BSAM GTAN GYI PHA ROL TU PHYIN PA YONGS SU RDZOGS PA YIN NO, ,DE LA SGRIB PA LNGA NI 'DOD PA LA 'DUN PA DANG, GNOD SEMS DANG, @128B GNYID DANG, RMUGS PA DANG, RGOD PA DANG, 'GYOD PA DANG, THE TSOM RNAMS YIN NO, ,SHES RAB 'CHAL BA LAS BZLOG PAS BSDUS PA NI, SHES RAB KYI PHA ROL TU PHYIN PA YONGS SU RDZOGS PA YIN NO, ,THAMS CAD DU RNAM PA THAMS CAD MKHYEN PA NYID LA NYE BAR GYUR PA DANG, YANG RANG GI SANGS RGYAS KYI ZHING DU SEMS CAN LOG PAR NGES PA DANG, MA NGES PA'I PHUNG PO GSUM DU SHES PA MED PA DANG, NGAN SONG GSUM GYI SGRA YANG SHES PA MED PA DANG, YANG SDONG DU MA DANG, TSER MA LA SOGS PA DANG BCAS PA DANG, SA CHEN PO 'DI SA'I RGYU LAS GRUB PA LAS BZLOG PAS BSDUS PA DANG, DE BZHIN DU BDAG TU YONGS SU 'DZIN PA LAS BZLOG PA DANG, RIGS BZHIR YONGS SU 'DZIN PA LAS BZLOG PAS NYE BAR BSDUS PA YIN NO, ,DE DAG LAS BZLOG PA NI 'DI YIN TE, GANG CI NAS BDAG GI SANGS RGYAS KYI ZHING DE NA CHUNG DU NA RIGS BZHI'I MING YANG MI SRID BA DANG, ZHES BSTAN PA YIN NO, ,DES NI RIGS KYI TSUL GYI DON MED DE, 'DI NI BRAM ZE ZHES BYA BA DANG, 'DI NI DMANGS RIGS ZHES BYA BA LA SOGS PA GSUNGS PAS BSTAN PA YIN NO, ,SEMS CAN RAB DANG, 'BRING DANG, THA MA DANG, KHA DOG BZANG BA DANG, KHA DOG NGAN PA DANG, CHOS GNYIS PO MA GTOGS PA GZHAN GYI DBANG DU BYAS PA DANG, DRAN PA NYE BAR GZHAG PA LA SOGS PA NYID MA GTOGS PA DANG, 'GRO BAS PHYE BA'I RDZUS TE SKYE BA MA GTOGS PA SKYE GNAS GSUM PO DANG, MNGON BAR SHES PA DANG BRAL BA DANG; BSHAN GCIG LA SOGS PA 'DZAG PA DANG, 'OD DANG MI LDAN PA DANG, NYIN MO DANG, MTSAN MO DANG, NYI MA DANG, ZLA BA LA SOGS PA DANG, TSE THUNG BA DANG, SKYES BU CHEN PO'I MTSAN DANG BRAL BA DANG, SANGS RGYAS LA BSNYEN BKUR BYED PAR NUS PA'I DGE BA'I RTZA BA DANG, MI LDAN PA DANG, KHAMS MI MNYAM PAS KUN NAS LDANG BA'I NAD RNAMS LAS BZLOG PAS NYE BAR BSDUS PA DE DAG LAS BZLOG PA NI 'DI YIN TE, RLUNG DANG, MKHRIS PA DANG, BAD KAN DANG, 'DUS PAS KUN NAS DKRIS PA'I NAD RNAMS SKYES PA DANG, MA SKYES PA DAG GO RIMS @129A *, ,BZHIN DU BSAL BA DANG, MI SKYE BA DANG, RJES SU MTHUN PA'I GSO BAS NYE BAR BSDUS PA DANG, 'DOD CHAGS LA SOGS PA DANG, NYAN THOS LA SOGS PA'I THEG PA LA MOS PA DANG, NGA RGYAL CAN LAS BZLOG PAS CI RIGS PAR RANG GI SANGS RGYAS KYI ZHING DU PHUN SUM TSOGS PA'I RNAM PA DE DANG DE RNAMS KYIS BSDUS PA LA ZHUGS PA NI PHA ROL TU PHYIN PA DRUG LA SPYOD CING RNAM PA THAMS CAD MKHYEN PA NYID DANG YANG NYE BAR 'GYUR BA DANG, TSE DANG, DGE SLONG GI DGE 'DUN LA TSAD YOD PA LAS GO BZLOG PAS DE DAG TSAD MED PAR 'GYUR BA NYID MNGON BAR 'TSANG RGYA BAR SEMS BSKYED PA DANG, GANG G'A'I KLUNG GI BYE MA SNYED KYI SANGS RGYAS KYI ZHING JI SNYED YOD PA DE SNYED KYI 'JIG RTEN GYI KHAMS THAMS CAD KYI SANGS RGYAS KYI ZHING GCIG TU GYUR PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I BSAM PA NYID DANG, NAM MKHA' LTAR MU MED PA'I SEMS CAN GYI KHAMS LA 'KHOR BA DANG, MYA NGAN LAS 'DAS PA GANG YANG MED PAR YONGS SU SPYOD PA'I YID LA BYED PAS, PHA ROL TU PHYIN PA DRUG YONGS SU RDZOGS PA DANG, RNAM PA THAMS CAD MKHYEN PA NYID DANG NYE BAR GYUR PA YIN NO, ,SRID MO GANG G'A'I LHA MOS DE LTA BUR SANGS RGYAS KYI ZHING YONGS SU SBYONG BAR KHAS BLANGS PA'I DGE BA'I RTZA BA'I RGYUS BLA NA MED PA YANG DAG PAR RDZOGS PA'I BYANG CHUB TU LUNG BSTAN PAS 'KHOR RNAMS JI SKAD DU BSHAD PA'I SANGS RGYAS KYI ZHING YONGS SU SBYANG BA THOB PAR YID CHES PAS DBANG PO'I DON GYIS DBANG POR GYUR PA YIN TE ZHES BSHAD PA YIN NO, ,SANGS RGYAS KYI ZHING RNAM PAR DAG PA'I RNAM PAR 'GREL BA'O,, ,,SANGS RGYAS KYI ZHING YONGS SU DAG PA BSTAN NAS THABS LA MKHAS PA BRJOD PAR BYA'O, ,DE LA RE ZHIG DE'I YUL DANG SBYOR BA STE, CI ZHIG BRJOD PAR BYA ZHES SBYAR BAR BYA'O, ,DE LA THABS LA MKHAS PA'I YUL NI GANG JI SKAD DU, DE DANG DER THABS LA MKHAS PAS GSUNGS PA DE LTAR RANG GI YUL GYI SBYOR BA THA DAD PA BSTAN PA NAS BRTZAMS TE, STONG @129B PA NYID LA SOGS PA RNAMS NAS, BYANG CHUB KYI PHYOGS RNAMS LA GOMS PA SNYOMS PAR 'JUG PA BSGOM PA YONGS SU 'DRIS PAS NI THABS LA MKHAS PA'I YUL DON GYIS BSTAN TO ZHES BSTAN TO, ,JI SKAD DU MDO LAS, BCOM LDAN 'DAS SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' SEMS DPA' CHEN POS JI LTAR STONG PA NYID LA JI LTAR 'DRIS PAR BGYI ZHES BYA BA NAS BRTZAMS TE, JI LTAR STONG PA NYID LA YONGS SU 'DRIS PAS SNYOMS PAR 'JUG PAR BGYI ZHES BYA BA LA SOGS PAS GSUNGS PA YIN NO, ,THABS LA MKHAS PA'I SBYOR BA NI GANG GZUGS STONG PA'O ZHES SO SOR RTOG PAR BYED CING THABS LA MKHAS PA LA NYE BAR 'GRONG PA'O ZHES BSTAN PA YIN NO, ,JI SKAD DU MDO LAS, RAB 'BYOR BYANG CHUB SEMS DPA' SEMS DPA' CHEN PO RNAM PA THAMS CAD KYI MCHOG DANG LDAN PA'I STONG PA NYID LA SO SOR RTOG CING ZHES BYA BA NAS BRTZAMS TE, GOMS PAR BSGOM ZHING MNGON SUM DU BYA BA'I DUS NI MA YIN PAR SHES SO ZHES GSUNGS PA YIN NO, ,DE LA RNAM PA THAMS CAD KYI MCHOG DANG LDAN PA'I STONG PA NYID NI SBYIN PA DANG BRAL BA MA YIN, TSUL KHRIMS DANG BRAL BA MA YIN, BZOD PA DANG BRAL BA MA YIN ZHES BYA BA LA SOGS PA GTZUG NA RIN PO CHE'I MDO BLANG NGO, ,THABS NI RNAM PA BCUR 'GYUR BAS, ,DE'I PHYIR, MTSON BYA RNAMS LAS 'DAS PA DANG, ,MI GNAS DE BZHIN SHUGS DANG NI, ,THUN MONG MA YIN NYID DANG NI, ,MA CHAGS PA DANG MI DMIGS DANG, ,MTSAN MA SMON LAM ZAD PA DANG, ,DE YI RTAGS DANG TSAD MED DANG, ,THABS LA MKHAS PA RNAM PA BCU, ,ZHES BSTAN PA YIN NO, ,DE LA BAR CHAD KYI CHOS LA YANG DAG PA'I 'DA' BA'I THABS LA MKHAS PA NI GANG SKYES BU SGYU RTZAL LA BYANG BA ZHIG ,'BROG DGON PAR CHAS PA'I DPES BDAG GIR BYAS PA'I SEMS CAN GYI KHAMS PHYIR RGOL BA'I CHOS LAS YANG DAG PAR 'DA' BA SHES PA NI THABS LA MKHAS PA YIN PAR DON GYIS BSTAN TO ZHES BSHAD DO, ,MI GNAS PA'I THABS LA MKHAS PA NI, GANG YANG BYA BAR SNANG LA RGYU BA SA LA MI LHUNG @130A *, ,BA'I DPES MI GNAS PA RTOGS PA NI, MI GNAS PA'I THABS LA MKHAS PA YIN PAR DON GYIS BSTAN PA YIN NO, ,PHYOGS KYI ZHES BYA BA NI BSGRUB PAR BYA BA'I MTSAN NYID DANG, GROGS DANG BCAS PA'I MTSAN NYID DANG, PHYOGS ZHES BYA BA NI YANG 'JUG PAS BYA BA SMOS PA YIN NO, ,SNGON GYI SHUGS KYIS 'PHAGS PA'I THABS LA MKHAS PA NI GANG SKYES BU MTHU DANG LDAN PA 'PHONG GI SLOB DPON DU GYUR PAS, MDA' NAM MKHAR 'PHANGS PA GCIG LA GCIG LONG BTAGS PA'I DPES SMON LAM BTAB PA'I SHUGS KYIS THABS LA RJES SU 'JUG PA SHES PA YIN PAR DON GYIS SO ZHES BSTAN PA YIN NO, ,THUN MONG MA YIN PA'I THABS LA MKHAS PA NI, GANG SEMS CAN YONGS SU GTANG BA'I BSAM PAS DE LTAR DGA' BA'I GNAS LA SBYOR BA SHES PA NI, THUN MONG MA YIN PA'I THABS LA MKHAS PA YIN PAR DON GYIS BSTAN PA YIN NO, ,MA CHAGS PA'I THABS LA MKHAS PA NI, GANG RGYUN DU ZHUGS PA LA SOGS PA'I 'BRAS BU MA THOB PAR BSAM GTAN LA SOGS PA'I DGE BA'I CHOS THAMS CAD LAS YONGS SU MA NYAMS SHING, MNGON BAR 'BREL BAR BRJOD PAR SHES PA NI RO MYANG BA MED PAR THABS LA MKHAS PA YIN PAR DON GYIS BSTAN PA YIN NO, ,MI DMIGS PA'I THABS LA MKHAS PA NI, GANG YANG STONG PA NYID KYI TING NGE 'DZIN RNAM PAR THAR PA'I SGO SGOM PA YONGS SU RDZOGS PAR RTOGS PAS MI DMIGS PA'I THABS SHES PA YIN PAR DON GYIS BSTAN PA YIN NO, ,MTSAN MA MED PA'I THABS LA MKHAS PA NI, GANG YANG MTSAN MA MED PA RNAM PAR THAR PA'I SGO YONGS SU RDZOGS PAR RTOGS PAS MTSAN MA MED PA'I THABS LA MKHAS PA SHES PA YIN PAR DON GYIS BSTAN PA YIN NO, ,SMON PA MED PA'I THABS LA MKHAS PA NI, GANG YANG SMON PA MED PA'I RNAM PAR THAR PA'I SGO SGOM PA YONGS SU RDZOGS PAR RTOGS PAS SMON PA MED PA'I THABS LA MKHAS PA SHES PA YIN PAR DON GYIS BSTAN PA YIN NO, ,STONG PA NYID LA SOGS PA NI, NYAN THOS PA LA SOGS PA DANG, THUN MONG YIN DU ZIN KYANG DE THABS KYI KHYAD PAR YOD PA'I @130B DON NI DE LTAR SPYOD NA MNGON BAR 'DU BYA BA MED PAR LTUNG BA KHAMS GSUM PA DANG LHAN CIG GNAS PA NI GNAS MED DO ZHES BSTAN PA YIN NO, ,PHYIR MI LDOG PA'I RTAGS KYI THABS LA MKHAS PA NI GANG GZHAN GYIS DRIS PA'I PHYIR MI LDOG PA'I RTAGS DANG RJES SU MTHUN PA'I LUNG BSTAN PA LA LUNG MI STON PAS PHYIR MI LDOG PA DANG, PHYIR LDOG PA NGES PAR GZUNG BA'I THAS LA MKHAS PA DE'I RTAGS SHES PA YIN PAR DON GYIS BSTAN PA YIN NO, ,YUL TSAD MED PA'I THABS LA MKHAS PA NI GANG YANG GANG RNAM PA DE LTAR LAN LDON PA DE DAG MI 'PHROGS PA NYID KYIS THABS LA MKHAS PA'I YUL TSAD MED PA NYID SHES PA YIN BAR DON GYIS BSTAN TO ZHES DON GYIS BSTAN PA YIN NO, ,THABS LA MKHAS PA'I RNAM PAR 'GREL PA'O,, ,,DE DAG DE LTAR BYAS NA RNAM PA DANG BCAS PA DANG, SBYOR BA DANG BCAS PA DANG, PHAN YON DANG BCAS PA DANG, BAR CHAD DANG BCAS PA DANG, YUL DANG BCAS PA DANG, KHYAD PAR DANG BCAS PA DANG, BYED PA DANG BCAS PA DANG, NGO BO NYID DANG BCAS PA DANG, 'JUG PA DANG BCAS PA DANG, YONGS SU SMIN PA DANG BCAS PA DANG, RTEN DANG BCAS PA DANG, YAN LAG DANG BCAS PA DANG, NYE BA'I YAN LAG DANG BCAS PA DANG, YONGS SU GZUNG BA DANG BCAS PA NI, RNAM PA THAMS CAD MNGON BAR RDZOGS PAR RTOGS PAR GYUR PAR BSTAN PA YIN NO, ,DE LA YUL NI SHES PA'I MTSAN NYID KYI YUL GANG YIN PAR SHES PAR BYA'O, ,'JUG PA NI THAR PA'I CHA DANG MTHUN PA RNAMS YIN TE, DE RNAMS KYI BSTAN PA LA 'JUG PA'I PHYIR RO, ,YONGS SU SMIN PA NI NGES PAR 'BYED PA'I CHA DANG MTHUN PA RNAMS TE, DE RNAMS KYI RGYUD YONGS SU SMIN PAR 'GYUR BA'I PHYIR RO, ,RTEN NI PHYIR MI LDOG PA'I BYANG CHUB SEMS DPA'I DGE 'DUN NO, , YAN LAG NI 'KHOR BA DANG MYA NGAN LAS 'DAS PA MNYAM PA NYID DO, ,NYE BA'I YAN LAG NI SANGS RGYAS KYI ZHING YONGS SU DAG PA'O, ,LHAG MA NI GO SLA BAS RNAM PAR MA PHYE'O, ,YANG RNAM PA THAMS CAD MKHYEN PA NYID DANG, RNAM PA THAMS CAD MNGON BAR RDZOGS PAR RTOGS @131A *, ,PA LA KHYAD BAR CI ZHIG YOD CE NA, KUN MKHYEN GSUM NI JI SKAD BSHAD PA'I RNAM PA RNAMS SO SOR NGES PA YIN PAS RNAM PA'I YUL RE RER NGES PA YIN LA, RNAM PA THAMS CAD MNGON BAR RDZOGS PAR RTOGS PA NI RNAM PA MA LUS PA YUL DU BYED PA YIN TE, DE NI KHYAD PAR YIN NO, ,YANG NA KUN MKHYEN GSUM DU BZHAG PA NI MTSAN NYID DANG LDAN PA YIN LA, RNAM PA KUN MNGON BAR RDZOGS PAR RTOGS PA NI SBYOR BA DANG LDAN PA YIN NO, ,KHYAD PAR GZHAN YANG RNAM PA KUN MNGON BAR RDZOGS PAR RTOGS PA NI MI MTHUN PA DANG, GNYEN PO'I GNAS SKABS KYIS RAB TU PHYE BA YIN GYI, RNAM PA LA THAMS CAD MKHYEN PA NYID NI DE LTA BU MA YIN TE, RNAM PA NI ZHI BA NYID YIN PA'I PHYIR RO, ,DE NI DE LTAR BYAS NA, RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA STE, ,DE LTAR THABS LA MKHAS PA NI, ,RNAM KUN MNGON RTOGS RDZOGS PA'O, ,ZHES BYA BA NI RIM GYIS 'BYUNG BA'I 'BREL PA YIN PAR BLTA BAR BYA'O, , MNGON BAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS RNAM PA KUN MNGON BAR RDZOGS PAR RTOGS PA'I RNAM PAR 'GREL BA'O,, ,,RNAM PA KUN MNGON BAR RDZOGS PAR RTOGS PA BSTAN NAS DA NI RTZE MO'I MNGON BAR RTOGS PA BRJOD PAR BYA'O, , DE LA RE ZHIG GANG GIS DE MTSON PAR 'GYUR BA'I RTAGS BRJOD PAR BYA STE, DE'I RTAGS GANG YIN PA DE YANG JI LTA BU ZHIG CE NA, RMI LAM NA YANG CHOS RNAMS KUN, ,RMI LAM LTA BU LTA LA SOGS, ,RTZE MOR PHYIN PA'I SBYOR BA'I RTAGS, ,RNAM PA BCU GNYIS DAG TU BZHED, ,CES BSTAN PA YIN NO, ,DE LA RTAGS DANG PO NI, GANG RMI LAM GYI NANG DU YANG CHOS RNAMS NI RMI LAM LTA BUR BLTA'O ZHES BSTAN PA YIN NO, ,DE'I MDO NI, RAB 'BYOR GAL TE BYANG CHUB SEMS DPA' SEMS DPA' CHEN PO RMI LAM GYI NANG DU YANG CHOS RNAMS RMI LAM LTA BUR BLTA ZHING, DE @131B BZHIN DU SGRA BRNYAN DANG, SMIG RGYU DANG, SPRUL PA DANG, SGYU MA DANG, DRI ZA'I GRONG KHYER DANG 'DRA BAR CHOS THAMS CAD LA BLTA ZHING MNGON DU MI BYED NA DE NI RTZE MO LAS PHYIR MI LDOG PA'I MTSAN NYID DU RIG PAR BYA'O ZHES GSUNGS PA YIN NO, ,DON CI ZHIG YIN ZHE NA, GANG DE LTAR THABS DANG SHES RAB KYIS YONGS SU ZIN PA'I BYANG CHUB SEMS DPA'I RNAL 'BYOR GYI CHOS BSGOMS PAS RTZE MO THOB PA NI RMI LAM GYI NANG DU YANG RNAL 'BYOR 'DI NGES PAR MTHONG BA'I YID LA BYED PA GANG YIN PAS SEMS CAN GYI KHAMS LA LTOS PA DANG BCAS PA NYID DU GNAS PA YIN NO, ,DE BZHIN DU MDO GZHAN LAS BSTAN PA YIN NO, ,GNYIS PA NI GANG DE NYID NYAN THOS LA SOGS PA'I SA DANG, KHAMS GSUM PO 'DOR BA'I SEMS DANG, DGA' BA'I SEMS MI SKYED PA'I PHYIR RO ZHES BSTAN PA YIN NO, ,GSUM PA NI GANG DE NYID DE BZHIN GSHEGS PA 'KHOR CHEN POS BSKOR BA MTHONG ZHING, DE DAM PA'I CHOS STON PA'I CHOS KYI RJES SU SGRUB PA NYID KYI PHYIR RO ZHES BSTAN PA YIN NO, ,BZHI PA NI GANG YANG DE NYID SANGS RGYAS KYI RDZU 'PHRUL GYI RNAM PAR 'PHRUL BA MTHONG BA NYID KYI PHYIR RO ZHES BSTAN PA YIN NO, ,LNGA PA NI GANG YANG DE NYID 'JIGS PA'I GNAS THAMS CAD LA KHAMS GSUM PA RMI LAM LTA BUR CHOS STON PAS NYE BAR BSDUS PA'I SEMS BSKYED PA NYID KYI PHYIR RO ZHES BSTAN PA YIN NO, ,DRUG PA NI GANG YANG SEMS CAN NGA DMYAL BA LA SOGS PA MTHONG NAS, RANG GI SANGS RGYAS KYI ZHING DU NGAN SONG SPANG BAR BYA BA RJES SU DRAN PA THOB PA YIN NO, ,DE CI'I PHYIR ZHE NA, RTZE MO'I MNGON BAR RTOGS PA NI, 'KHOR BA RMI LAM DANG, RMI LAM GANG YIN PA GNYIS SU MED CING GNYIS SU BYAR MED PA'O, ,BSAM PAS RNAM PA GNYIS SU DBYER MI NUS PA NYID KYI PHYIR RO ZHES BSTAN PA YIN NO, ,BDUN PA NI GANG RMI LAM SAD PA'I GNAS SKABS SU GRONG KHYER LA SOGS PA MES TSIG PAR GYUR PA BDEN PA'I BYIN GYI RLABS KYIS RAB TU ZHI BAR NUS PAS PHYIR MI LDOG PA NYID YIN PA DANG, DE'I PHYOGS GCIG ZHI BAR MI NUS PA NI CHOS SPONG BA'I LAS BYAS PA NYID DANG, KHYIM LA LA NI TSIG @132A *, ,KHYIM LA LA NI MA TSIG PA LAS, SEMS CAN DE DAG GI LAS TSE 'DI LA RNAM PAR SMIN PA NYID DO ZHES BSTAN PA NYID DO, ,BRGYAD PA NI GANG YANG MI MA YIN PAS BYIN GYIS BRLABS PA LA, DE BSAL BA'I PHYIR, PHYIR MI LDOG PA'I BDEN PA'I BYIN GYIS BRLABS PA LA 'BYOR PA DANG, BDUD KYIS BYIN GYIS BRLABS NAS BSAL BA DE LA RANG NYID NGA RGYAL SKYE BA DANG, BYANG CHUB SEMS DPA' GZHAN LA BRNYAS PA'I MTSAN NYID YIN TE, DE CI'I PHYIR ZHE NA, THABS LA MKHAS PAS YONGS SU MA BZUNG BA'I PHYIR DANG, BDUD KYIS DE'I MING DANG RUS LA SOGS PA GTAN LA PHEBS PAR SMRA BAS SLU BA RTOGS PA'I NGAG MA RTOGS PA DANG, YANG BDUD RANG GIS BRTAGS PA'I SLU TSIG GTAN PA BDAG GIR BYED PA DANG, PHAS PHAM PA BZHI DANG, MTSAMS MED PA LNGA BAS KYANG MING BSTAN PA'I RLOM SEMS DE SHIN TU LCI BA'I LAS NYID DANG YANG BDUD KYIS DBEN PA'I YON TAN BSTAN PAS, BCOM LDAN 'DAS KYIS NYAN THOS LA SOGS PA'I SEMS KYI DPEN PA RJES SU GNANG BA'I PHYIR RO ZHES BSTAN PA YIN NO, ,DGU PA NI GANG MNGON BA'I NGA RGYAL CAN GYI GANG ZAG SPANGS PA DANG, RANG GI DON LA SOGS PA'I SBYOR BA LA RJES SU BRTZON PA'I RANG GI MNGON BAR SHES PAS PHA ROL GNON PA NYID DANG, DGE BA'I BSHES GNYEN CHOS THAMS CAD THOB PA'I RGYU YIN PAR SHES PAR BYA BA NYID DANG, PHA ROL TU PHYIN PA RNAMS DANG, BYANG CHUB KYI PHYOGS DGE BA'I BSHES GNYEN DU GYUR PA NYID DANG, DE RNAMS DGE BA'I CHOS THOB PA'I LAM SHES PAR BYA BA'I DON GYIS SO ZHES BSTAN PA YIN NO, ,BCU PA NI GANG MNGON BAR 'DOD PA THAMS CAD YONGS SU RDZOGS PAR 'DOD NA, SHES RAB KYI PHA ROL TU PHYIN PA 'DI NYID LA BSLAB PAR BYA STE, 'DI LTAR CHOS THAMS CAD RGYA CHER BSTAN TO ZHES BSTAN PA YIN NO, ,BCU GCIG PA NI GANG SHES RAB KYI PHA ROL TU PHYIN PA NI NAM MKHA' LTAR CHAGS PA MED PA'I MTSAN NYID YIN PAS GZUNG BA DANG, 'DZIN PA'I RNAM PAR RTOG PA'I BAG CHAGS MED PA SHES PAR BYA BA'I DON DANG, DBEN PA DANG, STONG @132B PA NYID KYI MTSAN NYID YIN PA'I PHYIR GO RIMS BZHIN DU BAR CHAD MED PA'I LAM DANG, RNAM PAR GROL BA'I LAM DAG GI CHOS THAMS CAD NI SHES RAB KYI PHA ROL TU PHYIN PA'I MTSAN NYID DU YOD PA NYID YIN NO, ,DE LTA NA NI KUN NAS NYON MONGS PA DANG, RNAM PAR BYANG BA MED PAR 'GYUR BAS NA, RAB 'BYOR 'DI JI SNYAM DU SEMS, SEMS CAN RNAMS YUN RING PO NAS BDAG DANG BDAG GIR BYA BA LA SPYOD DAM ZHES BYA BA LA SOGS PA DE GRUB PO ZHES BSTAN PA YIN NO, ,BCU GNYIS PA NI GANG DE LTAR SPYOD PA NI ZIL GYIS GNON PAR MI NUS PA'I PHYIR, RNAM PA THAMS CAD MKHYEN PA NYID DANG NYE BAR GYUR PA NYID KYI PHYIR RO ZHES BSTAN PA YIN NO, ,RTAGS KYI RNAM PAR 'GREL BA'O,, ,,RTZE MO'I MNGON PAR RTOGS PA GANG GIS MTSON PAR 'GYUR BA'I RTAGS RNAMS BSTAN NAS, DA NI DE'I RNAM PAR 'PHEL BA GANG ZHIG YIN ZHE NA; 'DZAM BU'I GLING GI GRANGS SNYED KYI, ,SANGS RGYAS MCHOD PA'I DGE LA SOGS, ,DPER MDZAD NAS NI RNAM MANG DU, ,RNAM 'PHEL BCU DRUG BDAG NYID DO, ,DE LA RNAM PAR 'PHEL PA DANG PO NI, ,GANG 'DZAM BU'I GLING GI SEMS CAN JI SNYED PA DE DAG THAMS CAD KYI GRANGS SNYED KYI DE BZHIN GSHEGS PA LA, RIM GRO LA SOGS PAS MCHOD PA'I DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU BSNGOS PA BAS SHES RAB KYI PHA ROL TU PHYIN PA 'DI GZHAN LA STON PA DANG, SHES RAB KYI PHA ROL TU PHYIN PA DANG LDAN PA'I YID LA BYED PA DANG, MA BRAL BA NA DE'I BSOD NAMS MANG DU 'PHEL BA DANG, DE BZHIN DU STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LA RAB TU BZHAG NAS, DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU BSNGOS PA BAS CIG SHOS KYIS BSOD NAMS CHES MANG DU 'PHEL BA NYID YIN NO, ,DE CI'I PHYIR ZHE NA, DE'I DE BZHIN GSHEGS PA LAS GZHAN PA'I BYAMS PA DANG, SNYING RJE DANG, DGA' BA DANG, BTANG SNYOMS LA GNAS @133A *, ,PAR BYA BA MED DO ZHES BYA BA LA SOGS PA BSTAN PA YIN NO, DE'I MDO NI RAB 'BYOR DE JI SNYAM DU SEMS, 'DZAM BU'I GLING GI SEMS CAN DE DAG THAMS CAD MI'I BDAG NYID THOB NAS BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR SANGS RGYAS PAR GYUR LA, DE LA RIGS KYI BU'AM, RIGS KYI BU MO 'GA' ZHIG GIS JI SRID 'TSO'I BAR DU BSNYEN BKUR LA SOGS PA BYAS ZHES BYA BA LA SOGS PAS SO, ,DE BZHIN DU MDO GZHAN LAS KYANG GSUNGS SO, ,GNYIS PA NI GANG SKYES BU 'GA' ZHIG GIS NOR BU RIN PO CHE RNYED MA MYONG BA ZHIG RNYED PA LAS YANG STOR BA'I DPES, SHES RAB KYI PHA ROL TU PHYIN PA LA GCIG TU GTOD PA'I YID LA BYED PA'I PHYIR, YID LA BYA BA THAMS CAD RANG BZHIN GYIS STONG PA YIN PA'I PHYIR, SHES RAB KYI PHA ROL TU PHYIN PA DANG MA BRAL BA NYID KYI DNGOS PO BSKYED PAS, 'DI LTAR CHOS THAMS CAD RANG BZHIN DANG BRAL BA STE, SHES RAB KYI PHA ROL TU PHYIN PA DE LA 'PHEL BA DANG, 'GRIB PA BKAG PAS MI 'BRAL BA NYID DU RAB TU BSGRUBS PA'I PHYIR RO ZHES BSTAN PA YIN NO, ,GSUM PA NI GANG RAB 'BYOR BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA NA 'PHEL BA DANG 'GRIB PA MED DO ZHES BYA BA NAS BRTZAMS TE, RAB 'BYOR DE NI BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA THOB PA STE, RAB 'BYOR BZOD PA DE LTA BU DANG LDAN PA'I BYANG CHUB SEMS DPA' SEMS DPA' CHEN PO NI BLA NA MED PA YANG DAG PAR RDZOGS PA'I SANGS RGYAS KYI YE SHES CHEN PO RNAM PA THAMS CAD MKHYEN PA'I YE SHES THOB PAR MI 'GYUR ZHES BYA BA'I GNAS MED DO, ,DE CI'I PHYIR ZHE NA, DE NI 'DI LTAR DE DE LA GZHOL BAR 'GYUR ZHING, BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR 'TSANG RGYA BAR 'GYUR RO ZHES BYA BA'I BAR DU BSTAN PA YIN NO, BZHI PA NI, GANG BCOM LDAN 'DAS JI LTAR LAGS, CHOS THAMS CAD MI SKYE BA NYID GANG LAGS PA DE LAS, BYANG CHUB SEMS DPA' SEMS @133B DPA' CHEN PO BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR RAM, RAB 'BYOR DE NI MA YIN NO ZHES BYA BA NAS BRTZAMS TE, RTOGS PAR BYA BA DANG, RTOGS PAR BYED PA'I CHOS NYE BAR MI DMIGS PA'I PHYIR RO, ,DE CI'I PHYIR ZHE NA, 'DI LA SPYOD PA'I BYANG CHUB SEMS DPA' LA RNAM PAR RTOG PA DE LTA BU THAMS CAD MED PA'I PHYIR TE, DE CI'I PHYIR ZHE NA, RTZE MO'I MNGON BAR RTOGS PA LA, SHES RAB KYI PHA ROL TU PHYIN PA NI RNAM PAR MI RTOG PA'O ZHES BSTAN PA YIN NO, ,LNGA PA NI GANG SHES RAB KYI PHA ROL TU PHYIN PA LA MNGON BAR BRTZON PA LAS, DGE BA'I RTZA BA MI BRTAN PA DANG LDAN PA BKAG PAS, DE LA SLOB PA BSOD NAMS MANG BAR BSHAD PA'I PHYIR, 'DZAM BU'I GLING GI SEMS CAN RNAMS DGE BA BCU'I LAS KYI LAM DANG, BSAM GTAN DANG, GZUGS MED PA'I SNYOMS PAR 'JUG PA THOB PAS, CHOS 'DI LA MNGON BAR BRTZON PA DANG LDAN PA BSOD NAMS MANG DU 'PHEL BA'I PHYIR TE, DE CI'I PHYIR ZHE NA, 'JIG RTEN PA THAMS CAD DANG, NYAN THOS LA SOGS PA DANG, BYANG CHUB SEMS DPA' THABS LA MI MKHAS PA THAMS CAD ZIL GYIS MNAN TE, NGES PAR 'BYUNG BA'I PHYIR RO ZHES BSTAN PA YIN NO, ,DRUG PA NI GANG DE LTAR SPYOD PA LA LHA'I TSOGS THAMS CAD NYE BAR 'DOD PA DANG, SEMS PAR 'GYUR BA DANG, GZHAN GYIS GNOD PA BYAS PA RNAMS LA YANG KHAMS MI MNYAM PAS, KUN NAS BSLANGS PA'I NAD LA SOGS PA BKAG PA NYID KYI PHYIR RO ZHES BSTAN PA YIN NO, ,BDUN PA NI GANG BYANG CHUB SEMS DPA' SLOB PA'I DUS SU NYAN THOS LA SOGS PA SLOB PA'I SAR LTUNG BA BYAS PA DANG, BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR 'TSANG RGYA BA LAS GZHAN DU 'GRO BAR BYA BA'I PHYIR STONG GSUM GYI STONG CHEN PO'I 'JIG RTEN GYI KHAMS KYI BDUD RNAMS DOGS PA SKYE BAR BYED PA DANG, DE MYA NGAN GYI ZUG RNGU ZUG PAR 'GYUR PA DANG, YANG DE RNAMS SKAR MDA' LTUNG BA GTONG BA LA SOGS PA DANG, KUN DGA' BO BYANG CHUB SEMS DPA' THAMS CAD KYI @134A *, ,MDUN DU BDUD SDIG CAN 'TSE BA'I BSAM PAS 'ONG BA MA YIN NO ZHES BYA BA NAS BRTZAMS TE, SNGON GYI TSE RABS SU CHOS 'DI LA LHAG PAR MOS PA DANG, THE TSOM ZA BAR GYUR PA DANG, DGE BA'I BSHES GNYEN DANG BRAL BA DANG, 'JIG RTEN RGYANG PA NA LA SOGS PA'I CHOS MA YIN PA 'DZIN PAR BYED PA DANG, DE'I BSNGAGS PA BRJOD PA LA KHYOD KYIS SHES RAB KYI PHA ROL TU PHYIN PA 'DI THOS PAS CI ZHIG BYA ZHES ZER ZHING RNAM PAR 'BYED PA DANG, BYANG CHUB SEMS DPA' GZHAN LA BRNYAS PA DANG, NYAN THOS DANG, BYANG CHUB SEMS DPA'I GANG ZAG RNAMS DANG LHAN CIG 'THAB CING RTZOD PA LA SOGS PA DANG, LUNG MA BSTAN PA DANG, LUNG BSTAN PA GZHAN DAG LA GNOD SEMS DANG LDAN PA LA NI BDUD KYIS GLAGS RNYED PAR 'GYUR BAS, DE RNAM PA THAMS CAD MKHYEN PA NYID YONGS SU GTANG BA DANG LDAN PA NI, DE SRID KYI DUS SU DMYAL BAR GNAS PAR GO CHA BGO BAR KHAS BLANGS PA NYID DANG, 'CHAGS SHING SDOM PAR BRTZON GYI SDOM PA LA GNAS PAS LAS KYI SGRIB PA DE LAS LDANG BA NYID KYI PHYIR RO ZHES BSTAN PA'I PHYIR YIN NO, ,BRGYAD PA NI GANG STON PA LA JI LTAR GNAS PA DE BZHIN DU BYANG CHUB SEMS DPA'I THEG PA DANG GNAS PAR BYA BA DANG, BSLAB PA MTSUNGS PA NYID KYIS NANG STONG PA NYID NAS DNGOS PO MED PA'I NGO BO NYID STONG PA NYID KYI BAR DANG, GZUGS NI GZUGS KYIS STONG ZHES BYA BA NAS, BYANG CHUB KYIS STONG ZHES BYA BA'I BAR DU BSLAB PA MNYAM PA NYID KYIS YUL NYE BAR DGOD PA'I PHYIR RO ZHES BSTAN PA YIN NO, ,DGU PA NI GANG BCOM LDAN 'DAS JI LTAR LAGS, BYANG CHUB SEMS DPA' SEMS DPA' CHEN PO GZUGS BAS PAR BGYI BA'I SLAD DU SLOB NA RNAM PA THAMS CAD MKHYEN PA NYID LA SLOB PA LAGS SAM ZHES BYA BA NAS BRTZAMS TE, DE CI'I PHYIR ZHE NA, THABS MKHAS PA DANG LDAN PA GANG GIS BSAM GTAN LA SOGS PA LA YANG SNYOMS PAR 'JUG STE, DE RNAMS KYI DBANG GIS KYANG MI SKYE'O ZHES BYA BA'I BAR DANG, YONGS SU DAG PA'I BSLAB PA BRJOD PA NAS BSLAB PA RNAM PAR 'PHEL BA @134B SHES PAR BYA BA'I PHYIR DANG, CHOS THAMS CAD RANG BZHIN GYIS YONGS SU DAG PA'I PHYIR, BYIS PA SO SO'I SKYE BO THAMS CAD KYIS DE MI SHES PA'I 'THAD PA DANG, BYANG CHUB SEMS DPA' CHEN PO RNAM PA THAMS CAD MKHYEN PA NYID KYI BAR LA SLOB PAR BYED PA'I 'THAD PAS SO ZHES BSTAN PA YIN NO, ,BCU PA NI GANG GSER SA LE SBRAM 'BYUNG BA'I GNAS DRUG PA'I DPES SANGS RGYAS KYI RIGS RTZE MO'I MNGON BAR RTOGS PA MNGON BAR 'PHEL BA THOB PA'I SNOD DU RUNG BA SHIN TU NYUNG BA NYID YIN PAR SHES PAR BYA BA'I PHYIR RO ZHES BSTAN PA YIN NO, ,BCU GCIG PA NI GANG 'KHOR LOS SGYUR BA'I RGYAL POR 'GYUR BA'I LAS YANG DAG PAR BLANGS TE, GNAS PA NYUNG BA'I DPES RTZE MO'I MNGON BAR RTOGS PA'I SANGS RGYAS KYI 'BRAS BU NYID THOB PA RNYED PA NI CHES NYUNG BA NYID DU SHES PAR BYA BA'I PHYIR RO ZHES BSTAN PA YIN NO, ,BCU GNYIS PA NI GANG YANG PHA ROL TU PHYIN PA DRUG GI MI MTHUN PA'I PHYOGS KYI SEMS MI SKYED PA'I PHYIR RO ZHES BSTAN PA YIN NO, ,BCU GSUM PA NI GANG GZUGS LA SOGS PA DANG LDAN PA'I SEMS MI SKYED PA'I PHYIR RO, ,DE CI'I PHYIR ZHE NA, RTZE MO'I MNGON BAR RTOGS PA'I MTSAN NYID CAN GYI SHES RAB KYI PHA ROL TU PHYIN PA 'DI LA SPYOD PA'I BYANG CHUB SEMS DPA' CHEN PO NI CHOS THAMS CAD DMIGS SU MED PA NYID KYIS SO ZHES BSTAN PA YIN NO, ,BCU BZHI PA NI GANG 'JIG TSOGS LA LTA BA'I DPES SHES RAB KYI PHA ROL TU PHYIN PAR THAMS CAD DU 'DUS PA NYID KYI PHYIR RO ZHES BSTAN PA YIN NO, , BCO LNGA PA NI GANG SHES RAB KYI PHA ROL TU PHYIN PA LA SLOB PA NI, PHUN SUM TSOGS PA THAMS CAD THOB PA'I RGYU NYID KYI PHYIR RO ZHES BSTAN PA YIN NO, ,GAL TE DE LTA YIN NA NYAN THOS SAM, RANG SANGS RGYAS SU 'GYUR RO ZHE NA, DE'I PHYIR NYAN THOS DANG, RANG SANGS RGYAS KYI PHUN SUM TSOGS PA RNAMS SHES PA DANG, MTHONG BAS DE DAG BLTAS TE 'DA' BAR BYA'O ZHES BSTAN PA YIN NO, ,RJES SU DPAG PA'I SHES PA BSAL BA'I PHYIR MTHONG BA ZHES SMOS PA YIN LA, 'KHRUL PAR SNANG BA BSAL BA'I PHYIR SHES PA SMOS PA YIN NO, ,SHES PA DANG MTHONG @135A *, ,BA'I TSIG NI YANG NYAN THOS DANG, RANG SANGS RGYAS KYIS NI BYANG CHUB SEMS DPA'I BSGOM PA'I LAM DU SHES PAR BYA BA'I PHYIR RO, ,YANG CI'I PHYIR DE DAG 'DI'I BSGOM PA'I LAM DU BKAG CE NA, RGYUN DU ZHUGS PA NAS RANG SANGS RGYAS KYI BAR GYI SHES PA DANG; SPANGS PA NI BYANG CHUB SEMS DPA'I BZOD PA YIN ZHES GSUNGS PA'I PHYIR RO, ,GTZO BO GZHAN YIN NO ZHES BYA BA'I DON TO, ,YANG 'DA' BAR BYED PA NI RNAM PA THAMS CAD MNGON BAR RTOGS PA LA 'JUG PA'O, ,RNAM PAR 'PHEL BA BCU DRUG PA NI GAL TE YANG 'DI SNYAM DU 'DI NI SHES RAB KYI PHA ROL TU PHYIN PA'O ZHES BYA BA NAS BRTZAMS TE, DE'I YUL GYI RNAM PAR RTOG PA BKAG PA LA SLOB PAR RJES SU GNANG NGO ZHES BSTAN PA YIN NO, ,BLA NA MED PA YANG DAG PAR RDZOGS PA'I BYANG CHUB TU NYE BAR GYUR PA NYID KYI PHYIR RO ZHES GSUNGS PA YIN NO, ,RNAM PAR 'PHEL BA'I 'GREL PA'O,, ,,RTZE MO'I MNGON BAR RTOGS PA'I RNAM PAR 'PHEL BA JI LTA BA BZHIN DU, BOGS DBYUNG BA BSTAN NAS, DA JI LTAR 'GYUR BA'I NGES BA BRJOD PA'I PHYIR, SEMS CAN DON YONGS MI GTONG BA, ,KUN MKHYEN NYID GSUM CHOS RNAMS KYIS, ,YONGS SU RDZOGS PA BLA NA MED, ,NGES PA ZHES NI MNGON BAR BRJOD, ,CES BSTAN PA NI GANG DE NI 'DI LTAR BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA DANG ZHES BYA BA NAS SANGS RGYAS KYI CHOS MA 'DRES PA RNAMS LA SPYOD CING, SEMS CAN THAMS CAD ZIL GYIS GNON NA, BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR SANGS RGYAS PAR GYUR NAS, LTA CI SMOS ZHES BYA BA'I BAR DANG, THAMS CAD KYI YID DU 'ONG BA YIN NO, ,ZHES BYA BA NI RTZE MO'I MNGON BAR RTOGS PA LA, NGES PA'I GNAS SKABS THOB PA NI RNYED PAR DKA' BAR SHES PAR BYA BA'I PHYIR RO ZHES BSTAN PA YIN NO, ,DE STON PA LHA'I ME TOG MAN DAR BA NYE BAR GTOR BA DANG, MNGON DU PHYOGS NAS GTOR BA DANG, RAB TU KHYAB PAR GTOR NAS MCHOD PA'I DGE BA'I RTZA BA BYANG CHUB SEMS DPA' RNAMS KYI SANGS RGYAS KYI CHOS RNAMS YONGS SU RDZOGS PAR @135B BSNGOS PA'I TSIG GIS, RNAM PA THAMS CAD MKHYEN PA NYID KYI CHOS RNAMS DANG, RANG 'BYUNG GI CHOS RNAMS DANG, ZAG PA MED PA'I CHOS RNAMS YONGS SU RDZOGS PAR GYUR CIG CES BYA BA, THAMS CAD MKHYEN PA GSUM YONGS SU RDZOGS PAR BSNGOS PAS DE BSHAD PA'I PHYIR RO ZHES BSTAN PA YIN NO, ,JI LTAR NA SEMS CAN GYI DON YONGS SU MI GTONG BA YIN ZHE NA, DE LTA BU'I RTOGS PA DANG LDAN PA'I GNAS SKABS SU MYA NGAN LAS 'DAS PA SPANG BA'I PHYIR DANG, THUGS RJE CHEN PO MNGON DU BYA BA'I DGONGS PAS SEMS CAN MA BSGRAL BA BSGRAL BA LA SOGS PA'I SEMS BSKYED PAS, THEG PA LA GSAR DU ZHUGS PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA RNAMS, CI RIGS PAR RTOGS PA BZHI'I GNYEN PO'I PHYOGS MTHONG BA DANG BSGOM PA'I LAM RTOGS PA'O, ,RNAM PA BZHI BSTAN PAS BZHI PO DE DAG BSHAD PA NYID KYI PHYIR RO ZHES BSTAN PA YIN NO, ,NGES PA'I RNAM PAR 'GREL BA'O,, ,,TING NGE 'DZIN BSTAN PA'I PHYIR, GLING BZHI PA NI STONG DAG DANG, ,STONG GNYIS GSUM DAG DPER MDZAD NAS, ,BSOD NAMS MANG PO NYID KYIS NI, ,TING 'DZIN YONGS SU BSGRAGS PA YIN, ,ZHES BSTAN PA NI GANG RJES SU YI RANG BA'I BSOD NAMS MANG PO NAS BRTZAMS TE, GLING CHEN PO BZHI BA'I 'JIG RTEN GYI KHAMS SRANG GIS GZHAL BA'I DPE DANG, DE BZHIN DU STONG CHEN PO DANG, STONG GNYIS PA DANG, DE BZHIN DU STONG GSUM GYI STONG CHEN PO'I 'JIG RTEN GYI KHAMS KYI RGYA MTSO CHEN PO'I CHU'I PHUNG PO JI SNYED YOD PA DE DAG SKRA'I RTZE MO BRGYAR GSHAGS PA'I CHA GCIG GIS, CHU'I THIGS PA BLANGS PA'I TSAD GZUNG BA'I DPES, DE DAG GI RJES SU YI RANG BA DANG LDAN PA'I SEMS BSKYED PA'I BSOD NAMS MANG BA NYID DANG; SEMS BSKYED PA 'DI DAG DANG LDAN PA DAG NI, GANG DANG GANG DU SKYES PA DE DAG TU ZHES BYA BA NAS BRTZAMS TE, DGE BA'I RTZA BA LA RJES SU YI RANG BAR BYAS SHING BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O, ,SEMS MA YIN PA @136A *, ,GZHAN YANG MED PAR BLA NA MED PA YANG DAG PAR RDZOGS PA'I BYANG CHUB TU BSNGO BAR BYA'O ZHES BYA BA'I BAR DU PHAN YON RNAM PA MANG PO ZHIG BSTAN PA'O ZHES BSTAN PA YIN NO, ,RTAG PA LA SOGS PA DE DAG NI DRO BA LA SOGS PA NGES PAR 'BYED PA'I CHA DANG MTHUN PA BZHI DANG 'DRA BA'I MTSAN NYID DU GO RIMS BZHIN DU SHES PAR BYA'O, ,TING NGE 'DZIN GYI RNAM PAR 'GREL PA'O,, ,,DA NI MTHONG BA'I LAM GYI MI MTHUN PA'I PHYOGS DANG, GNYEN POR BCAS PA RNAM PA BZHI PO GZUNG BA DANG, 'DZIN PA'I RNAM PAR RTOG PA BSTAN PA'I PHYIR, 'JUG PA DANG NI LDOG PA LA, ,GZUNG BA'I RNAM RTOG SO SOR TE, ,DGU YI BDAG NYID YIN ZHES BYA, ,ZHES BYA BA LA, DE LA GZUNG BA'I RNAM PAR RTOG PA NI RNAM PA GNYIS TE, MA LUS PA LA 'JUG PA'I PHYOGS KYI RTEN CAN DANG PO NI, GANG GNYIS DANG GNYIS SU MED PA'I 'DU SHES DANG BRAL BA'I SEMS BSKYED PA DE LTA BUS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAR NGES PAR SBYOR BA'I PHYIR RO ZHES BSTAN PA YIN NO, ,MA LUS PA LAS LDOG PA'I PHYOGS KYI RTEN CAN RNAM PA GNYIS NI, GANG TSE DANG LDAN PA SH'A RI'I BU, SHES RAB KYI PHA ROL TU PHYIN PA LA SPYOD PA NI RNAM PAR MI RTOG PA'O ZHES BYA BA NAS BRTZAMS TE, RNAM PAR MI RTOG PA'I SHES RAB KYI PHA ROL TU PHYIN PA LA SPYOD PAS, RNAM PAR MI RTOG PA'I MNGON PAR RDZOGS PAR 'TSANG RGYA'O ZHES BYA BA'I BAR GYIS RNAM PAR BYANG BA'I YUL GYI RNAM PAR RTOG PA BKAG PA'I PHYIR RO ZHES BSTAN PA YIN NO, ,YANG RGYU GANG GIS DE DAG RNAM PAR RTOG PA ZHES BSTAN CE NA, GANG GI PHYIR, JI LTA BA BZHIN YUL MIN BDAG ,CES BYA BA SMOS TE, PHYIN CI LOG TU RTOG PAS NA RNAM PAR RTOG PA ZHES BYA'O, ,'DZIN PA'I RNAM PAR RTOG PA GNYIS BSTAN PA'I PHYIR, SEMS CAN RDZAS DANG BTAGS YOD PAR, ,RNAM RTOG 'DZIN PA DAG TU 'DOD, ,SO SO'I SKYE BO 'PHAGS DBYE BAS, ,SO SOR DE DAG DGU DAG NYID, ,CES SMOS TE, DE LA SO SO'I SKYE BO'I RDZAS SU YOD PA'I RTEN CAN 'DZIN PA'I RNAM PAR RTOG PA DANG PO NI GANG, KYE MA TSE DANG LDAN PA RAB @136B 'BYOR BYANG CHUB SEMS DPA' CHEN PO GANG SHES RAB KYI PHA ROL TU PHYIN PA LA SPYOD PA NI GANG SNYING PO LA SPYOD DO ZHES BYA BA NAS BRTZAMS TE, THAMS CAD MKHYEN PA NYID KYI BAR GYI CHOS THAMS CAD DBEN PAR BSHAD PA LA MI ZHUM, YANGS SU ZHUM PAR ME 'GYUR BA LA SOGS PAS, SKYES BU RDZAS YOD PA'I RTEN CAN GYI RNAM PAR RTOG PA BKAG PA'I PHYIR RO ZHES BSTAN PA YIN NO, ,CHOS THAMS CAD BDAG MED PA'I SHES PA 'DI NI SO SO'I SKYE BO LA YOD PA'I PHYIR, 'DZIN PA'I RNAM PAR RTOG PA'I SKABS SU BZHAG PA DANG PO 'DI NI KHYAD PAR MA YIN NO ZHE NA, DE RNAMS KYI DE KHO NA NYID YID LA BYED PA DE NI MOS PA YID LA BYED PA YIN PAR 'DIR BSHAD PA'I PHYIR SNYING PO MED PA'O, ,BRTAGS PAR YOD PA 'PHAGS PA'I GANG ZAG GI RTEN CAN GYI 'DZIN PA'I RNAM PAR RTOG PA GNYIS PA NI GANG SEMS ZHUM PA DE'I RGYU DRIS PA LA, BCOM LDAN 'DAS CHOS THAMS CAD MA MCHIS PA'I SLAD DU ZHES BYA BA NAS BRTZAMS TE, GANG DU SKYE BA DANG, GNAS PA DANG, GZHAN DU 'GYUR BAR MI DMIGS NA SU ZHIG DE BZHIN NYID LA GNAS PAR 'GYUR, SU ZHIG DE BZHIN NYID LA GNAS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'AM, CHOS STON PAR 'GYUR ZHES 'PHAGS PA'I GANG ZAG THAMS CAD DU RNAM PAR RTOG PA BKAG PA'I PHYIR RO ZHES BSTAN PA YIN NO, ,'PHAGS PA'ANG DE LTA BU YOD DE, DGE SLONG DAG MTSAN MO 'DAS NAS NANG PAR GYI DUS SU NGAS SROG CHAGS CE SBYANG SGRA 'BYIN PA'I SKAD THOS SO, ,DA BZHIN DU NGA NI DE'I TSE DE'I DUS SU RI DAGS KYI RGYAL PO SENG GE YAN LAG MA SMAD PA ZHES BYA BAR GYUR TO ZHES GSUNGS PA YIN NO, ,TSIG DE DAG NI THA SNYAD YIN GYI, DON DAM PA MA YIN PAS SNYING PO MED DO, ,'DZIN PA'I RNAM PAR RTOG PA'I SKABS SU BZHAG PAR GYUR PA NI KHYAB PA CAN MA YIN NO, ,CI'I PHYIR 'DI DAG RNAM PAR RTOG PA ZHES BRJOD CE NA, GANG GI PHYIR, GAL TE GZUNG DON DE BZHIN MED, ,DE DAG GANG GIS 'DZIN PAR 'DOD, ,DE LTAR DE DAG 'DZIN PA YI, ,NGO BOS STONG PA'I MTSAN NYID DO, ,DE LTAR RNAM PAR RTOG PA 'DI BZHI YANG, , @137A *, ,RE RE YANG RNAM PA DGU DGUR SHES PAR BYA'O, ,DE LA GZUNG BA'I RNAM PAR RTOG PA DANG PO DGU PO GANG ZHE NA, NGO BO NYID RIGS DE DANG NI, ,KUN NAS YANG DAG BSGRUB PA DANG, ,SHES PA'I DMIGS PA MA 'KHRUL DANG, ,MI MTHUN PA DANG GNYEN PO DANG, ,RANG GIS RTOGS DANG BYED PA DANG, ,DE YI LAS BYA'I 'BRAS BU LA, ,'JUG PA'I PHYOGS KYI RTEN CAN GYI, ,RTOG PA DE NI RNAM DGUR 'DOD, ,CES BSTAN PA LA, DE LA NGO BO NYID KYI RNAM PAR RTOG PA NI GANG, RAB 'BYOR DE JI SNYAM DU SEMS, KHYOD KYIS SGYU MA LTA BU'I SEMS DE YANG DAG PAR RJES SU MTHONG NGAM ZHES BYA BA NAS BRTZAMS TE, JI LTAR DBEN PAS DBEN PA 'TSANG RGYA BAR 'GYUR ZHES BYA BA'I BAR GYIS 'TSANG RGYA BAR YANG MI 'THAD PA DANG, RAB 'BYOR DE DE BZHIN NO, ,RAB 'BYOR CI SHES RAB KYI PHA ROL TU PHYIN PA NI SHIN TU DBEN PA'I PHYIR ZHES BYA BA NAS BRTZAMS TE, RAB 'BYOR GAL TE SHES RAB KYI PHA ROL TU PHYIN PA DBEN PAR MA GYUR ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU DBEN PAR MA GYUR NA, DE SHES RAB KYI PHA ROL TU PHYIN PA NAS RNAM PA THAMS CAD MKHYEN PA NYID KYI BAR DU MI 'GYUR RO ZHES BYA BA'I BAR DU MNGON PAR RDZOGS PAR BYANG CHUB PA NI DE'I MTSAN NYID CAN YIN PAR BSTAN PA'I PHYIR, DE LTAR SPYOD PA NI DON ZAB MO LA SPYOD PA'O ZHES BSTAN PA YIN NO, ,RIGS KYI RNAM PAR RTOG PA NI GANG YANG NAM MKHA'I DPES RIGS SU RNAM PAR RTOG PA BSAL BA'I PHYIR RO ZHES BSTAN PA YIN NO, ,YANG DAG PAR BSGRUB PA'I RNAM PAR RTOG PA NI GANG YANG SGYU MA'I SKYES BU'I DPES BSGRUB PA'I YANG DAG PAR 'GRUB PA'I RNAM PAR RTOG PA BKAG PA'I PHYIR RO ZHES BSTAN PA YIN NO, ,DMIGS PA'I RNAM PAR RTOG PA NI GANG YANG GZUGS BRNYAN GYI DPES DMIGS PA'I RNAM PAR RTOG PA BSAL BA'I PHYIR RO ZHES BSTAN PA YIN NO, ,MI MTHUN PA'I PHYOGS DANG GNYEN PO'I RNAM PAR RTOG PA NI GANG YANG DAG PAR RDZOGS PA'I SANGS RGYAS KYI DPES GNYEN PO DANG MI MTHUN PA'I PHYOGS KYI RNAM PAR RTOG PA BSAL BA'I PHYIR RO ZHES BSTAN PA YIN @137B NO; ,RANG GIS RTOGS PA'I RNAM PAR RTOG PA NI GANG YANG DE'I DPES RANG RANG GIS RTOGS PA'I RNAM PAR RTOG PA BKAG PA'I PHYIR RO ZHES BSTAN PA YIN NO, ,BYED PA PO'I RNAM PAR RTOG PA NI GANG YANG DE'I SPRUL PA'I DPES SPRUL PA'I RIGS BYED PA'I RNAM PAR RTOG PA BSAL BA'I PHYIR, NYAN THOS DANG, RANG SANGS RGYAS KYI BYANG CHUB RING BA DANG NYE BA BKAG PA'I DON GYIS SO ZHES BSTAN PA YIN NO, ,BYA BA'I RNAM PAR RTOG PA NI GANG YANG DE BZHIN GSHEGS PA'I SPRUL PA'I BYA BA'I DPES LAS KYI RNAM PA BKAG PA'I PHYIR RO ZHES BSTAN PA YIN NO, ,BYA BA 'BRAS BU DANG BCAS PA'I RNAM PAR RTOG PA NI GANG YANG SHING GI 'KHRUL 'KHOR GYI DPES BYA BA 'BRAS BU DANG BCAS PA'I RNAM PAR RTOG PA BSAL BA'I PHYIR RO ZHES BSTAN PA YIN NO, ,DE LA GZUNG BA'I RNAM PAR RTOG PA GNYIS PA'I RNAM PA DGU GANG ZHE NA, SRID DANG ZHI BAR LTUNG BA'I PHYIR, , RTOGS PA DMAN PA NYID DANG NI, ,YONGS SU 'DZIN PA MED PA DANG, ,LAM GYI RNAM PA MA TSANG DANG, ,GZHAN GYI RKYEN GYIS 'GRO BA DANG, ,CHED DU BYA BA LOG PA DANG, ,NYI TSE BA DANG SNA TSOGS NYID, ,GNAS DANG 'JUG LA RMONGS PA DANG, ,RJES LA 'GRO ZHES BYA BA LA, ,RNAM RTOG DGU YI BDAG NYID NI, ,LDOG PA'I PHYOGS KYI RTEN CAN TE, ,MDO LAS JI SKAD GSUNGS PA BZHIN, ,ZHES BSTAN PA LA, DE 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS DMAN PA'I RNAM PAR RTOG PA NI GANG RAB 'BYOR 'DI LTA STE DPER NA NYI MA DANG ZLA BA'I DKYIL 'KHOR NI GLING BZHIR LAS BYED CING RJES SU 'GRO'O ZHES BYA BA DANG, SHES RAB KYI PHA ROL TU PHYIN PA'I SHES RAB DANG SNYING RJE DAG GIS PHA ROL TU PHYIN PA LNGA POS 'KHOR BA DANG MYA NGAN LAS 'DAS PA GANG YANG RUNG BAR LTUNG BAR MI BYED PA'I PHYIR, 'KHOR LOS SGYUR BA'I DPES RTOGS PA MA LUS PA LA BYED PA'I YUL SHES PAR BYA BA'I PHYIR RO ZHES BSTAN PA YIN NO, ,YONGS SU 'DZIN PA'I RNAM PAR RTOG PA NI GANG BUD MED KHYIM THAB MED PA'I DPES YONGS SU 'DZIN PA'I KHYAD PAR SHES PAR BYA BA'I PHYIR RO ZHES BSTAN PA YIN NO, ,BSGRUB PA MA TSANG @138A *, ,BA'I RNAM PAR RTOG PA NI GANG YANG G-YUL DU ZHUGS PA'I MI DPA' BO'I DPES BSGRUB PA'I KHYAD PAR SHES PAR BYA BA'I PHYIR RO ZHES BSTAN PA YIN NO, ,GZHAN GYI RKYEN GYIS 'GRO BA'I RNAM PAR RTOG PA NI GANG YANG 'KHOR LOS SGYUR BA'I RGYAL PO LA, KHAMS KYI RGYAL PO RJES SU 'BRANG BA'I DPES RTOGS PA'I DBANG DU GYUR PA SHES PAR BYA BA'I PHYIR RO ZHES BSTAN PA YIN NO, ,CHED DU BYA BA LOG PA'I RNAM PAR RTOG PA NI GANG YANG CHU BO RNAMS GANG G'A'I CHU BO DANG LHAN CIG RGYA MTSO CHEN POR 'GRO BA'I DPES, GROGS GTZO BO RNAMS DANG LHAN CIG TU 'GRO BA'I TSUL GYIS PHYIR MI LDOG PAR 'GRO BA DANG, THEG PA GZHAN DU 'GRO BA MED PAS THAMS CAD MKHYEN PA NYID KYI CHED DU BYA BA LAS YONGS SU NYAMS PA'I PHYIR RO ZHES BSTAN PA YIN NO, ,NYI TSE BA BYED PA'I RNAM PAR RTOG PA NI GANG SKYES BU'I LAG PA G-YAS PA DANG, G-YON PA'I DPES NYI TSE BA MA YIN PA'I BYED PA SHES PAR BYED PA'I PHYIR RO ZHES BSTAN PA YIN NO, ,RTOGS PA THA DAD NYID KYI RNAM PAR RTOG PA NI GANG CHU KLUNG PHRA MO DANG, CHU KLUNG CHEN PO'I CHU RNAMS RGYA MTSO CHEN POR PHYIN NA RO GCIG PAR 'GYUR BA'I DPES PHA ROL TU PHYIN PA LNGA DE'I BDAG NYID CAN DU 'GYUR BAR SHES PAR BYA BA'I PHYIR RO ZHES BSTAN PA YIN NO, ,GNAS PA DANG 'JUG PA MI SHES PA'I RNAM PAR RTOG PA NI GANG YANG 'KHOR LO RIN PO CHE GNAS PA DANG, 'GRO BA'I DPES GNAS PA DANG, 'GRO BA DAG NI PHA ROL TU PHYIN PA LNGA DE'I RJES SU 'BRANG BAR SHES PAR BYA BA'I PHYIR RO ZHES BSTAN PA YIN NO, ,RJES LA 'GRO BA'I RNAM PAR RTOG PA NI GANG YANG DE NYID DPUNG GI TSOGS KYIS MDUN DU 'GRO BA'I DPES DE'I RJES SU 'BRANG BAR SHES PAR BYA BA'I PHYIR RO ZHES BSTAN PA YIN NO, ,GAL TE DE LTAR YIN NA, CHOS THAMS CAD NGO BO NYID KYIS STONG PA YIN PA'I PHYIR PHA ROL TU PHYIN PA DAG GIS BLA NA MED PA YANG DAG PAR RDZOGS PAR BYANG CHUB PA NI MED DO ZHES BRGAL BA LA RAB 'BYOR 'DI LA BYANG CHUB SEMS DPA' CHEN PO PHA ROL TU PHYIN PA DRUG LA SPYOD PA'I TSE 'DI SNYAM DU 'JIG RTEN NA GNAS PA 'DI NI PHYIN CI LOG TU GYUR PA STE ZHES BYA BA @138B NAS BRTZAMS TE, SHES RAB KYI DON GYI DBANG MA GTOGS PAR SEMS CAN YONGS SU SMIN PAR BYA BAR MI NUS PA'I PHYIR, SHES RAB KYI PHA ROL TU PHYIN PA LA SPYOD PA YIN NO ZHES BYA BA NI DON GYI LAN YIN NO, ,THA DAD DU BYED PA MED PA THAMS CAD LAS GCIG GTZO BOR GYUR PA YOD PA MA YIN NO ZHES BRGAL BA LA, LUS THA DAD PA RNAMS RI'I RGYAL PO RI RAB KYI DRUNG DU PHYIN PA'I DPES LNGA PO DE NI KHYAD PAR MED PA'I THOB PA 'DIS GTZO BOR 'THAD PA'I LAN GYIS GSUNGS LA, YANG DON RJES SU ZHUGS NAS KHYAD PAR DU SHES PA MED PAS, ZHES BYA BA NI DON DAM PA DANG 'BREL BA BYE BRAG TU RNAM PAR RTOG PA LA KUN TU SPYOD PA YOD PA MA YIN NO ZHES BYA BA'I DON TO, ,'ON KYANG 'JIG RTEN GYI THA SNYAD DANG BRDAR BYAS NA ZHES BYA BA NAS BRTZAMS TE, BUD MED RIN PO CHE'I DPES DGE BA'I CHOS THAMS CAD YONGS SU BSDUS SHING MI GNAS PA'I TSUL GYIS RNAM PA THAMS CAD MKHYEN PA NYID GA NA BA DER MI GNAS PA'I TSUL GYIS GNAS PAR DGONGS PA MCHOG NYID YIN PAR 'THAD PA'I LAN GSUNGS PA YIN NO, ,DA NI 'DZIN PA'I RNAM PAR RTOG PA GNYIS PO RE RE ZHING DBYE BA RNAM PAR DGUR 'GYUR BAR BRJOD PAR BYA'O, ,DE LA RE ZHIG ,'DZIN PA DANG NI 'DONG BA DANG, ,YID LA BYED DANG KHAMS GSUM NI, ,GSUM CHAR NYE BAR 'BREL PA DANG, ,GNAS DANG MNGON BAR ZHEN PA DANG, ,CHOS KYI DNGOS PO BTAGS PA DANG, ,CHAGS PA DANG NI GNYEN PO DANG, ,JI LTAR 'DOD BZHIN 'GRO NYAMS DANG, ,'DZIN PA DANG POR SHES PAR BYA, ,ZHES BYA BA LA DE LA 'DZIN PA DANG THAR PA'I RNAM PAR RTOG PA NI, GANG BCOM LDAN 'DAS SHES RAB KYI PHA ROL TU PHYIN PA NI CHOS GANG YANG 'DZIN PA'AM GTONG BA MA MCHIS SO ZHES BYA BA LA SOGS PAS BSTAN PA YIN NO, ,YID LA BYED PA'I RNAM PAR RTOG PA NI GANG GZUGS NAS RNAM PA THAMS CAD MKHYEN PA NYID KYI BAR DU YID LA MI BYED PAS, YONGS SU MA BZUNG MA BTANG BA NYID KYIS YID LA BYED PA MED PAR DGE BA'I RTZA BA RNAMS RNAM PAR 'PHEL BA DANG, PHA ROL TU PHYIN PA RNAMS YONGS SU RDZOGS PA DANG, RNAM PA THAMS CAD MKHYEN PA NYID @139A *, ,THOB PAR BYED PA MED PA THAL BAR 'GYUR BAS, GANG RAB 'BYOR NAM GZUGS YID LA MI BYED CES BYA BA NAS BRTZAMS TE, DE'I RNAM PA THAMS CAD MKHYEN PA NYID THOB PAR 'GYUR RO, ,DE CI'I SLAD DU ZHE NA, YID LA MI BYED PA NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYA'O ZHES BYA BA'I 'THAD PA'I LAN GYIS SO ZHES BSTAN PA YIN NO, ,KHAMS GSUM PA DANG NYE BAR 'BREL PA'I RNAM PAR RTOG PA NI GANG BCOM LDAN 'DAS CI'I SLAD DU DE LTAR GZUGS YID LAM BGYIS ZHES BYA BA NAS 'DREN MAR 'GYUR BA'I YID LA BYED PAS KHAMS GANG DU YANG 'DRE BAR MI 'GYUR BA NYID KYI BAR DU'O ZHES BSTAN PA YIN NO, ,GNAS PA'I RNAM PAR RTOG PA NI GANG DE LTAR SPYOD PA DE, RNAM PA THAMS CAD MKHYEN PA NYID KYI BAR LA YANG GNAS PAR MI 'GYUR BA NYID KYI PHYIR RO ZHES BSTAN PA YIN NO, ,DNGOS PO LA MNGON PAR ZHEN PA'I RNAM PAR RTOG PA NI GANG BCOM LDAN 'DAS CI'I SLAD DU MNGON BAR CHAGS PAR MI 'GYUR, MNGON BAR CHAGS PAR BYA BA'I GNAS KYI RGYU NYID MED PA'I PHYIR RO ZHES BSTAN PA YIN NO, ,DNGOS POR BRTAGS PA'I RNAM PAR RTOG PA NI GANG GAL TE YANG BYANG CHUB SEMS DPA' CHEN PO 'DI SNYAM DU SEMS SHING ZHES BYA BA NAS BRTZAMS TE, DE CI'I PHYIR ZHE NA, 'DI LTAR DE BZHIN GSHEGS PAS CHOS GANG YANG MA GZIGS PAS 'DOGS PAR MA MDZAD DO, ,DE BZHIN GSHEGS PAS THUGS SU CHUD BA NI RJOD PAR BYED PA DANG BRJOD PAR BYA BA BRTAGS PAR RAB TU PHYE BA YIN NO ZHES BYA BA'I DON TO, ,DE CI'I PHYIR ZHE NA, 'DI LTAR DE BZHIN GSHEGS PAS NI CHOS GANG YANG MNGON PAR RDZOGS PAR SANGS RGYAS PA MED DO ZHES BYA BA DNGOS PO NYID DU'O ZHES BYA BA'I DON TO, ,DE LTAR MNGON BAR ZHEN PA LA SPYOD PA LAS NYAMS PA'I TSIG GIS NA MNGON PAR ZHEN PA MED PA GTZOR BYA BAR SHES PAR BYA BA'I PHYIR RO ZHES BSTAN PA YIN NO, ,CHAGS PA'I RNAM PAR RTOG PA NA GANG BCOM LDAN 'DAS BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NA JI LTAR SBYIN @139B PA SBYIN PA LA SOGS PA'I SKYON 'DI DAG MA MCHIS PAR 'GYUR BA LAGS, RAB 'BYOR GANG GI TSE 'DI LTAR CHOS THAMS CAD LA CHAGS PA MED CING YONGS SU 'DZIN PA MED PAR SHES PA YIN NO, ,ZHES BYA BA LA SOGS PA BSTAN PA YIN NO, ,GNYEN PO'I RNAM PAR RTOG PA NI GANG GNYEN PO'I PHYOGS KYI CHOS RNAMS DE LA DMIGS PA DANG, MNYAM PA NYID KYI DBANG DU BYAS NAS, SHES RAB KYI PHA ROL TU PHYIN PA DANG, RNAM PA THAMS CAD MKHYEN PA NYID KYI BAR DE DANG MA BRAL BA NYID KYI PHYIR RO ZHES BSTAN PA YIN NO, ,JI LTAR 'DOD PA BZHIN DU 'GRO BA LA THOGS PA'I RNAM PAR RTOG PA NI GANG DMIGS PAR BYA BA DANG, DMIGS PAR BYED PA DAG DBYER MED PAS MNGON PAR RTOGS PA BSGRUB PA MED NA, MNGON BAR RTOGS PA DANG, MNGON BAR SGRUB PA MED PAR THAL BAR 'GYUR BAS RAB 'BYOR BYANG CHUB SEMS DPA' SEMS DPA' CHEN PO GZUGS ZHE'AM, 'DI NI GZUGS SO, ,'DI'I GZUGS SO ZHES BYA BA NAS BRTZAMS TE, 'KHOR LOS SGYUR BA'I RGYAL PO JI LTAR 'DOD PAR 'GRO BA'I DPES PHA ROL TU PHYIN PA LNGA PO NI NYAN THOS LA SOGS PA'I LAM DU JI LTAR 'DOD PAR 'GRO BA'I RGYU NYID YIN PA'I BAR GYIS RJES SU 'BRANG BA GZHAN DBANG YIN PA'I PHYIR RO ZHES BSTAN PA YIN NO, ,DA NI 'DZIN PA'I RNAM PAR RTOG PA DGU PA GNYIS PA BSTAN PA'I PHYIR, CHED BZHIN NGES PAR MI 'BYUNG DANG, ,LAM LA LAM MIN NGES 'DZIN DANG, ,'GOG DANG BCAS PA'I SKYE BA DANG, ,DNGOS PO LDAN DANG MI LDAN DANG; ,GNAS DANG RIGS NI 'JIG PA DANG, ,DON DU GNYER DANG RGYU MED DANG, ,PHYIR RGOL BA NI DMIGS PA LA, ,'DZIN PA'I RNAM RTOG GZHAN YIN NO, ,ZHES BYA BA LA, CHED DU BYA BA LA JI LTA BA BZHIN DU NGES PAR 'BYUNG BA'I RNAM PAR RTOG PA NI GANG YANG KHA LO BSGYUR BA'I DPES, DE DAG RNAM PA THAMS CAD MKHYEN PA NYID KYI LAM MCHOG GIS RAB TU KHRID PA DES RANG DBANG DU BYED PA'I PHYIR RO ZHES BSTAN PA YIN NO, ,LAM LA LAM MA YIN PAR NGES PAR 'DZIN PA'I RNAM PAR RTOG PA NI GANG NYAN THOS LA SOGS PA'I LAM DANG, RNAM PA THAMS @140A *, ,CAD MKHYEN PA NYID KYI LAM NI, BYANG CHUB SEMS DPA'I LAM MA YIN PA DANG LAM YIN PA NYID KYI PHYIR RO ZHES BSTAN PA YIN NO, ,SKYE BA DANG, 'GOG PA'I RNAM PAR RTOG PA NI GANG SHES RAB KYI PHA ROL TU PHYIN PA 'DI NI, BYANG CHUB SEMS DPA' SEMS DPA' CHEN PO RNAMS KYI DON CHEN PO'I SLAD DU NYE BAR GNAS PA ZHES BYA BA NAS BRTZAMS TE, SHES RAB KYI PHA ROL TU PHYIN PA 'DI NI SKYE BA MA YIN 'GOG PA MA YIN NO ZHES BYA BA'I BAR GYIS NI CHOS NYID TSAD MAR BYA BA'I PHYIR RO, ,DE LTA NA NI PHA ROL TU PHYIN PA DRUG YOD PAR MI 'DOD PAR MI 'DOD DO ZHE NA, RNAM PA THAMS CAD MKHYEN PA NYID DMIGS PAR BYAS NAS, DGE BA'I RTZA BA DE DAG THAMS CAD DANG THUN MONG DU BYAS NAS, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO ZHING, 'KHOR GSUM MI DMIGS PA'I RNAM PAR BSGOMS PAS, PHA ROL TU PHYIN PA DRUG LA MNGON PAR BRTZON PAR YANG DAG PAR BRTZON PA'I PHYIR RO ZHES BSTAN PA YIN NO, ,DNGOS PO DANG LDAN PA DANG, MI LDAN PA'I RNAM PAR RTOG PA NI GANG DE'I RGYU YONGS SU ZHUS NAS, LAN BKA' STZAL PA NAS BRTZAMS TE, GZUGS NAS RNAM PA THAMS CAD MKHYEN PA NYID KYI BAR DU LDAN PA BKAG PAS MNGON PAR BRTZON PAR BYA BA BSTAN PA'I PHYIR RO ZHES BSTAN PA YIN NO, ,GZUGS LA SOGS PA LA GNAS PA'I RNAM PAR RTOG PA NI GANG YANG GZUGS NAS RNAM PA THAMS CAD MKHYEN PA NYID KYI BAR LA GNAS PAR BYA'O ZHES BRTZON PAR MI BYA STE, DE CI'I PHYIR ZHE NA, GZUGS NAS RNAM PA THAMS CAD MKHYEN PA NYID KYI BAR TE, THAMS CAD MKHYEN PA NYID GSUM CHAR NI GANG NA YANG MI GNAS SO ZHES BYA BA NI 'THAD PA'O ZHES BSTAN PA YIN NO, ,RIGS RNAM PAR 'JIG PA'I RNAM PAR RTOG PA NI GANG AA MRA LA SOGS PA'I 'BRAS BU'I DPES, CHOS RNAM PAR MI 'JIG PAR SHES PAR BYA BA'I PHYIR RO ZHES BSTAN PA YIN NO, ,DON DU MI GNYER BA'I RNAM PAR RTOG PA NI GANG CHOS THAMS CAD KYI BAR LA DBANG DU GYUR PA THOB PAR 'DOD PAS, SHES RAB KYI PHA ROL TU PHYIN PA LA BSLAB PAR @140B BYA BA NYID DO ZHES BSTAN PA YIN NO, ,RGYU MED PA'I RNAM PAR RTOG PA NI GANG DE CI'I PHYIR ZHE NA, RGYA MTSO CHEN PO NI 'DZAM BU'I GLING GI RIN PO CHE THAMS CAD KYI RGYU YIN PA'I DPES, SHES RAB KYI PHA ROL TU PHYIN PA NI 'PHAGS PA'I GANG ZAG GIS RTOGS PA'I RGYU NYID YIN PA'I 'THAD PAS SO ZHES BSTAN PA YIN NO, ,PHYIR RGOL BA'I CHOS LA DMIGS PA'I RNAM PAR RTOG PA NI GANG YANG 'PHONG GI SLOB DPON GYI DPES, PHYIR RGOL BA'I CHOS THUB PAR DKA' BAR STON CING, DE BZHIN DU MI DMIGS PA LA SPYOD PA'I BYANG CHUB SEMS DPA' NI SANGS RGYAS THAMS CAD KYIS MI DMIGS PA'I RNAM PAR DGONGS PA MDZAD PA DANG, 'DZIN PA'I RNAM PAR RTOG PA GNYIS PO'I GNYEN PO'I PHYOGS SHES PAR BYA BA'I PHYIR RO ZHES BSTAN PA YIN NO, ,MU BZHI LAS DANG PO NI GZUNG BA'I RNAM PAR RTOG PA YIN LA, 'DZIN PA'I RNAM PAR RTOG PA MA YIN PA NI GZUGS LA SOGS PA'I YUL DAG GO, ,GNYIS PA NI RNAM PAR SHES PA'I SKAD CIG MA GCIG GO, ,GSUM PA NI RNAM PAR SHES PA'I SKAD CIG MA GZHAN NO, ,BZHI PA NI RNAM PA DE DAG DANG BRAL BA'I SHES RAB KYI PHA ROL TU PHYIN PA'O, ,RIGS GNYIS YIN LA, RIGS KYI RNAM PAR RTOG PA MA YIN PA ZHES BYA BA NI TSIG PHYI MA CAN NO, ,GANG DE LAS RE ZHIG RIGS KYI RNAM PA DE NYID RIGS YIN NO, ,'DI LTAR 'DI LTA STE, GNYEN PO'I PHYOGS YANG DAG PAR RTOGS PA'I DUS NI RIGS TE, DE RIGS NYID YIN GYI, RIGS KYI RNAM PAR RTOG PA NI MA YIN NO, ,'DI LTA STE, YANG DAG PAR RTOGS PA'I DUS MA YIN PA NI RIGS TZAM NYID DO, ,YANG DAG PAR RTOGS PA'I RNAM PAR RTOG PA YIN LA, DMIGS PA'I RNAM PAR RTOG PA MA YIN PA NI TSIG SNGA MA CAN NO, ,GANG DE LAS RE ZHIG YANG DAG PAR RTOGS PA'I RNAM PAR RTOG PA YIN LA, DMIGS PA'I RNAM PAR RTOG PA'ANG YIN PA NI 'DI LTA STE, YANG DAG PAR RTOGS PAR BYED PA NI DMIGS PA LA YANG SBYOR BA YIN NO, ,YANG DAG PAR RTOGS PA'I RNAM PAR RTOG PA YIN LA, DMIGS PA'I RNAM PAR RTOG PA MA YIN PA NI 'DI @141A *, ,LTAR DMIGS PA YONGS SU MA RDZOGS PA'O, ,PHYOGS 'DIS LHAG MA RNAMS KYANG RJES SU DPAG PAR BYA'O, ,RTZE MO'I MNGON PAR RTOGS PA MTHONG PA'I LAM GYI MI MTHUN PA'I PHYOGS KYI RNAM PAR 'GREL PA'O,, ,,YANG CI'I PHYIR DE LA MTHONG BA'I LAM DU 'DOD CE NA, BYANG CHUB CHEN PO THOB PA'I PHYIR RO, ,DE THOB PA YANG RGYU GSUM GYIS YIN TE, YANG RGYU GSUM NI BYANG CHUB GZHAN LA STON PA DANG ZHES SMOS PA NI, GANG BCOM LDAN 'DAS SHES RAB KYI PHA ROL TU PHYIN PA NI ZAB LA, BYANG CHUB SEMS DPA' CHEN PO DE DAG NI DKA' BA BGYID PA LAGS SO ZHES BYA BA NAS BRTZAMS TE, MTHONG BA'I LAM THOB PA DGE SLONG BRGYA DRUG CU LUNG BSTAN PA NYID KYIS SO ZHES BSTAN PA YIN NO, ,DE'I RGYU NI YONGS SU GTOD DANG ZHES BYA BA NI GANG 'PHAGS PA KUN DGA' BO LA DE LA SHES RAB KYI PHA ROL TU PHYIN PA MANG DU GTAD PAS GSUNGS SO ZHES ZHES BSTAN PA YIN NO, ,DE'I MDO NI KUN DGA' BO NGAS KHYOD LA SHES RAB KYI PHA ROL TU PHYIN PA 'DI YONGS SU GTAD DO, ,CI NAS PHYI MA'I DUS LNGA BRGYA PA THA MA'I DUS SU RGYAS PAR 'GYUR RO ZHES GSUNGS PA YIN NO, ,DE THOB PAR CHAD MED PA'I RGYU, ,BSOD NAMS MANG PO'I MTSAN NYID DO, ,ZHES BYA BA NI GANG STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED PA DGRA BCOM PA'I 'BRAS BU THOB PAR GYUR CING, DE DAG LA SBYIN PA LA SOGS PA'I BSOD NAMS BYA BA'I DNGOS PO DPER BYA BA NAS BRTZAMS TE, RGYA CHER SKAD CIG DANG YUD TZAM DANG, THANG CIG TZAM SHES RAB KYI PHA ROL TU PHYIN PA'I CHOS STON PAR BYED PA BSOD NAMS MANG DU 'PHEL LO ZHES BSTAN PA YIN NO, ,SKAD CIG LA SOGS PA SMOS PAS NI GO RIMS BZHIN DU GANG ZAG DBANG PO RNON PO DANG, 'BRING DANG, THA MA SHES PAR BYA BA'I PHYIR TE, BYA BA YONGS SU RDZOGS PA 'DIR SKAD CIG MAR SHES PAR BYA STE, THA SNYAD GCIG PA YIN PA'I PHYIR RO, ,DE BZHIN GSHEGS PA MI BSKYOD PA MTHONG BAR 'GYUR BA'I RDZU 'PHRUL MNGON DU MDZAD PA'I DPES NI RNAM PAR RTOG PA RNAMS NI MTHONG BA'I LAM GYI YE SHES KYI YUL MA YIN PA NYID DU SHES @141B PAR BYA BA'I PHYIR RO, ,DE LTAR NA YANG DAG PAR RDZOGS PA'I BYANG CHUB THOB PA'I RGYU NI GSUM PO DE DAG YIN NO, ,YANG BYANG CHUB CHEN PO ZHES BYA BA 'DI GANG YIN ZHE NA, DRI MA ZAD DANG MI SKYE BA'I, ,YE SHES BYANG CHUB CES BRJOD DO, ,ZHES BSTAN PA LA, YANG ZAD PA SHES PA NI GANG ZHIG YIN MI SKYE BA SHES PA NI CI ZHIG YIN ZHE NA, ZAD MED SKYE MED PHYIR DE DAG ,GO RIMS BZHIN DU SHES PAR BYA, ,ZHES BSTAN PA NI, GANG KUN DGA' BO NAM MKHA' ZAD PAR 'DOD PA GANG YIN PA DE NI SHES RAB KYI PHA ROL TU PHYIN PA ZAD PA SHES PA'O, ,RGYA CHE BA'I YE SHES BRJOD PA DANG, CHOS DE RNAMS NI SKYE BA YOD PA MA YIN NO ZHES MI SKYE BA SHES PA BRJOD PAS YANG DAG PAR RDZOGS PA'I BYANG CHUB NYE BAR DGONGS PA'I PHYIR RO ZHES BSTAN PA YIN NO, ,DE LA JI LTAR YID CHES PAR BYA ZHE NA, BDEN PAR MTSON PA'I LJAGS RGYA CHEN PO BSTAN NAS, 'PHAGS PA KUN DGA' BO SHES RAB KYI PHA ROL TU PHYIN PA STON PA LA SOGS PAR NGES PAR SBYOR BA DANG, DE GZUNG PAS GZUNGS DANG TING NGE 'DZIN GYI SGO THAMS CAD GZUNG BA NYID KYI PHYIR RO ZHES BSTAN PA YIN NO, ,YANG JI LTAR NA MI ZAD PA'I RNAM PA ZAG PA SHES PA YIN ZHING DNGOS PO 'JIG PA'I RNAM PA YIN ZHE NA, GANG GI PHYIR SBYOR BA'I DUS KYANG, RAB 'BYOR GZUGS MI ZAD PAS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NAS BRTZAMS TE, SNYING PO BYANG CHUB LA 'DUG PA'I MA 'DRES PA'I CHOS TE, DE LTAR RTEN CING 'BREL BAR 'BYUNG PA NAM MKHA' LTAR ZAD MI SHES PAS MNGON PAR BSGRUB PAR RNAM PAR BLTA BA NI, RNAM PA THAMS CAD MKHYEN PA NYID KYI YE SHES THUGS SU CHUD PA NYID YIN PA'I PHYIR, DE LTAR LTA BA NI BDAG DANG, CHOS THAMS CAD DU 'DZIN PA SPANGS PAS MTHONG BA'I LAM GSAL BAR BSTEN PA'I DON DANG, DE LTAR SPYOD PA'I BYANG CHUB SEMS DPA'I LA NI PHA DANG MA SHI BA'I SKYES BU'I DPES BDUD RNAMS KYI RANG GI SPYOD YUL LAS 'DA' BAR SEMS PA DANG, MYA NGAN GYI ZUG RDU ZUG PA NYID KYI PHYIR RO ZHES BSTAN PA YIN NO, ,GANG GI PHYIR DE LTA YIN PA DE BAS NA ZAD PA DANG, MI @142A *, ,SKYE BA SHES PAS NI GANG YANG ZAD PA'AM, MI SKYE BA MED PAS, 'GAG PA MED PA'I RANG BZHIN LA, ,MTHONG ZHES BYA BA'I LAM GYIS NI, ,RNAM PAR RTOG RIGS CI ZHIG ZAD, ,SKYE MED RNAM PA CI ZHIG 'THOB, ,CES BYA BA LA, DNGOS PO GANG 'JIG PA LA DGONGS NAS ZAD PA LA NI ZAD PA SHES PA YIN BA ZAD PA SHES ZHES BRJOD LA, MA 'ONGS PA'I DNGOS PO MI SKYE BA LA DGONGS NAS MI SKYE BA SHES PA ZHES BSTAN PA DE LA CI ZHIG NI ZAD PA'AM, MI SKYE BA MED PA NI CI ZHIG 'THOB CES DRIS PA YIN NO, ,DE NYID KYI PHYIR, CHOS RNAMS KYANG YOD CES BYA BA DANG, SHES BYA LA YANG SGRIB ZAD PAR, ,STON PA GZHAN GYI BRJOD PA GANG, ,'DI LA KHO BOS MTSAR DU RTZIS, ,ZHES BSTAN PA LA, DES NA 'DI NYID KHO NA LEGS PA YIN TE, 'DI LA BSAL BYA CI YANG MED, ,GZHAG PAR BYA BA CUNG ZAD MED, ,YANG DAG NYID LA YANG DAG LTA, YANG DAG MTHONG NA RNAM PAR GROL, ,ZHES BYA BA LA, SKAD CIG MA GCIG PO 'DI NI MTHONG BA'I LAM YIN TE, DE'I PHYIR, SBYIN LA SOGS PA RE RE LA, ,DE DAG PHAN TSUN BSDUS PA GANG, ,SKAD CIG GCIG GI BZOD PA YIS, ,BSDUS PA DE 'DIR MTHONG BA'I LAM, ,ZHES BSTAN PA NI, GANG RAB 'BYOR 'DI LA BYANG CHUB SEMS DPA' SEMS DPA' CHEN PO SBYIN PA YONGS SU GTOD PA'I TSE, RNAM PA THAMS MKHYEN PA NYID DU YONGS SU BSNGO ZHING SBYIN PA YONGS SU GTONG STE ZHES BYA BA NAS BRTZAMS TE, SHES RAB KYI PHA ROL TU PHYIN PA LA SPYOD CING, PHA ROL TU PHYIN PA DRUG YONGS SU RDZOGS PAR 'GYUR TE, 'DI LTAR SBYIN PA'I PHA ROL TU PHYIN PA NAS, SHES RAB KYI PHA ROL TU PHYIN PA LA GNAS PA'I BAR DU DRUG PO RE RE ZHING DRUG TU BYAS NAS RNAM PA SUM CU RTZA DRUG GIS BSDUS PA THAMS CAD DU 'KHOR GSUM YONGS SU DAG PA'I YONGS SU BSNGO BA'I GTZO BO YIN PA'I PHYIR THAMS CAD GCIG GIS GCIG BSDUS PA YIN NO, ,'DI'I MDO NI, RAB 'BYOR 'DI LA BYANG CHUB SEMS DPA' SEMS DPA' CHEN PO SBYIN PA GTONG BA NI SEMS CAN RNAMS LA BYAMS PA'I LUS DANG, NGAG DANG, YID KYI LAS NYE BAR 'GYUR BA NI TSUL KHRIMS @142B KYI PHA ROL TU PHYIN PA'O, ,DE NYID LA LEN PA PO RNAM PAR GSHE ZHING 'KHYAL BAR SMRA BA LA SOGS PA BZOD PA NI BZOD PA'I PHA ROL TU PHYIN PA'O, ,DE NYID KYI SLONG MO'I MTSANG 'DRU BA DANG, ,YONGS SU SMRA BA LA SOGS PAS SBYIN PA LA SPRO BA MI 'DOR BA NI BRTZON 'GRUS KYI PHA ROL TU PHYIN PA'O, , DE NYID KYI SBYIN PA DE RNAMS RNAM PA THAMS CAD MKHYEN PA NYID DU YONGS SU BSNGO ZHING, NYAN THOS DANG, RANG SANGS RGYAS KYI SA'I RNAM PAR G-YENGS PA'I SEMS MED PA NI BSAM GTAN GYI PHA ROL TU PHYIN PA'O, ,DE NYID KYI SBYIN PA BYIN PA NA SGYU MA'I BLOS GNAS PAS GANG GI YANG PHAN PA DANG; GNOD PAR BYA BA MA MTHONG BA NI SHES RAB KYI PHA ROL TU PHYIN PA'O, ,DE BZHIN DU TSUL KHRIMS BSRUNG BA NAS SHES RAB BSGOM PA'I BAR DU RE RE ZHING PHA ROL TU PHYIN PA DRUG PO YONGS SU RDZOGS PAR BSDUS PA MDO JI LTA BA BZHIN DU BRJOD PAR BYA'O, ,DE LTAR NA DRUG TSAN CHA DRUG PO 'DI DAG NI RNAM PA SUM CU RTZA DRUG TU 'GYUR RO, ,MTHONG BA'I LAM GYI BZOD PA 'DI SKYES PA NA 'DOD PA DANG, GZUGS DANG, GZUGS MED PA'I KHAMS KYIS BSDUS PA'I NYON MONGS PA MTHONG BAS SPANG BAR BYA BA RNAM PAR RTOG PA BZHIS BSDUS PA BRGYA RTZA BRGYAD SPONG BAR 'GYUR RO; ,DE LA DBANG DU BYA BA'I PHYIR TING NGE 'DZIN LA SNYOMS PAR ZHUGS PA NI, DE NAS SENG+GE RNAM PAR BSGYINGS PA'I TING NGE 'DZIN LA SNYOMS PAR ZHUGS NAS, RTEN CING 'BREL 'BYUNG LUGS MTHUN DANG, ,LUGS MI MTHUN LA RTOG GAR BYED, ,CES BSTAN PA LA, DE LA LUGS DANG MTHUN PA NI, MA RIG PA'I RKYEN GYIS 'DU BYED CES BYA BA LA SOGS PA'O, ,LUGS DANG MI MTHUN PA NI GANG DE RNAMS MED PAS, MYA NGAN DANG, SMRE SNGAGS 'DON PA LA SOGS PA MI 'BYUNG NGO ZHES BYA BA LA SOGS PA'O, ,RTZE MO'I MNGON PAR RTOGS PA'I MTHONG BA'I LAM GYI RNAM PAR 'GREL PA'O,, ,,MTHONG BA'I LAM BSTAN NAS, DA NI BSGOM PA'I LAM GYI MI MTHUN PA'I PHYOGS KYI RNAM PAR RTOG PA BZHI BRJOD PAR BYA'O, ,DE LA RE ZHIG BSGOM PA'I LAM BSGOMS NAS 'DI PHYIR BRJOD PAR BYA'O, ,BSGOM PA'I LAM @143A *, ,MTHAR GYIS GNAS PA'I SNYOMS PAR 'JUG PA DGUS BSDUS PA YIN LA, DE YANG THOD RGAL GYI SNYOMS PAR 'JUG PAS BSDUS PA YIN PAS DE'I PHYIR DE BSTAN PA'I SGO NAS BSGOM PA'I LAM MDOR BSTAN PA'I DBANG DU MDZAD DE, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,'DOD PAR GTOGS PA'I RNAM PAR SHES, ,MNYAM GZHAG MIN PA'I MTSAMS BZUNG STE, ,THOD RGAL DU NI SNYOMS 'JUG PA, ,GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD RGAL NAS, , 'GOG PA'I BAR DU MI 'DRAR 'GRO, ,ZHES BSTAN PA YIN NO, ,RNAM PA GNYIS SU ZHES BYA BA NI LUGS DANG MTHUN PA DANG, LUGS DANG MI MTHUN PA'O, ,DE NAS SENG+GE RNAM PAR BSGYINGS PA'I TING NGE 'DZIN PA SNYOMS PAR ZHUGS NAS, RTEN CING 'BREL PAR 'BYUNG BA LA SO SOR BRTAGS PA'I RJES MTHAR GYIS GNAS PA'I SNYOMS PAR 'JUG PA DGU NAS MNYAM PAR GZHAG PA'I SEMS DANG, LUGS DANG MTHUN PA DANG, LUGS DANG MI MTHUN PA GCIG DANG, GNYIS DANG, GSUM DANG, BZHI DANG, LNGA DANG, DRUG DANG, BDUN DANG, BRGYAD DANG, DGU PO LA THOD RGAL DU SNYOMS PAR 'JUG PAS MNGON DU BYED PA NA, JI LTAR 'DOD PAS DBANG DU BYA BA MANG DU THOB PA YIN TE, 'DI'I MDO NI, RAB 'BYOR 'DI LA BYANG CHUB SEMS DPA' SEMS DPA' CHEN PO 'DOD PAS DBEN, SDIG TO MI DGE BA'I CHOS KYIS DBEN PA RTOG PA DANG BCAS PA, DPYOD PA DANG BCAS, DBEN PA LAS SKYES PA'I DGA' BA DANG, BDE BA CAN BSAM GTAN DANG PO NYE BAR BSGRUBS TE GNAS SO, ,DE BZHIN DU 'DU SHES DANG, TSOR BA 'GOG PA'I SNYOMS PAR 'JUG PA LA NYE BAR BSGRUBS TE GNAS SO, ,DE 'GOG PA'I SNYOMS PAR 'JUG PA LAS LANGS NAS, 'DU SHES MED 'DU SHES MED MIN GYI SKYE MCHED KYI SNYOMS PAR 'JUG PA LA SNYOMS PAR 'JUG GO, ,DE LAS LANGS NAS CI YANG MED PA'I SKYE MCHED LA SNYOMS PAR 'JUG GO, ,DE NAS RNAM SHES @143B MTHA' YAS SKYE MCHED LA SNYOMS PAR 'JUG GO, ,DE NAS NAM MKHA' MTHA' YAS SKYE MCHED LA SNYOMS PAR 'JUG GO, ,DE NAS NI BSAM GTAN BZHI PA LA'O, ,DE NAS BSAM GTAN GSUM PA LA, DE NAS GNYIS PA LA, DE NAS BSAM GTAN DANG PO LA SNYOMS PAR ZHUGS TE, SENG GE RNAM PAR BSGYINGS PA'I TING NGE 'DZIN 'DI RNAM PAR DBYE BA BYAS NAS THONG RGAL GYI TING NGE 'DZIN LA SNYOMS PAR 'JUG GO, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I THOD RGAL GYI TING NGE 'DZIN DE YANG GANG ZHE NA, DE LA BYANG CHUB SEMS DPA' BSAM GTAN DANG PO LA SNYOMS PAR 'JUG PA NAS, DE BZHIN DU 'GOG PA'I BAR LA SNYOMS PAR 'JUG GO, ,DE LAS LANGS NAS BSAM GTAN DANG PO NYE BAR BSGRUBS TE GNAS SO, ,DE LAS LANGS NAS 'GOG PA LA SNYOMS PAR 'JUG GO, , DE NAS NI BSAM GTAN GNYIS PA LA'O, ,DE NAS NI 'GOG PA LA'O, ,DE NAS NI GSUM PA LA'O, ,DE NAS NI 'GOG PA LA'O, ,DE NAS NI BSAM GTAN BZHI PA LA'O, ,DE NAS NI 'GOG PA LA'O, ,DE NAS NAM MKHA' MTHA' YAS SKYE MCHED PA'O, ,DE NAS 'GOG PA LA'O; ,DE NAS RNAMS SHES MTHA' YAS SKYE MCHED LA'O, ,DE NAS 'GOG PA LA'O, ,DE NAS CI YANG MED PA'I SKYE MCHED LA'O, ,DE NAS 'GOG PA LA'O, ,DE NAS 'DU SHES MED 'DU SHES MED MIN GYI SKYE MCHED LA'O, ,DE LAS LANGS NAS 'GOG PA'I SNYOMS PAR 'JUG PA LA SNYOMS PAR 'JUG GO, ,DE LAS LANGS NAS 'DU SHES MED 'DU SHES MED MIN SKYE MCHED KYI SNYOMS PAR 'JUG PA LA SNYOMS PAR 'JUG GO, ,DE LAS LANGS NAS 'DOD PA NA SPYOD PA'I MNYAM PAR MA BZHAG PA'I SEMS MNGON DU BYED DO, ,MNYAM PAR MA BZHAG PA'I SEMS LAS 'GOG PA'I SNYOMS PAR 'JUG PA LA SNYOMS PAR 'JUG GO, ,DE LAS LANGS NAS MNYAM PAR MA BZHAG PA'I SEMS LA GNAS SO, ,DE NAS 'DU SHES MED 'DU SHES MED MIN SKYE MCHED LA SNYOMS PAR 'JUG GO, ,DE LAS LANGS NAS MNYAM PAR MA BZHAG PA'I SEMS @144A *, ,LA GNAS SO, ,DE NAS CUNG ZAD MED PA'I SKYE MCHED LA'O, ,DE NAS NI MNYAM PAR MA BZHAG PA'I SEMS LA GNAS SO, ,DE BZHIN DU BSAM GTAN DANG PO LAS LANGS NAS MNYAM PAR MA BZHAG PA'I SEMS LA GNAS SO ZHES BYA BA'I BAR DU'O, ,GANG SA BRGYAD RNAM GNYIS RJES 'BREL DANG, ,GCIG RGAL SONG ZHING 'ONGS NAS NI, ,RIGS MI MTHUN PAR GSUM PAR 'GRO, ,THOD RGAL GYI NI SNYOMS 'JUG MIN, ,ZHES BSTAN PA DE JI LTAR YIN ZHE NA, KHVA DANG 'UG PA GNYIS MTSAN NYID MTSUNGS PA YIN NAM, ,DE'I SKABS GZHAN MA YIN TE, THABS LA MKHAS PA DE LTA BU THOB BAS BSKAL BA GRANGS MED PA BYE BA KHRAG KHRIG STONG PHRAG BRGYA SNYED DA 'JUG CING, SANGS RGYAS DPAG TU MED PA LA BSNYEN BKUR BYED PA NYID KYIS RGYA CHE BA YIN PA'I PHYIR BSGOM PA'I LAM RGYA CHAGS PA NYID YIN PAR SHES PAR BYA BA'I PHYIR GSUNGS PA YIN NO, ,BSGOM PA'I LAM GYI RNAM PAR 'GREL PA'O,, ,,BSGOM PA'I LAM BSTAN NAS DA DE DE'I MI MTHUN PA'I PHYOGS RNAM PA BZHI BRJOD PAR BYA'O, ,DE LA RE ZHIG MDOR BSDUS RGYAS DANG SANGS RGYAS KYI, ,MGON DANG BCAS PA MED NYID DANG, ,DUS GSUM YON TAN MED PA DANG, ,LEGS PA'I LAM NI RNAM GSUM DANG, ,GZUNG BA'I RNAM RTOG 'DI GCIG STE, ,SBYOR BA'I RNAM PA'I SPYOD YUL CAN, ,ZHE BSTAN PA LA, DE LA CHOS RNAMS KYI MDOR BSDUS PA MI SHES PA'I RNAM PAR RTOG PA NI GANG, BCOM LDAN 'DAS DE LTAR DE BZHIN GSHEGS PAS CHOS 'DI DAG MDO DANG RGYAS PAR BSTAN PA DE LA, BYANG CHUB SEMS DPA' CHEN PO PHA ROL TU PHYIN PA DRUG PO 'DI DAG MDO DANG RGYAS PAR KUN CHUB PAR BYA'O ZHES BYA BA NAS BRTZAMS TE, THAMS CAD MKHYEN PA NYID GSUM CHAR MNGON PAR RTOGS PA GCIG GIS MDOR BSDUS PA BSTAN NAS, MNGON PAR RTOGS PA RE RE YANG RGYAS PAR BSTAN PAS SO ZHES BSTAN PA YIN NO, ,DA NI RTZE MO'I MNGON PAR RTOGS PA LA MDOR BSDUS PA DANG, RGYAS PAR BSGOMS PA'I LAM GYI @144B DBANG DU MDZAD NAS NYE BAR BKOD PA DANG, DES SPANG BAR BYA BA'I RNAM PAR RTOG PA SPANGS PAR SHES PAR BYA BA'I DON DU, BCOM LDAN 'DAS BYANG CHUB SEMS DPA' SEMS DPA' CHEN PO THAMS CAD KYIS MDO DANG RGYAS PA 'TSAL BAR 'GYUR BA LAGS ZHUS PAS, CHOS THAMS CAD KYI DE BZHIN NYID MDOR BSDUS PA SHES PA DANG, RGYAS PA SHES PA NYID DANG, BYANG CHUB SEMS DPA' DBANG PO RNON PO LA SOGS PA 'JUG PA NYID KYIS MDOR BSDUS PA DANG, RGYAS PA BRJOD PA LA 'JUG PA'I RGYU NYID SHES PAR BYA BA'I PHYIR RO ZHES BSTAN PA YIN NO, , SANGS RGYAS KYIS DGONGS PA MED PA'I RNAM PAR RTOG PA NI GANG, RNAM PA THAMS CAD MKHYEN PA NYID THOB PA LA JI SKAD BSTAN PA BZHIN DU SLOB PA NI BDUD KYI LAS MI BYED PA DANG, YONGS SU MI NYAMS PA DANG, SANGS RGYAS KYI DGONGS PAS STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS LA ZANG ZING GI SBYIN PAS TSIMS PAR BYA BA DANG, TSUL KHRIMS LA SOGS PA'I PHUNG PO DANG, RGYUN DU ZHUGS PA LA SOGS PA'I 'BRAS BU DANG, RANG SANGS RGYAS KYI BYANG CHUB LA BKOD PAS, GANG DE SHES RAB KYI PHA ROL TU PHYIN PA ZAB MO 'DI SE GO LA GTOGS PA TZAM DU BSGOMS PA'I BSOD NAMS DE MANG DU 'PHEL BA NYID DANG, SANGS RGYAS KYI DGONGS PA'I RGYU NYID SHES PAR BYA BA'I DON GYI PHYIR TE, DE CI'I PHYIR ZHE NA, CHOS THAMS CAD RTAG PA'I RGYU CAN YIN PAS, SANGS RGYAS RNAMS KYANG 'DI LAS 'KHRUNGS PA NYID KYI PHYIR RO ZHES BSTAN PA YIN NO, ,SBYOR BA'I LAM MED PA'I RNAM PAR RTOG PA NI GANG JI SKAD BSHAD PA LA GNAS PA NI PHYIR MI LDOG PA YIN PAS SANGS RGYAS KYI DGONGS PA DANG, DE LA BSNYEN BKUR BYAS PA DANG, DGE PA'I RTZA BA BSKYED PA DANG, DGE PA'I BSHES GNYEN GYIS YONGS SU GZUNG BA DANG, PHA ROL TU PHYIN PA DRUG LA SOGS PA'I CHOS KYI RNAM PA DPAG TU MED PA BSGOMS PA NAS BRTZAMS TE, 'DI NI SHES RAB KYI PHA ROL TU PHYIN PA LA SPYOD PA DE LA PHAN YON 'DI DAG YOD PA YIN NO ZHES BYA BA'I BAR DU GANG GSUNGS PA NI @145A *, ,SBYOR BA'I LAM GYI DUS SU'O ZHES BSTAN PA YIN NO, ,MTHONG BA'I LAM MED PA'I RNAM PAR RTOG PA NI, GANG SHES RAB KYI PHA ROL TU PHYIN PA MNGON PAR BSGRUB PA'O ZHES BSTAN PA YIN NO, ,DE MTHONG BA'I LAM GYI DUS SU'O, ,BSGOM PA'I LAM MED PA'I RNAM PAR RTOG PA NI GANG SHES RAB KYI PHA ROL TU PHYIN PA BSGOM PA DE LA BSGOM PA'I LAM GYI DUS SU SEMS KYI PHAN YON MANG PO ZHIG BSTAN PA'I PHYIR RO ZHES BSTAN PA YIN NO, ,SBYOR BA'I LAM MI SHES PA'I RNAM PAR RTOG PA NI GANG GZUGS LA SOGS PA ZHIB DANG, RAG LAS PA DANG, GSOG DANG, SNYING PO MED PAS SHES RAB KYI PHA ROL TU PHYIN PA LA SPYAD PAR BYA BA NYID SBYOR BA'I BDAG NYID JI LTA BA BZHIN DU SHES PAR BYA BA'I PHYIR RO ZHES BSTAN PA YIN NO, ,DE LA DNGOS PO RNAMS 'GOG PAS NA ZHI BA'O, ,RKYEN GYI DBANG GIS NA RAGS LA PA'O, ,RANG BZHIN STONG PA NYID YIN PAS NA GSOG GO, ,RNAM PAR DPYAD MI BZOD PAS NA SNYING PO MED PA'O, ,MTHONG BA'I LAM MI SHES PA'I RNAM PAR RTOG PA NI GANG NAM MKHA' STONG PA NYID MNGON PAR BSGRUBS PAS, SHES RAB KYI PHA ROL TU PHYIN PA BSGRUB PAR BYA BA NYID KYIS MTHONG BA'I LAM GYI BDAG NYID JI LTA BA BZHIN DU SHES PAR BYA BA'I PHYIR RO ZHES BSTAN PA YIN NO, ,BSGOM PA'I LAM MI SHES PA'I RNAM PAR RTOG PA NI GANG NAM MKHA' STONG PA NYID DU BSGOMS PAS SHES RAB KYI PHA ROL TU PHYIN PA NYID DANG, BSGOM PA'I LAM GYI JI LTA BA BZHIN DU SHES PAR BYA BA'I PHYI RO ZHES BSTAN PA YIN NO, ,YANG NAM MKHA' ZHES SMOS PA NI BSGOM PA'I LAM NI MTHONG PA'I LAM LAS DNGOS PO THA MI DAD PAR SHES PAR BYA BA'I PHYIR RO, ,DE LA NAM MKHA' STONG PA NYID MNGON PAR BSGRUB PA ZHES BYA BA NI NAM MKHA' ZHES SMOS PAS NI GCIG YIN NO, ,NAM MKHA' STONG PA NYID BSGOM PA ZHES BYA BA NI GNYIS PA YIN NO ,DE NI BSGOM PA'I LAM GYI MI MTHUN PA'I PHYOGS KYI RNAM PA GNYIS BRJOD PAR BYA STE, DE'I PHYIR, GNYIS PA SEMS DANG SEMS BYUNG RNAMS, ,'JUG PA'I YUL BZHED DE, ,ZHES BSTAN PA YIN NO, ,DE YANG GANG ZHE NA, @145B SEMS MI SKYE DANG BYANG CHUB KYI, ,SNYING PO YID LA MI BYED DANG, ,THEG PA DMAN PA YID BYED DANG, ,RDZOGS PA'I BYANG CHUB YID MI BYED, ,BSGOM DANG BSGOM PA MED PA DANG, ,DE DAG LAS NI BZLOG NYID DANG, ,JI BZHIN DON MIN RNAM RTOG PA, ,BSGOM PA'I LAM LA SHES PAR BYA; ,ZHES BSTAN PA YIN NO, ,DE LA BYANG CHUB KYI SEMS MI SKYE BA'I RNAM PAR RTOG PA NI GANG SEMS DANG PO BSKYED PA NAS NYE BAR BZUNG STE ZHES BSTAN PA YIN NO, ,BYANG CHUB KYI SNYING PO YID LA MI BYED PA'I RNAM PAR RTOG PA NI GANG BYANG CHUB KYI SNYING PO YID LA MI BYED DO ZHES BSTAN PA YIN NO, , NYAN THOS DANG, RANG SANGS RGYAS KYI THEG PA YID LA MI BYED PA'I RNAM PAR RTOG PA NI GANG THEG PA GZHAN GYI YID LA BYA BA GO SKABS MED PA'I PHYIR RO ZHES BSTAN PA YIN NO, ,YANG DAG PAR RDZOGS PA'I BYANG CHUB YID LA MI BYED PA'I NAM PAR RTOG PA NI GANG RNAM PA THAMS CAD MKHYEN PA NYID YID LA BYA BA MI 'DOR BAS SHES RAB KYI PHA ROL TU PHYIN PA LA SPYAD PAR BYA BA NYID DANG, SEMS DANG SEMS LAS BYUNG BA'I CHOS MI RGYU BA DE LTAR SPYAD PA DANG, DE LTAR MNGON PAR BSGRUB PAR GSUNGS PA DANG, DE'I SPYOD PA DANG, MNGON PAR BSGRUBS PA DANG, BSGOMS PAS RNAM PA THAMS CAD MKHYEN PA NYID THOB PA BKAG PA DANG, THEG PA CHEN PO SKAD CIG MA GCIG GIS MNGON PAR RTOGS PA YIN PAR SHES PAR BYA BA'I PHYIR RO ZHES BSTAN PA YIN NO, ,BSGOM PA'I RNAM PAR RTOG PA NI DE LTAR BSGOMS PA NYID KYIS DE NI RGYUN CHAGS PA NYID YIN PA'I PHYIR RO, ,'DOD PA'I DON YIN PAR MI 'THAD PA SHES PAR BYA BA'I PHYIR RO ZHES BSTAN PA YIN NO, ,BSGOM PA MED PA'I RNAM PAR RTOG PA NI GANG DE LTAR BSGOMS PA NYID KYIS MI SLOB PA'I DUS SU DOR BA'I SBYOR BA SHES PAR BYA BA'I PHYIR RO ZHES BSTAN PA YIN NO; ,BSGOM PA YANG MED, BSGOM PA MA YIN PA YANG MED PA'I RNAM PAR RTOG PA NI GANG BSGOMS PAS KYANG MA YIN, MA BSGOMS PAS KYANG MA YIN PA'I PHYIR, RNAM PA THAMS CAD MKHYEN PA NYID THOB PAS BAR DU CHOD PA DANG, MA CHOD PA 'DREN MAR BSGOMS PAS @146A *, ,DE'I RGYU NYID MA YIN PAR SHES PAR BYA BA'I PHYIR RO ZHES BSTAN PA YIN NO, ,DON JI LTA BA BZHIN MA YIN PA'I RNAM PAR RTOG PA NI GANG ZHIG MYA NGAN LAS 'DAS PA YANG GZHAN LA, THOB PA YANG GZHAN PAR SEMS PA'I DBANG DU MDZAD PA NI DE BZHIN NYID JI LTA BA DE BZHIN DU RNAM PA THAMS CAD MKHYEN PA NYID THOB PAR 'GYUR ZHES BYA BA LA SOGS PA'O ZHES BSTAN PA YIN NO, ,DA NI BSGOM PA'I LAM GYI MI MTHUN PHYOGS 'DZIN PA'I RNAM PAR RTOG PA BSHAD PAR BYA'O, ,DE LA RE ZHIG ,SEMS CAN BTAGS PA'I SPYOD YUL DANG, , CHOS BTAGS PA DANG STONG MIN NYID, ,CHAGS DANG RAB 'BYED BDAG NYID DANG, ,DNGOS POR BYED DANG THEG GSUM DANG, ,YON NI DAG PA MA YIN DANG, ,SPYOD PA RNAM PAR 'KHRUGS PA LA, ,'DZIN PAR BYED PA DANG PO NI, ,SHES PAR BYA BA NYID DANG NI, ,ZHES BSTAN PA LA; DE LA SEMS CAN DU BTAGS PA'I RNAM PAR RTOG PA NI GANG SEMS CAN LA SOGS PA MI DMIGS PA NYID KYI PHYIR, SEMS CAN GYI KHAMS SU GTOGS PA BKAG PA'I PHYIR YIN NO, ,DE LTA YIN NA SEMS CAN DMYAL BA NAS BRTZAMS TE, YANG DAG PAR RDZOGS PA'I SANGS RGYAS KYI BAR DU BTAGS PA MED PAR THAL PAR 'GYUR RO ZHE NA, RAB 'BYOR DE JI SNYAM DU SEMS, SEMS CAN DU GDAGS PA DMIGS SU YOD DAM, ZHES BYA BA'I BAR GYIS NI SEMS CAN DU BTAGS PA NI DNGOS PO MED PAR SHES PAR BYA BA'I PHYIR RO ZHES BSTAN PA YIN NO, ,CHOS SU BTAGS PA'I RNAM PAR RTOG PA NI GANG CHOS SU BTAGS PA LA SLOB PA NI RNAM PA THAMS CAD MKHYEN PA NYID THOB PA BRJOD PA'I PHYIR, BCOM LDAN 'DAS 'ON BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS, GZUGS LA BSLAB PAR GYI 'AM ZHES BYA BAS NYE BAR DMIGS PA LA BSLAB PA THAMS CAD BKAG PAS SO ZHES BSTAN PA YIN NO, ,STONG PA NYID MA YIN PA'I RNAM PAR RTOG PA NI GANG GZUGS NAS RNAM PA THAMS CAD MKHYEN PA NYID KYI BAR DU BRI BA DANG, BSNAN PA MED PAR BSLAB PAR GSUNGS PA'I PHYIR, CHOS THAMS CAD @146B RANG GI MTSAN NYID KYIS STONG PA NYID DU MTHONG BAS, DE SLOB PA NYID KYIS RANG GI MTSAN NYID STONG PA NYID YIN NA, SHES RAB KYI PHA ROL TU PHYIN PA LA SPYOD PA MED PAR THAL BAR 'GYUR BAS, RAB 'BYOR SPYOD PA MED PA NI SHES RAB KYI PHA ROL TU PHYIN PA LA SPYOD PA'O ZHES BYA BA NAS BRTZAMS TE, RNAM PA THAMS CAD MKHYEN PA NYID KYI BAR DU BSGOM PA DE'I TSE, MI DMIGS PA'I TSUL GYIS BSGOM PAR BYA'O ZHES BYA BA'I LAN GYI BAR GYIS GNYIS DANG GNYIS SU MED PA DAG DMIGS PA DANG MI DMIGS PA NYID DU'O ZHES BSTAN PA YIN NO, ,CHAGS PA'I RNAM PAR RTOG PA NI GANG DMIGS PA DANG, MI DMIGS PA DAG LA CHAGS PA BKAG PAS DE LTA NA NI SA NAS SA GZHAN DU 'PHO ZHING DE YONGS SU RDZOGS PAR 'GYUR BA MED DE, DMIGS PA LA GNAS NA DE YONGS SU RDZOGS PAR MI NUS PA'I PHYIR RO, ,DE CI'I PHYIR ZHE NA, SHES RAB KYI PHA ROL TU PHYIN PA YANG DMIGS SU MED CES GANG GSUNG PA'I LAN GYI 'THAD PAS SO ZHES BSTAN PA YIN NO, ,CHOS RAB TU RNAM PAR 'BYED PA'I RNAM PAR RTOG PA NI GANG DE LTAR CHOS RAB TU RNAM PAR 'BYED PA MED PAS, JI LTAR NYE BAR DMIGS PA DE LTAR CHOS RNAM PAR 'BYED PAR MI BYED DO ZHES MI DMIGS PA RAB TU RNAM PAR 'BYED PA YIN PAR GNANG NGO ZHES BSTAN PA YIN NO, ,DNGOS PO'I CHED DU BYA BA BYED PA'I RNAM PAR RTOG PA NI GANG DE YIN NA SANGS RGYAS KYI MDZAD PA MTHA' DAG MDZAD PAR MI RIGS PAS SPYOD PA DE NI SU YANG BYED PAR MI 'GYUR RO, ,DE CI'I PHYIR ZHE NA, DE NI 'DI LTAR CHOS THAMS CAD NI MA BYAS PA STE, MNGON PAR MA BYAS PA'I PHYIR RO ZHES BSTAN PA YIN NO, ,THEG PA GSUM GYI NGES PAR 'BYUNG BA'I RNAM PAR RTOG PA NI GANG DE LTA YIN NA THEG PA GSUM DU RNAM PAR GZHAG PA MED PAR 'GYUR BA DANG, GZUGS LA MNGON PAR ZHEN NAS DE RNAMS LA RLOM SEMS DANG LDAN PA'I THEG PA GSUM DU RNAM PAR GZHAG PAR 'GYUR BA DANG, DE CI'I PHYIR ZHE NA, CHOS THAMS CAD NI SANGS RGYAS KYI SPYAN LNGAS KYANG MA GZIGS PA DANG, DE LTA NA NI BCOM LDAN 'DAS SEMS CAN GYI PHUNG PO GSUM DU LUNG STON PAR @147A *, ,MDZAD PA MED PA DANG, RDZAS MA YIN PA LA RDZAS SU 'DU SHES PA DE ZLOG PAR BYED PA'I DON DANG, DE LTAR BSTAN PAS DON DAM PA'AM DE LAS BZLOG PA LA ZHUGS NAS, BLA NA MED PA YANG DAG PAR RDZOGS PA'I BYANG CHUB BKAG PA DANG, DE BZHIN GSHEGS PA'I SPRUL PA'I DPES 'DUS BYAS DANG, 'DUS MA BYAS LA GNAS PA BKAG PAS BLA NA MED PA YANG DAG PAR RDZOGS PA'I SANGS RGYAS KYI MDZAD PA MTHA' DAG MDZAD PAR GSUNGS PA DANG, DE LTA NA NI DE BZHIN GSHEGS PA DANG SPRUL PA LA KHYAD MED PAR THAL BAR 'GYUR BAS, BYED PA PO'I SPRUL PA DANG BCAS PA'I DGONGS PA SHES PAR BYA BA'I DON DANG, DE GNYI GA'I DON BYED PA'I KHYAD PAR BYE BRAG MED PAR GSUNGS PAS, DE BZHIN GSHEGS PA BZHUGS PA'I SMON LAM GYI RJES SU BYED PAS DE GNYI GA'I KHYAD PAR BRJOD PA DANG, SPRUL PAR MDZAD PA'I DE BZHIN GSHEGS PA DANG SPRUL PA'I DPES BYED PA PO'I RNAM PAR RTOG PA BSAL BA'I DPES ZHES BSTAN PA YIN NO, YON MA DAG PA'I RNAM PAR RTOG PA NI GANG DE LTA YIN NA YON YONGS SU DAG PA MED PAS, DE BZHIN GSHEGS PA DANG SPRUL PA DE DAG CHOS NYID KYI DBYE BA MED PA'I PHYIR, YON GYI GNAS KHYAD PAR DU 'GYUR BA MED PA NYID DANG, DE BZHIN GSHEGS PA LA DMIGS PA'I BYAMS PA'I SEMS DANG, DE YID LA BYAS SHING NAM MKHA' LA ME TOG 'THOR BAR BYED PA DANG, SANGS RGYAS YID LA BYED PA DAG KYANG YON PHUL BA DES SDUG BSNGAL GYI MTHAR BYED PA NYID DO ZHES BSTAN PA YIN NO, ,DGU PA SPYOD PA RNAM PAR 'KHRUGS PA'I RNAM PAR RTOG PA NI GANG PHA ROL TU PHYIN PA DRUG GI CHOS NYID MI 'KHRUGS PA'I SPYOD PA GSUNGS PA DANG, DE LTA NA NI GZUGS LA SOGS PA'I CHOS LA NGES PAR RTOGS PAS DE BZHIN GSHEGS PA'I CHOS NYID RNAM PAR 'KHRUGS PAR 'GYUR BA DANG, GZHAN DAG RNAM PA MED PA DE LA 'JUG PAR BYA BA'I DON DU DE BZHIN GSHEGS PA CHOS RNAMS KYI MING DANG MTSAN MA STON PAS CHOS NYID 'KHRUGS PA MED PA'I PHYIR RO ZHES BSTAN PA YIN NO, , @147B RIGS KYI BU'AM, RIGS KYI BU MO ZHES BYA BA NI SKYES PA DANG, BUD MED SMOS PAS ZA MA DANG, MA NING DANG, 'BRAS BU STON PA LA SOGS PA'AM, GTOGS PA'I DON YIN NO, ,RIGS KYI KHYAD PAR SMOS PA NI RIGS BZHI RNAM PAR DAG PA SHES PAR BYA BA'I DON NO, , BU DANG BU MO ZHES SMOS PA NI RAB TU BYUNG BA'I SKYE BO DANG, RJES SU MTHUN PAR SMRA BA SHES PAR BYA BA'I DON YIN NO, ,RIGS SMOS PAS NI RGYUD PHUN SUM TSOGS PA DAM PA'I CHOS LA DBANG DU BYA BA SHES PAR BYA BA'I DON NO, ,YANG 'AM ZHES SMOS PA NI SKYE GNAS DANG, LAN GRANGS GZHAN LA MYONG BAR 'GYUR BA'I DPES NI SKAL BA CAN DU GYUR PA'I NYES PAS RIGS NGAN PAR GYUR PA DAG KYANG 'DIR SKAL BA DANG LDAN PA'I DBANG DU BYAS PAR SHES PAR BYA BA'I DON YIN NO ZHES BSTAN PA YIN NO, ,DA NI 'DZIN PA'I RNAM PAR RTOG PA GNYIS PA BRJOD PAR BYA BA YIN PAS DE'I PHYIR, SEMS CAN BTAGS PA DE YI RGYU'I, ,YUL CAN BSGOM PA'I LAM 'BREL BA, ,DE LA GNOD PA BYED PA YIS, ,MI MTHUN PHYOGS RNAMS RNAM PA DGU, ,ZHES BSTAN PA LA, GANG RAB 'BYOR THA SNYAD DANG, MING DANG MTSAN MA LA MNGON BAR CHAGS PA MA YIN TE ZHES BYA BA NAS BRTZAMS TE, RNAM PA THAMS CAD MKHYEN PA NYID THOB PAR BSTAN PA'I BAR GYIS SO ZHES BSTAN PA YIN NO, ,JI LTAR RNAM PA DGU YIN ZHE NA, DE'I PHYIR, THAMS CAD MKHYEN NYID GSUM DAG GI, ,BDAG NYID JI BZHIN SGRIB RNAM GSUM, ,ZHI BDE BZHIN NYID SOGS DANG, ,MTSUNGS PAR LDAN DANG MI LDAN DANG, ,MI MNYAM SDUG BSNGAL LA SOGS DANG, ,NYON MONGS RNAMS KYI RANG BZHIN DANG, ,GNYIS SU MED LA KUN RMONGS DANG, ,RNAM PAR RTOG PA THA MAR BZHED, ,CES BSTAN PA YIN NO, DE LA RNAM PA THAMS CAD MKHYEN PA NYID LA KUN DU RMONGS PA NI GANG CI'I SLAD DU DE BZHIN GSHEGS PA DGRA BCOM PA YANG DAG PAR RDZOGS PA NI RNAM PA THAMS CAD MKHYEN PA NYID CES BGYI ZHES BYA BA NAS BRTZAMS TE, RNAM PA GANG DANG, RTAGS GANG DANG, MTSAN MA GANG GIS DE BZHIN GSHEGS PAS THUGS SU CHUD PAS, DE'I PHYIR RNAM PA THAMS CAD @148A *, ,MKHYEN PA NYID CES BYA'O ZHES BSTAN PA YIN NO, ,LAM SHES PA NYID LA KUN DU RMONGS PA NI GANG, RAB 'BYOR LAM THAMS CAD BYANG CHUB SEMS DPA' SEMS DPA' CHEN POS BSKYED PAR BYA ZHES PA LA SOGS PAS SO ZHES BSTAN PA YIN NO, ,THAMS CAD SHES PA NYID LA KUN DU RMONGS PA NI GANG, RAB 'BYOR CHOS THAMS CAD CES BYA BA NI NANG DANG PHYI'I BDAG NYID CAN GYI CHOS 'DI DAG YIN LA, DE DAG THAMS CAD NYAN THOS DANG, RANG SANGS RGYAS RNAMS KYIS SHES TE ZHES BYA BA LA SOGS PAS SO ZHES BSTAN PA YIN NO, ,LAM LA KUN DU RMONGS PA NI GANG LAM LA GNAS PA NAS BRTZAMS TE, 'PHAGS PA'I LAM GANG ZAG THAMS CAD KYI MYA NGAN LAS 'DAS PA MCHOG GI PHA ROL TU 'GRO BA YIN PAS SHES RAB KYI PHA ROL TU PHYIN PA NYID YIN NO ZHES BSTAN PA YIN NO, ,DMIGS PA NI DMIGS PA'O, ,DE DAG DANG LDAN PA DANG, MI LDAN PA LA KUN DU RMONGS PA NI GANG YANG DE BZHIN NYID DANG, YANG DAG PA'I MTHA' DANG, CHOS KYI DBYINGS 'DI KHONGS SU CHUD PA'I DON DANG, CHOS GANG GIS KYANG LDAN PA DANG, MI LDAN PA LA SOGS PA'I DON GYIS SHES RAB KYI PHA ROL TU PHYIN PA NYID YIN PA'I PHYIR RO ZHES BSTAN PA YIN NO, ,MI MNYAM PA NYID NI THUN MONG MA YIN PA NYID DO, ,DE LA RMONGS PA NI GANG YANG PHYIR RGOL BA DANG, MU STEGS PA DANG, BDUD DANG, THEG PA GZHAN THAMS CAD KYIS MI CHOD PA DANG, MI MTHUN PA'I DON GYIS SHES RAB KYI PHA ROL TU PHYIN PA NYID YIN PA'I PHYIR RO ZHES BSTAN PA YIN NO, ,SDUG BSNGAL LA SOGS PA'I BDEN PA LA KUN DU RMONGS PA NI GANG YANG SDUG BSNGAL GYI DON NAM, SGRA JI BZHIN PA SHES PA'I DON LA SPYAD PAR BYA BA NYID KYI PHYIR RO ZHES BSTAN PA YIN NO, ,NYON MONGS PA'I RANG BZHIN LA KUN DU RMONGS PA NI GANG YANG 'DOD CHAGS DANG, ZHE SDANG DANG, GTI MUG GI DON LA SPYOD PA NYID KYI PHYIR TE, DE CI'I PHYIR ZHE NA, 'DOD CHAGS DANG, ZHE SDANG DANG, GTI MUG GI DE BZHIN NYID NI GANG GI YANG DON MI BYED, DON MA YIN PA YANG MI BYED DO ZHES 'THAD PA BSTAN PA @148B YIN NO, ,DE LTAR NA CHOS THAMS CAD KYI DON DANG DON MA YIN PA LA SPYOD PA BKAG PA YIN NO, ,DE CI'I PHYIR ZHE NA, DE BZHIN GSHEGS PA MNGON BAR RDZOGS PAR SANGS RGYAS NAS, CHOS GANG DON DU BYA BA'AM, DON MED PAR BYA BA MA DMIGS TE, 'DUS BYAS KYI CHOS RNAMS SAM, 'DUS MA BYAS KYI CHOS GANG YANG MI BYED PAS, SHES RAB KYI PHA ROL TU PHYIN PA DON DANG DON MI BYED PA BKAG PAS, 'PHAGS PA THAMS CAD 'DUS MA BYAS KYI DON GYIS NA DE'I DON NAM MKHA' DANG 'DRA BA'I DPES PHAN PA DANG, GNOD PA MED PAS DON DANG DON MA YIN PA GNYIS SU MED PA'I TSUL GYIS RNAM PA THAMS CAD MKHYEN PA NYID 'THOB PA NYID KYI PHYIR RO ZHES BSTAN PA YIN NO, ,GNYIS SU MED PA NI GNYIS SU MED PA STE, DON DAM PA'O, ,DE LA KUN DU RMONGS PA NI GANG GNYIS SU MED PA'I CHOS KYIS GNYIS SU MED PA'I CHOS THOB PA BKAG PA DANG, GNYIS KYI CHOS SHIG GNYIS KYI CHOS KYIS THOB PA BKAG PA DANG, GNYIS DANG GNYIS SU MED PA'I CHOS MI DMIGS PA NA THOB PA YIN PAR BSHAD PA'I PHYIR RO ZHES BSTAN PA YIN NO, ,GANG GI PHYIR JI LTAR YIN PA'I RNAM PAR RTOG PA'I DBYE BA RGYA CHER BSHAD PAS DNGOS PO THAMS CAD LA MNGON PAR ZHEN PA NI MI MTHUN PA'I PHYOGS YIN PA'I PHYIR TE, RAB 'BYOR RNAM PA THAMS CAD MKHYEN PA NYID NI DMIGS SU MED PA'O ZHES BSTAN PA YIN NO, ,DE LTAR BYAS NA DNGOS PO MED PA LA DMIGS PA'I YE SHES 'THAD PA YIN NO, ,'DIR LAM DANG, MYA NGAN LAS 'DAS PA MED PA NYID KYIS 'PHAGS PA'I GANG ZAG THAMS CAD MED PAR 'GYUR ZHES ZHUS PA LA, THAMS CAD 'DUS MA BYAS KYIS RAB TU PHYE BA'I PHYIR, 'DUS MA BYAS PA NI 'BYUNG BA MED PA NYID KYIS 'JIG RTEN GYI MTSAN MAR BYAS PA YIN NO ZHES BYA BA NI LAN YIN NO, ,DE CI'I PHYIR ZHE NA, DON DAM PA'I TSIG GIS DON DU BTAGS PA MED PA NYID DO ZHES BYA BA NI 'THAD PA YIN NO, ,PHYI MA'I MTHA' SHES PAS MTHA' YONGS SU CHAD PA NI ZHUS PA YIN LA, RANG GI MTSAN NYID KYI CHOS RNAMS LA DE'I MTHA' MI SHES PAS MI SHES PA DANG LDAN PA LA DE BSTAN TO ZHES BYA BA NI LAN YIN NO, ,DE BAS NA DNGOS PO @149A *, ,MED PA LA DMIGS PA'I YE SHES NI 'THAD PA YIN NO, ,DE NYID KYI PHYIR BCOM LDAN 'DAS BYANG CHUB SEMS DPA' SEMS DPA' CHEN PO GANG SEMS CAN RNAMS KYI PHYIR, BLA NA MED PA YANG DAG PAR RDZOGS PA'I BYANG CHUB TU YANG DAG PAR 'JUG PA LA SEMS CAN DU BTAGS PA YANG MI DMIGS SHING, SEMS CAN DU 'DZIN PA LAS YONGS SU 'BREL BA NI DKA' BA BYED PA'O ZHES BYA BA LA SOGS PAS BSTAN PA YIN NO, ,YAMS NAD 'DI RNAMS ZAD NAS NI, ,YUN RING LON NAS DBUGS PHYIN LTAR, ,RNAM PA KUN DU 'GRO BA YI, ,BDE BSGRUB YON TAN PHUN TSOGS KUN, ,RGYA MTSO CHE LA CHU BO BZHIN, ,'BRAS BU MCHOG GIS DPA' BA YI, ,SEMS DPA' CHEN PO DE LA NI, ,RNAM PA KUN DU RTEN PAR BYED, ,CES BYA BA NI, GANG LJANG BU'I SDONG BU DANG, 'DAB MA DANG, ME TOG DANG, 'BRAS BU PHUN SUM TSOGS PA'I DPES BYANG CHUB SEMS DPA' BSOD NAMS KYI ZHING NYID YIN PA'I PHYIR, 'GRO BA MA LUS PA'I BDE BA'I LONGS SPYOD MCHOG MANG ZHING, SNA TSOGS PA'I DON GYIS NA SKYED MOS TSAL BZANG PO DANG 'DRA BAR 'BRAS BU MCHOG GIS DPA' ZHING MDZES PA DE LTA BU DE NI BZHIN GSHEGS PA NYID DU GZUNG BAR BYA BA YIN NO, ,DE CI'I PHYIR ZHE NA, CHOS THAMS CAD KYI DE BZHIN NYID LAS RNAM PA THAMS CAD MKHYEN PA NYID RNAM PAR DAG PA 'THOB PA'I 'THAD PA DANG, DE LTAR DE BZHIN NYID SHES RAB KYI PHA ROL TU PHYIN PA LA SLOB PA NA, DBANG PO YONGS SU RDZOGS PA DANG, LAS RANG GIS BYAS PA DANG, SMON PA'I YE SHES DANG, DUS KYI YE SHES RNAM PAR DAG PA DANG, SEMS CAN RNAMS KYI DON DANG, SANGS RGYAS KYI ZHING YONGS SU DAG PA DANG, RNAM PA THAMS CAD MKHYEN PA NYID THOB PA DANG, CHOS KYI 'KHOR LO BSKOR BA DANG, SEMS CAN YONGS SU MYA NGAN LAS 'DA' BA'I PHAN YON THOB PA'I PHYIR RO ZHES BSTAN PA YIN NO, ,'DI'I MDO NI, RAB 'BYOR 'DI LTA STE DPER NA, SKYES BU LA LA ZHIG LJANG BU BSKYED PAR 'DOD LA, SKYES BU DES LJANG BU DE'I RTZA BA MA DMIGS, YAL GA DANG, SDONG BU DANG, @149B LO MA DANG, ME TOG DANG, 'BRAS BU MA DMIGS PAR LJANG BU DE'I SDONG BU BSKYED DE, DUS DUS SU CHUS BRAN ZHING, DE'I SDONG BU DE RIM GYIS YAL GA DANG, LO MA DANG, ME TOG DANG, 'BRAS BU LA SPYOD PA DE BZHIN DU BYANG CHUB SEMS DPA' SEMS DPA' CHEN PO RNAMS KYANG SEMS CAN RNAMS KYI PHYIR, BLA NA MED PA YANG DAG PAR RDZOGS PA'I BYANG CHUB LA YANG DAG PAR 'JUG STE, DE DAG RIM GYIS PHA ROL TU PHYIN PA DRUG LA SPYOD CING, RNAM PA THAMS CAD MKHYEN PA NYID THOB PAR BYED DE, DE DAG LO MA DANG, ME TOG DANG, 'BRAS BU LTAR SEMS CAN THAMS CAD 'TSO BAR 'GYUR RO, ,DE LA LO MA NI BYANG CHUB SEMS DPA' SEMS DPA' CHEN PO GANG LA BRTEN CING SEMS CAN RNAMS NGAN SONG GSUM LAS YONGS SU SGROL BA'I, ,ME TOG NI GANG LA BRTEN CING RGYAL RIGS SHING S'A LA CHEN PO LTA BU NAS, 'DU SHES MED 'DU SHES MED MIN SKYE MCHED KYI BAR GYI LHA RNAMS SU SKYE'O, ,DE LA 'BRAS BU NI 'DI YIN TE, BYANG CHUB SEMS DPA' CHEN PO GANG LA BRTEN NAS, SEMS CAN RNAMS RGYUN DU ZHUGS PA'I 'BRAS BU NAS DGRA BCOM PA DANG, RANG BYANG CHUB DANG, RNAM PA THAMS CAD MKHYEN PA NYID KYI BAR LA RAB TU GNAS SO, ,RAB 'BYOR DE LTAR SPYOD PA'I BYANG CHUB SEMS DPA' CHEN PO NI SEMS CAN THAMS CAD KYI 'BRAS BU MCHOG DU 'GYUR BA ZHES BYA BA LA SOGS PA'O ZHES BSTAN PA YIN NO, ,RTZE MO'I MNGON PAR RTOGS PA'I BSGOM PA'I LAM GYI MI MTHUN PA'I PHYOGS KYI RNAM PAR RTOG PA'I RNAM PAR 'GREL PA'O,, ,,SANGS RGYAS NYID THOB PA'I RTZE MO'I DE MA THAG PAR CHAD MED PA'I TING NGE 'DZIN YIN PAS DE BSTAN PA'I PHYIR, BAR CHAD MED PA'I TING NGE 'DZIN, ,STONG DANG STONG GNYIS GSUM SKYE BO, ,SLOB MA'I PHUN SUM TSOGS PA DANG, ,BYANG CHUB SEMS DPA'I SKYON MED LA, ,BKOD PA'I DGE RNAM DPER MDZAD NAS, ,BSOD NAMS MANG PO NYID KYIS NI, ,SANGS RGYAS NYID KYI BAR MED DE, ,BAR CHAD MED PA'I TING NGE 'DZIN, ,ZHES BSTAN PA NI, GANG DE NI STONG GSUM GYI STONG CHEN PA'O 'JIG RTEN GYI KHAMS KYI SEMS CAN JI SNYED YOD PA DE DAG @150A *, ,THAMS CAD NYAN THOS KYIS LA GNAS PAR GYUR PA DANG, RANG SANGS RGYAS KYIS LA GNAS PAR GYUR PA BAS, DE RNAMS NI BYANG CHUB SEMS D'A LAS BYUNG BA NYID KYIS NA, SEMS CAN THAMS CAD LA DMIGS TE, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA NI, BSOD NAMS MANG DU 'PHEL BA NYID YIN NO, ,DE BZHIN DU STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DKAR PO RNAM PAR MTHONG BA'I SA LA BKOD PA DANG, DE BZHIN DU RIGS KYIS DANG, DE BZHIN DU BRGYAD PA'I SA DANG, DE BZHIN DU MTHONG PA'I SA DANG, DE BZHIN DU BSRABS PA'I SA DANG, DE BZHIN DU 'DOD CHAGS DANG BRAL BA'I SA DANG, BYAS PA RTOGS PA'I SA DANG, RANG SANGS RGYAS KYI SA DANG, BYANG CHUB SEMS DPA'I SKYEN MED PAR ZHUGS PA LA BZHAG PAS BAS BYANG CHUB SEMS PA'I BYANG CHUB LA ZHUGS PA'I BSOD NAMS MANG DU SKYE BA NYID KYIS BAR CHAD MED PA'I TING NGE 'DZIN NI DE'I RJES THOGS NYID LA 'TSANG RGYA BA NYID YIN PAR SHES PAR BYA BA'I PHYIR RO ZHES BYA BA YIN NO, ,BYANG CHUB SEMS DPA' BYANG CHUB LA ZHUGS PA NI 'BRAS BU BZHI'I GNAS LA ZHUGS PAR GYUR PA YIN GYI GNAS BRGYAD PA LA NI MA YIN NO, ,DE JI LAR KHONG DU CHUD PAR BYA ZHE NA, GANG GI PHYIR RJES THOGS NYID LA DE BZHIN GSHEGS PA'I KHYAD PAR SMOS TE, 'DI LTAR BYANG CHUB SEMS DPA' BYANG CHUB TU ZHUGS PA RNAM PAS DE BZHIN GSHEGS PA'I BSOD NAMS CHES MANG DU RAB TU SDUD PA NYID DO ZHES BSTAN PA YIN NO, ,YANG TING NGE 'DZIN 'DI'I RJES THOGS LA DE MA THAG PA'I RGYU YIN PA'I PHYIR SANGS RGYA BA NYID DO, ,,GANG YIN ZHE NA, DE NI RNAM PA KUN MKHYEN NYID, ,CES BSTAN PA NI GANG, RAB 'BYOR 'DI LTAR RNAM PA THAMS CAD MKHYEN PA NYID YIN LA BYA'O, , ZHES BSTAN PA YIN NO, ,'DI YI DMIGS PA DNGOS MED DE, ,BDAG PO DRAN PA YIN PAR BZHED, ,RNAM PA ZHI NYID CES BYA BA NI GANG DE'I DMIGS PA DANG, BDAG PA DANG, RNAM PA LA LAN DU DMIGS PA NI DNGOS PO MED PA NYID YIN PA DANG, BDAG PO NI DRAN PA NYID @150B YIN NO, ,RNAM PA NI ZHI BA NYID YIN NO ZHES BSTAN PA YIN NO, ,'GOG PA SHES PA'ANG ZHI BA NYID YIN NO ZHE NA, MTSAN NYID NI MTSAN NYID PA YIN ZHES BYA BA SMOS TE, 'DIS NI 'DIR RANG BZHIN GYIS ZHI BA YIN PAR BSHAD KYI DNGOS PO 'GOG PA'I ZHI BA NI MA YIN NO ZHES BSHAD DO, ,DA NI LOG PAR RTOG PA BRJOD PAR BYA BA YIN PAS, 'DI LA NI, RAB TU SMRA RNAMS BRGYUD MAR RGOL, ,ZHES BSTAN PA LA, 'DI LA ZHES BYA BA NI GNAS 'DI LA'O, ,RAB TU SMRA RNAMS ZHES BYA BA NI LOG PAR ZHUGS PA RNAMS SO, ,GCIG NAS GCIG TU BRGYUD MAR SNA TSOGS PAR RGOL PA'I SGO NAS 'JUG PA'I RTOGS PA'AM, DE LA SEL BA TZAM DU SMRA BA RGOL ZHING, ,TSIG TU SMRA BA'I LAM MTHAR THUG PA MED PAS SHAR CHER SMRA BA RTZOD PA BYED DO, ,JI LTA ZHE NA, DE'I PHYIR BRJOD PA YIN TE, DMIGS PA 'THAD DANG DE YI NI, NGO BO NYID NGES BZUNG BA DANG, , RNAM KUN MKHYEN NYID YE SHES DANG, ,DAM PA'I DON DANG KUN RDZOB DANG, ,SBYOR DANG DKON MCHOG GSUM PO DANG, ,THABS DANG BCAS PA'I RTOGS PA DANG, ,PHYIN CI LOG NI LAM BCAS DANG, ,GNYEN PO MI MTHUN PHYOGS DAG DANG, ,MTSAN NYID DANG NI BSGOM PA LA, , SMRA BA RNAMS KYI LOG RTOG PA, ,RNAM PA KUN MKHYEN NYID RTEN CAN, ,RNAM PA BCU DRUG DAG TU BZHED, ,CES BSTAN PA LA, DBYE BA BCU DRUG TU BZHED CES BYA BA'I DON NO, ,DE LA RNAM PA THAMS CAD MKHYEN PA NYID LA RTEN PA'I DMIGS PA 'THAD PA LA LOG PAR RTOG PA NI GANG RNAM PA THAMS CAD MKHYEN PA NYID KYI YUM SHES PAR BYA BA'I PHYIR DE NYID NAS BRTZAMS TE 'DUS BYAS DANG, 'DUS MA BYAS KYI KHAMS KYANG DNGOS PO MED PA NYID DO, ,DE CI'I PHYIR ZHE NA, DE'I NGO BO NYID MED PAS DNGOS PO MED PA'O ZHES GSUNGS LA, GZHAN DAG DE LA DNGOS PO MED PA'I NGO BO NYID YIN PAR 'DRI BAR BCOM LDAN 'DAS CI'I SLAD DU RNAM PA THAMS CAD MKHYEN PA NYID NGO BO NYID MA MCHIS PA LAGS ZHES ZHUS PA GANG YIN PA LA, BCOM LDAN 'DAS KYI 'DAS PA'I NGO BO NYID MED PAR BSTAN PAS, CHOS THAMS CAD NI DNGOS PO MED @151A *, ,PA'I NGO BO NYID DE ZHES BSTAN PA YIN NO, ,MI DMIGS PA'I NGO BO NYID LA LOG PAR RTOG PA NI GANG YANG DE RNAMS DE BZHIN NYID LA SOGS PA'I NGO BO NYID DU MED PA NYID DANG, DE LTA YIN NA BYANG CHUB SEMS DPA'I PHA ROL TU PHYIN PA LA SPYOD PA NAS, RNAM PA THAMS CAD MKHYEN PA NYID THOB PA MED PAR ZHUS PA DANG, RAB 'BYOR CHOS THAMS CAD DNGOS PO MED PA'I NGO BO NYID DU SHES PA DE NYID, BYANG CHUB SEMS DPA' SEMS DPA' CHEN PO'I THABS LA MKHAS PA STE ZHES BYA BA DE NI LAN YIN NO, ,YANG SHES RAB KYI PHA ROL TU PHYIN PA LA SOGS PA NAS STOBS DANG, MI 'JIGS PA LA SOGS PA THOB KYI BAR DU DUS DE SRID DU BYANG CHUB KYI LAM LA YONGS SU 'DRIS PAR BYED DO, ,DES PHA ROL TU PHYIN PA YONGS SU RDZOGS PAR BYED CING, SKAD CIG MA GCIG DANG YANG DAG PAR LDAN PA'I SHES RAB KYIS RNAM PA THAMS CAD MKHYEN PA NYID THOB PAR GYUR NAS, BAG CHAGS KYIS MTSAMS SBYOR BA'I NYON MONGS PA THAMS CAD MI SKYE BAR SPANGS PAS YONGS SU SPONG BA NYID KYI PHYIR RO ZHES BSTAN PA YIN NO, ,RNAM PA THAMS CAD MKHYEN PA NYID KYI YE SHES LA LOG PAR RTOG PA NI GANG DE NAS SANGS RGYAS KYI SPYAN GYIS GZIGS PA NA, DNGOS PO DANG DNGOS PO MED PA MA GZIGS PAS, PHA ROL TU PHYIN PA LA SOGS PA SPYAD PA NAS, RNAM PA THAMS CAD MKHYEN PA NYID THOB PA'I BAR LA SPYOD PA'I TSE, PHA ROL TU PHYIN PA LA SOGS PA DNGOS PO DANG DNGOS PO MED PAR YID LA MI BYED DO; ,DE CI'I PHYIR ZHE NA, 'DI LTAR CHOS THAMS CAD NI DNGOS PO MED PA'I NGO BO NYID DO, ,'PHAGS PA'I GANG ZAG THAMS CAD KYIS KYANG DGONGS SHING YID LA MA BYAS PA NYID KYIS CHOS RNAMS CHOS RNAMS NYID DANG MI 'BRAL BA'O, ,CHOS KYI CHOS LA DNGOS PO MED PA'I BDAG NYID DANG; ,CHOS KYIS CHOS LA DNGOS PO MED PAR SHES PAR BYA BA LA SOGS PA MU BZHI'I TSUL GYIS, 'JIG RTEN GYI KUN RDZOB NYE BAR BZUNG NAS, DNGOS PO DNGOS PO MED CES BYA BAR STON PAR RJES SU GNANG BA'I PHYIR RO ZHES RJES SU BSTAN PA YIN NO, ,BDEN PA GNYIS LA @151B LOG PAR RTOG PA NI GANG KUN RDZOB DANG, DON DAM PA DAG GIS DE BZHIN NYID MNGON PAR MI SHES PA RNAMS KYI PHYIR DNGOS PO DANG DNGOS PO MED PAR STON PAR MDZAD PA'I PHYIR RO ZHES BSTAN PA YIN NO, ,SBYOR BA LA SOGS PAR RTOGS PA NI GANG BYANG CHUB KYI SPYOD PA ZHES BYA BA LA GZUGS NAS 'DUS BYAS DANG, 'DUS MA BYAS KYI KHAMS LA SPYOD PA DANG, RJES SU SPYOD PA DAG LA GNYIS SU MED CING GNYIS SU BYAR MED PA NI BYANG CHUB KYI SPYOD PA'O ZHES BSTAN PA YIN NO, ,SANGS RGYAS DKON MCHOG LA LOG PAR RTOG PA NI, GANG SANGS RGYAS ZHES BYA PA NI YANG DAG PA'I DON BRJOD PA LA 'JUG PA'I RGYU YIN PAR BSTAN PA DANG, YANG DAG PA'I CHOS LA MNGON PAR RTOGS PA DANG, YANG DAG PA'I DON RAB TU RTOGS PA DANG, CHOS THAMS CAD JI LTA BA BZHIN DU MNGON BAR RTOGS PA'I GO RIMS BZHIN DU THAMS CAD MKHYEN PA GSUM GYI DBANG DU MDZAD NAS, SANGS RGYAS ZHES BRJOD PA 'JUG PA'I RGYU YIN NO ZHES BSTAN PA YIN NO, ,CHOS DKON MCHOG LA LOG PAR RTOG PA NI GANG BYANG CHUB CES BYA BA'I TSIG BLA DAGS LUS PA LA, STONG PA NYID LA SOGS PA BYANG CHUB KYI TSIG BLA DAGS NYID YIN PA DANG, YANG BYANG CHUB NI MING TZAM NYID DANG, YANG MI BYED PA'I DON NI BYANG CHUB KYI DON YIN PA NYID DANG, YANG DE BZHIN NYID LA SOGS PA BYANG CHUB YIN PA DANG, YANG MING DANG MTSAN MA TZAM BYANG CHUB YIN PA DANG, YANG SANGS RGYAS RNAMS KYI BYANG CHUB YIN PA, SANGS RGYAS RNAMS KYI MNGON BAR RDZOGS PAR SANGS RGYAS PAS NA BYANG CHUB NYID KYI PHYIR RO ZHES BSTAN PA YIN NO, ,DGE 'DUN DKON MCHOG LA LOG PAR RTOG PA NI GANG SHES RAB KYI PHA ROL TU PHYIN PA LA SPYOD PA NANG BYANG CHUB LA DMIGS PA NYID BKAG PA DANG, DE LTA YIN NA PHA ROL TU PHYIN PA LA SOGS PA YONGS SU 'DZIN PA MED NA DE NYID DU GNYIS KYI SPYOD PA SPANGS PA DANG, DE LTA YIN NA DGE BA'I RTZA BA RNAM PAR 'PHEL BAR BYA BA'I DON DU GNYIS SU MED PA LA BRTEN PA 'PHEL BAR BSTAN PA DANG, BYANG CHUB SEMS DPA' GNYIS SU MED PAR SPYOD PA NI, @152A *, ,DGE BA'I RTZA BA RNAM PAR 'PHEL ZHING, MI 'JIGS PA YIN PA'I LAN GYIS PHYIR MI LDOG PA'I DGE 'DUN BSTAN PA'I DON DANG, SANGS RGYAS LA BSNYEN BKUR BYAS PA DANG, GZUNGS RAB TU THOB PA DANG LDAN PA DANG, SANGS RGYAS DANG, BYANG CHUB SEMS DPA' DANG MI 'BRAL BA DANG, RNAM PA THAMS CAD MKHYEN PA NYID THOB PAR BRJOD PA'I PHYIR RO ZHES BSTAN PA YIN NO, ,THABS LA MKHAS BA LA LOG PAR RTOG PA NI GANG DE THOB PA'I RGYU'I THABS LA MKHAS PA DANG DE BSTAN PA NAS BRTZAMS TE, DANG PO SEMS BSKYED PA NAS NYE BAR BZUNG STE, RNAM PA THAMS CAD MKHYEN PA NYID DANG LDAN PA'I YID LA BYED PAS, SANGS RGYAS LA SOGS PA LA SBYIN PA YONGS SU GTONG ZHING, SBYIN PAR BYA BA DANG, GTONG BA PO DANG, LEN PA PO MI DMIGS PA'I THABS LA MKHAS PAS SEMS CAN YONGS SU SKYOB PA NYID DANG, DE BZHIN DU TSUL KHRIMS LA SOGS BA'I PHA ROL TU PHYIN PA LA THABS LA MKHAS PA BRJOD PAR RGYA CHER SBYAR BAR BYA'O, ,DE LTAR THABS LA MKHAS PA NI GZUGS LA SOGS PA'I CHOS THAMS CAD RANG BZHIN MED PAR DMIGS PA NYID YIN PA'I PHYIR, RNAM PAR SMIN PA MI MDZAD PAS BLO MCHOG DANG LDAN PA NYID YIN NO, ,DE CI'I PHYIR ZHE NA, CHOS RNAMS KYI RANG BZHIN NI MED PA NYID KYI PHYIR RO ZHES BSTAN PA YIN NO, ,MNGON BAR RTOGS PA LA LOG PAR RTOG PA NI GANG DNGOS PO MED PAS DNGOS PA MED PA MNGON BAR BYANG CHUB BAR BYA BAR MI NUS PA NYID DANG, DNGOS POS DNGOS PO MNGON PAR BYANG CHUB PAR MI NUS PA NYID DANG, DNGOS POS DNGOS PO BYANG CHUB PA BKAG PA DANG, DE BZHIN DU DNGOS PO DANG, DNGOS PO MED PA DANG, DNGOS PO MED PAS DNGOS PO MED PA MNGON BAR BYANG CHUB PAR BKAG PA YIN NO, ,DE LTA NA NI MNGON BAR RTOGS PA MED PAR THAL BAR 'GYUR BAS MU BZHI LA GO BZLOG PA DNGOS PO DANG, DNGOS PO MED PA MNYAM PA NYID DU MTHONG BA NI, MNGON BAR RTOGS PA NYID YIN PAR DAM BCAS PA'I PHYIR RO ZHES BSTAN PA YIN NO, ,PHYIN CI LOG PAR RTOG PA NI GANG GZUGS LA SOGS PA'I PHUNG PO RNAMS RTAG @152B PA DANG, MI RTAG PA DANG, BDE BA DANG, SDUG BSNGAL BA DANG, BDAG DANG, BDAG MED PA DANG, ZHI BA DANG, MA ZHI BA NYID DANG, MNGON BAR ZHEN PA'I SPROS PA NYID DANG, DE BZHIN DU YONGS SU SHES PA DANG, YONGS SU MA SHES PA NYID DU MNGON BAR ZHEN PA'I SPROS PA DANG; DE BZHIN DU SKYE MCHED DANG, KHAMS LA SOGS PA NAS RNAM PAR THAR PA'I SGO GSUM DU BSGOM PA BSGOM PAR MNGON BAR ZHEN PA DANG, DE BZHIN DU RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU BSGOM PA LA MNGON BAR ZHEN PA DANG, RGYUN DU ZHUGS PA'I 'BRAS BU NAS BRTZAMS TE, RANG SANGS RGYAS KYI BYANG CHUB LAS 'DA' BA'I BAR LA MNGON BAR ZHEN PA DANG, BYANG CHUB SEMS DPA' SA BCU YONGS SU RDZOGS PAR BYA BA LA MNGON BAR ZHEN PA NAS BRTZAMS TE, SKYON MED PAR ZHUGS PA DANG, SANGS RGYAS KYI ZHING YONGS SU DAG PA DANG; SEMS CAN YONGS SU SMIN PA DANG, PHA ROL TU PHYIN PA DRUG GI SPYOD PA DANG, STONG PA NYID THAMS CAD BSGOM PA DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA RNAMS BSKYED PA DANG, RNAM PA THAMS CAD MKHYEN PA NYID RJES SU THOB PA DANG, BAG CHAGS KYIS MTSAMS SBYOR BA'I NYON MONGS PA THAMS CAD SPANG BAR BYA BA LA MNGON PAR ZHEN PA NI SPROS PA NYID YIN PA NYID DU SHES PAS, BYANG CHUB SEMS DPA' JI SKAD DU BSHAD PA'I SPROS PA DANG MI LDAN PA NYID KYI PHYIR TE, DE CI'I PHYIR ZHE NA, NGO BO NYID NI NGO BO NYID LA SPROS PAR MI BYED LA, DNGOS PO MED PA YANG DNGOS PO MED PA LA SPROS PAR MI BYED DO ZHES BYA BA'I 'THAD PAS GZUGS LA SOGS PA NI, GZUGS LA SOGS PA'I SPROS PA MED PA NYID KYI SHES RAB KYI PHA ROL TU PHYIN PA NI, SPROS PA MED PAR RJES SU GNANG BA DANG, CHOS THAMS CAD SPROS PA MED PA'I LTA BAR ZHUGS PA LA, RAB 'BYOR 'DI LTAR GZUGS LA YANG NGO BO NYID MED DO ZHES BYA BA NAS BRTZAMS TE, NGO BO NYID KYIS NA SPROS PA MED PAR LTA BA'I RGYU NYID YIN PA DANG, SKYON MED PAR RDZOGS PAS DNGOS PO MED PA NYID YIN NO, BYANG CHUB SEMS DPA' @153A *, ,SKYON MED PA LA 'JUG PA'I LAM MED PAS, MA SKYES PA LA SOGS PA'I 'BRAS BU'I LAM DGRA BCOM PA'I DPES BSTAN PAS LAM SHES PA NYID LA BYANG CHUB SEMS DPA'I SKYON MED BAR 'JUG BA'I 'BRAS BU THOB PAR BSTAN PA YIN LA, DE NAS RDO RJE LTA BU'I TING NGE 'DZIN GYI RJES THOGS NYID KYI SKAD CIG MA GCIG LA RNAM PA THAMS CAD MKHYEN PA NYID THOB PAR 'GYUR BA YIN NO, ,'DI'I MDO NI RAB 'BYOR 'DI LTA STE DPER NA DGRA BCOM PA NI LAM THAMS CAD LA BSLABS SHING, YANG DAG PA'I SKYON MED PAR 'JUG STE, NAM 'BRAS BU'I LAM MA GRUB KYI BAR DU THOB PAR MI BYED DO, ,RAB 'BYOR DE BZHIN DU BYANG CHUB SEMS DPA' SEMS DPA' CHEN PO YANG LAM BSGRUBS SHING BYANG CHUB SEMS DPA'I SKYON MED PAR 'JUG STE, NAM RDO RJE LTA BU'I TING NGE 'DZIN MA THOB KYI BAR DU RNAM PA THAMS CAD MKHYEN PA NYID THOB PAR MI BYED DO ZHES BYA BA LA SOGS PA GSUNGS PA YIN NO, ,LAM LA LOG PAR RTOG PA NI GAL TE LAM SHES PA YONGS SU RDZOGS PAR BYAS NAS, BYANG CHUB SEMS DPA'I SKYON MA MCHIS PAR 'JUG NA BRGYAD PA LA SOGS PA'I LAM NI GZHAN YIN PA'I PHYIR, LAM DE YONGS SU RDZOGS PAR BYED PA'I BYANG CHUB SEMS DPA' NI DE 'BRAS BU MNGON SUM DU BYED PAR 'GYUR BAS BRGYAD PA DANG, RGYUN DU ZHUGS PA LA SOGS PA NYID DU THAL BAR 'GYUR BA'I PHYIR, BYANG CHUB SEMS DPA' NI SEMS DANG PO BSKYED PA NAS NYE BAR BZUNG STE, PHA ROL TU PHYIN PA DRUG LA SPYOD PA'I TSE, SHES PA DANG MTHONG BA DAG GIS DKAR PO RNAM PAR MTHONG BA'I SA LA SOGS PA'I SA BRGYAD PO LAS YONGS SU 'DAS NAS, LAM GYI RNAM PA SHES PA NYID KYIS BYANG CHUB SEMS DPA'I SKYON MED PAR ZHUGS NAS, RNAM PA THAMS CAD MKHYEN PA NYID KYI YE SHES THOB PAR BSHAD PA'I PHYIR RO, ,DE CI'I PHYIR ZHE NA, BRGYAD PA LA SOGS PA NAS RANG SANGS RGYAS KYI BAR GYI SHES PA DANG, SPONG BA DAG NI BYANG CHUB SEMS DPA' CHEN PO'I BZOD PA'I MTSAN NYID YIN PA'I PHYIR DANG PO KHO NAR NYAN THOS KYI LAM GYIS DE'I RTOGS PA @153B THOB PA MNGON DU MI BYED PA'I DON GYIS LAM GYI RNAM PA SHES BA NYID YONGS SU RDZOGS PAR BYED PA'I 'THAD PAS, RIM PA 'DIS MNGON BAR RDZOGS PAR SANGS RGYAS SHING, 'BRAS BU LTAR SEMS CAN THAMS CAD KYI NYE BAR 'TSE BAR 'GYUR RO ZHES BYA BA SEMS CAN THAMS CAD LA SKAL BA JI LTA BA BZHIN DU 'BRAS BU NYE BAR 'TSO BA'I RGYU NYID DU 'GYUR RO ZHES BYA BA'I DON TO, ,NYAN THOS LA SOGS PA'I LAM DANG, THA DAD PA'I BSAM PAS LAM GYI RNAM PA SHES PA'I LAM LA ZHUGS PAS, LAM THAMS CAD KYI RNAM PA DANG, RTAGS DANG, MTSAN MA RNAMS KYIS MNGON PAR RDZOGS PAR 'TSANG RGYA ZHING, DE GZHAN DAG LA BRJOD PA DANG, BSTAN PA LA SOGS PA NI LAM GYI RNAM PA SHES PA NYID KYI LAM NYID YIN PAS, STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD GO BAR 'GYUR BA DANG, RJES SU MTHUN PA'I SKAD DANG, BRDA BYA BA'I SGRA NI SGRA BRNYAN DANG 'DRA BAR SHES PAR BYA BA'I DGOS PA BSKYED PAR BYA BA'I PHYIR, GZHAN GYI DON GYI THABS PHUN SUM TSOGS PAR SHES PAR BYA BA'I DON DANG, LAM GYI RNAM PA SHES PA NYID YONGS SU RDZOGS PAR BYAS NAS, SEMS CAN THAMS CAD KYI BSAM PA SHES PAS GZHAN GYI DON GYI SBYOR BA DON YOD PAR BYA BA NYID SHES PAR BYA BA'I DON DANG, DMYAL BA LA SOGS PA'I NGAN 'GRO RNAMS KYI LAM DANG, DE'I 'BRAS BU SHES NAS DE'I RGYU DANG 'BRAS BU LAS BZLOG PA NAS BRTZAMS TE, 'DU SHES MED 'DU SHES MED MIN SKYE MCHED KYI LHA RNAMS KYI LAM DANG; 'BRAS BU LA SOGS PA SHES PAR BYA BA DANG, BYANG CHUB KYI PHYOGS NAS SNYING RJE CHEN PO'I BAR DU SHES PAR BYA BA NYID KYI PHYIR, SEMS CAN LAM JI LTA BA BZHIN DU 'BRAS BU LA BKOD PA'I PHYIR TE, DE CI'I PHYIR ZHE NA, DE NI 'DI LTAR DES SKYES PA'I DBANG PO SHES PAR BYA BA'I PHYIR ZHES BYA BA'I 'THAD PAS SO, ,SHIN TU SHES PAR BYAS PA ZHES BYA BA NI RIGS KYI BU RNAM PAR DBYE BAS RAB TU RNAM PAR SHES PA NYID KYIS ZHES BYA BA'I DON TO, ,SKYES PA SMOS PA NI BUD MED KYANG DGAG PA YOD PA MA YIN TE, SGRA LAS SKYES PA SMOS PAR BUD MED KYANG SDUD PA YIN @154A *, ,PA'I PHYIR RO, ,DBANG PO DE DAG KYANG DAD PA LA SOGS PA YIN NO, ,BYANG CHUB KYI PHYOGS KYI CHOS DANG BYANG CHUB PA'I CHOS DE DAG NI LDAN PA YANG MA LAGS, MI LDAN PA YANG MA LAGS, GZUGS MA MCHIS PA, BSTAN DU MA MCHIS PA, MTSAN NYID GCIG PA LAGS NA JI LTAR BYANG CHUB 'GRUB PAR 'GYUR BA LAGS ZHES ZHUS PA LA SEMS CAN RANG GI MTSAN NYID KYIS STONG PA'I CHOS MI SHES PA DE DAG GI DON DU 'DI SKAD DU, 'DI DAG BDAG GIS BSHAD PA SHES PAR BYA BA'I PHYIR RO ZHES BSTAN PA YIN NO, ,MI MTHUN PA'I PHYOGS DANG, GNYEN PO'I PHYOGS LA LOG PAR RTOG PA NI GANG RAB 'BYOR DE NI 'DIR GZUGS GANG YIN PA DANG ZHES BYA BA NAS BRTZAMS TE, RNAM PA THAMS CAD MKHYEN PA NYID CES BYA BA'I BAR GYI CHOS GANG YIN PA DE DAG THAMS CAD NI 'PHAGS PA'I CHOS 'DUL BA 'DI LA NI LDAN PA YANG MA YIN, MI LDAN PA YANG MA YIN PA NYID KYIS SEMS CAN RNAMS GZUNG BAR BYA BA'I DON DU 'JIG RTEN GYI THA SNYAD KYIS BRJOD DO, ,DE RNAMS KYIS BTAGS PA NYAN THOS DANG, RNAM PA THAMS CAD MKHYEN PA NYID SHES PA DANG, MTHONG BA DAG GIS RTOGS PAR MI BYA BA DANG, RTOGS PAR BYA BA NYID KYIS SO, ,'DOD CHAGS DANG LDAN PA YANG MA YIN, BRAL BA YANG MA YIN ZHES BYA BA NAS BRTZAMS TE, NYON MONGS PA 'DUL BA NI 'PHAGS PA'I CHOS 'DUL BA ZHES BYA BA NYID DANG, BSAM GTAN BZHI DANG LDAN PA YANG MA YIN, BRAL BA YANG MA YIN ZHES BYA BA NAS BRTZAMS TE, RTOGS PA'I CHOS THAMS CAD DANG LDAN PA YANG MA YIN MI LDAN PA YANG MA YIN NO, ,DE CI'I PHYIR ZHE NA, DE NI 'DI LTAR CHOS DE DAG THAMS CAD NI GZUGS MED PA, BSTAN DU MED PA, THOGS PA PA MED PA, 'DI LTAR MTSAN NYID MED PAR MTSAN NYID GCIG PA STE, DE DAG NI GZUGS MED PA DANG, BSTAN DU MED PA LA SOGS PA DANG, GZUGS MED PA DANG, BSTAN DU MED PA LA SOGS PA DAG DANG LHAN CIG LDAN PA DANG BRAL BA YANG MA YIN NO ZHES BYA BA'I @154B 'THAD PAS SO ZHES BSTAN PA YIN NO, ,MTSAN NYID LA LOG PAR RTOG PA NI GANG 'DIR GZUGS MED PA, BSTAN DU MED PA, THOGS PA MED PA, MTSAN NYID MED PAR MTSAN NYID GCIG PAR PHA ROL TU PHYIN PA LA BSLAB NAS, CHOS THAMS CAD KYI MTSAN NYID DMIGS SU MED PAS CHOS THAMS CAD KYI MTSAN NYID LA BSLAB PAR BYA BA YIN NA NI NYAN THOS LA SOGS PA'I LAS 'DA' BAR BYA BA MED PAR 'GYUR RO, ,CHOS THAMS CAD MTSAN NYID MED PA, GZUGS MED PA, BSTAN DU MED PA, THOGS PA MED PA'I MTSAN NYID KYIS MTSAN NYID MED PA LA YANG BSLAB PAR MI BYA'O; ,DE CI'I PHYIR ZHE NA, GAL TE SNGON MTSAN NYID MED PAR GYUR PA DE PHYIS MTSAN NYID YOD PAR 'GYUR BA NI MA YIN GYI ZHES BYA BA'I 'THAD PAS MTSAN NYID DANG, MTSAN NYID MED PAR BSLAB PA BKAG PA YIN NO, ,DE CI'I PHYIR ZHE NA, DE BZHIN GSHEGS PA RNAMS BYUNG YANG RUNG, DE BZHIN GSHEGS PA RNAMS MA BYUNG YANG RUNG STE, MTSAN NYID MED PA'I DBYIBS 'DI NI DE BZHIN DU GNAS PA'I PHYIR RO ZHES BYA BA'I 'THAD PAS SO ZHES BSTAN PA YIN NO, ,BSGOM PA'I LAM LA LOG PAR RTOG NI GANG CHOS THAMS CAD MTSAN NYID MED PAR MTSAN NYID GCIG PA YIN NA NI DE BSGOMS PAS SHES RAB KYI PHA ROL TU PHYIN PA BSGOM PAR MI 'THAD PAS NYAN THOS LA SOGS PA'I LAS 'DAS NAS, BYANG CHUB SEMS DPA'I SKYON MED PAR 'JUG PA LA SOGS PA MED PAR 'GYUR TE, MTSAN NYID GCIG PA DANG, MTSAN NYID THA DAD PA GNYIS KA BKAG BAS DE LTAR BSGOM PA NI MTSAN NYID MED PA'O ZHES BSTAN PA YIN NO, ,JI LTA ZHE NA ZHES BYA BA NI ZHUS PA'O, ,GZUGS RNAM PAR BSGOM PA BSGOM PA NI SHES RAB KYI PHA ROL TU PHYIN PA NYID YIN PA DANG, DE BZHIN DU TSOR BA LA SOGS PA DANG, GZUGS LA SOGS PA DANG, MIG GI RNAM PAR SHES PA LA SOGS PA DANG, DE'I 'DUS TE REG PA LA SOGS PA DANG, DE'I RKYEN GYIS TSOR BA LA SOGS PA DANG, SA LA SOGS PA'I KHAMS DRUG DANG, RTEN CING 'BREL BAR 'BYUNG BA DANG, DE'I YAN LAG MYA NGAN LA SOGS PA DANG, SGRUB PA DANG, SPANG BA'I MTSAN NYID BLANG BA @155A *, ,DANG; DOR BA DANG, DANG PO LA SOGS PA'I BSAM GTAN RNAMS DANG, BYAMS PA DANG, SNYING RJE DANG, DGA' BA DANG, BTANG SNYOMS DANG, GZUGS MED PA'I SNYOMS PAR 'JUG PA RNAMS DANG, RJES SU DRAN PA DRUG NAS BZUNG STE, THABS RJES SU DRAN PA RNAMS DANG, MI RTAG PA DANG, SDUG BSNGAL BA DANG, BDAG MED PA'I 'DU SHES DANG, BDAG DANG, SEMS CAN LA SOGS PA'I 'DU SHES DANG, RTAG PA DANG, MI RTAG PA DANG, BDE BA DANG, SDUG BSNGAL BA DANG, ZHI BA DANG, MA ZHI BA'I 'DU SHES DANG, DRAN BA NYE BAR GZHAG PA LA SOGS PA DANG, BYANG CHUB KYI PHYOGS RNAMS DANG, STONG PA NYID DANG, MTSAN MA MED PA DANG, SMON PA MED PA DANG, RNAM PA THAR PA BRGYA DANG, MTHAR GYIS GNAS PA'I SNYOMS PAR 'JUG PA DGU DANG, RTOG PA DANG BCAS, DPYOD PA DANG BCAS PA DANG; RTOG PA MED CING DPYOD PA TZAM DANG, RTOG PA MED CING DPYOD PA YANG MED PA'I TING NGE 'DZIN DANG, 'PHAGS PA'I BDEN PA BZHI PO SDUG BSNGAL BA DANG, KUN 'BYUNG BA DANG, 'GOG PA DANG, LAM DANG, ZAD PA DANG, MI SKYE BA SHES PA DANG, CHOS DANG, RJES SU 'GRO BA DANG; KUN RDZOB DANG, 'DRIS PA DANG, SGRA JI BZHIN SHES PA DANG, PHA ROL TU PHYIN PA RNAMS DANG, STONG PA NYID THAMS CAD DANG, MNGON BAR SHES PA DANG, TING NGE 'DZIN DANG, GZUNGS KYI SGO RNAMS DANG, STOBS DANG, MI 'JIGS PA DANG, SO SO YANG DAG PAR RIG PA DANG; SANGS RGYAS KYI CHOS MA 'DRES PA RNAMS DANG, GZUNGS DANG, TING NGE 'DZIN GYI SGO THAMS CAD DANG, BYAMS PA CHEN PO DANG, SNYING RJE CHEN PO DANG, RGYUN DU ZHUGS PA LA SOGS PA'I 'BRAS BU DANG, RANG BYANG CHUB DANG, RNAM PA THAMS CAD MKHYEN PA NYID DANG, BAG CHAGS KYIS MTSAMS SBYOR BA'I NYON MONGS PA THAMS CAD SPANGS PA BSGOM PA RNAM PAR BSGOM PA NI SHES RAB KYI PHA ROL TU PHYIN PA BSGOM PA NYID YIN NO, ,BSGOM PA SMOS PA NI RNAM PA THAMS CAD MKHYEN PA NYID GSUM GYI MDOR BSDUS PA DANG, RGYAS PA'I MNGON BAR RTOGS PA'I DBANG @155B DU MDZAD PA'I PHYIR, JI SKAD DU BSTAN PA'I BSGOM PA'I LAM SHES PAR BYA BA'I PHYIR RO, ,RNAM PAR BSGOM PA SMOS PA NI BSGOM PA'I LAM GYI BDAG NYID JI LTA BA BZHIN SHES PAR BYA BA'I CHED DU YIN NO, ,GZUGS LA SOGS PA SPYI'I MTSAN NYID DANG, RANG GI MTSAN NYID KYI DBYE BA MANG PO SMOS PA NI SNGAR BSGOM PA'I LAM GYI YUL DU SHES PAR BYA BA'I CHED YIN NO, ,JI LTA ZHE NA ZHES DRIS PA LA JI SKAD DU BSHAD PA'I GZUGS LA SOGS PA DANG, RNAM PA THAMS CAD MKHYEN PA NYID DE'I MI MTHUN PA'I PHYOGS KYI BAG CHAGS LA SOGS PA'I BSGOM PA MED PA YIN PAS DNGOS PO MED PA RGYA CHER BSTAN PA YIN NO, ,DE CI'I PHYIR ZHE NA, RAB 'BYOR DNGOS PO'I 'DUS SHES CAN LA SHES KYI PHA ROL TU PHYIN PA BSGOM PA MED DO, ,DE CI'I PHYIR ZHE NA, JI LTAR DNGOS PO LA NI BDAG GO ZHES BYA BAR MTHA' GNYIS LA CHAGS PA'I PHYIR RO ZHES BYA BA'I 'THAD PAS SO, ,GNYEN PO'I PHYOGS THAMS CAD BSGOM PA MED PA LA DNGOS PO YOD PA DANG, DNGOS PO MED PA'I MTSAN NYID ZHUS PA LA, GNYIS PO DE DAG LA NI GNYIS KYI MTSAN NYID YIN PAR BSTAN PA DANG, GNYIS DANG GNYIS MA YIN PA ZHUS PA DANG, GZUGS KYI 'DU SHES NAS 'DUS BYAS DANG, 'DUS MA BYAS KYI KHAMS KYI 'DU SHES KYI BAR DU GO RIMS BZHIN DU GNYIS DANG GNYIS MED PA BSTAN NAS, JI TZAM DU GNYIS PA DE TZAM DUD NGOS PO'O, ,JI TZAM DUD NGOS PO YOD PA DE TZAM DU 'DUS BYAS SO, ,JI TZAM DU 'DUS BYAS PA DE TZAM DU SEMS CAN RNAMS KYI DGE BA'I RTZA BA CAN GYI SDUG BSNGAL LAS MI 'GROL LO, ,GNYIS KYI 'DU SHES CAN NI SBYIN PA LA SOGS PA RNAM PAR BYANG BA'I CHOS THAMS CAD MED DO, ,GAL TE DE LTA YIN NA DNGOS PO MED PA'I 'DU SHES CAN LA RNAM PAR BYANG BA'I CHOS THAMS CAD MED PAR 'GYUR BAS; RAB 'BYOR DE DE BZHIN NO, ,JI SKAD SMRAS PA DE BZHIN TE ZHES ZHAL GYIS BZHES NAS SHES RAB KYI PHA ROL TU PHYIN PA BYANG CHUB SEMS DPA' NI DNGOS PO THAMS CAD YOD PA DANG MED PA'I 'DU SHES BKAG PAS MTHUN PA'I BZOD PA'I LAM DANG, 'BRAS BU BSTAN PAS LAM DANG @156A *, ,DNGOS POR RTOG PA MED PA NYID KYI RNAM GRANGS KYI CHOS THAMS CAD DNGOS PO MED PA'I NGO BO NYID YIN PAS, MNGON PAR RTOGS PA'I YE SHES DMIGS PA LAS THA DAD PA'I CHOS MED PAR SHES PAR BYED PA'I DON YIN NO, ,GAL TE DE LTA YIN NA DE BZHIN GSHEGS PA CHOS THAMS CAD LA MNGON BAR RDZOGS PAR SANGS RGYAS NAS, DE LA DBANG BSGYUR BA'I YUL BRNYES PA LA SOGS PA MED PAR THAL BAR 'GYUR RO ZHE NA, SNGON BYANG CHUB SEMS DPA'I SPYOD PA SPYOD PA NA PHA ROL TU PHYIN PA DRUG LA SPYOD PA'I TSE, 'DOD PA RNAMS LAS DBEN SDIG PA MI DGE BA'I CHOS RNAMS LAS DBEN PA, RTOG PA DANG BCAS PA, DPYOD PA DANG BCAS PA, DBEN PA LAS SKYES PA'I DGA' BA DANG, BDE BA DANG LDAN PA'I BSAM GTAN DANG PO NYE BAR BSGRUBS TE GNAS SO ZHES BYA BA NAS BRTZAMS TE, SEMS CAN RNAMS PHUNG PO GSUM DU LUNG BSTAN PAR GYUR TO ZHES BYA BA NAS BRTZAMS NAS, NGA NYID DBANG DU GYUR PAS DNGOS PO MED PA'I NGO BO NYID THUGS SU CHUD PA'I CHOS BSTAN PA YIN NO, ,JI LTAR ZHES BYA BA NI DE LTA BU'I RNAM PA THUGS SU CHUD PAR ZHES PA'O, ,RAB 'BYOR GAL TE 'DOD PA RNAMS LA SOGS PA DNGOS PO ZHIG YOD DE, NGO BO NYID YOD PA'AM ZHES BYA BA NAS BRTZAMS TE, MNGON PAR 'DOD PA'I THUGS SU CHUD PA BSTAN PA YIN NO, ,DE LA DNGOS PO NI GANG GI DNGOS PO'I NGO BO NYID NI BYA BA'O, ,MED PA NI DNGOS PO'I RGYUN CHAD PA'O, ,DE LTAR 'DI DAG NI RNAM PA THAMS CAD MKHYEN PA NYID KYI RTEN DU BYAS NAS RAB TU SMRA BA RNAMS KYI MA NGES PA DANG BCAS PA'I SKABS RGYAS PAR 'PHROS PA'I LOG PAR BSGRUB PA'I GNAS RNAM PA BCU DRUG TU GYUR PA YIN NO, ,DE LTAR BYAS NAS, DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, , MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR BSGRUB DANG BCAS PA NI, ,RTZE MO'I MNGON BAR RTOGS ZHES BSTAN PA DE BSHAD PA YIN PAR SHES @156B PAR BYA'O, ,MNGON BAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS RTZE MO'I MNGON PAR RTOGS PA'O,, ,,DA NI MTHAR GYIS GNAS PA'I MNGON PAR RTOGS PA BRJOD PAR BYA STE, GAL TE DE LTAR RTOGS PA'I CHOS NI DNGOS PO MED PA'I NGO BO NYID YIN NA, BCOM LDAN 'DAS JI LTAR SHES RAB KYI PHA ROL TU PHYIN PA LA SPYOD NA MTHAR GYIS SPYOD PA DANG, MTHAR GYIS SLOB PA DANG, MTHAR GYIS NAN TAN DU BGYI BAR 'TSAL ZHING ZHES ZHUS PA GSUNGS PA NI, MTHAR GYIS PA'I MNGON BAR RTOGS PA NYE BAR DGONGS PA'I DON YIN NO, ,DE LA SEMS BSKYED PA SHES PAR BYA BA'I DON DU SPYOD PA SMOS SO, ,NGES PAR 'BYED PA'I CHA DANG MTHUN PA, SHES PAR BYA BA'I DON DU NI BSLAB PA SMOS SO, ,MTHONG BA'I LAM DANG BSGOM PA'I LAM SHES PA'I DON NI NAN TAN DU BYA BA SMOS SO, , MNGON BAR RTOGS PA'I GO RIMS SHES PAR BYA BA'I PHYIR, GSUM CHAR SMOS PA YIN NO, ,RAB 'BYOR 'DI LTAR BYANG CHUB SEMS DPA' SEMS DPA' CHEN POS THOG MAR SANGS RGYAS BCOM LDAN 'DAS RNAMS DANG ZHES BYA BA RNAMS BRTZAMS TE, GAL TE BDAG BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR SANGS RGYAS KYANG RUNG MA RGYAS KYANG RUNG STE, CHOS THAMS CAD DNGOS PO MED PA NYID KYIS ZHES NGES PAR BZUNG BA LA, SEMS CAN DNGOS PO'I 'DU SHES CAN LA SPYOD PA THAMS CAD DE LAS BZLOG PAR BYA BA'I PHYIR, BLA NA MED PA YANG DAG PAR RDZOGS PA'I BYANG CHUB LA 'JUG CING MTHAR GYIS SPYOD PA LA SOGS PA BRTZON PAR BSTAN PAS, MNGON PAR RTOGS PA'I GO RIMS KYIS GZHAN GYI DON BYA BA'I THABS YIN BAR BRDAR BYAS PA'I DNGOS PO'I DNGOS PO SHES PAR BYA BA'I PHYIR RO ZHES BSTAN PA YIN NO, , MTHAR GYIS PA'I MNGON BAR RTOGS PA DE YANG RNAM PA BCU GSUM DU SHES PAR BYA'O, ,JI LTA ZHE NA, SBYIN DANG SHES RAB BAR DAG DANG, ,SANGS RGYAS LA SOGS DRAN DANG CHOS, ,DNGOS MED NGO BO NYID KYIS TE, ,MTHAR GYIS PA YI BYA BAR BZHED, ,CES BSTAN PA YIN NO, ,DE LA @157A *, ,SBYIN PA'I PHA ROL TU PHYIN PA'I MNGON BAR RTOGS PA NI, GANG DE SBYIN PA'I PHA ROL TU PHYIN PA LA MNGON BAR SPYOD PA'I TSE, BDAG KYANG SBYIN PA YONGS SU GTONG BA'I TSE ZHES BYA BA NAS BRTZAMS TE, SBYIN PA MTHAR GYIS SPYOD PA'I BYA BA LA 'JUG PA SHES PAS SO ZHES BSTAN PA YIN NO, ,TSUL KHRIMS KYI PHA ROL TU PHYIN PA NI GANG BDAG KYANG TSUL KHRIMS KYI PHA ROL TU PHYIN PA LA SPYOD DO ZHES BYA BA NAS BRTZAMS TE, TSUL KHRIMS KYIS MTHAR GYIS SPYOD PA LA 'JUG PA LA SOGS PA LA SHES PA'I PHYIR RO ZHES BSTAN PA YIN NO, ,BZOD PA'I PHA ROL TU PHYIN PA NI GANG BDAG KYANG BZOD PA'I PHA ROL TU PHYIN PA LA SPYOD DO ZHES BYA BA NAS BRTZAMS TE, BZOD PAS MTHAR GYIS SPYOD PA'I SHES PA LA 'JUG PA DANG, DE BZHIN DU BRTZON 'GRUS DANG, BSAM GTAN DANG, SHES RAB STE, PHA ROL TU PHYIN PA'I SPYOD PA RE RE ZHING MTHAR GYIS PA'I RNAM PAR 'PHEL BAR RE RES MTHAR GYIS PA'I MNGON BAR RTOGS PA'O ZHES BSTAN PA YIN NO, ,SANGS RGYAS RJES SU DRAN PA'I MNGON BAR RTOGS PA NI GANG YANG DE SEMS DANG PO BSKYED PA NYID KYI TSE, RNAM PA THAMS CAD MKHYEN PA NYID DANG LDAN PA'I YID LA BYA BAS, CHOS THAMS CAD DNGOS PO MED PA'I NGO BO NYID DU LHAG PAR MOS SHING, DE BZHIN GSHEGS PA LA GZUGS KYI SKU LA SOGS PAR BYED PA LA MI BYED PAS, SANGS RGYAS RJES SU DRAN PA MED PA NI SANGS RGYAS RJES SU DRAN PA'O, ,DE CI'I PHYIR ZHE NA, GZUGS LA NGO BO NYID MED PAS DNGOS PO MED PA NYID YIN NO, ,DE CI'I PHYIR ZHE NA, DRAN PA MED CING YID LA BYED PA MED PA NI SANGS RGYAS RJES SU DRAN PA NYID YIN PA DANG, DE BZHIN DU RE RE ZHING RGYU'I DRUG PA'I SBYOR BA GNYIS YIN NO, ,DE NI MTSAN DANG DPE BYAD PA LA SOGS PA'I YID LA MI BYED PA'I SANGS RGYAS RJES SU DRAN PA DANG; DE BZHIN DU TSUL KHRIMS KYI PHUNG PO LA SOGS PA YID LA MI BYED PAS DE RJES SU DRAN PA DANG, DE BZHIN DU STOBS BCU LA SOGS PA YID LA MI BYED PAS DE RJES SU DRAN PA DANG, RTEN CING 'BREL BAR 'BYUNG BA YID LA MI BYED PAS, DE RJES SU DRAN PA ZHES BSTAN PA'I @157B SANGS RGYAS RJES SU DRAN PA RNAM PA LNGAS DE BSHAD PA BYAS PA YIN NO, ,DE LA DANG POS NI SEMS BSKYED PA'O, ,LHAG MA BZHIS NI NGES PAR 'BYED PA'I CHA DANG MTHUN PA BZHIS YIN TE, DE LTAR BSLABS SHING DRAN PA NYE BAR GZHAG PA LA SOGS PA'I BYANG CHUB KYI PHYOGS YONGS SU RDZOGS TE, MTHONG BA'I LAM NAS RNAM PA THAMS CAD MKHYEN PA NYID KYI YE SHES YONGS SU RDZOGS PA NI BSGOM PA'I LAM ZHES BYA STE, DE LTAR DNGOS PO MED PA'I NGO BO NYID NI YOD DU ZIN KYANG THAR PA'I SPYOD PA LA SOGS PA RAB TU SHES PA NI SANGS RGYAS RJES SU DRAN PA BSGOM PAR RTOGS PAR BYA'O, ,DE BZHIN DU DGE BA DANG, MI DGE BA DANG, LUNG MA BSTAN LA SOGS PA'I CHOS YID LA MI BYED PA NI CHOS RJES SU DRAN PA'O, ,SKYES BU ZUNG BZHI DNGOS PO MED PA'I NGO BO NYID DU RAB TU BSGOMS PAS DNGOS PO MED PA NYID DU YID LA BYED PAS RJES SU DRAN PA YID LA BYA BA MED PA NI DGE 'DUN RJES SU DRAN PA'O, ,DANG PO SEMS BSKYED PA NAS BZUNG STE, MA RAL BA DANG, MA ZHIG PA DANG, MA 'DRES PA DANG, SKYON MED PA DANG, MA NYAMS PA, MTHU DANG LDAN PA, MKHAS PAS BSNGAGS PA, SHIN TU RTOGS PA TING NGE 'DZIN YONGS SU BSGRUB PA'I TSUL KHRIMS LA GNAS PA YIN TE, DE TSUL KHRIMS DE DNGOS PO MED PA'I NGO BO NYID DU YID LA BYED PA'I RJES SU DRAN PA'I YID LA MI BYED PA NI TSUL KHRIMS RJES SU DRAN PA'O, ,DE LA THEG PA GZHAN LA MI RTEN PA NYID KYIS NA MA RAL PA'O, ,YANG SRID PAR SKYE BA RNAM PAR SPANGS PAS RNAM PAR MA ZHIG PA'O, ,SKYE BO NGAN PA DANG, NYON MONGS PA DANG, MA 'DRES PA NYID KYIS RNAM 'DRES PA'O, ,DKAR PO'I CHOS KYI CHA GCIG TU RNAM PAR 'PHEL BA NA SKYON MED PA'O, ,SKYE BAR SMON LAM MI 'DEBS PA NYID KYIS NA MA NYAMS PA'O, ,JI LTAR 'GRO BAR 'DOD PA NYID KYIS NA MTHU DANG LDAN PA'O, ,MKHAS PA RNAMS KYIS MA SMAD PAS NA MKHAS PAS BSNGAGS PA'O, ,DBANG PO RNAM BSANGS PAS NA SHIN TU RTOGS PA'O, ,BSAM GTAN GYI YAN LAG GI TSOGS RGYAS PA NYID KYIS NA TING NGE 'DZIN YONGS SU BSGRUB @158A *, ,PA'O; ,CHOS DANG ZANG ZING GI SBYIN PA BDAG LA DNGOS PO MED PA'I NGO BO NYID DU YID LA BYED PAS RJES SU DRAN PA YID LA BYED PA MED PA NI GTONG BA RJES SU DRAN PA'O, ,'DOD PA NA SPYOD PA'I LHA'I RIS DRUG TU SKYES PA'I RGYUN DU ZHUGS PA DANG, GZUGS DANG GZUGS MED PA NA SPYOD PA'I PHYIR MI 'ONG BA DAG DNGOS PO MED PA'I NGO BO NYID DU YID LA BYED PAS RJES SU DRAN PA YID LA BYED PA MED PA NI LHA RJES SU DRAN PA STE, MTHAR GYIS PA'I SPYOD PA LA SOGS PA SHES PAS SO ZHES BSTAN PA YIN NO, ,GAL TE DE LTA YIN NA, MDO SDE GZHAN LAS LHA'I RIS GNYIS RJES SU DRAN PAR BYAS TE, DGA' LDAN DANG, GTZANG MA'O ZHES GSUNGS PA DE JI LTAR DRANG ZHE NA, DE NI MA 'DRES PA'I GANG ZAG LA DGONGS NAS GSUNGS PA YIN PAS NYES PA MED DO, ,CHOS RNAMS LA DNGOS PO MED PA'I NGO BO NYID DU SHES PAS MTHAR GYIS PA'I MNGON BAR RTOGS PA NI, DE LTAR DNGOS PO MED PA'I NGO BO NYID KYI TSUL GYIS PHA ROL TU PHYIN PA DRUG DANG, STONG PA NYID THAMS CAD DANG, BYANG CHUB KYI PHYOGS RNAMS DANG, 'PHAGS PA'I BDEN PA BZHI DANG, BSAM GTAN DANG, TSAD MED PA DANG, GZUGS MED PA'I SNYOMS PAR 'JUG PA DANG, RNAM PAR THAR PA DANG, MTHAR GYIS GNAS PA'I SNYOMS PAR 'JUG PA DANG, RNAM PAR THAR PA'I SGO DANG, MNGON BAR SHES PA DANG, TING NGE 'DZIN DANG, GZUNGS KYI SGO DANG, STOBS DANG, MI 'JIGS PA LA SOGS PA DANG, SNYING RJE CHEN PO LA SLOB PA NA DNGOS PO MED PA'I NGO BO NYID KYIS MTHAR GYIS SPYOD PA LA SOGS PA SHES PAS SO ZHES BSTAN PA YIN NO, ,CHOS THAMS CAD DNGOS PO MA MCHIS PA'I NGO BO NYID LAGS NA NI GANG THAMS CAD MED PA'I PHYIR GCIG TU CHAD PAR SMRA BAR THAL BAR 'GYUR BA DANG, CHOS THAMS CAD DNGOS PO MED PA'I NGO BO BO NYID LA YOD PA'AM, MED PA MI DMIGS PAR DE'I LAN GSUNGS PA DANG, RANG NYID LA NE MA NUR MED KYANG MA 'ONGS PA'I 'GRO BA LA LTOS NAS GNAS BRTAN RAB 'BYOR GYIS ZHUS PA DANG, DNGOS PO MED PA'I NGO BO NYID LAGS NA NI SEMS CAN RNAMS KYI DON GYI SLAD DU, BLA NA MED @158B PA YANG DAG PAR RDZOGS PA'I BYANG CHUB TU 'JUG PA MED PA ZHE NA, DMIGS PA'I 'DU SHES CAN LA THOB PA DANG MNGON BAR ZHE NA, DMIGS PA'I 'DU SHES CAN LA THOB PA DANG MNGON BAR RTOGS PA BKAG PA DANG MI DMIGS PA NYID KYIS CHOS KYI DBYINGS 'KHRUGS PA MED PA DANG, DE THOB PA DANG MNGON BAR RTOGS PA NYID YIN PA DANG, DE LTA YIN NA SA BCU LA SOGS PA GZHAG PA MED PA DANG, DE NYID KYI PHYIR MNGON BAR 'DOD PA YANG DAG PAR 'GRUB PA DANG, MA DMIGS PA LA SBYIN PA LA SOGS PA THA DAD DU BYA BA BKAG PA DANG, DE MI DMIGS PAR SGOM PAR BYED PA'I KHYAD PAR SHES PAS BLA NA MED PA YANG DAG PAR RDZOGS PA'I BYANG CHUB TU MNGON BAR RDZOGS PAR 'TSANG RGYA BAR 'GYUR BA NYID KYI PHYIR RO ZHES BSTAN PA YIN NO, ,DE DE LTAR BYAS NA, MTHAR GYIS PA, RNAM GSUM RNAM BCU ZHES BSTAN PA DE 'THAD BA DANG BCAS PAR SHES PAR BYA'O, ,MNGON BAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS, MTHAR GYIS PA'I MNGON BAR RTOGS PA'I RNAM PAR 'GREL PA'O,, ,,DA NI SEMS KYI SKAD CIG MA GCIG PA'I MNGON PAR RTOGS PA BRJOD PAR BYA STE, GANG BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, SEMS BSKYED PA GCIG GIS PHA ROL TU PHYIN PA DRUG YONGS SU 'DZIN PA LAGS ZHES ZHUS PAS, SKAD CIG MA GCIG PA'I MNGON PAR RDZOGS PAR BYANG CHUB PAR RTOGS PAR NYE BAR BKOD PA'I DON GYIS SO ZHES BSTAN PA YIN NO, ,SKAD CIG MA GCIG GI MNGON BAR BYANG CHUB PA DE YANG RNAM PA BZHIR SHES PAR BYA STE, SBYIN PA LA SOGS PA ZAG PA MED PA GANG YANG RUNG BA'I ZAG PA MED PA'I CHOS THAMS CAD SKAD CIG MA GCIG GIS BSDUS PA'I MTSAN NYID GANG YIN PA'I DBANG DU MDZAD NAS, SBYIN PA LA SOGS PA RE RES KYANG, ,ZAG MED CHOS KUN BSDUS PA'I PHYIR, ,THUB PA'I SKAD CIG GCIG PA YI, ,RTOGS PA 'DI NI SHES PAR BYA, ,ZHES BSTAN PAS NI GANG SHES RAB KYI PHA ROL TU PHYIN PAS YONGS SU @159A *, ,ZIN PA'I SBYIN PA LA SOGS PA'I PHA ROL TU PHYIN PA NAS, DPE BYAD BZANG PO BRGYAD CU'I BAR YONGS SU 'DZIN PA DANG, GNYIS SU MED PA'I 'DU SHES NI SKAD CIG MA GCIG GIS MNGON PAR RDZOGS PA'I PHYIR RO, ,DKAR PO'I CHOS THAMS CAD KHONGS SU 'DUS PA NYID KYIS ZAG PA MED PA'I CHOS LA GNAS PA NI CI ZHIG GIS SBYIN PAR BYA ZHES MTSAN MA DE MI MTHONG BAR SBYIN PA GTONG BA NI, CHOS THAMS CAD DMIGS SU MED PA'I RNAM PAS SKAD CIG MA GCIG PA'I MNGON PAR RTOGS PA NYID YIN PA DANG, DE LTA YIN NA MTSAN MA MED PA DANG, MNGON BAR 'DUS MA BYAS PA LA SOGS PAS NI, PHA ROL TU PHYIN PA LA SOGS PA YONGS SU RDZOGS PA MED PAR THAL BAR 'GYUR BA DANG, KHYED KYI SBYIN PA DE LTAR PHAN PA MED PA, MI BRTEN PA DES CI ZHIG BYA ZHES ZER NA ZHES BYA BA SLU BA YIN DU ZIN KYANG MI DMIGS PAR YONGS SU BSNGO BA DANG, SBYIN PA LA SOGS PA LAS YONGS SU LDOG PAR MI BYED PAR NI GZHAN 'PHRUL DBANG BYED KYI DPES PHA ROL TU PHYIN PA THAMS CAD LA SOGS PA RNAM PAR BYANG BA'I PHYOGS YONGS SU RDZOGS PAR GSUNGS PAS DE'I LAN BTAB PA DANG, DE BZHIN DU TSUL KHRIMS LA SOGS PA'I PHA ROL TU PHYIN PA RNAMS LA RGYA CHER MDO JI LTA BA BZHIN DU BRJOD PAR BYA'O, ,'DI'I MDO NI, RAB 'BYOR 'DI LTA STE DPER NA, GZHAN 'PHRUL DBANG BYED KYI LHA'I YO BYAD PHUN SUM TSOGS PA THAMS CAD NI BSAMS PA TZAM GYIS 'BYUNG NGO, ,RAB 'BYOR DE BZHIN DU BYANG CHUB SEMS DPA' SEMS DPA' CHEN PO'I YO BYAD PHUN SUM TSOGS PA THAMS CAD KYANG BSAMS PA TZAM GYIS PHA ROL TU PHYIN PA RNAMS YONGS SU RDZOGS PAR 'BYUNG NGO ZHES BYA BA LA SOGS PAS SO ZHES BSTAN PA YIN NO, ,YANG JI LTAR NA ZAG PA MED PA'I CHOS GCIG DMIGS NAS BSGOM PA NI ZAG PA MED PA'I CHOS THAMS CAD SDUD PA YIN ZHE NA, DON 'DI LA 'JIG RTEN PA'I DPE BYAD KYANG RE ZHIG BSTAN DGOS SO, ,JI LTAR SKYES BUS ZO CHUN BRGYUD, ,RDOG THABS GCIG GIS BSKYOD PA NA, ,THAMS @159B CAD CIG CAR 'GUL BA LTAR, ,SKAD CIG GCIG SHES DE BZHIN NO, ,ZHES BSTAN PA NI SNGON GYI 'PHEN PA'I SHUGS KYIS ZHES BYA BA NI DE'I DGONGS PA YIN NO, ,RNAM PAR SMIN PA'I CHOS NYID GNAS SKABS KYI ZAG PA MED PA'I CHOS THAMS CAD SKAD CIG MA GCIG GIS MNGON BAR RDZOGS PAR BYANG CHUB PA'I DBANG DU MDZAD NAS, GANG TSE CHOS DKAR THAMS CAD KYI, ,RANG BZHIN SHES RAB PHA ROL PHYIN, ,RNAM SMIN CHOS NYID GNAS SKABS SKYES, ,DE TSE SKAD CIG GCIG YE SHES, ,ZHES BSTAN PA NI GANG RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE YANG DAG PA'AM, YONGS SU GRUB PA'I CHOS GANG YANG DAG PAR RJES SU MTHONG BA MED DE ZHES BYA BA NAS BRTZAMS TE, RNAM PAR SMIN PA LAS BYUNG PA'I PHYOGS THAMS CAD CHOS NYID KYI GNAS SKABS SU MTSAN MA MED PA'I SBYOR BAS SHES RAB KYI PHA ROL TU PHYIN PA YONGS SU RDZOGS PA'I PHYIR, SKAD CIG MA GCIG GIS MNGON PAR RTOGS PA NYID KYIS NA, RNAM PAR SMIN PA DUS GCIG TU SKYES PA DANG MI 'GAL BAR SHES PAR BYED PA'I PHYIR ZHES RGYA CHER GSUNGS SO ZHES BSTAN PA YIN NO, , MTSAN MA MED PA'I CHOS THAMS CAD SKAD CIG MA GCIG LA MNGON PAR RTOGS PA GANG YIN PA'I DBANG DU MDZAD NAS, SBYIN LA SOGS PA'I SPYOD PA YIS, ,CHOS KUN RMI LAM 'DRAR GNAS NAS, ,CHOS RNAMS MTSAN NYID MED PA NYID, ,SKAD CIG MA NI GCIG GIS RTOGS, , ZHES BSTAN PA NI JI SKAD DU BSHAD PA'I PHAN TSUN THA DAD PA'I CHOS KYI MTSAN NYID CHOS GCIG GI KHONGS SU 'DUS PA MI 'THAD PAS, SKAD CIG MA GCIG MNGON PAR RTOGS PA MED PAR THAL BAR 'GYUR LA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, RMI LAM LTA BU'I NYE BAR LEN PA'I PHUNG PO LNGA LA GNAS SHING, SBYIN PA YONGS SU GTONG NGO ZHES BYA BA NAS BRTZAMS TE, CHOS THAMS CAD MTSAN NYID MED PAR SHES SO ZHES BYA BA'I BAR DU RGYA CHER GSUNGS PAS, CHOS THAMS CAD MTSAN MA @160A *, ,MED PAR SKAD CIG MA GCIG LA MNGON PAR RTOGS PA NYID YIN PA'I PHYIR RO, ,RMI LAM LTA BU ZHES BYA BA NI RMI LAM GYI RANG BZHIN NO, ,MTSAN NYID MED PA ZHES BYA BA NI DNGOS PO MED PA STE, 'DI LTAR CHOS MTHUN PA'I DPE DON YIN NO, ,SBYIN PA LA SOGS PA DE'I DUS SU BAR CHAD DANG BCAS PA DANG, BAR CHAD MED PAR STONG PA NYID YID LA BYED PAS KUN TU SPYOD PA'I PHYIR TE, CHOS BSAGS PA YANG DGOS PAR SHES PAR BSAM PA DANG BCAS PA DANG, RTOGS PA'I GNAS SKABS SU NI CHOS RNAMS RO GCIG PA NYID YIN PA'I PHYIR RO, , DBYE BA MED PA NYID KYI PHYIR NGO BO NYID KYI DON RTOGS PAR 'GYUR RO, ,DE PHUNG PO RNAMS NI SHIN TU MYA NGAN LAS 'DAS PA'O, ,BYANG CHUB KYANG RMI LAM LTA BU SHIN TU MYA NGAN LAS 'DAS PA ZHES JI SKAD GSUNGS PA LTA BU YIN PAS, PHUNG PO RNAMS DANG BYANG CHUB NI GNYIS SU MED CING GNYIS SU BYAR MED DO ZHES BSTAN PA YIN NO, ,DE BZHIN DU RMI LAM LA SOGS PA'I DPES TSUL KHRIMS KYI PHA ROL TU PHYIN PA LA SOGS PA LNGA PO MDO JI LTA BA BZHIN DU BRJOD PAR BYA'O, ,GNYIS SU MED PA'I MTSAN NYID CHOS THAMS CAD SKAD CIG MA GCIG LA MNGON BAR RTOGS PA'I DBANG DU MDZAD NAS, RMI LAM DANG NI DE MTHONG NYID, ,GNYIS KYI TSUL DU MI MTHONG LTAR, ,CHOS RNAMS GNYIS SU MED PA YI, ,DE NYID SKAD CIG GCIG GIS MTHONG, ,ZHES BSTAN PA NI RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, RMI LAM MI MTHONG, RMI LAM MTHONG BA MI MTHONG NGO ZHES BYA BA NAS BRTZAMS TE, DE NI CHOS DE DAG DANG SHES RAB KYI PHA ROL TU PHYIN PA 'DI LA GNYIS SU MED DE GNYIS SU BYAR MED DO ZHES BYA BA NAS BRTZAMS TE, CHOS THAMS CAD GNYIS MED PA'I MTSAN NYID KYIS SKAD CIG MA GCIG LA MNGON PAR RTOGS PA NYID DANG, CHOS THAMS CAD DBYER MED MI DGE BA'I CHOS BSTAN BA MED PAR THAL BAR 'GYUR BA DANG, DE BRJOD PA DE 'JUG PA'I RGYU BTZAL BA'I DON DANG, CHOS RNAMS KYI CHOS NYID BRJOD DU MED @160B PA NYID KYI PHYIR TE, DE BZHIN DU CHOS THAMS CAD KYI RANG BZHIN LA MKHAS PA NI CHOS KYI SKUR BRTAGS PA 'BYOR PA NYID YIN PA'I PHYIR RO ZHES BSTAN PA YIN NO, ,DE LTAR BYAS NA SKAD CIG MA, ,GCIG GIS MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,ZHES BSTAN PA; DE 'DAS PA'I 'BREL PA YIN PAR BLTA BAR BYA'O, ,SKAD CIG MA GCIG GIS MNGON PAR RTOGS PA'I DON NI 'PHAGS PA NYAN THOS KYI SDUG BSNGAL LA SDUG BSNGAL DU YID LA BYED PA DANG, KUN 'BYUNG LA KUN 'BYUNG ZHES BYA BA NAS, LAM LA LAM DU YID LA BYED PA'I BAR DU ZAG PA MED PA'I YID LA BYED PA DANG, YANG DAG PAR LDAN PA'I CHOS RNAMS LA RNAM PAR DPYAD DO ZHES BYA BA LA SOGS PA GSUNGS PA'I MDO DANG 'GAL LO ZHE NA, DE NI 'PHAGS PA NYAN THOS KYI YIN PAR SHES PAS KHO BO CAG DANG 'GAL BA MED DE, 'DI NI BYANG CHUB SEMS DPA'I MNGON BAR RTOGS PA YIN NO, ,'DIR MKHAS PA RNAMS KYIS BRJOD PAR BYA BA MANG DU YOD MOD KYI SKAD CIG MA GCIG LA MNGON BAR BYANG CHUB PA'I MTSAN NYID BDAG GIS NYE BAR SBYAR BA'I RJES SU 'BRANGS TE, DE LTA BU 'KHOR BA THOG BA MED PA GCIG NAS GCIG TU BRGYUD PAR GOMS PAS RAB TU ZHEN CI BSNGAGS PA'I NYE BAR DMIGS PA LA MNGON BAR ZHEN PA'I DUG GIS ZIN PA LAS BZLOG PA LA 'BAD PAR BYA BA'I RIGS SO, ,MNGON BAR RTOGS PA'I DON CI ZHIG YIN ZHE NA, MNGON BAR RTOGS PA ZHES BYA BA NI MNGON DU 'PHAGS PA'O, ,SAM GYI SGRA NI NGES PAR BRJOD PA'O, ,AA'I SGRA NI 'GRO BA'I DON NO, ,'DI SKAD STON PA YIN TE, MNGON DU PHYOGS PAS YANG DAG PA JI LTA BAR NGES PAR 'GRO BA'I YE SHES RTOGS PA NI MNGON BAR RTOGS PA ZHES BYA'O, ,MNGON BAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS, SKAD CIG MA GCIG GIS MNGON BAR RTOGS PA'I RNAM PAR 'GREL PA'O,, ,,DA NI CHOS KU SKU BRJOD PAR BYA STE, DE YANG SKU GSUM DU SHES PAR BYA STE, NGO BO NYID KYI SKU DANG, LONGS SPYOD RDZOGS PA'I SKU DANG, SPRUL PA'I SKU'O, ,GANG GI PHYIR NGO BO NYID KYI SKU'I DBANG DU MDZAD NAS, THUB PA'I @161A *, ,NGO BO NYID SKU NI, ,ZAG PA MED CHOS RNAM KUN DU, ,RNAM PAR DAG 'GYUR GANG DAG YIN, ,DE DAG DE YI RANG BZHIN CAN, ,ZHES BSTAN PA NI ZAG PA MED PA'I CHOS THAMS CAD RNAM PA THAMS CAD DU RNAM PAR DAG PA'I CHOS DBYINGS YANG DAG PA'I RANG BZHIN TE, NGO BO NYID GANG YIN PA 'DI NI BCOS MA MA YIN PA'I DON GYIS NA, BCOM LDAN 'DAS KYI NGO BO NYID KYI SKU YIN PAR SHES PAR BYA STE, NGO BO NYID CES BYA BA NI BCOS MA MA YIN PAR 'JIG RTEN LA GRAGS SO, ,'JIG RTEN LAS 'DAS PA'I LAM NI DE THOB PAR BYED PA PO NI MA YIN NO, ,GANG YANG RNAM PA THAMS CAD DU RNAM PAR DAG PA'I NGO BO NYID DE, CHOS KYI SKU ZAG PA MED PA'I CHOS RNAMS KYANG GANG ZHE NA, BYANG CHUB PHYOGS MTHUN TSAD MED DANG, ,RNAM PAR THAR DANG MTHAR GYIS NI, ,SNYOMS 'JUG DGU YI BDAG NYID DANG, ,ZAD PAR BCU YI BDAG NYID DANG, ,ZIL GYIS GNON PA'I SKYE MCHED NI, ,RAB TU DBYE BA RNAM BRGYAD DANG, ,NYON MONGS MED DANG SMON MED DANG, ,MNGON MKHYEN SO SO YANG DAG RIG ,RNAM PA THAMS CAD DAG BZHI DANG, ,DBANG BCU DANG NI STOBS BCU DANG, ,MI 'JIGS PA NI BZHI DAG DANG; ,BSRUNG BA MED PA GSUM DAG DANG, ,DRAN PA NYER GZHAG RNAM GSUM DANG, ,BSNYEL BA MED PA'I CHOS NYID DANG, ,BAG CHAGS YANG DAG BCOM PA DANG, ,SKYE LA THUGS RJE CHEN PO DANG, ,THUB PA KHO NA'I MA 'DRES CHOS, ,BCO BRGYAD BSHAD PA GANG YIN DANG, ,RNAM PA PA THAMS CAD MKHYEN NYID DANG, ,CHOS KYI SKU ZHES BRJOD PA YIN, ,ZHES BSTAN PA LA, BDAG NYID PHYIS PAS CHOS KYI SKU LA CHOS KYI SKU ZHES BYA'O, ,GZHAN DU NA CHOS KYI SKU NI CHOS KYI SKU'O ZHES BYAS PA NA NGO BO NYID BKAG PAR GYUR PA DANG, SKU'I DON BSAGS PA LA YANG 'GRO BAS 'DUS BYAS SU 'GYUR BA'I NYES PA YOD DO, ,DE BAS NA SKU ZHES BRJOD PA DE LA SNGON GYI GNAS SKABS KYI RJES SU 'BRANGS PA'I NYE BAR GDAGS PA YIN PAR SHES PAR BYA'O, ,DE LA BYANG CHUB KYI PHYOGS DRAN PA NYE BAR GZHAG PA LA SOGS PA NI BSHAD PA DANG BCAS PA'I SKABS @161B RGYAS PAR LAM GYI TSOGS LAS, JI SKAD DU BSHAD PA DE BZHIN DU SHES PAR BYA'O, ,TSAD MED PA NI BYAMS PA LA SOGS PA STE, TSAD MED PA LA 'JUG PA LAS JI SKAD DU BSHAD PA'O, ,RNAM PAR THAR PA BRGYAD NI GZUGS CAN GZUGS LA BLTA BA 'DI NI DANG PO'O, , NANG DU GZUGS SU 'DU SHES PAS PHYI ROL GYI GZUGS RNAMS LA BLTA BA 'DI NI GNYIS PA'O, ,SDUG PA'I RNAM PAR THAR PA LUS KYI MNGON SUM DU BYAS NAS, RDZOGS PAR BYAS TE GNAS PA 'DI NI GSUM PA'O, ,NAM MKHA' MTHA' YAS PA DANG, ,RNAM SHES MTHA' YAS PA DANG, CI YANG MED PA DANG, 'DU SHES MED 'DU SHES MED MIN SKYE MCHED CES BYA BA'I RNAM PAR THAR PA BZHI DANG, 'DU SHES DANG, TSOR BA 'GOG PA'I ZHES BYA BA GCIG TE, DE LTAR NA BRGYAD DU 'GYUR RO, ,DE LA ZAD PA DANG, YONGS SU CHAD PA DANG, KUN DU BSKOR BAS 'DI'I MTHA' YOD PA MA YIN PAS, NAM MKHA' MTHA' YAS PA'I PHYIR, NAM MKHA' MTHA' YAS PA STE, 'DI NI NAM MKHA' RGYUR BYAS PA'O, ,NAM MKHA' MTHA' YAS PA DE LA BSAM GTAN BRTEN PA'I DON GYIS NI SKYE MCHED DE, LHA RNAMS KYI GNAS DANG 'DRA BAS NA NAM MKHA' MTHA' YAS SKYE MCHED DO, ,RNAM PAR SHES PA MTHA' YAS PA NYID NI RNAM SHES MTHA' YAS SKYE MCHED DO, ,DE YONGS SU CHAD PA DANG, KUN DU BSKOR BAS 'DI'I MTHA' YAS PA MA YIN PAS RNAM SHES MTHA' YAS SO, ,MING NAS NAM MKHAR RNAM PAR SHES PA 'JUG PAS TE SNGA MA BZHIN NO, , 'DI'I RNAM PAR SHES PA MTHA' YAS PA YIN PAS NA RNAM SHES MTHA' YAS SKYE MCHED DO, ,'DI LA YAN LAG TZAM YANG LUS PA MED PAS NA CI YANG MED PA STE, RNAM SHES MTHA' YAS SKYE MCHED DANG, RNAM PAR SHES PA DANG BRAL BA LA DE SKAD CES MING BTAGS PA YIN NO, ,BSAM GTAN 'DI YANG MED PA LA BRTEN PAS NA, CI YANG MED PA'I SKYE MCHED CES BYA BA LA SOGS PA NI SNGA MA BZHIN NO, ,RGYA CHE BA'I 'DU SHES NI MED LA PHRA MO NI YOD PAS NA, 'DU SHES MED 'DU SHES MED MIN TE, DE DANG YANG DAG PAR LDAN PA'I @162A *, ,BSAM GTAN NI 'DU SHES MED 'DU SHAS MED MIN NO, ,'DU SHES MED 'DU SHES MED MIN YANG YIN LA, DE NI CHOS KYI SKYE MCHED DU GTOGS PA NYID KYI SKYE MCHED KYANG YIN PAS NA 'DU SHES MED 'DU SHES MED MIN SKYE MCHED CES BYA'O, ,'DI DAG THAMS CAD KYANG DMIGS PA LAS YANG DAG PAR 'DA' BA NYID KYIS 'THOB KYI, YAN LAG LAS 'DAS PA NI MA YIN NO, ,DPER NA BSAM GTAN DANG PO LA SOGS PA DANG, ZAD PAR SA LA SOGS PA DMIGS PA GCIG LA DMIGS PA MA SPANGS PAR RTOGS PA LA SOGS PA'I YAN LAG LAS YANG DAG PAR 'DAS PAR GYUR PA YIN NA, 'DI RNAMS NI DE LTA MA YIN NO, ,GANG GZUGS KYI MTSAN MA LAS 'DAS PA DANG PO'O, ,NAM MKHA' LAS 'DAS PA NI GNYIS PA'O, ,NAM MKHAR ZHUGS PA'I RNAM PAR SHES PA LAS 'DAS PA NI GSUM PA'O; ,NAM MKHAR ZHUGS PA'I RNAM PAR SHES PA DNGOS PO MED PA LAS 'DAS PA NI BZHI PA'O, ,DE LTAR NA 'DI DAG THAMS CAD DMIGS PA 'DI LAS 'DAS PA NYID LAS THOB KYI YAN LAG LAS 'DAS PAS NI MA YIN TE, DE DAG THAMS CAD KYANG BTANG SNYOMS DANG, SEMS RTZE GCIG PA NYID LA RAG LAS PA YIN PAS DE DAG GI YAN LAG GNYIS PA'O, ,JI LTAR SPOM PA DANG, PHRA BA DANG, RAB TU PHRA BA DANG, SHIN TU PHRA BA'I DOG PA LAS CHU DANG, ZHENG MNYAM PA'I RAS GOS BZHI PO LA TSAD KYI KHYAD PAR MED DU ZIN KYANG, BDE BA'I REG PA DANG BRAL BA'I NGO BO DANG, CHE BA NYID KYIS SNGA MA LAS CIG SHOS DANG, PHYI MA LAS PHYI MA PHUL DU BYUNG BAR GYUR PA YIN NO, ,DE BZHIN DU 'DI DAG GI KHYAD PAR MED DU ZIN KYANG BSGOM PA'I KHYAD PAR GYIS PHRA BA DANG, ZHI BA'I NGO BO NYE BAR DMIGS PA'I PHYIR SNGA MA LAS PHYI MA CIG SHOS DAG TU PHUL DU BYUNG BA DANG, MCHOG TU PHUL DU BYUNG BA NYID YIN PAR SHES PAR BYA'O, ,RNAM PAR THAR PA'I LHAG MA BSHAD PA NI, RNAM PA THAMS CAD MNGON PAR RDZOGS PAR RTOGS PAR JI SKAD BSHAD PA BZHIN NO, ,MTHAR GYIS GNAS PA'I SNYOMS PAR 'JUG PA DGU NI BSAM GTAN @162B BZHI DANG, GZUGS MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA ZHES BYA'O, ,ZAD PAR GYI SKYE MCHED BCU NI 'DI LTA STE, SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO STE ZAD PAR BRGYAD DANG, ZAD PAR RNAM PAR SHES PA DANG, ZAD PAR NAM MKHA' ZHES BYA'O, ,DE LA ZAD PAR SA NI RNAL 'BYOR GOMS PA GANG ZHIG DBANG DU GYUR PAS BSAM GTAN DANG TING NGE 'DZIN LAS 'DAS NAS SGRIB PA CUNG ZAD LUS PAS SNYOMS PAR 'JUG PAS NA RNAM PAR RTOG PA RAGS PA'I PHYIR, YAN LAG NYAM CHUNG BA ZHES BYA BA'I NYES PA DE MTHONG NAS, BSAM GTAN GNYIS PA ZHI BA NYID DU YID LA BYED PAS DE GNYIS PA RTOGS PAR BYA BA'I PHYIR, DANG PO LA 'DOD PA MED PA YONGS SU BZUNG NAS BSAM GTAN GYI YAN LAG LA SO SOR RNAM PAR RTOG PA NA RNAM PAR RTOG PA TZAM GYI RAGS PA LAM SPYOD PA LA SOGS PA ZHI BA NYID DU NYE BAR GNAS SO, ,DE'I TSE RAGS PA'I YAN LAG SPANG BAR BYA BA'I PHYIR DANG, MTSAN MA DE NYID SA YIN NO ZHES YANG DANG YANG DU YID LA BYED PAS ZAD PAR SA LA RNAM PAR 'JOG GO, ,DE BZHIN DU ZAD PAR CHU LA SOGS PA DGU PO LA YANG TSUL DE NYID LTAR BLTA BAR BYA'O, ,SNGAR BSGOMS PA GOMS PA DANG, CHU BO DANG, RDZING BU DANG, MTSO LA SOGS PA LAS NI MA BYAS PA NYID DU ZAD PAR CHU 'BYUNG BA DANG, DE BZHIN DU NAGS KYI ME 'BAR BA'I DU BA'I RTZE MO LA SOGS PA LAS NI ZAD PAR ME 'BYUNG NGO, ,RLUNG GIS PHYOGS PA'I 'OD MA DANG, LJON SHING GI LO MA LA SOGS PA LA RLUNG 'DI GNAS TE, 'DI RAB TU 'JIG PAR BYED DO ZHES PA LAS NI ZAD PAR RLUNG 'BYUNG NGO, ,ME TOG DANG, NOR BU DANG, GOS LA SOGS PA SNGON PO BTING BA LAS NI ZAD PAR SNGON PO'O, ,DE LTAR SER PO DANG, DMAR PO DANG, DKAR PO LAS NI ZANG PAR SER PO LA SOGS PA DANG, TSON STENG DANG, DNGUL DANG, ZLA BA'I DKYIL 'KHOR LA SOGS PA LAS NI ZAD PAR DKAR PO'O, ,SKAR KHUNG GI NANG DU ZHUGS PA'I ZLA ZER DANG, NYI MA'I 'OD KYI SA DANG, RTZIG PA'I PHYOGS KYI SNANG BA'I TSOGS BYUNG BA DANG, SHING GE @163A *, ,LO MA'I TSOGS KYI GSEB NAS BYUNG BA'I SNANG BA DANG, RLUNG GIS BSKYOD PA'I ZLA BA'I 'OD ZER LTA BA LAS NI ZAD PAR RNAM PAR SHES PA'O, ,SKAR KHUNG GI NANG GI BU GA DANG, RTZIG KHUNG DANG, KHUNG BU LA SOGS PA LAS NI ZAD PAR NAM MKHA' SKYE BAR 'GYUR RO, , GANG YANG BSGOM PA MA BYAS PA'I LAS DANG PO PA LA NI RNAL 'BYOR 'DI LTA BU SKYE BAR MI 'GYUR BAS, DE YONGS SU SBYANG BA'I KHYAD PAR SHES PAR BYA'O, ,DES SNGON PO LA SOGS PA'I KHA DOG GI DBYE BA DANG BRAL BA'I BAR SNANG NGAM, GOS GTZANG MA LAS 'DZAG PA'I GZHONG PA LA SOGS PA'I SNOD GANG YANG RUNG BA CHUS BKANG BA GNAS SHIN TU BZANG POR BZHAG LA BDE BAR 'DUG NAS YID LA BYED PA BRTZAMS PAR BYA STE, DE NI ZAD PAR CHU LA YONGS SU SBYANG BA'O, ,YANG SNYING PO DANG LDAN PA DUM BUR GTUBS LA SHING DRUNG NGAM, STEGS BU ZLA MED PA LA LHUNG BZED RTZI BTANG BA'I TSUL GYIS 'BAR BAR BYAS LA BUG PA MTHO GANG BA'AM, SOR BZHI PA ZHIG BTOD DE, PAGS PA'AM, RE LDE GANG YANG RUNG BA'I STAN MDUN DU BZHAG PA LA BDE BAR 'DUG NAS 'OG RDZA DANG, SHING RNAMS LA STENG NA DU BA'I RTZE MO YOD PA YID LA BYAS LA, DBUS SU ME 'BAR BA'I PHUNG PO STUG PO'I MTSAN MA GZUNG BAR BYA BA NI ZAD PAR ME'I YONGS SU SBYANG BA'O, ,RTZIG PA'I BU GA PHUG PA'AM, MED NA YANG BUG PA'I SKAR KHUNG GI NANG KHONG SENG BYAS PA DANG, NYE BAR 'DUG PA LA YAN LAG GI PHYOGS GANG DU RLUNG GIS REG PA DER DRAN PA GTAD PAR BYA STE, DE NI ZAD PAR RLUNG GI YONGS SU SBYANG BA'O, ,AUTPALA SNGON PO'AM, GI NI GA NA RI KA LA SOGS PA'I SDONG BU LA SOGS PA DANG, GE SAR BSAL LA RAS SNGON PO'AM, ZAM TOG KHA SBYAR LA SOGS PA SNOD GANG YANG RUNG BA BTING ZHING KHENGS PAR BYAS LA, RAS SNGON PO DE RNGA BO CHE'I KHA LTAR G-YOGS PA'AM, GZHAN KHA DOG 'BAR BA'I G-YA'AM, PA SHA LA SNGON PO'AM, MIG SMAN SNGON PO LA SOGS PA'AM, TSON GYI RIGS GANG YANG RUNG BA BSKU ZHING RTZIG NGOS LA DKYIL 'KHOR BYAS SHING, BSKU BZLUM PO BYAS SHING KHA DOG MI MTHUN PA GANG YANG RUNG BAS YONGS @163B SU CHOD PAR BYAS LA, DE DANG NYE BAR STAN BDE BA LA 'DUG STE, YID LA BYED PA LA 'JUG PAR BYED PA 'DI NI ZAD PAR SNGON PO LAS SU RUNG BAR BYA'O, ,ZAD PAR SER PO DANG, DMAR PO DANG, DKAR PO YANG TSUL DE NYID DE KHYAD PAR NI 'DI YIN TE, GANG DANG GANG DU SNGON PO YIN PA DE DANG DER SER PO LA SOGS PA'I KHA DOG TU SBYAR BAR BYA'O, ,YANG BUM PA'I NANG DU MAR ME BTANG LA DE'I KHA BKAB STE, BU GA HA CANG MI CHE BA ZHIG BYAS LA, RTZIG PA LA MNGON DU PHYOGS PAR BZHAG NAS MAR ME DE LAS BYUNG PA'I SNANG BAS RTZIG NGOS LA PHOG PA'I 'OD KYI DKYIL 'KHOR YUN RING DU GNAS PAR GYUR PA LA, DE LA YID GTOD PAR BYED PA DE NI ZAD PAR RNAM PAR SHES PA LAS SU RUNG BAR BYA BA'O, ,YANG STEGS BU DANG, RTZIG PA DANG, RTZVA STAN DANG, GOS LA SOGS PAS MA BKAB PA'AM, KUN NAS MA BKAB PA'AM, KUN NAS BKAB PA DER BU GA MTHO GANG BA'AM, SOR BZHI PA BYAS PA DE LA YID GTAD PAR BYA STE, YONGS SU BCAD PA 'DI NI ZAD PAR NAM MKHA' LAS SU RUNG BAR BYA BA'O, ,DE LTAR NA RE ZHIG DE DAG NI YONGS SU SBYANG BA'I KHYAD PAR YIN PAR SHES PAR BYA'O, ,DE YANG RNAM PA DGU CHAR YANG ZAD PAR BYAS PA'AM, MA BYAS PA LA 'DZIN PA DANG, SO SOR SNANG BA ZHES BYA BA'I MTSAN NYID GNYIS SU 'BYUNG BAR 'GYUR RO, ,ZAD PAR CHU GANG YIN PAR 'DZIN PA'I MTSAN MA NI RAB TU G-YO BA'I RNAM PA STE, LBU BA DANG, CHU BUR DANG, 'DRES PA'I CHAR SNANG BA DE LTA BU KHO NAR GYUR NAS NYE BAR GNAS PA NI ZAD PAR GYI NYES PA YIN PAR SHES PAR BYA'O, ,SO SOR SNANG BA'I MTSAN MA NI NAM MKHA' LA BKAB PA'I G-YO 'GUL MED PA NI NOR BU'I RLUNG G-YAB 'DRA BA'AM, NOR BU LAS BYAS PA'I ME LONG GI DKYIL 'KHOR LTA BUR GYUR NAS GNAS SO, ,ZAD PAR ME'I 'DZIN PA'I MTSAN MA NI RTZE MO'I CHA G-YO BA'AM, CHAD PA LTAR GNAS PA'O, ,'DIR MA BYAS PA LA ZAD PAR GYI NYES PAR SHES PAR BYA BA NI MGAL ME DANG, ME MDAG GI DUM BU DANG, THAL BA DANG, DU BA LA CUNG ZAD GNAS NAS SO, ,SO SOR SNANG BA'I MTSAN MA NI NAM MKHA' LTAR BZHAG PA'I @164A *, ,LA BA DMAR PO LTA BU'AM, GSER GYI RNGA YAB LTA BU'AM, GSER GYI KA BA 'DRA BAR NYE BAR GNAS SO, ,ZAD PAR RLUNG GI 'DZIN PA'I MTSAN MA NI 'O MA BSKOL BA PHOG MA THAG PA'I RLANGS PA'I RTZE MO BZHIN DU GNAS SO, ,SO SOR SNANG BA'I MTSAN MA NI LEGS PAR 'DUG PA LTAR MI G-YO BAR 'GYUR RO, ,ZAD PAR SNGON PO NI ME TOG GE SAR SDONG BU MED PA DANG, GE SAR SDONG BU BCAS PA DAG CIG SHOS 'DAB MA PHYE BA LTA BU DE ZAD PAR GYI NYES PAR SHES PAR BYA'O, ,SO SOR SNANG BA'I MTSAN MA NI ZAD PAR DKYIL 'KHOR GYEN DU 'PHAGS TE, NAM MKHA' LA NOR BU'I RDUL YAB LTA BUR SNANG BA'O, ,ZAD PAR SER PO LA SOGS PA LA YANG TSUL 'DI NYID YIN NO, ,ZAD PAR RNAM PAR SHES PA'I 'DZIN PA'I MTSAN NYID NI SA RTZIG PA LAS GYEN DU 'PHAGS TE, ZLUM PO LTA BU NYID DU 'GYUR RO, ,SO SOR SNANG BA'I MTSAN MA NI SDUG CING DANGS PA DANG, SNANG BA'I TSOGS LTA BU'O, ,ZAD PAR NAM MKHA'I 'DZIN PA'I MTSAN MA NI RTZIG PA'I MTHA'I BU GA DANG 'DRA BA NYID DU 'GYUR LA, BSKYED NA YANG 'PHEL BAR MI 'GYUR RO, ,SO SOR SNANG BA'I MTSAN MA NI NAM MKHA'I DKYIL NYID DU GYUR NAS GNAS LA, BSKYED NA YANG 'PHEL BAR MI 'GYUR RO, ,DE LTAR 'DIR BYANG BA DANG, MA BYANG BA'I ZAD PAR 'DZIN PA DANG, SO SOR SNANG BA'I MTSAN MA DAG GI KHYAD PAR SHES PAR BYA'O, ,MTSAN MA DE DGU CHAR LA YANG BDE BAR 'DUG NAS KHA DOG LA BRTAG PA'I YID LA BYED PA SPANGS NAS, ZAD PAR SA ZHES BYA BA LA MIG GIS MA BLTAS PAR BRTAGS PA TZAM LA SEMS GZHAG PAR BYA'O, ,CHU CHU ME ME ZHES BYA BA DANG, DE DANG DE'I MING GSAL BA'I DBANG NYID KYIS BSLAB PAR BYA'O, ,DE LTAR DE RNAMS KYI DE DANG DE LA BSLABS PA'I KHYAD PAR YIN PAR SHES PAR BYA'O, ,DE LTAR BSLABS PA NA DE RNAMS LA SNGA MA LTAR NYE BAR SPYOD PA DANG BCAS PA'I TING NGE 'DZIN DE RNAMS 'BYUNG BAR 'GYUR RO, ,YANG GANG ZAD PAR SA ZHES BYA BA 'DI LA DBANG THOB PA NI MNGON PAR SHES PA THOB PA YANG GCIG TU GYUR NAS MANG POR 'GYUR BA DANG, NAM MKHA'AM, CHU LA SAR SPRUL NAS @164B RKANG PA GNYIS KYIS 'GRO BA LA SOGS PA DANG, G-YO BA LA SOGS PA'I KHYAD PAR 'DI 'BYOR PAR 'GYUR RO, ,YANG ZAD PAR CHU LA DBANG THOB PAS SA LA BYI ZUL BYED PA DANG, STENG DU 'BYUNG BA DANG, CHU'I TSOGS KYI CHAR 'BEBS PA DANG, CHU BO DANG RGYA MTSO LA SOGS PAR SPRUL PA DANG, SA DANG RI BO LA SOGS PAR STON PAR NUS PAR 'GYUR RO, ,ZAD PAR ME LA DBANG THOB PA NI DU BA 'THUL BA DANG, ME RAB TU 'BAR ZHING ME MDAG GI CHAR RAB TU 'BEBS PA DANG, ME DANG ME RNAMS ZIL GYIS GNON CING GANG DANG GANG 'DOD PA DE DANG DE BSREG PAR NUS PA NYID DANG, LHA'I MIG GI YUL GYI SNANG BA BSKYED PAR NUS PA DANG, SNANG BAR BYED PA DANG, YONGS SU MYA NGAN LAS 'DAS PA'AM, DUS SU LUS BSREG PA LA SOGS PA LA 'BYOR BAR 'GYUR RO, ,ZAD PAR RLUNG LA DBANG THOB PA NI RLUNG GI 'GROS LTAR 'GRO BA DANG; RLUNG GI TSOGS BSKYED PAR NUS PA LA SOGS PA'O, ,ZAD PAR SNGON PO LA DBANG THOB PAS NI GZUGS SNGON POR SPRUL ZHING MUN PAR BYED PA LA SOGS PA'O, ,ZAD PAR SER PO LA DBANG THOB PAS NI GZUGS SER POR SPRUL PA DANG, GSER DU BSGYUR NUS PA LA SOGS PA'O; ,ZAD PAR DMAR PO LA DBANG THOB PAS NI GZUGS DMAR POR SPRUL PA LA SOGS PA'O, ,ZAD PAR DKAR PO LA DBANG THOB PAS NI GZUGS DKAR POR SPRUL NUS PA DANG, GNYID DANG RMUGS PA THAG RING DU SPONG BA DANG, MUN PAR RNAM PAR 'JIG PA DANG, LHA'I MIG GI YUL SNANG BAR BYED PA LA SOGS PA'O, ,ZAD PAR RNAM PAR SHES PA LA DBANG THOB PAS NI GZUGS 'OD GSAL BAR SPRUL PA DANG, GNYID DANG RMUGS PA RGYANG RING DU BYED PA DANG, MIG GI YUL GYI SNANG BA BSKYED PA LA SOGS PA'O, ,ZAD PAR NAM MKHA' LA DBANG THOB PAS NI SGRIB G-YOGS RNAMS SGRIB G-YOGS MED PAR BYED PA DANG, SA DANG RI LA SOGS PA'I BAR NAM MKHAR SPRUL NAS, SPYOD LAM STON PAR BYED PA DANG, RTZIG PA LA SOGS PA LA THAD KAR THOGS PA MED PAR 'GRO BA LA SOGS PAR 'BYOR BAR 'GYUR RO, ,RGYUN MI 'CHAD PAR ZAD PAR SPROS PA NA ZAD PAR @165A *, ,SKYE MA CHED DO, ,ZIL GYIS GNON PA'I SKYE MCHED NI BRGYAD DO, ,NANG GZUGS SU 'DU SHES SHING, PHYI ROL GYI GZUGS KHA DOG PHRA MO SDUG PA DANG, KHA DOG MI SDUG PA MTHONG YANG GZUGS DE DAG ZIL GYIS MNAN TE SHES, ZIL GYIS MNAN NAS MTHONG ZHING DE LTAR 'DU SHES PA 'DI NI ZIL GYIS GNON PA'I SKYE MCHED DANG PO'O, ,DE BZHIN DU NANG GZUGS MED PAR 'DU SHES SHING PHYI ROL GYI GZUGS RAGS PA STE, DE BZHIN DU 'DI LA BZHIR BYA BA'AM, NANG GZUGS MED PAR 'DU SHES PA NYID LA SNGON PO DANG, SER PO DANG, DMAR PO DANG, DKAR PO MTHONG STE, RNAM PA BRGYAD DU 'GYUR BA YIN NO, ,DE SNGON PO ZHES BYA BA NI BSTAN PA'I TSIG GO, ,KHA DOG SNGON PO ZHES BYA BA NI LHAN CIG SKYES PA'I SNGON PO NYE BAR GZUNG BA'I PHYIR RO, ,SNGON POR SNANG BA ZHES BYA BA NI SBYAR BA LAS BYUNG BA'I SNGON PO NYE BAR GZUNG BA'O, , MDOG SNGON PO ZHES BYA BA NI DE GNYI GA'I 'OD 'PHRO BAR 'ONG BA DE NYE BAR GZUNG BA'I PHYIR RO, ,ZIL GYIS MNAN ZHES BYA BA NI DBANG DU BYAS PA NYID KYI PHYIR RO, ,ZIL GYIS MNAN TE ZHES BYA BA NI ZHI GNAS KYI LAM GYIS SO, ,ZIL GYIS MNAN TE MTHONG ZHES BYA BA NI LHAG MTHONG GI LAM GYIS SO; ,DE LTAR 'DU SHES PA ZHES BYA BA NI ZIL GYIS MNAN PA DANG, ZIL GYIS MNAN PA MA YIN PA DE LA MNGON PA'I NGA RGYAL MED PA'I 'DU SHES PA NYID YIN PA'I PHYIR RO, ,DPE GNYIS LAS GCIG NI LHAN CIG SKYES PA'O, ,GNYIS PA NI SBYAR BA'I MDOG LAS BYUNG BAR BSTAN PA'I PHYIR RO, ,'DI LTA STE DPER NA, ZHES BYA BA ME TOG DANG, GOS DAG KHA DOG SNGO BA NYID DU BSTAN PA'I THA TSIG GO, ,KHA DOG SNGON PO ZHES BYA BA NI ME TOG GI DBANG DU BYAS PA STE, DE'I SNGO BA NI LHAN CIG SKYES PA YIN PA'I PHYIR, ,SNGON POR SNANG BA ZHES BYA BA NI GOS KYI DBANG DU BYAS PA STE; DE'I SNGON PO NI SBYAR BA LAS BYUNG BA'I PHYIR RO, ,MDOG SNGO BAR MTHONG ZHES BYA BA NI ME TOG DANG GOS GNYI GA'I DBANG DU BYAS PA STE, GNYI GA YANG MDOG TU SNANG BA NYID YIN PA'I PHYIR RO, ,DE LTAR DPER BYAS PA BAS KYANG 'DI LTA STE, AO MA KA LTA BU'I ME TOG PHUN SUM @165B TSOGS PA DANG, YUL B'A R'A nA S'I'I GOS LTAR SNGO BA, KHA DOG SNGO ZHES BYA BA LA SOGS PA GSUNGS PA RIGS PA YIN NO, ,SER PO LA KAR NI KA'I ME TOG DANG, DMAR PO LA BAN DU DZI BA KA'I ME TOG DANG, DKAR PO LA SKAR MA PA BA SANGS KYI 'OD PHUN SUM TSOGS PA DANG, GOS ZHES BYA BA DMIGS PA ZIL GYIS MNAN PA DE'I DBANG DU GYUR PA YIN PA'I PHYIR RO, ,ZIL GYIS GNON PA'I SKYE MCHED DO, ,NYON MONGS PA MED PA GANG ZHE NA, BSAM GTAN LA GNAS NAS PHA ROL PO NYON MONGS PA MI SKYE ZHING RJES SU BSRUNG BAR GNAS PA'I RNAL 'BYOR PA'I TING NGE 'DZIN GANG YIN PA'I SHES RAB DE DANG YANG DAG PAR LDAN PA'I SEMS DANG, SEMS LAS BYUNG BA'I CHOS RNAMS NI GZHAN GYI RGYUD LA YOD PA'I NYON MONGS PA'I DGRA MI BSKYED PAS, NYON MONGS PA MED PA'O, ,DE LA NYAN THOS RNAMS LAS SANGS RGYAS KYI NYON MONGS PA MED PA'I KHYAD PAR NI 'DI YIN TE, JI SKAD DU, NYAN THOS NYON MONGS MED PA'I LHA, ,MI YI NYON MONGS YONGS SPONG NYID, ,RGYAL BA'I GRONG SOGS DE DAG NI, ,NYON MONGS RGYUN GCOD NYON MONGS MED, ,CES BSTAN PA YIN NO, ,'DI LTAR NYAN THOS RNAMS NI GRONG LA SOGS PAR SEMS CAN GANG DAG MTHONG NAS NYON MONGS PA SKYE BAR 'GYUR NA MI RUNG ZHES MI'I NYON MONGS PA YONGS SU SPONG BAR 'DOD PA YIN GYI, DE RNAMS LA LTA BA NI MA YIN NO, ,SANGS RGYAS BCOM LDAN 'DAS RNAMS NI RANG LA DMIGS NAS NYON MONGS PA'I RGYUR 'BYUNG BAR MA GYUR CIG SNYAM DU DGONGS TE; SHIN TU DE DAG LTA BAR BZHED NAS GZIGS NAS NYON MONGS PA'I RGYU DRUNGS NAS 'BYIN PAR MDZAD PA YIN NO, ,SMON NAS MKHYEN PA GANG ZHE NA, BSAM GTAN LA DE GNAS TE 'DI SHES PAR BYA'O ZHES SMON LAM 'BYOR PAS SNGA MA BZHIN DU THOB STE DUS GSUM SHES PA'AM, SHES PAR GANG DANG GANG 'DOD PAR 'GYUR BA DE DANG DE LA SHES PAR BYA'O ZHES YID KYIS SMON PAR BYAS NAS, TING NGE 'DZIN LA SNYOMS PAR ZHUGS PAS DE NAS LDANG BA DANG, SMON LAM DE 'GRUB PAR 'GYUR ZHING SHES BYA DE YANG SHES SO, ,DE LA NYAN THOS RNAMS LAS SANGS RGYAS KYI @166A *, ,SMON GNAS MKHYEN PA'I KHYAD PAR 'DI YIN TE, JI SKAD DU, SANGS RGYAS SMON GNAS MKHYEN PA NI, ,LHUN GYIS GRUB DANG BAG CHAGS SPANGS, ,THOGS PA MED DANG RTAG GNAS DANG, ,'DRI LA KUN LAN 'DEBS PAR BZHED, ,CES BSTAN PA YIN NO, , DE LA LHUN GYIS GRUB PA ZHES BYA BA NI RANG GI NGANG GIS 'JUG PA'O, ,BAG CHAGS SPANGS ZHES BYA BA NI RGYUN MI 'CHAD PA'O, ,THOGS PA MED PA ZHES BYA BA NI SHES BYA THAMS CAD LA 'JUG PA'O, ,RTAG GNAS ZHES BYA BA NI RTAG TU MNYAM PAR GZHAG PA LA 'JOG PA'O, ,'DRI BA LAN KUN 'DEBS PAR BZHED PA NI ZHUS PA'I LAN THAMS CAD 'DEBS PAR MDZAD PA'O, ,NYAN THOS RNAMS KYI SGO NAS ZHES PA NI DE LAS BZLOG PA YIN PAR SHES PAR BYA'O, ,MNGON PAR SHES PA DRUG GANG ZHE NA, RDZU 'PHRUL GYI YUL MNGON PAR SHES PA DANG, LHA'I MIG DANG, LHA'I RNA BA DANG, PHA ROL GYI SEMS SHES PA DANG, SNGON GYI GNAS RJES SU DRAN PA DANG, ZAG PA ZAD PAS MNGON PAR SHES PA'O, ,'DI DAG BSHAD PA NI GDAMS NGAG RNAM PAR 'GREL PA LAS JI SKAD BSHAD PA NYID YIN NO, ,SO SO YANG DAG PAR RIG PA BZHI NI CHOS SO SO YANG DAG PAR RIG PA NI BSAM GTAN LA GNAS TE, 'DI LTAR RNAM GRANGS MA RIG PA NAS BRTZAMS TE, MI SHES PA DANG, MI MTHONG BA DANG, MNGON PAR MI RTOG PA ZHES BYA BA LA SOGS PA THOGS PA MED PAR BYON PA'I TING NGE 'DZIN TO ZHES BYA BA NI THAMS CAD DO, ,DON SO SOR YANG DAG PAR RIG PA NI RANG DANG SPYI'I MTSAN NYID KYI CHOS RNAMS KYI DON GZHAN LA SOGS PA'I DGONGS PA LA THOGS PA MED PAR MKHYEN PA ZHES BYA BA LA SOGS PA LA RGYAS PAR BSTAN PA YIN NO, ,NGES PA'I TSIG SO SO YANG DAG PAR RIG PA NI, GANG YUL SKYE BO RNAMS KYI SKAD KYIS SO SO'I YUL DANG, RANG DANG SPYI'I 'DU SHES THA DAD PA'I THA SNYAD KYI CHOS KYI NGES PA'I TSIG STE, 'DI LTAR 'JIG CING RAB TU 'JIG PAS DE'I PHYIR 'JIG RTEN ZHES BYA BA DANG, GZUGS SU RUNG BAS GZUGS SO ZHES BYA BA LA SOGS PA'O, ,SPOBS PA SO SO YANG DAG PAR RIG PA NI GANG CHOS KYI RAB TU DBYE @166B BA LA THOGS PA MED PA ZHES BYA BA LA SOGS PA SNGA MA BZHIN NO, ,DE LA RAB TU DBYE BA NI RDZAS SU YOD PA DANG, BTAGS PAR YOD PA DANG, DON DAM PAR YOD PA ZHES BYA BA STE DE DAG LA SOGS PA'O, ,RNAM PA THAMS CAD YONGS SU DAG PA BZHI GANG ZHE NA, RTEN GYI LEN PA DANG, GNAS PA DANG, YANG DAG PAR PHAN 'DOGS PAR MDZAD PA LA JI LTAR BZHED PAR BZHUGS PAS NA RTEN YONGS SU DAG PA'O, ,DMIGS PAS SPRUL PA DANG, YONGS SU BSGYUR BA LA JI LTAR BZHED PA'I SPYOD PAS 'JUG PA'I PHYIR DMIGS PA YONGS SU DAG PA'O, ,YE SHES LA MNGA' BRNYES PA DANG, TING NGE 'DZIN LA MNGA' BRNYES PAS NA THUGS YONGS SU DAG PA DANG, YE SHES YONGS SU DAG PA'O, ,DBANG BCU GANG ZHE NA, 'DI LTA STE, TSE LA DBANG BA NI 'TSO BA BZHED PA LA RAG LAS PAS BSDUS PA NI SBYIN PA'I PHA ROL TU PHYIN PA YONGS SU RDZOGS PAS THOB STE, DE CI'I PHYIR ZHE NA, LONGS SPYOD BYIN PAS SEMS CAN RNAMS TSE DANG NGES PAR 'BREL BA YIN PA'I PHYIR RO, ,SEMS LA DBANG BA NI JI LTAR MNGON PAR 'DOD PAR SEMS PAS YANG DAG PAR BSDUS PA'I NGO BO NYID DE, LONGS SPYOD BYIN PAS SEMS CAN RNAMS KYI BSAM PA JI LTA BA'I SEMS KYI RJES SU 'JUG PA YIN PA'I PHYIR RO, ,YO BYAD LA DBANG BA NI, JI LTAR MNGON BAR 'DOD PA'I MCHOG GI YANG DAG PAR NYE BAR BSDUS PA DE THOB PA NYID YIN TE, SEMS CAN RNAMS LA YO BYAD JI LTAR 'DOD PA BZHIN DU YANG DAG PAR BYIN PA'I PHYIR RO, , LAS LA DBANG BA NI, LUS DANG, NGAG GI LAS JI LTAR 'DOD PA BZHIN DU NYE BAR GNAS PA YANG DAG PAR BSDUS PA NYID KYIS THOB PA STE, TSUL KHRIMS KYI PHA ROL TU PHYIN PA DANG LDAN PA'I SMON LAM YONGS SU RDZOGS PAS THOB PA STE, DE CI'I PHYIR ZHE NA, SEMS CAN RNAMS KYI LUS KYI LAS DANG, NGAG GI LAS KHA NA MA THO BA MED PAS MNGON PAR 'DOD PA'I SBYOR BA'I PHYIR RO, ,SKYE BA LA DBANG BA NI JI LTAR MNGON PAR 'DOD PA'I 'GRO BA'I SKYE BAS YANG DAG PAR BSDUS PA NYID KYIS THOB PA STE, DE CI'I PHYIR ZHE NA, TSUL KHRIMS DANG LDAN PA'I SMON LAM GRUB PA YIN PA'I @167A *, ,PHYIR RO, ,MOS PA LA DBANG BA NI SA LA SOGS PA GSER LA SOGS PAR DNGOS PO JI LTAR MOS PA DE'I RJES SU 'JUG PAS YANG DAG PAR BSDUS PA, BZOD PA'I PHA ROL TU PHYIN PA YONGS SU RDZOGS PAS THOB PA YIN NO, ,DE CI'I PHYIR ZHE NA, SNGON GYI TSE RABS SU DE BZOD PAS SEMS CAN GYI MOS PA'I RJES SU ZHUGS PA YIN PA'I PHYIR RO, ,SMON LAM LA DBANG BA NI JI LTAR SMON PA BZHIN DU GRUB PAS YANG DAG PAR BSDUS PA, BRTZON 'GRUS KYI PHA ROL TU PHYIN PA YONGS SU RDZOGS PAS THOB PA YIN TE, DE CI'I PHYIR ZHE NA, DES SNGON SEMS CAN THAMS CAD KYI BRTZON 'GRUS NYAMS PA MED PAR SPYAD PA'I PHYIR RO, ,MNGON PAR SHES PA LNGAS YANG DAG PAR BSDUS PA, BSAM GTAN GYI PHA ROL TU PHYIN PA YONGS SU RDZOGS PAS THOB PA YIN TE, SNGON SEMS CAN RNAMS KYI DGOS PA JI LTA BA BZHIN BSAM GTAN LA SNYOMS PAR ZHUGS PA'I PHYIR RO, ,YE SHES LA DBANG BA NI, JI LTAR 'DOD PA BZHIN DU YE SHES MNGON DU BYED PAS YANG DAG PAR BSDUS PA, SHES RAB KYI PHA ROL TU PHYIN PA YONGS SU RDZOGS PAS THOB PA YIN TE, SNGON CHAD SEMS CAN RNAMS JI LTAR MNGON PAR 'DOD PA BZHIN DU MDO LA SOGS PA'I CHOS LA YANG DAG PAR SBYOR BA'I PHYIR RO, ,STOBS BCU NI 'DI LTA STE, GNAS DANG GNAS MA YIN PA MKHYEN PA'I STOBS DANG, LAS DANG RNAM PAR SMIN PA MKHYEN PA'I STOBS DANG, BSAM GTAN DANG, TING NGE 'DZIN DANG, SNYOMS PAR 'JUG PA MKHYEN PA'I STOBS DANG, DBANG PO MCHOG DANG MCHOG MA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, 'CHI 'PHO BA DANG SKYE BA MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, ZAG PA ZAD PA MKHYEN PA'I STOBS SO, ,DE RNAMS KYI DON NI GZUNGS KYI DBANG PHYUG RGYAL PO'I MDO LAS RGYA CHER BLTA'O, ,MI 'JIGS PA RNAM PA BZHI STE, KYE MA BDAG NI YANG DAG PAR RDZOGS PAR SANGS @167B RGYAS ZHES DAM BCAS NA, DE LA CHOS 'DI MNGON PAR RDZOGS PAR SANGS RGYAS ZHES BYA BAS BDAG LA GANG GIS KYANG CHOS DANG LDAN PAR RGOL BAR 'GYUR BA ZHES BYA BA'I RGYU YANG DAG PAR RJES SU MI MTHONG BAS BDAG BDE BA DANG, BAG TSA BA MED PA THOB PA DANG, MI 'JIGS PA THOB PA 'DI NI DANG PO'O, ,DE BZHIN DU KYE MA BDAG GI ZAG PA THAMS CAD ZAD DO ZHES DAM BCAS PA LA, DE LA ZAG PA 'DI RNAMS ZAD PAR MA GYUR TO ZHES BYA BAR 'DIR BDAG LA GANG GIS KYANG, CHOS DANG LDAN PAR RGOL BAR 'GYUR BA'I RGYU YANG DAG PAR RJES SU MA MTHONG BAS ZHES BYA BA LA SOGS PA SNGA MA BZHIN TE, DE NI GNYIS PA'O, ,YANG GANG BDAG GIS NYAN THOS RNAMS NGES PAR 'BYUNG BA'I LAM STON PA NA DE 'GAGS PAR BYED CING, SDUG BSNGAL YANG DAG PAR ZAD PAR 'GYUR BA'I PHYIR NGES PAR 'BYUNG BA MA YIN NO, ,ZHES DAM BCAS PA DE LA SDUG BSNGAL GYI MTHAR BYED PA MA YIN NO ZHES GANG YANG RGOL BAR MI 'GYUR BA NI SNGA MA BZHIN TE, DE NI GSUM PA'O, ,YANG GANG ZHIG BDAG GIS NYAN THOS RNAMS LA BAR DU GCOD PA'I CHOS SU BSTAN PA LA DE 'GEGS PAR BYED CING BAR DU GCOD PA NI MA YIN NO ZHES BDAG LA SUS KYANG 'DIR CHOS DANG LDAN PAR RGOL BAR MI 'GYUR RO ZHES BYA BA SNGA MA BZHIN NO, ,DE NI MI 'JIGS PA BZHI PA'O, ,BSRUNG BA MED PA GSUM NI 'DI LTA STE, DE BZHIN GSHEGS PA NI SKU'I SPYOD PA YONGS SU DAG PA DANG LDAN PA STE, DE BZHIN GSHEGS PA LA SKU'I SPYOD PA YONGS SU MA DAG PA MI MNGA' BAS ZHES GANG ZHIG BCAS PAR DGONGS PA DE BZHIN GSHEGS PA LA MI MNGA' STE, DE NI BSRUNG BA MED PA DANG PO'O, ,SKU'I PHRIN LAS JI LTA BA BZHIN DU GSUNG DANG, THUGS KYI PHRIN LAS KYANG DE BZHIN DU BRJOD PAR BYA'O, ,DGONGS PA NYE BAR GZHAG PA GSUM NI 'DI LTA STE, DE BZHIN GSHEGS PA CHOS STON PA'I TSE LA LA RNA BA BTUD DE GUS PAR NYAN CING BKA' NYAN PA'I SEMS NYE BAR 'JOG PA DANG, CHOS DANG DON DU GNYER BA'I CHOS NAN TAN DU BYED PA DANG DES DE BZHIN GSHEGS PA DGYES PAR YANG MI 'GYUR, YID BDE @168A *, ,BAR MI 'GYUR, THUGS YENG YENG POR MI 'GYUR BA NYID DANG, GZHAN DAG RNA BA BTUD DE GUS PAR NYAN PA LAS GO BZLOG PA RGYAS PAR GSUNGS PA DES, DE BZHIN GSHEGS PA'I THUGS KHONG KHRO BAR MI 'GYUR, MI BZOD PAR MI 'GYUR, THUGS MI CHES PAR MI 'GYUR BA NYID DANG, LA LA GCIG TU GUS PAR NYAN PA DANG, GCIG TU GUS PAR MI NYAN PA DE DAG LA DE BZHIN GSHEGS PA DGYES PA'AM, THUGS KHONG KHRO BA'AM, GNYIS SU MI 'GYUR TE, THAMS CAD DU BTANG SNYOMS SU RNAM PAR SPYOD PA 'DI NI DGONGS PA NYE BAR GZHAG PA GSUM PA'O, ,BSNYEL BA MED PA'I CHOS NYID NI SANGS RGYAS RNAMS KYIS SEMS CAN THAMS CAD KYI DON MDZAD PA LA DUS LAS MI 'DA' STE, DE NYID KYI PHYIR 'DI NI BYA BA MDZAD PA GZHAN MI MNGA' BAR 'THAD PA YIN NO, ,BAG CHAGS YANG DAG PAR BCOM PA NI 'DI NA NYON MONGS PA SPANGS PA YONGS SU ZIN KYANG, NYON MONGS PA MA SPANGS PA LTAR SPYOD PA NI NYON MONGS PA'I BAG CHAGS YIN PAR BSHAD DO, ,SANGS RGYAS BCOM LDAN 'DAS 'DI NI DE YANG SPANGS SHING MI MNGA' BAS, NYON MONGS PA'I BAG CHAGS MI MNGA' ZHES BSTAN TO, ,THUGS RJE CHEN PO NI PHAN PAR DGONGS PA NYID DE, GANG GIS DUS THAMS CAD DU BCOM LDAN 'DAS 'JIG RTEN LA NYIN LAN GSUM MTSAN LAN GSUM RTOG PAR MDZAD DO, ,JI LTAR RTOG PAR MDZAD CE NA, ,SU'I DGE BA'I RTZA BA NI YONGS SU MA SMIN, SU'I DGE BA'I RTZA BA NI YONGS SU SMIN, SU ZHIG MNGON BAR MTHO BA BSTAN PA'I SNOD YIN, SU ZHIG NI NGES PAR LEGS PA BSTAN PA'I SNOD YIN, SU ZHIG NI SANGS RGYAS SU 'BYOR BA'I SNOD YIN, GANG ZHIG LA CI ZHIG BYA ZHES RTOG PAR MDZAD DO, ,SANGS RGYAS KYI CHOS MA 'DRES PA BCO BRGYAD NI, DE BZHIN GSHEGS PA LA 'KHRUL PA MI MNGA'O, ,CA CO MI MNGA'O, ,DGONGS PA NYAMS PA MI MNGA'O, ,'DU SHES SNA TSOGS MI MNGA'O, ,THUGS MNYAM PAR MA BZHAG PA MI MNGA'O, ,SO SOR MA BRTAGS PA'I BTANG SNYOMS MI MNGA'O, ,'DUN PA YONGS SU NYAMS PA @168B MI MNGA'O, ,BRTZON 'GRUS YONGS SU NYAMS PA MI MNGA'O, ,DRAN PA YONGS SU NYAMS PA MI MNGA'O, ,TING NGE 'DZIN YONGS SU NYAMS PA MI MNGA'O, ,SHES RAB YONGS SU NYAMS PA MI MNGA'O, ,RNAM PAR GROL BA YONGS SU NYAMS PA MI MNGA'O, ,SKU'I PHRIN LAS THAMS CAD YE SHES SNGON DU 'GRO ZHING YE SHES KYI RJES SU 'BRANG NGO, ,GSUNG GI PHRIN LAS THAMS CAD YE SHES SNGON DU 'GRO ZHING YE SHES KYI RJES SU 'BRANG NGO, ,THUGS KYI PHRIN LAS THAMS CAD YE SHES SNGON DU 'GRO ZHING YE SHES KYI RJES SU 'BRANG NGO, ,'DAS PA'I DUS LA MA CHAGS MA THOGS PA'I YE SHES GZIGS PA 'JUG GO, ,MA 'ONGS PA DANG DA LTAR BYUNG BA'I DUS LA MA CHAGS MA THOGS PA'I YE SHES GZIGS PA 'JUG GO, ,MA 'DRES PA'I BSHAD PA NI RNAM PA THAMS CAD MNGON PAR RDZOGS PAR RTOGS PAR RNAM PAR 'GREL PA LAS JI SKAD BSTAN PA BZHIN NO, ,RNAM PA THAMS CAD MKHYEN PA NYID GANG ZHE NA, LA LA NI BDEN PA BZHI LA DMIGS PA'I RNAM PAR SHES PA RNAM PA BCU DRUG GIS BSDUS PA YIN NO ZHES ZER RO, ,GZHAN DAG NI DE DAG DANG YANG CHOS THAMS CAD DNGOS PO MED PA DANG, SKYE BA MED PA DANG, 'GAG PA MED PA DANG, GZOD MA NAS ZHI BA DANG, RANG BZHIN GYIS MYA NGAN LAS 'DAS PA'I RNAM PA'I YE SHES KYIS BSDUS PA YIN NO ZHES ZER RO, ,KHA CIG NA RE 'DIR GNYEN PO'I PHYOGS KYIS BSDUS PA'I RNAM PAR 'CHAD PAR 'DOD PA NI MA YIN TE, DE LTA MOD KYI DON THAMS CAD YONGS SU RDZOGS PA NYID DU 'CHAD DE, DE BAS NA YID BZHIN GYI NOR BU DANG 'DRA BAR SEMS CAN THAMS CAD KYI 'DOD PA'I DON KHA NA MA THO BA MED PA 'GRUB PAR 'GYUR RO ZHES ZER RO, ,YANG GZHAN DAG NI RNAM PA THAMS CAD SPANGS PA'I DBANG DU BYAS PA NYID YIN PA'I PHYIR DE NI RNAM PA THAMS CAD MKHYEN PA NYID CES BYA'O ZHES ZER RO, ,DE YANG 'DI LTAR GZHAN NI NYON MONGS PA'I SGRIB PA DANG, SHES BYA'I SGRIB PA DANG, BAG CHAGS KYI SGRIB PA SPANGS PA RNAM PA GSUM CHAR YANG MNGA' BA YIN NO ZHES ZER RO, ,RNAM PA THAMS CAD MKHYEN PA NYID BSHAD PA 'DI @169A *, ,DAG THAMS CAD KYANG LEGS MOD KYI, SKABS KYI SHES BYA'I GNAS SKABS LA SOGS PA RNAM PA BCU PA KUN GZHI'I RNAM PAR SHES PA LA SOGS PAS BSDUS PA'I SNYING PO YOD PA'I PHYIR, RNAM PA THAMS CAD MKHYEN PA NYID NI SHIN TU LEGS SO ZHES SLOB DPON BZANG SKYONG GIS BSHAD DO, ,'DI NYID NI SHIN TU LEGS PA YIN TE, DMIGS PA YONGS SU GRUB PA NI, RNAM PA THAMS CAD MKHYEN PA'I DBANG DU MDZAD NAS, RAB 'BYOR GANG LA DMIGS PA'I NGO BO NYID MED PA DANG, BDAG PO'I RKYEN DRAN PA YIN PA DANG, RNAM PA ZHI BA DANG LDAN PA'I MTSAN NYID MED PA'I MTSAN NYID NI, RNAM PA THAMS CAD MKHYEN PA NYID CES BYA'O ZHES BSTAN PA YIN NO, ,DE LA DRAN PA BDAG PO'I RKYEN CES BYA BA NI, GANG DE DANG DER RNAM PA THAMS CAD MKHYEN PA NYID DANG, RAB TU LDAN PA'I YID LA BYED PA'I PHYIR RO ZHES BSTAN PA YIN NO, ,DE YANG 'DIR NGO BO NYID CHOS KYI SKU YIN NO, ,RGYU NI YONGS SU SMIN GYUR NAS, ,GANG DANG GANG LA GANG DANG NI, ,GANG TSE BYA BA PHAN GYUR PA, ,DE DANG DE LA DE SNANG NGO, ,ZHES BYA BA NI SPRUL PA SNANG NGO ZHES DGONGS PA YIN NO, , DE LTAR BYAS NA BYANG CHUB SEMS DPA' SEMS DPA' CHEN PO NAM MKHA'I MDZOD LA SOGS PA'I SEMS CAN THAMS CAD LA JI LTAR BYA ZHES PA'I TSUL DU GNAS TE, SEMS CAN DMAN PA RNAMS LAM LA GNAS SU ZIN KYANG RANG GI RGYU YONGS SU SMIN PA DANG BRAL BAS DA RUNG YANG DGE BA'I RTZA BA CAN GYI SDUG BSNGAL LAS RNAM PAR GROL BAR MA GYUR PAS 'THAD PA YIN NO, ,DE LTAR YANG, LHA YI RGYAL POS CHAR BAB KYANG, ,SA BON MI RUNG MI 'KHRUNGS LTAR, ,SANGS RGYAS RNAMS NI BYUNG GYUR KYANG, ,SGAL PA MED PAS BZANG MI MYONG, ,DE LTAR MDZAD PA RGYA CHE'I PHYIR, ,SANGS RGYAS KHYAB PAR NGES PAR BRJOD, ,DE NYID ZAD PA MED PA'I PHYIR, ,RTAG PA ZHES KYANG BRJOD PA YIN, ,ZHES BSTAN PA YIN NO, ,DGONGS PA 'DIS SANGS RGYAS NI THAMS CAD DU SON PA DANG, RTAG PA YIN PAR BSHAD PAS SPROS PA DANG 'GAL BAR GYUR PA MA YIN NO, ,NGO BO NYID KYI SKU @169B BSTAN NAS, ,DA NI LONGS SPYOD RDZOGS PA'I SKU BSTAN PAR BYA BA'I PHYIR RO, ,MTSAN NI SUM CU RTZA GNYIS DANG, ,DPE BYAD BRGYAD CU'I BDAG NYID 'DI, ,THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, ,CES BSTAN PA LA, SKU DES SANGS RGYAS BCOM LDAN 'DAS BYANG CHUB SEMS DPA' SEMS DPA' CHEN PO SA CHEN PO LA ZHUGS PA RNAMS DANG, THABS CIG TU THEG PA CHEN PO'I CHOS KYI LONGS SPYOD KYI DGA' BA DANG, BDE BA SHIN TU KHA NA MA THO BA MED PA NYE BAR LONGS SPYOD PAR MDZAD PA YIN NO, ,YANG SKYES BU CHEN PO'I MTSAN SUM CU RTZA GNYIS PO DE DAG KYANG GANG ZHE NA, PHYAG ZHABS 'KHOR LO'I MTSAN DANG RUS SBAL ZHABS, ,PHYAG DANG ZHABS SOR DRA BAS 'BREL BA DANG, ,PHYAG NI ZHABS BCAS 'JAM ZHING GZHON SHA CHAGS, ,'DI YI SKU NI BDUN DAG MA THOB DANG, ,SOR MO RING DANG RTING YANGS SKU CHE DRANG, ,ZHABS LONG MI MNGON SPU NI GYEN DU PHYOGS, ,BYIN PA AE NA YA 'DRA PHYAG RING MDZES, ,MDOMS KYI SBA BA SBUBS SU NUB PA'I MCHOG ,PAGS PA GSER MDOG PAGS PA SRAB PA DANG, SPU NI RE RE NAS G-YAS LEGS PAR 'KHRUNGS, ,ZHAL MDZOD SPUS BRGYAN RO STONG SENG GE'I 'DRA, ,'DI YI DPUNG PA'I MGO ZLUM THAL GONG RGYAS, ,'DI LA RO MI ZHIM PA RO MCHOG SNANG, ,SKU NI N+YA GRO DHA LTAR CHU ZHENG GAB, ,GTZUG TOR YAR 'PHAGS LJAGS RING MDZES PA DANG, ,TSANGS DBYANGS 'GRAM PA SENG GE'I 'DRA DANG TSEMS, , SHIN TU DKAR DANG TSAD MNYAM THAGS BZANGS DANG, ,GRANGS NI BZHI BCU THAM BAR TSANG BA DANG, ,SPYAN NI MTHON MTHING SPYAN RDZI BA MCHOG GI ,'DRA BA 'DI DAG SUM CU RTZA GNYIS MTSAN, ,ZHES BYA BA LA, DE LA PHYAG ZHABS 'KHOR LO'I MTSAN DANG ZHES BYA BA NI, DE BZHIN GSHEGS PA'I PHYAG DANG ZHABS KYI MTHIL LA 'KHOR LO RTZIBS STONG DANG LDAN PA, MU KHYUD DANG LDAN PA, LTE BA DANG BCAS PA, RNAM PA THAMS CAD YONGS SU RDZOGS PA, DUS PA'AM, BA SO LA BRKOS PA DANG 'DRA BA SKYES PAR GYUR PA MNGA' BAR GYUR PA YIN NO, ,ZHABS GNYIS KYI @170A *, ,MTHIL SA LA MNYAM PAR 'JOG CING ZHABS 'KHUMS PA MED PAS ZHABS SHIN TU GNAS PA DANG, NGANG PA'I RGYAL PO LTAR PHYAG DANG ZHABS KYI SOR MI DRA BAS 'BREL BA DANG, PHYAG DANG ZHABS KYI MTHIL SHING BAL GYI 'DAB MA LTAR SHIN TU 'JAM ZHING GZHON SHA CHAGS PAS PHYAG DANG ZHABS GZHON ZHING 'JAM PA DANG, PHYAG DANG, ZHABS DANG, DPUNG MGO GNYIS DANG, LTAG PA'I PHYOGS MTHO BA'I PHYIR BDUN SHIN TU MTHO BA DANG, PHYAG DANG ZHABS KYI SOR MO RING BAS SOR MO RING BA DANG, RTING BA RING BAS RTING PA YANGS PA DANG, MTHO ZHING MDUN DU 'PHAGS LA SKU DRANG BAS SKU CHE ZHING DRANG BA NYID DANG, PUS MO'I LHA PA DANG, LONG BU MDZES PAR NUB PAS NA ZHABS LEGS PAR MTHO BA DANG, SPU GYEN DU G-YAS PHYOGS SU 'KHYIL BAS NA SPU GYEN DU PHYOGS PA DANG, RI DAGS SHAR BA DANG AE NA YA'I BYIN PA LTA BU NI DRANG ZHING MNYAM LA RIM GYIS GZHOL BAR GRUB CING BYIN PA ZLUM PAS RI DAGS AE NA YA'I BYIN PA LTA BU DANG, BRLA DRANG POR BZHAG STE MA BTUD KYANG PHYAG GNYIS KYIS PUS MO'I LHA NGA LA SLEB PAS PHYAG RING ZHING MDZES PA NYID DANG, GLANG PO CHE DANG RTA CANG SHES LTAR GSANG BA'I GNAS SHIN TU MDZES PAR SBUBS SU NUB PAS MDOMS KYI SBA BA SBUBS SU NUB PA DANG, SHIN TU SBYANGS PA'I GSER GYI KHA DOG DANG LDAN PAS GSER GYI KHA DOG DANG 'DRA BA NYID DANG, GSER DANG DNGUL SHIN TU SBYANGS PA LTAR 'JAM ZHING SNYOMS PA'I MDOG TU 'DUG PA DANG, SKU LA RDUL MI GOS PA DANG, PAGS PA 'JAM PA NYID DANG, SHIN TU RNAM PAR PHYE BA'I SDU RE RE NAS SKYES SHING GNYIS SU MED PAS SDU RE RE NAS PHYOGS G-YAS SU 'KHYIL PA NYID DANG, ME TOG KUN DA DANG, KHA BA DANG, 'O MA DANG, ZLA BA BRGYA LAS 'PHAGS PA'I 'OD GSAL BA'I MDZOD SPUS SMIN MTSAMS SU BRGYAN PAS ZHAL MDZOD SPUS BRGYAN PA NYID DO, ,MDZOD SPUS ZHES BYA BA NI SPU 'JAM ZHING DKAR BA G-YAS PHYOGS SU 'KHYIL PAS GNAS PA NYID DO, ,SKU'I RO STONG SENG GE DANG 'DRA BA NYID DANG @170B MGUR DANG RGYUD LEGS PAR 'BREL ZHING PHRAG PA MDZES PAR GRUB PAS DPUNG MGO SHIN TU ZLUM PA NYID DANG, GSER GYI GTAN PA PHYIS PA LTA 'PHRAG [?] SO LEGS PAR 'GRUB PAS THAL GONG RGYAS PA NYID DANG, RLUNG DANG MKHRIS PA DANG, BAD KAN GYIS LJAGS MA NYAMS PA DANG, RO'I DBYE BA MKHYEN PA NYID DANG RNAM PAR SHES PA 'DRA BA MED PAS RO BRO BA'I MCHOG MKHYEN PA NYID DANG, SKU'I CHU DANG ZHENG 'DOM DU MNYAM PAS NA N+YA GRO DHA LTAR CHU ZHENG GAB PA NYID DANG, SPYI GTZUG ZLUM ZHING LEGS LA G-YAS PHYOGS SU 'KHYIL BA DANG LDAN PA'I DBU NA NYAM ZHING LEGS PAR GRUB LA BLTA NA MDZES PAR MNGA' BAS DBU GTZUG TOR DANG LDAN PA NYID DANG, ME TOG AUTPALA DMAR PO'I 'DAB MA'I MA DOG LTAR 'DUG CING SHIN TU YANGS PAS LJAGS RING ZHING SRAB PA NYID DANG, TSANGS PA DANG KA LA PING KA LTA BU'I GSUNG MNGA' BAS TSANGS PA'I DBYANGS NYID DANG, 'GRAM PA ME LONG GI DKYIL 'KHOR LTAR LEGS PAR GRUB CING MDZES PAR 'KHRUNGS TE BLTA NA SDUG PAS 'GRAM PA SENG GE'I 'DRA BA NYID DANG, ME TOG KUN NGA DANG, ZLA BA DANG, DUNG GI BCAG 'PHRO LTAR SHIN TU DKAR PA'I TSEMS MNGA' BAS TSEMS DKAR BA NYID DANG, CHEMS LA MTHO DMAN MED PAS TSEMS MNYAM PA NYID DANG, TSEMS BAR MTSAMS DOD PA MED PAS TSEMS THAGS BZANG BA NYID DANG, BLA 'OG DGYE SGU MED PAS TSEMS MNYAM SHING BZHI BCU TSANG BA NYID DANG, DKAR NAG GI CHA MA 'DRES PA DANG SHIN TU RNAM PAR DAG CING MDOG DMAR POS MA G-YOGS PAR SPYAN DKAR NAG 'BYES PAS SPYAN MTSON MTHING NYID DANG, RDZI MA STENG 'OG TU MA 'DZINGS SHING BA'I RDZI MA LTA BU MNGA' BAS NA DE BZHIN GSHEGS PA'I RDZI MA BA'I LTA BU NYID DO, ,'DI LA MTSAN NI GANG GANG GIS, ,'GRUB PAR BYED PA'O RGYU GANG YIN, DE DANG DE NI RAB RDZOGS PAS, ,MTSAN NI 'DI DAG YANG DAG 'GYUR, ,ZHES BYA BA LA, LONGS SPYOD RDZOGS PA'I SKU DE'I MTSAN RNAMS KYI SNGON GYI RGYU LAS DE DANG YANG DAG PAR GRUB PAS, MTSAN YONGS SU RDZOGS PAR SHES @171A *, ,PAR BYA'O, ,YANG MTSAN GANG GIS SNGON RGYU YONGS SU SBYANGS PA'I LAS DE DAG GANG ZHE NA, BLA MA SKYES LA SOGS PA DANG, ,YANG DAG BLANGS LA BRTAN PA DANG, ,BSDU BA BSTEN DANG GYA NOM PA'I, ,DNGOS PO SBYIN DANG GSAD BYA BA, ,THAR PAR BYED PA DGE BA NI; ,YANG DAG BLANGS PA SPEL LA SOGS, ,SGRUB BYED RGYU YI MTSAN NYID NI, MDO LAS JI SKAD 'BYUNG BA BZHIN, ,ZHES BYA BA LA, DE LA MED LAS, BLA MA BSU BA DANG SKYEL BA DAG DANG, CHOS NYAN PA LA SDOD PA DANG, GTZUG LAG KHANG DANG, MCHOD RTEN LA PHRENG BA DANG, BSHOS BU DBUL BA DANG, ,BSKOR BA LA SOGS BYAS PA DANG, ,G-YOG 'KHOR BYIN PAS PHYAG DANG ZHABS 'KHOR LO'I MTSAN DANG LDAN PAR 'GYUR TE, DE NI 'KHOR SHIN TU MNGA' BA'I SNGA LTAS SO, ,YI DAM LA SHIN TU BRTAN PAS ZHABS SHIN TU GNAS PA STE, DE NI MI G-YO ZHING SHIN TU BRTAN PA'I SNGA LTAS TE, GANG GIS RANG GIS RTOGS PA'I CHOS LAS GZHAN GYIS G-YO BAR MI NUS PA'O, ,BSDU BA'I DNGOS PO KUN TU BSTEN PAS PHYAG DANG ZHABS DRA BAR 'BREL BA STE, DE NI MYUR DU 'DU BA'I SNGA LTAS TE GANG GIS MA BSDUS PA'I SEMS CAN RNAMS MYUR DU SDUD PA'O, ,BZA' BA DANG, BCA' BA DANG, BTUNG BA RO ZHIM ZHING BSOD PA BYIN PAS PHYAG DANG ZHABS 'JAM ZHING GZHON SHA CHAGS PA DANG, BDUN SHIN TU MTHO BA STE, DE GNYIS NI BZA' BA DANG, BCA' BA DANG, BTUNG BA RO ZHIM ZHING BSOD PA BYIN PA'I SNGA LTAS SO, , BCINGS PA BKROL BA DANG, SROG GI RIM GRO BYAS PA DANG, SROG GCOD PA SPANGS PAS SOR MO RING BA DANG, RTING PA YANGS PA DANG, SKU CHE ZHING DRANG BA DANG, SKU TSE RING BA'I SNGA LTAS SO, ,DGE BA'I CHOS YANG DAG PAR BLANGS PA DANG, DGE BA BZUNG BA SPEL ZHING 'GRIB PAR MA BYAS PAS, ZHABS KYI LONG BU MI MNGON PA NYID DANG, SKU'I SPU GYEN DU PHYOGS PA STE, DE NI MI MNYAM PA'I CHOS DANG LDAN PA'AM, GDUL BYA RNAMS 'DUL BA'I SNGA LTAS SO, ,'DIR GDUL BYA NI GANG ZHIG YANG DAG PAR BSDUS PA'I SEMS CAN GYI KHAMS DE YONGS SU @171B SMIN PAR MDZAD PA'O, ,RIG PA DANG BZO LA SOGS PA GUS PAR BYAS TE BYIN PA DANG, MCHIL LHAM BYIN PAS BYIN PA RI DAGS AE NA YA LTA BU STE, DE NI MYUR DU 'DZIN PA'I SNGA LTAS TE, GANG ZHIG GZHAN GYIS SMRAS PA'AM, BRDAR BYAS PA'I DON MYUR DU 'DZIN PA'O, ,NOR BDOG PA LA SLONG MO'I SKYE BO PHYIR MA BZLOG PAR SBYIN PA LA SOGS PA BYAS PAS PHYAG RING ZHING MDZES PA STE, PHYAG RING ZHING DRANG BA ZHES BYA BA'I THA TSIG GO, ,DE LA DRANG BA NI NOR BDOG CING YOD PA BLANGS PA NA SBED PA'I GYA GYU MED PA'I PHYIR RO, ,RING BA NI SLANG MO BA'I SKYE BO PHYIR MA BZLOG PA DANG SKABS RNYED PAR BYA BA'I PHYIR RO, ,DE NI YO BYAD MANG BA DANG, DUL BA'I SNGA LTAS SO ZHES BYA BA NI SEMS LA DBANG BAS SER SNA GZHAN GYI DBANG DU MI 'GRO BA'I PHYIR DANG, NYON MONGS PA THUL BAS RNAM PA THAMS CAD DU MI MTHUN PA'I PHYOGS DANG MA 'DRES PA'I PHYIR RO, , GROGS PO DANG, MDZA' BSHES DANG, GNYEN 'DAB MA PHYE BA DANG, BYE BAR GYUR PA'I SEMS CAN BSDUMS PA DANG, TSANGS PAR SPYOD PA LA YANG DAG PAR BSKUL BA DANG, GSANG BA'I TSIG YONGS SU BSRUNGS PAS MDOMS KYI SBA BA SBUBS SU NUB PA STE, DA NI BU MANG BA'I SNGA LTAS SO ZHES BYA BA NI 'KHOR BA JI SRID PAR SANGS RGYAS KYI GDUNG RGYUN MI 'CHAD PA YIN PA'I PHYIR RO, ,STAN DANG, GOS DANG, KHANG PA DANG, GZHAL MED KHANG DANG, GNAS BZANG PO BYIN PAS, MDOG GSER DANG 'DRA BA DANG, PAGS PA SHIN TU 'DZAM PA STE; DE GNYIS NI GDAN DANG, NA BZA' DANG, GZHAL MED KHANG DANG, GNAS BZANG PO THOB PA'I SNGA LTAS SO, ,'DU 'DZI SPANGS PA DANG, MKHAN PO DANG, SLOB DPON DANG, PHA MA DANG, PHU NU DANG, SRING MO LA SOGS PA BLA MA RNAMS LA JI LTAR 'JAM PAR RIM GRO BYAS PA DANG, BTZUN PAR BYAS PA DANG, BCOL BA LA BSGO BA RNA LA MA GZAN PAS, SBU RE RE NAS G-YAS PHYOGS SU 'KHYIL BA DANG, ZHAL MDZOD SPUS BRGYAN PA STE, DE NI MNYAM PA MED PA'I SNGA LTAS SO, ,MI SNYAN PA MI ZER ZHING MI SMOD PAR SNYAN PAR SMRA ZHING LEGS PAR BSHAD PA LA @172A *, ,MTHUN PAR 'DZIN PAS RO STOD SENG GE'I LTA BU DANG, DBUNG MGO SHIN TU ZLUM PAR GRUB PA STE, DE NI THUB PA MED PA'I SNGA LTAS SO ZHES BYA BA NI YE SHES DANG MTHU THOGS PA MED PA'I PHYIR RO, ,NAD PA RNAMS LA SMAN DANG, RIM GRO DANG, SMAN PA DANG, PHAN PA'I ZAS BYIN PA DANG RIM GRO BYAS PAS THAL GONG RGYAS PA'O ZHES BYA BA 'DI NI PHRAG SO GNYIS KYI PHYOGS SHA RGYAS PA YIN PA'I PHYIR RO, ,RO BRO BA'I MCHOG MKHYEN PA ZHES BYA BA NI RNAM PAR SMIN PA BRNYES PA NGES PA NYID KYIS BCOM LDAN 'DAS KYI LJAGS KYI DBANG PO RO MI ZHIM PA DAG DANG, LJAGS KYI DBANG POR PHYIN PA DANG, RO MCHOG NYID DU SO SOR BA DAR PAR MDZAD PA STE, DE NI NAD NYUNG BA'I SNGA LTAS SO, ,SKYED MOS TSAL DANG, KUN DGA' RA BA DANG, BTUNG BA DANG, RDZING BU DANG, RGAL DKA' BA LA ZAM PA DANG, KHA ZAS DANG, GTZUG LAG KHANG GI PHRENG BA DANG, STEGS DANG, GTZUG LAG KHANG LA SOGS PA GZHAN MOS PAR BYA BA SNGON DU SONG ZHING BDAG GIS GZHAN LA BYIN PAS, SHING N+YA GRO DHA LTAR CHU ZHENG GAB PA ZHES BYA STE, PHYAG GI 'DOM BRKYANG BA'I ZHENG GI TSAD JI TZAM PA ZHABS NAS BRTZAMS TE, DBU'I BAR DU DKYUS TSAD DE TZAM KHO NA YOD PA'I PHYIR RO, ,DBU SPYI GTZUG DANG LDAN PA STE, DE NI MNGA' THANG CHEN PO BRNYES PA'I SNGA LTAS SO, ,YUN RING POR TSIG SNYAN ZHING 'JAM PA DANG, YID DU 'ONG BA GSUNGS PAS LJAGS SHIN TU YANGS SHING SRAB PA ZHES BYA BA NI BZHED NA STONG GSUM GYI STONG CHEN PO'I 'JIG RTEN GYI KHAMS LJAGS KYIS KHEBS PAR MDZAD PA'I PHYIR RO, ,GSUNG GCIG BRJOD PAS RNAM PA DU MAR GO BAR MDZAD PA'I TSANGS PA'I DBYANGS ZHES BYA BA NI, 'JIG RTEN GYI KHAMS MANG PO'I NANG NA BAR CHAD PAS, GNAS PA'I GDUL BYA RNAMS KYI RNA BA'I DBANG PO'I YUL DU MTSUNGS PAR GYUR PA'I GSUNG DBYANGS MNGA' BA'I PHYIR RO, ,DE GNYIS NI YAN LAG LNGA DANG LDAN PA'I GSUNG MNGA' BA'I SNGA LTAS SO, ,GSUNG DBYANGS YAN LAG LNGA DANG LDAN PA ZHES BYA BA NI YONGS SU SHES SHING, RNAM PAR SHES PAR 'GYUR BA DANG, MNYAN NA DGA' ZHING MI MTHUN PA MED PA NYID DANG, @172B ZAB CING DBYANGS RJES SU 'GRO BA DANG, GTANG MI BRA ZHING RNAR SNYAN PA DANG, MA 'KHRUGS SHING GSAL BA'O, ,MA 'KHRUGS PA ZHES BYA BA NI LEGS PAR GO BAR BYED PA'O, ,DE NYID KYI PHYIR GSAL BA ZHES BYA STE, GDUL BYA'I SKYE BO RNAM PA SNA TSOGS KYI RGYUD LA GO BAR MDZAD PA YIN PA'I PHYIR RO, ,YUN RING PO NAS TSIG 'KHYAL PA SPONG ZHING DUS SU SMRA BAR GSUNGS PAS NA 'GRAM PA SENG GE 'DRA STE, DE NI TSIG KUN GYIS GZUNG BAR 'OS PA'I SNGA LTAS SO, ,RIM GRO BYAS PA DANG, BRNYAS PA MED PA NYID KYIS 'TSO BA YONGS SU DAG PAS, TSEMS SHIN TU DKAR PA NYID DANG, TSEMS MNYAM PA STE, DE NI 'KHOR SNGA NAS BSAGS PA'I SNGA LTAS SO, ,YUN RING PO NAS BDEN PA'I TSEG DANG, PHRA MA MED PA'I TSIG TU SPYOD PAS TSEMS THAGS BZANG BA DANG, TSEMS BZHI BCU MNGA' BA STE, DE NI 'KHOR MI PHYED PA'I SNGA LTAS SO, ,BANG GIS 'KHYUD PA BZHIN DU NYES PAR BSAM PA MED LA MA CHAGS MI SDANG BA DANG, RMONGS PA MED PA'I MIG GIS LTA LTA BAS SPYAN DKAR NAG 'BYES PA DANG, BA'I RDZI MA LTA BU STE, DE NI KUN NAS MDZES PA'I SNGA LTAS SO ZHES BYA BA SPYAN PHYE BA'I TSUL DANG CHOS MTHUN PA'I PHYIR RO, ,SKYES BU CHEN PO'I MTSAN SUM CU RTZA GNYIS BSTAN NAS, DPE BYAD BZANG PO BRGYAD CU BSTAN PAR BYA BA'I PHYIR GSUNGS PA NI, SANGS RGYAS BCOM LDAN 'DAS RNAMS NI MNGON PAR 'DU BYA BA THAMS CAD LAS DBEN PA STE SEN MO ZANGS KYI MDOG LTA BU DANG, GNYEN BSHES BYAMS PA DANG 'DRA BAR SEMS CAN THAMS CAD LA PHAN PA DANG BDE BA'I THUGS MNGA' BA STE SEN MO MDOG SNUM PA DANG, RIGS RGYUD MTHON PO 'BYUNG BA STE SEN MO MTHO BA YIN, ,SPYOD TSUL KHA NA MA THO BA MI MNGA' BA STE SOR MO ZLUM PA YIN, DGE BA'I RTZA BA SHIN TU BSAGS PA NYID KYIS SOR MO RGYAS PA DANG, DGE BA'I RTZA BA RIM GYIS ZHUGS PA NYID KYIS SOR MO RNAMS BYIN GYIS PHRA BA DANG, SKU DANG GSUNG DANG THUGS KYI PHRIN LAS KYI MTHA' DANG 'TSO BA RAB TU BSRUNGS PAS RTZA MI MNGON PA DANG, NYON MONGS PA'I MDUD PA 'GROL BAR MDZAD PA NYID KYIS RTZA MA DUD PA MED PA DANG, CHOS SHIN TU @173A *, ,GTZANG BA'I BLO GROS CAN NYID KYIS LONG BU MI MNGON PA NYID DANG, BGROD DKA' BA'I GNAS THAMS CAD LAS SGROL BAR MDZAD PA NYID KYIS ZHABS MI MNYAM PA MED PA DANG, MI'I SENG GE NYID KYIS NI SENG GE'I STABS SU BZHUD PA NYID DANG, MI'I GLANG PO NYID KYIS GLANG PO CHE'I STABS SU GSHEGS PA NYID DANG, NGANG PA'I RGYAL PO LTAR NAM MKHA' LA GSHEGS PA NYID KYIS NGANG PA'I RGYAL PO'I STABS SU GSHEGS PAR MKHAS PA NYID DANG, MI'I KHYU MCHOG TU GYUR PA NYID KYIS KHYU MCHOG GI STABS SU GSHEGS PA NYID DANG, SKOR PHYOGS KYI LAM DANG MTHUN PAR GSHEGS PA NYID KYIS G-YAS PHYOGS SU LDOG CING GSHEGS PA NYID DANG, BLTA NA MDZES PA STE MDZES PAR GSHEGS PA NYID DANG, RTAG TU THUGS YON PO MI MNGA' BA STE DRANG POR GSHEGS PA NYID DANG, YON TAN YANG DAG PAR BRJOD PA NYID KYIS SKU 'KHRIL BAG CHAGS PA NYID DANG, SDIG PA'I CHOS DANG MA SBAGS PA NYID KYIS SKU BYI DOR BYAS PA LTA BU NYID DANG, GDUL BYA DANG 'TSAM PAR CHOS STON PAR MDZAD PA NYID KYIS SKU RIM PAR 'TSAM PA NYID DANG, SKU DANG, GSUNG DANG, THUGS KYI KUN TU SPYOD PA GTZANG BA'I PHYIR SKU GTZANG BA NYID DANG, RANG BZHIN GYIS THUGS 'JAM PA DANG LDAN PA'I PHYIR SKU 'JAM PA NYID DANG, THUGS RANG BZHIN GYIS RNAM PAR DAG PA'I PHYIR SKU RNAM PAR DAG PA NYID DANG, CHOS 'DUL BA YONGS SU RDZOGS PA'I PHYIR MTSAN RDZOGS PA NYID DANG, YANGS SHING MDZES PA'I YON TAN BRJOD PA'I PHYIR SKU YANGS SHING BZANG BA NYID DANG, THAMS CAD LA THUGS SNYOMS PA'I PHYIR, GOM PA SNYOMS PA NYID DANG, RNAM PAR DAG PA'I CHOS STON PA'I PHYIR, SPYAN RNAM PAR DAG PA NYID DANG, CHOS SHIN TU GO SLA BA STON PA'I PHYIR, SKU SHIN TU GZHON SHA CAN NYID DANG; THUGS RTAG TU MA ZHUM PA'I PHYIR, SKU ZHUM PA MED PA NYID DANG, DGE BA'I RTZA BA YANG DAG PAR 'PHAGS PA'I PHYIR, SKU RGYAS PA NYID DANG, YANG SRID BA ZAD PA NYID KYIS SKU SHIN TU GRIMS PA NYID DANG, RTEN CING 'BREL BAR 'BYUNG BA SHIN TU RNAM PAR PHYE BA RAB @173B TU STON PAR MDZAD PA NYID KYIS, YAN LAG DANG NYING LAG SHIN TU RNAM PAR 'BYES PA NYID DANG, TSIG DON RNAM PAR DAG PA STON PAS GZIGS PA RAB RIB MED CING RNAM PAR DAG PA NYID DANG, SLOB MA PHUN SUM TSOGS PAR GYUR PA NYID KYIS DKU ZLUM PA NYID DANG, 'KHOR BA'I SKYON GYIS MA SBAGS PA NYID KYIS DKU SKABS PHYIN PA NYID DANG, NGA RGYAL GYIS 'GYING BA BCOM PA NYID KYIS DKU MA RNYONGS PA NYID DANG, CHOS ZAD PA RNAM PAR LDOG PA NYID KYIS PHYAL PHYANG BA NYID DANG, CHOS ZAB MO RTOGS PA NYID KYIS LTE BA ZAB PA NYID DANG, SLOB MA MTHUN PAR MDZAD PA NYID KYIS LTE BA G-YAS PHYOGS SU 'KHYIL BA NYID DANG, SLOB MA'I TSOGS KUN NAS MDZES PAR GYUR PA NYID KYIS KUN NAS MDZES PA NYID DANG, THUGS SHIN TU GTZANG BA NYID KYIS KUN TU SPYOD PA GTZANG BA NYID DANG, DUS MA YIN PA'I CHOS 'DUL BA NYID DANG BRAL BA NYID KYIS SKU LA SME BA GNAG BAG MED PA NYID DANG, LUS LA SOGS PA ZO MDOG BDE BA NYID KYIS PHYAG SHING BAL LTAR 'JAM PA NYID DANG, RANG GI SKYE BO DANG SKYE BO PHAL PA LA BYAMS PA NYID KYIS DGE SBYONG CHEN PO BRNYES PA NYID KYI PHYIR PHYAG GI RI MO MDANGS YOD PA NYID DANG, MCHOG TU ZAB PA'I CHOS LA GNAS PA NYID KYIS PHYAG GI RI MO ZAB PA NYID DANG, PHYI RJES SU YANG DAG PAR YONGS SU DAG PA'I CHOS STON PAR MDZAD PAN YID KYIS PHYAG GI RI MO RING BA NYID DANG, BSLAB PA HA CANG MI RING BAR 'CHA' BA NYID KYIS ZHAL ZHA CANG MI RING BA NYID DANG, 'JIG RTEN THAMS CAD GZUGS BRNYAN DANG 'DRA BAR GZIGS PA NYID KYIS MCHU BIM PA LTAR DMAR BA NYID DANG, TSIG 'JAM PO SNGON DU 'GRO BAS 'DUL BA NYID KYIS LJAGS MNYEN PA NYID DANG, YON TAN 'THAD PA MANG PO MNGA' BA NYID KYIS LJAGS SRAB BA NYID DANG, CHOS 'DUL BA LA BYIS PA LTAR CHAGS PA NYID KYI GTING DPAG DKA' BA NYID KYIS LJAGS DMAR BA NYID DANG, GLANG PO'I SGRA DANG, 'BRUG GI SGRA LTA BUS BSNYENGS PA MI MNGA' BA NYID KYIS GLANG PO CHE'I NGA RO DANG, DBYANGS DANG LDAN PA NYID DANG, SNYAN CING 'JAM LA YID DU 'ONG BAR SMRA BA'I SLOB MA MNGA' BA @174A *, ,NYID KYIS GSUNG SNYAN CING MNYEN LA 'JAM PA NYID DANG, SRID PA KUN DU BSDAMS PA BCAD PA NYID KYIS MCHE BA ZLUM PA NYID DANG, SKYE BO GDUL BAR DKA' BA RNAMS 'DUL BA LA MKHAS PA NYID KYIS MCHE BA RNO BA NYID DANG, CHOS 'DUL BA SHIN TU DKAR BAS NA MCHE BA DKAR BA NYID DANG, MNYAM PA'I SA LA BZHAG PA NYID KYIS MCHE BA MNYAM PA NYID DANG, MTHAR GYIS MNGON PAR RTOGS PA YANG DAG PAR STON PAR MDZAD PA NYID KYIS MCHE BA BYIN GYIS PHRA BA NYID DANG, SHES RAB KYI RI BO MTHON PO LA BZHUGS PA NYID KYIS SHANGS MTHO BA NYID DANG, 'DUL BA'I SKYE BO GTZANG MA PHUN SUM TSOGS PA NYID KYIS SHANGS GTZANG BA NYID DANG, SANGS RGYAS KYI CHOS SHIN TU RGYA CHE BA MNGA' BA NYID KYI SPYAN YANGS PA NYID DANG, SEMS CAN GYI TSOGS DRANGS PA NYID KYIS RDZI MA STUG PA NYID DANG, SPYAN DKAR NAG 'BYES PA DANG PADMA'I 'DAB MA RGYAS PA LTA BU LTAR 'DUG PA'I SPYAN GYIS LHA DANG, LHA MA YIN DANG, SKYES PA DANG, NA CHUNG MCHOG MNGON PAR DGA' BAR MDZAD PA NYID KYIS SPYAN DKAR NAG 'BYES PA DANG, PADMA'I 'DAB MA RANGS PA LTA BU NYID DANG RTAG TU PHYI RJES SU GZIGS PA NYID KYIS SMIN MTSAMS RING BA NYID DANG, CHOS 'DUL BA DKAR PO LA MKHAS PA NYID KYIS 'JAM PA NYID DANG, KUN GZIGS PA NYID KYIS SMIN MA'I SPU MNYAM PA NYID DANG, DGE BA'I RTZA BA'I SNUM GYIS BSKUS PAR GYUR PA'I SKYE BO 'DUL BA NYID KYIS SMIN MA SNUM PAR GYUR BA NYID DANG, MCHOG TU GNOD PA BZLOG PAR MDZAD PA NYID KYIS PHYAG RING ZHING RGYAS PA NYID DANG, NYON MONGS PA'I G-YUL LAS RNAM PAR RGYAL BA NYID KYIS SNYAN MNYAM PA NYID DANG, SEMS CAN BSAM PA MA NYAMS PA THAMS CAD 'DUL BAR MDZAD PA NYID KYIS SNYAN GYI DBANG PO MA NYAMS PA NYID DANG, LTA BAS BYAS PA THAMS CAD KYI GZHAN DU MI 'GYUR BA NYID KYIS DPRAL BA LEGS PAR 'BYES PA NYID DANG, PHAS KYI RGOL BA'I DGE SBYONG DANG, BRAM ZE RAB TU 'JOMS PA NYID KYIS DPRAL BA'I DBYES CHE BA NYID DANG, SMON LAM GYI MCHOG YONGS SU RDZOGS PA NYID KYIS DBU SHIN TU RGYAS PA NYID @174B DANG; YUL GYI BUNG BA'I DGA' BA BZLOG PAR MDZAD PA NYID KYIS DBU BUNG BA LTAR GNAG PA DANG, MTHONG BA DANG BSGOMS PAS SPANG BAR BYA BA'I BAG LA NYAL SPANGS PA NYID KYIS DBU SKRA STUG PA NYID DANG, BSTAN PA THUGS 'JAM PAS THUGS SU CHUD PA NYID KYIS DBU SKRA 'JAM PA NYID DANG; 'DOD CHAGS LA SOGS PAS MA MA 'KHRUGS PA NYID KYIS DBU SKRA MA 'DZINGS PA NYID DANG, RTAG TU TSIG MI RTZUB PA NYID KYIS DBU SKRA MI BSHOR BA NYID DANG, BYANG CHUB KYI YAN LAG GI ME TOG G-YAS SU PHYOGS NAS BKRAM PA NYID KYIS DBU SKRA DRI ZHIM PA NYID DANG, RNAM PA THAMS CAD MDZES PAR GYUR PA NYID KYIS PHYAG DANG ZHABS LA DPAL BE'U DANG, BKRA SHIS DANG, G-YUNG DRUNG DANG, G-YUNG DRUNG 'KHYIL BAS BRGYAN PA NYID YIN NO, ,MDO LHUG PA 'DI BSDU BAR BYA BA'I DON DU TSIG LE'UR BYAS PA SBYAR BA NI 'DI YIN TE, THUB PA'I SEN MO ZANGS MDOG DANG, ,MDOG SNUM MTHO DANG SOR MO RNAMS, ,ZLUM RGYAS BYIN GYIS PHRA BA DANG, ,RTZA MI MNGON DANG MDUD PA MED, ,LONG BU MI MNGON ZHABS MNYAM DANG, ,SENG GE GLANG CHEN BYA DANG NI, ,KHYU MCHOG STABS GSHEGS G-YAS PHYOGS DANG, ,MDZES GSHEGS DRANG DANG 'KHRIL BAG CHAGS, ,BYI DOR BYAS 'DRA RIM PAR 'TSAM, ,GTZANG DANG 'JAM DANG DAG PA'I SKU, ,MTSAN NI YONGS SU RDZOGS PA DANG, ,SKU YI KHO LAG YANGS SHING BZANG, ,GOM SNYOMS SPYAN NI DAG PA DANG, ,SHIN TU GZHON MDOG SPYAN NYID DANG, ,SKU ZHUM MED DANG RGYAS PA DANG, ,SHIN TU GRIMS PA'I SKU NYID DANG, ,YAN LAG SHIN TU RNAM 'BYES DANG, ,GZIGS PA MUN MED DAG PA DANG, ,DKU ZLUM SKABS PHYIN MA RNYONGS DANG, ,PHYANG NGE BA DANG LTE BA NI, ,ZAB DANG G-YAS PHYOGS 'KHYIL BA DANG, ,KUN NAS BLTA NA SDUG PA DANG, KUN SPYOD GTZANG DANG SKU LA NI, ,SME BA GNAG BAG MED PA DANG, ,PHYAG NI SHING BAL LTAR 'JAM DANG, ,PHYAG RING MDANGS YOD ZAB RING DANG, ,ZHAL NI HA CANG MI RING DANG, ,MCHU NI BIM PA LTAR DMAR DANG, ,LJAGS MNYEN PA DANG SRAB PA DANG, ,DMAR DANG 'BRUG GI SGRA NYID DANG, ,GSUNG @175A *, ,MNYEN 'JAM DANG MCHE BA ZLUM, ,RNO DANG DKAR DANG MNYAM PA DANG, ,BYIN GYIS PHRA DANG SHANGS MTHO DANG, ,MCHOG TU DAG PA DAG DANG NI, ,SPYAN YANGS PA DANG RDZI MA STUG ,PADMA'I 'DAB MA 'DRA BA DANG, ,SMIN DKYUS RING DANG 'JAM PA DANG, ,SNUM DANG SPU NI MNYAM PA DANG, PHYAG RING RGYAS DANG SNYAN MNYAM PA DANG, ,NYAMS PA RNAM PAR SPANGS PA DANG, ,DPRAL CHE LEGS PAR 'BYES PA DANG, ,DBYES CHE BA DANG DBU RGYAS DANG, ,DBU SKRA BUNG BA LTAR GNAG DANG, ,STUG 'JAM MA 'DZINGS NGO BO DANG, ,MI BSHOR DRI ZHIM SKYES BU YI, ,YID NI 'PHROG PAR BYED PA DANG, ,DPAL GYI BE'U DANG BKRA SHIS NI, ,SANGS RGYAS DPE BYAD BZANG POR BZHED, ,LONGS SPYOD RDZOGS PA'I SKU BSTAN NAS SPRUL PA'I SKU JI LTA BU ZHIG CE NA, GANG GIS 'KHOR BA JI SRID PAR, ,'GRO LA PHAN PA SNA TSOGS DAG ,MNYAM DU MDZAD PA'I SKU DE NI, ,THUB PA SPRUL SKU RGYUN MI 'CHAD, ,DE BZHIN LAS KYANG RGYUN MI 'CHAD, ,'KHOR BA JI SRID BZHUGS PAR 'DOD, ,CES BSTAN TO, ,DE BAS NA DE LAS GZHAN PA RNAM PA THAMS CAD DU YONGS SU RDZOGS PA'I CHOS KYI SKU'I 'BRAS BU GNAS SKABS PAS 'KHOR BA JI SRID PAR PHYOGS BCU'I 'JIG RTEN GYI KHAMS SU SPRUL PA LHUN GYIS GRUB PAR 'JUG CING, SEMS CAN GYI DON RGYUN MI 'CHAD PAR SNA TSOGS MDZAD PA'I SGO NAS GNAS GYUR PAS YONG SU GYUR PA'I LAS KYI DBANG DU MDZAD DE, BCOM LDAN 'DAS CHOS THAMS CAD RMI LTAM LTA BUR DNGOS PO MA MCHIS PA DNGOS PO MA MCHIS PA'I NGO BO NYID RANG GI MTSAN NYID KYIS STONG PA'I CHOS RNAMS LA DGE BA DANG, MI DGE PA DANG, 'JIG RTEN PA DANG, 'JIG RTEN LAS 'DAS PA LA SOGS PA ZHES BGYI BA JI LTAR RNAM PAR GZHAG PAR 'GYUR ZHES ZHUS PA NI BYED PA DE NYE BAR DGONGS PA BYED PA'I PHYIR, RAB 'BYOR 'DI LA BYIS PA SO SO'I SKYE BO THOS PA DANG MI LDAN PA RNAMS NI, ,RMI LAM YANG MI DMIGS ZHES BYA BA NAS BRTZAMS TE; 'KHOR BA RMI LAM LTA BUR DGONGS NAS RMI LAM MTHONG BA MI DMIGS SO ZHES BYA BA DANG, DE SAD PA'I 'PHAGS PA'I GANG ZAG LA DGONGS NAS, YANG DAG PAR RDZOGS PA'I SANGS RGYAS KYIS DE NYE BAR MA DMIGS PA'I DPES, ,RMI LAM LTAR BSHAD PAS GO RIMS BZHIN DU NYON @175B MONGS PA DANG SHES BYA'I SGRIB PA'I GNYEN PO NYE BAR DMIGS SU MED PA SHES PAR BYA BA'I PHYIR, CHOS RNAM PAR BZHAG BA DKA' BA BYED PA YIN TE NGO MTSAR CHE'O ZHES BSTAN TO, ,YANG CHOS KYI SKU'I PHRIN LAS RNAM PA DU ZHIG YIN ZHE NA, 'GRO RNAMS ZHI BA'I LAS DANG NI, ,BSDU BA RNAM BZHI LA 'GOD PA, ,KUN NAS NYON MONGS BCAS PA YI,, RNAM PAR BYANG BA RTOGS PA DANG, ,SEMS CAN RNAMS DON JI BZHIN DU, ,DON DANG PHA ROL TU PHYIN DRUG DANG, ,SANGS RGYAS LAM DANG RANG BZHIN GYIS, ,STONG PA NYID DANG GNYIS ZAD DANG, ,BRDA DANG DMIGS PA MED PA DANG, ,LUS CAN RNAMS NI YONGS SMIN DANG, ,BYANG CHUB SEMS DPA'I LAM DANG NI, ,MNGON PAR ZHEN PA BZLOG PA DANG, ,BYANG CHUB THOB DANG SANGS RGYAS SHING, ,RNAM PAR DAG DANG NGES PA DANG, ,SEMS CAN DON NI TSAD MED DANG, ,SANGS RGYAS BSTEN SOGS YON TAN DANG, ,BYANG CHUB YAN LAG LAS DANG NI, ,CHUD MI ZA DANG BDEN MTHONG DANG, ,PHYIN CI LOG NI SPANGS PA DANG, ,DE GZHI MED PA'I TSUL DANG NI, ,RNAM PAR BYANG DANG TSOGS DANG NI, ,'DUS BYAS 'DUS MA BYAS PA LAS, ,THA DAD YONGS SU MI SHES DANG, ,MYA NGAN LAS 'DAS LA DGOD PA DANG, ,SANGS RGYAS SKU YI PHRIN LAS 'DI, ,RNAM PA NYI SHU BDUN DU 'DOD, , CES BSTAN TO, ,DE LA 'GRO BA RNAM PAR ZHI BA'I LAS NI 'GRO BA LNGAS BSDUS PA YIN TE, GANG GI PHYIR DMYAL BA'I 'GRO BZHI BA'I DBANG DU MDZAD NAS, RAB 'BYOR NGAS 'DI NAS SANGS RGYAS KYI SPYAN GYIS 'JIG RTEN LA GZIGS NAS, PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED DAG NA, BYANG CHUB SEMS DPA' SEMS DPA' CHEN PO DAG CHED DU BSAMS TE, SEMS CAN DMYAL BA CHEN PO DAG TU SONG NAS ZHES BYA BA DE DAG NAS 'PHOS TE, LHA DANG MI DAG DANG SKAL BA MNYAM PAR SKYES SHING RIM GYIS THEG PA GSUM GYI SDUG BSNGAL MTHAR 'BYIN PA MTHONG NGO ZHES BYA BA'I BAR DANG, PHYOGS BCU'I 'JIG RTEN GYI KHAMS KYI KHAMS KYI BYOL SONG GI SKYE GNAS PA'I SEMS CAN RNAMS KYI DON DU BDAG YONGS SU GTONG BA LA SOGS PAS BYOL SONG GI SKYE GNAS ZHI BA'I LAS DANG, DE BZHIN DU YI DAGS KYI YUL DE DAG NA SDUG BSNGAL JI SNYED YOD PA @176A *, ,DE DAG RAB TU 'JOMS SHING GSHIN RJE'I SDUG BSNGAL ZHI BA'I LAS DANG, 'DOD PA NA SPYOD PA'I LHA'I RIS DRUG LA CHOS BSTAN PA'I RIM GYIS THEG PA GSUM GYI RIM GYIS YONGS SU MYA NGAN LAS 'DA' BAR 'GYUR BA DANG, TSANGS PA'I LTA BA LA MNGON PAR ZHEN PA DE DAG LA CHOS BSTAN PAS LHA'I 'GRO BA ZHI BA'I PHRIN LAS YIN TE, RAB 'BYOR NGAS YANG 'DI NAS SANGS RGYAS KYI SPYAN GYIS RNAM PAR GZIGS NAS, BYANG CHUB SEMS DPA' SEMS DPA' CHEN PO DAG MI RNAMS BSDU BA'I DNGOS PO BZHIS SDUD PA MTHONG STE ZHES BYA BA NAS BRTZAMS TE, SEMS CAN RNAMS RNAM PA THAMS CAD MKHYEN PA NYID KYI BAR THOB PAR MDZAD PA DE NI 'PHAGS PA'I CHOS RNAMS KYI 'BRAS BU LA RAB TU 'GOD DO ZHES BYA BA'I BAR DU RGYA CHER GSUNGS PA 'DI NI MI'I 'GRO BA ZHI BA'I PHRIN LAS SO, ,GAL TE BYANG CHUB SEMS DPA' YANG SEMS CAN RNAMS RNAM PA THAMS CAD MKHYEN PA NYID THOB PAR BYED PA YIN NA DE LTA NA NI SANGS RGYAS DANG BYANG CHUB SEMS DPA' LA KHYAD PAR MED PAR 'GYUR RO ZHES BRGAL BA LA, GNYI GA YANG GCIG TU BSTAN PAS MNGON SUM DU MDZAD PA DANG, MA MDZAD PA DAG LA KHYAD PAR MED PAR KHAS BLANGS PA MA YIN PAS LAN BTAB PA YIN NO, ,BSDU BA RNAM PA BZHI LA 'GOD PA NI GANG PHYOGS BCU'I 'JIG RTEN GYI KHAMS KYI SEMS CAN RNAMS SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA RNAMS KYIS ZHES BYA BA NAS STONG PA NYID LA SOGS PAS RJES SU BZUNG BA NI NGO MTSAR RMAD DU BYUNG BA'I CHOS NYID YIN NO ZHES BYA BA'I BAR DU BSTAN PA YIN NO, ,KUN NAS NYON MONGS PA DANG, RNAM PAR BYANG BA LA 'GOD PA NI RAB 'BYOR GZHAN YANG BYANG CHUB SEMS DPA' SEMS DPA' CHEN PO, ,BYANG CHUB SEMS DPA' GZHAN DAG LA 'DI SKAD 'DEMS SHING 'DI SKAD BSTAN TE ZHES BYA BA NAS BRTZAMS TE, YI GE BSGRUB PA'I GZUNGS LA MKHAS PA'I DBANG DU MDZAD NAS ZHUS PA DANG, LAN RGYA CHER GSUNGS PA DANG, DE BZHIN GSHEGS PA'I SPRUL PA'I DPE DANG BCAS PAS, CHOS THAMS CAD MA BCINGS MA GROL BA NYID KYIS GNAS PA MED @176B PA'I TSUL DANG, 'PHAGS PA'I GANG ZAG THAMS CAD SKYON MED PA PA NAS CHOS KYI DBYINGS SAM, DE BZHIN NYID DAM, YANG DAG PA'I MTHA' LAS 'DAS PA MED PA YIN NO, ,MI LDOG PAR BRJOD DO, ,GAL TE CHOS KYI DBYINGS LA SOGS PA 'DA' BA MED PA NYID YIN NA DE JI SNYAM DU SEMS, ,CHOS KYI DBYINGS KYANG GZHAN LA GZUGS KYANG GZHAN NAM, CHOS THAMS CAD CHOS KYI DBYINGS LA GZHAN MA YIN PAR ZHUS PAS, DE GZHAN MA YIN PA DGONGS NAS GZUGS LA SOGS PA LA YANG LDOG PA MED PAR THAL BAR 'GYUR BAS KUN NAS NYON MONGS PA DANG RNAM PAR BYANG BA'I BDAG NYID CAN DU BSTAN PAR BYA BA'I DON GYIS RAB 'BYOR KUN RDZOB KYI BDEN PA TSAD MAR BYAS NAS, DE RNAM PAR GZHAG PA DANG 'BRAS BU RNAM PAR GZHAG PA KUN RDZOB YIN GYI, DON DAM PA MA YIN BYIS PA SO SO'I SKYE BO THAMS CAD RGYUN DU ZHUGS PA'I 'BRAS BU THOB PAR THAL BAR 'GYUR BA DANG, DE RNAMS GNYI GA YONGS SU SHES PAR YANG DAG PA NAS BRTZAMS TE, 'DUS BYAS DANG 'DUS MA BYAS KYI KHAMS RIS SU GCAD CING 'BRAS BU RNAM PAR DGOD PA MED NA, CHOS KYI DBYINGS LA KUN TU SBYOR BA GSUM SPANGS PAS 'BRAS BU DANG PO DANG, 'DOD PA'I 'DOD CHAGS DANG GNOD SEMS SRABS [*SRAB?] PAS, LAN CIG PHYIR 'ONG BA'I 'BRAS BU DANG, THA MA'I CHA DANG LDAN PA'I KUN DU SBYOR BA LNGA SPANGS PAS PHYIR MI 'ONG BA'I 'BRAS BU DANG, GONG MA'I CHA DANG LDAN PA'I KUN TU SBYOR BA LNGA SPANGS PAS DGRA BCOM PA'I 'BRAS BU NYID NAS YANG DAG PAR RDZOGS PA'I BYANG CHUB KYI BAR DU RGYA CHER GSUNGS PA'I 'BRAS BU RNAM PAR GZHAG PA MA MCHIS PAR ZHUS PA DANG, DUS GANG GI TSE SKAD CIG MA GCIG GIS CHOS THAMS CAD RTOGS PA NA DE BZHIN GSHEGS PA'I SPRUL PA'I DPES, ,CHOS RNAMS KYI CHOS NYID KYI MTSAN NYID JI SNYED PA KHONG DU CHUD DO ZHES LAN GSUNGS PA DANG, CHOS RNAMS KYI MTSAN NYID RAB TU RDZOGS PAR ZHUS PA LA DE BZHIN GSHEGS PA'I SPRUL PA'I DPES DE BSTAN PA SPRUL LAM BSGOM PA LA BRTEN KYANG KUN NAS NYON MONGS PA DANG, RNAM PAR BYANG BAR MI 'GYUR BA DANG 'DRA BAR DNGOS PO MED PA'I @177A *, ,CHOS RAB TU RTOGS PA DANG, CHOS THAMS CAD SPRUL PA LTA BU YIN NA YANG, BYANG CHUB SEMS DPA' SGYU MA LTA BU'I CHOS MTHONG BA'I SKYES BU BYED PA NYI DANG, DE LTA YIN NA SEMS CAN RNAMS KYI DON BYED PA LA 'JUG PA DON MED PAR 'GYUR BA DANG, SEMS CAN RNAMS KYIS DE LTAR MA SHES PAS DE 'BRAS BU DANG BCAS PA YIN PAR BSTAN TO ZHES BSTAN PA YIN NO, ,DE BZHIN DU 'OG MA 'OG MA RNAMS LA BRGAL BA DANG, LAN RJES SU SBYAR TE, GCIG NAS GCIG TU BRJOD PA'I GNAS MDO LAS JI SKAD GSUNGS PA BZHIN DU RGYA CHER BRJOD PAR BYA STE, KHO BOS NI GZHUNG MANGS KYI DOGS PA'I PHYIR BSDU BA TZAM BYAS PA YIN NO, ,SEMS CAN RNAMS KYI DON JI LTA BA BZHIN DU BKOD PA NI GANG SGYU MA MKHAN GYI DPES SEMS DANG PO BSKYED PA DANG, BSGRUB PA DANG, RTOGS PA'I MTSAN NYID CAN THOG MA DANG BAR DANG, THA MA RNAMS SU CHOS KYI DBYINGS 'KHRUG PA MED PA NYID KYIS SEMS CAN THAMS CAD KYI DON JI LTA BA BZHIN DU RTOGS PA DANG, GZHAN RNAMS YANG DAG PA'I MTHA' RAB TU 'JOG PA'I PHRIN LAS MDZAD DO ZHES BSTAN PA YIN NO, ,PHA ROL TU PHYIN PA DRUG LA 'GOD PA NI GANG DE'I RJES LA PHA ROL TU PHYIN PA DRUG LA RAB TU ZHUGS PA'I PHRIN LAS MDZAD PA'O ZHES BSTAN PA YIN NO, ,SANGS RGYAS KYI LAM LA DGOD PA DANG, GANG DE'I 'OG TU DGE BA BCU'I LAS KYI LAM NAS BRTZAMS TE, YANG DAG PAR RDZOGS PA'I BYANG CHUB KYI BAR DU 'JOG PA'I PHRIN LAS MDZAD PA'O ZHES BSTAN PA YIN NO; ,RANG BZHIN GYIS STONG PAN YID LA 'GOD PA NI GANG DE'I 'OG TU DE'I RANG BZHIN GYIS STONG PA NYID LA RAB TU 'JOG PA'I PHRIN LAS MDZAD PA'O ZHES RGYA CHER BSTAN PA YIN NO, ,GNYIS SU MED PA'I CHOS LA 'GOD PA NI GANG DE'I 'OG TU DE BZHIN GSHEGS PA'I SPRUL PA'I DGRA BCOM PA DANG, RMI LAM GYI NANG GI DPE GNYIS KYIS GNYIS SU MED PA LA MNGON PAR RTOGS PA LA 'JOG PA'I PHRIN LAS MDZAD PA'O ZHES BSTAN PA YIN NO, ,BRDAR BTAGS PA SHES PA LA 'GOD PA NI GANG DE'I 'OG TU GNAS BRTAN RAB 'BYOR BDAG NYID DBANG DU GYUR PA'I @177B DPES CHOS THAMS CAD THA SNYAD DU BTAGS PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,SEMS CAN YONGS SU SMIN PAR BYED PA LA 'GOD PA NI GANG DE'I 'OG TU PHA ROL TU PHYIN PA DRUG GIS SEMS CAN YONGS SU SMIN PAR BYED PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,BYANG CHUB SEMS DPA'I LAM LA 'GOD PA NI GANG DE'I 'OG TU PHA ROL TU PHYIN PA LA SOGS PA BYANG CHUB SEMS DPA'I LAM LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,CHOS THAMS CAD LA MNGON PAR ZHEN PA SPANG BA LA 'GOD PA NI GANG DE'I RJES LA CHOS THAMS CAD LA MNGON PAR ZHEN PA MED PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,YANG DAG PAR RDZOGS PA'I BYANG CHUB LA 'GOD PA NI GANG DE'I 'OG TU BYANG CHUB LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, , SANGS RGYAS KYI ZHING RNAM PA DAG PA LA 'GOD PA NI DE'I 'OG TU SANGS RGYAS KYI ZHING RNAM PAR DAG PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,YANG DAG PAR RDZOGS PA'I BYANG CHUB LA NGES PAR 'JOG PA NI GANG DE'I 'OG TU SEMS DANG PO BSKYED PA DANG PHYIR MI LDOG PA DANG SRID PA THA MAR SO SOR NGES PA LA 'JOG PA'I PHRIN LAS MDZAD PA'O ZHES BSTAN PA YIN NO, ,SEMS CAN GYI DON TSAD MED PA LA 'GOD PA NI GANG DE'I 'OG TU PHYOGS BCU'I 'JIG RTEN GYI KHAMS TSAD MED PA'I SEMS CAN GYI DON MDZAD PA'I PHRIN LAS MDZAD PA'O ZHES BSTAN PA YIN NO, ,SANGS RGYAS KYI DRUNG DU NYE BAR 'GRO BA DANG, BSNYEN BKUR BYA BA LA SOGS PA LA DGOD PA NI GANG DE'I RJES THOGS LA 'JIG RTEN GYI KHAMS SNA TSOGS SU SANGS RGYAS KYI DRUNG DU NYE BAR 'GRO BA DANG, BSNYEN BKUR BYA BA NAS BRTZAMS TE, MNGON PAR SHES PA BSGRUBS PA'I SGO NAS PHA ROL TU PHYIN PA DRUG GI MI MTHUN PA'I PHYOGS RNAM PAR SPONG BA DANG, PHA ROL TU PHYIN PA RNAMS LA NGES PAR SBYOR BAR 'GOD PA'I PHRIN LAS MDZAD PA'O ZHES BSTAN PA YIN NO, ,BYANG CHUB KYI YAN LAG LA DGOD PA NI GANG DE'I 'OG @178A *, ,TU BYANG CHUB KYI YAN LAG TU GYUR PA SBYIN PA LA SOGS PA'I DGE BA'I CHOS RNAMS LA RAB TU 'JOG PA YIN NO ZHES BSTAN PA YIN NO, ,LAS DANG 'BRAS BU 'BREL BA CHUD MI ZA BA LA DGOD PA NI GANG DE'I RJES LA LAS DANG 'BRAS BU 'BREL BA'I THA SNYAD 'GRO BA LDE'I 'KHOR BA RNAM PAR 'JIG PA LA RAB TU 'JIG PA'I PHRIN LAS MDZAD PA'O ZHES BSTAN PA YIN NO, ,BDEN PA MTHONG BA LA DGOD PA NI GANG DE'I RJES LA 'PHAGS PA'I BDEN PA BZHI MNYAM PA NYID RJES SU RTOGS PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,PHYIN CI LOG SPANG BA LA DGOD PA NI GANG DE'I RJES LA PHYIN CI LOG BZHI SPANG BA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,PHYIN CI LOG BZHI MED PA SPANG BA'I YE SHES LA DGOD PA NI GANG DE'I RJES LA SKU'I CHA SHAS TZAM GYIS DNGOS PO BKAG PA DANG RMI LAM DANG GZUGS BRNYAN DANG SGRA BRNYAN DANG SMIG RGYU DANG SGYU MA DANG SPRUL PA'I DPES PHYIN CI LOG BZHI MED PA SPONG BA'I YE SHES LA RAB TU DGOD PA'I PHRIN LAS MDZAD PA'O ZHES BSTAN PA YIN NO, ,RNAM PAR BYANG BA LA RAB TU 'JOG PA NI GANG DE'I RJES SU THA SNYAD LA BRTEN TE, RNAM PAR BYANG BA LA RAB TU 'GOD PA'I PHRIN LAS MDZAD PA'O ZHES BSTAN PA YIN NO, ,DE'I TSOGS LA NYE BAR 'GOD PA NI GANG DE'I RJES LA TSOGS YONGS SU RDZOGS PA LA RAB TU 'JOG PA NAS BRTZAMS TE, MTHA' GNYIS MNYAM PA NYID DU RTOGS PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,'DUS BYAS DANG 'DUS MA BYAS THA MI DAD PAR YONGS SU SHES PA LA 'GOD PA NI GANG 'DUS BYAS DANG, 'DUS MA BYAS KYI CHOS DAG GCIG LA GCIG THA DAD PA NYE BAR DMIGS PAR SNGON DU SONG BA'I PHYIR TE, DE CI'I PHYIR ZHE NA, DE GNYIS SU RTOGS PA'I DUS SU MTSAN NYID MED PAR MTSAN NYID GCIG PA NYID DANG, DON DAM PA RTOGS PA NAS 'DUS BYAS DAG RNAM GRANGS GZHAN MED PAS ZHES GSUNGS PA DANG, CHOS RNAMS STONG PA NYID YIN PAS GANG LA YANG CE YID BYED PA @178B YANG MED PAS SEMS CAN RNAMS SU 'DU SHES PA THAMS CAD DANG BRAL BAR BYED PA DANG, DE BZHIN GSHEGS PA'I SKYES BU BYED PA YIN PAR BSTAN PAS SO ZHES BSTAN PA YIN NO, ,NYI SHU BDUN PA MYA NGAN LAS 'DAS PA LA DGOD PA'I PHRIN LAS NI GANG CHOS THAMS CAD SPRUL PA LTA BU YIN PA NYID KYIS SKYE BA DANG 'GAG PA LAS RNAM PAR GROL BA DANG, MA 'DUS PA'I CHOS MYA NGAN LAS 'DAS PAR SPRUL PA NYID YIN PA DANG, RANG BZHIN GYIS STONG PA NYID NI MYA NGAN LAS 'DAS PA NYID YIN PA DANG, SHES RAB KYI PHA ROL TU PHYIN PA'I GZHUNG JI LTAR RDZOGS PAR RNYED PA'I TSIG GIS NI SEMS CAN THAMS CAD MYA NGAN LAS 'DAS PA LA RAB TU 'JOG PA'I PHRIN LAS MDZAD PA'O ZHES BSTAN PA YIN NO, ,PHRIN LAS 'DI RNAMS KYI NI SO SO'I RANG GI NGO BO'I KHYAD PAR DE DANG PHRIN LAS KYI MTSAN NYID KYI RJES SU 'BRANG STE DPYAD PAR BSTAN TO, ,DON YONGS SU GSAL BAS KHO BO CAG GI RNAM PAR MA PHYE STE, BTAGS ZIN PA BTAGS PAS CI ZHIG BYA, DE LTAR BYAS NA, NGO BO NYID LONGS RDZOGS BCAS DANG, ,DE BZHIN GZHAN NI SPRUL PA DANG, ,SANGS RGYAS SKU MDZAD BCAS PA STE, ,RNAM PA NYI SHU BDUN DU 'DOD, ,CES BSTAN PA GANG YIN PA DE BSHAD PA YIN PAR SHES PAR BYA'O, ,MNGON PAR RTOGS PA'I RGYAN SHES RAB KYI PHA ROL TU PHYIN PA MAN NGAG GI BSTAN BCOS LAS CHOS KYI SKU'I RNAM PAR 'GREL BA'O,, ,,DE NAS DA NI GLENG GZHI'I LE'U GANG YIN PA LAS, PHYOGS BCU'I 'JIG RTEN GYI KHAMS KYI DE BZHIN GSHEGS PA RNAMS KYIS BYANG CHUB SEMS DPA'I TSOGS TSAD MED PA LA RIN PO CHE SNA TSOGS PAS SPRAS PA'I PADMA SKYES BU BSKUR BA DE LA DGOS PA CI ZHIG YOD CE NA, SEMS BSKYED PA NAS BRTZAMS TE, SHES RAB KYI PHA ROL TU PHYIN PA RDZOGS KYI BAR DU BSTAN PA, 'JIG RTEN GYI KHAMS THAMS CAD DU BYIN GYIS BRLABS BA NYID YIN PAR SHES PAR BYA BA'I PHYIR DANG, 'JIG RTEN GYI KHAMS SNA TSOGS PA'I SEMS CAN THAMS CAD RNAMS BSDU BAS SEMS CAN GYI BSDU BAS BSDUS PA, SEMS CAN GYI KHAMS BRJOD DU MED PA LA DMIGS PA'I BYANG CHUB TU SEMS BSKYED PAR SHES PAR BYA BA'I DON DANG, CHOS YONGS SU RDZOGS PAR MNYAM @179A *, ,PA'I BYANG CHUB SEMS DPA' RNAMS YOD PA'I PHYIR, SANGS RGYAS KYI ZHING SNA TSOGS SU BLA NA MED PA YANG DAG PAR RDZOGS PA'I BYANG CHUB TU 'GYUR BA SRID PAS, SANGS RGYAS MANG PO NYID DU SHES PAR BYA BA'I PHYIR DANG, 'JIG RTEN GYI KHAMS GCIG NAS GCIG TU SANGS RGYAS BLTA BA'I PHYIR 'GRO BA DANG, CHOS NYAN PA DANG, MCHOD PA DANG, BSNYEN BKUR BYED PAS BYANG CHUB SEMS DPA' RNAMS KYI MNGON PAR SHES PA'I RNAM PAR ROL PA DANG, SEMS CAN GYI KHAMS YONGS SU SMIN PAR BYA BA'I PHYIR DANG, RANG GI CHOS YONGS SU RDZOGS PAR BYA BA'I PHYIR JI LTAR MNGON PAR 'DOD PA'I SANGS RGYAS KYI ZHING RNAM PAR DAG PA YANG DAG PAR YONGS SU GZUNG BA'I DGOS PA LA SOGS YIN PAR BSTAN TO, ,GANG GI PHYIR DANG PO 'DI SKAD BDAG GIS ZHES BYA BA'I SKABS NAS BRTZAMS TE; NYI KHRI LNGA STONG PA'I GZHUNG 'DI YONGS SU RDZOGS PA'I BAR 'DI NI DNGOS PO GCIG TU BYAS PA NI, RNAM PA THAMS CAD MKHYEN PA NYID LA SOGS PAS NA, CHOS KYI SKU MDZAD PA DANG BCAS PA'I BAR DU DNGOS PO BRGYAD DU GYUR PA YIN, DE'I PHYIR, SHES RAB PHA ROL PHYIN PA LA, ,DNGOS PO BRGYAD KYIS YANG DAG BSHAD, ,RNAM KUN MKHYEN NYID LAM SHES NYID, ,THAMS CAD MKHYEN PA NYID DANG GSUM, ,RNAM KUN RTZE MOR BCAS PA DANG, ,MTHAR GYIS PA DANG SKAD CIG PA DANG, ,CHOS SKU MDZAD PAR BCAS PA STE, ,RNAM PA BRGYAD DU BSDUS PA YIN, ,ZHES BSTAN PA YIN NO, ,YANG MTSAN NYID DANG LDAN PA NI SHES RAB KYI PHA ROL TU PHYIN PA RNAM PA GSUM MO, ,SBYOR BA DANG LDAN PA NI RNAM PA KUN MNGON PAR RDZOGS PAR RTOGS PA'O, ,RAB KYI MTHAR 'GRO BA NI RTZE MO'I MNGON PAR RTOGS PA'O, ,GO RIMS DANG LDAN PA NI MTHAR GYIS PA'I MNGON PAR RTOGS PA'O, ,MTHAR THUG PA NI SKAD CIG MA GCIG PA'I MNGON PAR RTOGS PA'O, ,RNAM PAR SMIN PA NI CHOS KYI SKU MDZAD PA DANG BCAS PA YIN NO, ,DE NI BSHAD PA'I RNAM GRANGS GZHAN YIN NO, ,MTSAN NYID DE YI SBYOR BA DANG, ,DE RAB DE YI @179B GO RIMS DANG, ,DE MTHA' DE YI RNAM SMIN NI, ,DE BSDUS GZHAN DE RNAM PA DRUG ,CES BSTAN PA YIN NO, ,GZHAN YANG DNGOS PO GSUM GYIS SHES RAB KYI PHA ROL TU PHYIN PA BSDUS PAR GYUR PA YIN TE, DNGOS PO GSUM NI RGYU DANG, 'BRAS BU DANG, LAS KYIS SO, ,THAMS CAD MKHYEN PA GSUM NI YUL YIN NO, ,RNAM PA KUN MNGON PAR RDZOGS PAR RTOGS PA LA SOGS PA LA SBYOR BA BZHI PO DAG NI RGYU YIN NO, ,NGO BO NYID DANG, LONGS SPYOD RDZOGS PA DANG, SPRUL PA'I SKU GSUM NI 'BRAS BU YIN NO, ,LAS NI 'GRO BA ZHI BA LA SOGS PA RNAM PA NYI SHU RTZA BDUN NI CHOS YI SKU'I PHRIN LAS YIN TE, RNAM GRANGS GZHAN NO, ,DE BAS NA, YUL NI GSUM YIN RGYU RNAMS TE, ,SBYOR BA BZHI YI BDAG NYID DANG, ,SANGS RGYAS SKU 'BRAS PHRIN LAS DANG, ,DON BSDUS GZHAN YIN RNAM PA GSUM, ,DE LTAR BSTAN PA YIN NO, ,DE LA GANG 'DIR DE DANG DER NGES PAR 'BYED PA'I CHA DANG MTHUN PA DU MA BSTAN PA LAS DE RNAMS KYI SO SO'I KHYAD PAR JI LTA BU ZHE NA, RE ZHIG RNAM PA THAMS CAD MKHYEN PA NYID KYI DBANG DU MDZAD NAS, BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA GANG YIN PA DE NI, NYAN THOS RNAMS KYI NGES PAR 'BYED PA'I CHA DANG MTHUN PA'I LAS KYI KHYAD PAR GYI MTSAN NYID RNAM PA DRUG GIS KHYAD PAR DU 'PHAGS TE, DMIGS PA'I KHYAD PAR NI 'PHAGS PA'I BDEN PA BZHI LA MI RTAG PA LA SOGS PA'I RNAM PA LA DMIGS PA YIN PA'I PHYIR RO, ,RNAM PA'I KHYAD PAR NI MNGON PAR ZHEN PA MED PA LA SOGS PA'I RNAM PA NYID YIN PA'I PHYIR RO, ,RGYU'I KHYAD PAR NI THEG PA GSUM GYI RGYU NYID YIN PA'I PHYIR RO, ,YANG DAG PAR 'DZIN PA'I KHYAD PAR NI THABS LA MKHAS PA DANG, DGE BA'I BSHES GNYEN GYIS YONGS SU ZIN PA'I PHYIR RO, ,YANG DAG PAR SBYOR BA'I KHYAD PAR NI RNAM PAR RTOG PA RNAM PA BZHI DANG YANG DAG PAR LDAN PA YIN PA'I PHYIR RO, ,RNAM PA'I KHYAD PAR NI CHUNG NGU DANG, 'BRING DANG, CHEN PO'I RNAM PA RNAMS NGES PAR 'BYED PA'I CHA DANG MTHUN PA CIG SHOS LAS KHYAD PAR DU 'PHAGS PA YIN PA'I PHYIR TE, DE NYID LAS JI SKAD DU DMIGS PA DANG @180A *, ,NI RNAM PA DANG, ,RGYU DANG YONGS SU 'DZIN PA YIN, ,ZHES BYA BA LA SOGS PA BSTAN PA YIN NO, ,LAM SHES PA NYID GANG YIN PA'I DBANG DU MDZAD NAS, NYAN THOS KYI LAM DU NGES PAR 'BYED PA'I CHA DANG MTHUN PAR BSTAN PA DE RNAMS KYI YANG DMIGS PA DANG RNAM PA'I KHYAD PAR DAG SNGA MA LAS KHYAD PAR DU 'PHAGS TE, DMIGS PA'I KHYAD PAR NI GZUGS LA SOGS PA'I PHUNG PO LA STONG PA NYID DU DMIGS PA'I PHYIR RO, ,RNAM PA'I KHYAD PAR NI GZUGS STONG PA NYID GNYIS SU MED DE GNYIS SU BYAR MED PA'I PHYIR RO, ,DE LA JI SKAD DU, 'PHAGS PA NYAN THOS LAM LA NI, ,GZUGS LA SOGS PA STONG PA'I PHYIR, ,STONG PA NYID RNAMS DBYER MED PAS, ,ZHES BYA BA LA SOGS PA BSTAN PA YIN NO, ,GANG RANG SANGS RGYAS KYI BYANG CHUB KYI LAM GYI NGES PAR 'BYED PA'I CHA DANG MTHUN PA BSTAN PA DE DAG GI YANG DMIGS PA DANG, RNAM PA'I KHYAD PAR DAG SNGA MA LAS KHYAD PAR DU 'PHAGS TE, DMIGS PA'I KHYAD PAR CHOS THAMS CAD BTAGS PA TZAM DU DMIGS PA YIN PA'I PHYIR RO, ,RNAM PA'I KHYAD PAR NI BTAGS PA DANG MI 'GAL BAR CHOS NYID BSTAN PA NI RNAM PA YIN PA'I PHYIR TE, DE NYID LAS JI SKAD DU BTAGS PA'I CHOS NYID MI 'GAL BAR, STON PA'I RNAM PAR DRO GYUR PA, ,ZHES BYA BA LA SOGS PA BSTAN PA YIN NO, ,GANG RNAM PA KUN MNGON PAR RDZOGS PAR RTOGS PA'I NGES PAR 'BYED PA'I CHA DANG MTHUN PA BSTAN PA DE NI SEMS CAN THAMS CAD BRTEN PA'I SBYOR BA'I LAM GYIS BSDUS PA YIN TE, SEMS CAN THAMS CAD LA DMIGS PA'I KHYAD PAR DANG, DE DAG NYID SEMS CAN MNYAM PA LA SOGS PA RNAM PA'I KHYAD PAR GYIS CI RIGS PAR KHYAD PAR DU 'PHAGS PA YIN TE, DE NYID LAS JI SKAD DU, DRO BA RNAMS KYIS DMIGS PA 'DIR, ,SEMS CAN THAMS CAD YIN PAR BSNGAGS, ,DE DAG NYID LA SEMS MNYAM SOGS, ,RNAM PA DAG NI BCUR BSHAD DO, ,ZHES BYA BA LA SOGS PA BSTAN PA YIN NO, ,DE NI RE ZHIG NGES PAR 'BYED PA'I CHA RNAMS KYIS MTSAN NYID KYI KHYAD PAR YIN NO, ,DE LA GANG @180B 'DIR DE DANG DER MTHONG BA'I LAM RNAM PA MANG PO ZHIG BSTAN PA LA THA DAD PA'I KHYAD PAR CI ZHIG YOD CE NA, GANG RE ZHIG LAM GYI RNAM PA SHES PA NYID KYIS MTHONG BA'I LAM GANG YIN PA DE NI, 'KHOR BA DANG MYA NGAN LAS 'DAS PA DAG ,GANG YANG RUNG BAR MI LTUNG BA'I PHYIR MI GNAS PA'I LAM YIN NO; ,YANG DE NYID JI SKAD DU, RAB 'BYOR BYANG CHUB SEMS DPAS LAM THAMS CAD BSKYED PAR BYA STE, DES YANG DAG PA'I MTHA' MNGON DU MI BYA'O ZHES BYA BA LA SOGS PA GSUNGS PA YIN NO, ,THAMS CAD SHES PA'I MTHONG BA'I LAM GANG YIN PA DE NI THEG PA DMAN PA LAS 'DA' BA'I LAM YIN NO, ,YANG DE NYID LAS NYAN THOS DANG, RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PA DANG MTHONG BAS BLTAS NAS 'DA' BAR BYA'O ZHES GSUNGS PA DANG, YANG RGYUN DU ZHUGS PA NAS RANG SANGS RGYAS KYI BAR GYI SHES PA DANG SPANGS PA NI BYANG CHUB SEMS DPA'I BZOD PA YIN ZHES GSUNGS SO, ,RNAM PA KUN MNGON PAR RDZOGS PAR RTOGS PA'I KHYAD PAR GYI MTSAN NYID KYI DBANG DU MDZAD NAS, MTHONG BA'I LAM BSTAN PA GANG YIN PA DE NI KHYAD PAR GYI LAM YIN TE, DE NYID LAS JI SKAD DU, BSAM GYIS MI KHYAB KHYAD SOGS KYIS, ,KHYAD ZHUGS BDEN PA'I SPYOD YUL CAN, ,SKAD CIG MA NI BCU DRUG GI ,KHYAD PAR MTSAN NYID BSHAD PA YIN, ,ZHES BSTAN PA YIN NO, ,GANG YANG PHYIR MI LDOG PA'I BYANG CHUB SEMS DPA'I DGE 'DUN GYI DBANG DU MDZAD NAS, SLOB MA DANG BCAS PA'I LAM SLOB MA'I GNAS SKABS SU GYUR PA YIN TE, DE NYID LAS JI SKAD DU, MTHONG BA'I LAM DANG BZOD PA DANG, ,SHES PA'I SKAD CIG BCU DRUG NI, ,BYANG CHUB SEMS DPA' MI LDOG PA'I, ,MTSAN NYID YIN PAR SHES PAR BYA, ,ZHES BSTAN PA YIN NO, ,SKAD CIG MA SMOS PA THAMS CAD KYANG BYA BA RDZOGS PA'I MTSAN NYID CAN DU SHES PAR BYA STE, JI SRID KYIS ZHES BYA BA SHES PA SKYE BAR 'GYUR BA DE SRID DO, ,YANG RTZE MO'I MNGON PAR RTOGS PA'I MTHONG BA'I LAM BSHAD PA DE NI, GNYEN PO'I PHYOGS KYI LAM YIN PAR SHES PAR BYA STE, DE NYID LAS JI SKAD DU, @181A *, ,MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BA BZHI YI, ,GNYEN PO'I RNAM PA BZHI DANG NI, ,ZHES BSTAN PA YIN NO, ,DE LTAR DE DAG GIS MTHONG BA'I LAM GYI KHYAD PAR YIN PAR SHES PAR BYA'O, ,DE NI PHYOGS TZAM YIN TE, PHYOGS DE THAMS CAD SHES PA NYID DANG, RNAM PA KUN MNGON BAR RDZOGS PAR RTOGS PA'I BSGOM PA'I LAM GYI SBYOR BA BSTAN PA DE DANG DE'I RNAM PAR RTOG PA'I RAB TU DBYE BA'I KHYAD PAR GYI MTSAN NYID BRTAGS SHING BSHAD PAR BYA'O, ,MNGON BAR RTOGS PA'I RGYAN SHES RAB KYI PHA ROL TU PHYIN PA'I MAN NGAG GI BSTAN BCOS LAS, KHYAD PAR GYI MTSAN NYID KYI RNAM PAR 'GREL BA'O,, ,,JI LTAR GRAGS PA'I LAM BZUNG NAS NI 'JIG RTEN PA YI LAM GYI RJES SU 'JUG PA YIN, ,SANGS RGYAS LAM NI GANG PHYIR BLO SBYONGS LDAN PA'I MKHAS LA'ANG 'DI NI MNGON SUM LAS LDOG GYUR, ,DE PHYIR BDAG GIS 'DI NI SNGON GYI MKHAS PAS NYAMS SU MYONG BA MED PA 'GRO LA PHAN PA'I PHYIR, ,SHES RAB PHA ROL PHYIN PA'I TSUL NI GANG YIN PHYOGS TZAM MKHAS LA GSAL BAR BYAS PA YIN, MCHE LDAN GLANG PO'I RGYAL PO KHRO BA DANG BCAS GNOD PA GANG GIS BZLOG PAR NUS, ,STOBS CHEN GANG GIS GNOD PA BRAG RI 'PHEN MED STOBS KYIS BZOD PAR BYED NUS PA, ,DE LTAR BDAG DANG 'GAL BA'I SKYE BOS RAB TU GNOD PA PHRA MO YANG NI MED, ,SA LAS MKHA' LTAR SKYE BO DAM PA DAG NI THAG RING KHYAD PAR 'PHAGS, ,KYE MA GZHUNG LUGS SNA TSOGS KYIS, ,DUB PA DAG GI NGAL SO'I GNAS, ,SHES RAB PHA ROL PHYIN PA'I LUGS, ,RING MO ZHIG NAS MTHONG BA YIN, ,SHES RAB KYI PHA ROL TU PHYIN PA STONG PHRAG NYI SHU LNGA PA'I MAN NGAG GI BSTAN BCOS MNGON PAR RTOGS PA'I RGYAN GYI RNAM PAR 'GREL PA, MKHAS PA CHEN PO MOS PAS SPYOD PA'I SA BRNYES PA, SLOB DPON RNAM PAR GROL BA'I SDES MDZAD PA RDZOGS SO,, ,,RJE BTZUN BYANG CHUB 'OD KYI BKA' LUNG GIS, ,BAL YUL GYI PAndI TA MKHAS PA CHEN PO SH'ANTI BHA DRA'I ZHAL SNGA NAS DANG, 'BRO SENG DKAR DGE SLONG SH'AKYA 'OD KYIS BSGYUR, 'DI LA SHA LO KA LNGA STONG BZHI BRGYA YOD,, ,, @181B [BP] @182A *, ,'BUM DANG NYI KHRI LNGA STONG PA DANG KHRI BRGYAD STONG PA GSUM DON MTHUN BAR MNGON RTOGS BRGYAD DU BSTAN PA BZHUGS SO, , @182B #, ,BCOM LDAN 'DAS MA SHES RAB KYI PHA ROL TU PHYIN PA LA PHYAG 'TSAL LO, ,YUM SHES RAB KYI PHA ROL TU PHYIN PA RGYAS PAR BSTAN PA 'BUM DANG, 'BRING DU BSTAN PA NYI KHRI LNGA STONG DANG, BSDUS TE BSTAN PA KHRI BRGYAD STONG PA RNAMS MTHUN PAR DON BRGYAD KYIS BSTAN TE, RNAM PA THAMS CAD MKHYEN PA NYID DANG, LAM GYI RNAM PA MKHYEN PA NYID DANG, THAMS CAD MKHYEN PA NYID DANG, RNAM PA KUN MNGON PAR RDZOGS PAR RTOGS PA DANG, RTZE MOR PHYIN PA DANG, MTHAR GYIS PA DANG, SKAD CIG MA GCIG LA MNGON PAR RDZOGS PAR BYANG CHUB PA DANG, CHOS KYI SKU'O, ,DE LA RNAM PA THAMS CAD MKHYEN PA LA DON BCUS BSTAN TE, SEMS BSKYED PA DANG, GDAMS NGAG DANG, NGES PAR 'BYED PA'I YAN LAG DANG, SGRUB PA'I RTEN DANG, DMIGS PA DANG, CHED DANG, GO CHA DANG, 'JUG PA DANG, TSOGS DANG, NGES PAR 'BYUNG BA'O, ,DE LA SEMS BSKYED PA LA YANG RNAM PA GNYIS TE, SMON PA DANG, 'JUG PA'O, ,DE LA DBYE NA LAS DANG PO LA SOGS PA LAM LNGA'I BYE BRAG GIS RNAM PA NYI SHU RTZA GNYIS TE, LAS DANG PA PA LA CHUNG NGU DANG, 'BRING DANG; CHEN PO'I DBANG GIS 'DUN PAS LTA BU DANG, BSAM PA GSER LTA BU DANG, LHAG PA'I BSAM PA ZLA BA LTA BU DANG, NGES PAR 'BYED PA'I CHA LA SBYOR BA ME LTA BU DANG, MTHONG BA'I LAM DANG, BSGOM PA'I LAM LAS DANG PO LA SBYIN PA GTER LTA BU DANG, SA GNYIS PA LA TSUL KHRIMS RIN PO CHE'I 'BYUNG GNAS LTA BU DANG, SA GSUM PA LA BZOD PA RGYA MTSO LTA BU DANG, SA BZHI PA LA BRTZON 'GRUS RDO RJE LTA BU DANG, SA LNGA PA LA BSAM GTAN RI'I RGYAL PO LTA BU DANG, SA DRUG PA LA SHES RAB SMAN LTA BU DANG, SA BDUN PA LA THABS DGE BA'I BSHES GNYEN LTA BU DANG, SA BRGYAD PA LA SMON LAM YID BZHIN GYI NOR BU LTA BU DANG, SA DGU PA LA STOBS NYI MA LTA BU DANG, SA BCU PA LA YE SHES SGRA DBYANGS SNYAN PA LTA BU DANG, KHYAD PAR GYI LAM LA MNGON PAR SHES PA RGYAL PO LTA BU DANG, BSOD NAMS DANG @183A *, ,YE SHES BANG MDZOD LTA BU DANG, BYANG CHUB KYI PHYOGS DANG MTHUN PA LAM PO CHE LTA BU DANG, SNYING RJE DANG, LHAG MTHONG BZHON PA LTA BU DANG, GZUNGS DANG SPOBS PA BKOD MA'I CHU LTA BU DANG, SANGS RGYAS KYIS LA CHOS KYI SKYED MOS TSAL SGRA SNYAN PA LTA BU DANG, BGROD PA GCIG PA'I LAM CHU BO'I RGYUN LTA BU DANG, CHOS KYI SKU SPRIN LTA BU'O, ,DE LA 'DUN PA SA LTA BU YANG MDO'I TSIG ,SH'A RI'I BU 'DI LA BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PAR 'DOD PAS, SHES RAB KYI PHA ROL TU PHYIN PA LA BRTZON PAR BYA'O ZHES PA MAN CHAD KYIS BSTAN, BSAM PA GSER LTA BU YANG MDO'I TSIG ,SH'ARI'I BU 'DI LA BYANG CHUB SEMS DPA' SEMS DPA' CHEN PO GNAS BA MED BA'I TSUL DU SHES RAB KYI PHA ROL TU PHYIN BA LA GNAS TE ZHES PA MAN CHAD KYIS BSTAN, LHAG PA'I BSAM PA ZLA BA LTA BU YANG MDO'I TSIG ,BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA'I YE SHES RNAM PA THAMS CAD KYI MCHOG DANG LDAN PA ZHES PA MAN CHAD KYIS BSTAN, SBYOR BA ME LTA BU YANG MDO'I TSIG ,BYANG CHUB SEMS DPA' SEMS DPA' CHEN PO BAG CHAGS DANG, MTSAMS SBYOR BA DANG, NYON MONGS PA THAMS CAD 'JOMS PAR 'DOD PAS ZHES PA MAN CHAD KYIS BSTAN, SBYIN PA GTER LTA BU NAS SHES RAB SMAN LTA BU'I BAR DU DRUG NI MDO'I TSIG ,BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA ZHES BYA BA NAS SHES RAB KYI PHA ROL TU PHYIN PA LA BSLAB PAR BYA'O ZHES PA'I BAR GYIS BSTAN, THABS DGE BA'I BSHES GNYEN LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SANGS RGYAS KYI SKU MNGON PAR BSGRUB PAR 'DOD PAS ZHES PA MAN CHAD KYIS BSTAN, SMON LAM YID BZHIN GYI NOR BU LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SANGS RGYAS KYI RIGS SU SKYE BAR 'DOD PAS ZHES PA MAN CHAD KYIS @183B BSTAN, STOBS NYI MA LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO DGE BA'I RTZA BA GANG DANG GANG GIS ZHES PA MAN CHAD KYIS BSTAN, YE SHES SGRA DBYANGS SNYAN PA'I GLU LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO PHYOGS BCU DAG NA, SANGS RGYAS GANG DAG BZHUGS PA DE DAG BDAG GIS BSNGAGS PA BRJOD PAR 'DOD PAS ZHES PA MAN CHAD KYIS BSTAN, MNGON PAR SHES PA RGYAL PO LTA BU NI MDO'I TSIG ,SH'ARI'I BU GZHAN YANG BYANG CHUB SEMS DPA' SEMS DPA' CHAN PO STON GSUM GYI STONG CHEN PO'I 'JIG RTEN GYI KHAMS NA SA'I RDUL PHRA RAB CES PA MAN CHAD KYIS BSTAN, BSOD NAMS DANG YE SHES KYI TSOGS BANG MDZOD LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA SEMS CAN JI SNYED YOD PA DE DAG TSUL KHRIMS KYI PHUNG PO LA ZHES PA MAN CHAD KYIS BSTAN, BYANG CHUB KYI PHYOGS DANG MTHUN PA LAM PO CHE LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SANGS RGYAS BCOM LDAN 'DAS 'DAS PA DANG ZHES PA MAN CHAD KYIS BSTAN, SNYING RJE DANG LHAG MTHONG BZHON PA LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO 'DUS MA BYAS KYI CHOS RNAMS KYI PHA ROL TU 'GRO BAR 'DOD PAS ZHES PA MAN CHAD KYIS BSTAN, GZUNGS DANG SPOBS PA BKOD MA'I CHU LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO MIG LNGA BSKYED PAR 'DOD PAS ZHES PA MAN CHAD KYIS BSTAN, CHOS KYI SKYED MOS TSAL SGRA SNYAN PAR SMRA BA LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA MUN PA MUN NAG SMAG TU GYUR PA ZHES PA MAN CHAD KYIS BSTAN, BGROD PA GCIG PA'I LAM CHU BO LTA BU NI @184A *, ,MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHAR PHYOGS KYI 'JIG RTEN GYI KHAMS GANG+GA'I KLUNG GI BYE MA SNYED DAG NA, SEMS CAN GANG DAG LONG BAR GYUR PA ZHES BYA BA MAN CHAD KYIS BSTAN, CHOS KYI SKU SPRIN LTA BU NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO DE BZHIN GSHEGS PA'I SPYOD LAM LA SLOB PAR 'DOD PAS ZHES PA MAN CHAD KYIS BSTAN TE, DE LTAR SEMS BSKYED PA RNAM PAR DBYE BA NYI SHU RTZA GNYIS PO DE DAG NI LE'U GNYIS PAS BSTAN TO, , RNAM PA THAMS CAD MKHYEN PA NYID LA DON BCUS BSTAN PA'I GNYIS PA GDAMS NGAG LA YANG BCU STE, THEG PA 'OG MA DANG THUN MONG MA YIN, SHES RAB KYI PHA ROL TU PHYIN PA LA MI DMIGS PA'I TSUL GYIS SGRUB PA LA 'DOMS PA DANG, DMIGS PA STE, BDEN PA BZHI LA 'DOMS PA DANG, RTEN TE DKON MCHOG GSUM LA 'DOMS PA DANG, KHYAD PAR DU 'GRO PA'I RGYU STE, MA CHAGS PAR BYA BAR GDAMS PA DANG, MI LDOG PAR 'GRO BA'I RGYU STE, YONGS SU MI NGAL BAR BYA BAR GDAMS PA DANG, THEG PA GZHAN GYIS MI 'GRO BA'I RGYU STE; LAM YONGS SU 'DZIN PAR GDAMS PA DANG, GZHAN GYI DRING MI 'JOG PA'I RGYU STE, SPYAN LNGA LA GDAMS PA DANG, RNAM PA THAMS CAD MKHYEN PA YONGS SU RDZOGS PA'I RGYU STE, MNGON PAR SHES PA DRUG LA GDAMS PA DANG, MTHAR THUG PA'I RGYU STE, MTHONG BA'I LAM DANG, BSGOM PA'I LAM LA GDAMS PA STE, DE LTAR RNAM PA BCU'O, ,GDAMS PA DE YANG LE'U DRUG PA YAN CHAD KYIS BSTAN PA LAS SGRUB PA LA GDAMS PA NI MDO'I TSIG ,SH'A RI'I BU 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI, BYANG CHUB SEMS DPA' GYUR BZHIN DU BYANG CHUB SEMS DPA' YANG DAG PAR RJES SU MI MTHONG NGO ZHES PA MAN CHAD KYIS BSTAN, BDEN PA LA GDAMS PA YANG BZHI STE, SDUG BSNGAL GYI BDEN PA LA GDAMS PA NI MDO'I TSIG ,GZUGS @184B YANG DAG PAR RJES SU MI MTHONG NGO ZHES BYA BA MAN CHAD KYIS BSTAN, KUN 'BYUNG GI BDEN PA LA GDAMS PA NI MDO'I TSIG ,DE CI'I PHYIR ZHE NA, 'DI LTAR DES GZUGS SKYE BA'I CHOS CAN NAM, 'GAG PA'I CHOS CAN DU YANG DAG PAR RJES SU MI MTHONG NGO ZHES PA MAN CHAD KYIS BSTAN, 'GOG PA LA GDAMS BA YANG MDO'I TSIG ,DE CI'I PHYIR ZHE NA, SH'A RI'I BU 'DI LTAR GZUGS KYI STONG PA NYID GANG YIN PA DE NI GZUGS MA YIN ZHES BYA BA MAN CHAD KYIS BSTAN, LAM LA GDAMS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA DE LTAR SPYOD PA NI BRTZON PA ZHES BYA STE, SHES RAB KYI PHA ROL TU PHYIN PA LA SPYOD PA DE GZUGS LA BRTZON ZHES BYA BA'AM MI BRTZON ZHES BYA BAR YANG DAG PAR RJES SU MI MTHONG NGO ZHES BYA BA MAN CHAD KYIS BSTAN, DKON MCHOG LA GDAMS PA YANG GSUM STE, SANGS RGYAS LA GDAMS PA YANG MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI, 'DI LTAR BRTZON PAR BYED DE, JI LTAR BRTZON PAR BYED PA NI RNAM PA THAMS CAD MKHYEN PA NYID DANG 'DAS PAR SBYOR BAR MI BYED DE ZHES BYA BA MAN CHAD KYIS BSTAN, CHOS LA GDAMS PA LA GSUM STE, BZHI LA GDAMS PA NI MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI GZUGS 'BYUNG NGO ZHES BYA BAR MI SBYOR RO ZHES PA MAN CHAD KYIS BSTAN, GNYEN PO LA GDAMS PA YANG MDO'I TSIG ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI SBYIN PA'I PHA ROL TU PHYIN PA'I CHED DU, SHES RAB KYI PHA ROL TU PHYIN PA LA MI SPYOD DO ZHES PA MAN CHAD KYIS BSTAN, RNAM PA LA GDAMS PA YANG MDO'I TSIG ,SH'A RI'I BU RNAL 'BYOR 'DI LA SPYOD PA'I BYANG CHUB SEMS DPA' SEMS DPA' CHEN PO NI DE BZHIN GSHEGS PA'I STOBS BCU MNGON PAR BSGRUB PO ZHES PA MAN CHAD @185A *, ,KYIS BSTAN, DGE 'DUN LA GDAMS PA NI MDO'I TSIG ,SH'A RI'I BUS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA'I RNAL 'BYOR 'DIS GNAS PA DE GANG NAS SHI 'PHOS TE 'DIR SKYES PA LAGS ZHES PA MAN CHAD KYIS BSTAN, MA ZHEN PAR BYA BAR GDAMS PA YANG MDO'I TSIG ,SH'A RI'I BU DE LTA BAS NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS KHA NA MA THOB DANG BCAS PA'I LUS DANG NGAG DANG YID KYI LAS RNAMS KYI GO MI DBYE'O ZHES PA MAN CHAD KYIS BSTAN, NGAL BA MED PAR BYA BAR GDAMS PA YANG MDO'I TSIG ,SH'A RI'I BU 'DI LA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA GZUGS LA RLOM SEMS SU MI BYED PA DANG ZHES PA MAN CHAD KYIS BSTAN, LAM YONGS SU GZUNG BA LA GDAMS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO YE SHES DE DANG LDAN PA NI, SHAR PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED DAG NA BZHUGS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG+G'A'I KLUNG GI BYE MA SNYED DAG KYANG MTHONG NGO, ,CHOS KYANG NYAN TO ZHES PA MAN CHAD KYIS BSTAN, SPYAN LNGA LA 'DOMS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA MIG LNGA 'THOB PA DANG, YONGS SU SBYONG BA DAG KYANG YOD DE ZHES PA MAN CHAD KYIS BSTAN, MNGON PAR SHES PA DRUG LA GDAMS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA DE NI MNGON PAR SHES PA'I PHA ROL TU PHYIN PA 'THOB CING, DES RDZU 'PHRUL BYA BA RNAM PA DU MA MYONG BAR 'GYUR RO, ,DE YANG G-YO BAR BYED DO ZHES PA MAN CHAD KYIS BSTAN, MTHONG BA'I LAM LA GDAMS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA GANG DAG MTHA' @185B LAS 'DAS PA STONG PA NYID KYIS YONGS SU 'DZIN PA MED PA'I PHYIR, SBYIN PA'I PHA ROL TU PHYIN PA LA GNAS TE RNAM PA THAMS CAD MKHYEN PA NYID KYI LAM SBYONG BDAG KYANG YOD DO ZHES PA MAN CHAD KYIS BSTAN, BSGOM PA'I LAM LA GDAMS PA YANG MDO'I TSIG ,SBYIN PA NI YONGS SU 'DZIN PA YOD PA'I PHYIR GDAGS SO ZHES PA MAN CHAD KYIS BSTAN, RNAM PA THAMS CAD MKHYEN PA LA DON BCUS BSTAN PA'I GSUM PA NGES PAR 'BYED PA'I YAN LAG LA BDUN TE, RANG BZHIN TE, SNANG BA THOB PA LA SOGS PA DANG, DBYE BA STE, CHUNG NGU LA SOGS PA DANG, DMIGS PA STE, SDUG BSNGAL LA SOGS PA'I BDEN PA LA MI RTAG PA LA SOGS PA'I DMIGS PA DANG, RNAM PA STE, MNGON PAR ZHEN PA LA 'GOG PA DANG, LAS TE, RNAM PAR RTOG PA BZHI DBYE BA DANG BCAS PA SPONG BA DANG, YONGS SU 'DZIN PA STE, SANGS RGYAS DANG BYANG CHUB SEMS DPAS YONGS SU BZUNG BA DANG, RGYU STE, BYANG CHUB RNAM PA GSUM CHAR GYI RGYU'O, ,DE LA DBYE BA'I SKABS NAS DROD CHUNG NGU'I DMIGS PA YANG, LE'U DRUG PA'I SKABS NAS, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA DE LTAR SPYOD PA NI, GZUGS MI RTAG CES BYA BAR YANG DAG PAR RJES SU MI MTHONG NGO ZHES PA MAN CHAD KYIS BSTAN, RNA PA YANG MDO'I TSIG ,DES CHOS SU BTAGS PA MING DANG BRDA CAN YIN PAR KHONG DU CHUD NA ZHES PA LA SOGS PAS BSTAN, DROD 'BRING GI DMIGS PA YANG MDO'I TSIG ,RAB 'BYOR 'DI JI SNYAM DU SEMS, GANG BYANG CHUB SEMS DPA' ZHES BYA BA GZUGS BYANG CHUB SEMS DPA' YIN SNYAM MA MA ZHES PA MAN CHAD KYIS BSTAN, RNAM PA YANG MDO'I TSIG LE'U BRGYAD PA'I SLAD DU NYE BA NAS, BCOM LDAN 'DAS BDAG GIS CHOS THAMS CAD MA 'TSAL MA DMIGS ZHES PA LA SOGS PAS BSTAN, DROD CHEN PO'I DMIGS PA YANG MDO'I TSIG ,BCOM LDAN 'DAS 'DI LTA STE, GANG YANG BYANG CHUB SEMS DPA' ZHES CHOS NYID KYIS BRDAR BTAGS PA DE YANG PHUNG PO RNAMS SAM @186A *, ,ZHES PA MAN CHAD KYIS BSTAN, RNAM PA YANG MDO'I TSIG ,BCOM LDAN 'DAS 'DI LTA STE, RMI LAM ZHES BGYI BA'I MING NI GANG GIS KYANG BRJOD DU MA MCHIS SO ZHES PA MAN CHAD KYIS BSTAN, RTZE MO CHUNG NGU'I DMIGS PA YANG MDO'I TSIG ,BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GZUGS LA GNAS PAR MI BGYI'O ZHES PA MAN CHAD KYIS BSTAN, RNAM PA YANG MDO'I TSIG ,BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GZUGS MI RTAG GO ZHES BGYI BAR GNAS PAR MI BGYI'O ZHES PA MAN CHAD KYIS BSTAN, RTZE MO 'BRING GI DMIGS PA NI MDO'I TSIG ,DE CI'I SLAD DU ZHE NA, BCOM LDAN 'DAS 'DI LTAR GZUGS MI RTAG PA STE ZHES PA MAN CHAD KYIS BSTAN, RNAM PA YANG MDO'I TSIG ,BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA THABS MI MKHAS PAS GAL TE NGAR 'DZIN PA DANG ZHES PA MAN CHAD KYIS BSTAN, RTZE MO CHEN PO'I DMIGS PA YANG MDO'I TSIG ,DE CI'I SLAD DU ZHE NA, DE NI MTSAN MAR BRJOD PA MA LAGS TE ZHES PA MAN CHAD KYIS BSTAN, RNAM PA YANG MDO'I TSIG ,BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS 'DI LTAR YONGS SU BRTAG PAR BGYI STE ZHES PA MAN CHAD KYIS BSTAN, BZOD PA CHUNG NGU'I DMIGS PA YANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR CI'I PHYIR BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID DANG MA BRAL BAR RIG PAR BYA ZHES PA MAN CHAD KYIS BSTAN, RNAM PA YANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR GZUGS KYI RANG BZHIN JI LTA BU YIN ZHES PA MAN CHAD KYIS BSTAN, BZOD PA 'BRING GI DMIGS PA YANG MDO'I TSIG ,DE CI'I PHYIR ZHE NA, TSE DANG LDAN PA SH'A RI'I BU 'DI LTAR @186B CHOS THAMS CAD MA SKYES SHING MA BYUNG BAS MED PA'I PHYIR RO ZHES PA MAN CHAD KYIS BSTAN, BZOD PA 'BRING GI RNAM PA YANG MDO'I TSIG ,DE CI LTA CI LTAR BLA NA MED PA YANG DAG PAR RDZOGS PA'I BYANG CHUB DANG NYE BAR GYUR PA ZHES PA LA SOGS PAS BSTAN, BZOD PA CHEN PO'I DMIGS PA YANG MDO'I TSIG ,LE'U DGU PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA MAN CHAD KYIS BSTAN, RNAM PA YANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR CI'I PHYIR 'DI BYANG CHUB SEMS DPA' SEMS DPA' CHEN PO THABS LA MI MKHAS PAR RIG PAR BYA BA YIN ZHES PA MAN CHAD KYIS BSTAN, 'JIG RTEN GYI CHOS KYI MCHOG CHUNG NGU'I DMIGS PA YANG MDO'I TSIG ,RNAM PA THAMS CAD MKHYEN PA DE YANG, CHOS THAMS CAD DNGOS PO MED PA'I NGO BO NYID DU MNYAM PA'I PHYIR ZHES PA MAN CHAD KYIS BSTAN, RNAM PA NI MDO'I TSIG ,TING NGE 'DZIN DE LA GNAS PA'I BYANG CHUB SEMS DPA' SEMS DPA' CHEN PO MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES PA MAN CHAD KYIS BSTAN, CHOS KYI MCHOG 'BRING GI DMIGS PA NI MDO'I TSIG ,DE NAS SANGS RGYAS KYI MTHUS TSE DANG LDAN PA RAB 'BYOR GYIS YANG 'DI SKAD CES SMRAS SO, ,TSE DANG LDAN PA SH'A RI'I BU AA LA LA BYANG CHUB SEMS DPA' SEMS DPA' CHEN PO GANG TING NGE 'DZIN DE DAG GIS GNAS PA NI ZHES PA MAN CHAD KYIS BSTAN, RNAM PA YANG MDO'I TSIG ,TING NGE 'DZIN DE DAG GIS GNAS PA DE NI TING NGE 'DZIN KYANG YANG DAG PAR RJES SU MI MTHONG NGO ZHES PA MAN CHAD KYIS BSTAN, CHOS KYI MCHOG CHEN PO'I DMIGS PA NI MDO'I TSIG ,TSE DANG LDAN PA SH'A RI'I BU SHES RAB KYI PHA ROL TU PHYIN PA YANG GZHAN LA TING NGE 'DZIN YANG GZHAN ZHING BYANG CHUB SEMS DPA' YANG GZHAN ZHES BYA BA MED KYIS ZHES PA MAN CHAD KYIS BSTAN, RNAM PA YANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR GAL TE CHOS THAMS CAD MNYAM PA NYID KYI PHYIR TING NGE 'DZIN KYANG GZHAN @187A *, ,MA YIN ZHES PA MAN CHAD KYIS BSTAN TO, ,NGES PAR 'BYED PA'I YAN LAG GIS NI RNAM PAR RTOG PA BZHI SPONG STE, DE YANG GZUNG BAR RTOG PA GNYIS NI DNGOS PO LA RTOG PA STE, PHUNG PO LA SOGS PA BRJOD PA TZAM DU RTOG PA DANG, GNYEN PO LA RTOG PA STE, PHA ROL TU PHYIN PA LA SOGS PA RNAM PAR BYANG BA'I PHYOGS LA SEMS TZAM DU SHES PA'O, ,'DZIN PAR RTOG PA YANG GNYIS TE, GANG ZAG TU 'DZIN PAR RTOG PA STE, 'DZIN PA'I RNAM PA GANG GIS SEMS CAN LA SOGS PAR SGRO BTAGS PA'I DNGOS PO GTAN MED PAR 'GOG PA'O, ,DER GDAGS PA LA BRTEN PA'I RTOG PA STE, PHUNG PO LA GANG ZAG TU BTAGS PA DE YANG 'DZIN PA'I NGO BO MA YIN PA NYID DU 'BYED PA'O, ,BZHI PO DE DAG KYANG GO RIMS BZHIN NGES PAR 'BYED PA'I CHA BZHI LA YOD PAR BLTA BAR BYA'O, ,DE LA GZUNG BAR RNAM PAR RTOG PA DANG PO LA YANG DGU STE, GZUNG BAR RTOG PA KUN NAS NYON MONGS PA'I RTEN CAN MA RIG PA DANG, GZUGS LA SOGS PA'I PHUNG PO DANG, MING DANG GZUGS LA SOGS PA LA MNGON PAR ZHEN PA'I SGO NAS MTHA' GNYIS LA CHAGS PA DANG, KUN NAS NYON MONGS PA DANG RNAM PAR BYANG BA MI SHES PA DANG, 'PHAGS PA'I LAM LA MI GNAS PA DANG, DMIGS PA RNAM PAR DAG PA DANG, BDAG LA SOGS PA RNAM PAR DAG PA DANG, SKYE BA LA SOGS PA RNAM PAR DAG PA DANG, GZUNG BAR RTOG PA GNYIS PA GNYEN PO LA RTOG PA YANG DGU STE, GNYEN PO'I RTEN CAN PHUNG PO DANG, SKYE BA'I SGO DANG, RIGS DANG, SKYE BA DANG, STONG PA NYID DANG, DON DAM PA DANG, MTHONG BA DANG, BSGOM PA DANG, MI SLOB PA'I LAM DANG, 'DZIN PAR RTOG PA DANG PO YANG DGU STE, GANG ZAG RDZAS SU YOD PA'I RTEN CAN BDAG RANG DBANG CAN DANG; GCIG DANG, RGYU DANG, LTA BA PO DANG, BDAG KUN NAS NYON MONGS PA DANG, 'DOD CHAGS DANG BRAL BA DANG, MTHONG BA DANG, BSGOM PA DANG, DON BYAS PA'I RTEN YIN PA DANG, 'DZIN PAR RTOG PA GNYIS LA YANG DGU STE, GANG ZAG BTAGS PAR YOD @187B PA'I RTEN CAN PHUNG PO DANG, SKYE MCHED DANG, KHAMS DANG, RTEN CING 'BREL PAR 'BYUNG BA DANG, RNAM PAR BYANG BA DANG, MTHONG BA DANG, BSGOM PA DANG, KHYAD PAR DANG, MI SLOB PA'I LAM STE, DE LTAR DBYE NA RTOG PA SUM CU RTZA DRUG GO, ,DANG PO DGU LAS DMIGS PA RNAM PAR DAG PA YANG MDO'I TSIG ,RAB 'BYOR BYANG CHUB SEMS DPA' SEMS DPA' CHEN POS KYANG SHES RAB KYI PHA ROL TU PHYIN PA LA DE LTAR BSLAB PAR BYA'O ZHES PA LA SOGS PAS BSTAN, BDAG LA SOGS PA RNAM PAR DAG PA YANG MDO'I TSIG ,SH'A RI'I BUS GSOL PA, BCOM LDAN 'DAS CI ZHIG MI DMIGS LAGS ZHES PA MAN CHAD KYIS BSTAN, SKYE BA LA SOGS PA RNAM PAR DAG PA YANG MDO'I TSIG ,SH'A RI'I BU CHOS THAMS CAD KYI SKYE BA MED PA DANG 'GAG PA MED PA ZHES PA MAN CHAD KYIS BSTAN, MA RIG PA YANG MDO'I TSIG ;SH'A RI'I BU CI LTAR MED PA DE LTAR YOD PA MA YIN PAS DE'I PHYIR, MA RIG PA ZHES BYA'O ZHES PA LA SOGS PAS BSTAN, GZUGS LA SOGS PA'I PHUNG PO YANG MDO'I TSIG ,SH'A RI'I BU NANG STONG PA NYID DANG, DNGOS PO MED PA'I NGO BO NYID STONG PA NYID KYI BAR GYI PHYIR GZUGS YOD PA MA YIN ZHES PA MAN CHAD KYIS BSTAN, MING DANG GZUGS LA ZHEN PA'I SGO NAS MTHA' GNYIS LA CHAGS PA YANG MDO'I TSIG ,DE LA BYIS PA GANG DAG MA RIG PA DANG, SRED LEN DAG GI MNGON PAR ZHEN PA ZHES PA MAN CHAD KYIS BSTAN, KUN NAS NYON MONGS PA DANG, RNAM PAR BYANG BA MI SHES PA YANG MDO'I TSIG ,DE DAG DE LTAR MNGON PAR ZHEN PAS NA YOD PA MA YIN PA'I CHOS RNAMS LA RTOGS PAR BYED PA'I PHYIR ZHES PA LA SOGS PAS BSTAN, 'PHAGS PA'I LAM LA MI GNAS PA YANG MDO'I TSIG ,DE DAG NI MI GNAS PA YIN TE, JI ZHIG LA MI GNAS SHE NA ZHES PA MAN CHAD KYIS BSTAN, GZUNG BAR RTOG PA GNYIS PA GNYEN PO'I RTEN CAN YANG MDO'I TSIG ,BCOM LDAN 'DAS BYANG CHUB SEMS DPA' SEMS DPA' CHEN PO JI LTAR NA SHES RAB KYI PHA ROL TU PHYIN PA LA SLOB PA LAGS SHING ZHES PA MAN CHAD KYIS BSTAN TE, @188A *, ,DGUR PHYE BA NI MDO LAS SA BCAD DU MA MCHIS TE DON GYIS BZHAG ,'DZIN PAR RTOG PA GNYIS KYI DBYE BA YANG DE DANG 'DRA, 'DZIN PAR RTOG PA DANG PO GANG ZAG RDZAS SU YOD PA'I RTEN CAN YANG MDO'I TSIG ,BCOM LDAN 'DAS LA LA ZHIG 'DI SKAD DU 'DRI STE; SGYU MA'I SKYES BU 'DI ZHES PA MAN CHAD KYIS BSTAN, 'DZIN PAR RTOG PA GNYIS PA SKYES BU BTAGS PAR YOD PA'I RTEN CAN YANG LE'U BCU PA'I KLAD NAS MDO'I TSIG ,RAB 'BYOR 'DI JI SNYAM DU SEMS, NYE BAR LEN PA'I PHUNG PO 'DI DGU LA ZHES PA MAN CHAD KYIS BSTAN, YONGS SU 'DZIN PA YANG MDO'I TSIG ,DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS THEG PA LA GSAR DU ZHUGS PA'I BYANG CHUB SEMS DPA' SEMS DPA' CHEN PO BSTAN PA 'DI THOS NA SKRAG STE DNGANG BAR MI 'GYUR LAGS GRANG ZHES PA LA SOGS PA BSTAN, RNAM PA THAMS CAD MKHYEN PA NYID LA DON BCUS BSTAN PA'I BZHI PA STE, BSGRUB PA'I RTEN LA YANG DON BCU GSUM STE, 'JIG RTEN PA'I SBYOR BA'I LAM GYI CHA BZHI DANG, MTHONG BSGOM GNYIS DANG, GNYEN PO SKYES TE MI MTHUN PA'I PHYOGS 'GAGS PA DANG, DE GNYI GA MI DMIGS PA DANG, MTHA' GNYIS LA MI GNAS PA'I MTSAN NYID SHES RAB DANG THABS DANG, DE DAG MA SKYES PA THEG PA 'OG MA DANG, THUN MONG MA YIN PA DANG, THEG PA GSUM LA DGOD PA'I GZHAN GYI DON DANG, 'KHOR BA JI SRID PAR MTSAN MA MED PAR LHUN GYIS GRUB PAR GZHAN GYI DON GYI YE SHES 'BYUNG BA STE, GO RIMS BZHIN NO, ,'DI DAG SO SOR SA BCAD DU MED CING DON GYIS BZHAG STE, DE YANG MDO'I TSIG ,RAB 'BYOR GYIS GSOL PA, BCOM LDAN 'DAS BYANG CHUB SEMS DPA' ZHES BGYI BA'I GZHI'I DON GANG LAGS ZHES PA'I LE'U BCU GCIG PA'I KLAD MAN CHAD KYIS BSTAN TO, ,RNAM PA THAMS CAD MKHYEN PA LA DON BCUS BSTAN PA'I LNGA PA LA YANG DON BCU GCIG STE, DGE BA DANG, MI DGE BA DANG, LUNG DU MA BSTAN PA DANG, SO @188B SO'I SKYE BO DANG 'BREL BA'I PHUNG PO LNGA DANG, 'PHAGS PA'I SKYE BOS BSDUS PA'I BSAM GTAN BZHI DANG, BDAG TU LTA BA'I GNYEN PO NYE BAR LEN PA'I PHUNG PO LNGA DANG, DE LTAR LTA BA'I GNYEN PO DRAN PA NYE BAR GZHAG PA DANG, RGYU RKYEN LA RAG LAS PA KHAMS GSUM DANG, RGYU LA MI LTOS PA DE BZHIN NYID DANG, 'PHAGS PA'I SKYE BO KUN GYI RGYUD LA 'BYUNG BA'I THUN MONG GI BSAM GTAN BZHI DANG, SANGS RGYAS KYI RGYUD LA 'BYUNG BA'I CHOS CAN STOBS BCU DANG, DE LA DGE BA YANG MDO'I TSIG ,RAB 'BYOR BYANG CHUB SEMS DPA'I CHOS THAMS CAD KHONG DU CHUD PAR BYA'O ZHES PAS MGO DRANGS NAS 'OG NAS, RAB 'BYOR GYIS GSOL PA, BCOM LDAN 'DAS 'JIG RTEN PA'I DGE BA'I CHOS GANG LAGS ZHES BYA BA LA SOGS PAS BSTAN, MI DGE BA YANG MDO'I TSIG ,BCOM LDAN 'DAS 'JIG RTEN PA'I CHOS MI DGE BA'I CHOS RNAMS GANG LAGS ZHES PA LA SOGS PAS BSTAN, LUNG DU MA BSTAN PA YANG MDO'I TSIG ,BCOM LDAN 'DAS LUNG DU MA BSTAN PA'I CHOS RNAMS GANG LAGS ZHES PA LA SOGS PAS BSTAN, SO SO'I SKYE BO DANG 'BREL BA'I PHUNG PO LNGA YANG MDO'I TSIG , BCOM LDAN 'DAS 'JIG RTEN PA'I CHOS RNAMS GANG LAGS ZHES PA MAN CHAD KYIS BSTAN, 'PHAGS PA'I SKYE BOS BSDUS PA'I BSAM GTAN BZHI YANG MDO'I TSIG ,BCOM LDAN 'DAS 'JIG RTEN LAS 'DAS PA'I CHOS RNAMS GANG LAGS ZHES PA MAN CHAD KYIS BSTAN BDAG TU LTA BA'I GNYEN PO NYE BAR LEN PA'I PHUNG PO LNGA YANG MDO'I TSIG ,DE LTAR ZAG PA DANG BCAS PA'I CHOS RNAMS GANG ZHE NA ZHES PA MAN CHAD KYIS BSTAN, DE LTAR LTA BA'I GNYEN PO DRAN PA NYE BAR GZHAG PA YANG MDO'I TSIG ,DE LA ZAG PA MED PA'I CHOS RNAMS GANG ZHE NA; ZHES PA MAN CHAD KYIS BSTAN, RGYU RKYEN LA RAG LAS PA KHAMS GSUM LA SOGS PA YANG MDO'I TSIG ,DE LA 'DUS BYAS KYI CHOS RNAMS GANG ZHE NA, ZHES PA MAN CHAD KYIS BSTAN, RGYU LA MI LTOS PA DE BZHIN NYID KYANG MDO'I TSIG ,DE LA 'DUS MA @189A *, ,BYAS KYI CHOS RNAMS GANG ZHE NA ZHES PA MAN CHAD KYIS BSTAN, 'PHAGS PA'I SKYE BO KUN GYI RGYUD LA 'BYUNG BA'I BSAM GTAN BZHI YANG MDO'I TSIG ,DE LA THUN MONG GI CHOS RNAMS GANG ZHE NA ZHES PA MAN CHAD KYIS BSTAN, SANGS RGYAS KYI RGYUD LA 'BYUNG BA'I CHOS CAN STOBS BCU YANG MDO'I TSIG ,DE LA THUN MONG MA YIN PA'I CHOS RNAMS GANG ZHE NA ZHES PA MAN CHAD KYIS BSTAN TO, ,RNAM PA THAMS CAD MKHYEN PA LA DON BCUR PHYE BA'I DRUG PA NI CHED DU BYA BA 'AM DON DU GNYER BA STE, DE LA GSUM STE, SEMS BSKYED PA CHE BA DANG, SPONG BA CHE BA DANG, RTOGS PA CHE BA'O, ,DE LA SEMS BSKYED PA CHE BA YANG MDO'I TSIG ,DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO ZHES BGYI BA CI'I SLAD DU BYANG CHUB SEMS DPA' SEMS DPA' CHEN PO ZHES BGYI ZHES PA MAN CHAD KYIS BSTAN, SPONG BA CHE BA YANG MDO'I TSIG ,LE'U BCU GNYIS PA'I KLAD NAS, BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS DON GANG GIS BYANG CHUB SEMS DPA' SEMS DPA' CHEN PO ZHES BGYI BA LA BDAG KYANG SPOBS LAGS SO ZHES PA MAN CHAD KYIS BSTAN, RTOGS PA CHE BA YANG MDO'I TSIG ,DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS DON GANG GIS BYANG CHUB SEMS DPA' SEMS DPA' CHEN PO ZHES BGYI BA LA BDAG KYANG SPOBS SO ZHES PA MAN CHAD KYIS BSTAN TO, ,RNAM PA THAMS CAD MKHYEN PA NYID LA DON BCUS BSTAN PA'I BDUN PA GO CHA YANG PHA ROL TU PHYIN PA DRUG DANG CHOS MTHUN PA'I PHYIR BSDU NA GO CHA'I SGRUB PA RNAM PA DRUG TU 'DUS LA, DBYE NA SUM CU RTZA DRUG STE, DE YANG MDO'I TSIG LE'U BCU GSUM PA'I KLAD NAS, DE NAS BCOM LDAN 'DAS LA TSE DANG LDAN PA GANG POS 'DI SKAD CES GSOL TO, ,ZHES PA NAS DBYANGS RJES SU SGROGS PA YANG MDZAD DO, ,ZHES @189B PA'I BAR GYIS BSTAN TO, ,RNAM PA THAMS CAD MKHYEN PA LA DON BCUS BSTAN PA'I BRGYAD PA 'JUG PA'I SGRUB PA LA YANG DGU STE, BSAM GTAN DANG GZUGS MED PA LA SNYOMS PAR 'JUG PA DANG, PHA ROL TU PHYIN PA DRUG DANG, LAM DANG, TSAD MED PA BZHI DANG, MI DMIGS PA DANG, 'KHOR GSUM DAG PA DANG, CHED DU BYA BA DANG, MNGON PAR SHES PA DRUG DANG, RNAM PA THAMS CAD MKHYEN PA NYID LA GNAS PA'I MTSAN NYID DO, ,DE LA BSAM GTAN DANG GZUGS MED PA LA SNYOMS PAR 'JUG PA YANG MDO'I TSIG SH'A RI'I BUS SMRAS PA, GANG PO CI TZAM GYIS NA ZHES PA MAN CHAD KYIS BSTAN, PHA ROL TU PHYIN PA DRUG KYANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO BYAMS PA DANG LDAN PA'I SEMS YANGS PA ZHES PA MAN CHAD KYIS BSTAN, LAM YANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO NI RNAM PA THAMS CAD DU BYANG CHUB KYI PHYOGS KYI CHOS SUM CU RTZA BDUN BSGOM PA DANG ZHES BYA BA MAN CHAD KYIS BSTAN, TSAD MED PA YANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI BYANG CHUB SEMS DPA' SEMS DPA' CHEN PO BYAMS PA'I TING NGE 'DZIN LA SNYOMS PAR 'JUG CING ZHES PA MAN CHAD KYIS BSTAN, MI DMIGS PA YANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI MI DMIGS PA'I TSUL GYIS NANG STONG PA NYID SHES PA GANG YIN PA DANG ZHES PA LA SOGS PAS BSTAN, 'KHOR GSUM DAG PA YANG MDO'I TSIG ,DE NAS TSE DANG LDAN PA SH'A RI'I BUS TSE DANG LDAN PA BYAMS MA'I BU GANG PO LA 'DI SKAD CES SMRAS SO, ,TSE DANG LDAN PA GANG PO JI TZAM GYIS NA BYANG CHUB SEMS DPA' SEMS DPA' CHEN PO THEG PA CHEN PO LA YANG DAG PAR GNAS PA ZHES BYA ZHES PA MAN CHAD KYIS BSTAN, CHED DU BYA @190A *, ,BA YANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID DANG LDAN PA'I SEMS MA 'DRES PA ZHES PA LA SOGS PAS BSTAN, MNGON PAR SHES PA YANG MDO'I TSIG ,TSE DANG LDAN PA SH'A RI'I BU GZHAN YANG BYANG CHUB SEMS DPA' SEMS DPA' CHEN PO MNGON PAR SHES PA RNAMS YONGS SU RDZOGS PA'I PHYIR ZHES PA MAN CHAD KYIS BSTAN, RNAM PA THAMS CAD MKHYEN PA NYID LA GNAS PA YANG MDO'I TSIG ,DES RNAM PA THAMS CAD MKHYEN PA NYID THOB NAS KYANG ZHES PA NAS LE'U BCU GSUM PA'I MJUG GI BAR GYIS BSTAN NO, ,RNAM PA THAMS CAD MKHYEN PA LA DON BCUS BSTAN PA'I DGU PA TSOGS LA YANG BCU BDUN TE, SNYING RJE DANG, PHA ROL TU PHYIN PA DRUG DANG, ZHI GNAS DANG, LHAG MTHONG DANG, ZUNG DU 'BREL PA DANG; THABS LA MKHAS PA DANG, YE SHES DANG, BSOD NAMS DANG, MTHONG BA LA SOGS PA'I LAM DANG, TSIG LA SOGS PA'I GZUNGS DANG, SA DANG, GNYEN PO'O, ,DE LA SNYING RJE YANG MDO'I TSIG LE'U BCU BZHI PA'I KLAD NAS, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GO CHA CHEN PO BGOS ZHES PA MAN CHAD KYIS BSTAN, PHA ROL TU PHYIN PA DRUG KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA GNAS TE, GO CHA CHEN PO BGOS NAS ZHES PA MAN CHAD KYIS BSTAN, ZHI GNAS KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO GO CHA CHEN PO BGOS PA NI, SHAR PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED DAG TU SONG ZHING DE JI LTAR BDAG CES PA MAN CHAD KYIS BSTAN, LHAG MTHONG YANG MDO'I TSIG ,DE CI'I SLAD DU ZHE NA, BCOM LDAN 'DAS 'DI LTAR GZUGS NI GZUGS KYIS STONG ZHES PA MAN CHAD KYIS BSTAN, ZUNG DU 'BREL PA YANG MDO'I TSIG ,BCOM LDAN 'DAS @190B GZUGS NI MA BCINGS MA GROL BA LAGS SO ZHES PA NAS LE'U BCU BZHI PA'I MJUG GI BAR GYIS BSTAN, THABS LA MKHAS PA YANG MDO'I TSIG ,LE'U BCO LNGA PA'I KLAD NAS, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA NAS THEG PA CHEN PO YIN NO ZHES PA'I BAR GYIS BSTAN, YE SHES LA NYI SHU STE STONG PA BCO BRGYAD DANG, RANG GI NGO BO DANG, GZHAN GYI NGO BO STONG PA STE NYI SHU'O, ,DE YANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI 'DI LTA STE NANG STONG PA NYID DANG ZHES PA MAN CHAD KYIS BSTAN, BSOD NAMS KYI TSOGS KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI 'DI LTA STE DPA' BAR 'GRO BA ZHES BYA BA'I TING NGE 'DZIN DANG ZHES PA LA SOGS PAS BSTAN, MTHONG BA LA SOGS PA'I LAM YANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI 'DI LTA STE, DRAN PA NYE BAR GZHAG PA BZHI STE ZHES PA MAN CHAD KYIS BSTAN, TSIG LA SOGS PA'I GZUNGS KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I THEG PA CHEN PO NI 'DI LTA STE, GZUNGS KYI SGO RNAMS TE ZHES PA MAN CHAD KYIS BSTAN, SA'I TSOGS KYANG CHOS GANG DANG GANG GIS YONGS SU SBYONG BAR 'GYUR BA'I CHOS GANG DAG YIN PA MDOR BSTAN PA DANG, RNAM PAR DBYE BA DANG BCAS PAR LE'U BCU BDUN PA YAN CHAD KYIS BSTAN, DE LA MDOR BSTAN PA YANG LE'U BCU BDUN PA'I KLAD NAS, RAB 'BYOR KHYOD 'DI SKAD DU JI LTAR ZHES PA MAN CHAD KYIS BSTAN, RNAM PAR DBYE BA YANG SA DANG PO LA YANG YONGS SU SBYONG BA BCUR SNGAR GRANGS KYIS BSTAN PA'I DBYE BA YANG MDO'I TSIG ,BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO SA DANG PO LA GNAS PA'I LHAG @191A *, ,PA'I BSAM PA YONGS SU SBYONG BA GANG LAGS ZHES PA MAN CHAD KYIS BSTAN, SA GNYIS PA YONGS SU SBYONG BA'I CHOS BRGYAD KYI DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN PO'I TSUL KHRIMS YONGS SU DAG PA GANG ZHE NA ZHES PA LA SOGS PAS BSTAN, SA GSUM PA LA YONGS SU SBYONG BA'I CHOS LNGA'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN PO'I MANG DU THOS PAS CHOG MI SHES PA GANG ZHE NA ZHES PA MAN CHAD KYIS BSTAN, SA BZHI PA LA YONGS SU SBYONG BA'I CHOS BCU BZHI'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN PO DGON PA LA GNAS PA YONGS SU MI GTONG BA GANG ZHE NA ZHES PA LA SOGS PAS BSTAN, SA LNGA PA LA CHOS BCU SPANG BA'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN POS KHYIM PA DANG 'DRIS PAR BYED PA YONGS SU SPONG BA GANG ZHE NA ZHES PA MAN CHAD KYIS BSTAN, SA DRUG PA LA CHOS DRUG RDZOGS PAR BYA BA DANG, DRUG SPANG BAR BYA BA'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN POS SA DRUG PA LA CHOS DRUG YONGS SU RDZOGS PAR BYA BA GANG ZHE NA ZHES PA MAN CHAD KYIS BSTAN, SA BDUN PAS CHOS NYI SHU MI BYA BA DANG, NYI SHU YONGS SU RDZOGS PAR BYA BA'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN POS JI LTAR YANG BDAG TU 'DZIN PAR MI BYA STE ZHES PA MAN CHAD KYIS BSTAN, SA BRGYAD PAS YONGS SU SBYONG BA BZHI TSAN GNYIS KYI DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN POS SEMS CAN THAMS CAD KYI SEMS LA 'JUG PA GANG ZHE NA ZHES PA MAN CHAD KYIS BSTAN, SA DGU PA LA YONGS SU SBYONG BA BCU GNYIS YONGS SU RDZOGS PAR BYED PA'I DBYE BA YANG MDO'I TSIG ,DE LA BYANG CHUB SEMS DPA' SEMS DPA' CHEN POS SMON LAM JI LTA BU 'DEBS PA DE LTA BU RE 'GRUB PAR 'GYUR BA JI LTA BU ZHE NA ZHES PA MAN CHAD KYIS BSTAN, SA BCU PA LA DE BZHIN GSHEGS PA NYID DU BSTAN PA'I DBYE BA YANG MDO'I @191B TSIG; DE LA BYANG CHUB SEMS DPA' SEMS DPA' CHEN POS SA BCU LA GNAS PA JI LTAR NA DE BZHIN GSHEGS PA NYID CES BYA ZHE NA ZHES PA MAN CHAD KYIS BSTAN, TSOGS KYI SGRUB PA LA BCU BDUN DU PHYE BA'I THA MA GNYEN PO'I TSOGS NI MTHONG BA DANG BSGOM PA'I LAM GYIS RNAM PAR RTOG PA BZHI SPONG BA'I GNYEN PO BRGYAD LE'U BCO BRGYAD PAS BSTAN TE, CHED DU BYA BA DANG, MNYAM PA NYID DU NGES PAR 'BYUNG BA'I YANG LE'U 'DI LAS GCIG SPYOR, DE LA GZUNG BAR RTOG PA DANG PO DNGOS PO TZAM LA RTOG PA'I GNYEN PO YANG MDO'I TSIG ,RAB 'BYOR KHYOD GANG 'DI SKAD DU THEG PA DE GANG NAS DES PAR 'BYUNG BAR 'GYUR ZHES ZER BA NI ZHES PA MAN CHAD KYI BSTAN, GZUNG BAR RTOG PA GNYIS PA GNYEN PO LA RTOG PA'I GNYEN PO YANG MDO'I TSIG ,RAB 'BYOR KHYOD GANG 'DI SKAD DU THEG PA DE GANG DU GNAS PAR 'GYUR ZHES ZER BA NI ZHES PA MAN CHAD KYIS BSTAN, 'DZIN PAR RTOG PA DANG PO GANG ZAG TU 'DZIN PAR RTOG PA'I GNYEN PO YANG MDO'I TSIG ,RAB 'BYOR KHYOD GANG 'DI SKAD DU THEG PA DES SU ZHIG NGES PAR 'BYUNG BAR 'GYUR ZHES ZER BA NI ZHES PA MAN CHAD KYIS BSTAN, 'DZIN PAR RTOG PA GNYIS PA CHOS TZAM LA 'DZIN PAR RTOG PA'I GNYEN PO YANG MDO'I TSIG ,SHIN TU RNAM PAR DAG PA'I PHYIR DE BZHIN NYID MI DMIGS ZHES PA MAN CHAD KYIS BSTAN, MTHONG BA DANG BSGOM PA GNYIS SO SO'I SA BCAD DU MED, RNAM PA THAMS CAD MKHYEN PA LA DON BCUS BSTAN PA'I THA MA NGES PAR 'BYUNG BA'I LAM YANG BRGYAD DE, CHED DU BYA BA'I NGES PAR 'BYUNG BA DANG, MNYAM PA NYID DU NGES PAR 'BYUNG BA DANG, GZHAN GYI DON DU NGES PAR 'BYUNG BA DANG, LHUN GYIS GRUB PAR NGES PAR 'BYUNG BA DANG, MTHA' GNYIS DANG BRAL BAS NGES PAR 'BYUNG BA DANG, THOB PA'I NGES PAR 'BYUNG BA DANG, RNAM PA THAMS CAD MKHYEN PA NYID DU NGES PAR 'BYUNG BA DANG, DE'I KHYAD PAR GYI LAM GYIS NGES PAR 'BYUNG BA'O, ,DE LA CHED DU BYA BA'I NGES PAR 'BYUNG BA YANG LE'U BCO BRGYAD PA'I KLAD NAS MDO'I TSIG ,DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA MAN CHAD @192A *, ,KYIS BSTAN, MNYAM PA NYID DU NGES PAR 'BYUNG BA YANG MDO'I TSIG ,RAB 'BYOR KHYOD GANG 'DI SKAD DU THEG PA DE GANG DU GNAS PAR 'GYUR ZHES ZER BA NI ZHES PA MAN CHAD KYIS BSTAN, GZHAN GYI DON DU NGES PAR 'BYUNG BA YANG MDO'I TSIG ,LE'U BCU DGU PA'I KLAD NAS; DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA MAN CHAD KYIS BSTAN, LHUN GYIS GRUB PAR NGES PAR 'BYUNG BA YANG MDO'I TSIG ,RAB 'BYOR 'DI SKAD DU BCOM LDAN 'DAS GANG THEG PA CHEN PO DE LA NI 'ONG BA DANG 'GRO BA MI DMIGS ZHES PA MAN CHAD KYIS BSTAN, MTHA' GNYIS DANG BRAL BAS NGES PAR 'BYUNG BA YANG MDO'I TSIG ,RAB 'BYOR GANG KHYOD KYIS 'DI SKAD DU BCOM LDAN 'DAS THEG PA DE LA SNGON GYI MTHA' YANG MI DMIGS PHYI MA'I MTHA' YANG MI DMIGS ZHES PA MAN CHAD KYIS BSTAN, THOB PA'I NGES BAR 'BYUNG BA YANG MDO'I TSIG ,DE NAS BCOM LDAN 'DAS LA TSE DANG LDAN PA BYAMS MA'I BU GANG POS 'DI SKAD CES GSOL TO ZHES PA MAN CHAD KYIS BSTAN, RNAM PA THAMS CAD MKHYEN PA NYID DU NGES PAR 'BYUNG BA YANG MDO'I TSIG ,TSE DANG LDAN PA SH'A RI'I BU GANG YANG KHYOD 'DI SKAD DU, TSE DANG LDAN PA RAB 'BYOR CI'I PHYIR GZUGS BYANG CHUB SEMS DPA' ZHES BYA BA DE LTA DU YANG MED CING MI DMIGS PA YIN ZHES PA MAN CHAD KYIS BSTAN, LAM GYI NGES PAR 'BYUNG BA YANG LE'U NYI SHU RTZA GCIG PA'I KLAD NAS, TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO ZHES PA MAN CHAD KYIS BSTAN TO, ,SPYI DON BRGYAD KYIS BSTAN PA'I GNYIS PA LAM GYI RNAM PA SHES PA LA YANG BZHI STE, LAM GYI RNAM PA SHES PA SKYER RUNG BA'I RTEN DANG, YUL DANG, KHYAB PA DANG, RANG BZHIN DANG, LAS DANG, NYAN THOS KYI LAM SHES PA DANG, RANG SANGS RGYAS KYI LAM SHES PA DANG, SANGS RGYAS KYI LAM SHES PA'O, ,DE LA RTEN NI LE'U NYI SHU RTZA GNYIS PA'I KLAD NAS, DE NAS STONG GSUM GYI STONG CHEN PO'I 'JIG RTEN GYI KHAMS 'DI NA ZHES PA LA SOGS PAS BSTAN, YUL NGES PA YANG MDO'I TSIG , @192B DE NAS LHA'I DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR STONG GSUM GYI STONG CHEN PO'I 'JIG RTEN GYI KHAMS 'DI NA ZHES PA NAS, BYANG CHUB TU SEMS BSKYED PAR GYIS SHIG CES PA'I BAR GYIS BSTAN, KHYAB PA STE, THEG PA CHEN PO NYID NYAN THOS KYI LAM DU YANG BSTAN LA, DE YANG MDO'I TSIG ,GANG DAG YANG DAG PA SKYON MED PA LA ZHUGS PA DE DAG NI ZHES PA NAS KHO BO NI DGE BA'I PHYOGS KYI BAR CHAD MI BYED PAS ZHES PA LA SOGS PAS BSTAN, RANG BZHIN DANG, LAS NI SHUGS KYIS BSTAN TE, SKYON MED PAR ZHUGS PA BYANG CHUB TU SEMS BSKYED PA'I MTHU MED DE, 'KHOR BA MTSAMS BCAD PA YIN PAS SEMS BSKYED DANG 'KHOR BA JI SRID PAR DON BYED PAS RANG BZHIN DE YIN, ,'KHOR BAR GNAS NA SEMS CAN GYI DON BYED PAS LAS DE YIN PAR SBYAR, NYAN THOS KYI LAM BDEN PA BZHI'I TSUL DU SHES PA YANG MDO'I TSIG ,KOO SHI KA DE LA BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA GANG ZHE NA ZHES PA MAN CHAD KYIS BSTAN LA, SDUG BSNGAL DANG KUN 'BYUNG NI GZUGS NI MI RTAG PAR YID LA BYA'O ZHES PA LA SOGS PAS BSTAN, 'GOG PA NI MDO'I TSIG ,RNAM PA THAMS CAD MKHYEN PA NYID DANG LDAN PA'I YID LA BYA BA DAG GIS MA RIG PA 'GAGS PAS 'DU BYED 'GAG STE ZHES PA MAN CHAD KYIS BSTAN, LAM YANG MDO'I TSIG ,KOO SHI KA GZHAN YANG BYANG CHUB SEMS DPA' SEMS DBA' CHEN PO RNAM PA THAMS CAD MKHYEN PA NYID DANG LDAN PA'I SEMS BSKYED PAS DRAN PA NYE BAR GZHAG PA BZHI BSGOM STE ZHES PA MAN CHAD KYIS BSTAN, BDEN PA BZHI SHES PA'I RGYU NGES PAR 'BYED PA'I CHAB ZHI LA DROD KYANG MDO'I TSIG ,KOO SHI KA GZUGS NI GZUGS KYIS STONG NGO ZHES BA MAN CHAD KYIS BSTAN, RTZE MO YANG MDO'I TSIG ,KOO SHI KA 'DI LA BYANG CHUB SEMS DPA' SEMS DPA' CHEN POS GZUGS LA DMIGS PA'I TSUL GYIS GNAS PAR MI BYA'O ZHES PA MAN CHAD KYIS BSTAN, BZOD PA YANG MDO'I TSIG ,GZUGS RTAG CES BYA @193A *, ,BAR DMIGS PA'I TSUL GYIS GNAS PAR MI BYA'O ZHES PA MAN CHAD KYIS BSTAN, CHOS KYI MCHOG KYANG MDO'I TSIG ,KOO SHI KA GZHAN YANG BYANG CHUB SEMS DPA' SEMS DPA' CHEN POS DANG PO LA DMIGS PA'I TSUL GYIS GNAS PAR MI BYA ZHES PA MAN CHAD KYIS BSTAN, RANG SANGS RGYAS KYI LAM SHES PA YANG NYAN THOS KYI LAM LAS RANG SANGS RGYAS KYI LAM KHYAD PAR DU 'PHAGS PA RNAM PA GSUM DON GYIS GZHAN PA DANG, GZUNG BA'I RTOG PA SPANGS LA 'DZIN PA'I RTOG PA MA SPANGS PA DANG, BSE RU LTA BU'I LAM BDEN PA BZHI DANG, RTEN CING 'BREL BAR 'BYUNG BA BSGOM PA LA SOGS PAS BSTAN TE, DE LAS KHYAD PAR DU 'PHAGS PA YANG MDO'I TSIG ,DE NAS 'KHOR DE LAS LHA'I BU KHA CIG 'DI SNYAM DU SEMS TE, GNOD SPYIN RNAMS KYI SKAD DANG ZHES PA MAN CHAD KYIS BSTAN, LAM SHES PA'I BZOD PA LA MI BRTEN DU MI RUNG BAR BSTOD PA DANG, LAM LA 'JUG PA'I GANG ZAG BSTAN PA BAR 'DIR MDO LAS 'BYUNG STE, LHA'I BU DAG DE LTAR NA GANG DAG RGYUN TU ZHUGS PA'I 'BRAS BU LA GNAS PAR 'DOD PA DANG ZHES LE'U NYI SHU RTZA GNYIS KYI MJUG NAS 'BYUNG BA NAS, DES PAR MA SKYES PA GANG YIN PA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MA YIN NO ZHES PA'I BAR GYIS BSTAN TO, ,RANG SANGS RGYAS KYI LAM SHES PA'I RGYU NGES PAR 'BYED PA'I CHA BZHI LA DROD KYANG MDO'I TSIG ,DE NAS LHA'I DBANG PO BRGYA BYIN 'DI SNYAM DU SEMS TE, KYE MA GNAS BRTAN RAB 'BYOR 'DI NI BRTAGS PA DANG YANG MI 'GAL LA CHOS NYID KYANG STON PA NI SHES RAB ZAB MO YIN NO SNYAM MO ZHES PA MAN CHAD KYIS BSTAN, RTZE MO YANG MDO'I TSIG ,GANG SANGS RGYAS KYI CHOS GRANGS MED DPAG TU MED PA LA SLOB PA DE NI GZUGS 'PHEL BAR BYA BA DANG 'GRIB PAR BYA BA'I PHYIR MI SLOB PO ZHES PA MAN CHAD KYIS BSTAN, BZOD PA YANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR CI'I PHYIR BYANG CHUB SEMS DPA' SEMS DPA' CHEN PO GZUGS YONGS SU GZUNG BA DANG MED PAR BYA BA'I PHYIR @193B MI SLOB PO ZHES PA MAN CHAD KYIS BSTAN, CHOS KYI MCHOG KYANG MDO'I TSIG ,SH'A RI'I BUS SMRAS PA, TSE DANG LDAN PA RAB 'BYOR DE LTAR SLOB PA'I BYANG CHUB SEMS DPA' SEMS DPA' CHEN PO JI LTAR NA CHOS THAMS CAD YONGS SU GZUNG BAR BYA BA'I PHYIR MA YIN ZHING MED PAR BYA BA'I PHYIR MA YIN PAR BSLAB NA ZHES PA MAN CHAD KYIS BSTAN, SANGS RGYAS KYI LAM SHES PA NI GNYIS TE, MTHONG BA'I LAM DANG, BSGOM PA'I LAM MO, ,MTHONG BA'I LAM NI BZOD PA DANG, SHES PA LA SOGS PA'I RANG BZHIN DANG, TSE 'DI DANG PHYI MA'I PHAN YON DANG BCAS PAR BSTAN TE, MDO'I TSIG ,DE NAS LHA'I DBANG PO BRGYA BYIN GYIS TSE DANG LDAN PA SH'A RI'I BU LA 'DI SKAD CES SMRAS SO, ,SH'A RI'I BU SHES RAB KYI PHA ROL TU PHYIN PA GANG NAS BTZAL BAR BYA ZHES PA NAS, SHES RAB GANG BSGOM PA DE DAG SEMS CAN THAMS CAD DANG THUN MONG DU BYAS TE, MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU SNGO BAR BYED CES BYA BA YAN CHAD LE'U NYI SHU DRUG PA'I MJUG GI BAR YANG CHAD KYIS BSTAN, BDEN PA BZHI LA RNAM PA BCU DRUG TU SBYAR BA NI SDUG BSNGAL GYI BDEN PA'I RNAM PA BZHI NI DE BZHIN NYID DANG, SANGS RGYAS DON DAM PAR DNGOS PO MED PAS RTEN DANG BRTEN PAR RNAM GRANGS KYIS MI GNAS PA NI MDO'I TSIG ,DE BZHIN NYID LA YANG DE BZHIN GSHEGS PA DMIGS SU MED, DE BZHIN GSHEGS PA LA YANG DE BZHIN NYID DMIGS SU MED DO ZHES PAS BSTAN, GZUGS LA SOGS PA CHOS KYI DBYINGS KYI NGO BO NYID KYIS CHEN PO NYID DANG DE DAG TSAD MED PA NYID DANG, DE DAG DPAG TU MED PA GSUM GO RIMS BZHIN DU MDO'I TSIG ,BTZUN PA RAB 'BYOR 'DI LTA STE, BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA 'DI NI CHE BA'O ZHES PA LA SOGS PA DANG, 'OG NAS GTAN TSIGS DANG BCAS PAR BSTAN, KUN 'BYUNG GI BDEN PA'I RNAM PA BZHI NI GZUGS LA SOGS PA'I NGO BO NYID MED PA NYID KYIS RTAG CHAD KYI MTHA' DANG BRAL BAR BSTAN PA NI MDO'I TSIG ,BTZUN PA RAB 'BYOR BYANG CHUB SEMS DPA' @194A *, ,SEMS DPA' CHEN PO RNAMS KYI SHES RAB KYI PHA ROL TU PHYIN PA 'DI NI MTHA' YAS PA STE ZHES BYA BA DANG, 'OG NAS GTAN TSIGS, KOO SHI KA GZUGS MTHA' YAS PA'I PHYIR ZHES BYA BA LA SOGS PA MAN CHAD KYIS BSTAN, SHES RAB KYI PHA ROL TU PHYIN PA LA GNAS PA NI RTAG CHAD DANG BRAL BA NYID KYIS GZUGS LA SOGS PA LA DE BZHIN GSHEGS PA NYID DU NGES PAR 'DZIN PA NI LE'U NYI SHU RTZA LNGA PA'I KLAD NAS MDO'I TSIG ,DE NAS DBANG PO DANG BCAS PA'I LHA RNAMS DANG ZHES PA MAN CHAD KYIS BSTAN, DE BZHIN DU DE LA GNAS PA NI CHOS THAMS CAD BLANG DOR MED PAR BSGOM STE MDO'I TSIG ,DE NAS BCOM LDAN 'DAS LA LHA'I BU DE DAG GIS 'DI SKAD CES GSOL TO, ,BCOM LDAN 'DAS JI TZAM DU SHES RAB KYI PHA ROL TU PHYIN PA 'DI NI GZUGS SU YONGS SU MI 'DZIN MI 'DOR BA'I TSUL DANG ZHES PA LA SOGS PAS BSTAN, NGO BO NYID MED PAR MOS PA SNGON DU 'GRO BA'I TSAD MED PA BZHI BSGOM PA YANG MDO'I TSIG ,DE NAS BCOM LDAN 'DAS KYIS 'KHOR BZHI PO DGE SLONG DANG, DGE SLONG MA DANG ZHES PA MAN CHAD KYIS BSTAN, 'GOG PA'I BDEN PA'I RNAM PA BZHI NI GZUGS LA SOGS PA'I NGO BO RANG BZHIN GYIS STONG PAR BSTAN PA YANG MDO'I TSIG ,DE NAS YANG BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS JI TZAM DU SHES RAB KYI PHA ROL TU PHYIN PA 'DI YONGS SU GZUNG ZHES PA MAN CHAD KYIS BSTAN, CHOS KYI DBYINGS DANG MNYAM PA'I DGE BA'I RTZA BA'I 'BRAS BU DE BZHIN GSHEGS PA NYID THOB PA YANG MDO'I TSIG ,DE PHYI MA LA YANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SHING ZHES PA MAN CHAD KYIS BSTAN, SHES RAB KYI PHA ROL TU PHYIN PAR GNYEN PO RNAMS RNAM PA THAMS CAD BSDUS PA YANG MDO'I TSIG ,KOO SHI KA GZHAN YANG SA PHYOGS GANG DU RIGS KYI BU 'AM RIGS KYI BU MO GANG DAG SHES RAB KYI PHA ROL TU PHYIN PA 'DI 'DZIN TAM ZHES PA MAN CHAD KYIS BSTAN, PHYI NANG GI 'TSE BA ZHI BA YANG MDO'I TSIG ,DE CI'I PHYIR ZHE NA, KOO SHI KA @194B 'DI LTAR SHES RAB KYI PHA ROL TU PHYIN PA NI SDIG PA MI DGE BA'I CHOS THAMS CAD NYE BAR ZHI BAR BYED CING ZHES PA MAN CHAD KYIS BSTAN, LAM GYI BDEN PA'I RNAM PA BZHI LA MYA NGAN LAS 'DAS PA LA MNGON PAR ZHEN PA ZHI BA YANG MDO'I TSIG ,MYA NGAN LDAS 'DAS PA NYID DU 'DZIN PA DAG NYE BAR ZHI BAR BYED CING RNAM PAR 'PHEL BAR MI BYED PA YIN NO ZHES PAS BSTAN, SHES RAB DANG THABS SU LDAN PA LA SANGS RGYAS KYIS SRUNG BA MDZAD PA YANG MDO'I TSIG ,KOO SHI KA RIGS KYI BU 'AM RIGS KYI BU MO GANG DAG SHES RAB KYI PHA ROL TU PHYIN PA 'DZIN TAM ZHES PA NAS, TSUL BZHIN YID LA BYED PA DE DAG LA STONG GSUM GYI STONG CHEN PO'I 'JIG RTEN GYI KHAMS 'DI NA RGYAL PO CHEN PO BZHI RNAMS DANG ZHES PA MAN CHAD KYIS BSTAN, SANGS RGYAS NYID MNGON PAR 'DOD PAS BDAG NYID SROG GCOD PA SPANG BA DANG, DE NYID LAG ZHAN DAG 'GOD PA YANG MDO'I TSIG ,DE BDAG KYANG SROG GCOD PA SPONG BAR BYED CES PA MAN CHAD KYIS BSTAN, SPYIN PA LA SOGS PA MI ZAD PAR BYED 'DOD PAS BLA NA MED PA'I BYANG CHUB TU YONGS SU BSNGO BA YANG MDO'I TSIG ,KOO SHI KA GZHAN YANG BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA NI SPYIN PA GANG SBYIN PA DE THAMS CAD SEMS CAN THAMS CAD DANG THUN MONG DU BYA ZHING ZHES PA MAN CHAD KYIS BSTAN TO, ,BYED PA DRUG LA SEMS RANG DBANG NYID DU BYED PA YANG MDO'I TSIG ,DE LTAR PHA ROL TU PHYIN PA DRUG LA SPYOD PA'I RIGS KYI BU'AM RIGS KYI BU MO GANG DE DAG NI DRAN PA 'DI LTA BUR SKYE BAR 'GYUR TE ZHES PA MAN CHAD KYIS BSTAN, DGE BA'I BSHES GNYEN LA SOGS PA SKYE BO THAMS CAD LA 'DUD PA YANG MDO'I TSIG ,DE SKAD CES BKA' STZAL PA DANG, BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS JI TZAM DU SHES RAB KYI PHA ROL TU PHYIN PA 'DI BYANG CHUB SEMS DPA' SEMS DPA' CHEN PO RNAMS YONGS SU 'DUL BA DANG ZHES PA MAN CHAD KYIS BSTAN, 'DOD CHAGS LA SOGS PA ZIL GYIS GNON PA YANG LE'U NYI SHU RTZA BDUN PA'I KLAD NAS, DE NAS BCOM LDAN 'DAS @195A *, ,KYIS LHA'I DBANG PO BRGYA BYIN LA 'DI SKAD CES BKA' STZAL TO ZHES PA MAN CHAD KYIS BSTAN, PHA ROL GYI GNOD PA BYAS PA'I SGRUB PAS ZIL GYIS NON PA YANG MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO GANG SHES RAB KYI PHA ROL TU PHYIN BA 'DI 'DZIN PA DANG ZHES PA NAS, RNAM PA THAMS CAD MKHYEN PA NYID KYI SEMS DANG MI 'BRAL BA DE LA LA LA ZHIG GIS SMAN MA YIN PAS GTOR TAM ZHES PA LA SOGS PAS BSTAN, YANG DAG PAR RDZOGS PA'I BYANG CHUB TU BSGRUB PA YANG MDO'I TSIG ,'DAS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYANG 'DI LA BSLABS NAS ZHES PA MAN CHAD KYIS BSTAN, RTEN GYI YUL MCHOD PAR BYA BA NYID DU BYED PA YANG MDO'I TSIG ,KOO SHI KA GZHAN YANG SHES RAB KYI PHA ROL TU PHYIN PA 'DI YI GER BRIS TE 'CHANG NAS MA BZUNG, MA BKLAGS ZHES PA NAS, PHYAG BYA BAR 'OS PA YIN PA'I PHYIR RO ZHES PA'I BAR GYIS BSTAN, BSGOM PA'I LAM LA YANG GNYIS TE, DAG PA 'JIG RTEN PA DANG, RNAM PAR MI RTOG PA'O, ,DAG PA 'JIG RTEN PA MOS PA LA YANG GSUM STE, RANG GI DON DU MOS PA DANG, RANG DANG GZHAN GYI DON DU MOS PA DANG, GZHAN GYI DON DU MOS PA'O, ,RANG GI DON DU MOS PA LA YANG CHUNG NGU'I CHUNG NGU LA SOGS PA'I BYE BAR GIS DGU STE, RANG GI DON DU MOS PA CHUNG NGU'I CHUNG NGU YANG MDO'I TSIG ,DE SKAD CES BKA' STZAL PA DANG, BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS RIGS KYI BU 'AM RIGS KYI BU MO GANG LA LA ZHIG GIS SHES RAB KYI PHA ROL TU PHYIN PA 'DI YI GER BRIS SHING GLEGS BAM DU BGYIS TE BCANGS LA ZHES PA MAN CHAD KYIS BSTAN, RANG GI DON DU MOS PA CHUNG DU'I 'BRING YANG MDO'I TSIG ,DE NAS BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS RIGS KYI BU 'AM RIGS KYI BU MO GANG LA LA SHES RAB KYI PHA ROL TU PHYIN PA LA MCHOD PAR BGYID PA DE BSOD NAMS JI TZAM ZHIG BSKYED PAR 'GYUR LAGS ZHES PA MAN @195B CHAD KYIS BSTAN, RANG GI DON DU MDZOS PA CHUNG NGU'I CHEN PO YANG MDO'I TSIG ,KOO SHI KA RIN PO CHE SNA BDUN GYI MCHOD RTEN LTA ZHOG GI ZHES PA MAN CHAD KYIS BSTAN, RANG GI DON DU MOS PA 'BRING GI CHUNG NGU YANG MDO'I TSIG ,KOO SHI KA 'DZAM BU'I GLING DE BZHIN GSHEGS PA'I MCHOD RTEN GYIS BKANG BA LTA YANG ZHOG GI ZHES PA MAN CHAD KYIS BSTAN, RANG GI DON DU MOS PA 'BRING YANG MDO'I TSIG ,KOO SHI KA GLING BZHI PA'I 'JIG RTEN GYI KHAMS 'DI DE BZHIN GSHEGS PA'I MCHOD RTEN GYIS BKANG BA LTA ZHOG GI ZHES PAS BSTAN, RANG GI DON DU MOS PA 'BRING GI CHEN PO YANG MDO'I TSIG ,KOO SHI KA STONG GI 'JIG RTEN GYI KHAMS RIN PO CHE SNA TSOGS KYI MCHOD RTEN GYIS YONGS SU BKANG BA LTA ZHOG GI ZHES PA MAN CHAD KYIS BSTAN, RANG GI DON DU MOS PA CHEN PO'I CHUNG NGU YANG MDO'I TSIG ,KOO SHI KA STONG GNYIS KYI 'JIG RTEN GYI KHAMS 'DI RIN PO CHE SNA TSOGS KYI MCHOD RTEN GYIS BKANG BA LTA YANG ZHOG GI ZHES PA MAN CHAD KYIS BSTAN, RANG GI DON DU MOS PA CHEN PO'I 'BRING YANG MDO'I TSIG ,KOO SHI KA STONG GSUM GYI STONG CHEN PO'I 'JIG RTEN GYI KHAMS RIN PO CHE SNA TSOGS KYI MCHOD RTEN GYIS YONGS SU BKANG STE MCHOD PA LTA ZHOG GI ZHES PA MAN CHAD KYIS BSTAN, RANG GI DON DU MOS PA CHEN PO'I CHEN PO YANG MDO'I TSIG ,BCOM LDAN 'DAS GANG YANG SHAR PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYAD KYI SEMS CAN DAG LA ZHES PA MAN CHAD KYIS BSTAN, RANG DANG GZHAN GYI DON DU MOS PA CHUNG NGU'I CHUNG DU YANG MDO'I TSIG ,DE NAS LHA'I DBANG PO BRGYA BYIN GYIS STONG GSUM GYI STONG CHEN PO'I 'JIG RTEN GYI KHAMS 'DI NA RGYAL CHEN BZHI'I RIS KYI LHA'I BU DANG, 'OG MIN GYI BAR GYI LHA'I BU DE DAG LA SMRAS PA ZHES PA MAN CHAD KYIS BSTAN, RANG DANG GZHAN GYI DON DU MOS PA CHUNG NGU'I 'BRING YANG MDO'I TSIG ,DE NAS BCOM LDAN 'DAS KYIS LHA'I DBANG PO BRGYA BYIN LA 'DI SKAD CES BKA' STZAL TO, ,KOO SHI KA KHYOD KYIS SHES RAB KYI PHA ROL TU PHYIN BZUNG SHIG CES PA MAN CHAD KYIS BSTAN, RANG DANG GZHAN GYI DON DU @196A *, ,MOS PA CHUNG NGU'I CHEN PO YANG MDO'I TSIG ,DE SKAD CES BKA' STZAL PA DANG, BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI RIG SNGAGS CHEN PO LAGS SO ZHES PA MAN CHAD KYIS BSTAN, RANG DANG GZHAN GYI DON DU MOS PA 'BRING GI CHUNG NGU YANG MDO'I TSIG ,LE'U NYI SHU RTZA DGU PA'I KLAD NAS, DE NAS GZHAN MU STEGS CAN KUN TU RGYU KLAN KA TSOL BA'I BSAM PA CAN RAB TU MANG PO BRGYA TZAM ZHIG KLAN KA BTZAL BA'I PHYIR BCOM LDAN 'DAS GA LA BA DER DONG NGO ZHES PA MAN CHAD KYIS BSTAN, RANG DANG GZHAN GYI DON DU MOS PA 'BRING GI 'BRING YANG MDO'I TSIG ,DE NAS BDUD SDIG CAN 'DI SNYAM DU SEMS TE ZHES PA MAN CHAD KYIS BSTAN, RANG DANG GZHAN GYI DON DU MOS PA 'BRING GI CHEN PO YANG MDO'I TSIG ,DE NAS LHA'I BU DE DAG GIS LHA'I ME TOG RNAMS MNGON PAR SPRUL NAS ZHES PA MAN CHAD KYIS BSTAN, RANG DANG GZHAN GYI DON DU MOS PA CHEN PO'I CHUNG NGU YANG MDO'I TSIG ,LE'U SUM CU PA'I KLAD NAS, DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO ZHES PA MAN CHAD KYIS BSTAN, RANG DANG GZHAN GYI DON DU MOS PA CHEN PO'I 'BRING YANG MDO'I TSIG ,BRGYA BYIN GYIS GSOL PA, BCOM LDAN 'DAS RIGS KYI BU 'AM, RIGS KYI BU MO GANG SHES RAB KYI PHA ROL TU PHYIN PA 'DI 'DZIN PA DANG ZHES PA MAN CHAD KYIS BSTAN, RANG DANG GZHAN GYI DON LA MOS PA CHEN PO'I CHEN PO YANG MDO'I TSIG ,PHYOGS BCU'I 'JIG RTEN GYI KHAMS NA DE BZHIN GSHEGS PA 'KHOR DANG BCAS PA BZHUGS PA LA NAM 'TSO'I BAR DU MCHOD PA BYAS TE ZHES TE ZHES PA MAN CHAD KYIS BSTAN, GZHAN GYI DON DU MOS PA CHUNG NGU'I CHUNG NGU YANG LE'U SUM CU RTZA GNYIS PA'I KLAD NAS, DE NAS BCOM LDAN 'DAS KYIS LHA'I DBANG PO BRGYA BYIN LA 'DI SKAD CES BKA' STZAL TO, ,KOO SHI KA GAL TE 'DZAM BU'I GLING 'DI DE BZHIN GSHEGS PA'I SKU GDUNG GIS BYUR BUR BYAS TE BKANG LA ZHES PA MAN CHAD KYIS BSTAN, GZHAN GYI @196B DON DU MOS PA CHUNG NGU'I 'BRING YANG MDO'I TSIG ,BRGYA BYIN GYIS GSOL PA, BCOM LDAN 'DAS BYANG CHUB SEMS DPA'I SEMS DPA' CHEN POS GANG LA BSLABS NAS ZHES PA MAN CHAD KYIS BSTAN, GZHAN GYI DON DU MOS PA CHUNG NGU'I CHEN PO YANG MDO'I TSIG ,BCOM LDAN 'DAS GANG GI TSE BDAG SHES RAB KYI PHA ROL TU PHYIN PA 'DI YID LA BGYID PA DE'I TSE 'JIGS PAR 'GYUR BA'AM ZHES PA MAN CHAD KYIS BSTAN, GZHAN GYI DON DU MOS PA 'BRING GI CHUNG DU YANG MDO'I TSIG ,SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN GYI 'GRO BA MA MCHIS PAR 'TSAL BAR BGYI BA LAGS SO ZHES PA MAN CHAD KYIS BSTAN, GZHAN GYI DON DU MOS PA 'BRING GI 'BRING YANG MDO'I TSIG ,BCOM LDAN 'DAS GZHAN YANG GAL TE STONG GSUM GYI STONG CHEN PO'I 'JIG RTEN GYI KHAMS 'DI DE BZHIN GSHEGS PA'I SKU GDUNG GIS YONGS SU BKANG STE, BYUR BUR BGYIS PA ZHIG KYANG STZAL LA ZHES PA MAN CHAD KYIS BSTAN, GZHAN GYI DON DU MOS PA 'BRING GI CHEN PO YANG MDO'I TSIG ,BCOM LDAN 'DAS GZHAN YANG GAL TE STONG GSUM GYI STONG CHEN PO'I 'JIG RTEN GYI KHAMS 'DI DE BZHIN GSHEGS PA'I SKU GDUNG GIS YONGS SU BKANG TE BYUR BUR BGYIS PA LTA ZHOG LAGS KYI ZHES PA MAN CHAD KYIS BSTAN, GZHAN GYI DON DU MOS PA CHEN PO'I CHUNG NGU YANG MDO'I TSIG ,BCOM LDAN 'DAS NYID NI 'DI GNYIS LAGS TE, GNYIS GANG ZHE NA, 'DI LTA STE, 'DUS BYAS KYI CHOS NYID DANG, 'DUS MA BYAS KYI CHOS NYID LAGS SO ZHES PA MAN CHAD KYIS BSTAN, GZHAN GYI DON DU MOS PA CHEN PO'I 'BRING YANG MDO'I TSIG ,BRGYA BYIN GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI CHE BA LAGS SO ZHES PA MAN CHAD KYIS BSTAN, GZHAN GYI DON DU MOS PA CHEN PO'I CHEN PO YANG MDO'I TSIG ,BCOM LDAN 'DAS RIGS KYI BU 'AM RIGS KYI BU MO GANG LA LA SHES RAB KYI PHA ROL TU PHYIN PA 'DI GLEGS BAM LA BRIS TE 'CHANG LA ZHES PA MAN @197A *, ,CHAD KYIS BSTAN, RANG GI DON DU MOS PA DGU DANG, RANG DANG GZHAN GYI DON DU MOS PA DGU DANG, GZHAN GYI DON DU MOS PA DGU STE, DGU TSAN GSUM DANG, BSTOD PA DANG, BKUR BA DANG, BSNGAGS PA DGU TSAN GSUM RIM PA BZHIN DU SBYAR TE, RANG GI DON DU MOS PA CHUNG NGU'I CHUNG NGU LA BSTOD PA 'BUM LAS NI GSAL, GZHAN LA NI DON GYIS BSTAN, RANG GI DON DU MOS PA CHUNG NGU'I 'BRING LA BSTOD PA NI LE'U SUM CU RTZA GNYIS PA'I KLAD NAS, KOO SHI KA SEMS CAN GCIG CIG RGYUN DU ZHUGS PA'I 'BRAS BU LA GZHAG PA NI BSOD NAMS CHES DPAG TU MED PA YIN GYI ZHES PA MAN CHAD KYIS BSTAN, CHUNG NGU'I CHEN PO LA BSTOD PA YANG MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO GANG LA LA 'DZAM BU'I GLING GI SEMS CAN RNAMS DGE BA BCU'I LAS KYI LAM LA BKOD NA ZHES PA MAN CHAD KYIS BSTAN, 'BRING GI CHUNG NGU LA BSTOD PA NI MDO'I TSIG ,KOO SHI KA GZHAN YANG 'DZAM BU'I GLING GI SEMS CAN GANG YIN PA DE RIGS KYI BU MO GANG LA LA ZHIG GIS BSAM GTAN BZHI LA BKOD CING ZHES PA MAN CHAD KYIS BSTAN, 'BRING GI 'BRING LA BSTOD PA YANG MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO SHES RAB KYI PHA ROL TU PHYIN PA 'DZIN PA DANG ZHES PA NAS, TSUL BZHIN DU YID LA BYED PA YIN NO, ,ZHES PA'I BAR GYIS BSTAN, 'BRING GI CHEN PO LA BSTOD PA YANG MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO GANG LA LA SHES RAB KYI PHA ROL TU PHYIN PA 'DI GZHAN DAG LA RGYA CHER STON CING 'CHAD LA ZHES PA MAN CHAD KYIS BSTAN, RANG GI DON DU MOS PA CHEN PO'I CHUNG NGU LA BSTOD PA YANG MDO'I TSIG ,RIGS KYI BU 'AM RIGS KYI BU MO SHES RAB KYI PHA ROL TU PHYIN PA GZHAN DAG LA RGYA CHER STON CING 'CHAD LA ZHES PA MAN CHAD KYIS BSTAN, CHEN PO'I 'BRING LA BSTOD PA YANG MDO'I TSIG ,GAL TE RIGS KYI BU 'AM RIGS KYI BU MO GANG LA LA PHYOGS BCU'I PHYOGS RE RE ZHING ZHES PA MAN CHAD KYIS @197B BSTAN, CHEN PO'I CHEN PO LA BSTOD PA NI MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO GANG GIS BSKAL PA GRANGS MED PA DPAG TU MED PAR DMIGS PA'I TSUL GYIS SBYIN PA'I PHA ROL TU PHYIN PA LA SPYAD PA BAS ZHES PA MAN CHAD KYIS BSTAN, RANG DANG GZHAN GYI DON DU MOS PA CHUNG NGU'I CHUNG NGU LA BKUR BA YANG MDO'I TSIG ,BRGYA BYIN GYIS GSOL BA, BCOM LDAN 'DAS SHES RAB KYI PHA ROL TU PHYIN PA LTAR BCOS PA DE GANG LAGS ZHES PA MAN CHAD KYIS BSTAN, CHUNG NGU'I 'BRING LA BKUR BA NI MDO'I TSIG ,KOO SHI KA GZHAN YANG 'DZAM DU'I GLING GI SEMS CAN JI SNYED YOD PA DE DAG RIGS KYI BU 'AM RIGS KYI BU MO GANG LA LA ZHIG GIS RGYUN TU ZHUGS PA'I 'BRAS BU LA BKOD NA ZHES PA MAN CHAD KYIS BSTAN, CHUNG NGU'I CHEN PO LA BKUR BA YANG MDO'I TSIG ,KOO SHI KA GZHAN YANG RIGS KYI BU 'AM RIGS KYI BU MO GANG LA LAS 'DZAM BU'I GLING GI SEMS CAN JI SNYED PA DE DAG THAMS CAD LAN CIG PHYIR 'ONG BA'I 'BRAS BU LA BKOD NA ZHES PAS BSTAN, RANG DANG GZHAN GYI DO DU MOS PA 'BRING GI CHUNG NGU KLA BKUR BA NI MDO'I TSIG ,PHYIR MI 'ONG BA'I 'BRAS BU LA BKOD NA ZHES PAS BSTAN, 'BRING GI 'BRING LA BKUR BA NI MDO'I TSIG ,DGRA BCOM PA NYID YI BAR LA BKOD NA ZHES PA LA SOGS PAS BSTAN, 'BRING GI CHEN PO LA BKUR BA NI MDO'I TSIG ,KOO SHI KA GZHAN YANG PHYOGS BCU'I PHYOGS RE RE YANG 'JIG RTEN GYI KHAMS GANG+G'A'I KLUNG GI BYE MA SNYED DAG NA ZHES PA MAN CHAD KYIS BSTAN, RANG DANG GZHAN GYI DON DU MOS PA CHEN PO'I CHUNG NGU LA SOGS PA LA BKUR BA CHEN PO'I CHUNG NGU LA SOGS PA GSUM YANG MDO'I TSIG ,KOO SHI KA GZHAN YANG 'DZAM BU'I GLING GI SEMS CAN GANG YIN PA DE DAG RIGS KYI BU'AM RIGS KYI BU MO GANG LA LA ZHIG GIS BLA NA MED PA YANG DAG PAR RDZOGS PA'I BYANG CHUB LA BKOD PA BAS ZHES PA MAN CHAD KYIS BSTAN, GZHAN GYI DON DU MOS PA CHUNG NGU'I CHUNG NGU LA BSNGAGS PA CHUNG NGU YANG MDO'I TSIG ,BRGYA BYIN GYIS GSOL PA, BCOM LDAN 'DAS BYANG CHUB SEMS DPA' @198A *, ,SEMS DPA' CHEN PO JI LTA JI LTAR BLA NA MED PA YANG DAG PAR RDZOGS PA'I BYANG CHUB DANG NYE BAR GYUR PA DE LTA DE LTAR ZHES PA MAN CHAD KYIS BSTAN, CHUNG NGU'I 'BRING LA BSNGAGS PA YANG MDO'I TSIG ,GOS DANG ZAS DANG MAL CHA DANG STAN DANG NA BA'I GSOS SMAN DANG YO BYAD RNAMS KYIS SMAN GDAGS 'TSAL LO ZHES PA LA SOGS PAS BSTAN, CHUNG NGU'I CHEN PO LA BSNGAGS PA YANG MDO'I TSIG ,DE CI'I SLAD DU ZHE NA, DE NI 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA RNAMS KYIS 'DOMS SHING RJES SU STON PA DANG ZHES PA MAN CHAD KYIS BSTAN, GZHAN GYI DON DU MOS PA 'BRING GI CHUNG NGU LA BSNGAGS PA 'BRING GI CHUNG NGU YANG MDO'I TSIG ,DE NAS TSE DANG LDAN PA RAB 'BYOR GYIS LHA'I DBANG PO BRGYA BYIN LA 'DI SKAD CES SMRAS SO, ,KOO SHI KA GANG KHYOD KYIS ZHES PA NAS, KHYOD KYI LAS NI DE YIN NO ZHES PA'I BAR GYIS BSTAN, 'BRING GI 'BRING LA BSNGAGS PA YANG MDO'I TSIG ,'PHAGS PA NYAN THOS GANG SEMS CAN RNAMS LA PHAN GDAGS PAR 'DOD PA DES NI ZHES PA MAN CHAD KYIS BSTAN, 'BRING GI CHEN PO LA BSNGAGS PA YANG MDO'I TSIG ,DE CI'I PHYIR ZHE NA, BCOM LDAN 'DAS KYI NYAN THOS KYI DGE 'DUN NI DE LAS 'BYUNG STE ZHES PA MAN CHAD KYIS BSTAN, GZHAN GYI DON DU MOS PA CHEN PO'I CHUNG NGU LA BSNGAGS PA YANG MDO'I TSIG ,GAL TE BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR MA GYUR PA ZHES PA MAN CHAD KYIS BSTAN, CHEN PO'I 'BRING LA BSNGAGS PA YANG MDO'I TSIG ,KOO SHI KA GANG GI PHYIR BYANG CHUB SEMS DPA' PHA ROL TU PHYIN PA DRUG DANG SANGS RGYAS KYI CHOS THAMS CAD KYI BAR LA SLOB PA DE'I PHYIR ZHES PA MAN CHAD KYIS BSTAN, CHEN PO'I CHEN PO LA BSNGAGS PA YANG MDO'I TSIG ,BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS 'JIG RTEN GYI KHAMS THAMS CAD KYI SEMS CAN DMYAL BA RNAMS GCOD PAR 'GYUR ZHING ZHES PA MAN CHAD KYIS BSTAN, @198B DE LTAR MOS PA LA BSNGO BA 'BYUNG ZHING DE YANG KHYAD PAR BCU GNYIS KYIS SNGO BAR BYED DE, MI DMIGS PAR BSNGO BA DANG, PHYIN CI MA LOG PA'I BSNGO BA DANG, DBEN PA DANG, DE BZHIN GSHEGS PA'I DGE BA'I TSOGS KYI RANG BZHIN DRAN PA DANG, THABS LA MKHAS PA DANG, MTSAN MA MED PA DANG, STON PAS GNANG BA DANG, KHAMS GSUM PAR MA GTOGS PA DANG, CHUNG NGU DANG, 'BRING DANG, CHEN PO DANG, BSOD NAMS CHEN PO 'BYUNG BA ZHES BYA BA BCU GNYIS LA, DANG PO MI DMIGS PAR BSDO BA YANG LE'U SUM CU RTZA GSUM PA'I KLAD NAS, DE NAS BYANG CHUB SEMS DPA' SEMS DPA' CHEN PO BYAMS PAS, GNAS BRTAN RAB 'BYOR LA 'DI SKAD CES SMRAS SO ZHES PA MAN CHAD KYIS BSTAN, PHYIN CI MA LOG PA'I BSDO BA YANG MDO'I TSIG ,RAB 'BYOR GYIS SMRAS PA, GAL TE DNGOS PO MED PA LA DMIGS PA MED PA DAG GIS ZHES PA MAN CHAD KYIS BSTAN, DBEN PA'I BSNGO BA NI MDO'I TSIG ,RAB 'BYOR GYIS SMRAS PA, BYAMS PA SEMS GANG GIS RJES SU YI RANG NAS YONGS SU SNGO BAR BYED PA'I SEMS DE NI ZAD CING 'GAGS LA ZHES PA MAN CHAD KYIS BSTAN, DE BZHIN GSHEGS PA'I DGE BA'I TSOGS KYI RANG BZHIN DRAN PA NI MDO'I TSIG ,BYAMS PAS SMRAS PA, GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DNGOS PO MED PA DANG ZHES PA MAN CHAD KYIS BSTAN, THABS LA MKHAS PA'I BSNGO BA YANG MDO'I TSIG ,BYANG CHUB SEMS DPA' BYAMS PAS, GNAS BRTAN RAB 'BYOR LA 'DI SKAD CES SMRAS SO, ,BTZUN PA RAB 'BYOR GAL TE THEG PA LA GSAR DU YANG DAG PAR ZHUGS PA'I BYANG CHUB SEMS DPA' SEMS DPA' CHEN POS BSTAN PA 'DI THOS NAS SKRAG STE ZHES PA MAN CHAD KYIS BSTAN, MTSAN MA MED PA'I BSNGO BA YANG MDO'I TSIG ,BYAMS PAS SMRAS PA, BTZUN PA RAB 'BYOR GAL TE THEG PA LA GSAR DU ZHUGS PA'I BYANG CHUB SEMS DPA' SEMS DPA' CHEN POS SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DE DAG GI DGE BA'I RTZA BA @199A *, ,THAMS CAD LA BRTZAMS TE, ZHES PA MAN CHAD KYIS BSTAN, STON PAS GNANG BA'I BSNGO BA YANG MDO'I TSIG ,BYAMS PAS SMRAS PA, BTZUN PA RAB 'BYOR SHES RAB KYI PHA ROL TU PHYIN PA LA NI SANGS RGYAS BCOM LDAN 'DAS SDE DAG DANG ZHES PA MAN CHAD KYIS BSTAN, KHAMS GSUM PAR MA GTOGS PA'I BSNGO BA YANG MDO'I TSIG ,GZHAN YANG RIGS KYI BU 'AM RIGS KYI BU MO THEG PA CHEN PO LA YANG DAG PAR ZHUGS PA SHES RAB KYI PHA ROL TU PHYIN PA LA SPYOD PAS DGE BA'I RTZA BA DE DAG 'DI LTAR YONGS SU BSNGO BAR BYA STE ZHES PA MAN CHAD KYIS BSTAN, CHUNG NGU YANG MDO'I TSIG ,RAB 'BYOR GAL TE STONG GSUM GYI STONG CHEN PO'I 'JIG RTEN GYI KHAMS NA SEMS CAN GANG DAG 'KHOD PA DE DAG THAMS CAD KYIS DGE BA BCU'I LAS KYI LAM RNAMS THOB PAR GYUR ZHING ZHES PA MAN CHAD KYIS BSTAN, 'BRING YANG MDO'I TSIG ,RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED 'KHOD PA DE DAG THAMS CAD RGYUN TU ZHUGS PAR GYUR TAM ZHES PA MAN CHAD KYIS BSTAN, CHEN PO YANG MDO'I TSIG ,RAB 'BYOR GZHAN YANG STONG GSUM GYI STONG CHEN PA'I 'JIG RTEN GYI KHAMS NA SEMS CAN GANG DAG 'KHOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LA YANG DAG PAR ZHUGS PAR GYUR LA ZHES PA MAN CHAD KYIS BSTAN, BSOD NAMS CHEN PO 'BYUNG BA'I BSNGO BA YANG MDO'I TSIG ,DE NAS RGYAL CHEN BZHI'I RIS KYI LHA'I BU RNAMS KYI NANG NAS LHA'I BU NYI KHRIS THAL MO SBYAR NAS ZHES PA MAN CHAD KYIS BSTAN, BSNGO BA'I 'OG TU RJES SU YI RANG BA YID LA BYED PA KUN RDZOB TU THABS KYIS DGE BA'I RTZA BA RNAMS DMIGS NAS DON DAM BAR MI DMIGS PA NYID DU RJES SU YI RANG BAR YID LA BYED PA STE, DE YANG MDO'I TSIG ,RAB 'BYOR GYIS GSOL PA, BCOM LDAN 'DAS KYIS 'DI SKAD DU 'DI LTAR RIGS KYI BU 'AM RIGS KYI BU MO DE'I DGE BA'I RTZA BA THAMS CAD KYI RJES SU YI RANG BA DANG YONGS SU BSNGO @199B BA'I BAR GYIS ZHES PA MAN CHAD KYIS BSTAN, ZAG PA MED PA'I LAM RNAM PAR MI RTOG PA YANG GNYIS TE, SGRUB PA DANG, DAG PA'O, ,SGRUB PA LA YANG BZHI STE, GZUGS LA SOGS PA PHYIN CI MA LOG PAR MTHONG BAS NGO BO NYID DANG, GZHAN GYIS SANGS RGYAS MI MTHONG BAS MCHOG NYID DANG, CHOS RNAMS KYI KHYAD PAR SKYE BA MED PAR RTOG NAS MNGON PAR 'DU MI BYED PA DANG, CHOS RNAMS MI DMIGS PAR GTOD PA NI DON CHEN PO SANGS RGYAS SU BYED PAS DON CHEN PO NYID DANG BZHIS BSTAN TE, DE LA NGO BO NYID KYANG LE'U SUM CU RTZA BZHI PA'I KLAD NAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO ZHES PA MAN CHAD KYIS BSTAN, MCHOG NYID NI MDO'I TSIG ,SH'A RI'I BUS GSOL BA, BCOM LDAN 'DAS DE LTAR SHES RAB KYI PHA RUL TU PHYIN PA MNGON PAR BSGRUB PAS CHOS GANG ZHIG THOB PAR BGYI LAGS ZHES PA MAN CHAD KYIS BSTAN, MNGON PAR 'DU MI BYED PA YANG MDO'I TSIG ,BRGYA BYIN GYIS GSOL BA, BCOM LDAN 'DAS 'DI LTAR SHES RAB KYI PHA ROL TU PHYIN PA 'DI CHOS THAMS CAD SKYE BA MA MCHIS PA DANG, ZHES PA MAN CHAD KYIS BSTAN, DON CHEN PO YANG MDO'I TSIG ,RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI CHE BA LAGS SO ZHES PA MAN CHAD KYIS BSTAN TO, ,DAG PA YANG BSGRUBS PAS BSGOM PA'I LAM SKYE BA'I RGYU GSUM STE; SANGS RGYAS MNYES PAR BYED PA DANG, PHA ROL TU PHYIN PA RDZOGS PAR BYED PA DANG, ZHI GNAS LA MKHAS PA'O, ,MI SKYE BA'I RGYU BZHI STE, BDUD KYIS GNOD PA BYAS PA DANG, CHOS ZAB MO LA MA MOS PA DANG, DNGOS POR 'DZIN PA DANG, SDIG PA'I GROGS PA DANG 'GROGS PA'O, ,RNAM PAR DAG PA SPYIR BSTAN PA DANG, KHYAD PAR GYI DAG PA NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS KYI DAG PA RNAMS KYIS BSTAN TE, BSGOM PA'I LAM DAG PA SKYE BA'I RGYU SANGS GYAS RGYAS MNYES PAR BYED PA @200A *, ,YANG MDO'I TSIG ,LE'U SUM CU RTZA LNGA PA'I KLAD NAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO ZHES PA MAN CHAD KYIS BSTAN, PHA ROL TU PHYIN PA RDZOGS PAR BYED PA YANG MDO'I TSIG ,DE NI SEMS DANG PO BSKYED PHYIR CHAD SPYIN PA'I PHA ROL TU PHYIN PA LA SPYAD CING ZHES PA MAN CHAD KYI BSTAN, ZHIG GNAS LA MKHAS PA YANG MDO'I TSIG ,SH'A RI'I BU BYANG CHUB SEMS DPA' SEMS DPA' CHEN PO DES NI MTSAN MA MED PA DANG, GNYIS SU MED PA DANG ZHES PA MAN CHAD KYIS BSTAN, MI SKYE BA'I RGYU BZHI PO BDUD KYIS GNOD PA BYAS PA LA SOGS PA NI MDO'I TSIG ,RAB 'BYOR MI BLUN PO DE DAG NI RNAM PA BZHIS SHES RAB KYI PHA ROL TU PHYIN PA ZAB MO 'DI ZLOG PAR BYED DE ZHES PA MAN CHAD KYIS BSTAN, SPYIR RNAM PAR DAG PA BSTAN PA YANG MDO'I TSIG ,RAB 'BYOR GZUGS RNAM PAR DAG PA GANG YIN PA DE NI 'BRAS BU RNAM PAR DAG PA'O ZHES PA MAN CHAD KYIS BSTAN, RAB 'BYOR LAM GYI RNAM PA SHES PA NYID KYI PHYIR RO ZHES PA MAN CHAD KYIS BSTAN, KHYAD PAR NI DE'I SKABS NAS, SBYIN PA'I PHA ROL TU PHYIN BA RNAM PAR DAG PA TSUL KHRIMS KYI PHA ROL TU PHYIN PA RNAM PAR DAG PA'O ZHES PA LA SOGS PAS BSTAN, SANGS RGYAS KYI NI SHIN TU RNAM PAR DAG PA YIN PAS DE YANG LE'U SUM CU RTZA DRUG PA'I LDAS NAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,ZHES PA LA SOGS PAS BSTAN, GZHAN NI SHUGS KYIS BSTAN TO, ,LAM GYI RNAM PA SHES PA YANG THAMS CAD SHES PA MED NA LAM GYI RNAM PA SHES PA MA YIN PAS SPYIR NA BRGYAD KYIS BSTAN PA'I GSUM PA THAMS CAD SHES PA LA DON DGUS BSTAN TE, SHES RAB KYIS SRID PA LA MI GNAS PA DANG, SNYING RJES ZHI BA LA MI GNAS PA DANG, THABS MA YIN PAS RING BA DANG, THABS KYIS RING BA MA YIN PA DANG, MI MTHUN PA'I PHYOGS DANG, GNYEN PO DANG, SBYOR BA DANG, MNYAM PA NYID DANG, @200B NYAN THOS DANG, RANG RGYAL BA'I MTHONG BA'I LAM MO, ,DE LA SHES RAB DANG SNYING RJES SRID PA DANG ZHI BA LA MI GNAS PA YANG MDO'I TSIG ,RAB 'BYOR GYIS GSOL BA, BCOM LDAN 'DAS BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA NI TSU ROL GYI 'GRAM MAM ZHES PA NAS, RAB 'BYOR DUS GSUM MNYAM PA NYID KYI PHYIR RO ZHES PA'I BAR GYIS BSTAN, THABS MA YIN PAS RING BA YANG MDO'I TSIG ,RAB 'BYOR GYIS GSOL BA, BCOM LDAN 'DAS GAL THEG PA CHEN PO'I RIGS KYI BU 'AM RIGS KYI BU MO THABS LA MI MKHAS PA ZHES PA MAN CHAD KYIS BSTAN, THABS KYIS RING BA MA YIN PA YANG MDO'I TSIG ,TSE DANG LDAN PA SH'A RI'I BU GANG KHYOD 'DI SKAD DU BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA LA SPYOD PA'I MA CHAGS PA GANG YIN ZHES PA MAN CHAD KYIS BSTAN, MI MTHUN PA YANG MDO'I TSIG ,DE NAS LHA'I DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR RNAM GRANGS GANG GIS BYANG CHUB SEMS DPA' SEMS DPA' CHEN PO RNAMS CHAGS PAR GYUR PA YIN ZHES ZER BA NI ZHES PA MAN CHAD KYIS BSTAN, GNYEN PO NI MDO'I TSIG ,KOO SHI KA GZHAN YANG BLA NA MED PA YANG DAG PAR RDZOGS PA'I BYANG CHUB KYI DON DU GZHAN DAG LA STON PAR 'DOD PA DANG ZHES PA MAN CHAD KYIS BSTAN, DE BZHIN GSHEGS PA LA SOGS PA YID LA BYED PA YANG CHAGS PA PHRA MO YIN PAS MI MTHUN PA'I PHYOGS YIN PA DANG, DE CI LTAR SPANGS PA DANG, CHOS NYID DANG, RANG BZHIN GYIS ZAB PA DANG, RTOGS PAR DKA' BA BSTAN TE, CHAGS PA PHRA BA YANG MDO'I TSIG ,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR GAN KHYOD KYIS BYANG CHUB SEMS DPA' SEMS DPA' CHEN PO RNAMS LA CHAGS PA'I MTHA' DE DAG BSTAN PA LEGS SO LEGS SO ZHES PA MAN CHAD KYIS BSTAN, DE CI LTAR SPONG BA YANG MDO'I TSIG ,BCOM LDAN 'DAS @201A *, ,KYIS BKA' STZAL PA, RAB 'BYOR 'DI LTAR CHOS KYANG RANG BZHIN GNYIS MA YIN TE GCIG TU ZAD DO ZHES PA MAN CHAD KYIS BSTAN, ZAB PA YANG MDO'I TSIG, BCOM LDAN 'DAS SHES RAB KYI PHA ROL TU PHYIN PA NI RTOGS PAR DKA' BA LAGS SO ZHES PA MAN CHAD KYIS BSTAN, RTOGS PAR DKA' BA NYID JI LTA BU YIN PA YANG MDO'I TSIG ,RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA NI BSAM GYIS MI KHYAB PA LAGS SO ZHES PA MAN CHAD KYIS BSTAN, DE LTAR MI MTHUN PA'I PHYOGS LA SOGS PA BRJOD NAS, DE DAG RNAM PAR BSGOM PA'I SBYOR BA NI LE'U SUM CU RTZA BDUN PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA NI BGYID PA CHEN PO LAGS SO ZHES PA NAS, BCOM LDAN 'DAS MA SHES RAB KYI PHA ROL TU PHYIN PA LA BDAG PHYAG 'TSAL LO SNYAM MO ZHES PA'I BAR GYIS NI SBYOR BA RNAM PA BCU BSTAN TE, DE LA SBYOR BA RNAM PA BCU NI GZUGS LA SOGS PA'I CHOS THAMS CAD MI DMIGS PAR SBYOR BA DANG, CHOS DE DAG NYID MI RTAG PA DANG STONG PA NYID LA SOGS PA DANG, SO SOR MA RDZOGS PA DANG, RDZOGS PA NYID DANG, CHAGS PA MED PA DANG, GZHAN DU MI 'GYUR BA DANG, BYED PA PO MED PA NYID DANG, THAMS CAD MKHYEN PA NYID GSUM GYI CHED DU BYA BA DANG, SBYOR BA DANG, BYA BA RNAMS DKA' BA NYID DANG, SKAL BA JI LTA BA BZHIN DU 'BRAS BU THOB PA DANG, MIG STONG PA NYID DANG, GZHAN GYI RKYEN GYIS MI 'GRO BA NYID DU'ANG MI DMIGS PAR SBYAR RO, ,DE LA GZUGS LA SOGS PA'I CHOS THAMS CAD MI DMIGS PAR SBYOR BA NI MDO'I TSIG ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA NI BGYID PA MA MCHIS PA'O, ZHES PA MAN CHAD KYIS BSTAN, CHOS DE DAG NYID KYI MI RTAG PA LA SOGS PA YANG MDO'I TSIG ,GAL @201B TE GZUGS RTAG CES BYA BA'AM MI RTAG CES BYA BAR YANG MI SPYOD NA SHES RAB KYI PHA ROL TU PHYIN PA LA SPYOD DO ZHES PA MAN CHAD KYIS BSTAN, SO SOR MA RDZOGS PA DANG, RDZOGS PA YANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS YONGS SU MA RDZOGS SO ZHES BYA BAR MI SPYOD NA ZHES PA MAN CHAD KYIS BSTAN, CHAGS PA MED PA YANG MDO'I TSIG ,GSOL PA, BCOM LDAN 'DAS DE LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, BYANG CHUB SEMS DPA'I THEG PA PA'I RIGS KYI BU 'AM RIGS KYI BU MO RNAMS LA CHAGS PA 'AM MA CHAGS PA LEGS PAR BSTAN PA 'DI NGO MTSAR TO ZHES PA MAN CHAD KYIS BSTAN, GZHAN DU MI 'GYUR BA NI MDO'I TSIG ,GSOL PA, BCOM LDAN 'DAS DE LTAR CHOS ZAB MO 'DI BSTAN KYANG YONGS SU MI 'GRIB CES PA MAN CHAD KYIS BSTAN, BYED PA PO MED PA NYID NI MDO'I TSIG ,RAB 'BYOR 'DI LTA STE DPER NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS NAM 'TSO'I BAR DU NAM MKHA'I LEGS PA'AM MA LEGS PA BRJOD KYANG ZHES PA MAN CHAD KYIS BSTAN, CHED DU BYA BA NI MDO'I TSIG ,RAB 'BYOR 'DI LTA STE DPER NA SGYU MA'I SKYES BU NI LEGS PA BRJOD KYANG 'PHEL BA MED DO ZHES PA MAN CHAD KYIS BSTAN, SBYOR BA NI MDO'I TSIG ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING SHES RAB KYI PHA ROL TU PHYIN PA BSTAN PA'I TSE ZHUM PA 'AM G-YENG BAR MI 'GYUR BA DANG, SHES RAB KYI PHA ROL TU PHYIN PA 'DI LA BRTZON PAR BGYID CING ZHES PA MAN CHAD KYIS BSTAN, BYA DKA' BA BYED PA NI MDO'I TSIG ,BLA NA MED PA YANG DAG PAR RDZOGS PA'I BYANG CHUB LAS SLAR MI LDOG PA NI DKA' BA BGYID PA'O ZHES PA MAN CHAD KYIS BSTAN, SKAL BA CI LTA BA BZHIN DU 'BRAS BU THOB PA NI MDO'I TSIG ,BCOM @202A *, ,LDAN 'DAS BYANG CHUB SEMS DPA' SEMS DPA' CHEN PO GANG GIS GO CHA 'TSAL BA DE DAG NI PHYAG BGYI BAR 'OS PA'O ZHES PA MAN CHAD KYIS BSTAN, MIG STONG PA NYID NI MDO'I TSIG ,DE CI'I SLAD DU ZHE NA, BCOM LDAN 'DAS GAL TE STONG GSUM GYI STONG CHEN PO'I 'JIG RTEN GYI KHAMS 'DI LTA STE, 'DAM BU'I DBYINGS SAM 'OD MA'I TSAL ZHES PA MAN CHAD NAS, BCOM LDAN 'DAS MA SHES RAB KYI PHA ROL TU PHYIN PA LA PHYAG 'TSAL LO SNYAM PA'I BAR GYIS BSTAN, GZHAN GYI RKYEN GYIS MI 'GRO BA NYID NI MDO LAS MA BYUNG, SBYOR BA DE YANG MNYAM PA NYID KYI SGO NAS SBYOR BA BSGOM DGOS PAS MNYAM PA NYID BSTAN PA YANG MDO'I TSIG ,DE NAS LHA'I DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA 'DI LA RNAL 'BYOR DU BYED PA DE GANG LA RNAL 'BYOR DU BYED PA YIN ZHES PA NAS, SPRUL PA'I MTSAN MAR YANG RLOMS SEMS SU MI BYED PA YIN ZHES PA'I BAR GYIS BSTAN, SBYOR BA'I MNYAM PA NYID RTOGS NAS MTHONG BA'I LAM BSGOM DGOS PAS MTHONG BA'I LAM BSTAN PA YANG MDO'I TSIG ,DE NAS SANGS RGYAS KYI MTHUS STONG GSUM GYI STENG CHEN PO'I 'JIG RTEN GYI KHAMS 'DI NA RGYAL CHEN BZHI'I RIS KYI LHA DANG ZHES PA NAS, LE'U SUM CU RTZA BDUN BA RDZOGS PA'I BAR GYIS MTHONG BA'I LAM BDEN PA BZHI RNAM PA DANG BCAS PA BSTAN TE, SDUG BSNGAL GYI BDEN PA LA NGO BO NYID MED PA'I PHYIR GZUGS LA SOGS PA RTAG PA DANG MI RTAG PA MA YIN PA YANG MDO'I TSIG ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO BYAMS PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, GZUGS RTAG CES BYA BA DANG MI RTAG CES BYA BAR CHOS STON PAR MI 'GYUR RO ZHES BYA BA MAN CHAD KYIS BSTAN, SDUG PA DANG MI SDUG PA DANG BRAL BAS RTAG CHAD KYI MTHA' SPANGS PA YANG MDO'I TSIG ,GZUGS @202B SDUG CES BYA BA DANG MI SDUG CES BYA BAR CHOS STON PAR MI 'GYUR RO ZHES PA MAN CHAD KYIS BSTAN, STONG PA DANG MI STONG PA DANG BRAL BA YANG MDO'I TSIG LAS, RAB 'BYOR GZUGS SHIN TU RNAM PAR DAG GO ZHES SHIN TU RNAM PAR DAG PA'I CHOS STON PAR 'GYUR RO ZHES PA MAN CHAD KYIS BSTAN, BDAG DANG BDAG MED PA MA YIN PAS SKYE 'GAG LA SOGS PA DANG BRAL BA YANG MDO'I TSIG ,RAB 'BYOR GZUGS SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA NI GZUGS YONGS SU DAG PA YIN NO ZHES PA MAN CHAD KYIS BSTAN, KUN 'BYUNG BA'I RNAM PA BZHI YANG RGYU DANG RGYU MA YIN PA GSOG NYID DE NAM MKHA' DANG 'DRA BAR YANG MDO'I TSIG ,RAB 'BYOR GZHAN YANG NAM MKHA' YONGS SU DAG PA'I PHYIR, SHES RAB KYI PHA ROL TU PHYIN PA YONGS SU DAG PA YIN NO ZHES PA MAN CHAD KYIS BSTAN, KUN 'BYUNG BA DANG KUN 'BYUNG MED PA MI DMIGS PAS NYON MONGS PA DANG NYE BA'I NYON MONGS PA SPANGS PA YANG MDO'I TSIG ,RAB 'BYOR NAM MKHA' GOS PA MED PA'I PHYIR SHES RAB KYI PHA ROL TU PHYIN PA YONGS SU DAG PA YIN NO ZHES PA MAN CHAD KYIS BSTAN, RAB TU SKYE BA DANG SKYE BA MED PAS KUN NAS NYON MONGS PAS YONGS SU 'DZIN PA LAS GROL PA YANG MDO'I TSIG ,RAB 'BYOR GYIS GSOL PA, BCOM LDAN 'DAS JI LTAR NAM MKHA' GOS PA MA MCHIS PA'I SLAD DU, SHES RAB KYI PHA ROL TU PHYIN PA YONGS SU DAG PA LAGS ZHES PA MAN CHAD KYIS BSTAN, RKYEN DANG RKYEN MA YIN PA LAS GROL BA'I PHYIR BRJOD DU MED PA YANG MDO'I TSIG ,BCOM LDAN 'DAS KYIS BKA' STZAL PA, RAB 'BYOR NAM MKHA' SMRA BA MED PA'I PHYIR SHES RAB KYI PHA ROL TU PHYIN PA YONGS SU DAG PA YIN NO ZHES PAS BSTAN, 'GOG PA'I RNAM PA YANG BZHI STE, 'GOG PA DANG 'GOG PA MED PAR MA 'BREL BAS 'GOG PA'I DON TSIG TU BRJOD PAS RGYUD GZHAN LA SPYIN DU MED PA YANG MDO'I TSIG ,RAB 'BYOR GYIS GSOL PA, BCOM LDAN 'DAS JI LTAR NAM MKHA' SMRA BA MA MCHIS PA'I SLAD DU, SHES @203A *, ,RAB KYI PHA ROL TU PHYIN PA YONGS SU DAG PA LAGS ZHES PA MAN CHAD KYIS BSTAN, ZHI BA DANG ZHI BA MED PAS DMIGS PA DANG DMIGS PA MED PAR BYED PA YANG MDO LAS, RAB 'BYOR NAM MKHA' DMIGS SU MED PA'I PHYIR SHES RAB KYI PHA ROL TU PHYIN PA YONGS SU DAG PA YIN NO ZHES PA MAN CHAD KYIS BSTAN, GYA NOM PA DANG GYA NOM PA MA YIN PA DANG BRAL BAR MTHA' GNYIS LAS 'DAS SHING RNAM PAR DAG PA YANG MDO LAS, RAB 'BYOR GZUGS SHIN TU RNAM PAR DAG PA DANG, DMIGS SU MED PA DANG, SKYE BA MED PA DANG, 'GAG BA MED PA DANG, KUN NAS NYON MONGS PA MED PA DANG, RNAM PAR BYANG BA MED PA'I PHYIR, SHES RAB KYI PHA ROL TU PHYIN PA YONGS SU DAG PA YIN NO ZHES PA MAN CHAD KYIS BSTAN, NGES PAR 'BYUNG BA DANG NGES PAR 'BYUNG BA MED PA'I PHYIR NAD THAMS CAD MI SKYE BA YANG MDO'I TSIG ,RAB 'BYOR GYIS GSOL PA, BCOM LDAN 'DAS RIGS KYI BU 'AM RIGS KYI BU MO GANG SHES RAB KYI PHA ROL TU PHYIN PA 'DZIN PA DANG, 'CHANG BA DANG, KLOG PA DANG, KUN CHUB BAR BYED PA DANG, TSUL BZHIN DU YID LA BGYID PA DE LA NI MIG GI NAD 'BYUNG BAR MI 'GYUR LAGS SO ZHES PA MAN CHAD KYIS BSTAN, LAM GYI BDEN PA'I RNAM PA YANG BZHI STE, LAM DANG LAM MA YIN PA DANG BRAL BA'I PHYIR DAN SONG CHAD PA YANG MDO LAS, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RIGS KYI BU 'AM RIGS KYI BU MO GANG TSES BRGYAD DANG BCU BZHI DANG BCO LNGA DAG LA ZHES PA MAN CHAD KYIS BSTAN, RIGS PA DANG RIGS PA MA YIN PAS KUN NAS NYON MONGS PA'I PHYIR 'BRAS BU MNGON SUM DU BYA BA'I THABS RNAM PAR MI RTOG PA YANG MDO LAS, RAB 'BYOR SHES RAB KYI PHA ROL TU PHYIN PA LA NI SKYE BA 'AM, 'GAG PA 'AM, KUN NAS NYON MONGS PA'AM, RNAM PAR BYANG BA'AM, YONGS SU BZUNG BA'AM, DOR BA'I CHOS GANG YANG MED DO ZHES PA MAN CHAD KYIS BSTAN, SGRUBS PA DANG SGRUB PA MA YIN PA LAS RNAM PAR GROL BAS CHOS RNAMS MTSAN MA DANG MA 'BREL PA YANG MDO'I TSIG ,RAB 'BYOR @203B SHES RAB KYI PHA ROL TU PHYIN PA 'DI NI CHOS GANG YANG THOB PAR BYED PA MA YIN, STON PAR BYED PA MA YIN, 'DZIN PAR BYED PA MA YIN ZHES PA LA SOGS PAS BSTAN, NGES PAR 'BYIN PA DANG NGES PAR 'BYIN PA MA YIN PA MED PAS BRJOD PAR BYA BA DANG BRJOD PAR BYED PA'I NGO BO'I MTSAN NYID SHES BYA DANG SGRA LA SHES PA SKYE BA MED PA YANG MDO LAS, DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR DNGOS PO'I NGO BO NYID STONG PA NYID KYI PHYIR SHES RAB KYI PHA ROL TU PHYIN PA 'DI NI CHOS GANG YANG 'JUG PAR BYA BA 'AM LDOG PAR BYA BA'I PHYIR NYE BAR GNAS PA MA YIN PAS, RAB 'BYOR 'DI NI CHOS KYI 'KHOR LO BSKOR BA GNYIS PA YANG MA YIN GCIG PA YANG MA YIN NO ZHES PA MAN CHAD KYIS BSTAN, SPYI DON BRGYAD KYIS BSTAN PA'I BZHI PA RNAM PA KUN MNGON PAR RDZOGS PAR RTOGS PA LA YANG RNAM PA DANG, SBYOR BA DANG, YON TAN DANG, SKYON LA SOGS PA DON BCU GCIG GIS BSTAN PA LA, RNAM PA YANG GSUM STE, THAMS CAD SHES PA NYID KYI RNAM PA DANG, LAM GYI RNAM PA SHES PA NYID KYI RNAM PA DANG, RNAM PA THAMS CAD MKHYEN PA'I RNAM PA'O, ,DE LA THAMS CAD SHES PA'I RNAM PA YANG BDEN PA BZHI LA MED PA DANG, MI SKYE BA LA SOGS PA'I RNAM PA NYI SHU RTZA BDUN TE, DE LA SDUG BSNGAL GYI BDEN PA LA MED PA YANG MDO LAS LE'U SUM CU RTZA BRGYAD PA'I KLAD NAS, DE NAS BCOM LDAN 'DAS LA TSE DANG LDAN PAR RAB 'BYOR GYIS 'DI SKAD CES GSOL TO, ,BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI MA MCHIS PA LAGS SO ZHES PAS BSTAN, MI SKYE BA YANG MDO'I TSIG ,RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI MNYAM PA NYID LAGS SO ZHES PA LA SOGS PAS BSTAN, DBANG PA YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI DBEN PA LAGS SO ZHES PA MAN CHAD KYIS BSTAN, MI BRDZI BA YANG MDO @204A *, ,LAS; RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI BRDZI BA MA MCHIS PA LAGS SO ZHES PA LA SOGS PAS BSTAN, KUN 'BYUNG GI BDEN PA LA YANG BZHI STE, GNAS PA MED PA YANG MDO LAS RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI GZHI MA MCHIS PA LAGS SO ZHES PA LA SOGS PAS BSTAN, NAM MKHA' YANG MDO LAS, RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI NAM MKHA' LTA BU LAGS SO ZHES PA MAN CHAD KYIS BSTAN, BRJOD DU MED PA YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI BRJOD DU MA MCHIS PA LAGS SO ZHES PA LA SOGS PAS BSTAN, MING MED PA YANG MDO LAS; RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI MING MA MCHIS PA LAGS SO ZHES PA MAN CHAD KYIS BSTAN, 'GOG PA YANG BZHI STE, 'GRO BA MED PA YANG MDO'I TSIG ,RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI 'GRO BA MA MCHIS PA LAGS SO ZHES PA LA SOGS PAS BSTAN, MI 'PHROGS PA NI MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI MI 'PHROGS PA LAGS SO ZHES PA MAN CHAD KYIS BSTAN, MI ZAD PA NI MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI MI BAS PA LAGS SO ZHES PAS BSTAN, SKYE BA MED PA NI MDO LAS, RAB 'BYOR GYIS GSOL PA; BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI SKYE BA MA MCHIS PA LAGS SO ZHES PA MAN CHAD KYIS BSTAN, BZHI TSAN GSUM PO DE DAG KYANG MI RTAG PA NAS NGES PAR 'BYUNG BA'I BAR DANG RIM BZHIN SBYAR RO, LAM GYI BDEN PA NI GSUM STE, @204B NYAN THOS KYI NYON MONGS PA'I SGRIB PA SPONGS PA'I GNYEN PO ZAG PA MED PA'I LAM DANG, RANG SANGS RGYAS KYI SHES BYA'I SGRIB PA SPONG PA'I GNYEN PO BSGOM PA'I LAM ZAG PA DANG BCAS PA DANG, ZAG PA MED PA STE GSUM MO, ,DE LA LAM DANG PO LA BYED PA PO MED PA DANG, SHES PA PO MED PA DANG, 'PHO BA MED PA DANG, 'DU BA MED PA BZHI STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI BYED PA MA MCHIS PA LAGS SO ZHES PA DANG, 'OG NAS, SHES PA PO MA MCHIS PA LAGS SO ZHES PA DANG, 'OG NAS, 'PHO BA MA MCHIS PA LAGS SO ZHES PA DANG, 'OG NAS, 'JIGS PA MA MCHIS PA LAGS SO ZHES PA DANG RIM BZHIN SBYAR TE, DE GZHI, LAM, RIGS PA, SGRUB PA, NGES PAR 'BYIN PA DANG, GO RIMS BZHIN SBYAR RO, ,LAM GNYIS PA LA YANG RNAM PA LNGA STE, RMI LAM LTAR NGO BO NYID MED PA DANG, SBRA BRNYAN LTAR MA SKYES PA DANG, MIG YOR LTAR MA 'GAGS PA DANG, SMIG RGYU LTAR GZOD MA NAS ZHI PA DANG, SGYU MA LTAR RANG BZHIN GYIS MYA NGAN LAS 'DAS PA DANG LNGA STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI RMI LAM LTA BU LAGS SO ZHES PA DANG, 'OG NAS, BRAG CA LTA BU LAGS SO ZHES PA DANG, MIG YOR LTA BU LAGS SO ZHES PA DANG, 'OG NAS SMIG RGYU LTA BU LAGS SO ZHES PA DANG, SGYU MA LTA BU LAGS SO ZHES PA DANG, GO RIMS BZHIN BSTAN TE, DAG PA 'JIG RTEN PA DAD SBYAR RO, ,GSUM PA LA DRUG STE, KUN NAS NYON MONGS PA MED PA DANG, RNAM PAR BYANG BA MED PA DANG, GOS BA MED PA DANG, SPROS PA MED PA DANG, RLOM SEMS MED PA DANG, MI G-YO BA STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI GTI MUG MA MCHIS PA LAGS SO ZHES BYA BA NAS, KUN NAS @205A *, ,NYON MONGS PA DMIGS SU MED PA'I PHYIR RO ZHES PA'I BAR DANG, 'OG NAS, RNAM PAR BYANG BA MA MCHIS PA LAGS SO ZHES PA DANG, 'OG NAS, GNAS PA MA MCHIS PA LAGS SO ZHES PA NAS GNAS PA DMIGS SU MED PA'I PHYIR RO ZHES PA DANG, 'OG NAS, SPROS PA MA MCHIS PA LAGS SO ZHES PA DANG, 'OG NAS, RLOM SEMS MA MCHIS PA LAGS SO ZHES PA DANG, 'OG NAS, G-YO BA MA MCHIS PA LAGS SO ZHES PA LA SOGS PAS GO RIMS BZHIN DU BSTAN TE, DE LTAR BDEN PA GSUM PA LA YANG RNAMS PA BCU GNYIS, LAM GYI BDEN PA LA BCO LNGA STE, THAMS CAD SHES PA LA DE LTAR RNAM PA NYI SHU RTZA BDUN NO, ,LAM GYI RNAM PA SHES PA LA RNAM PA SUM CU RTZA DRUG STE, DE LA KUN 'BYUNG BA'I RNAM PA BRGYAD DE, 'DOD CHAGS DANG BRAL BA DANG, MI GNAS PA DANG, ZHI BA DANG, 'DOD CHAGS MED PA DANG, ZHES SDANG MED PA DANG, GTI MUG MED PA DANG, NYON MONGS PA MED PA DANG, SEMS CAN MED PA STE, DE LTAR BRGYAD NI RGYU LA DANG PO GSUM NI RGYU, DE'I 'OG MA GSUM NI KUN 'BYUNG BA, DE'I PHYI MA GCIG RAB TU SKYE BA, THA MA GCIG RKYEN DANG SBYAR TE, DE DAG NI GNYEN PO'I SGO NAS DE LTAR BSTAN LA, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI 'DOD CHAGS DANG BRAL BA LAGS SO ZHES PA DANG, 'OG NAS, KUN NAS LDANG BA MA MCHIS PA LAGS SO ZHES PA DANG; 'OG NAS, ZHI BA LAGS SO ZHES PA DANG, 'OG NAS, 'DOD CHAGS MA MCHIS PA LAGS SO ZHES PA DANG, 'OG NAS, ZHE SDANG MA MCHIS PA LAGS SO ZHES PA DANG, 'OG NAS, GTI MUG MA MCHIS PA LAGS SO ZHES PA DANG, 'OG NAS, NYON MONGS PA MA MCHIS PA LAGS SO ZHES PA DANG, 'OG NAS, SEMS CAN MA MCHIS PA LAGS SO ZHES PA LA SOGS PA SO SO'I ZHU BA'I TSIG MJUG DANG BCAS PA BSTAN, LAM GYI BDEN RNAM PA BDUN TE, TSAD MED PA DANG, MTHA' GNYIS DANG, MA 'BREL @205B BA DANG, MA 'DRES PA DANG, MCHOG TU 'DZIN PA MED PA DANG, RNAM PAR MI RTOG PA DANG, DPAG TU MED PA DANG, CHAGS PA MED PA STE, DE YANG GNYIS TSAN GSUM NI LAM RIGS PA SGRUB PA DANG SBYAR, THA MA GCIG NI NGES PAR 'BYIN PA DANG SBYAR LA, DE YANG MDO LAS; RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI TSAD MA MCHIS PA LAGS SO ZHES PA DANG, 'OG NAS, MTHA' GNYIS SU MA MCHIS PA LAGS SO ZHES PA DANG, 'OG NAS, MA 'DRES PA LAGS SO ZHES PA DANG, 'OG NAS, NAG NGO MA MCHIS PA LAGS SO ZHES PA DANG, 'OG NAS, RNAM PAR MIG RTOG PA LAGS SO ZHES PA DANG, 'OG NAS, TSAD MA MCHIS PA LAGS SO ZHES PA DANG, 'OG NAS, NAM MKHA' LTA BU LAGS SO ZHES PA SO SO'I ZHU BA'I LAN DANG BCAS PA BSTAN, SDUG BSNGAL GYI BDEN PA'I RNAM PA LNGA STE, MI RTAG PA DANG, SDUG BSNGAL BA DANG, STONG PA DANG, BDAG MED PA DANG, MTSAN NYID MED PA STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI NI MI RTAG PA LAGS SO ZHES PA DANG, 'OG NAS, SDUG BSNGAL BA LAGS SO ZHES PA DANG, 'OG NAS, BDAG MA MCHIS PA LAGS SO ZHES PA DANG, 'OG NAS, STONG PA NYID LAGS SO ZHES PA DANG, 'OG NAS, MTSAN NYID MA MCHIS PA LAGS SO, ZHES PA LA SOGS PAS BSTAN, 'GOG PA'I RNAM PA NI BCU DRUG STE, NANG DANG PHYI DANG GNYI GA'I DNGOS PO DGAG PAR STONG PA NYID DANG PO GSUM DANG, BRTAG PA'I BDAG ZHI BA NGO BO NYID KYIS STONG PAS STONG PA NYID STONG PA NYID DANG, SNOD KYI 'JIG RTEN DANG, DON DAM PA DANG, 'DUS BYAS DANG, 'DUS MA BYAS DANG, RTAG CHAD KYI MTHA' DANG, 'KHOR BA THOG MA DANG THA MA MED PA DANG, RTOGS PA'I CHOS DOR BA MED PA LA MNGON PAR ZHEN PA DGAG PA CHEN PO STONG PA NYID NAS DOR BA MED PA STONG PA'I BAR DU BRGYAD DANG, KUN BRTAGS PA'I BYED PA PO DGAG @206A *, ,PA YANG RANG BZHIN STONG PA DANG, YUL DANG MTSAN NYID DANG DUS SU 'KHRUL BA DGAG PAR CHOS THAMS CAD STONG PA DANG, RANG GI MTSAN NYID STONG PA DANG, MI DMIGS PA STONG PA DANG, NGES PAR 'BYUNG BAR BRTAGS PAS DGAG PAR DNGOS PO MED PA'I NGO BO NYID STONG PA NYID KYI RNAM PA STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI NANG STONG PA NYID LAGS SO ZHES PA NAS, MI DMIGS PA STONG PA NYID DU DMIGS SU MED PA'I PHYIR RO ZHES PA'I BAR BCO LNGA DANG, NGES PAR 'BYUNG BAR BRTAGS PA DGAG PA MDO'I TSIG ,RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI DNGOS PO MED PA STONG PA NYID LAGS SO ZHES PA NAS; DNGOS PO MED PA'I NGO BO NYID STONG PA NYID DMIGS SU MED PA'I PHYIR RO ZHES PA'I BAR GYIS BSTAN, RNAM PA THAMS CAD MKHYEN PA'I RNAM PA NI RNAM PA THAMS CAD MKHYEN PAS 'PHAGS PA'I GANG ZAG THAMS CAD BSDUS PAS NYAN THOS LA RNAM PA SUM CU RTZA BDUN DANG, BYANG CHUB SEMS DPA' LA SUM CU RTZA BZHI DANG, SANGS RGYAS LA SUM CU RTZA DGU STE, SPYIR RNAM PA BRGYA BDUN CU RTZA GSUM DU 'BYUNG BA LA, DE LA THAMS CAD SHES PA NYID LA DANG POR DNGOS POR YONGS SU RTOGS PA'I LAM BDEN PA BZHI LA 'JUG PA'I PHYIR LUS DRAN PA NYE BAR GZHAG PA LA SOGS PA'I RANG DANG SPYI'I MTSAN NYID LA BRTAGS PA DRAN PA NYE BAR GZHAG PA BZHI DANG, DE LTA BU LA BRTZON 'GRUS 'BYUNG BAS RTZOL BA'I LAM YANG DAG PA'I SPONG BA BZHI DANG, BRTZON 'GRUS LA SEMS LAS SU RUNG BAR 'GYUR BAS TING NGE 'DZIN YONGS SU SBYONG BA'I LAM LA RDZU 'PHRUL GYI RKANG PA BZHI DANG, SEMS SBYANG BA LA DROD DANG RTZE MO'I SBYOR BA 'BYUNG BAS MNGON PAR RTOGS PA'I SBYOR BA'I LAM LA DBANG PO LNGA DANG, DE LA BZOD PA DANG, 'JIG RTEN CHOS KYI MCHOG 'BYUNG BAS MNGON PAR RTOGS PA DANG, @206B 'BREL PA'I LAM LA STOBS LNGA DANG, DROD LA SOGS PA BZHI'I RTOGS PA LA MTHONG BA'I LAM 'BYUNG BAS MNGON PAR RTOGS PA'I LAM LA BYANG CHUB KYI YAN LAG BDUN DANG, DE LAS BSGOM PA'I LAM 'BYUNG BAS NGES PAR 'BYIN PA'I LAM LA 'PHAGS PA'I LAM YAN LAG BRGYAD DE DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI DRAN PA NYE BAR GZHAG PA LAGS SO ZHES PA DANG, BCOM LDAN 'DAS KYIS BKA' STZAL PA, LAM YAN LAG BRGYAD DMIGS SU MED PA'I PHYIR RO ZHES PA'I BAR GYIS BSTAN TE, GO RIMS BZHIN SBYAR RO, ,LAM SHES PA NYID LTA BA DANG, RNAM PAR RTOG PA DANG, KHAMS GSUM LA SMON PA'I GNYEN PO LAM RNAM PAR THAR PA'I SGO GSUM DANG, SPRUL PA'I LAM NANG GZUGS DANG GZUGS CAN MA YIN PAS PHYI ROL GYI GZUGS LA BLTA'O ZHES BYA BA SPRUL PA'I SGRIB PA'I GNYEN PO GNYIS DANG, SDUG PA DANG, MI SDUG PA SPRUL PA LA DGA' BA DANG MI DGA' BA'I NYON MONGS PA'I GNYEN PO SDUG PA'I RNAM PAR THAR PA'I SGO LUS KYIS MNGON SUM DU BYAS TE GNAS SO ZHES BYA BA STE, DE LTAR GSUM DANG, MTHONG BA'I CHOS LA BDE BAR GNAS PA'I THAR PA'I CHA DANG MTHUN PAR GNAS PA'I LAM GYI RANG BZHIN SNYOMS PAR 'JUG PA BZHI DANG, ZHI BAR GNAS PA'I LAM 'GOG PA'I SNYOMS PAR 'JUG PA STE, DE LTAR LNGA DANG, 'JIG RTEN LAS 'DAS PA'I LAM LA MTHAR GYIS GNAS PA'I SNYOMS PAR 'JUG PA DGU DANG, SPONG BA'I LAM BAR CHAD MED PA'I LAM NYON MONGS PA MED PA'I BDEN PA BZHI DANG, SANGS RGYAS KYI LAM LA PHA ROL TU PHYIN PA BCU STE, DE LTAR RNAM PA SUM CU RTZA BZHI PO DE YANG MDO LAS, RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI STONG PA NYID LAGS SO ZHES PA DANG, 'OG NAS, MTSAN MA MA MCHIS PA LAGS SO ZHES BYA BA DANG, 'OG NAS, SMON PA MA MCHIS PA LAGS @207A *, ,SO ZHES PA DANG, SPRUL PA'I LAM GYI RNAM PAR THAR PA GSUM NI BSDUS NAS, 'OG NAS, RNAM PAR THAR PA LAGS SO ZHES BYA BA DANG, MTHONG BA'I CHOS LA BDE BAR GNAS PA'I LAM THAR PA'I CHA DANG MTHUN PA'I LAM LA SNYOMS PAR 'JUG PA BZHI DANG, ZHI BAR GNAS PA'I LAM LA 'GOG PA'I SNYOMS PAR 'JUG PA SHUGS KYIS BSTAN NAS, 'JIG RTEN LAS 'DAS PA'I LAM YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI SNYOMS PAR 'JUG PA LAGS SO ZHES BYA BA MAN CHAD DANG, SPONG BA'I LAM YANG 'OG NAS, 'PHAGS PA'I BDEN PA LAGS SO ZHES PA LA SOGS PA DANG, SANGS RGYAS KYI LAM PHA ROL TU PHYIN PA BCU YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI SMIN PA LAGS SO ZHES PA DANG, 'CHAL PA'I SHES RAB DMIGS SU MED PA'I PHYIR RO ZHES PA'I BAR GYIS BSTAN, RNAM PA THAMS CAD MKHYEN PA NYID NI PHUL DU BYUNG BA YIN PAS; THUN MONG MA YIN PA'I LAM GCIG GIS BSDUS LA RNAM PA NI SUM CU RTZA DGU STE, STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, SANGS RGYAS THAMS CAD KYIS BSHAD PA'I DE BZHIN NYID DANG, CHOS THAMS CAD LA DBANG SGYUR BA'I RANG BYUNG DANG, MNGON PAR RDZOGS PAR BYANG CHUB PA'I SANGS RGYAS KYI RNAM PA DANG SUM CU RTZA DGU STE, DE YANG MDO LAS, RAB 'BYOR GYIS GSOL PA, BCOM LDAN 'DAS 'DI LTA STE, SHES RAB KYI PHA ROL TU PHYIN PA PHA ROL TU PHYIN PA 'DI NI STOBS BCU LAGS SO ZHES BYA BA NAS, BCOM LDAN 'DAS KYIS BKA' STZAL PA, CHOS THAMS CAD MNGON PAR RDZOGS PAR BYANG CHUB PA'I PHYIR RO ZHES PA'I BAR GYIS BSTAN TE, GO RIMS BZHIN SBYAR RO, ,RNAM PA KUN MNGON PAR @207B RDZOGS PAR RTOGS PA LAS DON BCU GCIG GIS BSTAN PA'I GNYIS PA SBYOR BA LA YANG GNYIS, SBYOR BA PO DANG; SBYOR BA'O, ,DE LA SBYOR BA PO NI 'DAS PA DANG, DA LTAR SANGS RGYAS RNAMS LA DGE BA'I RTZA BA BSKRUN CING SBYANGS PA'I BDE BAR GSHEGS PA RNAMS LA LUS LA SOGS PAS BSNYEN BKUR BYAS PA DANG, THE TSOM GYI DON ZHU BA DANG, PHA ROL TU PHYIN PA BSGRUB PA DANG, DGE BA'I BSHES GNYEN GYIS BYIN GYIS BRLABS PA DANG LDAN PA YIN TE, DE YANG LE'U SUM CU RTZA DGU PA'I KLAD NAS, DE NAS LHA'I DBANG PO BRGYA BYIN 'DI SNYAM DU SEMS TE ZHES PA NAS, DGE SLONG GI DGE 'DUN YONGS SU BSDU BAR 'DOD PA'I BYANG CHUB SEMS DPA' SEMS DPA' CHEN POS KYANG SHES RAB KYI PHA ROL TU PHYIN PA LA RNAL 'BYOR DU BYA'O ZHES PA'I BAR GYIS BSTAN, SBYOR BA NI RNAM PA NYI SHU STE, DANG PO GZUGS LA SOGS PA'I NGO BO NYID MED PAS MI GNAS PA'I SBYOR BA YANG MDO LAS, DE SKAD CES BKA' STZAL PA DANG, BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA GNAS PA LAGS SO ZHES PA MAN CHAD KYIS BSTAN, SBYOR BA STE SBYOR BA MED PA'I SBYOR BA NI MDO LAS, KOO SHI KA GZHAN YANG BYANG CHUB SEMS DPA' SEMS DPA' CHEN PO GZUGS LA SBYOR BAR MI BYED DE ZHES PA MAN CHAD KYIS BSTAN, GSUM PA NGO BO NYID KYIS ZAB PA'I SBYOR BA YANG MDO LAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA 'DI NI ZAB PA LAGS SO ZHES PA MAN CHAD KYIS BSTAN, BZHI PA GTING DPAG DKA' BA'I SBYOR BA YANG MDO'I TSIG ,SH'A RI'I BUS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI GTING DPAG DKA' BA LAGS SO ZHES PA MAN CHAD KYIS BSTAN, LNGA PA TSAD MED PA'I SBYOR BA YANG MDO LAS, SH'A RI'I BUS GSOL PA, @208A *, ,BCOM LDAN 'DAS SHES RAB KYI PHA ROL TU PHYIN PA 'DI NI TSAD MA MCHIS PA LAGS SO ZHES PA MAN CHAD KYIS BSTAN, 'OG NAS, SH'A RI'I BUS GSOL PA, BCOM LDAN 'DAS 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA LAGS SO ZHES PA NAS, SHES RAB KYI PHA ROL TU PHYIN PA 'DI THOS NAS SKRAG DNGANG LA DNGANG BAR 'GYUR LAGS SO ZHES PA'I BAR GYIS NI SPYIR GONG MA LNGA PO DE DAG BSHAD PA DANG SBYAR, DRUG PA STE, SKRAG PAS YUN RING MO ZHIG NAS 'TSANG RGYA BA YANG MDO LAS, BCOM LDAN 'DAS 'DI NI PHYIR MI LDOG PA'I BYANG CHUB SEMS DPA' SEMS DPA' CHEN PO'I MDUN DU BSHAD PAR BGYI STE ZHES PA MAN CHAD KYIS BSTAN, BDUN PA MI SKRAG PAS LUNG BSTAN PA THOB PA'I SBYOR BA YANG MDO LAS, SH'A RI'I BUS SMRAS PA, KOO SHI KA GZHAN YANG BYANG CHUB SEMS DPA' SEMS DPA' CHEN PO GANG DAG GIS SHES RAB KYI PHA ROL TU PHYIN PA ZAB MO 'DI THOS NAS MI SKRAG MI DNGANG ZHING DNGANG BAR MI 'GYUR BA DE DAG NI ZHES PA MAN CHAD KYIS BSTAN, BRGYAD PA YANG DAG PAR 'DZIN PAS MI LDOG PA'I SBYOR BA YANG MDO LAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS DPER BRJOD PAR BDAG SHIN TU SPOBS PA LAGS SO ZHES PA MAN CHAD KYIS BSTAN, DGU PA BAR CHAD KYI CHOS SPONG BAS NGES PAR 'BYUNG BA'I SBYOR BA YANG MDO LAS, BCOM LDAN 'DAS 'DI LTA STE, DPER BGYI NA MI ZHIG 'BROG DGON PA DPAG TSANG BRGYA PA ZHIG NAS 'BYUNG BAR GYUR TAM ZHES PA MAN CHAD KYIS BSTAN, BCU PA RTAG TU CHOS BSGOM PA LA BAR CHAD MED PAR SBYOR BA YANG MDO LAS, DE SKAD CES GSOL PA DANG, BCOM LDAN 'DAS KYIS SH'A RI'I BU LA 'DI SKAD CES BKA' STZAL TO, ,SH'A RI'I BU DE DE BZHIN NO, ,DE DE BZHIN TE, SH'A RI'I BU SANGS RGYAS KYI MTHUS KHYOD SHIN TU SPOBS PAR GYIS SHIG CES PA MAN CHAD KYIS BSTAN, BCU GCIG PA @208B ZAG PA MED PA'I CHOS GSAR GYI RTEN YANG DAG PAR RDZOGS PA'I BYANG CHUB DANG NYE BA'I SBYOR BA NI MDO LAS, BCOM LDAN 'DAS 'DI LTA STE, DPER BGYI NA DPYID BYUNG STE ZHES PA MAN CHAD KYIS BSTAN, BCU GNYIS PA 'BRAS BU CHOS KYI SKU 'GRUB PAS MYUR DU MNGON PAR BYANG CHUB PA'I SBYOR BA NI MDO LAS, BCOM LDAN 'DAS 'DI LTA STE DPER BGYI NA BUD MED SBRUM MA NI ZHES PA MAN CHAD KYIS BSTAN, BCU GSUM PA CHOS KYI 'KHOR LO BSKOR BAS GZHAN GYI DON DU SBYOR BA NI MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS 'DI LTA STE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BYANG CHUB SEMS DPA' SEMS DPA' CHEN PO RNAMS LA SMAN BTAGS PA NI NGO MTSAR LAGS SO ZHES PA MAN CHAD KYIS BSTAN, BCU BZHI PA 'PHEL 'GRIB MED PAR SBYOR BA NI MDO LAS, BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR BA LAGS ZHES PA MAN CHAD KYIS BSTAN, BCO LNGA PA CHOS DANG CHOS MA YIN PA MI DMIGS PA'I SBYOR BA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI CHOS ZHES BYA BAR YANG DAG PAR RJES SU MI MTHONG NGO ZHES PA MAN CHAD KYIS BSTAN, BCU DRUG PA BSAM GYIS MI KHYAB PAR MI DMIGS PA'I SBYOR BA YANG MDO LAS, RAB 'BYOR GYIS GSOL PA, BCOM LDAN 'DAS BSAM GYIS MI KHYAB PA BSTAN PA LAGS SO ZHES PA MAN CHAD KYIS BSTAN, BCU BDUN PA RNAM PAR MI RTOG PA'I SBYOR BA YANG MDO LAS, RAB 'BYOR GYIS GSOL PA; BCOM LDAN 'DAS SHES RAB KYI PHA ROL TU PHYIN PA ZAB MO 'DI LA SU DAG MOS PAR 'GYUR ZHES PA MAN CHAD KYIS BSTAN, BCO BRGYAD PA 'BRAS BU DANG PO MTHONG BA'I RIN PO CHE SBYIN PA YANG MDO LAS, BCOM LDAN 'DAS SHES RAB KYI PHA ROL TU PHYIN PA NI RGYUN TU @209A *, ,ZHUGS PA'I 'BRAS BU DANG, ZHES PA MAN CHAD KYIS BSTAN, BCU DGU PA GZUGS LA SOGS PA DAG PA'I SBYOR BA YANG MDO LAS, BCOM LDAN 'DAS SHES RAB KYI PHA ROL TU PHYIN PA NI CHOS THAMS CAD KYI DAG PA'I PHUNG PO LA SOGS SO ZHES PA MAN CHAD KYIS BSTAN, NYI SHU PA LO SKOR DU MNGON PAR BRTZON PA MI 'DOR BAS SA MTSAMS LA SBYOR BA NI MDO LAS, RAB 'BYOR GYIS GSOL PA, BCOM LDAN 'DAS 'DI LTAR SHES RAB KYI PHA ROL TU PHYIN PA ZAB MO 'DI BSHAD PA NA BAR CHAD MANG DU MI 'BYUNG BA 'DI NGO MTSAR LAGS SO ZHES PA MAN CHAD KYIS BSTAN, RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I GSUM PA YON TAN BSTAN PA LA YANG DON BCU BZHI STE, DE LA DANG PO BDUN GYI MTHU BCOM PA YANG MDO LAS, RAB 'BYOR GYIS GSOL PA, BCOM LDAN 'DAS BDUD SDIG CAN 'DI LTA STE, SHES RAB KYI PHA ROL TU PHYIN PA ZAB MO 'DI YI GER MI 'BRI BA DANG ZHES PA MAN CHAD KYIS BSTAN, GNYIS PA SANGS RGYAS KYIS DGONGS SHING MKHYEN PA YANG MDO LAS, DE CI'I PHYIR ZHE NA, SH'A RI'I BU PHYOGS BCU KUN GYI 'JIG RTEN GYI KHAMS TSAD MED GRANGS MED PA DAG NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED GRANGS MED PA GANG DAG BZHUGS TE 'TSO ZHING GZHES PA DE DAG CES PA MAN CHAD KYIS BSTAN, GSUM PA SANGS RGYAS MNGON DU BYED BA DE YANG MDO LAS, BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA ZAB MO 'DI YI GER 'BRI BA DANG ZHES PA MAN CHAD KYIS BSTAN, BZHI PA YANG DAG PAR RDZOGS PA'I BYANG CHUB DANG NYE BA YANG MDO LAS, SH'A RI'I BU THEG PA CHEN PO'I RIGS KYI BU 'AM RIGS KYI BU MO DE DAG NI BLA NA MED PA YANG DAG PAR RDZOGS PA'I BYANG CHUB DANG NYE BA YIN NO ZHES PA MAN CHAD KYIS BSTAN, LNGA PA DON CHEN PO NYID LA SOGS PA YANG MDO LAS, RIGS KYI BU 'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI YI GER BRIS SHING 'CHANG BA DE @209B DAG KYANG DON CHE BA DANG ZHES PA MAN CHAD KYIS BSTAN, DRUG PA YUL DPYAD PA YANG MDO LAS, SH'A RI'I BU SHES RAB KYI PHA ROL TU PHYIN PA 'DI NI DE BZHIN GSHEGS PA 'DAS NAS LHO PHYOGS KYI RGYUD NAS SPYOD PAR 'GYUR TE ZHES PA MAN CHAD KYIS BSTAN, BDUN PA ZAG PA MED PA'I YON TAN THAMS CAD RDZOGS PAR YANG MDO'I TSIG ,SH'A RI'I BUS GSOL PA, BCOM LDAN 'DAS SLAD MA'I TSE SLAD MA'I DUS NA BYANG PHYOGS LOGS SU RIGS KYI BU 'AM, RIGS KYI BU MO GANG SHES RAB KYI PHA ROL TU PHYIN PA ZAB MO 'DI NYAN PAR 'GYUR ZHING ZHES PA MAN CHAD KYIS BSTAN, BRGYAD PA SMRA BA'I SKYES BU YANG MDO LAS, SH'A RI'I BU RIGS KYI BU 'AM RIGS KYI BU MO DE DAG NI DGE BA'I RTZA BAS NYE BAR BSTAN CING BLA NA MED PA YANG DAG PAR RDZOGS PA'I BYANG CHUB 'DI LAS BRTZAMS NAS DE DAG SKYE BO MANG PO'I DON BYED PAR 'GYUR RO ZHES PA MAN CHAD KYIS BSTAN, DGU PA MI PHYED PA NYID KYANG MDO LAS, BDUD DAM BDUD KYI RIGS KYI LHA RNAMS KYIS KYANG RIGS KYI BU 'AM RIGS KYI BU MO DE DAG BLA NA MED PA YANG DAG PAR RDZOGS PA'I BYANG CHUB LAS DBYE BAR MI NUS NA ZHES PA MAN CHAD KYIS BSTAN, BCU PA DGE BA'I RTZA BA THUN MONG MIN PA SKYE BA YANG MDO LAS, SH'A RI'I BU BYANG CHUB SEMS DPA' SEMS DPA' CHEN PO DANG RIGS KYI BU 'AM RIGS KYI BU MO DE DAG NI SHES RAB KYI PHA ROL TU PHYIN PA ZAB MO 'DI THOS NAS DGA' BA DANG MCHOG TU DGA' BA RGYA CHEN PO THOB PAR 'GYUR ZHING ZHES PA MAN CHAD KYIS BSTAN, BCU GCIG PA DAM BCAS PA'I DON JI LTA BA BZHIN DU SGRUB PA YANG MDO LAS, RIGS KYI BU 'AM RIGS KYI BU MO DE DAG GIS NGA'I MNGON SUM DU 'DI SKAD DU BCOM LDAN 'DAS BDAG CAG BYANG CHUB SEMS DPA'I SPYAD PA NA ZHES PA MAN CHAD KYIS BSTAN, BCU GNYIS PA 'BRAS BU RGYA CHEN PO YONGS SU 'DZIN PA YANG MDO LAS, SH'A RI'I BU RIGS KYI BU 'AM RIGS KYI BU MO DE DAG NI GZUGS DANG, SGRA DANG, DRI DANG, RO DANG, REG BYA DANG, CHOS RNAMS LA MOS PA RLABS PO CHE 'BYUNG BAR 'GYUR ZHING ZHES PA MAN @210A *, ,CHAD KYIS BSTAN, BCU GSUM PA SEMS CAN GYI DON BSGRUB PA YANG MDO LAS, RNAM PAR SMIN PA RGYA CHEN PO YONGS SU BZUNG BAS SEMS CAN DE DAG NYID KYI DON DU RNAM PAR SMIN PA LAS RNAM PAR SMIN PA RGYA CHEN PO YONGS SU 'DZIN PAR 'GYUR ZHING ZHES PA MAN CHAD KYIS BSTAN, BCU BZHI PA NGES PAR 'THOB PA YANG MDO LAS, BCOM LDAN 'DAS GANG YANG BYANG CHUB SEMS DPA' SEMS DPA' CHEN PO DAG PHA ROL TU PHYIN PA DRUG PO 'DI DAG GI SLAD DU BRTZON PAR BGYID CING ZHES PA MAN CHAD KYI LE'U SUM CU RTZA DGU PA RDZOGS PA YAN CHAD KYIS BSTAN TO, ,RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I BZHI PA SBYOR BA'I BAR CHAD DU 'GYUR BA'I SKYON BSTAN PA LA YANG DON BZHI BCU RTZA DRUG GIS BSTAN PA'I DANG PO TSOGS CHEN POS THOB PA YANG MDO LAS; LE'U BZHI BCU PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA LA SOGS PA SPOBS PA HA CANG 'PHYI STE SKYE BA'I DBYE BAS BSTAN, DON GNYIS PA SPOBS PA HA CANG MYUR BA YANG MDO LAS, RAB 'BYOR GZHAN YANG SPOBS PA HA CANG MYUR BAR SKYE NA ZHES PA MAN CHAD KYIS BSTAN, GSUM PA LUS KYI GNAS NGAN LEN YANG MDO LAS, RAB 'BYOR GZHAN YANG GLAN ZHING ZHES RAB KYI PHA ROL TU PHYIN PA 'DI YI GER 'DREN ZHES PA MAN CHAD KYIS BSTAN, BZHI PA SEMS KYI GNAS NGAN LEN YANG MDO LAS, RAB 'BYOR GZHAN YANG SEMS RNAM PAR G-YENGS SHING YI GER 'DRI NA ZHES PA MAN CHAD KYIS BSTAN, LNGA PA RIGS PA MA YIN PAS BSKYED PA'I KHA DON BYED PA LA SOGS PA YANG MDO LAS, RAB 'BYOR GZHAN YANG GLAL ZHING KHA DON BYED DAM ZHES PA MAN CHAD KYIS BSTAN, DRUG PA PHYIR PHYOGS PA'I RGYU MTSAN 'DZIN PA YANG MDO LAS, DE SKAD CES BKA' STZAL BA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GANG YANG BCOM LDAN 'DAS KYIS 'DI SKAD DU 'DI @210B LAS NYAMS MA RNYED DO SNYAM NAS STAN LAS LANGS TE 'GRO NA ZHES PA MAN CHAD KYIS BSTAN, BDUN PA RGYU LA MNGON PAR ZHEN PA NYAMS PA YANG MDO LAS, DES SHES RAB KYI PHA ROL TU PHYIN PA SPANGS NAS MDO SDE GZHAN GANG DAG RNAM PA THAMS CAD MKHYEN PA NYID THOB PAR BYED PA MA YIN PA DE LA RNAL 'BYOR DU BYA BA DANG ZHES PA MAN CHAD KYIS BSTAN, BRGYAD PA GYA NOM PA'I RO MYANG BA'I NYAMS PA YANG MDO LAS, RAB 'BYOR 'DI LTA STE DPER NA KHYI ZHIG GIS JO BO'I DRUNG NAS ZAN GONG BOR LA LAS MI LAS ZAN KHAM GCIG SLANG BAR SEMS PA DE BZHIN DU ZHES PA MAN CHAD KYIS BSTAN, DGU PA RNAM PA THAMS CAD DU THEG PA'I MCHOG KUN 'DZIN PA NYAMS PA YANG MDO LAS, RAB 'BYOR 'DI LTA STE DPER NA MI LA LA ZHIG GLANG PO CHE LTA 'DOD PAR GYUR LA ZHES PA MAN CHAD KYIS BSTAN, BCU PA RTAG TU CHED DU BYA BYA NYAMS PA YANG MDO LAS, RAB 'BYOR GZHAN YANG 'DI LTA STE DPER NA MI ZHIG RGYA MTSO CHEN PO LTA 'DOD PAR GYUR LA ZHES PA MAN CHAD KYIS BSTAN, BCU GCIG PA RGYU DANG 'BRAS BUR 'BREL PA NYAMS PA YANG MDO LAS, RAB 'BYOR 'DI LTA STE DPER NA SHING MKHAN NAM SHING MKHAN GYI SLOB MA MKHAS PA ZHIG KHANG BZANGS RNAM PAR RGYAL BYED KYI TSAD TZAM GYI KHANG BZANGS ZHES PA MAN CHAD KYIS BSTAN, BCU GNYIS PA GONG NA MED PA NYAMS PA YANG MDO LAS, RAB 'BYOR GZHAN YANG 'DI LTA STE DPER NA MI LA LA ZHIG 'KHOR LOS SGYUR BA'I RGYAL PO LTA 'DOD PAR GYUR LA ZHES PA MAN CHAD KYIS BSTAN, BCU GSUM PA YUL RNAM PA MANG PO LA RTOGS PA 'BYUNG BA'I SPOBS PA YANG MDO LAS, RAB 'BYOR GZHAN YANG RIGS KYI BU 'AM RIGS KYI BU MO GANG DAG SHES RAB KYI PHA ROL TU PHYIN PA ZAB MO 'DI YI GER 'DRI BA NA DE DAG RNAM PAR G-YENGS SHING 'DRI BAR 'GYUR SPOBS PA MANG DU 'BYUNG BAR 'GYUR TE ZHES PA MAN CHAD KYIS BSTAN, BCU BZHI PA YI GER 'DRI BA LA MNGON PAR ZHEN PA YANG MDO LAS, RAB 'BYOR GAL TE BYANG CHUB SEMS DPA'I THEG PA PA'I RIGS KYI BU 'AM RIGS KYI BU MO SHES RAB KYI PHA ROL TU @211A *, ,PHYIN PA ZAB MO 'DI YI GER 'DRI BA NA CHOS DE DAG LA RNAM PAR G-YENG BAR BYED NA ZHES PA MAN CHAD KYIS BSTAN, BCO LNGA PA DNGOS PO MED PA LA MNGON PAR ZHEN PA YANG MDO LAS, RAB 'BYOR GAL TE THEG PA CHEN PO'I RIGS KYI BU DANG RIGS KYI BU MO DAG SHES RAB KYI PHA ROL TU PHYIN PA 'DI DNGOS PO MED CES BYA BAR 'DU SHES NA ZHES PA MAN CHAD KYIS BSTAN, BCU DRUG PA YI GE LA MNGON PAR ZHEN PA YANG MDO LAS, RAB 'BYOR GYIS GSOL PA, BCOM LDAN 'DAS THEG PA CHEN PO'I RIGS KYI BU 'AM RIGS KYI BU MO GANG LA LA DAG GIS SHES RAB KYI PHA ROL TU PHYIN PA ZAB MO 'DI YI GE 'BRU DAG GIS YI GER BRIS NAS ZHES PA MAN CHAD KYIS BSTAN, BCU BDUN PA YI GE MED PA LA MNGON PAR ZHEN PA YANG MDO LAS, BCOM LDAN 'DAS GAL TE THEG PA CHEN PO'I RIGS KYI BU DANG RIGS KYI BU MO SHES RAB KYI PHA ROL TU PHYIN PA NI YI GE MA MCHIS PA LAGS SO SNYAM DU MNGON PAR ZHEN PA DANG ZHES PA MAN CHAD KYIS BSTAN, BCO BRGYAD PA YUL LA SOGS PA YID LA BYED PA YANG MDO LAS, RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU DANG RIGS KYI BU MO DE DAG SHES RAB KYI PHA ROL TU PHYIN PA ZAB MO 'DI YI GER 'DRI BA NA LJONGS KYI RNAM PA KUN DU 'BYUNG BAR 'GYUR NA ZHES PA MAN CHAD KYIS BSTAN, BCU DGU PA RNYED PA DANG BKUR STI LA SOGS PA'I RO MYANG BA YANG MDO LAS, RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU DANG RIGS KYI BU MO DAG SHES RAB KYI PHA ROL TU PHYIN PA ZAB MO 'DI YI GER 'DRI BA'I TSE RNYED PA DANG BKUR STI DANG ZHES PA MAN CHAD KYIS BSTAN, NYI SHU PA LAM MA YIN PAS THABS LA MKHAS PA TSOL BA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO DAG SHES RAB KYI PHA ROL TU PHYIN PA ZAB MO 'DI YI GER 'DRI BA DANG LUNG NOD PA DANG GZHES PA MAN CHAD KYIS BSTAN, NYI SHU GCIG PA 'DUN PA DANG SNYOM LAS KYIS NYAMS PA YANG MDO LAS, LE'U BZHI BCU RTZA GCIG PA'I KLAD NAS, RAB 'BYOR @211B GZHAN YANG CHOS NYAN PA NI SHES RAB KYI PHA ROL TU PHYIN PA 'DI YI GER 'DRI BA DANG, GZUNG BA DANG, LUNG NOD PA DANG, KHA TON BYED PA DANG, KLAG PAR 'DUN LA CHOS SMRA BA NI SNYOM LAS BYED PAR GYUR NA ZHES PA MAN CHAD KYIS BSTAN, NYI SHU RTZA GNYIS PA 'DUN PA'I YUL THA DAD PAS NYAMS PA YANG MDO LAS, RAB 'BYOR GZHAN YANG CHOS SMRA BA NI SHES RAB KYI PHA ROL TU PHYIN PA ZAB MO 'DI YI GER 'DRI BA DANG, GZUNG BA DANG, LUNG 'BOGS PA DANG, KHA TON BYA BA LA SNYOM LAS BYED PAR GYUR LA CHOS NYAN PA NI YUL GZHAN DU SONG BAR GYUR ZHES PA MAN CHAD KYIS BSTAN, NYI SHU GSUM PA 'DOD CHEN CHUNG BA DANG, 'DOD CHEN CHUNG BA MA YIN PA YANG MDO LAS, RAB 'BYOR GZHAN YANG CHOS SMRA BA NI RNYED PA DANG BKUR STI DANG TSIGS SU BCAD PA LA GDU ZHING ZHES PA MAN CHAD KYIS BSTAN, NYI SHU BZHI PA SBYANGS PA'I YON TAN DANG LDAN PA DANG MI LDAN PA YANG MDO LAS, RAB 'BYOR GZHAN YANG CHOS SMRA BA NI DGON PA PA DANG BSOD SNYOMS PA DANG ZHES PA MAN CHAD KYIS BSTAN, NYI SHU LNGA PA DGE BA DANG, DGE BA MA YIN PA YANG MDO LAS, RAB 'BYOR GZHAN YANG CHOS NYAN PA NI DAD CING DGE BA'I CHOS RNAMS DANG ZHES PA MAN CHAD KYIS BSTAN, NYI SHU DRUG PA GTONG PA DANG SER SNA BYED PA YANG MDO LAS, RAB 'BYOR GZHAN YANG CHOS SMRA BA NI BDOG PA THAMS CAD YONGS SU GTONG ZHING ZHES PA MAN CHAD KYIS BSTAN, NYI SHU BDUN PA SBYIN PA DANG KUN TU 'DZIN PA YANG MDO LAS, RAB 'BYOR GZHAN YANG CHOS NYAN PA NI CHOS SMRA BA LAS GOS DANG, BRAS DANG, MAL CHAD DANG, STAN DANG, NA BA'I GSOS SMAN DANG ZHES PA LA SOGS PAS BSTAN, NYI SHU BRGYAD PA MGO SMOS PAS GO BA DANG RNAM PAR SPROS PAS GO BA YANG MDO LAS, RAB 'BYOR GZHAN YANG CHOS SMRA BA NI MGO SMOS PAS GO BA YIN LA ZHES PA LA SOGS PAS BSTAN, NYI SHU DGU PA MDO LA SOGS PA MNGON PAR SHES PA DANG, MI SHES PA YANG MDO LAS, RAB 'BYOR GZHAN YANG CHOS SMRA BA NI MDO'I SDE DANG, DBYANGS KYIS BSNYAD PA'I SDE @212A *, ,DANG ZHES PA LA SOGS PAS BSTAN, SUM CU PA PHA ROL TU PHYIN PA DRUG DANG LDAN PA DANG MI LDAN PA YANG MDO LAS, RAB 'BYOR GZHAN YANG CHOS SMRA BA NI PHA ROL TU PHYIN PA DRUG DANG LDAN BAR GYUR LA ZHES PA MAN CHAD KYIS BSTAN, SUM CU GCIG PA THABS DANG THABS MA YIN PA LA MKHAS PA YANG MDO LAS, RAB 'BYOR GZHAN YANG CHOS SMRA BA NI PHA ROL TU PHYIN PA DRUG LA THABS MKHAS PA YIN LA ZHES PA MAN CHAD KYIS BSTAN, SUM CU GNYIS PA GZUNGS THOB PA DANG MA THOB PA YANG MDO LAS, RAB 'BYOR GZHAN YANG CHOS SMRA BA NI GZUNGS THOB PAR GYUR LA ZHES PA MAN CHAD KYIS BSTAN, SUM CU GSUM PA YI GER 'DRI BAR 'DOD PA DANG, MI 'DOD PA YAD MDO LAS, RAB 'BYOR GZHAN YANG CHOS SMRA BA NI YI GER 'DRIR 'DOD CING ZHES PA MAN CHAD KYIS BSTAN, SUM CU BZHI PA 'DOD PA'I 'DUN PA DANG BRAL BA DANG MA BRAL BA YANG MDO LAS, RAB 'BYOR GZHAN YANG CHOS SMRA BA NI 'DOD PA LA 'DUN PA DANG ZHES PA LA SOGS PAS BSTAN, SUM CU LNGA PA NGAN SONG GI 'GRO BA LAS PHYIR PHYOGS PA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA ZAB MO 'DI YI GER 'DRI BA DANG BSGOM PA'I BAR DU BYED PA NA LA LA ZHIG DER 'ONGS TE, SEMS CAN DMYAL BA RNAMS KYI BSNGAGS PA MA YIN PA BRJOD PA DANG ZHES PA MAN CHAD KYIS BSTAN, SUM CU RTZA DRUG PA BDE 'GROR 'GRO BA LA YID BDE BA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA ZAB MO 'DI YI GER 'DRI BA DANG BSGOM PA'I BAR DU BYED PA NA, DER LA LA ZHIG DER 'ONGS NAS RGYAL CHEN BZHI'I RIS KYI LHA RNAMS KYI BSNGAGS PA RJOD PAR BYED PA DANG ZHES PA MAN CHAD KYIS BSTAN, SUM CU RTZA BDUN PA 'CHAD PA PO DANG, NYAN PA PO GANG YANG RUNG BA GCIG PU DANG 'KHOR LA DGA' BA YANG MDO LAS, RAB 'BYOR GZHAN YANG CHOS SMRA BA NI GCIG PU GNYIS SU MED CING RANG GI BYED PA YIN LA ZHES PA LA SOGS PAS BSTAN, SUM CU RTZA BRGYAD PA GO SKABS MI BYED PA @212B YANG MDO LAS, RAB 'BYOR GZHAN YANG CHOS NYAN PA NI CHOS SMRA BA'I PHYI BZHIN 'BRENG BAR 'DOD LA ZHES PA MAN CHAD KYIS BSTAN, SUM CU DGU PA ZANG ZING GI SBYIN PAR 'DOD PA DANG MI 'DOD PA YANG MDO LAS, RAB 'BYOR GZHAN YANG CHOS SMRA BA NI ZANG ZING CUNG ZAD TZAM GYI PHYIR SHES RAB KYI PHA ROL TU PHYIN PA 'DI NI SBYIN PA DANG ZHES PA LA SOGS PAS BSTAN, BZHI BCU PA SROG GI BAR CHAD DU 'GYUR BA'I PHYOGS SU 'GRO BA DANG MI 'GRO BA YANG MDO LAS, RAB 'BYOR GZHAN YANG CHOS SMRA BA NI YUL GANG DU SROG GI BAR CHAD 'BYUNG BAR 'GYUR BA'I YUL DER 'GRO 'DOD PAR GYUR LA ZHES PA MAN CHAD KYIS BSTAN, BZHI BCU RTZA GCIG PA MU GE 'BYUNG BA'I PHYOGS SU 'GRO BA DANG MI 'GRO BA YANG MDO LAS, RAB 'BYOR GZHAN YANG CHOS NYAN PA NI GANG NA ZAS DKON PA DANG CHU DKON PA'I PHYOGS DER 'GRO BAR 'DOD LA ZHES PA MAN CHAD KYIS BSTAN, BZHI BCU RTZA GNYIS PA CHOM RKUN LA SOGS PAS DKRUGS PA'I PHYOGS SU 'GRO BA DANG MI 'GRO BA YANG MDO LAS, RAB 'BYOR GZHAN YANG DGE SLONG CHOS SMRA BA NI GANG NA CHOM RKUN GYI 'JIGS PA DANG ZHES PA MAN CHAD KYIS BSTAN, BZHI BCU RTZA GSUM PA KHYIM LA LTA BA'I YID MI BDE BA YANG MDO LAS, RAB 'BYOR GZHAN YANG DE SLONG CHOS SMRA BA NI SLONG MO STER BA'I KHYIM LA GDU BAR GYUR NAS ZHES PA MAN CHED KYIS BSTAN, BZHI BCU RTZA BZHI PA BDUD KYIS 'BYED PA'I SBYOR BA YANG MDO LAS, RAB 'BYOR GZHAN YANG BDUD SDIG CAN DGE SLONG GI CHA BYAD DANG, DE BZHIN GSHEGS PA'I CHA BYAD DU BSGYUR ZHING CI NAS KYANG ZHES PA MAN CHAD KYIS BSTAN, BZHI BCU LNGA PA BCOM MA NYE BAR BSGRUB PA YANG MDO LAS, RAB 'BYOR GZHAN YANG BDUD SDIG CAN DGE SLONG GI CHA BYAD DU BSGYUR ZHING BYANG CHUB SEMS DPA' SEMS DPA' CHEN PO'I DRUNG DU 'ONGS NAS 'DI SKAD DU ZHES PA MAN CHAD KYIS BSTAN, BZHI BCU RTZA DRUG PA YUL JI LTA BA BZHIN MA YIN BA LA DGA' BSKYED PA YANG MDO LAS, RAB 'BYOR GZHAN YANG BDUD SDIG CAN SANGS RGYAS KYI CHA BYAD DU LUS @213A *, ,GSER GYI MDOG LTA BU 'OD 'DOM GANG DANG LDAN PAR BSGYUR TE 'ONGS NAS ZHES PA MAN CHAD KYIS BSTAN TE, RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I LNGA PA MTSAN NYID BSTAN PA LA YANG BZHI STE, SHES PA'I MTSAN NYID DANG, KHYAD PAR GYI MCHAN NYID DANG, BYED PA'I MTSAN NYID DANG, NGO BO NYID KYI MTSAN NYID DO, ,DE LA SHES PA'I MTSAN NYID LA YANG THAMS CAD MKHYEN PA NYID GSUM GYI DBYE BAS BCU DRUG BCU DRUG STE BZHI BCU RTZA BRGYAD DANG, NYAN THOS LA SOGS PA LAS SHES PA KHYAD PAR DU BYA DGOS PA LAS SHES PA'I KHYAD PAR GYI MTSAN NYID BDEN PA BZHI LA SHES PA DANG RJES SU SHES PA BCU DRUG DANG, THAMS CAD SHES PA NYID KYI BYED PA GSUM LAM SHES PA'I BYED PA BDUN, RNAM PA THAMS CAD MKHYEN PA'I MDZAD PA GCIG DANG, BYED PA'I MTSAN NYID KYIS SHES PAR BYA BA'I NGO BO NYID LA THAMS CAD SHES PA'I NGO BO NYID BZHI, LAM SHES PA'I NGO BO NYID LNGA, RNAM PA THAMS CAD MKHYEN PA'I NGO BO NYID BDUN TE, SPYIR MTSAN NYID LA DBYE NA DGU BCU RTZA GCIG TU 'GYUR BA LAS, DANG PO DE BZHIN GSHEGS PA 'BYUNG BA YANG MDO LAS, LE'U BZHI BCU RTZA GNYIS PA'I KLAD NAS, RAB 'BYOR 'DI LTA STE DPER NA BUD MED LA LA ZHIG LA BU LNGA'AM BCU'AM ZHES PA LA SOGS PAS BSTAN, GNYIS PA 'JIG RTEN STON PA YANG MDO LAS, RAB 'BYOR GYIS GSOL PA, BCOM LDAN 'DAS DE BZHIN GSHEGS PAS 'JIG RTEN DU GSUNGS PA YANG GANG LAGS SHES PA MAN CHAD KYIS BSTAN, GSUM PA SEMS CAN GYI SEMS KYI SPYOD PA MKHYEN PA YANG MDO LAS, RAB 'BYOR SEMS CAN TSAD MED PA DE DAG GI SEMS KYI SPYOD PA DPAG TU MED PA GANG YIN PA DE DAG CES PA MAN CHAD KYIS BSTAN, BZHI PA SEMS BSDUS PA DANG, LNGA PA SEMS RNAM PAR G-YENGS BA YANG MDO LAS, RAB 'BYOR GZHAN YANG SEMS CAN JI SNYED SEMS CAN DU GDAGS PAS BTAGS PA @213B GZUGS CAN NAM ZHES PA LA SOGS PAS BSTAN, DRUG PA SEMS MI ZAD PA'I RNAM PA YANG MDO LAS, RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SEMS CAN DE DAG GI SEMS BSDUS PA DANG, RNAM PAR G-YENGS PA RNAMS MI ZAD PA NYID DU YANG DAG PA JI LTA BA BZHIN DU RAB TU MKHYEN TE ZHES PA LA SOGS PAS BSTAN, BDUN PA SEMS 'DOD CHAGS DANG BCAS PA DANG, SEMS 'DOD CHAGS DANG BRAL BA LA SOGS PA YANG MDO LAS, RAB 'BYOR GZHAN YANG DE BZHIN GSHEGS PAS SEMS CAN DE DAG GI SEMS 'DOD CHAGS DANG BCAS PA LA SEMS 'DOD CHAGS DANG BCAS PAR YANG DAG PA JI LTA BA BZHIN DU MKHYEN TO ZHES PA LA SOGS PAS BSTAN, BRGYAD PA SEMS RGYA CHE BA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN GZHAN DAG DANG GANG ZAG GZHAN DAG GI SEMS RGYA CHE BA LA SEMS RGYA CHE BAR YANG DAG PA JI LTA BA BZHIN DU RAB TU MKHYEN TE ZHES PA MAN CHAD KYIS BSTAN, DGU PA SEMS CHEN POR GYUR PA 'AM YANGS PAR GYUR PA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN GZHAN DANG GANG ZAG GZHAN DAG GI SEMS CHEN POR GYUR PA LA SEMS CHEN POR GYUR PAR YANG DAG PA JI LTA BA BZHIN DU RAB TU MKHYEN TO ZHES PA MAN CHAD KYIS BSTAN, BCU PA SEMS TSAD MED PA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN GZHAN DAG DANG GANG ZAG GZHAN GYI SEMS TSAD MED PA LAS SEMS TSAD MED PAR YANG DAG PAR JI LTA BA BZHIN DU RAB TU MKHYEN TO ZHES BYA BA LA SOGS PAS BSTAN, BCU GCIG PA SEMS BSTAN DU MED PA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN GZHAN DANG GANG ZAG GZHAN DAG GI @214A *, ,SEMS BSTAN DU MED PA LA SEMS BSTAN DU MED PAR YANG DAG PA JI LTA BA BZHIN DU RAB TU MKHYEN TO ZHES PA LA SOGS PAS BSTAN, BCU GNYIS PA SEMS BLTAR MED PA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN GZHAN DAG DANG GANG ZAG GZHAN DAG GI SEMS MI SNANG BAR YANG DAG PA JI LTA BA BZHIN DU RAB TU MKHYEN TO ZHES PA LA SOGS PAS BSTAN, BCU GSUM PA SEMS G-YO BA LA SOGS PA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS SEMS CAN DE DAG GI SEMS LHAG PAR G-YO BA DANG, BRAL BAR G-YO BA RNAMS DANG ZHES PA LA SOGS PAS BSTAN, BCU BZHI PA G-YO BA LA SOGS PA DE BZHIN NYID KYI RNAM PA CAN YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS GZUNGS MKHYEN TE, GZUGS JI LTAR MKHYEN ZHE NA, JI LTAR DE BZHIN NYID DU 'GYUR BA MED CING RNAM PAR RTOG PA MED PA ZHES PA LA SOGS PAS BSTAN, BCO LNGA PA DE BZHIN GSHEGS PA DE BZHIN NYID DU RTOGS PA YANG MDO LAS, RAB 'BYOR DE LTAR NA LHAG PAR G-YO BA DANG, BRAL BAR G-YO BA DANG, BSDUS PAR G-YO BA DANG, RGYAS PA'I DE BZHIN NYID GANG YIN PA DE NI ZHES PA MAN CHAD KYIS BSTAN, BCU DRUG PA GTZOR BSTAN CING BRTAGS PA YANG MDO LAS, BCOM LDAN 'DAS DE BZHIN NYID 'DIS NI SANGS RGYAS BCOM LDAN 'DAS RNAMS KYI BYANG CHUB SNANG BAR BGYIS SO ZHES BYA BA LA SOGS PAS BSTAN, DE'I 'OG TU LAM GYI RNAM PA SHES PA'I DBANG DU BYAS PA BCU DRUG 'BYUNG STE, GRANGS SNGA MA DANG BSDEBS NA BCU BDUN PA STONG PA NYID DANG BCO BRGYAD PA MTSAN MA MED PA DANG, BCU DGU PA SMON PA MED PA DANG, NYI SHU PA SKYE BA MED PA DANG, NYI SHU RTZA GCIG PA 'GAG PA MED PA DANG, NYI SHU RTZA GNYIS PA KUN NAS NYON MONGS PA MED PA DANG, NYI SHU RTZA GSUM PA RNAM PAR BYANG BA MED PA DANG, @214B NYI SHU RTZA BZHI PA DNGOS PO MED PA'I NGO BO NYID MED PA DANG, NYI SHU RTZA LNGA BA RTEN PA MED PA'I MTSAN NYID RNAMS NI MDO LAS, LE'U BZHI BCU RTZA GSUM PA'I KLAD NAS, DE NAS STONG GSUM GYI STONG CHEN PO'I 'JIG RTEN GYI KHAMS NA 'DOD PA NA SPYOD PA DANG ZHES PA LA SOGS PAS MDO DRANGS TE 'OG KHO NA NAS, LHA'I BU DAG SHES RAB KYI PHA ROL TU PHYIN PA 'DI NI STONG PA NYID YIN PA'I PHYIR ZAB PA'O ZHES PA NAS, MI GNAS PA'I MTSAN NYID DANG ZHES PA'I BAR GYI TSIG DES RIM PA BZHIN BSTAN, NYI SHU RTZA DRUG PA NAM MKHA' DANG, NYI SHU RTZA BDUN PA ZHI BA NI MDO LAS, GO RIMS 'GREL PA LAS 'BYUNG BA LAS BSNOR TE ZHI BA NI TSAD MED PA'I MTSAN NYID DANG, RTAG PA MED PA'I MTSAN NYID DANG ZHES PA LA SOGS PAS BSTAN, NAM MKHA' NI 'OG NAS, NAM MKHA'I MTSAN NYID YIN PA'I PHYIR ZAB PO ZHES PAS BSTAN, NYI SHU RTZA BRGYAD PA CHOS NYID RNAM PAR 'KHRUG PA MED PA YANG MDO LAS, LHA'I BU DAG SHES RAB KYI PHA ROL TU PHYIN PA'I MTSAN NYID DE LTA BU YIN PAS DE BZHIN GSHEGS PAS 'JIG RTEN GYI RDAR BKA' STZAL TE, ZHES PA MAN CHAD KYIS BSTAN, NYI SHU RTZA DGU PA 'DU MI BYED PA NI MDO LAS, LHA'I BU DAG MTSAN NYID DE DAG NI GZUGS KYIS MNGON PAR 'DU BYAS PA MA YIN NO ZHES PA MAN CHAD KYIS BSTAN, SUM CU PA RNAM PAR MI RTOG PA YANG MDO LAS, BA COM LDAN 'DAS KYIS BKA' STZAL PA, LHA'I BU DAG DE BZHIN GSHEGS PA RNAMS BYUNG YANG RUNG, DE BZHIN GSHEGS PA RNAMS MA BYUNG YANG RUNG STE ZHES PA LA SOGS PAS BSTAN, SUM CU RTZA GCIG PA RAB TU 'BYED PA YANG MDO LAS, BCOM LDAN 'DAS 'DI LTAR DE BZHIN GSHEGS PA GANG LA SPYAD PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR GYUR LA ZHES PA LA SOGS PAS BSTAN, SUM CU RTZA GNYIS PA MTSAN NYID MED PA YANG MDO LAS, DE NAS BCOM LDAN 'DAS KYIS 'DOD PA NA SPYOD PA DANG, GZUGS NA SPYOD PA'I LHA'I BU DE DAG LA 'DI SKAD CES @215A *, ,BKA' STZAL TO, ,LHA'I BU DAG GZUGS NI GZUGS SU RUNG BA'I MTSAN NYID DANG, ZHES PA LA SOGS PAS BSTAN TO, ,DE'I 'OG TU RNAM PA THAMS CAD MKHYEN PA'I MTSAN NYID BCU DRUG 'BYUNG BA GONG MA'I GRANGS DANG BSDEBS TE SUM CU RTZA GSUM PA NYID KYI CHOS LA BRTEN NAS GNAS PA YANG MDO LAS, DE NAS BCOM LDAN 'DAS KYIS TSE DANG LDAN PA 'BYOR SHES RAB KYI PHA ROL TU PHYIN PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SKYE PA YIN NO ZHES PA LA SOGS BAS BSTAN, SUM CU RTZA BZHI BA GUS PAR BYA BA NI MDO LAS, 'DI LTA STE, SHES RAB KYI PHA ROL TU PHYIN PA'I CHOS 'DI LA BSTI STANG DU MDZAD CES PAS BSTAN, SUM CU RTZA LNGA PA BLA MAR BYA BAR YANG MDO LAS, BLA MAR MDZAD CES PA DANG, SUM CU RTZA DRUG PA MNYES PAR BYA BA DANG, SUM CU RTZA BDUN PA MCHOD PA YANG MDO LAS, RI MOR MDZAD, MCHOD PAR MDZAD DE ZHES PA LA SOGS PA DANG RIM BZHIN SBYAR BAS BSTAN, SUM CU RTZA BRGYAD PA BYED PA MED PA NYID KYANG MDO LAS, RAB 'BYOR GZHAN YANG BYED PA PO MED PA'I PHYIR DE BZHIN GSHEGS PAS CHOS THAMS CAD MA BYAS PA DANG ZHES PA MAN CHAD KYIS BSTAN, SUM CU RTZA DUG PA THAMS CAD DU 'GRO BA YANG MDO LAS, RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN NAS, DON DAM PAR 'BYUNG BA MED PA'I PHYIR YE SHES BYAS PA MED PA CHOS THAMS CAD LA 'JUG PA'I BRDAS ZHUGS TE ZHES PA LA SOGS PAS BSTAN, BZHI BCU PA MA MTHONG PA'I DON STON PA YANG MDO LAS, RAB 'BYOR DE LTAR NA SHES RAB KYI PHA ROL TU PHYIN PA NI DE BZHIN GSHEGS PA BSKYED PA DANG, 'JIG RTEN STON PA YIN DE YANG GZUGS MA MTHONG PA'I PHYIR STON PA YIN NO ZHES PA LA SOGS PAS BSTAN, BZHI BCU RTZA GCIG PA 'JIG RTEN STONG PA NYID KYI RNAM PA NI MDO LAS BYUNG STE DON GYIS BSTAN, BZHI BCU GNYIS PA 'JIG RTEN STONG PA NYID DU BRJOD PA NI MDO LAS, RAB 'BYOR GZHAN @215B YANG SHES RAB KYI PHA ROL TU PHYIN PA JI LTAR DE BZHIN GSHES PA BSKYED PA DANG, 'JIG RTEN STONG PA YIN ZHE NA, RAB 'BYOR SHES RAB KYI PHA ROL TU PHYIN PA 'DI NI 'JIG RTEN STONG NGO ZHE BRJOD PAR BYED DO ZHES PA LA SOGS PAS BSTAN, BZHI BU GSUM PA 'JIG RTEN STONG PA NYID DU SHES PAR MDZAD PA YANG MDO LAS, RAB 'BYOR ZHAN YANG DE BZHIN GSHES PAS NI 'JIG RTEN STONG PAR RIG GO ZHES PA LA SOGS PAS BSTAN, BZHI BCU BZHI PA 'JIG RTEN STONG PA NYID DU STON PA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA 'DI NI DE BZHIN GSHEGS PA LA 'JIG RTEN STONG NGO ZHES STON TE ZHES PA LA SOGS PAS BSTAN, BZHI BCU LNGA PA 'JIG RTEN BSAM GYIS MI KHYAB PA NYID DU STON PA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA NI DE BZHIN GSHEGS PA LA 'JIG RTEN BSAM GYIS MI KHYAB PAR STON TE ZHES PA LA SOGS PAS BSTAN, BZHI BCU DRUG PA ZHI BA NYID DU STON PA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA NI DE BZHIN GSHEGS PA LA 'JIG RTEN ZHI ZHES BYA BAR STON TE ZHES PA LA SOGS PAS BSTAN, BZHI BCU BDUN PA 'JIG RTEN 'GOG PA YANG MDO LAS, RAB 'BYOR GZHAN YANG SHES RAB KYI PHA ROL TU PHYIN PA NI DE BZHIN GSHEGS PA LA 'JIG RTEN STONG PA NYID KHO NAR STON TE ZHES PA LA SOGS PAS BSTAN, BZHI BCU BRGYAD PA 'DU SHES 'GOG PA YANG MDO LAS, RAB 'BYOR SHES RAB KYI PHA ROL TU PHYIN PA 'DI NI CI NAS 'JIG RTEN 'DI'I 'DU SHES MED PA DANG ZHES PA LA SOGS PAS BSTAN, SHES PA'I MTSAN NYID KYI 'OG TU BDEN PA BZHI LA NYAN THOS LA SOGS PA'I LAM SHES PA BAS BYANG CHUB SEMS DPA'I LAM SHES PA KHYAD PAR DU BSTAN, PA'I KHYAD PAR GYI MTSAN NYID RNAM PA BCU DRUG 'BYUNG BA LA GONG MA BZHIN DU GRANGS DANG BSDEBS TE, RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI BCOM LDAN 'DAS KYI MDZAD PA CHEN POS NYE BAR GNAS PA LAGS SO ZHES PA NAS, @216A *, ,MDZAD PA MI MNYAM PA DANG MNYAM PAS NYE BAR GNAS PA YIN NO ZHES PA'I BAR GYIS MDOR BSTAN NAS, BZHI BCU DGU PA BSAM GYIS MI KHYAB PA DANG, LNGA BCU PA GZHAL BA LAS YANG DAG PAR 'DAS PA DANG, LNGA BCU GCIG PA BGRANG BA LAS YANG DAG BAR 'DAS PA DANG, LNGA BCU GNYIS PA MI MNYAM PA DANG MNYAM PA NYID RNAMS NI MDO LAS, RAB 'BYOR GYIS GSOL PA, BCOM LDAN 'DAS CI SANGS RGYAS NYID DANG DE BZHIN GSHEGS PA DANG, RANG BYUNG NYID DANG, THAMS CAD MKHYEN PA NYID NI BSAM GYIS MI KHYAB PA DANG ZHES BA NAS, MI MNYAM PA DANG MNYAM PA LAGS SAM ZHES PA'I BAR DU GO RIMS BZHIN DU SBYAR TE, DE MAN CHAD DBYE BA DANG BCAS TE BSTAN, LNGA BCU GSUM PA 'PHAGS PA'I GANG ZAG THAMS CAD SDUD PA MDO LAS, LE'U BZHI BCU BZHI PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA 'DI ZAB PA LAGS SO ZHES PA MAN CHAD KYIS BSTAN, LNGA BCU BZHI PA NYAN THOS LA SOGS PA'I SPYOD YUL MA YIN PA'I DNGOS PO SHES PA YANG MDO LAS, DE CI'I PHYIR ZHE NA; RAB 'BYOR 'DI LTAR SHES RAB KYI PHA ROL TU PHYIN PA ZAB MO 'DI NI GZUGS LA YONGS SU 'DZIN PA MED CING ZHES PA LA SOGS PAS BSTAN, LNGA BCU LNGA PA SKYES BU MKHAS PAS RIG PAR BYA BA NYID KYANG MDO LAS, DE NAS BCOM LDAN 'DAS LA 'DOD PA NA SPYOD PA DANG, GZUGS NA SPYOD PA'I LHA'I BU RNAMS KYIS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA 'DI NI ZAB CING MTHONG BAR DKA' LA RTOGS PAR DKA' STE ZHES PA LA SOGS PAS BSTAN, LNGA BCU DRUG PA RANG GI LUGS LA LTOS PA'I MNGON PAR SHES PA MYUR BA'I SHES PA YANG MDO LAS, BCOM LDAN 'DAS BYANG CHUB SEMS DPA' GANG DAG SHES RAB KYI PHA ROL TU PHYIN PA LA MOS PAR GYUR PA DE DAG NI SNGON GYI RGYAL BA RNAMS LA LHAG PAR BGYI BA BGYIS PA DANG ZHES PA MAN CHAD KYIS BSTAN, 'DIR 'GREL @216B PA LAS MANG NYUNG MED PA DANG 'KHOR GSUM DAG PA GNYIS KYI 'OG TU YANG DAG PAR 'GRUB PA 'BYUNG, MDO LAS YANG DAG PAR 'GRUB PA SNGAR 'BYUNG BAS MDO BTZAN PAR BYA STE, LNGA BCU BDUN PA'I SBYOR BAS YANG DAG PAR BSGRUBS PA'I BSOD NAMS DANG YE SHES YANG DAG BAR 'GRUB PA YANG MDO LAS, DE CI'I PHYIR ZHE NA, 'DI LTAR DAD PAS RJES SU 'BRANG BA RNAMS DANG ZHES PA MAN CHAD KYIS BSTAN, LNGA BCU BRGYAD PA KUN RDZOB DANG DON DAM PA LA BRTEN PA'I CHOS THAMS CAD NYUNG BA MED PA DANG MANG BA MED PA'I NGO BO YANG MDO LAS, BCOM LDAN 'DAS SHES RAB KYI PHA ROL TU PHYIN PA 'DI LA DAD PA'I RJES SU 'BRANG BA RNAMS DANG ZHES PA LA SOGS PAS BSTAN, LNGA BCU DGU PA 'KHOR GSUM RNAM PAR DAG PA LAS SBYIN PA LA SOGS PA'I PHA ROL TU PHYIN PA LA SBYOR BA YANG MDO LAS, DE NAS 'DOD PA NA SPYOD PA DANG GZUGS NA SPYOD PA'I LHA'I BU RNAMS KYIS BCOM LDAN 'DAS KYI ZHABS LA SPYI BOS PHYAG 'TSAL TE, BCOM LDAN 'DAS LA LAN GSUM BSKOR BA BYAS NAS BCOM LDAN 'DAS KYI THAD NAS DONG STE ZHES BA MAN CHAD KYIS BSTAN, DRUG CU PA THAMS CAD LA DMIGS PA TSAD MED PA YANG MDO LAS, LE'U BZHI BCU LNGA PA'I KLAD NAS; RAB 'BYOR 'DI LTA STE DPER NA GANG GI TSE RGYA MTSO'I GRU ZHIG PAR GYUR LA ZHES PA LA SOGS PAS BSTAN, DRUG CU GCIG PA CHOS KYI DBYINGS NGO BO NYID KYIS BYANG CHUB SEMS DPA'I RTEN DU BSTAN PA YANG MDO LAS, RAB 'BYOR 'DI LTA STE DPER NA, SKYES PA 'AM BUD MED GCIG GIS BUM PA SO MA BTANG, MA BSREGS PAS CHU BCU BAR BSAMS NA ZHES PA LA SOGS PAS BSTAN, DRUG CU GNYIS PA SMON LAM LA SOGS PA'I PHA ROL TU PHYIN PA YONGS SU RDZOGS PA'I RGYU TSOGS PA YANG MDO LAS, RAB 'BYOR 'DI LTA STE DPER NA, RGYA MTSO'I GRU LEGS PAR MA BCOS SHING ZAG LHAN MA BYAS PAR RDZAS KYIS LCI BAR BYAS TE CHU LA BTANG NA ZHES PA MAN CHAD KYIS BSTAN, DRUG CU GSUM PA DGE BA'I BSHES GNYEN GYI THABS KYIS YONGS SU BZUNG BA YANG MDO LAS, RAB 'BYOR 'DI LTA STE DPER NA, MI SKYES NAS LO BRGYA NYI SHU @217A *, ,LON PA RGAS SHING 'KHOGS PA GTUGS PA ZHIG YOD DE, ZHES PA LA SOGS PAS BSTAN, DRUG CU BZHI PA MNGON PAR ZHEN PA'I RO MYANG BA MED PA YANG MDO LAS, RAB 'BYOR GYIS GSOL BA, BCOM LDAN 'DAS RIGS KYI BU 'AM RIGS KYI BU MO BYANG CHUB SEMS DPA'I THEG PA LA YANG DAG PAR ZHUGS PA DAG JI LTAR SHES RAB KYI PHA ROL TU PHYIN PAS YONGS SU ZIN CING ZHES PA NAS LE'U BZHI BCU DRUG PA'I STOD NAS, CHOS THAMS CAD SGYU MA LTA BU DANG RMI LAM LTA BUR SHES NAS BLA NA MED PA YANG DAG PAR RDZOGS PA'I BYANG CHUB LA YANG DAG PAR ZHUGS PA YIN NO ZHES PA'I BAR GYIS BSTAN TO, ,DE LTAR BZHI BCU RTZA DGU NAS DRUG CU RTZA BZHI'I BAR DU DON BCU DRUG GIS NYAN THOS LAS BYANG CHUB SEMS DPA'I LAM KHYAD PAR DU 'PHAGS PAR BSTAN NAS BYED PA'I MTSAN NYID STON TE, THAMS CAD SHES PA'I MTSAN NYID GSUM DANG, LAM GYI RNAM PA SHES PA'I BYED PA'I MTSAN NYID BDUN DANG, RNAM PA THAMS CAD MKHYEN PA'I MDZAD PA'I MTSAN NYID GCIG STE, SPYIR BYED PA'I MTSAN NYID BCU GCIG GIS STON PA MDO LAS, BYANG CHUB SEMS DPA' SEMS DPA' CHEN PO RNAMS NI 'JIG RTEN LA PHAN PA DANG BDE BA'I PHYIR YANG DAG PAR ZHUGS PA YIN TE ZHES PA NAS, 'JIG RTEN GYI RTEN DU GYUR CIG CES BLA NA MED PA YANG DAG PAR RDZOGS PA'I BYANG CHUB LA YANG DAG PAR ZHUGS PA YIN NO ZHES PA'I BAR GYIS MDOR BSTAN PA CI RIGS PAR SBYAR NAS GONG MA'I GRANGS DANG BSDEBS TE DRUG CU LNGA PA MA 'ONGS PA'I PHAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO RNAMS JI LTAR NA 'JIG RTEN LA PHAN PA'I PHYIR YANG DAG PAR ZHUGS PA YIN NO ZHE NA ZHES PA LA SOGS PAS BSTAN, DRUG CU DRUG PA TSE 'DI'I BDE BA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO RNAMS JI LTAR 'JIG RTEN LA BDE BA'I PHYIR ZHUGS PA YIN ZHE NA ZHES PA MAN CHAD KYIS BSTAN, DRUG CU BDUN PA SDUG BSNGAL MED PA'I RNAM PAR SMIN PA'I CHOS NYID DU NYE BAR BSGRUB PA @217B YANG MDO LAS, RAB 'BYOR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA RNAMS JI LTAR NA 'JIG RTEN GYI SKYOB PA YIN ZHE NA ZHES PA LA SOGS PAS BSTAN, DE GSUM NI THAMS CAD SHES PA DANG SBYAR RO, ,DRUG CU BRGYAD PA GTAN DU PHAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO RNAMS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA RNAMS JI LTAR NA 'JIG RTEN GYI SKYABS YIN ZHE NA ZHES PA MAN CHAD KYIS BSTAN, DRUG CU DGU PA SDUG BSNGAL GYI RGYU BZLOG PA YANG, RAB 'BYOR BYANG CHUB SEMS DPA' SEMS DPA' CHEN PO RNAMS JI LTAR 'JIG RTEN GYI GNAS YIN ZHE NA ZHES PA MAN CHAD KYIS BSTAN, BDUN CU PA 'KHOR BA DANG MYA NGAN LAS 'DAS PA MNYAM PA NYID DU RTOGS PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PA RNAMS JI LTAR 'JIG RTEN GYI DPUNG GNYEN YIN ZHE NA ZHES PA MAN CHAD KYIS BSTAN, BDUN CU GCIG PA RANG DANG GZHAN GYI DON DU RTOGS PA'I RTEN GYI NGO BO YANG MDO LAS, RAB 'BYOR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, JI LTAR 'JIG RTEN GYI GLING DU 'GYUR ZHE NA ZHES PA MAN CHAD KYIS BSTAN, BDUN CU GNYIS PA GZHAN GYI DON BSGRUB PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS JI LTAR 'JIG RTEN GYI YONGS SU 'DREN PAR 'GYUR ZHE NA ZHES PA MAN CHAD KYIS BSTAN, DE LTAR LNGA DANG BDUN CU GSUM PA'I SKABS 'DI CHOS THAMS CAD DU STON PA NYE BAR BSGRUBS PA'I DON GYI RNAM PA THAMS CAD MKHYEN PA'I MDZAD PA GCIG DANG SBYAR TE MDO LAS, RAB 'BYOR @218A *, ,BYANG CHUB SEMS DPA' SEMS DPA' CHEN PO RNAMS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, JI LTAR SEMS CAN RNAMS KYI RTEN DU 'GYUR ZHE NA ZHES PA MAN CHAD KYIS BSTAN, 'BUM PA LAS NI RTEN LA LAM ZHES 'BYUNG, BDUN CU BZHI PA SEMS CAN GYI DON LHUN GYIS GRUB PAR 'JUG PA DANG, BDUN CU LNGA PA THEG PA GSUM GYIS NGES PAR 'BYUNG BA'I 'BRAS BU MNGON SUM DU MI BYED PA YANG MDO LAS, DE CI'I PHYIR ZHE NA, RAB 'BYOR CHOS THAMS CAD STOD PA NYID KYI NGANG TSUL CAN TE DE DAG NI NGANG TSUL DE LAS MI 'DA' BA'I PHYIR RO ZHES PA MAN CHAD KYIS BSTAN, GONG GI LNGA DANG THA MA'I GNYIS TE BDUN NI LAM GYI RNAM PA SHES PA DANG SBYAR RO, ,BYED PA'I MTSAN NYID KYIS SHES PAR BYA BA'I NGO BO NYID KYI MTSAN NYID NI THAMS CAD SHES PA'I NGO BO NYID BZHI DANG, LAM SHES PA'I NGO BO NYID LNGA DANG, RNAM PA THAMS CAD MKHYEN PA'I NGO BO NYID BDUN RNAMS GONG MA'I GRANGS KYI STENG DU GO RIMS BZHIN BSNAN TE, BDUN CU DRUG PA 'DOD CHAGS LA SOGS PA NYON MONGS PAS DPEN PA'I NGO BO YANG MDO LAS, LE'U BZHI BCU BDUN PA'I KLAD NAS, RAB 'BYOR GYIS GSOL PA ZHES PA NAS, GTI MUG BSAL BAS DBEN PA'I RANG BZHIN CAN DU 'GYUR RO ZHES PA'I BAR GYIS BSTAN, BDUN CU BDUN PA DE'I RTAGS LUS KYI GNAS NGAN LEN GYI DBEN PA YANG MDO LAS, RAB 'BYOR DE DAG NI 'DOD CHAGS KYI RTAGS KYIS DBEN PA'I RANG BZHIN CAN DU 'GYUR RO ZHES PA LA SOGS PAS BSTAN, BDUN CU BRGYAD PA DE'I MTSAN MTSUL BZHIN MA YIN PA YID LA BYED PAS DBEN PA YANG MDO LAS, RAB 'BYOR DE DAG NI 'DOD CHAGS KYI MTSAN MAS DBEN PA'I RANG BZHIN CAN DU 'GYUR RO ZHES PA LA SOGS PAS BSTAN, BDUN CU DGU PA 'DOD CHAGS DANG 'DOD CHAGS MED PA LA SOGS PA MI MTHUN PA DANG, GNYEN PO STONG PAR RTOGS PA YANG MDO LAS, RAB 'BYOR GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA ZAB MO 'DI RTOGS @218B PAR 'GYUR BA DE DAG JI LTA BU'I TSUL CAN DU 'GYUR BA LAGS ZHES PA LA SOGS PAS BSTAN, BRGYAD CU PA DON DAM PAR MED PAR SEMS CAN MYA NGAN LAS 'DA' BAR DKA' YANG MDO LAS, RAB 'BYOR GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID KYI TSUL CAN DE DAG NI SEMS CAN THAMS CAD KYI RTEN LAGS SO ZHES PA LA SOGS PAS BSTAN, BRGYAD CU GCIG PA THEG PA GZHAN DU MI LTUNG BA YANG MDO LAS, RAB 'BYOR BYANG CHUB SEMS DPA'I GO CHA DE NI GZUGS DANG 'BREL BA MA YIN NO ZHES PA LA SOGS PAS BSTAN, BRGYAD CU GNYIS PA YUN RING PO NAS BSGRUB PAR BYA BA'I MCHOG NYID KYI CHED DU YANG MDO LAS, RAB 'BYOR GYIS GSOL PA, BCOM LDAN 'DAS SHES RAB KYI ROL TU PHYIN PA NI ZAB PA LAGS TE, DE NI SUS KYANG BSGOM PAR BGYI BA MA LAGS ZHES PA LA SOGS PAS BSTAN, BRGYAD CU GSUM PA DNGOS PO DANG DNGOS PO MED PA'I CHOS MI DMIGS PA YANG MDO LAS, RAB 'BYOR GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI STON PA NA MI SKRAG MI DNGANG, DNGANG BAR MI 'GYUR ZHING ZHES PA MAN CHAD KYIS BSTAN; BRGYAD CU BZHI PA DNGOS POR ZHEN PA MTHA' DAG BKAG PA YANG MDO LAS, BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO RNAMS KYI SEMS KYI RGYUD STONG PA NYID LA GZHOL BA DANG ZHES PA LA SOGS PAS BSTAN, BRGYAD CU LNGA PA THAMS CAD SHES PA DANG, LAM SHES PAS BSDUS PA'I DNGOS PO KHYAD PAR LA DMIGS PA YANG MDO LAS, LE'U BZHI BCU RTZA BRGYAD PA'I KLAD NAS, DE NAS 'DOD PA NA SPYOD PA DANG ZHES PA MAN CHAD KYIS BSTAN, BRGYAD CU DRUG PA 'JIG RTEN BYI SGRUB PA 'DZIN PA LA SOGS PA LAS BZLOG PA BSTAN PA MI MTHUN PA YANG MDO LAS, LHA'I BU RNAMS KYIS GSOL PA, BCOM LDAN 'DAS KYE MA 'JIG RTEN THAMS CAD DANG MI MTHUN PA'I CHOS 'DI BSTAN PA LAGS SO ZHES PA LA SOGS PAS BSTAN, BRGYAD CU BDUN PA GZUGS LA SOGS PA THOGS PA MED @219A *, ,PAR SHES PA YANG MDO LAS, CHOS 'DI NI GANG LA YANG THOGS PA MA MCHIS LAGS TE, CI LA THOGS PA MA MCHIS PA LAGS SHE NA, GZUGS LA THOGS PA MA MCHIS PA LAGS SO ZHES PA LA SOGS PAS BSTAN, BRGYAD CU BRGYAD PA SHES BYA DANG, SHES PA MI DMIGS PAS GZHI MED PA YANG MDO LAS, CHOS 'DI NI GZUGS SKYE BA MA MCHIS PA DANG, 'GAG PA MA MCHIS PA DANG, ZHES PA LA SOGS PAS BSTAN, BRGYAD CU DGU PA DE BZHIN NYID KYIS 'GRO BA MED PA YANG MDO LAS, DE NAS BCOM LDAN 'DAS LA 'DOD PAN SPYOD PA DANG, GZUGS NA SPYOD PA'I LHA'I BU RNAMS KYIS 'DI SKAD CES GSOL TO, ,BCOM LDAN 'DAS RAB 'BYOR 'DI NI BCOM LDAN 'DAS KYI RJES SU SKYES PA LAGS SO ZHES PA MAN CHAD KYIS BSTAN, DGU BCU PA GZUGS LA SOGS PA NGO BO NYID MED PAS SKYE BA MED PA YANG MDO LAS, DE NAS 'DOD PA NA SPYOD PA DANG GZUGS NA SPYOD PA'I LHA'I BU DE DAG GIS BCOM LDAN 'DAS DANG GNAS BRTAN RAB 'BYOR LA LHA'I TZANDAN GYI PHYE MA DAG GIS GTOR ZHES PA LA SOGS PAS BSTAN, DGU BCU GCIG PA DNGOS PO LA SOGS PA GSUM GYI NGO BO NYID MI DMIGS PA YANG MDO LAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS DE BZHIN NYID DANG ZHES PA MAN CHAD NAS, DE NYAN THOS DANG, RANG SANGS RGYAS KYI SAR LTUNG NGO ZHES PA'I BAR GYIS BSTAN TO, ,SPYI DON BRGYAD KYIS BSTAN PA'I BZHI PA RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I DRUG PA THAR PA'I CHA DANG MTHUN PA YANG MDO LAS, SH'A RI'I BU 'DI LA BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, RNAM PA THAMS CAD MKHYEN PA NYID KYI SEMS DANG MA BRAL BAR SBYIN PA SBYIN PAR BYED CES PA LA SOGS PAS BSTAN, RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I BDUN PA NGES PAR 'BYED PA'I CHA DANG MTHUN PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL @219B TO; ,BCOM LDAN 'DAS BLA NA MED PA YANG DAG PAR RDZOGS PA'I BYANG CHUB TU NGES PAR 'BYUNG BAR 'TSAL BA'I BYANG CHUB SEMS DPA' SEMS DPA' CHEN POS JI LTAR GNAS PAR BGYI ZHES PA MAN CHAD KYIS BSTAN PA LA, DRO BA'I DMIGS PA LNGA TSAN GNYIS KYIS BSTAN PA LAS MNYAM PA YANG MDO LAS, RAB 'BYOR BYANG CHUB SEMS DPA' SEMS DPA' CHEN POS SEMS CAN THAMS CAD LA SNYOMS PA'I SEMS LA GNAS PAR BYA'O ZHES BYA BA LA SOGS PAS BSTAN, BYAMS PA YANG MDO LAS, SEMS CAN THAMS CAD LA BYAMS PA CHEN PO DANG, SNYING RJE CHEN PO BSKYED PAR BYA'O ZHES PA LA SOGS PAS BSTAN, PHAN PA YANG MDO LAS, SEMS CAN THAMS CAD LA PHAN PA'I SEMS BSKYED PAR BYA STE, GNOD PA'I SEMS BSKYED PAR MI BYA'O ZHES PA LA SOGS PAS BSTAN, KHONG KHRO MED PA YANG MDO LAS, SEMS CAN THAMS CAD LA ZHE 'GRAS PA MED PA'I SEMS BSKYED PAR BYA STE, ZHE 'GRAS PA'I SEMS BSKYED PAR MI BYA'O ZHES PAS BSTAN, RNAM PAR 'TSE NGA MED PA YANG MDO LAS, SEMS CAN THAMS CAD LA RNAM PAR 'TSE BA MED PA'I SEMS BSKYED PAR BYA STE ZHES PA LA SOGS PAS BSTAN, DE LTAR LNGA DANG, PHA MA'I SEMS DANG, SPUN DANG, SRING MO'I SEMS DANG, BU DANG, BU MO'I SEMS DANG, BSHES DANG, GROGS PO'I SEMS DANG, GNYEN DANG, SNAG GI GNYEN MTSAMS KYI SEMS DANG LNGA NI MDO LAS, SEMS CAN THAMS CAD LA MA'I SEMS BSKYED PAR BYA'O ZHES BA LA SOGS PAS BSTAN TE, CI RIGS PA DANG, RTZE MO'I DMIGS PA NI BZHI STE, BDAG DANG GZHAN DGE BA LA 'JUG PA DANG, MI DGE BA LAS LDOG PA DANG, ZHUGS PA DANG LDOG PA'I BSNGAGS PA BRJOD PA STE, DE YANG MDO LAS, BDAG GIS KYANG SROG GCOD PA SPANG BAR BYA ZHES PA LA SOGS PAS BSTAN, BZOD PA YANG MDO LAS, DE LTAR SLOB CING DE LTAR GNAS PA DE NI GZUGS SGRIB PA MED PAR 'GYUR RO ZHES PA LA SOGS PAS BSTAN, 'JIG RTEN PA'I CHOS KYI MCHOG KYANG MDO LAS, DE CI'I PHYIR ZHE NA, 'DI LTAR BYANG CHUB SEMS DPA' @220A *, ,SEMS DPA' CHEN PO DES SNGON GYI MTHA' NAS KYANG GZUGS YONGS SU MA BZUNG ZHES PA LA SOGS PAS BSTAN, RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I BRGYAD BA SLOB PA'I PHYIR MI LDOG PA'I TSOGS LA YANG GSUM STE, SBYOR BA'I LAM DANG, MTHONG BA'I LAM DANG, BSGOM PA'I LAM LAS PHYIR MI LDOG PA LAS SBYOR BA'I LAM LAS PHYIR MI LDOG PA'I RTAGS KYANG NYI SHU STE, MDO LAS, LE'U BZHI BCU RTZA DGU PA'I KLAD NAS, DA SKAD CES BKA' STZAL BA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO'I RNAM PA NI GANG LAGS ZHES PA LA SOGS PAS MGO DRANGS NAS RTAGS DANG PO GZUGS LA SOGS PA LAS LDOG PA YANG MDO LAS, BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO GANG GZUGS LAS PHYIR MI LDOG PA DANG ZHES PA LA SOGS PAS BSTAN, GNYIS PA SHES NAS DAD PA THOB PAS THE TSOM ZAD PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO DGE SBYONG DANG BRAM ZE 'DI DAG NI SHES PAR BYA BA SHES PA'O ZHES PA LA SOGS PAS BSTAN, GSUM PA SMON LAM GRUB PAS LOG PAR LTA BA DANG BRAL BA DANG, MI KHOM PA BRGYAD SPANGS PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI SEMS CAN DMYAL BAR MI SKYES ZHES PA LA SOGS PAS BSTAN BZHI PA SNYING RJE RANG GZHAN DGE BA LA SBYOR BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' SEMS DPA' CHEN PO DGE BA BCU'I LAS KYI LAM YANG DAG PAR BLANGS NAS GNAS TE ZHES PA LA SOGS PAS BSTAN, LNGA PA BDAG DANG GZHAN DU BRJE BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI GANG GI TSE SBYIN PA'I PHA ROL TU PHYIN PA @220B LA GNAS PA NA SEMS CAN THAMS CAD KYI CHED DU ZHES PA MAN CHAD KYIS BSTAN, DRUG PA CHOS YANG DAG PAR RTOGS PAS ZAB MO LA SOM NYI MED PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI CHOS ZAB MO RNAMS LA SOM NYI MI ZA ZHING ZHES PA MAN CHAD KYIS BSTAN, BDUN PA GZHAN LA PHAN PAR ZHUGS PAS BYAMS PA'I LUS DANG, NGAG DANG, YID KYI LAS KYANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI LUS KYI LAS 'JAM PA DANG LDAN PA YIN ZHES PA LA SOGS PAS BSTAN, BRGYAD PA SBYOR BA PHUN SUM TSOGS PAS SGRIB PA LNGA PO DANG MI 'GROGS PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI SGRIB PA LNGA PO 'DI LTA STE, 'DOD PA LA 'DUN PA DANG, ZHES PA LA SOGS PAS BSTAN, DGU PA GNYEN PO BSGOMS PAS MA RIG PA LA SOGS PA'I BAG LA NYAL BA 'JOMS PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO LA NI BAG LA NYAL THAMS CAD KYIS THAMS DU MED DO ZHES PA LA SOGS PAS BSTAN, BCU PA RTAG TU MNYAM PAR GZHAG PAS DRAN PA DANG SHES BZHIN DU LDAN PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI 'GRO BA 'AM LDOG KYANG RUNG STE, 'KHRUL PA'I SEMS KYIS MI 'GRO ZHES PA LA SOGS PAS BSTAN, BCU GCIG PA GTZANG SBRA SPYOD PAS GOS LA SOGS PA YONGS SU SPYOD PA GTZANG BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I GOS SPYOD PA NI SMAD DU MED PA YIN ZHES PA LA SOGS PAS BSTAN, BCU GCIG PO DE NI DROD DANG SBYAR, BCU GNYIS PA DGE BA'I RTZA BA 'JIG RTEN LAS 'PHAGS PAS LUS LA SRIN BU'I RIGS BRGYAD KHRI MI 'BYUNG BA YANG MDO LAS, RAB 'BYOR GZHAN YANG MIR GYUR PA RNAMS KYI LUS LA SRIN BU'I RIGS @221A *, ,BRGYAD KHRI GANG DAG YOD CING LUS DE NYID LA ZAB DE DAG NI ZHES PA LA SOGS PAS BSTAN, BCU GSUM PA DGE BA'I RTZA BA RNAM PAR DAG PAS SEMS GYA GYU MED PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO LUS YONGS SU DAG PA DANG, NGAG YONGS SU DAG PA DANG, SEMS YONGS SU DAG PA ZHES PA LA SOGS PAS BSTAN, BCU BZHI BA RNYED PA LA SOGS PA LA MI LTA BAS SBYANGS BA'I YON TAN YANG DAG PAR LEN PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI RNYED PA DANG BKUR STI LA GDU BA MA YIN ZHES PA LA SOGS PAS BSTAN, BCO LNGA PA SBYIN PA LA SOGS PA BSGRUBS PAS DE DANG 'GAL BA SER SNA LA SOGS PA MED PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI SER SNA'I SEMS MI SKYED CES PA LA SOGS PAS BSTAN, BCU DRUG PA CHOS THAMS CAD YANG DAG PAR SDUD PAS CHOS NYID DANG MI 'GAL BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI BLO BRTAN PA'I ZHES PA LA SOGS PAS BSTAN, BCU BDUN PA 'GRO BA BDAG GIR BYAS PAS GZHAN GYI DON DU DMYAL BA 'DOD PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I MDUN DU BDUD SDIG CAN GYIS SEMS CAN DMYAL BA CHEN PO BRGYAD MNGON PAR SPRUL NAS ZHES PA LA SOGS PAS BSTAN TE, DE LTAR DRUG RTZE MO DANG SBYAR, BCO BRGYAD PA RTOGS PA LA YID CHES PAS GZHAN GYIS MI BKRI BA YANG MDO LAS, RAB 'BYOR GAL TE GZHAN YANG BYANG CHUB SEMS DPA' SEMS DPA' CHEN PO'I MDUN DU BDUD SDIG TO CAN DGE SBYONG GI CHA BYAD KYIS 'ONGS TE, ZHES PA LA SOGS PAS BSTAN, BCU DGU PA SANGS RGYAS KYI THABS SHES PAS @221B LAM LTAR BCOS PA BSTAN PA'I BDUD LA BDUD NYID DU SHES PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO'I DRUNG DU BDUD SDIG CAN DGE SLONG GI CHA BYAD KYIS 'ONGS TE, 'DI SKAD DU 'DI NI 'KHOR BA'I SPYOD PA YIN TE ZHES PA LA SOGS PAS BSTAN TE, DE GNYIS BZOD PA DANG SBYAR, NYI SHU PA 'KHOR GSUM RNAM PAR DAG PAS SPYOD PA THAMS CAD LA SANGS RGYAS DGYES PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA 'DI SNYAM DU GAL TE DE BZHIN GSHEGS PAS, JI SKAD BSTAN PA DE BZHIN DU BSLABS LA SPYOD PA DE DANG MA BRAL ZHING ZHES PA LA SOGS PAS BSTAN TE, DE NI 'JIG RTEN GYI CHOS KYI MCHOG DANG SBYAR TE, NYI SHU PO DE DAG NI SBYOR BA'I LAM LA GNAS PA BLA NA MED PA'I BYANG CHUB LAS PHYIR MI LDOG PA'I RTAGS BSTAN PA YIN NO, ,MTHONG BA'I LAM LA GNAS PA'I PHYIR MI LDOG PA'I RTAGS NI BDEN PA BZHI PO RE RE LA YANG RNAM PA BZHI BZHI'I DBYE BAS RNAM PA BCU DRUG STE, RANG GI MTSAN NYID STONG PAS GZUGS LA SOGS PA'I CHOS SU RTOG PA LAS LDOG PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO GANG LAS SLAR LDOG PA'I SLAD DU DES NA PHYIR MI LDOG PA ZHES BGYI BAR 'TSAL BAR BGYI BA LAGS ZHES PA MAN CHAD KYIS BSTAN, GNYIS PA SANGS RGYAS LA SOGS PAS BYIN GYIS BRLABS PAS BLA NA MED PA'I BYANG CHUB KYI SEMS BSTAN PA YANG MDO LAS, LE'U LNGA BCU PA'I KLAD NAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO'I DRUNG DU BDUD SDIG CAN 'ONGS NAS MOS PA BZLOG CING ZHES PA LA SOGS PAS BSTAN, GSUM PA THEG PA CHEN PO'I DRUNG DU CHOS BSGRUBS PAS THEG PA DMAN PA LAS LDOG PA YANG MDO LAS, DE NAS BCOM LDAN 'DAS LA TSE DANG LDAN PA RAB @222A *, ,'BYOR GYIS 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO YANG PHYIR MI LDOG PA ZHES BGYI'AM ZHES PA LA SOGS PAS BSTAN, BZHI PA RNAM PAR 'BYED PA'I MTHUS BSAM GTAN LA SOGS PAR SKYE BA'I YAN LAG YONGS SU ZAD PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO NI 'DOD NA BSAM GTAN DANG PO LA SNYOMS PAR 'JUG GO ZHES PA LA SOGS PAS BSTAN TE, DE BZHI NI SDUG BSNGAL GYI RNAM PA DANG SBYAR; LNGA BA MI DGE BA DANG BRAL BAS LUS SEMS YANG BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI BYANG CHUB SEMS DPA'I YID LA BYED PA DANG LDAN TE, BYANG CHUB KYI SEMS DANG MA BRAL BAS ZHES PA LA SOGS PAS BSTAN, DRUG PA SEMS CAN GDUL BA'I THABS LA MKHAS PAS ZHEN PA MED PAR 'DOD PA LA SPYOD PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI KHYIM GYI NANG NA GNAS SHING THABS LA MKHAS BAS SEMS CAN RNAMS YONGS SU SMIN PAR BYA BA'I PHYIR 'DOD PA'I YON TAN LNGA STON TE ZHES PA LA SOGS PAS BSTAN, BDUN PA YUL GYI NYES DMIGS MTHONG BAS RTAG TU TSANGS PAR SPYOD PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO DE KHYIM GYI NANG NA GNAS SHING 'DZAM BU'I GLING RIN PO CHE SNA BDUN GYIS BKAD STE SBYIN PAR BYED DO ZHES PA LA SOGS PAS BSTAN, BRGYAD PA SKYES BU DAM PA'I CHOS NYID KYIS YO BYAD RNAM PAR DAG PA YANG MDO LAS, RAB 'BYOR GYIS GSOL BA, BCOM LDAN 'DAS BYANG CHUB SEMS DPA' SEMS DPA' CHEN PO JI TZAM GYIS NA SKYES BU DAM PA LAGS KYI SKYES BU DAM PA MA LAGS PAR MI 'GYUR LAGS ZHES PA LA SOGS PAS BSTAN TE, DE BZHI NI KUN 'BYUNG BA'I RNAM PA DANG SBYAR, DGU PA STONG PA NYID LA GNAS PAS @222B PHUNG PO LA SOGS PA SBYOR BA DANG RJES SU SBYOR BAR MI BYA BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO RNAM PA DANG, RTAGS DANG, MTSAN MA GANG DAG DANG LDAN NA ZHES PA LA SOGS PAS BSTAN, BCU PA MI MTHUN PA'I PHYOGS BSAL BAS BAR CHAD BYED PA'I CHOS RNAMS LA SBYOR BA DANG, RJES SU SBYOR BA BKAG PA YANG MDO LAS, CHOM RKUN GYI GTAM GYI SBYOR BA LA BRTZON PAR MI GNAS SO ZHES PA LA SOGS PAS BSTAN, BCU GCIG PA RNAM PAR RTOG PA'I SKYON SHES PA MA SBYIN PA LA SOGS PA LA SBYOR BA DANG, RJES SU SBYOR BA'I GTAM LA GNAS PA BKAG PA YANG MDO LAS, DE DMAG GI GTAM GYI SBYOR BA LA BRTZON PAR MI GNAS SO ZHES PA LA SOGS PAS BSTAN, BCU GNYIS PA GZUNG 'DZIN SPANG BAR BYA BA YIN PA NYID KYIS DBANG PO LA BRTEN PA'I BDUD LA SOGS PA'I G-YUL 'GYED PA LA SBYOR BA DANG RJES SU SBYOR BA'I GNAS PA BKAG PA YANG MDO LAS, DE G-YUL 'GYED PA'I GTAM GYI SBYOR BA LA BRTZON PAR MI GNAS ZHES PA LA SOGS PAS BSTAN TE, DE BZHI NI 'GOG PA'I RNAM PA DANG SBYAR, BCU GSUM PA SBYIN PA LA SOGS PA'I KHYAD PAR RTOGS PAS SER SNA LA SOGS PA'I SBYOR BA DANG RJES SU SBYOR BA SO SOR BKAG PA YANG MDO LAS, DE PHA ROL TU PHYIN PA DRUG PO DE DAG GIS GNAS SHING DE SBYIN PA'I PHA ROL TU PHYIN PA LA SPYOD DE, SER SNA'I SBYOR BA LA BRTZON PAR MI GNAS SO ZHES PA LA SOGS PAS BSTAN, BCU BZHI PA CHOS THAMS CAD RNAM PAR THAR PA'I SGOG SUM YIN PAS RTOG PA'I CHOS RDUL TZAM YANG MI DMIGS PA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI NANG STONG PA NYID LA GNAS PA DANG ZHES PA LA SOGS PAS BSTAN, BCO LNGA PA YID CHES PA THOB PAS THAMS CAD MKHYEN PA NYID GSUM GYI BDAG NYID KYI SA GSUM LA JI LTA BA BZHIN DU NGES PA NYID GYIS GNAS PA YANG MDO LAS, RAB 'BYOR 'DI LTA STE, DPER NA, RGYUN TU @223A *, ,ZHUGS PA'I GANG ZAG RGYUN TU ZHUGS PA'I 'BRAS BU'I SA LA GNAS PA NI RANG GI SA LA SOM NYI MED CING THE TSOM MI ZA'O ZHES PA LA SOGS PAS BSTAN, BCU DRUG PA GCIG TU GZHOL BAS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA YANG MDO LAS, RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI DAM PA'I CHOS YONGS SU GZUNG BA'I CHED DU BDAG KYANG YONGS SU GTONG BAR BYED LA SROG KYANG YONGS SU GTONG BAR BYED DO ZHES PA LA SOGS PAS BSTAN TE, DE BZHI NI LAM GYI RNAM PA DANG SBYAR RO, ,BSGOM PA'I LAM LA GNAS PA'I PHYIR MI LDOG PA NI MDO LAS, MTSAN NYID KYI KHYAD PAR DANG, KHYAD PAR GYI GZHI DANG, RNAM PA DANG, DON DAM PAR BSOD NAMS GRANGS MED PA LA SOGS PA MI DMIGS KYANG KUN RDZOB TU THUGS BRTZE BA'I RGYU MTHUN PAR GYUR PA BSOD NAMS GRANGS MED PA LA SOGS PA SKYED PAR GSUNGS PA DANG, BRJOD DU MED PA LA NYAMS PA DANG, 'PHEL BA MED PAR RGOL BA DANG, DE'I LAN BYANG CHUB JI LTA BA BZHIN DU BSDO BAS KUN RDZOB TU 'DOD PA'I DON SGRUB PAR BYED LA DON DAM PAR 'PHEL 'GRIB MED PAS NYES PA MED PAR BSTAN PA DANG, DE LTA YIN YANG KUN RDZOB TU YANG DON BYED PAR MI RUNG BAR BSGOM PA DANG, DE'I LAN MAR NGO'I DPES ZAB MO'I CHOS NYID RNAM PA BRGYAD KHONG DU CHUD PAR BSTAN PA DANG, ZAB MO BRGYAD YUL GANG LA YIN PA DNGOS SU BSTAN PA RNAMS DANG DON DGUS BSTAN TE, DE LA KHYAD PAR NI STONG PA NYID LA GZUGS MED PAS SGRO 'DOGS PA DANG BRAL BA DANG, GZUGS LA SOGS PA NYID GZHAN MA YIN PAS SKUR PA'I MTHA' DANG BRAL BAS BSGOM PA'I LAM ZAB PA STE, DE YANG MDO LAS, LE'U LNGA BCU GCIG PA'I KLAD NAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO NI YON TAN CHEN PO DANG LDAN PA LAGS SO ZHES PA LA SOGS @223B PAS BSTAN, KHYAD PAR GYI BZHI NI SBYOR BA'I LAM DANG MTHONG BA'I LAM DANG, BSGOM PA'I LAM LA YANG NAS YANG DU SEMS PA DANG 'JAL BAR BYED PA LA SOGS PAS BSTAN TE, DE YANG MDO LAS, DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, RAB 'BYOR GANG GI TSE BYANG CHUB SEMS DPA' SEMS DPA' CHEN POS JI LTAR BSTAN PA'I SHES RAB KYI PHA ROL TU PHYIN PA LA BDAG GIS 'DI LTAR GNAS PAR BYA'O ZHES PA NAS, DE SNYED KYI BSKAL PAR 'KHOR BA SPONG BAR 'GYUR BA, BSNYIL BAR 'GYUR RO ZHES PA'I BAR GYIS KHYAD PAR GYI GZHI BSOD NAMS MANG BA'I DPE DANG BCAS PAR BSTAN, RNAM PA NI CHUNG NGU'I CHUNG DU LA SOGS PA'I DBYE BA YANG DGU STE, DE LA CHUNG NGU'I CHUNG NGU YANG MDO LAS, RAB 'BYOR BYANG CHUB SEMS DPA' SEMS DPA' CHEN PO DE LTAR JI SKAD BSTAN PA'I SHES RAB KYI PHA ROL TU PHYIN PA LA RNAL 'BYOR DU BYA BA LA BRTZON ZHING ZHES PA MAN CHAD KYIS BSTAN, CHUNG NGU'I 'BRING YANG MDO LAS, RAB 'BYOR BYANG CHUB SEMS DPA' SEMS DPA' CHEN PO DE SHES RAB KYI PHA ROL TU PHYIN PA DANG BRAL BAR BSKAL PA GANG+G'A'I KLUNG GI BYE MA SNYED DU DKON MCHOG GSUM PO ZHES PA LA SOGS PAS BSTAN, CHUNG NGU'I CHEN PO YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BAR BSKAL PA GANG+G'A'I KLUNG GI BYE MA SNYED DU GNAS SHING RGYUN TU ZHUGS PA RNAMS LA SBYIN PA SBYIN PA DANG ZHES PA MAN CHAD KYIS BSTAN, 'BRING GI CHUNG DU YANG MDO LAS, RAB 'BYOR 'DI JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BA GANG ZHIG BSKAL PA GANG+G'A'I KLUNG GI BYE MA SNYED DU GNAS SHING SBYIN PA SBYIN PA DANG ZHES PA MAN CHAD KYIS BSTAN, 'BRING GI 'BRING YANG MDO LAS, RAB 'BYOR 'DI JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BA GANG ZHIG BSKAL PA GANG+G'A'I KLUNG GI BYE MA SNYED DU GNAS @224A *, ,SHING CHOS KYI SBYIN PA SBYIN PAR BYED NA ZHES PA LA SOGS PAS BSTAN, 'BRING GI CHEN PO YANG MDO LAS, RAB 'BYOR 'DI JI SNYAM DU SEMS, BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA DANG BRAL BA ZHIG GIS BSKAL PA GANG+G'A'I KLUNG GI BYE MA SNYED DU DRAN PA NYE BAR GZHAG PA BZHI LA BRTZON PAR BYAS PA DANG ZHES PA LA SOGS PAS BSTAN, CHEN PO'I CHUNG DU YANG MDO LAS, RAB 'BYOR 'DI JI SNYAM DU SEMS, BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA DANG BRAL BA ZHIG GIS BSKAL PA GANG+G'A'I KLUNG GI BYE MA SNYED DU GNAS SHING ZANG ZING GI SBYIN PA DANG CHOS KYI SBYIN PA DANG ZHES PA LA SOGS PAS BSTAN, CHEN PO'I 'BRING YANG MDO LAS, RAB 'BYOR 'DI JI SNYAM DU SEMS, RIGS KYI BU 'AM RIGS KYI BU MO GANG SHES RAB KYI PHA ROL TU PHYIN PA DANG BRAL BA GANG LA LA ZHIG GIS BSKAL PA GANG+G'A'I KLUNG GI BYE MA SNYED DU GNAS TE, 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS ZHES PA LA SOGS PAS BSTAN, CHEN PO'I CHEN PO YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GANG MNGON PAR 'DU BGYIS PA THAMS CAD NI KUN BRTAGS PA'O ZHES BCOM LDAN 'DAS KYIS BKA' STZAL NA ZHES PA LA SOGS PAS BSTAN, DON DAM PAR BSOD NAMS GRANGS MED PA LA SOGS PA MI DMIGS KYANG KUN RDZOB TU THUGS BRTZE BA'I RGYU MTHUN PAR GYUR PA BSOD NAMS GRANGS MED PA LA SOGS PA SKYE BA YANG MDO KLAS, RAB 'BYOR GYIS GSOL BA, BCOM LDAN 'DAS GRANGS MA MCHIS PA DANG DPAG TU MA MCHIS PA DANG TSAD MA MCHIS PA LA NI BYE BRAG CI MCHIS, THA DAD DU BGYI BA NI CI MCHIS ZHES PA LA SOGS PAS BSTAN, BRJOD DU MED PA LA NYAMS PA MED PA DANG 'PHEL BA MED PAR RGOL BA YANG MDO LAS, DE SKAD CES BKA' STZAL BA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS JI TZAM DU DE BZHIN GSHEGS @224B PAS CHOS RNAMS KYI CHOS NYID 'DI BKA' STZAL LA CHOS NYID DE YANG BRJOD DU MA MCHIS PA DE NI NGO MTSAR LAGS SO ZHES PA LA SOGS PAS BSTAN, DE'I LAN DU BYANG CHUB JI LTA BA BZHIN BSNGO BAS KUN RDZOB TU 'DOD PA'I DON SGRUB PAR BYED LA, DON DAM PAR 'PHEL 'GRIB MED PAS NYES PA MED PAR BSTAN PA YANG MDO LAS, RAB 'BYOR DE DE BZHIN NO, ,DE DE BZHIN TE, BRJOD DU MED PA'I DON LA NI 'PHEL BA DANG YONGS SU 'GRIB PA MED DO ZHES PA MAN CHAD KYIS BSTAN, DE LTA YIN NA YANG KUN RDZOB TU YANG DON BYED PAR MI NUS PAR RGOL BA YANG MDO LAS, RAB 'BYOR GYIS GSOL PA, BCOM LDAN 'DAS KYI BYANG CHUB SEMS DPA' SEMS DPA' CHEN PO SEMS BSKYED PA DANG POS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYAB LAGS SAM ZHES PA LA SOGS PAS BSTAN, DE'I LAN MAR ME'I DPES ZAB MO'I CHOS NYID RNAM PA BRGYAD KHONG DU CHUD PAR 'GYUR BAR BSTAN PA YANG DPE NI MDO LAS, BCOM LDAN 'DAS KYIS BKA' STZAL PA, RAB 'BYOR 'DI LA SKYES BU MKHAS PA LA DAG NI DPES BSHAD PA'I DON SHES PAR 'GYUR BAS NA DE'I PHYIR 'DI LTA STE, BSHAD PA'I DON SHES PAR BYA BA'I PHYIR KHYOD LA DPES BSTAN PAR BYA'O ZHES PA LA SOGS PAS BSTAN, ZAB MO'I CHOS NYID DANG PO NI SKAD CIG MA SNGA PHYIS KYANG MA YIN LA NGO BO NYID MED PAS KYANG MA YIN PAR RAB TU RTOGS NAS DON KHYAD PAR DU 'PHAGS PA BSKYED DO ZHES BYA BA RTEN CING 'BREL PAR 'BYUNG BA ZAB PA YANG MDO LAS, BCOM LDAN 'DAS KYIS BKA' STZAL BA, RAB 'BYOR DE BZHIN DU SEMS BSKYED PA DANG POS KYANG BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA LA ZHES PA LA SOGS PAS BSTAN, DNGOS PO 'BYUNG BA SNGON NYID NAS NGO BO NYID MED LA KUN RDZOB TU YANG 'GAG GO ZHES BYA BAR BSTAN PA NI GNYIS PA STE, DE YANG MDO LAS, BCOM LDAN 'DAS KYIS BKA' STZAL PA, RAB 'BYOR 'DI SNYAM DU SEMS, SEMS GANG 'GAGS PA DE PHYIR SKYE BAR 'GYUR SNYAM MAM ZHES PA LA SOGS @225A *, ,PAS BSTAN, DUS KUN DU DE BZHIN NYID GOMS KYANG DE MNGON DU MI BYED PA NI GSUM PA STE, MDO LAS, BKA' STZAL PA, RAB 'BYOR 'DI JI SNYAM DU SEMS, DE BZHIN NYID JI LTA BA DE LTAR GNAS PAR 'GYUR SNYAM MAM ZHES PA LA SOGS PAS BSTAN, BZHI PA DE BZHIN NYID KYI RANG BZHIN GYI CHOS THAMS CAD SBYIN PA LA SOGS PAS RNAM PA DU MA BSDUS PA YANG MDO LAS, BKA' STZAL PA, RAB 'BYOR 'DI JI SNYAM DU SEMS, GANG DE LTAR SPYOD PA DE SHES RAB KYI PHA ROL TU PHYIN PA ZAB MO LA SPYOD SNYAM MAM ZHES PA LA SOGS PAS BSTAN, LNGA PA DANG; DRUG PA DAG MDO DANG LTAG 'OG MI MTHUN TE, DRUG PA CHOS NYID KYI THAMS CAD LA SPYOD PA MED PA NYID SPYOD PA YIN PA YANG MDO LAS, BKA' STZAL PA, RAB 'BYOR 'DI JI SNYAM DU SEMS, GANG DE LTAR SPYOD PA DE CI ZHIG LA SPYOD SNYAM ZHES PA LA SOGS PAS BSTAN, LNGA PA DE BZHIN NYID KYI NGO BO NYID KYIS MTHONG BA MED PA MTHONG BA YIN PA YANG MDO LAS, DE CI'I SLAD DU ZHE NA, BCOM LDAN 'DAS 'DI LTAR DE BZHIN NYID LA GNAS PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA RGYU BA DE DAG KYANG MI 'BYUNG ZHING KUN DU SPYOD PA'I SLAD DU'O ZHES PA LA SOGS PAS BSTAN, BDUN PA GNYIS SU MED PA'I NGO BO NYID THAMS CAD SGRUB PA YANG MDO LAS, DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA 'DI LA SPYOD PA YIN ZHES PA LA SOGS PAS BSTAN, BRGYAD PA TSOGS THAMS CAD YONGS SU RDZOGS LA 'BRAS BU SANGS RGYAS NYID MI THOB PA THABS LA MKHAS PA YANG MDO LAS, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA 'DI LA SPYOD PA NI DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD @225B YONGS SU MA RDZOGS PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA STE ZHES PA LA SOGS PAS BSTAN, SPYI DON BRGYAD KYIS BSTAN PA'I BZHI PA RNAM PA KUN MNGON PAR RDZOGS PAR RTOGS PA LA DON BCU GCIG GIS BSTAN PA'I DGU PA 'KHOR BA DANG MYA NGAN LAS 'DAS PA MNYAM PA NYID KYANG LE'U LNGA BCU RTZA GNYIS PA'I KLAD NAS, MDO'I TSIG DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR BYANG CHUB SEMS DPA' GANG ZHIG RMI LAM NA STONG PA NYID DANG, MTSAN MA MED PA DANG, SMON PA MED PA'I TING NGE 'DZIN GSUM LA SNYOMS PAR ZHUGS NA ZHES PA MAN CHAD KYIS BSTAN, DON BCU PA SANGS RGYAS KYI ZHING YONGS SU DAG PA YANG MDO'I TSIG ,RAB 'BYOR BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PAS SEMS CAN BKRES PA RNAMS MTHONG NGAM ZHES PA LA SOGS PAS BSTAN, DON BCU GCIG PA THABS LA MKHAS PA YANG YUL DANG SBYOR BA DANG DBYE BA'I BYE BRAG GIS GSUM TE DE LA YUL YANG LE'U LNGA BCUR TZA BZHI PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO ZHES PA NAS MGO DRANG NAS, 'OG NAS, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GZUGS STONG ZHES BYA BAR SO SOR BRTAG PAR BYA'O ZHES PA LA SOGS PAS BSTAN, SBYOR BA YANG MDO'I TSIG ;BYANG CHUB SEMS DPA' SEMS DPA' CHEN PO NI MNYAM PAR MA BZHAG PA NYID DU SEMS DMIGS PA LA 'DOGS TE ZHES PA MAN CHAD KYIS BSTAN, THABS KYI DBYE BA NI BCU STE BAR CHAD MED PA LAS YANG DAG PAR 'DA' BA'I THABS NI MDO'I TSIG ,RAB 'BYOR 'DI LTA STE DPER NA, SKYES BU LA LA ZHIG DPA' BRTUL PHOD PA ZHES PA LA SOGS PAS BSTAN, MI GNAS PAR GNAS PA'I THABS KYANG MDO'I TSIG ,RAB 'BYOR 'DI LTA STE DPER NA, 'DAB CHAGS BYA NI BAR SNANG LA RGYU YANG SA LA MI LTUNG NGO ZHES PA MAN CHAD KYIS BSTAN, SMON @226A *, ,LAM GRUB PAS GZHAN GYI DON SNGON GYI SHUGS KYIS 'PHANGS PAR BYED PA'I THABS KYANG MDO'I TSIG ,RAB 'BYOR 'DI LTA STE DPER NA SKYES BU MTHU DANG LDAN PA 'PHONG GI SLOB DPON DU GYUR PA ZHES PA MAN CHAD KYIS BSTAN, DKA' BA SPYAD PA SHIN TU GOMS PAS THUN MONG MA YIN PA'I THABS KYANG MDO'I TSIG ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO GANG CHOS NYID 'DI LA SLOB PA DANG ZHES PA MAN CHAD KYIS BSTAN, CHOS THAMS CAD LA 'DZIN PA MED PA'I THABS KYANG MDO'I TSIG ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO GANG 'DI ZAB MO'I GNAS 'DI LTA STE ZHES PA MAN CHAD KYIS BSTAN, RNAM PAR THAR PA'I SGO STONG PA NYID KYIS MI DMIGS PA'I THABS KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO 'DI SNYAM DU SEMS CAN 'DI DAG NI YUN RING PO NAS BDAG CES BYA BA'AM ZHES PA MAN CHAD KYIS BSTAN, MTSAN MA MED PA NYID KYIS MTSAN MA MED PA'I THABS KYANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI 'DI SNYAM DU SEMS CAN 'DI DAG NI YUN RING PO NAS BUD MED KYI MTSAN MA 'AM ZHES PA MAN CHAD KYIS BSTAN, SMON PA MED PA NYID KYIS SMON PA MED PA'I THABS KYANG MDO'I TSIG , RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI 'DI SNYAM DU SEMS CAN 'DI DAG NI YUN RING PO NAS SMON LAM SPYOD PA DAG STE, 'DI BRGYA BYIN DANG ZHES PA MAN CHAD KYIS BSTAN, YUL TSAD MED PA LA MKHAS PA YANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN PO GANG PHA ROL TU PHYIN PA DRUG LA SPYOD PA DANG, ZHES PA MAN CHAD KYIS BSTAN, DRI BA SNGON DU BTANG BA'I PHYIR MI LDOG PA'I CHOS BRJOD PAS PHYIR MI LDOG PA'I RTAGS KYANG MDO'I TSIG ,RAB 'BYOR BYANG CHUB @226B SEMS DPA' SEMS DPA' CHEN PO DE LTAR SPYOD CING BYANG CHUB KYI PHYOGS DE DAG LA YONGS SU 'DRIS PAR BYED PA LA ZHES PA MAN CHAD KYIS BSTAN TO, ,SPYI DON BRGYAD KYIS BSTAN PA'I LNGA PA RTZE MOR PHYIN PA LA YANG DON BRGYAD KYIS BSTAN TE, RTAGS DANG, RNAM PAR 'PHEL BA DANG, BRTAN PA DANG; SEMS GNAS PA DANG, MTHONG BA'I LAM LA RNAM PAR RTOG PA BZHI'I GNYEN PO DANG, BSGOM PA'I LAM LA RNAM PAR RTOG PA BZHI'I GNYEN PO DANG, BAR CHAD MED PA'I TING NGE 'DZIN DANG, LOG PAR BSGRUB PA'O, ,DE LA RTAGS LA YANG BCU GNYIS TE, RMI LAM NA YANG NYAN THOS LA SOGS PA'I SA LA DGA' BA'I SEMS MI BSKYED PA NI LE'U LNGA BCU RTZA LNGA PA'I KLAD NAS, RAB 'BYOR GZHAN YANG BYANG CHUB SEMS DPA' SEMS DPA' CHEN POS RMI LAM NA YANG NYAN THOS KYI SA 'AM ZHES PA LA SOGS PAS BSTAN, RMI LAM NA YANG CHOS THAMS CAD RMI LAM LTA BUR LTA BA NI MDO LAS CHOS THAMS CAD RMI LAM LTA BU NYID DU LTA ZHING ZHES PA MAN CHAD KYIS BSTAN, DE BZHIN GSHEGS PA LA SOGS PA MTHONG BA YANG MDO'I TSIG ,RAB 'BYOR GZHAN YANG GAL TE BYANG CHUB SEMS DPA' SEMS DPA' CHEN POS RMI LAM NA DE BZHIN GSHEGS PA 'KHOR BRGYA PHRAG DU MA DANG ZHES PA MAN CHAD KYIS BSTAN, SANGS RGYAS KYI RDZU 'PHRUL RNAM PAR 'PHRUL PA DMIGS PA YANG MDO'I TSIG ,RAB 'BYOR GZHAN YANG GAL TE BYANG CHUB SEMS DPA' SEMS DPA' CHEN POS RMI LAM NA DE BZHIN GSHEGS PA SKYES BU CHEN PO'I MTSAN SUM CU RTZA GNYIS DANG ZHES PA MAN CHAD KYIS BSTAN, CHOS STON PA'I SEMS SKYE BA YANG MDO'I TSIG ,RAB 'BYOR GZHAN YANG BYANG CHUB SEMS DPA' SEMS DPA' CHEN POS RMI LAM NA GRONG 'JOMS PA 'BYUNG BA 'AM ZHES PA MAN CHAD KYIS BSTAN, RANG GI SANGS RGYAS KYI ZHING NGAN SONG SPANGS PA RJES SU DRAN PA YANG MDO'I TSIG ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I SANGS RGYAS KYI ZHING DER NGAN SONG GSUM PO DE DAG CES PA MAN CHAD @227A *, ,KYIS BSTAN, BDEN PA'I BYIN RLABS GRUB PA YANG MDO'I TSIG ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN POS RMI LAM MAM SAD PA NA GRONG KHYER TSIG PA MTHONG BA NA ZHES PA MAN CHAD KYIS BSTAN, MI MA YIN PA MED PAR BYA BA'I TSIG GRUB PA NI MDO'I TSIG ,RAB 'BYOR SKYES PA 'AM BUD MED GANG YANG RUNG BA ZHIG MI MA YIN PAS BYIN GYIS BRLABS PAR GYUR NA ZHES PA MAN CHAD KYIS BSTAN, RANG GI MNGON PAR SHES PAS PHA ROL ZIL GYIS GNON PA'I DGE BA'I BSHES GNYEN BSTEN PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PAS DGE BA'I BSHES GNYEN LA BSNYEN PAR BYA, BSNYEN BKUR BYA'O ZHES PA MAN CHAD KYIS BSTAN, RNAM PA THAMS CAD DU SHES RAB KYI PHA ROL TU PHYIN PA LA SLOB PA YANG MDO LAS, RAB 'BYOR PHA ROL TU PHYIN PA DRUG NI STON PAR RIG PAR BYA'O, ,PHA ROL TU PHYIN PA DRUG NI LAM DU RIG PAR BYA'O ZHES PA LA SOGS PAS BSTAN, THAMS CAD LA MNGON PAR ZHEN PA MED PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA'I MTSAN NYID JI LTA BU LAGS ZHES PA MAN CHAD KYIS BSTAN, SANGS RGYAS KYI BYANG CHUB LA NYE BAR GYUR PA YANG MDO LAS; DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS DE LTAR SPYOD PA'I BYANG CHUB SEMS DPA' SEMS DPA' CHEN PO NI GZUGS LA MI SPYOD DO ZHES PA LA SOGS PAS BSTAN TO, ,SPYI DON BRGYAD KYIS BSTAN PA'I LNGA PA RTZE MOR PHYIN PA LA DON BRGYAD KYIS BSTAN PA'I GNYIS PA RNAM PAR 'PHEL BA YANG DON BCU DRUG TU PHYE BA'I DANG PO 'JIG RTEN GYI KHAMS KYI SEMS CAN MA LUS PA DE BZHIN GSHEGS PAR GYUR BA LA MCHOD BA BAS 'PHEL BA YANG MDO LAS, BCOM LDAN 'DAS KYIS BKA' @227B STZAL PA; RAB 'BYOR 'DI JI SNYAM DU SEMS, 'DZAM BU'I GLING GI SEMS CAN JI SNYED PA DE DAG THAMS CAD KYIS MI'I LUS THOB PAR GYUR LA ZHES PA LA SOGS PAS BSTAN, GNYIS PA KHYAD PAR DU SHES RAB KYI PHA ROL TU PHYIN PA YID LA BYED PAS 'PHEL BA YANG MDO LAS, RAB 'BYOR 'DI LTA STE DPER NA SNGON CHAD NOR BU RIN PO CHE RNYED MA MYONG BA ZHIG YOD LA DES DUS GZHAN ZHIG NA NOR BU RIN PO CHE RNYED PAR GYUR TE ZHES PHA LA SOGS PAS BSTAN, GSUM PA NI MI SKYE BA'I CHOS LA BZOD PA THOB PAS 'PHEL BA YANG MDO LAS, DE SKAD CES BKA' STZAL PA DANG; BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS YID LA BGYID PA THAMS CAD NI RANG BZHIN DANG BRAL BA LA GSAL YID CHES BGYID PA THAMS CAD NI RANG BZHIN GYIS STONG PA LAGS NA ZHES PA MAN CHAD KYIS BSTAN, BZHI PA BYANG CHUB PAR BYA BA DANG BYANG CHUB PAR BYED PA'I CHOS MI DMIGS PAS 'PHEL BA YANG, MDO LAS, DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR 'DI JI SNYAM DU SEMS, KHYOD KYIS CHOS GANG BLA NA MED PA YANG DAG PAR RDZOGS PA'I BYANG CHUB TU LUNG BSTAN PA'I CHOS DE YANG DAG PAR RJES SU MTHONG SNYAM MAM ZHES PA LA SOGS PAS BSTAN, LNGA PA DGE BA BCU LA SOGS PA DANG GZUGS DANG GZUGS MED PA LA SNYOMS PAR 'JUG PA THOB PA BAS 'PHEL PA YANG MDO LAS, LE'U LNGA BCU RTZA DRUG PA'I KLAD NAS, DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA 'DI NI ZAB PA MTHONG BAR DKA' BA ZHES PA MAN CHAD KYIS BSTAN, DRUG PA LHA'I RIS THAMS CAD NYE BAR 'ONG BA DANG, BDUN PA BDUD THAMS CAD ZIL GYIS GNON PA DANG, LTAG 'OG GI MI MTHUN PA MDO BTZAN PAR BYAS NAS, BDUN PA BDUD THAMS CAD ZIL GYIS GNON PA YANG MDO LAS, DE NAS DGE SLONG ZHIG GIS LHA'I DBANG PO BRGYA BYIN LA 'DI @228A *, ,SKAD CES SMRAS SO, ,KOO SHI KA RIGS KYI BU 'AM RIGS KYI BU MO GANG DAG G-YENG BA MED PA'I SEMS KYIS SHES RAB KYIS PHA ROL TU PHYIN PA ZAB MO 'DI 'DZIN PA DANG ZHES PA MAN CHAD KYIS BSTAN, LHA'I RIGS THAMS CAD NYE BAR 'ONG BA YANG MDO LAS, BYANG CHUB SEMS DPA' SEMS DPA' CHEN PO GANG DAG JI SKAD BSTAN PA'I SHES RAB KYI PHA ROL TU PHYIN PA LA SPYOD PA NI JI SKAD BSTAN PA'I SHES RAB KYI PHA ROL TU PHYIN PA'I RJES SU 'JUG PA STE ZHES PA MAN CHAD KYIS BSTAN, BRGYAD PA STON PA DANG 'DRA BAR SKYE BO THAMS CAD LA MTSUNGS PA ZHES BYA BA BSOD NAMS BRGYAD KYIS 'PHEL BA YANG MDO LAS, BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI LA SPYOD PA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYANG RAB TU DGONGS PAR 'GYUR RO ZHES PA MAN CHAD KYIS BSTAN, DGU PA RNAM PA THAMS CAD DU THABS LA MKHAS PAS BSLAB PA YONGS SU DAG PAR 'PHEL BA YANG MDO LAS, DE NAS TSE DANG LDAN PA KUN DGA' BO 'DI SNYAM DU SEMS TE CI STE LHA'I DBANG PO BRGYA BYIN 'DI BDAG RANG GI SPOBS PAS SHES RAB KYI PHA ROL TU PHYIN PA STON TAM, 'ON TE SANGS RGYAS KYI MTHUS STON SNYAM MO ZHES PA LA SOGS PAS BSTAN, BCU PA SANGS RGYAS KYI RIGS CAN DU GYUR PAS 'PHEL BA YANG MDO LAS, LE'U LNGA BCU RTZA BDUN PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN POS MNYAM PA NYID GANG LA BSLAB PAR BGYI BA'I BYANG CHUB SEMS DPA' SEMS DPA' CHEN PO RNAMS KYI MNYAM PA NYID DE GANG LAGS ZHES PA LA SOGS PAS BSTAN, BCU GCIG PA 'BRAS BU SANGS RGYAS NYID 'THOB PA'I RGYU MTSAN GYIS 'PHEL BA YANG MDO LAS, DE SKAD CES BKA' STZAL PA DANG, BCOM LDAN 'DAS LA CHE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD RANG BZHIN GYIS @228B YONGS SU DAG PA LAGS NA BYANG CHUB SEMS DPA' SEMS DPA' CHEN POS CHOS GANG ZHIG YONGS SU DAG PA RTOGS PAR 'GYUR PA LAGS ZHES PA LA SOGS PAS BSTAN, BCU GNYIS PA PHA ROL TU PHYIN PA'I MI MTHUN PA'I PHYOGS KYI SEMS MI SKYE BAS 'PHEL BA YANG MDO LAS; RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI SER SNA DANG LDAN PA'I SEMS MI BSKYED DO ZHES PA LA SOGS PAS BSTAN, BCU GSUM PA GZUGS LA SOGS PA DANG LDAN PAR RTOGS PA'I SEMS MI SKYE BAS 'PHEL BA YANG MDO LAS, GZUGS DANG LDAN PA'I SEMS MI SKYED DO, ,TSOR BA DANG, 'DU SHES DANG, 'DU BYED DANG, RNAM PAR SHES PA DANG LDAN PA'I SEMS MI SKYED DO ZHES PA LA SOGS PAS BSTAN, BCU BZHI PA PHA ROL TU PHYIN PA KUN BSDUS PAS 'PHEL BA YANG MDO LAS, RAB 'BYOR DE LTAR SHES RAB KYI PHA ROL TU PHYIN PA ZAB MO 'DI LA SPYOD PA'I BYANG CHUB SEMS DPA' SEMS DPA' CHEN PO PHA ROL TU PHYIN PA DRUG PO THAMS CAD YANG DAG PAR BZUNG BA YIN NO ZHES PA LA SOGS PAS BSTAN, BCO LNGA PA PHUN SUM TSOGS PA THAMS CAD 'THOB PAS 'PHEL BA YANG MDO LAS, DE CI'I PHYIR ZHE NA, RAB 'BYOR SHES RAB KYI PHA ROL TU PHYIN PA LA SLOB PA'I BYANG CHUB SEMS DPA' SEMS DPA' CHEN POS PHUN SUM TSOGS BA GANG 'THOB PAR BYA BA DE DAG LAS MI 'THOB PA GANG YANG MED DO ZHES PA LA SOGS PAS BSTAN, BCU DRUG PA YANG DAG PAR RDZOGS PA'I BYANG CHUB LA NYE BAR GYUR PAS 'PHEL BA YANG MDO LAS, RAB 'BYOR 'DI LTAR SLOB PA'I BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID DANG NYE BAR GYUR PA YIN TE ZHES PA LA SOGS PAS BSTAN, RTZE MOR PHYIN PA LA DON BRGYAD KYIS BSTAN PA'I GSUM PA BSTAN PA YANG MDO LAS, LE'U LNGA BCU RTZA BRGYAD PA'I KLAD NAS, DE NAS LHA'I DBANG PO BRGYA BYIN 'DI SNYAM DU SEMS TE, 'DI LA BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA DANG ZHES PA LA @229A *, ,SOGS PAS BSTAN, RTZE MO LA DON BRGYAD KYIS BSTAN PA'I BZHI PA SEMS KUN DU GNAS PA YANG MDO LAS, BCOM LDAN 'DAS RIGS KYI BU 'AM RIGS KYI BU MO GANG GIS THEG PA LA GSAR DU ZHUGS PA'I BYANG CHUB SEMS DPA' SEMS DPA' CHEN PO RNAMS KYIS SEMS BSKYED PA LA RJES SU YI RANG BAR BGYID PA DANG ZHES PA LA SOGS BSTAN, DON DE BZHI NGES PAR 'BYED PA'I CHA DANG MTHUN PA BZHI DANG GO RIMS BZHIN SBYAR RO, ,RTZE MO LA DON BRGYAD KYIS BSTAN PA'I LNGA PA MTHONG BA'I LAM LA GZUNG BAR RTOG PA GNYIS TE, 'JUG PA LA RTOG PA DANG, LDOG PA LA RTOG PA'O, ,'DZIN PAR RTOG PA LA YANG GNYIS TE, SKYES BU RDZAS SU 'DZIN PA DANG, BTAGS PAR YOD PAR 'DZIN PA DANG, DE LTAR BZHI PO RE RE LA DGU DGUR DBYE BA LAS RTOG PA DGU'I DANG PO DBEN PAS MA RTOGS PA'I NGO BO NYID KYANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS JI LTAR NA SGYU MA LTA BU'I SEMS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR LAGS ZHES PA LA SOGS PAS BSTAN, GNYIS PA SA MI G-YO BA LA 'JUG PAS SANGS RGYAS KYI RIGS SU NGES PA YANG MDO LAS, RAB 'BYOR GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO NI DON ZAB MO LA SPYOD PA LAGS SO ZHES PA LA SOGS PAS BSTAN, GSUM PA SGYU MA LTA BUR RTOGS PAS MTHONG BA LA SOGS PA'I LAM YANG DAG PAR 'GRUB PA YANG MDO LAS, BCOM LDAN 'DAS 'DI LTA STE, DPER BGYI NA SGYU MA'I SKYES BU NI 'DI SNYAM DU SGYU MA NI BDAG DANG RING LA SGYU MA MKHAN DANG NI NYE'O ZHE'AM ZHES PA LA SOGS PAS BSTAN, BZHI PA SNANG BRNYAN TZAM DU ZAD PAS SHES PA'I DMIGS PA MA 'KHRUL BA YANG MDO LAS, BCOM LDAN 'DAS 'DI LTA STE DPER BGYI NA, GZUGS BRNYAN NI 'DI SNYAM DU DMIGS BA GANG GIS GZUGS BRNYAN 'BYUNG BA DE NI BDAG DANG NYE LA ME LONG DANG @229B CHAB DER MA BYUNG BA DER NI BDAG DANG RING NGO SNYAM DU MI SEMS LAGS SO ZHES PA LA SOGS PAS BSTAN, LNGA PA YON TAN DANG SKYON MTHONG BA SNGON DU 'GRO BA'I BLANG BA DANG DOR BA NYID KYIS MI MTHUN PA DANG, GNYEN PO YANG MDO LAS, BCOM LDAN 'DAS SHES RAB KYI PHA ROL TU PHYIN PA LA NI SDUG PA DANG MI SDUG PA MA MCHIS LAGS SO ZHES PA LA SOGS PAS BSTAN, DRUG PA DRI MA THAMS CAD DANG BRAL BA NYID KYIS RANG GI RTOGS PA YANG MDO LAS, TSE DANG LDAN PA SH'A RI'I BU SEMS CAN 'DI DAG NI PHYIN CI LOG LAS BYUNG BA'I LUS DANG NGAG DANG YID KYI LAS MNGON DU BYED DE, GZHI DE LAS 'DUN PA'I RTZA BA LAS BYUNG BA'I LAS KYI RNAM PAR SMIN PA YONGS SU 'DZIN CING MNGON PAR SGRUB PAR BYED DO ZHES PA LA SOGS PAS BSTAN, BDUN BA DMAN ZHING GYA NOM PA MA YIN PA NYID KYIS NYAN THOS LA SOGS PA'I SA THAG SRING BAR BYED PA YANG MDO LAS, DE NAS 'DOD PA NA SPYOD PA DANG, GZUGS NA SPYOD PA'I LHA'I BU RAB TU MANG PO DAG 'DI SNYAM DU SEMS SO ZHES PA LA SOGS PAS BSTAN, BRGYAD PA BSAM PA JI LTA BA DANG MTHUN PAR SPRUL PAS SEMS CAN GYI DON GYI LAS KYANG MDO LAS, DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG BYANG CHUB SEMS DPA' SEMS DPA' CHEN PO RNAMS LA GANG MNGON SUM DU BYAS PAS NYAN THOS KYI SA 'AM ZHES PA LA SOGS PAS BSTAN, DGU PA YANG DAG PA'I THABS LA MKHAS PA'I STOBS KYIS SKYE BO THAMS CAD MYA NGAN LAS 'DAS PA LA DGOD PA YANG MDO LAS, GANG SEMS CAN RNAMS GDUL BAR BYA 'AM SNYAM DU SEMS PA DE NI NAM MKHA' GDUL BAR BYA'O SNYAM DU SEMS PA YIN NO ZHES PA MAN CHAD KYIS BSTAN, GZUNG BAR RTOG PA GNYIS PA LDOG PA'I RTEN LA YANG DGUR PHYE BA'I DANG PO 'KHOR BA DANG MYA NGAN LAS 'DAS PA GANG YANG RUNG BAR LTUNG BA NYID KYIS RTOGS PA DMAN PA YANG MDO LAS, DE CI'I PHYIR ZHE NA, SEMS CAN DBEN PA'I PHYIR GO CHA DBEN PAR LTA BA'I PHYIR TE, GAL TE DE SKAD BSTAN PA NA BYANG CHUB SEMS @230A *, ,DPA' SEMS DPA' CHEN PO'I SEMS ZHUM PAR MI 'GYUR RO ZHE NA ZHES PA LA SOGS PAS BSTAN, GNYIS PA DGE BA'I BSHES GNYEN THABS LA MKHAS PA DANG BRAL BA NYID KYIS YONGS SU 'DZIN PA MED PA YANG MDO LAS, RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO'I DRUNG DU LHA'I BU RNAMS KYANG BSNYEN BSKUR BYA BA DANG YONGS SU ZHU BA DANG YONGS SU 'DRI BA'I PHYIR NYE BAR 'GRO BAR SEMS SHING ZHES PA LA SOGS PAS BSTAN, GSUM PA SGRIB PA MTHA' DAG GI GNYEN PO MA YIN PA NYID KYIS BSGRUB PA'I LAM MA TSANG BA YANG MDO LAS, DE CI'I PHYIR ZHE NA, RAB 'BYOR BYANG CHUB SEMS DPA' SEMS DPA' CHEN PO GANG DAG DE LTAR SANGS RGYAS KYI TSUL RGYUN MI 'CHAD PA'I PHYIR ZHUGS PA DE DAG NI DKA' BA BYED PA YIN PA'I PHYIR RO ZHES PA LA SOGS PAS BSTAN, BZHI PA DE BZHIN GSHEGS PA LA SOGS PA'I GDAMS NGAG LA LTOS PA DANG BCAS PA NYID KYIS GZHAN GYI RKYEN GYIS 'GRO BA YANG MDO LAS, RAB 'BYOR GYIS GSOL PA, BCOM LDAN 'DAS DE DAG GANG LAGS ZHES PA MAN CHAD KYIS BSTAN, LNGA PA SEMS CAN THAMS CAD KYI MCHOG GI SEMS CHEN PO NYID LA SOGS PA LA MI 'JUG PA NYID KYI CHED DU BYA BA LAS LA SOGS PA'I MDO LAS 'GREL PA DANG LTAG 'OG MI MTHUN TE 'OG NAS 'BYUNG, DRUG PA NYON MONGS PA'I SGRIB PA'I GNYEN PO NYID KYI LAM LA SOGS PA'I BYED PA NYI TSE BA YANG MDO LAS, RAB 'BYOR SANGS RGYAS BCOM LDAN 'DAS RNAMS KYIS BYANG CHUB SEMS DPA' SEMS DPA' CHEN PO GANG DAG GI MING YONGS SU BRJOD PA'I TSUL GYIS CHOS STON PA DANG ZHES PA MAN CHAD KYIS BSTAN, BDUN PA DMIGS PA DANG BCAS PA NYID KYIS 'BRAS BU DANG PO LA SOGS PA RTOG PA THA DAD PA NYID KYANG MDO LAS, RAB 'BYOR GYIS GSOL TO, ,BCOM LDAN 'DAS GANG DE BZHIN NYID DU GNAS SHING DE BZHIN NYID DU BSGRUBS NA CHOS GANG YANG DMIGS PAR MI 'GYUR BA LAGS NA ZHES PA LA SOGS PAS BSTAN, BLA NA MED PA DANG GONG NA MED PA ZHES @230B BYA BA YIN PA'I PHYIR RO ZHES PA'I BAR GYIS BSTAN, BAR 'DIR CHED DU BYA BA LAS LA SOGS PA BSTAN TE MDO LAS, KOO SHI KA DE LTA BAS NA BYANG CHUB SEMS DPA' SEMS DPA' CHEN PO SEMS CAN THAMS CAD KYI MCHOG TU 'GYUR BAR 'DOD PAS ZHES PA LA SOGS PAS BSTAN, BRGYAD PA MA RIG PA'I BAG LA NYAL THAMS CAD MA SPANGS PAS GNAS PA DANG 'GRO BA MI SHES PA DANG, DGU PA THEG PA CHEN PO THAMS CAD SDUD PAR BYED PA NYID KYIS RNAM PA THAMS CAD MKHYEN PA NYID MYA NGAN LAS 'DAS PA'I MTHAR THUG PAR 'GRO BA LA NYES PA DANG BCAS PA NYID KYIS GZUNG BAR BYA BA YIN PA NYID DU LDOG PAR BYA BA BSTAN PA YANG MDO DANG LTAG 'OG MI MTHUN TE DGU PA YANG MDO LAS, DE CI'I PHYIR ZHE NA, KOO SHI KA DE LTA BAS NA SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' SEMS DPA' CHEN PO NI NYAN THOS DANG RANG SANGS RGYAS KYI SA LAS 'DAS SHING ZHES PA LA SOGS PAS BSTAN, BRGYAD PA NI MDO LAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BAG CHAGS KYI MTSAMS SBYOR BA'I NYON MONGS PA THAMS CAD SPANGS PAS THOB PAR 'GYUR BA'I PHYIR RO ZHES PAS < BSTAN, DE LTAR GZUNG BAR RTOG PA BSTAN PA'I BAR 'DIR 'GREL PA LAS NI 'DZIN PAR RTOG PA RNAM PA GNYIS 'BYUNG NA MDO DANG LTAG 'OG MI MTHUN TE, MDO LAS MTHONG BA'I LAM GYI RGYU DANG 'BRAS BU DANG RANG BZHIN DANG BSGOM PA'I LAM BSTAN TE, DE LA RGYU LA YANG GSUM STE, BYANG CHUB LA GZHAN STON PA DANG, ,DE'I RGYU YONGS SU GTOD PA DANG, ,DE THOB PAR CHAD MED PA'I RGYU, ,BSOD NAMS MANG PO'I MTSAN NYID DO, ,DE LA BYANG CHUB LA GZHAN STON PA YANG MDO LAS, DE NAS 'KHOR DE NYID LAS SUM CU RTZA GSUM PA'I LHA RNAMS KYIS ME TOG MAN DA RA BA DAG BLANGS NAS BCOM LDAN 'DAS LA GTOR TO, ,MNGON PAR GTOR TO ZHES PA MAN CHAD KYIS BSTAN, DE'I RGYU YONGS SU GTOD PA YANG MDO LAS, KUN DGA' BO DE LTA BAS NA SHES RAB KYI PHA ROL TU PHYIN PA ZAB MO 'DI KHYOD LA YONGS SU GTAD DO ZHES PA MAN CHAD KYIS @231A *, ,BSTAN TO, ,BAR CHAD MED PA'I RGYU BSOD NAMS MANG PO'I MTSAN NYID KYANG MDO LAS, KUN DGA' BO 'DI JI SNYAM DU SEMS, CHOS BSTAN PA SNGA MA DES STONG GSUM GYI STONG CHEN PO'I 'JIG RTEN GYI KHAMS NA SEMS CAN GANG JI SNYED PA DE DAG THAMS CAD SNGA PHYI MED PAR MI'I LUS THOB NAS DGRA BCOM PA NYID MNGON SUM DU BYAS PAR GYUR NA ZHES PA LA SOGS PAS BSTAN, 'BRAS BU BYANG CHUB BSTAN PA YANG MDO LAS, LE'U DRUG CU RTZA GCIG PA'I KLAD NAS, DE NAS TSE DANG LDAN BA RAB 'BYOR 'DI SNYAM DU SEMS TE, KYE MA DE BZHIN GSHEGS PA'I BYANG CHUB 'DI ZAB STE ZHES PA MAN CHAD KYIS BSTAN, MTHONG BA'I LAM GYI RANG BZHIN BSTAN PA YANG MDO LAS, RAB 'BYOR DE LTA BAS NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA'I GNAS PAS GNAS PAR BYA'O, ,BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA'I GNAS PAS GNAS PA'I SBYIN PA'I PHA ROL TU PHYIN PA'I BSGOM PA YONGS SU RDZOGS PAR 'GYUR RO ZHES PA MAN CHAD KYIS BSTAN, SENG GE RNAM PAR BSGYINGS PA'I TING NGE 'DZIN YANG RANG BZHIN DU BSDU ZHING MTHONG BA'I LAM GYI RNAL 'BYOR PA DE YANG DANG YANG DU SGOM PAR BYED PA MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA GNAS PA JI LTAR BSAM GTAN GYI PHA ROL TU PHYIN PA YONGS SU 'DZIN PA LAGS ZHES PA LA SOGS PAS BSTAN, RTEN BSGOM PA'I LAM YANG MDO LAS, DES DE LTAR SENG GE RNAM PAR BSGYINGS PA'I TING NGE 'DZIN RNAM PAR DBYE BA BYAS NAS THOD RGAL GYI TING NGE 'DZIN LA SNYOMS PAR 'JUG GO ZHES PA LA SOGS PAS BSTAN, MTHONG BA'I LAM GYIS SPONG BA'I 'DZIN PAR RTOG PA GNYIS LAS, DANG PO SKYES BU RDZAS SU YOD PAR RTOG PA YANG MDO LE'U DRUG CU RTZA GSUM PA'I KLAD NAS, RAB 'BYOR 'DI LTA STE DPER NA, NYI MA'I DKYIL @231B 'KHOR DANG ZLA BA'I DKYIL 'KHOR NI GLING BZHI SNANG BAR BYED LA GLING BZHI DANG MTHUN PAR 'GRO ZHING MTHUN PAR 'KHOR RO ZHES PA LA SOGS PAS MGO DRANGS NAS DE YANG DGUR PHYE BA'I DANG PO KUN RDZOB SGYU MA BZHIN DU 'DZIN PA DANG THAR PA YANG MDO LAS, 'OG NAS, GSOL PA, BCOM LDAN 'DAS SHES RAB KYI PHA ROL TU PHYIN PA CHOS GANG DAG YONGS SU MA BZUNG MA BTANG BA LAGS, BKA' STZAL PA, RAB 'BYOR SHES RAB KYI ROL TU PHYIN PA NI GZUGS YONGS SU MI 'DZIN MI GTONG NGO ZHES PA LA SOGS PAS BSTAN, GNYIS PA YANG DAG PA NYID DU YID LA MI BYED PAR YID LA BYED PA YANG MDO LAS, GSOL PA, BCOM LDAN 'DAS JI LTAR NA GZUGS YONGS SU MA BZUNG MA BTANG BA LAGS, BKA' STZAL PA, RAB 'BYOR GANG GZUGS YID LA MI BYED CING BYANG CHUB KYI BAR DU YID LA MI BYED PA DE NI GZUGS YID LA MI BYED PA YIN NO ZHES PA LA SOGS PAS BSTAN, GSUM PA CHOS NYID KYI KHAMS GSUM CHAR NYE BAR 'BREL PA YANG MDO LAS, GSOL PA, BCOM LDAN 'DAS CI'I SLAD DU 'DI LTAR GZUGS YID LAM BGYIS SHING BYANG CHUB KYI BAR DU YID LA MA BGYIS NA RNAM PA THAMS CAD MKHYEN PA NYID THOB PAR 'GYUR LAGS ZHES PA LA SOGS PAS BSTAN, BZHI PA STONG PA NYID DU MI GNAS PAS GNAS PA YANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA DE LTAR SPYOD PA GANG LA GNAS PAR MI 'GYUR BA LAGS ZHES PA LA SOGS PAS BSTAN, LNGA PA DNGOS PO LA MNGON PAR MA ZHEN PAS CHOS THAMS CAD LA MNGON PAR ZHEN PA YANG MDO LAS, GSOL PA BCOM LDAN 'DAS CI'I SLAD DU GZUGS LA MI GNAS SHING BYANG CHUB KYI BAR LA MI GNAS PA LAGS ZHES PA LA SOGS PAS BSTAN, DRUG PA RDZAS SU YOD PA MED PAS CHOS THAMS CAD BTAGS PA YANG MDO LAS, DE CI'I PHYIR ZHE NA, 'DI LTAR DES GANG LA MNGON PAR ZHEN PAR BYA BA'AM GNAS PAR BYA BA'I CHOS DE YANG DAG PAR RJES SU MI MTHONG BA'I PHYIR TE ZHES PAS BSTAN, BDUN PA @232A *, ,DE KHO NA NYID SHES PA'I MA CHAGS BAS MNGON PAR ZHEN PA SNGON DU 'GRO BA'I CHAGS PA YANG MDO LAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO NI MNGON PAR ZHEN PA MED PA'I TSUL GYIS SHES RAB KYI PHA ROL TU PHYIN PA LA SPYOD PA YIN NO ZHES PAS BSTAN, BRGYAD PA MNYAM PA NYID BSGOM PA'I GNYEN PO NYID KYI GNYEN PO YANG MDO LAS, RAB 'BYOR GAL TE BYANG CHUB SEMS DPA' SEMS DPA' CHEN PO 'DI SNYAM DU GANG DE LTAR SPYOD PA DE NI SHES RAB KYI PHA ROL TU PHYIN PA LA BSGOM PA YIN NO ZHES PA LA SOGS PAS BSTAN, DGU PA SHES RAB KYI PHA ROL TU PHYIN PA YANG DAG PAR MA SHES PAS JI LTAR 'DOD PA BZHIN DU 'GRO BA LA THOGS PA YANG MDO LAS, GAL TE DE LTAR YONGS SU MA BZUNG BA'I CHOS LA MNGON PAR ZHEN NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BA YIN NO ZHES PA LA SOGS PAS BSTAN, 'DZIN PAR RTOG PA GNYIS PA SKYES BU BTAGS PAR 'DZIN PA RNAM PA DGU'I DANG PO NYAN THOS LA SOGS PAS NGES PAR 'BYUNG BA NYID KYI CHED DU BYA BA JI LTA BA BZHIN DU NGES PAR MI 'BYUNG BA YANG MDO LAS; GZUGS RTAG PA 'AM, MI RTAG PA'AM, BDE BA'AM, SDUG BSNGAL BA 'AM, BDAG GAM, BDAG MED PA 'AM, ZHI BA 'AM, MA ZHI BA 'AM, STONG PA 'AM MI STONG PA 'AM, DBEN PA 'AM MI DBEN PA ZHES BYA BAR MNGON PAR ZHEN PA MED DO ZHES PA LA SOGS PAS BSTAN, GNYIS PA RANG GI MNGON PAR 'DOD PA'I LAM MED PAS LAM GZHAN LA LAM MA YIN PAR 'DZIN PA YANG MDO LAS, RAB 'BYOR 'DI LTA STE DPER NA, KHA LO SGYUR BA NI RTA ZUNG BZHI PA'I SHING RTA LA ZHON NAS LAM MNYAM PA NAS 'GRO'O ZHES PA MAN CHAD KYIS BSTAN, GSUM PA RGYU DANG 'BRAS BU KUN RDZOB KYI NGO BOS SKYE BA DANG 'GAG PA YANG MDO LAS, DE LTAR SHES RAB KYI PHA ROL TU PHYIN PA 'DI NI CHOS GNAS PA NYID TSAD MAR BYAS NA CHOS GANG YANG SKYED PA 'AM 'GOG PA MA YIN NO ZHES PA LA SOGS PAS BSTAN, BZHI PA BAR CHAD MED @232B PA DANG CIG SHOS SU SNANG BA NYID KYIS DNGOS PO MTHA' DAG LDAN PA DANG MI LDAN PA YANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO JI LTAR PHA ROL TU PHYIN PA DRUG LA BRTZON PAR BGYI, BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN POS 'DI LTAR GZUGS NI LDAN PA YANG MA YIN MI LDAN PA YANG MA YIN NO ZHES PA LA SOGS PAS BSTAN, LNGA PA NAM MKHA' LA GNAS PA'I BYA DANG 'DRA BAR GZUGS LA SOGS PA LA GNAS PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN POS GZUGS LA GNAS PAR BYA'O ZHES BRTZON PAR MI BYA'O ZHES PA LA SOGS PAS BSTAN, DRUG PA BYANG CHUB KYI SEMS BSKYED PA LA SOGS PA'I SGO NAS NYAN THOS LA SOGS PA'I RIGS 'JIGS PA YANG MDO LAS, RAB 'BYOR DE LTA BAS NA BYANG CHUB SEMS DPA' SEMS DPA' CHEN PO GZHAN GYI DRING MI 'JOG PAR 'GRO BAR 'DOD PA DANG ZHES PA LA SOGS PAS BSTAN, BDUN PA DE LTA BU'I KHYAD PAR DU 'PHAGS PA'I CHOS MED PAS 'DOD PA MED PA YANG MDO LAS, GSOL PA, BCOM LDAN 'DAS SHES RAB KYI PHA ROL TU PHYIN PAS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS PA LAGS SAM ZHES PA LA SOGS PAS BSTAN, BRGYAD PA DON DAM PA'I BDEN PA LA BRTEN NAS RGYU MED PA YANG MDO LAS, RAB 'BYOR DE LTA BAS NA NYAN THOS KYI THEG PA PA DANG, RANG SANGS RGYAS KYI THEG PA PA'I GANG ZAG RNAMS DANG BYANG CHUB SEMS DPA'I THEG PA PA'I GANG ZAG RNAMS KYIS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES PA LA SOGS PAS BSTAN, DGU PA SER SNA SHIN TU GOMS PAR BYAS PAS BDUD LA SOGS PAS PHYIR RGOL BA'I DNGOS PO DMIGS PA LA BTAGS PA'I DNGOS POR MNGON PAR ZHEN PA YANG MDO LAS, RAB 'BYOR 'DI LTA STE DPER NA 'PHONG GI SLOB DPON LAG TSOD LA BAB PA'I GZHU THOGS PA NI PHYIR RGOL BA'I DGRA BO RNAMS KYIS THUB PAR DKA'O ZHES PA LA SOGS PAS @233A *, ,BSTAN, RTZE MOR PHYIN PA LA DON BRGYAD KYIS BSTAN PA'I DRUG PA BSGOM PA'I LAM GYI RANG BZHIN NI GONG DU THOD RGAL GYI TING NGE 'DZIN GYIS BSTAN NAS, GZUNG BAR RTOG PA'I DANG PO LA DGUR PHYE BA'I DANG PO MDOR BSDUS PA LA DGA' BA'I SEMS CAN LA PHAN GDAGS PAR MOS PAS MDOR BSDUS PA DANG, GNYIS PA RGYAS PA LA DGA' BA LA RGYAS PA YANG MDO LAS, SHES RAB KYI PHA ROL TU PHYIN PA LA SPYOD PA DE LA NI 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS KYIS KYANG DGONGS PA MDZAD DO ZHES PA LA SOGS PAS BSTAN, GSUM PA JI SKAD BSTAN PA BZHIN DON LA NAN TAN MI BYED PAS SANGS RGYAS KYIS BSTAN TE YONGS SU MA BZUNG BA YANG MDO LAS, GSOL PA, BCOM LDAN 'DI NI BYANG CHUB SEMS DPA' SEMS DPA' CHEN PO DBANG PO RNON PO'I 'JUG PA LAGS SO ZHES PA LA SOGS PA STAN, BZHI PA BYUNG BA DANG 'GAG PA NYID KYIS SBYOR BA'I LAM GYI YON TAN MED PA YANG MDO LAS, RAB 'BYOR DE LTA BAS NA BYANG CHUB SEMS DPA' SEMS DPA' CHEN PO SHES RAB KYI ROL TU PHYIN PA LA SPYOD PA 'DI LTAR BDAG GIS KYANG 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS KYIS GANG DAG BRNYES PA'I CHOS DE DAG THOB PAR 'GYUR RO SNYAM DU RE BAR BYA'O ZHES PA LA SOGS PAS BSTAN, LNGA PA YANG DAG PAR SKYE BA'I RGYU DANG MI LDAN PAS MTHONG BA'I LAM GYI YON TAN MED PA YANG MDO LAS, DE LTAR BRTZON PA'I BYANG CHUB SEMS DPA' SEMS DPA' CHEN PO NI MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES PA LA SOGS PAS BSTAN, DRUG PA MA 'ONGS PA MED PA NYID KYIS BSGOM PA'I LAM GYI YON TAN MED PA YANG MDO LAS, RAB 'BYOR GZHAN YANG GAL TE BYANG CHUB SEMS DPA' SEMS DPA' CHEN PO DE LTAR SHES RAB KYI PHA ROL PHYIN PA LA SPYOD PA'I TSE THA NA SE GOL GTOGS PA TZAM ZHIG SHES RAB KYI PHA ROL TU PHYIN PA BSGOM PAR 'GYUR NA ZHES PA LA SOGS PAS BSTAN, BDUN PA @233B ZHI BA LA SOGS PAS MYA NGAN LAS 'DAS PAR SBYOR BA'I LAM YANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN POS JI LTAR SHES RAB KYI PHA ROL TU PHYIN PA LA SPYAD PAR BGYI, JI LTAR SHES RAB KYI PHA ROL TU PHYIN PA MNGON PAR BSGRUB PAR BGYI ZHES PA LA SOGS PAS BSTAN, BRGYAD PA STONG PA NYID MNGON PAR BSGRUB PA NYID KYIS MTHONG BA'I LAM YANG MDO LAS, GANG YANG 'DI SKAD DU JI LTAR SHES RAB KYI PHA ROL TU PHYIN PA MNGON PAR BSGRUB PAR BGYI ZHES ZER BA NI ZHES PA LA SOGS PAS BSTAN, DGU PA RANG BZHIN MED PAS BSGOM PA'I LAM YANG MDO LAS, GANG YANG 'DI SKAD DU JI LTAR SHES RAB KYI PHA ROL TU PHYIN PA BSGOM PAR BGYI ZHES ZER BA NI ZHES PA LA SOGS PAS BSTAN, BSGOM PA'I LAM GYI GZUNG BAR RTOG PA GNYIS PA LA DGUR PHYE BA'I DANG PO DGE BA'I BSHES GNYEN DANG BRAL BAS BYANG CHUB KYI SEMS MI SKYE BA YANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA YUN RING PO JI SRID CIG TU SPYAD NA SHES RAB KYI PHA ROL TU PHYIN PA LA SPYAD PA LAGS ZHES PA LA SOGS PAS BSTAN, GNYIS PA SANGS RGYAS LA DMIGS PA'I BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED PA YANG MDO LAS, GSOL BA, BCOM LDAN 'DAS CI SEMS KYI RGYUN MA CHAD CING MA BRAL BAR RJES SU 'BREL BAR SPYAD PAR BGYI BA LAGS SAM ZHES PA LA SOGS PAS BSTAN, GSUM PA NYAN THOS KYI RIGS CAN DANG, BZHI PA RANG SANGS RGYAS KYI RIGS CAN NYID KYI PHYIR DE'I SBYIN PA SNGON DBYED PA YANG MDO LAS, 'DUS BYAS SAM, 'DUS MA BYAS SAM; NYAN THOS KYI CHOS SAM, RANG SANGS RGYAS KYI CHOS SAM, CHOS THAMS CAD KYI BAR DAG KYANG GDAGS SU MED PA YIN NO ZHES PA MAN CHAD KYIS BSTAN, LNGA PA SHES RAB KYI PHA ROL TU PHYIN PA SGRIB PA MED PAS YANG DAG PAR RDZOGS PA'I BYANG CHUB YID LA MI @234A *, ,BYED PA YANG MDO LAS, BKA' STZAL PA, RAB 'BYOR SPYOD PA MED PA NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA LA SPYOD PA YIN NO ZHES PA LA SOGS PAS BSTAN, DRUG PA DMIGS PA DANG BCAS PA NYID KYIS BSGOM PA DANG, BDUN PA DMIGS PA MED PAS BSGOM PA MED PA DANG, BRGYAD PA DMIGS PA DANG MI DMIGS PA GNYI GA MED PAS SGOM PA YANG MED SGOM PA MED PA YANG MA YIN PA YANG MDO LAS, GSOL PA, BCOM LDAN 'DAS JI TZAM GYIS NA MI DMIGS PAR 'GYUR, JI TZAM GYIS NA DMIGS PAR 'GYUR LAGS ZHES PA LA SOGS PAS BSTAN, DGU PA PHYIN CI LOG TU MNGON PAR ZHEN PAS DON JI LTA BA BZHIN MA YIN PA NYID LA GZUNG BA'I RTOG PA YANG MDO LAS, GSOL PA, BCOM LDAN 'DAS GAL TE CHOS THAMS CAD MA BGYIS PA DANG, 'GYUR BA MA MCHIS PA LAGS NA, BCOM LDAN 'DAS 'O NA JI LTAR THEG PA GSUM PO NYAN THOS KYI THEG PA DANG, RANG SANGS RGYAS KYI THEG PA DANG, SANGS RGYAS KYI THEG PA 'DI DAG RNAM PAR DGOD PAR 'GYUR LAGS ZHES PA LA SOGS PAS BSTAN, 'DZIN PA'I RNAM PAR RTOG PA'I DANG PO LA DGUR PHYE BA'I DANG PO RDZAS SU YOD PAR MA SKYES PAS SEMS CAN DU BTAGS PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SPYAN LNGAS KYANG SEMS CAN GANG DAG 'KHOR BA LAS YONGS SU THAR BAR BGYI BA DAG MA DMIGS LAGS NA ZHES PA MAN CHAD KYIS BSTAN, GNYIS PA SNANG BA TZAM DU ZAD PA'I PHYIR CHOS SU BTAGS PA YANG MDO LAS, BKA' STZAL PA, RAB 'BYOR DE BZHIN DU DE BZHIN GSHEGS PAS CHOS THAMS CAD SPRUL PA LTA BUR MKHYEN NAS SEMS CAN GANG DAG BTUL BA MED DO ZHES PA LA SOGS PAS BSTAN, GSUM PA THAMS CAD DU 'GRO BA'I @234B PHYIR RNAM PA THAMS CAD MKHYEN PA NYID LA SOGS PAS CHOS STONG PA MA YIN PA YANG MDO LAS, GSOL PA, BCOM LDAN 'DAS GAL TE CHOS THAMS CAD SPRUL PA LTA BU LAGS NA BCOM LDAN 'DAS DE BZHIN GSHEGS PA DANG SPRUL PA LA BYE BRAG CI MCHIS ZHES PA LA SOGS PAS BSTAN, BZHI PA RNAM PA THAMS CAD MNGON PAR ZHEN PA MA SPANGS PAS CHOS LA CHAGS PA YANG MDO LAS, BKA' STZAL PA, RAB 'BYOR 'DI LTA STE DPER NA, DE BZHIN GSHEGS PA BLO GROS ZHI BAS BYANG CHUB SEMS DPA' MI DMIGS NAS SPRUL PA SPRUL NAS YONGS SU MYA NGAN LAS 'DAS SO ZHES PA LA SOGS PAS BSTAN, LNGA PA MAN CHAD 'GREL PA DANG, MDO GO RIMS LTAG 'OG MI MTHUN PA MDO BTZAN PAR BYAS TE YANG DAG PAR MA ZHUGS PAS YON MA DAG PA YANG MDO LAS, GSOL PA, BCOM LDAN 'DAS GAL TE SPRUL PA DANG DE BZHIN GSHEGS PA LA BYE BRAG MA MCHIS NA SBYIN PA YONGS SU SBYONG BAR YANG JI LTAR 'GYUR LAGS ZHES PA LA SOGS PAS BSTAN, NGO BO NYID MED PAR RTOGS PAS CHOS RAB TU RNAM PAR 'BYED PA YANG MDO LAS, RAB 'BYOR RNAM GRANGS DES NA 'DI LTAR CHOS RNAMS KYI CHOS NYID TSAD MAR BYAS NAS DE BZHIN GSHEGS PA DANG DE BZHIN GSHEGS PA'I SPRUL PA LA BYE BRAG CUNG ZAD KYANG MED PAR RIG PAR BYA STE ZHES PA LA SOGS PAS BSTAN, SBYIN PA LA SOGS PAR DMIGS TE, SGRUB PAS SPYOD PA RNAM PAR 'KHRUGS PA YANG MDO LAS, CHOS RNAMS KYI CHOS NYID LA ZHUGS NAS CHOS NYID DE YANG RNAM PAR DKRUGS PAR MI BYA STE, 'DI NI SHES RAB KYI PHA ROL TU PHYIN PA'I CHOS NYID DO ZHES RNAM PAR DKRUGS PAR MI BYA'O ZHES PA LA SOGS PAS BSTAN, GZUGS LA SOGS PA LA DMIGS PA'I PHYIR THEG PA GSUM GYIS NGES BAR 'BYUNG BA YANG MDO LAS, GSOL PA, BCOM LDAN 'DAS GAL TE CHOS RNAMS KYI CHOS NYID RNAM PAR DKRUGS PAR MI BGYI BA LAGS NA, BCOM LDAN 'DAS GANG GI SLAD DU DE BZHIN GSHEGS PAS 'DI NI GZUGS SO ZHES PA LA SOGS @235A *, ,PAS BSTAN, CHED DU BYA BA MI BYED PAS DNGOS PO'I CHED DU BYA BA BYED PA YANG MDO LAS, GSOL PA, BCOM LDAN 'DAS GAL TE GZHAN DAG GIS KHONG DU CHUD PAR BGYI BA'I SLAD DU BCOM LDAN 'DAS KYIS MING DANG MTSAN MAS CHOS RNAMS KYI CHOS NYID BSTAN TE CHOS RNAMS BRJOD PA MDZAD NA ZHES PA LA SOGS PAS BSTAN TO, ,BSGOM PA'I LAM LA 'DZIN PAR RTOG PA GNYIS PA LA DGUR PHYE BA'I DANG PO RNAM PA THAMS CAD YONGS SU MA SHES PAS RNAM PA THAMS CAD MKHYEN PA NYID KYI SGRIB PA LA KUN TU RMONGS PA DANG; GNYIS PA LAM THAMS CAD YONGS SU MA SHES PAS LAM SHES PA NYID KYI SGRIB PA LA KUN TU RMONGS PA DANG, GSUM PA GZHI THAMS CAD YONGS SU MA SHES PAS THAMS CAD SHES PA NYID KYI SGRIB PA LA KUN TU RMONGS PA YANG MDO LAS, GSOL PA, BCOM LDAN 'DAS THAMS CAD MKHYEN PA NYID RNAM PA THAMS CAD MKHYEN PA NYID CES GSUNGS PA LAGS SAM, BCOM LDAN 'DAS KYIS BKA' STZAL PA, RAB 'BYOR RNAM PA THAMS CAD MKHYEN PA NYID RNAM PA THAMS CAD MKHYEN PA NYID CES NGA SMRA'O ZHES PA LA SOGS PAS BSTAN, BZHI PA SHES RAB KYI PHA ROL TU PHYIN PA YONGS SU MA SHES PAS THAMS CAD ZHI BA'I LAM LA KUN TU RMONGS PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE LAM YANG DNGOS PO MA MCHIS LA MYA NGAN LAS 'DAS PA YANG DNGOS PO MA MCHIS NA, CI'I SLAD DU 'DI NI RGYUN DU ZHUGS PA'O, ,'DI NI LAN CIG PHYIR 'ONG BA'O, ,'DI NI PHYIR MI 'ONG BA'O, ,'DI NI DGRA BCOM PA'O, ,'DI NI RANG SANGS RGYAS SO ZHES BSHAD LAGS ZHES PA MAN CHAD KYIS BSTAN, LNGA PA GZUGS LA SOGS PA'I SHES BYA DE BZHIN NYID DU YONGS SU MA SHES PAS DE BZHIN NYID LA SOGS PA DANG MTSUNGS PAR LDAN PA DANG MI LDAN PA LA KUN DU RMONGS PA YANG MDO LAS, RAB 'BYOR YANG SHES RAB KYI PHA ROL TU PHYIN PA 'DI NI CHOS GANG DANG LDAN PA YANG MA YIN @235B MI LDAN PA YANG MA YIN BSTAN DU YOD PA'AM, BSTAN DU MED PA'AM, THOGS PA DANG BCAS PA'AM, THOGS PA MED PA YANG MA YIN NO ZHES PA LA SOGS PAS BSTAN, DRUG PA BDUD LA SOGS PA'I RANG GI NGO BO NYID YONGS SU MA SHES PAS MI MNYAM PA NYID LA KUN DU RMONGS PA YANG MDO LAS, RAB 'BYOR YANG SHES RAB KYI PHA ROL TU PHYIN PA 'DI NI CHOS THAMS CAD LA SPYOD PAR BYED CING SPOBS PA THAMS CAD DANG SNANG BA THAMS CAD SBYIN PAR BYED PA STE ZHES PA LA SOGS PAS BSTAN, BDUN PA DON LA SGRA JI BZHIN DU 'DZIN PAS SDUG SNGAL LA SOGS PA'I BDEN PA LA KUN TU RMONGS PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA'I DON LA 'DI LTAR SPYAD PAR BYA STE, 'DI LTA STE MI RTAG PA'I DON LA SPYAD BAR BYA'O ZHES BA LA SOGS PAS BSTAN, BRGYAD PA 'DOD CHAGS LA SOGS PA'I NGO BO NYID LA SOGS PA YONGS SU MA SHES PAS NYON MONGS PA'I RANG BZHIN LA KUN TU RMONGS PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE SHES RAB KYI PHA ROL TU PHYIN PA ZAB MO 'DI LA DON DANG DON MA LAGS PA DMIGS SU MA MCHIS PA LAGS NA, BCOM LDAN 'DAS BYANG CHUB SEMS DPA' SEMS DPA' CHEN POS JI LTAR SHES RAB KYI PHA ROL TU PHYIN PA'I DON LA SPYAD PAR BGYI ZHES PA LA SOGS PAS BSTAN, DGU PA GZUNG BA DANG 'DZIN PA'I MTSAN NYID YONGS SU MA SHES PAS GNYIS SU MED PA LA KUN TU RMONGS PA YANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO 'DUS MA BGYIS KYI SHES RAB KYI PHA ROL TU PHYIN PA LA BSLABS NAS RNAM PA THAMS CAD MKHYEN PA NYID THOB PAR MI 'GYUR LAGS SAM ZHES PA LA SOGS PAS BSTAN, YON TAN PHUN SUM TSOGS PA THAMS CAD BYANG CHUB SEMS DPA' BSGOM PA'I LAM LA @236A *, ,GNAS PA LA BRTEN PAR BSTAN PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA NI ZAB PA LAGS SO ZHES PA LA SOGS PAS BSTAN TE, GRANGS DGU LAS MA GTOGS, RTZE MO LA DON BRGYAD KYIS BSTAN PA'I BDUN PA BAR CHAD MED PA'I TING NGE 'DZIN BSTAN PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO GANG DAG JI SKAD BSTAN PA'I SHES RAB KYI PHA ROL TU PHYIN PA ZAB MO 'DI LA SPYOD PA DE DAG NI LHA DANG MI DANG LHA MA YIN DU BCAS PA'I 'JIG RTEN GYI PHYAG BGYI BA'I GNAS LAGS SO ZHES PA MAN CHAD KYIS BSTAN, RTZE MO LA DON BRGYAD KYIS BSTAN PA'I THA MA LOG PAR SGRUB PA LA BCU DRUG TU PHYE BA'I DANG PO 'DUS BYAS DANG 'DUS MA BYAS DAG DNGOS PO MED PA NYID KYIS DMIGS PA 'THAD PA YANG MDO LAS, GSOL PA, BCOM LDAN 'DAS CI RNAM PA THAMS CAD MKHYEN PA NYID KHO NA DNGOS PO MA MCHIS PA LAGS SAM, 'ON TE GZUGS KYANG DNGOS PO MA MCHIS SHING ZHES PA MAN CHAD KYIS BSTAN, GNYIS PA RNAM PA THAMS CAD DU RANG BZHIN MED PA'I PHYIR DMIGS PA'I NGO BO NYID NGES PAR BZUNG BA YANG MDO LAS, DE CI'I PHYIR ZHE NA, RAB 'BYOR RNAM PA THAMS CAD MKHYEN PA NYID DE NGO BO NYID MED DO, ,RAB 'BYOR NGO BO NYID MED PA DE NI DNGOS PO MED PA'I PHYIR RO ZHES PA LA SOGS PAS BSTAN, GSUM PA DNGOS PO DANG DNGOS PO MED PA MI DMIGS PAS RNAM PA THAMS CAD MKHYEN BA'I YE SHES KYANG MDO LAS, RAB 'BYOR BYANG CHUB SEMS DPA' SEMS DPA' CHEN PO PHA ROL TU PHYIN PA DRUG PO DE DAG LA SPYOD PA DE SRID DU DE BZHIN GSHEGS PA'I STOBS BCU DANG, MI 'JIGS PA BZHI DANG, ZHES PA LA SOGS PAS BSTAN, BZHI PA DE BZHIN NYID KYI NGO BO NYID KYI KUN RDZOB DANG, DON DAM PA'I BDEN PA GNYIS KYANG MDO LAS, @236B BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO 'JIG RTEN GYI KUN RDZOB NYE BAR BZUNG STE DNGOS PO YOD PA ZHES BYA BA 'AM, DNGOS PO MED PA ZHES STON GYI DON DAM PAR NI MA YIN NO ZHES PA LA SOGS PAS BSTAN, LNGA PA SBYIN PA LA SOGS PA MI DMIGS PAR SBYOR BA YANG MDO LAS, LE'U DRUG CU LNGA PA'I KLAD NAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA'I SPYOD PA ZHES BGYI NA; BCOM LDAN 'DAS BYANG CHUB SEMS DPA'I SPYOD PA ZHES BGYI BA DE GANG GI TSIG BLA DGAS LAGS ZHES PA LA SOGS PAS BSTAN, DRUG PA RTOGS PAR BYA BA MED PAS SANGS RGYAS DKON MCHOG KYANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS SANGS RGYAS ZHES BGYI NA, BCOM LDAN 'DAS SANGS RGYAS ZHES BGYI BA DE GANG GI TSIG BLA DAGS LAGS ZHES PA LA SOGS PAS BSTAN, BDUN PA MING TZAM DU BTAGS PAR ZAD PAS CHOS DKON MCHOG KYANG MDO LAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SANGS RGYAS BCOM LDAN 'DAS LA BSNYEN BKUR BGYIS PA DANG, DGE BA'I RTZA BA YONGS SU RDZOGS PAR BGYID PA DANG, DGE BA'I BSHES GNYEN GYIS YONGS SU ZIN PAS JI LTAR RNAM PA THAMS CAD MKHYEN PA NYID THOB PAR 'GYUR BA LAGS ZHES PA NAS, GTAN LA PHAB PAR BSTAN PA'I SDE GANG YIN PA DE DAG THAMS CAD CES PA'I BAR GYIS BSTAN, BRGYAD PA GZUGS LA SOGS PAR DMIGS PA BKAG PAS DGE 'DUN DKON MCHOG KYANG MDO LAS YONGS SU 'DZIN TE, BZUNG NAS KYANG TSIG GIS YONGS SU 'DRIS PAR BYAS NAS YID KYIS RJES SU RTOG PAR BYED LA LTA BAS SHIN TU RTOG PAR BYED CING GZUNGS THOB PAR 'GYUR RO ZHES PA MAN CHAD KYIS BSTAN, DGU PA SBYIN PA LA SOGS PA MI @237A *, ,DMIGS PAS THABS LA MKHAS PA YANG MDO LAS, LE'U DRUG CU RTZA DRUG PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO GANG SANGS RGYAS BCOM LDAN 'DAS RNAMS LA BSNYEN BKUR MI BGYID CING DGE BA'I RTZA BDAG KYANG MI SKYED LA ZHES PA LA SOGS PAS BSTAN, BCU PA DNGOS PO DANG DNGOS PO MED PAR RTOG PA BKAG PAS DE BZHIN GSHEGS PA'I MNGON PAR RTOGS PA YANG MDO LAS, LE'U DRUG CU RTZA DGU PA'I STOD NAS, DE CI'I PHYIR ZHE NA, RAB 'BYOR 'DI LTAR CHOS 'DI DAG GI NGO BO GANG YIN PA DE NI DNGOS PO MED PA'I PHYIR RO, ,RAB 'BYOR DNGOS PO MED PAS NI DNGOS PO MED PA MNGON PAR RDZOGS PAR 'TSANG RGYA BAR MI NUS SO ZHES PA LA SOGS PAS BSTAN, BCU GCIG PA SPROS PA RNAM PAR GZHAG PA'I MI RTAG PA NYID LA SOGS PAS RTAG PA LA SOGS PAR PHYIN CI LOG PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO'I SPROS PA GANG LAGS ZHES PA MAN CHAD KYIS BSTAN, BCU GNYIS PA LAM RNAM PAR BSGOMS PA'I 'BRAS BU MNGON SUM DU MI BYED PAS LAM YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS GANG LA YANG NGO BO NYID DMIGS SU MA MCHIS NA CI BYANG CHUB SEMS DPA' SEMS DPA' CHEN POS NYAN THOS KYI LAM MAM ZHES PA LA SOGS PAS BSTAN, BCU GSUM PA DOR BA DANG BLANG BA MED PAS MI MTHUN PA DANG, BCU BZHI PA GNYEN PO YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE BYANG CHUB KYI PHYOGS KYI CHOS RNAMS GANG LAGS PA DANG BYANG CHUB GANG LAGS PA'I @237B CHOS DE DAG DANG LDAN PA YANG MA LAGS MI LDAN PA YANG MA LAGS, BSTAN DU YANG MA MCHIS THOGS PA YANG MA MCHIS TE ZHES PA LA SOGS PAS BSTAN, BCO LNGA PA CHOS CAN MED PAS CHOS KYI MTSAN NYID KYANG MDO LAS, RAB 'BYOR GANG LA BYANG CHUB SEMS DPA' SEMS DPA' CHEN PO RNAMS KYIS BSLAB PAR BYA BA'I BYANG CHUB SEMS DPA' SEMS DPA' CHEN PO RNAMS KYI 'DI LTAR MTSAN NYID MED PAR MTSAN NYID GCIG PA'I PHA ROL TU PHYIN PA 'DI NI GZUGS MED CING BSTAN DU MED LA THOGS PA MED PA STE ZHES PA LA SOGS PAS BSTAN, BCU DRUG PA RANG DANG SPYI'I MTSAN NYID MI 'THAD PAS BSGOM PA YANG MDO LAS, DE SKAD CES GSOL PA DANG, BCOM LDAN 'DAS KYIS TSE DANG LDAN BA RAB 'BYOR LA 'DI SKAD CES BKA' STZAL TO, ,RAB 'BYOR DE DE BZHIN NO, ,DE DE BZHIN TE, RAB 'BYOR CHOS THAMS CAD NI MTSAN NYID MED DE MTSAN NYID THA DAD PA MA YIN LA MTSAN NYID GCIG PA YANG MA YIN PA STE, RAB 'BYOR MTSAN NYID MED PA LA BSGOM PA NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA BSGOM PA YIN NO ZHES PA LA SOGS PAS BSTAN TE, BAR 'DIR RGOL BA BRGYUD MA STON TE, DE YANG MDO LAS, LE'U BDUN CU PA'I KLAD NAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE DNGOS PO'I 'DU SHES CAN LA MTHUN PA'I BZOD PA YANG MA MCHIS NA THOB PA LTA GA LA MCHIS, MNGON PAR RTOGS PA YANG LTA GA LA MA CHIS TE, MA MCHIS NA CI DNGOS PO MA MCHIS PA'I 'DU SHES CAN LA MTHUN PA'I BZOD PA MA MCHIS LAGS SAM ZHES PA MAN CHAD KYIS BSTAN TO, ,SPYI DON BRGYAD KYIS BSTAN PA'I DRUG BA MTHAR GYIS PA'I MNGON PAR RTOGS PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE BYANG CHUB SEMS DPA' SEMS DPA' CHEN PO CHOS THAMS CAD DNGOS PO @238A *, ,MA MCHIS PA NYID LA BSAM GTAN BZHI DANG MNGON PAR SHES PA LNGAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR NA ZHES PAS MGO DRANGS NAS PHA ROL TU PHYIN PA RNAMS DANG, RJES SU DRAN PA DRUG LA SOGS PA MI DMIGS PA'I TSUL DU RIM GYIS RTOGS PA YIN PAS SBYIN PA'I PHA ROL TU PHYIN PA YANG MDO LAS, DE SBYIN PA'I PHA ROL TU PHYIN PA LA SLOB PA NA BDAG NYID KYANG SBYIN PA SBYIN PAR BYAD LA, GZHAN DAG KYANG SBYIN PA LA 'GOD CING SBYIN PA'I BSNGAGS PA YANG BRJOD LA, GZHAN GANG DAG SBYIN PA SBYIN PAR BYED PA'I BSNGAGS PA YANG RJOD PAR BYED CING RJES SU DGA' BAR BYED DO, ,DE SBYIN PA LA GOMS PA DES LONGS SPYOD KYI PHUNG PO CHEN PO THOB PAR 'GYUR RO ZHES PA MAN CHAD KYIS BSTAN, TSUL KHRIMS KYANG MDO LAS, RAB 'BYOR GZHAN YANG BYANG CHUB SEMS DPA' CHEN PO NI SEMS DANG PO BSKYED PA NAS BZUNG STE BDAG NYID KYANG TSUL KHRIMS KYI PHA ROL TU PHYIN PA LA SPYOD LA, GZHAN DAG KYANG TSUL KHRIMS KYI PHA ROL TU PHYIN PA LA YANG DAG PAR 'DZIN DU 'JUG GO ZHES PA LA SOGS PAS BSTAN, BZOD PA'I PHA ROL TU PHYIN PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO NI SEMS DANG PO BSKYED PA NAS BZUNG STE BDAG NYING KYANG BZOD PA'I PHA ROL TU PHYIN PA LA SPYOD LA, GZHAN DAG KYANG BZOD BA'I PHA ROL TU PHYIN PA LA YANG DAG PAR 'DZIN DU 'JUG GO ZHES PA LA SOGS PAS BSTAN, BRTZON 'GRUS KYANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO BDAG NYID KYANG DGE BA'I CHOS RNAMS LA BRTZON PAR BYED LA, GZHAN DAG KYANG DGE BA'I CHOS LA YANG DAG PAR 'DZIN DU 'JUG STE ZHES PA LA SOGS PAS BSTAN, BSAM GTAN YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO NI BDAG NYID KYANG BSAM GTAN LA SNYOMS PAR 'JUG CING TSAD MED PA @238B RNAMS DANG GZUGS MED PA'I SNYOMS PAR 'JUG PA RNAMS LA SNYOMS PAR 'JUG PA ZHES PA LA SOGS PAS BSTAN, SHES RAB KYI PHA ROL TU PHYIN PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO NI SEMS DANG PO BSKYED PA NAS NYE BAR BZUNG STE SHES RAB KYI PHA ROL TU PHYIN PA LA SPYOD CING SEMS CAN RNAMS SBYIN PAS TSIM PAR BYED DE ZHES PA LA SOGS PAS BSTAN, SANGS RGYAS RJES SU DRAN PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO NI MTHAR GYIS BYA BA DANG MTHAR GYIS BSLAB PA DANG MTHAR GYIS BSGRUB PA LA SLOB STE ZHES PA NAS, LHA RJES SU DRAN PA BSGOM MO ZHES PA'I BAR GYIS MDOR BSTAN NAS, SANGS RGYAS RJES SU DRAN PA DNGOS KYANG MDO LAS, RAB 'BYOR BYANG CHUB SEMS DPA' SEMS DPA' CHEN PO SANGS RGYAS RJES SU DRAN PA JI LTAR BSGOM ZHE NA ZHES PA LA SOGS PAS BSTAN, CHOS RJES SU DRAN PA NI MDO LAS, RAB 'BYOR BYANG CHUB SEMS DPA' SEMS DPA' CHEN PO CHOS RJES SU DRAN PA JI LTAR BSGOM ZHE NA ZHES PA LA SOGS PAS BSTAN, DGE 'DUN RJES SU DRAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO DGE 'DUN RJES SU DRAN PA JI LTAR BSGOM ZHE NA ZHES PA LA SOGS PAS BSTAN, TSUL KHRIMS RJES SU DRAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO TSUL KHRIMS RJES SU DRAN PA JI LTAR BSGOM ZHE NA ZHES PA LA SOGS PAS BSTAN, GTONG BA RJES SU DRAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GTONG BA RJES SU DRAN PA JI LTAR BSGOM ZHE NA ZHES PA LA SOGS PAS BSTAN, ,LHA RJES SU DRAN PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS LHA RJES SU DRAN PA JI LTAR YID LA BYA ZHE NA ZHES PA LA SOGS PAS BSTAN, GZUGS LA SOGS PA'I @239A *, ,CHOS THAMS CAD DNGOS PO MED PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO MTHAR GYIS BYA BA DANG MTHAR GYIS BSLAB PA DANG MTHAR GYIS BSGRUB PA YONGS SU RDZOGS PAR 'DOD PAS DNGOS PO MED PA'I NGO BO NYID KYI TSUL GYIS NANG STONG PA NYID LA BSLAB PAR BYA'O ZHES PA LA SOGS PAS BSTAN, SPYI DON BRGYAD KYIS BSTAN PA'I BDUN PA SKAD CIG MA GCIG LA MNGON PAR RDZOGS PAR BYANG CHUB PA LA YANG MTSAN NYID BZHIS BSTAN PA'I DANG PO ZAG PA MED PAR CHOS THAMS CAD BSDUS PA YANG MDO LAS, LE'U BDUN CU RTZA GCIG PA'I KLAD NAS, DE NAS YANG BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD DNGOS PO MA MCHIS PA'I NGO BO NYID LAGS NA, BCOM LDAN 'DAS DE NI CI ZHIG MTHONG NAS BYANG CHUB SEMS DPA' SEMS DPA' CHEN PO SEMS CAN RNAMS KYI DON GYI SLAD DU BLA NA MED PA YANG DAG PAR RDZOGS PA'I BYANG CHUB LA ZHUGS LAGS ZHES PA LA SOGS PAS BSTAN, MTSAN NYID GNYIS PA RNAM PAR SMIN PA'I BDAG NYID KYI GNAS SKABS KYI ZAG PA MED PAR CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA YANG MDO LAS, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA DE GANG GI TSE SBYIN PA SBYIN NA ZAG PA MED PA'I SEMS LA GNAS NAS SBYIN PA SBYIN PAR BYED DO ZHES PA MAN CHAD KYIS BSTAN, MTSAN NYID GSUM PA MTSAN NYID MED PAR CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA YANG MDO LE'U BDUN CU RTZA GNYIS PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS JI LTAR BYANG CHUB SEMS DPA' CHEN POS MTSAN @239B MAM MCHIS PA DANG, RTZOL BA MA MCHIS PA DANG, MA 'DRES PA DANG, RANG GI MTSAN NYID KYIS STONG PA'I CHOS RNAMS LA PHA ROL TU PHYIN PA DRUG PO SBYIN PA'I PHA ROL TU PHYIN PA DANG ZHES PA LA SOGS PAS BSTAN, MTSAN NYID BZHI PA GNYIS SU MED PA'I MTSAN NYID DU CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI CHOS THAMS CAD RMI LAM LTAR BUR YONGS SU SHES SHING CHOS THAMS CAD BRAG CA LTA BU DANG, MIG YOR LTA BU DANG, SMIG RGYU LTA BU DANG, SPRUL PA LTA BUR YONGS SU SHES SO ZHES PA MAN CHAD KYIS BSTAN TO, ,SPYI DON BRGYAD KYIS BSTAN PA'I THA MA CHOS KYI SKU MDZAD PA DANG BCAS PAR BSTAN PA LAS, CHOS KYI SKU YANG NGO BO NYID LA SOGS PA'I DBYE BAS RNAM PA BZHIR BSTAN TE, DE LAS DANG PO NGO BO NYID KYI SKU YANG MDO LAS, DE NAS BCOM LDAN 'DAS LA TSE DANG LDAN PAR RAB 'BYOR GYIS 'DI SKAD CES GSOL TO, ,BCOM LDAN 'DAS CI BYANG CHUB SEMS DPA' SEMS DPA' CHEN POS RNAM PA THAMS CAD MKHYEN PA NYID THOB PAR 'GYUR BA LAGS SAM ZHES PA LA SOGS PAS MGO DRANGS TE NGO BO NYID KYI SKU DNGOS DANG SBYAR BA NI 'OG NAS, DE CI'I PHYIR ZHE NA, GANG LA GNAS NAS CHOS THAMS CAD THA DAD DU DBYER MED PA THOB PA LA BYANG CHUB SEMS DPA'I SEMS DANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI THUGS THA DAD PA DMIGS PA MED PA'I PHYIR RO ZHES PA LA SOGS PAS BSTAN, GNYIS PA CHOS KYI SKU NI RAB 'BYOR BYANG CHUB SEMS DPA' SEMS DPA' CHEN PO RNAMS KYIS 'JIG RTEN LAS 'DAS PA'I CHOS KYI SBYIN PA BYIS PA SO SO'I SKYE BO RNAMS DANG THUN MONG MA YIN PA GANG ZHE NA ZHES PA LA SOGS PAS BSTAN, GSUM PA LONGS SPYOD RDZOGS PA'I SKU YANG MDO LAS, RAB 'BYOR DE LA BZHIN GSHEGS PA'I SKYES BU CHEN PO'I MTSAN SUM CU RTZA GNYIS @240A *, ,GANG ZHE NA, PHYAG DANG ZHABS KYI MTHIL 'KHOR LO'I MTSAN DANG LDAN PA ZHES PA LA SOGS PAS BSTAN, BZHI PA SPRUL PA'I SKU NI, BCOM LDAN 'DAS SH'AKYA THUB PA LA SOGS PA GZUGS GANG GIS 'KHOR BA JI SRID PAR 'JIG RTEN GYI KHAMS THAMS CAD DU SEMS CAN RNAMS KYI DON MNYAM DU MDZAD PA'I SKU YIN PAR DON GYIS BSTAN, MDZAD PA NI PHRIN LAS YIN LA DE'I DON YANG NYI SHU RTZA BDUN GYIS BSTAN, MDO LAS PHRIN LAS DANG PO DANG LTAG 'OG MI MTHUN PAS MDO BTZAN PAR BYAS NAS DANG PO SBYIN PA LA SOGS PA BSDU BA'I DNGOS PO BZHI LA 'GOD PA YANG MDO LAS, RAB 'BYOR JI LTAR NA BYANG CHUB SEMS DPA' SEMS DPA' CHEN POS SNYAN PAR SMRA BAS SEMS CAN RNAMS YANG DAG PAR SDUD CE NA ZHES PA LA SOGS PAS BSTAN, GNYIS PA BZANG PO DANG BZANG PO MA YIN PA LA MNGON BAR ZHEN PA MED PA'I MTSAN NYID 'GRO BA RAB TU ZHI BA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA BYANG CHUB SEMS DPA' SEMS DPA' CHEN PO RNAMS LA 'DI SKAD DU 'DOMS SHING RJES SU STON TE, RIGS KYI BU DAG TSUR SHOG KHYED CAG YI GE MNGON PAR BSGRUB PA LA MKHAS PAR GYIS SHIG ,YI GE GCIG LA MKHAS PAR GYIS SHIG CES PA LA SOGS PAS BSTAN, GSUM PA THOS PA LAS BYUNG BA LA SOGS PA'I SHES PAS MI MTHUN PA'I PHYOGS DOR ZHING GNYEN PO BLANG BAR BYA BA'I SGO NAS RTOGS PAR MDZAD PA YANG MDO LAS, RAB 'BYOR DE LTAR BYANG CHUB SEMS DPA' SEMS DPA' CHEN POS CHOS DE DAG THAMS CAD STONG PAR MTHONG NAS PHYIN CI LOG TU GYUR PA'I SEMS CAN RNAMS LA CHOS NYID STON TO, ,CI NAS KYANG STONG PA NYID DE DAG LAS PHYIR MI LDOG PAR DE LTAR CHOS STON TO ZHES PA LA SOGS PAS BSTAN, BZHI PA SGYU MA MKHAN BZHIN DU RJES SU CHAGS PA LA SOGS PAS RNAM PAR DBEN PA NYID KYIS GZHAN GYI DON BYA BA LA SOGS PA'I MTSAN NYID JI LTA BA'I BDAG NYID LA BKOD PA YANG MDO LAS, @240B DE SBYIN PA'I PHA ROL TU PHYIN PA 'AM, TSUL KHRIMS KYI PHA ROL TU PHYIN PA 'AM ZHES PA LA SOGS PAS BSTAN, LNGA PA RANG GI DON 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA LA GOMS PA LA 'GOD PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS 'DI DAG THAMS CAD DE TZAM DU BAS, DE 'DI LTAR MTSAN NYID MA MCHIS PA TZAM DU BAS PA LAGS NA ZHES PA LA SOGS PAS BSTAN, DRUG PA RANG DANG GZHAN GYI DON GYI MTSAN NYID SANGS RGYAS NYID KYI LAM DGE BA BCU'I LAS KYI LAM LA 'GOD PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD CHOS KYI DBYINGS LAGS NA BCOM LDAN 'DAS 'O NA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA JI LTAR BSLAB PAR BGYI ZHES PA MAN CHAD KYIS BSTAN, BDUN PA CHOS THAMS CAD RANG BZHIN GYIS STONG PA NYID GOMS PA LA 'GOD PA YANG MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI SEMS CAN GZHAN RNAMS DANG GANG ZAG GZHAN DAG PHAN TSUN DU 'KHRUGS SHING GNOD SEMS SU GYUR PA DAG MTHONG NA 'DI SKAD DU 'DOMS SHING RJES SU STON PAR BYED DE ZHES PA MAN CHAD KYIS BSTAN, BRGYAD PA SBYIN PA'I PHA ROL TU PHYIN PA LA BRTEN NAS SA DANG PO CHOS KYI DBYINGS KUN DU 'GRO BA RTOGS PA'I MTSAN NYID DMIGS SU MED PA'I CHOS LA 'GOD PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD DBYER MA MCHIS PA LAGS NA, BCOM LDAN 'DAS 'O NA BYANG CHUB SEMS DPA' SEMS DPA' CHEN PO DAG BLA NA MED PA YANG DAG PAR RDZOGS PA'I @241A *, ,BYANG CHUB MNGON PAR RDZOGS PAR 'TSANG RGYA BAR BGYI'O ZHES CHOS GANG LA YANG DAG PAR ZHUGS PA LAGS ZHES PA MAN CHAD KYIS BSTAN, DGU PA TSOGS YONGS SU RDZOGS PA'I RGYUR GYUR PAS SA GNYIS PA LA SOGS PA LA TSUL KHRIMS LA SOGS PA'I PHA ROL TU PHYIN PA'I CHOS THAMS CAD BRDAR GDAGS PA'I CHOS SU SHES PA LA 'GOD PA YANG MDO LAS, RAB 'BYOR DE YANG 'JIG RTEN GYI THA SNYAD KYIS BTAGS PA'I CHOS NYID NYE BAR BZUNG NAS BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR ZAD KYI ZHES PA MAN CHAD KYIS BSTAN, BCU PA RIM GYIS SHES RAB KYI PHA ROL TU PHYIN PA LA BRTEN NAS SA DRUG PAR SHES PA DANG SHES BYA DNGOS POR MNGON PAR MA ZHEN PA'I MTSAN NYID GNYIS SU MED PAR 'GOD PA YANG MDO LAS, DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA GANG GIS SEMS CAN MA MCHIS SHING MCHIS PA MA LAGS PA DAG SBYIN PA LA RAB TU 'GOD PAR BGYID CING ZHES PA LA SOGS PAS BSTAN, BCU GCIG PA SA BDUN PA LA THABS KYI PHA ROL TU PHYIN PA'I STOBS KYIS SEMS CAN YONGS SU SMIN PAR BYED PA LA 'GOD PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN POS GANG LA SPYAD DE SEMS CAN RNAMS YONGS SU SMIN PAR BGYI BA DANG, SANGS RGYAS KYI ZHING YONGS SU DAG PAR BGYI BA'I BYANG CHUB SEMS DPA' SEMS DPA' CHEN PO'I LAM GANG LAGS ZHES PA MAN CHAD KYIS BSTAN, BCU GNYIS PA STOBS KYI PHA ROL TU PHYIN PA'I STOBS KYIS SA BRGYAD PA NYAN THOS LA SOGS PA DANG, THUN MONG MA YIN PA'I BYANG CHUB SEMS DPA'I LAM LA 'GOD PA YANG MDO LAS, LE'U BDUN CU RTZA BDUN @241B PA'I KLAD NAS, DE NAS TSE DANG LDAN PA RAB 'BYOR 'DI SNYAM DU SEMS TE, GANG LA GNAS NAS BYANG CHUB SEMS DPA' SEMS DPA' CHEN POS DE LTA BU'I GO CHA BGOS PA'I BYANG CHUB SEMS DPA' SEMS DPA' CHEN PO'I LAM DE GANG YIN SNYAM MO ZHES PA MAN CHAD KYIS BSTAN BCU GSUM PA CHOS THAMS CAD LA MNGON PAR ZHEN PA SPANGS PA LA SOGS PA LA 'GOD PA YANG MDO LAS, RAB 'BYOR DE LA BYANG CHUB SEMS DPA' SEMS DPA' CHEN PO BYANG CHUB KYI LAM LA SPYOD PAS THOG MA NYID NAS 'DI LTAR 'DI LA MNGON PAR 'DU BYED PA MA GTOGS PAR GANG RANG GI NGO BO NYID KYIS DMIGS PAR 'GYUR BA'I CHOS GANG YANG MED DO SNYAM DU NYE BAR BRTAG PAR BYA'O ZHES PA LA SOGS PAS BSTAN, BCU BZHI PA SA DGU PA SMON LAM GYI PHA ROL TU PHYIN PA'I MTHUS BYANG CHUB 'THOB PA LA 'GOD PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD SKYE BA MA MCHIS PA LAGS NA, BCOM LDAN 'DAS 'O NA JI LTAR BYANG CHUB SEMS DPA' SEMS DPA' CHEN PO BYANG CHUB KYI LAM BSKYED PAR BGYID PA LAGS ZHES PA LA SOGS PAS BSTAN, BCO LNGA PA YE SHES KYI PHA ROL TU PHYIN PA'I STOBS KYIS SA BCU PA LA SANGS RGYAS KYI ZHING SNA TSOGS RNAM PAR DAG PA LA 'GOD PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO; ,BCOM LDAN 'DAS GAL TE CHOS THAMS CAD RANG BZHIN GYIS DBEN PA LAGS NA, BCOM LDAN 'DAS 'O NA JI LTAR BYANG CHUB SEMS DPA' SEMS DPA' CHEN PO SANGS RGYAS KYI ZHING DAG PAR BGYID LAGS ZHES PA LA SOGS PAS BSTAN, BCU DRUG PA SKYE BA GCIG GIS THOGS PA'I RANG GI NGO BO YANG DAG PAR RDZOGS PA'I BYANG CHUB LA 'GOD PA YANG MDO LAS, LE'U BDUN CU RTZA BRGYAD PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS CI BYANG CHUB SEMS DPA' SEMS DPA' @242A *, ,CHEN PO NGES PA ZHES BGYI BA'AM 'ON TE MA NGES BA ZHES BGYI BA LAGS ZHES PA LA SOGS PAS MGO DRANGS TE 'OG NAS RAB 'BYOR BYANG CHUB SEMS DPA' SEMS DPA' CHEN PO NI SANGS RGYAS KYI PHUNG PO NGES PA YIN NO ZHES PA MAN CHAD KYIS BSTAN, BCU BDUN PA PHYOGS BCU'I 'JIG RTEN GYI KHAMS KYI SEMS CAN GYI DON LA 'GOD BA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE NGES PA'I BYANG CHUB SEMS DPA' SEMS DPA' CHEN PO DGE BA'I RTZA BA DE LTA BU DANG LDAN PA YANG 'DI LTA STE MI MTHUN PA'I GNAS RNAMS SU SKYE BAR MI 'GYUR LAGS NA, GANG DE BZHIN GSHEGS PA NYID KYIS DUD 'GRO'I 'GRO BAR SKYES PA'I RABS BSTAN NA, DGE BA'I RTZA BDE DAG GANG DU MCHIS LAGS ZHES BA MAN CHAD KYIS BSTAN, BCO BRGYAD PA 'JIG RTEN GYI KHAMS THAMS CAD DU SANGS RGYAS KYI DRUNG DU NYE BAR 'GRO BA LA SOGS PA'I YON TAN LA 'GOD PA YANG MDO LAS, DE RDZU 'PHRUL GYIS DE DAG TU SONG ZHING SBYIN PA 'AM, TSUL KHRIMS SAM, BZOD PA 'AM ZHES PA MAN CHAD KYIS BSTAN, BCU DGU PA KHYAD PAR GYI LAM GYI RANG GI NGO BO BYANG CHUB MTHA' DAG 'DREN PAR BYED PA'I CHOS KYI MTSAN NYID BYANG CHUB KYI YAN LAG LA 'GOD PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN POS GANG DAG YONGS SU RDZOGS PAR BGYIS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA'I BYANG CHUB SEMS DPA' SEMS DPA' CHEN PO'I BYANG CHUB KYI YAN LAG DE DAG GANG LAGS ZHES PA MAN CHAD KYIS BSTAN, NYI SHU PA LAS DANG 'BRAS BU 'BREL BA CHUD MI ZA BA YANG MDO LE'U BDUN CU RTZA DGU PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GSAL TE CHOS DE DAG BYANG CHUB SEMS DPA'I CHOS LAGS NA, BCOM LDAN 'DAS 'O NA SANGS RGYAS KYI CHOS RNAMS GANG @242B LAGS ZHES PA LA SOGS PAS BSTAN, NYI SHU RTZA GCIG PA THAMS CAD YANG DAG PA JI LTA BA BZHIN RTOGS PA LA 'GOD PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS CHOS THAMS CAD RANG GI MTSAN NYID KYIS STONG PA LAGS NA, BCOM LDAN 'DAS 'O NA JI LTAR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN RNAMS 'GRO BA LNGA'I 'KHOR BA LAS YONGS SU THAR PAR BGYID PA LAGS, ZHES PA LA SOGS PAS MGO DRANGS NAS, GZHAN DU NA BYANG CHUB LA GZHOL BA'I SEMS KYIS CHOS THAMS CAD YANG DAG PA JI LTA BA BZHIN DU RTOGS PAR BYED DO ZHES PA LA SOGS PAS BSTAN, NYI SHU RTZA GNYIS PA PHYIN CI LOG THAMS CAD SPANGS PA LA 'GOD PA YANG MDO LAS, LE'U BRGYAD CU PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD DNGOS PO MA MCHIS PA'I NGO BO NYID LAGS TE, DE DAG SANGS RGYAS KYIS KYANG MA MDZAD CES PA LA SOGS PAS BSTAN, NYI SHU RTZA GSUM PA PHYIN CI LOG GZHI MED PA SPANGS PA'I YE SHES LA 'GOD PA YANG MDO LAS; DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS CI BYIS PA SO SO'I SKYE BO RNAMS GANG LA GNAS NAS DNGOS PO'I ZHES MNGON PAR ZHEN PAR 'GYUR BA'I DNGOS PO BYUNG BA 'AM, 'BYUNG BDE BZHIN NYID DANG, MA NOR BA DE BZHIN NYID CES BYA BDE LTA BU MCHIS LAGS SAM ZHES PA LA SOGS PAS BSTAN, NYI SHU RTZA BZHI PA RANG BZHIN GYIS YONGS SU DAG PA'I MTSAN NYID KYIS BYANG CHUB SEMS DPA'I RNAM PAR BYUNG BA LA 'GOD PA YANG MDO LAS, LE'U BRGYAD CU RTZA GCIG PA'I KLAD NAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS YANG DAG PA MTHONG BA LA KUN NAS NYON MONGS PAR 'GYUR BA MA MCHIS SHING RNAM PAR BYANG BAR 'GYUR BA MA MCHIS PA BZHIN DU YANG DAG PAR MA MTHONG BA LA YANG KUN NAS NYON MONGS PAR 'GYUR BA MA MCHIS SHING RNAM PAR BYANG BAR 'GYUR BA MA MCHIS TE ZHES PA LA @243A *, ,SOGS PAS BSTAN, NYI SHU RTZA LNGA PA DRI MA THAMS CAD DANG BRAL BA'I RNAM PAR BYANG BA'I RGYU'I TSOGS LA 'GOD PA YANG MDO LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CAS GSOL TO, ,BCOM LDAN 'DAS GAL TE CHOS THAMS CAD SGYU MA LTA BU DANG, RMI LAM LTA BU DANG, BRAG CA LTA BU DANG, MIG YOR LTA BU DANG, GZUGS BRNYAN LTA BU DANG, SMIG RGYU LTA BU DANG, DRI ZA'I GRONG KHYER LTA BU DANG, SPRUL PA LTA BU LAGS NA ZHES PA LA SOGS PAS BSTAN, NYI SHU RTZA DRUG PA STONG PA NYID KYI NGO BO NYID KYIS 'DUS BYAS DANG 'DUS MA BYAS THA MI DAD PAR YONGS SU SHES PA LA 'GOD PA YANG MDO LAS, DE NAS BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS DE BZHIN GSHEGS PA CHOS GANG MNGON PAR RDZOGS PAR SANGS RGYAS PA DE CI 'JIG RTEN GYI THA SNYAD DU MNGON PAR RDZOGS PAR SANGS RGYAS SAM, 'ON TE DON DAM PAR ZHES PA LA SOGS PAS BSTAN, NYI SHU RTZA BDUN PA DE BZHIN GSHEGS PA'I SA LA 'GOD PAR MDZAD PA YANG MDO LAS, LE'U BRGYAD CU RTZA GNYIS PA'I KLAD NAS, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS GAL TE CHOS THAMS CAD KYI MNYAM PA NYID KYI RANG BZHIN GYIS STONG PA LAGS NA DE SKAD DU CHOS GANG CI YANG MI BGYID NA ZHES PA MAN CHAD LE'U'I MJUG NAS, RAB 'BYOR 'DI LA DNGOS PO YANG MED, RANG GI DNGOS PO YANG MED, GZHAN GYI DNGOS PO YANG MED NA, DE LA GANG YONGS SU SHES PAR BYA BA'I NGO BO NYID STONG PA NYID CES BYA BA LTA YOD PAR 'GYUR RE SKAN ZHES PA'I BAR GYIS BSTAN TO,, ,,'DIR LE'U'I MTSAMS RNAMS NI KHRI BRGYAD STONG PA BTZAN PAR BYAS TE, SBYAR BA YIN PAS 'BUM DANG SBYAR BA LE'U NYUNG BAS LE'U MTSAMS MI MTHUN PA RNAMS MDO'I TSIG BTZAN PAR BYAS TE DON DANG SBYAR RO, ,BCOM LDAN 'DAS MA YUM SHES RAB KYI PHA ROL TU PHYIN PA RGYAS PAR BSTAN PA 'BUM PA DANG, 'BRING DU BSTAN PA NYI KHRI LNGA STONG PA DANG, BSDUS TE BSTAN PA KHRI BRGYAD STONG PA RNAMS DANG MNGON PAR RTOGS PA'I RGYAN GYI SKABS BRGYAD DANG SBYAR BA'I 'GREL PA PAndI TA CHEN PO SMRi TI DZNY'A NA K'IRTIS MDZAD PA RDZOGS SO,, ,,