@1A *, ,SHES PHYIN JA PA BZHUGS SO, , @1B [DD] #, ,RGYA GAR SKAD DU, BHA GA B'AN RATNA GU nA SANYTZA YA G'A TH'A N'A MA PANYDZI K'A, BOD SKAD DU, BCOM LDAN 'DAS YON TAN RIN PO CHE SDUD PA'I TSIGS SU BCAD PA'I DKA' 'GREL ZHES BYA BA, SANGS RGYAS DANG BYANG [DD] CHUB SEMS DPA' THAMS CAD LA PHYAG 'TSAL LO, ,RTOG PA'I RGYA MTSO YANG DAG PHA ROL PHYIN PA'I DRI MED MA LUS NYER BSDUS PA, ,DNGOS PO BRGYAD KYI DE NYID RIM PA YANG DAG GSAL BAR BSHAD PA GANG YIN PA, ,SEMS CAN RNAMS KYIS RTOGS PAR BYA PHYIR RAB DBYE YANG DANG YANG GSUNGS RGYAL YUM LA, ,PHYAG 'TSAL NAS NI BLO DMAN RNAMS LA PHAN PA BSKYED PHYIR DING 'DIR YANG DAG BSHAD PAR BYA, ,SPROS PAS GSUNGS PA GO BA'I SEMS CAN RGYAS PA LA DGA' BAS KHONG DU CHUD PAR BYA BA'I PHYIR RAB TU DBYE BA SPROS NAS MNGON PAR RTOGS PA BRGYAD GSAL BAR BYED PA'I YUM STONG PHRAG BRGYA BA'I DON THAMS CAD NYE BAR BSDUS PA'I DGOS PA NI NYAN PA POS GSAL BAR RTOGS PAR BYA BA'I PHYIR DANG, DBYANGS KYIS BSNYAD PA LA MNGON PAR ZHEN PA'I SEMS CAN LA RJES SU BRTZE BAR DGONGS PA'I PHYIR DANG, TSIGS SU BCAD PA SBYAR BA LA BDAG NYID MNGA' BRNYES PAR SHES PAR BYA BA'I PHYIR DANG, LEGS PAR SBYAR BA DANG LEGS PAR SBYAR BA MA YIN PA'I SGRA LA @2A *, ,MNGON PAR ZHEN PA DGAG PA SNGON DU 'GRO BAS TSAD MAS GNOD PA MED PA'I SKYES BU'I DON TZAM LA NYE BAR SBYOR BA'I BRDA'I DBANG GIS SGRA GZHAN GYIS KYANG MNGON PAR BRJOD PA'I PHYIR RO, ,SEMS BSKYED PA LA SOGS PA'I YON TAN RIN PO CHE BSDUS PA'I NGO BO TZAM PHYOGS GCIG TU THAMS CAD KYI THA MAR GYUR BA'I LE'U BCOM LDAN 'DAS KYIS YUL DBUS KYI SKAD KYIS TSIGS SU BCAD PAS MNGON PAR BSTAN TO, ,DE BAS NA BLO DMAN PA RJES SU GZUNG BA'I PHYIR 'BREL PA LA SOGS PA THA DAD PAR BSTAN PA'I PHYIR SO SOR BRGYAD STONG PAR BRJOD NA 'DIR YANG BSHAD PAR BYA'O, ,DE LA 'BREL PA DANG POR BSTAN PAR BRJOD DE, SGRUB PAR BYED PA BSTAN BCOS DANG, DGOS PA SGRUB PAR BYED PA DANG, SGRUB PAR BYED PA NGO BO'I MTSAN NYID DU GYUR PAR BSTAN TE, DE YANG DGOS PA BRJOD PA NYID KYIS BSTAN PA YIN TE, 'DI LTAR 'DI'I DGOS PA YIN NO ZHES STON PA POS BSTAN PAR GYUR PA NI 'DI'I SGRUB PAR BYED PA YIN PAS 'BREL PA LOGS SHIG TU BRJOD PAR MI BYA'O, ,MNGON PAR RTOGS PA BRGYAD 'DUS PA'I RNAM PA THAMS CAD MKHYEN PA NYID NI BRJOD PAR BYA BA'I DON TO, ,'DAS MA THAG TU BSTAN PA'I BRJOD PAR BYA BA 'PHAGS PA SHES RAB KYI PHA ROL TU PHYIN PA STONG PHRAG BRGYA BA'I MDO'I DON SNGAR BSHAD PA'I SEMS CAN GYIS MDOR BSDUS PAS BDE BLAG TU RTOGS PAR BYA BA'I PHYIR BCOM LDAN 'DAS MA YON TAN RIN PO CHE SDUD PA TSIGS SU BCAD PA BCOM LDAN 'DAS KYI BSTAN PA RGYUD LA RTOGS PA GNAS PA STE, MA LUS PAR BSDUS PA'I DON BDE BLAG TU KHONG DU CHUD PA NI BYA BA'I 'BRAS BU THUN MONG MA YIN PA'I DGOS PA'O, ,JI SKAD BSTAN PA NYID KYI BRJOD PAR BYA BA NYAN THOS LA SOGS PAS MA RTOGS PA BCOM LDAN 'DAS MA TSOGS CHUNG NGUS THOS PA'I SHES RAB KYIS NGES PAR BYAS NAS DRAN PA'I SHES PA LA GZHAG STE BSAM PA'I SHES RAB KYIS GTAN LA PHAB NAS BSGOM PA'I RANG BZHIN GYI SHES RAB KYIS RNAM PA THAMS CAD MNGON SUM DU MDZAD PA NI RJES SU MTHUN PA'I THABS KYI BYA BA'I 'BRAS BU DGOS PA'I YANG DGOS PA YIN NO, ,DE SKAD DU YANG, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BA MA YIN TE, ,BLO DANG LDAN PAS RTOGS @2B 'GYUR ZHES, ,CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BDE BLAG TU NI RTOGS 'GYUR BA, ,RTZOM PA YI NI DGOS PA YIN, ,ZHES GSUNGS PA YIN NO, ,DE LA 'DI SKAD BDAG GIS THOS PA ZHES BYA BA'I GLENG GZHI'I SKABS BSAM PAR BYA STE, GANG GI TSE, GANG LA, GANG GIS; GANG DU, GANG DAG DANG LHAN CIG MDO SDE RIN PO CHE KHYOD KYIS THOS ZHES 'DRI BA RNAMS LA, LAN DU BDAG NYID TSAD MAR RTOGS PAR BYA BA'I PHYIR RIM PA BZHIN DU SBYAR RO, ,DUS DANG, YUL DANG, STON PA PO DANG, 'KHOR RNAMS KYI TSOGS LA BSTAN PA NI GTZO BO'I RGYU STE GLENG GZHI YIN NO, , GANG GI TSE BCOM LDAN 'DAS RGYAL PO'I KHAB KYI GRONG KHYER CHEN PO'I BYA RGOD KYI PHUNG PO'I RI LA DGE SLONG LA SOGS PA'I 'KHOR GYIS YONGS SU BSKOR TE CHOS STON CING BZHUGS PA DE'I TSE BCOM LDAN 'DAS LA GNAS DE NYID DU 'KHOR RNAMS DANG LHAN CIG TU BDAG GIS MDO SDE RIN PO CHE THOS SO ZHES SDUD PAR BYED PAS 'JIG RTEN PA'I THA SNYAD KYI RJES SU ZHUGS TE, GDUL BYA RNAMS GUS PAR NYAN PA DANG, SEMS PA LA SOGS PA'I DON DU, GANG BCOM LDAN 'DAS KYIS STONG PHRAG BRGYA PA'I RTZOM PAR GSUNGS PA DE 'DIR YANG GZUNG BAR BYA'O, ,MDO DON SMRA BAR 'DOD PA YIS, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,RGAL LAN BCAS PAS BSNYAD PAR BYA, ,ZHES RIGS PA BRJOD PA DE KHO NA DGOS PA YIN TE, NYAN PA PO'I SKYE BO RNAMS KYIS MDO'I DON 'PHYANG BA MED PAR RNAM PAR PHYE BA RTOGS PAR BYA BA'I PHYIR DANG, 'CHAD PA PO BDE BLAG TU BSHAD SLA BAR BYA BA'I PHYIR RE ZHIG BSDUS PA'I DON BRJOD PAR BYA'O, ,DE LA SANGS RGYAS NYID DON DU GNYER BA'I BYANG CHUB SEMS DPA' SEMS BSKYED PA LA SOGS PA'I RNAM PA THAMS CAD YONGS SU SHES PA'I DON DU DANG POR 'BRAS BU RNAM PA THAMS CAD MKHYEN PA NYID BSTAN TE, DGA' DANG GUS DANG DAD PA'I MCHOG NI NYER GZHAG STE, ,ZHES BYA BA NAS, CHOS RNAMS RANG BZHIN MED PAR YONGS SU SHES GYUR PA, ,'DI NI SHES RAB PHA ROL PHYIN MCHOG SPYOD PA YIN, ,ZHES BYA BA YAN CHAD KYIS SO, ,DE YANG NYAN THOS LA SOGS PA'I LAM YONGS SU SHES PA MED PAR MED PAS LAM SHES PA NYID @3A *, ,BSTAN PA NI, GANG ZHIG GZUGS LA MI GNAS TSOR LA MI GNAS SHING, ,ZHES BYA BA NAS, THAMS CAD MKHYEN NYID 'BRAS BU DAG DANG GZUGS DAG PA, ,NAM MKHA'I KHAMS DANG MTSUNGS TE DBYER MED DPYAD DU MED, ,CES BYA BA YAN CHAD KYIS SO, ,DE YANG DNGOS PO THAMS CAD YONGS SU SHES PA MED PAR MA YIN PAS DE'I RJES LA THAMS CAD SHES PA NYID BSTAN PA NI, DPA' BO GAR SPYOD SHES RAB PHA ROL PHYIN PA YIS, ,ZHES BYA BA NAS, NYI MA SGRA GCAN GZA' BRAL LHANG NGER 'DUG PA DANG, ,ME BTANG RTZVA DANG SHING DANG NAGS TSAL BSREGS PA BZHIN, , ZHES BYA BA YAN CHAD KYIS SO, ,DE NAS RNAM PA THAMS CAD DU THAMS CAD MKHYEN PA NYID GSUM THOB PA DBANG DU BYA BA'I PHYIR YANG RNAM PA THAMS CAD DANG, LAM DANG, DNGOS PO SHES PA'I RNAM PA RNAMS BSDUS NAS THAMS CAD MKHYEN PA NYID GSUM BSGOM PA NI RNAM PA KUN MNGON PAR RDZOGS PAR RTOGS PA STE, CHOS RNAMS THAMS CAD RANG BZHIN DAG CING YONGS DAG PAR, ,ZHES BYA BA NAS, YONGS SU MI STON PHYIR MI LDOG PA SA YI CHOS, ,MI 'CHAD DE NI LUNG MA BSTAN PA YIN RIG BYA, ,ZHES BYA BA YAN CHAD KYIS SO, ,DE'I RJES LA RNAM PA KUN MNGON PAR RDZOGS PAR RTOGS PA THOB PA DANG LDAN PA'I KHYAD PAR GYI LAM GYIS GSAL BA RAB KYI MTHAR THUG PAR 'GRO BA NI RTZE MO'I MNGON PAR RTOGS PA STE, DGRA BCOM DANG RKYEN GYI SANGS RGYAS YE SHES DANG, ,ZHES BYA BA NAS, DGRA BCOM RANG RGYAL THEG BRAL BYANG CHUB MCHOG NGES NA, ,DPA' BO RTAG TU MNYAM GZHAG YIN PAR SHES PAR BYA, , ZHES BYA BA YAN CHAD KYIS SO, ,DE'I RJES LA RTZE MO'I MNGON PAR RTOGS PA THOB PA DANG LDAN PAS SO SO DANG BSDUS PA'I DON KHONG DU CHUD PA BSTAN PAR BYA BA'I PHYIR RIM PAS BSGOM PA NI MTHAR GYIS PA'I MNGON PAR RTOGS PA STE, SEMS CAN GANG ZAG GZHAN PHYIR SEMS PA RNAM DAG PA, ,ZHES BYA BA NAS BRTZAMS PA TSIGS SU BCAD PA GCIG GIS SO, ,DE'I RJES LA MTHAR GYIS PA'I MNGON PAR RTOGS PA SGOM PA DANG LDAN PAS SHIN TU GOMS PAR BYA BA'I PHYIR RTOGS PA'I CHOS DE DAG NYID SKAD CIG GCIG LA MNGON DU BYAS PA NI SKAD CIG LA MNGON PAR BYANG CHUB PA STE, SPYO BA BYAS SAM 'ON TE @3B RTAG TU BRDEG KYANG RUNG, ,ZHES BYA BA NAS BRTZAMS PAR TSIGS SU BCAD PA GNYIS KYIS SO, ,DE'I RJES LA SKAD CIG MA GCIG LA MNGON PAR RDZOGS PAR BYANG CHUB PA BSGOM PA DANG LDAN PAS SKAD CIG MA GNYIS PA LA BAG CHAGS DANG BCAS PA'I SGRIB PA THAMS CAD DANG BRAL BA'I PHYIN CI MA LOG PA RNAM PA THAMS CAD KYI DE KHO NA NYID MNGON SUM DU MDZAD PA NI CHOS KYI SKU'I MNGON PAR BYANG CHUB PA STE, BDAG GI BDE BA BTANG NAS RE BA MED SEMS KYIS, ,ZHES BYA BA LA SOGS PA'I TSIGS SU BCAD PA GCIG GIS SO, ,DE'I RJES LA THOS PA LA SOGS PA'I SHES RAB BSKYED PA'I PHYIR MNGON PAR RTOGS PA BRGYAD THOB PA'I RGYU MTSAN YUM JI LTA BA BZHIN DU MNYAN PAS RJES SU BTZAL BAS MNGON PAR BRJOD PA NI, BYANG CHUB SEMS DPA' GANG ZHIG YUN RING 'KHOR 'DOD CING, ,ZHES BYA BA NAS, 'GRO BA'I SDUG BSNGAL JI SNYED BDAG GIS BZOD SNYAM PA, ,BYANG CHUB SEMS DPA' BZOD PA'I PHA ROL PHYIN LA GNAS, ,ZHES BYA BA YAN CHAD KYIS SO, ,DE'I RJES SU TSOL BAR BYED PA DANG LDAN PA LA DGE BA'I BSHES GNYEN GYIS JI LTA BA BZHIN GDAMS NGAG SBYIN PA NI, TSUL KHRIMS KYIS NI ZHI BA 'DOD RNAMS 'PHAGS PAR 'GYUR, ,ZHES BYA BA NAS, DE LA DGE BA'I RTZA BA MTHU CHEN 'PHEL GYUR TE, , SPRIN MED 'OD GSAL ZLA DKYIL YAR GYI NGO BZHIN NO, ,ZHES BYA BA YAN CHAD KYIS SO, ,DE'I RJES LA GDAMS NGAG BZUNG BA DANG LDAN PAS KHONG DU CHUD PA'I RIM PA CI 'DRA BAR BYA BA NI, BYANG CHUB SEMS DPA'I SBYIN PAS YI DVAGS 'GRO BA GCOD, ,CES BYA BA NAS, SANGS RGYAS RGYUD DANG CHOS KYI RGYUD KYANG YONGS SU 'DZIN, ,DE BZHIN DGE 'DUN RGYUD DANG CHOS KUN YONGS SU 'DZIN, ,ZHES BYA BA YAN CHAD KYIS SO, ,DE'I RJES LA CHOS KYI RNAM GRANGS 'DI'I MING DON DANG LDAN PA RTOGS PA MNGON DU 'GRO BAS YUN RING DU GNAS PAR BYA BA'I PHYIR RJES SU GTAD PA NI YONGS SU RDZOGS PA'I TSIGS SU BCAD PA GCIG GSUNGS TE BSDUS PA'I DON YIN NO, ,DE LTA YIN MOD KYI RTOGS SLA BA NYID KYIS DON LHAG MA BZHI PO MA GSUNGS PAR SHES RAB KYI PHA ROL TU PHYIN PA MNGON PAR RTOGS PA BRGYAD DU BSTAN TE, DE SKAD DU YANG, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, , @4A *, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAMS BRGYAD, ,CES GSUNGS PA YIN NO, ,DA NI TSIG GI DON LA SOGS PA BSHAD PAS MDO'I DON BRJOD PAR BYA STE, DE NAS ZHES BYA BA LA SOGS PA LA, DE NAS KYI SGRA NI RGYAS PAR BSTAN PA'I DE MA THAG TU'AM, MAN NGAG MDOR BSDUS NAS BSTAN PA'I SKABS YIN NO, ,YANG GI SGRA NI TSIG GI RGYAN NO, ,NGES PA'I TSIG TU NA NYON MONGS PA LA SOGS PA BCOM PAS YANG NA BCOM LDAN 'DAS YIN PAR BSTAN PA'AM, DBANG PHYUG LA SOGS PA DANG LDAN PAS SO, ,NYAN THOS LA SOGS PAS BSTAN PA'I GDUL BYA MI SRID PAS BCOM LDAN 'DAS NYID KYIS BSTAN TO, ,ZHES BYA BAR 'BREL TO, ,CI'I PHYIR ZHE NA, 'KHOR BZHI PO ZHES BYA BA LA SOGS PA LA DE DAG GIS SNGAR GZHUNG RGYAS PA MNYAN PAS SBYANGS PA'I PHYIR GANG ZHIG BSDUS NAS NYAN DU RUNG BA DE RNAMS KYI DBANG DU MDZAD DO, ,DE DAG CES BYA BA'I TSIG GIS NI MA NING LA SOGS PA NYON MONGS PA SHAS CHE BA'I PHYIR RAM CHOS NYID RTOGS PA'I SKAL BA DANG MI LDAN PAS 'KHOR MA YIN PA NYID PHYIR YUL LA NYES PAR SPYOD PA'I 'DOD CHAGS DANG BRAL BA DANG, BRAL BA MA YIN PA'I SKYES PA DANG BUD MED DAG LA SRID PA'I PHYIR DGE SLONG DAN, DGE SLONG MA DANG, DGE BSNYEN DANG, DGE BSNYEN MA RNAMS BDAG NYID LA PHAN PA DANG RTAG PA'I 'KHOR RNAMS BSDUS NAS 'KHOR BZHI PO NYE BAR BZUNG STE, DE NAS 'PHAGS PA RAB 'BYOR LA SOGS PA DGE SLONG SLOB PA DANG, MI SLOB PA DANG, DE BZHIN DU SKYE DGU'I BDAG MO LA SOGS PA DGE SLONG MA RNAMS DANG, GZUGS CAN SNYING PO LA SOGS PA'I SLOB PA'I DGE BSNYEN RNAMS DANG, DE BZHIN DU DGE BSNYEN MA SA GA LA SOGS PA GTZO BOR GYUR PA RNAMS SMOS TE, GLENG GZHI'I LE'UR BSTAN PA BZHIN NO, ,SHIN TU KHYAD PAR CAN GYI CHOS RTOGS PA DANG 'BREL PAS DE DAG GI MTSAN NYID DANG BRAL BA'I PHYIR DGE SLONG LA SOGS PAS KYANG MA BSDUS LA, SEMS CAN GYI DON BYED PAS GZHAN GYI DBANG DU GYUR PA'I PHYIR MI BRTAN PA'I 'KHOR YIN PAS 'DIR BYANG CHUB SEMS DPA' MA SMOS SO, ,YANG DAG PAR DGA' BAR MDZAD PA'I PHYIR ZHES BYA BA PHYIN CI @4B MA LOG PA'I BRTZON 'GRUS DANG LDAN PA'I PHYIR MNGON PAR RTOGS PA'I RIM PA BSDUS PA 'DOD PAS THOS PA LA SOGS PA'I SHES PA SKYED PA KHONG DU CHUD PAS YANG DAG PAR ZHUGS PA LA RJES SU MTHUN PAR BSTAN PA NYID KYIS DE LTA BU'I YON TAN LA MNGON PAR DGA' BA DANG SPRO BA SPEL BA'I PHYIR RO, ,DE BZHIN DU 'DIR DON 'DI NYID 'DZIN PAR 'GYUR RO, ,GZHAN DU NA RIGS PA DANG MI LDAN PAS DOR BAR BYA BAR 'GYUR RO, ,YANG NA YANG DAG PAR DGA' BAR MDZAD PA'I PHYIR ZHES BYA BA NI RANG NYID NGAG LA DBANG BAR BSTAN PAS BDAG NYID LA GUS PA BSKYED PA'I PHYIR BSDUS NAS BSTAN PAS YANG DAG PAR DGA' BA'I PHYIR RO, ,CI'I PHYIR STON CE NA SMRAS PA ZHES BYA BA LA SOGS PA SMOS TE, YANG ZHES BYA BA NI RGYAS PAR BSTAN PA LA LTOS NAS YANG 'DI DE MA THAG TU BSTAN TE, SHES RAB KYI PHA ROL TU PHYIN PA ZHES GSUNGS PA LA, THOS PA'I SHES RAB LA SOGS PA BSKYED NAS RNAM PA THAMS CAD MKHYEN PA NYID THUGS SU CHUD PAS GSAL BA'I RAB KYI MTHAR THUG PAR PHYIN PA STE, PHA ROL NI DE KHO NA NYID KYI RANG BZHIN GYI PHA ROL LO, ,SHES RAB NI CHOS RAB TU RNAM PAR 'BYED PA'I MTSAN NYID KYI PHA ROL TU PHYIN PA'O, ,SHES RAB KYI PHA ROL TU PHYIN PA'I GTZO BO NI, SANGS RGYAS BCOM LDAN 'DAS TE SGYU MA LTA BU'I RANG BZHIN NO, ,'DI ZHES BYA BA NI RAB TU DBYE BA BSTAN PA'O, ,DANG PO SBYOR BA LA SOGS PA MTSAN NYID KYI LAM STE, 'BRAS BU DE'I DON DU SBYOR BA NYID KYI GTZO BO MA YIN PA'I SHES RAB KYI PHA ROL TU PHYIN PA'O, ,DE DANG 'DI STE GSAL BAR BYED PA'I KUN RDZOB LA GZHAN PA'I DBANG GIS 'JUG PA GANG GIS 'JUG PA GANG YIN PA RAB TU PHYE NA BSTAN PA'I GZHUNG STE, DE YANG STONG PHRAG BRGYA PA LA SOGS PA DE LA SBYOR BAS NA DE GNYIS NI BRTAG PA'I SHES RAB KYI PHA ROL TU PHYIN PA'O, ,'DI ZHES BYA BA NI MA LUS PA SHIN TU PHYE STE BSTAN PA'O, ,DE LTA BAS NA JI SKAD BSTAN PA'I DON STON PAR BYED PA'I GZHUNG GIS RANG BZHIN DE NYID BSDUS NAS NYE BAR BSTAN PA GSAL BAR BYED PA NI STON CING NGO, ,DE'I TSE NI DER DON MDOR BSDUS NAS BSTAN PA NYAN PAR RUNG BA'I 'KHOR BA'I 'DUS PA DE'I TSE'O, ,TSIGS SU BCAD PA 'DI ZHES BYA BA LA SOGS PA LA, DGA' DANG GUS DANG ZHES BYA BA LA SOGS PA MJUG THOGS SU 'CHAD PAR 'GYUR BA NI TSIGS SU BCAD PA 'DI'O, ,TSIGS SU @5A *, ,BCAD PA NI KHYAD PAR CAN GYI SDEB SBYOR GYI MTSAN NYID DANG LDAN PA'O, ,BCOM LDAN 'DAS KYI BYIN GYI BRLABS KYIS GDUL BYA RNAMS LA BKA' STZAL PA DE BZHIN DU SNANG BA'I PHYIR RO, ,DE LTAR 'BREL PA BSTAN NAS RNAM PA THAMS CAD MKHYEN PA NYID THOB PAR 'DOD PAS, THOG MAR BYANG CHUB KYI SEMS STONG PA NYID DANG, SNYING RJE'I SNYING PO CAN BSKYED PAR BYA BA YIN PAS DE BSHAD PAR 'DOD NAS DGA' DANG ZHES BYA BA LA SOGS PA GSUNGS PA LA, DGA' BA NI MNGON PAR 'DOD PA'O, ,GUS PA NI MNGON PAR YID CHES PA'O, ,DAD PA NI GUS PA'I BYE BRAG GO, ,MCHOG NI THAMS CAD KYI MCHOG GO, ,NYE BAR GZHAG STE NI NYE BAR BLO LA GZHAG PA'O, ,'DI SKAD DU NUS PA NYID DANG, ,YOD PA NYID DANG, YON TAN DANG LDAN PA'I CHOS YUM GYI BYE BRAG THAMS CAD BSHAD DE, RIM PA JI LTA BA BZHIN DU MNGON PAR 'DOD PA DANG, MNGON PAR YID CHES PA DANG RAB TU DANG BA STE, DAD PA'I BYE BRAG RNAM PA GSUM MO, ,THAMS CAD MCHOG TU BSKYED PAS MNYAN PAR BYA STE, GZHAN DU NA DON MED PAR 'GYUR TE, DAD PA NI CHOS THAMS CAD KYI SNGON DU 'GRO BA'I PHYIR RO ZHES BSTAN PA YIN NO, ,BLANG BAR BYA BA BSTAN NAS DE BZHIN DU DOR BAR BYA BA BSTAN PA'I PHYIR SGRIB PA ZHES BYA BA LA SOGS PA SMOS TE, GSAL BA NI SPANGS PA STE, CI ZHIG SPANGS SHE NA, SGRIB PA DANG NYON MONGS PA'I DRI MA RNAMS SO, ,DE LA SGRIB PA NI SHES BYA LA MNGON PAR ZHEN PA DANG, 'DOD CHAGS LA SOGS PA'O, ,YANG DAG PA'I DON RTOGS PA DANG 'GAL BA'I PHYIR SGRIB PA'O, ,DE DAG NYID LUS DANG NGAG DANG YID NYON MONGS PAR BYED PAS NA NYON MONGS PA'O, ,DE YANG GNYEN PO GOMS PAR BYAS PAS BSAL BAR NUS PA'I PHYIR DRI MA'O, ,DE BSAL ZHES BYA BAR 'BREL TE, DE LTAR BSTAN PAR 'GYUR RO, ,DNGOS PO LA MNGON PAR ZHEN PA DANG, 'DOD CHAGS LA ZHEN PA MED PAR DE NYID LA GZHOL BA'I SEMS KYIS MNYAN PAR BYA STE, GZHAN DU NA DON RTOGS PAR MI 'GYUR BA'I PHYIR RO, ,MI MTHUN PA'I PHYOGS DANG GNYEN PO'I PHYOGS 'DI SPANG BA DANG BYA BA YANG CI ZHIG MNYAN PAR BYA ZHE NA, ZHI BA MNYAN PAR @5B GYIS ZHES BYA BA SMOS TE, MNGON PAR MTHONG BA'I CHOS THOB PA'I BSAM PAS MI BYA'O, ,THAR PA'I BSAM PA MYA NGAN LAS 'DAS PA'I RGYU MTHUN PA LA LUS DANG NGAG DANG YID MNGON DU PHYOGS PA RGYUR GYUR PA NI ZHI BA'O, ,MNYAN PAR GYIS NI THOS PA'I SHES RAB BO, ,RJES KYI YID KYI RNAM PAR SHES PAS SHES RAB KYI PHA ROL TU PHYIN PA KHONG DU CHUD PAR BYA'O ZHES BYA BAR 'BREL TO, ,'DIR DE NI NYE BAR MTSON PA STE, BSAM PA DANG BSGOM PA ZHES BYA BA YANG GZUNG BAR BYA'O, ,JI LTAR DE 'BREL ZHE NA, 'GRO DON MNGON ZHUGS ZHES BYA BA LA SOGS PA GSUNGS TE, 'GRO BA SEMS CAN MA LUS PA RNAMS KYI DON SKAL BA JI LTA BA BZHIN DU MNGON PAR MTHO BA DANG, NGES PAR LEGS PA'I CHOS THOB PAR BYA BA'I PHYIR DE'I DON LA PHYOGS PA NI ZHUGS PA STE, SEMS BSKYED PA LA SOGS PA'I RIM PAS ZHUGS PA YIN TE, 'DIS NI SEMS DPA' CHEN PO'I SGRA'I DON BSTAN TO, ,DES PA NI CHOS KYI DBYINGS KHYAD PAR DU 'PHAGS PA DANG, DMIGS PA MED PA'I THUGS RJE'I BDAG NYID DE, SANGS RGYAS NYID LA DGA' BA'O, ,'DIS NI BYANG CHUB SEMS DPA'I SGRA'I DON BSTAN PA'O, ,DES NA 'DI SKAD DU BYANG CHUB SEMS DPA' SEMS DPA' CHEN POS GZUGS BRNYAN SPANGS NAS SHES RAB KYI PHA ROL TU PHYIN PA DANG 'BREL TE MNYAN PAR BYA BA KHO NA'O ZHES NGES PAR GZUNG GI DE DAG KHO NA ZHES BYA BA MA YIN TE, BYANG CHUB RNAM PA GSUM KA DE MED NA MI 'BYUNG BAS DBANG DU BYAS PA'I PHYIR RO ZHES BYA BA BSTAN PAR 'GYUR RO, ,SHES RAB KYI PHA ROL TU PHYIN PA SPYI'I SGRAR GSUNGS MOD KYI, 'ON KYANG BRDA LA SOGS PA'I STOBS KYI KHYAD PAR GYIS DON YIN PAR RTOGS TE, SHES RAB KYI PHA ROL TU PHYIN PA NI BYANG CHUB KYI SEMS KYI RANG BZHIN GYI DON TE, CHOS THAMS CAD KYI RNAM PAR BSDUS PA YIN PA'I PHYIR RO ZHES BYA BA'I DON TO, ,DES NI 'DI SKAD DU SNYING RJE CHEN PO'I SA BON RAB TU SAD PA LAS BYANG CHUB SEMS DPA'I SDOM PA BLANG BA LA SOGS PA DANG, STONG PA NYID DANG SNYING RJE'I SNYING PO CAN GYI BYANG CHUB KYI SEMS BSKYED DE, YANG DAG PAR RDZOGS PA'I SANGS RGYAS THOB NAS SKAL PA JI LTA BA BZHIN DU GZHAN GYI DON BYA'O ZHES SMON LAM BTAB NAS SGRUB PA PHUN SUM @6A *, ,TSOGS PA BYA'O ZHES GZHAN GYI DON LA DMIGS PA RGYU DANG BCAS PA'I 'BRAS BU YANG DAG PAR RDZOGS PA'I BYANG CHUB RTOGS PAR 'DOD PA'I MTSAN NYID SMON PA DANG 'JUG PA'I RANG BZHIN GYI SEMS BSKYED PA TSOGS KYI LAM NAS BRTZAMS TE, SA'I RIM PAS SANGS RGYAS KYI SA KUN TU 'OD KYI BAR DU GANG GIS RTOGS PA DE DAG GI BDAG NYID NI SHES RAB KYI PHA ROL TU PHYIN PA STE, SGYU MA LTA BU'I THOS PA LA SOGS PA'I SHES PA BSKYED CING BSGRUB PAR BYA'O, ,ZHES DON GYIS BSTAN PAR 'GYUR RO, ,LAM SHES PA LA SOGS PA MA BSGRUBS PAR RNAM PA THAMS CAD MKHYEN PA NYID KYI BDAG NYID SEMS BSKYED PA RGYAL BA'I SRAS RNAMS KYIS MI 'GRUB PA MA YIN NAM, DE BAS NA DE DAG DANG JI LTAR 'BREL PAR 'GYUR ZHES ZER NA, GANG LA DPA' RNAMS SPYOD PA ZHES BYA BA GSUNGS TE, GANG LA NI SHES RAB KYI PHA ROL TU PHYIN PA LA'O, ,MI MTHUN PA'I PHYOGS KYI CHOS THAMS CAD LAS RGYAL ZHING NYAMS PAR MI NUS PA YOD PA NI BYANG CHUB SEMS DPA' STE DPA' BA'O, ,CHOS MA LUS PA LA GOMS PA DANG LDAN PAS ZHUGS PA DE LTA BU NI SEMS BSKYED PA'I RANG GI NGO BO STE SHES RAB KYI PHA ROL TU PHYIN PA YIN NO ZHES BYA BA'I DON TO, ,DE LTA BAS NA 'DI SKAD DU JI SKAD BSHAD PA'I SEMS BSKYED PA LA MA GTOGS PA'I CHOS GZHAN MED DE, GDAMS NGAG LA SOGS PA YANG KHYAD PAR GYI DON BSTAN PA'I PHYIR SEMS BSKYED PA'I RAB TU DBYE BA KHO NA YIN NO, ,DE BAS NA DE'I RANG BZHIN RNAM PA THAMS CAD MKHYEN PA NYID NI BYANG CHUB SEMS DPA' THOB PAR BYA BA MA LUS PA'I CHOS BSDUS NAS DANG POR BSTAN PAR 'GYUR RO, ,DE LTA YIN NA CI'I PHYIR STONG PHRAG BRGYA PA LAS BYANG CHUB SEMS DPA'I LAM SHES PA LA SOGS PA THA DAD PAR BSTAN CES ZER NA SMRAS PA GANG GI PHYIR RNAM PA THAMS CAD MKHYEN PA NYID NI SANGS RGYAS KYI YIN TE, RGYU DANG BCAS PA'I 'BRAS BU THOB PA LA LTOS NAS BSTAN PA'I PHYIR GSUNGS LA, TSOGS KYI BSGRUB PAR RAB TU DGA' BA LA SOGS PA SA'I TSOGS 'DUS MOD KYI, 'ON KYANG MTHONG BA'I LAM LA SOGS PA RGYAL BA'I SRAS RNAMS LA MA MA YIN NO ZHES DOGS PA BSAL BA'I PHYIR GSAL BAR BSHAD PA DANG DON RAB TU PHYE BA @6B YIN NO, ,DE PAS NA DE NYID LAS LAM SHES PA THA DAD PAR BKOL NAS RAB TU DGA' BA LA SOGS PA SA BDUN PA LA ZHUGS PA'I RAB THA DAD PAR LOGS SHIG TU LAM SHES PAR GZHAG GO, ,DE LTA BAS NA LAM SHES PA LA NI LAM THAMS CAD SHES PAR BYA DGOS PAS NYAN THOS LA SOGS PA'I LAM STON MOD KYI, 'ON KYANG BYANG CHUB SEMS DPA'I LAM BSTAN PAS LDOG PA'I SGO NAS YANG 'PHANGS PA'I MI RTAG PA LA SOGS PA'I MTSAN NYID KYI LAM NYAN THOS LA SOGS PA'I LAM YIN NA SNYOM DU DOGS PA BSAL BA'I PHYIR DANG, RAB TU SPROS PAS BDE BLAG TU RTOGS PAR BYA BA'I PHYIR YANG DE NYID LAS LOGS SHIG TU THAMS CAD SHES PA NYID THA DAD PAR SA BDUN PAR GZHAG STE, LAM LTAR SNANG BA LA SOGS PA'I SKYON RNAMS SPANGS TE KUN RDZOB KYI BDEN PA TZAM LA GZHAG GO, ,GZHAN DU NA DE DAG LA RTOGS PA SKYE BAR MI RIGS SO, ,DE'I RJES THOGS LA RNAM PA DANG, LAM DANG, DNGOS PO'I SHES PA'I RNAM PA THAMS CAD BSDUS NAS DBANG DU BYA BA'I PHYIR YANG DANG YANG DU MNGON DU BYED PA RNAM PA THAMS CAD MKHYEN PA NYID DANG, LAM SHES PA LA SOGS PA'I RANG BZHIN KHYAD PAR GYI LAM STOBS CAN SA BRGYAD PA MI G-YO BA DE'I DBYE BA RTOGS PAR BYA BA'I PHYIR RNAM PA KUN MNGON PAR RDZOGS PA RTOGS PA BSTAN TO, ,DE'I RJES LA GNYEN PO'I TSOGS DANG, NGES PAR 'BYUNG BA'I SGRUB PA'I RAB TU DBYE BA RTOGS PAR BYA BA'I PHYIR GSAL BA RAB KYI MTHAR THUG PAR 'GRO BA KHYAD PAR GYI LAM DE NYID YID LA BYED PA NI LEGS PA'I BLO GROS LA SOGS PAS GNYIS NI RTZE MO'I MNGON PAR RTOGS PA BSTAN TO, ,DE'I RJES THOGS LA SA BCU PA'I BAR CHAD MED PA'I TING NGE 'DZIN GYI GNAS SKABS SU SO SO DANG BSDUS PA BSGOM PA'I DON GYI GO RIMS BSTAN PAR BYA BA'I PHYIR RIM PA BZHIN BYA STE, DE NYID BSGOM PA NI MTHAR GYIS PA'I MNGON PAR RTOGS PA'I MTHAR PHYIN PA'O, ,DE NAS GO RIMS BZHIN DU BSGOM PA'I CHOS RNAMS SHIN TU GOMS PAR BYAS PAS SKAD CIG GCIG LA DE NYID KYI GNAS SKABS RTOGS PA DE NYID SKAD CIG GCIG LA MNGON PAR BYANG CHUB PA RDZOGS PA YIN NO, ,DE'I RJES LA RNAM PA THAMS CAD @7A *, ,MNGON DU BYED PA CHED DU BYA BA GSUM MNGON SUM DU BYAS NAS RTOGS PA DE NYID NI SANGS RGYAS KYI SA KUN TU 'OD LA CHOS KYI SKUR MNGON PAR BYANG CHUB PA MTHAR PHYIN PA YIN NO, ,DE LTA BAS NA SEMS BSKYED PA SGYU MA LTA BU'I RANG BZHIN NYID KYIS RNAM PA THAMS CAD MKHYEN PA DANG, MNGON PAR RTOGS PA BRGYAD BSDUS TE, DE LTAR LUNG LAS NGES PA YIN NO, ,RIGS PA LAS KYANG RTOGS PAR BYA STE, 'DI LTAR GANG YOD PAR DMIGS PA'I MTSAN NYID DU GYUR PA DE NI YOD PA'I THA SNYAD KYI YUL YIN TE, DPER NA SHES PA'I NGO BO BZHIN NO, ,SNGON PO LA SOGS PA YANG YOD PAR DMIGS PA'I MTSAN NYID DU GYUR PA'I PHYIR ZHES BYA BA NI RANG BZHIN GYI GTAN TSIGS SO, ,BA LANG RDZI'I SKYE BO YAN CHAD KYIS NYAMS SU MYONG BAR GRUB PA'I PHYIR MA GRUB PA YANG MA YIN NO, ,MTHUN PA'I PHYOGS LA YOD PAS 'GAL BA YANG MA YIN NO, ,DE LTA BU'I DON KYANG 'GEGS NA NI YOD PA'I THA SNYAD THAMS CAD RGYUN 'CHAD PAR 'GYUR RO ZHES BYA BAS BZLOG NA GNOD PA CAN GYI TSAD MA YOD PAS MA NGES PA'I GTAN TSIGS KYANG MA YIN NO, ,DE BAS NA PHYI'I DON YOD PAR 'GRUB BO ZHES ZER NA MA YIN TE, GANG GI PHYIR GANG ZHIG RIG PA NA GANG RIG PA'I THABS MED PA DE NI RIG PA MA YIN TE, SNGON PO RIG PA NA SER PO MI RIG PA BZHIN NO, ,YANG SHES PA'I BDAG NYID RIG PAR GYUR PA NA MNGON PAR 'DOD PA'I PHYI'I DON RIG PA'I THABS MED PA'I PHYIR ZHES BYA BA NI KHYAB PAR BYED PA MI DMIGS PA'O, ,GANG GI PHYIR NYE BA'I RGYU MTSAN MED PAS NA RNAM PA MED PAS KYANG MA YIN NO, ,SHIN TU THAL CHES PA'I PHYIR GZHAN GYI RNAM PAS KYANG MA YIN NO, ,MED NA MI 'BYUNG BA MED PAS 'KHRUL PA SRID PA'I PHYIR RNAM PA DANG BCAS PAS KYANG MA YIN NO, ,PHYOGS GZHAN YANG MI SRID PAS SHES PA GZHAN MED PAS NA DON RIG PA'I THABS MED PA'I PHYIR MA GRUB PA MA YIN NO, ,MTHUN PA'I PHYOGS LA YOD PAS 'GAL BA YANG MA YIN NO, ,RIG PA'I THABS MED PA YANG RIG NA NI THAMS CAD KYANG RIG PAR THAL BAR 'GYUR RO ZHES BYA BAS BZLOG NA GNOD PA CAN GYI TSAD MA YOD PAS MA NGES PA YANG MA YIN NO, ,DE LTA BAS SNGAR GTAN TSIGS @7B DMIGS PA'I MTSAN NYID DU GYUR PA'I PHYIR ZHES BYA BA MA GRUB PA MA YIN NO, ,BSGRUB PAR BYA BA LAS BZLOG PAR GRUB PAS 'GAL BA YIN TE, RNAM PAR SHES PA DE NYID MA RIG PA'I STOBS KYIS SNGON PO LA SOGS PA'I RNAM PAR RIG PA YIN NO, ,SHES PA TZAM GYIS NGO BOR 'DUS PAS GNYIS MED PA NYID DU 'GRUB PO ZHES ZER NA, DE LTA MOD KYI 'ON KYANG DER SNANG BA LAS THA DAD PAR GRUB PA'I MTHA' LA SOGS PA LA BRTEN TE DE KHO NA NYID LA SOGS PA'I CHOS GZHAN YONGS SU RTOG GAM, 'ON TE MA YIN PAR RTOG GRANG NA, GAL TE PHYOGS DANG PO YIN NA NI GANG ZHIG PHYIN CI MA LOG PA'I RNAM PAR SHES PA DE NI SGRO BTAGS PA'I CHOS GZHAN 'DZIN PA MA YIN TE, 'GA' ZHIG NOR BU'I GZUGS LA SOGS PA LA MA 'KHRUL BA'I SHES PA BZHIN NO, ,SHES PA 'DI YANG PHYIN CI MA LOG PA YIN PA'I PHYIR ZHES BYA BA NI KHYAB PAR BYED PA 'GAL BA DMIGS PA YIN NO, ,SGRO BTAGS PA MA LUS PAS DBEN PA RTOG PA DANG BRAL BA'I SEMS DANG SEMS LAS BYUNG BA THAMS CAD BDAG NYID LA YOD PA TZAM DU NYAMS SU MYONG BAS MA GRUB BA MA YIN NO, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,SGRO BTAGS PA'I CHOS 'DZIN PA'I PHYIR RANG GI NGO BO RIG PAR MI 'GYUR RO ZHES BYA BAS BZLOG NA GNOD PA CAN GYI TSAD MA YOD PAS GTAN TSIGS MA NGES PA YANG MA YIN NO, ,PHYOGS GNYIS PA KHAS LEN NA DE'I TSE SNANG BA'I DON LA BSNYON RTOL BYA BAR MI NUS PA SGRO BTAGS PA'I CHOS KYI DBEN PA DON TZAM RTOGS PA 'DI NYID SGYU MA NYID DU SHES SO ZHES BYA BA NI MING TZAM LA RTZOD PAS 'DI NI GYI NA'O, , GNYIS SU MED PA'AM GNYIS ZHES PA DE NYID SGYU MA LTA BU YIN PA'I PHYIR SNYING PO MED DE, DON 'DI SGRUB PAR BYED PA'I TSAD MA MED PA'I PHYIR RO, ,DE LTAR SEMS BSKYED PA TZAM GYI BDAG NYID SHES RAB KYI PHA ROL TU PHYIN PA SGYU MA'I RANG BZHIN DU LUNG DANG RIG PA MDOR BSDUS PAS BSGRUB PA NI BYANG CHUB SEMS DPA' SEMS DPA' CHEN PO RNAMS KYI THUN MONG MA YIN PA'I LAM MA YIN NO, ,GANG DE LTA YIN NA JI LTAR CHOS 'DI NYID RTOGS PA DANG MI LDAN PAS STONG PHRAG BRGYA PA LA SOGS PAR 'PHAGS PA RAB 'BYOR LA SOGS PAS MNGON PAR RTOGS PA BRGYAD STON PA LA DBANG BYED CES ZER NA, DE BZHIN @8A *, ,GSHEGS PA'I MTHU NYID YIN PAR DPE SNGON DU 'GRO BAS LAN DU, 'DZAM BU'I GLING 'DIR ZHES BYA BA LA SOGS PA GSUNGS PA LA, 'DI NAS BYANG DU RI NAG PO, ,DGU 'DAS GANGS RI'O DE NAS NI, ,SPROS NGAD LDAN PA'I TSU ROL NA, ,CHU ZHENG LNGA BCU YOD PA'I MTSO, , ZHES BYA BAS BSTAN TE, MA DROS PA'I MTSO LAS SHAR NAS NI GANG G'A'O, ,LHO NAS NI PAKshU'O, ,NUB NAS NI SIN DHU'O, ,BYANG NAS NI SI TA STE, DE'I MTHUS MNGON SUM DANG BRGYUD PAS 'DUS PA'I PHYIR CHU KLUNG JI SNYED CIG CES BYA BA GSUNGS TE, 'DI LTAR CHU KLUNG JI SNYED KYI RGYUN 'DZAM BU'I GLING 'DIR 'BAB STE, MTSO'I MTHA' MA NA 'DZAM BU'I SHING GNAS PAS NYE BAR MTSON PA RGYA MTSO CHEN PO'I CHU'I NANG NA GNAS PA'I NGOS KYI CHA SOG KA'I NGOS GSUM LA NI STONG PHRAG GNYIS GNYIS, GCIG LA DPAG TSAD PHYED DANG BZHI BCAS PA NI CHU ZHENG GI TSAD DE, DE THAMS CAD NI CHOS MNGON PA GCIG LAS BSTAN TO, ,MNGON PA GZHAN DANG GZHAN LAS NI GZHAN TE TSAD MI MTHUN PAR BSTAN TO, ,'DZAM BU'I GLING LA SOGS PA'I SNOD GZHAG PA THEG PA CHEN PO'I MDO LAS RNAM PAR GZHAG PA'I TSAD SHIN TU MI 'DRA STE, 'DIR ZHES BYA BA'I DON TO, ,DE LTAR NA JI LTAR GZHAN DANG GZHAN MI 'GAL ZHE NA, SMRAS PA GANG GI PHYIR PHYI'I DNGOS PO YONGS SU MA GRUB PAS KUN RDZOB KYI SO SOR SNANG BA LA GLING RNAM PAR BZHAG STE, JI LTA JI LTAR SO SOR SNANG BA DE LTA DE LTAR RNAM PAR BZHAG STE 'GAL BA MED DO, ,CHU KLUNG GI BYA BA JI LTA BU CAN YIN PA NI ME TOG 'BRAS LDAN ZHES BYA BA LA SOGS PA GSUNGS TE, ME TOG DANG 'BRAS BU DANG LDAN PA DAG NI AA MRA LA SOGS PA'I SHING NGO, ,'BRAS BU SMIN NAS SKAM PA'I PHYIR SMAN NI SHING LA SOGS PA'O, ,'BRAS BU 'BA' ZHIG 'BYUNG BA'I PHYIR NAGS MA STE, AU DUM B'A RA LA SOGS PA'O, ,DE DAG SKYED BYED NI GSO BAR BYED PA DANG, 'PHEL BAR BYED PA ZHES BYA BA'I BAR DU'O, ,GANG GI MTHUS 'BAB CE NA, KLU DBANG LA SOGS PA GSUNGS TE, KLU NI SBRUL GYI TSOGS SO, ,DBANG PO NI BDAG PO STE, KLU'I RJE BO DE NYID NOR RGYAS LA SOGS PA DE RNAMS NI BDAG PO'I GTZO BO STE, GZHAN NI MA YIN NO, ,RTEN NI YAN @8B LAG BRGYAD DANG LDAN PAR 'BYUNG BAS TSA BA 'JOMS PAS NA MA DROS PA STE, BDAG NYID KYI KHYIM YIN NO, ,DE'I MTHU NI NUS PA'O, ,DPAL DANG LDAN TE, KLUNG RNAMS KYI NANG NA SHIN TU PHUL DU BYUNG BA YIN TE, BYE TSAN GYI 'JIGS PA LA SOGS PA LAS 'DAS TE RANG DBANG THOB PAS NA BDAG PO STE, MA DROS PA ZHES BYA BA'I DON TO, ,DPE BSTAN NAS DON NI RGYAL BA'I ZHES BYA BA LA SOGS PA GSUNGS TE, DE BZHIN DU RGYAL BA'I NYAN THOS PA DAG MDO DANG DBYANGS KYIS BSNYAD PA LA SOGS PA'I MTSAN NYID JI SNYED KYI CHOS MNGON SUM DANG, RJES SU DPAG PA DANG, LUNG GI TSAD MA DANG LDAN PA NYID NI RIG PA DAG DANG LDAN PA STE THOS PA DANG, BSAM PA DANG BSGOM PA'I SHES RAB BSKYED PA'I PHYIR RIM PA JI LTA BA BZHIN DU STON PAR BYED PA DANG, 'CHAD PAR BYED PA DANG, RJOD PAR BYED PA ZHES TSIG RNAM PAR SBYAR BAR BYA'O, ,CI'I PHYIR ZHE NA, MCHOG 'PHAGS ZHES BYA BA LA SOGS PA GSUNGS TE, THAMS CAD KYI MCHOG NYID DO, ,BAG CHAGS DANG BCAS PA'I SGRIB PA MA LUS PA SPANGS PAS MCHOG STE SANGS RGYAS BCOM LDAN 'DAS SO, ,BDE BA BYED PA NI MI GNAS PA'I MYA NGAN LAS 'DAS PA STE, THEG PA CHEN POR NYAN THOS LA SOGS PA'I MYA NGAN LAS 'DAS PA DANG 'BREL PAR MI RIGS TE BKAG PA'I PHYIR MI GNAS PA'I MYA NGAN LAS 'DAS PA YIN PA'I PHYIR DE NYID DE'I MDO SDE LA SOGS PA'I CHOS BSTAN PAS GZHAN DANG GZHAN BRGYUD PAS GTZO BO YIN PA'I PHYIR 'BRAS BU STE, THOS PA LA SOGS PA'I SHES RAB BSKYED NAS THOS PAS NA DE'I RGYU MTSAN YIN NO ZHES BYA BA'I BAR DU'O, ,NYAN THOS KYI RANG DBANG GIS KYANG DON STE STON PA YIN NO ZHE NA, DE DAG KUN KYANG ZHES BYA BA LA SOGS PA GSUNGS TE, KUN KYANG NI NYAN THOS KYI CHOS BSTAN PA LA SOGS PA'O, ,PHYIN CI MA LOG PA'I CHOS NYID THUGS SU CHUD PAS SAM, JI LTA BA NYID STON PAR MDZAD PAS NA DE BZHIN GSHEGS PA STE DE'I BYIN GYIS BRLABS NI 'JUG PA'I RGYU NYID YIN TE, SKYES BU'I BYED PA'I 'BRAS BU YIN NO ZHES BYA BA'I BAR DU'O, ,NYAN THOS KYIS KYANG RANG GI RTOGS PAS CHOS NYID MNGON DU BYAS PA MA YIN NAM, DE LTA BAS NA RANG GI NUS PA NYID KYIS RANG GIS @9A *, ,KYANG RANG GI THEG PA CI'I PHYIR STON PA LA SOGS PA MI BYED DE, DE THAMS CAD DE BZHIN GSHEGS PA'I MTHU YIN PAR BRJOD CE NA, CI'I PHYIR ZHES BYA BA LA SOGS PA GSUNGS TE, CI'I PHYIR ZHES BYA BA LA SOGS PA GSUNGS TE, CI'I PHYIR ZHES BYA BA NI NANG GI RGYUS NUS PA YIN PAR RTOGS ZHES BYA BA'I DON TO, , LAN DU RGYAL BAS ZHES BYA BA LA SOGS PA GSUNGS TE, GANG ZHIG SDIG PA'I CHOS LAS RGYAL BA NI RGYAL BA STE BCOM LDAN 'DAS SO, ,CHOS NI GANG ZAG LA BDAG MED PA'I BDAG NYID DO, ,TSUL NI NYAN THOS KYI LUNG GI CHOS NYID DE, GANG BSTAN PA NI GSAL BAR BYAS PA'O, ,YANG DAG PA'I LAM DU ZHUGS PA NYID KYIS SHIN TU KHYAD PAR DU 'PHAGS PA'I MIR GYUR PA NI MI MCHOG GO, ,DANG PO NYID LA DBANG BAR GYUR PA ZHES BYA BA'I RIGS PAS RANG GI STON PA YIN PAR KHAS BLANGS PA'I PHYIR SLOB MAR GYUR PAS SLOB MA STE 'PHAGS PA RAB 'BYOR LA SOGS PA'O, ,DE LA MNGON DU PHYOGS PAS THOS PA'I SHES RAB BSKYED PA NI BSLABS SHING NGO, ,YANG NA MI MCHOG NI DE BZHIN GSHEGS PA STE, DE'I SLOB MA YIN PAS NA SLOB MAR GYUR PA'O, ,DES RANG GI RTOGS PA'I CHOS NYID MNGON SUM DU BYAS SHING PHYIS BSLABS PAS JI BZHIN DU LUNG GI CHOS KYI RANG BZHIN RTOGS PA DANG MI 'GAL BAR SANGS RGYAS KYI MTHUS STON PAR BYED DO, ,DE BAS NA DE BZHIN GSHEGS PA NYID KYI MTHU YIN GYI RANG GI MTHUS MA YIN NO ZHES BYA BA'I DON TO, ,'DIS 'DI SKAD DU BSTAN PA YIN TE, RTAG TU MNYAM PAR GZHAG PA'I THABS LA MKHAS PA DANG BRAL BAS DON RTOGS PA'I YUL GYIS CHOS KYANG RANG GI RTOGS PA DANG MI 'GAL BAR STON PAR MI NUS NA, PHUL DU BYUNG BA NYID KYIS RTOGS PA'I DON GYI YUL BDE BAR GSHEGS PA'I SRAS KYI LAM DU GYUR PA LTA CI SMOS, DE BAS NA SANGS RGYAS KYI CHE BA'I BDAG NYID KYI MTHUS MNGON PAR RTOGS PA BRGYAD STONG PA LA DBANG BAR BSTAN PA YIN NO, ,DE SKAD DU, RANG GI RTOGS PA'I RJES 'BRANGS NAS, ,CI ZHIG TZAM NI DPAG PAR NUS, ,THABS BYUNG DE RGYU LKOG GYUR PAS, ,DE BSHAD PA NI DKA' BA YIN, ,ZHES GSUNGS PA'I RIGS PAS NYAN THOS CHEN PO RNAMS KYIS DPYAD NAS KYANG BSTAN PAR MI NUS SO ZHES BYA @9B BA'O, ,ZHAL LA BYUNG BA BRJOD NAS, NGA NI DANG POR BYANG CHUB TU SEMS BSKYED PA'I SKABS LA JI LTAR BAB PA'I BSLAB PAR BYA BA'I GDAMS NGAG BSTAN PAR BZHED NAS GANG LA ZHES BYA BA LA SOGS PA GSUNGS TE, RIGS PA'I STOBS KYIS GANG LAS SPYI DNGOS PO MA LUS PA SGYU MA LTA BUR STONG PA NYID DU GNAS PAS CHOS DANG GANG ZAG GI GNYEN PO'I RANG BZHIN GYIS SHES RAB YANG DAG PAR BDAG MED PAR SHES PA'I MTSAN NYID KYI PHA ROL TU PHYIN PA THAMS CAD KYI GTZO BO YIN PA'I PHYIR SHES RAB KYI PHA ROL TU PHYIN PA'I MCHOG GO ,RNAM PA THAMS CAD DU GDAMS PA'I NGO BO YONGS SU GCOD PA MI SRID PAS DE LTAR NA MI DMIGS PA DANG SNYING RJE'I GZHAN GYI DBANG GIS PHYIN CI MA LOG PA'I LAM STON CING 'DOMS PAR BYED PA BYANG CHUB SEMS DPA'I SEMS CAN LA PHAN 'DOGS PA NYID KYI PHYIR BYANG CHUB KYI SEMS NI BYANG CHUB SEMS DPAS BSKYED PA STE, BSKYED PA DE MI DMIGS SO ZHES BYA BAR SBYAR RO, ,KYANG GI SGRA NI RIM PA GZHAN DU SBYAR TE, SDUD PA'I DON YIN PA'I PHYIR RO, ,GANG DE LTA YIN NA GDAMS NGAG MED PAS JI LTAR GDAMS SHE NA, DE SKAD THOS NAS ZHES BYA BA LA SOGS PA GSUNGS TE, BYED PA PO DANG LAS DANG, BYA BA MI DMIGS PAR BSTAN MA THAG TU THOS PA NA, BYANG CHUB SEMS DPAS, YANG DAG KUN RDZOB RNAMS KYI SKAS, ,MED PAR DON DAM KHA CHEN GYI, ,STENG DU 'GRO BAR BYA BA NI, ,MKHAS LA RUNG BA MA YIN NO, ,ZHES BYA BAR RTOGS PAR BYAS NAS KUN RDZOB KYI BDEN PA MED PA MA YIN PAS MI 'JIGS PAR BSGRUBS NAS RMONGS PA MED PAR BYA'O, ,DON DAM PA'I BDEN PA LA YANG TSAD MAS GRUB PA'I PHYIR MI SKRAG STE, SKRAG PA'I GNAS MED PAS SKRAG PA DANG BRAL BA'I BYANG CHUB SEMS DPA' DE NI BDE GSHEGS SHES RAB SPYOD PA YIN TE, PHYIN CI MA LOG PA'I BDEN PA GNYIS RTOGS PAS 'JIGS PA MED PA'I PHYIR RO, ,'DIS NI STONG PA NYID KYI SNYING PO CAN GYI SEMS BSKYED PA LA SOGS PAS YANG DAG PAR THOB PA YONGS SU BSRUNG BA'I PHYIR DANG, MNGON PAR 'PHEL BAR BYA BA'I PHYIR SKYED PAR BYED PA NI KHYAD PAR DU 'PHAGS PA'I GANG ZAG GI BSLAB PA NI GDAMS NGAG YIN NO ZHES BSTAN PAR 'GYUR RO, ,GDAMS NGAG @10A *, ,THOS PA'I LAS DANG PO PAS DAD PA LA SOGS PA'I CHOS GOMS PAR BYAS NAS TSOGS KYI LAM THOB PA NGES PAR 'BYED PA'I CHA DANG MTHUN PA'I DMIGS PA DANG, RNAM PA DANG, RGYU DANG, YONGS SU BZUNG BAS KHYAD PAR DU 'PHAGS PA DANG, RNAM PAR RTOG PA BZHI DANG LDAN PA CHUNG NGU DANG, 'BRING DANG, CHEN PO'I BYE BRAG GIS KHYAD PAR DU 'PHAGS PA BRJOD PAR BYA'O, ,DE DAG LAS DANG POR 'JIG RTEN LAS 'DAS PA'I YE SHES KYI ME'I SNGA RTAGS YIN PA'I PHYIR DRO BA RTOGS PAS NA DRO BAR GYUR PA STE, DE'I DMIGS PA BSTAN PA'I PHYIR, GZUGS MED CES BYA BA LA SOGS PA GSUNGS TE, GZUGS SU RUNG BA NI GZUGS KYI MTSAN NYID DO, ,NYAMS SU MYONG BA NI TSOR BA'I MTSAN NYID DO, ,MTSAN MAR 'DZIN PA'I BDAG NYID YIN PAS NA 'DU SHES SO, ,SEMS MNGON PAR 'DU BYED PA'I RANG BZHIN NI SEMS PA STE, GTZO BO YIN PAS NYE BAR MTSON PA YIN PA'I PHYIR TE, 'DU BYED GZHAN DAG KYANG GZUNG BAR BYA'O, ,RNAM PAR SHES PA NI RTOGS PA'I MTSAN NYID DE, DE RNAMS DMIGS PA MA YIN TE, DE KHO NA NYID DU ZHES BYA BA NI TSIG GI LHAG MA'O, ,DE LTA BAS NA KUN RDZOB NYAMS SU MYONG BA'I DON BKAG NA MNGON SUM LA SOGS PA GNOD PAR 'GYUR BAS NA SNANG BA LAS GZHAN NI RIGS PAS MA GRUB PA'I PHYIR MI RTAG PA LA SOGS PA'I KHYAD PAR GYI RANG BZHIN LA SOGS PA DMIGS PA YIN PAR LDOG PAS BSTAN PAR 'GYUR RO, ,RNAM PA GANG ZHIG YIN ZHE NA, GNAS NI ZHES BYA BA LA SOGS PA GSUNGS TE, GNAS PA'I MNGON PAR ZHEN PA TE, RDUL TZAM YANG YOD PA MA YIN TE, GZUGS LA SOGS PA RNAMS SKYE BA MED PA'I MNGON PAR ZHEN PA MED PA NI RNAM PA YIN PAR BSTAN PAR 'GYUR RO, ,CI'I PHYIR DE'I RGYU YIN ZHE NA, DE CHOS ZHES BYA BA LA SOGS PA GSUNGS TE, GANG GI DMIGS PA DANG RNAM PAR GYUR PA GZUGS LA SOGS PA'I CHOS KUN GYI MTSAN NYID DMIGS PA DANG BRAL BAS MI GNAS TE, MNGON PAR ZHEN PA MED PA'I STOBS KYIS GNAS PA MED PAR DON LA SPYOD DE, NGES PAR GNAS PA MED PAR SPYOD PA NI NGO BO'O, ,CHUNG NGU DANG 'BRING DANG CHEN @10B PO'I DBYE BA RTOGS PA NI BYANG CHUB THAMS CAD KYI RGYU NYID DE, BYANG CHUB CIG STON PAR MI BYED PA'I PHYIR YONGS SU GZUNG BA MED DO, ,THOB PA NI RGYU THOB NA 'BRAS BU THOB PAR 'GYUR BAR DGONGS PA YIN NO, ,BDE GSHEGS NI NYON MONGS PA'I STOBS KYIS 'KHOR BAR SLAR MI LDOG PA'O, ,NYAN THOS DANG, RANG RGYAL DANG, BLA NA MED PA YANG DAG PAR RDZOGS PA'I BYANG CHUB RNAMS LAS SKAL PA JI LTA BA BZHIN DU RUNG BA ZHIG PHYIN CI MA LOG PAR RTOGS PA'I RGYU NYID DU BSTAN PAR GYUR PA YIN NO, ,DA NI DRO BA'I RJES THOGS LA DGE BA'I RTZA BA G-YO BA'I RTZE MO YIN PA'I PHYIR RTZE MOR GYUR PA STE, DE'I DMIGS PA BSTAN PA'I PHYIR, JI LTAR ZHES BYA BA LA SOGS PA GSUNGS TE, GZO SBYANGS ZHES BYA BA NI MU STEGS KYI BSTAN PA LA RAB TU BYUNG BA'I PHYIR KUN TU RGYU STE, DES RANG GI BSTAN PA'I RGYU MTSAN GYIS GROL BAR MI RIGS PAR NGES PAR SHES PAS PHYIS BSTAN PA 'DI LA ZHUGS NAS RTOGS PA'I RANG BZHIN SHES PA TZAM DMIGS PA RNAL 'BYOR SPYOD PA LAS YONGS SU BRTAGS PA DANG, PHYI ROL DU GYUR PA'I GZUGS LA SOGS PA'I PHUNG PO MDO SDE PAS RNAM PAR GZHAG PA LAS GCIG DANG DU MA DANG BRAL BA LAS RNAM PAR BSHIG NAS DMIGS PA MED PAR BRTAGS TE, 'KHOR BA DANG MYA NGAN LAS 'DAS PA PHYOGS GCIG TU LTUNG BAS SKRAG PA'I PHYIR SO SOR RTOGS PAR 'BYUNG BA LTAR RO, ,'ANG GI SGRA NI NGES PAR BZUNG BA'I DON TO, ,BYANG CHUB SEMS DPA' GANG ZHIG DE LTAR PHYI'I BDAG LA SOGS PA'I CHOS KUN YONGS SU SHES PA KHO NA NYID KYI RNAM PAS MYA NGAN 'DAS LA MI REG STE, KUN RDZOB KYI THABS LA MKHAS PA'I STOBS DANG LDAN PA'I PHYIR RO, ,MI REG PA NI MI DMIGS PA'O, ,DON DAM PA'I STOBS KYIS SHES RAB KYI PHA ROL TU PHYIN PAR GNAS TE CHOS KYI DMIGS PA'O, ,'DIS NI MTSAN MA MED PAS KHYAD DU 'PHAGS PA'I PHYIR GZUGS LA SOGS PA MI DMIGS PAS 'DI 'BRAS BU DANG BCAS PA YIN NO, ,RNAM PA GANG ZHE NA, SHES RAB 'DI NI ZHES BYA BA LA SOGS PA GSUNGS TE, GZUGS ZHES BYA BA 'DI DAG GI NANG NAS GANG YIN, 'ON TE RDZAS SAM, YON TAN NAM, LAS SAM, SPYI'AM, @11A *, ,KHYAD PAR RAM, 'DU BA'AM, SU'I YIN, CI BDAG GAM GZUGS LA SOGS PA DANG 'BREL BA YIN NAM, GANG LA STE, CI BDAG LA'AM, CHOS LA'AM, GANG LAS SAM, CHOS LAS YIN TE, 'ON KYANG 'DI DAG NI SNYING PO CHOS THAMS CAD DE KHO NA NYID DU MA SKYES PA'I PHYIR RO, ,CI'I SGRA THAMS CAD DANG SBYAR BAR BYA STE, 'DI NI GANG GI PHYIR YANG MA YIN, SU'I YANG MA YIN NO, ,ZHES CHOS THAMS CAD MI DMIGS PAR SHES RAB KYIS YONGS SU RTOG GO, ,NYE BAR RTOG PA DE DAG NYE BAR RTOG PA STE RNAM PAR DPYOD PA'O, ,YANG RNAM PA SNA TSOGS PA 'DI DAG LA RJES SU DMIGS NAS BYANG CHUB SEMS DPA' 'JUG PAR BYED PA DE RNAM PA YIN PAR BSTAN PAR 'GYUR RO, ,CI'I PHYIR RGYU YIN ZHE NA, NYE BAR BRTAGS NAS ZHES BYA BA LA SOGS PA GSUNGS TE, DE DMIGS PA DANG RNAM PA BSTAN PA'I RJES SU RNAM PA SNA TSOGS PA'I CHOS THAMS CAD STONG PA NYID DU YONGS SU BRTAGS NAS ZHUM PA MED DO, ,RIG PA DANG LDAN PA'I PHYIR SKRAG PA MED DO, ,DE YANG DE KHO NA NYID LA PHYIN CI MA LOG PAR ZHUGS PA NI RTZE MO STE, CHUNG NGU DANG 'BRING DANG CHEN PO'I DBYE BA RTOGS PAS NYAN THOS LA SOGS PA BYANG CHUB GANG YANG RUNG BA THOB PA NI BYANG CHUB THAMS CAD DANG BYANG CHUB SEMS DPA' NYE BAR GYUR BA YIN TE, RGYUR GYUR PA YIN PAR BSTAN TO, ,RTZE MO'I RJES LA DA NI BZOD PA STE, NYAMS PA MED PAR CHOS CHEN PO LA BZOD PA'I PHYIR BZOD PAR GYUR PA'I DMIGS PA BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE MI SHES PAR SPYOD PA NI BDAG MED PAR RTOGS PA LA SPYOD PA MED PAR RO, ,YONGS SU RTOG PA NI KUN TU RTOG PA'O, ,MTSAN MA LA SPYOD PA NI BZLOG PA LA SPYOD PA'O, ,'DI SKAD DU CHOS NYID RAB TU MI SHES PAR GZUGS KYI SPYI'I MTSAN NYID LA MNGON PAR ZHEN NAS RNAM PAR SHES PA'I BAR LA SPYOD PA DE NI SMIG RGYU LA SOGS PA'I SHES PA BZHIN DU TSAD MAS GNOD PA'I PHYIR RO, ,DMIGS PA NI MTSAN MA LA SPYOD PA'O ZHES BYA BAR 'BREL TO ZHES BSTAN PAR 'GYUR RO, ,DE BZHIN DU GZUGS KYI PHUNG PO 'DI STONG ZHES BYA BAR YONGS @11B SU RTOG CING MNGON PAR ZHEN NAS GAL TE CHOS KYI RANG BZHIN YIN PAR RTOGS NA'ANG SPYOD PA MA YIN TE, STONG PA NYID DU MNGON PAR ZHEN PA DE LA TSAD MAS GNOD PA'I PHYIR MTSAN MA LA SPYOD PA YIN NO, ,DE BZHIN DU DNGOS PO DANG DNGOS PO MED PA'I RANG BZHIN LA MNGON PAR ZHEN NAS BZLOG PAR BYA'O, ,BYANG CHUB SEMS DPA' GANG ZHIG SKYE BA MED PA'I GNAS NYID YIN TE, MTHONG BA'I LAM LA SOGS PA LA BRTEN PA'I PHYIR GNAS LA CHAGS SHING MNGON PAR ZHEN PA MED PA NI SPYOD PA YIN NO, ,BZLOG PA NI MA DAD PA'O, ,DE BAS NA GCIG TU RANG BZHIN SPANGS PA LAS RANG MED PA'I KHYAD PAR DU 'PHAGS PA'I GZUGS LA DMIGS PA NI SPYOD PA YIN TE DMIGS PA YIN PAR STON TO, ,RNAM PA GANG ZHIG YIN ZHE NA, GANG GZUGS ZHES BYA BA LA SOGS PA GSUNGS TE, GANG ZHIG GIS SKYE BA MED PAS GNAS PA MED PAR SPYOD PA YIN TE, GZUGS NAS RNAM PAR SHES PA'I BAR DU GZUNG BAR MNGON PAR ZHEN PAR MI SPYOD CING GNAS PA MED PAR SPYOD PA'O, ,GZUNG BA MED PAS 'DZIN PA MI DMIGS PAR SPYOD PA'I BYANG CHUB SEMS DPA' DE NI YANG SPYOD PA MA YIN NO ZHES BRTAG PAR MI BYA STE, SHES RAB KYIS GZUGS LA SOGS PA'I RANG BZHIN MED PA'I RNAM PAR DMIGS PAS MTSAN MA'I RNAM PA THAMS CAD KYIS RAB TU MI G-YO BA'I PHYIR SHES RAB BSTAN PA ZHES BYA'O, ,DES NI RNAM PAR GYUR BA BSTAN TO, ,CI'I PHYIR DE LA RGYU ZHES BYA ZHE NA, SKYE MED BLO LDAN ZHES BYA BA LA SOGS PA GSUNGS TE, DE BZHIN DU DMIGS PA DANG RNAM PA DAG SKYE BA MED PAR RTOGS PA NI BLO STE, DES BZOD PA CHUNG NGU DANG, 'BRING DANG, CHEN PO'I DBYE BA RTOGS PA DANG LDAN NO, ,SEMS RTZE GCIG TU BSDUS PA'I RANG BZHIN YIN PA'I PHYIR TING NGE 'DZIN TO, ,BYANG CHUB THAMS CAD DANG RJES SU MTHUN ZHING GZUNG BA'I DBYE BA SPANGS PA'I PHYIR ZHI BA'O, ,NYAN THOS LA SOGS PA'I BYANG CHUB SKAL BA JI LTA BA BZHIN THOB PAS NA REG PA'O, ,THEG PA THAMS CAD KYIS NGES PAR 'BYUNG BA'I RGYU YIN PA'I PHYIR MCHOG GO, ,'DIS NI RGYUR GYUR BA BSTAN TO, ,SKYE MED BLO LDAN ZHES BYA BA LA SOGS PA GSUNGS TE, DA NI BZOD PA'I RJES @12A *, ,THOGS LA CHOS KYI MCHOG STE, 'JIG RTEN PA THAMS CAD KYI MCHOG YIN PA'I PHYIR RO, ,DE'I DMIGS PA BSTAN PA'I PHYIR BYANG CHUB CES BYA BA LA SOGS PA GSUNGS TE, BDAG NI BDAG TU GZHAG PA NYID KYI RGYUD LA BSGOMS PA'I STOBS KYI SEMS RAB TU ZHI BA'O, ,GNAS PA NI RNAM PA DU MA'I YON TAN SKYED PAR BYED PA'I CHOS KYI MCHOG GI TING NGE 'DZIN GYIS GNAS PA'I BYANG CHUB SEMS DPA' GANG YIN PA DE LUNG STON PAR MDZAD DE, SNGON GYI DE BZHIN GSHEGS PAS RIGS NGES PA'I PHYIR PHYIR MI LDOG PAR RO, ,DE LTA BU NYID BDAG GIS TING NGE 'DZIN LA MNYAM PAR BZHAG CE NA, DE LAS LANGS ZHES RLOM SEMS MED DO, ,LAS MTHA' NI YUL GYI DNGOS PO LAS SO, ,DE LA 'DZIN PA'I CHAR NGES PA NI MTHA'O, ,LAS BYED PA PO GNAS PA NI BYA BA STE, CHOS DE RNAMS KYI RANG BZHIN TE, DE BZHIN NYID RANG BZHIN DU YONGS SU SHES PA ZHES BYA BA NAS RTOGS PA ZHES BYA BA'I BAR DU'O, ,'DI SKAD DU CHOS 'DI NYID NI GNYEN PO YIN PA'I PHYIR SPYOD PA DANG MI SPYOD PAS STONG PAS THOS PA LA SOGS PA'I SHES PA SKYES NAS RTOGS PA NA GANG LA SPYAD PAR BYA BA'I CHOS GANG YANG MI DMIGS PA RTOGS PAS ZHEN PA MED PAR RTOGS PAR 'GYUR RO, ,DE LTAR SPYOD PA NI BDE BAR GSHEGS PA DANG 'BREL PA NYID KYI SHES RAB CHOS KYI MCHOG GI RANG BZHIN LA DE SPYOD PA YIN NO ZHES RIM PA GZHAN DU SBYAR RO, ,DES RNAM PAR MI RTOG PA LA SOGS PA'I RNAM PAR GYUR PA BSTAN TO, ,CI'I PHYIR 'DI RGYU YIN ZHE NA, 'DI NI ZHES BYA BA LA SOGS PA GSUNGS TE, 'DI NI ZHES BYA BA NI DMIGS PA DANG RNAM PA GNYIS CHUNG NGU DANG, 'BRING DANG, CHEN PO'I DBYE BAS PHYE BAS CHOS KYI MCHOG GI RANG BZHIN GYI SHES RAB NI SHES PA'O, ,DE NAS NYAN THOS LA SOGS PA'I BYANG CHUB GANG YANG RUNG BA'I RANG GI THEG PA LA LTOS NAS KHYAD PAR DU 'GRO BA'I PHYIR PHA ROL TU PHYIN PA'I MCHOG GO, ,BYANG CHUB THAMS CAD THOB PA'I RGYU NYID DU GNAS PA'I PHYIR SPYOD PA YIN PA'AM, MOS PAS SPYOD PA'I SA'I RANG BZHIN YIN PA'I PHYIR SPYOD PA YIN NO DES @12B RGYU NYID DU GYUR PA BSTAN TO, ,DON DE DAG 'DIR BSDUS NAS RIGS PA'I STOBS KYIS JI LTAR BSTAN PA NI DMIGS PA DANG, RNAM PA DANG, DRO BA CHUNG NGU LA SOGS PA'I RNAM PA'I SKYED PA BSTAN PA YIN PAR GZUNG BAR BYA'O, ,GANG YANG STONG PHRAG BRGYA PA LAS CHUNG NGU LA SOGS PA'I KHYAD PAR GYI DMIGS PA DANG RNAM PA BYE BRAG TU BSTAN TE, 'KHOR DER 'DUS PA'I GDUL BYA'I SKYE BO RNAMS KYI LOG PAR RTOGS PA BSAL BA'I PHYIR BSTAN TO, ,'DIR YANG DE DAG SBYAR BAR MI NUS TE, TSIGS SU BCAD PA DANG DE DAG NYID 'BREL BA MED PA'I PHYIR RO, ,DE LTA BAS NA GANG GI TSE JI SKAD BSTAN PA'I DMIGS PA DANG, RNAM PA BSGOMS PA NA THA DAD PA'I DON LA MNGON PAR ZHEN PA MED PAR CUNG ZAD GSAL BA'I YE SHES KYI SNANG BA THAMS CAD SEMS TZAM NYID DU YANG MTHONG BA DE'I TSE DRO BA'I GNAS SKABS YIN TE, THEG PA CHEN PO LAS SNANG BA THOB PA'I TING NGE 'DZIN CES BSTAN TO, ,GANG GI TSE YANG BSGOMS PA'I STOBS KYIS CHUNG NGU LA SOGS PA'I GSAL BAR SNANG BA'I 'BRING GI YE SHES KYI SNANG BA THOB PAR GYUR PA DE'I TSE RTZE MO'I GNAS SKABS NA SNANG BA MCHED PA ZHES BYA BA'I TING NGE 'DZIN YIN NO, ,GANG GI TSE YANG SEMS TZAM NYID LA GNAS NAS GSAL BAR SNANG BA 'BRING DANG CHUNG NGU'I YE SHES KYI SNANG BA RGYAS PA DE'I TSE BZOD PA'I GNAS SKABS 'DZIN PA'I SA LA ZHUGS PA DE KHO NA NYID KYI DON GYI PHYOGS GCIG LA ZHUGS PA ZHES BYA BA'I TING NGE 'DZIN YIN NO, ,GANG GI TSE YANG DON LA 'DZIN PA SPANGS NAS MI SNANG BA'I CHUNG NGU LA SOGS PA'I YE SHES KYI SNANG BA SKYES PA DE'I TSE CHOS KYI MCHOG GI GNAS SKABS DE MA THAG PA'I TING NGE 'DZIN CES BYA BA YIN NO, ,YANG TING NGE 'DZIN DE DAG THAMS CAD LA SHIN TU MOS PA BSTAN PA NI MOS PAS SPYOD PA'I SA ZHES BYA BA YIN NO, ,DE NYID LAS BRTZAMS TE RNAM PAR RTOG PA BYANG CHUB SEMS DPA'I SGRIB PA RNAMS RTZE MO'I MNGON PAR RTOGS PA'I MTHONG BA'I LAM DANG BSGOM PA'I LAM GYI BAR DU BSGRUB PA'I PHYIR NGES PAR 'BYED PA'I CHA BZHIR GO RIMS JI LTA BA BZHIN DU GZUNG BA DANG 'DZIN PA'I RNAM PAR RTOG PA BZHI DANG LDAN PAR RTEN CES BSTAN TO, ,DE LA KUN NAS NYON MONGS PA DANG GNYEN @13A *, ,PO'I DNGOS PO RTEN CAN GYI GZUNG BA'I RNAM PAR RTOG PA GNYIS BSTAN PA'I PHYIR GANG ZHIG YOD PA MA YIN ZHES BYA BA LA SOGS PA GSUNGS TE, SNANG BA JI LTAR RTOGS PA'I DON 'DI DAG GCIG DANG DU MA DANG BRAL BA'I RJES SU DPAG PA'I TSAD MA MED PAS NA YOD PA THOB PA MA YIN NO, ,DE NI DE DAG CHOS NYID SGYU MA LTA BU YIN PA DE'I PHYIR MED CES BYA'O, ,RI BONG GI RVA LTAR MED PA NI MA YIN TE, DE SGRUB PAR BYED PA'I TSAD MA MED PA'I PHYIR RO, ,CI STE MNGON SUM GYI SNANG BA'I DNGOS PO DE NYID SGYU MA LTA BU YIN PA'I PHYIR MED DO ZHES SGRUB PAR MI NUS SO, , DE YANG MNGON SUM GYI SGYU MAR MI 'DZIN TE, RNAM PAR MI RTOG PA'I PHYIR RO, ,DE LA BZLOG NA GNOD PA CAN GYI TSAD MA'I STOBS KYIS SGYU MA LTA BU'I NGES PA'I DNGOS PO DE NYID SNA TSOGS PA THAMS CAD MNGON SUM LA SNANG BA TZAM DE NYID SGYU MA LTA BU NYID DU GZUNG NGO ZHES BRJOD PAR BYA'O, ,GANG DE LTA BU'I BZLOG NA GNOD PA CAN GYI TSAD MA MNGON SUM MAM, RJES SU DPAG PA GANG ZHIG YIN, GAL TE MNGON SUM GYIS BZUNG BA TZAM BZLOG NA GNOD PA CAN GYI TSAD MA YIN NA, DE YANG MTSUNGS PA'I PHYIR BRIS PA NYID DANG 'DRA BAS THUG PA MED PAR 'GYUR RO, ,BA LANG RDZI DANG BUD MED LA SOGS PA LA BUM PA LA SOGS PA MNGON SUM GYIS GRUB PA BZLOG NA GNOD PA CAN GYI TSAD MA'I STOBS KYIS MA YIN NO, ,'ON KYANG SHES PA'I THA SNYAD 'JUG PA NYID LA LTOS PA YIN NO ZHE NA, RNAM PA THAMS CAD KYI DE KHO NA NYID KYI NGO BO 'DZIN PA'I PHYIR DE NI MNGON SUM GYI TSAD MAS LUS CAN THAMS CAD GROL BAR 'GYUR RO ZHES BYA BA LA SOGS PA'I THAL BAR 'GYUR BA BZLOG PAR DKA' BA'O, ,'DI DAG DE KHO NA NYID DU 'DOD PA YIN ZHES ZER NA, DE LTA YIN NA JI LTAR DE KHO NA NYID DU 'DOD CES BYA BA LA SOGS PA'I SHES PA DANG SHES BYA'I THA SNYAD DU 'GYUR, DE LTAR BRJOD PA KUN RDZOB YIN NO ZHES ZER NA DE LTAR BRJED PAR BYA BA CI ZHIG YIN, PHYIN CI LOG YIN NO ZHES ZER NA DE YANG KHO NA NYID KYI RANG BZHIN DU NUB PA YIN NAM, SHES PA'I RANG BZHIN DE NYID RNAM PA THAMS CAD KYI DE KHO NA NYID KYI RANG GI NGO BO BZUNG BA JI LTAR PHYIN CI LOG YIN, DE KHO NA NYID KYI NGO BO YIN YANG PHYIN CI @13B LOG TU MNGON PAR ZHEN PAS 'JIG RTEN PA'I SHES PA'I STOBS KYIS PHYIN CI LOG CES BRJOD DO ZHES ZER NA, 'DIR 'JIG RTEN PA ZHES GANG LA BYA, CI 'DRA BA ZHIG YANG DE'I SHES PA YIN, GANG 'DI DAG NI MA BRTAGS NA NYAMS DGA' BA BSNYON PAR MI NUS PA KUN RDZOB YIN NO ZHES ZER NA, DE LTAR YIN NA MI 'DOD KYANG GANG DE NYID KYI CHA LA MNGON SUM GYI THA SNYAD DU 'JUG PAR RUNG BA DE KHO NA KUN RDZOB 'DI TSAD MA YIN PAR KHAS BLANG BAR BYA'O, ,SGYU MA LTA BU NYID MNGON SUM GYIS GRUB PA MA YIN PAR SHES PAR BYA'O, ,'ON TE PHYIN CI LOG LA GNOD PA'I RJES SU DPAG PA'I STOBS YIN LA, DNGOS PO'I RANG BZHIN TZAM NYID MNGON SUM GYIS GRUB PA SGYU MA LTA BU GZHAG MOD KYI, DE LTAR MNGON SUM GYIS GRUB PA 'JIG RTEN GYI SHES PA MA YIN PAR BSGRUBS ZIN TO, ,DE KHO NA NYID GRUB PO ZHES ZER NA, DE LTA YIN NA SHES PA DANG SHES BYA'I THA SNYAD MI 'JUG GO, ,'ON KYANG KUN RDZOB TU YIN PAR MJUG THOGS SU BSTAN PAR BYA'O, ,DE BAS NA JI LTAR MNGON PAR ZHEN PA DANG MTHUN PAR RANG GI TSAD MA JI LTA BAS NGES PA DANG LDAN PA RJES SU DPAG PA YIN PA'I PHYIR RO, ,DNGOS PO RNAMS SGYU MA LTA BUR GZHAG PA NI NGES PA YIN NO ZHES BYA BAR GNAS SO, ,DE LTA BAS NA 'PHAGS PA LANG KAR GSHEGS PA LA SOGS PA LAS BCOM LDAN 'DAS KYIS JI LTAR SNANG BA 'DI KUN RDZOB KYI BDEN PA YIN LA, RIGS PA JI LTA BA BZHIN NI DON DAM PA'I BDEN PA YIN PAR BSTAN TO, ,SHIN TU SPROS PAS CHOG GO, ,BYIS PA NI 'PHAGS PA'I LAM MA SKYES PA'O, ,DES BRTAGS PA NI RIGS PA DANG LDAN PA'O, ,'DI DAG JI LTAR SNANG BA'I CHOS NI YOD PA'O, ,RIGS PA JI LTA BA BZHIN NI MED PA'O, ,GZHAN YANG DOR BAR BYA BA NYID NI KUN NAS NYON MONGS PA'I RTEN CAN BZUNG BA'I RNAM PAR RTOG PA DANG PO'I YUL NYID DU MI RIG PA KUN NAS NYON MONGS PA DANG MTHUN PAR BYED PA DE 'JOG PA YIN PA'I PHYIR TE, SBYANG DU SONG BA 'JOG PAR BYED PA BZHIN NO, ,DE BZHIN DU BLANG BAR BYA BA'I GNYEN PO'I RTEN CAN BZUNG BA'I RNAM PAR RTOG PA GNYIS PA'I YUL NYID DU RIG PA RNAM PAR BYANG BA DANG MTHUN @14A *, ,BAR 'JOG GO, ,DE LTAR BZUNG BA'I RNAM PAR RTOG PA BSGRUBS NAS, DE GNYIS DE NYID NAS BRTZAMS TE MNGON PAR ZHEN PA'I YUL DANG LHAN CIG TU SGYU MA LTA BUR RDZUN PAR BSGOM PAR BYA BAR BSTAN PA NI YOD DANG MED PA ZHES BYA BA LA SOGS PA GSUNGS TE, YOD DANG MED PA GNYIS TE, DE KHO NA NYID DU MA SKYES PA NYID KYIS GZUGS LA SOGS PA MED PA'I CHOS YIN TE, MNGON PA'I NGA RGYAL GYI STOBS KYIS BYIS PAS YOD PA DANG MED PA BRTAGS PA YIN NO, ,BYANG CHUB SEMS DPA' GANG GI THOS PA LA SOGS PA'I RIM GYIS RAB TU SHES PA DE NGES PAR 'BYUNG STE, PHYIN CI LOG 'CHING BA YIN PA'I PHYIR YANG DAG PAR ZHUGS PA NYID KYIS NGES PAR 'BYUNG NGO, ,DE'I RJES LA 'DZIN PA'I RNAM PAR RTOG PA GNYIS PA'I DANG PO BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, BYANG CHUB SEMS DPA' GANG GIS KYANG RDZAS SU YOD PA'I RANG BZHIN DU 'DZIN PA'I RNAM PAR RTOG PAS SGRO BTAGS PA'I RIGS PA'I STOBS KYI PHUNG PO SGYU MA 'KHRUL BA TZAM DANG 'DRA BAR YANG 'JIG RTEN PA'I SHES PA LA LTOS NAS DPE YIN PA'I PHYIR RO, ,GANG 'DI LA NI NGES PAR 'BYED PA'I CHA'I DUS SU THOS PA'I SHES RAB LA SOGS PA BSKYED NAS SHES PA'O, ,DES NI YANG SKYES BU RDZAS SU YOD PA'I RTEN CAN 'DZIN PA'I RNAM PAR RTOG PA DANG PO'I RANG BZHIN YANG JI LTA BA BZHIN DU SPANGS PA'I BSGOMS PAS SPANG BAR BYA BA DE NYID BSTAN PAR 'GYUR BA YIN NO, ,'DZIN PA'I RNAM PAR RTOG PA GNYIS PA BSTAN PA'I PHYIR, SGYU MA GZHAN DANG ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG SGYU MA RDZUN PAR SNANG BAR 'DI RANG BZHIN GZHAN MA YIN LA, PHUNG PO LA BDAG GO ZHES BRTAGS PA NYID NI SKYES BU BTAGS PAR YOD PA'I RANG BZHIN DU 'DZIN PA'I RNAM PAR RTOG PAS SGO BTAGS PA YANG GZHAN DU MI BYED DO, ,'ON KYANG PHUNG PO 'DI SGYU MA LTA BUR SNGAR BSTAN PA BZHIN DU SHES PAR GYUR NAS DES NA YANG SKYES BU BTAGS PAR YOD PA'I RTEN CAN 'DZIN PA'I RNAM PAR RTOG PA'I RANG BZHIN YANG JI LTA BA BZHIN SPANG BA'I PHYIR BSGOM PAR BYA BA DE @14B BSTAN PAR 'GYUR BA YIN NO, ,DE LTA BUR YONGS SU SHES PA LA YON TAN CI YOD CE NA, SNA TSOGS ZHES BYA BA LA SOGS PA GSUNGS TE, BYANG CHUB SEMS DPA' GANG GIS BSTAN MA THAG PA'I CHOS DE LTA BU SHES PA DE LA SNA TSOGS PA'I 'DU SHES NI SKYES BU RDZAS DANG BTAGS PAR YOD PA'I 'DU SHES MOS PA YID LA BYED PA'I STOBS KYIS BRAL BA STE, SPANGS PA DE BAS NA MYA NGAN LAS 'DAS PA DANG RJES SU MTHUN PA'I SPYOD PA DANG LDAN PAS NA NYE BAR ZHI BA'O, ,GANG ZHIG MOS PA DE NI SHES RAB KYI PHA ROL TU PHYIN PA STE, 'GRO BA MA LUS PA BDAG MED PA'I RANG BZHIN YIN TE, RIM GYIS THOB PA'I RGYU YIN PA'I PHYIR GNAS PAR BYED PA YIN ZHES BYA BA'I PAR DU'O, ,RNAM PAR RTOG PA BZHI PO 'DI RNAMS NYE BAR 'DUS PA'I GDUL BYA'I SKYE BOS KHONG DU CHUD PAR BYA BA'I PHYIR SNGAR RGYAS PAR BCOM LDAN 'DAS KYI YUL GYI DBYE BAS PHYE NAS THA DAD PA RNAM PA DGU GSUNGS MOD KYI, DE LAS 'DIR NI GTZOR BSDUS NAS BSTAN TE, SPROS NAS BSTAN PA CUNG ZAD KYANG DGOS PA MED CING, YUL GYI DBYE BAS SHES PA GTZO BO MA YIN PAR DGONGS NAS BCOM LDAN 'DAS KYIS STONG PHRAG BRGYA PA DANG, 'DIR NGES PAR 'BYED PA'I CHA DANG MTHUN PA'I DBANG DU MDZAD PA'I YUL GYIS PHYE BA YANG GZHAN YIN LA, RTZE MO'I MNGON PAR RTOGS PA'I MTHONG BA DANG BSGOM PA'I LAM GYI DBANG DU BYAS NAS RNAM PAR RTOG PA DBYE BA BSTAN PA MDZAD PA YANG GZHAN YIN NO, ,'DI NI SNYING PO YIN PAS PHAN TSUN SPANGS TE GNAS PA'I MTSAN NYID DE LA PHUNG PO GZHAN MED PAS JI SKAD BSTAN PA'I GZUNGS 'DI RNAM PAR RTOG PA DANG 'DZIN PA'I RNAM PAR RTOG PA LTAR DE'I RJES SU 'BRANGS NAS PHYI MA RNAMS LA YANG DE BZHIN DU RTOGS PAR BYA'O, ,DA NI DGE BA'I BSHES GNYEN THABS MKHAS PA'I RANG BZHIN CAN GYI YONGS SU BZUNG BA STON TE, DE'I STOBS KYIS JI SKAD BSTAN PA KHYAD PAR DU 'GYUR BAS DGE BA'I ZHES BYA BA LA SOGS PA GSUNGS TE, BDEN PA GNYIS KYI RANG BZHIN CHOS STON PAR BYED PAS GANG ZAG BDE 'GRO'I 'BRAS BU THOB PAR BYED PA'I PHYIR DGE BA'I BSHES GNYEN NO, , @15A *, ,DE DANG LDAN PA NI BCAS PA'O, ,DE NYID KYI THOB PA LA SOGS PA'I SHES PA SKYES NAS RIGS PA DANG LUNG GI CHOS YONGS SU BRTAGS PA DE NAS BDAG NYAMS ZHES SKRAG PAR MI 'GYUR ZHING CI YANG MED PAS SNYEMS PAR MI 'GYUR TE, RGYAL BA RNAMS KYI YUM NI BCOM LDAN 'DAS TE, SKYED PAS NA YUM NI BCOM LDAN 'DAS KYI SHES RAB KYI PHA ROL TU PHYIN PA STE MNYAN NAS RTOGS PAR BYA ZHES BYA BA'I BAR DU'O, ,DE NI NGES PAR 'BYED PA'I CHA DANG MTHUN PA LA SOGS PAR YANG DAG PAR 'JUG PAR 'GYUR RO ZHES BYA BAR DGONGS SO, ,RJES SU 'GRO BA'I SGO NAS BSTAN NAS, LDOG PA'I SGO NAS GSAL BAR BYA BA'I PHYIR, GANG ZHIG SDIG PA'I ZHES BYA BA LA SOGS PA GSUNGS TE, YANG GANG ZHIG JI SKAD BSTAN PA'I DGE BA'I BSHES GNYEN PAS BZLOG PA NI SDIG PA'I GROGS LDAN TE, DE NYID SPANGS PA MED PA'I PHYIR GZHAN GYI DRING 'JOG PA STE, GZHAN LA RAG LAS NAS 'JUG PA NI TE, DES NA THEG PA CHEN PO LAS NYAMS SHING ZAB MO'I CHOS LA MA MOS PAS NYAMS PAR 'GYUR TE, BUM PA SO MA BTANG BA CHUS REG PAS ZHIG PA BZHIN NO, ,DES JI LTA BA BZHIN GYI YONGS SU BZUNG BAR GYUR PA BSTAN TO, ,DRO BA LA SOGS PA'I RJES LA DA NI JI SKAD BSTAN PA'I SGRUB PAR NGES PAR 'BYED PA'I CHA DANG MTHUN PA DANG, GZHAN YANG MTHONG BA'I LAM LA SOGS PA KHYAD PAR DU BSGRUB PA'I GZHIR GYUR PA CHOS KYI DBYINGS KYI RANG BZHIN BSTAN PAR BZHED NAS, CI PHYIR ZHES BYA BA LA SOGS PA GSUNGS TE, GANG GI TSE CHOS KYI DBYINGS NYID 'PHAGS PA'I CHOS RTOGS PA'I RGYU YIN PA'I PHYIR, DE'I BDAG NYID NI BYANG CHUB SEMS DPA' STE, RANG BZHIN DU GNAS PA MED PA SANGS RGYAS KYI CHOS KYI RIGS CHOS NYID CES BYA BA DE NYID CHOS KYI DBYINGS TE, THAMS CAD LA KHYAB NA CI PHYIR 'DIR BYANG CHUB TU SEMS BSKYED PA NYID KYI BYANG CHUB SEMS DPA' SANGS RGYAS KYI CHOS KYI BAR DU 'GRO BAR GNAS PA LA BRJOD CE NA, GANG GI PHYIR GZUGS LA SOGS PA THAMS CAD LA CHAGS PAR BYED PA NI MNGON PAR ZHEN PAR BYED PA STE 'JUG PAR BYED KYANG THOS PA LA SOGS PA'I STOBS KYIS PHYIN CI LOG TZAM @15B 'KHOR BA DE LTAR RTOGS PA NI CHAGS PA GCOD PA STE, MNGON PAR ZHEN PA THAMS CAD GCOD PA'I DANG TSUL CAN DU SKYES PAR GYUR PAS DE BZHIN GSHEGS PA'I BYANG CHUB 'DOD PA YIN TE, DE BAS NA KUN RDZOB TU SGRIB PA THAMS CAD SPONG BAR ZHUGS PA NYID KYIS CHOS KYI DBYINGS KYI RANG BZHIN KHO NA BYANG CHUB SEMS DPA' YIN NO, ,SANGS RGYAS MA LUS PA'I GZHIR GYUR PA NYID KYI BYED PA ZHES BRJOD DO, ,DE BAS NA 'PHAGS PA'I GANG ZAG THAMS CAD 'DUS MA BYAS KYIS RAB TU PHYE BA YIN NO, ,GZHI NI RIGS LA BYA BA MA YIN NAM, DE BAS NA DE SNGON DU 'GRO BA CAN YIN PA'I PHYIR SEMS BSKYED PA LA SOGS PA DANG POR CI'I PHYIR BSTAN CE NA, DON DE DAG GI DANG PO SNGON DU 'GRO BA BDEN MOD KYI, 'DI NI YANG GO BAR BYA BA LA SNGAR 'BRAS BU SHES PAR BYAS NAS PHYIS RGYU BSTAN TO, ,JI SKAD BSTAN PA'I BYANG CHUB SEMS DPA'I DMIGS PA GANG YIN ZHE NA, DE'I RJES THOGS LA DMIGS PA BSTAN PA'I PHYIR, RGYAL BA ZHES BYA BA LA SOGS PA GSUNGS TE, GANG GI PHYIR CHOS THAMS CAD DMIGS PA'I NGO BO NI BDEN PA GNYIS LAS MI 'DA' BAR DMIGS PAS CHAGS PA MED PAR GYUR TE, DE'I BDEN PA LA DMIGS PA RNAM PAR DAG PAR RTOGS PA'I PHYIR BAG CHAGS DANG BCAS PA'I SGRIB PA MA LUS PAR SPANG BA'I CHED DU BYA BA DANG LDAN PAR ZHES BYA BAR 'BREL TE, CHAGS PA MED PAR 'GYUR BA NI CHAGS PA MED PA'I RANG BZHIN TE, BYANG CHUB CES BYA BAR 'DIR YANG 'BREL BA YIN TE, PHYIN CI MA LOG PAR RTOGS PA BLA NA MED PA LA REG PA STE THOB PAR GYUR PA YIN NO, ,DE BAS NA BYANG CHUB NI RANG GI DON PHUN SUM TSOGS PA'I DGOS PA'O, ,DE SEMS DPA' NI SEMS DPA' STE, DES BYED PAS NI BYANG CHUB SEMS DPA' ZHES BYA BA DON DANG LDAN PA'I MING NYID DE, DES NA YANG DAG PAR ZHUGS PA'I SKYES BU DANG, LEGS PA DANG, BZANG PO ZHES BYA BA'I MING THOB PO, ,DES NI DMIGS PAR GYUR PA BSTAN TO, ,GANG CHOS KYI DBYINGS NYID RTAG TU RNAM PAR DAG PA GNYIS SU MED PA'I YE SHES KYI DMIGS PA YIN PAR 'DOD NA RTAG TU RNAM PAR GONG NAS GONG DU DAG PAR KHYAD @16A *, ,PAR DU 'GRO BA JI SKAD BRJOD PAR BYA STE, CHU KHAMS GSER DANG NAM MKHA' BZHIN, ,DAG PA BZHIN DU DAG PAR 'DOD, ,CES BSTAN TO ZHES ZER NA, DE LTA YIN NA THOS PA DANG BSAMS PA'I SHES PAS NGES PA'I DNGOS PO'I RANG GZHAN DU BSGOM PA DE BAS NA JI LTAR GNAS PA'I DNGOS PO'I DE KHO NA NYID MNGON SUM DU BYA'O ZHES DER MNGON PAR ZHEN PAS 'JUG PA'I PHYIR BSGOM PA'I KHYAD PAR GYIS KYANG DER MNGON PAR ZHEN PA'I BAG CHAGS KYI SA BON MI SPONG GI ,SHIN TU MNYAM PAR GZHAG PA'I BDAG NYID KYI RIM GYIS RNAM PAR RTOG PA THAMS CAD SPONG NGO ZHES ZER NA, DE LTA YIN NA PHYI'I DON 'DOD PA'I GZHUNG GIS KYANG NYAN THOS LA SOGS PA'I RNAM PAR RTOG PA SPONG BAR 'GYUR RO, ,'ON TE KHAS MI LEN NA DE'I PHYIR RNAM PAR RTOG PA'I BAG CHAGS MI SPONG BAS PHYOGS GCIG DAG PAR THAL BAR 'GYUR RO, ,KHYOD KYI LUGS JI LTA BU YIN ZHE NA, SKYON MED DE GANG GI PHYIR DNGOS PO'I NGO BO GANG CUNG ZAD JI SNYED PA KUN BRTAGS PA YIN TE, 'DI DAG THAMS CAD LA RIGS PAS DNGOS POR MA GRUB PAS DNGOS PO MED CES BYA'O, ,BYA BA BYED PA'I GANG DAG DON JI LTAR SNANG BA DE DAG NI KUN RDZOB YIN PAR BSTAN TE, THOS PA LA SOGS PA SHES PA SKYES PAS DE KHO NA NYID LA SGRIB PA'I RANG BZHIN CAN RIM GYIS THAMS CAD LA MNGON PAR ZHEN PA MED PA'I STOBS KYIS JI LTA BA BZHIN TE, SGYU MA LTA BUR SHES PA NYID YANG DAG PAR BYAS PA NYID YIN NO, ,RANG BZHIN GTZO BOR GYUR PA NI RIGS YIN LA, 'GYUR BA GTZO BOR GYUR PA NI DMIGS PA YIN TE, GNYIS PO YANG GNYIS SU MA GRUB PA LA GZHI DANG DMIGS PA'I BYE BRAG RTOGS PAR BYA'O, ,DMIGS PA 'DI LA BRJOD PAR BYA BA MANG DU YOD MOD KYI, HA CANG THAL CHES PAS GZHAG GO, ,'BRAS BU CIL BTAGS NAS BYANG CHUB SEMS DPA'I DMIGS PAR BYED CE NA, DE'I RJES LA CHED DU BYA BA BSTAN PA'I PHYIR, CI'I PHYIR ZHES BYA BA LA SOGS PA GSUNGS TE, CI'I PHYIR BYANG CHUB SEMS DPA'I RGYUD LA BYANG CHUB SEMS DPA' CHEN PO ZHES BYA ZHE NA, GANG GI PHYIR SANGS RGYAS KYI SAR SEMS DPA' CHEN PO STE @16B TSAD MED PA'I SEMS CAN GYI TSOGS DPAG TU MED PA'I SEMS CAN GYI TSOGS MANG PO LA CHOS BSTAN PA MCHOG TU BYED PA'I PHYIR MCHOG TU GYUR PA'O, ,DE BZHIN DU SPONG BA CHEN PO NYID THOB PA STE, LTA BAR GYUR PA'I BDAG NYID LTA BA SNA TSOGS PA RNAMS NI CHEN PO STE, SEMS CAN GYI KHAMS DPAG TU MED PA'I SEMS CAN GYI TSOGS KYIS LTA BA SPANGS PA'I THABS BSTAN PA NI GCOD PA STE SPONG BAR 'GYUR RO, ,DE NYID KYANG RTOGS PA CHEN PO MED NA MI 'BYUNG BAS DE DAG GIS DE YANG 'PHANGS PA DE BAS NA 'BRAS BU RNAM PA GSUM THOB PA LA BSAMS NAS SEMS CAN GYI DON LA BZHUGS PA'I PHYIR SEMS DPA' CHEN PO ZHES BYA'O, ,DE NI CHED DU BYA BA BSTAN TO, ,DMIGS PA DANG CHED DU BYA BA LA KHYAD PAR CI YOD CE NA, MDA' BKANG BA DANG 'BEN LA RGYAB PA DANG CHOS MTHUN PA NI BYE BRAG YIN NO, ,DE DAG LA NYE BAR GYUR PA NI DMIGS PA YIN NO, ,GZHAN GYIS BSKAL BA NI CHED DU BYA BA STE, DE GNYIS KYI BYE BRAG YIN NO, ,CHED DU BYA BA'I RJES LA DA NI RDZOGS PA'I CHED DU SGRUB PA BRJOD PAR BYA STE, DE YANG THAMS CAD MKHYEN PA NYID GSUM GYI YUL DANG LDAN PA DKAR PO'I CHOS SPYI'I RTEN CAN RNAM PA KUN MNGON PAR RTOGS PA LA SOGS PA MNGON PAR RTOGS PA BZHI PO RE RE YANG PHA ROL TU PHYIN PA DRUG GI RTEN CAN GYI BYA BA NI SGRUB PA YIN TE, CHOS KYI SKU NI MNGON PAR RTOGS PAR BYED PA MA YIN TE, 'BRAS BU YIN PA'I PHYIR DE LA BYA BA MI RIGS PA'I PHYIR RO, ,DE LA GO CHA'I SGRUB PA NI TSOGS KYI YIN PAR BZUNG NGO, ,'JUG PA'I SGRUB PA NI MOS PAS SPYOD PA'I SA YIN PAR RTOGS PAR BYA'O, ,CHOGS KYI BSGRUB PA NI RTZE MO DANG SBYIN PA LA SOGS PA DRUG DANG, ZHI GNAS DANG, LHAG MTHONG DANG, ZUNG DU 'JUG PA'I LAM DANG, THABS LA MKHAS PA DANG, YE SHES DANG, BSOD NAMS DANG, LAM DANG, GZUNGS KYI TSOGS RNAMS NI CHOS KYI MCHOG CHEN POS BSDUS PA YIN NO, ,SA DANG PO RAB TU DGA' BA'I RANG BZHIN TSOGS KYI SGRUB PA NI MTHONG BA'I LAM GYI BDAG NYID CAN YIN NO, ,SA GNYIS PA LA SOGS PA'I BSGOM PA'I LAM GYI RANG BZHIN NI YANG LAM GYI TSOGS @17A *, ,KYI RANG BZHIN YIN NO, ,GNYEN PO'I BDAG NYID CAN YANG TSOGS KYI BSGRUB PA NI LAM GNYIS KA'I SPYOD YUL CAN YIN NO, ,NGES PAR 'BYUNG BA'I SGRUB PA NI YANG BSGOM PA'I LAM YIN TE, RAB KYI MTHAR THUG PAR 'GRO BA'I RTEN CAN YIN TE, DE LTAR SA GANG DU THOG MAR GOMS PAR BYAS PA'AM, THOB PA DE LA LTOS PA YIN PAR RIG PAR BYA'O, ,SGRUB PA BZHI PO DE DAG KYANG KHYAD PAR GYI RANG BZHIN RNAM PA THAMS CAD SBYOR BA NI MI NUS PAS SPYIR BSTAN GYI, 'DIR KHYAD PAR NI MA YIN TE, BSDUS PA YIN PA'I PHYIR BLO DMAN PA RJES SU GZUNG BA YIN NO, ,GZHAN DU BSLAB PAR 'DOD PAS BYE BRAG RNAMS SBYOR NA MA 'BREL PA BSTAN PAR 'GYUR RO, ,DE LTAR PHYI MA RNAMS LA YANG BLTA BAR BYA'O, ,DE LA DANG PO BRTZON 'GRUS KYI RANG BZHIN GO CHA'I BSGRUB PA BSTAN PA'I PHYIR SEMS DPA' CHEN POR GDAGS PA'I RGYU MTSAN GTONG BA CHE ZHES BYA BA LA SOGS PA GSUNGS TE, DE LA THAMS CAD STONG PA'I BSAM PA YOD PA'I PHYIR GTONG BA CHE BA'O, ,BYANG CHUB SEMS DPA'I SDOM PA'I TSUL KHRIMS LA SOGS PA RGYA CHEN PO DANG LDAN PAS NA BLO CHE'O, ,GZHAN GYIS GNOD PA LA JI MI SNYAM PA LA SOGS PA'I BZOD PA DANG LDAN PAS NA MTHU CHE BA'O, ,SEMS CAN GYI DON GYI BRTZON 'GRUS KYI STOBS DANG LDAN PAS NA THEG PA CHEN PO'O, ,SEMS RTZE GCIG PA THOB PAS NA MCHOG GO, ,LAS DANG BYED PA PO DANG BYA BA GSUM GYI DMIGS PA NI SHES RAB DANG LDAN PAS NA DE BZHIN GSHEGS PA'I MYA NGAN LAS 'DAS PA LA ZHUGS PA'I PHYIR ZHUGS PA'O, ,DE LTAR GO CHA'I BSGRUB PAS KHYAD PAR DU 'GRO BAS GNYIS PA 'JUG PA'I SGRUB PA BSTAN PA'I PHYIR, GO CHA ZHES BYA BA LA SOGS PA GSUNGS TE, 'JUG PA'I SGRUB PA'I STOBS KYIS BSAM GTAN DANG GZUGS MED PA LA SOGS PA'I MTSAN NYID NI CHEN PO'O, ,LHA'I BU'I BDUD KYI SDE MA RUNGS PA'I BSAM PA NYID KYI RGYU CAN 'DUL BA'I PHYIR RO, ,YID LA RE BA BZHIN BYED PAS NA DGOS PA'O, ,DE LTA BU'I 'BAD PA BYED PAS NA SEMS DPA' CHEN PO ZHES BRJOD DO, ,'JUG PA'I SGRUB PA BSGRUBS NAS 'BRAS BU RDZOGS PA'I BYANG CHUB CHEN PO THOB PA GSUM PA TSOGS KYI SGRUB PA BSTAN PA'I PHYIR, DPER NA ZHES @17B BYA BA LA SOGS PA GSUNGS TE, DPER NA SGYU MA'I MKHAN POS SGYU MA'I GNAS LAM PO CHE'I BZHI MDO RU SGYU MA MNGON PAR SPRUL TE, YANG DE'I SKYE BO PHAL PO CHE'I TSOGS KYI MGO RNAM PA MANG PO BYE BA GCOD PAR BYED PA NI RANG GI SPRUL PA DE RNAMS LA DNGOS POR MNGON PAR ZHEN PA DANG BRAL BAS SROG GCOD PA LA SOGS PA'I 'JIGS PAS DE LA SKRAG PA MED DO ZHES BYA BAR 'BREL TO, ,DE BZHIN DU SGYU MA MKHAN GYI SPRUL PA BSAD PA DE DAG CI 'DRA BAR DE LTAR GNYEN PO'I SGYU MA BYED PA'I BYANG CHUB SEMS DPAS LHA'I BU'I BDUD LA SOGS PA'I SPRUL PA 'JOMS PA NA, GANG GI TSE BYANG CHUB SEMS DPA' DES 'GRO BA KUN LAS DANG NYON MONGS PAS SPRUL PA YIN PAR THOS PA LA SOGS PA'I SHES PA SKYES PA RAB TU SHES PA DE BAS NA, DE LA KHA NA MA THO BA 'JIGS PA MED CING SKRAG PA MED PAR GYUR PA YIN NO, ,'GRO BA KUN SPRUL PA DANG 'DRA BA YIN NA JI LTAR BCINGS PA DANG GROL BAR 'GYUR ZHES ZER NA, DE KHO NA NYID DU CUNG ZAD KYANG MED PAR BSTAN PA'I PHYIR, GZUGS DANG ZHES BYA BA LA SOGS PA GSUNGS TE, GZUGS NAS RNAM PAR SHES PA'I BAR DU MA RIG PAS BCINGS PA MED CING, RIG PA'I MTHUS GROL BA YANG YOD MIN TE ZHES RJES SU SBYAR RO, ,GANG GI PHYIR GZUGS LA SOGS PA YANG DAG PA MA YIN TE MED PA MA YIN NO, ,RGYU GANG GIS SHE NA, YOD PA NYID DU SGRUB PAR BYED PA'I TSAD MA MED PA'I PHYIR RO, ,JI LTA BU KUN RDZOB YIN ZHE NA, DE LTAR ZHES BYA BA LA SOGS PA GSUNGS TE, 'DI LTAR RIGS PAS CHOS THAMS CAD STONG PA NYID YIN YANG 'DI LTAR SNANG BA NI DGAG PAR MI NUS TE, THAMS CAD THA SNYAD YIN PAR RTOGS NAS SEMS ZHUM PA MED DO, ,'ON KYANG BCINGS PA DANG GROL BA DOR BAR BYA BA DANG, BLANG BAR BYA BA'I SEMS KYIS RANG BZHIN CHOS NYID LA RTOGS NAS ZHUGS TE, DE NYID BSGOMS PA'I STOBS KYIS JI LTA BA BZHIN GYI CHOS RTOGS NAS BYANG CHUB 'THOB TE, RIGS PA'I STOBS KYIS THAR PA RNAM PAR BZHAG LA, GZHAN GYIS JI SKAD BSTAN PA'I RIM PA LAS BZLOG PA MA RIG PA'I NUS PAS BCINGS PA YIN PA'I PHYIR DE BAS NA DE DAG GI RJES LA GO CHA BSTAN TO, ,BRTZE BA LA SOGS PA @18A *, ,SGRUB PAR BYED PA NI GANG ZAG DAM PA RNAMS TE, NYAN THOS LA SOGS PA LA LTOS NAS RGYAL BA'I SRAS TE, BDEN PA GNYIS LA BRTEN PA'I THUN MONG MA YIN PA'I LAM YIN NO, ,JI SKAD BSTAN PA NYID THEG PA CHEN PO YIN PAR CI'I PHYIR ZHES DRI BA SNGON DU 'GRO BAS THEG PA CHEN PO'I NGO BO RDZOGS PAR BYA BA'I PHYIR, CI'I PHYIR ZHES BYA BA LA SOGS PA GSUNGS TE, GANG DU BYANG CHUB SEMS DPA' GANG GIS 'BRAS BU DANG BCAS PA'I LAM BRTZE BA DANG, SBYIN PA LA SOGS PA'I TSOGS KYIS SGRUB PA LA ZHON PA NI THOB PA'I SBYOR BA LA GNAS PA STE, RIM GYIS SEMS CAN THAMS CAD MYA NGAN LAS ZLO BAR BYED DO, ,DE BAS NA 'DI NI THEG PA CHEN PO YIN NO, ,CI'I PHYIR ZHE NA, BYANG CHUB SEMS DPA'I THEG PA NI THEG PA CHEN PO ZHES BYA STE, GANG GI PHYIR NAM MKHA' DANG 'DRA BAR DPAG TU MED PA'I SEMS CAN GYI GO SKABS 'BYED PAR BSNYEN PAS NA 'DI NI THEG PA CHEN PO'O, ,YON TAN RNAM PA THAMS CAD MTHAR THUG PA NAS GZHAL MED KHANG DANG 'DRA BAS NA GZHAL MED KHANG CHEN NO, ,DGA' SKYID BDE BA ZHES BYA BA LA SOGS PA THAMS CAD SPANGS PA'I PHYIR ZAG PA MED PA NI DGA' BA'O, ,LUS KYI BDE BA'I TSOGS NI SKYID PA'O, ,BDE BA NI SEMS LAS BYUNG BA BDE BA'O, ,MNGON PAR 'THOB BYED NI DGA' SKYID BDE BA LA MNGON PAR PHYOGS TE THOB PA NI BCOM LDAN 'DAS SO ZHES BYA BAR 'BREL TO, ,YANG NA KHYAD PAR DU 'PHAGS PA DE BAS NA BYANG CHUB SEMS DPA'I LAM 'BRAS BU DANG BCAS PA LA THEG PA CHEN PO ZHES BRJOD DO, ,DE LTA MOD KYI PHYOGS GZHAN DANG GZHAN DU 'GRO BA'I GNAS SKABS THOB PA KHYAD PAR DU 'PHAGS PA'I RGYU LA THEG PA CHEN PO ZHES BYA BA 'JIG RTEN PA LA GRAGS PA MA YIN NAM, DE BZHIN DU THEG PA CHEN PO YIN PAR 'DZIN PAS PHYIN CI LOG TU 'GYUR RO ZHES ZER NA, GANG ZHIG CES BYA BA LA SOGS PA GSUNGS TE, THEG PA CHEN PO LA ZHON PA NI BYANG CHUB SEMS DPA'O, ,PHYOGS NI SHAR PHYOGS LA SOGS PA DES NYE BAR MTSON PA'O, ,SA DANG PO LA SOGS PA'I GNAS SKABS SU PHYIN PA DES DE KHO NA NYID DMIGS PA MED DO, ,DE LTA YIN NA JI LTAR MYA NGAN LAS 'DAS PAR 'GRO ZHES BYA BA'I THA SNYAD 'JUG CE NA, MYA @18B NGAN ZHES BYA BA LA SOGS PA GSUNGS TE, MYA NGAN LAS 'DAS PAR 'GRO ZHES BYA BA 'DIR YANG PHYIN CI LOG GI NGO BO BZLOG PA NYID LA MYA NGAN LAS 'DAS PA ZHES BYA BA'I RIGS PAS 'GRO BA NI MI DMIGS PA'O, ,'JIG RTEN PAS KYANG RANG GI NGO BO DGAG PA TZAM NYID LA MYA NGAN LAS 'DAS ZHES BYA BAR GRAGS PAR BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA ME SHI BA LA 'GAGS ZHES BYA BAR THA SNYAD 'DOGS KYI ME DE 'GAGS PAS 'DAS PAR BYA BA BYED PA MA YIN NO, ,NGO BO THOB PA MED PA'I PHYIR MA 'ONGS PA MA YIN NO, ,GNAS PAS DA LTAR BYUNG BA MA YIN NO, ,DUS KYIS 'GYUR PA'I BYE BRAG KHYAD PAR 'GYUR BA MI SRID DE TSAD MAS GNOD PA'I PHYIR RO, ,RGYU DES NA RANG GI NGO BO LOG PA TZAM LA 'JIG RTEN PAS KYANG ME SHI ZHES BRJOD PAR BYED DO, ,GAL TE DE LTA NA THEG PA CHEN PO DE KHO NA NYID KYI KHYAD PAR RTOGS PA MED PA'I PHYIR JI LTAR BYANG CHUB SEMS DPA' DE LA ZHON NAS SEMS CAN THAMS CAD MYA NGAN LAS 'DAS PA LA ZLO ZHE NA, BYANG CHUB CES BYA BA LA SOGS PA GSUNGS TE, SNGON GYI MTHA' NI RGYU'I STOBS KYI PHYI MA'I MTHAR 'BRAS BU BSKYED PA'I PHYIR DA LTAR BYUNG BA LA DE DAG GI RANG GI NGO BO NGES PAR BYANG CHUB SEMS DPA' MI DMIGS PA STE, YANG DAG PA'I DON YIN PAR SGRUB PAR BYED PA'I TSAD MA MED PA'I PHYIR RO, ,DE BAS NA DUS GSUM GCIG DANG DU MA DANG BRAL BA'I PHYIR DAG PAR GYUR PA YIN TE, DE LTA BU'I RIGS PAS GANG DAG PA NI 'JIG RTEN PA'I MNGON PAR 'DUS BYAS PA MA YIN PAS DE NYID KYI PHYIR CHAGS PA LA SOGS PA'I SPROS PA SPANGS PA'I PHYIR SPROS PA MED PA'O, ,KUN TU SEMS CAN MYA NGAN LAS ZLO BAR NUS TE, GZHAN DU NA DE DAG GIS DE KHO NA NYID KYI KHYAD PAR MA RTOGS PAR MNGON PAR ZHEN PA DES PHYIN CI LOG MA SPANGS PAS SEMS CAN GYI DON BYED MI NUS SO, ,DE LTA BU DE LAS BZLOG PA DE NYID NI SHES RAB DANG SNYING RJE LA SOGS PA TSOGS KYI SGRUB PA YIN TE, THEG PA CHEN PO'I CHOS MA LUS PA'I RANG BZHIN PHA ROL PHYIN MCHOG SPYOD PA GANG YIN PA YANG SGRUB PA YIN NO, ,TSOGS BSAGS PA LA BZHI PA NGES PAR 'BYUNG BAS DE BSTAN PA'I PHYIR BYANG CHUB SEMS ZHES @19A *, ,BYA BA LA SOGS PA GSUNGS TE, GZEGS ZAN LA SOGS PAS DUS RTAG PAR BRTAGS PA BKAG NAS DNGOS PO LA NYE BAR 'JUG PA NYID KYI BRDAR BYAS PA'I PHYIR TSE STE, BRDA' GANG GI DUS KYI TSE BYANG CHUB SEMS DPA' BDEN PA GNYIS RTOGS PAS NA MKHAS PA'O, ,CHED DU BYA BA'I NGES PAR 'BYUNG BA'I SGRUB PAR SPYOD PAR BYED CING CHOS RNAMS MA SKYES PAR RTOGS NAS 'GRO BA SEMS CAN THAMS CAD YUL DU BYED PA NI SNYING RJE CHEN PO SKYED PA'O, ,BDAG DANG GZHAN DU MNGON PAR ZHEN PA MED PA NI SEMS CAN 'DU SHES MED DE YOD PA'I 'DU SHES MI BSKYED PA'O, , DE'I TSE SHES RAB DANG THABS LA MKHAS PA DE NI SHES RAB BO, ,DON THAMS CAD KYI CHED DU BYA BA'I NGES PAR 'BYUNG BA'I SGRUB PA NI PHA ROL TU PHYIN PA MCHOG GO, ,GANG SPYOD PA BYED CES BYA BA'I BAR DU'O, ,SEMS CAN DU DMIGS NA NYES PA CI ZHIG YOD CE NA, GAL TE ZHES BYA BA LA SOGS PA GSUNGS TE, GAL TE RANG DANG GZHAN DAG YOD PAR 'DU SHES SKYED PAR BYED NA, DE'I SDUG BSNGAL GYI 'DU SHES SKYES PAS SBYIN PA LA SOGS PA RNAMS LA DKA' BAS SPYOD PAR BYED CING SDUG BSNGAL SPYOD PAS 'GRO BA'I DON BYA'O ZHES DMIGS PA'I PHYIR BDAG DANG GZHAN DU YONGS SU RTOGS PA'I BYANG CHUB SEMS DPA' YIN NO, ,DE BAS NA BDAG DANG GZHAN GYI CHAR YONGS SU 'DZIN PA'I NYES PA DE GNYIS KYIS NYES PA THAMS CAD 'BYUNG NGO, ,DE LTA BAS NA YANG, 'DI NI SHES RAB PHA ROL PHYIN MCHOG SPYOD MA YIN, ,ZHES BYA BA NI TSIGS SU BCAD PA'I DON TO, ,JI LTAR SPYAD PAR BYA ZHE NA, BDAG CI ZHES BYA BA LA SOGS PA GSUNGS TE, SKYE BA MED PA DANG SKYE BA ZHES RIM PA GZHAN DU SBYAR RO, ,BDEN PA GNYIS THA DAD PAR GNYIS KYI RANG BZHIN DU MI RTOG CING YID LA MI BYED PA NI GANG GI TSE THAMS CAD KYI THAMS CAD DU BDAG GI RGYUD LA YOD PA'I SDUG BSNGAL THAMS CAD BSAL BAR BYA'O ZHES BDAG NYID CI 'DRA BAR SEMS CAN THAMS CAD DE 'DRA BAR SHES PA NI LHA LA SOGS PA'I SEMS CAN LA ZHES SO, ,GZHAN DAG TU BYAS TE, KUN RDZOB TU GCIG TU RTOGS PA CI 'DRA BAR SEMS CAN THAMS CAD SGRO BTAGS PAS DBEN PAR SHES PA DE @19B 'DRAR SEMS BSKYED PA LA SOGS PA CHOS KUN YANG SHES TE, STONG PA NYID KYI RIGS PAS GCIG NYID DU RTOGS PAS BDEN PA GNYIS LA YANG DAG PAR ZHUGS PA DE'I TSE, 'DI NI SHES RAB PHA ROL TU PHYIN MCHOG SPYOD MA YIN NO, ,DE LTAR RTOGS PAR BYA BA'I DNGOS PO BRTAGS PAR BSTAN NAS, 'JIG RTEN ZHES BYA BA LA SOGS PA GSUNGS TE, 'JIG RTEN DAG NA CHOS MING YONGS SU BRJOD PA NI SEMS BSKYED PA LA SOGS PAS RAB TU BSGRAGS PA'I MING GI SGRA'I SHES PA NI RJOD PAR BYED PA YIN PA'I PHYIR RO, ,DE DAG KUN LA SKYE BA DANG NI YANG DAG 'DAS SPANGS TE, SPANGS PA NI 'GAGS PA'O, , DE NYID SPANGS PA NI MI GNAS PA'I MYA NGAN LAS 'DAS PA'O, ,NYAMS PA MED PA'I RANG BZHIN YIN PA'I PHYIR 'CHI MED DO, ,ME LONG LTA BU'I YE SHES LA SOGS PA'I RANG BZHIN PHYIN CI LOG THAMS CAD SPANGS PA'I PHYIR DAM PA STE, KHYAD PAR DU 'PHAGS PA'I CHOS KYI NGO BO'O, ,DE LAS GZHAN GONG NA MED PA'I YE SHES KYI DON THOB PA NI DGOS PA YIN NO, ,CHED DU BYA BA NGES PAR 'BYUNG BA'I SGRUB PA'I SHES RAB NI MCHOG STE PHA ROL TU PHYIN PA'O, ,DE LTAR GRUB PA LA RNAM PAR BKAG NAS ZHES BYA BA'I SGRA NI RAB TU GRAGS PA'I MING GI RNAM GRANGS SO, ,GRUB PA DE LA JI LTAR 'JUG PAR BYA ZHE NA, BYANG CHUB SEMS DPA' ZHES BYA BA LA SOGS PA GSUNGS TE, RIM PA BZHIN DU SBYAR TE, RANG BZHIN DE NI DE BZHIN NYID DO, ,MED PA NI SGYU MA LTA BU YIN PA'I PHYIR YOD PA MA YIN NO, ,CHOS RNAMS BSGOM PA LA SOGS PA'I RIM GYIS YONGS SU SHES PAR GYUR PA DE LTA BUR GYUR PA'I CHED DU BYA BA'I BSGRUB PA'I SPYOD PA'O, ,DOGS MED NI THE TSOM MED PAR BYA'O, DE LTAR BYANG CHUB SEMS DPA' DES THABS DANG SHES RAB DANG LDAN TE KUN RDZOB DANG DON DAM PA LA GNAS PA'O, ,SHES RAB BYAS PA NGES PAR BYAS PA'O, ,YANG DAG PAR ZHUGS PA'I PHYIR 'DI NI SHES RAB STE, JI SKAD BSTAN PA'I NGES PAR 'BYUNG BA'I BSGRUB PA NI PHA ROL TU PHYIN PA'I MCHOG YIN TE, DE LA SPYOD PA NI ZHUGS PA'O, ,DE DAG GIS NI RNAM PA THAMS CAD MKHYEN PA NYID BSTAN TE, DE SKAD DU YANG, SEMS BSKYED PA DANG GDAMS NGAG DANG, , @20A *, ,NGES 'BYED YAN LAG RNAM BZHI DANG, ,SGRUB PA YI YANG BZHIR GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BYAS RNAMS, ,THUB PA'I RNAM KUN MKHYEN PA NYID CES GSUNGS PA YIN NO, ,GZHUNG 'DIR TSIGS SU BCAD PA RNAMS KYIS NYE BAR BSDUS PA NI GSAL BAR MDZAD PA'I PHYIR YIN TE, STONG PHRAG BRGYA PA'I DON THAMS CAD BSDUS PA'I PHYIR DE DANG MTHUN PAR LE'U SBYAR BAR RIGS MOD KYIS BLO DMAN PA RNAMS KYIS MI RTOGS PA'I PHYIR MA BYAS TE, DE BZHIN DU STONG PHRAG NYI SHU LNGA PO DANG YANG MTHUN PAR MA BYAS SO, ,SKYE BO THAMS CAD KYIS BDE BAR RTOGS PAR BYA BA'I PHYIR RAM, DON GCIG PAR SHES PAR SHES PAR BYA BA'I PHYIR BRGYAD STONG PA DANG MTHUN PAR LE'U THA MA'I DBYE BA 'DIR LE'U RDZOGS PAR BDAG GIS BYAS SO, ,YON TAN RIN PO CHE SDUD PA TSIGS SU BCAD PA LAS RNAM PA THAMS CAD MKHYEN PA NYID LA 'JUG PA'I LE'U STE DANG PO'I BSHAD PA'O,, ,,RNAM PA THAMS CAD MKHYEN PA NYID RTOGS PA NI LAM YONGS SU MA SHES PAR MA YIN PAS LAM SHES PAR BSTAN TO, ,DE LA DANG PO RTEN LA SOGS PA BRJOD PAR BYA BA'I PHYIR, GANG ZHIG CES BYA BA LA SOGS PA GSUNGS TE, GZUGS LA SOGS PA'I MNGON PAR ZHEN PA GANG ZHIG MI SBYOR BAR GNAS PA NI CHOS NYID LA GNAS PAR 'GYUR RO, ,'DI LTAR 'OD KYIS MOG MOG POR MDZAD PAS RGYUD LA YOD PA'I NGA RGYAL BCOM PA NI RTEN YIN NO, ,DES YANG DAG PAR BYANG CHUB KYI SEMS BSKYED PA NI YUL SO SOR NGES PA YIN NO, ,'DI NA SNOD MIN SEMS CAN 'GA' YANG MED, ,CES GSUNGS PAS 'GRO BA THAMS CAD KYIS SANGS RGYAS THOB PAR 'GYUR TE, 'DOD CHAGS DANG BRAL BA DANG CIG SHOS KYI RNAL 'BYOR PAS KYANG SANGS RGYAS NYID THOB PAS NA LAM SHES PA BSGOM PA NI KHYAB PA YIN NO, ,BSOD NAMS DANG YE SHES KYI TSOGS YONGS SU RDZOGS PAR BYA BA'I PHYIR NYON MONGS PA THAMS CAD MI SPONG BA NI RANG BZHIN NO, ,SHES RAB DANG THABS LA MKHAS PA'I STOBS KYIS YONGS SU MA BZUNG BA'I SEMS CAN YONGS SU BZUNG BA @20B LA SOGS PA GANG YANG RUNG BA LAS SU BYA BA'I 'JUG PA YIN NO, ,DBYE BA LNGA PO'I DON MED NA MI 'BYUNG BA'I PHYIR CHOS NYID KYI SGRAS 'PHANGS PA YIN NO ZHES RTOGS PAR BYA'O, ,GZHAN DU NA LAM SHES PAS RTOGS PAR MI RIGS PAS DE NYID KYI PHYIR DE RTOGS PA'I THABS YIN PAS DE DAG DON GYI DBYE BA LNGA LA GNAS PA'O, ,SHES RAB KYI PHA ROL TU PHYIN PA NI LAM SHES PA'I RANG BZHIN MCHOG LA SPYOD PA YIN NO, ,RTEN LA SOGS PA BSTAN PA'I SHUGS KYIS LAM SHES PA'I DBANG DU BYAS TE, RANG GI LAM THABS LA MKHAS PA'I PHA ROL TU PHYIN PA'I RAB TU RTOGS PA THOB NAS THEG PA GZHAN GYIS 'DUL BA'I SEMS CAN THA DAD PA'I SEMS CAN GYI DON MNGON SUM DU MI BYED PAR LAM RGYU DANG BCAS PA BSTAN PA LA YONGS SU MKHAS PA'I THABS LA MKHAS PAS LAM THAMS CAD BYANG CHUB SEMS DPAS YONGS SU RDZOGS PAR BYA'O ZHES BSTAN PA'I PHYIR NYAN THOS KYIS LAM BSTAN PA'I CHED DU RTAG DANG ZHES BYA BA LA SOGS PA GSUNGS TE, DE LA CHOS NYID KYIS SKYES PA 'JIG PA'I PHYIR MI RTAG PA'O, ,ZAG PA DANG BCAS PAS MTHUN PA MA YIN PA'I PHYIR SDUG BSNGAL BA'O, ,BDAG DANG GZHAN GYIS STONG PA'I PHYIR STONG PA'O, ,RTAG PA NYID LA SOGS PA DE NYID LAS BZLOG PAR BYA BA DE GNYIS NI DOR BAR BYA BA DANG BLANG BAR BYA BA YIN NO, ,GTZO BO'I PHYIR SDUG BSNGAL GYI BDEN PA BZUNG BA YIN NO, ,DE BZHIN NYID DANG DE BZHIN STONG ZHES BYA BA 'DIS NI RAB TU 'BYED PA'I STOBS KYIS LHAG MA BDEN PA GSUM PO'I PHYIN CI LOG DANG PHYIN CI MA LOG PA DE GNYIS MTHUN PA'I PHYOGS DANG GNYEN PO'I RNAM PA BSDUS PA YIN NO, ,DE LA BYANG CHUB SEMS DPAS JI LTAR GOMS PAR BYA ZHE NA, STONG ZHES BYA BA LA SOGS PA GSUNGS TE, GZUGS LA SOGS PA DE DAG DES MI DMIGS SO, ,'DIR RTAG PA LA SOGS PA'I CHOS KYI GNYEN PO MI RTAG PA LA SOGS PA'I RNAM PA'I BDEN PA BZHI'I DNGOS PO LA DMIGS PA NYAN THOS KYI MTHONG BA'I LAM BSKYED PAS DES MTHONG BAS SPANG BAR BYA BA'I NYON MONGS PA SPONG BAR BYED PA DUS JI SRID SGOM PA GANG ZHIG SHES PAS PHYIS LAM DER LTUNG BAR DOGS NAS SPANG BA'I PHYIR RNAM PA DE DAG MI DMIGS PA'I RANG BZHIN YID LA BYED DO, ,DE BAS NA STONG PA @21A *, ,NYID KYI BDEN PAS SPYIR 'BRAS BU CUNG ZAD GANG THOB PA LA YANG MI GNAS SO, ,DE NYID KYI PHYIR DBANG PO RTUL PO DANG 'BRING DANG RNON PO LA MI RTAG PA LA SOGS PA'I RNAM PA BSGOM PA NA RIM PA JI LTA BA BZHIN BYANG CHUB RNAM PA GSUM THOB CES NYAN THOS KYI THEG PA LAS BSTAN PA'O, ,KHYAD PAR NYAN THOS DANG, RANG SANGS RGYAS DANG, DE BZHIN GSHEGS PA'I SAR MI GNAS SHING RNAM PA THAMS CAD DU NYAN THOS LA SOGS PA'I THEG PA BSTAN PA'I RIM PAS THABS MA YIN PA'I PHYIR DES 'DUL BA'I SEMS CAN RJES SU GZUNG BA'I CHED DU BDAG MED PA NYID KYIS NYON MONGS PA'I SGRIB PA SPONG DU 'JUG PAR BYED PA YIN GYI, DE LAS BYANG CHUB SEMS DPAS KYANG RGYAL BA'I PHYIR 'JUG PA YIN NO, ,BDEN PA YONGS SU SHES PA'I SNGON DU NGES PAR 'BYED PA'I CHA YONGS SU SHES PA 'GRO BAS NGES PAR 'BYED PA BSTAN PA'I PHYIR, JI LTAR ZHES BYA BA LA SOGS PA GSUNGS TE, JI LTAR 'DREN PA BCOM LDAN 'DAS GNAS PA MED PAR SPYOD PA DE LTAR DE BZHIN NYID LA SOGS PA 'DUS MA BYAS KYI KHAMS KYI DE KHO NA NYID LA YANG MI GNAS SO, ,DE BZHIN DU 'DOD PA'I KHAMS LA SOGS PA'I 'DUS BYAS LA YANG MI GNAS SHING, DE BAS NA DE LA JI LTAR SNANG BA RNAMS LA GNAS PA YIN NO, ,DE NYID KYI PHYIR JI SKAD BSTAN PA'I RNAM PAR BSGOMS PAS NGES PAR 'BYED PA YONGS SU SHES PA GNAS KYANG BYANG CHUB SEMS DPA' GNAS MED PA NYID GNAS YIN NO, ,GANG GI PHYIR GNAS MED GNAS YIN 'DI NI RGYAL BA DE BZHIN GSHEGS PAS GSUNGS SO, ,NYAN THOS KYI LAM GYI RJES LA RANG SANGS RGYAS RNAMS KYI LAM BRJOD PAR RIGS MOD KYI, NYAN THOS LAS RANG SANGS RGYAS JI LTAR KHYAD PAR DU 'PHAGS, GANG GIS NA DE NYID KYI LAM LA KHYAD PAR GYI CI YOD SNYAM PA'I DOGS PA BSAL BA'I PHYIR GANG GIS SNGON THOS PA LA SOGS PA MNGON PAR 'DUS BYAS PAS GZHAN GYIS BSTAN PA LA LTOS PA MED PAR RANG GI BYANG CHUB THOB PA NI GCIG YIN NO, ,DE BZHIN DU SHES BYA'I SGRIB PA'I PHYOGS GCIG GZUNG BA'I RNAM PAR RTOG PA SPANGS PA DANG, SGRA BRJOD PA MED PAR GZHAN GYI DON @21B BYED PA DAG GIS YE SHES ZAB PA YIN TE, GNYIS KYI KHYAD PAR DU 'PHAGS SO, ,GZHAN DU NA KHYAD PAR DU 'PHAGS PA MED NA LAM LA KHYAD PAR YOD PAR MI RIGS PA'I PHYIR SHUGS KYIS 'PHANGS PA YIN PAR RIG PAR BYA'O, ,DE BAS NA KHYAD PAR DU 'PHAGS PA'I LAM KHYAD PAR CAN RANG SANGS RGYAS KYI LAM BSTAN PA'I PHYIR GANG DAG CES BYA BA LA SOGS PA GSUNGS TE, DPER NA 'GA' ZHIG RGYA MTSOR NUB PAS PHA ROL DANG TSU ROL GYI 'GRAM MI MTHONG BAS 'GRO BAR MI NUS TE, THABS MI SHES PA'I PHYIR RO, ,DE BZHIN DU 'KHOR BA'I RGYA MTSOR NUB PA'I SKYE BOS SO, ,GANG GI PHYIR MI LDOG PA'I PHYIR BDE GSHEGS NI NYAN THOS SO, ,RANG SANGS RGYAS DANG DE BZHIN CHOS RGYAL 'GYUR 'DOD PA NI MNGON PAR 'DOD PA'O, ,DES NA 'DI LA NI LAM SHES PA STE LAM THAMS CAD DU YUL YIN PA'I PHYIR RO, ,CHOS LA RTOGS PA'I BZOD PA 'DI LA MA BRTEN PAR SANGS RGYAS THOB PAR MI NUS TE, MNGON PAR 'DOD PA'I DON MI THOB CES BYA BA'I DON TE GZHAN DU 'THOB PA MED CES BYA BA'I DON TO, ,'DIS GZHI KHYAB PA'I DON DU BSTAN PA 'DIS NI RANG SANGS RGYAS KYI LAM GYI DBANG DU BYAS PA DE BSTAN PAR 'GYUR RO, , GZUNG BAR RTOG PA 'BA' ZHIG SNGANGS PA'I RANG SANGS RGYAS KYI LAM GANG GIS KHYAD PAR DU 'PHAGS PA DE'I RANG BZHIN KHO NA LAM SHES PA MA YIN GYI, 'ON KYANG NYAN THOS LA SOGS PA'I LAM GYI RANG BZHIN YANG YIN NO, ,GZUNG BA MED PAS DE 'DZIN MED CES BSTAN PA'I PHYIR RO, , 'DZIN PA'I RNAM PAR RTOG PA CI 'DRA BAS CHOS 'DZIN PA RANG SANGS RGYAS SU RTOGS SHA NA, CHOS 'CHAD PA ZHES BYA BA LA SOGS PA GSUNGS TE, 'DIR CHOS 'CHAD PA DANG NYAN DANG BSHAD BYA GANG YIN PA SGYU MA LTA BU YIN TE, 'DIR DGOS PA NI DE LTA BU'I DNGOS PO'I CHOS TE; GANG GI PHYIR RANG GI MTSAN NYID DNGOS PO'I BDAG RGYUR RUNG BAS 'DZIN PAR BYED PAR RNAM PAR MI RTOG PA'I SHES PA NI RANG GI MTSAN NYID 'BRAS BU SKYE BAS DE MED NA MED PA YIN MOD KYI, GZUNG BA'I RNAM PAR RTOG PA BKAG PA NA YANG GZUGS LA SOGS PA LA 'DZIN PA'I RNAM @22A *, ,PAR RTOG PA'I SHES PAS RANG GI RGYUD LA BAG CHAGS GZHAG PA SAD PA LAS SKYE BA'I PHYIR BZUNG BA'I RNAM PAR RTOG PA LAS NGES 'BYUNG ZHES BYA BA'I NGES PA MED DO, ,GANG GI PHYIR RANG SANGS RGYAS GANG GIS GZHAN LA 'CHAD PA NYE BAR MTSON PA YIN PA'I PHYIR MI 'CHAD PA YANG STE, GZUGS LA SOGS PA RNAM PAR MI RTOG PAS BZUNG BA'I RJES LA 'DZIN PA'I RNAM PAR RTOG PA ZHES PA NYAN PA DANG 'DZIN PAR BYED DE, DE BZHIN DU GANG MNYAN PA DANG LDAN PA DAG NYAN PA STE, DE DAG THAMS CAD KYANG RDZUN PA SNANG BA'I RANG BZHIN 'DZIN PA'I RNAM PAR RTOG PA DANG BRAL BA'I CHOS 'DZIN PA'ANG SGYU MA LTA BU, CHOS DE 'CHAD PA DANG NYAN PA YANG SGYU MA LTA BUR RIG PAR BYA'O, ,DE BAS NA 'DZIN PA'I RNAM PAR RTOG PA MA SPANGS PA'I RIGS PA, 'DIS YANG RANG SANGS RGYAS KYI LAM GYI RANG BZHIN DU GYUR PAR BLTA'O, ,RNAM PA GANG GIS CHOS SGYU MA LTA BUR BSTAN PA NI RANG BZHIN BKAG NAS DE KHO NA NYID DU YOD PAR RTOGS ZHES ZER NA, 'BRAS BU THOB CES BYA BA LA SOGS PA GSUNGS TE, DE LA 'BRAS BU GANG ZHIG DANG PO LA SOGS PA LA GNAS PA'I GANG ZAG BRGYAD PO NI 'BRAS BU 'THOB PA'O, ,TSOGS NA SPYOD PA DANG, BSE RU LTA BU 'ANG RANG SANGS RGYAS SU MTSUNGS PAS RKYEN RGYAL LO, ,LONGS SPYOD RDZOGS PA DANG, SPRUL PA'I SKU GNYIS PO DAG GIS 'JIG RTEN MGON GYI DBYE BA RNAM PA GNYIS SO, ,RIM PA JI LTA BA BZHIN DU DON DU SBYOR BAS MKHAS PA DANG GSAL BA STE, PHUL DU BYUNG BA'I SHES RAB PHUN SUM TSOGS PAS MKHAS GSAL TE YANG DAG PAR RDZOGS PA'I SANGS RGYAS MNGON SUM DU BYAS PA BZHIN NO, ,YANG GANG GIS CHOS KYI SKU THOB PA NI MYA NGAN LAS 'DAS PA STE, RIM PA JI LTA BA BZHIN DU RANG DANG GZHAN GYI DON LA SBYOR BA NI MKHAS RIG GO, , YANG NA MKHAS PA RNAMS KYI NANG NAS SHES RAB PHUL TU BYUNG BA PHUN SUM TSOGS PA NI MKHAS RIG GO, ,YANG DAG PAR RDZOGS PA'I SANGS RGYAS MNGON DU BYED PA DE DAG THAMS CAD NI 'DAS MA THAG TU BSTAN PA'I RNAL 'BYOR PAS KUN RDZOB TU BLANG BAR BYA BA GNYEN PO SGYU MA LTA BU'I RANG BZHIN @22B YIN TE; RTEN CING 'BREL PAR 'BYUNG BA NYID LA SOGS PA'I GTAN TSIGS RNAMS KYIS BSTAN PA'I PHYIR CHOS KYI RGYAL PO YANG SGYU MA LTA BUR RTOGS PAR BYA BA YIN NA GZHAN LTA CI SMOS TE DE BZHIN NO, ,GANG GI BRDA CUNG ZAD GRUB PAS DON MA GRUB PA SGRUB PAR BYED PA'I DPE SGYU MA LTA BU BSTAN PAS DE'I TSE YANG NYES PA CUNG ZAD KYANG MED DO, ,CI 'DRA BA LA MKHAS PA'I GANG ZAG RANG SANGS RGYAS KYI THEG PA'I SNOD DU 'GYUR BA BSTAN PA'I PHYIR, GANG ZAG BZHI PO ZHES BYA BA LA SOGS PA GSUNGS TE, DE LA SHES RAB 'BRING GI LTA BA DANG LDAN PA KUN RDZOB DANG DON DAM PA'I DBYE BA YONGS SU SHES PA'I MKHAS PA NI RGYAL SRAS SO, ,DANG POR NGES PAR 'BYED PA'I CHA DANG MTHUN PA THOB PA NYID KYIS RANG SANGS RGYAS KYI BYANG CHUB THOB PAR NGES PA NI PHYIR MI LDOG PA STE GNYIS PA'O, ,THAMS CAD KYIS MCHOD PAR 'OS PAS NA DGRA BCOM PA STE, ,MTHONG BA'I LAM LA SOGS PA DE NYID KYIS BZUNG BA'I RNAM PAR RTOG PA SPANGS PAS RIM PA JI LTA BA BZHIN DU DRI MA BSAL BA DANG, DE NYID KYI CHOS NYID MNGON SUM DU BYAS PAS THE TSOM MED PA'I PHYIR SOM NYI SPANGS PA NI GSUM PA'O, ,DGE BA'I BSHES GNYEN GYIS YONGS SU BZUNG BA NI BZHI PA'O,, GANG ZAG BZHI PO DE DAG RANG SANGS RGYAS KYI RIGS CAN YIN PA'I PHYIR 'DI LA SKRAG PAR MI 'GYUR RO, ,DE DAG GI RTEN BSTAN TO, ,JI LTAR RANG SANGS RGYAS KYI LAM BYANG CHUB SEMS DPAS GOMS PAR BYA BA BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, NYAN THOS RNAMS BSGOM PA JI LTA BA BZHIN DU DNGOS PO THAMS CAD RTEN CING 'BREL PAR 'BYUNG BA RTOGS PAS RANG SANGS RGYAS KYI MTHONG BA'I LAM BSKYED DO, ,NYON MONGS PA SPONG BA YANG DE BZHIN NO, ,SHES RAB 'BRING GI STOBS KYIS CHOS NYID LHAG PA MTHONG BA NYID JI SKAD BSTAN PAS KHYAD PAR DU 'PHAGS PA DANG LDAN ZHING SHES BYA'I SGRIB PA BZUNG BAR RTOG PA PHYOGS GCIG SPONG BA DUS JI SRID BSGOM PA SHES PA NYID KYIS PHYIS DE'I LAM DU LTUNG PA SPANG BA'I PHYIR CHOS THAMS CAD STONG PA NYID YID LA BYED DO, ,DE LTAR MI DMIGS PAS RANG @23A *, ,SANGS RGYAS KYI THEG PA LA SPYOD PA NI BYANG CHUB SEMS DPA' MKHAS RIG STE, DGRA BCOM PA NI SPANGS PA PHUN SUM TSOGS PA LA YANG MI BSLAB PO, ,THAMS CAD MKHYEN PA NYID CHED DU SANGS RGYAS LA DMIGS NAS DE'I THABS BDAG MED PA LA GOMS PAR BYED PA NI CHOS RJES SU SLOB STE, BYANG CHUB SEMS DPA'I LAM SHES PA LA SLOB PA'O, ,GANG ZHIG MI SLOB PA NI SHES RAB DANG THABS LA MKHAS PA'I STOBS KYIS YONGS SU BZUNG BAS GO RIMS BZHIN MI SLOB PA'O, ,DE NYID KYI PHYIR PHYIN CI MA LOG PAR RTOGS PA NI DE SLOB PA YIN NO ZHES BYA BA'I DON TO, ,NGES PAR 'BYED PA'I CHA YONGS SU SHES PA DES JI SKAD BSTAN PA'I RANG SANGS RGYAS KYI LAM YONGS SU SHES PAR 'GYUR BAS NGES PAR 'BYED PA BSTAN PA'I PHYIR, GZUGS 'PHEL ZHES BYA BA LA SOGS PA GSUNGS TE, DE LA SBYIN PA'I RANG BZHIN BRJOD PA NI GZUGS TZAM YIN TE, NYE BAR LEN PA'I PHUNG PO LNGA'O, ,'PHEL BA NI BSAGS PA'O, ,YONGS SU NYAMS PA NI BSAGS PA MED PA'O, ,YONGS SU BZUNG BA NI RTEN PAR BYED CES BYA BA'I BAR DU'O, ,JI SKAD BSTAN PA BSGOMS PAS NGES PAR 'BYED PA YONGS SU SHES PA NI SLOB PA STE, 'JUG PAR BYED PA'O, ,GANG LA BYANG CHUB SEMS DPA' NI MI SLOB CING 'DOR BAR BYED DE, NYE BAR LEN PA'I PHUNG PO LNGA PO 'PHEL BA DANG NYAMS PA YONGS SU 'DZIN PA LA MI SLOB STE, BLANG BAR BYA BA SNA TSOGS PA'I CHOS DRAN PA NYE BAR GZHAG PA LA SOGS PA RNAMS YONGS SU MI 'DZIN CING DE NYID KYI PHYIR THAMS CAD MKHYEN PA NYID SANGS RGYAS KYIS YONGS SU MI 'DZIN TE, SEMS KYIS KYANG RTEN PAR MI BYED DE 'CHING BA YIN PA'I PHYIR RO, ,DE LTA BUS NGES PAR 'BYUNG NGO ZHES BSTAN PAR 'GYUR RO, ,DE LTA BU LA 'DIR SLOB STE GOMS PA ZHES PAS BCOM LDAN 'DAS RNAM PA THAMS CAD MKHYEN PA NYID DE, RIM GYIS BYA BA NI TSIG GI LHAG MA'O, ,LHAG MA NYON MONGS PA SPONG BA NI SNGAR BSTAN PA'I LAM GYI NGO BO LA MNGON DU PHYOGS PAS YANG DANG YANG DU DMIGS PA NI BSGOM PA'I LAM DU BZHAG PA YIN PA'I PHYIR MTHONG BA'I LAM YONGS SU SHES PA NYID @23B KYIS DE YONGS SU SHES PAR GRUB PA DE BAS NA BYANG CHUB SEMS DPA' MTHONG BA'I LAM YONGS SU SHES PA'I PHYIR NYAN THOS LA SOGS PA DANG 'BREL BA'I BSGOM PA'I LAM LOGS SHIG TU MA BRJOD PAR SHES PAR BYA'O, ,JI LTA BUR GYUR PA'I RGYAL BA'I SRAS KYIS MTHONG BA'I LAM THOB PA'I STOBS KYIS RANG GI LAM LA DBANG DU GYUR PA THOB PA DE LAS GZHAN PA'I THEG PAS 'DUL BA'I SEMS CAN RJES SU 'DZIN PA NI LAM GNYIS LAS YONGS SU RGYAL BA YIN PA'I PHYIR DE'I RJES LA TSE 'DI'I YON TAN LA SOGS PA DANG LDAN PAR RJES SU GDAMS PAR BYA BA'I MTHONG BA'I LAM BSGRUB PA'I PHYIR, GZUGS NI ZHES BYA BA LA SOGS PA GSUNGS TE, GZUGS NI SHES RAB MA YIN TE DE BZHIN NYID YIN NO, ,GZUGS LA SHES RAB MED DE, RNAM PAR SHES PA LA SOGS PA YANG SHES RAB MED DO, ,SHES RAB LA YANG DE BZHIN NO, ,'ON KYANG NAM MKHA'I KHAMS DANG MTSUNGS PAR DE DAG GIS STONG STE, GZUGS LA SOGS PA RIGS PAS MA BSKYED PA'I PHYIR CHOS THAMS CAD RTEN DANG BRTEN PAR THA DAD PA'I MTSAN NYID MED DE, KHYAD PAR DANG SNA TSOGS PA'I RANG BZHIN DU MED CES BYA BA'I BAR DU'O, ,DE SKAD DU, CHA SHAS SGRO 'DOGS JI SNYED PA, ,DE BSAL PHYIR NA NGES PA DANG, ,SGRA YANG DE SNYED KHO NA DES, ,DE DAG SPYOD YUL THA DAD CAN, ,ZHES GSUNGS PA YIN NO, ,DE LTAR BSGOMS PAS MTHONG BA'I LAM 'JIG RTEN PA'I CHOS KYI MCHOG GI RJES THOGS LA MI DMIGS PA'I TING NGE 'DZIN SHES RAB MTSUNGS PAR LDAN PA DES NYON MONGS PA BRGYAD CU GNYIS SPONG BAR BYED PA SKYE BA YIN NO, ,DE LTAR NA 'PHAGS PA'I BDEN PA BZHI'I RNAM PA'I BYE BRAG GIS RIM PA BZHIN BSGOM PAR GRAGS PA JI LTA ZHE NA, DMIGS PA ZHES BYA BA LA SOGS PA GSUNGS TE, DE LA YONGS SU SHES PA TZAM NYID SDUG BSNGAL GYI BDEN PA STE DMIGS PAS SO, ,DNGOS PO THAMS CAD 'BYUNG BA'I RGYU YIN PA'I PHYIR DNGOS POR MNGON PAR ZHEN PA SPANG BAR BYA BA YIN PAS NA KUN 'BYUNG GI BDEN PA YIN TE SEMS CAN GYIS SO, ,MNGON SUM DU BYA BA YIN PAS NA 'GOG PA'I BDEN PA STE NAM MKHA'I KHAMS KYIS SO, , @24A *, ,YON TAN THAMS CAD 'BYUNG BA'I PHYIR CHOS RNAM PAR 'BYED PA NI LAM GYI BDEN PA YIN PAS SHES RAB KYIS SO, ,PHA MTHA' MED NI SNGON DANG PHYI MA'I MTHA' DANG RGYU DANG 'BRAS BU ZHES BYA BA'I BAR DU'O, ,YONGS SU RDZOGS PAR YOD PA'I DUS NI PHA ROL LO; ,PHA MTHA' MED NI SGYU MA LTA BUR MED PA'O, ,GANG LA RANG BZHIN YOD PA NI RANG BZHIN TE, DE NI PHA MTHA' MED DE, RGYU DANG 'BRAS BU'I RANG BZHIN SPANGS ZHES BYA BA'I BAR DU'O, ,'DIS 'GRO BA'I RANG BZHIN MKHYEN PA'I PHYIR 'JIG RTEN MKHYEN PA STE, DE BZHIN GSHEGS PA RNAMS KYIS JI LTAR SNANG BA'I BDEN PA LA'O, ,DE DAG GI RANG BZHIN GANG LA YOD PA DE NI GANG GI PHYIR RIGS PAS PHA MTHA' MED PA'O, ,DE BAS NA RTEN CING 'BREL PAR 'BYUNG BAR SMRA BA'I PHYOGS BDAG MED PA'I RNAM PA GCIG GIS CHOS THAMS CAD MNYAM PAR BSGOM PA DANG, DNGOS POR SMRA BA'I PHYOGS NYAN THOS KYI THEG PA LA SOGS PA BDEN PA MI RTAG PA'I RNAM PA'I BYE BRAG BSGOM PA YIN PAR RNAM PAR GZHAG STE, RTAG PA LA SOGS PA'I CHOS GZHAN SGRO BTAGS PA SRID PAS DE'I PHYIR 'GAL BA MED DO, ,DNGOS POR SMRA BA'I PHYOGS LA CI'I PHYIR MI RTEN CE NA, 'DU SHES ZHES BYA BA LA SOGS PA GSUNGS TE, 'JIG RTEN LA GRAGS PA'I GZUGS LA SOGS PA DE DAG NI GANG ZHIG MING TZAM STE, 'DI DAG THAMS CAD MING TZAM STE, ,'DU SHES TZAM LA RAB TU GNAS, ,BRJOD PA LAS NI GZHAN GYUR PA, ,BRJOD PAR BYA BAR RAB TU BRTAGS, , ZHES GSUNGS PA'I PHYIR RO, ,'DREN PA STE 'GRO BA'I BLA MAS BTAGS PA TZAM DU'O, ,TZAM GYI SGRAS RNAM PA GZHAN GCOD PAR BYED DE, MING TZAM DU YONGS SU BSGRAGS SO, ,DE BAS NA MING BTAGS PA YIN PAR SHES NAS BDAG MED PA'I RNAM PA BSGOMS PAS GANG ZHIG MTHONG BA'I LAM GYIS SPANG BAR BYA BA'I DNGOS PO DE MA THAG PA'I LAM GYI STOBS KYIS SPANGS PA PHUN SUM TSOGS PA'I PHA ROL TU 'GRO BA YIN NO, ,THOB PAR BYA BA'I DNGOS PO THOB PA NI RNAM PAR GROL BA'I LAM GYI STOBS KYIS YIN TE, YE SHES PHUN SUM TSOGS PAR 'GRO ZHING @24B 'DU SHES DANG BRAL BA THOB PA DE NYID KYI PHYIR DOR BAR BYA BA DANG BLANG BAR BYA BA MNGON SUM DU BYAS NAS PHA ROL TU PHYIN TE, RANG BZHIN PHYIN CI MA LOG PAR RTOGS PA'I PHA ROL TU PHYIN PA NI 'DIR MTHONG BA'I LAM LA GNAS PAR 'GYUR GYI GZHAN PHYIN CI LOG GI RANG BZHIN LA MI RTEN TO, ,DON DAM PAR BSGOM PA RGYU DANG BCAS PA YOD PA'I PHYIR PHYIN CI LOG GI RANG BZHIN YOD DO ZHE NA, GAL TE ZHES BYA BA LA SOGS PA GSUNGS TE, GAL TE GANGG'A'I KLUNG GI BYE MA SNYED DU BCOM LDAN 'DAS BZHUGS TE YOD PA YIN NO ZHES YOD PA'I SGRA YONGS SU BSGRAGS KYANG GTZO BOS KYANG MI SPYOD NA; SKYE BO'I TSOGS GZHAN GYIS KYANG DE BZHIN DU YOD DO ZHES BYA BAR SPYOD PA LTA GA LA YOD DE YOD MI SRID PAS RGYU MED PA LA SOGS PA'I NYES PA DANG BRAL BA'I PHYIR GZOD MA NAS NYES PA MED PAS SHIN TU DAG PA YIN NO, ,GZHAN GANG LAS RGYUR GYUR PA DE SGRUB PAR BYED PA'I TSAD MA MED PA'I PHYIR YOD PA SKYE BAR GA LA 'GYUR, DE BAS NA DNGOS PO YOD PA ZHES BYA BA PHYIN CI LOG GI RANG BZHIN YIN PA'I PHYIR SNGAR JI SKAD BSTAN PA DE LTAR SHES RAB PHA ROL PHYIN MCHOG NI MTHONG BA'I LAM GYI BDAG NYID DO, ,SPYOD PA NI BDAG MED PA'I RNAM PA GCIG PA'I CHOS THAMS CAD KHYAD PAR DANG BRAL BA LA RJES SU GNAS SHING RTOGS SO ZHES BYA BA'I BAR DU'O, ,DE LTA BUR GYUR PA NYID KYIS MTHONG BA'I LAM BSGOM PA NI SNGON GYI DE BZHIN GSHEGS PAS LUNG BSTAN PA THOB PAR 'GYUR ZHES NYE BAR BSDU BA'I PHYIR, GANG TSE ZHES BYA BA LA SOGS PA GSUNGS TE, GANG GI TSE PHA ROL TU PHYIN PA MCHOG DANG NI JI SKAD BSTAN PA'I LAM GYI RANG BZHIN BSGOM PAS RTOGS PA THOB PA DE'I TSE NGA LUNG BSTAN PAR GYUR TE, SNGON GYI BCOM LDAN 'DAS MAR ME MDZAD KYIS DNGOS PO THAMS CAD JI LTA BA BZHIN DU RTOGS PAS NA KHYOD MA 'ONGS PA'I DUS SU SANGS RGYAS SU 'GYUR RO ZHES GSUNGS SO, ,PHAN PA DANG BDE BA DANG MTHUN PA'I PHYIR MTHUN PAR SMRA BAR GYUR PAR RGYAL BAS GSUNGS SO, ,RNAM PA THAMS CAD MKHYEN PA NYID DU BSTAN PA'I MTHONG BA'I LAM LA SOGS PA'I LAM SNGAR BSTAN PA'I RIGS PAS LAM SHES PA NYID LOGS SHIG TU @25A *, ,RNAM PAR GZHAG GO, ,DER BSTAN PA'I NGES PAR 'BYED PA MTHONG BA'I LAM 'DI'I YIN PAR GZUNG BAR BYA'O, ,YON TAN RIN PO CHE SDUD PA TSIGS SU BCAD PA LAS BRGYA BYIN GYI LE'U STE GNYIS PA'I BSHAD PA'O,, ,,MTHONG BA'I LAM GYI RJES LA BSGOM PA'I LAM BRJOD PAR BYA BA YIN MOD KYI, BRJOD PAR BYA BA NYUNG BA'I PHYIR DANG, 'BRAS BU LA GZHOL BAS GDUL BYA 'JUG PAR BYA BA'I PHYIR BSTAN TE, SHIN TU RNAM PAR BSGOM PA'I LAM GTZO BO YIN PAS DE BYED PA'I LAM BSTAN PA'I PHYIR, SHES RAB PHA ROL PHYIN PA ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA NI 'DIR BSGOM PA'I LAM GYI RANG BZHIN GANG LA STE, DE'I BDAG NYID LA SBYOR ZHING GNAS PAS 'GRO BA SKYOB PA NI MGON PO STE, 'JAM DPAL LA SOGS PA'I BYANG CHUB SEMS DPA'O, ,'DI LA GANG ZHIG RTAG TU NI THAMS CAD DU'O, ,GZHUNG DANG DON 'DZIN PA DANG, THOS PA DANG, BSAMS PA DANG BSGOMS PA'I RANG BZHIN GYI SHES RAB NI CHUB PAR BYED PA'O, ,CHOS NYID 'JIG PAR BYED PAS DNGOS POR MNGON PAR ZHEN PAR BYED PA NI DRUG GO, ,SREG PA'I BDAG NYID YIN PA'I PHYIR 'DOD CHAGS NI ME'O, ,ZUG RNGU'I BDAG NYID YIN PA'I PHYIR MTSON NI ZHE SDANG NGO, ,GTI MUG GIS GRANG BA DANG DRO BA MED PAR BYED PAS CHU'O, ,MI TSUGS PA NI BSGOM PA'I LAM GYIS SHIN TU MNYAM PAR BYAS NAS KUN TU MI SPYOD PA'O, ,RNAM PA GZHAN YANG RIGS PAS PHYI'I YANG DUG LA SOGS PAS MI TSUGS SHING MI NUS PAR RTOGS PAR BYA'O, ,DE BZHIN DU BDUD DANG BDUD KYI SDE NI DE'I 'KHOR TE PHYOGS SO, ,BDUD KYI GLAGS TE NYES PA DANG BUG MI RNYED DE, GANG GI SKABS BZUNG BAS KYANG GNOD PAR MI 'GYUR RO, ,BYED PA'I RJES LA BSGOM PA'I LAM BRJOD PAR BYA BA YIN PAS DE YANG ZAG PA DANG BCAS PA DANG, ZAG PA MED PA'I BYE BRAG GIS RNAM PA GNYIS SO, ,DE LA ZAG PA DANG BCAS PA YANG MOS PA DANG, YONGS SU BSNGO BA DANG, RJES SU YI RANG BA YID LA BYED PA'I MTSAN NYID KYI DBYE BAS @25B GSUM DU 'GYUR RO, ,ZAG PA MED PA YANG SGRUB PA DANG, RNAM PAR DAG PA'I DBYE BAS RNAM PA GNYIS SU 'GYUR RO, ,DE LA DANG PO MOS PA YID LA BYED PA ZAG PA DANG BCAS PA NI YANG DGE BA'I CHOS RNAMS MNGON PAR 'DU BYED DE, GSER GYI SGRAM [?] BU 'BYUNG KHUNGS NAS THOB PA BZHIN DU YONGS SU RDZOGS PA'I RANG BZHIN SPYIR JI LTA BA BZHIN DU MOS PAS MTHONG BA'I DGE BA'I CHOS LA DMIGS PA DANG LDAN PAS DGOS PA MA LUS PA 'DUS PA'I GTZO BO SHES RAB KYI PHA ROL TU PHYIN PA'I YUL LA MOS PA DANG, DRI BA LA SOGS BYED PA NI BSOD NAMS MANG PO LA SOGS PAR BSTAN TO, ,DE YANG RANG GI DON DANG, RANG DANG GZHAN GYI DON DANG, GZHAN GYI DON DANG GSUM LAS NGA'O SNYAM PA'I NGA RGYAL GYI BAG CHAGS MA SPANGS PA'I PHYIR RANG GI DON DU MOS PA YIN NO, ,DE BSTAN PA'I PHYIR LA LAS ZHES BYA BA LA SOGS PA GSUNGS TE, MYA NGAN LAS 'DAS PAS 'DUL BA'I SEMS CAN RJES SU GZUNG BA'I PHYIR SPRUL PA'I SKU NYE BAR BSTAN NAS, DE BZHIN GSHEGS PA'I MYA NGAN LAS 'DAS PA'I MCHOD RTEN LA BYED DE, SEMS CAN GANG YANG RUNG BA ZHIG GIS MU SA LA GARBHA DANG, BEE d'U RYA DANG, GSER DANG, DNGUL DANG, SHEL DANG, MU TIG DMAR PO DANG, AASMA GARBHA DANG BDUN TE, RIN PO CHE SNA BDUN LAS BYAS SHING MCHOD RTEN LA STE, RIM PA BZHIN DU RIN PO CHE SNA BDUN GYI RANG BZHIN DPE GANGG'A'I KLUNG GI DE BZHIN GSHEGS PA'I MCHOD RTEN BGYIS SHING 'JIG RTEN GYI KHAMS BYE BA PHRAG STONG BKANG STE, DES MCHOD RTEN BYAS NAS MCHOD PA BYED CES BYA BAR 'BREL TO, ,RIM PA DE BZHIN DU SEMS CAN JI SNYED PAS, ZHING BYE BA MTHA' YAS PAR YONGS SU RTAG PAR BZUNG NAS ZHES BYA BAR 'BREL TO, ,MCHOD RTEN DE SNYED BYAS TE; DE DAG THAMS CAD KYIS MCHOD PA BYED PA LAS GZHAN MI BYED PAR LHA'I ME TOG LA SOGS PA RNAMS KYIS BSKAL PA DUS GSUM DU YANG DANG YANG DU'AM PHYIS KYANG LHAG PAR MCHOD LA, YANG 'GRO BA GZHAN GANG ZHIG GIS RANG GI DON PHUN SUM TSOGS PA'I CHED DU @26A *, ,MOS PA BSKYED DE, SNA TSOGS PA'I GZUGS KYIS DON BYED PA NI RNAM 'DREN TE, BCOM LDAN 'DAS DANG, GNAS DANG GNAS MA YIN PA MKHYEN PA'I STOBS LA SOGS PA DANG 'BREL PA NI STOBS BCU PA STE, DE LAS 'DI 'BYUNG BAR 'GYUR TE, GZHUNG GI BDAG NYID BDE BAR GSHEGS PA'I YUM 'DI GLEGS BAM LA BRIS TE, GZHUNG DANG DON 'CHANG BAR BYED CING ME TOG LA SOGS PAS MCHOD CING BSTI STANG BYED GYUR NA, BSOD NAMS KYI YUL GYI BYE BRAG DE BZHIN DU BSTAN TO, ,RNAL MA'I DON NYE BAR BSDU BA'I PHYIR, MCHOD RTEN BYAS ZHES BYA BA LA SOGS PA GSUNGS TE, SNGAR BSTAN PA'I MCHOD RTEN LA MCHOD PA BYAS PA CI 'DRA BA'I BSOD NAMS KYI PHUNG PO YONGS SU BZUNG BA DES KYANG NI SNGA MA LA MCHOD PA'I BSOD NAMS CHA PHRA BA'I CHAR MI PHOD DO, ,DE LTA BAS NA SHES RAB KYI PHA ROL TU PHYIN PA LA DE BZHIN DU RANG GI DON 'DOD PAS MOS PA BSKYED PAR BYA'O ZHES BSTAN PAR 'GYUR RO, ,DE'I RJES LA BDAG DANG GZHAN MNYAM PA'I PHYIR BDAG DANG GZHAN GYI DON DU MOS PA YIN TE, DE BSTAN PA'I PHYIR RGYAL BA'I ZHES BYA BA LA SOGS PA GSUNGS TE, GANG DAG PHYOGS BCU RNAMS SU BSTAN PA NUB PAR GYUR PA'I PHYIR 'DAS PA'O, ,GANG BSTAN PA MA BYUNG BA'I PHYIR MA 'ONGS PA'O, ,GANG YANG BSTAN PA GNAS PA NI 'JIG RTEN MGON TE, DE DAG THAMS CAD KYIS RIG SNGAGS CHEN MO 'DI LA BSLABS PAS PHYIN CI LOG GI BAG CHAGS KYI SGRIB PA THAMS CAD DANG NAD RNAMS NYE BAR ZHI BAR BSTAN TO, ,BLA NA MED PA'I RIG SNGAGS KYIS 'DREN PAR GYUR TO, ,'GYUR RO, ,GYUR PA DE BAS NA SHES RAB KYI PHA ROL TU PHYIN PA 'DI NI BCOM LDAN 'DAS ZHES BYA BAR 'BREL TO, ,MYA NGAN NI SDUG PA DANG BRAL BA LA SOGS PAS SEMS GDUNGS PA'O, ,SDUG BSNGAL NI BZOD PAR DKA' BA LUS KYI TSOR BA'O, ,CHOS NI NAD KYIS NGAG 'CHOL BA'O ZHES BYED NA GSAL BA'O, ,SEMS CAN KHAMS MANG NI 'GRO BA MA LUS PA SANGS RGYAS THOB PAR BYED CES BYA BA'I BAR DU'O, ,GAL TE DE BZHIN GSHEGS PA KHO NA BSKYED PA'I DON BYED NA BYANG CHUB @26B SEMS DPA' MA YIN NO ZHES, GANG DAG CES BYA BA LA SOGS PA GSUNGS TE, BYANG CHUB SEMS DPA' GANG DAG SPYAD PAR BYA BA'I SBYIN PA LA SOGS PA SPYOD PAS SEMS CAN LA PHAN PA'I RANG BZHIN DANG BRTZE BA'I PHYIR SNYING BRTZER BYAS PA'O, ,DE DAG GIS KYANG RIG SNGAGS 'DI LA BSLABS NAS MKHAS PA THOB PA STE BYANG CHUB LA REG GO, ,GANG YIN PA'I BDE BA 'DUS BYAS PA NI LHA LA SOGS PA RNAMS KYI'O, ,'DUS MA BYAS KYI BDE BA NI NYAN THOS RNAMS KYI'O, ,DE KUN 'DI LAS 'BYUNG BAS MA'O, ,BDE BA DE KUN 'DI LAS 'BYUNG BAR RIG PAR BYA'O, ,DE BAS NA DE DAG GI DON BYED PAR BSTAN PAR 'GYUR RO, ,YANG JI LTAR GCIG GIS DU MA'I NGO BO BYED CE NA, SA BON ZHES BYA BA LA SOGS PA GSUNGS TE, SBUD MA LA SOGS PA'I SA BON SA LA BTAB PA NA NYAMS PA LA SOGS PA MED PAS GNAS PA RIM GYIS 'BYUNG BAR 'GYUR TE, GZHAN YANG SHING GCIG LAS LHAN CIG BYED PA'I TSOGS PA RNYED NAS RNAM PA MANG PO'I GZUGS DAG 'BRAS BU'I RNAM PAR RAB TU SKYE'O, ,DPE DE BZHIN DU LHAN CIG BYED PA'I BYE BRAG GI DBYE BAS DE BZHIN DU GCIG GIS KYANG RGYAL BA DE BZHIN GSHEGS PA DU MA'I DON BYED PAR DGONGS SO, , SANGS RGYAS DE DAG GI YANG BYAMS PA LA SOGS PA DANG PO'I RGYU NYID MA YIN NAM JI LTAR YUM GCIG GI RGYU NYID YIN PAR SMRA ZHE NA, PHA ROL PHYIN LNGA ZHES BYA BA LA SOGS PA GSUNGS TE, BYAMS PA LA SOGS PA SPYIR JI SNYED YOD PA BYANG CHUB THOB PAR BYED PA NYID GOMS PAR BYED PA NI BYANG CHUB SEMS DPA'I YON TAN NO, ,KHYAD PAR DU NI PHA ROL TU PHYIN PA LNGA PO SBYIN PA LA SOGS PA'I CHOS JI SNYED PA GANG GI PHYIR DE DAG KUN KYANG SHES RAB PHA ROL PHYIN LAS SKYES TE, BYED PA PO DANG, LAS DANG, BYA BA MI DMIGS PAS PHYIN CI MA LOG PAR GYUR PA DE BAS NA DE NYID GTZO BO YIN NO ZHES BYA BA'I DON TO, ,DE DAG GI YANG RJES SU 'BRANG BA MA YIN NAM GANG GI PHYIR DE SKAD SMRA ZHE NA, 'KHOR LO ZHES BYA BA LA SOGS PA GSUNGS TE, JI SKAD DU, GSER DNGUL ZANGS LCAGS 'KHOR LO CAN, ,DE DAG GLING GCIG GLING GNYIS DANG, ,GSUM @27A *, ,DANG BZHI LA MAS RIM BZHIN, ,ZHES GSUNGS PA'I 'KHOR LOS SGYUR BA BZHI LAS GANG YANG RUNG BA LA RGYAL PO GZHAN YANG 'KHOR LOS SGYUR BA GANG NAS 'GRO BA'I LAM NAS 'GRO ZHING 'DUD PAR BYED DE, DE NYID KYI BSOD NAMS KYI DBANG GIS SKYES PA'I 'KHOR LO RIN PO CHE LA SOGS PA BDUN DANG DPUNG STE GLANG PO CHE LA SOGS PA'I TSOGS KUN NO, ,GANG DE BZHIN DU PHYIN CI MA LOG PA'I RANG BZHIN GYI LAM SHES RAB KYI PHA ROL TU PHYIN PA RGYAL BA RNAMS KYI STE, 'GRO BAS BDAG MED PA RTOGS PA RGYUD LA RNAL 'BYOR GYIS BSKYED DE, DE'I DBANG GIS BYUNG BA MA YIN PA'I PHYIR YON TAN KUN TE, BYAMS PA LA SOGS PA PHYIN CI MA LOG PAS RANG BZHIN 'DZIN PA'I PHYIR CHOS SO, ,YANG DAG PA LA MNGON DU PHYOGS PA BSKYED DE, DE BAS NA PHYIN CI MA LOG PA'I SHES PA SNGON DU 'GRO ZHING DE NAS CHOS THAMS CAD 'GRO'O, ,YUL NI GANG CUNG ZAD CIG GI RJES SU MI 'GRO STE, SKYED PAR MI BYED PA'I PHYIR RO, ,DE BAS NA RNAM PA THAMS CAD DU RANG DANG GZHAN GYI DON 'DOD PAS YUM LA 'DOD PA BSKYED PAR BYA'O ZHES STON PAR 'GYUR RO, ,YON TAN RIN PO CHE SDUD PA TSIGS SU BCAD PA LAS PHA ROL TU PHYIN PAS DPAG TU MED PA'I PHAN YON 'DZIN PA DANG MCHOD RTEN LA BKUR STI BYA BA'I LE'U STE GSUM PA'I BSHAD PA'O,, ,,DE NAS DE'I RJES LA BDAG GI RANG BZHIN DU 'GRO BA RNAMS BYAS PA'I PHYIR GZHAN GYI DON DU MOS PA YIN TE, DE BSTAN PA'I PHYIR, RGYAL BA ZHES BYA BA LA SOGS PA GSUNGS TE, DE DAG CHAG GNYIS BZHAG PA LAS, KOO SHI KA KHYOD CHA GANG LEN ZHES RGYAL BAS DRI BA RMAS PA DANG, GANG GI RGYAL BA'I SKU GDUNG GIS DOG SA THAMS CAD KHYAB PAR GTAMS TE RTZE MO BYUR BUR BGYIS PAS GANGG'A'I KLUNG GI BYE MA SNYED KYI SANGS RGYAS KYI ZHING CHAR GZHAG PA'I TSE SHES RAB KYI PHA ROL TU PHYIN PA CHA 'DI NYID LEN TO ZHES GSOL BA'I TSIGS SU BCAD PA'I DON YIN NO, ,DE BZHIN GSHEGS PA'I SKU GDUNG LEN PA LA MA GUS PA GANG GI RGYU YIN ZHE NA, LAN DU CI SLAD CES BYA BA LA SOGS PA GSUNGS TE, DE BZHIN GSHEGS PA'I SKU @27B GDUNG LA MI GUS PA BDAG MA LAGS TE, 'ON KYANG RGYAL PO LA NYE BAR BRTEN PA'I MIS DE'I MTHUS RNYED PA THOB STE DE'I LJONGS KYI YUL PA THAMS CAD KYIS MCHOD PA LTAR, SHES RAB KYI PHA ROL TU PHYIN PA LA NYE BAR BRTEN NAS CHOS MTHAR THUG PA SANGS RGYAS NYID KYI RGYU YIN PAS DE'I DBANG GIS KHAMS GSUM PA THAMS CAD KYIS MCHOD PA GNYIS SO, ,DE LTA BAS NA SHES RAB KYI PHA ROL TU PHYIN PAS YONGS SU BSGOS TE, BDAG NYID CHEN PO'I RNAL 'BYOR GYIS BSTEN PAS DE'I PHYIR SKU GDUNG SROG CHAGS RNAMS KYIS MCHOD DE, DE LTA BU'I SHES RAB KYI PHA ROL TU PHYIN PA CHEN PO BSTEN PAR BYAS PAS YIN NO, ,GAL TE DE LTA YIN NA BCOM LDAN 'DAS MYA NGAN LAS 'DAS PAS RTEN MED PA'I PHYIR MI MCHOD DO SNYAM PA LA NUS PA YOD PAR DPE SNGON DU 'GRO BA BSTAN PA'I PHYIR, NOR BU RIN CHEN ZHES BYA BA LA SOGS PA GSUNGS TE, DPER NA NOR BU RIN PO CHE MI MA YIN PA SEL BA LA SOGS PA'I YON TAN THAMS CAD DANG LDAN PAS DE NYID KYI PHYIR RIN THANG LAS 'DAS PAS RIN THANG MED PAR THOB BO, ,GAB TZE GANG DU SBAS PA'I GAB TZE DE LA NOR BU RIN PO CHE DE'I MTHUS PHYAG BGYI BAR 'OS SO, ,DE GAB TZE LAS PHYUNG BAR GYUR PA DE NI RIN PO CHE STON PA'I GAB TZE LAS REG PAR DGA' BA DANG LTA BA LA SOGS PA STE, KYANG GI SGRA NI GAB TZE LA YANG NGO, ,YON TAN THAMS CAD KYI RGYU YIN PA'I PHYIR YON TAN GYI RANG BZHIN NOR BU RIN PO CHE DE'I YIN PAS NA LAGS SO, ,DE BZHIN DU DE DANG 'DRA BAR SHES RAB PHA ROL PHYIN MCHOG YON TAN GYIS BCOM LDAN 'DAS MYA NGAN LAS 'DAS PAR KHAS BLANGS PAR YUM GYI MTHUS RING BSREL GYI SKAL BA DANG LDAN PA LA CHO 'PHRUL GYI SEMS DANG BA'I RGYU YIN PA'I PHYIR RGYAL BA'I RING BSREL TE, RING BSREL YONGS SU BRTAGS PA'I MDO'I MTSAN NYID DANG LDAN PAS MCHOD PA BRNYES SO, ,DE LTA BAS NA GANG ZHIG RGYAL BA'I YON TAN GZHAN GYI DON LA MOS PA YONGS SU 'DZIN PAR 'TSAL BA DES SHES RAB KYI PHA ROL TU PHYIN PA BRIS PA LA SOGS PA LA MNGON PAR SBYOR BAS BLANGS NAS GNOD PA THAMS CAD ZHI BAS NA 'DI NI THAR PA LAGS TE MYA NGAN LAS 'DAS PA ZHES BYA BA'I BAR @28A *, ,DU'O; ;DE DAG GIS GZHAN GYI DON LA MOS PA BSTAN NAS, CI STE SBYIN PA LA SOGS PA'I PHA ROL TU PHYIN PA GZHAN LA YANG MOS PA YOD PA MA YIN NAM CI'I PHYIR RGYAL BA SKYED MA NYID KHO NA GTZOR BYAS NAS MOS PA RNAM PA GSUM DU BSTAN CE NA, SBYIN PA SBYIN PA ZHES BYA BA LA SOGS PA GSUNGS TE, GANG GI PHYIR BYED PA PO DANG, LAS DANG BYA BA'I BYE BRAG GI DMIGS PAR SBYIN PA LA SOGS PA'I RANG BZHIN LA DANG POR 'JUG PAS SNGON DU 'GRO BA SHES RAB STE, DE LTAR TSUL KHRIMS BZOD PA BRTZON 'GRUS BSAM GTAN DE BZHIN NO, , SNGAR BSHAD PA'I YANG GI SGRA 'DIR YANG SBYAR BAR BYA'O, ,DGE CHOS NI SBYIN PA LA SOGS PA'O, ,CHUD MI GSON PA NI NYAN THOS LA SOGS PA'I BYANG CHUB TU MI BSNGO BAS YUN RING DU GNAS PAR BYA'O, ,YONGS SU 'DZIN PA NI MI DMIGS PA YIN NO, ,RGYU MTSAN NI TSUL GCIG STE, DE'I SNYING PO CAN YIN PA'I PHYIR BSDUS PA GOMS PAR BYAS, SEMS BSKYED PA LA SOGS PA'I CHOS THAMS CAD KYANG NGES PAR BYAS NAS SNANG BA STE MNGON SUM BZHIN NO, ,DE BAS NA DE LA MOS PA RNAM PA GSUM BSTAN TO, ,DE'I PHYIR SHES RAB KYI PHA ROL TU PHYIN PA LA MOS PA NI KHYAD PAR MED PA THAMS CAD LA YIN TE, DPE SNGON DU 'GRO BAS BSTAN PAR BYA BA'I PHYIR, DPER NA ZHES BYA BA LA SOGS PA GSUNGS TE, DPER NA 'DZAM BU'I GLING NA SHING MANG BYE BA STONG RIM PA BZHIN DU RGYU DANG 'BRAS BU RNAM PA SNA TSOGS PA RNAM PA DU MA GZUGS MTSAN NYID MI MTHUN PA MANG PO'I RANG BZHIN NO, ,GANG GI TSE GRIB MA ZHES GRANGS SU BRJOD PA 'BA' ZHIG TU 'GRO ZHING RAB TU 'THOB STE, GRIB MA DE YANG SNA TSOGS PA MED PA'I PHYIR SGRA THA DAD PA YANG MED DE, KHYAD PAR MED PAR GRIB MA MA YIN PA GZHAN LAS LDOG PAS GRIB MA TZAM MO, , DE BZHIN DU SHES RAB KYI PHA ROL TU PHYIN PAS 'KHOR GSUM RNAM PAR DAG PAR PHYIN CI MA LOG PA'I RANG BZHIN GZHAN DU YONGS SU SPONG BA YIN NO, ,LNGA NI SBYIN PA LA SOGS PA'I PHA ROL TU PHYIN PA'O, ,RGYAL BA NI RNAM PA THAMS CAD MKHYEN PA NYID DE, SANGS RGYAS NYID DU MTSON @28B PAR GYUR PA'I YONGS SU BSNGO BA YID LA BYED PAS YONGS SU BSNGOS NA SBYIN PA LA SOGS PA DE DAG PHA ROL TU PHYIN PAR 'GYUR TE, RGYAL BA'I ZHES BYA BA SNGA MA DANG 'BREL TO, ,RNAM PA GNYIS KYIS SBYIN PA LA SOGS PA LNGA PHA ROL TU PHYIN PA YIN TE, SHES RAB 'PHEL BA NI GTZO BO DON DANG MTHUN PA'I PHYIR PHA ROL TU PHYIN PA STE, DRUG PA NI RAB TU GRAGS PA YIN NO, ,GTZO BO SHES RAB KYI PHA ROL TU PHYIN PA MA YIN PA RNAM PAR BCAD PA'I PHYIR PHA ROL TU PHYIN PA ZHES MING DU BRJOD DE, SNA TSOGS PA'I KHYAD PAR SPANGS TE TSUL GCIG PAS RANG BZHIN GCIG PAR 'GYUR RO, , 'GYUR BA BYANG CHUB KYI NGO BOR RO, ,DE BAS NA PHYIN CI MA LOG PA'I CHOS NYID GSAL BAR BYED PA'I PHYIR YUM GANG YIN PA NYID 'DRI BA LA SOGS PA'I BSAM PAS YONGS SU DAG PAS DE NYID THAMS CAD DU GNAS PAR GYUR PA YIN NO, ,YON TAN RIN PO CHE SDUD PA TSIGS SU BCAD PA LAS YON TAN YONGS SU BRJOD PA'I LE'U STE BZHI PA'I BSHAD PA'O,, ,,MOS PA 'DI GSUM GYI BCOS MA'I NYES PA SPANG BA NI GOMS PA YIN PAR SHES NAS BCOS MA SPANG BA'I PHYIR RJES SU 'GRO BA'I SGO NAS BSTAN PA NI BYANG CHUB SEMS DPA' ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG GIS KUN BRTAGS PA'I GZUGS MI RTAG PA DANG GANG ZHIG RNAM PAR BRTAGS PA'I GZUGS LA SOGS PA'I SKAD CIG GZHAN DU MI GNAS PAS MI RTAG PA DANG, CHOS NYID KYI GZUGS KYI BDAG NYID GZUNG BA DANG 'DZIN PA DANG BRAL BAS MI RTAG PA'O ZHES MOS PAS MOS PAR BYA ZHING GSAL BAR BYED NA DE BCOS MA STE SKABS KYI DON SPANGS NAS SPYOD MA STE, DNGOS PO'I RANG BZHIN RAB TU MI SHES PA'I PHYIR RO, ,GANG GI PHYIR CHOS RNAMS SGYU MA LTA BUR KHONG DU CHUD PAS SKYE BO MKHAS PAS NAM YANG CHOS RNAMS 'JIG PAR MI BYED; 'JOG PAR MI BYED DE, DNGOS PO 'DI DAG BRDZUN PA'I PHYIR RO, ,LDOG PA'I SGO NAS BSTAN PA'I PHYIR GANG LA ZHES BYA BA LA SOGS PA GSUNGS PA LA GANG NA NI DNGOS PO STE, CHOS NYID LA MOS PAS GZUGS MIN TSOR BA MIN TE MI DMIGS SO, ,'ON KYANG CHOS THAMS CAD DE @29A *, ,KHO NA NYID DU MA SKYES SHING RANG BZHIN GYIS STONG PAR SHES PA DE NI DE DAG STE, SHES RAB KYI PHA ROL TU PHYIN PA MCHOG LA SPYOD PA YIN TE, YANG DAG PAR MOS PAS BCOS MA SPANGS ZHES BYA BA'I BAR DU'O, ,DE NAS DE'I RJES LA MOS PA GSUM SGOM PAR BYED PA'I BYANG CHUB SEMS DPA' GONG NAS GONG DU 'JUG CING SPRO PAR BYA BA'I PHYIR YANG DAG PAR YOD PA'I YON TAN BRJOD PA NI RIM PA BZHIN DU BSTOD PA DANG, BKUR BA DANG, BSNGAGS PA SANGS RGYAS LA SOGS PA MDZAD DO, ,ZHES STON PA LA SOGS PAS BSTAN PAR BZHED NAS, LA LAS ZHES BYA BA LA SOGS PA GSUNGS TE, LA LAS GANGG'A'I KLUNG GI BYE MA SNYED KYI SANGS RGYAS KYI ZHING RNAMS KYI SEMS CAN JI SNYED PA KUN DGRA BCOM PA NYID LA BKOD PA BAS, GANG GIS SHES RAB KYI PHA ROL TU PHYIN PA 'DI LTA STE GZHUNG GI BDAG NYID LA MOS PAR BYED PA GANG YANG RUNG BA LA YI GER BRIS TE, SEMS CAN GZHAN RNAMS LA GLEGS BAM BYIN NA DE BAS 'DI BSOD NAMS RAB TU MANG PO SKYE STE, SNGA MA'I DON BYED PA LAS KHYAD PAR DU 'PHAGS SO, ,GANG GIS GLEGS BAM TZAM BYIN PAS BSOD NAMS KHYAD PAR DU 'PHAGS SHE NA, LAN DU CI PHYIR ZHES BYA BA GSUNGS TE, TSIGS SU BCAD PA 'DIR RIM PA GZHAN DU SBYAR TE, SHES RAB KYI PHA ROL TU PHYIN PA 'DIR MNYAN PAS NYAN THOS KYI RANG GI RNAM PAR GROL BA DANG, RANG SANGS RGYAS KYI RANG GI BYANG CHUB DANG, DE BZHIN GSHEGS PA'I SANGS RGYAS TE BSAM PA DANG BSGOM PAS MYUR DU REG GO, ,'DI LTAR GLEGS BAM NI 'DIR YUL YIN TE, BLANGS NAS DE LA BSLABS PAS MU STEGS CAN NGAN PA SMRA BAS ZIL GYIS MI GNON PA'I PHYIR SMRA MCHOG STE, 'DIR STONG PA NYID NI BYANG CHUB RNAM PA GSUM PO MA LUS PA DE'I RGYU MTSAN YIN PA'I PHYIR RO, , DE BAS NA MA TSANG BA MED PA NI BYANG CHUB GSUM BYIN PA YIN PA'I PHYIR GLEGS BAM TZAM BYIN PA BSOD NAMS LHAG PA'I RGYU YIN TE, 'DI NYE BAR MTSON PA YIN PA'I PHYIR YUM LA 'DIR GANG YANG RUNG BA'I BYANG CHUB SEMS DPA' MOS PA NI THAMS CAD NAS BSOD NAMS KHYAD PAR DU @29B 'PHAGS PA'I RGYU YIN PAS GZUNG BAR BYA'O, ,BYANG CHUB KYI SEMS KYI BDAG NYID CHOS THAMS CAD KYI GZHI YIN NO, ,DE BAS NA STONG PA LA SOGS PA'I SPRO BA BSKYED BA'I PHYIR MYU GU ZHES BYA BA LA SOGS PA GSUNGS TE, DPER NA NYE BAR LEN PA'I RGYU MYU GU MED NA 'JIG RTEN DU SDONG BU DANG LJON PA 'BYUNG BA YONGS SU MI SRID DO, ,DE LA YAL GA LA SOGS PA GA LA 'BYUNG, ,DE BZHIN DU BYANG CHUB KYI SEMS NYE BAR LEN PA'I RGYU SA BON YONG YE MED NA, YANG BRGYA BYIN LA SOGS PA DE BZHIN GSHEGS PA LA BSNYEN BKUR BYA BA LA SOGS PA RNAMS GA LA 'BYUNG, CI STE BYANG CHUB KYI SEMS MED PAS SEMS CAN RNAMS SANGS RGYAS SU MI 'GYUR RO ZHES BYA BA LA SOGS PA STE MA GRUB PA YIN NO ZHE NA, NYI MA'I ZHES BYA BA LA SOGS PA GSUNGS TE, DPER NA NYI MA'I DKYIL 'KHOR 'OD ZER STONG PHRAG DU MA 'GYED PA DE'I TSE MUN PA BSAL NAS SEMS CAN LAS BYED BRTZON PA DE BZHIN DU BYANG CHUB KYI SEMS STONG PA NYID DANG SNYING RJE'I SNYING PO CAN 'GRO BA'I RANG BZHIN YONGS SU RTAG PAR SHES PA 'JIG RTEN MKHAS PA BYUNG BA DES SDUG BSNGAL GYI RGYA MTSOR 'GRO BA NUB PA CHOS KYI DE KHO NA NYID RTOGS PAS 'BYIN PAR NUS PA YIN TE, YON TAN GYI CHOS SANGS RGYAS LA SOGS LA YANG DAG PAR SPYOD DO, ,GZHAN DU NA SNYING RJE MED PA DANG, THABS MED PAS SANGS RGYAS LA SOGS PAR MI 'GYUR RO ZHES BYA BAR DGONGS SO, ,RJES SU 'GRO BA'I SGO NAS BYANG CHUB KYI SEMS GANG YIN PA DE NYID KYI CHOS THAMS CAD NAS DE MED NA DE DAG MED DO ZHES LDOG PA'I SGO NAS YANG DPE SNGON DU 'GRO BAS BSTAN PA'I PHYIR DPER NA ZHES BYA BA LA SOGS PA GSUNGS TE, DPER NA MA DROS PA'I KLU BDAG MED PAR DE'I MTHUS NGES PAR 'BYUNG BAS 'DZAM BU'I GLING 'DIR CHU KLUNG 'BAB PAR GA LA 'GYUR TE SMOS KYANG CI DGOS SO, ,YANG CHU KLUNG DE DAG MED NA ME TOG 'BRAS BU RNAMS CHU MED PAS GANG YANG 'BYUNG BAR MI 'GYUR RO, ,RGYA MTSO LA YANG RIN PO CHE SNA TSOGS PA CHUS REG PA'I SBYOR BAS 'BYUNG BA'I GZUGS MANG PO YANG MED PAR 'GYUR RO, ,DE BZHIN DU 'DIR GSUNG RAB DANG, BYANG CHUB KYI SEMS STONG PA NYID DANG SNYING RJE'I @30A *, ,SNYING PO CAN MED NA DE BZHIN GSHEGS PA'I MTHUS NGES PAR 'BYUNG BA PHAN PA DANG PHAN PA MA YIN PA THOB PA DANG SPONG BA'I YE SHES KYI RGYUN 'JIG RTEN 'DI DAG KUN TU GA LA 'BYUNG STE SMOS KYANG CI DGOS SO, ,YANG YE SHES DE DAG MED NA SBYIN PA'I PHA ROL TU PHYIN PA LA SOGS PA'I YON TAN 'PHEL BA MED DO, ,BYANG CHUB KYI RGYA MTSOR BGROD PAR DKA' BA RANG GI DON PHUN SUM TSOGS PA MED DO, ,SANGS RGYAS NAS DUS PHYIS 'BYUNG BAR 'GYUR BA CHOS STON PA GZHAN GYI DON PHUN SUM TSOGS PA YANG MED PAR 'GYUR RO, ,RGYA CHE BA'I BDAG NYID KYI DPE BSTAN PA'I PHYIR 'JIG RTEN ZHES BYA BA LA SOGS PA GSUNGS TE, 'JIG RTEN 'DI NA SNANG BYED JI SNYED PA STE PHUR BU LA SOGS PA'I SKAR MA DANG, ME KHYER LA SOGS PA'I SROG CHAGS SU GYUR PA KUN GYIS 'GRO BA SNANG BAR BYA BA'I PHYIR 'OD RNAMS PHYUNG BA BAS YANG GANG GI TSE NYI MA'I DKYIL 'KHOR 'OD DANG LDAN PAR GYUR PA GCIG GI 'OD ZER PHYUNG BA DE'I TSE SNGAR BSTAN PA'I SKAR MA LA SOGS PA'I TSOGS KYI 'OD KYIS CHA TZAM DU YANG MI PHOD DO, ,DE BZHIN DU NYAN THOS LA SOGS PA KUN GYI CHAR MI PHOD DO, ,DE LTA BAS NA BYANG CHUB SEMS DPA' LA SANGS RGYAS LA SOGS PAS BSTOD PA LA SOGS PA ZHES BYA BAR GNAS SO, ,YON TAN RIN PO CHE SDUD PA TSIGS SU BCAD PA LAS BSOD NAMS KYI RNAM GRANGS KYI LE'U STE LNGA PA'I BSHAD PA'O,, ,,SANGS RGYAS THAMS CAD KYIS BSTOD PA DANG, BKUR BA DANG, BSNGAGS PA'I MOS PA YID LA BYED PA LA RJES SU YI RANG BA 'BYUNG BAS, DA NI RJES SU YI RANG BA YID LA BYED PA BRJOD PAR BYA STE, DE YANG YONGS SU BSNGO BA SNGON DU 'GRO BA DANG MI 'GRO BA'I DBYE BAS RNAM PA GNYIS TE, GANG GI TSE BDAG GI DGE BA'I RTZA BA RJES LAS BYUNG BA'I SEMS KYIS YONGS SU BSNGOS NAS RJES LAS BYUNG BA'I SEMS KYIS YONGS SU BSNGOS PA LA RJES SU YI RANG BAR BYED PA DE'I TSE NI DANG PO YIN NO, ,YANG GANG GI TSE BDAG NYID KYI SER SNA LA SOGS PA'I SEMS TSAR BCAD NAS GZHAN GYIS SBYIN PA LA SOGS PA BYAS PA LA RJES SU YI RANG BAR BYED PA DE'I TSE NA NI @30B GNYIS PAR GYUR PA YIN NO, ,GTZO BO YIN PAS RJES SU YI RANG BA YID LA BYED PA BSTAN PA'I PHYIR, NYAN THOS TSOGS ZHES BYA BA LA SOGS PA GSUNGS TE, NYAN THOS TSOGS RNAMS JI SNYED SBYIN DANG TSUL KHRIMS DANG BSGOM PA DES NI GANG GI TSE BYANG CHUB SEMS DPA' NI NYE BAR MTSON PA YIN PA'I PHYIR SANGS RGYAS LA SOGS PA'I DGE BA'I RTZA BA GZHAN LA MCHOG TU RJES SU YI RANG BAS YI RANG BAR BYED CING CHOS THAMS CAD MI DMIGS PA SNGON DU 'GRO BAS SER SNA TSAR BCAD PA'I SEMS KYIS RAB TU DGA' BAS SEMS GCIG PA DE'I TSE RJES SU YI RANG BA'I BSOD NAMS KYI CHAR YANG SBYIN PA LA SOGS PA'I NYAN THOS KYI BSOD NAMS KYI PHUNG PO DE DAG THAMS CAD KYIS MI PHOD DO, ,YANG DAG PA'I RJES SU YI RANG BA DES NI YONGS SU SNGO BAR BYED PA YIN PAS DE'I RJES LA YONGS SU SNGO BA YID LA BYED PA BRJOD PAR BYA STE, DE YANG RJES SU YI RANG BA SNGON DU 'GRO BA DANG MI 'GRO BA'I DBYE BAS RNAM PA GNYIS SO, ,'DI LTAR GANG GI TSE RANG GI DANG GZHAN GYI BSOD NAMS MNYAM DU THOB PAR BYA BA'I PHYIR GZHAN GYIS BYAS PA'I DGE BA'I RTZA BA LA RJES SU YI RANG BAR BYAS NAS YONGS SU BSNGO BA DE'I TSE DE NI DANG PO YIN NO, ,GANG GI TSE YANG BDAG NYID KYI SBYIN PA LA SOGS PA MI ZAD PAR BYA BA'I PHYIR YONGS SU SNGO BAR BYED PA DE'I TSE NI GNYIS PA YIN NO, ,GTZO BO YIN PA'I PHYIR YONGS SU BSNGO BA YID LA BYED PA DANG POR BSTAN PA'I PHYIR, 'DAS DUS ZHES BYA BA LA SOGS PA GSUNGS TE SANGS RGYAS BYE BA KHRAG KHRIG GANG NI 'DAS DUS SNGON GYI'O, ,BCOM LDAN 'DAS MTHA' YAS GANG ZHING MANG BYE STONG DAG NA GANG BZHUGS PAR GYUR PA STE, PHUNG PO LHAG MA DANG BCAS PA'I MYA NGAN LAS 'DAS PA BRNYES NAS CHOS BSTAN PAS 'GRO BA'I SDUG BSNGAL SEL BAR MDZAD PA NI 'JIG RTEN MGON PO RNAMS SO, ,DE DAG GI DANG PO BYANG CHUB MCHOG TU SEMS BSKYED PA NAS RNAM PAR 'DREN PA RNAMS KYI DAM CHOS ZAD PA'I DUS KYI BAR DE, DE DAG GI DBUS KYI RGYAL BA RNAMS KYI BSOD NAMS KYI TSOGS DANG, MOS PAS SPYOD PA'I SA GNYIS NAS BZUNG STE PHAN TSUN LHAN CIG BYED PA NI BCAS PA'O, ,MI DMIGS PAR ZHUGS PA DANG @31A *, ,LDAN PAS SPYOD CING SBYIN PA LA SOGS PA'I PHA ROL TU PHYIN PAS RAB TU DGA' BA LA SOGS PA SA BCU LA GNAS TE, MA 'DRES PA BCO BRGYAD LA SOGS PA SANGS RGYAS KYI CHOS GANG DAG NI KUN TU 'OD SANGS RGYAS KYI SA'O, ,GANG YANG SANGS RGYAS SRAS RNAMS DANG NI NYAN THOS RNAMS TE, SLOB DANG MI SLOB DGE BA ZAG BCAS ZAG MED PA'O, ,DANG GI SGRAS NI GZHAN SO SO'I SKYE BO RNAMS KYI BSOD NAMS KYANG NGO, ,TSAD MED PA LA SOGS PA RNAMS KYI RANG BZHIN YONGS SU BSDUS NAS DE DAG THAMS CAD SEMS LA GZHAG STE BYANG CHUB SEMS DPA' RJES SU YI RANG BA'I BYED PA NI SHIN TU DAD PA DANG, SHIN TU DGA' BAR BYED CING RANG GI DE DAG THAMS CAD SGRUB PA'I CHED DU DGE BA BYED PA'O, ,RJES SU YI RANG BA'I BSOD NAMS DANG, CHOS THAMS CAD MI DMIGS PA'I TSUL GYIS BSNGO BAS 'GRO BA'I DON MNGON PAR MTHO BA DANG, NGES PAR LEGS PA'I GZHI'I MTSAN NYID BYANG CHUB KYI RGYUR GYUR PA BLA NA MED PA'I BYANG CHUB TU BSNGO NA DE LTAR YONGS SU BSNGO BA NI YANG DAG PAR YONGS SU BSNGO BA YIN NO, ,DES SPYIR BSTAN PA MA YIN NAM JI LTAR MI DMIGS PAS YONGS SU BSNGO BA KHYAD PAR DU BYAS SHE NA, YONGS BSNGO GAL TE ZHES BYA BA LA SOGS PA GSUNGS TE, YONGS SU BSNGO NA BYANG CHUB SEMS DPA' GAL TE 'DI NI YONGS SU BSNGO BA'I SEMS SO ZHES SEMS PAR GYUR NA MNGON PAR ZHEN PAS SEMS SU 'DU SHES PA YIN NO, ,DE BZHIN DU BYANG CHUB GANG DU YONGS SU BSNGO BA DER DMIGS PA NI BYANG CHUB TU DMIGS PA YIN NO, ,YONGS SU BSNGO BA'I YID KYIS BSOD NAMS YOD PAR RTOGS PA NI SEMS CAN DU 'DU SHES PA YIN NO, ,DE BAS 'DU SHES NI MTSAN MAR 'DZIN PA'I BDAG NYID YIN PAS DMIGS PA'I RGYU LTA GNAS TE, MNGON PAR ZHEN NAS BDAG GIS 'DI DER YONGS SU BSNGO BAR BYAS SO ZHES SEMS PAR BYED DO, ,LAS DANG, BYED PA DANG, BYA BAR DMIGS PA THAMS CAD LA MNGON PAR ZHEN PA DANG LDAN PA'I PHYIR 'BREL PA NI CHAGS PA'O, ,DE BAS NA TSAD MAS GNOD PA'I PHYIR DMIGS PA NI PHYIN CI LOG GI RANG BZHIN YIN PA'I PHYIR @31B YONGS SU BSNGO BA MA YIN NO, ,DE LTA YIN NA JI LTAR YONGS SU BSNGO ZHE NA, GAL TE ZHES BYA BA LA SOGS PA GSUNGS TE, GAL TE 'DI LTAR BYANG CHUB SEMS DPA' ZHES YONGS SU BSNGO BA'I CHOS NYID RANG BZHIN GYIS 'GAGS PAR SHES SHING NYAMS PA NI ZAD PA STE BSAGS PA NYAMS PA DE LTA BUR CHOS RNAMS SHES PAS GANG DU SANGS RGYAS SU YONGS SU SNGO BAR BYED NA YONGS SU BSNGO BA'I YID LA BYED PA'I CHOS KYI BSOD NAMS BYA BA'I DNGOS PO RANG BZHIN GYI DNGOS PO'I CHOS BYA BA'I RANG BZHIN YONGS SU BSNGO BA BSGRUB PAR MI NUS TE, SGYU MA'I SKYES BU LTAR YONGS SU SNGO BAR BYED NA DE'I TSE YONGS SU BSNGO BAR GYUR PA YIN NO, ,DE LTAR CHOS THAMS CAD MI DMIGS PA'I PHYIR RO, ,LAS DANG BYA BA LA SOGS PA SHES RAB KYIS YID LA MI BYED PA DE LTA YIN NA, KHA CIG TU JI LTAR DMIGS PA GTZOR GSUNGS SHE NA, GAL TE ZHES BYA BA LA SOGS PA GSUNGS TE, GAL TE BYANG CHUB SEMS DPA' SGYU MA LTA BUR RTOGS PA NYID BDEN GYI GZHAN NI MA YIN NO ZHES 'DZIN PAR BYED NA, DE'I TSE PHYIN CI LOG GI RANG BZHIN DU YONGS SU BSNGOS PA'I PHYIR DE BAS NA GCIG TU MTSAN MAR MNGON PAR ZHEN PA MI DMIGS PA DE LTA BU BYANG CHUB TU YONGS SU BSNGO BA YIN TE, YANG DAG PAR ZHUGS PA'I PHYIR RO, ,JI LTAR DUG DANG 'DRES PA'I KHA ZAS ZOS NA MTHAR RNAM PAR SMIN PA SDUG BSNGAL MYONG NA BDE BA TZAM BYED PAS BZANG NGO ZHES BRJOD DO, ,DE BZHIN DU DKAR PO'I CHOS RNAMS LA DMIGS PAS YONGS SU BSNGO BA NI BYANG CHUB NYAMS PA'I RGYU YIN MOD KYI 'ON KYANG LAS DANG PO PA RNAMS SEMS DANG BAR BYED PA TZAM LA LTOS NAS BCOM LDAN 'DAS KYIS MCHOG TU GSUNGS PA DE BAS NA 'DIR MNGON PAR ZHEN PAR MI BYA STE, YONGS SU BSNGO BA'I YID LA BYED PA BSTAN PA DANG, RJES SU YI RANG BA'I YID LA BYED PA BSTAN PA'I RIGS THAMS CAD GZUNG BAR BYA'O, ,DE LTAR YID LA BYED PA GNYIS RGYA CHER BSTAN NAS NYE BAR BSDU BA'I PHYIR, ,DE LTAS ZHES BYA BA LA SOGS PA GSUNGS TE, DE LTAS 'DI LTAR RNAM PA GANG DANG GANG GIS KYANG RUNG STE, DMIGS PA NGES PA YIN PAS SGYU MA LTA BUR @32A *, ,RTOGS PA MED KYANG JI LTAR SANGS RGYAS BCOM LDAN 'DAS DE DAG GIS MKHYEN CING BSNGAGS PA'I DBANG DU MDZAD NAS RIGS PA GANG YIN PA RNAM PAR DPYAD MI BZOD PA'I 'BRAS BU BSKYED NUS PA GANG YIN PA DANG, GCIG DANG DU MA'I RANG BZHIN DANG BRAL BA'I MTSAN NYID GANG YIN PA RAB TU MKHYEN PA DE LTAR BDAG GIS RJES SU YI RANG BAR BYA, DE LTAR BDAG GIS YONGS SU BSNGO BAR BYA'O ZHES DE BZHIN DU RJES SU YI RANG BA DANG, YONGS SU BSNGO BA LA BSLAB PAR BYA'O, ,DE LTA BU NI PHYIN CI MA LOG PA YIN PA'I PHYIR YANG DAG PAR ZHUGS PA YIN PAR DGONGS SO, ,DE LAS YON TAN CI ZHIG TU 'GYUR ZHE NA, DE LTAR ZHES BYA BA LA SOGS PA GSUNGS TE, DE LTAR DE BZHIN DU BSNGO BA LA MNGON PAR ZHEN PA MED PA'I SBYOR BAS BSOD NAMS BYANG CHUB TU YONGS SU BSNGO BAR BYED PA NI NYE BAR MTSON PA NYID DE RJES SU YI RANG BA LA YANG NGO, ,DE NYID KYI PHYIR PHYIN CI MA LOG PA LA ZHUGS PA NYID KYI 'BRAS BU MTHONG BAS SANGS RGYAS MI SPONG STE, DE BAS NA DE NYID KYI PHYIR DES GSUNGS PA'I RIM PA BZHIN SMRA ZHING RJES SU YI RANG BAR BYED PA NI RGYAL BA RNAMS KYIS GSUNGS PA SMRA BA YIN TE, 'GRO BA JI SNYED PA LA DMIGS PA CAN GYI BYANG CHUB SEMS DPA' DE DAG THAMS CAD ZIL GYIS GNON PA YIN TE, BSOD NAMS MANG PO YONGS SU 'DZIN PA'I PHYIR RO, ,JI SKAD BSTAN PA'I RIGS PAS YONGS SU BSNGO BA DANG, RJES SU YI RANG BA NI DMIGS PA THAMS CAD KYI BSNYENGS PA MED PA NI DPA' BO STE BYANG CHUB SEMS DPA' ZHES BYA BA'I BAR DU'O, ,YID LA BYED PA 'DI YANG SNGA PHYI NGES PA NI MA YIN TE, STONG PHRAG BRGYA BA LAS DANG PO BSNGO BA YID LA BYED PA BSTAN NAS, PHYIS RJES SU YI RANG BA YID LA BYED PA BSTAN TO, ,'DIR BZLOG PAR SHES PAR BYED PA RTOGS PAR BYA'O, ,YON TAN RIN PO CHE SDUD PA TSIGS SU BCAD PA LAS YONGS SU BSNGO BA'I LE'U STE DRUG PA'I BSHAD PA'O,, ,,BSGOM PA'I LAM ZAG PA DANG BCAS PA NI RNAM PA GSUM MO, ,DE'I RJES LA BSGOM PA'I LAM ZAG PA MED PA BSGOM PAR BYA BA YIN TE, DE YANG RGYU DANG 'BRAS BU'I DBYE BAS RNAM PA GNYIS YOD PAS @32B DANG PO SGRUB PA'I MTSAN NYID BSGOM PA'I LAM BSTAN PAR BZHED NAS, DMUS LONG ZHES BYA BA LA SOGS PA GSUNGS TE, DPER NA DMUS LONG BYE BA KHRAG KHRIG RNAMS LONG KHRID DANG BRAL BA'I PHYIR KHRID PA MED PA RNAMS KYIS YANG LAM GYI RANG BZHIN YONGS SU MI SHES NA MI MKHAS PAS GRONG KHYER DU 'JUG PA LA MKHAS PAR GA LA 'GYUR TE SMOS KYANG CI DGOS SO, ,DE BZHIN DU SGRUB PA'I MTSAN NYID KYI SHES RAB KYI PHA ROL TU PHYIN PA DANG BRAL BAS SBYIN PA LA SOGS PA'I PHA ROL TU PHYIN PA LNGA PO DMIGS BU MED PAS DMUS LONG LTA BUR GYUR PA YIN PA'I PHYIR DMIGS PA DANG BRAL BAS SANGS RGYAS NYID THOB PAR BYED PA RAB TU DGA' BA LA SOGS PA'I SAR 'JUG PA LA KHRID PAR BYED PA'I DMIGS BU MED PAS THOB PAR MI NUS PAS BYANG CHUB REG PAR NUS PA MA YIN TE, RNAM PA THAMS CAD MKHYEN PA'I GRONG KHYER DU 'JUG PAR MI NUS ZHES BYA BA'I BAR DU'O, ,DE LTA NA GANG DU YANG DAG PA'I MIG 'THOB CE NA, GANG TSE ZHES BYA BA LA SOGS PA GSUNGS TE, GANG GI TSE MTHONG BA DANG SHIN TU RNAM PAR DAG PA'I LAM GNYIS KYI DBUS MTSAMS ZAG PA MED PA'I RGYU'I GNAS BSGOMS PA'I STOBS SU GANG GYUR PA'I SHES RAB KYIS SBYIN PA LA SOGS PA BZUNG BA DE'I TSE DER THAMS CAD PHUN SUM TSOGS PA'I RGYU SHES RAB KYI MIG RNYED PA STE, MIG 'THOB PAR 'GYUR RO, ,DE NYID KYI PHYIR SANGS RGYAS SU 'GRO BAS SBYIN PA LA SOGS PAS KYANG PHA ROL TU PHYIN PA'I MING 'THOB BO, ,GZHAN DU NA MIG MED PAS DPER NA RI MO'I LAS NI YONGS ZIN TE THAMS CAD RDZOGS KYANG RI MO MKHAN GYIS DE'I MIG MA BRIS PA DE SRID GLA RNGAN MI 'THOB PA BZHIN TE, MIG MA BYAS PA DE BZHIN DU THAMS CAD PHUN SUM TSOGS PAR MI 'GYUR RO ZHES DGONGS SO, ,GAL TE SGRUB PA'I SHES RAB KYI STOBS KYIS SBYIN PA LA SOGS PA PHA ROL TU PHYIN PA'I RANG BZHIN YIN NA YANG DE'I GANG LAS 'GYUR ZHE NA, GANG TSE ZHES BYA BA LA SOGS PA GSUNGS TE, GANG GI TSE 'DOD PA'I KHAMS LA SOGS PA 'DUS BYAS DANG, STONG PA NYID LA SOGS PA'I 'DUS MA BYAS NAG PO'I CHOS TE, NYAN THOS LA SOGS PA DANG 'BREL PA DOR BAR BYA BA @33A *, ,YIN NO; ;DKAR PO NI RDUL PHRA RAB TZAM YANG MI DMIGS PA'I SHES RAB SGRUB PA'I BDAG NYID KYI BYANG CHUB SEMS DPA' SGYU MA LTA BUR BSGOM PA DE'I TSE SHES RAB RANG KHO NA PHA ROL TU PHYIN PA ZHES BYA BA'I GRANGS SU 'GRO BAR BRJOD DO, ,'JIG RTEN JI LTAR GYUR PA ZHIG CE NA, ,NAM MKHA' GANG LA'ANG CUNG ZAD MI GNAS TE, ,CUNG ZAD CIG GI RANG BZHIN DE DANG 'DRA BAR YONGS SU DAG PA SANGS RGYAS DANG BYANG CHUB SEMS DPA' LA SKYE BO ZHES BYA BA'I BAR DU'O, ,DE LTA BUR GYUR PA'I CHOS KYI DBYINGS LA MNGON PAR ZHEN PA PHYIN CI LOG YIN NO ZHES BSTAN PA'I PHYIR, GAL TE ZHES BYA BA LA SOGS PA GSUNGS TE, 'DI SNYAM DU RGYAL BA'I SHES RAB KYI PHA ROL TU PHYIN PA SGRUB PA'I RANG BZHIN LA GANG GI PHYIR SPYAD PAR BYA'O SNYAM NAS SEMS CAN SKYE BA'I SDUG BSNGAL LA SOGS PA REG PA KHRAG KHRIG MANG PO NI NYE BAR MTSON PA'O, ,DGROL SNYAM SEMS PA DE'I TSE PHYIN CI LOG TU ZHUGS PA'I PHYIR SEMS CAN 'DU SHES YONGS RTOG BYANG CHUB SEMS DPA' GYUR PA MA YIN ZHES BYA BAR 'OG TU SBYAR TE, DE NI SHES RAB JI SKAD BSTAN PA'I RANG BZHIN PHA ROL PHYIN MCHOG SPYOD MA YIN ZHES BYA BA NAS SGRUB PA MA YIN ZHES BYA BA'I BAR DU'O, , DE'I RJES LA GNYIS PA SHIN TU RNAM PAR DAG PA'I MTSAN NYID KYI BSGOM PA'I LAM BSGOM PAR BYA BA YIN PAS DE SKYE BA'I RGYU DANG MI SKYE BA'I RGYU NYID GO RIMS JI LTA BA BZHIN DU BLANG BA DANG DOR BA'I PHYIR RE ZHIG BSKYED PA'I RGYU RTOGS PAR BYA BA'I CHED DU BYANG CHUB SEMS DPA' GANG ZHIG CES BYA BA LA SOGS PA GSUNGS TE, BYANG CHUB SEMS DPA' GANG ZHIG GIS DE BZHIN GSHEGS PA GNYIS PA SNGON DU 'GRO BAS SHES RAB KYI PHA ROL TU PHYIN PA LA SNGON DU PHYOGS PAS YUN RING POR SPYAD PA NI SNGON SPYOD DE, THABS LA MKHAS PA'I STOBS KYIS MKHAS PA YANG YIN TE, THOS MA THAG TU DE NI STON PA'I 'DU SHES BSKYED PAR 'GYUR RO, ,SKYE PA'I RGYU DE NYID DANG LDAN PAS SHIN TU RNAM PAR DAG PA'I MTSAN NYID BSGOM PA'I LAM MYUR DU RTOGS PAR 'GYUR RO, ,CHOS MA LUS PA'I CHOS NYID RTOGS PA NI BYANG CHUB BO, ,GNOD PA THAMS CAD ZHI BAS NA ZHI BA'O, ,SKYED @33B PA'I RGYU'I RJES LA MI BSKYED PA'I RGYU BSTAN PA'I PHYIR SNGON SPYOD CES BYA BA LA SOGS PA GSUNGS TE, SNGON SPYAD PA SPYOD PA'I TSE NA SANGS RGYAS KHRAG KHRIG LA YANG DAG PAR MCHOD CING 'KHOR LA SOGS PA PHUL YANG DE LTAR SHES RAB KYI PHA ROL TU PHYIN PA MA YIN TE, PHUNG POR MNGON PAR ZHEN PA DANG, MI DGE BA'I GROGS PO BSTEN PA DANG, BDUD KYIS BYIN GYIS BRLABS PA'I RGYUS RGYAL BA'I YUM LA MA DAD PA NI DE MI SKYE BA'I RGYU'I STOBS KYIS MNGON PAR 'DOD PA'I LAM MNGAS NAS SKYABS MED PAR 'GYUR RO ZHES BYA BAR 'BREL TO, ,GANG GIS DE BZHIN DU YUM THOS KYANG CHOS ZAB MO MI RTOGS PAS BLO CHUNG BA DE YIS 'DI SPONG BAR BYED DE, DE SPANGS NAS MNAR MED PA'I SEMS CAN DMYAL BA CHEN POR 'GRO STE, SHES RAB KYI PHA ROL TU PHYIN PA SPANGS PA NYID KYIS SANGS RGYAS DKON MCHOG LA SOGS PAS 'DZIN PA'I SKYABS MED PAR 'GYUR BA ZHES BYA'O, ,NYE BAR BSDU BA'I PHYIR, DE LTA BAS NA ZHES BYA BA LA SOGS PA GSUNGS TE, GANG LA MA DAD PA NYID NYES PA YIN PAS DE LTA BAS NA BYANG CHUB SEMS DPA' KHYOD KYIS GAL TE SANGS RGYAS YE SHES MCHOG REG PA STE MNGON SUM DU THOB PAR 'DOD NA SHES RAB KYI PHA ROL TU PHYIN PA RGYAL BA'I YUM 'DI LA DAD PAR GYIS SHIG ,DPER NA TSONG PA RIN CHEN GLING DU SONG NAS NI, ,ZOD ZAD SLAR LOG LTA BUR GYUR NA MI RUNG NGO, ,DE BZHIN DU SHES RAB KYI PHA ROL TU PHYIN PA RIN PO CHE'I GLING DU PHYIN NA SNGON NYE BAR BSAGS PA'I DGE BA'I RTZA BA MI ZAD PA KHYAD PAR DU 'GRO BAR 'GYUR RO,, YON TAN RIN PO CHE SDUD PA TSIGS SU BCAD PA LAS DMYAL BA'I LE'U STE BDUN PA'I BSHAD PA'O,, ,,SKYE BA DANG NI SKYE BA'I RGYU THOB PA DANG SPANG BA'I YUL BSTAN NAS DE BZHIN DU SKABS LA BAB PA SHIN TU RNAM PAR DAG PA'I MTSAN NYID BSGOM PA'I LAM GYI RNAM PAR DAG PA SPYIR BSTAN PA'I PHYIR, GZUGS KYI DAG PA 'BRAS BU DAG PAR RIG PAR BYA ZHES BYA BA GSUNGS TE, GZUGS NI RANG BZHIN TE PHUNG PO LNGA LA SOGS PA'O, ,BDAG DANG GZHAN LA SOGS PA'I RGYUS MNGON PAR ZHEN PA DANG BRAL TE SGYU MA LTA BU NYID NI DAG PA'O, , @34A *, ,DANG PO'I 'BRAS BU ZHES BYA BA NI TSIG LHAG MA'O, ,DE LA SOGS PA DAG PAR RIG PAR BYA'O, ,GZHAN DU NA 'BRAS BU DAG PA SKYE MI SRID PA DE BZHIN DU 'BRAS BU RNAM PAR DAG PAS KYANG GZUGS RNAM PAR DAG PAR RIG PAR BYA STE LHAG MA YANG NGO, ,RGYU NI 'BRAS BU'I RJES SU 'BRANG BA'I PHYIR RO, ,RNAM PAR DAG PA SPYIR BSTAN NAS KHYAD PAR DU BSTAN PA NI 'BRAS BU GZUGS DAG THAMS CAD MKHYEN PA NYID DAG PAR GSUNGS ZHES BYA BA LA SOGS PA GSUNGS TE, MI LCOGS MED PA NAS BRTZAMS TE CI YANG MED PA'I SKYE MCHED KYI BAR GYI NI BSGOM PA'I LAM TE, CHOS THAMS CAD BDAG MED DO ZHES DE LTAR SPYI LA YANG DANG YANG DU DMIGS PAS SA RE RE'I NYON MONGS PA CHEN PO LA SOGS PAS DBYE BA RNAM PA DGU SPONG ZHING CHUNG NGU'I CHUNG DU LA SOGS PA RIM GYIS SKYES NAS RNAM PA THAMS CAD DU THABS KYI PHA ROL TU PHYIN PA RNAMS DBANG DU BYED DO, ,DE'I TSE RTZE MO'I GNAS SKABS SU 'BRAS BU GZUGS DAG STE, SHIN TU RNAM PAR DAG PA'I MTSAN NYID BSGOM PA'I LAM THOB PAS THAMS CAD MKHYEN PA NYID GSUM SPYIR YIN YANG LAM SHES PA NYID THAMS CAD MKHYEN PA YIN NO ZHES SANGS RGYAS BCOM LDAN 'DAS DE YIS DAG PAR GSUNGS SO, ,DE BZHIN DU THAMS CAD MKHYEN PA NYID DAG PAS 'BRAS BU GZUGS DAG PAR YANG BZUNG STE, STONG PHRAG BRGYA PA LAS DE BZHIN DU BSTAN PA'I PHYIR RO, ,DE LTA YIN NA DAG PA THA DAD PAS PHYIN CI LOG TU 'GYUR RO ZHE NA, THAMS CAD MKHYEN ZHES BYA BA LA SOGS PA GSUNGS TE, KUN RDZOB TU RNAL 'BYOR PA'I DAG PA'I BYE BRAG THA DAD DU 'DIR BSTAN GYI, GZHAN DU NA KUN RDZOB KYI LAM RTOGS PAR MI NUS SO, ,RIGS PA THAMS CAD MKHYEN PA NYID 'BRAS BU DAG DANG GZUGS DAG PA, NAM MKHA'I KHAMS DANG MTSUNGS TE, STONG PA NYID KYI RANG GI MTSAN NYID LA DBYER MED DE THA DAD PA MED DO, ,'DIS NI LAM SHES PA BSTAN PA YIN NO, ,DE SKAD DU YANG, MOG MOG POR BYED LA SOGS DANG, SLOB MA BSE RU'I LAM GANG DANG, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO BA RJES SU YI RANG DANG, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI BSGOM PA'I @34B LAM; ;BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,CES GSUNGS PA YIN NO, ,DNGOS PO THAMS CAD YONGS SU SHES PA MED PAR LAM YANG DAG PAR YONGS SU SHES PA MED PAS THAMS CAD SHES PA NYID BSTAN PA'I PHYIR, DPA' BO GAR SPYOD CES BYA BA LA SOGS PA GSUNGS TE, JI LTA BA BZHIN DU GYUR PA'I SHES RAB KYIS 'KHOR BA'I NYES PA MTHONG NAS KHAMS GSUM STE 'DOD PA DANG, GZUGS DANG GZUGS MED PA LAS YANG DAG PAR 'DAS PA DANG LDAN PA'I BYANG CHUB SEMS DPA' SNYING RJES SEMS CAN GYI DON BYED PA GZHAN GYI DBANG LA DBANG THOB PA NA NYON MONGS PA MED PA'I BDAG NYID YIN PA'I PHYIR NYON MONGS BSAL BAR GYUR KYANG 'GRO BA BDAG TU 'DZIN PAS 'KHOR BAR SKYE BA MTHONG NAS MI RTAG PAS 'DUL BA'I SEMS CAN RJES SU GZUNG BA'I PHYIR DE DAG TU GNAS PA'I LAS DANG NYON MONGS PA MED PAS RGA DANG NA DANG 'CHI BA MED KYANG RGA BA LA SOGS PA SNGON DU 'GRO BA'I 'CHI 'PHO STON PAR BYED DO, ,GANG DU SHES RAB KYI PHA ROL TU PHYIN PA LA SPYOD PA NA MTSAN MA'I RNAM PAR G-YENG BAS RAB TU MI G-YO BA'I PHYIR DE NI DPA' BO'O, ,RNAM PA THAMS CAD DU THABS LA MKHAS PA'I STOBS KYIS NYE BAR GYUR PA THOB PA YIN NO SNYAM DU DGONGS PA YIN NO, ,DE LTAR NYE BAR GYUR PA'I RGYAL BA'I SRAS THABS LA MKHAS PA DANG PHYIN CI MA LOG PA'I SHES RAB KYI PHA ROL TU PHYIN PAS 'KHOR BA DANG MYA NGAN LAS 'DAS PA LA MI GNAS PAR BSGRUBS PA DE LAS BZLOG NAS BSTAN PA NI THAMS CAD SHES PA LA DBANG DU BYAS PA YIN TE, THABS LA MI MKHAS PAS YANG DAG PA'I SHES RAB KYI PHA ROL TU PHYIN PA DANG RING BAR GYUR TE, NYAN THOS LA SOGS PA RNAMS NI RANG GI RTOG PA TZAM GYI SHES RAB KYI PHA ROL TU PHYIN PA SNYING RJE DANG SHES RAB DANG BRAL BAS 'KHOR BA DANG MYA NGAN LAS 'DAS PA LA JI LTAR 'BREL PA BZHIN DU GNAS TE, DNGOS PO DANG DNGOS PO MED PA GNYIS LA DMIGS PA YIN PAR SHES PAR BYA'O, ,DE BAS NA NYAN THOS LA SOGS PA'I GNYEN PO NI BYANG CHUB SEMS DPA'I MI MTHUN PA'I PHYOGS YIN NO ZHES BSTAN PA'I PHYIR, 'GRO BA 'DI DAG CES BYA BA LA SOGS PA GSUNGS TE, 'DOD PA NI 'DOD PA STE, MI RTAG @35A *, ,PA LA SOGS PA'I RNAM PA DANG LDAN PAR NYAN THOS LA SOGS PA MNGON PAR ZHEN PA YIN PA'I PHYIR RO, ,GZUGS NI 'DIR SPYI STE RANG BZHIN YIN PAR BRJOD DO, ,GZUGS KYI RANG BZHIN NO, ,'GRO BA 'DI DAG NI BCUD DANG SNOD KYI 'JIG RTEN GNYIS SO, ,'DIR BYANG CHUB SEMS DPA' SKYE BO 'DAM LA BYING BA NI BSDAMS PA'I GNAS TE, CHAGS PA NI MNGON PAR ZHEN PA'O, ,'GRO BA DRUG PO DE DAG 'KHOR BA'I 'KHOR LOR NI PHYIN CI LOG MA SPANGS PA'I PHYIR 'KHYAMS TE MI BRTAN PA'I PHYIR RLUNG GI 'KHOR LO LTA BU'O, ,MI SHES PA'I PHYIR 'KHRUL PAS DE'I NGO BO MA YIN PA LAS MA GROL BAS CHOS DANG CHOS CAN DU 'DZIN PA'I PHYIR RO, ,RI DVAGS RGYAR CHUD PA DANG 'DRA BAS DE'I MI MTHUN PA'I PHYOGS YIN PA'I PHYIR 'JUG PAR MI BYA BAR DGONGS SO, ,DE LTA MOD KYI RGYAL BA'I SRAS RNAMS KYI GNYEN PO JI LTA BU YIN ZHE NA, SHES RAB LDAN PA ZHES BYA BA LA SOGS PA GSUNGS TE, JI LTAR NAM MKHA' LA NGANG PA LA SOGS PA'I BYA RNAMS RNAM PAR SPYOD PA NA DE LA RTEN MED DE, NAM MKHA' LA DNGOS PO'I RANG BZHIN DU GYUR PA MA YIN PA'I PHYIR RO, ,DE NAM MKHA'I BYA DANG 'DRA BAR SHES RAB LDAN PA'I BYANG CHUB SEMS DPA' GZUGS LA SOGS PA LA SPYOD DO, ,DE LA CHOS DANG CHOS CAN GYI DNGOS POR MI RTEN TE, GZUGS LA SOGS PA MED PA'I PHYIR RO, ,DE BAS NA MI DMIGS PAR BSTAN PA NYID GNYEN PO YIN NO ZHES BYA BA'I DON TE, MI MTHUN PA DANG GNYEN PO DE GNYIS DOR BA DANG BLANG BAR BYA BA'I PHYIR RIM PA JI LTAR BSGOM PAR BYA ZHE NA, SBYOR BA DANG MNYAM PA NYID BSTAN PA'I PHYIR, SPYOD PA ZHES BYA BA LA SOGS PA GSUNGS TE, GZUGS LA SOGS PA'I PHUNG PO LNGA PO BYANG CHUB SEMS DPA' GANG ZHIG GIS MNYAM PAR RTOGS PA'I STOBS KYIS YONGS SU DAG PAR SPYOD PAS BSGOM PA LA BRTZON PA NA GANG LA YANG MI SPYOD DE, MNGON PAR ZHEN PA MED PAS SBYOR PA'I PHYIR RO, ,DE LTAR DE RIM PA BZHIN DU STONG PA NYID LA GOMS PAR BYAS PAS MI MTHUN PA'I PHYOGS SPANGS NAS GNYEN PO THOB PAS MI MTHUN PA'I PHYOGS KYI 'DAM RNAMS KYI CHAGS PA THAMS CAD YONGS SU SPONG ZHING RNAM PAR GROL TE, BDE GSHEGS RNAMS KYI SHES RAB SPYOD DO,, @35B NYAN THOS LA SOGS PA YANG GZUGS LA SOGS PA LA MI RTAG PA LA SOGS PAR 'DZIN PA'I SPYOD PA YIN TE, LDOG PA'I SGO NAS BSTAN PAR GYUR PA YIN NO, ,YON TAN RIN PO CHE SDUD PA TSIGS SU BCAD PA LAS RNAM PAR DAG PA'I LE'U STE BRGYAD PA'I BSHAD PA'O,, ,,MNYAM PA NYID DU BSGOM PA'I SBYOR BAS MTHONG BA'I LAM BSGOM PAR BYA BA YIN PAS DE BSTAN PA'I PHYIR, DE LTAR ZHES BYA BA LA SOGS PA GSUNGS TE, DE LTAR SBYOR BA'I RIM GYIS SPYOD PA'I BYANG CHUB SEMS DPA' MKHAS GSAL BA GZUGS LA SOGS PA RNAMS LA RTAG PA DANG MI RTAG PA LA SOGS PA'I MI MTHUN PA'I PHYOGS DANG GNYEN PO BKAG NAS BDAG MED PA'I RNAM PAR BSGOMS NAS MTHONG BA'I LAM THOB PAR GYUR NAS DES SPANG BAR BYA BA'I NYON MONGS PA SPANGS TE, CHAGS PA BCAD NAS GROL TE, GONG NAS GONG DU KHYAD PAR DU RNAL 'BYOR PA 'GRO ZHING 'GRO BA LA CHAGS PA MED DO, , DE BAS NA NYI MA SGRA GCAN GZA' BRAL LHANG NGER 'DUG PA DANG, ,ME BTANG RTZVA DANG SHING DANG NAGS TSAL BSREGS PA BZHIN NO, ,DE BZHIN DU DES BSGOM PA DANG LDAN PAS SPANG BAR BYA BA'I NYON MONGS PA'I TSOGS SREG CES BYA BA LHAG MA'O, ,NYAN THOS LA SOGS PAS NI RTAG PA LA SOGS PA'I RNAM PA BKAG NAS MI RTAG PA LA SOGS PA'I RNAM PAS RANG GIS MTHONG BA'I LAM SGOM PAR BYED DO ZHES DON GYIS STON PAR 'GYUR RO, ,DE DAG GIS THAMS CAD SHES PA NYID BSTAN TO, ,DE SKAD DU, SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,CES GSUNGS PA YIN NO, ,THAMS CAD MKHYEN PA NYID GSUM RTOGS NAS DBANG DU BYA BA'I PHYIR KHYAD PAR GYI LAM DE'I DE BZHIN NYID DU YID LA BYED PA NI RNAM PA KUN MNGON PAR RDZOGS PAR RTOGS PA STE, DE'I RNAM PA BSTAN PA'I PHYIR, CHOS RNAMS ZHES BYA BA LA SOGS PA GSUNGS TE, RANG BZHIN DE RANG GI NGO BO BSGOMS PAS SGYU MA LTA BUR @36A *, ,RTOGS PA'I PHYIR CHOS RNAMS 'DI DAG THAMS CAD DAG CING YONGS SU DAG PAR RO, ,SHES RAB KYI PHA ROL TU PHYIN PA NI RNAM PA KUN MNGON PAR RDZOGS PAR RTOGS PA'I RANG BZHIN GYI LTA BA NI SHIN TU PHA ROL TU PHYIN PA'O, ,BYANG CHUB SEMS DPA' DE LTAR BYED PA PO YANG MI DMIGS TE, KUN TU BRTAGS PA'I BDAG DANG GZUGS LA SOGS PA'I CHOS KUN DANG, RANG GI SDE PAS GZHAN PA DE DAG MED PA'I PHYIR MI DMIGS TE THOB PA MED DO, ,DE BAS NA GANG ZAG DANG CHOS BDAG MED PA RNAM PA GNYIS RTOGS PAS RNAM PA THAMS CAD RTOGS PA'I PHYIR 'DI NI DES NA JI SKAD BSTAN PA'I SHES RAB MNGON PAR RTOGS PA'I RANG BZHIN YIN PA'I PHYIR SHES RAB PHA ROL PHYIN MCHOG SPYOD PA YIN PAR RTOGS PAR BYA'O, ,YON TAN RIN PO CHE SDUD PA TSIGS SU BCAD PA LAS BSTOD PA'I LE'U STE DGU PA'I BSHAD PA'O,, ,,KHYAD PAR CAN GYI SBYOR BAS RNAM PA RNAMS BSGOM PAR BYA BA YIN PAS DE YANG SBYOR BA PO KHYAD PAR CAN MED PAR BSTAN PAR MI NUS PAS SBYOR BA PO BSTAN PAR BZHED NAS, RGYAL BA ZHES BYA BA LA SOGS PA GSUNGS TE, RGYAL BA LA NI LHA RGYAL BRGYA BYIN GYIS ZHUS PA, SHES RAB KYI PHA ROL TU PHYIN PA RNAM PA'I BDAG NYID 'DI LA JI LTAR BRTZON PAR BYED CING BYANG CHUB SEMS DPA' SBYOR BAR BYED CES BYA BA NI ZHU BA'O, ,BCOM LDAN 'DAS KYIS BKA' STZAL PA, PHUNG PO KHAMS LA RDUL TZAM BRTZON PAR MI BYED CING, RDUL TZAM MI DMIGS PA LA SBYOR TE CHOS CAN DANG CHOS MI RTAG PA LA SOGS PA MI BRTZON TE, DE NI BYANG CHUB SEMS DPA' PHYIN CI MA LOG PA LA ZHUGS PA'I PHYIR BRTZON PA YIN NO, ,GANG GI RGYUS DE LTAR BRTZON ZHE NA, GANG ZHIG CES BYA BA LA SOGS PA GSUNGS TE, SEMS CAN DE NI YUN RING PO NAS THEG PA CHEN PO 'DI LA SBYOR BA GOMS PAS ZHUGS PAR RIG PAR BYA STE, SANGS RGYAS BYE BA KHRAG KHRIG MANG LA GTZUG LAG KHANG LA SOGS PA BYAS TE PHUL BA NI LHAG BYAS YIN NO, ,GANG ZHIG CHOS 'DI NI YUM STE, GZUGS LA SOGS PA RANG GI RGYU LAS SGYU MA BYED PAS SPRUL PA DANG, SGYU MA 'DRA BAR THOS NAS RTOGS PAS SOM NYI MED CING YANG SLOB PA LA PHYIR ZHING SBYOR BAR BYED DO, , @36B GZHAN DU 'JUG PAR MI 'GYUR RO ZHES BYA BA YIN NO, ,RGYAL BA SKYED MA LA 'JUG PA'I SBYOR BA NYAN THOS LA SOGS PA'I BYED PA'I KHYAD PAR CAN DU YID LA BYED PA'I RANG BZHIN NI GZHAN DU RTOGS PAR MI NUS PA'I PHYIR MNYAN PA LA SOGS PA'I BAR CHAD KYI CHOS LAS 'DA' BAR BYA BA RTOGS PAR BYA BA'I CHED DU DPE SNGON DU 'GRO BAS BSTAN PA'I PHYIR, DGON PA'I ZHES BYA BA LA SOGS PA GSUNGS TE, DPER NA 'JIGS PA DU MA PHAL PO CHE'I DGON PA'I LAM DPAG TSAD MANG POR ZHUGS PA'I MIS BSNYEN PA SNGON DU PHYOGS PA NA, GANG GI TSE 'BAD PA'I STOBS KYIS GNAG RDZI MTSAMS KYI NAGS TSAL PHUN SUM TSOGS PA MTHONG NA DE'I TSE DGON PA'I 'JIGS PA MED DE, DBUGS PHYIN PA THOB PAR GYUR CING, RKUN MA'I 'JIGS PA MED DO, GANG GI PHYIR GOMS PAR BYAS NAS 'DI DAG GRONG DANG GRONG KHYER GYI SNGON GYI MTSAN MA LA BA LANG RDZI LA SOGS PA MTHONG BA DE BZHIN DU, GANG GI TSE SHES RAB KYI PHA ROL TU PHYIN PA GANG GIS MNYAN PA NI NYE BAR MTSON PA STE, SEMS DPA' LA SOGS PA YANG NGO, ,BYANG CHUB SEMS DPA' GANG ZHIG BYANG CHUB THOB PAR BYED PA'I CHOS YONGS SU TSOL BA'I DUS DE'I TSE YANG DAG PA'I LAM RNYED PAS DBUGS PHYIN PAR GYUR CING THEG PA'I BAR CHAD KYI 'JIGS PA MED DO, ,GANG GI PHYIR YUM MNYAN PA LA SOGS PA'I SBYOR BA PHUN SUM TSOGS PA NA DGRA BCOM SA LA MI GNAS RKYEN RTOGS KYI SA THOB PA YIN NO, ,DA NI YANG YUM MNYAN PA LA SOGS PAS PHUN SUM TSOGS PA THAMS CAD STER BAR BYED PA BSTAN PA 'DIR YANG BRJOD PAR BYA STE, CHOS KYI SKU THOB PAR BYED PA BSTAN PA'I SGO NAS RE ZHIG SBYOR BA DPE SNGON DU 'GRO BAS RTOGS PAR BYA BA'I PHYIR, MI ZHIG CES BYA BA LA SOGS PA GSUNGS TE, DPER NA MI ZHIG RGYA MTSO'I CHU NI BLTA PHYIR 'GRO BA YIS, GAL TE DES SHING DANG NAGS TSAL RIR BCAS PA MTHONG NA DA DUNG RGYA MTSO CHEN PO NI RING NGO ZHES RTOGS PAR BYA'O, ,YANG GANG GI TSE CI STE SHING LA SOGS PA'I RTAGS MA MTHONG NA DE'I TSE RGYA MTSO CHEN PO NI NYE BAR GYUR TE, SHIN TU MI RING NGO SNYAM DU DE LA SOM NYI MED DE YID GNYIS MED PAR RIG PAR BYA'O, ,DE LTAR DE BZHIN DU THOS PA'I @37A *, ,BSAM PAS BYANG CHUB DAM PAR ZHUGS PAR RIG PAR BYA'O, ,RGYAL BA'I SHES RAB KYI PHA ROL TU PHYIN PA 'DI NYAN PA NI NYE BAR MTSON PA STE, SEMS PA DANG, BSGOM PA YANG YIN NO, ,RNAM PAR 'DREN PA STE BCOM LDAN 'DAS KYIS SO, ,MNGON SUM DU BLA NA MED PA'I BYANG CHUB TU LUNG BSTAN PAR MA GYUR KYANG MNYAN PA LA SOGS PA LA NUS PA THOB PA'I PHYIR SANGS RGYAS BYANG CHUB STE, CHOS KUN MNGON PAR RDZOGS PAR RTOGS PA ZHES BYA BA'I BAR DU'O, ,RING POR MI THOGS BDAG REG 'GYUR RO, ,LONGS SPYOD RDZOGS PA'I SKU THOB PAR BYA BA BSGRUB PA'I SGO NAS BSTAN PA'I PHYIR, DPYID DUS ZHES BYA BA LA SOGS PA GSUNGS TE, DPER NA DPYID DUS BZANG LA YAL GA DANG LO MA RNYINGS PA RNAMS LHAGS GYUR NA YAL GAS RING POR MI THOGS LO 'DAB ME TOG 'BRAS BU RNAMS BSKRUN NO, ,DE BZHIN DU SHES RAB PHA ROL PHYIN 'DI SU'I LAG TU THOB PA NA YUN RING POR MI THOGS PAR DES BYANG CHUB MCHOG TU LONGS SPYOD RDZOGS PA'I SKU 'DIR MNYAN PA LA SOGS PA'I SBYOR BA'I STOBS KYIS 'DREN PA RNAMS KYIS 'THOB PO, ,SPRUL PA'I SKU THOB PAR BYA BA'I SGO YANG BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA BUD MED NA CHUNG MNGAL SKYE BA NI SBRUM MA'O, ,GANG GI TSE DE NI BTZA' BA'I DUS LA BAB CES BYA BA STE, YAN LAG RNAMS RGYAS PA NI DUS LA BAB PO, ,TSOR BA NI NYAMS SU MYONG BA'I RANG BZHIN NO, ,DE BTZA' BA'I DUS TE SKYE BA YIN PAR SHES PAR BYA'O, ,DE BZHIN DU BYANG CHUB SEMS DPA' SNGAR MNYAN NAS SEMS PA NA RGYAL BA'I SHES RAB PHA ROL PHYIN PA LA GONG NAS GONG DU DGA' BA DANG 'DUN PA BSKYED PA MTHONG BA DE'I TSE 'DIR MNYAN PA LA SOGS PA'I SBYOR BAS MYUR DU BYANG CHUB MCHOG REG STE, SPRUL PA'I SKU THOB PO, ,YANG MNYAN PA LA SOGS PA'I BLANG BAR BYA BA DANG DOR BAR BYA BA'I CHOS JI LTAR BLANG BA DANG, DOR BA THOB CE NA, SHES RAB CES BYA BA LA SOGS PA GSUNGS TE, SHES RAB PHA ROL PHYIN MCHOG SPYOD TSE RNAL 'BYOR PA NYAN PA LA SOGS PA NI SPYOD PA'O, ,RNAL 'BYOR PA GANG ZHIG GZUGS LA SOGS PA CHOS THAMS CAD DE KHO NA NYID DU 'PHEL BA STE SKYE BA MI MTHONG BA'O, ,YONGS SU 'GRIB PA MED DE 'JIG PA MI MTHONG NGO, ,DE LTA BAS NA GANG ZHIG CHOS DANG CHOS MIN MI MTHONG ZHING, 'DI DAG SO SOR SNANG BA @37B GNAS PAR MTHONG BA SGYU MA LTA BU YIN PAS CHOS KYI DBYINGS TE, STONG PA NYID KYI RNAM PA'I SNYING PO CAN YE SHES KYI RANG BZHIN DE DAG JI LTA BA BZHIN GNAS PA RTOGS PA'I STOBS KYIS MYA NGAN LAS 'DAS PA STE, NYAN THOS LA SOGS PA'I BYANG CHUB LA MI REG PAR GNAS PA DE NI SKU GSUM THOB NAS CHOS KYI DBYINGS KYI SHES RAB GNAS SO, ,DE LTAR JI SKAD BSTAN PA'I PHYIN CI MA LOG PA'I LAM LA GOMS PAR BYAS PAS 'BRAS BU DE DAG THAMS CAD DU 'GYUR RO, ,DE BAS NA SBYOR BA SGRUB BO ZHES BYA BAR DGONGS SO, ,RNAM PA PHUL DU BYUNG BA'I CHE BA'I BDAG NYID BSHAD NAS, YON TAN BRJOD NA DE RTOGS PA SNGON DU 'GRO BAS KHYAD PAR DU GOMS PAR 'GYUR BAS DE'I YON TAN BSTAN PAR BZHED NAS, GANG ZHIG 'DIR ZHES BYA BA LA SOGS PA GSUNGS TE, BYANG CHUB SEMS DPA' CHOS DANG GANG ZAG LA BDAG MED PA BSGOM PA NI GANG ZHIG 'DIR RO, ,YANG SBYOR BA LA GNAS PA NI SPYOD PA'O, ,SPYI'I SANGS RGYAS KYI CHOS NI RGYU DANG 'BRAS BU'O; ;KHYAD PAR NI DAD PA LA SOGS PA LNGA DANG, 'DUN PA LA SOGS PA DANG LHAN CIG BYED PA RDZU 'PHRUL GYI RKANG PA BZHI NYE BAR MTSON PA STE, DRAN PA NYE BAR GZHAG PA LA SOGS PA YANG RGYUR GYUR PA RNAMS LA MI GNAS TE, MI RTOG CING BYANG CHUB KYI RNAM GRANGS MA LUS PA NI NYE BAR ZHI BA'O, ,'BRAS BUR GYUR PA RNAMS LA DE SBYOR BA'I STOBS KYIS RNAM PAR MI RTOG PA DANG, RNAM PAR RTOG PA DANG BCAS PA'I YE SHES KYI YUL DU GYUR PA GNAS PA DANG MI GNAS PA GANG YANG RUNG BA SGYU MA LTA BUR DE DAG BRDZUN PA'I RANG BZHIN DU RTOGS PA'I PHYIR MI RTOG RTOG BRAL LO, ,BDUD KYI MTHU BCOM PA LA SOGS PA'I YON TAN LA SOGS PA BSKYED PAS RANG DBANG DU SPYOD PA NI BYIN GYI RLABS KYIS SPYOD PA YIN NO, ,'DI NI SHES RAB STE SPYOD PA'I RANG BZHIN YIN PA'I PHYIR PHA ROL PHYIN MCHOG SPYOD PA YIN TE, GNAS PA MA YIN NO, ,YON TAN RIN PO CHE SDUD PA TSIGS SU BCAD PA LAS YON TAN GZUNG BAR YONGS SU BRJOD PA ZHES BYA BA'I LE'U STE BCU PA'I BSHAD PA'O,, ,,YON TAN GYI RJES LA GANG YANG SBYOR BA'I BAR CHAD BYED PA'I SKYON SPANGS NAS BSGOM PAR BYA BA YIN PAS SKYON BSTAN PAR BZHED NAS, SMRA BA'I ZLA BA ZHES BYA BA LA SOGS PA GSUNGS TE, PHYIN CI @38A *, ,LOG GI ZHEN PA SEL BA LA MKHAS PAS SMRA BA'I ZLA BA'O, ,SANGS RGYAS LA NI RAB 'BYOR ZHUS PA NI YON TAN GYI RGYU YIN PA'I PHYIR YON TAN LA SBYOR BA LA DGA' BA RNAMS KYI BAR DU GCOD PA GANG LAGS ZHES BYA BA NI ZHUS PA'O, ,STON PAS BKA' STZAL BAR DU GCOD PAR 'GYUR MANG STE, DE LAS CUNG ZAD NI NYE BAR MTSON PA'O, ,DE BAS NA RE ZHIG YONGS SU BRJOD PAR BYA'O ZHES BYA BA NI LAN TO, ,DE NYID NI RGYAL BA'I ZHES BYA BA LA SOGS PA GSUNGS TE, RGYAL BA'I SHES RAB PHA ROL PHYIN 'DI YIG 'BRI'I TSE NI GZHUNG GI DON BRI BA DANG, YID LA BYED PA'O, , SPOBS PA NI YUL LA KHYAD PAR CAN GYI YE SHES KYI RANG BZHIN THA DAD PA RNAM PA DU MA 'BYUNG 'GYUR ZHING 'GRO BA'I DON MA BYAS PAR TE, SNGA MA DANG PHYI MA DPYAD PAS MI BSTAN PAR GYUR PA'I PHYIR DE YANG GLOG BZHIN DU MYUR DU NYAMS PAR 'GYUR BA 'DI NYID NI RE ZHIG BDUD KYI LAS SO, ,'DI BSHAD TSE NA KHA CIG SOM NYI ZA 'GYUR TE ZHES BYA BA LA, BSHAD PA NI BSHAD PAR GYUR PA'O, ,SANGS RGYAS KYIS GSUNGS PA LA THE TSOM ZA BA NI SOM NYIR GYUR PA'O, ,DES YONGS SU MA SHES PAR 'DREN PA BCOM LDAN 'DAS KYIS 'DIR NI BDAG GI MING YANG MA BRJOD, RIGS DANG SA DANG RUS KYANG YONGS SU MA BRJOD CES, DE NI NYAN PAR MI 'GYUR LA, 'ON KYANG 'DI NI SANGS RGYAS KYI BKA' MA YIN ZHES SPANG 'GYUR TE YANG BDUD KYI LAS SO, ,DE NI CI ZHIG BYED PAR 'GYUR ZHE NA, DE LTAR ZHES BYA BA LA SOGS PA GSUNGS TE, DE LTAR BDUD KYIS BYIN GYIS BRLABS PA'I GANG ZAG MI SHES PA DE DAG RTZA BA'I RGYU BOR NAS SANGS RGYAS DON DU GNYER BA'I LAM JI LTA BA BZHIN DU GYUR PA SPANGS NAS RMONGS PAS YAL GA DANG 'DAB MA NYAN THOS LA SOGS PA'I MDO SDE TSOL BAR 'GYUR RO, ,GLANG PO RNYED NAS DPER NA 'GA' ZHIG GI DON DU GLANG PO'I RJES NI TSOL BA LTAR, SHES RAB PHA ROL PHYIN THOS MDO GZHAN TSOL BAR BYED PA DE YANG DE BZHIN NO, ,DPER NA LA LAS RO BRGYA LDAN PA'I ZAS RNYED LA, ZAS MCHOG RNYED NAS ZHAG DRUG CU PA'I 'BRAS CHAN TSOL BAR BYED PA LTAR, DE BZHIN DU BYANG CHUB SEMS DPA' SHES RAB KYI PHA ROL TU PHYIN PA 'DI RNYED NAS, DGRA BCOM PA'I SA YI BLA NA @38B MED PA'I BYANG CHUB TSOL BAR BYED DE, YANG DE LA RJES SU 'BRANG ZHING BLO BSKYED PAR 'GYUR RO ZHES BYA BA NI LHAG MA'O, ,BDUD KYI LAS RNAM PA GZHAN YANG BSTAN PA'I PHYIR, BSTI STANG ZHES BYA BA LA SOGS PA GSUNGS TE, GRAGS PA TZAM 'DOD PA NI BSTI STANG 'DOD PA'O, ,NOR 'DOD PA NI RNYED PA 'DOD PA'O, ,YO BYAD LA LTOS PA NI LTOS PA DANG BCAS PA'I SEMS KYIS SO, ,BSOD SNYOMS KYI DON DU KHYIM PA DANG 'DRIS PA DANG, KHYIM PA BSTEN PA DANG LDAN PAR 'GYUR ZHING NGO, ,CHOS BTANG NAS NI YUM 'DI'O, ,DES CHOS CUNG ZAD YIN PA NI CHOS MIN TE, NYAN THOS LA SOGS PA'I THEG PAS BYA BA SPYOD PAR 'GYUR BA'O, ,LAM BOR LAM GOL 'GRO BA 'DI NI BDUD KYI LAS SO, ,GANG DAG DE'I TSE MA BYON PA'I RGYAL BA RNAMS BSKYED MA LA 'DUD CING DAD PAR GYUR NAS TE, LAS DANG 'BRAS BU LA YID CHES PAR BYED PA NI DAD PA'O, ,CHOS KYI DAM PA 'DI MNYAN PAR 'DOD CING 'DOD PA LAS DE DAG GIS NI CHOS SMRA BA LDAN RIG PA NI BYA BA MA YIN PA'I BSAM PA DANG LDAN PA RTOGS PA'O, ,DAD PA DANG BRAL NAS DGA' BA MED CING YID MI BDE BAR GYUR NAS GZHAN DU 'GRO BA DON DU GNYER BA'I DON DANG BRAL BAS YID MI BDE BA YANG BDUD KYI LAS SO, ,BDUD KYI LAS JI SNYED PA RNAM PA THAMS CAD MTHA' YAS PAS BRJOD PAR MI NUS PA'I PHYIR NYE BAR BSDUS PA'I DON DU DE'I TSE NA ZHES BYA BA LA SOGS PA GSUNGS TE, 'DI ZHES BYA BA NI RJES THOGS LA MNGON PA'O, ,'BYUNG BAR GYUR PA NI BDUD KYI LAS SO, ,DE'I TSE GANG DAG LA MA 'ONGS PA'I DUS NA BAR DU GCOD PA RNAMS MANG NI DU MA'O; ;GCOD PA NI BGEGS BYED PAR 'BYUNG BAR 'GYUR RO, ,GANG ZHIG NYES PAS G-YENG BA'I PHYIR DGE SLONG MANG PO DKRUGS PAS DE'I TSE SHES RAB KYI PHA ROL TU PHYIN PA 'DI NI GZHUNG DANG DON 'DZIN PAR MI 'GYUR NA, GZHAN DGE BSNYEN LA SOGS PA LTA CI SMOS CI'I RGYUS RNAM PA MANG POR 'GYUR ZHE NA, RIN CHEN ZHES BYA BA LA SOGS PA GSUNGS TE, RIN CHEN RIN THANG MED PA RNYED GYUR GANG DAG YIN, CHOS DE DAG RANG DKA' BAS THOS PA NI DKON PA'O, ,DUS RNAMS RTAG TU THAMS CAD 'DI 'DOD PA'I PHYIR DU DON DU GNYER BA YIN NO, ,DE BZHIN DU RGYAL BA'I SHES RAB PHA @39A *, ,ROL PHYIN PA MCHOG ,RIN CHEN CHOS KYANG DKON LA RTAG TU 'TSE BA YANG MANG NGO, ,CI'I PHYIR 'DI DAG THAMS CAD KYI BDUD KYI LAS YIN NAM ZHE NA, THEG PA GSAR ZHES BYA BA LA SOGS PA GSUNGS TE, MNGON PAR ZHUGS PA'I PHYIR THEG PA LA GSAR DU ZHUGS PA STE, BYANG CHUB SEMS DPA' BSOD NAMS CHUNG BA'I PHYIR BLO CHUNG BAR GYUR PA GANG GI YUM DKON PA'I RIN CHEN CHOS 'DI BDUD KYI BYIN GYIS BRLAB PAS MA RNYED PA'O, ,DE BZHIN DU LAS DANG PO PA JI SNYED PA DE DAG THAMS CAD KYI DE LTAR RNYED PA MI 'GYUR BAR BSTEN PA'I PHYIR, DE LA ZHES BYA BA LA SOGS PA GSUNGS TE, GANG GI TSE BDUD RNAMS RGYAL BA SKYED MA LA JI LTAR BGEGS BYA ZHES BRTZON PA DANG LDAN PAS SPRO BAR 'GYUR TE BAR CHAD LA ZHUGS NAS GCOD PAR ZHUGS SO, ,DE BZHIN DU YANG PHYOGS BCU'I BCOM LDAN 'DAS BSOD NAMS CHEN PO DANG LDAN PAS YUM YONGS SU 'DZIN PA LA DGONGS SHING DE DAG LA MGON MDZAD PAS SBYOR BA DANG LDAN PAS THOB PAR 'GYUR ZHES BYA BAR DGONGS SO, ,YON TAN RIN PO CHE SDUD PA TSIGS SU BCAD PA LAS, BDUD KYI LAS KYI LE'U STE BCU GCIG PA'I BSHAD PA'O,, ,,DE LA BCOM LDAN 'DAS CI'I PHYIR DGONGS PA MDZAD CE NA, DPE SNGON DU 'GRO BAS RTOGS PAR BYA BA'I PHYIR, MA ZHIG CES BYA BA LA SOGS PA GSUNGS TE, MA ZHIG LA BU MANG PO YOD PA NA MA NA BAR GYUR PA NA, DE KUN YID MI BDE ZHING RIM GRO LA SOGS PA'I PHYIR BYAS PA GZO BAS BRTZON PA LA RAB TU SBYOR BAR BYED DO, ,DE BZHIN DU PHYOGS BCU'I 'JIG RTEN GYI KHAMS NA BZHUGS PA'I SANGS RGYAS KYANG STE, BCOM LDAN 'DAS RNAMS KYANG BDUD KYI LAS BSAL BAR BYA BA'I PHYIR BYAS PA GZO BAS BRTZON PAR MDZAD CING YUM GYUR SHES RAB DAM PA 'DI LA DGONGS PA MDZAD DO, ,YON TAN DANG SKYON BLANG BA DANG DOR BA SNGON DU 'GRO BAS MTSAN NYID SHES PA'I SGO NAS NGES PAR BSGOM PAR BYA BA YIN PAS MTSAN NYID BSTAN PAR BYA BA'I PHYIR, DE LA RE ZHIG MTSON PAR BYED PA GANG YIN PA BYED PAR SGRUB PAR BYED PA YONGS SU 'DZIN PA'I SHES PA DANG, KHYAD PAR DANG, BYED PA'I DBYE BAS MTSAN NYID MTSON PAR BYED PA NI GSUM MO, ,DE'I LAS SU SGRUB PAR BYED PA RTEN GYI MTSAN @39B NYID DANG BZHIR 'GYUR RO, ,DE LA RE ZHIG SHES PA'I MTSAN NYID NI KUN MKHYEN GSUM GYI DBYE BAS GSUM YONG PA LAS THAMS CAD SHES PA'I SGO NAS, DE BZHIN GSHEGS PA 'BYUNG BA SHES PA ZHES BYA BA LA SOGS PA RE ZHIG BSTAN PA'I PHYIR, GANG DAG CES BYA BA LA SOGS PA GSUNGS TE, GANG DAG 'DAS PA DANG DA LTAR PHYOGS BCU'I 'JIG RTEN MGON, GANG YIN PA NI BCOM LDAN 'DAS SO, ,DE DAG SHES RAB KYI PHA ROL TU PHYIN PA YUM 'DI LAS BYUNG BAR RIM PA JI LTA BA BZHIN DU SBYAR TE, DE DAG BSKYED PA DANG, SKYED PA DANG LDAN PA DANG, MA 'ONGS PA NA BSKYED PAR 'GYUR RO, ,SANGS RGYAS DE DAG GIS YANG DAG PA JI LTAR BZHIN DU DE KHO NA NYID GZIGS PAS 'JIG RTEN STON TO, ,YUM GYIS BSGRUB CING SKYED PAR MDZAD DO, ,'GRO BA'I SPYOD PA THUGS SU CHUD PAS SEMS CAN GZHAN GYIS SEMS KYI SPYOD PA YANG DAG PAR STON TO, ,PHYIN CI MA LOG PA'I LAM LA SBYOR BA'I STOBS DANG LDAN PA DES DE BZHIN GSHEGS PA RNAMS BSKYED NAS 'JIG RTEN STON PA LA SOGS PA MTHONG BAS JI LTAR STON CE NA, 'JIG RTEN ZHES BYA BA LA SOGS PA GSUNGS SO, ,'JIG RTEN GYI SEMS CAN GYI KHAMS GANG YIN PA SGYU MA LTA BU'I DE BZHIN NYID DANG, GANG YANG DGRA BCOM PA'I DE BZHIN GSHEGS PA'I DE BZHIN NYID DANG, RANG RGYAL BA'I DE BZHIN NYID GANG YIN PA DANG, RGYAL SRAS RNAMS KYI PHYIN CI LOG PA'I DE BZHIN NYID GCIG PA NYID DE DNGOS BRAL TE, RANG GI NGO BOR BYE BRAG MED PAR RTOGS PA NI GZHAN MIN TE DE BZHIN NYID DE, SHES RAB KYI PHA ROL TU PHYIN PA'I RGYUS RNAM PAR MI RTOG PA'I YE SHES BRNYES NAS SANGS RGYAS TE, GANG GI PHYIR DE BZHIN GSHEGS PAS CHOS KYI DBYINGS RNAM PAR GROL BA NYID DU 'JIG RTEN MI GZIGS PAR 'GYUR BA MI RIGS TE, GZHAN DU NA THAMS CAD MKHYEN PA NYID RNAM PAR GZHAG PAR MI NUS PAR 'GYUR BA'I PHYIR RO, ,DE'I RJES SU LAM SHES PA'I SGO NAS STONG PA NYID LA SOGS PA'I MTSAN NYID BSTAN PA'I PHYIR, MKHAS PA ZHES BYA BA LA SOGS PA GSUNGS TE, GNAS PA NI DA LTAR BYUNG BA NYID DO, 'JIG RTEN MKHAS PA NI MA 'ONGS PA'O, ,MYA NGAN LAS 'DAS KYANG RUNG BA NI 'DAS PA'I BCOM LDAN 'DAS SO, ,GANG GI PHYIR CHOS NYID SKYON MED CHOS RNAMS STONG PA 'DI GNAS TE, NGES PAR CHOS NYID KYI RANG BZHIN YIN GYI GZHAN GYI TSAD MAS GNOD PA'I PHYIR RO, ,PHYIN CI LOG GI RANG BZHIN YIN PA'I PHYIR GROL BAR MI RIGS SO, ,DE LTA BAS NA STONG @40A *, ,PA NYID KYI DON CHOS NYID 'DI LA GNAS TE, STONG PA NYID LA SOGS PAR SBYOR BA'I SHES PA'I RANG BZHIN BYANG CHUB SEMS DPA' DE BZHIN NYID GZHAN MA YIN PA DE KHO NA NYID RTOGS PA YIN NO, ,DE LTA BAS NA DE YANG THAMS CAD KYI DE BZHIN NYID DU THUGS SU CHUD PAS DE BZHIN GSHEGS ZHES SANGS RGYAS DANG RGYAL BA'I SRAS ZHES BYA BA LA SOGS PA MTSAN GSOL TO, ,GAL TE DE LTAR STONG PA NYID LA SOGS PA'I YE SHES YIN NA, SEMS CAN GYI DON JI LTAR BYED PA BSTAN PA'I PHYIR, SHES RAB PHA ROL PHYIN ZHES BYA BA LA SOGS PA GSUNGS TE, DE NI THUN MONG MA YIN PA'I CHOS NYID RTOGS PA'I SPYOD YUL DU GYUR PAS SANGS RGYAS SU 'KHRUNGS PA RGYAL BA'I SRAS RNAMS SHES RAB KYI PHA ROL TU PHYIN PA DGA' BA'I RI BO'I TSAL LA BRTEN TE, SHIN TU MTHO BA'I RI LA BRTEN PAR RIG PAR BYA'O, ,STOBS BCU RNAM 'DREN RNAMS KYIS SPYOD YUL 'DI YIN TE, 'DI LTAR SNYING RJE CHEN PO LA MNGON DU PHYOGS PAR GYUR BAS PHYIN CI LOG GI SKYE BA LA SOGS PAS SDUG BSNGAL BAS SEMS CAN DMYAL BA LA SOGS PA NGAN SONG GSUM DU SKYED PA LA STONG PA NYID KYI CHOS BSTAN PAS YONGS SU 'DON KYANG, STONG PA NYID KYI YE SHES PHUN SUM TSOGS PAS SEMS CAN DU 'DU SHES PAR DE DAG NAM YANG MI 'GYUR RO, ,DMIGS PA LA MNGON PAR ZHEN PA MA YIN NAM, STONG PA NYID KYI CHOS BSTAN PAS JI LTAR 'DUL BAR 'GYUR ZHE NA, DPER NA ZHES BYA BA LA SOGS PA GSUNGS TE, DPER NA SENG GE RI SUL PHYOGS GCIG LA BRTEN NAS 'JIGS PA MED PAR NI RANG NYID 'JIGS PA DANG BRAL TE, ZHUM PA MED PAR GNAS NAS RI DAGS PHRA MO MANG SKRAG BYED CING SGRA SGROGS LTAR, DE BZHIN DU SHES RAB PHA ROL PHYIN BRTEN NAS TE, DMIGS PAS GNOD PAR 'GYUR BA MED PA LA BRTEN TE, MI'I SENG GE BYANG CHUB SEMS DPA' TSAD MAS GNOD PA MED PA'I STONG PA NYID LA SOGS PA'I CHOS BSTAN PAS DMIGS PAS 'JIGS PA'I ZHUM PA MED PAR MU STEGS CAN MANG PO BDAG TU MNGON PAR ZHEN PA LAS MA GROL BA RNAMS SKRAG PAR BYED CING SGRA YANG SGROGS SHING 'DUL BA YIN NO, ,DE'I RJES LA RNAM PA THAMS CAD MKHYEN PA'I SGO NAS NYID KYI CHOS LA BRTEN NAS ZHUGS PA LA SOGS PA'I MKHYEN PA'I MTSAN NYID BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA NAM MKHAR GNAS PA'I NYI MA'I 'OD ZER NI SA 'DI SKEMS PAR BYED CING STE, CHU SKAMS NAS MUN PA BSAL TE, DNGOS PO THAMS CAD KYI @40B GZUGS KYANG RAB TU STON PAR BYED DO, ,DE BZHIN DU SBYOR BA LAS GOMS PAS SHES RAB KYI PHA ROL TU PHYIN PA RANG GI CHOS NYID LA BRTEN NAS BZHUGS PA LA SOGS PA'I YE SHES KYI RTEN LAM DAM PA LAS NGES PAR BZHUGS PA NI CHOS RGYAL TE, BCOM LDAN 'DAS KYIS 'DZIN PA MA LUS PA'I SRED PA'I CHU KLUNG SKEMS SHING NYID KYIS NGES PA'I CHOS NYID RAB TU STON TO, ,JI LTAR CHOS NYID STON CE NA, GZUGS ZHES BYA BA LA SOGS PA GSUNGS TE, PHUNG PO LNGAR CHOS THAMS CAD 'DUS PAS GZUGS KYANG GANG 'DIR SGYU MA LTA BU NYID YIN PA'I PHYIR MI MTHONG ZHING NGO, ,DE BZHIN DU TSOR BA DANG, SEMS PA GANG YIN PA DANG, GANG LA RNAM PAR SHES PA NYID DANG, DGE BA LA SOGS PA'I CHOS KYI BAG CHAGS SEMS LA BSAGS PA DE YIS GANG YANG RJES SU MTHONG BA MED DE, 'DI DAG GCIG DANG DU MA'I RANG BZHIN DANG BRAL BA'I PHYIR RO, ,DE LTAR SHES RAB KYI MIG GIS MTHONG BA 'DI NI CHOS MTHONG YIN ZHES DE BZHIN GSHEGS PAS BSTAN PAS DES PHYIN CI LOG BZLOG GI, MIG BTZUM PA DANG, DMUS LONG LA SOGS PA LTAR SPYAN MA TSANG BA DANG, BLTA NA SNYAM PA'I YID LA BYED PAS MA MTHONG BA NI YANG DAG PAR MTHONG BA ZHES MI BYA STE, DE NI 'DI LTAR 'DU SHES MED PA'I SNYOMS PAR 'JUG PA LAS LANGS NAS, DNGOS PO DANG DNGOS PO MED PA LA MNGON PAR ZHEN PA'I RTZA BA RNAL 'BYOR PA DE'I NYON MONGS PA DANG SHES BYA'I SGRIB PA 'BYUNG BA'I PHYIR RO SNYAM DU DGONGS SO, ,'DIR CI 'DRA BA MTHONG BA YIN ZHE NA, NAM MKHA' ZHES BYA BA LA SOGS PA GSUNGS TE, JI LTAR NAM MKHA' LA RDZAS THAMS CAD KYI DBEN PA'I PHYIR MNGON SUM DANG, RJES SU DPAG PA'I YUL MA LAS 'DAS PAS MTHONG BA MED KYANG SEMS CAN KUN RDZOB KYI THA SNYAD DU YIN GYI, YANG DAG PA DE KHO NA NYID DU NI NAM MKHA' MED PA'I PHYIR GCIG TU GZUGS JI LTAR MTHONG STE MTHONG BA NYID MED DO, ,DE BAS NA DON 'DI BRTAGS BAR GYIS TE RNAM PAR DPYAD PAS SO, ,DE BAS NA NAM MKHA' ZHES BYA BA NI THA SNYAD DO, ,MTHONG BA MED PA NYID MTHONG BA YIN NO ZHES BYA BA LHAG MA MA YIN PAR RTOGS PAR BYA'O, ,DE LTAR CHOS MTHONG BA YANG DE BZHIN GSHEGS PAS BSTAN TO, ,GANG GI PHYIR MTHONG BA MED PA NI GCIG TU NGES PA'I RANG BZHIN MTHONG BAR MI NUS TE, DNGOS PO THAMS CAD SGYU MA LTA BU YIN PA'I PHYIR RO, ,YON TAN RIN PO CHE SDUD PA TSIGS SU BCAD PA LAS 'JIGS RTEN BSTAN PA'I LE'U STE BCU GNYIS PA'O BSHAD PA'O,, ,, @41A *, ,SHES PA'I RNAM PA SPYI'I RANG BZHIN YONGS SU SHES PAS KHYAD PAR DU SHES PAR BYA DGOS PAS, KHYAD PAR GYI MTSAN NYID BRJOD PAR BYA STE, DE YANG NYAN THOS LA SOGS PA'I LAM RNAMS KYI KHYAD PAR GYI LAM GYI BDAG NYID BSAM GYIS MI KHYAB PA LA SOGS PA'I KHYAD PAR GYIS KHYAD PAR DU 'PHAGS PA SDUG BSNGAL LA SOGS PA'I BDEN PA'I YUL LA SDUG BSNGAL LA CHOS SHES PA'I BZOD PA LA SOGS PA'I MTSAN NYID RTOGS PAR BYA BA'I PHYIR, MTHONG BA ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG BSAM GYIS MI KHYAB PA DANG, MI MNYAM PA NYID LA SOGS PA NYID KYI RNAM PA RNAMS YID LA BYED PAS YUM MTHONG BA YIN PAS DE MTHONG BA THOB PA YANG 'DIR SBYOR BA'I STOBS KYIS CHOS THAMS CAD KYI KHYAD PAR GYI MTSAN NYID KYI RANG BZHIN DU SDUG BSNGAL LA CHOS SHES PA'I BZOD PA LA SOGS PA DANG 'DIR RAB TU 'BREL PA'I BYA BA THAMS CAD DES YIN TE, RGYAL PO BTANG SNYOMS 'DUG CING BLON PO KUN BYED LTAR, ,DE BZHIN DU JI SNYED PA DANG, SANGS RGYAS KYI SGRA GANG YIN PA KUN LA SBYAR TE, YANG DAG PAR RDZOGS PA'I SANGS RGYAS RNAMS DANG, RANG SANGS RGYAS KYIS MDZAD PA'I CHOS RNAMS DANG, DE BZHIN DU NYAN THOS RNAMS KYI BYA BA JI SNYED PA DE DAG SHES RAB KYI PHA ROL TU PHYIN PA SA BYED DO, ,DE NYID GSAL BAR BSTAN PA'I PHYIR, RGYAL PO ZHES BYA BA LA SOGS PA GSUNGS TE, RGYAL PO'I GRONG NI LUS 'PHAGS LA SOGS PA'O, ,YUL NI MA GA DH'A LA SOGS PA'O, ,'KHOR NI RGYAL PO'I KHAB LA SOGS PA STE, DER MI 'GRO BAR RGYAL PO DE'I RANG BZHIN YUL MIS 'BRU THAMS CAD KYANG SDUD PA STE, BSKYEL BA LTAR DE BZHIN DU BYANG CHUB SEMS DPA' CHOS NYID GANG DU YANG MI 'GRO LA STE, SDUG BSNGAL LA CHOS SHES PA'I BZOD PA LA SOGS PA KHYAD PAR GYI LAM GYI RANG BZHIN GYI SANGS RGYAS KYI SA'I YON TAN THAMS CAD SDUD DO, ,YON TAN RIN PO CHE SDUD PA TSIGS SU BCAD PA LAS BSAM GYIS MI KHYAB PA'I LE'U STE BCU GSUM PA'I BSHAD PA'O,, ,,YANG GANG GI TSE SANGS RGYAS KYI YON TAN KHYAD PAR CAN RNAMS THOB CE NA, GANG LA ZHES BYA BA LA @41B SOGS PA GSUNGS TE, GANG GIS SANGS RGYAS SU BYED PA'I CHOS SANGS RGYAS ZHES BYA BA YIN PA'I PHYIR, BDE GSHEGS NI SANGS RGYAS KYI CHOS RNAMS TE, MI MTHUN PA'I PHYOGS KYI ZIL GYIS MI NON PA'I BYANG CHUB SEMS DPA' LA DAD PA BRTAN PO YOD NA, SHES RAB KYI PHA ROL TU PHYIN PA MCHOG LA BSAM SBYOR BA STE, MCHOG NI CHEN PO YIN PA'I PHYIR RO, ,YANG DAG PA'I SBYOR BA LA RJES SU GNAS PA YOD NA, DE'I TSE BDEN PA GNYIS KYI RIM PAS ZHUGS PA YIN PA'I PHYIR, NYAN THOS RANG RGYAL SA GNYIS SHIN TU 'DAS BYAS NAS BDUD DANG MU STEGS LA SOGS PAS ZIL GYIS MI GNON PA'I RGYAL BA RNAMS KYI BYANG CHUB KYI RGYU KHYAD PAR GYI MTSAN NYID MYUR DU 'THOB BO, ,DAD PA DANG SHES RAB YUL LA DRAG TU SGRUB PA NI BYA BA YIN NO ZHES BSTAN PAR 'GYUR RO, ,CHOS THAMS CAD KYI SNGON DU DAD PA 'GRO BA MA YIN NAM, JI LTAR SHES RAB KYI BYA BA YIN ZHE NA, LAN DU RJES SU 'GRO BA DANG LDOG PA'I DPE SNGON DU 'GRO BA'I SGO NAS BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA RGYA MTSOR 'JUG PA'I GRU NI CHAG GYUR PA, ,MI GANG RO'AM RTZVA'AM SHING NI MI 'DZIN PA, ,CHU DBUS 'JIG PAR 'GYUR TE NGOGS SU PHYIN MI 'GYUR, ,YANG GANG ZHIG RO LA SOGS PA LA 'DZIN PA DE NI BDE BAR PHA ROL TU PHYIN PAR 'GYUR TE, DE THANG LA GNAS PAR DE LTAR DAD LDAN DANG BA TZAM THOB PA GANG ZHIG GIS NI SHES RAB PHA ROL TU PHYIN YUM RJES SU MI 'JUG STE, DMIGS PA LA SOGS PA MA SPANGS PAS 'DOD CHAGS LA SOGS PA'I SDUG BSNGAL BRGAL DKA' BA'I PHYIR 'KHOR BA'I RGYA MTSO STE, 'KHOR BA DES DUS THAMS CAD DU GNAS TE, DAD PA TZAM GYIS PHYIN CI LOG MI SPONG BA'I PHYIR RO, ,SKYE BA NI 'BYUNG BA'O, ,RGA BA NI RNYINGS PA'O, ,RANG GI RIGS MTHUN PA'I RGYUN CHAD PAS NA 'CHI BA'O, ,BU DANG BU MO LA SOGS PA DANG BRAL BAS YID MI BDE BA NI MYA NGAN NO, ,DE DAG NYID RLABS TE GANG GI PHYIR DE DAG GI RIM PA NI 'KHOR BA'I RGYA MTSO'O, ,DE LA DE SKAD CES BRJOD DE, DE BAS NA SBYOR ZHES BYA BA'O, ,GANG ZHIG DE YANG DAD PA STOBS SU GYUR @42A *, ,PAS SHES RAB PHA ROL PHYIN MCHOG GIS ZIN PA STE, DNGOS PO RNAMS SGYU MA LTA BUR RTOGS PA'I PHYIR DNGOS PO'I RANG BZHIN LA MKHAS PA'O, ,RTEN CING 'BREL PAR 'BYUNG BA'I CHOS NYID KYI STOBS KYIS MYA NGAN LAS 'DAS PA YANG MTHONG BA'I PHYIR DON DAM PA MTHONG BA'O, ,DE BAS NA DAD PA DANG SHES RAB KYI STOBS LA SOGS PAS RIM PA JI LTA BA BZHIN DU BSOD NAMS DANG YE SHES KYI NOR KUN RDZOB TU YONGS SU RDZOGS PA NI GRU STE, RAB TU DGA' BA LA SOGS PA'I SA RANG BZHIN DE DAG DANG LDAN PA LA DE SKAD BRJOD DO, ,NYAN THOS LA SOGS PA'I YUL MA YIN PAS MCHOG TU RMAD BYUNG BDE GSHEGS BYANG CHUB MYUR DU REG ,KHYAD PAR GYI MTSAN NYID DON DU GNYER BAS GNYIS PO RGYUN MI 'CHAD PAR DMIGS PAR BYA'O ZHES BSTAN PAR RIG PAR BYA'O, ,DMIGS PA DANG DMIGS PA MED PA'I DPES RIM PA JI LTA BA BZHIN DU RES 'GA' BYED PA DANG, RGYUN MI 'CHAD PAR BYED PA MI MTHUN PA'I PHYOGS DANG GNYEN PO BSAL BAR BYA BA'I PHYIR DE GNYIS NYID THOB PA NI KHYAD PAR CAN GYI GZHIR GYUR PA SNGON DU 'GRO BA YIN PAR BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA LA LAS RDZA SO MA BTANG CHU BSKYED NA, ,NYAM CHUNG PHYIR NA MYUR DU 'JIG PAR RIG PAR BYA STE, CHU BCU BAR MI NUS PA'O, ,SO BTANG BUM PAR CHU BSKYED LAM DU 'JIG PA YI, ,'JIGS PA MED CING PHYI MA LA YANG SBYAR RO, ,PHYIN PAR GYUR PA NI BAR CHAD KYI GNOD PA MED PAR GYUR PAS KHYIM DU BDE BAR RO, ,DE BZHIN DU BYANG CHUB SEMS DPA' DAD PA MANG GYUR KYANG, SHES RAB RNAM PAR NYAMS NAS GNYIS SU LTUNG BAS MYUR DU MA RUNG 'GYUR RO, ,DAD PA DE NYID KYIS SHES RAB KYI DON NI CHOS RNAM PAR 'BYED PA'I MTSAN NYID YONGS SU ZIN GYUR NA NYAN THOS LA SOGS PA'I SA GNYIS LAS SHIN TU 'DAS TE BYANG CHUB MCHOG THOB 'GYUR, BUM PA SO MA BTANG BA DANG BTANG BAS MI THOB PA DANG, THOB PA'I CHOS KYI RTEN MA YIN PA DANG RTEN DU GYUR PA BSTAN PAR 'GYUR RO, ,RTEN GZHAN YANG DAD PA LA SOGS PA MA YIN NAM, CI'I PHYIR DE GNYIS KHO NA GTZOR BSTAN CE NA, LAN @42B 'DI DPER NA ZHES BYA BA LA SOGS PA GSUNGS TE, DPER NA SHING RNYING PA DBYUNG BA LA SOGS PA'I BCOS LEGS MA BYAS PA'I GRU RGYA MTSO CHEN POR NOR DANG BCAS PAR 'JIG PAR 'GYUR RO, ,YANG GRU LEGS PAR BCOS LEGS PAR BYAS PA DANG, MTHUN PA'I RLUNG DANG LDAN PAR BYAS NA MI 'JIG NOR DANG BCAS PA DOGS SU PHYIN PAR 'GYUR RO, ,DE LTAR BYANG CHUB SEMS DPA' DAD PAS YONGS BZUNG YANG, ,SHES RAB MED NA BLA NA MED PA'I BYANG CHUB THOB PAR 'GYUR BA LAS NYAMS PAR 'GYUR RO, ,BYANG CHUB SEMS DPA' DAD PA DE NYID YONGS BSGOMS PAS SHES RAB PHA ROL PHYIN PA MCHOG LDAN PA NI BZANG PO DANG LDAN PA'O, ,DE NYAMS SHING GZHAN DU LTUNG BAR MI 'GYUR TE, MA RMAS MA NYAMS PAR DE YANG RANG GI THEG PA LA YANG DAG PAR ZHUGS PA'I PHYIR DE BZHIN NYID RGYAL BA RNAMS KYI BYANG CHUB MCHOG LA REG PAR 'GYUR TE, GNYIS PO KHO NAS GRUB PAS MA TSANG BA MED PA YIN PA SHES PAR BYA'O, ,ZAG LHAN BYAS PA DANG MA BYAS PA'I GRUS 'GRUB PA DANG MI 'GRUB PA DANG, TSANG BA DANG MA TSANG BA SHES PAR BYA BA'I PHYIR, DE GNYIS KHO NA YONGS SU GZUNG BAR BYA'O ZHES BSTAN PA'I PHYIR, LO BRGYA ZHES BYA BA LA SOGS GSUNGS TE, DPER NA SKYES BU GANG ZHIG RGAS SHING GNYER MA DANG LDAN PAS 'KHOGS PA ZAS LA SOGS PA DANG MI LDAN PAS SDUG BSNGAL BA LO BRGYA DANG NYI SHU LON PAS GANG GI YANG JI SRID NA STAN LAS LANGS KYANG, DE BZHIN DU YANG RANG GIS RGYANG GRAGS PHYED DAM, RGYANG GRAGS SU GROGS MED PAR NUS PA MED PA'I PHYIR 'GRO BAR NUS PA MA YIN TE, DE NI G-YAS G-YON GNYIS KYI LAG PA GNYIS MI DAG GIS BRTEN BYAS PAR GYUR NA DE'I TSE 'GYEL BA'I 'JIGS PA MED CING JI SRID DU 'GRO BAR BYA BA'I GNAS SU BDE BLAG TU PHYIN PAR 'GYUR, DE BZHIN BYANG CHUB SEMS DPA' SHES RAB LA 'DI LTAR RMONGS PAS STOBS CHUNG BA GANG GI TSE YANG DAD PA TZAM GYIS ZHUGS PAR GYUR KYANG, 'DI LTAR YANG CHOS NYID KYIS MA BZUNG ZHING BRAL NA NYAN THOS LA SOGS PA'I SAR LTUNG BA'I BAR THOB PAS NYAMS PAR 'GYUR TE 'JIG PAR 'GYUR RO, ,DE NYID THABS DANG SHES RAB MCHOG GIS YONG ZIN NA, ,MI NYAMS TE DE @43A *, ,BZHIN GSHEGS KYI STE, KHYAD PAR GYI MTSAN NYID RTOGS NAS MI'I DRANG SRONG BCOM LDAN 'DAS KYI BYANG CHUB LA REG PAR 'GYUR RO, ,DES NA SKYES BU RGAS PA BRTEN PA DANG MA BRTEN PA'I DPES SHES RAB DANG THABS LA MKHAS PAS YONGS SU BZUNG BA DANG, MA BZUNG BA DAG CI RIGS PAR 'KHOR BA DANG MYA NGAN LAS 'DAS PAR LTUNG BA DANG, MI LTUNG BA DAG BSAL BAR BYAS PAS BSTAN PA'I DON RTOGS PAR BYA'O, ,YON TAN RIN PO CHE SDUD PA TSIGS SU BCAD PA LAS DPE'I LE'U STE BCU BZHI PA'I BSHAD PA'O,, ,,JI SKAD BSTAN PA'I RIM PAS KHYAD PAR GYI LAM THOB NAS DMIGS PA'I RO MYANG BA MED PAR DGE BA'I BSHES GNYEN GYI STOBS KYIS BYA BA MA YIN PA MI BYED DO ZHES BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, BYANG CHUB SEMS DPA' DANG PO'I LAS CAN NI KHYAD PAR GYI MTSAN NYID LA ZHUGS PA'I PHYIR DANG PO'I LAS TE SAR GNAS PA GANG YIN PA'O, ,DGE BA 'DOD PA'I PHYIR LHAG PA'I BSAM PA'O, ,SANGS RGYAS BYANG CHUB MCHOG ZHUGS PA BLA MA'I SKYON MI 'DZIN PA'I PHYIR SLOB MA BZANG PO DE CHER GUS PAS BLA MA LA GUS LDAN NO, ,DGE BA'I BSHES GNYEN LA DUS THAMS CAD DU BSNYEN BKUR LA SOGS PA BYAS PA YIN PAR RIG PAR BYA'O, ,SEMS SRUNG BA SHES PA NI MKHAS PA'O, ,CI'I PHYIR DGE BA'I BSHES GNYEN LA BRTEN PAR BYA ZHE NA, LAN DU MKHAS PA ZHES BYA BA LA SOGS PA GSUNGS TE, GANG GI PHYIR DGE BA'I BSHES GNYEN DE RNAMS LAS KHYAD PAR GYI MTSAN NYID KYI YON TAN 'BYUNG BAR 'GYUR RO, ,DES GDAMS NGAG DANG RJES SU BSTAN PAS SLOB MA DMIGS PA'I RO MYANG BA MED PAS MKHAS PA'O, ,DGE BA'I BSHES GNYEN DE DAG GIS SHES RAB KYI PHA ROL TU PHYIN PA RJES SU STON, DE BAS NA SANGS RGYAS CHOS RNAMS NI KHYAD PAR GYI MTSAN NYID KYI RANG BZHIN NO, ,SGRIB PA THAMS CAD SPANG BA'I PHYIR YON TAN GYI MCHOG DGE BA'I BSHES GNYEN LA BRTEN TO ZHES RGYAL BA DE SKAD GSUNG NGO, ,DE BAS NA DE BSNYEN BKUR BYA BA YIN PAR DGONGS SO, ,DE DAG GI GDAMS NGAG DANG RJES SU BSTAN PA'I 'DRA BA ZHIG @43B CE NA, SBYIN DANG ZHES BYA BA LA SOGS PA GSUNGS TE, SBYIN PA LA SOGS PA'I CHOS THAMS CAD BSDUS PA'I RANG BZHIN MI DMIGS PA LA ZHUGS TE, PHA ROL TU PHYIN PA DRUG PO RNAMS LAS BYED PA PO DANG BYA BA MI DMIGS PAS YIN TE, RANG BZHIN GZHAN DU 'GYUR BA'I PHYIR SA DANG PO LA SOGS PA LA DMIGS PA'I RO MYANG BA SPANGS NAS BYANG CHUB KYI RGYUR YONGS SU BSNGO BAR GYIS SHIG PA'O, ,BYANG CHUB PHUNG PO NI ZAG PA MED PA'I 'BRAS BUR GYUR PA TSUL KHRIMS KYI PHUNG PO LA SOGS PA'I RIGS PAS RNAM PAR GZHAG PA DPYAD NAS PHYIS RNAM PAR DPYAD PAS NGES PA NA 'DZIN PAR MA BYED CE NA, DANG PO'I LAS CAN DE DAG LA RIG PAS NGES PAR SGYU MA LTA BUR RTOGS PA'I PHYIR DANG PO RAB TU SBYOR BA BSTAN PA DE SKAD BSTAN PAR BYA BA NYID DO, ,GZHAN DU NA DAD PA TZAM YANG MED PAR 'GYUR RO, ,RANG DANG GZHAN GYI DON PHUN SUM TSOGS PA SHES PA KHYAD PAR GYI MTSAN NYID BSTAN NAS, MJUG THOGS SU GZHAN GYI DON PHUN SUM TSOGS PA LA SBYOR BA RNAMS KYI PHAN PA LA SOGS PA BYED PA'I MTSAN NYID BSTAN PA'I PHYIR, DE LTAR ZHES BYA BA LA SOGS PA GSUNGS TE, DE LTAR SHES PA'I MTSAN NYID YONGS SU SHES NAS SBYOR BA RNAMS BSGOMS PA'I STOBS KYIS BYANG CHUB SEMS DPA'I SPYOD PA'I CHOS BSTAN PAS MA 'ONGS PA'I BDEN PA THOB PA NI YON TAN NO, ,YON TAN GYI TSOGS RTOGS PAR DKA' BA'I PHYIR RGYA MTSO'O, ,DA LTAR BYUNG BA'I BDE BA THOB PAS DGA' BA'I PHYIR SMRA BA'I ZLA BA'O, ,YANG DAG PAR SMIN PAR MI 'GYUR BA'I CHOS NYID LA 'JOG PAR BYED PA'I PHYIR DON BYED PAS NA SEMS CAN GYI 'JIG RTEN GYI SKYABS SO, ,DE BZHIN DU SHIN TU PHAN PA KUN NAS 'BYUNG BA'I RTEN YIN PA'I PHYIR DPUNG GNYEN NO, ,SDUG BSNGAL GYI RGYU SEL BA'I DON GYI RTEN DU 'JUG PA'I PHYIR GNAS SO, ,'KHOR BA DANG MYA NGAN LAS 'DAS PA MNYAM PAR RTOGS PAR KHYAD PAR DU 'GRO BAS SANGS RGYAS KYI RGYU YIN PA'I PHYIR RTEN DANG BLO'O, ,CHU SPANGS NAS DAM PA'I CHOS KYI SKAM SA MTHA' GNYIS SPANGS PA BDAG DANG GZHAN GYI DON THOB PA'I RTEN DU GYUR PA STER BAS GLING NGO, ,SNA 'DREN PAR GYUR PAS GZHAN GYI DON RAB TU @44A *, ,BSKYED PA'I PHYIR YONGS SU 'DREN PA'O, ,SEMS CAN GYI DON LA MTSAN MA MED PAR LHUN GYIS GRUB PAR 'JUG PA NYE BAR SDUD PA'I PHYIR DON 'DOD PA'O, ,THEG PA THAMS CAD KYI NGES PAR 'BYUNG BA YANG MNGON SUM DU MI BYED CING BYANG CHUB KYI LAM GSAL BAR BYED PAS NA GSAL BYED SGRON MA'O, ,CHOS THAMS CAD KYI DE KHO NA NYID GTAM GYI GZHI DANG SGO YIN PA'I PHYIR CHOS MCHOG SMRA BA'O, ,DE NYID KYI PHYIR BDUD DANG MU STEGS LA SOGS PAS 'KHRUGS PAR MI NUS PAS NA MI 'KHRUGS PA'O, ,BDAG DANG GZHAN GYI DON PHUN SUM TSOGS PAR BYED PA NI BYA BA YIN PAS GANG GIS DE LTA BU'I RANG BZHIN YONGS SU SHES PAS CI 'DRA BA'I BDAG NYID SGRUB PAR BYED PA'I RANG BZHIN BSTAN PA SNGON DU 'GRO BA RANG GI MTSAN NYID BSTAN PA'I PHYIR, GRAGS CHEN ZHES BYA BA LA SOGS PA GSUNGS TE, BDAG NYID CHE BA THOB PA'I PHYIR GRAGS CHEN LDAN PA NI BYANG CHUB SEMS DPA'O, ,SDUG BSNGAL DANG DU LEN PA'I PHYIR BYA DGA' BA LA RAB TU SBYOR BA'I RANG BZHIN CAN NO, ,'BAD PAS BSGRUBS PA'I PHYIR GO CHA'O, ,GANG BSGOM PAR BRTZON PA NI GO CHA GYON BYED DO, ,MI MTHUN PA'I PHYOGS DMIGS PA MED PAS PHUNG PO LNGA DANG, SKYE MCHED BCU GNYIS DANG, KHAMS BCO BRGYAD RNAMS KYI GO CHA YIN TE, GNYEN POR MNGON PAR ZHEN PA DANG BRAL BAS NYAN THOS LA SOGS PA THEG PA GSUM 'DU SHES BRAL LO, ,YANG DE LTA BAS NA DOR BAR BYA BA DANG BLANG BAR BYA BA'I CHOS YONGS SU 'DZIN PA DANG BRAL BA'I PHYIR YONGS SU GZUNG BA MED DO, , RANG GI DON PHUN SUM CHAGS PA LAS LDOG PA MED PA'I PHYIR MI LDOG PA'O, ,GZHAN GYI DON PHUN SUM TSOGS PA LAS MI G-YO BA'I PHYIR G-YO BA MED CING NGO, ,GNYI GA'I DON PHUN SUM TSOGS PA JI LTA BA BYED PA DANG MI 'BRAL BA'I PHYIR MI 'KHRUGS CHOS CAN NO, ,RANG BZHIN JI LTA BU LA SBYOR ZHE NA, DE DAG CES BYA BA LA SOGS PA GSUNGS TE, DE DAG 'DI 'DRA NI STON PAR 'GYUR BA'O, ,SBYOR BA BSGOMS PA'I STOBS KYIS NYON MONGS PA LA SOGS PA SPANGS PA'I RANG GI MTSAN NYID NI CHOS NYID LDAN NO, ,RNAM PAR MI RTOGS PA'I YE SHES THOB PAS NA SPROS PA MED PA'O, ,THE TSOM DANG, @44B BRDZUN DANG, PHYIN CI LOG SPANGS PAS THE TSOM YID GNYIS BRAL LO, ,YANG DAG PA'I SHES PA LDAN PA'I PHYIR DON LDAN NO, ,SHES RAB PHA ROL PHYIN PA THOS NAS TE, RTOGS PA THOB PA NAS MI NUR BA'O, ,DE NYID KYI PHYIR GZHAN GYI DRING MI 'JOG CING RANG GI SA LAS LDOG PA MED PAS NI PHYIR MI LDOG PAR RIG PAR BYA'O, ,DE LTA BUR GYUR PA NI BDE BAR GSHEGS PA'I GNAS PAR GYUR PA SPANGS NAS RNAM PA THAMS CAD KYI RANG BZHIN CUNG ZAD KYANG MNGON SUM DU MI BYED DO ZHES BSTAN PA'I PHYIR, 'DREN PA ZHES BYA BA LA SOGS PA GSUNGS TE, CHOS 'DI DAG GI RANG BZHIN SGYU MA LTA BU YIN PA'I PHYIR ZAB STE RTOGS PAR DKA' BA NYID KYIS MTHONG BAR DKA' BA BCOM LDAN 'DAS KYIS ZHES BYA BAR 'BREL TO, ,GZHAN SUS KYANG STE NYAN THOS LA SOGS PAS RNAM PA THAMS CAD RTOGS PA MED PAS CUNG ZAD THOB PA YANG MED CING, 'THOB PAR 'GYUR BA YANG MED PA'I PHYIR RO, ,DE'I PHYIR 'DI LTAR SEMS CAN GYI DON GTZOR MDZAD PAS DE BZHIN GSHEGS PA NYID ZHAR LA BRNYES PAS NA BYANG CHUB BRNYES KYANG SEMS CAN THAMS CAD RJES SU 'DZIN PAS NA PHAN MDZAD BRTZER LDAN TE BCOM LDAN 'DAS SO, ,SBYOR BA'I NGO BO RANG GI MTSAN NYID LAS MA GTOGS PA'I GROL BA MI RIGS PA'I PHYIR RO, ,SEMS CAN GYI TSOGS SUS KYANG RANG GI MTSAN NYID KYIS CHOS BSTAN PA 'DI MI SHES TE, 'ON KYANG 'DI DAG NI DMIGS PA LA MNGON PAR ZHEN PA'I PHYIR RO SNYAM DU SEMS CAN GYI DON LA NYE BAR SBYOR BA LA THUGS KHRAL CHUNG BAR MDZAD DE, DE, DE BAS NA CHOS BSTAN PA'I THUGS MA 'KHRUNGS PA DE LTA BU YANG TSANGS PAS CHOS KYI 'KHOR LO BSKOR BAR GSOL BA BTAB PA YIN NO, ,DE LTA MOD KYI SEMS CAN GYI CHOS JI LTA BU DANG LDAN ZHE NA, SEMS CAN RNAMS NI ZHES BYA BA LA SOGS PA GSUNGS TE, GANG GI TSE YANG SEMS CAN RNAMS 'DOD CHAGS LA SOGS PA'I GZHI LA MNGON PAR ZHEN PA STE NYES PAR MI LTA BAS NA DGA' ZHING NGO, ,YUL RNAMS 'DOD PA NI DE LA YON TAN DU LTA BA'I PHYIR YID LA BYED PA MI SPONG BAS 'DZIN PA LA GNAS PA'O, ,MI SHES PA DANG LDAN PAS NA MI MKHAS PA'O, ,THE TSOM GYI SHES PA YOD PAS NA BLUN RMONGS PA'O, ,LOG @45A *, ,PA'I SHES PA DANG LDAN PA'I PHYIR MUN PA BZHIN NO, ,'DI LTAR YANG NGO BO NYID KYI CHOS RTOGS PA NI 'DOD CHAGS LA SOGS PA'I GNYEN PO YIN PA'I PHYIR GNAS MED CING, SHES BYA'I SGRIB PA RTZA BA NAS MED PA'I PHYIR 'DZIN MED DE, DE THOB PAR BYA BA'I PHYIR SANGS RGYAS LA SOGS PA DANG, 'JIG RTEN PA DAG CIG 'DI LAS BZLOG PA MTSAN NYID MI MTHUN PA TSAD MAS GNOD PA MED PA'I PHUNG PO LNGA PO BDAG MED PA CIG CAR BSTAN NA RTZOD PA 'BYUNG BAS, RGYAL PO'I BTZUN MO YID DU 'ONG BA SHI BA BRDA SPROD PA'I TSUL GYIS SO, ,YON TAN RIN PO CHE SDUD PA TSIGS SU BCAD PA LAS LHA'I LE'U STE BCVA LNGA PA'I BSHAD PA'O,, ,,'DI LTAR GANG GI TSE SEMS CAN THA DAD PAR SHES PAS THA DAD PAR RTOGS PA'I PHYIR SPYOD PA'I RANG BZHIN BYE BRAG TU 'GYUR ZHE NA, NAM MKHA'I ZHES BYA BA LA SOGS PA GSUNGS TE, DPER NA NAM MKHA'I KHAMS NI SHAR GYI PHYOGS DANG, DE BZHIN DU LHO'I PHYOGS DANG, NUB KYI PHYOGS DANG, BYANG GI PHYOGS DANG, STENG DANG 'OG DANG MTSAMS BZHI DANG BCU'I RANG BZHIN DANG, MTHAR THUG PA'I MTHAR BYED PAS NA MTHA' YAS PA'O, ,DE BZHIN DU PHYOGS BCU RNAMS NA YANG NAM MKHA' YOD PA DE'I SPYI'I MTSAN NYID DANG BRAL BA'I PHYIR THA DAD PAR GYUR PA MED CING NGO, ,RANG GI MTSAN NYID DANG BRAL BA SA YANG BYE BRAG TU GYUR PA MED DO, ,'JIG RTEN PA LA GRAGS PA'I DPES BSTAN NAS, 'JIG RTEN LAS 'DAS PA'I DPES SHES PAR BYA BA'I PHYIR, 'DAS PA'I ZHES BYA BA LA SOGS PA GSUNGS TE, 'DAS PA DANG, 'DAS PA'I DNGOS PO'I DE BZHIN NYID GANG YIN PA DANG, MA 'ONGS PA STE, MA THOB PA'I DE BZHIN NYID GANG YIN PA DANG, DA LTAR BYUNG BA'I DE BZHIN NYID GANG YIN PA DANG, DGRA BCOM PA STE, ZAG PA ZAD PA'I DE BZHIN NYID GANG YIN PA DANG, DE DAG LAS BZLOG PA'I CHOS KUN GYI DE BZHIN NYID GANG YIN PA DANG, GANG YANG RGYAL BA'I DE BZHIN NYID GANG YIN PA DANG, BSTAN MA THAG PA'I CHOS THAMS CAD KYI BDAG NYID RNAM PAR GROL BA THA DAD PA MED DE, BYE BRAG TU GRUB PA'I TSAD MA DANG MA BRAL BA'I PHYIR @45B BYE BRAG TU MI 'GRUB BO, ,DE BZHIN DU SBYOR BA'I RANG BZHIN MNGON SUM DU BYAS PA MANG YANG GCIG KHO NA YIN PAR DGONGS SO, ,JI SKAD BSTAN PA'I MTSAN NYID YONGS SU SHES PA NI THAR PA'I CHA DANG MTHUN PA'I DGE BA'I RTZA BA DANG LDAN PAS THAR PA'I CHA DANG MTHUN PA'I RTZA BA BSTAN PAR BZHED NAS, BDE GSHEGS ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG RANG GI MTSAN NYID YONGS SU SHES PA LAS MNGON SUM DU THOB PAR 'DOD PA THAMS CAD MI DMIGS PA 'DI NI BDE GSHEGS BYANG CHUB THA DAD CHOS DANG BRAL BAS GYUR PA DES MTSAN MA MED PA'I YE SHES DMIGS PA MED PA'I RNAM PA CAN GYI SBYIN PA LA SOGS PA SANGS RGYAS KYI CHOS RNAMS THOB PAR BYA BA'I PHYIR DAD PA RAB LA SOGS PA'I CHOS DANG LDAN PA NI THABS DANG LDAN PA'O, ,DNGOS PO MA LUS PA'I RNAM PA THAMS CAD YONGS SU SHES PA NI SHES RAB PHA ROL PHYIN LA SBYOR RO, ,GANG GI PHYIR SHES RAB MED PA NI NYE BAR MTSON PA STE, DAD PA RAB LA SOGS PA MED PA NA YANG MI'I 'DREN PA THOB PAR 'GYUR BA MA YIN NO, ,SANGS RGYAS THOB PAR BYED PA GZHAN YANG YOD PA MA YIN NAM, CI'I PHYIR THABS DANG SHES RAB KHO NA BSTAN CE NA, LAN DPE SNGON DU 'GRO BAS BSTAN PA'I PHYIR, BYA ZHIG CES BYA BA LA SOGS PA GSUNGS TE, DPER NA BYA ZHIG DPAG TSAD BRGYA LA SOGS PA'I LUS CHE BA NI DPAG TSAD BRGYA RTZA LNGA BCU THOB PAR GYUR PA'O, ,'DAB GSHOG MA SKYES SHING NYAM CHUNG BA NI 'DAB GSHOG ZAD DE NYAMS RTZAL YOD MIN NA'O, ,DE YIS SUM CU RTZA GSUM PA'I GNAS LA SOGS PA NAS 'DZAM BU'I GLING 'DIR GNAS PAR BYA'O SNYAM NAS, GANG GI TSE BDAG NYID MCHONGS NAS LTUNG BA DE'I TSE DE'I 'DAB GSHOG MA TSANGS BA NYAMS NYES 'GYUR BA YIN, DE BZHIN DU GANG GI TSE YANG SBYIN PA LA SOGS PA PHA ROL TU PHYIN PA LNGA PO 'DI RGYAL BA RNAMS KYIS BSKAL PA BYE BA KHRAG KHRIG MANG PO YONGS SU RDZOGS PAR BSGRUB PAR BYAS SHING SMON LAM RNAM PA DU MA'I PHYIR MTHA' YAS PA'O, ,SHIN TU RGYA CHE BA'I CHOS LA DMIGS PA'I PHYIR RGYA CHEN NO, ,GOMS PAR BYAS @46A *, ,PAS NA RTAG RTEN NO, ,DE BZHIN DU SNGAR YANG BSTAN PA'I THABS DANG BRAL BAS NA THABS MED DO, ,JI SKAD BSTAN PA'I SHES RAB SPANGS PAS SHES RAB BRAL LO, ,GSHOG PA GNYIS PO DE MA TSANG BAS NYAN THOS NYID DU LTUNG NGO, ,DE BAS NA BLA NA MED PA'I SA LAS NYAMS PAR 'GYUR RO, ,DE'I PHYIR SHES RAB DANG THABS GNYIS KHO NA GTZO BO YIN PAR GSAL BAR MDZAD DO, ,THAR PA'I CHA DANG MTHUN PA THOB NAS BRTZON PA GANG YIN PA LA NGES PAR 'BYED PA'I CHA DANG MTHUN PA SKYE BA NGES PAR 'BYED PA'I YAN LAG BSTAN PA BZHED NAS, SANGS RGYAS ZHES BYA BA LA SOGS PA GSUNGS TE, DRO BA LA SOGS PA NI NGES PAR 'BYUNG NGO, ,YANG BYANG CHUB SEMS DPA' GANG ZHIG YANG DAG PAR SANGS RGYAS KYI YE SHES 'DOD PA DES THOG MAR DRO BA BSKYED PA'I PHYIR RJES SU CHAGS PAS ZHEN PA MED PAR SEMS SNYOMS PA'O, ,'DIR 'GRO BA THAMS CAD LA DMIGS PA'I RANG BZHIN YIN PAS PHA ROL GNON PA'O, ,PHAR 'DU SHES PA'I PHYIR PHAR 'DU SHES PA'O, ,MAR 'DU SHES PA'I PHYIR MAR 'DU SHES PA'O, ,MA 'ONGS PA'I DON SHES PA'I PHYIR PHAN PA'I SEMS SO, ,DA LTAR BYUNG BA'I DON LA YID MNGON DU PHYOGS PA'I PHYIR BYAMS PA'I SEMS KYI PHA ROL GNON PA'O, ,ZHE SDANG DANG 'TSE BA MED PAS THA BA MA LUS PAR BYED PA'O, ,SPUN DANG SRING MO LA SOGS PAR 'DU SHES PA'I PHYIR DRANG BAS PHA ROL GNON PA'O ZHES SNGA MA DANG 'BREL TO, ,RTZE MO LA SOGS PA THOB PAR BYA BA'I PHYIR BDAG NYID SGRUB CING GZHAN DAG KYANG DGE BA LA SBYOR ZHING RTAG TU 'JAM POS 'BOD PAS 'JAM POR SMRA BA'O, ,'DIR KHYAD PAR GYI RANG BZHIN MA YIN NAM, NGES PAR 'BYED PA'I CHA LA SOGS PA BSTAN PAR JI LTAR RIGS SHE NA, SA BRGYAD PA LA MTSAN MA MED PAR LHUN GYIS GRUB PA THOB PAS RE ZHIG GI DUS SU SEMS CAN GYI DON RGYUN CHAD PA SPANGS PA'I PHYIR GANG SEMS MNYAM PA LA SOGS PA'I RNAM PA SGYU MA LTA BU DES SEMS CAN LA DMIGS PA LA SOGS PA KHYAD PAR GYI LAM NYID RTUL PO LA SOGS PA'I RIM GYIS SKYE BA YIN GYI CIG CAR MA YIN NO ZHES BSTAN PA'I PHYIR NGES @46B PAR 'BYED PA'I CHA LA SOGS PAR BTAGS NAS 'DIR BSTAN PA YIN PAR GZUNG BAR BYA'O, ,PHYI MA RNAMS LA YANG JI LTAR SRID PA BZHIN RIGS PAR BYA'O ZHES BYA BAR DGONGS SO, ,YON TAN RIN PO CHE SDUD PA TSIGS SU BCAD PA LAS DE BZHIN NYID KYI LE'U STE BCU DRUG PA'I BSHAD PA'O,, ,,PHYIR MI LDOG PA BYANG CHUB SEMS DPA'I DGE 'DUN JI SKAD BSTAN PA'I NGES PAR 'BYED PA'I CHA LA SOGS PA DANG, MTHONG BA'I LAM LA SOGS PA LA GNAS PA NI PHYIR MI LDOG PA'I BYANG CHUB SEMS DPA'I DGE 'DUN YIN PAR BSTAN TO, ,DE YANG SBYOR BA'I LAM NI NGES PAR 'BYED PA'I CHA LA GNAS PA'O, ,DE BZHIN DU MTHONG BA'I LAM LA GNAS PA DE NI CHOS SHES PA'I BZOD PA LA SOGS PA'O, ,RGYUN GZHAN NI BSGOM PA'I LAM LA GNAS PA YIN NO ZHES GNAS SKABS DU MAR RNAM PAR GZHAG GO, ,DE LA PHYIR MI LDOG PA'I SPYI'I MTSAN NYID ZHUS PA NI 'JIG RTEN ZHES BYA BA LA SOGS PA GSUNGS TE, 'JIG RTEN MGON LA GNAS BRTAN RAB 'BYOR YONGS ZHUS PA, ,CI BDAG DANG GZHAN GYI THE TSOM BSAL NAS MA 'KHRUL PAR GRUB PA'I RGYU MTSAN NYON MONGS PA MED PA'I RTAGS TE LUS KYI RTAGS SO, ,DE NI 'DIR NYE BAR MTSON PA YIN TE; RNAM PA NI GNYEN PO YIN PAR GZUNG NGO, ,MTSAN MA NI DGOS PA GNAS PA'O, ,YON TAN DPAG TU MED PA'I RANG BZHIN GYI SKU MNGA' BA'I PHYIR YON TAN PHYOGS TZAM MO, ,DUS GCIG LA BCOM LDAN 'DAS KHYOD KYIS BSTAN DU GSOL, BDAG DANG GZHAN GYI DON PHUN SUM TSOGS PA LA SBYOR BA'I PHYIR MTHU CHE BA DAG GO, ,BYANG CHUB SEMS DPA' RTAGS LA SOGS PA DANG JI LTAR LDAN PAR 'GYUR ZHES SO, ,RGYAL BA'I SRAS RNAMS BLA NA MED PA'I BYANG CHUB LAS LDOG PA MED PAR 'GYUR BA NI SLAR LDOG PAR MI 'GYUR RO, ,DE LTAR NA RTAGS LA SOGS PA'O, ,GNYEN PO'I MI MTHUN PA'I PHYOGS YIN PA'I PHYIR GZUGS LA SOGS PA RNAMS LAS LOG PA NI YON TAN PHYOGS TZAM MO, ,GSAL BAR RTOGS PA'I CHED DU KYE BCOM LDAN 'DAS KYIS LUNG BSTAN DU GSOL ZHES PA'O, ,DE LA RE ZHIG NGES PAR 'BYED PA'I CHA LA GNAS PA'I PHYIR MI LDOG PA'I MTSAN @47A *, ,NYID BSTAN PAR BZHED NAS THA DAD 'DU SHES BYA BA LA SOGS PA GSUNGS TE, GZUGS LA SOGS PAR 'DZIN PA LAS LOG PA'I PHYIR SNA TSOGS SU 'DU SHES BRAL LO, ,SGYU MA LTA BUR DON GSAL BA'I PHYIR DON DANG LDAN PA'I NGAG BYUNG BAS THE TSOM SEL BAS NA, CI RIGS PAR LDAN TSIG SMRA'O, ,BYANG CHUB SEMS DPA' DE DGE SBYONG SKYE BO LA SOGS PA DGE SBYONG DANG BRAM ZE LA SKYABS SU 'GRO BA DANG, NYAN THOS LA SOGS PA LA RTEN PAR MI BYED DO, ,LOG PAR LTA BA LA SOGS PA SPANGS TE DOR BAR BYA BA DANG, BLANG BAR BYA BA'I DE KHO NA NYID YONGS SU SHES PAS NA MKHAS PA'O, ,NGAN SONG GSUM NI NYE BAR MTSON PA STE, MI KHOM PA BRGYAD SPANGS TE'O, ,RTAG TU NI 'JIG RTEN 'DIR RO, ,DE DAG BDAG DANG GZHAN GNYI GA GCIG TU SROG GCOD PA SPONG BA LA SOGS PA BCU PO RNAMS LA 'GOD CING RGYAL BA'I SRAS DGE BA BCU'I LAS KYI LAM DANG LDAN PAS BCOM PA'O, ,SEMS CAN THAMS CAD KYI YUL LA SBYIN PA LA SOGS PA YONGS SU BSNGO ZHING 'BRAS BU LA SOGS PA LA LTOS PA MED PA'I SEMS KYIS TE, ZANG ZING MED PAR 'GRO BA LA CHOS KYI SBYIN PA RJES SU STON TO, ,YANG CHOS ZAB MO LA THE TSOM MED PAR GCIG TU SGYU MA LTA BU'I CHOS NGES PAS NA DGA' ZHING NGO, ,BYAMS PA'I LUS DANG NGAG DANG YID KYI LAS DANG LDAN PAS SNYAN PAR SMRA BAS TSIG 'JAM LDAN NO, ,'GRO 'CHAG NYAL DANG 'DUG PAR SHES BZHIN RAB TU LDAN TE, RAB NI YANG DAG PA STE, DE NI GSAL BA'I RAB KYI MTHAR THUG PAR 'GRO BAS SHES PA'O, ,SHES BZHIN GYI SROG CHAGS LA SOGS PA MTHONG NAS GSAL BA'I PHYIR, GNYA' SHING GANG TZAM LTA ZHING 'GRO BA'O, ,SPYOD LAM THA DAD PA'I G-YENG BA MED PA'I PHYIR SEMS 'KHRUL MED DO, ,MI DGE BA BCU'I LAS SPANGS PAS NA GTZANG BYAS SO, ,SNA TSOGS PA'I GOS BZANG PO 'BYOR PAS NA GTZANG MA'I GOS 'CHANG NGO, ,MTSAN LA SOGS PAS BRGYAN PA'I LUS DANG NGAG DANG YID RNAM PAR DAG PA THOB PAS NA GSUM PO DBEN ZHING DAG PA'O, ,SER SNA LA SOGS PA'I SEMS MI BSKYED PAS NA RNYED 'DOD MA YIN PA'O, ,THAMS CAD DU @47B CHOS NYID DANG 'GAL BA'I SBYOR BA MI BYED PAS NA KHYU MCHOG GO, ,'GRO BA LA RJES SU BRTZE BA'I PHYIR DMYAL BA LA SOGS PAR SKYE BAR 'DOD PAS NA RTAG TU CHOS 'DOD PA'O, ,RTOGS PAS CHOS NYID LA YID CHES PA'I PHYIR BDUD KYI YUL LAS 'DAS PA'O, ,BDUD BCOM PA'I GZUGS NGES PAR SHES PAS NA GZHAN GYI DRING MI 'JOG PA DANG, SANGS RGYAS KYI SNANG BA'I BSAM GTAN BZHI LA BSAM GTAN DE LA MI GNAS SO, ,NGES PAR 'BYED PA'I CHA LA GNAS PA'I PHYIR MI LDOG PA'I MTSAN NYID KYI RJES LA CHOS NYID GOMS PAR BYAS PAS MTHONG BA'I LAM LA GNAS PA'I PHYIR MI LDOG PA'I MTSAN NYID DE RTOGS PA YANG LUS DANG NGAG DANG YID KYI BYA BAR BRJOD PA LAS YIN PAR BSTAN PAR BZHED NAS, GRAGS PA ZHES BYA BA LA SOGS PA GSUNGS TE, GZUGS LA SOGS PA'I 'DU SHES LAS LOG PAS NA GRAGS PA 'DOD PA MA YIN NO, ,THEG PA CHEN PO LA ZHUGS PA NYID KYIS NYES PA THAMS CAD MED PA'I PHYIR KHRO BAS SEMS DKRUGS MED DO, ,BDAG MED PA RTOGS PA DANG SEMS CAN GYI DON LA THABS LA MKHAS PA'I STOBS KYIS KHYIM PAR GYUR NA YANG MNGON PAR ZHEN PA MED PAR LONGS SPYOD PAR BYED DE, DUS THAMS CAD DU YUL GYI NYES PA MTHONG BAS TSANGS PAR SPYOD PA YIN PA'I PHYIR ZHEN PA MED PAS DNGOS PO KUN MA CHAGS SO, ,SKYES BU DAM PA'I CHOS NYID KYIS 'TSO BA'I PHYIR YANG BAS NYO TSONG LA SOGS PA LONGS SPYOD 'TSO BAR MI BYED DO, ,DE BZHIN DU SEMS CAN LA GNOD PA'I DON DU TZA MUNtI LA SOGS PA'I MNGON SPYOD KYI SNGAGS DANG SMAN PA'I PHYIR 'DOD PA'I LHA LA SOGS PA'I SNGAGS BUD MED SKYES BUS DBANG DU SDUD PA'I SBYOR SNGAGS TSOL MI BYED CES BYA BAR SBYAR RO, ,'DOD PA'I LAS CAN DE BYAS PAR GYUR PAS SKYES PA'AM BUD MED DU NGES PAR 'GYUR RO ZHES BYA BA LA SOGS PA LUNG STON PAR MI BYED DO, ,BDEN PA GNYIS LA BRTEN PA'I PHYIR RAB TU DBEN PA'I SHES RAB PHA ROL PHYIN MCHOG BRTZON, LUS DANG NGAG GI KHRO BA DANG BRAL BA'I PHYIR 'THAB DANG RTZOD DANG BRAL LO, ,SEMS CAN THAMS CAD LA BDE BA PHUL DU BYUNG BA BSKYED PA'I SEMS DANG LDAN PA'I PHYIR BYAMS PA'I SEMS @48A *, ,KYANG BSTAN TO, ,STONG PA NYID LA GNAS PA'I PHYIR KUN MKHYEN 'DOD DO, ,CHOS CUNG ZAD KYANG DMIGS PA MED PAS RTAG TU BSTAN PA LA GZHOL SEMS LDAN NO, ,RANG 'DOD PA'I SKYE BA DER SKYE BA THOB PAS MTHA' 'KHOB KLA KLO'I SKYE BO'I YUL MTHA' RNAM PAR SPANGS, RNAM PAR SPANGS KYI SGRA PHYI MA DANG YANG 'BREL PA'I PHYIR YUL MTHA' RNAM PAR SPANGS TE YUL MTHA'O, ,MNGON PAR YID CHES PAS NGES PA SKYED PA'I PHYIR KUN MKHYEN GSUM GYI BDAG NYID NI RANG GI SA LA THE TSOM MED PAS NA DOGS MED DE, NGES PA'I RANG BZHIN LA GNAS PAS RTAG TU RI RAB 'DRA'O, , MCHOG TU GZHOL PA NYID RNAM PA THAMS CAD MKHYEN PA LA SOGS PA'I CHOS KYI PHYIR BSAMS NAS GTONG PA NI SROG KYANG 'DOR ZHING NGO, ,TSAD MA DANG LDAN PA'I YID LA BYED PA'I PHYIR RNAL 'BYOR PA RAB TU BRTZON NO, ,'DIR PHYIR MI LDOG PA'I PHYOGS TZAM ZHIG BRJOD DO, ,DE YANG RGYU TSOGS PA YIS 'BRAS SKYE BAR, ,RJES SU DPOGS PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES BYA BA'I RIGS PAS 'DIR BSTAN PA'I RTAGS KYANG SHES PAR BYA'O, ,YON TAN RIN PO CHE SDUD PA TSIGS SU BCAD PA LAS PHYIR MI LDOG PA'I RNAM PA'I LE'U STE BCU BDUN PA'I BSHAD PA'O,, ,,DE LTAR BSGOM PA'I LAM LA GNAS PA'I PHYIR MI LDOG PA'I MTSAN NYID STON PA NA KHYAD PAR MA RTOGS KHYAD PAR GZHAN RTOGS PAR MI 'GYUR BAS NA RIGS PA 'DIS BSGOM PA'I LAM LAS RE ZHIG KHYAD PAR BSTAN PA'I PHYIR GZUGS DANG ZHES BYA BA LA SOGS PA GSUNGS TE, JI LTAR DE BZHIN NYID ZAB PA DE BZHIN DU DE KHO NA NYID DU GZUGS MA SKYES PAS ZAB BO, ,DE BZHIN DU TSOR BA DANG, 'DU SHES DANG, SEMS PA DANG, RNAM PAR SHES PA RNAMS KYANG DE BZHIN NYID 'DIS ZAB PA YIN TE, GZUGS LA SOGS PA RNAMS GZUGS LA SOGS PAR MED DE, SGRO BTAGS PA'I PHYIR MED DO, ,DE BZHIN DU KUN RDZOB PA'I GZUGS LA SOGS PA DE DAG KYANG THA MAL PA'I RANG BZHIN RIGS PAS MTSAN MA MA LUS PA SPANGS PAS MTSAN MA MED PA'O, ,BSLAB PA THAMS CAD ZHI BAS NA RAB ZHI BA'O, ,'DIS @48B NI YANG GZUGS LA SOGS PA DE BZHIN NYID LAS GZHAN MA YIN PAS SKUR PA 'DEBS PA DGAG PA YIN NO, ,DPER NA 'BA' ZHIG TSAD MA RTOGS PA MNGA' 'PHANGS PA RGYA MTSO'I GTING LA THUG PA'I TSAD TSOL BA LTAR, DE BZHIN DU SHES RAB KYIS NI SGRO 'DOGS PA DANG, SKUR PA 'DEBS PA'I MTHA' DANG BRAL BA NGES PAR BRTAGS NA GANG GI PHYIR BRTAGS PAS GTING YOD PA MI RNYED PAS ZAB MO DANG LDAN PA NI ZAB PA STE, BSGOM PA'I LAM YIN ZHES BSTAN PAR 'GYUR RO, ,KHYAD PAR BSTAN PA 'DI NYID RJES SU BSTAN PA DANG BCAS PA KHYAD PAR CAN BSGOM PA'I LAM YIN PAR STON PA NA DE'I BYED PA'I SGO NAS DRIS PA NI, BYANG CHUB SEMS DPA' ZHES BYA BA LA SOGS PA GSUNGS TE, GANG GI PHYIR BSGOM PA'I LAM GYI DE KHO NA NYID DU PHUNG PO DANG, KHAMS DANG, SKYE MCHED YOD PA YIN PAR YANG DANG YANG DU GOMS PAR BYAS PA'I BYANG CHUB SEMS DPA' GANG ZHIG GI GZUGS LA SOGS PA'I CHOS THAMS CAD KYI CHOS DANG GANG ZAG GI BDAG MED PA MNGON SUM DU BYAS PAS DE LTAR ZAB PAR GYUR PA NI THEG PA CHEN POR DON DAM PAR DMIGS PAS GOS PA MED PA'O, ,GANG ZAG DE'I BSOD NAMS KYI TSOGS DE JI SNYED SKYE BA NI YE SHES KYI TSOGS RAB TU THOB PA NA YANG DAG PAR 'GRUB PA DE LAS CI ZHIG YOD PAR 'GYUR ZHES BYA BAR TSIGS SU BCAD PA'I DON SBYAR RO, ,'BRAS BU GSAL BAR RTOGS PAR BYA BA'I PHYIR DPER NA ZHES BYA BA LA SOGS PA GSUNGS TE, DPER NA YUL DMAN PA LA LHAG PAR CHAGS PA'I PHYIR 'DOD CHAGS CHOS LA SPYOD PA'I SKYES BU ZHIG, BUD MED DANG LHAN CIG TU KHYOD CHE GE MOR SHOG SHIG CES SMRAS NAS DUS BTAB DE DANG MA PHRAD DE, 'DIR 'ONG NGAM MI 'ONG SNYAM PA LA SOGS PA'I RNAM PAR RTOG PA DE LTA BU'I RIM PAS RNAM PAR RTOG PA DU MA NI SEMS KYI RNAM RTOG SPYOD PA JI SNYED PA STE, DMIGS PA LA BSGRIBS NAS NYIN ZHAG THAMS CAD DU BYUNG BA'I SKYES BU'I RNAM PAR RTOG PA'I GRANGS DE SNYED KYI BSKAL PAR RGYUN MI 'CHAD PAR 'GRO BA 'KHOR BAR 'GYUR BA DOR NAS JI SNYED KYI BSOD NAMS DANG YE SHES KYI TSOGS KYIS BYANG CHUB 'THOB PA DE SNYED KYI BSOD NAMS DANG YE SHES KYI TSOGS BSGOM PA'I LAM GYI MTHUS BYANG @49A *, ,CHUB SEMS DPA' THOB PAR 'GYUR RO, ,RNAM PAR RTOG PA CHUNG NGU DANG, 'BRING DANG, CHEN PO YANGS PA'I RNAM PA'I DBYE BAS BSGOM PA'I LAM RNAM PA GSUM DU 'GYUR TE, 'DIR BSDUS NAS BRJOD PAR 'DOD PA'I PHYIR BSDUS NAS BSTAN PAR BYA STE, DE LA YANG LAM CHUNG DUS NI RNAM PAR RTOG PA CHEN PO SPONG LA, CHEN POS NI RNAM PAR RTOG PA CHUNG DU SPONG NGO ZHES BYA BAR GZUNG STE, DE LTA BU LAM CHEN PO LA MI SRID DE, YANG LAM CHEN PO SKYES PA NA NYON MONGS PA CHEN PO MED PA'I PHYIR RO, ,GZHAN DAG NA RE PHYI MA PHYI MA LA BSOD NAMS LHAG PAR SGRUB PA NI GNYEN PO'I DBYE BA YIN LA, BSOD NAMS ZIL GYIS GNON PAR BSTAN PA NI MI MTHUN PA'I PHYOGS KYI DBYE BA BSTAN PA YIN NO ZHES ZER RO, ,LAM CHUNG DU BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG BSKAL MANG BYE STONG DU DMIGS PA DANG LDAN PAS SANGS RGYAS LA SOGS PA LA SBYIN PA BYED CING ZHES BYA BAR 'BREL TO, ,DGRA BCOM RANG RGYAL SBYIN BYED TSUL KHRIMS SRUNG BYED KYANG RGYAL BA'I SRAS PO GZHAN ZHIG GIS SHES RAB PHA ROL PHYIN MCHOG STE, LAM CHUNG NGU'I RANG BZHIN BSGOM PA DANG LDAN ZHING, DE LAS LANGS NAS YUM 'DI NYID NI CHOS SO, ,JI LTA BA BZHIN DU SEMS CAN LA STON CING DE SEMS CAN KHYAD PAR CAN SNGON DU 'GRO BAS CHOS KYI SBYIN PA'I RANG BZHIN GYI BSOD NAMS LA LTOS NAS PHRA BA'I CHAR YANG MI PHOD PA NI BSOD NAMS KYI CHAR PHOD PAR MI 'GYUR RO, ,SBYIN PA BYED TSUL KHRIMS BSRUNG BA YANG SNGA MA BZHIN DU BLTA BAR BYA STE, GNAS SKABS DE BZHIN NO, ,LAM 'BRING GI DON BSTAN PA'I PHYIR, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG SHES RAB MCHOG STE, LAM 'BRING GI RANG BZHIN BSGOM PA STE, DE LAS LANGS NAS GOS PA MED PA'I CHOS BRJOD CING NGO, ,CHOS DE YANG 'GRO BA MNGON PAR MTHO BA DANG NGES PAR LEGS PAR 'THOB PA'I MTSAN NYID KYI DON TE, RGYU'I GTZO BO GTER DU GYUR PA BYANG CHUB TU YONGS SU BSNGO NA'O, ,DE BZHIN DU @49B CHOS KYI SBYIN PA BYIN NAS YONGS SU BSNGO BA LAS BYUNG BA'I DGE BA GANG YIN PA DANG LDAN PA DANG MNYAM PAR GYUR PAS 'JIG RTEN GSUM NA MED CES BYA BAR SBYAR RO, ,LAM CHEN PO BSTAN PA'I PHYIR, BSOD NAMS ZHES BYA BA LA SOGS PA GSUNGS TE, JI SKAD BSTAN PA'I LAM BSGOM PA'I STOBS KYIS BSOD NAMS DE DAG THAMS CAD KYANG GSOG DANG STE, DE BZHIN DU BRTAGS PA'I RANG BZHIN DANG BRAL BA'I PHYIR RO, ,BRTAGS PA'I CHOS KYIS DBEN PAS NA GSO BA DANG, DE BZHIN NYID KYI CHOS NYID KYI RANG BZHIN MA YIN PAS YA MA BRLA DANG, YANG DAG PA'I KUN RDZOB 'BREL PA LAS SKYES PA'I PHYIR YANG YA MA BRLA'O, ,DE BZHIN DU RTOGS PA'I CHOS KYIS DBEN PAS NA STONG PA'O, ,DE BZHIN NYID KYI RANG BZHIN MA YIN PAS NA GSOB PA'O, ,YANG DAG PA'I KUN RDZOB TU RGYU DANG 'BREL PA LA SKYE BA'I PHYIR YA MA BRLA'O, ,RGYU MA'I RANG BZHIN YIN PA'I PHYIR SNYING PO MED PAR SHES PA'O, ,DE LTAR BDE GSHEGS RNAMS KYI SHES RAB SPYAD SPYOD PA DE NI LAM CHEN PO'I RANG BZHIN YIN TE, PHYIN CI MA LOG PA YIN PA'I PHYIR SPYOD TSE BSOD NAMS DPAG TU MED PA YONGS SU 'DZIN TO, ,DE KHO NA NYID BSGOM PA'I LAM MA YIN NAM DE'I STOBS KYIS MI MTHUN PA'I PHYOGS DANG GNYEN PO RIM PA JI LTA BZHIN DU SPONG BA DANG, THOB PA MI RIGS PAS DE'I PHYIR JI LTAR RGYAL BA'I SRAS RNAMS KYI RIM PA YIN ZHE NA, SANGS RGYAS ZHES BYA BA LA SOGS PA GSUNGS TE, BRTAGS PA TZAM GYI RANG BZHIN YIN PA'I PHYIR 'DI NI STE, CHUNG NGU DANG, 'BRING DANG, CHEN PO'I RAB TU DBYE BA'O, ,CHOS THAMS CAD NI RANG DANG GZHAN DANG GNYI GA'I DON PHUN SUM TSOGS PA BYED PAR 'DOD PA'O, ,MNGON SUM DANG RJES SU DPAG PA DANG, LUNG GI TSAD MAS NGES PA'I PHYIR SANGS RGYAS KYIS BSHAD PA DANG, RAB TU SBYAR BA DANG, RAB TU BSTAN PA RNAMS RIM PA BZHIN NO, ,BYANG CHUB SEMS DPA' GANG GI THOS PA LA SOGS PA'I SHES PA BSKYED PAS BSGOM PA'I LAM GOMS PA'I SHES PA LA BSKAL PA BYE BA KHRAG KHRIG MANG POR BRJOD BYAS KYANG DE BZHIN NYID DU RO GCIG PA'I PHYIR CHOS KYI DBYINGS LA RGYAL BA'I SRAS DE DAG GIS MI MTHUN @50A *, ,PA'I PHYOGS SPANGS PA MED PAS ZAD PA NYID MED CING, GNYEN PO BSKYED PA MED PAS DE KHO NA NYID DU 'PHEL BA MED DO, ,ZHES BYA BA NI GRUB PA SGRUB PA YIN NO, ,DE DAG BCOM LDAN 'DAS KYIS KUN RDZOB TU YIN PAR DGONGS SO, ,BSGOM PA'I LAM GYI RANG BZHIN YIN PA'I PHYIR DE BAS NA PHA ROL TU PHYIN PA'I MING YANG DE KHO NA NYID DU NYAMS PA DANG, 'PHEL BA MED DO ZHES BSTAN PA'I PHYIR, RGYAL BA ZHES BYA BA LA SOGS PA GSUNGS TE, SHES RAB 'BA' ZHIG LA PHA ROL TU PHYIN PA BRJOD MOD KYI, KYANG GI SGRAS SBYIN PA LA SOGS PA YANG PHA ROL TU PHYIN PA STE, RGYAL BA'I YUM YIN PAS LNGA PO YANG KHYAD PAR DU 'PHAGS PA'I CHOS KYI RANG BZHIN PHA ROL TU PHYIN PAR GRAGS SO, ,SGYU MA LTA BU YIN PA'I PHYIR MING TZAM MO, ,KUN RDZOB TU RDZAS SU GNAS PAS BLA NA MED PA'I BYANG CHUB TU YONGS SU SNGO BAR BYED DO, ,YONGS SU DAG PA'O, , BDAG LA BSTOD PA DANG, RLOM SEMS MED PA'I BYANG CHUB SEMS DPA' GANG YIN PA DE NI RTOGS PA LAS NYAMS PA MED PAS DE NYID KYI PHYIR SANGS RGYAS BYANG CHUB MCHOG REG 'GYUR TE, KHYAD PAR 'PHAGS PA'I DON NYID GSAL BAR BYED PA NI SEMS BSKYED PA YIN NO, ,YON TAN RIN PO CHE SDUD PA TSIGS SU BCAD PA LAS STONG PA NYID KYI LE'U STE BCVA BRGYAD PA'I BSHAD PA'O,, ,,RIM PA BZHIN SEMS KYI SKAD CIG MA SNGA MA NI RJES SU 'GRO BA MED PAR ZHIG NAS PHYI MA SKYE BAS PHAN TSUN 'BREL PA MED PA'I PHYIR KUN RDZOB TU YANG KHYAD PAR DU 'PHAGS PA'I DON GSAL BAR BYED PA JI LTAR SEMS BSKYED PA YIN ZHE NA, DON BYED PAR DPE SNGON DU 'GRO BAS BSTAN PA'I PHYIR, 'BRU MAR ZHES BYA BA LA SOGS PA GSUNGS TE, 'BRU MAR SNYING PO 'BAR BA PHRAD PA DANG PO YIS, ,SNYING PO TSIG MIN LA STE, SKAD CIG MA GNYIS PA LA SOGS PAS BAR DU CHOD PA'I PHYIR RO, ,DUS MNYAM PA YANG LHAN CIG SKYES PAS KHYAD PAR MED PA'I PHYIR BYA BA DANG BYED PA'I NGO BO'I MTSAN NYID BSREG PAR BYA BA DANG SREG PAR BYED PA'I NGO BOR MI RIGS PAS TSIG PA MA YIN NO, ,ME LCE PHYI MA'I SKAD CIG MAS KYANG DANG PO DE MED PAR SKAD CIG MA PHYI MA MA SKYES PA'I @50B PHYIR MED PAS DE'I SNYING PO MI TSIG GO, ,ME LCE PHRAD PA THAMS CAD KYANG SNYING PO DE TSIG MIN TE, DNGOS PO MED PA'I PHYIR RO, ,YOD NA NI RTAG TU YOD PAR THAL BAR 'GYUR BAS KUN RDZOB TU YANG SKYE BA MED PA'I PHYIR RGYU DANG 'BRAS BU'I NGO BO'I MTSAN NYID BSREG PAR BYA BA DANG, SREG PAR BYED PA'I NGO BOR YOD PAR MI RIGS PAS PHYI MA DANG PHRAD PAS KYANG MA YIN NO, ,ME LCE THA MA'I SKAD CIG MA MED PAR YANG DANG PO'I SKAD CIG MAS TSIG MIN TE, NUS PA MED PA'I PHYIR RO, ,DANG PO'I SKAD CIG MA MED PAR ME LCE THA MAS SNYING PO TSIG PA MA YIN NO, ,DE BZHIN DU RE RE LA NUS PA MED KYANG RTEN CING 'BREL PAR 'BYUNG BA'I CHOS NYID KYIS ME LCE DANG PO DANG LHAN CIG TU 'BYUNG BA'I SNYING PO'I SKAD CIG MA LA LTOS NAS KUN RDZOB TU RGYU DANG 'BRAS BUR 'BREL PA'I PHYIR NUS PA PHUL DU BYUNG BA NYID KHYAD PAR CAN ME LCE'I SKAD CIG MA GNYIS PAR GYUR PA DE'I TSE RGYU MED PA YANG MA YIN TE, RGYU DANG 'BRAS BU'I NGO BO MTSAN NYID BSREG PAR BYA BA DANG, SREG PAR BYED PA'I NGO BOR YOD PAS SNGA MA DANG PHYI MA'I SKAD CIG MAS SNYING PO TSIG GO ZHES DON GYIS BSTAN PAR 'GYUR RO, ,DPE BSTAN NAS SKABS LA BAB PA'I DON DANG SBYAR BAR BYA BA'I PHYIR, DANG PO'I ZHES BYA BA LA SOGS PA GSUNGS TE, DE BZHIN DU DANG PO'I SEMS KYIS SANGS RGYAS KYI BYANG CHUB THOB PAR BYED PA DON MA LUS PA SO SOR SNANG BA MA YIN PAS BYANG CHUB MCHOG REG PA NI 'DIR GSUNGS SO, ,DE YANG DANG PO'I SEMS KYIS BYANG CHUB LA REG PA'I RANG BZHIN DU RNAM PA THA MA MED PA'I PHYIR MED PAS KYANG NUS PA MA YIN LA SEMS GNYIS PA GANG YIN PA KHYAD PAR DU PHUL DU BYUNG BAR MA BSKYED PA'I PHYIR THAMS CAD THA MA'I SEMS BZHIN DU GNOD PA THAMS CAD NYE BAR ZHI BA 'THOB MIN TE, SEMS GNYIS PA DE YIS KYANG BYANG CHUB LA REG PA'I RANG BZHIN DU RNAM PA THAMS CAD DU MED PA'I PHYIR RO, ,DANG PO'I SEMS KYANG MED PAS NA 'THOB PAR NUS PA MA YIN TE, KHYAD PAR PHUL DU BYUNG BA MA BSKYED PA'I PHYIR RO, ,DE BAS NA SNYING PO TSIG PA BZHIN DU SNGA MA DANG PHYI MA'I SEMS KYI SKAD CIG MA DAG GIS BYANG CHUB THOB BO ZHES BSTAN PAR 'GYUR RO, ,SNGA MA DANG PHYI MA GNYIS KYI SEMS KYI SKAD CIG RNAMS SPYIR BYANG CHUB THOB PA'I RGYU YIN PAR @51A *, ,BSTAN NAS, DA NI DANG PO'I SKAD CIG MA NYE BAR LEN PA'I RGYU NYID RJES SU 'GRO BA DANG LDOG PA'I SGO NAS DPE SNGON DU 'GRO BAS BSTAN PA'I PHYIR, SA BON ZHES BYA BA LA SOGS PA GSUNGS TE, RTAG PAR NI RIM DANG CIG CAR GYI DON BYED PA 'GAL BA'I PHYIR SKAD CIG MAS BYANG CHUB KYI SHING LA SOGS PA'I SA BON LAS PHYI MA PHYI MA'I SKAD CIG MA YONGS SU 'GYUR BA LAS SDONG BU LA SOGS PA RGYA CHER BSKYED NAS RANG GI NGO BO NGES PA 'THOB PA 'BYUNG NGO, ,SA BON DE YANG SDONG BU SKYES PA NA 'GAG GO, ,DANG PO DE MED NA BYANG CHUB KYI SHING LA SOGS PA MED PAR 'GYUR RO, ,DE BZHIN DU DANG PO'I SEMS GTZO BO'I RGYU YIN PA'I PHYIR, BYANG CHUB KYI GZHI DANG PO'I RGYU DE NYID YONGS SU 'GYUR BA'I PHYIR PHYI MA SBYOR BA LAS SANGS RGYAS KYI PHUN SUM TSOGS PA DE DAG SANGS RGYAS NYID DE THOB NAS 'GAG GO, ,YANG DANG PO DE MED NA BYANG CHUB MED PAR 'GYUR RO, ,SEMS KYI SKAD CIG MA GNYIS PA YANG RGYU YIN PAR GSAL BAR BSTAN PA'I PHYIR, SA BON ZHES BYA BA LA SOGS PA GSUNGS TE, SKAD CIG MA GNYIS PA'I NGO BO NAS DANG S'A LU'I SA BON LA RTEN CING 'BREL PAR 'BYUNG BA'I CHOS NYID KYI STOBS KYIS 'BYUNG STE, 'BRAS BUR GYUR PA RNAMS DANG S'A LU LA SOGS PA DE DANG DE DAG STE, SA BON DE DAG 'BRAS BU SKYE BA'I DUS NA MED DE, DMIGS PA'I REG BYAR GYUR PA LAS MI DMIGS PA'I PHYIR RO, ,RNAM PA THAMS CAD DU SKAD CIG MA'I RGYUN YANG MED DO ZHES NGES PAR MI NUS TE, RGYU DE DAG DANG MTHUN PAR 'BRAS BU SKYES PA'I PHYIR RO, ,DE BZHIN DU DANG PO'I SEMS SKAD CIG MA'I STOBS KYIS SKAD CIG MA GNYIS PA'I SEMS BSKYED DE RGYAL BA RNAMS KYI BYANG CHUB SKYE BAR 'GYUR RO, ,DE KHO NA NYID DU RGYU DANG 'BRAS BU RTOGS PAR MI NUS TE, RANG BZHIN MED PA'I PHYIR TE, 'DIR 'GRO BA SGYU MA LTA BUR RTOGS PAR BYA'O, ,RGYA CHER BSTAN NAS NYE BAR BSDU BA'I PHYIR, CHU'I ZHES BYA BA LA SOGS PA GSUNGS TE, CHU'I THIGS PAS BUM PA DANG PO THA MA'I BAR GYIS NYUNG NGU NYUNG DUS KYI BAR TE, DANG PO'I CHU THIGS PA RIM PA PHYI MA PHYI MA DANG BCAS PAS DE YONGS SU 'GENGS PA LTAR, DE BZHIN DU DANG PO'I SEMS KYANG BLA NA MED PA BYANG CHUB KYI RGYU YIN TE, RIM GYIS SEMS @51B KYI SKAD CIG MA GNYIS PA LA SOGS PA DANG BCAS PA SBYOR BA'I LAM LA SOGS PA'I RANG BZHIN YIN PA'I PHYIR DKAR PO'I YON TAN GYI TSOGS YONGS SU RDZOGS PA THOB PA'I PHYIR RDZOGS PA'I SANGS RGYAS SU 'GYUR RO, ,ZHAR LA BYUNG BA RGYA CHER BSTAN NAS, SKABS LA BAB PA'I BSGOM PA'I LAM LA GNAS PA'I BYANG CHUB SEMS DPA' PHYIR MI LDOG PA'I MTSAN NYID STON PAR BZHED NAS, STONG PA ZHES BYA BA LA SOGS PA GSUNGS TE, ZAB MO BSKYED PA'I SBYOR BA'I 'DZIN PA YANG BA'I PHYIR 'BRAS BU DANG, RGYU DANG RANG BZHIN DANG BRAL BAS RIM PA JI LTA BA BZHIN DU STONG PA NYID DANG, MTSAN MA MED PA DANG, SMON PA MED PAR CHOS THAMS CAD RTOGS PA'I BYANG CHUB SEMS DPA' MYA NGAN LAS 'DAS PA LA MI REG STE, SNYING RJE DANG LDAN PA'I PHYIR RO, ,'JIGS PA DANG BCAS PA'I PHYIR MTSAN MAR MI SPYOD PA'O, ,DPER NA SKYES BU MNYAN PA SHIN TU BSLABS PA'I PHYIR MKHAS PAR GYUR PA GNOD PA MED PAR PHAR 'GRO TSUR 'GRO YANG STE, ZONG THOGS NAS PHAR 'GRO ZHING TSUR 'ONG BAR BYED KYANG MTHA' GNYIS KAR MI GNAS SHING LTUNG BA'I GNAS MA YIN PA'I PHYIR RO, ,RGYA MTSO DER YANG GNAS PA MED PA BZHIN NO ZHES TSIGS SU BCAD PA'I DON SBYAR RO, ,PHYIR MI LDOG PA'I MTSAN NYID BRJOD PA LAS SLOB PA'I BYANG CHUB SEMS DPA'I DGE 'DUN BSTAN NAS, DE'I RJES LA KUN NAS NYON MONGS PA DANG, RNAM PAR BYANG BA'I RTOG PA SPANGS PA'I PHYIR GNYI GA MNYAM PAR RTOGS PA NI MI SLOB PAR 'GYUR BA YIN TE, BSLAB PAR BYA BA GZHAN MED PA'I PHYIR RO, ,DE LTA BU'I MI SLOB PA'I DGE 'DUN GSAL BAR BYA BA'I PHYIR 'KHOR BA DANG MYA NGAN LAS 'DAS PA MNYAM PAR BSTAN PA NI DE LTAR ZHES BYA BA LA SOGS PA GSUNGS TE, BSTAN MA THAG PA'I PHYIR MI LDOG PA'I MTSAN NYID RTOGS PA'I 'KHOR BA DANG MYA NGAN LAS 'DAS PA MNYAM PAR BSGOM PA LA SPYOD PA'I BYANG CHUB SEMS DPA' RNAM PAR BYANG BA'I RTOGS PA SPANGS PA NYID KYIS 'DI SNYAM DU BDAG STOBS BCUS LUNG BSTAN BYANG CHUB REG 'GYUR RLOM SEMS MED DO, ,BYANG CHUB KYI RGYU MTSAN GYIS SKRAG PA MED DE, KUN NAS NYON MONGS PA'I RNAM PAR RTOG PA SPANGS PA'I PHYIR DE BAS NA CHOS THAMS CAD MA SKYES TE, 'DI @52A *, ,DAG SGYU MA LTA BU NYID YIN PA'I PHYIR DNGOS PO YOD PAR CUNG ZAD KYANG MA SKYES SO ZHES DE LTAR SPYAD PA SPYOD PA NI BDE GSHEGS SHES RAB STE, GNYI GA MNYAM PAR RTOGS PA NI SPYOD PA YIN NO, ,GNYI GA MNYAM PAR BSGOMS PAS SANGS RGYAS SU GYUR NAS DE MA THAG TU RANG GI SANGS RGYAS KYI ZHING SEMS CAN DANG SNOD KYI DBYE BAS SANGS RGYAS KYI ZHING RNAM PA GNYIS RNAM PAR DAG PAR BSTAN PA'I PHYIR, 'JIG RTEN ZHES BYA BA LA SOGS PA GSUNGS TE, CHU'I DGON PA DANG, MU GE'I DGON PA DANG, NAD DANG BCAS PA'I 'JIG RTEN NI NYE BAR MTSON PA NYID YIN TE, GZHAN YANG SEMS CAN DANG SNOD DU GYUR PA'I LOG PAR RTOGS PA'I GNAS MTHONG NAS JI LTAR BDAG GIS SANGS RGYAS KYI ZHING RNAM PA GNYIS SBYANG BAR BYA'O SNYAM PA DE LTA BU'I RNAM PAR RTOG PA MED DE, SRING MO GANG G'A'I LHA MO BZHIN DU SKRAG PA MED PAR BYANG CHUB SEMS DPA' BZLOG PAS NA, YANG SANGS RGYAS KYI ZHING RNAM PA GNYIS YONGS SU SBYANG BA'I PHYIR GO GYON TE, PHYI MA'I MU'I MTHA' RTAG TU YUL LA BRTZON ZHING DE'I THABS YONGS SU SHES PA'I PHYIR RAB TU SHES NAS SO, ,YONGS SU SKYO BA'I BLO NI RDUL TZAM SKYED MI BYED DO, ,YON TAN RIN PO CHE SDUD PA TSIGS SU BCAD PA LAS GANG G'A'I LHA MO'I LE'U STE BCU DGU PA'I BSHAD PA'O,, ,,SANGS RGYAS KYI ZHING YONGS SU DAG PAR BYAS NAS THABS LA MKHAS PAS 'KHOR BA JI SRID KYI BAR DU SANGS RGYAS KYI MDZAD PA'I RANG GI SANGS RGYAS KYI ZHING GI BYA BA'I THABS LA MKHAS PA BSTAN NAS DE'I YUL RE ZHIG BSTAN PA'I PHYIR, BYANG CHUB CES BYA BA LA SOGS PA GSUNGS TE, BYANG CHUB SEMS DPA' RGYAL BA'I SHES RAB SPYOD BYED CING, ,PHUNG PO 'DI DAG GZUGS LA SOGS PA STE, BSGOMS PA'I STOBS KYIS SHES SHING GDOD NAS STONG PAS KHYAD PAR DU 'GRO BA MED DO ZHES BYA BAR DGONGS SO, ,DE LTA BAS NA SGYU MA LTA BUR STONG PA NYID THABS LA MKHAS PA'I YUL YIN NO ZHES BSHAD PAR 'GYUR RO, ,YANG CI'I PHYIR GOMS PAR BYAS PAS KHYAD PAR DU 'GRO BAR 'GYUR ZHE NA, DE'I LAN DU THABS LA MKHAS PA'I SBYOR BA BSTAN PA'I PHYIR MNYAM PAR MA BZHAG CES BYA BA LA SOGS PA GSUNGS TE, JI SKAD BSTAN PA'I CHOS NYID @52B BSGOMS PAS YANG 'GRO BA'I DON BYED CING YE SHES MNYAM PAR BZHAG PAS SKYED PA NI, MNYAM PAR SNYING RJE SDUG BSNGAL BSAL BA'I PHYIR, SEMS CAN GYI KHAMS LA BLTAS NAS DE LTAR SNYING RJE DANG SHES RAB GNYIS KYI DBUS NA GNAS PA'I BAR SKABS DER RO, ,MNGON SUM BYA BA'I DUS DANG DUS MA YIN PA LA SBYOR BA'I STOBS KYIS YONGS SU MA NYAMS PAR SANGS RGYAS KYI CHOS MA 'DRES PA BCO BRGYAD LA SOGS PA THOB PA NI SBYOR BA YIN NO ZHES BSTAN TO, ,DE LA RE ZHIG PAR CHAD BYED PA'I CHOS LAS 'DA' BA'I THABS DPE SNGON DU 'GRO BAS BSTAN PA'I PHYIR DPER NA ZHES BYA BA LA SOGS PA GSUNGS TE, DPER NA SKYES BU 'GA' ZHIG 'JIG RTEN GYI THA SNYAD LA BZO BAS NA MKHAS PA'O, ,DPA' BA LA SOGS PA'I YON TAN GYIS BRGYAN PAS NA YON TAN KUN LDAN ZHING NGO, ,LUS KYI STOBS PHUN SUM TSOGS PA'I PHYIR STOBS LDAN NO, ,GZHAN GYIS ZIL GYIS MI NON PA'I PHYIR MI THUB PA'O, ,'DI DAG THAMS CAD KYI MTSAN NYID YONGS SU SHES PA'I PHYIR BRTZON BYAS SO, ,GZHAN 'DUN PAR BYED PA'I THABS LUS LA SOGS PA'I RNAM PAR 'GYUR BAR BYED PA LA GOMS PA'I PHYIR SGYU RTZAL CHOG SHES PA'O, ,'PHONG LEGS PAR BSLAB PA'I PHYIR 'PHONG GI PHA ROL TU PHYIN PA'O, ,RI MO LA SOGS PA'I LAS KYI GNAS KYI BYA BA LA MKHAS PA'I PHYIR BZO GNAS MANG BA'O, ,MA RUNGS PA'I SKYE BO MANG PO SLU BA LA GCIG TU MKHAS PA'I PHYIR SGYU MA SGRUB PA'I CHO GA SHES PA'O, ,SKYE BO DAM PA YONGS SU BSKYANG BA GTZOR BYED PAS NA 'GRO DON RAB TU 'DOD PA'O, ,DE LTA BU DE YANG DGRA'I GNOD PA YOD PA 'GA' ZHIG TU PHA DANG MA DANG CHUNG MAR BCAS TE, BU DANG BU MO YONGS SU BSDUS NAS, DGRA BYED MANG POS 'JIGS PA DANG BCAS PA'I DGON PA'I LAM DU ZHUGS PA STE, PHYIN PA NA DGRA MANG PO 'ONGS PA LA DE'I SGYU MA'I SGRUB PA SHES PAS SROG LA LTOS PA MED PAS NA DPA' BO'O, ,GZHAN GYIS ZIL GYIS MI NON PA'I NGANG TSUL CAN YIN PAS NA RTUL PHOD PA'O, ,SKYES BU MANG PO MNGON PAR SPRUL TE, BAR CHAD BYED PA MANG PO LAS 'DAS NAS DGON PA LAS BRGAL TE, BDE BAR PHYIN CING GNYUG MA'I KHYIM DU PHYIR 'ONG BA LTAR, DE BZHIN DE TSE NI GANG GI TSE STE, BYANG CHUB SEMS DPA' MKHAS PA @53A *, ,YANG DMIGS PA MED PA'I BYAMS PA MNGON SUM DU THOB PAS BYAMS PAS BDE BA LA SBYOR BAR 'DOD PA'I SEMS KYI RKYEN GYIS SEMS CAN GYI KHAMS KUN LA MNGON DU PHYOGS PA DANG 'BREL PA DE'I TSE 'DI LTAR LHA'I BU LA SOGS PA'I BDUD BZHI LAS 'DAS SHING NYAN THOS DANG RANG RGYAL GYIS GNYIS LAS KYANG RAB 'DAS NAS SANGS RGYAS THOB PAR BYED PA'I TING NGE 'DZIN MCHOG LA GNAS SHING, BYANG CHUB REG PAR MI BYED DE, BYA BA YONGS SU MA RDZOGS PA'I PHYIR RO, ,MI GNAS PAS GNAS PA'I THABS DANG DPE SNGON DU 'GRO BAS BSTAN PA'I PHYIR MKHA' LA ZHES BYA BA LA SOGS PA GSUNGS TE, DPER NA 'JIG RTEN CHAGS PA NA RIM PA BZHIN DU BRTEN TE, MKHA' LA RLUNG BRTEN, RLUNG DANG BCAS PA LA CHU'I PHUNG PO'O, ,DE LA YANG GSER GYIS GZHI'O, ,DE LA YANG SA CHEN PO, DE LA GLING BZHI PA'I 'JIG RTEN GYI KHAMS BRTEN TO, ,DE NAS SEMS CAN GYI LONGS SPYOD CHAGS TE, DE 'DRA STE RTZA BA'I RGYU LAS YIN PAR BLTA BAR BYA'O, ,GZHAN DU NA DNGOS PO THAMS CAD KYIS DBEN PA'I MTSAN NYID NAM MKHA' JI LTAR GNAS SU 'GYUR, RLUNG GI DKYIL 'KHOR GANG LA GNAS YIN TE, SMOS KYANG MI DGOS SO, ,'ON KYANG DE GNAS YIN PAR GRAGS TE, RAB TU GRAGS PA'I PHYIR JI SKAD BSTAN PA'I RGYU'I STOBS KYIS NGES PA 'BYUNG BA 'DI YID LA BYED PAS NAM MKHA'I KHAMS KYI DON 'DI BSAM PAR GYIS SHIG ,'DI LTAR DE BZHIN DU BYANG CHUB SEMS DPA' STONG PA NYID LA GNAS PA'I SBYOR BAS, 'GRO LA SEMS CAN GYI SKAL BA JI LTA BA BZHIN SNANG BA DANG, RANG GI SMON NAS SHES PA'I RGYU DE GNYIS TZAM GYI BYIN GYI RLABS CAN NI RTEN CAN NO, ,BYA BA RNAM PA SNA TSOGS NI BYA BA DU MA BYED CING SPRUL PA'I SKU NI RNAM PA SNA TSOGS PA'I BYA BA DU MA STON PAR BYED CING NGO, ,JI SKAD BSTAN PA'I THABS LA MKHAS PA'I STOBS KYIS MYA NGAN LAS 'DAS LA MI REG PAR DNGOS PO'I MTSAN NYID LAS 'DAS PAS STONG PA NYID LA GNAS PA MED DE, DE BAS NA DE NYID GNAS PAR GYUR PA YIN ZHES BYA'O, ,SNGON GYI SMON LAM YANG MI 'DOR BA'I THABS BSTAN PA'I PHYIR, GANG GI TSE ZHES BYA BA LA SOGS PA GSUNGS TE, GANG GI TSE NA BYANG CHUB SEMS DPA' MKHAS GSAL BA, CHOS THAMS @53B CAD MI DMIGS PAS STONG PA NYID KYI MCHOG DE NYID DANG, RNAM PAR G-YENG BA MA LUS PA NYE BAR ZHI BAS NA ZHI BA'O, ,DPA' BAR 'GRO BA LA SOGS PA'I TING NGE 'DZIN BSGOM PA NI 'DI SPYOD PA'O, ,DE LTAR TING NGE 'DZIN DANG STONG PA NYID KYI RANG BZHIN GNYIS KYI BAR SKABS DER BYANG CHUB SEMS DPA' GNAS TE, STONG PA NYID KYI STOBS KYI MTSAN MA RAB TU SGOM MI BYED, 'DI LA MTSAN MA MED DE TING NGE 'DZIN GYI STOBS KYIS GNAS PAR GYUR PA'O, ,JI SKAD BSTAN PA'I THABS LA MKHAS PA'I STOBS KYIS GANG 'DOD PA BZHIN DU MTHA' GNYIS SU MI LTUNG NGO, ,RIM PA JI LTA BA BZHIN DU MYA NGAN LAS 'DAS PA THOB PAR BYED PA'I 'DZIN PA MED PAS NA ZHI BA'O, ,'KHOR BA LA MNGON PAR ZHEN PA SPANGS PAS NA RAB ZHI BA'O, ,SPYOD PA NI MTSAN MA MED PA LA SPYOD PAR 'GYUR BA'O, ,MTHUN MONG MA YIN PA'I THABS LA MKHAS PA BSTAN PA'I PHYIR, BAR SNANG ZHES BYA BA LA SOGS PA GSUNGS TE, DPER NA BAR SNANG 'PHUR BA'I BYA LA GNAS NI GZHI'I RANG BZHIN RAB TU MI GNAS PA'I PHYIR MED DE, RNAM PAR DPYAD NA DE NAM MKHA' LA GNAS PA MED DO, ,GSHOG PA GNYIS KYI STOBS KYIS SA LA YANG MI LTUNG NGO, ,DE LTAR BYANG CHUB SEMS DPA' STONG PA NYID LA SOGS PA RNAM PAR THAR PA'I SGOR SPYOD PA'I SEMS CAN GYI DON BYED PA'I SAS BSKYED PA'I PHYIR MYA NGAN 'DAS LA MI REG GO, ,DMIGS PA SPANGS PA'I PHYIR MTSAN MAR SPYOD PA MA YIN TE, DE NI BYANG CHUB SEMS DPA'I NYAN THOS LA SOGS PA DANG, THUN MONG MA YIN PA'I THABS LA MKHAS PA YIN NO ZHES BSTAN PAR 'GYUR RO, ,CHAGS PA MED PA'I THABS LA MKHAS PA DPE SNGON DU 'GRO BAS BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA 'PHONG LEGS PAR LOBS PA'I SKYES BU 'GA' ZHIG GIS LEGS PAR GNAM DU MDA' 'PHANGS TE, MDA' GZHAN DAG NI PHYI BZHIN RGYUD MAR LONGS BTAGS NAS, DE'I SNGA MA'I MDA' DE SA LA LTUNG BA'I SKABS MI 'BYED DE, MI DE 'DOD NA MNGA' DE SA LA LTUNG BAR 'GYUR, DE LTAR SHES RAB PHA ROL PHYIN PA MCHOG DANG, THABS LA MKHAS PA CHEN PO'I RANG BZHIN LA SPYOD PA'I RGYAL BA'I SRAS SHES RAB DANG SNYING RJE LA SOGS @54A *, ,PA BSGOM PA DANG, RNAM PAR DPYOD PA'I MA CHAGS PA'I STOBS KYIS DE SRID STONG NYID DAM PA DE NI THOB MI BYED, GANG JI SRID DGE BA'I RTZA BA YONGS SU MA RDZOGS KYI BAR DU'O, ,STONG PA NYID DANG THABS LA MKHAS PA SNGA MA BZHIN DU BSTAN PA'I PHYIR, DPER NA ZHES BYA BA LA SOGS PA GSUNGS TE, NYON MONGS PA DANG BRAL BAS NA DGE SLONG NGO, ,DPER NA KHYAD PAR GYI LAM GYI STOBS KYIS RDZU 'PHRUL GYI STOBS CHEN PO DANG LDAN PA ZHIG NAM MKHAR GNAS TE, 'GRO BA 'DUL BA'I PHYIR, CIG CAR NGO MTSAR GNYIS KYIS ZUNG BYED PAS RNAM PAR 'PHRUL TE; 'DI LTA STE, 'GRO DANG 'CHAG PA DANG NI NYAL DANG 'DUG PA STON, ,STONG PA NYID BSGOM PA'I RNAM PAR THAR PA'I SGO NAS SKYO BA MED CING LEGS PAR GOMS PAS DE LA DU BA PA MED DE, JI SRID 'DOD PA DE SRID GNAS ZHES BYA BA NI LHAG MA'O, ,DE BZHIN DU BYANG CHUB SEMS DPA' MKHAS PA STONG GNAS SHING, YE SHES PHUL DU BYUNG BA THOB PA'I RDZU 'PHRUL SHES PAS PHA ROL SON NO, ,GNAS NGES PAR 'DZIN PA SPANGS PA'I PHYIR GNAS PA MED DO, ,RNAM PA DU MA'I BYA BA BYED PAS NA 'GRO BA DAG LA BYA BA RNAM PA SNA TSOGS SNYING RJES SPRUL PA'I SPRIN STON TO, ,RE RE'I RNAM PA MANG BAS MTHA' YAS SO, ,BSKAL PA BYE BAR STONG PA NYID DANG THABS LA MKHAS PA'I STOBS KYIS SKYO BA MED DO, ,SPRUL PA LEGS PAR GOMS PA'I STOBS KYIS DUB PA MED DO, ,MTSAN MA MED PA'I THABS LA MKHAS PA DE BZHIN DU RIG PAR BYA BA'I PHYIR, DPER NA ZHES BYA BA LA SOGS PA GSUNGS TE, DPER NA MI 'GA' G-YANG SA CHEN POR 'JUG BYED CING, ,LAG PA GNYI GAS GDUGS GNYIS 'DZIN PA NA DUS MA YIN PAR 'KHRUGS PA'I PHYIR DUS MA YIN PA'I RLUNG BYUNG BA'I TSE BDAG NYID G-YANG SA CHEN POR MCHONG BAR BYED CING, MI BZAD PAR LUS BOR YANG SDUG BSNGAL BAR LTUNG BAR MI 'GYUR TE, JI SRID DER NI 'DOD PA'I GNAS SU 'GRO BAR 'GYUR BA, DE BZHIN DU BYANG CHUB SEMS DPA' MKHAS PA SNYING RJER GNAS, ,THABS DANG SHES RAB GNYIS KYI GDUGS NI YONGS BZUNG STE, ,CHOS RNAMS STONG PA MTSAN MED SMON PA MED SPYOD PA, ,NGES PAR @54B YID CHES PAR BYED CING MTSAN MA MED PA'I THABS KYI STOBS KYIS MYA NGAN LAS 'DAS LA REG PA MED LA CHOS KYANG MTHONG, DE BZHIN DU GZHAN LA YANG STON PAR BYED DO, ,SMON PA MED PA'I THABS DPE SNGON DU 'GRO BAS RTOGS PAR BYA BA'I PHYIR, DPER NA ZHES BYA BA LA SOGS PA GSUNGS TE, DPER NA RIN CHEN 'DOD PA RIN CHEN GLING DU 'GRO'O, ,BEE d'U RYA LA SOGS PA'I RIN PO CHE'I 'BYUNG GNAS NI GLING NGO, ,GANG GI TSE YANG DER NI DED DPON 'BA' ZHIG BDE BAR 'TSO BYED CING, DE'I TSE YANG RIN CHEN RNYED NAS PHYIR YANG KHYIM DU 'ONG BA LTAR, GNYEN BSHES TSOGS LA CI NAS BRTZE BA DANG MA BRAL BA'I PHYIR DBUL BA'I SDUG BSNGAL GYIS YID MI BDE BAR MI 'JOG PA LTAR ZHES RIM PA BZHIN DU SBYAR RO, ,DE BZHIN DU BYANG CHUB SEMS DPA' STONG PA NYID NI YON TAN RIN PO CHE 'BYUNG BA'I PHYIR RIN CHEN GYI GLING NGO, ,BYANG CHUB SEMS DPA' SONG STE PHYIN NAS BSAM GTAN DBANG PO STOBS THOB PA, GANG GI TSE MYA NGAN LAS 'DAS PA LA REG PA 'BA' ZHIG MNGON DGA' BA DE LTA YIN NA YANG SNGON GYI SMON LAM GYI STOBS KYIS SEMS CAN SDUG BSNGAL NI SKYE BA LA SOGS PA'O, ,YID LA THABS LDAN PA'I PHYIR, DPER NA ZHES BYA BA LA SOGS PA GSUNGS KYI MYA NGAN LAS 'DAS PA MNGON DU BYED PAR MI 'GYUR RO, ,DE BZHIN DU PHYI MI LDOG PA'I RTAGS KYI THABS LDAN PA'I PHYIR, DPER NA ZHES BYA BA LA SOGS PA GSUNGS TE, DPER NA TSONG PA MNGON PAR 'DOD PA'I DON GNYER BA BRGYUS TE, 'TSONG PA DANG NYO BA'I ZONG GI RIN THANG SHES PAR BYA BA'I PHYIR, BAR GYI GRONG KHYER GRONG RDAL GRONG GANG YIN PAR 'GRO, ,DER YANG NI GRONG KHYER LA SOGS PAR RO, ,RIN CHEN GLING DU'ANG MI GNAS LA, ,RIG PA KHYIM DU'ANG MI GNAS SO, ,'ON KYANG DE NYID KYIS RKUN MA LA SOGS PA THAG PA BSRING BA'I THABS SHES PA'I BDAG NYID YIN PA'I PHYIR LAM LA MKHAS PA'O, ,NOR SOGS PAR BYED PAS NA RNAM PAR RIG PAR BYED PA'I PHYIR RANG GI KHYIM DU BSKYAB PAR BYA BA'I SEMS CAN LA RJES SU BRTZE BAS 'ONG BAR 'GYUR RO, ,DE BZHIN DU BYANG CHUB SEMS DPA' DAD PA'AM, SNYING RJE DANG SHES RAB KYI SBYOR BA SHES PAS NA MKHAS PA BLO LDAN NO, ,NYAN THOS DANG RANG SANGS RGYAS @55A *, ,RNAMS KYI LAM SHES PAS RNAM PAR GROL BA KUN LA MKHAS TE, DE DAG GIS 'DUL BA'I SEMS CAN GYI DON RAB TU GOMS PAS NA MKHAS PA'O, ,SEMS CAN GYI DON YONGS SU MI GTONG BAS NA DE DAG MNGON DU MI BYED PAS DE LA YANG MI GNAS SO, ,BYA BA MA BYAS PAS NI DE BZHIN DU DE BZHIN GSHEGS PA'I YE SHES LA MI GNAS SO, ,'DUS BYAS KYI NYES PA RTOGS PA'I PHYIR 'DUS BYAS LA YANG MI GNAS SO, ,DE NYID KYI PHYIR THAMS CAD DU 'GRO BA'I LAM YIN NO, ,YON TAN DANG SKYON RIM PA JI LTA BA BZHIN DU YONGS SU SHES PA LA MKHAS PA NI TSUL SHES PA YIN TE, DE LTA BU NI PHYIR MI LDOG PA ZHES BYA STE, THUN MONG MA YIN PA'I CHOS YIN NO ZHES BSTAN PAR 'GYUR RO, ,TSAD MED PA'I THABS LA MKHAS PA BSTAN PA'I PHYIR, GANG TSE ZHES BYA BA LA SOGS PA GSUNGS TE, GANG GI TSE BDE BA LA SBYOR BAR BYED CING 'GRO LA BYAMS PA RJES SU 'BREL BYAS NAS, TING 'DZIN STONG PA MTSAN MED SMON PA MED SPYOD PA DE'I TSE SEMS CAN TSAD MED PA LA STONG PA NYID LA SOGS PA'I DMIGS PA STOBS KYIS RIM PA JI LTA BA BZHIN DU DE NI MYA NGAN 'DAS PA THOB PAR 'GYUR ZHE NA, RGYAL BA'I SRAS DES DE BZHIN DU YANG 'DUS BYAS YIN PAR GDAGS NUS DE NI GNAS MED DO, ,ZHES BYA BA NI TSIGS SU BCAD PA'I DON TO, ,DE NYID KYI DON DPES GSAL BAR BSTAN PA'I PHYIR, DPER NA SPRUL PA'I MI NI SNGAGS LA SOGS PAS MIG BSLAD PAS MTHONG BA'I LAM DU MI'I LAS SU MI SNANG BA MA YIN ZHING, RIG PAS DPYAD NA STONG PA'I PHYIR, DE NI GANG GIS KYANG NI GDAGS PAR NUS PA YIN ZHES BYA BAR 'BREL TO, ,DE BZHIN DU BYANG CHUB SEMS DPA' SEMS CAN LA DMIGS PA MED PA STONG PA NYID LA SOGS PA'I RNAM PAR THAR PA'I SGOR SPYOD PAS DE'I 'DUS BYAS DANG 'DUS MA BYAS KYI KHAMS ZHES MING GIS KYANG NI GDAGS PAR NUS PA YIN ZHES BYA BA SNGA MA DANG 'BREL TO, ,DE LTA BAS NA THABS SNGA MA SNGA MA NI THABS PHYI MA PHYI MA'I RGYU'I GTZO BO YIN TE, STONG PHRAG BRGYA PA LAS THABS KYI DBYE BA RNAM PA BCU GSUNGS PA BZHIN BLTA'O, ,THABS MTHA' YAS PA THAMS CAD 'DIR 'DUS PA YIN NO, ,RGYU GZHAN @55B BRJOD PAR BYA BA MED DO ZHES NYE BAR SBYAR BA'I PHYIR, GAL TE ZHES BYA BA LA SOGS PA GSUNGS TE, GAL TE RGYAL BA'I SRAS KYI GNAS PAR BYA BA SPYOD PA DANG NI DBANG PO ZAB MO'I CHOS DRIS LA RGYAS PAR BSTAN PA GSAL BAR BYED PA JI SKAD BSTAN PA'I THABS SHES PAR MI BYED DE, BYANG CHUB SEMS DPA' STONG PA MTSAN MA MED PA DANG, SMON PA MED PA'I RNAM PAR THAR PA'I SGO DANG, PHYIR MI LDOG PA'I SA'I CHOS TE, SEMS CAN THAMS CAD LA YONGS SU BTANG BA'I SEMS BSKYED PA'O, ,BSDUS NAS BSTAN PA RGYAS PAR MI 'CHAD PA DE NI LUNG MA BSTAN PA YIN PAR RIG PAR BYA'O ZHES BSTAN TO, ,DE DAG GIS NI RNAM PA KUN MNGON PAR RDZOGS PA BSTAN PA YIN TE, DE SKAD DU YANG, RNAM PA SBYOR DANG BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,RNAM KUN MNGON RDZOGS RTOGS PA STE, ,'DI NI THABS MKHAS BCAS PA YIN, ,ZHES GSUNGS SO, ,RNAM PA KUN MNGON PAR RDZOGS PAR RTOGS PA THOB PA NI DE MA THAG TU RAB KYI MTHAR THUG PA RTZE MO'I MNGON PAR RTOGS PA YIN PAS RE ZHIG DE'I RTAGS BSTAN PA'I PHYIR, DGRA BCOM ZHES BYA BA LA SOGS PA GSUNGS TE, DGRA BCOM PA DANG RKYEN GYI SANGS RGYAS YE SHES DANG, KHAMS GSUM DAG KYANG MI 'DOD DE, ,SHIN TU GOMS PAR BYAS PA'I PHYIR RO, ,RMI LAM NA YANG SANGS RGYAS RNAMS MTHONG 'GRO LA CHOS KYANG STON BYED PA DE LTA BU NI RTZE MO'I MNGON PAR RTOGS PA STE, DE NI MI LDOG LUNG BSTAN YIN PAR RIG PAR BYA, ,DE BZHIN DU, RMI LAM NA NI SEMS CAN NGAN SONG GSUM GNAS MTHONG, ,RMI LAM DU RTOGS PA'I PHYIR, SKAD CIG DE LA NGAN SONG RGYUN GCOD SMON LAM 'DEBS, DE BZHIN DU BDEN PA'I BYIN GYI BRLABS KYIS RMI LAM GYI GNAS SKABS NA YANG GRONG KHYER LA SOGS PA TSIG PA'I ME'I PHUNG PO ZHI BA DE LTA BU NI DE NI MI LDOG LUNG BSTAN YIN PAR RIG PAR BYA, DE BZHIN DU MI'I 'JIG RTEN 'BYUNG PO'I GDON DANG NAD MANG BA, BDEN PA'I BYIN GYI RLABS KYIS ME'I @56A *, ,PHUNG PO ZHI BA DANG, 'GRO BA RJES SU GZUNG BA'I BLOS PHAN DANG SNYING BRTZER LDAN PAS 'BYUNG POS ZIN PA BSAL NAS BDAG BSTOD CING NGA RGYAL SKYE BAR MI BYED PA DANG, YANG GZHAN DAG LA SMOD PAR MI BYED PA DE LTA BU NI SNGA MA BZHIN DU, DE NI MI LDOG LUNG BSTAN YIN PAR RIG PAR BYA, ,YON TAN RIN PO CHE SDUD PA TSIGS SU BCAD PA LAS THABS LA MKHAS PA'I LE'U STE NYI SHU PA'I BSHAD PA'O,, ,,BDUD KYI BYIN GYI RLABS KYIS SONG BA NI RTAGS MA YIN PA'I PHYIR, CI STE ZHES BYA BA LA SOGS PA GSUNGS TE, GZHAN YANG BYANG CHUB SEMS DPA' DE NI BDEN PA'I BYIN RLABS SNA TSOGS DAG ,'BYOR PAS BDAG LUNG BSTAN SNYAM RLOM SEMS 'BYUNG BA'AM, ,DE BZHIN DU GAL TE BYANG CHUB SEMS DPA' GZHAN GYIS LUNG BSTAN PAS BYANG CHUB SEMS DPA' GZHAN LA SMOD PA DE'I TSE RLOM SEMS GNAS PA DE NI BDUD KYI BYIN GYIS BRLABS PA YIN TE, DE MA THAG TU CHE BAS CHE BA'I NGA RGYAL 'BYUNG BAS BLO CHUNG BA DANG, SEMS CHUNG BA'I ZHES BYA BA'I BAR DU SHES PAR BYA'O, ,ZHAR LAS 'BYUNG BA'I BDUD KYI LAS KYI BYE BRAG BSTAN PA LAS MING GI GZHI LAS 'BYUNG BA'I BDUD KYI LAS BSTAN PA'I PHYIR RO, ,MING GI ZHES BYA BA LA SOGS PA GSUNGS TE, MA LA SOGS PA'I MING BRJOD CING BYIN GYIS RLOB PA BDUD KYI LAS TE, NYE BAR 'ONGS GYUR NAS, 'DI SKAD SMRA STE, 'DI NI KHYOD DANG PHA DANG MA DANG, KHYOD KYI GZHAN YANG BRGYUD PA BDUN MES BRGYUD KYI BAR GYI MING 'DI YIN ZHING, GANG ZAG 'BYUNG BA'I RIGS DANG MING 'DI ZHES BYA'O ZHES SMRA ZHING, DE BZHIN DU GANG TSE KHYOD NI SANGS RGYAS 'GYUR BA'I MING 'DI YIN NO ZHES BYA BAS DE'I TSE YANG GANG DE NYID KYIS BSAM PA'I MING LTAR MING DE NYID DU 'GYUR BAS SMRA BAR 'GYUR TE, DE THOS PAS MNGON PA'I NGA RGYAL SKYES NAS BDUD NYE BAR 'ONGS PAS 'DI NI BLO CHUNG DU YIN NO ZHES 'CHAD PAR 'GYUR BA DANG 'BREL TO, ,SBYANGS PA'I YON TAN GYI GZHI LAS BYUNG BA'I BDUD KYI LAS BSTAN PA'I PHYIR, SBYANGS SDOM ZHES BYA BA LA SOGS PA GSUNGS TE, SBYANGS PA'I YON TAN GANG CI 'DRA BA BSOD SNYOMS PA NYID LA SOGS PA DANG LDAN PA @56B DANG; RNAL 'BYOR DANG LDAN PA LA KHYOD SNGON YANG YON TAN TSUL YANG 'DI 'DRA ZHES BRJOD DE, DE SKAD GANG THOS RLOM SEMS TE MNGON PA'I NGA RGYAL SKYES NA BYANG CHUB SEMS DPA' DE NI BDUD KYIS YONGS SU BSLANGS TE BDUD 'ONGS PA DE NI BLO CHUNG BA BSAM PA DMAN PA'O ZHES BYA BA'I BAR DU SHES PAR BYA'O, ,YANG DBEN PA'I GZHI LAS BYUNG BA'I BDUD KYI LAS BSTAN PA'I PHYIR, RAB TU DBEN PA'I ZHES BYA BA LA SOGS PA GSUNGS TE, LJON SHING GI SKYE BA 'JIG PA'I PHYIR, RAB TU DBEN PA'I GRONG DANG GRONG KHYER RO, ,CHU 'BAB PA DANG LDAN PA'I PHYIR RI SUL LO, , GRONG LAS RGYANG GRAGS KYI TSAD TZAM NA GNAS PA NI DGON PA'O, ,'BROG DGON PA LA SOGS PAR STAG LA SOGS PA DANG BRAL BA'I PHYIR RAB TU DBEN PA'O, ,NAGS KYI KHYAD PAR NI NAGS KHROD DE RAB TU STEN BYED CING GAL TE BDAG LA BSTOD LA YON TAN LA SOGS PA MNGON PA'I NGA RGYAL GYIS GZHAN LA SMOD CING NGAN PAR SPYOD NA BYANG CHUB SEMS DPA' DE NI BDUD KYI LAS KYIS YONGS SU BSLANG ZHING DE NI BLO CHUNG GI BSAM PA BZANG PO MA YIN NO ZHES BYA BA'I BAR DU'O, ,'O NA DBEN PA'I GNAS JI LTA BU YIN ZHE NA, RTAG TU ZHES BYA BA LA SOGS PA GSUNGS TE, LUS 'PHAGS LA SOGS PA NI GRONG NGO, ,TZAM PA KA LA SOGS PA NI YUL LO, ,PA TRA LI PU TRA LA SOGS PA NI YUL 'KHOR TE, RTAG TU GNAS BYED CING GZHAN DU NA NYAN THOS LA SOGS PA'I GDUL BYA'I SEMS CAN YONGS SU SMIN PAR BYA BA'I PHYIR BLA NA MED PA'I BYANG CHUB TU YANG DAG PAR BSAM PA DAG PAR ZHUGS PAS BYANG CHUB LA BRTZON PAS GNAS PA'O, ,DE NI DGRA BCOM PA DANG RANG RGYAL NI RANG RGYAL LO, ,'DOD PA GZHAN YANG SKYED MI BYED DE, BSTAN MA THAG PA DE DAG DANG, MI DGE BA'I CHOS THAMS CAD LAS DBEN PA NI DBEN PAR BSTAN TE, DE BZHIN GSHEGS PA ZHES BYA BAR 'BREL TO; ,'DI NI CHOS KYI DBYINGS LAS BYUNG BA'I PHYIR RO, ,BDE BAR GSHEGS PA'I SRAS KYIS DBEN PAR GSUNGS SO, ,GZHAN NI DBEN PA MA YIN NO ZHES BSTAN PA'I PHYIR, GANG ZHIG CES BYA BA LA SOGS PA GSUNGS TE, GANG ZHIG DPAG TSAD LNGA BRGYA YOD PA'I RI SUL TE, SBRUL NI SBRUL @57A *, ,GDUG PA'O, ,GANG GI PHYIR LO MANG BYE BAR GNAS BYED KYANG GNAS NI KHYIM MO, ,DBEN PA 'DI NI BSTAN MA THAG PA YIN PAR MI SHES PA'I BYANG CHUB SEMS DPA' NYAN THOS LA SOGS PA'I YID LA BYED PA DANG LDAN PA'I PHYIR BYANG CHUB SEMS DPA' DE SNYAM DU RLOM NA LHAG PA'I NGA RGYAL RNYED NAS 'DRE BAR GNAS PA YIN TE, BYANG CHUB SEMS DPA' NYID THOB PA MA YIN NO, ,NGA RGYAL GYI YUL DE NYID BDUD KYI SPYOD YUL LAS MA 'DAS PAR BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, GAL TE BYANG CHUB SEMS DPA' 'GRO BA'I DON LA MNGON DU PHYOGS PA NA BRTZON PA'O, ,BZOD PA NAS CHOS KYI MCHOG GI BAR GYI DAD PA LA SOGS PA NI STOBS SO, ,BSAM GTAN NI BZHI STE MNYAM PAR SGRUB PA'O, ,DROD DANG RTZE MO'I RANG BZHIN DAD PA LA SOGS PA NI DBANG PO'O, ,STONG PA NYID LA SOGS PA NI RNAM PAR THAR PA'O, ,DPA' BAR 'GRO BA LA SOGS PA NI TING NGE 'DZIN TO, ,THOB PA DE LA 'DI NI DGON DBEN SPYOD PA MIN SNYAM BYANG CHUB SEMS DPA' BRNYAS BYED NA, ,DE NI BDUD KYI SPYOD YUL GNAS ZHES RGYAS BAS GSUNGS, ,RGYA CHER BSTAN PA NYID NYE BAR BSDU BA'I PHYIR, GANG ZHIG CES BYA BA LA SOGS PA GSUNGS TE, GANG ZHIG GRONG NGAM 'ON TE DGON PAR GNAS KYANG RUNG, RNAM PA THAMS CAD DU NYAN THOS LA SOGS PA'I YID LA BYED PAS DBEN PA NI THEG PA GNYIS KYI SEMS BRAL LO, ,BLA NA MED PA'I BYANG CHUB TU NGES PAS NA BYANG CHUB MCHOG NGES SO, ,BYANG CHUB SEMS DPA'I DBEN PA DE LAS GZHAN NI NYAN THOS LA SOGS PA DANG 'BREL PA YON TAN CHUNG NGU THOB PAR BYED PA DE NYID KYI PHYIR ZAD PAR BYED CING 'DOR RO, ,GANG GI PHYIR BSTAN MA THAG PA'I NYES PAS DBEN ZHING 'GRO DON ZHUGS PA RNAMS KYI STE, RGYAL BA'I SRAS RNAMS YIN NO, ,YON TAN RIN PO CHE SDUD PA TSIGS SU BCAD PA LAS BDUD KYI LAS KYI LE'U STE NYI SHU RTZA GCIG PA'I BSHAD PA'O,, ,,GANG GIS YONGS SU MA SHES PA DE NYID NYES PA STE, MI MTHUN PA'I PHYOGS DE DAG DGAG PA'I PHYIR, DE LTA BAS NA ZHES BYA BA LA SOGS PA GSUNGS TE, GANG GI PHYIR BSTAN MA THAG PA'I NGA RGYAL @57B NYES PA YIN PA DE LTA BAS NA NGES PAR BCOM STE, DE LTA BU NI 'KHOR BAR LTUNG BA'I THABS SPONG BAS NA MKHAS PA'O, ,MNGON PAR YID CHES PA MANG BA'I PHYIR BSAM PA DRAG LDAN NO, ,BYANG CHUB DAM PA TSOL BA DES NA NAD PA'I TSOGS KYIS SMAN PA BSTEN PA LTAR, 'DOD CHAGS LA SOGS PA RANG GI NAD GSO BA'I PHYIR G-YEL BA MED PAR DGE BA'I BSHES GNYEN BSTEN PAR BYA'O ZHES BSTAN TO, ,DGE BA'I BSHES GNYEN YANG GANG ZHIG YIN ZHE NA, SANGS RGYAS ZHES BYA BA LA SOGS PA GSUNGS TE, SANGS RGYAS NI BCOM LDAN 'DAS SO, ,BYANG CHUB MCHOG ZHUGS BYANG CHUB SEMS DPA' DAG GIS DGE BA'I BSHES GNYEN DAG PHA ROL TU PHYIN PA DRUG RAB TU STON PA NYID DO, ,DE SMAN PA LA SANGS RGYAS LA SOGS PA NI PHAN PA DANG PHAN PA MA YIN PA THOB PA DANG SPONG BA RJES SU STON PA YIN NO, ,SBYIN PA LA SOGS PA PHA ROL TU PHYIN PA RNAMS NI RJES SU GNAS PAR BYA BA YIN PA'I PHYIR SGRUB PA'I SA NYID YIN NO, ,DE LTAR RGYU RNAM PA GNYIS KYIS SANGS RGYAS BYANG CHUB MYUR DU RTOGS TE, DE LAS MA GTOGS PA'I DGE BA'I BSHES GNYEN GZHAN MED DO, ,SANGS RGYAS DANG BYANG CHUB SEMS DPA' THAMS CAD KYI PHA ROL TU PHYIN PA KHO NA SGRUB PA'I SA MA YIN NAM, JI LTAR DE NYID KHO NA YIN PAR STON CES DOGS PA LA, RGYAL BA ZHES BYA BA LA SOGS PA GSUNGS TE, 'GAGS PAS NA 'DAS PA'O, 'BYUNG BAR 'GYUR BA'I DUS YIN PA'I PHYIR MA BYON PA'O, ,DE LTAR NYID YIN PA'I PHYIR BZHUGS PA'O, ,PHYOGS BCU DAG GI SANGS RGYAS BCOM LDAN 'DAS DE DAG KUN TE, SANGS RGYAS JI SNYED PA'I LAM PHA ROL TU PHYIN PA'I MTSAN NYID 'DI YIN TE, GNYIS PA MED PA'I PHYIR GZHAN MA YIN TE, GZHAN GYIS PHYIN CI LOG SPONG BA MED PA'I PHYIR RO, ,GANG GI TSE NYON MONGS PA'I SGRIB PA'I MUN PA BSAL BAS NA BSAL BA'O, ,SHES BYA'I SGRIB PA'I MUN PA BSAL BAS NA SGRON MA'O, ,DE BZHIN DU YANG BYANG CHUB MCHOG LA ZHUGS PA'I BYANG CHUB SEMS DPA' RNAMS MTHONG BA'I LAM GYIS SNANG BAR BYED PAS NA SNANG BA'O, ,YANG BSGOM PA'I LAM BSKYED PA RJES SU STON PAS STON PAR 'GYUR BA'O, ,YANG @58A *, ,DAG PAR PHA ROL TU PHYIN PA 'DI DAG STON PA'I PHYIR 'DI DAG NYID KHO NA SGRUB PA'I SA YIN PAR DGONGS SO, ,ZHAR LA BYUNG BA BSTAN NAS DA NI SKABS LA BAB PA NYID KYIS JI SKAD BSTAN PA'I RTAGS LA MNGON PAR ZHEN PA MA GRUB PAR BSTAN PA'I PHYIR RO, ,JI LTAR ZHES BYA BA LA SOGS PA GSUNGS TE, JI LTAR SHES RAB KYI PHA ROL TU PHYIN PA SGYU MA LTA BUR GCIG DANG DU MA'I RANG BZHIN DANG BRAL BA'I PHYIR STONG PA NYID KYI MTSAN NYID YIN PA DE BZHIN DU GZUGS LA SOGS PA'I CHOS 'DI DAG THAMS CAD KYANG STONG PA NYID KYI MTSAN NYID DU DE DANG 'DRAR SHES SHING, DE BAS NA CHOS RNAMS STONG ZHING MTSAN MA MED PAR RAB SHES NA, GANG GI TSE JI SKAD BSTAN PA'I RTAGS LA SPYOD PA DE'I TSE DE LTAR SPYOD PA BDE GSHEGS SHES RAB SPYOD PA YIN, JI SKAD BSTAN PA'I RTAGS KYI RANG BZHIN RNAMS DANG, CHOS RNAMS THAMS CAD STONG PA NYID YIN NA JI LTAR KUN NAS NYON MONGS PA DANG RNAM PAR BYANG BAR GZHAG CE NA, SEMS CAN ZHES BYA BA LA SOGS PA GSUNGS TE, BDAG DANG BDAG GIR ZHEN PAS KHAM GYI ZAS LA SOGS PA 'DOD BYED CING, 'DOD PA DANG GZUGS LA SOGS PA'I SEMS CAN DU YONGS SU RDOG PAS 'KHOR BA SGRUB PA DANG, SRUNG BA MI ZAD PA'I SKYE BO PHYIN CI LOG LA CHAGS PA'I YID LA BYED PA DANG LDAN PAS DES SKYE BO SRUNG BA RTAG TU 'KHOR RO, ,YANG DE KHO NA NYID DU BDAG DANG BDAG GI LA SOGS PA'I CHOS NYID GNYIS MA SKYES PA'I PHYIR YANG DAG MIN TE STONG PA'O, ,PHYIN CI LOG GI STOBS KYIS NAM MKHA' LA MDUD PA BOR RO, ,DE BZHIN DU SKYE BO RNAMS RANG NYID BCINGS PA STE GROL BAR DKA' ZHES BYA BA'I BAR DU'O, ,CI'I PHYIR ZHE NA, THA SNYAD LA MI MKHAS PA'I PHYIR BYIS PA STE, BYIS PA BZHIN GROL BAR MI NUS ZHES BYA BA'I BAR DU'O, ,DES NI KUN NAS NYON MONGS PA'I DNGOS POR RNAM PAR GZHAG GO, ,CI 'DI DAG PHYIN CI LOG GI STOBS KYIS KUN DU STON PAR RNAM PAR GZHAG CE NA, DPER NA ZHES BYA BA LA SOGS PA GSUNGS TE, DPER NA DUG MED PA LA PHYIN CI LOG GI STOBS KYIS DUG TU SHES PA NYID KYIS DUG LANGS TE MI LA KHYAB PA'O, ,DUG DE KHONG DU SONG BA MED KYANG BRGYAL BAR 'GYUR, DE BZHIN DU 'PHAGS PA'I LAM MA SKYES @58B PA'I PHYIR YANG BYIS PA'O, ,PHYIN CI LOG GI STOBS KYIS LEGS PAR SBYAR TE, 'DI NI BDAG GO, ,'DI NI BDAG GI CHOS SO SNYAM MO, ,DE SKAD DU YANG, BDAG YOD PA NI GZHAN DU SHES, ,BDAG GZHAN CHA LAS 'DZIN DANG SDANG, ,DE GNYIS DANG NI 'BREL PA LAS, ,NYES PA MA LUS 'BYUNG BAR 'GYUR, ,ZHES GSUNGS PA YIN NO, ,DE LTAR BDAG TU 'DU SHES PA SKYES PA DES KYANG DE DAG NYID DU DBEN ZHING STONG PA'I PHYIR YANG DAG PA MA YIN PA LA BYIS PAS SGRO BTAGS SO, ,JI SKAD BSTAN PA'I NUS PA LAS BZLOG PA NI RNAM PAR BYANG BA'I DNGOS POR RNAM PAR GZHAG GO; ,BDEN PA GNYIS LA YANG DAG PAR BRTEN NAS GNYI GA RNAM PAR GZHAG PA NYE BAR BSDU BA'I PHYIR, JI LTAR ZHES BYA BA LA SOGS PA GSUNGS TE, JI LTAR 'DZIN PA STE MNGON PAR ZHEN PA NI KUN RDZOB BO, ,DE LTAR KUN NAS NYON MONGS PA BSTAN NAS JI SKAD BSTAN PA'I MNGON PAR ZHEN PA BDAG DANG BDAG GI CHOS SO, ,JI LTAR MI DMIGS PA DE LTAR RNAM PAR BYANG BAR GSUNGS, DE KHO NA NYID DU 'DI LA GANG YANG STE, SGYU MA LTA BU YIN PA'I PHYIR PHYIN CI LOG MED PAS GANG ZHIG NYON MONGS RNAM DAG 'GYUR MED PA, ,BYANG CHUB SEMS DPAS SHES RAB PHA ROL PHYIN PA RTOGS, ,CHOS NYID CES BYA BA'I TSIG GI LHAG MA'O, ,DE LTAR DE'I RTAGS SHES PAR BYAS NAS RTZE MO'I MNGON PAR RTOGS PA'I RNAM PAR 'PHEL BA BSTAN PA'I PHYIR 'DZAM BU'I ZHES BYA BA LA SOGS PA GSUNGS TE, 'DZAM BU'I GLING NA SEMS CAN JI SNYED GNAS PA MA LUS PA, ,DE DAG THAMS CAD BYANG CHUB MCHOG TU SEMS BSKYED NAS, ,SANGS RGYAS DANG BYANG CHUB SEMS DPA' RNAMS LA LO STONG BYE BA MANG POR SBYIN PA BYIN BYAS LA, DE DAG KUN NI GZHAN YANG NGO, ,'GRO BA'I DON MNGON PAR 'DOD PA NI DON TE CHED DU BYANG CHUB RGYUR YONGS BSNGO YANG, GANG ZAG GZHAN GANG ZHIG GIS RTZE MO MNGON PAR RTOGS PA'I RANG BZHIN NI SHES RAB KYI PHA ROL TU PHYIN PA'O, ,DE LA BRTZON PA THA NA NYI MA GCIG CIG YANG DAG PAR RJES SU MTHUN BYED NA, 'DIR SHES RAB KYI PHA ROL TU PHYIN PA LA MNGON PAR BRTZON PA RNAM PA THAMS CAD 'PHEL BA DANG LDAN PA'I PHYIR GANG ZAG SNGA MA'I BSOD NAMS LA LTOS @59A *, ,NAS SNGAR BSTAN PA'I SEMS CAN DE DAG GI SBYIN PA'I PHUNG POS BSOD NAMS KYI RGYU'I CHAR YANG PHOD PAR MI 'GYUR RO, ,DE'I PHYIR G-YEL BA MED PAR RTAG TU SHES RAB 'JUG PAR BYA STE, BSGOM PAR BYA ZHES LHAG MA'O, ,YUL 'DI 'BA' ZHIG LA GOMS PAR BYA BA MA YIN LA, 'ON KYANG SNYING RJE YANG GOMS PAR BYA'O ZHES BSTAN PA'I PHYIR SHES RAB CES BYA BA LA SOGS PA GSUNGS TE, SHES RAB PHA ROL PHYIN MCHOG SPYOD PA JI LTAR BSTAN PA'I RANG BZHIN LA MNYAM PAR 'JOG PA'I TSE RGYAL BA'I SRAS DE NI RNAL 'BYOR PA'O, ,SNYING RJE CHEN PO BSKYED KYANG SEMS CAN 'DU SHES MED DE, MNGON PAR ZHEN PAS SEMS CAN DU 'DU SHES PAR MI BYA'O, ,DE'I TSE RTAGS SNGON DU 'GRO BA NYID KYIS NA MKHAS PA'O, ,'GRO BA KUN GYI BSOD NAMS KYI ZHING YIN PA'I PHYIR SBYIN GNAS 'GYUR RO, ,DUS RTAG TU GDON MI ZA BAR THOB PA'I 'BRAS BU STER BA'I NUS PA DANG LDAN PA'I PHYIR YUL 'KHOR BSOD SNYOMS DON YOD YONGS SU SPYOD DO, ,DE BAS NA SEMS CAN GYI DON GYI RAB SNYING RJE DANG SHES RAB GNYIS KYI RNAL 'BYOR SGRUB BO ZHES BSTAN PA'I PHYIR, BYANG CHUB SEMS DPA' ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG 'DIR RANG GI PHYIN CI LOG GI STOBS KYIS DUS YUN RING POR BCING BA'I LHA MI NGAN SONG GSUM NI SEMS CAN DMYAL BA LA SOGS PA'O, ,DGROL BAR YANG DAG PAR 'DOD PAS LAM YANGS NI THEG PA CHEN PO'O, ,'KHOR BA'I RGYA MTSO'I PHA ROL GYI 'GRAM SEMS CAN GYI KHAMS LA STON PAR 'DOD PAS ZHES SNGA MA DANG 'BREL TO, ,DE BAS NA NYIN MTSAN DU SHES RAB KYI PHA ROL TU PHYIN PA SNYING RJE DANG BCAS PA 'DI LA BRTZON PAR BYA'O, ,DON DE NYID KHO NA ZHES DPES GSAL BAR BYA BA'I PHYIR, MI ZHIG CES BYA BA LA SOGS PA GSUNGS TE, DPER NA MI ZHIG SNGON CHAD MA RNYED PA'I RIN CHEN MCHOG STE, KHYAD PAR DU 'PHAGS PA'I DUS GZHAN ZHIG RNYED PAR GYUR TE DGA' BA LAS, DE MA THAG TU YANG RNAM PAR G-YENG BA LA SOGS PA'I SPYOD PAS BAG MED PAR GYUR TE, RNYED PA STOR NA NI DE LA STOR BAR MI 'DOD PA DANG MNGON PAR 'DOD PA'I DNGOS PO DANG BRAL BA'I YID LA BYED PAS RIN CHEN 'DOD PAS RTAG TU SDUG @59B BSNGAL LO, ,DE LTAR DE BZHIN DU BYANG CHUB MCHOG ZHUGS RNYED PAR DKA' BA'I PHYIR RIN PO CHE DANG 'DRA BA'I SNYING RJE DANG BCAS PA'I SHES RAB KYI PHA ROL TU PHYIN PA YID LA BYED PA DOR BAR MI BYA'O, ,RIN CHEN DOR BA RNYED PA LTAR, ,'DI LTAR GOS LA SOGS PA LA GTUMS NAS RAB TU BRTZON PAS SEMS CAN 'DZIN TO, ,GANG GI TSE SHES RAB KYI PHA ROL TU PHYIN PA DUS YUN RING POR GOMS PA DANG RJES SU 'BREL BA DE'I TSE BYANG CHUB SEMS DPA' MYUR BA NYID DU YANG DAG PA'I LAM DU ZHUGS PA'I PHYIR MYA NGAN LAS 'DAS PA THOB PAR 'GYUR RO, ,YON TAN RIN PO CHE SDUD PA TSIGS SU BCAD PA LAS DGE BA'I BSHES GNYEN GYI LE'U STE NYI SHU RTZA GNYIS PA'I BSHAD PA'O,, ,,SNYING RJE DANG SHES RAB DAG GIS RNAM PAR 'PHEL BA THUN MONG GI 'BRAS BU BSTAN NAS, KHYAD PAR GYI MI MTHUN PA'I PHYOGS ZIL GYIS GNON PA RTOGS PAR BYA BA'I PHYIR, DPE SNGON DU 'GRO BAS, NYI MA ZHES BYA BA LA SOGS PA GSUNGS TE, DPER NA NYI MA SPRIN DANG BRAL BAS GSAL BAR 'CHAR BA'I 'OD ZER DRA BA CAN, ,MUN NAG THIBS PO'I MUN PA THAMS CAD 'JOMS 'CHAR BA, ,RANG GI 'OD KYIS 'PHRO BA SRIN BU ME KHYER SROG CHAGS 'BYUNG PO THAMS CAD DANG, PA BA SANGS DANG, PHUR BU LA SOGS PA'I SKAR MA'I TSOGS DANG ZLA BA'I 'OD KUN ZIL GYIS GNON PA DE BZHIN DU JI SKAD BSHAD PA'I SHES RAB KYIS RANG BZHIN SHES RAB PHA ROL PHYIN MCHOG SPYOD, MKHAS PA BYANG CHUB SEMS DPA' 'JIG TSOGS LA LTA BA'I THIBS BO THAMS CAD DON MED PA'I RGYU YIN PA'I PHYIR BCOM NAS 'GRO BA KUN DANG, DGRA BCOM RANG RGYAL BYANG CHUB SEMS MANG ZIL GYIS GNON TE, JI SKAD BSTAN PA'I SNYING RJE DANG SHES RAB SHIN TU RNAM PAR 'PHEL TE, STONG PA NYID DANG MTSAN MA MED PA LA RNAM PAR SPYOD PAS SPANGS PA CHE BAS BYANG CHUB SEMS DPA' CHEN POR GYUR PA YIN ZHES BYA'O, ,MI MTHUN PA'I PHYOGS ZIL GYIS GNON PA BSTAN NAS, DA NI DE BZHIN DU GNYEN PO THOB PA YANG BSTAN PAR BZHED NAS, DPER NA ZHES BYA BA LA SOGS PA GSUNGS TE, DPER NA RGYAL PO'I BU ZHIG BRAN RNAMS LA BGO BSHA' BYED PA'I NGANG TSUL CAN YIN PA'I PHYIR NOR GTONG NGO, ,LUGS KYI BSTAN @60A *, ,BCOS KYI LAM GYI RJES SU ZHUGS PAS DON SGRUB PA LA MKHAS PA'I PHYIR DON 'DOD PA'I RGYAL PO'I SRAS KUN LAS DE NYID GTZOR PHUL DU BYUNG BAR 'GYUR BA'I PHYIR GTZO BOR GYUR PA'O, ,'JIG RTEN GYIS BSTEN PAR BYA BA'I PHYIR MNGON PAR 'GRO BYA 'OS, 'DI NI DA LTAR NA YANG STE DBUL PO'I GNAS SKABS NA SEMS CAN MANG PO'I PHYIR BKUR STI LA SOGS PAS DGA' BAR BYED DO, ,DE BAS NA DBANG BSKUR BA THOB PA COD PAN BCINGS PAR GYUR PA RGYAL PO KHYAD PAR CAN DU GNAS PAS SEMS CAN MANG PO DGA' BAR 'GYUR BA LTA CI SMOS, DE BZHIN DU SHES RAB DANG SNYING BRTZER BCAS PAR SPYOD MKHAS BYANG CHUB SEMS DPA' YANG GNYEN PO THOB PA'I STOBS KYIS CHOS STON PA NA NYAMS PA MED PAR CHOS STON PA'I PHYIR MTHONG BA'I LAM LA SOGS PA'I BDUD RTZI SBYIN PAR BYED PAS LHA DANG MI RNAMS DGA' BAR BYED PAR 'GYUR RO, ,'DI NI DA LTA NA YANG STE CHUNG DU THOB PA'I GNAS SKABS NA YANG SEMS CAN MANG PO LA PHAN PA BDE BA LA BRTZON TE, MTHONG BA'I LAM LA SOGS PA STON PA'I PHYIR RO, ,BAG CHAGS KYI SGRIB PA THAMS CAD SPANGS PA'I PHUL DU BYUNG BA'I CHOS KYI RGYAL POR GNAS PAR GYUR NA DE'I TSE SEMS CAN BDE BA LA BRTZON PA LTA CI SMOS ZHES SNGA MA DANG SBYAR RO, , YON TAN RIN PO CHE SDUD PA TSIGS SU BCAD PA LAS, BRGYA BYIN GYI LE'U STE NYI SHU RTZA GSUM PA'I BSHAD PA'O,, ,,DE LTAR GNYEN PO SHIN TU 'PHEL BAS RANG GI SPYOD YUL LAS 'DAS PAS BDUD BRTZON PA CHEN PO BYED PAR BSTAN PA'I PHYIR, DE'I TSE ZHES BYA BA LA SOGS PA GSUNGS TE, GANG GI TSE GNYEN PO SKYES PA DE'I TSE BDUD NI ZUG RDU LDAN PAR 'GYUR TE, CHUNG NGU DANG, 'BRING DANG, CHEN PO STE, YID MI BDE BA THOB PA DANG, ZUG RNGU DANG MYA NGAN GYI DON GYIS SDUG BSNGAL TE, DE NYID KYI PHYIR YID MI BDE NYAM CHUNG BAR 'GYUR, ,JI LTAR BYANG CHUB SEMS DPA' GNYEN PO SGOM PA LAS 'DI YID NUR 'GYUR ZHING, 'JIGS PA BSTAN PHYIR PHYOGS DANG PHYOGS MTSAMS RNAMS SREG CING SKAR MDA' GTONG MOD KYI, DE LTA NA YANG BAR CHAD BYED MI NUS SO, ,GANG ZHIG LA MI NUS SHE NA, LAN DU GANG TSE ZHES BYA BA LA SOGS PA GSUNGS TE, GANG GI TSE MKHAS PAR GYUR @60B PA'I SNYING RJE PHUN SUM TSOGS PA YANG DAG PA'I BSAM PA DANG YANG DAG PAR RAB TU LDAN PAS NYIN MTSAN SHES RAB PHA ROL PHYIN PA MCHOG BSGOM PA'I STOBS KYIS DON LA LTA BA DE'I TSE SHES RAB DANG SNYING RJE GOMS PAS LUS SEMS NI NYE BAR MTSAN PA'I PHYIR DAG KYANG NGO, ,MKHA' LA 'GRO BA'I BYA DANG MTSUNGS PA NYID KYIS MNYAM PA GANG CUNG ZAD LA YANG MI GNAS PAR GYUR PA LA NAG PO'I LAS KYI GROGS BYED PA'I PHYIR NAG PO'I RTZA LAG RNAMS KYIS GLAGS RNYED GA LA 'GYUR TE, YANG DAG PAR ZHUGS PA'I PHYIR MI 'GYUR RO, ,LAM LA YANG DAG PAR MA ZHUGS PA LA NI NUS SO ZHES BSTAN PA'I PHYIR, GANG TSE ZHES BYA BA LA SOGS PA GSUNGS TE, GANG TSE BYANG CHUB SEMS DPA' RANG GI GNAS SU NGAG GI RTZOD PA NI 'THAB PA'O, ,RGYAL PO'I PHO BRANG LA SOGS PAR SONG NAS 'THAB PA NI RTZOD PA'O, ,PHAN TSUN SDANG BAR NYE BAR GNAS PA NI 'GAL BA'O, ,KHRO BAS SKYED PA'I SEMS MA RUNGS PAR SPYOD PA DANG LDAN PAR GYUR BA'O, ,DES 'JUG PA THOB PAS BDUD NI DGA' 'GYUR ZHING, DE NYID MCHOG TU NYAMS PA BDER 'GYUR RO, ,YANG DE GNYIS 'THAB MO LA SOGS PA BYED PAS DE'I BYIN GYI RLABS KYIS RGYAL BA'I SHES RAB LAS NI RING 'GYUR SNYAM, DE BZHIN DU DE GNYIS PHAN PA DANG PHAN PA MA YIN PA THOB PA DANG, SPONG BA'I THABS DANG BRAL BA'I PHYIR SANGS RGYAS KYI CHOS RNAMS LAS RING DU 'GYUR ZHING SHA ZA 'DRA BAR 'GYUR RO, ,DE BAS NA YANG DE GNYI GA BKAG PA'I 'THAB MO LA SOGS PA BYED CING BDAG NYID BSTOD PAS DAM BCAS PA NYAMS PA BYED PAR 'GYUR, GANG GI TSE ZHE SDANG SHAS CHE BAS MI BZAD PAS GZHAN GNOD PA BYED PA MI BZOD CING BZOD DANG BRAL LA BYANG CHUB GA LA YOD, DE TSE BDUD RNAMS PHYOGS DANG BCAS TE MANG PO DGA' BAR 'GYUR TE, BDUD KYI PHYOGS NI BDUD KYI SDE CHOS MA YIN PA 'THAB MO LA SOGS PA BYED PA YIN NO, ,'ON JI LTA BUS BYANG CHUB THOB CE NA, LUNG BSTAN MA THOB BYANG CHUB SEMS DPA' GANG ZHIG GIS, ,LUNG MA BSTAN PA DE NI NYE BAR MTSON PA'I PHYIR RO, ,LUNG BSTAN THOB PA LA YANG SEMS KHROS PA LA SOGS PAS BSKYED CING SUN DBYUNG BA'I SEMS KYIS RTZOD PA RTZOM BYED CING BSHAGS PA LA SOGS PA MI BYED NA, DGE @61A *, ,BA'I BSOD NAMS MI SKYE BAS NA THA BA SKYON LDAN NO, ,SEMS KYI SKAD CIG JI SNYED PA DANG LDAN PA DE SNYED KYI BSKAL PAR 'THAB MO LA SOGS PA'I SDIG PA BSAL BA'I PHYIR DANG, GNYEN PO THOB PAR BYA BA'I PHYIR YANG NGO, ,SANGS RGYAS NYID MI GTONG BAR 'GYUR BAS GZHI NAS GO CHA BGO DGOS SO, ,'DI LTA BUS BYANG CHUB 'THOB PA ZHES BYA BAR DGONGS SO, ,THABS GZHAN BSTAN PA'I PHYIR, SANGS RGYAS ZHES BYA BA LA SOGS PA GSUNGS TE, SANGS RGYAS BZOD PA'I PHA ROL PHYIN PAS BYANG CHUB REG ,DE SNYAM DU BSAMS NAS 'THAB MO LA SOGS PA BYED PA NI BYANG CHUB KYI BGEGS YIN PA'I PHYIR RO, ,SEMS 'DI BZANG BA MIN SNYAM DRAN PA SKYED BYED CING, ,SDIG PA BSHAGS PA'I TSIGS SU BCAD PA LAS SO SOR BSHAGS PAR BYED CING GANG SU YANG RUNG BA LAS PHYIS KYANG MI BYED PA'I SDOM PA NOD PAR BYED PA STE, NGES PAR BYAS NAS THABS KYIS SAM, GANG ZAG DE NYID LA MGU BAR BYED PAS SANGS RGYAS CHOS 'DIR SLOB STE, YANG DAG PA'I BYANG CHUB KYI LAM LA MKHAS ZHES BYA BA'I BAR DU'O, ,YON TAN RIN PO CHE SDUD PA TSIGS SU BCAD PA LAS MNGON PA'I NGA RGYAL GYI LE'U STE NYI SHU RTZA BZHI PA'I BSHAD PA'O,, ,, NGA RGYAL DANG MNGON PA'I NGA RGYAL SNGAR DGAG PA BYAS NAS, DE BZHIN DU BSLAB PA YONGS SU SBYANG BA YONGS SU BSGRUB PA BSTAN PA'I PHYIR, GANG ZHIG CES BYA BA LA SOGS PA GSUNGS TE, BYANG CHUB SEMS DPA' GANG ZHIG SANGS RGYAS NYID LA SOGS PA'I BSLAB PA LA SLOB PA'I TSE DON DAM PAR GANG YANG BSLAB PAR BYA BA'I RANG BZHIN NAM, SLOB PA PO'I BDAG NYID DE BYED PA PO'I RANG BZHIN NAM, BSLAB PAR BYA BA'I LAS KYI RANG BZHIN RNAMS MI DMIGS PA NI NYE BAR MTSON PA NYID DE, MA BSLAB PA'AM, MI SLOB PA'AM, BSLAB PAR MI BYA BA'I CHOS SU MI RTOG CING, DE BZHIN DU BSLAB PA DANG, BSLAB PA MA YIN PA 'DI GNYIS 'KHOR GSUM DU RNAM PAR DAG PA STE MI RTOG PAS KUN RDZOB TU SLOB STE, PHAN PA DANG PHAN PA MA YIN PA THOB PA DANG SPANG BA'I PHYIR DE LTAR GANG SLOB DE NI SANGS RGYAS THOB PAR BYED PA DGE BA BCU LA SOGS PA NI CHOS 'DIR SLOB PA NI PHUL DU BYUNG BAR GYUR PA'O, , @61B DE NYID TSUL KHRIMS 'CHAL BA DANG BRAL BA NI SANGS RGYAS MNYES PAR BYED PA'I CHOS SGRUB PAR BYED PA YIN NO ZHES BSTAN PA'I PHYIR, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG DE LTA BU'I BDEN PA GNYIS KYI RIM PA LAS MA 'DAS PAR BSTAN MA THAG PA'I BSLAB PA 'DI SHES PA DE NI GZHAN YANG SGRUB PA PHUN SUM TSOGS PA MA TSANG BA MED PAS BSLAB NYAMS TSUL KHRIMS 'CHAL MI 'GYUR, DE NI SANGS RGYAS CHOS MNYES BYA PHYIR 'DI NI 'DI LA SLOB PO, ,BDEN PA GNYIS LA BRTEN NAS RIM PA JI LTA BA BZHIN DU SLOB PA NI BSLAB LHAG BSLAB LA MKHAS TE DNGOS POR DMIGS PA DANG BRAL BA'I PHYIR DMIGS PA MED PA'O, ,DE NYID GANG YIN ZHE NA, MKHAS PA 'OD BYED CES BYA BA LA SOGS PA GSUNGS TE, MKHAS PA NI SHES RAB CAN TE, BDEN PA GNYIS LA BRTEN NAS YE SHES KYI 'OD MNGA' BA'I PHYIR 'OD BYED DO, ,DGE BA MA YIN SEMS GCIG TZAM YANG SKYED MI BYED, NYE MA MKHA' LA 'GRO BA'I STE, BAR SNANG LA 'OD ZER BRGYA PHRAG BKYE BAS, MDUN GYI BAR SNANG LA NI MUN PA MI GA NAS BZHIN, DE BZHIN DU JI SKAD BSTAN PA'I BSLAB PA LA SLOB PAS YON TAN SKYED DO ZHES BYA BAR DGONGS SO, ,SBYIN PA LA SOGS PA'I BSLAB PAR BYA BA GZHAN DAG YOD PA MA YIN NAM, JI LTAR SHES RAB KYI PHA ROL TU PHYIN PA KHO NA LA SLOB PAR BSTAN ZHE NA, SHES RAB CES BYA BA LA SOGS PA GSUNGS TE, SHES RAB KYI PHA ROL TU PHYIN PA KHO NA LA BSLAB PAR BYAS PA RNAMS KYI CHOS THAMS CAD KHONG DU CHUD PA'I RNAL 'BYOR LEGS PAR SBYANGS PAS RGYAL BA'I SRAS RNAMS KYIS 'KHOR DANG BCAS PA LA BSLABS PA YIN PA'I PHYIR PHA ROL TU PHYIN PA LHAG MA THAMS CAD 'DIR NI 'DUS PAR 'GYUR TE, TSANGS PA'I DRA BAS ZHUS PA'I MDO LAS, JI LTAR 'JIG TSOGS LA LTA BAR LTA BA DRUG CU GNYIS 'DUS PAR BSTAN TE, DES BSKYED PA'I PHYIR RO, ,DE BZHIN DU SBYIN PA'I PHA ROL TU PHYIN PA LA SOGS PA 'DI DAG 'KHOR GSUM RNAM PAR DAG PA LA GOMS PAR BYAS PAS SHES RAB KYI PHA ROL TU PHYIN PAR 'DUS PAR 'GYUR RO, ,RJES SU 'GRO BA'I SGO NAS BSTAN NAS LDOG PA'I SGO NAS BSTAN PA'I PHYIR, DPER NA ZHES BYA BA @62A *, ,LA SOGS PA GSUNGS TE, DPER NA SKYE BA SNGA MAS 'PHANGS PA'I TSE 'GAG PA NI SROG GI DBANG PO 'GAG PA'O, ,DBANG PO JI SNYED YOD PA DMIGS PA DBANG PO'I GRONG GI TSOGS DE DAG 'GAG PAR 'GYUR TE, RTEN MED PA'I PHYIR RO, ,DE LTAR SHES RAB SPYOD PA MKHAS PA BYANG CHUB SEMS DPA' MCHOG RNAMS KYI SBYIN PA LA SOGS PA JI SKAD BSTAN PA'I PHA ROL TU PHYIN PA THAMS CAD NI DE'I STOBS KYIS GZUNG BA YIN PA'I PHYIR SHES RAB KYI PHA ROL TU PHYIN PA MED NA THAMS CAD MED PAR 'GYUR RO, ,DE BAS NA SHES RAB KYI PHA ROL TU PHYIN PA KHO NA LA BSLAB PAR STON TO ZHES BYA BAR DGONGS SO, ,SHES RAB KYI PHA ROL TU PHYIN PA LA BSLABS PAS THAMS CAD BSLABS PA YIN NA, NYAN THOS NYID LA SOGS PA'I YON TAN YANG 'BYUNG BAS DE DAG SKYON NYID MA YIN NAM ZHE NA, BYANG CHUB SEMS DPA' ZHES BYA BA LA SOGS PA GSUNGS TE, NYAN THOS KYI YON TAN THOB PA'I LAM LA SOGS PA GANG DAG YIN PA DANG, DE BZHIN DU RANG RGYAL RNAMS KYI YON TAN KUN LA BYANG CHUB SEMS DPA' MKHAS PA DES 'DUL BA'I SEMS CAN RJES SU GZUNG BA'I PHYIR GZHAN GYI DON DU SLOB PAR BYED PA NYID YIN GYI, YANG DE LA MI GNAS TE, DE BZHIN DU 'DOD PA YANG MI SKYED DE, NYAN THOS LA SOGS PA'I YON TAN 'DI NI GZHAN GYI DON DU BSLAB BYA YIN SNYAM NAS DE'I PHYIR SLOB KYI, DON DE NYID MNGON DU BYED PAS SKYON MA YIN NO, ,YON TAN RIN PO CHE SDUD PA TSIGS SU BCAD PA LAS BSLAB PA'I LE'U STE NYI SHU RTZA LNGA PA'I BSHAD PA'O,, ,, RNAM PAR 'PHEL BA DE LTA BU'I 'PHEL BA'I BRTAN PA BSTAN PA'I PHYIR, MI LDOG CES BYA BA LA SOGS PA GSUNGS TE, GANG GI TSE PHYIR MI LDOG PA'I KHYAD PAR BYANG CHUB MCHOG LA RAB TU ZHUGS PA'I BYANG CHUB SEMS DPA' GANG ZHIG SNYING RJE CHEN PO SEMS CAN GYI DON DU SEMS BSKYED PA LA SOGS PA LA BSAM PA THAG PAS YI RANG BA DE'I TSE STONG GSUM GYI STONG CHEN PO'I RI RAB SRANG LA GZHAL BAS TSAD GZUNG BAR RUNG GI, ,RGYAL BA'I SRAS KYI DGE BA LA RJES SU YI RANG BA'I BRTAN PA'I TSAD NI GZUNG BAR MI NUS TE DE LTA YIN NO, ,NYE BAR MTSON PA YIN PA'I PHYIR CHOS GZHAN DAG LA YANG BSTAN PA'I TSAD @62B NYE BAR GZUNG BAR MI NUS SO, ,BSTAN PA DE LTA BUS BRTAN PA'I SEMS GNAS PA BRJOD PAR BRTAN PA'I PHYIR, DGE BA ZHES BYA BA LA SOGS PA GSUNGS TE, TSOGS KYI LAM LA SOGS PA NI DGE BA'I DON GNYER RO, ,RAB TU DGA' BA LA SOGS PA NI PHAN PAR 'DOD PA'O, ,SEMS CAN JI SNYED PA KUN GYI BSOD NAMS PHUNG PO JI SNYED PA LA'ANG YI RANG 'GYUR, DE'I PHYIR DE DAG BSOD NAMS LHAG PA'I RANG BZHIN SEMS BRTAN PA THOB PAS SEMS CAN GYI DON DU BYANG CHUB SEMS DPA' RIM GYIS RGYAL BA'I YON TAN RJES SU THOB PAR GYUR NAS, PHYIN CI LOG MA LUS PA'I SDUG BSNGAL ZAD PAR BYA BA'I PHYIR 'JIG RTEN TE 'GRO LA CHOS SBYIN BYED, 'DIR YANG RTAGS LA SOGS PA RIM PA JI LTA BA BZHIN DU RTZE MO'I MNGON PAR RTOGS PA'I DRO BA LA SOGS PA NGES PAR 'BYED PA'I CHA BZHI'I RANG BZHIN YIN NO, ,NGES PAR 'BYED PA'I CHA'I RJES LA MTHONG BA'I LAM YIN TE, DE LA YANG MI MTHUN PA'I PHYOGS RNAM PA BZHI STE, GZUNG BA DANG 'DZIN PAS RNAM PAR RTOG PA'O, ,YANG 'DI SPONG BAR BYED PA'I GNYEN PO DANG BLANG BAR BYA BA YIN PA LA THAMS CAD 'JUG PA'I PHYOGS KYI RTEN CAN GZUNG BA'I RNAM PAR RTOG PA DANG PO SPANG BAR BYA BA BSTAN PAR BZHED NAS, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG MTHONG BA'I LAM LA SBYOR BA'I GNAS SKABS NA JI SKAD BSTAN PA'I RNAM PAR RTOG PA SPANGS PAS MI RTOG PA'O, ,RGYU DANG 'BRAS BU DANG BRAL BA'I PHYIR CHOS RNAMS KUN STONG PA DANG MTSAN MA MED PA YONGS SU SHES PA DANG, SGRO BTAGS PAS CHOS THAMS CAD DBEN PA'I PHYIR SPROS PA MED PA DE NYID YONGS SU SHES PA DE NI SHES RAB JI SKAD BSTAN PAS RNAM PAR RTOG PA GNYIS KYI RNAM PAS BYANG CHUB TSOL BAR MI BYED DO, ,RGYU DANG 'BRAS BUR 'BREL BA GANG YIN PA DE NI RJES SU 'GRO BA DANG LDAN PA'O, ,MTHONG BA'I LAM YID LA BYED PA DANG LDAN PA'I PHYIR RNAL 'BYOR PA'O, ,MTHONG BA'I LAM GYI BDAG NYID NI SHES RAB PHA ROL PHYIN MCHOG GO, ,THAMS CAD ZLOG PA'I PHYOGS KYI RTEN CAN BZUNG BA'I RNAM PAR RTOG PA GNYIS PA SPANGS PA'I PHYIR, NAM MKHA'I ZHES BYA BA LA SOGS PA GSUNGS TE, DPER NA NAM MKHA'I KHAMS DANG NAM @63A *, ,MKHA' LHAN CIG TU PHAN TSUN SPANGS PA LA SOGS PA'I MTSAN NYID KYIS 'GAL BA MED DO, ,GANG GI NAM MKHA'I KHAMS DE DANG NI NAM MKHA' DER YUL 'GA' ZHIG TU RNAM PA 'GAS 'GAL BA THOB PA LTA CI SMOS, GANG GI SGRAS 'PHANGS PA'I BRJOD PAR BYA BA NI RANG LA RANG BYED PA 'GAL BAS MI SRID DO ZHES BYA BA YIN NO, ,DE BZHIN DU MTHONG BA'I LAM GYI RANG BZHIN SHES RAB SPYOD MKHAS BYANG CHUB SEMS DPA' YANG RNAM PAR MI RTOG PA'I YE SHES THOB PA'I PHYIR NAM MKHA' LTA BU YIN TE, MTHONG BA'I LAM GYI SEMS DANG SEMS LAS BYUNG BA 'JUG PA'I GNAS SKABS NA JI SKAD BSTAN PA'I RNAM PAR RTOG PA SPANGS NAS NYE BAR ZHI BA SPYOD PAR 'GYUR TE, DE BAS NA DE NYID KYIS GANG DANG YANG LHAN CIG TU CUNG ZAD KYANG 'GAL BA MED DO, ,GZUNG BA'I RNAM PAR RTOG PA GNYIS PA BSTAN NAS, DE BZHIN DU 'DZIN PA'I RNAM PAR RTOG PA BRJOD PAR BYA BA YIN PAS SKYES BU RDZAS SU YOD PA'I RTEN CAN 'DZIN PA'I RNAM PAR RTOG PA DANG PO SPANG BAR BYA BA NYID DU RIG PAR BYA BA'I PHYIR, SKYE BO'I DBUS NA ZHES BYA BA LA SOGS PA GSUNGS TE, DPER NA SGYU MA BYED PAS SPRUL PA'I SKYES BU 'DI SNYAM DU NYE BAR GNAS PA'I SKYES BU LTAD MO PA'I TSOGS 'DI DAG MGU BAR BYA'O SNYAM DU MI SEMS TE, RNAM PAR MI RTOG PA'I PHYIR RO, ,DE YANG SPRUL PA DE NYID SKYES BU'I KHYAD PAR GYI DON SNANG BA'I SHES PA BSKYED NAS MNGON PA'I NGA RGYAL GYIS DE NYID BYA BA BYED PAR LTA PA POS MTHONG BA NI RANG GI NGA RGYAL GYI STOBS KYIS BYA BA SNA TSOGS STON PAR BYED PA MTHONG YANG, GCIG DANG DU MA'I RANG BZHIN DANG BRAL BA'I PHYIR, YANG SPRUL PA'I SKYES BU DE LA LUS MED SEMS MED NGAG GI RANG BZHIN YANG MED MING YANG YOD PA MA YIN NO, ,DE BZHIN DU MTHONG BA'I LAM GYI SBYOR BA'I GNAS SKABS NI SHES RAB SPYOD PA'I BYANG CHUB SEMS DPA' NAM YANG BYANG CHUB RTOGS NAS 'GRO BA LA CHOS STON PA LA SOGS PAS YONGS SU DGROL MI SEMS, DE LTA BAS NA YANG LHA LA SOGS PA'I 'GRO BAR SKYE BA SNA TSOGS NI RNAM PA DU MA SNA TSOGS PA'O, ,SEMS CAN GYI DON BYED PA LA SOGS PA'I BYA BA SNA TSOGS PA'I BYA BA MANG PO DANG LDAN PAR STON TE, KUN RDZOB TZAM YIN PA'I PHYIR SGYU MA LTA BUR STON KYANG JI @63B SKAD BSTAN PA'I RNAM PAR RTOG PA SPANGS NAS RNAM PAR MI RTOG SPYOD DO, ,YANG GANG ZHIG SKYES BU BTAGS PAR YOD PA'I RTEN CAN 'DZIN PA'I RNAM PAR RTOG PA GNYIS PA SPANG BAR BYA BA NYID SNGA MA BZHIN DU BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA SANGS RGYAS KYI SPRUL PA NYID NI KHYAD PAR CAN GYI SPRUL PA'I RANG BZHIN YIN PA'I PHYIR SANGS RGYAS MDZAD PA BYED KYANG BYED PA DE LA NGA RGYAL MANG PO DANG 'DREGS PA CUNG ZAD SKYE MI 'GYUR, DE BZHIN DU MTHONG BA'I LAM GYI SEMS DANG SEMS LAS BYUNG BA 'JUG PA'I RANG BZHIN SHES RAB KYIS JI SKAD BSHAD PA'I RNAM PAR RTOG PA SPANGS PA LAS SPYOD PA MKHAS PA'I BYANG CHUB SEMS DPA' YANG RGYU DANG 'BRAS BU DANG BRAL BA'I PHYIR RIM PA JI LTA BA BZHIN DU SPRUL PA SGYU MA BZHIN DU BYA BA THAMS CAD STON, DE NYID KYI PHYIR RNAM PAR RTOG PA RNAM PA BZHI SPANGS PAS MNGON PAR ZHEN PA MED PA'I SBYOR BAS DON BYA BA THAMS CAD BYED PAR 'GYUR RO; ,SNGA MA BZHIN DU NYE BAR BSDU BA'I PHYIR, SHING MKHAN ZHES BYA BA LA SOGS PA GSUNGS TE, DPER NA SHING MKHAN NI SHING 'JOG PA'O, ,JI LTAR BSLAB PA'I MAN NGAG LOBS PAS NA BZO BA'O, ,RIG PA DANG LDAN PA'I PHYIR MKHAS PA'O, ,SKYES PA BUD MED DANG 'DRA BA SHING LAS 'KHRUL 'KHOR GYI BZO BYAS PA DE YANG BYA BA THAMS CAD BYED PAR SNANG BA'I SHES PA SKYE'O, ,DE LTAR BSTAN MA THAG PA'I RANG BZHIN RNAM PAR RTOG PA BZHI SPANGS PA'I SHES RAB LA SPYOD PA MKHAS PA'I BYANG CHUB SEMS DPA' YANG GZUNG BA DANG 'DZIN PA'I MNGON PAR ZHEN PA MED PA'I YE SHES KYI 'GRO BA 'DI DAG THAMS CAD KYI BYA BA BYED KYANG RNAM PAR MI RTOG STE, YID BZHIN GYI NOR BU BZHIN NO, ,YON TAN RIN PO CHE SDUD PA TSIGS SU BCAD PA LAS SGYU MA LTA BU'I LE'U STE NYI SHU RTZA DRUG PA'I BSHAD PA'O,, ,,JI SKAD BSTAN PA'I RNAM PAR RTOG PA BZHI SPANGS PA MA TSANG BA MED PAR SEMS CAN GYI DON 'BA' ZHIG BYED PAR MA ZAD KYI, SANGS RGYAS LA SOGS PAS BSNGAGS PAR 'GYUR RO ZHES BSTAN PA'I PHYIR DE LTAR ZHES BYA BA LA SOGS PA GSUNGS TE, DE LTAR JI SKAD BSTAN PA'I RNAM PAR RTOG PA BZHI SPANGS PA LA SPYOD PA MKHAS PA'I BYANG CHUB SEMS DPA' RNAMS LA BRGYA BYIN LA @64A *, ,SOGS PA'I LHA'I TSOGS GTZO BO MANG PO DAG THAL MO SBYAR BA BTUD NAS YANG DANG YANG DU LUS DANG NGAG DANG YID KYIS PHYAG KYANG 'TSAL BAR BYED DO, ,PHYOGS BCU'I 'JIG RTEN GYI KHAMS KYI SANGS RGYAS BCOM LDAN 'DAS JI SNYED BZHUGS PA YANG YON TAN BSNGAGS PA'I PHRENG BA YONGS SU BRJOD PAR MDZAD DO, ,DE BAS NA DE BDUD KYI YUL LAS 'DAS SO ZHES BSTAN PA'I PHYIR, GANG G'A'I ZHES BYA BA LA SOGS PA GSUNGS TE, GANG G'A'I KLUNG GI BYE BA MA DANG MNYAM PA'I SANGS RGYAS KYI ZHING RNAMS NA SEMS CAN JI SNYED YOD PA DE KUN YONGS SU BSNGAGS PA BZUNG STE BDUD DU GYUR LA; BA SPU NYAG RE LAS KYANG BDUD KYI TSOGS DE SNYED SPRUL BYAS KYANG, DE DAG KUN GYIS MKHAS LA BAR CHAD BYA MI NUS, ,DE LTAR LHA'I BU'I BDUD LAS 'DAS PAR LAN MANG DU BSTAN NAS PHYIR BDUD BZHI LAS 'DAS PAR BSTAN PA'I PHYIR, RGYU RNAMS ZHES BYA BA LA SOGS PA GSUNGS TE, JI SKAD BSTAN PA'I RNAM PAR RTOG PA BZHI SPANGS PA NYID KYI SHES RAB KYI STOBS KYIS STONG PA NYID LA GNAS PAR GYUR PA DANG, SNYING RJE CHEN PO'I STOBS KYIS SEMS CAN GYI DON MI GTONG BA DANG, LHAG PAR DAM BCAS PA'I DON DU PHUN SUM TSOGS PAS JI SKAD SMRAS PA BZHIN DU BDEN PAR BYED PA DANG, BSOD NAMS DANG YE SHES KYI TSOGS PHUN SUM TSOGS PAS NA BDE GSHEGS BYIN RLABS CAN TE, DE RNAMS NI RGYU RNAM PA BZHI'O, ,TSIG NYAMS PA MED PAS NA MKHAS PA'O, ,LUS KYI STOBS PHUN SUM TSOGS PAS NA STOBS LDAN NO, ,SEMS GZHAN DU 'GYUR BAR MI NUS PAS NA THUB PAR DKA' BA'O, , DE BAS NA PHUNG PO LA SOGS PA'I BDUD BZHIS RAB TU BSKYOD PAR MI NUS SO, ,ZHES TSIGS SU BCAD PA'I DON SBYAR RO, ,DA NI RGYU GANG DANG BCAS PAS MTHONG BA'I LAM BYANG CHUB CHEN PO THOB PAR BYED PA'I YUM DE BSTAN PA'I PHYIR, DE BZHIN GSHEGS YUM ZHES BYA BA LA SOGS PA GSUNGS TE, BYANG CHUB SEMS DPA' GANG ZHIG BYANG CHUB CHEN PO LA RAB TU GNAS PA'I CHED DU MTHONG BA'I LAM LA SOGS PA GZHAN LA YANG DAG PAR STON CING, BYANG CHUB KYI RGYU MTSAN NYID KYI DON DU DE LTAR YANG DAG PA'I GZHUNG GI DON GYI SGO NAS BSTOD CING SEMS MOS PA NI MOS BYED CING, SHES RAB KYI PHA ROL @64B TU PHYIN PA DE BZHIN GSHEGS PA'I YUM 'DI 'CHAD CING BYANG CHUB THOB PA'I CHED DU BDAG NYID KYIS YI GER BRIS PA LA SOGS PA BYAS NAS BYIN TE BSAM PA THAG PAS SGRUB PAR MNGON PAR BRTZON BYED NA, DES PA THAMS CAD MKHYEN PA'I THABS NYID LA ZHUGS PA DE DAG NI RAB TU GNAS PA YIN PAR RIG PAR BYA'O, ,DPES RGYU DANG BCAS PAR BSTAN PA MTHONG BA'I LAM DE NYID LA RNAM PAR RTOG PA SEL BA'I NUS PA YOD PAR DPE SNGON DU 'GRO BAS RTOGS PAR BYA BA'I PHYIR, CHOS DBYINGS ZHES BYA BA LA SOGS PA GSUNGS TE, DPER NA CHOS KYI DBYINGS NYID NAM MKHA'I KHAMS KYI DE BZHIN NYID LA RANG BZHIN MED PA'I PHYIR GNAS PAR MI 'GYUR BA NYID NI GNAS MED DO, ,DNGOS PO THAMS CAD KYI NUS PA DANG BRAL BA'I MTSAN NYID BAR SNANG NI NAM MKHA'O, ,SPRIN NI SEMS CAN GYI LAS KYI DBANG GIS GNAS PAR GYUR PA'O, ,DPER NA RIG SNGAGS 'CHANG GIS RLUNG GI DKYIL 'KHOR LA GNAS PA'I SBYOR BA SNGAGS MTHUS ME TOG LDAN ZHING BYIN GYIS RLOB STE, RTEN CING 'BREL PAR 'BYUNG BA'I CHOS NYID KYI STOBS YIN NO, ,BSTAN MA THAG PA'I RGYU DANG BCAS PA'I MTHONG BA'I LAM RTOGS PA'I PHYIR, BYANG CHUB SEMS DPA' MKHAS GSAL BAS, ,RTOGS PAR BYED PA 'JUG PA'I PHYOGS KYI RTEN CAN GZUNG BAR SGRO BTAGS PAR DMIGS PAR MI 'GYUR RO, ,CHOS THAMS CAD LAS LDOG PA'I PHYOGS KYI RTEN CAN GZUNG BAR RTOG PA RNAM PAR GZHAG PA YANG DMIGS PA MED DO, ,'CHAD PAR BYED PA SKYES BU RDZAS SU YOD PA'I RTEN 'DZIN PA'I RNAM PAR RTOG PA SGRO BTAGS PA YANG MI DMIGS SO, ,LTA BAR BYED PA SKYES BU BTAGS PA'I RTEN CAN 'DZIN PA RNAM PAR RTOG PAR GZHAG PA LA YANG MI DMIGS SO, ,MTHONG BA'I LAM GYIS JI SKAD BSTAN PA'I RNAM PAR RTOG PA BZHI SPANGS PAS DE'I PHYIR RTEN CING 'BREL PAR 'BYUNG BA'I CHOS NYID YIN PAS MI GNAS PA'I MYA NGAN LAS 'DAS PA LA DGA' BAS 'DI GNAS SO, ,JI SKAD BSTAN PA'I MTHONG BA'I LAM RGYU DANG BCAS PAS STOBS BCU LA SOGS PA'I MNGON PAR DGA' BA'I YON TAN GYIS RGYAL BA'I SRAS RNAMS DE DAG GNAS SO ZHES BYA BAR DGONGS SO, ,BYANG CHUB SEMS DPA'I LAM DANG MTSUNGS PA NYID KYIS NYAN THOS LA SOGS PA @65A *, ,'DI DAG GNAS SAM ZHE NA, LAN DU DGRA BCOM ZHES BYA BA LA SOGS PA GSUNGS TE, DGRA BCOM RNAM THAR DE BZHIN GSHEGS KYI MA GTOGS PAR, ,RE ZHIG NYAN THOS RNAMS DANG, RANG SANGS RGYAS DANG BCAS PA'I MTHONG BA'I LAM LA SOGS PA'I MTSAN NYID KYIS GNAS PA'O, ,NYON MONGS PA'I SGRIB PA SPANGS PA'I BYED PA NYID NI ZHI BA'O, ,SEMS RTZE GCIG PAS NYE BAR ZHI BAS RAB ZHI'O, ,MTHONG BA'I CHOS LA BDE BAR GNAS PAR BYED PA'I PHYIR BDE LDAN NO, ,JI SNYED DE DAG GI MCHOG TU 'DI GNAS PA YIN TE, KHYAD PAR DU SHES BYA'I SGRIB PA SPANGS PA'I PHYIR RGYAL BA'I SRAS RNAMS THUN MONG MA YIN PA'I CHOS RTOGS PA YIN PAS RNAL 'BYOR GYI GONG NA MED PA YIN NO, ,THAMS CAD RAB TU KHYAD PAR DU 'PHAGS PA YIN NA MYA NGAN LAS 'DAS PA JI LTAR MA RTOGS SHE NA, LAN DU 'DAB CHAGS ZHES BYA BA LA SOGS PA GSUNGS TE, DPER NA 'DAB CHAGS MKHA' LA GNAS KYANG LTUNG BA'I GEGS MED PAR GYUR KYANG LTUNG BAR 'GYUR BA MA YIN TE, RANG GI LAS LAS SKYES PA'I GSHOG PA GNYIS LA NUS PA YOD PA'I PHYIR RO, ,NYA NI CHU LA GNAS KYANG 'TSUBS TE 'CHI BA MED DE, RANG GI LAS KYI DBANG GIS SO, ,DE LTAR BYANG CHUB SEMS DPA' THABS LA MKHAS PA THOB PA'ANG DE BZHIN DU BSAM GTAN GYI STOBS DANG PHA ROL SON PA SGYU MA LTA BU MTHONG BA'I LAM LA MNGON DU PHYOGS PA STONG PA NYID LA GNAS NAS MYA NGAN LAS 'DAS PA THOB PAR MI BYED DO, ,SNGON GYI SMON LAM GYI BSKYED PA DANG SNYING RJE CHEN PO'I STOBS KYIS YIN NO ZHES BYA BAR DGONGS SO, ,DE BAS NA DON THAMS CAD THOB PAR 'DOD PA NYID KYIS GNAS PA 'DI LA BRTEN PAR BYA'O ZHES BSDU BA'I PHYIR RO, ,SEMS CAN ZHES BYA BA LA SOGS PA GSUNGS TE, GANG ZHIG SEMS CAN KUN GYI YON TAN MCHOG NI CHOS KYI SKUR 'GRO BAR 'DOD PA ZHES BYA STE, LONGS SPYOD RDZOGS PA'I SKU MCHOG THOB PAR 'DOD PA NI SANGS RGYAS YE SHES MCHOG TU RMAD BYUNG 'DOD PA'O, ,SPRUL PA'I SKU CHOS KYI MCHOG SBYIN PAR 'DOD PA NI RIM PA JI LTA BA BZHIN DU RANG DANG GZHAN GYI DON PHUN SUM TSOGS PA DANG 'BREL PA CHOS KYI SBYIN PA RAB MCHOG DAM PA SBYIN 'DOD GANG BYANG CHUB SEMS DPA' PHAN MDZAD RNAMS KYI @65B GNAS MCHOG DAM PA 'DI LA BRTEN PAR GYIS, YON TAN RIN PO CHE SDUD PA TSIGS SU BCAD PA LAS SNYING PO'I LE'U STE NYI SHU RTZA BDUN PA'I BSHAD PA'O,, ,,YANG BYANG CHUB CHEN PO GANG ZHIG YIN ZHE NA, DON GANG ZHIG JI SKAD BSTAN PA'I RGYU DANG BCAS PA'I MTHONG BA'I LAM GYI 'DOD PA'I YUL BYANG CHUB CHEN PO'I RANG GI NGO BO BSTAN PA'I PHYIR BSLAB PA ZHES BYA BA LA SOGS PA GSUNGS TE, BSLAB PA GANG JI SNYED PA SEMS BSKYED PA LA SOGS PA'I RIM PAR 'GRO BA'I DED DPON DU GYUR PA 'DREN PAS BSLAB PA BRJOD PA JI SNYED PA DE DAG KUN GYI NANG NA ZAD PA DANG MI SKYE BA NYID DU GYUR PA'I ZAD PA DANG MI SKYE BA SHES PA'I YE SHES KYI BDAG NYID GANG YIN PA DE NI BYANG CHUB CHEN PO'I BSLAB PA KHYAD PAR DU 'PHAGS PA YOD PA DANG LDAN BZHIN RIM PA JI LTA BA BZHIN DU MCHOG DANG GONG NA MED PAR 'GYUR RO, ,MKHAS PA GANG ZHIG BSLAB KUN PHA ROL 'GRO 'DOD PAS TE, SANGS RGYAS KYI BSLAB PA LA SLOB PAR 'DOD PAS JI SKAD BSTAN PA'I LAM GYI RANG BZHIN SHES RAB PHA ROL PHYIN 'DIR SLOB STE, BSGOM PAR BYA ZHES BYA BA'I BAR DU'O, ,ZHAR LA BYUNG BA RDZOGS NAS DA NI SKABS NYID KYI MTHONG BA'I LAM BSTAN PAR BZHED NAS, 'DI NI ZHES BYA BA LA SOGS PA GSUNGS TE, MI DMIGS PAS PHYIN CI MA LOG PA NYID DU THOB PAS DGE BA'I CHOS THAMS CAD 'DUS PA'I PHYIR CHOS KYI GTER GYI MCHOG GO, ,'DIS NI RTZE MO'I MNGON PAR RTOGS PA'I SDUG BSNGAL LA CHOS SHES PA'I BZOD PA YIN PAR GZUNG NGO, ,SBYIN PA LA SOGS PA 'KHOR GSUM RNAM PAR DAG PA MCHOG TU GYUR PA RNAM PA SUM CU RTZA DRUG BSKYED PAS MTHONG BA'I LAM, SNGON MED PA'I CHOS NYE BAR SKYES PA NI CHOS KYI MDZOD DAM PA'O, ,SANGS RGYAS NYID 'BYUNG BA RTOGS PA DANG MTHUN PA NYID SKYES PA'I PHYIR SANGS RGYAS KYI RIGS SU SKYES PA STE RAB TU DGA' BA LA SOGS PAS BCU YONGS SU RDZOGS PA NI BDE DANG SKYID PA'I MDZOD DO, ,DE LTA BU NYID NYE BAR GZIGS NAS MYA NGAN LAS 'DAS PA'I PHYIR 'DAS PA'O, ,SANGS RGYAS NYID DU 'GYUR BA'I RGYU YIN PA'I PHYIR MA BYON PA'O, ,PHYOGS BCU'I 'JIG RTEN NA DA LTAR NYID 'GRO BA'I DON MDZAD PAS NA 'JIG RTEN MGON PO STE, SANGS RGYAS BCOM LDAN 'DAS RNAMS SO @66A *, ,RAB KYI MTHAR THUG PAR 'GRO BA'I RANG BZHIN NYID SA BCU DANG 'BREL PA RTZE MO'I MNGON PAR RTOGS PA GZUNG BA DANG 'DZIN PA'I RNAM PAR RTOG PA BZHI NGES PAR SPANGS PA'I PHYIR DE DAG MTHONG BA'I LAM LAS RIM PA JI LTA BA BZHIN THAMS CAD 'KHRUNGS SO, ,'KHRUNGS PAR 'GYUR RO, ,'KHRUNGS SO, ,DE BZHIN GSHEGS PA THAMS CAD RTOGS PA BRNYES PAS KYANG STONG PA NYID KYI RANG BZHIN CHOS KYI DBYINGS MTHONG BA'I LAM ZAD PAR MI 'GYUR RO ZHES BYA BA'I BAR DU'O, ,DE NYID KYI PHYIR 'DIS PHYIN CI LOG THAMS CAD SPANGS PAS YON TAN THAMS CAD KYI RGYU YIN PAR DPE SNGON DU 'GRO BAS BSTAN PA'I PHYIR, SHING DANG ZHES BYA BA LA SOGS PA GSUNGS TE, DPER NA 'JIG RTEN NA SHING DANG 'BRAS BU ME TOG NAGS TSAL JI SNYED PA, ,DE DAG THAMS CAD SA LAS SNGON MED PA YANG DAG PAR 'BYUNG ZHING 'THON TE, GONG NAS GONG DU 'PHEL BA DANG LDAN PAS 'BYUNG BA'O, ,'ON KYANG SA'I TSAD JI SKAD BSTAN PA KHUR GYIS MNAN PAS ZAD PAR 'GYUR BA MED LA, SHING LA SOGS PAS 'PHEL BA YANG MED DO, ,SKYO BA YANG MED DO, ,NGAL BA YANG MED PA'I PHYIR RO, ,DUB PA YANG MED DE, MI SNANG BAR GYUR PA MED PA'I PHYIR RO, ,RTOG PA DANG RNAM PAR RTOG PA THAMS CAD MED PA'I PHYIR RNAM PAR MI RTOG PA'O, ,DE BZHIN DU SANGS RGYAS BCOM LDAN 'DAS DANG, RGYAL BA'I SRAS DANG, NYAN THOS NI DGRA BCOM PA'O, ,RANG RGYAL TE RANG SANGS RGYAS DANG, LHA RNAMS DANG, 'GRO BA KUN GYI BDE SKYID CHOS RNAMS JI SNYED PA STE, ZAG PA DANG BCAS PA DANG, ,ZAG PA MED PA DE DAG KUN SHES RAB KYI PHA ROL TU PHYIN PA MTHONG BA'I LAM JI SKAD BSTAN PA BYANG CHUB SEMS DPA'I BSGOMS PA LAS BYUNG NGO, ,DE BZHIN DU RTOG PA DANG RNAM PAR RTOG PA MED PAS ZAD PA MED CING NGO, ,SHES RAB KYIS YANG DAG PA'I CHOS NYID MTHONG BA'I LAM RTOGS PAS CUNG ZAD 'PHEL BA MED DO ZHES BYA BA'I BAR DU'O, ,DE LTAR MTHONG BA'I LAM BSTAN NAS, ,MI MTHUN PA'I PHYOGS SPANGS PA LA SOGS PA'I GZHI SNGON DU 'GRO BAS GO SLA BA'I PHYIR GZHI LEGS PAR RTOGS PA BSGOM PA YIN TE, RE ZHIG YON TAN PHUN SUM TSOGS PA THAMS CAD KYI @66B RGYU YIN PAR DPE SNGON DU 'GRO BAS BSTAN PA'I PHYIR, SEMS CAN ZHES BYA BA LA SOGS PA GSUNGS TE, DPER NA SEMS CAN YON TAN CHUNG NGU LA SOGS PA DANG LDAN PA NI THA MA'O, ,RDZAS LA SOGS PA 'BRING DANG LDAN PA NI 'BRING NGO, ,BYA BA LA SOGS PA DAM PA DANG LDAN PA NI MCHOG YIN PAR 'JIG RTEN LA GRAGS PA RTAG PA NYID LA SOGS PA DE DAG THAMS CAD BKAG PA'I PHYIR SNGON GYI LAS DGE BA DANG MI DGE BA RGYU YIN PA'I PHYIR KUN RDZOB TU DE KUN MA RIG LAS BYUNG BA BDE BAR GSHEGS PAS GSUNGS, DE BZHIN DU 'PHEN PA'I LAS KYI TSOGS PA'I RKYEN GYIS DUS JI SNYED KUN DU 'PHANGS PAR 'JUG PA NYE BAR LEN PA'I PHUNG PO LNGA'I 'KHRUL 'KHOR RAB TU 'BYUNG BA NI, MA RIG 'KHRUL 'KHOR DE NI ZAD MED 'PHEL BA MED, ,SNGON MA BYUNG BA'I SEMS CAN RAB TU 'BYUNG BAR 'GYUR BA NI KUN RDZOB TU YANG 'BYUNG BA MED DO ZHES BYA BAR DGONGS SO, ,'DI LTAR THEG PA GSUM GYI YE SHES KYI KHYAD PAR NYID NI YE SHES TSUL LO, ,RIM PA JI LTA BA BZHIN DU CHUNG DU DANG, 'BRING DANG, CHEN PO'I 'BRAS BU GONG NAS GONG DU THOB PAR BYED PA'I PHYIR THABS KYI SGO'O, ,RTZA BA'O, ,DE KUN SHES RAB KYI PHA ROL TU PHYIN PA MCHOG NI BSGOM PA'I LAM STE, DE SGOM PAR BYED PA'I BYANG CHUB SEMS DPA' LAS KUN RDZOB TU 'BYUNG NGO, ,DE BZHIN DU 'PHEL BA LAS RKYEN RNAMS TSOGS NAS RAB TU 'BYUNG NGO, ,JI SRID MI 'KHOR BA'I PHAN TSUN LHAN CIG BYED PA NYID KYIS YE SHES KYI 'KHRUL 'KHOR TE, SGYU MA LTA BU'I DE KHO NA NYID SHES RAB KYI PHA ROL TU PHYIN PA GOMS PAR BYAS PA'I LAM LA ZAD MED 'PHEL BA MED DO, ,RNAM PA GANG ZHIG MNGON SUM DU BYAS PAS YON TAN JI SKAD BSTAN PA DE THOB PAR BYED CE NA, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG RTEN CING 'BREL PAR 'BYUNG BA NYID KYIS SGYU MA LTA BU NYID YIN PAS NA SKYE MED ZAD PA MED DE MI ZAD PA'I PHYIR RO, ,SHES RAB KYI PHA ROL TU PHYIN PA NI THOD RGAL GYI SNYOMS PAR 'JUG PA'I MTSAN NYID BSGOM PA'I LAM ZAG PA MED PA NYID DU SHES PAS NYI MA SPRIN GYIS SGRIB PA MED PA'I 'OD ZER 'PHRO BAS MUN PA BSAL BA'I NUS PA RANG LA YOD PA LTAR, DE BZHIN DU MA @67A *, ,RIG THIBS PO BCOM NAS RANG BYUNG NI BCOM LDAN 'DAS THOB PAR 'GYUR TE, DE BZHIN GSHEGS PA ME TOG BKRAM PA ZHES BYA BAR 'GYUR BA BZHIN NO, ,YON TAN RIN PO CHE SDUD PA TSIGS SU BCAD PA LAS ME TOG BKRAM PA'I LE'U STE NYI SHU RTZA BRGYAD PA'I BSHAD PA'O,, ,, BSGOM PA'I LAM 'DIR BRJOD PAR BYA BA YIN LA, DE LA SPANG BAR BYA BA GZUNG BA DANG 'DZIN PA'I RNAM PAR RTOG PA BZHI LAS SPANG BAR BYA BA GNYIS BSTAN PAR BYA BAR BZHED NAS, BSAM GTAN ZHES BYA BA LA SOGS PA GSUNGS TE, BDAG DANG GZHAN GYI DON PHUN SUM TSOGS PAS DBYE BA DANG, DE BZHIN DU KUN RDZOB DANG DON DAM PA'I DBYE BA NI BSAM GTAN BZHI ZHES BYA STE, RNAM PA BZHI LAS SEMS RTZE GCIG PA YIN NO, ,MTHAR GYIS GNAS PA'I SNYOMS PAR 'JUG PA'I MTSAN NYID KYI BSGOM PA'I LAM GYI LUGS LAS BZLOG PA LA SOGS PA'I RIM PA DMIGS PA NI GNAS MED DO; ,GZUNG BA NI RNAM PAR RTOG PA GNYIS SPANGS PAS THOB PA LA SOGS PA CHE BA'I PHYIR MTHU CHEN LDAN PA'O, ,RTEN PAR BYED PA MA YIN PA NYID NI GZUNG BAR MNGON PAR ZHEN PA MED PA'I RNAL 'BYOR PAS GZUNG BA'I RNAM PAR RTOG PA GNYIS SPANGS PA'I PHYIR, GNAS SKABS DE LA GNAS PA MED PAS GNAS PAR BYED PA MED DO, ,'ON KYANG RTEN DU 'GYUR TE, TSOGS GNYIS KYI RGYU YIN PA'I PHYIR 'DI BSGOM PA'I LAM GYI DMIGS PA'I MCHOG YIN TE, RNAM PA BZHI LA SEMS RTZE GCIG PA MNGON PAR ZHEN PA MED PAR GYUR PA KHYAD PAR GYI YE SHES DANG SPANGS PA PHUN SUM TSOGS PA LA SBYOR BA NI DAM PA STE; NYAN THOS LA SOGS PA'I BYANG CHUB LAS 'PHAGS PAS NA MCHOG GO, ,THOB PA'I CHED DU BYA BAR GNAS SO ZHES BYA BAR DGONGS SO, ,DE'I RJES LA 'DZIN PA'I RNAM PAR RTOG PA GNYIS SPANGS BAR BYA BA BSTAN PA'I PHYIR, SHES RAB MCHOG CES BYA BA LA SOGS PA GSUNGS TE, BSTAN MA THAG PA'I BSAM GTAN MCHOG LA GNAS PAR GYUR PA'I BYANG CHUB SEMS DPA' GANG YIN PAS 'DZIN PA'I RNAM PAR RTOG PA GNYIS SPANGS TE, BSGOM PA'I LAM THOB PA NI SHES RAB MCHOG THOB PA'O, ,GANG GIS GZUGS MED PA'I SNYOMS PAR 'JUG PA BZHI DANG, GZUGS CAN GYI BSAM @67B GTAN YIN PA'I PHYIR GZUGS KYI KHAMS KYI BSAM GTAN BZHI DANG, YANG GI SGRAS 'GOG PA'I SNYOMS PAR 'JUG PA GCIG KYANG NGO, ,DE DAG THAMS CAD THABS DANG SHES RAB TU LDAN PAR BSGOM PA'I PHYIR TING NGE 'DZIN DAM PA'O, ,YANG DAG PA DE DAG YANG DANG YANG DU GOMS PAR BYA BA'I PHYIR, BSAM GTAN GYI RANG BZHIN 'DI DAG BYANG CHUB DAM PA MCHOG LA 'JUG STE, DE DANG MTHUN PAR GYUR PA'I PHYIR PHAN PAR GYUR PA'O, ,DE LTA YIN YANG BYA BA LHAG MA NYID SANGS RGYAS KYI SA'I SGRIB PA SPANG PA'I 'BAD PA MI BYED PAS NA, ZAG PA ZAD PA'I PHYIR BYANG CHUB SEMS DPA' SLOB PA YIN NO, ,RNAM PAR RTOG PA SPANGS PA'I PHYIR DE LTA BU'I YON TAN PHUN SUM TSOGS PA'I RGYU YIN NO ZHES BSTAN PA'I PHYIR, 'DI NI ZHES BYA BA LA SOGS PA GSUNGS TE, RGYU'I BDAG NYID CHE BA'I PHYIR NGO MTSAR RO, ,'BRAS BU CHE BA'I PHYIR RMAD BYUNG NGO, ,'DI LTA STE, DE LA SPYOD PAS YON TAN PHUN SUM TSOGS PA THAMS CAD KYI GZHIR GYUR PA'I PHYIR YON TAN LA SOGS PA NI BYANG CHUB SEMS DPA'O, ,'DI LTAR JI SKAD BSTAN PA'I BSAM GTAN BZHI THOB NAS TING NGE 'DZIN BSGOM PA'I LAM LA GNAS PA STE, DMIGS KYANG MNGON PAR ZHEN PA'I RGYU'I MTSAN MA NYID MED DO, , BSGOM PA'I LAM DE LA GNAS KYANG SGRIB PA LHAG MA SBYANG BA'I PHYIR GAL TE RANG GI LUS BDAG NYID ZHIG PAR GYUR KYANG DE RNAM PA THAMS CAD DU STON PAR 'GYUR BA GZUGS MED PA'I KHAMS SU SKYE BA SPANGS NAS 'DOD PA YIN PA'I PHYIR 'DOD PA DANG GZUGS KYI KHAMS GANG YANG RUNG BAR 'DOD PAR SNYING RJE'I DBANG GIS JI LTAR 'DOD PA BZHIN RGYAL RIGS LA SOGS PAR SKYE'O, ,BSGOM PA'I LAM GYI RJES LA BAR CHAD MED PA'I TING NGE 'DZIN GYI DON DPE SNGON DU 'GRO BAS BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA 'DZAM BU GLING MI ZHIG SNGON CHAD LHA YUL DE NAM YANG LHA'I YUL GZHAN 'PHUL DBANG BYED LA SOGS PA DANG, BYANG GI SGRA MI SNYAN DU MA PHYIN PA NI MA THOB PA'O, ,PHYIS RDZU 'PHRUL LA SOGS PAS SONG STE, RJES SU THOB NAS DE LA YONGS SU GZUNG BA DANG LDAN PA'I YUL DE RNAMS MTHONG NAS SEMS CAN GYI DON BYED PA'I RTEN YIN PA'I PHYIR PHYIR 'DIR 'ONGS PAR GYUR NA @68A *, ,CHAGS PAR MI BYED LTAR TE, SNGA NA MED PA'I BDE BA'I RGYU LA'O, ,DE BZHIN DU BYANG CHUB SEMS DPA' BSGOM PA'I LAM THOB PA'I YON TAN GYI GZHI DE NYID KHYAD PAR DU 'PHAGS PA'I PHYIR MCHOG GO, ,BSAM GTAN DMIGS PA MED PA DANG, DGE BA'I CHOS RNAMS DRAN YANG RKYEN GYI DBANG GIS GNAS TE BAR CHAD MED PA'I TING NGE 'DZIN ZHI BAR BYED PA LA RNAL 'BYOR BRTZON TE, PHYIR YANG 'DOD PA'I KHAMS SU GZUGS MED PA SPANGS TE, 'DIR 'DOD PA'I SGRA NI 'DIR BRJOD PAR 'DOD PA GZUNG STE, KHAMS GAR 'DOD PAR SNYING RJE BA SEMS CAN GYI DON BYED PAR GNAS PAR 'GYUR RO, ,DE DAG GI NYES PAS KYANG RJES SU GOS PA MED PA'I PHYIR CHU'I PADMA BZHIN DU DE LTA BU LA GNAS PA NYID KYIS BYIS PA'I CHOS SBYIN PA LA SOGS PA DMIGS PA'I CHOS MI GNAS SO, ,'DIR YANG GNAS PAR RTOGS PAR DKA' BA'I PHYIR BYANG CHUB SEMS DPA'I THABS LA MKHAS PA MA GTOGS PA RTZOD PA GZHAN DANG GZHAN RGYUD PAS RAB TU RGYAS PA'I LOG PAR BSGRUB PA BSAL BAR BYA STE, DE LA RE ZHIG GAL TE RTEN MED NA DMIGS PA LA SOGS PA JI LTAR ZHE NA, BDAG NYID CES BYA BA LA SOGS PA GSUNGS TE, CHOS BSTAN PA LA SOGS PAS SEMS CAN YONGS SU SMIN PAR BYA BA DANG, RANG GI SEMS YONGS SU SBYANGS PAS NI SANGS RGYAS KYI ZHING SBYANGS PA DANG, MI MTHUN PA'I PHYOGS SPANGS PAS SBYIN PA LA SOGS PA'I PHA ROL TU PHYIN PA YONGS SU RDZOGS PA'I DGONGS PA LAS GZHAN LAS BDAG NYID CHEN PO BYANG CHUB SEMS DPA' BRTEN PAR MI BYED DO, ,DE LTA MOD KYI DON DE'I PHYIR DMIGS PA DANG LDAN PA LA SOGS PA'I KHAMS SU MOS TE, GZUGS MED PA'I KHAMS TE, YANG SNOD GDAGS PA BSTAN PA CHEN PO'I MDO'I RJES SU 'BRANGS TE, NANGS KYI GONG NA NAM MKHA' MTHA' YAS SKYE MCHED LA SOGS PAR 'DU SHES PA BZHI'I RANG BZHIN DU RGYAL BA'I SRAS RNAMS SKYE BA DON DU GNYER BAR MI BYED DE, GANG GI PHYIR NA ZHI GNAS SHAS CHE BA'I PHYIR DANG 'DU SHES THAMS CAD 'GOG PAS YON TAN PHUL DU BYUNG BA 'BYUNG BA'I BYANG CHUB DANG, PHA ROL TU PHYIN PA RNAMS NYAMS PAR 'GYUR BA'I PHYIR RO, ,CI NAS DE'I NYES PAR 'GYUR BA RJES SU GOS PA'I CHAGS PA @68B MED DO, ,CI'I PHYIR DER GNAS PAR 'GYUR ZHE NA, DPE SNGON DU 'GRO BAS LAN BSTAN PA'I PHYIR, DPER NA ZHES BYA BA LA SOGS PA GSUNGS TE, DPER NA MI ZHIG GIS RIN PO CHE'I RANG BZHIN GYI GTER RNAMS RNYED GYUR NAS, DE LA 'DOD PA'I BLO NI BSKYED PAR MA BYAS TE, ,RANG LA DGOS PA MED LA, GZHAN GYIS MI SHES PA'I PHYIR GCIG PUS YANG GTER TE YANG DUS GZHAN ZHIG NA DE DAG YONGS BLANGS SHING, BLANGS NAS KHYIM DU SONG NAS CHAGS PA MED PAR RANG GI GNYEN RNAMS LA DGOD DO, ,DE LTAR DE BZHIN DU GZHAN GYI DON DU ZHUGS PA'I PHYIR, THABS LA MKHAS PA'I STOBS KYIS JI SKAD BSTAN PA'I BSAM GTAN BZHI PO NYID LA SNYOMS PAR 'JUG PA DANG MTHUN PA'I PHYIR ZHI BA RNAM PAR GROL BA THOB PAS, BYANG CHUB SEMS DPA' MKHAS PA DGA' BA DANG, BDE BA SBYIN ZHING DE LA CHAGS PA MED PAR GYUR PAS BDAG DANG GZHAN GYI DON GYI MTSAN NYID BSAM GTAN BDE LDAN TE, KUN RDZOB DANG DON DAM PA'I DBYE PAS RIM PA JI LTA BA BZHIN DU BSAM GTAN DANG SNYOMS PAR 'JUG PA THOB NAS CHAGS PA MED PAR BTANG STE, SNYING RJE CHEN PO'I DBANG GIS 'GRO LA SNYING BRTZER LDAN PAS PHYIR YANG JI SKAD BSTAN PA'I 'DOD PA'I KHAMS SU BDAG NYID LA KUN DU BTAGS NAS 'JUG KYANG DE LA CHAGS PA NI MED DO ZHES BYA BAR DGONGS SO, ,DE LTAR YIN NA'O NA NI MNYAM PAR MA BZHAG PA'I SA LA ZHUGS PA'I PHYIR JI LTAR G-YENG BAR MI 'GYUR ZHE NA, LAN DU GAL TE ZHES BYA BA LA SOGS PA GSUNGS TE, BYANG CHUB SEMS DPA' 'DOD PA'I KHAMS NA GNAS KYANG SEMS RTZE GCIG PA STONG PA NYID KYI TING NGE 'DZIN GYI BSAM GTAN TZAM YID LA BYED PAS GNAS TE, DGRA BCOM RANG RGYAL THEG PAR 'DOD PA'I BLO BSKYED NA STE, SEMS CAN LA LTOS PA MED PAR DES MNGON PAR 'DOD PA'I DON LA DMIGS PA SPANGS PA NI, MNYAM PAR MA BZHAG PAR GYUR PA NI DMIGS PA NYES PA YIN PA'I PHYIR SEMS RGOD PA'O, ,THEG PA CHEN PO LAS SEMS PHYI ROL DU GYUR PAS NA SEMS G-YENGS GYUR PA'O, ,DE LTA BU NI SANGS RGYAS YON TAN YONGS NYAMS TE, DPER NA MNYAN PA GRU ZHIG BZHIN TE, CHUR GRU BYING BA'O, ,DGONGS PA YIN GYI MNYAM PAR GZHAG @69A *, ,PA TZAM 'BA' ZHIG GIS SKYE BA MA YIN PA MNYAM PAR GZHAG PA THABS DANG SHES RAB KYI STOBS YIN NO ZHES BYA BAR DGONGS SO, ,ZER, MNYAM PAR GZHAG PA'I KHAMS SU SKYE BA'AM 'BA' ZHIG MA YIN TE 'O NA CI ZHE NA MNYAM PAR GZHAG PA THABS DANG SHES RAB KYI STOBS YIN NO ZHES BYA BAR DGONGS SO, ,DE NYID BSTAN PA'I PHYIR GZHAN YANG ZHES BYA BA LA SOGS PA GSUNGS TE, GZHAN YANG SGYU MA LTA BU'I CHOS KYI TSUL GYI SEMS CAN RJES SU 'DZIN PA LA DGONGS PAS GZUGS LA SOGS PA 'DOD PA'I YON TAN LNGA LA MNGON PAR BRTZON GYUR KYANG, DGRA BCOM RANG RGYAL THEG PA LA 'DOD PA'I SEMS DANG BRAL TE, STONG PA TZAM NYID DANG, SNYING RJE'I SNYING PO CAN GYI BYANG CHUB KYI SEMS DE NYID DANG, MNGON PAR 'DOD PA'I DON LAS RTAG TU NYAMS PA MED PA 'DI MNYAM GZHAG YIN PAR SHES PAR BYA'O, ,DPA' BO NI MI MTHUN PA'I PHYOGS LAS RGYAL BAR GYUR PA'I BYANG CHUB SEMS DPA'O, ,DE LTAR ZHAR LA BYUNG BA'I RTZOD PA DANG GZHAN DANG GZHAN RGYUD PA'I LOG PAR RTOGS PA BAS LA TE, RTZE MO'I MNGON PAR RTOGS PA BSTAN PA YIN NO, ,DE SKAD DU YANG, DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DAG DANG, ,BAR CHAD MED PA'I TING NGE 'DZIN, ,LOG PAR SGRUB DANG BCAS PA NI, ,RTZE MO'I MNGON RTOGS ZHES GSUNGS PA YIN NO, ,RTZE MO'I MNGON PAR RTOGS PA SO SO DANG BSDUS PA'I DON RTOGS PA THOB PA RIM PAR BYA STE, BRTAN PAR BYA BA'I PHYIR BSGOM PA NI MTHAR GYIS PA'I MNGON PAR RTOGS PA YIN NO ZHES BSTAN PA'I PHYIR, SEMS CAN ZHES BYA BA LA SOGS PA GSUNGS TE, SEMS CAN GZHAN TE, MI DGE BA LA SOGS PA'I BAG CHAGS KYIS GANG ZHING 'BO BAS NA GANG ZAG GO, ,GZHAN PHYIR TE NYES PA MA LUS PA BSAL BA'I RGYUS SEMS DPA' RNAM PAR DAG PA YOD PA STE, SBYIN PA LA SOGS PA PHA ROL TU PHYIN PA DRUG DANG, SANGS RGYAS LA SOGS PA RJES SU DRAN PA DRUG DANG, CHOS THAMS CAD RANG BZHIN MED PA'I NGO BO NYID LA BRTZON 'GRUS PHA ROL PHYIN LA @69B MNGON BRTZON PA STE, CHOS RNAM PA BCU GSUM PO DE DAG BSGOM PA NI RNAM PAR SPYOD PA'O, ,DE BZHIN DU JI SKAD BSTAN PA'I MNGON PAR RTOGS PA LA SOGS PA'I DON NI DPER NA LAS NGAN PA BYED NUS PAS CHU CHUN BRAN MO RANG DBANG MED PAR RJE BOS BSNGAMS PAS RJE BO'I DBANG NGO, ,DE BZHIN DU SEMS CAN THAMS CAD KYI DBANG DU GYUR PA'I DPA' RNAMS TE, BYANG CHUB SEMS DPA'O, ,SEMS CAN KUN GYIS BKOL ZHING DBANG DU 'GRO'O, ,ZHES BYA BAS NI MTHAR GYIS PA'I MNGON PAR RTOGS PA BSTAN TE, DE SKAD DU YANG MTHAR GYIS PA RNAM GSUM RNAM BCU ZHES GSUNGS PA YIN NO, , RNAM PAR BSGOM PA MTHAR GYIS PA'I MNGON PAR RTOGS PA SHIN TU GOMS PAR BYAS PAS DE NYID SKAD CIG MA GCIG LA RTOGS PA 'DI NI SKAD CIG MA GCIG LA MNGON PAR RDZOGS PAR BYANG CHUB PA YIN NO, ,ZHES DPE SNGON DU 'GRO BAS BSTAN PA'I PHYIR, SPYO BA ZHES BYA BA LA SOGS PA GSUNGS TE, DPER NA RJE BO DES NYES PA'I TSIG GIS SPYOS SAM STE, YID DU MI 'ONG BA BRJOD PA'O, ,TSIG NGAN PA DANG DBYIG PA LA SOGS PAS BRDEG PA BYED KYANG RUNG, 'ON KYANG SHIN TU SKRAG PA'I YID KYIS 'JIGS BCAS ZIL GYIS NON PAS GNAS PA STE, RJE BO 'DIS BDAG BZLOG TSIG SMRAS NA, SLAR YANG BSAD PAR GYUR DU 'ONG SNYAM SEMS NAS ZHES BYA BA'I TSIG GI LHAG MA'O, ,DE BZHIN DU BYANG CHUB SEMS DPA' BYANG CHUB CHED DU CHUB MCHOG ZHUGS PAS RNAM PAR SMIN PA MA YIN ZAG PA MED PA'I CHOS THAMS CAD SKAD CIG MA GCIG LA MTSAN NYID SKAD CIG MA GCIG GIS MNGON PAR BYANG CHUB LA SOGS PA RNAM PA BZHIS KUN GZHI RNAM PAR SHES PA LA CHOS THAMS CAD KYI BAG CHAGS RTEN NAS, GANG GI TSE SBYIN PA LA SOGS PA'I CHOS CIG GIS GZHAN ZAG PA MED PAR DMIGS PA NI GZHAN DAG DANG RGYU DANG 'BRAS BUR GYUR PA TSOGS PA GCIG LA RAG LAS PA'I PHYIR RO, ,PHUL DU GYUR PA KHYAD PAR CAN GYI RGYUS SKAD CIG MA GCIG LA RTOGS SO, ,DE BZHIN DU 'GRO BA KUN LA STE BAG CHAGS MA LUS PA SPANGS PAS DPER NA BRAN GYUR BZHIN DU DE DAG MGU BAS GNAS PAR BYA STE, SEMS CAN MGU BAR BYA BA GANG YIN PA 'DI LAS BYANG CHUB MCHOG THOB CING, YON TAN SOGS @70A *, ,PA'I RGYUR GYUR PA RDZOGS PAR 'GYUR RO, ,DPER NA RTZVA DANG SHING LAS ME BYUNG BAS RTZVA DANG SHING DE NYID BSREGS PA LTAR, DE BZHIN DU SEMS LAS BYUNG BA'I CHOS SEMS CAN MGU NA NYAMS PAR 'GYUR RO ZHES BYA BAR DGONGS SO, ,'DIS NI SKAD CIG MA GCIG LA MNGON PAR RDZOGS PAR BYANG CHUB PA BSTAN TO, ,DE SKAD DU YANG SKAD CIG MA GCIG GIS MNGON RDZOGS BYANG CHUB PA, MTSAN NYID KYIS NI RNAM PA BZHI ZHES BYA BA GSUNGS PA YIN NO, ,SKAD CIG MA GCIG LA MNGON PAR BYANG CHUB PA SHIN TU BSGOMS PAS SKAD CIG MA GNYIS PA LA CHOS KYI SKUR MNGON PAR BYANG CHUB PA YIN NO ZHES BSTAN PA'I PHYIR, BU GCIG CES BYA BA LA SOGS PA GSUNGS TE, DPER NA BU GCIG PA LA MA YANG DAG PAR G-YO LA SOGS PA SPANGS PA'I PHYIR BSAM PA THAG PAS SKYO BA MED PAR GNAS NAS RIM GRO BYED PA LTAR, DE BZHIN DU NGO BO NYID KYI SKU LA SOGS PA BZHI PHRIN LAS DANG BCAS PA THOB NAS, DMIGS PA MED PA'I THUGS RJE CHEN PO MNGON DU GYUR PAS BDAG GI BDE BA BTANG NAS SEMS CAN DE DAG GI PHAN 'DOGS PA'I SEMS KYIS TE, BZHED PA'I THUGS MI MNGA' BAR SEMS CAN GYI DON LA NYIN MTSAN MNGON PAR BRTZON PAS BCOM LDAN 'DAS DE BZHIN GSHEGS PA YANG DAG PAR BZHUGS SO, ,'DIS NI CHOS KYI SKU MNGON PAR BYANG CHUB STON TO, ,DE SKAD DU YANG, NGO BO NYID LONGS RDZOGS BCAS DANG, ,DE BZHIN GZHAN NI SPRUL PA DANG, ,CHOS SKU MDZAD DANG BCAS PA STE, ,RNAM PA BZHIR NI YANG DAG BRJOD, ,CES GSUNGS PA YIN NO, ,DE DAG GIS NI MNGON PAR RTOGS PA BRGYAD NYID YONGS SU RDZOGS PAR BYIS PA'I SKYE BOS RTOGS PAR BYA BA'I PHYIR DON BSDUS NAS BSTAN TE, DE YANG RGYA CHER NI 'PHAGS PA BRGYAD STONG PA'I BSHAD SBYAR LAS GZUNG NGO, ,DE DAG NI BSLAB PAR 'DOD PAS BYE BRAG GI DON RAB TU SBYAR MOD KYI, RNAM PA THAMS CAD SBYAR BAR MI NUS PA'I PHYIR SKABS GZHAN DU NI BSDUS NAS BRJOD PAS GCIG TU BSDUS PA'AM RGYAS PA'I PHYOGS CUNG ZAD KYANG MA YIN NO, ,DES BRJOD PAR 'DOD PA MI GNAS PA LA BRJOD PAR 'DOD PA'I TSIG TU DRANGS PA 'BA' ZHIG TU ZAD DE, DE'I GZHUNG NYE BAR BKOD PA LA SUN 'BYUNG BA MA BYAS SO, ,YON @70B TAN RIN PO CHE SDUD PA TSIGS SU BCAD PA LAS RJES SU RIG PA'I LE'U STE NYI SHU RTZA DGU PA'I BSHAD PA'O,, ,,JI SKAD BSHAD PA'I MNGON PAR RTOGS PA BRGYAD KYI RANG BZHIN GYI YUM THOS PA LA SOGS PA'I SHES PA BSKYED NAS THOB PA'I CHED DU DGE BA'I BSHES GNYEN MNYES PAR BYAS NA CI 'DRA BA ZHIG BSGRUB PAR BYA BA DE BSTAN PA'I PHYIR, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG YUN RING POR 'KHOR BAR 'KHOR 'DOD CING, DE BZHIN DU RTEN DANG, BRTEN PA'I DBYE BAS SEMS CAN GYI DON DANG SANGS RGYAS KYI ZHING SBYONG ZHING SANGS RGYAS KYI RJES SU GNANG BA LA SBYOR BAR BRTZON PA'I RNAL 'BYOR PA YUN THUNG DUS YUM MA THOB KYANG CHOS RNAMS SGYU MA LTA BUR BSGOMS PA'I STOBS KYIS SKYO BA'I BLO NI RDUL TZAM SKYE BAR MI 'GYUR NA, DE NI SHES RAB KYI PHA ROL TU PHYIN PA THOB PAS SEMS CAN LA DMIGS NAS DON BYED PA LA SOGS PA BRTZON 'GRUS RNAM PA GSUM GYI PHA ROL TU PHYIN PA DANG LDAN TE, GNYID DANG RMUGS PA MED PAS G-YEL BA MED PAR 'GYUR RO, ,SKYO BA'I BLO BSKYED PA LA NYES PA CI ZHIG YOD PA BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE BSKAL PA BYE BAR SANGS RGYAS BDAG GIS THOB PAR BYA SNYAM NA, BYANG CHUB SEMS DPA' MI MKHAS PA DE'I TSE DE BZHIN GSHEGS PA'I BYANG CHUB RING BAR 'DU SHES BSKYED PAS SDUG BSNGAL DU 'DU SHES PAS YUN RING POR SDUG BSNGAL BAR 'GYUR RO, ,CHOS LA DMIGS PAR MNGON PAR ZHEN PA THOB PA NYID KYI PHYIR DE BAS NA BRTZON 'GRUS KYI PHA ROL TU PHYIN PA NYAMS PA'I PHYIR LE LO'I CHOS KYI RANG BZHIN DU 'GYUR RO, ,'O NA JI LTAR SKYO BA'I BLO BSKYED PAR MI BYA ZHE NA, BYANG CHUB MCHOG TU ZHES BYA BA LA SOGS PA GSUNGS TE, DANG POR BYANG CHUB MCHOG TU SEMS BSKYED PA NAS, BLA NA MED PA'I BYANG CHUB DE BZHIN GSHEGS PA THOB KYI BAR GYI DUS THAMS CAD LA GANG GI TSE NYIN MTSAN GCIG TZAM DU NI YID LA SEMS PAR BYED DE CHOS RNAMS SGYU MA LTA BUR BSGOM PA SNGON DU 'GRO BAS KUN RDZOB TZAM LA SHIN TU GNAS PA DE'I TSE THABS KYIS SKYO BA'I 'DU SHES BSAL BAS MKHAS PA GSAL BAS BRTZON 'GRUS BRTZAMS PAR RIG PAR BYA'O, ,YANG DAG PAR ZHUGS PA NYID LA BDUD @71A *, ,GNOD PA BYED PAR 'GYUR BA BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE 'GA' ZHIG 'DI SKAD SMRA STE, RI'I RGYAL PO RI RAB GANG GIS BSHIG PA DE NYID KYIS BYANG CHUB MCHOG THOB 'GYUR ZHES SMRA BA LAS, DE THOS NAS BYA BAR MI NUS PA LA SOGS PAS SKYO BA'I BLO SKYED PAR BYED CING, 'DI SNYAM DU RI RAB DPAG TSAD BRGYAD KHRI'I TSAD KYANG SEMS PA NI TSAD SHES PA'O, ,DE'I TSE BYANG CHUB SEMS DPA' LE LOR GYUR PA YIN TE, DE BAS NA BYANG CHUB THOB PAR MI 'GYUR, ZHES BYA BAR DGONGS SO, ,'O NA DES BLO JI LTA BU BSKYED PAR BYA ZHE NA, JI STE ZHES BYA BA LA SOGS PA GSUNGS TE, JI STE DE'I YANG BLO SKYES PA 'DI PHYIN CI LOG GI BAG CHAGS KYIS KUN DU BSKYED PA'I PHYIR YANG DAG PA'I YE SHES SKYES PAS RDUL TZAM RI RAB YIN PAS SKAD CIG TZAM LA THAL BAR BRLAG SEMS BSKYED NAS, BYANG CHUB SEMS DPA' MKHAS PA BRTZON 'GRUS BRTZAMS PA STE, RING PO MI THOGS 'DREN PA'I BYANG CHUB MCHOG THOB PAR 'GYUR TE, 'DREN PA NI BCOM LDAN 'DAS DANG 'BREL PAR SHES PAR BYA'O ZHES BYA BA'I BAR DU'O, ,MI MTHUN PA'I PHYOGS SPANGS PA'I BRTZON 'GRUS DNGOS POR DMIGS NA SKYON YIN NO ZHES BSTAN PA'I PHYIR, 'GRO BA ZHES BYA BA LA SOGS PA GSUNGS TE, RDZU 'PHRUL DANG KUN BRJOD PAS NI 'GRO BA YONGS SU SMIN PAR BYAS NAS RJES SU BSTAN PA'I CHO 'PHRUL GYIS BDAG GI DON BYA SNYAM PA'I BSAM PA LA SOGS PAS GAL TE LUS DANG NGAG DANG YID KYIS PHA ROL GNON PA'I BSAM PA DANG BCAS PAS BRTZON PAR BYED NA, DE'I TSE NYON MONGS PA SHAS CHE BAS LE LO THOB PAR 'GYUR TE, GZHAN DU 'DU SHES PA DANG MED NA MI 'BYUNG BA BDAG TU 'DU SHES PA GNAS PAS DE'I PHYIR 'DOD CHAGS LA SOGS PA'I NYON MONGS PA 'BYUNG BAS, RGYAL BA'I SRAS BDAG MED PA SGYU MA LTA BUR BSGOM PA LA RING BAR 'GYUR TE, DNGOS PO'I MTSAN NYID DANG, DNGOS PO MED PA'I MTSAN NYID SA DANG NAM MKHA' BZHIN TE, BRTZON 'GRUS DANG LDAN PA LA NI MA YIN NO, ,YANG JI LTAR BRTZON 'GRUS DANG LDAN PA BSTAN PA'I PHYIR, GANG TSE ZHES BYA BA LA SOGS PA GSUNGS TE, GANG @71B GI TSE SGYU MA LTA BU NYID KYI PHYIR LUS SU MA YIN, SEMS SU YANG MA YIN TE, DE DAG NYE BAR MTSON PA YIN PAS NGAG KYANG MA YIN TE, DNGOS POR DMIGS PA SPANGS PA'I PHYIR SEMS CAN DU 'DU SHES MED DO, ,DES 'DI LTAR 'DU SHES RNAM PAR BZLOG NAS GANG GI TSE GNAS PA NA DNGOS PO DANG DNGOS PO MED PA YID LA BYED PA DANG BRAL BA'I PHYIR, GNYIS SU MED CHOS SPYOD PA DANG, ,DE'I TSE 'DI NI 'DOD PA'I NYES PA THAMS CAD ZHI BAR GNAS PAS NA ZHI BA'O, ,MI GNAS PA'I MYA NGAN LAS 'DAS PA NYID KYIS NA MI NYAMS PA'O, ,BYANG CHUB MCHOG RGYAL BA'I SRAS RNAMS 'DOD PAS BRTZON 'GRUS PHA ROL PHYIN CES PHAN PA MDZAD PAS GSUNGS, PHAN PA MDZAD PA NI 'JIG RTEN MGON PO'O, ,JI LTAR DGE BA'I BSHES GNYEN TSOL BA LA SOGS PA LA ZHUGS PAS GOMS PAR BYAS PA STE, GZHAN DU YANG DAG PAR 'DOD PA'I DON GRUB PAR MI 'GYUR TE, GZHAN 'DOD PA BYED PA LA BRTAGS TE BZOD PA'I CHOS LA SPYOD PA NI BZOD PA YIN NO ZHES BSTAN PA'I PHYIR, GAL TE ZHES BYA BA LA SOGS PA GSUNGS TE, KHRO BAS BSKYED PA'I GZHAN LAS TSOGS PA MI 'BYUNG BAR NGAN BRJOD TSIG RTZUB THOS GYUR NA, BZOD PA GOMS PAR BYAS PA NI BSOD NAMS BSAGS PA'I RGYU YIN PA'I PHYIR DGE BA'I BSHES GNYEN NYID DU DES SHES PAR BYAS NAS DGA' BA SKYED PAR BYED CING BZHIN 'DZUM PA'I PHYIR GANG ZHIG BZHIN MDZES PA NI BYANG CHUB SEMS DPA' MKHAS PAS SU SMRA, RJES THOGS SU SUS THOS, GANG GIS DE BSKYED, GANG ZHIG DANG NI 'BREL GANG GI PHYIR DMIGS PA ZHES SPYOD CING, 'ON KYANG SGYU MA LTA BU YIN PA'I PHYIR CHOS 'DI RNAMS 'GA' YANG SMRA BAR 'GYUR BA MED DO ZHES BYA BA LA SOGS PAS SO SOR RTOG PAR BYED DO, ,DE BAS NA BZOD PA'I CHOS LA BRTAGS NAS PHA ROL GNON PAR BYED PA LA SPYOD PA'I RANG BZHIN GNYIS POS NI PHA ROL PHYIN MCHOG LDAN PA DE NI MDZANGS PA YIN NO ZHES BYA BA NI TSIGS SU BCAD PA'I DON YIN NO, ,BZOD PA LA YON TAN CI YOD CE NA, BYANG CHUB CES BYA BA LA SOGS PA GSUNGS TE, BYANG CHUB SEMS DPA' GANG ZHIG BSTAN MA THAG PA'I BZOD PA GNYIS LA GOMS PAR BYAS PA'I PHYIR BZOD PA'I RIM PA JI LTA BA @72A *, ,BZHIN SNYING RJE DANG SHES RAB TU LDAN PA NI YON TAN TE, LEGS CHOS LDAN NO, ,NYE BAR RTAG PA BZUNG NA STONG GSUM GYI STONG CHEN PO'I 'JIG RTEN GYI KHAMS RIN PO CHES BKANG STE, YANG DAG PAR RDZOGS PA'I SANGS RGYAS 'JIG RTEN MKHYEN PA DANG, NYAN THOS RNAMS DANG RANG SANGS RGYAS RNAMS LA PHUL BA DE LTA BUS SNGA MA'I BYANG CHUB SEMS DPA'I BSOD NAMS LA LTOS NAS PHYI MAS RGYU DANG PHRA BA'I CHAR YANG MI PHOD DO, ,DE NI BSOD NAMS KYI RGYU YIN PA'I PHYIR SBYIN PA'I RGYUN GYIS DER MI 'GYUR RO, ,GANG GIS NA DE LTA BU NYID YIN ZHE NA, BZOD LA ZHES BYA BA LA SOGS PA GSUNGS TE, BZOD PA RNAM PA GNYIS BSGRUBS NAS GNAS PA DES MDZES PA'I BDAG NYID KYI NGO BO YONGS SU BZUNG BA'I PHYIR BDAG GI LUS NI YONGS SU DAG 'GYUR TE, MTSAN SUM CU RTZA GNYIS KYIS LUS RNAM PAR BRGYAN PA'I PHYIR SUM CU RTZA GNYIS MTSAN DANG MTHU STOBS SO, ,DPE BYAD BZANG PO BRGYAD CU DANG LDAN PA'I PHYIR PHA MTHA' YAS SO, ,MTHONG NA NGOMS MI SHES PA'I SKU MNGA' BA NYID KYIS NI LAS DANG 'BRAS BU YID CHES PA'I CHOS RAB LA RAB TU BZHAG NAS STONG PA SGROGS PAR BYED DO, ,'DI NI BZOD LDAN DE LA GANG DAG 'GRO BA THAMS CAD GNOD PA MI BYED PAS DGRA MED PA NYID DE; YID DU 'ONG BAR GYUR PA NI MKHAS PA'O, ,BZOD PA'I PHA ROL TU PHYIN PA JI LTA BAR 'BRAS BU DE DAG SBYIN PA'I PHA ROL TU PHYIN PA LA MI SRID DO, ,DE BAS NA SNGAR BSTAN PA'I TSIGS SU BCAD PA'I DON PHYOGS 'DIR GNAS SO ZHES BYA BAR DGONGS SO, ,DA NI SDUG BSNGAL LA JI MI SNYAM PA'I BZOD PA DANG; CHOS LA SO SOR RTOG PA'I BZOD PA DANG BCAS PA BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE SEMS CAN LA LAS TE LHA SBYIN LA SOGS PA'I SKYE BOS TZANDAN PHUR MA BLANGS NAS, BLA MA LA RAB TU GUS PAS BYANG CHUB SEMS DPA' LA NI SKUR BYED LA, GNYIS PA 'GA' ZHIG GIS YANG ME MDAG GI PHUNG PO MGO LA 'THOR BYED NA, DE GNYI GA LA YANG CHOS LA BDAG MED PA BSGOMS PA'I STOBS KYIS DES MNYAM PA'I YID NI BYANG CHUB MCHOG GI RGYU MTSAN DU BSKYED PAR BYA'O, ,DE LTA NA JI SKAD BSTAN PA'I BZOD PA BSGOM PA YIN NO, ,DE YANG 'BRAS BU @72B BYANG CHUB CHEN POR YONGS SU SNGO BAR BYED PA BSTAN PA'I PHYIR, BYANG CHUB CES BYA BA LA SOGS PA GSUNGS TE, BZOD PA'I RIM PA SNGAR BSTAN MA THAG PA DANG LDAN PA NI BYANG CHUB SEMS DPA' MKHAS PA GSAL BA'O, ,BZOD PA DANG BCAS PAR GYUR PAS SEMS BSKYED DE, 'GRO BA'I DON DU BYANG CHUB MCHOG TU YONGS SU BSNGOS NA, DE'I TSE DPA' BO 'JIG RTEN KUN LA BZOD PAS DGRA BCOM PA DANG, RANG RGYAL DANG, BYANG CHUB SEMS DPA' DANG, SEMS CAN KHAMS KYI BZOD PA JI SNYED PA THAMS CAD YANG DAG PAR ZIL GYIS GNON TO, ,GANG GI PHYIR 'GRO BA LA SOGS PA THAMS CAD KYIS BZOD PA BYAS PA JI SKAD BSTAN PA GZHAN DAG GIS YONGS SU BSNGOS PAS KHYAD PAR DU 'PHAGS PA'I PHYIR ZIL GYIS GNON PAR MI NUS PAS MI MTHUN PA'I PHYOGS LAS NGES PAR RGYAL ZHES BYA BA'I BAR DU'O, ,GZHAN GYIS GNOD PA BYAS PA LA SOGS PA LA DMIGS PA CAN GYIS YANG DE LA BZOD PAR BYA BA BSTAN PA'I PHYIR BZOD BYED CES BYA BA LA SOGS PA GSUNGS TE, SEMS DMYAL DUD 'GRO GSHIN RJE'I 'JIG RTEN SDUG BSNGAL MANG, ,'DOD PA'I YON TAN RGYU YIS DBANG MED GNOD MYONG NA, ,BYANG CHUB CHED DU CI PHYIR DA LTAR BDAG DE LTA BU GRUB PA DGE BA'I BSHES GNYEN LAS CHOS THOS PAS JI LTAR DA BZOD MI BYA'O SNYAM DU'O, ,CI'I PHYIR GYI SGRAS 'PHANGS PA BRJOD PAR BYA BA'I PHYIR SMOS KYANG CI DGOS ZHES DE LTAR SNYAM PA'O, ,SHES RAB KYI STOBS KYIS GZHAN GNOD PA BYED PA LA RNAM PAR DPYAD PAR 'GYUR ZHES BYA BAR DGONGS SO, ,DE NYID BSTAN PA'I PHYIR LCAG DBYUG CES BYA BA LA SOGS PA GSUNGS TE, YANG GANG GI TSE RTZVA DANG LCUG MA LA SOGS PA'I LCAG GIS BRDEG PA DANG, DBYUG PA LA SOGS PAS BRDEGS TE NOR LA SOGS PA 'PHROG PA'I CHAD PA DANG, RAL GRI LA SOGS PA'I MTSON GYIS BRGYAB NAS GSOD PA DANG, LU GU RGYUD LA SOGS PAS 'CHING BA DANG, LAG PA'I KHU TSUR LA SOGS PAS BRDEG PA DANG, MGO GCOD PA DANG, RNA BA RKANG LAG SNA GCOD PA NI DUM BUR BYED PA'O, ,DE LTAR SKYE BA LA SOGS PA'I RANG BZHIN 'JIG RTEN SDUG BSNGAL MYONG BA JI SNYED PA BDAG GIS 'DI LTAR CHOS KHYAD PAR CAN GANG @73A *, ,ZHIG THOB PA LA SBYAR BAR BYA'O ZHES BYA BA LTA BU NI GANG GI TSE SO SOR RTOG PAR BYED PA YIN TE, DE'I TSE BYANG CHUB SEMS DPA'I BZOD PA'I PHA ROL TU PHYIN PA JI SKAD BSTAN PA'I RANG BZHIN LA GNAS TE RTAG TU NGU BZHIN NO, ,YON TAN RIN PO CHE SDUD PA TSIGS SU BCAD PA LAS RTAG TU NGU'I LE'U STE SUM CU PA'I BSHAD PA'O,, ,,DE LTAR BSTAN PA'I DGE BA'I BSHES GNYEN GANG GIS DANG POR YON TAN THAMS CAD KYI GZHI YIN PA'I PHYIR TSUL KHRIMS LA GDAMS PAR BYA'O ZHES BSTAN PAR BYA BA'I PHYIR, TSUL KHRIMS ZHES BYA BA LA SOGS PA GSUNGS TE, SDOM PA LA SOGS PA'I TSUL KHRIMS RNAM PA GSUM NOD PAR BYED PAS MYA NGAN LAS 'DAS PA'I BSAM PAS SDOM PA NOD PA NI ZHI BA 'DOD RNAMS TE, DE DAG JI SNYED 'PHAGS PAR 'GYUR BA SDOM PA'I BYED PA YIN PA'I PHYIR SDOM PA'I BYA BA'O, ,GRUB PA PHUN SUM TSOGS PA NI KUN GYI RJES SU 'JUG PA'O, , SEMS CAN KUN LA PHAN PHYIR TE BLA NA MED PA YANG DAG PAR RDZOGS PA'I BYANG CHUB TU NGES PAR 'BYUNG BA'I CHED DU DE YANG YONGS SU SNGO BAR BYED NA DE NI STOBS BCU LDAN PA ZHES BYA BAR 'BREL TO, ,SPYOD YUL NI LTUNG BA THAMS CAD SPANGS PA'I PHYIR TSUL KHRIMS NYAMS PA MED PAR GNAS PAR GYUR PA YIN NO ZHES TSIGS SU BCAD PA'I DON SBYAR RO, ,DON DE NYID LDOG PA SNGON DU 'GRO BAS GSAL BAR BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE RANG RGYAL DANG DGRA BCOM PA'I BYANG CHUB BZUNG NAS SDOM PA MNOS PA YONGS SU SNGO BAR BYED PA NI REG PAR 'DOD PA'O, ,DE'I TSE THEG PA CHEN PO SGRUB PA SPANGS PA'I PHYIR TSUL KHRIMS 'CHAL ZHING NGO, ,MI MKHAS PA NI BYANG CHUB SEMS DPA'O, ,DE BZHIN DU BLANGS PA'I SDOM PA YONGS SU BTANG ZHING BUG PA DANG BCAS PAS SPYOD PA NI NYAMS PA'O, ,CI STE BYANG CHUB ZHI BA MCHOG TU BLANGS PA'I TSUL KHRIMS YONGS SU SNGO BAR BYED NA, 'DOD YON BRTZON YANG TSUL KHRIMS DANG 'GAL BA MED PAR BSTAN TE, BLANGS PA'I DON YONGS SU MA BTANG BAS TSUL KHRIMS PHA ROL TU PHYIN PA LA GNAS SO, ,CI'I PHYIR TSUL KHRIMS KHO NA LA DANG POR GDAMS SHE NA, CHOS GANG ZHES BYA BA LA SOGS PA GSUNGS TE, GANG ZHIG GI RANG GI DON PHUN SUM TSOGS PA NI CHOS SO, , @73B GNYI GA'I DON PHUN SUM TSOGS PA NI DES PA'I BYANG CHUB PO, ,GZHAN GYI DON PHUN SUM TSOGS PA NI YON TAN NO, ,THOB PA'I RGYU MTSAN NYID YIN PAS BYANG CHUB SEMS DPA' LA DGOS PA'I TSUL KHRIMS LTUNG BA MED PAR BSRUNG BA DE NI YON TAN CHOS LDAN 'BYUNG 'GYUR BA NI TSUL KHRIMS DON NO, ,YANG GANG ZHIG PHAN PAR BYED PA'I CHOS DANG BYANG CHUB YON TAN YONGS SU NYAMS PA'I BYANG CHUB SEMS DPA' DE NI TSUL KHRIMS 'CHAL ZHES BYA BAR 'BREL TE, RNAM PAR 'DREN PAS GSUNGS SO, ,DE BAS NA TSUL KHRIMS KHO NA LA DANG POR GDAMS SO ZHES BYA BAR 'BREL TO, ,SU ZHIG GIS TSUL KHRIMS LA GNAS SHE NA, GAL TE ZHES BYA BA LA SOGS PA GSUNGS TE, GAL TE BYANG CHUB SEMS DPA' 'DOD PA'I YON TAN LNGA 'JIG RTEN DU GRAGS PA SPYOD KYANG DKON MCHOG GSUM LA BYANG CHUB CHEN PO'I MTHAR THUG PA'I BAR DU SKYABS SU SONG STE, 'GRO BA LA PHAN PA'I PHYIR BDAG GIS SANGS RGYAS THOB PAR BYA'O ZHES THAMS CAD MKHYEN PA NYID KYANG YID LA BYED PAR GYUR NA, DE LTA BU NI YANG RE ZHIG BYANG CHUB KYI SDOM PA 'DZIN PA'I PHYIR TSUL KHRIMS PHA ROL PHYIN GNAS RIG PAR BYA BA NI SHES PAR BYA'O, ,THEG PA CHEN PO'I MDO GZHAN DAG LAS BYANG CHUB SEMS DPA'I SDOM PA'I TSUL KHRIMS LA SOGS PA RGYA CHER GSUNGS MOD KYI, 'DIR YANG MDOR BSDUS NAS BSTAN TO, ,THAMS CAD MKHYEN PA NYID YID LA BYED PA DANG MA BRAL BA NI TSUL KHRIMS NYAMS PA YIN NO ZHES BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE BSKAL PA BYE BAR SROG GCOD PA SPANGS PA LA SOGS PA'I DGE BA'I LAS LAM BCU SPYOD KYANG DGRA BCOM RANG RGYAL NYID DU YANG TSUL KHRIMS BSNGO ZHING YID LA 'DOD PA SKYED PAR BYED NA, DE'I TSE SNGA MA BZHIN DU TSUL KHRIMS NYAMS PA DANG LDAN PAS TSUL KHRIMS SKYON BYUNG BA DANG DE BZHIN DU RAL BAS TSUL KHRIMS NYAMS PAR GYUR PA YIN NO, ,GANG GI PHYIR BYANG CHUB TU SEMS BSKYED PA DE NI SANGS RGYAS NYID LA SPYAN DRANGS NAS DE LAS SLAR LOG PAS SEMS CAN BSLUS PA'I PHYIR PHAS PHAM PAS KYANG STE, RTZA BA'I LTUNG BAS SHIN TU LCI STE, DES NYAN THOS LA SOGS PA SEMS BSKYED CING 'DOD PA DANG BCAS PAR GYUR @74A *, ,PAS SO, ,YANG DAG PAR SNANG BA'I TSUL KHRIMS LA JI LTAR 'JUG PAR BYA BA BSTAN PA'I PHYIR, TSUL KHRIMS ZHES BYA BA LA SOGS PAS GSUNGS TE, JI SKAD BSTAN PA'I TSUL KHRIMS MNOS PA BSRUNG ZHING BLANGS NAS SO, ,SNGA MA BZHIN DU BYANG CHUB MCHOG TU YONGS BSNGO NA, GANG GI TSE TSUL KHRIMS DE YIS GZHAN LA MI SMOD CING RLOM SEMS MED CING BDAG NYID KYI TSUL KHRIMS DKA' THUB KYI NGA RGYAL GYIS BDAG LA STOD PAR MI BYED LA, NGA'I 'DU SHES LEN PA NYID DANG, DE BZHIN DU 'DOR BA DANG, SEMS CAN 'DU SHES YONGS SU SPANGS NA, DE'I TSE JI SKAD BSTAN PA'I BYANG CHUB SEMS DPA' TSUL KHRIMS KYI PHA ROL TU PHYIN PA LA GNAS ZHES BRJOD DE, DE BAS NA DE LTAR 'JUG PAR BYA'O ZHES BYA BAR DGONGS SO, ,NYES PA GZHAN DAG KYANG YOD PA NYID DU BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE BYANG CHUB SEMS DPA' RGYAL BA'I LAM SPYOD PA JI SKAD BSTAN PA'I TSUL KHRIMS KYI LAM YIN PA'I PHYIR SEMS CAN 'DI DAG KHRIMS LDAN 'DI DAG KHRIMS 'CHAL ZHES DOR BAR BYA BA DANG BLANG BAR BYA BA NYID DU RNAM PAR 'JOG PAR BYED NA, DE'I PHYIR SNA TSOGS 'DU SHES ZHUGS PA DNGOS POR DMIGS PA THAMS CAD BSRUNG BAR MI NUS PA'I PHYIR SNGA MA BZHIN DU MCHOG TU NYAMS SHING YANG DE BZHIN DU TSUL KHRIMS RAL BAS NA DE NYID KYI PHYIR YONGS DAG TSUL KHRIMS MED DO, ,DE LTA BAS NA DNGOS POR DMIGS PAR MI BYA'O, ,MI DMIGS PAR SPYOD PA LA LTUNG BA MED DO ZHES BSTAN PA'I PHYIR, GANG LA ZHES BYA BA LA SOGS PA GSUNGS TE, GANG LA SGYU MA LTA BU'I CHOS NYID RTOGS PA'I STOBS KYIS BDAG TU 'DU SHES MED PAS SEMS CAN GZHAN DU 'DU SHES MED DO, ,DE NYID KYI PHYIR BDAG DANG GZHAN GYI CHAR 'BYED PA MED PAS RJES SU CHAGS PA DANG KHONG KHRO BA DANG BRAL BA'I PHYIR MTSAN MAR 'DZIN PA LAS PHYIR PHYOGS PA DANG LDAN PAS BKAG PA'I DNGOS PO LA MI SPYOD PAS SDOM MIN GA LA YOD DE, DE NYID KYI PHYIR GANG LA SDOM DANG SDOM PA MA YIN RLOM SEMS MED DE, TSUL KHRIMS DANG BRTUL ZHUGS MCHOG TU 'DZIN PA SKYON YIN PA'I PHYIR RO, ,MI DGE BA BSKYED CING 'DZIN PA DANG SDOM PA MA YIN PA YANG DE @74B LA MED DE, DES NI MI DGE BA LAS BZLOG NAS DGE BA LA ZHUGS PA'I PHYIR TSUL KHRIMS SDOM PAR 'DREN PAS GSUNGS SO, ,TSUL KHRIMS DANG LDAN PA DE NYID SBYIN PA LA 'JUG PA YIN NO ZHES BSTAN PA'I PHYIR, SEMS CAN ZHES BYA BA LA SOGS PA GSUNGS TE, GANG ZHIG BSTAN MA THAG PA DE LTAR KUN RDZOB TU TSUL KHRIMS DANG LDAN PAR GYUR PAS DON DAM PAR SPROS PA MED PA'I PHYIR DE LTA BAS NA 'DZIN PA MED PAS GANG ZHIG SDUG PA DANG MI SDUG PA'I DNGOS PO KUN LA LTA BA MED PA YIN NO, ,YANG DE NYID KYI PHYIR YAN LAG GI DAM PA MGO LA SOGS PA GTONG ZHING ZHUM PA'I SEMS KYANG MED LA, DGOS PA GTONG BA NI BDOG PA THAMS CAD GTONG ZHING RTAG TU SBYIN PA'I 'BRAS BU LA LTOS PA MED PAS NA ZHEN PA MED PA'O, ,PHYI ROL GYI DNGOS PO YONGS SU GTONG BA MED PAR JI LTAR NA THAMS CAD GTONG BA YIN ZHE NA, CHOS RNAMS ZHES BYA BA LA SOGS PA GSUNGS TE, GANG ZHIG DMAN PA LA BRTAGS PA SNGON DU 'GRO BAS NGES PA'I DON THA MAL PA KUN RDZOB KYI RGYU DANG 'BREL PA LAS BYUNG BA'I PHYIR YAM BRLAR RO, ,DON DAM PAR RANG BZHIN DANG BRAL BA'I PHYIR BDAG MED PAR YANG SHES NAS, GANG GI TSE BDAG GI SHA YANG GTONG BA LA ZHUM PA'I SEMS MED NA, DE TSE PHYI ROL DNGOS PO GTONG BA SMOS KYANG CI DGOS TE, 'DIR PHYI ROL GYI DNGOS PO LA SER SNA BYED PA DE NI GNAS MED DE MI SRID DO, ,BDAG MED PA'I RNAL 'BYOR PA CI'I PHYIR SBYIN PA LA SOGS PA LA 'JUG CE NA, BDAG TU ZHES BYA BA LA SOGS PA GSUNGS TE, GAL TE BDAG TU 'DU SHES NAS DNGOS PO LA BDAG GIR 'DZIN PAS CHAGS TE, YONGS SU GTONG BA'I MTSAN NYID MED PA'I PHYIR DMIGS PA'I MUN PAS KUN RDZOB NYID LA RMONGS PA LA GTONG BA'I BLO LTA GA LA YOD, DE NYID KYI PHYIR SER SNA CAN DE DAG NI YI DAGS GNAS SU SKYE BAR 'GYUR LA, BRGYA LA CI STE MIR SKYES NA YANG DE TSE DBUL POR 'GYUR TE 'THOB BO, ,YANG DE NYID KYI PHYIR JI SKAD BSTAN PA NYID KYI SBYIN PA LA 'JUG PAR BYA'O ZHES BYA BAR GNAS SO, ,CI'I PHYIR DANG PO SBYIN PA KHO NA LA MOS PAR BYED CE NA, DE TSE ZHES BYA BA LA SOGS PA GSUNGS TE, GANG GI TSE SEMS CAN DBUL PO MTHONG BA DE'I TSE, BYANG CHUB SEMS DPA' SNYING RJE PHUN SUM TSOGS PAS JI SKAD BSTAN PA'I @75A *, ,SBYIN PA LA MOS PA DANG LDAN TE, LUNG LA SOGS PA'I TSAD MA DANG LDAN PA NYID KYIS 'BRAS BU DANG BCAS PAS THAMS CAD GTONG ZHING RTAG TU LHUG PAR GTONG BA DANG LDAN PAR 'GYUR TE, DE'I TSE GLING BZHI PA RIN PO CHE SNA BDUN GYIS BRGYAN PA NI RNAM PA THAMS CAD DU 'DZIN PA DANG BRAL BA'I PHYIR MCHIL MA'I THAL BA 'DRA, 'KHOR GSUM RNAM PAR DAG PA DANG LDAN PAR BYIN NAS DE BZHIN DU DGA' BAR TE YID BDE BA THOB PAR 'GYUR GYI, JI SKAD BSTAN PA'I GLING THOB PA NI DE LTA MIN NO ZHES BYA BA'I BAR DU'O, ,JI SKAD BSTAN PA'I SBYIN PA MI ZAD PAR BYA BA'I PHYIR CHED DU BLA NA MED PA'I BYANG CHUB TU BSNGO BAR BYA'O ZHES BSTAN PA'I PHYIR, BYANG CHUB CES BYA BA LA SOGS PA GSUNGS TE, BSTAN MA THAG PA'I RIM PAS SBYIN PA BYIN TE, BYANG CHUB SEMS DPA' MKHAS PA GSAL BA SRID PA GSUM GYI SEMS CAN JI SNYED YOD PA DE DAG KUN LA SBYIN PA 'DI BYIN PAR GYUR CIG SNYAM DU DE LTA BU'I BSAM PAS SBYIN PA BYIN LA, DE YANG 'GRO BA'I DON NYID KYI PHYIR BYANG CHUB MCHOG TU YONGS SU BSNGO NA, BYANG CHUB DANG SEMS CAN MI ZAD PA'I SBYIN PA ZAD PAR MI 'GYUR RO ZHES BYA BAR DGONGS SO, ,DE YANG MNGON PAR ZHEN PA MED PA'I 'BRAS BU RTOGS PAR BYA BA'I PHYIR, SBYIN PA BYIN NAS ZHES BYA BA LA SOGS PA GSUNGS TE, SBYIN PAR BYED PA DANG, SBYIN PA DANG, LEN PA PO MI DMIGS PA GANG YIN PA DE NI DNGOS PO LA GNAS PAR BYED PA MED DO, ,SBYIN PA BYIN PA YANG PHA ROL RJES SU BZUNG BA'I BLOS YIN GYI, DE NI NAM DU YANG 'BRAS BU MNGON PAR 'DOD PA'I RNAM PAR SMIN PA LA RE BA MED DO, ,DE LTAR 'BRAS BU DANG BCAS PAR RANG LA JI SNYED BDOG PA GTONG BAR 'GYUR BA NI MKHAS PA THAMS CAD STONG PA STE CHUNG DU BTANG BA LA YANG THABS LA MKHAS PA'I STOBS KYIS GRANGS MED DPAG TU MED PA STE YONGS SU BCAD PAR MI NUS PA'I PHYIR DPAG TU MED PA'I RNAM PAR SMIN PA THOB PA 'GYUR RO ZHES BYA BA NI LHAG MA'O, ,GANG SER SNA TSAR BCAD PA DANG SBYIN PA'I PHA ROL TU PHYIN PA BZHIN DU RJES SU YI RANG BA SNGON DU 'GRO BAS YONGS SU BSNGO BA LA GOMS PAR BYA'O ZHES BSTAN PA'I PHYIR, SRID PA ZHES BYA BA LA SOGS PA GSUNGS TE, 'DOD PA DANG GZUGS DANG, GZUGS MED PA'I MTSAN NYID NI SRID PA GSUM MO, ,DE DAG NA SEMS CAN MA LUS JI SNYED @75B PA THAMS CAD NAM MKHA'I KHAMS KYI KHONGS SU GTOGS PA'I PHYIR MA LUS PA STE SRID PA'O, ,YANG DE DAG THAMS CAD KYIS 'JIG RTEN MKHYEN PA SANGS RGYAS DANG, RANG RGYAL DGRA BCOM LA BSKAL PA MTHA' YAS PAR SBYIN PA BYIN, DE BZHIN DU NYAN THOS LEGS TSOL NA STE, NYAN THOS KYI YON TAN 'DOD CING ZHES BYA BAS NI NYE BAR MTSON PA STE, SANGS RGYAS LA SOGS PA'I YON TAN YANG NGO, ,DNGOS POR DMIGS PA DANG LDAN PAS ZHUGS PA'I PHYIR YONGS SU RTAG PA BZUNG NAS GNAS NA ZHES BYA BAR DGONGS SO, ,BYANG CHUB SEMS DPA' MKHAS PA YANG DAG PA'I THABS LA MKHAS PA GZHAN GANG ZHIG GIS, DE DAG GI BSOD NAMS BYA BA'I DNGOS PO LA YI RANGS NAS SEMS CAN DON DU STE, RGYUR BYANG CHUB MCHOG TU YONGS BSNGO NA, 'DI LTAR DES SER SNA TSAR BCAD NAS JI SKAD BSTAN PAS 'GRO BA THAMS CAD ZIL GYIS GNON TO, ,JI SKAD BSTAN PA'I YONGS SU BSNGO BAS YONGS SU SNGO BAR BYED PA JI LTA BA BZHIN DU RTOGS PAR BYA BA'I PHYIR, NOR BU ZHES BYA BA LA SOGS PA GSUNGS TE, DPER NA NOR BU MCHING BU'I PHUNG PO CHEN POR GYUR PA DANG, RIN PO CHE BEE d'U RYA GCIG GIS DE KUN RIN THANG MTHU CHE BA'I PHYIR ZIL GYIS GNON TO, ,DE BZHIN DU 'GRO KUN SBYIN PA'I PHUNG PO RGYA CHEN KUN RJES SU YI RANG BSNGO NA DU 'GRO BA BSTAN MA THAG PA'I RIM PAS YONGS SU SNGO BAR BYED PA'I BYANG CHUB SEMS DPA' DE DAG THAMS CAD ZIL GYIS GNON RO, ,PHA ROL TU PHYIN PA GNYIS RGYA CHER BSTAN NAS DE BZHIN DU PHA ROL TU PHYIN PA LHAG MA RNAMS LA GDAMS PA BSTAN PA'I PHYIR, GAL TE ZHES BYA BA LA SOGS PA GSUNGS TE, GAL TE BYANG CHUB SEMS DPA' PHA ROL TU PHYIN PA LHAG MA YONGS SU SKYONG ZHING STER BA NA 'GRO BA DANG 'BREL PAR SBYIN PA BYIN NAS DE DAG NYID YONGS SU SKYONG BA NA DE LA BYED PA POR MI DMIGS PAS NA BDAG GIR MI BYED LA, BYA BA'I LAS SU YANG MI RTOG LA, DNGOS PO LA YANG PHANGS PA MED NA, DE LAS DGE BA'I RTZA BA MTHU CHEN 'PHEL 'GYUR TE, SPRIN MED 'OD LDAN ZLA DKYIL YAR GYI NGO BZHIN NO ZHES BYA BA DES NI PHA ROL TU PHYIN PA LHAG MA LA GDAMS PAS DON MA LUS PA LA GDAMS PA YIN TE, BYANG CHUB SEMS DPA' CHOS 'PHAGS PA BZHIN DU DGE BA'I BSHES GNYEN GYIS BYA BA YIN PAR RIG PAR BYA'O, ,YON TAN RIN PO CHE SDUD PA @76A *, ,TSIGS SU BCAD PA LAS CHOS 'PHAGS KYI LE'U STE SUM CU RTZA GCIG PA'I BSHAD PA'O,, ,,DE LTA BU'I GDAMS NGAG THOB PA LA SEMS BSKYED PA LA SOGS PA'I RIM GYIS RAB TU DGA' BA LA SOGS PA'I SA THOB PAS SBYIN PA LA SOGS PA'I PHA ROL TU PHYIN PA LA GTZO CHER LHAG PAR BYA BA RTOGS PAR BYA BA'I PHYIR, BYANG CHUB CES BYA BA LA SOGS PA GSUNGS TE, DE LA RE ZHIG SA DANG PO RAB TU DGA' BA LA GNAS PA'I BYANG CHUB SEMS DPAS GTZO CHER BYA BA NI SER SNA SPANGS NAS SBYIN PAS RNAM PA THAMS CAD DU YI DAGS SU 'GRO BA'I BDAG NYID SEMS CAN THAMS CAD KYI SER SNA GCOD DO, ,BYANG CHUB SEMS DPA' DE BZHIN DU DBUL BA DANG NI STE, DE BZHIN DU 'BREL BA'I SRED PA DANG, MI KHOM PA DANG, SDUG BSNGAL LA SOGS PA DANG NYON MONGS PA THAMS CAD GCOD CING SEL BAR BYED DO, ,LONGS SPYOD KYI RNAM PA'I BYE BRAG MTHA' YAS RGYAS PA NI RGYA CHE BA THOB NAS BYANG CHUB SEMS DPA' SPYAD PA SPYOD PAR BYED DE, SDUG BSNGAL DANG LDAN PA'I SEMS CAN SBYIN PAS BYANG CHUB TU SEMS BSKYED PA LA SOGS PA LA BKOD NAS SMIN PAR BYED DO, ,DE BZHIN DU DRI MA MED PA LA GNAS PAS NI TSUL KHRIMS 'CHAL BA'I SKYON THAMS CAD DANG BRAL BAS JI SKAD BSTAN PA'I TSUL KHRIMS KYIS DUD 'GRO'I 'GRO BA DU MA SNA TSOGS PA'I GZUGS CAN GYI NGO BO DANG, MI KHOM PA BRGYAD SPONG BAR BYED CING, DE YIS MI NYID LA SOGS PA DAL 'BYOR KHYAD PAR CAN GYI DON BYED PA RTAG TU RNYED DO, ,'OD BYED PA LA GNAS PAS NI GNOD SEMS THAMS CAD BRAL BA'I BZOD PAS GZUGS BZANG STE MTSAN LA SOGS PAS BRGYAN PA'I PHYIR RO, , DAM PA NI MCHOG GO, ,RGYA CHEN NI YANGS PA'O, ,THOB PAR 'GYUR TE GSER DANG 'DRA BA'I PHYIR GSER MDOG YID DU 'ONG BA'I PHYIR SDUG PA'O, ,LTA BAS CHOG MI SHES PA'I PHYIR 'GRO BAS LTA BA'I 'OS SU 'GYUR BA'O, ,'OD 'PHRO BA LA GNAS PAS NI LE LO THAMS CAD DANG BRAL BA'I BRTZON 'GRUS KYI NI DKAR PO'I YON TAN 'GRIB MI 'GYUR TE, YE SHES KYI YUL MTHA' YAS PAS NA MTHA' YAS TE, SANGS RGYAS NYID KYI NOR MCHOG BSAGS PA'I BDAG NYID YIN PA'I PHYIR RGYAL BA'I BANG MDZOD RNYED PAR 'GYUR RO, ,SBYANGS DKA' BA LA GNAS PAS NI RNAM PAR G-YENG BA THAMS CAD SPANGS PA'I BSAM GTAN GYIS NI 'DOD PA'I YON TAN RNAM PAR G-YENG @76B BA'I RGYUR GYUR PAS NYES PA'I RNAM PA CAN YIN PA'I PHYIR SMAD PA RNAM PA THAMS CAD YONGS SU 'DOR BAR BYED CING, KHYAD PAR CAN GYI BDEN PA RTOGS PA DANG, MNGON PAR SHES PA'I RANG BZHIN YIN PA'I PHYIR RIM PA JI LTA BA BZHIN DU RIGS DANG MNGON PAR SHES PA DANG NGO, ,DPA' BAR 'GRO BA LA SOGS PA'I TING NGE 'DZIN SKYED PAR BYED PA'I PHYIR MNGON PAR SGRUB PA'O, ,MNGON DU GYUR PA LA GNAS PAS NI SHES RAB 'CHAL PA THAMS CAD SPANGS NAS SHES RAB KYIS NI CHOS KYI RANG BZHIN SGYU MA LTA BU NYID LA SOGS PA'I BDAG NYID DU YONGS SU SHES NAS, KHAMS GSUM PA'I NGAN SONG DANG PHYIN CI LOG GIS BCINGS PA DE RNAMS MA LUS PA LAS YANG DAG 'DA' BAR 'GYUR TE, SPRUL PA'I SPRIN GYIS DANG POR DE BZHIN GSHEGS PA LTAR CHOS KYI 'KHOR LO RIN PO CHE BSKOR NAS PHYIS RIM GYIS CHOS BSTAN PAS THEG PA GSUM 'DZIN DU BCUG STE, SEMS CAN GYI 'JIG RTEN PHYIN CI LOG GI SDUG BSNGAL SPONG BA LA 'GOD DO, ,RING DU SONG BA LA GNAS PAS NI THABS KYI STOBS KYIS SBYIN PA LA SOGS PA'I PHA ROL TU PHYIN PA'I RANG BZHIN YONGS SU RDZOGS PAR BYED DO, ,MI G-YO BA LA GNAS PA'I BYANG CHUB SEMS DPA'I SMON LAM GYI MTHUS NI GSER LA SOGS PA'I RANG BZHIN GYI SA GZHI CAN DU BA SGRUBS NAS SNOD KYI 'JIG RTEN YONGS SU DAG PA DANG, BKRES PA LA SOGS PA MED PAS BCUD KYI 'JIG RTEN GYI SANGS RGYAS KYI ZHING YONGS SU DAG PA 'DZIN DU 'JUG PA'O, ,DE BZHIN DU LEGS PA'I BLO GROS LA GNAS PAS NI STOBS KYI MTHUS SEMS CAN GYI KHAMS SANGS RGYAS NYID LA BKOD PAS SANGS RGYAS KYI RIGS KYANG YONGS SU 'DZIN DU 'JUG GO, ,DE BZHIN DU SA BCU PA CHOS KYI SPRIN LA GNAS PAS NI YE SHES KYI STOBS KYIS RGYUN DU CHOS BSTAN PAS CHOS KYI RIGS DANG, DE BZHIN DU RGYUN MI 'CHAD PAR BYANG CHUB SEMS DPA' GZHAN DANG GZHAN SGRUB PAS DGE 'DUN GYI RIGS KYANG YONGS SU 'DZIN DU 'JUG GO, ,DE BZHIN DU RIM PAS BCU GCIG KUN DU 'OD SANGS RGYAS KYI SA LA BZHUGS PAS NI BAG CHAGS DANG BCAS PA'I SGRIB PA THAMS CAD SPANGS NAS CHOS THAMS CAD KYI PHYIN CI MA LOG PA'I CHOS NYID THUGS SU CHUD PA 'DZIN DU 'JUG GO, ,DE LTAR YUM RGYA CHER BSTAN NAS YUN RING DU GNAS @77A *, ,BAR BYA BA'I PHYIR YONGS SU GTAD PA BSTAN PA'I PHYIR, 'GRO BA'I NAD GSO ZHES BYA BA LA SOGS PA GSUNGS TE, DPER NA GZHI DANG MTSAN NYID LA PHUL DU BYUNG BAR MKHAS PA LA 'GRO BA'I NAD GSO BYED PA SMAN PA'I MCHOG GYUR PA ZHES BRJOD DO, ,DE DANG 'DRA BAR DE LTAR BRJOD DO, , DON DANG LDAN PA'I MING BTAGS PA NI SEMS BSKYED PA LA SOGS PA'I YON TAN RIN PO CHE BRTZEGS PA'I PHYIR RIN CHEN SDUD PA'O, ,BLA NA MED PA'I BYANG CHUB THOB PAR BYED PA'I PHYIR LAM MO, ,TSIGS BCAD DU BSDEBS NAS BSTAN PA'I PHYIR TSIGS SU BCAD PA'I RANG BZHIN NO, ,LAM NI SEMS CAN KUN GYIS BSGOM PA'I MAN NGAG JI LTA BA BZHIN DU RJES SU THOB PA NI DE BZHIN DU GYUR PA'O, ,BYA ZHES BYA BA NI 'PHAGS PA KUN DGA' BO LA SOGS PA LA YONGS SU GTOD PA YIN PAR RTOGS PAR BYA STE, DE LTAR 'PHAGS PA STONG PHRAG BRGYA PA LAS BCOM LDAN 'DAS KYI ZHABS SU BSTAN PA'I PHYIR RO, , DE BSGOM PA'I MAN NGAG GI RIM PA 'DI LA MNGON PAR YID CHES PAR BYA STE, 'DI LTAR DANG PO RE ZHIG GNAS YID DU 'ONG BAR BYAS PA'I PHYOGS SU STON PAR MDZAD PA'I BCOM LDAN 'DAS SH'AKYA'I RGYAL PO SENG GE'I KHRI LA BZHUGS NAS CHOS KYI 'KHOR LO BSKOR BA'I PHYAG RGYA DANG LDAN PA LA JI LTA BA BZHIN DU MCHOD PA LA SOGS PA SNGON DU 'GRO BAS SANGS RGYAS DANG BYANG CHUB SEMS DPA' LA SOGS PAS YONGS SU BSKOR BAR BSAMS LA PHYAG BYA'O, ,DE NAS RDO RJE SKYIL MO KRUNG BCAS PAS LUS DRANG POR BSRANGS TE, MNYAM PAR GZHAG PA'I PHYAG RGYA BCAS LA, LCE RKAN LA SBYAR NAS MIG SNA GONG DU GTAD DE, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' SNGA MA BZHIN DU DMIGS TE, DE DAG LAS SHES RAB KYI PHA ROL TU PHYIN PA'I TSUL BDAG MED PA GSAL BAR BYED PA'I MAN NGAG MNOS LA RTZA BA'I SEMS KYIS MING DANG MTSAN MA LA DMIGS NAS DE NYID KYI TSIG GI BYE BRAG DANG, LE'U LA SOGS PA'I DBYE BA LA RJES SU SPYOD PA'I SEMS KYIS RNAM PAR DPYAD DE, DE NAS MNGON PAR RTOGS PA BRGYAD KYI GNAS SKABS DBYE BA'I GRANGS RTZI BA DANG, MNGON PAR RTOGS PA'I RANG BZHIN SO SOR NGES PAR 'JAL BA DANG, SGRO 'DOGS PA DANG, SKUR BA 'DEBS PA MED PAR DPYOD PA DANG, MNGON SUM DANG RJES SU @77B DPAG PA'I TSAD MAS BRTAGS PA'I PHYIR SO SOR RTOG PA NYID DO, ,DE LTAR SHES RAB KYI PHA ROL TU PHYIN PA'I DON RNAM PA BZHIR RNAM PAR DPYAD DE, YI GE YANG SIL BU DANG BSDUS PA'I RIM PA JI LTA BA BZHIN DU DON MED PA DANG DON DANG BCAS PA NYID KYIS RNAM PA DE GNYIS LA RNAM PAR DPYOD PA'I PHYIR RNAM PAR DPYOD PA'I SEMS SO, ,DE'I TSE RNAM PAR DPYAD PA'I RGYU MTSAN GYIS 'DI NYID BDEN GYI GZHAN NI RMONGS PA'O ZHES NGES PAR 'DZIN PA'I SEMS KYIS NGES PAR BZUNG NAS, JI LTA BA BZHIN GYI RNAM PAR DPYAD PA NYID KYI DON MTSAN MA LA DMIGS PA RTZA BA'I SEMS SU BSDUS PA'I SEMS KYIS BCUG NAS, BLA NA MED PA YANG DAG PAR RDZOGS PA'I SANGS RGYAS LA 'DUD PA NI 'DUN PA'I SEMS SO, ,SHES RAB KYI MIG GIS SGYU MA LTA BU LAS CHOS THAMS CAD LAS YANG DAG PA'I YE SHES KYI SNANG BAS MA GZIGS PAS RNAM PAR RTOG PA MED PA'O, ,DE LA RGYU DANG 'BRAS BU'I NGO BO DANG BRAL BA'I PHYIR STONG PA NYID DO, ,DE YANG RANG DANG SPYI'I MTSAN MA MED PAS MTSAN MA MED PA'O, ,DES DON DU GNYER BAR BYA BA'I DNGOS PO MI DMIGS PA'I PHYIR SMON PA MED PA NYID DO, ,YANG DE BZHIN DU RANG BZHIN GYIS 'OD GSAL BA'I RNAM PAR GROL BA'I SGO'I TING NGE 'DZIN TO, ,SEMS BSKYED PA LA SOGS PA'I RIM PAS CHOS NYID YONGS SU MI SHES PA DE DAG PHYIN CI LOG GIS BCINGS PAS, 'KHOR BA NA SPYOD PA'I 'CHING BA DANG LDAN PA'I SEMS CAN GYI KHAMS NGES PAR LEGS PA LA 'GOD PA'I SNYING RJE CHEN PO BSGOM PAR BYA'O, ,DE LA TING NGE 'DZIN LA LE LO DANG, DMIGS PA LA BRJED PA DANG, BYING BA DANG, RGOD PA DANG, MI RTZOL BA DANG, RTZOL CHES PA DANG, SKYON DRUG PO DE DAG GNAS SKABS JI LTA BAS SKYES PA NA DE'I GNYEN PO 'DU BYED BRGYAD JI LTA BA BZHIN DU BSTEN PAR BYA STE, 'DI LTAR TING NGE 'DZIN GYI YON TAN LA MNGON PAR YID CHES BA'I MTSAN NYID DAD PAS RNAL 'BYOR PA LA 'DUN PA YANG DAG PAR SKYE'O, ,'DUN PA DE'I STOBS KYIS BRTZON 'GRUS RTZOM MO, ,DE NAS BRTZON 'GRUS KYI STOBS KYIS LUS DANG SEMS SHIN TU SBYANG BAR 'GYUR RO, ,LUS DANG SEMS SHIN TU SBYANGS PAS LE LO LDOG PAR 'GYUR RO, ,DE LTAR NA DAD PA LA SOGS PA BZHIS LE LO SPONG BAR 'GYUR RO, ,DMIGS PA BRJED PA'I GNYEN POR NI DRAN PA NYID DE, DES YANG DAG @78A *, ,PA'I DMIGS PA LA GNAS SO, ,SHES BZHIN NI BYING RGOD KYI GNYEN PO STE, DE NYID KYIS DGA' BA'I DNGOS PO SANGS RGYAS LA SOGS PA'I YON TAN YID LA BYED PAS BYING BA SPONG NGO, ,YANG DAG PAR SKYO BA'I DNGOS PO MI RTAG PA LA SOGS PA YID LA BYED PA LA SOGS PAS RGOD PA SPONG BAR 'GYUR RO, ,BYING RGOD ZHI BAR BYED PA'I DUS SU MI RTZOL NA YANG SKYON YIN PAS SEMS PA LA GOMS PAR BYA'O, ,BYING RGOD ZHI BA NA GANG GI TSE SEMS DMIGS PA LAS RAB TU MI G-YO BA NA MNGON PAR 'DU BYED PA LA ZHUGS PAR GYUR NA DE'I TSE RTZOL BA SKYON YIN NO, ,DE LA SEMS RNAM PAR G-YENG BA DE'I GNYEN PO BTANG SNYOMS BSGOM PAR BYA'O, ,RIM PA DE LTAR BSGOMS NAS LANGS TE SNGAR SDUD PAR BYED PAR RANG GI LHA RDO RJE 'CHANG GI GZUGS SU MOS PAR BYAS NAS BYANG CHUB SEMS DPA' LA SOGS PA SPYAN DRANGS NAS, SHES RAB KYI PHA ROL TU PHYIN PA BSHAD PAS CHOS KYI SBYIN PA BYIN TE, DE DAG THAMS CAD MNGON PAR MA ZHEN PA'I RNAL 'BYOR GYIS SEMS CAN THAMS CAD KYI DON DU BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,DE BZHIN DU THUN MTSAMS BZHIR BSGRUB PAR BYA'O, ,YON TAN RIN PO CHE SDUD PA TSIGS SU BCAD PA LAS YONGS SU GTAD PA'I LE'U STE SUM CU RTZA GNYIS PA'I BSHAD PA'O,, ,,RNAL 'BYOR MKHAS PA 'GAS KYANG SNGON CHAD YUM 'DI'I BSGRUB PA RIG PAS MA RTOGS PA, ,GTI MUG MUN NAG SMAG NI MA LUS BSAL BA'I MGON POS MKHYEN NAS GSUNGS PA YI, ,RIGS PA LEGS LDAN TSIG GIS DE BSHAD PA LAS BDAG GIS BSOD NAMS GANG THOB PA, ,DES NI YON TAN RIN CHEN BSDUS LDAN 'DI NI 'GRO BAS MYUR DU THOB PAR SHOG ,GANG ZHIG MNGON PAR RTOGS RGYAN GYIS, ,DE YI BSDUS DON RAB GSAL BA, ,SHES RAB PHA ROL PHYIN BSHAD PA, ,RDZOGS LA RTOGS PAR SLA BA YIN, ,BRGYAD PA'I SDEB SBYOR NGES BCINGS PA'I, ,TSIGS SU BCAD PA YONGS RTZIS NA, ,PHYE NA STONG PHRAG GNYIS DAG DANG, ,BRGYA YIS 'DI LHAG SHES PAR BYA, ,YON TAN RIN PO CHE SDUD PA TSIGS SU BCAD PA'I DKA' 'GREL RTOGS PAR SLA BA ZHES BYA BA, SLOB DPON CHEN PO SENG GE BZANG PO'I ZHAL SNGA NAS KYIS MDZAD PA RDZOGS SO,, ,,BAL YUL GYI PAndI TA DZE TA HANG DU SH'ANTI BHA DRA'I ZHAL SNGA NAS DANG, BOD KYI LO TZTSA BA 'BRO SENG DKAR SH'AKYA'I 'OD KYIS BSGYUR BA'O,, ,, @78B #, ,RGYA GAR SKAD DU, AA BHI SA MA YA AA LAm K'A RA N'A MA PRADZNY'A P'A RA MI TA AU PA DE SHA SH'ASTRA BRiD TI, BOD SKAD DU, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA'I 'GREL PA, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SHES RAB PHA ROL PHYIN PA LA, ,DE'I RGYAN TSIG LE'UR BYAS PA DANG ,KUN GYI RGYAN DU 'GYUR BAR NI, ,RNAM PAR DBYE PHYIR GUS PHYAG 'TSAL, ,'GRO LA CHAGS PAS KUN CHAGS MDZAD, ,'PHAGS PA THOGS MED SKYOB NYID KYIS, ,MI PHAM MGON LA GSAN NAS NI, ,BSTAN BCOS CHEN PO'I RNAM BSHAD MDZAD, ,'GRO DON RTZA LAG DBYIG GI GNYEN, ,RANG GI MOS PA GTZOR BYED PAS, ,SHES BYA NANG GI YIN PA LA, ,YANG DAG RTEN NAS RNAM PAR BKROL, ,'PHAGS PA'I KHONGS SU GTOGS PA YI, ,RNAM PAR GROL BA ZHES BYAS KYANG, ,DES BYAS BYAS PA MIN MTHONG NAS, ,DBU MAR GNAS PA'I BLOS RNAM PHYE, ,DE YI 'OG TU RNAM GROL SDE, ,DAD PA'I SA LA GNAS PA YIS, ,BSTAN BCOS MTHA' DAG MA RNYED PAR, ,RANG DANG RJES MTHUN RNAM BSHAD BYAS, ,DE LTAR MKHAS PAS SNANG BYAS SHING, ,'GA' ZHIG KHO NAS MA RNYED PA'I, ,BSTAN BCOS MTHA' DAG 'DI DE LTAR, ,RNYED PA GANG DE YA MTSAN NO, ,DE LTAS SHIN TU RNYED DKA' BA, ,ZAB MO'I LAM 'DI CI ZHIG LTAR, ,SANGS RGYAS DBANG GIS RNYED PA NI, ,MKHAS PA RNAMS KYIS DBYE BA'I RIGS, ,RNAM PA KUN DU BDAG GI NI, ,SPYOD YUL MIN YANG BSOD NAMS DAG ,BSGRUB DANG MTHUN PHYIR RANG GZHAN LA, ,PHAN GDAGS 'DOD PAS SPRO BA SKYES, ,'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS, SO SO RANG GI RIG PA'I YE SHES KYIS SHES RAB KYI PHA ROL TU PHYIN PA'I YUL CAN GYI RAB TU DANG BA NI LEGS PA THAMS CAD 'THOB PA'I RGYU'I GTZO BO YIN NO ZHES BYA BAR NGES PAR BZUNG NAS, GZHAN DAG BCOM LDAN 'DAS MA YON TAN RIN @79A *, ,PO CHE PHUL DU DBYUNG DU MED CING DPAG TU MED PA'I 'BYUNG GNAS LA DON GYIS 'JUG PAR BYA BA'I PHYIR RAB TU DANG BA BSKYED PA'I CHED DU, RE ZHIG DANG POR YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ,NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA PHYAG 'TSAL, ,ZHES BYA BA GSUNGS SO, ,TSIGS SU BCAD PA 'DIS NI 'DI'I CHE BA'I BDAG NYID PHUL DU BYUNG BA DANG LDAN PA BRJOD DE, DE THOS NAS RE ZHIG DAD PA'I RJES SU 'BRANG BA RNAMS NI 'DI LA THE TSOM MED PAR MYUR DU RAB TU DAD PA SKYE'O, ,CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR ZHES BYA BA LA SOGS PA'I TSAD MAS GZHI DANG LAM DANG RNAM PA SKYE BA MED PAR YONGS SU SHES PA TSIGS SU BCAD PA'I DON GYI MTSAN NYID KYI YUM LA GNOD PA MA MTHONG NAS, SHES RAB KYI PHA ROL TU PHYIN PA THAMS CAD MKHYEN PA NYID GSUM GYI BDAG NYID TSUL GSUM PA CAN, SANGS RGYAS LA SOGS PA BSKRUN PAR MDZAD PA NI GDON MI ZA BAR SRID PA NYID DE ZHES NGES PAR GZUNG STE, DE LA RAB TU DANG BA SKYED PAR BYED PA NYID DO, ,DE LA RAB TU DANG BAS KYANG DE'I YON TAN MNGON PAR 'DOD PA'I GANG ZAG GNYIS KA YANG DE DANG DE LA BRTEN PA'I GSUNG RAB LA RNAM PA THAMS CAD DU GZUNG BA LA SOGS PA'I DON DU SHIN TU GUS PAR BYED DO, ,DE NAS THOS PA LAS BYUNG BA LA SOGS PA'I SHES PA SKYE BA'I RIM GYIS LEGS PA'I MCHOG 'THOB PAR 'GYUR RO, ,DE'I PHYIR BCOM LDAN 'DAS MA LA RAB TU DANG, BA NI LEGS PA THAMS CAD 'THOB PA'I RGYU'I GTZO BO YIN NO, ,DE LA THAMS CAD MKHYEN PA NYID GSUM GYIS NI DON BRGYAD BSDUS LA DE DAG KYANG SHES RAB KYI PHA ROL TU PHYIN PA YIN ZHING DES KYANG 'CHAD PAR 'GYUR BA'I TSUL GYIS DON THAMS CAD PHUN SUM TSOGS PA YIN NO ZHES DE LTAR THUGS @79B LA BZHAG NAS THAMS CAD MKHYEN PA NYID GSUM GYI SGO NAS SHES RAB KYI PHA ROL TU PHYIN PA LA BSTOD DO, ,NYAN THOS DANG DE'I PHYOGS SU BSLAN PA RNAM PAR THAR PA CUNG ZAD TZAM ZHIG GIS LHAG PA RIM PA GCIG GIS BSTAN PA RANG SANGS RGYAS KYANG STE, MYA NGAN LAS 'DA' BAR 'DOD PA RNAMS GZHI THAMS CAD SKYE BA MED PAR YONGS SU SHES PA NYID KYIS PHUNG PO DANG BCAS PA DANG PHUNG PO MED PA'I MTSAN NYID KYIS MYA NGAN LAS 'DAS PA RNAM PA GNYIS THOB PAR MDZAD PA GANG YIN PA DANG, BYANG CHUB SEMS DPA' 'KHOR BA JI SRID BAR 'GRO BA'I DON BYED PA RNAMS LAM THAMS CAD SKYE BA MED PAR RTOGS PA'I NGO BO NYID KYIS 'GRO BA MTHA' DAG GI DON SGRUB PAR MDZAD PA GANG YIN PA DANG, RNAM PA THAMS CAD SKYE BA MED PAR THUGS SU CHUD PA GANG DANG LDAN NA, SANGS RGYAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG GI GTZO BO RNAMS SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, SANGS RGYAS NYAN THOS LA SOGS PAS YONGS SU BSKOR BA DE SGRUB PAR BYED PA NYID KYI YUL DE LA PHYAG 'TSAL LO, ,DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS MNGON PAR RTOGS PA'I RGYAN GZHI DANG GNYEN PO DANG RNAM PA RNAMS LAS GANG YANG RUNG BA ZHIG BSDUS PA MDZAD NAS, PHYOGS DANG PO LTAR NA NI 'BAD PA DON MED PA YIN TE, SHES RAB KYI PHA ROL TU PHYIN PA 'DI LAS NI MTSAN NYID KYI BSTAN BCOS DAG LAS MI SMOS PA'I GZHI GANG YIN PA DE 'BYUNG BA NI MED DO, , GNYIS PA LTAR NA YANG RNAM PAR BYANG BA'I DNGOS PO BSDUS PA'I PHYIR KUN NAS NYON MONGS PA'I DNGOS PO MA BSDUS PAS 'DI GANG GI GNYEN PO YIN PA KHONG DU CHUD PAR MI 'GYUR RO, ,GSUM PA LTAR NA YANG RNAM PA GZHI MED PA TZAM ZHIG BSDUS PA'I PHYIR DON RTOGS PA MED PAS, CUNG ZAD KYANG MA BSHAD PA'I PHYIR DON MED PA YIN NO SNYAM DU GZHAN DAG SEMS PAR 'GYUR BA MA YIN NAM ZHE NA, DE NI MA YIN TE, GANG GI PHYIR NYAN THOS DANG RANG SANGS RGYAS DANG BYANG CHUB SEMS DPA' DANG, BLA NA MED PA'I SANGS RGYAS RNAMS KYIS GO RIMS JI LTA BA BZHIN THAMS CAD MKHYEN @80A *, ,PA NYID GSUM GYIS MNGON PAR RTOGS PA MTHA' DAG BSDUS PAS NA PHYOGS GSUM CAR GYIS KYANG BSDUS PA'I PHYIR RO, ,'DI LTAR RGYAL BA'I YUM BAR MA LAS RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI YIN NO, ,BCOM LDAN 'DAS CI'I SLAD DU THAMS CAD 'TSAL BA NYID NYAN THOS DANG RANG SANGS RGYAS RNAMS KYI LAGS, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM YIN LA, DE DAG KYANG NYAN THOS DANG RANG SANGS RGYAS RNAMS KYIS SHES KYI, LAM THAMS CAD KYIS KYANG MA YIN LA, RNAM PA THAMS CAD DU YANG MA YIN PAS DE'I PHYIR NYAN THOS DANG RANG SANGS RGYAS RNAMS KYI NI THAMS CAD SHES PA NYID CES BYA'O, ,BCOM LDAN 'DAS CI'I SLAD DU LAM GYI RNAM PA 'TSAL BA NYID BYANG CHUB SEMS DPA' RNAMS KYI LAGS, RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG RANG SANGS RGYAS KYI LAM GANG YIN PA DANG SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA'O, ,DE DAG KYANG YONGS SU RDZOGS PAR BYA ZHING DE DAG GIS LAM GYI BYA BA YANG BYA LA, SMON LAM YONGS SU RDZOGS PAR MA BYAS PA DANG SEMS CAN RNAMS YONGS SU SMIN PAR MA BYAS PA DANG SANGS RGYAS KYI ZHING YONGS SU MA SBYANGS PAR DE DAG GIS YANG DAG PA'I MTHA' MNGON SUM DU NI MI BYA'O, ,DE'I PHYIR BYANG CHUB SEMS DPA' RNAMS KYI NI LAM GYI RNAM PA SHES PA NYID 'BRING DANG MDOR BSDUS PA LA DAD PA'I SEMS CAN LA PHAN 'DOGS MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI LAGS, RAB 'BYOR RNAM PA GANG DAG DANG RTAGS GANG DAG DANG MTSAN MA GANG DAG GIS CHOS RNAMS RAB TU BRJOD PA'I RNAM PA DE DAG DANG RTAGS DE DAG DANG MTSAN MA DE DAG DE BZHIN GSHEGS PAS THUGS SU CHUD DE DE'I PHYIR DE @80B BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI NI RNAM PA THAMS CAD MKHYEN PA NYID CES BYA'O, ,DE BZHIN DU MDOR BSDUS PA LAS KYANG NYAN THOS KYI SA LA SLOB PAR 'DOD PAS KYANG ZHES BYA BA LA SOGS PA GSUNGS LA, RGYAS PA LAS KYANG RGYA CHER GSUNGS SO, ,DE LA THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ,LAM SHES PA NYID NI THEG PA THAMS CAD KYIS NGES PAR 'BYUNG BA DANG, DE KHO NA NYID MNGON SUM DU MI BYED PA'I RTEN CAN 'BRAS BU SEMS CAN MA BSDUS PA SDUD PA LA SOGS PAR BYED PA CAN YIN NO, ,RNAM PA THAMS CAD MKHYEN PA NYID NI CHOS THAMS CAD SKYE BA MED PA'I RTEN CAN, 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON RGYUN MI 'CHAD PA DANG, YANG DAG PA NYID KYI MTHA' RTOGS PA DANG, BAG CHAGS KYIS MTSAMS SBYOR BA NYID SPANGS PA CAN YIN NO, ,DE LTA BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA THAMS CAD BSDUS PAS MNGON PAR RTOGS PA RIL RDZOGS PAR BSTAN PA YIN NO, ,ZHES BYA BA 'DI 'THAD PA YIN NO, ,SKYE BO BLO GROS DMAN PA DAG BCOM LDAN 'DAS RGYAS PA DANG 'BRING DANG MDOR BSDUS PA LA DAD PA'I SEMS CAN LA PHAN 'DOGS PAR BZHED PA THUGS RJE CAN NYID KYIS RGYAL BA'I YUM DE DANG DE LAS MNGON PAR RTOGS PA BRGYAD KYI RIM PA SHES RAB KYI PHA ROL TU PHYIN PA'I DON MTHA' DAG GSAL BAR MDZAD PA MA YIN NAM, BCOM LDAN 'DAS 'PHAGS PA MA RGYAL BA LAS RGYAL BAS YANG DE BSTAN PA LA DON CI ZHIG YOD SNYAM DU DOGS PA BSAL BA'I PHYIR, DON LA THE TSOM BSKYED PA NYID KYIS 'JUG PA'I YAN LAG RANG GI BSTAN BCOS KYI BRJOD PAR BYA BA DANG, DGOS PA DANG DGOS PA'I YANG DGOS PA DANG 'BREL PA KHONG NA YOD PA RNAMS GSUNGS TE, RNAM PA THAMS CAD MKHYEN NYID LAM, ,STON PAS 'DI LA BSHAD PA GANG, ,GZHAN GYIS MYONG BA MA YIN TE, ,CHOS SPYOD BCU YI BDAG NYID KYI, ,MDO DON DRAN PA LA BZHAG NAS, , @81A *, ,BLO DANG LDAN PAS MTHONG 'GYUR PHYIR, ,BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES BYA BA YIN NO, ,RNAM PA THAMS CAD MKHYEN PA NYID NI SANGS RGYAS NYID KYI LAM STE MNGON PAR RTOGS PA THAMS CAD NYE BAR MTSON PA LHUR LEN PA YIN NO, ,BCOM LDAN 'DAS CHO 'PHRUL RNAM PA GSUM GYIS 'GRO BA MTHA' DAG LA RJES SU STON PAR MDZAD PA DE NYID KYIS RGYAL BA'I YUM RNAM PA GSUM CAR LAS BRJOD PAR BYA BA NYID DU BSTAN PA GANG YIN PA, RJOD PAR BYED PA DANG BRJOD PAR BYA BA DAG THABS DANG THABS KYIS BSGRUB PAR BYA BA'I TSUL GYIS 'BREL PAR MDZAD PA PHYI ROL PA DANG CIG SHOS KYI 'DOD CHAGS DANG BRAL BA LA SOGS PA CHOS THAMS CAD BDAG MED PA LA GOMS PAR MA BYAS PA RNAMS KYIS THOS PA LAS BYUNG BA LA SOGS PA'I SHES PA SKYE BA'I RIM GYIS MA MYANGS PA STE, BYANG CHUB SEMS DPA' RANG DANG GZHAN GYI DON DU PHUN SUM TSOGS PA SGRUB PA CI LA YANG MA RAG PAR CHAS PA DAG KHO NAS NYAMS SU MYONG BA SHIN TU GSAL BAS BZHAG PA'I BAG CHAGS LAS BYUNG BA'I DRAN PA'I SHES PA LA, SHES RAB KYI PHA ROL TU PHYIN PA'I MDO'I DON MA LUS PA MNGON PAR RTOGS PA BRGYAD KYI BDAG NYID BYANG CHUB KYI SEMS DANG SBYIN PA LA SOGS PA SGRUB PA'I SPYOD PA LEGS PAR BZHAG NAS, CHOS KYI DBYINGS KUN DU 'GRO BA RTOGS PA'I MTSAN NYID SA RAB TU DGA' BA LA SOGS PA RTOGS PA'I RIM PAS RNAM PA THAMS CAD MNGON SUM DU BYED PAR 'GYUR BA ZHES BYA BA DGOS PA'I YANG DGOS PA'I YANG CHED DU MNGON PAR 'DOD PA'I SHES RAB KYI PHA ROL TU PHYIN PA'I DON BYANG CHUB KYI SEMS DANG SGRUB PA LA SOGS PA'I MTSAN NYID GDUL BYA RNAMS KYIS BDE BLAG TU RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,DE LTAR 'BREL PA LA SOGS PA BSNYAD NAS, GDUL BYA RNAMS KYIS BDE BLAG TU RTOGS PAR BYA BA'I PHYIR DANG, BSTAN BCOS KYI DON RNAM PAR DBYE BA BYAS PA YANG MA 'DZINGS PA NYID KYIS BSHAD PA BYA SLA BAR GZIGS NAS TSIG LE'UR BYAS PA BCO LNGAS MDO DANG RGYAS PAR BSTAN PAS SHES RAB KYI @81B PHA ROL TU PHYIN PA'I LUS RNAM PAR BZHAG PA GSUNGS TE, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAM BRGYAD, ,SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,MOG MOG POR BYED LA SOGS DANG, ,SLOB MA BSE RU'I LAM GANG DANG, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, , BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YID RANG BA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI BSGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,RNAM KUN MNGON RDZOGS RTOGS PA STE, ,'DI NI THABS MKHAS BCAS PA YIN, ,DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA @82A *, ,BZHI DANG NI, ,BAR CHAD MED PA'I TING NGE 'DZIN, ,LOG PAR BSGRUB DANG BCAS PA NI, ,RTZE MO'I MNGON RTOGS MTHAR GYIS PA, ,RNAM GSUM RNAM BCU SKAD CIG MA, ,GCIG GIS MNGON RDZOGS BYANG CHUB PA, ,MTSAN NYID KYIS NI RNAM PA BZHI, , NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES BYA BA YIN NO, ,DE LA TSIG LE'UR BYAS PA DANG PO GNYIS KYIS NI DNGOS PO BRGYAD BSDUS PA'I PHYIR MDOR BSTAN PA YIN NO, , TSIG LE'UR BYAS PA BCU GSUM GYIS NI DE DAG NYID KYI DON BSDUS NAS RGYAS PAR BSHAD DE, ,DE LTAR NA BSDUS PA DANG RGYAS PAR BSHAD PA'I PHYIR LEGS PAR BSHAD PA YIN NO, ,BSDUS PA'I DON GYI TSIG LE'UR BYAS PA RNAMS NI, BSTAN BCOS MDZAD PA NYID KYIS, SEMS BSKYED PA NI GZHAN DON PHYIR, ,ZHES BYA BA LA SOGS PA 'CHAD PAR 'GYUR BA'I BSTAN BCOS MTHA' DAG GIS 'CHAD PAS, DE DAG RNAM PAR BSHAD PAS BSHAD PAR BSAMS TE, ZLOS PA'I NYES PAR 'GYUR DU DOGS NAS RNAM PAR MA BKROL LO, ,DE LTAR BSDUS PA'I DON KUN BSTAN NAS, BYANG CHUB SEMS DPA' BYANG CHUB RJES SU 'THOB PAR 'DOD PAS 'BRAS BU YIN PA'I PHYIR RNAM PA THAMS CAD MKHYEN PA NYID THOB PAR BYA DGOS PAS, DANG POR RNAM PA THAMS CAD MKHYEN PA NYID DE SDUD PA'I TSIG LE'UR BYAS PA RNAM PAR BSHAD PA'I SGO NAS BSHAD PAR BZHED DE, SEMS BSKYED PA RANG GI NGO BO DMIGS PA DANG BCAS PA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS TE, SANGS RGYAS SU GRUB NAS GZHAN GYI DON GYI PHYIR SKAL BA JI LTA BA BZHIN DU 'BAD PAR BYA'O ZHES SEMS BSKYED PA GZHAN GYI DON DU YANG DAG PAR RDZOGS PA'I BYANG CHUB 'DOD PA'I MTSAN NYID SMON PA DANG 'JUG PA'I NGO BO NYID RNAM PA GNYIS SO, ,YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA SEMS LAS BYUNG BA YIN LA, SEMS @82B BSKYED PA NI SEMS YUL KHYAD PAR DU 'PHAGS PA SNANG BA CAN 'BYUNG BA MA YIN NAM, JI LTAR NA DE SEMS BSKYED PA YIN PAR 'GYUR ZHE NA BDEN MOD KYI, 'ON KYANG 'DIR DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB KYI SEMS BSKYED PAS RGYUS 'BAS [*'BRAS] BU BSTAN PA YIN TE, DE LTAR DON DU GNYER BA'I BYANG CHUB SEMS DPA'I DGE BA'I CHOS THAMS CAD 'PHEL BAR 'GYUR RO ZHES SHES PAR BYA BA'I PHYIR NYE BAR BTAGS PA LA RTEN PA YIN PAS NYES PA MED DO, ,RNAM PA GCIG TU NA SMON LAM NI DON DU GNYER BA STE, YANG DAG PAR RDZOGS PA'I BYANG CHUB 'DOD PA NYID YIN LA, DE DANG LHAN CIG SPYOD PA'I SEMS BSKYED PA DE'I SGRAR BSTAN PA NI DE LTAR NA BYANG CHUB SEMS DPA' RNAMS LA SMON LAM DANG LDAN PA'I SEMS DE SKYE'O ZHES BYA BAR SHES PAR BYA BA'I PHYIR YIN NO, ,YANG GANG 'DOD PA'I BDAG NYID DANG, GANG GI DON DU SEMS BSKYED PA YANG DAG PAR RDZOGS PA'I BYANG CHUB DE NI GANG YIN GZHAN GYI DON NI GANG YIN ZHE NA, DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES BYA BA GSUNGS TE, RGYAL BA'I YUM RNAM PA GSUM CAR LAS KYANG SHES RAB KYI PHA ROL TU PHYIN PA DANG, SBYIN PA LA SOGS PA THAMS CAD LA SBYIN PAR BYA BA DANG, SBYIN PA PO DANG LEN PA PO LA SOGS PA MI DMIGS PAR BSGRUB PAR BYA'O ZHES SHES PAR BYED PA'I DON CAN DANG, SEMS CAN THAMS CAD SKAL BA JI LTA BA BZHIN DU MYA NGAN LAS 'DAS PA DANG, SER SNA CAN LA SOGS PA RNAMS SBYIN PA LA SOGS PA LA DGOD PAR 'DOD PAS SHES RAB KYI PHA ROL TU PHYIN PA 'DI NYID LA BSGRUB PAR BYA'O ZHES BYA BA LA SOGS PA RAB TU STON PA LHUR BYED PA'I NGAG GIS MDO'I DON DANG MI 'GAL BAR BSDUS PA DANG RGYAS PA'I SGO NAS YANG DAG PAR RDZOGS PA'I BYANG CHUB DANG GZHAN GYI DON BSTAN TE, DE LTAR NA SEMS BSKYED PA NI GZHAN GYI DON GYI PHYIR YANG DAG PAR RDZOGS PA'I BYANG CHUB 'DOD PA'I BDAG NYID YIN PAR SHES PAR BYA'O, ,GTZUG LAG GI GZHUNG SKABS KYI DON STON PA LHUR LEN PA NI THAMS CAD LAS KYANG GSUNGS MOD KYI TSIG MANGS SU DOGS NAS @83A *, ,KHUNGS NYID DU MA BRIS SO, ,DE LTAR SEMS BSKYED PA DMIGS PA DANG RANG GI NGO BO DANG BCAS PA BRJOD NAS, DA NI DE'I RAB TU DBYE BA RNAM PA NYI SHU RTZA GNYIS BAR SKABS KYI TSIGS SU BCAD PA, DE YANGS GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU PO SPRIN RNAMS KYIS, ,RNAM PA NYI SHU RTZA GNYIS SO, ,ZHES BYA BA DAG GIS BSHAD DE, 'DUN PA DANG, BSAM PA DANG, LHAG PA'I BSAM PA DANG, SBYOR PA DANG, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS MKHAS PA DANG, SMON LAM DANG, STOBS DANG, YE SHES KYI PHA ROL TU PHYIN PA DANG, MNGON PAR SHES PA DANG, BSOD NAMS DANG, YE SHES DANG, BYANG CHUB KYI PHYOGS DANG MTHUN PA'I CHOS DANG, SNYING RJE DANG LHAG MTHONG DANG, GZUGS DANG, SPOBS PA DANG, CHOS KYI DGA' STON DANG, BGROD PA GCIG PA'I LAM DANG, CHOS KYI SKU DANG LDAN PA NI, GO RIMS BZHIN DUS DANG, GSER BZANG PO DANG, ZLA BA TSES PA DANG, ME DANG, GTER CHEN PO DANG, RIN PO CHE'I 'BYUNG KHUNGS KYI GNAS DANG, RGYA MTSO CHEN PO DANG, RDO RJE DANG, RI'I RGYAL PO DANG, SMAN DANG, DGE BA'I BSHES GNYEN DANG, YID BZHIN GYI NOR BU DANG, NYI MA DANG, CHOS KYI SGRA DBYANGS SNYAN PA DANG, ,RGYAL PO CHEN PO DANG, BANG MDZOD DANG, LAM PO CHE DANG, BZHON PA DANG, BKOD MA'I CHU DANG, SGRA SNYAN PA DANG, CHU BO'I RGYUN DANG, SPRIN LTA BU STE, CHOS DKAR PO THAMS CAD KYI GZHI'I DNGOS PO DANG, BYANG CHUB KYI BAR DU MI 'GYUR BA DANG, DGE BA'I CHOS MTHA' DAG RNAM PAR 'PHEL BAR 'GYUR BA DANG, THAMS CAD MKHYEN PA NYID GSUM GYI SGRIB PA'I BUD SHING SREG PA DANG, SEMS CAN THAMS CAD TSIM PAR BYED PA DANG, YON TAN RIN PO CHE'I RTEN GYI DNGOS PO DANG, MI 'DOD PA THAMS CAD THOG TU BAB PAS MI 'KHRUGS PA DANG, YID @83B CHES PA BRTAN PAS MI PHYED PA DANG, DMIGS PA'I RNAM PAR G-YENG BAS MI BSKYOD PA DANG, NYON MONGS PA DANG SHES BYA'I SGRIB PA'I NAD RAB TU ZHI BA DANG, GNAS SKABS THAMS CAD DU SEMS CAN GYI DON YONGS SU MI GTONG BA DANG, JI LTAR SMON PA'I 'BRAS BU 'GRUB PA DANG, GDUL BYA YONGS SU SMIN PAR BYED PA DANG, GDUL BYA 'DUN PAR BYED PA'I CHOS STON PA DANG, MTHU THOGS PA MED PAS GZHAN GYI DON SGRUB PA DANG, BSOD NAMS DANG YE SHES KYI TSOGS MANG PO'I MDZOD LTA BU DANG, 'PHAGS PA THAMS CAD GSHEGS SHING RJES SU GSHEGS PA DANG, 'KHOR BA DANG MYA NGAN LAS 'DAS PA GANG DU YANG MI LTUNG BAS BDE BLAG TU 'GRO BA DANG, THOS PA DANG MA THOS PA'I CHOS 'DZIN PAS MI ZAD PA DANG, THAR PA 'DOD PA'I GDUL BYA LA SNYAN PAR SGROGS PA DANG, GZHAN GYI DON BYA BA THA MI DAD PA DANG, DGA' LDAN GYI GNAS NA BZHUGS PA LA SOGS PA KUN DU STON PAR RUNG BA NYID KYIS GRANGS BZHIN NO, ,DE LTAR NA, DE YANG SA GSER ZLA BA ME, ,ZHES BYA BA LA SOGS PAS SEMS BSKYED PA NYI SHU RTZA GNYIS BSHAD PA YIN NO, ,DE LA DANG PO GSUM NI CHUNG NGU DANG 'BRING DANG CHEN PO NYID KYIS LAS DANG PO PA'I SAS BSDUS SO, , DE'I 'OG TU GCIG NI SA DANG PO LA 'JUG PA'I LAM GYIS BSDUS SO, ,DE'I 'OG TU BCU NI RAB TU DGA' BA LA SOGS PA SA BCUS BSDUS TE, MTHONG BA DANG BSGOM PA'I LAM GYI SPYOD YUL CAN YIN NO, ,DE'I 'OG TU LNGA NI KHYAD PAR GYI LAM GYIS BSDUS SO, ,DE'I 'OG TU SEMS BSKYED PA GSUM NI SBYOR BA DANG DNGOS DANG MJUG GI SGO NAS SANGS RGYAS KYI SAS BSDUS TE, DE LTAR NA SEMS BSKYED PA'I RAB TU DBYE BA NI LAS DANG PO PA'I SA NAS BZUNG STE SANGS RGYAS KYI SA'I BAR GYIS BSDUS PA YIN NO, ,DBYE BA ZHAR LA BRJOD NAS DE LTAR BYANG CHUB KYI SEMS DANG PO LA SOGS PA BSKYED PA'I BYANG CHUB SEMS DPA' DUS JI LTA BA BZHIN DU DON DU GNYER BAR BYED PA'I BYANG CHUB KYI SEMS BSKYED PA DANG, DES 'PHANGS PA'I CHOS 'GRUB PAR BYA BA'I PHYIR YON TAN THOB PA YONGS SU BSRUNG BA'I DON GYIS MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, SGRUB @84A *, ,DANG BDEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA LA GDAMS NGAG NI, ,BCU YI BDAG NYID SHES PAR BYA, ,ZHES GSUNGS PA YIN NO, ,BYANG CHUB KYI SEMS KYI RAB TU DBYE BA JI SKAD BSHAD PA BSGRUB PA LA, KUN RDZOB DANG DON DAM PA'I BDEN PA LAS MI 'DA' BAS NYAN THOS LA SOGS PA DANG THUN MONG MA YIN PA MI DMIGS PA'I TSUL GYIS 'JUG PAR BYA'O ZHES SLOB PA SGRUB PA LA 'DOMS PA DANG, SDUG BSNGAL LA GZUGS LA SOGS PA 'BRAS BUR GYUR PA'I STONG PA NYID DANG, SHES RAB KYI PHA ROL TU PHYIN PA DAG DE BZHIN NYID KYI NGO BOR RANG BZHIN GCIG GO ZHES BYA BA DANG, KUN 'BYUNG BA LA STONG PA NYID DANG GZUGS LA SOGS PA RGYUR GYUR PA DAG THA MI DAD PA NYID KYIS GZUGS LA SOGS PA NI KUN 'BYUNG BA DANG 'GOG PA DANG KUN NAS NYON MONGS PA DANG RNAM PAR BYANG BA'I CHOS CAN MA YIN NO ZHES BYA BA DANG, 'GOG PA LA STONG PA NYID SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA DANG, NYAMS PA DANG 'PHEL BA LA SOGS PA DANG BRAL BA LA NI GZUGS MED PA NAS MA RIG PA SKYE BA YANG MED, MA RIG PA 'GAG PA YANG MED, SANGS RGYAS KYANG MED, BYANG CHUB KYI BAR DU YANG MED DO ZHES BYA BA DANG, LAM LA SBYIN PA LA SOGS PA'I PHA ROL TU PHYIN PA DANG, BDAG NYID DAM NANG STONG PA NYID LA SOGS PA NI PHYI STONG PA NYID LA SOGS SNGON GYI MTHA' DANG PHYI MA'I MTHA' DAG PHAN TSUN LDAN PA DANG MI LDAN PA MA YIN PA NYID DU SGRUB BO ZHES STON PA BDEN PA LA 'DOMS PA DANG, SANGS RGYAS LA SOGS SANGS RGYAS DANG BYANG CHUB DAG MTSAN NYID KYIS SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID MI DMIGS PA LA GZUGS LA SOGS PA MI SBYOR BAS DMIGS PAR BYA BA DANG DMIGS PAR BYED PA NYID DU SHES PA ZHES BYA BA DANG, CHOS LA THAMS CAD MKHYEN PA NYID GSUM GYIS BSDUS PA'I GZHI DANG, GNYEN PO DANG, RNAM PA @84B MTHA' DAG BSDUS PA DAG GIS BSDUS PA'I CHOS THAMS CAD NGO BO NYID MED DO ZHES BYA BA DANG, DGE 'DUN LA SANGS RGYAS DKON MCHOG GI KHONGS SU GTOGS PA NYID KYI DGRA BCOM PA MA GTOGS PA 'BRAS BU LA GNAS PA DANG ZHUGS PA'I BYE BRAG GIS SKYES BU CHEN PO BDUN PO RANG SANGS RGYAS DANG LHAN CIG BRGYAD PO DBANG PO RTUL PO LA SOGS PA'I BYE BRAG GIS GRANGS NYI SHUR CHAD PA BYANG CHUB SEMS DPA' 'PHAGS PA SLOB PA PHYI MI LDOG PA RNAMS LA SKYE BA MED PA NYID DU 'JUG PAR BYA'O ZHES LUNG 'BOGS PA DKON MCHOG GSUM LA 'DOMS PA DANG, BRTZON 'GRUS BRTZAMS PA NYID KYIS JI SKAD BSHAD PA'I DON LA NAN TAN BYED PA LA, LUS LA SOGS PA'I BSOD NAMS NYID KYIS LA LA MNGON PAR ZHEN PAR 'GYUR BAS MA ZHEN PA LA LUS LA SOGS PA NGO BO NYID MED PAR BSTAN PA'I 'DOMS PA DANG, DUS YUN RING PO ZHIG TU GOMS PAR BYAS KYANG 'DOD PA'I DON MA GRUB NA DNGANG BA'I RANG BZHIN CAN YONGS SU SKYO BAR 'GYUR BAS YONGS SU NGAL PA MED PA LA GZUGS LA SOGS PA NAS YANG DAG PAR RDZOGS PA'I BYANG CHUB KYI BAR LA RLOM PA MED PA NYID DU BSTAN PA'I GDAMS NGAG DANG, PHYOGS BCU NA BZHUGS PA'I SANGS RGYAS LA SOGS PA LAS DON RE RE'I PHYIR LAM GYI LUNG NOD PAR BYA NA SEMS ZHUM PAR 'GYUR BAS LAM YONGS SU GZUNG BA LA CHOS RNAMS RANG BZHIN GYIS MA SKYES PA NYID DU BSLAB PA'I GDAMS NGAG DANG, SHA'I DANG, RNAM PAR SMIN PA LAS BYUNG BA'I LHA'I DANG, SHES RAB DANG CHOS DANG SANGS RGYAS KYI SPYAN GRANGS JI LTA BA BZHIN DU DNGOS PO SO SOR NGES PA DANG, SEMS CAN THAMS CAD KYI 'CHI 'PHO BA DANG, SKYE BA DANG, CHOS THAMS CAD LA RNAM PAR MI RTOG PA DANG, 'PHAGS PA'I GANG ZAG THAMS CAD RTOGS PA DANG, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I YUL CAN RNAMS DE BZHIN NYID DU GCIG PA NYID DU BSGRUB PO ZHES SLOB PA SPYAN LNGA LA 'DOMS PA DANG, RDZU 'PHUL DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, MNGON PAR 'DU BYED PA LAS BYUNG BA LHA'I MIG DANG, ZAG PA ZAD PA SHES @85A *, ,PA'I MNGON PAR SHES PA SA G-YO BA LA SOGS PA DANG, 'JIG RTEN GYI KHAMS THAMS CAD NA GNAS PA'I SGRA CHUNG NGU DANG CIG SHOS THOS PA DANG, GZHAN GYI SEMS 'DOD CHAGS DANG BCAS PA LA SOGS PA YONGS SU SHES PA DANG, RANG DANG GZHAN GYI TSE RABS SNGA MA DU MA RJES SU DRAN PA DANG, GZUGS THAMS CAD MTHONG BA DANG, NYON MONGS PA DANG SHES BYA'I SGRIB PA SPONG BAR BYED PA RNAMS GZOD MA NAS ZHI BA NYID DU RTOGS PAR BYA'O ZHES STON PA MNGON PAR SHES PA DRUG LA 'DOMS PA DANG, MTHONG BA'I LAM BDEN PA BZHIS BSDUS PA SKAD CIG MA BCU DRUG GI NGO BO NYID CHOS DANG RJES SU SHES PA'I BZOD PA DANG, SHES PA'I BDAG NYID LA, RNAL 'BYOR PA CHOS THAMS CAD NGO BO NYID MED PAR RTOGS PAS SGYU MA MKHAN BZHIN DU THAMS CAD LA MNGON PAR ZHEN PA MED PA'I LUS CAN DES SPANG BAR BYA BA'I DNGOS PO'I GNYEN PO NYID DU RNAM PAR SGOM PAR BYED DO ZHES STON PA MTHONG BA'I LAM LA 'DOMS PA DANG, 'DUS BYAS DANG 'DUS MA BYAS DAG NGO BO GCIG PA NYID KYIS PHAN TSUN THA DAD PAR GDAMS PAR MI NUS PA BZHIN DU, JI SKAD BSHAD PA'I MTHONG BA'I LAM GYIS MNGON SUM DU BYAS PA'I DNGOS PO LAS THA MI DAD PA LA DMIGS PA'I PHYIR MTHONG BA DANG BSGOM PA DAG THA DAD DU GYUR PA MED PAS BSGOM PA'I LAM MTSAN NYID PA RNAM PAR BZHAG PA NI MED KYI, 'ON KYANG DE NI RTEN CING 'BREL PAR 'BYUNG BA'I CHOS NYID KYIS DES SPANG BAR BYA BA'I DNGOS PO'I GNYEN PO NYID DU RNAM PAR SGOM PAR BYED DO ZHES BSGOM PA'I LAM LA 'DOMS PA STE, DE LTAR NA BYANG CHUB KYI SEMS DANG, DES 'PHANGS PA'I CHOS KYI NGO BO NYID KYI SHES RAB KYI PHA ROL TU PHYIN PA LA SGRUB PA'I RNAM PA GANG YIN PA MI DMIGS PA DANG, DE'I DMIGS PA GANG YIN PA 'PHAGS PA'I BDEN PA BZHI DANG, RTEN GANG YIN PA SKYABS GSUM DANG KHYAD PAR DU 'GRO BA'I RGYU GANG YIN PA MA CHAGS PA DANG, MI LDOG PAR 'GRO BA'I RGYU GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, GZHAN GYIS DRING MI 'JOG PAR 'GRO @85B BA NYID KYI RGYU GANG YIN PA SPYAN LNGA DANG, RNAM PA THAMS CAD MKHYEN PA NYID YONGS SU RDZOGS PA'I RGYU GANG YIN PA MNGON PAR SHES PA DRUG DANG, MTHAR THUG PA'I RGYU GANG YIN PA MTHONG BA DANG BSGOM PA'I LAM DAG STE, DE DAG THAMS CAD GDAMS NGAG GI SKABS SU BSTAN TE, 'DI TZAM KHO NAS DON THAMS CAD PHUN SUM TSOGS PAR 'GYUR BAS GDAMS NGAG NI RNAM PA BCU'O, ,DGE 'DUN DKON MCHOG GI SKABS SU BDE BLAG TU RTOGS PAR BYA BA'I PHYIR BAR SKABS KYI TSIGS SU BCAD PA GNYIS PO, DBANG PO RTUL DANG RNON PO DAG ,DAD DANG MTHONG THOB RIGS NAS RIGS, , BAR CHAD GCIG PAR SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI CHAGS BCOM MTHONG BA YI, ,CHOS LA ZHI LUS MNGON SUM BYED, ,BSE RU DANG NI NYI SHU'O, ,ZHES BYA BA GSUNGS SO, ,'CHAD PAR 'GYUR BA'I LAM SHES PA NYID KYIS BSDUS PA MTHONG BA'I LAM SKAD CIG BCU DRUG LA BRTEN NAS DAD PA DANG CHOS KYI RJES SU 'BRANG BA'I BYE BRAG GIS 'BRAS BU DANG PO LA ZHUGS PA RNAM PA GNYIS SO, ,DE'I 'OG TU RGYUN TU ZHUGS PA YIN NO, ,DE'I 'OG TU DE NYID LHA DANG MI'I RIGS NAS RIGS SU SKYE BA NYID KYIS GZHAN RNAM PA GNYIS YIN NO, ,DE'I 'OG TU DBANG PO RTUL PO DANG RNON PO DAD PA DANG MTHONG BAS THOB PA DAG 'BRAS BU GNYIS PA LA ZHUGS PA GCIG KHO NA YIN NO, ,DE'I 'OG TU LAN CIG PHYIR 'ONG BA YIN NO, ,DE'I 'OG TU DE NYID GZHAN BAR CHAD GCIG PA YIN NO, , DE'I 'OG TU SNGA MA BZHIN DU DAD PA DANG MTHONG BAS THOB PA 'BRAS BU GSUM PA LA ZHUGS PA YIN NO, ,DE'I 'OG TU PHYIR MI 'ONG BA STE, BAR MDO DANG, SKYES GNAS DANG, MNGON PAR 'DU BYED PA DANG BCAS PA DANG, MNGON BAR 'DU BYED PA MED PAR YONGS SU MYA NGAN LAS 'DA' BA ZHES BYA BA RNAM PA BZHI'O, ,DE'I 'OG TU DE NYID 'OG MIN GYI MTHAR THUG PAR 'GRO BA STE, 'PHAR BA DANG PHYED DU 'PHAR BA DANG, GNAS THAMS CAD DU 'PHO BA NYID KYIS GONG DU 'PHO BA GZHAN RNAM PA GSUM MO, ,DE'I 'OG TU DE NYID SRID PA'I RTZE MO'I MTHAR THUG PAR 'GRO BA NI GZUGS @86A *, ,KYI 'DOD CHAGS DANG BRAL BA STE, MTHONG BA'I CHOS LA ZHI BA DANG LUS KYIS MNGON SUM DU BYED PA GZHAN RNAM PA GNYIS SO, ,DE'I 'OG TU DGRA BCOM PA NYID KYI 'BRAS BU LA ZHUGS PA YIN NO, ,DE'I 'OG TU RANG SANGS RGYAS TE NYI SHU'O, ,LAS DANG PO PA DE LTAR GDAMS NGAG THOB PA LA NGES PAR 'BYED PA'I YAN LAG 'BYUNG BAS NGES PAR 'BYED PA'I YAN LAG ,DMIGS PA DANG NI RNAM PA DANG, ,RGYU DANG YONGS SU 'DZIN PA DANG, ,BYANG CHUB SEMS DPA' SKYOB PA YI, ,DROD SOGS BDAG NYID JI BZHIN DU, ,RNAM RTOG BZHI PO LDAN BSTEN PA, ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BYA BA GSUNGS TE, BYANG CHUB SEMS DPA' RNAMS KYI THOS PA LA SOGS PA RAB KYI MTHAR PHYIN PA THOB PA THAR PA'I CHA DANG MTHUN PA DAD PA LA SOGS PA'I MTSAN NYID KYI DGE BA'I RTZA BA'I 'OG TU BDEN PA BZHI RTOGS PA DANG RJES SU MTHUN PA NGES PAR 'BYED PA'I CHA DANG MTHUN PA BZHI PO 'JIG RTEN PA'I BSGOMS PA LAS BYUNG BA DRO BAR GYUR PA ZHES BYA BA'I DGE BA'I RTZA BA DANG, DE'I 'OG TU RTZE MOR GYUR PA DANG, DE'I 'OG TU BZOD PAR GYUR PA DANG, DE'I 'OG TU CHOS KYI MCHOG CES BYA BA CHUNG NGU LA SOGS PA'I RIM GYIS SKYE BAS SAM, BYANG CHUB SEMS DPA' DANG 'BREL PA'I DBANG PO RTUL PO LA SOGS PA GANG ZAG GI BYE BRAG GIS CHUNG NGU DANG 'BRING DANG CHEN PO 'CHAD PAR 'GYUR BA DMIGS PA'I KHYAD PAR GYI NGO BO NYID BDEN PA BZHI'I DNGOS PO LA DMIGS PA DANG, CHOS SU LTA BA'I GNYEN PO NYID KYIS MNGON PAR ZHEN PA MED PA LA SOGS PA'I RNAM PAR ZHUGS PA DANG, THEG PA GSUM CAR RTOGS PA'I RGYU'I NGO BO DANG, DGE BA'I BSHES GNYEN THABS LA MKHAS PA'I MTSAN NYID KYIS YONGS SU 'DZIN PA DANG LDAN PA DANG, MTHONG BA DANG BSGOM PAS SPANG BAR BYA BA'I GZUNG BA DANG 'DZIN PA'I RNAM PAR RTOG PA RNAM PA BZHI PO 'CHAD PAR 'GYUR BA'I TSUL DANG 'BREL BAR 'BYUNG BA NI NYAN THOS LA SOGS PA'I DRO BA LA SOGS PA LAS KHYAD PAR DU 'PHAGS PA YIN NO, ,DE DAG GI DRO BAR GYUR PA LA SOGS PA'I DGE BA'I RTZA BA NI, LUGS @86B LAS GZUGS SU RUNG BA LA SOGS PA'I MTSAN NYID KYI DNGOS PO'I BDAG NYID KYI BDEN PA BZHI LA DMIGS PA DANG, BDAG TU LTA BA'I GNYEN PO NYID KYIS MI RTAG PA LA SOGS PA'I RNAM PAR ZHUGS PA DANG, RANG GI THEG PA RTOGS PA KHO NA'I CHED DU DANG, YONGS SU 'DZIN PA DANG BRAL BA DANG, RNAM PAR RTOG PA RNAM PA BZHI DANG MI LDAN PAR 'BYUNG NGO ZHES 'BYUNG BA'I PHYIR RO, ,BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA RNAMS NI, THABS MKHAS PA'I STOBS KYIS KHA CIG TU NI RGYU'I SGO NAS, KHA CIG TU NI 'BRAS BU'I SGO NAS, KHA CIG TU NI NGO BO NYID KYI SGO NAS, KHA CIG TU NI CHOS NYID KYI RNAM PA'I SGO NAS, JI LTAR SRID PA BZHIN BDEN PA BZHI'I DNGOS PO LA DMIGS PA YIN LA, SNGA MA BZHIN DU RNAM PA GZHAN GYIS KYANG BDEN PA BZHI LA KUN DU DMIGS SO ZHES BYA BAR SHES PAR BYA'O, ,MDOR BSDUS TE RNAM PAR BKROL BA TZAM DU BRJOD PAR 'DOD PAS MA SPROS SO, ,GANG GI PHYIR 'DI NI RNAM PAR GZHAG PA GZHAN KHO NA YIN TE, DE'I PHYIR THEG PA GZHAN LA BRTEN NAS NI GANG DU YANG SUN 'BYIN PA BRJOD PAR MI BYA'O, ,DMIGS PA DANG RNAM PA'I KHYAD PAR JI LTA BU YIN ZHE NA, DE'I PHYIR DMIGS PA DANG RNAM PA DAG BAR SKABS KYI TSIGS SU BCAD PA BDUN GYIS BSHAD DE, DMIGS PA MI RTAG LA SOGS PA, ,BDEN PA'I RTEN CAN DE YI NI, ,RNAM PA MNGON ZHEN LA SOGS 'GOG ,THEG PA GSUM CAR 'THOB PA'I RGYU, ,GZUGS SOGS 'DU 'GOD GNAS BRAL DANG, ,GNAS DANG BTAGS DANG BRJOD DU MED, ,CES BYA'O, ,DE LA CHUNG NGU'I DMIGS PA NI SDUG BSNGAL LA SOGS PA'I BDEN PA BZHI PO LA RTEN PA MI RTAG PA LA SOGS PA'I RNAM PA BCU DRUG YIN NO, ,DE'I RNAM PA NI SDUG BSNGAL LA SOGS PA'I BDEN PA LA MNGON PAR ZHEN PA DANG DMIGS PA LA SOGS PA 'GOG PA YIN NO, ,DRO BA LA SOGS PA THAMS CAD KYANG THEG PA GSUM CAR RTOGS PA 'THOB PA'I RGYU'I NGO BO YIN PAR KHONG DU CHUD PAR BYA'O, ,'BRING GI DMIGS PA NI MOS PA DANG DE KHO NA NYID YID LA BYED PA DAG GIS GRANGS BZHIN DU GZUGS LA SOGS PA BSGRUB PA DANG, DGAG @87A *, ,PA DAG MI DMIGS SHING MA MTHONG BA ZHES BYA BA YIN NO, ,RNAM PA NI MING THAMS CAD MED PA NYID KYIS RGYUN MI 'DRA BA DANG RGYUN 'DRA BAR 'JUG PA'I MTSAN NYID DAG MED PA ZHES BYA BA YIN NO, ,CHEN PO'I DMIGS PA NI GZUGS NAS SANGS RGYAS ZHES BYA BA'I BAR CHOS THAMS CAD BRDAR BTAGS PA'I CHOS THA SNYAD PA YIN NO ZHES BYA BA YIN NO, ,RNAM PA NI DGE BA LA SOGS PA NYID KYI CHOS GANG DU YANG BRJOD DU MED PA ZHES BYA BA YIN TE, DE LTAR NA RNAM PAR MI RTOG PA'I YE SHES KYI ME'I SNGA LTAS YIN PA'I PHYIR DRO BAR GYUR PA DMIGS PA DANG RNAM PA DANG LDAN PA RNAM PA GSUM MO, ,GZUGS SOGS MI GNAS DE DAG NI, ,DE YI NGO BOR RANG BZHIN MED, ,DE DAG GCIG GI RANG BZHIN GCIG ,DE MI RTAG SOGS PAR MI GNAS, ,DE RNAMS DE YI NGO BOS STONG, ,DE DAG GCIG GI RANG BZHIN GCIG ,CHOS RNAMS MI 'DZIN GANG YIN DANG, ,DE DAG MTSAN MAR MI MTHONG PHYIR, ,SHES RAB KYIS NI YONGS RTOG PA, ,THAMS CAD DMIGS SU MED PAR RO, ,ZHES BYA BA LA, CHUNG NGU'I DMIGS PA NI GZUGS LA SOGS PA NI GZUGS LA SOGS PA RANG GI NGO BO DANG BRAL BA'I NGO BO NYID YIN PAS, RANG GI NGO BO STONG PA NYID KYIS GZUGS LA SOGS PA LA MI GNAS PA ZHES BYA BA YIN NO, ,RNAM PA NI DON DAM PAR GZUGS LA SOGS PA'I CHOS THAMS CAD DANG, STONG PA NYID DAG PHAN TSUN NGO BO GCIG YIN PAS STONG PA NYID LA MI RTAG PA LA SOGS PA MED PA NYID KYIS GZUGS LA SOGS PA DE DAG LA RTAG PA DANG MI RTAG PA LA SOGS PA NYID DU MI GNAS PA ZHES BYA BA YIN NO, ,'BRING GI DMIGS PA NI CHOS KYI DBYINGS KYI NGO BO NYID KYIS MI RTAG PA LA SOGS PA DANG STONG PA NYID RNAMS NI RANG GI NGO BO NYID MED PA YIN PAS, MI RTAG PA NYID LA SOGS PA DANG STONG PA NYID DAG PHAN TSUN BDAG NYID GCIG PA ZHES BYA BA YIN NO, ,RNAM PA NI NGO BO NYID BKAG PAS GZUGS LA SOGS PA LA RANG GIR MI BYED PA ZHES BYA BA GANG YIN PA DE YIN NO, ,CHEN PO'I DMIGS PA NI NGO BO NYID MED PA NYID KYIS GZUGS LA SOGS PA DE DAG LA SNGON PO LA SOGS PA'I MTSAN @87B MAR MI MTHONG BA ZHES BYA BA YIN NO, ,RNAM PA NI SHES RAB KYIS YANG DAG PAR CHOS RAB TU RNAM PAR 'BYED PAS DNGOS PO THAMS CAD MI DMIGS PAR NGES PAR RTOG PA ZHES BYA BA YIN NO, ,DE LTAR NA DGE BA'I RTZA BA G-YO BA'I RTZE MO YIN PA'I PHYIR RTZE MOR GYUR PA DMIGS PA DANG RNAM PA DANG LDAN PA RNAM PA GSUM MO, ,GZUGS SOGS NGO BO NYID MED NYID, ,DE MED PA NYID NGO BO NYID, ,DE DAG SKYE MED NGES 'BYUNG MED, ,DAG DANG DE DAG MTSAN MA MED, ,DE YI MTSAN MAR MI RTEN PAS, ,MOS MIN 'DU SHES MED PA YIN, ,CES BYA BA LA, CHUNG NGU'I DMIGS PA NI MTSAN NYID KYI NGO BO NYID DANG, NGO BO NYID KYI MTSAN NYID DAG STONG PA NYID DU GCIG PA NYID KYIS GZUGS LA SOGS PA'I NGO BO NYID MED PA NYID CES BYA BA YIN NO, ,RNAM PA NI SKYE BO DMIGS PA CAN GYI NGOR GZUGS LA SOGS PA DNGOS PO MED PA NYID NGO BO NYID DO ZHES BYA BA YIN NO, , 'BRING GI DMIGS PA NI RANG BZHIN GYIS MA SKYES PA NYID KYIS GZUGS LA SOGS PA LA SKYE BA YANG MED MYA NGAN LAS 'DAS PA YANG MED CES BYA BA YIN NO, ,RNAM PA NI CHOS THAMS CAD KYI RANG GI NGO BO RTOGS PA KHO NAS LUS LA SOGS PA RNAMS PA THAMS CAD DU RNAM PAR DAG PA ZHES BYA BA YIN NO, ,CHEN PO'I DMIGS PA NI RANG DANG SPYI'I MTSAN NYID MI 'THAD PAS CHOS THAMS CAD MTSAN MA MED PA NYID DO ZHES BYA BA YIN NO, ,RNAM PA NI RANG BZHIN KHO NAS GZUGS LA SOGS PA'I MTSAN MA RNAMS KYI RTEN DANG BRAL BA NYID KYIS MOS PA YID LA BYED PAS MI MOS SHING DE KHO NA NYID YID LA BYED PAS YONGS SU SHES PA MED PA ZHES BYA BA YIN TE, DE LTAR NA NGAN 'GRO MED PAS CHOS CHEN PO LA BZOD PA'I PHYIR BZOD PAR GYUR PA DMIGS PA DANG RNAM PA DANG LDAN PA RNAM PA GSUM MO, ,TING 'DZIN DE YI BYED PA NYID, ,LUNG STON PA DANG RLOM PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,DE LTAR NGES 'BYED CHA MTHUN NI, ,CHUNG DANG 'BRING DANG CHEN PO YIN, ,ZHES BYA BA LA CHUNG NGU'I DMIGS PA NI CHOS THAMS CAD SKYE BA MED PA DANG DPA' BAR 'GRO BA LA SOGS PA'I TING NGE 'DZIN BSGOM @88A *, ,PAR BYA'O ZHES BYA BA YIN NO, ,RNAM PA NI RANG GI SMON LAM DANG BSOD NAMS DANG YE SHES DANG CHOS KYI DBYINGS KYI STOBS KYIS LHUN GYIS GRUB PAR 'JIG RTEN GYI KHAMS THAMS CAD DU SKAL BA JI LTA BA BZHIN DU TING NGE 'DZIN GYI BYED PA 'JUG PA ZHES BYA BA YIN NO, ,'BRING GI DMIGS PA NI YANG DAG PAR ZHUGS PA'I TING NGE 'DZIN DANG LDAN PA'I RNAL 'BYOR PA LA SANGS RGYAS RNAMS LUNG STON PAR MDZAD PA 'DI NI CHOS NYID DO ZHES BYA BA YIN NO, ,RNAM PA NI RNAM PAR RTOG PA THAMS CAD MI 'THAD PAS BYANG CHUB SEMS DPA' TING NGE 'DZIN GYI RANG GI NGO BO RTOGS PA LA BDAG NI MNYAM PAR BZHAG PA'O SNYAM PA LA SOGS PA'I SHES PA MI 'BYUNG BA ZHES BYA BA YIN NO, ,CHEN PO'I DMIGS PA NI CHOS NYID KYIS TING NGE 'DZIN DANG BYANG CHUB SEMS DPA' DANG SHES RAB KYI PHA ROL TU PHYIN PA DANG DON GSUM PHAN TSUN NGO BO GCIG PA'O ZHES BYA BA YIN NO, ,RNAM PA NI CHOS THAMS CAD YOD PA MA YIN PA NYID KYIS TING NGE 'DZIN DU RNAM PAR MI RTOG PA NI THABS DAM PA'O ZHES BYA BA YIN TE, DE LTAR NA 'JIG RTEN PA'I CHOS THAMS CAD KYI MCHOG YIN PA'I PHYIR CHOS KYI MCHOG CES BYA BA DMIGS PA DANG RNAM PA DANG LDAN PA RNAM PA GSUM MO, ,DMIGS PA MI RTAG LA SOGS PA, ,BDEN PA'I RTEN CAN, ZHES BYA BA MA GTOGS PAR, DMIGS PA DANG RNAM PA KHYAD PAR CAN GYI CHOS CAN DANG CHOS BRJOD PAS BRJOD PAR BYA BA YIN YANG DMIGS PA DANG RNAM PA KHYAD PAR CAN GYI CHOS BRJOD PAS THAMS CAD DU BRJOD PA NI, KHYAD PAR GZHAN SPONG BA DANG MI SPONG BA MA GTOGS PAR 'DI DAG LA DON GYI KHYAD PAR NI 'GA' YANG MED DO ZHES LUGS LAS 'BYUNG BA'I PHYIR RO, ,RNAM PA GCIG TU NA TSIG LE'UR BYAS PA BSDEB PA'I NGOR THA DAD PAR BRJOD KYANG, MNGON BAR ZHEN PA LA SOGS PA BKAG PA DANG LDAN PA DAG DE KHO NAR SGRUB PA DANG DGAG PA DANG BRAL BAR 'GYUR BA'I PHYIR SDUG BSNGAL LA SOGS PA'I BDEN PAR GTOGS PA KHO NA DMIGS PA DANG RNAM PAR BYA BA YIN TE 'OG MA DAG LA YANG DE BZHIN DU SHES PAR BYA'O, ,RNAM PAR RTOG PA BZHI DANG LDAN PA YANG DON GSAL BAR BYA BA'I PHYIR BAR @88B SKABS KYI TSIGS SU BCAD PA, GZHI DANG DE YI GNYEN PO YIS, ,GZUNG BAR RTOG PA RNAM PA GNYIS, ,RMONGS DANG PHUNG SOGS BYE BRAG GIS, ,DE NI SO SOR RNAM PA DGU, ,ZHES BYA BA GSUNGS TE, GZUNG BAR RNAM PAR RTOG PA KUN NAS NYON MONGS PA'I GZHI'I RTEN CAN DANG GNYEN PO'I RTEN CAN NYID KYIS RNAM PA GNYIS LA MA RIG PA DANG RNAM PAR BYANG BA'I PHUNG PO LA SOGS PA'I RAB TU DBYE BAS RNAM PA DGU'O, ,RDZAS DANG BTAGS PA'I RTEN CAN GYIS, ,'DZIN PA'ANG RNAM PA GNYIS SU 'DOD, ,RANG DBANG BDAG SOGS NGO BO DANG, ,PHUNG SOGS RTEN LAS DE BZHIN NO, ,ZHES BYA BA NI, GANG ZAG RDZAS SU YOD PA DANG, SKYES BU BTAGS PAR YOD PA LA DMIGS PAS 'DZIN PAR RNAM PAR RTOG MDOR BSDUS PA'I DON NI 'DI YIN TE, KUN NAS NYON MONGS PA'I PO LA SOGS PA LA DMIGS PA NYID KYIS SO SOR DE LTAR RNAM PA DGU'O, ,DE LA MDOR BSDUS PA'I DON NI 'DI YIN TE, KUN NAS NYON MONGS PA'I GZHI'I RTEN CAN, MA RIG PA DANG, GZUGS LA SOGS PA'I PHUNG PO DANG, MING DANG GZUGS LA MNGON PAR ZHEN PA DANG, MTHA' GNYIS LA CHAGS PA DANG, KUN NAS NYON MONGS PA DANG RNAM PAR BYANG BA MI SHES PA DANG, 'PHAGS PA'I LAM LA MI GNAS PA DANG, DMIGS PA DANG, BDAG LA SOGS PA DANG, RNAM PAR DAG PA SKYED PA LA SOGS PA LA GZUNG PAR RNAM PAR RTOG PA RNAMS DANG, GNYEN PO'I RTEN CAN, PHUNG PO DANG, SKYE BA'I SGO DANG, RIGS DANG, SKYE BA DANG, STONG PA NYID DANG, PHA ROL TU PHYIN PA'I DON DANG, MTHONG BA DANG, BSGOM PA DANG, MI SLOB PA'I LAM LA GZUNG BAR RNAM PAR RTOG PA RNAMS DANG, GANG ZAG RDZAS SU YOD PA'I RTEN CAN BDAG ,RANG DBANG CAN DANG, GCIG BU DANG, RGYU DANG, LTA BA PO LA SOGS PA'I BDAG DANG, KUN NAS NYON MONGS PA DANG, 'DOD CHAGS DANG BRAL BA DANG, MTHONG BA DANG, BSGOM PA DANG, DON BYAS PA'I RTEN LA 'DZIN PAR RNAM PAR RTOG PA RNAMS DANG, SKYES BU BTAGS PAR YOD PA'I RTEN CAN PHUNG PO DANG SKYE MCHED DANG, KHAMS DANG, RTEN CING 'BREL PAR 'BYUNG BA DANG, RNAM PAR BYANG BA DANG, @89A *, ,MTHONG BA DANG, BSGOM PA DANG, KHYAD PAR DANG, MI SLOB PA'I LAM LA 'DZIN PAR RNAM PAR RTOG PA RNAMS TE, DE LTA BU'I RNAM PAR RTOG PA BZHI DANG NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN NO, ,TSIGS SU BCAD PA SBYAR BA DANG MTHUN PAR YONGS SU 'DZIN PA SNGAR GSUNGS NA YANG DE'I STOBS KYIS JI SKAD BSHAD PA KHYAD PAR DU 'GYUR RO ZHES BSTAN PA'I PHYIR YANG MJUG THOGS SU BAR SKABS KYI TSIGS SU BCAD PA, SEMS MI 'GONG BA NYID LA SOGS, ,NGO BO NYID MED SOGS STON BYED, ,DE YI MI MTHUN PHYOGS BOR BA, ,RNAM PA KUN DU YONGS 'DZIN YIN, ,ZHES BYA BA GSUNGS TE, SEMS MI 'GONG ZHING MI SKRAG PA LA SOGS PA'I THABS MKHAS PAS BSAM PA JI LTA BA BZHIN DU DNGOS PO MTHA' DAG BDAG MED PA LA SOGS PAR STON PAR BYED PA, MI MTHUN PA'I PHYOGS KYI CHOS SER SNA LA SOGS PA DANG MI LDAN PA NI DGE BA'I BSHES GNYEN YIN PAS YONGS SU 'DZIN PA YIN NO, ,SGRUB PA DANG LDAN PA LA NGES PAR 'BYED PA'I CHA DANG MTHUN PA JI SKAD BSHAD PA DANG, MTHONG BA'I LAM LA SOGS PA GZHAN YANG 'BYUNG BAS SGRUB PA'I RTEN DU GYUR PA, RTOGS PA YI NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, ,SHES RAB SNYING BRTZER BCAS PA DANG, ,SLOB MA THUN MONG MIN NYID DANG, ,GZHAN GYI DON GYI GO RIMS DANG, ,YE SHES RTZOL BA MI MNGA' BAR, ,'JUG PA'I RTEN LA RIGS SHES BYA, ,ZHES BYA BA GSUNGS SO, ,RE ZHIG DANG POR 'JIG RTEN PA'I NGES PAR 'BYED PA'I CHA DANG MTHUN PA RNAMS SO, ,DE'I 'OG TU 'JIG RTEN LAS 'DAS PA MTHONG BA'I LAM DANG BSGOM PA'I LAM DAG GO, ,DE'I 'OG TU DE DAG SKYES PA'I STOBS KYIS RKUN PO PHYUNG BA DANG SGO 'PHAR BCAD PA LTAR DUS MNYAM DU GNYEN PO DANG MI MTHUN PA'I PHYOGS SKYE BA DANG 'GAG PA DAG GO, ,DE'I 'OG TU DE DAG MI DMIGS PAS DE DAG SKYE BA DANG 'GAG PA DANG LDAN PA'I RNAM PAR RTOG PA SPANGS PA'O, ,DE'I 'OG TU SNGON GYI SMON LAM DANG SBYIN PA LA SOGS PA THABS LA MKHAS @89B PA'I STOBS KYIS 'KHOR BA DANG MYA NGAN LAS 'DAS PA LA MI GNAS PA'I MTSAN NYID KYI SHES RAB DANG THABS SO, ,DE'I 'OG TU DE DAG SKYES PAS NYAN THOS LA SOGS PA DANG THUN MONG MA YIN PA'I CHOS SO, ,DE'I 'OG TU BSAM PA JI LTA BA BZHIN DU GZHUG PA LA SOGS PA LA LDEM POR DGONGS PA'I SGO NAS THEG PA GSUM GYI LAM LA DGOD PA'I MTSAN NYID KYI GZHAN GYI DON GYI GO RIMS SO, ,DE'I 'OG TU 'KHOR BA JI SRID PAR MTSAN MA MED CING LHUN GYIS GRUB PAR GZHAN GYI DON GYI YE SHES 'BYUNG BA'I PHYIR TE, 'DI NI GO RIMS YIN NO, ,'DIS KYANG SKYES BU'I DON THAMS CAD PHUN SUM TSOGS PA YIN NO, ,SGRUB PA'I CHOS KYI GNAS SKABS THA DAD PA'I BYE BRAG GIS BYANG CHUB SEMS DPA' RNAM PA BCU GSUM PO JI SKAD DU BSHAD PA'I CHOS KYI GZHIR GYUR PA'I CHOS KYI DBYINGS KYI NGO BO NYID KHO NA LA RIGS ZHES BSTAN TO, ,GAL TE CHOS KYI DBYINGS KHO NA 'PHAGS PA'I CHOS RTOGS PAR 'GYUR BA'I RGYU YIN PA'I PHYIR DE'I BDAG NYID CAN GYI BYANG CHUB SEMS DPA' BLA NA MED PA'I SANGS RGYAS KYI CHOS RNAMS KYI RANG BZHIN DU GNAS PA'I RIGS YIN NA, 'O NA NI DE'I TSE DE NI SPYIR GNAS PA YIN PA'I PHYIR BYANG CHUB SEMS DPA' KHO NA MA YIN NO SNYAM PA'I SKYE BO BLO DMAN PA'I NGOR DOGS PA BSU NAS BAR SKABS KYI TSIGS SU BCAD PA, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES BYA BA GSUNGS SO, ,JI LTAR NYAN THOS KYI THEG PA LA SOGS PA RTOGS PA'I RIM GYIS DMIGS PA DE BZHIN DU, 'PHAGS PA'I CHOS RTOGS PAR BYA BA'I PHYIR, CHOS KYI DBYINGS RGYU'I NGO BOR RNAM PAR 'JOG PA'I SGO NAS RIGS NYID DU THA SNYAD 'DOGS SO, ,ZHES BYA BA'I LAN ZHIG KYANG GZIGS MOD KYI, SLA CHOS NYID DU 'JIG RTEN PA'I DNGAGS KYIS LAN GZHAN DU, RTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES BYA BA GSUNGS TE, DPER NA 'JIM PA GCIG LAS MNGON PAR GRUB CING ME LCE GCIG GIS SO BTANG BA'I RTEN BUM PA LA SOGS PA, BRTEN PA SBRANG RTZI DANG LI KHA RA LA SOGS PA'I SNOD NYID KYIS THA DAD PA DE BZHIN DU, RTEN @90A *, ,PA'I CHOS THEG PA GSUM GYIS BSDUS PA, RTOGS PAR BYA BA THA DAD PA NYID KYIS RTEN THA DAD PA NYID DO ZHES BSTAN TO, ,JI SKAD BSHAD PA'I SGRUB PA'I RTEN GYI DMIGS PA GANG YIN ZHE NA, DMIGS PA, DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MTHUN MONG CHOS RNAMS DANG, ,GANG DAG THUB PA'I THUN MONG MIN, ,ZHES BYA BA GSUNGS TE, RE ZHIG DANG POR SPYIR DGE BA DANG MA DGE BA DANG LUNG DU MA BSTAN PA STE GO RIMS BZHIN DU DGE SBYONG GI TSUL NYID DANG SROG GCOD PA LA SOGS PA DANG LUNG DU MA BSTAN PA'I LUS KYI LAS LA SOGS PA'O, ,DE'I 'OG TU DE DAG NYID LA 'JIG RTEN PA LA SOGS PA RNAM PA GNYIS PO'I DBYE BA BZHI NYID KYIS LHAG MA RNAMS TE GRANGS BZHIN DU BYIS PA'I SKYE PO THAMS CAD DANG 'BREL PA'I PHUNG PO LNGA DANG, 'PHAGS PA'I SKYE BO THAMS CAD KYIS BSDUS PA'I BSAM GTAN BZHI DANG, BDAG TU LTA BA'I GNYEN PO MA YIN PA'I NYE BAR LEN PA'I PHUNG PO LNGA DANG, DER LTA BA'I GNYEN PO DRAN PA NYE BAR GZHAG PA BZHI DANG, RGYU DANG RKYEN LA RAG LAS PA 'DOD PA'I KHAMS LA SOGS PA DANG, RGYU LA MI LTOS PA DE BZHIN NYID DANG, 'PHAGS PA'I SKYE BO THAMS CAD KYI RGYUD LA 'BYUNG BA'I BSAM GTAN BZHI DANG, YANG DAG PAR RDZOGS PA'I SANGS RGYAS KYI RGYUD LA 'BYUNG BA'I CHOS CAN STOBS BCU STE, DE LTA BU LA SOGS PA CHOS THAMS CAD JI LTA BA BZHIN DU RTOGS PA'I RIM GYIS DMIGS PAS NA, DMIGS PA RNAM PA BCU GCIG GO, ,DMIGS PA DE LTA BU LA SGRUB PA'I CHED DU BYA BA GANG YIN ZHE NA, CHED DU BYA BA, SEMS CAN KUN MCHOG NYID SEMS DANG, ,SPONG DANG RTOGS DANG GSUM PO LA, ,CHEN PO GSUM GYI RANG 'BYUNG GI, ,CHED DU BYA BA 'DI SHES BYA, ,ZHES BYA BA GSUNGS SO, ,RNAM PA THAMS CAD DU RNAM PA THAMS CAD MKHYEN PA NYID YONGS SU SHES PA'I SGO NAS 'BYUNG BAR 'GYUR BA'I @90B SANGS RGYAS BYANG CHUB SEMS DPA' RNAMS NYID KYI, SEMS CAN THAMS CAD SEMS CAN KUN GYI MCHOG NYID KYI SEMS CHEN PO NYID DANG, SPONG BA CHEN PO NYID DANG, RTOGS PA CHEN PO NYID KYI DBANG DU BYAS TE, DE LTAR SGRUB PA LA 'JUG PA DE'I PHYIR CHEN PO NYID GSUM DANG LDAN PHAS TSAD DU BYA BA GSUM DU SHES PAR BYA'O, ,DE LTAR SGRUB PA'I RTEN DU GYUR PA LA SOGS PA BRJOD NAS, DE'I RANG GI NGO BO GANG YIN ZHE NA, THAMS CAD MKHYEN PA NYID GSUM GYI YUL LA SPYIR DGE BA'I CHOS KYI RTEN CAN DANG RNAM PA KUN MNGON PAR RDZOGS PAR RTOGS PA LA SOGS PA MNGON PAR RTOGS PA RNAM PA BZHI LA, MNGON PAR RTOGS PA RE RE ZHING PHA ROL TU PHYIN PA DRUG GI RTEN CAN GYI BYA BA NI SGRUB PA STE, DE LTAR JI LTA BA BZHIN DU SBYOR BA DANG MTHONG BA DANG BSGOM PA DANG KHYAD PAR GYI LAM GYI NGO BO NYID KYI SGRUB PA'I MTSAN NYID GO CHA DANG 'JUG PA DANG TSOGS DANG NGES PAR 'BYUNG BA RNAMS KYI NANG NAS BRTZON 'GRUS KYI NGO BO NYID KYIS DANG PO GO CHA'I SGRUB PA GSUNGS PA, DE DAG SO SOR SBYIN LA SOGS, ,RNAM PA DRUG TU BSDUS PA YIS, ,GO CHA'I SGRUB PA GANG YIN DE, ,DRUG TSAN DRUG GIS JI BZHIN BSHAD, ,CES BYA BA YIN TE, CHOS KYI SBYIN PA LA SOGS PA SBYIN PAR BYED PA NA, NYAN THOS KYI YID LA BYED PA LA SOGS SPONG BA DANG, SKYE BO THAMS CAD KYIS MI SNYAN PAR SMRA BA NYID BZOD PA DANG, 'DUN PA SKYED PA DANG, THEG PA GZHAN DANG MA 'DRES PA'I RTZE GCIG PA NYID DANG, BLA NA MED PA YANG DAG PAR RDZOGS PA'I BYANG CHUB TU BSNGO BA RNAMS, GO RIMS BZHIN DU SBYIN PAR BYA BA LA SOGS PA MI DMIGS PA'I GO CHA NYID KYIS BYED PA DANG, DE BZHIN DU TSUL KHRIMS SRUNG BAR BYED, BZOD PA RDZOGS PAR BYED, BRTZON 'GRUS RTZOM, BSAM GTAN SGRUB, SHES RAB SGOM PAR BYED DO, ,DE LTAR SBYIN PA LA SOGS PA'I PHA ROL TU PHYIN PA SO SOR SBYIN PA LA SOGS PA BSDUS PAS NA DRUG TSAN DRUG GIS, RNAM PA SUM CU RTZA DRUG YIN MOD KYI SBYIN PA LA SOGS PA DRUG CHOS MTHUN PA'I PHYIR GO CHA'I SGRUB PA RNAM PA DRUG GO, ,,BAM PO GNYIS PA, DE LTAR GO BGOS PA LA @91A *, ,'JUG PA 'BYUNG BAS GNYIS PA 'JUG PA'I SGRUB PA, BSAM GTAN GZUGS MED SBYIN SOGS DANG, ,LAM DANG BYAMS LA SOGS PA DANG, ,DMIGS PA MED DANG LDAN PA DANG, ,'KHOR GSUM RNAM PAR DAG PA DANG, ,CHED DU BYA DANG MNGON SHES DRUG, , RNAM KUN MKHYEN PA'I TSUL LA NI, ,'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES BYA BA GSUNGS TE, BSAM GTAN DANG GZUGS MED PA'I SNYOM PAR 'JUG PA DANG, SBYIN PA LA SOGS PA PHA ROL TU PHYIN PA DRUG DANG, MTHONG BA DANG, BSGOM PA DANG, MI SLOB PA DANG KHYAD PAR GYI LAM DANG, TSAD MED PA BZHI DANG, MI DMIGS PA DANG LDAN PA DANG, DNGOS PO THAMS CAD LA 'KHOR GSUM DAG PA DANG, CHED DU BYA BA DANG, MNGON PAR SHES PA DRUG DANG, RNAM PA THAMS CAD MKHYEN PA NYID DAG LA YANG DAG PAR GNAS PA'I MTSAN NYID NI, THEG PA CHEN PO'I CHOS MTHA' DAG GNON PA'I NGO BO NYID YIN PAS 'JUG PA'I SGRUB PA RNAM PA DGU'O, ,DE LTAR 'JUG PA BYAS PA LA TSOGS SKYE BAS GSUM PA TSOGS KYI SGRUB PA, BRTZE DANG SBYIN LA SOGS PA DRUG ,ZHI GNAS LHAG MTHONG BCAS PA DANG, , ZUNG DU 'BREL BA'I LAM GANG DANG, ,THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANG SA BCU DANG, ,GNYEN PO'I TSOGS KYI SGRUB PA YI, ,RIM PA YIN PAR SHES PAR BYA, ,ZHES BYA BA GSUNGS TE, SNYING RJE CHEN PO DANG, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, ZHI GNAS DANG, LHAG MTHONG DANG, ZUNG DU 'BREL BA'I LAM DANG, THABS MKHAS PA DANG, YE SHES DANG, BSOD NAMS DANG, MTHONG BA LA SOGS PA'I LAM DANG, TSIG LA SOGS PA'I GZUNGS DANG, SA DANG GNYEN PO RNAMS MI DMIGS PAS KUN RDZOB KYI BDEN PA LAS MI 'DA' BAR THEG PA CHEN PO'I DON MTHA' DAG SGRUB PAS SNYING RJE LA SOGS PA 'DI DAG GIS YANG DAG PAR 'GRUB PA'I NGO BOS BYANG CHUB CHEN PO 'DZIN PAR BYED PA'I PHYIR NA SNYING RJE @91B CHEN PO LA SOGS PA NI TSOGS YIN PAS, TSOGS KYI SGRUB PA RNAM PA BCU BDUN NO, ,DE LA YE SHES KYI TSOGS NI, NANG DANG, PHYI DANG, DE GNYIS KA DANG, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG, THA MA MED PA DANG, DOR BA MED PA DANG, RANG BZHIN DANG, CHOS THAMS CAD DANG, RANG GI MTSAN NYID DANG, MI DMIGS PA DANG, DNGOS PO MED PA'I NGO BO NYID DANG, DNGOS PO DANG DNGOS PO MED PA DANG, RANG GI NGO BO DANG, GZHAN GYI NGO BO STONG PA NYID KYI BYE BRAG GIS RNAM PA NYI SHU'O, ,'DIR SMRAS PA, NANG DANG PHYI ROL RNAMS DANG NI, ,GNYIS DANG STONG PA'I DNGOS PO DANG, ,PHYOGS DANG MYA NGAN 'DAS LAM DANG, ,RKYEN LAS SKYES DANG CIG SHOS DANG, ,MTHA' 'DAS THOG MA DOR BA MED, ,RANG BZHIN DANG NI CHOS KUN DANG, , CHOS SKYE LA SOGS 'DAS SOGS DANG, ,LDAN DANG CIG SHOS NGO BO DANG, ,MKHA' DANG STONG PA ZHES BYA DANG, ,CHOS KYI GZHAN GYI NGO BO NYID, ,RANG RANG NGO BOS STONG PA'I PHYIR, ,STONG PA NYID NI NYI SHUR 'DOD, ,SA'I TSOGS LA SA GANG GI YONGS SU SBYONG BAR 'GYUR BA'I CHOS GANG DAG YIN PA DE DAG BSTAN PA'I PHYIR BAR SKABS KYI TSIGS SU BCAD PA NYI SHU RTZA GSUM GSUNGS PA, YONGS SU SBYONG BA RNAM BCU YIS, ,SA NI DANG PO 'THOB 'GYUR TE, ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN STEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS SKUR 'DOD DGA' BA DANG, ,CHOS STON PA DANG BDEN PA YI, ,TSIG NI BCU PA YIN PAR 'DOD, ,'DI DAG RANG BZHIN MI DMIGS PAS, ,YONGS SU SBYONG BAR SHES PAR BYA, ,ZHES BYA BA NI, RIM PA JI LTA BA BZHIN GZHI THAMS CAD LA GYA GYU MED PA'I BSAM PA DANG, RANG DANG GZHAN GYI DGOS PA LA PHAN PA NYID DANG, SEMS CAN THAMS CAD LA SEMS GCIG PA NYID DANG, BDOG PA THAMS CAD YONGS SU GTONG BA DANG, DGE BA'I @92A *, ,BSHES GNYEN MGU BAR BYED PA DANG, THEG PA GSUM DU GTOGS PA'I DAM PA'I CHOS KYI DMIGS PA 'DOD PA DANG, KHYIM NA GNAS PA LA MNGON PAR MI DGA' BA DANG, BLA NA MED PA'I SANGS RGYAS KYI SKU 'DOD PA DANG, DAM PA'I CHOS RAB TU STON PA DANG, BDEN PAR SMRA BA NYID CES BYA BA DE LTA BU'I MTSAN NYID KYI CHOS BCUS RNAM PA THAMS CAD DU BSKYED PAR BYA BA YIN PA'I PHYIR, YONGS SU SBYONG BA'I RGYU'I KHYAD PAR NGO BO NYID MI DMIGS PAS KHYAD PAR DU BYAS PA'I MTSAN NYID KYI YONGS SU SBYONG BA DAG KHO NAS SA DANG PO RAB TU DGA' BA 'THOB PA YIN NO, ,TSUL KHRIMS BYAS PA GZO DANG BZOD, ,RAB TU DGA' DANG SNYING BRTZE CHE, ,BKUR STI BLA MA LA GUS NYAN, ,BRGYAD PA SBYIN LA SOGS LA BRTZON, ,ZHES BYA BA NI, DGE BA'I CHOS DANG, SEMS CAN GYI DON BYA BA DANG, SDOM PA'I TSUL KHRIMS DANG, GZHAN GYIS PHAN PA BYAS PA DRAN PA DANG, GZHAN GYIS GNOD PA BYAS PA LA SOGS PA BZOD PA DANG, DGE BA'I CHOS SGRUB PA LA 'GYOD PA MED PA DANG, SKYE BO THAMS CAD LA BYAMS PA DANG, MKHAN PO LA SOGS PA LA 'DUD PA DANG, DGE BA'I BSHES GNYEN GYIS BSTAN PA'I CHOS SGRUB PA DANG, SBYIN PA LA SOGS PA'I PHA ROL TU PHYIN PA DRUG LA SPRO BA ZHES BYA BA DE LTA BU'I YONGS SU SBYONG BA SNGA MA BZHIN YONGS SU SBYANG BA BYAS PA'I KHYAD PAR RNAM PA BRGYAD KYIS SA GNYIS PA DRI MA MED PA 'THOB PA YIN NO, ,THOS PAS MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, ,'KHOR BAS YONGS SU MI SKYO DANG, ,NGO TSA KHREL YOD CES BYA BA, ,RLOM MED BDAG NYID DE RNAM LNGA, ZHES BYA BA NI, DAM PA'I CHOS MNYAN PAS NGOMS MI SHES PA DANG, RNYED PA LA SOGS PA LA MI LTA BA'I SEMS KYIS DAM PA'I CHOS RAB TU STON PA DANG, RANG GI SANGS RGYAS KYI ZHING RTEN DANG BRTEN PA KUN DU SBYONG BA DANG, PHAN BTAGS PA'I SEMS CAN MI MTHUN PA LA SOGS PA MTHONG BAS YONGS SU MI SKYO BA DANG, RANG DANG GZHAN LA LTOS NAS MI @92B DGE BA'I CHOS MI BYED PA ZHES BYA BA DE LTA BU'I YONGS SU SBYONG BA RNAM PA LNGA PO, ,SNGA MA BZHIN DU NGO BO NYID DU MI RTOG PAS YONGS SU SBYANG BA BYAS PAS SA GSUM PA 'OD BYED PA RTOGS PA YIN NO, ,NAGS GNAS 'DOD CHUNG CHOG SHES PA DANG, ,SBYANGS PA YANG DAG SDOM BSTEN DANG, , BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,MYA NGAN 'DAS DANG BDOG KUN GTONG, ,MI ZHUM PA DANG LTA BA MED, ,CES BYA BA NI, DGON PAR GNAS PA DANG, RNYED PA MA THOB PA LA MNGON PAR 'DOD PA MED PA DANG, ,RNYED PA THOB PA LA LHAG PAR DON DU GNYER BA MED PA DANG, BSOD SNYOMS PA NYID LA SOGS PA SBYANGS PA'I YON TAN YANG DAG PAR SDOM PA DANG, BSLAB PA BLANGS PA SROG LA SOGS PA'I PHYIR YANG YONGS SU MI GTONG BA DANG, 'DOD PA'I YON TAN LA NYES DMIGS SU LTA BAS SMOD PA DANG, GDUL BYA DANG 'TSAM PAR MYA NGAN LAS 'DAS PA LA GZHOL BAR BYED PA DANG, BDOG PA THAMS CAD YONGS SU GTONG BA DANG, DGE BA SGRUB PA LA SEMS MI ZHUM PA DANG, DNGOS PO THAMS CAD LA MI LTA BA ZHES BYA BA DE LTA BU'I YONGS SU SBYONG BA SNGA MA LTA BU RNAM PA BCUS SA BZHI PA 'OD 'PHRO BA CAN GNON PA YIN NO, ,'DRIS DANG KHYIM LA 'KHREN PA DANG, ,'DU 'DZIR GYUR PA'I GNAS DANG NI, ,BDAG BSTOD GZHAN LA BRNYAS PA DANG, ,MI DGE'I LAS KYI LAM BCU DANG, ,RLOM PAS KHENGS DANG PHYIN CI LOG ,BLO NGAN DANG NI NYON MONGS BZOD, ,BCU PO 'DI NI RNAM SPANGS NA, ,SA LNGA PA NI YANG DAG 'THOB, ,CES BYA BA NI, RNYED PA LA SOGS PA'I DON DU RAB TU BYUNG BA LA SOGS PA DANG 'GROGS PA DANG, DAD PA CAN GYI KHYIM NYE BAR MI STON PA DANG, SKYE BO MANG PO'I GRONG LA SOGS PA DANG, BDAG LA BSNGAGS PA DANG, GZHAN LA SMOD PA DANG, MI DGE BA'I LAS KYI LAM BCU DANG, THOS PA LA SOGS PAS RLOM ZHING GZHAN LA MI 'DUD PA DANG, DGE BA DANG MI DGE BA LA BZLOG STE MNGON PAR ZHEN PA DANG, LOG PAR LTA BA LA SOGS PA BLO GROS NGAN PA DANG, 'DOD CHAGS LA SOGS PA @93A *, ,NYON MONGS PA THAMS CAD LA PHYOGS PAR BYED PA ZHES BYA BA DE LTA BU'I MTSAN NYID KYI CHOS BCU RNAM PAR SPONG ZHING BZLOG PA'I CHOS DON GYIS 'PHANGS PA YONGS SU SBYONG BA RNAM PA BCUS SNGA MA BZHIN DU SA LNGA PA SBYANG DKA' BA 'THOB PA YIN NO, ,SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB RAB RDZOGS PAS, ,SLOB MA DANG NI BSE RU LA, ,DGA' DANG SKRAG PA'I SEMS SPANGS PA, ,BSLANGS NA MI ZHUM BDOG PA KUN, ,BTANG YANG MI DGA' MED PA DANG, ,DBUL YANG SLONG BA MI SPONG BAS, ,SA NI DRUG PA YANG DAG 'THOB, , CES BYA BA NI, ,PHA ROL TU PHYIN PA DRUG YONGS SU RDZOGS PAS NYAN THOS DANG RANG SANGS RGYAS LA 'DOD PA DANG, NGO BO NYID MI DMIGS PA LA SKRAG PA DANG, SLONG BA PO'I SKYE BOS BSLANGS NA ZHUM PA DANG, BDOG PA THAMS CAD RANG GI NGANG GIS GTONG BAR ZHUGS PA LA MI DGA' BA DANG, BKREN YANG SLONG BA'I SKYE BO SPONG BA'I SEMS SPONG BA STE, DE LTA BU'I YONGS SU SBYONG BA BCU GNYIS KYIS SNGA MA BZHIN DU SA DRUG PA MNGON DU GYUR PA KUN SHES PAR 'GYUR BA YIN NO, ,BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, KHAMS DANG SKYE MCHED NGAG DANG NI, ,KHAMS GSUM PO LA GNAS DANG CHAGS, ,SEMS NI KUN DU ZHUM PA DANG, ,DKON MCHOG GSUM DANG TSUL KHRIMS LA, ,DER LTA BA YI MNGON ZHEN DANG, ,STONG PA NYID LA RTZOD PA DANG, ,DE DANG 'GAL BA'I NYES PA NI, ,NYI SHU GANG LA RNAM CHAD PA, ,DE YIS SA NI BDUN PA 'THOB, ,CES BYA BA NI, ,BDAG DANG, SEMS CAN DANG, SROG DANG, GANG ZAG DANG, CHAD PA DANG, RTAG PA DANG, MTSAN MA DANG, RGYU DANG, PHUNG PO DANG, KHAMS DANG, SKYE MCHED DANG, KHAMS GSUM PA LA GNAS PA DANG, CHAGS PA DANG, SEMS KUN DU ZHUM PA DANG, SANGS RGYAS DANG, CHOS DANG, DGE 'DUN DANG, TSUL KHRIMS SU LTA BA'I MNGON PAR ZHEN PA DANG, STONG PA NYID LA RTZOD PA DANG, 'GAL BA RJOD PA 'DZIN PA YONGS SU SPANGS PA STE, NYES PA DE LTA BU NYI SHU DANG BRAL NAS, BZLOG PA'I @93B CHOS DON GYIS 'PHANGS PA YONGS SU SBYONG BA RNAM PA NYI SHUS SNGA MA BZHIN DU SA BDUN PA RING DU SONG BA KUN SHES PAR 'GYUR BA YIN NO, ,DON GYIS 'PHANGS PA'I CHOS NYID BSTAN PA'I PHYIR, RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, ,SNYING RJE DANG NI RLOM MED DANG, ,CHOS MNYAM NYID DANG TSUL GCIG SHES, ,MI SKYE BA DANG BZOD SHES DANG, ,CHOS RNAMS RNAM PA GCIG TU STON, ,RTOG PA KUN DU 'JOMS PA DANG, ,'DU SHES LTA DANG NYON MONGS SPONG, ,ZHI GNAS NGES PAR SEMS PA DANG, ,LHAG MTHONG LA NI MKHAS PA DANG, ,SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN DU BDAG GI NGO BO NI, ,STON PA NYID DANG NYI SHU'O, ,ZHES BYA BA GSUNGS TE, RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA YANG DAG PAR SHES PA DANG, DGE BA BCU'I LAS KYI LAM LA GSAD PAR BYA BA DANG, GSOD PA PO DANG, BSAD PA MI DMIGS PA LA SOGS PA DANG, SKYE BO THAMS CAD LA DMIGS PA'I SNYING BRTZE BA DANG, DNGOS POR DMIGS PA MED PA DANG, CHOS THAMS CAD MNYAM PA NYID DU RTOGS PA DANG, THEG PA CHEN PO GCIG TU RTOGS PA DANG, MI SKYE BA YONGS SU SHES PA DANG, CHOS ZAB MO LA NGES PAR RTOGS PA'I BZOD PA KHONG DU CHUD PA DANG, SHES BYA THAMS CAD THEG PA CHEN PO'I THABS KYI SGO NAS RAB TU STON PA DANG, RTOG PA THAMS CAD GCOD PA DANG, MTSAN MAR 'DZIN PA'I RTOG PA MED PA DANG, 'JIG TSOGS LA LTA BA LA SOGS PA LNGA 'DOR BA DANG, 'DOD CHAGS LA SOGS PA NYON MONGS PA SPONG BA DANG, ZHI GNAS SGOM PA DANG, SHES RAB DANG THABS LA MKHAS PAR BYED PA DANG, SEMS NYE BAR ZHI BA DANG, GZUGS LA SOGS PA LA THOGS PA MED PA'I YE SHES DANG, MNGON PAR ZHEN PA'I GNAS MA YIN PA DANG, JI LTAR 'DOD PA BZHIN DU DUS MNYAM DU SANGS RGYAS KYI ZHING THAMS CAD DU 'GRO BA DANG, GDUL BYA DANG MTHUN PAR THAMS CAD DU BDAG GI @94A *, ,LUS RAB TU STON PA ZHES BYA BA YONGS SU SBYONG BA RNAM PA NYI SHU PO 'DIS KYANG SNGA MA BZHIN DU SA BDUN PA RTOGS PAR 'GYUR BA YIN NO, ,SEMS CAN KUN YID SHES PA DANG, ,MNGON PAR SHES PAS BRTZE BA DANG, ,SANGS RGYAS ZHING BZANG SGRUB PA DANG, ,YONGS SU BRTAG PHYIR SANGS RGYAS BSTEN, ,DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRID PA LEN PA DANG, ,LAS NI RNAM PA 'DI BRGYAD BSHAD, ,CES BYA BA NI, SEMS CAN THAMS CAD KYI SEMS KYI SPYOD PA JI LTA BA BZHIN SHES PA DANG, 'JIG RTEN GYI KHAMS SU RDZU 'PHRUL GYI MNGON PAR SHES PAS BRTZE BA DANG, SANGS RGYAS KYI ZHING RTEN GSER LA SOGS PA'I NGO BOR YONGS SU BSGYUR BA DANG, RNAM PA THAMS CAD DU CHOS YONGS SU BRTAG PAS SANGS RGYAS MNYES PAR BYED PA DANG, LHA'I MIG SKYED PA DANG, SANGS RGYAS KYI ZHING RTEN PA SEMS CAN YONGS SU SBYONG BA DANG, THAMS CAD DU SGYU MA LTA BUR GNAS PA DANG, SEMS CAN THAMS CAD KYI DON MTHONG NAS BLO SNGON DU BTANG BA'I SKYE BA YONGS SU 'DZIN PA ZHES BYA BA YONGS SU SBYONG BA'I CHOS DE LTA BU RNAM PA BRGYAD KYIS SNGA MA BZHIN DU SA BRGYAD PA MI G-YO BA NYAMS SU MYONG BAR 'GYUR BA YIN NO, ,SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU DANG, ,MNGAL DU 'JUG PA MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB SHING RNAMS DANG, ,YON TAN PHUN SUM TSOGS PA YIN, ,ZHES BYA BA NI, SMON LAM MTHA' YAS PA DANG, LHA LA SOGS PA SEMS CAN THAMS CAD KYI SKAD SHES PA DANG, SPOBS PA CHU BO LTAR MI ZAD PA DANG, SKYE BO THAMS CAD KYIS BSNGAGS PA'I MNGAL DU 'JUG PA DANG, RGYAL PO LA SOGS PAR GNAS PA DANG, NYI MA LA SOGS PA LAS SKYES PA DANG, MA LA SOGS PA DANG LEGS PAR 'BREL BA'I GNYEN DANG, RANG DBANG BA'I 'KHOR DANG, BRGYA BYIN LA SOGS PAS MNGON PAR BSTOD PAR SKYE BA DANG, SANGS RGYAS LA SOGS PAS BSKUL TE NGES @94B PAR 'BYUNG BA DANG, YID BZHIN GYI NOR BU DANG 'DRA BA'I SHING AA SHVAD THA LA SOGS PA DANG, SANGS RGYAS KYI CHOS KYI NGO BOR GYUR PA'I YON TAN THAMS CAD YONGS SU RDZOGS PAR BYED PA ZHES BYA BA DA LTA BU'I PHUN SUM TSOGS PA'I MTSAN NYID KYI YONGS SU SBYONG BA RNAM PA BCU GNYIS POS, SNGA MA BZHIN DU YONGS SU SBYANG BA BYAS PA'I KHYAD PAR DAG GIS SA DGU PA LEGS PA'I BLO GROS MNGON DU BYED PA YIN NO, ,RGYU'I SA RNAMS KYI YONGS SU SBYONG BA DE LTAR NGES PAR BSTAN NAS, 'BRAS BU'I SA NYID DU DE DAG MA BSHAD PAR SA THAMS CAD BSDU BA'I SGO NAS SA BCU PA'I MTSAN NYID, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES BYA BA GSUNGS TE, NYAN THOS LA SOGS PA'I RIGS DANG, 'BRAS BU DANG PO LA ZHUGS PA DANG, RGYUN TU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA NYID CES BYA BA DRUG DANG, TSUL GSUM RNAM PAR BZHAG PAR DGONGS PAS BSDUS PA LHAG MA ZHUGS PA GSUM DANG, RANG SANGS RGYAS RNAMS GO RIMS BZHIN DU, RIGS DANG, BRGYAD PA DANG, MTHONG BA DANG, BSRABS PA DANG, 'DOD CHAGS DANG BRAL BA DANG, BYAS PA RTOGS PA DANG, NYAN THOS DANG, RANG SANGS RGYAS KYI SA RNAMS DANG, JI SKAD BSHAD PA'I BYANG CHUB SEMS DPA'I SA RNAM PA DGU PO GCIG KHO NA STE, DE LTAR SA DGU 'DAS NAS SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA'I YANG DAG PAR RDZOGS PA'I SANGS RGYAS NI MA YIN NO, ,ZHES 'BYUNG BA'I PHYIR, SANGS RGYAS KYI SA DE LA SMON LAM SHES PA GANG GIS GNAS PA DE NI BYANG CHUB SEMS DPA'I SA BCU PA YIN PAR SHES PAR BYA BA YIN NO, ,GNYEN PO'I TSOGS LA BAR SKABS KYI TSIGS SU BCAD PA, MTHONG DANG GOMS PA'I LAM DAG LA, ,GZUNG DANG 'DZIN PA'I RNAM RTOG RNAMS, ,NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES BYA BA GSUNGS TE, GZUNG BA'I RNAM PAR RTOG PA KUN NAS NYON MONGS PA'I DNGOS PO TZAM DANG GNYEN PO'I @95A *, ,RTEN CAN GNYIS DANG, 'DZIN PA'I RNAM PAR RTOG PA GANG ZAG RDZAS SU YOD PA DANG SKYES BU BTAGS PA'I RTEN CAN GNYIS SO SOR MTHONG BA'I LAM DANG BSGOM PA'I LAM LA SPONG BAS, BZUNG BA DANG 'DZIN PAR RNAM PAR RTOG PA BRGYAD NYE BAR ZHI BAR BYA BA'I PHYIR, BDEN PA GNYIS KA'I RNAM PA LA BRTEN NAS MNGON DU BYA BA'I MI MTHUN PA'I PHYOGS KYI RAB TU DBYE BAS LAM GNYIS PO KHO NA'I GNAS SKABS KYI KHYAD PAR GNYEN PO RNAM PA BRGYAD DO, ,DE LTAR TSOGS BSAGS PA LA NGES PAR 'BYUNG BAS BZHI PA NGES PAR 'BYUNG BA'I SGRUB PA, CHED DU BYA DANG MNYAM NYID DANG, ,SEMS CAN DON DANG 'BAD MED DANG, ,MTHA' LAS 'DAS PAR NGES 'BYUNG DANG, ,THOB PA'I MTSAN NYID NGES 'BYUNG DANG, ,RNAM PA THAMS CAD MKHYEN NYID DANG, ,LAM GYI YUL CAN NGES 'BYUNG STE, ,RNAM PA BRGYAD KYI BDAG NYID 'DI, ,NGES 'BYUNG BSGRUB PA YIN ZHES BYA, ,ZHES BYA BA GSUNGS TE, CHED DU BYA BA JI SKAD BSHAD PA DANG, CHOS THAMS CAD MNYAM PA NYID DANG, SEMS CAN GYI DON PHYAD PAR BYED PA DANG, MTSAN MA MED PAR THAMS CAD BYED PA NYID KYIS LHUN GYIS GRUB PA DANG, RTAG PA DANG CHAD PA DANG BRAL BA'I NGO BO'I GNAS SKABS KYI KHYAD PAR DANG, THEG PA GSUM GYI DON THAMS CAD 'THOB PA DANG, JI SKAD BSHAD PA'I RNAM PA THAMS CAD MKHYEN PA NYID DANG, DE'I KHYAD PAR GYI LAM STE, NGES PAR 'BYUNG BAR BYA BA'I GZHI DE LTA BU DAG LAS KHYAD PAR DU 'PHAGS PA'I CHOS GZHAN MED PA'I PHYIR THAMS CAD MI DMIGS PA NYID KYIS NGES PAR 'BYUNG BA RNAM PA BRGYAD YIN PAS NGES PAR 'BYUNG BA'I SGRUB PA NI RNAM PA BRGYAD YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA BA LAS, SKABS DANG PO'I 'GREL PA'O,, ,,RNAM PA THAMS CAD MKHYEN PA NYID RTOGS PA NI LAM SHES PA NYID YONGS SU SHES PA MED NA MED PAS LAM SHES PA NYID, LHA RNAMS RUNG BAR BYA BA'I PHYIR, ,'OD KYIS MOG MOG POR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, ,ZHES BYA BA GSUNGS TE, LAM @95B SHES PA NYID SKYE BAR RUNG BA NYID DU BSGRUB PA'I PHYIR, DE BZHIN GSHEGS PA'I RANG BZHIN GYI 'OD DAG GI SA LHA LA SOGS PA'I RNAM PAR SMIN PA'I 'OD MOG MOG POR MDZAD PA NI NGA RGYAL BCOM PA'I RGYUD KHO NA LA RTOGS PA SKYE'O ZHES BYA BAR SHES PAR BYA BA'I PHYIR MDZAD DE, DE'I PHYIR TSIG ZUR GYIS RTEN BRJOD PA YIN NO, ,DE YANG BYANG CHUB TU SEMS BSKYED PA KHO NA YIN PAS YUL SO SOR NGES PA YIN NO, ,THEG PA GSUM RNAM PAR BZHAG PA NI DGONGS PA CAN YIN GYI, MTSAN NYID PA NI MA YIN NO ZHES LUGS LAS 'BYUNG BAS SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA CAN YIN TE, DE'I PHYIR 'DOD CHAGS DANG BRAL BA DANG, CIG SHOS KYI RNAL 'BYOR PAS KYANG SANGS RGYAS NYID THOB PAR BYA BA'I PHYIR LAM SHES PA NYID BSGOM PAR BYA BA YIN PAS KHYAB PA YIN NO, ,BYANG CHUB SEMS BSKYED PA NI 'KHOR BA JI SRID PAR SEMS CAN GYI DON BYED PAR ZHUGS PA NYID KYIS NYON MONGS PA RNAM PA THAMS CAD DU SPANGS PA MA YIN PA ZHES BYA BA NI RANG BZHIN YIN NO, ,DE'I 'OG TU DE LTA BU'I RANG BZHIN CAN GYI LAS NI YANG DAG PA'I MTHA' MNGON DU MI BYED PA DANG SHES RAB DANG THABS LA MKHAS PAS SEMS CAN YONGS SU MA BSDUS PA YONGS SU SDUD PA LA SOGS PA YIN PAS BYED PA YIN NO, ,DE LTAR RTEN LA SOGS PA BRJOD NAS LAM SHES PA NYID KYI SKABS SU LAM THAMS CAD RDZOGS PAR BYA DGOS PAS, NYAN THOS KYI LAM, LAM SHES NYID KYI TSUL LA NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES BYA BA GSUNGS TE, DE LA SDUG BSNGAL GYI BDEN PA'I GO RIMS BZHIN DU, MI RTAG PA DANG, SDUG BSNGAL BA DANG, STONG PA DANG, BDAG MED PA STE, DE DAG GI MTSAN NYID ZHI BA'I RNAM PA BZHI DAG DANG, KUN 'BYUNG BA'I BDEN PA'I RGYU DANG, KUN 'BYUNG BA DANG, RAB TU SKYE BA DANG, RKYEN GYI NGO BO NYID DANG, NAD DANG, 'BRAS DANG, ZUG RNGU DANG, SDIG PA'I RNAM PA RNAMS DANG, YID 'BYUNG BA DANG, 'DOD CHAGS DANG BRAL BAR BYA BA DANG, 'GOG @96A *, ,PA'I PHYIR ZHUGS PA YIN NO ZHES 'BYUNG BA'I PHYIR, SDUG BSNGAL DANG KUN 'BYUNG GI BDEN PA DE DAG NYID SO SO'I YID 'BYUNG BA DAG GI MTSAN NYID KYI PHA ROL DANG 'JIG PA'I CHOS CAN GYI RNAM PA'I NGO BO NYID DAG DANG, 'DOD CHAGS DANG BRAL BA DAG GI NGO BO G-YO BA DANG RAB TU 'JIG PA'I RNAM PA DAG DANG, 'GOG PA'I RANG GI NGO BO 'JIGS PA DANG NAD 'GO BA DANG 'TSE BA'I RNAM PA RNAMS DANG, 'GOG PA'I BDEN PA'I 'GOG PA'I RANG GI NGO BO BDAG MED PA DANG, ZHI BA DANG GYA NOM PA'I RNAM PA'I BDAG NYID DBEN PA DANG, NGES PAR 'BYUNG BA'I MTSAN NYID STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYED PA MED PA'I RNAM PA DAG DANG, LAM GYI BDEN PA'I LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA RNAMS, NGO BO NYID MI DMIGS PA'I SGO NAS LAM SHES PA NYID KYI SKABS SU NYAN THOS RNAMS KYI LAM YIN PAR BYANG CHUB SEMS DPAS DE LTAR YONGS SU SHES PAR BYA'O, ,BDEN PA BZHI YONGS SU SHES PA NI, NGES PAR 'BYED PA'I CHA DANG MTHUN PA RTOGS PA SNGON DU 'GRO BA CAN YIN PAS LAM BRJOD NAS NGES PAR 'BYED PA'I CHA DANG MTHUN PA, 'PHAGS PA NYAN THOS LAM LA NI, ,GZUGS LA SOGS PA STONG PA'I PHYIR, ,STONG PA NYID RNAMS DBYER MED PAS, ,DRO BA DE DAG MI DMIGS PAS, ,RTZE MOR GYUR PA DAG TU 'DOD, ,DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,SA BCU DAG LAS BRTZAMS NAS NI, , MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,CI PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES BYA BA GSUNGS TE, GZUGS LA SOGS PA'I PHUNG PO RANG RANG GI NGO BO NYID KYIS STONG PA'I PHYIR STONG PA NYID RNAMS PHAN TSUN THA DAD PA MED PA DANG, GZUGS LA SOGS PA SNGA MA BZHIN DU MI DMIGS PA DANG DE BZHIN DU GZUGS LA SOGS PA LA RTAG PA'ANG MA YIN MI RTAG PA YANG MA YIN NO ZHES DMIGS PA'I TSUL GYIS GNAS PA BKAG PA DANG, GANG GI PHYIR DE BZHIN GSHEGS PAS BYANG @96B CHUB MNGON PAR RDZOGS PAR SANGS RGYAS NAS CHOS RNAMS MA GZIGS PA ZHES BYA BA TSAD MA'I SKYES BUS MA DMIGS PA'I GTAN TSIGS KYI 'THAD PAS, SA RAB TU DGA' BA LA SOGS PA LA MI GNAS PA RGYAS PAR JI SKAD DU BSTAN PA ZHES BYA BA'I RNAM PA DE RNAMS KYIS, GO RIMS BZHIN DU BDEN PA'I DMIGS PA LA NGES PAR 'BYED PA'I CHA DANG MTHUN PA SKYE BO ZHES BYA BA YIN NO, ,NYAN THOS KYI LAM GYI MJUG THOGS SU RANG SANGS RGYAS KYI LAM BRJOD PAR RIGS MOD KYI, NYAN THOS RNAMS LAS DE DAG JI LTAR KHYAD PAR DU 'PHAGS NA GANG GIS NA DE DAG GI LAM GZHAN YIN SNYAM PA'I DOGS PA BSU BAR RE ZHIG KHYAD ZHUGS PA NYID DU SGRUB PA, RANG BYUNG BDAG NYID RTOGS PA'I PHYIR, ,GZHAN GYIS BSTAN YANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES BYA BA GSUNGS TE, LUNG LAS NYAN THOS RNAMS NI GZHAN GYIS BSTAN PA LA LTOS NAS RANG GI BYANG CHUB RTOGS PAR 'GYUR LA, GZHAN DAG KYANG BRJOD PA DANG BCAS PA'I CHOS BSTAN PAS DGE BA LA 'JUG PAR BYED DO ZHES 'BYUNG NGO, ,RANG SANGS RGYAS RNAMS NI SNGON THOS PA LA SOGS PA MNGON PAR 'DUS BYAS PAS GZHAN GYIS BSTAN PA LA MI LTOS PAR BDAG NYID KYIS RANG GI BYANG CHUB MNGON PAR RTOGS PAR 'GYUR TE, DE'I PHYIR DE DAG LA SANGS RGYAS LA SOGS PAS BSTAN MI DGOS SO ZHES BYA BA NI KHYAD ZHUGS PA NYID GCIG YIN NO, ,SGRAR BRJOD PA'I CHOS BSTAN PA'I SGO NAS NYAN PA PO RNAMS KYIS 'CHAD PA PO'I SHES PA'I RTZAL RTOGS PAR BYED NA, DE DAG NI RANG GIS THOB PA'I YE SHES LA SOGS PA'I MTHUS SGRA MED PA'I CHOS BSTAN PAS, GZHAN DAG DGE BA BCU LA SOGS PA LA 'JUG PAR BYED DE, DE'I PHYIR DE DAG GI YE SHES MI RTOGS PA NYID NI KHYAD ZHUGS PA GNYIS PA YIN NO, ,YANG JI LTAR SGRA MED PAR CHOS STON SNYAM PA'I DOGS PA BSU BAR, GANG GANG DON NI GANG GANG LA, ,JI LTA JI LTAR NYAN 'DOD PA, ,DE DE LA DON DE DANG DE, ,SGRA MED KYANG DE DE LTAR SNANG, ,ZHES BYA BA GSUNGS TE, RNAM PAR MA BRTAGS RNAM PAR MA DPYAD PAR TSIG TU MI SMRA BAS BRJOD PA NI RNAM @97A *, ,PAR G-YENG BA YIN LA, DE YANG RGYUD 'KHRUG PAR BYED PA YIN PAS, BYANG CHUB SEMS DPA' 'DI LTAR SANGS RGYAS SU GYUR NAS BRJOD PA MED PAR CHOS STON PAR GYUR CIG CES SMON LAM BTAB PO, ,DE BAS NA SANGS RGYAS DANG 'DRA BA'I PHYIR, RANG SANGS RGYAS NYID KYI GNAS SKABS NA YANG SMON LAM LA SOGS PA'I MTHUS, SGRA MED KYANG GANG ZHIG DON GANG LA RNAM PA JI LTAR NYAN PAR 'DOD PA DE'I RNAM PAR SHES PA LA DON DE RNAM PA DE KHO NA LTAR SNANG BAR 'GYUR BAS SGRA MED PAR CHOS STON PA ZHES BYA STE, CHOS STON PA'I SGRA'I DON NI 'DI LTAR BRJOD PAR BYA BA'I CHOS NYAN PA PO'I RNAM PAR SHES PA LA SHIN TU BSKRUN CING BSKYED PA ZHES BYA BA 'DI YIN NO, ,DE LTAR KHYAD ZHUGS PA BRJOD NAS KHYAD ZHUGS PA RNAMS KYI LAM NI KHYAD PAR DU 'PHAGS PA KHO NA YIN PAS RNAL MA RANG SANGS RGYAS KYI LAM, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,RTEN GYIS BSE RU LTA BU'I LAM, ,YANG DAG BSDUS PAR SHES PAR BYA, ,ZHES BYA BA GSUNGS TE, RANG SANGS RGYAS KYI LAM LA JI SKAD BSHAD PA'I BDEN PA SGOM PA KHO NA DANG, DNGOS PO JI LTA BA BZHIN DU RTEN CING 'BREL PAR 'BYUNG BA BSGOMS PAS GZUNG BA DANG 'DZIN PA'I DON GYI RNAM PAR RTOG PA DAG GO RIMS BZHIN DU SPANGS PA DANG MA SPANGS PA DANG RANG SANGS RGYAS KYI THEG PAS BSDUS PA'I RTEN PA'I CHOS KYI GZHI'I KHYAD PAR GYIS KHYAD PAR DU 'PHAGS PA DANG LDAN PA'I CHOS RTOGS PAR BYANG CHUB SEMS DPAS SHES PAR BYA'I RNAM PA THAMS CAD SHES PAR NI MA YIN NO ZHES BYA BA NI RANG SANGS RGYAS KYI LAM MO, ,NGES PAR 'BYED PA'I CHA DANG MTHUN PA THOB NA JI SKAD BSHAD PA'I LAM SKYE BAS NGES PAR 'BYED PA'I CHA DANG MTHUN PA, BTAGS PA'I CHOS NYID MI 'GAL BAR, ,STON PA'I RNAM PA DROR GYUR PA, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,NANG STONG NYID LA SOGS PA YIS, ,GZUGS SOGS MI 'DZIN PHYIR BZOD PA, ,GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,CES BYA BA GSUNGS TE, GZUGS LA SOGS @97B PA'I CHOS KYI BRDA LAS BYUNG BA'I BTAGS PA'I CHOS NYID DANG MI 'GAL BAR RAB TU STON PA DANG, GZUGS LA SOGS PA LA DON DAM PAR 'GRIB PA DANG 'PHEL BA MED PA LA SOGS PA'I DON DU SLOB PA DANG, NGO BO NYID KYIS STONG PA NYID KYI PHYIR GZUGS LA SOGS PA LA NANG DANG PHYI LA SOGS PA STONG PA NYID KYIS YONGS SU MI 'DZIN PA DANG, GZUGS LA SOGS PA SKYE BA DANG 'GAG PA LA SOGS PA MED PA ZHES BYA BA'I RNAM PA RNAMS KYIS GO RIMS BZHIN DU BDEN PA BZHI'I DMIGS PA LA NGES PAR 'BYED PA'I CHA DANG MTHUN PA SKYE BA YIN NO, ,RANG SANGS RGYAS KYI LAM GYI MJUG THOGS SU BYANG CHUB SEMS DPA'I LAM, BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,ZHES BYA BA GSUNGS TE, LAM SHES PA NYID KYI SKABS SU BYANG CHUB SEMS DPAS CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA ZHES BYA BA BZOD PA DANG, SHES PA'I SKAD CIG MA BZHI PO SO SOR SDUG BSNGAL LA SOGS PA'I BDEN PA DANG 'BREL PA DAG DANG LDAN PA 'DI DANG GZHAN PA'I YON TAN DAG DANG LDAN PA BSGOM PAR BYA BA NI MTHONG BA'I LAM PHAN YON CHEN PO ZHES BRJOD DO, ,RNAM PA JI LTA BUR BSGOM PAR BYA ZHE NA, DE BZHIN NYID DANG SANGS RGYAS DAG ,PHAN TSUN RTEN PA RTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MA MED BCAS DANG, ,TSAD MED PA DANG MTHA' MED DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS LA SOGS DANG STONG NYID DANG, ,SANGS RGYAS NYID NI 'THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYIS SRUNG LA SOGS, ,SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB @98A *, ,TU BSNGO BA, ,LAM SHES NYID KYI SKAD CIG MA, ,ZHES BYA BA GSUNGS TE, DON DAM PA'I TSUL NYID KYIS DE BZHIN NYID DANG, SANGS RGYAS DAG LA RTEN DANG BRTEN PA'I DNGOS PO MED PAS DE'I PHYIR DE DAG PHAN TSUN RNAM GRANGS KYIS GNAS PAR KHAS MI LEN PA DANG, GZUGS LA SOGS PA'I CHOS KYI DBYINGS KYI NGO BO NYID KYIS CHEN PO NYID DANG, DE BZHIN DU DE DAG TSAD MA MED PA NYID DANG, SNGA MA BZHIN DU NAM MKHA' TSAD MED PA NYID KYIS DE DAG TSAD MED PA ZHES BYA BA DE LTA BU NI SDUG BSNGAL GYI BDEN PA'I RNAM PA DAG YIN NO, ,GZUGS LA SOGS PA LA NGO BO NYID MED PA NYID KYIS RTAG PA DANG CHAD PA'I MTHA' NYID LA SOGS PA MED PA DANG, SHES RAB KYI PHA ROL TU PHYIN PA LA GNAS PA NI CHOS KYI DBYINGS KYI NGO BO NYID KYIS GZUGS LA SOGS PA LA DE BZHIN GSHEGS PA NYID DU NGES PAR 'DZIN PA DANG, DE BZHIN DU DE LA GNAS PA NI, CHOS THAMS CAD LA BLANG BA DANG DOR BA MED PAR SGOM PA LA SOGS PA DANG, NGO BO NYID MED PAR MOS PA SNGON DU 'GRO BA'I TSAD MED PA BZHI BSGOM PAR BYA'O ZHES BYA BA DE LTA BU NI KUN 'BYUNG BA'I BDEN PA'I RNAM PA DAG YIN NO, ,GZUGS LA SOGS PA'I NGO BO GNYUG MA RANG BZHIN KHO NAS STONG PA NYID DANG, CHOS KYI DBYINGS DANG MNYAM PA'I DGE BA'I RTZA BA RNAMS KYI 'BRAS BU DE BZHIN GSHEGS PA NYID 'THOB PA DANG, SHES RAB KYI PHA ROL TU PHYIN PAR GNYEN PO RNAMS RNAM PA THAMS CAD DU BSDUS PA DANG, DE NYID KYIS PHYI DANG NANG GI 'TSE BA RAB TU ZHI BA ZHES BYA BA DE LTA BU NI 'GOG PA'I BDEN PA'I RNAM PA DAG YIN NO, ,NGO BO NYID MED PA SGOM PA KHO NAS GZUGS LA SOGS PA DANG, MYA NGAN LAS 'DAS PA LA MNGON PAR ZHEN PA ZHI BA DANG, SHES RAB DANG THABS LA MKHAS PA LA ZHUGS PA LA SANGS RGYAS RNAMS KYIS BSRUNG BA DANG BSKYAB PA DANG SBA BA DAG MDZAD PA DANG, SANGS RGYAS NYID MNGON PAR 'DOD PAS BDAG NYID SROG GCOD PA SPONG BA LA SOGS PA RNAM PA THAMS CAD MKHYEN PA NYID LA GNAS NAS DE NYID LA GZHAN DAG 'GOD PA DANG, SBYIN PA LA SOGS PA MI ZAD PAR BYED 'DOD PAS YANG DAG PAR RDZOGS PA'I BYANG CHUB TU BSNGO BAR BYA'O ZHES BYA @98B BA DE LTA BU NI LAM GYI BDEN PA'I RNAM PA DAG YIN TE, DE LTA BU NI LAM SHES PA NYID KYI SKAD CIG MA DAG YIN NO, ,KHA CIG NI 'DIR TSIG LE'UR BYAS PA'I DON NYE BAR MTSON PA LHUR LEN PA'I GZHUNG GIS RNAM PA'I DON MA BSHAD PAR MTHONG BA'I LAM GYI SKAD CIG MA BCU DRUG NYE BAR MTSON PA NYI TSE MDZAD PA ZAD DE, BSHAD PA DANG MA BSHAD PA'I NGES PAR 'BYED PA'I CHA DANG MTHUN PA LA SOGS PA'I DON GYI TSIG LE'UR BYAS PA RNAMS SU'ANG DE BZHIN DU BLTA BAR BYA'O ZHES ZER RO, ,GZHAN DAG NA RE DE DAG GIS NI BSGOM PA'I RIM PA LA SOGS PA MA BSTAN PA'I PHYIR, MNGON PAR RTOGS PA'I RIM PA CUNG ZAD KYANG MA BSTAN TO, ,GZHAN YANG DMIGS PA DANG NI RNAM PA DANG, ,ZHES BYA BA LA SOGS PA'I TSIGS SU BCAD PA'I DON KYANG JI LTAR DRANG ZHES ZER RO, ,MTHONG BA'I LAM GYI MJUG THOGS SU BSGOM PA'I LAM BRJOD PAR BYA BA YIN PA LAS, BRJOD PAR BYA BA NYUNG BA NYID DANG GDUL BYA 'BRAS BU LA GZHOL BA NYID DU ZHUGS PA'I PHYIR RE ZHIG DE'I BYED PA, KUN NAS ZHI DANG THAMS CAD LA, ,'DUD DANG NYON MONGS LAS RGYAL DANG, GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES BYA BA GSUNGS TE; RNAM PA THAMS CAD DU SEMS LA RANG DBANG NYID DU BYED PA DANG, DGE BA'I BSHES GNYEN LA SOGS PA SKYE BO THAMS CAD LA 'DUD PA DANG, 'DOD CHAGS LA SOGS PA ZIL GYIS GNON PA DANG, PHA ROL GYIS BYAS PA'I GNOD PA RJES SU SGRUB PA'I YUL MA YIN PA NYID DANG, YANG DAG PAR RDZOGS PA'I BYANG CHUB SGRUB PA DANG, RTEN GYI YUL MCHOD PAR BYA BA NYID DU BYED PA ZHES BYA BA BYED PA RNAM PA DRUG YIN NO, ,BYED PA'I 'OG TU BSGOM PA'I LAM STE, DE YANG ZAG PA DANG BCAS PA DANG ZAG PA MED PA'I BYE BRAG GIS RNAM PA GNYIS SO, ,DE'I PHYIR BSGOM PA'I LAM ZAG PA DANG BCAS PA MOS PA DANG, BSNGO BA DANG RJES SU YI RANG BA YID LA BYED PA ZHES BYA BA RNAMS KYI NANG NAS BSGOM PA'I LAM DANG PO MOS PA YID LA BYED PA ZHES BYA BA, MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM SHES BYA DE YANG NI, , @99A *, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CHUNG NGU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES BYA BA GSUNGS TE, RANG DANG GNYIS KA DANG GZHAN GYI DON LA DMIGS PA NYID JI LTAR MOS PA BZHIN MTHONG BA'I DGE BA'I CHOS KYI RTEN YIN NA YANG BSGOM PA'I LAM GYI DBANG DU BYAS PA LAS DANG POR MNGON DU MI BYED PA'I NGO BO YANG RNAM PA GSUM MO, ,DE DAG KYANG RE RE ZHING CHUNG NGU LA SOGS PA'I BYE BRAG GIS RNAM PA GSUM YIN LA, DE YANG SO SOR CHUNG NGU'I CHUNG NGU LA SOGS PA'I DBYE BAS RNAM PA GSUM YIN TE, DE LTAR NA DGU TSAN GSUM GYIS MOS PA RNAM PA NYI SHU RTZA BDUN NO, ,DE SGOM PA'I BYANG CHUB SEMS DPA' SPRO BA BSKYED PA'I PHYIR, DE LTAR MOS PA LA SANGS RGYAS LA SOGS PAS BSTOD PA LA SOGS PA MDZAD DO, ,ZHES BSTOD PA DANG BKUR BA DANG BSNGAGS PA, SHES RAB PHA ROL PHYIN PA LA, ,MOS PA'I GNAS SKABS RNAMS LA NI, ,DGU TSAN GSUM GYIS BSTOD PA DANG, ,BKUR BA DANG NI BSNGAGS PAR 'DOD, ,CES BYA BA GSUNGS TE, JI LTAR MOS PA BZHIN MTHONG BA'I CHOS KYI MTSAN NYID KYI SHES RAB KYI PHA ROL TU PHYIN PA LA ZHUGS PA'I MOS PA YID LA BYED PA DANG PO DANG GNYIS PA DANG GSUM PA STE, GNAS SKABS DGU DAG TU SO SOR RNAM PA DGUS GO RIMS BZHIN DU GONG NAS GONG DU MNGON PAR DGA' BAR BYED CING BSTOD PA DANG, BKUR BA DANG, BSNGAGS PAR 'DOD DE DES NA BSTOD PA LA SOGS PA 'DI DAG NI DON YANG DAG PA JI LTA BA BZHIN RTOGS PA'I MTSAN NYID CAN YIN GYI GCAM BU'I NGO BO NI MA YIN NO, ,DE LTAR MOS PA LA BSNGO BA 'BYUNG BAS GNYIS PA BSNGO BA YID LA BYED PA ZHES BYA BA, YONGS SU BSNGO BA KHYAD PAR CAN, ,DE YI BYED PA MCHOG YIN NO, ,DE NI DMIGS MED RNAM PA CAN, ,PHYIN CI MA LOG MTSAN NYID DO, ,DBEN DANG SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,THABS BCAS MTSAN MA MED PA DANG, ,SANGS RGYAS RJES SU YI RANG DANG, ,KHAMS GSUM @99B GTOGS PA MA YIN DANG, ,CHUNG DANG 'BRING DANG CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO, ,ZHES BYA BA GSUNGS TE, JI SKAD BSHAD PA'I MOS PA KHYAD PAR CAN DANG, MI DMIGS PA DANG, PHYIN CI MA LOG PA DANG, DBEN PA DANG, DE BZHIN GSHEGS PA'I DGE BA'I RTZA BA'I TSOGS KYI RANG BZHIN DRAN PA DANG, THABS LA MKHAS PA DANG BCAS PA DANG, MTSAN MA MED PA DANG, SANGS RGYAS KYIS GNANG BA DANG, KHAMS GSUM PAR MA GTOGS PA DANG, CHUNG NGU DANG, 'BRING DANG, CHEN PO STE, BSOD NAMS CHEN PO 'BYUNG BA ZHES BYA BA DE LTAR MING DU BTAGS PA'I YID LA BYED PA GO RIMS BZHIN DU BLA NA MED PA'I BYANG CHUB DANG, TSUL KHRIMS LA SOGS PA'I PHUNG PO DANG, SNGO BAR BYED PA'I SEMS DANG, BDAG LA SOGS PA DANG LDAN PA'I DNGOS PO DANG, DUS GSUM GYI SANGS RGYAS KYI DGE BA DANG, SBYIN PA LA SOGS PA DANG, MTSAN MA DANG, LAM THAMS CAD DANG, 'DOD PA LA SOGS PA'I KHAMS DANG, DGE BA BCU LA SOGS PA'I LAS KYI LAM DANG, RGYUN TU ZHUGS PA LA SOGS PA DANG, BLA NA MED PA'I BYANG CHUB LA GNAS PA RNAMS MI DMIGS PA LA DMIGS PA, THEG PA GSUM GYIS GDUL BAR BYA BA'I SEMS CAN LA LAM NYE BAR STON PA'I RGYU'I NGO BO BYED PA DANG LDAN PA RNAMS KYIS SEMS CAN THAMS CAD KYI DON DU MI ZAD PAR BYA BA'I PHYIR, BLA NA MED PA YANG DAG PAR RDZOGS PA'I BYANG CHUB TU BSNGO BA RNAM PA BCU GNYIS BYED DO, ,DE LTAR LEGS PAR BSNGOS PA'I DNGOS PO MNGON PAR SPEL BAR BYA BA YIN PAS GSUM PA RJES SU YI RANG BA YID LA BYED PA ZHES BYA BA, THABS DANG MI DMIGS PA DAG GIS, ,DGE BA'I RTZA LA YI RANG BA, ,RJES SU YI RANG YID BYED PA, ,BSGOM PA YIN PAR 'DIR BRJOD DO, , ZHES BYA BA GSUNGS TE, RAB TU DGA' BA'I SEMS KYIS KUN RDZOB TU THABS KYIS DGE BA'I RTZA BA RNAMS DMIGS NAS DON DAM PAR MI DMIGS PA NYID KYIS RJES SU YI RANG BAR BYA BA DAG YIN NO, ,DE LA BSDUS PA'I DON NI MOS PA YID LA BYED PAS NI 'BYUNG KHUNGS DAG NAS GSER @100A *, ,GYI GAR BU BZHIN DU BSOD NAMS MNGON PAR 'DU BYED DO, ,BSNGO BA YID LA BYED PAS NI DE GSER MGAR GYIS RGYAN BZHIN DU YANG DAG PAR RDZOGS PA'I BYANG CHUB KYI YAN LAG TU BYED DO, ,RJES SU YI RANG BA YID LA BYED PAS NI RANG DANG GZHAN GYI BSOD NAMS BYAS PA MNYAM PA NYID 'THOB PO ZHES BYA BA 'DI YIN NO, ,ZAG PA DANG BCAS PA'I 'OG TU ZAG PA MED PA'I BSGOM PA'I LAM STE, DE YANG RNAM PA GNYIS SO, ,DE'I PHYIR DANG PO MNGON PAR SGRUB PA'I MTSAN NYID KYI BSGOM PA'I LAM, DE YI NGO BO NYID MCHOG NYID, ,KUN LA MNGON PAR 'DU MI BYED, ,CHOS RNAMS DMIGS SU MED PAR NI, ,GTOD PAR BYED PA DON CHEN NYID, ,CES BYA BA GSUNGS TE, GZUGS LA SOGS PA PHYIN CI MA LOG PAR MTHONG BA NI NGO BO NYID DO, ,GZHAN GYIS SANGS RGYAS NYID MI 'THOB PA NI MCHOG NYID DO, ,CHOS THAMS CAD KYI KHYAD PAR SKYE BA MED PAR RTOGS PAR SBYOR BA NI KUN LA MNGON PAR 'DU MI BYED PA'O, ,DE LTA BU'I NGO BO NYID LA SOGS PA DANG LDAN PA'I LAM GYI CHOS RNAMS MI DMIGS PA NYID DU RNAL 'BYOR PA'I RGYUD LA SKYED PA NI GTOD PAR BYED PA'O, ,DON CHEN PO SANGS RGYAS NYID DU BYED PA'I PHYIR DON CHEN PO NYID DO, ,DE'I 'OG TU GANG ZHIG YONGS SU BZUNG BA DANG BOR BAS 'THOB PAR 'GYUR BA 'DI'I SKYE BA DANG MI SKYE BA'I RGYU GANG ZHIG YIN SNYAM PA'I THE TSOM BSAL BA'I SGO NAS GNYIS PA SHIN TU RNAM PAR DAG PA'I MTSAN NYID, SANGS RGYAS BSTEN DANG SBYIN SOGS DANG, ,THABS LA MKHAS PA GANG YIN PA, ,'DI LA MOS PA'I RGYU DAG YIN, ,CHOS KYIS PHONGS PA'I RGYU DAG NI, ,BDUD KYI THIBS KYIS NON PA DANG, ,ZAB MO'I CHOS LA MA MOS DANG, ,PHUNG PO LA SOGS MNGON ZHEN DANG, ,SDIG PA'I GROGS POS YONGS ZIN PA'O, ,ZHES BYA BA GSUNGS TE, SANGS RGYAS MNYES PAR BYED PA DANG; SBYIN PA LA SOGS PA'I PHA ROL TU PHYIN PA RDZOGS PAR BYED PA DANG, ZHI GNAS LA MKHAS PA ZHES BYA BA NI SKYE BA'I RGYU DAG YIN NO, ,BDUD KYIS GNOD PA BYAS PA DANG, CHOS ZAB MO LA MA MOS PA DANG, DNGOS POR 'DZIN PA DANG, MI DGE BA'I GROGS PO DANG 'GROGS @100B PA ZHES BYA BA NI MI SKYE BA'I RGYU DAG YIN NO, ,DE LTAR 'THOB PA DANG MI 'THOB PA'I RGYU DAG BSHAD NAS, SKABS SU BAB PA'I RNAM PAR DAG PA SPYIR, 'BRAS BU DAG PA GZUGS LA SOGS, ,DAG PA NYID DE GANG GI PHYIR, ,DE GNYIS THA DAD MA YIN ZHING, ,BCAD DU MED PAS DAG PAR BRJOD, ,CES BYA BA GSUNGS TE, 'PHAGS PA'I GANG ZAG GI DGE SBYONG GI TSUL GYI 'BRAS BU GANG YIN PA DE'I MI MTHUN PA'I PHYOGS THAMS CAD DANG BRAL BA NYID KYIS RNAM PAR DAG PA GANG YIN PA DE NYID, GZUGS LA SOGS PA RNAM PAR DAG PA YIN TE, 'BRAS BU DANG GZUGS LA SOGS PA RNAM PAR DAG PA NI GZUGS LA SOGS PA LA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA NYID KYIS, GANG GI PHYIR DE DAG GI RNAM PAR DAG PA THA MI DAD CING BCAD DU MED PA NYID DE, RANG DANG SPYI'I MTSAN NYID THA DAD PA NYID MA YIN PA DE'I PHYIR DE LTAR RNAM PAR DAG PAR BRJOD DO, ,RNAM PAR DAG PA SPYIR BRJOD NAS DA NI KHYAD PAR DU, NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ,SANGS RGYAS RNAM KUN SHIN DU BA, ,ZHES BYA BA GSUNGS TE, 'DOD CHAGS LA SOGS PA'I NYON MONGS PA DANG, ,DE DANG SHES BYA'I SGRIB PA'I PHYOGS GCIG PO GZUNG BA'I DON GYI RNAM PAR RTOG PA DANG THEG PA GSUM GYI LAM GYI SGRIB PA GSUM SPANGS PA'I PHYIR GO RIMS BZHIN DU NYAN THOS DANG RANG SANGS RGYAS DANG BYANG CHUB SEMS DPA' RNAMS KYI DAG PA YIN NO, , NYON MONGS PA DANG SHES BYA'I SGRIB PA BAG CHAGS DANG BCAS PA RNAM PA THAMS CAD DU SPANGS PA'I PHYIR SHIN TU RNAM PAR DAG PA CHOS KYI DBYINGS LAS BYUNG BA NYID NI BLA NA MED PA'I SANGS RGYAS KYI YIN PAR 'DOD DO, ,LAM SHES PA NYID KYI SKABS SU RNAM PAR DAG PA SMOS PA'I ZHAR LA SANGS RGYAS DANG NYAN THOS LA SOGS PA'I RNAM PAR DAG PA GO RIMS BZHIN DU, SHIN TU BA DANG CIG SHOS SU BSHAD PA DE JI LTA BU YIN ZHE NA, SA DGU LA NI CHEN PO YI, ,CHEN PO LA SOGS DRI MA YI, ,GNYEN PO CHUNG NGU'I CHUNG NGU LA, ,SOGS PA'I LAM NI DAG PA YIN, ,ZHES BYA BA GSUNGS @101A *, ,TE; 'DOD PA'I KHAMS DANG, BSAM GTAN DANG, GZUGS MED PA'I SNYOMS PAR 'JUG PA DAG STE, SA DGU LA MI MTHUN PA'I PHYOGS CHEN PO'I CHEN PO LA SOGS PA RNAM PA DGU'I GNYEN PO'I NGO BOR GO RIMS BZHIN DU LAM CHUNG NGU'I CHUNG NGU LA SOGS PA RNAM PA DGU RNAM PA THAMS CAD DANG, CIG SHOS SU RNAM PAR DAG PA'I RGYU YIN PA'I PHYIR RNAM PAR DAG PA SHIN TU BA DANG CIG SHOS ZHES BYA'O, ,JI LTAR SHIN TU BA YIN ZHE NA, DE LA KLAN KA SPANGS PA YIS, ,LAM NI 'JAL DANG GZHAL BYA DAG ,MNYAM PA NYID KYIS KHAMS GSUM GYI, ,GNYEN PO NYID DU 'DOD PA YIN, ,ZHES BYA BA GSUNGS TE, DE LA GNYEN PO NI CHEN PO'I CHEN PO LA SOGS PA MI MTHUN PA'I PHYOGS NI CHUNG NGU'I CHUNG NGU LA SOGS PAR RIGS SO ZHES BYA BA'I KLAN KA ,GOS LA CHAGS PA'I DRI MA PHRA MO BSAL BA LA BTZO BLAG MKHAN CHE THANG DU 'BAD PA'I DPES SPANGS PA'I SGO NAS BSGOM PA'I LAM SHIN TU BA JI SKAD DU BSTAN PA DE, KHAMS GSUM PA'I RNAM PA CAN GYI SHES PA DANG SHES BYA DAG MI DMIGS PA NYID KYIS MNYAM PA NYID GANG YIN PA DE NYID MTHA' DAG GI GNYEN PO'I NGO BO NYID YIN PA'I PHYIR, SANGS RGYAS KYI RNAM PAR DAG PA SHIN TU BA YIN PAR RNAM PAR BZHAG GO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA BA LAS SKABS GNYIS PA'I 'GREL PA'O,, ,,GZHI THAMS CAD YONGS SU SHES PA MED PAR LAM LEGS PAR YONGS SU SHES PA MED PAS THAMS CAD SHES PA NYID, TSU ROL PHA ROL MTHA' LA MIN, ,DE DAG BAR NA MI GNAS PA, ,DUS RNAMS MNYAM PA NYID SHES PHYIR, ,SHES RAB PHA ROL PHYIN PAR 'DOD, ,CES BYA BA GSUNGS TE, DUS GSUM PA'I CHOS RNAMS SKYE BA MED PA'I RNAM PA MNYAM PA NYID DU RTOGS PAS, SANGS RGYAS DANG BYANG CHUB SEMS DPA' RNAMS LA NYE BAR GYUR PAR 'DOD PA'I SHES RAB KYI PHA ROL TU PHYIN PA GANG YIN PA DE NI, SHES RAB KYIS TSU ROL GYI MTHA' 'KHOR BA DANG, SNYING RJES PHA ROL GYI MTHA' MYA NGAN LAS 'DAS PA STE, @101B GO RIMS BZHIN DU RTAG PA DANG CHAD PA'I MTSAN NYID DANG DE DAG GI BAR NA YANG MI GNAS PAS SRID PA DANG ZHI BA LA MI GNAS PA YIN NO, ,KUN SHES PA NYID KYI SKABS LAS BZLOG STE BSTAN PAS, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, YANG DAG PA'I SHES RAB KYI PHA ROL TU PHYIN PA DANG RING BAR GYUR PAS RANG GI RTOGS PA TZAM GYI SHES RAB KYI PHA ROL TU PHYIN PA SNYING BRTZE BA DANG SHES RAB DANG BRAL BA'I PHYIR DNGOS PO DANG, DNGOS PO MED PAR DMIGS PA NYID KYIS 'KHOR BA DANG MYA NGAN LAS 'DAS PA LA GNAS PA YIN PAR SHES PAR BYA'O, ,LUGS LAS, RTEN CING 'BREL PAR 'BYUNG BA GANG, ,DE NYID KHYOD NI STONG PAR BZHED, ,CES 'BYUNG BA'I PHYIR, DUS GSUM MNYAM PA NYID DU SHES PA NI GZHI RTOGS PA KHO NA YIN LA, DE YANG THAMS CAD LA YOD PA NYID MA YIN NAM, JI LTAR NA NYAN THOS DANG BYANG CHUB SEMS DPA' LA SOGS PA LA YANG DAG PA'I SHES RAB KYI PHA ROL TU PHYIN PA RING BA DANG CIG SHOS SU 'GYUR ZHE NA, DE NI MTSAN MAR DMIGS SGO NAS, ,THABS MA YIN PAS RING BA STE, ,DE NI THABS LA MKHAS PA YIS, ,YANG DAG NYE BA NYID DU BSHAD, , CES BYA BA GSUNGS TE, SGYU MA MKHAN GYIS SPRUL PA'I DNGOS PO SNANG BA LA DE'I RANG GI NGO BO MI SHES PAS DNGOS POR MNGON PAR ZHEN PA NYID KYIS NGO BO NYID MED PAR MI SNANG BA BZHIN DU, DGE BA'I BSHES GNYEN LA SOGS PA THABS MKHAS PA DANG BRAL BA'I PHYIR DNGOS PO MTSAN MA DANG LDAN PAR RTOGS PAS NYAN THOS LA SOGS PA DNGOS PO'I NGO BO MI SHES PA RNAMS LA MNYAM PA NYID KYI YE SHES MED DE, DE'I PHYIR DE DAG LA RGYAL BA'I YUM RING BAR GYUR TO, ,BYANG CHUB SEMS DPA' DUS RING MO ZHIG NAS DGE BA'I BSHES GNYEN YANG DAG PAR MGU BAR BYAS PA'I MAN NGAG PHYIN CI MA LOG PA CAN BDEN PA GNYIS LA RTEN PA'I THOS PA LA SOGS PA'I SKYE BA'I THABS LA MKHAS PAS, DNGOS POR MNGON PAR ZHEN PA'I 'KHRUL PA'I MTSAN MA BSAL BA RNAMS LA NI, GZUGS LA SOGS PA'I CHOS YONGS SU SHES PA DE NYID MNYAM PA @102A *, ,NYID DU YONGS SU SHES PA YIN TE, DE'I PHYIR DE DAG LA YUM 'DI YANG DAG PAR NYE BAR GYUR PAS, THABS MA YIN PAS NI RING BA NYID YIN LA THABS KYIS NI MI RING BA NYID YIN NO, ,DE LTAR NYAN THOS LA SOGS PA'I YUM RING BAR GYUR PA'I BSGRUB PA NYID MI MTHUN PA'I PHYOGS YIN PAR, GZUGS SOGS PHUNG PO STONG NYID DANG, ,DUS GSUM GTOGS PA'I CHOS RNAMS DANG, ,SBYIN SOGS BYANG CHUB PHYOGS RNAMS LA, ,SPYOD PA'I 'DU SHES MI MTHUN PHYOGS, ,ZHES BYA BA GSUNGS TE, GZUGS LA SOGS PA DUS GSUM PA'I CHOS ZAG PA DANG BCAS PA DANG ZAG PA MED PA DANG, GNYIS KA'I NGO BO DNGOS POR MA GYUR PA THAMS CAD LA, DNGOS POR DMIGS PA NYID KYIS GZHAN GYIS KUN BRTAGS PA'I BDAG LA SOGS PA STONG PA NYID DU LTA BA DANG, SGRUB PA'I 'DU SHES NI DE DAG GI GNYEN PO YIN NA YANG PHYIN CI LOG TU ZHUGS PA NYID KYIS SPANG BAR BYA BA YIN PA'I PHYIR, MI MTHUN PA'I PHYOGS YIN NO, ,BYANG CHUB SEMS DPA' RNAMS KYI BZLOG STE GNYEN PO YIN PAR, SBYIN LA SOGS LA NGAR 'DZIN MED, ,GZHAN DAG DE LA SBYOR BYED PA, ,DE NI CHAGS PA'I MTHA' 'GOG PAS, ,RGYAL LA SOGS LA CHAGS PA PHRA, ,ZHES BYA BA GSUNGS TE, 'KHOR GSUM RNAM PAR DAG PAS SBYIN PA LA SOGS PA LA BDAG MED PAR RTOGS PAS RANG DANG GZHAN SBYOR BA NI, YANG DAG PAR ZHUGS PA'I PHYIR DANG CHAGS PA'I TSOGS KYI GNAS THAMS CAD BKAG PAS BLANG BAR BYA BA YIN PA'I PHYIR, RNAM PA THAMS CAD DU GNYEN PO YIN NO, ,DE BZHIN GSHEGS PA LA SOGS PA LA PHYAG 'TSAL BA LA SOGS PA NI BSOD NAMS KYI TSOGS KYI RGYU YIN PA NYID KYIS GNYEN PO YIN MOD KYI, CHAGS PA PHRA MO'I NGO BO NYID KYIS RNAM PA THAMS CAD DU MA YIN PAS MI MTHUN PA'I PHYOGS YIN NO,, ,,BAM PO GSUM PA, YANG JI LTAR CHAGS PA PHRA MO MI MTHUN PA'I PHYOGS YIN ZHE NA, CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CES BYA BA GSUNGS TE, GANG GI PHYIR CHOS KYI RIGS RNAMS NGO BO NYID KHO NAS STONG @102B PAS, DE DAG ZAB PA NYID YIN PA DE'I PHYIR, DE BZHIN GSHEGS PA LA DMIGS PA YANG MI MTHUN PA'I PHYOGS YIN NO, ,'O NA JI LTAR SPANG ZHE NA, CHOS RNAMS RANG BZHIN GCIG PAR NI, ,SHES PAS CHAGS PA SPONG BA YIN, ,ZHES BYA BA GSUNGS TE, GZUGS LA SOGS PA'I CHOS THAMS CAD RANG BZHIN GCIG PA KHO NA STE, 'DI LTA STE RANG BZHIN MED PA ZHES SHES PA DANG SHES BYA MNYAM PA NYID DU GCIG PAR YONGS SU SHES PA NI CHAGS PA SPONG BA YIN NO, ,YANG JI LTAR CHOS RNAMS RANG BZHIN GYIS ZAB PA YIN ZHE NA, MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,CES BYA BA GSUNGS TE, GANG GI PHYIR RNAM PAR SHES PA THAMS CAD KYIS DMIGS PA'I DON BSAL BAS RANG BZHIN DE RTOGS PAR DKA' BA NYID DU BSHAD PA DE'I PHYIR DE ZAB PA NYID YIN NO, ,YANG DE LTAR RTOGS PAR DKA' BA NYID CI YIN ZHE NA, GZUGS LA SOGS PAR MI SHES PHYIR, ,DE NI BSAM MI KHYAB PAR 'DOD, ,CES BYA BA GSUNGS TE, GANG GI PHYIR GZUGS LA SOGS PA NAS SANGS RGYAS KYI CHOS MA 'DRES PA'I RNAM PA'I BAR GYI RANG BZHIN YONGS SU MI SHES PAS BSAM PA LAS 'DAS PA NYID DU 'DOD PA DE'I PHYIR, DE NI RTOGS PAR DKA' BA NYID YIN NO, ,DE LTAR MI MTHUN PA'I PHYOGS LA SOGS PA BRJOD NAS MJUG BSDU BAR, DE LTAR KUN SHES NYID LUGS LA, ,MI MTHUN GNYEN PO'I PHYOGS DAG GI, ,RNAM PAR DBYE BA MA LUS PA, ,JI SKAD BSHAD PA 'DIR SHES BYA, , ZHES BYA BA GSUNGS TE, THAMS CAD SHES PA NYID KYI SKABS SU DE LTAR BSHAD PA'I TSUL GYIS GO RIMS BZHIN DU NYAN THOS DANG BYANG CHUB SEMS DPA' LA SOGS PA'I MI MTHUN PA'I PHYOGS DANG GNYEN PO'I RAB TU DBYE BA SHES PAR BYA'O, DE LTAR MI MTHUN PA'I PHYOGS LA SOGS PA BRJOD NAS, DE DAG RNAM PAR BSGOM PA'I SBYOR BA GANG YIN ZHE NA, SBYOR BA, GZUGS SOGS DE MI RTAG SOGS DANG, ,DE MA RDZOGS DANG RAB RDZOGS DANG, ,DE LA CHAGS PA MED NYID LA, ,SPYOD PA BKAG PA'I SBYOR BA DANG, ,MI 'GYUR BYED PO MED NYID DANG, ,BYA DKA' RNAM @103A *, ,GSUM SBYOR BA DANG, ,SKAL BA JI BZHIN 'BRAS THOB PAS, ,'BRAS YOD 'DOD PA DE DANG NI, ,GZHAN LAS RAG LAS MED GANG DANG, ,SNANG BA RNAM BDUN SHES BYED DO, ,ZHES BYA BA GSUNGS TE, GZUGS LA SOGS PA'I CHOS THAMS CAD DANG, DE DAG NYID KYI MI RTAG PA DANG, STONG PA NYID LA SOGS PA DANG, SO SOR MA RDZOGS PA DANG RDZOGS PA NYID DANG, CHAGS PA MED PA DANG, GZHAN DU MI 'GYUR BA DANG, ,BYED PA PO MED PA NYID DANG, GO RIMS BZHIN DU THAMS CAD MKHYEN PA NYID GSUM GYI BDAG NYID KYI CHED DU BYA BA DANG SBYOR BA DANG PHYED PA RNAMS KYI BYA DKA' BA NYID DANG, SKAL BA JI LTA BA BZHIN DU 'BRAS BU 'THOB PAS MI STONG PA NYID DANG, GZHAN GYI RKYEN GYIS MI 'GRO BA NYID DANG, YONGS SU 'GYUR BA DANG, MNYAM DU TSOGS PA DANG, 'GAL BA DANG, RKYEN DANG, MA 'PHOS PA DANG, RTEN MED PA DANG, BYED PA PO MA YIN PA RNAMS SU SHES PA LA SNANG BA BDUN LA SGRUB PA'I YONGS SU SHES PA BSAL BA'I SGO NAS, BYANG CHUB SEMS DPA' RNAMS KYI DE DANG DE LA SBYOR BA RNAM PA BCU RJES SU 'GRO BA'I SGO NAS BSTAN PAS, SHUGS KYIS NA NYAN THOS LA SOGS PA'I JI SKAD BSHAD PA LAS BZLOG STE SBYOR BA YIN NO, ,MNYAM PA NYID KYI SGO NAS SBYOR BA BSGOM DGOS PAS, SBYOR BA'I 'OG TU MNYAM PA NYID, ,GZUGS LA SOGS LA RLOM MED PA, ,RNAM BZHI DE YI MNYAM PA NYID, ,CES BYA BA GSUNGS TE, GZUGS LA SOGS PA LA MNGON PAR ZHEN PA DANG, SNGON PO LA SOGS PA'I MTSAN MA DANG, SPROS PA DANG RTOGS PA'I RLOM PA RNAMS RNAM PA THAMS CAD DU MI DMIGS PA NI SBYOR BA'I MNYAM PA NYID YIN NO, ,SBYOR BA'I MNYAM PA NYID SO SOR RTOGS NAS MTHONG BA'I LAM BSGOM DGOS PAS MTHONG BA'I LAM, SDUG BSNGAL LA SOGS BDEN PA LA, ,CHOS SHES RJES SU SHES PA DANG, ,BZOD SHES SKAD CIG BDAG NYID 'DI, ,KUN SHES TSUL LA MTHONG BA'I LAM, ,ZHES BYA BA GSUNGS TE, BDEN PA SO SO LA CHOS SHES PA'I BZOD PA DANG, CHOS SHES PA DANG RJES @103B SU SHES PA'I BZOD PA DANG RJES SU SHES PA STE, DE LTAR SKAD CIG MA BCU DRUG GI BDAG NYID NI, THAMS CAD SHES PA NYID KYI SKABS SU MTHONG BA'I LAM YIN NO, ,BDEN PA'I RNAM PA GANG YIN ZHE NA, GZUGS RTAG MA YIN MI RTAG MIN, ,MTHA' LAS 'DAS DANG RNAM DAG DANG; ,MA SKYES MA 'GAGS LA SOGS DANG, ,MKHA' 'DRA CHAGS PA SPANGS PA DANG, ,YONGS SU 'DZIN LAS GROL BA DANG, ,NGO BO NYID KYIS BRJOD MED DANG, ,GANG PHYIR 'DI DON BRJOD PA YIS, ,GZHAN LA SBYIN DU MED PA DANG, ,DMIGS PA MED PAR BYED PA DANG, , SHIN TU RNAM DAG NAD MI 'BYUNG, ,NGAN SONG CHAD DANG 'BRAS BU NI, ,MNGON DU BYA LA MI RTOG NYID, ,MTSAN MA DAG DANG MA 'BREL DANG, ,DNGOS DANG MING DANG GNYIS PO LA, ,SHES PA SKYE BA MED PA NI, ,KUN SHES NYID KYI SKAD CIG MA, ,ZHES BYA BA GSUNGS TE, NGO BO NYID MED PA'I PHYIR GZUGS LA SOGS PA RTAG PA DANG MI RTAG PA NYID DANG BRAL BAS NA RTAG PA YANG MA YIN MI RTAG PA YANG MA YIN PA DANG, SDUG BSNGAL BA DANG SDUG BSNGAL BA MA YIN PA DANG BRAL BA NYID KYIS RTAG PA DANG CHAD PA'I MTHA' DANG BRAL BA DANG STONG PA DANG MI STONG PA DANG BRAL BA'I PHYIR RNAM PAR DAG PA DANG, BDAG DANG BDAG MED PA'I NGO BO NYID YIN PAS MA SKYES PA DANG, MA 'GAGS PA DANG, KUN NAS NYON MONGS PA MA YIN PA DANG, RNAM PAR BYANG BA MA YIN PA ZHES BYA BA LA SOGS PA NI, SDUG BSNGAL GYI BDEN PA'I RNAM PA DAG YIN NO, ,RGYU DANG RGYU MA YIN PA GSOG NYID KYI PHYIR NAM MKHA' DANG 'DRA BA DANG, KUN 'BYUNG BA DANG, KUN 'BYUNG BA MED PA DANG, MI LDAN PA'I PHYIR, NYON MONGS PA DANG NYE BA'I NYON MONGS PA THAMS CAD SPANGS PA DANG, RAB TU SKYE BA DANG, RAB TU MI SKYE BA DANG MA 'BREL BAS YONGS SU 'DZIN PA LAS GROL BA DANG RKYEN DANG RKYEN MA YIN PA LAS RNAM PAR GROL BA'I PHYIR, RANG GI NGO BOS BRJOD DU MED PA ZHES BYA BA NI KUN 'BYUNG BA'I BDEN PA YIN NO, ,GANG GI PHYIR 'GOG PA DANG, 'GOG PA MED PA DANG MA 'BREL PA DE'I PHYIR, 'GOG PA'I BDEN PA'I DON TSIG TU BRJOD @104A *, ,PAS RGYUD GZHAN LA SBYIN DU MED PA DANG, ZHI BA DANG MA ZHI BA MED PAS DMIGS PA MED PAR PHYED PA DANG, GYA NOM PA DANG, GYA NOM PA MA YIN PA DANG BRAL BA'I PHYIR, MTHA' GNYIS LAS 'DAS SHING RNAM PAR DAG PA DANG, NGES PAR 'BYUNG BA DANG NGES PAR 'BYUNG BA MED PA YANG MED PA'I PHYIR NAD THAMS CAD MI SKYE BA ZHES BYA BA NI 'GOG PA'I BDEN PA YIN NO, ,LAM DANG LAM MA YIN PA DANG BRAL BA'I PHYIR NGAN SONG CHAD PA DANG, RIGS PA DANG RIGS PA MA YIN PA DANG MA 'DRES PA'I PHYIR 'BRAS BU MNGON SUM DU BYA BA'I DON GYI THABS LA RNAM PAR MI RTOG PA NYID DANG, SGRUB PA DANG SGRUB PA MA YIN PA LAS RNAM PAR GROL BA NYID KYIS CHOS THAMS CAD KYI MTSAN MA DAG DANG MA 'BREL PA DANG, NGES PAR 'BYIN PA DANG NGES PAR 'BYIN PA MA YIN PA MED PA NYID KYIS BRJOD PAR BYA BA DANG RJOD PAR BYED PA'I NGO BO'I MTSAN NYID SHES BYA DANG SGRA GNYIS LA SHES PA SKYE BA MED PA ZHES BYA BA NI LAM GYI BDEN PA YIN TE, DE LTA BU'I RNAM PA CAN GYI KUN SHES PA NYID KYI SKAD CIG MA DE DAG NI BYANG CHUB SEMS DPA' RNAMS KYI MTHONG BA'I LAM YIN NO, ,NYAN THOS RNAMS KYIS DE LAS BZLOG PA MI RTAG PA LA SOGS PA'I RNAM PA DAG TU BSGOM PAR BYA BA NI KUN SHES PA NYID LA MTHONG BA'I LAM YIN NO, ,NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, MNGON DU BYA BA NI MA YIN PAS BSGOM PA'I LAM NI MA BSTAN TO, ,DE LTAR RGYAS PAR BSTAN NAS DON MTHA' DAG SDUD PAR BYED PA NYID KYIS THAMS CAD MKHYEN PA NYID GSUM MJUG BSDU BAR, DE LTAR 'DI DANG YANG 'DI DANG, ,YANG 'DI YIN TE RNAM GSUM PO, ,'DI NI GNAS SKABS GSUM PO DAG ,RDZOGS PAR YONGS SU BSTAN PA YIN, ,ZHES BYA BA GSUNGS TE, BSHAD MA THAG PA'I TSUL DU RNAM PA THAMS CAD MKHYEN PA NYID 'DI DANG, LAM SHES PA NYID 'DI DANG, THAMS CAD SHES PA NYID 'DI STE, DE LTAR LE'U GSUM GYI RNAM PA GSUM PO YONGS SU RDZOGS PAR MDZAD PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN @104B BCOS MNGON PAR RTOGS PA'I RGYAN ZHES BYA BA LAS, SKABS GSUM PA'I 'GREL PA'O,, ,,THAMS CAD MKHYEN PA NYID GSUM YONGS SU SHES PA NI, DBANG DU BYA BA'I PHYIR YANG RNAM PA THAMS CAD DANG LAM DANG GZHI SHES PA BSDU BA'I SGO NAS, THAMS CAD MKHYEN PA NYID GSUM SGOM PAR BYED PAS, RNAM PA KUN MNGON PAR RDZOGS PAR RTOGS PA, GZHI SHES PA YI BYE BRAG RNAMS, ,RNAM PA ZHES BYA MTSAN NYID DE, ,KUN MKHYEN NYID NI RNAM GSUM PHYIR, ,DE NI RNAM PA GSUM DU 'DOD, ,CES BYA BA GSUNGS TE, RTAG PA LA SOGS PAR 'DZIN PA MI MTHUN PA'I PHYOGS KYI GNYEN PO'I CHOS NYID KYI NGO BO NYID MI RTAG PA LA SOGS PA LA DMIGS PA'I YE SHES KYI BYE BRAG RNAMS RNAM PA NYID DU RNAM PAR GZHAG PA NI MTSAN NYID DE, DE DAG KYANG THAMS CAD MKHYEN PA NYID GSUM GYI BYE BRAG GIS RNAM PA GSUM KHO NAR BZHED DO, ,RNAM PA RNAMS SPYIR BSTAN NAS, DA NI KHYAD PAR DU, MED PA'I RNAM PA NAS BZUNG STE, ,MI G-YO BA YI RNAM PA'I BAR, ,BDEN PA SO SO LA BZHI DANG, ,LAM LA DE NI BCO LNGAR BSHAD, ,CES BYA BA GSUNGS TE, DE LA THAMS CAD SHES PA NYID KYI DBANG DU BYAS NAS, MED PA DANG, MI SKYE BA DANG, DBEN PA DANG, MI BRDZI BA DANG, GNAS MED PA DANG, NAM MKHA' DANG, BRJOD DU MED PA DANG, MING MED PA DANG 'GRO BA MED PA DANG MI 'PHROGS PA DANG MI ZAD PA DANG SKYE BA MED PA'I RNAM PA STE BCU GNYIS NI GO RIMS BZHIN DU SDUG BSNGAL LA SOGS PA'I BDEN PA GSUM GYI, MI RTAG PA LA SOGS PA'I MTSAN NYID DAG YIN NO, ,NYON MONGS PA'I SGRIB PA'I GNYEN PO NYID DU ZAG PA MED PA'I LAM GCIG DANG, THAMS CAD SHES PA NYID KYIS RANG SANGS RGYAS RNAMS KYANG BSDUS PAS DE'I PHYIR DE DAG GI SHES BYA'I SGRIB PA'I GNYEN PO NYID DU BSGOM PA'I LAM ZAG PA DANG BCAS PA DANG, ZAG PA MED PA GNYIS YIN PAS LAM RNAM PA GSUM MO, ,DE LA DANG PO LA BYED PA PO MED PA DANG, SHES PA PO MED PA DANG, 'PHO BA MED PA DANG, 'DUL BA MED PA'I @105A *, ,RNAM PA STE, BZHI NI GO RIMS BZHIN DU LAM LA SOGS PA'I MTSAN NYID DAG YIN NO, ,GNYIS PA LA RMI LAM DANG, SGRA BRNYAN DANG, MIG YOR DANG, SMIG RGYU DANG, SGYU MA'I RNAM PA STE LNGA NI, GO RIMS BZHIN DU NGO BO NYID MED PA DANG, MA SKYES PA DANG, MA 'GAGS PA DANG, GZOD MA NAS ZHI BA DANG RANG BZHIN GYIS MYA NGAN LAS 'DAS PA'I MTSAN NYID SPYIR SHES BYA'I SGRIB PA'I GNYEN POR GYUR PA DAG YIN NO, ,GSUM PA LA KUN NAS NYON MONGS PA MED PA DANG, RNAM PAR BYANG BA MED PA DANG, GOS PA MED PA DANG, SPROS PA MED PA DANG, RLOM PA MED PA DANG, MI G-YO BA'I RNAM PA STE, DRUG NI GO RIMS BZHIN DU SHES BYA'I SGRIB PA KUN NAS NYON MONGS PA DANG, RNAM PAR BYANG BA DANG, NYON MONGS PA'I BAG CHAGS DANG, GZUGS LA SOGS PA'I SPROS PA DANG, RANG GI RTOGS PA DANG, YONGS SU NYAMS PAR RNAM PAR RTOG PA RNAMS KYI SO SOR NGES PA'I GNYEN POR GYUR PA DAG YIN NO, ,DE LTAR NA LAM GYI BDEN PA LA RNAM PA BCO LNGA STE, SPYIR NA THAMS CAD SHES PA NYID KYI RNAM PA NYI SHU RTZA BDUN YIN NO, ,DE'I 'OG TU LAM SHES PA NYID KYI RNAM PA, RGYU DANG LAM DANG SDUG BSNGAL DANG, ,'GOG PA LA NI GO RIMS BZHIN, ,DE DAG BRGYAD DANG BDUN DANG NI, ,LNGA DANG BCU DRUG CES BSGRAGS SO, ,ZHES BYA BA GSUNGS TE, KUN NAS NYON MONGS PA DANG CIG SHOS KYI PHYOGS LA BRTEN NAS, KUN 'BYUNG BA DANG; LAM GYI BDEN PA DAG NI RGYU YIN LA, SDUG BSNGAL DANG 'GOG PA'I BDEN PA DAG NI 'BRAS BU YIN PAR DON GYI SGO NAS BSTAN TE, KUN 'BYUNG BA DANG, LAM DANG, SDUG BSNGAL DANG, 'GOG PA'I BDEN PA LA GRANGS BZHIN DU RNAM PA BRGYAD DANG ZHES BYA BA LA SOGS PA KHONG DU CHUD PAR BYA'O, ,DE LA 'DOD CHAGS DANG BRAL BA DANG, MI GNAS PA DANG, ZHI BA DANG, 'DOD CHAGS MED PA DANG, ZHE SDANG MED PA DANG, GTI MUG MED PA DANG, NYON MONGS PA MED PA DANG, SEMS CAN MED PA'I RNAM PA DAG NI GO RIMS BZHIN DU RGYU GANG @105B YIN PA STE, 'DUN PA DANG, 'DOD CHAGS DANG, DGA' BA DANG, KUN 'BYUNG BA GANG YIN PA STE, 'DOD CHAGS DANG, ZHE SDANG DANG, GTI MUG DANG, RAB TU SKYE BA GANG YIN PA STE, KUN DU RTOG PA DANG, RKYEN GANG YIN PA STE SEMS CAN DU MNGON PAR ZHEN PA, DE RNAMS KYI GNYEN POR GYUR PA GSUM DANG, GSUM DANG, GCIG DANG GCIG STE, DE LTAR NA RGYU'I BDEN PA'I RNAM PA BRGYAD YIN NO, ,TSAD MED PA DANG, MTHA' GNYIS DANG MA 'BREL BA DANG, THA MI DAD PA DANG, MCHOG TU 'DZIN PA MED PA DANG, RNAM PAR MI RTOG PA DANG, GZHAL DU MED PA DANG, CHAGS PA MED PA'I RNAM PA DAG NI, GO RIMS BZHIN DU SEMS CAN THAMS CAD LA GO SKABS 'BYED PA'I LAM DANG, JI LTAR SEMS CAN THAMS CAD LA GO SKABS 'BYED PA DANG, RIGS PA GANG YIN PA DANG, JI LTAR RIGS PA YIN PA DANG, SGRUB PA GANG YIN PA DANG, JI LTAR SGRUB PA YIN PA DANG, NGES PAR 'BYIN PA GANG YIN PA DE RNAMS KYI NGO BO NYID, GNYIS DANG GNYIS DANG, GNYIS DANG GCIG STE, DE LTAR NA LAM GYI BDEN PA'I RNAM PA BDUN YIN NO, ,MI RTAG PA DANG, SDUG BSNGAL BA DANG, STONG PA DANG BDAG MED PA'I RNAM PA DANG, LNGA PA MTSAN NYID MED PA'I RNAM PA'I NGO BO NYID RNAMS TE, DE LTAR NA SDUG BSNGAL GYI BDEN PA'I RNAM PA LNGA YIN NO, ,'GOG PA'I RNAM PA'I NGO BO NYID NI NANG DANG PHYI DANG GNYIS KA'I DNGOS PO RNAMS DGAG PAS, NANG DANG PHYI DANG GNYIS KA STONG PA NYID KYI RNAM PA STE GSUM DANG, ZHI BA'I RNAM PA'I NGO BO NYID BTAGS PA'I BDAG STONG PA DANG, SNOD KYI 'JIG RTEN DANG, DON DAM PA DANG, 'DUS BYAS DANG, 'DUS MA BYAS DANG, RTAG PA DANG CHAD PA'I MTHA' DANG, 'KHOR BA THOG MA DANG THA MA MED PA DANG, RTOGS PA'I CHOS DOR BA MED PA LA MNGON PAR ZHEN PA DGAG PAS, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG THA MA MED PA DANG, DOR BA MED PA STONG PA NYID KYI RNAM PA STE BRGYAD DANG, GYA NOM PA'I @106A *, ,RNAM PA GZHAN GYIS KUN BRTAGS PA'I BYED PA PO DGAG PAS, RANG BZHIN STONG PA NYID KYI RNAM PA DANG, NGES PAR 'BYUNG BA'I RNAM PA YUL DU 'KHRUL PA'I BDAG NYID BRTAGS PA DANG, MTSAN NYID DANG, DUS SU 'KHRUL PA RNAMS DGAG PAS, CHOS THAMS CAD DANG, RANG GI MTSAN NYID DANG, MI DMIGS PA STONG PA NYID KYI RNAM PA STE GSUM DANG NGES PAR 'BYUNG BA'I RNAM PA KHO NA NGO BO NYID DGAG PAS DNGOS PO MED PA'I NGO BO NYID STONG PA NYID KYI RNAM PA GCIG STE, DE LTAR NA 'GOG PA'I BDEN PA'I RNAM PA NI BCU DRUG YIN LA, SPYIR NA LAM SHES PA NYID KYI RNAM PA SUM CU RTZA DRUG YIN NO, ,DE'I 'OG TU RNAM PA THAMS CAD MKHYEN PA NYID KYI RNAM PA, DRAN PA NYER GZHAG NAS BZUNG STE, ,SANGS RGYAS RNAM PA'I MTHAR THUG RNAMS, ,LAM GYI BDEN PA'I RJES MTHUN PAR, ,KUN MKHYEN GSUM DU PHYE BAS NA, , SLOB MA BYANG CHUB SEMS DPA' DANG, ,SANGS RGYAS RNAMS LA RIM BZHIN DE, ,SUM CU BDUN DANG SUM CU BZHI, ,SUM CU RTZA DGU DAG TU BZHED, ,CES BYA BA GSUNGS TE, DRAN PA NYE BAR GZHAG PA NAS BZUNG STE, SANGS RGYAS KYI RNAM PA'I MTHAR THUG PA RNAMS NI THAMS CAD MKHYEN PA NYID GSUM GYIS BSDUS PA'I LAM YIN PA'I SGO NAS, RNAM PA THAMS CAD MKHYEN PA NYID KYIS 'PHAGS PA'I GANG ZAG THAMS CAD BSDUS PA'I PHYIR, GRANGS BZHIN DU NYAN THOS RNAMS LA RNAM PA SUM CU RTZA BDUN DANG, BYANG CHUB SEMS DPA' RNAMS LA SUM CU RTZA BZHI DANG, SANGS RGYAS RNAMS LA SUM CU RTZA DGUR BZHED DO ZHES BYA BA YIN NO, ,DE LA THAMS CAD SHES PA NYID LA DANG POR DNGOS PO LA YONGS SU RTOG PA'I LAM LA, BDEN PA BZHI LA 'JUG PAR BYA BA'I PHYIR, LUS DANG, TSOR BA DANG, SEMS DANG, CHOS RANG DANG SPYI'I MTSAN NYID KYIS YONGS SU BRTAGS PA DRAN PA NYE BAR GZHAG PA'I RNAM PA BZHI'O DE'I 'OG TU ZHUGS PA LA BRTZON 'GRUS 'BYUNG BAS RTZOL BA LAS BYUNG BA'I LAM LA MI DGE BA DANG DGE BA SKYES PA DANG MA SKYES PA DAG GO RIMS BZHIN DU YANG DAG PAR SPONG BA DANG MI BSKYED PA @106B DANG; SPEL BA DANG, BSKYED PA'I RGYU'I BRTZON 'GRUS YANG DAG PAR SPONG BA'I RNAM PA BZHI'O, ,BRTZON 'GRUS DANG LDAN PA NI SEMS LAS SU RUNG BA NYID DU BYED PAS, TING NGE 'DZIN YONGS SU SBYONG BA'I LAM LA, 'DUN PA DANG, BRTZON 'GRUS DANG, SEMS DANG, DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA'I RNAM PA BZHI'O, ,SEMS YONGS SU SBYANG BA BYAS PA LA DRO BA DANG RTZE MO'I SBYOR BA 'BYUNG BAS MNGON PAR RTOGS PAR SBYOR BA'I LAM LA DRO BA DANG RTZE MO'I NGO BO NYID, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO'I RNAM PA LNGA'O, ,DRO BA LA SOGS PA THOB PA LA BZOD PA DANG CHOS KYI MCHOG 'BYUNG BAS MNGON PAR RTOGS PA DANG 'BREL PA'I LAM LA BZOD PA DANG CHOS MCHOG GI NGO BO NYID, DAD PA DANG, BRTZON 'GRUS DANG, DRAN PA DANG, TING NGE 'DZIN DANG; SHES RAB KYI STOBS KYI RNAM PA LNGA'O, ,DRO BA LA SOGS PA BZHI RTOGS PA LA BDEN PA MTHONG BA'I LAM 'BYUNG BAS, MNGON PAR RTOGS PA'I LAM LA DRAN PA DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG; TING NGE 'DZIN DANG, BTANG SNYOMS YANG DAG BYANG CHUB KYI YAN LAG GI RNAM PA BDUN NO, ,BDEN PA MTHONG BA YONGS SU SHES PA LA BSGOM PA'I LAM 'BYUNG BAS, RNAM PAR DAG PAR NGES PAR 'BYIN PA'I LAM LA YANG DAG PA'I LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN 'PHAGS PA'I LAM YAN LAG BRGYAD KYI RNAM PA BRGYAD DE, DE LTAR NA SLOB MA RNAMS LA KUN SHES PA NYID KYI LAM GYI RTEN CAN GYI RNAM PA SUM CU RTZA BDUN YIN NO, ,LAM SHES PA NYID LA GNYEN PO'I LAM, ,LTA BAS BYAS PA'I GNYEN PO DANG, ,DE'I RGYU MTSAN GYI RNAM PAR RTOG PA'I GNYEN PO DANG, KHAMS GSUM PA LA SMON PA'I GNYEN PO ZHES BYA BA DE LTA BU'I NGO BO NYID LA GO RIMS BZHIN DU STONG PA DANG, BDAG MED PA'I RNAM PA'I NGO BO NYID NI RNAM PAR THAR PA'I @107A *, ,SGO DANG PO'O, ,'GOG PA DANG, LAM GYI BDEN PA'I RNAM PA'I NGO BO NYID NI GNYIS PA'O, ,MI RTAG PA DANG, SDUG BSNGAL BA DANG, KUN 'BYUNG BA'I BDEN PA'I RNAM PA'I NGO BO NYID NI GSUM PA STE, DE LTAR NA RNAM PAR THAR PA'I SGO GSUM GYI RNAM PA GSUM MO, ,SPRUL PA'I LAM LA, GZUGS KYI 'DU SHES RNAM PAR MA BSHIG PA DANG RNAM PAR BSHIG PA'I PHYIR, GO RIMS BZHIN DU NANG GZUGS CAN DANG GZUGS CAN MA YIN PAS PHYI ROL GYI GZUGS RNAMS LA LTA'O ZHES BYA BA SPRUL PA'I SGRIB PA'I GNYEN POR RNAM PAR THAR PA 'DI GNYIS DANG, GZUGS SDUG PA DANG MI SDUG PA SPRUL PA LA GO RIMS BZHIN DU DGA' BA DANG MI DGA' BA'I KUN NAS NYON MONGS PA DE DAG GI GNYEN POR SDUG PA'I RNAM PAR THAR PA'I SGO LUS KYIS MNGON SUM DU BYAS NAS RDZOGS PAR BYAS TE, GNAS SO ZHES BYA BA RNAM PAR THAR PA GCIG STE DE LTAR NA RNAM PAR THAR PA'I SGO RNAM PA GSUM MO, ,MTHONG BA'I CHOS LA BDE BAR GNAS PA'I LAM LA THAR PA DANG MTHUN PAR GNAS PA'I LAM GYI RANG BZHIN LA GZUGS MED PA'I SNYOMS PAR 'JUG PA'I RNAM PA BZHI DANG ZHI BAR GNAS PA'I LAM GYI RANG BZHIN LA 'DU SHES DANG TSOR BA 'GOG PA'I RNAM PA GCIG STE DE LTAR NA RNAM PA LNGA'O, ,'JIG RTEN LAS 'DAS PA'I LAM LA BSAM GTAN BZHI DANG GZUGS MED PA DANG 'GOG PA'I SNYOMS PAR 'JUG PA DAG STE DGU'O, ,SPONG BA'I LAM LA BAR CHAD MED PA'I LAM GYI RNAM PA BDEN PA BZHIS BSDUS PA NYON MONGS PA DANG MI LDAN PA'I MTSAN NYID BZHI'O, ,SANGS RGYAS NYID KYI LAM LA, SBYIN PA LA SOGS PA'I PHA ROL TU PHYIN PA RNAM PA BCU STE, DE LTAR NA BYANG CHUB SEMS DPA' RNAMS LA LAM SHES PA NYID KYI LAM GYI RTEN CAN GYI RNAM PA SUM CU RTZA BZHI'O, ,RNAM PA THAMS CAD MKHYEN PA NYID KYI RNAM PA NI SHIN TU PHUL DU BYUNG BA'I PHYIR THUN MONG MA YIN PA'I LAM GCIG PU KHO NA YIN TE, DE LA NI GNAS DANG GNAS MA YIN PA DANG, LAS KYI RNAM PAR SMIN PA DANG, MOS PA SNA TSOGS DANG, 'JIG RTEN @107B GYI KHAMS DU MA DANG, DBANG PO MCHOG DANG MCHOG MA YIN PA DANG, THAMS CAD DU 'GRO BA'I LAM DANG, KUN NAS NYON MONGS PA DANG, RNAM PAR BYANG BA DANG, SNGON GYI GNAS RJES SU DRAN PA DANG, 'CHI 'PHO DANG, SKYE BA DANG, ZAG PA ZAD PA MKHYEN PA'I STOBS KYI RNAM PA BCU DANG; NGA NI SANGS RGYAS SO ZHES BDAG NYID ZHAL GYIS 'CHES PA DANG, 'DOD CHAGS LA SOGS PA BAR CHAD BYED PA NYID DU BRJOD PA DANG, THAMS CAD SHES PA NYID LA SOGS PA'I LAM NGES PAR 'BYUNG BA NYID DU RAB TU BSTAN PA DANG, BDAG NYID KYI ZAG PA ZAD PA NYID DU ZHAL GYIS BZHES PA LA RGOL BA PO MED PAS MI 'JIGS PA'I RNAM PA BZHI DANG, RNAM GRANGS DANG, CHOS KYI MTSAN NYID DANG, YUL GYI SKAD DANG, CHOS RAB TU DBYE BA'I YUL LA GO RIMS BZHIN DU CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA RNAM PA BZHI DANG, 'KHRUL PA DANG, CA CO DANG, DRAN PA NYAMS PA DANG, THUGS MNYAM PAR MA BZHAG PA DANG, THA DAD PA NYID KYI 'DU SHES DANG, SO SOR MA BRTAGS PA'I BTANG SNYOMS MI MNGA' BA'I RNAM PA DRUG DANG, 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA LAS NYAMS PA MI MNGA' BA'I RNAM PA DRUG DANG, SKU DANG GSUNG DANG THUGS KYI PHRIN LAS RNAMS YE SHES SNGON DU 'GRO ZHING YE SHES KYI RJES SU 'BRANG BA'I RNAM PA GSUM DANG, 'DAS PA DANG, MA 'ONGS PA DANG; DA LTAR BYUNG BA LA, MA CHAGS MA THOGS PA'I YE SHES KYI RNAM PA GSUM STE, DE LTAR SANGS RGYAS KYI CHOS MA 'DRES PA BCO BRGYAD KYI RNAM PA DAG DANG, SANGS RGYAS THAMS CAD KYIS BSHAD PA'I DE BZHIN NYID DANG, CHOS THAMS CAD LA MNGA' SGYUR PA'I RANG 'BYUNG DANG; RNAM PA THAMS CAD MNGON PAR RDZOGS PAR BYANG CHUB PA'I SANGS RGYAS NYID KYI RNAM PA GSUM STE, DE LTAR NA SANGS RGYAS RNAMS KYI RNAM PA THAMS CAD MKHYEN PA NYID KYI LAM GYI RTEN CAN GYI RNAM PA NI SUM CU RTZA DGU'O, ,DE LA THAMS CAD SHES PA NYID KYI RNAM PA NI NYAN @108A *, ,THOS DANG BYANG CHUB SEMS DPA'I BYE BRAG GIS, GO RIMS BZHIN DU ZAG PA MED PA DANG, ZAG PA DANG BCAS PA DAG KYANG YIN NO, ,LAM SHES PA NYID KYI RNAM PA NI BYANG CHUB SEMS DPA' RNAMS KYI NYON MONGS PA SHIN TU MA SPANGS PA'I PHYIR ZAG PA DANG BCAS PA KHO NA YIN NO, ,RNAM PA THAMS CAD MKHYEN PA NYID KYI LAM GYI RNAM PA NI YANG DAG PAR RDZOGS PA'I SANGS RGYAS KYIS NYON MONGS PA DANG SHES BYA'I SGRIB PA'I BAG CHAGS DANG BCAS TE RNAM PA THAMS CAD DU SPANGS PAS CHOS THAMS CAD LA MNGA' SGYUR BA'I PHYIR ZAG PA MED PA KHO NA DAG YIN TE, RNAM PA RNAMS GCIG TU BSDOMS NA RNAM PA BRGYA BDUN CU RTZA GSUM YOD DO, ,SBYOR BA KHYAD PAR CAN DAG GIS RNAM PA RNAMS BSGOM DGOS NA DE DAG KYANG SBYOR BA PO MED PAR BRJOD PAR MI NUS PAS MNYAN PA LA SOGS PA'I SNOD SBYOR BA BO, ,SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,SANGS RGYAS BSTEN DANG KUN 'DRI DANG, ,SBYIN DANG TSUL KHRIMS SOGS SPYOD PAS, ,LEN DANG 'DZIN PA LA SOGS PA'I, ,SNOD DU DAM PA RNAMS BZHED DO, ,ZHES BYA BA GSUNGS TE, 'DAS PA DANG DA LTAR BYUNG BA'I SANGS RGYAS RNAMS LA SPYIR DGE BA'I RTZA BA BSKRUN CING SBYANGS PA DANG, DE BZHIN GSHEGS PA RNAMS LA LUS LA SOGS PA'I BSNYEN BKUR GYIS MNYES PAR BYA BA DANG, THE TSOM GYI DON YONGS SU 'DRI BA DANG, SBYIN PA LA SOGS PA'I PHA ROL TU PHYIN PA BCU SGRUB PA DANG LDAN PA DANG, DGE BA'I BSHES GNYEN DAG GIS BYIN GYIS BRLABS PA RNAMS NI, GO RIMS JI LTA BAR RNAM PA'I MTSAN NYID CAN GYI YUM 'DI'I GZHUNG MNYAN PA DANG, 'DZIN PA DANG, DON MI BRJED PA DANG, TSUL BZHIN YID LA BYED PA'I SNOD NYID YIN PAR SANGS RGYAS LA SOGS PA BZHED DO, ,DE LTAR SBYOR BA PO BSTAN NAS SBYOR BA, GZUGS LA SOGS LA MI GNAS PHYIR, ,DE LA SBYOR BA BKAG PA'I PHYIR, ,DE YI DE BZHIN NYID ZAB PHYIR, ,DE RNAMS GTING DPAG DKA' @108B BA'I PHYIR, ,DE DAG TSAD NI MED PHYIR DANG, ,TSIGS CHEN YUN RINGS RTOGS PA'I PHYIR, ,LUNG BSTAN PHYIR MI LDOG NYID DANG, ,NGES 'BYUNG BAR CHAD MED BCAS DANG, ,BYANG CHUB NYE DANG MYUR BA DANG, ,GZHAN DON 'PHEL MED 'GRIB MED PHYIR, ,CHOS DANG CHOS MIN SOGS MI MTHONG, ,GZUGS SOGS BSAM MI KHYAB MI MTHONG, ,GZUGS SOGS DE YI MTSAN MA DANG, ,DE YI NGO BO RNAM MI RTOG ,'BRAS BU RIN CHEN SBYIN BYED DANG, ,DE NI DAG PA MTSAMS DANG BCAS, ,ZHES BYA BA GSUNGS TE, GZUGS LA SOGS PA LA NGO BO NYID MED PA NYID KYIS MI GNAS PA DANG, DE DAG LA MI SBYOR BA NYID SBYOR BA YIN PA DANG, GZUGS LA SOGS PA DE DAG NYID DE BZHIN NYID KYI NGO BO NYID KYIS ZAB PA DANG, GTING DPAG DKA' BA DANG, TSAD MED PA ZHES BYA BA DE LTAR RTOGS PA RNAMS KYI GRANGS BZHIN DU GZUGS LA SOGS PA LA MI GNAS PA DANG, MI SBYOR BA DANG, ZAB PA DANG, GTING DPAG DKA' BA DANG, TSAD MED PA'I SBYOR BA STE LNGA DANG, SHES RAB KYI PHA ROL TU PHYIN PA LA SKRAG PA DANG MI SKRAG PA DANG, YANG DAG PAR 'DZIN PA DANG, BAR CHAD KYI CHOS SPONG BA DANG, RTAG TU CHOS SGOM PA DANG, ZAG PA MED PA'I CHOS GSAR GYI RTEN NYID DANG, 'BRAS BU CHOS KYI SKU MNGON PAR 'GRUB PA DANG, CHOS KYI 'KHOR LO RAB TU BSKOR BA DANG, 'PHEL BA DANG 'GRIB PA MI MTHONG BA DANG, 'DOD PA'I KHAMS SU MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PAR RLOM PA MED PA DANG, GZUGS DANG, DE'I MTSAN MA DANG, DE'I NGO BO NYID DU RNAM PAR MI RTOG PA DANG, 'BRAS BU DANG PO MTHONG BA DANG, GZUGS RNAM PAR DAG PA DANG, LO SKOR DU MNGON PAR BRTZON PA MI 'DOR BA ZHES BYA BA LA SOGS PA'I SGRUB PA DANG LDAN PA RNAMS KYI GO RIMS BZHIN DU, TSIGS CHEN POS YUN RING PO ZHIG NAS MNGON PAR RDZOGS PAR 'TSANG RGYA BA DANG, LUNG BSTAN PA 'THOB PA DANG, PHYIR MI LDOG PA NYID DANG, NGES PAR 'BYUNG BA DANG, BAR CHAD MED PA DANG, YANG DAG PAR MNGON PAR RDZOGS @109A *, ,PA'I BYANG CHUB LA NYE BA DANG, MYUR DU MNGON PAR RDZOGS PAR BYANG CHUB PA DANG, GZHAN GYI DON DANG, 'PHEL BA DANG, 'GRIB PA MED PA DANG, CHOS DANG CHOS MA YIN PA LA SOGS PAR MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PA 'GOG PA DANG, GZUGS LA SOGS PA'I DNGOS POR RNAM PAR MI RTOG PA DANG, 'BRAS BU RIN PO CHE SBYIN PA DANG, RNAM PAR DAG PA DANG, SA MTSAMS LA SBYOR BA DANG RNAM PA BCO LNGA STE SBYOR BA NYI SHU YIN NO, ,YON TAN MTHONG BA SNGON DU BTANG NA SBYOR BA RNAMS LA SHIN TU GOMS PAR BYED PAS SBYOR BA'I 'OG TU DE DAG GI YON TAN, BDUD KYI MTHU BCOM LA SOGS PA, ,YON TAN RNAM PA BCU BZHI'O, ,ZHES BYA BA GSUNGS TE, BDUD KYI MTHU BCOM PA DANG, SANGS RGYAS KYIS DGONGS SHING MKHYEN PA NYID DANG, SANGS RGYAS KYIS MNGON SUM DU MDZAD PA DANG, YANG DAG PAR RDZOGS PA'I BYANG CHUB DANG NYE BAR GYUR PA DANG, DON CHEN PO NYID LA SOGS PA DANG, YUL DPYAD PA DANG, ZAG PA MED PA'I YON TAN THAMS CAD RDZOGS PA DANG, SMRA BA'I SKYES BU NYID DANG, MI PHYED PA NYID DANG, DGE BA'I RTZA BA THUN MONG MA YIN PA SKYE BA DANG, DAM BCAS PA'I DON JI LTA BA BZHIN DU SGRUB PA DANG, 'BRAS BU RGYA CHEN PO YONGS SU 'DZIN PA DANG, SEMS CAN GYI DON SGRUB PA DANG, NGES PAR 'THOB PA ZHES BYA BA'I YON TAN RNAMS TE, GRANGS BZHIN DU SANGS RGYAS RNAMS KYIS BYIN GYIS BRLABS PA DANG, DGONGS PA DANG YE SHES KYIS GZIGS PA DANG, NYE BAR GYUR PA DANG, PHAN YON CHEN PO DANG, BYA BA BYED PA DANG, GNYEN PO'I CHOS YONGS SU RDZOGS PA DANG, RNAM PA THAMS CAD MKHYEN PA NYID KYI GTAM BRJOD PA DANG, GROGS MDZAD PA DANG, DGA' BA RGYA CHEN PO SKYED PA DANG, DE'I DAM BCAS PA'I TSIG LA RJES SU YI RANG BA DANG, CHOS ZAB MO MNGON PAR 'DOD PA DANG, SEMS CAN GYI DON BYED PA DANG, SHES RAB KYI PHA ROL TU PHYIN PA TSANG BAR RNYED PA ZHES BYA BA DE DAG PHYIN CI MA LOG PA'I SBYOR BA LA MNGON PAR DGA' BA @109B LA 'BYUNG ZHING 'THOB PAS YON TAN BCU BZHI YIN NO, ,DE'I 'OG TU YANG GANG ZHIG YONGS SU SPANGS PAS SBYOR BA RNAMS BSGOM PAR BYA BA SBYOR BA'I BAR CHAD BYED PA'I SKYON GANG DAG CIG YIN ZHE NA, DE DAG GI BAR CHAD DU 'GYUR BA'I SKYON, SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,ZHES BYA BA GSUNGS TE, TSEGS CHEN POS 'THOB PA DANG, ,SPOBS PA HA CANG MYUR BA DANG, LUS KYI GNAS NGAN LEN DANG, SEMS KYI GNAS NGAN LEN DANG, RIGS PA MA YIN PAS BSKYED PA'I KHA DON BYED PA LA SOGS PA DANG, PHYIR PHYOGS PA'I RGYU MTSAN 'DZIN PA NYID DANG, RGYU LA MNGON PAR ZHEN PA NYAMS PA DANG, GYA NOM PA'I RO MYANG BA NYAMS PA DANG, RNAM PA THAMS CAD DU THEG PA'I MCHOG KUN DU 'DZIN PA NYAMS PA DANG, RTAG TU CHED DU BYA BA NYAMS PA ZHES BYA BA NI BCU TSAN DANG PO'O, ,RGYU DANG 'BRAS BU 'BREL BA NYAMS PA DANG, GONG NA MED PA NYAMS PA DANG, YUL RNAM PA MANG PO LA RNAM PAR RTOG PA'I SPOBS PA 'BYUNG BA DANG, YI GER 'DRI BA LA MNGON PAR ZHEN PA DANG, DNGOS PO MED PA LA MNGON PAR ZHEN PA DANG, YI GE LA MNGON PAR ZHEN PA DANG, YI GE MED PA LA MNGON PAR ZHEN PA DANG, YUL LA SOGS PA YID LA BYED PA DANG, RNYED PA DANG BKUR STI DANG TSIGS SU BCAD PA'I RO MYANG BA DANG, LAM MA YIN PAS THABS LA MKHAS PA TSOL BA ZHES BYA BA NI BCU TSAN GNYIS PA'O, ,GRANGS BZHIN DU NYAN PA PO DANG 'CHAD PA PO DAG SNGA MA DANG PHYI MA GANG YANG RUNG BA DANG MNGON PAR 'BREL BAS, 'DUN PA DANG, SNYOM LAS KYIS NYAMS PA DANG, 'DUN PA'I YUL THA DAD PAS NYAMS PA DANG, 'DOD CHEN CHUNG BA MA YIN PA NYID KYIS NYAMS PA DANG, SBYANGS PA'I YON TAN DANG LDAN PA DANG MI LDAN PA DAG DANG, DGE BA DANG DGE BA MA YIN PA'I CHOS NYID DANG, GTONG BA DANG SER SNA BYED PA DANG, SBYIN PA DANG MI LEN PA DANG, MGO SMOS PAS GO BA DANG, RNAM PAR SPROS PAS GO BA NYID DANG, MDO LA SOGS PA'I CHOS MNGON PAR SHES PA DANG @110A *, ,MNGON PAR MI SHES PA NYID DANG, PHA ROL TU PHYIN PA DRUG DANG LDAN PA DANG, MI LDAN PA ZHES BYA BA NI BCU TSAN GSUM PA'O, ,DE KHO NA BZHIN DU THABS DANG THABS MA YIN PA LA MKHAS PA DANG, GZUNGS THOB PA DANG MA THOB PA DAG DANG, YI GIR 'DRI 'DOD PA DANG YI GER 'DRI MI 'DOD PA DAG DANG, 'DOD PA'I 'DUN PA DANG BRAL BA DANG MA BRAL BA NYID CES BYA BA BZHI DANG, NGAN SONG GI 'GRO BA LA PHYIR PHYOGS PA DANG, BDE 'GROR 'GRO BA LA YID BDE BA STE GNYIS DANG, 'CHAD PA PO DANG NYAN PA PO DAG SNGA MA DANG PHYI MA GANG YANG RUNG BA 'BREL PAS GRANGS BZHIN DU GCIG PU DANG, 'KHOR LA MNGON PAR DGA' BA NYID DANG, GO SKABS MI 'BYED PA NYID DANG RJES SU 'BREL PAR 'DOD PA NYID DANG, ZANG ZING CUNG ZAD TZAM 'DOD PA NYID DANG, DE SBYIN PAR MI 'DOD PA NYID DANG, SROG GI BAR CHAD DU 'GYUR BA DANG MI 'GYUR BA'I PHYOGS SU 'GRO BA ZHES BYA BA BZHI STE, BCU TSAN BZHI PA'O, ,DE BZHIN DU MU GE BYUNG BA'I PHYOGS SU 'GRO BA DANG MI 'GRO BA DANG, CHOM RKUN PA LA SOGS PAS DKRUGS PA'I PHYOGS SU 'GRO BA DANG MI 'GRO BA DANG, KHYIM LTA BAS YID MI BDE BA ZHES BYA BA GSUM DANG, BDUD KYIS 'BYED PA'I SBYOR BA DANG BCOS MA NYE BAR SGRUB PA DANG, YUL JI LTA BA BZHIN MA YIN PAR DGA' BA BSKYED PA ZHES BYA BA GZHAN GSUM STE, DE LTAR NA SKYON BZHI BCU RTZA DRUG YIN NO, ,GO RIMS BZHIN DU YON TAN DANG SKYON BLANG BA DANG NGOR BAS SBYOR BA RNAMS BSGOM PAR BYA BA NI MTSAN NYID SHES PA SNGON DU 'GRO BA CAN YIN PAS SKYON GYI 'OG TU DE DAG GI MTSAN NYID, GANG GIS MTSON DE MTSAN NYID DU, ,SHES BYA DE YANG RNAM PA GSUM, ,SHES PA KHYAD PAR BYED PA STE, ,NGO BO NYID GANG MTSON BYA YANG, ,ZHES BYA BA GSUNGS TE, BYED PAR SGRUB PAS 'DIS SBYOR BA RNAMS MTSON PAR BYED PAS NA, SHES PA DANG, KHYAD PAR DANG, BYED PA DANG, LAS SU SGRUB PAS DE RNAMS MTSON PAR BYA BA YIN PAS NGO BO NYID KYI MTSAN NYID DE, MTSAN NYID NI RNAM PA BZHIR SHES PAR BYA'O, ,DE LA SHES PA'I MTSAN @110B NYID THAMS CAD MKHYEN PA NYID GSUM GYI DBYE BAS THA DAD PA LA, RE ZHIG THAMS CAD SHES PA NYID KYI SGO NAS, DE BZHIN GSHEGS PA 'BYUNG BA DANG, ,'JIG RTEN 'JIG MED BDAG NYID DANG, ,SEMS CAN SEMS KYI SPYOD PA DANG, ,DE BSDUS PA DANG PHYIR LTAS DANG, , MI ZAD PA YI RNAM PA DANG, ,CHAGS BCAS SOGS DANG RGYA CHEN DANG, ,CHEN POR GYUR DANG TSAD MED DANG, ,RNAM SHES BSTAN DU MED PA DANG, ,SEMS BLTAR MED DANG SHES PA DE, ,G-YO BA LA SOGS ZHES BYA DANG, ,DE LAS GZHAN YANG DE DAG NI, ,DE BZHIN NYID KYI RNAM PAR SHES, ,THUB PAS DE BZHIN NYID RTOGS TE, ,GZHAN LA BSTAN PA ZHES BYA 'DI, ,THAMS CAD SHES PA NYID SKABS KYI, ,SHES PA'I MTSAN NYID BSDUS PA YIN, ,ZHES BYA BA GSUNGS TE, DE BZHIN GSHEGS PA 'BYUNG BA DANG, 'JIG RTEN 'JIG PA MED PA DANG, SEMS CAN GYI SEMS KYI SPYOD PA DANG, SEMS BSDUS PA DANG, SEMS RNAM PAR G-YENGS PA DANG, SEMS MI ZAD PA'I RNAM PA DANG, SEMS 'DOD CHAGS DANG BCAS PA LA SOGS PA DANG, SOGS PA ZHES BYA BA'I SGRAS BSDUS PA SEMS 'DOD CHAGS DANG BRAL BA DANG, SEMS RGYA CHEN PO DANG, SEMS CHEN POR GYUR PA DANG, SEMS TSANG MED PA DANG, SEMS BSTAN DU MED PA DANG, SEMS BLTAR MED PA DANG, SEMS G-YO BA LA SOGS PA DANG, G-YO BA LA SOGS PA DE BZHIN NYID KYI RNAM PA CAN DANG, DE BZHIN GSHEGS PAS DE BZHIN NYID RTOGS PA DE GZHAN LA BSTAN CING BTAGS PA ZHES BYA BA 'DI RNAMS KYI SHES PA'I RNAM PA'I BYE BRAG BCU DRUG GIS, TSUL BZHIN DU THAMS CAD SHES PA NYID KYI SBYOR BA RNAMS JI LTA BA BZHIN MTSON PAS NA, SHES PA'I MTSAN NYID THAMS CAD SHES PA NYID KYIS BSDUS PA YIN NO, ,DE'I 'OG TU LAM SHES PA NYID KYI SGO NAS, STONG NYID MTSAN MA MED BCAS DANG, ,SMON PA RNAM PAR SPANGS PA DANG, ,SKYE MED 'GAG PA MED SOGS DANG, ,CHOS NYID RNAM PAR 'KHRUG MED DANG, ,'DU MI BYED DANG RNAM MI RTOG, ,RAB DBYE MTSAN NYID @111A *, ,MED NYID LA, ,LAM SHES NYID KYI SKABS KYIS NI, ,SHES PA'I MTSAN NYID YIN PAR BZHED, ,CES BYA BA GSUNGS TE, STONG PA DANG, MTSAN MA MED PA DANG, SMON PA MED PA DANG, SKYE BA MED PA DANG, 'GAG PA MED PA DANG, SOGS PA ZHES BYA BA'I SGRAS BSDUS PA, KUN NAS NYON MONGS PA MED PA DANG, RNAM PAR BYANG BA MED PA DANG, DNGOS PO MED PA DANG, NGO BO NYID DANG, RTEN MED PA DANG, NAM MKHA'I MTSAN NYID DE DRUG DANG, CHOS NYID RNAM PAR 'KHRUG PA MED PA DANG, 'DU MI BYED PA DANG, RNAM PAR MI RTOG PA DANG, RAB TU DBYE BA DANG, MTSAN NYID MED PA ZHES BYA BA 'DI RNAMS KYI SHES PA'I RNAM PA'I KHYAD PAR BCU DRUG GIS JI LTA BA BZHIN DU LAM SHES PA NYID KYI SBYOR BA DAG MTSON PAS NA SHES PA'I MTSAN NYID LAM SHES PA NYID KYIS BSDUS PA YIN NO, ,DE'I 'OG TU RNAM PA THAMS CAD MKHYEN PA NYID KYI SGO NAS, DE NI NYID KYI CHOS RTEN NAS, ,GNAS DANG GUS PAR BYA BA DANG, ,BLA MA NYID DANG MNYES PA DANG, ,DE LA MCHOD DANG BYED MED DANG, ,KUN DU 'JUG MKHYEN GANG YIN DANG, ,MA MTHONG STON PAR MDZAD PA DANG, ,'JIG RTEN STONG NYID RNAM PA DANG, ,BRJOD DANG SHES MDZAD MNGON SUM MDZAD, ,BSAM MI KHYAB DANG ZHI NYID STON, ,'JIG RTEN 'DU SHES 'GOG PA LA, ,RNAM PA KUN MKHYEN TSUL LA NI, ,SHES PA'I MTSAN NYID CES BSHAD DO, ,ZHES BYA BA GSUNGS TE, DE BZHIN GSHEGS PA DE NYID KYI CHOS LA MNGON PAR BRTEN NAS GNAS PA DANG, GUS PAR BYA BA DANG, BLA MAR BYA BA DANG, MNYES PAR BYA BA DANG MCHOD PA DANG BYED PA MED PA NYID DANG, THAMS CAD DU 'GRO BA DANG, MA MTHONG BA'I DON STON PA DANG, 'JIG RTEN STONG PA NYID KYI RNAM PA DANG, 'JIG RTEN STONG PA NYID DU BRJOD PA DANG, 'JIG RTEN STONG PA NYID DU SHES PAR MDZAD PA DANG, 'JIG RTEN STONG PA NYID DU MTHONG BAR MDZAD PA DANG, BSAM GYIS MI KHYAB PA NYID DU STON PA DANG, ZHI BA NYID DU STON PA DANG, 'JIG RTEN 'GOG PA DANG, 'DU SHES 'GOG PA ZHES BYA BA 'DI RNAMS KYI SHES PA'I RNAM PA'I BYE BRAG BCU @111B DRUG GIS JI LTA BA BZHIN DU RNAM PA THAMS CAD MKHYEN PA NYID KYI SBYOR BA DAG MTSON PAS NA, SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO, ,DE LTAR BAR SKABS KYI TSIGS SU BCAD PA DGUS SHES PA'I MTSAN NYID SPYI'I NGO BO NYID DU BRJOD NAS, SHES PA'I RNAM PAS YONGS SU BCAD PA RNAMS KYI KHYAD PAR SHES PAR BYA BA YIN PAS SHES PA'I MTSAN NYID KYI 'OG TU BAR SKABS KYI TSIGS SU BCAD PAS KHYAD PAR GYI MTSAN NYID, BSAM MI KHYAB SOGS KHYAD PAR GYIS, ,KHYAD ZHUGS BDEN PA'I SPYOD YUL CAN, , SKAD CIG MA NI BCU DRUG GIS, ,KHYAD PAR MTSAN NYID BSHAD PA YIN, ,ZHES BYA BA GSUNGS TE, BSAM GYIS MI KHYAB PA DANG, MI MNYAM PA LA SOGS PA'I KHYAD PAR GYIS KHYAD PAR DU BYAS PA'I SDUG BSNGAL LA SOGS PA'I BDEN PA'I YUL CAN CHOS DANG RJES SU SHES PA'I BZOD PA DANG SHES PA'I MTSAN NYID BCU DRUG GI SA LAM SHES PA NYID LA SOGS PA'I SBYOR BA DAG MTSON PAS NA KHYAD PAR GYI MTSAN NYID YIN NO, ,YANG BSAM GYIS MI KHYAB PA LA SOGS PA'I KHYAD PAR GANG YIN ZHE NA, BAR SKABS KYI TSIGS SU BCAD PA GSUM PO, , BSAM MI KHYAB DANG MI MNYAM DANG, ,GZHAL DANG BGRANG LAS YANG DAG 'DAS, ,'PHAGS PA KUN SDUD MKHAS PA YIS, ,RIG BYA THUN MONG MIN SHES NYID, ,SHES MYUR BRI DANG GANG MED DANG, ,SGRUB DANG YANG DAG 'GRUB PA DANG, ,DMIGS PA RTEN DANG BCAS PA DANG, , MTHA' DAG PA DANG YONGS 'DZIN DANG, ,RO MYANG MED DANG KHYAD PAR NI, ,BCU DRUG BDAG NYID SHES BYA STE, ,GANG GIS LAM NI GZHAN DAG LAS, ,KHYAD DU 'PHAGS PAS KHYAD PAR LAM, ,ZHES BYA BA GSUNGS TE, YANG DAG PAR RDZOGS PA'I SANGS RGYAS LA SOGS PAS LEGS PAR YONGS SU BZUNG BA'I SHES RAB KYI STOBS KYIS BSAM GYIS MI KHYAB PA NYID DANG, MI MNYAM PA NYID DANG, GZHAL BA LAS YANG DAG PAR 'DAS PA DANG, BGRANG BA LAS YANG DAG PAR 'DAS PA DANG, 'PHAGS PA'I GANG ZAG THAMS CAD SDUD PA DANG, SKYES BU MKHAS PAS @112A *, ,RIG PAR BYA BA NYID DANG, NYAN THOS LA SOGS PA'I SPYOD YUL MA YIN PA'I DNGOS PO YONGS SU SHES PA DANG, RANG GI LUGS LA LTOS PA'I MNGON PAR SHES PA SHIN TU MYUR BA'I SHES PA DANG, KUN RDZOB DANG DON DAM PA'I BDEN PA LA BRTEN PA'I CHOS THAMS CAD BRI BA MED PA DANG, GANG BA MED PA'I NGO BO DANG, 'KHOR GSUM RNAM PAR DAG PAS SBYIN PA LA SOGS PA'I PHA ROL TU PHYIN PA DRUG TU RAB TU SGRUB PA DANG, YANG DAG PA'I SBYOR BAS BSKAL PA DU MAR BSGRUBS PA'I BSOD NAMS DANG YE SHES YANG DAG PAR 'GRUB PA DANG, RNAM PAR MI RTOG PAR CHOS THAMS CAD LA DMIGS PA DANG, CHOS KYI DBYINGS KYI NGO BO NYID BYANG CHUB SEMS DPA'I RTEN DANG, SMON LAM LA SOGS PA'I PHA ROL TU PHYIN PA YONGS SU RDZOGS PA'I RGYU'I TSOGS PA DANG, DGE BA'I BSHES GNYEN GYIS THABS KYIS YONGS SU BZUNG BA DANG, MNGON PAR ZHEN PA'I RO MYANG BA MED PA DANG BCU DRUG GI BDAG NYID CES BYA BA NI, GO RIMS BZHIN DU SDUG BSNGAL LA SOGS PA'I BDEN PA'I SKAD CIG MA RNAMS KYI KHYAD PAR YIN TE, GANG GIS NYAN THOS LA SOGS PA'I LAM RNAMS LAS BYANG CHUB SEMS DPA' LA SOGS PA'I LAM SHES PA NYID LA SOGS PA GNYIS NI, KHYAD PAR GYI LAM YIN PAR KHYAD ZHUGS SO, ,DE'I PHYIR DE DAG GI NI JI SKAD BSHAD PA'I KHYAD PAR DANG BRAL BA'I MNGON PAR ZHEN PA LA SOGS PA SKYE BA'I MTSAN NYID KYIS GO SLA BA'I PHYIR MA BSHAD DO, ,KHYAD PAR GYI MTSAN NYID KYIS RNAM PAR BCAD PA RNAMS KYI BYED PA GANG YIN ZHE NA, BAR SKABS KYI TSIGS SU BCAD PA GNYIS KYIS BYED PA'I MTSAN NYID, PHAN DANG BDE DANG SKYOB PA DANG, ,MI RNAMS KYI NI SKYABS DAG DANG, ,GNAS DANG DPUNG GNYEN GLING DANG NI, ,YONGS 'DREN PA ZHES BYA BA DANG, ,LHUN GYIS GRUB DANG THEG GSUM GYI, ,'BRAS BU MNGON SUM MI BYED BDAG ,THA MA RTEN GYI MDZAD PA STE, ,'DI NI BYED PA'I MTSAN NYID YIN, ,ZHES BYA BA GSUNGS TE, MA 'ONGS PA'I PHAN PA DANG, TSE 'DI'I BDE BA DANG, SDUG BSNGAL MED PA'I RNAM @112B PAR SMIN PA MA YIN PA'I CHOS NYID NYE BAR BSGRUB PA'I DON GYIS, THAMS CAD SHES PA NYID KYI PHAN PA LA SOGS PA'I BYED PA GSUM MO, ,GTAN DU PHAN PA DANG, SDUG BSNGAL GYI RGYU BZLOG PA DANG, 'KHOR BA DANG MYA NGAN LAS 'DAS PA MNYAM PA NYID DU RTOGS PA DANG, RANG DANG GZHAN GYI DON RTOGS PA'I RTEN GYI NGO BO DANG, GZHAN GYI DON SGRUB PA DANG, SEMS CAN GYI DON LHUN GYIS GRUB PAR 'JUG PA DANG, THEG PA GSUM GYI NGES PAR 'BYUNG BA'I 'BRAS BU MNGON SUM DU MI BYED PA ZHES BYA BA 'DI RNAMS DUS JI LTA BA BZHIN DU YANG DAG PAR NYE BAR SGRUB PA'I DON GYIS LAM SHES PA NYID KYI SKYABS LA SOGS PA'I BYED PA BDUN NO, ,RNAM PA THAMS CAD MKHYEN PA NYID KYI CHOS THAMS CAD STON PA NYE BAR BSGRUB PA'I DON GYIS, RNAM PA THAMS CAD MKHYEN PA NYID LA NI RTEN GYI MDZAD PA GCIG STE, DE LTAR NA BYED PA'I RNAM PA DAG GIS JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSON PAS NA BYED PA'I MTSAN NYID YIN NO, ,BYED PA'I MTSAN NYID KYIS SHES PAR BYAS PA RNAMS KYI NGO BO NYID GANG YIN ZHE NA, BAR SKABS KYI TSIGS SU BCAD PA GSUM GYIS NGO BO NYID KYI MTSAN NYID, NYON MONGS RTAGS DANG MTSAN MA DANG,, MI MTHUN PHYOGS DANG GNYEN PO DANG, ,DBEN DANG DKA' DANG NGES PA DANG, ,CHED DU BYA DANG MI DMIGS DANG, ,MNGON PAR ZHEN PA BKAG PA DANG, ,DMIGS PA ZHES BYA GANG YIN DANG, ,MI MTHUN THOGS PA MED DANG DE, ,GZHI MED 'GRO MED SKYE MED DANG, ,DE BZHIN NYID NI MI DMIGS DANG, ,NGO BO NYID BCU DRUG BDAG NYID, ,MTSON CHA LTA BUR MTSON PAS NA, ,MTSAN NYID BZHI PAR BZHED PA YIN, ,ZHES BYA BA GSUNGS TE, 'DOD CHAGS LA SOGS PA'I NYON MONGS PA DANG, DE'I RTAGS LUS KYI GNAS NGAN LEN DANG, DE'I MTSAN MA TSUL BZHIN MA YIN PA YID LA BYED PA LA SOGS PA DANG, 'DOD CHAGS DANG 'DOD CHAGS MED PA LA SOGS PA MI MTHUN PA'I PHYOGS DANG GNYEN PO DAG STONG PA NYID KYIS THAMS CAD SHES PA NYID KYI DBEN PA'I NGO BO NYID BZHI'O, ,DON DAM PAR MED PA'I SEMS CAN MYA NGAN LAS @113A *, ,BZLA BAR DKA' BA DANG, THEG PA GZHAN DU MI LTUNG BA'I MTSAN NYID KYI MTHA' GCIG TU NGES PA DANG, YUN RING PO NAS BSGRUB PAR BYA BA MCHOG NYID KYI CHED DU BYA BA DANG, BSGOM PAR BYA BA DANG SGOM PA PO'I CHOS MI DMIGS PA DANG, DNGOS POR MNGON PAR ZHEN PA MTHA' DAG BKAG PA ZHES BYA BA DE LTA BU DAG NI LAM SHES PA NYID KYI NGO BO NYID LNGA'O, ,THAMS CAD SHES PA NYID DANG LAM SHES PA NYID KYIS BSDUS PA'I DNGOS PO'I KHYAD PAR LA DMIGS PA DANG, 'JIG RTEN GYI SGRUB PA'I 'DZIN PA LA SOGS PA LAS BZLOG STE BSTAN PAS MI MTHUN PA DANG, GZUGS LA SOGS PA THOGS PA MED PAR SHES PA DANG, SHES BYA DANG SHES PA MI DMIGS PAS GZHI MED PA DANG, DE BZHIN NYID KYIS 'GRO BA MED PA DANG, GZUGS LA SOGS PA NGO BO NYID MED PAS SKYE BA MED PA DANG, DNGOS PO DANG DNGOS PO MED PA LA SOGS PA GSUM GYI NGO BO DE BZHIN NYID MI DMIGS PA ZHES BYA BA DE LTA BU DAG NI RNAM PA THAMS CAD MKHYEN PA NYID KYI NGO BO NYID BDUN NO, ,DE LTAR NA NGO BO NYID BCU DRUG GIS JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSAN NYID DANG LDAN PA BZHIN DU MTSON PAS DE LTAR NA BZHI PA NGO BO NYID KYI MTSAN NYID DU BZHED DO, ,DE LTAR NA SPYIR GCIG TU BSDOMS NA NI MTSAN NYID DGU BCU RTZA GCIG TU 'GYUR RO, ,THAR PA'I CHA DANG MTHUN PA'I DGE BA'I RTZA BA DANG LDAN PA KHO NA LA JI SKAD BSHAD PA'I SBYOR BA YONGS SU SHES PA 'BYUNG BAS, THAR PA'I CHA DANG MTHUN PA, MTSAN MED RAB TU SBYIN LA SOGS, ,YANG DAG SGRUB LA MKHAS PA NI, ,RNAM PA THAMS CAD RTOGS 'DI LA, ,THAR PA'I CHA DANG MTHUN PAR 'DOD, ,CES BYA BA GSUNGS TE, MTSAN MA MED PAR, DMIGS PA'I SHES PA'I RNAM PAS, SBYIN PA LA SOGS PA'I PHA ROL TU PHYIN PA NAS RNAM PA THAMS CAD MKHYEN PA NYID LA THUG PA RNAMS RANG GI RGYUD LA SKYED PAR MKHAS PA NI, RNAM PA THAMS CAD MNGON PAR RDZOGS PAR RTOGS PA 'DI LA THAR PA'I CHA DANG MTHUN PA YIN PAR 'DOD DO, ,MKHAS PA DE GANG YIN ZHE NA, DE BSTAN PA'I @113B PHYIR BAR SKABS KYI TSIGS SU BCAD PA, SANGS RGYAS SOGS DMIGS DAD PA DANG, ,SBYIN SOGS SPYOD YUL BRTZON 'GRUS DANG, ,BSAM PA PHUN TSOGS DRAN PA DANG, ,RNAM PAR MI RTOG TING 'DZIN DANG, ,CHOS RNAMS RNAM PA THAMS CAD DU, ,SHES PA'I SHES RAB DANG RNAM LNGA, , RDZOGS PA'I BYANG CHUB RNON PO YIS, ,RTOGS SLA RTUL POS RTOGS DKAR BZHED, ,CES BYA BA GSUNGS TE, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KHYAD PAR CAN, DBANG PO'I NGO BO NYID MA YIN PA GRANGS BZHIN DU, SANGS RGYAS DANG, SBYIN PA DANG, BSAM PA PHUN SUM TSOGS PA DANG, RNAM PAR MI RTOG PA DANG, CHOS THAMS CAD KYI RNAM PA THAMS CAD YONGS SU SHES PA LA SOGS PA'I YUL RNAM PA LNGA LA MKHAS PA YIN NO, ,DE LTA MOD KYI THAMS CAD KYIS BLA NA MED PA'I BYANG CHUB 'THOB PA MA YIN TE, 'DI LTAR DAD PA LA SOGS PA CHEN PO RNON POS NI BLA NA MED PA YANG DAG PAR RDZOGS PA'I BYANG CHUB RTOGS PAR SLA LA, DE DAG NYID RTUL POS NI RTOGS PAR DKA'O ZHES BYA BA 'DI NI CHOS NYID YIN PAS SHUGS KYIS NA 'BRING PO RNAMS KYIS NI RANG SANGS RGYAS KYI BYANG CHUB RTOGS LA, CHUNG DU RNAMS KYIS NI NYAN THOS KYI BYANG CHUB RTOGS SO ZHES BYA BA 'DI 'PHANGS PA YIN NO, ,THAR PA'I CHA DANG MTHUN PA SKYES PA'I SPRO BA CAN LA NGES PAR 'BYED PA'I CHA DANG MTHUN PA 'BYUNG BAS, DRO BA RNAMS KYI DMIGS PA 'DIR, ,SEMS CAN THAMS CAD YIN PAR BSNGAGS, ,DE DAG NYID LA SEMS MNYAM SOGS, ,RNAM PA DAG NI BCUR BSHAD DO, ,BDAG NYID SDIG PA LAS LDOG CING, ,SBYIN LA SOGS LA GNAS PAS GZHAN, ,DE DAG LA NI 'GOD PA DANG, ,BSNGAGS PA BRJOD DANG MTHUN PA NYID, ,RTZER GYUR DE BZHIN BZOD PA NI, ,RANG GZHAN RTEN CAN BDEN SHES PA,, CHOS MCHOG DE BZHIN SEMS CAN RNAMS, SMIN BYED SOGS KYIS SHES PAR BYA, ,ZHES BYA BA GSUNGS TE, RNAM PA THAMS CAD MNGON PAR RDZOGS PAR RTOGS PA 'DI LA MNYAM PA DANG, BYAMS PA DANG, PHAN PA DANG, KHONG KHRO BA MED PA DANG, RNAM PAR 'TSE BA MED PA'I SEMS @114A *, ,KYI RNAM PA LNGA DANG, PHA DANG MA'I SEMS DANG, SPUN DANG SRING MO'I SEMS DANG, BU DANG BU MO'I SEMS DANG, BSHES DANG GROGS KYI SEMS DANG, GNYEN DANG SNAG GI GNYEN MTSAMS KYI SEMS KYI RNAM PA GZHAN LNGAS, SEMS CAN LA DMIGS PA NI DRO BAR GYUR PA YIN PAR BZHED DO, ,MDOR NA MI DGE BA DANG DGE BA LA GRANGS BZHIN DU SPONG BA DANG LEN PA'I SGO NAS LDOG PA DANG ZHUGS PA'I BDAG NYID CAN, DE'I SGO NAS GZHAN RNAMS SDIG PA LAS LDOG PA DANG, DGE BA LA GNAS PA DAG LA SBYOR BA'I RNAM PA GNYIS DANG, GZHAN BDAG NYID DE BZHIN NYID DU ZHUGS PA LA BSNGAGS PA BRJOD PA DANG, MTHUN PAR BYED PA RNAM PA GNYIS PO CHOS KYI RAB TU DBYE BAS NI RNAM PA MTHA' YAS PA ZHES BYA BA DE RNAMS KYIS SEMS CAN LA DMIGS PA NI RTZE MOR GYUR PA YIN NO, ,RTZE MOR GYUR PA LA RANG DANG GZHAN GYI RTEN GYI DBYE BAS DMIGS PA DANG RNAM PA DAG JI LTA BA DE BZHIN DU SBYOR BA DANG BSNGAGS PA BRJOD PA DANG MTHUN PA NYID KYI RNAM PA RNAMS KYIS RANG DANG GZHAN GYI RTEN GYI SDUG BSNGAL LA SOGS PA'I BDEN PA LA DMIGS PA NI BZOD PA YIN NO, ,SNGA MA BZHIN DU RANG DANG GZHAN GYI RTEN CAN KHO NA SMIN PAR BYED PA DANG GROL BAR BYED PA LA SOGS PA'I RNAM PA DAG GIS SEMS CAN LA DMIGS PA NI CHOS KYI MCHOG YIN TE, DE LTAR NA NGES PAR 'BYED PA'I CHA DANG MTHUN PA YIN NO, ,RNAM PA DANG LAM DANG GZHI THAMS CAD RNAM PAR BSGOM PA'I DBYE BAS GO RIMS BZHIN DU RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM LA 'JIG RTEN PA'I NGES PAR 'BYED PA'I CHA DANG MTHUN PA RTOGS PA SNGON DU 'GRO BAS 'JIG RTEN LAS 'DAS PA'I MTHONG BA DANG BSGOM PA'I LAM RTOGS PA YIN LA RNAM PA KUN MNGON PAR RDZOGS PAR RTOGS PA LA SOGS PA GSUM LA NI BSGOM PA GONG NAS GONG GI GNAS SKABS KYI KHYAD PAR GYIS, RNAM PA THAMS CAD DU KHYAD PAR GYI LAM GYIS BSDUS PA'I YE SHES ZAG PA MED PA CHUNG NGU DANG 'BRING DANG CHEN PO RIM GYIS SKYE BA YIN PAS CIG CAR SKYE PA DGAG PAR BYA BA'I PHYIR @114B NGES PAR 'BYED PA'I CHA LA SOGS PA'I THA SNYAD DU GSUNGS PA YIN PAR SHES PAR BYA'O, ,PHYIR MI LDOG PA'I BYANG CHUB SEMS DPA'I DGE 'DUN LA JI SKAD BSHAD PA'I NGES PAR 'BYED PA'I CHA DANG MTHUN PA 'BYUNG BAS PHYIR MI LDOG PA'I BYANG CHUB SEMS DPA'I DGE 'DUN GYI MTSAN NYID, NGES 'BYED YAN LAG NAS BZUNG STE, ,MTHONG DANG GOMS PA'I LAM DAG LA, ,BYANG CHUB SEMS DPA' GANG DAG GNAS, ,DE 'DIR PHYIR MI LDOG PA'I TSOGS, ,ZHES BYA BA GSUNGS TE, DPA' BO GANG DAG NGES PAR 'BYED PA'I CHA DANG MTHUN PA BZHI DANG, MTHONG BA'I LAM DANG BSGOM PA'I LAM 'CHANG BAR 'GYUR BA LA, DE DANG DE RTOGS PA'I TSUL GYIS GNAS PA DE DAG NI, BYANG CHUB SEMS DPA' SLOB PA PHYIR MI LDOG PA'I DGE 'DUN YIN NO,, ,,BAM PO BZHI PA, DE RNAMS KYI MTSAN NYID MA 'DRES PA GANG YIN ZHE NA, RE ZHIG BAR SKABS KYI TSIGS SU BCAD PA GCIG GIS NGES PAR 'BYED PA'I CHA DANG MTHUN PA LA GNAS PA RNAMS KYI MTSAN NYID, GZUGS LA SOGS LAS LDOG SOGS RTAGS, ,RNAM PA NYI SHUR BRJOD PA YIS, ,NGES 'BYED YAN LAG LA GNAS PA'I, ,PHYIR MI LDOG PA'I MTSAN NYID 'DI, ,ZHES BYA BA GSUNGS TE, GZUGS LA SOGS PA LAS LDOG PA DANG, THE TSOM MED PA LA SOGS PA'I RNAM PA, RNAM PA NYI SHUS NGES PAR 'BYED PA'I CHA DANG MTHUN PA LA GNAS PA RNAMS KYI PHYIR MI LDOG PA'I MTSAN NYID SHES PAR BYA BA YIN NO, ,YANG LDOG PA LA SOGS PA'I MTSAN NYID DE DAG GANG YIN ZHE NA, DE DAG BSTAN PA'I PHYIR BAR SKABS KYI TSIGS SU BCAD PA DRUG PO, GZUGS LA SOGS LAS LDOG PA DANG, ,THE TSOM MI NGAL ZAD PA DANG, ,BDAG NYID DGE BA LA GNAS SHING, ,GZHAN DAG DE LA 'GOD PA DANG, ,GZHAN GYI RTEN CAN SBYIN SOGS DANG, ,ZAB MO'I DON LA'ANG SOM NYI MED, ,BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG, ,BAG LA NYAL KUN 'JOMS PA DANG, ,DRAN PA DANG NI SHES BZHIN DANG, ,GOS LA SOGS PA @115A *, ,GTZANG BA DANG, ,LUS LA SRIN BU RNAMS MI 'BYUNG, ,GYA GYU MED SEMS SBYANGS PA NI, ,LEN DANG SER SNA MED SOGS DANG, ,CHOS NYID LDAN PAR 'GRO NYID DANG, ,SEMS CAN DON DU DMYAL TSOL DANG, ,GZHAN GYIS DKRI BAR MI BTUB DAG ,LAM GZHAN NYE BAR STON BDUD LA, ,BDUD CES BYA BAR RTOGS PA DANG, ,SANGS RGYAS DGYES PA'I SPYOD PA STE, ,RTAGS NI NYI SHU DE DAG GIS, ,DROD DANG RTZE MO BZOD BCAS DANG, ,CHOS MCHOG RNAMS LA GNAS PA NI, ,RDZOGS PA'I BYANG CHUB LAS MI LDOG ,CES BYA BA GSUNGS TE, NGO BO NYID MED PA NYID KYIS GZUGS LA SOGS PA'I CHOS LAS LDOG PA DANG, SHES NAS DAD PA THOB PAS THE TSOM ZAD PA DANG, SMON LAM GRUB PAS LOG PAR LTA BA DANG, DMYAL BA DANG, YI DAGS DANG, DUD 'GROR SKYE BA DANG, SANGS RGYAS KYI BKA' MI THOS PA DANG, YUL MTHA' 'KHOB TU SKYE BA DANG, DBANG PO MA TSANG BA DANG, GLEN PA DANG, LKUGS PA'I DNGOS PO DANG, LHA TSE RING POR SKYE BA ZHES BYA BA MI KHOM PA BRGYAD ZAD PA DANG, SNYING RJES BDAG DANG GZHAN DGE BA'I CHOS LA SBYOR BA DANG, BDAG DANG GZHAN DU BRJE BA NYID KYIS SEMS CAN GZHAN GYI YUL LA YONGS SU BSNGOS PA'I SBYIN PA LA SOGS PA DANG, CHOS YANG DAG PAR RTOGS PAS ZAB MO'I DON LA YANG SOM NYI MI BYED PA DANG, GZHAN LA PHAN PA NYID DU ZHUGS PAS BYAMS PA'I LUS DANG NGAG DANG YID KYI LAS DANG, SBYOR BA PHUN SUM TSOGS PAS SGRIB PA LNGA PO, 'DOD PA LA 'DUN PA DANG, GNOD SEMS DANG, GNYID DANG, RMUGS PA DANG, RGOD PA DANG, 'GYOD PA DANG, THE TSOM DAG DANG MI 'GROGS PA DANG, GNYEN PO RNAM PAR BSGOMS PA NYID KYIS MA RIG PA LA SOGS PA'I BAG LA NYAL BA THAMS CAD 'JOMS PA DANG, RTAG TU MNYAM PAR GZHAG PA NYID KYIS DRAN PA DANG SHES BZHIN DANG LDAN PA DANG, GTZANG SBRA KUN DU SPYOD PA NYID KYIS GOS LA SOGS PA YONGS SU SPYOD PA GTZANG BA ZHES BYA BA RNAM PA BCU GCIG DANG, DGE BA'I RTZA BA 'JIG RTEN LAS MNGON PAR 'PHAGS PA NYID KYIS LUS LA SRIN BU'I @115B RIGS BRGYAD KHRI MI 'BYUNG BA DANG, DGE BA'I RTZA BA RNAM PAR DAG PAS SEMS GYA GYU MED PA DANG, RNYED PA DANG BKUR STI LA SOGS PA LA MI LTA BA NYID KYIS PHYAG DAR KHROD PA NYID LA SOGS PA SBYANGS PA'I YON TAN YANG DAG PAR LEN PA DANG, SBYIN PA LA SOGS PA'I KHYAD PAR BSGRUBS PAS DE DAG DANG 'GAL BA SER SNA DANG 'CHAL BA'I TSUL KHRIMS LA SOGS PA MED PA DANG, CHOS THAMS CAD YANG DAG PAR SDUD PA NYID KYIS CHOS NYID DANG MI 'GAL BAR SHES RAB KYI PHA ROL TU PHYIN PA DANG LDAN PAR 'GRO BA DANG, 'GRO BA BDAG NYID KYIS BYAS PA NYID KYIS GZHAN GYI DON DU DMYAL BA 'DOD PA ZHES BYA BA RNAM PA DRUG DANG, RTOGS PA LA YID CHES PA'I CHOS NYID KYIS GZHAN GYIS BKRIR MI BTUB PA DANG, SANGS RGYAS NYID KYI THABS SHES PA LA MKHAS PA NYID KYIS LAM LTAR BCOS PA NYE BAR STON PA'I BDUD LA BDUD NYID DU RTOGS PA ZHES BYA BA RNAM PA GNYIS DANG, 'KHOR GSUM RNAM PAR DAG PAS SPYOD PA THAMS CAD LA SANGS RGYAS DGYES PA ZHES BYA BA RNAM PA GCIG GIS GO RIMS BZHIN DU DRO BA DANG, RTZE MO DANG, BZOD PA DANG, CHOS KYI MCHOG RNAMS LA GNAS PA'I BYANG CHUB SEMS DPA' BLA NA MED PA'I BYANG CHUB LAS PHYIR MI LDOG PA YIN PAR RTAGS NYI SHU PO 'DI DAG GIS SHES PAR BYA'O NGES PAR 'BYED PA'I CHA DANG MTHUN PA'I PHYIR MI LDOG PA'I MTSAN NYID KYI 'OG TU, MTHONG BA'I LAM GYI PHYIR MI LDOG PA'I MTSAN NYID BAR SKABS KYI TSIGS SU BCAD PA GCIG GIS GSUNGS PA, MTHONG BA'I LAM LA BZOD PA DANG, ,SHES PA'I SKAD CIG BCU DRUG NI, ,BYANG CHUB SEMS DPA' MI LDOG PA'I, ,MTSAN NYID YIN PAR SHES PAR BYA, ,ZHES BYA BA GSUNGS TE, SDUG BSNGAL LA SOGS PA'I BDEN PA'I SGO NAS, CHOS DANG RJES SU SHES PA'I BZOD PA DANG, SHES PA'I SKAD CIG MA BCU DRUG NI, BYANG CHUB SEMS DPA' MTHONG BA'I LAM LA GNAS PA RNAMS KYI PHYIR MI LDOG PA'I MTSAN NYID YIN NO, ,SKAD CIG MA'I RNAM PA CI 'DRA BA ZHIG MTSAN NYID YIN ZHE NA, RNAM PA RNAMS PAR SKABS KYI TSIGS SU BCAD PA LNGAS GSUNGS PA NI, @116A *, ,GZUGS SOGS 'DU SHES LDOG PA DANG, ,SEMS BRTAN THEG PA DMAN DAG LAS, ,RNAM LOG BSAM GTAN LA SOGS PA'I, ,YAN LAG YONGS SU ZAD PA DANG, ,LUS SEMS YANG BA NYID DANG NI, ,'DOD LA SPYOD LA THABS MKHAS DANG, , RTAG TU TSANGS PAR SPYOD NYID DANG, ,'TSO BA RNAM PAR DAG NYID DANG, ,PHUNG SOGS BAR CHAD BYED RNAMS DANG, ,TSOGS DANG DBANG SOGS BCAS PA YI, ,G-YUL 'GYED SER SNA LA SOGS LA, ,SBYOR DANG RJES SU SBYOR BA YI, ,GNAS PA SO SOR BKAG PA DANG, ,CHOS NI RDUL TZAM MI DMIGS NYID, ,RANG GI SA LA NGES PA NYID, ,SA GSUM LA NI GNAS PA DANG, ,CHOS KYI DON DU SROG GTONG BA, ,DE 'DRA'I SKAD CIG BCU DRUG NI, ,BLO LDAN MTHONG BA'I LAM GNAS KYI, ,PHYIR MI LDOG PA'I RTAGS DAG YIN, ,ZHES BYA BA YIN TE, RANG GI MTSAN NYID STONG PA NYID KYIS GZUGS LA SOGS PA'I CHOS SU RTOG PA LAS LDOG PA DANG, SANGS RGYAS LA SOGS PAS BYIN GYIS BRLABS PAS BLA NA MED PA'I BYANG CHUB KYI SEMS BRTAN PA NYID DANG, THEG PA CHEN PO'I CHOS KHYAD PAR CAN BSGRUBS PAS, NYAN THOS DANG RANG SANGS RGYAS KYI THEG PA LAS SEMS RNAM PAR LOG PA DANG, CHOS RAB TU RNAM PAR 'BYED PA'I MTHUS BSAM GTAN DANG, GZUGS MED PA'I SNYOMS PAR 'JUG PA LA SOGS PAR SKYE BA'I YAN LAG YANG DAG PAR YONGS SU ZAD PA ZHES BYA BA BZHI NI SDUG BSNGAL GYI RNAM PA YIN NO, ,MI DGE BA DANG BRAL BA NYID KYIS LUS DANG SEMS YANG BA DANG, SEMS CAN GDUL BA'I THABS LA MKHAS PA'I MTHUS MNGON PAR ZHEN PA MED PAR 'DOD PA LA NYE BAR SPYOD PA DANG, YUL GYI NYES DMIGS MTHONG BAS RTAG TU TSANGS PAR SPYOD PA NYID DANG, SKYES BU DAM PA'I CHOS NYID KYIS 'TSO BA'I YO BYAD YANG DAG PAR RNAM PAR DAG PA NYID CES BYA BA BZHI NI KUN 'BYUNG BA'I RNAM PA YIN NO, ,STONG PA NYID LA GNAS PA NYID KYIS PHUNG PO DANG, SKYE MCHED DANG, KHAMS RNAMS LA SBYOR BA DANG RJES SU SBYOR BA DAG TU MI BYA'O ZHES, DE LTAR SBYOR BA DANG RJES SU SBYOR BA'I GNAS PA @116B SO SOR BKAG PA DANG, MI MTHUN PA'I PHYOGS BSAL BA NYID KYIS RTOGS PA'I BAR CHAD BYED PA'I TSOGS RNAMS LA SNGA MA BZHIN DU SBYOR BA DANG RJES SU SBYOR BA'I GNAS PA SO SOR BKAG PA DANG, RNAM PAR RTOG PA'I SKYON YONGS SU SHES PA NYID KYIS BYANG CHUB KYI TSOGS SBYIN PA LA SOGS PA LA SNGA MA BZHIN DU SBYOR BA DANG RJES SU SBYOR BA'I GTAM LA GNAS PA SO SOR BKAG PA DANG, GZUNG BA DANG 'DZIN PA DAG SPANG BAR BYA BA NYID KYIS DBANG PO DANG RTEN GRONG KHYER LA SOGS PA'I G-YUL 'GYED PA SNGA MA BZHIN DU SBYOR BA DANG RJES SU SBYOR BA'I GNAS PA RJES SU BKAG PA ZHES BYA BA BZHI NI 'GOG PA'I RNAM PA YIN NO, ,SBYIN PA LA SOGS PA'I KHYAD PAR RTOGS PAS SER SNA DANG 'CHAL BA'I TSUL KHRIMS LA SOGS PA LA SBYOR BA DANG RJES SU SBYOR BA'I GNAS PA SO SOR BKAG PA DANG, CHOS THAMS CAD RNAM PAR THAR PA'I SGO GSUM GYI NGO BO NYID YIN PAS RTOGS PA'I CHOS RDUL TZAM YANG MI DMIGS PA DANG, MNGON PAR YID CHES PA THOB PAS THAMS CAD MKHYEN PA NYID GSUM GYI BDAG NYID KYI RANG GIS GSUM LA JI LTA BA BZHIN DU NGES PA NYID KYIS GNAS PA DANG, GCIG TU GZHOL BA NYID KYIS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA ZHES BYA BA BZHI NI LAM GYI RNAM PA YIN TE, DE LTAR NA BZOD PA DANG SHES PA'I SKAD CIG MA RNAM PA BCU DRUG GIS BSDUS PA 'DI RNAMS YANG DAG PAR THOB PA NA, DAG PA 'JIG RTEN PA GZUNG BA DANG 'DZIN PAR MNGON PAR MA ZHEN PA'I RNAM PA CAN RJES KYI SEMS KYIS BSDUS PAS RANG DANG MTHUN PA'I 'BRAS BU GZUGS LA SOGS PA'I 'DU SHES BZLOG PA LA SOGS PA BSKYED PA'I PHYIR, BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I MTSAN NYID DAG YIN NO, ,RNAL 'BYOR PA RNAMS KYI THA SNYAD NI SEMS CAN GDUL BA'I DGOS PA'I DBANG MA GTOGS PAR THAMS CAD DU RTOGS PA DANG MTHUN PA KHO NA YIN NO ZHES SHES PAR BYA BA'I PHYIR NYE BAR BTAGS NAS BSHAD DE, DE LTA MA YIN NA RNAL 'BYOR PA'I RGYUD LA SO SO RANG GIS RIG PA'I SKAD CIG MA RNAMS JI LTAR GZHAN YID CHES @117A *, ,PAR BYED PA'I MTSAN NYID DAG YIN, DE'I 'OG TU BSGOM PA'I LAM LA GNAS PA'I PHYIR MI LDOG PA'I MTSAN NYID YIN PA LAS, LUGS LAS KHYAD PAR MA BZUNG BAR KHYAD PAR CAN GYI BLO MI SKYE'O ZHES 'BYUNG BA'I PHYIR RE ZHIG BSGOM PA'I LAM GYI KHYAD PAR, BSGOM PA'I LAM NI ZAB PA STE, ,ZAB MO STONG PA NYID LA SOGS, ,ZAB PA DE NI SGRO 'DOGS DANG, ,SKUR PA'I MTHA' LAS GROL BA NYID, ,CES BYA BA GSUNGS TE, STONG PA NYID LA SOGS PA LA YANG GZUGS MED LA, STONG PA NYID LA SOGS PA GZUGS LAS GZHAN PA YANG MA YIN PAS, GO RIMS BZHIN DU STONG PA NYID LA SOGS PA LA SGRO 'DOGS PA DANG SKUR PA'I MTHA' LAS GROL PA NYID GANG YIN PA DE NI ZAB MO STE, STONG PA NYID LA SOGS PA YIN LA, ZAB MO NYID DANG LDAN PA'I PHYIR BSGOM PA'I LAM ZAB PA YIN NO, ,DE LTAR KHYAD PAR BSTAN NAS KHYAD PAR GYI GZHI, NGES 'BYED YAN LAG DANG MTHONG BA'I, ,LAM DANG BSGOM PA'I LAM NYID LA, ,YANG DANG YANG DU SEMS PA DANG, ,'JAL DANG NGES RTOG BSGOM PA'I LAM, ,ZHES BYA BA GSUNGS TE, THOS PA DANG BSAMS PA DANG BSGOMS PA LAS BYUNG BA'I SHES RAB DAG GAM, TING NGE 'DZIN GYI SBYOR BA DANG DNGOS DANG RJES LAS BYUNG BA'I SHES RAB KYIS, GO RIMS BZHIN DU NGES PAR 'BYED PA'I YAN LAG LA SOGS PA GSUM LA NGES PAR MTHONG BA'I DON YANG DANG YANG DU SEMS PA DANG, 'JAL BA DANG NGES PAR RTOG PA DAG NI BSGOM PA'I LAM RGYUN CHAGS PA YIN NO, ,DE RNAM PA DU ZHIG CE NA, DE NI RGYUN CHAGS YIN PA'I PHYIR, ,CHUNG DANG 'BRING DANG CHEN PO RNAMS, ,CHUNG NGU'I CHUNG SOGS DBYE BA YIS, ,RNAM PAS RNAM PA DGUR BZHED DO, ,ZHES BYA BA GSUNGS TE, BYANG CHUB SEMS DPA' RNAMS KYI NYON MONGS PA NI RNAM PAR RTOG PA'O ZHES 'BYUNG BA'I PHYIR, MUN PA SHIN TU CHEN PO NI SNANG BA CHUNG DUS SEL LA, CHUNG NGU NI CHEN POS SEL TO ZHES BYA BA'I DPES RNAM PAR RTOG PA CHEN PO DANG 'BRING DANG CHUNG NGU RNAMS RE RE ZHING, CHEN PO DANG 'BRING DANG CHUNG NGU'I BYE BRAG GIS THA DAD PA'I PHYIR, @117B DE DAG GI GNYEN PO CHUNG NGU DANG 'BRING DANG CHEN PO RNAMS KYANG RE RE ZHING CHUNG NGU DANG 'BRING DANG CHEN PO'I BYE BRAG GIS THA DAD PA'I PHYIR DE LTAR NA DON DAM PAR STONG PA NYID KYI MTSAN NYID KYI RNAM PA'I SGO NAS RNAM PAR RTOG PA'I GNYEN PO'I DBYE BA LAS GRANGS BZHIN DU, 'DOD PA'I KHAMS LA SOGS PAS DGU DAG TU RNAM PA DGU RGYUN CHAGS SU 'BYUNG BA'I PHYIR, BSGOM PA'I LAM YIN NO, ,RGYAL BA'I YUM DE DANG DE LAS RNAM PA RE RE'I DBANG DU MDZAD DE, BSOD NAMS GRANGS MED PA DANG, GZHAL DU MED PA DANG, TSAD MED PA SKYE BAR GSUNGS PA'I PHYIR BYE BRAG RNAM PA MANG BA MA YIN NAM, JI LTAR RNAM PA DGU ZHES BYA ZHE NA, GRANGS MED LA SOGS BSTAN PA RNAMS, ,DAM PA'I DON DU BZOD MA YIN, ,KUN RDZOB TU NI THUGS BRTZE BA'I, ,RGYU MTHUN DE DAG THUB PA BZHED, ,CES BYA BA GSUNGS TE, GRANGS MED PA DANG, GZHAL DU MED PA DANG, TSAD MED PA BSTAN PA TSIG TU BRJOD PA'I NGO BO RNAMS KYIS NI, DON DAM PAR NA BSGOM PA'I LAM JI SKAD BSHAD PA'I MTSAN NYID CAN DON GCIG TU RAB TU SBYAR BA LA LDOG PA LA LTOS NAS NYE BAR BSKYED PA'I THA DAD PA NYID KYI NGO BOR DBYE BAR BYA BA BZOD PA MA YIN NO, , KUN RDZOB TU NI BSHAD PA'I CHOS KYI NGO BO NYID JI SKAD BSHAD CING BSTAN PA DE DAG BYIS PA'I SKYE BO RNAMS LA 'BRAS BU CHEN PO SKYE BA RAB TU STON PA NYID KYIS DMIGS PA MED PA'I THUGS RJE CHEN PO'I RANG BZHIN GYI CHOS KYI DBYINGS KYI RGYU MTHUN PAR GYUR PA YIN PAR DE BZHIN GSHEGS PA BZHED PAS MANG PO NYID DU THAL BAR MI 'GYUR RO, ,STONG PA NYID KYI MTSAN NYID KYIS GOMS PA PHUL DU BYUNG BA BYAR MED PA MA YIN NAM, DE'I PHYIR CUNG ZAD KYANG MI BYED PA KHO NA'O SNYAM PA'I SKYE BO BLO DMAN PA'I NGOR DOGS PA BSU BAR, DNGOS PO BRJOD DU MED PA LA, ,NYAMS PA DANG NI 'PHEL MI RUNG, ,BSGOM ZHES BYA BA'I LAM GYIS NI, ,CI ZHIG NYAMS SHING CI ZHIG 'THOB, ,CES BYA BA GSUNGS TE, CHOS NYID KYI RANG GI NGO BOR 'DOD PA'I LAM GYI DNGOS PO, NGO BO NYID MED PA NYID KYIS YANG DAG PAR NA DE NYID DANG, GZHAN NYID DANG GNYIS KA DANG GNYIS KA MA @118A *, ,YIN PA NYID DU BRJOD DU MED PA LA SGOM PA PHUL DU PHYIN PAR BYAR MED PA'I PHYIR, MI MTHUN PA'I PHYOGS DANG GNYEN PO DAG GO RIMS BZHIN DU 'BRAL BA DANG SKYE BAR MI RUNG NGO, ,DE BAS NA SGOM PA ZHES BYA BA'I LAM GYIS MI MTHUN PA'I PHYOGS KYI NGO BO NI CI ZHIG POR RNAM PAR BYANG BA NI CI ZHIG 'THOB STE, CUNG ZAD KYANG MI BYED PA NYID PAS NYE BAR DGOD PAR MI BYA BA KHO NA'O ZHE NA, DE LTA MA YIN TE, 'DI LTAR BYANG CHUB JI LTAR DE BZHIN DU, ,'DI NI 'DOD PA'I DON SGRUB BYED, ,BYANG CHUB DE BZHIN NYID MTSAN NYID, ,DE YANG DE YI MTSAN NYID BZHED, ,CES BYA BA GSUNGS TE, JI LTAR KHYAD PAR DU BYAR MED PA'I DE BZHIN NYID KYI BYANG CHUB SPROS PA MED PA'I YE SHES KYI BDAG NYID CHOS KYI SKU LA SOGS PA'I RANG BZHIN GYI SANGS RGYAS KYI BDAG PO TZAM GYIS, GDUL BYA'I SKYE BO RNAMS KYI BSOD NAMS DANG YE SHES KYI RJES SU MTHUN PAR DON KHYAD PAR CAN SNANG BA'I SEMS BSKYED PA'I SGO NAS MNGON PAR 'DOD PA'I DON BYED PA DE BZHIN DU, BSGOMS PAS GLO BUR GYI DRI MA DANG BRAL BA'I SGO NAS MNGON SUM DU BYAS PA'I LAM DE BZHIN NYID KYI MTSAN NYID 'DI YANG KUN RDZOB TU MNGON PAR 'DOD PA'I DON GYI BYA BA BYED DO, ,DON DAM PAR NI NYAMS PA DANG 'PHEL BA DGAG PA'I TSUL DU BZHED PAS DE'I TSE SBYOR BA MED PA NYID SBYOR BA YIN PA'I PHYIR NYES PA MED DO, ,DE LTA YIN NA YANG KUN RDZOB TU YANG DON BYED PAR MI RUNG NGO SNYAM PA'I DOGS PA BSU BAR, SEMS NI SNGA MAS BYANG CHUB PAR, ,RIGS MIN PHYI MAS KYANG MA YIN, ,ZHES BYA BA GSUNGS TE, SNGA PHYIR GYUR PA'I SEMS RE RE LA SANGS RGYAS KYI BYANG CHUB SGRUB PAR BYED PA'I RNAM PA THAMS CAD MKHYEN PA NYID LA SOGS PA'I DON MTHA' DAG MI SNANG BA'I PHYIR, RE RES BYANG CHUB PAR NI RIGS PA MA YIN NO, ,'DOD PA'I DON SGRUB PAR BYED PA SNANG BA'I SEMS GCIG CAR BYUNG BA MANG PO NYID KYIS KYANG MA YIN TE, SEMS CAN RNAMS NI RNAM PAR SHES PA'I RGYUD RE RE BA'O ZHES 'BYUNG BAS MI SRID PA'I PHYIR RO, ,BLA NA MED PA'I SANGS RGYAS KYI BYANG CHUB SGRUB PAR BYED PA DRAN PA NYE BAR GZHAG PA LA SOGS PA SANGS @118B RGYAS KYI CHOS MA 'DRES PA BCO BRGYAD KYI BAR RTOGS PAR 'GYUR BA'I RANG GI NGO BO RIM GYIS 'BYUNG BA SEMS BYUNG BA SNGA PHYIR GYUR PA MANG PO NYID KYIS KYANG MA YIN TE, DE BYUNG MA THAG TU RJES SU 'GRO BA MED PA NYID DU 'JIG PAS NA PHAN TSUN 'BREL PA MED PA'I PHYIR RO, ,DE BAS NA JI LTAR DON KHYAD PAR CAN SNANG BA'I SEMS BSKYED PA'I SGO NAS DON BYED CE NA, DE NI YANG DAG PA MA YIN PAS, MAR ME'I DPE YI TSUL GYIS NI, ,ZAB MO'I CHOS NYID RNAM PA BRGYAD, ,CES BYA BA GSUNGS TE, JI LTAR ME LCE DANG SNYING PO PHRAD PA'I SKAD CIG MA DANG PO LA, RANG GI RGYUS PHAN TSUN GYI SGO NAS DUS MNYAM DU PHRAD PA BSKYED PAS KHYAD PAR CAN DU MA BYAS PA'I PHYIR, SKAD CIG MA GNYIS PA MED PAR RGYU DANG 'BRAS BU'I MTSAN NYID SREG PAR BYED PA DANG, BSREG PAR BYA BA MED LA, DE BZHIN DU ME LCE DANG SNYING PO KHYAD PAR CAN SKYE BA SKAD CIG MA GNYIS PA LA YANG, RTAG TU YOD PA LA SOGS PAR THAL BAR 'GYUR BAS SKAD CIG MA DANG PO MED PAR, KUN RDZOB TU YANG 'BYUNG BA MED PA'I PHYIR, RGYU DANG 'BRAS BU'I MTSAN NYID SREG PAR BYED PA DANG, BSREG PAR BYA BA MED DO, ,GANG GI PHYIR DE LTA YIN PA DE'I PHYIR GANG GI TSE RKYEN NYID 'DI PA TZAM GYI BDAG NYID KYI RTEN CING 'BREL PAR 'BYUNG BA'I CHOS NYID KYIS MA BRTAGS GCIG PUR NYAMS DGA' BA NYID DU RGYU DANG 'BRAS BU 'BREL PA'I STOBS KYIS GNYIS KA PHRAD PA'I KHYAD PA CAN GYI SKAD CIG DANG PO LA LTOS NAS, DES BYAS PA MTHU PHUL DU PHYIN PA DANG LDAN PA'I KHYAD PAR CAN SKAD CIG MA GNYIS PA LA SOGS PA YOD NA, DE'I TSE RGYU MED PAR ZHIG KYANG RGYU DANG 'BRAS BU DAG GO RIMS BZHIN DU DUS MNYAM DU SKYE BA DANG 'JIG PAR DMIGS PAS, SREG PAR BYED PA DANG BSREG PAR BYA BA YOD DO, ,DE BAS NA SKAD CIG MA DANG POS KYANG SKAD CIG MA GNYIS PA LAM LTOS PAR SNYING PO MA BSREGS LA SKAD CIG MA GNYIS PAS KYANG ME LCE'I SKAD CIG MA DANG PO LA MA LTOS PAR SNYING PO MA BSREGS PA ZHES BYA BA MAR ME'I DPE'I TSUL SKAD CIG MA SNGA PHYIR GYUR PA GNYIS YUL GCIG LA NYE BAR SBYOR BA SHES PAR BYED PA LHUR LEN PAS, SKAD CIG MA SNGA MA BZHIN @119A *, ,DU BYANG CHUB SGRUB PAR BYED PA DNGOS PO TSAD YOD PA ZHIG SNANG BA'I RNAM PAR SHES PA SNGA MA LA BRTEN NAS, DE LA SNANG BA'I DON GYIS DBEN PA LHAG PAR KHYAD PAR DU 'PHAGS PA'I DON SNANG BA'I RNAM PAR SHES PA PHYI MA SKYE BAS BYANG CHUB 'THOB PAR RIGS SO, , JI SKAD SMOS PA'I DPE KHO NAS ZAB MO'I CHOS NYID RNAM PA BRGYAD KYANG KHONG DU CHUD PAR BYA BA YIN PAS, BSGOM PA'I LAM LA GNAS PA'I BYANG CHUB SEMS DPA' PHYIR MI LDOG PA RNAMS KYI MTSAN NYID BRJOD PA'I PHYIR, ZAB MO RNAM PA BRGYAD YUL GANG LA YIN ZHE NA, SKYE BA DANG NI 'GAG PA DANG, ,DE BZHIN NYID DANG SHES BYA DANG, ,SHES DANG SPYOD DANG GNYIS MED DANG, ,THABS MKHAS PA LA ZAB PA NYID, ,CES BYA BA GSUNGS TE, SKAD CIG SNGA MA DANG PHYI MA DAG GIS KYANG MA YIN NGO BO NYID MED PAS KYANG MA YIN LA SGOM PAS RTOGS PAR BYA BA'I DON KHYAD PAR DU 'PHAGS PA BSKYED DO ZHES BYA BA RTEN CING 'BREL PAR 'BYUNG BA DANG, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED LA KUN RDZOB TU YANG 'GAG GO ZHES BYA BA 'GAG PA DANG, GNAS SKABS THAMS CAD DU DE BZHIN NYID GOMS KYANG DE MNGON DU MI BYED CES BYA BA DE BZHIN NYID DANG, DE BZHIN NYID KYI RANG BZHIN GYI CHOS THAMS CAD LA SBYIN PA LA SOGS PA RNAM PA DU MA RJES SU SGRUB PA ZHES BYA BA SHES BYA DANG, DE BZHIN NYID KYI NGO BO NYID KYIS MTHONG BA MED PA NYID MTHONG BA YIN NO ZHES BYA BA SHES PA DANG, CHOS NYID KYIS THAMS CAD LA SPYOD PA MED PA NYID SPYOD PA'O ZHES BYA BA SPYOD PA DANG GNYIS SU MED PA'I NGO BO NYID DU THAMS CAD SGRUB PO ZHES BYA BA GNYIS SU MED PA DANG, TSOGS THAMS CAD YONGS SU RDZOGS PA LA DE'I 'BRAS BU SANGS RGYAS NYID MI THOB ZHES BYA BA THABS LA MKHAS PA STE, BSAM GYIS MI KHYAB PA'I RNAM PAR THAR PA THOB PA'I SGO NAS PHAN TSUN 'GAL BA'I DON SGRUB PAS ZAB PA NYID YIN NO, ,SLOB PA PHYIR MI LDOG PA'I TSOGS MTSAN NYID DANG BCAS PA BSHAD ZIN TO, ,SLOB PA'I TSOGS KYI CHOS THOB PA SANGS RGYAS NYID THOB PAR BYA BA'I PHYIR 'BAD PAS, SANGS RGYAS NYID 'THOB PA'I RGYU @119B MTSAN 'KHOR BA DANG MYA NGAN LAS 'DAS PA MNYAM PA NYID, CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ,LAS MED LA SOGS KLAN KA YI, ,LAN NI JI SKAD BSHAD PAR ZAD, ,CES BYA BA GSUNGS TE, 'KHOR BA DANG RNAM PAR BYANG BA MI MTHUN PA DANG GNYEN PO RNAMS SNANG BRNYAN TZAM GYI NGO BOS RMI LAM DANG 'DRA BA NYID DU RTOGS PA'I PHYIR 'KHOR BA DANG MYA NGAN LAS 'DAS PA DAG LA THA DAD PA NYID DU RNAM PAR MI RTOG PAS NA MNYAM PA NYID DO, ,RMI LAM DANG 'DRA BA NYID YIN NA MI DGE BA BCU DANG SBYIN PA LA SOGS PA MED PAS, GNYID MA LOG PA'I GNAS SKABS NA YANG GNYID LOG PA'I GNAS SKABS BZHIN DU 'GYUR BA MA YIN NAM ZHES BYA BA'I KLAN KA RNAMS KYI LAN NI, JI LTAR PHYI ROL GYI DON DU SMRA BA'I LUGS LA SKAD CIG MA NYID KYIS RGYU MED PAR 'JIG PA YIN LA, GRUB PA'I MTHA' LAS KYANG, 'JIG RTEN SNA TSOGS LAS LAS SKYES, ,ZHES 'BYUNG BA'I PHYIR, DON DAM PAR SUS KYANG SU YANG BSAD PA MED, MA BSAD PA YANG MA YIN, SUS KYANG SU'I NOR BLANGS PA YANG MED, MA BLANGS PA YANG MA YIN, ZHES BYA BA LA SOGS PA'I PHYOGS LA RGYUN 'JUG PA DANG 'GAL BA'I DNGOS PO BSKYED PA LA GSOD PA LA SOGS PAR RTOG PA'I SGO NAS, TSUL BZHIN MA YIN PA'I YID LA BYED PA LA SOGS PA DANG LDAN PA LA MI DGE BA LA SOGS PA DANG 'DRA BAR SROG GCOD PA LA SOGS PA RNAM PAR 'JOG PA DE BZHIN DU, DNGOS PO RMI LAM DANG 'DRA YANG PHYIN CI LOG GI 'CHING BA MTHA' DAG MA NYAMS PA RNAMS LA DE DANG MTHUN PA'I DON GYI DNGOS PO LA SOGS PA LA MNGON PAR ZHEN PAS ZHES BYA BA LA SOGS PA'I LAN DE DANG DE PHYOGS GZHAN NAS GSUNGS SO ZHES BYA BAR KHONG DU CHUD PAR BYA'O, ,GZHAN YANG, RMI LAM SEMS NI GNYID KYIS NYAMS, ,DES NA 'BRAS BU 'DRA MA YIN, ,ZHES BYA BAS DPE MA GRUB PO, DE BZHIN DU RMI LAM NA YANG DGE BA DANG MI DGE BA SPYAD PA NI, SAD PA'I GNAS SKABS NA KYE MA BYAS SO LEGS PAR BYAS SO ZHES RJES SU YID RANG NA, RJES KYI GNAS SKABS KYI @120A *, ,SEMS KYIS MNGON PAR ZHEN PA'I GSOS KYIS YONGS SU GSOS TE, DE'I PHYIR YANG DPE MA GRUB PAS 'KHOR BA DANG MYA NGAN LAS 'DAS PA NI MNYAM PA NYID DO, ,GNYIS KA MNYAM PA NYID DU RNAM PAR BSGOM PA NI RANG GI SANGS RGYAS KYI ZHING DU SANGS RGYAS SU 'GYUR BAS, DE'I 'OG TU SANGS RGYAS KYI ZHING YONGS SU DAG PA, SEMS CAN 'JIG RTEN DE BZHIN DU, ,SNOD KYI 'JIG RTEN MA DAG PA, ,DE LA DAG PAR BSGRUB PA YIS, ,SANGS RGYAS ZHING NI DAG PA NYID, ,CES BYA BA GSUNGS TE, SEMS CAN DANG SNOD KYI 'JIG RTEN GYI BYE BRAG GIS, SANGS RGYAS KYI ZHING RNAM PA GNYIS LA GO RIMS BZHIN DU BKRES PA DANG SKOM PA DANG, RDO BA DANG TSER MA LA SOGS PA NYID KYIS MA DAG PA GANG YIN PA DE'I GNYEN POR LHA'I NYE BAR SPYAD PA DANG, GSER GYI SA PHYOGS LA SOGS PA DAG PA BSKYED PA'I SGO NAS RNAM PAR DAG PA NI SANGS RGYAS KYI ZHING RNAM PAR DAG PA'O, ,RANG GI SANGS RGYAS KYI ZHING RNAM PAR DAG PA BSGRUBS PA NI THABS MKHAS PAS SKAL PA JI LTA BA BZHIN DU SANGS RGYAS KYI MDZAD PA BYA DGOS PAS THABS LA MKHAS PA, YUL DANG SBYOR BA CAN 'DI NI, ,DGRA RNAMS LAS NI 'DAS PA DANG, ,MI GNAS JI BZHIN SHUGS DANG NI, ,THUN MONG MA YIN MTSAN NYID DANG, ,MA CHAGS PA DANG MI DMIGS DANG, ,MTSAN MA SMON LAM ZAD PA DANG, ,DE YI RTAGS DANG TSAD MED PA, ,THABS LA MKHAS PA RNAM PA BCU, ,ZHES BYA BA GSUNGS TE, BAR CHAD KYI CHOS LAS YANG DAG PAR RGAL BAS LHA LA SOGS PA'I BDUD LAS 'DAS PA DANG, CHOS THAMS CAD MNYAM PA NYID RNAM PAR BSGOMS PAS MI GNAS PAR GNAS PA DANG, SMON LAM GRUB PAS GZHAN GYI DON SNGON GYI SHUGS KYIS 'PHAGS PA BYED PA DANG, DKA' BA SPYOD PA THAMS CAD SHIN TU GOMS PA NYID KYIS THUN MONG MA YIN PA DANG, CHOS DKAR PO RNAM PAR DAG PAS CHOS THAMS CAD LA 'DZIN PA MED PA DANG, RNAM PAR THAR PA'I SGO STONG PA NYID KYIS MI DMIGS PA DANG, RNAM PAR THAR PA'I SGO MTSAN MA MED PA NYID KYIS MTSAN MA @120B MED PA DANG, RNAM PAR THAR PA'I SGO SMON PA MED PA NYID KYIS SMON PA MED PA DANG, DRI BA SNGON DU BTANG BA CAN PHYIR MI LDOG PA'I CHOS BRJOD PAS PHYIR MI LDOG PA'I RTAGS DANG, YUL THAMS CAD SHES PA NYID KYIS TSAD MED PA STE, SHES RAB KYI PHA ROL TU PHYIN PA'I YUL RNAM PA BCU MNGON SUM DU BYA BA LA DUS DANG DUS MA YIN PA SHES PA'I SBYOR BA NI THABS LA MKHAS PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA BA LAS, SKABS BZHI BA'I 'GREL PA'O,, ,,RNAM PA THAMS CAD MNGON PAR RDZOGS PAR RTOGS PA THOB PA LA, RAB KYI MTHAR PHYIN PA'I RTOGS PA 'BYUNG BAS, GO SLA BAR BYA BA'I PHYIR RTAGS LA SOGS PA BSNYAD PA SNGON DU 'GRO BA'I RTZE MO'I MNGON PAR RTOGS PA, RMI LAM NA YANG CHOS RNAMS KUN, ,RMI LAM LTA BUR LTA LA SOGS, ,RTZE MOR PHYIN PA'I SBYOR BA'I RTAGS, ,RNAM PA BCU GNYIS DAG TU BZHED, ,CES BYA BA GSUNGS TE, SHIN TU GOMS PA'I PHYIR RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS PAR LTA BA DANG, NYAN THOS LA SOGS PA'I SA LA DGA' BA'I SEMS MI BSKYED PA DANG, DE BZHIN GSHEGS PA LA SOGS PA MTHONG BA DANG, SANGS RGYAS KYI RDZU 'PHRUL GYI RNAM PAR 'PHRUL PA DMIGS PA DANG, CHOS STON PA'I SEMS SKYE BA DANG, DMYAL BA LA SOGS PA'I SEMS CAN MTHONG BA SNGON DU 'GRO BA RANG GI SANGS RGYAS KYI ZHING DU NGAN SONG SPONG BA RJES SU DRAN PA DANG, GRONG KHYER LA SOGS PA TSIG PA RAB TU ZHI BAR BYED PA'I BDEN PA'I BYIN GYIS BRLABS GRUB PA DANG, GNOD SBYIN LA SOGS PA MI MA YIN PA MED PAR BYED PA'I BDEN PA'I TSIG GRUB PA DANG, RANG NYID MNGON PAR SHES PAS PHA ROL GNON PA'I DGE BA'I BSHES GNYEN BSTEN PA DANG, RNAM PA THAMS CAD DU SHES RAB KYI PHA ROL TU PHYIN PA LA SLOB PA DANG, CHOS THAMS CAD LA MNGON PAR ZHEN PA MED PA DANG, SANGS RGYAS KYI BYANG CHUB LA NYE BAR GYUR PA ZHES BYA BA RNAM PA BCU GNYIS NI RTZE MO'I MNGON PAR RTOGS PA THOB PA'I GNAS @121A *, ,SKABS KYI KHYAD PAR GYI RTAGS YIN NO, ,DE LTAR RTAGS KYIS MTSON PA'I RNAM PAR 'PHEL BA RNAM PA DU ZHIG YOD CE NA, RNAM PAR 'PHEL BA, 'DZAM BU GLING GI SKYE BO SNYED, ,SANGS RGYAS MCHOD PA'I DGE LA SOGS, ,RNAM MANG DU NI DPER MDZAD NAS, ,RNAM 'PHEL BCU DRUG BDAG NYID DO, ,ZHES BYA BA GSUNGS TE, 'DZAM BU'I GLING LA SOGS PA STONG GSUM GYI 'JIG RTEN GYI KHAMS KYI SEMS CAN SNYED KYIS DE BZHIN GSHEGS PA LA MCHOD PA BAS LHAG PA DANG, KHYAD PAR DU SHES RAB KYI PHA ROL TU PHYIN PA YID LA BYED PA DANG, MI SKYE BA'I CHOS LA BZOD PA THOB PA DANG, BYANG CHUB PAR BYA BA DANG BYANG CHUB PAR BYED PA'I CHOS RNAMS MI DMIGS PA DANG, DGE BA BCU LA SOGS PA DANG, GZUGS MED PA'I SNYOMS PAR 'JUG PA THOB PA LAS KHYAD PAR DU 'PHAGS PA DANG, LHA'I RIS THAMS CAD NYE BAR 'ONG BA DANG, BDUD THAMS CAD ZIL GYIS GNON PA DANG, STON PA DANG 'DRA BAR SKYE BO LA MTSUNGS PAR GNAS PA ZHES BYA BA BSOD NAMS RNAM PA BRGYAD DANG, YANG RNAM PA THAMS CAD DU THABS LA MKHAS PAS BSLAB PA YONGS SU DAG PA DANG, SANGS RGYAS KYI RIGS CAN DU 'GYUR BA DANG, 'BRAS BU SANGS RGYAS NYID 'THOB PA'I RGYU MTSAN DANG, PHA ROL TU PHYIN PA'I MI MTHUN PA'I PHYOGS KYI SEMS MI SKYE BA DANG, GZUGS LA SOGS PA DANG LDAN PAR RTOGS PA'I SEMS RAB TU MI SKYE BA DANG, PHA ROL TU PHYIN PA KUN BSDUS PA SHES PA DANG; PHUN SUM TSOGS PA THAMS CAD 'THOB PA DANG, YANG DAG PAR RDZOGS PA'I BYANG CHUB LA NYE BAR GYUR PA ZHES BYA BA BSOD NAMS GZHAN RNAM PA BRGYAD DANG, ME TOG LA SOGS PAS SANGS RGYAS MCHOD PA'I DGE BA LA SOGS PA RNAM PA MANG PO DPER MDZAD NAS GONG NAS GONG DU KHYAD PAR DU 'PHAGS PA NYID KYIS GNAS SKABS BCU DRUG GI NGO BO NYID NI RNAM PAR 'PHEL BA YIN NO, ,DE LTAR RNAM PAR 'PHEL BAS RNAM PAR SPEL BA'I RANG DBANG DU GYUR PA MTHAR PHYIN PA'I MTSAN NYID RNAMS NI NGES PAR BRTAN PA YIN PAS NGES PAR BRTAN PA, ,KUN MKHYEN NYID @121B GSUM CHOS RNAMS KYI, ,YONGS SU RDZOGS PA BLA MED PA, ,SEMS CAN DON YONGS MI GTONG BA, ,BRTAN PA ZHES NI MNGON PAR BRJOD, ,CES BYA BA GSUNGS TE, DE LTAR YANG DAG PA'I THABS LA MKHAS PA'I STOBS KYIS RNAM PAR MI RTOG PA RTOGS PA'I GNAS SKABS NA, SNYING RJE CHEN PO MNGON DU BYED PA'I NGO BOS SEMS CAN GYI DON YONGS SU MI GTONG PA'I MTSAN NYID, ,RNAM PA THAMS CAD MKHYEN PA NYID LA SOGS PA JI SKAD BSHAD PA'I THAMS CAD MKHYEN PA NYID GSUM GYIS CHOS SEMS BSKYED PA LA SOGS PA GONG DU SMOS PA RNAMS YONGS SU RDZOGS PA BLA NA MED PA NI NGES PAR BRTAN PA YIN NO, ,DE LTAR NGES PAR BRTAN PAR BYED PAS NGES PAR BRTAN PAR 'GYUR BA'I MTSAN NYID NI SEMS KUN DU GNAS PA YIN PAS SEMS KUN DU GNAS PA, ,GLING BZHI PA DANG STONG DAG DANG, ,STONG GNYIS GSUM DAG DPER MDZAD NAS, ,BSOD NAMS MANG PO NYID KYIS NI, ,TING 'DZIN YONGS SU BSGRAGS PA YIN, ,ZHES BYA BA GSUNGS TE, TSAD SRID PA NI SRANG TSAD KYIS GZHAL BAR NUS SO ZHES BYA BA'I TSUL GYIS GLING BZHI PA LA SOGS PA STONG GSUM PA'I 'JIG RTEN GYI KHAMS RNAMS KYIS PHA ROL TU PHYIN PA LA SOGS PA THAMS CAD KYI NGO BO NYID TING NGE 'DZIN GYI BSOD NAMS DANG YE SHES KYI SO SOR DPER MDZAD NAS DE DAG LAS KHYAD PAR DU 'PHAGS SHING TSAD LAS 'DAS PA'I BSOD NAMS MANG PO NYID KYIS TING NGE 'DZIN GYI MTSAN NYID BRJOD PA NI SEMS KUN DU GNAS PA YIN NO, ,RTAGS LA SOGS PA DE DAG NI GO RIMS BZHIN DU DRO BA LA SOGS PA NGES PAR 'BYED PA'I CHA DANG MTHUN PA BZHI'I NGO BO YIN PAR KHONG DU CHUD PAR BYA'O, ,NGES PAR 'BYED PA'I CHA DANG MTHUN PA'I 'OG TU MTHONG BA'I LAM YIN TE, DE LA MI MTHUN PA'I PHYOGS GNYEN PO DANG BCAS PA RNAM PA BZHI YOD PAS RE ZHIG MI MTHUN PA'I PHYOGS GZUNG BAR RNAM PAR RTOG PA GNYIS PO, ,'JUG PA DANG NI LDOG PA LA, ,GZUNG BA'I RNAM RTOG SO SOR TE, ,DGU YI BDAG NYID JI BZHIN YUL, ,MIN PA'I BDAG NYID DAG SHES BYA, ,ZHES BYA BA GSUNGS TE, 'JUG PA DANG LDOG PA MI DMIGS PA DANG, @122A *, ,DMIGS PA'I NGO BO NYID DAG LA GO RIMS BZHIN DU BYANG CHUB SEMS DPA' DANG NYAN THOS LA SOGS PA'I CHOS LEN PA DANG 'DOR BA'I SGO NAS GZUNG BA'O ZHES BZUNG BAR RNAM PAR RTOG PA NYON MONGS PA DANG 'DRA BA MI MTHUN PA'I PHYOGS SU GYUR PA YUL GYI DBYE BAS SO SOR RNAM PA DGU YOD PA NI DNGOS PO DANG MA 'BREL BAR 'JUG PA NYID KYIS PHYIN CI LAG TU SNANG BA'I PHYIR YUL JI LTA BA BZHI MA YIN PA'I RANG GI NGO BO DAG TU SHES PAR BYA'O, ,DE LTAR GZUNG BAR RNAM PAR RTOG PA'I PHYOGS GNYIS BSTAN NAS 'DZIN PAR RNAM PAR RTOG PA GNYIS PO, SO SO'I SKYE BO 'PHAGS DBYE BAS, ,SEMS CAN RDZAS DANG BTAGS YOD PAR, ,RNAM RTOG 'DZIN PA DAG TU 'DOD, ,DE DAG SO SOR DGU BDAG NYID, ,GAL TE GZUNG DON DE BZHIN ME, ,DE DAG GANG GI 'DZIN PAR 'DOD, ,DE LTAR DE DAG 'DZIN PA YI, ,NGO BOS STONG PA'I MTSAN NYID DO, ,ZHES BYA BA GSUNGS TE, SO SO'I SKYE BO DANG 'PHAGS PA'I GANG ZAG DAG GI GO RIMS BZHIN DU SKYES BU RDZAS DANG GTAGS PAR YOD PA'I RTEN CAN GYI 'DZIN PA DAG YOD PAS 'DZIN PAR RNAM PAR RTOG PA GAGS BYED PA YIN PA'I PHYIR MI MTHUN PA'I PHYOGS SU GYUR BA YUL GYI DBYE BAS SO SOR RNAM PA DGU YOD PA NI, ,GANG GI TSE DE DAG GI YUL GYI DNGOS POR GYUR PA GZUNG BA'I DON DAG DE BZHIN DU GZUNG BA'I NGO BOR YOD PA MA YIN ZHES BYA BA DE'I TSE GANG GI YANG 'DZIN PA MA YIN TE, DE'I PHYIR DE DAG NI 'DZIN PA'I NGO BOS DBEN PA'I NGO BO YIN PAS PHYIN CI LOG TU SNANG BA'I PHYIR, ,YUL JI LTA BA BZHIN MA YIN PA'I RANG GI NGO BO DAG TU SHES PAR BYA'O, ,GZUNG BA'I RNAM PAR RTOG PA DANG PO 'JUG PA'I RTEN CAN JI LTAR RNAM PA DGU YIN ZHE NA, NGO BO NYID DANG RIGS DANG NI, ,LAM NI YANG DAG 'GRUB PA DANG, SHES PA'I DMIGS PA MA 'KHRUL DANG, MI MTHUN PHYOGS DANG GNYEN PO DANG, ,RANG GIS RTOGS DANG BYED PA DANG, DE YI LAS BYA'I 'BRAS BU LA, 'JUG PA'I PHYOGS KYI RTEN CAN GYI, ,RNAM RTOG DE NI RNAM DGUR 'DOD, ,CES BYA BA GSUNGS TE, DBEN PAS DBEN PA MA RTOGS PA'I @122B NGO BO NYID DANG, SA MI G-YO BA LA SOGS PA LA 'JUG PAS SANGS RGYAS KYI RIGS SU NGES PA DAG SGYU MA LTA BUR RTOGS PAS MTHONG BA LA SOGS PA'I LAM YANG DAG PAR 'GRUB PA DANG, SNANG BRNYAN TZAM DU ZAD PAS SHES PA'I DMIGS PA MA 'KHRUL BA DANG, YON TAN DANG SKYON MTHONG BA SNGON DU 'GRO BA'I BLANG BAR BYA BA DANG, DOR BAR BYA BA NYID KYIS GNYEN PO DANG MI MTHUN PA'I PHYOGS DANG DRI MA THAMS CAD DU DANG BRAL BA NYID KYIS RANG GIS RTOGS PA DANG, DMAN ZHING KYA NOM PA MA YIN PA NYID KYIS NYAN THOS LA SOGS PA'I SA THAG SRING BAR BYED PA DANG, BSAM PA JI LTA BA DANG MTHUN PAR SPRUL PAS SEMS CAN GYI DON GYI LAS DANG, YANG DAG PA'I THABS LA MKHAS PA'I STOBS KYIS SKYE BO THAMS CAD MYA NGAN LAS 'DAS PA LA DGOD PAR BYA BA'I 'BRAS BU LA SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES BYA BA GZUNG BA'I RNAM PAR RTOG PA DANG PO 'JUG PA'I PHYOGS KYI RTEN CAN RNAM PA DGU PO MTHONG BA'I LAM GYI SBYOR BA'I GNAS SKABS KYIS SPANGS BAR BYA BAR BZHED PA YIN NO, ,GZUNG BA'I RNAM PAR RTOG PA GNYIS PA LDOG PA'I RTEN CAN JI LTAR RNAM PA DGU YIN ZHE NA, SRID DANG ZHI BAR LTUNG BA'I PHYIR, , RTOGS PA DMAN PA NYID DANG NI, ,YONGS SU 'DZIN PA MED PA DANG, LAM GYI RNAM PA MTSAN DANG, GZHAN GYI RKYEN GYIS 'GRO BA DANG, ,CHED DU BYA BA LOG PA DANG, ,NYI TSE BA DANG SNA TSOGS NYID, ,GNAS DANG 'UG LA RMONGS PA DANG, ,RJES LA 'GRO ZHES BYA BA LA, , RNAM RTOG DGU YI BDAG NYID 'DI, ,LDOG PA'I PHYOGS KYI RTEN CAN TE, ,NYAN THOS LA SOGS YID LAS 'BYUNG, ,ZHES BYA BA GSUNGS TE, 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS RTOGS PA DMAN PA NYID DANG, DGE BA'I BSHES GNYEN THABS LA MKHAS PA DANG BRAL BA NYID KYIS YONGS SU 'DZIN PA MED PA DANG, SHES BYA'I SGRIB PA MTHA' DAG GI GNYEN PO MA YIN PA NYID KYIS SGRUB PA'I LAM MA TSANG BA DANG, DE BZHIN GSHEGS PA LA SOGS PA'I GDAMS NGAG LA LTOS PA DANG BCAS PA NYID KYIS GZHAN @123A *, ,GYI RKYEN GYIS 'GRO BA NYID DANG SEMS CAN THAMS CAD KYI MCHOG NYID KYI SEMS CHEN PO NYID LA SOGS PA LA MI 'JUG PA NYID KYIS CHED DU BYA BA LOG PA DANG, NYON MONGS PA'I SGRIB PA'I GNYEN PO NYID KYIS NYI TSE BA'I LAM GYI BYED PA DANG, DMIGS PA DANG BCAS PA NYID KYIS 'BRAS BU DANG PO LA SOGS PA RTOGS PA THA DAD PA NYID DANG, MA RIG PA'I BAG LA NYAL BA THAMS CAD MA SPANGS PA NYID KYIS GNAS PA DANG 'GRO BA MI SHES PA DANG, THEG PA CHEN PO THAMS CAD SDUD PAR BYED PA NYID KYIS RNAM PA THAMS CAD MKHYEN PA NYID MYA NGAN LAS 'DAS PA THAMS CAD KYI MJUG TU 'GRO BA LA NYES PA DANG BCAS PA NYID KYIS GZUNG BAR BYA BA MA YIN PA NYID DU LDOG PAR BYA'O ZHES GZUNG BAR RNAM PAR RTOG PA GNYIS PA LDOG PA'I PHYOGS KYI RTEN CAN NYAN THOS DANG RANG SANGS RGYAS KYI RGYUD LA BLANG BAR BYA BA NYID DU 'BYUNG BA RNAM PA DGU PO BYANG CHUB SEMS DPA' RNAMS KYI MTHONG BA'I LAM GYI SEMS DANG, ,SEMS LAS BYUNG BA 'JUG PA'I GNAS SKABS KYIS SPANGS BAR BYA BAR BZHED PA YIN NO, ,SO SO SKYE BO'I 'DZIN PA'I RNAM PAR RTOG PA DANG PO SKYES SU RDZAS SU YOD PA'I RTAN CAN JI LTAR RNAM PA DGU YIN ZHE NA, 'DZIN PA DANG NI 'DOR BA DANG, YID LA BYED DANG KHAMS RNAMS NI, ,GSUM PO DAG DANG NYER 'BREL DANG, ,GNAS DANG MNGON PAR ZHEN PA DANG, CHOS KYI DNGOS PO BTAGS PA DANG, CHAGS PA DANG NI GNYEN PO DANG, ,JI LTAR 'DOD BZHIN 'GRO NYAMS LA, ,'DZIN PA DANG POR SHES PAR BYA, ,ZHES BYA BA GSUNGS TE, KUN RDZOB TU SGYU MA BZHIN DU 'DZIN PA DANG GTONG BA DANG, YANG DAG PA NYID DU YID LA MI BYED PAR YID LA BYED PA DANG, ,CHOS NYID KYI KHAMS GSUM CAR DANG NYE BAR 'BREL PA DANG, STONG PA NYID DU MI GNAS PAS GNAS PA DANG, DNGOS PO LA MNGON PAR MA ZHEN PAS THAMS CAD LA MNGON PAR ZHEN PA DANG, RDZAS SU YOD PA MED PAS CHOS THAMS CAD BTAGS PA DANG, ,DE KHO NA NYID SHES PA'I MA CHAGS PAS MNGON PAR MA ZHEN PA SNGON DU 'GRO BA'I CHAGS @123B PA DANG, MNYAM PA NYID SGOM PA'I GNYEN PO NYID KYIS GNYEN PO DANG, SHES RAB KYI PHA ROL TU PHYIN PA YANG DAG PAR MA SHES PA NYID KYIS, ,JI LTAR 'DOD PA BZHIN DU 'GRO BA THOGS PA LA DON DAM PA'I DNGOS POR MNGON PAR ZHEN PAS 'DZIN PAR RNAM PAR RTOG PA DANG PO RNAM PA DGU MTHONG PA'I LAM GYI SBYOR BA'I GNAS SKABS KYIS SPANGS BAR BYA BAR BZHED PA YIN NO, ,'DZIN PAR RNAM PAR RTOG PA GNYIS PA SKYES BU BTAGS PAR YOD PA'I RTEN CAN JI LTAR RNAM PA DGU YIN ZHE NA, CHED BZHIN NGES PAR MI 'BYUNG BA DANG, ,LAM LA LAM MIN NGES 'DZIN DANG, ,'GAG DANG BCAS PA'I SKYE BA DANG, DNGO SPO LDAN DANG MI LDAN DANG, GNAS DANG RIGS NI 'JIG PA DANG, DON DU GNYER DANG RGYU MED DANG, ,PHYIR RGOL BA NI DMIGS PA LA, ,'DZIN PA'I RNAM RTOG GZHAN YIN NO, ,ZHES BYA BA GSUNGS TE, NYAN THOS LA SOGS PA'I NGES PAR 'BYUNG BA NYID KYIS CHED DU BYA BA JI LTA BA BZHIN DU NGES PAR MI 'BYUNG BA DANG, ,RANG GI MNGON PAR 'DOD PA'I LAM MED PAS LAM GZHAN LA LAM MA YIN PAR NGES PAR 'DZIN PA DANG, RGYU DANG 'BRAS BU KUN RDZOB KYI NGO BOS SKYE BA DANG, 'GAG PA DANG, BAR CHAD MED PA DANG CIG SHOS SU SNANG BA NYID KYIS DNGOS PO MTHA' DAG LDAN PA DANG MI LDAN PA DANG, NAM MKHA' LA GNAS PA'I BYA DANG DRA BA NYID KYIS GZUGS LA SOGS PA LA GNAS PA DANG, BYANG CHUB KYI SEMS BSKYED PA LA SOGS PA'I SGO NAS NYAN THOS LA SOGS PA'I RIGS 'JIG PA DANG, DE BZHIN NYID LAS KHYAD PAR DU 'PHAGS PA'I CHOS MED PAS 'DOD PA MED PA DANG, DON DAM PA'I BDEN PA LA BRTEN NAS RGYU MED PA DANG SER SNA SHIN TU GOMS PAR BYAS PA'I CHOS NYID KYIS BDUD LA SOGS PA PHYIR RGOL BA'I DNGOS PO DMIGS PA LA BTAGS PA'I DNGOS POR MNGON PAR ZHEN PA NYID KYIS 'DZIN PA'I RNAM PAR RTOG PA GNYIS PA RNAM PA DGU MTHONG BA'I LAM GYI SEMS DANG SEMS LAS BYUNG BA 'JUG PA'I GNAS SKABS KYIS SPANGS BAR BYA BAR BZHED PA YIN NO, ,DE LTAR NA BAR SKABS KYI TSIGS SU BCAD PA DGUS RNAM PA BZHI NYID LAS SO SOR MTHONG BA'I LAM GYI MI MTHUN PA'I PHYOGS @124A *, ,RNAM PA DGU YIN LA, DE DAG SPANG BA NYID DU GNYEN PO RNAM PA BZHI YANG DE BZHIN DU DBYE BAS THA DAD DO ZHES BYA BAR KHONG DU CHUD PAR BYA'O, ,DE LTAR MTHONG BA'I LAM LA MI MTHUN PA'I PHYOGS GNYEN PO DANG BCAS PA BSTAN NAS, BYANG CHUB CHEN PO 'GRUB PAR BYED PA'I MTHONG BA'I LAM RGYU GANG DANG BCAS PAR BZHED PA'I RGYU GANG YIN PA DE BAR SKABS KYI TSIGS SU BCAD PA, ,BYANG CHUB LA GZHAN STON PA DANG, DE YI RGYU NI YONGS GTONG DANG, ,DE THOB PAR CHAD MED PA'I RGYU, ,BSOD NAMS SA MANG PO'I MTSAN NYID DO, ,ZHES BYA BA GSUNGS TE; 'CHAD PAR 'GYUR BA'I MTSAN NYID CAN GYI BYANG CHUB LA GZHAN DAG MTHONG BA'I LAM LA SOGS PA STON PAS RAB TU 'GOD PA NI GZIG YIN NO, ,BYANG CHUB KYI RGYU MTSAN KHO NAR DE DAG LA YANG DAG PA'I TSIG DANG DON LA SOGS PA'I SGO NAS SHES RAB KYI PHA ROL TU PHYIN PA YANG DAG PAR SO SOR GTONG BA NI GNYIS PA YIN NO, ,BYANG CHUB THOB PAR BYED PA'I BAR CHAD MED PA'I RGYU SHES RAB KYI PHA ROL TU PHYIN PA RANG GIS SGOM PA LA SOGS PA'I BSOD NAMS CHES MANG BA'I MTSAN NYID NI GSUM PA YIN NO, ,GANG GI DON DU MTHONG BA'I LAM RGYU DE LTA BU DANG BCAS PAR BZHED PA'I BYANG CHUB CHEN PO DE GANG YIN ZHE NA, BAR SKABS KYI TSIGS SU BCAD PA SBYANG CHUB CHEN PO, ,DRI MA ZAD DANG MI SKYE BA'I, ,YE SHES BYANG CHUB CES BRJOD DE, ,ZAD MED SKYE MED PHYIR DE DAG ,GO RIMS BZHIN DU SHES PAR BYA, ,ZHES BYA BA GSUNGS TE, NYON MONGS PA DANG SHES BYA'I SGRIB PA'I DRI MA SKYES PA DANG MA SKYES PA NYID DU BRTAGS PA RNAMS NI, ,CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES 'BYUNG BAS, ,CHOS KYI DBYINGS KYI NGO BO NYID RNAMS NAM MKHA' BZHIN DU 'GAG PA DANG SKYE BA MED PA'I PHYIR RAM, ,GCIG DANG DU MA'I NGO BO NYID DANG RGYUD DANG 'BRAS BU'I MTSAN MA LA SOGS PAS 'THAD PA'I DNGOS PO MED PAS NAM MKHA'I PADMA BZHIN DU 'GAG PA DANG SKYE BA MED PA'I PHYIR GO RIMS BZHIN DU DRI MA RNAMS ZAD PA DANG MI SKYE BA'I SHES PA CHOS THAMS CAD PHYIN CI MA @124B LOG PAR RTOGS PA'I MTSAN NYID CHOS KYI SKU LA SOGS PA JI LTA BA BZHIN GYI BDAG NYID NI BYANG CHUB CHEN PO YIN PAR BRJOD DO, ,GANG GI PHYIR DE LTA YIN PA'I PHYIR, ,GANG DAG DNGOS PO 'JIG PA'I BSAM PAS ZAD PA LA ZAD DO SNYAM PA'I SHES PA DANG, DNGOS PO MI SKYE BA'I BSAM PAS MI SKYE BA LA MI SKYE'O SNYAM PA'I SHES PA NI ZAD PA DANG MI SKYE BA'I SHES PA YIN PAR BRJOD CING, ,BYANG CHUB KYANG ZAD PA DANG MI SKYE BA ZHES PA YIN PAR BRJOD PA DE DAG LA ZAD PA DANG MI SKYE BA MED PA KHO NAS SHES PA DE RUNG BA MA YIN NO ZHES BAR SKABS KYI TSIGS SU BCAD PAS GSUNGS PA, 'GOG PA MED PA'I RANG BZHIN LA, ,MTHONG ZHES BYA BA'I LAM GYIS NI, ,RNAM PAR RTOG RIGS CI ZHIG ZAD, ,SKYE MED RNAM PA ZHI ZHIG 'THOB, ,CES BYA BA YIN TE, SKYES PA DANG MA SKYES PA DAG GO RIMS BZHIN DU ZAD PA DANG SKYE BA'I GEGS BYED PA'I MTSAN NYID KYI 'GOG PA DANG BRAL BA DON DAM PAR DE BZHIN NYID KYI NGO BO'I RANG BZHIN YIN NA DNGOS PO LA LOG PAR MNGON PAR ZHEN PA KHYED KYIS MTHONG BA'I LAM GYI STOBS KYIS RNAM PAR RTOG PA LA SOGS PA'I NGO BO SKYES PA NI CI ZHING ZAD, ,MI SKYE BA'I CHOS CAN MA SKYES PA NI CI ZHIG SKYES TE, CUNG ZAD KYANG MED PA KHO NA YIN PAS DE'I PHYIR KHO BO CAG GI GZHUNG LUGS KHO NA KHAMS BLANGS BAR BYA'O SNYAM DU DGONGS PA YIN NO, ,DE LTA MA YIN TE, CHOS YANG DAG PAR YOD PAR KHAS LEN NA BCOM LDAN 'DAS KYIS NYON MONGS PA DANG SHES BYA'I SGRIB PA'I RNAM PAR RTOG PA RNAM PA THAMS CAD DU SPANGS PA NGO MTSAR CHE BA'I GNAS YIN NO ZHES PAR SKABS KYI TSIGS SU BCAD PAS GSUNGS PA, ,GZHAN GYI CHOS RNAMS KYANG YOD LA, ,SHES BYA BA LA YANG STON PA YI, ,SGRIB PA CAD PAR BRJOD PA GANG, ,DE LA KHO BOS MTSAR DU BRTZIS, ,ZHES BYA BA YIN TE; DE LA SKYE BA DANG 'JIG PAS STONG PA'I PHYIR BDAG MED DO SNYAM SU BSGOMS PAS BDAG TU MNGON PAR ZHEN PA YONGS SU BOR NAS DES DBEN PA'I PHUNG PO LA SOGS PA RTEN CING 'BREL PAR 'BYUNG BA SKYE BA DANG 'JIG PA'I CHOS CAN LA YANG DAG PAR DMIGS TE, SNGON PO DANG DE'I BLO @125A *, ,DAG LHAG CIG DMIGS PA NGES PA'I PHYIR 'DI NI SEMS TZAM KHO NA YIN GYI, ,PHYI ROL GYI DON NI MED DO ZHES BYA BA YID LA BYED CING 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS PHYI ROL GYI DON DU MNGON PAR ZHEN PA SPANGS TE, GZUNG BA MED NA 'DZIN PA MED DO SNYAM DU NGES PAR SEMS PAS 'DZIN PA'I RNAM PA'I TSAN NYID RNAM PAR RIG PA TZAM DE YANG BSAL TE, GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS, ,DE YANG RTEN CING 'BREL BAR 'BYUNG BA YIN PA'I PHYIR SGYU MA BZHIN DU NGO BO NYID MED PA STE, YANG DAG PAR NA GCIG TU DNGOS PO DANG DNGOS PO MED PA LA SOGS PAR BRTAG PA'I NGO BO DANG BRAL BA YIN NO SNYAM DU BSGOMS PAS BSGOM PA'I STOBS GRUB PA NA KHA CIG MA NOR BU DANG DNGUL LA SOGS PA'I SHES PA BZHIN DU 'KHRUL BA'I MTSAN MA MTHA' DAG SPANGS PA SGYU MA LTA BU'I BDAG NYID DU SNANG BA'I BLO RNAM PAR MI RTOG PA SO SO RANG GIS RIG PAR BYA BA CI ZHIG LTAR YANG DAG PAR SKYES NA, RNAL 'BYOR PAS SHES BYA'I SGRIB PA YANG DAG PAR SPONG NGO, ,DE LTA MA YIN TE, DUS THAMS CAD DU NAM MKHA' RDZAS MED PA TZAM GYI NGO BO 'DZIN PA BZHIN DU BSKYED DU MED PA DANG SPANG DU MED PA'I RANG GI NGO BO 'DZIN PA'I PHYIR SKAD CIG MA'I CHOS SHES PA TZAM GYI NGO BO DANG, SHES BYA'I MTSAN NYID RNAMS GAL TE DON DAM PAR YOD PA NYID DU GYUR NA DE'I TSE GNYEN PO BSGOMS PAS NAM MKHA' BZHIN DU DE DAG LA CUNG ZAD KYANG MI BYED DO, ,DE'I PHYIR GZHAN DAG GIS DNGOS POR MNGON PAR ZHEN PA'I PHYIR CI LOG MI LDOG PAS BCOM LDAN 'DAS KYIS SHES BYA'I SGRIB PA RNAM PA THAMS CAD DU SPANGS PA GANG YIN PA DANG, CHOS RNAMS KYANG YOD PAR KHAS LEN PA GANG YIN PA DE NI PHAN TSUN 'GAL BA'I DON KHAS LEN PAS KHO BOS NGO MTHAR DU BRTZIS SO ZHES BYAS BA YIN NO, ,DE LTAR YOD PA'I PHYOGS BSAL NAS NGO BO NYID MED PA'I PHYOGS BRTAN POR MDZAD PAS THAR PA 'DOD PA RNAMS KYIS 'DI KHO NA KHAS BLANGS BAR BYA'O ZHES BAR SKABS KYI TSIGS SU BCAD PAS @125B GNAS PA'I PHYOGS, ,'DI LA BSAL BYA CI YANG MED, ,BZHAG PAR BYA BA CUNG ZAD MED, ,YANG DAG NYID LA YANG DAG LTA, YANG DAG MTHONG NAS RNAM PAR GROL, ,ZHES BYA BA GSUNGS TE, GANG GI PHYIR DNGOS POR MNGON PAR ZHEN PA LAS GROL BAR MI 'THAD PA DE'I PHYIR CHOS GANG LA YANG SKUR BA 'DEBS PA DANG, SGRO 'DOGS PA'I NGO BOS BSAL BA DANG BZHAG PA MA BYAS PAR GZUGS LA SOGS PA RTEN CING 'BREL PAR 'BYUNG BA KUN RDZOB TU YANG DAG PAR YOD PA'I NGO BO 'DI NYID LA RANG BZHIN MED PA LA SOGS PA'I NGO BOR BRTAG PAR BYA STE, DE LTAR NA SGYU MA'I GLANG POS SGYU MA'I GLANG PO GZHAN ZHIG PHAM PAR BYAS PA BZHIN DU PHYIN CI LOG LDOG PAS DE KHO NA NYID MTHONG NA RNAM PAR GROL BAR 'GYUR RO, ,DE LTAR ZHAL LA 'ONGS PA BRJOD NAS RNAL MA MTHONG BA'I LAM NYID, ,SBYIN PA LA SOGS RE RER NI, ,DE DAG PHAN TSUN BSDUS PA GANG, ,SKAD CIG GCIG PA'I BZOD PA YIS, ,BSDUS PA DE 'DIR MTHONG BA'I LAM, ,ZHES BYA BA GSUNGS TE, SBYIN PA LA SOGS PA PHA ROL TU PHYIN PA DRUG PO DAG SO SOR SBYIN PA LA SOGS PA'I NGO BO RE RER SNGA MA BZHIN DU PHAN TSUN BSDUS PA GANG YIN PA SKAD CIG MA GCIG SDUG BSNGAL LA CHOS SHES PA BZOD PAS BSDUS PA 'KHOR GSUM RNAM PAR DAG PAS RAB TU PHYE BA RNAMS PA SUM CU RTZA DRUG CAN SKYES PA GANG YIN PA DE NI, ,RTZE MO'I MNGON PAR RTOGS PA'I 'DRIR MTHONG BA'I LAM YIN NO, ,DE SKYES PA NA 'DOD PA DANG GZUGS DANG GZUGS MED PA'I KHAMS KYI DBYE BAS RNAM PAR RTOG PA BZHI PO SO SOR RNAM PA DGU NYID KYIS GZUNG BA DANG 'DZIN PA'I RNAM PAR RTOG PA BRGYA RTZA BRGYAD SPANGS PAS, ,DE DAG GIS BSDUS PA'I RNAM PAR RTOG PA SKYED PAR BYED PA'I BAG CHAGS KYI NYON MONGS PA BRGYA RTZA BRGYAD SPANGS PA RTEN CING 'BREL PAR 'BYUNG BA'I CHOS NYID KYIS 'THOB BO, ,DE LA DBANG DU BYA BA'I PHYIR DE NYID YANG DANG YANG DU SGOM PAR BYED DO ZHES BAR SKABS KYI TSIGS SU BCAD PAS GSUNGS PA, ,DE NAS SENG GE RNAM BSGYINGS PA'I, ,TING NGE 'DZIN LA SNYOMS ZHUGS NAS, ,RTEN CING 'BREL 'BYUNG LUGS @126A *, ,MTHUN DANG, ,LUGS MI MTHUN LA RTOG PAR BYED, ,CES BYA BA YIN TE, MTHONG BA'I LAM 'THOB PA'I RNAL 'BYOR PA DE NYON MONGS PA DANG SHES BYA'I SGRIB PA'I 'JIGS PA MED PA'I PHYIR TING NGE 'DZIN SENG GA RNAM PAR BSKYINGS [?] PA LA SNYOMS PAR ZHUGS NAS, DUS PHYIS RTEN CING 'BREL PAR 'BYUNG BA LA MA RIG PA'I RKYEN GYIS 'DU BYED RNAMS SO, ,ZHES BYA BA LA SOGS PA LUGS DANG MTHUN PA DANG, SKYE BA 'GAGS PAS RGA SHI 'GAG GO ZHES BYA BA LA SOGS PA LUGS DANG MI MTHUN PAR YANG DAG PAR RTOG GO, ,DE LTAR MTHONG PA'I LAM BRJOD NAS MI MTHUN PA'I PHYOGS SPONG BA LA SOGS PA NI RTEN GRUB PA SNGON DU 'GRO BA YIN NA GO SLA BAS RTEN BSGOM PA'I LAM, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,'DOD PAR GTOGS PA'I RNAM PAR SHES, , MNYAM BZHAG MIN PA'I MTSAMS BZUNG STE, ,THOD RGAL DU NI SNYOMS 'JUG PA, ,GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD BRGYAL NAS, ,'GOG PA'I BAR DU MI 'DRAR 'GRO, ,ZHES BYA BA GSUNGS TE, BYANG CHUB SEMS DPA' RNAMS NI BSAM GTAN DANG PO NAS BZUNG STE 'GOG PA'I BAR DU SONG NAS, DE'I 'OG TU 'GOG PA NAS BZUNG STE, BSAM GTAN DANG PO'I BAR DU 'ONGS TE, DE LTAR LUGS DANG MTHUN PA DANG LUGS DANG MI MTHUN PA RNAM PA GNYIS KYIS, BSAM GTAN BZHI DANG GZUGS MED PA BZHI DANG 'GOG PA'I MTSAN NYID KYI SNYOMS PAR 'JUG PA DGU LA SONG ZHING 'ONGS NAS YANG BSAM GTAN DANG PO LA SNYOMS PAR ZHUGS TE, DE LAS LANGS NAS 'GOG PA LA'O, ,DE BZHIN DU 'DU SHES MED 'DU SHES MED MIN SKYE MCHED KYI BAR LAS 'GOG PA LA SNYOMS PAR ZHUGS TE, DE LAS LANGS NAS DE MA THAG PA'I SNYOMS PAR 'JUG PA LA DMIGS TE, 'DOD PA NA SPYOD PA'I RNAM PAR SHES PA MTSAMS KYI NGO BOR BZHAG NAS THABS MKHAS PA'I STOBS KYIS LANGS TE, RNAM PAR SHES PA MNYAM PAR MA @126B BZHAG PA DE LTA BU DE MNGON DU BYAS NAS, ,DE'I 'OG TU 'GOG PA LA'O, ,DE NAS MNYAM PAR MA BZHAG PA LA'O, ,DE'I 'OG TU 'GOG PA GCIG PU BOR LA 'DU SHES MED 'DU SHES MED MIN SKYE MCHED LA'O, ,DE NAS MNYAM PAR MA BZHAG PA LA'O, ,DE NAS GNYIS POR LA CI YANG MED PA'I SKYE MCHED LA'O, ,DE NAS MNYAM PAR MA BZHAG PA LA'O, ,DE BZHIN DU BRGYAD KYI BAR DU BOR NAS BSAM GTAN DANG PO LA'O, ,DE NAS MNYAM PAR MA BZHAG PA LA'O, ,DE LTAR GCIG LA SOGS PA POR NAS 'GOG PA'I SNYOMS PAR 'JUG PA LA THUG PA'I BAR DU MI 'DRA BA'I SGO NAS 'GRO BAS NA MI 'DRA BAR 'GRO BA THOD RGAL GYI SNYOMS PAR 'JUG PA LA DBANG BA NYID KYI MTSAN NYID MNGON SUM DU BYED PAS NA BSGOM PA'I LAM YIN NO, ,DE LTAR BSGOM PA'I LAM BRJOD NAS DE LA SPANG BA'I PHYIR MI MTHUN PA'I PHYOGS RNAM PA BZHI BRJOD DGOS PAS, RE ZHIG GZUNG BA'I RNAM PAR RTOG PA DANG PO, MDOR BSDUS RGYAS DANG SANGS RGYAS KYIS, ,BSTANG BAS YONGS SU MA BZUNG DANG, ,DUS GSUM YON TAN MED PA DANG, ,LEGS PA'I LAM NI RNAM GSUM LA, ,GZUNG BA'I RNAM RTOG 'DI GCIG STE, ,SBYOR BA'I RNAM PA'I SPYOD YUL CAN, ,ZHES BYA BA GSUNGS TE, MDOR BSDUS PA LA DGA' BA'I SEMS CAN RJES SU 'DZIN PAS CHOS MDOR BSDUS PA DANG, RGYAS PA LA DGA' BA'I SEMS CAN RJES SU 'DZIN PAS CHOS RGYAS PA DANG, JI SKAD BSHAD PA BZHIN DON LA NAN TAN MI BYED PAS SANGS RGYAS KYIS BSTANG STE YONGS SU MA BZUNG BA DANG, BYUNG BA 'GAGS PA NYID KYIS SBYOR BA'I LAM GYI YON TAN MED PA DANG, YANG DAG PAR SKYE BA'I RGYU DANG MI LDAN PAS MTHONG BA'I LAM GYI YON TAN MED PA DANG, MA 'ONGS PA MED PA NYID KYIS BSGOM PA'I LAM YON TAN MED PA DANG, PHYIN CI LOG ZHI BA NYID LA SOGS PAS MYA NGAN LAS 'DAS PAR SBYOR BA'I LAM DANG, STONG PA NYID MNGON PAR SGRUB PA NYID KYIS MTHONG BA'I LAM DANG, RANG BZHIN MED PAR SGOM PAR BYED PA NYID KYIS BSGOM PA'I LAM LA GZUNG BA'I RNAM PAR RTOG PA DANG PO GNAS SKABS 'DIR SPANG @127A *, ,BAR BYA BA NYID KYIS BSGOM PA'I LAM GYI SBYOR BA'I GNAS SKABS KYI YUL CAN RNAM PA DGU'O, ,DE LTAR DANG PO BSTAN NAS GZUNG BA'I RNAM PAR RTOG PA GNYIS PA, GNYIS PA SEMS DANG SEMS BYUNG RNAMS, ,'JUG PA'I YUL CAN YIN BZHED DE, ,SEMS MI SKYE DANG BYANG CHUB KYI, ,SNYING PO YID LA MI BYED DANG, ,THEG PA DMAN PA YID BYED DANG, ,RDZOGS PA'I BYANG PA'I BYANG CHUB YID MI BYED, ,BSGOM DANG SGOM PA MED PA DANG, ,DE DAG LAS NI BZLOG NYID DANG, ,JI BZHIN DON MIN RNAM RTOG PA , ,BSGOM PA'I LAM LA SHES PAR BYA, ,ZHES BYA BA GSUNGS TE, DGE BA'I BSHES GNYEN LA SOGS PA DANG BRAL BAS BYANG CHUB KYI SEMS MI SKYE BA DANG, SANGS RGYAS LA DMIGS PA'I BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED PA DANG, NYAN THOS KYI RIGS CAN NYID KYI PHYIR DE'I THEG PA YID LA BYED PA DANG, RANG SANGS RGYAS KYI RIGS CAN NYID KYI PHYIR DE'I THEG PA MNGON DU BYED PA DANG, SHES RAB KYI PHA ROL TU PHYIN PA SGRUB PA MED PAS YANG DAG PAR RDZOGS PA'I BYANG CHUB YID LA MI BYED PA DANG, DMIGS PA DANG BCAS PA NYID KYIS BSGOM PA DANG, DMIGS PA MED PA NYID KYIS BSGOM PA MED PA DANG, DMIGS PA YANG MED MI DMIGS PA YANG MED PAS SGOM PA YANG MED SGOM PA MED PA YANG MA YIN PA DANG, PHYIN CI LOG TU MNGON PAR ZHEN PAS DON JI LTA BA BZHIN MA YIN PA NYID LA GZUNG BA'I RNAM PAR RTOG PA GNYIS PA, GNAS SKABS DE NA SPANG BAR BYA BA NYID KYIS BSGOM PA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI YUL CAN RNAM PA DGU'O, ,DE LTAR GNYIS PA BSTAN NAS 'DZIN PA'I RNAM PAR RTOG PA DANG PO, ,SEMS CAN BTAGS PA'I SPYOD YUL DANG, ,CHOS BTAGS PA DANG STONG MIN NYID, ,CHAGS DANG RAB 'BYED BDAG NYID DANG, ,DNGOS POR BYED DANG THEG GSUM DANG, ,YON NI DAG PA MA YIN DANG, ,SPYOD PA RNAM PAR 'KHRUGS PA LA, ,'DZIN PAR BYED PA DANG POR DE, ,SHES PAR @127B BYA BA BSGRAGS PA YIN, ,ZHES BYA BA GSUNGS TE, RDZAS SU YOD PAR MI SKYE BAS SEMS CAN DU BTAGS PA DANG, SNANG BA CAM DU ZAD PA'I PHYIR CHOS SU BTAGS PA DANG, THAMS CAD DU 'GRO BA'I PHYIR RNAM PA THAMS CAD MKHYEN PA NYID LA SOGS PA'I CHOS STONG PA MA YIN PA NYID DANG, RNAM PA THAMS CAD DU MNGON PAR ZHEN PA MA SPANGS PAS CHOS LA CHAGS PA DANG, NGO BO NYID MED PAR RTOGS PAS CHOS RAB TU 'BYED PA DANG, CHED DU BYA BA MI BYED PAS DNGOS PO'I CHED DU BYA BA BYED PA DANG, GZUGS LA SOGS PA LA MI DMIGS PA'I PHYIR THEG PA GSUM GYIS NGES PAR 'BYUNG BA DANG, YANG DAG PAR RAB TU MA ZHUGS PA NYID KYIS YON MA DAG PA DANG, SBYIN PA LA SOGS PAR DMIGS TE BSGRUBS PAS SPYOD PA RNAM PAR 'KHRUGS PA LA SNGA MA BZHIN DU 'DZIN PAR RNAM PAR RTOG PA BSGOM PA'I LAM GYI SBYOR BA'I GNAS SKABS KYI YUL CAN RNAM PA DGU'O,, ,,BAM PO LNGA PA, DE LTAR DANG PO BSTAN NAS 'DZIN PA'I RNAM PAR RTOG PA GNYIS PA, SEMS CAN BTAGS DANG DE RGYU YI, ,YUL CAN DE YIS RNAM 'JOMS PAS, ,BSGOM PA'I LAM DANG 'BREL PA YIS, ,MI MTHUN PHYOGS GZHAN RNAM PA DGU, ,ZHES BYA BA GSUNGS TE, MI MTHUN PA'I PHYOGS 'DZIN PA'I RNAM PAR RTOG PA GNYIS PA SEMS CAN DU BTAGS PA DANG, DER RNAM PAR GZHAG PA'I RGYU SNANG BA TZAM GYI YUL CAN BSGOM PA'I LAM GYIS YANG DAG PAR SPANG BAR BYA BA YIN PA'I PHYIR DE DANG 'BREL PA RNAM PA DGU'O, ,JI LTAR RNAM PA DGU YIN ZHE NA, BAR SKABS KYI TSIGS SU BCAD PA RNAM PA GNYIS KYIS GSUNGS PA, BDAG NYID JI BZHIN KUN MKHYEN NI, ,GSUM GYI SGRIB PA RNAM GSUM DANG, ,ZHI LAM DE BZHIN NYID SOGS DANG, ,MTSUNGS PAR LDAN DANG MI LDAN DANG, ,MI MNYAM SDUG BSNGAL LA SOGS DANG, ,NYON MONGS RNAMS KYI RANG BZHIN DANG, ,GNYIS SU MED LA KUN RMONGS LA, ,RNAM PAR RTOG PA THA MAR BZHED, ,CES BYA BA YIN TE, RNAM PA THAMS CAD YONGS SU MA SHES PAS RNAM PA THAMS CAD MKHYEN PA NYID KYI @128A *, ,SGRIB PA LA KUN DU RMONGS PA DANG, LAM THAMS CAD YONGS SU MA SHES PAS LAM SHES PA NYID KYI SGRIB PA LA KUN DU RMONGS PA DANG, GZHI THAMS CAD YONGS SU MA SHES PAS THAMS CAD SHES PAS THAMS CAD SHES PA NYID KYI SGRIB PA LA KUN DU RMONGS PA DANG, SHES RAB KYI PHA ROL TU PHYIN PA YONGS SU MA SHES PAS THAMS CAD ZHI BA'I LAM LA KUN DU RMONGS PA DANG, GZUGS LA SOGS PA'I SHES BYA DANG, DE BZHIN NYID DAG YONGS SU MA SHES PAS DE BZHIN NYID LA SOGS PA DANG MTSUNGS PAR LDAN PA DANG MI LDAN PA LA KUN DU RMONGS PA DANG, BDUD LA SOGS PA'I RANG GI NGO BO YONGS SU MA SHES PAS MI MNYAM PA NYID LA KUN DU RMONGS PA DANG, DON LA SGRA JI BZHIN DU 'DZIN PA NYID KYIS SDUG BSNGAL LA SOGS PA'I BDEN PA LA KUN DU RMONGS PA DANG, 'DOD CHAGS LA SOGS PA'I NGO BO NYID YONGS SU MA SHES PAS NYON MONGS PA'I RANG BZHIN LA KUN DU RMONGS PA DANG, GZUNG BA DANG 'DZIN PA'I MTSAN NYID YONGS SU MA SHES PAS GNYIS SU MED PA LA KUN DU RMONGS PA LA, SNGA MA BZHIN DU 'DZIN PA'I RNAM PAR RTOG PA THA MA BSGOM PA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI YUL CAN RNAM PA DGUR BZHED PA YIN NO, ,BSGOM PA'I LAM GYI MI MTHUN PHYOGS RNAM PA BZHI PO DE DAG SPANG BA NYID DU GNYEN PO RNAM PA BZHI YANG DE'I DBYE BAS THA DAD DO ZHES BYA BAR KHONG DU CHUD PAR BYA'O, ,SNGA MA BZHIN DU RNAM PAR RTOG PA BRGYA RTZA BRGYAD SPANGS BA DANG DUS MNYAM PA KHO NAR DE DAG GIS BSDUS PA NYON MONGS PA BRGYA RTZA BRGYAD SPANGS PAS YON TAN PHUN SUM TSOGS PA THAMS CAD BYANG CHUB SEMS DPA' BSGOM PA'I LAM LA GNAS PA LA RTEN TO ZHES BYA BA BAR SKABS KYI TSIGS SU BCAD PA NGAG GIS GSUNGS PA, YAMS NAD 'DI RNAMS ZAD NAS NI, , YUN RINGS LON NAS DBUGS PHYIN LTAR, ,RNAM PA KUN DU 'GRO BA YI, ,BDE SGRUB YON TAN PHUN TSOGS KUN, ,RGYA MTSO CHE LA CHU BO BZHIN, ,'BRAS BU MCHOG GIS SBA BA YI, ,SEMS DPA' CHEN PO DE LA NI, ,RNAM PA KUN DU RTEN PAR BYED, ,CES BYA BA YIN TE, @128B BSGOM PA'I LAM LA GOMS PAS RNAM PAR RTOG PA'I RIGS BZHI PO 'TSE BAR BYED PA NYID KYIS YAMS KYI NAD DU GYUR PA 'DI RNAMS ZAD NAS GAGS BYED PA MED PAS DGA' BAS DBUGS PHYIN PA THOB PA BZHIN DU, SNYING RJES GZHAN GYI DBANG DU GYUR PAS RNAM PA THAMS CAD DU 'GRO BA'I BDE BA BSKYED PAR MKHAS PA'I YON TAN PHUN SUM TSOGS PA THEG PA GSUM GYIS BSDUS PA THAMS CAD RGYA MTSO CHEN PO LA CHU BO DAG BZHIN DU, BYANG CHUB SEMS DPA' BSGOM PA'I LAM LA GNAS PA 'BRAS BU RAB KYI MTHAR PHYIN PA THOB PA DE DAG GIS MDZES PAR GYUR BA LA RNAM PA THAMS CAD MNGON DU 'ONG PA'I RNAM PAS RTEN PAR BYED DO, ,BSGOM PA'I LAM GYI RJES LA BAR CHAD MED PA'I LAM YIN PAS, BAR CHAD MED PA'I TING NGE 'DZIN, ,STONG GSUM SKYE BO NYAN THOS DANG, ,BSE RU'I RTOGS PA PHUN TSOGS DANG, ,BYANG CHUB SEMS DPA'I SKYON MED LA, ,BKOD PA'I DGE BA DPER MDZAD NAS, ,BSOD NAMS MANG PO NYID KYIS NI, ,SANGS RGYAS NYID KYI BAR MED DE, ,BAR CHAD MED PA'I TING NGE 'DZIN, ,DE NI RNAM PA KUN MKHYEN NYID, ,CES BYA BA GSUNGS TE, 'GA' ZHIG GIS STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS NYAN THOS DANG RANG SANGS RGYAS DANG BYANG CHUB SEMS DPA'I SKYON MED PA LA BKOD NAS, BSOD NAMS SKYED PA GANG YIN PA DE DPER MDZAD NAS DE BAS KHYAD PAR DU 'PHAGS PAR BSOD NAMS MANG BA NYID KYIS RNAM PA THAMS CAD MKHYEN BA NYID GANG YIN PA DE SANGS RGYAS NYID YIN PAS SANGS RGYAS NYID 'THOB PA'I BAR CHAD MED PA'I TING NGE 'DZIN GANG YIN PA DE NI 'DIR BAR CHAD MED PA'I TING NGE 'DZIN ZHES BYA'O, ,DE'I DMIGS PA LA SOGS PA JI LTA BU ZHIG YIN ZHE NA, BAR SKABS KYI TSIGS SU BCAD PAS DMIGS PA LA SOGS PA GSUNGS PA, 'DI YI DMIGS PA DNGOS MED DE, ,BDAG PO DRAN PA YIN PAR BZHED, ,RNAM PA ZHI NYID 'DI LA NI, ,RAB TU SMRA RNAMS BRGYUD MAR RGOL, ,ZHES BYA BA YIN TE, BAR CHAD MED PA'I TING NGE 'DZIN 'DI'I DMIGS PA'I RKYEN NI @129A *, ,CHOS THAMS CAD DNGOS PO MED PAR DMIGS PA YIN NO, ,BDAG PO'I RKYEN NI DRAN PA YIN NO, ,RNAM PA NI RANG BZHIN GYIS ZHI BA NYID YIN NO, ,GNAS 'DI LA NI GTING DPAG DKA' BA'I PHYI RAB TU SMRA BA THABS LA MKHAS PA MA RTOGS PA RNAMS KYI KLAN KA'I RGOL BA BRGYUD MAR 'BYUNG BAS THABS LA MKHAS PAS DE DAG BSAL BAR BYA STE, 'DIS NI 'DI'I ZAB PA NYID BSNYAD DO SNYAM DU DGONGS PA YIN NO, ,BLO'I NOR CAN RNAMS KYIS LOG PAR RTOG PA JI LTA BU ZHIG BSAL BAS TING DE 'DZIN DE BSKYED PAR BYA ZHE NA, TING NGE 'DZIN GYI 'OG TU LOG PAR RTOG PA, DMIGS PA 'THAD DANG DE YI NI, ,NGO BO NYID NGES GZUNG BA DANG, ,RNAM KUN MKHYEN NYID YE SHES DANG, ,DAM PA'I DON DANG KUN RDZOB DANG, ,SBYOR DANG DKON MCHOG GSUM PA DANG, ,THABS BCAS THUB PA'I RTOGS PA DANG, ,PHYIN CI LOG NI LAM BCAS DANG, ,GNYEN PO MI MTHUN PHYOGS DAG DANG, ,MTSAN NYID DANG NI BSGOM PA LA, ,SMRA BA RNAMS KYI LOG RTOG PA, ,RNAM PA KUN MKHYEN NYID RTEN CAN, ,RNAM PA BCU DRUG DAG TU BZHED, ,CES BYA BA GSUNGS TE, 'DUS BYAS DANG 'DUS MA BYAS KYI KHAMS DAG DNGOS POR MED PA NYID KYIS DMIGS PA 'THAD PA DANG RNAM PA THAMS CAD DU RANG BZHIN MED PA'I PHYIR DMIGS PA'I NGO BO NYID NGES PAR GZUNG BA DANG, DNGOS PO DANG DNGOS PO MED PA MI DMIGS PAS RNAM PA THAMS CAD MKHYEN PA NYID KYI YE SHES DANG, DE BZHIN NYID KYI NGO BO NYID KYIS KUN RDZOB DANG DON DAM PA'I BDEN PA GNYIS DANG, SBYIN PA LA SOGS PA MI DMIGS PAS SBYOR BA DANG, RTOGS PAR BYA BA MED PAS SANGS RGYAS DKON MCHOG DANG, MING DU BTAGS PA TZAM DU ZAD PAS CHOS DKON MCHOG DANG, GZUNGS LA SOGS PAR DMIGS PA BKAG PAS DGE 'DUN DKON MCHOG DANG, SBYIN PA LA SOGS PAR MI DMIGS PAS THABS LA MKHAS PA DANG, DNGOS PO DANG DNGOS PO MED PA DANG GNYIS KA'I NGO BO RTOGS PA BKAG PAS DE BZHIN GSHEGS PA'I MNGON PAR RTOGS PA DANG, SPROS PA RNAM PAR @129B GZHAG PA'I MI RTAG PA NYID LA SOGS PA NYID KYIS RTAG PA LA SOGS PAR PHYIN CI LOG PA DANG, LAM RNAM PAR BSGOMS PA'I 'BRAS BU MNGON SUM DU MI BYED PAS LAM DANG, DOR PA DANG BLANG BA MED PAS MI MTHUN PA'I PHYOGS DANG GNYEN PO DAG DANG CHOS CAN MED PAS CHOS KYI MTSAN NYID DANG, RANG DANG SPYI'I MTSAN NYID MI 'THAD PAS SGOM PA LA, SKYE BO BYANG CHUB SEMS DPA'I THABS LA MKHAS PA MI SHES PA'I RAB TU SMRA BA NYID THAMS CAD KYI LOG PAR RTOGS PA PHAN TSUN 'GAL BA'I DON BSGRUBS PAS MI 'THAD PA NYID KYIS THE TSOM GYI NGO BO JI SKAD BSHAD PA'I YUL CAN NYID KYIS RNAM PA THAMS CAD MKHYEN PA NYID KYI RTEN CAN LOG PAR RTOG PA BCU DRUG GO, ,DE BAS NA KUN RDZOB DANG DON DAM PA'I SGO CAN GYI KLAN KA LA GO RIMS BZHIN DU DON DAM PA DANG KUN RDZOB KYI SGO NAS LAN GDAB DGOS PAS, BYANG CHUB SEMS DPA' DGE BA 'DOD PA RNAMS KYIS BDEN PA GNYIS KA LA RTEN PA'I THABS LA MKHAS PAS RNAM PA STONG DU BSAL BA SNGON DU 'GRO BA'I NGES PA RNAM PA THAMS CAD DU YANG DAG PAR BSKYED NAS BAR CHAD MED PA'I TING NGE 'DZIN BSKYED PAR BYA'O, ,SHES RAB KYI PHA ROL TU PHYI PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA LAS, SKABS LNGA BA'I 'GREL BA'O,, ,,RTZE MO'I MNGON PAR RTOGS PA THOB PA SO SO BA DANG BSDUS PA NYID DU RTOGS PA'I DON RNAMS GO RIMS BZHIN DU BLAGS NAS BRTAN POR BYA BA'I PHYIR RNAM PAR SGOM PAR BYED BAS MTHAR GYIS PA'I MNGON PAR RTOGS PA, SBYIN PA SHES RAB BAR DAG DANG, ,SANGS RGYAS LA SOGS DRAN DANG CHOS, ,DNGOS MED NGO BO NYID KYIS DE, ,MTHAR GYIS PA YI BYA BAR BZHED, ,CES BYA BA GSUNGS TE, PHA ROL TU PHYIN PA BZHIN NI SHES RAB KYI PHA ROL TU PHYIN PA'I NANG DU 'DUS PA'I PHYIR, SBYIN PA'I PHA ROL TU PHYIN PA LA SOGS PA 'KHOR GSUM RNAM PAR DAG PAS RAB TU PHYE BA DRUG RNAM PA THAMS CAD DU YONGS SU RDZOGS PAS SA BCU YANG DAG PAR SGRUB PAR BYED PA DANG, DRAN PA NYE BAR GZHAG PA LA SOGS PA DANG, BYANG CHUB KYI YAN @130A *, ,LAG GI RNA BA DANG, 'PHAGS PA'I LAM YAN LAG BRGYAD PA STE, DON DAM PAR DRAN PA MED PA'I MTSAN NYID KYI SANGS RGYAS RJES SU DRAN PA RNAM PA GSUM PO, ,GO RIMS BZHIN DU NGES PAR 'BYED PA'I CHA DANG MTHUN PA DANG MTHONG BA DANG BSGOM PA'I LAM RJOD PAR BYED BA DANG, DE BZHIN DU DGE BA DANG MI DGE BA DANG LUNG DU MA BSTAN PA'I CHOS RJES SU DRAN PA DANG, SNGA MA BZHIN DU BYANG CHUB SEMS DPA' 'PHAGS PA PHYIR MI LDOG PA'I DGE 'DUN RJES SU DRAN PA DANG, DE BZHIN DU TSUL KHRIMS DANG, GTONG BA DANG, LHA RJES SU DRAN PA DANG GZUGS LA SOGS PA'I CHOS THAMS CAD DNGOS PO MED PA'I NGO BO NYID DU KHONG DU CHUD PAS RTOGS PA GANG YIN PA DE NI 'DIR MTHAR GYIS PA'I BYA BAR BZHED PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA LAS, SKABS DRUG PA'I 'GREL PA'O,, ,,MTHAR GYIS PA'I MNGON PAR RTOGS PA RNAM PAR BSGOMS PA NI SHIN TU GOMS PAR BYA BA'I PHYIR DE DAG NYID SKAD CIG MA GCIG GIS BSGOMS PAS SKAD CIG MA GCIG PA'I MNGON PAR RDZOGS PAR BYANG CHUB PA YIN TE, DE YANG MTSAN NYID KYIS RNAM PA BZHI YOD PAS, DANG PO RNAM PAR SMIN PA MA YIN PA ZAG PA MED PA'I CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA, SBYIN PA LA SOGS RE RES KYANG, ,ZAG MED CHOS KUN BSDUS PA'I PHYIR, ,THUB PA'I SKAD CIG GCIG PA YI, ,RTOGS PA 'DI NI SHES PAR BYA, ,ZHES BYA BA GSUNGS TE, LUGS LAS CHOS KYI DBYINGS KYI RANG GI NGO BOR, DNGOS GCIG DNGOS PO KUN GYI NGO BO NYID, ,DNGOS KUN DNGOS PO GCIG GI NGO BO NYID, ,GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES 'BYUNG BA'I PHYIR, MANG POS GCIG BSDUS PA 'BA' ZHIG TU MA ZAD KYI, 'ON KYANG SBYIN PA LA SOGS PA'I YE SHES DMIGS PAR BYA BA'I SKAD CIG MA GCIG PO DNGOS PO SO SOR NGES PAR 'DZIN PA'I PHYIN CI LOG @130B DANG BRAL BA'I NGO BOS, SBYIN PA LA SOGS PA NAS DPE BYAD BZANG PO BRGYAD CU'I BAR GYI MTSAN NYID KYI CHOS RNAMS BSDUS PA'I PHYIR THUB PA BYANG CHUB SEMS DPA'I RTOGS PA NI SKAD CIG MA GCIG PA'I MNGON PAR RDZOGS PAR BYANG CHUB PA'O, ,ZHES BYA BAR SHES PAR BYA'O, ,YANG JI LTAR NA ZAG PA MED PA'I YE SHES GCIG DMIGS NA ZAG PA MED PA THAMS CAD BSDUS PA YIN ZHE NA, 'JIG RTEN PA'I DPE, JI LTAR SKYES BUS ZO CHUN RGYUD, ,RDOG THABS GCIG GIS BSKYOD PA NA, ,THAMS CAD CIG CAR 'GUL BA LTAR, ,SKAD CIG GCIG SHES DE BZHIN NO, ,ZHES BYA BA GSUNGS TE, DPER NA SKYES BUS RDOG THABS GCIG GIS BSKYOD NA BZO BO MKHAS PAS SNGON BZO LEGS PAR BYAS PA'I MTHUS ZO CHUN GYI RGYUD THAMS CAD CIG CAR DUS GCIG TU 'GUL BA DE BZHIN DU SNGON GYI SMON LAM GYI 'PHEN PA DANG, CHOS KYI DBYINGS KYI MTHUS SKAD CIG MA GCIG KHO NA LA, ZAG PA MED PA'I YE SHES GCIG DMIGS NA RIGS MTHUN PA THAMS CAD MNGON DU BYED PA YIN NO, ,DE LTAR DANG PO BSTAN NAS GNYIS PA RNAM PAR SMIN PA'I CHOS NYID KYI GNAS SKABS KYI ZAG PA MED PAR CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA, GANG TSE CHOS DKAR THAMS CAD KYI, ,RANG BZHIN SHES RAB PHA ROL PHYIN, ,RNAM SMIN CHOS NYID GNAS SKABS SKYES, ,DE TSE SKAD CIG GCIG YE SHES, ,ZHES BYA GSUNGS TE, GANG GI TSE BYANG CHUB SEMS DPAS GNYEN PO BSGOMS PAS MI MTHUN PA'I PHYOGS THAMS CAD DANG BRAL BA NA RNA PAR BYANG BA'I PHYOGS RNAM PAR SMIN PA'I CHOS NYID KYI GNAS SKABS DRI MA THAMS CAD DANG BRAL BAS STON KA'I ZLA BA'I 'OD BZHIN DU DKAR BA'I NGO BO NYID SKYES PA DE'I TSE, SKAD CIG MA GCIG KHO NA LA RNAM PAR SMIN PA'I GNAS SKABS SU GYUR PA'I ZAG PA MED PA RNAMS RTOGS PA'I YE SHES NI, SHES RAB KYI PHA ROL TU PHYIN PA'I SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,DE LTAR GNYIS PA BSTAN NAS GSUM PA MTSAN NAS GSUM PA MTSAN NYID MED PAR CHOS THAMS CAD SKAD CIG @131A *, ,MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA, SBYIN PA LA SOGS SPYOD PA YIS, ,CHOS KUN RMI LAM 'DRAR GNAS NAS, ,CHOS RNAMS MTSAN NYID MED PA NYID, ,SKAD CIG MA NI GCIG GIS RTOGS, ,ZHES BYA BA GSUNGS TE, SNGON CHOS THAMS CAD RMI LAM LTA BUR GOMS PAS TSOGS GNYIS NYAMS SU MYONG BAR BYAS NAS RTOGS PA'I GNAS SKABS NA NYE BAR LEN PA'I PHUNG PO LA SOGS PA RMI LAM GYI NGO BO NYID KYI CHOS THAMS CAD LA, SBYIN PA LA SOGS PA'I PHA ROL TU PHYIN PA DRUG SGRUB PAS GNAS TE, SBYIN PA LA SOGS PA'I NGO BO NYID NGES PAR RTOGS PA'I RNAM PA CAN SKAD CIG MA GCIG KHO NAS CHOS THAMS CAD NI MTSAN NYID MED PA'O ZHES KUN NAS NYON MONGS PA DANG RNAM PAR BYANG BA'I NGO BO'I CHOS RNAMS MTSAN NYID MED PA NYID DU SHES PAS NA, SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,DE LTAR GSUM PA BSTAN NAS BZHI PA GNYIS SU MED PA'I MTSAN NYID DU CHOS THAMS CAD SKAD CIG MA GCIG PA'I MTSAN NYID KYI MNGON PAR RDZOGS PAR BYANG CHUB PA, RMI LAM DANG NI DE MTHONG NYID, ,GNYIS KYI TSUL DU MI MTHONG LTAR, ,CHOS RNAMS GNYIS SU MED PA YI, ,DE NYID SKAD CIG GCIG GIS MTHONG, ,ZHES BYA BA GSUNGS TE, YUN RING MO ZHIG NAS BAR CHAD MED PAR GNYIS SU SNANG BA SPONG BA LA GOMS PA NGANG DU GYUR PAS GNYIS SU SNANG BA'I BAG CHAGS DRUNGS PHYUNG BA'I BYANG CHUB SEMS DPA' GANG GI TSE GZUNG BA DANG 'DZIN PA'I TSUL DU, RMI LAM LA GZUNG BA DANG RMI LAM MTHONG BA LA 'DZIN PAR MI MTHONG BA DE'I TSE CHOS THAMS CAD KYANG DE LTA BU'I CHOS NYID YIN NO ZHES CHOS RNAMS KYI DE KHO NA NYID GNYIS SU MED PA SKAD CIG MA GCIG KHO NAS RTOGS PAS NA SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA LAS, SKABS BDUN PA'I 'GREL PA'O,, ,,SKAD CIG MA GCIG PA'I MNGON PAR RDZOGS PAR @131B BYANG CHUB PA RNAM PAR BSGOMS PA'I SKAD CIG MA GNYIS PA LA CHOS KYI SKU MNGON PAR RDZOGS PAR BYANG CHUB PA YIN TE, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS, DANG PO NGO BO NYID KYI SKU, ,THUB PA'I NGO BO NYID SKU NI, ,ZAG PA MED PA'I CHOS GANG DAG, THOB GYUR RNAM KUN RNAM DAG PA, ,DE DAG RANG BZHIN MTSAN NYID CAN, ,ZHES BYA BA GSUNGS TE, THUB PA SANGS RGYAS BCOM LDAN 'DAS KYI NGO BO NYID KYI SKU NI, DRAN PA NYE BAR GZHAG PA LA SOGS PA YE SHES KYI BDAG NYID, 'JIG RTEN LAS 'DAS PA'I CHOS KYI DBYINGS KYI NGO BO NYID KYIS ZAG PA MED PA DRI MA RNAMS GLO BUR BA NYID KYIS RNAM PA THAMS CAD DU RNAM PAR DAG CING RANG BZHIN GYIS DBEN PA'I MTSAN NYID DU GYUR PA GANG DAG YIN PA DE DAG GI RANG GI NGO BO NYID SKYE BA MED PA'I NGO BO NYID NI 'DI YIN TE, BCOS MA MA YIN PA'I DON GYIS 'JIG RTEN LAS 'DAS PA'I LAM GYIS 'THOB KYI BYAS PA NI MA YIN PAS RNAM PAR SHES PA SGYU MA LTA BUS CHOS THAMS CAD RTOGS PAS THOB PA YIN NO, ,SKU LHAG MA GSUM PO DON DAM PAR CHOS NYID KYI NGO BO YANG DAG PA'I KUN RDZOB TU SNANG BA JI LTAR MOS PAS RAB TU PHYE BA NI SANGS RGYAS DANG BYANG CHUB SEMS DPA' DANG, NYAN THOS LA SOGS PA'I SPYOD YUL DU RNAM PAR GZHAG PA YIN NO, ,ZHES BSTAN PA'I PHYIR LUGS LAS, GANG PHYIR DBEN PA DBEN GYUR LAS, ,THA MI DAD PA NYID DU 'DOD, ,CES 'BYUNG BA'I PHYIR DE DANG THA MI DAD KYANG THA DAD PAR RNAM PAR GZHAG GO, ,DE LTAR SKU DANG PO BSTAN NAS GNYIS PA CHOS KYI SKU SPROS PA MED PA'I YE SHES KYI BDAG NYID ZAG PA MED PA'I DRAN PA NYE BAR GZHAG PA LA SOGS PA'I NGO BO, ,BYANG CHUB PHYOGS MTHUN TSAD MED DANG, ,RNAM PAR THAR DANG MTHAR GYIS NI, ,SNYOMS 'JUG DGU YI BDAG NYID DANG, ,ZAD PAR BCU YI BDAG NYID DANG, ,ZIL GYIS GNON PA'I SKYE MCHED NI, ,RAB TU DBYE BAS RNAM BRGYAD DANG, ,NYON MONGS MED DANG SMON MKHYEN DANG, ,MNGON SHES SO SO YANG DAG RIG ,RNAM PA THAMS CAD DAG BZHI DANG, ,DBANG BCU DANG NI STOBS BCU DANG, ,MI 'JIGS @132A *, ,PA NI BZHI DAG DANG, ,BSRUNG BA MED PA RNAM GSUM DANG, ,DRAN PA NYER GZHAG RNAM GSUM DANG, ,BSNYEL BA MI MNGA'I CHOS NYID DANG, ,BAG CHAGS YANG DAG BCOM PA DANG, ,SKYE LA THUGS RJE CHEN PO DANG, ,THUB PA KHO NA'I MA 'DRES CHOS, , BCVA BRGYAD BSHAD PA GANG YIN DANG, ,RNAM PA THAMS CAD MKHYEN NYID DANG, ,CHOS KYI SKU ZHES BRJOD PA YIN, ,ZHES BYA BA GSUNGS TE, DRAN PA NYE BAR GZHAG PA LA SOGS PA NAS, 'PHAGS PA'I LAM YAN LAG BRGYAD PA'I BAR BYANG CHUB KYI PHYOGS RNAMS DANG, SNGA MA BZHIN DU BYAMS PA LA SOGS PA TSAD MED PA TSANGS PA'I GNAS PA RNAMS DANG, NANG GZUGS CAN DANG GZUGS CAN MA YIN PAR 'DU SHES PAS PHYI ROL GYI GZUGS RNAMS LA LTA BA ZHES BYA BA GNYIS DANG, SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS PA ZHES BYA BA GCIG DANG, NAM MKHA' DANG, RNAM PAR SHES PA DANG, CI YANG MED PA DANG, 'DU SHES MED 'DU SHES MED MIN SKYE MCHED CES BYA BA BZHI DANG, 'DU SHES DANG TSOR BA 'GOG PA ZHES BYA BA GCIG STE, DE LTAR RNAM PAR THAR PA BRGYAD DANG; GZUGS KYI KHAMS KYI BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'GOG PA'I SNYOMS PAR 'JUG PA ZHES BYA BA SNYOMS PAR 'JUG PA DGU DANG, SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' DANG, RNAM PAR SHES PA ZHES BYA BA ZAD PAR RNAM PA BCU DANG, NANG GZUGS DANG GZUGS MED PAR 'DU SHES PA DAG GIS SO SOR CHUNG NGU DANG CHEN PO'I RNAM PA DAG TU PHYI ROL GYI GZUGS RNAMS LA BLTA ZHING DE DAG ZIL GYIS MNAN NAS SHES ZHES BYA BA BZHI DANG, NANG GZUGS MED PAR 'DU SHES PA DAG KHO NAS SNGON PO DANG, SER PO DANG, DMAR PO DANG, DKAR PO DAG ZIL GYIS MNAN NAS MTHONG ZHES BYA BA RNAM PA BZHI STE, DE LTAR ZIL GYIS GNON PA'I SKYE MCHED RNAM PA BRGYAD DANG, @132B PHA ROL GYI RGYUD DU GTOGS PA'I NYON MONGS PA'I DGRA'I RGYUN DRUNGS 'BYIN PA'I TING NGE 'DZIN ZHES BYA BA GANG YIN PA NYON MONGS PA MED PA DANG, YANG DAG PAR MTSAN MA THAMS CAD DANG BRAL ZHING CHAGS PA BCOM PA THE TSOM SEL BAR MDZAD PA'I SMON LAM GRUB PAS 'KHOR BA JI SRID PA DANG RNAM PAR GROL BA JI SRID PA'I GNAS SKABS SU 'JUG PA ZHES BYA BA SMON NAS MKHYEN PA DANG, SNGAR BSHAD PA'I MNGON PAR SHES PA DRUG DANG, SO SO YANG DAG PAR RIG PA BZHI DANG, RTEN DANG DMIGS PA DANG THUGS DANG YE SHES YONGS SU DAG PA ZHES BYA BA DAG PA BZHI DANG, TSE DANG, SEMS DANG, YO BYAD DANG, LAS DANG, SKYE BA DANG, MOS PA DANG, SMON LAM DANG, RDZU 'PHRUL DANG, YE SHES DANG, CHOS LA DBANG BA ZHES BYA BA DBANG BCU DANG, SNGAR BSHAD PA'I STOBS BCU DANG, MI 'JIGS PA BZHI DANG, DE BZHIN GSHEGS PA'I SKU DANG GSUNG DANG THUGS KYI SPYOD PA YONGS SU DAG PA STE, 'DI LA PHYIN CI LOG GI KUN DU SPYOD PA GZHAN GYIS YONGS SU SHES PA'I BSNYENGS PAS BCAB PAR BYA'O SNYAM PA'I DGONGS PA MI MNGA'O ZHES BYA BA BSRUNG BA MED PA RNAM PA GSUM DANG, CHOS STON PA NA NYAN PAR 'DOD PA DANG, NYAN PAR MI 'DOD PA DANG GNYIS KA DAG LA GO RIMS BZHIN DU RJES SU CHAGS PA DANG, KHONG KHRO BA DANG, GNYIS KAS DBEN PA KHO NAR BTANG SNYOMS SU DRAN PA DANG LDAN PAR GNAS SO, ,ZHES BYA BA DRAN PA NYE BAR GZHAG PA RNAM PA GSUM DANG, SEMS CAN GYI DON MDZAD PA'I DUS LAS MI 'DA' BA'I MTSAN NYID CES BYA BA BSNYEL BA MI MNGA' BA'I CHOS NYID DANG, NYON MONGS PA DANG SHES BYA'I SGRIB PA'I BAG LA NYAL GYI NGO BO'I SA BON SPANGS PAS BAG CHAGS YANG DAG PAR BCOM PA DANG, SKYE BO MTHA' DAG LA PHAN PA'I BSAM PA NYID CES BYA BA SKYE BO LA THUGS RJE CHEN PO NYID DANG, SANGS RGYAS KYI CHOS MA 'DRES PA BCVA BRGYAD DANG, RNAM PA THAMS CAD MKHYEN PA NYID DANG, DANG ZHES BYA BA'I SGRAS BSDUS PA LAM SHES PA NYID LA SOGS PA SNGAR BSHAD PA DAG KYANG YIN TE, BYANG @133A *, ,CHUB KYI PHYOGS DANG MTHUN PA LA SOGS PA SPROS PA MED PA'I YE SHES KYI BDAG NYID GNAS GYUR PAS GYUR PA THAMS CAD KYANG CHOS KYI SKUR MNGON PAR BRJOD PA YIN NO ZHES BYA BA NI KHA CIG GI'O, ,GZHAN DAG NI, THUB PA'I NGO BO NYID SKU NI, ,ZAG PA MED PA'I CHOS GANG DAG ,THOB GYUR RNAM KUN RNAM DAG PA, ,DE DAG RANG BZHIN MTSAN NYID CAN, ,ZHES BYA BA'I SGRA JI BZHIN NYID DU 'JIG RTEN LAS 'DAS PA'I ZAG PA MED PA'I CHOS RNAMS KHO NA KHAS BLANGS NAS NGO BO NYID KYI SKU NI DE DAG GI RANG BZHIN SKYE BA MED PA NYID GANG YIN PA DE'I MTSAN NYID CAN YIN TE, DE NYID KYANG CHOS NYID KYI SKU YIN PA LAS CHOS KYI SKU'O ZHES NGO BO'I RKYEN MI MNGON PAR BYAS NAS BSTAN TO ZHES RNAM PAR BSHAD NAS, CHOS KYI SKU GANG DAG GI RANG BZHIN GYI MTSAN NYID CAN YIN PA'I ZAG PA MED PA'I CHOS DE DAG KYANG GANG DAG CIG YIN ZHE NA; BYANG CHUB PHYOGS MTHUN TSAD MED DANG, ,ZHES BYA BA LA SOGS PA'I TSIG LE'UR BYAS PA LA 'JUG PAR BYED DO, ,GZHAN DAG NA RE DE DAG GI LTAR NA RNAL 'BYOR PA'I KUN RDZOB TU DON KHYAD PAR CAN SNANG BA SKYED PA'I SGO NAS, GNAS YONGS SU GYUR PAS GYUR PA, CHOS STON PA LA SOGS PA'I DON GYI BYA BA MDZAD PA GNYIS SU MED PA'I SEMS DANG SEMS LAS BYUNG BA GDON MI ZA BAR KHAS BLANG DGOS PA RNAMS JI LTAR BSDU ZHES ZER RO, ,KHA CIG NA RE, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PAR BCAS PA STE, ,RNAM PA BZHIR NI YANG DAG BRJOD, ,CES BYA BA'I TSIG LE'UR BYAS PA LAS, NGO BO NYID CES BYA BA'I SGRA'I MJUG THOGS SU CHOS KYI SKU ZHES BYA BA'I SGRA MI 'BYUNG BAS SKU NI GSUM KHO NA'O ZHES ZER RO, ,GZHAN DAG NA RE DGOS PA NYE BAR BSTAN PA'I SHUGS KYIS TSIG LE'UR BYAS PA SBYAR BA'I NGOR, YE SHES KHO NA DANG MDZAD PA SBYAR BA'I PHYIR DE SKAD DU GSUNGS PA YIN TE, DE'I PHYIR PHYOGS GZHAN NAS SKU BZHIR GSUNGS PA THAMS CAD MI 'GAL BAR 'GYUR RO ZHES ZER RO, ,NYAN THOS LA SOGS PA'I NYON MONGS PA MED PA'I TING NGE 'DZIN LAS SANGS @133B RGYAS KYI NYON MONGS PA MED PA'I TING NGE 'DZIN KHYAD PAR DU BYA BA'I PHYIR BAR SKABS KYI TSIGS SU BCAD PA, NYAN THOS NYON MONGS MED PA'I LTA, ,MI YI NYON MONGS YONGS SPONG NYID, ,GRONG SOGS SU DE'I NYON MONGS RNAMS, ,RGYUN GCOD RGYAL BA'I NYON MONGS MED, ,CES BYA BA GSUNGS TE, NYAN THOS LA SOGS PA'I NYON MONGS PA MED PA'I TING NGE 'DZIN NI, BDAG MTHONG BA LAS 'GA' ZHIG GI NYON MONGS PA SKYE BAR 'GYUR NA MI RUNG NGO ZHES, MI'I NYON MONGS PA SKYE BA YONGS SU SPONG BA NYID YIN NO, ,DE BZHIN GSHEGS PA RNAMS KYI NYON MONGS PA MED PA'I TING NGE 'DZIN NI, GRONG LA SOGS PAR SKYE BO MTHA' DAG GI NYON MONGS PA'I RGYUN DRUNGS 'BYIN PAR MDZAD PA YIN NO, ,NYAN THOS LA SOGS PA'I SMON NAS SHES PA BAS, DE BZHIN GSHEGS PA'I SMON NAS MKHYEN PA KHYAD PAR DU BSTAN PA'I PHYIR BAR SKABS KYI TSIGS SU BCAD PA, SANGS RGYAS SMON NAS MKHYEN PA NI, ,LHUN GYIS GRUB DANG CHAGS SPANGS DANG, ,THOGS PA MED DANG RTAG GNAS DANG, ,DRI BA KUN LAN 'DEBS PAR BZHED, ,CES BYA BA GSUNGS TE, DE BZHIN GSHEGS PA'I SMON NAS MKHYEN PA NI, MTSAN MA MED PA NYID DU RANG GI NGANG GIS 'JUG PA DANG, DNGOS PO LA MNGON PAR MA ZHEN PAS, GZUGS LA SOGS PA LA CHAGS PA DANG BRAL BA DANG, NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PAS SHES BYA THAMS CAD LA THOGS PA MED PA DANG, 'KHOR BA JI SRID PAR GNAS PA'I PHYIR RTAG TU GNAS PA DANG, YANG DAG PA'I SO SOR RIG PA BRNYES PAS 'DRI BA'I LAN 'DEBS PAR MDZAD PA YIN PAR BZHED DO, ,NYAN THOS LA SOGS PA YI NI BZLOG PA NYID KYIS DE LTA MA YIN NO, ,RTAG TU THUGS RJE CHEN PO'I NGO BO NYID KYI CHOS KYI SKUL BZHUGS NA YANG, RTAG TU JI LTAR DON MI MDZAD, ,CES BYA BA'I LAN GDAB PA'I PHYIR, BAR SKABS KYI TSIGS SU BCAD PA, RGYU NI YONGS SU SMIN GYUR NAS, ,GANG DANG GANG LA GANG DANG NI, ,GANG TSE BYA BA PHAN GYUR PA, ,DE DANG DE LA DE SNANG NGO, ,ZHES BYA BA GSUNGS TE, DGE BA'I BSHES GNYEN LA @134A *, ,SOGS PA DANG PHRAD PAS SNGON BSKYED PA'I DGE BA'I RTZA BA'I SA BON SANGS RGYAS LA SOGS PA LA DMIGS PA'I RGYU YONGS SU BRTAS PAR GYUR NAS SEMS CAN GANG LA GANG GI DUS SU CHOS BSTAN PA LA SOGS PA MDZAD NAS, YUN DU 'PHROD PAR GYUR PA DE'I TSE, DE'I DON BYA BA'I PHYIR SNGON GYI SMON LAM GRUB PAS, BCOM LDAN 'DAS DE DANG DER SNANG BA DANG 'TSAM PAR DON GYI BYA BA MDZAD PAS DUS THAMS CAD DU YID BZHIN GYI NOR BU LTAR NYE BAR GNAS KYANG, RANG GI LAS KYI NYES PAS BSKYED PA LA RGYU MA TSANG BAS, 'BRAS BU SMIN PAR MDZAD PAR MI SNANG NGO SNYAM DU DGONGS PA YIN NO, ,DE JI LTA BU ZHIG SNYAM PA LA BAR SKABS KYI TSIGS SU BCAD PAS DPE, LHA YI RGYAL POS CHAR PHAB KYANG, ,SA BON MI RUNG MI 'KHRUNG LTAR, ,SANGS RGYAS RNAMS NI BYUNG GYUR KYANG, ,SKAL BA MED PAS BZANG MI MYONG, ,ZHES BYA BA GSUNGS TE, DPER NA LHA'I DBANG POS CHAR PHAB TU ZIN KYANG TIL LA SOGS PA'I SA BON RUL BA'I NGO BO LA SOGS PA SA BON MI RUNG BAR GYUR PA MI 'KHRUNG PA DE BZHIN DU SANGS RGYAS YID LA RE BA MTHA' DAG YONGS SU RDZOGS PAR MKHAS PA RNAMS BYUNG YANG SKAL PA MED PAS DAM PA'I CHOS MNYAN PA LA SOGS PA'I BZANG PO THOB PAR MI 'GYUR RO, ,YE SHES KYI BDAG NYID KYI CHOS KYI SKU RNAL 'BYOR PA SO SOR NGES PA'I RGYUD KYI RTEN LA YOD PA SKAD CIG RE RE LA 'BYUNG BA JI LTAR KHYAB PA DANG, RTAG PA ZHES KYANG BRJOD CE NA, BAR SKABS KYI TSIGS SU BCAD DE GSUNGS PA, DE LTAR MDZAD PA RGYA CHE'I PHYIR, ,SANGS RGYAS KHYAB PAR NGES PAR BRJOD, ,DE NYID ZAD PA MED PA'I PHYIR, ,RTAG PA ZHES KYANG BRJOD PA YIN, ,ZHES BYA BA YIN TE, DE LTAR JI SKAD BSHAD PA'I TSUL GYIS THAMS CAD DU SNANG BA'I SGO NAS BYA BA MDZAD PA RGYA CHE BA'I PHYIR DANG, RGYUN CHAGS SU 'KHOR BA JI SRID PAR BZHUGS KYANG BCOM LDAN 'DAS LA ZAD PA MI MNGA' BA'I PHYIR GO RIMS BZHIN DU SANGS RGYAS KHYAB PA DANG, RTAG PA ZHES MNGON PAR BRJOD DO, ,DE LTAR SKU GNYIS BSTAN NAS, GSUM PA LONGS @134B SPYOD RDZOGS PA'I SKU GZUGS KYI SKU'I NGO BO NYID MTSAN DANG DPE PHYAD BZANG POS 'BAR BA, MTSAN NI SUM CU RTZA GNYIS DANG, ,DPE BYAD BRGYAD CU'I BDAG NYID 'DI, ,THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, ,CES BYA BA GSUNGS TE, MTSAN SUM CU RTZA GNYIS DANG, DPE BYAD BZANG PO BRGYAD CU'I NGO BO NYID 'DI NI BYANG CHUB SEMS DPA' CHEN PO SA BCU LA BZHUGS PA RNAMS DANG, THABS CIG TU THEG PA CHEN PO'I CHOS KYI LONGS SPYOD KYI DGA' BA DANG BDE BA SHIN TU KHA NA MA THO BA MED PA NYE BAR SPYOD PA'I PHYIR, SANGS RGYAS BCOM LDAN 'DAS KYI LONGS SPYOD RDZOGS PA'I SKU YIN NO, ,MTSAN SUM CU RTZA GNYIS PO DE DAG GANG DAG CIG YIN ZHE NA, BAR SKABS KYI TSIGS SU BCAD PA LNGA NI, PHYAG ZHABS 'KHOR LO'I MTSAN DANG RUS SBAL ZHABS, ,PHYAG DANG ZHABS SOR DRA BAS 'BREL PA DANG, ,PHYAG NI ZHABS BCAS 'JAM ZHING GZHON SHA CHAGS, ,'DI YI SKU NI BDUN DAG MTHO BA DANG, ,SOR MO RING DANG RTING YANGS SKU CHE DRANG, ,ZHABS 'BUR MI MNGON SPU NI GYEN DU PHYOGS, ,BYIN PA AE NA YA'I 'DRA PHYAG RING MDZES, ,'DOMS KYI SBA BA SBUBS SU NUB PA'I MCHOG ,PAGS PA GSER MDOG PAGS PA SRAB PA DANG, ,SPU NI RE RE NAS G-YAS LEGS 'KHRUNGS DANG, ,ZHAL MDZOD SPUS BRGYAN RO STOD SENG GE'I 'DRA, ,'DI YI DPUNG PA'I MGO ZLUM THAL GONG RGYAS, ,'DI LA RO MI ZHIM PA RO MCHOG SNANG, ,SKU NI N+YA GRO DHA LTAR CHU ZHENG GAB, ,GTZUG TOR DBUR LDAN LJAGS RING MDZES PA DANG, ,TSANGS DBYANGS 'GRAM PA SENG GE'I 'DRA DANG TSEMS, ,SHIN TU DKAR DANG TSAD MNYAM THAGS BZANG DANG, ,GRANGS NI BZHI BCU THAM PA TSANG BA DANG, ,SPYAN NI MTHON MTHING SPYAN RDZI BA MCHOG GI, ,'DRA BA 'DI DAG SUM CU RTZA GNYIS MTSAN, ,ZHES BYA BA GSUNGS TE, BLA MA RNAMS LA SKYEL BA DANG BSU BA LA SOGS PAS PHYAG DANG ZHABS 'KHOR LO'I MTSAN DANG LDAN PA NYID DANG, SDOM PA YANG DAG BAR BLANGS PA LA BRTAN PA NYID KYIS RUS SBAL BZHIN DU ZHABS SHIN TU GNAS PA NYID DANG, BSDU BA'I DNGOS @135A *, ,PO BZHI BSTAN PAS PHYAG DANG ZHABS KYI SOR MO NGANG PA'I RGYAL PO LTA BUR DRA BAR 'BREL PA NYID DANG, BZA' BA DANG DANG BCA' BA LA SOGS PA KYA NOM PA BYIN PAS PHYAG DANG ZHABS 'JAM ZHING GZHON SHA CHAGS PA NYID DANG, BLDAG PA LA SOGS PA SHIN TU GYA NOM PA BYIN PAS PHYAG DANG ZHABS DANG THAL GONG DANG, LTAG PA'I PHYOGS MTHO BA'I PHYIR BDUN MTHO BA NYID DANG, GSAD PAR BYA BA LAS THAR BAR BYAS PAS SOR MO RING BA NYID DANG, 'TSO NGA LA PHAN BTAGS PA NYID KYIS RTING PA YANGS PA NYID DANG, SROG GCOD PA SPANGS PA NYID KYIS SKU CHE ZHING DRANG BA NYID DANG, DGE BA'I CHOS YANG DAG PAR BLANGS PAS ZHABS LONG BU MI MNGON PA NYID DANG, DGE BA YANG DAG PAR BLANGS PA SPEL BAS SKU'I SDU GYEN DU PHYOGS PA NYID DANG, RIG PA DANG BZO LA SOGS PA GUS PAR BYAS TE BYIN PAS BYIN PA RI DAGS AE NA YA'I LTA BU DANG, NOR BDOG PA LA SLONG BA PO'I SKYE BO PHYIR MA SPANGS PAS PHYAG RING ZHING MDZES PA NYID DANG, SKYE BO THAMS CAD TSANGS PAR SPYOD PA YANG DAG PAR LEN DU 'JUG PA DANG, GSANG BA'I GSANG TSIG BSRUNGS PAS 'DOMS KYI SBA BA SBUBS SU NUB PA NYID DANG, GDING BA GYA NOM PA BYIN PAS MDOG GSER 'DRA BA NYID DANG, KHANG BZANG LA SOGS PA DAM PA BYIN PAS PAGS PA 'JAM PA NYID DANG, 'DU 'DZI LA SOGS PA YONGS SU SPANGS PAS SPU RE RE NAS G-YAS PHYOGS SU 'KHYIL BA NYID DANG, SKYE BO BLA MA THAMS CAD GNAS JI LTA BA BZHIN DU BKOD PAS ZHAL MDZOD SPUS BRGYAN PA NYID DANG, RNAM PA THAMS CAD DU KHA DRAG GI TSIG GIS KHYAD DU MA BSAD PAS RO STOD SENG GE'I 'DRA BA NYID DANG, SNYAN PAR SMRA BA DANG LEGS PAR SMRA BA'I RJES SU MTHUN PAR BYAS PAS DPUNG MGO SHIN TU ZLUM PA NYID DANG, SMAN LA SOGS PA BYIN PAS THAL GONG RGYAS PA NYID DANG, SKYE BO NAD PA'I G-YOG BYAS PAS RO BRO BA'I MCHOG MKHYEN PA NYID DANG, NAGS TSAL DANG KUN DGA' RA BA LA SOGS PA BYED PA YANG DAG PAR LEN DU BCUG PAS SHING N+YA GRO DHA LTAR CHU ZHENG GAB PA NYID DANG, GTZUG LAG KHANG LA SOGS PA LHAG PAR BYIN PAS DBU GTZUG TOR DANG LDAN PA NYID DANG, 'JAM PO LA @135B SOGS PA GSUNG BAS LJAGS RING BA NYID DANG, 'JIG RTEN GYI KHAMS THAMS CAD KYI SEMS CAN LA DAM PA'I CHOS GO BAR BYAS PAS TSANGS PA'I DBYANGS NYID DANG, TSIG KYAL PA SPANGS PAS 'GRAM PA SENG GE'I 'DRA BA NYID DANG, SKYE BO THAMS CAD BKUR BA LA SOGS PAS TSEMS DKAR BA NYID DANG, 'TSO BA RNAM PAR DAG PA NYID KYIS TSEMS MNYAM PA NYID DANG, BDEN PA'I TSIG KUN DU SPYAD PAS TSEMS THAGS BZANG BA NYID DANG, PHRA MA'I TSIG SPANGS PAS TSEMS BZHI BCU MNGA' BA NYID DANG, SEMS CAN THAMS CAD LA BU GCIG PA DANG 'DRA BAR BLTAS PAS SPYAN MTHON MTHING NYID DANG, KHONG KHRO BA LA SOGS PA MED PAR BLTAS PAS RDZI MA BA'I LTA BU NYID DO, ,RGYU GRUB PAS MTSAN 'GRUB BO ZHES BAR SKABS KYI TSIGS SU BCAD PA, 'DI LA MTSAN NI GANG GANG GI ,SGRUB PAR BYED PA'I RGYU GANG YIN, ,DE DANG DE NI RAB RDZOGS PAS, ,MTSAN NI 'DI DAG YANG DAG 'GRUB, ,CES BYA BA GSUNGS TE, MTSAN GANG GIS SGRUB PAR BYED PA'I RGYU GANG YIN PA DE RAB TU RDZOGS PAS MTSAN SUM CU RTZA GNYIS PO 'DI DAG 'BYUNG NGO, ,RGYU DE GANG YIN ZHE NA, DE'I 'OG TU BAR SKABS KYI TSIGS SU BCAD PA DAG GIS, BLA MA SKYEL LA SOGS PA DANG, , YANG DAG BLANGS PA BRTAN PA DANG, ,BSDU BA BSTEN DANG GYA NOM PA'I, ,DNGOS PO SBYIN DANG GSAD BYA BA, ,THAR BAR BYED DANG DGE BA NI, ,YANG DAG BLANGS PA SPEL LA SOGS, ,SGRUB BYED RGYU YI MTSAN NYID DE, ,MDO LAS JI SKAD 'BYUNG BA BZHIN, ,ZHES BYA BA GSUNGS TE, TSIG LE'UR BYAS PA 'DI GNYIS NI, GONG NYID DU MTSAN BSHAD PAR BKROL ZIN PAS YANG MI BRI'O, ,DE LTAR MTSAN RNAMS BRJOD NAS BAR SKABS KYI TSIGS SU BCAD PA BCU GNYIS KYIS DPE BYAD BZANG PO GSUNGS PA, THUB PA'I SEN MO ZANG MDOG DANG, ,MDOG SNUM MTHO DANG SOR MO RNAMS, , ZLUM RGYAS BYIN GYIS PHRA BA DANG, ,RTZA MI MNGON DANG MDUD PA MED, ,LONG BU MI MNGON ZHABS MNYAM DANG, ,SENG GE GLANG CHEN BYA DANG NI, ,KHYU MCHOG STABS GSHEGS G-YAS PHYOGS DANG, ,MDZES GSHEGS DRANG DANG 'KHRIL BAG CHAGS, ,BYI DOR BYAS 'DRA RIM PAR 'TSAM, ,GTZANG @136A *, ,DANG 'JAM DANG DAG PA'I SKU, ,MTSAN NI YONGS SU RDZOGS PA DANG, ,SKU YI KHO LAG YANGS SHING BZANG, ,GOM SNYOMS PA DANG SPYAN GNYIS NI, ,DAG DANG GZHON SHA CAN NYID DANG, ,SKU ZHUM MED DANG RGYAS PA DANG, ,SHIN TU GRIMS PA'I SKU NYID DANG, ,YAN LAG SHIN TU RNAM 'BYES DANG, ,GZIGS PA SGRIB MED DAG PA DANG, ,DKU ZLUM SKABS PHYIN MA RNYONGS DANG, ,PHYANG NGE BA DANG LTE BA NI, ,ZAB DANG G-YAS PHYOGS 'KHYIL BA DANG, ,KUN NAS BLTA NA SDUG PA DANG, ,KUN SPYOD GTZANG DANG SKU LA NI, ,SME BA GNAG BAG MED PA DANG, ,PHYAG NI SHING BAL LTAR 'JAM DANG, ,PHYAG RIS MDANGS YOD ZAB RING DANG, ,ZHAL NI HA CANG MI RING DANG, ,MCHU NI BIM PA LTAR DMAR DANG, ,LJAGS MNYEN PA DANG SRAB PA DANG, ,DMAR DANG 'BRUG GI SGRA NYID DANG, ,GSUNG MNYEN 'JAM DANG MCHE BA ZLUM, ,RNO DANG DKAR DANG MNYAM PA DANG, ,BYIN GYIS PHRA DANG SHANGS MTHO DANG, ,MCHOG TU DAG PA DAG DANG NI, ,SPYAN YANGS PA DANG RDZI MA STUG ,PADMA'I 'DAB MA 'DRA BA DANG, ,SMIN TSUGS RING DANG 'JAM PA DANG, ,SNUM DANG SPU NI MNYAM PA DANG, ,PHYAG RING RGYAS DANG SNYAN MNYAM DANG, ,NYAMS PA RNAM PAR SPANGS PA DANG, ,DPRAL BA LEGS PAR 'BYES PA DANG, ,DBYES CHE BA DANG DBU RGYAS DANG, ,DBU SKRA BUNG BA LTAR GNAG DANG, ,STUG DANG 'JAM DANG MA 'DZINGS DANG, ,MI BSHOR DRI ZHIM SKYES BU YI, ,YID NI 'PHROG PAR BYED PA DANG, ,DPAL GYI BE'U DANG BKRA SHIS NI, ,SANGS RGYAS DPE BYAD BZANG POR BZHED, ,CES BYA BA YIN TE, 'DU BYED THAMS CAD LA 'DOD CHAGS DANG BRAL BA NYID KYIS SEN MO ZANGS KYI MDOG LTA BU NYID DANG, SEMS CAN THAMS CAD LA PHAN PA'I LHAG PA'I BSAM PA NYID KYIS SEN MO MDOG SNUM PA NYID DANG, RIGS KYI MCHOG LAS SKYES PAS SEN MO MTHO BA NYID DANG, TSUL KHA NA MA THO BA MED PA NYID KYIS SOR MO RNAMS ZLUM PA NYID DANG, DGE BA'I RTZA BA BSAGS PA NYID KYIS SOR MO RNAMS RGYAS PA NYID DANG, YANG DAG PAR MTHAR GYIS ZHUGS PA NYID KYIS SOR MO RNAMS BYIN GYIS PHRA BA NYID DANG, @136B LUS LA SOGS PA'I LAS DANG 'TSO BA RAB TU BSRUNGS PA NYID KYIS RTZA MI MNGON PA NYID DANG, NYON MONGS PA'I MDUD PA 'GROL BA NYID KYIS RTZA MDUD PA MED PA NYID DANG, SHIN TU SBAS PA'I CHOS KYI BLO GROS CAN NYID KYIS LONG BU MI MNGON PA NYID DANG, BGROD DKA' BA'I GNAS THAMS CAD LAS SKYE BO SGROL BAR MDZAD PA NYID KYIS ZHABS MI MNYAM PA MED PA DANG, MI ZIL GYIS GNON PA LA MKHAS PA NYID KYIS SENG GE'I STABS SU GSHEGS PA NYID DANG, KLU ZIL GYIS GNON PA LA MKHAS PA NYID KYIS GLANG PO CHE'I STABS SU GSHEGS PA NYID DANG, NAM MKHA' LA GSHEGS PAR MKHAS PA NYID KYIS NGANG PA'I STABS SU GSHEGS PA NYID DANG, SKYES BU'I KHYU MCHOG TU MKHAS PA NYID KYIS KHYU MCHOG GI STABS SU GSHEGS PA NYID DANG, SKOR PHYOGS KYI LAM DANG MTHUN PAR GSHEGS PA NYID KYIS G-YAS PHYOGS SU LDOG CING GSHEGS PA NYID DANG, MDZES PAR MKHAS PA NYID KYIS MDZES PAR GSHEGS PA NYID DANG, RTAG TU SEMS GYA GYU MI MNGA' BA NYID KYIS MI YO BAR GSHEGS PA NYID DANG, YON TAN YANG DAG PAR BRJOD PAR MDZAD PA NYID KYIS SKU 'KHRIL BAG CHAGS PA NYID DANG, SDIG PA'I CHOS DANG MA 'BAGS PA NYID KYIS SKU BYI DOR BYAS PA LTA BU NYID DANG, GDUL BYA DANG 'TSAM PA'I CHOS STON PAR MDZAD PA NYID KYIS SKU RIM PAR 'TSAM PA NYID DANG, SKU LA SOGS PA KUN DU SPYOD PA GTZANG BA'I PHYIR SKU RNAM PAR DAG PA NYID DANG, THUGS THUGS RJE CAN GYI PHYIR SKU 'JAM PA NYID DANG, THUGS RNAM PAR DAG PA'I PHYIR SKU RNAM PAR DAG PA NYID DANG, CHOS 'DUL BA YONGS SU RDZOGS PA'I PHYIR MTSAN RDZOGS PA NYID DANG, YANGS SHING MDZES PA'I YON TAN RDZOGS PA'I PHYIR SKU'I KHO LAG YANGS SHING BZANG BA NYID DANG, THAMS CAD LA THUGS SNYOMS PA'I PHYIR GOM PA SNYOMS PA NYID DANG, RNAM PAR DAG PA'I CHOS STON PA'I PHYIR SPYAN RNAM PAR DAG PA NYID DANG, CHOS GO SLA BAR STON PA'I PHYIR SKU SHIN TU GZHON SHA CAN NYID DANG, THUGS RTAG TU MA ZHUM PA'I PHYIR SKU @137A *, ,ZHUM PA MED PA NYID DANG, DGE BA'I RTZA BA YANG DAG PAR 'PHAGS PA'I PHYIR SKU RGYAS PA NYID DANG, YANG SRID PA ZAD PA NYID KYIS SKU SHIN TU GRIMS PA NYID DANG, RTEN CING 'BREL PAR 'BYUNG BA SHIN TU RNAM PAR PHYE BA STON PAR MDZAD PA NYID KYIS YAN LAG DANG, NYING LAG SHIN TU RNAM PAR 'BYES PA NYID DANG, TSIG GI DON SHIN TU RNAM PAR DAG PA STON PAS GZIGS PA RAB RIB MED CING RNAM PAR DAG PA NYID DANG, SLOB MA TSUL KHRIMS PHUN SUM TSOGS PAR GYUR PA NYID KYIS DKU ZLUM PA NYID DANG, 'KHOR BA'I SKYON GYIS MA SPAGS PA NYID KYIS DKU SKABS PHYIN PA NYID DANG, NGA RGYAL GYI 'GYING BAG BCOM PA NYID KYIS DKU MA RNYONGS PA NYID DANG, CHOS ZAD PA RNAM PAR BZLOG PA NYID KYIS PHYAL PHYANG NGE BA NYID DANG, CHOS ZAB MO RTOGS PA NYID KYIS LTE BA ZAB PA NYID DANG, SLOB MA MTHUN PAR 'DZIN PAR 'GYUR BA NYID KYIS LTE BA G-YAS PHYOGS SU 'KHYIL BA NYID DANG, 'KHOR KUN NAS MDZES PAR GYUR PA NYID KYIS KUN NAS MDZES PA NYID DANG, THUGS GTZANG BA NYID KYIS KUN DU SPYOD PA GTZANG BA NYID DANG, DUS MA YIN PA'I CHOS 'DUL BA DANG BRAL BA NYID KYIS SKU LA SME BA DANG GNAG BAG MED PA NYID DANG, LUS LA SOGS PA ZO MDOG BDE BA 'THOB PA'I CHOS STON PAR MDZAD PA NYID KYIS PHYAG SHING BAL LTAR SHIN TU 'JAM PA NYID DANG, MDANGS YOD PA'I DGE SBYONG CHEN PO BRNYES PA NYID KYIS PHYAG GI RI MO MDANGS YOD PA NYID DANG, CHOS ZAB MO LA GNAS PA NYID KYIS PHYAG GI RI MO ZAB PA NYID DANG, PHYI RJES SU YANG DAG PAR YONGS SU DAG PA'I CHOS STON PAR MDZAD PA NYID KYIS PHYAG GI RI MO RING BA NYID DANG, BSLAB PA RAB TU MANG PO KUN STON PAR MDZAD PA NYID KYIS ZHAL HA CANG MI RING BA NYID DANG, 'JIG RTEN THAMS CAD GZUGS BRNYAN DANG 'DRA BAR RTOGS PA NYID KYIS MCHU BIM PA LTAR DMAR BA NYID DANG, TSIG 'JAM POS 'DUL BA NYID KYIS LJAGS MNYEN PA NYID DANG, YON TAN 'THAD PA MANG BA NYID KYIS LJAGS SRAB PA NYID DANG, CHOS 'DUL BA BYIS PA'I SKYE BO CHAGS PA CAN GYIS GTING DPAG DKA' BA NYID KYIS LJAGS DMAR BA NYID DANG, BSNYENGS @137B PA THAMS CAD MI MNGA' BA NYID KYIS 'BRUG GI SGRA DANG LDAN PA NYID DANG, SNYAN PA LA SOGS PAR GSUNG BA NYID KYIS GSUNG SNYAN ZHING MNYEN LA 'JAM PA NYID DANG, SRID PAR KUN DU SBYOR BA BSDAMS PA NYID KYIS MCHE BA ZLUM PA NYID DANG, SKYE BO GDUL DKA' BA 'DUL BAR MDZAD PA NYID KYIS MCHE BA RNO BA NYID DANG, CHOS 'DUL BA SHIN TU DKAR BA NYID KYIS MCHE BA DKAR BA NYID DANG, MNYAM PA'I SA LA GNAS PA NYID KYIS MCHE BA MNYAM PA NYID DANG, MTHAR GYIS MNGON PAR RTOGS PA YANG DAG PAR RAB TU STON PAR MDZAD PA NYID KYIS MCHE BA BYIN GYIS PHRA BA NYID DANG, SHES RAB MCHOG LA GNAS PA NYID KYIS SHANGS MTHO BA NYID DANG, SKYE BO GTZANG MA PHUN SUM TSOGS PA NYID KYIS SHANGS GTZANG BA NYID DANG, CHOS SHIN TU RGYA CHE BA'I PHYIR SPYAN YANGS PA NYID DANG, SEMS CAN GYI TSOGS DRANGS PA NYID KYIS RDZI MA STUG PA NYID DANG, 'GRO BA GZHON NU MA THAMS CAD MNGON PAR MGU BA NYID KYIS SPYAN DKAR NAG 'BYES SHING PADMA'I 'DAB MA RANGS PA LTA BU NYID DANG, RTAG TU PHYI RJES SU GZIGS PA NYID KYIS SMIN TSUGS RING BA NYID DANG, CHOS 'DUL BA 'JAM PO LA MKHAS PA NYID KYIS SMIN MA 'JAM PA NYID DANG, THUGS KYI RGYUD DGE BAS BRLAN PA NYID KYIS SMIN MA SNUM PA NYID DANG, KUN DU SKYON GZIGS PA NYID KYIS SMIN MA'I SPU MNYAM PA NYID DANG, MCHOG TU GNOD PA BZLOG PAR MDZAD PA NYID KYIS PHYAG RING ZHING RGYAS PA NYID DANG, 'DOD CHAGS LA SOGS PA'I G-YUL LAS RNAM PAR RGYAL BA NYID KYIS SNYAN MNYAM PA NYID DANG, SEMS CAN THAMS CAD KYI RGYUD MA NYAMS PAR MDZAD PA NYID KYIS SNYAN GYI DBANG PO MA NYAMS PA NYID DANG, LTA BAS BYAS PA THAMS CAD KYIS GZHAN DU MI 'GYUR BA NYID KYIS DPRAL BA LEGS PAR 'BYES PA NYID DANG, SMRA BA THAMS CAD 'JOMS PAR MDZAD PA NYID KYIS DPRAL BA DBYES CHE BA NYID DANG, SMON LAM GYI MCHOG YONGS SU RDZOGS PA NYID KYIS DBU SHIN TU RGYAS PA NYID DANG, YUL GYI DGA' BA BZLOG PAR MDZAD PA NYID KYIS DBU SKRA BUNG BA LTAR GNAG PA NYID DANG, MTHONG BA DANG BSGOM PAS SPANG BAR BYA BA'I BAG LA NYAL SPANGS PA'I PHYIR DBU SKRA STUG PA NYID DANG, BSTAN @138A *, ,PA BLO 'JAM POS YONGS SU SHES PA NYID KYIS DBU SKRA 'JAM PA NYID DANG, THUGS 'DOD CHAGS LA SOGS PAS MA 'KHRUGS PA NYID KYIS DBU SKRA MA 'DZINGS PA NYID DANG, RTAG TU TSIG MI RTZUB PA NYID KYIS DBU SKRA MI BSHOR BA NYID DANG, BYANG CHUB KYI YAN LAG GI ME TOG BKRAM PA NYID KYIS DBU SKRA DRI ZHIM PA NYID DANG, RNAM PA THAMS CAD DU MDZES PAR GYUR PA NYID KYIS PHYAG DANG ZHABS DPAL GYI BE'U DANG BKRA SHIS DANG G-YUNG DRUNG 'KHYIL PAS BRGYAN PA NYID YIN NO, ,DE LTAR SKU GSUM BSTAN NAS, BZHI PA SPRUL PA'I SKU BYIS PA'I SKYE BO THAMS CAD DANG THUN MONG PA, GANG GIS SRID PA JI SRID PAR, ,'GRO LA PHAN PA SNA TSOGS DAG ,MNYAM DU MDZAD PA'I SKU DE NI, ,THUB PA'I SPRUL SKU RGYUN MI 'CHAD, ,CES BYA BA GSUNGS TE, SH'AKYA THUB PA LA SOGS PA'I GZUGS GANG GIS 'KHOR BA JI SRID BAR 'JIG RTEN GYI KHAMS THAMS CAD DU SEMS CAN RNAMS KYI 'DOD PA'I DON MNYAM PA NYID DU MDZAD PA'I SKU DE NI RGYUN CHAGS PA NYID KYIS SANGS RGYAS BCOM LDAN 'DAS KYI SPRUL PA'I SKU RGYUN MI 'CHAD PA YIN NO, ,DE LTAR NGO BO NYID KYI SKU'I BDAG NYID BSGOMS PA'I STOBS LAS BYUNG BA SANGS RGYAS LA SOGS PA'I YUL NYID DU YE SHES LA SOGS PA LA LTOS NAS RAB TU BRTAGS PA'I SKU GSUM BSTAN NAS, KUN RDZOB TU YE SHES KHO NA LONGS SPYOD RDZOGS PA'I SKU LA SOGS PAR SNANG BA SKYED PA'I SGO NAS DON BYA BA MDZAD PAS NA, GDUL BYA'I SKYE BO'I SNANG BA LA BRTEN PA'I LAS DE'I BDAG PO LA BRTEN NAS BYUNG BA RNAMS NI CHOS KYI SKU'I YIN NO ZHES, DE BZHIN 'KHOR BA JI SRID 'DI'I, ,LAS 'DI RGYUN MI 'CHAD PAR 'DOD, ,'GRO RNAMS ZHI BA'I LAS DANG NI, ,BSDU RNAM BZHI LA DGOD PA DANG, ,KUN NAS NYON MONGS BCAS PA YI, ,RNAM PAR BYANG BA RTOGS PA DANG, ,SEMS CAN RNAMS DON JI BZHIN GYI, , DON DANG PHA ROL PHYIN DRUG DANG, ,SANGS RGYAS LAM DANG RANG BZHIN GYIS, ,STONG PA NYID DANG GNYIS ZAD DANG, ,BRDA DANG DMIGS PA MED PA DANG, ,LUS CAN RNAMS NI YONGS SMIN DANG, ,BYANG CHUB SEMS DPA'I LAM DANG NI, ,MNGON PAR ZHEN PA BZLOG PA DANG, ,BYANG @138B CHUB THOB DANG SANGS RGYAS ZHING, ,RNAM PAR DAG DANG NGES PA DANG, ,SEMS CAN DON NI TSAD MED DANG, ,SANGS RGYAS BSTEN SOGS YON TAN DANG, ,BYANG CHUB YAN LAG LAS RNAMS NI, ,CHUD MI ZA DANG BDEN MTHONG DANG, ,PHYIN CI LOG NI SPANGS PA DANG, ,DE GZHI MED PA'I TSUL DANG NI, ,RNAM PAR BYANG DANG TSOGS DANG NI, ,'DUS BYAS 'DUS MA BYAS PA LA, ,THA DAD YONGS SU MI SHES DANG, ,MYA NGAN 'DAS LA DGOD PA STE, ,CHOS KYI SKU YI PHRIN LAS NI, ,RNAM PA NYI SHU BDUN DU BZHED, ,CES BYA BA GSUNGS TE, DANG POR 'GRO BA BZANG PO DANG BZANG PO MA YIN PA LA MNGON PAR ZHEN PA MED PAR GNAS PA'I MTSAN NYID 'GRO BA RAB TU ZHI BA'I PHRIN LAS MDZAD NAS, SBYIN PA LA SOGS PA BSDU BA'I DNGOS PO BZHI LA BKOD DE, THOS PA LAS BYUNG BA LA SOGS PA'I SHES PAS MI MTHUN PA'I PHYOGS DANG GNYEN PO DOR BA DANG BLANG BAR BYA BA'I SGO NAS RTOGS PAR MDZAD NAS, SGYU MA MKHAN BZHIN DU RJES SU CHAGS PA LA SOGS PAS RNAM PAR DBEN PA NYID KYIS SEMS CAN GYI DON TE GZHAN GYI DON BYAMS PA LA SOGS PA'I MTSAN NYID JI LTA BA'I BDAG NYID LA BKOD DE, DE'I RJES LA RANG GI DON 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA DRUG LA GOMS PA LA'O, ,DE'I 'OG TU RANG DANG GZHAN GYI DON GYI MTSAN NYID SANGS RGYAS KYI LAM STE, DGE BA BCU'I LAS KYI LAM LA'O, ,DE NAS CHOS THAMS CAD RANG BZHIN GYIS STONG PA NYID GOMS PA LA'O, ,DE'I RJES LA SBYIN PA'I PHA ROL TU PHYIN PA LA BRTEN NAS SA DANG PO CHOS KYI DBYINGS KUN DU 'GRO BA RTOGS PA'I MTSAN NYID GNYIS SU MED PA'I CHOS LA'O, ,DE NAS TSOGS YONGS SU RDZOGS PA'I RGYUR GYUR PAS SA GNYIS PA LA SOGS PAR TSUL KHRIMS LA SOGS PA'I PHA ROL TU PHYIN PA'I CHOS THAMS CAD BRDAR BTAGS PA'I SHES PA LA 'GOD DO, ,DE BZHIN DU RIM GYIS SHES RAB KYI PHA ROL TU PHYIN PA LA BRTEN NAS SA DRUG PA LA SHES PA DANG, SHES BYA'I DNGOS POR MNGON PAR MA ZHEN PA'I MTSAN NYID CHOS THAMS CAD DMIGS SU @139A *, ,MED PA LA'O, ,DE'I 'OG TU SA BDUN PA LA THABS KYI PHA ROL TU PHYIN PA'I STOBS KYIS SEMS CAN YONGS SU SMIN PAR BYED PA LA'O, ,DE NAS STOBS KYI PHA ROL TU PHYIN PA'I STOBS KYIS SA BRGYAD PA LA NYAN THOS LA SOGS PA DANG THUN MONG MA YIN PA'I BYANG CHUB SEMS DPA'I LAM LA'O, ,DE NAS DE NYID LA CHOS THAMS CAD LA MNGON PAR ZHEN PA SPANGS PA LA'O, ,DE'I RJES LAS DGU PA LA SMON LAM GYI PHA ROL TU PHYIN PA'I MTHUS BYANG CHUB THOB PA LA'O, ,DE'I 'OG TU YE SHES KYI PHA ROL TU PHYIN PA'I STOBS KYIS SA BCU PA LA SANGS RGYAS KYI ZHING SNA TSOGS RNAM PAR DAG PA LA BKOD NAS, YANG DE NYID LA SKYE BA GCIG GIS THOGS PA'I RANG GI NGO BO YANG DAG PAR RDZOGS PA'I BYANG CHUB TU SO SOR NGES PA DANG, PHYOGS BCU'I 'JIG RTEN GYI KHAMS KYI SEMS CAN GYI DON DANG 'JIG RTEN GYI KHAMS THAMS CAD DU SANGS RGYAS KYI DRUNG DU NYE BAR 'GRO BA LA SOGS PA'I YON TAN LA BKOD DE, DE LTA BU'I RIM PAS YANG DE NYID LA KHYAD PAR GYI LAM GYI RANG GI NGO BO BYANG CHUB MTHA' DAG 'DREN PAR BYED PA'I CHOS KYI MTSAN NYID BYANG CHUB KYI YAN LAG DANG, LAS DANG 'BRAS BUR 'BREL PA CHUD MI ZA BA DANG, DNGOS PO THAMS CAD YANG DAG PA JI LTA BA BZHIN RTOGS PA DANG, PHYIN CI LOG THAMS CAD SPANGS PA DANG, PHYIN CI LOG GZHI MED PA SPANGS PA'I YE SHES DANG, RANG BZHIN GYIS YONGS SU DAG PA'I MTSAN NYID KYI BYANG CHUB SEMS DPA'I RNAM PAR BYANG BA DANG, DRI MA THAMS CAD DANG BRAL BA'I RNAM PAR BYANG BA'I RGYU'I TSOGS DANG, STONG PA NYID KYI NGO BO NYID KYIS 'DUS BYAS DANG 'DUS MA BYAS THA MI DAD PAR YONGS SU SHES PA LA BKOD NAS, DE BZHIN GSHEGS PA'I SA LA MYA NGAN LAS 'DA' BA LA 'GOD PAR MDZAD DE, DE LTAR NA CHOS KYI SKU BZHIN DU 'DI'I PHRIN LAS RNAM PA NYI SHU RTZA BDUN YANG 'KHOR BA JI SRID PAR BZHED PAS MDZAD PA YIN NO, ,SEMS BSKYED PA DANG PO DANG THA MA'I LAS BSTAN PA'I GO RIMS BSTAN PA'I RIM PAS LHAG MA BAR GYI TSIG GI DON RNAMS KYI GO RIMS KYANG KHONG DU CHUD PAR BYA STE, TSIG MANGS SU DOGS PAS BDAG GIS NI @139B MA BRIS SO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA LAS, SKABS BRGYAD PA'I 'GREL PA'O,, ,,RGYAS PA LA DGA' BA'I SEMS CAN LA PHAN GDAGS PAR DE LTAR DON BRGYAD KYI SGO NAS RNAM PAR BSHAD NAS, YANG GZHAN DU RNAM PAR BSHAD PA, MTSAN NYID DE YI SBYOR BA DANG, ,DE RAB DE YI GO RIMS DANG, ,DE MTHA' DE YI RNAM SMIN NI, ,DON BSDUS GZHAN TE RNAM PA DRUG ,CES BYA BA GSUNGS TE, DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM NI MNGON PAR MTSON PA'I GNAS NYID YIN PAS MTSAN NYID DO, ,DE NAS DBANG DU BYA BA'I PHYIR 'DIS THAMS CAD MKHYEN PA NYID GSUM SGOM PA LA SBYOR BAS NA RNAM PA THAMS CAD MNGON PAR RDZOGS PAR RTOGS PA NI THAMS CAD MKHYEN PA NYID GSUM GYI SBYOR BA'O, ,DE NAS SHIN TU GOMS PAS PHUL DU BYUNG BAR 'GRO BA'I PHYIR RTZE MO'I MNGON PAR RTOGS PA NI THAMS CAD MKHYEN PA NYID GSUM GYI RAB KYI GNAS SKABS YIN NO, ,DE NAS RTOGS PA'I DNGOS PO NGES PAR BYA BA'I PHYIR SO SO BA DANG MTHA' DAG TU RNAM PAR BSGOMS PA'I DON GZHUNG SRONG BAR BYED PAS MTHAR GYIS PA'I MNGON PAR RTOGS PA NI THAMS CAD MKHYEN PA NYID GSUM GYI GO RIMS KYI GNAS SKABS YIN NO, ,DE NAS KHYAD PAR DU 'GROR MED PAS YANG DAG PAR SKAD CIG MA GCIG PA'I MNGON PAR RDZOGS PAR BYANG CHUB PA NI, THAMS CAD MKHYEN PA NYID GSUM GYI MTHAR THUG PA'I GNAS SKABS YIN NO, ,DE NAS DE'I 'BRAS BU YIN PAS CHOS KYI SKU MDZAD PA DANG BCAS PA NI THAMS CAD MKHYEN PA NYID GSUM GYI RNAM PAR SMIN PA YIN NO, ,DE LTAR NA YUM THAMS CAD KYI DON BSDUS PA GZHAN RNAM PA DRUG STE, SNGA MA KHO NA BZHIN DU BSHAD PAR BYA BA YIN NO, ,BAR MA LA DGA' BA'I SEMS CAN LA PHAN GDAGS PAR DE LTAR DON BSDUS PA DRUG GI SGO NAS RNAM PAR BSHAD NAS, YANG MDOR BSDUS PA LA DGA' BA'I SEMS CAN LA PHAN GDAGS PAR GZHAN DU RNAM PAR BSHAD PA, YUL NI RNAM PA GSUM PO RGYU, ,SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,DON BSDUS GZHAN TE RNAM PA GSUM, ,ZHES BYA BA GSUNGS TE, DANG POR RNAM PA THAMS CAD MKHYEN @140A *, ,PA NYID LA SOGS PA THAMS CAD MKHYEN PA NYID GSUM GYI NGO BO NYID NI 'JUG PA'I YUL GYI RGYU YIN NO, ,DE JI LTAR RAB TU SBYOR ZHE NA, DE'I 'OG TU RNAM PA THAMS CAD MNGON PAR RDZOGS PAR RTOGS PA LA SOGS PA MNGON PAR RTOGS PA RNAM PA BZHI NI SBYOR BA YIN NO, ,SBYOR BA DE LTA BU DANG LDAN PA'I RGYU DE'I 'BRAS BU CI ZHIG YIN ZHE NA, DE'I 'OG TU CHOS KYI SKU PHRIN LAS BCAS PA NI 'BRAS BU YIN PAS, RGYAL BA'I YUM RNAM PA GSUM GYI DON BSDUS PA GZHAN RNAM PA GSUM STE, DE KHO NA BZHIN DU BSHAD PAR BYA BA YIN NO, ,LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,MKHAS PA RNAMS KYIS YUM KUN LA'ANG, ,DON BSDUS DE TZAM SHES PAR BYA, ,DE LTA MIN NA THAMS CAD KYI, ,RIM PA LEGS PAR BSDUS MA YIN, ,DE LA BSDUS SOGS RAB DBYE BAS, ,KHYAD PAR YOD PA KHO NAR ZAD, ,'PHAGS PA RNAM PAR GROL SDE YI, ,MTHU YIS DON MTHENG SGO NAS NI, ,GO BAR SLA PHYIR TSIG DANG NI, ,NGAG SOGS SBYOR BA MA BYAS PAR, ,MKHAN PO YANG DAG RNAM SNANG MDZAD, ,BLA MA BZANG LA PHYAG 'TSAL NAS, ,TSIG LE'UR BYAS PA'I 'GREL GSAL BA, ,'DI NI SENG GE BZANG POS BYAS, ,DE BSDEBS PA LAS BYUNG BA YI, ,DGE BA BDAG GIS GANG THOB PA, ,DE YIS SKYE BO THAMS CAD NI, ,BDE GSHEGS SHES RAB THOB PAR SHOG ,SHES RAB MI GSAL BSTAN BCOS KUN, ,PHYI ROL GYUR BDAG GANG NA ZHIG ,'PHAGS BLO'I SPYOD YUL BDAG NYID CHE, ,BSTAN BCOS DON NI GANG NA YIN, ,'ON KYANG SPYOD YUL MA YIN LA, ,RANG DANG GZHAN GYI DON GYI NGOR, ,BDAG GIS 'BAD BGYIS NONGS PA LA, ,SKYE BO MKHAS RNAMS BZOD PAR MDZOD, ,KYE MA GZHUNG LUGS SNA TSOGS KYIS, ,DUB PA BDAG GIS NGAL GSO'I GNAS, ,SHES RAB PHA ROL PHYIN PA'I LUGS, ,RING MO ZHIG NAS MTHONG BA YIN, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA'I 'GREL PA, SLOB DPON SENG GE BZANG POS MDZAD PA RDZOGS SO,, ,,RGYA GAR GYI MKHAN PO BIDY'A KA RA PRA BH'A DANG, ZHU CHEN GYI LO TZ'A BA BAN DE DPAL BRTZEGS KYIS BSGYUR ZHING ZHUS TE GTAN LA PHAB PA'O, ,SLAD KYIS PAndI TA DPAL GO MI 'CHI MED LA SOGS PA DANG, LO TZ'A BA DGE SLONG BLO LDAN SHES RAB KYIS LEGS PAR GTAN LA PHAB PA'O, , @140B #, ,RGYA GAR SKAD DU, AA BHI SA MA Y'A LANGK'A RA PRA DZNY'A P'A RA MI TO PA DE SHA SH'A STRi BRATTI DU RA BA BO DH'A LO KAN'A MA t'I K'A, BOD SKAD DU, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA'I 'GREL PA RTOGS PAR DKA' BA'I SNANG BA ZHES BYA BA'I 'GREL BSHAD, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'PHAGS PA 'JAM DPAL GZHON NUR GYUR PA LA PHYAG 'TSAL LO, ,DPAL LDAN BYANG CHUB SHIN TU RNAM DAG PA, ,MI PHAM LA BTUD DES MDZAD TSIG LE'UR BYAS, ,SENG GE BZANG PO'I DPAL GYI ZHAL SNGA'I 'GREL, ,TSIG DON RTOGS DKA'I TSOGS NI BSHAD PAR BYA, ,GANG PHYIR RGYAL BAS MI KHOM THAMS CAD NI, ,DAD PAS SPONG BAR 'GYUR ZHES GSUNGS PAS NA, ,DE PHYIR 'DI NI YANG DAG RTZOM PA LA, ,SKYE BO DAM PA RNAMS KYIS BZOD PAR MDZOD, ,GZHUNG RTZOM PA THAMS CAD LA RTOG PA DANG LDAN PA PHAL CHER DE MTHAR PHYIN PAR BYA BA'I PHYIR DANG, ,THOS PA LA SOGS PA LA 'JUG PA RNAMS GEGS MED PAR BYA BA'I PHYIR, RANG GI DAD PA'I LHA LA PHYAG 'TSAL BA YIN PAS, THOG MAR RGYAL BA'I LHA LA PHYAG 'TSAL BA NI, SHES RAB PHA ROL PHYIN PA LA, ,ZHES BYA BA LA SOGS PA SMOS PA YIN TE, SHES RAB NI THOS PA LA SOGS PA'I RANG BZHIN GYIS SHES PA'O, ,DE'I PHA ROL TU PHYIN PA NI RAB KYI MTHAR SON PA STE, GNYIS SU MED PA'I YE SHES DANG, DE'I DON GYI LAM DANG GZHUNG DAG NI DNGOS DANG BTAGS PA'I DBYE BAS SHES RAB KYI PHA ROL TU PHYIN PA NI RNAM PA GSUM YIN NO, ,DE LA PHYAG 'TSAL BA NI LUS LA SOGS PA GUS PAS RAB TU 'DUD PA'O, ,CI ZHIG GI DON DU ZHE NA, DE RGYAN TE MNGON PAR MTHO BA DANG NGES PAR LEGS PA'I RGYUR GYUR PA NYID YIN PA'I PHYIR MNGON PAR RTOGS PA RNAM PA BRGYAD NI YUL DE'I RGYAN YIN NO, ,DE'I TSIG LE 'UR BYAS PA DAG NI DE'I NGO BO'I DON RTOGS PA RDZOGS PAR BYED PA'I TSIGS SU BCAD PA'I SDEB SBYOR DU BYAS PA YUM STONG PHRAG BRGYA PA LA SOGS PA'I RGYA CHER BSHAD PA RNAM PAR DBYE BA STE, CHAR @141A *, ,PHYE BAS NYE BAR BSTAN PA'O, ,JI LTAR ZHE NA, STONG PHRAG BRGYA PA LA SOGS PA'I DON BSHAD PA BRGYAN PA'I PHYIR MNGON PA'I SDE SNOD LA SOGS PA KUN GYI RGYAN DU 'GYUR BA'O, ,DER 'GYUR BA NI BSAM PA STE, DES DE BSTAN PA YIN PA'I PHYIR RO, ,PHYIR ZHES BYA BA NI DE LTAR BDAG GIS 'PHAGS PA BYAMS PA'I DGONGS PA SHES PAR GYUR BAS SO, ,CI RAB TU BYED PA'I RNAM PAR BSHAD PA GZHAN DAG KYANG YOD DAM ZHE NA, YOD PA'I PHYIR 'GRO LA CHAGS PA ZHES BYA BA LA SOGS PA SMOS PA YIN TE, 'PHAGS PA STE NYON MONGS PA DANG BRAL BA LTA BUR CHAGS PA MED PAR SEMS CAN GYI DON LA KUN TU CHAGS PAR MDZAD PA GANG YIN PA DES KUN TU CHAGS PA'O, ,DON 'DI NYID NI, 'GRO LA CHAGS PA KUN CHAGS MDZAD, ,CES SMOS PA YIN TE, 'GRO BA LA CHAGS PA GANG YIN PA DE NI 'GRO BA LA CHAGS PA STE, BYANG CHUB SEMS DPA' RNAMS SO, ,DE RNAMS DANG 'DRA BAR KUN TU CHAGS PAR MDZAD PA GANG YIN PA DES SO, ,DE NYID KYIS NA SKYOB PA STE, RANG GIS GZIGS PA'I LAM STON PAS SEMS CAN RJES SU SKYONG BAR MDZAD PA'I PHYIR RO, ,RNAM BSHAD NI KHYAD PAR CAN GYI DON STON PA'O, ,MDZAD PA NI RNAM PAR SBYAR BA'O, ,GANG GIS SHE NA, BSTAN BCOS CHEN POS ZHES BYA BA STE, SHES RAB KYI PHA ROL TU PHYIN PA'I MDO'I DON MA LUS PA SDUD PAR BYED PAS BSTAN BCOS CHEN PO STE, MNGON PAR RTOGS PA'I RGYAN ZHES BYA'O, ,CI DPYAD PAS SAM THOS PA GCIG NAS GCIG TU BRGYUD PAS MDZAD DAM ZHE NA, MA YIN DE NYID KYIS, MI PHAM MGON LAS GSAN NAS NI, ,ZHES SMOS PA YIN TE, LHA DANG MI RNAMS KYI DAM PAR GYUR PA YIN PA'I PHYIR DANG, 'JIG RTEN GYI GTZO BOR GYUR PA NYID KYIS NA DBANG PHYUG CHEN PO LA SOGS PAS MI THUB PA'I PHYIR MI PHAM MO ZHES BYA BA NI BDAG NYID KYIS GSAN NAS LEGS PAR BSAMS SHING BSGOMS PAS BSTAN PAR BYAS NAS ZHES BYA BAR DON GYIS SHES SO, ,'DI NI TING NGE 'DZIN BRNYES PA NYID YIN NA YANG JI LTAR LHAG PAR MOS PAS TSIG LE'UR BYAS PAS MDZAD @141B PA PO LAS MNGON SUM DU GSAN PA NYID YIN PAS SDUD PA PO DANG 'DRA BAR 'DIR TSAD MA'I SKYES BUR GYUR PA YIN LA, 'DIR GZHAN DAG THOS PA MANG BA YANG YIN ZHING DRAN PA YANG SHES PA BZHIN BSDUS PA BYAS PA NYID NI 'DIR CI ZHIG LTAR 'GREL PA BYED PA LA DBANG BA YIN NA; MKHAS PAR RLOM PA GZHAN DAG LTA SMOS KYANG CI DGOS ZHES BYA BAR DGONGS SO, ,PHYI ROL GYI SHES BYA MED PA, NANG GI SHES BYA LA BRTEN CING SEMS TZAM PA'I GZHUNG LA GNAS PA NYID YIN PA DE NI 'GRO DON RTZA LAG CES BYA BA LA SOGS PA SMOS PA YIN TE, 'GRO BA LA MNGON PAR 'DOD PA NGES PAR LEGS PA'I RGYU KHA NA MA THO BA MED PA'I LAM YANG DAG PAR STON PAR MDZAD PAS NA RTZA LAG GO, ,DON 'DI NYID NI 'GRO DON ZHES BYA BA SMOS PA YIN TE, 'DOD PA'I DON SGRUB PAR BYED PA YIN PA'I PHYIR RO, ,SU ZHIG CE NA DBYIG GNYEN ZHES BYA BA'O, ,RANG GI MOS PA GTZOR BYED PAS, ,ZHES BYA BA NI RANG GI GZHUNG LUGS LA MNGON PAR ZHEN PAS SO, ,RNAM PAR BKROL ZHES BYA BA NI BSHAD PA STE, BSTAN BCOS CHEN PO ZHES BYA BAR RJES SU SNYEGS SO, ,'PHAGS PA'I KHONGS SU GTOGS PA YI, ,ZHES BYA BA'I TING NGE 'DZIN THOB PA YIN PA'I PHYIR RO, ,RNAM PAR GROL BA ZHES BYA BA NI KHYAD PAR CAN GYI BDAG MED PA LA LHAG PAR MOS PA NYID YIN PA'I PHYIR, ,DBU MAR GNAS PA'I BLOS ZHES BYA BA NI YOD PA DANG MED PA LA SOGS PA'I MTHA' SPANGS PA'I DBU MA'I SHES PAS BSTAN BCOS CHEN PO RNAM PAR PHYE BA YIN NO, ,SNGON CHAD RNAM PAR PHYE ZIN PAS 'DI NI RIGS PA MA YIN NAM ZHE NA, DES BYAS BYAS PA MIN MTHONG NAS, ,ZHES BYA BA SMOS TE, SNGAR BSHAD PA'I SLOB DPON DAG GIS BYAS PA'I 'GREL PA RNAM PAR SHES PA TZAM GYI GZHUNG RANG BZHIN DANG BCAS PA'I 'JUG PA YIN PA'I PHYIR JI LTA BA NYID MA YIN NO ZHES SHES NA DE'I PHYIR RNAM PAR GROL BA'I SDES BDAG MED PA LA LHAG PAR MOS PA'I STOBS KYIS MU STEGS PA MA LUS PA'I GZHUNG MTHA' DAG BCOM NAS RANG DANG RJES SU MTHUN PA'I BLA MA'I TSIG GI BDAG @142A *, ,NYID KYI SHES PA GSAL BAR BYAS PA'I DBANG GIS BSTAN BCOS CHEN PO RNAM PAR BSHAD DO ZHES SNGA MA DANG SBYAR RO, ,'DI SNYAM DU SEMS TE, GAL TE BCOM LDAN 'DAS YUM GYI YE SHES YOD PA'I NGO BO YIN NA NI YOD PAR 'DZIN PAS YANG DAG PAR GROL BAR MI 'GYUR ZHING GZHUNG YANG DRANG BA'I DON DU 'GYUR RO, ,SGYU MA LTA BU'I GNYIS SU MED PA'I YE SHES KYI NGO BO NYID KYI NI SGRA JI BZHIN PA NYID YIN PA'I PHYIR BSHAD PA RTOGS SLA BA DANG, YOD PA DANG MED PA LA SOGS PA'I MTHA' LA MNGON PAR ZHEN PA MED PA'I PHYIR YANG DAG PAR GROL BAR 'GYUR RO, ,DE YANG DBU MA LA 'JUG PA LAS, SLOB DPON KLU SGRUB ZHAL SNGA'I LAM NAS NI, ,PHYI ROL GYUR PA'I ZHI BA'I THABS MA YIN, ,DE NI KUN RDZOB YANG DAG BDEN LAS NYAMS, ,DE LAS NYAMS PAS THAR PA GRUB YOD MIN, ,ZHES BSHAD PA DANG, DBU MA'I DE KHO NA NYID NI DE'I RIGS KHO NA LA RIGS PA YIN TE, 'DI NYID LAS, SO SO'I SKYE BO NYID NA 'ANG STONG NYID THOS, ,NANG GI DGA' BA YANG DANG YANG DU THOB, ,DGA' BA LAS BYUNG MIG NI MCHI MAS BRLAN, ,LUS KYI SPU LDANG BA YANG SKYE BAR 'GYUR, ,ZHES GANG BSHAD PA YIN NO, , 'PHAGS PA THOGS MED KYI ZHAL SNGA NAS KYI DANG, 'PHAGS PA BYAMS PA LAS YANG DAG PAR RDZOGS PA'I SANGS RGYAS DANG 'DRA BAR RANG GI BSAM PA'I DBANG GIS SEMS CAN GYI DON DU RTOGS PA YIN PAS NYES PA MED DO, ,YANG RANG DANG RJES MTHUN TZAM DU ZHES BYA BA 'DI'I DON NI DE'I 'OG TU RNAM GROL SDE ZHES BYA BA LA SOGS PA SMOS PA YIN TE, DAD PA NYID RTEN DU GYUR PAS SA YIN TE, DE LA GNAS PA YIS ZHES BYA BA YIN NO, ,DAD PA DANG LDAN PA STE, BCOM LDAN 'DAS KYIS DAD PAS MI KHOM SPANG BAR 'GYUR RO ZHES GANG GSUNGS PA YIN NO, ,BSTAN BCOS MTHA' DAG MA RNYED PAR, ,ZHES BYA BA NI SNGAR SMOS PA'I BSHAD PA'I BSTAN BCOS MA LUS PA DE MDZAD PA PO LAS MNGON SUM DU MA THOS PA'AM MA MTHONG BA'O, ,YANG CHOS MNGON PA'I SDE SNOD LA SOGS PAR BSHAD PA'I BSTAN BCOS MA RNYED PA'O, , @142B DA NI SNGAR SMOS PA'I BSHAD PA DANG RJES SU MTHUN PA NYID YIN PA'I PHYIR, RANG BLO'I CHE BA'I BDAG NYID NI, ,DE LTAR MKHAS PA ZHES BYA BA LA SOGS PA SMOS PA YIN TE, DE LTAR ZHES BYA BA NI TSUL DE LTAR RO, ,MKHAS PAS SNANG BYAS SHING ZHES BYA BA NI 'PHAGS PA THOGS MED LA SOGS PAS RNAM PAR SBYAR BA'I YE SHES KYI SGRON MAS SO, ,KHA CIG GIS NI ZHES BYA BA NI BDAG LAS GZHAN PA'I MKHAS PA MNYAM PAR GZHAG PA RNAMS KYIS SO, ,BSTAN BCOS KUN ZHES BYA BA NI RAB TU BYED PAR GRAGS PA'O, ,MA RNYED PA NI MA MTHONG BA'AM MA THOS PA'O, ,'DI RNYED PA NI BSTAN BCOS GSAL BAR BYAS PA RNYED CING NYE BAR DMIGS PA STE, YANG DAG PA'I SHES PA'I RANG BZHIN ZHES BYA BA NI LHAG MA'O, ,MA YIN NA YANG BDAG NYID KYIS BSTAN BCOS SNA TSOGS BLTAS PAS BLO'I KHA SHIN TU PHYE BAR GYUR BAS SNYING PO MDOR BSDUS PA'I RAB TU BYED PA'I DON SNA TSOGS MTHONG BA'I NUS PA YOD PA NI NGO MTSAR BA YIN NO, ,GAL TE DE LTAR YIN NA GZHAN RNAMS KYI RNAM PAR DBYE BA DON DANG BCAS PA'I SKABS MED PAR 'GYUR RO ZHE NA, MA YIN TE, DE LTAS SHIN TU RNYED DKA' BA, ,ZHES BYA BA LA SOGS PA SMOS PA YIN TE, SHIN TU RNYED DKA' BA ZHES BYA BA NI BSOD NAMS BSAGS PA NYID KYIS RNYED PA NYID YIN PA'I PHYIR RO, ,ZAB MO'I LAM CAN ZHES BYA BA NI MNGON PAR RTOGS PA BRGYAD JI LTAR BYAMS PAS THUGS SU CHUD PA'I BDAG MED PAS ZIN PA NYID YIN PA'I PHYIR RIGS PA DANG MI LDAN PA DAG GIS NGES PAR BZUNG BAR MI NUS PA YIN PA LAS CI ZHIG LTAR RNAM PA 'GA' ZHIG GIS BLTAS TE, SANGS RGYAS KYI DBANG GIS RNYED PA STE, SANGS RGYAS KYI BYIN GYIS BRLABS KYIS THOB PA NI MKHAS PA RNAMS KYIS DBYE BA'I RIGS, ,BDAG KYANG 'GRO BA'I DON 'GRO BAR DAM BCAS PA YOD PAS BDAG GI RNAM PAR PHYE BA DANG DE RNAMS KYI RNAM PAR PHYE BA LA 'GAL BA CI ZHIG YOD, SNGON SANGS RGYAS PA YOD DO ZHES TE, DE LTAR MI BYA BA MA YIN ZHING, 'GRO LA PHAN PHYIR SANGS RGYAS 'GRUB PAR SHOG ,CES SEMS CAN THAMS CAD LA @143A *, ,RGYAL BA MA LUS PA'I BSTAN PA DON MED PAR THAL BAR 'GYUR RO, ,LA LAR BSHAD PA KHA CIG GIS MI 'DUL BA YANG MA YIN TE, SANGS RGYAS DANG 'DRA BAR DE RNAMS KYI YANG DAM BCAS PA MNYAM PA YIN NO, ,LA LAR RNAM PAR DBYE BA YONGS SU RDZOGS PA MED PA NA YANG SHES RAB KYI PHA ROL TU PHYIN PA LA SOGS PA'I MDO LAS TSIGS SU BCAD PA GCIG GI DON THOS PA LA SOGS PAS 'TSANG RGYA BA NYID DU BSNGAGS PA YIN NO ZHES BYA BAR DGONGS SO, ,DE LTAR PHUL DU BYUNG BA MKHAS PAR GYUR PA DANG BCAS PA YIN PA DANG, BSAM GTAN LA MNYAM PAR GZHAG PA'I BLO NYID KYIS RNAM PAR DBYE BA'I GO SKABS YOD PA NYID YIN NA YANG BDAG NYID KHENGS PA MED PA NYID NI RNAM PA KUN TU ZHES BYA BA LA SOGS PA GSUNGS PA YIN TE, RGYAL BA'I SPYOD YUL YIN PA'I PHYIR RNAM PA KUN TU THOS PA LA SOGS PA'I RNAM PAS KYANG BDAG GI SPYOD YUL MA YIN NA GANG GI PHYIR DE LTA YIN NA YANG, RANG DANG GZHAN LA PHAN GDAGS 'DOD NAS ZHES BYA BA BDAG DANG SEMS CAN RNAMS KYI MNGON PAR MTHO BA DANG NGES PAR LEGS PA MA LUS PA STER BA, BDAG GIR BYED PAR 'DOD PAS, BSOD NAMS DAG SGRUB DANG MTHUN PHYIR, ,ZHES BYA BAR RAB TU BYED PA RNAM PAR BSHAD PA LAS, BSOD NAMS SKYED PA LA GUS PA'I SEMS BSKYED PA STE, YANG DAG PAR SPRO BA LA BDAG 'JUG PA YIN PA STE, RNAM PAR DBYE BA ZHES BYA BA NI LHAG MA'O, ,DA NI RANG GI GZHUNG LUGS 'CHAD PAR MDZAD PAS BSTOD PA DANG PHYAG 'TSAL BA'I DBYE BA'I MCHOD PA RNAM PA GNYIS 'CHAD PA'I RAB TU BYED PA'I DON CI NAS GSAL BAR 'GYUR ZHES 'JUG PA NI 'PHAGS PA BYAMS PA ZHES BYA BA LA SOGS PA SMOS PA YIN TE, 'PHAGS PA BYAMS PA NI SDIG PA MI MNGA' BA NYID KYIS SEMS CAN THAMS CAD LA BU GCIG PA DANG 'DRA BAR BYAMS PAS PHAN 'DOGS PAR MDZAD PA'I TSUL CAN NO, ,RE ZHIG THOG MAR RGYAL BA'I YUM GYI MNGON PAR RTOGS PA'I DON BSHAD PAR RTZOM PA NYID YIN NA YANG DANG POR DE'I YON TAN JI LTA BAR STON PA SNGON DU 'GRO @143B BAS THOG MAR YANG DAG PA'I YON TAN BRJOD DE, PHYAG 'TSAL ZHING LUS LA SOGS PAS GUS PAS RAB TU 'DUD PA NI 'PHAGS PA BYAMS PA BDAG NYID CES BYA BA LA SOGS PA SMOS PA YIN TE, BDAG NYID YUM GYI DBANG GIS BYA BA BYAS PA RNYED PA NYID YIN ZHING GDUL BYA GZHAN DAG BCOM LDAN 'DAS MA YON TAN RIN PO CHE PHUL DU BYUNG BA'I 'BYUNG GNAS LA ZHES BYA BA DBANG PHYUG DANG GZUGS BZANG PO LA SOGS PA DANG LDAN PA'AM, NYON MONGS PA BAG CHAGS DANG BCAS PAR BCOM PA'I SHES RAB KYI PHA ROL TU PHYIN PA STOBS BCU LA SOGS PA'I YON TAN GYI RGYA MTSO THAMS CAD LAS MCHOG TU GYUR PA'I 'BYUNG GNAS LA DON GYIS ZHES BYA BAR MTHONG BA DANG, NGES PAR LEGS PA'I DON GYI DBANG GIS 'JUG PAR BYA BA'I PHYIR TE, DAD PA DANG SHES RAB DAG LAS SKYABS GZHAN MED PA'I BSAM PAS BSGOM PA LA SOGS PA LA 'JUG PAR BYA PA'I DON DU RAB TU DANG BA BSKYED PA'I CHED NI YID BDE BA YANG DAG PAR BSKYED PA'I DON DU'O, ,CI 'DIR NYE BAR BRTAGS PAS SBYAR BA YIN NAM, 'ON TE DES MNGON SUM DU MKHYEN PA YIN ZHE NA, SHES RAB KYI ZHES BYA BA LA SOGS PA SMOS TE, SHES RAB KYI PHA ROL TU PHYIN PA NI SNGAR SMRAS ZIN TO, ,DE'I YUL NI DE'I RTEN NO, ,RAB TU DANG BA NI MNYAM PA LA SOGS PA'I YID BDE BA'O, ,LEGS PA THAMS CAD DE MNGON PAR MTHO BA DANG NGES PAR LEGS PA RNAMS SO, ,'THOB BA'I RGYU'I GTZO BO NI DNGOS KYI RGYU YIN NO, ,DE LA RAB TU DANG BA LA RANG BZHIN GYI NUS PA 'DI DAG JI LTAR YOD CE NA, BDAG NYID DAM PA RNAMS KYI SPYOD PA DANG MTHUN PAR RAB TU STON PAS ZHES BYA BA SMOS TE, RAB TU DANG BA'I BDAG NYID DE, RANG NYID KYI RANG BZHIN NI TING NGE 'DZIN DAM PA DANG, DGE BA BCU LA SOGS PA'I BYA BA LA 'JUG PA RAB TU STON PAS SO, ,DE LA RAB TU DANG BA'I RANG BZHIN NI 'DI YIN TE, GANG GI PHYIR GDUL BYA BA'I RGYUD LA SKYES PA TZAM GYIS RNAM PAR G-YENG BA DANG MI DGE BA LAS SEMS RNAM PAR LOG NAS TING NGE 'DZIN DANG DGE BA BCU LA 'JUG GO, ,DE'I DBANG GIS KYANG DON THAMS CAD PHUN @144A *, ,SUM TSOGS PAR 'GYUR RO ZHES BYA BAR DGONGS TE, BCOM LDAN 'DAS KYIS, SANGS RGYAS BCOM LDAN BSAM MI KHYAB, ,SANGS RGYAS CHOS KYANG BSAM MI KHYAB, ,BSAM MI KHYAB LA DAD RNAMS KYI, ,RNAM PAR SMIN PA 'ANG BSAM MI KHYAB, , CES GANG GSUNGS PA YIN NO, ,DE LTAR ZHES BYA BA NI DE BZHIN DU SO SO RANG GI RIG PA'I YE SHES KYIS NGES PAR BZUNG NAS ZHES BYA BA THOS PA LA SOGS PA'I RANG BZHIN GYI SHES PA BSGOM PA'I RAB KYI MTHAR THUG PA LA 'JUG PA'I MNGON SUM GYI SHES PAS NYAMS SU MYONG NAS DE'I RJES LAS BYUNG BA'I RNAM PAR RTOG PAS NGES PAR BYAS NAS, SHES RAB KYI PHA ROL TU PHYIN PA NGES PAR MDZAD PA'I TING NGE 'DZIN BRNYES PA LAS BYUNG BA NYID KYI TSIG NI SLU BA MI SRID PAS RTOG PA DANG LDAN PA RNAMS SHES RAB BAM, DAD PAS 'JUG PAR 'GYUR GYI GZHAN NI MA YIN NO ZHES STON TO, ,DE NYID KYI PHYIR MDO LAS BYANG CHUB SEMS DPA' RNAMS LA LUGS KYI BSTAN BCOS LA SOGS PA BRTAG CING SBYAR BA'I DON NI DRAN PA TZAM DU BKAG PA YIN NO, ,SKABS NYID KYIS MTSAMS SBYAR BAR BYA STE, BLO PHUL DU BYUNG BA MNGA' BA'AM, MI SLU BA'I YE SHES DANG LDAN PAS SANGS RGYAS TE, NYAN THOS LA SOGS PA SLOB MA'I TSOGS KYIS YONGS SU BSKOR BA YIN PA'I PHYIR, NYAN THOS BYANG CHUB SEMS DPA'I TSOGS DANG LDAN YUM STE, BSKYED PAR MDZAD PA GANG YIN PA'I YUM DE LA PHYAG 'TSAL BA NI LUS LA SOGS PAS GUS PAS PHYAG 'TSAL BA'O, ,DA NI DON THAMS CAD KYI GZHIR GYUR BA NYID KYIS NA YUM GYI CHE BA'I BDAG NYID NI NYAN THOS ZHES BYA BA LA SOGS PA SMOS PA YIN TE, RANG GI GDUL BYA RNAMS LA TSIG GAM LUS KYI CHOS SGROGS PAS NA, NYAN THOS TE, NYAN THOS DANG RANG SANGS RGYAS RNAMS SO, ,DE ZHI BA TSOL BA RNAMS NI MYA NGAN LAS 'DAS PAR 'DOD PA'O, ,KUN SHES NYID KYIS ZHES BYA BA NI PHYI DANG NANG GI DNGOS PO RNAMS SKYE BA MED PAR SHES PAS SO, ,NYER ZHIR NI LHAG MA DANG BCAS PA DANG LHAG MA MED PA'I MTSAN NYID KYIS MYA NGAN LAS 'DAS PA'O, , @144B KHRID PAR MDZAD PA NI THOB PAR MDZAD PA'O, ,'GRO LA PHAN PAR BYED PA RNAMS NI 'GRO BA RNAMS LA MA 'ONGS PA NA PHAN PA'I DON SKYED PAR MDZAD PA'I BYANG CHUB SEMS DPA' RNAMS SO, ,LAM SHES NYID KYIS ZHES BYA BA NI GDUL BYA'I DBANG GIS NYAN THOS LA SOGS PA'I LAM SKYE BA MED PAR THUGS SU CHUD PA'O, ,'JIG RTEN DON GRUB MDZAD PA NI SEMS CAN RNAMS KYI PHAN PA'I DON RDZOGS PAR MDZAD PA'O, ,GANG DANG YANG DAG LDAN PA NI YUM GANG DANG YANG DAG PAR LDAN PA'O, ,THUB RNAMS NI BDAG NYID KYI DNGOS PO RNAMS YANG DAG PAR BSDAMS BA STE YANG DAG PAR RDZOGS PA'I SANGS RGYAS SO, ,SNA TSOGS 'DI DAG RNAM PA KUN GSUNGS PA ZHES BYA BA NI SHES RAB KYI PHA ROL TU PHYIN PA LA SOGS PA'I CHOS KYI 'KHOR LO SNA TSOGS PA 'DI DAG RNAM PA THAMS CAD DU GSUNG ZHING STON PAR MDZAD PA'O, ,'PHAGS PA BYAMS PA BDAG NYID DAM PA RNAMS KYI SPYOD PA ZHES BYA BA LA SOGS PA SNGAR SMOS PA NYID BSTAN CING GSAL BAR BYAS PA NI, TSIGS SU BCAD PA 'DIS NI ZHES BYA BA LA SOGS PA SMOS PA YIN TE, RNAM PAR THAR PA CUNG ZAD TZAM ZHIG GIS LHAG PA ZHES BYA BA NI NYAN THOS RNAMS NI BAG CHAGS GNYIS YOD PA YIN LA RANG SANGS RGYAS NI GZUNG BA'I BAG CHAGS SPANGS PA YIN NO, ,DE'I PHYIR DE RNAMS NI NYAN THOS RNAMS LAS RNAM PAR THAR PA CUNG ZAD TZAM ZHIG GIS LHAG PA YIN TE, DE NI SEMS KYI KHYAD PAR KHO NA LAS RNAM PAR GZHAG PA YIN PA'I PHYIR RO, ,DBANG PHYUG CHEN PO LA SOGS PA LAS RNAL 'BYOR LHAG PA YIN PAS NYAN THOS LA SOGS PA NI, RNAL 'BYOR GYI DBANG PHYUG GO, ,YE SHES LA SOGS PA'I CHE BA'I BDAG NYID KYIS YANG DAG PAR RDZOGS PA'I SANGS RGYAS NI GTZUG TOR GYI NOR BU YIN PAS GTZO BO'O, , 'DI LTAR MDOR BSDUS NA GANG ZAG NI RNAM PA GNYIS TE, KHA CIG NI DAD PA'I RANG BZHIN CAN YIN LA, DE YANG YUM 'DZIN PA LA SOGS PA'I 'BRAS BU BSTAN PA THOB PA NYID NA SPYOD PA MED PAR DE'I MOD LA NGES PAR DAD PAS NGES PAR 'DZIN PA LA 'JUG PA NYID YIN NO, ,GANG @145A *, ,YANG RANG BZHIN GYIS DBANG PO RNO BA RNAMS NI RTAG PA DANG, BDAG LA SOGS PAR BSHAD PA'I TSIG DANG 'DRA BAR SLU BA YOD PA SRID PAS LUNG GANG LA YANG BAB CHOL DU 'JUG PAR MI BYED DE, DE RNAMS KYANG GCIG DANG DU MA DANG BRAL BA ZHES BYA BA LA SOGS PA'I TSAD MAS GRUB PA GZHI DANG LAM DANG RNAM PA SKYE BA MED PA'I MTSAN NYID KYI YUM DANG DE LA BRTEN PA'I TING NGE 'DZIN RGYAL PO LA SOGS PA'I MDO THOS PA LA SOGS PA'I 'BRAS BU BSTAN PA LAS DAD PA PHUL DU BYUNG BA NI RIGS PA NYID DE GNOD PA MA MTHONG BAS PHAN TSUN 'GAL BAR BRJOD PA MI SRID PA'I PHYIR RO, ,DON LA THE TSOM GYIS YANG DAG PA RNAMS KYI 'JUG PA'I YAN LAG YIN PA'I PHYIR TE, TSAD MA RNAM 'GREL MDZAD PAS, BSTAN BCOS GANG ZHIG RIGS PAS GRUB, ,RANG GI TSIG DANG MI 'GAL MTHONG, ,MA MTHONG NA YANG DE BZUNG BA, ,DE LTAR RIGS PA MKHAS PAS SHES, ,ZHES GANG BSHAD PA DANG, YANG, YON TAN SKYON DAG MA MTHONG BA'I, ,SKYE BO GSOG TU SKYES PA LA, ,GRUB MTHA' LOG PAR 'DZIN PA DAG ,KYE MA 'DI NI GANG GIS BYIN, ,ZHES KYANG BSHAD PA YIN NO, ,DE NYID KYIS NA RTAG PA LA SOGS PA DNGOS PO KHO NAR GANG DU TSAD MA DANG 'GAL BAR 'GYUR BA LA RTOG PA DANG LDAN PA RNAMS DON DANG MI LDAN PA'I THE TSOM GYIS KHRUS LA SOGS PA DE LA GANG ZHIG 'JUG PAR BYED, 'PHAGS PA LHA'I ZHAL SNGA NAS KYIS KYANG, MU STEGS BYED PA MANG PO NI, , BDAG TU LTA BAR ZHUGS MTHONG NA, ,CHOS MTHONG BA YI SKYE BO RNAMS, ,SNYING RJE BAR NI SU MI 'GYUR, ,ZHES GANG BSHAD PA YIN NO, ,GZHAN DAG GI SGO NAS YUM GYI MTSAN NYID ZLOS TE SMRAS PA DANG, MTSANG BA NYID DANG DGOS PA MED PAR RTOG PA LA, THAMS CAD MKHYEN PA NYID GSUM GYIS BSDUS PAS YANG DAG PAR RDZOGS PA NYID YIN PA DE LTA NA ZHES BYA BA LA SOGS PA SMOS PA YIN TE, DE LTAR 'OG NAS BSHAD PA'I RIM GYIS MNGON PAR RTOGS PA'I RGYAN GYI BSTAN BCOS 'OG NAS BSHAD PA'I TSIG LE'UR BYAS PAR GRAGS PA JI LTAR MDZAD @145B CING SBYAR BA YIN ZHE NA, GZHI DANG ZHES BYA BA LA SOGS PA SMOS PA YIN TE, GZHI NI PHYI DANG NANG GI BDAG NYID CAN NO, ,GNYEN PO NI NYAN THOS LA SOGS PA'I LAM MO, ,RNAM PA NI DNGOS POS STONG PA'I RNAM PA STE, DE DAG LAS GANG YANG RUNG BA ZHIG BSDUS PAS ZHES BYA BA GANG YANG RUNG BA ZHIG NYE BAR BZUNG BAS SO, ,PHYOGS DANG PO LTAR NA NI 'BAD PA DON MED PA YIN TE, MNGON PAR RTOGS PA'I RGYAN RNAM PAR SBYAR BA'I 'BAD PA LA DGOS PA MED PAR 'GYUR TE, CI'I PHYIR ZHE NA, SHES RAB KYI PHA ROL TU PHYIN PA 'DI LAS NI ZHES BYA BA LA SOGS PA STE, SHES RAB KYI PHA ROL TU PHYIN PA 'DI LAS ZHES BYA BA MNGON PAR RTOGS PA'I RGYAN GYI BSTAN BCOS ZHES BYA BA LAS, MTSAN NYID KYI BSTAN BCOS MNGON PA'I SDE SNOD LA SOGS PA BDAG LAS MI SMOS SHING MA BSHAD PA'I PHYI DANG NANG GI BDAG NYID CAN GYI GZHI GANG YIN PA DE 'BYUNG BA MED PAS CHOS MNGON PA'I SDE SNOD LA SOGS PA LA SMOS PA'I GZHI MNGON PAR RTOGS PA'I RGYAN LAS ZLOS TE BSHAD PA'I NYES PA YOD DO, ,DE BZHIN DU PHYOGS GNYIS PA LTAR NA YANG 'BAD PA DON MED PA YIN TE, CI'I PHYIR ZHE NA, RNAM PAR BYANG BA'I DNGOS POR BSDUS PA'I PHYIR TE, RNAM PAR BYANG BA NI MYA NGAN LAS 'DAS PA YIN LA, DE'I RGYUR GYUR PAS 'DIR NI LAM LA BYA'O, ,DES NA DON NI 'DI YIN TE NYAN THOS LA SOGS PA'I LAM BSDUS PA'I PHYIR RO, ,KUN NAS NYON MONGS PA'I DNGOS PO NI GZUNG BA LA SOGS PA MI MTHUN PA'I PHYOGS SO, ,DE MA BSDUS PA NI MA SMOS PA'O, ,PAS ZHES BYA BA NI RGYU'O, ,'DI GANG GI GNYEN PO YIN PA KHONG DU CHUD PAR MI 'GYUR RO ZHES BYA BA NI MI MTHUN PA DANG GNYEN PO'I PHYOGS KYI SO SOR NGES PAR RTOGS PA MED PAS RTOGS PA MED PA'I NYES PA YOD DO, ,PHYOGS GSUM PA LTAR NA YANG 'BAD PA DON MED PA YIN TE, CI'I PHYIR ZHE NA, RNAM PA GZHI MED PA TZAM GYIS BSDUS PA'I PHYIR TE, ,RNAM PAR RTOG PA LA GNAS PA GZHI MED PA'I RNAM PA NYID SMOS PA'I PHYIR RO, ,CUNG ZAD KYANG MA BSHAD PAS DON RTOGS PA MED PA'I PHYIR ZHES BYA BA NI DE @146A *, ,BSGOMS PAS GCIG NAS GCIG TU BRGYUD PAS KYANG GZHI GANG YANG THOB PAR MI 'GYUR BA'I PHYIR SKYES BU'I DON LA DGOS PA MED PAS BRJOD PA MED PA'I NYES PA YOD DO, ,THAMS CAD MKHYEN PA NYID GSUM GYIS MA BSDUS PA'I NYES PA NI PHYOGS GSUM CAR LA YANG SHES PAR BYA'O, ,PHYIR ZHES BYA BA NI GTAN TSIGS SO, ,DON MED PA YIN NO SNYAM DU GZHAN DAG SEMS PAR 'GYUR BA MA YIN NAM ZHES BYA BAS RGOL BA POS THAMS CAD MTHONG BA MA YIN NO, ,ZHES BYA BA'I TSUL GYIS BSTAN BCOS LA DGOS PA MED DO SNYAM DU SHES PAR 'GYUR BA'O, , DE NI MA YIN TE ZHES BYA BA LA SOGS PA LA, THAMS CAD MKHYEN PA NYID GSUM GYIS ZHES BYA BA NI NYAN THOS DANG RANG SANGS RGYAS DAG NI, THAMS CAD SHES PA NYID DO, ,BYANG CHUB SEMS DPA' RNAMS NI LAM SHES PA NYID DO, ,YANG DAG PAR RDZOGS PA'I SANGS RGYAS NI RNAM PA THAMS CAD MKHYEN PA NYID DE, THAMS CAD MKHYEN PA NYID GSUM PO DAG GIS MNGON PAR RTOGS PA MTHA' DAG BSDUS PA NI 'TSANG RGYA BA NYID MNGON SUM DU BYED PA THAMS CAD KYI RGYUR SMOS PA YIN LA, DES NA GZHI DANG, GNYEN PO DANG, MI MTHUN PA'I PHYOGS DANG, GZHI RNAM PA'I MTSAN NYID GSUM CAR GYIS KYANG BSDUS PA YIN PA'I PHYIR MNGON PAR RTOGS PA'I RGYAN ZHES BYA BA'I MTSAN NYID KYI BSTAN BCOS SU MDOR BSDUS NAS YANG DAG PAR BSTAN PA YIN PA'I PHYIR THAMS CAD MKHYEN PA GSUM PO NYID DU YUM GTZOR MTSON TE, YUM GYI DON MA LUS PA NI DE'I KHONGS SU 'DUS PA NYID YIN PA'I PHYIR RO, ,DE DE LTAR MTSAN NYID 'DIS MTSON PA NYID KYIS SNGAR SMRAS PA'I NYES PA YOD PA MA YIN TE, MA LUS PA NYID DANG, YONGS SU RDZOGS PAR BYED PA NYID DANG, RAB TU BYED PA'I GO RIMS RTOGS SLA BA NYID YIN PA'I PHYIR BSTAN BCOS 'DI THUN MONG MA YIN PA DANG, YANG DAG PA'I MTSAN NYID MA YIN PA GANG LA YIN ZHES RAB TU BYED PA RNAM PAR 'BYED PAS DGONGS SO, ,DON 'DI NYID NI 'DI LTAR ZHES BYA BA LA SOGS PA SMOS PA YIN NO, ,DON DANG GZHUNG GI MDOR BSDUS NAS GSUNGS PA'I THAMS @146B CAD MKHYEN PA NYID GSUM NYE BAR BSTAN NAS DE'I RGYU DANG 'BRAS BU BSTAN PA NI, DE LA THAMS CAD SHES PA NYID NI ZHES BYA BA LA SOGS PA SMOS PA YIN TE, THAMS CAD SHES PA NYID NI GZUGS LA SOGS PA STE, GZUGS DANG TSOR BA LA SOGS PA'O, ,DE'I CHOS KYI RANG BZHIN BSGOM PAR BYA BA NYID LA MI RTAG PA DANG STONG PA NYID LA SOGS PA'I BSAM GTAN LA BRTEN NAS, 'BRAS BU NI BDAG TU RMONGS PA SPANGS PA CAN YIN TE, ,BDAG TU 'DZIN PA STONG PA NYID NI 'BRAS BU YIN NO, ,'DIS NI GZUGS LA SOGS PA LA MI RTAG PA LA SOGS PA'I RNAM PA THAMS CAD SHES PA'I STOBS KYIS BDAG TU 'DZIN PA LAS LDOG GO ZHES STON TO, ,THEG PA THAMS CAD KYIS NGES PAR 'BYUNG BA NI NYAN THOS LA SOGS PA'I LAM GYI 'BRAS BU'O, ,DE NYID DE KHO NA NYID DE, DMIGS SU MED PA LA DMIGS PA YIN PA'I PHYIR RO, ,DE'I MNGON SUM DU MI BYED PA GANG YIN PA DE LA BRTEN PA NI DE'I RGYUS SO, ,'BRAS BU SEMS CAN MA BSDUS PA SDUD PAR BYED PA CAN YIN PA NI NYAN THOS LA SOGS PA'I LAM GYI 'BRAS BU MA THOB PA DANG, SBYIN PA DANG RAB TU SBYIN PA LA SOGS PA'I BYA BA NI 'BRAS BU YIN TE, 'DIS NI LAM THAMS CAD DMIGS PA MED PAR DMIGS PA NI LAM GYI RNAM PA SHES PA NYID KYIS BYANG CHUB SEMS DPA' 'KHOR BA JI SRID PA'I BAR DU THOS PA LA SOGS PA LAS LDOG PAR MI BYED DO ZHES STON TO, ,CHOS THAMS CAD SKYE BA MED PAR RTEN PA ZHES BYA BA NI DON DAM PAR GZUGS LA SOGS PA SKYE BA MED PA NYID KYI RGYU MTSAN NO, ,NAM MKHA'I KHAMS KYI MTHAS GTUGS PA NI MTHA' MED PA'O, ,SEMS CAN GYI DON RGYUN MI 'CHAD PA NI BYANG CHUB SEMS DPA'I GNAS SKABS SU SEMS CAN GYI DON SKYE BA THOG MA MED PA NAS GOMS PA YIN PAS RANG DBANG MED PAR BYED PA GANG YIN PA DANG, GANG YANG 'KHOR BA JI SRID DU KUN NAS 'JUG CING, YANG DAG PA NYID KYI MTHA' RTOGS PA STE, BDAG MED PAS MNGON SUM DU BYED DO, ,DE DAG GI BAG CHAGS KYIS MTSAMS SBYOR BA NI RNAM PAR RTOG PA GCIG NAS GCIG TU BRGYUD PA'O, ,DE SPANGS PA CAN YIN PA NI DOR BA'O, , @147A *, ,DE NYID NI 'BRAS BU YIN PA GANG YIN PA DE LA DE SKAD CES BYA'O, ,'DI NI CHOS THAMS CAD SKYE BA MED PA LA RTEN PA'I RNAM PA THAMS CAD MKHYEN PA NYID KYIS RNAM PAR RTOG PA MA LUS PAR SPANGS PA DANG, SEMS CAN GYI DON YANG NAM MKHA' LDING BSGRUBS PA'I MCHOD SDONG DANG 'DRA BAR BSHAD PA YIN NO, ,DE LTA BAS NA ZHES BYA BA LA SOGS PA SMOS PA YIN NO, ,SKYE BO BLO GROS DMAN PA DAG CES BYA BA LA SOGS PAS NI BSTAN BCOS KYI DGOS PA MED PA NYID DU RTOG PA LA, DAM PA 'JUG PA'I YAN LAG BRJOD PAR BYA BA LA SOGS PA STON PA YIN TE, MA PHAM PA'I RDZOGS PA'I SANGS RGYAS DANG 'DRA BAR RGYAL BA GANG LA MNGA' BA DE NI MA PHAM PA RGYAL BA'O, ,DE DON CI ZHIG STE, DGOS PA CI ZHIG YOD SNYAM NA, RANG GI BSTAN BCOS LAS THA MI DAD PA'I RJOD PA DANG BRJOD PAR BYA BA DANG, 'BREL PA DANG, BRJOD PAR BYA BA'I DGOS PA DANG, GDUL BYA RNAMS KYIS BDE BLAG TU KHONG DU CHUD PA'I DGOS PA BRJOD PAR BYA BA YIN PA DE NI DON LA THE TSOM SKYE BA ZHES BYA BA LA SOGS PA SMOS PA YIN TE, MDO DON NI SHES RAB KYI PHA ROL TU PHYIN PA LA SOGS PA'I MDO'I DON BRJOD PAR BYA BA MNGON PAR RTOGS PA RNAM PA BRGYAD DO, ,DE'I NYE BAR MTSON PA'I DON NI, CHOS SPYOD BCU YI BDAG NYID CAN, ,ZHES BYA BA GSUNGS PA YIN TE, BYANG CHUB KYI SEMS DANG, RNAM PAR DAG PA'I SBYIN PA LA SOGS PA'I PHA ROL TU PHYIN PA BCU DRAN PA LA GZHAG PA STE, THOS PA DANG BSAM PA DAG GIS YANG DAG PAR DRAN NAS 'DIR YUM STON PAR MDZAD PA SEMS CAN GYI BSAM PA JI LTA BA BZHIN DU RJES SU STON PAR MDZAD PAS BSTAN PA GANG YIN PA'I RNAM PA THAMS CAD MKHYEN PA NYID LAM STE, BYANG CHUB TU BDE BAS 'GRO BA NYID YIN PAS NA THAMS CAD MKHYEN PA NYID GSUM GYI LAM MO, , LAM DE NI GZHAN GYI ZHES BYA BA BYANG CHUB SEMS DPA' LAS GZHAN RNAMS KYIS MYONG BA MA YIN ZHING RTOGS PA MA YIN TE, BLO DANG LDAN PAS RTOGS 'GYUR TE, ,ZHES BYA BA BYANG CHUB SEMS DPA' RNAMS KYIS SANGS RGYAS NYID MNGON SUM DU BYED DE, DE BZHIN GSHEGS PA'I GSANG BA'I MDO @147B LAS 'DI'I LUS DANG SPYOD LAM MTHA' YAS SHING THUG PA MED DO ZHES BYA BA LA SOGS PA GSUNGS PA YIN TE, RNAM PAR RTOG PA NI BYANG CHUB SEMS DPA' RNAMS KYI NYON MONGS PA NYID YIN NA YANG 'TSANG RGYA BA NYID MNGON SUM DU BYA BA'I SMON LAM GYI DBANG GIS GDUL BYA RNAMS LA DE LAS GZHAN PA'I SKU DANG SPYOD LAM SO SOR SNANG BA LTAR STON PA YIN PAS NYES PA MED DO ZHES BYA BA NI BRJOD PAR BYA BA'I DGOS PA CI ZHIG YIN NO, ,BDE BLAG TU NI RTOGS 'GYUR BA, ,ZHES BYA BA NI GDUL BYA RNAMS KYIS MNGON PAR RTOGS PA BRGYAD BDE BLAG TU KHONG DU CHUD PAR 'GYUR RO ZHES BYA BA NI RNAM PAR DBYE BA RTZOM PA'I DGOS PA GNYIS PA YIN NO, ,DE LTAR NA MTSAN NYID KYI BSTAN BCOS MDZAD PA'I DGOS PA 'DI DAG KHO NAS SKYES PA'I DON 'GRUB PA THAMS CAD RDZOGS PAR 'GYUR BA YIN PAS NA THUG PA MED PA MA YIN NO, ,'DI LTAR STONG PHRAG BRGYA BA LA SOGS PA'I MDO LA LAR BSDUS PA DANG, BSDUS PA RGYAS PA DANG, RGYA CHE BA DANG RTOGS PAR DKA' BA YIN LA, BSTAN BCOS 'DI NI DE LAS GO BZLOG PA YIN NO, ,DE BAS NA 'DIS NI TSE DANG BLO DANG SHES RAB CHUNG NGU DANG LDAN PA DAG GIS KYANG RNAM PAR PHYE BAS MNGON PAR RTOGS PA'I DON MOD LA SHES PA DANG, DE BSGOMS PAS KYANG SANGS RGYAS NYID LA SOGS PA 'GRUB PAR 'GYUR BA YIN PAS SEMS DANG LDAN PA SU ZHIG BSTAN BCOS 'DI LA DON MED PA NYID DU RTOGS PAR BYED, BSHAD MA THAG PA'I MDO DANG DE'I MTSAN NYID MDZAD PA SANGS RGYAS DANG BYAMS PA DAG LAS GO RIMS BZHIN DU DE GNYIS KYI GDUL BYA SHES RAB KYIS RLOM PA DANG, CIG SHOS KYANG YOD PAS DON MED PA MA YIN NO, ,'DIS NI GANG LA LA ZHIG MNGON PAR RTOGS PA NYID KYI RGYAN YIN GYI MTSAN NYID KYI NI MA YIN NO ZHES ZER BA DE DAG KYANG BSAL BA YIN TE, GNYI GA'I YANG RGYAN YIN PA'I PHYIR RO, ,GANG YANG MDO LAS BSDUS PA DANG RGYAS PA NYID LA SOGS PA'I DON BLA MA GCIG NAS GCIG TU BRGYUD PA CAN MA YIN NO ZHES ZER BAS DE'I GZHUNG GIS NI MTSAN NYID MDZAD PAS DON GANG YANG BYAS PA MA YIN NO ZHES ZER NA, MDO SDE'I BLA MA GCIG NAS GCIG TU BRGYUD PA NUB PAS DE'I MTSAN NYID LA @148A *, ,YANG GDUL BYA GUS PAR MI 'GYUR BA'I PHYIR GTZO BO NYID YIN PAS DGOS PA GNYIS GSUNGS PA YIN NO, ,'BREL PA LA SOGS PA NI DON GYIS SHES PAR 'GYUR BAS RAB TU BYED PA LAS MA SMOS SO, ,'BREL PA DANG NI RJES MTHUN THABS, ,SKYES BU'I DON NI RJOD BYED PA, ,YONGS BRTAGS DBANG DU BYAS PA'I TSIG ,DE LAS GZHAN PA DBANG BYAS MIN, ,ZHES SMOS PAS DAM PA RNAMS NI YONGS SU BRTAG PA NYID KYIS 'JUG PAR BYA'O ZHES BYA BA 'DI NI LEGS PAR SMRAS PA YIN NO, ,CHO 'PHRUL RNAM PA GSUM GYIS ZHES BYA BA NI RDZU 'PHRUL DANG KUN BRJOD PA DANG, RJES SU BSTAN PA'I MTSAN NYID CAN GYIS SO, ,RANG DANG GZHAN GYI DON PHUN SUM TSOGS PA NI NGES PAR LEGS PA LA SOGS PA GANG YIN PA STE, DE DAG BSGRUB PAR BYA BA LA, CI LA YANG MA RAGS PAR CHAS PA NI PHYIR MI LDOG PA NYID KYI GO CHA BRTAN PAR BYAS PAS SO, ,NYAMS SU MYONG BA SHIN TU GSAL BA NI MTSAN NYID KYI BSTAN BCOS THOS PA LA SOGS PA GSAL BAR BYAS PA'I SHES PA'O, ,DES GZHAG PA'I BAG CHAGS NI MTSAN NYID KYI BSTAN BCOS PHUL DU BYUNG BA'I SHES PA GCIG NAS GCIG TU BRGYUD PA LAS BYUNG BA'I NUS PA'O, ,DE LAS BYUNG BA'I DRAN PA'I SHES PA GANG YIN PA DE NI DRAN PA'I SHES PA STE, DE LA BYANG CHUB KYI SEMS DANG SBYIN PA LA SOGS PA SGRUB CING NYAMS SU LEN PA DE NYID NI SPYOD PA YIN TE, 'KHOR BA CI SRID PAR RTEN PA YIN PA'I PHYIR RO, ,KUN TU 'GRO BA NI CHOS KYI DBYINGS KHYAB PA'I SHES PA'O, ,DE RTOGS PA NI MNGON SUM DU BYED PA'O, ,DE NYID NI MTSAN NYID NGO BO NYID DE RAB TU DGA' BA LA SOGS PA'I SA LA SOGS PA GANG YIN PA'O, ,DE RNAMS RTOGS PA'I RIM PA NI SBYIN PA LA SOGS PA'I PHA ROL TU PHYIN PA PHUL DU BYUNG BA'I RIM PA DES RTOGS PA'O, , 'DIS NI SHES RAB KYI PHA ROL TU PHYIN PA NYID KYIS RAB TU DGA' BA LA SOGS PA'I SA RNAMS DE DANG DER GNAS SHING SANGS RGYAS NYID SGRUB PA YIN PA'I PHYIR RO ZHES 'DI'I DGOS PA SMRAS PA YIN NO, ,MNGON PAR RTOGS PA BRGYAD BDE BLAG TU RTOGS PAS NI DGOS PA MNGON SUM DU BYED PA @148B YIN LA, GAL TE MTSAN NYID KYI BSTAN BCOS KYI MDO LA MNGON PAR RTOGS PA'I DON RTOGS PAR MA GYUR NA MDO LA MNGON SUM DU BYED PAR YANG MI 'GYUR RO ZHES BYA BAR DGONGS SO, ,DE'I PHYIR MNGON PAR RTOGS PA SO SO'I SHES RAB KYI PHA ROL TU PHYIN PA'I DON NI BYAMS PA MNGON PAR BZHED PA'I STONG PHRAG BRGYA PA LA SOGS PA'I MDO'I DON TSIG RE RE NAS GSUNGS PA YIN NO, ,MA 'DZINGS PA NYID KYIS BSTAN PA'I PHYIR SHES RAB KYI PHA ROL TU PHYIN PA RNAM PAR MI RTOG PA'I YE SHES KYI BDAG NYID CAN GYI LUS RNAM PAR GZHAG PA NI LAM DANG GZHUNG GI BDAG NYID CAN NO, ,'DIR, MDO DON SMRA BA RNAMS KYIS NI, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS PAS BSNYAD PAR BYA, ,ZHES RNAM PAR BSHAD PA'I RIGS PA LAS NGES PAR BYA BA NYID YIN PA'I PHYIR, 'PHAGS PA BYAMS PA SHES RAB KYI PHA ROL TU PHYIN PA RNAM PA GSUM TSIG LE'UR BYAS PA'I RGYA CHER BSHAD PAS 'CHAD PAR BZHED PAS DGOS PA SMRAS ZIN NAS, RE ZHIG BSDUS PA DANG RGYAS PAS BSDUS PA'I DON GSUNGS PA YIN NO ZHES BLTA BAR BYA'O, ,DE LA SHES RAB KYI PHA ROL TU PHYIN PA LAM GYI BDAG NYID CAN TSIG GI DON BRGYAD KYIS SHES RAB KYI PHA ROL TU PHYIN PA LA SOGS PA'I NGAG CHEN POR RTOGS PA'I TSIG TU BRJOD PA BRGYAD KYIS SAM YANG NA 'OG NAS BSHAD PA'I DNGOS PO BRGYAD KYIS YANG DAG PAR BSHAD CING GSUNGS PA YIN NO, ,'DIS NI LAM DANG GZHUNG GI BDAG NYID CAN GYI YUM GYI LUS GSUNGS PA YIN LA DE GSUNGS PAS KYANG SGYU MA LTA BU'I GNYIS SU MED PA'I SHES RAB KYI PHA ROL TU PHYIN PA YANG BSHAD PA YIN TE, BYANG CHUB SEMS DPA'I TSUL THAMS CAD DU KUN RDZOB DANG DON DAM PAS BRGYAN TE, STON PAR MDZAD PA NYID YIN LA, GZHAN DU NA GDUL BYA RNAMS MTHA' GCIG TU LTUNG BAR THAL BAR 'GYUR RO, ,DA NI DNGOS PO BRGYAD MDOR BSDUS PA NI SHES RAB CES BYA BA LA SOGS PA YIN TE, MA SKYES PA NYID KYIS RNAM PA THAMS CAD MKHYEN PA NYID NI RNAM PA KUN MKHYEN NYID DO, ,DE BZHIN DU LAM @149A *, ,THAMS CAD SHES PA NI LAM SHES PA NYID DO, ,DE BZHIN DU GZHI THAMS CAD SHES PA NI THAMS CAD SHES PA NYID DO, ,THAMS CAD MKHYEN PA NYID GSUM PO 'DI NYID GCIG TU BYAS PA'I BDAG NYID THAMS CAD SHES PA NI RNAM PA KUN MNGON PAR RDZOGS PAR RTOGS PA'O, ,DE LAS KYANG RAB KYI MTHAR PHYIN PA'O, ,'CHOL BA DANG MA 'CHOL BAR RTOGS PA'I DON GO RIMS SU YOD PAS NA, MTHAR GYIS PA'O, ,DON DE DAG NYID SKAD CIG MA GCIG GIS RTOGS PAS NA SKAD CIG MNGON RDZOGS BYANG CHUB BO, ,SKAD CIG MA GNYIS PAR BCOS MA MA YIN PA'I MTSAN NYID 'DZIN PA'I YE SHES KYI SKUR MNGON PAR BYANG CHUB PAS CHOS NYID KYI BDAG NYID CAN GYI SKU NI CHOS KYI SKU'O, ,RNAM PA THAMS CAD MKHYEN PA NYID DANG, DE NAS ZHES BYA BA NI DE NAS LAM SHES PA NYID CES BYA BA LA SOGS PA'I RIM GYIS SKABS RNAM PA BRGYAD KYI GO RIMS BSTAN PA'I PHYIR, THAMS CAD LA SBYAR BAR BYA'O, ,DANG ZHES BYA BA NI RDZOGS PA'O, ,DE RNAM BRGYAD CES BYA BA NI MNGON PAR RTOGS PA NI BRGYAD PO DE DAG GIS YONGS SU RDZOGS PA YIN TE LHAG MA MED PA DANG MA TSANG BA MED PA 'DI DAG KHO NAS 'TSANG RGYA BA NYID GRUB PA YIN NO, ,YANG NA DE NAS CHOS KYI SKU DANG ZHES BSDU BAR BYA STE, DE NAS DE DAG GI 'BRAS BU NI NGES PAR BZUNG BA YIN NO ZHES BYA BA'I TSUL GYIS MNGON PAR RTOGS PA NI BRGYAD PO 'DI DAG NYID YIN NO ZHES BYA BA LA SOGS PA SNGA MA BZHIN NO, ,DE LTAR MNGON PAR RTOGS PA BRGYAD GO RIMS BZHIN DU MDOR BSDUS TE YANG DAG PAR BSTAN NAS, DE BZHIN DU CUNG ZAD CIG GIS RGYA CHER BSTAN PA NI, SEMS BSKYED PA DANG ZHES BYA BA LA SOGS PA GSUNGS PA YIN TE, GZHAN GYI PHYIR 'TSANG RGYA BA NYID LA SEMS 'JOG PA NI, SEMS BSKYED PA'O, ,DE YANG SEMS BSKYED PA NI ZHES BYA BA LA SOGS PAS STON TO, ,RNAM PA BCU LA BSLAB PA NI GDAMS NGAG DE YANG, SGRUB DANG BDEN PA RNAMS DANG NI, ,ZHES BYA BA LA SOGS PAS STON TO, ,NGES PAR 'BYED PA NI 'TSANG RGYA BA NYID MNGON SUM DU BYED PA'O, ,DE'I YAN LAG NI RGYU STE DROD LA SOGS @149B PA'I DBYE BAS RNAM PA BZHI'O, ,DE YANG DMIGS PA DANG NI ZHES BYA BA LA SOGS PAS STON TO, ,SGRUB PA NI NYAMS SU LEN PA STE, DE'I RTEN NI GZHI'O, ,DE YANG CHOS KYI DBYINGS KYI RANG BZHIN TE GNYIS SU MED PA'I YE SHES KYI BDAG NYID CAN YIN NO, ,DE YANG RTOGS PA YI NI ZHES BYA BA LA SOGS PAS STON TO, ,DMIGS PA NI YUL YIN TE, DE YANG, DMIGS PA CHOS RNAMS THAMS CAD DE, ,ZHES BYA BA LA SOGS PAS STON TE, GANG LA DMIGS NAS 'JUG PA DE NI CHED YIN TE, DE YANG SEMS CAN KUN MCHOG CES BYA BA LA SOGS PAS STON TO, ,GO CHA 'JUG PA'I BYA BA DANG, ZHES BYA BA NI DANG PO GZHAN GYI DON LAS PHYIR MI LDOG PA'I SEMS NI GO CHA'O, ,DE'I BYA BA NI SBYIN PA LA SOGS PA RNAM DRUG LA, ZHES BYA BA LA SOGS PAS STON TO, ,NYAMS SU LEN PA NI 'JUG PA STE, DE'I BYA BA NI, BSAM GTAN GZUGS MED SBYIN SOGS DANG, ,ZHES BYA BA LA SOGS PAS STON TO, ,DANG ZHES BYA BA NI THAMS CAD DU SDUD PA YIN NO, ,'DI DAG GIS BYANG CHUB THOB PA'I SGO NAS YANG DAG PAR 'DZIN PA NA TSOGS TE SNYING RJE LA SOGS PA'O, ,TSOGS DE YANG, BRTZE DANG SBYIN LA SOGS PA DRUG ,CES BYA BA LA SOGS PAS STON TO, ,NGES PAR 'BYUNG BCAS RNAMS NI THOB PA DANG BCAS PA'O, ,DE NI CHED DU BYA DANG ZHES BYA BA LA SOGS PAS STON TO, ,THUB PA'I RNAM KUN MKHYEN PA NYID, ,CES BYA BA NI YANG DAG PAR RDZOGS PA'I SANGS RGYAS KYI'O, , YANG DAG PAR RDZOGS PA'I SANGS RGYAS KYI 'OD KYIS LHA RNAMS KYI 'OD DRI MA CAN DU MDZAD PA NI MOG MOG POR BYED PA'O, ,SOGS PA'I SGRAS NI YUL SO SOR NGES PA LA SOGS PA'O, ,DE NI LHA RNAMS RUNG BAR BYA BA'I PHYIR, ZHES BYA BA LA SOGS PAS STON TO, ,SLOB MA BSE RU'I LAM GANG DANG, ,ZHES BYA BA NI RDZOGS PA'I SANGS RGYAS KYIS BTUL BA YIN PAS NA, SLOB MA STE NYAN THOS RNAMS SO, ,GCIG TU SPYOD PAS NA BSE RU STE, RANG SANGS RGYAS RNAMS SO, ,'DI GNYIS KYI LAM GANG YIN PA DE DAG NI 'PHAGS PA'I BDEN PA @150A *, ,BZHI PO LA SOGS PA DANG, GZUNG BA'I RTOG PA NYAMS PHYIR DANG, ,ZHES BYA BA LA SOGS PAS GO RIMS BZHIN DU STON TO, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,ZHES BYA BA NI MTHONG BA DANG MA MTHONG BA'I YON TAN DANG LDAN PAS 'BRAS BU CHE BA NI MTHONG BA'I LAM STE, DE NI, BDEN DANG BDEN LA BZOD PA DANG, ,ZHES BYA BA LA SOGS PAS SMOS TE, BSGOM PA'I LAM GYI BYA BA NI BYED PA STE, KUN NAS DUL DANG ZHES BYA BA LA SOGS PAS STON TO, ,LHAG PAR MOS PA NI MOS PA STE, DE YANG, MOS PA RANG GI DON DANG NI, ,ZHES BYA BA LA SOGS PAS STON TO, ,DE YANG CHUNG NGU DANG 'BRING DANG CHEN PO LA SOGS PAS SANGS RGYAS LA SOGS PAS DON CI LTA BA BZHIN DU MNGON PAR DGYES PA NI, BSTOD DANG BKUR DANG BSNGAGS PA DANG, ,ZHES BYA BA YIN TE, DE NI, SHES RAB PHA ROL PHYIN PA LA, ,ZHES BYA BA LA SOGS PAS STON TO, ,DGE BA'I RTZA BA RNAMS 'TSANG RGYA BA NYID KYI PHYIR STOBS PA NI YONGS SU BSNGO BA'O, ,DE BZHIN DU DGE BA RNAMS LA YANG DAG PAR DGA' BA NI RJES SU YI RANG BA'O, ,DE GNYIS KYIS YID LA BYED PA BLA NA MED PA DAG NI, 'KHOR GSUM RNAM PAR DAG PA'I PHYIR BLA NA MED PA'I SEMS LA'O, ,DE DAG NI, YONGS SU BSNGO BA KHYAD PAR CAN, ,ZHES BYA BA LA SOGS PA DANG, THABS DANG MI DMIGS PA DAG GI ,ZHES BYA BA LA SOGS PA DAG GIS GO RIMS BZHIN DU STON TO, ,SANGS RGYAS NYID LA BSTOD PAS NA BSGRUB PA STE, DE YANG DE YI NGO BO NYID MCHOG NYID, ,CES BYA BA LA SOGS PAS STON TO, ,SHIN TU DAG PA ZHES BYA BA NI MTHA' LAS RNAM PAR DAG PA STE, DE YANG SANGS RGYAS RTEN DANG ZHES BYA BA LA SOGS PAS 'OG NAS STON TO, ,ZHES BYA BA 'DI NI BSGOM PA'I LAM ZHES BYA BA NI MOS PA DANG ZHES BYA BA LA SOGS PA LNGA PA'O, ,MKHAS RNAMS KYI ZHES BYA BA NI KUN RDZOB DANG DON DAM BA'I BDEN PA SHES PA BYANG CHUB SEMS DPA' RNAMS KYI GNYIS SU MED PA'I YE SHES KYI DGONGS PA CAN YIN NO, ,LAM SHES PA NYID @150B BSHAD DO, ,SHES PA ZHES BYA BA DGE BA'I BSHES GNYEN YANG DAG PA LA SOGS PA'I STOBS KYIS SHES RAB KYI PHA ROL TU PHYIN PA LA SOGS PA THOB PA'I SHES PAS BDAG LA SOGS TSAR BCAD PAS SRID PA MI GNAS SHING SHES BYA BA NYES DMIGS MTHONG BAS SGYU MA DANG 'DRA BA'I 'KHOR BA LA RTAG PA'I LTA BA MNGON PAR ZHEN PA MED DO, ,SEMS CAN MA LUS PA LA DMIGS PA'I SNYING RJE ZHI LA MI GNAS TE BDAG NYID THAMS CAD RGYUN CHAD MAR ME LTA BUR MYA NGAN LAS 'DAS PA SEMS CAN GYI DON GYI THABS MA YIN PA LA MNGON PAR ZHEN PA MI BYED DO, ,BSHAD PA 'DIS NI SHES PA DANG SNYING RJE DAG GI BYANG CHUB SEMS DPA'I SHES RAB KYI PHA ROL TU PHYIN PA RTAG PA DANG CHAD PA'I MTHA' NANG DU MI LTUNG BAR GSUNGS PA YIN TE, DE YANG, TSU ROL PHA ROL MTHA' BA MIN, ,ZHES BYA BA LA SOGS PAS STON TO, ,DGE BA'I BSHES GNYEN YANG DAG PA LA SOGS PA LAS YUM THOS PA LA SOGS PA'I SHES PA MED PAS NA, GZUGS LA SOGS PA LA NYE BAR DMIGS PA'I SHES PA NI THABS MA YIN PA STE, DES NI NYAN THOS LA SOGS PA'I YUM THOB PA LAS RING BA YIN LA, 'DI LAS GO BZLOG PA GZUGS LA SOGS PA LA MI DMIGS PA'I SHES PA NI THABS YIN TE, DES NI BYANG CHUB SEMS DPA' RNAMS KYIS YUM THOB PA NI RING BA MA YIN NO, ,DON 'DI DAG NI MTSAN BCAS DMIGS SGO NAS, ZHES BYA BA LA SOGS PA DANG, 'DI NI THABS LA ZHES BYA BA LA SOGS PAS GO RIMS BZHIN DU BSTAN TO, ,BYANG CHUB SEMS DPA' RNAMS KYI NI MI DMIGS PA RING BA MA YIN PA'I PHYIR RO, ,RAB 'BYOR LA SOGS PA LA THOS PA LA SOGS PAS YUM GYI RANG GI NGO BO SHES SO, ,RAB 'BYOR LA SOGS PAS DE STON PA NI BCOM LDAN 'DAS KYI MTHU NYID KYIS YIN TE, RTZIG PA LA SOGS PA DANG 'DRA ZHES BYA BAR DGONGS SO, ,MTHONG BA'I LAM LA SOGS PA RNAM PAR GZHOM PAR BYA BA YIN PA'I MA YANG DAG PA'I SHES PA'I GEGS BYED PA'I YUM NI MI MTHUN PA STE, YANG DAG PAR NA GZUNG BA LA SOGS PA'I RNAM PAR RTOG PA'AM DE LAS @151A *, ,BYUNG BA'I 'DOD CHAGS LA SOGS PA'O, ,BLANG BAR BYA BA 'AM GZUNG BA LA SOGS PA 'JOMS PAR BYED PA'I PHYOGS KYI YUM NI GNYEN PO'I PHYOGS TE, YANG DAG PAR NA BYANG CHUB YIN LA DE'I RGYUR GYUR PA YIN PAS 'DIR LAM LA BYA'O, , 'DI DAG NI, GZUGS SOGS PHUNG PO STONG NYID DANG, ,ZHES BYA BA LA SOGS PA DANG, SBYIN LA SOGS LA NGAR 'DZIN MED, ,CES BYA BA LA SOGS PAS STON TO, ,RAB TU SBYOR BAS NA SBYOR BA STE, DE NI GZUGS SOGS ZHES BYA BA LA SOGS PAS STON TO, ,DE'I MNYAM NYID DANG ZHES BYA BA NI SBYOR BA NYID KYIS MTSUNGS PA NYID DE, DE NI, GZUGS LA SOGS PA RLOM PA MED, ,CES BYA BA LA SOGS PAS STON TO, ,MTHONG BA'I LAM NI YANG DAG PA'I YE SHES MTHONG BA'I LAM MO, ,DE NI, SDUG BSNGAL LA SOGS BDEN PA LA, ,ZHES BYA BA LA SOGS PAS STON TO, ,NYAN THOS LA SOGS PA ZHES BYA BA NI NYAN THOS DANG RANG SANGS RGYAS DANG BYANG CHUB SEMS DPA' RNAMS KYI SNGAR BSHAD PA'I THABS MA YIN PA DANG THABS DAG NI, DE 'DRA KUN SHES NYID DU 'DOD, ,CES BYA BA YIN NO, ,KUN NAS DMIGS PAR BYA BAS NA, RNAM PA STE, THAMS CAD MKHYEN PA NYID GSUM GYI BDAG NYID CAN NO, ,SBYOR BAR BCAS RNAMS DANG ZHES BYA BA NI SBYOR BA DANG LDAN PA'O, ,DE DAG KYANG, GZHI DANG YE SHES RNAM PA YI, ,ZHES BYA BA LA SOGS PA DANG, GZUGS LA SOGS LA MI GNAS PHYIR, ,ZHES BYA BA LA SOGS PAS GO RIMS BZHIN DU STON TO, ,SLOB PAR BYA BA YIN PAS NA YON TAN TE, SBYOR BA LA SOGS PA DANG RJES SU MTHUN PA'O, ,DE YANG, BDUD KYI MTHU BCOM LA SOGS PA, ,ZHES BYA BAS STON TO, ,SUN PAR BYED PAS NA SKYON TE BAR DU GCOD PAR BYED PA RNAMS SO, ,MTSAN NYID BCAS PA SHES PA LA SOGS PA MTSAN NYID RNAM PA BZHI STE DE DANG LDAN PA'O, ,DE'I SKYON NI BCU TSAN BZHIR BCAS PA, ,ZHES BYA BA LA SOGS PA DANG, GANG GIS MTSON TE ZHES BYA BA LA SOGS PAS GO RIMS BZHIN DU STON TO, ,THAR DANG ZHES BYA BA NI NYON MONGS PA DANG BRAL BA'O, ,NGES @151B 'BYED NI KHYAD PAR GYI YE SHES MNGON SUM DU BYED PAS TE, GONG NAS GONG DU SHES PA'I RIM GYIS 'JUG PA'I PHYIR DE NYID NI CHA STE, DE LA PHAN PA'I PHYIR THAR PA DANG NGES PAR 'BYED PA'I CHA DANG MTHUN PA GNYIS SO, ,DE YANG, MTSAN MED RAB TU SBYIN LA SOGS, ,ZHES BYA BA DANG, DRO BA RNAMS KYI DMIGS PA 'DIR, ,ZHES BYA BA LA SOGS PA GO RIMS BZHIN DU STON TO, ,BSLAB PAR BYA BA YOD PA DANG BYANG CHUB LAS PHYIR MI LDOG PAS NA, SLOB PA PHYIR MI LDOG PA'I TSOGS, ,ZHES BYA BA NI SLOB PA BYANG CHUB SEMS DPA'I DGE 'DUN NO, ,DE YANG NGES 'BYED YAN LAG NAS BZUNG STE, ZHES BYA BA LA SOGS PAS STON TO, ,'DIR YANG DANG YANG DU 'BYUNG BAS NA SRID PA STE 'KHOR BA'O, ,SDUG BSNGAL THAMS CAD NI NYE BAR ZHI BAS NA ZHI BA STE, MYA NGAN LAS 'DAS PA'O, ,DE DAG GI MNYAM PA NYID NI MTSUNGS PA MED DO, ,DE YANG CHOS RNAMS RMI LAM 'DRA BA'I PHYIR, ZHES BYA BA LA SOGS PAS STON TO, ,ZHING NI SANGS RGYAS BZHUGS PA'I GNAS SO, ,DE'I DAG PA BLA NA MED PA'I MCHOG STE, DE NI, SEMS CAN 'JIG RTEN DE BZHIN DU, ,ZHES BYA BA LA SOGS PAS STON TO, ,RNAM KUN MNGON RDZOGS RTOGS PA STE, 'DI NI ZHES BYA BA NI THAMS CAD MKHYEN PA GSUM PO 'DI DAG GI RNAM PA THAMS CAD SHES PA YIN NO, ,DE YANG THABS MKHAS BCAS PA YIN, ,ZHES BYA BA SEMS MA ZHUM PA LA SOGS PA NYID KYIS BYANG CHUB SEMS DPA'I THABS LA MKHAS PA DANG LDAN PA'O, ,MKHAS PA DE YANG 'DI'I YUL DANG SBYOR BA STE, ,ZHES BYA BA LA SOGS PAS STON TO, ,RTZE MO'I MNGON PAR RTOGS PA NI DE'I RTAGS ZHES BYA BA LA SOGS PA SMOS PA YIN TE, GANG GIS MTSON CING SHES PAR BYED PA DE NI RTAGS TE, RTZE MO'I MNGON PAR RTOGS PA DE'I'O, ,DE YANG, RMI LAM NA YANG CHOS RNAMS KUN, ,ZHES BYA BA LA SOGS PAS STON TO, ,BSOD NAMS KYI KHYAD PAR RNAM PAR 'PHEL BA NI RNAM PAR 'PHEL BA STE, DE YANG, 'DZAM BU'I GLING GI SKYE BO SNYED, ,CES BYA BA LA SOGS PAS STON TO, ,THAMS CAD MKHYEN @152A *, ,PA NYID GSUM RDZOGS PAR BYED PA NI BSTAN PA STE, DE NI SEMS CAN YONGS MI STONG, ,ZHES BYA BA LA SOGS PAS STON TO, ,SEMS KYI BRTAN PA SEMS KUN GNAS PA STE, TING NGE 'DZIN GYI KHYAD PAR RO, ,DE NI, GLING BZHI PA DANG STONG DAG DANG, , ZHES BYA BA LA SOGS PAS STON TO, ,RNAM PAR RTOG PA RNAM PA BZHI YI ZHES BYA BA NI 'JUG PA DANG LDOG PA DANG SKYES BU RDZAS SU YOD PA DANG BTAGS PA LA BRTEN PA'I GZUNG BA GNYIS DANG 'DZIN PA'I GNYIS TE RNAM PAR RTOG PA RNAM PA BZHI NI MI MTHUN PA'I PHYOGS ZHES BYA BA YIN LA, DE'I GNYEN PO'I PHYOGS DON GYI SHUGS KYIS RNYED PA RNAM PA BZHI'O, ,DE YANG GANG DU ZHE NA, MTHONG BA ZHES BYA BA DANG BSGOM PA ZHES BYA BA'I LAM LA SO SO LA STE RE RE ZHING NGO, ,DE NI, 'JUG PA DANG NI LDOG PA LA, ,ZHES BYA BA LA SOGS PA DANG, SEMS CAN RDZAS DANG BTAGS YOD PAR, , ZHES BYA BA LA SOGS PAS STON TO, ,MTHONG BA'I LAM NI, SBYIN PA LA SOGS RE RE LA, ,ZHES BYA BA LA SOGS PAS SMOS TE, BSGOM PA'I LAM NI 'GOG PA DANG BCAS PA'I SNYOMS PAR 'JUG PA DGUR ZHES BYA BA LA SOGS PAS STON TO, ,TING NGE 'DZIN GANG GI RJES THOGS LA BYANG CHUB MNGON SUM DU BYED PA DE NI BAR CHAD MED PA'I LAM STE, DE YANG, STONG GSUM SKYE BO NYAN THOS DANG, ,ZHES BYA BA LA SOGS PAS STON TE, GANG ZHIG BAR CHAD MED PA'I TING NGE 'DZIN GYIS LOG PAR SGRUB PA ZIL GYIS MNAN NAS BYANG CHUB MNGON SUM DU BYED PA DE RNAMS DANG BCAS PA STE, DE NI, DMIGS PA 'THAD DANG DE YI NI, ,ZHES BYA BA LA SOGS PAS BSTAN PA NI RTZE MO'I MNGON PAR RTOGS PA YIN NO, ,SANGS RGYAS DANG CHOS DANG DGE 'DUN RJES SU DRAN PA RNAM PA GNYIS KYIS NA RNAM PA GSUM MO, ,SBYIN PA LA SOGS PA PHA ROL TU PHYIN PA BCU'I RNAM PA GNYIS KYIS NA RNAM PA BCU GO RIMS KYIS YOD PA'I MNGON PAR RTOGS PA STE, DE YANG, SBYIN PA SHES RAB BAR DAG DANG, ,ZHES BYA BA LA SOGS PA 'OG NAS STON TO, ,SKAD CIG MA GCIG GIS MNGON RDZOGS BYANG CHUB PA ZHES BYA BA NI GUS PA @152B DANG RGYUN MI 'CHAD PA DANG DUS RING POR BSLABS PAS DRAN PA SHIN TU GSAL BA'I STOBS KYIS SKAD CIG MA GCIG GIS SNGAR RNAM PAR BSGOMS PA'I DON LA DMIGS PA'I YE SHES SO, ,DE NI MTSAN NYID DE MTSAN MA'I DBYE BAS RNAM PA BZHI YIN LA, DE YANG, SBYIN PA LA SOGS RE RES KYANG, , ZHES BYA BA LA SOGS PAS MTSAN NYID BZHI PO 'OG NAS 'CHAD PA YIN NO, ,NGO BO NYID NI 'JIG RTEN LAS 'DAS PA'I LAM GYIS THOB PA'I BYA BA NYID YIN PA'I PHYIR YANG DAG PAR RGYU MED PA NYID KYI RANG BZHIN GYI MTSAN NYID YIN LA DE YANG, THUB PA'I NGO BO NYID SKU NI, ,ZHES BYA BA LA SOGS PAS STON TO, ,SKU GANG GIS BYANG CHUB SEMS DPA' RNAMS DANG LHAN CIG SANGS RGYAS KYI CHOS KYIS CHOS LA YANG DAG PAR LONGS SPYOD PAR STON PA DE NI, LONGS SPYOD RDZOGS PA'I SKU STE, DE YANG, MTSAN NI SUM CU RTZA GNYIS DANG, ,ZHES BYA BA LA SOGS PAS STON TO, , GANG SPRUL PA DANG 'DRA BAR DON GYI BYA BA BYED PA SH'AKYA THUB PA LA SOGS PA'I SKU DE NI GZHAN NI SPRUL PA STE, NYAN THOS LA SOGS PA 'GRO BA MA LUS PA LA PHAN THOGS PAR MDZAD PA NYID YIN PAS NA SKU THAMS CAD KYI MCHOG GO, ,DE BZHIN ZHES BYA BA NI JI LTAR NGO BO NYID KYI SKU YE SHES KYI BDAG NYID YIN PA DE DANG 'DRA BAR RO, ,DE LTAR NA DE LAS GZHAN PA'I SKU DAG KYANG YE SHES KYI BDAG NYID CAN YIN PA BLTA BAR BYA STE, SHES RAB KYI PHA ROL TU PHYIN PA RDO RJE GCOD PA LAS, 'DREN PA RNAMS NI CHOS KYI SKU, ,SANGS RGYAS RNAMS NI CHOS NYID BLTA, ,ZHES GANG GSUNGS PA DANG, GSER 'OD DAM PA LAS KYANG, SKU LA SHA DANG KHRAG MED NA, ,SKU GDUNG YOD PAR GA LA 'GYUR, ,ZHES GSUNGS PA YIN NO, ,SPRUL PA'I SKU YANG, GANG GI 'KHOR BA JI SRID PAR, ,ZHES BYA BA LA SOGS PAS STON TO, ,RDZOGS PA'I SANGS RGYAS KYI CHOS KYI SKU NI SGYU MA LTA BU LA SOGS PA'I RANG GI MTSAN NYID 'DZIN PA'I YE SHES KYI SKU'O, ,MDZAD PAR BCAS PA NI YID BZHIN GYI NOR BU DANG 'DRA BA'I GZHAN GYI DON BYED PA STE, 'DI NI NGO BO NYID KYI SKU'I KHYAD PAR YIN NO, ,CHOS KYI SKU MDZAD PA DANG BCAS PA @153A *, ,NI, BYANG CHUB PHYOGS MTHUN TSAD MED DANG, ,ZHES BYA BA LA SOGS PA DANG, DE BZHIN DU, 'GRO RNAMS ZHI BA'I LAS DANG NI, ,GANG GIS SRID PA JI SRID PAR, ,DE BZHIN NYID LAS KYANG BSAM GYIS MI KHYAB CES BYA BAS GO RIMS BZHIN DU 'OG NAS STON PA YIN NO, ,RNAM PA BZHIR NI YANG DAG BRJOD, ,CES BYA BA NI SKAD CIG MA GCIG LA MNGON PAR RDZOGS PAR BYANG CHUB PA'I RJES THOGS LA BCOS MA MA YIN PA'I YE SHES KYI SKU NGO BO NYID KYI SKU ZHES BSHAD PA GANG YIN PA DE DANG BCAS PAR BCOM LDAN 'DAS MNGON PAR RDZOGS PAR 'TSANG RGYA BA YIN TE, GZHAN DU NA DE MED NA DE'I RANG BZHIN NYID YIN PAS SKU GSUM PO DAG MED PAR THAL BAR GYUR PAS RNAM PA BZHIR BSHAD PA YIN NO, ,DE NYID KYIS NA KHA CIG NI SKU GSUM PO'I BYA BA NGO BO NYID KYI SKU KHO NA YIN TE, YANG DAG PAR NA BCOM LDAN 'DAS NI CHOS KYI SKU YIN NO ZHES THAMS CAD DU BSHAD DO ZHES ZER RO, ,YANG NA MDZAD PA DANG BCAS PAS 'GRO BA ZHI BA LA SOGS PA LA 'JUG PAS NA MDZAD PAR BCAS PA NI RTZA BA CHOS KYI SKU STE RNAM PA BZHIR YANG DAG PAR BRJOD, JI LTAR ZHE NA NGO BO NYID SKU ZHES BYA BA LA SOGS PAR SBYAR RO, ,PHYOGS 'DI LA, DE BZHIN GZHAN NI CHOS SKU DANG, ,ZHES BSHAD NA RTOGS SLA BA YIN NO, ,RTZA BA CHOS KYI SKU DANG NGO BO NYID KYI SKU LA SOGS PA SKU LNGA'I BDAG NYID CAN NYID DU 'GRUB CING BSHAD MA THAG PA'I BKA' BAS SBYAR BA NYID KYANG LAN BTAB PAR 'GYUR RO, ,GZHAN DAG NI SNGA MA BZHIN NO, ,LA LA NI YANG DAG PAR NA BCOM LDAN 'DAS KYI SKU BZHI YIN NO ZHES ZER RO, ,GZHAN DAG NI SKU GSUM YIN NO, ,ZHES ZER RO, ,YANG GZHAN DAG NI BCOM LDAN 'DAS NI GTZO BO CHOS KYI SKU'I BDAG NYID CAN YIN NO ZHES ZER MOD KYI 'DIR DE KHO NA NYID NI SHES PA TSAD MA YIN NO, ,DE LTAR MNGON PAR RTOGS PA BRGYAD MDOR BSDUS PA BSHAD PA YIN NO, ,SLOB DPON PHYOGS KYI GLANG PO'I ZHAL SNGA NAS KYIS KYANG, SHES RAB PHA ROL PHYIN LA BRTEN, ,MDOR BSDUS DON NI 'DI DAG YIN, ,SLAR YANG DON GZHAN LA BRTEN NAS, ,DON DE NYID NI @153B BZLAS PA YIN, ,ZHES GANG GSUNGS PA YIN NO, ,RGYA CHER NI BCOM LDAN 'DAS 'PHAGS PA BYAMS PA DANG DE'I TSIG LE'UR BYAS PA RNAM PAR 'BYED PA DAG GIS GSAL BAR MDZAD PA YIN NO, ,BDAG DANG 'DRA BAR BLO DMAN PA RAB TU BYED PA 'DON PA RNAMS KYI SEMS BSKYED PA DANG, ZHES BYA BA LA SOGS PA MDOR BSDUS PA'I TSIG GI DON TZAM DRAN PA'I CHED DU RAB TU BYED PA GTZO BO'I SBYOR BAR BSTAN PA YIN PAS DAM PA RNAMS KYIS BZOD PAR MDZAD PA'I RIGS SO, ,RAB TU BYED PA LAS NYAN THOS ZHI BA TSOL RNAMS ZHES BYA BA LA SOGS PAS DANG POR THAMS CAD SHES PA NYID DANG, LAM SHES PA NYID DANG THA MAR RNAM PA THAMS CAD MKHYEN PA NYID GSUNGS NA, DE JI LTAR DON BSDUS PA DE'I BSHAD PA LA GO BZLOG PA MA YIN NAM ZHES DOGS PA SKYE BA LA, DGOS PA'I DON NI DE LTAR BSDUS PA'I DON KUN BSTAN NAS ZHES BYA BA LA SOGS PA SMOS PA YIN TE, DE LTAR BSHAD PA'I RIM PAS BYANG CHUB SEMS DPA' GZHAN GYI DON GYI PHYIR BYANG CHUB STE SANGS RGYAS NYID THOB PA'I BSAM PAS, 'BRAS BU YIN PA'I PHYIR ZHES PA, PHYIN CI MA LOG PAR RTOGS PA NYID YIN PA'I PHYIR, RNAM PA THAMS CAD MKHYEN PA NYID THOB PAR BYA DGOS SHING MNGON SUM DU BYA DGOS PAS GTAN TSIGS DE'I PHYIR DANG PO RNAM PA THAMS CAD MKHYEN PA NYID DE BSDUS PA'I TSIG LE'UR BYAS PA SEMS BSKYED PA ZHES BYA BA LA SOGS PA DE BSHAD PA'I SGO NAS DE RNAM PAR DBYE BA'I SKABS YIN PAS BSHAD PAR BZHED DE, SHES RAB KYI PHA ROL TU PHYIN PA'I TSIG GI DON GYI DE KHO NA NYID KHYAD PAR GYIS NYE BAR BSTAN PAR MNGON PAR BZHED PA YIN NO, ,NYAN THOS ZHI BA TSOL ZHES BYA BA LA SOGS PA YUM GYI BSTOD PA'I TSIG LE'UR BYAS PA NI JI LTAR RUNG BAS YANG DAG PA'I DON PHUN SUM TSOGS PAR 'GYUR BA YIN PAS DE LA BRGAL TU CI ZHIG YOD CES BYA BAR DGONGS SO, ,SEMS BSKYED PA DMIGS PA DANG, RANG GI NGO BO DANG BCAS PA NI SEMS CAN GYI DON LA DMIGS PA'I SMON PA DANG 'JUG PA'I RANG BZHIN TE, SEMS BSKYED PA NI, ZHES BYA BA LA SOGS PA YIN NO, ,SPRO BA CHE DANG RTZOM @154A *, ,PA CHE, ,DON CHE BA DANG 'BYUNG BA CHE, ,BYANG CHUB SEMS DPA'I SEMS PA STE, ,DON GNYIS LDAN PA'I SEMS 'BYUNG BA, ,ZHES BSHAD PAS, SEMS DANG SEMS LAS BYUNG BA DAG ,DBYE BA YOD PAR SMOS PA YIN, ,DE 'DIR JI LTAR 'DREN MAR BYAS PA YIN ZHES BYA BA NI BSAM PA DANG LDAN PAS YANG DAG PAR RDZOGS PA'I BYANG CHUB NYID NI ZHES BYA BA LA SOGS PA SMOS PA YIN TE, DGE BA'I CHOS LA 'DUN PA NI MA CHAGS PA LA SOGS PA LA 'JUG PA NYID YIN PA'I PHYIR DGE BA'I BDAG NYID CAN GZHAN GYI DON GYI PHYIR BYANG CHUB MNGON PAR 'DOD PA'O, ,SEMS YUL KHYAD PAR CAN DU 'PHAGS PAR SNANG BA NI GZHAN GYI DON LA DMIGS PAR SNANG BA'O, ,RGYUS 'BRAS BU BSTAN PA YIN NO ZHES BYA BA LA RGYU NI DGE BA'I CHOS LA 'DUN PA'O, ,'BRAS BU NI SEMS BSKYED PA STE, CHOS LA MNGON PAR 'DOD PA NYID KYIS BYANG CHUB TU SEMS BSKYED PA'I PHYIR RO, ,DE BAS NA 'DI GNYIS NYE BAR BTAGS PAS GCIG TU BYAS PA LA, NYES PA MED DO ZHES BYA BAR DGONGS SO, ,YANG NA SMON LAM NI DON DU GNYER BA STE, DES NA 'DIR GZHAN GYI DON GYI PHYIR SANGS RGYAS SU GRUB PAR GYUR CIG CES GSOL BA 'DEBS PA NI SMON LAM GYI DON YIN LA SBYIN PA LA SOGS PA NYAMS SU LEN PA NI 'JUG PA'I DON YIN NO ZHES SKABS KYIS SMRAS PA YIN NO, ,DE DANG LHAN CIG SPYOD PA NI DON DU GNYER BA DANG LHAN CIG SPYOD PA'I SEMS BSKYED PA NI DE'I SGRAR ZHES BYA BA YANG DAG PAR RDZOGS PA'I BYANG CHUB 'DOD PA'I SGRAR BSTAN PA YIN NO, ,'DIS NI MTSAMS SBYAR DANG BRGAL LAN DANG BCAS PA YIN TE, 'DI'I 'OG MA RNAMS LA YANG BRTAG PAR BYA'O, ,DE LTAR NA DON DU GNYER BA DANG LHAN CIG PAR RTOGS PA'I SMON LAM DANG 'BREL PA'I BYANG CHUB KYI SEMS YIN NO, ,RGYAL BA'I YUM SHES RAB KYI PHA ROL TU PHYIN PA RNAM PA GSUM CAR LAS ZHES BYA BA NI STONG PHRAG BRGYA PA DANG, STONG PHRAG NYI SHU LNGA PA DANG, STONG PHRAG BRGYAD PA ZHES BYA BA LAS 'DI NYID NAN TAN DU BYA'O, ,ZHES 'OG MA DANG SBYAR RO, ,SBYIN PA LA @154B SOGS PA ZHES BYA BA SBYIN PA'I PHA ROL TU PHYIN PA LA, SBYIN PAR BYA BA STE DNGOS PO DANG, SBYIN PA PO STE, BDAG NYID DANG, LEN PA PO STE SLONG MO PA MI DMIGS PA STE DE KHO NA NYID DU NA SBYIN PAR BYA BA LA SOGS PA DMIGS SU MED PA'I PHYIR RO, ,NAN TAN DU BYA'O ZHES BYA BA LA SOGS PA RAB TU STON PA LHUR LEN PA'I TSIG GIS ZHES BYA BA LA NAN TAN DU BYA BA NI BSLAB PA STE, RNAL 'BYOR DU BYA'O ZHES BYA BA LA SOGS PA'I DON GYIS BSGRUB PAR BYA'O, ,BSLAB PAR BYA'O, ,RNAL 'BYOR DU BYA'O ZHES BYA BYA BA LA SOGS PA'I SGRAS SO, ,BSDUS PA DANG RGYAS PA'I SGO NAS ZHES BYA BA NI GSUM CAR ZHES BYA BA LA SOGS PA NI BSDUS PA'O, ,SBYIN PA ZHES BYA BA LA SOGS PA NI RGYAS PA NYID DO, ,MDO'I DON DANG MI 'GAL BAS ZHES BYA BA NI DKON MCHOG RNAM BDUN DANG SDONG PO BKOD PA LA SOGS PA MDO'I DON DANG MI 'GAL BAS SO, ,YANG DAG PAR RDZOGS PA'I BYANG CHUB BSTAN PA NI YANG DAG PAR RDZOGS PA'I BYANG CHUB KYI RGYU'I LAM BCOM LDAN 'DAS GZHAN GYI DON GYI PHYIR SNOD DU RUNG BA'I BYANG CHUB SEMS DPA' RNAMS LA STON PA GANG YIN PA'O, ,DE BZHIN DU TSUL KHRIMS KYI PHA ROL TU PHYIN PA LA YUL GANG LA LEGS PAR SPYOD PA'I LAS SPYOD PA GANG YIN PA DANG, GANG ZHIG KUN TU SPYOD PA DANG, ,KUN TU SPYOD PA GANG YIN PA DE LA MI DMIGS PA DANG, DE BZHIN DU BZOD PA LA SOGS PA LA YANG BLTA BAR BYA'O, ,SEMS CAN THAMS CAD SKAL BA JI LTA BA BZHIN DU MYA NGAN LAS 'DAS PA NI GDUL BYA MA LUS PA JI LTAR 'TSAM PA BZHIN DU NYAN THOS LA SOGS PA'I MYA NGAN LAS 'DAS PA LA RAB TU 'GOD PAR 'DOD PAS ZHES BYA BA LA SOGS PAR SBYAR RO, ,SER SNA CAN LA SOGS PA ZHES BYA BA NI GTANG BA MED PA DANG, NYES PAR SPYOD PA THAMS CAD SBYIN PA DANG TSUL KHRIMS LA SOGS PA LA 'GOD PAR 'DOD PAS SHES RAB KYI PHA ROL TU PHYIN PA 'DI NYID LA NAN TAN DU BYA'O ZHES BYA BA LA SOGS PA SNGA MA BZHIN NO, ,'DIR YANG SEMS CAN THAMS CAD CES BYA BA LA SOGS PAS NI BSDUS PA YIN LA, SER SNA CAN LA @155A *, ,ZHES BYA BA LA SOGS PAS NI RGYAS PA STE, GZHAN GYI DON BSTAN PA YIN NO, ,DNGOS SU NA LAM STON PA'I MTSAN NYID YIN PA'I PHYIR GZHAN GYI DON STON TE, ,RGYAL BA'I YUM ZHES BYA BA LA SOGS PA SMOS PAS MI DMIGS PAS MNGON PAR RTOGS PA BRGYAD KYIS LAM BYANG CHUB SEMS DPA' RANG NYID RDZOGS PA'I BYANG CHUB LA 'JUG PAR BYA STE, DE'I RGYU YIN PA'I PHYIR RO, ,GDUL BYA RNAMS KYANG DE DANG NYAN THOS LA SOGS PA'I MYA NGAN LAS 'DAS PA LA BKOD PA NI GZHAN GYI DON YIN NO, ,DE YANG BSDUS PA DANG RGYAS PA DAG GI MDO BZHIN DU BSTAN PA GANG YIN PA DE BSDUS PA DANG RGYAS PA DAG GIS DE BZHIN DU GSUNGS PA YIN GYI GZHAN DU MA YIN NO ZHES BYA BA'I DON YIN NO, ,'DIS NI SEMS BSKYED PA BSHAD PA'I GNAS SKABS YIN PAS MNGON PAR RTOGS PA'I RGYAN GYI BSTAN BCOS MDO DANG MI MTHUN PA BSTZAL BAR BYAS PA YIN TE, MDO SDE RNAMS DANG RGYAL BA'I YUM TSIG GCIG PA NYID DU STON TE, TSUL GCIG DANG 'GAL BA'AM MDO DANG MI MTHUN PA'I DON LA RTOGS PA DANG LDAN PA SU YANG 'JUG PAR MI 'GYUR RO, ,SNGAR SEMS BSKYED PA MDOR BSDUS TE GSUNGS PA'I KHYAD PAR GYI RAB TU DBYE BA RGYA CHER BSTAN PA'I GNAS SKABS KYI KHONGS SU GTOGS PA YIN PA'I PHYIR BAR SKABS KYI TSIGS SU BCAD PA DAG GO, ,'DUN PA DANG BSAM PA DANG LHAG PA'I BSAM PA NI GZHAN GYI DON MNGON PAR 'DOD PA CHUNG NGU DANG 'BRING DANG CHEN PO'O, ,SBYOR BA NI SBYIN PA LA SOGS PA LA LUS LA SOGS PA'I BYA BA'O, ,SBYIN PA NI SLONG BA RNAMS LA BSAM PA JI LTA BA BZHIN DU RAB TU STER BA'O, ,TSUL KHRIMS NI LEGS PAR SPYOD PA'I LAS RNAMS SO, ,BZOD PA NI GZHAN GYI GNOD PA SHES PA RNAG NUS PA'O, ,BRTZON 'GRUS NI DGE BA'I LAS RNAMS LA SPRO BA'O, ,BSAM GTAN NI SEMS RTZE CIG PA'O, ,SHES RAB NI THOS PA LA SOGS PA'I SHES PA'O, ,THAMS MKHAS PA NI 'TSANG RGYA BA NYID KYI THABS LA SEMS MA ZHUM PA LA SOGS PA LA BYA BA NYID DO, ,SMON LAM NI SNGA MA BZHIN NO, ,STOBS @155B NI 'DI NYID LA BSTAN PAS GO BGOS PA'O, ,YE SHES KYI PHA ROL TU PHYIN PA NI DE LA BLO PHUL DU BYUNG BA'O, ,MNGON PAR SHES PA NI KUN SHES PA STE, LHA'I MIG LA SOGS PA'O, ,BSOD NAMS DANG YE SHES NI 'OG NAS BSHAD PA'I BSOD NAMS DANG YE SHES RNAMS SO, ,BYANG CHUB KYI PHYOGS DANG MTHUN PA'I CHOS NI 'OG NAS BSHAD PA'I DRAN PA NYE BAR GZHAG PA LA SOGS PA'O, ,SNYING RJE NI SEMS CAN GDON PAR 'DOD PA'I RNAM PA'O, ,LHAG MTHONG NI SHES RAB PO, ,GZUNGS DANG SPOBS PA NI DON LA SOGS PA 'DZIN PA'I SHES PA'O, , CHOS KYI SKYED MOS TSAL NI LUNG DANG RTOGS PA'I BDAG NYID CAN GYI CHOS NYE BAR 'BYIN PA'AM MDOR BSDUS NAS RAB TU STER BA'O, ,BGROD PA GCIG PA'I LAM NI MI SKYE BA'I CHOS LA BZOD PA THOB PAS GCIG TU 'JUG PA YIN PA'I PHYIR RO, ,CHOS KYI SKU NI YE SHES KYI SKU STE 'DI RNAMS DANG LDAN ZHING DE DANG 'BREL PA'I SEMS BSKYED PA NI SA LA SOGS PA DANG 'DRA'O, ,DE NI GO RIMS BZHIN DU ZHES BYA BA LA SOGS PA SMOS PA YIN TE, 'TSANG RGYA BA NYID LA SOGS PA'I DGE BA'I LAM STON PAS NA DGE BA'I BSHES GNYEN TE BLA MA'O, ,SEMS CAN RNAMS LA BSAM PA CI LTA BA BZHIN DU 'BRAS BU RAB TU STER BAS, YID BZHIN GYI NOR BU'O, ,RTAG PA DANG BDAG LA SOGS PAR RMONGS PA'I SKYE BOS MNYAN PAR BYA BA'I DON TSAR BCAD PAS MKHAS PAS MNYAN PAR BYA BA'I BDAG MED PA NYID LA SOGS PA'I DON KHO NA NYID YANG DAG PAR DUS JI LTA BA BZHIN DU KUN NAS STON PA'I BDAG NYID CAN GYI SGRA NI CHOS KYI SGRA DBYANGS SNYAN PA STE, BCOM LDAN 'DAS KYI BSTAN PA'O, ,DBANG PO LA SOGS PA'I BGEGS TSAR BCAD PAS, BCOM LDAN 'DAS MNGON PAR RDZOGS PAR SANGS RGYAS PA NA DE LA MNGON PAR DAD PA'I LHA RNAMS RGYAL BAR GYUR CIG ,RGYAL BAR GYUR CIG CES BYA BA LA SOGS PA'I SGRA KUN NAS SGROGS PA NI SGRA SNYAN PA'O, ,DPE DANG DPES BRJOD PA'I DNGOS PO NGES PAR SPYAD PAS SA LA SOGS PA'I DON GYIS BYA BA MNYAM PA'I 'DUN PA LA SOGS PA NI, CHOS DKAR PO THAMS @156A *, ,CAD KYI ZHES BYA BA LA SOGS PA SMOS PA YIN TE, CHOS DKAR PO THAMS CAD NI MA CHAGS PA LA SOGS PA'O, ,DE'I GZHI NI GNAS SO, ,DE'I DNGOS PO NI MA CHAGS PA LA SOGS PA YOD PA'O, ,BYANG CHUB KYI BAR DU MI 'GYUR BA NI 'TSANG RGYA BA NYID KYI BAR DU GZHAN DU MI 'GYUR BA'O, ,DGE BA'I CHOS MTHA' DAG NI MA CHAGS PA LA SOGS PA'O, ,DE'I RNAM PAR 'PHEL BA NI GONG NAS GONG DU 'PHEL BA'I RIM GYIS LHAG PA'O, ,THAMS CAD MKHYEN PA NYID GSUM GYIS SGRIB PA NI DE'I MI MTHUN PA'I PHYOGS NYON MONGS PA RNAMS SO, ,DE NYID BUD SHING YIN TE DE SREG PA'O, ,SEMS CAN THAMS CAD TSIM PAR BYED PA NI GDUL BYA RNAMS LA BSAM PA JI LTA BA BZHIN DU CHOS DANG ZANG ZING RAB TU SBYIN PAS TSIM PAR BYED PA'O, ,LUS LA SOGS PA DGA' BA SKYED PA NYID KYIS NA BSLAB PAR BYA BA YIN PA'I PHYIR YON TAN RIN PO CHE STE STOBS BCU LA SOGS PA'O, ,DE RNAMS KYI RGYU NYID YIN PA'I PHYIR DE'I RTEN GYI DNGOS PO'O, ,MI 'DOD PA THAMS CAD MI BZOD PAR DKA' BA'I RAL GRI DANG, MDA' DANG, LCAGS MDUNG DANG, MDUNG THUNG LA SOGS PA'O, ,DE'I THOG TU BAB PA NI BCOM LDAN 'DAS BYANG CHUB KYI SNYING PO LA BZHUGS PA'I THAD DU BAB PA'O, ,DES MI 'KHRUGS PA NI RDO RJE LTA BU'I TING NGE 'DZIN LAS MA G-YOS PA'O, ,SANGS RGYAS PA NYID KYI RJES THOGS LA YANG DAG PAR NGES PA NI YID CHES PA STE, DES MI 'JIGS PA BZHI BRNYES PA NA BRTAN PA STE MI TSUGS PA'O, ,DES MI PHYED PA NI SKUL BAR BYED PA DANG BDUD RNAMS KYIS DBYE BAR MI NUS PA'O, ,DMIGS PA NI 'DOD PA'I LHAS BTANG BA'I RANG GI BU MO LA SOGS PA'O, ,GANG DE RNAMS KYI RNAM PAR G-YENG BA NI MIG ZUR GYIS LTA BA LA SOGS PA'O, ,DES MI BSKYOD PA NI TING NGE 'DZIN LAS MA G-YOS PA'O, ,NYON MONGS PA DANG SHES BYA'I SGRIB PA NI SANGS RGYAS NYID MTHONG BA'I NAD MED PA'I MI MTHUN PA NYID MTHONG BA'I PHYIR RTZIG PA LA SOGS PA DANG 'DRA BAR 'DOD CHAGS LA SOGS PA DANG GZUGS LA SOGS PA BZUNG BA RNAMS NI SGRIB PA YIN @156B PAS NA SGRIB PA'O, ,DE NYID NI 'KHOR BA GCIG NAS GCIG TU BRGYUD PAR 'TSE BAR BYED PA NYID YIN PA'I PHYIR NAD DO, ,DE RNAMS RAB TU ZHI BA NI RNAM PAR ZHI BA'O, ,GNAS SKABS THAMS CAD DU LHA MO SGYU 'PHRUL LA SOGS PA'I LHUMS NAS NUR NUR PO LA SOGS PA MED PAR GZHAL YAS KHANG NA RDO RJE SKYIL KRUNG GIS BZHUGS PA LA SOGS PA'I GNAS SKABS SU DER SEMS CAN TE, DBANG PO LA SOGS PA'I DON DU CHOS STON PA LA SOGS PA STE DE YONGS SU MI GTONG BA'O, ,JI LTAR SMON PA'I 'BRAS BU GRUB PA NI 'TSANG RGYA BA LA SOGS PA'I SBYOR BA RDZOGS PA'O, ,GDUL BYA STE NYAN THOS LA SOGS PA'I MYA NGAN LAS 'DAS PA SMIN PAR BYED PA NI YONGS SU SMIN PAR BYED PA'O, ,GDUL BYA 'DUN PAR BYED PA'I CHOS STON PA NI BSAM PA JI LTA BA BZHIN DU CHOS BSTAN PAS GDUL BYA RNAMS SHIN TU PHUL DU BYUNG BA DANG BCAS PA LA 'JUG PA'O, , MTHU THOGS PA MED PA NYID KYIS ZHES BYA BA LA ZIL GYIS MI GNON PA'I NUS PA MNGA' BA NYID KYIS GZHAN GYI DON NYAMS SU BZHES SHING SEMS CAN GYI DON RTZOM PA'I BSKAL PA DU MAR SPYAD PA'I GTONG BA DANG, SHIN TU GTONG BA DANG, GTONG BA CHEN PO LA SOGS PA DANG, BZO'I GNAS RNAM PA SNA TSOGS PA LA BSLAB PA NI BSOD NAMS DANG YE SHES YIN TE, DE NYID KYANG BYANG CHUB KYI RGYU NYID DU YANG DAG PAR BSAGS PA YIN PAS NA TSOGS SO, ,DE RNAMS KYI MDZOD LTA BU NI RDZAS GZHAG PA'I KHYIM MO, ,'PHAGS PA THAMS CAD DE, BYANG CHUB SEMS DPA' LA SOGS PA GSHEGS SHING RJES SU GSHEGS PA NI YANG DANG YANG DU MNGON SUM DU MDZAD CING RTOGS SLA BAR MDZAD PA'O, ,'KHOR BA DANG MYA NGAN LAS 'DAS PA DAG STE, SRID PA DANG ZHI BA GANG YANG RUNG BA CIG TU MI LTUNG ZHING MI 'GRO BA'O, ,NYON MONGS PA MED PAR BYANG CHUB THOB PAR BYED PAS BDE BLAG TU 'GRO'O, ,THOS PA DANG MA THOS PA'I CHOS MI ZAD PA 'DZIN PA NI SHES RAB KYI PHA ROL TU PHYIN PA LA SOGS PA THOS PA DANG MA THOS PA'I CHOS SKYE BA THAMS CAD DU DGA' BA NYID KYIS 'DZIN PAR BYED PA NYID YIN ZHING MI ZAD PA LA NYAMS @157A *, ,PA YIN PA'I PHYIR RO, ,THAR PA 'DOD PA ZHES BYA BA LA SOGS PA BYANG CHUB MNGON PAR 'DOD PA'I SEMS CAN RNAMS LA SBYIN PA LA SOGS PA BSHAD PA'O, ,GZHAN GYI DON CES BYA BA LA SOGS PA LA MNYAM PA NYID KYIS THAMS CAD LAS MCHOG TU GYUR PA'I NGES PAR LEGS PA DANG MNGON PAR MTHO BA ZHES BYA BA BYED PA YIN PA'I PHYIR RO, ,DGA' LDAN GYI ZHES BYA BA LA SOGS PA SPRUL PA LHUN GYIS GRUB PA DGA' LDAN LA SOGS PA'I LHA RNAMS LA CHOS SGROGS PA LA SOGS PA'I DON YANG DAG PAR STON PA YIN PA'I PHYIR RO, ,DE DAG DANG 'TSAM ZHING RUNG BA NYID KYIS NA 'DUN PA LA SOGS PA NI SA LA SOGS PA'I DON GYI BYA BA NUS PA NYID KYIS GRANGS BZHIN NO ZHES BYA BA YIN NO, ,DA NI SEMS BSKYED PA NYI SHU RTZA GNYIS KYIS BYANG CHUB PA'I BAR DU KHYAB PA NI DE LTAR NA ZHES BYA BA LA SOGS PA SMOS PA YIN TE, BSKAL PA GRANGS MED PA GSUM DU SHES PA GANG GIS DGE BA'I BSHES GNYEN DANG, SANGS RGYAS LA BSNYEN BKUR BYA BA LA SOGS PA'I LAS KUN TU SPYOD PA'I SHES PA DE NI LAS DANG PO BA'I SA'O, ,DES BSDUS PA NI CHUNG NGU DANG 'BRING DANG CHEN PO NYID KYIS DANG PO GSUM STE, 'DUN PA DANG BSAM PA DANG LHAG PA'I BSAM PAR RTOGS PA'I SEMS BSKYED PA RNAMS SO, ,'DIS NI DUS DE'I TSE DGE BA'I BSHES GNYEN LA SOGS PA BRTAN PAS DGE BA'I RTZA BA GANG CI YOD PA DE THAMS CAD ZHING SA BZANG PO LA BTAB PA'I SA BON GYI MYU GU DANG 'DRA BAR GNAS PAR GYUR PA DANG, GSER BZANG PO DANG 'DRA BAR ZAD PA MED PA DANG, ,TSES GCIG GI ZLA BA DANG 'DRA BAR 'PHEL BAR 'GYUR RO ZHES BSHAD PA YIN NO, ,DE'I 'OG TU GCIG NI ZHES BYA BA NI SBYOR BA DANG LDAN PAR 'GYUR BA'I SEMS BSKYED PA'O, ,SA DANG PO RAB TU DGA' BA ZHES BYA BA DE LA 'JUG PA'I LAM GYIS BSDUS SO ZHES BYA BA SEMS GANG GIS 'JUG PA DES BSDUS PA STE, ,SBYOR BA DANG LDAN PA'I SEMS 'DIS GANG GI TSE THAMS CAD MKHYEN PA GSUM NYID KYI SGRIB PA RNAMS MES SHING BSREGS PA DANG 'DRA BAR 'GYUR BA DE'I TSE SA DANG PO RAB TU @157B DGA' BA LA SOGS PAR 'JUG PAR 'GYUR RO ZHES BYA BAR DGONGS SO, ,DE'I 'OG TU SBYIN PA LA SOGS PA DANG LDAN PA'I SEMS BSKYED PA BCU NI MTHONG BA DANG BSGOM PA'I LAM GYI SPYOD YUL CAN YIN TE, GO RIMS BZHIN DU RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO BA DANG, SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN ZHES BYA BA'I SA BCUS BSDUS PA RNAMS NI SBYIN PA LA SOGS PA PHA ROL TU PHYIN PA BCU'I SEMS BSKYED PA PHUL DU BYUNG BAS NA, RAB TU DGA' BA LA SOGS PA'I SA SKYE BAR 'GYUR TE, 'DIS NI SBYIN PA LA SOGS PA'I SEMS PHUL DU BYUNG BA LAS SA RAB TU DGA' BA LA SOGS PA LA 'JUG PAR 'GYUR PA'I BYANG CHUB SEMS DPA' RNAMS NI NGES PAR GO RIMS BZHIN TU GTER CHEN PO DANG 'DRA BAR SEMS CAN RNAMS TSIM PAR BYED PA DANG, RIN PO CHE'I 'BYUNG KHUNG GI GNAS DANG 'DRA BAR YON TAN RIN PO CHE'I RTEN YIN PA DANG, RGYA MTSO CHEN PO DANG 'DRA BAR MI 'DOD PAS MI 'KHRUG PA DANG, RDO RJE DANG 'DRA BAR GANG GIS KYANG MI SHIGS PA DANG, RI'I RGYAL PO DANG 'DRA BAR GANG GIS KYANG BSKYOD PAR MI NUS PA DANG, SMAN CHEN PO DANG 'DRA BAR NYON MONGS PA RNAMS RAB TU ZHI BAR BYED PA DANG, DGE BA'I BSHES GNYEN DANG 'DRA BAR SEMS CAN GYI DON MI 'DOR BA DANG, YID BZHIN GYI NOR BU DANG 'DRA BAR SMON LAM GYI 'BRAS BU 'GRUB PA DANG, NYI MA DANG 'DRA BAR GDUL BYA YONGS SU SMIN PAR BYED PA DANG, BCOM LDAN 'DAS DANG 'DRA BAR BDAG MED PA LA SOGS PA'I CHOS KUN NAS STON PAR BYED PA YIN NO, ,DE'I 'OG TU GANG GIS SNGA MA LAS KHYAD PAR DU GYUR PA'I SHES PAS BAR CHAD MED PA'I LAM LA 'JUG PA DE NI KHYAD PAR GYI LAM STE, DES BSDUS PA'O, ,LNGA NI ZHES BYA BA NI MNGON PAR SHES PA DANG, BSOD NAMS DANG, YE SHES DANG, BYANG CHUB KYI PHYOGS DANG MTHUN PA'I CHOS DANG, SNYING RJE DANG, LHAG MTHONG DANG, GZUNGS DANG, SPOBS PA DANG LDAN @158A *, ,PA'I SEMS BSKYED PA RNAMS SO, ,DE DANG SBYOR BA'I STOBS KYIS GO RIMS BZHIN DU RGYAL PO CHEN PO DANG 'DRA BAR GZHAN GYI DON LA RJES SU GNAS PA DANG, BANG MDZOD DANG 'DRA BAR BSOD NAMS DANG YE SHES KYI RTEN DU GYUR PA DANG, LAM PO CHE DANG 'DRA BAR 'PHAGS PA THAMS CAD KYIS BGROD SLA BAR MDZAD PA'I LAM RAB TU THOB PA DANG, BZHON PA BZANG PO DANG 'DRA BAR RTAG PA DANG CHAD PA'I MTHAR MI LTUNG BA DANG, BKOD MA'I CHU DANG 'DRA BAR GDUL BYA RNAMS KYIS 'BRAS BU THOB PAR BYED PA LA ZAD PA MED DO, ,DES NA SANGS RGYAS KHO NA'I YUL YIN PA'I PHYIR SANGS RGYAS KYIS BCU GCIG PA DES BSDUS PA NI CHOS KYI SKYED MOS TSAL DANG, BGROD PA GCIG PA'I LAM DANG, CHOS KYI SKU DANG LDAN PA STE, GSUM GYIS BSDUS PA NI SBYOR BA DANG, DNGOS GZHI DANG MJUG NYID KYIS YIN TE, SEMS GANG GIS DANG PO LAS LA MNGON PAR SBYOR BA DE NI SBYOR BA'I SEMS SO, ,GANG GIS LAS RDZOGS PAR BYED PA DE NI DNGOS GZHI'O, ,LAS RDZOGS PAR BYAS PA LA SEMS GANG GIS LEGS PAR BYAS SO ZHES BYA BA LA SOGS PA SMRA BA DE NI MJUG STE, DE YOD PA NYID YIN PA'I PHYIR RO, ,DE LA YANG GO RIMS BZHIN DU SGRA SNYAN PA DANG 'DRA BA THOS PA DANG MA THOS PA'I CHOS RNAMS SNYING LA 'BAB PAR SGROGS PA DANG, CHU BO'I RGYUN DANG 'DRA BAR SEMS CAN GYI DON MNYAM PA NYID KYIS BYED PA DANG, SPRIN LTA BUR DGA' LDAN LA SOGS PAR SPRUL PAS DON STON PAR MDZAD PA YIN NO, ,YONGS SU SBYONG BA RNAM BCU YIS, ,SA NI DANG PO THOB 'GYUR TE, ,ZHES BYA BA LA SOGS PAS RAB TU DGA' BA LA SOGS PA'I SA NI RGYU DU MA ZHIG GIS BSGRUBS PAS 'OG NAS 'CHAD PA MA YIN NAM, DE JI LTAR KUN LA SEMS BSKYED PAS KHYAB PA YIN ZHE NA 'GAL BA MED DE GANG GI PHYIR 'TSANG RGYA BA NYID DU SEMS BSKYED PA KHO NA'I RGYU'I GTZO BO NYID YIN PAR BSHAD KYI 'BRAS BU GANG LA YANG RGYU CIG YOD PAR MA MTHONG STE, ,RGYU GZHAN NGAG KYANG BSHAD PA LA NYES PA MED DO, ,MDO SDE RGYAN LAS, SEMS @158B BSKYED PA NI SA RNAMS LA, MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE BZHIN SGRIB PA SPANGS PA'O, ,DE YI RTZA BA SNYING RJER 'DOD, ,RTAG TU SEMS CAN PHAN PAR SEMS, ,ZHES BSHAD PAS SO SO'I SKYE BO DANG, BYANG CHUB SEMS DPA' DANG, DE BZHIN GSHEGS PA'I SA'I DBYE BAS RGYU DANG 'BRAS BU'I BDAG NYID CAN GYI RAB TU DBYE BA BSTAN PA YIN LA, DE BZHIN DU DON RTOGS PA'I RIM PAS JI SKAD BSHAD PA'I GO RIMS KYIS BYANG CHUB KYI SEMS BSTAN PA YIN PA'I PHYIR, 'DI TZAM KHO NAS BYANG CHUB KYI SEMS KYI RAB TU DBYE BA MA TSANG BA MA YIN ZHING LHAG PA MA YIN PAR GO RIMS BZHIN DU BSTAN PAR BYA'O ZHES STON TO, ,SMON LAM SNGON DU 'GRO BA'I NYAMS SU LEN PAR 'DOD PA NI DE'I YUL MI SHES PA LAS 'BRAS BU MED PA KHO NAR 'GYUR BAS THUN MONG MA YIN PA'I BSLAB PA'I TSIG LE'UR BYAS PAS 'CHAD PAR BZHED PA DE'I DGOS PA NI DE LTAR ZHES BYA BA LA SOGS PA SMOS PA YIN TE, DUS CI LTA BA BZHIN DU ZHES BYA BA NI 'TSAM PA NYID KYI DUS LAS MA 'DAS PAS SO, ,DON DU GNYER BAR BYED PA NI GDAMS NGAG DON DU GNYER BA'O, ,BYANG CHUB KYI SEMS BSKYED PA NI SNGAR BSHAD PA'O, ,DES PHONGS PA'I CHOS NI CHOS DKAR PO THAMS CAD KYI GZHI'I DNGOS PO LA SOGS PA RDZOGS PAR BYA BA'I PHYIR RO, ,YON TAN THOB PA NI DGE BA'I BSHES GNYEN LA SOGS PA LAS SEMS BSKYED PAS GZHAN LA SKYABS SU MI 'GRO BA LA SOGS PA'O, ,DE RNAMS YONGS SU BSRUNG BA'I DON GYIS ZHES BYA BA NI YONGS SU SKYONG BA'I DON DU'O, ,MNGON PAR 'PHEL BAR BYA BA'I PHYIR ZHES BYA BA NI BYANG CHUB KYI SEMS LA SOGS PA 'DI DAG NYID GONG NAS GONG DU 'PHEL BA'I RIM GYIS LHAG PAR BYA BA'I PHYIR SGRUB PA DANG ZHES BYA BA LA SOGS PA'I RAB TU BYED PA'I DON GSUNGS PA YIN TE, BYANG CHUB KYI SEMS KYI RAB TU DBYE BA JI SKAD BSHAD PA NI BYANG CHUB KYI SEMS NYI SHU RTZA GNYIS KYI'O, ,SGRUB PA NI NYAMS SU LEN PA'O, MI DMIGS PA'I TSUL GYIS ZHES BYA BA NI CHOS DANG GANG ZAG LA @159A *, ,BDAG MED PA'I TSUL GYIS NYAN THOS LA SOGS PA DANG THUN MONG MA YIN PA'O, ,KUN RDZOB NI MA BRTAGS NA NYAMS DGA' BA 'JIG RTEN GYI THA SNYAD DU MI SLU BA LA SOGS PA'I DNGOS PO PHUNG PO LA SOGS PA'O, ,DON DAM PA NI RDZOGS PA'I SANGS RGYAS KYI YUM STE, DE DANG RJES SU MTHUN PA NYID KYI PHUNG PO LA SOGS PA SKYE BA MED PA'I SHES PA'O, ,DE NYID NI BDEN PA STE 'JIG RTEN PA DANG RDZOGS PA'I SANGS RGYAS DAG LA MI SLU BA YIN PA'I PHYIR DE LAS MI 'DA' BA'O, ,'JUG PAR BYA BA NI RAB TU 'JUG PAR BYA BA'O ZHES SLOB PA SGRUB PA LA 'DOMS PA'O, ,TSAD MAS 'THAD PAR 'TSANG RGYA BA NYID KYI RGYU YIN PA'I PHYIR BDEN PA NI RNAM PA BZHI STE, DE LA SDUG BSNGAL LA ZHES BYA BA NI SDUG BSNGAL GYI BDEN PA LA'O, ,KUN 'BYUNG GI PHUNG PO'I 'BRAS BU NYID YIN PAS NA 'BRAS BUR GYUR PA STE GZUGS LA SOGS PA'I PHUNG PO TSE PHA ROL PO'I'O, ,DE RNAMS KYI STONG PA NYID GANG YIN PA NI GCIG DANG DU MA DANG BRAL BA LA SOGS PA'I TSAD MAS RNAM PAR DPYAD NA RANG BZHIN GYI DNGOS PO MED PA NYID YIN PA DANG, GANG YANG SHES RAB KYI PHA ROL TU PHYIN PA STE, GNYIS SU MED PA'I YE SHES 'DI NYID NI DE BZHIN NYID KYI NGO BO NYID YIN PAS DON DAM PAR SKYE BA MED PA'I NGO BOR RANG BZHIN GCIG PA'I PHYIR DBYER MED DO, ,KUN 'BYUNG BA LA ZHES BYA BA KUN 'BYUNG GI 'DREN PA LA STONG PA NYID GANG YIN PA DANG, GANG YANG 'DI LAS SDUG BSNGAL GYI PHUNG PO KUN 'BYUNG BAS KUN 'BYUNG BA ZHES BYA BA RGYUR GYUR PA'I GZUGS LA SOGS PA'I PHUNG PO TSE 'DI PA STE, 'DI GNYIS NI THA MI DAD PA NYID KYIS DBYER MED PAR GZUGS LA SOGS PA ZHES BYA BA RGYUR GYUR PA'I GZUGS LA SOGS PA'I PHUNG PO NI KUN 'BYUNG BA DANG 'GOG PA DANG KUN NAS NYON MONGS PA DANG, RNAM PAR BYANG BA'I CHOS CAN MA YIN NO ZHES BYA BA SKYE BA DANG 'JIG PA DANG, 'DOD CHAGS LA SOGS PA DANG BDAG MED PA'I NGO BO NYID MA YIN NO, ,'GOG PA LA ZHES BYA BA NI 'GOG PA'I BDEN PA LA'O, ,STONG PA NYID LA SOGS PA NI RTOG SLA'O, , @159B GZUGS MED PA NI GZUGS KYI PHUNG PO MED PA DANG, NAS ZHES BYA BA 'DIS TSOR BA LA SOGS PA'I PHUNG PO RNAMS BSDU'O, ,MA RIG PA SKYE BA YANG MED PA NI PHUNG PO MED PAS SHES PA SKYE BA MED PA LA MA RIG PA 'GAG PA MED DE, DES NA MI SHES PA 'JIG PA YANG MED DO, , SANGS RGYAS KYANG MED PA NI RTOGS PA PO MED PA'O, ,DE NYID KYIS NA RTOGS PAR BYA BA MED PA'I PHYIR BYANG CHUB KYI BAR DU YANG MED DE BLA NA MED PA YANG DAG PAR RDZOGS PA'I BYANG CHUB MED PA'O, ,LAM LA ZHES BYA BA NI LAM GYI BDEN PA LA'O, ,SBYIN PA LA SOGS PA'I PHA ROL TU PHYIN PA RNAMS DANG BDAG NYID DE SBYIN PA PO ZHES BYA'O, ,NANG STONG PA NYID LA SOGS PA NI PHYI STONG PA NYID LA SOGS PA ZHES BYA BA NI NANG STONG PA NYID LA PHYI STONG PA NYID KYIS ZHES BYA BA DANG, ,DE BZHIN DU PHYI STONG PA NYID LA PHYI NANG STONG PA NYID KYIS DANG, PHYI NANG STONG PA NYID LA STONG PA NYID STONG PA NYID KYIS ZHES BYA BA LA SOGS PA'I RIM GYIS SO, ,SNGON GYI MTHA' DANG PHYI MA'I MTHA' DAG CES BYA BA SRID PA DANG MYA NGAN LAS 'DAS PA DAG PHAN TSUN GCIG LA GCIG LDAN PA DANG MI LDAN PA YANG MA YIN PA NYID KYIS NA SBYOR BA NYID KYIS MA YIN MI SBYOR BA NYID KYANG MA YIN NO ZHES BYA BA SGRUB BO, ,SANGS RGYAS LA ZHES BYA BA LA SOGS PA LA, BYANG CHUB PA'I BAR DU BDE 'GRO'I RGYU YIN PA NYID KYIS NA DGA' BA SKYED PAR BYED PA NYID YIN PA'I PHYIR SANGS RGYAS DKON MCHOG LA SOGS PA GSUM MO, ,DE LA SANGS RGYAS LA ZHES BYA BA SANGS RGYAS DKON MCHOG LA SANGS RGYAS DANG BYANG CHUB CES BYA BA MTSAN NYID GCIG PA NYID KYIS TE DE BZHIN NYID KYI MTSAN NYID YIN PA'I PHYIR RO, ,SANGS RGYAS SU BYED PA NI 'TSANG RGYA BA NYID RDZOGS PAR BYED PA'I SEMS BSKYED PA LA SOGS PA'O, ,DE'I MTSAN NYID NI DE'I BDAG NYID CAN GYIS TE, RNAM PA THAMS CAD MKHYEN PA NYID DO, ,DE NI KHO NA NYID DU NI RANG BZHIN MED PA NYID YIN PAS MI DMIGS PA LA GZUGS LA SOGS PA MI SBYOR BAS TE, GZUGS DANG TSOR BA LA SOGS PA DANG SBYOR BA MED PA'I PHYIR RO, ,DMIGS PAR BYA BA DANG DMIGS PAR BYED PA MNYAM PA @160A *, ,NYID DU SHES PA ZHES BYA BA NI RNAM PA THAMS CAD MKHYEN PA NYID LA SOGS PA DANG, DE LA DMIGS PAR BYED PA'I SEMS DAG NI SNANG BA MED PA TZAM NYID DU SHES PA'O, ,CHOS LA ZHES BYA BA CHOS DKON MCHOG LA THAMS CAD MKHYEN PA NYID GSUM GYIS TE SNGAR BSHAD PA GANG YIN PA'O, ,DES BSDUS PA NI GANG GZHI DANG GNYEN PO DANG RNAM PA MTHA' DAG STE, PHYI DANG NANG GI BDAG NYID CAN GYI DNGOS PO DANG, RNAM PAR BYANG BA DANG GZUGS LA SOGS PA'I RNAM PA DES, BSDUS PA'I CHOS THAMS CAD GZUGS LA SOGS PAS BSDUS PA RNAMS NI YANG DAG PAR NA NGO BO NYID MED DE STONG PA NYID YIN NO, ,DGE 'DUN LA ZHES BYA BA NI DGE 'DUN DKON MCHOG LA SANGS RGYAS ZHES BYA BA LA SOGS PA NI 'OG NAS BSHAD PAR BYA'O, ,MA ZHEN PA NI MNGON PAR MA CHAGS PA STE, DE NI BRTZON 'GRUS BRTZAMS PA NYID KYIS ZHES BYA BA LA SOGS PA SMOS PA YIN TE, BSKAL PA GRANGS MED GSUM DANG KUN TU 'BREL PAR 'JUG PA NYID KYIS JI SKAD DU BSHAD PA'I DON LA NAN TAN DU BYA BA'I PHYIR ZHES BYA BA BYANG CHUB KYI SEMS BSKYED PA LA SOGS PA BSGRUB PA LA'O, ,LUS LA SOGS PA BSOD NAMS NYID KYI ZHES BYA BA BDE BA NYID KYIS SO, ,LA LA NI DBANG PO RTUL PO'O, ,YONGS SU MI NGAL BA NI NYON MONGS PA MED PA STE, DE NI DUS RING MO ZHES BYA BA LA SOGS PA SMOS PA YIN NO, ,DNGANG PA'I RANG BZHIN CAN NI DBANG PO RTUL BA NYID YIN PA'I PHYIR 'JIGS PA'I RANG BZHIN CAN NO, ,GZUGS LA SOGS PA NAS ZHES BYA BA NI GZUGS LA SOGS PA NAS TSOR BA LA SOGS PA'I BAR RO, ,RLOM PA MED PA NYID DU ZHES BYA BA NI YANG DAG PAR TSOR BA MED PA'I PHYIR RO, ,LAM NI SGRUB PA'O, ,DE YONGS SU GZUNG BA NI 'DZIN PA STE, DE NI PHYOGS BCU NA ZHES BYA BA LA SOGS PA SMOS PA YIN TE, DON RE RE'I PHYIR ZHES BYA BA NI BRJOD PAR BYA BA SNA TSOGS SHES PAR BYA BA'I PHYIR RO, ,SEMS ZHUM PAR 'GYUR BAS ZHES BYA BA NI PHYOGS SNA TSOGS BAR GTOGS PA'I SANGS RGYAS DANG DGE BA'I BSHES GNYEN @160B MNYES PAR BYA BA DANG, DES NYE BAR BSTAN PA'I DON KHONG DU CHUD PA SO SO'I BYA BA MANG PO YOD PA NYID LA DBANG PO RTUL PO NYID YIN PA'I PHYIR RO, ,SEMS LE LOR GYUR PA LA CHOS RNAMS RANG BZHIN GYIS MA SKYES PA NYID DU STE, DE KHO NA NYID DU NA GZUGS LA SOGS PA RANG BZHIN GYIS SKYE BA MED PA YIN PA'I PHYIR RO, ,MTHONG BA'I RGYUR GYUR PA NYID KYIS NA SPYAN TE DE NI SHA'I DANG ZHES BYA BA LA SOGS PA SMOS PA YIN NO, ,KUN SHES PAS NA MNGON PAR SHES PA YIN LA DE NYID NI MTHONG BA GDUL BYA'I SKYE BO DANG RJES SU MTHUN PA NYID YIN PA'I PHYIR BSLAB PAR BYA BA NYID YIN PAS NA YON TAN NO, ,DE NI RDZU 'PHRUL DANG ZHES BYA BA LA SOGS PA SMOS PA YIN TE, DE SHES PA GZHAN LA LTOS NA 'BAD PA CHEN POS BSGRUB PAR BYA BA YIN PAS NA MNGON PAR 'DU BYED PA LAS BYUNG BA'I LHA'I MIG GI SHES PA'O, ,ZAG PA NI NYON MONGS PA RNAMS TE, DE RNAMS MED PA NI ZAG PA ZAD PA'I SHES PA'O, ,GZOD MA NAS ZHI BA NYID DU ZHES BYA BA NI DE KHO NA NYID DU NA RANG BZHIN GYIS MYA NGAN LAS 'DAS PA NYID YIN PA'I PHYIR RO, ,MA MTHONG BA'I YON TAN MTHONG BA'I THABS NYID YIN PA'I PHYIR MTHONG BA'I LAM ZHES BYA STE, DE NI MTHONG BA'I LAM BDEN PA BZHIS BSDUS PA ZHES BYA BA LA SOGS PA SMOS PA YIN TE, BDEN PA BZHI NI SDUG BSNGAL LA SOGS PA'O, ,DES BSDUS PA SKAD CIG MA BCU DRUG NI MI RTAG PA LA SOGS PA'O, ,DE'I NGO BO NYID KYIS MTHONG BA'I LAM NI CHOS DANG RJES SU SHES PA'I BZOD PA DANG SHES PA'I BDAG NYID CES BYA BA BDEN PA RE RE ZHING CHOS DANG RJES SU SHES PA'I BZOD PA GNYIS TE, SHES PA BCU DRUG TU GYUR PA DE'I BDAG NYID LA'O, ,CHOS THAMS CAD NGO BO NYID MED PAR RTOGS PAS ZHES BYA BA LA GZUGS LA SOGS PA STONG PAR SHES PA'I PHYIR RO, ,SGYU MA MKHAN BZHIN DU THAMS CAD LA MNGON PAR ZHEN PA MED PA'I LUS CAN RANG GIS JI LTA BA BZHIN DU SPRUL PA NI LOG PA NYID YIN PAR SHES PAS SGYU MA BYED PA DAG MNGON PAR ZHEN PA MED LA, DE BZHIN DU GZUGS LA SOGS PA LA MNGON PAR ZHEN PA MED PA'O, ,DES SPANG BAR BYA BA'I DNGOS @161A *, ,PO MTHONG BA'I LAM GYIS SPANG BAR BYA BA MI MTHUN PA'I PHYOGS DE'I GNYEN PO YIN PA NYID KYIS RNAL 'BYOR BA DE KHO NA NYID SGOM PAR BYED DO, ,BSGOM PA'I LAM NI 'DUS BYAS DANG ZHES BYA BA LA SOGS PA SMOS PA YIN TE, 'DUS BYAS DANG 'DUS MA BYAS DAG NI ZAG PA DANG BCAS PA DANG, ZAG PA MED PA DAG PHYI'I SPYI RGYU NYID KYIS NA GZUGS DANG, TSUL KHRIMS LA SOGS PA'I PHUNG PO'O, ,DE DAG NI NGO BO NYID GCIG PA NYID KYIS TE, STONG PA NYID KYIS SO, ,DES NA PHAN TSUN TE GCIG LA GCIG THA DAD PAR GDAGS PAR MI NUS PA BZHIN DU ZHES BYA BA THA SNYAD KYI DBYE BA MA GTOGS PA'I PHYIR RO, ,DE NYID KYIS NA DON DAM PA BA DANG RJES SU MTHUN PA NYID YIN PA'I PHYIR JI SKAD BSHAD PA'I MTHONG BA DANG BSGOM PA'I LAM DON DAM PA PA YIN PA NI JI SKAD BSHAD PA'I MTHONG BA'I LAM MNGON SUM DU BYAS PA'I 'PHAGS PA'I BDEN PA BZHI PO DE DANG THA MI DAD PA'I PHYIR ZHES BYA BAR SMOS PA YIN TE, DE DANG THA MI DAD PAR DMIGS PA YIN PA'I PHYIR TE, DE DAG YUL GCIG PA NYID YIN PA'I PHYIR, MTHONG BA DANG BSGOM PA'I LAM DAG THA DAD DU GYUR BA MED PAS DBYE BA MED DO, ,RGYU DES NA MTSAN NYID PA RNAM BAR GZHAG PA NI MED KYI 'ON KYANG BSGOM PA'I LAM GYI DNGOS PO RNAM PAR GZHAG PA NI MTHONG BA'I LAM DANG THA SNYAD 'DRA BA YIN NO, ,YUL GCIG PA NYID YIN PA'I PHYIR YANG DAG PAR NA MTHONG BA'I LAM GYI KHONGS SU BSGOM PA'I LAM 'DUS PA MA YIN NAM, DE BSGOM PA NI DON MED PA NYID YIN NO ZHE NA, 'ON KYANG DE NI DES SPANG BAR BYA BA'I ZHES BYA BA LA SOGS PA SMOS PA STE, DES SPANG BAR BYA BA'I DNGOS PO BSGOM PA'I LAM GYIS SPANG BA'I MI MTHUN PA'I PHYOGS DE'I GNYEN PO'I PHYOGS YIN PA NYID KYIS NA RNAM PAR BSGOM MO, ,YUL GCIG PA NYID KYIS NA NUS PA THA DAD PA GA LA YOD CE NA, RTEN CING 'BREL BAR 'BYUNG BA'I CHOS NYID DU ZHES BYA BA SMOS TE, RGYU DANG 'BRAS BU'I DNGOS PO BSAM GYIS MI KHYAB PA'I PHYIR RO, ,SGRUB PA'I RNAM PA NI GANG YIN, DMIGS PA NI GANG YIN RTEN NI GANG YIN, MA ZHEN PA LA @161B SOGS PA'I YANG DGOS PA NI GANG YIN ZHES DOGS PA LA DE BSTAN PA NI DE LTAR ZHES BYA BA LA SOGS PA SMOS PA YIN TE, DE LTAR BYAS NA ZHES BYA PA NI SPYIR GDAMS PA SMRA BA LA GNAS PA LA NA'O, ,PHYIR MI LDOG PAR 'GRO BA'I RGYU NI DBYER MI PHYED PAR 'GRO BA'I RGYU'O, ,THEG PA GZHAN GYIS MI 'GRO BA'I RGYU NI RAB KYI MTHAR PHYIN PAR MI 'GRO BA'I RGYU'O, ,GZHAN GYI DRING MI 'JOG PAR 'GRO BA NYID KYI RGYU NI BDUD LA SOGS PA'I SHES PAR DRANG BA'I DON NYID DU RANG NYID KYIS SHES NAS MI 'JUG PA'I RGYU'O, ,DGE 'DUN DKON MCHOG GI KHONGS SU GTOGS PA NYID YIN PA'I PHYIR DGE 'DUN GYI DBYE BA CI SNYED YOD PA DE DAG THAMS CAD RTOGS PA KHO NA YIN PAS RAB TU BYED PA GNYIS PO LA DON MED DO SNYAM DU SEMS PA LA, BDE BLAG TU RTOGS PAR BYA BA'I PHYIR ZHES BYA BA SMOS TE, DGE 'DUN DKON MCHOG LA BYANG CHUB SEMS DPA' DBANG PO RTUL PO LA SOGS PA'I DBYE BA NI, DBANG PO RTUL DANG ZHES BYA BA LA SOGS PA'I TSIG LE'U BYAS PAS BSHAD PA YIN NO, ,'CHAD PAR 'GYUR BA'I ZHES BYA BA LA SOGS PA SMOS PA LA MTHONG BA'I LAM LA BRTEN NAS ZHES BYA BA NI MTHONG BA'I LAM GYI SEMS KYI SKAD CIG MA BCO LNGA LA, DAD PA DANG CHOS KYIS RJES SU 'BRANG BA'I BYE BRAG GIS TE, DAD PA DANG SHES RAB KYIS RJES SU 'BRANG BA NYID DAG GIS 'BRAS BU DANG PO LA ZHUGS PA STE ZHES BYA BA RGYUN DU ZHUGS PA'I 'BRAS BU GRUB PA DANG LDAN PA DBANG PO RTUL PO DANG RNON PO RNAM PA GNYIS TE, YUN RING POS SHES PA DANG MYUR BAR SHES PA'O, ,DE'I 'OG TU DE NYID 'DOD PA'I 'DOD CHAGS DANG MA BRAL BA SEMS KYI SKAD CIG MA BCU DRUG LA NI RGYUN TU ZHUGS PA'O, ,DE'I 'OG TU DE NYID BSGOM PA'I LAM LA NYON MONGS PA RNAM PA BZHI RAB TU SPANGS PA LAS, LHA DANG MI'I RIGS NAS RIGS SU SKYE BA NYID KYIS GZHAN RNAM PA GNYIS YIN TE, LHA DANG MI DAG TU SKYE BA GNYIS SAM GSUM THOS PAS LHA'I RIGS NAS RIGS DANG, MI'I RIGS NAS RIGS SU SKYE BAS RIGS SU SKYE BA'O, ,DE'I 'OG TU DBANG PO RTUL PO DANG RNON PO DAD PA DANG MTHONG BAS THOB PA STE, DAD PA DANG SHES @162A *, ,RAB DANG LDAN PA 'DOD PA NA SPYOD PA'I NYON MONGS PA LNGA SPANGS PAS 'BRAS BU GNYIS PA LA ZHUGS PA STE LAN CIG PHYIR 'ONG BA'I 'BRAS BU BSGRUB PA DANG LDAN PA NI GCIG KHO NA YIN NO, ,DE'I 'OG TU 'DOD PA NA SPYOD PA'I NYON MONGS PA RNAM PA DRUG SPANGS PAS LAN CIG PHYIR 'ONG BA'I 'BRAS BU YIN NO, ,DE'I 'OG TU DE NYID LHA RNAMS SU SKYE BA GCIG LHAG MA LUS PA YIN PA'I PHYIR GZHAN PAR CHAD GCIG PA YIN NO, ,DE'I 'OG TU 'DOD PA NA SPYOD PA'I NYON MONGS PA BDUN PA DANG BRGYAD PA SPANGS PAS 'BRAS BU GSUM PA LA ZHUGS PA YIN TE, PHYIR MI 'ONG BA'I 'BRAS BU GRUB PA DANG LDAN PA'O, ,DAD PA DANG MTHONG BAS THOB PA NI SNGA MA BZHIN DU GCIG YIN TE DAD PA DANG MTHONG BAS THOB PA'I 'BRAS BU GNYIS PA DANG, GSUM PA LA ZHUGS PA DAG NA DAD PA DANG MTHONG BAS THOB PAR BSHAD PA YIN NO, ,RGYAS PAR BSHAD PA NI LUNG GI DBANG GIS YIN PAR SHES PAR BYA'O, ,DE'I 'OG TU 'DOD PA NA SPYOD PA'I NYON MONGS PA DGU PA SPANGS PAS PHYIR MI 'ONG BA'I RNAM PA LNGA STE DER NI BAR MA DO DANG ZHES BYA BA LA SOGS PA SMOS PA YIN TE, SKYE BA'I KUN TU SBYOR BA NI SPANGS, MNGON PAR 'GRUB PA'I KUN TU SBYOR BA NI MA SPANGS PA'I PHYIR SRID PA BAR MA MNGON PAR SGRUB PAR BYED PA NA'AM, MNGON PAR SGRUB PA NA SRID PA BAR MAR LAM MNGON SUM DU BYAS PAS SDUG BSNGAL GYI MTHAR BYED PA THOB PA NI BAR MA DOR YONGS SU MYA NGAN LAS 'DA' BA'O, ,KUN TU SBYOR BA GNYI GA MA SPANGS PA'I PHYIR GZUGS KYI KHAMS SU SKYES NAS SDUG BSNGAL GYI MTHAR BYED PA THOB PA NI SKYES NAS YONGS SU MYA NGAN LAS 'DA' BA'O, ,DE BZHIN DU SKYES NAS MNGON PAR 'DU BYED PA DANG BCAS PAS LAM MNGON DU BYED PA THOB PA'I PHYIR SDUG BSNGAL GYI MTHAR BYED PA THOB PA NI MNGON PAR 'DU BYED PA DANG BCAS PAS YONGS SU MYA NGAN LAS 'DA' BA'O, ,DE LAS GO BZLOG PA NI MNGON PAR 'DU BYED PA MED PAR YONGS SU MYA NGAN LAS 'DA' BA ZHES BYA BA STE RNAM PA BZHI DANG GONG DU 'PHO BA NI LNGA STE, DE YANG 'OG MIN GYI MTHAR THUG PAR 'GRO BA DANG SRID PA'I RTZE MO'I @162B MTHAR THUG PAR 'GRO BA STE RNAM PA GNYIS SO, ,DE'I 'OG TU GONG DU 'PHO BA DE NYID 'OG MIN GYI MTHAR THUG PAR 'GRO BA NI 'PHAR BA DANG PHYED DU 'PHAR BA DANG GNAS SKABS THAMS CAD DU 'CHI 'PHO BA NYID KYIS 'OG MIN TU 'JUG PA NI GONG DU 'PHO BA GZHAN RNAM PA GSUM MO, ,DE'I 'OG TU GONG DU 'PHO BA DE NYID SRID PA'I RTZE MO'I MTHAR THUG PAR 'GRO BA STE, GZUGS KYI 'DOD CHAGS DANG BRAL BA LA GNYIS TE MTHONG BA'I CHOS LA ZHI BA DANG LUS KYIS MNGON SUM DU BYED PA GZHAN RNAM PA GNYIS YIN NO, ,DE'I 'OG TU SRID PA'I RTZE MO'I NYON MONGS PA BRGYAD PA SPANGS PAS NI DGRA BCOM PA'I 'BRAS BU LA ZHUGS PA YIN NO, ,DE'I 'OG TU NYAN THOS KYI SDE SNOD NYID LA DMIGS NAS RANG GI LAM MNGON SUM DU BYED PAS SANGS RGYAS MI 'BYUNG BA NA RANG SANGS RGYAS SU 'GYUR BA STE DE LTAR NYI SHU'O, ,'DIR GO SLA BAS 'BRAS BU DANG PO DANG GNYIS PA DANG BZHI PA LA ZHUGS PA'I GRANGS MA SMOS SO, ,DE LTAR PHYIR MI LDOG PA'I 'KHOR LO'I MDO DANG, STONG PHRAG NYI SHU LNGA BA DANG, CHOS MNGON PA LAS, DE LA SKAD CIG BCO LNGA NI, MA MTHONG MTHONG PHYIR MTHONG BA'I LAM, ,ZHES BYA BA LA SOGS PAS GTAN TSIGS DANG GRANGS DANG BCAS PAR GSUNGS PA YOD PAS LOG PAR KHONG DU CHUD PAR MI BYA'O, ,LAS DANG PO BA DE LTAR GDAMS NGAG THOB PA LA ZHES BYA BA NI 'DIR BSOD NAMS KYI TSOGS LA GSOGS PA YANG DAG PAR RDZOGS PA DANG LDAN PA LA YE SHES KYI TSOGS GRUB PAR BYA BA'I PHYIR BSKAL PA GRANGS MED PAS NGES PAR 'BYUNG BA'I MOS PAS SPYOD PA'I SA YONGS SU SBYANG BAR BYA BA'I DON DU ZHUGS PA LA ZHES BYA BAR BLTA BAR BYA'O, ,BYANG CHUB SEMS DPA' DAM PA SKYOB PA RNAMS KYI DRO BA LA SOGS PA RNAM PAR RTOG PA BZHI PO 'OG NAS BSHAD PA DE DANG LDAN PA STE DE DANG YANG DAG PAR SBYOR BA'O, ,BSTEN PA STE BSTEN BZHIN PA NA BYANG CHUB SEMS DPA'I CHUNG NGU DANG 'BRING DANG CHEN POR BSHAD PA NI NYAN THOS PAS RU LTA BUR BCAS PA DAG GI DRO BA LA SOGS PA BSHAD LAS KHYAD PAR DU 'PHAGS PA YIN TE, DE DAG GI DMIGS PA LA SOGS PA NI DMAN PA YIN @163A *, ,PA'I PHYIR RO, ,GANG DU GANG CI ZHIG CE NA, 'BREL BA LAS BYANG CHUB SEMS DPA' RNAMS KYI ZHES BYA BA LA SOGS PA SMOS TE, BYANG CHUB SEMS DPA'I MOS PAS SPYOD PA'I SA YONGS SU SBYONG BA LA ZHUGS PA RNAMS KYI THOS PA LA SOGS PA RAB KYI MTHAR PHYIN PAS THOB PA'I THAR BA'I CHA DANG MTHUN PA STE NYON MONGS PA LA SOGS PA DANG BRAL BA LA PHAN PA'I DAD PA DANG BRTZON 'GRUS LA SOGS PA'I MTSAN NYID KYI MA CHAGS PA LA SOGS PA'I DGE BA'I RTZA BA RNAMS KYI RTZA BA STE, RGYU'I GTZO BO GANG YIN PA DE'I 'OG TU STE, RJES THOGS LA BDEN PA BZHI PO SDUG BSNGAL LA DE RNAMS RTOGS PA DE BZHIN NYID SHES PA DE RJES SU MTHUN PA'I NGES PAR 'BYED PA'I CHA DANG MTHUN PA NYON MONGS PA LA SOGS PA DANG BRAL BA'I SHES PA LA MNGON SUM DU PHAN PA 'JIG RTEN PA'I SEMS LAS SKYES PA NYID YIN PA'I PHYIR 'JIG RTEN PA YIN LA, BSGOM PA GOMS PA LAS BYUNG BA, DRO BAR GYUR BA DANG 'BREL BA DGE BA'I RTZA BA DANG ZHES BYA BA LA SOGS PA LA CHUNG NGU DANG 'BRING DANG CHEN PO ZHES BYA BA LA CHUNG NGU LA SOGS PA'I RIM GYIS SKYE ZHES BYA BA NI CHUNG NGU DANG 'BRING DANG CHEN PO'I GO RIMS SKYE BA'AM, BYANG CHUB SEMS DPA' DANG 'BREL PA STE, DE'I RIM CAN GYI DBANG PO RTUL PO LA SOGS PA'I GANG ZAG CHUNG NGU DANG, 'BRING DANG CHEN PO'I SHES PA DANG LDAN PA'I LUS CAN DE'I BYE BRAG DANG LDAN PA LA, DRO BA LA SOGS PA DE'I KHYAD PAR GYI CHUNG NGU DANG 'BRING DANG CHEN PO YIN NO ZHES BYA BAR SBYAR RO, ,DMIGS PA YIN ZHES SMOS PA NI 'OG NAS BSHAD PA'I DMIGS PA'I KHYAD PAR MI RTAG PA LA SOGS PA STE DE'I NGO BO NYID DO, ,BDEN PA BZHI NI SDUG BSNGAL LA SOGS PA'O, ,DE NYID NI DNGOS PO STE SHES PA SKYED PAR BYED PA NYID YIN PA'I PHYIR RO, , DE'I DMIGS PA NI YUL RNAMS SO, ,RNAM PA YIS NI CHOS SU LTA BA ZHES BYA BA LA SOGS PA YIN TE, CHOS SU LTA BA NI GZUGS LA SOGS PA YOD PAR 'DZIN PA'I PHYIR RO, ,DE'I GNYEN PO NYID KYIS NA MNGON PAR ZHEN PA MED PA LA SOGS PA'I RNAM PA STE, MA CHAGS PA DANG MI @163B DMIGS PA LA SOGS PA RNAM PA'I BYE BRAG GIS ZHUGS PA NI SGYU MA LTA BU LA SOGS PA'I TSUL GYIS SO, ,RGYU NYID NI THEG PA GSUM CAR ZHES BYA BA LA SOGS PA YIN TE, GANG SANGS RGYAS LA SOGS PA'I MYA NGAN LAS 'DAS PA GSUM NI THEG PA GSUM CAR TE MYA NGAN LAS 'DAS PA'O, ,DE RTOGS PA NI THOB PA'O, ,DE'I RGYU'I NGO BO NI DRO BA LA SOGS PAR ZHUGS PA'O, ,YONGS SU 'DZIN PA YIS ZHES BYA BA NI DGE BA'I BSHES GNYEN ZHES BYA BA LA SOGS PA SMOS PA YIN TE, THABS ZHES BYA BA 'TSANG RGYA BA'I RGYU LA MKHAS PA'I DGE BA'I BSHES GNYEN TE BLA MA GANG YIN PA'O, ,DE'I MTSAN NYID KYIS YONGS SU BZUNG BA NI 'TSANG RGYA BA NYID KYI BAR DU BDAG GIR BYAS PA'AM, YONGS SU BZUNG BA DANG LDAN PA NYID YIN PA'I PHYIR DGE BA'I BSHES GNYEN NI YONGS SU BZUNG BA'O, ,DE DANG LDAN PA NI DE DANG BCAS PA'I DRO BA LA SOGS PA'O, ,RNAM RTOG BZHI PO ZHES BYA BA LA SOGS PA SMOS PA YIN TE, MTHONG BA DANG BSGOM PA DAG GIS SO SOR SPANG BAR BYA BA'I GZUNG BA DANG 'DZIN PA'I RNAM PAR RTOG PA BZHI PO 'CHAD PAR 'GYUR BA STE, 'OG NAS 'BYUNG BA GANG YIN PA DE'I TSUL DANG 'BREL PA STE 'DRES PA LA SOGS PA'O, ,NYAN THOS LA SOGS PA'I DRO BA LA SOGS PA'I KHYAD PAR MED PA NYID YIN PA NI DE DAG GI DRO BAR GYUR PA ZHES BYA BA LA SOGS PA SMOS PA YIN TE, NYAN THOS LA SOGS PA DE DAG GI YANG DRO BAR GYUR BA LA SOGS PA'I DGE BA'I RTZA BA NI GZUGS SU RUNG BA LA SOGS PA'I MTSAN NYID KYI DNGOS PO'I BDAG NYID KYIS TE DNGOS PO GANG LA YANG GZUGS SU RUNG BA DANG, NYAMS SU MYONG BA LA SOGS PA'I MTSAN NYID KYI GZUGS DANG TSOR BA LA SOGS PA'I PHUNG PO DE'I BDAG NYID CAN GYI BDEN PA BZHI PO SDUG BSNGAL BA LA SOGS PA DE LA DMIGS PA GANG YIN PA DANG BDAG TU LTA BA NI BDAG TU MTHONG BA'O, ,DE'I GNYEN PO NYID YIN PAS MI RTAG PA LA SOGS PA ZHES BYA BA MI RTAG PA DANG SDUG BSNGAL BA LA SOGS PA'I RNAM PAS ZHUGS PA'O, ,RANG GI THEG PA NI PHUNG PO LHAG MA DANG BCAS PA DANG LHAG MA @164A *, ,MED PA DANG MYA NGAN LAS 'DAS PA'O, ,DE RTOGS PA KHO NA NI DE THOB PA NYID DO, ,YONGS SU BZUNG BA NI SNGA MA BZHIN DU STE DE DANG BRAL BA'O, ,RNAM PAR RTOG PA RNAM PA BZHI NI 'OG NAS BSHAD PA'O, ,DE DANG MI LDAN PAR 'BYUNG NGO ZHES BYA BA'I TSUL GYIS TE, DE LTAR BYAS NA RNAM PAR RTOG PA BZHI NI RANG GI BYANG CHUB KYI GEGS SU GYUR BA MA YIN NO, ,NYAN THOS KYI LUNG LAS 'DRES SU ZIN KYANG MA 'DRES PAR SKYE BA YIN NO ZHES BSHAD PAS RNAM PAR RTOG PA RNAM PA BZHI DANG BRAL BA YIN NO, ,YANG BYANG CHUB SEMS DPA' RNAMS KYI RNAM PA DANG DMIGS PA DAG YONGS SU BZUNG BA'I DBANG GIS KHYAD PAR DU 'PHAGS PA DE NI BYANG CHUB SEMS DPA' RNAMS KYI ZHES BYA BA LA SOGS PA SMOS PA YIN TE, BDEN PA BZHI BO'I DNGOS PO LA DMIGS PA NI NGES PAR 'BYED PA DANG ZHES BYA BA LA SOGS PA DANG SBYAR RO, ,DE NI CI RIGS PAR KHA CIG TU NI ZHES BYA BA NI KUN 'BYUNG BA LA'O, ,RGYU'I SGO NAS NI KUN 'BYUNG NI SDUG BSNGAL GYI PHUNG PO'I RGYU NYID YIN PAS SO, ,KHA CIG TU NI ZHES BYA BA SDUG BSNGAL LA NI 'BRAS BU'I SGO NAS ZHES BYA BA SDUG BSNGAL GYI 'BRAS BUR GYUR BA'I SGO NAS TE, SDUG BSNGAL NI KUN 'BYUNG GI 'BRAS BU NYID YIN PAS SO, ,KHA CIG TU NI ZHES BYA BA 'GOG PA LA NI NGO BO NYID KYI SGO NAS ZHES BYA BA YANG DAG PAR NA CHOS THAMS CAD 'GOG PA'I NGO BO NYID YIN PA'I PHYIR RO, ,KHA CIG TU NI ZHES BYA BA LAM LA NI CHOS NYID KYI RNAM PA'I SGO NAS ZHES BYA BA THAMS CAD MKHYEN PA NYID GSUM GYI CHOS MI DMIGS PA NYID YIN PA'I PHYIR RO, ,SNGA MA BZHIN DU RNAM PA GZHAN GYIS KYANG ZHES BYA BA NI MNGON PAR ZHEN PA MED PA LA SOGS PAS SO, ,BSRE BA ZHES BYA BA NI RGYA CHER BSGOM PA NI'O, ,PHAL CHER SDE BA RNAMS BDAG CAG GI SDE SNOD GSUM LA KHYED KYI THEG PA MI SNANG BAS KHYED CAG GI THEG PA NI SANGS RGYAS KYIS GSUNGS PA MA YIN NO ZHES BYA BA LA SOGS PA'I SUN 'BYIN PAR SMRA BAS, DE BSAL BAR BYA BA'I PHYIR DE BAS NA ZHES BYA BA LA SOGS PA SMOS PA YIN TE, 'DI NI LUGS @164B GZHAN KHO NA YIN PAS ZHES BYA BA NI GANG GI PHYIR THEG PA CHEN PO'I GNAS SKABS KHYAD PAR RNAM PA LNGAS KHYAD PAR DU 'PHAGS PA YIN PA DE BAS NA STE, DE'I PHYOGS THEG PA CHEN PO LAS LUGS KHO NA GZHAN YIN PAS DE LA BRTEN NAS ZHES BYA BA DE MTHONG BA'I TSUL GYIS THEG PA CHEN PO GANG DU YANG SUN 'BYIN PAR BRJOD PAR MI BYA ZHING SANGS RGYAS KYI BKA' MA YIN NO, ,ZHES BRGAL BAR MI BYA, BDAG CAG GI SDE SNOD GSUM DU KHYED KYI THEG PA MI SNANG BA DANG SAm SKRi TA'I SKAD KYIS MA GSUNGS PA NYID YIN PA'I PHYIR SANGS RGYAS KYIS GSUNGS PA MA YIN PAR THAL BAR 'GYUR BA 'DI DANG, SKAD GZHAN MA MKHYEN NA THAMS CAD MKHYEN PA NYID MA YIN PA DANG KHYED CAG KHO NA GDUL BYA NYID YIN NA THAMS CAD GDUL BYA MA YIN PA NYID DU THAL BAR 'GYUR NA, YU BU CAG GNYI GA DE LTAR MI 'DOD PAS 'DI NI CI LTAR YANG MI RUNG NGO, ,DE LTA BU LA SOGS PA'I RGOL BA NI MDO SDE RGYAN LA SOGS PA LAS SHA ZA'I SKAD LA SOGS PA LA MNGON PAR ZHEN PA PA YANG DAG PA'I LTA BA MI SHES PA'I SHA ZA RNAMS LA MNYAM PAR BSTAN PAS RGYA CHER TSAR BCAD PA YIN PAR BLTA BAR BYA'O ZHES BYA BAR DGONGS SO, ,YANG 'DI'I DGONGS PA 'DI MA YIN PAS RTAG PA'I LUNG DANG MI RTAG PA'I LUNG BZHIN DU THEG PA GZHAN DANG GZHAN 'GAL BA MA YIN NO ZHES KYANG BRJOD PAR MI BYA STE, GZHAN GYI CHOS RNAMS KYANG YOD PA ZHES BYA BA LA SOGS PA DE'I BYANG CHUB DANG 'GAL BAR 'OG NAS BSHAD PA YIN PA'I PHYIR RO, , GZHAN DU NA BYE BRAG TU SMRA BA DANG, MDO SDE BA DANG, RNAL BYOR SPYOD PA DANG, DBU MA BA'I SANGS RGYAS PA RNAMS GONG NAS GONG GI RIM PAS KHYAD PAR DU 'PHAGS PAR JI LTAR 'GYUR, YANG NA THEG PA CHEN PO KHYAD PAR DU 'PHAGS PA BSTAN PA NA THEG PA GZHAN KHYAD PAR CAN MA YIN PAR BSHAD PA MA YIN NAM, DES PHONGS PA LA 'JUG PA'I LAS KYI NYES PAR CI'I PHYIR MI 'GYUR ZHES BYA BA'I PHYOGS SNGA MA'I LAN NI DE BAS NA ZHES BYA BA LA SOGS PA SMOS PA YIN TE, 'DI NI LUGS GZHAN KHO NA YIN PAS ZHES BYA BA NI THEG PA KHYAD @165A *, ,PAR CAN DANG KHYAD PAR CAN MA YIN PA DAG JI LTA BA BZHIN DU RTOGS PA BRTAN PAR BYA'O ZHES BYA BA'I SKABS YIN NO, ,GANG GI PHYIR DE LTAR YIN PA DE'I PHYIR GANG DU YANG THEG PA GZHAN LA BRTEN NAS SUN DBYUNG BA BRJOD PAR MI BYA'O ZHES BYA BA CHOS KYIS PHONGS PAR 'GYUR BA LA 'JUG PA'I LAS KYI NYES PA BRJOD PAR MI BYA STE, RANG RANG GI THEG PA LA GNAS PA RNAMS BDAG CAG GI BAS GZHAN GYI THEG PA NYAMS PAR 'DOD PA NYID YIN PA'I PHYIR RANG GI THEG PA LAS NYAMS NAS DE LHAG PAR MOS PA NYID NI MA YIN NO ZHES BYA BAR DGONGS SO, , DE NYID KYIS NA GZHAN GYI CHOS RNAMS KYANG YOD LA ZHES BYA BA LA SOGS PA SUN DBYUNG BA SNGAR BSHAD PA'I NYES PA NI NYES PA MA YIN TE 'DOD PA NYID YIN PA'I PHYIR RO, ,BSHAD PA 'DI LA RANG GI THEG PA LA GNAS PA DAG NI RANG GI THEG PA SPONG PA DES PHONGS PAR GYUR BA'I LAS SU GZHAG PA YIN PAR BLTA BAR BYA'O, ,DMIGS PA DANG ZHES BYA BA LA SOGS PA LA GZUGS LA SOGS PA'I SKYE BA DANG 'JIG PA NI BSGRUB PA DANG DGAG PA DAG GO, ,GNAS PA NI 'DIS GNAS SHING THA SNYAD DU BYED PAS NA GNAS TE SGRA MA LUS PA'O, ,BRAL BA NI MI GNAS PA STE MED PA YIN PAS GNAS BRAL LO, ,BTAGS DANG ZHES BYA BA NI SANGS RGYAS LA SOGS PA'I THA SNYAD DE DANG DE NI BRJOD DU MED PA YIN PAS, BTAGS DANG BRJOD DU MED PA ZHES BYA'O, ,DRO BAR GTOGS PA'I DGE BA'I RTZA BA RNAM PA GSUM GYI DMIGS PA DANG RNAM PA DAG 'GREL BA LAS, CHUNG NGU'I DMIGS PA NI ZHES BYA BA LA SOGS PA LA SMOS PA YIN TE, DE LA DRO BA CHUNG NGU'I DMIGS PA ZHES BYA BA LA SOGS PA NI MI RTAG PA ZHES BYA BA LA SOGS PAS BSHAD DO, ,DRO BA 'BRING GI DMIGS PA NI MOS PA DANG ZHES BYA BA KUN RDZOB TU GZUGS LA SOGS PA LA YOD PA LA SOGS PAR MNGON PAR ZHEN PA'O, ,DE KHO NA NYID NI DON DAM PA MTHONG BAS DE RNAMS NYID BDAG MED PA'O, ,DE DAG GI YID LA BYED PA GANG YIN PA DE DAG GIS GRANGS BZHIN DU GZUGS LA SOGS PA ZHES BYA BA GZUGS DANG TSOR BA ZHES BYA BAR BSGRUB PA DANG DGAG @165B PA DAG NI DMIGS PAR MTHONG BA ZHES BYA BA SPRUL BA'I GZUGS LA SOGS PA LTA BA DANG 'DRA BAR DNGOS PO SNANG BZHIN PA NA DNGOS PO MED PA YIN LA, DE YANG DE KHO NA NYID DU NI MA YIN NO ZHES DMIGS PA GNYI GA SGYU MA BYED PAS SPRUL PA LTA BUR BYA'O ZHES BYA BAR DGONGS SO, ,MING THAMS CAD MED PA NYID KYIS ZHES BYA BA NI DE KHO NA NYID DU MED PAS SO, ,YANG DAG PAR MED DU ZIN NA YANG RGYUN DANG 'DRA BAR ZHES BYA BA RANG GI RIGS GSAL BA MA LUS PA LA KHYAB PAS NA RGYUN TE SPYI'O, ,DE MI 'DRA BA GANG YIN PA DE NI 'DIR GSAL BAR RANG GI MTSAN NYID BRJOD PA'O, ,RGYUN NI SNGA MA DANG 'DRA'O, ,'DI GNYIS KYI MTSAN NYID NI RANG DANG SPYI'I MTSAN NYID DON GYI BYA BA NUS PA DANG MI NUS PA'I BDAG NYID CAN DU MED DE, BRJOD PA PO MED PAS BRJOD PAR BYA BA MED DO, ,ZHES BYA BAR DGONGS SO, ,RANG GI MTSAN NYID NI KUN RDZOB TU YANG BRJOD DU MED PA MA YIN NAM SGRA RNAMS NI SEL BA'I YUL CAN YIN PA'I PHYIR DE JI LTAR DER DGAG CEN BDEN MOD KYI SGRA GSAL BA NYID LA 'JUG PA NA LAN 'GA' ZHIG DE LA YANG BRJOD PAR BYA B NYID YIN PAR MNGON PAR ZHEN TO ZHES BYA BA'I BAR DU SRID PA DGAG PA YIN PAS NYES PA MED DO, ,ZHES BYA BA NI GNAS BRAL BA'O, ,DRO BA CHEN PO NI GZUGS LA SOGS PA'I CHOS THAMS CAD KYI BTAGS PA STE THA SNYAD DO, ,DE NI CHEN PO'I DMIGS PA STE ZHES BYA BA LA SOGS PA SMOS PA YIN TE, GZUGS NAS SANGS RGYAS ZHES BYA BA LA SOGS PA BRDAR BTAGS PA'I CHOS THA SNYAD DU BYA BA'I DBANG GIS KUN TU THA SNYAD DU BYAS PA DANG 'DRA BAR SANGS RGYAS DANG 'DOD CHAGS DANG BRAL BA LA SOGS PA GCIG YIN PA'I BSAM PAS MING DU NGES PA'O, ,DE NI GZUGS NAS ZHES BYA BA LA SOGS PA'I THA SNYAD KYIS BRJOD DU MED PA'O, ,DRO BA ZHES BYA BA'I DON DANG LDAN PA NI DE LTAR NA ZHES BYA BA LA SOGS PA SMOS PA YIN TE, 'DI'I RJES THOGS LA BAR CHAD MED NA MTHONG BA'I LAM DU 'GYUR BA YIN PAR THAR BA'I CHA DANG MTHUN PA'I 'OG TU DRO BA'I KHYAD PAR RO, ,RTZE MOR RTOGS PA'I DGE BA'I RTZA BA'I DMIGS PA DANG RNAM PA @166A *, ,CHUNG NGU DANG 'BRING DANG CHEN PO NI GZUGS LA SOGS ZHES BYA BA LA SOGS PA GSUNGS PA YIN TE, GZUGS SOGS MI GNAS ZHES BYA BA NI YOD PA NYID DU MNGON PAR MA ZHEN PA'O, ,DE CI'I PHYIR ZHE NA, GZUGS LA SOGS PA DE DAG NI DE'I NGO BOR ZHES BYA BA GZUGS LA SOGS PA'I RANG BZHIN GYIS NGO BO NYID MED PA NYID YIN NO, ,DE DAG CES BYA BA GZUGS LA SOGS PA DANG, STONG PA NYID 'DI DAG NI GCIG LA GCIG STE, PHAN TSUN RANG BZHIN NAM NGO BO NYID GCIG YIN NO, ,DE MI RTAG SOGS PAR MI GNAS, ,ZHES BYA BA GZUGS LA SOGS PA LA MI RTAG PA DANG, SDUG BSNGAL LA SOGS PAR ZHEN PA MED PA'O, ,DE RNAMS ZHES BYA BA GZUGS LA SOGS PA'I STONG PA NYID NI DE'I NGO BOS STONG ZHES BYA BA STONG PA NYID YIN PA'I PHYIR NGO BOS BDAG MED CING DE DAG STE, GZUGS LA SOGS PA DANG STONG PA NYID DAG NI GCIG LA GCIG GIS TE, PHAN TSUN RANG BZHIN GCIG PA NYID YIN NO, ,CHOS RNAMS MI 'DZIN GANG YIN DANG, ,ZHES BYA BA GZUGS LA SOGS PA NI DE KHO NA NYID DU MED PAS BDAG GIR MI BYED PA GANG YIN PA'O, ,DE DAG MTSAN MAR MA MTHONG PHYIR, ,ZHES BYA BA NI DE KHO NA NYID DU NA GZUGS LA SOGS PA'I MTSAN MA MA MTHONG BA'I PHYIR RO, ,SHES RAB KYIS NI ZHES BYA BA NI GZUGS LA SOGS PA RNAM PAR DPYOD PA'I RGYU STE SHES PA'I KHYAD PAR RO, ,DES YONGS SU RTOGS PA NI DE KHO NA NYID DU RNAM PAR DBYE BA'I YUL GZUGS LA SOGS PA'I CHOS RNAMS MED CING DNGOS PO MED PA NYID DU SHES PA'O, ,DE NI, THAMS CAD DMIGS SU MED PAR NI, ,ZHES BYA BA LA SOGS PA GSUNGS PA YIN NO, ,CHUNG NGU'I DMIGS PA NI ZHES BYA BA LA SOGS PA NI 'BREL PA'O, , CHOS YANG DAG PAR RAB TU RNAM PAR 'BYED PA NYID KYIS GZUGS LA SOGS PA'I CHA SKYE BA MED PAR RTOGS PA NYID DU RNAM PAR SHES PAS SPYOD CING RNAM PAR BRTAG PA STE, SHES RAB GANG GIS GZUGS LA SOGS PA SKYE BA MED PAR MTHONG BA RNAM PAR 'BYED PA'I SHES RAB DE LA YANG @166B SKYE BA MED PAR BSAM PAR BYA'O ZHES BYA BA'I THA TSIG GO, ,'DIS NI RNAM PA SHES RAB KYI PHA ROL TU PHYIN PA MED CING RANG BZHIN MED PA NYID DU CHOS KYI SGO NAS BSHAD PA YIN NO, ,DGE BA'I RTZA BA G-YO BA NI DAD PA LA SOGS PA DANG 'DRA BAR GONG NAS GONG DU KHYAD PAR THOB CING G-YO BA YIN PA'I PHYIR DGE BA'I RTZA BA G-YO BA STE DRO BA ZHES BYA BA'O, ,DE'I MCHOG YIN PA'I PHYIR RTZE MOR GYUR PA ZHES BYA BA LA SOGS PA YIN NO, ,BZOD PAR GTOGS PA'I DGE BA'I RTZA BA DMIGS PA DANG RNAM PA GSUM NI GZUGS SOGS ZHES BYA BA LA SOGS PA GSUNGS PA YIN LA, RAB TU BYED PA'I DON NI CHUNG NGU'I DMIGS PA NI ZHES BYA BA LA SOGS PA GSUNGS PA YIN TE, BZOD PAR RTOGS PA CHUNG NGU'I NI GZUGS LA SOGS PA'I MTSAN NYID GZUGS SU RUNG BA DANG NYAMS SU MYONG BA LA SOGS PA'O, ,DE'I RANG GI NGO BO NI YANG SA LA SOGS PA'I RANG BZHIN SA BA LA SOGS PA 'DI NYID NI 'DI'I MTSAN NYID YIN NO, ,'DI DAG NI DE KHO NA NYID DU NA STONG PA NYID YIN PAS NGO BO NYID MED PAR RANG BZHIN GCIG PA NYID KYIS NA GZUGS LA SOGS PA NI GZUGS LA SOGS PA'I MTSAN NYID DANG SA LA SOGS PA DE'I MTSAN NYID DANG NGO BO NYID MED PA NYID YIN NO, ,GZUGS LA SOGS PA ZHES PA NI BSHAD ZIN TO, ,SKYE BO DMIGS PA CAN NI PHYI ROL GYI DON YOD PA LA LTA BA RNAMS TE, DE'I NGOR GZUGS LA SOGS PA SNGAR BSHAD PA DANG DNGOS PO MED PA DE NYID NGO BO NYID DO ZHES BSHAD DO, ,BZOD PAR RTOGS PA 'BRING GI NI RANG BZHIN GYIS MA SKYES PA NYID KYIS YANG DAG PAR NA GZUGS LA SOGS PA SKYE BA YANG MED CES BYA BA LA SOGS PA YIN NO, ,CHOS THAMS CAD KYI RANG GI NGO BO RTOGS PAS GZUGS LA SOGS PA STONG PA NYID DU SHES PA'I PHYIR RO, ,LUS LA SOGS PA RNAM PA THAMS CAD DU ZHES BYA BA PHYI DANG NANG GI BDAG NYID CAN GYI RNAM PAS RNAM PAR DAG CING DRI MA MED PA YIN TE, 'DIR NGES PAR 'BYED PA'I CHA DANG MTHUN PA'I GNAS SKABS SU RNAM PA THAMS CAD DU DAG PA STE MED PAS CUNG ZAD TZAM GYIS DAG PA YIN PAR BLTA BAR BYA'O, ,DE DAG @167A *, ,SKYE MED CES BYA BA LA SOGS PA NI BSHAD ZIN TO, ,BZOD PAR RTOGS PA CHEN PO'I RANG DANG SPYI'I MTSAN NYID NI SNGAR BSHAD ZIN TO, ,DE MI 'THAD PA NI GZUGS LA SOGS PA YIN PAR MI RUNG ZHING MI RIGS PAS GZUGS LA SOGS PA'I CHOS THAMS CAD KYI MTSAN NYID MED PA STE, DE'I MTSAN MA MED PA LA SOGS PA NI BSHAD ZIN TO, ,RANG BZHIN KHO NA GZUGS LA SOGS PA'I MTSAN MA RNAMS KYI RTEN DANG BRAL BA NYID KYIS NA GZUGS LA SOGS PA'I RTEN MED PA YID LA BYED PA STE KUN RDZOB TU GZUGS LA SOGS PA YOD PAR MNGON PAR ZHEN PA'O, ,DE LA MI MOS PA NI MNGON PAR MA ZHEN PA'O, ,GZUGS LA SOGS PA'I RANG GI MTSAN NYID LA SOGS PA NI SNGAR BSHAD PA STE DE'I MTSAN MA'O, ,DE'I MTSAN MAR MI RTEN PA NI MNGON PAR MA ZHEN PA'O, ,DE'I MTSAN MA ZHES BYA BA LA SOGS PA BSHAD ZIN TO, , DE KHO NA NYID YID LA BYED PA NI CHOS THAMS CAD STONG PA NYID DU BSAM PA'O, ,DE YONGS SU SHES PA MED PA NI DMIGS SU MED PA'O, ,YANG DAG PA'I SHES PA DANG LDAN PA NI 'DU SHES NYID DO, ,DE MED PAS NA 'DU SHES MED PA NYID DE, DNGOS PO'I CHOS LA MNGON PAR ZHEN PA DANG, MNGON PAR MA ZHEN PA DE MED NA DE CI LTAR YOD CES BYA BAR DGONGS SO, ,BZOD PA ZHES BYA BA DON DANG LDAN PA NYID NI DE LTAR NA ZHES BYA BA LA SOGS PA SMOS PA YIN TE, DE LTAR NA BZOD PA'I DMIGS PA DANG RNAM PA DANG LDAN PA LA NI NGAN 'GRO MED PAS ZHES BYA BA NI CHOS MNGON PA LAS, BZOD THOB NGAN SONG MI 'GRO'O, ,ZHES BSHAD PAS BZOD PA THOB PA'I BYANG CHUB SEMS DPA' NI SO SO'I SKYE BO DANG 'DRA BAR DMYAL BA LA SOGS PA'I NGAN SONG GSUM MED PA'I PHYIR RO, ,CHOS CHEN PO LA BZOD PA'I PHYIR, ,ZHES BYA BA NI GZUGS LA SOGS PA MED PA LA SOGS PAR BZOD PAS YID DU 'ONG BA'I BZOD PAR GTOGS PA NI RNAM PA GSUM MO, ,CHOS KYI MCHOG TU GTOGS PA'I DGE BA'I RTZA BA'I DMIGS PA DANG RNAM PA GSUM NI TING NGE 'DZIN ZHES BYA BA LA SOGS PA GSUNGS PA YIN NO, ,DMIGS @167B PA DANG ZHES BYA BA LA SOGS PA THAMS CAD DU CHOS CAN YANG BSTAN PAR RIGS PA MA YIN NAM, DE CHOS TZAM DU BRTAN PA NYID KYIS BSGOM PA NI MI RIGS SO ZHE NA, DMIGS PA MI RTAG PA LA SOGS PA ZHES BYA BA LA SOGS PA SMOS PA YIN TE MA GTOGS PA ZHES BYA BA DER NI CHOS DANG CHOS CAN YOD PAS GZHAN DAG LA SGRA'I DBYE BAS DON STON PAR BYED PA YIN PA'I PHYIR, KHYAD PAR DU BYAS PA'I CHOS DANG CHOS CAN GYI TSIG TU RJOD PAR BYED PA GANG YIN PA'I SGRA DES DMIGS PA TSIG TU BRJOD PAR BYA BA YIN NA ZHES BYA BA 'DIR DMIGS PA NI NYE BAR MTSON PA TZAM YIN LA DES NA DON NI 'DI YIN TE, DMIGS PA DANG RNAM PA BRJOD PA YANG KHYAD PAR DU BYAS PA'I TSIG GIS YIN TE, RNAM PA MNGON ZHEN LA SOGS 'GOG ,CES BYA BA LA SOGS PAS RNAM PA DANG DMIGS PA'I CHOS CAN KUN TU DRANGS PA LTA BUR THAMS CAD DU BSHAD PA YIN PAR NGES PAR 'BYED PA'I CHA DANG MTHUN PA STON PA BRJOD PA'I RAB TU BYED PA LAS STON PA YIN NO, ,DE LTA NA YANG CI DER CHOS BRJOD PAS CHOS CAN RTOGS PA YOD DAM ZHE NA, KHYAD PAR GZHAN ZHES BYA BA LA SOGS PA SMOS PA YIN TE, KHYAD PAR GZHAN NI RIS MI MTHUN PA'O, ,DE RNAMS SPONG BA DANG MI SPONG BA NI LDOG PA DANG MI LDOG PA MA GTOGS PA 'DI DAG LA CHOS DANG CHOS CAN GYI KHYAD PAR NI YANG DAG PAR NA 'GA' YANG MED DO ZHES LUGS LAS 'BYUNG BA'I PHYIR RO ZHES BYA BA BSTAN BCOS KYI RIGS PAS SO, ,GAL TE DE KHO NA NYID DU NA CHOS DANG CHOS CAN GYI KHYAD PAR YOD NA DE'I TSE DNGOS PO SPYIR YANG MI 'GYUR TE SO SOR MED PA'I PHYIR RO, ,DE BAS NA 'DI NI SHING NYID DANG 'DRA BAR 'DIR YANG GANG DU 'PHAGS PA'I BDEN PA BZHIR GTOGS PA'I DMIGS PA DANG RNAM PA MA SMRAS PA DER YANG MI LDOG PA'I SGO NAS DE DAG NI DER GTOGS PA NYID YIN PAR GRAGS PA GRUB PAS, CHOS DANG CHOS CAN DAG GNYI GA MED NA MI 'BYUNG BA NYID YIN PAS RGOL BA 'DI NI CIR YANG MI RUNG NGO, ,DON GYIS KYANG 'PHAGS PA'I BDEN PA BZHI LA BRTEN PAR 'GYUR BA NI RNAM PA GCIG TU NA ZHES SMOS PA YIN TE, @168A *, ,YANG NA TSIG LE'UR BYAS PA SDEB PA'I NGOR ZHES BYA BA TSIG LE'UR BYAS PA'I SDEB SBYOR DANG 'GAL PA'I 'JIGS PAS THA DAD PAR BRJOD KYANG ZHES BYA BA CHOS CAN BDEN PA LAS KUN TU DRANGS TE, RNAM PA MNGON ZHEN ZHES BYA BA LA SOGS PA'I TSIG GIS DBYE BA DMIGS PA DANG RNAM PA'I CHOS KYI DBYE BA SMOS PA YIN NA YANG SDUG BSNGAL LA SOGS PA'I BDEN PA NI CHOS CAN YIN LA DER GTOGS PA KHO NA DMIGS PA DANG RNAM PA CHOS YIN NO ZHES 'CHAD PA PO RNAMS KYIS BSHAD PA SHES PAR BYA'O, ,CI'I PHYIR ZHE NA, MNGON PAR ZHEN PA LA SOGS PA 'GOG PAR BYED PA'I BDAG LA SOGS PA NI YANG DAG PAR SKYE BA DANG 'JIG PA DANG BRAL BA ZHES BYA BA RIM MAM CIG CAR DAG GIS DON GYI BYA BA BYED PAR MI RIGS SO ZHES BYA BA LA SOGS PA'I TSAD MAS RANG GI NGO BO BRTAG PA NI RI BONG GI RVA DANG 'DRA BAR BSGRUB PA DANG DGAG PAS STONG PA YIN LA, MNGON PAR ZHEN PA LA SOGS PAS NI KUN RDZOB DANG DON DAM PA DAG TU MED PA'I PHYIR BDAG LA SOGS PA RTEN YIN PAR MI RIGS KYI DON GYIS NA BDEN PA LA BRTEN PA NYID YOD DO, ,KUN RDZOB KYI BDEN PAR YOD PA YIN NO ZHES BYA BAR DGONGS SO, ,'OG MA DAG LA YANG DE BZHIN DU SHES PAR BYA'O ZHES BYA BA NI GANG DU CHOS TZAM ZHIG BRTEN PA DER THAMS CAD DU SNGAR BSHAD PA'I TSUL GYIS 'PHAGS PA'I BDEN PA BZHI PO KHO NA CHOS CAN YIN PAR SHES PAR BYA'O, ,RNAM PAR RTOG PA BZHI NI GZHI DANG ZHES BYA BA LA SOGS PA SMOS PA YIN TE, GZUNG BAR RNAM PAR RTOG PA NI GNYIS TE, GANG LAS SHE NA, GZHI STE SRID PA GCIG NAS GCIG TU BRGYUD PA'I BYA BA BYED PA'I PHYIR TE 'DOD CHAGS LA SOGS PA MI MTHUN PA'I PHYOGS SO, ,DE'I GNYEN PO NI LAM STE DE BAS NA RNAM PA GNYIS LA DE DAG GI DBYE BAS DE MI RE RE ZHING RNAM PA DGU YIN NO, ,GANG LAS SHE NA, RMONGS DANG PHUNG SOGS BYE BRAG GIS, ,ZHES BYA BA MA RIG PA LA SOGS PA'I DBYE BA DANG PHUNG PO LA SOGS PA'I DBYE BAS SO, ,TSIG LE'UR BYAS PA'I DON NI GZUNG BAR ZHES BYA BA LA SOGS @168B PA YIN TE, KUN NAS NYON MONGS PA'I RTEN CAN DANG GNYEN PO'I RTEN CAN NYID KYIS ZHES BYA BA 'DOD CHAGS LA SOGS PA KUN NAS NYON MONGS PA LA BRTEN PA DANG, SEMS BSKYED PA LA SOGS PA KUN BRTEN PAS, ,GZHI DANG DE YI GNYEN PO YIS, ,ZHES BYA BA YIN NO, , GZUNG BAR RTOG PA RNAM PA GNYIS, ,ZHES BYA BA NI BSHAD ZIN TO, ,MA RIG PA DANG RNAM PAR BYANG BA'I PHUNG PO LA SOGS PA'I RAB TU DBYE BAS ZHES BYA BA NI MA RIG PA LA SOGS PA'I RAB TU DBYE BA DANG, BLA NA MED PA'I GZUGS LA SOGS PA'I DBYE BAS SO, ,RMONGS PA ZHES BYA BA LA SOGS PA NI BSHAD ZIN TO, ,'DZIN PA'I RNAM PAR RTOG PA GNYIS NI BDAG SOGS ZHES BYA BA LA SOGS PA SMOS PA YIN TE, RDZAS DANG BRTAGS PA'I RTEN CAN GYI, ,ZHES BYA BA NI GANG ZAG DANG SKYES BU LA GNAS PA 'DZIN PA RNAM PA GNYIS SU 'DOD CES BYA BAR SHES PAR BYA'O, ,DE BZHIN ZHES BYA BA NI DE YANG RE RE ZHING RNAM PA DGU'O, ,GANG LAS SHE NA, BDAG SOGS RANG DBANG NGO BO DANG, ,ZHES BYA BA STE, RANG DBANG CAN GYI BDAG TU LTA BA LA SOGS PA'I TSUL GYIS SO, ,PHUNG SOGS RTEN NI PHUNG PO DANG SKYE MCHED DANG KHAMS LA SOGS PA LA DMIGS PA YIN PA'I PHYIR RO, ,TSIG LE'UR BYAS PA'I DON NI LA LA ZHIG GIS BTAGS PA NYID YIN PA'I PHYIR RDZAS TE GANG ZAG GO, ,THA SNYAD NYID DU BTAGS PA NYID KYIS NA BTAGS PA STE SKYES BU'O, ,DE LA DMIGS PA NI DE'I YUL TE ZHES BYA BA LA SOGS PAS RDZAS DANG ZHES BYA BA LA SOGS PA BSHAD PA YIN NO, ,BDAG RANG DBANG CAN DU PHUNG PO LA SOGS PA LA DMIGS PA NYID KYIS NA BDAG RANG DBANG CAN DANG PHUNG PO LA SOGS PA'I DMIGS PA STE, RANG DBANG ZHES BYA BA LA SOGS PA DANG, DE BZHIN ZHES BYA BA LA SOGS PA BSHAD PA YIN NO, ,DE LA MDOR BSDUS PA'I DON NI 'DI YIN TE ZHES BYA BA NI BRJOD PAR BYA BA MANG DU YOD NA YANG MDOR BSDUS NA RNAM PAR RTOG PA BZHI'I DON BSHAD PAR BYA'O, ,RE ZHIG GZUNG BA'I RNAM PAR RTOG PA GNYIS NI GZUNG BAR ZHES BYA BA LA SOGS PA @169A *, ,SMOS PA YIN TE, DE LA KUN NAS NYON MONGS PA BZHI'I RTEN CAN NI 'DOD CHAGS LA SOGS PA LA GNAS PA'O, ,MA RIG PA NI MI SHES PA'O, ,GZUGS LA SOGS PA'I PHUNG PO NI GZUGS DANG TSOR BA LA SOGS PA'O, ,MING NI TSOR BA LA SOGS PA GZUGS CAN MA YIN PA'I PHUNG PO BZHI'O, ,GZUGS NI GZUGS KYI PHUNG PO'O, ,'DI DAG LA MNGON PAR ZHEN PA NI MING DANG GZUGS LA MNGON PAR ZHEN PA'O, ,MTHA' GNYIS LA CHAGS PA NI RTAG PA DANG CHAD PA'I MTHA' LA ZHEN PA'O, ,KUN NAS NYON MONGS PA NI 'DOD CHAGS LA SOGS PAS SO, ,RNAM PAR BYANG BA NI MYA NGAN LAS 'DAS PA'O, ,'PHAGS PA'I LAM LA MI GNAS PA NI MTHONG BA'I LAM LA SOGS PA LA MNGON PAR ZHEN PA'O, DMIGS PA NI GZUGS LA SOGS PA LA MNGON PAR ZHEN PA'O, ,BDAG LA SOGS PA NI 'DOD CHAGS DANG GZHAN DU 'DU SHES PA LA SOGS PA'O, ,RNAM PAR DAG PA BSKYED PA LA SOGS PA NI 'KHOR GSUM RNAM PAR DAG PA MA SKYED PA STE, DE YANG DAG PAR SBYANG BA'I RNAM PAR DAG PA GSUM MO, ,DE LA GZUNG BA'I BDAG NYID CAN GYI RNAM PAR RTOG PA GANG YIN PA DE'I GNYEN PO'I PHYOGS KYI LAM LA GNAS PA'O, ,PHUNG PO NI PHUNG PO RNAMS SO, ,SKYE BA'I SGO NI MIG LA SOGS PA'I SKYE MCHED RNAMS SO, ,RIGS NI KHAMS BCO BRGYAD DO, ,SKYE BA NI RTEN CING 'BREL PAR 'BYUNG BA'O, ,STONG PA NYID NI BDAG MED PA'O, ,PHA ROL TU PHYIN PA'I DON NI 'TSANG RGYA BA NYID DO, ,MTHONG BA DANG BSGOM PA DANG MI SLOB PA'I LAM NI GSUM STE, DE LA GZUNG BA'I BDAG NYID CAN GYI RNAM PAR RTOG PA GANG YIN PA NI DE DAG GO, ,KHA CIG NA RE DE LA GZHI THAMS CAD PA KHO NA DANG POR GZUNG BA'I RNAM PAR RTOG PA YIN LA RNAM PAR BYANG BA'I GZHI KHO NA NI GNYIS PA YIN PAS 'DI DAG NI GZUNG BA'I RNAM PAR RTOG PA 'DI GNYIS KHYAD PAR YIN NO, ,DE LTAR BYAS NA GZUNG BA'I RNAM PAR RTOG PA DANG PO GANG YIN PA GNYIS PA YANG DE YIN NO, ,ZHES SNGA MA STON PAR BYAS PA YIN LA RE @169B ZHIG DANG PO GANG YIN PA DE GNYIS PA YANG YIN TE 'DI LTAR GZHI THAMS CAD PA DANG PO GZUNG BA'I RNAM PAR RTOG PAR 'GYUR GYI GNYIS PA NI DANG PO MA YIN TE, 'DI LTAR GZUNG BA'I RNAM PAR RTOG PA GNYIS PA NI RNAM PAR BYANG BA TZAM LA BRTEN PA YIN NO ZHES ZER RO, ,GZHAN DAG NI 'DI GNYIS KYI DBYE BA NI GZHAN RNAM PAR DPYAD PA'I DON GYIS DANG PO NI KUN NAS NYON MONGS PA'I GZHI LA RTEN PA YIN LA GNYIS PA NI RNAM PAR BYANG BA TZAM LA BRTEN PA YIN NO ZHES ZER RO, ,DA NI 'DZIN PA'I RNAM PAR RTOG PA NI 'DZIN PAR ZHES BYA BA LA SOGS PA SMOS PA YIN TE, GZHAN GYIS YONGS SU BRTAGS PA'I GANG ZAG RDZAS SU YOD PA'I RTEN CAN DE NI GZHAN LA MI LTOS PA NYID DANG, CHA SHAS MED PA NYID DANG, RGYUR GYUR PA NYID DANG LTA BA PO YIN PA NYID KYIS NA BDAG RANG DBANG CAN DANG GCIG DANG RGYU DANG LTA BA BO'O, ,'DI DAG NYID NI BDAG GO, ,DER RTOGS PA NYID KYIS NA KUN NAS NYON MONGS PA NI 'DOD CHAGS LA SOGS PA'O, ,'DOD CHAGS DANG BRAL BA NI YUL LA PHYIR PHYOGS PA'O, ,MTHONG BA DANG BSGOM PA NI MTHONG BA'I LAM DAG GO, ,DON BYAS PA NI BYA BA BYAS PA NYID DO, ,'DI DAG KYANG ZAG PA DANG BCAS PA DANG ZAG PA MED PA'I GZHI LA BRTEN PA NYID YIN PA'I PHYIR RTEN GYI BDAG NYID YIN PA'O, ,RNAM PAR RTOG PA RTZI BA NA BDAG RANG DBANG CAN LA SOGS PA'I RIM GYIS GZHI'O, ,KUN NAS NYON MONGS PA RTEN GYI BDAG NYID CAN GYI RNAM PAR RTOG PA ZHES BYA BA LA SOGS PA'I RIM GYIS LNGA STE, 'DZIN PA'I RNAM PAR RTOG PA DGU PO 'DI DAG GANG YIN PA DES BSDUS PA YIN NO, ,RTAG PAR 'DZIN PA'I RNAM PAR RTOG PA SKYES BU BTAGS PAR YOD PA'I RTEN CAN PHUNG PO NI GZUGS LA SOGS PA'O, ,SKYE MCHED NI PHYI DANG NANG GI BDAG NYID CAN MIG DANG GZUGS LA SOGS PA BCU GNYIS SO, ,KHAMS NI MIG DANG GZUGS DANG MIG GI RNAM PAR SHES PA'I KHAMS LA SOGS PA'I DBYE BAS RNAM PA BCO BRGYAD DO, ,RTEN CING 'BREL BAR 'BYUNG BA NI GRAGS PAR ZAD DO, ,RNAM PAR BYANG BA NI MYA NGAN LAS 'DAS @170A *, ,PA'O, ,MTHONG BA DANG BSGOM PA DANG KHYAD PAR DANG MI SLOB BA'I LAM STE BZHI'O, ,DE RNAMS DANG 'DZIN PA'I BDAG NYID CAN GYI RNAM PAR RTOG PA GANG YIN PA 'DI RNAMS NI BYANG CHUB SEMS DPA' NGES PAR 'BYED PA'I CHA DANG MTHUN PA GZHI'I DRO BA LA SOGS PA BZHI DANG GRANGS JI LTA BA BZHIN DU LDAN PA YIN NO, ,DE LTA BU'I RNAM PAR RTOG PA BZHI DANG LDAN PA ZHES BYA BA NI BSHAD ZIN TO, ,RNAM PAR RTOG PA MTHA' YAS PA YIN NA YANG MI MTHUN PA'I PHYOGS YIN PA'I PHYIR LAM DU GTOGS PA KHO NA'I RNAM PAR RTOG PA BSTAN GYI DE LAS GZHAN PA NI CI YANG MI BYED PA NYID KYIS NA SPANG BAR BYA BA MA YIN ZHING BLANG BAR BYA BA MA YIN PAS NYES PA MED DO, ,TSIGS SU BCAD PA SBYAR BA DANG MTHUN PAR ZHES BYA BA NI, ,DMIGS PA DANG NI RNAM PA DANG, ,ZHES BYA BA LA SOGS PA'I RIM GYIS YONGS SU 'DZIN PA SNGAR GSUNGS NAS YANG MJUG THOGS SU BAR SKABS KYI TSIGS SU BCAD PA GSUNGS SO ZHES BYA BAR SBYAR BA'O, ,YANG NA DE'I STOBS KYI JI SKAD DU BSHAD PA'I KHYAD PAR DU 'GYUR RO ZHES BYA BAR SBYAR RO, ,YONGS SU 'DZIN PA'I DBANG GIS RNAM PAR RTOG PA BZHI PO NYAN THOS LA SOGS PA DANG THUN MONG MA YIN PA BSTAN PAR BYA BA'I PHYIR SEMS MI 'GONG ZHES BYA BA LA SOGS PA GSUNGS PA YIN TE, NYAN THOS RNAMS KYI STON PA PO NI PHYI DANG NANG DU LTA BA YOD PAS DE LTA BU MA YIN NO ZHES BYA BAR DGONGS SO, ,BCOM LDAN 'DAS NYID LAM DE STON PAR MDZAD PA YIN NO ZHES THOS PA MA YIN NAM ZHE NA, GAL TE DE RNAMS KYANG BYANG CHUB SEMS DPA' DANG 'DRA BAR MI DMIGS PA LA DMIGS PAR 'GYUR NA BDEN MOD KYI 'DI YOD PA MA YIN NO, ,YANG NA BCOM LDAN 'DAS RNAM PAR RTOG PA MI MNGA' BA DE'I DBANG GIS DNGOS PO MI RTAG PA LA SOGS PA'I LAM RANG GI BSAM PA'I DBANG GIS ZHUGS PA YIN DU ZIN NA YANG 'ON KYANG YANG DAG PAR 'DZIN PA YOD PA MA YIN TE, YANG DAG PAR STON PAR MDZAD NA YANG DE'I BSAM PA'I DBANG GIS GZHAN DU 'GYUR BA'I PHYIR RO, ,'DIR BCOM LDAN 'DAS KYI NYES PA MA YIN TE, SEMS CAN GYI BSAM @170B PA'I DBANG GI SKABS DANG 'DRA BAR THEG PA CHEN PO LA 'DZEG PAR BYA BA'I PHYIR YANG DAG PAR STON PAR MDZAD PA YIN NA YANG DE LTAR SMON LAM BTAB PA'I PHYIR RO, ,NYAN THOS NYID YANG DAG PA MA YIN PA'I LTA BA SKYES PA YIN TE GANG GI PHYIR RANG GI MNGON PA'I NGA RGYAL GYI DBANG GIS SRID PA THOG MA MED PA NAS RNAM PAR BSGOS PA'I BAG CHAGS KYIS BCOM LDAN 'DAS DON DAM PAR DNGOS PO YOD PAR ZHAL GYIS BZHES PA DANG DE BZHIN DU MI RTAG PA LA SOGS PA'I LAM GYIS SHES BYA'I SGRIB PA SPONG BA LA ZHUGS PAR RTOGS PA YIN NO, ,DE LTA NA NI SO SO'I SKYE BO RNAMS KYANG DE LTAR THAL BAR 'GYUR RO, ,DE NYID KYI PHYIR 'DI NYID LAS GZHAN GYI CHOS RNAMS KYANG YOD LA ZHES BYA BA LA SOGS PA 'OG NAS BSHAD PA YIN NO, ,BSGRUB PA DANG LDAN PA LA ZHES BYA BA LA SOGS PA LA, RTOGS PA YI NI CHOS DRUG STE, ,ZHES BYA BA NI RTOGS PAR BYA BA'I CHOS RNAM PA DRUG GI RTEN ZHES BYA BA GZHI LA NI BYANG CHUB SEMS DPA' RGYUD KYI RIGS YIN NO ZHES BSHAD PAR BYA'O, ,GAL TE BYANG CHUB SEMS DPA' RTEN PA'I RTOGS PAR BYA BA'I CHOS GANG ZHIG YIN ZHES RTOGS PA LA, DER DE BSKYED PA'I RIM GYIS CHOS DE BSTAN PAR BYA BA'I PHYIR GNYEN PO DANG NI ZHES BYA BA LA SOGS PA GSUNGS TE, GNYEN PO DANG NI SPONG BA DANG, ,ZHES BYA BA NI BSGOM PA'I RAB KYI MTHAR THUG PA LA GNAS PA'I SEMS KYI KHYAD PAR DANG DES SPANG BAR BYA BA MI MTHUN PA'I PHYOGS DAG GO, ,GNYEN PO DANG MI MTHUN PA DE DAG SPANGS PA STE, DE DAG YONGS SU GTUGS PA NI DE'I RNAM PAR RTOG PA ZAD PA'O, ,SHES RAB DANG SNYING BRTZER BCAS PA NI SHES RAB DANG SNYING RJE DAG GO, ,SLOB MA THUN MONG MIN NYID DANG, ,ZHES BYA BA NI NYAN THOS LA SOGS PA DANG THUN MONG MA YIN PA'I CHOS SO, ,GZHAN GYI DON GYI GO RIMS DANG, ,ZHES BYA BA NI DE'I BSAM PA JI LTA BA BZHIN DU THEG PA GSUM STON PA'I RIM PA'O, ,YE SHES RTZOL BA MI MNGA' BAR, ,ZHES BYA BA NI GZHAN GYI DON GYI YE SHES RANG GI NGANG GIS SKYE BA YIN PA'I PHYIR RO, ,GANG SNGAR GYI RTEN BSHAD PA DANG BCAS PAR 'GREL PA LAS @171A *, ,BSTAN PA NI RE ZHIG DANG POR ZHES BYA BA LA SOGS PA YIN TE, RE ZHIG DANG POR 'JIG RTEN PA'I NGES PAR 'BYED PA'I CHA DANG MTHUN PA DRO BA LA SOGS PA SKYE BA YIN PA'I PHYIR RO, ,DE'I 'OG TU 'JIG RTEN LAS 'DAS PA'I MTHONG BA'I LAM DANG BSGOM PA'I LAM SKYE BA YIN PA'I PHYIR RO, ,DE'I 'OG TU DE DAG SKYES PA'I STOBS KYIS ZHES BYA BA DRO BA LA SOGS PA DANG MTHONG BA LA SOGS PA'I LAM SKYE BA'I MTHUS RKUN PO PHYUNG BA DANG SGO 'PHAR BCAD PA LTA BUR ZHES BYA BA SKAD CIG MA GANG KHO NA JI LTAR RKUN MA GCIG BTON NAS SKAD CIG MA DE NYID KHO NA LA GZHAN GANG YIN PA DE MI 'JUG PAR BYA BA'I PHYIR SGO 'PHAR BCAD PA STE, DE 'JUG PA'I SGO GCOD PA DANG 'DRA BAR DUS MNYAM DU GNYEN PO'I PHYOGS MA LUS PAR YONGS SU DAG PA'I SEMS KYI KHYAD PAR RNAMS DANG MI MTHUN PA'I PHYOGS SPANG BAR BYA BAS NYON MONGS PA'I SEMS KYIS KHYAD PAR DE DAG GO RIMS BZHIN DU SKYE BA DANG 'GAG PA 'BYUNG BA YIN PA'I PHYIR TE, GNYEN PO DANG NI SPONG BA DANG, ,ZHES BYA BA BSHAD PA YIN NO, ,DE'I 'OG TU DE DAG MI DMIGS PAS ZHES BYA BA DMIGS PAR BYA BA'I BDAG NYID YANG DAG PAR NA STONG PA NYID YIN PAS GNYEN PO DANG MI MTHUN PA'I PHYOGS SKYE BA DANG 'GOG PA DANG NYE BAR DMIGS PAS SKYE BA DANG 'GOG PA DANG GNYEN PO SKYE BA MI MTHUN PA'I PHYOGS 'JIG PA DE DAG DANG LDAN PA'I RNAM PAR RTOG PA STE, NYON MONGS PA'I BSAM PA SPANGS PAS BDAG LA YANG DAG PA'I BSAM PA SKYES SO ZHES KUN DU RTOG PA DE SPANGS PA SKYE BA YIN PA'I PHYIR, DE DAG YONGS SU GTUGS PA DANG, ,ZHES BSHAD PA YIN NO, ,DE'I 'OG TU SANGS RGYAS SU GYUR NAS GZHAN GYI DON BYA'O ZHES SNGON GYI SMON LAM DANG DE LA SBYIN PA LA SOGS PA THABS LA MKHAS PA GANG YIN PA STE, SEMS MI 'GONG BA NYID LA SOGS PA DE'I STOBS KYIS 'KHOR BA DANG MYA NGAN LAS 'DAS PA LA MI GNAS SHING SRID PA DANG ZHI BA LA MI GNAS PA DE'I MTSAN NYID STE DE'I BDAG NYID CAN GYI SHES RAB DANG SNYING RJE DAG GIS SHES RAB DANG THABS KYI YE SHES SKYE @171B BA'I PHYIR, ,SHES RAB SNYING BRTZER BCAS PA DANG, ,ZHES BSHAD PA YIN NO, ,DE'I 'OG TU DE DAG SKYES PAS ZHES BYA BA SHES RAB DANG THABS KYI YE SHES GNYIS SKYES PAS NYAN THOS LA SOGS PA DANG THUN MONGS MA YIN PA STE, CHOS GANG NYAN THOS DANG RANG SANGS RGYAS DANG MNYAM PA MA YIN BA STOBS BCU LA SOGS PA DE SKYE BA'I PHYIR, ,SLOB MA THUN MONG MIN NYID DANG, ,ZHES BSHAD PA YIN NO, ,DE'I 'OG TU BSAM PA JI LTA BA BZHIN DU GDUL BYA RNAMS KYI SPYOD PA LAS MA 'DAS PAS BZHUGS PA LA SOGS PA LA LDEM POR DGONGS PA'I SGO NAS ZHES BYA BA GAL TE DANG POR CHOS DANG GANG ZAG LA BDAG MED PA THOS PAS SKRAG NAS MU STEGS PA'I LTA BA NYID LA GNAS PAR 'GYUR BAS SNYING RJES BU GCIG PA DANG 'DRA BAR MCHOD SBYIN LA SOGS PA LA SROG GCOD PA LA SOGS PA DANG THOG MA MED PA'I DUS NA GOMS PA'I RTAG PA DANG TSANGS PA LA SOGS PA'I LTA BA LAS BZLOG NAS THEG PA GNYIS LAS GSUNGS PA'I DGE BA BCU'I GZHI DANG MI RTAG PA LA SOGS PA'I LTA BA LA BCUG CING NGAL SO BA SNGON DU 'GRO BAS THEG PA CHEN PO LA GZHAG PA'I BSAM PA'I THABS KYIS DE LTAR THEG PA GSUM GYI LAM LA BKOD PA GANG YIN PA DE'I MTSAN NYID KYIS GZHAN GYI DON GYI GO RIMS BZHIN DU DE LAS 'BYUNG BA'I PHYIR, GZHAN GYI DON GYI GO RIMS DANG, ,ZHES BSHAD PA YIN NO, ,DE'I 'OG TU 'KHOR BA JI SRID KYI BAR DU PHYI'I MTSAN MA DANG 'BAD PA DAG STONG PA NYID YIN PA'I PHYIR MTSAN MA MED CING LHUN GYIS GRUB PAR GZHAN GYI DON GYI YE SHES 'BYUNG BA'I PHYIR, YE SHES RTZOL BA MI MNGA' BAR, ,ZHES BYA BAR BSHAD PA YIN NO, ,'DI NI ZHES BYA BA LA SOGS PA NI GO SLA'O, ,BYANG CHUB SEMS DPA' NI SGYU MA'I SKYES BU LTAR CHOS THAMS CAD LA ZHEN PA MED PA NYID DU SLOB PA MA YIN NAM, JI LTAR YANG DAG PAR NA RTEN YOD PA YIN TE, DE NI MI RIGS SO ZHES RTOG PA LA KUN RDZOB TU GTAN LA DBAB PA NI BSGRUB PA'I CHOS ZHES BYA BA LA SOGS PA SMOS PA YIN TE, BSGRUB PA'I CHOS NI SEMS BSKYED PA LA SOGS PA'O, ,DE'I GNAS SKABS KYI DBYE BA NI GDUL BYA'I BYE BRAG LAS RANG BZHIN @172A *, ,PHYE BA'O, ,DBYE BA DES YANG DAG PAR NA DE LAS GZHAN PA'I RANG BZHIN MI RIGS PAS CHOS KYI DBYINGS KYI NGO BO NYID KHO NA JI SKAD DU BSHAD PA'I CHOS KYI GZHIR GYUR PA YIN TE, GNYEN PO DANG NI SPONG BA DANG, ,ZHES BYA BA LA SOGS PA LA CHOS DRUG GI RTEN YIN NO, ,BYANG CHUB SEMS DPA' RNAM PA BCU GSUM LA RIGS ZHES BSTAN TO, ,ZHES BYA BA NI NGES PA'I TSIG TU NA YON TAN BSKYED PA'I DON GYIS NA KUN RDZOB TU RIGS ZHES BYA'O ZHES YUM LAS BSHAD DO, ,CHOS KYI DBYINGS LA ZHES BYA BA LA SOGS PA'I 'OG NAS BSHAD PA'I TSIGS SU BCAD PA PHYED SNGA MAS NI PHYOGS SNGA MA STON PA'I ZUR GYIS RNAM PAR 'BYED PA NI GAL TE ZHES BYA BA LA SOGS PA SMOS PA YIN TE, YANG DAG PAR NA DE LAS GZHAN PA'I RGYU YOD PAR MI 'THAD PAS CHOS KYI DBYINGS KHO NA STE, GNYIS SU MED PA'I YE SHES NYID 'PHAGS PA'I CHOS RTOGS PAR 'GYUR BA ZHES BYA BA STOBS BCU LA SOGS PA'I YON TAN THOB PA'I RGYU YIN PA'I PHYIR RO, ,GAL TE DE'I BDAG NYID CAN GYI, ,ZHES BYA BA CHOS KYI DBYINGS KYI BDAG NYID CAN NO, ,BLA NA MED PA'I SANGS RGYAS KYI CHOS RNAMS NI STOBS BCU LA SOGS PA'O, ,BYANG CHUB SEMS DPA' RANG BZHIN DU GNAS PA ZHES BYA BA NI PHUNG PO LA SOGS PA MED PAS SHES PA TZAM GYI TSUL LO, ,RIGS NI CHOS NYID DU BRTAGS PA'O, ,CI LA YOD PA YIN PA'I PHYIR, ,ZHES BYA BA NI DE'I TSE CHOS KYI DBYINGS LA DBYE BA MED PA LAS CIR 'GYUR ZHEN, 'DI NI RANG BZHIN GYIS GNAS PA YIN TE, THOG MA MED PA'I DUS NAS BRGYUD PA'I CHOS NYID LAS THOB PA YIN LA, 'DI NI TSOGS PA LAS BYUNG BA YIN TE, SNGON GYI DGE BA'I RTZA BA GOMS PA LAS THOB PA YIN NO, ,'DI NI NYAN THOS DANG RANG SANGS RGYAS DANG DE BZHIN GSHEGS PA'I RIGS SU NGES PA YIN TE, RKYEN CHEN POS KYANG BZLOG PAR MI NUS PA'I PHYIR RO, ,'DI NI NYAN THOS LA SOGS PA'I RIGS MA NGES PA YIN TE, RKYEN GYIS BZLOG TU 'DOD PA YIN PA'I PHYIR RIGS THA DAD PA ZHES BYA BAR RIGS PA MA YIN NO, ,DE LTAR NA @172B BYANG CHUB SEMS DPA' KHO NA MA YIN NO ZHES BYA BA BYANG CHUB SEMS 'BA' ZHIG RIGS YIN NO ZHES BYA BA MI RIGS TE, NYAN THOS LA SOGS PA'I RIGS KYANG RIGS NYID DU 'DIR 'DOD PA YIN PA'I PHYIR RO ZHES BYA BA'I RGOL BA PO GZHAN GYI BSAM PA YIN NO SNYAM PA ZHES BYA BA DE LTAR SKYE BO BLO DMAN PA LUNG MNGON PAR MI SHES PA DE RNAMS KYI NGOR ZHES BYA BA LA BRTZE BA'I DBANG GIS DE MI SHES PA BSAL BAR BYA BA'I PHYIR DOGS PA BSU BA SNGAR GSUNGS SHING RGOL BA BSLANGS NAS BAR SKABS KYI TSIGS SU BCAD PA GSUNGS SO ZHES BYA BAR SBYAR RO, ,DE LA RGOL BA'I DON PHYED SNGA MA'I LAN NI JI LTAR ZHES BYA BA LA SOGS PA SMOS PA YIN TE, NYAN THOS KYI THEG PA LA SOGS PA NI NYAN THOS DANG RANG SANGS RGYAS KYI LAM STE DE RTOGS PA'I RIM GYIS ZHES BYA BA NI GONG NAS GONG DU SHES PA'I GO RIMS KYIS JI LTAR TE JI LTA BAR DMIGS PA BZHIN DU BYANG CHUB SEMS DPAS CHOS KYI DBYINGS LA ZHES BYA BA NI LHAG MA'O, ,DE BZHIN DU DE DANG 'DRA BAR 'PHAGS PA'I CHOS RTOGS PAR BYA BA'I PHYIR DMIGS PAR BYA'O ZHES BYA BA LA SOGS PAR SBYAR RO, ,DES CIR 'GYUR ZHE NA, RIGS NYID DU THA SNYAD 'DOGS SO ZHES BYA BA BYANG CHUB SEMS DPA' KHO NA NYAN THOS LA SOGS PA'I RIGS SU THA SNYAD DU BYED DO, ,CI'I PHYIR ZHE NA, CHOS KYI DBYINGS KHO NA RGYUR GYUR PAR RNAM PAR GZHAG PA YIN PA'I PHYIR TE, YANG DAG PAR NA DE LAS GZHAN PA'I RGYU YOD PAR MI 'THAD PAS THEG PA GSUM GYIS RIGS KYI RGYU NYID BYANG CHUB SEMS DPA'I CHOS KYI DBYINGS KYI BDAG NYID KHO NA YIN PAR MDO SDE LAS BSTAN PA'I PHYIR LUNG LAS CHOS KYI DBYINGS KYI RANG BZHIN BYANG CHUB SEMS DPA'I RGYUR BYAS NAS SPYIR THEG PA GSUM 'BRAS BU YIN PA LA BRTEN TE, JI LTAR NYAN THOS DANG RANG SANGS RGYAS KYI RIGS RNAM PAR GZHAG PA DE BZHIN DU BYANG CHUB SEMS DPA'I GNAS SKABS SU DE BZHIN GSHEGS PA'I RIGS SHES PAR 'GYUR RO, ,ZHES BYA BA NI SPYI'I DON YIN NO, ,THEG PA GSUM DBYER MED PA'I PHYOGS @173A *, ,LTAR NA YANG NYAN THOS DANG RANG SANGS RGYAS KYI THEG PA GNYIS KHAS BLANGS PA DE RIGS PA'I DPES BYANG CHUB SEMS DPA' RIGS SU RNAM PAR GZHAG PA GANG YIN PA DE'I PHYIR DPE MA GRUB PA'I DOGS PA MI BYA'O, ,LAN CIG KYANG ZHES BYA BA LA SOGS PA LA LAN GZHAN DU GSUNGS TE ZHES BYA BA NI YANG DAG PAR NA RTEN DANG BRTEN PA PO'I DNGOS PO YOD PA MA YIN NA YANG CHOS KYI DBYINGS THUN MONG MA YIN PA NYID KYI PHYIR THEG PA GSUM PO MNGON SUM DU BYA BA'I PHYIR 'DOD CHAGS DANG BRAL BA NYID LA SOGS PA'I YON TAN BRTEN PA PO NYID DU YONGS SU BRTAGS NAS, BYANG CHUB SEMS DPA'I RIGS YIN PAR RNAM PAR GZHAG PA'I SKABS SU THEG PA GSUM GYI RIGS SU RNAM PAR GZHAG PA TSIGS SU BCAD PA PHYED 'OG MAS LAN BTAB PA NI BRTEN PA'I CHOS KYI ZHES BYA BA LA SOGS PA GSUNGS PA YIN NO, ,LUNG LAS 'PHAGS PA'I GANG ZAG THAMS CAD NI 'DUS MA BYAS KYIS RAB TU PHYE BA'O, ,ZHES GSUNGS PA'I PHYIR DANG PO KHO NAR RIGS BRJOD PAR BYA BA YIN TE SEMS BSKYED PA DANG, THAR PA DANG NGES PAR 'BYED PA'I CHA DANG MTHUN PA RNAMS NI DE SNGON DU 'GRO BA MA YIN NAM JI LTAR NA DE LTAR BSHAD, BDEN MOD KYI 'DI NI DON GYI GO RIMS YIN LA 'DI YANG BSTAN PA'I GO RIMS YIN TE, 'BRAS BU GANG YIN PA BSTAN NAS DE'I 'OG TU RGYU BSTAN PA YIN PAS NYES PA MED DO, ,JI SKAD DU BSHAD PA'I BSGRUB PA STE SEMS BSKYED PA LA SOGS PAR MI DMIGS PA'I MTSAN NYID DU SNGAR BSHAD PA'O, ,DE'I RTEN DU GYUR BA ZHES BYA BA LA SOGS PA LA DMIGS PA ZHES BYA BA LA SOGS PA'I TSIG LE'UR BYAS PA'I DON NI RE ZHIG DANG POR ZHES BYA BA LA SOGS PA SMOS PA YIN TE, DANG POR SBYOR BA ZHES BYA BA NI THOG MAR NYAN THOS LA SOGS PA DANG THUN MONG DU BSHAD PA DGE BA DANG MI DGE BA DANG LUNG DU MA BSTAN PA STE BLANG BAR BYA BA DANG DOR BAR BYA BA DANG BTANG SNYOMS SU BYA BA'I GNAS RNAMS SO, ,GANG YIN ZHE NA, GO RIMS BZHIN DU DGE SBYONG GI TSUL NYID DANG SROG GCOD PA NYID DANG, LUNG DU MA BSTAN PA'I LUS KYI LAS LA SOGS @173B PA ZHES BYA BA LA, DGE SBYONG GI TSUL NI DRI MA MED PA'I LAM DANG, BSAM BZHIN DU 'KHRUL PA MED PAR GZHAN GYI SROG GCOD PA DANG SHES BZHIN MA YIN PA'I LUS KYI NYES PAR SPYOD PA'I LAS RNAMS SO, ,SOGS PA'I SGRA NI RE RE ZHING SBYAR TE, TSUL KHRIMS DANG, MA BYIN PAR LEN PA DANG, NGAG GI NYES PAR SPYOD PA'I LAS LA SOGS PA STE, CHOS GSUM PO DE DAG GO, ,DE'I 'OG TU DE DAG NYID CES BYA BA SNGAR BSHAD PA RNAMS SO, ,LHAG MA RNAMS ZHES BYA BA SA BON RUL BA DANG 'DRA BA NYID KYIS NA LUNG DU MA BSTAN PA DOR LA GANG DGE BA DANG MI DGE BA'I CHOS GANG YIN PA DE DAG NI 'JIG RTEN PA LA SOGS PA RNAM PA GNYIS SU DBYE BA BZHI NYID KYIS ZHES BYA BA DE RNAMS NYED RE RE ZHING 'JIG RTEN DANG 'JIG RTEN LAS 'DAS PA DANG ZAG PA DANG BCAS PA DANG ZAG PA MED PA'I DBYE BAS PHUNG PO RNAM PA BZHI NYID DO, ,DE NI GRANGS BZHIN DU ZHES BYA BA 'JIG RTEN PA'I LAM GYIS BSDUS PA YIN PA'I PHYIR 'JIG RTEN PA RNAMS TE, BYIS PA'I SKYE BO ZHES BYA BA LA SOGS PA'O, ,YANG DAG PA'I 'PHAGS PA'I LAM GYIS BSDUS PA'I PHYIR 'JIG RTEN LAS 'DAS PA STE, 'PHAGS PA'I SKYE BO ZHES BYA BA LA SOGS PA'O, , BDAG TU LTA BA'I GNYEN PO MA YIN PA NYID KYIS NA 'JIG RTEN PA NYID YIN PA'I PHYIR ZAG PA DANG BCAS PA STE, BDAG TU LTA BA ZHES BYA BA LA SOGS PA'O, ,BDAG TU LTA BA'I GNYEN PO NYID YIN PAS NA DER LTA BA ZHES BYA BA LA SOGS PA STE, 'JIG RTEN PA DANG 'JIG RTEN LAS 'DAS PA DANG ZAG PA DANG BCAS PA DANG ZAG PA MED PA STE BZHI'O, ,RGYU'I LHAN CIG BYED PA LAS SKYES PA'I PHYIR RGYU DANG ZHES BYA BA LA SOGS PA YIN NO, ,NYON MONGS PA LA SOGS PA BSAM PAS RANG NYID SKYE BA'I PHYIR RGYU LA MI LTOS PA ZHES BYA BA LA SOGS PA YIN TE 'DUS BYAS DANG 'DUS MA BYAS GNYIS SO, ,'PHAGS PA'I SKYE BO DANG ZHES BYA BA SMOS PA LA YANG DAG PAR RDZOGS PA'I SANGS RGYAS KYI THUGS KYI RGYUD LAS BYUNG BA NYID YIN PA'I PHYIR, THUN MONG MA YIN PA'I BDAG NYID CAN NI YANG DAG PAR RDZOGS PA'I SANGS RGYAS KYI RGYUD LAS BYUNG BA'I CHOS @174A *, ,CAN NO, ,STOBS BCU NI GNAS DANG GNAS MA YIN PA MKHYEN PA'I STOBS TE DE LTAR GCIG YIN NO, ,DE LTA BU LA SOGS PA ZHES BYA BA'I SOGS PA'I SGRA NI PHUNG PO LA SOGS PA RE RE ZHING SBYAR BAR BYA STE, SKYE MCHED DANG GZUGS MED PA'I SKYE MCHED RNAMS DANG, YANG DAG PAR SPONG BA DANG, GZUGS LA SOGS PA'I KHAMS DANG, STONG PA NYID DANG, GZUGS MED PA DANG, MI 'JIGS PA LA SOGS PA'O, ,YANG DAG PAR RDZOGS PA LA SOGS PA NI BSHAD ZIN TO, ,'PHAGS PA RNAM PAR GROL BA'I SDES RTEN DANG DMIGS PA DAG GI MTSAN NYID KYI DBYE BA NI RANG BZHIN GTZO BOR GYUR PA NI RIGS YIN LA, 'GYUR BA GTZO BOR GYUR PA NI DMIGS PA YIN NO ZHES BSHAD DO, ,DANG PO YUL GYI SHES PA RTOGS NAS DE'I 'OG TU DE BSTAN PAS SEMS CAN THAMS CAD KYI MCHOG TU 'GYUR BAR BSKYED PAR BYA'O ZHES BYA BA'I SEMS CHEN PO DANG LDAN PAS SEMS CAN KUN MCHOG NYID DE SEMS CHEN PO NYID DO, ,GDUL BYA RNAMS KYI SEMS CAN LA SOGS PAR LTA BA BAG CHAGS DANG BCAS PA SPANG BAR BYA BA'I PHYIR CHOS STON PAS SPONG BA CHEN PO NYID DO, ,'DOD CHAGS LA SOGS PA MA LUS PA SPANGS NAS KYANG BYANG CHUB RTOGS PAR BYED PAS RTOGS PA CHEN PO NYID DO, ,GSUM PO DE DAG STE CHEN PO NYID GSUM GANG YIN PA'I BDAG NYID CHEN PO GANG YIN PA RNAMS CHED DU BYAS SHING THOB PAR BYA BA'I SGRUB PA LA 'JUG PAR 'GYUR BA DES RANG 'BYUNG GI YE SHES TZAM GONG NAS GONG DU SKYES PA RDZOGS PA'I SANGS RGYAS LA SOGS PA'I CHED DU BYA BA RNAM PA GSUM DU SHES PAR BYA'O, ,RNAM PA THAMS CAD DU ZHES BYA BA LA SOGS PA LA THAMS CAD DU 'GRO BA MI DMIGS PAR RTOGS PA'I SEMS DANG NYON MONGS PA BAG CHAGS DANG BCAS PAR SPANGS PA DANG, YUL DANG DUS KYIS CHOD PA DANG DNGOS PO PRA BA YANG SHES PA MI SRID PAS NYAN THOS LA SOGS PA LA BDAG NYID CHE BA GSUM PO 'DI DAG YOD PA MA YIN NO ZHES BYA BAR DGONGS TE, 'DOD PA TZAM GYI NYON MONGS PA SPONG BA MA YIN PA'I PHYIR RO, , @174B SANGS RGYAS LAS BYANG CHUB SEMS DPA' RNAMS KHYAD PAR YANG DAG PAR NA YOD PA MA YIN TE, SANGS RGYAS KYI YON TAN THOB PA'I SKAL BA YOD PA'I PHYIR RO, ,ZHES BYA BA'I DGONGS PA DANG LDAN PAS SANGS RGYAS DANG BYANG CHUB SEMS DPA' RNAMS RANG 'BYUNG BA YIN NO ZHES BSHAD PA NYES PA MED DO, ,DMIGS PA LAS CHED DU BYA BA KHYAD PAR CI ZHIG YOD CE NA, DA LTAR GYI NI DMIGS PA STE NYE BA NA GNAS PA'O, ,MA 'ONGS PA NI CHED DU BYA BA STE RGYANG RING BA YIN PA NI 'PHAGS PA RNAM PAR GROL BA'I SDES MDA' LTONG SBYOR BA DANG 'BEN LA PHOG PA DANG CHOS MTHUN PA YIN NO ZHES BSHAD DO, ,SGRUB PA'I RTEN DU GYUR PA LA SOGS PA RTEN DANG DMIGS PA DANG CHED DU BYA BA BRJOD NAS SGRUB PA DE'I RANG GI NGO BO GANG YIN ZHE NA, ZHES 'DRI BA LA, THAMS CAD MKHYEN PA NYID GSUM GYI YUL LA ZHES BYA BA NI 'PHAGS PA'I BDEN PA BZHI LA SOGS PA'O, ,SPYIR TE THAMS CAD LA MNGON PAR KHYAB PA DGE BA'I CHOS KYI RTEN CAN TE CHOS KYI DBYINGS LA GNAS PA'O, ,RNAM PA KUN MNGON PAR RTOGS PA LA SOGS PA MNGON PAR RTOGS PA RNAM PA BZHI LA MNGON PAR RTOGS PA RE RE ZHING ZHES BYA BA RE RE'I BSGOM PAR BYA BA'I RTOGS PA LA SOGS PA'O, ,PHA ROL TU PHYIN PA DRUG GI RTEN CAN ZHES BYA BA NI SBYIN PA LA SOGS PA LA BRTEN PA'I BYA BA NYAMS SU LEN PA NI SGRUB PA YIN NO, ,CHOS KYI SKU'I MNGON PAR RTOGS PA NI RANG BZHIN GYIS DKAR PO NYID YIN ZHING GNAS MED PA NYID YIN PA'I PHYIR MA BSHAD DO, ,DE LTAR BSGRUB PA RNAM PAR GZHAG NAS SO SO'I MTSAN NYID BRJOD PAR BYA BA YIN PAS JI LTA BA BZHIN DU ZHES BYA BA 'OG NAS BSHAD PA'I RIM PAS SBYOR BA DANG MTHONG BA DANG, BSGOM PA DANG KHYAD PAR GYI LAM STE, BZHI PO DE'I NGO BO NYID KYIS BSGRUB PA'I MTSAN NYID GO CHA LA SOGS BA 'OG NAS BSHAD PA DE RNAMS KYI NANG NAS BRTZON 'GRUS KYI NGO BO NYID YIN ZHING DGE BA'I LAS LA SPRO BA'I BDAG NYID CAN YIN PA DE NYID KYIS NA DANG BO GO CHA'I BSGRUB PA GSUNGS PA YIN NO, ,SBYIN PA LA SOGS PA STE SBYIN PA DANG TSUL KHRIMS LA SOGS PA'O, ,RNAM PA DRUG LA, DE DAG SO SOR BSDUS @175A *, ,PA YIS, ,ZHES BYA BA NI SBYIN PA LA SOGS PA DE RNAMS NYID SO SO'I KHONGS SU GTOGS PA'I PHYIR RO, ,GO CHA'I BSGRUB PA GANG YIN PA NI THOG MA KHO NAR BYANG CHUB PA'I BAR DU DON GYI BYA BA DAM BCAS PA NYAMS SU LEN PA'O, ,DE NI JI SKAD DU BSHAD PA'I 'KHOR GSUM RNAM PAR DAG PA LA SOGS PAS YUM GSUM CAR LAS DRUG TSAN DRUG GIS TE, RNAM PA SUM CU RTZA DRUG JI LTA BA BZHIN DU GSUNGS PAR SHES PAR BYA'O, ,TSIG LE'UR BYAS PA'I DON NI CHOS KYI SBYIN PA ZHES BYA BA LA SOGS PA SMOS PA YIN TE, LONGS SPYOD LA LTOS PA MED PAS TSUL KHRIMS YANG DAG PAR LEN PAR BYED DO, ,TSUL KHRIMS RJES SU BSRUNG BAS NI BZOD PA DANG LDAN PAR 'GYUR RO, ,SKYO BA RNAG PAR NUS NA BRTZON 'GRUS RTZOM MO, ,LE LO DANG BRAL NA BSAM GTAN RDZOGS PAR BYED DO, ,BSAM GTAN PHUN SUM CHOGS PA NI 'JIG RTEN LAS 'DAS PA'I SHES RAB THOB PAR BYA BA YIN PAS DE LTAR SBYIN PA LA SOGS PAR RTOGS PA'I GO RIMS KYIS BSTAN TO, ,DE LA BYANG CHUB SEMS DPA'I CHOS KYI SBYIN PA LA SOGS PA LA CHOS DANG ZANG ZING GI SBYIN PA RAB TU SBYIN PAR BYED PA DANG, BDAG NYID GCIG PU DUL BAR BYA'O ZHES BYA BA LA SOGS PA'I SEMS NI NYAN THOS KYI YID LA BYED PA'O, ,SOGS PA'I SGRAS NI DNGOS PO MI RTAG PA LA SOGS PA'I YID LA BYED PA STE, DE SPANG BA NI TSUL KHRIMS SO, ,SKYE BO THAMS CAD KYIS MI SNYAN PAR SMRA BA NI GSHE BA LA SOGS PA BRJOD PA'O, ,DE BZOD PA NI BZOD PA'O, ,'DUN PA NI DGE BA MNGON PAR 'DOD PA'O, ,DES BSKYED PA NI BRTZON 'GRUS SO, ,THEG PA GZHAN DANG MA 'DRES PA'I SEMS RTZE GCIG PA NYID NI NYAN THOS LA SOGS PA'I LAM DANG THA DAD PAR CHOS THAMS CAD MI DMIGS PA LA DMIGS PA NI BSAM GTAN NO, ,BLA NA MED PA YANG DAG PAR RDZOGS PA'I BYANG CHUB TU SNGO BAR BYED PA NI SBYIN PA LA SOGS PA'I BSOD NAMS SEMS CAN THAMS CAD 'TSANG RGYA BA NYID DU YONGS SU BSNGO ZHING STOBS PA NI SHES RAB BO, ,'DI RNAMS LA SBYIN @175B PAR BYED PA LA SOGS PA ZHES BYA BA SBYIN PAR BYA BA DANG, SBYIN PA PO LA SOGS PA DER GANG MI DMIGS PA STE, DER GO CHA BGOS PA NYID KYIS BYANG CHUB PA'I BAR DU BRTZON 'GRUS BRTZAMS PAS SO, ,SBYIN PA'I PHYOGS LA NYAN THOS KYI YID LA BYED PA SPANGS PAS 'DIR GZHAN GYI DON LA DAM 'CHA' BA NI TSUL KHRIMS SO, ,DE MED NA MI 'BYUNG BA'I SBYIN PA DANG, BZOD PA LA SOGS PA YOD PA NI SBYIN PA LA SOGS PA MED PAR GZHAN GYI DON BYA BAR MI 'THAD PA'I PHYIR RO, ,DE BZHIN DU BZOD PA DANG LDAN NA SEMS CAN DBANG DU 'GYUR RO, , 'DIR YANG DE BZHIN DU SBYIN PA DANG TSUL KHRIMS DANG BRTZON 'GRUS LA SOGS PA YOD PA YIN NO, ,KHO NA MED NA DGRA BO ZHI BAR 'GYUR BAS SEMS CAN RNAMS DANG RJES SU MTHUN PA YIN PA'I PHYIR SBYIN PA LA SOGS PA 'BYUNG BA'I PHYIR RO, ,DE BZHIN DU BRTZON 'GRUS NI DGE BA'I LAS LA SPRO BA NYID KYIS DE DANG LDAN PA LA SBYIN PA LA SOGS PA DANG BSAM GTAN DANG SHES RAB YOD PA YIN TE, BRTZON 'GRUS DANG BRAL BA LA SBYIN PA LA SOGS PA MI 'BYUNG BA'I PHYIR RO, ,DE BZHIN DU BSAM GTAN DANG LDAN PA NI 'KHOR GSUM RNAM PAR DAG PA'I SBYIN PA LA SOGS PA DANG SHES RAB NI YOD LA RNAM PAR G-YENGS PA LA DE MI SRID PA'I PHYIR RO, ,DE LTAR SHES RAB DANG LDAN PA LA DE BZHIN DU SBYIN PA LA SOGS PA YOD DE, SBYIN PA LA SOGS PA MED PAR SEMS CAN RNAMS BYANG CHUB PAR YONGS SU BSNGO BA'I DGE BA MI SRID PA'I PHYIR RO, , DE LTAR NA SBYIN PA LA SOGS PA RE RE ZHING TSUL KHRIMS LA SOGS PA KHONG DU CHUD PA YIN PA'I PHYIR, SBYIN PA LA SOGS PA SMOS PA NI RNAM PA DRUG NYID YIN NO, ,DE LTAR SBYIN PA LA JI LTA BA BZHIN DU TSUL KHRIMS LA SOGS PA LA MI DMIGS PA LA SOGS PA'I GO CHA NYID KYI ZHES BYA BA LA SOGS PA LA YANG SBYAR BAR BYA'O, ,DE NI DE LTAR TSUL KHRIMS BSRUNG, ,ZHES BYA BA LA SOGS PA SMOS PA YIN NO, ,BSAM GTAN ZHES BYA BA LA SOGS PA'I TSIG LE'UR BYAS PA'I DON NI BSAM GTAN ZHES BYA BA LA SOGS PA GSUNGS PA YIN TE, DANG PO LA SOGS PA BZHI NI BSAM GTAN @176A *, ,NO, ,NAM MKHA' MTHA' YAS SKYE MCHED LA SOGS PA NI GZUGS MED PA'I SNYOMS PAR 'JUG PA'O, ,SBYIN SOGS ZHES BYA BA LA SOGS PA NI GO SLA'O, ,KHAMS GSUM PA'I SEMS CAN LA KHYAB PAR DMIGS PA'I BYAMS PA DANG, SNYING RJE LA SOGS PA'I TSAD MED PA RNAMS SO, ,DMIGS PA MED PA DANG ZHES BYA BA LA SOGS PA NI GO SLA'O, ,YANG DAG PAR GNAS PA NI SMON PA'I SEMS DANG NYAMS SU LEN PA'I SEMS KYI MTHAR THUG PA'I SEMS SO, ,DE'I MTSAN NYID NI DE'I NGO BO NYID DO, ,DE NYID KYIS NA THEG PA CHEN PO'I CHOS MTHA' DAG CES BYA BA SEMS BSKYED PA LA SOGS PA'O, ,DE GNON PA NI RIM GYIS MI LDOG PA'I SEMS KYIS BGROD PA STE, DE'I NGO BO NYID YIN PAS SO, ,'JUG PA'I SGRUB PA THEG CHEN LA 'DZEG PA ZHES BYA BA NI BSHAD ZIN TO, ,'DIR YANG RTOGS PA'I RIM PAS BSAM GTAN LA SOGS PA'I RIM PA YIN NO, ,DE NI RNAM PA DGU'O ZHES BYA BA GSUNGS PA YIN NO, ,SNYING RJE CHEN PO ZHES BYA BA LA SOGS PAS BRTZE BA DANG ZHES BYA BA LA SOGS PA'I TSIG LE'UR BYAS PA'I DON BSHAD PA YIN TE, ZUNG DU 'BREL BA'I LAM ZHES BYA BA NI SHES RAB DANG THABS DAG NI MTHA' GNYIS SU MI LTUNG BA DANG 'BREL BA YIN PA'I PHYIR TE, THABS DANG SHES RAB KYI TING NGE 'DZIN TO, ,THABS LA MKHAS PA NI SEMS MA ZHUM PA LA SOGS PA'O, ,SA DANG GNYEN PO RNAMS NI 'OG NAS STON TO, ,TSOGS ZHES BYA BA'I MING DON DANG LDAN PA NI KUN RDZOB KYI ZHES BYA BA LA SOGS PA SMOS PA YIN TE, KUN RDZOB KYI BDEN PA LAS MI 'DA' BAR ZHES BYA BA NI DON DAM PA DANG MI 'BYOR PAS KUN RDZOB TU BSGOM PAR BYA BA LA SOGS PA YONGS SU BRTAGS PA'O, ,THEG PA CHEN PO'I DON MTHA' DAG CES BYA BA SEMS BSKYED PA LA SOGS PA'O, ,DE BSGRUB PA NI NYAMS SU BLANGS PAS SO, ,'DI DAG GIS YANG DAG PAR 'JUG PA'I NGO BOR THOB PA'I SGO NAS LEGS PAR BRTAGS SHING 'DZIN PAS BYANG CHUB CHEN PO STE, KHYAB PA'I SANGS @176B RGYAS NYID DU 'GYUR BA'I PHYIR RO, ,SNYING RJE LA SOGS PA'I DON BSHAD ZIN PA'I PHYIR BOR NAS YE SHES KYI TSOGS NI DE LA ZHES BYA BA LA SOGS PA SMOS PA YIN TE, NANG DANG ZHES BYA BA LA SOGS PA NANG DANG PHYI ROL ZHES BYA BA LA SOGS PAR SBYAR NAS BDE BLAG TU RTOGS PAR BYA BA'I PHYIR BRJOD PAR BYA STE, NANG GI BDAG NYID CAN GYI MIG LA SOGS PA NI DE KHO NA NYID DU NA MED PA YIN PA'I PHYIR NANG STONG PA NYID DO, ,DE BZHIN DU PHYI'I GZUGS LA SOGS PA NI PHYI STONG PA NYID DO, ,DES BSKYED PA YIN PA'I PHYIR DBANG POS BSDUS PA YIN PA'I PHYIR GNYI GA STE, PHYI DANG NANG GNYIS NI PHYI NANG STONG PA NYID DO, ,GANG ZAG LA SOGS PAR BRTAGS PA'I DNGOS PO'I CHOS THAMS CAD STONG PA NYID YIN ZHING STONG PA NYID KYIS NANG GI BDAG NYID LA SOGS PA STONG PA NYID DU DMIGS PA'I SHES PA'I BDAG NYID CAN NI STONG PA NYID STONG PA NYID DO, ,PHYOGS NI PHYOGS RNAMS DANG SA LA SOGS PA'I SNOD DANG 'GRO BA RNAMS KYI STONG PA NYID NI CHEN PO STONG PA NYID DO, ,MYA NGAN LAS 'DAS PA'I LAM NI MYA NGAN LAS 'DAS PA DANG DE'I LAM NI DON DAM PA STONG PA NYID DO, ,RKYEN LAS SKYES DANG CIG SHOS DANG, ,ZHES BYA BA KHAMS GSUM PA NI 'DUS BYAS STONG PA NYID DO, ,MA SKYES PA LA SOGS PA NI 'DUS MA BYAS STONG PA NYID DO, ,MTHA' LA SOGS PA DOR MED DANG, ,ZHES BYA BA LA RTAG PA DANG CHAD PA DANG BRAL BA NI MTHA' LAS 'DAS PA STONG PA NYID DO, ,THOG MA DANG THA MA DANG DBUS DANG BRAL BA NI THOG MA DANG THA MA MED PA STONG PA NYID DO, ,DOR BA MED PA NI GANG DU YANG G-YENG BA MED PA NYID KYI PHYIR GNAS MED PAR BSGOM PA'I LAM NI, DOR BA MED PA STONG PA NYID DO, ,CHOS KYI DBYINGS KYI RANG BZHIN NI RANG BZHIN STONG PA NYID DO, ,DNGOS PO THAMS CAD KYI STONG PA NYID NI CHOS THAMS CAD STONG PA NYID DO, ,CHOS SKYE LA SOGS 'DAS SOGS DANG, ,ZHES BYA BA NI GZUGS LA SOGS PA SKYE BA DANG 'GAG PA LA SOGS PA NI MTSAN NYID STONG PA NYID DO, ,'DAS PA LA SOGS PA'I CHOS RNAMS MI DMIGS PA NI MI DMIGS PA STONG PA NYID DO, ,LDAN DANG CIG SHOS NGO BO DANG, , @177A *, ,ZHES BYA BA LDAN PA'I CHOS RNAMS NI DNGOS PO MED PA'I NGO BO NYID STONG PA NYID DO, ,NYE BAR LEN PA'I PHUNG PO LNGA NI DNGOS PO'I STONG PA NYID DO, ,NAM MKHA' STONG ZHES BYA BA DANG, ,ZHES BYA BA NI 'DUS MA BYAS NAM MKHA' LA SOGS PA NI DNGOS PO MED PA'I STONG PA NYID DO, ,RANG BZHIN STONG PA NYID CES BYA BA NI RANG GI NGO BO NYID STONG PA NYID DO, ,CHOS GZHAN DNGOS PO MED PA NYID, ,CES BYA BA NI GZHAN GYI NGO BO'I BYED PA PO STONG PA NYID YIN PA'I PHYIR GZHAN GYI NGO BO NYID STONG PA NYID DO, ,STONG PA NYID KYI BYE BRAG GIS, ,ZHES BYA BA NI DE LTAR NA STONG PA RNAMS KYI KHYAD PAR RNAM PA NYI SHU NI STONG PA NYID KYI RNAM PA YIN NO, ,STONG PA NYID DANG RNAM PA NYI SHU YIN PA'I RGYU NI RANG RANG NGO BOS STONG PA'I PHYIR, ZHES SMOS PA YIN TE, MIG LA SOGS PA'I NGO BO NYID JI SRID GZHAN RNAMS KYIS BRTAGS PA DE RNAMS NI RANG GI NGO BO NYID STONG PA YIN PA'I PHYIR DANG, DE DANG DER KUN RDZOB DANG DON DAM PA DANG GNYI GA DAG GIS CI RIGS PAR RNAM PAR DPYAD CING BRTAG PA MI BZOD PA NYID KYIS NA STONG PA NYID YIN NO ZHES BYA BA NI YE SHES KYI TSOGS SO, ,SA'I ZHES BYA BA LA SOGS PA NI SA'I TSOGS YIN TE, YONGS SU SBYONG BA NI 'DUS BYAS PA'I KHYAD PAR RNAMS SO, ,DE DAG KYANG BSAM PA LA SOGS PA BCU PO 'DI DAG RANG BZHIN MI DMIGS PA YIN PAR SHES PAR BYA'O, ,'DI DAG RANG BZHIN ZHES BYA BA LA SOGS PA NI BSHAD ZIN TO, ,DON 'DI NYID NI DE LTA BU'I MTSAN NYID KYI CHOS BCUS ZHES BYA BA LA SOGS PA SMOS PA YIN TE, RNAM PA THAMS CAD DU ZHES BYA BA NI RNAM PA KUN GYIS SO, ,BSKYED PA'I BYA BA YIN PA'I PHYIR, ,ZHES BYA BA NI SA RAB TU DGA' BA BSKYED PAR BYA BA YIN PA'I PHYIR RO, ,YONGS SU NI KUN NAS TE SA RAB TU DGA' BA YONGS SU SBYONG BA'I RGYU NYID YIN PA'I PHYIR YONGS SU SBYONG BA'I RGYU'I KHYAD PAR BCU PO 'DI DAG GIS SO, ,YANG JI LTA BU ZHE NA, NGO BO NYID MI DMIGS PAS ZHES BYA BA GANG LA LA ZHIG GIS 'BYUNG BA CHEN PO LA SOGS PA'I RANG BZHIN GZHAN GYIS BRTAGS PA DE YANG DAG PA NYID DU NA STONG PA NYID YIN @177B PAS MA MTHONG BA'I PHYIR RO, ,DES KHYAD PAR DU BYAS PA'I MTSAN NYID MI DMIGS PAS GANG LA YONGS SU SBYANG BA STE, 'DUS BYAS PA'I KHYAD PAR KHO NAS BYA'I, DE LAS GO BZLOG PA GYA GYU'I BSAM PA LA SOGS PA NYES PA GZHAN GYIS NI MA YIN NO, ,RAB TU DGA' BA'I SA LA BSHAD PA'I LAS BCUS BYAS PA YIN TE, CHOS DE RNAMS KYANG STONG PA NYID DU DMIGS PA NA BYED PA PO YIN GYI GZHAN DU MI 'GYUR RO ZHES BYA BAR DGONGS SO, ,DE LTA BU'I YONGS SU SBYONG BA RNAM PA BRGYAD PO SA DRI MA MED PA'I RGYUR GYUR PA'I TSUL KHRIMS LA SOGS PA YONGS SU SBYONG BA BYAS PA'I RGYU'I KHYAD PAR SNGA MA BZHIN DU NGO BO NYID MI DMIGS PAS KHYAD PAR DU BYAS PA'I 'DUS BYAS PA YIN TE ZHES 'OG NAS 'BYUNG BA'I TSIG LE'UR BYAS PA RNAMS LA YANG DE BZHIN DU BSHAD PAR BYA'O, ,NYON MONGS PA RNAMS SRAB MOR BYED PAS NA SBYANGS PA'O, ,DE NYID NI YANG DAG PAR SDOM PA STE, DE RNAMS RTEN PA'O, ,BDAG DANG SEMS CAN ZHES BYA BA LA SOGS PA DANG, ,RNAM THAR SGO GSUM ZHES BYA BA LA SOGS PA BDE BLAG TU RTOGS PAR BYA BA'I PHYIR SBYAR BAR BYA STE, BDAG LAS GO BZLOG PA NI RNAM PAR THAR PA'I SGO GSUM SHES PA YIN NO, ,DE BZHIN DU SEMS CAN GYI 'KHOR GSUM RNAM PAR DAG PA NYID DO, ,GANG ZAG GI NI SNYING RJE'O, ,CHAD PA'I NI RLOM PA MED PA'O, ,RTAG PA'I NI CHOS MNYAM PA NYID DO, ,MTSAN MA'I NI TSUL GCIG SHES PA NYID DO, ,RGYU DANG PHUNG PO'I NI MI SKYE BA SHES PA'O, ,KHAMS KYI NI ZAG PA SHES PA'O, ,SKYE MCHED KYI NI CHOS RNAMS RNAM PA GCIG TU STON PA'O, ,KHAMS GSUM PA LA GNAS PA'I NI RTOG PA KUN TU 'JAM PA'O, ,CHAGS PA DANG SEMS KUN TU ZHUM PA'I NI 'DU SHES SU LTA BA'O, ,SANGS RGYAS DANG CHOS DANG DGE 'DUN GYI BDAG NYID CAN NI DKON MCHOG GSUM DANG DE'I TSUL KHRIMS KYI NI NYON MONGS PA SPONG BA'O, ,LTA BA LA MNGON PAR ZHEN PA'I NI ZHI GNAS NGES PAR SEMS PA DANG, LHAG MTHONG LA NI MKHAS PA DANG, SEMS DUL BA NYID DANG, THAMS CAD LA THOGS PA MED PA'I YE SHES SO, ,STONG PA NYID LA RTZOD PA'I NI CHAGS PA'I @178A *, ,SA MA YIN PA'O, ,DE DANG 'GAL BAR BRJOD PA'I NI GANG DU 'DOD PAR ZHING GZHAN DU MNYAM PAR 'GRO BA'O, ,THAMS CAD DU BDAG NYID KYI NGO BOR STON PA ZHES BYA BA DANG NYI SHU'O, ,BDAG LA SOGS PA'I LTA BA MED PA DANG, RNAM PAR THAR PA'I SGO SHES PA LA SOGS PA SKYES PA'I TSOGS BSAM GYIS MI KHYAB PA NYID KYIS SA RING DU SONG BA 'THOB PAR 'GYUR RO ZHES BYA BAR DGONGS SO, ,NYAN THOS LA SOGS PA'I RIGS DANG ZHES BYA BA LA SOGS PA BDE BLAG TU RTOGS PAR BYA BA'I PHYIR RIGS DANG BRGYAD PA DANG ZHES BYA BA LA SOGS PA DANG SBYAR BAR BYA STE, NYAN THOS LA SOGS PA'I RIGS NI RIGS KYI SA'O, ,'BRAS BU DANG PO LA ZHUGS PA RGYUN DU ZHUGS PA'I 'BRAS BU LA ZHUGS PA GANG YIN PA DE NI BRGYAD PA'I SA'O, ,RGYUN DU ZHUGS PA NI MTHONG BA'I SA'O, ,LAN CIG PHYIR 'ONG BA NI BSRABS PA'I SA'O, ,PHYIR MI 'ONG BA NI 'DOD CHAGS DANG BRAL BA'I SA'O, ,DGRA BCOM PA NI BYAS PA RTOGS PA'I SA'O, ,ZHUGS PA GSUM NI NYAN THOS KYI SA'O, ,RANG SANGS RGYAS RNAMS NI RANG SANGS RGYAS KYI SA ZHES BYA STE, DE LTAR SA BRGYAD DE, NYAN THOS KYI RIGS LA SOGS PA'I SHES PA'I KHYAD PAR RNAMS SO, ,'DIR RIGS KYI SA LA SOGS PA NI BYANG CHUB SEMS DPA' RNAMS KYIS RTOGS PAR BYA BA MA YIN PAS MING TZAM ZHIG BRJOD PA YIN LA DE BAS NA RGYU DANG MTSAN NYID MA BRJOD DO ZHES BRTZAD PAR MI BYA'O, ,BYANG CHUB SEMS DPA'I SA DGU NI GCIG YIN PAS SA DGU 'DAS NAS ZHES BSHAD PAR BYA'O, ,THEG PA GSUM GYI DON THOB PA NI NGES PAR 'BYUNG BA YIN TE, DE NI, THOB PA'I MTSAN NYID NGES 'BYUNG DANG, ,ZHES GSUNGS PA YIN NO, ,GZHAN DAG NI TSUL SHES PA RNAMS KYIS GO SLA'O, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS, SENG GE BZANG PO'I ZHAL SNGA NAS KYI GZHUNG CHOS KYI GRAGS PAS DKA' 'GREL DU BYAS PA LAS SKABS DANG PO'I 'GREL PA BSHAD PA'O,, ,,RNAM PA THAMS CAD MKHYEN PA NYID RTOGS PA NI ZHES BYA BA LA SOGS @178B PAS LAM SHES PA NYID GSUNGS PA YIN TE, RANG BZHIN GYIS 'OD NI YE SHES LAS BYUNG BA'O, ,RNAM PAR SMIN PA'I 'OD NI LAS LAS SKYES PA'O, ,LAM SHES PA NYID KYI NI ZHES BYA BA LA SOGS PA'I TSIGS SU BCAD PA'I DON NI, DE LA ZHES BYA BA LA SOGS PA SMOS PA YIN TE, DE LA ZHES BYA BA NI 'PHAGS PA'I BDEN PA RNAM PA BZHI'I NANG NAS SO, ,SDUG BSNGAL GYI RNAM PA BDEN PA'I ZHES BYA BA NI MI RTAG PA DANG SDUG BSNGAL BA DANG STONG PA DANG BDAG MED PA ZHI BA'I RNAM PA BZHI DANG GO RIMS BZHIN DU BRJOD PAR BYA'O ZHES BYA BA NI LHAG MA'O, , DE NI SKYE BA DANG 'JIG PA'I CHOS CAN NYID DANG MI MTHUN PA NYID KYIS NA MI RTAG PA DANG SDUG BSNGAL BA DAG TU BSHAD LA, SDUG BSNGAL BA NYID MI RTAG PA YIN PAR MTSUNGS SU ZIN NA YANG ZAG PA DANG BCAS PA NYID NI MI MTHUN PA NYID YIN GYI 'PHAGS PA'I LAM GYI NI MA YIN TE, ZAG PA MED PA NYID KYIS NA 'PHAGS PA RNAMS DANG RJES SU MTHUN PA NYID YIN PAR BLTA'O, ,GZHAN GYIS BRTAGS PA'I BDAG GI STONG PA NYID YIN PA'I PHYIR STONG PA'I MTSAN NYID KYI BDAG MED PA'O, ,RANG NYID BDAG MED PA NYID KYIS NA DE'I MTSAN NYID NI ZHI BA STE, ,RNAM PA 'DI DAG GI RANG BZHIN MI DMIGS PA NYID DU ZHES BYA BA LA SOGS PAR SBYAR RO, ,'DIS NI 'DI LTA STE MI RTAG PA NYID DANG, SDUG BSNGAL BA NYID DANG, BDAG MED PA NYID DANG, ZHI BA NYID DE RNAM PA BZHI DAG GO, ,KUN 'BYUNG GI BDEN PA'I ZHES BYA BA LA SOGS PA LA RGYU NI SDUG BSNGAL GYI RTZA BA'I RGYU YIN PAS SO, ,KUN 'BYUNG BA NI 'PHRAL GYI SDUG BSNGAL GYI'O, ,RAB TU SKYE BA NI 'PHRAL DU SHIN TU SDUG BSNGAL BA'O, ,RKYEN NI SDUG BSNGAL GCIG NAS GCIG TU BRGYUD PA'I'O, ,DE RNAMS KYI NGO BO NYID NI NAD DE, MA ZHU BA LA SOGS PA DANG, 'BRAS DANG ZUG RNGU NI GRAGS PAR ZAD DO, ,SDIG PA NI 'JOMS PA STE, RNAM PA 'DI RNAMS KYI NGO BO NYID MI DMIGS PA LA SOGS PA NI SNGA MA BZHIN NO, ,'DIS NI RGYUD LA SOGS PA'I BDAG NYID KYI RNAM PA BZHI YIN TE, 'DI LTA STE NAD NYID DANG, 'BRAS NYID DANG, ZUG RNGU NYID DANG, @179A *, ,SDIG PA NYID DO, ,SNGAR BSHAD PA'I BDEN PA DAG GI RNAM PA GZHAN DAG NI YID 'BYUNG BA DANG ZHES BYA BA LA SOGS PA GSUNGS PA YIN TE, YID 'BYUNG BA NI SKYO BA'O, ,'DOD CHAGS DANG BRAL BAR BYA BA NI YUL LA RGYAB KYIS PHYOGS PA'O, , 'GOG PA NI SEMS DANG SEMS LAS BYUNG BA MI RGYU BA'AM SEMS PHRA BAR 'JUG PA'I GNAS SKABS SO, ,DE'I DON GYI PHYIR ZHUGS PA NI NYAMS SU LEN PA DANG LDAN PAR 'GYUR BA'O ZHES 'BYUNG BA'I PHYIR ZHES BYA BA NI NYAN THOS KYI LUNG LAS GSUNGS PA STE, SDUG BSNGAL BA DANG ZHES BYA BA LA SOGS PAR RJES SU SBYAR BAR BYA'O, ,YID 'BYUNG BA'I MTSAN NYID DAG GI ZHES BYA BA NI YID 'BYUNG BA NYID KYIS SO, ,PHA ROL DANG 'JIG PA'I CHOS CAN GYI RNAM PA DAG DANG ZHES BYA BA NI PHYIR RGOL BAR GYUR PA NYID KYIS NA PHA ROL LO, ,PHYIR RGOL BAR GYUR PA NI 'JIG PA'I CHOS CAN NYID YIN PA'I PHYIR 'JIG PA'I CHOS CAN NYID DE 'DI DAG NI YID 'BYUNG BA'I RNAM PA'O, ,'DOD CHAGS DANG BRAL BA'I RNAM PA DAG NI G-YO BA DANG RAB TU 'JIG PA'I RNAM PA DAG CES BYA BA YIN TE, RANG GI NGO BOR MI GNAS PA NYID KYIS NA G-YO BA'O, ,RGYU LA MI LTOS PAR RANG BZHIN GYIS 'JIG PA NYID YIN PAS NA RAB TU 'JIG PA'O, ,'DI DAG NI 'DOD CHAGS DANG BRAL BA'I RNAM PA'O, ,'GOG PA'I ZHES BYA BA LA SOGS PAS NI RNAM PA GZHAN DAG GSUNGS PA YIN TE, 'DI DANG PHYI MA'I 'JIG PA'I GNAS SU GYUR PA NYID KYIS NA 'JIG PA NYID DANG, SRIN PO LA SOGS PA'I NYE BAR 'TSE BA'I YUL DU GYUR PA NYID KYIS NA NAD 'GO BA NYID DANG 'BYUNG BA CHEN PO 'KHRUGS PA DANG, ,GLO BUR BA'I GNAS SU GYUR PA NYID KYIS NA 'TSE BA NYID DE, DE DAG NYID LA SO SOR 'GOG PA'I RNAM PA GSUM YIN NO, , 'DI RNAMS KYI NGO BO NYID MI DMIGS PA NI SNGA MA BZHIN NO, ,YID 'BYUNG BA LA SOGS PA RNAM PA BDEN PA GNYIS SU GTOGS PA NYID KYIS NA RE RE ZHING GNYIS GNYIS SU BLTA BAR BYA'O, ,DES NA YID 'BYUNG BA LA PHA ROL DANG 'JIG PA'I CHOS CAN DANG, 'DOD CHAGS DANG BRAL PA LA @179B G-YO BA DANG, RAB TU 'JIGS PA'I RNAM PA BRGYAD DANG, 'GOG PA LA 'JIGS PA DANG, NAD 'GO BA DANG 'TSE BA'I RNAM PA DRUG STE, SPYIR NA BCU BZHI YIN NO, ,'GOG PA'I ZHES BYA BA LA SOGS PA LA NYON MONGS PA DANG BRAL BA NYID KYIS NA BDAG MED PA NYID DANG, SDUG BSNGAL BA RAB TU ZHI BA NYID KYIS NA ZHI BA NYID DANG, GYA NOM PA'I RNAM PA DANG BDAG GIS DBEN PA ZHES BYA BA BDE BA DANG GTZANG BA DANG BRAL BA NYID KYIS NA DBEN PA NYID DE RNAM PA GSUM MO, ,NGES PAR 'BYUNG BA GANG YIN PA DE NI MYA NGAN LAS 'DAS PA STE, DE'I MTSAN NYID NI RTAG PA DANG PHAN PA'I DNGOS PO NYID KYIS NA, STONG PA NYID LA SOGS PA NI RNAM PA GCIG YIN NO, ,'DI RNAMS KYI NGO BO NYID CES BYA BA NI SNGA MA BZHIN NO, ,LAM GYI BDEN PA ZHES BYA BA LA SOGS PA YONGS SU PHYIN PA'I DON GYIS NA LAM NYID DO, ,NYON MONGS PA MED PA DANG NYON MONGS PA'I GNYEN PO'I TSOGS SU GYUR PA NA RIG PA NYID DO, ,SEMS PHYIN CI MA LOG PAR RTOGS PAR BYED PA NYID KYIS NA SGRUB PA NYID DO, ,MNGON PAR ZHEN PA MED PA'I RTAG PA'I GNAS SU 'GRO BA NYID KYIS NA NGES PAR 'BYIN PA NYID DO, ,RNAM PA 'DI RNAMS KYI NGO BO NYID MI DMIGS PA LA SOGS PA NI SNGA MA BZHIN NO, ,RIM PA 'DI NYID KYIS NA THEG PA CHEN POR RNAM PA KHA CIG NI RNAM GRANGS NYID DU, KHA CIG NI RANG GI NGO BO NYID DU STON PA YIN PAS NYAN THOS KYI LAM MA YIN PA NYID DU THAL BAR MI 'GYUR RO, ,'DI LTAR ZHES BYA BA LA SOGS PAS NI NGES PAR 'BYED PA'I ZHES BYA BA TSIG LE'UR BYAS PA'I DON STON PA YIN TE, GZUGS LA SOGS PA'I PHUNG PO RNAMS RANG RANG GI NGO BO DBANG PO DANG, DON LNGA DANG RNAM PAR RIG BYED MA YIN PA DANG NYAMS SU MYONG BA LA SOGS PA NI DES STONG PA NYID YIN PA'I PHYIR DE RNAMS KYI STONG PA NYID NI GZUGS LA SOGS PA'I STONG PA NYID SNA TSOGS PA PHAN TSUN THA DAD PA MED PA NI GCIG YIN NO, ,GZUGS LA SOGS PA ZHES BYA BA NI BSHAD ZIN TO, ,DE BZHIN DU GZUGS LA SOGS PA LA ZHES BYA BA LA SOGS PA NI GO SLA'O, ,GANG GI PHYIR ZHES BYA BA LA SOGS @180A *, ,PA LA CHOS KYI MCHOG GI DON DU DGOS PA NI 'DI YIN TE, BDAG CAG GI THAMS CAD MKHYEN PAS BAG CHAGS DANG BCAS PA'I NYON MONGS PA MA LUS PAR SPANGS PA'I PHYIR DNGOS PO DANG DNGOS PO MED PA SGYU MA LTA BU'I RANG BZHIN DU DMIGS SHING MKHYEN GYI, DE LAS GZHAN PA'I BDAG LA SOGS PA GTZO BO'I DON NI RIGS PA MA YIN PAS DE BZHIN GSHEGS PA LAS GZHAN PA'I TSAD MAR GYUR PA SU ZHIG YOD, NYAN THOS KYI LAM ZHES BYA BA LA SOGS PAS NI RANG SANGS RGYAS KYI YE SHES ZAB PAR GSUNGS PA YIN TE, GANG SGRAR BRJOD PA NI CHOS BSTAN PA'I SGO NAS CHOS 'PHAGS PA LA SOGS PAS SHES RAB KYI PHA ROL TU PHYIN PA LA SOGS PA STON PAR MDZAD PA NA DES NYAN PA PO RTAG TU DU LA SOGS PA RNAMS KYIS 'CHAD PA PO'I SHES PA'I RTZAL RTOGS PAR BYED PA NI CHOS 'PHAGS LA SOGS PA STON PA PO'I SHES PA'I NUS PA KHONG DU CHUD PAR BYED CING SHES RAB KYI PHA ROL TU PHYIN PA LA SOGS PA'I YE SHES BDAG NYID LAS SKYE BAR 'GYUR RO ZHES BYA BA NI THA SNYAD DU BYA BA'I STON PA'I RNAM PA YIN LA, DE DAG NI ZHES BYA BAR RANG SANGS RGYAS NI SGRA MED PA'I CHOS BSTAN PAS ZHES BYA BA NGAG GIS STON PA MED PAR RANG GI THOS PA'I YE SHES LA SOGS PA STE, BZUNG BA'I DON GYI BAG CHAGS SPANGS PA'I YE SHES DANG SMON LAM DE'I MTHUS GZHAN DAG STE, DES 'DUL BA'I SEMS CAN RNAMS DGE BA BCU LA SOGS PA ZHES BYA BA SROG GCOD PA LAS LDOG PA LA SOGS PA LA 'JUG PAR BYED DO, ,DE'I PHYIR RANG SANGS RGYAS DE DAG GI YE SHES MI RTOG PA NYID DE, YE SHES KYI RTZAL NI MTSAN MAS RTAG TU MED PA LA SOGS PA YIN NO, ,CHOS STON PA NI CHOS NYE BAR STON PA MA YIN NAM, DE MED KYANG JI LTAR DE RNAM PAR GZHAG CES RTOG PA LA SKAD KYI DBYINGS GZHAN PA NYID DU BYAS NAS NANG GI TSE BRJOD PA MED PAR STON PA DE YANG STON PA'I DON YIN PA LA 'GAL BA MED PAS CHOS STON PA ZHES BYA BA LA SOGS PAS STON PA YIN TE, GANG GI PHYIR GANG LAS SHES RAB KYI PHA ROL TU PHYIN PA LA SOGS PA'I BRJOD PAR BYA BA'I CHOS TSIG TU STON PA'I PHYOGS TSIG TU BRJOD PAR 'DOD PA LA SOGS PA NYE BAR BSTAN PA'I DON YIN NA YANG BYIN RLAB KYI NYAN PA @180B PO'I RGYUD LA DA LTAR KHYAD PAR DANG BCAS PA'I SHES PA NGES PAR SKYE BAR 'GYUR BAS STON PA NI BSKRUN PA'I DON LA YANG RIGS PA YIN PAS 'GAL BA MED DE SKAD KYI DBYINGS KYI DON NI DON DU MA YIN NO ZHES BYA BAR DGONGS SO, ,DE LTAR KHYAD ZHUGS PA BRJOD NAS ZHES BYA BA LA SOGS PA NI GO SLA'O, , GZUNG BA'I RTOG PA ZHES BYA BA LA SOGS PA'I TSIG LE'UR BYAS PA'I TSIG LE'UR BYAS PA'I DON NI GZUNG BA DANG ZHES BYA BA LA SOGS PA SMOS PA YIN TE, GZUNG BA DANG 'DZIN PA NYID NI DON YIN TE, YUL YIN PA DE LA GANG RNAM PAR RTOG PA STE, DE DAG GI GO RIMS BZHIN DU SPANGS PA DANG MA SPANGS PA ZHES BYA BA GZUNG BA'I YUL GYI RNAM PAR RTOG PA NI SPANGS PA DANG, 'DZIN PA'I YUL GYI RNAM PAR RTOG PA NI MA SPANGS PA STE, GZUNG BA LA SOGS PA NI BSHAD ZIN TO, ,RANG SANGS RGYAS KYI THEG PAS _ZHES BYA BA LAM GYIS BSDUS PA RTEN PA'I CHOS RANG NYID RTOGS PA PO LA SOGS PA GANG YIN PA DE'I GZHI'I KHYAD PAR GYIS RANG NYID RTOGS PA LA SOGS PA'I RTEN NYID KYIS PHYE BAS SO, ,JI SKAD DU BSHAD PA'I ZHES BYA BA LA SOGS PA LA GZHI JI LTAR BA BZHIN DU RTEN CING 'BREL PAR 'BYUNG BA RNAM PAR BSGOMS PA NYID KYIS ZHES BYA BA GZUGS LA SOGS PA'I DNGOS PO RNAMS RTOGS PA LAS MA 'DAS PAS SGYU MA BYED PAS SPRUL PA LTA BUR SGYU MA LA SOGS PA LAS SKYES PA NYID YIN PAS YANG DAG PAR GZUGS LA SOGS PA NI RIGS PA MA YIN PA DANG, SKYE BA MED PAR BSGOMS PAS CHOS KHYAD PAR DU 'PHAGS PA RTOGS SHING RANG GI KHONG DU CHUD PA LA SOGS PA YIN PAR YONGS SU SHES PAR BYA BA YIN GYI RNAM PA THAMS CAD MKHYEN PA NYID NI MA YIN NO ZHES BYA BA MNGON SUM DU NI MI BYA'O, ,BRTAGS PA'I CHOS NYID CES BYA BA LA SOGS PA TSIG LE'UR BYAS PA'I DON NI GZUGS LA SOGS PA ZHES BYA BA LA SOGS PA SMOS PA YIN TE, GZUGS LA SOGS PA'I CHOS BRDA LAS BYUNG BA NI SANGS RGYAS LA SOGS PAS NGO BO NYID DANG RGYU LAS NGES PAR BYAS PA NI BRTAGS PA STE MING NGO, ,DE'I CHOS NYID DANG MI 'GAL BAR NI JI LTAR RGYAL BA DANG 'GRO BA LA GRAGS PAS STON PA'O, ,BRTAGS PA'I ZHES BYA BA LA SOGS PA DANG, STON PA'I @181A *, ,RNAM PA DRIR GYUR PA, ,ZHES BYA BA LA SOGS PA'I BSHAD PA YIN NO, ,GZUGS LA SOGS PA LA ZHES BYA BA LA SOGS PAS NI RTZE MOR GYUR PA ZHES BYA BA LA SOGS PA'I BSHAD PA YIN NO, ,NGO BO NYID KYIS STONG PA NYID KYI PHYIR ZHES BYA BA LA SOGS PAS NI NANG STONG PA NYID CES BYA BA LA SOGS PA'I BSHAD PA YIN NO, ,GZUGS LA SOGS PA LA SKYE BA DANG ZHES BYA BA LA SOGS PA NI GZUGS LA SOGS PA SKYE BA MED CES BYA BA LA SOGS PA'I BSHAD PA YIN NO, ,RANG SANGS RGYAS KYI ZHES BYA BA LA SOGS PA LA BZOD PA NYID SNGON DU 'GRO BA CAN NYID 'PHAGS PA'I BDEN PA BZHI PO SO SO'I MA SKYES PA LA SOGS PA YOD PA LA SHES PA GNYIS SKYE BAS BZOD PA DAG DANG SHES PA DAG STE, BZOD PA DANG SHES PA BZHI YIN LA, DE NYID NI SKAD CIG MA YIN TE, BZOD PA DANG SHES PA'I SKAD CIG MA DE RNAMS SO, ,BDEN DANG BDEN LA ZHES BYA BA SO SOR BDEN PA BZHI DANG 'BREL PA RNAM PA BZHIS LAM SHES PA NYID LA MTHONG BA'I LAM GYI PHAN YON DANG BCAS PA STE, 'BRAS BU DANG BCAS PAR BSHAD DO, ,TSIG LE'UR BYAS PA'I DON NI SDUG BSNGAL LA SOGS PA'I BDEN PA'I CHOS MI RTAG PA DANG, SDUG BSNGAL BA DANG STONG PA LA SOGS PA'I CHOS GANG YIN PA DE'I SHES PA NI MI DMIGS PAR SHES PA'O, ,DE LA BZOD PA NI 'DOD PA STE CHOS SHES PA'I BZOD PA'O, ,BZOD PA SNGON DU 'GRO BA'I CHOS DE LA DE BZHIN DU SHES PA NI CHOS SHES PA'O, ,DE BZHIN DU SDUG BSNGAL LA SOGS PA LA MA SKYES PA LA SOGS PA YOD PA LA SNGA MA BZHIN DU CHOS GANG YIN PA DE'I SHES PA MI DMIGS PA GANG YIN PA DE NI RJES SU CHOS SHES PA'I BZOD PA YIN NO, ,RJES SU SHES PA YANG DE BZHIN NO, ,DE LTAR NA BZOD PA DANG, SHES PA'I MTSAN NYID BZHI PO DE RNAMS LA SOGS PAS, 'DI DANG GZHAN PA'I YON TAN DANG, ,ZHES BYA BA PHYIR MI LDOG PA LA SOGS PA 'DI DANG SKYE BA DRAN PA LA SOGS PA GZHAN PA'I YON TAN CHOS DANG RJES SU MTHUN PA DAG DANG LDAN PA'O, ,DE NYID KYIS NA PHAN YON CHEN PO STE, ,DE LA SOGS PA'I 'BRAS BU THAMS CAD LA @181B MCHOG TU GYUR PA STER BA YIN PA'I PHYIR RO, ,RNAM PA JI LTA BUR ZHES BYA BA LA SOGS PAS NI RNAM PA BCU DRUG GSUNGS PA YIN NO, ,DE BZHIN NYID DANG ZHES BYA BA LA SOGS PAS NI 'DI SKAD STON TE, DE BZHIN NYID DANG SANGS RGYAS DAG ,RTEN DANG BRTEN PA PO'I RNAM GRANGS SU KHAS MI LEN PA NI SDUG BSNGAL LA CHOS SHES PA'I BZOD PA'I RNAM PA YIN NO, ,CHEN PO NYID NI SDUG BSNGAL LA CHOS SHES PA'I RNAM PA YIN NO, ,TSAD MED PA NYID NI RJES SU SHES PA'I BZOD PA'I RNAM PA YIN NO, ,DPAG TU MED PA NI RJES SU CHOS SHES PA'I RNAM PA YIN NO, ,MTHA' NYID LA SOGS PA MED PA NI KUN 'BYUNG LA SHES PA'I BZOD PA'I RNAM PA YIN NO, ,SANGS RGYAS NYID DU NGES PAR 'DZIN PA NI KUN 'BYUNG LA CHOS SHES PA'I RNAM PA'O, ,BLANG BA MED PA DANG DOR BA MED PA NI RJES SU CHOS SHES PA'I BZOD PA'I RNAM PA YIN NO, , BYAMS PA LA SOGS PA BSGOMS PA NI RJES SU CHOS SHES PA'I RNAM PA YIN NO, ,STONG PA NYID NI 'GOG PA LA CHOS SHES PA'I BZOD PA'I RNAM PA'O, ,SANGS RGYAS NYID THOB PA NI 'GOG PA LA CHOS SHES PA'I RNAM PA'O, ,RNAM PAR BYANG BA THAMS CAD NI RJES SU CHOS SHES PA'I BZOD PA'I RNAM PA'O, ,NYAM NGA BA DANG NAD KUN SEL BA NI RJES SU CHOS SHES PA'I RNAM PA'O, ,MYA NGAN LAS 'DAS PA LAS 'DZIN PA BZHI NYID NI LAM LA CHOS SHES PA'I BZOD PA'I RNAM PA'O, ,SANGS RGYAS RNAMS KYIS BSRUNG BA LA SOGS PA NI LAM LA CHOS SHES PA'I RNAM PA'O, ,DGE BA BCU LA SEMS CAN RNAMS DGOD PA NI RJES SU CHOS SHES PA'I BZOD PA'I RNAM PA'O, ,SBYIN PA LA SOGS PA'I DGE BA SANGS RGYAS NYID DU YONGS SU BSNGO BA NI LAM LA RJES SU CHOS SHES PA'I RNAM PA YIN NO, ,GZHAN DAG NA RE, SHES PA DANG RNAM PAR SBYAR BA NI SHES PA'I RNAM PA GZHAN DU MI 'THAD PAS RNAM PA 'DI DAG NYID KYANG BDEN PA RNAMS KHO NA'I YIN PAR BLTA BAR BYA'O ZHES ZER RO, ,MTHONG BA'I LAM 'DI'I YANG NGES PAR 'BYED PA'I CHA DANG MTHUN PA NI RNAM PA THAMS CAD MKHYEN PA NYID DU GSUNGS PA GZUNG BAR BYA'O, ,GAL TE @182A *, ,DE LTA YIN NA DER YANG RAB TU DGA' BA'I SA LA SOGS PA BRJOD PA YOD PAS BYANG CHUB SEMS DPA' RNAMS KYI MTHONG BA'I LAM BSTAN PA YIN PA'I PHYIR YANG CI'I PHYIR SMOS SHE NA BRJOD PAR BYA STE, DE BZHIN GSHEGS PA RNAMS KYI NI RNAM PA THAMS CAD MKHYEN PA NYID YIN NO ZHES BRJOD PAS, RGYU DANG 'BRAS BU MA LUS PA RTOGS PA LA LTOS PA YIN PAS RGYAL BA'I SRAS RNAMS KYI NI DE LAS GSUNGS PA'I LAM DU MI 'GYUR BAR DOGS PA BZLOG PA'I DON DU DE NYID LAS RGYU TZAM ZHIG BGRANGS NAS RGYAL BA'I SRAS RNAMS KYI MTHONG BA LA SOGS PA'I LAM GYI BDAG NYID CAN LAM SHES PA NYID DU LOGS SHIG TU BZHAG PA YIN NO, ,DE LTAR 'PHAGS PA RNAM PAR GROL SDE'I BSHAD PA'I RJES SU 'BRANGS PA YIN PA'I PHYIR BZOD PA ZHES BYA BA LA SOGS PA BSHAD MA THAG PA'I MTHONG BA'I LAM GYI RNAM PA YIN PAR BZANG PO'I ZHAL SNGA NAS KYIS SBYAR BA YIN NO, ,GZHAN DAG NI MTHONG BA'I LAM GYI GZHUNG DANG DON MA LUS PA RNAM PA DANG SBYAR BA MA YIN PAS KHA CIG NI ZHES BYA BA LA SOGS PA SMOS PA YIN TE, KHA CIG CES BYA BA NI YANG SLOB DPON LA LA GZHAN DU 'CHAD DE DE NI, BDEN DANG BDEN LA BZOD PA DANG, ,ZHES BYA BA LA SOGS PA'I TSIG LE'UR BYAS PA'I DON GANG YIN PA NI SHES PA'I SKAD CIG MA BCU DRUG GI BDAG NYID CAN YIN LA, DE'I NYE BAR MTSON PA LHUR LEN PA'I GZHUNG GIS RNAM PA'I DON BSTAN PAS, DE BZHIN NYID DANG SANGS RGYAS DAG ,CES BYA BA LA SOGS PA'I TSIG LE'UR BYAS PAS RNAM PA'I DON MA BSHAD PAR ZHES BYA BA GZUGS LA SOS PA'I DE BZHIN NYID DANG SANGS RGYAS DAG RTEN DANG BRTEN PA PO'I RIM PAR MI GNAS PA NI SDUG BSNGAL LA CHOS SHES PA'I BZOD PA'I RNAM PA YIN NO ZHES BYA BA LA SOGS PA'I NGES PAS RNAM PA'I RANG GI NGO BO MA BRJOD PAR, NYAN THOS LA SOGS PA'I MTHONG BA'I LAM JI SNYED BSHAD PA DE LA SKAD CIG MA BCU DRUG GANG YIN PA NI SDUG BSNGAL LA CHOS SHES PA LA SOGS PA'I BZOD PA'O, ,DE'I NYE BAR MTSON PA NYI TSER MDZAD CING SBYAR BAR ZAD PAS 'DIR YANG BYANG CHUB @182B SEMS DPA'I MTHONG BA'I LAM GYI RNAM PA 'BA' ZHIG SMOS PA NI MA YIN NO ZHES SBYAR BAR MI BYA'O ZHES BYA BA NI 'DI'I DGONGS PA YIN NO, ,DES CIR 'GYUR ZHE NA, BSHAD PA DANG MA BSHAD PA'I RAB TU BYED PA MA LUS PA NI MTHONG BA'I LAM STON PAR BYED PA YIN LA, DE YANG, DE BZHIN NYID DANG SANGS RGYAS DAG ,CES BYA BA LA SOGS PA'I TSIG LE'UR BYAS PA RNAMS DANG SBYAR BAR BLTA'O, ,PHYOGS 'DI LA BZANG PO'I ZHAL SNGA NAS KYI NYES PA BRJOD PA NI DE DAG GIS NI ZHES BYA BA LA SOGS PA SMOS PA YIN TE, SLOB DPON DE DAG GIS NI BSGOM PA'I GO RIMS LA SOGS PA MA BSTAN PA'I PHYIR ZHES BYA BA MNGON PAR RTOGS PA LAS GSUNGS PA'I RIM GYIS BSGOM ZHING BSLAB PA'I GO RIMS SO, ,SOGS PA'I SGRA NI BSGOM PA RAB KYI MTHAR PHYIN PA STE, DE LAS KYANG SANGS RGYAS NYID BSGRUB PA YIN LA 'DIS NI MNGON PAR RTOGS PA'I RIM PA CUNG ZAD KYANG MA BSTAN TO ZHES BYA BA SNGAR BSHAD PA'I SEMS BSKYED PA LA SOGS PA'I LAM DE'I RAB KYI MTHA' SANGS RGYAS NYID BSGRUB PA'I GO RIMS CUNG ZAD KYANG MA BSHAD LA THAMS CAD DU 'BREL PA'I DBANG DU BYAS PA'I GO RIMS MED PAS, STONG PHRAG BRGYA BA LA SOGS PA LTAR 'TSOL BAR 'GYUR RO ZHES BYA BAR DGONGS SO, ,NYES PA GZHAN YANG ZHES BYA BA LA SOGS PA SMOS PA YIN TE, DMIGS PA DANG NI ZHES BYA BA LA SOGS PA SMOS PA'I DON DRO BA LA SOGS PA'I DMIGS PA DANG RNAM PA'I KHYAD PAR NYAN THOS RNAMS LAS GANG YANG SHIN TU KHYAD ZHUGS PAR BSTAN PA DE YANG MED PAR 'GYUR TE, ,PHYOGS 'DI LA NI THUN MONG YIN PA'I PHYIR RO, ,DE LTAR NA PHYOGS 'DI NI LEGS PA MA YIN PA SNYAM SEMS SO, ,'DOD CHAGS LA SOGS PA'I NYON MONGS PA'I TSOGS KYI RTZA BA NI DNGOS PO LA MNGON PAR ZHEN PA YIN LA DE DANG MI MTHUN PA NI BDAG MED PA LA GOMS PA DANG, SDUG BSNGAL GYI PHUNG PO LA SOGS PA DNGOS PO LA DMIGS PA DAG NI PHAN TSUN 'GAL BA YIN PA'I PHYIR BDAG MED PA GOMS PA 'GRUB PAR MI 'GYUR BA MA YIN NAM, JI LTAR NA DE'I RGYU CAN SDUG @183A *, ,BSNGAL GYI PHUNG PO LA SOGS PA'I YUL RNAM PA BCU DRUG LA DMIGS PAS 'DIR SDUG BSNGAL LA CHOS SHES PA'I BZOD PA LA SOGS PAR 'GYUR ZHE NA, MA YIN TE GANG GI PHYIR, DE BZHIN NYID DANG SANGS RGYAS DAG ,CES BYA BA LA SOGS PA'I TSIG LE'UR BYAS PA RNAMS KYIS SDUG BSNGAL LA SOGS PA RNAM PA BCU DRUG GI RTEN CING 'BREL PAR 'BYUNG BA NYID YIN PAR BSTAN PAS DNGOS PO MED PA NYID DU JI SKAD GSUNGS PA DE BZHIN DU BSLABS PA NA, CHOS NYID KYIS DE SKYED PAR BYED PAR 'GYUR BAS DON DAM PAR DON GYI BYA BA MI 'THAD PA'I PHYIR ZHES THAMS CAD DU SHES PAR BYA'O, ,MTHONG BA'I LAM GYI ZHES BYA BA LA SOGS PA NI GO SLA'O, ,MOS PA RANG GI DON DANG NI, ,ZHES BYA BA LA SOGS PA'I TSIG LE'UR BYAS PA'I DON NI RANG DANG GZHAN DANG ZHES BYA BA LA SOGS PA YIN TE, ,RANG DANG GZHAN DANG GNYI GA'I DON LA DMIGS PA NYID CES BYA BA LA RANG GI DON LA DMIGS PA NI RANG NYID SNOD DU RUNG BA NYID KYI PHYIR RO, ,GZHAN GYI DON LA DMIGS PA NI GDUL BYA SNOD DU RUNG BA'I DON NYID YIN PA'I PHYIR RO, ,RANG DANG GZHAN GYI DON LA DMIGS PA NI RANG DANG GZHAN SNOD DU RUNG BA'I DON NYID KYI PHYIR RO, , JI LTAR MOS PA BZHIN DU ZHES BYA BA NI BDAG MED PA LAS MA 'DAS PAS SO, ,MTHONG BA NI BCOM LDAN 'DAS KYIS BYANG CHUB KYI LAM NYID DU THUGS SU CHUD PA'O, ,DGE BA'I CHOS GANG YIN PA NI MA CHAGS PA LA SOGS PA'I NGO BO NYID YIN PA'I PHYIR SEMS BSKYED PA LA SOGS PA'O, ,DE'I RTEN YIN NA YANG ZHES BYA BA NI DE'I GZHI YIN NA YANG NGO, ,DANG POR NI THOG MAR RO, ,MNGON DU MI BYED PA'I NGO BO NI RANG DANG GZHAN DANG GNYI GA'I PHYIR SEMS BSKYED PA LA SOGS PA LA DMIGS PA NI 'DIR MNGON PAR MA ZHEN PA'I RNAM PA NYID YIN PA'I PHYIR RO, ,GANG LAS SHE NA BSGOM PA'I LAM GYI DBANG DU BYAS PA LAS ZHES BYA BA SMOS TE, GOMS PA'I GNAS SKABS LAS TE, RAB KYI MTHAR THUG PA MED PAR SLOB PA'I DUS SU MNGON SUM DU BYA BA NI SU LA YANG YOD PA MA YIN NO ZHES BYA BAR DGONGS SO, ,RANG GI DON LA MOS PA NYID NI 'DI @183B LTAR RNAM PA DGU NYID YIN TE, 'DI LTA STE CHUNG NGU'I CHUNG NGU DANG, CHUNG NGU'I 'BRING DANG, CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO'O, ,DE BZHIN DU GZHAN GYI DON LA MOS PA DANG GNYI GA'I DON LA MOS PA LA RE RE ZHING DGU DGU STE, MOS PA RNAM PA NYI SHU RTZA BDUN NO, ,SNGON GYI SLOB DPON RNAMS KYIS CHUNG DU DANG 'BRING LA SOGS PA'I BDAG NYID CAN 'DI NI GNYEN PO NYID YIN PAS MI MTHUN PA'I PHYOGS CHEN PO'I CHEN PO LA SOGS PA RNAM PA NYI SHU RTZA BDUN YANG DON GYIS SHES PAR BYA'O ZHES 'CHAD DO, ,LUNG LAS BCOM LDAN 'DAS BYANG CHUB SEMS DPA' SEMS DPA' CHEN PO THAMS CAD KYANG, SANGS RGYAS THAMS CAD KYIS BSTOD CING BKUR LA BSNGAGS PA DANG, THABS GCIG TU BZHUGS SO ZHES GSUNGS PAS, BYANG CHUB SEMS DPA'I LHAG PAR MOS PA'I STON PA NI, DE BSGOM PA'I BYANG CHUB SEMS DPA' ZHES BYA BA LA SOGS PA SMOS PA YIN TE, BSNGO BA KHYAD PAR CAN NI BDAG MED PA LA LHAG PAR MOS PA DANG, SEMS CAN THAMS CAD KYI DON DAG GI NYAN THOS LA SOGS PA LAS KHYAD PAR DU 'PHAGS PA YIN PA'I PHYIR RO, ,YANG DE'I BYED PA MCHOG NI RANG DANG GZHAN DAG GI BYANG CHUB SGRUB PA'O, ,DMIGS MED RNAM PA ZHES BYA BA LA SOGS PA NI RANG DANG GZHAN DANG GNYI GA'I SEMS BSKYED PA LA SOGS PAR BYED PA'I YID LA BYED PA NI LHAG PAR MOS PA'I YID LA BYED PA ZHES BSHAD DO, ,MOS PA DANG BSNGO BA YID LA BYED PA DAG SNGON DANG PHYI MAR GNAS PA DAG GI YUL NI SEMS BSKYED PA LA SOGS PA YIN PA'I PHYIR YUL GYI KHYAD PAR MED DO ZHES BYA BA'I DGONGS PA DANG LDAN PAS JI SKAD BSHAD PA'I MI DMIGS PA ZHES BYA BA LA SOGS PA SMOS TE, ,JI SKAD DU BSHAD PA'I MOS PA'I KHYAD PAR MI DMIGS PA GANG ZHIG YIN ZHE NA, MI DMIGS PA STE, DE NI DMIGS MED RNAM PA CAN, ,ZHES BYA BA YANG 'DI NI YONGS SU BSNGO BA'I YID LA BYED PA DMIGS PA MED PA ZHES BYA BA YIN NO, ,BDAG TU LTA BA LA SOGS @184A *, ,PA'I LTA BA PHYIN CI LOG MED PAS PHYIN CI MA LOG PA STE, PHYIN CI MA LOG MTSAN NYID DO, ,ZHES BYA BA'O, ,GZUNG BA LA SOGS PA MED PAS DBEN PA'O, ,DE BZHIN GSHEGS PA'I ZHES BYA BA LA SOGS PAS SANGS RGYAS ZHES BYA BA LA SOGS PA'I DON STON PA YIN NO, , SEMS MA ZHUM PA LA SOGS PA DANG LDAN PAS THABS LA MKHAS PA DANG BCAS PA'O, ,SBYIN PAR BYA BA LA SOGS PA MI DMIGS PAS MTSAN MA MED PA'O, ,SANGS RGYAS DGYES PA YIN PAS SANGS RGYAS KYIS GNANG BA'O, ,'DOD PA LA SOGS PA'I KHAMS LA MNGON PAR ZHEN PA MED PA YIN PA'I PHYIR KHAMS GSUM PAR MA GTOGS PA STE, THABS BCAS ZHES BYA BA LA SOGS PA BSHAD PA YIN NO, ,CHUNG DANG 'BRING DANG CHEN PO YI, ,BSNGO BA GZHAN NI RNAM GSUM DANG, ,ZHES BYA BA NI BSHAD ZIN TO, ,THAMS CAD LAS MCHOG TU GYUR BA'I BSOD NAMS KYI BDAG NYID SKYED PA YIN PA'I PHYIR, BSOD NAMS CHE 'BYUNG BDAG NYID DO, ,ZHES BYA BA STE, BSOD NAMS CHEN PO ZHES BYA BA LA SOGS PA NI BSHAD ZIN TO, ,DE LTAR MING DU BTAGS PA'I YID LA BYED PAS DMIGS PA MED PA LA SOGS PA'I MING CAN GYI YONGS SU BSNGO BA'I YID LA BYED PA BCU GNYIS MI DMIGS PA LA DMIGS PAS THEG PA GSUM GYIS GDUL BAR BYA BA'I SEMS CAN LA DE RNAMS KYI LAM NYE BAR STON PA'I RGYU'I NGO BO'I BYED PA DANG LDAN PA GANG YIN PA DE DANG LDAN PA RNAMS KYIS SEMS CAN THAMS CAD KYI DON MI ZAD PAR BYA BA'I PHYIR ZHES BYA BA BYANG CHUB KYI BAR DU 'PHEL BAR BYA BA'I DON DU BSNGO BA RNAM PA BCU GNYIS KYIS SNGO BAR BYED DO, ,GANG ZHIG MI DMIGS PA LA DMIGS PA'I BSNGO BA'I YID LA BYED PA DE NI GO RIMS BZHIN DU ZHES BYA BA LA SOGS PA SMOS PA YIN TE, BLA NA MED PA'I BYANG CHUB NI 'TSANG RGYA BA NYID DO, ,TSUL KHRIMS LA SOGS PA'I PHUNG PO NI ZAG PA MED PA'I TSUL KHRIMS DANG, TING NGE 'DZIN LA SOGS PA'O, ,SEMS GANG GIS SNGO BAR BYED PA DE DANG DE'I BDAG LA SOGS PA DANG LDAN PA'I GZHI CAN NI BDAG DANG GZHAN GYI RNAM PAR RTOG PA'I NYON MONGS PA'I PHUNG PO'O, ,DUS GSUM GYI SANGS RGYAS KYI DGE BA NI BYUNG BA DANG @184B 'BYUNG BAR 'GYUR BA DANG, DA LTAR BYUNG BA'I SANGS RGYAS RNAMS KYI BSOD NAMS SO, ,SBYIN PA LA SOGS PA DANG MTSAN MA NI SBYIN PAR BYA BA LA SOGS PA 'TSANG RGYA BA'I RGYU NYID DO, ,LAM THAMS CAD NI THEG PA GSUM MO, ,'DOD PA LA SOGS PA'I KHAMS NI 'DOD PA DANG GZUGS DANG GZUGS MED PA'I KHAMS SO, ,DGE BA BCU LA SOGS PA'I LAS KYI LAM NI SROG GCOD PA LAS LDOG PA LA SOGS PA'O, ,RGYUN TU ZHUGS PA LA SOGS PA NI RGYUN TU ZHUGS PA DANG LAN CIG PHYIR 'ONG BA LA SOGS PA'O, ,BLA NA MED PA YANG DAG PAR RDZOGS PA'I BYANG CHUB LA GNAS PA RNAMS ZHES BYA BA NI BYANG CHUB SEMS DPA' RNAMS KYIS YONGS SU BSNGO BA KHYAD PAR CAN ZHES BYA BA LA SOGS PA BSHAD PA YIN NO, ,'DIS NI SEMS BSKYED PA LA SOGS PA SNGA MA BZHIN DU MOS NAS BLA NA MED PA YANG DAG PAR RDZOGS PA'I BYANG CHUB MI DMIGS PA LA SOGS PA'I BSAM PAS SEMS CAN RNAMS THEG PA GSUM GYI RIM GYIS YANG DAG PAR RDZOGS PA'I BYANG CHUB THOB PAR BYA BA'I PHYIR DGE BA'I RTZA BA DE BSNGO BAR BYA'O ZHES BYA BAR DGONGS SO, ,BSGOM PA'I LAM GYI RJES SU YI RANG BA BSGOM PA ZHES BYA BA'I TSIG LE'UR BYAS PA DANG 'GREL PA NI GO SLA'O, ,CHOS KYIS PHONGS PA'I RGYU NI RANG GI CHOS MNYAN PA LA SOGS PA MA THOB PA'I RGYU RNAMS SO, ,SHIN TU RNAM PAR DAG PA'I SKABS YIN PAS RNAM PAR DAG PA SPYIR YIN TE, KUN RDZOB DE BZHIN NYID GANG YIN, ,DE NI DON DAM PA YIR 'DOD, ,CES BYA BA'I TSUL GYIS DE LTAR THOB PA DANG ZHES BYA BA LA SOGS PA SMOS PA YIN TE; 'BRAS BU DAG PA ZHES BYA BA LA SOGS PA'I TSIG LE'UR BYAS PA'I DON NI 'PHAGS PA'I GANG ZAG CES BYA BA LA SOGS PA YIN TE, 'PHAGS PA'I GANG ZAG NI NYAN THOS LA SOGS PA'O, ,DE'I DGE SBYONG GI TSUL GYI 'BRAS BU GANG YIN PA NI RGYUN TU ZHUGS PA LA SOGS PA'O, ,DE'I MI MTHUN PA'I PHYOGS GANG YIN PA THAMS CAD DE, DE DANG BRAL BA NYID KYIS RNAM PAR DAG PA STE DRI MA MED PA'O, ,DE GANG YIN ZHE NA, GANG GZUGS LA SOGS PA'I RNAM PAR DAG PA STE, GZUNG BA LA SOGS PA MED PAS GZUGS LA SOGS PA'I STONG PA NYID DO, ,'BRAS BU LA SOGS PA NI BSHAD @185A *, ,ZIN TO, ,CI'I PHYIR ZHE NA, 'BRAS BU STE, RGYUN TU ZHUGS PA LA SOGS PA'I SNGA MA BZHIN DU RNAM PAR DAG PA GANG YIN PA DANG, GZUGS LA SOGS PA LA BDAG TU MNGON PAR ZHEN PA STE, DON DAM PAR YOD PAR ZHEN PA GANG YIN PA DE DAG DANG BRAL BAS RAB TU PHYE BA NYID KYIS NA DE BZHIN NYID DANG GZUGS NI GCIG PA NYID DO, ,DON 'DI NYID NI GANG GI PHYIR ZHES BYA BA LA SOGS PA SMOS PA YIN TE, DE DAG GI RNAM PAR DAG PA ZHES BYA BA GANG GI PHYIR 'TSANG RGYA BA NYID DANG, GZUGS LA SOGS PA'I DAG PA DAG NI THA MI DAD CING BCAD DU MED PA NYID DO, ,DON MTSUNGS PA YIN NA YANG KHYAD PAR GYI SGO NAS THA DAD PA'I SGRAR BRJOD PA'I RGYU NI RANG DANG SPYI'I ZHES BYA BA LA SOGS PA SMOS PA YIN TE, RANG DANG SPYI'I MTSAN NYID THA DAD PA NYID MA YIN PAS DE'I PHYIR ZHES BYA BA NI 'BRAS BU DANG GZUGS LA SOGS PA'I RANG DANG SPYI JI LTAR GRAGS PA'O, ,YANG NA GNYIS SU MED PA'I YE SHES KHO NA SKAD CIG MA GCIG PA NYID DU GYUR PA NYID KYI PHYIR DANG, GONG NAS GONG DU RIM GYIS RGYUD LA GNAS PA YIN PA'I PHYIR RANG DANG SPYI'O, ,DE DAG GI MTSAN NYID DE, DON DAM PAR NI SGYU MA LTA BU'I NGO BO NYID DE DE DANG 'DRA BAR THA DAD PA NYID MA YIN PA'I NGO BO NYID YIN NO, ,DE LTAR NA RANG DANG SPYI'I MTSAN NYID THA DAD PA DANG BRAL BAS GO RIMS BZHIN DU DE DAG GI RNAM PAR DAG PA NI THA MI DAD CING BCAD DU MED PA NYID PA YIN NO, YANG NA 'DIR 'DI DAG NI YANG DAG PA NYID DU SNA TSOGS PA'I MTSAN NYID KYI DBYE BA MED PAS THA MI DAD PA YIN LA, RAB TU DBYE BA'I MTSAN NYID KYI BCAD PA MED PAS BCAD DU MED PA NYID YIN NO, ,GANG GI PHYIR DE LTAR YIN PA'I PHYIR RNAM PAR DAG PA YIN TE, GZUGS LA SOGS PA'I RNAM PAR PA GANG YIN PA DE NYID 'BRAS BU'I RNAM PAR DAG PA YIN NO ZHES BSHAD DO, ,DE GNYIS ZHES BYA BA LA SOGS PA NI BSHAD ZIN TO, ,RNAM PAR DAG PA'I KHYAD PAR NI RNAM PAR DAG PA SPYIR BRJOD NAS ZHES BYA BA LA SOGS PA SMOS PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZHUNG CHOS KYI @185B GRAGS PAS DKA' 'GREL TU BYAS PA LAS SKABS GNYIS PA'I 'GREL PA'I BSHAD PA'O,, ,,GZHI THAMS CAD CES BYA BA LA SOGS PAS RAB TU BYED PA'I 'GREL PA BRJOD NAS THAMS CAD SHES PA NYID BSHAD PA YIN NO, ,TSU ROL ZHES BYA BA LA SOGS PA'I TSIG LE'UR BYAS PA RNAM PAR 'GREL PA NI DUS GSUM PA'I ZHES BYA BA LA SOGS PA YIN TE, DUS GSUM PA'I CHOS RNAMS NI DUS GSUM DU GNAS PA'I GZUGS LA SOGS PA'O, ,SKYE BA MED PA'I RNAM PAR TE, ,RTEN CING 'BREL PAR 'BYUNG BA NYID KYI MA SKYES PA NYID YIN PAR MNYAM PA NYID DU RTOGS PAS ZHES BYA BAR GCIG PA NYID DU SHES PA'O, ,SANGS RGYAS DANG BYANG CHUB SEMS DPA' RNAMS LA NYE BAR GYUR BA'I SHES RAB KYI PHA ROL TU PHYIN PAR 'DOD PA RANG GI SEMS LA GNAS PA'I GNYIS SU MED PA'I YE SHES GANG YIN PA'I NGO BO DE NI NYAN THOS LA SOGS PA GZHAN DAG GI MA YIN TE, DE RNAMS LA GZUNG BA LA SOGS PA'I BAG CHAGS YOD PAS THAMS CAD DU 'GRO BA'I SKYE BA MED PA'I YE SHES MED PA'I PHYIR RO, ,DUS RNAMS ZHES BYA BA LA SOGS PA NI BSHAD ZIN TO, ,DE GANG LA YANG MI GNAS PA NI TSU ROL ZHES BYA BA LA SOGS PA YIN TE, RGYAL BA'I SRAS RNAMS KYI SHES RAB KYI PHA ROL TU PHYIN PA NI TSU ROL GYI MTHA' NI 'KHOR BA STE, SO SO'I SKYE BO LA SOGS PAS BGROD CING MTHONG BA NYID KYIS NYE BAR GYUR BA'I PHYIR SRID PA'I MTHAR MI GNAS SHING MNGON PAR ZHUGS PA YIN NO, ,CI'I PHYIR ZHE NA, SHES RAB KYIS ZHES BYA BA STE, SHES RAB KYI PHA ROL TU PHYIN PA LA SOGS PA'I TSUL PHYIN CI MA LOG PAR THOS PA LA SOGS PAS SHES PA'I PHYIR RO, ,PHA ROL GYI MTHA' NI MYA NGAN LAS 'DAS PA STE, SO SO'I SKYE BO RNAMS KYIS BGROD PAR BYA BA MA YIN ZHING MA MTHONG BA NYID KYIS MTHA' RING BA'I MYA NGAN LAS 'DAS PA LA MI GNAS SO, ,CI'I PHYIR ZHE NA SNYING RJES ZHES BYA BA STE, SEMS CAN MA LUS PA LA DMIGS PA'I SNYING RJES SO, ,SRID PA DANG ZHI BA 'DI DAG RNAM GRANGS GZHAN GYIS BSAL BAR BYA BA NI GO RIMS BZHIN DU BDAG LA SOGS PAR LTA BA DANG MI LTA BAR GYUR PA NYID KYIS SRID PA DANG MYA NGAN LAS 'DAS PA NI RTAG PA DANG CHAD PA'I @186A *, ,MTSAN NYID YIN LA, DE DAG GI BAR NA MI GNAS PA NI YANG DAG PAR NA SRID PA DANG ZHI BDAG MED PAS DE'I BAR YANG YOD PA MA YIN PA'I PHYIR RO, ,DE LTAR NA SHES RAB KYI PHA ROL TU PHYIN PA GANG YIN ZHE NA, TSUL DE LTAR NA SRID PA DANG MYA NGAN LAS 'DAS PA MTHA' DANG BAR NA GNAS PA MED PAS SRID PA DANG ZHI BA LA MI GNAS PA YIN TE, SRID PA DANG MYA NGAN LAS 'DAS PA LA MNGON PAR ZHEN PA MED PA NI SHES RAB KYI PHA ROL TU PHYIN PA YIN PAR BSHAD DO, ,'DIS NI SHES RAB KYI ZHES BYA BA LA SOGS PA BSHAD PA YIN NO, ,BYANG CHUB SEMS DPA' RNAMS KYI YUM RJES SU 'GRO BA'I SGO NAS BSHAD NAS LDOG PA'I SGO NAS NYAN THOS LA SOGS PA RNAMS LA DE MED PA NI KUN SHES PA ZHES BYA BA LA SOGS PA YIN TE, KUN SHES PA NYID KYI GNAS SKABS SU ZHES BYA BA NI THAMS CAD SHES PA'I DBANG DU BYAS PAR BZLOG STE BSTAN PAS ZHES BYA BA BYANG CHUB SEMS DPA' LAS GO BZLOG PA'I SGO NAS BSHAD PA YIN PA'I PHYIR RO, ,NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR ZHES BYA BA DUS GSUM DU GNAS PA'I DNGOS PO SKYE BA MED PAR SHES PA MED PAS SO, ,YANG DAG PA'I SHES RAB KYI PHA ROL TU PHYIN PA DANG RING BAR GYUR PAS ZHES BYA BA NI THAMS CAD DU MNGON PAR ZHEN PA MED PA'I SHES PA RING DU SPANGS PA YIN TE, DE NI DUS GSUM GYI DNGOS PO SKYE BA MED PAR SHES PA'I BDAG NYID CAN YIN PA'I PHYIR RO, ,DE LTAR GYUR PA RANG GIS RTOGS PA TZAM STE, RANG GI RIG PA'I NGO BO'I SHES RAB KYI PHA ROL TU PHYIN PA'I SNYING BRTZE BA DANG SHES RAB DANG BRAL BA'I PHYIR, MYA NGAN LAS 'DAS PA LA DNGOS PO MTHONG BAS SKRAG PA'I PHYIR, MYA NGAN LAS 'DAS PA'I CHAD PA'I BDAG NYID CAN DANG, 'KHOR BA'ANG 'KHRUL PA GCIG NAS GCIG TU BRGYUD PA CHA 'DRA BAS RTAG PAR LTA BA SKYED PA YIN PAR GNAS SHING MNGON PAR ZHUGS PA YIN NO, ,DE CI'I PHYIR ZHE NA, DNGOS PO DANG DNGOS PO MED PAR DMIGS PA NYID KYIS ZHES BYA BA STE, DE'I GZHUNG GIS RTAG PA YIN PA'I PHYIR DON DAM PAR YOD PA'I DNGOS PO NI MYA NGAN LAS 'DAS PA'O, ,MI RTAG PA LA SOGS PA'I TSUL GYIS NA DE RNAMS KYI SPANG BAR BYA BA NYID YIN PA'I PHYIR SRID PA NI DNGOS PO MED PA'O, ,DE DAG DMIGS PA NYID @186B KYIS SHES PA'O, ,YANG NA YANG DAG PA NYID DU PHYIN CI LOG NYID YIN PAS GZUGS LA SOGS PA'I DNGOS PO RNAMS DON DAM PAR DNGOS PO YOD PA NYID DANG, ,YANG DAG PAR NA DE MED PAS DE'I MI RTAG PA NYID LA SOGS PA LA DNGOS PO MED PAR MNGON PAR ZHEN PA YIN NO ZHES SHES PAR BYA'O, , GNYI GA LTAR NA YANG NYAN THOS LA SOGS PA DMIGS PA CAN RNAMS NI NGES PAR DNGOS PO 'GA' ZHIG LA KUN TU CHAGS PAS SHES RAB KYI PHA ROL TU PHYIN PA YOD DU ZIN NA YANG NYAMS PA LA SOGS PA YIN NO ZHES BYA BAR DGONGS SO, ,LUGS LAS ZHES BYA BA LA SOGS PA DANG, DE'I MTSAN BCAS ZHES BYA BA LA SOGS PA'I LAN GYIS TSIG LE'UR BYAS PA'I 'GREL PA NI GO SLA'O, ,DNGOS PO MTSAN MA DANG LDAN PAR RTOGS NAS ZHES BYA BA NI DNGOS PO LA MNGON PAR ZHEN PA'I 'KHRUL BA'I MTSAN MA RAGS PA LA SOGS PA DANG LDAN PAR CHA 'DRA BA GCIG NAS GCIG TU BRGYUD PA'I GZUGS LA SOGS PA'I DNGOS PO LA RTOG PAS SO, ,YANG NA TSOGS PA LAS BYUNG BA YIN PA'I PHYIR DNGOS PO LA MNGON PAR ZHEN PA'I 'KHRUL BA'I MTSAN MA'I RGYU DANG LDAN PAR GZUGS LA SOGS PA RTOG PAS SO, ,DNGOS PO'I NGO BO MI SHES PA RNAMS LA ZHES BYA BA NI GZUGS LA SOGS PA'I RANG BZHIN LOG PA RNAMS MI SHES PA'O, ,DE'I MNYAM PA NYID KYI YE SHES NI GZUGS LA SOGS PA SKYE BA MED PA'I YE SHES SO, ,THABS MA YIN PAS NI ZHES BYA BA LA SOGS PA'I BSHAD PAS NI, THABS MA YIN PAS RING BA STE, ,ZHES BYA BA BSHAD PA YIN NO, ,BYANG CHUB SEMS DPA' DUS RING MO ZHIG NAS ZHES BYA BA LA SOGS PA'I BSHAD PAS NI, DE NI THABS LA MKHAS PA YIS, ,ZHES BYA BA LA SOGS PA'I BSHAD PA YIN NO, ,NYAN THOS LA SOGS PA'I GNYEN PO BYANG CHUB SEMS DPA' RNAMS KYI MI MTHUN PA'I PHYOGS NYID YIN PA NI DE LTAR NYAN THOS LA SOGS PA'I ZHES BYA BA LA SOGS PA SMOS PA YIN TE, DE LTAR NA NYAN THOS LA SOGS PAS 'OG NAS BSHAD PA'I RIM GYIS YUM SHES RAB KYI PHA ROL TU PHYIN PA RING BAR 'GYUR BA SGRUB PA YIN ZHING MI 'THOB PA YIN PA'I PHYIR LOG PAR GOMS PA YIN PAS DE RNAMS KYI GNYEN PO NI BYANG CHUB @187A *, ,SEMS DPA' RNAMS KYIS SPANG BAR BYA BA NYID YIN PA'I PHYIR MI MTHUN PA'I PHYOGS YIN NO ZHES 'PHAGS PA BYAMS PAS MI MTHUN PA'I PHYOGS YIN PAR GSUNGS SO, ,GZUGS SOGS ZHES BYA BA LA SOGS PA'I TSIG LE 'UR BYAS PA'I DON NI GZUGS LA SOGS PA ZHES BYA BA LA SOGS PA SMOS PA YIN TE, SO SO'I SKYE BO RNAMS KYI ZAG PA DANG BCAS PA DANG, 'PHAGS PA RNAMS KYI ZAG PA MED PA DANG GNYI GA'I NGO BO STE, NYON MONGS PA'I PHYOGS GCIG SPANGS PA'I SO SO'I SKYE BO 'DOD CHAGS DANG BRAL BA'I TSOGS SO, ,GZUGS LA SOGS PA DUS GSUM PA'I CHOS GANG YIN PA DE THAMS CAD LA DE'I GZHUNG GIS DNGOS POR MA GYUR PA LA DNGOS POR DMIGS PA NYID KYIS DON DAM PAR YOD PAR MNGON PAR ZHEN PAS GZUGS LA SOGS PA GANG YIN PAR SHES LA, DE BAS NA GZUGS LA SOGS PA'I PHUNG PO DE RNAMS NYID LA GZHAN GYIS KUN BRTAGS PA'I BDAG LA SOGS PA STONG PA NYID DU BLTA'O, ,SBYIN PA LA SOGS PA STE, SBYIN PA DANG TSUL KHRIMS LA SOGS PA DANG, BYANG CHUB KYI PHYOGS RNAMS DANG, BSAM GTAN BZHI RNAMS TE, 'DI RNAMS LA SGRUB PA'I 'DU SHES ZHES BYA BA BDAG MED DO ZHES MNGON PAR ZHEN PA NI NYAN THOS LA SOGS PA DE RNAMS KYI GNYEN PO STE LAM YIN NO, ,CI'I PHYIR ZHE NA, PHYIN CI LOG 'BYUNG BA NYID KYIS BDAG LA SOGS PA LA MNGON PAR ZHUGS PA'I SO SO'I SKYE BO RNAMS LAS GO BZLOG PAR ZHUGS PA NYID YIN PA'I PHYIR RO, ,DE LTAR NA BSHAD MA THAG PA'I NYAN THOS LA SOGS PA'I GNYEN PO'I PHYOGS NYID BYANG CHUB SEMS DPA' RNAMS KYI MI MTHUN PA'I PHYOGS YIN NO, ,CI'I PHYIR ZHE NA, PHYIN CI LOG PA 'BYUNG BA NYID KYIS SPANG BAR BYA BA NYID YIN PA'I PHYIR ZHES BYA BA'AM, GZUGS LA SOGS PA DE KHO NA NYID DU MED PAS STONG PA NYID DU LTA BA LA SOGS PA YANG BYANG CHUB SEMS DPA' RNAMS KYIS SPANG BAR BYA BA YIN PA'I PHYIR RO ZHES BSHAD PAR BYA'O, ,BYANG CHUB SEMS DPA' RNAMS KYIS BZLOG STE ZHES BYA BA LA SOGS PA GO SLA'O, ,MTHONG BA LA SOGS BKAG PA YIS, ,ZHES BYA BA NI MIG GI RNAM PAR SHES PA LA SOGS PA'I RTOGS PAR BYA BA NYID YIN PAR MDO LAS BKAG PA'I PHYIR RO, ,DE NYID KYIS NA RANG BZHIN TE RTOGS PAR @187B DKA' BA NYID YIN TE, 'JIG RTEN PA'I TSAD MAS RTOGS PA'I YUL MA YIN PA'I PHYIR CHOS THAMS CAD SKYE BA MED PAR SHES PAS SPANG BAR BYA BA DANG, BLANG BAR BYA BA MA LUS PA LA CHAGS PA NI BYANG CHUB SEMS DPA' RNAMS KYI MI MTHUN PA'I PHYOGS YIN PAS SPANG BAR BYA BA YIN NO ZHES BYA BAR DGONGS SO, ,DE LTAR MI MTHUN PA'I PHYOGS ZHES BYA BA LA SOGS PAS NI SBYOR BA GSUNGS PA YIN TE, GZUGS LA SOGS PA'I CHOS THAMS CAD DANG ZHES BYA BA LA SOGS PAS TSIG LE'UR BYAS PA'I DON STON PA YIN TE, SGRUB PA NI GZUGS LA SOGS PA BDAG MED PAR SLOB PA LA RTZOM PA'O, ,DE'I YONGS SU SHES PA NI NYE BAR DMIGS PA'O, , DE BSAL BA'I SGO NAS ZHES BYA BA NI GZUGS SU MA YIN ZHES BYA BA LA SOGS PAS DE KHO NA NYID DU BKAG PA'I PHYIR RO, ,BYANG CHUB SEMS DPA' RNAMS KYI DE DANG DE LA SBYOR BA NI GZUGS LA SOGS PA LA MNGON PAR MA ZHEN PAS BDAG MED PA LA GOMS PA'I MTSAN NYID PHUL DU BYUNG BA'I SBYOR BA NI RNAM PA BCU STE, GZUGS LA SOGS PA LA YUL GYI DBYE BA RNAM PA BCU YIN PA RJES SU 'GRO BA'I SGO NAS BSTAN LA RAB TU BYED PA LAS ZHES BYA BA NI LHAG MA STE, SBYOR BA DGAG PA ZHES BYA BA'I 'GREL PA YIN NO, ,GZUGS LA SOGS PA ZHES BYA BA BSHAD PAR BYA STE, GZUGS LA SOGS PA'I CHOS THAMS CAD LA ZHES BYA BA NI GZUGS KYI PHUNG PO LA SOGS PA'O, ,DE NYID MI RTAG PA DANG STONG PA NYID LA SOGS PA NI GO SLA'O, ,MTSAN NYID KYIS STONG PA NYID DU BRTAGS PA'I PHYIR DANG, YON TAN GYI TSOGS DANG LDAN PA NYID DANG CHOS KYI NGO BO NYID YIN PAS SO SOR MA RDZOGS PA DANG RDZOGS PA NYID DE, GZUGS LA SOGS PA TSANG BA NYID DANG MA TSANG BA NYID DO, ,CHAGS PA MED PA NI GZUGS LA SOGS PA LA MA ZHEN PA STE, GZUGS LA SOGS PA ZHES BYA BA LA SOGS PA'I TSIG BZHI'I BSHAD PA YIN NO, ,GZHAN DU MI 'GYUR BA NI YE SHES KYI BDAG NYID CAN GYI YUM GYI 'GYUR BA MED PA NYID YIN PA'I PHYIR RO, ,GZUGS LA SOGS PA'I NGO BO NYID KYIS NA BYED PA PO MED PA NYID YIN TE, MI 'GYUR BYED PO MED NYID DANG, , ZHES BYA BA'I BSHAD PA YIN NO, ,GO RIMS BZHIN DU THAMS CAD MKHYEN PA NYID GSUM NI SNGAR BSHAD PA STE, DE'I BDAG NYID CAN GYI CHED DU BYA BA DANG SBYOR BA DANG PHYED PA GANG YIN PA NI SNGAR BSHAD PA STE, DE RNAMS KYI DKA' BA NYID NI RNAM PA THAMS CAD DANG LAM DANG GZHI RNAMS DE KHO NA NYID DU MED NA YANG BYANG CHUB SEMS DPA' RNAMS @188A *, ,RNAM PA THAMS CAD MKHYEN PA LA SOGS PA LA 'BAD PAS DE'I BDAG NYID CAN GYI CHED DU BYA BA LA SOGS PAS NI BSGRUB PAR DKA' BA NYID YIN PAS, SBYOR BA DKA' BA RNAM GSUM DANG, ,ZHES BSHAD PA YIN NO, ,SKAL PA CI LTA BA BZHIN DU 'BRAS BU 'THOB PAS MI STONG PA NYID DE, SKAL BA DANG 'TSAM PA LAS MI 'DA' BAR RNAM PA THAMS CAD MKHYEN PA NYID LA SOGS PA'I 'BRAS BU 'THOB PA DON YOD PA NYID KYIS NA, SKAL BA JI BZHIN ZHES BYA BA LA SOGS PA GSUNGS PA YIN NO, ,GZHAN GYI RKYEN GYIS MI 'GRO NYID, ,CES BYA BA NI THAMS CAD KYI DAM PAR 'GYUR BAS MCHOG GZHAN MED PA'AM, YANG DAG PAR NA DE LAS GZHAN PA MED PA'I PHYIR BDAG MED PA BSGOM PA'I BDAG NYID DO, ,DE NI BDAG NYID SRUNG BA LA SOGS PA'I DON GYI RGYUR GYUR PA YIN PAS NA RKYEN TO, ,YANG NA GZHAN GYI RKYEN GYI BDAG NYID KYI SRUNG BA LA SOGS PA'I PHYIR DNGOS PO RNAMS DNGOS PO MED PAR SO SOR RTOG PA'I YE SHES ZHES SO, ,DER 'GRO BA NI DER THOB PA STE, RANG LAS GZHAN PA'I NUS PAS SAM, ,PHYI ROL DU LTA BA'I SRUNG BA LA SOGS PA GANG JI SNYED PA DE THAMS CAD NI LEGS PA MA YIN TE, SEMS KYI GEGS SEL BA MA YIN NO ZHES BYA BAR DGONGS SO, ,DE YANG GANG 'DI RGYU BA DANG NI MI RGYU BA, SGYU MA NAM MKHA'I NGO BOR YONGS RTOGS PA, ,DON DAM MTHONG BA'I SRUNG BA DE NYID YIN, ,SRUNG BA'I GO CHA GZHAN DAG 'DIR CI DGOS, ,ZHES GANG BSHAD PA YIN NO, ,RNAM PAR SHES PA YONGS SU GYUR PA NYID YIN PAS NA YONGS SU 'GYUR BA'O, ,SNGAGS DANG SMAN GYI TSOGS PA NYID YIN PAS NA MNYAM PAR SBYOR BA'O, ,MED PA NYID KYIS NA 'GAL BA'O, ,SGRA NI RKYEN LA RAG LAS PAS NA RKYEN TO, ,SHES BYA'I TSUL LAS MI 'DA' BAS NA MI 'DA' BA'O, ,GZHI MED PAS NA RTEN MED PA'O, ,RGYU DANG BRAL BAS NA BYED PA PO MED PA'O, ,'DI RNAMS SU SNANG BA ZHES BYA BA GANG YIN PA NI YANG DAG PAR NA RNAM PAR SHES PA LA SOGS PA YIN PAR MI 'DOD PAS DE YONGS SU GYUR PA LA SOGS PA NI LOG PAR SNANG BA YIN NO ZHES BYA BA'I BAR DU'O, ,GANG DE'I GNYEN PO'I SHES PA YIN PA NYID KYIS NA RMI LAM DANG, ,SGYU MA DANG, SMIG RGYU DANG, BRAG CA DANG, MIG YOR DANG, DRI ZA'I GRONG KHYER DANG, SPRUL PA LTA BU NYID KYIS NA GO RIMS BZHIN DU DNGOS PO RNAMS SHES PA RNAM PA BDUN @188B PO DE LA SHES BYED RNAM PA BDUN ZHES BYA STE, BSHAD MA THAG PAR GRAGS PA'I RMI LAM LA SOGS PA'I SHES PA ZHES BYA BA'I THA TSIG GO, ,DE LA DON NI 'DI YIN TE, DE LA RNAM PAR SHES PA YONGS SU GYUR PA NYID KYIS NA YONGS SU GYUR PA ZHES BYA STE, DNGOS PO RNAMS NI RMI LAM LTA BUR SHES PA NYID DU 'GYUR RO ZHES BYA BA LA SOGS PA DKA' 'GREL NYID LAS GSAL BA YIN NO, ,NYAN THOS LA SOGS PA DE LAS GO BZLOG PA'I SBYOR BA RNAM PA BCU NI SHUGS KYIS NA ZHES BYA BA LA SOGS PA SMOS PA YIN TE, SBYOR BA'I MNYAM PA NYID KYIS ZHES BYA BA LA SOGS PA YIN LA, GZUGS LA SOGS PA LA ZHES BYA BA LA SOGS PA TSIG LE'UR BYAS PA'I DON NI GZUGS LA SOGS PA SMOS PA YIN TE, GZUGS DANG TSOR BA LA SOGS PA LA MNGON PAR ZHEN PA NI MNGON PAR CHAGS PA'O, ,GZUGS LA SOGS PA'I THA SNYAD DU BYA BA'I RGYU MTSAN YIN PA'I PHYIR, SNGON PO LA SOGS PA'I MTSAN MA'O, ,GZUGS RNAM GNYIS DANG NYI SHU'O, ,ZHES BYA BA LA SOGS PA NI SPROS PA'O, ,DROD LA SOGS PA'I SHES PA NI RTOGS PA'O, ,'DI RNAMS KYI RLOM PA RNAMS NI MNGON PAR ZHEN PA LA SOGS PA YUL BZHI'I DBYE BA SHES PA RNAM PA BZHI YIN NO, ,DE RNAMS RNAM PA THAMS CAD DU MI DMIGS PA NI MA MTHONG BA'O, ,SBYOR BA'I MNYAM PA NYID NI SBYOR BA'I MTSUNGS PA NYID DO, ,SBYOR BA'I MNYAM PA NYID SO SOR RTOGS NAS ZHES BYA BA LA SOGS PA NI SDUG BSNGAL LA SOGS PA ZHES BYA BA LA SOGS PA'I TSIG LE'UR BYAS PA LA 'JUG PA YIN TE, CHOS SHES RJES SU SHES BZOD DANG, ,SHES PA ZHES BYA BA NI CHOS SHES PA DANG, RJES SU SHES PA'I BZOD PA DANG SHES PA DAG STE, BZHI PO DE DAG NYID NI SKAD CIG MA 'BYUNG BA NYID YIN PAS SKAD CIG STE, DE'I BDAG NYID CAN NI SDUG BSNGAL ZHES BYA BA LA SOGS PA YIN TE, GZUGS RTAG MA YIN ZHES BYA BA LA SOGS PA'I BDEN PA'I RNAM PA'I TSIG LE'UR BYAS PA'I DON NI NGO BO NYID MED PA'I PHYIR ZHES BYA BA LA SOGS PA SMOS PA YIN TE, NGO BO NYID MED PA'I PHYIR ZHES BYA BA NI DE KHO NA NYID DU NA GZUNG BA LA SOGS PA'I STONG PA NYID YIN PAS SO, GZUGS LA SOGS PA NI GZUGS DANG TSOR BA LA SOGS PA STE, RTAG PA DANG MI RTAG PA ZHES BYA BA BRTAN ZHING GCIG PA DANG 'JIG PA'I BDAG NYID DAG NI DNGOS PO'I CHOS YIN LA DE DAG BRAL ZHING MED PAS NA RTAG PA YANG MA YIN MI RTAG PA YANG MA YIN TE, BRTAN PA DANG 'JIG PA YANG MA YIN PA'O, ,DE BZHIN DU SDUG @189A *, ,BSNGAL NI TSOR BA YID DU MI 'ONG BA'O, ,DE MED PA NI SDUG BSNGAL MA YIN PA'O, ,DE DAG DANG BRAL BA NYID KYIS NA 'CHING BA DANG THAR PA'I RTAG PA DANG CHAD PA'I MTHA' DANG BRAL BA'O, ,GZHAN GYI BDAG GI DNGOS PO MED PAS STONG PA DANG DE MED PA MI STONG PA STE, DE DANG BRAL BA'I PHYIR RNAM PAR DAG PA'O, ,RANG NYID BDAG GI NGO BO NYID KYIS NA BDAG YIN LA DE MED PA NI BDAG MED PA STE, DE DAG NYID KHO NA'I NGO BO NI DE LTAR BRTAGS PA NYID YIN PA'I PHYIR RO, ,DES MA SKYES PA'I PHAN TSUN 'GAL BA'I TSUL GNYIS KYIS SKYE BA MI RIGS PA'I PHYIR DANG, DE LTAR SKYE BA MED PAS MA 'GAGS SHING, 'JIG PA MED PA DANG, 'DOD CHAGS LA SOGS PAS KUN NAS NYON MONGS PA MA YIN PA DANG, DE MED PAS RNAM PAR BYANG BA MA YIN PA'O, ,SOGS PA'I SGRAS NI NYAMS PA DANG 'PHEL BAR RIGS PA MA YIN NO, ,SDUG BSNGAL GYI BYED RGYU NI RGYU YIN LA DE MED PAS RGYU MA YIN PA'O, ,DE DAG NI GSOG NYID YIN PA'I PHYIR NAM MKHA' DANG 'DRA BA'O, ,TSE 'DI'I SDUG BSNGAL GYI RGYU NI KUN 'BYUNG BA YIN LA DE MED PA NI KUN 'BYUNG BA MED PA STE, DE DANG MI LDAN PA'I PHYIR NYON MONGS PA NI 'DOD CHAGS LA SOGS PA'O, ,NYE BA'I NYON MONGS PA THAMS CAD NI KHRO BA DANG KHON DU 'DZIN PA LA SOGS PA STE DE DAG SPANGS PA'O, ,TSE 'DI DANG YUN RING PO'I SDUG BSNGAL GYI RGYU NI RAB TU SKYE BA YIN LA DE MED PA NI RAB TU SKYE BA MED PAS KUN NAS NYON MONGS PA MED PA'I PHYIR YONGS SU 'DZIN PA LAS GROL BA STE, KUN TU CHAGS PAS STONG PA'O, ,SDUG BSNGAL GCIG NAS GCIG TU BRGYUD PA'I RGYU NI RKYEN YIN LA DE MED PA NI RKYEN MA YIN PA'O, ,DE DAG LAS RNAM PAR GROL BA YIN PA'I PHYIR RANG GI NGO BO SHES PAS NGO BOS BRJOD DU MED PA ZHES BYA STE, YE SHES KYI RANG GI MTSAN NYID NI BRJOD DU MED PA YIN PA'I PHYIR RO, ,NYON MONGS PA DANG BRAL BA NYID KYIS NA 'GOG PA YIN LA DE MED PA NI 'GOG PA MED PA'O, ,GANG GI PHYIR YANG DAG PAR NA DE DAG DANG MA BRAL BA DE'I PHYIR 'GOG PA'I BDEN PA'I DON NYON MONGS PA DANG BRAL BA'I MTSAN NYID GANG YIN PA DE NI TSIG TU BRJOD PAS ZHES BYA BA'I TSIG GIS BSTAN PAS RGYU GZHAN DAG LA SBYIN DU MED PA YIN TE, STONG PA YIN PA'I PHYIR SBYIN PAR NUS PA MA YIN PA'I PHYIR RO, ,SDUG BSNGAL MI 'BYUNG BA NYID KYIS NA ZHI BA YIN LA DE MED PA NI MA ZHI BA'O, ,'DI DAG NI @189B YANG DAG PAR NA MED PA YIN PA'I PHYIR DMIGS PA MED PAR BYED PA STE, MI DMIGS PAR SHES PA'O, ,BDE BA DANG GTZANG BAS DBEN PA NYID KYIS NA GYA NOM PA YIN LA DE MED PAS GYA NOM PA MA YIN PA'O, ,DE DAG DANG BRAL BA'I PHYIR MTHA' GNYIS LAS 'DAS PAS RNAM PAR DAG PA ZHES BYA STE, CHAD PA DANG RTAG PA'I MTHA' MED PA'I PHYIR DRI MA MED PA'O, ,MYA NGAN LAS 'DAS PA NI NGES PAR 'BYUNG BA YIN LA DE MED PA NI NGES PAR 'BYUNG BA MED PA'O, ,DE DAG MED PA'I PHYIR NAD THAMS CAD MI SKYE BA ZHES BYA STE, PHYI DANG NANG GI MU STEGS PA'I LTA BA 'JIG PA STE GNAS MED PA YIN PA'I PHYIR RO, ,THAR PA'I GRONG KHYER DU PHYIN PAR BYED PA'I DON GYIS NA LAM YIN LA DE MED PAS LAM MA YIN PA'O, ,DE DAG DANG BRAL BA YIN PA'I PHYIR NGAN SONG CHAD PA'O, ,NYON MONGS PA MA LUS PA'I GNYEN PO'I PHYOGS SU GYUR PAS NA RIGS PA YIN LA DE MED PA NI RIGS PA MA YIN PA STE, DE DAG DANG MA 'DRES PA'I PHYIR RO, , 'BRAS BU NI 'TSANG RGYA BA NYID YIN LA DE MNGON SUM DU BYA BA NI MNGON SUM DU BYA BA'O, ,DE'I DON GYI THABS GANG YIN ZHE NA, RNAM PAR MI RTOG PA NYID DE, THAMS CAD DU MNGON PAR ZHEN PA MED PA'O, ,SEMS PHYIN CI MA LOG PA STON PA'I DON GYIS NA BSGRUB PA YIN LA DE MED PA NI SGRUB PA MA YIN PA'O, ,DE DAG LAS RNAM PAR GROL BA NYID KYIS GZUGS LA SOGS PA'I CHOS THAMS CAD MTSAN MA SNGON PO LA SOGS PAS THA SNYAD DU BYA BA'I RGYU DANG MA 'BREL CING MA 'DRES PA'I CHOS NYID KYI GNAS SKABS SO ZHES BYA BA'I BAR DU'O, ,MNGON PAR ZHEN PA MED PA'I RTAG PA'I GNAS SU 'GRO BAS NA NGES PAR 'BYIN PA YIN LA DE MED PA NI NGES PAR 'BYIN PA MA YIN PA STE, DE DAG MED PA NYID KYIS NA STONG PA NYID YIN PA'I PHYIR BRJOD PAR BYA BA DANG RJOD PAR BYED PA'I NGO BO'I MTSAN NYID SHES BYA DANG SGRA GNYIS LA SHES PA SKYE BA MED PA ZHES BYA BA NI YANG DAG PAR NA BRJOD PAR BYA BA DANG RJOD PAR BYED PA DAG MED PAS DE DAG GI SHES PA'I YUL MA YIN PA NYID DE CHOS KYI DBYINGS NYID KYI GNAS SO ZHES BYA BA'I BAR DU'O, ,'DIS NI SDUG BSNGAL LA SOGS PA'I BDEN PA BZHI RNAMS KYI RNAM PA BCU DRUG SNGAR BSHAD PA DE RNAMS KYI NANG NAS BDEN PA RE RE ZHING RNAM PA GNYIS GNYIS KYI CHOS GANG YIN PA DANG, RJES SU SHES PA GANG YIN PA KUN RDZOB KYI BDEN PAR @190A *, ,BRJOD PA YIN LA DE NI SHES PA GNYIS GNYIS SU BLTA BAR BYA'O, ,DE LA RTAG PA DANG MI RTAG PA DANG SDUG BSNGAL BA DANG SDUG BSNGAL BA MA YIN PA DAG MI DMIGS PA'I CHOS GANG YIN PA DE DAG LA SHES PA GANG YIN PA DE NI SDUG BSNGAL LA CHOS SHES PA'I BZOD PA DANG SDUG BSNGAL LA CHOS SHES PA'O, ,DE BZHIN DU BDAG DANG, BDAG MED PA DANG, STONG PA DANG MI STONG PA MI DMIGS PA DAG GI RJES SU SHES PA GANG YIN PA DE DAG NI RJES SU CHOS SHES PA'I BZOD PA DANG RJES SU CHOS SHES PA YIN NO, DE BZHIN DU KUN 'BYUNG BA LA SOGS PA RE RE ZHING YANG SHES PA BZHI BZHI DANG SBYAR BAS SHES PA BCU DRUG YIN NO, ,GZHAN DAG NA RE SHES PA 'DI RNAMS KYANG RTAG PA DANG MI RTAG PA LA SOGS PA MI DMIGS PA'I RNAM PA BDEN PA BZHI'I YUL LA SKYE BA'I SHUGS KYIS RTAG PA DANG MI RTAG PA LA SOGS PA'I RNAM PA YIN PAR KHONG DU CHUD PAR BYA'O ZHES 'DOD DO, ,NYAN THOS LA SOGS PA'I PHYOGS LTAR NA MI RTAG PA DANG SDUG BSNGAL BA DAG GI CHOS GANG YIN PA DANG, DE DAG GI SHES PA GANG YIN PA DE NI SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA YIN LA, STONG PA DANG BDAG MED PA'I RJES GANG DAG YIN PA DE DAG GI SHES PA GANG DAG YIN PA DE DAG NI RJES SU CHOS SHES PA'I BZOD PA DANG, RJES SU CHOS SHES PA YIN NO, ,DE BZHIN DU KUN 'BYUNG BA LA SOGS PA RE RE LA YANG SHES PA BZHIR SBYAR BAS SHES PA BCU DRUG YIN NO, ,GZHAN DAG NA RE 'DIR YANG MI RTAG PA LA SOGS PA'I RNAM PA BDEN PA BZHI'I YUL LA SKYE BA'I DON GYI SHUGS KYIS SHES PA RNAMS KYANG BDEN PA BZHI'I RNAM PAR SHES PAR BYA'O ZHES ZER RO, ,DE NI DE LTA BU'I RNAM PA CAN GYI ZHES BYA BA LA SOGS PA SMOS PA YIN NO, ,'PHAGS PA BYAMS PA DANG SENG GE BZANG PO'I ZHAL SNGA NAS BDAG GI YUL GSUM CAR LA SHES PA DANG RNAM PA MA BSTAN NA YANG BDAG GIS MA BSTAN PA NI DE'I SHUGS KYIS 'ONGS PA YANG DON YIN NO ZHES BYA BA'I TSUL GYIS SO, ,SHES PA YANG YUL GYI RNAM PA CAN NYID YIN PA'I PHYI'I YUL YOD PA DANG SHES PAR SMRA BA RNAMS KYI TSAD MA YIN PAS NYES PA MED DO, ,LAM SHES PA NYID LA JI LTA BA DE BZHIN DU THAMS CAD SHES PA NYID LA NYAN THOS DANG BYANG CHUB SEMS DPA' DAG GI BSGOM PA'I LAM SO SOR MED CE NA, KUN SHES PA @190B NYID LA ZHES BYA BA LA SOGS PA SMOS PA YIN NO, ,DON NI 'DI YIN TE, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PAS MTHONG NAS 'DA' BAR BYA'O ZHES GSUNGS PAS MNGON SUM DU BYA BA MA YIN PA'I PHYIR BYANG CHUB SEMS DPA' RNAMS LA BSGOM PA'I LAM BSTAN LA, NYAN THOS LA SOGS PA NI JI LTAR YONGS SU MTHONG BA'I DON NYID YANG DANG YANG DU MNGON DU BYA BA NI BSGOM PA'I LAM YIN PAS RTOGS SLA BA'I PHYIR BSTAN PA MA YIN NO, ,BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA RNAMS KYANG SNGAR BSHAD PA NYID YIN PAR SHES PAR BYA'O, , NYAN THOS LA SOGS PA NI MI RTAG PA LA SOGS PA'I RNAM PAS BDEN PA BZHI LA DMIGS PA NA ZAG PA DANG BCAS PA'I BSGOM PA'I RANG BZHIN GYI DRO BA LA SOGS PA NI GSAL BA NYID YIN PA'I PHYIR MA BSTAN PAR KHONG DU CHUD PAR BYA'O, ,DE LTAR RGYAS PAR BSTAN NAS ZHES BYA BA LA SOGS PAS NI MNGON PAR RTOGS PA BRGYAD KYI MTSAN NYID KYI DON GANG YIN PA DE MTHA' DAG SDUD PAR BYED PA YIN PAS GTZO BO YIN PA NYID KYIS NA, ,THAMS CAD MKHYEN PA NYID GSUM MJUG BSDU BAR GSUNGS PA YIN TE ZHES BYA BA RGYAL BA'I YUM LAS BSHAD DO ZHES BYA BA'O, ,LAM SHES PA NYID DU NYAN THOS LA SOGS PA'I LAM BRJOD PAS THAMS CAD SHES PA NYID BSHAD PA MA YIN NAM, CI'I PHYIR YANG THAMS CAD SHES PA NYID LOGS SHIG TU BSTAN CE NA, BRJOD PAR BYA STE DE NI, LAM SHES NYID KYI TSUL LA NI, ,'PHAGS PA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES BYA BAS MI DMIGS PAR BSGOM PA LA SOGS PA'I RIM GYIS NYAN THOS LA SOGS PA'I LAM BYANG CHUB SEMS DPAS BSGOM PAR BYA'O ZHES GSUNGS PA YIN NO, DE BAS NA MI RTAG PA LA SOGS PA'I RNAM PA BZLOG PA'I SGO NAS 'PHANGS PA'I GZHI MA LUS PA YONGS SU SHES PAR BYA BA'I DON DU THAMS CAD SHES PA NYID LOGS SHIG TU SMOS PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZHUNG RTOGS DKA' BA'I SNANG BA'I DKA' 'GREL DHARMA K'IRTIS BYAS PA LAS SKABS GSUM PA'I BSHAD PA'O,, ,, @191A *, ,THAMS CAD MKHYEN PA NYID GSUM ZHES BYA BA LA SOGS PAS 'GREL PA BRJOD NAS RNAM PA KUN MNGON PAR RDZOGS PAR RTOGS PA'I DBANG DU MDZAD NAS GZHI DANG ZHES BYA BA LA SOGS PA GSUNGS PA DE SKAD GSUM DU GSUNGS PA'I GNYEN PO MA LUS PA NI GZHI STE, DE RNAMS KYI YE SHES KYI RNAM PA NI DE LA DMIGS PAR BYED PA'I SEMS KYI KHYAD PAR RO, ,DE RNAMS KYI RNAM PA GANG YIN PA NI SNANG BA'O, ,KUN MKHYEN PA NYID NI RNAM PA THAMS CAD DANG LAM DANG GZHI SKYE BA MED PAR MKHYEN PAS YE SHES NI RNAM GSUM PHYIR, ZHES BYA BA DBYE NA RNAM PA GSUM YOD PAS DE NI RNAM PA GSUM PO NYID YIN LA, DE LTAR CI RIGS PA'I MTSAN NYID NI RNAM PA KUN MNGON PAR RDZOGS PAR RTOGS PA'I SPYI'I MTSAN NYID YIN PAR 'DOD PAR SHES PAR BYA'O, ,TSIG LE'UR BYAS PA'I DON NI RTAG PA ZHES BYA BA LA SOGS PA SMOS PA YIN TE, RTAG PA LA SOGS PAR 'DZIN PA NI RTAG PA DANG SDUG BSNGAL MA YIN PA LA SOGS PAR MNGON PAR ZHEN PA'O, ,DE NYID NI SPANG BAR BYA BA YIN PAS NA MI MTHUN PA'I PHYOGS SO, ,DE'I GNYEN PO NI MI RTAG PA LA SOGS PA'O, ,DE'I CHOS NYID KYI NGO BO NYID NI SHES PAR SNANG BA STE DE RNAMS KYI'O, ,DE NI MI RTAG PA LA SOGS PA LA DMIGS PA'I YE SHES KYI RNAM PA RNAMS ZHES BYA BA SMOS PA YIN TE, MI RTAG PA LA SOGS PA LA DMIGS PA'I YE SHES KYI KHYAD PAR LA RNAM PA NYID DU RNAM PAR GZHAG PA NI RNAM PA YIN NO ZHES NGES PAR BYAS PA'O, MTSAN NYID NI SPYIR NA RNAM PA KUN MNGON PAR RDZOGS PAR RTOGS PAS DMIGS PA'I MTSAN MA'O, , DE DAG KYANG ZHES BYA BA LA SOGS PA 'DIS THAMS CAD MKHYEN PA NYID GSUM GYI GZHI'I YUL CAN YIN PA NYID KYIS NA SNGAR SMRAS PA'I RNAM PA RNAMS GZHI MED PA'I RNAM PA YIN PAR NGES PA GSAL BA YIN NO, ,SPYIR ZHES BYA BAS RNAM PA RNAMS LA DBYE BA MA BRJOD PAR RNAM PA GSUM BSTAN NAS DA NI KHYAD PAR TE, 'PHAGS PA'I BDEN PA BZHI LA BRTEN PA'I DBYE BAS MED PA'I RNAM PA ZHES BYA BA LA SOGS PA GSUNGS PA YIN TE, MED PA'I RNAM PA NAS GZUNG STE ZHES BYA BA NI MED PA DANG MI SKYE BA'I RNAM PA NAS GZUNG STE, MI G-YO BA'I RNAM PA'I MTHAR THUG PA'I BAR GYIS SO, , @191B BRTZI BA NI BDEN PA SO SO ZHES BYA BA LA SOGS PA GSUNGS PA YIN TE, BDEN PA SO SO LA BZHI DANG ZHES BYA BA NI SDUG BSNGAL LA SOGS PA'I BDEN PA GSUM LA BZHI BZHI STE BCU GNYIS SO, ,LAM GYI BDEN PA LA NI BCO LNGAR ZHES BYA BA DE DAG NI RNAM PA ZHES BYA BA YIN PAR BSHAD DO, ,DE LA ZHES BYA BA LA SOGS PAS NI TSIG LE'UR BYAS PA'I DON SMOS PA YIN TE, DE LA THAMS CAD SHES PA NYID KYIS DBANG DU BYAS NAS ZHES BYA BA NI THAMS CAD MKHYEN PA NYID GSUM GYI NANG NAS 'DIR SO SOR BSGOM PAR 'DOD PAS THAMS CAD SHES PA NYID KYI GNAS SKABS YIN PA'I PHYIR RO, ,MED PA NI NAM MKHA' DANG MNYAM PA'I RTAG PA'I TSUL GYIS MED PA'O, ,MI SKYE BA NI YANG DAG PAR SKYE BA MED PA'O, ,DBEN PA NI YON TAN SKYED PAR BYED PA NYID KYIS NA BDAG STONG PA NYID DO, ,MI BRDZI BA NI BDAG MED PA NYID KYIS MU STEGS PA RNAMS KYIS 'KHRUGS PAR MI NUS PA STE, SDUG BSNGAL MI RTAG PA DANG, SDUG BSNGAL BA DANG, STONG PA DANG, BDAG MED PA'I MTSAN NYID DO, ,YANG DAG PAR NA MING DANG GZUGS KYI PHUNG PO SKYED PAR BYED PA MED PA'I DON GYIS NA GNAS MED PA'O, ,NAM MKHA' NI DNGOS PO MED PA'O, ,YANG DAG PAR NA TSIG TU BRJOD DU MED PA NA BRJOD DU MED PA'O, ,GZUGS CAN MA YIN PA'I PHUNG PO MED PA NI MING MED PA STE, KUN 'BYUNG GI RGYU DANG, KUN 'BYUNG BA DANG, RAB TU SKYE BA DANG, RKYEN GYI MTSAN NYID DO, ,'GRO BA MED PA NI YANG DAG PA NYID DU NA 'GRO BA MED PA'O, ,MI 'PHROGS PA NI GZOD MA NAS ZHI BA NYID KYIS NA YUL MED PA'O, ,MI ZAD PA NI ZAD PA MED PA'O, ,SKYE BA MED PA NI MA SKYES PA STE 'GOG PA'I 'GOG PA DANG, ZHI BA DANG GYA NOM PA DANG, NGES PAR 'BYUNG BA'I MTSAN NYID DO, ,DE LTAR NA MED PA LA SOGS PA RNAM PA BCU GNYIS PO 'DI DAG NI GO RIMS BZHIN DU SDUG BSNGAL LA SOGS PA'I BDEN PA GSUM GYIS MI RTAG PA LA SOGS PA'I MTSAN NYID DAG YIN PAR BSHAD PAR BYA'O, ,DA NI LAM GYI BDEN PA RNAM PA GSUM NYON MONGS PA'I ZHES BYA BA LA SOGS PA SMOS PA YIN TE, NYON MONGS PA NYID NI RTZIG PA LA SOGS PA DANG 'DRA BAR SGRIB PA YIN TE, YANG DAG PA'I YE SHES KYI @192A *, ,GEGS BYED PA NYID YIN PA'I PHYIR RO, ,DE'I GNYEN PO NYID DU ZHES BYA BA LA SOGS PA LA DE LA DANG PO NYAN THOS RNAMS KYI ZAG PA MED PA'I LAM LA YANG DAG PA NYID DU NA BYED PA PO DMIGS SU MED PAS NA BYED PA PO MED PA'O, ,BDAG NYID MED PAS NA SHES PA PO MED PA'O, ,YANG DAG PAR NA 'PHO BA MED PAS NA 'PHO BA MED PA'O, ,NYON MONGS PA 'DUL BA MED PAS NA 'DUL BA MED PA'O, ,DE LTAR NA RNAM PA DANG ZHES BYA BA LA SOGS PAS NI LAM LA SOGS PA'I MTSAN NYID YIN TE, LAM DANG RIG PA DANG SGRUB PA DANG NGES PAR 'BYIN PA'I BDAG NYID DO, ,GNYIS PA NI RANG SANGS RGYAS RNAMS KYI LAM ZAG PA DANG BCAS PA STE, RAB TU GNYID KYIS LOG PA'I GNAS SKABS KYI SHES PA NI RMI LAM MO, ,BRAG CHA NI SGRA BRNYAN NO, ,ZLA BA GNYIS PA LA SOGS PA'I SNANG BA NI MIG YOR RO, ,SMIG RGYU NI MYA NGAN GYI SMIG RGYU'O, ,MIG 'PHRUL NI SGYU MA'O, ,DE LTAR NA RNAM PA DE LNGA STE ZHES BYA BA LA SOGS PA NI YANG DAG PA NYID DU NA SKYE BAR MI RIGS PA NYID DO, ,ZHES BLTA BAR BYA'O, ,SPYIR SHES BYA'I SGRIB PA'I GNYEN POR GYUR PA DAG YIN NO, ,ZHES BYA BA NI SHES BYA'I SGRIB PA THAMS CAD 'JOMS PAR BYED PA'O, ,GSUM PA NI RANG SANGS RGYAS RNAMS NI LAM LA 'DOD CHAGS LA SOGS PA MED PAS NA KUN NAS NYON MONGS PA MED PA'O, ,RNAM PAR BYANG BA NI MYA NGAN LAS 'DAS PA STE, DE MED PA NI RNAM PAR BYANG BA MED PA'O, ,NYON MONGS PA DANG NYE BA'I NYON MONGS PA THAMS CAD KYIS MA GOS PA NA GOS PA MED PA'O, ,GZUGS LA SOGS PA'I SPROS PA MED PA NI SPROS PA MED PA'O, ,MNGON PAR ZHEN PA MED PA NI RLOM PA MED PA'O, ,CHOS KYI DBYINGS LTAR BRTAN PAS NA MI G-YO BA STE, ,'DI DAG RNAM PA RNAMS YIN NO, ,KUN NAS NYON MONGS PA NI 'DOD CHAGS LA SOGS PA'O, ,RNAM PAR BYANG BA MA YIN PA NI MYA NGAN LAS 'DAS PA MA YIN PA'O, ,NYON MONGS PA'I BAG CHAGS NI 'DOD CHAGS LA SOGS PA'I RGYUN NAM MED PA'I RNAM PA NYE BAR MTHONG BAR NUS PA'I NYON MONGS PA'I BAG CHAGS RNAMS SO, ,GZUGS LA SOGS PA'I SPROS PA NI GZUGS DANG TSOR BA LA SOGS PA'I BAR DU DBYE BA'O, , @192B RANG GI RTOG PA NI 'DZIN PA'I SHES PA LA NYE BAR DMIGS PA'O, ,YONGS SU NYAMS PA NI NYON MONGS PA 'JOMS PA STA, MI MTHUN PA'I PHYOGS KYI BDAG NYID CAN GYI RNAM PAR RTOG PA 'DI RNAMS KYI SO SOR NGES PA'I GNYEN POR GYUR PA DAG YIN NO ZHES SMOS TE, KUN NAS NYON MONGS PA LA SOGS PA SHES BYA'I SGRIB PA GANG YIN PA DE RNAMS KYI DRUG PO DAG NYID YIN NO, ,RGYU DANG ZHES BYA BA LA SOGS PA'I TSIG LE'UR BYAS PA BSHAD PAR 'DOD NAS, GNAS SKABS PA LA BDEN BYA BA LA SOGS PAR KHONG DU CHUD PAR BYA'O ZHES BYA BA NI KUN PA ZHES BYA BA LA SOGS PA YIN TE, KUN NAS NYON MONGS PA DANG CIG SHOS KYI PHYOGS LA BRTEN NAS ZHES BYA BA NI KUN NAS NYON MONGS PA DANG RNAM PAR BYANG BA'I YUL GYI DBYE BAS SO, ,GRANGS BZHIN DU RNAM PA BRGYAD DANG ZHES BYA BA LA SOGS PAR KHONG DU CHUD PAR BYA'O ZHES BYA BA NI KUN 'BYUNG DANG LAM DAG LA RNAM PA BRGYAD DANG BDUN RNAMS SO, ,SDUG BSNGAL DANG 'GOG PA LA RNAM PA LNGA DANG BCU DRUG TU SHES PAR BYA'O, ,DE LA KUN 'BYUNG GI BDEN PAR RTOG PA RNAM PA BRGYAD NI 'DOD CHAGS DANG BRAL BA DANG ZHES BYA BA LA SOGS PA SMOS PA YIN TE, YUL LA RGYAB KYIS PHYOGS PA NI 'DOD CHAGS DANG BRAL BA'O, ,MNGON PAR ZHEN PA MED PA NI MI GNAS PA'O, ,NYES PA NYE BAR ZHI BA NI ZHI BA'O, ,'DOD CHAGS DANG BRAL BA NI 'DOD CHAGS MED PA'O, ,ZHE SDANG MED PA NI ZHE SDANG DANG BRAL BA'O, ,YANG DAG PA'I YE SHES NI GTI MUG MED PA'O, ,NYON MONGS PA DANG BRAL BA NI NYON MONGS PA MED PA'O, ,SEMS CAN MED PA NI SEMS CAN MED PA STE, RNAM PA 'DI DAG NI GO RIMS BZHIN DU 'DI RNAMS GANG DAG GI GNYEN PO YIN ZHE NA, MI MTHUN PA'I PHYOGS NI KUN 'BYUNG GI BDEN PA'I RGYU DANG, KUN 'BYUNG BA DANG RAB TU SKYE BA DANG RKYEN TE RNAM PA BZHI SMOS PA YIN LA, DE LA RGYU GANG YIN PA DE NI SNGON DANG PHYI MA'I RGYU DANG 'BRAS BU DANG SRID PA'I DBYE BAS RNAM PA GSUM YIN LA, DE NI 'DUN PA DANG ZHES BYA BA LA SOGS PA SMOS PA YIN TE, 'DUN PA NI YUL THAMS CAD MNGON PAR 'DOD PA'O, ,DE MNGON DU 'GRO BA'I MNGON PAR @193A *, ,ZHEN PA NI 'DOD CHAGS TE, 'DOD CHAGS LA NI DGA' BA STE, LHAR 'GYUR BA'AM MIR 'GYUR BA'O ZHES SRID PA LA MNGON PAR DGA' BAR BYED PA'O, ,MI MTHUN PA'I PHYOGS 'DI RNAMS KYI GNYEN PO NI 'DOD CHAGS DANG BRAL BA DANG, MI GNAS PA DANG ZHI BA'I RNAM PA STE GSUM YIN NO, ,KUN 'BYUNG BA GANG YIN PA DE YANG GSUM STE, 'DOD CHAGS DANG, ZHE SDANG DANG, GTI MUG GO, ,'DOD CHAGS LA SOGS PA MI MTHUN PA'I PHYOGS 'DI RNAMS KYI GNYEN PO NI 'DOD CHAGS MED PA DANG ZHE SDANG MED PA DANG GTI MUG MED PA'O, ,RAB TU SKYE BA GANG YIN PA DE NI KUN TU RTOG PA STE, MI MTHUN PA'I PHYOGS MA LUS PA'I RNAM PA NYID YIN PA'I PHYIR RO, ,DE'I GNYEN PO NI NYON MONGS PA MED PA STE, NYON MONGS PA LDOG PA LAS RNAM PAR RTOG PA THAMS CAD LDOG PA YIN PA'I PHYIR RO, ,RKYEN GANG YIN PA DE NI SEMS CAN DU MNGON PAR ZHEN PA STE, DE'I RNAM PA CAN NYID YIN PA'I PHYIR RO, ,DE'I GNYEN PO NI SEMS CAN MED PA STE, SEMS CAN MED PAR SHES PA LAS DE'I MNGON PAR ZHEN PA LDOG PA YIN PA'I PHYIR RO, ,DE LTAR NA DE RNAMS KYI GNYEN POR GYUR PA STE, 'DUN PA DANG 'DOD CHAGS LA SOGS PA MI MTHUN PAR GYUR PA'I NGO BO GSUM DANG GSUM ZHES BYA BA NI 'DOD CHAGS DANG BRAL BA LA SOGS PA DANG, 'DOD CHAGS MED PA LA SOGS PA DANG GCIG DANG GCIG STE ZHES BYA BA NYON MONGS PA MED PA DANG SEMS CAN MED PA STE, BRGYAD DANG ZHES BYA BA LA SOGS PA LA RGYU RNAM PA BRGYAD YIN NO ZHES BYA BAR BSGRAGS SO, ,LAM GYI RNAM PA BDUN NI TSAD MED PA DANG ZHES BYA BA LA SOGS PA SMOS PA YIN TE, RTOG PA'I SPYOD YUL MA YIN PA NYID KYIS NA TSAD MED PA'O, ,'KHOR BA DANG MYA NGAN LAS 'DAS PA GNYIS SPANGS PAS NA MTHA' GNYIS DANG MA 'BREL BA STE MA DMIGS SO, ,CHOS KYI DBYINGS DANG 'DRA BA DBYER MED PA NYID YIN PAS NA THA MI DAD PA'O, ,NYAN THOS LA SOGS PA'I RNAM PAR RTOG PA DANG MA 'DRES PAS MCHOG TU 'DZIN PA MED PA'O, ,RNAM PAR RTOG PA THAMS CAD NI STONG PA NYID YIN PAR MTSUNGS PA YIN PA'I PHYIR RNAM PAR MI RTOG @193B PA'O, ,SHES PAR BYA BA MED PAS NA DPAG TU MED PA'O, ,CHOS THAMS CAD LA ZHEN PA MED PA'I PHYIR CHAGS PA MED PA STE, RNAM PAR RIG PA 'DI DAG NI ZHES BYA BA LA SOGS PA GANG SEMS CAN THAMS CAD LA GO SKABS 'BYED PA NI SEMS CAN THAMS CAD LA GO SKABS 'BYED PA'I LAM NI THAR PA'I GRONG KHYER THOB PAR BYED PA'O, ,JI LTAR SEMS CAN THAMS CAD LA GO SKABS 'BYED PA JI LTAR SMOS PA LA SOGS PAS SO, ,RIG PA GANG YIN PA DANG JI LTAR RIG PAR YIN PA NI YANG DAG PA'I YE SHES MNGON SUM DU BYED PA DANG NYON MONGS PA'I GNYEN PO NYID YIN PA'I PHYIR RO, ,SGRUB PA GANG YIN PA DANG JI LTAR BSGRUB PA YIN PA NI SEMS BSKYED PA LA SOGS PA'I GNYEN PO BSGOM PA RAB KYI MTHAR PHYIN PA NYID DANG, SEMS PHYIN CI MA LOG PAR SGRUB PA'O, ,NGES PAR 'BYUNG BA GANG YIN PA NI MYA NGAN LAS 'DAS PA'O, ,DE DAG NI DE RNAMS KYI NGO BO NYID CES BYA BA LA SOGS PA YIN NO, , SDUG BSNGAL GYI BDEN PA RNAM PA NI MI RTAG PA ZHES BYA BA LA SOGS PA YIN TE, MED PA'I DON NI MI RTAG PA'I DON YIN NO ZHES GSUNGS PA'I PHYIR MED PAS NA MI RTAG PA'O, ,'DU BYED NYID YIN PAS NA SDUG BSNGAL BA'O, ,GZHAN GYIS YONGS SU BRTAGS PA'I BDAG LA SOGS PAS STONG PAS NA STONG PA'O, ,GANG ZAG LA SOGS PA MED PAS NA BDAG MED PA'O, ,MTSAN NYID MED PA'I RNAM PA NI LNGA YIN TE, DE YANG GANG ZHE NA NGO BO NYID CES BYA BA MA SKYES PA STE, THAMS CAD NGO BO NYID KYIS SKYE BA MED PA'I PHYIR RO ZHES BYA BA'I THA TSIG GO, ,BTAGS PA'I BDAG NYID LA SOGS PA CHOS BRGYAD PO DE DAG LA MNGON PAR ZHEN PA BKAG PAS YANG DAG PA NYID DU MED PA NYID KYIS NA GO RIMS BZHIN DU STONG PA ZHES BYA BA STONG PA NYID DANG, CHEN PO ZHES BYA BA CHEN PO STONG PA NYID DANG, DON DAM PA ZHES BYA BA DON DAM PA STONG PA NYID DANG, 'DUS BYAS ZHES BYA BA 'DUS BYAS STONG PA NYID DANG, 'DUS MA BYAS ZHES BYA BA 'DUS MA BYAS STONG PA NYID DANG, MTHA' LAS 'DAS PA ZHES BYA BA MTHA' LAS 'DAS PA STONG PA NYID DANG, THOG MA DANG THA MA MED PA ZHES BYA BA THOG MA DANG THA MA MED PA STONG PA NYID DANG, DOR BA MED PA ZHES BYA BA DOR BA MED PA STONG PA @194A *, ,ZHES BYA BA STE RNAM PA DE DAG YIN NO, ,GYA NOM PA'I RNAM PA GANG ZHIG YIN ZHE NA, GZHAN GYIS ZHES BYA BA BYE BRAG TU SMRA BA LA SOGS PA RNAMS KYIS KUN BRTAGS PA'I BYED PA PO GANG YIN PA DE BKAG PAS RANG BZHIN STONG PA NYID KYI RNAM PA STE, YANG DAG PAR NA BYA BA MED PAS NA LHA SBYIN LA SOGS PAS LAS BYED PA PO NANG NA MI DMIGS PA'I PHYIR DANG, MA MTHONG BAR BRTAGS PA NI HA CANG THAL CHES PA YIN PA'I PHYIR RO, ,NGES PAR 'BYUNG BA'I RNAM PA BSHAD DO ZHES BYA BA NI LHAG MA'O, ,YUL DU 'KHRUL PA YANG DAG PA NYID DU SHES PA'I RNAM PA YIN NA YANG PHYI ROL GYI GZUGS LA SOGS PA 'KHRUL PA STE, DE'I BDAG NYID RNAMS NI BTAGS PA STE, GZUGS LA SOGS PA'I THA SNYAD DO, ,MTSAN NYID NI GZUGS SU RUNG BA LA SOGS PA'O, ,DUS NI DPYID LA SOGS PA'O, ,'DI RNAMS SU 'KHRUL PA RNAMS NI GANG DE KHO NA NYID DU NI YANG DAG PA MA YIN NA YANG YANG DAG PAR RNAM PAR 'KHRUL PA'O, ,DE RNAMS KYI 'GAG PAR CHOS THAMS CAD STONG PA NYID DANG, RANG GI MTSAN NYID CES BYA BA RANG GI MTSAN NYID STONG PA NYID DANG, GZHAN GYIS YONGS SU BRTAGS PA'I DUS NI KUN RDZOB TU YANG MA DMIGS PA'I PHYIR DANG, YANG DAG PAR NA SHES PA'I SNANG BA LAS GZHAN PA'I DUS KYANG MI 'THAD PA'I PHYIR MI DMIGS PA ZHES BYA BA MI DMIGS PA STONG PA NYID DE, RNAM PA GSUM PO DE DAG GO, ,NGES PAR 'BYUNG BA'I RNAM PA KHO NA ZHES BYA BA MYA NGAN LAS 'DAS PA'I RNAM PA NYID YIN LA NGO BO NYID MED PA'I PHYIR, DNGOS PO MED PA'I NGO BO NYID STONG PA NYID KYI RNAM PA GCIG STE, DE LTAR NA ZHES BYA BA LA SOGS PA'I RNAM PA NI BCU DRUG TU BSGRAGS SO, ,KUN MKHYEN ZHES BYA BA LA SOGS PA'I RNAM PA THAMS CAD MKHYEN PA'I TSIG LE'UR BYAS PA'I DON NI RNAM PA THAMS CAD CES BYA BA LA SOGS PA SMOS PA YIN TE, RNAM PA THAMS CAD MKHYEN PA NYID KYIS ZHES BYA BA NI SNGAR BSHAD PAS SO, ,'PHAGS PA'I GANG ZAG THAMS CAD BSDUS PA'I PHYIR ZHES BYA BA NI NYAN THOS DANG RANG SANGS RGYAS DANG BYANG CHUB SEMS DPA' DANG YANG DAG PAR RDZOGS PA'I SANGS RGYAS BSDUS PA'I PHYIR TE, @194B GRANGS BZHIN DU NYAN THOS LA SOGS PA'I ZHES BYA BA 'OG MA DANG SBYAR BAR BYA'O, ,DRAN PA NYER BZHAG NAS BZUNG STE ZHES BYA BA NI LUS DRAN PA NYE BAR GZHAG PA DANG POR BYAS NAS SO, ,THA MA SANGS RGYAS NYID RNAM PAR ZHES BYA BA NI GNAS DANG GNAS MA YIN PA MKHYEN PA'I STOBS LA SOGS PA RNAM PA SUM CU RTZA DGU'I BAR NI RNAM PA YIN PAR SHES PAR BYA'O ZHES BYA BA'I THA TSIG GO, ,CI'I PHYIR RNAM PA THAMS CAD MKHYEN PA NYID KYIS 'PHAGS PA'I GANG ZAG THAMS CAD BSDUS PA YIN ZHE NA, THAMS CAD MKHYEN PA ZHES BYA BA LA SOGS PA SMOS TE, THAMS CAD MKHYEN PA NYID GSUM DU GRAGS PA DES BSDUS PA'I LAM GANG LA THAMS CAD MKHYEN PA NYID LA SOGS PA'I LAM GYI BDEN PA RNAM PA GSUM PO DE'I SGO NAS ZHES BYA BA DE'I THABS KYIS SO, ,'DIS NI KUN MKHYEN NYID GSUM BYE BRAG GIS ZHES BYA BA LA SOGS PA BSHAD PA YIN NO, ,'DIR DRAN PA NYE BAR GZHAG PA LA SOGS PA RNAM PA BRGYA BDUN CU RTZA GSUM YANG DAG PAR NA RNAM PA THAMS CAD MKHYEN PA'I YIN PAR BSHAD LA, DE YANG NYAN THOS LA SOGS PA LAM GSUM GYI BYE BRAG GIS GSUM NYID YIN NO ZHES BYA BAR DGONGS SO, ,DE NI DE LA ZHES BYA BA LA SOGS PA SMOS PA YIN TE, DE LA ZHES BYA BA NI RNAM PA THAMS CAD MKHYEN PA NYID KYIS BSDUS PA'I THAMS CAD MKHYEN PA NYID GSUM GYI NANG NAS SO, ,THAMS CAD CES BYA BA LA SOGS PA LA DNGOS PO YONGS SU RTOGS PA'I LAM LA ZHES BYA BA NI LUS LA SOGS PA RNAM PAR DBYAD PA'I THABS LA'O, ,BDEN PA BZHI LA 'JUG PAR BYA BA'I PHYIR ZHES BYA BA NI SDUG BSNGAL LA SOGS PA'I BSGOM PA'I LAM LA 'JUG PAR BYA BA'I PHYIR, ,RNAM PAR DPYAD PA NI LUS DANG ZHES BYA BA LA SOGS PA YIN TE, LUS LA SOGS PA'I RANG DANG SPYI'I MTSAN NYID DAG GI DON GYI BYA BA NUS PA DANG MI NUS PA DAG GIS YONGS SU BRTAG CING SKYE BA MED PA NYID DU SHES PAR BYED PA GANG YIN PA DE RNAM PA YIN NO, ,BRTZON 'GRUS BSKYED PA'I PHYIR RTZOL BA'I LAM STE, YANG DAG PAR SPONG BA'I THABS LA MI DGE BA NGES PAR SKYES PA DANG, MA SKYES PA DAG YANG DAG PAR SPONG BAR BYA BA'I PHYIR DANG, MI BSKYED PAR BYA BA'I PHYIR DANG, @195A *, ,DGE BA YANG DAG PAR SKYES PA DANG MA SKYES PA DAG LA 'PHEL BAR BYA BA DANG BSKYED PAR BYA BA'I RGYU NI BRTZON 'GRUS SO, ,SEMS LAS SU RUNG BA NYID DU BYED PA NI SEMS RTZE GCIG PAR GYUR PA YIN PAS, TING NGE 'DZIN YONGS SU SBYONG BA'I LAM STE, BSAM GTAN 'DU BYED PA'I THABS RDZU 'PHRUL GYI RKANG PA'I RNAM PA LA'O, ,TING NGE 'DZIN GYIS SPONG BA NI 'DOD CHAGS LA SOGS PA RTZOL BA'O, ,DE'I DON DU 'DU BYED PA NI 'BAD PA'O, ,DE DANG LDAN ZHING BCAS PA'I RDZU 'PHRUL GYI RKANG PA STE, RDZU 'PHRUL GYI RTEN YIN PA NI 'DI DAG GI STOBS KYIS RDZU 'PHRUL BYED PA YIN PA'I PHYIR TE, 'DUN PA LA SOGS PA'I SGO NAS LAS SU RUNG BAR 'GYUR BA NYID YIN PA'I PHYIR RO, ,SEMS YONGS SU SBYANG BA BYAS SHING TING NGE 'DZIN DANG LDAN PA'I MNGON PAR RTOGS PA'I SBYOR BA'I LAM STE, SBYOR BA'I NUS PA LAS BYUNG BA'I DAD PA LA SOGS PA'I THABS LA'O, ,DAD PA LA SOGS PA'I DBANG POS 'PHAGS PA'I LAM YANG DAG PAR BSGRUB PAR BYA BA'I PHYIR DRO BA DANG RTZE MO'I SBYOR BA RTOGS PAR GYUR PA YIN PA'I PHYIR RO, ,DRO BA LA SOGS PA THOB CING DRO BA DANG RTZE MO RTOGS PA NI BZOD PA LA SOGS PA MNGON PAR RTOGS PA DANG 'BREL CING GCIG TU GYUR PA'I LAM DAD PA'I STOBS LA SOGS PA GANG YIN PA DE LA 'DOD PA LA SOGS PA'I STOBS KYI RJES THOGS LA BDEN PA'I RTOGS PA'I DON DU DAD PA MED PA LA SOGS PA'I MI MTHUN PA'I PHYOGS ZIL GYIS GNON PA'I BZOD PA DANG CHOS KYI MCHOG GI SBYOR BA YIN PA'I PHYIR RO, ,DRO BA LA SOGS PA BZHI RTOGS PA LA NI, BDEN PA BZHI MTHONG BA'I LAM STE, BDEN PA BZHI SHES PA'I THABS LA NI MNGON PAR RTOGS PA'I LAM SHES BYA STE, DRAN PA LA SOGS PA'I THABS DES THOG MA KHO NAR DE KHO NA NYID DU MNGON PAR RTOGS PAR RIG PA YONGS SU SHES PA YIN PA'I PHYIR RO, ,BDEN PA MTHONG BA ZHES BYA BA LA SOGS PA LA YANG DAG PA'I LTA BA LA SOGS PA NI YANG DAG PAR NGES PAR 'BYIN PA'I LAM YIN TE, MTHONG BA'I LAM YAN CHAD 'DIS BSGOM PAS SPANG BAR BYA BA'I NYON MONGS PA RNAM PAR DAG PAR NGES PAR 'BYIN PA YIN PA'I PHYIR RO, ,DER 'DI LTAR BYANG CHUB KYI PHYOGS KYI CHOS 'DI RNAMS GO RIMS BZHIN DU 'BYUNG BAS @195B GO RIMS BZHIN DU SHES PAR BYA'O, ,DE LTAR NA DNGOS PO YONGS SU RTOGS PA'I LAM LA SOGS PA LAM RNAM PA BDUN GYI DBANG DU BYAS NAS SLOB MA RNAMS LA KUN SHES PA NYID KYI LAM GYI RTEN CAN TE, DE LA GNAS PA YIN NO, ,DA NI BYANG CHUB SEMS DPA' RNAMS KYI LAM SHES PA NYID KYI RNAM PA SUM CU RTZA BZHI NI LAM SHES PA ZHES BYA BA LA SOGS PA SMOS PA YIN TE, LTA BA NI GZUNG BA LA SOGS PA'I MI MTHUN PA'I PHYOGS KYI SHES PA'O, ,DE RNAMS KYI GNYEN PO'I LAM NI RNAM PAR SEL BA'I THABS RNAM PA GSUM MO, ,DE NI LTA BAS BYAS PA ZHES SMOS TE, LTA BA LAS GYUR PA'I MI MTHUN PA'I PHYOGS KYI GNYEN PO'O, ,DE'I RGYU MTSAN NI LTA BA'I RGYU'I RNAM PAR RTOG PA STE, RTOG PA GANG YIN PA DE RNAMS KYI GNYEN PO'O, ,KHAMS GSUM PA LA SMON PA NI SEMS CAN DU LTA BA LA ZHUGS PA GANG YIN PA STE, DE NI GNYEN PO'I ZHES BYA BA LA SOGS PA NI GO SLA'O, ,ZHI BA'I RNAM PAS MTSAN MA MED CES BYA BA 'DI DANG 'GAL LO ZHE NA, 'DI NI DNGOS PO'I RGYU'I RGYU MTSAN DANG RJES SU 'BREL PA'I NYAN THOS KYI LAM GYI DBANG DU BYAS NAS, DE SKAD BRJOD PA YIN PA'I PHYIR RO, ,SPRUL PA'I LAM NI SPRUL PA'I THABS KYI BYA BA RNAM PA GSUM MO, ,NANG GI BDAG NYID KYI GZUGS KYI 'DU SHES RNAM PAR MA BSHIG PA'I PHYIR ZHES BYA BA LA SOGS PA LA PHYI ROL GYI GZUGS RNAMS LA ZHES BYA BA KHA DOG BZANG BA DANG KHA DOG NGAN PA'O, ,BLTA'O ZHES BYA BA NI BDAG NYID BSAM GTAN NAM GZUGS MED PA'I SNYOMS PAR 'JUG PA LA BRTEN TE ZHES BYA BAR SHES PAR BYA'O, ,SPRUL PA'I SGRIB PA NI DE'I MI MTHUN PA'I PHYOGS TE, DE'I GNYEN PO RNAM PA GNYIS SO, ,RNAM PAR THAR PA GSUM PA NI GZUGS ZHES BYA BA LA SOGS PA SMOS PA YIN TE, GDUL BYA RNAMS KYI BSOD NAMS DANG BSOD NAMS MA YIN PA'I RGYU LAS GYUR PAS GZUGS SDUG PA DANG MI SDUG PA STE, 'PHAGS PA DANG CIG SHOS KYI RNAM PA DAG STE, DE DAG GI SPRUL PA'O, ,DGA' BA NI 'BAD PA'O, ,MI DGA' BA NI RGYAB KYIS PHYOGS PA'O, ,GNYIS PO DE DAG NI KUN TU CHAGS PA'I RGYU NYID YIN PA'I PHYIR KUN NAS NYON MONGS PA STE, MI MTHUN PA YIN LA DE DAG GI GNYEN PO NI RGYUR GDUL BYA RNAMS KYI SDUG @196A *, ,PA STE, BSOD NAMS KYI RGYU'I RNAM PAR THAR PA'I SGO STE, RDZOGS PA'I BYANG CHUB KYI THABS SO, ,LUS KYIS MNGON SUM DU BYAS NAS ZHES BYA BA JI LTAR GDUL BAR LUS KYI 'PHAGS PA'I RNAM PAR GYUR PA'O, ,RDZOGS PAR BYAS TE ZHES BYA BA NI BSTAN PAR DMIGS PA'O, ,GNAS SO ZHES BYA BA NI BYA BA THAMS CAD KUN TU SPYOD PA'O, ,'DIR YANG BDAG NYID GZUGS SDUG PA DANG MI SDUG PA LA PHAN TSUN LTOS PA'I 'DU SHES DANG, PHAN TSUN RJES SU 'GRO BA'I 'DU SHES LA BRTEN TE, PHAN TSUN GYI 'DU SHES RO GCIG PA THOB PAS GZUGS JI LTAR 'DOD PA'I RNAM PAR THAR PA LA DBANG THOB PA YIN NO ZHES BLTA BAR BYA STE, RDZOGS PA'I BYANG CHUB KYI BDAG NYID THAR PA KHYAD PAR CAN GYI RGYUR GYUR PAS NA RNAM PAR THAR PA'O, ,MTHONG BA'I CHOS NI BCOM LDAN 'DAS KYIS MNGON SUM DU MDZAD PA'I YE SHES SO, ,DE'I BDAG NYID CAN GYI BDE BAR GNAS PA GANG YIN PA NI JI LTAR BDE BAR GNAS PA'O, ,DE'I LAM NI THABS RNAM PA LNGA'O, ,THABS KYI RANG BZHIN YANG RNAM PA GNYIS BSHAD PA NI DE MTHONG BAS GZHAN RNAMS KYI YANG DE BSTAN PAS THAR PA DANG MTHUN PAR GNAS PA'I RGYUR GYUR PAS THAR PA DANG MTHUN PAR GNAS PA'I LAM GYI RANG BZHIN LA GZUGS MED PA'I SNYOMS PAR 'JUG PA RNAM PA BZHI STE, NAM MKHA' MTHA' YAS SKYE MCHED LA SOGS PA RNAM PA BZHI'O, ,ZHI BAR GNAS PA'I LAM GYI RANG BZHIN NI 'DOD CHAGS LA SOGS PA'I NYES PA MED PA'I PHYIR RO, ,'DU SHES ZHES BYA BA LA SOGS PAS NI 'GOG PA'I SNYOMS PAR 'JUG PA STE; GCIG YIN NO, ,'JIG RTEN LAS 'DAS PA'I LAM THABS RNAM PA DGU LA'O, ,SPONG BA'I LAM STE NYON MONGS PA SEL BA'I THABS LA'O, ,BAR CHAD MED PA ZHES BYA BA LA SOGS PA LA LAM GCIG YIN NA YANG BDEN PA BZHI'I BYE BRAG GIS NYON MONGS PA DANG MI LDAN PA'I MTSAN NYID KYANG GZHI YIN NO, ,SANGS RGYAS NYID KYI LAM NI SBYIN PA LA SOGS PA STE, DE NI SBYIN PA ZHES BYA BA LA SOGS PA SMOS PA YIN NO, ,DE LTAR NA LAM RNAM PA DRUG GI DBANG DU MDZAD NAS BYANG CHUB SEMS DPA' ZHES BYA BA LA SOGS PA SMOS PA YIN NO, ,DA NI YANG DAG @196B PAR RDZOGS PA'I SANGS RGYAS RNAMS KYI RNAM PA THAMS CAD MKHYEN PA NYID KYI RNAM PA SUM CU RTZA DGU NI RNAM PA THAMS CAD MKHYEN PA ZHES BYA BA LA SOGS PA SMOS PA YIN TE, SHIN TU PHUL DU BYUNG BA'I PHYIR ZHES BYA BA NI THAMS CAD KYI MCHOG YIN PA NYID KYI PHYIR RO, ,THUN MONG MA YIN PA ZHES BYA BA LA SOGS PA LAM GCIG PU KHO NA YIN NA YANG STOBS DANG MI 'JIGS PA LA SOGS PA'I BYE BRAG GIS PHYE BA YIN NO ZHES BYA BAR DGONGS SO, ,DA NI DE LA NI GNAS DANG GNAS MA YIN PA ZHES BYA BA LA SOGS PA SMOS PA YIN NO, ,SANGS RGYAS RNAMS KYI RNAM PA NI SUM CU RTZA DGU'O ZHES BYA BA NI STOBS LA SOGS PA RNAM PA SUM CU RTZA DRUG DANG 'DI RNAMS KYI NGO BO NYID DE BZHIN NYID GANG YIN PA DANG ,GANG ZHIG DE CHOS THAMS CAD LA MNGA' BSGYUR BA'I RANG BYUNG DANG, GANG GI DON DU RNAM PA THAMS CAD MNGON PAR RDZOGS PAR BYANG CHUB PA'I SANGS RGYAS NYID CES BYA BA GSUM MO, , RNAM PA THAMS CAD BSDUS TE RANG BZHIN DANG GRANGS NI DE LA THAMS CAD SHES PA NYID KYI RNAM PA NI ZHES BYA BA LA SOGS PA SMOS PA YIN TE, DRI MA MED PA'I RNAM PA BCU DRUG LAS GZHAN MED DO ZHES GANG GSUNGS PA DE NI NYON MONGS PA'I SGRIB PA'I GNYEN PO LAS DGONGS PA YIN PAS DE DANG 'DI LA 'GAL BA MED DO, ,SBYOR BA KHYAD PAR ZHES BYA BA LA SOGS PAS RNAM PA DANG BCAS PA'I SBYOR BA'I BDAG NYID KYI YUM SGOM PAR BYED PA'I BYANG CHUB SEMS DPA'I DON GYI SHUGS KYIS 'PHANGS PA BSHAD PA YIN NO, ,DE DAG KYANG SBYOR BA PO MED PAR BRJOD PAR MI NUS PAS ZHES BYA BA NI DGOS PA MED PA'I PHYIR SMRA BAR MI RIGS SO, ,SANGS RGYAS RNAMS LA BKUR STI BYAS PA NI SANGS RGYAS LA DMIGS TE GTZUG LAG KHANG LA SOGS PA BYED PA DANG, SANGS RGYAS RNAMS LA BSOD SNYOMS LA SOGS PHUL BAS SO, ,DE LA DGE BA'I RTZA BA BSKRUN PA NI SANGS RGYAS LA BSNYEN BKUR BYAS PA LA SOGS PAS SO, ,DGE BA'I BSHES GNYEN GYI MGON DANG BCAS SHING DGE BA'I BSHES GNYEN RNAMS KYI MGON DANG LDAN PA NI RNAM PA DANG BCAS PA'I SBYOR BA'I BDAG NYID KYI YUM 'DI MNYAN PA'I SNON YIN ZHING 'DZIN PA DANG 'CHANG BA LA SOGS PA NI SNOD NYID YIN PAR DAM PA RNAMS @197A *, ,BZHED PA STE, DER BSNGAGS PA YIN PA'I PHYIR SANGS RGYAS KYIS GNANG BA YIN NO, ,TSIG LE'UR BYAS PA'I DON NI 'DAS PA DANG ZHES BYA BA LA SOGS PA SMOS PA YIN TE, GZHAN DANG MNYAM PA LA SOGS PA 'THOB PAR MI 'GYUR BAS 'DAS PA DANG DA LTAR BYUNG BA'I SANGS RGYAS RNAMS LA DGE BA'I RTZA BA BSKRUN CING SBYANGS PA STE, SANGS RGYAS THAMS CAD LA DMIGS TE GTZUG LAG KHANG LA SOGS PA BYED PA DE RNAMS LA BSOD SNYOMS LA SOGS PA PHUL BAS DANG PO THAR PA'I CHA DANG MTHUN PA'I SA BON THOB PA'O, ,SPYIR ZHES BYA BA NI GZHAN RNAMS LA MED PAS DE BZHIN GSHEGS PA RNAMS LA SPYIR SANGS RGYAS DE DAG NYID LA BKUR STI BYAS PA DANG, DGE BA'I RTZA BA BSKRUN CING SBYANGS PA'I SBYOR BA PO THAMS CAD KYI LHA'I RIGS, LUS LA SOGS PA ZHES BYA BA LUS DANG NGAG DANG SEMS KYIS BSKOR BA BYA BA DANG, DON CI LTA BA BZHIN BSTOD PA DANG THOS PA DANG BSAM PA LA SOGS PAS BSNYEN BKUR BYAS SHING BSTEN PAR BYAS PA DANG, RAS RIS LA SOGS PAR GTOGS PA'I DE BZHIN GSHEGS PA RNAMS LA MNYES PAR BYAS SHING MCHOD PA NI LUS LA SOGS PA'I BSNYEN BKUR GYIS MNYES PAR BYA BA'O, ,THE TSOM GYI DON YONGS SU 'DRI BA NI YID GNYIS SU GYUR PA'I DON DGE BA'I BSHES GNYEN LA ZHU BA'O, ,SBYIN PA LA SOGS PA'I PHA ROL TU PHYIN PA BCU SGRUB PA NI NYAMS SU LEN PA'O, ,DE DANG LDAN PA'I DGE BA'I BSHES GNYEN DAG GIS BYIN GYIS BRLABS PA 'DI NYID NI RNAM PA'I MTSAN NYID CAN GYI YUM ZHES BYA BA RNAM PA'I SBYOR BA'I BDAG NYID CAN GYI SHES RAB KYI PHA ROL TU PHYIN PA 'DI GO RIMS JI LTA BA BZHIN ZHES BYA BA BKUR STI BYAS SHING DGE BA'I RTZA BA BSKRUN CING SBYANGS PA DANG ,SANGS RGYAS LA BSNYEN BKUR BYAS PA DANG ,THE TSOM GYI DON YONGS SU DRI BA DANG ,SBYIN PA LA SOGS PA BSGRUB PA DANG LDAN PA STE ,DGE BA'I BSHES GNYEN DANG LDAN PA BZHI PO NI MNYAN PA LA SOGS PA BZHI'I SNOD NYID DU GYUR PA YIN NO ZHES BYA BAR SBYAR RO, ,TSIG CES BYA BA LA SOGS PAS NI LEN PA DANG ZHES BYA BA LA SOGS PA BSHAD PA YIN NO, ,TSUL BZHIN YID LA BYED PA NI LAM BSGOM PA'O, ,GANG GIS SNGON @197B SANGS RGYAS MNGON SUM DU MTHONG ZHING DE RNAMS LA DES BKUR STI BYAS PA'I BSOD NAMS NYE BAR BSAGS NA DES DE RNAMS NYID LAS CI'I PHYIR YUM MNYAN PA LA SOGS PA MA BSGRUBS ZHES BRJOD PAR MI BYA STE, DE RNAMS NI DE'I TSE DES MNGON SUM DU 'DUL BAR 'GYUR BA MA YIN LA DA LTAR NI TSUL DE'AM RGYUD DE LAS DGE BA'I BSHES GNYEN DES 'DUL BA NYID KYIS NA YUM MNYAN PA LA SOGS PA 'BYUNG BAR 'GYUR BA'O, ,ZA MA TOG BKOD PA LAS DE BZHIN GSHEGS PA'I BKAS SGRIB PA THAMS CAD RNAM PAR SEL BAS B'A R'A nA GNAS PA'I DGE BA'I BSHES GNYEN LA BSNYEN BKUR BYAS PA DANG 'DRA BA YIN PAS NA NYES PA MED DO, ,GZUGS LA SOGS PA ZHES BYA BAS NI SBYOR BA'I RAB TU BYED PA'I DON BSHAD PA YIN TE ,YANG DAG PAR NA GZUGS LA SOGS PA NGO BO NYID MED PA NYID KYIS MI GNAS PA NI MNGON PAR MA ZHEN PA'O, ,GZUGS LA SOGS PA DE DAG LA MI SBYOR BA NYID SBYOR BA YIN PA NI BSGOM PAR BYA BA LA SOGS PA GSUM PO NYE BAR MA DMIGS PA'O, ,GZUGS LA SOGS PA DE DAG NYID DE BZHIN NYID KYIS STONG PA NYID YIN PAS ZAB PA DANG GTING DPAG DKA' BA DANG TSAD MED PA NYID MI GNAS PA DANG MI DMIGS PA DANG RANG BZHIN DANG RNYOG PA MED PA DANG, MTHA' MED PA NYE BAR MA DMIGS PA NYID DE, DE LTAR RTOGS SHING SHES PA DANG LDAN PA RNAMS LA GRANGS BZHIN DU ZHES BYA BA LA SOGS PA'I SBYOR BA LNGA NI GZUGS LA SOGS PA LA MI GNAS PA'I PHYIR ZHES BYA BA LA SOGS PA'I DON BSHAD PA YIN NO, ,SHES RAB KYI PHA ROL TU PHYIN PA DE LA TSEGS CHEN PO DANG YUN RING PO DAG GIS SDUG BSNGAL BA DANG, BSKAL PA GRANGS MED PA GSUM GYIS MNGON PAR RDZOGS PAR BYANG CHUB PA DE LA SKRAG PA'O, ,SANGS RGYAS RNAMS LAS 'TSANG RGYA BA NYID KYIS DUS DANG MING DANG NGES PA LA SOGS PA THOB PA GANG YIN PA DE NI LUNG BSTAN PA THOB PA STE, DE LA MI SKRAG PAS NI TSEGS CHEN YUN RING RTOGS PA'I PHYIR LUNG BSTAN CES BYA BA BSHAD PA YIN NO, ,PHYIR MI LDOG PA NYID DU YANG DAG PAR 'DZIN PA NI SHES RAB KYI PHA ROL TU PHYIN PA LA SOGS PA'I DON PHYIN CI MA LOG PA NYID KYIS BZUNG BA'O, , @198A *, ,NGES PAR 'BYUNG BA NI BLA NA MED PA'I YE SHES THOB PA LA BAR CHAD KYI CHOS 'OG NAS SMOS PA'I NYES PA GANG YIN PA DE RNAMS SPONG BA NI DGE BA'I BSHES GNYEN LA SOGS PA'I STOBS KYIS 'DOR BA'O, ,BAR CHAD MED CING RGYUN MI CHAD PA'I RTAG TU CHOS BSGOM PA'I YID NYID KYIS GUS PA DANG BCAS PA LA SOGS PAS BSGOM PA'O, ,RANG GI TSUL LAS LTOS NAS YANG DAG PAR MNGON PAR RDZOGS PAR BYANG CHUB DANG NYE BA YIN ZHING ZAG PA MED PA'I CHOS GSER GYI RTEN NYID YIN PA NI SANGS RGYAS PA KHO NAR GYUR NA NYE BAR DMIGS PA'I GNAS SKABS SU RTOGS PA'I CHOS MTHONG BA DANG BRAL BA'I PHYIR NYID SNGON DU MA BYUNG BA NI NYON MONGS PA CAN MA YIN PA'I YE SHES KYI RANG GI MTSAN NYID 'DZIN PA'I STOBS BCU LA SOGS PA'I RTEN NYID YIN PA'O, ,MYUR DU MNGON PAR RDZOGS PAR BYANG CHUB CING 'BRAS BU CHOS KYI SKU MNGON PAR GRUB PA NI PHA ROL GYI STOBS BCU LA SOGS PA'I RTEN GYI CHOS KYI SKU RDZOGS PAR BYED PA STE, DE LTAR SMON PA YIN PA'I PHYIR TE, BYANG CHUB NYE DANG MYUR BA DANG, ,ZHES BYA BA BYANG CHUB RNAM PA GNYIS BSHAD PA YIN NO, ,GZHAN GYI DON DU CHOS KYI 'KHOR LO RAB TU BSKOR BA NI KUN NAS CHOS STON PAR MDZAD PA'O, ,'PHEL BA MED PA DANG 'GRIB PA MED CING GZUGS LA SOGS PA'I 'PHEL BA DANG 'GRIB PA MI MTHONG BA NI MA DMIGS PA'O, ,CHOS NI GZUGS LA SOGS PA'O, ,CHOS MIN NI NAM MKHA' LA SOGS PA'O, ,SOGS PA'I SGRAS NI GANG ZAG LA SOGS PA STE, DE RNAMS YANG DAG PAR MI MTHONG BA NI CHOS DANG CHOS MA YIN PA LA SOGS PA NYE BAR MI DMIGS PA STE ,DE LA 'DOD PA'I KHAMS SU MI DMIGS PA'O, ,GZUGS LA SOGS PA BSAM GYIS MI KHYAB PA'I RNAM PA'I STONG PA NYID KYIS 'GOG CING MI DMIGS PA GANG YIN PA DE LA GZUGS LA SOGS PA BSAM GYIS MI KHYAB PA'I RNAM PAR RLOM PA MED PA NI GZUGS LA SOGS PA'I STOBS PA NYID LA MNGON PAR ZHEN PA MED PA'O, ,GZUGS LA SOGS PA'I DNGOS PO LA MI RTOG PA NI GZUGS DANG DE'I MTSAN MA DANG ,DE'I NGO BO NYID DU RNAM PAR MI RTOG PA STE ,GZUGS KYI PHUNG PO DANG SNGON PO LA SOGS PA 'BYUNG @198B BA CHEN PO LA SOGS PAR RTOG PA MED PA'O, ,'BRAS BU RIN CHEN SBYIN BYED PA NI RGYUN TU ZHUGS PA LA SOGS PA NAS BLA NA MED PA YANG DAG PAR RDZOGS PA'I BYANG CHUB KYI 'BRAS BU RIN PO CHE SBYIN PA LA 'BRAS BU DANG PO MTHONG BA NI RGYUN TU ZHUGS PA LA SOGS PA'I 'BRAS BU SHES PA'O, , DAG PA NI DE BZHIN NYID KYI DRI MA MED PA NI GZUGS RNAM PAR DAG PA STE, GZUGS KYI PHUNG PO LA SOGS PA DRI MA MED PA'O, ,MTSAN NI DRI BA'I DUS LA SOGS PA'I NGES PAS LO SKOR DU MNGON PAR BRTZON PA MI 'DOR BA ZHES BYA BA LA SOGS PA'I SGRUB PA DANG LDAN PA RNAMS GO RIMS BZHIN DU ZHES BYA BA LA SOGS PA SBYOR BA RNAM PA BCO LNGA'O, ,SBYOR BA RNAM PA NYI SHU YIN NO ZHES BYA BA NI SNGAR BSHAD PA'I SBYOR BA LNGA DANG BCAS PA STE, GZHAN DON 'PHEL MED CES BYA BA LA SOGS PA'I BSHAD PA YIN NO, ,SBYOR BA NYI SHU PO DE DAG GI GO RIMS 'DI NI RIGS PA KHO NA YIN TE ,DE YANG GZUGS LA SOGS PA'I CHOS THAMS CAD LA MNGON PAR ZHEN PA MED PAS GNAS PA DANG, DE LA MI SBYOR BA'I SBYOR BA LA MNGON PAR BRTZON PA DE DAG GIS GZUGS LA SOGS PA LA ZAG PA NYID DANG, GTING DPAG DKA' BA NYID DANG, TSAD MED PA NYID RTOGS PAR 'GYUR RO, ,DE NAS 'DI YANG DAG PA'I SBYOR BA MI BYED PA NYID KYIS NI LAS DANG PO PA NYID KYI NI TSEGS CHEN POS 'THOB PO, ,DE LAS GZHAN PA NI LUNG BSTAN PA DANG, PHYIR MI LDOG PA'I SA BDE BLAG TU THOB NAS NGES PAR 'BYUNG BA DANG MI 'BRAL BAR 'GYUR ZHING BAR CHAD MED PAR 'GYUR BA DANG, MNGON PAR RDZOGS PAR BYANG CHUB PA LA NYE BAR 'GYUR BA DANG, MYUR DU MNGON PAR RDZOGS PAR BYANG CHUB PAR 'GYUR RO, ,DE LAS GZHAN GYI DON BYED CING 'PHEL BA MED PA DANG 'GRIB PA MED PAR 'GYUR RO, ,DES NA CHOS DANG CHOS MA YIN PA LA SOGS PA LA MING DANG GZUGS DANG BSAM GYIS MI KHYAB PA LA KHYAD PAR GYI 'DU SHES THAMS CAD DANG BRAL BAS RNAM PAR MI RTOG PA DANG, 'BRAS BU RIN PO CHE SBYIN PAS MCHOG TU RNAM PAR DAG PA'I MTHAR THUG PA THOB PAR 'GYUR TE, SNGA MA BZHIN DU LO GCIG GI BAR DU MNGON PAR BRTZON PAS SEMS KYI RGYUD YONGS SU SBYANGS PA YIN @199A *, ,PAS 'DI NI MNGON PAR RTOGS PAS RAB TU PHYE BA YIN NO, ,BDUD KYI ZHES BYA BA LA SOGS PA'I TSIG LE'UR BYAS PA'I DON NI BDUD KYI MTHU BCOM PA DANG ZHES BYA BA LA SOGS PA YIN TE ,BDUD KYI MTHU BCOM PA NI DBANG PO LA SOGS PA'I BGEGS KYI NUS PA BSAL BA'O, , SANGS RGYAS KYIS DGONGS SHING MKHYEN PA NYID NI SBYOR BA DANG DNGOS GZHI DANG MJUG GI GNAS SKABS SU SANGS RGYAS KYI SPYAN RAS KYIS BTZAS PA'O, ,SANGS RGYAS KYI MNGON SUM DU MDZAD PA NI SANGS RGYAS KYI YUL DU MDZAD PA'O, ,YANG DAG PAR RDZOGS PA'I BYANG CHUB DANG NYE BAR GYUR PA NI BYANG CHUB DANG NYE BAR GYUR PA NYID DO, ,DON YANG YIN LA CHEN PO YANG YIN PAS NA DON CHEN PO STE ,RANG GI DON GTZO BO MA YIN NA YANG GZHAN GYI DON GTZO BO CHE BA'I RGYUR GYUR PA'I PHYIR RO, ,DE'I DNGOS PO NI DON CHEN PO NYID DO, ,GZHUNG GI BDAG NYID KYI YUM 'CHANG BA DANG KLOG PA NYID KYIS RDZOGS PA'I SANGS RGYAS DANG, BDE 'GRO DAG DANG YANG DAG PAR 'TSANG RGYA BA NYID DANG MI 'BRAL BA NYID YIN PA LA SOGS PA'I SGRAS NI DE PHAN CHAD KYANG YID BZHIN GYI NOR BU DANG 'DRA BA RNAM PA THAMS CAD DU GZHAN GYI DON RGYUN MI 'CHAD PA'O, ,YUL DPYAD PA NI YUM BSHAD PA'I PHYIR 'CHAD PA PO'I BYANG PHYOGS LA SOGS PA'I YUL RNAM PAR BSTAN PA'O, ,ZAG PA MED PA'I YON TAN THAMS CAD RDZOGS PA NI SANGS RGYAS KYI YON TAN BSKYED PA'O, ,SMRA BA'I SKYES BU NYID NI CHOS THAMS CAD SKYE BA MED PAR STON PA PO MI PHYED PA NYID DO, ,MI PHYED PA NYID NI BYANG CHUB LAS MI BSKYOD PA NYID DO, ,DGE BA'I RTZA BA THUN MONG MA YIN PA SKYE BA NI 'KHOR GSUM YONGS SU DAG PA'I SBYIN PA LA SOGS PA'I BSOD NAMS BSKYED PA'O, ,DAM BCAS PA'I DON JI LTA BA BZHIN DU BSGRUBS PA NI SNGON GYI SMON LAM RNAM PA THAMS CAD DU RDZOGS SO, ,'BRAS BU RGYA CHEN PO YONGS SU 'DZIN PA NI 'TSANG RGYA BA NYID 'DZIN PA'O, ,SEMS CAN GYI DON SGRUB PA NI CHOS STON PA LA SOGS PA LA GZHAN GYI DON LEN PA'O, ,NGES PAR 'THOB PA NI SHES RAB KYI PHA ROL TU PHYIN PA MA TSANG BA MED PAR THOB PA'O ZHES BYA BA'I YON TAN RNAMS NI 'BRAS BUR 'GYUR BA'O, ,DON GYIS 'PHANGS PA'I @199B RGYUR GYUR PA'I YON TAN NI GRANGS BZHIN DU ZHES BYA BA LA SOGS PA SMOS PA YIN TE, BYIN GYIS BRLABS PA NI NUS PA BSKYED PA'O, ,DGONGS PA NI GZIGS PA'O, ,YE SHES KYI GZIGS PA NI LHA DANG SHES RAB DANG CHOS DANG SANGS RGYAS KYI SPYAN NI YE SHES SO, ,NYE BAR GYUR PA NI NYE BA NYID DO, ,PHAN YON CHEN PO NI BSTOD DANG BKUR DANG ZHES BYA BA LA SOGS PA'O, ,BYA BA BYED PA NI SEMS CAN YONGS SU SMIN PAR BYA BA LA SOGS PA'O, ,GNYEN PO'I CHOS YONGS SU RDZOGS PA NI LAM SHES PA YONGS SU RDZOGS PA'O, ,RNAM PA THAMS CAD MKHYEN PA NYID KYI GTAM BRJOD PA NI YUM STON PA'O, ,GROGS MDZAD PA NI MGON DANG BCAS PA'I BYA BAS MNYAM PA NYID DU BSKYED PA'O, ,DGA' BA RGYA CHEN PO BSKYED PA NI 'JIG RTEN LAS 'DAS PA'I CHOS KYI DGA' BA BSKYED PA'O, ,DE'I DAM BCAS PA'I TSIG LA RJES SU RI RANG BA NI SBYOR BA DANG LDAN PA'I SMON PA'I TSIG LE'U LA DGA' BA'O, ,CHOS ZAB MO MNGON PAR 'DOD PA NI SHES RAB KYI PHA ROL TU PHYIN PA NYEN PAR 'DOD PA LA SOGS PA MNGON PAR MOS PA'O, ,SEMS CAN GYI DON BYED PA NI SNGA MA BZHIN NO, ,SHES RAB KYI PHA ROL TU PHYIN PA TSANG BAR RNYED PA NI YAM YANG DAG PAR RDZOGS PAR RNYED PA'O, ,DE LTAR NA SANGS RGYAS KYI BYIN GYIS BRLABS PA LA SOGS PA RGYUR GYUR PA'I YON TAN BCU BZHI PO DE DAG PHYIN CI MA LOG PA'I SBYOR BA LA MNGON PAR DGA' BA'I SNGON BSHAD PA'I SGOM PA PO LA 'BRAS BUR GYUR PA'I YON TAN 'BYUNG BAR 'GYUR ZHING MNGON SUM DU 'GYUR LA RJES SU MTHUN PAR BSLAB PAR BYA BA NYID YIN PAS YON TAN BCU BZHI YIN NO, ,DE'I 'OG TU YANG GANG ZHIG CES BYA BA LA SOGS PA NI TSIG LE'UR BYAS PA'I DON YIN LA SBYOR BA PO'I BAR CHAD CES BYA BA LA SOGS PAS NI NYES PA BSHAD PA YIN NO, ,TSIGS CHEN POS 'THOB PA NI YUM SHES PAR RING ZHIG NA THOB PA'O, ,SPOBS PA HA CANG MYUR BA NI SNGON DANG PHYI MA MA DPYAD PAR YUM SHIN TU MYUR BAR SHES PA'O, ,LUS KYI GNAS NGAN LEN DANG SEMS KYI GNAS NGAN LEN NI LUS DANG SEMS DAG GI RNAM PAR G-YENG BA'O ,RIG PA DANG MA YIN PA @200A *, ,ZHES BYA BA LA SOGS PAS NI GCIG LA GCIG RGOD PA LA SOGS PAS DRI BA LA SOGS PA BYED PA'I PHYIR RO, ,PHYIR PHYOGS PA'I RGYU MTSAN ZHES BYA BA LA SOGS PA NI YUM MNYAN PA LA SOGS PA LA DAD PA MED PAS SO, ,RGYU LA MNGON PAR ZHEN PA NYAMS PA LA SOGS PA NI THEG PA CHEN PO SPANGS NAS THEG PA GZHAN BYANG CHUB KYI RGYU NYID YIN PA DANG, GYA NOM PA NYID DANG, RNAM PA THAMS CAD DU THEG PA'I MCHOG NYID DANG, RTAG TU CHED DU BYA BA NYID DANG, RGYU DANG 'BRAS BU 'BREL BA NYID DANG, GONG NA MED PA NYID DU MNGON PAR ZHEN PAS RGYU LA MNGON PAR ZHEN PA LA SOGS PA DRUG PO LA NYAMS PA ZHES SMOS PA NI THEG PA CHEN PO LAS NYAMS PA'I RGYU NYID YIN PA'I PHYIR RO, ,YUL RNAM PA MANG PO LA ZHES BYA BA LA SOGS PA NI BUD MED LA SOGS YUL RNAM PA MANG PO'I RNAM PAR RTOG PA'I SHES PA SKYE BA'I PHYIR RO, ,YI GER 'DRI BA LA MNGON PAR ZHEN PA LA SOGS PA YANG THEG PA CHEN PO LAS G-YENGS PA'I RGYU RNAMS YIN NO ,'DIR BCU TSAN SNGA MA NI NYAN PA PO YIN LA BCU TSAN PHYI MA NI 'CHAD PA PO YIN TE, DE NI GRANGS BZHIN DU ZHES BYA BA LA SOGS PA SMOS PA YIN TE, GRANGS BZHIN DU NYAN PA PO DANG 'CHAD PA PO DAG CES BYA BA NYAN PA DANG 'CHAD PAR BYED PA DE DAG GANG YANG RUNG BA NI GCIG CIG GO, ,DE NI SNGA MA DANG PHYI MA DANG MNGON PAR 'BREL BAS ZHES SMOS PA YIN NO, ,BCU TSAN SNGA MA'I SBYOR BA NI SNGA MA NYAN PA PO YIN LA BCU TSAN PHYI MA'I SBYOR BA LA NI PHYIS SMOS PA 'CHAD PA PO YIN PAR SBYOR RO ZHES BYA BA'I THA TSIG GO, , 'DUN PA DANG SNYOM LAS NI MNGON PAR 'DOD NA YANG LE LO BYED PA'O, ,'DUN PA'I YUL THA DAD PA NI NYAN PA PO'I 'DUN PA'I YUL LAS 'CHAD PA PO'I 'DUN PA THA DAD PA NYID DO, ,'DOD RTZEN CHUNG BA DANG 'DOD RTZEN CHUNG BA MA YIN PA NYID NI NYAN PA PO DANG 'CHAD PA PO DAG YUM BSGOM PA MED PA'I RGYU NYID YIN PAS 'DI DAG LA NYAMS PA ZHES BRJOD DO, ,SBYANGS PA'I YON TAN DANG LDAN PA DANG, MI LDAN PA DAG NI NYAN PA PO DANG 'CHAD PA PO DAG 'DOD RTZEN CHUNG BA DANG, 'DOD RTZEN CHUNG BA MA YIN PA DAG GIS ZHES BSHAD PAR BYA'O, ,DGE BA DANG DGE BA MA YIN PA'I CHOS @200B NYID DANG GTONG BA DANG SER SNA BYED PA NI DAD PA'I CHOS NYID KYIS NA NYAN PA PO'I NOR GTONG BA DAD PA MA YIN PA'I CHOS NYID KYIS NA 'CHAD PA PO LA SER SNA BYED PA'O, ,SBYIN PA DANG MI LEN PA NI NYAN PA PO DANG 'CHAD PA PO DAG STER PA DANG MI LEN PA'O, ,MGO SMOS PAS GO BA DANG RNAM PAR SPROS PA NYID NI NYAN PA PO DANG 'CHAD PA PO DAG GO, ,MDO SDE LA SOGS PA'I CHOS MNGON PAR SHES PA DANG, MNGON PAR MI SHES PA NYID NI 'CHAD PA PO DANG NYAN PA PO DAG GO, ,DE NYID KYIS NA 'DI DAG PHA ROL TU PHYIN PA DRUG DANG LDAN PA DANG MI LDAN PA ZHES BYA BA LA SOGS PA CI RIGS PAR SBYAR BAR BYA'O, ,GRANGS BZHIN DU GCIG PU DANG ZHES BYA BA LA SOGS PA'I TSIG SNGA MA SNGA MA DAG NI 'CHAD PA PO YIN LA ,PHYI MA PHYI MA DAG NI NYAN PA PO YIN PAR SBYAR BAR BYA'O, ,DE NI 'CHAD PA PO DANG ZHES BYA BA LA SOGS PA SMOS PA YIN TE, 'KHOR LA MNGON PAR DGA' BA NYID NI BDAG NYID NI 'KHOR DANG BCAS PAR 'GYUR BAR BYA'O ZHES MNGON PAR 'DOD PA'O, ,GO SKABS MI 'BYED PA NYID DANG 'DOD PA NYID KYI RJES SU MA 'BREL PA NYID NI BDAG NYID KHO NA SBYIN PA PO NYID DU 'DOD PA'O, ,ZANG ZING CUNG ZAD TZAM 'DOD PA DANG DE SBYIN PAR MI 'DOD PA NYID NI NOR RNAMS LA SBYIN PAR MI 'DOD PA'O, , SROG GI BAR CHAD DU ZHES BYA BA LA SOGS PA LA BCU TSAN BZHI PA NI SNGAR BSHAD PA BZHI'O, ,'OG NAS BSHAD PA'I NYES PA DRUG PO DE NI DE BZHIN DU MU GE ZHES BYA BA LA SOGS PA SMOS PA YIN TE, DE LTAR NA NYES PA BZHI BCU RTZA DRUG GIS NI YUM SHES PA LA SOGS PAR RUNG BA'I SEMS SUN 'BYIN PAR BYED PA YIN PA'I PHYIR SKYON YIN NO, ,GO RIMS BZHIN DU ZHES BYA BA LA SOGS PAS NI MTSAN NYID RNAM PA BZHI PO RE RE ZHING THAMS CAD MKHYEN PA NYID GSUM GYI KHYAD PAR YOD PA RNAMS KYI NANG NAS SO, ,DE BZHIN GSHEGS PA ZHES BYA BA LA SOGS PA NI TSIG LE'UR BYAS PA'I DON BSHAD PA YIN TE, DE BZHIN GSHEGS PA 'BYUNG BA NI YUM GYI DBANG GIS SANGS RGYAS SU 'GRUB PA'O, ,'JIG RTEN 'JIGS PA MED PA NI SKAD CIG MA NYID DANG RGYUN MI 'DRA BA'I RGUD PA'I 'JIGS PAS YANG DAG PAR NA MI 'JIGS PA'O, ,SEMS CAN GYI SEMS KYI @201A *, ,SPYOD PA NI SEMS CAN GYI BSAM PA STONG PHRAG BRGYAD CU RTZA BZHI'AM GRANGS MED PA'O, ,SEMS BSDUS PA NI YANG DAG PA'I SEMS SO, ,SEMS RNAM PAR G-YENGS PA NI DE LAS GO BZLOG PA'O, ,SEMS MI ZAD PA'I RNAM PA NI GZHAL BYA MI ZAD PA NYID KYIS NA SNYING RJE CHEN POS BYIN GYIS BRLABS PA'I SEMS SO, ,SEMS 'DOD CHAGS DANG BCAS PA LA SOGS PA'I NYON MONGS PA DANG BCAS PA DANG, NYON MONGS PA MED PA'I SEMS SO, ,SEMS RGYA CHEN PO LA SOGS PA NI RGYA CHE BA NYID KYI PHYIR DANG KHYAB PA'I PHYIR DANG GRANGS DANG TSAD DAG GIS GZHAL PAR MI NUS PA NYID KYI PHYIR DANG, DPE MED PA'I PHYIR DANG DBANG PO LA SOGS PA'I SPYOD YUL MA YIN PA'I PHYIR RO, ,SEMS G-YO BA LA SOGS PA ZHES BYA BA G-YO BA DANG MI G-YO BA NI RANG GI YUL LA SGRUB PA DANG DGAG PA'I SGO NAS 'JUG PA'O, ,DE LAS SKYES PA'I SEMS NI G-YO BA'O, ,SOGS PA'I SGRAS NI SEMS MI G-YO BA ZHES BYA BA BSHAD PA YIN NO, ,G-YO BA LA SOGS PA'I DE BZHIN NYID KYI RNAM PA CAN NI SNGAR BSHAD PA'I G-YO BA DANG MI G-YO BA DAG STONG PA'I BDAG NYID DO, ,DE BZHIN GSHEGS PA'I DE BZHIN NYID RTOGS PA NI YANG DAG PAR RDZOGS PA'I SANGS RGYAS KYIS STONG PA NYID SHES PA'O, ,DE GZHAN LA BSTAN CING BTAGS PA NI GDUL BYA RNAMS LA DE KHO NA NYID STON PA DANG, CHOS THAMS CAD KYI RJES SU 'GRO BA NYID KYIS DE RNAM PAR 'JIG PA'O, ,DE LTAR NA DE BZHIN GSHEGS PA 'BYUNG BA ZHES BYA BA LA SOGS PA 'DI RNAMS JI LTA BA BZHIN DU RJES SU MI DMIGS PA'I SHES PA'I BAR GYI RNAM PAS DE LA MI DMIGS PA'I SHES PA'I KHYAD PAR RO, ,RNAM PA BCU DRUG GI TSUL BZHIN DU ZHES BYA BA THA DAD PA NYID DU'O, ,THAMS CAD SHES PA NYID KYI SBYOR BA RNAMS NI SNGAR BSHAD PA RNAMS MTSON CING SHES PAS NA SHES PA'I BDAG NYID CAN GYI MTSAN NYID NI SHES PA'I MTSAN NYID CES BYA BA LA SOGS PA YIN NO, ,NGO BO NYID DANG RTEN MED PA DANG NAM MKHA'I MTSAN NYID DE GSUM NI MYA NGAN LAS 'DAS PA DANG, CHOS KYI DBYINGS DANG, DE BZHIN NYID KYI YE SHES @201B RNAMS YIN NO, ,CHOS NYID RNAM PAR 'KHRUGS PA MED PA NI GZUGS LA SOGS PA'I NGO BO NYID KYIS STONG PA'I GZUGS LA SOGS PA LA BDAG LA SOGS PAR SGRO MI 'DOGS PAS STONG PA NYID LAS MA NYAMS PA'O, ,'DU MI BYED PA NI YANG DAG PAR NA PHUNG PO LA SOGS PA MED PA'O, , RNAM PAR MI RTOG PA NI RNAM PAR RTOG PA MED PA'O, ,RAB TU DBYE BA NI SNA TSOGS PA NYID DO, ,MTSAN NYID MED PA ZHES BYA BA LA SOGS PA NI CHAGS PA MED PA'O, ,DE NI NYID KYI CHOS BSTAN NAS ZHES BYA BA LA SOGS PAR RNAM PA THAMS CAD MKHYEN PA'I YE SHES KYI TSIG LE'UR BYAS PA'I DON NI DE BZHIN GSHEGS PA ZHES BYA BA LA SOGS PA SMOS PA YIN TE, DE BZHIN GSHEGS PA DE NYID KYI ZHES BYA BA NI THAMS CAD LA SBYAR BAR BYA'O, ,NYID KYI CHOS LA BRTEN NAS GNAS PA NI GNYIS SU MED PA'I YE SHES LA GNAS PA'I SPYOD LAM BZHI'I RNAM PA'O, ,GUS PAR BYA ZHES BYA BA LA SOGS PA NI MCHOD PA ZHES BYA BAR DON GCIG GO, ,BYED PA MED PA NYID NI BYED PA PO MED PAS 'BRAS BU MED PA NYID DO, ,THAMS CAD DU 'GRO BA NI GDUL BYA'I DBANG GIS SO, ,MA MTHONG BA'I DON STON PA NI DE KHO NA NYID DU GZUGS LA SOGS PA MA MTHONG BA STON PA'O, ,'JIG RTEN STONG PA NYID KYI ZHES BYA BA LA SOGS PA NI 'JIG RTEN STONG PA NYID YIN PA'I PHYIR DANG, DE BZHIN DU BRJOD PA'I PHYIR DANG, SHES PAR MDZAD PA'I PHYIR DANG, STON PAR MDZAD PA YIN PA'I PHYIR RO, ,BSAM GYIS MI KHYAB PA ZHES BYA BA LA SOGS PA NI BSAM GYIS MI KHYAB PA NYID YIN PA'I PHYIR DANG, ZHI BA NYID YIN PA'I PHYIR DANG, 'GOG PA NYID YIN PA'I PHYIR DANG, 'DU SHES MED PA NYID YIN PA'I PHYIR RO, ,KHYAD PAR GYI MTSAN NYID KYI TSIG LE'UR BYAS PA DANG 'GREL PA NI GO SLA'O, ,BSAM GYIS MI KHYAB PA DANG ZHES BYA BA LA SOGS PA'I KHYAD PAR GYI LAM GYI TSIG LE'UR BYAS PA'I RNAM PAR 'GREL PA NI YANG DAG PAR RDZOGS PA'I SANGS RGYAS ZHES BYA BA LA SOGS PA YIN TE, YANG DAG PAR RDZOGS PA'I SANGS RGYAS LA SOGS PAS LEGS PAR YONGS SU BZUNG BA'I SHES RAB KYI STOBS @202A *, ,KYIS BSAM GYIS MI KHYAB PA DANG MI MNYAM PA DANG GZHAL DU MED PA DANG, BGRANG DU MED PA NYID YIN PAS BSAM GYIS MI KHYAB PA NYID DANG ZHES BYA BA LA SOGS PA SMOS PA YIN NO, ,'PHAGS PA'I GANG ZAG CES BYA BA LA SOGS PAS YUM NI RNAM PA THAMS CAD MKHYEN PA NYID KYI NGO BO NYID YIN PA DANG, DE 'PHAGS PA RNAMS DANG RJES SU 'BREL BA NYID YIN PA'I PHYIR SHES RAB KYI PHA ROL TU PHYIN PA YIN PAR BSHAD DO, ,SKYES BU MKHAS PA ZHES BYA BA LA SOGS PA NI TSAD MA LA MKHAS PAS RTOGS PAR BYA BA YIN PA'AM, RNAL 'BYOR BA'I RANG RIG PA NYID YIN PA'I PHYIR RO, ,NYAN THOS LA SOGS PA'I ZHES BYA BA LA SOGS PAS NI YUL DANG DUS KYIS CHOD PA'I DNGOS PO PHRA MO SHES PA NYID YIN PA'I PHYIR RO, ,RANG GI LUGS LAS ZHES BYA BA LA SOGS PA NI YANG DAG PAR RDZOGS PA'I SANGS RGYAS KYI YE SHES BSKAL PA GRANGS MED PA GSUM MAM, DE'I PHYED DAM DE DAG KYANG NYUNG BAS MYUR BAR YANG DAG PAR YE SHES THOB PAR GSUNGS PA YIN PA'I PHYIR RO, ,KUN RDZOB DANG ZHES BYA BA LA SOGS PA SMOS PA NI KUN RDZOB TU GZUGS LA SOGS PA'I BRI BA MED PA NYID DANG GANG BA MED PA NYID YIN TE, KUN RDZOB KYI DBANG GIS BSAGS PA NYE BAR DMIGS PA'I PHYIR RO, ,DON DAM PAR BRI BA MED PA DANG GANG BA MED PA NI DNGOS PO MED PA NYID KYIS THA SNYAD DU BYAS PA'I GZUGS LA SOGS PA MA MTHONG BA'I PHYIR RO, ,'KHOR GSUM ZHES BYA BA LA SOGS PA NI YANG DAG PAR NA SBYIN PA LA SOGS PA LA SBYIN PAR BYA BA LA SOGS PAR MI DMIGS PA DAG TU BSGRUB PA YIN PA'I PHYIR RO, ,YANG DAG PA'I ZHES BYA BA LA SOGS PA NI 'KHOR GSUM YONGS SU DAG PAS BSOD NAMS DANG YE SHES BSKAL PA GRANGS MED PA GSUM DU BSAGS PA THOB PA YIN PA'I PHYIR RO, ,CHOS THAMS CAD LA ZHES BYA BA LA SOGS PA LA PHYI DANG NANG GI DNGOS PO RNAMS LA DAG PA NYID DU DMIGS PA YIN PA'I PHYIR RO, ,CHOS KYI DBYINGS KYI ZHES BYA BA LA SOGS PA NI BYANG CHUB SEMS DPA' LAS GZHAN PA DAG NI YUM SHES PA LA @202B GNAS PA YIN PAR MI 'THAD PA'I PHYIR RO, SMON LAM ZHES BYA BA LA SOGS PA DANG, DGE BA'I BSHES GNYEN ZHES BYA BA LA SOGS PA NI RGYU MA TSANG BA MED PA TZAM DANG RJES SU 'BREL PA DANG 'TSAM PA NYID DU RJES SU DPAG PA YIN PA'I PHYIR RO, ,MNGON PAR ZHEN PA'I RO MYANG BA MED PA NI CHAGS PA MED PA LA YANG MA ZHEN PA STE, 'TSANG RGYA BA NYID KYI GNAS SKABS SU NI DE YANG SPANG BAR BYA BA NYID YIN PA'I PHYIR RO, ,BCU DRUG GI BDAG NYID CES BYA BA NI KHYAD PAR GYI BDAG NYID BCU DRUG GO, ,'DIS CI ZHIG NI MTSON 'DI'I KHYAD PAR NI JI LTA BU ZHIG YIN PA DANG JI LTAR NA KHYAD PAR GYI LAM DU BSTAN PA LA BRTEN PA YIN ZHE NA, DE'I PHYIR GO RIMS BZHIN DU ZHES BYA BA LA SOGS PA SMOS PA YIN TE, DE LTAR BCU DRUG PO'I GO RIMS BZHIN DU SDUG BSNGAL LA SOGS PA BDEN PA SKAD CIG MA RNAMS KYI RE RE ZHING SDUG BSNGAL GYI BDEN PA LA SOGS PA LA MTSAN NYID BZHI BZHI YIN LA LAM SHES PA LA SOGS PA GNYIS NI ZHES BYA BA LAM SHES PA NYID DANG, RNAM PA THAMS CAD MKHYEN PA NYID LA BYANG CHUB SEMS DPA' LA SOGS PA STE, BYANG CHUB SEMS DPA' DANG SANGS RGYAS DAG NYAN THOS LA SOGS PA'I LAM SNGAR GSUNGS PA RNAMS LAS KHYAD PAR NI BSAM GYIS MI KHYAB PA LA SOGS PA'I KHYAD PAR GYI DBYE BA BSTAN PA GANG YIN PAS KHYAD PAR ZHUGS SHING RDZOGS PA'I BYANG CHUB KYI THABS NYID YIN PA'I PHYIR KHYAD PAR GYI LAM YIN TE, SNGAR BSHAD PA'I BSAM GYIS MI KHYAB PA LA SOGS PA'I KHYAD PAR DU 'PHAGS PA'I BDEN PA BZHI'I MTSAN NYID DO, ,'DIR NYAN THOS LA SOGS PA'I LAM BRJOD PAR YANG RIGS PA MA YIN NAM GZHAN DU NA KHYAD PAR DU KHONG DU CHUD PAR MI 'GYUR RO ZHE NA, DE'I PHYIR ZHES BYA BA LA SOGS PA SMOS TE, DE'I PHYIR BYANG CHUB SEMS DPA'I LAM SNGAR BSHAD PA LAS NYAN THOS LA SOGS PA DE DAG GI NI JI SKAD DU BSHAD PA'I KHYAD PAR DANG BRAL BA STE, BSAM GYIS MI KHYAB PA LA SOGS PAS STONG PA'I 'PHAGS PA'I BDEN PA BZHI'I LAM YIN NO, ,DE LTAR NA YANG CI'I PHYIR MA BSHAD @203A *, ,CE NA, MNGON PAR SHES PA LA SOGS PA'I SKYE BA'I MTSAN NYID KYIS ZHES BYA BA MNYAM PAR GZHAG PA LAS MIG LA SOGS PA'I MNGON PAR SHES PA'I PHYOGS GCIG PA'I SHES PA'I MTSAN NYID YIN ZHING SOGS PA'I SGRAS 'DOD PA'I 'DOD CHAGS DANG BRAL BA NYID LA SOGS PA SKYED PA NYID KYIS NA, GO SLA BA'I PHYIR DANG LUNG DANG BYANG CHUB SEMS DPA'I TSUL LAS GRAGS PA'I PHYIR MA BSHAD DO, ,DE LTAR KHYAD PAR GYI MTSAN NYID KYIS DE SNGAR MA BSHAD PAS SO, ,MTSAMS BCAD PA NI NYAN THOS LA SOGS PA'I LAM RNAMS LAS THA DAD PAR BYAS PA'I BDEN PA BZHI'O, ,BYED PA ZHES BYA BA GANG ZHIG YIN ZHE NA, BYED PA PO'I MTSAN NYID NI PHAN DANG ZHES BYA BA LA SOGS PA GSUNGS PA YIN TE, TSIG LE'UR BYAS PA RNAM PAR 'GREL BA NI MA 'ONGS PA'I PHAN PA DANG TSE 'DI'I BDE BA NI 'JIG RTEN PHA ROL PO'I DANG, 'JIG RTEN 'DI PA'I LUS DANG SEMS KYI BDE BA DANG YID BDE BA'O, ,SDUG BSNGAL MED PA'I RNAM PAR SMIN PA NI BTANG SNYOMS TE LUNG DU MA BSTAN PA'I SEMS YIN LA, DE NYID NI RNAM PAR SMIN PA MA YIN PA STE, BDE 'GRO DANG NGAN 'GRO'I 'BRAS BU 'BYIN PA MA YIN PA'I PHYIR RO, ,'DI RNAMS KYI CHOS NYID NI RJES SU MTHUN PA LA SOGS PA'I RANG BZHIN NO, ,DE'I NYE BAR BSGRUB PA NI BSAM GYIS MI KHYAB PA LA SOGS PA'I KHYAD PAR GYIS KHYAD ZHUGS PA'I 'PHAGS PA'I BDEN PA BZHI SGOM PA PO LA STER BA'O, ,RGYU DES NA PHAN PA ZHES BYA BA LA SOGS PA YIN NO, ,GTAN DU ZHES BYA BA LA SOGS PA NI SDUG BSNGAL LAM, SDUG BSNGAL GYI RGYU LAS ZLOG PAR BYED PA MA 'ONGS PA NA PHAN PA'I MYA NGAN LAS 'DAS PA'I BDE BA'O, ,'KHOR BA ZHES BYA BA LA SOGS PA NI 'KHOR BA DANG ZHI BA MNYAM PA NYID DU SHES PA'O, ,RANG DANG ZHES BYA BA LA SOGS PA NI BDAG DANG GZHAN GYI NGES PAR LEGS PA DANG MNGON PAR MTHO BA'I RGYU NYID DO, ,GZHAN GYI ZHES BYA BA LA SOGS PA NI GNAS SKABS THAMS CAD DU SEMS CAN GYI DON BSGRUB PA'O, ,SEMS CAN GYI DON ZHES BYA BA @203B LA SOGS PA NI GZHAN GYI DON LA SHIN TU BSLABS PAS PHA ROL GYI DON LA 'BAD PA MED PAR 'JUG PA'O, ,THEG PA ZHES BYA BA LA SOGS PA NI BYANG CHUB SEMS DPA' RNAMS KYI NYON MONGS PA NI RNAM PAR RTOG PA YIN PA'I PHYIR RO, ,THAMS CAD MKHYEN PA NYID GSUM GYI 'BRAS BU MNGON SUM DU MI BYED PA'I PHYIR RO, ,DE LTAR BDUN PO 'DI RNAMS DUS JI LTA BA BZHIN DU BSAM GYIS MI KHYAB PA LA SOGS PAS KHYAD PAR ZHUGS PA'I 'PHAGS PA'I BDEN PA BZHI BSGOM PA RAB KYI MTHAR PHYIN PA'I DUS LAS MI 'DA' BA'I RIM GYIS THOGS PA MED PAR GZHAN GYI DON JI LTA BA BZHIN DU YANG DAG PAR NYE BAR BSGRUB PA'I PHYIR RO, ,RNAM PA THAMS CAD CES BYA BA LA SOGS PA NI RNAM PA THAMS CAD MKHYEN PA NYID KYI GANG GI CHOS THAMS CAD NI SEMS BSKYED PA LA SOGS PA'O, ,DE STON PA NYE BAR SGRUB PA'I DON GYIS NA RTEN GYI MDZAD PA STE, GDUL BYA RNAMS KYI RTEN NYID NI GCIG STE ZHES BYA BA LA SOGS PA YIN NO, ,NYON MONGS PA ZHES BYA BA LA SOGS PA NGO BO NYID KYI MTSAN NYID KYI TSIG LE'UR BYAS PA RNAM PAR 'GREL PA NI 'DOD CHAGS ZHES BYA BA LA SOGS PA YIN TE, 'DOD CHAGS LA SOGS PA'I NYON MONGS PA DE'I 'BRAS BU'I RTAGS GNAS NGAN LEN GYI MTSAN MA NI LUS LA SOGS PA'I NYES PA GANG YIN PA DANG, DE'I MTSAN MA TSUL BZHIN MA YIN PA'I YID LA BYED PA STE, 'DOD CHAGS LA SOGS PA'I RGYU MTSAN GYI TSUL BZHIN MA YIN PA'I YID LA BYED PA'O, , SOGS PA'I SGRAS NI NGAG 'KHYAL BA LA SOGS PA STE DE'I RNAM PAR RTOG PA'I'O, ,'DOD CHAGS DANG 'DOD CHAGS MED PA LA SOGS PA MI MTHUN PA'I PHYOGS DANG GNYEN PO STE, NYON MONGS PA DANG LAM DAG GIS BSDUS PA DAG NI STONG PA NYID KYIS NA 'DI RNAMS MED PA YIN PA'I PHYIR DBEN PA'I NGO BO NYID DE, NYON MONGS PA DANG RTAGS DANG TSUL BZHIN MA YIN PA'I YID LA BYED PA DANG MI MTHUN PA'I PHYOGS DANG GNYEN PO DAG NI DBEN PA'I BDAG NYID YIN NO, ,DON DAM PAR MED PA'I ZHES BYA BA LA SOGS PA NI YANG DAG PAR MED PA LA @204A *, ,MYA NGAN LAS 'DA' BA MI RIGS PA'I PHYIR RO, ,THEG PA GZHAN DU ZHES BYA BA LA SOGS PA NI SA BRGYAD PAR GTOGS PA'I THEG PA CHEN PO LA GNAS PA NI NGES PAR NYAN THOS LA SOGS PA'I LAM DU MI LTUNG BA YIN PA'I PHYIR RO, ,YUN RING PO NAS ZHES BYA BA LA SOGS PA NI BSKAL PA GRANGS MED PA GSUM LAS NGES PAR 'BYUNG BA'I 'TSANG RGYA BA NYID KYI MCHOG DANG RAB DANG THU BO DANG, RAB MCHOG LA SOGS PA SHES RAB KYI PHA ROL TU PHYIN PA'I GZHUNG GI SGO NAS NGOMS PA MED PA NYID SLOB PA YIN PA'I PHYIR RO, , BSGOM PAR BYA BA ZHES BYA BA LA SOGS PA NI YANG DAG PAR NA BSGOM PAR BYA BA LA SOGS PA YOD PA MI 'THAD PA'I PHYIR RO, ,DNGOS POR ZHES BYA BA NI GZUGS LA SOGS PA LA MNGON PAR ZHEN PA MED PA'I PHYIR RO, ,THAMS CAD SHES PA NYID DANG LAM SHES PA NYID NI SNGAR BSHAD PA STE, DES YANG DAG PAR BSDUS PA'I DNGOS PO'I KHYAD PAR PHYI DANG NANG GI BDAG NYID CAN GYI LAM GYI BDAG NYID DE LA DMIGS PA'O, ,'JIG RTEN NI PHYI ROL GYI BSTAN BCOS LA MNGON PAR DGA' BA'O, ,DE RNAMS KYI SGRUB PA GANG YIN PA'I SGRA MI TSANGS PA RTAG PA LA SOGS PAR BRJOD PA'I RANG GI BSTAN BCOS 'DZIN PA LA SOGS PA DE RNAMS LAS 'DZIN PA LA SOGS PA LAS BZLOG PA STE, DE'I BSTAN BCOS DANG 'GAL BA'I CHOS DANG GANG ZAG LA BDAG MED PA STON PA'I YUM NYAN PA DANG, GZHUNG 'DZIN PA DANG MI BRJED PA DANG TSUL BZHIN YID LA BYED PA STON PA YIN LA DE NYID NI MI MTHUN PA YIN TE, 'JIG RTEN DANG 'GAL BA'I SHES PA GZUGS LA SOGS PA BDAG MED PA'I SHES PA NI TSAD MA DANG 'GAL BAR 'DZIN PA'I PHYIR RO, ,GZUGS LA SOGS PA THOGS PA MED PAR SHES PA NI GZUGS LA SOGS PA TSAD MA DANG MI 'GAL BA'I KUN RDZOB KYI SHES PA'O ZHES BYA BA'I THA TSIG GO, ,SHES BYA DANG SHES PA MI DMIGS PAS ZHES BYA BA NI GZUNG BA DANG 'DZIN PA MED PAS GZHI MED PA STE, RTEN MED PA'O, DE BZHIN NYID KYIS 'GRO BA MED PA NI DE BZHIN NYID KYIS 'GRO BA @204B MI RIGS PA YIN PA'I PHYIR RO, ,GZUGS LA SOGS PA ZHES BYA BA NI STONG PA NYID YIN PAS GZUGS LA SOGS PA SKYE BA MI 'THAD PA YIN PA'I PHYIR RO, ,DNGOS PO DANG DNGOS PO MED PA LA SOGS PA ZHES BYA BA NI DE BZHIN NYID DU GCIG PA NYID KYIS NA TSUL GSUM GYI NGO BOR MI 'THAD PA'I PHYIR RO, ,DE LTAR ZHES BYA BA LA SOGS PA NI SBYOR BA LAS THA DAD PAR BSHAD PA'I MTSAN NYID RTOGS PA MED PAS SBYOR BA NI MTSAN NYID KHO NAR MI 'THAD PAS SBYOR BA DAG MTSAN NYID DANG LDAN PA BZHIN DU ZHES SMOS PA YIN NO, ,THAR PA'I CHA DANG MTHUN PA'I TSIG LE'UR BYAS PA NI MTSAN MA MED CES BYA BA LA SOGS PA YIN TE, MTSAN MA MED PA NI BDAG MED PA'O, ,DES SBYIN PA LA SOGS PA GANG YIN PA DE LA YANG DAG PAR SGRUB PA NI NYAMS SU LEN PA THOB PA GANG YIN PA'O, ,DE LA MKHAS PA NI DAD PA LA SOGS PA'O, , MTSAN MA MED PAR ZHES BYA BA LA SOGS PAS TSIG LE'UR BYAS PA RNAM PAR 'GREL PA YIN TE, MTSAN MA MED PAR DMIGS PA'I SHES PA'I RNAM PAS ZHES BYA BA NI STONG PA NYID LA DMIGS PA'I SEMS SO, ,SBYIN PA LA SOGS PA'I PHA ROL TU PHYIN PA RNAM PA THAMS CAD MKHYEN PA NYID LA THUG PA NI THAMS CAD MKHYEN PA NYID GSUM GYI MTHAR THUG PA RNAMS SO, ,RANG GI RGYUD LA BSKYED PA NI NYAMS SU LEN PA NYID KYIS RNAL 'BYOR BA'I SEMS LA NGES PAR BSKYED PA STE DE LA MKHAS PA'O, ,DAD PA LA SOGS PA NI RNAM PA THAMS CAD MNGON PAR RDZOGS PA RTOGS PA 'DI LA STE, DE'I SBYOR BA SHES PA'I SKABS SU THAR PA'I CHA DANG MTHUN PA STE, NYON MONGS PA DANG BRAL BA'I KHYAD PAR DANG RJES SU MTHUN PA YIN PAR RGYAL BA RNAMS 'DOD CING BSHAD DE, DGE BA'I RTZA BA NYID YIN PA'I PHYIR BLANG BAR BYA BA NYID DU MNGON PAR BZHED DO, ,GZHAN DU NA 'JIG RTEN PA'I BSGOM PA RANG BZHIN GYI DAD PA LA SOGS PA TZAM NI GDUL BYA'I RGYU LA LAM BSKYED PAR NGES PA MED PA YIN LA, 'DIR NGES PA NI THAR PA'I CHA DANG MTHUN PA YIN PAR BSHAD DO ZHES BYA BAR DGONGS SO, ,SANGS RGYAS @205A *, ,SOGS ZHES BYA BA LA SOGS PA'I MKHAS PA'I TSIG LE 'UR BYAS PA RNAM PAR 'GREL PA NI DAD PA DANG ZHES BYA BA LA SOGS PA YIN TE, DAD PA LA SOGS PA NI DKON MCHOG GSUM LA MNGON PAR YID CHES PA LA SOGS PA'I RNAM PA'O, ,KHYAD PAR CAN DBANG PO'I NGO BO NYID MA YIN PA NI DBANG PO'I DON MED PA'I PHYIR GZHAN PA DAD PA LA SOGS PA'O, ,GRANGS BZHIN DU SANGS RGYAS NI RDZOGS PA'I SANGS RGYAS SO, ,SBYIN PA NI GTONG BA'O, ,BSAM PA PHUN SUM TSOGS PA NI DGE BA 'DOD PA NYID LA SOGS PA'O, ,RNAM PAR MI RTOG PA NI LAS DANG BYED PA PO DANG BYA BA MA DMIGS PA LA'O, ,CHOS THAMS CAD NI GZUGS LA SOGS PA'O, ,RNAM PA THAMS CAD NI RANG DANG SPYI'I TSUL GYIS SO, ,RNAM PA THAMS CAD NI RANG DANG SPYI'I TSUL GYIS YONGS SU SHES PA STE, DE LA SOGS PA'I YUL NI SANGS RGYAS DANG BYANG CHUB SEMS DPA' SBYIN PA DANG TSUL KHRIMS LA SOGS PA'I SPYOD YUL GYI THABS RNAM PA LNGA LA MKHAS PA'O, ,CI THABS MKHAS PA YOD PA KHO NAS BYANG CHUB 'THOB PA'AM 'ON TE MA YIN ZHE NA DE LTA MOD KYI ZHES BYA BA LA SOGS PA YIN TE, YOD PA TZAM GYI ZHES BYA BA DAD PA LA SOGS PA YOD PA TZAM GYIS BLA NA MED PA'I BYANG CHUB THOB PA MA YIN ZHING KUN RDZOB TU BSKYED PA MA YIN NO, ,CI'I PHYIR ZHE NA, 'DI NI CHOS NYID YIN TE, BYANG CHUB KYI LAM 'DI NI BSAM GYIS MI KHYAB PA YIN PAS DAD PA LA SOGS PA RNO ZHING GSAL BA CHEN POS NI BSKAL PA GRANGS MED PA GSUM DU GONG NAS GONG DU BSLABS PA MCHOG TU GYUR BAS NI YANG DAG PAR RDZOGS PA'I BYANG CHUB RTOGS PAR SLA BAR SHES PAR BYA BA LA DE DAG NYID DU RTUL POS NI ZHES BYA BA DE MNGON SUM DU BYED PAR MI NUS PA'I DAD PA LA SOGS PA CHUNG DUS NI RTOGS PAR DKA' ZHING SHES PAR DKA' BA YIN NO, ,'DIR DAD PA LA SOGS PA YOD PA TZAM GYIS ZHES BYA BA DANG DE DAG NYID LAS SMOS PAS YANG DAG PAR NA BYANG CHUB KYI THABS RNAM PA GNYIS YOD PAS DE NI SHUGS KYIS ZHES BYA BA LA SOGS PA SMOS PA YIN @205B TE; 'DIR YE SHES CHEN PO DANG 'BRING DANG CHUNG NGU'I BYE BRAG GIS BYANG CHUB GSUM GYI DBYE BA STON PA YIN LA, DE BAS NA CHEN PO'I CHEN POS NI RDZOGS PA'I BYANG CHUB MNGON SUM DU BYA BAR STON PAS, DE LAS GZHAN PA'I DAD PA LA SOGS PA MA SMOS SU ZIN KYANG DE'I SHES PA'I DBANG GIS 'BRING DANG CHUNG NGU NYID THOB PA RNAMS KYI RANG SANGS RGYAS DANG NYAN THOS KYI BYANG CHUB KYI BYA BA NI GZHAN DU BYA BAR MI NUS PAS THEG PA CHEN PO THAMS CAD DU BYANG CHUB GNYIS PO NI RDZOGS PA'I BYANG CHUB LAS GO BZLOG PAR BSTAN PAR SHES PAR BYA'O, ,ZHES BYA BA NI SHUGS KYIS 'PHANGS PA YIN NO, ,DRO BA RNAMS KYI ZHES BYA BA LA SOGS PA'I NGES PAR 'BYED PA'I CHA DANG MTHUN PA'I TSIG LE'UR BYAS PA NI RNAM PA THAMS CAD CES BYA BA LA SOGS PAS RNAM PAR 'GREL BA YIN TE, TSUL NGAN PA MED PA DANG, DA LTAR DANG MA 'ONGS PA'I DON BSAM PA NYID DAG DANG, NGA RGYAL BCOM PA NYID DANG MNGON PAR 'TSE BA MED PA NYID YIN PA'I PHYIR GO RIMS BZHIN DU MNYAM PA DANG ZHES BYA BA LA SOGS PA'I SEMS LNGA YIN NO, ,DE RNAMS KYI PHA DANG MA'I SEMS DANG ZHES BYA BA LA SOGS PA SMOS PA YIN NO, ,RTZE MOR RTOGS PA NI MDOR ZHES BYA BA LA SOGS PA SMOS PA YIN NO, ,MDOR ZHES BYA BA NI DBYE BA LA LTOS PA MED PA'O, ,MI DGE BA NI CHAGS PA LA SOGS PA'O, ,DGE BA NI DE LAS GO BZLOG PA LA NYAMS PA DANG, ,LEN PA'I SGO NAS ZHES BYA BA NI SPANG BA DANG BLANG BA'I DBANG GIS GZHAN RNAMS SDIG PA LAS LDOG PA DANG, DGE BA LA GNAS PA DAG LA SBYOR BA NI YANG DAG PAR 'DZIN DU 'JUG PA'O, ,DGE BA DANG MI DGE BA DAG NI GNYIS YIN PA'I PHYIR RNAM PA GNYIS SO, ,DE BZHIN DU ZHUGS PA RNAMS LA RANG DANG GZHAN SDIG PA LAS LDOG PA DANG DGE BA LA SBYOR BA NI GZHAN DAG LA BSNGAGS PA BRJOD PA DANG MTHUN PAR BYED PA'O, ,BSNGAGS PA SMRA BA DANG MTHUN PAR BYED PA GNYIS YIN PAS RNAM PA GNYIS YIN NO, ,SBYAR BAR BYA BA DANG SBYOR BA PO DANG, DE'I YUL MTHA' YAS PA'I PHYIR RNAM PA RNAMS NI YANG DAG PAR NA MTHA' YAS PA YIN PAS DE'I @206A *, ,CHOS KYI RAB TU DBYE BA ZHES BYA BA LA SOGS PA SMOS PA YIN TE, DE LTAR DE RNAMS KYI SEMS CAN LA DMIGS SHING YUL DU BYAS PA NI RTZE MOR GYUR PA YIN NO, ,BDAG NYID KYI BYA BA LA SOGS PA NI BSHAD ZIN TO, ,RTZE MOR GYUR PA LA ZHES BYA BA LA SOGS PAS NI RANG GZHAN ZHES BYA BA LA SOGS PA'I BSHAD PA YIN NO, ,SNGA MA BZHIN DU ZHES BYA BA LA SOGS PAS NI CHOS MCHOG DE BZHIN ZHES BYA BA LA SOGS PA BSHAD PA YIN NO, ,YANG NGES PAR 'BYED PA'I CHA DANG MTHUN PA 'DI RNAMS NI CHUNG NGU DANG 'BRING DANG CHEN PO'I DBYE BAS RE RE ZHING RNAM PA GSUM DU 'GYUR RO, ,DE LA DRO BAR RTOGS PA CHUNG NGU'I NI MNYAM PA DANG BYAMS PA'I SEMS DAG YIN TE, DE NYID KYI TSE GZHAN LA 'TSE BA MED PA NYID YIN PA'I PHYIR RO, ,'BRING GIS NI PHAN PA LA SOGS PA'I SEMS GSUM GYIS MA 'ONGS PA'I GZHAN LA PHAN PA'I BSAM PA NYID YIN PA'I PHYIR RO, ,CHEN PO'I NI PHA LA SOGS PA'I SEMS BSKYED PAS DE'I TSE 'DI DANG PHYI MA DAG TU GZHAN RNAMS KYI 'DOD PA NYE BAR SGRUB PA 'DOD PA NYID YIN PA'I PHYIR BSTAN PA YIN NO, ,RTZE MOR GTOGS PA CHUNG NGU'I NI BDAG DANG GZHAN SDIG PA LAS LDOG PA LA SBYOR BA DANG, GZHAN RNAMS KYI SDUG BSNGAL GYI RGYUD LAS LDOG PAR 'DOD PA NYID YIN PA'I PHYIR RO, ,'BRING GIS NI SBYIN PA LA SOGS PA LA RANG DANG GZHAN GNAS PAS GZHAN RNAMS KYI DGE BA'I RGYU LA SBYOR BAR MNGON PAR 'DOD PA YIN PA'I PHYIR RO, ,CHEN PO'I NI RTEN CING 'BREL PAR 'BYUNG BA RNAM GNYIS BSGOMS PA LAS BDAG DANG GZHAN ZHUGS PAS GZHAN RNAMS KYI BDE BA DANG SDUG BSNGAL LA PHYIN CI LOG PA SPANG BA'I BSAM PA NYID YIN PA'I PHYIR RO, ,BZOD PA NI CHUNG DU DANG 'BRING DANG CHEN POR BSHAD DE, GO RIMS BZHIN DU SEMS CAN RNAMS LA BYANG CHUB SEMS DPA'I SKYON MED PA LA ZHUGS PA'I BAR GYIS DE LTAR GZHAN RNAMS 'PHAGS PA'I LAM GYI 'BRAS BU DANG PO LA SOGS PA DANG, 'TSANG RGYA BA NYID LA SBYOR BAR 'DOD PA NYID YIN PA'I PHYIR BSHAD MOD KYI, 'ON KYANG BZOD PA CHEN PO NI SKAD CIG MA DU MAR GZUNG BAR @206B BYA'O, ,CHOS KYI MCHOG CHUNG NGU DANG 'BRING DANG CHEN PO NI GO RIMS BZHIN DU GZHAN RNAMS KHYAD PAR MED PAR THEG PA CHEN PO LA SMIN PAR BYA BA'I PHYIR DANG, KHYAD PAR DU BYANG CHUB SEMS DPA'I LAM LA SBYAR BAR BYA BA'I PHYIR DANG, PHUN SUM TSOGS PA THAMS CAD KYI RAB KYI MTHAR THUG PAR 'DOD PA NYID YIN PA'I PHYIR SEMS CAN YONGS SU SMIN PAR SGRIB PA MED PA'I NGO BO DAM BCAS PA'I TSIG GSUNGS PA YIN NO, ,CHOS MNGON PA LAS JI LTAR BZOD PA CHEN PO SKAD CIG MA GCIG YIN PA LTAR CHOS KYI MCHOG KYANG DE BZHIN NO ZHES GANG GSUNGS PA DE NI RANG GI DON GYI DBANG DU MDZAD PA YIN LA, ,'DIR NI RANG GZHAN GYI DON LA BRTEN PA RNAMS KYI CHUNG NGU DANG 'BRING DANG CHEN PO'I BYE BRAG GIS BSHAD PA YIN TE, GZHAN GYI DON LA BRTZON PA'I RAB DANG MCHOG GI GNAS SKABS DAG SRID PAS 'DI DANG DE LA 'GAL BA MED DO, , MNGON PAR RTOGS PA DRUG TU NGES PAR 'BYED PA'I CHA DANG MTHUN PA LA SOGS PA CI'I PHYIR BSTAN CE NA, RNAM PA DANG ZHES BYA BA LA SOGS PA SMOS TE, RNAM PA DANG LAM DANG GZHI THAMS CAD NI SNGAR BSHAD PA'O, ,DE RNAMS RNAM PAR BSGOM PA NI BYE BRAG GIS BSAM GTAN GYI KHYAD PAR GYI MNGON PAR RTOGS PA DRUG PO RNAMS SU NGES PAR 'BYED PA'I CHA DANG MTHUN PA LA BSHAD PA YIN PAR BLTA BAR BYA'O, ,DE NI THAMS CAD MKHYEN PA NYID GSUM GYI MNGON PAR RTOGS PA BSHAD PA NA RNAM PA THAMS CAD MKHYEN PA NYID DANG, LAM SHES PA NYID DANG, THAMS CAD SHES PA NYID DE, GSUM LA NGES PAR 'BYED PA'I CHA DANG MTHUN PA LA SOGS PA BSTAN PA YIN TE, SNGAR BSHAD PA'I NGES PAR 'BYED PA'I CHA DANG THAR PA'I CHA DANG MTHUN PA LA SOGS PA BSTAN PA GSUNGS PA YIN PAR SHES PAR BYA'O ZHES 'OG MA DANG SBYAR BAR BYA'O, ,'DIR BRJOD PA'I RGYU NI 'JIG RTEN PA'I ZHES BYA BA LA SOGS PA SMOS PA YIN TE, 'JIG RTEN PA'I NGES PAR 'BYED PA'I CHA DANG MTHUN PA NI NYAN THOS LA SOGS PA DANG THUN MONG GI DRO BA LA SOGS PA'O, ,DE RTOGS PA NI SHES PA'O, ,DE SNGON DU 'GRO BA NI DE'I RGYU CAN NO, ,GANG GI PHYIR 'JIG RTEN LAS @207A *, ,'DAS PA NI NYAN THOS LA SOGS PA MA RTOGS PA'I MTHONG BA'I LAM DANG BSGOM PA'I LAM GANG YIN PA DE DAG RTOGS PA NI SHES PA YIN NO, ,DE BAS NA ZHES BYA BAR SHES PAR BYA'O, ,RNAM PA KUN MNGON PAR RDZOGS PAR RTOGS PA LA SOGS PA MNGON PAR RTOGS PA GSUM LA NI ZHES BYA BA NI RNAM PA KUN MNGON PAR RDZOGS PAR RTOGS PA DANG, RTZE MO THOB PA DANG, MTHAR GYIS PA'I SBYOR BA LA NGES PAR 'BYED PA'I CHA DANG MTHUN PA LA SOGS PA SNGA MA BZHIN DU SBYAR BAR BYA'O, ,'DIR BRJOD PA'I RGYU NI BSGOM PA ZHES BYA BA LA SOGS PA YIN TE, BSGOM PA NI GOMS PA'O, ,DE GONG NAS GONG GI GNAS SKABS KYI KHYAD PAR GYIS ZHES BYA BA NI GO RIMS LAS GYUR PA'I RAB KYI MTHA' STE, RGYU DES NA RNAM PA THAMS CAD DE, RNAM PA KUN DU'O, ,KHYAD PAR GYI LAM NI SNGAR BSHAD PA'O, ,DES BSDUS PA'I YE SHES ZAB PA MED PA NI 'DOD CHAGS LA SOGS PAS STONG PA'O, ,CHUNG NGU DANG 'BRING DANG CHEN PO'I RIM GYIS SKYE ZHING 'BYUNG BA YIN PAS DE LTAR NA CIG CAR SKYE BA DGAG PAR BYA BA'I PHYIR TE, SHES PA GCIG LA SKYE BA GSAL BAR BYA BA'I PHYIR THAMS CAD MKHYEN PA NYID GSUM POR MTHONG BA LA SOGS PA'I LAM SHES PAR BYED PA'I RGYU NYID YIN PAS NA RNAM PA KUN MNGON PAR RDZOGS PAR RTOGS PA LA SOGS PA YANG KHYAD PAR GYI LAM SHES PA'I RGYU NYID YIN PAS NGES PAR 'BYED PA'I CHA DANG MTHUN PA LA SOGS PA BRJOD PA YIN LA, MNGON PAR RTOGS PA GNYIS LA NI DE MED PAS MA YIN NO ZHES BYA BAR DGONGS SO, ,PHYIR MI LDOG PA ZHES BYA BA LA SOGS PA DANG, NGES 'BYED YAN LAG CES BYA BA LA SOGS PA'I TSIG LE'UR BYAS PAS NI NGES PAR 'BYED PA'I CHA DANG MTHUN PA'I SBYOR BA'I LAM LA GNAS PA DANG, DE BZHIN DU BZOD PA DANG SHES PAS BSDUS PA MTHONG BA'I LAM LA GNAS PA DANG, RGYUN DANG LDAN PA'I BSGOM PA'I LAM LA GNAS PA'I PHYIR MI LDOG PA'I BYANG CHUB SEMS DPA'I DGE 'DUN BSHAD PA YIN NO, ,DE RNAMS KYI MTSAN NYID CES BYA BA LA SOGS PA LA DE LA NGES PAR 'BYED PA'I YAN LAG LA @207B GNAS PA'I GZUGS LA SOGS PA ZHES BYA BA LA SOGS PA'I MTSAN NYID KYI TSIG LE'UR BYAS PA'I 'GREL PA NI GO SLA'O, ,YANG LDOG PA ZHES BYA BA LA SOGS PA LA GZUGS LA SOGS PAS ZHES BYA BA LA SOGS PAS MTSAN NYID RNAM PA NYI SHU'I TSIG LE'UR BYAS PA'I DON NI NGO BO NYID MED PA NYID KYIS ZHES BYA BA LA SOGS PA SMOS PA YIN NO, ,MTHONG BA'I LAM LA GNAS PA YI NI NGES PAR 'BYED PA'I ZHES BYA BA LA SOGS PA YIN NO, ,MTHONG BA'I LAM LA ZHES BYA BA LA SOGS PA'I TSIG LE'UR BYAS PA'I DON NI SDUG BSNGAL ZHES BYA BA LA SOGS PA YIN NO, ,SKAD CIG MA'I RNAM PA NI MTSAN NYID KYI ZHES BYA BA LA SOGS PA SMOS PA YIN NO, ,RNAM PA'I TSIG LE'UR BYAS PA'I DON NI RANG GI MTSAN NYID CES BYA BA LA SOGS PA SMOS PA YIN TE, YANG DAG PAR NA DON GYI BYA BA NUS PA'I NGO BO MED PAS YUL MED PA NYID YIN PA'I PHYIR GZUGS LA SOGS PA'I MNGON SUM GYI SHES PA LDOG PA YIN NO, ,SANGS RGYAS ZHES BYA BA LA SOGS PA NI MI DGE BA ZAD CING THAR PA'I CHA DANG MTHUN PA'I DGE BA 'PHEL BAS SANGS RGYAS LA SOGS PAS BYANG CHUB PA'I BAR DU BYANG CHUB KYI SEMS BSTAN PAR BYED PA YIN PA'I PHYIR RO, ,THEG PA CHEN PO ZHES BYA BA LA SOGS PA NI SEMS BSKYED PA LA SOGS PA GZUNG BA NYAMS SU LEN PA YIN PA'I PHYIR RO, ,CHOS RAB TU ZHES BYA BA LA SOGS PAS NI CHOS RAB TU RNAM PAR 'BYED PA'I MTHUS GZUGS LA SOGS PA'I CHOS RNAMS SKYE BA MED PAR SHES PA'I PHYIR RO, ,SOGS PA'I SGRAS NI 'GOG PA'I SNYOMS PAR 'JUG PA'O, ,'DI DAG NYID RDZOGS PA'I BYANG CHUB KYI RGYU NYID YIN PA'I PHYIR DE BSKYED PA'I YAN LAG YANG DAG PA STE YANG DAG PA'I RGYU'O, ,DE RNAMS YONGS SU ZAD PA 'DI MA CHAGS PA'O, ,MI DGE BA DANG BRAL BA ZHES BYA BA LA SOGS PA NI MI DGE BA DANG LDAN PA KHO NA'I LUS LA SOGS PA LAS SU MI RUNG BA NI LCI BA NYID YIN PA'I PHYIR RO, ,SEMS CAN 'DUL BA ZHES BYA BA LA SOGS PA NI BSAM PA JI LTA BA GZHAN GYI DON GYI SMON LAM MED PAS 'DUL BAR MI NUS PA NYID NI GZUGS LA SOGS PA LA NYE BAR LONGS SPYOD PA LA MNGON PAR @208A *, ,CHAGS PA YIN PA'I PHYIR RO, ,YUL GYI ZHES BYA BA LA SOGS PA NI KUN TU SBYOR BA LA MNGON PAR ZHEN PA NYID YUL GYI NYES DMIGS MA MTHONG BA NYID YIN PA'I PHYIR RO, ,SKYES BU DAM PA ZHES BYA BA LA SOGS PA NI SME SHA CAN LA SOGS PA SKYES BU DAM PA MA YIN PA RNAMS NI SDIG PA'I RGYU NYA LA SOGS PA GSOD CING 'CHI BA'I RGYUR BYED PA NYID YIN PA'I PHYIR RO, ,STONG PA NYID LA GNAS PA NYID KYIS NA BDAG MED PA'I BSAM PA YOD PAS PHUNG PO DANG KHAMS DANG SKYE MCHED LNGAR BSHAD PA DE RNAMS LA SBYOR BA DANG RJES SU SBYOR BA DAG LA MNGON PAR ZHEN PA DANG SHIN TU MNGON PAR ZHEN PA DAG TU MI BYA BAR TE, DE LTAR SBYOR BA DANG RJES SU SBYOR BA DAG GI GNAS PA STE, SPYOD PA'I KHYAD PAR GANG YIN PA DE SO SOR BKAG PA'O, ,CHOS THAMS CAD SKYE BA MED PA'I BSAM GTAN DANG LDAN PA NI RTEN MED PA NYID KYIS THAMS CAD DU MNGON PAR ZHEN PA DANG BRAL BA'I PHYIR MI MTHUN PA'I PHYOGS GSAL BA NYID KYIS NA GZUNG BA LA SOGS PA'I MI MTHUN PA'I PHYOGS SPANGS PA NYID KYIS GANG ZHIG RTOGS PA STE, THAMS CAD MKHYEN PA NYID GSUM SHES PA YIN LA, DE RNAMS KYI BAR CHAD BYED PA'I CHOS NI SNGAR BSHAD PA'I NYES PA RNAMS TE, DE LA SNGA MA BZHIN DU ZHES BYA BA STONG PA NYID LA GNAS PA NYID KYI SBYOR BA DANG RJES SU SBYOR BA LA GNAS PAR MI BYA'O ZHES 'DI'I PHYI MA RNAMS LA YANG SGRA'I DON NI SNGA MA BZHIN NO, ,RNAM PAR RTOG PA'I ZHES BYA BA LA SOGS PA NI BDUD LA SOGS PA'I NYES PA NI DE LAS 'BYUNG BA NYID YIN PA'I PHYIR YANG DAG PAR NA RNAM PAR RTOG PA NYID NYES PA YIN NO ZHES YONGS SU SHES PA NYID KYI BYANG CHUB KYI RGYU'I TSOGS SBYIN PA LA SOGS PA LA YANG MNGON PAR ZHEN PA MED PA'I PHYIR RO, ,GZUNG BA DANG ZHES BYA BA LA SOGS PA NI GNYIS SU MNGON PAR ZHEN PA'I RGYU NYID KYIS NA, BDUD DANG BDUD KYI 'KHOR RNAMS KYI RAL GRI DANG MDA' LA SOGS PA RNAMS LUS KYI DBANG PO LA SOGS PA'I BYA BA YIN PAS RNAL 'BYOR BA RNAMS LA G-YUL 'GYED PA MED PA YIN PA'I PHYIR TE, BYAMS PAS SAM CHOS THAMS CAD NYE BAR MA DMIGS PAS BGEGS NYE BAR ZHI BA @208B YIN NO ZHES BYA BAR DGONGS SO, ,SBYIN PA ZHES BYA BA LA SOGS PA RANG GI RGYUD LA SBYIN PA LA SOGS PAS BYAS PA'I SER SNA LA SOGS PA LAS LDOG PA'I KHYAD PAR SHES PA YIN PA'I PHYIR RO, ,CHOS THAMS CAD CES BYA BA LA SOGS PA NI GZUGS LA SOGS PA LA PHRA RAB LA SOGS PA'I NGO BO DANG DBANG PHYUG LA SOGS PA'I RGYU DANG GYA NOM PA DANG GYA NOM PA MA YIN PA DANG BRAL BA YIN PA'I PHYIR RO, ,RTOGS PA'I CHOS NI 'DIR BYANG CHUB YIN NO, ,MNGON PAR YID CHES PA LA SOGS PA NI MNGON PAR SHES PA DRUG GI STOBS KYIS MNGON PAR YID CHES PA THOB PAS YANG DAG PA'I YE SHES NGES PAR THOB PA NI, THAMS CAD MKHYEN PA NYID GSUM GYI BDAG NYID KYI RANG GI SA GSUM LA RANG GI SA YIN PA NYID KYIS NA NGES PA NYID KYI STE, SA BRGYAD PA LA SOGS PA LA JI LTA BA BZHIN GNAS PA NI THE TSOM MED PAR DMIGS SU MED PA'I YE SHES SU NGES PA NYID YIN PA'I PHYIR RO, ,GCIG TU GZHOL BA ZHES BYA BA LA SOGS PA NI GCIG TU GZHOL BA NYID KYI PHUL DU BYUNG BA DANG BCAS PA'I SEMS BSKYED PA LA SOGS PA'I CHOS MNGON DU GYUR PAS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA YIN TE, RTAG TU NGU BA LA SOGS PA DANG 'DRA BAR SROG GI BAR CHAD DU 'GYUR BA'I YUL GZHAN DU 'GRO BA'AM LUS BTZONG BA LA SOGS PA'O, ,SHES PA'I MTSAN NYID JI SKAD DU BSHAD PA'I RNAM PA'I THABS KYI BYANG CHUB SEMS DPA' RNAMS KYI MNGON SUM DU BYAS PA YIN LA, DE NYID KYIS NA GZHAN GYI MI RTOGS PA MA YIN NAM, JI LTAR NA GZHAN RNAMS KYI RTOGS PA'I MTSAN NYID YIN ZHES RTOGS PA LA, SHES PA'I MTSAN NYID RNAMS NI 'DU SHES LAS LDOG PA LA SOGS PA'I 'BRAS BU'I RGYU YIN PA'I PHYIR TE, RGYU TSOGS PA LAS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES BYA BA'I RIGS PAS 'TSAM PA NYID KYIS RJES SU DPAG PAS MTSAN NYID KHO NA YIN PAR BSTAN PA NI DE LTAR NA ZHES BYA BA LA SOGS @209A *, ,PA SMOS PA YIN TE, DE LTAR NA BZOD PA DANG SHES PA'I SKAD CIG MA RNAM PA BCU DRUG GIS BSDUS PA 'DI RNAMS NI 'BRAS BU NYID YIN PAS BDEN PA BZHI'I RNAM PA DANG 'BREL PA'I BZOD PA DANG SHES PA'I SKAD CIG MA BCU DRUG YIN TE, SDUG BSNGAL LA CHOS SHES PA'I BZOD PA ZHES BYA BA LA SOGS PA RNAM PA BCU DRUG YANG DAG PAR THOB PA RNAM PAR MI RTOG PA NYID KYIS GOMS PAR BYAS PAR GYUR PA NI NYON MONGS PA MED PAS DAG PA 'JIG RTEN PA'I THA SNYAD KYI RGYU YIN PA'I PHYIR, 'JIG RTEN PA YIN PA GANG GZUNG BA DANG 'DZIN PAR MNGON PAR MA ZHEN PA'I RNAM PA CAN NYID KYI BZOD PA DANG, SHES PA'I SKAD CIG MA RNAM PAR MI RTOG PA RNAMS LAS PHYIS 'BYUNG BA YIN PA'I PHYIR RJES KYI SEMS RNAM PAR RTOG PA DANG BCAS PA DES BSDUS PA GANG YIN PA'I RANG DANG MTHUN PA'I 'BRAS BU STE, RNAM PAR RTOG PA RNAM PAR DAG PA'I BDAG NYID CAN GYI 'BRAS BU GZUGS LA SOGS PA'I 'DU SHES LAS LDOG PA LA SOGS PA SNGAR BSHAD PA DE RNAMS KYI RGYU YIN PAS SO, ,SKYED PA'I PHYIR ZHES BYA BA LA SOGS PA NI SHES PA'I SKAD CIG MA'I MTSAN NYID NI NGO BO NYID MA YIN MOD KYI 'ON KYANG DE BSKYED PA'I RGYU YIN PA'I PHYIR RO ZHES BYA BAR DGONGS SO, ,NYE BAR BTAGS PA'I DGONGS PA NI RNAL 'BYOR PA ZHES BYA BA LA SOGS PA SMOS PA YIN TE, THAMS CAD DU NYAN THOS LA SOGS PA'I LTA BA LA YANG RTOGS PA DANG MTHUN PA KHO NA YIN PA NI THOS PA'I SHES PA DANG RJES SU MTHUN PA NYID DO, ,RNAL 'BYOR PA RNAMS NI LAM DE'I BSAM GTAN RAB KYI MTHAR PHYIN PA DANG LDAN PA'O, ,THA SNYAD NI RNAL 'BYOR LA SOGS PA'I RANG BZHIN GYI RDZU 'PHRUL LA SOGS PA'I 'JIG RTEN DANG MTHUN PAR SPYOD PA NI NGES PA YIN LA BCOS MA NI NGES PA MED PA'O, ,DE NI SEMS CAN 'DUL BA'I DGOS PA'I DBANG MA RTOGS PAR ZHES BYA BA SMOS PA YIN TE, GDUL BYA'I DON DU YANG RTOGS PA'I DON DANG MTHUN PA MA YIN NA YANG THA SNYAD DU RNAM PAR MI RTOG PA MI MNGA' BA'I BCOM LDAN 'DAS DANG 'DRA BA YIN PAS NYE BAR BTAGS NAS SHES PA'I SKAD @209B CIG MA'I MTSAN NYID KYIS BSHAD CING BSTAN TO, ,DE LTA MA YIN NA ZHES BYA BA LA NYE BAR BTAGS PA MA YIN NO, ,RNAL 'BYOR BA'I RGYUD LAS SO SO RANG GI RIG PA NI SGOM PA PO'I RANG RIG PA'I SKAD CIG MA RNAMS TE, SHES PA'I SKAD CIG MA RNAMS JI LTAR GZHAN YID CHES PAR BYED PA ZHES BYA BA SGOM PA PO LAS GZHAN PA DAG GIS SHES PA'I MTSAN NYID YIN PAR MI 'THAD DE, RANG GI RIG PA NI GZHAN GYI RIG PA MA YIN TE, RANG GI RIG PA NYID DU MI 'THAD PA'I PHYIR RO ZHES BYA BAR DGONGS SO, ,BSGOM PA'I LAM LA BRJOD PAR BYA BA MANG DU YOD NA YANG DANG PO KHYAD PAR BRJOD PA'I RGYU NI DE'I 'OG TU ZHES BYA BA LA SOGS PA YIN TE, BSGOM PA'I LAM NI ZAB PA DANG LDAN PA'I PHYIR ZAB MO YIN NO, ZAB MO DE GANG YIN ZHE NA STONG PA NYID LA SOGS PA'O, ,STONG PA NYID LA SOGS PA'I ZAB PA NYID GANG YIN ZHE NA, SGRO 'DOGS PA DANG SKUR PA 'DEBS PA'I MTHA' LAS GROL BA NYID DO, ,TSIG LE'UR BYAS PA RNAM PAR 'GREL PA NI STONG PA NYID LA SOGS PA STONG PA ZHES BYA BA SMOS PA YIN TE, STONG PA NYID DANG DE BZHIN NYID LA SOGS PA'O, ,GZUGS MED PA LA ZHES BYA BA NI GZUGS SU SGRO 'DOGS PA BKAG PA'O, ,STONG PA DANG STONG PA MA YIN PA DAG LA STONG PA NYID LA SOGS PA DANG GZUGS LA SOGS PA GCIG PAR 'GAL BA'I PHYIR RO, ,DE BZHIN DU STONG PA NYID LA SOGS PA LA TSOR BA LA SOGS PA MED DO ZHES BLTA BAR BYA'O, ,GZUGS STONG PA NYID LA SOGS PA THA DAD PA NYID KYIS NA GZUGS DANG STONG PA NYID LA SOGS PA SKUR PA BTAB PA DANG 'GAL BA YIN TE, GZUGS KYI STONG PA NYID LA SOGS PA MED PAS RANG GI NGO BO DANG BCAS PAR THAL BAR 'GYUR BAS STONG PA NYID LA SOGS PA GZUGS LA SOGS PA LAS GZHAN PA YANG MA YIN PAS ZHES BYA BAS NI SKUR PA 'DEBS PA DGAG PA YIN NO, ,DE BZHIN DU STONG PA NYID LA SOGS PA NI TSOR BA LA SOGS PA LAS GZHAN MA YIN NO ZHES BYA BA LA SOGS PAR BLTA BAR BYA'O, DE BZHIN DU GO RIMS BZHIN DU STONG PA NYID DANG GZUGS LA SOGS PA SGRO 'DOGS @210A *, ,PA DANG SKUR PA'I MTHA' CAN YIN TE, 'DI LTAR 'DI DAG NI 'JIG PA'I MTHAR THUG PA YIN PA'I PHYIR RO, ,DE DAG LAS GROL ZHING BRAL BA'I STONG PA NYID LA SOGS PA GANG YIN PA DE NI ZAB MO STE STONG PA NYID LA SOGS PA YIN PA STONG PA NYID LA SOGS PA LA GZUGS LA SOGS PA MED PA DANG GZUGS LA SOGS PA LA YANG STONG PA NYID LA SOGS PA MED PA GANG YIN PA DE DAG NI RNAL 'BYOR PA'I MNGON SUM GYIS RTOGS PAR BYA BA NYID YIN PAS, ZAB MO NYID DANG LDAN PA'I PHYIR 'OG NAS BSHAD PA'I BSGOM PA'I LAM NI ZAB CING GTING DPAG DKA' BA YIN NO, ,THOS PA ZHES BYA BA LA SOGS PA YIN, NGES 'BYED CES BYA BA LA SOGS PA RNAM PAR 'GREL PA YIN TE, GANG GI TSE RNAM PA KUN MNGON PAR RDZOGS PAR RTOGS PAR SHES RAB KYI PHA ROL TU PHYIN PA'I MING DANG, TSIG DANG NGAG DANG YI GE DANG DBYANGS KYI YI GE'I BDAG NYID CAN BSGOM PA DE'I TSE, NGES PAR 'BYED PA'I YAN LAG LA SOGS PA GSUM LA NGES PAR MTHONG BA'I DON ZHES BYA BA RNAM PA THAMS CAD MKHYEN PA LA SOGS PA SKABS GSUM DU GSUNGS PA'I DRO BA LA SOGS PA DANG MTHONG BA DANG BSGOM PA'I DON LA DMIGS PA'I RNAM PA'I RAB TU DBYE BA RNAMS GO RIMS BZHIN DU THOS PA DANG BSAMS PA DANG BSGOMS PA LAS BYUNG BA'I SHES RAB DAG YANG DANG YANG DU SEMS PA DANG 'JAL BA DANG NGES PAR RTOGS PA ZHES TSIG GSUM BSHAD PAR BYA'O, ,GANG GI TSE LAM GYI BDAG NYID CAN GYI SHES RAB KYI PHA ROL TU PHYIN PA BSGOM PA DE'I TSE TING NGE 'DZIN GYI ZHES BYA BA LAM BSGOM PA LA SBYOR BA DANG DNGOS GZHI DANG MJUG RNAMS SU SNGAR BSHAD PA DE'I BSGOM PA'I SHES RAB KYIS GZUNG BA LA SOGS PA MED PA LA DMIGS PA RAB TU GYUR PA'I SEMS KYI NGES PAR 'BYED PA'I YAN LAG DANG MTHONG BA DANG BSGOM PA'I LAM GYI DMIGS PA'I RNAM PA LA YANG DANG YANG DU SEMS PA DANG, 'JAL BA DANG NGES PAR RTOGS PA ZHES BYA BA NI TSIG GSUM YIN TE, DE LTAR BSGOM PA'I LAM RGYUN CHAGS PA YIN NO, ,NGES PAR 'BYED PA'I YAN LAG LA SOGS PA DMIGS @210B PA'I RNAM PA GSUM GYI DBYE BA LA DMIGS PAS NA YANG DANG YANG DU DE RNAMS NYID LA DMIGS PAS DMIGS PAR BYED PA'I SEMS NI GRANGS MED PA'I PHYIR BSGOM PA'I LAM LA DE'I RANG BZHIN YIN PAS MTHA' YAS PAR 'GYUR RO ZHES BYA BA'I NGES PA NI DE RNAM PA ZHES BYA BA LA SOGS PA DANG, DE'I RGYUN CHAGS ZHES BYA BA LA SOGS PA SMOS PA YIN TE, DE LTAR BSHAD MA THAG PA'I RIM PAS DON DAM PAR ZHES BYA BA DE KHO NA NYID MTHONG BAS STONG PA NYID KYI MTSAN NYID KYI RNAM PA'I SGOM PA ZHES BYA BA NI DNGOS PO MED PA LA DMIGS PA'I SEMS KYI KHYAD PAR GYIS SO, ,RNAM PAR RTOG PA DGU'I GNYEN PO'I DBYE BA LAS ZHES BYA BA NI CHUNG NGU LA SOGS PA'I BYE BRAG GIS THA DAD PA'I GZUNG BA LA SOGS PA'I RNAM PAR RTOG PA DGU'I GNYEN PO NYID YIN PAS RNAM PA DGU YIN PA'I PHYIR RO, ,GRANGS BZHIN DU 'DOD PA'I KHAMS LA SOGS PAS DGU DAG TU ZHES BYA BA NI 'DOD PA'I KHAMS DANG BSAM GTAN DANG GZUGS MED PA'I SNYOMS PAR 'JUG PA BZHI STE, DGU LA BSGOM PA'I LAM DGU NI RGYUN CHAGS YIN NO, ,CI'I PHYIR ZHE NA RGYUN CHAGS SU 'BYUNG BA'I PHYIR ZHES BYA BA STE, NGES PAR 'BYED PA'I YAN LAG LA SOGS PA'I DON MANG PO LA DMIGS PA LAS BYUNG BA'I PHYIR RAM BAR CHAD MED PA'I LAM DU RGYUN DU ZHUGS PA YIN PA'I PHYIR RO, ,BSGOM PA'I LAM RNAM PA DGU NYID YIN PAR DE KHO NA NYID DU MI 'THAD DO ZHES DOGS PA LA KUN RDZOB YIN PA'I LAN BTAB PA NI RGYAL BA'I YUM ZHES BYA BA LA SOGS PA SMOS PA YIN TE, RGYAL BA'I YUM DE DANG DE LAS ZHES BYA BA NI SHES RAB KYI PHA ROL TU PHYIN PA STONG PHRAG BRGYA PA LA SOGS PA LAS SO, ,RNAM PA RE RE'I DBANG DU MDZAD DE ZHES BYA BA NI BSHAD MA THAG PA'I BSGOM PA'I LAM GYIS DRO BA LA SOGS PA RE RE NAS NYE BAR GZUNG STE, GRANGS DANG TSAD DANG MNGON SUM LA SOGS PA'I TSAD MAS KYANG RTOGS PAR MI RUNG BA'I PHYIR RO, ,MA CHAGS PA'I DGE BA'I RTZA BA LA SOGS PA'I BSOD NAMS GRANGS MED PA DPAG TU MED PA TSAD MED PA GANG YIN PA DE RNAMS SKYE BAR GSUNGS PA'I PHYIR ZHES BYA @211A *, ,BA SKYE BAR BRJOD PAS BYE BRAG MANG BA STE, BSGOM PA'I LAM GYIS DRO BA LA SOGS PA'I GRANGS MED PA LA SOGS PA'I BSOD NAMS KYI 'BRAS BU NYID YIN PAS NA GRANGS MED PA LA SOGS PA NYID DU 'GYUR NA JI LTAR RNAM PA DGU NYID YIN TE MI 'THAD DO ZHEN GRANGS MED PA LA SOGS PA ZHES BYA BA LA SOGS PAS NI PHYED SNGA MA RNAM PAR 'GREL TE, GRANGS MED PA LA SOGS PA NI BSHAD ZIN TO, ,SOGS PA'I SGRAS NI BRJOD DU MED PA LA SOGS PA'O, ,DE RNAMS BSTAN PA RNAMS TE DE DANG DER SMOS PA RNAMS SO, ,DE YANG YANG DAG PA'I DON MA YIN PA DE NI DAM PA'I DON DU ZHES BYA BA LA SOGS PA YIN TE, TSIG TU BRJOD PA'I NGO BO RNAMS NI DON DAM PAR MI 'THAD PA NYID KYIS ZHES BYA BA YANG DAG PAR NA JI LTAR GRAGS PA'I DON DU MI RUNG BA YIN PA'I PHYIR TE, SNYAN DANG GAS SBYAR BA DANG 'DRA BAR SGRA DGOD PA TZAM DU SBYAR BA'I KHYAD PAR GYI BDAG NYID CAN GYI BRJOD PAR BYA BA'I SGRA NI BRDZUN YIN NO ZHES BYA BA'I BAR DU'O, ,DE BAS NA BSGOM PA'I LAM BCOM LDAN 'DAS KYI BKA' LAS JI SKAD BSHAD PA'I MTSAN NYID CAN TE, ZAB MO LA SOGS PA'I BDAG NYID CAN GYI BSGOM PA'I LAM NI BYE BRAG TU DBYE BA BYED PAR BZOD PA MA YIN TE, GRANGS MED PA LA SOGS PA NYID DU BYA BAR MI NUS SO, ,JI LTAR ZHE NA DON GCIG TU STE DON GYI DBYE BA GZHAN LA LTOS PA MED PAS NGES PAR 'BYED PA'I YAN LAG LA SOGS PA'I YUL GCIG PA NI DON GCIG PA YIN LA, DE LA RAB TU SBYAR ZHING NGES PAR LDAN PA'I LDOG PA'I DBYE BA GANG YIN PA DE LA LTOS PAS RGYU DE LAS NYE BAR SKYED PA'I THA DAD PA NYID KYI NGO BO STE, GRANGS MED PA LA SOGS PA GANG YIN PA DES NGES PAR 'BYED PA'I YAN LAG LA SOGS PA'I YUL GCIG PA NYID LA SOGS PA YIN PAR GCIG TU ZHUGS PA YIN NO, ,DE BAS NA BYE BRAG TU SNANG BA NYID YIN NA YANG DBYE BA YOD PA MA YIN NO ZHES BYA BA'I THA TSIG GO, ,DBYE BA GZHAN LA LTOS NAS YANG NGES PAR 'BYED PA'I YAN LAG LA SOGS PA DON SNA TSOGS PA DANG RAB TU SBYAR PA'I LDOG PA LA @211B LTOS PA'I LAS NYE BAR SKYED PA'I THA DAD PA NYID KYI NGO BO BYE BRAG TU DBYE BA NYID YIN NO, ,KUN RDZOB CES BYA BA LA SOGS PA PHYED 'OG MA BSHAD PA KUN RDZOB TU NI ZHES BYA BA LA SOGS PA YIN TE, KUN RDZOB TU NI SANGS RGYAS LA SOGS PA'I THA SNYAD KYIS DMIGS PA MED PA'I THUGS RJE CHEN PO ZHES BYA BA RNAM PAR MI RTOG PAS KHYAB PA'I THUGS RJE DE'I RANG BZHIN GYI CHOS KYI DBYINGS TE, STOBS BCU LA SOGS PA'I RGYU GNYIS SU MED PA'I YE SHES SO, ,DE'I RGYU MTHUN PAR GYUR PA YIN PA NI CHA 'DRA BA'I NGO BO'O, ,DE NI BSHAD PA'I CHOS KYI NGO BO NYID DE, YANG DAG PA'I GNYIS SU MED PA'I YE SHES STON PA'I CHOS KYI BDAG NYID DE, RNAM PA THAMS CAD DU GNYIS SU MED PA'I YE SHES DE NYID STON PA YIN PA'I PHYIR RO, ,JI SKAD BSHAD CING BSTAN PA NI GRANGS MED PA LA SOGS PA'I SGRA RNAMS SO, , BYIS PA'I SKYE BO RNAMS NI MA RIG PAS KHYAB PA RNAMS GZHUG PAR BYA BA'I PHYIR ZHES BYA BA NI LHAG MA'O, ,'BRAS BU CHEN PO BSKYED PAR RAB TU STON PA NYID KYIS ZHES BYA BA NI RNAM PA THAMS CAD MKHYEN PA'I 'BRAS BU SKYED PAR BRJOD PA YIN PAS SO, ,DE BZHIN GSHEGS PAS BZHED PAS ZHES BYA BA NI PHYIN CI MA LOG PAR SEMS CAN BZHUGS PA'I TSUL MKHYEN PA'I DE BZHIN GSHEGS PA RNAMS DGONGS SO, ,RGYU DE BAS NA MANG PO NYID DU THAL BAR MI 'GYUR RO ZHES BYA BA BSGOM PA'I LAM GRANGS MED PA LA SOGS PAR THAL BAR MI 'GYUR RO, ,CHOS KYI DBYINGS GRANGS MED PA LA SOGS PA YIN PA'I PHYIR RNAL 'BYOR PA RNAMS KYI BSOD NAMS GRANGS MED PA LA SOGS PA NYID YIN PA NI KUN RDZOB TU YIN GYI YANG DAG PAR NI MA YIN TE, BSOD NAMS KYI RGYU NYID NGES PAR 'BYED PA'I YAN LAG LA SOGS PA DANG SBYIN PA LA SOGS PA GRANGS MED LA SOGS PA NYID YOD NA JI LTAR NA DE'I 'BRAS BU GRANGS MED PA LA SOGS PA NYID YIN TE, DE'I 'BRAS BU MA YIN PAR THAL BAR 'GYUR NA DE LTAR NA YANG BCOM LDAN 'DAS NI BRDZUN DU GSUNGS PA NYID MA YIN TE, SEMS @212A *, ,CAN RNAMS GZHUG PA'I TSUL PHYIN CI MA LOG PAR MKHYEN PA NYID KYIS NA GANG ZAG LA SOGS PA DANG 'DRA BAR NA DE LTAR STON PAR MDZAD PA YIN NO ZHES BYA BAR DGONGS SO, ,DE YANG, NYE BAR GNOD PHYIR YANG DAG PAR, ,GANG ZHIG SMRAS GYUR DE NYID BRDZUN, , BDEN DANG BDEN MIN DON CI YIN, ,GZHAN DON BYED GANG DE BDEN YIN, ,ZHES BSHAD PA YIN NO, ,GAL TE NYON MONGS PA RNAMS RANG BZHIN GYIS STONG PA NYID KYI BDAG NYID YIN NA DE MED PA YIN PA'I PHYIR BSGOM PAS CI ZHIG BYA, 'ON TE YANG DAG PAR RANG BZHIN YOD NA DE LTA NA YANG BSGOM PAS CI ZHIG BYA STE, RANG BZHIN LA NI GZHAN DU BYA BAR MI NUS PA'I PHYIR GNYI GA LTAR NA YANG NGES PAR 'BYED PA'I YAN LAG LA SOGS PA'I BSGOM PA'I LAM NI STONG PA NYID KYI ZHES BYA BA LA SOGS PAS DON MED PAR RTOG PA LA STONG PA NYID KYI MTSAN NYID KYIS ZHES BYA BA NI BZUNG BA LA SOGS PA'I MI MTHUN PA'I PHYOGS DANG, NGES PAR 'BYED PA'I YAN LAG LA SOGS PA'I LAM DANG, DE BSGOM PA'I SEMS NI DNGOS PO MED PA YIN PA'I PHYIR TE, GCIG DANG DU MA DANG BRAL BA LA SOGS PA'I TSAD MA NI KUN TU 'GRO BA YIN PA'I PHYIR RO ZHES BYA BA NI RGOL BA PO'I BSAM PA YIN NO, ,GOMS PA PHUL DU PHYIN PA BYAR MED PA'I PHYIR ZHES BYA BA NI, GUS PA DANG BCAS PA DANG RGYUN MI 'CHAD PA DANG DUS RING MOR BSLABS SU ZIN NA YANG RAB TU SBYOR BAR MI RIGS TE, MED PA LA MED PAR GOMS PA NI MI'I RVA NI RI BONG GI RVA NYID DU PHUL DU BYUNG BA BYAR MI 'THAD DO, ,DE'I PHYIR CUNG ZAD KYANG MI BYED PA KHO NA'O ZHES BYA BA BSGOM PA'I LAM NI CI YANG BYED MI NUS TE, GANG DU KHYAD PAR DU BYAR MED PA DANG RNAM PA GANG GIS KYANG MED PA NI BYED PA PO NYID DU MI RIGS SO ZHES SKYE BO BLO DMAN PA DAG GI NGOR NGES PAR 'BYED PA'I YAN LAG LA SOGS PA'I LAM KUN RDZOB TU YOD PA YIN ZHING RGYU DANG 'BRAS BU'I DNGOS POR 'THAD PA'I RAB KYI MTHA' MI SHES PA'I SKYE BO RNAMS KYI NGOR DOGS PA BSU BA NI DNGOS PO ZHES BYA BA LA SOGS PA SMOS PA YIN NO, ,TSIG LE'UR @212B BYAS PA'I DON RNAM PAR 'GREL PA NI CHOS NYID KYI ZHES BYA BA LA SOGS PA YIN TE, NGO BO NYID MED PA NYID KYIS YANG DAG PAR NA DE NYID DANG, GZHAN NYID DANG, GNYI GA DANG, GNYI GA MA YIN PA NYID KYIS BYE BRAG DANG, BYE BRAG MED PA DANG, GNYI GA DANG, GNYI GA MA YIN PAR BRJOD DU MED PA LA THOS PA LA SOGS PA MI NUS PA NI CI, KUN RDZOB TU YIN NAM 'ON TE MA YIN ZHE NA, CHOS NYID KYI RANG GI NGO BOR ZHES BYA BA SMOS TE, YANG DAG PAR NA GNYIS SU MED PA'I YE SHES KYI BDAG NYID CAN NO, ,RGYU'I KHYAD PAR DE DAG GIS NA GANG GI PHYIR GNYIS SU MED PA'I YE SHES KYI BDAG NYID YIN PA DE'I PHYIR BRJOD DU MED PA NI MNGON PAR 'DOD PA'I LAM GYI NGO BO YIN TE, SNGAR BSHAD PA'I BSGOM PA'I LAM NI BRJOD DU MED PA NYID KYIS NA GANG ZAG LA SOGS PA DANG 'DRA BAR DNGOS POR YOD PA MA YIN NO, ,DE BAS NA BSGOM PA ZHES BYA BA'I LAM GYIS TE, RGYUS MI MTHUN PA'I PHYOGS DANG GNYEN PO DAG SNGAR BSHAD PA DAG LAS GO RIMS BZHIN DU 'BRAL BA DANG SKYE BAR MI RUNG NGO ZHES BYA BAR BSGOM PA PHUL DU PHYIN PA BYAR MED PA'I PHYIR ZHES BYA BA YANG DAG PAR NA BSGOM PA'I LAM MED PA NYID KYIS NA BSGOM PA PHUL DU GYUR PAR BYAR MED PA'I PHYIR DE BAS NA ZHES BYA BA LA SOGS PA SMOS PA YIN NO, ,KUN RDZOB TU BSGOM PA'I LAM DU BSHAD PA LA NI, THOS PA LA SOGS PAR NUS PA NYID YIN ZHING, DON DAM PAR NI DE LTAR MA YIN TE ZHES BYA BA LA SOGS PA SMOS PA YIN TE, BSGOM PAR BYA BA LA SOGS PA MED PA LA YANG YANG DAG PAR NA BSGOM PA DANG, DE'I DON GYI BYA BAS KYANG, NYON MONGS PA BSTZAL BA DANG, BYANG CHUB SKYED PA'I MTSAN NYID MED PA NYID YIN PA BDEN MOD KYI, DE LTA NA YANG RNAL 'BYOR PA'I KUN RDZOB TU DNGOS PO LA SOGS PA YOD PAS BSGOM PA YOD PA YIN NO, ,DE LTA BAS NA BYANG CHUB JI LTA BA BZHIN DU BSGOM PA'I LAM PHUL DU PHYIN PA LAS NYON MONGS PA RNAMS GLO BUR PA YIN PAS NA SNGAR BSHAD PA'I NYES PA MED PA'I PHYIR, @213A *, ,DE GSAL BAS GNYEN PO ZHES BYA BA SKYE BA LA YANG 'GAG PA MED DO ZHES BYA BAR DGONGS SO, ,RNAM 'GREL MDZAD PAS KYANG, DE BAS YANG DAG YANG DAG MIN, ,SHIN TU BSGOM ZHING GANG GANG YIN, ,BSGOM PA'I STOBS NI RDZOGS PA NA, ,DE GSAL MI RTOG BLO'I 'BRAS BU, ,ZHES GANG BSHAD PA YIN NO, ,DE NYID KYI PHYIR SHES RAB KYI PHA ROL TU PHYIN PA THOS PA DANG BSGOM PA DAG NI DON DANG BCAS PA NYID YIN TE, MDO SDE'I RGYAN LAS, GAL TE THOS PA TZAM GYIS DON MTHONG 'GYUR NA BSGOM PA DON MED 'GYUR, ,GAL TE MA THOS PAR YANG SGOM 'JUG 'GYUR NA BSTEN PA DON MED 'GYUR, ,ZHES BSHAD PAS RTOG PA DANG LDAN PAS THOS PA DANG BSAM PA DANG BSGOM PA RNAMS LA 'BAD PAR BYA'O, ,MA GRUB PAS CI YANG SGRUB PAR MI BYED DO ZHES BYA BA'I TSUL GYIS BSGOM PA MA GRUB NA BYANG CHUB MI 'GRUB PA MA YIN NAM, JI LTAR NA DES DON GYI BYA BA DE SGRUB PAR BYED CES BYA BA'I BSAM PA DANG LDAN PAS YANG SNGA MA'I PHYED KYI BYANG CHUB MED PAR DOGS PA BSU BA NI DE LTA YIN NA YANG ZHES BYA BA LA SOGS PA SMOS PA YIN TE, 'DI LTAR DPYAD PAR BYA STE RE ZHIG BYANG CHUB NI SNGON DANG PHYI MAR GYUR PA'I SEMS LAS BYUNG BA YIN LA, DE LA SNGA PHYIR GYUR PA'I SEMS RE RE'AM, MANG PO CIG CAR 'DUS PA'AM, RIM GYIS 'BYUNG BA'I SEMS BYANG CHUB KYI RGYU YIN ZHES BRTAG PA RNAM PA GSUM YIN NO, ,PHYOGS DANG PO NI RE RES BYANG CHUB PA NI RIGS PA MA YIN NO ZHES BYA BA SMOS TE, CI'I PHYIR ZHE NA SNGA PHYIR GYUR PA'I SEMS RE RE LA SANGS RGYAS KYI BYANG CHUB RNAM PAR MI RTOG PA'I YE SHES DE SGRUB PAR BYED PA RNAM PA THAMS CAD MKHYEN PA NYID LA SOGS PA'I DON MTHA' DAG CES BYA BA SNGAR BSHAD PA GANG YIN PA DE MI SNANG BA'I PHYIR TE, SEMS GCIG LA YUL DU MA NYID MED PA'I PHYIR RO ZHES BYA BAR DGONGS SO, ,PHYOGS GNYIS PA GSAL BA NI MANG PO NYID KYIS KYANG BYANG CHUB PAR NI RIGS PA MA YIN NO ZHES SNGA MA DANG SBYAR RO, ,JI LTA BU ZHE NA, 'DOD PA'I DON SGRUB PAR BYED PAR SNANG BA'I SEMS CIG CAR 'BYUNG BA ZHES BYA BA STE, 'DOD @213B PA'I DON NI BYANG CHUB PO, ,GANG DU DE SGRUB PAR BYED PAR SNANG BA SEMS CIG CAR 'BYUNG BA MANG PO DE RNAMS KYIS BYANG CHUB PAR RIGS PA MA YIN NO ZHES BYA BA'I THA TSIG GO, ,CI'I PHYIR ZHE NA MI SRID PA'I PHYIR RO ZHES BYA BA SMOS TE DUS GCIG GI TSE RTOG PA DU MA MI SKYE BAS SO, , NYAMS SU MYONG BA GRUB PA YIN NA YANG 'DI NI RTOG PA NYE BAR BSGRUBS PA YIN NO ZHES 'GA' ZHIG PHYIN CI MA LOG PA BSAL BAR BYA BA'I PHYIR, LUNG NI SEMS CAN RNAMS KYI RNAM PAR SHES PA'I RGYU RE RE BA'O ZHES 'BYUNG BAS SMOS PA YIN TE, RNAM PAR RTOG PA MANG PO CIG CAR 'BYUNG BA MI SRID PA'I PHYIR RO ZHES BYA BA 'DI BSHAD PA YIN NO, ,DES NA SEMS CAN RNAMS KYI SNYING NI RNAM PAR RTOG PA GCIG YIN NO ZHES BYA BA'I THA TSIG GO, ,DE NYID KYI PHYIR RNAM 'GREL MDZAD PAS KYANG RNAM PAR RTOG PA GNYIS PO DUS GCIG MIN, ,ZHES BSHAD PA YIN NO, ,BRTAG PA GSUM LA GSAL BA NI RIM GYIS 'BYUNG BA YANG MA YIN TE ZHES SMOS PA YIN TE, SNGAR BSHAD PA'I SNGA PHYIR GYUR PA'I SEMS GANG YIN PA DE MANG PO NYID YIN NA YANG BYANG CHUB PAR NI RIGS PA MA YIN ZHES SNGA MA DANG SBYAR RO, ,JI LTA BU ZHE NA BLA NA MED PA'I SANGS RGYAS KYI BYANG CHUB SGRUB PAR BYED PA DRAN PA NYE BAR GZHAG PA LA SOGS PA DANG, SANGS RGYAS KYI CHOS MA 'DRES PA BCO BRGYAD KYI BAR RTOGS SHING SHES PA'I RANG GI NGO BO SGYU MA LTA BUR SHES PA'I TSUL GANG YIN PA DES SO, ,CI'I PHYIR BYANG CHUB PAR RIGS PA MA YIN ZHE NA, DE ZHES BYA BA LA SOGS PA SMOS TE, JI SKAD BSHAD PA'I SEMS DE RANG GI NGANG GIS BYUNG MA THAG GI RJES THOGS LA 'JIG CING NYAMS PA GANG YIN PA DE NI RJES SU 'GRO BA MED PA STE, RGYU MED PA YIN LA DE'I DNGOS PO DE NYID KYIS TE, DES NA PHAN TSUN 'BREL PA MED PA'I PHYIR RO ZHES BYA BA GCIG LA GCIG 'BREL PA MED PA'I PHYIR RO, ,RGYU DE BAS NA KHYAD PAR CAN TE, DRAN PA NYE BAR GZHAG PA LA SOGS PA'I MTSAN NYID GANG YIN PA DER SNANG BA'I SEMS BSKYED PA'I SGO NAS, JI LTAR DON GYI BYA BA BYANG CHUB SGRUB PA'I MTSAN NYID CAN YIN TE, MI RIGS SO ZHES BYA BA NI GZHAN GYI @214A *, ,DON YIN TE, DE LTAR NA SNGA PHYIR GYUR PA'I SEMS 'DUS PA DAG GIS BYANG CHUB SGRUB PAR BYED PA YIN NA 'DUS PA YANG MED DE, 'DI NI BYUNG MA THAG TU 'JIG PA'I PHYIR RO SNYAM DU SEMS SO, ,DE NI YANG DAG PA MA YIN PAS ZHES BYA BA NI BRTAG PA GSUM PO GANG YIN PA DE DAG NI LEGS PA MA YIN NO ZHES GRUB PA'I MTHA' SMRA BAS SMRAS PA YIN NO, ,MAR ME ZHES BYA BA LA SOGS PA'I TSIG LE'UR BYAS PA RNAM PAR 'GREL PA NI JI LTAR ZHES BYA BA LA SOGS PA SMOS PA YIN TE, 'DIR YANG ME LCE DANG SNYING PO CI RE RE NAS SKAD CIG MA SNGA PHYIS SAM 'ON TE PHRAD NAS SNYING PO TSIG PA YIN ZHES BRTAG PA GNYIS YIN NO, ,DE LA DANG PO BSAL BAR BYA BA'I PHYIR JI LTAR ZHES BYA BA LA SOGS PA SMOS TE, ME LCE NI MAR ME'I ME LCE'O, ,SNYING PO NI GRAGS PAR ZAD DO, ,'DI DAG PHRAD PA'I SKAD CIG NI 'DUS PA'I MTSAN NYID DE DANG PO SREG PAR NUS PA NI SKAD CIG MA GNYIS PA MED PAR ZHES BYA BA NI SREG PAR NUS PA'I SKAD CIG MA GNYIS PA MED PAR ME LCE NI SREG PAR BYED PA YIN PA'I PHYIR RGYU YIN LA SNYING PO NI BSREG PAR BYA BA'I PHYIR 'BRAS BU YIN PAR CI RIGS PA 'DI NI MTSAN NYID KYI RANG BZHIN YIN TE, GANG SREG PAR BYED PA DANG BSREG PAR BYA BA ME LCE DANG SNYING PO DAG NI SREG PAR BYED PA DANG BSREG PAR BYA BA NYID YIN PAR JI LTA BA BZHIN DU MI RUNG NGO ZHES BYA BA NI LHAG MA'O, ,CI'I PHYIR ZHE NA, ME LCE DANG SNYING PO DAG GI RANG GI RGYUS ZHES BYA BA NYE BAR LEN PA'I MTSAN NYID DANG PHAN TSUN LHAN CIG BYED PA'I SKAD CIG MAS DE DAG PHAN TSUN GYI SGO NAS RGYUN GYIS 'JUG PA'I DBANG GIS DUS MNYAM DU STE, DUS MTSUNGS PAR GYUR PA'I PHRAD PA'I BSKYED PAS ZHES BYA BA ME LCE DANG SNYING PO PHRAD PA BSKYED PA YOD PA GANG YIN PA DE NI KHYAD PAR CAN DU MA BYAS PA'I PHYIR TE, THUN MONG YIN PA NYID KYIS RANG RANG GI NYE BAR LEN PA DANG LHAN CIG BYED PA'I RGYUR BYAS PA DUS MNYAM PAR GYUR PA NYID KYIS NA DUS MTSUNGS PAR 'BYUNG BA'I BA LANG GI RVA DANG 'DRA BAS JI LTAR RGYU DANG 'BRAS BU'I MTSAN NYID ME LCE DANG SNYING PO SREG PAR BYED @214B PA DANG BSREG PAR BYA BA'I GNAS SKABS SU GNAS ZHES BYA BAR DGONGS SO, ,DE BZHIN DU NUS PA YIN PHYIR TE GANG ME LCE DANG SNYING PO DE DAG SKYE BA SKAD CIG MA GNYIS PA'AM YANG ZHES BYA BA SKAD CIG MA DANG PO MA YIN PAR SNGA MA BZHIN DU RGYU DANG 'BRAS BU'I MTSAN NYID ME LCE DANG SNYING PO SREG PAR BYED PA DANG BSREG PAR BYA BA'I NGO BOR MI RUNG NGO ZHES BYA BA NI LHAG MA'O, ,RTAG TU YOD PAR LA SOGS PAR THAL BAR 'GYUR BAS ZHES BYA BA NI SKAD CIG MA GNYIS PA SKAD CIG MA DANG PO MED PAR 'BYUNG BAR KHAS LEN PA NA RGYU MED PA NYID YIN PA'I PHYIR TE, RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,DNGOS PO RNAMS NI RES 'GA' ZHIG, ,'BYUNG BA LTOS PA LAS YIN NO, ,ZHES BYA BA'I RIGS PAS RTAG TU YOD PA'AM MED PAR THAL BAR 'GYUR RO, ,DE LTAR NA KUN RDZOB TU YANG 'BYUNG BA MED DE GANG GI PHYIR SKAD CIG MA DANG PO MED PAR SKAD CIG MA GNYIS PA 'BYUNG BAR KHAS LEN NA THAMS CAD 'BRAS BU YIN PAR KHYAD PAR MED PA'I PHYIR KUN RDZOB TU YANG SKYE BA MED PA YIN LA DE'I RGYU DANG 'BRAS BU ZHES BYA BA LA SOGS PA MED DO ZHES BYA BAR SBYAR RO, ,YANG NA SKAD CIG MA DANG PO LA MA LTOS PAR SKAD CIG MA GNYIS PA SKYE NA RTAG TU YOD PAS NA RGYU'I SKAD CIG MA MA ZHIG PAS SO, ,MED PA YANG NUS PA MED PA YIN PA'I PHYIR SNYING PO TSIG PA KUN RDZOB TU YANG MED PAR 'GYUR RO, ,DE BAS NA ME LCE DANG SNYING PO NI RGYU LA SOGS PA MA YIN NO ZHES BYA BAR SBYAR RO, ,SKAD CIG MA DANG PO DANG SKAD CIG MA GNYIS PA PHRAD PA KHO NAS KUN RDZOB TU SNYING PO TSIG PA NI GANG GI PHYIR ZHES BYA BA LA SOGS PA SMOS PA YIN TE, GANG GI PHYIR DE LTAR SKAD CIG MA SNGA MA DANG PHYI MA RE RES YIN PAR MI RUNG BA DE'I PHYIR RGYU 'DI DANG RKYEN 'DI LAS SKYE BAS 'DI'I RKYEN NYID 'DI PA TZAM YIN PA DE'I BDAG NYID CAN GYI RTEN CING 'BREL PAR 'BYUNG BA'I CHOS NYID KYI ZHES BYA BA RGYU DANG RKYEN LA RAG LAS PA LAS SKYES PA'I RANG BZHIN GANG YIN PA DES ME LCE DANG SNYING PO NI SREG PAR BYED PA DANG BSREG PAR BYA BA'I GNAS SKABS SU GZHAG GO ZHES BYA BA NI LHAG MA'O, , @215A *, ,CI'I PHYIR ZHE NA, GANG GI TSE GNYI GA PHRAD CING 'DUS PA'I GNYIS PA LA SOGS PA PHRAD PA'I SKAD CIG MA SKYED PAR RUNG BA ME LCE DANG SNYING PO GNYIS KA PHRAD DU RUNG BA'I SKAD CIG MA DE LA LTOS SHING RGYUR BYAS NAS MA BRTAGS NA GCIG TU NYAMS DGA' BA ZHES BYA BA KUN RDZOB TU RGYU DANG 'BRAS BUR 'BREL PA GANG YIN PA DE'I STOBS KYIS TE, DE'I RGYUS SKAD CIG MA DANG PO DES DRANGS SHING SGRO BTAGS PA'I MTHU KHYAD PAR CAN SREG TU RUNG BA NYID KYI MTSAN NYID GANG YIN PA DE NYID YIN GYI RIS MI MTHUN PA GZHAN DAG YANG MA YIN TE, KHYAD PAR DU SNYING PO BSREG PA BSKYED PAR RUNG BA'I SKAD CIG MA GNYIS PA LA SOGS PA STE, SKAD CIG MA GNYIS PA DANG GSUM PA LA SOGS PA YOD NA DE'I TSE RGYU MED PA ZHIG KYANG ZHES BYA BA'I RGYU'I SKAD CIG MA RANG GI NGANG GIS 'JIG NA YANG RGYU DANG 'BRAS BU DAG CES BYA BA ME LCE DANG SNYING PO'I MTSAN NYID DAG GO RIMS BZHIN DU GANG DUS MNYAM DU SRANG MDA'I MTHO DMAN DANG 'DRA BA SKYE BA DANG 'JIG PA STE, SKYE BA DANG 'GAG PA GANG YIN PA DE DAG NYE BAR DMIGS PA YIN PA'I PHYIR TE, ME YI 'BRAS BU DU BA STE, ,'BRAS BU'I CHOS KYI RJES 'JUG PHYIR, ,DE MED PAR YANG DE YOD NA, ,RGYU DANG LDAN PA LAS 'DAS 'GYUR, ,ZHES BYA BA'I RIGS PAS MNGON SUM DANG MI DMIGS PA RNAM PA LNGA DAG GIS ME LCE DANG SNYING PO DAG 'JUG PA DANG LDOG PA'I BDAG NYID CAN GYI RGYU DANG 'BRAS BU DMIGS PA'I PHYIR RO, ,YANG GANG GI PHYOGS LA YANG DAG PAR NA RGYU DANG 'BRAS BU'I DNGOS POR MI RUNG BA DE LA YID BRTAN DU RUNG BA MED DE DE'I PHYOGS LA YANG RJES SU 'GRO BA DANG LDOG PA DE RJES SU SBYAR BAR 'DOD PAR BYA'O ZHES BYA BAR DGONGS SO, ,GZHAN DU NA DE'I PHYOGS LA SNA TSOGS RGYU MED PA'AM RGYU MA NGES PAR 'GYUR TE NGES PA MED PA'I PHYIR RO, ,RNAM 'GREL MDZAD PAS, THAMS CAD NUS PA MED CE NA, ,SA BON SOGS NI MYUG SOGS LA, ,NUS MTHONG GAL TE DE KUN RDZOB, ,'DOD NA JI LTA DE LTAR ZAD, ,CES GANG BSHAD PA DANG, DBU MA'I RGYAN LAS, DNGOS PO KUN GYI RANG BZHIN NI, ,RIG PA'I LAM @215B GYI RJES 'BRANG BAR, ,GZHAN DAG 'DOD PA SEL BAR BYED, ,DE'I PHYIR RGOL NGAN GNAS MED DO, ,ZHES BYA BA LA SOGS PA SMOS PA YIN NO, ,PAS ZHES BYA BA LA SOGS PAS DPES BSTAN PA'I BYANG CHUB DANG MAR ME'I DPE'I TSUL GYIS ZHES BYA BA LA SOGS PA SMOS TE, SKAD CIG MA SNGA PHYIR GYUR PA GNYIS KYIS GANG YUL GCIG LA ZHES BYA BA MAR MER GTOGS PA SREG PA LA'O, ,DE LA NYE BAR SBYOR BA NI DE'I RGYU NYID DU SHES PAR BYED PA NI STON PA'O, ,DE LHUR LEN PA NI DE GTZO BOR GYUR PAS MAR ME'I DPE'I TSUL DU RIG PAS SO, ,BYANG CHUB SGRUB PAR BYED PA DNGOS PO TSAD YOD PA NI MNGON PAR RTOGS PA BRGYAD KYI MTSAN NYID DAM DRAN PA NYE BAR GZHAG PA LA SOGS PA'I MTSAN NYID DO, ,DER SNANG BA'I RNAM PAR SHES PA NI MNGON PAR RTOGS PA BRGYAD LA SOGS PAR RNAM PAR RTOG PA'I SEMS RGYUR BYAS PA NYID YIN PA'I PHYIR RO, ,SNGA MA LA BRTEN NAS ZHES BYA BA NI 'DI NI RKYEN TZAM NYID KYI BDAG NYID CAN GYI RTEN CING 'BREL PAR 'BYUNG BA'I CHOS NYID KUN RDZOB TU RGYUR BYAS NAS SO, ,SNANG BA'I DON NI MIG GI RNAM PAR SHES PA LA SOGS PA'I YUL GZUNG BA LA SOGS PA MI MTHUN PA'I PHYOGS KYI MTSAN NYID DU NGES PA'I YUL LO, ,DES NA DBEN PA NI LHAG PAR KHYAD PAR DU 'PHAGS PA STE, KHAMS GSUM PA KHYAD PAR DU BYAS PA'I SNANG BA NYID KYIS NA LHAG PA'I SEMS KYI KHYAD PAR TE, DE'I GNYEN PO'I MTSAN NYID DE'I GNYEN POR SNANG BA'I RNAM PAR SHES PA PHYI MA ZHES BYA BA PHYIS 'BYUNG BA'I BYANG CHUB LA RTOGS PA'I SEMS SKYE BAR GYUR PA NA BYANG CHUB THOB PAR GYUR PA STE, NYON MONGS PA BAG CHAGS DANG BCAS PA SPANGS PAR RIGS PA YIN TE, DBU MA'I RGYAN LAS, CHOS LA BDAG MED MKHAS PA NI, ,RANG BZHIN MED PA GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,ZHES JI SKAD BSHAD PA DANG, YANG DE NYID LAS, RGYU DANG 'BRAS BU'I DNGOS PO NI, ,KUN RDZOB TU NA MA BZLOG PAS, ,KUN NAS NYON MONGS RNAM BYANG SOGS, ,RNAM PAR GZHAG PA 'KHRUG PA MED, , @216A *, ,CES GANG BSHAD PA DANG, DBUS DANG MTHA' RNAM PAR 'BYED PA LAS KYANG, NYON MONGS PA YI SGRIB PA DANG, ,SHES BYA'I SGRIB PA NYID DU BSTAN, ,DER NI SGRIB PA THAMS CAD DE, ,DE ZAD NAS NI GROL BAR 'DOD, ,CES SMOS PA YIN NO, ,DE LTAR MAR ME'I DPES YANG DAG PAR NA RGYU DANG 'BRAS BU NYID DU MI RUNG BAS BYANG CHUB KUN RDZOB TU NYE BAR BSTAN PA YIN LA, GZHAN DAG TU YANG BCOM LDAN 'DAS KYIS RTOGS PAR DKA' BA'I DON RNAM PA BRGYAD GSUNGS PA DAM PA RNAMS KYIS BSGRUB PAR BYA'O, ,ZHES BSTAN PAR BYA BA'I PHYIR JI SKAD SMOS PA'I ZHES BYA BA LA SOGS PA SMOS PA YIN NO, ,SKYE BA DANG NI ZHES BYA BA LA SOGS PA BSGOM PA'I LAM LA GNAS PA'I PHYIR MI LDOG PA'I MTSAN NYID KYI TSIG LE'UR BYAS PA RNAM PAR 'GREL PA NI SKAD CIG MA ZHES BYA BA LA SOGS PA YIN TE, BSGOMS PAS RTOGS PAR BYA BA NI THOB PAR BYA BA'O, ,DON KHYAD PAR DU 'PHAGS PA NI NYAN THOS LA SOGS PA DANG THUN MONG MA YIN PA'I BYANG CHUB GANG YIN PA'O, ,DE SKYED PA NI GOMS PAR BYED PA'O, ,SKAD CIG MA SNGA MA DANG PHYI MA DAG GIS KYANG SNGA MA BZHIN DU MI 'THAD LA NGO BO NYID MED PA NYID KYIS KYANG SNGA MA BZHIN DU MI 'THAD DO ZHES BYA BA NI RGYU GNYIS PA YIN NO, ,DE LTAR NA RTEN CING 'BREL PAR 'BYUNG BA SNGAR NYE BAR BSTAN PA DANG BSAM GYIS MI KHYAB PA'I ZHES BYA BA LA SOGS PA SGRUB PA PO'I SHES PA ZAB PA NYID NI 'OG NAS BSHAD PA'I DON BDUN CAR LA YANG SBYAR BAR BYA'O, ,RANG BZHIN GYIS DNGOS PO MED PAR BYUNG BA NYID KYIS NA YANG DAG PAR NA 'GAG PAR MI 'THAD PAS 'GAG PA DE NI DNGOS PO THAMS CAD CES BYA BA LA SOGS PA SMOS PA YIN NO, ,YANG DAG PA DANG YANG DAG PA MA YIN PA'I DON DAG LA GOMS PAS MNGON SUM DU BYA BA DANG LDAN PA NYID KYIS DE BZHIN NYID MNGON SUM DU MI BYED PA YIN TE, DE NI GNAS SKABS THAMS CAD DU ZHES BYA BA LA SOGS PA SMOS PA YIN NO, ,SBYIN PAR BYA BA LA SOGS PA RANG BZHIN MED PAS SBYIN PAR BYA BA LA SOGS PAR RTOG PA'I SBYIN PA LA SOGS PA SGRUB PA MI 'THAD @216B PA'I PHYIR ZHES BYA STE SBYIN PAR BYA BA LA SOGS PA'I GZUNG BA'O, ,DE NI DE BZHIN NYID KYI ZHES BYA BA LA SOGS PA SMOS PA YIN NO, ,NGO BO NYID MED PA NYID KYIS GZUNG BAR BYA BA'I GZUGS LA SOGS PA'I CHOS RNAMS MED PAS DE'I SHES PA MIG GI RNAM PAR SHES PA LA SOGS PA'I SHES PA STE, DE NI DE BZHIN NYID KYI ZHES BYA BA LA SOGS PA SMOS PA YIN NO, ,STONG PA NYID YIN PAS NA SEMS BSKYED PA LA SOGS PA DANG GZHAN DAG NYAMS SU LEN PA MED PA'I PHYIR SPYOD PA NI SEMS BSKYED PA LA SOGS PA NYAMS SU LEN PA YIN TE, DE NI CHOS NYID KYIS ZHES BYA BA LA SOGS PA SMOS PA YIN NO, ,GZUGS LA SOGS PA'I TSUL RNAM PA GNYIS SU SNANG BAS GNYIS SU MED PAR SHES PA MIN PAR MI 'THAD PA'I PHYIR GZUNG BA LA SOGS PA MED PA NI GNYIS SU MED PA STE, DE NI GNYIS SU MED PA'I ZHES BYA BA LA SOGS PA SMOS PA YIN NO, ,SNYING RJE LA SOGS PA'I TSOGS YONGS SU RDZOGS PA NYID KYIS NA SANGS RGYAS LA SOGS PA NYID, 'THOB PA MI 'JIGS PAS THABS LA MKHAS PA STE, SEMS MA ZHUM PA LA SOGS PA'O, ,DE NI TSOGS THAMS CAD CES BYA BA LA SOGS PA SMOS PA YIN NO, ,RTEN CING 'BREL BAR 'BYUNG BA LA SOGS PA PHAN TSUN 'GAL BA'I DON NI YANG DAG PAR SGRUB PAR BYED PA'I BYANG CHUB SEMS DPA'I LAM RTOGS PAR DKA' BA'I SHES PA NYID YIN PAS SHES PA ZAB PA NI BSAM GYIS MI KHYAB PA'I YE SHES ZHES BYA BA LA SOGS PA SMOS PA YIN TE, 'DI NI TING NGE 'DZIN THOB PA KHO NA'I YUL YIN GYI GZHAN DAG NI MA YIN NO ZHES BYA BA'I BCOM LDAN 'DAS KYI DGONGS PAS TSU ROL MTHONG BAS NI 'DIR DAD PA KHO NA LEGS SO ZHES BYA BAR DGONGS SO, ,GANG GIS 'DREN PA'I NGES 'BYUNG BA'I, ,DAD PA GZHON PA MCHOG YIN NO, ,DE BAS DAD PA'I RJES 'BRANG NYID, ,BLO LDAN MI YIS BRTEN PAR GYIS, ,DAD PA MED PA'I MI RNAMS LA, ,DKAR PO'I CHOS RNAMS MI SKYE STE, ,SA BON ME YIS TSIG PA LA, ,MYU GU SNGON PO JI BZHIN NO, ,ZHES GANG GSUNGS PA YIN NO, ,CHOS RNAMS ZHES @217A *, ,BYA BA LA SOGS PA'I LAM GYI DON GYI 'KHOR BA DANG ZHES BYA BA LA SOGS PA SMOS PA YIN TE, 'KHOR BA DANG RNAM PAR BYANG BA NI SRID PA DANG MYA NGAN LAS 'DAS PAR GYUR PA'I MI MTHUN PA DANG GNYEN PO NI GZUNG BA LA SOGS PA DANG LAM GYI 'BRAS BUR BRJOD PA GANG YIN PA DE RNAMS NI SNANG BRNYAN TZAM GYI NGO BO NYID DE SEMS TZAM NYID GANG YIN PAS RMI LAM DANG 'DRA BA NYID DU RTOGS SHING KHONG DU CHUD PA DE'I PHYIR 'KHOR BA DANG MYA NGAN LAS 'DAS PA DAG LA THA DAD PA NYID DU RNAM PAR MI RTOG PAS NA MNYAM PA NYID DU LHAG PAR MOS PA NI MNYAM PA NYID YIN TE, SLOB DPON N'A GA RDZU NA'I ZHAL SNGA NAS KYIS, MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN TE, ,DE GNYIS KHYAD PAR CUNG ZAD NI, ,SHIN TU PHRA BA'ANG YOD MA YIN, ,ZHES GANG GSUNGS PA YIN NO, ,RMI LAM DANG 'DRA BA NYID YIN NA ZHES BYA BA LA SOGS PA NI KLAN KA YIN LA, ,LAN NI JI SKAD BSHAD PAR ZAD, ,CES BYA BA'I BSHAD PA NI JI LTAR PHYI ROL ZHES BYA BA LA SOGS PA SMOS PA YIN TE, JI LTAR PHYI ROL GYI DON DU SMRA BA'I LUGS LA ZHES BYA BA NI BYE BRAG TU SMRA BA DANG MDO SDE'I GZHUNG LUGS LA'O, ,SKAD CIG MA NYID KYIS RGYU MED PAR 'JIG PA YIN LA ZHES BYA BA NI RAL GRIS BSNUN PA LA SOGS PA MTHONG DU ZIN NA YANG DE LA MA LTOS PAR SROG CHAGS LA SOGS PA RANG GI NGANG GIS 'JIG PA YIN LA, GRUB PA'I MTHA' LAS KYANG, 'JIG RTEN SNA TSOGS LAS LAS SKYES, ,ZHES 'BYUNG BA'I PHYIR RANG GI LAS KYI STOBS KYIS SROG GCOD PA LA SOGS PA YIN NO ZHES BYA BA NI DE'I LUNG YIN PAS DON DAM PAR DE'I THA SNYAD KYI DBANG GIS SROG CHAGS LA SOGS PA NI SKAD CIG MA NYID KYIS 'JIG PA'I PHYIR DANG, DE GSOD PA PO LA SOGS PA YANG RANG GI LAS KYIS SPRUL BA YIN PA'I PHYIR SROG BCAD PA LA SOGS PA MI SRID PAS NA SUS KYANG ZHES BYA BA LA SOGS PA SMOS PA YIN TE, MA BLANGS PA YANG MA YIN ZHES BYA BA YUL MED PAS DE DGAG PA YANG RIGS PA MA YIN PA'I PHYIR RO, ,SOGS PA'I SGRAS NI SU'I YANG BUD MED GANG GIS KYANG BLANGS PA MED @217B DO ZHES BYA BA LA SOGS PA'I NYES PA'I PHYOGS KYI RGYUN LA 'JUG PA NA SROG CHAGS LA SOGS PA LA DGA' BA'I DNGOS PO LUS LA SOGS PA G-YO BA MED PA'I MTSAN NYID GANG YIN PA DE RAL GRI LA SOGS PAS SKYED PA LA GSOD PA LA SOGS PAR RTOGS PA NI BDAG GIS BSAD DO, ,'DI'I RDZAS SAM BUD MED BDAG GIS BLANGS SO ZHES BYA BA LA SOGS PAR MNGON PAR ZHEN PA DE RTOGS PA'I SGO NAS TE, DE'I DBANG GIS SROG GCOD PA LA SOGS PAR RNAM PAR 'JOG PA YIN NO, ,JI LTA BUR ZHE NA TSUL BZHIN MA YIN PA'I YID LA BYED PA LA SOGS PA DANG LDAN PA LA MI DGE BA LA SOGS PA DANG 'DRA BAR ZHES BYA BA JI SRID 'TSO'I BAR DU TSANGS PAR SPYOD PA NYID DU DAM BCAS PA DANG LDAN PA'I DGE SLONG LA LA ZHIG LA LAN 'GA' ZHIG TU BUD MED 'GA' ZHIG MTHONG BAS NU MA SRA ZHING MKHRANG LA RGYAS PA MNYE BA LA SOGS PA'I BSAM PA SNGON DU 'GRO BAS PHRAD PA NA 'KHYUD PA LA SOGS PAS NYAMS PAS RTZA BA'I LTUNG BA'I MTSAN NYID CAN GYI MI DGE BAR 'GYUR BA YIN LA, SOGS PA'I SGRAS NI DE'I MOD LA DGE 'DUN LA 'CHAB PA MED PAS DE LA MTHOL BA SNGON DU 'GRO BAS DGE SLONG NYID 'THOB PA'I PHYIR DGE BA YIN LA DE NYID GNYID KYIS LOG PA NI LUNG DU MA BSTAN PA RNAM PAR GZHAG PA DANG 'DRA'O, ,CI'I PHYIR DON DAM PAR YOD PAR SMRA BA'I GZHUNG GI PHYOGS LTAR NA JI LTAR SKAD CIG MA NYID KYIS NA MI DGE BA LA SOGS PA'I SKAD CIG MA 'JIG PA'I PHYIR DANG, LAS LAS SKYES PA NYID YIN PA'I PHYIR DE BYED PA MI DGE BA LA SOGS PA MED DO, ,YANG NA DGE BA LA SOGS PA DANG 'GAL BA MI DGE BA LA SOGS PA RTOG PA DGE SLONG DE'I GNAS SKABS SU 'JOG PA DE DANG 'DRA'O ZHES BYA BA'I THA TSIG GO, ,DE BZHIN DU DNGOS PO RMI LAM DANG 'DRA BA LA YANG ZHES BYA BA CHOS THAMS CAD DNGOS PO MED PA LA DE DANG MTHUN PA STE, RANG BZHIN GYIS STONG PA'I DON GYI SROG CHAGS LA SOGS PA'I MTSAN NYID GANG YIN PA DE LA GANG DNGOS POR MNGON PAR ZHEN CING DNGOS PO LA MNGON PAR CHAGS PA'O, ,SOGS PA'I SGRAS NI BDAG GIS RAL GRI LA SOGS PAS BSAD DO ZHES BYA BA LA SOGS @218A *, ,PA MNGON PAR ZHEN PA GANG YIN PA DE'I DBANG GIS PHYIN CI LOG GI 'CHING BA MTHA' DAG MA NYAMS PA RNAMS LA BDAG MED PA LA LHAG PAR MA MOS PA RNAMS LA SROG GCOD PA LA SOGS PA RNAM PAR 'JOG GO ZHES BYA BA LA SOGS PA'I LAN YIN LA DE DANG DE PHYOGS GZHAN LAS GSUNGS PA NI MDO SDE LAS GSUNGS SO ZHES BYA BAR KHONG DU CHUD PAR BYA'O, ,'DIR DNGOS PO LA SOGS PA LA MNGON PAR ZHEN PAS THAMS CAD DU SROG GCOD PA LA SOGS PA RNAM PAR 'JOG STE, SO SOR RTOGS PA DANG LDAN PA RNAMS KYI JI SRID DE YOD PA DE SRID BYANG CHUB PA'I BAR DU MI DGE BA SPANGS LA NGES PAR DGE BAR BYA'O ZHES BYA BAR DGONGS SO, ,STONG NYID DON NI MI SHES PAR, ,THOS PA RNAMS LA 'JUG BYED CING, ,GANG DAG BSOD NAMS MI BYED PA, ,SKYES BU THA SHAL DE DAG BRLAG ,CES BYA BA LA SOGS PA GANG DAG BSHAD PA NI LAN YIN NO, ,SOGS PA'I SGRAS BSDUS PA'I LAN NI GZHAN YANG ZHES BYA BA LA SOGS PA GSUNGS PA YIN TE, GZHAN YANG ZHES BYA BA NI LAN GZHAN BSDUS PA YIN NO, ,RMI LAM SEMS NI GNYID KYIS NYAMS, ,ZHES BYA BA GANG GI PHYIR GNYID CES BYA BA'I LE LO'I KHYAD PAR GYIS SGRIB PAR BSHAD PAS NYAMS SHING MI GSAL BAR GYUR PA'I SEMS NI RGYU DES RMI LAM STE GNYID KYIS LOG PA'I GNAS SKABS SU SROG GCOD PA LA SOGS PA'I SHES PA DANG 'BRAS BU 'DRA BA MA YIN TE, GNYID MA LOG PA'I GNAS SKABS DANG MTSUNGS PA MI DGE BA LA SOGS PA'I 'BRAS BU RNAM PAR GZHAG PA MA YIN NO ZHES BYA BA NI LHAG MA'O, ,GAL TE RMI LAM NA YANG SEMS GSAL BAR GYUR NA DE'I TSE GNYID MA LOG PA'I GNAS SKABS DANG 'DRA BAR SROG GCOD PA LA SOGS PA KHU BA BYUNG BA DANG 'DRA BAR DE YANG RNAM PAR GZHAG PA NYID YIN TE, DNGOS PO LA SOGS PA LA MNGON PAR ZHEN PAR MNYAM PA YIN PA'I PHYIR RO ZHES BYA BAR DGONGS SO, ,DE LTAR NA DPE MA GRUB PO ZHES BYA BA RMI LAM GYI DPE NI GNYID MA LOG PA'I GNAS SKABS SU MI DGE BA LA SOGS PA MED PAR SGRUB PA MA YIN NO, ,LAN GYI RNAM PA GZHAN NI DE BZHIN DU ZHES BYA BA LA @218B SOGS PA SMOS PA YIN TE, DE BZHIN DU ZHES BYA BA NI GNYID MA LOG PA'I GNAS SKABS DE DANG 'DRA BAR RMI LAM NA DGE BA DANG MI DGE BA'I SPYAD PA NI ZHES BYA BA RMI LAM DU DGE BA LA SOGS PA BYAS PA SAD PA'I GNAS SKABS NA LDANG BA'I GNAS SKABS SO, ,THOL LE BYAS SO LEGS PA BYAS SO ZHES BYA BA NI RJES SU YI RANG BAS DGE BA LA SOGS PA LA DGA' BA YIN PA'I PHYIR RO, ,RJES KYI GNAS SKABS KYI SEMS NI DE'I PHYI MAR GYUR PA'I SEMS KYIS MNGON PAR ZHEN PA'I GSOS NI 'PHEL BA GANG YIN PA STE, ,DE YONGS SU GSOS PA NI DGE BA LA SOGS PA 'PHEL BAR RNAM PAR GZHAG GO ZHES BYA BA NI LHAG MA'O, ,DE'I PHYIR YANG DPE MA GRUB PAS ZHES BYA BA NI RMI LAM GYI DPE GNYID MA LOG PA'I GNAS SKABS SU MI DGE BA LA SOGS PA MED PA GRUB PA MA YIN NO, ,SEMS CAN ZHES BYA BA LA SOGS PA SANGS RGYAS KYI ZHING RNAM PAR DAG PA'I 'GREL PA NI GO SLA'O, ,DE'I YUL DANG ZHES BYA BA LA SOGS PA'I TSIG LE'UR BYAS PA NI BAR CHAD KYI CHOS LAS ZHES BYA BA LA SOGS PAS RNAM PAR 'GREL PA YIN TE, BAR CHAD KYI ZHES BYA BA LA SOGS PA NI GZUGS LA SOGS PA BZUNG BA'I CHOS RNAMS YOD PAR LTA BA LAS NI BDUD LA SOGS PA 'BYUNG LA DE MED PA YIN PA'I PHYIR RO, ,CHOS THAMS CAD CES BYA BA LA SOGS PA NI RTEN CING 'BREL PAR 'BYUNG BA LA SOGS PAS BDAG MED PAR BSGOM PA GOMS PAR BYAS PA NI THAMS CAD MNYAM PA NYID YIN PAS GANG DU YANG MNGON PAR ZHEN PA MED PA MA YIN PA'I PHYIR RO, ,SMON LAM LAS GRUB PAS ZHES BYA BA LA SOGS PA NI RNAM PA THAMS CAD DU GZHAN GYI DON LA GO CHA BGOS PA YIN PA'I PHYIR RO, ,DKA' BA SPYAD PA THAMS CAD NI ZHES BYA BA LA SOGS PA NI GTONG BA DANG GTONG BA CHEN PO DANG SHIN TU GTONG BA LA GOMS PA YIN PA'I PHYIR RO, ,CHOS DKAR PO ZHES BYA BA LA SOGS PA NI BDAG MED PAS THAMS CAD DU BSAM PA RNAM PAR DAG PA NYID YIN PA'I PHYIR RO, ,RNAM PAR THAR PA'I ZHES BYA BA LA SOGS PAR NI STONG PA NYID DANG MTSAN MA MED @219A *, ,PA DANG SMON PA MED PA'I THABS LA GOMS PA YIN PA'I PHYIR RO, ,'DRI BA SNGON DU BTANG BA ZHES BYA BA LA SOGS PA NI DRIS PA'I RJES THOGS LA CHOS STON PA'I PHYIR RO, ,YUL THAMS CAD SHES PA NYID DANG BYAMS PA LA SOGS PA TSAD MED PA LA MKHAS PA'I PHYIR TE, SGRA RNAMS LAS NI ZHES BYA BA LA SOGS PA BSHAD PA YIN NO, ,DE'I YUL ZHES BYA BA LA SOGS PA BSHAD PAR BYA STE, DE LTAR SHES RAB KYI PHA ROL TU PHYIN PA STE, RNAM PAR MI RTOG PA'I BDAG NYID CAN NI RNAM PA BCU STE RNAM GRANGS BCU YIN PA, DE'I YUL NI SPYOD YUL MNGON SUM DU BYA BA NI GANG BDAG NYID KYI MNGON SUM DU BYA BA STE, DE'I DUS DANG DUS MA YIN PA SHES PA NI RIGS PA DANG MI RIGS PA'I DUS SHES PA'I SBYOR BA NI BSAM PA'I KHYAD PAR RO, ,THABS LA MKHAS PA YIN NO ZHES BYA BA NI DE LTAR LAM RNAM PA BCU LA BYANG BA'O, ,'DI'I ZHES BYA BA NI BSGOM PA'I LAM LA GNAS PA'I DON GYIS SHES PAR BYA'O, ,YANG THAMS CAD MKHYEN PA GSUM DANG, RNAM PA THAMS CAD MNGON PAR RDZOGS PAR RTOGS PA'I KHYAD PAR CI ZHIG YIN ZHE NA, KHA CIG NA RE THAMS CAD MKHYEN PA NYID GSUM NI JI SKAD DU BSHAD PA'I RNAM PAS RNAM PA'I YUL SO SOR NGES PA YIN LA RNAM PA THAMS CAD MNGON PAR RDZOGS PAR RTOGS PA 'DI RNAM PA MA LUS PA'I YUL YIN NO ZHES 'DOD DO GZHAN DAG NI THAMS CAD MKHYEN PA NYID GSUM NI MTSAN NYID CAN DU RNAM PAR BZHAG LA RNAM PA THAMS CAD MNGON PAR RDZOGS PAR RTOGS PA NI SBYOR BA CAN YIN NO ZHES ZER RO, ,LA LA NI RNAM PA THAMS CAD MNGON PAR RDZOGS PAR RTOGS PA NI MI MTHUN PA'I PHYOGS KYI GNYEN PO RNAM PAR GZHAG PAS RAB TU PHYE BA YIN LA THAMS CAD MKHYEN PA NYID GSUM NI RANG BZHIN GYIS ZHI BA'I RNAM PA NYID YIN PA'I PHYIR DE LTA BU MA YIN NO ZHES 'CHAD DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZHUNG RTOGS PAR DKA' BA'I SNANG BA MDOR BSHAD PA CHOS KYI GRAGS PAS BYAS PA LAS SKABS BZHI PA'I 'GREL PA'I @219B BSHAD PA'O,, ,,GANG DU 'BAD PA MED PAR DRAN PA MED PA DER NI 'BAD PAS BSAM PAR BYA'I GZHAN DAG TU NI MA YIN TE, DE NI LHUN GYIS GRUB PAR GNAS PA YIN PA'I PHYIR TE, PHA ROL TU PHYIN PA'I TSUL LA GCIG NAS GCIG TU BRGYUD PA'I SEMS BSKYED PA LA SOGS PA BSGOM PA'I RIM GYIS GANG DU RTZOL BA MED PA DER NI RTZOL BA DOR BAR BYA LA, GANG DU DE MED PA DER NI RTZOL BA BYA'O, ,DE LTAR SKABS RNAM PA BZHI'I DON BSGOMS PAS RNAM PA THAMS CAD DANG LAM DANG GZHI'I SKYE BA MED PAR SHES PA DANG LDAN PAR BSHAD PA'I RIM GYIS BSGOM PAR BYA BA'I DON DU YANG DE LAS RAB KYI MTHAR PHYIN PA'I LAM RTOGS PAR BYA'O ZHES BSTAN PAR BYA BA'I PHYIR, RNAM PA KUN DU MNGON PAR RDZOGS PAR RTOGS PA LAS ZHES BYA BA SMOS TE, RNAM PA THAMS CAD DANG LAM DANG GZHI SKYE BA MED PAR SHES PA DANG LDAN PA LAS CIR 'GYUR ZHE NA, RAB KYI MTHAR PHYIN PAR RTOGS PA 'BYUNG NGO ZHES BYA BA YIN TE, 'DI LA RAB KYI MTHAR PHYIN PAR RTOGS PA YOD PA STE, RTZOL BA DANG MI RTZOL BA DAG GI RTZE MO'I MNGON PAR RTOGS PA BSGOMS PAS LHUN GYIS GRUB PA'I YE SHES SKYE BAR 'GYUR RO, ,ZHES BYA BA NI LHAG MA'O, ,RTZE MO'I MNGON PAR RTOGS PA LAS DANG POR RTAGS LA SOGS PA BSHAD PA'I RGYU GO SLA BA'I PHYIR ZHES BYA BA LA SOGS PA SMOS PA YIN TE, RMI LAM NA YANG ZHES BYA BA LA SOGS PA'I RTAGS KYI TSIG LE'UR BYAS PA'I RNAM PAR 'GREL PA SHIN TU GOMS PA'I PHYIR ZHES BYA BA LA SOGS PA NI GUS PA DANG BCAS PA LA SOGS PAS BDAG MED PA'I LAM BSGOMS PA NA NYUNG ZAD TZAM GYI RAB KYI MTHUS GNYID MA LOG PA'I GNAS SKABS SU MTHONG BA NYID KYIS NA GZUGS LA SOGS PA'I CHOS RNAMS RMI LAM DANG SGYU MA LA SOGS PAR MTHONG BAR MA ZAD KYI GZHAN DU NA GNYID KYIS NYAMS PA'I GNAS SKABS SU YANG MTHONG BA'I PHYIR RO, ,DE'I RJES LA NYAN THOS ZHES BYA BA LA SOGS PA NI DE BZHIN DU BLO RAB MCHOG YOD PAS LAM GZHAN SNYING PO MED PA NYID DU MTHONG BA'I PHYIR RO, ,DE BZHIN GSHEGS PA ZHES BYA BA @220A *, ,LA SOGS PA NI DE BZHIN DU RANG GI SEMS LAS SANGS RGYAS DANG BYANG CHUB SEMS DPA' LA SOGS PA THA MI DAD PAR MTHONG BA'I PHYIR RO, ,SANGS RGYAS KYI ZHES BYA BA LA SOGS PA NI DE BZHIN DU LUS LA SOGS PA YANG BAS RANG DANG GZHAN GYI SGRUB PA DANG 'TSAM PA'I NAM MKHA' LA 'GRO BA LA SOGS PA MTHONG BA'I PHYIR RO, ,CHOS STON PA ZHES BYA BA LA SOGS PA NI DE BZHIN DU DMAN PA NYID KYIS NA SMAD DE, SPONG BA MED PA NYID YIN PA'I PHYIR RO, ,DMYAL BA PA ZHES BYA BA LA SOGS PA NI DE BZHIN DU RANG GI SEMS DAG PAS RANG GI SANGS RGYAS KYI ZHING DAG PA YIN LA, DE DRAN PAS DMYAL BA LA SOGS PA DAG PA YIN TE, RANG GI SEMS LAS THA DAD PA MA YIN PA NYID YIN PA'I PHYIR RO, ,GRONG KHYER ZHES BYA BA LA SOGS PA NI THABS MKHAS PA BSAM GYIS MI KHYAB PA LA BSLABS PAS NUS PA BSAM GYIS MI KHYAB PA RDZOGS PA YIN PA'I PHYIR RO, ,GNOD SBYIN ZHES BYA BA LA SOGS PA NI DE BZHIN DU GZUNG BA LA SOGS PA YONGS SU SPANGS PA'I PHYIR RO, ,RANG GI ZHES BYA BA LA SOGS PA NI DE BZHIN DU MNGON PAR SHES PA'I YE SHES KYIS KHYAD PAR DU 'PHAGS PA LA BRTZON PA NYID BDUD KYIS BGROD PAR BYA BA MA YIN PA NYID KYIS YANG DAG PA'I DGE BA'I BSHES GNYEN BRTEN PA YIN PA'I PHYIR RO, ,RNAM PA THAMS CAD DU ZHES BYA BA LA SOGS PAS NI DE BZHIN DU RTAG PA DANG BDAG LA SOGS PA DAG SNYING PO MED PA NYID KYIS NA PHYI DANG NANG GI MU STEGS PA'I SKYE BO TSAR BCAD PAS PHUL DU BYUNG BA'I DON DANG GZHUNG GI KHYAD PAR DU 'PHAGS PA STONG PHRAG BRGYA PA LA SOGS PA'I MDO SDE'I DON LA SLOB PA YIN PA'I PHYIR RO, ,THAMS CAD LA ZHES BYA BA LA SOGS PA NI DE BZHIN DU GZUNG BA LA SOGS PA'I BSAM PA MED PA'I PHYIR RO, ,SANGS RGYAS KYI ZHES BYA BA LA SOGS PA NI DE BZHIN DU BSAM PA DRI MA MED PA NYID YIN PA'I PHYIR RO, ,RTZE MO'I MNGON PAR RTOGS PA THOB PA'I GNAS SKABS KYI KHYAD PAR GYI ZHES BYA BA NI RTZE MO'I MNGON PAR RTOGS PA LHUN GYIS GRUB PA'I YE SHES KYI'O, ,RTAGS @220B YIN NO ZHES BYA BA NI RTZE MO'I MNGON PAR RTOGS PA'I RNAL 'BYOR PAS MTSAN MA LA SOGS PA STE, 'DIR ZHUM PA'I SEMS NI GZUNG BAR BYA, ,RGOD PA YANG NI ZHI BAR BYA, ,ZHES SMOS PAS BSGOM PA THAMS CAD LA ZHUM PA'I SEMS NI SNANG BA YID LA BYED PAS SO, ,'DOD CHAGS DANG RNAM PAR RTOG PA DAG GIS RGOD PA LA NI GO RIMS BZHIN DU MI SDUG PA DANG, DBUGS BGRANG BA DRAN PA'I BSAM GTAN DAG GIS BZLOG PAR BYA BAR SHES PAR BYA'O, ,'DZAM BU'I GLING GI ZHES BYA BA LA SOGS PA'I TSIG LE'UR BYAS PA'I DON NI 'DZAM BU'I GLING LA SOGS PAR SKYES PA'I SKYE BO RNAMS NI 'DZAM BU'I GLING GI SKYE BO STE, DE RNAMS JI SNYED YOD PA GRANGS DE SNYED KYI SANGS RGYAS GANG YIN PA DE RNAMS LA MCHOD PA NI YID DGA' BA SKYED PAR BYED PA'O, ,DGE BA LA SOGS PA NI BSOD NAMS KYI MCHOG GO, DPER MDZAD NAS NI RNAM MANG DU, ,ZHES BYA BA NI ME TOG DANG SPOS LA SOGS PA RNAM PA MANG PO NYID KYIS YANG DANG YANG DU STE, DE NYID SNGA MA SNGA MA LA PHYI MA PHYI MAS PHAN TSUN DPER MDZAD NAS GONG NAS GONG DU RNAM PAR 'PHEL BA'I RIM GYIS BSOD NAMS 'PHEL BA'I BDAG NYID CAN BCU DRUG YIN NO, ,GLING BZHI PA DANG NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, ,DE STONG LA NI STONG GNYIS PA, ,BAR MA'I 'JIG RTEN KHAMS YIN NO, ,DE STONG LA NI STONG GSUM STE, ,MNYAM DU 'DZIN CING 'BYUNG BA YIN, , ZHES 'BYUNG BAS DE'I DON NI 'DI YIN TE, TSIG LE'UR BYAS PA LAS 'DZAM BU'I GLING SMOS PA NI NYE BAR MTSON PA NYID YIN PA'I PHYIR 'DZAM BU'I GLING LA SOGS PAS 'DZAM BU'I GLING DANG, SHAR GYI LUS 'PHAGS PO DANG, NUB KYI BA LANG SPYOD DANG, BYANG GI SGRA MI SNYAN DANG, ZLA BA LA SOGS PA DANG BCAS PA'I STONG GSUM GYI STONG CHEN PO'I 'JIG RTEN GYI KHAMS GANG YIN PA DE NA SEMS CAN GANG YIN PA DE NYID KYI GRANGS DANG LDAN PA'I DE BZHIN GSHEGS PA GANG YIN PA DE RNAMS LA MCHOD PA NI RNAM PAR 'PHEL BA DANG PO YIN NO, ,KHYAD PAR DU @221A *, ,ZHES BYA BA LA SOGS PA NI RNAM PAR 'PHEL BA RNAM PA BDUN DU BSHAD PA YIN TE, SHES RAB KYI PHA ROL TU PHYIN PA NI RNAM PA GSUM MO, ,DE YID LA BYED PA NI BSGOM PA LA SOGS PA RTEN PA'O, ,MI SKYE BA NI CHOS RNAMS KYI SKYE BA MED PA STE, DE LA BZOD PA NI SRED PA STE DE THOB PA'O, ,BYANG CHUB PAR BYA BA DANG BYANG CHUB PAR BYED PA'I CHOS MI DMIGS PA NI SHES BYA LA SOGS PA MI DMIGS PA'O, ,KHYAD PAR CAN NI NYAN THOS LA SOGS PA DANG THUN MONG MA YIN PA'I DGE BA BCU LA SOGS PA DANG, ,GZUGS MED PA'I SNYOMS PAR 'JUG PA BCU STE, DE DAG THOB PA'O, ,LHA'I RIS THAMS CAD DU NYE BAR 'GRO BA NI LHA LA SOGS PA BSDUS PAR RTOGS PAR GZHAN GYI DON GYI PHYIR 'GRO'O, ,BDUD THAMS CAD NI DBANG PO LA SOGS PA'O, ,DE RNAMS ZIL GYIS GNON PA NI MNGON PAR SHES PAS NUS PA MED PAR BYAS PAS SO, ,STON PA DANG 'DRA BA'I SKYE BA NI BYANG CHUB SEMS DPA' RNAMS SO, ,DE DANG MTSUNGS PAR GNAS PA NI BYA BA DE NYID NYAMS SU LEN PA'O, ,YANG BSOD NAMS NI RNAM PA BRGYAD DE ZHES 'OG MA DANG SBYAR RO, ,DE NI RNAM PA THAMS CAD DU ZHES BYA BA LA SOGS PA SMOS PA YIN TE, RNAM PA THAMS CAD DU THABS LA MKHAS PA NI DANG PA LA SOGS PAS SO, ,BSLAB PA YONGS SU DAG PA NI BDAG MED PAS ZIN PA'I SBYIN PA LA SOGS PA'O SANGS RGYAS KYI RIGS CAN DU 'GYUR BA NI NYAN THOS LA SOGS PA'I RIGS 'JOMS PA'O, , 'BRAS BU SANGS RGYAS NYID THOB PA'I RGYU MTSAN NI SEMS SKYED PA LA SOGS PA'O, ,PHA ROL TU PHYIN PA NI SBYIN PA LA SOGS PA'O, ,DE DANG MI MTHUN PA'I PHYOGS NI SER SNA LA SOGS PA STE DE'I SEMS MI SKYED PA'O, ,GZUGS LA SOGS PA DANG LDAN PAR RTOG PA NI MIG GI RNAM PAR SHES PA LA SOGS PA LA'O, ,DE RAB TU MI SKYED PA NI SHES BYA RANG GI SEMS KYI RNAM PA NYID YIN PAR MTHONG BA'I PHYIR RO, ,PHA ROL TU PHYIN PA NI SBYIN PA LA SOGS PA STE, DE'I KUN BSDUS PA NI SBYIN PA LA SOGS PA RE RE LA SBYIN PA LA SOGS PA THAMS CAD KHONGS SU @221B 'DUS PA'O, ,DE'I SHES PA NI RTOGS PA'O PHUN SUM TSOGS PA THAMS CAD NI MNGON PAR MTHO BA DANG NGES PAR LEGS PA DAG GO, ,DE THOS PA NI RAB TU RNYED PA'O, ,YANG DAG PAR RDZOGS PA'I BYANG CHUB NI GNYIS SU MED PA'I YE SHES SO, ,DE DANG NYE BAR GYUR PA GZUNG BA LA SOGS PA'I LTA BA DANG BRAL BAS THAG NYE BA'O, ,'DZAM BU'I GLING GI ZHES BYA BA LA SOGS PAS DE LTAR RNAM PAR 'PHEL BAS RNAM PAR SPEL BA'O, ,BSHAD MA THAG PA'I BSOD NAMS RNAM PAR 'PHEL BA RNAM PA BCU DRUG MTHAR PHYIN PA'I DBANG DU GYUR PA NI MNGON SUM DU GYUR PAS RTOGS PA YIN LA DE NYID NI MTHAR PHYIN PA GANG YIN PA DE NI RNAM PAR MI RTOG PA'I YE SHES YIN LA, DE'I MTSAN NYID RNAMS NI DE'I RANG BZHIN YIN PA'I PHYIR RO, ,NGES PA NI THAMS CAD MKHYEN PA NYID GSUM PO THAMS CAD KYI MTHAR THUG PA RDZOGS PA NI SEMS CAN ZHES BYA BA LA SOGS PA GSUNGS PA YIN TE, TSIG LE'UR BYAS PA RNAM PAR 'GREL PA NI, DA LTAR ZHES BYA BA LA SOGS PA YIN TE, YANG DAG PA'I THABS LA MKHAS PA'I STOBS KYIS ZHES BYA BA NI DAD PA LA SOGS PA'I NUS PAS SO, ,DE LTAR ZHES BYA BA NI SNGAR BSHAD PA'I BSOD NAMS KYI RIM PAS RNAM PAR MI RTOG PA RTOGS PA'I GNAS SKABS NA 'TSANG RGYA BA NYID NI THAMS CAD DU RGYUN MI 'CHAD PAR GZHAN GYI DON GYI SNYING RJE DANG BYAMS PA LA SOGS PA STE, DE RNAMS MNGON SUM DU BYED PA'I NGO BO DE'I DBANG DU GYUR PA STE, DES NA DE'I DBANG GIS SEMS CAN GYI DON YONGS SU MI GTONG BA'I MTSAN NYID NI RNAM PA THAMS CAD DU RGYUN MI 'CHAD PAR GZHAN GYI DON GYI RGYU YIN NO, ,JI SKAD BSHAD PA ZHES BYA BA LA SOGS PA LA BYA BA MED PA NYID YIN NA YANG BSOD NAMS KYI DBANG GIS GZHAN GYI DON LAS MI LDOG PAS BDAG MED PA BSGOM PA DANG LDAN PA RNAMS KYIS BYANG CHUB THOB NA YANG BSOD NAMS KYI BYA BA LA 'BRAS BU DANG BCAS PA YIN NO, ,ZHES BYA BAR DGONGS SO, ,DE LTAR NGES PAS GTAN LA PHAB PA'I ZHES BYA BA THAMS CAD MKHYEN PA NYID GSUM BSGRUB PAS RDZOGS PAR GYUR PA NI BSTAN PAR 'GYUR BA STE, DE NYID DU BRTAN POR 'GYUR BA @222A *, ,DE'I MTSAN NYID CAN GYI SEMS KUN TU GNAS PA NI SNGAR BSHAD PA'I RNAM PAR MI RTOG PA'I SEMS YONGS SU MI 'DOR BA'O, ,SEMS KUN TU GNAS PA NI GLING BZHI ZHES BYA BA LA SOGS PA GSUNGS PA YIN TE, GLING BZHI PA NI GLING BZHI PA DANG ZLA BA LA SOGS PA STE, DE DANG LDAN PA'I STONG DANG STONG GNYIS PA DANG, STONG GSUM NI SNGAR BSHAD PA'O, ,DE DAG DPER MDZAD NAS TING NGE 'DZIN GYI BSOD NAMS DANG YE SHES ZHES BYA BA NI LHAG MA'O, ,DE BSOD NAMS MANG BA NYID KYIS NA TING NGE 'DZIN GANG YIN PA DE NI SEMS KUN TU GNAS PA YIN NO ZHES YONGS SU BSGRAGS SO, ,TSIG LE'UR BYAS PA RNAM PAR 'GREL PA NI, LUGS LAS ZHES BYA BA LA SOGS PA SMOS PA YIN TE, SRID PA BZUNG NA ZHES BYA BA NI TSAD YOD PA SRID NA DNGOS PO SRANG TSAD KYIS GZHAL BAR NUS KYI ZHES BYA BA'I TSUL GYIS TSU ROL MTHONG BA RNAMS KYI TSAD MAS GZHAL BAR MI NUS KYI, 'ON KYANG THAMS CAD MKHYEN PA TSAD MAR BYAS NAS GZHAL ZHING YONGS SU BRTAGS PA YIN PA'I PHYIR SEMS KUN TU GNAS PA RNAM PAR GZHAG PA'I DON YIN NO ZHES 'DIR YANG SHES PAR BYA'O, ,DE NI GLING BZHI PA ZHES BYA BA LA SOGS PA SMOS PA YIN TE, GLING BZHI PA LA SOGS PA DANG LDAN PA'I STONG GSUM PA STE, STONG DANG STONG GNYIS PA DANG STONG GSUM PA'I 'JIG RTEN GYI KHAMS RNAMS SO, ,DE PHA ROL TU PHYIN PA LA SOGS PA THAMS CAD KYI ZHES BYA BA SBYIN PA LA SOGS PA RNAMS SO, SOGS PA'I SGRAS NI SNYING RJE LA SOGS PA'I TSOGS RNAMS SO, ,DE'I NGO BO NYID KYI TING NGE 'DZIN MTHA' YAS PA GANG YIN PA DE RNAMS KYI BSOD NAMS DANG YE SHES GANG YIN PA DE SO SOR RE RE NAS DPE STE CHA 'DRA BAR MDZAD NAS DE DAG LAS KHYAD PAR DU 'PHAGS SHING TSAD LAS 'DAS PA'I BSOD NAMS MANG PO NYID KYIS GRANGS MED PA'I BSOD NAMS GANG YIN PA DE'I RGYUS TING NGE 'DZIN TE, THAMS CAD MKHYEN PA'I YE SHES KYIS RTOGS PAR BYA BA SNYING RJE LA SOGS PA'I STOBS LAS GYUR PA'I TING NGE 'DZIN LAS SKYES PA'I BSOD NAMS DANG YE SHES TSAD MED @222B PA LAS YANG DAG PAR SKYES PA RNAM PAR RTOG PA THAMS CAD DANG BRAL BA'I YE SHES BRTAN PA'I RGYU CAN SEMS RTZE GCIG PA NYID DE, DE'I MTSAN NYID CES BYA BA DE'I NGO BO NYID NI SEMS KUN DU GNAS PAS ZHES BYA BAR BSHAD DO, BSHAD MA THAG PA'I RNAM PAR MI RTOG PA'I SEMS RGYUN GYIS 'KHOR BA JI SRID PAR GNAS PA YIN LA, GZHAN DAG TU NI 'DUL BA'I DBANG GIS 'TSE BA MED PA NYID DANG, YANG DAG PA'I DON YIN PA NYID DANG, DE'I PHYOGS SU LTUNG BAR BSHAD PA NYID DO, ,GZHAN DU NA SMON LAM GYI DBANG DU BYAS PA'I SEMS NI NYON MONGS PA LA SOGS PAS LDOG PAR MI 'GYUR RO ZHES BYA BAR DGONGS SO, ,DE YANG TSAD MA RNAM 'GREL MDZAD PAS, 'TSE BA MED DANG YANG DAG DON, ,NGO BO NYID LA PHYIN LOG GIS, ,'BAD DU ZIN KYANG MI ZLOG STE, ,BLO NI DE'I PHYOGS 'DZIN PHYIR RO, ,ZHES BSHAD PA YIN NO, ,RTAGS DANG RNAM PAR 'PHEL BA DANG, NGES PA DANG SEMS KUN DU GNAS PA NI 'DIR DRO BA LA SOGS PA'I RANG BZHIN NGES PAR 'BYED PA'I CHA DANG MTHUN PA YIN PAR BSHAD LA, DE NI RTAGS LA SOGS PAR ZHES BYA BA LA SOGS PA SMOS PA YIN NO, ,'JUG PA DANG NI ZHES BYA BA LA SOGS PA'I TSIG LE'UR BYAS PA'I DON NI 'JUG PA DANG NI ZHES BYA BA LA SOGS PAS RNAM PAR 'GREL PA YIN TE, GO RIMS BZHIN DU MI DMIGS PA'I NGO BO NYID KYI 'JUG PA NI BYANG CHUB SEMS DPA'I CHOS YIN TE NGO BO NYID LA SOGS PA'O, ,DMIGS PA'I NGO BO NYID LDOG PA NI NYAN THOS LA SOGS PA'I CHOS YIN TE, SRID PA DANG ZHI BAR LTUNG BA YIN PA'I PHYIR RO, ,DE NI LEN PA DANG DOR BA'I SGO NAS BZUNG BA STE, DMIGS PAR BYA BA DAG GO, ,DE LTAR NA GZUNG BA'I RNAM PAR RTOG PA KHO NA BZUNG BA YIN NO ZHES BYA BA'I THA TSIG GO, DE NI DNGOS PO DANG MA 'BREL BAR 'JUG PA NYID KYIS ZHES SMOS PA YIN TE, SPYI'I YUL YIN PA NYID KYIS MDO SDE PA LA SOGS PAS SBYAR BA'I SHA ZA SNYAM PA LA SOGS PA PHYI'I YUL DANG 'BREL BA NYID NI MI 'THAD PA YIN PAS SO, ,DE NYID KYIS NA PHYIN CI LOG TU SNANG BA'I PHYIR TE, ,PHYI'I TSUL GYIS SPYI'I NGO BO LA SOGS @223A *, ,PA'I RANG BZHIN GYI RANG GI RNAM PAR 'DZIN PA YIN PA'I PHYIR BRDZUN PAR SHES PA YIN PAS YUL JI LTA BA BZHIN MA YIN PA'I RANG GI NGO BO DAG STE, BRDZUN PA'I YUL GYI BDAG NYID CAN DAG GI YUL GYI DBYE BAS RNAM PAR BRTAGS PA'I RANG BZHIN LA SOGS PA NI YUL SNA TSOGS PA NYID LA SOGS PA'O, ,NYON MONGS PA'I PHYIR ZHES BYA BA NI SRID PA GCIG NAS GCIG TU BRGYUD PAR NYON MONGS PAR BYED PA YIN PA'I PHYIR RO, ,SEMS CAN RDZAS DANG ZHES BYA BA LA SOGS PA'I 'DZIN PA'I TSIG LE'UR BYAS PA NI SO SO'I SKYE BO DANG ZHES BYA BA LA SOGS PAS RNAM PAR 'GREL TE, GO RIMS BZHIN DU SO SO'I SKYE BO DANG NYAN THOS LA SOGS PA'I SKYES BU RDZAS DANG BTAGS PAR YOD PA DE DAG NI YANG DAG PA DANG THA SNYAD NYID DU BTAGS PA YIN LA, DE'I RTEN CAN NI DE LA GNAS PA'I 'DZIN PA DAG STE, DE LTAR NA 'DZIN PA'I RNAM PAR RTOG PA DAG NI RNAM PAR RTOG PA NYID 'DZIN PA YIN NO ZHES BYA BA'I THA TSIG GO, ,DE NI GANG GI TSE DE DAG GI ZHES BYA BA LA SOGS PA SMOS PA YIN TE, SKYES BU DE DAG GI YUL GYI DNGOS POR GYUR CING DMIGS PAR GTOGS PA'I GZUNG BA'I DON DAG STE, 'OG NAS BSHAD PA'I YUL DAG JI LTAR DE DAG GIS YONGS SU BTAGS PA DE BZHIN DU GANG GI TSE GZUNG BA'I NGO BOR YOD PA MA YIN TE, GANG GI PHYIR PHYI'I GZUNG BA NYID 'DZIN PA'I RGYU NYID KYIS NA DE DAG 'DZIN PA NYID DU MI 'THAD DO ZHES BYA BA'I RGYU DES NA DE'I TSE GANG GI 'DZIN PAR 'DOD CES SNGA MA DANG SBYAR RO, ,DE LTAR PHYI'I GZUNG BA'I 'BRAS BU NYID KYI MTSAN NYID 'DZIN PA NYID MI 'THAD PAS 'DZIN PA'I NGO BOS SKYES BU RDZAS SU YOD PA DANG BTAGS PAR YOD PA DAG GIS DBEN ZHING MED PA'I NGO BO YIN PAS PHYIN CI LOG TU ZHES BYA BA LA SOGS PA SMOS PA YIN TE, SNGA MA BZHIN DU YUL GYI DBYE BAS ZHES BYA BA DMIGS PA SNA TSOGS PA NYID KYIS NA JI LTAR GZHAN GYIS YONGS SU BTAGS PA'I SRID PA DANG ZHI BAR LTUNG BA NYID YIN PA'I PHYIR RO, ,GEGS BYED PA YIN PAS NI YANG DAG PA'I YE SHES KYI SGRIB PA NYID YIN PA'I PHYIR TE, RE ZHIG GNYIS SU MED PA'I TSUL LA LTA SMOS @223B KYANG CI DGOS, PHYI ROL SMRA BA'I TSUL LA YANG, ,THA DAD DUS SU BZUNG BA NA, ,JI LTAR YIN SNYAM RIGS SHES PAS, ,SHES PA'I RNAM PA GTONG NUS PA'I, ,RGYU NYID YIN PAR SHES PAR BYA, ,ZHES SMOS PA'I PHYIR GZUNG BA DANG 'DZIN PA NYID DU MI 'THAD PAS, BSHAD MA THAG PA'I GZUNG BA DANG 'DZIN PA DAG NI BTAGS PA YIN PA'I PHYIR MED PA YIN NO ZHES BYA BAR DGONGS SO, ,NGO BO NYID DANG ZHES BYA BA LA SOGS PA GZUNG BA'I RNAM PAR RTOG PA DANG PO'I TSIG LE'UR BYAS PA RNAM PAR 'GREL PA NI DBEN PAS ZHES BYA BA LA SOGS PA SMOS PA YIN TE, DBEN PA ZHES BYA BA GZUNG BA NYID LA SOGS PAS STONG PAR GZUGS LA SOGS PA MA RTOGS PA'I NGO BO NYID KYI MIG GI RNAM PAR SHES PA LA SOGS PA'I YUL MA YIN PA'I BDAG NYID CAN NO, ,CI'I PHYIR ZHE NA DBEN PAS ZHES BYA BA GZUNG BA LA SOGS PA STONG BA'I TSUL GYIS NA, DE LA SKYON MED PA NYID KYIS TE, RDZOGS PA'I BYANG CHUB KYI LAM YIN PA NYID KYIS NA NYON MONGS PA MED PA NYID YIN PAS DE NYID KYI PHYIR GZUNG BAR BYA BA NYID YIN ZHING BLANG BAR BYA BA'I DMIGS PA NYID KYIS 'JUG PAR BYA'O ZHES 'OG MA DANG SBYAR RO, ,SA MI G-YO BA ZHES BYA BA LA SOGS PA NI DE BZHIN DU MI G-YO BA LA SOGS PA LA 'JUG PAS SANGS RGYAS KYI RIGS SU NGES PA NYID YIN NO ZHES BYA BAR SBYAR TE, SA BDUN PA'I BAR DU RIGS PA MA NGES PA NYID YIN PA'I PHYIR RO, ,SGYU MA LTA BUR ZHES BYA BA LA SOGS PA NI 'DIR DMIGS PA DANG BCAS PA NYID KYIS MTHONG BA LA SOGS PA'I LAM THOB PA MED PA'I PHYIR RO, ,SNANG BRNYAN TZAM DU ZAD PAS ZHES BYA BA RNAM PAR RIG PA TZAM DU ZAD PAS 'KHRUL PA MED PA'I SHES PA NI GNYIS SU MED PA'I SHES PA DMIGS PAR BYA BA LA SOGS PA NI DMIGS PA DE LA DMIGS PA'O, ,YON TAN DANG SKYON NI SRID PA GCIG NAS GCIG TU BRGYUD PA LAS LDOG PA DANG 'JUG PA'I MTSAN NYID DO, ,DE MTHONG BA SNGON DU 'GRO BA'I GANG BLANG BAR BYA BA DANG DOR BAR BYA BA NYID KYIS GNYEN PO DANG MI MTHUN PA'I PHYOGS SO, ,DRI MA THAMS CAD NI RNAM PA THAMS CAD MKHYEN PA NYID GSUM GYI LAM GYI GZUNG BA LA SOGS PA'I RNAM PAR RTOG @224A *, ,PA RNAMS NI NYES PA THAMS CAD DE, NYON MONGS PA LA SOGS PA'I NYES PA RNAMS SO, ,DE DANG BRAL BA NYID KYIS RANG GI RTOGS PA RDZOGS PA'I BYANG CHUB THOB PA'O, ,SNGAR BSHAD PA'I DMIGS PA LA SOGS PA NI DMAN PA NYID YIN PA DANG DMIGS PA DANG BCAS PA NYID YIN PA'I PHYIR DMAN ZHING GYA NOM PA MA YIN PA NYID YIN LA DES NYAN THOS LA SOGS PA'I SA NI SNGAR BSHAD PA'I SA BRGYAD YIN LA DE RNAMS THAG BSRING BAR BYED PA NI SPANG BA'I PHYIR RO, ,BSAM PA JI LTA BA DANG MTHUN PAR SPRUL PA NI GDUL BYA'I DBANG GIS NYAN THOS LA SOGS PA'I TSUL DU STON PA STE, DES SEMS CAN GYI DON GYI LAS TE, GDUL BYA RNAMS KYI NGES PAR LEGS PA DANG MNGON PAR MTHO BA BSGRUB PA'I LAS RNAMS SO, ,DANG ZHES BYA BA NI BSDU BA YIN NO, ,YANG DAG PA'I THABS LA MKHAS PA'I STOBS KYIS ZHES BYA BA NI SANGS RGYAS LA SOGS PA LA DMIGS PA'I DAD PA LA SOGS PAS SKYE BO THAMS CAD SNGAR BSHAD PA'I MYA NGAN LAS 'DAS PA DE LA DGOD PA'I BYA BA NYID 'BRAS BU YIN TE DE LA'O, ,NGO BO NYID LA SOGS PA NI SKYON MED PA NYID KYIS DE BSHAD PA NYID NI GSAL BA YIN PAS LOGS SHIG TU MA BSHAD DO, , 'JUG PA'I PHYOGS KYI RTEN CAN NI 'JUG PA'I YUL LA GNAS PA'O, ,MTHONG BA'I LAM GYI SBYOR BA'I GNAS SKABS NI MTHONG BA'I LAM GYI BSAM GTAN GYI KHYAD PAR GANG YIN PA STE, DES SPANG BAR BYA BAR ZHES BYA BA LA SOGS PA'O, ,SRID DANG ZHES BYA BA LA SOGS PA GZUNG BA'I RNAM PAR RTOG PA LDOG PA'I TSIG LE'UR BYAS PA'I RNAM PAR 'GREL PA NI, 'KHOR BA ZHES BYA BA LA SOGS PA YIN TE, 'KHOR BA DANG MYA NGAN LAS 'DAS PA DAG GI NANG NAS GANG YANG RUNG BA GCIG TU LHUNG BA NYID KYIS LTUNG BA DE NI NYES PA DANG BCAS PA NYID KYIS DMIGS PA DANG BCAS PA NYID YIN ZHING RTAG PA DANG CHAD PAR LTA BA'I NYES PA NYID KYIS GZUNG BAR BYA BA MA YIN ZHING SPANG BAR BYA BA LA DMIGS PA NYID KYIS NA LDOG PAR BYA'O ZHES 'OG MA DANG SBYAR RO, ,DE LTAR NA RTOGS PA DMAN PA NYID YIN NO ZHES BYA BA LA SOGS PAR SBYAR BAR BYA STE, KUN TU @224B 'GRO BA'I BDAG NYID MED PAS STONG PA'I PHYIR DMAN PA STE, YONGS SU MA RDZOGS PA NYID KYIS RTOGS PA'I RGYUN DU ZHUGS PA LA SOGS PA'I 'BRAS BU LA SOGS PA GANG YIN PA DE LA'O, ,DGE BA'I BSHES GNYEN GYI RGYUS THABS LA MKHAS PA STE, SEMS MI 'GONG BA LA SOGS PA'I SHES PA GANG YIN PA STE DE DANG BRAL BA NYID KYIS YONGS SU 'DZIN PA MED PA STE, DGE BA'I BSHES GNYEN YANG DAG PAS BDAG GIS BYAS PA MED PA'O, ,SHES BYA'I SGRIB PA MTHA' DAG NI YUL LA SOGS PAS CHOD PA'I GZUNG BA LA SOGS PA'O, ,DE RNAMS KYI GNYEN PO MA YIN PA NYID KYIS 'JOMS PAR MI NUS PA NYID YIN ZHING, SGRUB PA'I LAM MA TSANG BA STE, YE SHES KYI THABS KYIS SPONG BA NYID DO, ,DE BZHIN GSHEGS PA LA SOGS PA'I GDAMS NGAG LA LTOS PA DANG BCAS PA NYID KYIS ZHES BYA BA RANG NYID RTOGS PA MED PA'I PHYIR SANGS RGYAS DANG BYANG CHUB SEMS DPA' DANG NYAN THOS GCIG LA GCIG GI GDAMS NGAG LAS SKYES PA'I YE SHES YOD PA NYID KYIS NA GZHAN GYI RKYEN GYIS 'GRO BA NYID DE, SANGS RGYAS LA SOGS PA'I MKHYEN PAS KHRID PA NYID DO, ,SEMS CAN THAMS CAD KYI MCHOG NYID KYI CHEN PO NYID LA SOGS PA NI SNGAR BSHAD PA STE, DE LA MI 'JUG PA NYID KYIS NA DE MED PA YIN PAS CHED DU BYA BA LAS LOG PA YIN TE, CHED DU BYA BA RNAM PA GSUM MED PA'O, ,GZUNG BA LA SOGS PA'I BAG CHAGS YOD PAS NYON MONGS PA'I SGRIB PA 'BA' ZHIG GI GNYEN POR GYUR PA NYID KYIS NA NYI TSE BA ZHES BYA BA PHYOGS GCIG PA'I LAM GYI BYED PA STE, BDEN PA BZHI'I RNAM PA'I BYED PA GANG YIN PA DE LA'O, ,DE LA DMIGS PA DANG BCAS PA NYID KYIS ZHES BYA BA GZUNG BA LA SOGS PA'I DMIGS PA YOD PAS, 'BRAS BU DANG PO LA SOGS PA RTOGS PA STE, RGYUN DU ZHUGS PA'I 'BRAS BU LA SOGS PA THOB PA DE NI THA DAD NYID KYIS DBYE BA LA SOGS PA'O, ,MA RIG PA'I BAG LA NYAL THAMS CAD NI RNAM PAR RTOG PA THAMS CAD KYI BAG CHAGS TE, DE RNAMS MA SPANGS PA NYID KYIS NA GNAS PA DANG 'GRO BA MI SHES PA STE, GDUL BYA'I YUL DU 'GRO BA MI SHES PA'O, ,THEG PA CHEN PO THAMS CAD SDUD @225A *, ,PAR BYED PA NYID KYI RGYU YIN PAS RNAM PA THAMS CAD MKHYEN PA NYID DE, THAMS CAD MKHYEN PA GSUM PA NYID KYIS SANGS RGYAS LA SOGS PA'I MYA NGAN LAS 'DAS PA THAMS CAD KYI MYA NGAN LAS 'DAS PA GANG YIN PA DE'I 'OG TU GANG 'JUG TU 'GRO ZHING RJES SU 'BRANG BA DE LA DRANG BA'I LAM MED PAS YON PO'I LAM GYIS 'GRO BA NI 'DIR NYES PA YIN NO, ,'DI DAG LA YANG DANG NI BSDU BA YIN NO, ,BYANG CHUB SEMS DPA' NI NYAN THOS LA SOGS PA LAS LDOG PA DANG 'JUG PA'I GNAS SKABS GO BZLOG PA NI GZUNG BA'I RNAM PAR RTOG PA ZHES BYA BA LA SOGS PA SMOS PA YIN TE, MTHONG BA'I LAM GYI SEMS DANG SEMS LAS BYUNG BA NI RNAM PAR SHES PA DANG TSOR BA LA SOGS PA GANG YIN PA STE, DE RNAMS KYI 'JUG PA'I GNAS SKABS NI GZUNG BA LA SOGS PA MI MTHUN PA'I PHYOGS NYID YIN PAS RGYUN GYIS 'BYUNG BA'I KHYAD PAR DES SPANG BAR BYA'O, ,'DZIN PA DANG ZHES BYA BA LA SOGS PA SKYES BU RDZAS SU YOD PA'I TSIG LE'UR BYAS PA RNAM PAR 'GREL PA NI, KUN RDZOB TU ZHES BYA BA LA SOGS PA SMOS PA YIN TE, SGYU MA BZHIN DU STE, SGYU MA DANG 'DRA BAR KUN RDZOB TU DBYE BA'I THA SNYAD KYIS, 'DZIN PA DANG THAR PA STE GZUGS LA SOGS PA LEN PA DANG 'DOR BA'O, ,YANG DAG PA NYID DU DBYE BA MED PA'I BLOS YID LA MI BYED PA STE, YUL MED PA'I PHYIR GNYIS SU MED PA 'JOG PA'I SEMS KYIS YID LA BYED PA'O, ,CHOS NYID KYI ZHES BYA BA NI GZUGS LA SOGS PA DMIGS PA'I SEMS CHOS NYID KYIS TE, GNYIS SU MED PAS KHAMS GSUM CAR DANG NYE BAR 'BREL PA ZHES BYA BA RNAL 'BYOR PA'I LTA BAS 'DOD PA DANG GZUGS DANG GZUGS MED PA'I KHAMS RNAMS GCIG TU DMIGS PA'O, ,STONG PA NYID DU DMIGS PA NI GNAS LA MNGON PAR ZHEN PA MED PA'O, ,DES GNAS PA NI GZUGS LA SOGS PA LA GNAS PA'O, ,DNGOS PO LA MNGON PAR ZHEN PA NI GZUGS LA SOGS PA LA MA CHAGS PAS SO, ,THAMS CAD LA MNGON PAR ZHEN PA NI GZUGS LA SOGS PA LA KUN TU CHAGS PA LA'O, ,RDZAS SU YOD PA @225B MED PAS ZHES BYA BA NI DON DAM PAR YOD PA MA YIN PA'I PHYIR RO, ,CHOS THAMS CAD BTAGS PA NI KUN RDZOB TU GZUGS LA SOGS PA'I THA SNYAD DU'O, ,DE KHO NA NYID SHES PA'I CHAGS PAS ZHES BYA BA NI SGYU MA LTA BU GNYIS SU MED PA'I YE SHES LA MNGON PAR MA CHAGS PA YIN PA'I PHYIR RO, ,MNGON PAR ZHEN PA SNGON DU 'GRO BA'I CHAGS PA NI MNGON PAR ZHEN PA MED PAS GZUGS LA SOGS PA LA CHAGS PA'O, ,MNYAM PA NYID DU BSGOM PA NI DE KHO NA NYID DU NA GZUGS LA SOGS PA RNAM PA GCIG PAR BSGOM PA'O, ,DE NYID NI GZUNG BA LA SOGS PA BYE BRAG GI BLO 'JOMS PAR BYED PA NYID YIN PA'I PHYIR GNYEN PO STE, DES NA THAMS CAD MKHYEN PA GSUM GYI LAM NI GNYEN PO YIN NO, ,SHES RAB KYI PHA ROL TU PHYIN PA YANG DAG PAR MI SHES PA NYID KYIS JI LTAR 'DOD PA BZHIN DU 'GRO BA THOGS PA LA ZHES BYA BA NI GANG GI TSE SHES RAB KYI PHA ROL TU PHYIN PA LAM GYI BDAG NYID CAN YIN PA DE'I TSE DNGOS PO LA SOGS PAR MI DMIGS PAR GNYIS SU MED PA'I YE SHES KYI NGO BO YIN PAR MA RTOGS PA'I PHYIR JI LTAR 'DOD PA BZHIN DU GZUGS LA SOGS PA MI DMIGS PA'I SHES PA NI MI 'JUG PA YIN LA, YANG GANG GI TSE 'BRAS BU'I BDAG NYID CAN YIN PA DE'I TSE GNYIS SU MED PA'I YE SHES MNGON SUM DU BYAS PA YIN PAS JI LTAR 'DOD PA BZHIN DU THAMS CAD DU 'GRO BA LA THOGS PA MED PA YIN NO, ,DANG ZHES BYA BA RNAMS NI BSDU BA YIN NO, ,BSHAD MA THAG PA'I 'DZIN PA'I RNAM PAR RTOG PA GANG YIN PA DE SNGA MA BZHIN DU MTHONG BA'I LAM GYI BSAM GTAN GYI KHYAD PAR GYIS SPANG BAR BYA BA YIN NO ZHES BYA BA NI DON DAM PA'I ZHES BYA BA LA SOGS PA SMOS PA YIN NO, ,DON DAM PA'I DNGOS PO NI SKYES BU RDZAS SU YOD PA STE, DE LA MNGON PAR ZHEN PA ZHES BYA BA LA SOGS PA YIN NO, ,CHED BZHIN ZHES BYA BA LA SOGS PA 'DZIN PA'I RNAM PAR RTOG PA SKYES BU BTAGS PAR YOD PA'I TSIG LE'UR BYAS PA'I RNAM PAR 'GREL PA NI, NYAN THOS ZHES BYA BA LA SOGS PA YIN TE, NYAN THOS LA SOGS PA'I NGES PAR 'BYUNG BA NYID KYIS ZHES BYA BA NI GDUL BYA'I @226A *, ,DBANG GIS NYAN THOS LA SOGS PA'I LAM NYID YIN PA'I PHYIR CHED DU BYA BA JI LTA BA BZHIN DU STE, CHED DU BYA BA 'BYUNG BA LAS MA 'DAS PAS SO, ,NGES PAR MI 'BYUNG BA NI CHEN PO NYID GSUM MA THOB PA'O, ,LAM THAMS CAD LAS YONGS SU RGYAL BAR BYA BA'I PHYIR, THAMS CAD MKHYEN PA NYID GSUM BDAG GIR BYAS PA LAS RANG GI MNGON PAR 'DOD PA'I LAM MED PAS, ZHES BYA BA BDAG NYID KYIS NGES PA'I LAM MED PAS LAM GZHAN LA LAM MA YIN PAR NGES PAR 'DZIN PA STE, MI DMIGS PA LA DMIGS PA'I THAMS CAD MKHYEN PA GSUM LAS THA DAD PA'I LAM LA LAM MA YIN PA KHO NA'O ZHES BYA BAR NGES PAR 'DZIN PA'O, ,RGYU DANG 'BRAS BU KUN RDZOB KYI NGO BOS ZHES BYA BA KUN RDZOB TU RGYU DANG 'BRAS BU YOD PAS SKYE BA DANG 'GAG PA STE, SKYE BA DANG 'JIG PA'O, ,BAR CHAD MED PA DANG CIG SHOS SU SNANG BA NYID KYIS ZHES BYA BA DON DAM PA NYID DANG KUN RDZOB TU DBYE BA MED PAR RTOGS PAS DNGOS PO MTHA' DAG STE, GZUGS LA SOGS PA RNAMS LA LDAN PA STE, DBYE BA MED PAR RTOGS PA DANG MI LDAN PA STE, DBYE BA GANG YIN PA DE LA THA DAD PA MED PAR SHES PA SNGON DU 'GRO BAS DBYE BA SHES PA'O ZHES BYA BA'I THA TSIG GO, ,NAM MKHA' LA GNAS PA'I BYA DANG 'DRA BA NYID KYIS NA RTEN MED PA NYID KYIS GZUGS LA SOGS PA'I GNAS LA GZUGS LA SOGS PA GNAS MED PAR GNAS PA'O, ,BYANG CHUB KYI SEMS BSKYED PA LA SOGS PA'I SGO NAS ZHES BYA BA SANGS RGYAS LA SOGS PA LAS BYANG CHUB TU SEMS BSKYED PA DANG GDAMS NGAG LA SOGS PA YONGS SU BZUNG BA'I DBANG GIS NYAN THOS LA SOGS PA'I RIGS 'JIG PA YIN TE, SANGS RGYAS KYI RIGS NYID YIN PA'I PHYIR RO, ,DE BZHIN NYID LAS KHYAD PAR DU 'PHAGS PA'I CHOS MED PAS ZHES BYA BA NI STONG PA NYID LAS KHYAD PAR DU 'PHAGS PA'I GZUGS LA SOGS PA MED PA'I PHYIR 'DOD PA MED DE, 'DOD PA'I YUL MI DMIGS PAS 'DOD PAS 'DOD PA MED PA'O, ,DON DAM PA'I BDEN PA LA BRTEN NAS, DE KHO NA NYID MTHONG BAS RGYU MED PA STE, YANG DAG PA'I NYE BAR LEN PA DANG LHAN CIG BYED PA'I RGYU MED @226B PA'O; ,SER SNA SHIN TU GOMS PAR BYAS PA'I CHOS NYID KYIS ZHES BYA BA NI GTONG BA MED PA LA GOMS PA'I PHYIR RO, ,BDUD LA SOGS PA'I PHYIR RGOL BA'I DNGOS PO DMIGS PA NI RDZAS GCIG LA MNGON PAR 'DOD PA'I MI DANG BDUD DANG DGRA BO LA SOGS PA'I YUL DU 'DZIN PA'I SHES PA YOD PA'O, ,DANG GI SGRA NI SNGA MA BZHIN NO, ,BTAGS PA'I DNGOS PO SKYES BU YOD PAR BTAGS PA'O, ,DE LA MNGON PAR ZHEN PA NYID KYIS DE LA MNGON PAR CHAGS PA'I PHYIR ZHES BYA BA LA SOGS PA SMOS SO, ,GNYEN PO MA BSTAN DU ZIN KYANG 'DIR MI MTHUN PA'I PHYOGS SMOS PAS SHUGS KYIS 'PHANGS PAR LTA'O ZHES BYA BA NI DE LTAR NA ZHES BYA BA LA SOGS PA SMOS PA YIN TE, RNAM RTOG 'DI DAG RANG NYID NI, ,MA RIG NGO BO NYID DU RTOGS, ,GANG PHYIR RANG GI RNAM PA NI, ,PHYI'I NGO BOR SGRO BTAGS 'JUG ,CES SMOS PAS MA RIG PA DANG BRAL BA'I BYANG CHUB PA'I GNAS SKABS SU RNAM PAR RTOG PA THAMS CAD NI MA RIG PA YIN PA'I PHYIR SPANG BAR BYA'O ZHES SPANG BAR BYA BA NYID DU SNGAR BSHAD PA YIN NO, ,'DIR GZUNG BA'I RNAM PAR RTOG PA YIN LA 'DZIN PA'I RNAM PAR RTOG PA MA YIN PA NI MU BZHI STE, DE LA MU DANG PO NI GANG GZUNG BA'I RNAM PA'I YUL RTOG PA'I RNAM PAR SHES PA'O, ,GNYIS PA NI SKAD CIG MA GCIG PA 'DZIN PA'I RNAM PA'O, ,GSUM PA NI DE NYID KYIS SKAD CIG MA GZHAN NO, ,BZHI PA NI RNAM PA DE DANG BRAL BA'I SHES RAB KYI PHA ROL TU PHYIN PA'O, ,RIGS NYID YIN LA RIGS KYI RNAM PAR RTOG PAR GYUR PA MA YIN PAR ZHES BYA BA PHYI MA STONG PAR BYED PA NI RE ZHIG RIGS KYI RNAM PAR RTOG PA GANG YIN PAS RIGS KYANG DE NYID YIN PA NI 'DI LTA STE, GNYEN PO YANG DAG PAR SGRUB PA'I DUS KYI RIGS SO, ,RIGS NYID YIN LA RIGS KYI RNAM PAR RTOG PAS GYUR PA MA YIN PA NI, 'DI LTA STE YANG DAG PAR SGRUB PAR GYUR PA'I RIGS SO, ,YANG DAG PAR SGRUB PA'I RNAM PAR RTOG PA YIN LA DMIGS PA'I RNAM PAR RTOG PAR GYUR PA MA YIN PA ZHES BYA BA NI SNGA MA STON PAR BYED PA NI RE ZHIG YANG DAG PAR SGRUB PA'I RNAM PAR RTOG PA GANG YIN PA DE NYID DMIGS PA'I RNAM PAR RTOG PA YANG YIN PA NI 'DI LTA STE, @227A *, ,YANG DAG PAR SGRUB PAR GYUR PA'I YANG DAG PA'I DMIGS PA LA RAB TU SBYOR BA'O, ,DMIGS PA'I RNAM PAR RTOG PA NYID YANG DAG PAR SGRUB PA'I RNAM PAR RTOG PA MA YIN PAR GYUR PA NI 'DI LTA STE DMIGS PA YONGS SU MA RDZOGS PA'O, ,PHYOGS 'DIS LHAG MA RNAMS DPAG PAR BYA'O, ,'BRAS BU 'DOD PA'I SKYE BO NI DANG POR RGYU TSOL BAR 'GYUR BA YIN PAS BYANG CHUB KYI RGYU MTHONG BA'I LAM GYI LHAN CIG BYED PA'I RGYU RNAM PA GSUM 'CHAD PAR BYED PA'I PHYOGS SNGA MA BKOD PAS TSIG LE'UR BYAS PA LA 'JUG PA NI DE LTAR MTHONG BA'I LAM ZHES BYA BA LA SOGS PA YIN LA TSIG LE'UR BYAS PA'I DON NI 'CHAD PAR 'GYUR BA'I ZHES BYA BA LA SOGS PA SMOS PA YIN TE, 'CHAD PAR 'GYUR BA'I MTSAN NYID CAN GYI BYANG CHUB NI 'TSANG RGYA BA NYID DO, ,GZHAN DAG LA NI GDUL BYA RNAMS LA'O, ,MTHONG BA'I LAM LA SOGS PA STON PA ZHES BYA BA NI BDAG NYID KYIS MTHONG BA DANG BSGOM PA'I LAM THOB PAS SO, ,RAB TU 'GOD PA NI GDUL BYA RNAMS LA BYANG CHUB KYI SEMS LA SOGS PA SBYIN PA NI RGYU GCIG YIN NO, ,ZHES 'OG MA DANG SBYAR RO, ,BYANG CHUB KYI RGYU MTSAN KHO NAR ZHES BYA BA NI BDAG NYID KYI BYANG CHUB KYI RGYUR RO, ,DE DAG LA NI GDUL BYA RNAMS LA'O, ,YANG DAG PA'I TSIG DANG DON NI BCOS MA'I DON GYIS STONG PA'I SHES RAB KYI PHA ROL TU PHYIN PA STON PA'O, ,SOGS PA'I SGRAS NI LAM DE DANG SGO DE DANG MAN NGAG DE LAS SHES RAB KYI PHA ROL TU PHYIN PA YANG DAG PA SO SOR GTOD CING YE SHES KYI BDAG NYID CAN GYI YUL RAB TU SBYIN PA NI RGYU GNYIS PA YIN NO, ,BYANG CHUB THOB PAR BYED PA'I PHYIR BDAG NYID LA BAR CHAD MED PA'I PHYIR RGYU GSUM PA YIN NO, ,DE NI RANG LAS ZHES BYA BA LA SOGS PA SMOS PA YIN NO, ,RANG LAS TE BDAG NYID LAS CHES MANG PO'I GUS PA LA SOGS PA'AM MANG BA'I SHES RAB KYI PHA ROL TU PHYIN PA BSGOMS PA LA SOGS PA STE, THOS PA DANG BSAM PA LA SOGS PA GANG YIN PA DES BSOD NAMS TE, SEMS KYI DAG BYED DE NYID MTSAN NYID DE, DE LTAR NA RGYU RNAM PA GSUM BSTAN PA @227B YIN NO, ,GANG GI DON DU ZHES BYA BA LA SOGS PA LA DRI MA STE NYON MONGS PA GANG YIN PA ZAD PA DANG, MI SKYE BA DE DAG GI YE SHES NI RNAM PAR MI RTOG PA'I MTSAN NYID CAN DU GANG GI TSE GYUR PA DE'I TSE BYANG CHUB CES BRJOD, ,DE RNAM PAR RTOG PA THAMS CAD BRAL BA'I 'TSANG RGYA BA NYID NI SNGAR KUN RDZOB YIN PAR BSHAD DO, ,CI NANG GI MU STEGS PA DANG 'DRA BA YIN NAM ZHE NA, ZAG MED SKYE MED PHYIR DE DAG ,GO RIMS BZHIN DU SHES PAR BYA, ,ZHES GSUNGS PA YIN TE, GANG GI TSE YANG DAG PAR NA NYON MONGS PA LA SOGS PA'I SKYES PA MED PA NYID KYIS NA ZAD PA MED DO, ,ZHES MKHYEN PA DE'I TSE NYON MONGS PA LA SOGS PA ZAD PA'I YE SHES YIN LA, YANG GANG GI TSE NYON MONGS PA LA SOGS PA MI SKYE BA MED PA NYID KYIS SKYE BA MED DO, ,ZHES MKHYEN PA DE'I TSE NI NYON MONGS PA LA SOGS PA SKYE BA MED PA'I YE SHES 'DIR SHES PAR BYA BA'O ZHES BYA BA NI SPYI'I DON YIN NO, ,TSIG LE'UR BYAS PA'I DON NI NYON MONGS PA ZHES BYA BA LA SOGS PA YIN TE, NYON MONGS PA NI 'DOD CHAGS LA SOGS PA'O, ,SHES BYA NI GZUNG BA MA LUS PA STE, DE DAG NYID YANG DAG PA'I YE SHES KYI GEGS BYED PA YIN PA'I PHYIR SGRIB PA STE, DE NYID GLO BUR BA YIN PA'I PHYIR DANG, MI SHES PA'I DRI MA'I RGYU YIN PA'I PHYIR DRI MA YIN NO, ,DE NAS SKYES PA DANG MA SKYES PA NYID DU BRTAGS PA NI, NANG GI MU STEGS PA DAG GIS YANG DAG PAR NA SKYES PA DANG MA SKYES PA NYID DU MNGON PAR 'DOD PA'O, ,CHOS KYI DBYINGS NI GNYIS SU MED PA'I YE SHES SO, ,DE LA MA GTOGS PAR NI DE DANG BRAL BA STE, GANG GI PHYIR CHOS TE, GZUGS LA SOGS PA YOD PA MA YIN TE ZHES BYA BA PHA ROL TU PHYIN PA'I TSUL LAS BSHAD PAS, CHOS KYI KHONGS SU 'DUS PA NYID KYIS NA, CHOS KYI DBYINGS KYI NGO BO'I GNYIS SU MED PA'I YE SHES KYI BDAG NYID CAN YIN LA NAM MKHA' BZHIN DU ZHES BYA BA RTEN MED PA NYID KYIS SO, ,'GAG PA DANG SKYE BA MED PA'I PHYIR ZHES BYA BA NI NYON MONGS PA LA SOGS PA SKYES PA RNAMS YANG DAG PAR NA ZAD PA MED PA'I MTSAN NYID 'GOG PA MKHYEN PA'O, ,SKYE BA MED PA'I PHYIR ZHES BYA BA NI @228A *, ,ZAG PA MED PA LA ZAD PA MKHYEN PA'I BSHAD PA YIN NO, ,GCIG DANG DU MA'I NGO BO NYID NI CHA SHAS CAN DANG RDUL PHRA RAB BSAGS PA'I BDAG NYID DO, ,RGYU DANG 'BRAS BU NI GRAGS PAR ZAD DO, ,DNGOS PO'I CHOS 'DI DAG RNAM PAR 'BYED PA NI TSAD MA STE GCIG DANG DU MA'I NGO BO DANG BRAL BA DANG YOD PA DANG MED PA LA SOGS PA'I RGYU DANG 'BRAS BU MED PA'O, ,SOGS PA'I SGRAS THOG MA LA SOGS PA'I SHES PA'I BYE BRAG DANG PHYOGS GCIG LA SOGS PA THAMS CAD SGRIB PA LA SOGS PAR THAL BA DANG LDAN PA DANG MI LDAN PA NYID LA SOGS PA'O, ,DES 'THAD PA'I DNGOS PO'I DE KHO NA NYID KYI BDAG NYID DE, MED PAS ZHES BYA BA NI MI LDAN PA NYID KYIS NA MED PA'I PHYIR RO, ,NAM MKHA'I PADMA BZHIN DU 'GAG PA DANG SKYE BA MED PAS ZHES BYA BA NI DNGOS PO NYID DU MED PA'I PHYIR NYON MONGS PA LA SOGS PA MA SKYES PA RNAMS NI YANG DAG PAR SKYE BA'I MTSAN NYID 'GOG PA'I YE SHES KYIS SKYE BA MED PA'I PHYIR SKYE BA MED PA MKHYEN PA BSHAD PA YIN NO, ,DE NI DE LTAR GO RIMS BZHIN DU ZHES BYA BA LA SOGS PA SMOS PA YIN TE, GO RIMS BZHIN DU SNGAR BSHAD PA'I DRI MA RNAMS NI ZAD PA DANG MI SKYE BA SHES PA NI CHOS KYI DBYINGS KYI BDAG NYID CAN YIN PAS SNGA MA BZHIN DU ZAD PA SHES PA DANG GCIG DANG DU MA DANG BRAL BA'I PHYIR ZHES BYA BA LA SOGS PA'I TSAD MAS GANG GI TSE MIR SKYE BA SHES PA DE'I TSE CHOS THAMS CAD CES BYA BA LA SOGS PA DE RNAMS PHYIN CI MA LOG PAR RTOGS PA STE, YANG DAG PAR NA SKYE BA MED PAR SHES PA'O, , DE'I MTSAN NYID NI NGO BO CHOS KYI SKU LA SOGS PA'I BDAG NYID NI YE SHES LAS SKU GZHAN GYI YIN PAR MI 'THAD DO, ,JI LTA BA BZHIN DU ZHES BYA BA NI TSAD MAS 'THAD PA NYID YIN PA'I PHYIR RO, ,BYANG CHUB CHEN PO NI KHYAB PA'I YE SHES SO, ,NANG GI MU STEGS PA RNAMS KYI BYANG CHUB MI 'THAD PA'I TSIG LE'UR BYAS PA LA 'JUG PA NI, GANG GI PHYIR ZHES BYA BA LA SOGS PA SMOS PA YIN TE, GANG GI PHYIR THEG PA CHEN PO'I TSUL LA BYANG CHUB DE LTA BU YIN PA DE'I PHYIR, NANG GI MU STEGS PA GANG DAG GIS DNGOS PO 'JIG PA'I BSAM PAS DNGOS PO CAN GYI NYON @228B MONGS PA LA SOGS PA SKYES PA RNAMS 'GAG PA LA BSAMS NAS ZAD CING 'GAG PA LA ZAD CING 'GAGS SO ZHES BYA BA'I SHES PA STE RNAM PAR RTOG PA NI ZAD PAR SHES PA'O, ,DNGOS PO MI SKYE BA'I BSAM PAS DNGOS PO CAN GYI NYON MONGS PA LA SOGS PA SKYE BA RNAMS LA SKYE BA MED PAR BSAMS NAS MA SKYES PA YIN ZHING SKYE BA'I GEGS BYED PA'I 'GOG PA LA MI SKYE BA LA MI SKYE'O SNYAM PA'I SHES PA MA SKYES PA NYID KYIS NA NYON MONGS PA SKYE BAR MI 'GYUR RO ZHES BYA BA'I RNAM PAR RTOG PA NI MI SKYE BA'I SHES PA YIN PAR BRJOD CING RANG GI TSUL RNAM PAR 'JOG NA, DE RNAMS KYI ZAD PA DANG MI SKYE BA MED PA KHO NAS SHES PA DE RUNG BA MA YIN NO ZHES BYA BA YANG DAG PAR YOD PA MA YIN PA NYID KYIS NA NYON MONGS PA LA SOGS PA MED PAR, ZAD PA DANG MI SKYE BA DAG MED PA KHO NA YIN PAS NANG GI MU STEGS PA RNAMS KYI SHES PA DE RUNG BA MA YIN NO ZHES DE RNAMS LA BAR SKABS KYI TSIG SU BCAD PA GSUNGS PA YIN TE, GCIG DANG DU MA DANG BRAL BA ZHES BYA BA LA SOGS PA'I MTSAN MAS 'THAD PA'I RANG GI LUNG STON PAS RTAG PA'I LUNG LA MI RTAG PA'I LUNG LTA BU'AM, SMIG RGYU'I CHU LA YANG DAG PA'I CHUR SHES PA DANG 'DRA BAR DE'I LUNG MI 'THAD PAR, 'PHAGS PA BYAMS PAS SO SO RANG GIS RIG PA'I YE SHES KYIS GZIGS NAS DE RNAMS KYI THOG MA MED PA'I SRID PAR DNGOS PO DANG DNGOS PO MED PAS MNGON PAR ZHEN PA BSAL BAR BYA BA'I PHYIR THUGS RJES RIGS PA BDAG GIR MDZAD PA YIN TE, MTHONG ZHES BYA BA'I LAM GYIS NI, , ZHES BYA BA NI NANG GI MU STEGS PA RNAMS KYIS BDAG GI NYON MONGS PA ZAD CING SLAR YANG MI SKYE BAR 'GYUR RO ZHES BYA BA'I ZAD PA DANG MI SKYE BA SHES PA DAG NI NYON MONGS PA LA SOGS PA'I DE BZHIN NYID KYI NGO BO NYID YIN PAS ZAD PA DANG MI SKYE BA MED PA NI, 'GOG PA MED PA DE'I RANG BZHIN YIN ZHING LDOG TU MED PA YIN PA LA DNGOS PO LA MNGON PAR ZHEN PAS RANG GI NGO BO YONGS SU MI SHES PA LAS GYUR PA YIN PAR SHES PAR BYA'O, ,DE LAS NYES PA CIR 'GYUR ZHE NA, RNAM PAR RTOG CES BYA BA LA SOGS PA YIN TE, RNAM PAR RTOG PA'I RIGS NI RNAM PAR RTOG @229A *, ,PA'I NGO BO'O, ,CI ZHIG ZAD PA NI 'GOG PA'O, ,YANG NA RNAM PAR RTOG PA'I NGO BO SKYE MED RNAM PA CI ZHIG 'THOB, CES BYA BA STE, SKYE BA MED PA'I CHOS CI ZHIG SKYED DE CI YANG MA YIN TE, NYON MONGS PA LOG NA DE LAS BYUNG BA'I RNAM PAR RTOG PA LDOG PAR YIN NA DE YANG BSHAD MA THAG PA'I TSAD MAS 'THAD PA'I DE BZHIN NYID KYI NGO BOS DRANGS PA'I NYON MONGS PA LA SOGS PA'I NGO BO DANG ZAD PA DANG MI SKYE BA SHES PA'I RANG BZHIN NI DNGOS PO LA MNGON PAR ZHEN PAS RANG GI NGO BO MA SHES PAS NANG GI MU STEGS PA RNAMS KYIS MI SHES PA YIN LA, DE BAS NA NYON MONGS PA'I RANG GI NGO BO MI SHES PAS JI LTAR NA DE RNAMS MTHONG BA'I LAM GYIS NYON MONGS PA LA SOGS PA RNAM PAR LDOG PAR BYA BAR NUS, DE LDOG PAS KYANG DE LAS BYUNG BA'I RNAM PAR RTOG PA GCIG NAS GCIG TU BRGYUD PA JI LTAR LDOG STE, RGYU YOD NA 'BRAS BU LDOG PA NI GANG NA YANG YOD PA MA YIN NO ZHES BYA BA'I BSAM PA DANG LDAN PAS, 'PHAGS PA BYAMS PA'I DGONGS PA BSHAD PAS TSIG LE'UR BYAS PA'I DON NI SKYES PA DANG ZHES BYA BA LA SOGS PA YIN TE, SKYES PA DANG MA SKYES PA DAG GO RIMS BZHIN DU ZHES BYA BA NI NYON MONGS PA LA SOGS PA SKYES PA RNAMS RNAM PAR 'JIG PA NI ZAD PA YIN LA, NYON MONGS PA LA SOGS PA MA SKYES PA SKYE BA'I GEGS BYED PA STE, NYE BAR LEN PA'I RGYU MED PAS MA SKYES PA YIN LA 'DI DAG GI MTSAN NYID KYI 'GOG PA GANG YIN PA DE NI MTHONG BA'I LAM GYI 'BRAS BU NYID YIN PA DE RNAMS 'DOD LA, DE DANG BRAL BA DE NI DON DAM PAR ZHES BYA BA LA SOGS PA SMOS PA YIN TE, DON DAM PA NI YANG DAG PA NYID DE RNAM PAR DPYAD CING BRTAG BZOD PA NYID KYIS NA DE BZHIN NYID KYI NGO BO NI RANG BZHIN YIN ZHING CHOS KYI DBYINGS KYI NGO BO'I RANG BZHIN YIN LA, DNGOS PO LA LOG PAR MNGON PAR ZHEN PA KHYED KYIS ZHES BYA BA DNGOS PO RNAM PA LA LOG PAR MNGON PAR ZHEN PA KHYED RNAMS KYI'O, ,MTHONG BA'I LAM GYI STOBS KYIS ZHES BYA BA NI SNGAR BSHAD PAS SO, ,RNAM PAR RTOG PA LA SOGS PA'I NGO BOS SKYES PA NI CI ZHIG ZAD CES BYA BA NI NYON MONGS PA LA SOGS @229B PA'I RNAM PAR RTOG PA CI ZHIG BAG CHAGS GANG LAS 'BYUNG BA NI 'GAGS, MI SKYE BA'I CHOS CAN MA SKYES PA NI CI ZHIG SKYES TE, SKYE BA MED PAS CUNG ZAD KYANG MED PA KHO NA YIN PAS DE'I PHYIR MED PA LA MNGON PAR ZHEN PA KHYED KYIS MTHONG BA'I LAM NI LAM MA YIN PA NYID YIN PA'I PHYIR RO, ,RGYU 'DIS NA KHO BO CAG GI GZHUNG LUGS KHO NA KHAS BLANG PAR BYA'O ZHES BYA BA KUN TU 'GRO BA'I BDAG MED PA'I MTSAN NYID CAN KHO NA BYANG CHUB KYI LAM YIN PAR RIGS PA NYID YIN PA'I PHYIR RTEN PAR GYIS SHIG SNYAM DU DGONGS PA YIN NO ZHES BYA BA, 'PHAGS PA BYAMS PA'I DGONGS PA YIN NO, ,DNGOS PO RNAMS YANG DAG PAR KHAS BLANGS NAS SNGAR BSHAD PA BZHIN DU BYANG CHUB MED PA'I NYES PA BSAL BAR BYA BA NI DE LTA MA YIN TE ZHES BYA BA LA SOGS PA SMOS TE, DE LTA MA YIN ZHES BYA BA NI KHO BO CAG GI GZHUNG BOR TE, CHOS YANG DAG PAR YOD PAR KHAS LEN NA ZHES BYA BA GZUGS LA SOGS PA DON DAM PAR YOD PAR BDAG GIR BYED NA BCOM LDAN 'DAS TE, RDZOGS PA'I SANGS RGYAS KYI NYON MONGS PA DANG SHES BYA'I RNAM PAR RTOG PA NI SNGAR BSHAD PA'O, ,DE NYID NI SNGA MA BZHIN DU SGRIB PA YIN LA DE RNAMS SPANGS PAS 'GOG PA NI RNAM PA THAMS CAD DU NGO MTSAR GYI GNAS YIN PA NI NGO MTSAR BYED PA YIN PA 'DI LTAR MI SRID DO ZHES BYA BA'I BAR SKABS KYI TSIGS SU BCAD PA NI CHOS RNAMS KYANG ZHES BYA BA LA SOGS PA GSUNGS PA YIN TE, CHOS RNAMS TE GZUGS LA SOGS PA RNAMS KYANG YOD CES BYA BA DANG ZHES BYA BA YANG DAG PAR KHAS LEN NA SHES BYA LA YANG ZHES BYA BA GZUNG BA LA YANG SGRIB PA STE, RNAM PAR RTOG PA LA SOGS PA ZAD CING 'GOG PAR STON PA GZHAN GYIS BRJOD PA GANG YIN PA DE NI 'DIR PHAN TSUN 'GAL BA YIN PA'I PHYIR KHO BOS MTSAR DU RTZIS TE, 'DI NI MI SRID DO ZHES 'PHAGS PA BYAMS PAS DGONGS SO, ,NANG GI MU STEGS PA RNAMS KYIS BYANG CHUB PA'I THABS MA YIN PA NYID DU BSTAN PA'I SKABS SU THAMS CAD DU 'GRO BA'I BDAG MED PA BSTAN PA NI, BYANG CHUB JI LTA BA DE LTA BU YIN PA BLA MA'I MAN @230A *, ,NGAG MDOR BSDUS TE, BSTAN PAS 'JUG PA'I SGO NAS TSIG LE'UR BYAS PA LAS MA SMOS PA'I DON GYI SHUGS KYIS 'PHANGS PA BSTAN PAR BYA BA'I PHYIR, DE LA SKYE BA DANG ZHES BYA BA LA DBEN PA'I BDAG GIS STONG PA'I LTA BA'I BYANG CHUB MI 'THAD ZHES BYA BA NI PHYI ROL YOD PAR LTA BA'I BYANG CHUB MI 'THAD PAR GNAS PA NI RNAL 'BYOR PAS THAMS CAD DU 'GRO BA'I BDAG MED PA'I SBYOR BA DANG LDAN PAS SHES BYA'I SGRIB PA YANG DAG PAR SPONG NGO ZHES BYA BA RNAM PAR RTOG PA'I DRA BA YANG DAG PAR SLAR YANG MI LDOG PA NYID DU SPONG NGO ZHES 'OG MA DANG SBYAR BAR BYA'O, ,CI'I PHYIR ZHE NA, CI'I PHYIR JI LTA BUR ZHES RTOG PA LA, SKYE BA DANG ZHES BYA BA LA SOGS PA SMOS PA YIN TE, PHYI ROL PA'I MU STEGS PA KHA CIG RTAG PA DANG BDAG DANG RTOGS PA'I NGO BO DANG MA RTOGS PA'I NGO BOR SMRA LA, DE RNAMS NI RANG NYID MAR ME'I ME LCE DANG 'DRA BAR RTAG PA NYID DU MI 'THAD PAS SKYE BA DANG 'JIG PA DE NI KHAS MI LEN GYI NANG GI MU STEGS PA KHA CIG RTAG PA DANG CHAD PA NYID LAS RNAM PAR GROL BA GSO BA DANG SKYES BU LA SOGS PA'I BDAG NYID DU SMRA STE, DE RNAMS KYANG RTAG PA DANG MI RTAG PA'I NGO BO DAG GCIG PAR MI SRID CING DNGOS PO MA YIN PA NYID KYIS NA DE SKYE BA DANG 'JIG PA KHAS BLANG BAR MI BYA STE, GANG YANG SKYE BA DANG 'JIG PAS STONG PA NI, KUN RDZOB TU YANG RI BONG GI RVA DANG 'DRA BAR RTAG PA DANG BDAG MED PA NYID DU KHAS BLANGS PA NYID KYIS GRUB PA LA RTAG PA DANG DBANG PHYUG LA SOGS PA GZHAN DAG KYANG DE BZHIN NO ZHES BYA BA'I BSAM PA DANG LDAN PAS MNGON PAR 'DU BYED PA'I 'JIG TSOGS LA LTA BA NI BDAG GI RTEN YIN PAS YOD PAR LTA BA LA RTEN PA THAMS CAD KYI RTZE MO NYID YIN PA'I PHYIR DES SEL BAR BYED PA'I RDO RJE'I SKYIL MO KRUNG LA SOGS PAS BSGOM PA RTZOM PA YIN TE, DE NI BDAG NI MED KYI PHUNG PO TZAM NYID YIN NO ZHES PHYI ROL PA'I SANGS RGYAS PA'I GRUB PA'I MTHA' LAS SKYE BA DANG 'JIG PA'I STONG PA'I PHYIR BDAG MED DO SNYAM DU BSGOM ZHING MNGON PAR 'DUS BYAS PA'I BDAG TU BDAG TU MNGON PAR ZHEN PA YONGS SU BOR LA, DES DBEN PA'I BDAG GIS STONG PA'I PHUNG PO LA @230B SOGS PA STE, PHUNG PO DANG KHAMS DANG SKYE MCHED TZAM MA RIG PA LA SOGS PA YAN LAG BCU GNYIS LAS 'BYUNG BA YIN PA'I PHYIR RTEN CING 'BREL PAR 'BYUNG BA SKYE BA DANG 'JIG PA'I CHOS CAN LA YANG DAG PAR DMIGS TE, ZHES BYA BA KUN RDZOB TU SKYE BA DANG 'JIG PA'I CHOS CAN LA YANG DAG PAR DMIGS TE ZHES BYA BA KUN RDZOB TU SKYE BA DANG 'JIG PA'I CHOS KYANG YIN PAR 'JIG RTEN DU GRAGS PA YIN PA'I PHYIR LHAN CIG SKYES PA'I 'JIG TSOGS LA LTA BA'I RTEN LA DMIGS TE, DE'I RJES LA DE BSAL BAR BYA BA'I DON DU SNGON PO DANG DE'I BLO DAG LHAN CIG DMIGS PAR NGES PA'I PHYIR ZHES BYA BA SHES BYA NANG GI YIN PA'I GRUB PA'I MTHA' LAS SNGON PO DANG DE'I BLO DAG CES BYA BA SNGON PO DANG CIG SHOS DAG KYANG SHA ZA YIN SNYAM PA'AM KA BA LA SOGS PA LTAR SNGON PO DANG BLO DAG NI DE 'DZIN PAR BYED PA NYID KYIS NA BRTAGS PA YIN PAS RNAM PA DANG BCAS PA'AM RNAM PA MED PAR DMIGS PA DANG LHAN CIG PAR NGES PA YIN PA NYID KYIS NA ZLA BA GNYIS PA DANG 'DRA BAR RTOGS PA'I PHYIR 'DI NI SEMS TZAM KHO NA YIN GYI PHYI ROL GYI DON NI MED DO ZHES BYA BA NI YANG YUL LA SOGS PA NGES PAR GRUB STE, MI 'DRA'O ZHES BYA BA'I GRUB PA'I MTHAS DE'I SGRUB PA'I YUL LA SOGS PA'I NGES PA NI MED DU ZIN KYANG RMI LAM DU SRID PAS MA NGES PA NYID KYIS NA SGRUB PA MA YIN PA NYID DU SEMS SHING SHA ZA'AM KA BA LA SOGS PA GZHAN DAG YOD PA MA YIN TE, PHYI'I DON NI BEMS PO YIN TE SNANG BAR MI RUNG BAS DE MED DO ZHES YID LA BYED CING DMIGS PA NA 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS ZHES BYA BA'I PHYIR ROL MED PA NA, DE 'DZIN PAR BYED PA DE NYID DU MI 'THAD PA YIN NA YANG SKYE BA THOG MA MED PA NAS GCIG NAS GCIG TU BRGYUD PA'I GOMS PA DANG DE'I BAG CHAGS YOD PAS RANG GI SEMS GNYIS SU MED PA'I RNAM PA LA 'DZIN PA'I RNAM PA NYID MNGON PAR ZHEN PA YIN NO, ,PHYI ROL GYI DON DU MNGON PAR ZHEN PA SPANGS TE ZHES BYA BA NI SNGA MA BZHIN DU PHYI'I YUL DU DMIGS PA MI 'THAD PAS DE LA CHAGS PA RNAM PAR BSAL TE, RGYU DANG 'BRAS BU NYID KYIS GZUNG BA DANG 'DZIN PA DAG PHAN TSUN LTOS PA NYID KYIS @231A *, ,YOD PAR RIGS LA, DE'I 'OG TU DE YANG RNAM PA MED PA'I SHES PA NI YUL LA 'DZIN PAR MI RIGS SO, ,RNAM PA TSAD MA MED PHYIR DANG, ,MI RIGS PHYIR NA CIG SHOS MIN, ,ZHES BYA BAS BSAL BAS GZUNG BA MED NA 'DZIN PA MED DO ZHES NGES PAR BSAM MO, ,DE'I 'OG TU, 'DI DAG RNAM RIG TZAM NYID CES, ,DE SNYOM DU NI BSAMS NAS SU, ,CI YANG RUNG STE MDUN 'JOG NA, ,DE NYID TZAM LA MI GNAS SO, ,ZHES SMOS PAS GZUNG BA'I RNAM PA'I MTSAN NYID KYANG SEMS TZAM NYID YIN PAS MDUN DU RNAM PA BRTAG PA YANG SEMS TZAM NYID KYIS RIGS PA MA YIN PAS DE YANG 'DZIN PA'I RNAM PA'I MTSAN NYID KYI RNAM PAR RIG PA TZAM DE YANG RNAM PAR BSAL ZHING DOR TE, BLO LAS NYAMS MYONG GZHAN MED CING, ,DE NYAMS MYONG BA GZHAN MED DE, ,GZUNG DANG 'DZIN PA DANG BRAL BAS, ,DE NI RANG NYID SNANG BA YIN, ,ZHES BSHAD PAS GNYIS SU MED PA'I YE SHES 'BA' ZHIG STE, GZUNG BA LA SOGS PA STONG PA NGES PAR 'BYED PA'I CHA'I RNAM PAR SHES PA TZAM 'BA' ZHIG BDAG LA SOGS PA'I 'DZIN PA DANG BRAL BA'AM, YANG DAG PA'I RIG PA'I BYA BAS STONG PA YANG DAG PA STE, DE KHO NA NYID DU NA YOD PA'I NGO BO STE GNYIS SU MED PA'I NGO BO NYID KYIS RANG RIG PAR 'GYUR BA NYID KYIS YOD CING GNAS PA YIN NO SNYAM DU DE LTAR NGES PAR BYAS NAS DE'I 'OG TU, DE DANG DE RTEN GANG BYUNG BA, ,RANG GI NGO BOR DE MA SKYES, ,RANG GI NGO BOR GANG MA SKYES, ,DE LA SKYES ZHES CI ZHIG BRJOD, ,CES BYA BA'I GRUB PA'I MTHAS DE YANG STE, RNAM PAR SHES PA TZAM YANG RTEN CING 'BREL BAR 'BYUNG BA YIN PA'I PHYIR ZHES BYA BA SNGA MA BZHIN DU SEMS DANG SEMS LAS BYUNG BA'I TSOGS PA'I DBANG LAS SKYES PA YIN PA'I PHYIR SGYU MA BZHIN DU NGO BO NYID MED PA STE, RANG RIG PA NYID YIN PA NYID KYIS NA BSNYON PAR MI NUS PA YIN NA YANG RGYU DANG 'BRAS BU'I NGO BOR MI 'THAD PAS RANG NYID KYIS STONG PA YIN ZHING YANG DAG PAR TE, DE BZHIN NYID NGO BO NYID KYIS NA GCIG TU STE, SHIN TU DNGOS PO DANG DNGOS PO MED PA LA SOGS PAR BRTAGS PA'I NGO BO DANG BRAL BA ZHES BYA BA DNGOS PO DANG DNGOS PO MED PA @231B DANG GNYI GA DANG GNYI GA MA YIN PA'I RNAM PAR RTOG PA'I NGO BO MED CING SPANGS PA YIN NO SNYOM DU BSGOMS TE, GANG PHYIR YANG DAG YANG DAG MIN, ,SHIN TU BSGOM PA GANG GANG YIN, ,BSGOM PA'I STOBS NI RDZOGS PAS NA, ,DE GSAL MI RTOG BLO'I 'BRAS BU, ,ZHES SMOS PAS, BSGOM PA'I STOBS GRUB NAS ZHES BYA BA BSGOM PA'I RAB KYI MTHAR PHYIN PA'I GNAS SKABS SU, KHA CIG LA NOR BU DANG DNGUL LA SOGS PA'I SHES PA BZHIN DU ZHES BYA BA JI LTAR SO SO'I SKYE BO RNAMS KYI NOR BU DANG DNGUL DANG ME LONG LA SOGS PA LA GZUGS BRNYAN GYI SHES PA GCIG DANG DU MA LA SOGS PA NYID KYIS STONG PA GSAL BAR SNANG BA DE BZHIN DU 'KHRUL BA'I MTSAN MA MTHA' DAG SPANGS PA ZHES BYA BA GZUNG BA LA SOGS PA MA LUS PA DANG BRAL BA'O, ,SGYU MA LTA BU'I BDAG NYID DU SNANG BA'I BLO ZHES BYA BA RGYU DANG 'BRAS BU'I DNGOS POR MI 'THAD PAS SO, ,RNAM PAR MI RTOG PA ZHES BYA BA NI 'DOD CHAGS LA SOGS PA'I RNAM PAR RTOG PAS STONG PA NYID KYIS NA MA RIG PA DANG BRAL BA'O, ,SO SOR RANG GIS RIG PAR BYA BA NI MI SLU BAR SO SOR RANG GIS RIG PA'O, CI ZHIG LTAR 'GA' ZHIG GIS KYANG STE, YANG DAG PAR SKYES NA SPONG NGO ZHES 'OG MA DANG SBYAR RO, ,DA NI LDOG PA'I SGO NAS TSIG LE'UR BYAS PA LAS MA SMOS PA'I DON GYIS 'PHAGS PA NI DE LTA MA YIN TE ZHES BYA BA LA SOGS PA SMOS PA YIN TE, DE LTA MA YIN TE ZHES BYA BA NI NGO BO NYID STONG PAS NYON MONGS PA LA SOGS PA LDOG PAR KHAS MI LEN PAR GZHAN DAG GIS GNYEN PO'I LAM BSGOMS PAS CHOS DE RNAM PA CUNG ZAD KYANG MI BYED DE NYON MONGS PA LA SOGS PA SPANG BA'I KHYAD PAR CI YANG SKYE BAR MI 'GYUR RO, ,JI LTA BU ZHE NA NAM MKHA' BZHIN DU STE, JI LTAR NAM MKHA' LA RDZAS MED PA TZAM GYIS NGO BO LA KHYAD PAR GANG GIS KYANG 'PHEL BA DANG 'BRI BA'I BDAG NYID CAN GYI KHYAD PAR BYA BAR MI NUS TE, RTAG PA NYID KYIS DON DAM PAR NGO BO NYID DE LTA BUR YOD PA NYID YIN PA'I PHYIR RO, ,DE BZHIN DU PHYI DANG NANG GI MU STEGS PA LA GRAGS PA'I DPE YIN PA DE SMRAS PA NI, DE LA NAM MKHA' BSGRIBS PA MED PA @232A *, ,ZHES BYA BA NANG GI MU STEGS PA'I GRUB PA'I MTHA' LAS DUS THAMS CAD DU STE, RNAM PA THAMS CAD DU NAM MKHA'I ZHES BYA BA NI RI BONG GI RVA DANG 'DRA BAR GSOG YIN PA NYID LA DE RNAMS KYI 'THAD PA DANG RDZAS SU BTAGS PA YIN TE, DE NI RDZAS MED PA TZAM GYI NGO BO 'DZIN PA BZHIN DU ZHES SMOS PA YIN NO, ,PHYI ROL GYI MU STEGS KYI PHYOGS NI RDZAS DANG YON TAN LA SOGS PA MED PA TZAM GYI NGO BO YIN LA NANG GI MU STEGS PA'I PHYOGS LTAR NA YANG GZUGS LA SOGS PA SPYI DANG KHYAD PAR MED PA TZAM GYI NGO BO KHYAD PAR MED PA NAM MKHA' JI LTAR 'DZIN PA DE BZHIN DU SKYED DU MED PA STE, GZHAL DU MED PA DANG, SPANG DU MED PA DANG BSAL DU MED PAR RANG GI NGO BO STE, RANG BZHIN GANG YIN PA DE 'DZIN CING BDAG NYID KYI NGO BOR BDAG GIR BYED PAS CHOS RNAMS KYI 'DZIN PA NYID DE, YANG DAG PA NYID MED PA'I PHYIR GZUNG BA DANG 'DZIN PA'I SKAD CIG MA SKYE BA TZAM DU GNAS PA YIN LA, DE NI SHES PA TZAM GYI NGO BOR ZHES SMOS PA YIN TE, 'DZIN PA'I SHES PA'I BDAG NYID LA SOGS PA'I NGO BOS STONG PA RNAMS DANG SHES BYA'I MTSAN NYID RNAMS TE, DE'I RGYU GZUGS LA SOGS PA GZUNG BA'I BDAG NYID RNAMS GAL TE DON DAM PAR BCOS MA MA YIN PA'I DON GYIS YOD PA NYID DU GYUR NA DE'I TSE CUNG ZAD KYANG MI BYED DO ZHES BYA BAR SBYAR TE, DA LTAR GYI GZUGS LA SOGS PA NYON MONGS PA CAN GYI PHUNG PO'I MTSAN NYID LA GNYEN PO LAM GYI MTSAN NYID 'DAS PA DANG MA 'ONGS PA MED PAS DE SKYE BA'I SKAD CIG MA YANG DA LTAR GYI SKAD CIG MA NI MED PA NYID YIN PA'I PHYIR CUNG ZAD KYANG MI BYED DO ZHES BYA BA NAM MKHA' RTAG PA DANG 'DRA BAR CHOS RNAMS SKAD CIG MA NYID YIN NA YANG, PHUL DU BYUNG BA'I BYED PA MED PA NA KHYAD PAR CI ZHIG YOD DE, CI YANG MED PAS KHYED CAG GI PHYOGS LTAR BSGOM PA NI 'BRAS BU MED PA DANG, CHOS KYI RANG GI NGO BO MA SHES PAR GYUR PA GANG GIS BZLOG CES BYA BAR DGONGS SO, ,DE YANG, JI LTAR RI MO MKHAN GYIS NI, ,GNOD SBYIN 'JIGS SU RUNG BA'I GZUGS, ,BRIS NAS BDAG NYID SKRAG PA LTAR, ,'KHOR BAR MI MKHAS DE BZHIN NO, ,ZHES GANG BSHAD PA YIN NO ZHES BYA BA'I LAN GYI @232B ZUR GYIS YANG, TSIG LE'UR BYAS PA LAS SMOS PA'I DON NI DE'I PHYIR ZHES BYA BA LA SOGS PA SMOS PA YIN TE, GANG GI PHYIR DE LTAR YIN PA DE'I PHYIR DNGOS PO STE, GZUGS LA SOGS PA DE LA MNGON PAR ZHEN PA STE, YANG DAG PA'I BLOR GYUR PA DE NYID PHYIN CI LOG YIN ZHING MI 'THAD PA NYID KYIS NA DE MI LDOG PAS, BCOM LDAN 'DAS KYI GNAS SKABS SU YANG GNAS PA YIN LA DES NA GANG BCOM LDAN 'DAS TE RDZOGS PA'I SANGS RGYAS KYI SHES BYA'I SGRIB PA BAG CHAGS DANG BCAS PA RNAM PA THAMS CAD DU SPANGS SHING GZUNG BA LA SOGS PA 'GOG PA DANG, CHOS RNAMS TE GZUGS LA SOGS PA RNAMS KYANG YOD PAR KHAS LEN CING DON DAM PAR YOD PAR 'DOD PA GANG YIN PA DE NI PHAN TSUN 'GAL BA'I DON KHAS LEN PA NI, KHO BOS TING NGE 'DZIN MNGON SUM DU BYAS PAS YA MTSAN DU RTZIS TE, LOG PA'I DNGOS PO LA MNGON PAR ZHEN PA YANG GAL TE NYON MONGS PA LDOG PAR GYUR NA DE'I TSE SO SO'I SKYE PO RNAMS DANG CI'I PHYIR MA GYUR CES, 'PHAGS PA BYAMS PAS DGONGS SO, ,RGYU MCHOG NYID LAS 'BRAS BU MCHOG TU 'GYUR GYI, KO TRA PA'I SA BON LAS S'A LU'I MYU GU DANG 'DRA BAR GZHAN LAS MA YIN NO ZHES THAMS CAD KYIS KHAS BLANG BAR BYA BA YIN PAS NYON MONGS PA SPANGS PA'I 'BRAS BU MCHOG TU GYUR PA 'DI NI MCHOG MA YIN PA'I DNGOS PO LA LTA BAS DRI MA CAN DU BYAS PA'I MTHONG BA'I LAM LAS RUNG BA MA YIN NO ZHES BYA BAR SHES PAR BYA'O, ,DBU MA'I RGYAN LAS, RNAM PAR DAG PA'I RGYU LAS NI, ,'BRAS BU RNAM PAR DAG PA 'BYUNG, ,YANG DAG LTAS BYUNG TSUL KHRIMS KYI, ,YAN LAG LA SOGS PA RNAM DAG BZHIN, ,ZHES BYA BA DANG, RNAM 'GREL LAS, ,LAN 'GA' THABS NI RNAM PA ZHIG ,DUS KYANG MANG DU 'DI YIS NI, ,BSLABS PAS DE LA YON TAN DANG, ,NYES PA BSAL BAR GYUR BA YIN, ,ZHES GANG BSHAD PA YIN NO, ,DE LTAR YOD PA'I PHYOGS BSAL BAS ZHES BYA BA NI GZUNG BA LA SOGS PA'I GRUB PA'I MTHA' MI BDEN PA'I GRUB PA'I MTHA' NYID DU BSTAN NAS, NGO BO NYID MED PA'I PHYOGS THAMS CAD DU 'GRO BA'I @233A *, ,BDAG MED PA'I GRUB PA'I MTHA' BRTAN POR MDZAD CING NGES PAR BYAS NAS, THAR PA 'DOD PA RNAMS KYIS 'DI KHO NA KHAS BLANG BAR BYA'O ZHES BYA BA RDZOGS PA'I BYANG CHUB 'DOD PA RNAMS KYIS DNGOS PO THAMS CAD BDAG MED PA'I PHYOGS 'DI KHO NA RIGS PA DANG LDAN PA NYID YIN PA'I PHYIR KHAS BLANG BAR BYA'O ZHES GNAS PA'I PHYOGS TE, NGES PA GRUB PA'I MTHA' BAR SKABS KYI TSIGS SU BCAD PAS GSUNGS PA NI, 'DI LA ZHES BYA BA LA SOGS PA YIN TE, 'DI LA BSAL BYA CI YANG MED, ,CES BYA BA GANG GI PHYIR GROL BA MI 'THAD PA'I RGYU DES NA NANG GI MU STEGS PA RNAMS KYIS DON DAM PAR YOD PA LA SOGS PAR SGRO BTAGS PA'I DE KHO NA NYID KYI LTA BA GANG YIN PA DE BSAL BAR BYA BA DANG, BSNAN PAR BYA BA CUNG ZAD MED CES BYA BAS NI PHYI ROL PA'I MU STEGS PA RNAMS KYIS BDAG LA SOGS PA SGRO BTAGS PA GANG YIN PA DES BSTAN PAR MI BYA STE, KUN RDZOB DANG DON DAM PA'I LTA BA'I TSUL LA SOGS PA LA ZHES BYA BA NI LHAG MA'O, ,MED PAR LTA BA BSAL BA NI YANG DAG CES BYA BA LA SOGS PA SMOS PA YIN TE, YANG DAG PA NYID DU ZHES BYA BA NI RTEN CING 'BREL BAR 'BYUNG BA NYID KYIS YANG DAG PA STE, JI LTA BA BZHIN DU GRAGS PA'I GZUGS LA SOGS PA BLTA BAR BYA ZHING SHES PAR BYA'O, ,DES CIR 'GYUR ZHE NA, YANG DAG MTHONG NA RNAM PAR GROL, ,ZHES BYA BA YIN TE, RANG GI NGO BO NYID SGOM PAR BYED PA NI NYON MONGS PA BAG CHAGS DANG BCAS PAR SPANGS PAS SANGS RGYAS SU 'GYUR RO, ,TSIG LE'UR BYAS PA 'DI NYID KYI DON NI, GANG GI PHYIR ZHES BYA BA LA SOGS PA SMOS PA YIN TE, GANG GI PHYIR BSHAD MA THAG PA'I DNGOS PO LA MNGON PAR ZHEN PA LAS GROL BAR MI 'THAD CING BYANG CHUB PA MI RUNG BA RGYU DE'I PHYIR SKUR PA 'DEBS PA STE, BDAG MED PA LA GNOD PA BYED PA'I DON DAM PAR YOD PA LA SOGS PA SGRO 'DOGS PA'I NGO BO STE, NGO BO NYID YOD PAR DOGS PA BSAL NA GCIG DANG DU MA'I RANG BZHIN LA SOGS PA'I TSAD MAS DE KHO NA NYID MTHONG BAS BSAL CING CHOS GANG LA YANG BDAG LA SOGS PAS GNOD PA KUN RDZOB DANG DON DAM PAR MA @233B BYAS PAR 'DI NYID SHES PAR GYUR PA NA MA RIG PA LA SOGS PA YAN LAG BCU GNYIS LAS KUN TU 'BYUNG BA YIN PA'I PHYIR GZUGS KYI PHUNG PO LA SOGS PA STE, GZUGS KYI PHUNG PO LA SOGS PA RTEN CING 'BREL BAR 'BYUNG BA YIN ZHING KUN RDZOB TU YANG DAG PA'I NGO BO NYID DE THA SNYAD DU DBEN PA RANG BZHIN MED PA STE, SGYU MA DANG MTSUNGS PA'I NGO BOR BRTAG PAR BYA ZHING BSGOM PAR BYA'O, ,'DIS CIR 'GYUR ZHE NA, DE LTAR ZHES BYA BA LA SOGS PA SMOS PA YIN TE, SGYU MA'I GLANG POS SGYU MA'I GLANG PO GZHAN ZHIG PHAM PAR BYAS PA BZHIN DU ZHES BYA BA NI JI LTAR BRDZUN GYIS GLANG PO DANG 'THAB PA NI ZIL GYIS MNAN PA DE BZHIN DU PHYIN CI LOG PAS ZHES BRDZUN GYI LAM GYIS BRDZUN GYI BDAG TU LTA BA LAS SKYES PA'I NYON MONGS PA LAS SKYES PA'I PHYIN CI LOG SPONG BA'I RGYUS NA DE KHO NA NYID MTHONG BA NA STE, THAMS CAD DU 'GRO BA'I BDAG MED PA MTHONG ZHING MOS PA NI RNAM PAR GROL BAR 'GYUR TE, YANG DAG PA'I YE SHES THOB PAR 'GYUR RO, ,BDAG CAG GI PHYOGS LTAR NA CHOS THAMS CAD SGYU MA LTA BU YIN LA DE BAS NA NYON MONGS PA LA SOGS PA'I SGYU MA LAM GYI SGYU MAS LDOG PA YIN PAS DNGOS PO DE KHO NA NYID LA RE BAR MI MTHUN PA'I PHYOGS DANG GNYEN POR GYUR PA MED DO, ,DE'I PHYIR KHO BO CAG LA SNGAR SMRAS PA'I THAR PA MI 'THAD PA'I NYES PA YOD PA MA YIN NO ZHES BYA BAR DGONGS SO, ,MYA NGAN 'DAS MIN MYA NGAN 'DAS, ,'JIG RTEN MGON GYIS BSTAN PA NI, ,NAM MKHAS BYAS PA'I MDUD PA 'DI, , NAM MKHA' NYID KYIS BKROL BA YIN, ZHES BYA BA LA SOGS PA GANG GSUNGS PA YIN NO, ,DE LTAR ZHES BYA BA LA SOGS PA LA PHA ROL TU PHYIN PA DRUG PO DE DAG PHAN TSUN TE, GCIG LA GCIG BSDUS PA GANG YIN PA STE, SNGA MA BZHIN DU KHONGS SU GTOGS PA'I SBYIN PA LA SOGS PA DE RE RE LA ZHES BYA BA SO SO RE RE ZHING SKAD CIG MA GCIG PA STE, SKAD CIG MA GCIG TU BYUNG BA'I BZOD PA STE, SDUG BSNGAL LA CHOS SHES PA'I BZOD PA GANG YIN PA DES BSDUS SHING DE DANG 'BREL BA'I SEMS KYI KHYAD PAR GANG YIN PA DE NI RTZE MO'I MNGON PAR RTOGS PA @234A *, ,'DIR MTHONG BA'I LAM YIN TE, NYON MONGS PA LA SOGS PA BAG CHAGS DANG BCAS PA SPONG BAR MTHONG BA'I THABS SU RNAM PAR GZHAG GO ZHES BYA BA NI LHAG MA'O, ,SBYIN PA LA SOGS PA ZHES BYA BA LA SOGS PA NI RNAM PAR 'GREL PA YIN TE, LAN CIG RNAM PAR RTOG PA DU MA 'BYUNG BA NI 'GAL BA NYID YIN GYI YUL DU MA LA RNAM PAR RTOG PA GCIG 'BYUNG BA NI DE LTA MA YIN TE, SHIN TU MANG BAS MA BSLABS PAS DE LTAR SRID PA'I PHYIR YANG DAG PAR RNAM PA SUM CU RTZA DRUG NYID YIN NA YANG SBYIN PA LA SOGS PA TSOGS PA'I YUL GYI SKAD CIG MA GCIG LA BZOD PA GCIG NI, SEMS GCIG GI BDAG NYID CAN GYIS MTHONG BA'I LAM YANG SKAD CIG MA GCIG LA MNGON PAR RDZOGS PAR BYANG CHUB PA'I RGYU YIN PA LA 'GAL BA MED DO ZHES BYA BAR DGONGS SO, ,DA NI MTHONG BA'I LAM SKYES PAR MA GTOGS PA'I DGONGS PA BRJOD NAS SPONG BA'I 'BRAS BU NYID KYIS MTHONG BA'I LAM LAS BSGOM PA'I LAM THA DAD PA NYID YIN NA YANG BSHAD MA THAG PA'I SPANG BA LA DBANG DU BYAS PA'I BSGOM PA'I LAM BRJOD PAR RIGS PA YIN NO YANG GANG GIS DE DON DANG BCAS PAS RE ZHIG DE BSTAN PAS NI DE SKYES PA NA ZHES BYA BA LA SOGS PA SMOS PA YIN TE, MA RIG PA DANG 'DU BYED DANG RNAM PAR SHES PA DANG MING DANG GZUGS DANG, SKYED MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI STE, SRID PA'I YAN LAG BCU GNYIS NI, RTEN CING 'BREL PAR 'BYUNG BA ZHES BYA BA NYID GO RIMS KYIS BDAG MED PA BSGOM PA NI LUGS SU 'BYUNG BAR BSGOM PA'O, ,DE BZHIN DU THA MA NAS BRTZAMS TE, GO BZLOG NAS BSGOM PA NI LUGS DANG MI MTHUN PA BSGOM PA YIN PAR SHES PAR BYA'O, ,DE YANG MTHONG BA ZHES BYA BA LA SOGS PAS SENG GE RNAM PAR BSGYINGS PA ZHES BYA BA LA SOGS PA'I RAB TU BYED PA'I RNAM PAR 'GREL PA NI BSAL TE, NYON MONGS PA RNAMS KYIS ZIL GYIS MI GNON PA NYID KYIS NA, SENG GE RNAM PAR BSGYINGS PA ZHES BYA BA'I TING NGE 'DZIN YIN PAR SHES PAR BYA'O, ,MA RIG PA LA SOGS @234B PA'I GO RIMS NI DON GYI DBANG LAS SHES PAR BYA STE, CHOS MNGON PA LAS, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,RNAM SHES MTSAMS SBYOR PHUNG PO YIN, ,MING DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,DE NI GSUM 'DUS TSUN CHAD DO, ,REG PA BDE SDUG LA SOGS KYI, ,RGYU SHES NUS PA TSUN CHAD DO, ,TSOR 'KHRIG TSUN CHAD SRED PA NI, ,LONGS SPYOD 'KHRIG PA'I CHAGS CAN GYI, ,NYE BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA'I, ,DE YI 'BRAS BU 'BYUNG 'GYUR BA'I, ,LAS BYED DE NI SRID PA YIN, ,NYING MTSAMS SBYOR BA SKYE BA YIN, ,TSOR BA'I BAR NI RGA SHI YIN, ,ZHES GANG BSHAD PA YIN NO, ,BSGOM PA'I LAM NI DE LTAR ZHES BYA BA LA SOGS PA SMOS PA YIN TE, MI MTHUN PA'I PHYOGS SPONG BA NI NYON MONGS PA LA SOGS PA'I SHIN TU 'GOG PA'O, ,SOGS PA'I SGRAS NI MA SKYES PA'I NYON MONGS PA LA SOGS PA SHIN TU MI SKYED PA'O, ,RTEN SGRUB PA MNGON DU 'GRO BA ZHES BYA BA NI GZHI MED PA LA SPONG BA LA SOGS PA MI 'THAD PAS DE LA BRTEN PA'I SHES PA SNGON DU 'GRO BA YIN NO, ,GO SLA BA NI RTOGS SLA BA'O, ,ZHES BYA BA'I RGYUS RTEN TE SPONG BA LA SOGS PA'I GZHI, BSGOM PA'I LAM NI 'GOG DANG ZHES BYA BA LA SOGS PA GSUNGS PA YIN TE, DMYAL BA DANG, YI DAGS DANG, BYOL SONG DANG, MI DANG, 'DOD PA'I LHA DRUG NI 'DOD PA'I KHAMS SO, ,'DOD PA DER GTOGS PA NI SKYE BAS THOB PA'O, , RNAM PAR SHES PA MNYAM PAR MA BZHAG PA NI RNAM PAR RTOG PA'I SHES PA'O, ,MTSAMS BZUNG STE ZHES BYA BA NI 'DOD PA'I KHAMS PA'I SKYE BO RNAMS LAS 'TSANG RGYA BA NYID YIN PA'I PHYIR NYE BAR BZUNG ZHING RNAM PAR GZHAG PAS 'GOG PA DANG BCAS PA'I SNYOMS 'JUG DGU ZHES GONG MA DANG SBYAR RO, ,DES NA DON NI 'DI YIN TE 'GOG PA DANG BCAS PA'I BSAM GTAN BZHI DANG, GZUGS MED PA'I SNYOMS PAR 'JUG PA BZHI STE, DGU'I NANG NAS BSAM GTAN DANG PO NAS BRTZAMS TE, RIM PA BZHIN DU BSGOMS PAS 'GOG PA'I BAR DU SONG LA 'ONGS NAS @235A *, ,ZHES BYA BA 'GOG PA DANG BCAS PA'I SNYOMS 'JUG DGUR SONG NAS ZHES 'DIR RJES SU SBYAR BAR BYA'O, ,DES NA DON NI 'DI YIN TE THA MA 'GOG PA NAS BRTZAMS TE LUGS LAS BZLOG PA BSAM GTAN DANG PO'I BAR DU 'ONGS NAS YANG SNYOMS PAR 'JUG PA DGU PHO DE DAG NYID KYI NANG NAS RNAM PA GNYIS SU STE, SNYOMS PAR 'JUG PA GCIG DANG GNYIS DANG GSUM DANG BZHI DANG LNGA DANG DRUG DANG BDUN DANG BRGYAD GANG YIN PA DE BRGAL CING 'DAS NAS DE LAS GANG THOD RGAL DU NI SNYOMS 'JUG PA ZHES BYA BA NYON MONGS PA BAG CHAG DANG BCAS PA NYAMS SMOD PA'I BSAM GTAN GYI KHYAD PAR RO, ,'GOG PA'I BAR DU MI 'DRA BAR 'GRO, ZHES BYA BA NI DE BZHIN DU LUGS DANG MTHUN PA DANG LUGS DANG MI MTHUN PA'I RIM PA DAG GIS 'GOG PA MNGON PAR KHYAB PAR BYAS PA GO RIMS MA YIN PAR 'GRO BA DE NI 'DIR BSGOM PA'I LAM NYID YIN PAR BSHAD DO ZHES BYA BAR SHES PAR BYA'O, ,TSIG LE'UR BYAS PA'I DON NI BYANG CHUB SEMS DPA' ZHES BYA BA LA SOGS PA SMOS PA YIN TE, BSAM GTAN DANG PO NAS BZUNG STE 'GOG PA'I BAR DU SONG NAS ZHES BYA BA NAS 'DOD PA MI DGE BA'O ZHES SMOS PAS 'DOD KHAMS PA'I RNAM PAR RTOG PAS RNAM PAR G-YENG BA'I SEMS NAS NYE BAR GZUNG BA BYAS NAS GZUGS KHAMS SU GTOGS PA'I SEMS KYIS BSAM GTAN DANG PO MNGON SUM DU BYAS PA 'GOG PA'I BAR DU SONG NAS ZHES BYA BA DE BZHIN DU, BSAM GTAN GNYIS PA DANG GSUM PA DANG BZHI PA DANG DE BZHIN DU, GZUGS MED KHAMS LA GNAS MED DE, ,SKYE BA LAS NI RNAM PA BZHI, ,ZHES SMOS PA GZUGS MED PA'I KHAMS SU GTOGS PA'I SEMS NAM MKHA' DANG, RNAM PAR SHES PA DANG, CI YANG MED PA DANG, 'DU SHES MED 'DU SHES MED MIN SKYE MCHED DO, ,DE'I 'OG TU NI 'GOG PA'O, ,DE BZHIN DU RIM GYIS SONG NAS ZHES BYA BA LA SOGS PA BSHAD PA NI DE'I 'OG TU 'GOG PA NAS BZUNG STE BSAM GTAN DANG PO'I BAR DU 'ONGS TE ZHES BYA BA RGYUN DU LUGS DANG MI MTHUN PAR BSGOMS PAS BSAM GTAN DANG PO'I BAR DU 'ONGS PA NI 'GOG PA DANG BCAS @235B PA'I SNYOMS 'JUG DGUR 'ONGS NAS ZHES BYA BA LA SOGS PA BSHAD PA YIN NO, ,DE LTAR BSHAD PA'I RIM GYIS LUGS DANG MTHUN PA DANG LUGS DANG MI MTHUN PA'I RIM PA RNAM PA GNYIS KYIS BSAM GTAN BZHI DANG, GZUGS MED PA BZHI DANG, 'GOG PA'I MTSAN NYID KYI SNYOMS PAR 'JUG PA DGU LA SONG ZHING ZHES BYA BA BSAM GTAN DANG PO NAS BRTZAMS TE, 'GOG PA'I BAR DU NI LUGS DANG MTHUN PA YIN LA 'GOG PA NAS BRTZAMS TE, BSAM GTAN DANG PO'I BAR DU LUGS DANG MI MTHUN PAR 'ONGS TE ZHES BYA BA'I THA TSIG GO, ,YANG DE BZHIN DU RNAM PA GNYIS LA SOGS PA DOR BA NI 'ONGS NAS ZHES BYA BA LA SOGS PA SMOS PA YIN TE, 'ONGS NAS ZHES BYA BA NI DE LTAR DANG POR SONG BA LAS SO, ,YANG ZHES BYA BA LA SOGS PA NI DE LTAR BSHAD PA'I RIM PAS GCIG LA SOGS PA BOR NAS ZHES BYA BA GCIG DANG GNYIS DANG GSUM LA SOGS PA BOR BAS SO, ,'GOG PA'I SNYOMS PAR 'JUG PA LA THUB PA'I BAR DU MI 'DRA BA'I SGO NAS 'GRO BA NI BSGOM PA'I RIM GYIS RAB TU 'GRO BA'I RGYUS MI 'DRA BAR 'GRO BA THOD RGAL GYI SNYOMS PAR 'JUG PA NI NYON MONGS PA BAG CHAGS DANG BCAS PA NYAMS SMAD PAR BYED PA'I BSAM GTAN GYI KHYAD PAR RO, ,DBANG PA NYID KYI MTSAN NYID NI SEMS DBANG DU BYED PA NYID KYI BDAG NYID CAN BYANG CHUB SEMS DPA' 'GRO BA'I DON GYI PHYIR GO CHA BGOS PAS MNGON SUM DU BYED PA YIN PAS NA BSGOM PA'I LAM YIN NO, ,SNYOMS PAR 'JUG PA THAMS CAD DU SEMS LA DBANG BA NYID KYIS NA RGYAL PO CHEN PO DANG 'DRA BAR 'DOD PAS 'JUG PA YIN PA'I PHYIR MI 'DRA BAR 'GRO BA NI SENG GE RNAM PAR BSGYINGS PA'I SNYOMS PAR 'JUG PA YIN PAR SHES PAR BYA LA KHYAD PAR CAN RNAMS NI KHYAD PAR GYI LAM KHO NA YIN PAS THOD RGAL GYI TING NGE 'DZIN 'DI NI BYANG CHUB SEMS DPA' RNAMS LA RIGS KYI GZHAN DAG LA NI MA YIN NO, ,SA BRGYAD RNAM PA GNYIS 'BREL DANG, ,GCIG BRGAL SONG ZHING 'ONGS NAS NI, ,RIS MI MTHUN PAR GSUM PAR 'GRO, ,THOD RGAL GYI NI SNYOMS 'JUG YIN, ,ZHES BYA BA 'DIS BSHAD PA'I THOD RGAL GYI TING NGE 'DZIN NI 'DIR SKABS MA @236A *, ,YIN NO, ,DE LTAR BSGOM PA'I LAM BRJOD NAS DE LA SPONG BA'I ZHES BYA BA GANG GI PHYIR BSGOM PA'I LAM GYIS SPANG BA YIN PA DE'I RGYUS 'OG NAS BSHAD PA'I RNAM PAR RTOG PA RNAM PA BZHI BSGOM PA'I LAM DER KHONGS SU CHUD PAR BYA'O, ,DANG PO ZHES BYA BA NI BZHI PO DE LAS SPANG BAR BYA BA'I GZUNG BA'I RNAM PAR RTOG PA DANG PO NI RE ZHIG MDOR BSDUS ZHES BYA BA LA SOGS PA GSUNGS PA YIN NO, ,TSIG LE'UR BYAS PA'I DON MDOR BSDUS PA ZHES BYA BA LA SOGS PA SMOS PA YIN TE, MDOR BSDUS PA DANG RGYAS PA LA DGA' BA'I GDUL BYA DAG STE, MGO SMOS PA DANG RNAM PAR SPROS PAS SHES PA KHA SBUB LA SOGS PA'I NYES PA DANG BRAL BA DAG LA LUNG NYE BAR STON PAS MDOR BSDUS ZHES BYA BA LA SOGS PA'I RNAM PAR RTOG PA GNYIS YIN NO, ,JI SKAD DU BSHAD PA'I DON NI SBYIN PA LA SOGS PA STE, DE RNAMS NAN TAN DU MI BYED PA NI SGRUB PAR MI BYED SANGS RGYAS RNAMS KYIS BSTANGS PA NI MGON DU BYA BA GANG YIN PA STE, DES YONGS SU MA BZUNG ZHING BDAG GIR MA MDZAD PA NI DE'I RNAM PAR RTOG PA GZHAN YIN NO, ,BYUNG BA DANG 'GAG PA NYID KYIS ZHES BYA BA NI NYON MONGS PA KUN TU BYUNG BA RNAMS RANG GI NGANG GIS 'JIG PAS SBYOR BA'I LAM GYI YON TAN GANG YIN PA DE DANG BRAL BA'I MTSAN NYID NI MED PA STE, PHAN TSUN 'GAL BA NYID KYIS NI GCIG LA BYUNG BA DANG 'BYUNG BAR 'GYUR BA'I NGO BO GNYIS MI 'THAD PAS MED PA'AM NGO BO NYID GNYIS LAS 'DAS PA'I NGO BO NI RANG GI NGANG GIS 'JIG PA YIN PA'I PHYIR DANG MA 'ONGS PA NI RANG GI NGO BOR MED PA YIN PA'I PHYIR RO, ,YANG DAG PAR SKYE BA'I RGYU DANG MI LDAN PAS ZHES BYA BA NI NYON MONGS PA RNAMS NI YANG DAG PA'I SKYE BA MED PA'I PHYIR RO, ,MTHONG BA'I ZHES BYA BA LA SOGS PA NI PHYIS 'BYUNG BA'I NYON MONGS PA RNAMS NI RANG GI NGO BO NYID DU MED PA'I PHYIR RO, ,MA 'ONGS PA ZHES BYA BA LA SOGS PA NI NYON MONGS PA RNAM PA GSUM 'GOG PAR BYA BA'I PHYIR LAM GSUM LA 'JUG PA DANG, ,NYON MONGS PA RNAMS YANG DAG PAR NA YOD PA MA YIN PAS YUL MED PA NYID KYIS NA LAM GSUM PA 'JUG PA DUS GSUM GYI YON TAN DU @236B JI LTAR 'GYUR ZHES BYA BA RNAM PAR RTOG PA GSUM YIN NO ZHES BYA BA NI SPYI'I DON YIN TE, DUS GSUM YON TAN MED PA DANG ZHES BYA BA BSHAD PA YIN NO, ,BDAG TU LTA BA LA SOGS PA YOD NA MYA NGAN LAS 'DAS PA LA SOGS PA'I LAM LA SOGS PA YOD PA YIN LA, ,DE MED PAS SEL BA'I LAM MED PA DE NI PHYIN CI LOG CES BYA BA LA SOGS PA YIN TE, PHYIN CI LOG ZHI BA NYID LA SOGS PAS BDAG TU LTA BA DAG MYA NGAN LAS 'DAS PA'I DON DU SBYOR BA'I LAM GANG YIN PA'O, ,DE LA STONG PA NYID DU MNGON PAR BSGRUB PA NYID KYIS BDAG MED PA'I YE SHES THOB PAS MTHONG BA'I LAM MO, ,RANG BZHIN MED PA'I NGO BO NYID KYIS ZHES BYA BA NI RANG BZHIN MED PAS BSGOM PAR BYA BA LA SOGS PA MED PA'I PHYIR, BSGOM PA'I LAM STE, RNAM PAR RTOG PA GSUM GYIS NI, ,LEGS PA'I LAM NI RNAM GSUM LA, ,ZHES BYA BA BSHAD PA YIN TE, LEGS PA'I LAM RNAM PA GSUM MO ZHES BYA BA'I THA TSIG GO, ,DANG ZHES BYA BA NI BSDU BA'O, ,GNAS SKABS 'DIR ZHES BYA BA NI SPANG BAR BYA BA NYID KYIS DBANG DU BYA BA'I GNAS SKABS SU SHIN TU SPANG BAR BYA BA NYID KYIS NA, BSGOM PA'I LAM SNGAR BSHAD PA'I SBYOR BA'I GNAS SKABS GANG BSGOM PA'I LAM GYI SEMS DANG SEMS LAS BYUNG BA RGYUN MI 'CHAD PAR 'JUG PA'I DMIGS PA'I KHYAD PAR DANG PO STE, DE'I YUL CAN GZUNG BA RNAM PA DGU NI CHOS BSDUS PA LA SOGS PA CI RIGS PAR BLANG BA DANG DOR BA'I RNAM PAR RTOG PA'O, ,RNAM PAR RTOG PA MA LUS PA NI SPANG BAR BYA BA NYID YIN PAS DE LTAR DANG PO'I ZHES BYA BA LA SOGS PA SMOS PA YIN NO, ,TSIG LE'UR BYAS PA'I DON NI DGE BA'I BSHES GNYEN ZHES BYA BA LA SOGS PA SMOS PA YIN TE, DGE BA'I BSHES GNYEN LA SOGS PA DANG BRAL BAS YANG DAG PA'I MAN NGAG STON PA DANG DAD PA LA SOGS PA MED PA'I PHYIR BYANG CHUB KYI SEMS MI SKYE BA'O, ,'KHOR GSUM YONGS SU DAG PA NYID KYIS KHYAD PAR DU 'PHAGS PA'I SANGS RGYAS LA DMIGS PA'I BSOD NAMS GANG YIN PA DE DMIGS PAS BYANG CHUB NYID CES BYA BA YIN PA'I PHYIR SNYING PO YIN PA'AM, DE MNGON SUM DU @237A *, ,BYED PA'I GNAS SKABS DE YID LA MI BYED PA NI MI DMIGS PA'O, ,NYAN THOS ZHES BYA BA LA SOGS PA NI, NYAN THOS DANG RANG SANGS RGYAS KYI RIGS CAN NYID YIN PA'I PHYIR LAM GYI 'BRAS BU MNGON DU BYED PA RE BA YOD PA'I PHYIR RO, ,SHES RAB KYI PHA ROL TU PHYIN PA NI SNGAR BSHAD PA'O, ,DE SGRUB PA MED PA NI NYAMS SU LAN PA DANG BRAL BAS YANG DAG PA'I BYANG CHUB YID LA MI BYED PA NI RDZOGS PA'I SANGS RGYAS LA DMIGS PAR MI BYED PA'O, ,DMIGS PA DANG BCAS PA NYID KYIS GZUNG BA LA SOGS PA LA DMIGS PAS BSGOM PA'I GZUGS LA SOGS PA LA DMIGS PA'O, ,DMIGS PA MED PA NYID KYIS ZHES BYA BA LA GZUNG BA LA SOGS PA MA DMIGS PAS BSGOM PA MED PA NI GZUGS LA SOGS PA LA MI DMIGS PA'O, ,DMIGS PA YANG MED MI DMIGS PA YANG MED PAS ZHES BYA BA NI MI DMIGS PA DANG DMIGS PA DAG BSGOM PA YANG MED SGOM PA MED PA YANG MA YIN PA STE, GZUGS LA SOGS PA LA MI DMIGS PA DANG DMIGS PA'O, ,PHYIN CI LOG LA MNGON PAR ZHEN PAS ZHES BYA BA NI GZUNG BA LA SOGS PA LA MNGON PAR ZHEN PAS SO, ,DON JI LTA BA BZHIN MA YIN PA NYID LA ZHES BYA BA NI LOG PA NYID YIN PAS SO, ,GNAS SKABS DE NI SPANG BAR BYA BA NYID KYIS ZHES BYA BA NI DBANG DU BYED PA'I GNAS SKABS SU SHIN TU SPANG BAR BYA BA NYID YIN PAS SO, ,BSGOM PA'I LAM GYI SNGAR BSHAD PA'I SEMS DANG SEMS LAS BYUNG BA NI KHYAD PAR CAN GYI SHES PA'I TSOR BA LA SOGS PA'O, ,DE RNAMS KYI 'JUG PA'I GNAS SKABS NI RGYUN GYIS SKYE BA'I KHYAD PAR GANG YIN PA STE, DE'I YUL CAN NI DE'I GZUNG BAR BYA BA ZHES BYA BA LA SOGS PA'O, ,'DZIN PA'I ZHES BYA BA LA SOGS PA LA TSIG LE'UR BYAS PA'I DON NI RDZAS SU YOD PAR ZHES BYA BA LA SOGS PA SMOS PA YIN TE, RDZAS SU YOD PAR MI SKYE BAS ZHES BYA BA NI DON DAM PAR YOD PAR SKYE BAR MI RIGS PA'I PHYIR RO, ,SEMS CAN DU BTAGS PA NI GANG ZAG LA SOGS PA'I THA SNYAD DO, ,SNANG BA TZAM DU ZAD PA'I PHYIR ZHES BYA BA NI PHYI'I DON YOD @237B PAR MI RUNG BAS SEMS CAN NYID YIN PA'I PHYIR CHOS SU BTAGS PA NI GZUGS LA SOGS PA'I THA SNYAD DO, ,THAMS CAD DU 'GRO BA'I PHYIR ZHES BYA BA NI GANG DU YANG MI GNAS PAS YOD PAR MI RIGS PA'I PHYIR RNAM PA THAMS CAD MKHYEN PA NYID LA SOGS PA GSUM PO'I CHOS SEMS SKYED PA LA SOGS PA GANG YIN PA DE RNAMS KYI STONG PA NYID MA YIN PA NYID DU YOD PA'O, ,RNAM PA THAMS CAD DU MNGON PAR ZHEN PA MA SPANGS PAS ZHES BYA BA RNAM PA THAMS CAD DU GZUNG BA LA SOGS PA LA MNGON PAR CHAGS PA MI 'GOG PAS, CHOS LA CHAGS PA STE GZUGS LA SOGS PA LA MNGON PAR ZHEN PA'O, ,NGO BO NYID MED PAR RTOGS PAS ZHES BYA BA GZUGS LA SOGS PA MED PAR SHES PAS CHOS RAB TU RNAM PAR 'BYED PA GZUGS LA SOGS PA'I CHAR DBYE BA SHES PAR BYA'O, ,CHED DU BYA BA MI BYED PAS ZHES BYA BA SNGAR BSHAD PA'I CHED DU BYA BA RNAM PA GSUM LA MI DMIGS PAS DNGOS PO'I CHED DU BYA BA BYED PA STE, PHYI DANG NANG GI BDAG NYID CAN GYI DON STON PA LA DMIGS PA'O, ,GZUGS LA SOGS PA LA MI DMIGS PA'I PHYIR ZHES BYA BA GZUNG BA LA SOGS PA MED PAR GZUGS LA SOGS PA MI SHES PAS THEG PA GSUM GYIS NGES PAR 'BYUNG BA STE, RNAM PA THAMS CAD MKHYEN PA NYID KYI 'BRAS BU MNGON SUM DU BYED PA'O, ,YANG DAG PAR RAB TU MA ZHUGS PA NYID KYIS ZHES BYA BA GZUNG BA LA SOGS PA MED PAR MNGON SUM DU MA SHES PAS YON MA DAG PA STE, SLOB MA LA SOGS PAS BYIN PA'I RDZAS LA SOGS PA RNAM PAR MI SBYONG BA'O, ,SBYIN PA LA SOGS PAR DMIGS TE SGRUB PAS ZHES BYA BA BSAM GTAN DANG BSAM BYA DANG GNYI GA LA SOGS PA'I DNGOS PO LA DMIGS PA'I SHES PAS SPYOD PA RNAM PAR 'KHRUGS PA STE, SBYIN PA LA SOGS PA'I BYA BA LA MNGON PAR ZHEN PA'O, ,SNGA MA BZHIN DU ZHES BYA BA NI PHYIN CI LOG TU MNGON PAR ZHEN PAS DON JI LTA BA BZHIN DU MA YIN PA NYID KYIS NA GNAS SKABS 'DIR SPANG BAR BYA BA NYID YIN PA'I PHYIR 'DZIN PAR ZHES BYA BA LA SOGS PA SMOS PA YIN NO, , @238A *, ,SEMS CAN ZHES BYA BA LA SOGS PA 'DZIN PA'I TSIG LE'UR BYAS PA NI SEMS CAN BTAGS PA DANG ZHES BYA BA LA SOGS PA SMOS PA YIN TE, SEMS CAN BTAGS PA NI GZUGS LA SOGS PA YOD PA'I THA SNYAD DO, ,DE'I RGYUN NI TSUL 'DI LA SPYI'I DON MED PAS SHES PA TZAM GANG YIN PAR DE RNAM PAR GZHAG PA'I RGYU MTSAN YIN NO, ,DE'I YUL NI DE'I GZUNG BA BSGOM PA'I LAM DANG 'BREL PA'I MI MTHUN PA'I PHYOGS GZHAN RNAM PA DGU SPANG BAR BYA'O, ,CI'I PHYIR ZHE NA DE LA GNOD PA BYED PA YIS ZHES BYA BA STE, BSGOM PA'I LAM GYIS TE 'GOG PA YIN PA'I PHYIR RO, ,DON 'DI NYID NI MI MTHUN PA ZHES BYA BA LA SOGS PA SMOS PA YIN TE, SEMS CAN DU BTAGS PA NI GZUGS LA SOGS PA YOD PA'I THA SNYAD DO, ,DE RNAM PAR GZHAG PAR BYA BA'I PHYIR GANG SNANG BA TZAM NI PHYI'I DON YOD PAR MI RUNG BAS SEMS TZAM MO, ,DE NYID NI RGYU RNAM PAR GZHAG PA'I RGYU MTSAN YIN TE RNAM PAR RTOG PA'I RNAM PA KHO NA THA SNYAD MA LUS PA LA 'JUG PA YIN PA'I PHYIR RO, ,DE'I YUL CAN ZHES BYA BA LA SOGS PA YIN NO, ,THAMS CAD MKHYEN PA NYID GSUM DAG GI ZHES BYA BA LA SOGS PA'I TSIG LE'UR BYAS PA'I DON NI RNAM PA THAMS CAD CES BYA BA LA SOGS PA SMOS PA YIN TE, RNAM PA THAMS CAD YONGS SU MA SHES PAS ZHES BYA BA NI PHYI DANG NANG GI DNGOS PO RNAMS KYI RNAM PA YONGS SU MA SHES PAS RNAM PA THAMS CAD MKHYEN PA NYID KYI SGRIB PA GANG YIN PA MI MTHUN PA'I PHYOGS DE LA KUN TU RMONGS SHING MI SHES PA YIN NO, ,LAM THAMS CAD YONGS SU MI SHES PA ZHES BYA BA RNAM PA THAMS CAD MKHYEN PA NYID LA SOGS PA'I LAM GSUM PO MA SHES PAS LAM SHES PA NYID KYI SGRIB PA GANG YIN PA DE MI MTHUN PA'I PHYOGS DE LA KUN DU RMONGS PA'O, ,GZHI THAMS CAD YONGS SU MA SHES PAS ZHES BYA BA PHYI NANG GI BDAG NYID CAN GYI DNGOS PO TZAM YONGS SU MA SHES PAS THAMS CAD SHES PA NYID KYI SGRIB PA GANG YIN PA DE LA KUN TU RMONGS PA'O, ,SHES RAB KYI PHA ROL TU PHYIN PA NI SNGA MA BZHIN NO, ,DE YONGS SU MA SHES PAS @238B THAMS CAD ZHI BA'I LAM LA KUN DU RMONGS PA STE, NYAN THOS DANG RANG SANGS RGYAS DANG BYANG CHUB SEMS DPA' DANG RDZOGS PA'I SANGS RGYAS KYI LAM MI SHES PA'O, ,GZUGS LA SOGS PA'I SHES BYA DANG DE BZHIN NYID DAG TU YONGS SU MA SHES PAS ZHES BYA BA GZUGS LA SOGS PA DANG STONG PA NYID DAG NYE BAR DMIGS PA'I PHYIR DE BZHIN NYID LA SOGS PA DANG MTSUNGS PAR LDAN PA DANG MI LDAN PA LA KUN DU RMONGS PA STE, DE BZHIN NYID DANG GZUGS LA SOGS PA DAG LA PHRAD PA DANG 'BRAL BA MI SHES PA'O, ,BDUD LA SOGS PAR RANG GI NGO BO YONGS SU MA SHES PAS ZHES BYA BA BDUD DANG PHYIR RGOL BA DANG DGRA BO RNAMS DNGOS PO MED PAR MA SHES PAS MI MNYAM PA NYID LA KUN DU RMONGS PA STE, BDAG NYID KYI THUN MONG MA YIN PA NYID DU MI SHES PA LA'O, ,DON LA SGRA JI BZHIN DU 'DZIN PA NYID KYIS SHES RAB KYI PHA ROL TU PHYIN PA LAS, LA LAR BYANG CHUB SEMS DPA' ZHES BYA BA LA SOGS PA SMOS PAS GZUGS LA SOGS PA'I PHUNG PO DON DAM PA NYID DU 'DZIN PAS SDUG BSNGAL BA LA SOGS PA'I BDEN PA LA KUN DU RMONGS PA STE, 'PHAGS PA'I BDEN PA BZHI MI SHES PA'O, ,'DOD CHAGS LA SOGS PA'I NGO BO NYID YONGS SU MA SHES PAS 'DOD CHAGS ZHES BYA BA LA SOGS PA RNAMS NI MI BDEN PA'I PHYIN CI LOG GI KUN NAS BLANGS PA NYID DU MI SHES PA'I PHYIR NYON MONGS PA'I RANG BZHIN LA KUN DU RMONGS PA STE, 'DOD CHAGS LA SOGS PA RNAMS DNGOS PO MED PA'I NGO BO NYID DU MA SHES PA'O, ,GZUNG BA DANG 'DZIN PA'I MTSAN NYID YONGS SU MA SHES PAS ZHES BYA BA GNYIS DANG BRAL BAR MI SHES PA'I PHYIR GNYIS SU MED PA LA KUN DU RMONGS PA STE, GNYIS SU MED PA MA SHES PA'O, ,SNGA MA BZHIN DU ZHES BYA BA NI 'DZIN PA'I RNAM PAR RTOG PA LA SOGS PA'O, ,MI MTHUN PA'I PHYOGS BRJOD PA'I SHUGS KYIS 'PHANGS PA GNYEN PO'I PHYOGS KYANG RNAM PA BZHI YIN LA RE RE ZHING SNGA MA BZHIN DU MI MTHUN PA'I PHYOGS DGU LAS GO BZLOG PAR BSHAD PA'I DON LAS SHES PAR BYA'O, ,DE NI BSGOM PA'I LAM GYI ZHES BYA BA LA @239A *, ,SOGS PA SMOS PA YIN NO, ,BSGOM PA'I LAM GYI DGONGS PA NI SNGA MA BZHIN DU ZHES BYA BA LA SOGS PA SMOS PA YIN TE, SNGA MA BZHIN DU ZHES BYA BA NI MTHONG BA'I LAM DANG 'DRA BAR 'DIR YANG RNAM PAR RTOG PA BZHI POR RE RE ZHING CHUNG NGU'I CHUNG NGU LA SOGS PA DGU CAR YANG 'KHOR GSUM YONGS SU DAG PA NYID KYIS RNAM PA DGU YIN PA'I PHYIR RNAM PAR RTOG PA BRGYA RTZA BRGYAD CES BYA BA LA SOGS PA YIN NO, ,YAMS NAD CES BYA BA LA SOGS PA TSIG LE'UR BYAS PA DANG 'GREL PA NI GO SLA'O, ,YUN RING LON NAS DBUGS PHYIN LTAR, ,ZHES BYA BA BSHAD PAR BYA STE, GEGS BYED PA MED PAS ZHES BYA BA NI MI MTHUN PA'I PHYOGS MED PAS SO, ,DGA' BAS DBUGS 'BYIN PA THOB PA BZHIN DU ZHES BYA BA NI YUN RING PO STE, 'TSANG RGYA BA NYID LA GNAS PA'I BAR DU RAB TU DGA' BAS BRGAL BA LTA BUR 'GYUR BA'O, ,BSGOM PA'I LAM GYI ZHES BYA BA LA SOGS PA YANG, STONG GSUM PA'I ZHES BYA BA LA SOGS PA NI BAR CHAD BYED PA'I TSIG LE'UR BYAS PA YIN TE, NYAN THOS DANG BSE RU DAG GI RTOGS PA PHUN SUM TSOGS PA NI SHES PA PHUN SUM TSOGS PA'O, ,BYANG CHUB SEMS DPA'I SKYON MED PA NI SNGAR BSHAD PA'I MTHONG BA'I LAM LA STE, STONG GSUM PA'I SKYE BO BKOD PA NI THOB PAR BYED PA STE, DE BYED PAS BSOD NAMS GANG SKYE BAR 'GYUR BA'I DGE BA RNAMS DPER MDZAD NAS ZHES BYA BA DGE BA DE DPE NYID DU BYAS NAS BSOD NAMS MANG PO NYID KYIS NI ZHES BYA BA DE'I BSOD NAMS KYI GRANGS NYID KYIS GRANGS MED PA'I BSOD NAMS KYIS GANG SANGS RGYAS NYID THOB PA LA BAR CHAD MED PAR 'TSANG RGYA BA NYID DU BAR CHAD MED PA DE NI 'DIR BAR CHAD MED PA'I TING NGE 'DZIN TE, BSAM GTAN GYI KHYAD PAR YIN NO, ,DE NI RNAM PA KUN MKHYEN NYID, ,CES BYA BA RDZOGS PA'I SANGS RGYAS NYE BAR LEN PA NYID KYIS NI NYE BAR GDAGS PAS SANGS RGYAS NYID CES KYANG DE LA BYA'O ZHES BYA BA NI LHAG MA'O, ,'GA' ZHIG CES BYA BA LA SOGS PA'I 'GREL PA DANG 'DI'I DMIGS PA ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,GNAS 'DI LA ZHES BYA BA BAR CHAD MED PA'I TING NGE 'DZIN GYIS DMIGS PA LA SOGS PA'I GNAS @239B SKABS NI GTING DPAG DKA' BA NYID YIN PA'I PHYIR TSAD MA'I YUL MA YIN PA NYID KYIS NA RAB TU SMRA BA RNAMS, BRGYUD MAR RGOL LO ZHES BYA BA'I THA TSIG STE, KLAN KA'I RGOL BA BRGYUD MAR 'BYUNG BA NI RGOL BA SMRA BA MANG PO'O, ,GANG ZHIG YIN ZHE NA THABS LA MKHAS PA MA RTOGS PA STE, KUN RDZOB DANG DON DAM PA'I BDEN PA LA BRTEN PA'I THABS LA MKHAS PA MNGON PAR MA SHES PA RNAMS LA 'PHAGS PA BYAMS PA 'JIG RTEN SGROL BA LA MKHAS PA'I THABS LA MKHAS PAS DE DAG GSAL BAR BYA BA'I THABS LA MKHAS PAS KUN RDZOB DANG DON DAM PA DAG GI RGOL BA RNAMS KUN RDZOB DANG DON DAM PA DAG GIS BSTAN PA YIN NO, ,'DIS NI TING NGE 'DZIN 'DI ZAB PA NYID DU BSNYAD DE, TSAD MAS MI RTOGS PA NYID DU STON TO, ,BLO'I NOR CAN ZHES BYA BA LA SOGS PA DANG DMIGS PA ZHES BYA BA LA SOGS PA'I TSIGS SU BCAD PA'I DON NI 'DUS BYAS DANG 'DUS MA BYAS KYI KHAMS DAG CES BYA BA RGYU DANG RKYEN LA RAG LAS PA'I LAM DANG, GZUGS LA SOGS PA DANG NAM MKHA' LA SOGS PA NI DNGOS PO MED PA NYID KYIS DMIGS PAR 'THAD PA STE, GZUGS LA SOGS PA'I YUL DU RIGS PA NYID DU LOG PAR RTOG PA YIN NO, ,ZHES THAMS CAD LA SBYAR BAR BYA'O, ,GAL TE YANG DAG PAR YUL DU GYUR NA 'DUS BYAS DANG 'DUS MA BYAS KHO NA YUL YIN GYI DE MED NA YUL GANG ZHIG YIN ZHES RGOL BA PO'I BSAM PA YIN NO, ,RNAM PA THAMS CAD DU RANG BZHIN MED PA'I PHYIR GZUGS LA SOGS PA RNAMS KYI CHA SHAS CAN LA SOGS PA'I NGO BO MED PAS, DMIGS PA'I NGO BO NYID NGES PAR GZUNG ZHING YUL GYI RNAM PA NGES PAR BYA STE, YANG DAG PAR NA CHA SHAS CAN LA SOGS PA'I NGO BO YOD NA MIG GI RNAM PAR SHES PA LA SOGS PA'I YUL GZUGS LA SOGS PA YOD PAR NGES PA YIN GYI DE MED NA JI LTAR YOD CES BYA BA SNYAM MO, ,DNGOS PO DANG DNGOS PO MED PA DAG NI GZUNG BA LA SOGS PA'O, ,DE MED PA NI MI DMIGS PA STE, MI RTOG PAS RNAM PA THAMS CAD MKHYEN PA NYID DU 'TSANG RGYA BA NA DNGOS PO DANG DNGOS PO MED PA LA SOGS PA'I YUL MKHYEN PA'I YE SHES GANG YIN PA DE LA GZUNG BA LA SOGS @240A *, ,PA RNAM PA THAMS CAD YANG DAG PAR YOD NA NI, DE MKHYEN PA YIN GYI DE MED PAR DE JI LTAR YOD, YUL MED PAR YUL CAN SKYE BAR RIGS PA MA YIN NO, ,DE BZHIN NYID KYIS DBYE BA NI 'THAD PAS KUN RDZOB DANG DON DAM PA'I BDEN PA GNYIS DANG ZHES BYA BA NI 'DI NI KHYAD PAR RAM KHYAD PAR GYI RGYU YIN TE, 'DI LTA STE 'GAL BA'I CHOS LA GNAS PA DANG, RGYU'I BYE BRAG GIS ZHES BYA BA'I RIGS PAS DBYE BA THAMS CAD LA YIN LA KHYED KYI PHYOGS LTAR NA RGYU'I DBYE BAS MI RIGS TE, DNGOS PO MED PA'I RGYU DANG RKYEN KHO NA LAS DE GNYIS SKYE BA'I PHYIR DANG, DE BZHIN NYID KYI RANG BZHIN NYID KYIS NA KUN RDZOB DANG DON DAM PA DAG 'GAL BA'I CHOS GNAS PA MED PA STE JI LTAR DE DAG THA DAD PAR YOD CES BYA BA SNYAM MO, ,SBYIN PA LA SOGS PA MI DMIGS PAS ZHES BYA BA SBYIN PAR BYA BA LA SOGS PA MED DE MA SHES PA'I PHYIR ZHES BYA BA SBYIN PA LA SOGS PA NYAMS SU LEN PA YOD PA KHO NAS SBYIN PA LA SOGS PA YIN LA DE NA DE MED NA JI LTAR YOD SNYAM MO, ,RTOGS PAR BYA BA MED PAS ZHES BYA BA NI SHES BYA MED PAS SO, ,BLO'I KHYAD PAR DANG LDAN PA GANG YIN PA NI SANGS RGYAS YIN LA DE NYID GDUL BYA'I SKYE BO'I RGYUD LA DGA' BA SKYED PAR BYED PA NYID KYIS NA, DKON MCHOG YIN NA DE LA RTOGS PAR BYED PAS JI LTAR SANGS RGYAS SHES BYA SNYAM MO, ,MING DU BTAGS PA TZAM DU ZAD PAS ZHES BYA BA GZUGS DANG 'DU BYED KYI PHUNG PO DAG GAM GNYIS DANG GNYIS MED PA'I SHES PA DAG NI MING DU BTAGS PA TZAM NYID YIN PA'I PHYIR JI LTAR YONGS SU BRTAGS PA'I RANG BZHIN NI GCIG DANG DU MA DANG BRAL BA'I PHYIR ZHES BYA BA LA SOGS PA'I TSAD MAS DE MED PAS MING DU BTAGS PA TZAM DU ZAD PA'I PHYIR CHOS DKON MCHOG STE LUNG DANG RTOGS PA'O, ,GZUGS LA SOGS PAR DMIGS PA BKAG PAS ZHES BYA BA PHYI'I DON YOD PAR MI 'THAD PAS GZUGS KYI PHUNG PO LA SOGS PA YUL BKAG PA'I PHYIR DGE 'DUN TE GZUGS DANG GZUGS MED PA NYAN THOS LA SOGS PA'I DGE 'DUN NI GZUGS LA SOGS PA'I DNGOS PO YOD NA DKON MCHOG GSUM GRUB KYI DE MED NA DE JI LTAR YOD @240B SNYAM MO, ,SBYIN PA LA SOGS PA DMIGS PAS SBYIN PAR BYA BA LA SOGS PA MTHONG BA'I PHYIR THABS LA MKHAS PA STE, SEMS MI 'GONG BA LA SOGS PA LA SBYIN PAR BYA BA LA SOGS PA MTHONG BAS DMIGS PA DANG BCAS PA NYID YIN PA'I PHYIR SKRAG PA LA SOGS PA 'BYUNG BAS SEMS MA ZHUM PA LA SOGS PA NYID DU JI LTAR 'GYUR SNYAM MO, ,DNGOS PO DANG DNGOS PO MED PA DANG GNYI GA'I NGO BOR RTOGS PA NI SHES PA STE, DE BKAG PAS DE BZHIN GSHEGS PA'I MNGON PAR RTOGS PA STE, 'TSANG RGYA BA NYID MNGON SUM DU BYA BA LA DNGOS PO LA SOGS PA MED NA DNGOS PO LA SOGS PA JI LTA BA DE LTAR MKHYEN PA GANG LA YOD SNYAM MO, ,SPROS PA RNAM PAR GZHAG PA'I MI RTAG PA LA SOGS PA NYID KYIS ZHES BYA BA GDUL BYA'I DBANG GIS RNAM PA SNA TSOGS PA NYID DU STON PA'I NGES PA NYID KYIS NA MI RTAG PA LA SOGS PA NYID YIN PA'I PHYIR, RTAG PA LA SOGS PAR PHYIN CI LOG PA STE, RTAG PA LA SOGS PA GO BZLOG PAS MI RTAG PA LA SOGS PA DANG, RTAG PA LA SOGS PA YANG DAG PA MA YIN PA NYID DU MNYAM PA'I PHYIR GNOD PAR BYA BA DANG, GNOD PA BYED PAR JI LTAR 'GYUR SNYAM MO, ,LAM RNAM PAR BSGOMS PA'I 'BRAS BU GANG YIN PA DE MNGON SUM DU MI PHYED PA'I PHYIR LAM STE, LAM BSGOMS PAS 'BRAS BU MNGON SUM DU BYED PA 'BYUNG BA YIN NA DE JI LTAR MNGON SUM DU MI BYED PA YIN SNYAM MO, ,BLANG BA DANG DOR BA MED PAS ZHES BYA BA SPANG BAR BYA BA DANG, BLANG BAR BYA BA MED PA'I PHYIR MI MTHUN PA'I PHYOGS DANG GNYEN PO STE, DGAG PAR BYA BA DANG, 'GOG PAR BYED PA'I DNGOS PO YOD NA DOR BA DANG BLANG BAR BYA BA MI MTHUN PA'I PHYOGS DANG GNYEN PO YOD PAR RIGS NA, DE MED PAS DE JI LTAR YOD PA YIN SNYAM MO, ,CHOS CAN MED PAS ZHES BYA BA GZUGS LA SOGS PA MED PAS CHOS KYI MTSAN NYID DE, GZUGS LA SOGS PA RANG DANG SPYI'I MTSAN NYID DE, MTSAN GZHI YOD NA MTSAN NYID YOD PAR RIGS NA, DE MED PAR DE JI SRID YOD PA YIN SNYAM MO, ,RANG DANG SPYI'I MTSAN NYID MI 'THAD PAS ZHES BYA @241A *, ,BA NUS PA DANG, MI NUS PA'I MTSAN NYID MI 'THAD PA'I PHYIR SGOM PA LA STE, LAM BSAM PA NI RNAM PA THAMS CAD MKHYEN PA NYID THOB PA'I DON GYI BSGOM PA'I MTSAN NYID MI 'THAD PAS KYANG THAMS CAD MED PA YIN LA DE BAS NA DE'I DON MED PAR 'GYUR RO SNYAM MO, ,DANG ZHES BYA BA NI BSDU BA STE, LOG PAR RTOGS PA RNAMS KUN RDZOB YIN PA'O, ,PHAN TSUN 'GAL BA LTAR SNANG BA'I DON GANG YIN PA DE NI PHAN TSUN 'GAL BAR SNANG BA'I DON TE, DE BSGRUBS PAS BYANG CHUB SEMS DPA' RNAMS KYI BYA BA PHAN TSUN 'GAL BA DANG 'DRA BAS, MI 'THAD PA NYID KYIS ZHES BYA BA MI RIGS PA NYID KYIS NA GANG RGOL BA NYID KYIS THE TSOM GYI NGO BO STE, LOG PA NYID YIN PAR YID GNYIS SU GYUR PA NA JI SKAD BSHAD PA'I YUL CAN NYID KYIS ZHES BYA BA BAR CHAD MED PA'I LAM GYI YUL CAN YIN PA NYID KYIS, RNAM PA THAMS CAD MKHYEN PA NYID KYI RTEN CAN ZHES BYA BA 'TSANG RGYA BA NYID LA BRTEN PA'O, ,LOG PAR RTOGS PA RNAM PA BCU DRUG GO ZHES BYA BA DMIGS PA, 'THAD PA LA SOGS PA'I MTSAN NYID CAN RNAMS SO, ,LOG PAR RTOGS PA DE DAG GANG GI YIN ZHE NA, SKYE BO BYANG CHUB SEMS DPA'I THABS LA MKHAS PA MI SHES PA'I RAB TU SMRA BA NYID CES BYA BA SMOS TE, SKYE BO MNGON PAR RTOGS PA BRGYAD MI SHES SHING, SEMS MI 'GOD PA NYID LA SOGS PA'I THABS MI SHES PA'I RAB TU SMRA BA STE, BSTAN BCOS SHES PA DANG, DE LAS GZHAN PA'I RGOL BA BYED PAR 'DOD PA'I MKHAS PA CHEN PO RNAMS DANG, THAMS CAD KYI ZHES BYA BA DE RNAMS NYID DANG, LHA CHEN PO DANG KHYAB 'JUG LA SOGS PA DANG, DE LAS GZHAN PA'O, ,DE BAS NA ZHES BYA BA NI BSHAD PA'I RIM PAS SO, ,KUN RDZOB DANG DON DAM PA'I SGO CAN GYI ZHES BYA BA NI KUN RDZOB DANG DON DAM PA NYID DU RGOL BA MI RIGS PA NYID DU RTOGS PA LA'O, ,GO RIMS BZHIN DU DON DAM PA DANG KUN RDZOB KYI SGO NAS LAN BTAB DGOS PAS ZHES BYA BA NI KUN RDZOB TU RGOL BA LA NI DON DAM PA'I THABS KYIS, DON DAM PAR RGOL BA LA NI KUN RDZOB KYI THABS KYIS LAN GDAB PA'O, ,DE BZHIN DU RGOL BA KHA CIG LA NI @241B DON DAM PA DANG KUN RDZOB DAG DANG, LA LAR NI YANG DAG PA DANG, YANG DAG PA MA YIN PA'I KUN RDZOB DAG GIS LAN GDAB PAR BYA BAR SHES PAR BYA'O, ,DE LTAR NA GNYI GA LA BRTEN PA'I THABS LA MKHAS PAS ZHES BYA BA, 'JIG RTEN PA DANG 'JIG RTEN LAS 'DAS PA'I THA SNYAD LA BRTEN PA'I THABS LA MKHAS PA LA BYA BAS SO, ,DE LA KUN RDZOB TU GZUGS LA SOGS PA LA YOD PAS NA DMIGS PA YIN LA DE'I NGO BO NYID NGES PAR BZUNG BA NI RNAM PA THAMS CAD MKHYEN PA'I YE SHES YIN NO, ,DKON MCHOG GSUM ZHES BYA BA NI KUN RDZOB KYIS LAN BTAB PA'O, , KUN RDZOB TU SBYIN PA LA SOGS PA MTHONG NA YANG DE KHO NA NYID DU MA MTHONG BA NI THABS LA MKHAS PA ZHES BYA'O, ,KUN RDZOB DANG DON DAM PA DAG GIS SO, ,DE BZHIN DU KUN RDZOB DANG DNGOS PO LA SOGS PA SRID PAS DE BZHIN GSHEGS PA'I MNGON PAR RTOGS PA YIN NO, ,YANG DAG PA'I KUN RDZOB NI MI RTAG PA LA SOGS PA'O, ,LOG PA'I KUN RDZOB NI RTAG PA LA SOGS PA YIN PAS MI RTAG PA LA SOGS PA LA RTAG PA LA SOGS PAR PHYIN CI LOG PA NI YANG DAG PA DANG LOG PA'I KUN RDZOB DAG GIS 'GRUB STE TSUL KHRIMS DANG LDAN PA'I SMON LAM 'GRUB PO ZHES SMOS PA'I PHYIR RO, ,LAM RNAM PAR BSGOMS PAS KYANG 'BRAS BU MNGON SUM DU MI BYED CES BYA BA NI KUN RDZOB KYIS TE, DE BZHIN DU KUN RDZOB TU NYON MONGS PA LA SOGS PA DANG, LAM YOD PAS MI MTHUN PA'I PHYOGS DANG GNYEN PO NYID YOD DO, ,DE BZHIN DU GZUGS LA SOGS PA YOD PAS DE'I MTSAN NYID YOD PA DANG, YANG DE BZHIN DU GZUGS LA SOGS PA'I RNAM PA THAMS CAD LA BSGOM PA YANG RNAM PA THAMS CAD MKHYEN PA NYID KYI RGYU NYID YIN PA'I PHYIR LEGS PA YIN NO ZHES CI RIGS PAR DE LTAR KUN RDZOB DANG DON DAM PA'I SGO NAS LAN GDAB PAR BYA STE, DE DAG LA SOGS PA RNAM PA STONG DU BSAL BA SNGON DU 'GRO BAS LHA CHEN PO DANG KHYAB 'JUG LA SOGS PA'I RGOL BA DU MA TSAR GCOD PA'I NGES PA RNAM PA THAMS CAD DU STE, TING NGE 'DZIN DANG YE SHES KYI TSAD MA DU MA DAG GIS YANG DAG CING PHYIN CI MA LOG PA'I NGES @242A *, ,PA STE, 'DI KHO NA YANG DAG PA YIN GYI GZHAN DAG NI RMONGS PA YIN NO ZHES BYA BA'I SHES PA BRTAN POR BSKYED NAS DGE BA 'DOD PA RNAMS KYIS TE, SEMS CAN THAMS CAD KYI DON KUN NAS BYED CING 'TSANG RGYA BA NYID 'DOD PA'I BYANG CHUB SEMS DPA' RNAMS KYIS BAR CHAD MED PA'I TING NGE 'DZIN BSKYED PAR BYA'O ZHES BYA BA DBANG DU BYA'O, ,YUL GYI DBYE BAS LOG PAR RTOG PA RNAMS KYI DBYE BA MTHA' YAS PA YIN NA YANG NYE BA NA 'DUG PA'I GDUL BYA'I SKYE BO LAS LTOS TE, BCU DRUG NYID DU BSHAD PA YIN LA DE BAS NA RNAM PA STONG DU ZHES BYA BA DANG MI 'GAL LO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS NI GZHUNG RTOGS DKA' BA'I SNANG BA MDOR MDZAD PA CHOS KYI GRAGS PAS BYAS PA LAS SKABS LNGA PA'I 'GREL PA'I BSHAD PA'O,, ,,RAB TU BYED PA'I PHAN TSUN GYI 'BREL PA BRJOD PA NI, RTZE MO'I ZHES BYA BA LA SOGS PA SMOS PA YIN TE, RTZE MO'I MNGON PAR RTOGS PA THOB PA ZHES BYA BA NI SNGAR BSHAD PA'I RTZE MO'I SBYOR BA LA LHUN GYIS GRUB PA THOB PA'O ,SO SO DANG BSDUS PA NYID DU ZHES BYA BA'I LUGS LAS BZLOG PA DANG LUGS SU 'BYUNG BA DAG GIS SO, ,RTOGS PA'I DON RNAMS NI BSGOMS PAS YUL DU BYAS PA'I YUL LO, ,GO RIMS SU BKLAGS PA NI RIM GYIS DRAN PA LA YANG DAG PAR BZHAG PA'O, ,BSTAN PAR BYA BA'I PHYIR ZHES BYA BA NI LHUN GYIS GRUB PA DRAN PA LA 'JUG PAR BYA BA'I PHYIR RO, ,RNAM PAR SGOM PAR BYED PAS ZHES BYA BA NI SEMS PHYI ROL LAS YANG DAG PAR BSDUS TE, NANG DU NGES PAR DMIGS PAR BYED PAS SO, ,MTHAR GYIS PA'I MNGON PAR RTOGS PA'I SBYOR BA NI, SBYIN PA ZHES BYA BA LA SOGS PA SMOS PA YIN TE, SBYIN PA DANG BCAS PA'I SHES RAB STE, PHA ROL TU PHYIN PAS SO, ,BAR DAG CES BYA BA NI DRAN PA NYE BAR GZHAG PA DANG, YANG DAG PA'I SPONG BA LA SOGS PA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD @242B PA DAG GO, ,SANGS RGYAS LA SOGS DRAN DANG NI, ,ZHES BYA BA NI DKON MCHOG GSUM RJES SU DRAN PAS DRAN PA DANG, DGE BA LA SOGS PA RJES SU DRAN PA'I SGOM PA GANG YIN PA'I CHOS DNGOS MED NGO BO NYID KYIS GZUGS LA SOGS PA LA MI DMIGS PA STE MTHAR GYIS PA'I BYA BAR BZHED, CES BYA BA DE NI GO RIMS KYI SBYIN PA GRUB PA YIN PAR SHES PAR BYA'O, ,DON 'DI NYID NI PHA ROL TU PHYIN PA ZHES BYA BA LA SOGS PA SMOS PA YIN NO, ,'KHOR GSUM RNAM PAR DAG PAS RAB TU PHYE BA NI SBYIN PAR BYA BA LA SOGS PA GSUM PO NYE BAR MI DMIGS PA LAS BYUNG BA'I SBYIN PA LA SOGS PA'I PHA ROL TU PHYIN PA DRUG PO GANG YIN PA DE RNAM PA THAMS CAD DU STE, GTONG BA DANG GTONG BA CHEN PO DANG, SHIN TU GTONG BA LA SOGS PA'I MTSAN NYID GANG YIN PA STE YONGS SU RDZOGS SHING BSGRUB PA'O, ,DRUG CES BYA BA SMOS NA YANG, ,'DI DAG GI LAS SHES PA YIN ZHE NA, PHA ROL TU PHYIN PA BZHI NI ZHES BYA BA LA SOGS PA SMOS PA YIN TE, GANG DU PHA ROL TU TU PHYIN PA SMOS PA DER PHA ROL TU PHYIN PA BCU SHES PAR BYA STE, 'BRAS BU SA BCU BSTAN PA'I PHYIR RO, ,CI ZHIG RDZOGS PAR BYED PAS SHE NA, DE NI SA BCU YANG DAG PAR BYED PA ZHES BYA BA SMOS PA YIN NO, ,BAR DAG CES BYA BA'I SGRAS BSDUS PA'I DON NI DRAN PA ZHES BYA BA LA SOGS PA SMOS PA YIN TE, LUNG DANG RTOGS PA'I BDAG NYID DAG NI CHOS ZHES BYA BA NI YIN PAS PHYOGS GNYI GA LA YANG GO RIMS BZHIN DU LUNG DU GSUNGS PA NYID YIN PA DANG, GNYIS SU MED PA'I YE SHES KYI MTSAN NYID YIN PA'I PHYIR CHOS DKON MCHOG KHO NA LA DKON MCHOG GSUM ZHES BRJOD DO, ,DE NI DON DAM PAR NA LUNG DANG RTOGS PA MA GTOGS BAR GZHAN DU DKON MCHOG GSUM DU MI 'THAD PAS, GANG 'DI SANGS RGYAS BCOM LDAN 'DAS KYI YON TAN MTHA' YAS SHING MTHAR THUG PA MED PA 'DI DAG NI CHOS LAS SKYES PA CHOS KYI BGO SKAL LA SPYOD PA, CHOS KYI RGYU CAN CHOS KYI DBANG DU BYAS PAS CHOS LAS BYUNG BA CHOS KYI SPYOD YUL CAN CHOS KYI RJES SU 'BRANG BA CHOS LAS GRUB PA ZHES BYA BA LA SOGS PA @243A *, ,GSUNGS PA'I RNAM PAS CHOS DRAN PA GANG YIN PA DE'I MTSAN NYID DANG DE'I BDAG NYID CAN GYIS SHES RAB KYI PHA ROL TU PHYIN PA DANG CHOS YANG DAG PAR BSDUS PA LA SOGS PA'I MDO SDE THOS PA DANG BSAM PA'I SGO NAS PHYIS YID LA BYED PAS SANGS RGYAS LA SOGS PA RJES SU DRAN PA RNAM PA GSUM GANG YIN PA DES NA, CHOS KYI MTSAN NYID KYIS CHOS MED PA YIN PA'I PHYIR 'DIR RJES SU DRAN PA RNAM PA GNYIS KHO NA YIN NO ZHES KYANG 'DOGS PAR MI 'GYUR TE, NGO BO NYID MED PA'I PHYIR DKON MCHOG GSUM DU YANG YONGS SU BRTAGS PA NYID YIN PA'I PHYIR RO, , GZHAN DUN CHOS DKON MCHOG TU BRTAGS PA YANG JI LTAR 'GYUR, YANG NA CHOS KYI BDAG NYID MED PA NA DKON MCHOG GNYIS SU BRTAGS PAR YANG MI 'GYUR TE, NGO BO NYID MED PA'I PHYIR DKON MCHOG GSUM DU BRTAGS PAR MI RIGS PA MA YIN NO, ,YANG NA 'DIR GNYIS SU MED PA'I STONG PA'I YE SHES KHO NA LA NYON MONGS PA BAG CHAGS DANG BCAS PA MED PAS GTZOR DGA' BA BSKYED PA NYID KYIS NA CHOS DKON MCHOG YIN PA'I PHYOGS 'DI LA NI DKON MCHOG GSUM DU GTOGS PA'I CHOS KYI SGRAS LUNG YIN PAR SHES PAR BYA'I GNYIS SU MED PA'I YE SHES NI MA YIN TE, DES GANG DU YANG BYE BRAG TU 'BYED PAR MI BYED DO, ,DE NI DON DAM PAR ZHES SMOS PA YIN TE, GNYIS SU MED PA'I YE SHES NI DNGOS KYIS PHYE BA YIN NO ZHES BYA BA'I THA TSIG GO, ,PHYOGS 'DI LA CHOS KYI SGRAS LUNG DANG RTOGS PA YIN PAR BSHAD DE RNAM GRANGS YIN PAS SO, ,STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID CAN, ,'DZIN DANG DE NI STON PA DANG, ,SGRUB PAR BYED PA NYID DAG GO, ,ZHES BYA BAS 'GAL BA MED DE, ,NGAN 'GRO THAMS CAD 'JIG PAR BYED PA NYID KYIS NA DGA' BA SKYED PAR BYED PA GANG CI YANG RUNG BA DE THAMS CAD 'DI NYID KYI KHONGS SU GTOGS PA YIN NO, ,DE BAS NA DKON MCHOG 'DI LAS GZHAN MED PAS DKON MCHOG GSUM LAS LHAG PAR THAL BAR MI 'GYUR RO, ,DE KHO NA NYID DU NI YANG DKON MCHOG GSUM PO MTHA' YAS PAR 'DOD PA NYID CHOS LAS MA @243B GTOGS PAR GZHAN YIN PAR MI RUNG BA'I PHYIR RO, ,DE NYID KYI PHYIR NA PHAG MO'I RTOGS PA BRJOD PA LAS, GANG ZHIG SANGS RGYAS SKYABS 'GRO BA, ,DE NI NGAN 'GROR MI 'GRO STE, ,MI YI LUS NI RNAM SPANGS NAS, ,DE YIS LHA YI LUS 'THOB BO, ,ZHES BYA BA DANG, DE BZHIN DU GANG ZHIG CHOS DANG DGE 'DUN LA SKYABS SU 'GRO BA LA SOGS PA SNGA MA BZHIN DU SMOS SO, ,DKON MCHOG GSUM PO 'DI DAG NI NGES PAR 'BYED PA'I CHA DANG MTHUN PA LA SOGS PA LAM RNAM PA GSUM GYI NGO BO NYID YIN TE, DE NI GO RIMS BZHIN DU ZHES BYA BA LA SOGS PA SMOS PA YIN TE, DKON MCHOG GSUM RJES SU DRAN PA 'DIS KYANG LAM GSUM LA SKYES PA'I BAR CHAD MED PA'I LAM THOB BO ZHES STON TO, ,SANGS RGYAS LA SOGS PA ZHES BYA BA'I SOGS PA'I SGRAS BSDUS PA'I RJES SU DRAN PA GZHAN DAG KYANG DE BZHIN DU ZHES BYA BA LA SOGS PA YIN NO, ,SBYIN PA LA SOGS PA PHYI DANG NANG GI MU STEGS PA'I SKYE BO DANG THUN MONG MA YIN PA NYID NI GZUGS LA SOGS PA ZHES BYA BA LA SOGS PA SMOS PA YIN TE, GZUGS LA SOGS PA'I CHOS THAMS CAD GANG YIN PA DE RNAMS KYI DNGOS PO MED PA'I NGO BO NYID NI SNGAR BSHAD PA'I SBYIN PA LA SOGS PA DRAN PA'I KHYAD PAR TSAD MA DANG, LUNG GIS GRUB PA GANG YIN PA DES KHONG DU CHUD PAS SBYIN PA LA SOGS PA DRAN PA'I SHES PAS RTOGS PA'I KHYAD PAR GANG YIN PA DE NI MTHAR GYIS PA'I KHYAD PAR BZHED PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZUNG RTOGS PAR DKA' PA'I SNANG BAS MDOR BSHAD PA CHOS KYI GRAGS PAS MDZAD PA LAS SKABS DRUG PA'I 'GREL PA'I BSHAD PA'O,, ,,RAB TU BYED PA'I 'BREL PA BRJOD PA NI MTHAR GYIS PA'I ZHES BYA BA LA SOGS PA SMOS PA YIN TE, MTHAR GYIS PA'I MNGON PAR RTOGS PA'I SBYIN PA LA SOGS PA'I MTSAN NYID DO, ,RNAM PAR BSGOM PA NI BSLAB PA STE GANG GIS DE SHIN TU GOMS PAR BYAS PA'I PHYIR TE, LHUN GYIS GRUB PA DRAN PA'I PHYIR RO, ,DE DAG NYID CES BYA BA NI @244A *, ,BSHAD MA THAG PA'I SBYIN PA LA SOGS PA'O, ,SKAD CIG MA GCIG GIS BSGOM PA NI, SKAD CIG MA DPAG TU MED PAS RNAM PAR BSGOMS PA RNAMS SHIN TU MANG DU GOMS PA'I PHYIR, SKAD CIG MA GCIG LA NGES PAR DMIGS PA NI SKAD CIG MA GCIG PA'I MNGON PAR RDZOGS PAR BYANG CHUB PA YIN TE, SKAD CIG MA GCIG PAR GYUR PA'I SBYOR BA'I YE SHES KYI KHYAD PAR RO, ,DE YANG MTSAN NYID KYIS TE, RANG GI NGO BO NYID RNAM PA BZHI YOD PA LAS DANG PO STE, THOG MA NI RNAM PAR SMIN PA MA YIN PA STE, PHYI ROL GYI RGYU DANG RKYEN GYIS MNGON PAR 'DUS MA BYAS PA ZAG PA MED PA ZHES BYA BA NYON MONGS PA MED PA'I CHOS THAMS CAD DO, ,CHOS MNGON PA LAS, ZAG MED LAM GYI BDEN PA DANG, ,ZHES SMOS PAS 'DIR LAM GYI BDAG NYID CAN GYI SBYIN PA LA SOGS PA GANG YIN PA DE RNAMS KYI SKAD CIG MA GCIG PA'I MTSAN NYID NI SKAD CIG MA GCIG GI BDAG NYID CAN NO, ,SKAD CIG MA GCIG PA'I MNGON PAR RDZOGS PA'I BYANG CHUB PA NI SKAD CIG MA GCIG PA'I YE SHES KYI BDAG NYID CAN NO, ,LAM NI SBYIN PA LA SOGS PA ZHES BYA BA LA SOGS PA GSUNGS PA YIN TE, TSIG LE'UR BYAS PA DANG 'GREL PA NI GO SLA'O, ,DNGOS PO SO SOR NGES PAR 'DZIN PA NI SHES PA GANG LA SBYIN PAR BYA BA LA SOGS PA'I YUL LA DMIGS PA'O, ,DE DANG BRAL BA NI DE LAS 'DAS PA'O, ,DE NYID KYIS NA GO BZLOG PA'I NGO BO STE, SBYIN PA LA SOGS PA'I YUL GCIG SHES PA LAS GO BZLOG PAS SO, ,GO BZLOG PA'I RGYU NI SBYIN PA ZHES BYA BA LA SOGS PA SMOS PA YIN TE, ZAG PA MED PA'I SBYIN PA LA SOGS PA DANG, DPE BYAD BZANG PO BRGYAD CU'I BAR GYI GYIS MNGON PAR 'DUS MA BYAS PA ZAG PA MED PA ZHES BYA BA NYON BYA BA SBYIN PA LA SOGS PA GCIG LA CHOS KYI DBYINGS NYID KYI KHONGS SU 'DUS PA'I RGYUS NA THUB PA ZHES BYA BA MNYAM PAR GZHAG PA'I BYANG CHUB SEMS DPA'I RTOGS PA YIN PA SHES PAR BYA STE, ZAG PA MED PA'I YUL DPAG TU MED PA SHES PA GCIG YIN PAR SHES PAR BYA'O ZHES BYA BA NI SKAD CIG @244B MA GCIG PA'I MNGON PAR RDZOGS PAR BYANG CHUB PA'I ZHES BYA BA STE, SKAD CIG MA GCIG PAR GYUR PA'I YE SHES SO, ,YUL DPAG TU MED PA LA YE SHES GCIG GI BYA BA JI LTAR YIN ZHES BYA BA GTAN TSIGS NYID KYIS DPE BSTAN PA, JI LTAR SKYES BUS ZHES BYA BA LA SOGS PA SMOS TE, RAB TU BYED PA DANG 'GREL PA NI GO SLA'O, ,SKAD CIG MA GCIG PA'I MNGON PAR RDZOGS PAR BYANG CHUB PA GNYIS PA NI DE LTAR DANG PO ZHES BYA BA LA SOGS PA SMOS PA YIN TE, RNAM PAR SMIN PA'I CHOS NYID NI 'TSANG RGYA BA NYID KYI 'BRAS BU STER BA LA MNGON PAR PHYOGS PA DE DANG LDAN PA'I ZAG PA MED PAR CHOS THAMS CAD DMIGS PA RAB MCHOG TU GYUR PA'I SBYIN PA LA SOGS PA GANG YIN PA DE RNAMS KYI SKAD CIG MA GCIG PA'I MTSAN NYID KYI SHES RAB KYI PHA ROL TU PHYIN PA ZHES BYA BA LA SOGS PA NI RNAM PAR SMIN PA'I CHOS NYID KYI GNAS SKABS SU 'TSANG RGYA BA NYID KYI 'BRAS BU 'BYIN PA LA MNGON PAR PHYOGS PA'I RNAM PA'I KHYAD PAR NI, GANG GI CHOS DKAR PO THAMS CAD KYANG RANG BZHIN DU SKYES PA YIN ZHING NYON MONGS PA'I CHOS KYI DBYINGS SU YANG DAG PAR BYUNG BA NI, SNGAR BSHAD PA'I SBYIN PA LA SOGS PA YIN NO ZHES BYA BA NI LHAG MA'O, ,DE'I TSE SKAD CIG GCIG YE SHES, ,ZHES BYA BA DE'I TSE SBYIN PA LA SOGS PA SKAD CIG MA GCIG PAR GYUR PA'I YE SHES NI SHES RAB KYI PHA ROL TU PHYIN PA YIN NO ZHES BYA BAR SBYAR RO, ,TSIG LE'UR BYAS PA 'DI NYID KYI DON NI, GANG GI TSE ZHES BYA BA LA SOGS PA SMOS PA YIN TE, GANG GI TSE BYANG CHUB SEMS DPA'I GNYEN PO BSGOMS PAS ZHES BYA BA SNGAR BSHAD PA'I THAMS CAD MKHYEN PA GSUM PA LA SOGS PA'I BSAM GTAN GYI MI MTHUN PA'I PHYOGS THAMS CAD MED DE ZHES BYA BA GZUNG BA LA SOGS PA'I RNAM PAR RTOG PA DANG BRAL BAS RNAM PAR BYANG BA'I CHOS THAMS CAD DE, THAMS CAD MKHYEN PA NYID GSUM LA SOGS PA'I RNAM PAR SMIN PA'I CHOS NYID KYI GNAS SKABS GANG YIN PA STE, 'TSANG RGYA BA NYID KYI 'BRAS BU RAB TU STER BA'I RGYU NYID YIN PA DE NI DRI MA THAMS CAD DANG BRAL BAS ZHES BYA BA GZUNG BA LA SOGS PA'I LTA BA @245A *, ,SPANGS PAS STON KA'I ZLA BA'I 'OD BZHIN DU DKAR PO'I CHOS SKYES PA ZHES BYA BA DRI MA MED PAR GYUR PA DE'I TSE SKAD CIG MA GCIG KHO NA LA RNAM PAR SMIN PA'I GNAS SKABS SU GYUR PA THOB PA NI 'TSANG RGYA BA NYID KYI RGYU NYID DU GYUR PA NA ZAG PA MED PA STE, NYON MONGS PA DANG BRAL PA'I CHOS THAMS CAD MKHYEN PA NYID GSUM LA SOGS PA RTOGS SHING LHUN GYIS GRUB PA'I YE SHES NI ZHES BYA BA RTOGS PA'I YE SHES GANG YIN PA DE NI SHES RAB KYI PHA ROL TU PHYIN PA YIN TE, ,DE'I RGYUR GYUR PA NYID KYIS NA RAB KYI MTHAR THUG PA LA 'JUG PA'I YE SHES NI SKAD CIG MA ZHES BYA BA LA SOGS PA YIN NO, ,SKAD CIG MA GCIG PA'I MNGON PAR RDZOGS PAR BYANG CHUB PA GSUM PA NI DE LTAR GNYIS PA ZHES BYA BA LA SOGS PA SMOS PA YIN TE, PHYI'I MTSAN NYID MED PAS NA MTSAN NYID MED PA'O, ,CHOS THAMS CAD NI SNGAR BSHAD PA GANG YIN PA STE, DE RNAMS SKAD CIG MA GCIG PA'I MTSAN NYID CES BYA BA SKAD CIG MA GCIG PA'I NGO BO NYID CES BYA BA LA SOGS PA'O, ,SBYIN PA ZHES BYA BA LA SOGS PA MNGON PAR RDZOGS PAR BYANG CHUB PA GSUM PA'I TSIG LE'UR BYAS PA'I DON NI SNGON ZHES BYA BA LA SOGS PA SMOS PA YIN TE, SNGON CHOS THAMS CAD RMI LAM LTA BUR GOMS PAS ZHES BYA BA ZAG PA DANG BCAS PA DANG ZAG PA MED PA'I CHOS THAMS CAD NI RMI LAM LTA BU LA SOGS PA DANG MNYAM MO, ,ZHES SNGAR BSGOMS PAS TSOGS GNYIS NYAMS SU MYONG BAR BYAS NAS ZHES BYA BA BSOD NAMS DANG YE SHES KYI TSOGS NYE BAR BSAGS NAS RTOGS PA'I GNAS SKABS NA ZHES BYA BA YANG DAG PA'I YE SHES THOB TU RUNG BA'I GNAS SKABS SU RMI LAM GYI NGO BO NYID CES BYA BA DNGOS PO MED PA'I CHOS THAMS CAD DE ZAG PA DANG BCAS PA DANG ZAG PA MED PA'I CHOS GANG YIN PA DE RNAMS RNAMS LA'O, ,DE NI NYE BAR LEN PA'I PHUNG PO LA GNAS TE ZHES BYA BA SMOS PA YIN TE, ZAG PA DANG BCAS PA DANG, KUN 'BYUNG GI PHUNG PO DANG, ZAG PA MED PA'I TSUL KHRIMS LA SOGS PA'I PHUNG PO LA DMIGS TE, SBYIN PA LA SOGS PA'I PHA ROL TU PHYIN PA DRUG SGRUB PA ZHES BYA BA SBYIN PA LA SOGS PA @245B NYAMS SU LEN PAS SBYIN PA LA SOGS PA'I NGO BO NYID SBYIN PAR BYA BA LA SOGS PA GANG YIN PA DE LA BDAG MED PAR NGES PAR RTOGS PA NI NGES PAR BRTAGS PA STE, DE'I RNAM PA THAMS CAN GYIS CHOS THAMS CAD NI MTSAN NYID MED PA'O, ,ZHES BYA BA GZUGS LA SOGS PA PHYI'I MTSAN NYID KYI STONG PA NYID KYIS NA NGO BO NYID MED PA'O, ,ZHES DE LTAR KUN NAS NYON MONGS PA DANG RNAM PAR BYANG BA'I NGO BO SNGAR BSHAD PA'I MI MTHUN PA'I PHYOGS DANG GNYEN PO'I BDAG NYID CAN GYI CHOS RNAMS TE GZUNG BA LA SOGS PA DANG THAMS CAD MKHYEN PA NYID GSUM LA SOGS PA NI MTSAN NYID MED PA NYID DU ZHES BYA BA LA SOGS PA SMOS PA YIN NO, ,GNYIS SU MED PA'I YE SHES KYI RGYU NYID DU GYUR PAS NA DE'I MTSAN NYID SKAD CIG MA GCIG LA MNGON PAR RDZOGS PAR BYANG CHUB PA BZHI PA NI DE LTAR GSUM PA ZHES BYA BA LA SOGS PA SMOS PA YIN TE, RMI LAM NA NI ZHES BYA BA LA SOGS PA'I TSIG LE 'UR BYAS PA DANG 'GREL PA NI GO SLA'O, ,MNGON PAR RTOGS PA RNAM PA BZHI NI GDUL BYA'I SKYE BO'I DRUNG NA GNAS PA LAS LTOS NAS LDOG PA'I DBYE BAS GSUNGS PA YIN NO, ,DE BAS NA KHA CIG NA PRE RNAL 'BYOR PAS GANG YANG RUNG BA CIG RTOGS PAR BYA'O ZHES 'DOD, GZHAN DAG NI BZHI CAR YANG RTOGS PAR BYA'O ZHES 'DOD DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZHUNG RTOGS PAR DKA' BA'I SNANG BA MDOR BSHAD PA CHOS KYI GRAGS PAS MDZAD PA LAS SKABS BDUN PA'I 'GREL PA'I BSHAD PA'O,, ,,DE LTAR SKAD CIG MA GCIG PA'I MNGON PAR RDZOGS PAR RTOGS PA BRJOD NAS, CHOS KYI SKU'I MNGON PAR RTOGS PA NI SKAD CIG MA GCIG PA'I ZHES BYA BA LA SOGS PA SMOS PA YIN TE, CHOS NI DRAN PA NYE BAR GZHAG PA LA SOGS PA'O, ,DE'I BDAG NYID CAN GYI SKU GANG YIN PA NI YE SHES KYI PHRA RAB BSAGS PA'O, ,DE MNGON PAR RDZOGS PAR BYANG CHUB PA NI YE SHES SO, ,DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS ZHES BYA BA YANG DAG PAR NA GCIG YIN DU ZIN KYANG @246A *, ,NGO BO NYID KYI SKU LA SOGS PA'I BYE BRAG GI RGYU YOD PAS RNAM PA BZHI YIN NO, ,THUB PA'I NGO BO ZHES BYA BA LA SOGS PA'I TSIG LE'UR BYAS PA'I DON NI, THUB PA ZHES BYA BA LA SOGS PA SMOS PA YIN TE, DRAN PA NYE BAR GZHAG PA LA SOGS PA NI DRAN PA NYE BAR GZHAG PA DANG, YANG DAG PAR SPANG BA LA SOGS PA LA'O, ,YE SHES KYI BDAG NYID 'JIG RTEN LAS 'DAS PA NI PHYI'I 'JIG RTEN PA'I NGO BO NYID MED PA'I PHYIR RO, ,CHOS KYI DBYINGS KYI NGO BO NYID KYIS ZHES BYA BA NI GNYIS SU MED PA'I YE SHES KYI BDAG NYID CAN YIN PA'I PHYIR RO, ,ZAG PA MED PA NI NYON MONGS PA MED PA'O, ,JI LTA BU ZHE NA, DRI MA RNAMS ZHES BYA BA LA SOGS PA SMOS TE, DRI MA RNAMS GLO BUR BA YIN PA NYID KYIS ZHES BYA BA NYON MONGS PA RNAMS BCOS MA YIN PA'I PHYIR RO, ,RNAM PA THAMS CAD DU RNAM PAR DAG PA NI PHYI DANG NANG DRI MA MED PA'O, ,RANG BZHIN GYIS DBEN PA'I MTSAN NYID DU GYUR PA NI NGO BO NYID KYIS GZUNG BA LA SOGS PA MED PA'I BDAG NYID CAN THOB PA STE, SGYU MA LTA BU'I GNYIS SU MED PA'I YE SHES KYI NGO BO NYID DU GYUR PA'I DRAN PA NYE BAR GZHAG PA LA SOGS PA GANG DAG YIN PA DE DAG GI RANG BZHIN NGO BO NYID GANG ZHIG YIN ZHE NA, SKYE BA MED PA'I NGO BO NYID DE, SGYU MA LTA BU GNYIS SU MED PA'I YE SHES KYI BDAG NYID 'DI NI THUB PA SANGS RGYAS BCOM LDAN 'DAS KYI SKU YIN NO ZHES BYA BA GONG MA DANG SBYAR RO, ,NGO BO NYID DU GYUR PA'I RGYU NI BCOS MA MA YIN PA ZHES BYA BA LA SOGS PA SMOS PA YIN TE, 'JIG RTEN LAS 'DAS PA'I LAM GYI ZHES BYA BA RDZOGS PA'I SANGS RGYAS LA SOGS PA'I SPYOD YUL MNGON PAR RTOGS PA BRGYAD KYI THABS KYIS THOB PA STE, 'DIR THOS PA MED PAS KUN RDZOB KYI YUL DU BYAS PA YIN ZHES BYA BA'I THA TSIG GO, ,BYAS PA NI MA YIN PAS ZHES BYA BA NI NANG GI MU STEGS PA RNAMS KYIS MYA NGAN LAS 'DAS PA DANG 'DRA BAR LAM GYIS BSKYED NAS THOB PAR BYA BA THOB PA MA YIN PA'O, ,RGYU DES NA BCOS MA MA YIN PA'I DON GYIS NA SKYE BA MED PA NYID YIN PA'I PHYIR NGO BO NYID KYI SKU YIN NO, ,DE LTA YIN NA KHYED CAG GI PHYOGS LA @246B YANG SKU DANG LAM DAG YUL DANG YUL CAN NYID DU YOD PA DE GNYI GA LA YANG RGYU DANG 'BRAS BU'I DNGOS PO MED PA NI MA YIN NO, ,DE BAS NA LAM GYI 'BRAS BU YIN PA'I PHYIR NGO BO NYID KYI SKU JI LTAR 'GRUB CE NA, RNAM PAR SHES PA ZHES BYA BA LA SOGS PA SMOS TE, RNAM PAR SHES PA SGYU MA LTA BUS DMIGS PAR BYA BA LA SOGS PA RANG BZHIN GYIS STONG PA'I SEMS KYI CHOS THAMS CAD CES BYA BA DRAN PA NYE BAR GZHAG PA LA SOGS PA RTOGS SHING MTHONG BA GANG YIN PA DES THOB PA NI SHES PA YIN NO, ,PHYI ROL LTA BA RNAMS KYIS NI GNYI GA YOD PAS YUL DANG YUL CAN NYID DANG, RGYU DANG 'BRAS BU'I DNGOS PO'I MTSAN NYID DU 'THAD PA YIN GYI, 'DIR NI SGYU MA'I SKYES BU LTAR SPYAD PAR BYA'O, ,ZHES SMOS PAS YANG DAG PAR NA YUL DANG YUL CAN MED PA'I PHYIR LAM GYI YUL NYID MA YIN NO, ,DE BAS NA KUN RDZOB TU DE'I YUL YIN NA YANG NGO BO NYID KYI SKU 'BRAS BU NYID MA YIN PAS BCOS MA MA YIN PAR JI LTAR 'GYUR ZHES BYA BAR DGONGS SO, ,CI SKU GSUM PO NGO BO NYID KYI SKU LAS GZHAN YIN NAM ZHE NA, SKU LHAG MA ZHES BYA BA LA SOGS PA SMOS TE, SKU LHAG MA NI NGO BO NYID KYI SKU LAS GZHAN PA'O, ,SKU GSUM PO NI CHOS DANG LONGS SPYOD RDZOGS PA DANG SPRUL PA ZHES BYA'O, ,YANG DAG PA'I KUN RDZOB TU SNANG BA NI TING NGE 'DZIN GYI SHES PA'I YUL LO, ,DON DAM PAR CHOS NYID KYI NGO BO NI YANG DAG PAR NA YUL DANG YUL CAN NYID MED PAS GZUNG BA LA SOGS PA MED PA'I PHYIR GNYIS SU MED PA'I BDAG NYID CAN NO, ,JI LTAR MOS PAS RAB TU PHYE BA ZHES BYA BA NI NYAMS SU LEN PA'I MNGON PAR ZHEN PA LAS MA 'DAS PAR 'BYUNG BA DE NI NGO BO NYID KYI SKU'I YUL DU RNAM PAR GZHAG PA'AM, DE'I 'BRAS BU'I THA SNYAD YIN GYI YANG DAG PAR NI THA DAD PA MA YIN NO ZHES BYA BA'I THA TSIG GO, YE SHES GCIG GI BDAG NYID NGO BO NYID KYI SKU LA 'BRAS BU 'AM, DE'I NGO BO NYID RNAM PA GSUM YIN PA 'DI GA LAS SHES ZHES BRTAGS PA LA, JI LTAR MOS PAS RAB TU PHYE BA NI ZHES BYA BA'O, ,'DI NYID KYI DON LA RAB TU GSAL BAR BYA BA NI, ,SANGS RGYAS DANG ZHES BYA BA LA SOGS PA YIN TE, SANGS RGYAS DANG BYANG CHUB SEMS DPA' DANG NYAN @247A *, ,THOS LA SOGS PA'I SPYOD YUL NYID YIN NO ZHES BSTAN PA'I PHYIR TE, LONGS SPYOD RDZOGS PA'I SKU LA SOGS PA RNAM PA GSUM BSTAN PA'I DON DU DE DANG THA MI DAD KYANG ZHES BYA BA NGO BO NYID KYI SKU DANG BYE BRAG MED NA YANG THA DAD PAR RNAM PAR GZHAG GO ZHES SKU GSUM DU DBYE BAS BRJOD PA NI SKU GSUM GYI BYE BRAG YIN NO, ,CI DE LAS THA DAD PA'AM THA MI DAD PA YIN, THA MI DAD NA BYE BRAG YOD PA MA YIN NO ZHE NA, BYE BRAG MED PA NI LUGS LAS ZHES BYA BA LA SOGS PA SMOS PA YIN TE, LUGS LAS ZHES BYA BA NI RIGS PAR SMRA BA RNAMS KYIS SHES PA YIN PAS NA RIGS PA STE, RIGS PA'I BSTAN BCOS LAS SO, ,GANG GI PHYIR ZHES BYA BA NI GANG GIS NA'O, ,DBEN PA CAN LAS NI DBEN PA THA DAD PA NYID DU MI 'DOD CES BYA BA THA DAD PA CAN LAS THA DAD PAR MI 'DOD PA NI DBYER MED PA NYID DO, ,GANG ZHIG CE NA DBEN PA STE LDOG PA'O; ,LDOG PA NI DNGOS PO MED PA NYID YIN LA KUN RDZOB TU NI DNGOS PO DANG BYE BRAG YOD PAS BYE BRAG CAN ZHES BYA BA DE NYID NI SANGS RGYAS PA RNAMS 'DOD KYI GZHAN DAG NI MA YIN PAS 'DIR YANG DE NYID KYIS SKU GSUM PO BUM PA DANG SNAM BU DAG BZHIN DU THA DAD PA YIN NO ZHES BYA BAR DGONGS SO; ,DE LTAR ZHES BYA BA LA SOGS PA LA BYANG CHUB PHYOGS MTHUN ZHES BYA BA LA SOGS PA CHOS KYI SKU'I TSIG LE'UR BYAS PA DANG 'GREL PA NI GO SLA'O, ,NANG GZUGS DANG ZHES BYA BA LA SOGS PA CHUNG NGU DANG CHEN PO'I RNAM PA DAG NI CHUNG NGU DANG RGYA CHEN PO DAG GIS LTA BA RNAM PA GNYIS DANG, ZIL GYIS MNAN PA'I SHES PA RNAM PA GNYIS TE BZHI DANG, DE BZHIN BZHI PA GNYIS PA STE, ZIL GYIS GNON PA'I SKYE MCHED RNAM PA BRGYAD DO, ,NYAN THOS LA SOGS PA DANG THUN MONG MA YIN PA'I SANGS RGYAS KYI SMON GNAS MKHYEN PA NI MTSAN MA ZHES BYA BA LA SOGS PA SMOS PA YIN TE; YANG DAG PAR ZHES BYA BA PHYIR MI LDOG PAR RO, ,MTSAN MA THAMS CAD DANG ZHES BYA BA RGYU DANG BRAL ZHING SPANGS PA DANG, CHAGS PA BCOM PA STE, MNGON PAR CHAGS PA DANG, NYON MONGS PA'I BAG CHAGS DANG BCAS PA LA SOGS PA DANG BRAL BA GANG YIN PA DE DANG, THE @247B TSOM SEL BAR MDZAD PA STE, 'DRI BA'I LAN LDON PAR BYED PA'I 'OG NAS BSHAD PA'I SMON LAM GANG YIN PA DE GRUB CING RDZOGS PAS 'KHOR BA JI SRID PAR ZHES BYA BA SEMS CAN GYI SRID PA CI SNYED PA DANG, RNAM PAR GROL BA CI SRID PA'I GNAS SKABS SU ZHES BYA BA 'TSANG RGYA BA NYID KYI BAR DU 'JUG CING RGYUN MI 'CHAD PAR RAB TU 'JUG PAS NA SMAN GNAS MKHYEN PA STE, DE BZHIN GSHEGS PA GZHAN GYI DON LA NGES PA'I YE SHES SO, ,DE BZHIN GSHEGS PA'I STE, PHYIN CI MA LOG PA'I YE SHES DANG LDAN PA'I SKU DANG GSUNG DANG THUGS KYI SPYOD PA YONGS SU DAG PA GANG DU BYUNG BA DE NI 'DI'I BSRUNG BA MED PA RNAM PA GSUM YIN NO ZHES 'OG MA DANG SBYAR RO, ,SKU LA SOGS PA GSUM RNAM PAR DAG PAS LOG PAR KUN TU SPYOD PA NYID GA LA YOD DE, GANG LUS LA SOGS PA MA DAG PAR GYUR NA RGOL BA PO GZHAN GYIS YONGS SU SHES PA STE, GZHAN GYIS YONGS SU SHES SHING KUN NAS MKHAS PA DE LAS BSNYENGS SHING 'JIG PA NI YONGS SU SHES PA'I SKRAG PAS BCAB PAR BYA'O SNYOM PA'I ZHES BYA BA SO SO'I SKYE BO DANG 'DRA BAR BDAG NYID KYIS MI SHES PA SBED CING 'CHAB PA ZHES BYA BA NGES PAR 'BYED PA YIN PA LAS MI MNGA'O ZHES BYA BA BRNYES PA 'DI DE BZHIN GSHEGS PA LA MI MNGA' STE, THAMS CAD MKHYEN PA NYID YIN PA'I PHYIR RO ZHES BYA BAR DGONGS SO, ,CHOS KYI SKU'I GNAS SKABS SU SLOB DPON RNAMS KYIS LOG PAR RTOGS PA MANG DU YOD DO ZHES BSTAN PA NI, KHA CIG NA RE ZHES BYA BA LA SOGS PA SMOS PA YIN TE, DRAN PA NYE BAR GZHAG PA LA SOGS PA'I BYANG CHUB KYI PHYOGS LA SOGS PA THAMS CAD KYANG GNAS YONGS SU GYUR PAS ZHES BYA BA THAG PA DANG BCAS PA'I PHUNG PO'I RTEN DU GYUR PAS ZHES BYA BA GNYIS SU MED PA'I YE SHES SU GRUB PA'O, ,DE'I SPROS PA MED PA'I YE SHES KYI BDAG NYID CHOS KYI SKUR MNGON PAR BRJOD DO ZHES KHA CIG ZER ZHING KHAS LEN PA NI GCIG YIN NO, ,GZHAN DAG NI GZHAN DU 'DOD DE, ,DE NI THUB PA'I ZHES BYA BA SMOS TE, DE'I PHYOGS LTAR NA, THUB PA'I NGO BO NYID SKU NI, ,ZHES BYA BA LA SOGS PA'I TSIG LE'UR BYAS PA DANG, BYANG CHUB PHYOGS MTHUN TSAD MED DANG, ,ZHES BYA BA @248A *, ,LA SOGS PA'I TSIG LE'UR BYAS PA DON GCIG STE, NGO BO NYID KYI SKU KHO NA CHOS KYI SKU NYID DU 'CHAD DO SNYAM MO, ,'DIR KHA CIG NYES PA YOD PAR SMRA STE DE NI GZHAN DAG NA RE ZHES BYA BA LA SOGS PA YIN TE, DE DAG GI LTAR NA NGO BO NYID KYI SKU LA CHOS KYI SKU DBYE BA NYID YIN NA, RNAL 'BYOR BA'I KUN RDZOB TU RDZOGS PA'I SANGS RGYAS LA SOGS PA'I THA SNYAD KYI DBANG GIS DON KHYAD PAR CAN SNANG BA SKYED PA ZHES BYA BA GDUL BYA RNAMS KYI BSAM PA JI LTA BA BZHIN DU NGES PAR LEGS PA DANG, MNGON PAR MTHO BA'I SHES PA 'THOB PA DE'I SGO NAS TE, DE'I DBANG GIS GNAS YONGS SU GYUR PA ZHES BYA BA ZAG PA DANG BCAS PA'I PHUNG PO'I GNAS LDOG CING YONGS SU GYUR PA ZAG PA MED PA NYID KYIS GZHAN GYI DON NUS PA NYID DU YANG 'KHRUNGS TE, CHOS STON PA LA SOGS PA'I DON GYI BYA BA MDZAD PA GNYIS SU MED PA'I SEMS DANG SEMS LAS BYUNG BA GDON MI ZA BAR KHAS BLANG DGOS PA RNAMS GZHAN GYI DON 'DOD PA RNAMS KYIS NGES PAR 'DOD PAR BYA'O, ,GZHAN DU NA RTEN MED PA NYID KYIS NA GZHAN GYI DON MED PAR THAL BAR 'GYUR RO, ,DES NA JI LTAR BSDU BAR BYA STE, ,MA YIN PA KHO NA'O ZHES BYA BA NI GZHAN DAG GI YIN TE, NGO BO NYID KYI SKU DANG CHOS KYI SKU DAG YE SHES KYI BDAG NYID CAN NYID DANG; SANGS RGYAS KYI SPYOD YUL NYID YIN PAR MTSUNGS NA YANG 'GRO BA'I DON MDZAD PA'I SEMS DANG SEMS LAS BYUNG BA'I BDAG NYID KYI CHOS KYI SKU DANG, NGO BO NYID KYI SKU NI DE LAS THA DAD PA YIN PAS DE GNYIS BYE BRAG MED NA 'GRO BA'I DON MDZAD PA'I SEMS DANG SEMS LAS BYUNG BA THA MI DAD DO ZHES BYA BA NI NYES PA RJOD PAR BYED PA'I BSAM PA YIN NO, ,YANG GZHAN DAG NI GZHAN DU 'DOD DE, DE NI KHA CIG NA RE ZHES BYA BA LA SOGS PA SMOS PA YIN TE, SKU BZHI BSHAD PA LAS SNGAR MDOR BSDUS PA BSTAN PA LAS, NGO BO NYID LONGS RDZOGS BCAS DANG, ,ZHES BYA BA LA SOGS PA'I TSIG LE'UR BYAS PA LAS NGO BO NYID KYI SGRA'I RJES THOGS LA CHOS KYI SKU'I SGRA MI 'BYUNG ZHING MI SMOS PAS SKU GSUM PO KHO NA'O ZHES BYA BA'I NGO BO NYID DANG, LONGS SPYOD RDZOGS PA DANG SPRUL BA'I SKU STE GSUM YIN GYI CHOS KYI SKU NI MA YIN NO ZHES ZER TE SANGS RGYAS KYI YUL YIN PA NYID KYIS NA NGO BO NYID KYI SKU DANG CHOS KYI SKU DE DAG NI GCIG TU SMOS @248B PAR RIGS KYI NGO BO NYID LA SOGS PA'I SKU LAS CHOS KYI SKU LOGS SHIG TU YOD PA MA YIN NO ZHES BYA BAR DGONGS SO, ,GZHAN DAG NI 'DIR SKU GSUM PO YANG JI LTAR YOD, MDZAD PA'I DBANG GIS YIN NO ZHE NA, BZHI PA YANG BYANG CHUB PHYOGS MTHUN ZHES BYA BA LA SOGS PA DE LTAR RNAM PAR GZHAG PA LA GEGS BYED PA SU ZHIG YOD RIGS SU ZIN NA YANG BSDUS PA'I DON LAS GRANG BZHI SMOS PA DON MED PAR THAL BAR 'GYUR BA DANG, SKU BZHI PA DGAG PA'I LUNG YANG MED DE, BSGRUB PA NYID SNANG BA'I PHYIR RO, ,GANG YANG NGO BO NYID CES BYA BA'I SGRA'I MJUG THOGS SU CHOS KYI SKU ZHES BYA BA'I SGRA MI 'BYUNG BAS ZHES GANG SMRA BA DE YANG RIGS PA MA YIN TE, GANG ZHIG GANG DANG 'BREL PA NI, ,RING NA 'DUG KYANG DE DANG DER, ,ZHES BYA BA'I TSUL GYIS RING PO NA 'DUG PA NYID YIN NA YANG NGO BO NYID DANG CHOS KYI SKU ZHES 'BREL PAR BYA BAR NUS PA'I PHYIR RO, ,GZHAN DAG NI RGYU GSUM GYI SKU RNAM PA BZHI YIN PAR 'DOD DE, DE NI GZHAN DAG NA RE ZHES BYA BA LA SOGS PA SMOS PA YIN TE, DGOS PA NYE BAR BSTAN PA'I SHUGS KYIS ZHES BYA BA NI SNGAR BSHAD PA'I SKU BZHI PO DGOS PA GZHAN DU MI 'THAD PAS SO, ,TSIG LE'UR BYAS PA SBYAR BA'I NGOR ZHES BYA BA, NGO BO NYID LONGS RDZOGS BCAS DANG, ,ZHES BYA BA LA SOGS PA'I GO RIMS KYIS TSIG LE'UR BYAS PA'I NGOR YE SHES NYID KYIS MDZAD PA YIN PA'I 'BREL PA'I DON GYIS NGO BO NYID KYI YE SHES KYI SKU'I MDZAD PAS SKU GSUM DANG 'BREL PAR BYA BA'I DON DU DANG ZHES DANG GI DON BLTA BAR BYA'O, ,DE SKAD DU GSUNGS PA YIN TE ZHES BYA BA NI GANG 'BREL PA DANG, GANG DANG 'BREL BA DE THAMS CAD GCIG TU BYAS NAS SKU BZHIR BSHAD DO, ,DE'I PHYIR TE RGYU DES NA SNGON DANG PHYI MA 'GAL BA'I NYES PA YOD PA MA YIN ZHING PHYOGS GZHAN NAS SMOS PA'I LUNG DANG LUNG MA YIN PA DAG LAS SKU BZHIR GSUNGS PA THAMS CAD MI 'GAL BA YIN NO ZHES GZHAN DAG KHAS LEN PA YIN TE, BSHAD MA THAG PA'I BSHAD PA'I RIGS 'DI NYID KYI PHYOGS LEGS PA YIN NO ZHES BYA BA NI SMRA BA PO'I BSAM PA YIN NO, ,NYAN THOS LA SOGS PA'I ZHES BYA BA LA SOGS PA LA, NYAN THOS NYON MONGS MED PA'I LTA, ,ZHES BYA BA LA SOGS PA'I TING NGE 'DZIN DANG, SANGS RGYAS SMON GNAS MKHYEN PA NI, ,ZHES BYA BA LA SOGS @249A *, ,PA SMON GNAS MKHYEN PA'I TSIG LE'UR BYAS PA DANG 'GREL PA NI GO SLA'O, ,DE BZHIN DU YANG LHUN GYIS GRUB PA LA SOGS PA'I MTSAN NYID CAN GYI SMON LAM GYI STOBS KYIS MDZAD PA MI MNGA' NA YANG YID BZHIN GYI NOR BU DANG 'DRA BAR BCOM LDAN 'DAS KYI THAD NAS DON GYI BYA BA THAMS CAD SNANG DU RUNG BA NYID YIN PAS NA CI'I PHYIR GANG GI TSE GANG DU 'JUG PAR 'GYUR ZHES RTOGS PA LA RTAG TU THAMS CAD LA KHYAB PA DANG RNAM PAR MI RTOG PA'I THUGS RJE GANG YIN PA DE NI THUGS RJE CHEN PO'O, ,DE'I NGO BO NYID KYI CHOS KYI SKU NI YE SHES KYI SKU GANG YIN PA STE, DE LA BZHUGS PA NI DE LA BCOM LDAN 'DAS BZHUGS PAR GYUR PA NA JI LTAR TE RNAM PA GANG GIS, RTAG TU JI LTAR DON MI MDZAD, ,DE BZHIN DU, ,RGYU NI MA TSANG MED PA NA, ,DE LA 'BRAS BU GANG GIS DGAG ,CES BYA BA NI TSUL GYIS DON GYI BYA BA MDZAD PA'I BCOM LDAN 'DAS DANG DON DU GNYER BA DAG YOD PAS RTAG TU SEMS CAN RNAMS KYI MNGON PAR 'DOD PA'I DON RDZOGS PAR MDZAD PAR RUNG BA NYID YIN NO ZHES BYA BA 'DI LA LAN GDAB PA'I PHYIR, BCOM LDAN 'DAS THAMS CAD DU KHYAB PA YIN NA YANG PHYOGS GCIG PA'I SKYE BO LTAR DON GYI BYA BA MDZAD PA NYID DU BSTAN PAR BYA BA'I PHYIR BAR SKABS KYI TSIGS SU BCAD PA'I RGYU NI ZHES BYA BA LA SOGS PA GSUNGS PA YIN TE, RGYU YONGS SU SMIN PA NI SANGS RGYAS LA DMIGS PA LA SOGS PA 'TSANG RGYA BA NYID KYI RGYU GUS PA DANG BCAS PA LA SOGS PA'I RIM GYIS GOMS PA MTHAR THUG PAR GYUR PAS SBYIN PA LA MNGON PAR PHYOGS PA BRNYES PAR GYUR NAS GDUL BYA GANG DAG GANG LA GANG DANG GANG TSE PHAN PAR GYUR PA STE, MA 'ONGS PA NA PHAN PA'I CHOS STON PA LA SOGS PA DE DANG DE LA STE, GDUL BYA DE DANG DE LA BCOM LDAN 'DAS DE SNANG NGO ZHES BYA BA SNANG BA DANG RJES SU MTHUN PA'I TSUL GYIS DE BZHIN DU KUN NAS DON MDZAD PAR 'GYUR BA YIN NO, ,DON 'DI NYID NI DGE BA'I BSHES GNYEN ZHES BYA BA LA SOGS PA SMOS PA YIN TE, DGE BA'I BSHES GNYEN ZHES BYA BA BLA MA DANG MKHAN PO LA SOGS PA DANG PHRAD PAS DES BSTAN PA LAS SANGS RGYAS LA SOGS PA LA DMIGS PA NI RDO RJE SKYIL MO KRUNG LA SOGS PAS MDUN DU SANGS RGYAS DANG BYANG CHUB SEMS DPA' LA SOGS PA YUL TU BYAS PAS RGYU STE, LAM LA SOGS PA BSLABS @249B PAS YONGS SU BRTAS PAR GYUR NAS 'TSANG RGYA BA'I 'BRAS BU SBYIN PA LA MNGON PAR PHYOGS PA'I RGYU BRNYES PA'O, ,LAM LA SOGS PA BRNYES PA NYID KYANG GA LAS YIN ZHE NA, SNGON BSKYED PA'I DGE BA'I RTZA BA'I SA BON YOD PA LAS ZHES BYA BA SMOS TE, SNGON BSKYED PA NI BYAS PA STE CI ZHIG LTAR SANGS RGYAS LA SOGS PA LA ME TOG GCIG 'BUL BA LA SOGS PAS DGE BA STE, NYON MONGS PA NGAN PA TSAR GCOD PA'I RGYU'I BSOD NAMS GANG YIN PA DE NYID NI RTZA BA'I SA BON TE, DANG POR SANGS RGYAS LA SOGS PA LA MNGON PAR DAD PA NYID KYI RGYU YIN LA, DE MNGA' ZHING YOD PAS SEMS CAN GANG LA STE, RNAM PA THAMS CAD MKHYEN PA NYID LA SOGS PA'I GDUL BYA RNAMS LA GANG GI DUS SU ZHES BYA BA SKAL BA DANG RJES SU MTHUN PA'I DUS NA CHOS BSTAN PA LA SOGS PA MDZAD PAS NA ZHES BYA BA THAMS CAD MKHYEN PA NYID LA SOGS PA GSUNGS PAS MNGON PAR MTHO BA DANG NGES PAR LEGS PA LA GZHAG PA SKYED PA NA YUL DU 'PHROD PAR 'GYUR BA STE, SKYE BA THAMS CAD DU PHAN PAR 'GYUR BA DE'I TSE RNAM PA THAMS CAD MKHYEN PA NYID LA SOGS PA'I GDUL BYA LA SOGS PA DE'I DON BYA BA'I PHYIR ZHES BYA BA BSHAD MA THAG PA'I MNGON PAR MTHO BA DANG NGES PAR LEGS PA BSGRUB PAR BYA BA'I PHYIR SNGON GYI SMON LAM GRUB CING RDZOGS PAS BCOM LDAN 'DAS DE DANG DER SNANG BA DANG 'TSAM PAR DON GYI BYA BA MDZAD PA YIN NO ZHES TSIG LE'UR BYAS PA BSHAD CING 'PHAGS PA BYAMS PA'I DGONGS PA BRJOD PAS BSHAD MA THAG PA'I DON NYID GSAL BAR BYA BA NI DUS THAMS CAD DU ZHES BYA BA LA SOGS PA SMOS PA YIN TE, DUS THAMS CAD DU NI RNAM PA THAMS CAD DU'O, ,YID BZHIN GYI NOR BU LTAR ZHES BYA BA NI BDAG NYID CHEN PO 'GA' ZHIG MYA NGAN LAS 'DAS SU ZIN KYANG SEMS CAN RNAMS KYI DON BYA BA'I PHYIR YID BZHIN GYI NOR BU SPRUL PA DES BKA' STZAL BA'I DON RDZOGS PAR BYA BA'I PHYIR JI LTAR THAMS CAD DU KHYAB PA YIN NA YANG SEMS CAN RNAMS KYIS LOG PAR SPYAD PA'I NYES PAS DE LTAR DON MI BYED DO, ,DE BZHIN DU NYE BAR GNAS KYANG ZHES BYA BA BCOM LDAN 'DAS THUGS RJES SEMS CAN RNAMS KYI MNGON PAR 'DOD PA'I DON RDZOGS PAR BYA BA'I PHYIR MDUN NA BZHUGS KYANG 'BRAS BU STER BAR MDZAD PAR MI MNGON NO, ,CI'I PHYIR ZHE NA, RANG GI @250A *, ,LAS KYI NYES PAS ZHES BYA BA SEMS CAN RNAMS KYIS NYES PAR SPYAD PA'I LAS KYI NYES PAS BSKYED PA GANG YIN PA LA RGYU MA TSANG BAS ZHES BYA BA BCOM LDAN 'DAS KYI THAD NAS MNGON PAR 'DOD PA'I DON LEN DU RUNG BA'I SEMS DANG BRAL ZHING MED LA DE BAS NA BCOM LDAN 'DAS THAMS CAD DU DON GYI BYA BA MDZAD PA YIN NA YANG SEMS CAN RNAMS KYI SKAL BA'I NYES PAS DON GYI MDZAD PA MI MDZAD PAS YID BZHIN GYI NOR BU LTAR MED PA MA YIN ZHING, DON GYI BYA BA MI MDZAD PA YANG MA YIN LA MI SNANG BA YANG TSAD MA MA YIN TE, SKAL BA DANG 'TSAM PA NYID KYI RIM GYIS DE YOD PA MA YIN NO ZHES 'PHAGS PA BYAMS PA'I DGONGS PA NYE BAR BSTAN PA YIN NO ZHES BYA BAR DGONGS TE, 'DI NA SNOD MIN SEMS CAN GANG YANG MED, ,'GRO BA 'DI DAG THAMS CAD SANGS RGYAS 'GYUR, ,ZHES GSUNGS PA YIN NO, ,'DI DAG KHO NA BRGYA BYIN GYIS DPES GSAL BAR BYA BA NI JI LTA BU ZHES BYA BA LA SOGS PA SMOS PA YIN TE, LHA'I RGYAL POS ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,BCOM LDAN 'DAS 'OG MIN LA SOGS PAR RTOGS PA'I RGYUD LA GNAS PA NI GCIG TU RNAM PAR GNAS SHING RTAG PA NI RIM DANG CIG CAR DAG GIS DON GYI BYA BA MDZAD PAR MI 'THAD PAS MI RTAG PA NYID YIN NA YANG KHYAB PA DANG RTAG PAR BRJOD PA MI 'GAL LO ZHES BSTAN PA NI YE SHES KYI ZHES BYA BA LA SOGS PA SMOS PA YIN TE, DE LTAR MDZAD PA ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,GSUM LA LONGS SPYOD RDZOGS PA'I SKU NI DE LTAR SKU GNYIS ZHES BYA BA LA SOGS PA SMOS PA YIN TE, MTSAN NI ZHES BYA BA LA SOGS PA MTSAN RNAMS KYI TSIG LE'UR BYAS PA DANG 'GREL PA NI GO SLA'O, ,LAS GANG ZHIG BYAS PAS MTSAN 'GRUB PA'I LAS DE'I RGYU MTSAN NYID NI RGYU GRUB PAS ZHES BYA BA LA SOGS PA SMOS PA YIN TE, 'DI LA MTSAN NI ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,BZHI PA SPRUL PA'I SKU NI DE LTAR SKU GSUM ZHES BYA BA LA SOGS PA SMOS PA YIN TE, GANG GIS ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,DE LTAR KHYAD PAR GYI BYA BA BRJOD NAS DA NI NGO BO NYID LA SOGS PA'I SKU BZHI'I THUN MONG GI MDZAD PA NI DE LTAR NGO BO NYID @250B KYI ZHES BYA BA LA SOGS PA SMOS PA YIN TE, YE SHES LA SOGS PA LA LTOS NAS RAB TU BRTAGS PA'I ZHES BYA BA NI GDUL BYA DANG RJES SU MTHUN PA'I SNANG BA'I DON THOB PA'I DBANG GIS NGES PA'O, ,DE NAS CI ZHIG BYA ZHE NA, DE'I DBANG LA ZHES BYA BA LA SOGS PA SMOS PA YIN TE, GDUL BYA'I SKYE BO SO SO'I SNOD LA SNANG BA LA BRTEN PA'AM ZHES BYA BA BCOM LDAN 'DAS KYI SKUR GTOGS PA THAMS CAD RNAM PAR MI RTOG PA NYID YIN PAS MDZAD PA MI MNGA' BA'I PHYIR PHRIN LAS DE DANG 'TSAM PA'I GDUL BYA'I SKYE BO RNAMS KYI SNANG BA LA GNAS PA'I PHRIN LAS SNGAR BSHAD PA DANG 'OG NAS BSHAD PA GANG YIN PA DE'I DBANG LA BRTEN NAS BYUNG BA STE, SMON LAM GYI DBANG GIS RNAM PAR MI RTOG PA'I YE SHES YONGS SU RDZOGS PA YIN PAR GSUNGS TE ZHES 'OG MA DANG SBYAR RO, ,GAL TE PHRIN LAS 'DI DAG SKU BZHI'I MA YIN NAM DE LTA NA CI LTAR CHOS KYI SKU ZHES 'PHAGS PA BYAMS PA'I ZHAL SNGA NAS KYIS GSUNGS SHE NA, KUN RDZOB TU ZHES BYA LA SOGS PA SMOS PA YIN TE, KUN RDZOB TU SANGS RGYAS LA SOGS PA'I THA SNYAD KYI DBANG GIS YE SHES KHO NA ZHES BYA BA GNYIS SU MED PA'I YE SHES NYID DON GYI BYA BA MDZAD PA YIN TE, YANG DAG PAR NA GZHAN DAG YIN PAR MI 'THAD PA'I PHYIR RO, ,MI 'THAD PA NYID YIN NA YANG YE SHES NI BSNYON MI NUS PAR YOD PA NYID KYI DE NYID SEMS CAN RNAMS KYI MNGON PAR 'DOD PA'I DON RDZOGS PAR BYED PA YIN LA RGYU DES NA CHOS KYI SKU YIN NO ZHES SMOS PA YIN TE, CHOS KYI SKU NI YE SHES KYI SKU'I YIN LA DE NI YANG DAG PAR NA DON GYI BYA BA MA LUS PAR MDZAD PA YIN NO ZHES 'PHAGS PA BYAMS PAS GSUNGS PA YIN NO, ,MDZAD PA MED PA'I YE SHES KYI DON BYA BA MDZAD PA NYID DU GA LA RUNG ZHE NA, LONGS SPYOD RDZOGS PA'I SKU LA SOGS PA'I SNANG BA BSKYED PA'I SGO NAS ZHES SMOS PA YIN TE, SNGON GYI SMON LAM GYI 'PHEN PA'I SHUGS KYIS BYANG CHUB SEMS DPA' LA SOGS PA RNAMS LA LONGS SPYOD RDZOGS PA DANG, CHOS DANG SPRUL PA'I SKUR SNANG BA BSKYED PAR MDZAD PA YIN PA'I PHYIR RO, ,DE NYID KYIS NA, DE'I DBANG LA BRTEN NAS BYUNG BA ZHES SMOS PA YIN TE, GZHAN DU NA JI SKAD SMOS PA'I PHRIN LAS RNAMS YANG DAG PAR NA CHOS KYI SKU'I 'BRAS BU NYID DU MI 'GYUR RO ZHES BYA BAR DGONGS SO, ,GAL TE GZHAN DAG ,TSOGS DANG CHOS KYI SKU DAG DANG, ,'GRO BA'I DON NI MDZAD PA YIS, , @251A *, ,SANGS RGYAS THAMS CAD MNYAM PA STE, ,SKU TSE RIGS DANG TSAD KYIS MIN, ,ZHES BYA BA LA SOGS PA SMOS PAS SKU BZHI CHAR TSOGS LA SOGS PA MNYAM PA YIN NA YANG LONGS SPYOD RDZOGS PA DANG, SPRUL PA'I SKU DAG NI RTOGS PA PO'I DBYE BAS DE'I KHYAD PAR DU 'GYUR NA, NGO BO NYID KYI SKU DANG CHOS DANG CHOS KYI SKU DAG NI RNAM PAR MI RTOG PA'I YE SHES KYI BDAG NYID YIN PA'I PHYIR DANG, SANGS RGYAS KYI YUL NYID YIN PA NYID DU MNYAM PAS RGYU DANG 'BRAS BU NYID DU BDAG CAG LA SOGS PAS SHES PAR MI NUS PA NYID YIN PA'I PHYIR, SANGS RGYAS RNAMS KHO NA'I YUL YIN NO, ,KHA CIG NA RE NGO BO NYID KYI SKU GANG YIN PA DE NI SANGS RGYAS KYI YUL MA YIN NO ZHES ZER RO, ,DE NI MI RIGS TE, DE MKHYEN PA MED PAR DE DANG 'BREL PA'I SKU GSUM DU SANGS RGYAS KYI RNAM PAR GZHAG PA MI 'THAD PA'I PHYIR DANG, SANGS RGYAS KYIS MA GZIGS PA NYID KYIS NA NGO BO NYID KYI SKU MED PAS SKU GANG YANG YOD PAR MI 'GYUR TE, SKU CIG SHOS RNAMS NI DE DANG 'BREL BA YIN PA'I PHYIR RO, ,SANGS RGYAS RNAMS KYI NGO BO NYID KYI SKU YOD KYANG MA MKHYEN PAR GYUR NA, SANGS RGYAS RNAMS LA MI MKHYEN PA'AM MA GZIGS PA'AM CI YANG MI MNGA'O ZHES BYA BA DANG YANG 'GAL BAR 'GYUR RO, ,MTSAN YANG DAG PAR BRJOD PA LAS, ,SANGS RGYAS SKU LNGA'I BDAG NYID CAN, ,ZHES SMOS PA DE YANG 'THAD PA KHO NA YIN TE, SPRUL PA'I SKU'I DBYE BA RNAM PAR SMIN PA'I SKU YOD PA YIN PA'I PHYIR RO, ,YANG NA RNAL 'BYOR PA'I RGYUD LA SO SOR NGES PAR YOD PAS RTAG PA DANG KHYAB PA GANG YIN PA 'DI NI RDZOGS PA'I SANGS RGYAS KYI CHOS KYI SKU STE, DNGOS GZHI YIN LA DE'I NGO BO NYID DANG LONGS SPYOD RDZOGS PA DANG SPRUL PA DANG CHOS KYI SKU'I DBYE BAS, ,SANGS RGYAS SKU LNGA'I BDAG NYID CAN, ,ZHES BYA BA DANG MI 'GAL LO, ,'DI'I DON DANG, ,NGO BO NYID LONGS RDZOGS BCAS DANG, ,ZHES BYA BA LA SOGS PA'I TSIG LE'UR BYAS PA NYID LAS SHES SO, ,DE BZHIN DU MDZAD PA DANG BCAS PAS 'GRO BA RNAMS ZHI BA LA SOGS PA LA 'JUG PAR MDZAD PAS NA MDZAD PAR BCAS PAS TE, DNGOS GZHI'I CHOS KYI SKU GANG YIN PA 'DI NI, CHOS KYI SKU DANG DE RNAM BRGYAD, ,CES BYA BA 'DIR, CHOS KYI SKU ZHES BYA BA DE, ,RNAM PA BZHIR NI YANG DAG BRJOD, ,CES BYA BA 'DI JI LTA YIN ZHE NA, DE NAS, NGO BO NYID LONGS RDZOGS BCAS DANG, ,ZHES BYA BA LA SOGS PA DANG SBYAR RO, ,GANG DE BZHIN @251B GZHAN ZHES SMOS SU ZIN KYANG DE BZHIN DU CHOS KYI SKU ZHES DE YANG STON PAR 'GYUR TE, 'DIR DNGOS GZHI LAS GZHAN PA NI CHOS KYI SKUR BSHAD PA NYID YIN PA'I PHYIR RO, ,GANG YANG, CHOS KYI SKU YI PHRIN LAS 'DI, ,ZHES SMOS PA DE YANG 'THAD PA YIN TE, DE LA YANG DNGOS GZHI NYID CHOS KYI SKUR BSHAD PA NYID KYIS DNGOS GZHI NI GANG DU YANG 'BRAS BU NYID DU MI BGRANG STE, DES DE NYID BYE BRAG TU BYAS PA NI MA YIN PAS DE'I PHYIR DE NI THA DAD PA NYID YIN LA, DE NAS NGO BO NYID LA SOGS PA'I SKU BZHI PO 'BRAS BUR GYUR PA DANG BCAS PA NYID KYIS NA RGYUR GYUR PA CHOS KYI SKU YANG 'GRUB PA YIN NO ZHES BYA BA 'GAL BA CI ZHIG YOD GANG YANG SANGS RGYAS LA SOGS PA'I YUL CHOS DANG LONGS SPYOD RDZOGS PA DANG SPRUL PA'I SKU GSUM NI NGO BO NYID KYI SKU'I BDAG NYID CAN NYID YIN PAR NGO BO NYID KYI SKU'I BDAG NYID CAN ZHES BYA BA LA SOGS PAS SENG GE BZANG PO'I ZHAL SNGA NAS KYI BSTAN PA DE DANG 'GAL BA MED DO, ,DNGOS GZHI'I CHOS KYI SKU LAS NGO BO NYID KYI SKU NI 'GAL ZHIG GIS KYANG DBYE BA MED PAR DE BRJOD PA YIN PA'I PHYIR RO, ,GZHAN DU NA CHOS KYI SKU'I DON GYI MDZAD PA NGO BO NYID KYI SKU'I DBANG LAS BYUNG BAR JI LTAR 'GYUR, SKU GSUM PO YANG NGO BO NYID KYI SKU'I BDAG NYID CAN YIN DU CHUG NA DNGOS GZHI'I CHOS KYI SKU LAS RANG BZHIN GANG GI NGO BO NYID GZHAN YIN ZHING GANG LAS BYUNG BA NYID KYIS NA NGO BO NYID KYI SKU ZHES BSHAD PA YIN PA YANG RTOGS PAR GYIS SHIG ,LONGS SPYOD RDZOGS PA'I SKU DANG SPRUL PA'I SKU DAG NI BYANG CHUB SEMS DPA' DANG NYAN THOS KYI SPYOD YUL YIN PAR DBYE BA YOD DU CHUG NA DNGOS GZHI'I CHOS KYI SKU LAS CHOS KYI SKU GZHAN GYI DBYE BA CI LTAR YOD, DE'I YUL YIN PA'I PHYIR SANGS RGYAS RNAMS KHO NA'I THUGS SU CHUD PAR BYA BA YIN TE, GZHAN DU NA NGO BO NYID KYI SKU DANG CHOS KYI SKU DAG GIS DBYE BA MI 'GRUB PAR 'GYUR RO, ,'DIR YANG DON NI SKAD CIG MA GCIG LA MNGON PAR RDZOGS PAR BYANG CHUB PA'I RJES THOGS LA CHOS KYI SKU'I MNGON PAR BYANG CHUB PA YIN LA, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN NO ZHES BZANG PO'I ZHAL SNGA NAS KYIS BSHAD PAS LOG PAR RTOGS PAR MI BYA'O, ,SKU LNGA YIN PA KHO NAR SNGON GYI SLOB DPON GYIS BSHAD PAS BLA MA LA GUS PAR BYA BA'I PHYIR BZANG PO'I ZHAL SNGA NAS KYIS GSAL POR MA MDZAD MOD KYI GTZO CHER THEG PA CHEN PO NI TSUL GNYIS LA BRTEN PA NYID YIN PA'I PHYIR, MTSAN YANG @252A *, ,DAG PAR BRJOD PA NI PHYI'I TSUL LTAR 'GAL BAR BTANG SNYOMS SU BYA BAR RIGS PA MA YIN NO, ,BDAG GI 'BAD PA NI SKABS LA MA BAB PA MA YIN ZHING DAM PA'I CHOS NUB PA'I DUS SU BDAG CAG BCOM LDAN 'DAS LA MCHOD PAR MNGON PAR DGA' BA RNAMS BTANG SNYOMS SU BYED PAR RIGS PA MA YIN TE, TING NGE 'DZIN GYI RGYAL PO LAS, SKYES BU KHYU MCHOG GIS NI DAM PA'I CHOS, ,'JIG PAR GYUR TSE GANG DAG BTANG SNYOMS BSGOM, ,DE YIS RGYAL BAR BKUR STI BYAS MA YIN, ,'DREN PA DAG LA RI MOR DES MA BYAS, ,ZHES GANG BSHAD PA YIN NO, ,ZHAR LA 'ONGS PAS CHOG GO, ,DE BZHIN LAS KYANG ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,DANG POR 'GRO BA BZANG PO DANG BZANG PO MA YIN PA ZHES BYA BA NI BRAM ZE DANG, RGYAL RIGS KYI 'GRO BA DANG RJE 'U RIGS LA SOGS PA'I 'GRO BA STE, DE LA MNGON PAR ZHEN PA NI BZANG PO DANG BZANG PO MA YIN PA NYID DU MNGON PAR CHAGS PA'O, ,DE LA GNAS PA MED PA NI MI DMIGS PA GANG YIN PA STE, DE'I MTSAN NYID DU 'GRO BA RAB TU ZHI BA'I PHRIN LAS MDZAD NAS ZHES BYA BA NI, SDUG BSNGAL PHYIN CI LOG BLO DANG, ,SRID PA KUN NAS 'CHING BA'I RGYU, ,'GRO BA GANG LA DE MED NA, ,DE NI SKYE BAR 'GYUR MA YIN, ,ZHES BYA BA LUNG GANG GI DON GYI RJES SU 'BRANGS NAS NYON MONGS PA LA SOGS PA'I DBANG GIS SKYE BA GANG YIN PA DE MED PAR MDZAD PA STE, CHOS YANG DAG PAR SDUD PA'I MDO LAS GDUL BYA'I LUS NI CHOS KYI SKU'I SPYOD YUL LO ZHES SMOS PAS SANGS RGYAS RNAMS KYI CHOS KYI SKU NYID YIN NA YANG SKYE BA BZLOG PAR MDZAD DO ZHES BYA BAR DGONGS SO, ,DE LTA NA NI SMON LAM DANG 'GRO BA'I DON LA SANGS RGYAS RNAMS DANG BYANG CHUB SEMS DPA' KHYAD PAR CI ZHIG YOD CE NA, RNAM PAR RTOG PA DANG BCAS PA DANG RNAM PAR RTOG PA MED PA NYID DANG, GDUL BYA'I KHYAD PAR LAS YIN GYI GZHAN 'GA' YANG MED DO, ,DE NYID KYIS NA DE BZHIN GSHEGS PA'I GSANG BA BSTAN PA LA SOGS PA'I MDO LAS, DE RNAMS KYANG SANGS RGYAS DANG 'DRA BAR LUS DANG SPYOD LAM MTHA' YAS SHING DPAG TU MED PAR BSHAD PA YIN NO, ,RDZOGS PA'I SANGS RGYAS KYI YE SHES RTOG PA DANG BCAS PA NYID DU MED PA MA YIN NAM, JI LTAR NA DE DANG LHAN CIG DE RNAMS 'GRO BA'I DON GYI PHYIR MNYAM PA YIN ZHE NA, 'DIR SMON LAM KHO NA TSAD MA YIN TE, BCOM LDAN 'DAS KYIS BYANG CHUB SEMS DPA' RNAMS NI SMON LAM GYI STOBS CAN YIN NO ZHES GSUNGS PA YIN NO, ,DE LTA NA NI RNAM PA THAMS @252B CAD DU MNYAM PA KHO NAR 'GYUR RO, ,SMON LAM NI GZHAN DU MI 'THAD PAS NYES PA CI ZHIG YOD, RDZOGS PA'I SANGS RGYAS RNAMS NI RNAM PAR MI RTOG PA NYID YIN PAS BYANG CHUB SEMS DPA' RNAMS KYI RNAM PAR RTOG PA NYON MONGS PA NYID DU MI 'GYUR BA MA YIN NAM, MED PA KHO NA STE GANG GI TSE DES GDUL BYA DE'I DON DU RDZOGS PA'I SANGS RGYAS SU 'GYUR NA PHYIS RNAM PAR RTOG PA'I NYON MONGS PA GA LAS 'BYUNG, SMON LAM LAS SO, ,DE LTA NA NI RDZOGS PA'I SANGS RGYAS NYID BRDZUN PA YIN NO ZHE NA, MA YIN TE, DES 'DUL BA RNAMS KYIS DE LTAR MTHONG BA'I PHYIR RO, ,DE BZHIN DU NYAN THOS LA SOGS PA'I RNAM PA 'DZIN PAR MDZAD PA YANG BRDZUN PA MA YIN NO ZHES BLTA BAR BYA'O, ,JI LTAR NA GCIG PU DU MA NYID DU 'GYUR ZHE NA, RDZOGS PA'I SANGS RGYAS RNAMS KYI SMON LAM JI LTA BA LAS SO, ,GZHAN YANG GZHAN DU NA SANGS RGYAS RNAMS KYI SMON LAM GYIS RNAM PAR MI RTOG PA NYID DU KUN NAS DON GYI BYA BA MDZAD PA'I RGYUR SNANG BA YIN LA, DE BZHIN DU GAL TE RNAM PAR RTOG PA DANG BCAS PA NYID YIN PAR GYUR NA YANG 'DIR 'GAL BA CI ZHIG YOD DE, GNYI GA SMON LAM KHO NAS DON GYI BYA BA MDZAD PA YIN PAR BSNGAGS PA'I PHYIR RO, ,GAL TE PHA ROL 'DOD PA LTAR LA LA NI 'TSANG RGYA BA NYID BSGRUBS NAS SEMS CAN GYI DON MDZAD LA KHA CIG NI MA YIN NO ZHES BYA BA 'DI LA BRTZAD PAR RIGS PA MA YIN TE, SEMS CAN RNAMS MA YIN PA'I PHYIR RO, ,RDZOGS PA'I SANGS RGYAS NYID YIN PA'I PHYIR 'DIR RNAM PAR RTOG PA NYON MONGS PA NYID YIN PA'I PHYIR BYANG CHUB SEMS DPA' RNAMS KYI GROL BA CI ZHIG YIN, 'GRO BA'I DON LA MA GTOGS PA, ,GZHAN CI'ANG YOD PA MA YIN TE, ,SEMS CAN RNAMS KYI GROL BA LAS, ,DGA' BA'I RGYA MTSO GANG YIN TE, ,DE NYID MTHAR THUG MA YIN NAM, ,RO BRAL GROL BAS CI ZHIG BYA, ,ZHES GANG BSHAD PA YIN NO, ,MNYAM PAR MA BZHAG PA NYID KYANG MA YIN TE, LAS DANG PO PA MA GTOGS PAR DE BZHIN GSHEGS PA'I GSANG BA BSTAN PA LAS RTAG TU MNYAM PAR GZHAG PA GSUNGS PA YIN NO, ,YANG NA BYANG CHUB SEMS DPA'I GNAS SKABS MA GTOGS PAR RDZOGS PA'I SANGS RGYAS KYI GNAS SKABS NA YANG RNAM PAR RTOG PA'I NYON MONGS PA NYID NI RNAM PA THAMS CAD MKHYEN PA NYID DANG 'DRA BAR YOD PA NYID DE'I 'BRAS BU MI SKYED PAS DON MI MDZAD PA YIN TE, SH'ANTA DE BA'I ZHAL SNGA NAS, ,MKHA' LDING GRUB PAS JI LTA BUR, ,MCHOD SDONG BSGRUBS PAS 'DAS GYUR @253A *, ,NA, ,DE 'DAS YUN RINGS LON YANG DE, ,DUG LA SOGS PA ZHI BAR BYED, ,BYANG CHUB SPYOD DANG RJES MTHUN PAS, ,RGYAL BA'I MCHOD SDONG BSGRUBS PA YANG, ,BYANG CHUB SEMS DPA' 'DAS GYUR KYANG, ,DON RNAMS THAMS CAD MDZAD PAR 'GYUR, ,ZHES GANG BSHAD PA YIN NO, ,DE LTAR NA 'GRO BA'I DON DU SMON LAM JI SNYED BTAB PA DANG, 'TSANG RGYA BA NYID LA 'JUG PA'I RNAM PAR RTOG PA DE RNAMS THAMS CAD NYON MONGS PAR 'GYUR BA MA YIN NAM NYES PA CI ZHIG YOD, RDZOGS PA'I SANGS RGYAS KYI RIGS MED PAR 'GYUR RO, ,BYANG CHUB SEMS DPA' NYID RIM GYIS SANGS RGYAS KYI RIGS SU 'GYUR GYI GZHAN DAG NI MA YIN TE, 'GRO LA PHAN PHYIR SANGS RGYAS 'GRUB PAR SHOG, CES BYA BA LA SOGS PAR SMON LAM BTAB NAS, DE RNAMS NYID DU 'JUG PA YIN PA'I PHYIR RO, ,DE BAS NA NYAN THOS LA SOGS PA'I RIGS KYANG GZHAN MA YIN TE, 'GRO BA'I DON DU SMON LAM BTAB PA LAS GZHAN DU MI 'THAD PA'I PHYIR RO, ,'DIR THEG PA NI GCIG KHO NA STE, 'DI LTA STE THEG PA CHEN PO'O ZHES GANG GSUNGS PA DANG, MDO SDE RGYAN LAS KYANG, KHA CIG DAG NI DRANG PHYIR DANG, ,GZHAN DAG NGES PAR GZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,ZHES BSHAD PA 'DI YANG BRGYA PHRAG DU MAR NYAN THOS KYI THEG PAR YONGS SU MYA NGAN LAS 'DAS SO ZHES MDO LAS GANG GSUNGS PA YIN NO, ,DE BAS NA RNAM PAR RTOG PA NYON MONGS PA NYID YIN PAS BYANG CHUB SEMS DPA' KHO NA DES 'DUL BA RNAMS LA RDZOGS PA'I SANGS RGYAS DANG, RANG SANGS RGYAS DANG BRGYA BYIN LA SOGS PAS 'DUL BA RNAMS LA BRGYA BYIN LA SOGS PA'I GZUGS SU GDUL BYA RNAMS KYIS MTHONG BA YIN PAS, GANG DU YANG MI GNAS PA NYID KYIS NA, MI GNAS PA'I MYA NGAN LAS 'DAS PA LA ZHUGS SO ZHES THAMS CAD DU BSHAD DO, ,BYANG CHUB SEMS DPA' RNAMS KYI RNAM PAR RTOG PA NI NYON MONGS PA NYID YIN NO ZHES ZHAR LAS 'ONGS PA BSHAD NAS SKABS LA BAB PA DANG SBYAR BAR BYA STE, DE LTAR NA ZHES BYA BA BSHAD PA'I RIM PAS SO, ,CHOS KYI SKU BZHIN DU ZHES BYA BA NI KHYAB PA'I YE SHES KYI BDAG NYID CAN NO, ,'DI NI CHOS KYI SKU'I PHRIN LAS NYI SHU RTZA BDUN YANG ZHES BYA BA NI PHRIN LAS NI CHOS KYI SKU'I MDZAD PA'O, ,'KHOR BA JI SRID BAR BZHED PAS ZHES BYA BA NI SEMS CAN RNAMS KYI SRID PA JI SRID BAR RO, ,'PHAGS PA BYAMS PA'I ZHAL SNGA NAS KYI TING NGE 'DZIN RNAMS LAS SKYES PA'I YE SHES KYI STOBS DANG, LUNG LAS SEMS BSKYED PA LA SOGS PA'I @253B RIM GYIS DE'I BYA BA NYID KYIS 'GRO BA RNAMS ZHI BAR MDZAD PA LA SOGS PA'I PHRIN LAS BSTAN PAR MDZAD PAS TSIG LE'UR BYAS PAR RIM PA BSTAN PAR 'GYUR BA MA YIN NAM, KHYED CAG GIS GZHAN GYI DON DANG RANG GI DON LA SOGS PA'I TSIG BSTAN PA RNAMS KYI GO RIMS JI LTA BU YIN ZHE NA, SEMS BSKYED PA ZHES BYA BA LA SOGS PA SMOS PA STE, DANG PO DANG THA MAR SEMS BSKYED PA DANG, RNAM PA NYI SHU RTZA BDUN GANG YIN PA DE LAS GANG BSTAN PA'I GO RIMS RAB TU BYED PA LAS BSNAN PA'I 'GREL PA LAS BSHAD PA'I RIM PA GANG YIN PA DES DE'I DBANG GI LHAG MA BAR GYI TSIG GI DON RNAMS TE, GZHAN GYI DON DANG RANG GI DON GANG YIN PA DE RNAMS KYI GO RIMS KYANG KHONG DU CHUD PAR BYA STE ZHES BYA BA BYAMS PA'I ZHAL SNGA NAS KYI TSIG LE'UR BYAS PA LAS MA BSTAN NA YANG SHES PAR BYA'O, ,KHYED CAG RNAMS NI 'PHAGS PA BYAMS PA DANG 'DRA BAR TING NGE 'DZIN THOB PA NYID YIN NAM, DE'I PHYIR KHYED CAG SNGAR BSHAD PA'I TSIG GI DON RNAMS KYI GO RIMS JI LTAR SHES SHE NA, LUNG LAS SO, ,BRIS SHIG CES NA TSIG MANGS SU DOGS PAS BDAG GIS MA BRIS SO ZHES BYA BA SMOS TE, LUNG YOD DU ZIN NA YANG GZHUNG RGYA CHES PA'I 'JIGS PAS DE'I SGO NAS GZHAN GYI DON LA SOGS PA'I GO RIMS MA BSTAN MOD KYI 'ON KYANG DE'I DON GYI RJES SU 'BRANGS NAS 'PHAGS PA BYAMS PA DANG 'DRA BAR GZHAN GYI DON LA SOGS PA'I PHRIN LAS KYI RJES SU 'BRANGS NAS RIM PA TZAM ZHIG BSTAN PA YIN NO ZHES BYA BAR DGONGS SO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS SENG GE BZANG PO'I ZHAL SNGA NAS KYI GZHUNG RTOGS PAR DKA' BA'I SNANG BA MDOR BSHAD PA CHOS KYI GRAGS PAS BSHAD PA LAS SKABS BRGYAD PA'I 'GREL PA'I BSHAD PA'O,, ,,RGYAS PA LA DAD PA'I ZHES BYA BA LA SOGS PAS NI BAR MA LA DGA' BA'I SEMS CAN LA PHAN GDAGS PAR BYA BA'I PHYIR MNGON PAR RTOGS PA DRUG NI MTSAN NYID CES BYA BA LA SOGS PA GSUNGS PA YIN TE, TSIG LE'UR BYAS PA'I DON NI DANG POR ZHES BYA BA LA SOGS PA GSUNGS PA YIN TE, DANG POR NYE THOG MAR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM NI SNGAR GSUNGS PA GANG YIN PA DE RNAMS KYI MNGON PAR MTSON PA'I GNAS YIN PA NYID KYIS NA, DE RNAMS KYI GZUGS LA SOGS PA'I YUL THAMS CAD KUN NAS BSDUS PAS GZUGS LA SOGS PA'I YUL NYE BAR MTSON PA NYID YIN PAS @254A *, ,MTSAN NYID DE, THAMS CAD MKHYEN PA NYID GSUM MO, ,DE NAS DBANG DU BYA BA'I PHYIR, ,ZHES BYA BA LA SOGS PA NI GO SLA'O, ,BAR MA LA DGA' BA ZHES BYA BA LA SOGS PAS MDOR BSDUS PA LA DGA' BA'I SEMS CAN LA PHAN GDAGS PAR BYA BA'I PHYIR MNGON PAR RTOGS PA GSUM GSUNGS PA'I YUL GYI RGYUN NI ZHES BYA BA LA SOGS PA'I TSIG LE'UR BYAS PA DANG 'GREL PA NI GO SLA'O, ,TSIG LE'UR BYAS PA GNYIS NI SNGAR BSHAD PA'I SKABS BRGYAD KYI KHONGS SU 'DUS PA'I DON YIN PA'I PHYIR SKABS NYID DU MA BGRANGS SO ZHES BLTA BAR BYA'O, ,DGONGS PA LA SOGS PA DNGOS SU BRJOD PAS MDO DANG RNAM PAR 'GREL PA'I MTSAN NYID DU MED DE TSIG LE'UR BYAS PA'I MDO DANG RNAM PAR 'GREL PAR MI BRJOD KYI, 'ON KYANG RGYA CHER BSHAD PA NYID DU BRJOD DE SHES RAB KYI PHA ROL TU PHYIN PA GSUM CAR TSIG RE RE NAS BSHAD PA YIN PA'I PHYIR RO, ,DE LTA NA YANG TSAD MA RNAM 'GREL RGYA CHER BSHAD PA DANG 'DRA BAR SENG GE BZANG PO'I ZHAL SNGA NAS KYIS KYANG 'PHAGS PA BYAMS PA'I TSIG LE'UR BYAS PA RGYA CHER BSHAD PA YIN NA YANG RTOGS PAR DKA' BA'I PHYIR 'GREL PA MDZAD PA LA 'GAL BA MED DO, ,DE LTAR ZHAR LA 'ONGS PAS CHOG GO, ,LA LA ZHES BYA BA LA SOGS PA BZANG PO'I ZHAL SNGA NAS KYI TSIG GI DON NI GO BAR ZAD DO, ,TSIG DON RTOGS PAR DKA' BA YI, ,DE NYID SNANG BA ZHES BYA BA, ,BDAG GIS SBYAR 'DI BYAS GYUR PAS, ,MA 'TSAL DAM PAS BZOD PAR MDZOD, ,BSOD NAMS 'DI YIS 'GRO BA KUN, ,SHES RAB PHA ROL PHYIN DNGOS SHOG, ,BDAG KYANG NAM MKHA'I DBYINGS 'DRA BAR, ,SEMS CAN DON NI BYED GYUR CIG ,DPAL LDAN RNAM RGYAL NYAMS DGA'I GNAS, ,RGYAL PO DPAL LDAN GTZUG NOR BU, ,GO CHAS CHOS KYI GRAGS DPAL LA, ,GSOL BA BTAB PAS SNANG BAR BYAS, ,GSER GLING GI DPAL RNAM PAR RGYAL BA'I GRONG DU LHA DPAL GTZUG GI NOR BU'I GO CHA'I RGYAL PO'I RING LO TSIGS BCOS PA LAS DPYID ZLA RA BA'I TSES BCU GCIG LA MDZAD PA RTOGS PAR DKA' BA'I SNANG BA ZHES BYA BA RDZOGS SO,, ,,RGYA GAR GYI MKHAN PO D'I PAm KA RA SHR'I DZNY'A NA DANG, SGRA BSGYUR GYI LO TZ'A BA CHEN PO DGE SLONG RIN CHEN BZANG POS BSGYUR CING ZHUS TE GTAN LA PHA BA PA'O,, ,, @254B #, ,RGYA GAR SKAD DU, AA BHI SA MA Y'A LANGK'A RA BRiTTI PINTR'A RTHA, BOD SKAD DU, MNGON PAR RTOGS PA'I RGYAN GYI 'GREL PA'I BSDUS DON, BCOM LDAN 'DAS MA SHES RAB KYI PHA ROL TU PHYIN MA LA PHYAG 'TSAL LO, ,MNGON RTOGS RGYAN GYI MTSAN NYID CAN, ,RANG BZHIN MED CING RTOG LAS 'DAS, ,DPAG BSAM SHING BZHIN 'BRAS BZANG NI, ,STZOL MDZAD RGYAL YUM DGA' MA RGYAL, ,SHES RAB MI GSAL BSTAN BCOS KUN, ,PHYI ROL GYUR BDAG GANG NA ZHIG ,ZAB MO'I DON STON DPAL LDAN NI, ,BZANG PO'I 'GREL PA'ANG GANG NA STE, ,DE LTA'ANG DAG PA'I DGE BSHES KYIS, ,RJES GZUNG PHYIR TSIG DANG NI, ,GDANG DAG LA NI LTOS MED PAR, ,DE YI BSDUS DON BDAG GIS BYA, ,SLOB DPON DPAL SENG GE BZANG PO 'DI'I ZHAL SNGA NAS, SHES RAB KYI PHA RUL TU PHYIN PA'I YUL LA RMONGS PA DANG, DE'I LDOG PA DAG PHONGS PA THAMS CAD DANG, PHUN SUM TSOGS PA THAMS CAD KYI RGYU YIN PAR GZIGS NAS, RANG NYID DE KHO NA SHES RAB KYI PHA ROL TU PHYIN PA'I DE KHO NA'I NYE BAR BSNYAD PA THUGS SU CHUD DE, GZHAN LA YANG DE RTOGS PAR BYA BAR BZHED PAS, DANG POR RE ZHIG RTOGS PA DANG LDAN PA RNAMS BSTAN BCOS LA 'JUG PA'I YAN LAG TU SHES RAB KYI PHA ROL TU PHYIN MA LA PHYAG 'TSAL BA SNGON DU 'GRO BA CAN GYI 'BREL PA DANG, BRJOD BYA DANG, DE'I DGOS PA RNAMS GSUNGS PA NI, SHES RAB PHA ROL PHYIN PA LA, ,ZHES BYA BA LA SOGS PA'O, ,DE LA BCOM LDAN 'DAS BYAMS PAS MDZAD PA'I MNGON PAR RTOGS PA'I RGYAN TSIG LE'UR BYAS PA NI GZHUNG 'DI'I BRJOD BYA YIN TE, BSHAD PAR BYA BA YIN PA'I PHYIR RO, ,DE YANG RGYAS PA DANG, 'BRING DANG, MDOR BSDUS PA'I RGYAL BA'I YUM THAMS CAD KYI RGYAN NYID DU BCOM LDAN 'DAS MA PHAM PA'I DGONGS PA LAS RTOGS PAR BYED PA RNAMS KYIS KHONG DU CHUD PA NI BSTAN BCOS 'DI'I DGONGS PA YIN TE BSGRUB PAR BYA BA YIN PA'I PHYIR RO, ,DE'I YANG DGOS PA NI THOS PA DANG BSAM PA DANG BSGOM PA RAB KYI MTHAR PHYIN PA NA, DE BZHIN GSHEGS PA'I YE SHES GANG YIN PA SHES RAB KYI PHA ROL TU PHYIN @255A *, ,PA ZHES BYA BA'I MING GZHAN DANG LDAN PA STE, SKYES BU'I DON MTHA' DAG DE'I TSE NYID GRUB PAS NA DGOS PA GZHAN TSOL BA MED PA'I PHYIR RO, ,DE LTAR BSTAN BCOS DANG DGOS PA DAG GAM, DGOS PA DANG DGOS PA'I DGOS PA DAG GI RGYU DANG 'BRAS BU'I DNGOS PO'I 'BREL PA NI SHUGS KYIS BRJOD PA YIN NO, ,DGOS PA'I DGOS PA YANG PHYAG BYED PA'I YUL NYID DU BRJOD PA'I PHYIR NA LOGS SHIG TU MA BRJOD DE, YUL GYI KHYAD PAR NYE BAR BZUNG BA NYID KYIS DE RTOGS PA'I PHYIR RO, ,GAL TE SHES RAB KYI PHA ROL TU PHYIN PA'I YUL CAN GYI RMONGS PA BZLOG PA NI SNGON GYI SLOB DPON RNAMS NYID KYIS BYAS ZIN LA, MA BYAS SO ZHE NA YANG KHYOD KYIS KYANG JI LTAR BYED SNYAM PA'I DOGS PA BSAL BA'I DON DU GSUNGS PA NI, 'GRO BA'I ZHES BYA BA LA SOGS PA'O, ,DON NI 'DI YIN TE, BCOM LDAN 'DAS MA'I BSHAD PA DANG, t'I KA MDZAD PA'I 'PHAGS PA DANG, SLOB DPON DAG GIS NI DNGOS PO DANG, LAM DANG, RNAM PA THAMS CAD BSDUS PA YIN YANG, MNGON PAR RTOGS PA DANG SBYAR BA LA MA LTOS PAR BSHAD PA'I PHYIR DANG, SHES BYA NANG GI TSUL CAN LA BRTEN PA'I PHYIR NA RMONGS PA RNAM PA THAMS CAD DU BZLOG PA MA YIN NO, ,'GREL PA DANG RNAM 'GREL MDZAD PA'I 'PHAGS PA DANG SLOB DPON DAG GI YANG, MNGON PAR RTOGS PA DANG SBYAR BA YIN YANG, KUN GYI RGYAN DU MA GYUR BA'I PHYIR DANG, MA TSANG PA'I PHYIR NA DOGS PA MA BZLOG PA KHO NA'O, ,KHI BO NI BCOM LDAN 'DAS BYAMS PAS NYE BAR BSTAN PA'I PHYIR DANG, SLOB DPON RNAM PAR SNANG MDZAD BZANG PO'I BKA' DRIN LAS, GZHI DANG LAM DANG RNAM PA MTHA' DAG BSDUS PAS, MNGON PAR RTOGS PA DANG SBYAR BA DANG KUN GYI RGYAN DU 'GYUR BA'I PHYIR DANG, DOGS PA MTHA' DAG RNAM PAR GCOD PAS DBU MA DANG SBYAR BA'I PHYIR NA RMONGS PA BZLOG PA YIN NO, ,DE SKAD DU YANG SLOB DPON SENG GE BZANG PO SEMS CAN GYI DON LA MNGON PAR PHYOGS TE SHES RAB KYI PHA ROL TU PHYIN PA STON PA NA, PO TI DU MA DAG NA 'DON PA DU MA DANG 'CHAD PA PO RNAMS KYIS BSHAD PA NA YANG PHAN TSUN 'GAL BA MTHONG BAS SKYO BA SKYES TE, MTHA' GCIG TU GNAS PA NA THUGS RJE CHEN PO DANG LDAN PA'I BCOM LDAN @255B 'DAS BYAMS PAS, DE'I SKYO BA BSAL BA'I PHYIR, MNGON PAR RTOGS PA DANG BCAS PA'I BCOM LDAN 'DAS MA YANG BSHAD DO ZHES ZER BA RJES SU THOS PA YIN TE, DE'I PHYIR NA SHES RAB KYI PHA ROL TU PHYIN PA'I YUL CAN GYI RMONGS PA BZLOG PA'I PHYIR, KHO BO'I 'DI KUN GYI RGYAN DU GYUR PA MNGON PAR RTOGS PA'I RGYAN BSHAD DO ZHES BYA BA YIN NO, ,KUN GYI RGYAN DU GYUR PA NI MNGON PAR RTOGS PA'I YAN LAG DANG, DE'I RANG BZHIN DANG, DE BSDUS PA BSHAD PA RNAM PA GSUM MO, ,SHES RAB KYI PHA ROL TU PHYIN PA LA PHYAG 'TSAL BA'I SGO NAS KUN MKHYEN GSUM GYI BDAG NYID CAN, NYAN THOS LA SOGS PA'I THEG PA GSUM LA GANG ZAG RNAM PA GNYIS KA YANG 'JUG PA BSHAD PA NI, MNGON PAR RTOGS PA'I YAN LAG GO, ,KUN MKHYEN GSUM GYIS DON BRGYAD BSTAN PA'I PHYIR MYA NGAN LAS 'DAS PA GSUM DANG SBYAR BA NI MNGON PAR RTOGS PA'I RANG BZHIN YIN PAS BSTAN PA YIN NO, , RGOL BA DANG LAN DAG GIS GZHI DANG, LAM DANG, RNAM PA THAMS CAD BSDUS PAR BSTAN PAS YUM RNAM PA GSUM KA YANG MNGON PAR RTOGS PA THAMS CAD DANG SBYAR BA NI MNGON PAR RTOGS PA BSDU BA STE, DE LTAR NA, 'PHAGS PA BYAMS PA BDAG NYID DAM PA RNAMS DANG SPYOD PA MTHUN PAR BSTAN PA'I PHYIR ZHES BYA BA LA SOGS PA NI KUN GYI RGYAN DU GYUR PA NYID DU BSTAN PAR RTOGS PAR BYA'O, ,PHYAG 'TSAL BA'I TSIGS SU BCAD PA'I DON RNAM PA GSUM PO 'DI NYID BSTAN BCOS SU BSTAN PAR BZHED NAS, SKYE BO BLO GROS DMAN PA DAG ,CES BYA BA LA SOGS PA'I RTZOD PA SMRAS SO, ,BSAM PA NI GAL TE KUN MKHYEN GSUM TZAM ZHIG BSTAN PAR 'DOD NA NI DE'I TSE MA BYAS PA DANG MTSUNGS TE, DE NI RGYAL BA'I YUM RNAM PA GSUM KAR YANG GSAL BA'I PHYIR RO, ,DE DES DON BRGYAD STON PA YIN NA DE'I TSE 'BRAS BU MED DE KUN MKHYEN GSUM LAS LHAG PA'I DON NI RNAM PA GSUM KAR YANG MA MTHONG BA'I PHYIR RO ZHES BYA BA'O, ,'DI LA MNGON PAR RTOGS PA'I YAN LAG BSTAN PA LAN 'DEBS PA NI RNAM PA THAMS CAD MKHYEN PA NYID LAM ZHES BYA BA LA SOGS PA'O, ,MDO'I DON MNGON PAR RTOGS PA DANG, DE'I YAN LAG CHOS SPYOD RNAM PA BCU PO THOS PA DANG BSAMS @256A *, ,PA LAS BYUNG BA'I SHES PAS BDE BLAG TU YUL DU BYED PA NI BSTAN BCOS KYI DGOS PA YIN LA, DE NYID CHUNG NGU DANG 'BRING DANG CHEN PO'I DBYE BAR GYUR PA'I BSGOMS PA LAS BYUNG BA'I SHES PAS MNGON DU BYAS PA NI DGOS PA'I DGOS PA YIN NO, ,DE NYID KYI PHYIR, YI GE 'DRI MCHOD SBYIN PA DANG, ,NYAN DANG KLOG DANG 'DZIN PA DANG, ,'CHANG DANG KHA DON BYED PA DANG, ,DE SEMS PA DANG BSGOM PA'O, ,ZHES BYA BA CHOS SPYOD BCU YIN PAR 'CHAD PA NI MI 'THAD DE, DE NI MNGON PAR RTOGS PA'I YAN LAG NYID KYIS DE LAS THA DAD PAR BSTAN PA'I PHYIR NA BYANG CHUB KYI SEMS DANG SBYIN PA LA SOGS PA RNAMS NI MNGON PAR RTOGS PA NYID KYIS MNGON DU BYED PA SRID PA'I PHYIR RO, ,DE LTAR BSAM PA YIN TE GAL TE YANG BCOM LDAN 'DAS NYID KYIS KUN MKHYEN GSUM GYIS BSDUS PA'I DON SNANG BAR MDZAD PA DE LTA NA YANG SHIN TU ZAB PA'I PHYIR RTOGS PAR DKA' BAS NA, KHO BO CAG GIS GSAL BAR BYAS PA YIN NO, ,MDOR BSDUS PA DANG RGYAS PAR BSTAN PAS MNGON PAR RTOGS PA'I RANG GI NGO BO BSTAN PA'I PHYIR NA, DE LTAR 'BREL PA LA SOGS PA, ,ZHES BYA BA LA SOGS PA GSUNGS SO, ,DE LA MNGON PAR TE KUN TU 'DIS SAM 'DI RTOGS PA STE, SHES SO ZHES BYED PA DANG LAS SU SGRUB PA'O, ,RNAM PA THAMS CAD MKHYEN PA LA SOGS PA BDUN NI LAM YIN LA, BRGYAD PA DE BZHIN GSHEGS PA'I SKU BZHI'I MTSAN NYID NI 'BRAS BU'I MNGON PAR RTOGS PA YIN NO, ,DE BYANG CHUB SEMS DPA' SEMS DPA' CHEN PO SEMS BSKYED PAS, RNAM PA GANG GIS LAM GANG DAG TU GANG ZHIG DMIGS PAR BYA BA'I RNAM PA DE DAG DANG, LAM DE DAG DANG, DNGOS PO DE THOS PA DANG BSAMS PA DANG BSGOMS PA LAS BYUNG BA'I SHES RAB KYIS, THA DAD PA'I YUL DU BYED PA'I PHYIR NA, KUN MKHYEN PA GSUM NI YUL YIN NO, ,YUL DU BYAS PA'I RNAM PA LA SOGS PA DE DAG MTSUNGS PAR SBYOR BA'I PHYIR NA GNAS SKABS KYI DBYE BAS SBYOR BA RNAM PA BZHI'O, ,SBYOR BA YANG BYA BA'I RANG BZHIN PA'I PHYIR TE RDZOGS PA NA RTEN CING 'BREL BAR 'BYUNG BA'I DBANG GIS KUN RDZOB DANG DON DAM PA'I BDEN PA'I MTSAN NYID KYI SKU BZHI 'GRUB PA'O, ,DE LTAR NA MNGON PAR @256B RTOGS PA GZHAN LA MI LTOS TE RANG DANG GZHAN GYI PHUN SUM TSOGS PA NI 'DI DAG TZAM GYIS 'GRUB PA'I PHYIR RO, ,LAM DANG 'BRAS BU'I BDAG NYID KYI MNGON PAR RTOGS PA DE'I RANG BZHIN YANG MDOR BSDUS PA DANG, RGYAS PA DANG, DE RNAM PAR BSHAD PAS GSAL BA DES NA DE RIM GYIS BRJOD PA NI, SHES RAB PHA ROL PHYIN PA NI, ,ZHES BYA BA LA SOGS PA'O, ,DE'I DON NI 'DI YIN TE, RNAM PA LA SOGS PA RNAMS SO SOR YUL DU BYAS KYANG, SO SOR SGOM PAR BYED MI NUS PA'I PHYIR NA, BSDOMS PA KHO NAS BSGOM PAR BYA BA YIN NO, ,DE LTAR NA YANG RNAM PA KUN MNGON PAR RTOGS PA LA SOGS PA LA DBYE BA MED PA'I PHYIR NA, MNGON PAR RTOGS PA MTHA' DAG KUN MKHYEN GSUM GYIS BSDUS TE, DE LTAR NA MDOR BSDUS PA DANG RGYAS PAR BSTAN NAS MNGON PAR RTOGS PA MTHA' DAG BSHAD PA YIN NO, ,DA NI MNGON PAR RTOGS PA SPYIR BSHAD KYANG DE KHO NA BZHIN DU RTOGS PAR MI NUS PAS NA KHYAD PAR DU BSHAD PA'I PHYIR GSUNGS PA NI, DE LTAR BSDUS PA'I DON ZHES BYA BA LA SOGS PA'O, ,GANG GI PHYIR MNGON PAR RTOGS PA BRGYAD PA THOB NA RNAM PA THAMS CAD MKHYEN PA NYID THOB LA, DE YANG LAM SHES PA NYID LA SOGS PA MED PAR MI 'GYUR BA DES NA KUN MKHYEN PA GSUM PO RNAMS KYI NANG NAS RNAM PA THAMS CAD MKHYEN PA NYID 'BRAS BU YIN PA DES NA DE DANG POR BSHAD PA YIN NO ZHES BYA BA'I DON TO, ,DE LA RNAM PA THAMS CAD MKHYEN PA NYID NI RNAM PA THAMS CAD RTOGS PA YIN LA, DE'I YANG RTEN DANG, RNAM PAR DAG PA DANG, SBYOR BA DANG, RGYU DANG, YUL DANG, 'BRAS BU DANG, RANG GI NGO BO'I RANG BZHIN CAN, BYANG CHUB KYI SEMS DANG GDAMS NGAG LA SOGS PA RNAMS KYI RNAM PA LAS DANG PO PA NAS BZUNG STE, SANGS RGYAS KYI SA'I BAR RNAMS NA YOD PA GANG YIN PA DE DAG GI THA DAD PA RNAM PAR GZHAG PA NI MNGON PAR RDZOGS PA PO'I KHYAD PAR BSTAN PA'O, ,DE LA RTEN BYANG CHUB KYI SEMS KYI MTSAN NYID DANG, DMIGS PA DANG, RAB TU DBYE BA RNAMS LAS MTSAN NYID BRJOD PA NI SEMS BSKYED PA NI ZHES BYA BA LA SOGS PA'O, ,SMON PA DANG 'JUG PA'I MTSAN NYID CAN, BYANG CHUB KYI SEMS RNAM PA GNYI GA YANG GZHAN GYI @257A *, ,DON DU YANG DAG PAR RDZOGS PA'I BYANG CHUB 'DOD PA NYID LAS MI 'DA' YANG LUS DANG NGAG DANG YID KYI LAS YOD PA DANG, MED PA LAS MTSAN NYID THA DAD PAR RTOGS PAR BYA'I DMIGS PA THA DAD PA NI MA YIN TE, GZHAN GYI DON DANG, YANG DAG PAR RDZOGS PA'I BYANG CHUB MOS PA'I YUL YIN PA'I PHYIR RO, ,GAL TE YANG RAB TU DBYE BA KHYAD PAR MED PA SHES PA DE LTAR NA YANG 'JUG PA KHO NA'I YIN GYI SMON PA NI MA YIN TE, DE LA NI SA'I KHYAD PAR SRID PA'I PHYIR DANG, GZHAN LA NI 'DUN PA TZAM NYID KYI SA THAMS CAD LA KHYAD PAR MED PA'I PHYIR RO, ,DE DAG GI RAB TU DBYE BA LA YANG MING DANG, DPE DANG, RANG GI NGO BO DANG, BSDU BA'I SGO NAS BDAG NYID JI LTA BA BZHIN GYI BYED PA SHES PAR BYA'O, ,DE LA BYANG CHUB KYI SEMS KYI RNAM PA JI SNYED PA DE THAMS CAD NI MTSAN NYID DANG, DMIGS PA DANG, RAB TU DBYE BAS BSDUS LA, DES NA MA TSANG BA DANG LTAG PAR SRID PA'I DOGS PA MI BYA'O, ,DE LA LAS DANG PO PA NI DAD PA DANG CHOS KYI RJES SU 'BRANG BA GNYIS DANG, MTHONG BAS THOS PA DANG RNAM PA GSUM YIN LA, DE'I DBYE BAS SA THA DAD PA YIN GYI DNGOS SU NI LAS DANG PO PA'I SA LA DBYE BA YOD PA MA YIN NO, ,DE NYID KYI PHYIR 'DUN PA DANG, BSAM PA DANG, LHAG PA'I BSAM PA'I SGRAS SEMS LA BYUNG BA GZUNG BA YIN NO, ,'CHAD PAR 'GYUR BA'I CHUNG NGU DANG, 'BRING DANG, CHEN PO'I NGES 'BYED KYI CHA LA GNAS PA NI 'JUG PA'I LAM YIN TE, SA DANG PO MTHONG BA'I LAM YIN PA'I PHYIR NA GNYIS PA LA SOGS PA NI CHUNG NGU DANG, 'BRING DANG, CHEN PO'I DBYE BAS THA DAD PA'I BSGOM PA'I LAM GYI RANG BZHIN YIN NO ZHES BYA BAR GRUB PO, ,BCU GCIG PA SANGS RGYAS KYI SA LA 'JUG PA NA ME LONG LA SOGS PA'I YE SHES LNGA SGRUB PA'I BYED PA RNAM PA LNGA'O, , GAL TE SEMS BSKYED PA GCIG PU NYID KYIS SANGS RGYAS NYID THOB PA'I PHYIR NA, GANG GIS LAM SHES PA LA SOGS PA LA MNGON PAR RTOGS PA THA DAD PAR 'GYUR BA GDAMS NGAG LA SOGS PA LA LTOS PA CI YOD CE NA, GAL TE GZHI MED PA'I RNAM PA TZAM BSGOM PAR NUS NA 'DI BDEN PA ZHIG @257B NA, DMIGS PA DANG GNYEN PO'I KHYAD PAR DANG BRAL BA'I RNAM PA'I KHYAD PAR NI MI SRID PA'I PHYIR RO, ,DE NYID KYI PHYIR KUN MKHYEN GSUM YUL YIN PAR BRJOD DE, SO SOR YUL DU BYAS PA RNAMS RNAM PA KUN MNGON PAR RDZOGS PAR RTOGS PAR SBYOR BA'I PHYIR RO, ,YONGS SU SHES PAR BYAS PA'I KUN MKHYEN GSUM NYID DBANG DU BYAS PA'I DON DU YANG RNAM PA THAMS CAD DANG, LAM DANG, GZHI SHES PAS BSDUS PAS KUN MKHYEN GSUM NYID SGOM PAR BYED DO ZHES BYA BA 'DI'I DON NI 'DI NYID YIN NO, ,DE NYID KYI PHYIR GDAMS NGAG GIS BYANG CHUB KYI SEMS SGRUB PA'I RNAM PAR DAG PA BSHAD PA'I PHYIR DBYE BA ZHAR LA BRJOD NAS ZHES GSUNGS SO, ,GANG GI PHYIR RNAM PAR RTOG PA NI BYANG CHUB SEMS DPA' RNAMS KYI NYON MONGS PA YIN LA, ,DMIGS PA DANG BCAS PA'I SPYOD PAS KYANG RNAM PAR RTOG PA MI LDOG PA DES NA SGRUB PA DANG, DMIGS PA DANG RTEN RNAMS SU DMIGS PA LA LOG PAR ZHEN PA THAMS CAD LDOG PA'I PHYIR NA, DNGOS PO MTHA' DAG LA RLOM SEMS MED PA'I PHYIR DUS THAMS CAD SEMS ZHUM PA MED PA'I RANG BZHIN NYID KYIS THEG PA CHEN PO LA GNAS PAR 'GYUR ZHING, SEMS BRTEN PA YANG TING NGE 'DZIN THOB PA'I PHYIR NA THE TSOM DANG PHYIN CI LOG DANG BRAL BAR 'GYUR RO, ,DE NAS RNAM PA THAMS CAD MKHYEN PA NYID YONGS SU RDZOGS NAS LAM RNAM PAR DAG PA NA, SANGS RGYAS NYID DU 'GYUR RO, DE LTAR NA LAS DANG PO'I SA NAS BRTZAMS TE, SANGS RGYAS KYI SA'I BAR DU GDAMS NGAG GIS BYANG CHUB KYI SEMS SGRUB PA RNAM PAR DAG PA YIN NO, ,DGE 'DUN DKON MCHOG LA LOG PAR RTOGS PA YOD PAS NA, DE'I KHYAD PAR STON PA'I DGE 'DUN DKON MCHOG GI SKABS SU ZHES BYA BA LA SOGS PA GSUNGS SO, ,DON NI 'DI YIN TE, MTHONG BA'I LAM GYI SEMS KYI SKAD CIG BCVA LNGA LA DBANG PO RTUL PO DANG RNON PO DAD PA DANG CHOS KYI RJES SU 'BRANG BA'I DBYE BAS BDAG NYID JI LTA BA BZHIN NYON MONGS PA SPANGS PA'I PHYIR 'BRAS BU DANG PO LA ZHUGS PA NYID RNAM PA GNYIS SO, ,GANG ZHIG 'DOD PA'I KHAMS SU 'JIG RTEN PA'I BSGOM PA'I LAM GYI NYON MONGS PA MA SPANGS PA DE NI MA THONG BA'I @258A *, ,LAM SEMS KYI SKAD CIG MA BCU DRUG LA RGYUN TU ZHUGS PA YIN NO, ,GANG ZHIG 'JIG RTEN PA'I BSGOM PA'I LAM GYI NYON MONGS PA RNAM PA BZHI SPANGS PA DE NI LHA'AM MI RNAMS SU LAN CIG RIGS 'DZIN PA'I PHYIR NA, LHA DANG MI'I RIGS NAS RIGS SU SKYE BA'I RGYUN TU ZHUGS PA DAG GO, ,'DOD PA NA SPYOD PA'I NYON MONGS PA RNAM PA LNGA'AM DRUG SPANGS PA NA, GO RIMS JI LTA BA BZHIN 'BRAS BU GNYIS PA LA ZHUGS PA DANG, 'BRAS BU LA GNAS PA DAG GO, ,'DIR YANG SNGA MA BZHIN BAR CHAD GCIG PA 'BRAS BU GNYIS PA LA GNAS PA YIN NO, ,DE NAS 'DOD PA NA SPYOD PA'I NYON MONGS PA RNAM PA BDUN SPANGS PA NA, DBANG PO RTUL PO DANG RNON PO 'BRAS BU GSUM PA LA ZHUGS PA GNYIS SO, ,GANG ZHIG 'DOD PA NA SPYOD PA'I NYON MONGS PA RNAM PA DGU SPANGS PA'I PHYIR DE MI 'ONG BA DE NI YONGS SU MYA NGAN LAS 'DAS PA DANG, GONG DU 'PHO BA'I DBYE BAS RNAM PA GNYIS SO, ,DE LA DANG PO NI SKYE BA DANG MNGON PAR 'GRUB PA'I KUN TU SBYOR BA DAG SPANGS PA DANG MA SPANGS PA'I PHYIR NA BAR MA DO DANG, GNYI GA MA SPANGS PA'I PHYIR NA GZUGS KYI KHAMS SU DANG, MNGON PAR 'DU BYED PA DANG, MNGON PAR 'DU MI BYED PA'I PHYIR NA, DE NYID DU LAM MNGON DU BYAS PAS SDUG BSNGAL MTHAR PHYIN PA THOB PA NA, GO RIMS JI LTA BA BZHIN DU BAR MA DO DANG, SKYE GNAS DANG, MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I DBYE BAS RNAM PA BZHI'O, ,GNYIS PA YANG DAD PA DANG MTHONG BAS THOB PA'I KHYAD PAR GYIS 'OG MIN GYI MTHAR THUG PA DANG SRID PA'I RTZE MO'I MTHAR THUG PA'I DBYE BAS NA RNAM PA GNYIS SO, DE LA DANG PO NI 'JIG RTEN PA'I BSGOM PA'I LAM GYIS RANG GI RIGS SU GTOGS PA'I NYON MONGS PA CHUNG NGU DANG, 'BRING DANG, CHEN PO'I DBYE BA SPANGS PA NA, 'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA NYID KYIS 'OG MIN DU 'JUG PAS NA RNAM PA GSUM MO, ,GNYIS PA YANG 'JIG RTEN PA'I BSGOM PA'I LAM GYIS GZUGS KYI KHAMS PA'I NYON MONGS PA MA SPANGS PA DANG, SPANGS PA'I PHYIR NA, @258B MTHONG BA'I CHOS LA ZHI BA DANG, LUS KYIS MNGON SUM DU BYED PA'I DBYE BA RNAM PA GNYIS SO, ,DE NAS SRID PA'I RTZE MO'I NYON MONGS PA RNAM PA BRGYAD SPANGS PA'I PHYIR NA DGRA BCOM PA'I 'BRAS BU LA ZHUGS PA'O, ,NYON MONGS PA MA LUS PA SPANGS PA'I DGRA BCOM PA NI SANGS RGYAS DKON MCHOG GI NANG DU 'DUS PA DES NA DE NI NANG DU MI BSDU'O, ,SANGS RGYAS MA BYUNG BA NA RANG LAM MNGON DU GYUR PA'I PHYIR RANG SANGS RGYAS KYANG YIN NO, ,DE LTAR BYAS PA DES NA 'BRAS BU LA GNAS PA DANG ZHUGS PA'I DBYE BAS 'BRAS BU DANG PO NI RNAM PA LNGA'O, ,GNYIS PA NI RNAM PA GSUM MO, ,GSUM PA NI RNAM PA BCU'O, ,BZHI PA NI GCIG NYID DO, ,RANG SANGS RGYAS KYANG YIN NO, ,RTOGS PAR SLA BA NYID KYIS NA DANG PO DANG GNYIS PA'I 'BRAS BU LA GNAS PA DANG, 'BRAS BU BZHI PA LA ZHUGS PA NI TSIGS SU BCAD PAS MA BRJOD DO, ,LAS DANG PO PA'I BSOD NAMS KYI TSOGS KYI YAN LAG THAR PA'I CHA DANG MTHUN PA MA BRJOD PAR GRUB PA DES NA DE MA BRJOD PAR MOS PA'I SPYAD PA SPYOD PA'I YE SHES KYI TSOGS KYI YAN LAG BDEN PA RTOGS PA DANG, RJES SU MTHUN PA SGRUB PA'I SBYOR BA NGES 'BYED KYI YAN LAG RNAM PA BZHI STON PA NI LAS DANG PO PA DE LTAR GDAMS NGAG THOB PA ZHES BYA BA LA SOGS PA'O, ,'DIR YANG NGES 'BYED KYI CHA DANG MTHUN PA'I NGO BO MA BSTAN PAR DE'I KHYAD PAR BSTAN PAR MI NUS PA'I PHYIR NA, NGO BO DANG DE DAG RIM PA BZHIN DU BRJOD PA NI BYANG CHUB SEMS DPA' RNAMS KYI ZHES BYA BA LA SOGS PA'O, ,DGONGS PA NI KUN 'BYUNG LA SOGS PA'I BDEN PA BZHI PO RNAMS LA RTEN CING 'BREL PAR 'BYUNG BA'I MTSAN NYID KYI RGYU DANG, RTOGS BZHIN PA'I RANG BZHIN 'BRAS BU DANG, STONG PA NYID KYI MTSAN NYID KYI NGO BO DANG, THA MI DAD PA'I BDAG NYID CHOS NYID DE, BZHI PO RNAMS KYIS SAM MNGON PAR ZHEN PA MNGON PA MED PA LA SOGS PA'I RNAM PA RNAMS KYIS, DMIGS PA RNAMS LA SGRUB PA RNAM PA BCU GNYIS SKYE BA ZHES BYA BA YIN NO, ,BSTAN ZIN PA'I KHYAD PAR GYI RAB TU DBYE BA BSTAN PA'I PHYIR, DMIGS PA DANG ZHES BYA BA LA SOGS PAS 'DRI BA DGOD PA'O, , @259A *, ,BDEN PA BZHI LA GNAS PA'I RNAM PA MI RTAG PA NYID LA SOGS PA BCU DRUG PO RNAMS KYI NYAN THOS LA SOGS PAS GZUGS LA SOGS PA LA DMIGS PAR BYED PA'I RNAM PA GANG YIN PA DE DAG NI BYANG CHUB SEMS DPA' MNGON PAR ZHEN PA DANG, MNGON PAR MA ZHEN PA 'GOG PA LA SOGS PA'I RNAM PAR DMIGS PAR BYED DO, ,JI LTAR NYAN THOS LA SOGS PA'I RNAM PA DE NI CHUNG NGU'I DMIGS PAR 'GYUR BA DE BZHIN DU DE'I RNAM PA MNGON PAR ZHEN PA LA SOGS PA 'GOG PA GANG YIN PA DE NI 'BRING GI DMIGS PAR BYA BA YIN NO, ,'BRING GI RNAM PA CHOS KYI BRDA RGYUN MI 'CHAD PA DANG 'DRA BA DAG NGO BO NYID KYIS MED PA GANG YIN PA DE NI CHEN PO'I DMIGS PA YIN NO, ,DE BZHIN DU RTZE MO LA SOGS PA 'OG MA DAG LA YANG SBYAR BAR BYA'O, ,'DI SKAD BRJOD PA YIN TE BYANG CHUB SEMS DPA' NI GNAS SKABS GANG DU RNAM PA GANG GIS GANG ZHIG DMIGS PAR BYED PA'I DMIGS PA DANG RNAM PA DE DAG GI KHYAD PAR LA MNGON PAR ZHEN PA MED LA, MNGON PAR ZHEN PA MED PA YANG MI DMIGS PA'I SBYOR BAS CHOS KYI DBYINGS RTOGS PAR 'GYUR BA YIN TE, CHOS KYI DBYINGS NI MNGON PAR ZHEN PA MED PA DANG, DMIGS PA MED PA'I MTSAN NYID CAN YIN PA'I PHYIR RO, ,NYAN THOS LA SOGS PA DANG, BYANG CHUB SEMS DPA'I DMIGS PA NYID DU BDEN PA BZHIR 'DOD PA'I PHYIR NA DMIGS PA DANG RNAM PA DAG DE LA RTEN PA NYID DU SHES PAR BYA'O ZHES BSTAN PA'I DON DU, DMIGS PA MI RTAG PA LA SOGS PA ZHES BYA BA LA SOGS PA'I PHYOGS NYE BAR BKOD DO, ,'O NA JI LTAR MI RTAG PA NYID LA SOGS PAR MNGON PAR ZHEN PA BKAG PA LA SOGS PA'I RNAM PAR DMIGS PA, THEG PA GSUM KA RTOGS PA'I RGYU YIN TE, DE LTAR NA NI BLA NA MED PA'I BYANG CHUB SGRUB PAR BYED PA NYID DU 'GYUR BA'I PHYIR RO ZHE NA, GAL TE THEG PA GNYIS YONGS SU SHES PA MED PAR SANGS RGYAS NYID DU 'GYUR NA NI DE BDEN NO, ,'DI LTAR THAMS CAD SHES PA NYID DANG LAM SHES PA NYID DAG GIS GZHI DANG LAM THAMS CAD SHES NAS RNAM PA THAMS CAD MKHYEN PA NYID KYIS DNGOS PO THAMS CAD KYI @259B RNAM PA MTHA' DAG MNGON DU BYED PA YIN TE, RNAM PA THAMS CAD MKHYEN PA NYID NI 'BRAS BU NYID KYIS NA ZHES BYA BA LA SOGS PA BSHAD ZIN PA YIN NO, ,DES NA THEG PA GNYIS NI BYANG CHUB SEMS DPA' YONGS SU SHES PAR BYA BA YIN LA, GCIG NI SHES NAS MNGON DU BYA BA YIN PA'I PHYIR NA 'GAL BA MED DO, ,BYANG CHUB SEMS DPA'I NYON MONGS PA NI RNAM PAR RTOG PA YIN PA'I PHYIR, DE YOD NA CHOS KYI DBYINGS MI RTOGS SO, ,DES NA 'CHAD PAR 'GYUR BA'I MTHONG BA'I LAM DANG, BSGOM PA'I LAM GYIS SPANG BAR BYA BA YIN PA'I PHYIR, SBYOR BA'I LAM DU DE SPANG BA MA YIN NO, ,DE LTA YIN DANG NYAN THOS LA SOGS PA LA NI YOD KYANG MED PA DANG, KHYAD PAR MED PA'I PHYIR NA, MED DO ZHES BYA BA DANG DE YOD PA NYID KYIS BYANG CHUB SEMS DPA'I SBYOR BA KHYAD PAR DU GYUR PA YIN NO ZHES KYANG BRJOD PA YIN NO, ,'DI SKAD BRJOD DE KUN NAS NYON MONGS PA'I DNGOS PO DANG, GANG ZAG RDZAS SU YOD PA'I RTEN CAN GZUNG BA DANG 'DZIN PAR RNAM PAR RTOG PA DAG GIS SRID PAR SKYE BAS NA RNAM PAR BYANG BA'I DNGOS PO DANG, SKYES BU BTAGS PAR YOD PA'I RTEN CAN GZUNG BA DANG 'DZIN PA'I RNAM PAR RTOG PA DAG GIS MYA NGAN LAS 'DAS PAR 'GYUR BA YIN NO, ,BDEN PAR 'DOD PA NI MI GNAS PA'I MYA NGAN LAS 'DAS PA YIN TE, DE'I PHYIR RNAM PAR RTOG PA NYID LAM GYIS SPANG BAR BYA BA YIN NO ZHES BYA BA YIN NO, ,DES NA KHYAD PAR BZHI PO 'DI NI DGE BA'I BSHES GNYEN GYI KHYAD PAR NYID LAS 'GYUR BA DES NA DE'I KHYAD PAR STON PA NI, TSIGS SU BCAD PA SBYAR BA DANG MTHUN PA ZHES BYA BA'O, ,GANG GI TSE THABS MKHAS PA'I STOBS KYIS CHOS THAMS CAD NGO BO NYID MED PAR SHES PA DE'I TSE DMIGS PA LA SOGS PA'I KHYAD PAR CAN DU 'GYUR RO ZHES BYA BA'I DON TO, ,DE LTAR SBYOR BAS RTOGS PA'I KHYAD PAR BSHAD NAS RTOGS PA PO BRJOD PA NI SGRUB PA DANG LDAN PA ZHES BYA BA'O, ,RTOGS PA PO'I GNAS SKABS KYI DBYE BA DANG, RANG BZHIN DAG GIS 'CHAD BZHIN PA'O, ,RIGS RTOGS PA'I RGYUR 'GYUR BA DES NA DANG POR GNAS SKABS KYI DBYE BA BCU GSUM BRJOD PA NI, RE ZHIG DANG POR ZHES BYA BA'O, ,BYANG CHUB SEMS DPA' @260A *, ,NI BYANG CHUB TU SEMS BSKYED PA LA DMIGS NAS BSTAN ZIN PA'I NGES PAR 'BYED PA'I CHA DANG MTHUN PA'I RNAM PA BZHI'I STOBS KYIS CHOS KYI DBYINGS BLTAS TE, BSGOM PA'I LAM CHUNG NGU'I CHUNG NGU LA SOGS PAS RNAM PAR SBYANGS NAS, GNYEN POS MI MTHUN PA'I PHYOGS DRUNG 'BYIN PAR BYED LA, RLOM PAR YANG MI BYED DO, ,RLOM PA MED BZHIN DU YANG SNYING RJE DANG SHES RAB DAG GIS THUN MONG MA YIN PA'I CHOS THOB PAS, THEG PA GSUM LA SEMS CAN 'DUL BA NA, SANGS RGYAS NYID THOB PAR 'GYUR TE, DE LTAR GONG NAS GONG DU MNGON PAR 'PHEL BAS NA RIGS RNAM PA BCU GSUM MO, ,RANG GI NGO BOR BSTAN PAR 'DOD PAS PHYOGS SNGA MA DGOD PA NI GAL TE CHOS KYI DBYINGS ZHES BYA'O, ,SANGS RGYAS KYI CHOS THAMS CAD NI SO SOR NGES PA NYID DU 'DI LA GNAS TE, DE NA GAL TE RTEN GYI MTSAN NYID KYI RIGS LA DBYE BA MED PA DE LTAR NA YANG THOG MA MED PA SRID PA NAS YOD PA'I DNGOS PO LA MNGON PAR ZHEN PA'I DRI MAS SBAGS PA NYID KYIS SBYOR BA LA SOGS PA LA LTOS NAS GANG GIS TSOGS SOGS PA, RTOG PAS BYAS PA'I DBYE BA YOD PA NYID DO, ,DE SKAD DU YANG, KUN NAS NYON MONGS RNAM DAG PA, ,DE NI DRI BCAS DRI MA MED, ,CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES GSUNGS SO, ,GNAS SKABS BCU GSUM GYIS DMIGS PAR BYA BA'I YUL RNAM PA BRGYAD DANG, RANG GI NGO BO NYID GSUM DANG LDAN PAR BRJOD PA NI SGRUB PA'I RTEN DU GYUR PA JI SKAD BSHAD PA ZHES BYA BA'O, ,PHUNG PO LNGA DANG, BSAM GTAN BZHI DANG, NYE BAR LEN PA'I PHUNG PO DANG, DRAN PA NYE BAR GZHAG PA DANG, 'DOD PA LA SOGS PA'I KHAMS DANG, DE BZHIN NYID DANG 'PHAGS PA'I SKYE BO DANG 'BREL PA'I BSAM GTAN BZHI DANG, SANGS RGYAS KYI CHOS NYID NI DGE BA DANG, MI DGE BA DANG, LUNG DU MA BSTAN PA'I SGRAS PA RJOD PAR BYA BA'I CHOS THAMS CAD DE, 'JIG RTEN PA LA SOGS PA RNAM PA GNYIS PO BZHIS SBYOR BA'I LAM LA SOGS PA RNAMS KYIS DMIGS PAR BYED DO, ,DES NA SPYI DANG, KHYAD BAR GYI NGO BOS DMIGS PA RNAM PA BCU GCIG GO, ,SBYOR @260B BA RNAMS LA 'DI SGRUB PAS CHED DU BYA BAS NA BSGRUBS PA'I 'BRAS BU NI CHED DU BYA BA'O, ,DE'ANG RANG GI DON DANG GZHAN GYI DON GNYIS LAS, RANG GI DON SPANGS PA DANG RTOGS PA'I DBYE BAS RNAM PA GSUM MO, ,DES DE LTAR RTEN LA SOGS PA'I DRUG PO RNAMS KYI RANG GI NGO BO DANG RAB TU DBYE BA GNYIS YONGS SU SHES PA LAS DE RNAMS LA BSGRUB PAR 'GYUR BA YIN NO, ,DE YANG SPYI DANG KHYAD PAR GYI DNGOS POS YUL DANG SBYOR BA GNYIS LA GRANGS JI LTA BA BZHIN DU, DKAR BA'I CHOS DANG PHA ROL TU PHYIN PA DRUG RJES SU SGRUB PA'I RANG BZHIN LAS KYI DBYE BAS 'BRAS BU THA DAD PA'I PHYIR RNAM PA BZHIR 'GYUR RO, ,DES NA DE RANG GI NGO BO DANG, RAB TU DBYE BA DAG BSTAN PA'I PHYIR, ,DE LTAR SGRUB PA'I ZHES BYA BA LA SOGS PA GSUNGS SO, ,NYON MONGS PA DANG BRAL BA'I SBYOR BA RNAMS SU 'DIS GO CHA BGOS PAS NA 'DI'I RANG GI NGO BO NI BRTZON 'GRUS YIN LA, SBYIN PA LA SOGS PA DRUG TSAN DRUG GI YIN PA'I PHYIR NA RAB TU DBYE BA NI SUM CU RTZA DRUG STE DE BZHIN DU GZHAN LA YANG NGO, ,'DI LTAR BSAM PA YIN TE SBYOR BA'I LAM GYIS PHA ROL TU PHYIN PA DRUG GI RANG BZHIN RTOGS PA NA, MTHONG BA'I LAM GYI SA LA GNAS PA'I BYANG CHUB SEMS DPA' BSGOM PA'I LAM GYIS SNYING RJE LA SOGS PA RNAM PA MNGON DU BYED PA NI TSOGS BSAGS PA LAS KHYAD PAR GYI LAM GYI CHED DU BYA BA RNAM PA GSUM LA SOGS PA THOB PAS NA BYA BA BYAS PAR 'GYUR RO, ,ZHES BYA BA YIN NO, MNGON PAR RTOGS PA DANG PO 'DI'I DON NI 'DI YIN TE, TSUL JI LTA BA BZHIN BYANG CHUB KYI SEMS RNAM PA GNYIS BSKYAD PA NA DE MTHAR THUG PAR 'GRO BAR BYA BA'I DON DU DGE BA'I BSHES GNYEN LAS GDAMS NGAG BZUNG STE, SBYOR BA RTZOM PA'I DUS SU RANG GI GNAS SKABS DANG, CHOS RNAMS KYI RANG BZHIN LA RNAM PAR LTA BA NA RANG DANG GZHAN GYI DON GYI CHED DU BYAS NAS GO CHA LA SOGS PA SGRUB PA SPYOD PA'I RANG BZHIN RNAM PA BZHIS CHOS THAMS CAD KYI RNAM PA THAMS CAD MNGON DU BYED DO, ,DES NA DON BCU PO 'DI RNAMS KYIS RNAM PA THAMS CAD BSDUS PA YIN NO ZHES BYA BA'O, ,SKABS DANG PO'O,, ,,BSHAD ZIN PA'I RNAM PA RNAMS NI GNYEN PO BSGOM PA MED PAR MI @261A *, ,'GRUB PAS NA, LAM SHES PA NYID KYI GNYEN PO GSUNGS PA NI, RNAM PA THAMS CAD MKHYEN PA NYID RTOGS PA NI ZHES BYA BA'O, ,LAM GYI YAN LAG DANG, DE'I RANG GI NGO BO DANG, DE'I RGYU DANG DE'I 'BRAS BU RNAMS SPYIR BRJOD PAR BYA BA YIN NO, ,DE LA DANG PO LAM GYI YAN LAG GSUNGS PA NI, LAM SHES PA NYID SKYE BAR RUNG BA NYID DU ZHES BYA BA'O, ,RLOM PA MED PA NYID DANG, BYANG CHUB TU SEMS BA SKYED PA NYID DANG, THEG PA THAMS CAD PA NYID DANG, ,RNAM PA THAMS CAD DU NYON MONGS PA MA SPANGS PA NYID DANG, SEMS CAN THAMS CAD KYI DON BSGRUB PA'I MTSAN NYID RTEN DANG, SO SOR NGES PA DANG, KHYAB PA DANG, RANG BZHIN DANG, LAS KYI MING CAN RNAMS MI GNYEN PO'I YAN LAG YIN PA'I PHYIR NA, LAM GYI YAN LAG TU BRJOD DO, ,DE BAS NA DE MED PAR LAM SHES PA MI 'BYUNG BA'I PHYIR RE ZHIG DE YUL DU BYAS PA YIN NO ZHES BRJOD PAR 'GYUR RO, ,LAM GYI RANG BZHIN BRJOD PA'I SKABS SU RE ZHIG NYAN THOS KYI LAM GYI RANG BZHIN BRJOD PA NI DE LTAR RTEN LA SOGS PA ZHES BYA BA'O, ,BDEN PA DANG DE'I RNAM PA RNAMS LA THEG PA'I DBYE BAS THA DAD PA MED PA'I PHYIR, DMIGS PA DANG, MI DMIGS PAS BYAS PA'I DBYE BA BRJOD PAR BYA BA YIN NO, ,DE LTAR YIN YANG THEG PA DANG PO LA YANG BYANG CHUB SEMS DPA' MI DMIGS PA'I SBYOR BAS DMIGS PAR BYA BA'I BDEN PA RNAM PA DANG MI 'DRA BA DANG, LHAG PAR 'GYUR BA YIN NO, ,'DI LTAR SDUG BSNGAL DANG KUN 'BYUNG GNYIS KYI RNAM PA MI 'DRA BA BRGYAD PO RNAMS KYI MTHAR RE RE LA YID 'BYUNG BA DANG, 'DOD CHAGS DANG BRAL BA DANG, 'GOG PA'I RNAM PA GSUM MO, ,DE RNAMS KYI DANG PO NI MI MTHUN PAR 'GYUR BA NYID DANG, GNYEN PO DANG BSAM PA NYID KYIS NA, PHA ROL NYID DANG, 'JIG PA'I CHOS CAN NYID CES BYA BA GNYIS SO, ,GNYIS PA YANG RANG GI NGO BO RNAM PAR MI GNAS PA NYID DANG, RGYU LA MA LTOS PAR 'JIGS PA NYID KYIS NA, G-YO BA DANG, RAB TU 'JIG PA RNAM PA GNYIS SO, ,GSUM PA LA NI 'JIG RTEN 'DI DANG PHYI MA GNYIS SU 'JIGS PA DANG BCAS PA DANG, SEMS YOD PA DANG, SEMS MED PAS BYAS PA'I NYE BAR 'TSE BA DANG, @261B BCAS PA RNAMS KYIS NA 'JIGS PA DANG, 'GO BA'I NAD DANG, NYE BAR 'TSE BA'I RNAM PA GSUM STE, DE LTAR RNAM PA BDUN NI LHAG PA YIN NO, ,DE BZHIN DU 'GOG PA LA'ANG MI MTHUN PA'I RNAM PA BZHI'I MTHAR RTAG TU PHAN PA'I BZHI NYID KYIS NA, STONG PA NYID DANG, MTSAN MA MED PA DANG; SMON PA MED PA DANG, MNGON PAR 'DU BYED PA MED PA'I RNAM PA RNAMS LHAG PAR GYUR PA YIN NO, ,LAM LA RNAM PA LHAG PA'I RGYU MTSAN MED PA'I PHYIR NA MI 'DRA BA TZAM DU ZAD DO, ,DES NA BDEN PA BZHI LA RTEN PA'I RNAM PA NYI SHU RTZA DRUG PO 'DI RNAMS BYANG CHUB SEMS DPA' DANG 'BREL PAR YIN YANG YONGS SU SHES PAR BYA BA'I CHOS KYI SGRUB BYED YIN PA'I PHYIR NA NYAN THOS KYI LAM NYID YIN PAS NA 'GAL BA 'GAL YANG MED DO, ,DANG PO'I LAM GYI RANG BZHIN BRJOD ZIN TO, ,DE'I RGYU BRJOD PA NI BDEN PA BZHI YONGS SU SHES PA NI ZHES BYA BA'O, ,'DI LA YANG RNAM PA'I KHYAD PAR DANG, DE'I RGYU BRJOD PAR BYA BA YIN NO, ,DE LA STONG PA NYID RNAMS LA THA MI DAD PAR DMIGS PA DANG, DE MI DMIGS PA DANG, RTAG PA LA SOGS PAR DMIGS PA'I GNAS 'GOG PA DANG, SA BCU PA'I GNAS 'GOG PA'I MTSAN NYID RNAM PA BZHI PO RNAMS KYIS BDEN PA BZHI YUL DU BYAS PA NA, LAM GYI RNAM PA LNGAR BSHAD PA SKYE ZHING, RNAM PA DE DAG KYANG TSAD MAS MA DMIGS PA'I PHYIR KHYAD PAR DU 'PHAGS PA YIN NO, ,THEG PA DANG PO GNYIS LA NI RNAM PA'I KHYAD PAR MED PA'I PHYIR NA, 'BRAS BU DANG DMIGS PA'I RNAM PA DAG GIS KHYAD PAR NYE BAR MTSON PAR BYED PA GSUNGS PA NI NYAN THOS KYI LAM ZHES BYA BA LA SOGS PA'O, ,DE LA GZHAN GYI NYE BAR STON PA LA MI LTOS PAR RANG 'BYUNG GI YE SHES NYID DANG, ZAB PA NYID NI 'BRAS BU'I KHYAD PAR YIN LA, GZUNG BA'I RTOG PA MA DMIGS PA DANG, 'DZIN PA'I RTOG PA TZAM GYI SA SNGAR BSHAD PA'I RNAM PA RNAMS KYI SGO NAS BDEN PA LA DMIGS PA ZHES BYA BA NI DMIGS PA DANG RNAM PA'I KHYAD PAR RO, ,KHYAD PAR 'DI GNYIS NI RGYU'I KHYAD PAR MED PAR MI 'BYUNG BAS NA DE BRJOD PA NI NGES PAR 'BYED PA'I CHA DANG MTHUN PA THOB NA ZHES BYA BA YIN NO, ,GZUGS LA @262A *, ,SOGS PA GZUNG BA'I MTSAN NYID MA DMIGS PA'I PHYIR NA, DE BRDA LAS BYUNG BA TZAM NYID DANG, 'GRIB PA DANG, 'PHEL BA MED PA NYID DANG, NANG STONG PA NYID LA SOGS PA NYID DU YONGS SU MI 'DZIN PA DANG, SKYE BA DANG 'GAG PA BKAG PA'I RNAM PA RNAMS KYIS DMIGS PA NI RGYU'I KHYAD PAR RO, ,THEG PA DANG PO'I 'BRAS BU NI THEG PA GNYIS PA'I 'BRAS BU BRJOD PA'I SHUGS KHO NAS BDE BLAG TU RTOGS TE, DES NA LOGS SU MA BSHAD DO, ,THEG PA GSUM PA NI LAM GYI SKAD CIG MA RNAM PA'I KHYAD PAR DAG KHO NA NAS KHYAD PAR DU BYA BA STE, DES NA DE DAG RIM PA BZHIN BSHAD PA NA, RANG SANGS RGYAS KYI LAM GYI MJUG THOGS SU ZHES BYA BA'O, ,DON 'DI YIN TE SNGAR BSHAD PA'I CHUNG NGU'I CHUNG NGU LA SOGS PA NGES PAR 'BYED PA'I CHA DANG MTHUN PA BCU GNYIS KYI DE MA THAG TU SDUG BSNGAL LA CHOS SHES PA'I BZOD PA'I SKAD CIG SKYE LA, ,DE YANG NGO BO NYID KYI SKU'I MTSAN NYID SANGS RGYAS DANG, CHOS THAMS CAD KYI DE BZHIN NYID GNYIS LA PHAN TSUN RTEN DANG BRTEN PA'I DNGOS PO MI DMIGS PA'I RNAM PAS DMIGS PA NA, BYANG CHUB SEMS DPA'I LAM NYID 'THOB PO, ,DE BZHIN DU SDUG BSNGAL LA CHOS SHES PA'I SKAD CIG LA YANG GZUGS LA SOGS PA'I CHOS KYI DBYINGS SU SBYOR BA RNAMS LA, CHEN PO NYID LA SOGS PA'I RNAM PA BSGOM SA PAS NA DE BZHIN DU 'GYUR RO, ,DE LTAR NA YANG SDUG BSNGAL MTHONG BAS SPANG BAR BYA BA'I NYON MONGS PA SPONG PA DANG, DE LAS RNAM PAR GROL BA GRANGS JI LTA BA BZHIN SKYE'O, ,DE YANG CHOS KYI DBYINGS ZAG PA MED PA NYID DU RTOGS PA'I PHYIR, MTHONG BA'I LAM GYI SKAD CIG MA THAMS CAD KYI RGYU'I DNGOS POR 'GYUR ZHING, BDAG NYID KYANG MTHONG BA'I LAM ZHES BYA BAR 'GYUR PA YIN NO, ,DE BZHIN DU LAM GYI SKAD CIG MA PHYI MA RNAMS LA YANG SO SOR RNAM PA'I KHYAD PAR RTOGS PAR BYA'O, ,RNAM PA THA DAD PAS SKAD CIG RNAMS THA DAD KYANG, CHOS KYI DBYINGS MTHONG BA'I LAM LA KHYAD PAR CI YOD CE NA, BRJOD PA SBYOR BA'I LAM BRTEN PA, SDUG BSNGAL GYI BDEN PA RTOGS @262B BAR BYA BA'I CHOS RNAM PAR SPYOD PA BDAG POR BYAS NAS, GANG GI SDUG BSNGAL MTHONG BAS SPANG BAR BYA BA'I NYON MONGS PA SPONG BAR 'GYUR BA'I NYON MONGS PAR 'GYUR BA CHOS THAMS CAD KYI SDUG BSNGAL GYI BDEN PA'I DNGOS PO MNGON DU BYED PA'I SHES PA 'JIG RTEN LAS 'DAS PA SKYE BA YIN NO, ,DES KYANG THE TSOM DANG PHYIN CI LOG LAS 'DAS PA'I PHYIR NA, SDUG BSNGAL NYID 'DOD CING BZOD LA YONGS SU TSOL TE, 'DI NI SDUG BSNGAL LA CHOS SHES PA'I BZOD PA'O, ,DE NYID KYIS NYON MONGS PA RNAM PAR GROL BAR 'GYUR TE, CHOS NYID KYI MTSAN NYID NI RNAM PAR GROL BA YIN PA'I PHYIR RO, ,DES NA RNAM PAR GROL BA MNGON DU BYED PA NI SDUG BSNGAL LA CHOS SHES PA'I BZOD PA'O, ,BZOD PA DANG SHES PA DE DAG KYANG 'PHAGS PA'I CHOS RNAMS KYI RJES SU 'GRO BA YIN NO ZHES BYA BA'I RNAM PAR BZOD PA'I PHYIR NA SDUG BSNGAL LA RJES SU SHES PA'I BZOD PA'O, ,DE'I STOBS KYIS KYANG RJES SU 'GRO BA NGES PAR 'DZIN PAR BYED PA'I MNGON SUM ZAG PA MED PA SNANG BA GANG YIN PA DE NI SDUG BSNGAL LA RJES SU SHES PA'O, ,DE BZHIN DU BDEN PA LHAG MA RNAMS LA YANG BZOD PA DANG, SHES PA RNAMS KHONG DU CHUD PAR BYA'O, ,DE LTAR YIN DANG SKAD CIG BCU DRUG PO RNAMS LA YANG SHES BYA LA SHES PA SKYE BA NYID YONGS SU RDZOGS PA NYID MTHONG BA'I LAM GYI SKAD CIG YIN NO, ,DE LA YANG CHOS SHES PA'I BZOD PA DANG, CHOS SHES PA GNYIS KYIS GZUNG BA RTOGS PA DANG, RJES SU SHES PA'I BZOD PA DANG, RJES SU SHES PA GNYIS KYIS 'DZIN PA YANG RTOGS PA NA, BYANG CHUB SEMS DPA' MTSAN MA MED PA DANG, MI DMIGS PA LA GNAS PAS MTHONG BA'I LAM LA GNAS PAR 'GYUR RO, ,'O NA JI LTAR MTHONG BA'I LAM DANG SKAD CIG GCIG LA MNGON PAR RTOGS PAR BSHAD CE NA, 'BRAS BU'I MNGON PAR RTOGS PA LA DGONGS PA'I PHYIR RO, ,'DI LTAR BSHAD ZIN PA'I LAM GYI SDUG BSNGAL SPONG BA NI KUN 'BYUNG SPONG BA MED PAR MI 'BYUNG LA, DE NYID KYANG 'GOG PA YIN NO, ,DES NA 'BRAS BU GCIG YIN PA'I PHYIR MTHONG BA'I LAM SKAD @263A *, ,CIG GCIG MNGON PAR RTOGS PA YIN NO, ,RTOGS PA'I MNGON PAR RTOGS PA LA YANG, GAL TE SKAD CIG MA BCU DRUG GIS RTOGS PA'I RNAM PA THA DAD PA DE LTA NA YANG, CHOS KYI DBYINGS RTOGS PA LA NI THA DAD PA CI YANG MED DO, ,DE LTAR MA YIN NA MIG SER CAN LA SOGS PA'I MTHONG BA BZHIN DU DA DUNG YANG 'KHRUL PA MI LDOG PA'I PHYIR, JI LTAR MTHONG BA'I LAM DU 'GYUR, DE LTA NA YANG DE BSGOM PA'I LAM GYIS RNAM PAR DAG PAR MI 'GYUR TE, MTHONG BA DAG PA MI 'THAD PA'I PHYIR RO, ,DES NA CHOS KYI DBYINGS NI SKAD CIG GCIG LA RTOGS PA CAN YIN NO, ,DE GCIG PA'I PHYIR NA LAM YANG SKAD CIG GCIG NYID DO, ,DE LTAR LAM GSUM GYI RANG BZHIN BRJOD MA THAG TU, DE'I RGYU BRJOD PAR RIGS PA YIN MOD KYI DE NI RNAM PA THAMS CAD MKHYEN PA'I SKABS SU BSHAD ZIN PA'I PHYIR DE MA BRJOD PAR LAM GYI PHYOGS GCIG GI 'BRAS BU BSHAD PA'I PHYIR BRJOD PA NI MTHONG BA'I LAM GYI MJUG THOGS SU ZHES BYA'O, ,'DI SKAD BRJOD PA YIN TE, 'CHAD PAR 'GYUR BA BSGOM PA'I LAM ZAG PA DANG BCAS PA DANG, ZAG PA MED PA DAG GIS MTHONG BA'I DON DAG PAS MTHAR PHYIN PA NA KHYAD PAR GYI LAM ZHES BYA BA MTHONG BA'I DON RNAM PAR DAG PA'I GNAS SKABS SU 'GYUR BA YIN NO, ,DE LA GNAS PA'I BYANG CHUB SEMS DPA' NI ZHI GNAS DANG LHAG MTHONG DANG LDAN PA'I SEMS BRTAN PAR GYUR PA NA NYON MONGS PA DANG, NYE BA'I NYON MONGS PA THAMS CAD RGYU NGA RGYAL DANG CHAGS PA DAG LDOG LA; DE LDOG PA NA YANG DE'I RGYU CAN GYI SDUG BSNGAL DANG KUN 'BYUNG BA LDOG GO, ,DES NA SGRIB PA GNYIS SPANGS PAS SANGS RGYAS KYI CHOS MTHA' DAG MNGON DU BYED PA NA DE'I BDAG PO LAS BZHI'I YUL MCHOD PAR BYA BA NYID DU 'GYUR RO, ,DE NYID KYI PHYIR NA LAM DANG PO GNYIS LA, BYANG CHUB SEMS DPA' LA BSGOM PA'I LAM GYI BYED PA MED PA'I PHYIR NA MA BRJOD DO, ,YONGS SU SHES PA'I NI MTHONG BA'I LAM NYID KYIS RDZOGS PA'I PHYIR RO, ,'O NA JI LTAR THEG PA GNYIS KYIS BSGOM PA'I LAM MNGON DU MA BYAS PAR RNAM PA THAMS CAD MKHYEN PA NYID 'THOB CES BRTZAD PAR NI @263B MI BYA STE, MTHONG BA'I LAM BZHIN DU BSGOM PA'I LAM LA YANG RNAM PA'I KHYAD PAR YONGS SU SHES PAR BYAR MED PA'I PHYIR RO, ,'DI LTAR SBYOR BA RNAMS LA YANG BYANG CHUB SEMS DPA' MI DMIGS PA LA SOGS PA'I RNAM PAS SBYOR BA'I PHYIR, MI RTAG PA LA SOGS PA'I RNAM PA CAN GYI SBYOR BA LAS KHYAD PAR DU 'PHAGS PA YIN TE, DES NA MTHONG BA'I LAM GYI RNAM PA RNAMS KYANG KHYAD PAR 'GYUR BA YIN NO, ,GANG GIS BSGOM PA'I LAM GYI RNAM PA KHYAD PAR DU YONGS SU SHES PAR BYA BAR 'GYUR BA DE BZHIN DU, MTHONG BA'I LAM GYI RNAM PA RNAMS LA NI RANG GI NGO BOS KHYAD PAR YOD PA MA YIN NO, ,DES NA THEG PA THA MA BSGOM PA'I LAM YONGS SU SHES PA KHO NAS DANG PO GNYIS KYIS BSGOM PA'I LAM SHES PA'I PHYIR, RNAM PA THAMS CAD MKHYEN PA NYID 'THOB PA LA 'GAL BA 'GA' YANG YOD PA MA YIN NO, ,'JIG RTEN LAS 'DAS PA'I LAM GYI SKABS YIN NO, ,BSGOM PA'I LAM NYID DU KHYAD PAR MED PA'I PHYIR NA ZAG PA DANG BCAS PA YANG BSTAN TO, ,DE YANG SBYOR BA DANG DNGOS DANG MJUG GI DBYE BAS MOS PA LA SOGS PA'I MING CAN RNAM PA GSUM MO, ,DE LAS YUL DANG, RAB TU DBYE BA DANG, 'BRAS BU'I DBYE BAS DBYE BA BRJOD PA'I PHYIR, BYED PA'I 'OG TU ZHES GSUNGS SO, ,ZAG PA DANG BCAS PA YIN PA'I PHYIR RANG DANG GZHAN GNYI GA'I DON GYIS NA MOS PA'I YUL GSUM MO, ,DE DAG KYANG SO SOR CHUNG NGU'I CHUNG NGU LA SOGS PA'I RIM PAS, DMIGS PA'I RNAM PA THA DAD PA'I PHYIR MOS PA'I RNAM PA YANG SUM CU RTZA BDUN NO, ,MOS PAS SHES RAB KYI PHA ROL TU PHYIN PA LA 'JUG PA NA YANG BSTOD PA DANG BKUR BA DANG BSNGAGS PA'I RANG BZHIN CHUNG NGU DANG 'BRING DANG CHEN PO RNAMS KYI YANG CHUNG NGU LA SOGS PA'I DBYE BAS 'BRAS BU RNAM PA NYI SHU BDUN 'THOB PA'I PHYIR SBYOR BA RDZOGS PAR 'GYUR RO ZHES STON PA NI DE BSGOM PA'I ZHES BYA BA LA SOGS PA'O, ,LEGS PAR BSAGS PA'I SBYOR BA THAMS CAD MKHYEN PA NYID DU YONGS SU BSNGO BA NI RTZA BA YIN PA DES NA, BLA NA MED PA'I BYANG CHUB LA SOGS PA DMIGS PA RNAM PA BCU GCIG DANG LDAN PA'I MOS PA'I KHYAD PAR MI DMIGS @264A *, ,PA LA SOGS PA'I RNAM PA CAN RNAMS KYIS MOS PAR BYA BA'I DON LA DMIGS PA NA, THEG PA GSUM LA GDUL BAR BYA BA'I SEMS CAN RNAMS LA, DE'I LAM NYE BAR BSTAN PAS BYED PA THOB PA'I PHYIR ZAG PA DANG BCAS PA'I BSGOM PA'I LAM THONG BA YIN NO ZHES SBYOR BAR BYED PA NI DE LTAR MOS PA LA ZHES BYA BA LA SOGS PA'O, ,THOB PA'I LAM LA RJES SU YI RANG BA'I MTSAN NYID MJUG RGYAS PA'O, ,DES NA RJES SU YI RANG BAS LAM SPEL BA BRJOD PA NI, DE LTAR LEGS PAR BSNGOS PA ZHES BYA BA'O, ,'DI LTAR BSAM PA YIN TE, MTHONG BA'I LAM GYI DE MA THAG TU BSHAD ZIN TO, ,SBYOR BA DANG DNGOS DANG MJUG GI DBYE BAS BSGOM PA YONGS SU RDZOGS PA NA, 'JIG RTEN LAS 'DAS PA'I LAM YIN NO ZHES BYA BA'O, ,DE NYID KYI PHYIR BSGOM PA'I LAM ZAG PA DANG BCAS PA DANG ZAG PA MED PA GSUNGS PA NI ZAG PA DANG BCAS PA'I 'OG TU ZHES BYA BA'O, ,LAM GYI THOB PAR BYA BA DON 'DIS MNGON PAR 'GRUB PAR BYED PAS NA, MNGON PAR 'GRUB PA'I LAM GYIS THOB PA, RNAM PAR DAG PA'I LAM GYIS SPYI DANG KHYAD PAR DU RNAM PAR DAG PA'I PHYIR, NGO BO NYID LA SOGS PA RTOGS PA RNAM PA LNGA'O, ,CHOS THAMS CAD PHYIN CI MA LOG PAR MTHONG BA'I RANG BZHIN GYI LAM DU SANGS RGYAS NYID NGES PA'I PHYIR NA, CHOS THAMS CAD KYI KHYAD PAR SKYED PA LA 'THAD PA MA YIN NO, ,DE LTAR NA YANG DE GSUM MI DMIGS PA KHO NAS SANGS RGYAS KYI CHOS RNAMS THAMS CAD SKYE LA, DE LAS SANGS RGYAS NYID KYI MTSAN NYID KYI DON CHEN PO YIN NO ZHES BYA BA'I DON TO, ,SPYI DANG KHYAD PAR GYI DNGOS POS RNAM PAR DAG PA GNYI GA'I SKYE BA DANG 'GOG PA'I RGYU DAG LEN PA DANG 'DOR BA NYID LA RTOGS PA'I PHYIR, LEN PA DANG 'DOR BA DAG GI YUL RIM PAR BRJOD PA NI DE'I 'OG TU GANG ZHIG CES BYA BA LA SOGS PA'O, ,RE ZHIG RNAM PAR RTOG PA DANG PO NI MNGON PAR ZHEN PA LOG PA'I MTSAN NYID CAN YIN PA'I PHYIR, DGE SPYONG GI 'BRAS BU YANG MI DMIGS PA'I LAM GYIS THOB PA NA GANG LA MNGON PAR ZHEN PAR 'GYUR PA'I 'BRAS BU LUS PA CI ZHIG YOD, DES NA MNGON PAR ZHEN PA LA SOGS PA NYID LAM LOG PA NYID LAM @264B RNAM PAR DAG PA YIN NO, ,DES NA DE'I KHYAD PAR BRJOD PA NI RNAM PAR DAG PA SPYIR BRJOD NA ZHES BYA BA'O, ,KHYAD PAR DE YANG BYED PA DANG YUL GYI KHYAD PAR MED PAR BSTAN PAR MI NUS PA DES NA, DANG POR BYED PA'I KHYAD PAR BRJOD PAR BYA BA YIN NO, ,DE LA NYAN THOS DANG RANG SANGS RGYAS KYIS RANG RANG GI NGES 'BYED KYI CHA DANG MTHUN PA RTOGS PA'I RIM GYIS LAM MNGON DU GYUR PA NA GO RIMS JI LTA BA BZHIN DU NYON MONGS PA'I SGRIB PA DANG, GZUNG BA'I RNAM PAR RTOG PA'I MTSAN NYID SHES BYA'I SGRIB PA SPANGS PA'I PHYIR DANG, BYANG CHUB SEMS DPA' NI SNGAR BRJOD PA'I THEG PA GSUM GYIS BSDUS PA'I NGES PAR 'BYED PA'I CHA DANG MTHUN PA'I RIM GYIS LAM MNGON SUM DU BYAS PA NA LAM GSUM GYI SGRIB PA SPANGS PA'I PHYIR, SPROS PA MED PA'I TING NGE 'DZIN THOB NA TSAD MA DANG GZHAL BYA THAMS CAD KYI RANG BZHIN MA DMIGS PA'I PHYIR, MI MTHUN PA'I PHYOGS DANG GNYEN PO GANG RANG BZHIN NI MTSUNGS PA NYID KYIS SGRIB PA'I PHYIR RNAM PAR RTOG PA YANG SPANG PA'I PHYIR, LAM GYIS RDZOGS PA'I BYANG CHUB SHIN TU RNAM PAR DAG PA YIN NO, ,DE LA BSDUS PA'I DON NI 'DI YIN TE, LAM GYI YAN LAG RNAM PA LNGA RDZOGS PA NA, BDAG NYID JI LTA BA BZHIN DU NGES PAR 'BYED PA'I CHA DANG MTHUN PA LAS MA 'DAS PAR NYAN THOS KYI LAM GYIS THAMS CAD KYI GNYEN PO MTHONG BA NA, RANG SANGS RGYAS KYI LAM GYIS GZUNG BA'I RNAM PAR RTOG PA DANG BRAL BA DANG, BYANG CHUB SEMS DPA'I LAM GYIS 'DZIN PA'I RNAM PAR RTOG PA DANG BRAL BA RTOGS NAS BSGOM PA'I LAM ZAG PA DANG BCAS PA ZAG PA MED PA DAG GIS DES SPANG BAR BYA BA'I NYON MONGS PA'I TSOGS SPANGS PA NA, RNAM PA THAMS CAD MKHYEN PA NYID KYI SKABS SU BSHAD PA'I RNAM PA THAMS CAD 'GRUB PO ZHES BYA BA YIN NO, ,SKABS GNYIS PA'O,, ,,LAM THAMS CAD SKYE BA'I RGYU GZHI THAMS CAD RTOGS PA THAMS CAD SHES PA'I RANG GI NGO BO DANG, RGYU MTSAN DANG, MI MTHUN PA'I PHYOGS DANG, GNYEN PO DANG, LAM DANG, DE'I YAN LAG DANG, NYE BAR BSDU BA RNAMS LAS, RANG GI NGO BO RTOGS PA MED PAR PHYI MA RNAMS RTOGS PAR MI NUS PA'I PHYIR NA, RE ZHIG BRJOD PA GZHI @265A *, ,THAMS CAD CES BYA BA LA SOGS PA'O, ,BRTZE BA DANG SHES RAB DAG GIS RTAG PA DANG CHAD PA'I MTSAN NYID DANG, 'KHOR BA DANG MYA NGAN LAS 'DAS PA'I MTSAN NYID DANG DE'I BAR TE, DE RNAMS SU GNAS PA DANG BRAL BA'I RANG BZHIN THAMS CAD SHES PA YIN PA'I PHYIR RANG BZHIN DE DANG BRAL BA NYAN THOS LA SOGS PA RNAMS LA SHES RAB KYI PHA ROL TU PHYIN PA'I PHYOGS GCIG TU GYUR PA THAMS CAD SHES PA NYID SRID PA MA YIN NO ZHES BYA BA NI KUN MKHYEN PA NYID KYI SKABS SU ZHES BYA BA LA SOGS PA'I GZHUNG GI DON YIN NO, ,KUN SHES PA NYID LA KHYAD PAR MED NA JI LTAR SHES RAB KYI PHA ROL TU PHYIN PA YOD PA DANG, MED PA YIN ZHES SKYE BO BLO GROS DMAN PA'I DOGS PA BZLOG PA'I DON DU GNYIS PA RGYU'I KHYAD PAR GSUNGS PA NI LUGS LAS ZHES BYA BA LA SOGS PA'O, ,GZUGS LA SOGS PA'I RANG BZHIN RTOGS PA NYID CHOS THAMS CAD MNYAM PA NYID RTOGS PA YIN LA; DE YANG DNGOS PO DANG, DNGOS PO MED PAR SHES PA SPANGS PAS GZUGS LA SOGS PA DMIGS PA NI 'GYUR GYI GZHAN DU MA YIN NO, ,DES NA RJES SU 'GRO BA DANG LDOG PA DAG GI THABS MKHAS PA DANG 'BREL BA YIN PA DE LDOG NA LDOG PA NYID DO, ,DES NA NYAN THOS LA SOGS PA LA NI CHOS THAMS CAD MNYAM PA NYID DU RTOGS PA YOD PA MA YIN NO, ,MI MTHUN PA'I PHYOGS DANG GNYEN PO DNGOS POR GYUR PA 'GA' YANG MED PA'I PHYIR KUN RDZOB TU YOD PA RGYU DANG 'BRAS BU'I DNGOS POS DE DAG RNAM PAR GZHAG PA YIN NO, ,DE LTA YIN DANG GZHAN GYI KUN BRTAGS PA'I BDAG LA SOGS PA'I GNYEN PO NYID KYIS STONG PA NYID LA SOGS PA 'JUG PA YIN YANG MNGON PAR ZHEN PA DANG BCAS PA YANG BYA BA YIN PA'I PHYIR MI MTHUN PA'I PHYOGS NYID DO, ,BYANG CHUB SEMS DPA' RANG NYID NGA RGYAL MED PAR SBYIN PA LA SOGS PA LA ZHUGS PA NI GZHAN DAG DE KHO NA LTAR NGES PAR SBYOR BA GNYEN PO YIN TE, MNGON PAR ZHEN PA MED PA'I PHYIR RO, ,SPYIR MNGON PAR ZHEN PA MI MTHUN PA'I PHYOGS YIN PAS NA, DE BZHIN GSHEGS PA LA SOGS PAR MNGON PAR ZHEN PA YANG MI MTHUN PA'I PHYOGS NYID DO, ,DES NA SHES PA DANG SHES BYA'I PHUNG PO GNYIS KYIS BSDUS PA'I DNGOS PO RNAMS LA RANG BZHIN GCIG @265B PA CAN NYID DU RTOGS PA DE'I GNYEN PO YIN NO, ,DE LTAR NA MI RTAG PA NYID LA SOGS PA DANG, DE BZHIN GSHEGS PA NYID LA SOGS PAR MNGON PAR ZHEN PA NI KUN NAS NYON MONGS PA RAB TU ZHI BA'I THABS YIN PAS, RTAG PA LA SOGS PA'I GNYEN PO YIN YANG, SHES BYA'I SGRIB PA RANG BZHIN YIN PA'I PHYIR NA CHOS THAMS CAD MI DMIGS PA DANG, RANG BZHIN GCIG PA NYID DU SHES PA DAG GIS SPONG PA YIN TE, DES NA MTSAN NYID KYIS MI MTHUN PA'I PHYOGS DANG, GNYEN PO RE RE LA YANG RNAM PA GNYIS YIN NO, ,DON 'DI YIN TE, MI RTAG PA NYID DANG, DE BZHIN GSHEGS PA NYID LA SOGS PAR DMIGS PA'I DUS NA GAL TE RTAG PA NYID LA SOGS PA'I GNYEN PO NYID DANG, BSOD NAMS KYI TSOGS KYI RGYU DAG GIS DE DAG MTSAN MAR BYED NA MI MTHUN PA'I PHYOGS SU 'GYUR BA YIN NO, ,'ON TE CHOS THAMS CAD MA SKYES PA NYID KYI PHYIR GANG ZHIG GNYEN POR 'GYUR BA 'GA' YANG 'GA'I YANG MI MTHUN PA'I PHYOGS MA YIN NO ZHES MTSAN MA MED PA'I SBYOR BAS NGES PAR RTOGS PA DE'I TSE NI BYANG CHUB SEMS DPA'I DE NI GNYEN PO YIN NO, ,GNYEN POS MI MTHUN PA'I PHYOGS SPANGS PA DE YANG LAM LAS 'GYUR BA'I PHYIR LAM BRJOD PAR RIGS PA YIN YANG 'BRAS BU NI RGYU LA RAG LAS PA'I PHYIR NA, LAM GYI RGYU'I RAB TU DBYE BA DANG, RNAM PA RE ZHIG BRJOD PA NI, DE LTAR MI MTHUN PA'I PHYOGS LA SOGS PA BRJOD NAS ZHES BYA BA'O, ,'DI SKAD BRJOD PA YIN TE GZUGS DANG TSOR BA LA SOGS PA LA, GZUGS SU RUNG BA LA SOGS PA MTSAN NYID DANG, MI RTAG PA NYID LA SOGS PA RNAMS LA BRTAGS PAS STONG PA LA SOGS PA DANG, MA RDZOGS PA DANG, RDZOGS PA LA RAB TU 'JIGS PA NYID DANG, MA CHAGS PA LA YID BRTAN DU MED PA NYID DANG, 'GYUR BA MED PA NYID LA SKAD CIG DANG, BYED PA PO MA YIN PA LA BYED PA NYID DANG, RNAM PA THAMS CAD MKHYEN PA NYID KYI BDAG NYID CHED DU BYA BA BKAG PA NYID DANG; LAM SHES PA NYID KYI RANG BZHIN SBYOR BA DKA' BA NYID DANG, THAMS CAD SHES PA'I RANG BZHIN BYED PA DKA' BA NYID GSUM LA, THOB PA STONG PA NYID DANG RTEN CING 'BREL BAR 'BYUNG BA NYID DANG, YONGS SU MYA NGAN LAS 'DAS PA'I CHOS NYID RNAMS DANG, RGYUN DU ZHUGS PA LA @266A *, ,SOGS PA'I 'BRAS BU THOB PA STONG PA NYID LA LHAG PAR MOS PA'I RANG BZHIN DANG, GZHAN GYI RKYEN GYIS MI 'GRO BA NYID LA RTOGS PA'I DNGOS PO NYID DANG, YONGS SU GYUR PA LA SOGS PA SNANG BA RNAM PA BDUN LA, RANG GI NGO BO STONG PA NYID KYIS RJES SU SGRUB PA'I MNGON PAR ZHEN PA DOR BA'I PHYIR GONG DU MNGON PAR SPEL BAS, SBYOR BA RNAM PA BCU PO NI RE RE LA YANG, GZUGS LA SOGS PA LA MNGON PAR ZHEN PA MED PA DANG, RLOM PA MED PA LA SOGS PA RNAM PA BZHIS RTOGS PAR BYA'O, ,NUS PA'I RGYU SBYOR BA RNAM PA BCU YOD NA, 'BRAS BU MTHONG BA'I LAM 'BYUNG BAS, DE'I RANG GI NGO BO DANG RNAM PA STON PA NI, SBYOR BA MNYAM PA NYID SO SOR RTOGS NAS ZHES BYA BA'O, ,RANG BZHIN MED PA'I NGO BO CAN GZUGS LA SOGS PA LA RTAG PA DANG MI RTAG PA NYID KYI RANG BZHIN DANG MI LDAN PA LA SOGS PA'I RNAM PA BCU DRUG GIS SDUG BSNGAL LA CHOS SHES PA'I BZOD PA LA SOGS PA'I SKAD CIG MA BCU DRUG BSGOM PA NA, BYANG CHUB SEMS DPA'I MTHONG BA'I LAM NYID SGRUB PAR BYED PA YIN NO, ,MTHONG BA'I LAM SKYES PA NAS YANG DNGOS PO THAMS CAD KYI RNAM PA PHYIN CI MA LOG PAR RTOGS KYI RNAM PA THAMS CAD RTOGS PA NI MA YIN NO, ,KUN MKHYEN GSUM GYI MJUG BSDU BA NI RTOGS SLA'O, ,'DI THAMS CAD KYIS NI 'DI SKAD BRJOD PA YIN TE, THABS MKHAS PA'I STOBS KYIS CHOS THAMS CAD KYI RANG GI NGO BO RTOGS PA'I DBANG DU BYAS TE, MI MTHUN PA'I PHYOGS DANG GNYEN PO YONGS SU SHES PAS SNGON DU 'GRO BA CAN GYI SBYOR BA BRTZAMS PA DANG LDAN PA LA GZUGS LA SOGS PA LA RTAG PA DANG MI RTAG PA NYID KYIS DBEN PA LA SOGS PA'I RNAM PA CAN LA MTHONG BA'I LAM SKAD CIG MA BCU DRUG SKYE LA, DE SKYES PA NA YANG SNGAR BSHAD PA'I LAM SHES PA'I RNAM PA RNAMS SKYE BA YIN NO ZHES BYA BA YIN NO, ,GAL TE LAM SHES BA NYID NI MED NA MI 'BYUNG BA NYID KYIS DE YONGS SU SHES PA'I DUS KHO NAR THAMS CAD SHES PA NYID KYANG SHES PA MA YIN NAM, DES NA DE STON PA BTAGS ZIN PA 'THAG PA 'DIS CI BYA, DE STE SNGAR NI BYANG CHUB SEMS DPA'I DBANG DU BYAS PA'I PHYIR, NYAN THOS LA SOGS PA'I THAMS CAD SHES PA @266B NYID MA BRJOD NA, 'O NA NI LAM SHES PA NYID KYIS LAM THAMS CAD MA BSDUS PA DES NA RNAM PA THAMS CAD MKHYEN PAS KYANG CHOS THAMS CAD KYI RNAM PA THAMS CAD MI MKHYEN PAR 'GYUR ZHING, THAMS CAD SHES PAS KYANG NYAN THOS LA SOGS PA BSDUS PA NA GANG ZAG GCIG LA MNGON PAR RTOGS PA BRGYAD MED PAR 'GYUR RO ZHE NA, BSAM PA MA SHES NA THAMS CAD BDEN NO, ,'DI LTAR, LAM SHES NYID KYI TSUL LA NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES SNGAR BSHAD ZIN TO, ,'DI'I DON NI 'DI YIN TE; BDEN PA BZHI NYID PHA ROL GYIS KUN BRTAGS PA LA SOGS PA'I GNYEN POR MI RTAG PA NYID LA SOGS PA'I RNAM PA RNAMS KYI SGO NAS NYAN THOS LA SOGS PAS MNGON DU BYED DO, ,BYANG CHUB SEMS DPA' NI DE DAG NYID MI DMIGS PA'I RNAM PA YIN TE, DE LTAR NA RNAM PA'I KHYAD PAR NYE BAR MTSON PA LHUR BYED PAS MA SHES PAR NYAN THOS LA SOGS PA'I LAM YIN LA, DE LTAR KUN SHES NYID LUGS LA, ,MI MTHUN PHYOGS DANG GNYEN PO DAG ,RNAM PAR DBYE BA MA LUS PA, ,JI SKAD BSHAD PA 'DIR SHES BYA, ,ZHES BYA BA GSUNGS PA'I PHYIR NA, 'DIR NI MI MTHUN PA'I PHYOGS DANG GNYEN PO YONGS SU SHES PA SNGON DU 'GRO BA CAN SBYOR BA JI LTA BA BZHIN DNGOS PO THAMS CAD RTOGS PAR BYED PA YIN NO, ,DE LTA NA YANG SNGA MAR LAM NYID RTOGS PAR BYA BA YIN LA PHYI MAR NI LAM GYI DNGOS PO RTOGS PAR BYA BA YIN PAS, DES NA JI LTAR BTAGS PA 'THAD PA YIN, DE NYID KYI PHYIR MNGON PAR RTOGS PA GNYI GA YANG BYANG CHUB SEMS DPA' NYID KYI YIN PA'I PHYIR MNGON PAR RTOGS PA GZHI THA DAD PAR THAL BAR 'GYUR BA'I NYES PA YANG MED DO, ,DE NYID KYI PHYIR GANG ZAG GSUM DANG 'BREL BA'I NGES PAR 'BYED PA'I CHA DANG MTHUN PA GSUM PA NI SNGAR GYI SKABS GNYIS SU CI RIGS PAR BSHAD ZIN PA'I PHYIR 'DIR BRJOD PA MA YIN NO, ,DE LTA MA YIN NA LAM BZHIN DU DE'I RGYU RNAMS KYANG BRJOD PAR BYA BAR THAL LO, ,LAM GYI DNGOS PO RTOGS NA, LAM RTOGS PA DANG, DNGOS PO RTOGS PA SNGON DU 'GRO BA CAN MI 'GYUR RO ZHES BRJOD PAR MI BYA STE, LAM MED PAR 'GA' YANG @267A *, ,RTOGS PA MED PA'I PHYIR RO, ,'DIS NI MNGON PAR RTOGS PA'I RIM PA BRJOD PA YIN GYI DNGOS PO GNAS PA'I RIM PA BRJOD PA MA YIN NO, ,DE YANG LAM MED PAR MI 'BYUNG BA DES NA DE YANG LAM SNGON DU 'GRO BA CAN DU 'DOD PA KHO NA'O, ,DES NA THAMS CAD LEGS PAR GNAS SO, , SKABS GSUM MO,, ,,DE LTAR YUL GYI MNGON PAR RTOGS PA BSTAN NAS, YUL RTOGS PAR SBYOR BA'I 'BRAS BU YIN PA'I PHYIR NA, SBYOR BA'I MNGON PAR RTOGS PA BRJOD PA NI THAMS CAD MKHYEN PA NYID GSUM YONGS SU SHES PAR BYA BA'O, ,YONGS SU SHES PA'I YUL GYI DBANG DU GYUR PA DANG RAB TU GYUR PA DANG BSTAN PAR 'GYUR BA DANG, MTHAR PHYIN PA'I DBYE BAS SBYOR BA YANG RNAM PA BZHI'O, ,DE LA DANG PO NI KUN MKHYEN GSUM GYI RNAM PA'I BDAG NYID KYI DMIGS PA DANG, RJES SU SGRUB PA'I RANG BZHIN GYI SBYOR BA DANG, DE SKYE BA DANG MI SKYE BA'I RGYU MTSAN NYID YON TAN DANG SKYON DANG, MTSAN NYID KYI BDAG NYID YONGS SU SHES PA'I RGYU DANG, THAR PA'I CHA MTHUN GYI MTSAN NYID ZAG PA DANG BCAS PA'I LAM DANG, NGES 'BYED KYI CHA MTHUN ZAG PA MED PA'I LAM DANG, SLOB PA PHYIR MI LDOG PA'I MTSAN NYID CHUNG NGU DANG, 'BRING DANG, CHEN PO'I RTOGS PA DANG, MNYAM PA NYID KYI MTSAN NYID CHOS KYI SKU'I CHED DU BYA BA DANG, ZHING YONGS SU DAG PA'I MTSAN NYID GZUGS KYI SKU'I CHED DU BYA BA DANG, THABS MKHAS PA'I MTSAN NYID GZHAN GYI DON GYI CHED DU BYA BA'I RNAM PA DBYE BA BCU GCIG GO, ,DE LA DMIGS PAR 'GYUR BA'I RNAM PA RNAMS KYI SPYI'I KHYAD PAR GYI NGO BOS RANG GI NGO BO DANG, RAB TU DBYE BA BRJOD PAR BYA'O, ,RANG BZHIN GANG GIS RTAG PA LA SOGS PAR 'DZIN BA'I MI MTHUN PA'I PHYOGS KYI GNYEN POR GYUR PA MI RTAG PA NYID LA SOGS PA LA DMIGS PA DE YANG THUN MONG MA YIN PA'I PHYIR RNAM PA RNAMS KYI RANG GI MTSAN NYID YIN NO, ,KUN MKHYEN GSUM GYI SO SO'I LAM GYI GNAS SKABS KYI KHYAD PAR GANG YIN PA DE NI RNAM PA RNAMS KYI RAB TU DBYE BA YIN NO, ,'DI GNYI GA YANG RE ZHIG SPYIR STON PA NI RTAG PA LA SOGS PAR 'DZIN PA ZHES BYA'O, ,KHYAD PAR LA NI RTAG PA'I RANG BZHIN DANG, MA SKYES PA DANG, BDAG DANG, DES BYIN GYIS BRLABS @267B PA NYID MI DMIGS PA'I PHYIR, RIM PA JI LTA BA BZHIN DU, SDUG BSNGAL GYI BDEN PA LA, MED PA DANG, MI SKYE BA DANG, DBEN PA DANG, MI RDZI BA'I RNAM PA RNAMS SO, ,DE BZHIN DU RNAM PA PHYI MA RNAMS LA YANG BDAG NYID JI LTA BA BZHIN GYI RGYUR SBYAR BAR BYA'O, ,LAM GYI BDEN PA LA NI LTA BA'I DBYE BAS MI MTHUN PA'I PHYOGS NYON MONGS PA DANG SHES BYA'I SGRIB PA'I RANG BZHIN CAN THA DAD PA YIN NO, ,DES NA DE SBYOR BA'I DON DU GSUNGS PA NI NYON MONGS PA'I SGRIB PA'I GNYEN PO NYID DU ZHES BYA BA LA SOGS PA'O, ,DON 'DI YIN TE, NYAN THOS DANG RANG SANGS RGYAS DAG GIS NYON MONGS PA'I SGRIB PA SPANG BYA NYID DU MTSUNGS PA'I PHYIR SDUG BSNGAL LA SOGS PA'I BDEN PA LA GNAS PA, MI RTAG PA NYID LA SOGS PA'I MTSAN NYID CAN MED PA LA SOGS PA'I RNAM PA BCU DRUG MTSUNGS PA KHO NA'O, ,RANG SANGS RGYAS KYIS NI THUN MONG MA YIN PA'I PHYIR SHES BYA'I SGRIB PA'I GNYEN POR GYUR PA, ZAG PA DANG BCAS PA DANG, ,ZAG PA MED PA'I BSGOM PA DANG MTHONG BA'I LAM LA BRTEN PA, RIGS PAS 'THAD PA'I SKYE BA MED PA'I PHYIR, SKYE BA MED PA RNAM PAR RIG PAR BYED PA NYID NYE BAR BZUNG NAS NGO BO MED PA LA SOGS PA'I MTSAN NYID RMI LAM LA SOGS PA'I RNAM PA LNGA'O, ,DES NA 'DOD CHAGS DANG ZHE SDANG DANG, GTI MUG NGO BO NYID MED PA DANG, RTEN GYI RANG BZHIN NYON MONGS PA'I SEMS CAN MI DMIGS PA DANG, NAM MKHA' LTAR NA RANG BZHIN GYIS 'OD GSAL BA NYID KYIS NYE BAR MA GOS PA DANG, MA DMIGS PAS RLOM PA THAMS CAD LAS 'DAS PA DANG, DMIGS PA THAMS CAD BCOM PAS MI G-YO BA NYID DANG, 'KHOR BA JI SRID PAR CHOS KYI DBYINGS GNAS PA NYID LA BRTEN NAS GO RIMS JI LTA BAR KUN NAS NYON MONGS PA LA SOGS PA'I GNYEN POR GYUR PA, KUN NAS NYON MONGS PA MED PA LA SOGS PA'I RNAM PA DRUG GO ,DE LTAR NA THAMS CAD SHES PA NYID KYIS RNAM PA BCU GCIG BSDUS PA'O, ,LHAG MA LA NI RTOGS PAR SLA'O, ,'ON KYANG BRJOD PAR BYA BA 'DI YOD DE RNAM PA THAMS CAD MKHYEN PA NYID KYI RNAM PA RNAMS KHO NAS THAMS CAD SHES PA NYID KYI GNYIS KYIS RNAM PA RNAMS BSDUS PA'I PHYIR DE GNYIS LOGS SU BSTAN PAS CI BYA, @268A *, ,'ON TE THA DAD PAR BSTAN PA YIN YANG, PHYIS SDUD PA YIN NA DE LTA NA 'O NA RNAM PA THAMS CAD MKHYEN PA NYID KYANG 'BA' ZHIG BSTAN PAR THAL LO ZHE NA, BRJOD PA DNGOS PO DANG LAM SHES PA'I RNAM PA THAMS CAD RTOGS KYANG, RNAM PA THAMS CAD RTOGS PA MED PA'I PHYIR DANG, RNAM PA THAMS CAD RTOGS PA YOD NA NI MED NA MED PA NYID KYIS DE RTOGS PA YANG YOD PA'I PHYIR, RNAM PA THAMS CAD MKHYEN PA NYID KYIS DE GNYIS KYANG BSDUS PA YIN NO, ,RNAM PA RNAMS NI DE BZHIN DU PHAN TSUN BSDUS PA MA YIN TE, ,'DIR DE RNAMS NYID DMIGS PAR 'DOD PA'I PHYIR RO, ,RNAM PA THAMS CAD MKHYEN PA NYID TZAM LOGS SU BSTAN PA YANG MA YIN TE, DNGOS PO LAM GYI RNAM PA LA GNAS PA'I RNAM PA RNAMS NYID RNAM PA THAMS CAD MKHYEN PA NYID KYI RNAM PA YIN PA'I PHYIR TE, RNAM PA THAMS CAD MKHYEN PA NYID NI RNAM PA TZAM NYID YIN PA'I PHYIR RO; ,DE LTAR NA YANG THAMS CAD SHES PA NYID KYIS, DNGOS PO THAMS CAD RTOGS PA SNGON DU 'GRO BA CAN GYI LAM SHES PA NYID KYIS LAM THAMS CAD RTOGS PA NA RNAM PA THAMS CAD MKHYEN PA NYID KYIS KUN MKHYEN PA GSUM GYI RNAM PA RTOGS PA'I PHYIR NA, THAMS CAD SHES PA NYID GANG GNYIS LAN GNYIS BZLAS PA YIN NO ZHES 'BAD PAS SHES PAR BYA BA YIN NO, ,DE NYID KYI PHYIR RNAM PA DE RNAMS YUL NYID KYIS DE'I RTEN KUN MKHYEN GSUM PO RNAMS KYANG YUL YIN NO, ,RNAM PA DE RNAMS KYANG BSGOM PA'I MTSAN NYID KYI SGRUB PA'I YUL DU BYAS PA YIN PA'I PHYIR SGRUB PA SBYOR BA BRJOD PAR BYA BA YIN NO, ,DE YANG RTOGS PA PO'I GNAS SKABS KYI DBYE BA RNAM PA NYI SHUR 'GYUR BA'I PHYIR RE ZHIG BRJOD PA NI, SBYOR BA KHYAD PAR CAN DAG GIS, ,ZHES BYA BA'O, ,BSAM PA NI 'DI YIN TE, BDAG PO DANG NYE BAR LEN PA DANG, LHAN CIG BYED PA'I RKYEN LA BRTEN NAS GANG GI TSE BYANG CHUB SEMS DPA' LA, SANGS RGYAS BRTEN PA DANG YANG DAG PAR 'DRI BA LA SOGS PAS CHOS KYI SPYOD PA SKYES PA DE'I TSE GZUGS LA SOGS PA LA MI GNAS PA LA SOGS PA'I RNAM PAS SBYOR BA'I SKYE BA'O, ,'DI LTAR GZUGS LA SOGS PA RNAMS LA MNGON PAR ZHEN PA MED PA'I @268B SBYOR BAS GNAS PA NI MI SBYOR BA'I MI SBYOR BAS MNGON PAR BRTZON LA DES KYANG GZUGS LA SOGS PA DE DAG RNAM PA CHUNG NGU DANG 'BRING DANG CHEN PO'I MTSAN NYID ZAB PA DANG, GTING DPAG DKA' BA DANG, TSAD MED PA NYID RTOGS PA'I LAM DANG PO PA DANG GZHAN LA RIM PA JI LTA BA BZHIN DU YANG DAG PA MA YIN PAR SBYOR BA SGRUB PA DANG, MI SGRUB PA NYID KYIS 'BAD PA DANG BDE BLAG TU CHOS KYI DBYINGS RTOGS PA DANG, LUNG BSTAN PA DANG, PHYIR MI LDOG PA'I SA THOB PA NA RIM BZHIN DU NGES PAR 'BYUNG BA DANG, MI LDOG PA NYID DANG, NYE BAR GYUR PA DANG, MYUR DU MNGON PAR BYANG CHUB PAR 'GYUR RO, ,DE NAS GZHAN GYI DON BYED PA NI, 'PHEL BA DANG 'GRIB PA MED PA'I CHOS CAN SPYIR CHOS DANG CHOS MA YIN PA LA SOGS PA DANG, KHYAD PAR DU GZUGS BSAM GYIS MI KHYAB PA LA SOGS PA LA, 'DU SHES THAMS CAD SPANGS PA'I PHYIR RNAM PAR MI RTOG PA 'BRAS BU RIN CHEN SBYIN PAS, SNGAR LO SKOR DU MNGON PAR SBYOR BAS SEMS KYI RGYUD LEGS PAR BSGRUB PA RAB KYI MTHAR PHYIN PA THOB PAR 'GYUR RO, ,DE LTAR NA SBYOR BA'I LAM LA RNAM PA LNGA DANG, MTHONG BA'I LAM LA GCIG DANG, BSGOM PA'I LAM LA CHUNG NGU'I CHUNG NGU LA SOGS PA'I RIM PAS DGU DANG KHYAD PAR GYI LAM LA GSUM DANG, BAR CHAD MED PA'I LAM LA GNYIS TE, DE LTAR RTOGS PA'I RIM PAS LAM LNGAS BSDUS PA'I SBYOR BA NYI SHU BRJOD PA YIN NO, ,GSUM PA SKYE BA'I RGYU BRJOD PA NI, SBYOR BA'I 'OG TU DE DAG GI YON TAN ZHES BYA'O, ,'DI SKAD BRJOD PA YIN TE, SBYOR BA RTZOM PA'I GNAS SKABS SU DE BZHIN GSHEGS PA'I BYIN GYI RLABS THOB PAS BDUD KYI MTHU BCOM PA LA SOGS PA'I YON TAN SKYES PA NA JI SKAD BSHAD PA'I SBYOR BA RNAMS 'GRUB PA YIN NO ZHES BYA BA YIN NO, ,BZHI PA MI SKYE BA'I RGYU BSHAD PA NI DE'I 'OG TU YANG GANG ZHIG SPANGS NAS ZHES BYA BA'O, ,'DI LTAR BSAMS PA YIN TE, SBYOR BA RTZOM PA NA GAL TE SKYON BZHI BCU RTZA DRUG PO RNAMS KYI NANG NAS SKYON GCIG YOD NA YANG DE'I TSE SNGAR BSHAD PA'I DE BZHIN GSHEGS PAS BYIN GYIS BRLABS PA DANG, DGONGS PA LA SOGS PA'I YON TAN BSKYED PAR @269A *, ,BYA BA MA YIN NO ZHES BYA BA'O, ,LNGA PA YONGS SU SHES PA'I RGYU BA RJOD PA NI, GO RIMS JI LTA BA BZHIN DU ZHES BYA BA'O, ,DE'ANG RANG GI NGO BO DANG, RAB TU DBYE BA BSHAD PAS BDE BLAG TU RTOGS PA'I PHYIR NA, DE GNYIS BRJOD PAR BYA'O, ,DE LA RANG BZHIN NI SBYOR BA'I NYE BAR MTSON PAR BYED PA YIN NO, ,RTOGS PA DANG, RNAM PAR DAG PA DANG, 'BRAS BU SBYIN PAR NUS PA DANG, DE MNYAM PA NYID THOB PA'I BDAG NYID CAN SHES PA DANG, KHYAD PAR DANG BYED PA DANG, NGO BO NI RAB TU DBYE BA'O, ,DE LA RE ZHIG RTOGS PA NI YUL GYI DBYE BAS THA DAD PA NA SBYOR BA MTSON PAR BYED PA YIN TE, DES NA YUL GYI KHYAD PAR NYE BAR STON PA SNGON DU 'GRO BA CAN DE'I NANG TSAN GYI DBYE BA BRJOD PA NI DE LA SHES PA'I MTSAN NYID CES BYA BA'O, ,DON 'DI YIN TE, SDUG BSNGAL LA SOGS PA'I BDEN PA LA BRTEN PA'I SKAD CIG MA BCU DRUG PO RNAMS LA YOD PA'I SNGAR BSHAD PA'I KUN MKHYEN GSUM GYI RNAM PA GANG YIN PA DE DAG RNAMS KYI RTOGS PAS SBYOR BA MTSON PAR BYED DO ZHES BYA BA YIN NO, ,THA DAD PAR NYE BAR MTSON PA DE RNAMS KYI RNAM PAR DAG PA SPYI YIN PA DES NA DE'I BDAG NYID KHYAD PAR GYI MTSAN NYID BRJOD PA NI, DE LTAR BAR SKABS KYI TSIGS SU BCAD PA DGU PA ZHES BYA BA'O, ,BSAM GYIS MI KHYAB PA LA SOGS PA'I KHYAD PAR CAN DU GYUR PA NYID NI RNAM PAR DAG PA'I RANG BZHIN YIN NO, YUL GYI KHYAD PAR DANG RJES SU MTHUN PA NYID NI RAB TU DBYE BA'O, ,DES NA KUN MKHYEN GSUM NYID SPYIR BDEN PA BZHI LA BRTEN PA'I SKAD CIG MA BCU DRUG PO RNAMS LA, RNAM PAR DAG PA SKYES PA NA, KHYAD PAR GYI SBYOR BA MTSON PAR BYED PA YIN NO ZHES BYA BA'I DON TO, ,DE NYID KYI PHYIR RGYU MA TSANG BA MED PA CAN GYI BYED PA'I KHYAD PAR SKAD CIG GNYIS PA LA 'GYUR BA YIN PA'I PHYIR NA, BYED PAS SBYOR BA MTSON PAR BRJOD PA NI, KHYAD PAR GYI MTSAN NYID KYIS RNAM PAR BCAD PA RNAMS KYI ZHES BYA BA'O, ,RGYU RTOGS PA'I YUL GYI KHYAD PAR DU 'GYUR BA'I PHYIR GZHAN GYI DON GRUB PA YANG DE KHO NA BZHIN DU KHYAD PAR DU 'GYUR RO ZHES BYA BA'I DON TO, ,BYA BA'I @269B KHYAD PAR YOD NA 'BRAS BU'I KHYAD PAR 'GRUB PA'I PHYIR, DES KYANG SBYOR BA MTSON PAR BYA BA YIN NO ZHES GSUNGS PA NI BYED PA'I MTSAN NYID KYIS SHES PAR BYAS PA RNAMS KYI ZHES BYA BA'O, ,GANG GI PHYIR KUN MKHYEN RNAM PA GSUM GYI YUL CAN GYI BYA BA'I BYAD PAR NYID LAS 'BRAS BU'I KHYAD PAR YIN GYI, BYANG CHUB SEMS DPA' RNAMS 'BRAS BU MNGON DU BYED PA NI MA YIN NO ZHES BYA BA'I DON TO, ,DE LTAR MTSAN NYID BZHI PO RNAMS KYIS YONGS SU SHES PAR BYAS PA'I SBYOR BA RNAMS DGE BA'I RTZA BA DANG LDAN PA'I SEMS KYI RGYUD LA SKYE BA'I PHYIR DRUG PA THAR PA'I CHA DANG MTHUN PA ZAG PA DANG BCAS PA'I LAM BRJOD PA'I THAR PA'I CHA DANG MTHUN PA'I DGE BA'I RTZA BA DANG LDAN PA KHO NA LA ZHES BYA BA'O, ,'DIR THAR PA NI NYON MONGS PA DANG BRAL BA'I KHYAD PAR RO, ,DE'I CHA NI PHAN PA'I PHYIR NA THAR PA'I CHA DANG MTHUN PA'O, DE YANG RANG GI NGO BO DANG, RAB TU DBYE BA YONGS SU SHES PA SNGON DU 'GRO BA CAN BSGOM PA NA DE LTAR 'GYUR BA'I PHYIR, DE GNYIS RDZOGS PAR BYA BA YIN NO, ,DE LA MTSAN MA MED PA LA DMIGS PA'I SHES PA'I RNAM PAS, SBYIN PA LA SOGS PA RNAM PA THAMS CAD MKHYEN PA NYID KYI MTHAR THUG PA'I SANGS RGYAS KYI CHOS THAMS CAD RANG GI RGYUD LA YANG DAG PAR GRUB PAR BYED PA NA, SHES RAB KYI PHA ROL TU PHYIN PA'I MTSAN NYID KYI THABS MKHAS PA GANG YIN PA DE NI DE'I RANG GI NGO BO YIN NO, ,DKON MCHOG GSUM LA SOGS PA'I DMIGS PA LNGA PO RNAMS LA DAD PA LA SOGS PA KHYAD PAR CAN DU GYUR PA DBANG DU SGYUR BA MA YIN PA'I PHYIR DBANG PO'I RANG BZHIN MA YIN ZHING, DGE BA'I RTZA BA NYID DU KHYAD PAR MED KYANG DMIGS PA LA SOGS PA'I DBYE BAS RANG BZHIN LNGAR GYUR PA GANG YIN PA NI RAB TU DBYE BA'O, ,DE NYID KYI PHYIR NA CHUNG NGU DANG 'BRING DANG CHEN PO'I DBYE BAS DE SKYE BA'I PHYIR THEG PA YANG THA DAD PA YIN NO, ,BDUN PA ZAG PA MED PA'I GNAS SKABS KYI SBYOR BA BRJOD PA NI, THAR PA'I CHA DANG MTHUN PA SKYED PA ZHES BYA BA'O, ,DE YANG DMIGS PA DANG RNAM PA'I DBYE BAS RNAM PAR GZHAG NA BDE BLAG TU SHES PA'I PHYIR, DE GNYIS BRJOD PAR BYA BA YIN NO, ,DE LA RE ZHIG DMIGS PA NI BZHI @270A *, ,PO RNAMS KYI THA DAD PA MED PAR SEMS CAN THAMS CAD YIN NO, ,DE RNAMS NYID LA CHAGS PA DANG BCAS PA DANG CHAGS PA MED PA RNAM PA GNYIS SO, ,BCU NYID KYIS NI DANG PO'I RNAM PA'O, ,GNYIS PA'I DGE BA DANG MI DGE BA DANG, BSNGAGS PA BRJOD PA DANG RJES SU MTHUN PA GNYIS KYI SO SOR RANG DANG GZHAN LA DMIGS PA THA DAD PA'I PHYIR RNAM PA BZHI'O, ,RNAM PA DE RNAMS NYID KYIS RANG DANG GZHAN GYI RTEN CAN GYI BDEN PA BZHI LA DMIGS PAR 'THAD PA'I PHYIR NA GSUM PA'I RNAM PA BZHI'O, ,RANG DANG GZHAN LA GNAS PA'I SMIN PAR BYED PA DANG, GROL BAR BYED PA'I NI YANG DAG PAR PHRAD PAR BYED PA'I BZHI BA'I RNAM PA'O, ,GAL TE KUN MKHYEN GSUM KA LA YANG NGES 'BYED KYI CHA DANG MTHUN PA BRJOD ZIN PA MA YIN NAM, YANG 'DIR BRJOD PAS CI BYA, 'ON TE SNGAR NI SO SOR NGES PA NYID DU BRJOD PA YIN LA, 'DI NI SPYIR BRJOD PA YIN NO ZHE NA, DE LTA NA 'O NA BSGOM PAR BYA BA'I DBYE BAS SGOM PA YANG THA DAD PAR 'GYUR RO ZHES BYA BA'I DOGS PA SEL BA BRJOD PA NI, RNAM PA DANG LAM DANG GZHI THAMS CAD BSGOM PA'I ZHES BYA BA'O, ,'DI SKAD BRJOD PA YIN TE, KUN MKHYEN GSUM DU BRJOD PA'I NGES PAR 'BYED PA'I CHA DANG MTHUN PA'I STOBS KYIS, DNGOS PO DANG LAM DANG RNAM PA THAMS CAD RTOGS PA'I DON DU 'JIG RTEN LAS 'DAS PA'I MTHONG BA DANG BSGOM PA THOB PA'I PHYIR NA, RNAM PA KUN MNGON PAR RTOGS PA'I MTSAN NYID KHYAD PAR GYI LAM BYANG BAR BYED PA'I DUS SU, CHUNG DU DANG 'BRING DANG CHEN PO'I RIM PAS ZAG PA MED PA'I SHES PA SKYE LA, RIM PA DE YANG RANG GI NGO BOS THA SNYAD THA DAD PA MED PA'I PHYIR NA NGES PAR 'BYED PA'I CHA DANG MTHUN PA LA SOGS PAR BSTAN PA YIN NO, ,THAR PA'I CHA DANG MTHUN PA'I BYED PA NI SENG GE RNAM PAR LTA BA'I TSUL GYIS SNGA MA KHO NAR YIN GYI, 'DIR YANG NI MA YIN TE; KUN MKHYEN GSUM DANG 'BREL BA'I NGES 'BYED KYI CHA DANG MTHUN PA THOB PA NI DE SNGON DU 'GRO BA CAN YIN PA'I PHYIR DANG, KHYAD PAR GYI LAM LA DE'I BYED PA MED PA'I PHYIR RO, ,DES NA RNAM PA KUN MNGON PAR RDZOGS PAR RTOGS PA'I KUN MKHYEN PA NYID GSUM GYI SPYIR SBYOR BA'I @270B LAM LA SOGS PA NYE BAR BKOD PA, THAR PA'I CHA DANG MTHUN PA BZHIN DU BYOS SHIG CE NA, DE LTAR NI MA YIN TE, ,KHYAD PAR THAMS CAD MED PA'I PHYIR MI SRID PA'I PHYIR RO, ,DE NYID KYI PHYIR KUN MKHYEN GSUM GYI RNAM PA RNAMS KHYAD PAR KHO NAR NYE BAR BKOD DO, ,THAR PA'I CHA DANG MTHUN PA'I YANG CHUNG DU DANG, 'BRING DANG CHEN PO'I THA DAD PA'I MTSAN NYID NI THEG PA'I DBYE BA NYID KYIS NYE BAR BKOD KYI SPYIR NI MA YIN TE, DES NA JI LTAR CHOS MTHUN PA'I DPE YIN TE, DE NYID KYI PHYIR SPYIR YONGS SU SHES PAR BYAS PA RNAMS RNAM PA KUN MNGON PAR RDZOGS PAR RTOGS PAS DE KHO NA LTAR BSGOMS NAS DBANG DU GYUR PA'I PHYIR DBANG DU GYUR PA'I SBYOR BA ZHES BRJOD DO, ,BRGYAD PA CHUNG NGU LA SOGS PA'I DBYE BAS THA DAD PA'I PHYIR MI LDOG PA'I MTSAN NYID BRJOD PA NI, PHYIR MI LDOG PA'I BYANG CHUB SEMS DPA'I DGE 'DUN ZHES BYA BA'O, ,DE YANG DMIGS PA DANG RNAM PA'I KHYAD PAR RTOGS NA BDE BLAG TU RTOGS PA'I PHYIR DE GNYIS BRJOD PAR BYA BA YIN NO, ,DE LA RE ZHIG DMIGS PA NI SBYOR BA'I LAM LA SOGS PA'I GNAS SKABS NA YOD PA 'PHAGS PA'I BDEN PA BZHI'O, ,RNAM PA YANG GZUGS LA SOGS PA LAS LDOG PA LA SOGS PA'I BDAG NYID KYIS, ,BDAG NYID SO SO LA NGES PA KHO NA YIN PA DES NA DE LA BRTEN BA KHO NAR RTOGS PAR BYA'O, ,BSGOM PA'I LAM LA NI, RANG GI NGO BO DANG; RAB TU DBYE BA DANG, BSDU BA DANG, BYED PA DANG, YUL RNAMS BRJOD PAR BYA BA YIN NO, ,DE LA RANG GI NGO BO KHYAD PAR CAN DANG KHYAD PAR CAN GYI DBYE BAS STON PA NI, DE'I 'OG TU BSGOM PA'I LAM LA GNAS PA'I ZHES GSUNGS SO, ,DON 'DI YIN TE SGRO 'DOGS PA DANG, SKUR BA'I MTHA' DANG BRAL BA'I ZAB PA'I KHYAD PAR DANG LDAN PA, ,SBYOR BA LA SOGS PA'I LAM GYIS MTHONG BA'I DON GYI YUL DANG, TING NGE 'DZIN GYI SBYOR BA DANG, DNGOS DANG, MJUG YOD PA'I SHES RAB KYI STOBS KYIS SKYES PA, @271A *, ,BSAM PA LA SOGS PA'I SHES PA NI KHYAD PAR CAN YIN NO ZHES BYA BA'O, ,GNYIS PA RAB TU DBYE BA BSTAN PA'I PHYIR BRJOD PA NI, DE RNAM PA DU ZHIG CE NA ZHES BYA BA LA SOGS PA'O, ,BSGOMS PA LAS BYUNG BA'I SHES PA'I RANG BZHIN DU THA DAD PA MED KYANG; SA DGU LA BRTEN PA'I MI MTHUN PA'I PHYOGS KYI RNAM PAR RTOG PA'I DBYE BAS RNAM PA DGU NYID DO ZHES BYA BA'I DON TO, ,GSUM PA BSDU BA BSHAD PA'I PHYIR, RGYAL BA'I YUM DANG DE LAS ZHES GSUNGS SO, ,'DI LTAR DGONGS PA YIN TE, CI 'DI DE KHO NAR MED PA NYID DU THAL LAM, 'ON TE KUN RDZOB TU DANG PO LTAR YIN NO ZHE NA, MA YIN TE, RNAM PAR RTOG PA MED PA'I RANG BZHIN GCIG LA THA DAD PA MI 'DOD PA'I PHYIR RO, ,GNYIS PA LA YANG GZHAN LA LTOS PA'I THA DAD PA KHAS LEN PA NA LTOS PAR BYA BA RNAM PA DGU YIN PAS LTOS PAR BYED PA DU MA NYID DU JI LTAR THAL, BZHI PA BYED PA BSTAN PA'I PHYIR, STONG PA NYID KYI MTSAN NYID KYIS, ,ZHES GSUNGS SO, ,DON 'DI YIN TE, GAL TE DE KHO NAR MI MTHUN PA'I PHYOGS DANG GNYEN PO DAG YOD NA DE LOG PA DANG, MNGON PAR 'GRUB PAR BYED PA YANG 'GYUR BA ZHIG NA, DE DAG MED NA NI CHOS THAMS CAD BYED PA MED PA NYID DES NA LAM GYIS CI BYA ZHES BYA BA'O, ,'DIR KUN RDZOB LA BRTEN PA'I 'JIG RTEN PA DANG, 'JIG RTEN LAS 'DAS PA'I DPES LAN BRJOD PA NI DE LTA NI MA YIN TE ZHES BYA BA'O, ,GAL TE DE KHO NAR RGYU DANG 'BRAS BU'I DNGOS PO MI 'THAD PA'I PHYIR, LAM GYI BYED PA MED PAR BRJOD NA, DE'I TSE NI LHAG PA BRJOD PA MED DO, ,SGRO BTAGS PA RNAM PAR BCAD LA, BTAGS PA'I 'BRAS BU NI RANG BZHIN MED PA NYID KYIS DE LA BYED PA 'GA' YANG MED PA'I PHYIR DANG, DE LA 'DZIN PA'I TSAD MA MNGON SUM DANG RJES SU DPAG PA DAG BTAGS PA'I YUL CAN NYID KYIS, DE KHO NA'I RANG BZHIN CAN GYI BYED PA RNAM PAR 'JIG MI NUS PA'I PHYIR RO, ,'ON TE THA SNYAD DU DE MED PA BRJOD NA DE'I TSE YANG MAR ME LA SOGS PA LA @271B MNGON SUM GYIS DMIGS PAS SGRUB BYED KYI TSAD MA YOD PA'I PHYIR, DE LA NI YOD PA'I THA SNYAD KHO NAR 'THAD KYI DGAG PA MA YIN NO, ,MI DGAG PA'I GNYEN PO BSGOMS PAS 'DOD PA'I RNAM PAR RTOG PA LAS THOB PA LDOG PAR NI DA LTA RANG GI RGYUD LAS MTHONG BA YANG YIN TE, DES NA YANG DAG PA'I KUN RDZOB LA BRTEN NAS BYED PA 'GOG PA MA YIN NO, ,RANG BZHIN MED PA LA RANG BZHIN DNGOS PO MED PA'I PHYIR NA, DE LA BYED PA 'GA' YANG JI LTAR YANG MED DO ZHE NA, MA YIN TE, RANG BZHIN LA YANG NYE BAR BSTAN PA'I RNAM PAR RTOG PA GNYIS 'JUG PA NA, GANG YANG RUNG BAR GNAS PA'I PHYIR DANG GCIG LA 'DOD PA SGRUB PAR BYED NA, GZHAN LA BTAGS PA'I NGO BO DGAG PAR MI NUS PA'I PHYIR RO, ,YANG DAG PA'I KUN RDZOB LA BRTEN PA'I RGYU DANG 'BRAS BU'I DNGOS PO 'DI NI RANG NYID KYIS t'I K'AR RGYAS PAR BSGRUB PA'I PHYIR NA 'DIR MI SPRO'O, ,DE'I PHYIR SGYU MA LTA BU'I CHOS THAMS CAD LA, ,YANG DAG PA'I KUN RDZOB TU MI MTHUN PA'I PHYOGS DANG GNYEN PO'I THA SNYAD YOD PA NA, ,DE'I LOG PA DANG MNGON PAR 'GRUB PA'I MTSAN NYID KYI BYED PA DANG, DE KHO NA BZHIN DU YIN TE, DES NA LAM GYIS CI YANG BYAR MED PA MA YIN NO, ,LNGA PA YUL BSTAN PA'I PHYIR, BSGOM PA'I LAM LA GNAS PA'I ZHES GSUNGS SO, ,BYANG CHUB SEMS DPA' NI, KHYAD PAR GYI LAM RTOGS PA'I MTHUS, RNAM PAR THAR PA'I SGO BSAM GYIS MI KHYAB PA THOB PA'I PHYIR NA, SKYE BA LA SOGS PA'I YUL RNAM PA BRGYAD LA PHAN TSUN 'GAL BA'I DON RJES SU BSGRUB KYANG, RANG DANG GZHAN GYI DON THOB PA LAS MI NYAMS SO ZHES BYA BA NI, BSGOM PA'I LAM ZAB MO YIN NO, ,SLOB PA'I CHOS THOB PA'I CHED DU BYA BA NI, THUN MONG MA YIN PA'I CHOS KYI SKU YIN PAS NA, MNYAM PA NYID KYIS DE STON PA NI, SLOB PA'I TSOGS KYI ZHES BYA BA'O, ,DE LA MNYAM PA NYID KYIS RANG GI NGO BO DANG, DE'I RTEN GYI THA SNYAD BRJOD PAR BYA BA YIN NO, ,DE LA DANG PO NI RE ZHIG 'DIR SPANG BYA DANG, BLANG BYA'I @272A *, ,MTSAN NYID 'KHOR BA DANG MYA NGAN LAS 'DAS PA DAG RANG GI NGO BO MED PAR RTOGS PA'I PHYIR, SGRO 'DOGS KYI RNAM PAR RTOG PA LOG PA MNYAM PA NYID DE BZHIN NYID CES BYA BA'I MING TZAM DU SHES PAR BYA'O, ,GNYIS PA YANG SGRUB PAR BYED PA DANG; GNOD PAR BYED PA DE LA BRTEN PA'I THA SNYAD KYI YUL CAN MI DMIGS PA NA, THOG MA MED PA'I DUS CAN GYI PHYIN CI LOG GOMS PA'I DBANG GIS 'JIG RTEN GYI 'JUG PA KUN RDZOB KYI MING CAN YIN PAR SHES PAR BYA'O, ,BCU PA GZUGS KYI SKU'I CHED DU BYA BA'I MTSAN NYID ZHING RNAM PAR DAG PA BRJOD PA NI GNYI GA DANG MNYAM PA NYID DU ZHES BYA BA STE RTOGS SLA'O, ,BCU GCIG PA GZHAN GYI DON GYI CHED DU BYA BA BRJOD PA NI, RANG GI SANGS RGYAS KYI ZHING RNAM PAR DAG PA ZHES BYA BA'O, ,GZHAN GYI DON BYA BA'I RANG BZHIN YIN PA'I PHYIR NA, DBYE BA DANG, YUL DANG, RANG GI NGO BO RNAMS BRJOD PAR BYA BA YIN NO, ,DE LA LAM GYI NGO BO NYID KYIS MNGON DU BYA BA'I PHYIR SA BCU DANG, ,KUN MKHYEN GSUM GYIS BSDUS PAS RDZOGS PA YIN PA'I PHYIR SHES RAB KYI PHA ROL TU PHYIN PA DANG; MI GNAS PA'I MYA NGAN LAS 'DAS PA SGRUB PAR BYED PA NYID KYIS NA THABS LA MKHAS PA NI GO RIMS JI LTA BA BZHIN DU GZHAN GYI DON GYI RAB TU DBYE BA DANG, YUL DANG, RANG GI NGO BO YIN NO, ,BSAM PA NI 'DI YIN TE, YUL GYI MNGON PAR RTOGS PA BRJOD PA; DMIGS PA LA SOGS PA'I DBYE BAS GCIG TU BYAS NAS BSGOM PAR BYA BA'I KUN MKHYEN GSUM PO RNAMS LA, RNAM PA KUN MNGON PAR RTOGS PAR BRJOD PA'I RNAM PA BSKYED LA, ,RNAM PA DE RNAMS SU YUL DU BYAS TE SKYED PA DANG, MI SKYED PA'I RGYU DAG LEN PA DANG, SPONG BA SNGON DU 'GRO BA CAN MTSAN NYID SHES PAS MTSON PA'I SBYOR BA BRTZON PA YIN NO, ,DE'I DUS NA YANG NGES PAR 'BYED PA'I CHA DANG MTHUN PA LA SOGS PA'I MING CAN, CHUNG NGU DANG 'BRING DANG CHEN PO'I DBYE BAS THA DAD PA'I KHYAD PAR GYI LAM @272B YONGS SU DAG PA NI, SLOB PA'I CHOS MA LUS PA YONGS SU RDZOGS PAR 'GYUR RO, ,DE NAS MNYAM PA NYID KYI RANG BZHIN CHOS KYI SKU BDAG POR BYAS NAS, SANGS RGYAS KYI ZHING RNAM PAR DAG PAS BSTAN PA'I GZUGS KYI SKUS THABS MKHAS PAS 'PHANGS PA'I SEMS CAN GYI DON 'GRUB PO ZHES BYA BA NI KUN MKHYEN GSUM GYIS BSDUS PA'I CHOS THAMS CAD DBANG DU 'GYUR BA'I SBYOR BAS DBANG DU GYUR PA YIN NO, ,SKABS BZHI PA'O,, ,,DE LTAR KUN MKHYEN GSUM GYIS RNAM PA DBANG DU GYUR PA RNAMS KYI LAM THAMS CAD RAB TU GYUR PA NA, RAB TU 'GRO BA YIN PA'I PHYIR, ,RAB TU 'GRO BA'I SBYOR BA BRJOD PA NI, RNAM PA THAMS CAD MNGON PAR RDZOGS PA LAS ZHES BYA BA'O, ,GAL TE YANG LAM SNGA MA SNGA MA RAB TU GYUR PA NA LAM PHYI MA PHYI MA MNGON DU 'GYUR BA DE LTAR NA YANG KHYAD PAR GYI LAM LA THUN MONG MA YIN PA'I MTSAN NYID MED PA'I PHYIR NA SBYOR BA'I LAM LA SOGS PA RAB TU GYUR PA'I SGO NAS DE RAB TU GYUR PA BRJOD PAR BYA BA YIN NO, ,DE LA DRO BA LA SOGS PA SBYOR BA'I LAM RNAM PA BZHI LA DRO BA LA SOGS PA RTAGS BCU GNYIS KYI RAB TU GYUR PA'I THOB PA DANG, RTZE MO LA BRTEN PA'I RNAM PAR 'PHEL BA BCU DRUG GIS RAB TU GYUR PA 'PHEL BA DANG, BZOD PA LA SOGS PA KUN MKHYEN GSUM GYI CHOS NGES PAS, 'PHEL BA MTHAR PHYIN PA DANG, RTZE MO LA BRTEN PA SEMS YANG DAG PAR GNAS PA RAB TU GYUR PAS BRTAN PAR GYUR PA ZHES BYA BA NI SBYOR BA'I LAM RAB TU GYUR PA'O, ,DE'I RJES LA MTHONG BA'I LAM GYI RAB TU GYUR PA YIN PAS, DE'I SPANG BYA DANG, RGYU DANG, 'BRAS BU DANG, BYED PA DANG, RANG GI NGO BO DANG, SGOM PA RNAMS BRJOD PAR BYA'O, , DE LA SPANG BYA'I RAB TU DBYE BA DANG, YUL DAG BRJOD PAR BYA BA YIN PA'I PHYIR, GZUNG BA DANG, 'DZIN PA'I RNAM PAR RTOG PA SO SOR 'JUG PA DANG LDOG PA'I RTEN CAN NYID KYI GZHIR GYUR PA DAG LA SO SOR DBYE BA RNAM PA DGU STON PA NI, NGES PAR 'BYED PA'I CHA DANG @273A *, ,MTHUN PA'I 'OG TU ZHES BYA BA'O, ,DE DAG GI DBYE BA NI YUL GYI SGO NAS DBYE BA YIN PA DES NA DE BRJOD PA NI, GZUNG BA'I RNAM PAR RTOG PA DANG PO ZHES BYA BA'O, ,DON 'DI YIN TE RANG GI NGO BO DANG 'DZIN PA DANG SO SOR THAR PA LA SOGS PA RNAM PA BCVA BRGYAD KYI YUL CAN, 'JUG PA'I PHYOGS KYI RTEN CAN, GZUNG BA DANG 'DZIN PA'I RNAM PAR RTOG PA GNYIS KYIS SRID PA DANG, ZHI BAR LTUNG BA'I RGYU MTSAN RTOGS PA DMAN PA NYID DANG, JI LTAR CHED DU BYA BA'I NGES PAR 'BYUNG BA MED PA NYID LA SOGS PA YUL RNAM PA BCVA BRGYAD DANG LDAN PA'I GZUNG BA DANG 'DZIN PA'I RNAM PA GNYIS KYIS 'JUG PA NA, MTHONG BA'I LAM DU GYUR PA'I GEGS YIN PA'I PHYIR, DE DAG LHAG MA MED PAR SPANG BAR BYA BA YIN NO ZHES BYA BA'O, ,GNYIS PA RGYU BRJOD PA NI, DE LTAR MTHONG BA'I LAM LA ZHES BYA BA'O, ,'DI'I YANG MTSAN NYID DANG, RAB TU DBYE BA GNYIS BRJOD PAR BYA BA LAS, DE'I MTSAN NYID NI DE LA THEG PA'I RGYU NYID YIN LA, GZHAN DAG BYANG CHUB LA SOGS PA LA 'GOD PA LA SOGS PA LA RAB TU DBYE BA'O, ,GSUM PA 'BRAS BU BRJOD PA NI GANG GI DON DU ZHES BYA BA'O, ,DE YANG RANG GI NGO BO DANG, DE LTAR SNANG BA RTOGS NA BDE BAR RTOGS PA'I PHYIR, DE GNYIS RIM GYIS BRJOD PA NI, DRI MA ZAD DANG ZHES BYA BA LA SOGS PA'O, ,'CHAD PAR 'GYUR BA'I LAM GYI STOBS KYIS NYON MONGS PA DANG SHES BYA'I SGRIB PA'I MTSAN NYID KYI DRI MA RNAMS SKYE BA DANG 'GAG PA MED PAR YONGS SU SHES PA NYID DANG, CHOS THAMS CAD PHYIN CI MA LOG PAR RTOGS PA'I MTSAN NYID DO, ,DES NA MTSAN NYID PA NI NGO BO YIN NO, ,SPROS PA THAMS CAD DANG BRAL BA'I BYANG CHUB LA NGO BO NYID NI 'GA' YANG YOD PA MA YIN TE, DNGOS PO'I MTSAN NYID SNGON DU 'GRO BA NYID MED PA'I PHYIR RO, ,GNYIS PA DE LTAR SNANG BA BRJOD PA NI, GANG GI PHYIR DE LTAR YIN PA ZHES BYA BA STE RTOGS PAR SLA'O, ,BZHI PA BYED PA BRJOD PA NI, DE LTAR BYED PA'I PHYOGS ZHES @273B BRJOD PA'O, ,LAM GYI BYED PA NI 'DI KHO NA YIN TE, GZUGS LA SOGS PA LA RANG BZHIN GYIS STONG PA NYID KYIS BSNAN PA DANG, BSAL BA LOG PA GANG YIN PA'O, ,DES CHOS THAMS CAD BYED PA MED PA'I PHYIR NA, SGRO 'DOGS PA THAMS CAD LDOG PA'I MTSAN NYID NI, BYANG CHUB CHEN PO YIN NO ZHES BYA BA'I DON TO, ,LNGA PA RANG GI NGO BO BRJOD PA NI, DE LTAR ZHAR LA 'ONGS PA BRJOD NAS ZHES BYA BA'O, ,DRUG PA SGOM PA BRJOD PA NI DE SKYE BA ZHES BYA BA'O, ,BRJOD MA THAG PA'I MTHONG BA'I LAM RAB TU GYUR PAS, NYON MONGS PA DANG SHES BYA'I SGRIB PA'I MTSAN NYID RNAM PAR RTOG PA RNAM PA BZHI SPANGS PA NA, DE LA 'JIGS PA MED PA'I PHYIR, SENG GE LTA BUR RNAM PAR ROL PAS NA DE DANG MTHUN PA'I TING NGE 'DZIN LA SNYOMS PAR ZHUGS NAS MI DMIGS PA'I SBYOR BAS LUGS DANG MTHUN PA DANG, MI MTHUN PA'I NGO BO NYID MED PA'I MTSAN NYID RTEN CING 'BREL BAR 'BYUNG BA MNGON DU BYED DO ZHES BYA BA'I DON TO, ,GSUM PA BSGOM PA'I LAM DU RAB TU GYUR PA BRJOD PA NI, DE LTAR MTHONG BA'I LAM BRJOD NAS ZHES BYA BA'O, ,'DIR YANG RANG GI NGO BO DANG SPANG BYA DANG, 'BRAS BU RNAMS RTOGS NA BDE BLAG TU RTOGS PA'I PHYIR NA, RE ZHIG RANG GI NGO BO BRJOD PA NI, 'DOD PAR GTOGS PA'I ZHES BYA BA'O, ,BSAM GTAN DANG PO LA SOGS PA THOD RGAL NYID KYIS, 'DOD PA NA SPYOD PA MNYAM PAR MA BZHAG PA'I SHES PA MTSAMS SU BYAS PA'I PHYIR, MI MNYAM PAR 'GRO BAS NA 'DI'I RANG GI NGO BO NI MI MNYAM PAR 'GRO BA YIN NO, ,GNYIS PA SPANG BAR BYA BA NI RAB TU DBYE BA DANG, YUL GYI DBYE BAS SNGA MA BZHIN DU RTOGS PAR BYA'O, ,GZHAN YANG LAM GNYI GA YANG SO SOR MI MTHUN PA'I PHYOGS SU GYUR PA'I RNAM PAR RTOG PA RNAM PA BZHI BSHAD ZIN PA'I PHYIR NA, GNYEN PO YANG DE KHO NA BZHIN DU SHES PAR BYA'O ZHES STON PA NI BSGOM PA'I LAM GYI MI MTHUN PA'I PHYOGS RNAM PA BZHI ZHES BYA BA'O, ,GSUM PA 'BRAS BU BRJOD PA NI, SNGA MA BZHIN DU ZHES BYA BA STE RTOGS PAR SLA'O, ,BZHI PA BAR CHAD MED PA'I LAM RAB TU @274A *, ,GYUR PA BRJOD PA NI, BSGOM PA'I LAM GYI RJES LA ZHES BYA BA'O, ,'DI LA YANG MTSAN NYID DANG, DMIGS PA DANG, RGYU DANG, RNAM PA DANG, SPANG BYA RNAMS BRJOD PAR BYA BA LAS, RE ZHIG MTSAN NYID GSUNGS PA NI, STONG GSUM GYI SKYE BO ZHES BYA BA LA SOGS PA'O, DON 'DI YIN TE, THEG PA GSUM PO RNAMS LA SKAL BA JI LTA BA BZHIN SEMS CAN THAMS CAD 'GOD PA'I BSOD NAMS MANG BA NYID KYIS RNAM PA THAMS CAD MKHYEN PA NYID THOB PA DANG, SANGS RGYAS NYID THOB PA LA BAR CHAD MED PA'I PHYIR, SANGS RGYAS NYID SGRUB PAR BYED PA NI MTSAN NYID YIN NO ZHES BYA BA'O, ,DE'I DMIGS PA LA SOGS PA JI LTA BU ZHIG CES BYA BA LA SOGS PA NI DMIGS PA LA SOGS PA BRJOD PA STE RTOGS PAR SLA'O, ,BSDUS PA'I DON NI 'DI YIN TE, KHYAD PAR GYI LAM LA GNAS PA LA, GAL TE JI SKAD BRJOD PA'I LAM BZHI RAB TU GYUR PA DE'I TSE BSGOM PA'I CHOS KYI RTZE MO THOB PA'I PHYIR NA RTZE MO MNGON PAR RTOGS PA YIN NO ZHES BYA BA'O, ,SKABS LNGA PA'O,, ,,DE LTAR RAB TU GYUR PA THOB KYANG, THOG MA MED PA'I DUS TZAM GYI BAG CHAGS KYI SA BON CAN GYI RNAM PAR RTOG PA MI MTHUN PA'I PHYOGS DU MA SKYES PAS SKYES PA NYID KYIS, DE'I GNYEN PO YANG DUS NGES PA NYID MED PA'I PHYIR, LAM GYIS THOB PAR BYA BA'I SANGS RGYAS KYI CHOS THAMS CAD KYANG MA NGES PAR THOB PA YIN NO, ,DE LTA NA YANG DE DAG BRTAN PAR GYUR PA MA YIN TE, ,DES NA BRTAN PAR BYA BA'I DON DU SNGAR BSHAD PA'I LAM GYI GO RIMS CAN GYI BSGOM PA YIN PAS NA, GSUM PA BRTAN PAR GYUR PA'I SBYOR BA GSUNGS PA NI, RTZE MO'I MNGON PAR RTOGS PA THOB PA ZHES BYA BA'O, ,'DIR YANG KHYAD PAR GYI LAM GYI RANG BZHIN NYID KYIS, RANG LA BRTAN PA'I KHYAD PAR CI YANG MED PA'I PHYIR; CHUNG NGU DANG 'BRING DANG CHEN PO'I DBYE BAS, SANGS RGYAS KYI CHOS RNAMS THAMS CAD BRTAN PAR GYUR PA NI, SBYOR BA'I LAM LA SOGS PAR BSNYAD PA YIN NO, ,DE LTAR YIN NA DE MA THAG PA'I SKABS GNYIS SU BRJOD PA'I DON RNAMS NYID SBYIN PA LA SOGS PA'I RANG @274B GI NGO BOR GRUB PA'O, ,SKABS DRUG PA'O,, ,,DE LTAR BRTEN PAR GYUR PA'I DON RNAMS BAR CHAD MED PA'I TING NGE 'DZIN GYIS SKAD CIG GCIG GIS MI SLOB PA'I LAM LA 'JUG PA'I PHYIR, SKAD CIG MA GCIG LA MNGON PAR RDZOGS PAR BYANG CHUB PA NI MTHAR THUG PAR 'GRO BA'I SBYOR BA YIN TE, DE LAS GONG DU BSLAB PAR BYA BA MED PA'I PHYIR RO, ,SKAD CIG GCIG PA ZAG PA MED PA DE LA YANG DNGOS POR NA DBYE BA 'GA' YANG MED PA DES NA, RNAM PAR SMIN PA YIN PA DANG RNAM PAR SMIN PA MA YIN PA'I DBYE BA MTSAN NYID MED PA DANG; GNYIS SU MED PA'I MTSAN NYID KYI DBYE BAS LDOG PA'I THA DAD PA LA BRTEN NAS RANG GI NGO BO DANG, DBYE BA BRJOD PA NI, MTHAR GYIS PA'I MNGON PAR RTOGS PA SGOM PA NI ZHES BYA BA STE GO SLA'O, ,SKABS BDUN PA'O,, ,,DE LTAR SBYOR BA'I MNGON PAR RTOGS PAS SPROS PA MED PA'I TING NGE 'DZIN GYI MTSAN NYID SHES RAB KYI PHA ROL TU PHYIN PA THOB PA NA, RANG DANG GZHAN GYI DON GYI RANG BZHIN GYI 'BRAS BU YIN PAS NA, CHOS KYI SKU'I MTSAN NYID 'BRAS BU'I MNGON PAR RTOGS PA BRJOD PA NI, SKAD CIG MA GCIG GIS MNGON PAR RDZOGS PAR BYANG CHUB PA ZHES BYA BA LA SOGS PA'O, ,DE YANG RANG DANG GZHAN GYI DON GYI DBYE BAS RNAM PA GNYIS SO, ,DE LA DNGOS PO NI DON DAM PA DANG, KUN RDZOB KYI BDEN PA LA BRTEN NAS RNAM PA GNYIS YIN YANG KUN RDZOB LA BRTEN PA DE BZHIN GSHEGS PA DANG; BYANG CHUB SEMS DPA' DANG NYAN THOS LA SOGS PA DANG, THUN MONG BA NYID KYIS RNAM PA GSUM YIN PA'I PHYIR NA RNAM PA BZHIR 'GYUR RO, ,GNYIS PA LA YANG LAS DANG PO'I SA NAS BRTZAMS NAS, SANGS RGYAS KYI SA'I MTHAR THUG PA'I DBANG DU BYAS TE, GANG ZAG GCIG GI DBANG DU BYAS NAS RNAM PA NYI SHU RTZA GNYIS YIN NO ZHES BYA BA NI 'BRAS BU'I MNGON PAR RTOGS PA'O, ,DE LTAR NA YUL DANG, RANG BZHIN DANG, 'BRAS BU BSHAD PA'I SGO NAS MNGON PAR RTOGS PA'I RANG BZHIN BRJOD NAS, BSDU BA BRJOD PA'I DON DU GSUNGS PA @275A *, ,NI RGYAS PA LA DAD PA'I SEMS CAN ZHES BYA BA LA SOGS PA STE GO SLA'O, ,KUN GYI RGYAN DU GYUR PA NYID DANG, GOMS PA DANG, DE'I TSIG LE 'UR BYAS PA RNAM PAR DBYE PHYIR ZHES DAM BCAS PA GSUM PO GANG YIN PA DE GZHUNG GZUGS PAR BZHED NAS, RE ZHIG DANG POR GZHUNG 'DZUGS PA NI LA LA LAS DON ZHES BYA BA LA SOGS PA'O, ,RGYAL BA'I YUM RGYAS PA DANG, 'BRING BZHIN DU RGYAL BA'I YUM MDOR BSDUS PA NI BYANG CHUB KYI SEMS RNAM PA NYI SHU RTZA GNYIS LA SOGS PA MNGON PAR RTOGS PA 'GA' ZHIG MA MTHONG YANG, GDAMS NGAG LA SOGS PA NYE BAR BLANGS PA'I SHUGS NYID LAS DE 'GRUB PO, ,GDAMS NGAG LA SOGS PA LA NYE BAR BLANGS PA GANG YIN PA DE NI GZHUNG DANG 'DON PA LA SOGS PA THA DAD KYANG DON THA MI DAD PA'I PHYIR NA, KUN GYI RGYAN DU GYUR PA NYID MI 'GAL LO ZHES BYA BA'I DON TO, , GNYIS PA GZHUNG GZUGS LA BSHAD PA NI, 'PHAGS PA RNAM PAR GROL SDE'I ZHES BYA BA LA SOGS PA'O, ,BCOM LDAN 'DAS BYAMS PA'I BSHAD PA LAS DON RTOGS PA YIN YANG, 'PHAGS PA RNAM PAR GROL SDE'I LUGS KYI RJES SU 'JUG PA NYID KYIS, BCOM LDAN 'DAS MA'I TSIG DANG NGAG GI SDEB SBYOR MA BYAS PAR BDAG GIS BSHAD DO ZHES BYA BA'I DON TO, ,GSUM PA GZHUNG 'DZUGS PA NI, MKHAN PO YANG DAG CES BYA BA LA SOGS PA BRJOD PA DE RTOGS SLA'O, ,BDAG NYID KYIS GZHUNG BYAS PA'I BSOD NAMS YONGS SU BSNGO BA DANG, KHENGS BSKYUNGS PA DANG, RTOGS PA'I KHYAD PAR BRJOD PA NI, DE SPEL BAS BYUNG BA'I ZHES BYA BA LA SOGS PA BRJOD PA YIN NO, ,BDAG GI MKHAN POS MDZAD PA LA, ,DAG PA'I BSDUS DON BRIS PA LAS, ,THOB PA'I DGE BA GANG YIN DES, ,'GRO BA MYUR DU RGYAL BAR GYUR, ,NUB KYI SGO GLEGS DPAL MKHAS PA CHEN PO SHES RAB 'BYUNG GNAS BLO GROS KYIS MDZAD PA MNGON PAR RTOGS PA'I RGYAN GYI BSHAD PA BSDUS DON RDZOGS SO,, ,,PAndI TA CHEN PO SU MA TI K'I RTI DANG, LO TZTSA BA BLO LDAN SHES RAB KYIS BSGYUR BA'O,, ,,