@1A *, ,SHES PHYIN DA PA BZHUGS SO, , @1B [DD] #, ,RGYA GAR SKAD DU, A'ARYA AAshtA SA HA SRI KA PRADZNY'A P'A RA MI T'A MA RMA KOO MI TA N'A MA, BOD SKAD DU, 'PHAGS PA SHES RAB KYI PHA ROL TU PHYIN PA BRGYAD STONG PA'I 'GREL PA GNAD [DD] KYI ZLA BA'I 'OD CES BYA BA, BCOM LDAN 'DAS MI PHAM MGON PO LA PHYAG 'TSAL LO, ,GANG ZHIG 'OD ZER SNYING GI MUN LAS RGYAL NAS SPROS MED LNGA PO PHUNG POR GYUR PA STE, ,GANG LA SHAR NA SEMS KYI RTOG PA'I RNYOG PA BSAL BAR GYUR NAS SA LA LONGS SPYOD PA, ,DE YIS RDZOGS PA'I BYANG CHUB BDE BA 'GRO LA BSKYED PHYIR BSAM MI KHYAB PA'I SKU SPRUL PA'I, ,SHES RAB PHA ROL PHYIN PA SRID PAR 'KHYAMS PA 'JIG BYED DE LA GUS PAR PHYAG 'TSAL NAS, ,YID KYI DRI MA BSHIG CING LTA BA NGAN PA 'JOMS BYED LA, ,SKYE BA'I RNYOG PA'I YAL GA MA LUS NGES PAR DRUNG 'BYIN LA, ,CHE MCHOG RTOG MED RDZOGS SANGS SA NA GNYIS MED LAM GNYEN GYI, ,'OD ZER BRTZE BAS BRLAN CHAR JI LTA BUR NA STON PA YI, ,GANG YANG 'PHAGS PA MI PHAM BSTAN BCOS DE NYID BRAL BA'I GZHUNG GIS KUN TU TSIM MIN PAS, , @2A *, ,YUM GYI GNAD LAS PHYIR PHYOGS LOG PA'I LAM GYIS SKYE BO PHAL CHE YUN RINGS 'KHYAMS GYUR PAS, ,DE PHYIR NANG GI MUN PAS KHYAB PA'I RGYUN GYIS 'PHROG BYED BSTAN BCOS SNYING PO LA REG PA'I, ,LEGS GSUNGS SBYANGS PA'I BDUD RTZI'I GTER LDAN BDAG GIS DE GNAD YANG DAG GSAL BYED ZLA 'OD SPRO, ,'DIR NGES PAR BCOM LDAN 'DAS KYIS BSKAL PA RAB 'BYAM MANG PO DPAG TU MED CING RNAM PA SNA TSOGS PA'I BYANG CHUB SEMS DPA'I SPYOD PA PHAN TSUN DU SPYOD PA RNAMS DANG, SHES RAB KYI PHA ROL TU PHYIN PA BSGOMS PA DAG GIS KUN TU RTOG PA'I DRA BA MTHA' DAG SKYE BA'I RGYUN DRUNGS PHYUNG NAS MU MED PA'I PHYOGS THAMS CAD KYI KHAMS GSUM PA RNAMS KYI SROG CHAGS DPAG TU MED PA RNAMS KYI SO SO'I SEMS SKAD CIG LA GZIGS NAS MCHOG TU BRTZE BA CHEN PO'I GZHAN GYI DBANG GI JI LTA BA BZHIN RTOGS PA DE NYID BCOM LDAN 'DAS KYIS SEMS CAN GYIS RTOGS PAR BZHED NAS BSTAN PA JI LTA BA DE LTA BUR SDUD PA POS BSDUS PA NI, 'DI SKAD BDAG GIS THOS ZHES BYA BA LA SOGS PA DANG, MNGON PAR BSTOD DO ZHES BYA BA'I BAR GYIS TE 'DI NYID DU ZHES PA LA SOGS PA DANG, DE LA BCOM LDAN 'DAS KYIS BKA' STZAL PA ZHES PA LA SOGS PA NI SDUD PA PO'I RANG BZO MA YIN PAS BCOM LDAN 'DAS KYI @2B BKA' NYID DU BSHED DE, CHOS YANG DAG PAR SDUD PA'I MDO LAS GSUNGS PA, 'DI SKAD BDAG GIS THOS ZHES BYAS NAS CHOS BSDU BAR BYA'O, ,DE BZHIN DU 'BRAL BA DANG GO RIMS KYIS BSHAD DO ZHES PA LA SOGS PA STE, ,'DI SDUD PA PO NI LCANG LO CAN NA BZHUGS PA'I BYANG CHUB SEMS DPA' CHEN POS BCU'I DBANG PHYUG PHYAG NA RDO RJE STE, DE YANG BSKAL PA BZANG PO'I DE BZHIN GSHEGS PA RNAMS KYI GZUGS KYI SKU DANG CHOS KYI SKU SRUNG BAR DBANG BSKUR NAS RTING LA RJES SU GSHEGS ZHES DE BZHIN GSHEGS PA'I GSANG BA BSTAN PA'I MDO LAS BSHAD PA DANG, PHYAG NA RDO RJE DBANG BSKUR BA'I MDO LAS BSTAN PA SO SOR GTAD PAS SO, ,GANG YANG 'PHAGS PA KUN DGA' BO LA YONGS SU GTAD PA DE NI NYAN THOS RNAMS KYIS KYANG 'JIG RTEN PA LA SPYOD PAR BYED PA'I DON DU YIN GYI, ,CHOS SDUD PA'I DON DU NI MA YIN NO, ,'DIR BCOM LDAN 'DAS KYIS YONGS SU MYA NGAN LAS 'DAS PA BSTAN PA DANG, 'PHAGS PA PHYAG NA RDO RJES 'JIG RTEN THAMS CAD RJES SU GZUNG BA'I PHYIR SHES RAB KYI PHA ROL TU PHYIN PA BSDU BAR 'DOD NAS, 'PHAGS PA BYAMS PA LA SOGS PA'I BYANG CHUB SEMS DPA' SEMS DPA' CHEN PO'I TSOGS RNAMS LA 'DI SKAD CES PA LA SOGS PA GSUNGS TE, JI LTA BA BZHIN DU STON PA PO LAS THOS PA CIG KYANG RJES SU BRJOD CING DE BZHIN DU YANG LAS GZHAN YANG NYAN PAR BYED DO ZHES PA NI SDUD PA POR BRJOD DO, ,BSDUS PA'I RJES LA DUS DER GNAS PA NYID NA, MCHOG TU ZAB CING RJES SU RTOGS PAR DKA' LA RTOGS PAR MI NUS ZHES PAS THUGS RJES DE RTOGS PA'I DON DU 'PHAGS PA BYAMS PAS MNGON PAR RTOGS PA'I RGYAN GYI TSIG LE 'UR BYAS PA'I BSTAN BCOS KYIS GSAL BAR MDZAD KYI, 'PHAGS PA THOGS MED KYIS BYAS NAS DUS PHYIS BYAS ZHES PA NI SENG GE BZANG PO LA SOGS PA RNAMS KYI 'KHRUL PA STE, SNGON DU BYAS PA LA MA BSHAD CES PA NI GZHAN DAG GI'O, ,DE LA SHES RAB KYI PHA ROL TU PHYIN PA BCOM LDAN 'DAS KYIS RNAM PAR 'BYED PAR 'DOD NAS, MCHOG TU BLA MA RNAMS KYI YANG BLA NA MED PA NI BLA MA YIN PA'I PHYIR DANG, RAB TU DANG BAS PHYAG 'TSAL BA SHIN TU DON CHE BA'I PHYIR DANG, RNAM PAR BSHAD PAR BYA BA'I MDO SDE RIN PO CHE BRJOD @3A *, ,PAR BYA BA'I PHYIR NA DE NYID LA DANG PO PHYAG 'TSAL BA NI, NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS SNA TSOGS RNAM PA 'DI DAG KUN GSUNG BA'I, ,NYAN THOS BYANG CHUB SEMS DPA'I TSOGS BCAS SANGS RGYAS KYI YUM DE LA PHYAG 'TSAL LO, ,CI STE NYE BAR ZHI BA NI MYA NGAN LAS 'DAS PA STE, THAR BAR 'TSAL BA'I NYAN THOS RNAMS DANG RANG SANGS RGYAS RNAMS KYANG BSDU STE, DE DAG GI THEG PA LAS KHYAD PAR CHUNG BA'I PHYIR NA RIM PA GCIG TU BSTAN PA'I PHYIR RO, ,'GRO LA PHAN PAR BYED PA NYID NI BYANG CHUB SEMS DPA' RNAMS KYI'O, ,RNAM PA 'DI DAG SNA TSOGS ZHES PA NI THUB PA'I RNAM PA THAMS CAD KYI CHOS SO, ,GANG DANG LDAN PAS RNAM PA 'DI DAG KUN GSUNG ZHES PA 'DIS NI RNAM PA THAMS CAD MKHYEN PA NYID KYI NGO BO SHES RAB KYI PHA ROL TU PHYIN PAR GSAL BAR BYAS LA, SHES RAB KYI PHA ROL TU PHYIN PA NYID NI RNAM PA GSUM STE, GANG PHUNG PO LNGA RNAMS MI RTAG PAR RNAM PAR SHES PA'I SLOB MA DANG BSE RU DAG DANG, GANG YANG SLOB MA DANG BSE RU DE RNAMS KYI DANG, BYANG CHUB SEMS DPA'I LAM GYI RNAM PA RNAMS SHES PA'I BYANG CHUB SEMS DPA' RNAMS DANG, GANG YANG DE RNAMS KYIS RTOGS PA'I RNAM PA DE RNAMS MKHYEN PA'I RNAM PA THAMS CAD MKHYEN PA NYID NI SANGS RGYAS RNAMS TE, DE'I SHES RAB KYI PHA ROL TU PHYIN PA LA'O, , SANGS RGYAS KYI ZHES PA NI BSKYED PA NYID LA GCIG PA'I TSIG GO, ,NYAN THOS DANG BYANG CHUB SEMS DPA'I TSOGS DANG BCAS PA'I SANGS RGYAS RNAMS KYI YUM STE, JI SKAD DU BSHAD PA'I DON CHEN PO THOB PAR BYED PAS SO, ,DE THOB NAS KYANG ZAG PA MED PA'I PHUNG PO LNGA'I BDAG NYID CAN DU BDAG GIS DNGOS PO BSKYED PA DANG RGYAS PAR BYED DO, ,DE BAS NA YUL 'DZIN PA POR RTOGS PAR BYA'O, ,DE LTAR KUN MKHYEN PA GSUM GYIS MNGON PAR RTOGS PA GZHAN LNGA PO RNAMS BSDUS PA'I BRGYAD CAR GYI SHES RAB KYI PHA ROL TU PHYIN PA LNGA YANG ZHES BYA STE, DE NYID CHUNG NGU DANG 'BRING DANG CHEN @3B PO'I RTOGS PA PA'I DBYE BA LA DGONGS NAS, KUN MKHYEN PA GSUM GYI SGO NAS PHYAG 'TSAL NAS, GZHAN GDUL BYA 'JUG PA'I YAN LAG BRJOD PAR BYA BA LA SOGS PA BRJOD PAR 'DOD PAS GSUNGS PA NI, RNAM PA THAMS CAD MKHYEN NYID LAM, ,STON PAS 'DIR NI BSHAD PA GANG, ,BLO DANG LDAN PAS MTHONG 'GYUR GYI, ,GZHAN GYIS MYONG BA MA YIN ZHES, ,CHOS SPYOD BCU YI BDAG NYID CAN, ,MDO DON DRAN PA LA BZHAG NAS, ,BDE BLAG TU NI RTOGS 'GYUR BA, ,ZHES BYA RTZOM PA'I DGOS PA'O, ,ZHES TE, BGROD PAR BYA BAS LAM ZHES PA STE, GTZO BO NI RNAM PA THAMS CAD MKHYEN PA NYID 'BRAS BU SANGS RGYAS RNAMS KYI CHOS KYI SKU STE, JI SKAD DU MDO SDE RGYAN LAS, SGRIB PA THAMS CAD SPANGS PA YI, ,RNAM PA THAMS CAD MKHYEN THOB PA'I, ,RIN CHEN SGROM PHYE LTA BU LA, ,SANGS RGYAS NYID DU YANG DAG BRJOD, ,CES SO, ,'DIS BGROD PAR BYED CES PAS NA LAM RNAMS SANGS RGYAS NYID KYI RGYU PHAL PA'I RNAM PA THAMS CAD MKHYEN PA NYID DE KHONGS SU JI LTAR RIGS PAR MNGON PAR RTOGS PA DRUG 'DUS PA'O, ,DE LTAR RGYU DANG 'BRAS BU'I BDAG NYID CAN GYI MNGON PAR RTOGS PA BRGYAD KYI NGO BO'I LAM SHES RAB KYI PHA ROL TU PHYIN PA'I MDO SDE RIN PO CHE RJOD PAR BYED PA'I BRJOD PAR BYA BA DE BYANG CHUB SEMS DPA' MA YIN PA RNAMS KYIS KHONG DU MI CHUD PAS NA BLO DANG LDAN PA NI BYANG CHUB SEMS DPA' RNAMS SO, ,MNGON SUM DU BYED PAR 'GYUR ZHES PA NI DGOS PA'I YANG DGOS PA'O, ,DE YANG MDO'I DON JI SKAD DU BSHAD PA'I BRJOD PAR BYA BA THOS PA NYID BSAM PAS DRAN PA LA BZHAG CING, CHOS NI SEMS BSKYED PA DANG GDAMS NGAG LA SOGS PA RNAM PA BCU'I KHONGS SU GTOGS PA'I MNGON PAR RTOGS PA BRGYAD RAB TU PHYE BA DE'I SPYOD PA SPYAD PA RNAMS KYIS BDE BLAG TU RJES SU GNAS PAR 'GYUR ZHES BRJOD PAR BYA BA THOB PA BYED PA'I THABS LA RJES SU GNAS PA NI MDO BRTZAM PA'I DGOS PA'O, ,'BREL PA NI BRJOD PAR BYA BA DANG RJOD PAR BYED PA'I DNGOS PO'I MTSAN NYID DANG, BSGRUB PAR BYA BA DANG SGRUB PAR BYED PA'I DNGOS PO'I MTSAN NYID DE GO SLA BA KHO NA'O, ,'DI SKAD CES BYA BA NI JI LTA BA BZHIN DU BSDU BAR BYA ZHES PA STE, GLENG @4A *, ,GZHI'I GO SKABS YIN GYI NYE BAR BSDU BA NI MA YIN TE, MDO SDE'I LUS NYID 'DI SKAD DU'O, ,BDAG GIS NI MNGON SUM DU THOS PA STE, BLA MA LAS PHAN TSUN BRGYUD PAS MA YIN PA'O, ,DE LTAR 'DIR GLENG BSLANG BA BSTAN PA'I RJES SU GLENG GZHI DANG DUS GANG DANG YUL DANG STON PA PO DANG 'KHOR GYIS 'DUS PA STE, DE LA DUS GCIG NA ZHES PA NAS BRTZAMS TE JI SRID DU KUN DGA' BO ZHES PA'I BAR NI GO SKABS LA, DE NAS YANG ZHES PA LA SOGS PAS NYE BAR BSDU BA BCOM LDAN 'DAS KYIS DE SKAD CES BKA' STZAL NAS ZHES PA LA SOGS PA'I LHAG MA MA LUS PA NI MDO SDE'I LUS SO, ,CI'I PHYIR BCOM LDAN 'DAS KYIS 'DI NYID GSUNGS ZHES MA BSTAN PA NI BCOM LDAN 'DAS LA RNAM PAR RTOG PA MED PAS DON DAM PAR NI BSTAN PA MI SRID CES PA LA DGONGS LA, BSTAN PA'I SNANG BA NI GDUL BYA RNAMS KYI BSOD NAMS DANG BCOM LDAN 'DAS KYI SNGON GYI SMON LAM GYI BDAG PO YIS SO, ,GANG DU BYAS PA DANG THOS PA'I KHYAD PAR BSHAD PAR BYA STE, DUS GCIG NI DUS GCIG LA STE 'DIS NI GDUL BYA RNAMS CHOS 'DI LA GUS PA BSKYED PA'I DON DANG, BCOM LDAN 'DAS KYIS LAN CIG GSUNGS PA LA BDAG NYID THOS PA 'DZIN PA NYID DU GSAL BAR BYAS PA'O, ,BDUD BZHI BCOM PA DANG LDAN PAS NA BCOM LDAN 'DAS TE, NGES PAR BRJOD PA LAN PHYI MA'O, ,YANG NA BDUD BZHI PO RNAMS SHES RAB KYIS BCOM PAS NA BCOM PA STE, BYED PA'I NGES PA'I TSIG LAN PHYI MA'O, ,'BYED PAR BYED CES PAS BCOM PA STE, SHES RAB KYI PHA ROL TU PHYIN PA DE DANG LDAN PAS NA BCOM LDAN 'DAS SAM, MNGON PAR BSTAN ZHES PAS BCOM LDAN 'DAS SAM, BSTAN PAR BYED PA LA NI RGYU RNAMS KHO NA BYED PA NYID RNAM PAR 'DOD PA'I PHYIR RO, ,DE YANG TSOGS PA DBANG PHYUG DANG GZUGS BZANG DANG GRAGS PA DANG DPAL DANG YE SHES DANG BRTZON 'GRUS DANG DRUG GO, ,DE LA DBANG PHYUG NI GZHAN DBANG MA YIN PA STE, BCOM LDAN 'DAS DE'I TSOGS PAS BAG CHAGS DANG BCAS PA'I SGRIB PA THAMS CAD SPANGS PA'I PHYIR RO, ,GZUGS KYI TSOGS PA NI BLA NA MED PA'I MTSAN DANG DPE BYAD KYIS LHAM ME BA'I @4B SKA'I PHYIR RO, ,GRAGS PA'I TSOGS PA NI PHYOGS SU SGRA CHEN PO'I PHYIR RO, ,GANG YANG PHUN SUM TSOGS PA MANG PO GANG GI RTEN DU GYUR PA DE NI DPAL GYI TSOGS PA STE, 'JIG RTEN PA THAMS CAD LA 'JIG RTEN LAS 'DAS PA'I PHUN SUM TSOGS PA'I 'DOD PA RNAMS KYI DPAL DU BYED PA'I PHYIR RO, ,YE SHES KYI TSOGS PA NI THAMS CAD NAS RNAM PA THAMS CAD KYI ZHES BYA BA LA DAG CING MA CHAGS SHING MA THOGS PA'I YE SHES KYI PHYIR RO, ,BRTZON 'GRUS KYI TSOGS PA NI RNAM PA THAMS CAD DU GZHAN GYI DON LA RTAG PAR MI DGA' BA DANG BRAL BA'I PHYIR RO, ,BZHUGS SO ZHES PA NI 'DIR SO SOR SDUD PAR BYED CING SEMS CAN 'DIS 'DREN PAR BYED CES PAS CHO 'PHRUL LA, CHO 'PHRUL DE NYID NI RNAM PA GSUM STE, RDZU 'PHRUL DANG, GZHAN GYI SEMS SHES PA DANG, ZAG PA ZAD PA SHES PA'O, ,DE LA RNAM PA SNA TSOGS PA'I RDZU 'PHRUL GYI CHO 'PHRUL GYIS 'JIG RTEN LAS 'DAS SHING RMAD DU BYUNG BA'I CHOS STON PA'I PHYIR DANG, KUN BRJOD PA'I CHO 'PHRUL GYIS NI SEMS KYI BAG LA NYAL YONGS SU MKHYEN NAS DGE BA'I RTZA BA RGYAS PA'I TSUL GYIS YONGS SU SMIN PAR BYED PA'I PHYIR DANG, RJES SU BSTAN PA'I CHO 'PHRUL GYIS NI THEG PA GSUM GYI GDUL BYA'I SEMS CAN RNAMS KHYAD PAR DU DRAN PA LA SOGS PA BYAS NAS MNGON PAR 'DOD PA'I DON BYED PA'I SPYOD LAM RNAM PA BZHIS GNAS SHING BZHUGS PA'O, ,DE LA SANGS RGYAS RNAMS KYI THAMS CAD DU SKU'I PHRIN LAS NI SPYOD LAM GYIS BZHUGS PA'O, ,THAMS CAD NI GSUNG GI PHRIN LAS NI CHOS STON PAS BZHUGS PA'O, ,GANG RANG BZHIN GYIS MNYAM PAR BZHAG PA DANG, GANG YANG TING NGE 'DZIN MNGON DU BYED PA'I DE GNYIS CHAR THUGS KYI PHRIN LAS TE, DE GNYIS CHAR SNYOMS PAR ZHUGS PAS BZHUGS PA'O, ,GANG SANGS RGYAS KYI SPYAN GYIS SEMS CAN RNAMS LA KUN TU GZUGS PA NYID DANG DER NYE BAR 'GRO BA'I SEMS CAN LA DMIGS PA'I THUGS KYI PHRIN LAS DE GNYIS CHAR NANG DU YANG DAG PAR 'JOG PA LA GNAS PAR RNAMS PAR GZHAG PAR BYA STE, 'JIG RTEN LA DMIGS PA'I PHYIR RO, ,RGYAL PO'I KHAB CES BYA BA NI RGYAL PO CHEN PO MANG POS BKUR BA'I RGYAL PO'I PHO BRANG GI 'KHOR GYI GRONG KHYER CHEN PO STE, DE'I @5A *, ,SA PHYOGS SU BYA RGOD PHUNG PO STE, RIN PO CHE RNAM PA SNA TSOGS PA'I RANG BZHIN LA, RI NI LHA LA SOGS PA RNAMS KYIS DUS TSIGS LTAD MO GSAL BAR BYED PA'I PHYIR TE, MCHOD RTEN DU GYUR PAS SEMS CAN RNAMS KYI BSOD NAMS KYI TSOGS NYE BAR SOGS PA'I DON DU GNAS BSTAN PA'O, ,CI'I PHYIR RGYAL PO'I KHAB TU BSTAN CE NA, MANG POS BKUR BA CHEN PO'I GRONG KHYER CHEN PO'I GNAS NYID BZHIN DU, MDO SDE 'DI CHOS KYI RGYAL PO CHEN POR SEMS CAN LA GSAL BA'I DON DU, 'DIR YANG MDO SDE BSTAN PA GANG BCOM LDAN 'DAS MA LA RAB TU BZHUGS PA'O, ,CI'I PHYIR BYA RGOD PHUNG PO ZHE NA, NYAN PA PO RNAMS KYI BSTAN PA LA RING NAS MNGON PAR 'PHAGS PA NYID KYI GSAL BA'I DON DU'O, ,CHEN PO ZHES BYA BA NI YON TAN DANG GRANGS KYIS CHE BA'I DAG GIS SO, ,NYON MONGS PA BCOM PA NYID KYIS DGE SLONG NI DGRA BCOM PA STE, DE 'DIR MA BZUNG BAS RGYUN DU ZHUGS PA'I 'PHAGS PA KUN DGA' BO MA GZUNG BAS NA THAL BAR 'GYUR BAS, CUNG ZHIG GANG BSNYEN PAR RDZOGS PA DE 'DIR GZUNG BAR BYA'O, ,DGE SLONG RNAMS KYI DGE 'DUN GYI TSOGS TE, DE CI LTAR DGE 'DUN ZHE NA, DKON MCHOG GSUM LA BDUD LA SOGS PA RNAMS KYIS MI PHYED PA NYID KYI STE, KUN TU BCOM PA'I PHYIR RO, ,DE LA GRANGS KYI CHE BA NYID NI PHYED CES TE, BRGYA PHRAG PHYED MA TSANG BA'I BRGYA PHRAG BCU GSUM MO, ,'DIR THAMS CAD CES PA LA SOGS PA'I TSIG BCO LNGAS NI YON TAN GYI CHE BA NYID BRJOD DO, ,DGRA NI NYON MONGS PA STE DE BCOM PAS DGRA BCOM PA'AM, BSGRUB PA'I MCHOD PA YANG DAG PAS DE BZHIN GSHEGS PA RNAMS LA BSNYEN BKUR BYED CING MCHOD PAR BYED PAS MCHOD BYED DAM, YANG NA LHA DANG MI RNAMS KYIS MCHOD PA DANG YON TAN GYI 'OS SU GYUR PAS NA MCHOD 'OS SO, ,DE BZHIN DU DGRA BCOM PA NYID KYI YON TAN THABS CIG PA NYID BRJOD PA NI SRID PA'I RTZE MO DANG MNAR MED PA'I BAR DU KUN TU ZAG PA BYED CING SKYED PAR BYED PA'I JI SRID DU SEMS CAN RNAMS KYIS DGE BA G-YO BA'I ZAG PA GSUM STE, DE LA MA RIG PA MA RTOGS PA 'DOD PA NA KUN TU SPYOD PA'I NYON MONGS PA RNAMS NI 'DOD PA'I @5B ZAG PA'O, ,GZUGS DANG GZUGS MED NA KUN TU SPYOD PA NI SRID PA'I ZAG PA'O, ,KHAMS GSUM PA CAN GYI LHAN CIG SKYES PA DANG KUN TU BRTAGS PA'I MA RIG PA DANG LTA BA DRUG CU RTZA GNYIS GANG YIN PA DE NI MA RIG PA'I ZAG PA'O, ,'DI RNAMS ZAD PAS NA ZAG PA ZAD PA'O, ,ZAG PA ZAD PA NYID KYI RNAM PAR DAG PA'I YON GSUNGS PA NI, NYON MONGS PA MED CES PA STE KUN NAS NYON MONGS PA RNAMS KYI NYON MONGS PA DANG, LAS DANG SKYE BA'I KUN NAS NYON MONGS PA STE GO RIMS JI LTA BA BZHIN DU GANG GIS NYON MONGS PAR GYUR PA DANG, GANG NYON MONGS PAR BYED CING SDUG BSNGAL BAR GYUR PA DANG, GANG DU NYON MONGS PA DE RNAMS MED PA'I PHYIR RO, ,KUN NAS NYON MONGS PA'I SDUG BSNGAL RNAMS NYON MONGS PA MED PA NYID LA SDUG BSNGAL MED PAS DE'I YON TAN GSUNGS PA NI DBANG DU GYUR PA ZHES PA STE, JI LTAR RDZU 'PHRUL LA DBANG BAS SEMS CAN DANG SNOD DAG LA DBANG SGYUR BA'I PHYIR RO, ,DBANG PO LA DBANG BAS SPYOD LAM NYE BAR ZHI NAS DE RNAMS KYIS 'JIG RTEN LA DBANG BA'I PHYIR RO, ,TING NGE 'DZIN LA DBANG BAS NI SEMS DE RNAMS DBANG DU BYED PA LA 'JOG PA'I PHYIR RO, ,SHES RAB LA DBANG BAS NI NYON MONGS PA DANG LAS DANG RNAM PAR SMIN PA THAMS CAD KUN TU BCAD NAS 'CHING BA LAS RNAM PAR GROL BA RNAMS PAR GROL BA RNAMS BZHIN DU RANG NYID LA DBANG BYED PA'I PHYIR RO, ,SEMS SHIN TU RNAM PAR GROL BAS NA SEMS SHIN TU RNAM PAR GROL BA STE, SRID PA'I PHYOGS KYI NYON MONGS PA DANG NYE BA'I NYON MONGS PA SPONG ZHING THOB PAR BYA BA'I TING NGE 'DZIN RNAMS LA SNYOMS PAR 'JUG PA NI SEMS RNAM PAR GROL BA'O, ,SHES RAB SHIN TU RNAM PAR GROL BA NI SHES RAB RNAM PAR GROL BAS MA RIG PA'I PHYOGS KYI RNYON MONGS PA DANG NYE BA'I NYON MONGS PA THAMS CAD SPONG BAR GYUR ZHING DGRA BCOM PA'I LAM GYI YE SHES THOB PA NI SHES RAB RNAM PAR GROL BA'O, ,CANG SHES PA NI 'JIGS PA RNAMS MED PA STE, 'JIGS PA'I DOGS PA RNAM PA BZHI MED PAS GO RIMS JI LTA BA BZHIN DU BDE BA RNYED PA 'JIGS PA MED PA RNYED PA BAG TSA BA MED PA RNYED PA DBUGS 'BYIN PA THOB PA ZHES BRJOD DE, DE LA MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA RNAMS MED @6A *, ,PA NI SDUG BSNGAL GYI DOGS PA MED PA'O, ,BDAG NYID KYIS GNOD PA DANG GZHAN GYIS SKUR PA 'DEBS PA DANG NGAN 'GRO DANG 'TSO BA CHAD PA DANG MYA NGAN DANG 'CHI BA'I 'JIGS PA RNAMS MED PAS 'JIGS PA'I DOGS PA MED PA'O, ,RNYED PA DANG MA RNYED PA DANG GRAGS PA DANG MA GRAGS PA DANG BSTOD PA DANG SMAD PA DANG BDE BA DANG SDUG BSNGAL BA RNAMS KYIS RJES SU MA GOS PAS NA 'JIG RTEN PA'I CHOS KYIS DOGS PA MED PA'O, ,YE SHES KYI YONGS SU SBYANGS PA RNAMS LA MI SHES PA DANG THE TSOM DANG LOG PA'I SHES PA RNAMS MED PAS NA MI SHES PA'I DOGS PA MED PA'O, ,DE LTAR DOGS PA DANG BRAL BA'I PHYIR NA CANG SHES PA'O, ,GLANG PO CHEN PO NI GTZO BO CHEN PO STE, RIG PA GSUM LA SOGS PA NYID KYIS KHYAD PAR DU GYUR PA'I RTOGS PA'I CHOS THOS PAS SO, ,RDZU 'PHRUL DANG GZHAN GYI SEMS SHES PA DANG ZAG PA ZAD PA'I MNGON PAR SHES PA RNAM PA GSUM RIG PA LA NI GZHAN DAG TU DE LA RIG PA GSUM ZHES BRJOD DO, ,BYA BA BYAS PA NI TSUL KHRIMS DANG TING NGE 'DZIN DANG SHES RAB RNAMS YONGS SU RDZOGS PAS SDUG BSNGAL THAMS CAD LAS RNAM PAR GROL BA'I BYA BA NGES PAR BYAS PAS SO, ,BYA BA BYED PA NI 'DOD PA CHUNG BA DANG ZHUGS PA DANG CHOG SHES PA LA 'JUG PA DANG SBYANGS PAR GRAGS PA LA 'JUG PA DANG, KUN TU MNYES PAR BYED PA LA 'JUG PA ZHES PA LA SOGS PA BYED PA LA RANG GI MOS PAS 'JUG PA'I PHYIR RO, ,KHUR BOR BA NI KHUR RNAM PA BZHI STE DE RNAMS BOR BA STE, DE LA PHUNG PO'I KHUR BTANG STE SDUG BSNGAL YONGS SU SHES PAS PHUNG PO'I LHAG MA MED PA'I BDE BA THOB PA LA SBYOR NUS PA NYID DO, ,NYON MONGS PA'I KHUR SPANGS PAS NI KUN 'BYUNG SPANGS PAS RNAM PAR GROL BA'I BDE BA THOB PA'O, ,DAM BCAS PA'I KHUR BOR BAS NI 'GOG PA MNGON SUM DU BYAS PAS RDZOGS PA'I BYANG CHUB BDE BA THOB PA'O, ,SBYOR BA RTZOM PA'I KHUR GYIS YONGS SU RDZOGS PA NI LAM BSGOMS PAS NYE BAR ZHI BA'I BDE BA THOB PA'O, ,KHUR BOR BA NYID KYIS KHUR BOR NAS BDE BA THOB PA'I YON TAN GSUNGS PA NI, RANG GI DON RJES SU THOB PA ZHES PA LA, RANG GI DON RJES SU THOB PA NI RNAM PA GNYIS TE, DE LA DON MIN PA SPONG BA NI RANG GI NYON MONGS PA'I @6B MA RIG PA SPANGS PAS NYON MONGS PA'I SGRIB PA THAMS CAD SPANGS PA DANG DON RTOGS PAS GANG ZHIG GI RIG PA BSKYED NAS MYA NGAN LAS 'DAS PA RTOGS PA'O, ,YONGS SU ZAD PA SHES PA'I SRID PAR KUN TU SBYOR BA NI DGU STE, SKYES BU SRID PAR KUN TU SBYOR BA'I PHYIR STE, 'DOD CHAGS DANG KHONG KHRO BA DANG NGA RGYAL DANG MA RIG PA DANG THE TSOM DANG LTA BA MCHOG TU 'DZIN PA DANG, PHRAG DOG DANG SER SNA DE RNAMS GZHAN DU SPANGS PAS SO, ,DE LA ZAG PA MED PA'I YANG DAG PA'I LTA BA NI LTA BA MCHOG TU 'DZIN PA DANG THE TSOM RNAMS SPONG NGO, ,'DIR 'JIG TSOGS LA LTA BA DANG MTHAR 'DZIN PAR LTA BA DANG, LOG PAR LTA BA STE LTA BA RNAM PA GSUM MO, ,LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA ZHES PA'I MCHOG TU 'DZIN PA RNAM PA GNYIS SO, ,ZAG PA MED PA'I TING NGE 'DZIN THOB PAS PHRAG DOG DANG SER SNA DANG KHONG KHRO BA RNAMS DANG 'DOD PA'I KHAMS KYI 'DOD CHAGS RNAMS SPANGS SHING, NGA RGYAL DANG MA RIG PA DANG SRID PA'I 'DOD CHAGS RNAMS DGRA BCOM PA'I LAM GYI YE SHES KYI ZAD PAS SO, ,YANG DAG PAR ZHES PA NI YANG DAG PAR KUN TU SHES SHING YANG DAG PAR KUN TU RTOGS PAS DKON MCHOG GSUM DANG YON TAN RNAMS DANG THEG PA GSUM PO RNAMS STON CING, 'PHAGS PA'I BDEN PA BZHI PO RNAMS DANG BYANG CHUB KYI PHYOGS KYI CHOS RNAMS LA YANG DAG PAR MOS PA DE'I MI MTHUN PA'I PHYOGS DANG BRAL BAS SEMS SHIN TU RNAM PAR GROL BA'O, ,SEMS KYI DBANG THAMS CAD CES PA NI SEMS GANG GIS TING NGE 'DZIN DBANG DU BYAS NAS DBANG SGYUR BAR 'GYUR TE, DE'I SEMS LA DBANG BA DE THAMS CAD LA YANG NGO, ,DE RNAMS LA DAM PA'I PHA ROL NI PHA ROL STE, MTHAR THUG PA 'DIR 'GRO BA DANG 'DIR PHYIN PA'I DON GYIS SO, ,PHA ROL NI MTHAR THUG PAR 'GRO BA LA DAM PAR PHA ROL TU SON PA NI DES THOB PA'O, ,DBANG NI GANG DU JI LTAR 'DOD PAR LUGS LAS 'BYUNG BA DANG LUGS LAS BZLOG PA NYID LA DANG PO'I RIM PA NAS SNYOMS PAR 'JUG PA RNAM PA DGU PO RNAMS KUN TU BSGRUB PA LA SNYOMS PAR ZHUGS PA DANG, GNAS PA DANG LTA BA RNAMS LA SO SOR RTOGS PA LA DBANG THOB PA'I PHYIR RO, ,THAMS CAD CES SMOS PA NA DE CI 'PHAGS PA KUN DGA' @7A *, ,BO YANG YON TAN DE RNAMS DANG LDAN NO ZHE NA MIN PAR GSUNGS PA NI GCIG CES PA LA SOGS PA STE, GANG ZAG GI TSIG NI DON MTHUN PA'I 'PHAGS PA'I GANG ZAG BRGYAD PO RNAMS LAS GZHAN YIN PA'I PHYIR RO, ,MA RTOGS PA NI YONGS SU SPANGS PA'O, ,'DI LTA STE ZHES PA NI GZHAN LA NYE BAR STON PA'O, ,TSE DANG LDAN PA ZHES PA NI KHYAD PAR DU MNYES PAR BYED PA'I DON TE, 'JIG RTEN DU CHO 'DOD PAS DES DE BZHIN DU DE MNYES PA'O, ,'DIR NYAN THOS KYI DGE 'DUN BSHAD PA NI, RJES LA THEG PA CHEN PO LA 'JUG PA LA DGONGS PA DANG, RAB TU GRAGS PA'I 'KHOR GYI PHYIR DANG, NGES PA'I 'KHOR GYI PHYIR TE, DE YANG RAB TU GRAGS PA NI RAB TU BYUNG BA'I 'KHOR NYID LA NGES PA NI RANG GI RDZOGS SANGS RGYAS KYI DRUNG DU RTAG PAR KUN TU GNAS PA'I PHYIR RO, ,BYANG CHUB SEMS DPA' NI DE LTA MA YIN TE, PHAL CHER KHYIM PA YIN PA'I PHYIR DANG 'DI NAS KYANG PHYOGS BCU'I 'JIG RTEN GYI KHAMS RNAMS SU 'GRO BA'I PHYIR DANG, DE RNAMS NAS KYANG 'DI RU 'ONG BAS NA DE'I PHYIR BYANG CHUB SEMS DPA'I DGE 'DUN NI 'DIR MA BSHAD DE, DE'I THEG PA GSUNGS PA DE NYID PAS NA BYANG CHUB SEMS DPA'I 'KHOR NI DPAG TU MED PA YIN PAR GSAL BA'I PHYIR DANG YUM 'DIR BSDUS PA'I SKABS YIN PA'I PHYIR RO, ,DE LA SGRUB PA PO RNAM PA GSUM STE GCIG NI GSUNGS NAS GO BAS TSIG LHUR LEN PA STE DE NI RGYAS PA LA DGA' BA'O, ,GNYIS PA NI MANG DU BSHAD PAS LHAG MA YANG GO BAS RNAM PAR SPROS NAS GO BA STE, 'DI NI 'BRING LA DGA' BA'O, ,GSUM PA NI NYUNG DU BSHAD PAS MANG DU RTOGS PA'I MGO SMOS PAS GO LA, DE NI BSDUS PA LA DGA' BA STE, DE RNAMS LA RIM PA JI LTA BA BZHIN DU BCOM LDAN 'DAS MA STONG PHRAG BRGYAD PA DANG, STONG PHRAG NYI SHU LNGA PA DANG, BRGYAD STONG PA GSUNGS TE, DE LA GZHUNG NI BSDUS PAR 'DOD PAS NA GZHUNG 'DI'I GLENG GZHI YANG BSDUS PA STE, DGE SLONG DANG DGE SLONG MA DANG, LHA DANG MI DANG LHA MA YIN DANG DRI ZA LA SOGS PA'I 'KHOR YANG 'DIR SHES PAR BYA'O, ,DE RNAMS BSHAD PAS NI GANG DU BCOM LDAN 'DAS BYA RGOD PHUNG PO LA JI SKAD BSHAD PA'I 'KHOR DANG BZHUGS PAR 'GYUR BA DER BDAG GIS @7B BCOM LDAN 'DAS LAS THOS SO ZHES BYA STE GLING GZHI'O, ,BSTAN PA GO BA'I SKABS GSUNGS PA NI DE NAS ZHES PA LA SOGS PA STE, YANG ZHES BYA BA TSIG GI RGYAN LA DER BZHUGS PAR GYUR PAS SAM DER GNAS PA'I DGE 'DUN GYI NANG NA 'BYOR PAS RAB 'BYOR LA, GNAS BRTAN ZHES SMOS PAS NI MCHOD PA'I DON TE, DGRA BCOM PAR 'GYUR BA'I NYON MONGS PA MED PA LA GNAS PA RNAMS KYANG MCHOG GI PHYIR RO, ,BKA' STZAL PA NI RAB TU 'BYOR BA ZHES PA STE, GSUNG GIS BYIN GYIS BRLABS PA'O, ,BCOM LDAN 'DAS KYIS CHOS BSTAN PA'I DON DU RNAM PA GSUM GYIS BYIN GYIS RLOB STE, KHA CIG TU PHYAG GIS, KHA CIG TU GSUNG GIS, KHA CIG TU THUGS KYIS SO, ,CI'I PHYIR ZHE NA DE'I RIGS CAN RNAMS KYI SPRO BA BSKYED PA'I DON DU'O, ,SPOBS PAR GYIS SHIG CES PA NI, KHYOD KYIS RDZOGS SANGS RGYAS KYI MNGON SUM DU GYIS ZHES PA'O, ,GANG DU RAB 'BYOR LA BOS NAS BSTAN PA'I SKAD CIG LA GZHAN GDUL BAR BYA BA MANG PO RNAMS KYIS SO SOR BCOM LDAN 'DAS NI ZHAL 'DZUM PAS BDAG LA GZIGS NAS CHOS STON TO SNYAM DU SEMS PAR GYUR TE, DE LTAR NA YANG RAB 'BYOR NAS BKA' STZAL PAS NA DE GNYIS BSDUS PA'O, ,'O NA BYANG CHUB SEMS DPA' RNAMS KYI THEG PA RNAMS STON PA LA DE RNAMS KYANG LAN CIG CI'I PHYIR MA BOS SHE NA, BYANG CHUB SEMS DPA' RNAMS BOS NAS BSTAN PA NAS MDO 'DI NI ZAB PAS BDAG CAG RNAMS SBYOR BAR MI NUS ZHES KHA CIG LUNG LA 'DZIN PAR MI 'GYUR LA, RAB 'BYOR LA BRTZAMS NAS BSTAN NA NI SKYE BO THAMS CAD KYI THUN MONG BA STE, SHIN TU ZAB PA MA YIN NO SNYAM DU SEMS NAS RAB TU 'JUG PAR 'GYUR LA, THUN MONG PAR YANG STE KUN MKHYEN PA GSUM GYI SKABS KYI PHYIR NI DES BSHAD PAS KYANG DGE SLONG RNAMS DANG 'KHOR GZHAN GYI CHOS MNGON PAR RTOGS PA THOB PAS SO, ,GANG YANG BLA MAS GSOL BA BTAB PA'I SLOB MA MED KYANG DE LTA NA YANG 'DI GSOL BA BTAB PA NI CHOS LA GUS PA NYID KYIS SO, ,DE LTA NA YANG BSHAD PA, GNAS BRTAN RAB 'BYOR SHES RAB KYI PHA ROL TU PHYIN PA LA CHUNG NGU NA LHAG PAR MOS ZHES PAS SO, ,GANG GI DBANG DU BYAS SHEN GSUNGS PA NI, SHES RAB CES PA LA SOGS PA STE, SHES RAB KYI PHA ROL TU PHYIN PA'I @8A *, ,GTZO BO CHOS KYI SKU RTOGS PA STE, DGOS PA'I DGOS PA'O, ,DON DE LA SBYOR BAS GZHUNG DANG LAM DAG LA YANG DE'I SGRAS SO, ,DE LAS BRTZAMS NAS ZHES PA NI SKYES BU DAM PAS DON DU GNYER BAR BYA BA'I PHYIR DANG, THABS LAS BYUNG BA NYID KYI CHAD DU'O ZHES BYA BA'I DON TO, ,CI NAS ZHES PA NI JI SRID DU THOS PA DANG BSAM PA DANG BSGOM PA'I BYE BRAG GIS SO, ,SHES RAB KYI PHA ROL TU PHYIN PA LA ZHES PA NI KUN MKHYEN PA RNAM PA GSUM LA STE, DE LAM LA BRTEN NAS BGROD PAS NGES PAR 'BYUNG BAR 'GYUR BA STE MA LUS PAR 'GRO BA'O, ,JI LTAR DE YIS BGROD CE NA, SBYOR DANG SBYOR BA'I RAB TU PHYIN PA DANG, SBYOR PA'I GO RIMS DANG, SBYOR BA'I MTHAR THUG PA STE, DGOS PA'I TSUL DES MA LUS PAR GYIS ZHES PA'I DON TO, ,DE LA NGAG GNYIS PO 'DIS NI 'PHAGS PA RAB 'BYOR LA YANG BRJOD PAR BYA BA'I MNGON PAR RTOGS PA BRGYAD KYIS SO SOR STON PA STE, DE LTAR YANG BSTAN BCOS LAS, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES PA STE STONG PA NYID LA DMIGS PA'I PHYIR DANG, DON DAM PA STONG PA NYID KYI NGO BO'I PHYIR NA RAB KYI SHES RAB LA SHES RAB 'DI'I PHA ROL PAS NA PHA ROL TU PHYIN PA STE, 'DIS KYI AA PHYIS PA'O, ,GANG GI PHA ROL ZHE NA RNAM PAR RTOG PA'I STE, CI RIGS PAR 'PHAGS PA DANG BYANG CHUB SEMS DPA' RNAMS DANG DAG PA'I DE BZHIN GSHEGS PA RNAMS PHA ROL TU PHYIN ZHING SO SOR RTOGS PAS PHA ROL TU PHYIN PA'O, ,SBYOR BA'I LAM LA JI LTAR PHA ROL TU PHYIN PA YIN TE, DE NI DON GYI BYA BA STE, JI LTAR SHES RAB KYI PHA ROL TU PHYIN PA YIN ZHE NA, DE'I 'BRAS BU YIN PA'I PHYIR RO, ,YANG DAG BSHAD CES PA NI MNGON PAR RTOGS PA BRGYAD KYIS BSDUS NAS BSTAN PA'O, ,BRGYAD GANG ZHE NA, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS NYID SKU DANG DE RNAMS BRGYAD, RNAM PA KUN MNGON PAR RDZOGS PAR RTOGS PA'I RNAM PA RNAMS THAMS CAD KYIS RTOGS PAR BYA BA LA MNGON DU PHYOGS SHING YANG DAG PAR @8B RTOGS PA NYID KYIS NA MNGON PAR RTOGS PA STE, DON RTOGS PA'I PHYIR RO, ,RTZE MO NI RAB THOB PA'O, ,MTHAR GYIS PA NI RIM GYIS NA MTHAR GYIS PA STE MTHAR GYIS PA DER SBYOR BAR MNGON PAR BYANG CHUB CES PAR 'JUG PA STE, RTZE MO'I MNGON PAR RTOGS PA DANG MTHAR GYIS PA'I MNGON PAR RTOGS PA DAG GIS ZHES PA'I DON TO, ,'DIR MNGON PAR RTOGS PAR BYA BA'I MNGON PAR RTOGS PA DANG RNAM PA BRGYAD LA MNGON PAR NYE BAR THOB PAR BYED PA'I MNGON PAR RTOGS PA NI RNAM PA BDUN TE, BDUN PO DE RNAMS KYIS MNGON PAR RTOGS PAR BYED CING THOB PAR BYED CES PA'I MNGON PAR RTOGS PA'I CHOS KYI SKU DANG RNAM PA BRGYAD DE, 'DI RNAMS NI DNGOS PO BRGYAD RNAMS SO, ,GANG DU 'DIR RNAM PAR THAMS CAD MKHYEN PA NYID LA SOGS PA RNAMS KYI GO RIMS JI LTA BU BCOM LDAN 'DAS MA NYID LAS BSTAN TE JI LTAR NA MNGON PAR RTOGS PA BRGYAD PO RNAMS TE, GANG ZAG GI DBYE BAS JI LTA BU'I RIGS THA DAD NAS NYAN THOS LA SOGS PA'I THEG PA RNAM GSUM NI DE YANG RJES SU 'GRO BA'I SGO NAS RIGS LA GNAS PA MA YIN LA, BYANG CHUB SEMS DPA'I GANG ZAG GCIG BU KHO NA'I DBANG DU BYAS NAS BCOM LDAN 'DAS MA BSTAN NA, DE LTAR NA RNAM PA THAMS CAD MKHYEN PA NYID KHO NA RGYU DANG 'BRAS BU'I GNAS SKABS SU BSGRUB PAS JI LTA NA GZHAN RNAMS DGOS, GANG YANG NYAN PA PO'I 'DOD PA'I NGOR RNAM PA GNYIS SU BSTAN TE, GCIG NI RGYU DANG 'BRAS BUR RTOGS PA'I GO RIMS KYIS TE, DPER NA DRAN PA NYE BAR GZHAG PA DANG, YANG DAG PAR SPONG BA RNAMS BZHIN NO, ,GNYIS PA NI 'BRAS BU DANG RGYUS BSGRUBS PA'I GO RIMS TE DPER NA SDUG BSNGAL DANG, KUN 'BYUNG GI BDEN PA DAG DANG, 'GOG PA DANG, LAM GYI BDEN PA DAG BZHIN NO, ,MNGON PAR RTOGS PA 'DI RNAMS KYI DANG PO NI 'BRAS BU RNAM PA THAMS CAD MKHYEN PA NYID DANG, DE NAS LAM SHES PA DANG, DE NAS THAMS CAD SHES PA DANG, DE NAS RNAM PA KUN MNGON PAR RDZOGS PAR RTOGS PAR 'DOD CES PA NI RIGS PAS MI 'THAD DE, DANG PO MNGON PAR RTOGS PA'I THA MA'I GNAS SKABS KYI MTHAR THUG PA CAN GYI 'BRAS BU LA YANG GNYIS PA MED LA, SEMS BSKYED PA NAS KYI SNGON GYI GNAS SKABS SU LAM SHES PA LA SOGS PA'I SRID PA MED PAS GANG @9A *, ,BRGYAD PO 'DI RNAMS RGYU DANG 'BRAS BU'I RIM PA BSGRUB PAR 'GYUR BA NI MIN PA NYID DO, ,JI LTA ZHE NA, BRJOD PA RNAM PA THAMS CAD MKHYEN PA NYID NI RNAM PA GNYIS TE, GTZO BO NI 'BRAS BU'I GNAS SKABS KYI SANGS RGYAS KYI RTOGS PA KHO NA'O, ,GTZO BO MA YIN PA NI RGYU'I GNAS SKABS SU DE NYID LAM SHES PAS GANG ZAG DANG CHOS BDAG MED PAR SO SOR RTOGS PA STE BYANG CHUB SEMS DPA' DE RNAMS KYIS KYANG SNGON GYI GNAS SKABS SU THAMS CAD SHES PA NYID KYI GANG ZAG GI STONG PA NYID TZAM DU YONGS SU SHES PA'I PHYIR THAMS CAD SHES PA DANG LAM SHES PA GNYIS PA MED LA, DE LDOG PA'I SGO NAS NI NYAN THOS RNAMS KYI STE, DE LTAR GSUM PO RNAMS 'BRAS BU DANG RGYU'I GO RIMS BSGRUB PAR BYA ZHES PA'O, ,'DI RNAMS KYI YANG DANG PO'I MNGON PAR RTOGS PA GSUM NI SHES RAB KYI PHA ROL TU PHYIN PA'I RANG BZHIN LA MTSON PAR SHES ZHES PAS MTSAN NYID DANG, YUL ZHES PAS YUL CAN GYI MNGON PAR RTOGS PA'I RGYU THA MA'I SBYOR BA DANG BCAS PA BZHI STE, DE LA DANG PO'I KUN MKHYEN PA GSUM PO RNAMS LA THOS PA DANG BSAM PA'I RANG BZHIN GYI SHES PA DAG GIS SHES RAB KYI PHA ROL TU PHYIN PA'I NGO BO NYID KYIS SPROS PA THAMS CAD RNAM PAR LOG PA DES CIG CAR DU MNGON PAR MI MTSON LA, SO SOR RANG GI RNAM PA RNAMS SPROS PA'I BSAM PA'I RANG BZHIN GYI 'DUN PA'I SEMS BSKYED PA LA SOGS PA'I BSGOM PA'I RANG BZHIN GYIS SBYOR BA BRTZAMS TE,GANG DU 'PHAGS PA RNAM PAR GROL BA'I SDES KUN MKHYEN PA RNAM PA GSUM GYI YUL GYI RNAM PA SO SOR NGES PA RNAMS SAM, MA LUS PA'I RNAM PA'I YUL CAN NI RNAM PA KUN MNGON PAR RDZOGS PA STE, MTSAN NYID CAN GYI KUN MKHYEN RNAM PA GSUM DU RNAM PAR GZHAG PA'O, ,SBYOR BA LA NI RNAM PA KUN MNGON PAR RDZOGS PA RTOGS PA ZHES GSUNGS SO, ,DE NYID KYIS NA SDUD 'GREL DU RNAM PA THAMS CAD DU KUN MKHYEN GSUM THOB PA LA DBANG DU BYED PA'I DON KUN MKHYEN PA RNAM PA GSUM GYI RNAM PA RNAMS NI KHYAD PAR GYI LAM LA BSGOM PAS RNAM PA KUN MNGON PAR RDZOGS PAR RTOGS PAR 'GRO BAR 'GYUR ZHES PA'I SENG GE BZANG POS BSHAD PA NI RIG PA MA YIN PAR 'THAD PAS BSHAD CING 'CHAD PAR YANG 'GYUR, DE'I RAB TU SON @9B BA'I MTHAR GYIS PA RNAMS MTHAR PHYIN PA'I THA MA LA 'BRAS BU 'BYUNG NGO ZHES PA 'DI NYID NI RGYU DANG 'BRAS BU'I MTHAR GYIS PA STE, DE LTAR YANG BSTAN BCOS KYI MTHAR, MTSAN NYID DE YI SBYOR BA DANG, ,DE RAB DE YI GO RIMS DANG, ,DE MTHA' DE YI RNAM SMIN NI, ,GZHAN DU DON BSDUS RNAM PA DRUG ,YUL GYI RGYU NI RNAM PA GSUM, ,SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,GZHAN DU DON BSDUS RNAM PA GSUM, ,ZHES SO, ,DE'I MTSAN NYID LA RAB TU SBYOR BAS DE'I SBYOR BA STE, 'DIR PHAL PA'I RNAM PA THAMS CAD MKHYEN PA NYID KYI RGYU LA PHAL PA'I RNAM PA KUN MNGON PAR RDZOGS PAR RTOGS PA'I SBYOR BA'O, ,GTZO BO NI 'BRAS BU'I BDAG NYID CAN PAS GTZO BO STE, DE LA RNAM PA KUN MNGON PAR RDZOGS PAR RTOGS PA'I SBYOR BA ZHES JI LTAR BRJOD CE NA, SBYOR BA'I 'BRAS BU YIN PA'I PHYIR NA NYE BAR BTAGS PA STE, 'BRAS BU NI SNGON DU SBYOR BA MED NA MI SKYE BA ZHES PA SO SOR BSGRUB PAR 'DOD NAS 'CHAD PAR 'GYUR BA'I SEMS BSKYED PA NYI SHU RTZA GNYIS RNAMS SU YANG RNAM PA THAMS CAD MKHYEN PA NYID DANG RNAM PA KUN MNGON PAR RDZOGS PAR RTOGS PA DE RNAMS KYI THA MA'I DNGOS GZHI'I RJES GNYIS KYI NGO BO NI 'BRAS BU LA THABS NI JI SRID DU NYI SHU PO'I SHES PA NI PHAL PA'I RNAM PA THAMS CAD MKHYEN PA NYID DANG, PHAL PA'I RNAM PA KUN MNGON PAR RDZOGS PAR RTOGS PA STE, DE LA DANG PO LNGA PO NI THAMS CAD SHES PA NYID DO, ,BCO LNGA PA DANG BCU DRUG PA DANG BCU BDUN PA'I DBYE BA'I DANG PO GNYIS NI RTZE MO'I MNGON PAR RTOGS PA'O, ,DE'I DBYE BA GNYIS SPANGS PA'I BCU BDUN PA DANG BCO BRGYAD PA DANG BCU DGU PA NI MTHAR GYIS PA'I GNAS PA'I MNGON PAR RTOGS PA'O, ,NYI SHU PA NI SKAD CIG MA GCIG GI MNGON PAR RTOGS PA'O ZHES RNAM PAR BZHAG NAS 'DI RNAMS KYI RIGS PA BSHAD PA RGYA CHEN PO LA DGOS PA MED DO, ,GANG NGES PAR 'BYUNG ZHES PA GSUNGS PA NI, BYANG CHUB SEMS DPA' SEMS DPA' CHEN PO ZHES PA STE, BYANG CHUB TU SEMS BSKYED PA ZHES BYA BA'I DON TE, DE LTAR YANG BSTAN BCOS SU, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS @10A *, ,PA DAG DANG CHED DANG NI, ,GO CHA 'JUG PA'I BYA BA DANG, ,THUB PA'I RNAM KUN MKHYEN PA NYID, ,CES PA NI THUB PA DE BZHIN GSHEGS PA DE NYID KYIS DE RNAMS MTHA' DAG MNGON SUM DU BYAS PA'I PHYIR LA, DE NYID LE'U 'DIS RJOD PAR BYED PA STE, DE YANG SEMS BSKYED PA LA SOGS PA'I CHOS SPYOD BCU STE SGRUB PA'I SPYOD PA ZHES PA'I RNAM GRANGS SO, ,'DIR CHOS KYI DBYINGS STONG PA NYID LA RAB TU GNAS NAS 'DUN PA LA SOGS PA CAN BSKYED NAS, DGU PO 'BYUNG BA'I PHYIR DMIGS PA DANG CHED DU BYA BA DANG GO CHA BGO BA'O, ,DE'I RJES LA NGES PAR 'BYED PA'I CHA DANG MTHUN PA LA SOGS PA CAN BSKYED NAS RAB TU GNAS PAS DE YANG DAG PAR 'BYED CING NGES PAR 'BYUNG ZHES PA LA SOGS PA NI 'DIR YANG SEMS BSKYED PA LA SOGS PA GSUM NI RTOGS PA'I GO RIMS TE, DE'I RGYU CHOS KYI DBYINGS LA DMIGS PA DANG CHED DU BYA BA YID LA BYED PA NI SEMS BSKYED PA'I YUL ZHES PA NI 'BRAS BU DANG RGYU'I SGRUB PA'I GO RIMS SU BSGRUBS PA'O, ,GNYIS DON GYI GO RIMS SO, ,TSIG LE'UR BYAS PA NI BCOM LDAN 'DAS MA'I BRJOD PA'I RIM PAS SO, ,YANG NYAN PA PO'I 'DOD PA'I KHYAD PAR GYIS SO, ,DE BZHIN DU PHYI MA LA YANG JI LTAR RIGS PAR BSGRUB PAR BYA'O, ,'DI RNAMS KYI RTING LA BRJOD PA'I MOG MOG POR BYED CES PA LA SOGS PA'I TSIG LE'UR BYAS PA BCU GCIG NI JI LTAR MNGON PAR RTOGS PA RNAM PAR BSHAD PAR 'GYUR TE, 'DIR BCOM LDAN 'DAS MA'I DANG PO'I TSIG GNYIS PA'I TSIG 'DI GNYIS KYIS NI SEMS BSKYED PAR BSHAD DO, , BYANG CHUB NI YANG DAG PAR RDZOGS PA'I BYANG CHUB RAB KYI MTHAR SON PA LA DE LA SEMS PA NI MNGON PAR SEMS SHING 'DOD PA RNAMS TE BYANG CHUB SEMS DPA'O ZHES BYA BA LA SEMS CAN THAMS CAD KYI MCHOG NYID DU BYED PA 'DOD PA LA GANG MNGON PAR SEMS PA DE NI CHEN POS NA DES NA 'DI RNAMS CHEN PO NYID DO ZHES PA NI SEMS DPA' CHEN PO STE, DE LTAR YANG BSHAD PA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES PA STE, SEMS BSKYED PA NI MTSON CHA LA LHAG MA NI MTSAN NYID DE, SEMS NI @10B 'DIR YID KYI RNAM PAR SHES PA STE, DES DKAR PO'I CHOS THAMS CAD LA DMIGS PA 'BYUNG BA STE, 'DIR SEMS DANG YID LA 'DOD PA DANG 'DUN PA DANG MOS PA DANG DON DU GNYER BA ZHES PA RNAMS NI RNAM GRANGS SO, ,DE LTAR YANG 'GRO BAR 'DOD NAS BRJOD PA BDAG GI SEMS 'GRO BAR 'DOD, BDAG GI YID 'GRO BAR 'DOD CES PA STE, DE BSKYED PA NI SEMS BSKYED PA STE, GZHAN SEMS CAN DE DAG THAMS CAD KYI DON DANG PHAN PA NAS JI SRID DU SHIN TU MTHAR THUG PA'I MYA NGAN LAS 'DAS PA'I BLA NA MED PA'I BYANG CHUB CES PA'I BAR DU STE, DES DE'I DON DU CHED DU GNYER BA NI YANG DAG PAR RDZOGS PA'I BYANG CHUB 'DOD CING MOS PA GANG GIS DE LTAR DE'I NGO BO NYID DE RNAMS 'DOD CES PA'I DON TO, ,SEMS BSKYED PA NI MA 'KHRUL PA STE, BSKYED CES SMOS PA NI MA SKYES PA SHES PAR BYED PA STE, SEMS KYIS RTOGS PA'I CHOS KYI SO SOR DANG PO'I MTSAMS SU GYUR PA SHES PA'I DON DANG KHYAD PAR YONGS SU 'DZIN PA'I DON TE, GZHAN GYI DON GYI CHED DU BYA BA DANG YANG DAG PAR RDZOGS PA'I BYANG CHUB LA DMIGS PA'I SEMS BSKYED PA'I SEMS KYI KHYAD PAR STONG PA DANG SNYING RJE DBYER MED PA BYANG CHUB KYI SEMS TE 'DIR 'DI NI MTSAN NYID DO, ,'O NA DON DU GNYER BA'I RNAM PAR RTOG PA DANG LHAN CIG RGYU BA'I SEMS NI BCOM LDAN 'DAS LA JI LTAR 'GYUR ZHE NA, BDEN TE DON DU GNYER BAR BYA BA DANG, DON DU GNYER BAR BYED PA CAN NYID NI BYED PA PO'I CHOS GANG SNGON DU SO SOR SEMS KYIS JI LTAR RIG PAR DON DU GNYER BA NYID DANG 'DOD PA NYID KYI LAS DANG CHOS NI MCHOG GI SRAS LA 'DIR BCOM LDAN 'DAS LA NI DON DU GNYER BA'I SEMS KYI RNAM PAR RTOG PA MED PA NYID DE, DE YANG JI LTAR SDUG BSNGAL DANG BRAL BAR 'DOD PA'I THUGS RJE CHEN PO NI RNAM PAR MI RTOG PA'I BDAG NYID CAN TE, SNGA NAS DE BZHIN GSHEGS PA LA RNAM PAR RTOG PA MED PAS DE LTAR YANG DAG PAR RDZOGS PA'I BYANG CHUB 'DOD CES PA NI KHA NA MA THOB MED PA'O, , YANG DAG PAR RDZOGS PA'I BYANG CHUB DANG GZHAN GYI DON DE NI SHES RAB KYI PHA ROL TU PHYIN PA'I MDO 'DI LA YANG SEMS BSKYED PA'I MTSAN NYID 'BA' ZHIG LAS MA GSUNGS PA MA YIN TE, JI LTAR NA RANG DANG GZHAN GYI DON DAG GIS THABS KYANG NGO, ,DE LA RANG GI DON NI YANG DAG PAR RDZOGS PA'I BYANG CHUB LA GZHAN @11A *, ,GYI DON NI SEMS CAN GYI DON TE, DE DAG GI THABS NI SHES RAB KYI PHA ROL TU PHYIN PA'I RNAL 'BYOR TE, DE MED NA DE DAG MI 'GRUB LA DE'I DE NYID BSDUS PA DANG RGYAS PA YANG DAG PAR RDZOGS PA'I BYANG CHUB DE LTAR BSHAD LA, GZHAN GYI DON NI BSDUS PA DANG RGYAS PAS SO, ,DE LA SEMS BSKYED PA 'DI'I NGO BO BCOM LDAN 'DAS MA LAS GSUNGS PA DE SRID KYI GNAS SKABS THOB PAS NA RAB TU DBYE BA NI MA GSUNGS TE, GNAS SKABS THA DAD PA NI THOB PAR BYA BA'I PHYIR RO, ,DE YANG STONG PHRAG NYI SHU LNGA PA DANG STONG PHRAG BRGYAD PA'I BCOM LDAN 'DAS MA YUM CHEN MO LAS NI GSUNGS SO, ,DE YANG BSTAN BCOS LAS, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA BRNYAN CHU BO SPRIN RNAMS KYIS, ,RNAM PA NYI SHU RTZA GNYIS SO, , ZHES TE CHU BO ZHES BYA BA NI CHU KLUNG GI RGYUN TE, DE LA SEMS BSKYED PA GSUM PA'I MTHA' LA MNYAM ZHES PAS NANG DU BSDU BAR BYA'O, ,DANG PO'I 'DUN PA DANG LHAN CIG PA'I CHED DU BYA BA'I BYANG CHUB DON DU GNYER BA'I MTSAN NYID NI SA DANG 'DRA STE, SANGS RGYAS KYI CHOS THAMS CAD KYI TSOGS SKYED PA'I RTEN DU GYUR BA'I PHYIR RO, ,BSAM PA DANG LHAN CIG PAR GYUR PA NI GSER BZANG PO LTA BU STE, DE PHYIS GANG DU YANG 'GYUR BA MED PA'I PHYIR RO, ,BSAM PA LAS KHYAD PAR RTOGS PA'I LHAG PA'I BSAM PA DE DANG LHAN CIG PAR GYUR PA DANG, SBYOR BA DANG LHAN CIG TU SON PA NI DKAR PO'I PHYOGS KYI ZLA BA TSES PA LTA BU STE, DES DGE BA RNAMS BSKYED CING 'PHEL BA THOB PA'I PHYIR RO, ,SBYOR BA DANG LHAN CIG PAR GYUR PA'I LHAG PA'I BSAM PA DANG, LHAN CIG PAR GYUR PA NI ME DANG 'DRA STE, DES DE'I KHYAD PAR DU 'GRO BA STE, BUD SHING GI KHYAD PAR LAS ME BZHIN NO, ,SBYIN PA'I PHA ROL TU PHYIN PA DANG LHAN CIG PAR GYUR PA NI GTER CHEN PO LTA BU STE, CHOS DANG ZANG ZING GI LONGS SPYOD RNAMS KYIS TSAD MED PA'I SEMS CAN RNAMS TSIM PAS MI ZAD PA'I PHYIR RO, ,TSUL KHRIMS KYI PHA ROL TU PHYIN PA DANG, LHAN CIG TU GYUR PA NI RIN PO CHE'I 'BYUNG GNAS LTA BU STE, YON TAN RIN PO CHE RNAMS THAMS CAD DES 'PHEL @11B BAR BYED CING RIN PO CHE'I 'BYUNG GNAS SU SKYES PA'I PHYIR RO, ,BZOD PA'I PHA ROL TU PHYIN PA DANG LHAN CIG PAR GYUR PA NI RGYA MTSO DANG 'DRA STE, MI 'DOD PA THAMS CAD THOG TU BAB KYANG MI 'KHRUG PA'I PHYIR RO, ,BRTZON 'GRUS KYI PHA ROL TU PHYIN PA DANG LHAN CIG PAR GYUR PA NI RDO RJE LTA BU STE, BSTAN PA'I PHYIR DANG 'JIGS PA MED PA'I PHYIR RO, ,BSAM GTAN GYI PHA ROL TU PHYIN PA DANG LHAN CIG PAR GYUR PA NI RI LTA BU STE, MI BSKYOD PA DANG MI G-YENG PA'I PHYIR RO, ,SHES RAB KYI PHA ROL TU PHYIN PA DANG LHAN CIG PAR GYUR PA NI SMAN GYI RGYAL PO LTA BU STE, SGRIB PA'I NAD THAMS CAD ZHI BAR BYED PA'I PHYIR RO, ,THABS KYI PHA ROL TU PHYIN PA DANG LHAN CIG TU GYUR PA DANG TSAD MED PA DANG LHAN CIG TU GYUR PA NI BSHES GNYEN CHEN PO LTA BU STE, GNAS SKABS THAMS CAD DU SEMS CAN GYI DON MI GTONG BA'I PHYIR RO, ,SMON LAM GYI PHA ROL TU PHYIN PA DANG LHAN CIG PA DANG MNGON PAR SHES PA DANG LHAN CIG PA NI YID BZHIN GYI NOR BU DANG 'DRA STE, MOS PA JI LTA BA DE'I 'BRAS BU SPEL BA'I PHYIR RO, ,STOBS KYI PHA ROL TU PHYIN PA DANG LHAN CIG PAR GYUR PA DANG SBYIN PA DANG, NGAG SNYAN PA DANG, DON SPYOD PA DANG, DON MTHUN PA'I MTSAN NYID KYIS BSDU BA'I DNGOS PO DANG LHAN CIG PAR GYUR PA NI NYI MA DANG 'DRA STE, GDUL BAR BYA BA'I LO TOG SMIN PAR BYED PA'I PHYIR RO, ,DE LA SBYIN PA NI NANG PHYI ROL GYI YO BYAD SBYIN PA'O, ,SNYAN PAR SMRA BA NI 'JIG RTEN DANG 'JIG RTEN LAS 'DAS PA'I CHOS KYI SBYIN PA'O, ,DON SPYOD PA NI CHOS LAS YANG DAG PAR LEN DU 'JUG PAR BYED PA'O, ,DON MTHUN PA NI GANG GZHAN LA YANG DAG PAR LEN DU BCUG PA DE LA BDAG NYID RJES SU 'JUG PAR BYED CES PA NI SEMS CAN GYI BSDU BA'I DNGOS PO'I THABS RNAMS SO, ,YE SHES KYI PHA ROL TU PHYIN PA DANG LHAN CIG PA NI DRI ZA'I DBYANGS 'JAM ZHING SNYAN PA DANG 'DRA STE, GDUL BYA 'DUN PA'I CHOS STON PA'I PHYIR RO,, MNGON PAR SHES PA DANG LHAN CIG PAR GYUR PA NI RGYAL PO LTA BU STE, BAR MA CHAD PAR MTHUS GZHAN GYI DON LA RJES SU GNAS PA LA RNAM PAR 'JUG PA'I RGYU'I PHYIR RO, ,RGYAL PO'I LCAGS KYUS NI SKYE DGU LAM LOG PA NAS MI LTUNG NGO, ,DE BZHIN DU BYANG CHUB SEMS DPA'I SO SOR RTON PA'I LCAGS KYU'I @12A *, ,STE, DE LA DON LA RTON GYI YI GE LA MA YIN TE, LEGS PAR SBYAR BA LA SOGS PA CAN LAM YIN NO, ,CHOS KYI RIGS PA LAS SOR RTON GYI GANG GIS GANG DE LTAR BRJOD PA'I CHOS THAMS CAD STONG PA MA YIN ZHES PA LAM YIN, BSGOMS PA LAS BYUNG BA'I SHES RAB KYI YE SHES LA RTON GYI RNAM PAR SHES PAS THOS PA DANG BSAMS PA'I SHES RAB LAM YIN PA DANG, NGES PA'I DON GYI MDO SDE LA RTON GYI, DRANG BA'I DON GYI MDO SDE LAM YIN ZHES PA NI RTON PA RNAM PA BZHI'O, ,NGES PA'I DON NI GANG DU BCOM LDAN 'DAS RNAMS KYIS GTAN LA PHAB PA'I CHOS THAMS CAD STONG PA NYID KYI MTSAN NYID DON GANG DE NYID DE LTAR RO, ,BSOD NAMS DANG YE SHES KYI TSOGS DANG LHAN CIG PA NI BANG MDZOD LTA BU STE, BSOD NAMS DANG YE SHES KYI TSOGS MANG PO'I GNAS KYI MDZOD YIN PA'I PHYIR RO, ,BYANG CHUB KYI PHYOGS KYI CHOS SUM CU RTZA BDUN DANG, LHAN CIG PA NI RGYAL PO'I LAM PO CHE LTA BU STE, 'PHAGS PA'I GANG ZAG THAMS CAD GSHEGS SHING RJES SU GSHEGS PA'I PHYIR RO, ,ZHI GNAS SU GYUR PA DANG SNYING RJE DANG LHAG MTHONG DANG LHAN CIG PA NI BZHON PA DANG 'DRA STE, 'KHOR BA DANG MYA NGAN LAS 'DAS PA GZHAN DU MI LTUNG BAS BDE BAR 'GRO BA'I PHYIR RO, ,GZUNGS DANG SPOBS PA DANG LHAN CIG PAR GYUR PA NI BKOD MA LTA BU STE, CHU 'DZIN PA DANG MI ZAD PA DANG 'BYUNG BA DANG CHOS MTHUN PA STE, THOS PA DANG MA THOS PA'I CHOS KYI DON 'DZIN PA DANG MI ZAD PA BSTAN PA 'BYUNG BA'I PHYIR RO, ,'DUS BYAS THAMS CAD MI RTAG PA DANG, ZAG PA DANG BCAS PA THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS BA ZHI BA ZHES BYA BA'I CHOS CHED DU BYED PA DE DANG, LHAN CIG PA NI SGRA SNYAN PA LTA BU STE, THAR PA 'DOD PA RNAMS KYIS SNYAN PA THOS PA'I PHYIR RO, ,CHOS LA SKYE BA MED PA CAN GYI BZOD PA THOB PA CAN GYI BDE BAS BYANG CHUB SEMS DPA' RNAMS KYI 'BRAS BU'I BYA BA THA MI DAD PA'I PHYIR BGROD PA GCIG PA'I LAM DE DANG LHAN CIG GYUR PA NI, CHU KLUNG GI RGYUN LTA BU STE, NGANG GIS 'BAB PA'I PHYIR RO, ,DGA' LDAN GYI GNAS LA SOGS PA NI GNAS PA KUN TU BSTAN PA'I THABS LA MKHAS PA DE DANG LHAN CIG TU GYUR PA'I CHOS KYI SKU DANG LHAN CIG @12B TU GYUR PA NI SPRIN LTA BU STE, SEMS CAN THAMS CAD KYI DON GYI BYA BA RNAMS LA DES 'JUG STE SPRIN BZHIN DU SNOD KYI 'JIG RTEN GYI PHUN SUM TSOGS PA'O, ,SEMS BSKYED PA NYI SHU RTZA GNYIS PO 'DI NI BLO GROS MI ZAD PA'I MDOR TE, TSAD MED PA DANG DNGOS PO DANG YANG DAG PAR RIG PA DANG MI RTON PA DANG CHED DU BRJOD PA LNGA LA BZHI BZHI STE GNYIS PA TSOGS DANG ZHI GNAS DANG GZUNGS KYIS ZIL GYIS GNON PA GSUM LA GNYIS GNYIS DANG MNGON PAR SHES PA LNGA RNAMS DANG, BYANG CHUB KYI PHYOGS DANG, DANG PO'I SEMS BSKYED PA BCU DANG BGROD PA GCIG PA'I LAM DANG LHAN CIG TU GYUR PA'I THABS LA MKHAS PA LAS BYUNG BA ZHES PA'I BRGYAD CU MI ZAD PAR BSHAD DO, ,'DIR SBYOR BA DANG LHAN CIG PA'I BSAM PA DAG BZLOG NAS BSTAN PA NI GNYI GA LA GNYIS CHAR DU SRID PA'I PHYIR RO, ,DE NYID KYIS 'PHAGS PA THOGS MED KYIS SMON PA PHAN TSUN GYI BRGYUD PA LA SBYOR BA BSHAD PAS SEMS BSKYED PA BCO LNGA PA LA 'BRING GI BCOM LDAN 'DAS MAR MNGON PAR SHES PAR BSGRUB PA NI GANG DU YANG 'GAL BA MED DO, ,DE LA DANG PO'I SEMS BSKYED PA GSUM NI THOS PA DANG BSAM PA'I RANG BZHIN GYI SHES RAB DAG MTHAR PHYIN PA'I GNAS SKABS KYI THAR PA'I CHA DANG MTHUN PA'I DGE BA'I RTZA BA STE, LAS DANG PO PA'I SA'I TSOGS KYI LAM GYI TSOGS KYIS TE, CHOS KYI RGYUN LAS SANGS RGYAS LAS GDAMS NGAG THOB PAR 'GYUR ZHES PAS GO RIMS JI LTA BA BZHIN CHUNG NGU DANG 'BRING DANG CHEN PO DANG, CHEN PO LA CHEN PO DANG 'BRING DANG CHUNG NGU'I GANG ZAG GI YUL RNAMS TE DRAN PA NYE BAR GZHAG PA DANG YANG DAG PAR SPANG BA DANG, RDZU 'PHRUL GYI RKANG PA DANG LHAN CIG PA'I GO CHA'I BSGRUB PA NI SMON PA'I SEMS LA DE'I GONG GI BCU DGU NI 'JUG PA'I SEMS SO, ,SEMS BSKYED PA BZHI PA NI MOS PAS SPYOD PA'I SA STE RAB TU DGA' BA'I SA LA SBYOR BA'I LAM 'JIG RTEN PA'I BSGOM PA'I RANG BZHIN ZAG PA DANG BCAS PA'I BSGOM PA'I LAM NGES PAR 'BYED PA'I CHA DANG MTHUN PA'I DGE BA'I RTZA BA'I DBANG PO DANG STOBS DANG LHAN CIG PA NI, 'JUG PA'I BSGRUB PA'O, ,MDO DKON MCHOG SPRIN DU SA 'DI RNAMS SU BYANG CHUB SEMS DPA' SO SO'I SKYE BO YIN YANG BYIS PA'I PHUN SUM TSOGS PA DANG BRAL BA THAMS CAD LAS 'DAS SHING, GRANGS @13A *, ,MED PA'I TING NGE 'DZIN DANG GZUNGS DANG RNAM PAR THAR PA DANG MNGON PAR SHES PA DANG LDAN ZHES GSUNGS SO, ,LNGA PA NI 'JIG RTEN LAS 'DAS PA'I SEMS BSKYED PA DANG PO STE, DE LA LNGA PA RAB TU DGA' BA'I SA MTHONG BA'I LAM GYI BYANG CHUB KYI LAM GYI YAN LAG DANG LHAN CIG PA'O, ,DRUG PA NI 'JIG RTEN LAS 'DAS PA'I BSGOM PA'I LAM GYI SEMS BSKYED PA BCO LNGA PA'I DANG PO STE 'PHAGS PA'I LAM GYI YAN LAG DANG LHAN CIG PA'O, ,'DI'I DANG PO'I DGU NI DRI MA MED PA LA SOGS PA'I SA DGU PA'O, ,GZHAN DRUG NI CHOS KYI SPRIN GYI SA'I GNAS SKABS KYI KHYAD PAR GYI LAM LA'O, ,'DI'I THA MA BAR CHAD MED LAM SANGS RGYAS KYI SA LA GCIG GO, ,RGYU 'DIS NA SNGAS RGYAS KYI SAS BSDUS ZHES PA'I SENG GE BZANG PO'I 'DOD PAS NYE BAR BRTAGS PA DGOS PA MED PAS MI RIGS SO, ,SEMS BSKYED PA NYI SHU RTZA GCIG PA DANG RTZA GNYIS PA NI DNGOS GZHI DANG RJES KYIS SANGS RGYAS KYIS ZHES PA STE DE NI SEMS BSKYED PA RAB TU DBYE BA'O, ,SH'A RI'I BU NI MA'I MING LA SH'A RI NI RIGS YIN PAS SHA RA DVA TI STE, DE'I BU NI SH'A RI'I BU STE, SHA RA DVA TI'I BU ZHES PA NI MING NGO, ,'DIS 'CHAD PAR 'GYUR BA 'DI RNAMS LA RNAM PAR RTOG PA'O, ,BDAG NYID CES PA NI RANG GI RGYUD DU GYUR PA'O, ,RANG GI ZHES PA NI RANG DBANG GIS SO, ,SHES RAB DANG SPOBS PA DE DAG GI STOBS SKYED PA PO NI NUS PA'I BAG CHAGS SO, ,DE'I BSKYED PA NI MNGON DU SKYES PAS SO, ,DE'I BYIN GYIS BRLABS PA NI PHYIS SAD PAS SO, ,SANGS RGYAS KYI BYIN GYIS BRLABS PA NA MTHU DANG NUS PAS SO, ,'ON TE SANGS RGYAS KYI MTHU ZHES PA NI NYAN THOS RNAMS NI MNYAM PAR MA BZHAG NA GZHAN GYI SEMS SHES PA LA MI 'JUG PAS SO, ,SEMS PA DANG SEMS NI RNAM GRANGS TE MNGON PAR SHES PA'I TSIG GO, ,SEMS KYI YONGS SU RTOG PA NI DE NYID NA GNAS PAS NA MI GSAL BA STE, YONGS SU TSOL BA PO'I YID KYI BRJOD PA'O, ,BCOM LDAN 'DAS KYIS GSUNGS PA NI 'KHOR LA MDO STE LA SOGS PA RNAMS SO, ,STON PA NI DE NYID GZHAN LA'O, ,'CHAD PA NI DRI BA LA SOGS PA LA'O, ,NYE BAR BSTAN PA NI PHYOGS NAS NYE BAR SONG ZHING GDUL BYA RNAMS LA GSUNGS PA'O, ,DE BZHIN @13B DU GANG BCOM LDAN 'DAS KYIS DE LTA BU'I DNGOS PO STON PA DANG BSHAD PA DANG 'KHOR LA RAB TU STON PAR BYED PA DE NYID GZHAN RNAMS KYIS YANG DAG PAR RAB TU STON PAR BYED PA STE, KHOR YUG TU SON NAS RANG GIS RAB STON PAR BYED PA'I GSUNGS PA LA SOGS PA DE THAMS CAD SKYES BU'I BYED PA STE, DE'I BYIN GYI RLABS KYIS RAB TU PHYE BA'I PHYIR NA NYAN THOS LA SOGS PA RNAMS KYI RANG DBANG GIS NI MA YIN NO, ,'DIR RGYU DES NA ZHES PA KUN TU BSHAD PAR 'DOD NAS RANG GIS DRIS PA NI DE CI'I PHYIR ZHES PA STE, GANG GI PHYIR DE'I RGYU GSUNGS PA NI CHOS GANG ZHES TE, NYAN THOS KYI THEG PA DANG THEG PA CHEN PO LA SLOB PAR BYED PAS THOS PA DANG BSAM PA DANG BSGOM PA RNAMS KYIS TE DE LA JI LTAR THOS PA RNAMS MNGON SUM DU BYED PA NI NYAN THOS KYI THEG PA CAN RNAMS SO, ,'DZIN PAR BYED PA NI THEG PA CHEN PO PA STE, CHOS DES JI LTAR THOS PA'I THOS PA DANG BSAM PA DAG GIS BRTAN PAR GYUR PAS DRAN PA'I SA BON 'JOG PA'I PHYIR RO, ,RGYU MTHUN PA NI 'DRA BA STE MTHUN PA'O, ,'DIS NI DE BZHIN GSHEGS PA NYID KYI SKYES BU'I BYED PA GSUNGS PA'O, ,DE LTAR THOS PA NYID KYI CHOS DES RANG GI STON PA DES NA'O, ,'GAL BAR MI BYED CES PA NI NYAN THOS RNAMS BDAG NYID CHEN POR GSUNGS SO, ,'DI LTAR SH'A RI'I BUS RNAM PAR RTOG PA NYID NI RAB 'BYOR GYIS 'DIR BSTAN PAS STON PA MA YIN ZHES KHA CIG DAG GI DOGS PA DE BZLOG PA STE, 'DIR GANG BCOM LDAN 'DAS NI THAMS CAD NAS THAMS CAD DU CHOS CHOS THAMS CAD DON DAM PAR MTHONG BA'I MCHOG TU TSAD MAR GYUR PAS RANG GIS SAM NYAN THOS LA SOGS PA'I ZHAL NAS STON PA THAMS CAD DE NYID LAS GZHAN DU MED CES GSUNGS SO, ,GDAMS NGAG BSTAN PA 'DOD NAS NYE BAR 'JUG PA NI DE NAS ZHES PA LA SOGS PA STE, ,DE LA DE NI PHYOGS BSTAN PA'O, ,TSIG BLA DGAS NI MING STE, CHOS KYI DNGOS PO NI GANG DU JI LTAR MED LA, BDAG GI DNGOS PO NI KUN RDZOB TU YANG MED CES BYA BAR DGONGS SO, ,CHOS NI PHUNG PO LNGA LA SOGS PA CAN LA, YANG DAG PAR RJES SU MA MTHONG BA NI DON DAM PAR NGO BO NYID MED PA'I PHYIR RO, ,BYANG CHUB SEMS DPA' MA DMIGS PA NI GANG ZAG LA BDAG MED PA'I SHES PA LA PHUNG PO LA SOGS PA MI DMIGS PA NI CHOS @14A *, ,LA BDAG MED PA'I SHES PA STE, DE GNYI GA SHES RAB KYI PHA ROL TU PHYIN PA LA DE YANG DON DAM PAR NGO BO NYID KYIS STONG ZHES PA NI MI DMIGS PA'O, ,'DI LTA BU'I SHES RAB KYI PHA ROL TU PHYIN PA KHA CIG TU GCIG PU ZHIG TU DBEN PAR SONG NAS LUNG GI DON LA NGES PAR RTOGS PA LAS SKYE BAR 'GYUR BA DE NI THOS PA LAS BYUNG BA'O, ,DE LTAR YANG THE TSOM GANG DU YANG MED PAS RJES SU DPAG PA LA SOGS PA STOBS KYIS SKYE BAR 'GYUR BA'I RIGS PA DE NI BSAMS PA LAS BYUNG BA'O, ,DE DAG GIS THE TSOM DRUNGS PHYUNG NAS DANG DU LEN PAR BYED PA'I TING NGE 'DZIN THOB NAS SGOM PA NI BSGOMS PA LAS BYUNG BA'O, ,DE LA DANG PO GNYIS BSTAN PAR 'DOD NAS GSUNGS PA NI BDAG GI ZHES PA LA SOGS PA STE, BYANG CHUB SEMS DPA'I CHOS NI NANG GI BDAG NYID CAN GYI PHUNG PO LNGA LA SOGS PA'O, ,MA 'TSAL BA NI THOB PA MED PA STE TSAD MAS GNOD PA'I PHYIR RO, ,DE NYID LA GNOD PA BSTAN PAR 'DOD NAS GSUNGS PA NI MA DMIGS ZHES PA STE, LUNG LAS SKYES PA'I MI DMIGS PAS GNOD PAR BYED PA YANG DAG PAR RJES SU MA MTHONG BA'O, ,RJES SU DPAG PA LA SOGS PAS GNOD PAR BYED PA 'DIS RJES SU MA DMIGS ZHES PA NI THOS PA LAS BYUNG BA'I SHES RAB GSUNGS PA'O, , YANG DAG PAR RJES SU MA MTHONG ZHES PA'I RIGS PA NI BSAM PA'I RANG BZHIN CAN NO, ,RIGS PA BRJOD DE GANG ZHIG NI CI YANG MED PA'O, ,GANG 'DIR ZHES PA NI DON DAM PAR GANG DU YANG MED PA'O, ,KUN RDZOB TU NI RTOG PAR BYED PA LA 'DOMS PAS GDAMS NGAG LA RJES SU 'JUG PAR BSTAN PA NI RJES SU BSTAN PA'O ZHES BYA BAR DGONGS PA'O, ,RDZOGS PA'I ZHI GNAS LA RAB TU 'JUG PAR BYED PA GANG DE DANG LHAN CIG TU DPYOD PA CAN GYI SHES RAB DE NI LTA BA DANG RIG PA DANG BLO DANG SNANG BA DANG LHAG MTHONG LA, DE GNYI GA ZUNG DU 'BREL BA CAN NI BSGOM PA'I RANG BZHIN CAN GYI SHES RAB STE, DE BSTAN PAR 'DOD NAS GSUNGS PA NI 'ON KYANG ZHES PA DANG GAL TE ZHES PA NI DON DAM PAR 'JUG PA NA GAL TE'O, ,'DI LTAR ZHES PA DANG, DE BDAG GIS ZHES PA LA SOGS PAS TE SMRA BAR BYED PA LA ZHES PA LA SOGS PA NI DA LTA BA LA NYE BA'I PHYIR NI GSUNG BAR BYED PA DON GSUNGS ZHES PA LA SOGS PAR @14B SHES PAR BYA'O, ,'DI'I RGYAS PAR BSHAD PA NI BSTAN PAR BYED PA NI THOS PA'I RANG BZHIN GYI SHES RAB KYI MTSAN NYID KYIS SO, ,NYE BAR BSTAN PAR BYED CES PA NI BSAM PA'I RANG BZHIN GYI SHES RAB KYI MTSAN NYID KYIS MNGON SUM DU DPYOD PAR 'GYUR RO ZHES PA LHAG MA'O, ,'DIR THAR PA 'DOD PA RNAMS TING NGE 'DZIN GYI YON TAN RNAMS LA MNGON PAR YID CHES PA'I MTSAN NYID LA DAD PA DE LAS 'DOD PA SKYE BAR 'GYUR LA, DE'I STOBS LAS BRTZON 'GRUS DE'I STOBS LAS LUS DANG SEMS SBYANGS PA NYID DO, ,DES LE LO RNAM PAR MI 'JUG NAS DRAN PAS YANG DAG PAR DMIGS PA LA NYE BAR GNAS PAR 'GYUR RO, ,DES SHES BZHIN LA DES DGA' BA'I DNGOS PO SANGS RGYAS LA SOGS PA'I YON TAN YID LA BYAS NAS DES DE NYID JI LTAR THOS PA DANG BSAM PA'I DON DE NYID LA TING NGE 'DZIN LA DMIGS PA'I SEMS LA BRNYAS PA MED NAS ZHUGS PAR MI 'GYUR TE, DE NYID KYIS NGES PAR BCINGS PA'I PHYIR RO, ,KUN TU MI ZHUM PA MI 'GYUR BA NI RGYUN TU 'JUG PAS KYANG ZHUM PAR 'ONG BAR MI 'GYUR TE, GZHAN DU 'GRO BA BKAG PA'I PHYIR RO, ,RANG BZHIN GYIS G-YO BA'I PHYIR RGOD NAS GZHAN DU 'GRO BA YANG MYUR DU SHES PAR BYAS LA YANG BSDUS NA YANG MI RGOD PA'O, ,KUN TU MI ZHUM PA NI BSTAN PAR 'GYUR BA'I SEMS KYI RANG BZHIN RIGS PA'I PHYIR NA, GZHAN DU RNAM PAR 'PHRO BA'I GONG NAS GONG DU ZHIB MOR BYED PA LA DUB PA MED PA'I PHYIR RO, ,PHYIR PHYOGS PAR MI 'GYUR TE, TING NGE 'DZIN BYAD PA LA YANG BTANG SNYOMS SU GNAS PA'I PHYIR RO, ,JI LTAR NA DE NYID LA SEMS DGA' BAR BYED CE NA, TING NGE 'DZIN RNAMS KYI YON TAN MTHONG BA'I PHYIR RO, ,BCOM ZHING PHYIR PHYOGS PAR MI 'GYUR BA NI DE LA DGA' BA DANG BDE BAS RNAM PAR G-YENG BAR BYED PA CAN DU MI BYED PA STE, RNAM PAR G-YENG BA'I SKYON MTHONG BA'I PHYIR TE, SKYON NI 'KHOR BA'I SDUG BSNGAL RNAMS SO, , MI DNGANG BA NI BRNAB SEMS DANG YID MI BDE BA LA SOGS PA LDANG BAS MI SKRAG STE, JI LTA ZHE NA, DE NYID BCOM STE, RNAM PAR G-YENG BA'I SKYON MTHONG BA'I PHYIR RO, ,KUN TU MI SKRAG STE, SEMS RANG BZHIN GYIS SKYON MED PAR RANG GI NGANG GIS 'JUG PA'I DON DU 'DU BYED LA 'BAD PA DES SKRAG @15A *, ,PAR MI BYED CES PA'I DON TO, ,KUN TU SKRAG PAR MI 'GYUR BA NI LHUN GYIS GRUB PAR NGANG GIS 'JUG PA NYID KYIS SEMS LA SKRAG PA KUN TU 'BYUNG BAR MI 'GYUR TE, LHUN GYIS GRUB PA DE NYID NGANG GIS 'JUG PA 'DZIN PAR 'GYUR ZHES PA'I DON TO, ,GZHAN YANG LHUN GYIS MA GRUB PA NI SEMS RNAM PAR G-YENG BAR 'GYUR BA'I PHYIR RO, ,DE LTAR YANG MDO SDE RGYAN LAS, DMIGS PAS SEMS NI NGES BCINGS LA, ,DE RGYUN RNAM PAR G-YENG MI BYA, ,RNAM G-YENGS MYUR DU RTOGS BYAS LA, ,DE YIS SO SOR YANG BSDU BYA, ,SO SOR DAG LA KUN BSDUS SEMS, ,GONG NAS GONG DU BLO LDAN GYIS, ,TING 'DZIN YON TAN MTHONG GYUR PA, ,DE YIS SEMS NI DGA' BYAS LA, ,RNAM G-YENGS SKYON NI MTHONG 'GYUR BA, ,DE YIS DGA' YIN ZHI BAR BYA, BRNAB SEMS YID MI BDE LA SOGS, ,LANGS PA DE BZHIN ZHI BAR BYA, ,DE YIS MNGON PAR 'DU BYAS PA'I, ,SEMS KYI NGANG DU GYUR PA NYID, ,DE LA GOMS PA'I RNAL 'BYOR PAS, ,DES NI MNGON 'DUS MA BYAS THOB, ,CES TE, DE BZHIN DU ZHI GNAS RDZOGS PAR GYUR PA'O, ,'DI NYID ZHES PA NI JI SKAD DU BSHAD PA'I TING NGE 'DZIN MTHAR THUG PA'I KUN RDZOB DANG DON DAM PA'I RNAM PAR DBYE BA SHES PA'O, ,'DI NYID CES PA NI DE'I TING NGE 'DZIN DANG YANG DAG PAR RAB TU LDAN PA'I SHES RAB BO, ,'DI NYID GDAMS PA STE, GANG DAG ZHI GNAS DANG SHES RAB DAG PHAN TSUN YANG DAG PAR SBYOR BA'I YON TAN GYIS SO, ,SEMS NI CHOS THAMS CAD NGO BO NYID MED PA'I DE KHO NA NYID LA DE LAS PHYIR PHYOGS PA THAMS CAD NI RNAM PAR G-YENGS PA'I ZHES BRJOD LA, DE KHO NA NYID GCIG TU MTHAR THUG PA NI KUN RDZOB TU SKAD CIG GIS 'JIG PA CAN YIN YANG MNYAM PAR GZHAG PA'O, ,DE NYID KYIS NA ZHI GNAS DANG LHAG MTHONG DAG NI 'GAL BA MED DO, ,DE KHO NA NYID MA YIN PA LA DMIGS PA LAS LDOG PA'I BDAG NYID CAN GYIS SEMS RTZE GCIG PA NYID DANG YANG DAG PA'I SHES PA DAG PHAN TSUN RJES SU SBYAR NAS BSKYED PAS RAB KYI MTHAR THUG PA NA RO GCIG PAR 'GYUR RO, ,DE LTAR 'DIR ZHI GNAS DANG SHES RAB KYI RANG BZHIN GYI KUN RDZOB DANG DON DAM PA RO GCIG @15B PA'I TING NGE 'DZIN LA GNAS PA NI 'DIR MNYAM PAR MI 'GYUR TE, 'DI NYID 'DI'I GDAMS PA DANG RJES SU BSTAN PA'O, ,GDAMS PA'I RGYUN NI RJES BSTAN PA'O, ,DE LTAR DANG PO'I BYANG CHUB SEMS DANG DES BSDUS PA'I CHOS KYI NGO BO SHES RAB KYI PHA ROL TU PHYIN PA LA KUN RDZOB DANG DON DAM PA'I BDEN PA LAS MI 'DA' ZHING DMIGS PA MED PA'I SPYOD PAS SO SOR SGRUB PA'I GDAMS NGAG NI SGRUB PA LA GDAMS PA STE, 'DIR NI BSDUS PA'I DON NO, ,SGRUB PA LA SNYING POR BYED PA LA NI BLA NA MED PA YANG DAG PAR RDZOGS PA'I BYANG CHUB RNYED PAR MI DKA' LA, SGRUB PA DE YANG MDOR BSDU NA BYANG CHUB KYI SEMS BSGOM PA DANG SBYIN PA LA SOGS PA'I THABS LA RJES SU GNAS PA'O, ,DE LA BYANG CHUB KYI SEMS NI STONG PA NYID DANG SNYING RJE'I RANG BZHIN TE, DE LA PHUNG PO LNGA PO RNAMS LA JI SRID DU DNGOS PO DANG DNGOS PO MED PA'I RNAM PAR RTOG PA DE THAMS CAD NI PHYIN CI LOG GI SPROS PA LA, SPROS PA MED PA NI CHOS KYI DBYINGS STONG PA NYID DO, ,STONG PA NYID DU BRJOD PA NI SGRO BTAGS PA THAMS CAD LAS LDOG PA RAB TU BSGRUBS PAS GDUL BYA'I RGYUD LA DE KHO NA NYID KYI NGO BO MNGON PAR GSAL BAR BYED PAR 'GYUR ZHES PAS NA 'DIR BRJOD PAR BYA BA LA NYE BAR BTAGS NAS STONG PA NYID LA SOGS PA'I SGRA BRJOD DE; SGRO BTAGS PA MA LUS PA DANG BRAL BA'I NGO BO DE KHO NA NYID LA DMIGS PA'I PHYIR RO, ,JI SKAD DU BCOM LDAN 'DAS MA BDUN BRGYA PA LAS GSUNGS PA, BCOM LDAN 'DAS GANG DU YANG RAB TU MI GNAS PA NYID SHES RAB KYI PHA ROL TU PHYIN PA BSGOM PA STE, CHOS GANG LA YANG GNAS PA NYE BAR DMIGS PA DANG MI GNAS PA YANG MA YIN NO, ,CHOS GANG LA YANG MI SEMS ZHING MI SHES GANG KHO NAR SEMS PA MED PA DE NYID MYA NGAN LAS 'DAS PA MA SKYES PA SHES RAB KYI PHA ROL TU PHYIN PA CHOS KYI DBYINGS KUN TU SPYOD PA MED PA'I DBYINGS ZHES PA DANG GNYIS SU BYAR MED PA GANG KHO NA'I YE SHES DES SANGS RGYAS KYI YE SHES TE, DMIGS PA MED PA'I RNAL 'BYOR GYIS SO ZHES PA DANG YANG DE NYID LAS BCOM LDAN 'DAS SHES RAB KYI PHA ROL TU PHYIN PA BSGOMS PA NI, CHOS GANG YANG NYE BAR DMIGS PAS SO SOR GNAS PA MED DO, ,CHOS GANG 'JIG PA'AM SKYE BA MED DO, ,BCOM LDAN 'DAS @16A *, ,MA SKYES PA LA NYAMS PA'I 'PHEL BA MED CES GSUNGS LA, CHOS THAMS CAD RJES SU MI DMIGS PA'I MDO LAS KYANG, GANG LAS SO SOR RTOGS NAS CHOS GANG YANG GCIG PA NYID DANG DU MA NYID DU BYED PA MED DE RNAM PAR 'GYUR BA MED CING BCOM LDAN 'DAS RNAM PAR RTOG PA MED PA'I YANG DAG PA SO SOR RIG CES PA DANG, 'PHAGS PA KLU SGRUB KYIS KYANG, CHOS KUN GNAS MED ZHI BA YI, ,DON 'DI RTAG TU BSGOM PAR BYA, ,GNAS MED PA DANG SGYU 'DRA STE, ,STONG NYID SRID PA 'JIG BYED PA, ,SKYE MED CES DANG STONG PA ZHES, ,DMIGS MED CES DANG STONG NYID LA, ,BDAG NYID DMAN PAS GANG BSGOMS PA, ,DES NI 'DI LA BSGOM PA MIN, ,DGE DANG MI DGE RNAM RTOG RNAMS, ,RGYUN CHAD PA YI MTSAN NYID CAN, ,SANGS RGYAS RNAMS KYIS STONG NYID GSUNGS, ,GZHAN DU STONG NYID 'DOD PA MIN, ,DMIGS PA MED PAR 'GYUR PA'I SEMS, ,NAM MKHA'I MTSAN NYID CAN DU GNAS, ,GANG DAG STONG PA NYID BSGOM PA, ,DE NI NAM MKHA' BSGOM PAR 'DOD, ,CES GSUNGS PA STE, SNYING RJE CHEN PO DANG CHOS THAMS CAD NGO BO NYID MED PA'I DMIGS PA MED PAS SKYED PAR BYED PA'I PHYIR DMIGS PA MED PA'I ZHES PA'I STONG PA NYID SNYING RJE DAG DE'I BDAG NYID KHO NAS BSGOM PA'O, ,STONG PA NYID DANG SNYING RJE'I THA SNYAD KYI DBYE BA NI LDOG PAS BYAS PA STE, DE LA RIM PA NI 'DI'O, ,PHUNG PO LNGA PO RNAMS LA DNGOS PO DANG DNGOS PO MED PA LA SOGS PA'I YID LA BYED PA MTHA' DAG BZLOG NAS THAMS CAD LA YID BSDUS NAS CUNG ZAD KYANG, SEMS PAR MI BYA STE, DE NYID KYIS GANG ZHIG RNAM PAR MI RTOG PA'I BCOM LDAN 'DAS MA SHES RAB KYI PHA ROL TU PHYIN PA BSKYED PAR GYUR NAS, DE'I MTHONG BA MED PA'I SBYOR BAS MNGON SUM DU SO SOR RTOGS NAS DE'I SEMS CAN GYIS KYANG RTOGS PAR BYA ZHES RNAM PAR SEMS SHING DE'I BDAG NYID CAN DU DE LTAR 'GRO BA MTHA' DAG DMIGS PAR BYAS NAS DMIGS PA MED PA'I NGO BO'I SNYING RJE CHEN PO SKYE BAR GYUR NAS DES SHES RAB DANG SNYING RJE DAG DBYER MED PA'I NGO BO GNYIS SU MED CING GCIG TU 'DRES PAR GYUR PAR MTHONG NGO, ,DE'I GNAS DANG SHES RAB DAG GIS BDAG NYID @16B KYIS CHOS THAMS CAD NGO BO NYID MED PA NYID DU RTOGS PA'I MTSAN NYID KYIS SHES RAB KYI PHA ROL TU PHYIN PA DANG SNYING RJE CHEN PO DBYER MED PA'I PHYIR KUN RDZOB DANG DON DAM PA GNYIS GCIG PA NYID KYIS ZUNG DU 'BREL PA'I LAM GYI BYANG CHUB KYI SEMS BSKYED PA'I NGO BO MCHOG TU RNAM PAR MI RTOG PA'I RNAL 'BYOR BSOD NAMS DANG YE SHES THAMS CAD KYI RANG BZHIN GYI MNGON PAR RTOGS PA BRGYAD PO RNAMS KYIS JI LTAR RIGS PAR MI MTHUN PA'I PHYOGS LDOG PA NI 'CHAD PAR 'GYUR PA'I RNAM PA KUN JI LTAR RIGS PAR MNYAM PAR GZHAG PA'I GNAS SKABS SU RO GCIG PA NYID NI SEMS BSKYED PA NYI SHU RTZA GNYIS KYI SKABS SU MGON POS RNAM PAR GZHAG PAR BYAS SO, ,DE LAS LANGS NAS MNYAM PAR MA BZHAG PA'I GNAS SKABS SU SBYIN PA LA SOGS PA'I THABS BSTEN PA'I DUS SU YANG MOS PA DE NYID BSGOM PAR BYA ZHES PA NYID NI ZUNG DU 'BREL PAS BGROD PA'I LAM LA 'DI NYID SGRUB PA LA GDAMS PAS TE, BCOM LDAN 'DAS MA 'DIR TSOGS SHING BSDUS NAS GSUNGS LA 'DI LAS GZHAN PA'I GDAMS NGAG RNAMS NI ZHAD TZAM DU GSUNGS PA YIN LA, YUM CHEN MO LA NI BCU CHAR YANG RGYAS PAR GSUNGS TE, 'DIR BSTAN BCOS LAS, SGRUB DANG BDEN PA RNAMS DANG NI, , SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,SGOM ZHES BYA LA GDAMS NGAG NI, ,BCU YI BDAG NYID SHES PAR BYA, ,ZHES SO, ,DE LA GZUGS LA SOGS PA RNAMS DANG DE STONG PA NYID NI GANG DU CUNG ZAD LDAN PA'AM MI LDAN PAR YANG DAG PAR RJES SU MI MTHONG STE, DE RNAMS KYANG DE'I NGO BO NYID KYIS NA THA DAD PA DANG THA MI DAD PA DAG TU MI SBYOR BAS SHES RAB KYI PHA ROL TU PHYIN PA LA SBYOR BAR RIG PAR BYA ZHES PA NI SDUG BSNGAL GYI BDEN PA LA GDAMS PA'O,, GZUGS LA SOGS PA CAN LA SKYE BA DANG 'GAG PA DANG KUN NAS NYON MONGS PA DANG RNAM PAR BYANG BA'I CHOS CAN DU YANG DAG PAR RJES SU MI MTHONG LA GZUGS NAS JI SRID DU RNAM PAR SHES PA'I BAR NYID STONG PA LA STONG PA NYID KYANG RNAM PAR SHES PA'O ZHES DBYER MED PA'I SGRO 'DOGS DANG SKUR BA'I MTHA' @17A *, ,YONGS SU SPANGS PA NI KUN 'BYUNG GI BDEN PA'O, ,STONG PA NYID NI SKYE BAR MI 'GYUR 'GAG PAR MI 'GYUR ZHES PA NAS JI SRID DU 'PHEL BAR MI 'GYUR LA DE LA GZUGS LA SOGS PA MED CING KUN 'BYUNG BA DANG 'GOG PA DANG LAM MED PA NAS JI SRID DU SANGS RGYAS MED BYANG CHUB MED CES PA NI 'GOG PA'I BDEN PA LA'O, ,DE SHES RAB KYI PHA ROL TU PHYIN PA LA SPYOD PAS PHA ROL TU PHYIN PA DRUG LA SOGS PA DANG BDAG NYID LDAN PA'AM MI LDAN PAR YANG DAG PAR RJES SU MI MTHONG ZHES PA NAS RNAM PA THAMS CAD MKHYEN PA NYID 'DAS PA LA SOGS PA RNAMS SU SBYOR BAR MI BYED DE, DUS GSUM STONG PA NYID NYE BAR GZUNG BA'I PHYIR ZHES PA NI LAM GYI BDEN PA'I'O, ,PHA ROL TU PHYIN PA DRUG PO LAM DU BSHAD PA RNAMS LA SANGS RGYAS NYID NI RNAM PA THAMS CAD MKHYEN PA NYID DO, ,DE LA PHUNG PO DANG RNAM PA THAMS CAD MKHYEN PA NYID DU SBYOR BAR BYED PA GANG DE YANG DAG PAR RJES SU MI MTHONG ZHES PA NAS JI SRID DU SANGS RGYAS DANG SBYOR BAR BYED PA GANG DE YANG DAG PAR RJES SU MI MTHONG BA STE, DE LA DES GANG DU DE MTHONG BA MED LA DE BZHIN DU BYANG CHUB MED CING DES DE'I BYANG CHUB PAR BYA BA MED DO, ,DE LTAR NA 'DIS SANGS RGYAS NYID NI RNAM PA THAMS CAD MKHYEN PA NYID LA, DE NYID SANGS RGYAS DANG BYANG CHUB NYID DE, DE NYID BYANG CHUB NYID CES PAS DMIGS PAR BYA BA DANG, DMIGS PA PO MNYAM PA NYID DU SHES PA NI SANGS RGYAS SO ZHES PA NI SANGS RGYAS DKON MCHOG LA GDAMS PA'O, ,CHOS KYI NI LAM GYI 'BRAS BU STE, BYANG CHUB DANG SANGS RGYAS DKON MCHOG CES BSHAD LA, 'DIR CHOS NI LAM GYI BDEN PA'I STONG PA NYID KYI RNAL 'BYOR GYI SHES RAB KYI PHA ROL TU PHYIN PA NYID CHOS DKON MCHOG STE, CHOS THAMS CAD NGO BO NYID MED PA'I PHYIR DE LA CUNG ZAD KYANG JI LTAR YANG SPYOD PA MED PA LA GANG DU YANG CUNG ZAD SHES RAB KYI PHA ROL TU PHYIN PA LA SPYOD PA YANG MED CES PAS RGYAS PAR STE, DE LTA BU NI BYANG CHUB SEMS DPA' RNAMS KYI RNAL 'BYOR DAM PA STE, 'DI LTA STE, STONG PA NYID KYI RNAL 'BYOR ZHES GZHAN MIN PAR THAMS CAD SBYOR ZHING ZIL GYIS MNAN NAS KUN TU GNAS SO ZHES PA NI CHOS DKON MCHOG LA GDAMS PA'O, ,DE LA DGE 'DUN DKON MCHOG @17B NI PHYIR MI LDOG PA'I BYANG CHUB SEMS DPA'I TSOGS SO ZHES 'PHAGS PA RNAM PAR GROL SDES BSHAD LA DE NI GANG ZAG NYI SHU STE, DE DAG RNAMS NYAN THOS KYI GANG ZAG RNAMS DANG MI 'DRA BA NI DGE 'DUN NYID DU YID CHAS PA'I DON DU'O, ,'GRO BA DANG 'ONG BA'I DBYE BA NI DE RNAMS LAS BYANG CHUB SEMS DPA' RNAMS KYI KHYAD PAR BRJOD PA'I DON TE, DE NI BAR MA JI LTA BZHIN NO, ,'DIR BSTAN BCOS KYIS RGYUN TU ZHUGS PA DANG LAN CIG PHYIR 'ONG BA DANG DGRA BCOM PA'I 'BRAS BU LA ZHUGS PA NI GO SLA BA NYID LAS MA BSDUS SO, ,DBANG PO RTUL DANG RNON PO DAG ,DAD DANG MTHONG THOB RIGS NAS RIGS, ,BAR CHAD GCIG PAR SKYES NAS DANG, ,BYED DANG BYED MIN 'OG MIN 'GRO ,'PHAR GSUM SRID RTZE MTHAR THUG 'GRO ,GZUGS KYI 'DOD CHAGS BCOM PA DANG, ,MTHONG CHOS ZHI LUS MNGON SUM BYED, ,BSE RU DANG NI NYI SHU'O, ,ZHES TE 'CHAD PAR 'GYUR BA MTHONG BA'I LAM GYI SKAD CIG MA BCO LNGA LA RGYUN TU ZHUGS PA'I 'BRAS BU LA ZHUGS PA PO BRGYAD PA LA RNAM PA GNYIS LA DAD PA'I RJES SU 'BRANG BA NI DBANG PO RTUL PO NYID DE DAD PAS DE'I LAM GYI RJES SU 'BRANG BA'I PHYIR RO, ,CHOS KYI RJES SU 'BRANG BA NI CHOS MTHONG BA'I SHES RAB DES DE LAM GYI RJES SU 'BRANG BAS DBANG PO RNON PO DE NYID DE PHYIR MI LDOG PA'I PHYIR RO, ,DE LTAR YANG YUM BAR MAR, DAD PA'I RJES SU 'BRANG BA NI GANG ZHIG MI DAG LAS SHI 'PHOS NAS MI RNAMS SU SKYES NAS DE PHYIR MI LDOG PA'I BYANG CHUB SEMS DPAR GNAS PAR 'GYUR BA NYID NI DBANG PO SOM NYI CAN DU 'GYUR ZHES PA LA SOGS PA DANG, CHOS KYI RJES SU 'BRANG BA NI DGA' LDAN GYI LHA RNAMS NAS SHI 'PHOS NAS 'DIR SKYES NAS DE'I DBANG PO RNAMS KYANG RNON POR 'GYUR RO ZHES PA LA SOGS PA'O, ,SKAD CIG MA BCU DRUG PA NI RGYUN TU ZHUGS PA STE, DE NYID KYIS BSGOM PA'I LAM GYIS 'DOD PA NA SPYOD PA'I NYON MONGS PA BYE BRAG RNAM PA BZHI PO SPANGS SHING RTOGS PA'I BYE BRAG RNAM PA BZHI DANG LDAN PA'I SBYANG DKA' BA'I SA LA RNAM PA GNYIS TE, MI'I RIGS NAS RIGS DANG LHA'I RIGS NAS RIGS SO, ,'DOD PA NA SPYOD PA'I NYON MONGS PA'I BYE BRAG RNAM PA LNGA PA SPANGS NAS RNAM PA LNGAS MNGON DU GYUR PA'I SA PA STE, LAN CIG PHYIR 'ONG BA'I 'BRAS BU LA @18A *, ,ZHUGS PA CAN GYI DBANG PO RTUL PO DAD PA DANG MTHONG BAS THOB PA NYID NI GCIG GO, ,'DOD PA NA KUN DU SPYOD PA'I NYON MONGS PA RNAM PA DRUG SPANGS SHING RNAM PA DRUG GIS RING DU SONG BA LA LAN CIG PHYIR 'ONG BA STE, 'JIG RTEN 'DIR LAN CIG PHYIR 'ONGS NAS GZHAN DU MYA NGAN LAS 'DAS PA'I PHYIR RO, ,DE NYID LA SKYE BA GCIG GIS LHAG MA DANG BCAS PA'I PHYIR 'DIR SKYE BA GCIG GIS BAR CHOD CES PAS NA BAR CHAD GCIG PA CAN TE, BAR CHOD PA'I MTHAR SANGS RGYAS NYID DU'O, ,'DOD PA NA KUN TU SPYOD PA'I NYON MONGS PA RNAM PA BDUN PA NAS BYE BRAG BDUN GYI LA, 'DOD PA NA SPYOD PA'I NYON MONGS PA'I BYE BRAG MED PA SPANGS PA NI MI G-YO BA DANG LEGS PA'I BLO GROS SU NI PHYIR MI 'ONG BA'I 'BRAS BU LA ZHUGS PA CAN TE, SNGA MA BZHIN DU DAD PA DANG MTHONG BAS THOB PA'O, ,'DOD PA NA SPYOD PA'I BYE BRAG DGU PA SPANGS PAS DE CHOS KYI SPRIN LA PHYIR MI 'ONG BA STE, DE LTAR YANG THEG PA CHEN PO'I CHOS MNGON PA KUN LAS BTUS PA LAS BSHAD PA, BSGOM PA'I LAM LA 'DOD PA NA KUN TU SPYOD PA'I NYON MONGS PA RNAM PA DGU PA RNAM PAR SPANGS PAS PHYIR MI 'ONG BAR 'GYUR RO ZHES PA DANG, 'PHAGS PA RNAM PAR GROL SDES KYANG, SEMS CAN GYI DON GYI NGES PAR 'BYUNG BA'I 'GREL PAR SA BCU PA LA NI RNAM PAR RTOG PA CHUNG NGU'I CHUNG NGU'I GNYEN POR LAM CHEN PO'I CHEN POS RNAM PAR BRAL BA TZAM DU BSHAD CES PA'I PHYIR RO, ,JI LTAR PHYIR MI 'ONG BA ZHE NA, JI LTAR GANG DANG GANG DU SKYES PA DE DANG DER SKYES PA GNYIS PAR MI 'JUG PA'O, ,DE YANG RNAM PA LNGA STE, BAR MA DOR MYA NGAN LAS 'DA' BA NI TSANGS RIS NAS 'OG MIN GYI BAR DU MNGON PAR RDZOGS PAR SANGS RGYAS NAS 'DIR MNGON PAR RDZOGS PAR SANGS RGYAS PA LA SOGS PA STON PAR BYED PA'O, ,SKYES NAS MYA NGAN LAS 'DA' BA NA 'OG MIN NAS DGA' LDAN DANG DE NAS 'DZAM BU'I GLING DU 'ONGS NAS KHYIM NA GNAS PA LAS NGES PAR BYUNG NAS DE MA THAG DU BYANG CHUB KYI SHING DRUNG DU SKYIL MO KRUNG BCAS NAS GANG DANG PO'I SEMS BSKYED PA DES BSKYED PA NYID KYIS 'CHAD PAR 'GYUR BA'I MTSAN NYID CAN GYI PHUNG PO LHAG MA DANG BCAS PA'I MYA NGAN LAS 'DA' BA'O, ,MNGON PAR 'DUS BYAS NAS MYA NGAN LAS 'DA' BA @18B NI 'DIR SEMS CAN GYI DON RNAMS BCOM PA NYID DU MNGON PAR 'DU BYED PA'O, ,MNGON PAR 'DU BYED PA MED PAR MYA NGAN LAS 'DA' BA NI 'DI NI RIGS KYI KHYAD PAR GYIS MYUR BAR 'GYUR TE 'BAD PA CHUNG NGU NYID KYIS MNGON PAR BYANG CHUB PA'O, ,LNGA PA GANG DU 'PHO BA NI DE NAS 'OG MIN DANG SRID PA'I RTZE MO'I MTHAR THUG PA STE, DANG PO NI TSANGS RIS NAS 'PHAR BA DANG PHYED DU 'PHAR BA DANG GNAS THAMS CAD LAS 'PHO BAS 'OG MIN DU 'JUG PA STE RNAM PA GSUM MO, ,SRID PA'I RTZE MO'I MTHAR THUG PA NI RNAM PA GNYIS TE, GZUGS KYI 'DOD CHAGS DANG BRAL BA DANG MTHONG BA'I CHOS LA ZHI BA MYA NGAN LAS 'DA' BA STE, SKYE BA RNAM PA THAMS CAD DU RGYUN MI 'CHAD PAR MTHONG BA LA SBYIN PA DANG TSUL KHRIMS LA SOGS PA'I CHOS KYIS 'DI NYID DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR 'GYUR BA DANG, LUS KYIS MNGON SUM BYED PA NI MYA NGAN LAS 'DA' BA DANG 'DRA BA'I CHOS LA LUS KYIS MNGON SUM DU BYED PA'I PHYIR NA JI LTAR 'GOG PA'I SNYOMS PAR 'JUG PAS LUS KYIS MNGON SUM DU BYED NA SEMS DE MED DE LUS LA BRTEN NAS DE SKYE BA STE, GANG YANG YUM BAR MA LAS, DE BAS BSAM GTAN DANG PO LA SNYOMS PAR ZHUGS SHING DE LAS LANGS NAS 'GOG PA LA SNYOMS PAR 'JUG PA'O, ,DE LAS LANGS NAS BSAM GTAN GNYIS PA LA SNYOMS PAR 'JUG LA ZHES PA NAS JI SRID DU THABS MKHAS PA'I THOD RGAL GYI SNYOMS PAR 'JUG PAS SANGS RGYAS KYI ZHING SNA TSOGS PA RNAMS SU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR 'GYUR RO ZHES GSUNGS SO, ,GANG ZHIG PHYIR MI 'ONG BA LNGA PO RNAMS KYIS KHYAD PAR GYI LAM DU NYON MONGS PA'I BYE BRAG BDUN CU RTZA GNYIS PO RNAMS SPANGS NAS GNYEN PO'I BYE BRAG BDUN CU RTZA GCIG PO RTOGS PA RNAMS NI DGRA BCOM PA'I 'BRAS BU LA ZHUGS PA CAN TE, DAD PA DANG MTHONG BAS THOB PA SBAL PA MCHONG BA'I TSUL GYIS DAD PA DANG MTHONG BA THOB PA'I SGRA'I RJES SU 'JUG PA'I ZHUGS PA PO GSUM NI TSIG LE'UR BYAS PAS SO SOR BSGRUB LA, DE NYID KHO NA 'PHAGS PA RNAM PAR GROL SDE'I SNGA MA DANG PHYI MA'I NGAG RNAMS KYIS GSUNGS SO, ,GANG DE NI DA LTAR 'DOD @19A *, ,PA NA SPYOD PA'I NYON MONGS PA'I BYE BRAG DGU PA SPANGS PA'I PHYIR PHYIR MI LDOG PA RNAM PA LNGA'O, ,DE NAS 'DIR SRID PA'I RTZE MO'I NYON MONGS PA'I BYE BRAG BRGYAD PA SPANGS PAS DGRA BCOM PA'I 'BRAS BU LA ZHUGS PA'O ZHES PA STE, DGRA BCOM PA NI MI SLOB PA YANG DAG PAR RDZOGS PA'I SANGS RGYAS PAS NA DGE 'DUN GYI NANG DU MI 'DU'O, ,SO SO'I SKYE BO NI SLOB PA DANG MI SLOB KYANG RUNG STE, SLOB PA YANG MA YIN MI SLOB PA YANG MA YIN TE, SMON LAM BTAB PA'I PHYIR RO, ,RANG SANGS RGYAS DANG NYI SHU STE, GANG DU GSUNGS PA SH'A RI'I BU BYANG CHUB SEMS DPA' GANG SANGS RGYAS MI BZHUGS PA'I 'JIG RTEN RNAMS SU SONG ZHING NYAN THOS RNAMS SAM RANG SANGS RGYAS RNAMS KYI BYANG CHUB TU MNGON PAR SANGS RGYAS PAR GYUR NAS DE'I THABS LA MKHAS PAS, SROG CHAGS BRGYA STONG MANG PO DANG SROG CHAGS BYE BA KHRAG KHRIG BRGYA STONG MANG PO YONGS SU SMIN PAR BYAS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR 'GYUR BA YANG YOD CES PA'O, ,DE NI RNAM PA GNYIS KYIS RANG SANGS RGYAS DANG CHOS MTHUN TE, GCIG PA'I RANG NYID KYIS DANG GZHAN RNAMS LA THOS PA MED PAR SANGS RGYAS KYI CHOS KUN DU GSAL BAR BYED PA'I PHYIR DANG GZHAN DU RANG SANGS RGYAS KYI CHA BYAD KYIS KYANG BYED PA'I PHYIR RO, ,GANG ZAG NYI SHU PO 'DI RNAMS KYANG SHES RAB KYI PHA ROL TU PHYIN PA LAS BYUNG BA'I PHYIR BSGRUB PA LA GDAMS PA LAS ZHAD TZAM DU BSHAD DE, DE LTAR PHYIR MI LDOG PA'I PHYIR BYANG CHUB SEMS DPA'I DGE 'DUN NYI SHU PO LA SLOB PA RNAMS KYIS SKYE BA MED PAR RAB TU 'JUG CES PA NI DKON MCHOG GSUM LA GDAMS PA'O, ,BYANG CHUB SEMS DPA' LUS DANG NGAG DANG SEMS RNAMS KYI PHA ROL TU PHYIN PA DRUG PO RNAMS LA SPYOD PA NA DE NYE BAR DMIGS PAR YANG MI 'GYUR TE, PHA ROL TU PHYIN PA YANG MED LA LUS LA SOGS PAS BDE BA MYONG BA YANG MED DE, LUS LA SOGS PA RNAMS NI DON DAM PAR NA NGO BO NYID KYIS MED CES PA NI MA ZHAN PA LA GDAMS PA'O, ,DUS YUN RING POR SBYANGS PAS KYANG MNYAM PAR BZHAG PA'I DON MA GRUB NA YONGS SU NGAL BA MED DE GZUGS LA SOGS PA @19B NAS JI SRID DU BLA NA MED PA'I YANG DAG PAR RDZOGS PA'I BYANG CHUB KYI BAR LA RLOM PA MED CES PA NI MI NGAL BA LA GDAMS PA'O, ,DES PHYOGS RE RE ZHING GANG G'A'I KLUNG GI BYE MA SNYED KYI DE BZHIN GSHEGS PA LA BLTA BA DANG DE RNAMS KYIS CHOS BSTAN PA RNAMS NYAN PA DANG DGE 'DUN LA BSNYEN BKUR BYED PA DANG SANGS RGYAS KYI ZHING YONGS SU DAG PA LA BLTA BA DANG, DES BDAG NYID DANG GZHAN THAMS CAD KYIS MI SHES PAS PHA ROL TU PHYIN PA RNAMS LA SPYOD PA DANG ZHES PA NAS JI SRID DU SANGS RGYAS KYI CHOS THAMS CAD YONGS SU RDZOGS PAR BYED LA, DE YANG THAMS CAD NGO BO NYID MED PA'I PHYIR RLOM PA MED PA'I SPYOD PA RNAMS KYIS KUN NAS YANG DAG PAR YONGS SU ZIN PAS SO ZHES PA NI YONGS SU 'DZIN PA LA GDAMS PA'O, ,DES SPYAN LNGA DANG MNGON PAR SHES PA DRUG SO SOR THOB KYANG DE DANG DE THAMS CAD KYANG KUN TU SHES PA MED CING NYE BAR DMIGS PAR MI 'GYUR RO, ,DE LA SHA'I SPYAN GANG GIS NI DPAG TSAD BRGYA NAS JI SRID DU STONG GSUM GYI STONG CHEN PO'I 'JIG RTEN GYI KHAMS KYI GZUGS MTHONG NGO, ,LHA'I SPYAN NI GZUGS DANG, SEMS CAN THAMS CAD KYI 'CHI 'PHO DANG SKYE BA'O, ,SHES RAB KYI SPYAN GYIS DON DAM PAR CHOS THAMS CAD RJES SU MI DMIGS PA DANG, KUN RDZOB TU NI THAMS CAD RJES SU DMIGS PA'O, ,CHOS KYI SPYAN GYIS NI 'PHAGS PA'I GANG ZAG GIS GANG RTOGS PA YANG DAG PAR RJES SU MTHONG BA'O, ,SANGS RGYAS KYI SPYAN GYIS CHOS THAMS CAD RNAM PA THAMS CAD DU ZHES PA NI SPYAN LNGA LA GDAMS PA'O, ,RDZU 'PHRUL GYI RNAM PA DANG LHA'I MIG DANG LHA'I RNA BA DANG SEMS CAN GYI SEMS KYI SPYOD PA SHES PA DANG, SNGON GYI GNAS RJES SU DRAN PA DANG ZAG PA ZAD PAR SHES PA ZHES PA NI MNGON PAR SHES PA DRUG STE, LHA'I MIG GIS MNGON PAR SHES PAS NI SEMS CAN RNAMS KYI 'CHI 'PHO DANG SKYE BA SHES PA STE, 'DI NI MNGON PAR 'DU BYAS PA'I SNGON GYI LHA'I MIG GI RNAM PAR SMIN PA LAS BYUNG BA CAN LA SANGS RGYAS KYI SPYAN DANG ZAG PA ZAD PA'I YE SHES NI SA BRGYAD PA NAS BRTZAMS TE SKYE BAR 'GYUR ZHING, BCOM LDAN 'DAS KYIS NI, YID KYI BLO BZHIN DU DBANG POS RTOGS PAR BYA BA LA SOGS PA RNAMS KYI YUL @20A *, ,YONGS SU GCOD PAS RNAM PAR SHES PA THAMS CAD KYI YUL DU THAMS CAD 'DOD DO, ,JI SKAD DU DAD PA'I STOBS BSKYED PA'I MDO LAS, DE BZHIN DU 'JAM DPAL DE BZHIN GSHEGS PA'I GTZUG TOR GYIS KYANG GZIGS SO, ,DE BZHIN DU MDZOD SPU DANG MTSAN RE RES KYANG GZIGS SO, ,DE BZHIN DU DUS GCIG LA PHYOGS BCU'I 'JIG RTEN GYI KHAMS RAB 'BYAM RNAM PA THAMS CAD MTHONG ZHES GSUNGS PA DE LTAR NA YANG DBANG PO'I BLO NI SNGON GYI RJES SU 'BRANG NAS RNAM PAR GZHAG PAR BYA ZHES PA NI MNGON PAR SHES PA DRUG LA GDAMS PA'O, ,DE NYID KYIS SGRUB PA'I TING NGE 'DZIN GYI CHOS THAMS CAD NGO BO NYID MED PAR YONGS SU BRTAGS PA'I LHAG MTHONG DAG MNGON DU BYAS NAS, DE YONGS SU SMIN NAS LHUN GYIS GRUB PA'I SPROS PA MED PA'I DBYINGS SU SEMS PA YANG DAG PAR 'JOG NAS 'JIG RTEN LAS 'DAS PA'I YE SHES KYIS DE LTAR GANG YANG MA MTHONG BA'I DON DES MTHONG NGO ZHES PA NI MTHONG BA'I LAM LA GDAMS PA'O, ,GANG DU MTHONG BA'I KHO NA'I RGYUN GYI YE SHES DES BSGOM PAR BYA BA ZHES PA NI BSGOM PA'I LAM LA GDAMS PA STE, DE NYID MI DMIGS PA'I RNAM PAS SHES RAB KYI PHA ROL TU PHYIN PA LA SPYOD CING SGRUB PA LA DMIGS PA DANG, BDEN PA SHES PA DANG, RTEN SKYABS RIGS PA DANG, ZHEN PA MED PA DANG, YONGS SU MI NGAL BA DANG, PHYOGS BCUR LTA DGONGS KYANG DES 'DIR THEG PA GZHAN DU MI 'GRO BA'I RGYUR LAM YONGS SU 'DZIN PA'I PHYIR DANG, SPYAN LNGA DANG, GZHAN MNGON PAR SHES PA DRUG DANG, MTHONG BA DANG, BSGOM PA'I LAM GYI 'PHAGS PA'I SA RNAMS LA KUN TU SPYOD DO, ,ZHES PA NI 'DIR GDAMS NGAG RIM PA'O, ,'DIR TSOGS KYI SA LA GNAS PA'I BYANG CHUB SEMS DPAS CHOS KYI RGYUN GYI TING NGE 'DZIN THOB NAS STAN GCIG LA 'DUG BZHIN DU SANGS RGYAS DANG BYANG CHUB SEMS DPA' RNAMS LA CHOS NYAN CING GZHUNG DANG DON DAG 'DZIN PA RNAMS LA BSAM GTAN DANG, MNGON PAR SHES PA MNGON PAR BSGRUBS NAS 'JIG RTEN GYI KHAMS RNAMS SU DE 'GRO BAR 'GYUR TE, SANGS RGYAS DPAG TU MED PA RNAMS, ,MCHOD PA'I DON DANG GZHAN DON DU, ,ZHES GSUNGS PA DANG, DE'I @20B RJES LA, GDAMS NGAG GIS BSTAN MNGON SHES KYIS, ,SPYOD PA'I SA LA RAB TU 'JUG ,CES PA STE, SEMS BSKYED PA BZHI PA'I NGES PAR 'BYED PA'I CHA DANG MTHUN PA'I DGE BAS RNAM PAR MI RTOG PA'I MTHONG BA'I LAM 'BYED CING SO SOR PHYE NAS MNGON SUM DU BYED PA'I NGES PAR 'BYED PA'I CHA SHAS DES RTEN CING THOB PA DES NA NGES PAR 'BYED PA'I YAN LAG STE, NGES PAR 'BYED PA'I YAN LAG NI RGYU'O, ,YANG NA NGES PAR 'BYED PA NI NGES PA LA DE'I YAN LAG NI CHA SHAS TE, CHUNG NGU DANG 'BRING DANG CHEN PO DANG CHEN PO'I CHEN PO NYID KYIS RNAM PA BZHI'O, ,DE LA DROD NI SHING GTZUBS PA'I ME BZHIN DU 'JIG RTEN LAS 'DAS PA'I YE SHES KYI ME'I SNGA RTAGS SO, ,RTZE MO NI DGE BA'I RTZA BA MI G-YO BA'I PHYIR RTZE MO'O, ,BZOD PA NI MI SKYE BA'I CHOS LA MOS PA BRTAN POS BZOD PA'I PHYIR RO, ,CHOS KYI MCHOG NI 'JIG RTEN PA'I CHOS KYI MCHOG YIN PA'I PHYIR RO, ,YANG DROD LA SOGS PA NI SO SOR CHUNG NGU DANG 'BRING DANG CHEN PO NYID KYIS NA RAB TU DBYE BA BCU GNYIS TE, GANG DU SKAD CIG MA GCIG PA NYID DU CHOS MCHOG CES BSHAD PA NI DE RANG DON GYI SKABS PAS NYAN THOS RNAMS KYI LA BYANG CHUB SEMS DPA' RNAMS KYI NI MIN TE, DE DAG GI NI GZHAN GYI DON NI DE SRID DU DE GNAS PAR BYED PA SRID CES PA NI DES NA DE DANG 'DI LA 'GAL BA MED DO, ,DE YANG DROD LA SOGS PA NI NYAN THOS DANG RANG SANGS RGYAS RNAMS KYI YANG YOD DO, ,BDEN PA BZHI LA DMIGS PA'I MI RTAG PA LA SOGS PA'I RNAM PA BCU DRUG NI BDAG TU LTA BA'I GNYEN PO'I PHYIR LA, BYANG CHUB SEMS DPA' RNAMS KYIS NI DE RNAMS LA KHYAD PAR DU 'PHAGS PA STE, ,CHOS SU LTA BA'I GNYEN PO'I PHYIR RO, ,DE LTAR BSTAN BCOS LAS, DMIGS PA DANG NI RNAM PA DANG, ,RGYU PHYIR YONGS SU 'DZIN PA YI, ,RNAM RTOG BZHI PO DANG LDAN PAS, ,JI LTAR RANG GI RTEN BZHIN DU, ,NYAN THOS BSE RU BCAS PA LAS, ,BYANG CHUB SEMS DPA' SKYOB PA YI, ,CHUNG NGU 'BRING DANG MCHOG RNAMS KYI, ,DROD SOGS RNAMS NI KHYAD PAR 'PHAGS, ,ZHES SO, ,SEMS CAN THAMS CAD YONGS SU SKYOB PA'I BSAM PA CAN GYI PHYIR SKYOB PA NI BYANG CHUB SEMS @21A *, ,DPA' STE, DE RNAMS KYI DROD LA SOGS PA RNAMS NI NYAN THOS LA SOGS PA RNAMS LAS KHYAD PAR DU 'PHAGS PA NYID DE, DMIGS PA DANG, RNAM PA DANG, RGYU'I PHYIR DANG, YONGS SU 'DZIN PA DANG, RNAM PAR RTOG PA BZHI PO DANG LDAN PAS JI LTAR RANG GI ZHES PA'I KHYAD PAR RNAM PA LNGA RNAMS KYIS SO, ,RNAM PAR RTOG PA BZHI YOD KYANG NYAN THOS LA SOGS PA LA NI RANG GI BYANG CHUB KYI LAM DANG MI MTHUN PA MED PAS RNAM PAR GZHAG PA MA BYAS SO, ,DE LA DROD CHUNG NGU NI, DMIGS PA MI RTAG LA SOGS PA, ,BDEN PA'I RTEN CAN DE BYED PA'I, ,RNAM PA MNGON ZHEN LA SOGS 'GOG ,CES BSTAN BCOS LAS TE, BDEN PA BZHI'I YUL GYI MI RTAG PA LA SOGS PA'I RNAM PA BCU DRUG LA DMIGS PA DES DMIGS PA RNAM PA SO SOR MNGON PAR ZHEN PA MED PAS MI GNAS PA DANG 'DU SHES PA MED PA'O, ,'DIR CHEN PO NI DNGOS POR 'DZIN PA NYID LA, 'BRING NI MNGON PAR ZHEN PAS GNAS PA CHUNG NGU NI 'DU SHES PA'O, ,SHES RAB KYI PHA ROL TU PHYIN PA LA ZHEN PA NI BDEN PA DANG 'BREL PA CAN GYI MI RTAG PA NYID LA SOGS PA LA DMIGS PA'I RNAM PAR ZHEN PA MED PA LA SOGS PA NYE BAR DMIGS PA BYAS LA MNYAM PAR MA BZHAG PA'I YE SHES SPYOD PAS SO, ,MNYAM PAR BZHAG PAS NI SGOM ZHES TE, DES NYE BAR DMIGS PA MED PA LA DE LTAR DMIGS PA'I RNAM PA NI RLOM PA MED PA'O, ,DE LTAR ZHES PA NI 'CHAD PAR 'GYUR BA'I RIM PAS SO, ,DES KYANG ZHES PA NI NGO BO NYID MED PA 'BA' ZHIG GIS MIN TE DES NYE BAR DMIGS NAS RLOM SEMS MED PA STE, NYAN THOS LA SOGS PA RNAMS DANG THUN MONG MA YIN PAS RGYUN CHAD PA MED PAS SEMS CAN GYI DON GYI BYA BA MNGON PAR ZHEN PA MED PA'I BDAG NYID CAN GYI CHOS SU 'DZIN PA'I GNYEN PO'I SHES PAS KYANG RLOM SEMS MED PA STE, MNGON PAR ZHEN PAR MI BYED PA'I PHYIR RO, ,YANG DAG PA MA YIN PA'I RTOG PAS KUN NAS BSLANG BA'I YOD PA DANG MED PAR 'DZIN PA'I MI MTHUN PA'I PHYOGS DAG DE NYID DU MED CES PA'I SHES PA NI GNYEN PO'O, ,DE ZHES PA NI RLOM PA MED PA'O, ,DE CI ZHES PA NI CI'I PHYIR TE, GTAN TSIGS DE TSAD MA'I PHYIR @21B RO, ,'DI LTAR ZHES PA NI SGRUB PAR BYED PA'I TSAD MA MED PA'I PHYIR DANG, GNOD PAR BYED PA SRID PA'I PHYIR RO, ,SEMS DE NI SEMS MA MCHIS ZHES PA NI SEMS DE DON DAM PAR YOD PA MIN ZHES PA'I DON TO, ,'O NA SNGON PO LA SOGS PA'I RNAM PA'I NGO BO NYID KHO NA SEMS TE, DE YANG SNGON PO LA SOGS PA LA GSAL BAR BYED PAS DON DAM PAR SO SOR RANG RIG PAS MNGON SUM GYIS GRUB CES PA NI JI LTA BA'I DE KHO NA NYID MIN PA'I RANG RIG PA'I MNGON SUM GYIS RIG PA LA JI LTA BA BZHIN RIG PAR 'DOD PA'I PHYIR RO, ,DE'I PHYIR KHYOD KYIS GZUNG BA DANG 'DZIN PA'I RNAM PA MED PA'I GNYIS SU MED PAR 'DOD PA DE NI MIN TE, GNYIS SU RIG PA'I PHYIR TE, RNAM PAR CHAD PA'I SNGON PO LA SOGS PA PHYI ROL DU DES NGES PAR BYED PA'I RNAM PAR RTOG PA MED PA NI SEMS PA MA SBYANGS PA'I THA SNYAD RNAMS KYI BYIS PA RNAMS KYIS KYANG GSAL BAR GNYIS SU MED PA NA GNYIS SU MED PA'I 'KHRUL PA 'DI NI GNYIS SU MED PAS BSKYED PA STE RIG PAR 'GYUR LA, RNAM PAR SHES PA GCIG GNYIS KYI NGO BO YANG MIN TE, GNYIS DANG GNYIS MED PA DAG PHAN TSUN 'GAL BA'I PHYIR RO, ,DE NAS GZUNG BA DANG 'DZIN PA MI 'THAD CING GNYIS SU MED PA NI GNYIS SU MED PA'I 'KHRUL PA 'DI NI GNYIS SU MED PAS BSKYED PA STE, DE BSKYED PAS GNYIS SU MED PA YANG 'KHRUL LA, DE NYID KYIS NA YANG DAG PA MA YIN PA'I KUN TU RTOG PA'I SEMS DANG SEMS LAS BYUNG BA NI KHAMS GSUM PA CAN GYI'O ZHES GSUNGS SO, ,PHYI ROL GYI SNGON PO'O ZHES PA'I RNAM PAR RTOG PA'I RANG RIG PA'I BYA BA YID LA THOG MA MED PA NAS 'JUG PA DBANG PO'I SHES PA'I BYA BA'I RJES SU 'JUG CING GCIG TU NGANG GIS 'BYUNG BA'I PHYIR ZHES BYA ZHE NA MIN TE, 'KHRUL PA YANG RANG RIG PA'I MTHAR THUG PA STE, GNYIS SU MED PAS PHYI ROL DU DMIGS PAR 'GYUR BAS DE'I 'DOD PA'I RNAM PAR RTOG PAS GSAL BA'I CHA NI RANG GI SNANG BA'I CHA LA DMIGS PA MA YIN TE, NGO BO NYID KYIS GSAL BA THAMS CAD NI RNAM PAR RTOG PA'I PHYIR NA GZHAN GYI PHYI ROL DES NGES PA MA YIN TE, PHYI ROL GYI GSAL BA'I MNGON SUM MED DE DE LTAR RTOGS PAR MI 'GYUR ZHING SGRA DON NI GSAL BAR MNGON SUM DU @22A *, ,DMIGS PA YANG MA YIN NO, ,BDAG MED PAS GSAL BAR SBYOR BA MED PA'I PHYIR TE, BDAG NYID GSAL BA NYID NA BDAG MED PA GSAL BA YANG YIN TE, SMIG RGYUR GSAL BA NYID LA CHUR GSAL BA MED DO, ,DE NYID KYIS NA MDO SDE PA'I 'DOD PAS 'JIG RTEN PA'I PHYI ROL GYI DON MED DE, SNGON PO LA SOGS PA RIG PA NYID KYIS RIG PAR MI 'THAD DO, ,DES NA 'JIG RTEN PA'I SNGON PO LA SOGS PA LAS RTOG PAR LKOG TU GYUR PA LA NI RJES SU 'GRO BA'AM LDOG PA YANG MED LA MED PAS NA RMI LAM LA SOGS PA RNAMS LA, DE'I RIGS MTHUN PA'I GTAN TSIGS SRID PA'I PHYIR NA, RANG GIS RIG PA NI DON RIG PA'I 'BRAS BUS BLTA BAR BYA ZHES PA NI SHIN TU YANG MI 'THAD DE, SNGON PO LA SOGS PA'I RNAM PA'I 'KHOR LO LA RANG RIG PA'I MNGON SUM GYI NGO BO NYID MI 'GRUB LA, 'BRAS BU MI DMIGS PAS DMIGS PA NYID SKYED PAR ZHES PA'I DAM PA MA YIN PA 'DI NI MDO SDE PA'I 'DOD PA'O, ,DE NAS SNA TSOGS PA NI RNAM PAR RIG PA TZAM NYID LA MA RIG PA'I BDAG NYID CAN GYIS RNAM PAR BRTAGS PAS PHYI ROL MA YIN PA LA PHYI ROL DU SONG NAS SKYE BAR 'GYUR ZHE NA, MIN TE, RANG RIG PA TZAM LA NI RNAM PAR RTOG PA GZHAN LA BRTEN PA'I MA RIG PA NYID KYANG MED DO, ,DE NAS MI 'DZIN KYANG GZHAN DU 'JUG PA'I SKYED PA POR DMIGS NA, DE LTA NA YANG RNAM PAR RTOG PA RNAM PA GANG GIS NYE BAR SKYED PAR BYED PA MED PA NYID KYIS PHYI ROL 'DI NYID ZHES PA LA SOGS PA DMIGS PA'I NGO BO'I DON GYI BYA BAS DRAN PA DANG 'DOD PA LA SOGS PA'I RGYUN GYIS BYED LA, DE LAS DON GYI BYA BA DON DU GNYER BAS PHYI ROL GYI DON DANG RJES SU MTHUN PA LA ZHUGS PAS MNGON PAR 'DOD PA'I DON GYI BYA BA THOB PA NI GZHAN DU NA DPYAD MI DGOS TE, 'DI LTAR YANG GZHAN GYI PHYI ROL GYI RIG PA MED PA LA DES KHYAD PAR CAN DU RAB TU 'JUG PA'I NGES PA SKYED PA PO NYID KYI RANG RIG PA'I MTHAR THUG PA'I RNAM PAR RTOG PA NI MI SRID DO, ,DMIGS PA LA SOGS PA LA YANG RANG RIG MTHAR THUG PA 'DI'O ZHES 'JUG PA'I NGO BO MED LA DMIGS PA MED PAS PHYI ROL GYI 'KHRUL PA'I RNAM PAR RTOG PA'I SGRO BTAGS KYI MNGON PAR RLOM PAS 'DZIN PA LA 'DZIN PA NYE BAR BTAGS @22B PA'I THE TSOM DANG NGES PA DAG TU MNGON PAR ZHEN PA NI RNAM PAR BTAGS NA KHA PHYIR PHYOGS PA NYID DE, GZHAN GYI NGO BO RANG GI NGO BO LA RAB TU BSGRIBS NAS PHYI ROL DANG GCIG TU BYED PA LA SOGS PA'I SGRA LA 'JUG PA'I RGYU MTSAN GYI DBYE BA NI DMIGS PA'I RAB TU DBYE BA LA RANG RIG PA TZAM DU CHUD PA NYID CE NA NI, GZUNG BA DANG 'DZIN PA'I 'KHRUL PA'I MA RIG PA'I 'KHOR BA'I GANG DE MED PAS GNYIS SU MED PAS GNYIS SU MED PA'I DE KHO NA NYID LA 'BAD MI DGOS PAR MNGON SUM DU BYAS ZHES PAS SEMS CAN RNAMS THAMS CAD RTAG TU DE LTAR GROL BA'I SANGS RGYAS SU 'GYUR RO, ,GANG YANG GZHAN LA LTOS TE BLO MI GSAL BA'I 'KHRUL PA'I RNAM PAR RTOG PA DU MA NI RANG GI NGO BOR NI THAMS CAD MI 'KHRUL PAR GZHAN GYI NGO BOR NI PHYIN CI LOG TU 'GYUR CES KHYOD KYIS 'DOD NA, GZHAN GYI DANG SO SOR SNANG BA LA DMIGS PA DAG NI MI SBYOR TE, MI GSAL BAR NGES PA'I PHYIN CI LOG GI THE TSOM NGES PA PHYI ROL DU MNGON PAR 'DOD PA'I MI MTHUN PA'I PHYOGS LA ZHUGS PAS SGRA DON GYI RNAM PA YOD PA BKAG PA LA RAB TU 'JUG PA DANG LDOG PA LA SOGS PA'I THA SNYAD RGYUN CHAD PAR 'GYUR RO, ,'ON TE 'KHRUL BA DANG NI MA 'KHRUL PA, ,BRTAGS DANG MA BRTAGS PA DAG NI, , DKAR PO NAG PO LA SOGS PA'I, ,DBANG PO LAS SKYES MTHA' DAG NI, ,SHES PA LAS GZHAN THA DAD DE, ,LHAN CIG DMIGS KYI SNGA MA DANG, ,PHYI MA NYID NI RIG PA MED, ,CES PA SNA TSOGS GNYIS SU MED PA'I RNAM PAR SHES PA'I PHYOGS LA 'DI SHIN TU YANG THAL BAR 'GYUR RO,, DES NA 'DI MI 'DOD PA MED NA 'DI JI LTAR RIGS PAS SKYED PA NYID DE LTAR MI 'GYUR ZHE NA, JI LTAR NI MI 'DOD PA MA YIN TE, DE NYID KYIS NA GNYIS SU MED PA'I RI'I RTZE MO LA ZHON PA LA 'JUG PA DANG LDOG PA MED DE DES 'DI LTAR 'KHOR BA ZHES PA DANG DE'I RGYU JI LTAR DU 'DOD CES BRJOD DE; SEMS KYI 'JUG PAS 'PHANGS PA'I KUN TU BRTAGS PA LAS BYUNG BA'I STOBS KYIS BDAG NYID CAN GYI BAG CHAGS KYANG 'BYUNG BAR MI 'GYUR BAS DGE BA'I LAS PHA ROL TU PHYIN PA DAG GI LAM LA GOMS PAR BYED PA YANG DON MED PAR 'GYUR BAS GANG YANG GOMS PAR MI BYED LA, @23A *, ,MI DGE BA'I LAS SROG CHAGS GSOD PA LA SOGS PA LA LDOG PA YANG MI SRID PA NYID DO, ,RANG RIG PA NYID NI GCIG PU GNYIS SU MED PA LAS GZHAN MED PA'I PHYIR NA GANG JI LTAR SNANG BA DE SHES PA'I NGO BO LA DE'I DE NYID GAL TE YANG 'KHOR BAR 'JUG NA NI DE LTAR NA NI THAR PAR NAM YANG MI 'GYUR LA, GROL BA'I GNAS SKABS SU GYUR KYANG GNYIS MED LA GNYIS MED GZHAN SKYE BAR 'GYUR BAS DE NYID DU 'JUG PA STE, KHYOD KYI 'DOD PAS NI 'KHOR BAR 'DOD PA'I GNAS SKABS KYIS 'DI 'DRA'O ZHES PA'I KUN NAS NYON MONGS PA'I BDAG NYID KYI 'KHOR BAR THAMS CAD DU 'GYUR GYI RNAM PAR BYANG BAR GANG DU YANG MIN NO, ,'DIR MA BRTAGS NA NYAMS DGA' BA'I BYIS PA LA KUN TU MA GRAGS PA'I THA SNYAD DU NYE BAR GZUNG BA'I SGRO BTAGS PA'I THA SNYAD KYI BDAG NYID MI 'KHRUL PA'I KUN RDZOB LA THAMS CAD DU GZHAN DU SGRO 'DOGS PA NYID NI 'KHRUL PA LA GNAS SO ZHE NA, RNAM PAR BRTAGS PA NI RJES SU DPAG PAS SAM MA YIN PA DGAG PA'I MNGON SUM GYI SHES PA GZHAN GYIS TE, DE LA RANG RIG PA'I MNGON SUM GYIS NGES PA NI RTOGS PA MED LA YUL LA LTOS NA NI RTOG PA NI SHES NA GZHAN NI RTOG PA NYID DE, DE LA RNAM PAR RTOG PAS RNAM PAR RTOG PA RANG DGAR TE BDAG NYID KYI BDAG NYID NGES PAR RTOGS PA YIN ZHES BRJOD PA STE, RNAM PAR RTOG PA GZHAN GYIS RTOGS PA LA SBYOR BA MA YIN PA'I PHYIR LA DE YANG RANG RIG PA'I MNGON SUM NYID NI RNAM PAR RTOG PAR MI RIGS SO, ,DE'I PHYIR GZUNG BA DANG 'DZIN PA'I RNAM PA MED PA'I STONG PA TSU ROL MTHONG BA RNAMS KYIS RIG PAR 'GYUR BA'I SHES PA'I DE KHO NA NYID KYI 'DIR DON DAM PAR RANG RIG PAR YOD PA MA YIN PAR NI MNGON SUM GYIS MA GRUB LA, RJES SU DPAGS PAS KYANG MI 'GRUB STE, RANG BZHIN LAS SKYES PA'I RTAGS MED DE, RANG BZHIN DE NYID BSGRUB PAR BYA BA YIN PA'I PHYIR RO, ,'BRAS BU'I RTAGS LAS SKYES PA YANG MIN TE, GNYIS SU MED PA DE DANG LHAN CIG GANG DU YANG RGYU DANG 'BRAS BU'I DNGOS POR MA GRUB STE, DE DBANG PO LAS SHIN TU 'DAS PA'I PHYIR DANG DE LAS GZHAN PA'I 'BRAS BU YANG YOD PA MA YIN ZHING, GNYIS SU MED PAS NI RGYU DANG 'BRAS BU'I DNGOS POR 'DZIN PA YANG @23B MIN NO, ,MI DMIGS PA NI MED PAS BSGRUB PA'I GO SKABS MED DO, ,DE NAS GANG GSAL BAR BYED PA DE SHES PA STE, DPER NA RMI LAM DU MTHONG BA'I GSAL BA BZHIN TE, SNGON PO LA SOGS PA YANG NGO ZHES SNGON PO LA SOGS PAR GSAL BAR BYED PA NYID KYANG RANG BZHIN GYI GTAN TSIGS KYIS RNAM PAR SHES PA'I THA SNYAD TZAM SGRUB PAR BYED PA NI MA YIN TE, SNGON PO LA SOGS PA NI PHYI ROL DU RNAM PAR CHAD PA'I YUL DU GSAL BAR BYA BA NYID DU NGES PAR 'BYED PAS GSAL BAR BYED PA ZHES MA GRUB PA LA GSAL BAR BYED PA'I SNGON PO LA SOGS PA ZHES PA'I TSIG NI GSAL BAR BYED PA'I BYED PA PO'I CHOS KYI GTAN TSIGS TE, RANG RIG PA'I MNGON SUM MA GRUB PAS DE'I 'THAD PA MA GRUB PA'I PHYIR JI LTAR NA GSAL BAR BYED PA'I GTAN TSIGS LA BDEN PAR RANG GSAL BAR YOD PA THA SNYAD KYI BYA BA MA GRUB PA'I GSAL BAS GSAL BA GRUB CES PA NI MED DE, PHAN TSUN RTEN PA'I SKYON GYIS NA GCIG KYANG MA GRUB PA MIN NO, ,THA SNYAD DU YANG SO SO SKYE BOS RNAM PAR MA BRTAGS PAS GZUNG BA DANG 'DZIN PA LA THE TSOM MED PAR THA SNYAD BYED KYI GANG DU RANG RIG PA'I MNGON SUM GRUB PA'I THOS ZLOS TZAM YANG MED PA GANG DE NI BSGRUB PAR BYA BA MA YIN PAR BRJOD DO, , RMI LAM DANG SGYU MA DANG RMI LAM LA SOGS PA'I DPE LA YANG BSGRUB PAR BYA BA DANG SGRUB BYED DAG TU KHYAB PA NGES PA MED PAS GTAN TSIGS MA NGES PA NYID DO, ,DE NAS GZHAN GYI DBYIBS KYI GSAL BA'I LAS DANG CHOS THA DAD PA'I DBYIBS NI BYED PA PO'I CHOS DANG STE GNYI GA KHAS MA BLANGS NA SNGON PO LA SOGS PA'I GSAL BA TZAM PO'I BSGRUB PAR BYA BA CAN GYI DBANG PO'I MNGON SUM NA NI GRUB PA LA SGRUB PA STE, 'DI NI GDOD NAS GNYIS MED RIGS PAR BSHAD PA NI GSAL BA'I BDAG NYID MI ZLOG STE, 'DI NYID GANG GIS BZLOG KYANG NI, ,MI ZLOGS MNGON SUM NYID MTHONG NGO, ,ZHES TE, DE LTAR NA NI DBANG PA'I MNGON SUM GYIS RTOGS BZHIN PA'I SNGON PO LA SOGS PA'I GSAL BA'I LAS LA CHOS SU BSHAD PAR 'GYUR LA, 'ON TE GNYI GA MA YIN PA'I CHOS NYID KYIS GSAL BA TZAM GRUB KYANG, RANG RIG PA'I BSGRUB PAR BYA BA'I DPE SNGON DU BSHAD PA'I RIGS @24A *, ,PAS KHYAB PA MA NGES PAS MA NGES PA KHO NA BAS 'DIR RJES SU DPAG PAS KYANG BDAG NYID KYIS RIG PA MA GRUB PA'O, ,'DI NYID KYIS NA SGRA DON RNAM PAR RIG PAR SMRA BA'I SLOB DPON ZHI BA'I 'CHE DANG DE'I 'DOD PA'I RJES SU 'BRANG BA'I SENG GE BZANG PO LA SOGS PAS KUN RDZOB TU YANG PHYI ROL MED PAS GNYIS SU MED DE, KUN RDZOB TU SNGON PO LA SOGS PA NI RANG RIG PA'I MNGON SUM GYI BDAG NYID CAN GYI SGRA DON LA DON DAM PAR NI NGO BO NYID MED CES PA'I 'DOD PA NI MI 'THAD DE, SNGON PO LA SOGS PA NI GNYIS SU MED PA'I NGO BO NYID DU MA GRUB PAS 'DIR SNGON PO LA SOGS PA'I RNAM PA'I 'KHOR LO RIG PA'I NGO BO NYID CES PAR 'DOD PA NI MI RIGS PA NYID DE, RNAM PA MED PA'I RNAM PAR SHES PA NI RANG NYID GSAL BAR BYED PAS SNGON PO LA SOGS PA'I SGRA DON GSAL BAR BYED PA DE NYID KYANG MA YIN TE, SNGON PO LAS GZHAN PA'I RNAM PA MED PA MNGON SUM GYIS GSAL BA YANG MA YIN TE, RMI LAM DU YANG NYAMS SU MYONG BA DE JI SRID PA'I GNAS SKABS SU YANG STE, DE NYID KYIS NA RTAG PAR LKOG TU GYUR PA'I GSAL BA LA RJES SU 'GRO BA DANG LDOG PAS RJES SU RTOGS PA'I RTAGS CUNG ZAD KYANG YOD PA MIN ZHES PAS NA RJES SU DPAG PA DE NGES PA YANG MA YIN LA, GANG YANG RANG GI RGYUD KYI GSAL BA'I BDAG NYID RJES SU DPAG PAS NGES ZHES PA 'DI NI GSAL BAR BRAM ZE'I LTA BA STE, DE LA 'DIR GANG SNANG DU RUNG BA'I BDAG NYID MI DMIGS PAR BYED PA NI MED PA'I THA SNYAD DU BYA STE, 'DIR SNGON PO RTOGS PAR BYED PAS RTOGS PA GRUB NA DE YANG RNAM PA MED PAS SNGON PO LA SOGS PA LA GNOD PA'I PHYIR RO, ,DE LA BA LANG KHRA BO GANG ZHIG MTHONG BAR BYED PA DANG KHRA BO'I PHRU GU DAG LA BA LANG DAG NYID DU SO SOR RTOGS PA YOD PA LA BA LANG NYID DU YANG MNGON SUM GYIS GRUB BO ZHES PA NA NI, JI LTAR GONG BU TZAM DU RTOGS PA THA DAD PAS NI THA DAD PA'I LAM DU MIN TE, DE LTAR DKAR PO TZAM DU RTOGS PAR BYED PA DANG THA DAD DU GSAL BA MA YIN KYANG MA RIG PA'I DBANG GIS GSAL BA DANG, SNGON PO DAG THA MI DAD PAR GSAL ZHE NA, SPYI DANG RDZAS DAG LA YANG DE BZHIN DU 'GYUR LA CI MA RIG PA'I DBANG GIS SO SOR MYONG BA'I DON MED PA NYID DU NUS ZHES PA NI GNYI GA LA @24B YANG THE TSOM MO, ,GAL TE SNGON POR MTHONG BA KHO NA GSAL BA'I SNANG BA NA, DE LTA NA NI GONG BU MTHONG BA KHO NA SPYI LA SOGS PA YANG MTHONG ZHES PA NI NUS PA'O, ,GNOD BYED SKYE PO LA SOGS PAS MI GNOD DE, RTOGS PA'I THA DAD PA YON ZHE NA, GNOD PA MED PAR MA GRUB STE, SNGON PO THA DAD DU GSAL BA MED PA'I PHYIR GZHAN GYI BDAG NYID KYIS GSAL BA GANG DES SNGON PO CUNG ZAD GSAL BA MED DO, ,MAR MES BUM PA GSAL BAS GSAL BA BZHIN NO ZHE NA, DE LA YANG GAL TE THA DAD NA DE BZHIN KHO NAR 'GYUR LA DES GZHAN BDEN PA MA YIN PA LA BDEN PA YANG GSAL BA MED DO, ,SNGON PO NI GZHAN NYID DU MED PA'I PHYIR SGRA DON NO ZHE NA, GZHAN NYID DU MED NA GSAL BA'I RANG BZHIN YANG YOD PAR MI 'GYUR ZHES PA NYID DES NA 'DI'I RIGS PA MED PAR 'GYUR RO, ,MA RIG PA'I DBANG GIS RJES SU MED KYANG SNGON PO'I SGRA DON DU GSAL BAR BYED LA SNGON PO DANG GSAL BA BDAG TU BTAGS PA YANG DE'I BDAG NYID LA SOGS PA'O ZHES PA'I 'DOD PA NI CI YANG MIN TE, SHES PA RNAM PA THAMS CAD RANG RIG PA TZAM PO NYID DU BRTAGS PA'I DMIGS PA LA SOGS PA BKAG PA'I PHYIR RO MA RIG PA'I DBANG GIS DE LTAR GRAGS ZHES PA'I MA RIG PAS SNGON PO LA GSAL BAR BYED PA NYID NA MA RIG PA'I SKYED PA POR GYUR PAS GSAL BAR MI 'GYUR ZHES PA NI SNGON PO SGRA DON DU RTOGS PAR YANG MI 'GYUR RO, ,SGRA DON GYI SNGON PO LA SOGS PA NI 'BRAS BU NYID DU MED CE NA MIN TE, RANG NYID GRUB PA LA GZHAN GYI BYA BA LA LTOS PA DANG BCAS PA LA NI 'BRAS BUR BRJOD LA, SNGON PO NI YUL DUS NGES PAS SKYES PAS 'BRAS BU GZHAN BZHIN DU JI LTAR GZHAN LAS 'BYUNG BAR MI 'DOD, SNGON PO NI GZHAN LAS SNGON PO SKYE BA MTHONG BA DE'I PHYIR MED PAS SHES PA NI SNANG BA MED PA'I ZHES PA LA SOGS PA NI 'DOD PAS RTOGS PAR BYAS TE, MA MTHONG BA LA RJES SU 'GRO BA DANG LDOG PA MI RTOG PAS MI 'GRUB BO, 'DIR BDE BA LA SOGS PA CAN GYI RJES SU GZUNG BA LA SOGS PA'I BDAG NYID CAN NI RANG GI NANG DU GSAL BAR BYED LA, BDE BA LA SOGS PA'I RNAM PA NYID LA YANG SNGON PO LA SOGS PA'I RNAM PA GNAS PAR RNAM @25A *, ,PAR MED PA'I SHES PAS RLOM PAR BYED PA'I GNAS PA NI DON DE LA MA RIG PA'I DBANG GIS RNAM PAR CHAD PA'I YUL DU SNGON PO LA SOGS PA'I SGRA DON GYIS GSAL BA CAN DU NYAMS SU MYONG BAR 'GYUR LA, SGRA DON DAM PAR MED PA'I PHYIR NA DE LA LTOS PAS 'DIR 'DZIN PA YANG MA YIN ZHES PAS NA GNYIS SU MED CES BYA ZHE NA, RANG RIG PA TZAM LA NI BDE BA LA SOGS PA MED LA, GZHAN RIG PA NA MA RIG PA MI SRID PA'AM 'DZIN PA MED PA'I PHYIR JI LTAR GZHAN RIG STE, DE YANG THAMS CAD DU KHYAD PAR MED PAS DE SRID DU DUS GCIG YIN PA'I PHYIR GZHAN GYI RGYUD LA YOD PA'I SNGON PO LA SOGS PA'I RIG PA THA DAD PA'I BDAG NYID CAN GYI DUS CAN RNAMS 'DIR RIG PAR THAL BAR 'GYUR TE, TSOGS PA GCIG LA YANG RAG MI LAS PA'I PHYIR RO, ,KHYOD KYI 'DOD PAS NI SGRA DON GYI SNGON PO LA SOGS PAR 'BRAS BUR MI 'GYUR TE, RAG MI LAS PA NYID CES PA STE, RGYU GCIG LAS BYUNG BA RNAMS KYANG LHAN CIG TU YOD PAR DES RIG PA YANG MIN TE, DUS GCIG PAR RANG RANG GI NGO BO NGES PA NYID KYIS RANG DANG GZHAN GYI NGO BO YONGS SU SPANGS PA'I PHYIR RO, ,GANG YANG NYE BAR LEN PA MED PA RNAMS NI KUN RDZOB TU YANG MED PAS TSU ROL MTHONG BA'I SPYOD YUL MIN PA'I RNAM PA MED PA'I SHES PAR GCIG TU BDEN PAR 'DOD DE JI LTAR DMIGS PA DANG RNAM PA YONGS SU MA CHAD PA'I KUN GZHI'I RNAM PAR SHES PA ZHES 'DOD LA, DE LA BDEN PA'I RANG RIG PA'I RANG GI RGYUD LA LKOG TU GYUR PA RJES SU DPAG PAS SGRUB CES PA'I RTAGS NI SGRA DON GYIS SNGON PO LA SOGS PA CAN NO ZHES PA NYE BAR DGOS PA NI MI RIGS SO, ,NYE BAR LEN PA'I KUN RDZOB DE KUN RDZOB TU GANG ZHIG DE'I RJES SU 'GRO BA DANG LDOG PAS RJES SU BRTAGS NA MA DMIGS PA LAS SA BON DANG MYU GU LTA BU NI MI MKHAS PA LA MKHAS PAR MNGON PAR RLOM PA'I SHES PA LA, DNGOS PO MED PA'I NGO BO'I KUN RDZOB KYIS RANG GI NGO BOS DNGOS PO MED PAR GYUR PA NYID LA SA BON DU RIGS PA'I DNGOS POR MED DE, DE'I DE 'GAL BA'I PHYIR RO, ,DON DAM PA'I SA BON NI GANG DU YANG MED PAS RJES SU 'GRO BA LA SOGS PA MA GRUB PA SGRA DON GYI SNGON POR SNANG BA NYID CES PA LA NI GANG DU 'JUG STE, SHES PA LA @25B SOGS PA LA MNYAM PAR BRTEN PAS BDAG SMRA BA DANG 'DRA BA NYID DO, ,KHYAD PAR GYI GZHAL BYA BDAG NYID KYIS MI GSAL YANG DE GNAS PA MI 'GAL ZHES PA'I GSAL BA BDAG NYID KYIS BRJOD PAR MI NUS PA LA NI SUN 'BYIN PA GZHAL BYA LA LTOS PA MED DO, ,'DI RNAMS KYIS NI GANG ZHIG RTOGS PA TZAM GYI RJES SU 'JUG PA'I NGO BO KUN GZHI'I RNAM PAR SHES PA NI DNGOS PO SNGON PO ZHES PA LA SOGS PA'I NGO BOS RJES SU 'JUG STE, DE'I PHYIR BAG CHAGS LA BRTEN PAS SNGON PO LA SOGS PA'I SHES PA SKYE BAR 'GYUR LA RANG GI SKAD CIG LA NI DE RNAMS KYANG YANG KUN GZHI'I RNAM PAR SHES PA LAS SNGON PO LA SOGS PA'I SHES PA DE RNAMS NI MED DE, BAG CHAGS LA GNOD PA BYED NA NI SNGON PO LA SOGS PA'I DNGOS PO MED PA BSGOMS PAR 'GYUR BAS, DES STONG PA'I RNAM PAR SHES PA TZAM SKYES NAS GNYIS SU MED PA'I RNAM PAR SHES PA MNGON SUM DU BYED CES BSHAD DE DE LA RNAM PA MED PA'I KUN GZHI'I RNAM PAR SHES PA DANG SNGON PO LA SOGS PA'I SHES PA'I RNAM PA DANG BCAS PA DE NYID DPYAD DE RNAM PAR SHES PA GCIG LA NI RNAM PA DANG BCAS PA DANG, RNAM PA MED PA ZHES PA NI PHAN TSUN 'GAL BA DE JI LTAR 'JUG PA YID KYI RNAM PAR SHES PA RNAMS KYI RNAM PA DANG BCAS PA NYID LA RNAM PA MED PA'I KUN GZHI'I RNAM PAR SHES PA YANG DE'I NGO BOS RJES SU 'JUG PA YANG DPYAD PAR BYA STE, GCIG LA GNYIS KYI BDAG NYID CES PA 'DI NI SKYES BU NGA RGYAL CAN GYI 'KHRUGS PA'I BSHAD PA STE, DE BRTAG PA LA DGOS PA MED DO, ,GANG 'DI'I 'DOD PAS DBEN PA'I SNGON PO LA SOGS PA'I RNAM PA'I SHES PA NAM MKHA' BZHIN DU BSGOM PAR BYAS NA BSGOM PA'I STOBS RDZOGS PA NA, DE LTAR RNAM PA MED DE GANG YANG GZHAN DU DE NYID NAM MKHA' BZHIN DU KUN SON PA NYID KYIS KHYAB PA ZHES 'DOD PA NI DE GNYI GA YANG SHIN TU 'KHRUL TE, SNGON PO'I RNAM PA SHES PA MI 'GRUB LA, GRUB NA DE'I 'DOD PAS DE NYID DON DAM PA'I NGO BO NYID LA DE'I RNAM PA BZLOG NAS BSGOMS PAS YANG DAG PA MA YIN PAR 'GYUR BAS DES BSKYED PA'I SHES PA YANG KHO NA NYID MIN TE, ZAD PAR SA DANG, RNAM SHES MTHA' YAS KYI SKYE @26A *, ,MCHED LA SOGS PA BZHIN NO, ,GANG DU SO SO'I SKYE BO'I GNAS SKABS RNAMS LA TSAD MAS 'THAD PA'I RNAM PA MED PA'I RNAM PAR SHES PA SGRA DON GYI RNAM PA NYE BAR BSDUS NAS BSGOMS PAS GSAL BAR 'GYUR BA NA RNAM PAR RTOG PA MED PA STE, THOG MA MED PA'I 'KHRUL PA LOG PAS RNAM PA'I 'KHOR LO MI SNANG PA'I 'KHOR LO MI SNANG NAS RNAM PA MED PA'I SHES PA 'BA' ZHIG GSAL BA BCOM LDAN 'DAS KYIS GZUGS KYI SKU DE'I NANG NA RJES KYIS SNANG BA'O ZHES 'DOD PA DE YANG BCOM NAS SNANG BA MED PA LA MYONG BA NI GANG DU YANG MA GRUB LA, DE'I RJES KYI SEMS DAG PA 'JIG RTEN PA'I RNAM PAR RTOG PA'I BDAG NYID CAN NI BDAG NYID MED PAS MYONG BA PO MED CES PA STE, SNGAR BRTZAD ZIN TO, ,'ON TE YANG DAG PA'I BDEN PA'I GZUNG BA DANG 'DZIN PA LA MNGON PAR ZHEN NAS 'JIG RTEN PA BZHIN DU RNAM PAR RTOG PA'I SGRA DON SNGON PO LA SOGS PA LA DMIGS PA'I PHYIR DMIGS PA DE YANG RNAM PAR DPYAD ZIN TO, ,DE NAS RGYUD LAM NA GZUGS KYI SKU BCOM LDAN 'DAS LA SO SOR SNANG NA, SO SO'I RNAM PA NYID KYI SGRA DON GYI GZUGS KYI SKU GNYIS SU SGRA DON GYI BRTAGS PA'I NGO BO'I SKYED PA SO SOR RTZA BA'I SHES PA'I YONGS SU SGRUB PA'I NGO BO YANG 'KHRUL PAR 'GYUR LA, DES DE BZHIN GSHEGS PA YANG 'KHRUL PAR 'GYUR RO, ,DE NAS BCOM LDAN 'DAS LA DE MI SNANG NA NI BCOM LDAN 'DAS KYI SMON LAM DANG GDUL BYA'I BSOD NAMS KYIS GDUL BYA RNAMS LA LONGS SPYOD RDZOGS PA DANG SPRUL PA'I SKU'I SO SOR SNANG BAS RNAM PA MED PA'I RTOGS PA JI LTAR GRUB STE, GANG GI NI SMON PA GANG NI BCOM LDAN 'DAS GANG NI GDUL BYA GANG GI GANG NI SRAS RUNG BA'I BSOD NAMS LA JI LTAR GZUGS KYI SKU DAG SO SOR SNANG BAS DE LTAR THAMS CAD DU YANG GZUGS KYI SKU GNYIS SU SNANG BA'I MTSAN NYID CAN LA SOGS PA GSUNGS PA'I DON MED PAR 'GYUR ZHES PA'I LUNG GIS 'GAL BA YANG SPANG PA DKA' LA GANG YANG SNANG BA MED PA'I GSAL BAR SMRA BA'I SNGON GYI SLOB DPON RNAMS KYI 'DOD PA DANG PHYIS KYI RNAMS KYI 'KHRUL PA BRJOD PAR BYAS, DE NI RAB TU 'JUG PAR BYA STE, DE NYID NI DON DAM PAR YOD PA MA YIN TE, RANG RIG PA'I MNGON SUM @26B SNGON PO LA SOGS PA'I 'DZIN PA DAG THA DAD KYANG MIN LA MED PA YANG YIN ZHES PA'I 'DOD PA NI GNYIS KYI BDAG NYID CAN YANG MED PA NYID DE, DE NYID MI RTZOD PA DANG, SUN BYUNG BA YANG NI GRANGS CAN GYI GRUB MTHAR 'GYUR RO, ,GCER BU PAS KYANG RNAM PAR SHES PA DE RNAM PAR BYUNG BA DANG, RNAM PAR MED PAR 'GYUR BA'O ZHES PHYI ROL DANG RNAM PAR SHES PA DAG GANG DU YANG THA DAD PA DANG THA MI DAD PA MED PAS DNGOS PO RNAMS MTHA' GCIG PA NYID KYI PHYI ROL DANG NANG NYID MED PAR 'DOD DO, ,THA DAD PA'I GSAL BA DAG LAS THA MI DAD PA'I SPYI ZHES NI BYA BA STE, THA DAD PA DANG THA MI DAD PA'I DNGOS PO KHO NAS 'GRO BA ZHES BRJOD DO, ,DE LA GAL TE DKAR PO DANG NAG PO DAG GIS GNYIS KYI BDAG NYID CAN NYID NA, DE LA KHRA BO DANG SKYA BO DAG MTHONG BAR BYED PA DAG LA YANG BA LANG NYID DU NGES PA YOD PA MNGON SUM GYIS GRUB PA DE YANG ZHOG ,JI LTAR YANG GONG BU TZAM DU NGES KYI THA DAD PA MIN TE, GSAL BA NYID DANG, SNGON PO TZAM DANG, BDE BA TZAM DU GSAL BA NI THA DAD PA MIN PAS DE DAG GCIG TU GSAL BA'O, ,GAL TE RANG RIG PA'I MNGON SUM GYIS DKAR PO DANG NAG PO DAG THA MI DAD PAR RTOGS KYANG MA RIG PA'I DBANG GIS THA DAD PAR DMIGS PA DES NA GNYIS SU MED PAR YID MI CHES NA, DE LTAR NA NI KHRA BO DANG, MANG PO DAG GI BA LANG NYID LA YANG DE BZHIN DU 'GYUR RO, ,CI MA RIG PA'I DBANG GIS GNYIS SU MED PAR DES MA MYONG STE, 'DIR MED PA NYID KYIS ZHES PA NI GNYI GA LA YANG THE TSOM DU 'GYUR LA, GAL TE SNGON PO DANG BDE BA MTHONG BA KHO NA GNYIS SU MED PAR DES MTHONG BA NA, DE LTA NA NI GONG BUR GANG ZHIG MTHONG BA NYID SPYI LA SOGS PAR MTHONG BA'O ZHES NUS PA'O, ,GAL TE YANG GSAL BA DE NYID BDE BA'I NGO BO DANG, SNGON PO'I NGO BO NI DE'I SNGON PO 'DI NYID BDE BAR 'GYUR BA'AM , BDE BA SNGON PO NYID DU 'GYUR NA, DE LTAR YANG MIN TE, BDE BA DANG SNGON PO DAG NI RNAM PAR CHAD PA'I YUL NYID PAS SBYOR BA MED PAR NYAMS SU MYONG BAS GRUB PA'I PHYIR RO, ,'ON TE SNGON PO DANG BDE BA DAG KYANG THA MI DAD PA YANG MA YIN PAS RANG RIG PA'O ZHES TE, GANG SNGON PO DE NYID BDE BA ZHES @27A *, ,PA DANG, BDE BA YANG GZHAN LA SNGON PO YANG GZHAN ZHES PA NI PHAN TSUN 'GAL TE, DES GANG LAS THA DAD PA'I GO SKABS NYID KYI MTSAMS SU RTOGS PAR BYED PA MED PA'I PHYIR RO, ,RNAM PAR RIG PA TZAM GYI THUL GANG ZHIG NI GSAL BA GCIG PU'I NGO BO YOD DE, MI GSAL BA MED PA'I PHYIR 'DI NYID THA MI DAD PAR GNAS LA, PHYI ROL DAG PA NI DE KHO NA NYID DU MI GSAL BA NYID KYIS DE NI MI DMIGS PA LAS GZHAN PA'I MED PA NI MED PAS, DE'I PHYIR GZHAN DU MNGON PAR 'DOD PA'I ZHAD TZAM YANG RTOGS PA MED PA NYID LA GANG LAS THA DAD DE, 'DAS PA LA SOGS PA LA NI RIG PA MED DE MED PA'I PHYIR DANG, DE LTAR SNGA MA DANG PHYI MA NYID LA GSAL BA MED LA, GSAL BAR BYA BA YANG SNGA MA DANG PHYI MA NYID DU MI SBYOR BA'I PHYIR RE DE BRJOD PA NI 'KHRUL DANG MA 'KHRUL BRTAGS DANG MA BRTAGS PA, ,DKAR PO NAG PO LA SOGS DPANG SKYES MA LUS RNAMS, ,SHES LAS GZHAN DU THA MI DAD PAR LHAN CIG DMIGS, ,SNGON DANG PHYI MA NYID LA RIG PA MED PA NYID CES BYA, ,ZHE NA, CI GRUB PA'I MTHA' G-YANG SA NI LTUNG BAR BYED PA RTZOM PA 'DIS NI GZHAN GYI RGYUD MED PAR BYED PAR 'GYUR BA STE, RGYUD GZHAN SRID PA NA NI NGES PAR RANG GI SEMS DE LAS THA DAD PA CA LA THA MI DAD PA NI RANG GI RGYUD LAS GZHAN GYI RGYUD DU 'DIR MI 'GYUR RO, ,DE LTAR 'DOD PA'I PHYIR MI 'GYUR TE, GANG DU BRJOD PA, MNGON SUM RNAG RIG PA TZAM DANG, ,GANG DU KUN TU GNAS GYUR PAS, 'DOD PAS DAG YOD CES BRJOD PA, ,'DI LA KHO BOS MTSAR DU BRTZIS, ,ZHES BYA BA NA, TSUL CHEN PO'I DE KHO NA NYID LAS PHYIN CI LOG PA'I SANGS RGYAS PAS RIG BYED KYI GRUB MTHA' KHAS BLANGS PA STE, SNA TSOGS TSANGS PAR SMRA BA RNAMS KYI NI GZUNG BA DANG 'DZIN PA'I SKYON GYIS MA GOS PA'I BDAG GI NGO BOR YONGS SU GSAL BA'I CHU DANG, MED LA SOGS PA'I RNAM PA'I RGYUN CHAD PA MED PA'I RTAG PA'I RANG RIG PA TZAM GYI GNYIS SU MED PA NI TSANGS SHES PA STE, DON DAM PA'O ZHES PA'I GRUB PA'I MTHA' STE, GANG DU SEMS KYI 'KHOR LO MED PA'I GCIG MED PA'O, ,BDAG NYID @27B 'DIS NI NAM MKHA' KHYAB BDAG DE LTA NA 'ANG, ,DE BZHIN GSHEGS PA'I DE LTAR THUGS KYIS GSAL BA YI, ,BSGRUB PAR BYAS PA DE NI SHIN TU DE NYID MIN, ZHE NA, DE NYID NI CUNG ZAD MIN CING DE YANG NGES PAR DAM PA MA YIN TE, MA RIG PA DANG BCAS PA'I SHES PA LA NAM MKHA' BZHIN GYI YUL DANG DUS LA KHYAB PA PO NYID KYI DE KHO NA NYID SO SOR SNANG BA KHYOD KYI LTAR NA, MA RIG PA MED PA'I DE BZHIN GSHEGS PA'I THUGS KYI GSAL BA DE YANG DE KHO NA NYID MIN PA MIN, SNA THOGS GSAL BA TZAN GYIS GNYIS SU MED PA ZHES PA'I DE KHO NA NYID KYI MTSAN NYID LA, CUNG ZHIG DE KHO NA NYID MIN ZHES 'DIR BCOM LDAN 'DAS 'KHRUL PA NYID CES SMAD PA BRJOD PA'I PHYIN CI LOG GI LAM 'DZIN PA STE, DE'I PHYIR NA 'DIR KHYAD PAR MED PA'I SNA TSOGS PA DANG 'DIR NI GNYIS MED DANG GSAL BA'I SGRA DON GYI RNAM PA DANG BCAS PAS GNYIS SU GSAL ZHES PA'I GSUM GO KHYAD PAR MED DO, ,THA MA'I 'DOD PA YANG NI SNGA MA BZHIN DU MI DMIGS PAS RGYUD GZHAN MED PAR 'GYUR TE, RNAM PA MED PA'I SHES PA NI RANG GSAL BA TZAM MO, ,GNYIS SU MED PA'I SNGA MA DANG PHYI MA MYONG BA MED PA'I NGO BO'I RNAM PA MED PAR SMRA BA'I SANGS RGYAS PAS GZHAN GYI RGYUD MED CES PA KHAS MI LEN CING BDAG NYID MED PA'I SGRA DON GYI SNGON PO LA SOGS PA BZHIN DU, GZHAN GYI RGYUD KYI GSAL BA MED PAS MED CES NYID NI SNANG BA MED PA'I TSANG PA DANG KHYAD PAR MED PAR THAL BAR 'GYUR TE, RNAM PAR 'PHRO BA'I YUL GYI RNAM PAR NI RTOG PA'I BDAG NYID LA GSAL BA TZAM PO'I TSANGS PA GNYIS SU MED PA NI DON DAM PA STE, TSU ROL BYI GNAS SKABS SU NI MA TIG PAS KUN DU BSGRIBS PA STE, DE LA RTAG PA DANG KHYAB BDAG NYID LA SOGS PA'I KHYAD PAR LA GOMS PAS MA LUS PA'I MA RIG PA ZAD NAS DE'I KHYAD PAR LAS BYUNG BA 'DIR GSAL BAR 'GYUR ZHES PA NI RIG BYED KYI GRUB PA'I MTHA' STE, GZHAN GYI RGYUD MI SRID NA THUGS RJE CHEN PO SBYIN PA LA SOGS PA'I DGE BA'I TSOGS LA SOGS PA MED PAS GANG DU BSOD NAMS DANG YE SHES KYI TSOGS BSGRUB PAR BYA BAS SKYES BU'I DON MCHOG TU 'GYUR, JI LTAR @28A *, ,NA DE BZHIN GSHEGS PA RNAMS KYIS DPAG TU MED PA'I GZHAN GYI SEMS SHES PA LA SOGS PA CAN LA YANG SMOD PAR 'GYUR BAS DE'I PHYIR THA DAD PAR 'DZIN PA BZHIN THA MI DAD PAR 'DZIN PA YANG THONG SHIG ,DE 'DI LTAR, GANG LAS THA DAD MTHONG BA DANG, ,MA 'DRES THA MI DAD PAR SHES, ,THA DAD THA MI DAD DAG LAS, ,GZHAN PA'I DNGOS DANG DNGOS 'DZIN MED, ,CES TE, GANG DU YANG MED DO, ,DON DAM PAR NI DNGOS PO GZUNG BA DANG 'DZIN PA THA DAD PA'AM THA MI DAD RNAMS MED DE NGO BO NYID MED PA'I PHYIR NA CHOS RNAMS THAMS CAD KYI GNYI GA MED PA'O, ,DE NYID SPROS PA DES RIG PA'I PHYIR RO, ,BDEN PA NYID LA NI GZUNG BA LA SOGS PA DANG GZHAN PA'I BYE BRAG GI BDEN PA DANG MI BDEN PA LA SOGS PA'I SPROS PA DANG BRAL ZHING MED PAS DE LA MI SRID DO, ,DE NYID KYIS NA RANG DANG GZHAN GSAL BA'I LDOG PA'I MA BRTAGS NA NYAMS DGA' BAS MYONG BA'I BDAG NYID KYI BYE BRAG GZHAN GSAL BA NI RIGS PA KHO NA'O, ,BEMS PO LAS LDOG PA TZAM GYIS KUN RDZOB TU RANG GI RIG PA'I NGO BOR YANG THA SNYAD BYED DE KUN RDZOB TU YANG RNAM PAR CHAD PA'I SNGON PO LA SOGS PA CAN GYI PHYI ROL NYID KYI DNGOS POR MA BRTAGS NA NYAMS DGA' BA DE NI RNAM PAR RTOG PA MED PA'I SHES PA DES NGES PAR 'GYUR LA, RNAM PAR RTOG PAS NI BDEN BA LA SOGS PA NYID DU SGRO 'DOGS, SGRO BTAGS NAS YANG THA SNYAD RAB TU 'JUG PA PO'I BYED PA STE, RJOD BYED DANG LDAN PA'I RJOD BYED SBYOR BA'I SBYOR BYA'I DON GSAL BAR MA NGES PA NI RNAM PAR RTOG PA'I RNAM PAR 'JOG LA, RNAM PAR RTOG PA NYID LA DMIGS PA DANG MNGON PAR RLOM PA LA SOGS PA NI RNAM GRANGS TE, DE NYID KYIS KHO NA NYID MIN PAR SGRO BTAGS NAS PHYIN CI LOG PAS DE KHO NA NYID DANG DE KHO NA NYID MIN PA GTAN LA MA PHEBS NAS, THE TSOM DANG DE KHO NA NYID MTHA' GCIG PA'I YUL GYI PHYIR NGES PA ZHES PA LA SOGS PA RNAM PAR GZHAG PAR RIG PAR BYA'O, ,DE NYID LA KUN RDZOB TU PHYI ROL GYI DNGOS POS GNAS PA 'DI THAMS CAD DANG GZHAN GYI SEMS YOD PA NYID NI KHA NA MA THOB MED PA'O, ,THOG MA MED PA'I SRID PA NAS GOMS PA'I THA SNYAD KYI BAG CHAGS KYI DBANG GIS NA @28B BYAS PA DANG BUD MED LA SOGS PA DANG, YANG 'JIG RTEN PAS SKYES BU LA SOGS PA CAN DU MNGON SUM NYID KYI SEMS PA DANG SEMS PA MED PA DANG BDEN PA DANG MI BDEN PA LA SOGS PA NYID DU YONGS SU GCOD CING, MYUR DU 'KHYUD PA DANG BRDEG PA LA SOGS PA'I DON LA NYE BAR 'JUG LA, THOS PA LA SOGS PAS THE TSOM MI SKYE BA NYID DU GZHAN GYI SEMS RJES SU DPAG STE, DE LTAR YANG 'DOD PA'I SEMS KYI DE MA THAG TU TSIG GI BRJOD PA'I BYA BA STON LA DE MED PA NA MI STON PA'I RJES SU 'GRO BA DANG LDOG PA'I BDAG NYID CAN DU 'DOD PA'I SEMS DANG LHAN CIG PAS TSIG TU BRJOD PA LA SOGS PAS RGYU DANG 'BRAS BU'I DNGOS POR RTOGS PA'I BDAG NYID KYIS DE'I 'DOD PA'I SEMS KYIS MYONG BA'I DUS SU RNAM PAR CHAD PA'I TSIG GIS BRJOD PA LA SOGS PA MTHONG NAS DE'I RGYUR GYUR PA'I 'DOD PA'I RJES SU DPOG PAR BYED PAS, RGYUD GZHAN LA GNAS PA STE, TSAD MA DANG GZHAL BYA'I DNGOS PO THAMS CAD NI KUN RDZOB PAS NA YANG DAG PA'I KUN RDZOB LA BRTEN PA NYID DU BYA STE, GZHAN DU NA NI THAMS CAD 'GRUB PAR 'GYUR BA'I PHYIR RO, ,DE LTAR YANG RMI LAM LA SOGS PA BZHIN DU JI LTAR 'DOD PA'I DON KUN TU THOB PA TZAM GYI DON DAM PAR NI MA YIN PA CAN GYI DNGOS PO'I YUL NYID NI THA SNYAD PA'I TSAD MAR RNAM PAR GZHAG PA LAS GZHAN DU NI MIN NO, ,DE LTAR YANG GSHAD PA, 'DI LTAR KUN DU THA SNYAD NI, TSAD MA YI NI MTSAN NYID DO, ,ZHES SO, ,'DIR KUN RDZOB TU YANG JI SRID DU BSGRUB BYA DANG SGRUB BYED DU GNAS PA DE SRID DU TSUL GSUM PA'I RTAGS NYID KYIS BSGRUB PAR BYA BA YOD PA'AM, DGAG PA 'GRUB STE PHYOGS CHOS DANG 'BREL PAS TSU ROL MTHONG BA RNAMS KYIS KYANG MNGON SUM GYI RTAGS 'DZIN PAR BYED NA KUN RDZOB PA'I NGO BO NYID MED PA GZUNG BAR 'GYUR LA, TSU ROL MTHONG BA RNAMS KYIS DNGOS PO'I NGO BO LA GOMS PA'I MNGON SUM DU NI MI MYONG BA'I PHYIR RO, ,'O NA 'CHAD PAR 'GYUR BA'I RJES SU DPAG PAS SNGON PO LA SOGS PA RNAMS KYI RANG BZHIN LA GNOD PA'I PHYIR JI LTAR NA DE RNAMS LA MNGON SUM GYI TSAD MA ZHE NA, KUN RDZOB PA'I DNGOS PO'I NGO BO RNAMS LA DES MI GNOD DE, CUNG ZHIG BSGRUB BYA KHO NA LA DE LTAR SGRO BTAGS PA'AM BDEN @29A *, ,PA'I RNAM PA KHO NA BZLOG BYA'I PHYIR RO, ,THA SNYAD PA'I MNGON SUM GYI SPYOD YUL GYI DON NI RMI LAM LA SOGS PA BZHIN KUN RDZOB TU NGES PAR BYED PA LA, BYIS PA RNAMS KYIS DON DAM PA'I NGO BO NYID LA SOGS PA SGRO 'DOGS PA LA RJES SU DPAG PAS GNOD PAR 'GYUR GYI, MTHONG BA LA SOGS PA'I DON GYI THA SNYAD LA NI MA YIN NO, ,GANG MA 'KHRUL PA DE NI MNGON SUM DE LA RJES SU DPAG PAS MI GNOD LA GNOD PA NI BDEN PAR SGRO BTAGS PA NYID LA SOGS PA LA STE, DE LA MA 'KHRUL PA DE MED CES PAS NA MNGON SUM LA SKUR PA 'DEBS PAR THAL BAR MI 'GYUR RO, ,DE YANG CHOS THAMS CAD BDAG MED PAR SGRUB PA NI GANG RTEN CING 'BREL PAR 'BYUNG BA LAS SKYES PA DE DON DAM PAR RANG BZHIN GYIS STONG STE, DPER NA SGYU MA LTA BU'O, ,RTEN CING 'BREL PAR 'BYUNG BA LAS SKYES PA'I RTZOD PA'I GNAS SU GYUR PA'I DNGOS PO RNAMS KYANG NGO ZHES PA NI RANG BZHIN GYI GTAN TSIGS TE, DE YANG BA LANG RDZI LA SOGS PA RNAMS LA GRAGS PAS CHOS CAN MA GRUB PA MED LA, DMIGS PAR RUNG BA MA DMIGS PA LAS, GANG GANG DU DE BDEN PAR DMIGS PA DE DE'I 'BRAS BU ZHES RJES SU 'GRO BA'I SGO NAS SAM, GZHAN RNAMS YOD PA'I MTHU DANG LDAN PA'I RGYU RNAMS GANG MED NA GANG MI 'BYUNG BAS DE DE'I 'BRAS BU'O ZHES LDOG PA'I SGO NAS KUN RDZOB PA'I RGYU DANG 'BRAS BU'I DNGOS POR GRUB PA NI KUN RDZOB PA'I DE NYID 'THAD LA, SNGA NAS YOD PA'I CHOS LA BYED PA PO NYID DANG, BYA BA DAG GI BYED PA PO GCIG PA NYID NI BRTAGS TE, RGYU DANG RKYEN TSOGS PA'I RTEN CING 'BREL PA LAS SKYE BAR 'GYUR BA LA NI CHOS ZHES BRJOD DE, SKYE BA'I CHOS NI CHOS GZHAN LA BRTEN NAS BDAG NYID THOB LA, DE NI BCOM LDAN 'DAS KYIS GSUNGS TE, 'DI YOD PA LAS 'DI 'BYUNG BA DANG 'DI SKYES PAS 'DI SKYE BAR 'GYUR ZHES PAS NI 'GAL BA MED DE MTHUN PA'I PHYOGS LA YOD PA'I PHYIR RO, ,MA NGES PA YANG MA YIN TE DON DAM PA'I RANG BZHIN GYI SKYE BA MI 'THAD PA'I PHYIR DANG, MI SBYOR BA NI 'THAD PA'I PHYIR RO, ,DON DAM PAR RGYU DANG 'BRAS BU'I DNGOS PO GRUB PA MED PA'I PHYIR RO, ,MA GRUB PA NI DON DAM PAR SHES PA'I BDAG NYID KYIS BDAG NYID LA 'DZIN PA LA SBYOR BAR MI 'THAD PA'I @29B PHYIR RO, ,RANG RIG PA'I SHES PA RNAMS KYANG RANG RIG PA TZAM DU BYA BAS SNGA MA DANG PHYI MA'I DNGOS PO GANG DU YANG MI 'DZIN PA'I PHYIR RGYUD GCIG NYID DU BTAGS PAS DNGOS POR MED PA'I PHYIR DANG, RGYU THA DAD PA CAN RNAMS KYANG PHAN TSUN MI RIG PA'I PHYIR DANG, DMIGS PA'I DUS SU YANG RGYU DANG 'BRAS BUR MNGON PAR 'DOD PA DAG 'GEGS PA'I PHYIR RO, ,RIM GYIS 'BYUNG BA'I BLOS SNGA MA DANG PHYI MA'I DNGOS PO NYAMS SU MYONG NAS DE'I RJES LA DE LA SEMS RNAM PA CAN GYI BLOS RJES SU MTSAMS SBYOR BAS SNGA MA KHYAD PAR CAN DU 'DUS BYAS PA'I SGO NAS SNGA MA DANG PHYI MA'I DNGOS PO RTOGS PA NYID DANG RGYU DANG 'BRAS BU'I DNGOS PO RTOGS PA NYID DE ZHES BYA ZHE NA, ,DE NI KUN RDZOB KYI BDAG NYID DU 'GYUR TE KUN TU MYONG BA'I DUS KYI RANG GI NGO BO TZAM RIG PA STE, GANG DU 'DI NYID RNAM PAR GZHAG PA MED PAS DE NYID LA MNGON SUM GYIS NI RGYU DANG 'BRAS BU'I DNGOS POR GRUB PA MED DO, ,DE NYID KYIS NI RJES SU DPAG PA YANG MED PA STE, GANG YANG JI LTAR 'BRAS BU SKAD CIG LA RANG GI RGYU'I SKAD CIG GI DNGOS PO MTHONG LA DE MED NA DE DE'I RGYU'I SKAD CIG DANG DUS MNYAM PA'I DNGOS PO MA LUS PA SNA TSOGS PAR GYUR PA'I SKAD CIG MA'I DNGOS PO YANG MTHONG LA DE MED NA MI MTHONG ZHES PA NI DE'I RGYU NYID DU 'GYUR BA'I PHYIR NA, RGYUD GANG ZHIG GI RGYU DANG 'BRAS BU'I DNGOS PO NI RIGS PA MA YIN TE, 'DIR NI DON DAM PA PA'I RGYU DANG 'BRAS BU'I DNGOS PO'I SGRUB PA'I SKABS YIN PA'I PHYIR RO, ,SKAD CIG MA LAS GZHAN PA YANG DON DAM PA PA'I RGYU NI MA GRUB LA, RTAG PA'I DON NI RGYU DANG 'BRAS BU'I DNGOS POR MED PAS MNGON SUM GYIS LHAN CIG GZUNG BAR MI NUS PA NYID PAS BDAG DANG DBANG PHYUG LA SOGS PA'I 'BRAS BU'I BDE BA LA SOGS PAR NI RJES SU 'GRO BA GRUB PA MED LA, BDEN PA DE DANG MA BRAL BAR GANG DU YANG BDE BA MI SKYE'O, ,DE LA LDOG PA YANG MED DE, RTAG PA NYID KYIS LDOG PA CAN MIN PA'I PHYIR RO, ,DE'I PHYIR NA DON DAM PAR RGYU DANG 'BRAS BU'I DNGOS POR GRUB PA'I TSAD MA CUNG ZAD KYANG YOD PA MA YIN NO, ,GANG YANG DON DAM PA PA'I 'BRAS BU'I SKYED PA PO RANG LAS SAM GZHAN LAS SAM GNYI GA LAS SAM GNYI GA MA YIN PA LAS SAM RGYU MED PA LAS GYUR TE, DE LA THOG MA MED @30A *, ,PA NAS YOD PA DANG MED PA'I DNGOS PO'I BDAG NYID LA NI RGYU NYID MI 'THAD LA, MED PA NI MO GSHAM GYI BU'I RJES SU 'GRO BA BZHIN DU MED CING RANG NYID MA SKYES PA LA RANG LAS SKYE BA NI MED LA, RDZOGS KYANG CHA NAS MED PAR SKYES PAS NA SEMS PA BZHIN RANG LAS JI LTAR SKYE BAR 'GYUR, GANG ZHIG RDZOGS PA MIN PAS GANG ZHIG RDZOGS PAR 'GYUR BA NI DE DE'I NGO BO NYID DU SBYOR BA NI CHES THAL BAR 'GYUR BA'I PHYIR RO, ,THAMS CAD DU YANG DNGOS PO RNAMS NI GRANGS CAN GYI 'DOD PAS RTAG TU NGO BO NYID KYIS GNAS PA'I MNGON PAR GSAL TE, MNGON PAR GSAL BAR BYED PA RNAMS KYIS MNGON PAR GSAL BAR RTAG TU GNAS PA'I PHYIR MNGON PAR MI GSAL BA LA SOGS PA'I RNAM PA GZHAN MI RIGS PAS, GSAL BA BYED PA RNAMS KYIS CUNG ZAD MA BYAS PA'I PHYIR NA, RTAG TU YANG DNGOS PO RNAMS THAMS CAD RTAG TU MNGON PAR GSAL BA LA SOGS PAR THAL BA NI BZLOG PAR DKA'O, ,GZHAN YANG GANG DU GANG RANG LAS SKYE BA LA NI YUL LA SOGS PA NGES PAR MI 'GYUR TE, GZHAN LA LTOS PA'I 'DI GZHAN LAS SKYE BAR GYUR PA'I NYE BAR MKHO BA MED PA LA LTOS PA NI RIGS PA MI YIN ZHING LTOS PAR BYA BA NI RTAG TU NYE BA'I PHYIR TU 'DI NYID SKYE BAR 'GYUR RO, ,DE NYID KYIS NA THA SNYAD DU YANG RANG LAS SKYE BA MI SRID LA, GZHAN LAS NI DUS SNGA MA DANG PHYI MA'I DUS DAG NGO BO GCIG PAR MNGON PAR 'DOD PAS RTAG PA LA SKYE BA'I THA SNYAD KYANG MI RIGS TE, RTAG PA LA RIM DANG CIG CAR GYI BYA BA BYED PA NYID MED PA'I PHYIR NA, DE LA TSAD MAS GZHAN DU NYE BAR BRJOD PAS CI ZHIG BTAGS PA 'THAD DE, DE'I RTAG PA NI NUS PA THAMS CAD DANG BRAL BA'I NGO BO RI BONG GI RVA DANG KHYAD PAR MED DE, DNGOS PO THAMS CAD DANG BRAL BA NYID NI DNGOS PO MED PA'I MTSAN NYID DO, ,MI RTAG PA SKAD CIG MA'I DNGOS PO LA SKYE BAR YANG MI RIGS TE, MI RTAG PA'I DNGOS PO NI SKAD CIG MAS GNAS PA'I CHOS NYID GZHAN DU 'THAD PAR BYAS SO, ,DE 'DAS PA LAS MI SKYE STE, 'DAS PA MED PA NYID KYIS NA RGYU MED PA LAS SKYE BAR 'GYUR BAS SO, ,MA 'ONGS PA LAS KYANG MIN TE, MED PA NYID KYIS 'BRAS BU BSKYED PA NI NAM MKHA'I ME TOG LA SOGS PA @30B BZHIN NO, ,DA LTAR BYUNG BAS KYANG MIN TE, DE'I YANG SKYED PAR BYED PA'I 'BRAS BU DANG DUS MNYAM PA'AM DUS THA DAD PA STE, DANG PO NI MIN TE, 'BRAS BU BSKYED PA'I SNGON DU RGYU MED PA NYID KYIS RI BONG GI BZHIN DU NUS PA LA SBYOR BA MED PA'I PHYIR RO, ,GANG YANG RGYU'I BDAG NYID THOB PA'I DNGOS PO DES 'BRAS BU YANG DE DANG DUS MNYAM DU DES RDZOGS SHE NA NI, GANG GANG GI RGYU LA DUS THA DAD PAS KYANG LAM MNGON PA MIN DE 'DAS PAS MA 'ONGS PA SKYED PA LA SBYOR BA MED PA'I PHYIR RO, ,DE NAS RGYU YOD PA'I SKAD CIG MA GNYIS PA LA SKAD CIG MAS BAR CHOD PAR 'BRAS BU YOD PA NYID DU SKYED NA DE LA YANG RGYU MED DE SKAD CIG MA YIN PA'I PHYIR NA, DE LTAR NI RGYU NI RGYU SKAD CIG TU YOD PAS 'BRAS BU DUS GZHAN GYIS BAR MA CHOD PAR 'BRAS BU'I NANG DU PHRA MOR GYUR PA'I DUS GZHAN NI MED PAS, DUS GCIG TU 'GYUR RO, ,CHA SHAS MED PA'I SNGA MA DANG, PHYI MA'I SKAD CIG MA DAG NI THAMS CAD KYI BDAG NYID KYIS KUN TU REG PAS DE'I YANG SKAD CIG MA GCIG GI NANG DI SKAD CIG MA THAMS CAD 'DUS PAS BSKAL PA YANG SKAD CIG TZAM DU 'GYUR TE, RDUL PHRA RAB RNAMS THAMS CAD KYI BDAG NYID KYIS KUN TU SBYOR NA GONG BU YANG RDUL PHRAN TZAM DU 'GYUR BA BZHIN NO, ,DE'I YANG JI LTAR DNGOS PO RNAMS KYI YUL RIM GYIS SNANG BA'I KUN RDZOB PA'I TSAD MAS GNOD PA'I PHYIR LA DE LTAR DUS KYI RIM PA LA YANG 'GYUR TE, RMI LAM LA SOGS PA RNAMS SU BSKAL BA LA SOGS PA'I SNANG BA BZHIN NO, ,YUL GCIG PA'I SKAD CIG MAS BAR MA CHOD PA LA CHA SHAS DANG BCAS PA'I PHYIR DUS KYI MTHA'I BAR NYID DU DE'I MTSAN NYID NYAMS PAR 'GYUR TE, DNGOS PO RAB TU BCOM PA DNGOS MED DANG LHAN CIG BAR MA CHAD KYANG DUS GCIG PA NYID DU MI 'GYUR BAS, DE LTAR RGYU DANG 'BRAS BU DAG RGYUN MA CHAD KYANG DUS MNYAM MIN ZHES PA NI MI 'THAD DE, DNGOS PO MED PA NI GANG DU THA SNYAD DU YANG YOD PA MIN TE, JI LTAR SNGON PO NI YUL GZHAN DU YANG SNGON PO MIN PA LAS LOG PA RANG GI RGYU LAS SKYES LA, DE LTAR DUS GZHAN LA YANG NGO, ,DNGOS PO'I NGO BO NYID 'JIG PAR 'GYUR BA'I 'JIG PA NI 'DIR YUL DANG DUS DAG GI NGO BO LDOG PA TZAM 'BA' ZHIG LA THA SNYAD DU BYED PA @31A *, ,LAS CI YANG MIN NO, ,'JIG PAS NA 'JIG CES PA'I MED PA'I BDAG NYID NI DON DAM PAR DNGOS PO MED PA NYID KYIS DE NYID DANG GZHAN NYID SPANGS PA KHO NA STE, DNGOS PO LA DNGOS PO MED DO ZHES PA DNGOS PO DGAG PA'I THA SNYAD TZAM YIN NO, ,DE'I PHYIR 'DIR BAR MA CHOD PA LA SOGS PA CAN GYIS MA YIN NO, ,RGYU DANG 'BRAS BU DAG NI DNGOS PO NYID DU KHAS LEN PAS BAR CHAD PA LA SOGS PAR SEMS PAR BYA STE, DE NYID NI DON DAM PAR GZHAN LAS SKYE BAR YANG RIGS PA MA YIN LA, GTZO BO DANG DBANG PHYUG DANG RANG DANG GZHAN LAS SKYE BA YANG MA YIN TE, SO SOR BRJOD PA'I SKYON MA RUNGS PA'I PHYIR RO, ,KHA CIG DAG TSER MA LA SOGS PA RNAMS KYI RNO BA LA SOGS PA'I RGYU MA MTHONG BAS MED PA NYID BZHIN DU DNGOS PO RNAMS RANG BZHIN GYIS SKYE BAR BRJOD DE, DE LA MA MTHONG BA NYID DU MA GRUB STE, DON DAM PAR NI CHOS RNAMS THAMS CAD MA SKYES PA'I PHYIR LA, KUN RDZOB TU NI SKYE BA'I RGYU MED PA CAN DU BSGRUB PA MI 'GRUB BO, ,GANG DU YANG SA BON LA SOGS PA DAG LAS TSER MA LA SOGS PA DAG SKYE BAR 'GYUR BA DE RNAMS KYI RNO BA LA SOGS PA GANG DU RGYU MED PA CAN LAS MI SKYE STE, RGYU MED PA CAN NYID LA RNO BA LA SOGS PA'I TSER MA LA SOGS PA NGES PAR 'GYUR NA KHYAD PAR MED PAS DE LTA NA NI THAMS CAD LA THAMS CAD KYI BDAG NYID KYIS 'GYUR NA, SA BON LA SOGS PA RNAMS NI 'JIG RTEN PA LA MNGON SUM NYID DU RGYU DANG 'BRAS BU'I DNGOS POR GRUB PA'I PHYIR DAM BCA' BA MNGON SUM DANG 'GAL BA'O, ,GTAN TSIGS NI GZHAN DAG LA BSGRUB PAR BYA BA LA NGES PA BSKYED PAR KHAS BLANGS PA'I PHYIR RANG GI TSIG DANG 'GAL BA DANG GZHAN LA RGYU'I RKYEN GYI SBYOR BA DON MED PAR 'GYUR RO, ,DE LA 'DIR RGYU MED PAR SMRA BA DAG LA THA SNYAD DU YANG MNGON SUM LA SOGS PA RNAMS KYIS GNOD LA, GANG YANG YOD PA LA 'BRAS BU SKYE BA NI DE'I CHA SHAS MED PAS GZHAN RNAMS KYIS SNGAR MED PA'I KHYAD PAR MA BSKYED PA'I PHYIR RO, ,MED PA LAS KYANG MI SKYE STE, YOD PA DANG MED PA DAG PHAN TSUN 'GAL BA'I PHYIR RO, ,'O NA MED CES PA CI ZHIG YOD, CUNG ZHIG GANG SKYE BAR 'GYUR BA DE SNGA NA MED CES PA DE RGYU 'DI LAS MED PAR SKYE BAR 'GYUR ZHES PA'I @31B BYA BA NI KHYAD PAR GZHAN GYI THA SNYAD LO, ,DE LTA NA NI DE LTA BU'I LTA BA NI BDAG CAG GIS DGAG PAR MI BYED DO, ,SGRA DON GYI SGYU MA DANG RMI LAM LA SOGS PA YANG MI 'BYUNG BA 'BYUNG LA, BYUNG BA YANG MA BYUNG BAR MTHONG BA'I PHYIR NA, GANG DU YANG KUN RDZOB PA'I DNGOS PO RNAMS SGYU MA LA SOGS PA BZHIN DU SKYES NAS GNAS PA DE RNAMS LA BDAG CAG GIS SGRO BTAGS PA'I RNAM PA DGAG PA LA 'GAL BA LAS BYUNG BA MED PAS SGRA DON NYID DU THAMS CAD KYI GZHAN DU NI MA YIN NO, ,YOD PA DANG MED PA NYID NGO BO GCIG PA NYID DU MED DO, ,DNGOS PO DANG DNGOS PO MED PA DAG 'GAL BA'I PHYIR RO, ,'GAG PA DANG SKYE BA NI RJES SU 'GRO BA DANG BCAS PA'O ZHES PA'I 'DOD PA NI CI YANG MIN TE, GANG YANG RGYU LAS 'PHO BA'I CHA DE LA RGYU GZHAN GYI BYA BA MED LA, GANG DU YANG BYA BA SNGON DU 'GRO BA DANG BCAS PA NI MED PA NYID DE, YOD PA DANG MED PA'I BYE BRAG DANG BRAL BA'I RNAM PA GZHAN LA SKYE BA YANG YOD PA MA YIN TE, PHAN TSUN SPANGS NAS GNAS PA'I MTSAN NYID CAN 'DI DAG LA NI RNAM PA GZHAN MI SRID PA'I PHYIR RO, ,NGO BO NYID KYIS MED PA LA NI DNGOS PO'AM DNGOS PO MED PAR DE'I NGO BO MED PA'I PHYIR DANG RNAM PA GZHAN TE YANG YOD PA DANG MED PA 'DUS PA'I PHYIR RO, , DE NYID KYIS NA BSTAN BCOS SU DE YONGS SU BCAD CING DE LAS GZHAN PA RNAM PAR BCAD NAS RNAM PA DE LAS GZHAN NI MED PA GSAL BAR BYAS ZHES SO, ,DE NYID DON DAM PA'I NGO BO LAS LOG PA'I RTEN CING 'BREL PAR 'BYUNG BA NYID DNGOS PO LA NGO BO NYID KYI MED PA LA SOGS PA DES KHYAB PA'O ZHES PAS KHYAB PA GRUB LA, MA NGES PA YANG MA YIN TE, THA SNYAD DU NI SNGAGS LA SOGS PA'I RKYEN GYIS SGYU MA LA SOGS PA JI LTAR SKYE BAR MTHONG BA NI GNYI GA LA GRUB PA'O, ,'O NA KHYOD KYI 'DOD PAS DNGOS PO THAMS CAD LA DNGOS PO NYID TZAM BKAG NA DON GYI BYA BA'I NUS PA'I MTSAN NYID KHO NA'I DNGOS PO'I MTSAN NYID MED PAS 'ON KYANG GSAL BA YANG YOD PA YIN NO ZHE NA, DE LA THOG MA DGAG PA NI RNAM PAR SHES PA NI SNGON PO LA SOGS PA'I RNAM PA DON DAM PAR NUS PA THAMS CAD KYIS STONG PA'O, ,KUN RDZOB TU RTEN CING 'BREL PAR 'BYUNG BA NI DNGOS PO MED PAR RANG RIG PA'I MNGON SUM @32A *, ,GYIS 'GRUB PAS, DES GSAL BA'I MTSAN NYID CAN GYIS SEMS CAN MED PA'I PHYIR RO, ,DE'I GSAL BAR BYED PA YANG GSAL BA NYID DU BDEN PAR 'GYUR ZHES PA'I GSAL BA'I MTSAN NYID KYIS DNGOS PO'I NGO BO NYID STONG PA NYID DU BSGRUB PAR BYA BA LA SGRUB BYED DANG BRAL BA STE, DPE DANG PHYOGS LA MNGON SUM GYIS GNOD PAS GTAN TSIGS MA NGES PAR 'GYUR ZHES BYA ZHE NA, DE LTAR MIN TE, DON DAM PA'I MNGON SUM NI JI LTAR YANG GRUB PA MED LA, GANG DU GSAL BA BDEN PAR YOD CES PA NI GANG DU BSGRUB PAR BYA BA BTAGS PA LA SOGS PA CAN DU 'GYUR LA, RANG GSAL BA'I SNGON PO LA SOGS PA'I RNAM PA LA LKOG TU GYUR PAS THE TSOM ZHES PA NI BYIS PAS KYANG BRJOD PAR MI NUS SO, ,SKYE BA NYID DU SHES SHING MTHONG YANG DE GANG DU GSAL BA MED PAS GNAS ZHES PA NI, RNAM PAR RIG PAR SMRA BA RNAMS KYI GRUB MTHA' STE, DE GANG DU GTAN TSIGS LA THE TSOM ZA NA LDOG PA'I DOGS PA YANG MED DO, ,DE NAS RIGS PAS GANG GIS DNGOS PO RNAMS KYI DNGOS PO SKYE BA LA GNOD PAR 'GYUR BA DE KUN RDZOB TU YANG GNOD PAR 'GYUR BAS, DE'I GTAN TSIGS MA GRUB PO ZHE NA, MIN TE, GANG GI PHYI'I RGYU LA SOGS PA SKYE BA BZHIN DU 'DIR SKYE BA THAMS CAD YUL DANG DUS DANG RGYU'I KHYAD PAR LA LTOS PA YANG KHYOD KYIS KUN RDZOB NYID DU RNAM PAR GZHAG PAR BYA STE, THOG MA MED PA NAS RANG RANG GI RJES SU MTHUN PA'I RGYU DANG RKYEN GYIS PHAN TSUN RJES SU BSKYED LA, DE YANG JI LTAR NGES PAR RNAM PAR GZHAG PAR BYED PA NI DUS MNYAM PA'I DUS THA DAD PA GAL TE RNAM PAR GZHAG PA DE LTAR NI 'GAL BA MED DO, ,SKAD CIG MA MA YIN PA NYID LA SOGS PA'I SKYON YANG DE LA 'JUG PA MED DE, SGRA DON LA 'GAL BA 'JUG PA MED PA'I PHYIR RO, ,SGYU MA DANG RMI LAM LTA BU'I CHOS RNAMS KYI NGO BO NYID NI SKAD CIG MA DANG SKAD CIG MA MA YIN PA'I CHOS SU MI SBYOR BA'I PHYIR RO, ,GANG DU GZHAN DU 'DUS BYAS PA RNAMS SKAD CIG MA NYID DU GSUNGS PA DE NI BAG MED PA RNAMS 'DUS BYAS DAG LA KUN TU YID BYUNG NAS RIM GYIS BDAG MED PA'I DE KHO NA NYID LA GZHUG PA'I PHYIR RO, ,GAL TE DON DAM PAR NGO BO NYID MED KYANG DNGOS @32B PO YUL DANG DUS LA SOGS PA NGES PAS SO SOR SNANG NA DES RI BONG GI RVA LA SOGS PA YANG CI'I PHYIR NGES PAR MI 'GYUR ZHE NA, KHYOD LA YANG 'DI 'DRI BAR BYA'O, ,RAB RIB CAN LA SOGS PA LA YUL SGRA DON LA SOGS PA DANG RI BONG GI RVA LA SOGS PA DNGOS PO MED PA NYID MNYAM YANG, JI LTAR NA SKRA SHAD LA SOGS PA NYID SGRA DON DU SNANG BAR 'GYUR LA, RI BONG GI RVA LA SOGS PA MA YIN, 'DIR RAB RIB LA SOGS PA NI RGYU'I NUS PAS DE LTAR NGES SHE NA, JI LTAR DNGOS PO MED PA LA NUS PA NGES PAS MTHONG BA'I PHYIR ZHE NA, GZHAN DU YANG RGYU'I NUS PA NGES PAS DE LTAR RNAM PAR GZHAG PAR NGES PAR CI'I PHYIR MI 'DOD, SHES PA'I NGO BO NYID KYIS NA RAB RIB CAN LA SKRA SHAD LA SOGS PA RNAMS LA BDEN PA NYID DU MI RIGS ZHES BRJOD PA NYID NA, SHES PA DANG SHES BYA DAG LAS GZHAN PA'I DNGOS PO'I NGO BO NYID DU YANG YOD PA MA YIN NO, ,SNANG BA NYID KYI SKRA SHAD LA SOGS PA RNAMS NI 'JIG RTEN DU TSAD MAR RAB TU GRAGS PA NYID LA DNGOS POR NI MED PA NYID DO, ,DE NYID KYIS NA GANG ZHIG DON DAM PAR MA SKYES PA DE NI KUN RDZOB TU YANG MI SKYE STE, DPER NA MO GSHAM GYI BU LA SOGS PA RNAMS BZHIN LA DON DAM PAR DNGOS PO MA SKYES ZHES PAS THAL BAR 'GYUR BA'I GTAN TSIGS LA SGYU MA LA SOGS PA RNAMS GZUNG BA LA SOGS PA RNAMS KYIS GTAN TSIGS MA NGES PAR 'GYUR BA LA NI BZLOG PA LA YANG TSAD MA MED PAS LDOG PA LA THE TSOM ZA LA, DON DAM PAR MED PAS KUN RDZOB TU YANG MED NA, KUN RDZOB KYI BDEN PA NUB PAR 'GYUR LA, GANG DU KUN RDZOB TU YANG MO GSHAM GYI BU LA SOGS PA MI SKYE BA NI DE LA SOGS PA'I TSOGS PA DANG BRAL BA LA STE, DON DAM PA'I RANG BZHIN DANG BRAL BAS NI MA YIN NO, ,'O NA JI LTAR GTAN TSIGS MA GRUB PA LA SOGS PAR YONGS SU SPONG BA'I NUS PA MED DE, DNGOS PO RNAMS THAMS CAD RTAG TU YOD PA MIN PA LA DGAG PA'I SBYOR BAS SGRO 'DOGS PA NYID KYI NGO BO DGAG PA'I SBYOR BAS ZHES BRTAGS PA'I NGO BO NYID DGAG PA NI BSGRUB PAR BYA BA GRUB PA LA BSGRUB PAR 'GYUR BA'I DON MED CES PA NI SPANG DKA'O ZHES PA LA MIN TE, TSAD MAS GNOD PA NI BRTAGS PA'I NGO BO NYID LA YIN PA'I PHYIR TE, RANG @33A *, ,RIG PA'I MNGON SUM NI DON DAM PAR YOD PA'I YONGS SU GRUB PA'I NGO BO'I DNGOS PO RNAMS KYI NGO BO NYID RNAMS LA TSAD MAS GNOD CES PA STE, DE YANG BRTAGS PA'I NGO BO LA GZHAN DU RIGS PAS SGRO BTAGS PA DANG LDAN NAS GZUNG BA DANG 'DZIN PA'I NGO BO NYID DU RIG PA MIN PAS GRUB LA BSGRUB PA NI MA YIN TE, 'DIR JI LTAR SGYU MA MKHAN GYIS SHES PA LA SGYU MA'I SKYES PA DANG BUD MED LA SOGS PA'I YUL LA DE NYID LA DE'I NGO BO NYID MED PAS, DE'I GZUGS LA MNGON PAR ZHEN PAR 'GYUR BA DE LA MNGON PAR ZHEN PA MED PAS DBEN PA NYID DU DMIGS PA'I NGES PA BSKYED PA'I RGYUR DE'I YUL DU RNAM GZHAG BYED PA DE BZHIN DU GZHAN LA MNGON SUM LA RTOGS PA DANG LDAN PA RNAMS KYI MNYAM DU BYUNG BA'I 'KHRUL PA'I RGYU MTSAN SKYE BAR BYED LA, DE KHO NA NYID DU DE'I NGO BO MNGON PAR ZHEN PA MED PAR NGES PA'I RGYU NYID KYIS NA, DES DBEN PA'I YUL RNAM PAR GZHAG PA'O, ,DE BZHIN DU RJES SU DPAG PA'I SHES PA'I YUL NANG GI SGRO BTAGS PA'I DNGOS PO THUN MONG GI YIN YANG DNGOS PO JI LTA BA BZHIN LA DMIGS PA'I TSUL GYIS DE'I YUL YANG TSAD MAR 'DOD DO, ,DE'I NGO BO NYID MED KYANG DE NYID PAS NA RANG GI BDAG NYID LA MI 'JUG PA'I 'GAL BA YANG MED DE, SPYI BO'I NGO BOS CHOS THAMS CAD NGO BO NYID MED PAR RNAM PAR GZHAG PA'I PHYIR TE, DE LA SPYI'I MTSAN NYID NYID KYI BLO'I NGO BO NI NANG DU SON PA'I PHYIR RO, ,YOD PA'I GTAN TSIGS SKAD CIG MAS 'JIG PA'I BLO BZHIN DU, 'O NA SGRO BTAGS PAS RNAM PAS STONG PA'I GZUGS LA SOGS PA KHO NA NGO BO NYID MED PA'I SGRAS BRJOD LA, DE'I YANG GZUGS LA SOGS PA'I NGO BO NYID MNGON SUM GYI PHYIR DE'I NGO BO NYID DU GYUR PA LA NGO BO NYID MED PA YANG MNGON SUM GYI BUM PAS DBEN PA'I SA PHYOGS BZHIN DU DMIGS PAS DE'I BDAG NYID DU GYUR PA'I BUM PAS DBEN PAS BYIS PAS DER DMIGS PAR MI BYED LA, 'DIR YANG DE LTAR MNGON SUM GYIS DE LTAR DMIGS PAR RUNG BA'I MTSAN NYID MA DMIGS PA NI MED PA'I THA SNYAD DU RUNG BA'I PHYIR NA, MED PA NYID KYI NGO BO NYID MED CES PA LA RJES SU DPAG PAS GNOD CE NA, MIN TE, DNGOS PO RNAMS @33B LA SGRO BTAGS PA'I RNAM PAS DBEN PA NYID LA NGO BO NYID MED PAR BRJOD DE, DE LA DNGOS PO'I NGO BO SKAD CIG MA BZHIN DU GZUNG NAS 'DZIN KYANG 'KHRUL BAS SGRO BTAGS PA MA YIN PA'I DE KHO NA NYID CAN GYI SKYE BA LA SOGS PA'I RNAM PA LOG PA'I NGO BO'I PHYIR NA, TSU ROL MTHONG BA RNAMS KYIS NGES PAR MI 'GYUR LA, DE 'DIR NGES PAR MI 'THAD PA'I MNGON SUM NYID MED LA MNGON SUM GYIS GNOD PA MED LA, NGES PA SKYED PA BYED PA CAN NI MNGON SUM DU BYAS PA'I THA SNYAD DU BYED PA'I MTHONG BA'I LAM LA SOGS PA RNAMS SU'O, ,DE LTAR GZUNG BA YANG THA SNYAD DU MI RUNG BA'I PHYIR GZUNG BA MED PAS BRTAGS PA STE, 'DIR DMIGS PA'I RIG BYAR MA GYUR PA NYID YOD PAS DE DE LA RJES SU DPAG PA'I GNOD PA MED DO, ,DON DAM PAR ZHES PAS KHYAD PAR DU BYAS PAS MA BRTAGS NA NYAMS DGA' BA'I DNGOS PO'I NGES PA MA BRTAGS PAS YID CHES PA'I GNOD PA MED PA NYID DO, ,DE NYID KYIS NA 'DI THAMS CAD LA BCOM LDAN 'DAS KYIS DGONGS NAS GSUNGS PA STE, GANG ZHIG RKYEN RNAMS KYIS BSKYED DE LA SKYE MED DE, ,DE YI SKYE BA NGO BO NYID DU YOD PA MIN, ,GANG ZHIG RKYEN LA RAG LAS DE NI STONG PAR BSHAD, ,GANG ZHIG STONG NYID SHES PA DE NI BAG YOD YIN, ,ZHES SO, ,DE BZHIN DU DE KHO NA NYID RTOGS PA DANG RJES SU MTHUN PA'I RJES SU DPAG PA BSAM PA'I RANG BZHIN CAN NAM, SGOM PA'I RANG BZHIN CAN GYIS JI LTA BA BZHIN DU RAB TU RNAM PAR 'BYED PA'I SHES PAS CHOS RNAMS THAMS CAD KYI BUD SHING SREG PA NYID KYI RJES SU THOB PA STE, DE YANG THAMS CAD DU NI 'DI LTAR DES SGRO BTAGS PA'I CHOS KYI BUD SHING BSREGS PAS RAB TU ZHI BA RNAM PAR 'BYED PA 'BAR BAS BRTAGS PA NYE BAR ZHI BA'I MTSAN NYID KYI MCHOG TU MYA NGAN LAS 'DAS PA'I 'GRO BAR 'GYUR TE, DE LTAR YANG DBU MA RTZA BA LAS, DNGOS DANG DNGOS MED MCHOG 'DZIN PA, ,ZAD PA MYA NGAN 'DAS ZHES BRJOD, ,CES TE, RNAM PAR RTOG PA MED PA'I 'JIG RTEN LAS 'DAS PA'I YE SHES KYI RGYUN MUR THUG PA MED PA NI NAM MKHA' JI SRID DU RJES SU GNAS PA KHO NA'O, ,CHOS MCHOG LAS PHYIN CI LOG GI BDAG NYID KYANG MOS PA LA SOGS PAS RJES SU @34A *, ,DPAG PA LA 'JUG PAS MNGON SUM DU BYA BA THOB NAS CHOS KYI DBYINGS KUN DU 'GRO BA SO SOR RTOGS PA ZHES PA'I RJES SU DPAG PAS BKAG KYANG 'JIG RTEN LAS 'DAS PA'I YE SHES NYE BAR ZHI BA NI MA YIN NO, ,BUD SHING MES ZAD LA ZAD PA'I GSER BZANG PO BZHIN DU STE, DE NYID KYIS NA, DMIGS PA MED PAS RAB TU ZHI, ,ZHES PA STE, RNAM PAR RTOG PA CAN GYI BLO ZHES PA'I DON NO, ,BRTAGS PA'I RNAM PA LA SOGS PA'I KHYAD PAR LAS GZHAN PA DE KHO NA NYID RTOGS PA'I THABS KYANG YOD PA MA YIN PAS, 'DIR YANG BSGRUB BYA DANG SGRUB BYED LA SOGS PA'I THA SNYAD THAMS CAD KUN RDZOB LA KUN RDZOB CI ZHIG CE NA, BRJOD PA NGO BO NYID MED PA'I DNGOS PO RNAMS LA NGO BO NYID CAN DU PHYIN CI LOG PA'I RNAM PAS SGRO BTAGS PA CAN GYI 'KHRUL PA'I BLO STE, KUN RDZOB NI 'DIS 'DIR DE KHO NA NYID LA KUN TU SGRIB PAR BYED CING G-YOGS PAS SO, ,DE SGRO BTAGS PA'I DNGOS PO LA KUN RDZOB PA ZHES BRJOD PA'AM, BRTAG TU MED PAS KUN RDZOB STE, PHYIN CI MA LOG PA'I DE KHO NA NYID LA DMIGS PA LA 'JUG PA'I RJES SU DPAG PA DE'I STOBS LAS BYUNG BA CAN GYI BSAMS PA LAS BYUNG BA CAN GYI SHES RAB DANG BSGOMS PA LAS BYUNG BA CAN GYI MNGON SUM GYIS DE KHO NA NYID NI RJES SU MA BRTAGS PA STE, DE'I RGYU MTHUN PA NI BRTAGS PA ZHES BRJOD LA, DE KHO NA NYID KYI DON LA RGYAB KYIS PHYOGS NAS 'DI THAMS CAD LA PHYIN CI LOG PA'I SGRA DON GYI RNAM PAS 'DZIN PA'I SHES PA NI MA BRTAGS PA STE, RNAM PAR MI RTOG PA'I YE SHES NI MA YIN ZHING RNAM PAR RTAGS NA DNGOS PO MED PA TZAM YANG MA YIN NO, ,DE GRAGS PA'I PHYIR 'DI THAMS CAD SGRA DON GYI NGO BO LAS MED PAS KUN RDZOB PA'O, ,YANG NA 'JIG RTEN LAS 'DAS PAS YID CHES PAS KUN RDZOB STE, 'JIG RTEN LA RAB TU GRAGS PA'I DON 'DI THAMS CAD KUN RDZOB NYID DU MTHAR THUG PA'I PHYIR LA, CUNG ZHIG SHIN TU LKOG TU GYUR PA'I RNAM PA THAMS CAD DU SO SOR NGES PA'I LAS DANG 'BRAS BU LA SOGS PA'I RNAM PAR GZHAG PA NI THAMS CAD MKHYEN PA'I YE SHES KHO NA LAS GZHAN PAS KYANG 'DI MI SHES PAS GANG DU DNGOS PO RNAMS LA RTAG PA LA SOGS PA NYID DU BRTAGS PA DE NI LOG PA'I KUN RDZOB TU BRJOD DE, NGES @34B PAR GZUNG YANG DE MED PA'I PHYIR RO, ,BDAG LA SOGS PA DANG BRAL BA'I CHOS 'DI RNAMS NI RGYU DANG BCAS PA CAN ZHES PA NI YANG DAG PA'I KUN RDZOB TU YOD PAR BRJOD DO, ,YANG NI SHES PA DANG SHES BYA'I NGO BO'I PHUNG PO LNGA CAN NI KUN RDZOB STE, GANG DU 'PHAGS PA KLU SGRUB KYIS GSUNGS PA, RGYU DANG RKYEN LAS KUN 'BYUNG BA'I, ,GZHAN GYI DBANG NI KUN RDZOB PAS, ,GZHAN GYI DBANG ZHES GRAGS PA STE, ,DON DAM NYID NI BCOS MA YIN, ,ZHES SO, ,DE RNAMS RTEN CING 'BREL PA LAS 'BYUNG BA DES NA GZHAN GYI DBANG STE GANG PHUNG PO LNGA'I MTSAN NYID NI KUN RDZOB TU SGYU MA LTA BU'I RANG BZHIN LA DON DAM PAR NGO BO NYID MED PA NYID KYI MTSAN NYID CAN GYI STONG PA NYID DO, ,GAL TE DON DAM PAR SPROS PA THAMS CAD LAS 'DAS PA NA, DES DON CI ZHIG GRUB NAS 'DI DAG DON TU BSGRIBS PA MTHAR SONG BA DANG BCAS PA SPANG BAR 'DOD CING NA CI YANG MA YIN PA'I PHYIR RO ZHE NA, BRJOD PA, CHOS THAMS CAD LA BDAG MED PA'I MTSAN NYID CAN DE KHO NA NYID KYI RIGS DANG LDAN PA DES MCHOG TU BSGRIBS PA MTHAR SONG BA DANG BCAS PA SPANG BAR 'DOD CING DON DU GNYER BA RNAMS KYI DON DU 'GYUR ZHES PA'I DON NI DON DAM PA ZHES BRJOD DO, ,DAM PA NI PHYIN CI MA LOG PA'I YE SHES KYI YUL GYI DON TE DON DAM PA'O, ,'JIG RTEN LAS 'DAS PA'I YE SHES KYANG SGYU MA LA SOGS PA DANG KHYAD PAR MED PA NYID KYIS YANG DAG PA'I KUN RDZOB KYI NGO BO 'DI YANG DON DAM PA'I YUL ZHES PAS DON DAM PA'O, ,GANG YANG RJES SU DPAG PA'I BDAG NYID KYIS THOS PA DANG BSAMS PA DANG BSGOMS PA LAS BYUNG BA'I SHES RAB NI DON DAM PA RTOGS PA DANG RJES SU MTHUN PAS DE YANG NYE BAR BTAGS PA STE, PHYIN CI MA LOG PA'I DON YUL YIN PA'I PHYIR NA DON DAM PA'O, ,KUN RDZOB DANG DON DAM PA'I BYE BRAG 'DI RNAMS KYIS 'CHAD PAR 'GYUR BA'I NGAG RNAMS KYI NI SO SO'I SKYE BA'O GNAS SKABS DANG, DE KHO NA NYID RTOGS PA'I SKABS LA JI LTAR RIGS PAR SHES PAR BYA'O, ,DE LA KHO NA NYID KYI MTSAN NYID KYI DON DAM PA SGOM PA RNAMS KYIS GANG DU KUN NAS NYON MONGS PA'I LHAG MA MA LUS PAR SPANGS PA'I RNAL 'BYOR PA RNAMS KYIS GONG @35A *, ,NAS GONG DU SHES RAB LA SOGS PA'I YON TAN GYI KHYAD PAR YANG RTOGS PAR 'GYUR BAS, DE'I DON CHEN PO'I SGRUB PA PO'I PHYIR DE NYID LA DAM PA'I SGRAS RJOD PAR BYED PAR RIGS PA'O, ,SHES PA YANG DON DAM PA STE, MA LUS PA'I YON TAN PHUN SUM YU TSOGS PA LA GNAS PAR BYED PAS DON CHEN PO'I BSGRUB PA'O, NYID CES BYA BA NI DON DAM PAR CUNG ZAD BYED PA NYID KYIS NI MA YIN NO, ,'DI NYID NI YANG DAG PA'I SHES BA'I BDAG NYID CAN TE, DON DAM PA'I DBANG DU BYAS NA, DON DAM PAR DNGOS PO MED CES PA DANG, MI SKYE ZHES BYA BAR BRJOD PA NI YANG DAG PA'I SHES PAS GRUB PA LAS, 'DI RNAMS SKYE BA MED CES BYA BAR DGONGS TE, GANG YANG RUNG BA DON DAM PAR NI, DE KHO NA NYID KYI RNAM PAS BTAGS PAR BYAS NA YOD PA MIN ZHES BYA BA DANG, SKYE BAR MI 'GYUR RO ZHES PA'I DON TO, ,DE KHO NA NYID KYI MTSAN NYID CAN GYI DON DAM PA DANG, 'DUS BYAS PA'I MTSAN NYID CAN GYI KUN RDZOB DAG LHAN CIG MIN ZHES THA DAD PA NYID MIN LA GNYI GA NYID DU YANG MI 'DOD KYI, CUNG ZHIG DE KHO NA NYID DANG GZHAN NYID DAG TU BRJOD DU MED PA NYID DE, 'DUS BYAS PA NYID DANG DON DAM PA'I MTSAN NYID KYI DNGOS PO NYID LA NI DE NYID DANG GZHAN PA NYID KYI RNAM PAR RTOG PA SRID PA'I PHYIR RO, ,SPYI'I MTSAN NYID KYANG DON DAM PAR DNGOS PO MED PA'I PHYIR DE NYID DANG GZHAN NYID DU 'DI GNYIS SU BRJOD DU MED PA NYID KHO NA'O, ,YOD PA'I DNGOS PO LA DE NYID DANG GZHAN PA NYID DU BRTAGS KYI DNGOS PO RNAMS KYI NGO BO NYID MED PA LA NI DE MI SRID CES PAS NA 'GAL BA MED PA KHO NA'O, ,DMIGS PA'I SGRO BTAGS PA'I TSUL GYIS RJOD PAR BYED PAS DON DAM DANG KUN RDZOB NYID DU 'GYUR GYI, DE NI SPROS PA THAMS CAD LAS SHIN TU 'DAS PA'I PHYIR RO, ,DE YANG MA LUS PA'I RTOG PA'I DRA BA DANG BRAL BA'I 'JIG RTEN LAS 'DAS PA'I YE SHES KYIS SGRO BTAGS PA'I CHOS THAMS CAD KYI SNANG BA MED PAS SO SOR RANG GIS DMIGS PA MED PAR RIG PAR DON KYANG NGES PA'I PHYIR TE, THA SNYAD SKAD DU LHA'I BU JI SRID DU RNAM PA THAMS CAD KYI MCHOG DANG LDAN PA'I RNAM PA THAMS CAD MKHYEN PA'I YE SHES KYI YUL @35B LAS 'DAS PA NI DON DAM PA'I BDEN PA'O ZHES GSUNGS TE, SGYU MA LA SOGS PA DANG KHYAD PAR MED PA'I PHYIR DANG, YE SHES KYI BDAG NYID DANG DON DAM PAR NA YANG DAG PA'I KUN RDZOB KYI NGO BO DE KHO NA NYID RTOGS PA DANG RJES SU MTHUN PA'I PHYIR DANG YUL DE KHO NA NYID KYI PHYIR NA DON DAM PA'I NGO BO'O ZHES PA LA LTOS PA'I DBYE BAS GCIG GNYI GA'I NGO BO NYID KYANG 'GAL BA MA YIN PA NYID DO, ,GANG ZHIG SA BCU PAR KHAMS GSUM PO 'DI RNAMS SEMS TZAM ZHES PA DANG, GANG YANG LANG KAR GSHEGS PA LAS, DON YOD MA YIN SEMS NYID DE, ,BAG CHAGS KYIS NI DKRUGS PA'I SEMS, ,DON DU SNANG BA RAB TU SKYE, ,ZHES GSUNGS TE, DE RGYA CHEN POR BCOM LDAN 'DAS MA LAS DANG MDO SDE RNAMS LAS NGO BO NYID MED PA NYID DU BSTAN PAR GSUNGS PAR RIGS KYI, DON DAM PA PA NYID LA MA YIN ZHING KUN RDZOB TU PHYI ROL GYI DON MED PA NYID LA YANG MA YIN GYI; CUNG ZHIG RIM GYIS DON DAM PA LA BZHUGS PAR BYED PA'I PHYIR SEMS TZAM NYID DU BSTAN PA NYID LA, KHA CIG GIS LOG PAR BSGRUBS PA STE, DANG PO SEMS TZAM NYID LA BRTEN NAS PHYI ROL GYI DON GYI NGO BO NYID MED PA NYID DU SO SOR BSGRUB CING, DE'I RJES LA SEMS TZAM DE YANG DON DAM PAR DON MED PA NYID KYANG GZUNG BA DANG 'DZIN PA'I BAG CHAGS KYIS DKRUGS PA'I DBANG GIS SEMS PHYIN CI LOG NAS RNAM PAR CHAD PA'I SNGON PO LA SOGS PA CAN GYI DON DAM PAR YOD PA SNANG BAR BYED CING SGRO 'DOGS PAR BYED PA'I SGRO 'DOGS PA'I RNAM PAR RTOG PA SKYED CES PA'I DON DU SNANG BA LA, KUN RDZOB TU NI RNAM PAR SHES PA BZHIN DU PHYI ROL GYI DON YANG YOD DE, GZHAN DU NA SA BCU PA LAS, SA BRGYAD PA'I BYANG CHUB SEMS DPA'I SA RDUL PHRA RAB KYI TSAD NYID DANG, DBEN PA NYID DU SHES SHING 'JIG RTEN GYI KHAMS JI SNYED PA'I SA'I KHAMS KYI RDUL PHRA RAB KYI DKAR POR GYUR PA SHES LA, DE BZHIN DU CHU'I KHAMS DANG ME'I KHAMS DANG RLUNG GI KHAMS SU YANG SHES ZHES GSUNGS PA DANG 'GAL BAR 'GYUR RO, ,YID CHES PA DANG 'GAL TE, RNAM PAR SHES PA BZHIN DU PHYI ROL GYI DON KYANG NGES PA'I PHYIR TE, THA SNYAD DU DNGOS PO GNYIS @36A *, ,SU BDEN PA NI BA LANG RDZI LA YANG GRAGS LA, RIGS BAS DPYAD PAR BYA NA GNYI GA YANG DPYAD MI BZOD PA DES NA DNGOS PO MED PA'O, ,DE LTA BAS NA SHES RAB KYIS BSGRUB PA'I DBANG DU BYAS NAS BCOM LDAN 'DAS MA LA PHUNG PO LNGA BO RNAMS KYANG KHYAD PAR MED PAR STONG PA NYID DU BSTAN TO, ,DE NYID KYIS NA SHES PA DANG SHES BYAS STONG PA'I GNYIS SU MED PA'I SHES BA NI CUNG ZAD DNGOS PO MED DE, DE NYID KYIS NI 'PHAGS PA LANG KAR GSHEGS PAR YANG GSUNGS TE, BLO GROS CHEN PO 'DI DAG KYANG GCIG LA GCIG GIS STONG PA NYID PAS THAMS CAD KYANG SMAD PAR BYAS PA STE, DE KHYOD KYIS YONGS SU SPANG BAR BYA'O ZHES BA DANG, 'PHAGS PA KLU SGRUB KYI KYANG, 'DI DAG THAMS CAD SEMS TZAM ZHES ZHES, ,GANG ZHIG THUB PAS BSTAN PA NI, ,BYIS BA RNAMS KYI SKRAG PA NI, ,SPONG BA'I DON LA DE NYID MIN, ,ZHES TE, 'ON KYANG MDO DAG LAS SEMS TZAM DU BSTAN PA NI GZHAN BYED PA PO DANG SPYOD PA PO'I 'BRAS SUR KUN TU BRTAGS PAS DGAG PA STE, SEMS LAS MA GTOGS PA GZHAN BYED PA PO LA SOGS PA NI THA SNYAD DU YANG MA GRUB PA'I PHYIR RO, ,DE LTAR NA, YANG PHYI ROL MED PAR SMRA BA'I SANGS RGYAS PA RNAMS KYIS SEMS CAN GYI 'JIG RTEN DANG, 'DI LTAR SNOD KYI 'JIG RTEN SEMS KHO NAR BYED PA NI SHIN TU NGO MTSAR TE, LAS LAS SKYES PA'I 'GRO BAR BRJOD PA'I LUS DANG LAS DANG SEMS PA LAS GANG YOD PA NI MI NA ZHES BRJOD PA NI SEMS LA NI CHOS THAMS CAD LTOS PAS GTZO BO NYID DU BSGRUB PA'I PHYIR TE, CHOS RNAMS THAMS CAD KYI SNGON DU SEMS 'GRO BA'I PHYIR RO, ,DE NYID LA DE KHO NA NYID CAN GYI DNGOS PO KHAS MI LEN LA, GANG YANG DNGOS PO MED PA YANG MIN TE, DNGOS PO DANG DNGOS PO MED PA LAS LOG PA'I MTSAN NYID CAN GYI PHYIR RO, ,DE'I DNGOS PO MA GRUB PAS YUL MED PA LA DGAG PA'I SBYOR BA MED DE, MED PA LA DGAG BYA DANG DGAG BYED KYI 'JUG PA MED PAS DE SNGON DU 'GRO BA CAN GYI DE YANG MI GRUB LA, DNGOS PO DANG DNGOS PO MED PA'I RNAM PAR RTOG PA DAG GIS NI RNAM PAR RTOG PA RNAMS THAMS CAD LA KHYAB PA'I PHYIR KHYAB BYED MED PA LA KHYAB @36B BYA MI SRID PAS DE KHO NA NYID DU NA DNGOS PO DANG DNGOS PO MED PAR MCHOG TU 'DZIN PA DANG BRAL BAS, MA BRTAGS NA NYAMS DGA' BA'I DNGOS PO 'DI RNAMS LA SHES RAB KYI SBYIN GYIS BRTAGS NA NANG DANG PHYI ROL GYI SNYING PO DANG BRAL BAS GANG DU BSGOMS PA'I STOBS RDZOGS PAS SKYON THAMS CAD BKAG NAS BDAG MED PA MTHONG BA MNGON SUM DU GYUR NAS DE DANG 'GAL BA'I PHYIR NYON MONGS PA'I SGRIB PA DANG SHES BYA'I SGRIB PA SPONG BAR 'GYUR TE, 'DIR 'CHING BA MED PAS SPRIN DANG BRAL BA'I NYI MA'I 'OD ZER BZHIN DU NAM MKHA'I MTHA' KLAS PAR RTEN CING 'BREL PA LAS LAS 'BYUNG BA'I DNGOS PO DON DAM PAR SKYE BA LA SOGS PA'I BRTAGS PA DANG BRAL BA'I RGYUN MI 'CHAD PA RNAL 'BYOR PA'I MNGON SUM GYI SNYING RJES DANG SHES RAB KYI RANG BZHIN GYI KUN RDZOB PA'I YE SHES KYI SNANG BA YANG DAG PAR SKYE LA, 'DI NYID DE KHO NA NYID MTHONG BA STE, GANG DU SHES RAB KYIS BRTAGS PA NA CHOS THAMS CAD MI MTHONG GI, ,GANG DU YID LA BYED PA DANG, GNYID LOG PA'AM MIG BTZUMS PA BZHIN GYIS NI MA YIN NO, ,DE LTA BU'I BAG CHAGS MA SPANGS NA, 'DU SHES MED PA'I SNYOMS PAR 'JUG PA LA SOGS PAS LANGS PA NYID NA, GZUGS LA SOGS PA LA MNGON PAR ZHEN PA'I RTZA BA CAN GYI 'DOD CHAGS LA SOGS PA RNAMS SKYE BAR 'GYUR BAS RNAL 'BYOR PA GROL BAR MI 'GYUR RO, ,GZUGS LA SOGS PA'I YUL GYI THE TSOM SPANGS PA MED NA, DE'I YID LA BYED PA SPONG BAR MI NUS TE, SREG BYED YONGS SU MA SPANGS PAR SREG PA YONGS SU MI SPONG BA BZHIN NO, ,DE'I PHYIR NA JI SKAD DU BSHAD PA'I MTHONG BA MED PA'I SBYOR BA'I SHES RAB KYI PHA ROL TU PHYIN PA BSGOMS PAS THE TSOM GYI SA BON DANG BRAL BA NYID KYIS GZUGS LA SOGS PA LA MNGON PAR ZHEN PA BSAL BAR BYA'O, ,DE LTAR YANG DNGOS PO DANG DNGOS PO MED PA LA SOGS PA'I TSUL GYIS DPYAD PAS THE TSOM DANG LDAN PA DE DANG BRAL NAS GZUGS LA SOGS PA LA MNGON PAR ZHEN PA DANG BRAL BAS CHOS THAMS CAD NGO BO NYID MED PAR RTOGS LA DE NYID SHES RAB KYI PHA ROL TU PHYIN PA ZHES SNGA NAS BSHAD DO, ,'DIR CHOS THAMS CAD DON DAM PAR NGO BO NYID NI SGRIB PA THAMS CAD @37A *, ,SPANGS PA DANG RNAM PA THAMS CAD MKHYEN PA NYID RTOGS PAR BYED PA LAM GYI MCHOG STE, DE NYID KYIS NA 'DIS MNGON PAR 'DOD PA THAMS CAD NYE BAR BSGRUBS BAS 'PHAGS PA RAB 'BYOR LA 'THAD PA NYE BAR BSTAN PA'O, ,SEMS KYI RANG BZHIN 'OD GSAL ZHES PA NI RANG BZHIN NI NGO BO NYID KYIS NGO BO NYID MED PA NYID LA, 'OD GSAL BA NI DE'I NGO BO NYID LA GLO BUR BA'I YANG DAG PA MA YIN PA'I KUN TU BRTAGS PA'I MUN PA MTHA' DAG NUB PA STE, 'DIR MNGON PAR ZHEN PA MED PA LA SOGS PA'I RNAM PA DANG THA MI DAD PA'I KUN RDZOB KYI NGO BO SEMS LA DON DAM PAR NGO BO NYID MED PAS SEMS MA MCHIS ZHES PA'I MA YIN PAR DGAG PA DANG MED PAR DGAG PA STE, KUN RDZOB TU YOD PA LA DON DAM PAR DON YOD PA MIN ZHES PA NYID TZAM LA YID RJES SU GNAS PAS PHYIN CI LOG BAR MTHONG NAS SMRAS PA NI YOD DAM ZHES PA STE; RIGS PAS DNGOS PO MED PA'I PHYIR TE, MA YIN PAR DGAG PA'I SBYOR BA MIN GYI 'ON KYANG MED PAR DGAG PA LA STE, DE LA YANG YOD PA DANG MED PA TZAM DU BTAGS PA YANG YOD PA MIN ZHES PA LA DGONGS NAS GSUNGS PA NI CI YANG ZHES PA LA SOGS PA STE, SEMS NI DNGOS PO TZAM LA SEMS MED PA NI DE'I DNGOS PO'I SEMS MED PA NYID DE, DE LA BRJOD PA NI MED CES PA STE, 'DI BRJOD MA THAG PA'I GNYI GA'I YOD PA NYID DANG MED PA NYID DU MI DMIGS PA STE SGRUB PA PO MED PA'I PHYIR RO, ,MED PA NI GNOD BYED DAM PA YOD PA'I PHYIR TE, DNGOS PO DANG DNGOS PO MED PA GNYI GA LAS YANG DAG PAR 'DAS PA'I PHYIR ZHES PA DE LA DGONGS NAS SLAR DRI ZHING RGOL BA LA SBYOR BA'O, ,SEMS MED CES PA NI SEMS DNGOS PO MED PA TZAM NYID MNGON PAR 'DOD PA LA DGONGS PA'O, ,YOD PA DANG MED PA'I NGO BOS YOD PA'I SGRO BTAGS PA NI MI RIGS PA NYID LA, SEMS CHOS CAN GYI YUL MED PA NYID LA DGAG PA'I SBYOR BA MED PAS, SEMS MED PA NYID KYANG MED CES GSUNGS PA NI CI LTAR YANG 'DI ZHES PA LA, RNAL 'BYOR PA'I KUN RDZOB TU SO SOR RIG PAR 'DOD NAS GSUNGS PA NI 'GYUR BA MED CES PA STE, RANG BZHIN GYIS 'OD GSAL BA'I PHYIR DANG, @37B SEMS 'GYUR BA'I 'DOD CHAGS LA SOGS PA RNAMS KYIS MA GOS BA'I PHYIR NA 'GYUR BA MED PA'O, ,SPROS PA THAMS CAD NYE BAR ZHI ZHING RNAM PAR RTOG PA THAMS CAD KYI SPYOD YUL MA YIN PA'I PHYIR NA RNAM PAR RTOG PA MED PA'O, ,DE'I PHYIR SEMS DES KYANG SLOM SEMS SU MI BYED DE, DE'I YANG NGO BO NYID STONG PA NYID DANG ROG CIG PA'I PHYIR RO, ,DE LTA YIN YANG DE'I SEMS RANG BZHIN GYIS 'OD GSAL ZHES DMIGS PA DE'I YANG RLOM SEMS MED PA'I RNAM PA STE, JI LTAR SEMS NI SEMS MED PA'I DANG, DE LTAR GZUGS LA SOGS PA RNAMS LA GZUGS LA SOGS PA MED CES PA DON GYIS RTOGS TE GANG DU PHUNG PO LNGA RNAMS STONG PA NYID DU MNYAM PAR GSUNGS LA 'DIR NI RANG BZHIN GYI PHYIR DANG MCHOG TU SKYES BU'I DON GYI RGYU NYID KYIS NA GTZO BO'I PHYIR NA, GZUGS LA SOGS PA RNAMS KYANG BYANG CHUB SEMS KYI NGO BO NYID DU BSGRUB BAR MNGON PAR 'DOD PA NYID DO, , DROD LA SOGS PA DBYE BA RNAMS KYI DMIGS PA DANG RNAM PA STE, DE DANG DE'I MI MTHUN PA'I PHYOGS NI LDOG PA'I DBYE BAS SHES PAR BYA'O, ,'ON KYANG MI ZHES PA NI GSAL BA 'DI RNAM PA ZHES PA'I DON TO, ,NYON MONGS PA MED PA ZHES PA'I SNYOMS PAR 'JUG PA PA GNYIS TE, GCIG GIS NI PHA ROL GYI RGYUD KYI NYON MONGS PA YANG MI 'GOG STE, DE 'DIR GZUNG BAR BYA BA MA YIN LA, GANG DU RNAM PAR RTOG PA'I NYON MONGS PA 'GEGS PA PA DE 'DIR GZUNG BAR BYA'O, ,SKABS YIN PA'I PHYIR RO, ,'DIR YANG ZHES PA NI 'DI LTA BU'I DMIGS PA DANG RNAM PA KHYAD PAR DU 'PHAGS PA NI DROD CHUNG DU NAS PHYIR MI LDOG PA'O ZHES PA STE, GANG ZHIG DBANG PO RNON PO DANG 'BRING DANG SHES RAB RTUL POS NI RAB TU DGA' BA DANG, MI G-YO BA DAG LA'O, ,SHES RAB KYI PHA ROL TU PHYIN PA DANG MA BRAL ZHES PA NI DES GONG NAS GONG DU YANG NGO, ,DROD CHUNG NGU'I RANG BZHIN NI GONG GI RNAMS LA YANG RDZES SU SBYOR BA'I PHYIR BCU GNYIS PO RNAMS KYI RGYU NYID KYI KHYAD PAR GYI DBANG DU BYAS NAS BSTAN BCOS SU, THEG PA GSUM CHAR THOB PA'I RGYU ZHES TE, BYANG CHUB SEMS DPA' RNAMS KYI DROD LA SOGS PA NI BYANG CHUB RNAM PA GSUM THOB PA'I RGYU STE, KHA CIG PHYIR MI LDOG PA LA RIGS KYI @38A *, ,STOBS KYIS DMAN PA'I BYANG CHUB KYANG THOB PA'I PHYIR LA, NYAN THOS DANG RANG SANGS RGYAS KYI THEG PA CAN DAG GI DROD LA SOGS PA NI BLA NA MED PA'I BYANG CHUB GANG DU YANG THOB BAR MI BYED DO, ,GANG DU GSUNGS PA'I NYAN THOS KYI SA ZHES PA NI 'DIR 'BYUNG BAR 'GYUR ZHES PAS SA STE, DE DE'I RGYU MTSAN NO, ,MNYAN PAR BYA BA NI GZHUNG NGO, ,GZUNG BAR BYA BA NI SEMS LA GZHAG PAR BYA BA'O, ,KLAG BAR BYA BA NI RJED PA'I PHYIR KHA TON DU BYA BA'O, ,KUN CHUB BAR BYA BA NI DON TO RNAM PA THAMS CAD DU SHES PAR BYA BA'O, ,RAB TU GDON PAR BYA BA NI GZHAN RNAMS LA YANG DON DANG GZHUNG DAG KUN TU BSGRAGS PA'I PHYIR RO, ,BSLAB PAR BYA BA NI SEMS PAS SO, ,RNAL 'BYOR DU BYA BA ZHES PA'I RNAL 'BYOR NI ZHI GNAS DANG LHAG MTHONG LA SNYOMS PAR 'JUG PA'I BYA BAS SO, ,BSGOM PAR BYA BA NI NGES PAR DUS DANG DNGOS POR GYUR PAS SO, ,RTOGS PAR BYA ZHES PA NI RNAL 'BYOR GYI LAS NYID KYIS SO, ,BYANG CHUB SEMS DPA' RNAMS KYIS NI RAB TU DGA' BA NAS JI SRID DU CHOS KYI SPRIN GYI BAR DU'O, ,THABS LA MKHAS PA NI KUN RDZOB DANG DON DAM PAR RO GCIG PA'I SEMS KYI KHYAD PAR LA YANG DAG PAR 'DU BA NI RDZOGS PA'O, ,'BRING NI BSTAN BCOS LAS, GZUGS SOGS SKYE 'JIG CES TE MING GIS ZHES PA NI LHAG MA'O, ,GNAS BRAL DANG GNAS DANG ZHES TE, MING DE YANG MED CES PA NI LHAG MA'O, ,'DI NYID GSUNGS PA NI DE NAS ZHES PA LA SOGS PA STE, MA 'TSAL PA NI DON DAM LA STE MI SHES PA'O, ,MA TSAL ZHES MDOR BSTAN PA'I RGYAS PAR BSHAD PA NI MA DMIGS SHES PA STE MNGON SUM GYIS SO, ,YANG DAG PAR RJES SU MA MTHONG ZHES PA NI RJES SU DPAG PAS SO, ,NGAN DU BYED PA'I DNGOS PO NI YID LA GCAGS PA STE, MI RIGS PAR BYAS PA NYID DO, ,MING DU BTAGS PA TZAM ZHES PA NI DON DAM STONG PAS MING NGO, ,'DI LTA STE BYANG CHUB SEMS DPA' ZHES PA NI BYANG CHUB SEMS DPA' ZHES ZER YANG NYE BAR MTSON PA MIN PAR SHES PAR BYA'O, ,YOD PA'I SKYE BA DANG 'JIG PA MI DGAG STE, DON DAM PAR NI YOD PA DANG DGAG PA LAS NGES PAR GROL @38B PAS GZUGS LA SOGS PA CAN LA DMIGS PA'I ZHES GSUNGS PA YIN NO, ,MI GNAS PA'I THER ZUG PA'I RTAG PA DANG, DE DANG 'DRA BA RAB TU RGYU BA'I RTAG PAS SO, ,DGAG BYA MED PA LA DE KHO NA NYID NGES PAR DGAG PA YOD PA MIN ZHING YUL MED PA LA BSGRUB PA'I SBYOR BA YOD PA YANG MIN TE, DGAG PA RNAM PAR RTOG BA LA BRTEN PA NYID KYANG KUN RDZOB PAR 'GYUR GYI DE KHO NA NYID NI MA YIN NO ZHES PA'I RIGS PAS MI GNAS PA YANG MA YIN NO, ,RNAM PAR MI GNAS PA NI RGYUN MI 'DRA BA NYID KYI DE LTA BU LA RNAM PAR MI GNAS PA STE, THER ZUG PA DANG 'DRA BA DANG MI 'DRA BA'I RGYUN DANG BRAL BA NYID KYI RNAM PAS SO ZHES PA'I DON TO, ,MED PA NYID KYIS ZHES PA STE, DE KHO NA NYID DU ZHES PA NI LHAG MA STE, KUN RDZOB TU NI SKYON MED CES PA LA DGONGS PA'O, ,RAB 'BYOR BSTAN BCOS LAS, BRTAGS DANG BRJOD DU MED CES TE YUM BAR MA LAS, GANG YANG 'DI LTA STE, BYANG CHUB SEMS DPA' ZHES PA'I CHOS NI BRDAR BTAGS PA CAN NO ZHES GSUNGS TE, BTAGS PA TZAM GYI SDUG BSNGAL LA SOGS PA NI DMIGS PA LA, DE NI GANG DU YANG BRJOD PAR MI NUS TE, PHUNG PO DANG KHAMS DANG SKYE MCHED NAS JI SRID DU SANGS RGYAS KYI CHOS MA 'DRES PA'I BAR GYI CHOS KYIS SO ZHES BRJOD DU MED PA NYID RNAM PA STE, 'DI LA GSUNGS PA NI DE LTAR ZHES PA NI MING LA DON MED PA NYID KYIS SO, ,MING DANG BTAGS PA GANG DE ZHES PA NI MING DU BTAGS PA NI SDUG BSNGAL LA SOGS PA BDEN PA LA'O, ,MI GNAS PA NI DE KHO NA NYID DU RNAM PAR MI GNAS LA, MI GNAS PA YANG MA YIN PA NI THA SNYAD DU NGES PA'I PHYIR TE DE NI BTAGS PA TZAM MO ZHES PA LA DGONGS PA'O, ,RNAM PAR MI GNAS PA NI DE YANG BRTAGS PA'I NGO BO LAS RNAM PA SNA TSOGS PA'I PHUNG PO DANG KHAMS LA SOGS PA'I NGO BO MI GNAS LA, GANG GI PHYIR DES NA BRJOD DU MED CES PA LA DGONGS PA'O, ,RNAM PAR MI GNAS PA YANG MA YIN PA NI THAM SNYAD KYIS GANG DU YANG BRJOD PAR BYA BA'I PHYIR ZHES PA NI DMIGS PA DANG RNAM PA'O, ,GAL TE ZHES PA LA SOGS PA STE, 'DI LTAR ZHES PA NI JI SKAD DU BSHAD PA'I DMIGS PA DANG RNAM PAR RNAMS KYIS @39A *, ,SO; ,RJOD PAR BYED PA NI GZHUNG LA'O, ,BSTAN PAR BYED PA NI DON LA'O, ,NYE BAR BSTAN PAR BYED PA NI DON LA SEMS PA'I RANG BZHIN GYI SHES RAB SKYED PAR BYED PAS SO, ,SEMS ZHUM PAR MI 'GYUR ZHES PA LA SOGS PA NI ZHI GNAS BSKYED PA GSUNGS PA STE DON NI SNGA MA BZHIN NO, ,LHAG PAR MOS PA NI ZHI GNAS DANG LHAG MTHONG GI STOBS KYIS NGES PAR BYED PA'O, ,LHAG PA'I BSAM PAS RTZE GCIG PAS SO, ,PHYIR MI LDOG PA'I ZHES PA NI PHYIR MI LDOG PA STE YANG DAG PAR RDZOGS PAR BYANG CHUB LAS PHYIR MI LDOG PAR NGES BA'O, ,DE NI DE RNAMS LA'O, , LEGS PAR GNAS PA NI YANG DAG PAR GNAS SO, ,GNAS PA MED PA'I SBYOR BA NI 'KHOR GSUM MI DMIGS PA'I SBYOR BAS SO, ,RTZE MO CHUNG NGU NI, GZUGS SOGS MI GNAS DE DAG GI, ,DE YI NGO BO RANG BZHIN MED, ,DE DAG GCIG GIS RANG BZHIN GCIG, ,CES BA STE, GZUGS LA SOGS PA RNAMS LA MI GNAS PA NI GANG GI PHYIR GZUGS LA SOGS PA'I NGO BOS STONG PA NYID CES SEMS PAS GNAS PA MI RIGS PAS GZUGS LA SOGS PA KA DMIGS PA'O, ,GZUGS LA SOGS PA DANG CHOS THAMS CAD STONG PA NYID DAG PHAN TSUN NGO BO GCIG STE GZUGS LA SOGS PA NYID STONG PA NYID LA STONG PA NYID KHO NA GZUGS LA SOGS PA'O ZHES DBYE BA DANG BRAL BA'I RAM PA'O, ,DE LTAR, DE MI RTAG SOGS PAR MI GNAS, ,DE RNAMS DE YI NGO BOS STONG, ,ZHES PA STE, DES GZUGS LA SOGS PA LA MI RTAG PA NYID LA SOGS PA RNAMS SU MI GNAS TE, GANG YANG 'DIR DE RNAMS KYI RTAG PA LA SOGS PA RNAMS NI MI RTAG PA LA SOGS PA'I NGO BO NYID KYIS STONG PA NYID DO ZHES PA NI DMIGS PA'O, ,DE DAG GCIG GI RANG BZHIN GCIG CES TE, MI RTAG PA'O ZHES MI RTAG PA DANG STONG PA NYID DAG PHAN TSUN NGO BO GCIG STE, GZUGS LA SOGS PA DANG STONG PA NYID DAG BZHIN NO ZHES PA NI RNAM PA'O, ,DE BZHI DU GZUGS LA SOGS PA DANG DE'I MI RTAG PA LA SGOS PAR MI GNAS ZHES PA NI BCOM LDAN 'DAS YUM CHEN MOR RGYA CHER GSUNGS LA, DE NYID 'DI BSDUS NAS GSUNGS PA NI GZHAN YANG ZHES PA LA SOGS PA STE, @39B SHES RAB KYI PHA ROL TU PHYIN PA LA ZHES PA NI, RTZE MO CHUG NGU'I MTSAN NYID LA'O, ,SPYOD PA NI THOS PA DANG BSAM PA DAG GIS SO, ,DE BSGOM PAR BYA ZHES PA NI ZHI GNAS DANG LHAG MTHONG DAG GIS SO, ,DE CI'I PHYIR ZHES PA STE, GNAS PA DNGOS POR DMIGS PA LA RAB TU GNAS PA NI SEMS PAS SO, ,DE LTAR GNAS PA NI GANG DU GZUGS LA SOGS PA LA MNGON PAR 'DU BYED PA STE, GZUGS LA SOGS PA'I RTZOL BA DANG BCAS PA RNAM PAR RTOG PA LA SPYOD PA MA LAGS ZHES PA NI RNAM PAR RTOG PA MED PA'I SHES RAB KYI PHA ROL TU PHYIN PA LA STE, DE LA SPYOD PA GANG NA MA YIN PA NI YONGS SU 'DZIN PA MA LAGS PA NI DMIGS PAS SO, ,RNAL 'BYOR DU BYED PA MA LAGS PA DANG, YONGS SU RDZOGS PAR BGYID PA MA LAGS PA NI GO RIMS JI LTA BA BZHIN DU SBYOR BA DANG DNGOS GZHIN DANG RJES KYI GNAS SKABS RNAMS LA'O, ,THAMS CAD MKHYEN PA NYID LA ZHES PA NI KUN MKHYEN PA GSUM PO RNAMS LA'O, ,YONGS SU MI GZUNG BA NI MI GZUNG BAR RIGS PA'O, ,YONGS SU MI GZUNG ZHES PA NI GZUGS LA SOGS PA GANG DU MI GNAS PA STE, DE NI DMIGS PA'O, ,GANG YANG NGO BO NYID MED PAS GZUGS LA SOGS PAS YONGS SU GZUNG BA MA MCHIS PA GANG LAGS PA DE GZUGS LA SOGS PA MA LAGS ZHES PA NI RNAM PA'O, ,THAMS CAD CES PA NI GANG CHOS THAMS CAD LA YONGS SU GZUNG BA MA MCHIS PA DE'O, ,CHOS KYI DBYINGS LA DMIGS PA RGYA CHE BAS YANGS PA'O, ,MNGON DU BYAS PA NI JI SKAD DU BSHAD PA'I DMIGS PA DANG RNAM PA'I KHYAD PAR DAG GI SEMS PAS MDUN DU GNAS PA'I PHYIR DANG, SANGS RGYAS THAMS CAD KYIS BSNGAGS PA'I PHYIR RO, ,TSAD MED PA NI SANGS RGYAS PA'I DON DU SNYING RJE CHEN PO'AM SHES RAB KYI SBYOR BAS TSAD MED PA'I SEMS CAN GYI DON BYED PAR NGES PA'I PHYIR TSAD MED PAR NGES PA'O, ,THUN MONG MA LAGS PA NI DMIGS PA RTOGS PA LA SOGS PA LNGA PO'I KHYAD PAR RNAMS KYIS SO, ,RTZE MO 'BRING GI DBANG DU BYAS GNAS BSTAN BCOS SU, CHOS RNAMS MI 'DZIN GANG NYID DANG, ,DE DAG MTSAN MAR MI MTHONG PHYIR, ,ZHES TE, GANG ZHIG CHOS @40A *, ,RNAMS THAMS CAD MI 'DZIN PA DE NI DE'I DMIGS PA LA CHOS KYI MTSAN MA MA MTHONG BA NI RNAM PA STE 'DIR DE GSUNG BA NI DE YANG ZHES PA LA SOGS PA STE, MI RTAG PA LA SOGS PA DANG STONG PA NYID KYANG STE MTSAN MA NI CHOS RNAMS KYI KHYAD PAR GYI MTSAN NYID DE, GZUGS ZHES PA DANG TSOR BA ZHES PA NAS JI SRID DU SANGS RGYAS KYI CHOS ZHES PA'I BAR RO, ,BSTAN PAR BYED PA GSUNGS PA NI GAL TE ZHES PA LA SOGS PA NI 'DIR SANGS RGYAS KYIS BSTAN PA'O, ,NA NI GANG GI PHYIR RO, ,PHRENG BA CAN NI MI LA KUN TU RGYU'I DKA' THUB CAN NO, ,'DI LTA STE, BSTAN PA LA ZHUGS PA'O, ,THAMS CAD MKHYEN PA'I YE SHES LA ZHES PA NI RTZE MO 'BRING LA'O, ,DE LTA BU NI BYED CES PAS SO, ,DAD PAS RJES SU 'BRANG BAR GYUR PA NI BSTAN PA'I PHYOGS GCIG LA RAB TU 'BYUNG BA'I PHYIR RO, ,PHYOGS GCIG PA'I YE SHES KYIS ZHES PA NI RTZE MO 'BRING GIS SO, ,GZUGS YONGS SU MI 'DZIN ZHES PA NI DE'I MTSAN MAR YID LA MI BYED PA'I PHYIR RO, ,DGA' BA DANG BDE BA NI YID DANG LUS KYIS TE TING NGE 'DZIN GANG DANG LDAN PAS SO, ,RNAM PA'I KHYAD PAR GSUNGS PA NI, DE NANG GI GZUGS KYI YIN PAR YANG DAG PAR RJES SU MI MTHONG ZHES PA LA SOGS PA STE, DE NGO BO NYID MED PAS DE'I MTSAN MAR YID LA MI BYED PA NYID KYIS SO, ,GZHAN DU YANG DAG PAR RJES SU MI MTHONG ZHES PA NI MTSAN MAR YID LA MI BYED KYANG PHUNG PO LNGA PO RNAMS KUN RDZOB TU SNANG BA'I PHYIR TE, DE NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES PA'I PHUNG PO STE LNGA PO LA'O, ,DE LA TSOGS PAR BYED CING 'DUS PAR BYED PAS GZUGS TE, MIG DANG, RNA BA DANG, SNA DANG, LCE DANG, LUS KYI DBANG PO DANG, GZUGS DANG, SGRA DANG, DRI DANG, RO DANG, REG BYA ZHES PA'I YUL LNGA DANG BCU ZHES PA NI GZUGS KYI PHUNG PO'I 'BYUNG BA DANG 'BYUNG BA LAS GYUR PA CAN GYI NGO BO'O, ,DE LAS 'BYUNG BA NI SA DANG CHU DANG ME DANG RLUNG LA, REG BYA DANG MIG LA SOGS PA BCU PO NI 'BYUNG PA LAS GYUR PA'O, ,TSOR BA'I GSUM LA SOGS PA NI SEMS KYI BYA BA'I NGO BO'I GNAS SKABS KYI KHYAD PAR GYI SEMS @40B LAS BYUNG BA STE, DE LA TSIM PA PO DANG YONGS SU GDUNG BA PO DANG BTANG SNYOMS KYI YUL MNGON SUM DU BYED PA'I BYA BA'I YUL GYI RJES SU MYONG BA PO'I RNAM PAR SHES PA'I NYAMS SU MYONG BA TSOR BA ZHES PAS NA TSOR BA ZHES BRJOD LA DE YANG RNAM PA GSUM STE, BDE BA DANG SDUG BSNGAL DANG BDE BA YANG MA YIN SDUG BSNGAL YANG MA YIN ZHES PA NI TSOR BA'I PHUNG PO'O, ,MTSAN MA NI YANGS SHING ZHABS YANGS SHING LDIR BA LA SOGS PA CAN DU SEMS LAS BYUNG BA GANG GIS 'DZIN ZHING YONGS SU GCOD PA BYED PA DE NI MTSAN MAR 'DZIN PA'I BDAG NYID CAN GYI 'DU SHES ZHES BYA STE 'DU SHES KYI PHUNG PO'O, ,'DI 'DU BYED KYI PHUNG PO 'DI RNAMS LAS LOGS SU STON PA NI RTZOD PA'I RTZA BAR GYUR PA'I PHYIR DANG 'KHOR BA'I RGYUR GYUR PA'I PHYIR TSOR BA DANG 'DU SHES LOG PA SHIG TU PHUNG POR BYAS PA'O, ,GNYIS YANG RTZOD PA'I RTZA BA STE, 'DOD PA LA DMIGS PA DANG LTA BA LA DMIGS PAS TSOR BA DANG 'DU SHES DE DAG GO RIM BZHIN DU 'KHOR BA'I RGYU'I YANG GTZO BO'I RGYU STE, TSOR BA LA CHAGS SHING 'DU SHES KYIS PHYIN CI LOG PAS DE 'KHOR BA'O, ,BCOM LDAN 'DAS KYIS SGRIB PA SPANGS PA'I KUN RDZOB PA'I PHUNG PO LNGA'I BDAG NYID CAN NI RNAM PAR RTOG PA MED PA'I MCHOG TU BDE BA MYONG BA GCIG TU MTHAR THUG PA TSOR BA'I PHUNG PO GTZO BO YIN PAS LOGS SU RNAM PAR GZHAG GO, ,'GU SHES KYI PHUNG PO NI SNGON GYI GNAS SKABS KYI RJES SU 'BRANGS NAS GDUL BYA RNAMS KYI BSAM PA'I NGOR JI LTA RIGS PAR 'DU BYED KYI PHUNG PO'I KHONGS SU GTOGS PA'I DRAN PA NYE BAR GZHAG PA LA SOGS PA RNAMS KYI RGYU'I GNAS SKABS KYI RJES SU 'BRANG BAS LOGS SU RNAM PAR GZHAG PA'O, ,DON DAM PAR NI THA DAD PA DANG THA MI DAD PA LA SOGS PA'I SPROS PA THAMS CAD KYIS STONG PA NYID LA, GZUGS LA SOGS PA'I PHUNG PO RNAMS NI 'KHOR BA DANG CIG SHES KYIS GNAS SKABS DAG TU SGRUBS SHING SGRUB PAR YANG 'GYUR RO, ,TSOR BA DANG 'DU SHES DAG GIS GZHAN DU SEMS PA'I SPANG BYA DANG BLANG BA NI 'DU SHES KYI PHUNG PO'O, ,DE YANG GONG DU GO SKABS JI LTA BA BZHIN DU 'CHAD PAR 'GYUR BA'O, ,GANG DU DON 'DZIN CING YONGS SU GCOD PA NI RNAM PAR SHES PA @41A *, ,RTOGS LA DE'I SHES PA NI DRUG STE, MIG DANG RNA BA DANG SNA DANG LCE DANG LUS DANG YID KYI RNAM PAR SHES PA NI RNAM PAR SHES PA'I PHUNG PO STE, DE LTAR MTHA' YAS MU MED PA'I PHYOGS RNAMS DANG DUS RNAMS KYI BGRANG BA LAS SHIN TU 'DAS PA'I KHAMS KYI 'GRO BA LA SOGS PA'I DBYE BA THA DAD PA RNAMS KYI RANG GI MTSAN NYID 'DZIN PA'I CHOS RNAMS THAMS CAD MDOR BSDU NA PHUNG PO LNGA'O, ,'DI NYID 'DIR SHES PAR GSAL BAR BYED SKYED PAR BYED CES PA'I SKYE MCHED NI BCU GNYIS TE, DBANG PO'I DANG YUL GYI BCU DANG YID DANG CHOS KYI SKYE MCHED DANG BCU GNYIS SO, ,DE LA YID KYI SKYE MCHED NI BDUN GYI DNGOS PO CAN TE, YUL DRUG GI RNAM PAR SHES PA DANG YID KYI DBANG PO STE, DE NI RNAM PAR SHES PA DRUG PO RNAMS KYI NANG NA GANG ZHIG RNAM PAR SHES PA'I DE MA THAG TU 'DAS PA'O, ,CHOS KYI SKYE MCHED LA RNAL 'BYOR SPYOD PA'I SA LAS NI CHOS THAMS CAD LA DMIGS SHING GCIG PU MA YIN PA'I SHES PA GZHAN DANG THUN MONG MA YIN PA STE, TSOR BA'I PHUNG PO DANG 'DU SHES KYI PHUNG PO DANG 'DU BYED KYI PHUNG PO LA 'DUS MA BYAS DANG BSTAN DU MED PA DANG THOGS PA MED PA'I NGO BO DANG SKYE MCHED DRUG DANG KUN RDZOB KYI SA BON ZHES BSHAD DO, ,YID KYI SKYE MCHED RNAM PA BDUN DU PHYE BAS NI KHAMS BCO BRGYAD CES BRJOD DO, ,MIG GI KHAMS DANG GZUGS KYI KHAMS DANG MIG GI RNAM PAR SHES PA'I KHAMS ZHES PA NAS JI SRID DU YID KYI KHAMS DANG YID KYI RNAM PAR SHES PA'I KHAMS ZHES PA'I BAR LA KHAMS DRUG GI SKYES BU ZHES PA NI 'DIR SA DANG CHU DANG ME DANG RLUNG DANG NAM MKHA'I KHAMS DANG RNAM PAR SHES PA'I KHAMS TE, DE LA LUS KYI NANG GI KHONG STONG NI NAM MKHA'I KHAMS SO, ,GANG ZHIG LANG KAR GSHEGS PAR RNAM PAR SHES PA'I TSOGS BRGYAD DU RNAM PAR GZHAG PA NI DBANG PO LNGA'I SHES PA DANG YID KYI RNAM PAR SHES PA'I DRUG DANG, DE NYID BDAG DANG BDAG GIR SGRO BTAGS PA LAS 'JUG PA'I NYON MONGS PA CAN GYI YID DANG BDUN LA, DRUG PO NYID KYI BAG CHAGS MA LUS PA'I BDAG NYID CAN GYI GNAS NGAN LEN LA SOGS PA'I GNAS DES DGE BA'I RTZA BA'I BAR @41B DU GCOD PA'I MTSAMS SBYOR BAS KHAMS KYI SA LA 'DOD CHAGS DANG BRAL BA YONGS SU BCOM ZHING SKYE BA DANG 'CHI ZHES PA'I CHOS DRUG PO'I GNAS NYID DE, GNAS PAR 'GYUR BA'I GNAS NGAN LEN LA SOGS PA 'DIR KUN TU ZHUGS PAR BYED CES PA KUN GZHI'I RNAM PAR SHES PA DANG BRGYAD DO, , DE NYID YANG DE LAS GZHAN PA'I RNAM PAR SHES PA DE RNAMS DANG LHAN CIG TU GYUR NAS CHOS GZHAN RNAMS KYI DGE BA DANG MI DGE BA RNAMS LA SEMS PAR BYAS PAS JI LTAR RIGS PA'I BAG CHAGS KYI BDAG NYID KYI SA BON RGYAS BAR BYAS PA LAS, GANG ZHIG RGYUD YONGS SU SGYUR BA'I KHYAD PAR BYED PA'I STOBS JI LTA BA BZHIN GYIS DNGOS PO LAS MI LDOG PA THOB NAS BDEN PAR DUS PHYIS DE'I 'BRAS BU DGA' BA'AM MI DGA' BAR MNGON PAR 'BYUNG BAR 'GYUR TE, DPER NA RGYA SKYEGS KYI KHU BAS SBABS PA'I RAS BAL GYI SA BON GYI ME TOG DANG 'BRAS BU YANG DMAR POR SKYE BAR 'GYUR TE, 'BRAS BU DE RU DE NYID SKYE, ,DE NYID KYANG, MDO DGONGS PA NGES PAR 'GREL BAR GDUL BYA'I KHYAD PAR GYI NGOR GSUNGS TE, LEN PA'I RNAM PAR SHES PA ZAB CING SHIN TU PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOGS PAR 'GYUR NA MI RUNG ZHES, , 'DI NI BYIS PA'I SKYE BO RNAMS LA NGAS MA BSTAN, ,ZHES SO, ,DE YANG YANG SRID PAR NYID MTSAMS SBYOR BA RNAMS SU LUS SU NYE BAR LEN PA'I LEN PA STE, SNGON GYI LAS KYI RNAM PAR SMIN PA DANG RNAM PAR SHES PA'I SA BON THAMS CAD KYI 'DI NI KUN GYI GZHI'I RNAM PAR SHES PA DANG ZHES PA LA'O, ,'DI NI BYIS PA RNAMS LA NI BYE BRAG TU SMRA BA'I KHYAD PAR RNAMS LA STE, SEMS DE BDAG NYID CES MNGON PAR RLOM PAR BYED PAS NYAN THOS KYI THEG PAR MA BSTAN TO, ,DE NYID KYIS DE THOS NAS DE LA RNAM PAR SHES PA'I BDAG CES SHIN TU BRTAN PA'I MNGON PA'I NGA RGYAL CAN DU MA GYUR CIG CES KYI, GANG YANG 'DI LTAR NGAR RNAM PAR RIG PAR SMRA BA RNAMS KYI MTSAN NYID DANG BRAL ZHING DMIGS PA DANG RNAM PA YONGS SU MA CHAD PA'I MA LUS PA'I BAG CHAGS KYI GZHI LA KUN GZHI'I RNAM PAR SHES PA ZHES PA'I BTAGS PA NI DE LA MI 'THAD DE, DMIGS PA DANG @42A *, ,RNAM PA RTEN 'BREL MA YIN PA NI RNAM PA THAMS CAD DU YUL MA NGES PA STE, DE NI RTA'I RVA BZHIN TE, DON DAM PAR YOD PA'I RANG RIG PA'I MNGON SUM DANG DE'I MTSAN NYID NI SNGA NAS DPYAD ZIN PAS 'DIR RGYA CHAN POS CI ZHIG BYA STE, 'DI NI BDUN PA DANG BRGYAD PA DAG TU PHYE BA'I 'DOD PA NI YID KYI RNAM PAR SHES PA'I KHO NAR RNAM PAR BZHAG GO ZHES PA'O, ,DBANG PO DRUG DANG YUL DRUG DANG RNAM PAR SHES PA DRUG DANG ZHES PA BCO BRGYAD KYIS RANG RANG GI MTSAN NYID 'DZIN PA'I KHAMS ZHES PA'O, ,'DIR ZHES PA LA SOGS PA STE, TSIG NI RTZE MO LAS TE, DE'I RNAM GRANGS NI RAB TU PHYE BAS TE RTZE MO 'BRING LA ZHES PA'I DON TO, ,MOS PA NI MTHAR THUG PA'I NGES PA MA SKYES PA'O, ,'DI LA THAMS CAD DU ZHES PA NI MNGON PAR BSTAN PA'O, ,THAMS CAD MKHYEN PA'I YE SHES ZHES PA NI RGYAS PAR BSHAD PA'O, ,CHOS NYID NI SNGON GYI BDEN PA'I STOBS KYIS TE, SHES RAB KYI PHA ROL TU PHYIN PA'I CHOS LA'O, ,YONGS SU GZUNG BA NI NANG GI SGRO BTAGS PA'O, ,MA DMIGS PA NI DNGOS POR NYE BAR MTHONG BAS SO, ,MYA NGAN LAS 'DAS PA NI THAMS CAD KYI MCHOG GO, ,DE LA YANG RLOM SEMS SU MI BYED PA NI DNGOS PO NYID KYIS SO, ,'DI NI MU STEGS KYI TING NGE 'DZIN LAS LANGS NAS, MOS PA'I STOBS KYIS DE NYID KYI PHYIR BTANG BA DBANG PO NYID DU SHES PA'I PHYIR RO, ,'DI YANG NI 'CHAD PAR 'GYUR BA LA YANG NGO, ,GANG GIS NI GANG GI PHYIR GZUGS LA SOGS PA CAN DU SGRO 'DOGS PAR MI 'GYUR BA'O, ,DE'I NANG GI SGRO 'DOGS PA THAMS CAD 'GAGS PAS RIM GYIS NYAN THOS BZHIN DU MYA NGAN LAS 'DAS PAR MI 'GYUR ZHE NA GSUNGS PA, BAR MA DO MIN ZHES PA LA SOGS PA'O, ,RTZE MO'I RAB NI BSTAN BCOS LAS, ,YONGS SU BRTAGS PA'I SHES RAB KYIS, ,THAMS CAD RJES SU MI DMIGS NYID, CES TE, SHES RAB KYI PHA ROL TU PHYIN PA LA YONGS SU BRTAGS PA NI 'DIR DMIGS PA LA THAMS CAD RJES SU MI DMIGS PA NI RNAM PA'O, ,DE LA GSUNGS PA NI GZHAN YANG ZHES PA LA SOGS PA STE, 'DI GANG 'DI GANG GI ZHES TSOL BA NI SPYI'I TSOL BA'O, ,CI ZHES PA LA SOGS PA NI KHYAD PAR @42B GYIS SO, ,DE SHES RAB KYI PHA ROL TU PHYIN PA ZHES PA NI DON GYI RTOGS PA'I SHES RAB KYI PHA ROL TU PHYIN PA'O ZHES PA'O, ,NYE BAR BRTAGS PA NI MED PAR BYED PA LA MI DMIGS PAR BYED PAS ZHES PA NI RNAM PAR BRTAGS NA'O, ,NYE BAR DMIGS PA NI MTHA' GCIG TU NGES PA'O, ,MI 'GONG ZHES PA LA SOGS PA NI SEMS MED CES PA DANG SBYAR BAR BYA'O, ,LHAG MA NI SNGA MA BZHIN NO, ,BZOD PA CHUNG NGU'I DBANG DU BYAS PA NI BSTAN BCOS LAS, GZUGS SOGS NGO BO NYID MED NYID, ,DE MED PA YI NGO BO NYID, ,CES TE, GZUGS LA SOGS PA NI GZUGS LA SOGS PA'I NGO BO NYID DANG BRAL BA'O ZHES PA'I CHOS THAMS CAD LA NGO BO NYID MED CES PA NI DMIGS PA STE KUN RDZOB KYI SGO NAS SO, ,DE'I NGO BO NYID MED PA NYID KYI DNGOS PO MED PA'I NGO BO NYID GZUGS LA SOGS PA ZHES PA NI RNAM PA STE DON DAM PA'I SGO NAS SO, ,DE LA GSUNGS PA NI, DE NAS ZHES PA LA SOGS PA STE, GZUGS LA SOGS PA GZUGS LA SOGS PA'I NGO BO DANG BRAL BAS ZHES PA NI DMIGS PA LA, NGO BO NYID KYANG NGO BO NYID KYI MTSAN NYID DANG BRAL BA ZHES PA'I NGO BO NYID DANG BRAL BA'I NGO BO NI GZUGS LA SOGS PA'I RANG BZHIN NO ZHES PA NI RNAM PA STE, GANG DU YANG MTSAN NYID CUNG ZAD MED CES PA LA DGONGS PA'O, ,BZOD PA 'BRING NI BSTAN BCOS LAS, ,DE LA SKYE MED NGES 'BYUNG MED, ,DAG DANG ZHES TE, DE GSUNGS PA NI, DE CI'I PHYIR ZHE NA ZHES PA LA SOGS PA STE, THAMS CAD LA SKYE BA MED PA DANG NGES PA 'BYUNG BA MED PA NI 'DI'I DMIGS PA LA, DE THOS PAR BYED PA'I BYANG CHUB SEMS DPA'I LUS DANG NGAG DANG YID YONGS SU DAG PA NI RNAM PA STE, LUS DANG NGAG DANG YID KYI NYES PAR SPYOD PA DANG BRAL BA'O, ,GNAS NA GNAS SHING GSAL LA RDZOGS PA NI MTSAN MA YONGS SU DAG PA'O, ,SEMS CAN DANG SNOD DAG PA NI SANGS RGYAS KYI ZHING YONGS SU DAG PA'O, ,CHEN PO'I BSTAN BCOS LAS, DE YI MTSAN NYID MED, DE YI MTSAN MAR MI RTEN PAS, ,MOS MIN 'DU SHES MED PA YIN, ,ZHES TE, GZUGS LA SOGS PA'I MTSAN MAS DBEN PA NYID NI 'DI'I DMIGS PA LA, GZUGS LA SOGS @43A *, ,PA'I MTSAN MA RNAMS DANG GZUGS LA SOGS PA, ZHES PA GANG LA GNAS PA DANG MOS PA'I 'DU SHES DE RNAMS LAS LDOG PA NI RNAM PA STE, DE LA MOS PA BRTAN POR GYUR PA NI MI GNAS PA LA NGES PA NI MOS PA LA'O, ,THA SNYAD NI 'DU SHES TE, DE LA GSUNGS PA NI GZHAN YANG ZHES PA LA SOGS PA STE, 'GAG PA NI SKAD CIG MAS 'JIG PA LA 'JIG PA NI RGYUN GYIS SO, ,YOD DANG SO SOR 'GAG PA YI, ,DNGOS PO LHAN CIG GYUR PA YANG, ,SO SOR BKAG PA DE DAG NYID, ,RNAM PA THAMS CAD SHES PA MIN, ,ZHES SO, ,MTSAN MA'I SPYOD PA DGAG PAS SHES RAB KYI PHA ROL TU PHYIN PA'I SPYOD PA YOD PA STE, MTSAN MA'I SPYOD PA NI GZUGS LA SOGS PA'I MTSAN MA DANG, GZUGS LA SOGS PA LA BRTEN PA DANG, MOS PA DANG 'DU SHES PA'I MTSAN NYID CAN TE, DE'I STOBS KYI RNAM PA YANG GSUNGS PA YIN TE, DE YANG SPYOD CES PA LA SOGS PA STE, SHES RAB KYI PHA ROL TU PHYIN PA'I SPYOD PA NI RLOM SEMS MED PA RNAM PA BRGYAD BSTAN PA STE, MIN ZHES PA NI MI 'DZIN ZHES PA'I DON TO, ,DE LTAR BZOD PA THOB PAS LAS LA DBANG DU GYUR PAS NGAN 'GROR MI 'GRO ZHING RTAG PAR RDZUS TE SKYE BA YIN NO, ,CHOS KYI MCHOG CHUNG NGU'I DBANG DU BYAS PA NI BSTAN BCOS LAS, TING NGE 'DZIN DE'I BYED PA NI, ,ZHES PA STE, CHOS THAMS CAD LEN PA MED PA NI 'DI'I DMIGS PA LA, DE'I BYED PA NI RNAM PA STE, DE'I BYED PA NI 'DIR BYED PA PO'O, ,DE LAS GSUNGS PA DE NI CI'I PHYIR ZHES PA LA SOGS PA STE, PHYIR NI GTAN TSIGS SO, ,NYE BAR MA GTOGS ZHES PA NI BSTAN PA LA BSHAD PA NI, NYE BAR MA ZIN ZHES PA STE, CHOS RNAMS THAMS CAD NGO BO NYID MED PA'I PHYIR ZHES PA LA DGONGS PA STE, GANG DU CHOS RNAMS THAMS CAD YOD PA MIN PA NYE BAR BZUNG NAS GANG DU DE LTAR GSUNGS PA NI, 'DI'I DMIGS PA LA 'DI ZHES PA LA SOGS PA NI RNAM PA'O, ,'BRENG NI BSTAN BCOS LAS, LUNG BSTAN PA DANG RLOM PA ZAD, ,CES PA STE GANG ZHIG TING NGE 'DZIN 'DIS GNAS PA LA @43B SANGS RGYAS RNAMS KYIS LUNG BSTAN PA DE NI DMIGS PA STE, LUNG STON PAR BYED PA DANG, LUNG BSTAN PA'I RGYU NYID DAM, KHYAD PAR GYI GZUGS LA DMIGS ZHES PA'I DON TO, ,GANG ZHIG NI TING NGE 'DZIN DE'I RLOM PA ZAD PA DE NI RNAM PA STE, DE LA GSUNGS PA NI SANGS RGYAS KYI MTHUS ZHES PA LA SOGS PA STE, DES KYANG ZHES PA LA SOGS PA NI RNAM PA'O, ,DE LTA BU DE LA ZHES PA NI JI SKAD BSHAD PA'I RLOM PA MED PA'O, ,THAMS CAD NAS ZHES PA NI CHOS THAMS CAD LEN PA MED PA'I TING NGE 'DZIN ZHES BYA BA LA SOGS PA'I KHYAD PAR GYIS SO, ,THAMS CAD CES PA NI YONGS SU RDZOGS PA'O, ,THAMS CAD KYI CHUNG NGU'I CHUNG NGU'I BYE BRAG GIS KYANG NGO, ,THAMS CAD NI TING NGE 'DZIN THOB PA LAS BRTZAMS NAS DUS THAMS CAD DU'O, ,CHEN PO NI BSTAN BCOS LAS, GSUM PO PHAN TSUN NGO BO GCIG, TING 'DZIN RNAM PAR MI RTOG PAS, ,ZHES PA STE, TING NGE 'DZIN DANG SHES RAB KYI PHA ROL TU PHYIN PA DANG BYANG CHUB SEMS DPA' ZHES PA NI GSUM LA DE'I PHAN TSUN GYI NGO BO NI 'DI'I DMIGS PA STE, TING NGE 'DZIN RNAM PAR MI RTOG PA NI RNAM PA'O, ,DE LA GSUNGS PA NI DE SKAD CES GSOL PA ZHES PA LA SOGS PA STE, BYANG CHUB NI SHES RAB KYI PHA ROL TU PHYIN PA'I DON DAM PAR RTOGS PA STE, DE NYID LA SEMS PA NI 'DIR DE'I BDAG NYID KYIS SO ZHES PA NI BYANG CHUB SEMS DPA'O, ,RANG BZHIN GYIS TING NGE 'DZIN CHE BA DE NYID 'DIS SEMS DPA' SEMS DPA' CHEN PO STE, BYANG CHUB SEMS DPA' 'DI NYID KYI SKABS YIN PA'I PHYIR RO, ,'DIR 'DI GSUM GYI NGO BO GCIG PA NI DMIGS PA LA NUS SAM ZHES PA LA SOGS PAS RNAM PA GSUNGS TE, BSTAN PAR ZHES PA NI TSIG GIS GSAL BAR ZHES PA'O, ,MI SHES PAR NI DON DAM PAR NGO BO NYID MED PAS MI SNANG ZHING RNAM PAR RTOG PA MED PA'O, ,YANG DAG PAR MI SHES PA NI BRJOD DU MED CING RNAM PAR RTOG PA MED PA STE, 'DIR NYE BAR BSDU BA NI, DE LTAR NGES 'BYED CHA MTHUN NI, ,CHUNG NGU 'BRING DANG CHEN PO YIN, ,ZHES PAS SO, ,BYANG CHUB SEMS DPA'I NYON MONGS @44A *, ,PA NI RNAM PAR RTOG PA'O ZHES PAS RNAM PAR RTOG PA DANG LDAN PA'I DBANG DU BYA BA NI BSTAN BCOS LAS, GZHI DANG DE YI GNYEN PO YIS, ,GZUNG BAR RTOG PA RNAM PA GNYIS, ,RMONGS DANG PHUNG SOGS BYE BRAG GIS, ,RNAM PA DGU ZHES TE, GZUNG BYAR RNAM PAR RTOG PAS NA GZUNG PA'I RNAM PAR RTOG PA NI RNAM PA GNYIS TE, GCIG NI GZHI'I RNAM PAR RTOG PA STE MA RIG PA'I GZUGS LA SOGS PA'I PHUNG PO DANG, MTHA' GNYIS DANG, MING DANG GZUGS DANG, KUN NAS NYON MONGS PA DANG, RNAM PAR BYANG BA DANG, 'PHAGS PA'I LAM LA MI GNAS PA DANG, LAM DU NYE BAR DMIGS PA DANG, BDAG TU NYE BAR DMIGS PA DANG, RNAM PAR DAG PA'I RTOG PA'I BDAG NYID NA NI 'JIG RTEN LAS GRAGS PAS YIN LA, GNYIS PA DE'I GNYEN PO'I PHYOGS NI PHUNG PO DANG, SGO GANG DANG, RIGS DANG, SKYE BA LA SOGS PA DANG, STONG PA NYID DANG, PHA ROL TU PHYIN PA DANG, MTHONG BA'I LAM DANG, BSGOM PA'I LAM DANG, MI SLOB PA'I LAM GYIS RNAM PAR RTOG PA'I NGO BO STE, 'DI RNAMS DE NAS TSE DANG LDAN PA ZHES PA LA SOGS PA NI GO SKABS PHYE BA DANG, BCOM LDAN 'DAS LA YANG SH'A RI'I BUS DE NYID BSTAN PA'I DON DU GSOL BA LA SH'A RI'I BU LA GSAL BAR 'DOD NAS GSUNGS PA STE, CHOS 'DI GANG GI YIN ZHES PA NI CI RDZAS DANG YON TAN DANG, LAS DANG GTZO BO DANG SKYES BU LA SOGS PA'I 'AM, PHUNG PO DANG KHAMS DANG SKYE MCHED LA SOGS PA'I STE, DE LA DMIGS NAS SLOB PA'I PHYIR, ,ZHES PA LA DGONGS PA'O, ,GANG DU'ANG MIN ZHES PA NI CHOS THAMS CAD LA BDAG MED PA NYID LA SLOB PAS SO ZHES PA LA DGONGS PA'O, ,DE ZHES PA NI CHOS THAMS CAD LA MI SLOB STE RDZAS LA SOGS PA DANG GZUGS KYI PHUNG PO LA SOGS PA LA YANG NGO, ,DE LTAR NI DE'I NGO BO NYID KYIS TE, JI LTAR NI GANG GI NGO BO NYID LA MNGON PAR ZHEN PA MED PAR BDEN PA'O, ,SO SO'I SKYE BO NI 'PHAGS PA MA THOB PA RNAMS SO, ,DE YANG BYIS PAR GYUR PA'I GANG DU THOS PA DANG MI LDAN PA NI MANG DU THOS PA MED PA'O, ,YOD PA MIN PA NI DON DAM PAR YOD PA MIN PA @44B STE, GNOD PA YOD PAS ZHES PA'I DON TO, ,DE LTAR YOD CES PA NI KUN RDZOB TU SGRA DON GYI NGO BOS YOD CES PA'I DON TO, ,MI RIGS ZHES PA NI YUL MED PA'I PHYIR MI RIGS PA'O, ,DE NI MI RTAG PA LA SOGS PA DE'I YUL DU RNAM PAR RTOG PA BSTAN PA STE, 'DI NI MA RIG PA'I RNAM PAR RTOG PA DANG PO'O, ,DE RNAMS KYI ZHES PA NI BYIS PA SO SO'I SKYE BO RNAMS KYIS SO, ,CHOS THAMS CAD NI PHUNG PO LA SOGS PA'O, ,BRTAG CES PA NI DNGOS PO NYID DO, ,GZUNG BAR ZHES PA NI GZUGS LA SOGS PA'I PHUNG POR RNAM PAR RTOG PAS SO, ,MTHA' GNYIS ZHES PA NI SKYE BA DANG 'GAG PA DAG GO, ,MI SHES ZHES PA NI SBYOR BA'I LAM MA THOB PAS DE KHO NA NYID DU MI NGES PA'O, ,MA THOB PA NI 'JIG RTEN LAS 'DAS PA'I LAM MA RTOGS PAS SO, ,DE'I PHYIR ZHES PA LA SOGS PA NAS, MNGON PAR ZHEN PAR MI BYED CES PA'I BAR GYIS NI NYE BAR BSDU BA STE, DE DAG GIS NI MTHA' GNYIS LA ZHEN PA'I RNAM PAR RTOG PA'O, ,MNGON PAR ZHEN ZHES PA NI GNYIS DANG LDAN PA STE DE'I NGES PA DANG DE'I RTZA BA'O, ,NYE BAR DMIGS PA NI LOG PA'I SHES PA'O, ,MING NI GZUGS MED PA'I PHUNG PO RNAMS LA GZUGS NI GZUGS KYI PHUNG PO STE, DE GNYIS NI MING DANG GZUGS TE PHUNG PO LNGA RNAMS SO, ,'DI NI MING DANG GZUGS LA MNGON PAR ZHEN PA'I RNAM PAR RTOG PA STE, LNGA PO NI GZHAN RNAMS LA YANG SHES PAR BYA'O, ,'DI NI GZUGS LA SOGS PA STE, KUN NAS NYON MONGS PA LA 'DI NI RNAM PAR BYANG BA NYID CES PA MI SHES SHING MI MTHONG NAS KHAMS GSUM DANG THEG PA DMAN PA LAS NGES PAR MI 'BYUNG BA'O ZHES PA NI KUN NAS NYON MONGS PA DANG RNAM PAR BYANG BA MI SHES PA'I RNAM PAR RTOG PA'O, ,DE STONG PA NYID LA DAD PA MI SKYED CING PHA ROL TU PHYIN PA LA SOGS PA RNAMS LA GNAS PAR MI 'GYUR ZHES PA NI 'PHAGS PA'I LAM LA RAB TU MI GNAS PA'I RNAM PAR RTOG PA'O, ,DE LA PHA ROL TU PHYIN PA LA SOGS PA DMIGS PAR BYED PAS NGES PAR 'BYUNG BAR MI 'GYUR ZHES PA NI LAM NYE BAR DMIGS PA'I RNAM PAR RTOG PA'O, ,DE BDAG DANG CHOS SU NYE BAR @45A *, ,DMIGS PA LA ZHES PA NI BDAG LA SOGS PA NYE BAR DMIGS PA'I RNAM PAR RTOG PA'O, ,MA SKYES PA DANG MA BYUNG BA DANG MNGON PAR 'DU BYA BA MED PA DANG RNAM PAR DAG PA ZHES PA NI RNAM PAR DAG PA'I RNAM PAR RTOG PA STE DGU PA'O,, ,,RNAM PAR RTOG PA DE RNAMS DROD KYIS BSRABS PAR BYED CING RAB TU SPONG BAR NI MI BYED DE, DE'I PHYIR DE RNAMS DANG LDAN PA'O, ,DE'I YANG RNAM PAR RTOG PA'I MUN PA BSRABS PA'I PHYIR NA SNANG BA THOB PA'I TING NGE 'DZIN LA GNAS PA ZHES GSUNGS PA STE, GZUNG BA'I RNAM PAR RTOG PA DANG PO'I DGU PA'O, ,GNYIS PA'I DBANG DU BYAS TE GSUNGS PA NI, DE DAG GI ZHES PA LA SOGS PA STE, CHOS THAMS CAD NI PHUNG PO LA SOGS PA STE, CHOS THAMS CAD NI, PHUNG PO LA SOGS PA LA BRTAGS PA NI, PHUNG PO LA SOGS PA LAS BYE BRAG GIS ZHES PA STE, PHUNG PO LA SOGS PAR BRTAGS PA'I PHUNG PO LA SOGS PA'I RNAM PAR RTOG PA RNAM PA DGU STE, DE LA GZUGS SU BRTAG PA BYED PAS MNGON PAR ZHEN PA DANG, 'GYUR ZHING JI SRID DU RNAM PAR SHES PA'I BAR ZHES PA NI PHUNG PO'I DON GYI RNAM PAR RTOG PA'O,, MIG TU RTOG PAR BYED CES PA NAS, JI SRID DU CHOS ZHES PA'I BAR NI SKYE BA'I SGO'I DON GYI RNAM PAR RTOG PA'O, ,MIG DANG GZUGS DANG MIG GI RNAM PAR SHES PA'I KHAMS ZHES PA NAS, JI SRID DU YID DANG YID KYI RNAM PAR SHES PA DANG CHOS KYI KHAMS ZHES PA'I BAR NI RIGS KYI DON GYI RNAM PAR RTOG PA'O, ,MA RIG PA NAS JI SRID DU RGA SHI ZHES PA'I BAR NI SKYE BA'I DON GYI RNAM PAR RTOG PA'O, ,NANG STONG PA NYID CES PA NAS, JI SRID DU DNGOS PO MED PA'I NGO BO NYID CES PA'I BAR NI STONG PA NYID KYI DON GYI RNAM PAR RTOG PA'O, ,PHA ROL TU PHYIN PA DRUG CES PA NI PHA ROL TU PHYIN PA'I DON GYI RNAM PAR RTOG PA'O, ,BYANG CHUB KYI PHYOGS KYI CHOS SUM CU RTZA BDUN ZHES PA NI MTHONG BA'I LAM GYI RNAM PAR RTOG PA'O, ,BSAM GTAN DANG GZUGS MED PA'I TING NGE 'DZIN LA SNYOMS PAR 'JUG CES PA NI BSGOM PA'I LAM GYI RNAM PAR RTOG PA'O, , @45B DE BZHIN GSHEGS PA'I STOBS BCU ZHES PA NAS, JI SRID DU RNAM PA THAMS CAD MKHYEN PA NYID CES PA'I BAR NI MI SLOB PA'I LAM GYI RNAM PAR RTOG PA'O, ,LAM ZHES PA NI BDAG MED PA'I SHES PA LA, YANG DAG PA NI DE KHO NA NYID LA, DE DAG GI MTHA' NI RTZE MO DANG SPYI BO STE, DE YANG LHAG PA'I DE KHO NA NYID MED DE, YANG DAG PA'I MTHA' NI STONG PA NYID CES PA'I DON TO, ,GRANGS SU BGRANG BA'I RNAM PAR RTOG PA DGU PO 'DI RNAMS NI RTZE MOS BSRABS PAR BYED CING RAB TU SPANG BAR NI MI BYED DO, ,'DI RNAMS DANG LDAN PAS SNGON DU 'GRO BA CAN GYI RNAM PAR RTOG PA RNAM PA DGU PO RAB TU SPONG BA NYID DE, SPANGS LA YANG 'DIR PHYI MA'I GNYIS PO DANG PHRA MOR KUN TU RGYU BAS SO, ,RNAM PAR RTOG PA NI YOD PA MA YIN LA RNAM PAR RTOG PA'I PHYIR LA, RNAM PA THAMS CAD DU SPONG BA NI MTHONG BA'I LAM LA RIG PAR BYA'O, ,DES SNANG BA 'PHEL BA'I TING NGE 'DZIN LA GNAS PAR 'GYUR ZHES PA NI GZUNG BA'I RNAM PAR RTOG PA GNYIS PA'I RNAM PA DGU PA'I BSHAD PA'O, ,RDZAS DANG BTAGS PA'I RTEN CAN GYIS, ,'DZIN PA RNAM PA GNYIS SU 'DOD, ,CES PA NI RTEN LA DMIGS PA STE, RDZAS LA BRTEN PA DANG BTAGS PA LA BRTEN PA'I ZHES PA'I 'DZIN PA'I RNAM PAR RTOG PA RNAM PA GNYIS TE, 'DZIN PAS RNAM PAR RTOG PA'I PHYIR RO, ,DE YANG GO RIMS JI LTA BA BZHIN DU, RANG DBANG BDAG SOGS NGO BO YIS, ,PHUNG SOGS RTEN LA DE BZHIN DU, ,DE NI SO SOR RNAM PA DGU, ,ZHES SBYAR TE, DE LA DANG PO'I DBANG DU BYAS NAS GSUNGS PA NI DE DAG BDEN PA ZHES PA LA SOGS PA STE, DAM PA YANG DAG PA'I DON BSTAN PA RNAM PAR MTHONG BAR MA GYUR NAS BDAG NYID KYIS 'DI LTA BU'I RNAM PA DGUR RTOGS PAR BYED NAS MNGON PAR ZHEN PAR BYED CING BDAG NYID NYE BAR DMIGS PAR BYED DO, , 'DIR NYE BAR MI DMIGS PA'I MI MTHUN PA'I PHYOGS NYID KYI RNAM PAR RTOG PA DGU STE, BDAG DANG SEMS CAN DANG ZHES PA NAS JI SRID DU MTHONG BA POR NYE BAR MI DMIGS TE, DE SHIN TU MED PA'I PHYIR ZHES PA'I BAR NI RANG DBANG GI BDAG NYID KYI RNAM PAR RTOG PA'O, ,GZUGS ZHES PA NAS @46A *, ,JI SRID DU RNAM PAR SHES PA'I BDAG NYID KYIS DMIGS SU MED CES PA'I BAR NI GCIG GI BDAG NYID KYI RNAM PAR RTOG PA'O, ,MIG NAS JI SRID DU YID KYI BAR DANG GZUGS NAS JI SRID DU SANGS RGYAS KYI CHOS KYI BDAG NYID GCIG GIS DMIGS SU MED CES PA'I BAR NI RGYU'I BDAG NYID KYI RNAM PAR RTOG PA'O, ,MIG DANG GZUGS DANG MIG GI RNAM PAR SHES PA ZHES PA NAS JI SRID DU YID DANG CHOS DANG YID KYI RNAM PAR SHES PA DANG GZHAN PA'I BDAG NYID KYIS DMIGS SU MED CES PA'I BAR NI LTA BA LA SOGS PA'I BDAG NYID KYI RNAM PAR RTOG PA'O, , RTEN CING 'BREL BAR 'BYUNG BA ZHES PA NAS JI SRID DU GZUGS MED PA'I KHAMS KYI BDAG NYID KYI RTEN DU DMIGS SU MED CES PA'I BAR NI KUN NAS NYON MONGS PA'I RTEN GYI BDAG NYID KYI RNAM PAR RTOG PA'O, ,BSAM GTAN DANG PO NAS JI SRID DU GZUGS MED PA'I SNYOMS PAR 'JUG PA'I BDAG NYID KYI RTEN NYID KYIS NYE BAR MI DMIGS ZHES PA'I BAR NI 'DOD CHAGS DANG BRAL BA'I RTEN GYI BDAG NYID KYI RNAM PAR RTOG PA'O, ,'PHAGS PA'I BDEN PA DANG GZHAN PA'I BDAG NYID KYI RTEN GYIS NYE BAR MI DMIGS PA ZHES PA NI MTHONG BA LA BRTEN PA'I BDAG NYID KYI RNAM PAR RTOG PA'O, ,RNAM PAR THAR PA BRGYAD DANG MTHAR GYIS GNAS PA'I SNYOMS PAR 'JUG PA DGU'I BDAG NYID KYIS NYE BAR MI DMIGS PA ZHES PA NI BSGOM PA LA BRTEN PA'I BDAG NYID KYI RNAM PAR RTOG PA'O, ,STOBS BCU NAS JI SRID DU RNAM PA THAMS CAD MKHYEN PA NYID KYI BDAG NYID KYI RTEN GYIS NYE BAR DMIGS SU MED CES PA'I BAR NI DON BYAS PA NYID LA BRTEN PA'I BDAG NYID KYI RNAM PAR RTOG PA STE, DGU PO 'DI RNAMS NI BZOD PAS BSRABS PAR BYED CING SPONG BA NI MI BYED DO, ,'DIR 'DI RNAMS DANG LDAN PAS SNGON DU 'GRO BAR RAB TU SPONG BA KHO NA'O, ,DE'I RJES LA, GZUNG BA MED PAR NGES PA'I RTZE GCIG PAR NGES PA'I PHYIR DE KHO NA NYID KYI DON GYI PHYOGS GCIG LA RAB TU ZHUGS PA'I TING NGE 'DZIN LA GNAS PA SH'A RI'I BUS CHED DU GNYER NAS 'DI SNYAM DU BSAMS NAS GAL TE THAMS CAD SHES PA NYID LA SLOB NA DE RNAMS LA JI LTAR MI DMIGS PA'O, ,SLOB PAR MI BYED CES PA @46B NI DMIGS PA'I SBYOR BA ZHES PA LA DGONGS PA'O, ,DE LTAR MI DMIGS PA'I SBYOR BAS CHOS THAMS CAD DANG SA THAMS CAD THOB PA DANG, YON TAN RNAMS LA NYE BAR 'GYUR BA'I 'JIG RTEN LAS 'DAS PA'I SA THOB PA'I PHYIR DE LTAR BSHAD PA NI 'DZIN PA'I RNAM PAR RTOG PA DANG PO'I DGU PA'O, ,DE NAS YANG ZHES PA LA SOGS PA NI 'DIR 'DRI BAR 'DOD PA'O, ,'DIR CHOS KYI MCHOG LA BYANG CHUB SEMS DPAS SGYU MA'I SKYES BU BZHIN DU DE LTAR BYANG CHUB LA SLOB PAR 'GYUR NA, DE LTAR NA NI SGYU MA'I SKYES BU YANG SLOB PAR 'GYUR ZHES PA'O, ,DES NA ZHES PA NI GANG GIS 'DIR SGYU MA'I SKYES BU NYID DU MI 'DOD PA STE RGYU MTSAN DES NA'O, ,YANG NA TSIG GI RGYAN TE, LTAR NYAN PA NI KHAS BLANGS SO, ,'DI ZHES PA NI NGAG NYE BAR DGOD PA'O, ,DE CI PHUNG PO YANG GZHAN LA SGYU MA YANG GZHAN ZHES PA NI SLAR 'DRI BA'I DON NO, ,SGYU MA NYID PHUNG PO LA ZHES PA NI RAB 'BYOR GYI LAN GYI DON TO, ,GANG ZHIG GI DON SGYU MA MKHAN GYIS SPRUL PA BZHIN MED PA NYID DU GRAGS TE, DE CI'I 'DIR SGYU MA'I SGRA'I DON TO, ,DE'I PHYIR NA SGYU MA NYID DU BSHAD DO, ,SGYU MA'I DON BSHAD NAS SKYES BU'I DON GSUNGS PA NI, 'DI DAG CES PA STE, KHYAD PAR SHES PA NI MING STE, SHES PAR BYED CES PA SHES PA STE BLO'O, ,BYIS PA THAMS CAD DANG THUN MONG GI BLO NI KUN SHES PA'O, ,BYIS PA RNAMS KYI RAB TU 'JUG PA CAN DU SHES PAR BYED CING PHYIN CI LOG PA NYID DU YONGS SU MI SHES PA'I PHYIR BTAGS PA'O, ,'PHAGS PA DANG 'PHAGS PA MA YIN PA THAMS CAD KYIS THA SNYAD DU BYED PA 'DI NI THA SNYAD DO, ,DE LA 'PHAGS PA RNAMS KYIS NI BTAGS PA LOG PA NYID DU RTOGS SHING GZHAN YANG RTOGS PAR BYED LA, 'PHAGS PA MA YIN PA RNAMS NI BDEN PA NYID DU 'DOD CING BDAG NYID KYANG RAB TU 'JUG PAR BYED DO, ,'DI LA ZHES PA'I BSHAD PA NI NYE BAR LEN PA'I PHUNG PO LNGA PO RNAMS LA ZHES PA'O, ,MING LA SOGS PA'I BSHAD PA NI BYANG CHUB SEMS DPA' ZHES TE, NGO BO NYID MED CING BDAG MED PA'I PHUNG PO LNGA RNAMS LA BYANG CHUB SEMS DPA' ZHES PA NI BTAGS PA LA, DE'I PHYIR 'DI NI SGYU MA'I SKYES BU LTA BU'O ZHES PA NI BSDUS @47A *, ,PA'I DON TO, ,'PHAGS PA RNAM PAR GROL BA'I SDES NI RIGS KYI GNAS SKABS SU BYANG CHUB SEMS DPA' ZHES PA NI, MING NYID GCIG PU LA SEMS BSKYED PA'I GNAS SKABS SU NI, SHES PAR BYED CES PAR SHES PA STE, GANG GI KUN SHES PA SEMS LA 'JUG PA'I RGYU MTSAN GYIS BYANG CHUB SEMS DPA' ZHES PA NI RNAM PAR RIG PA LA STE, RGYU MTSAN DE KUN SHES PA NI KUN SHES PA'O, ,SBYOR BA'I SA BDUN RNAMS LA CHOS THAMS CAD BTAGS PA TZAM NYID DU RTOGS PA NI BTAGS PA'O, ,BRGYAD PA LA SOGS PAR MTSAN MA MED CING LHUN GYIS GRUB PA'I LAM THOB PAS THA SNYAD TZAM GYI CHOS THAMS CAD BRJOD PAS THA SNYAD CES GSUNGS SO, ,DE DE BZHIN NO ZHES PA GNYIS NI YONGS SU MGU BA'O, ,DES NA ZHES PA NI BYANG CHUB SEMS DPA' SGYU MA'I SKYES BU BZHIN DU ZHES PA NI KUN RDZOB TU SGYU MA'I RANG BZHIN DON DAM PAR NGO BO NYID MED PA DANG RO GCIG PA'I SKYES BU DE BZHIN DU BDAG NYID MTHONG ZHES PA'I DON TO, ,SGYU MA MKHAN GYIS SNGAGS LA SOGS PA'I TSOGS PAS SPRUL PA NYID KYI SGYU MA DE'I NGO BO SKYES BU DE BZHIN DU NYON MONGS PA DANG LAS KYI TSOGS PAS SPRUL PAS SGYU MA NYID BZHIN DU SKYES BUR NGES PAR BYAS LA, 'DIR SGYU MA'I SKYES BU NYID YIN YANG JI LTAR KUN NAS NYON MONGS PA DANG RNAM PAR BYANG BA'I GNAS SKABS MTHONG BAS SO, ,'DI ZHES PA NI CI 'DRA BA'O, ,DE LA ZHES PA NI DE 'DRA BA RNAMS SO, ,DE LTAR NYE BAR LEN PA'I PHUNG PO LNGA PO SGYU MA LTA BUR GSUNGS SO, ,SNGAGS LA SOGS PAS SPRUL PA'I SGYU MA'I SKYES BU NI SEMS MED PA'I PHYIR GZUGS KYI PHUNG PO NYID LA, SKYE MCHED DRUG NI GANG DU SKYES BUS BTAGS LA, YOD CES PA NI ZHAR LA 'ONGS PA STE, DBANG PO DRUG GZUNG NGO, ,RANG BZHIN DU NI PHUNG PO RNAMS LA SKYES BU ZHES PAR BTAGS PA STE, LHAG MA LA YANG SHES PAR BYA'O, ,DE LTAR NA DGU PO NYID NI PHUNG PO LA SOGS PA LA SKYES BUR BTAGS PA'I RNAM PAR RTOG PA'O, ,SGYU MA NYID GZUGS LA ZHES PA NAS JI SRID DU RNAM PAR SHES PA ZHES PA'I BAR NI PHUNG POR BTAGS PA'I RNAM PAR RTOG PA'O, ,SGYU MA NYID MIG CES PA NAS @47B JI SRID DU CHOS LA ZHES PA'I BAR GYI SKYE MCHED DU BTAGS PA'I RNAM PAR RTOG PA'O, ,SGYU MA NYID MIG DANG GZUGS RNAM PAR SHES PA ZHES PA NAS JI SRID DU SGYU MA NYID YID DANG CHOS KYI DANG YID KYI RNAM PAR SHES PA ZHES PA'I BAR NI ZHES PA NAS JI SRID DU SGYU MA NYID NAM MKHA'I KHAMS LA SGYU MA NYID RNAM PAR SHES PA'I KHAMS ZHES PA NI KHAMS KYI RNAM PAR RTOG PA'O, ,SGYU MA NYID RTEN CING 'BREL BAR 'BYUNG BA LA SGYU MA NYID MA RIG PA NAS JI SRID DU SGYU MA NYID RGA SHI ZHES PA NI RTEN CING 'BREL PAR 'BYUNG BA BTAGS PA'I RNAM PAR RTOG PA'O, ,SGYU MA NYID BYANG CHUB KYI PHYOGS KYI CHOS SUM CU RTZA BDUN ZHES PA NI RNAM PAR BYANG BAR BTAGS PA'I RNAM PAR RTOG PA'O, ,SGYU MA NYID STONG PA NYID DANG MTSAN MA MED PA DANG, SMON PA MED PA ZHES PA NI MTHONG BA'I LAM DU RNAM PAR RTOG PA'O, ,SGYU MA NYID BSAM GTAN DANG GZUGS MED PA'I SNYOMS PAR 'JUG PA ZHES PA NI BSGOM PA'I LAM GYI RNAM PAR RTOG PA'O, ,SGYU MA NYID THAMS CAD STONG PA ZHES PA NI KHYAD PAR GYI LAM DU BTAGS PA'I RNAM PAR RTOG PA'O, ,SGYU MA NYID STOBS BCU ZHES PA NAS JI SRID DU BYANG CHUB CES PA'I BAR NI MI SLOB PA'I LAM DU BTAGS PA'I RNAM PAR RTOG PA'O, ,DGU PO 'DI RNAMS NI CHOS KYI MCHOG GIS BSRABS PAR BYED CING SPONG BAR NI MI BYED DE, 'DIR 'DI RNAMS DANG LDAN PAS SNGON DU 'GRO BA CAN GYI RNAM PAR RTOG PA DGU PO SPONG BA NYID DO, ,DE'I RJES LA BAR CHAD MED PA TING NGE 'DZIN LA GNAS PAR BYED DO, ,BAR CHAD KYIS BAR CHAD BYED PAR MI NUS PAS BAR CHAD MED PA'O, ,BAR CHAD MED PA'I TING NGE 'DZIN DE'I RJES SU MTHONG BA'I LAM DU 'THAD DE, 'DI NI 'DZIN PA'I RNAM PAR RTOG PA DGU PA'I GNYIS PA GSUNGS PA'O, ,YONGS SU 'DZIN PA'I KHYAD PAR GYI RNAM PAR RTOG PA RNAMS SNGON DU MDOR BSTAN NAS, RIGS LAS DANG PO RGYAS PAR BSHAD PA NI THEG PA CHEN PO'I RIGS PHUN SUM TSOGS PA RNAMS 'DI GANG ZHES SO SOR SGRUB PA LA DGONGS NAS 'DIR DE'I DBANG DU BYAS PA NI BSTAN BCOS LAS, SEMS MI 'GONG BA NYID SOGS KYIS, ,NGO BO NYID MED SOGS STON BYED, ,DE YI @48A *, ,MI MTHUN PHYOGS BOR BA, ,RNAM PA KUN TU YONGS 'DZIN YIN, ,ZHES TE, GANG GIS YANG DAG PAR 'DZIN PA BYED CING NANG DU 'JOG PA DANG 'DREN PAS YANG DAG PAR YONGS SU 'DZIN PA LA RNAM PA KUN NI RNAM PA BZHI STE, THABS LA MKHAS PA DANG, DGE BA'I BSHES GNYEN DANG, DE DAG GIS SO SO'I MI MTHUN PA'I PHYOGS BOR BA'O, ,DGE BA'I BSHES GNYEN GYI GNAS SKABS SU GSUNGS PA NI, SKRAG PAR MI 'GYUR RAM ZHES PA LA SOGS PA STE, 'DI LTAR SGYU MA'I SKYES BU BSTAN PA LA DNGANG BA NI SKRAG NAS BRED PA LA, SKRAG PA NI SKRAG PA DANG LDAN PA'O, ,KUN TU SKRAG PA NI KUN TU SKRAG PA STE, DE NYID KYI RGYUN LA KUN TU SKRAG PA DANG LDAN PA'O, ,DE'I GNYEN PO'I PHYOGS NI MI ZHUM PA NYID DE, KUN TU MI ZHUM PA NYID DANG, SGYID MI LUG PA NYID DE, SEMS MI 'GONG BA NYID SOGS ZHES PAS GANG DU DE BSHAD DE; THABS LA MKHAS PA ZHES PA'I DON TO, ,DE LA GANG ZHIG CHOS RNAMS THAMS CAD NGO BO NYID MED PA LA NGES PAR BSTAN PA DAG GIS MI DMIGS PA'I SBYOR BAS DGE BA'I RTZA BA'I CHOS RNAMS LA SPYOD PA DE RNAMS YANG DAG PAR RDZOGS PA'I BYANG CHUB TU YONGS SU BSNGO BA NI DE'I THABS LA MKHAS PA LA BZLOG PA'I THABS LA MI MKHAS PA LA NI BDUD KYIS BYIN GYIS BRLABS PA 'BYUNG STE, BYANG CHUB SEMS DPA' RNAMS KYI LUS LA SOGS PA'I BYA BA'I BDUD KYI SKYON RNAMS SO, ,'DI LTAR ZHES PA NI BYANG CHUB KYI SPYOD PA LA BAR CHAD BYED PA NYID DE DE RTOGS PAR BYA BA'O, ,'DI ZHES PA NI NGAS KHYOD LA KUN TU BSHAD PA'O, ,BDUD KYI LAS NI BDUD RANG NYID KYIS SANGS RGYAS LA SOGS PA'I CHA BYAD BYAS NAS GANG ZHIG GIS LOG PA'I LAM STON PAR BYED PA RNAMS SO, ,'DI DAG CES PA NI BYANG CHUB KYI SPYOD PA LA 'BYED PA PO NYID RTOGS PAR BYA BA STE, DON GYIS GANG PHA ROL TU PHYIN PA 'DI RNAMS DAG LA 'BYED PAR BYED PA DANG GANG 'DI BDUD KYI LAS MI STON PA DE NI SDIG PA'I GROGS PO'O ZHES DON GYIS RTOGS PAR BYA BA'O, ,'DI DAG CES PA NI NYE BAR BSDU BA'O, ,GO CHA CHEN PO BGOS PA YI, ,ZHES PA 'DIS NI 'DIR NI GO CHA'I SGRUB PA YANG BSDUS LA DE BSGRUB PAR BYA @48B BA'I RTEN GYI DBANG DU BYAS PA NI BSTAN BCOS LAS, RTOGS PA YIS NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, ,SHES RAB SNYING BRTZER BCAS PA DANG, ,SLOB MA THUN MONG MIN NYID DANG, ,GZHAN GYI DON GYI GO RIMS DANG, , YE SHES RTZOL BA MI MNGA' BA, ,'JUG PA'I RTEN LA RIGS ZHES BYA, ,ZHES TE, SO SOR NGES PA 'DIR RTEN TE SGRUB PA'I RTEN ZHES PA LA SOGS PAS BDUN PA LA SOGS PA RTOGS PA'I GO CHA'I SGRUB PA'I RTEN MDOR BSTAN CING, DE'I NANG DU YOD PA'I 'JUG PA LA SOGS PA'I SGRUB PA RNAMS KYI RTEN YANG BSTAN NAS, RTOGS PA'I CHOS DRUG CES PA LA SOGS PA STE RGYAS PAR BSHAD DE, SHUGS KYIS RTOGS PAR BYA BA NI SEMS DANG PO BSKYED PAR BYA BA NAS BRTZAMS PA'I DROD DANG RTZE MO DANG BZOD PA DANG, CHOS KYI MCHOG DANG MTHONG BA DANG BSGOM PA'I LAM DRUG PO RNAMS LA DROD LA SOGS PA BZHI BA'I RTOG PA NI CHOS NYID RTOGS PAR BYED PA 'DI DE KHO NA NYID LA MOS PA BRTAN POS GNYEN PO'I TSOGS YE SHES KYI MI MTHUN PA'I PHYOGS ZAD PA DANG DE DAG YONGS SU GTUGS PA NI MTHAR THUG PAR 'GRO BA STE, GNYEN PO'I PHYOGS RAB TU SON NAS MTHAR THUG PA NYID KYIS MI MTHUN PA'I PHYOGS ZAD PA'I MTHAR THUG PA STE, DE BZHIN GSHEGS PA'I TSUL KHRIMS LA SOGS PA'I PHUNG POS TSUL KHRIMS 'CHAL PA LA SOGS PA SPANGS ZHES PA'I DON TE, SHES RAB DANG SNYING RJE DAG NI NYAN THOS DANG RANG SANGS RGYAS RNAMS DANG THUN MONG MA YIN PA NI YE SHES SO, ,GZHAN GYI DON GYI GO RIMS NI RGYUN MA CHAD PA DANG LHUN GYIS GRUB PAS YE SHES 'JUG PA'O, ,GANG ZHIG RANG BZHIN RNAM PAR DAG PA GLO BUR GYI DRI MA RNAMS KYI NANG DU CHUD PA DE NYID NI BYANG CHUB KYI RIGS SO, ,DE BZHIN GSHEGS PA'I SNYING PO RANG BZHIN GYIS GNAS PA ZHES PA'I MING CAN NYID KYI MA RIG PA LA SOGS PA'I MUN PA NUB PA NI RIM GYIS SEMS BSKYED PA NYI SHU RTZA GNYIS PO RNAMS KYI RTEN TE, DE LTAR YANG 'PHAGS PA RNAM PAR GROL BA'I SDES SEMS BSKYED PA NAS BRTZAMS PA'I NGES PAR 'BYED PA'I CHA DANG MTHUN PA BZHI PO RNAMS @49A *, ,LA ZHES PA LA SOGS PA GSUNGS PA'O, ,DE NYID KYIS NA SENG GE BZANG PO'I NGES PAR 'BYED PA'I CHA DANG MTHUN PA RNAMS NI CHOS KYI DBYINGS KYI RTEN NO ZHES PA NI MI 'THAD DO, ,DE YANG CHOS THAMS CAD NGO BO NYID KYI MED PA NYID MTSAN NYID NI 'PHAGS PA'I CHOS KYI RGYU YIN PA'I PHYIR NA CHOS KYI DBYINGS NYID DE, 'DIR DE BSTAN PA NI BSTAN BCOS KYIS, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES TE, 'DI NI SANGS RGYAS KYI RIGS 'DI NI RANG SANGS RGYAS KYI RIGS 'DI NI NYAN THOS KYI RIGS ZHES PA JI LTAR DBYE ZHE NA, 'DIR LAN BSTAN BCOS LAS, RTEN PA'I CHOS KYI DBYE BA YIS, ,DE YI DBYE BA YONGS SU BSGRAGS, ,ZHES PA STE, RTEN PA'I SANGS RGYAS LA SOGS PA'I CHOS DANG LDAN PA RNAMS KYIS TE, DE'I CHOS NI DBYER MED LA, 'DIR NI DE'I DBYE BAS RIGS KYI DBYE BA STE, DPER NA NAM MKHA' THA MI DAD PA LA LAM BGROD PA PO MTHA' DAG STE, NYI MA'I LAM DANG, BYA KHYUNG GI LAM DANG, PHYE MA LEB KYI LAM BZHIN ZHES PA STE, 'DI RNAMS BSDUS NAS BSTAN PAR 'DOD NAS RAB 'BYOR LA 'DRI BA NI, DE SKAD CES SMRAS PA DANG ZHES PA LA SOGS PA STE, GZHI'I DON GANG LAGS ZHES PA NI RIGS CI 'DRA BAS YOD CES PA'I DON TO, ,GZHI'I DON MED CES PA NI DE'I RIGS DNGOS PO MED PA STE CHOS KYI DBYINGS ZHES PA'I DON TO, ,BYANG CHUB SEMS DPA'I THA SNYAD KYI YUL GYI PHUNG PO LA SOGS PA GANG NGO BO NYID MED PA NYID DANG, STONG PA NYID DANG, CHOS NYID DE NI DE'I CHOS KYI DBYINGS LA DE NYID DAG PAR MTHAR SON PA RTOGS PAR 'GYUR ZHES PA NI BYANG CHUB CES BRJOD DO, ,DE'I PHYIR NA RIGS SU GYUR PA NI DNGOS PO MED PA'O, ,DNGOS PO MED PA'I MTSAN NYID KYI PHYIR STONG PA NYID DO, ,YANG NA BYANG CHUB NI RIGS SU GYUR LA RTEN NI MED DO, ,KUN RDZOB DANG PHAN TSUN DBYER MED PAS, RTEN DANG BRTEN PA'I DNGOS PO'I DBYE BA MED DO, ,BTAGS PAS BYAS PA'I PHYIR RO, ,DE CI'I PHYIR ZHE NA ZHES PA NI CHOS KYI DBYINGS TE, BYANG CHUB KYI RIGS NYID DU JI LTAR RO, ,CHOS THAMS CAD RTOGS PAS NI CHOS DRUG DANG ZHES PA LA @49B SOGS PA RNAMS KYIS BSTAN TO, ,CHAGS PA NI MI MTHUN PA'I PHYOGS TE, YANG DAG PA MA YIN PA'I DNGOS PO LA NYE BAR DMIGS PA'I PHYIR RO, ,DE DANG 'GAL BA'I PHYIR MA CHAGS CHOS TE, JI LTAR RIGS PAR DE'I GNYEN PO'I PHYIR RAM DE 'GOG PA'I PHYIR RO, ,DE RNAMS LA MA CHAGS PA NYID DU SLOB PA NI DGE BAR 'GYUR RO, ,'DIR DE RNAMS KYI MA LUS PA'I DRI MA BSAL NAS CHOS KYI DBYINGS SHIN TU RNAM PAR DAG PA LAS 'BYUNG BA'I BYANG CHUB YANG DAG PAR SKYE BAR 'GYUR RO, ,DE'I PHYIR NA 'DI LTAR BYANG CHUB LA RIGS LOGS NA MED DO, ,CHOS RNAMS 'DIR JI LTAR RAB TU BSTEN TE, RIGS DMAN PA LA SOGS PAS DE RNAMS LA RAB TU MI BRTEN CE NA, 'DIR BGROD BYAR GNAS PAS YOD PA STE, THAMS CAD DU SON PA'I NAM MKHA'O ZHES PA BZHIN NO, ,BGROD PA DANG GNAS ZHES PAS RIGS LAS MI G-YO BA'I SBYOR BAS 'DZIN PA'I PHYIR NA RTEN NO, ,DE LTAR YANG CI YANG MED PA'I CHOS KYI DBYINGS MED PA NYID LA JI LTAR DE RNAMS BRTEN CE NA, DPER NA NAM MKHA' CI YANG MED PA LA ZLA BA DANG NYI MA'I 'OD ZER GYIS MUN PA ZAD PAR BYED PA BZHIN NO, ,DMIGS PA'I DBANG DU BYAS PA NI BSTAN BCOS LAS, DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MA THUN MONG CHOS RNAMS DANG, ,GANG DAG THUB PA'I THUN MONG MIN, ,CES TE SOGS PAS NI MI DGE BA DANG LUNG DU MA BSTAN PA NYID LA RTOG PAR BYA BAS NA RTOGS PA STE, DGE BA LA 'JIG RTEN PA DANG 'JIG RTEN LAS 'DAS PA'I RTOGS PA ZHES PA NI PHUNG PO GNYIS TE, DE GSUNGS PA NI CHOS RNAMS THAMS CAD CES PA LA SOGS PA STE, MNGON PAR RTOGS PA BDUN GYI DON RIM GYIS RTOGS PAR BYA BA LA GANG CHOS RNAMS THAMS CAD DE'I DON GYI THABS SU 'DIR DON DU GNYER BAR BYED CING TSOL BAR BYED PAS SO, ,DES NA DE RNAMS LA MA ZHEN PAS KUN RDZOB KYI BDEN PA DANG, DON DAM @50A *, ,PA'I BDEN PA GNYIS LAS MI 'DA' BAS DMIGS PAS DAG PAR RTOGS PAR GYUR NAS MNGON PAR SANGS RGYAS PAR 'GYUR TE, DE'I PHYIR NA, DMIGS PAS CHOS RNAMS THAMS CAD DE, ,ZHES 'DIS RANG BZHIN RJES SU RTOGS PA'I RANG BZHIN DANG BRAL BA LAS DMIGS PA'I CHOS KYI DE KHO NA NYID BSGOMS PA'I STOBS KYIS CHOS 'PHEN PAR 'GYUR TE, DE LTA NA YANG RANG BZHIN LA DMIGS DGOS TE, DE KHO NA NYID TZAM PO LA DMIGS PA DE DON DU GNYER BA'I PHYIR RO, ,DE NYID KYIS NA RAB 'BYOR RNAM PA THAMS CAD MKHYEN PA NYID NI DNGOS PO MED PA LA DMIGS PA'O ZHES GSUNGS LA, BSTAN BCOS SU YANG RNAM PA BZHI NYID CES SO, ,'O NA CHOS RNAMS DNGOS PO MED PA STE, ,NGO BO MED PAS CI YANG MED, ,CES PAS JI LTAR DMIGS PAR 'GYUR ZHE NA, DNGOS MED CES PA NI DNGOS PO LA DMIGS PA MIN ZHES PA LA DGONGS PAS SO, ,DNGOS PO MED PA NI GNYIS SU MED PA STE, RAB 'BYOR GNYIS MED PA NI DNGOS PO MED PA'O ZHES GSUNGS PA STE, DON DAM PA LA NI GANG DU YANG DMIGS PAR BYA BA DANG, DMIGS PAR BYED PA DANG, DMIGS PA'I SPROS PA MED DE, RTEN CING 'BREL BAR 'BYUNG BA NYID NI NGO BO NYID KYIS MA SKYES PA'I PHYIR YOD DANG MED PA'I MTHA' DANG DBUS SU YONGS SU BRTAGS PA'I KHYAD PAR GYIS DMIGS PAR MI NUS PA'I PHYIR DANG, DMIGS PA MED PA LA BYIS PA RNAMS KYIS SKRAG PAR BYED PA'I PHYIR DANG, DE NYID GTING DPOGS PAR MI NUS PA'I PHYIR NA ZAB PA STE, DE LTAR YANG 'PHAGS PA KLU SGRUB ZHABS KYIS GSUNGS TE, YOD DANG MED LAS RNAM 'DAS PAS, ,GANG RNAMS LA NI BLO MI GNAS, ,DE YIS ZAB MO DMIGS MED PA'I, ,RKYEN GYI DON LA RNAM PAR BSGOM, ,ZHES PA STE, SGRO 'DOGS PA DANG SKUR PA 'DEBS PA'I MTHA' LAS GROL BA DE NI ZAB PA NYID DO, ,GANG LA DNGOS MED DNGOS MED MIN, ,BLO YI MDUN NA MI GNAS PA, ,DE LA RTOGS PA GZHAN MED PAS, ,DMIGS PA MED NAS RAB TU ZHI, ,RANG BZHIN GYIS ZHI BA'I RNAM PAS SO, ,DE NYID MNYAM PAR MA BZHAG PA'I GNAS SKABS SU KUN RDZOB DANG DON DAM PA'I BDEN PA'I BDAG NYID @50B DU CHOS THAMS CAD LA DMIGS LA, MNYAM PAR GZHAG PA'I GNAS SKABS SU RNAM PAR RTOG PA'I SPROS PA MA LUS PA LAS LOG PA'I CIR YANG DMIGS PA MED PA LA SOGS PA LA GNAS ZHES PA'O, ,DMIGS PA LA BSGRUB PA'I DUS SU NI, MTHA' RTZOM PA BZHIN LA, 'BYUNG BAR 'GYUR BA'I DE'I 'BRAS BU'I GNAS SKABS NI RANG BZHIN GYI CHED DU BYA BA NI MTSON BYA BZHIN NO, ,DE'I DBANG DU BYAS PA NI BSTAN BCOS LAS, SEMS CAN KUN MCHOG NYID SEMS DANG, ,SPONG DANG RTOGS DANG GSUM PO LA, ,CHEN PO GSUM GYI RANG 'BYUNG GIS, ,CHED DU BYA BA 'DI ZHES BYA, ,ZHES TE, RANG LAS 'BYUNG BAR 'GYUR ZHES PAS RANG 'BYUNG STE, BYANG CHUB SEMS DPA' RNAMS LA DE RNAMS KYI CHED DU BYA BA NI 'DIR GANG CHED DU GNYER BAR BYA BA'I YANG DAG PAR RDZOGS PA'I BYANG CHUB 'DOD PAR 'GYUR BA'O, ,SEMS CAN KUN GYI MCHOG NYID DU SGRUB PAR BYED PA LA CHEN PO GSUM RNAMS KYIS TE, DE LA GSUM NI SEMS DANG, SPONG BA DANG, RTOGS PA DANG GSUM STE, DE LA SEMS CHE BA NYID NI RDO RJE LTA BU LA SOGS PA'I SEMS SO, ,LTA BA RNAMS THAMS CAD SPANG BA'I DON DU BSTAN PA NI SPONG BA CHEN PO NYID LA, BYANG CHUB KYI SEMS LA SOGS PA NYID LA ZHEN PA MED PA NYID NI, RTOGS PA CHEN PO NYID DO, ,SEMS CHEN PO NYID DANG, SPONG BA CHEN PO NYID DANG, RTOGS PA CHEN PO NYID KYIS CHED DU GNYER BAR BYED CES PA NI CHED DU BYED PA CHEN PO'O, ,'DIR CHED DU BYA BA CHEN PO'I YUL YIN PA'I PHYIR SEMS CAN CHEN PO LA DGONGS PA'O ZHES PA NI SEMS CAN CHEN PO'O, ,'DIR DE NYID SKABS SU BAB CES PAS RTOGS PAR BYA BA'I DON DU ZHES PA LA SOGS PA STE, RTOGS PA'I DON NI DON MED PAR MI DMIGS PAS 'DOD PA STE RGYU MTSAN DES NA'O, ,SEMS CAN GYI PHUNG PO ZHES PA NI MDOR BSTAN PA LA SEMS CAN GYI RIS ZHES BYA BA NI RGYAS PAR BSHAD PA'O, ,DE'I MCHOG NYID NI THEG PA CHEN POS YANG DAG PAR BSDUS PA'I CHED DU'O, ,MA LUS PA'I 'KHOR BAR BZHUGS PA LA SOGS PA'I SEMS CAN GYI PHUNG PO'I MCHOG NYID CHEN PO NI SEMS CAN GYI PHUNG PO CHEN PO NYID KYIS BRJOD PA @51A *, ,YIN NO, ,DE NAS ZHES PA LA SOGS PA STE, DE'I DUS LA ZHES PA NI GO SKABS TE, 'DIR BDAG LA SOGS PA BZHI NI YUM CHEN MOR NI BCU GSUM GSUNGS TE, THAMS CAD KYANG GRUB MTHA' THA DAD PA LAS DON GCIG GO, ,SGRA BSHAD PA TZAM GYIS THA DAD DE, DE LA NGAR 'DZIN PA'I RGYU NYID KYIS NA BDAG GO, ,'GRO BA RNAMS SU CHUD PAS NA SEMS CAN NO, ,SROG GI DBANG PO'I DBANG GIS RIS MTHUN PA'I LUS ZAD PA DANG MI GNAS PA'O ZHES PA NI SROG GO, ,NYON MONGS PA DANG LAS KYI DBANG GIS SKYE BAR 'GYUR BAS RTZOM PAS GROL BA'O, , KHAMS LA SOGS PA'I ZAS KYIS GSO BAR BYED CES PAS GSO BA'O, ,SKYES BU'I LUS LA GNOD PAR BYED PAS NA SKYE BU STE, SKYES BU'I DBANG PO DANG LDAN PAS NI MA YIN TE, GZUGS KYI KHAMS PA'I SKYES BU RNAMS NYID LA SKYES PA MA YIN PAR THAL BAR 'GYUR BA'I PHYIR RO, ,YANG NAS YANG DU 'GRO BA RNAMS SU 'JUG PAR 'GYUR BAR BAS NA GANG ZAG GO, ,GTZO BO YID KYI LAS RNAMS KYIS 'GRO BA RNAMS SU SKYE BAR BYED CES PAS NA SHED CAN NO, ,SHED KYI BDAG PO'O ZHES PAS NI SHED BDAG GO, ,DGE BA LA SOGS PA'I LAS KYIS RTEN DU GYUR PAS NA BYED PA PO'O, ,LAS KYI RNAM PAR SMIN PAR MYONG BAS NA TSOR BA PO'O, ,YID KYI RNAM PAR SHES PA GNAS YIN PA'I PHYIR SHES PA PO'O, ,MIG LA SOGS PA RNAM PAR SHES PA LNGA'I GNAS YIN PA'I PHYIR MTHONG PA PO'O, ,DE RNAMS KYI LTA BA NI DE DNGOS PO YOD PAR MNGON PAR ZHEN PA'O, ,'BYUNG BA NI 'KHOR BA'O, ,'JIG PA NI MYA NGAN LAS 'DAS PA STE, DE GNYIS LA LTA BA MCHOG TU NYID DU NGES PA'O, ,MYA NGAN LAS 'DAS PA THOB NAS 'CHAD PAR 'GYUR ZHES PAS NI CHAD PAR LTA BA'O, ,RTAG PAR 'BYUNG BAR 'GYUR ZHES PA NI RTAG PAR LTA BA'O, ,'ON KYANG 'DI RNAMS NI SNGON DU BYUNG BA LAS PHYIS MED DO ZHES PA LA CHAD PA LA GANG ZHIG NGO BO NYID KYIS YOD CING MED PA LA MED CES PA NI RTAG PA'O, ,PHUNG PO LNGA PO RNAMS KYI LUS NGO BO NYID MED PA DE RNAMS LA NGO BO ZHES PA NI 'JIG TSOGS LA LTA BA'O, ,DE BZHIN DU DE LA SOGS PA'I LOG PAR LTA BA DANG LTA BA MCHOG TU @51B 'DZIN PA LA SOGS PA RNAMS SO, ,CHOS ZHES PA NI RIGS PA'I LAM ZHES PA STE SPONG PA CHEN PO'O, ,DE NAS ZHES PA LA SOGS PA STE, BYANG CHUB KYANG SEMS 'DI NYID LA THAMS CAD MKHYEN PA YANG SEMS 'DI NYID DO, ,ZAG PA MED PA NI BAG CHAGS DANG BCAS PA'I 'CHI 'PHO BA'I ZAG PA THAMS CAD MED PA'O, ,MNYAM PA MED PA NI SO SO'I SKYE BO RNAMS DANG NGO, ,MI MNYAM PA NI SANGS RGYAS DE RNAMS DANG NGO, ,MNYAM PA DANG MI MNYAM PA STE MI MNYAM PA MED PA'O, ,MA CHAGS PA NI BSTAN PA'O, ,YONGS SU MA ZIN ZHES PA NI BSHAD PA'O, , LHAG MA RNAMS NI RNAM PAR BSHAD ZHIN TO ZHES PA NI RTOGS PA CHEN PO'O, ,SGRUB PA NI RNAM PA BZHI STE, DE LA GO CHA DANG 'JUG PA'I SGRUB PA NI SEMS DPA' CHEN PO'I SGRA'I 'JUG PA'I RGYU MTSAN GSUNGS LA, GANG POS DE BRJOD PA NI DE NAS ZHES PA LA SOGS PA STE, ,GANG DU 'JUG PA NYID BGROD PA STE, 'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES GSUNGS SO, ,GO CHA BGOS ZHES PA DANG, THEG PA YANG DAG PAR GNAS ZHES PA'I BAR GYI TSIG PHYIS PAS SEMS DPA' CHEN PO'O, ,DE LA PHA ROL TU PHYIN PA DRUG PO RNAMS KYI SO SO'I GO CHA RE RE LA MA LUS PA NYE BAR GNAS PA NI GO CHA'I SGRUB PA STE, DPUNG GI TSOGS KYIS GO GON PA BZHIN TE, ,RGYAS PA NI BCOM LDAN 'DAS MA YUM CHEN MO LA'O, ,BCOM LDAN 'DAS MA 'DIR NI GO CHA STE BSRUNG BA DANG BSRUNG BA'I SGRUB PA NI BAR MAR RO, ,THAMS CAD DU NI RNAM PA THAMS CAD RNAMS KYIS TE, JI LTAR CHED DU BYED PA LA GZHAN GYIS MI THUB PA'O, ,'DIS NI BAR DU GCOD PA THAMS CAD LA MDA' SO SOR BSNUN PAR 'GYUR TE, 'DIR BSTAN BCOS LAS, SBYIN PA LA SOGS RNAM DRUG LA, ,DE DAG SO SOR BSDUS PA YIS, , GO CHA'I BSGRUB PA GANG YIN DE, ,DRUG TSAN DRUG GIS JI BZHIN BSHAD, ,CES TE GANG GIS SBYIN PA BYED PA DE NI SBYIN PA STE, RANG GI RANG NYID YONGS SU GTONG ZHING GZHAN RANG GI BYED PA'I SEMS KYIS TE, ZANG ZING DANG, MI 'JIGS PA DANG, CHOS KYI DBYE BA RNAM PA GSUM MO, ,DE LA @52A *, ,ZANG ZING GI SBYIN PA NI 'BRAS BU DANG BCAS PA JI SRID DU BDAG NYID KYI DNGOS PO YANG YONGS SU GTONG BA'O, ,MI 'JIGS PA'I SBYIN PA NI TSUL KHRIMS DANG BZOD PA DANG SKYED PAS BYAS PA DANG MA BYAS PA'I GNOD PAS GZHAN RNAMS LA NYE BAR MI 'BYED PA'I PHYIR RO, ,CHOS KYI SBYIN PA NI BRTZON 'GRUS DANG BSAM GTAN DANG SHES RAB KYI PHA ROL TU PHYIN PA RNAMS DUB PA MED PAR BSAM GTAN GYIS GZHAN DU BSKYED PAR BYAS PAS GZHAN RNAMS KYI BSAM PA DANG BAG LA NYAL SHES PAR BYAS NAS SHES RAB KYIS YANG DAG PA JI LTA BA'I DON NYE BAR STON PA'O, , RANG BZHIN GYIS KHA NA MA THO BA RNAMS KYIS MI DGE BA BCU RNAMS DANG, BTAGS PA'I KHA NA MA THO BA RNAMS LAS LDOG PAR BYED PA'I TSUL KHRIMS SO, ,BZOD PA DANG LHAN CIG PA NI RNAM PA GSUM STE, GZHAN GYIS GNOD PAR BYAS PA LA BZOD PA DANG, SDUG BSNGAL LA LHAG PAR GNAS PA'I BZOD PA DANG, MI SKYE BA'I CHOS KYI BZOD PA'I MTSAN NYID KYI CHOS LA DMIGS PA'O, ,DGE BA'I LAS LA SPRO BA'I BRTZON 'GRUS DANG, SEMS RTZE GCIG PAS SEMS PAR BYED PA'I BSAM GTAN DANG, STONG PA NYID DANG SNYING RJE DBYER MED PA'I BAR DU MI GNAS PA'I BYANG CHUB KYI SHES RAB KYI PHA ROL TU PHYIN PA DANG, BYANG CHUB SEMS KYI GZHI YIN PA'I PHYIR RTEN DAM PA DANG DNGOS PO MTHA' DAG KUN TU SPYOD PAS DNGOS PO DAM PA DANG, SEMS CAN THAMS CAD KYI PHAN PA DANG BDE BA LA DBANG BA YIN PA'I PHYIR DBANG DAM PA DANG, RNAM PAR MI RTOG PA'I YE SHES KYIS GZUNG BA'I PHYIR THABS LA MKHAS PA DAM PA DANG, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I PHYIR YONGS SU BSNGO BA DAM PA DANG, NYON MONGS PA DANG SHES BYA'I SGRIB PA MED PAR BYED PAS KUN NAS 'DU BA RNAM PAR DAG PA DAM PAR RNAMS NI SO SOR SBYIN PA LA SOGS PA'I PHA ROL TU PHYIN PA RNAMS KYI MTSAN NYID DU BYANG CHUB SEMS DPA'I SA LAS BSHAD DO, ,'DIR SBYIN PA DANG TSUL KHRIMS DANG BZOD PA NI LHAG PA'I TSUL KHRIMS KYI BSLAB PA BSAM GTAN NI LHAG PA'I SEMS KYI'O, ,SHES RAB KYI PHA ROL TU PHYIN PA NI LHAG PAR SHES RAB LA, BRTZON 'GRUS NI @52B GSUM CHAR GYIS YANG LHAN CIG BYED PA CAN NO, ,SBYIN PA DANG, TSUL KHRIMS DANG, BZOD PA NI BSOD NAMS KYI TSOGS LA, BSAM GTAN DANG SHES RAB KYI PHA ROL TU PHYIN PA NI YE SHES KYI TSOGS SO, ,BRTZON 'GRUS NI TSOGS GNYI GA'I GROGS TE MDOR BSDU NA NI SNYING RJE'I LAS KUN SEMS CAN GYI DON DU BYED PA'I PHYIR BSOD NAMS KYI TSOGS SO, ,SHES RAB KYIS DON RTOGS PA'I PHYIR YE SHES KYI TSOGS SO, ,SBYIN PA LA SOGS PA RNAMS NI DON DAM PAR DMIGS SU MED KYANG DU RDZOB TU YOD PA'I PHYIR RGYUN MA CHAD PA MNYAM PAR MA BZHAG PA'I GNAS SKABS RNAMS LA RAB TU 'JUG LA TING NGE 'DZIN GYI GNAS SKABS SU SBYIN PA LA SOGS PA BTANG SNYOMS SU BYAS NAS BOR BA'I PHYIR RO, ,DE DAG GI SBYIN PA LA SOGS PA RNAMS LA SO SOR RE RES MTHA' DAG BSDUS PA LA NYE BAR GNAS PAS GANG ZHIG GI SGRUB PA RGYAS PAR BSHAD PAR BYED PA NI THAR PA'I CHA DANG MTHUN PA'I MTSAN NYID KYI'O, ,GO CHA'I SGRUB PA GSUNGS PA NI, DE NAS ZHES BYA BA LA SOGS PA STE, 'DI LTAR ZHES PA NI 'DI 'DRA BA'I SEMS SO, ,PHYOGS DANG YUL GRANGS KYIS YONGS SU MI CHOD PA'I PHYIR GO RIMS BZHIN DU GZHAL DU MED PA DANG BGRANG DU MED PA'O, , YONGS SU MYA NGAN LAS BZLA BAR BYA ZHES PA NI JI SKAD KYI CHED DU BYA BA LAS GZHAN DU MI 'GYUR BA STE SKUR BA 'DEBS PA'I GNYEN POR GSUNGS PA'O, ,YOD PA MA YIN ZHES PA LA SOGS PA NI SGRO 'DOGS PA'I GNYEN POR RO, ,DE LTAR NA MTHA' GNYIS KYI GNYEN PO'I DBU MA SGRUB PAS SO, ,DE BZHIN DU THOS PA LAS BYUNG BA'I SHES RAB KYI GO CHA GSUNGS NAS BSAM PA'I RANG BZHIN BRJOD PAR 'DOD NAS RIGS PAS 'DRI BA NI, DE ZHES PA STE, DE LA MTHA' GNYIS DANG BRAL BA NYID LA BYED PA PO GANG YANG MI 'THAD PA'O, ,CHOS RNAMS NI PHUNG PO LNGA PO LA, DE RNAMS MTHA' GNYIS DANG BRAL BA NYID KYI CHOS NYID NI RANG BZHIN NO, ,SGYU MA NI RGYU GZHAN GYI DBANG GIS KUN RDZOB KYI SGRA'I DON TE, DE LA YOD PA NYID LA SOGS PA RNAMS KYIS BRTAGS LA, STONG PA NYID NI CHOS NYID NYE BAR GZUNG BA NYID DU 'DOD DO, ,DE LTA BAS NA RGYU DANG RKYEN @53A *, ,GZHAN GYI DBANG GIS PHUNG PO LNGA PO RNAMS NI KUN RDZOB KYI NGO BO'I SGRA DON LA DNGOS PO DANG DNGOS PO MED PA LA SOGS PA RNAMS NI BRTAGS PA'I NGO BO NYID RNAMS SO, ,STONG PA NYID KYI CHOS NYID KYI RANG BZHIN NI YONGS SU GRUB PA'I NGO BO NYID KYI DON DAM PAR STE, KUN RDZOB DANG DE DAG RO GCIG NYID PAS MTHA' DAG MTHA' GNYIS DANG BRAL BA'O ZHES PAS MTHA' GNYIS DANG BRAL BA GRUB PA STE, DE NYID KYI DPE GSUNGS PA NI, 'DI LTA STE DPER NA ZHES PA STE, MKHAS PAS PHUL TU PHYIN PA'O, ,NYE GNAS NI SLOB MA'O, ,DE JI SNYAM ZHES PA NI THUN MONG DU DRI BA'O, ,GANG YANG ZHES PA NI KHYAD PAR GYI'O, ,GSOD PA NI BCOM PA'O, ,'CHI BA NI RANG NYID DO, ,BSHIG PA NI MI SNANG BAR BYAS PA'O, ,MI SNANG BA NI RANG NYID KYIS SO, ,BSAMS PA'I RANG BZHIN GYI SHES RAB GSUNGS NAS, BSGOMS PA'I RANG BZHIN GYI BRJOD PAR BYA BA LA, BSGOM PA NI RNAM PA GSUM STE, ZHI GNAS DANG, LHAG MTHONG DANG, ZUNG DU 'BREL BA'O, ,DE LA ZHI GNAS KYI DBANG DU BYAS NAS GSUNGS PA NI, GAL TE ZHES PA LA SOGS PA STE, MING DANG NI DE NYID DMIGS PA LA STE SNGON DU BSHAD PA'I RNAM PA DRUG GIS MDOR BSDUS PA'I SEMS LA YANG LANGS PA NA BRNAB SEMS DANG YID MI BDE BA LA SOGS PA MI SKRAG PA STE, JI LTAR ZHE NA, DE NYID KYIS MI NYAMS TE RNAM PAR G-YENG BA'I SKYON MTHONG BA'I PHYIR RO, ,KUN TU MI SKRAG PA NI NGANG DU GYUR PA'I PHYIR RO, ,KUN TU SKRAG PA DANG LDAN PAR MI 'GYUR BA NI LHUN GYIS GRUB PA'I DBANG DU GYUR PAS MNYAM PAR GZHAG PA'I SEMS LA 'BAD RTZOL MI BYED PA'I PHYIR RO, ,'DI TZAM ZHES PA NI ZHI GNAS 'DIS SEMS CAN YONGS SU MYA NGAN LAS 'DA' BAR BYED PA'I GO CHA BRTAN PAS SO, ,DE NAS ZHES PA LA SOGS PA LHAG MTHONG GSUNGS PA NI, DMIGS PA DE NI DON DAM PAR MIN TE, DON DAM PA STONG PA NYID DE STONG PA NYID MTHONG NAS GANG DU GANG GANG GIS MYA NGAN LAS 'DA' BAR BYED PAR MTHONG BA YOD PA MA YIN LA DON NI DON DAM PA'O, ,RNAM PA THAMS CAD MKHYEN PA NYID DANG SEMS CAN GYI DON LA SO SOR GO JI LTAR BGOS KYANG BGOS PA MED @53B CES GSUNGS PA NI, DE CI'I PHYIR ZHE NA ZHES PA STE, BYED PA PO DANG RGYU MED PA'I PHYIR MA BYAS PA'O, ,'JIG PA'I RGYU MED PA NYID KYIS NI RNAM PAR MA BSGYUR BA'O, ,GNYI GA'I LHAN CIG BYED PA'I RKYEN MI 'THAD PAS MNGON PAR 'DUS MA BYAS PA'I STE, MA BYUNG BA DANG 'BYUNG BA DANG DE KHYAD PAR DU 'GRO BA DANG, 'BRAS BU THOB PA LA MNGON DU PHYOGS PAR BYED PA'I DBANG DU BYAS NAS GO RIMS BZHIN DU TSIG GSUM MO, ,YANG NA THAMS CAD SHES PA NI CHOS KYI DBYINGS NYID NI RNAM PAR DAG PA LA DE NI DE'I RANG BZHIN TE, DE BZHIN DU DE NYID RTAG PA'I PHYIR MA BYAS PA'O, ,'DOD CHAGS LA SOGS PA'I SKYON GYIS MA GOS PAR BYAS PAS MNGON PAR 'DUS MA BYAS PA STE, GNYEN PO RNAMS KYIS SBYANG DU MED PA'O, ,SEMS CAN ZHES PA NI DE RNAMS KYANG DON DAM PAR NGO BO NYID MED PA NYID KYI MED PA NYID KYI MTSAN NYID KYI CHOS KYI DBYINGS KYI NGO BO'I PHYIR RO, ,DE CI'I PHYIR ZHES PA LA SOGS PAS RAB 'BYOR LA ZUNG DU 'JUG PAS BGROD PA'I LAM GSUNGS PA STE, DE LA PHUNG PO LNGA PO RNAMS DON DAM PAR NGO BO NYID KYIS STONG LA DE RNAMS NGO BO NYID KYIS STONG PA NYID KYI BDAG NYID CAN GYI DE BZHIN NYID KYI RANG BZHIN DANG YANG BRAL BA NYID DE, DE'I DE NYID MA BCINGS MA GROL BA'O, ,YANG DAG PA MA YIN PA'I PHYIR DANG, DBEN PA'I PHYIR DANG, MA SKYES PA'I PHYIR DANG ZHES PA GSUM NI MNGON SUM DANG RJES SU DPAG PA DANG, LUNG RNAMS KYIS DE KHO NA NYID DU SKYES PA LA SOGS PA BZLOG PA'I PHYIR LA, KUN RDZOB TU NI BCINGS PA DANG GROL BA NYID DO, ,KUN RDZOB DANG DON DAM PA DAG DBYER MED PA NI ZUNG DU 'BREL BA'I LAM MO, ,'DIR GSUNGS PA ZHES PA LA SOGS PA'I TSIG NI 'JUG PA'I DUS SU YANG GO CHA MI GTONG BA'I PHYIR RO, ,GANG PO'I SMRA BA RDZOGS NAS MI SBRA BA DANG, RAB 'BYOR GYI DRI BA DRUG STE, SHES RAB DANG SNYING RJE'I SBYOR BA DANG DE DAG PHAN TSUN THA DAD PA MED PA NYID DANG MI MTHUN PA'I PHYOGS LAS SHIN TU 'DAS PA DANG GNAS PAR NGES PA DANG, GNYEN PO'I SBYOR BAS SHIN TU SBYANGS PA DANG, RTOGS PA PO'I DBANG DU BYAS TE GANG JI LTAR GANG NAS GANG GIS GANG DU GANG ZHIG NGES PAR 'BYUNG BAR 'GYUR ZHES PA NI 'PHAGS PA RNAM PAR GROL SDES, 'DIS @54A *, ,GROL BA'I DON GYI THEG PA'O ZHES PA'I THEG PA'I DON NI LHAG MA STE GO SLA'O, ,JI LTAR NA CHEN PO NYID CES PA NI 'DRI BA DANG PO STE, SHES RAB DANG SNYING RJE'I SBYOR BA MNGON PAR 'DOD PA'O, ,JI LTAR NA DE LA YANG DAG PAR ZHUGS PAR 'GYUR ZHES PA STE GANG GIS BGROD PAS DE THEG PA STE, 'GRO BAR BYA BA GANG LA 'DI BYA BA DES 'GRO BAR 'GYUR ZHES PA'I DON TO, ,'GRO BA NI NGES PA 'BYUNG BA'I DON TE, 'DI LA 'DRI BA NI GANG NAS NGES PAR 'BYUNG BAR 'GYUR ZHES PA'O, ,MTSAN NYID GANG GIS 'GRO BAR 'GYUR BA NI 'DI'I 'DRI BA NI, GANG GIS DE YANG DAG PAR ZHUGS ZHES PA'O, ,'GRO BA DANG SONG BA'I GNAS SKABS GANG DU MED PAR 'DOD PA 'DRI BA NI GANG DU GNAS PAR 'GYUR ZHES PA'O, ,'DIR NI RIGS DMAN PA LA NGES PAR 'BYUNG BA MED PAR 'DOD PAS DRIS PA NI, GANG ZHIG NAS NGES PAR 'BYUNG BAR 'GYUR ZHES PA'O, , THEG PA CHEN PO ZHES PA NI 'DIR RO, ,'DI NI ZHES PAS NI CHEN PO BZUNG LA, TSIG BLA DAGS NI BRJOD PA'O, ,TSAD MED PA NYID KYIS CES PA NI TSAD MED PAS SO, ,DE LA DANG POS NI DGE BA'I CHOS THAMS CAD 'BYUNG BA'I PHYIR LA, GNYIS PAS NI GUS PA DANG, RGYUN MCHAD PA DANG, DUS YUN RING PO NYE BAR BSAGS PA'I PHYIR TE SNGA NAS BSHAD DO, ,KUN TU GNAS ZHES PA NI GO CHA LA RAB TU GNAS PA STE, 'DIR GO CHA GONG DU NGES PAR 'BYUNG BA'I SNGON DU 'GRO BA GANG NI BSGRUB PA LA DE NI RNAM PA GNYIS TE, 'JUG PA'I SGRUB PA DANG, TSOGS KYI SGRUB PA'O, ,DE LA 'GRO BA RTZOM PA NI 'JUG PA LA BYA BA'I BSAM PA LCI BA'I PHYIR TSOGS TE THAMS CAD KYI RNAM PAR TSOGS PA'I PHYIR TSOGS SAM, BYANG CHUB CHEN PO 'DIS KUN TU BSAGS PAS NI TSOGS SO ZHES PA STE, DE GNYI GA YANG STONG PA DANG SNYING RJE DAG RO GCIG PA NYID DU NGES PA'I PHA ROL TU PHYIN PA DRUG PO 'DI RNAMS KYIS THAMS CAD BSDUS PA'I PHYIR RAM, PHA ROL TU PHYIN PA'I NGO BO'I PHYIR RAM, PHA ROL TU PHYIN PA DANG RJES SU MTHUN PA'I PHYIR RAM, PHA ROL TU PHYIN PA'I 'BRAS BU'I PHYIR TE, JI LTAR RIGS PAS SO, KHAMS GSUM LAS ZHES PA NI GNAG CUNG ZHIG MI SHES PAS NYON MONGS @54B PA'AM, NYON MONGS PA DE NI 'DIR KHAMS GSUM PA STE, YANG DAG PA MA YIN PA'I YONGS SU BRTAGS PA'I SEMS DANG SEMS LAS BYUNG BA'I KHAMS GSUM PA'O, ,ZHES GSUNGS PA'I PHYIR TE, NYAN THOS THEG PAS NI NYON MONGS PA DE NYID LA NGES PAR 'BYUNG BA'O, , DMIGS PA MED PA NI MI DMIGS PA'I CHOS KYI DBYINGS TE, DES MTSON NAS LJON PA DANG LHA'I RIGS LA SOGS PAS SNGAR MED PA'I TSOGS BZHIN NO, ,TSIG DRUG PO'I LAN RNAM PA DRUG PO RNAMS KYIS NI THEG PA CHEN PO'I CHE BA NYID GSUNGS TE, GZHAL DU MED PAS CHEN PO NYID DANG 'JUG PA CHEN PO NYID DANG, NGES PAR 'BYUNG BA CHEN PO NYID DANG, MTSON CHA CHEN PO NYID DANG, THOB PA CHEN PO NYID DANG, GNAS CHEN PO NYID DE, GZHAL DU MED PA NYID DANG TSAD MED PA NYID KYI DBYE BAS RNAM PA BDUN YANG RUNG BA'O, ,SKUR PA 'DEBS PA SPONG BA'I PHYIR NA KUN RDZOB GSUNGS LA, DON DAM PAR NI SGRO 'DOGS PA SPONG PA'I PHYIR TE, DE GSUNGS PA NI 'ON KYANG ZHES PA LA SOGS PA STE, DE SKAD CES BKA' STZAL PA DANG ZHES PA NI 'DIR SNGON DU'O, ,DE LA 'JUG PA'I SGRUB PA'I DBANG DU BYAS PA NI BSTAN BCOS LAS, BSAM GTAN GZUGS MED SBYIN SOGS DANG, ,LAM DANG BYAMS LA SOGS PA DANG, ,DMIGS PA MED PAR LDAN PA DANG, ,'KHOR GSUM RNAM PAR DAG PA DANG, ,CHED DU BYA DANG MNGON SHES DRUG, ,RNAM KUN MKHYEN PA'I TSUL LA NI, ,'JUG PA'I BSGRUB PA THEG CHEN LA, ,'DZEG PA YIN PAR SHES PAR BYA, ,ZHES TE, BSAM GTAN BZHI DANG GZUGS MED PA RNAMS NI GZHAN DU RNAM PAR 'CHAD PAR 'GYUR LA, SBYIN PA LA SOGS NI PHA ROL TU PHYIN PA DRUG GO, ,LAM NI BYANG CHUB KYI PHYOGS KYI CHOS SUM CU RTZA BDUN GYIS BSKOR BA'I MTHONG BA DANG, BSGOM PA DANG, KHYAD PAR GYI DANG, MI SLOB PA'I LAM GYI NGO BO LA MI SLOB PA NI RDZOGS PA'I SANGS RGYAS TE, BGROD PAR BYA BAS NA LAM ZHES PA'O, ,SENG GE BZANG POS NI MI SLOB PA'I LAM LA KHYAD PAR GYI LAM GYI NGO BO ZHES RNAM PAR GZHAG PA NI NGAN PA LA GNAS PA STE, BYANG CHUB SEMS DPA'I GNAS @55A *, ,SKABS SU NI MI SLOB PA NYID MI SRID PA'I PHYIR RO, ,BYAMS PA LA SOGS PAS 'DOD PA LA SPYOD PA'I SEMS CAN LA DMIGS PA'I TSANG PA'I GNAS BZHI RNAMS NI SEMS CAN THAMS CAD LA DMIGS PA'I PHYIR TSAM MED PA'O, ,BZHI NI BYAMS PA DANG, SNYING RJE DANG, DGA' BA DANG BTANG SNYOMS TE GO RIMS BZHIN DU BDE BA DANG PHRAD PA DANG, SDUG BSNGAL DANG BRAL BA DANG BDE BA DANG MI 'BRAL ZHING NYON MONGS PA MED PA'I BSAM PA RNAMS TE, SKYE MA SEMS CAN THAMS CAD BDE BA DANG LDAN NA CI MA RUNG SNYAM PA DANG, SDUG BSNGAL DANG BRAL NA CI MA RUNG SNYAM PA DANG, BDE BA DANG MI BRAL NA CI MA RUNG SNYAM PA DANG, NYON MONGS PA LAS GROL NA CI MA RUNG SNYAM PA NYID KYI RNAM PA RNAMS LA MNYAM PAR GZHAG PA NI TSAD MED PA 'JUG PA STE, BZHI CHAR YANG MOS PAS SPYOD PA'I SA STE, SEMS CAN LA DMIGS PA'O, ,RAB TU DGA' BA LA SOGS PA'I BDUN PA RNAMS LA NI DE BZHIN NYID LA DMIGS PA'O, ,DE'I GONG DU NI DMIGS PA MED PA RNAMS TE, STONG PA NYID NYI SHU PO RNAMS DANG CHOS RNAMS THAMS LA DMIGS PA MED PA'I SBYOR BAS BSGOM PA NI MI DMIGS PA'I SBYOR BA'I 'JUG PA'O, ,SBYIN PA'I PHA ROL TU PHYIN PA LA SPYOD CING SBYIN PA DANG GTONG PA PO DANG LEN PA PO MI DMIGS ZHES PA NAS JI SRID DU SHES RAB KYI PHA ROL TU PHYIN PA LA SPYOD CING, DE BYANG CHUB SMES DPA'O YID LA BYED PAR YANG MI DMIGS ZHES PA NI 'KHOR GSUM RNAM PAR DAG PA'I 'JUG PA'O, ,SGOM PA PO DANG BSGOM PAR BYA BA DANG, BSGOM PA RNAMS GANG DU YANG YOD PA MA YIN ZHES PA BSGOM PA DMIGS SU MED PAS BSGOM PA DANG BRAL BAR BSGOM PA'I DON DMIGS PA MED PAS SBYOR BAS DE CHED DU BYED PAS DGE PAS DGE PA'I CHOS RNAMS THAMS CAD LA BSGOM PA DE NI CHED DU BYED PA'I 'JUG PA'O, ,SENG GE BZANG POS NI, SEMS CAN KUN MCHOG NYID SEMS LA SOGS PA CAN CHED DU BYED PA'O ZHES ZER BA NI 'PHAGS PAS BRIS PA'I YUM BAR MA'I TSIG MA MTHONG NGO ZHES SHES SO, ,MNGON PAR SHES PA DRUG PO RNAMS KYIS SANGS RGYAS KYI ZHING DU 'GRO LA, DER YANG SANG RGYAS RNAMS LA MCHOD PA DANG, DE RNAMS @55B LA THEG PA CHEN PO NYAN PA DANG, SEMS CAN RNAMS YONGS SU SMIN PA DANG, RANG GI SANGS RGYAS KYI ZHING YONGS SU SBYONG BA DANG ZHES PA NI MNGON PAR SHES PA DRUG GIS 'JUG PA'O, ,RNAM PA THAMS CAD MKHYEN PA NYID RJES SU THOB NAS CHOS KYI 'KHOR LO BSKOR BA LA SOGS PA NI RNAM PA THAMS CAD MKHYEN PA NYID KYIS 'JUG PA'O, ,'JUG PA 'DI RNAMS KYIS 'GRO BAR RTZOM PA NI MOS PAS SO, ,'GRO BA'I RAB TU DGA' BA LA SOGS PAS SA BDUN PO RNAMS LA NI 'BAD RTZOL GYIS SO, ,THEG PAR ZHUGS NAS BGROD PA LA MI G-YO BA LA SOGS PA RNAMS LA NI 'BAD PA MED PAS SO, ,TSOGS KYI SGRUB PA'I DBANG DU BYAS NAS BSTAN BCOS LAS, BRTZE DANG SBYIN PA LA SOGS DRUG, ,ZHI GNAS LHAG MTHONG BCAS PA DANG, ,ZUNG DU 'BREL PA'I LAM GNAG DANG, ,THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANG SA BCU NI, ,GNYEN PO TSOGS KYI SGRUB PA YI, ,RIM PA YIN PAR SHES PAR BYA, ,ZHES TE, TSOGS RNAMS KYI MTHAR JI LTAR SRID PAR SGYU MA'I CHOS NYID DU SO SOR BLTA STE, DE LA DMYAL BA DANG YI DAGS DANG DUD 'GROR GYUR PA RNAMS KYI SDUG BSNGAL THAMS CAD RAB TU ZHI BAR BYED CING SANG RGYAS DANG BCAS PA'I ZHING RNAMS SU LHA DANG MI RNAMS SU BSKYED PA NI SNYING RJE'I TSOGS SO, ,SBYIN PA LA SOGS PA'I TSOGS DRUG STE, PHA ROL TU PHYIN PA DRUG PO RNAMS DANG, ZHI GNAS DANG LHAG MTHONG DANG ZUNG DU 'BREL BA'I TSOGS GSUM PO NI GO CHA'I SGRUB PA JI LTA BA BZHIN LA GANG YANG RNAM PA THAMS CAD MKHYEN PA NYID DANG LDAN PA'I YID LA BYED PA RNAMS KYI PHA ROL TU PHYIN PA RNAMS LA LEGS PAR SPYOD PA DANG, GZHAN RNAMS LA YANG YANG DAG PAR LEN DU GZHUG PA STE, DMIGS SU MED PA'I SBYOR BA YIS, ,ZHES PA NI THABS LA MKHAS PA'I TSOGS SO, , GANG ZHIG STONG PA NYID NYI SHU YONGS SU SHES PA NI YE SHES KYI TSOGS TE, DE YANG BCOM LDAN 'DAS MA YUM CHEN MO LAS GSUNGS TE, DE LA NANG STONG PA NYID NI NANG GI BDAG NYID CAN GYI CHOS RNAMS TE MIG LA SOGS PA'I DRUG PO RNAMS TE, DE DE RNAMS KYIS STONG PA'O, ,PHYI STONG @56A *, ,PA NYID CES PA NI PHYI'I CHOS RNAMS TE, GZUGS LA SOGS PA DRUG PO LA, DE DE RNAMS KYIS STONG NGO, ,PHYI NANG STONG PA NYID CES PA NI PHYI NANG GI BDAG NYID CAN GANG ZHIG DBANG PO LA GNAS PAS BSDUS PA STE, DE YANG NANG GI BDAG NYID CAN GYIS MA ZIN PA'I PHYIR DANG, PHYI ROL GYI DBANG POS KYANG MA BSDUS PA'I PHYIR NA DE DES STONG LA, STONG PA NYID DU NYE BAR DMIGS PA YANG STONG PA NYID DO, ,STONG PA NYID STONG PA NYID NI STONG PA NYID DU DMIGS PA'I SHES PA YANG 'DIR STONG PA NYID DE, DE NI CHOS THAMS CAD STONG PA NYID DU SHES PAS STONG ZHES PA'I DON TO, ,CHEN PO STONG PA NYID CES PA NI PHYOGS PHYOGS KYIS STONG LA, SNOD RNAMS KYANG SNOD RNAMS KYIS STONG PA'O, ,DON DAM PA STONG PA NYID CES PA NI DON DAM PAR NI MYA NGAN LAS 'DAS PA STE, DE DES NA STONG PA NYID DO, ,'DUS BYAS STONG PA NYID DANG ZHES PA NI 'DUS BYAS PA RNAMS TE, 'DOD PA DANG GZUGS DANG GZUGS MED PA'I KHAMS TE, DE DE RNAMS KYIS STONG PA'O, ,'DUS MA BYAS STONG PA NYID CES PA NI GANG LA SKYE BA MED CING 'GAG PA MED LA, GNAS PA LAS GZHAN DU 'GYUR BA MED PA DE NI 'DUS MA BYAS STONG PA NYID DO,, MTHA' LAS 'DAS PA STONG PA NYID CES PA NI GANG GI MTHA' RTAG PA DANG CHAD PA NYE BAR MI DMIGS PAS MTHA' DANG DBUS TE, DES STONG PA'O, ,THOG MA DANG THA MA MED PA STONG PA NYID CES PA NI 'KHOR BA'I THOG MA MED CING THA MA MED PA LA DE'I DBUS MED DE, THOG MA DANG DBUS DANG THA MA NI DE RNAMS KYIS STONG PA'O, ,DOR BA MED PA STONG PA NYID CES PA NI GANG LA 'BYUNG BA MED PA DE NI 'GYUR BA MED PA STE, DGE BA'I PHYOGS DE DES NA STONG PA'O, ,RANG BZHIN STONG PA NYID CES PA NI, GANG ZHIG CHOS RNAMS THAMS CAD KYI RANG BZHIN NI NYAN THOS LA SOGS PA RNAMS KYIS MA BYAS LA, BYAS PA DANG BRAL BAS, DE DES STONG PA'O, ,CHOS THAMS CAD STONG PA NYID CES PA NI, CHOS THAMS CAD LA CHOS RNAMS KYIS STONG PA'O, ,RANG GI MTSAN NYID STONG PA NYID CES PA NI, GZUGS NI MTSAN NYID MED PA'I GZUGS, ,ZHES PA LA SOGS PA RGYAS PA STE, CHOS DE @56B RNAMS THAMS CAD RANG GI MTSAN NYID DANG SPYI'I MTSAN NYID KYIS STONG PA'O, ,MI DMIGS PA STONG PA NYID CES PA NI 'DAS PA DANG MA 'ONGS PA DANG DA LTAR BYUNG BA DMIGS SU MED DO ZHES PA NI DE'I MI DMIGS PA STONG PA NYID DE, GDOD NAS RNAM PAR DAG PA'I PHYIR DANG DUS MED PA RNAMS KYI NGO BO NI BRTAGS PA TZAM GYI PHYIR RO, ,DNGOS PO MED PA'I NGO BO NYID STONG PA NYID CES PA NI GANG RTEN CING 'BREL PAR 'BYUNG BA DE NI DNGOS PO MED PA'I NGO BO NYID DE, DE LTAR YANG CHOS RNAMS KYI NGO BO NYID LA YANG DAG PAR SBYOR BA PO GANG YANG MED DO, ,RTEN CING 'BREL PA LAS 'BYUNG BA'I PHYIR NA YANG DAG PAR SBYOR BA RANG GIS STONG PA NYID DO, ,DNGOS PO STONG PA NYID CES PA NI DNGOS PO NI PHUNG PO LNGA PO RNAMS TE DE NI STONG PA'O, ,DNGOS PO MED PA STONG PA NYID CES PA NI DNGOS PO MED PA NI 'DUS MA BYAS PA NAM MKHA' LA SOGS PA STE, DE NI DES STONG PA NYID DO, ,RANG BZHIN STONG PA NYID CES PA NI RANG BZHIN GYIS STONG PA NYID DE DES STONG PA NYID DO, ,GZHAN GYI NGO BO STONG PA NYID CES PA NI GZHAN YANG 'DI LA DAM PA'I PHYIR NGO BO YANG GZHAN RNAMS KYIS MA BYAS PA NYID KYI NGO BO'I PHYIR TE, GZHAN GYI DNGOS PO NI DE BZHIN NYID CHOS KYI DBYINGS TE, DE NI DES STONG PA NYID DO, , DPA' BAR 'GRO BA DANG RIN CHEN PHYAG RGYA DANG NAM MKHA'I MDZOD DANG SENG GE RNAM PAR BSGYINGS PA LA SOGS PA'I TING NGE 'DZIN NI BSOD NAMS KYI TSOGS LA LAM GYI TSOGS NI RNAM PA MANG STE, 'DIR BYANG CHUB KYI PHYOGS DANG, RNAM PAR THAR PA DANG, SNYOMS PAR 'JUG PA DANG, ZIL GYIS GNON PA'I SKYE MCHED DANG, ZAD PA DANG, GZHAN NYID BSHAD PAR BYA STE, DE LA GANG RNAMS LA RJES SU LTA BA RNAMS KYIS DRAN PA NYE BAR GNAS PA DE NI DRAN PA NYE BAR GZHAG PA STE, DE YANG DMIGS BYA'I DBYE BAS RNAM PA BZHI STE, LUS DRAN PA NYE BAR GZHAG PA DANG, TSOR BA DRAN PA NYE BAR GZHAG PA DANG, SEMS DRAN PA NYE BAR GZHAG PA DANG, CHOS DRAN PA NYE BAR GZHAG PA'O, ,DE LA YUM BAR MA LAS, NANG GI LUS DANG TSOR BA DANG, SEMS DANG CHOS RNAMS LA LUS LA SOGS PA'I RJES SU LTA ZHING GNAS NAS LUS LA SOGS PA DANG LHAN CIG TU GYUR @57A *, ,PA'I RTOGS PAS BRTAGS PAR MI BYED DE, DE YANG MI DMIGS PA'I RNAL 'BYOR GYIS SO, ,DE BZHIN DU PHYI ROL GYI LUS LA SOGS PA RNAMS DANG, DE BZHIN DU PHYI DANG NANG GI LUS LA SOGS PA RNAMS LA SPRO BA BSKYED CING DRAN PA DANG LDAN ZHING SHES BZHIN DANG LDAN PAS 'JIG RTEN GYI BRNAB SEMS DANG YID MI BDE BA SEL BAR BYED CES PA STE, DE LA NANG GI LUS NI RANG GI MIG LA SOGS PA DRUG PO RNAMS SO, ,PHYI'I LUS NI NANG GI LUS LAS PHYI ROL GYI 'DUS BYAS PA RNAMS SO, ,PHYI NANG GI LUS NI RANG GI LUS SU SON PA'I LHAG MA'I 'BYUNG BA DANG 'BYUNG BA LAS GYUR PA STE, DE YANG DBANG PO NI RANG GI BDAG NYID CAN GYI SEMS KYIS MA ZIN PA'I PHYIR DANG, PHYI ROL YANG MA YIN PA'I PHYIR RO, ,TSOR BA LA SOGS PA RNAMS LA YANG RNAM PA GSUM STE, LUS LA DMIGS PA'I DBYE BAS RNAM PA GSUM PHYE BAS TE, BDE BA DANG, SDUG BSNGAL DANG, BDE BA DANG SDUG BSNGAL MED PA'O, ,CHOS NI SEMS LAS BYUNG BA RNAMS TE, DGE BA DANG MI DGE BA DANG LUNG MA BSTAN PA RNAMS SO, ,LUS LA SOGS PAR RJES SU LTA ZHES PA NI LUS LA SOGS PA'I CHOS NYID DU RJES SU BLTA BA'O, ,LUS LA SOGS PA DANG LHAN CIG TU GYUR PA ZHES PA NI LUS LA SOGS PA'I 'DU SHES DANG LHAN CIG TU GYUR PAS SO, ,RNAM PAR MA BRTAGS ZHES PA NI RNAM PAR RTOG PAS TE, LUS 'DI NI BDAG GI LUS TE, MI RTAG PA DANG RTAG CES PA LA SOGS PA'O, ,DE YANG RJES SU LTA BA NI RNAM PAR MI RTOG PA'I DMIGS PA MED PA'I RNAL 'BYOR GYIS TE, RGYUN DU BSNYEN BKUR BYAS PA LA YANG DE DE'I SBYOR BAS SPRO BA MED PA'O, ,RJES SU LTA BA NI DE SHES BZHIN GYI RNAL 'BYOR GYIS RAB TU SHES PA'O, ,BRJED PA MED PA'I BDAG NYID CAN DANG, BSRUNG BA MED PA CAN GYI RNAM PAR G-YENG BA MED PAS 'JUG CING DRAN PA LA MI SBYOR BAS DRAN PA DANG LDAN PA STE, 'DI RNAMS KYIS NI BRTZON 'GRUS DANG SHES RAB DANG DRAN PA RNAMS KYI PHAN YON GSUNGS PA'O, ,SEL LA ZHES PA NI SPANGS PA LA'O, ,'JIG RTEN ZHES PA NI 'JIG RTEN GYI CHOS RNAMS TE, RNYED PA DANG GRAGS PA DANG BDE BA DANG BSTOD PA RNAMS LA BRNAB @57B SEMS TE 'DOD PA'O, ,MA RNYED PA DANG MA GRAGS PA DANG SDUG BSNGAL BA DANG SMOD PA RNAMS LA NI YID MI BDE BA'O, ,YANG DAG PAR 'DI SEMS LA GTZOR BYED CES PAS YANG DAG PA 'AM GTZO BO LA BCOM PA NYID KYIS YANG DAG PAR SPONG BA'O, ,DE NI RNAM PA BZHI STE, 'DI LTA STE, MI DGE BA'I CHOS MA SKYES PA RNAMS MI BSKYED PA'I PHYIR 'DUN PA BSKYED, 'BAD PAS DON DU GNYER ZHING BRTZON 'GRUS RTZOM, SEMS KYIS YANG DAG PAR RAB TU 'DZIN PA'I YANG DAG PAR RAB TU 'JOG GO, ,DE BZHIN DU SKYES PA RNAMS SPANGS PA LA YANG NGO, ,DE BZHIN DU DGE BA'I CHOS MA SKYES PA RNAMS BSKYED PA LA YANG NGO, ,DE BZHIN DU SKYES PA RNAMS GNAS PA DANG PHYIR ZHING 'GYUR BA'I PHYIR 'DUN PA SKYED PAR BYED PA NI GO CHA'I BRTZON 'GRUS KYIS DE BZHIN DU BYA ZHES PA'O, ,'BAD PAS DON DU GNYER BA NI SBYOR BA'I BRTZON 'GRUS KYIS SO, ,BRTZON 'GRUS RTZOM PA NI ZHUM PA MED PA'I BRTZON 'GRUS KYIS SO, ,SEMS KYIS RAB TU 'DZIN PA DANG YANG DAG PAR RAB TU 'JOG PA NI THABS KYI BRTZON 'GRUS KYIS SO, ,DE LA RAB TU 'DZIN PA NI BYING BA LAS SEMS STOD PAR BYED PA'O, ,YANG DAG PAR RAB TU 'JOG PA NI RGOD PA LAS BKUG NAS MNGON PAR SDUD PAR BYED PA'O, ,RDZU 'PHRUL NI 'JIG RTEN LAS 'DAS PA'I CHOS RNAMS LA RDZU 'PHRUL GYI RKANG PA NI, GNAS KYI PHYIR NA RDZU 'PHRUL GYI RKANG PA BZHI STE, 'DUN PA'I TING NGE 'DZIN DANG, BRTZON 'GRUS KYI TING NGE 'DZIN DANG, SEMS KYI TING NGE 'DZIN DANG, DPYOD PA'I TING NGE 'DZIN NO, ,DE LTAR YANG KHA CIG TU NI 'DUN PA DRAG PO DE NYID KYIS LEGS PAR RAB TU SBYOR BA LAS SEMS RTZE GCIG PA'I MTSAN NYID KYI TING NGE 'DZIN SKYED PAR 'GYUR RO, ,KHA CIG TU NI YANG DAG PAR SPONG BA'I BRTZON 'GRUS RNAMS KYIS MI DGE BA SPONG BA DANG, DGE BA SKYED PA LA RAB TU SBYOR BA'O, ,KHA CIG TU NI ZHI GNAS RAB TU 'DZIN PA'I BTANG SNYOMS DANG, MTSAN MA MED PA RNAMS KYIS SEMS YONGS SU SBYANG BA DANG, KHA CIG TU NI BDAG GIS MI DGE BA PHRA MO LA KUN TU SPYOD DAM, CI MIN NAM ZHES BDAG LA YONGS SU SPYOD PAR BYED CES YANG DAG PAR NYE BAR SEMS @58A *, ,PA STE, 'DI RNAMS NI 'DUN PA LA SOGS PA'I TING NGE 'DZIN TO, ,SKYES PA 'DI RNAMS LA RING DU GYUR NAS KUN NAS DKRIS PA RNAMS KYIS BAG LA NYAL RNAMS SPONG BA'I YANG DAG PAR SPONG BA'I BRTZON 'GRUS RTZOM PAR BYED PAS SPONG BA'I 'DU BYED BRGYAD PO DANG LDAN PAR 'GYUR BA YIN TE, 'DUN PA DANG, BRTZON 'GRUS DANG, DAD PA DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS RNAMS TE, DE LA GANG DU 'JIG RTEN PA DANG, 'JIG RTEN LAS 'DAS PA RNAMS KYI SNYOMS PAR 'JUG PA BSKYED PAR BYA'O ZHES PA NI 'DUN PA'O, ,MI DGE BA'I CHOS THAMS CAD NI NGES PAR 'JOMS PA NI BRTZON 'GRUS SO, ,GONG MA'I RTOGS PA'I CHOS YOD PA NYID KYIS YON TAN DANG LDAN PAR NUS PA NYID KYIS YID CHES PA NI DAD PA'O, ,DE SNGON DU 'GRO BA CAN LAS SHIN TU SBYANGS PA'O, ,DE LA DRAN PA NI SHES BZHIN GYI PHYOGS LA LHAG MTHONG GI CHOS NI YANG DAG PA'I SHES RAB BO, ,DE LA SEMS MNGON PAR 'DU BYED PA NI SEMS PA'O, ,KUN NAS NYON MONGS PA MED PA NI BTANG SNYOMS TE, 'DUN PA LA SOGS PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA SGOM PAR BYED DO, ,DBEN PA LA GNAS PA DANG, 'DOD CHAGS DANG BRAL BA LA GNAS PA DANG, RNAM PAR GTONG BAS YONGS SU BSGYUR BA STE, DE LA DBEN PA NI NYON MONGS PA RNAMS KYIS SO, ,'DOD CHAGS DANG BRAL BA NI SRID PA'I 'DOD CHAGS DANG BRAL BA'O, ,'GOG PA NI SDUG BSNGAL LO; ,RNAM PAR GTONG BA NI LUS KUN TU GTONG BA'O, ,DE NYID YONGS SU BSGYUR BA LA DBANG BYED PAS DBANG PO STE, 'JIG RTEN LAS 'DAS PA'I CHOS SKYED PAR BYED PA LA DBANG THOB PA'I PHYIR NA STE, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG LNGA'O,, RDZU 'PHRUL GYI RKANG PA RNAMS DANG RAB TU LDAN PAS RTAGS MTHONG NAS GONG DU KHYAD PAR SKYE BA LA NGES PA SKYED PAS STON PA'I NYAN THOS RNAMS KYIS RTOGS PA LA YANG KUN TU YID CHES PA SKYE BAR MI 'GYUR TE, DE NI DE'I DAD PA'I DBANG PO'O DAD PA BLA LHAG PAS BRTZON 'GRUS LA SOGS PA RNAMS @58B BLA LHAG NAS DBANG PO SGOM PAR BYED PAS DE LTAR 'PHEL BAR 'GYUR TE, JI LTAR BDUD LA SOGS PA RNAMS KYIS RNAM PAR G-YENG BAS THUB PAR DKA' BA'I PHYIR DANG BSKYOD PAR MI NUS PA'I PHYIR STOBS SU BSGRAGS PA THOB PAR 'GYUR TE, DAD PA'I STOBS NAS JI SRID DU SHES RAB KYI STOBS KYI BAR RO, ,MTHONG BA'I LAM LA YANG DAG PA JI LTA BA BZHIN GYI DON RTOGS PAS BYANG CHUB NI RDZOGS PA'I BYANG CHUB BO, ,DE'I YAN LAG NI BDUN TE, YANG DAG PAR RTOGS PAR BYED PA'I PHYIR YAN LAG STE, DRAN PA DANG, CHOS RAB TU 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS SO, ,DE'I RJES LA 'PHAGS PA'I LAM YAN LAG BRGYAD SGOM PAR BYED DE, YAN LAG BRGYAD NI YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, RTZOL BA DANG, DRAN PA DANG, TING NGE 'DZIN TO, ,DE LA MTHONG BA'I LAM GYIS YONGS SU BCAD PA NI YANG DAG PA'I LTA BA'O, ,PHA ROL YANG DAG PAR THOB PA NI YANG DAG PA'I RTOG PA'O, ,YANG DAG PA'I NGAG NI YANG DAG PAR KUN NAS LTA BA'I NGAG GANG DE THOB PA'I PHYIR RO, ,YANG DAG PA'I NGAG DANG, LAS KYI MTHA' 'TSO BA RNAMS NI GO RIMS JI LTA BA BZHIN DU GSUM PO RNAMS YANG DAG PAR BSGOMS PA LAS 'BYUNG BAR 'GYUR BA NI 'BEL BA'I GTAM RNAM PAR NGES PA'I SHES RAB DANG, BYA BA MA YIN PA MI BYED PA'I TSUL KHRIMS DANG, TSOD RIG PAS CHOS GOS LA SOGS PA TSOL BA SBYANG SDOM STE, DE RNAMS KYIS NI DRAN PA NYE BAR GZHAG PA LA SOGS PA SUM CU RTZA BDUN PO RNAMS PHYOGS GCIG TU BSHAD ZIN TO, ,ZAD PA DANG MI SKYE BA SHES PA NI BYANG CHUB LA DE'I PHYOGS TE, RJES SU MTHUN ZHES PA NI BYANG CHUB KYI PHYOGS SO, ,DE YANG BYANG CHUB SEMS DPA' RNAMS KYIS KYANG RNAM PA THAMS CAD DU CHOS THAMS CAD DON DU GNYER BA'I PHYIR DANG, SEMS CAN THAMS CAD LA PHAN PA SKYED PAR BYED PA'I RGYU'I PHYIR RJES SU MI DMIGS PA'I SBYOR BA NGO BO LA SO SOR RTOG PA'I DON DU STONG PA DANG SNYING RJE @59A *, ,DBYER MED PA'I BYANG CHUB KYI SEMS KYI NANG DU BSDUS NAS BSGOM PAR BYA'O, ,'DI RNAMS KYIS DE LTAR SPRUL PA'I SGRIB PA LAS RNAM PAR GROL BAS ZHES PA'I SGRIB PA'I GNYEN POR RNAM PAR THAR PA BRGYAD DE, DE LA DNGOS POS NI GTZANG BA DANG MI GTZANG BA GSUM POS GANG ZHIG RNAL 'BYOR PAS 'DOD PA NA KUN TU SPYOD PA LAS BSNGAGS PA DANG, 'DOD CHAGS LA SOGS PA'I GNYEN POR NI NANG GI SKRA LA SOGS PA LA DMIGS NAS SNYOMS PAR 'JUG PA'I MNYAM PAR GZHAG CING, DE'I RJES LA 'DI LTAR PHYI ROL RNAMS LA RNAM PAR BSNGOS PA CAN LA SOGS PAR DMIGS PAR BYED PAS BSAM GTAN DANG PO LA SNYOMS PAR 'GYUR RO, ,BSAM GTAN DANG PO'I SA PA'I BSNGAGS PA LA 'DOD CHAGS PA'I GNYEN POR BSAM GTAN GNYIS PO STE, DE BRJOD PA NI GZUGS CAN GZUGS LA LTA ZHES PA STE, NANG GI BDAG NYID CAN GYI GZUGS LA SOGS PAR DMIGS PA'I GZUGS CAN GYI PHYI ROL GYI GZUGS LA SOGS PA LA DMIGS NAS GZUGS MTHONG BA STE, MOS PAS SPRUL PA'I SEMS KYIS MTHONG ZHES PA'I DON TO, ,KHA CIG TU NANG GI BDAG NYID CAN MI DMIGS PA NYID KYIS PHYI ROL LA RNAM PAR BSDOS PA LA SOGS PAR DMIGS NAS DANG PO'AM GNYIS PA'I BSAM GTAN LA SNGA MA BZHIN DU SNYOMS PAR 'JUG PAR 'GYUR TE, DE BRJOD PA NI NANG GI BDAG NYID GZUGS MED PA'I 'DU SHES CAN GYIS PHYI ROL GYI GZUGS RNAMS MTHONG ZHES PA NI GNYIS PA'O, ,DE LTAR MI GTZANG BA BSGOMS PAS SEMS CAN RNAMS KYI RGYUD LA DGA' BAR 'BYUNG BAR 'GYUR TE, CI BDAG LA YID DU 'ONG BA CAN GYI GZUGS GTZANG BAR YID LA BYED PAR BSNGAGS PA DANG 'DOD CHAGS LA SOGS PA SKYE BAR 'GYUR RAM, 'ON KYANG MIN ZHES NYAMS TSAD PA'I PHYIR YID DU 'ONG BA'I GZUGS LA DMIGS PAR BYED PAS BSAM GTAN BZHI PA LA SNYOMS PAR 'JUG PAR BYED PAS GTZANG BA'I GZUGS SPRUL PAR BYED PA RNAMS LA RO GCIG PA'I 'DU SHES THOB PAS GO RIMS BZHIN DU KUN TU SPYOD PA DANG MI MTHUN PAS SPONG BAR BYED PA LA SDUG PA'O ZHES MOS PAR 'GYUR BA @59B ZHES BRJOD DO, ,DE LTAR NA GZUGS CAN GYI RNAM PAR THAR PA GSUM DANG GZUGS MED PA'I LNGA STE, NAM MKHA' MTHA' YAS SKYE MCHED KYI RNAM PAR THAR PA NAS JI SRID DU TSOR BA DANG 'DU SHES 'GOG PA'I RNAM PAR THAR PA'I BAR DU'O, ,DE LA GZUGS MED PA BZHI STE, DAG PA CAN DU DE LA RO MYANG BA'I SGRIB PA'I GNYEN PO'I PHYIR RNAM PAR THAR PA STE, ZHI BA'I GNAS ZHES BRJOD DO, ,'DU SHES DANG TSOR BA 'GOG PA NI THAR BA DANG 'DRA BA'I GNAS TE, 'DU SHES MED 'DU SHES MED MIN GYI SKYE MCHED LA GNAS SHING SHIN TU 'DAS NAS MTSAN MA RNAMS THAMS CAD YID LA MI BYED CING 'GOG PA ZHI BAR YID LA BYED PAS GANG SEMS DANG SEMS LAS BYUNG BA RNAMS 'GOG LA, MCHOG TU ZHI BA LA GNAS PA'I SNGON GYI LAS LDANG BA STE, DE'I SGRIB PA RAB TU SPONG BAS RNAM PAR THAR PA'O, ,'DIR JI LTAR 'DU SHES MED PA LA SNYOMS PAR 'JUG PA RNAMS KYI SEMS KYI RGYUN CHAD PAR MI 'GYUR ZHE NA, SNGON DU SEMS KYI RGYUD LA BSGOS PA'I LAS KYI 'BRAS BU 'ONG ZHING SKYE BAR 'GYUR TE, YANG SKYE BA DE NYID LA DE'I LAS SEMS KYI RGYUD LA BSGOS PAS MTSAMS SBYOR BAR 'GYUR BA'I PHYIR RO, ,DE NYID GANG GIS MTSAMS SBYAR BAR 'GYUR NA, GANG DU SNYOMS PAR 'JUG PA'I SEMS YUN RING DU 'GAGS PAS DE'I DE MA THAG PA'I RKYEN GYIS ZHES PA NI GCIG GO, ,SLOB DPON DBYIG GI BSHES GNYEN GYIS NI SEMS DANG BCAS PA'I 'GOG PA'I SNYOMS PAR 'JUG PA ZHES BSHAD LA, DE LA SEMS JI LTA BU NA YID KYI RNAM PAR SHES PA ZHES PA NI GCIG GO, ,KUN GZHI'I RNAM PAR SHES PA'O ZHES PA'I RNAM PAR RIG PA TZAM DU SMRA BA STE, DE'I YANG BSAM PAR BYA'O ZHES PA NI GZHAN DAG GI'O, ,BSAM GTAN BZHI DANG, GZUGS MED PA BZHI DANG, 'DU SHES DANG TSOR BA 'GOG PA'O ZHES PA NI MTHAR GYIS GNAS PA'I SNYOMS PAR 'JUG PA DGU LA SNYOMS PAR ZHUGS PAS 'JIG RTEN LAS 'DAS PA'I LAM SDUD PA'I DON DU 'GOG PA LA SNYOMS PAR 'JUG PA STE, DES THOB PAR BYED PA'I PHYIR RO, ,SEMS GNAS PAS DMIGS PA ZIL GYIS MNAN PAS ZIL GYIS GNON PA'I SKYE MCHED LA, ZIL @60A *, ,GYIS GNON PA'I SKYE MCHED DE NI GZHAN DU BRGYAD DE, DE LA DANG POR RNAM PAR THAR PAS GNYIS MNGON PAR BSDUS LA GNYIS BAS KYANG GNYIS SO, ,GSUM PAS NI BZHI STE, DE LTAR YANG BCOM LDAN 'DAS KYIS GSUNGS TE, NANG GZUGS KYI 'DU SHES CAN GYIS PHYI ROL GYI GZUGS CHUNG DU MTHONG YANG DE DAG ZIL GYIS MNAN NAS SHES SO, ,ZIL GYIS MNAN NAS MTHONG LA DE LTAR 'DU SHES CAN DU MA GYUR ZHES PA NI DANG PO'O, ,DE BZHIN DU CHEN POS ZHES PA NI GNYIS PA'O, ,NANG GZUGS MED PA'I 'DU SHES PAS PHYI ROL GYI GZUGS MTHONG STE, CHUNG DU DE DAG CES PA LA SOGS PA NI GSUM PA'O, ,DE BZHIN DU CHEN PO ZHES PA LA SOGS PA NI BZHI PA'O, ,NANG GZUGS MED PA CAN GYIS PHYI ROL GYI GZUGS MTHONG STE, SNGON PO DE DAG CES PA LA SOGS PA NI LNGA PA'O, ,DE BZHIN DU SER PO ZHES PA NI DRUG PA'O, , DE BZHIN DU DMAR PO ZHES PA NI BDUN PA'O, ,DE BZHIN DU DKAR PO ZHES PA NI BRGYAD PA'O, ,DE LA GZUGS CHUNG NGU NI SEMS CAN DU BSHAD PA STE, DE NI TSAD CHUNG BA'I PHYIR RO, ,CHEN PO LA NI SEMS CAN GYI GRANGS DANG, KHYIM DANG KHANG BZANGS DANG RI LA SOGS PA NI TSAD CHE BA'I PHYIR TE, DES NI JI LTAR RIGS PAR RNAM PAR THAR PA RNAMS KYIS LHAG PAR MOS PA ZIL GYIS GNON PA'I SKYE MCHED RNAMS KYIS ZIL GYIS MNAN TE, YANG NAS YANG DU MI SNANG BAR BYAS SHING MTHONG BA'I PHYIR RO, ,ZIL GYIS MNAN NAS SHES ZHES PA NI ZHI GNAS KYIS SO, ,MTHONG BA NI LHAG MTHONG GIS SO, ,DE LTA'I 'DU SHES CAN DU GYUR PA NI MNGON PA'I NGA RGYAL MED PA'I PHYIR RO, ,ZIL GYIS GNON PA'I SKYE MCHED KYIS ZIL GYIS MNAN PA'I SA LA SOGS PA RNAMS KYI ZAD PAR NI 'KHOR YUG RNAMS SU SPRO BAS GZHAN DU 'DIR ZAD PAR ZHES BRJOD LA, KHA CIG TU DE LAS GZHAN PA'I SKYE MCHED LA ZHES PA NI ZIL GYIS GNON PA'I SKYE MCHED CES BRJOD DE, KHA CIG TU SA LA SOGS PA RNAMS KYIS KHYAD PAR DU BYAS PA STON PAR 'GYUR TE, ZAD PAR SA DANG, ZAD PAR CHU DANG, ZAD PAR ME DANG, ZAD PAR RLUNG DANG, ZAD PAR SNGON PO DANG, ZAD PAR SER PO DANG, @60B ZAD PAR DMAR PO DANG, ZAD PAR DKAR PO DANG, ZAD PAR NAM MKHA' MTHA' YAS SKYE MCHED DANG, ZAD PAR RNAM SHES MTHA' YAS SKYE MCHED DANG ZHES PA STE, 'DI RNAMS KYANG 'BRAS BU'I DON DU DE KHO NA NYID MA YIN PA NYID DU BSGOM ZHING DE YANG DE KHO NA NYID MA YIN PA'I NGO BO NYID KYI RNAL 'BYOR PA RNAMS LA 'DI LTAR SO SOR SNANG BAR 'GYUR RO, ,'DI RNAMS LAS GZHAN PA'I LAM RNAMS KYANG MA LUS PAR LAM GYI TSOGS NI JI LTAR RIGS PAR BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PAS YANG DAG PAR BSDUS PAS SO, ,GZUNGS ZHES PA NI MTHA' DAG GZUNG BAR BYA BA NA GZUNGS KYI TSOGS TE, AA RA PA TZA NA LA SOGS PA'I YI GE RNAMS LAS DE BZHIN NYID BSKYED NAS SGOM PAR BYED PA'I DON DU STE, BSGOM PA YONGS SU RDZOGS PA NA DE LA YI GE'I DON GYI BZOD PA SKYE BAR 'GYUR TE, DE NI BZOD PA'I GZUNGS SO, ,BLO GZUNGS DANG LDAN PA DES PHYOGS BCU'I SANGS RGYAS DANG BYANG CHUB SEMS DPA' THAMS CAD KYIS BSTAN PA'I PHUNG PO 'DZIN PA'I RGYU NI CHOS KYI GZUNGS TE, DRAN PA DANG SHES RAB KYIS GCIG TU BYAS NAS DES 'DZIN PA NI DON GYI GZUNGS SO, ,DRAN PA DANG SHES RAB KYIS GCIG TU BYAS NAS, DES SEMS CAN RNAMS RJES SU GZUNG BAR BYED PA'I SGYU MA LTA BU'I SNGAGS RNAMS GSUNGS PA LA DBANG BYED PA NI SNGAGS KYI GZUNGS SO, ,MAN NI SHES PA LA TRENG NI SKYONG BA'O, ,MAN NI YID LA, TRA NI SKYOB PA STE, STONG PA NYID KYI YE SHES DANG SNYING RJE DAG DBYER MED PA NI SNGAGS SO, ,DE'I RGYU MTHUN PA'I PHYIR YI GE LA YANG SNGAGS ZHES BRJOD DO, ,DE LA AA NI GDOD NAS MA SKYES PA'I PHYIR CHOS THAMS CAD KYI SGO'O ZHES PA NI CHOS RNAMS THAMS CAD KYI YANG DAG PA JI LTA BA BZHIN SO SOR RIG PA'I THABS TE, CI LTAR ZHE NA, GDOD NAS MA SKYES PA'I PHYIR RO, ,GANG GI PHYIR CHOS RNAMS THAMS CAD NI GDOD MA NAS DRI MA DANG BCAS PA'I GNAS SKABS NYID DU YANG MA SKYES PA NYID DE MA SKYES SHING NGO BO NYID MED PA 'DI'I MA SKYES PA NYID NI AA'I DON LA, DE BZHIN DU RA LA SOGS PA RNAMS KYI DON DU YANG RIG PAR BYA STE, 'DIR NI SBYIN PA LA SOGS PA'I @61A *, ,GZUNGS MTHAR THUG PA NI TSOGS KYI SGRUB PA STE, CHOS MCHOG RAB TU NGO BO NYID DO, ,SHES PA NYID GONG NAS GONG DU YON TAN GYI GRANGS MTHU CHER THOB PAR BYED PA'I PHYIR SBYIN PA LA SOGS PA'I PHA ROL TU PHYIN PA LA LHAG PAR GNAS PA'I RNAM PAR SMIN PAR BGYI DBYE BAS PHYE BAR BYAS PA'I YON TAN LA RAB TU GNAS PAR 'GYUR BA'I PHYIR SA ZHES BRJOD DO, ,DE LA RAB TU DGA' BA LA SOGS PA'I BYANG CHUB SEMS DPA'I SA BCU NI SA'I TSOGS TE, DE LA DANG PO LA RANG DANG GZHAN GYI DON BSGRUB PA'I 'JIG RTEN LAS 'DAS PA'I LAM THOB PA'I PHYIR RAB TU DGA' BAR 'GYUR TE, 'DI NI BYANG CHUB SEMS DPA' DE NI RAB TU DGA' BA'I SA'O, ,'CHAL BA'I TSUL KHRIMS KYI DRI MA DANG BRAL BAS DRI MED PA'O, ,TING NGE 'DZIN LA GNAS NAS CHOS CHEN PO'I SNANG BA BYED PA'I PHYIR 'OD BYED PA'O, ,BYANG CHUB KYI PHYOGS KYI CHOS RNAMS KYIS KUN NAS NYON MONGS PA'I BUD SHING BSREGS PA'I PHYIR 'OD 'PHRO BA'O, ,GANG ZHIG 'JIG RTEN PA DANG 'JIG RTEN LAS 'DAS PA DAG GI RIG PA DANG MI BDEN PA'I SHES PA DAG 'GAL BAS YONGS SU RGAL BAR DKA' BA DE'I PHYIR SBYANG DKA' BA'O, ,GANG GIS 'DIR RTEN CING 'BREL BAR 'BYUNG BA RAB TU RNAM PAR PHYE BAS MNGON DU PHYOGS PAR BRJOD PA'I SHES RAB KYI PHA ROL TU PHYIN PA LA GNAS PA DE'I PHYIR MNGON DU GYUR PA'O, ,GANG DU 'DIR BYANG CHUB KYI PHYOGS DANG RTEN CING 'BREL BAR 'BYUNG BA LA DMIGS PA'I MTSAN MA MED PA LA GNAS PA LA 'BAD PAS BRTZAL BAS DE'I PHYIR RING DU SONG BA'O, ,GANG DU 'DIR DE NYID RLUNG DU GYUR PA'I PHYIR G-YO BA STE, DE'I PHYIR MI G-YO BA STE, RNAM PAR SMIN PA'I SA'I CHOS RNAMS THAMS CAD LHUN GYIS GRUB PAS RNAM PAR SMIN PA'I BDAG NYID CAN DU BYUNG BA'I PHYIR RO, ,GANG DU 'DIR SO SO YANG DAG PAR RIG PA RNAMS KYIS CHOS STON PA'I PHYIR BYANG CHUB SEMS DPA'I LEGS PA STE, DE'I PHYIR NA LEGS PA'I BLO GROS SO, ,GANG DU 'DIR BYANG CHUB SEMS DPA' RGYAL TSAB TU MNGON PAR DBANG BSKUR PAR 'GYUR TE, DE'I PHYIR NA CHOS KYI SPRIN NO, ,BCU PO 'DI RNAMS KYIS SO SOR PHA ROL TU PHYIN PA DRUG PO RNAMS YANG DAG PAR BSUS PA'I GO RIMS JI LTA BA @61B BZHIN GYI SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS DANG, STOBS DANG, SMON LAM DANG, YE SHES RNAMS NI PHA ROL TU PHYIN PAR BRJOD DE, DE LA PHA ROL TU PHYIN PA DRUG NYE BAR BSAGS PA'I DGE BA'I RTZAL BLA NA MED PA YANG DAG PAR RDZOGS PA'I BYANG CHUB TU YANG DAG PAR YONGS SU BSNGO BA NI THABS KYI PHA ROL TU PHYIN PA'O, ,DE'I THABS KYIS DE MI ZAD PAR BYED PA'I PHYIR RO, ,BZANG POR SPYOD PA LA SOGS PA'I SMON LAM GYI PHA ROL TU PHYIN PA'O, ,GANG GIS SKYE BA SO SO LA PHA ROL TU PHYIN PA DRUG LA SPYOD CING BSGOM PA'I STOBS DANG SO SOR BRTAGS PA'I STOBS NI STOBS KYI PHA ROL TU PHYIN PA'O, ,GANG GIS NYI MA RE RE DANG SO SO SKAD CIG RE RE LA DE RNAMS LA SPYOD CING DGONGS PA JI LTA BA'I SGRA JI BZHIN MA YIN PA'I THEG PA CHEN PO YONGS SU SHES PA NI YE SHES KYI PHA ROL TU PHYIN PA STE RNAM PAR MI RTOG PA'O, ,SENG GE BZANG POS NI RNAM PAR MI RTOG PA'I YE SHES RJES LA THOB PA'I YE SHES KYI PHA ROL TU PHYIN PA LA RNAM PAR RTOG PA'I BDAG NYID CES ZER BA DE NI MI RIGS TE, SNGA NAS RNAM PAR RTOG PA MTHA' DAG SPANGS PAS 'DIR RTOGS PA RAB KYI MTHAR THUG PA'I GNAS SKABS SU DAG PA 'JIG RTEN PA'I RNAM PAR RTOG PA THAMS CAD NI SRID PA'I DOGS PA YANG MED DE, DE LTAR YANG 'PHAGS PA BYAMS PAS THEG PA CHEN PO'I RGYUD BLA MAR GSUNGS LA, SNGON GYI 'PHEN PA'I DBANG GYUR LAS, ,RNAM RTOG THAMS CAD DANG BRAL BAS, ,YANG NI 'BAD PA MI MDZAD DE, ,LUS CAN RNAMS NI YONGS SMIN PHYIR, ,LHUN GYIS GRUB PAS DE NYID KYI, ,RTAG TU RGYUN MI 'CHAD PAR NI, ,'GROL NAM MKHA' GNAS KYI BAR, ,BRTAN PA LA NI YANG DAG 'JUG ,RTOG PA 'DI RNAMS RJES THOB PA'I, ,BYANG CHUB SEMS DPA' BDE GSHEGS RNAMS, ,SEMS CAN YANG DAG SGROL BA LA, , 'JIG RTEN NA NI MNYAM PA NYID, ,CES SO, SA RNAMS KYI RGYAS PA NI THUB PA'I DGONGS PA'I RGYAN LAS SO, ,YONGS SU SPYOD PA 'DI RNAMS NI BCOM LDAN 'DAS MA YUM CHEN MO LAS BSTAN PA DANG BCAS PAS SO, ,DE'I DBANG DU BYAS NAS BSTAN BCOS KYI TSIGS SU BCAD PA NYI @62A *, ,SHU RTZA GSUM STE, DE RNAMS SA JI LTA BAS SO SOR BYAS NAS BSHAD PAR BYA STE, YONGS SU SBYONG BA RNAM BCU YIS, ,SA NI DANG PO THOB 'GYUR TE, ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN BSTEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS SKUR BSTOD DGA' BA DANG, ,CHOS STON PA DANG BDEN PA YI, ,TSIG NI BCU PA YIN PAR 'DOD, ,'DI DAG RANG BZHIN MI DMIGS PAS, ,YONGS SU SBYONG BAR SHIS PAR BYA, ,ZHES TE BSAM PA NI DAD PA DANG 'DUN PA'O, ,PHAN PA'I DNGOS PO NI SEMS CAN THAMS CAD KYI PHAN PA TSIL BA NYID DO, ,'DI RNAMS KYI RGYU NI SEMS CAN RNAMS LA SEMS MNYAM PA NYID DO, ,GTONG PA NI SBYIN PA'I PHA ROL TU PHYIN PA'O, ,DAM PA'I CHOS STON PA PO RNAMS LA BSTEN BKUR DANG CHOS TSOL BA DANG, KHYIM GYI GNAS NAS NGES PAR 'BYUNG BAS NA NGES PAR 'BYUNG BA STE, NGES PAR 'BYUNG BA DE NYID 'DOD PAS DE 'DOD PA NYID DE RTAG TU 'DOD PA'O, ,DAM PA'I CHOS 'CHAD PA DANG, BDEN PA'I TSIG DANG, BSAM PA LA SOGS PA 'DI RNAMS KYIS RAB TU DGA' BA'I SA LA'O, ,TSUL KHRIMS BYAS PA GZO DANG BZOD, ,RAB TU DGA' DANG SNYING PO RTZE CHE, ,BLA MA BKUR STI GUS PAS NYON, ,BRGYAD PA SBYIN LA SOGS PA BRTZON, ,ZHES TE, TSUL KHRIMS YONGS SU DAG PA DANG, BLA MA LA SOGS PA RNAMS KYIS MDZAD PA'I PHAN PA CHUNG NGU LA YANG CHER DRAN PA DANG, BZOD PA NI SEMS CAN RNAMS LA GNOD SEMS LA SOGS PA MED PA'O, ,MGU PA NYID NI RAB TU DGA' BA'O, ,SEMS CAN THAMS CAD LA YONGS SU GTONG BA CHEN PO DANG, BLA MA DANG MCHOD PAR 'OS PA BKUR STI DANG, DGE BA'I BSHES GNYEN RNAMS LA STON PA'I 'DU SHES DANG, SBYIN PA LA SOGS PA'I PHA ROL TU PHYIN PA RNAMS KYIS NI DRI MA MED PA LA'O, ,'OD BYED PA LA NI, THOS PAS MI NGOMS NYID 'ANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SPYOD PA DANG, ,'KHOR BAS YONGS SU MI SKYO DANG, , @62B NGO TSA KHREL YOD CES BYA BA, ,RLOM MED BDAG NYID DE RNAMS LNGA, ,ZHES TE, THOS PA MANG BA DANG, ZANG ZING NI LONGS SPYOD KYI DNGOS PO STE, 'DIR ZANG ZING NI ZANG ZING 'DOD PA'O, ,DE'I SBYIN PA NI CHOS KYI SBYIN PA LA, YONGS SU SPYOD PA NI DAG PA DES DE BZHIN DU BSOD NAMS YONGS SU BSNGO BAS SO, ,YONGS SU MI SKYO BA NI SEMS CAN GYI DON BYED PA'I PHYIR RO, ,NYAN THOS DANG RANG SANGS RGYAS YID LA BYED PAS NGO TSA BA STE, RANG LA LTOS NAS SO, ,KHREL YOD PA NI GZHAN LA LTOS NAS TE, NGO TSA KHREL YOD DO, ,RLOM PA MED PA'I BDAG NYID CAN TE, DES NA RLOM PA MED PA'O, ,RNAM LNGA ZHES PA NI YONGS SU SPYOD PA'O, ,'OD 'PHRO BA LA NI, NAGS GNAS 'DOD CHUNG CHOG SHES DANG, ,SBYANGS PA YON TAN SDOM BSTEN DANG, ,BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,MYA NGAN 'DAS DANG BDOG KUN GTONG, ,MI ZHUM PA DANG LTOS PA MED, ,CES TE, DGON PAR GNAS PAR 'DOD PA NYID DANG, 'DOD PA CHUNG BA DANG, CHOG SHES PA DANG, SBYANGS PA'I YON TAN DANG SDOM PA MI GTONG BA'O, ,DE YANG ZAB MO'I CHOS KYI BZOD PA MI GTONG ZHES PA GZHAN DAG GI'O, ,TSUL KHRIMS 'CHAL BA LA SOGS PA DANG BRAL BA DANG, BZUNG BA RNAMS MI GTONG BA DANG, 'DOD PA RNAMS LA SMOD PA DANG,MYA NGAN LAS 'DAS PA STE, CHOS RNAMS THAMS CAD LA MNGON PAR 'DU MI BYED PA DANG, BDOG PA THAMS CAD YONGS SU GTONG BA DANG, SEMS ZHUM PA MED PA NYID NI DGE BA'I CHOS LA DMIGS PA'I SEMS KUN TU MI ZHUM PA NYID DANG, DNGOS PO THAMS CAD LA LTOS PA MED PA NYID DO, ,SBYANG DKA' BA LA NI, 'DRIS DANG KHYIM LA 'KHREN PA DANG, ,'DU 'DZIR GYUR PA'I GNAS DANG NI, ,BDAG STONG GZHAN LA SMOD PA DANG, ,MI DGE LAS KYI LAM BCU DANG, ,RLOM PAS KHENGS DANG PHYIN CI LOG ,YID GNYIS DANG NI NYON MONGS PA ZONG, ,BCU PO 'DI DAG RNAM SPANGS NAS, ,SA LNGA PA NI YANG DAG 'THOB, ,CES TE, 'DRIS PA NI KHYIM PA LA RAB TU BYUNG BA RNAMS KYIS TE, KHYIM RNAMS SU NYE BAR 'GRO BA @63A *, ,PA'O, ,'DU 'DZIR GYUR BA NI TSUL DANG MI MTHUN PA'I GTAM RNAMS KYIS DANG BSTOD PA DANG, BRNYAS PA DANG, SMAD PAR BYED PA'O, ,LAS KYI LAM RNAMS DANG, RLOM PA STE, SEMS GZENGS MTHO BA DANG, KHENGS PA NI BLA MA RNAMS LA LUS KYIS MI 'DUD PA NYID DANG, PHYIN CI LOG NI DON PHYIN CI LOG TU 'DZIN PA DANG, YID GNYIS TE, THE TSOM DANG, 'DOD CHAGS DANG, ZHE SDANG DANG GTI MUG LHAG PAR GNAS PA'O, ,MNGON DU GYUR BA LA NI, SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB RAB RDZOGS PAS, ,SLOB MA DANG NI BSE RU LA, ,DGA' DANG SKRAG PA'I SEMS SPANGS LA, ,BLANGS NA MI ZHUM BDOG PA KUN, ,GTONG YANG MI DGA' MED PA DANG, ,DBUL YANG SLONG BA MI SPONG BAS, ,SA NI DRUG PA YANG DAG 'THOB, ,CES TE, YONGS SU SBYONG BA BCU GNYIS PO RNAMS KYIS TE, SKRAG PA NI YONGS SU ZHUM PA'O, ,RING DU SONG BA LA NI, BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG DANG NI, ,KHAMS GSUM PA LA GNAS CHAGS DANG, ,SEMS NI KUN TU ZHUM PA DANG, , DKON MCHOG GSUM DANG TSUL KHRIMS DANG, ,DE LTA BA LA MNGON ZHE NA DANG, ,STONG BA NYID LA RTZOD PA DANG, ,DE DANG 'GAL BA'I NYES PA NI, ,NYI SHU GANG LA RNAM CHAD PA, ,DE YIS SA NI BDUN PA 'THOB, ,RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, , SNYING RJE DANG NI RLOM MED DANG, ,CHOS MNYAM NYID DANG TSUL GCIG SHES, ,MI SKYE BA DANG BZOD SHES DANG, ,CHOS RNAMS RNAM PA GCIG TU STON, ,RTOG PA KUN TU 'JOMS PA DANG, ,'DU SHES LHA DANG NYON MONGS SPONG, ,ZHI GNAS NGES PAR SEMS PA DANG, ,LHAG MTHONG LA NI MKHAS PA DANG, , SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STON PA NYID DANG NYI SHU'O, ,ZHES TE, YON TAN RNAMS YONGS SU RDZOGS PA'I ZHES PA NI LHAG MA'O, , @63B BDAG TU 'DZIN PA LA SOGS PA STE, NYES PA NI SKYON NO, ,'DZIN PA NI MNGON PAR ZHEN PA STE, BDAG TU 'DZIN PA NAS JI SRID DU SKYE MCHED DU 'DZIN PA'I BAR RO, ,KHAMS GSUM PA LA RAB TU GNAS PA NI DMIGS PA LA KUN TU GNAS PA RNAMS SO, ,DER LTA BA NI SANGS RGYAS DKON MCHOG LA SOGS PAR LTA BA'O, ,DE LA MNGON PAR ZHEN PA NYID NI NGES PA'O, ,SANGS RGYAS SU LTA BA LA GNAS PA NAS JI SRID DU TSUL KHRIMS SU LTA BA'I BAR LA GNAS PA'O, ,STONG PA NYID CHOS ZHES RTZOD PA STE, STONG PA NYID LA 'GAL BA'I GNOD PA'O, ,STONG PA NYID YONGS SU RDZOGS PA DANG, MTSAN MA MED PA MNGON SUM DU BYAS PA DANG, SMON PA MED PA'I YE SHES DANG 'KHOR GSUM RNAM PAR DAG PA STE, SEMS CAN THAMS CAD LA SNYING RJE BA DANG, DE RNAMS SU YID LA MI BYED PA DANG, CHOS THAMS CAD MNYAM PA NYID DU STON PA DANG, THEG PA CHEN PO'I TSUL GCIG TU GYUR PA SO SOR RTOGS PA DANG, MI SKYE BA LA BZOD PA'I YE SHES DANG, THEG PA CHEN PO'I TSUL GCIG TU STON PA DANG, CHOS RNAMS THAMS CAD LA RNAM PAR RTOG PA THAMS CAD KUN TU BCOM PA DANG, 'DU SHES DANG LTA BA LOG PA DANG, ZHI GNAS LA NGES PAR SEMS PA DANG, LHAG MTHONG LA MKHAS PA DANG, NYON MONGS PA DANG LTA BA LAS LOG PA STE, MTSAN MAR 'DZIN PA'I 'JIG TSOGS LA SOGS PA'I LTA BA DANG, 'DOD CHAGS LA SOGS SPONG BA'O, ,SEMS DUL BA NYID DANG, MNGON PAR ZHEN PA'I GNAS MA YIN PA DANG, GANG DU 'DOD PA'I ZHING DU 'GRO BA STE, MNYAM ZHES PA NI LHAN CIG PA STE, DES DE LTAR SANGS RGYAS KYI DKYIL 'KHOR RNAMS SU BDAG GI LUS KUN TU STON PA'O, ,BRGYAD PA LA NI, SEMS CAN KUN YID SHES PA DANG, ,MNGON PAR SHES PAS RTZE BA DANG, ,SANGS RGYAS ZHING BZANG BSGRUB PA DANG, ,YONGS SU BRTAGS PHYIR SANGS RGYAS BSTEN, , DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRID PA LEN PA DANG, ,LAS KYI RNAM PA 'DI BRGYAD BSHAD, ,CES PA NI DGE BA YONGS SU DAG PA SGRUB PA DANG, RNAM PA THAMS CAD KYI CHOS RNAMS LA YONGS SU BRTAG PA DANG, DBANG PO SHES PA @64A *, ,NI DBANG PO MCHOG DANG MCHOG MA YIN PA SHES PA'O, ,SBYONG BA NI YONGS SU SBYONG BA'O, ,SGYU MA LTA BU NI TING NGE 'DZIN GYIS MYUR BAR SNYOMS PAR 'JUG PA'O, ,SANGS RGYAS KYI ZHING NI RNAM PA GNYIS TE, THOG MA NI SNOD KYI 'JIG RTEN LA, DE'I RJES LA SEMS CAN GYI 'JIG RTEN NO ZHES PA'O, ,LEGS PA'I BLO GROS LA NI, ,SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA TSU BO LTA BU DANG, ,MNGAL DU 'JUG PA MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB SHING RNAMS KYI, ,YON TAN PHUN SUM TSOGS PA YIN, ,ZHES PA STE, CHU BO LTAR YONGS SU GANG BA'I SPOBS PA DANG, MNGAL 'JUG PA'I MCHOG LA SOGS PA'I PHUN SUM TSOGS PA DGU STE, DE LA RIGS NI SKYE BO THAMS CAD KYIS BSNGAGS PA'I MNGAL DU 'JUG PA STE, RGYAL PO LA SOGS PA'O, ,RUS NI NYI MA LA SOGS PAR SKYES PA'I RUS LA, CHO 'BRANG NI MA LA SOGS PA DANG 'BREL BA'I GNYEN NO, ,RANG LA BRTEN PA NI 'KHOR LA BRGYA BYIN LA SOGS PA MNGON PAR DGA' BA NI SKYI BA'O, ,SANGS RGYAS LA SOGS PAS YANG DAG PAR BSKUL BA NI NGES PAR 'BYUNG BA'O, ,BYANG CHUB SHING NI YID BZHIN GYI NOR BU DANG 'DRA BA'I AA SHVA TVA LA SOGS PA'O, ,SANGS RGYAS KYI CHOS THAMS CAD KYI YON TAN GYI NGO BO YONGS SU RDZOGS PA'O, ,CHOS KYI SPRIN LA NI, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES TE, SA NI RIGS KYI SA LA SOGS PA DGU STE, DE LA RIGS KYI SA NI MYA NGAN LAS 'DAS PA'I RIGS CAN RNAMS KYI NGES PAR 'BYED PA'I CHA DANG MTHUN PA'I GNAS SKABS SO, ,KHA CIG TU NI DANG PO'I NGES PAR 'BYED PA'I CHA DANG MTHUN PA'I GSUM LA DKAR PO RNAM PAR MTHONG BA'I SA LA, RIGS KYIS NI CHOS MCHOG GI GNAS SKABS ZHES RNAM PAR GZHAG PA STE, DE 'DIR BSGRUB PAR MI BYA'O, ,BRGYAD PA'I SA NI RGYUN TU ZHUGS PA'I 'BRAS BU LA ZHUGS PAS SO, ,MTHONG BA'I SA NI RGYUN TU ZHUGS PA'I'O, ,BSRABS PA'I @64B SA NI LAN CIG PHYIR 'ONG BA'I'O, ,'DOD CHAGS DANG BRAL BA'I SA NI PHYIR MI 'ONG BA'I'O, ,BYAS PA DANG YE SHES KYIS BYAS PA RTOGS PA NI DGRA BCOM PA STE, DE'I SA NI BYAS PA RTOGS PA'I SA'O, ,ZHUGS PA PO RNAM PA GSUM DANG DRUG PO RNAMS BSDUS PA NI NYAN THOS KYI SA LA'O, ,NYAN THOS KYI SA THEG PA GSUM DU RNAM PAR GZHAG PA LA DGONGS NAS BDUN DU GSUNGS PA'O, ,RANG SANGS RGYAS KYI NI RANG SANGS RGYAS KYI SA'O, ,BYANG CHUB SEMS DPA'I SA NI BYANG CHUB SEMS DPA'I SA STE, SNGON DU BSHAD PA'I SA DGU PO STE, SA DGU BO 'DI RNAMS ZHES PA NI SA'I TSOGS SO, ,'DIR BYANG CHUB SEMS DPA' MOS PAS SPYOD PA'I SA LA THEG PA LA DANG PO YANG DAG PAR RAB TU ZHUGS PA'I MOS PA DANG, RAB TU DGA' BA LA LHAG PA'I BSAM PA RNAM PAR DAG PA CAN 'JIG RTEN LAS 'DAS PA'I SEMS BSKYED RNAMS KYI SEMS DANG PO BSKYED PA CAN DANG, DE LA SOGS PA NAS SA BDUN PA RNAMS YONGS SU 'BAD RTZOL DANG BCAS PAS MTSAN MA MED PA'I SPYOD PA LA GNAS PA RNAMS DANG, SA BRGYAD PA LA SOGS PA NAS SA GSUM PA MTSAN MA MED PAR LHUN GYIS GRUB PAS GNAS PA CAN NGES PAR SPYOD PA LA ZHUGS PA'I RNAM PAR SMIN PA CAN DANG, SKYE BA GCIG GIS THOGS PA KHYAD PAR GYI LAM NYE BA'I SKYE BA GCIG GIS THOGS PA STE, NGES PAR SKYE BA GCIG GI RGYU BAS BAR CHOD PA NI SANGS RGYAS KYI SA'I PHYIR ZHES PA NI RNAM PAR GZHAG PA'O, ,GNYAN PO'I TSOGS KYI DBANG DU BYAS NAS BSTAN BCOS LAS, MTHONG DANG GOMS PA'I LAM DAG DANG, ,GZUNG DANG 'DZIN PA'I RNAM RTOG RNAMS, ,NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES TE, GOMS PA NI BSGOMS PAS SO, ,'DZIN PA NI 'DZIN PA PO STE, RTZE MO'I MNGON PAR RTOGS PA'I'O, ,MTHONG BA'I LAM GYI GZUNG BA'I RNAM PAR RTOGS PA NI RNAM PA GNYIS TE, DNGOS PO TZAM LA BRTEN PA DANG, GNYEN PO'I PHYOGS LA BRTEN PA'O, ,'DZIN PA'I RNAM PAR RTOG PA GNYIS NI GANG ZAG RDZAS LA BRTEN PA DANG, GANG ZAG BRTAGS PA LA BRTEN PA'O, ,DE BZHIN DU BSGOM PA'I LAM LA BRGYAD PO 'DI RNAMS SPONG LA GNYEN PO BRGYAD NI GNYEN PO'I TSOGS TE, DE LA @65A *, ,MTHONG BA'I LAM LA DE BZHIN NYID LA SOGS PA RNAMS DANG, RMI LAM LA SOGS PA RNAMS KYI GZUNG BA'I DNGOS POR DMIGS PA'I RNAM PAR RTOG PA STE, DE RNAMS NGO BO NYID KYIS STONG BAR RTOGS PA NI GNYEN PO'O, ,SBYIN PA LA SOGS PA NAS SANGS RGYAS KYI CHOS KYI BAR RNAMS LA GNYEN PO'I GNYEN POR NYE BAR DMIGS PA'I RNAM PAR RTOG PA'O, ,DE RNAMS NGO BO NYID KYIS STONG PA'I PHYIR ZHES PAS NYE BAR DMIGS PA MED PA NI GNYEN PO'O, ,DGRA BCOM PA LA SOGS PA RNAMS KYI GANG ZAG RDZAS SU NYE BAR DMIGS PA'I RNAM PAR RTOG PA'O, ,DE LTAR MI DMIGS PA NI GNYEN PO'O, ,MING DANG BRDA DANG THA SNYAD LA SOGS PA NYE BAR DMIGS PA NI RNAM PAR RTOG PA LA DE LTAR MI DMIGS PA NI GNYEN PO'O, ,BSGOM PA'I LAM LA NI, CHOS THAMS CAD LA MI GNAS PA'I SBYOR BAS MI GNAS SHING MI GNAS PA LA YANG MA YIN TE, CHOS KYI DBYINGS KYI RNAL 'BYOR GYIS SO ZHES PA'I DON TO, ,DE LTAR NA GZUNG BA'I DNGOS PO RNAMS NYE BAR MI DMIGS PA DANG, SBYIN PA LA SOGS PA RNAMS KYI GNYEN PO'I DNGOS PO MI DMIGS PA DANG, RGYUN TU ZHUGS PA LA SOGS PA'I GANG ZAG GI RDZAS MI DMIGS PA DANG, RGYUN TU ZHUGS PA LA SOGS PA'I GANG ZAG BRTAGS PA LA BRTEN PA'I RGYUN TU ZHUGS PA'I 'BRAS BU LA SOGS PA RNAMS MI DMIGS PA'O, ,NGES PAR 'BYUNG BAR 'GYUR ZHES PA 'DIS NGES PAR 'BYUNG BA'I SGRUB PA'I GO SKABS TE, DE DAG GI NGES PAR 'BYUNG BA NI MA LUS PAR 'GRO BA'I SGRUB PA STE, RTZE MO'I MNGON PAR RTOGS PA NI BSGOM PA'I LAM GYI GONG GI JI SRID DU SEMS BSKYED PA NYI SHU PA LA, DE'I GONG DU 'BRAS BU'I GNAS SKABS SU BYAS PA'I NGO BO SGRUB PA MED PAS NGES PAR 'BYUNG BA'I 'BRAS BU NGES 'BYUNG THOB PA STE, DE NI NGES PAR 'BYUNG BA'I PHYIR SGRUB PA STE, DE RNAMS THAMS CAD KYI DBANG DU BYAS PA NI BSTAN BCOS LAS, CHED DU BYA DANG MNYAM NYID DANG, ,SEMS CAN DON BYA 'BAD MED DANG, ,SHIN TU NGES PAR 'BYUNG BA DANG, ,NGES 'BYUNG THOB PA'I MTSAN NYID DANG, ,RNAM PA THAMS CAD MKHYEN NYID DANG, ,NGES 'BYUNG LAM GYI SPYOD YUL CAN, ,RNAM PA BRGYAD KYI BDAG NYID CAN, ,NGES 'BYUNG @65B BSGRUB PA YIN ZHES BYA, ZHES TE, DE RNAMS GSUNGS PA NI, DE SKAD CES BKA' STZAL ZHES PA LA SOGS PA STE, GANG GI PHYIR 'JIG RTEN ZIL GYIS MNAN NAS BYANG CHUB SEMS DPA' NGES PAR 'BYUNG BAR 'GYUR TE, DE'I PHYIR THEG PA CHEN PO ZHES BRJOD DO, ,CI'I PHYIR 'DIS 'JIG RTEN ZIL GYIS MNAN PA YIN NA, DE THOB PAS BDAG NYID CHEN PO THOB PA'I PHYIR RO, ,DE YANG JI LTAR NA SEMS CAN GYI PHUNG PO'I MCHOG NYID DU SGRUB PA LA SEMS CAN CHEN PO DANG, SPONG BA CHEN PO DANG, RTOGS PA CHE BAS CHEN PO'O ZHES PA NI CHED DU BYED PA'I NGES PAR 'BYUNG BA STE, DE'I THEG PA NI CHEN POR BRJOD CES PA DANG 'BREL TO, ,JI LTAR NA MNYAM PA NYID NA, JI LTAR NAM MKHA' PHYOGS KYI DBYE BAS PHYE YANG DON DAM PAR NGO BO NYID MED PA, KHA DOG MED PA, DBYIBS MED PA, BSTAN DU MED PA, THOGS PA MED PA, MTHA' MED PA, DBUS MED PA, NYAMS PA MED PA, 'PHEL BA MED PA, SKYE BA MED PA, 'GAG PA MED PA, 'DOD PA DANG GZUGS DANG GZUGS MED PA'I KHAMS DANG MI LDAN PA DE BZHIN DU THEG PA CHEN PO'O ZHES PA NI MNYAM PA NYID KYI NGES PAR 'BYUNG BA'O, ,NAM MKHA' GO PHYE BA'I NANG DU 'DUS PA'I PHYIR TE, THEG PA CHEN PO YANG DE BZHIN DU STE, DES DE RNAMS KYI DON BYED PA'I PHYIR RO, ,'JIG RTEN GYI KHAMS RNAMS DANG, PHYOGS RNAMS GRANGS KYIS YONGS SU BCAD PA'I PHYIR NA GZHAL DU MED PA DANG, BGRANG BA MED PA DANG, TSAD MED PA'O, ,RNAM GRANGS 'DIS NI BYE BRAG GIS SO, ,JI LTAR NA DE SRID DU DE RNAMS KYI GONG BYED NA, GANG ZHIG SEMS CAN DANG NAM MKHA' DANG THEG PA CHEN PO DANG CHOS THAMS CAD NI DON DAM PAR NGO BO NYID KYIS STONG, DE BZHIN DU SEMS CAN 'DI RNAMS NI THEG PA CHEN POS GO 'BYED CES PA NI SEMS CAN GYI DON GYI NGES PAR 'BYUNG BA'O, ,'ONG BA NI 'ONG BA LA 'GRO BA NI 'GRO BA'O, ,GNAS DANG 'GRO BA DANG LDOG PA GSUM CHAR THEG PA CHEN PO LA YOD PA MA YIN NO, ,CHOS RNAMS THAMS CAD MI BSKYED PA NI GANG ZHIG DE RNAMS KYI NGO BO NYID KYIS STONG BA NYID PAS, GANG NAS 'ONGS PA MED CING GANG DU 'GRO BA YANG MED LA GANG DU GNAS PA YANG MA YIN NO, , @66A *, ,YONGS SU RDZOGS PA LA LONGS SPYOD PA ZHES PA NI LHUN GYIS GRUB PA'I NGES PAR 'BYUNG BA'O, ,DE BZHIN DU ZHES PA NI NAM MKHA' LA'O, ,SNGON GYI MTHA' NI 'DAS PA'I DUS SO, ,PHYI MA'I MTHA' NI MA 'ONGS PA'O, ,DBUS NI DA LTAR BYUNG BA'O, ,JI LTAR DUS GSUM MNYAM PA NYID NI GANG LA DUS GSUM MED PAS DUS GSUM MNYAM PA NYID DE, THEG PA CHEN PO DANG BYANG CHUB SEMS DPA' YANG RANG BZHIN GYIS STONG LA, STONG PA NYID LA NI 'DAS PA DANG MA 'ONGS PA DANG DA LTAR BYUNG BA YANG MED LA, DE LA KUN NAS NYON MONGS PA DMIGS SU MED DO, ,RNAM PAR BYANG BA MED DO, ,'KHOR BA MED DO, ,MYA NGAN LAS 'DAS PA MED DO ZHES PA'I MTHA' MED PA NI SHIN TU NGES PAR 'BYUNG BA'O, ,DE NAS ZHES PA LA SOGS PA NI THOB PA'I NGES 'BYUNG GI GO SKABS TE, THAMS CAD MKHYEN PA NYID CES PA NI RNAM PA THAMS CAD MKHYEN PA NYID DO, ,RJES SU MTHUN ZHES PA NI, KHYOD KYIS CHOS THAMS CAD THEG PA CHEN PO ZHES PA'I NGO BO NYID MED PAR BSTAN PA DE'I NANG DU 'DUS PA'I NGO BO NYID MED PA'I YE SHES LA DE NI SHES RAB KYI PHA ROL TU PHYIN PA STE, DE BAS NA RJES SU MTHUN PAR BSTAN ZHES PAR DGONGS PA'O, ,GZHAN YANG ZHES PA DANG, DE CI'I SLAD DU ZHES PA DANG, GZUGS ZHES PA DANG, DE BZHIN DU ZHES PA DANG, SANGS RGYAS ZHES PA DANG, JI LTAR ZHES PA DANG, DE BZHIN DU ZHES PA DANG, JI LTAR ZHES PA DANG, DE BZHIN DU ZHES PA DANG, DE CI'I ZHES PA DANG, MED CES PA DANG, DE YANG ZHES PA'I TSIG BCU GNYIS PO RNAMS NI RANG BZHIN GYIS THOB PA'I NGES PAR 'BYUNG BA'I DBANG DU BYAS PA LA, DE RNAMS KYIS THOB PA'I KHYAD PAR BCU GNYIS GSUNGS PA NI, DE LA CHOS THAMS CAD LA MNGON PAR ZHEN PA MED PA LA GOMS PA MTHAR PHYIN PA DE RNAMS KYIS MNGON PAR ZHEN PA SKYE BA'I SGRIB PA DANG BCAS PA'I PHUNG PO LNGA PO RNAM PA THAMS CAD DU LOG NAS SGRIB PA MED PA'I KUN RDZOB KYI TSUL GYIS SKYE BA'I RNAM PA THAMS CAD MKHYEN PA NYID NI BYANG CHUB SEMS DPAS THOB PAR 'GYUR RO ZHES PA NI BSDUS PA'I DON TE, ,SO SO'I DON BCOM LDAN 'DAS KYIS GSUNGS PA BRJOD DE, THEG PA CHEN PO 'DIR SLOB PA NYID CES PA NAS JI SRID DU RJES SU THOB PAR 'GYUR ZHES PA'I BAR TE, @66B DE LA SNGON GYI MTHA' LA SOGS PA THAMS CAD KYIS GNYIS SU BYAR MED PAS DE'I PHYIR MED CING 'GRO BA MED PA'O, ,DE CI'I PHYIR ZHES PA NI DE'I SNGON GYI MTHA' NI SOGS PA RNAMS NI GANG DU YANG MED PA NYID DE, GANG GI PHYIR GZUGS LA SOGS PA NI NAM MKHA' DANG MNYAM PA STE, GZUGS LA SOGS PA NGO BO NYID KYIS STONG PAS 'DIR PHYI MA'I MTHA' DANG, SNGA MA DANG PHYI MA'I MTHA'I DBUS DANG BRAL BA LA DE BZHIN DU BYANG CHUB SEMS DPA'O, ,MED CING MI DMIGS PA NI NGO BO NYID KYIS STONG PA NYID NYE BAR BZUNG BAS SO, ,BYANG CHUB SEMS DPA'I CHOS ZHES PA NI BYANG CHUB SEMS DPA' BSGRAGS PA'I GZUGS LA SOGS PA'I PHUNG PO LNGA'O, ,THAMS CAD NAS ZHES PA NI PHUNG PO DANG KHAMS LA SOGS PA'I SDE TSAN GYI DBYE BAS SO, ,THAMS CAD KYI JI LTAR GYUR PA'I YONGS SU RDZOGS PA'I CHA SHAS KYI SDE TSAN RNAMS KYI'O, ,YANG THAMS CAD CES PA NI SDE DE RNAMS KYI RE RE'I THAMS CAD DO, RNAM PA THAMS CAD NI RANG RANG GIS STONG PA'I PHYIR RO, ,THAMS CAD SHES PA NYID NI RNAM PA THAMS CAD SHES PA NYID DO, ,CHOS GANG NI BYANG CHUB SEMS DPA' LA BRJOD DO, ,CHOS GANG GIS NI SHES RAB KYI PHA ROL TU PHYIN PAR BSGRAGS PAS SO, ,CHOS GANG LA NI RNAM PA THAMS CAD MKHYEN PA NYID DU BSGRAGS PA'I THOB PAR BYA BA LA'O, ,GDAMS PAR BGYI BA NI MED PA NYID CES PA'I DON TE, DE LTAR GDAMS PA MED PA LA RJES SU GNAS PA MED PA GANG GIS KYANG CUNG ZHIG THOB PA MED CING ZHES PA'I DON TO, ,SANGS RGYAS ZHES BYA BA NI SANGS RGYAS NYID NI RNAM PA THAMS CAD MKHYEN PA NYID DO, ,MING DU BTAGS PA TZAM STE DON GYIS STONG BA'I MING NGO, ,MNGON PAR MA GRUB PA MED PA NI MING DU BTAGS PA NYID PAS GRUB LA, 'DIR MNGON PAR MA GRUB PA'I BYANG CHUB SEMS DPA'I MING MA GRUB PAS RNAM PA THAMS CAD MKHYEN PA RNAMS THOB PA MA YIN NO ZHES PA'I DON TO, ,DE BZHIN DU CHOS LA BDAG MED PA'I SGO NAS DANG, MING GI SGO NAS THOB PA BKAG NAS, GANG ZAG LA BDAG MED PA'I SGO NAS DGAG PA GSUNGS PA NI, CI LTAR ZHES PA LA SOGS PA STE, SHIN TU MED PA NI MTHA' GCIG TU'O, ,MNGON PAR MA GRUB PA NI YANG DAG PA MA YIN PA'O, ,DE BZHIN DU ZHES PA LA @67A *, ,SOGS PA STE, DNGOS PO MED PA'I NGO BO NYID CES PA 'DI RNAMS NI DNGOS MED PA'I NGO BO NYID NI NGO BO NYID MED PA'I DON TO, ,GANG ZHIG GZUNG BA DANG 'DZIN PA DANG BRAL BA LA 'JUG PA MED PA'AM, MA SKYES PA DE'I GZUGS ZHES PA NAS JI SRID DU RNAM PAR SHES PA JI LTAR ZHES PA'I BAR NI YOD PA NYID MA YIN NO ZHES PA'I DON TO, ,GANG ZHIG KUN RDZOB RTEN CING 'BREL BAR 'BYUNG BA 'DI RNAMS KYI DNGOS PO MED PA NYID KYI NGO BO NYID STONG PA NYID DE NI MNGON PAR 'JUG PA MED PA SKYE BA MED PA'I DE KHO NA NYID DE DE NI DON DAM PA'O, ,DE MED CES PA NI DBYER MED PA DGAG LA, DE JI SNYAM ZHES PA LA SOGS PAS NI DBYE BAS TE, MNGON PAR GRUB PA MED PA'I STONG PA NYID TZAM PO'I BYANG CHUB SEMS DPA' LA MNGON PAR MA GRUB PA'I STONG PA NYID TZAM POS GDAMS PAR BGYI BA'O, ,GANG DU YANG YOD PA MIN ZHES PA STE, DON DAM PA'I DE KHO NA NYID NI THA DAD PA DANG THA MI DAD PA LA SOGS PA'I SGRO BTAGS PA MA LUS PA DANG BRAL BA'I NGO BO'I PHYIR RO, ,GZHAN DU YANG MED CES PA NI KUN RDZOB DANG DON DAM PA DAG RO GCIG PA'I PHYIR RO, ,DE NYID KYIS NA 'PHAGS PAS KUN RDZOB LA, ,RTEN CING 'BREL BAR 'BYUNG BA GANG, ,DE NI STONG PA KHO NAR BZHED, ,DNGOS PO RANG DBANG MED CES PA'I, ,SENG GE'I SGRA KHYOD DANG MNYAM MED, ,CES PA DANG, RANG DBANG MED PA 'DIR YANG 'PHAGS PAS, GANG PHYIR RTEN 'BYUNG MA YIN PA'I, ,CHOS 'GA' GANG DU YOD MIN PAS, ,DE PHYIR STONG PA MA YIN PA'I, ,CHOS 'GA' GANG NA YOD PA MIN, ,MKHAS SOGS RNAMS LA MKHAS MIN GYI, ,'JIG RTEN PA YIS DE RNAMS LA, ,RTAG DANG MI RTAG RTAG 'GYUR YANG, ,MKHAS PAS DON DU MTHONG BA MED, ,CES TE, CHOS THAMS CAD NI PHUNG PO LA SOGS PA'O, ,SANGS RGYAS KYI CHOS NI THOB PAR BYA BA'I STOBS DANG MI 'JIGS PA LA SOGS PA'O, ,BYANG CHUB SEMS DPA'I CHOS NI SNGON DU THOB PA'I YON TAN RNAMS SO, ,GANG ZHIG RIG CES PA NI BYANG CHUB SEMS DPA'I'O, ,SEMS DANG BAR MI 'GYUR ZHES PA LA SOGS PA'I TSIG LNGA RNAMS KYIS NI ZHI GNAS KYI RNAM PA LNGA GSUNGS PA'O, ,PHYIR PHYOGS PAR MI BYED CES PA'I TSIG BZHI PO 'DI DANG, ZHI BAR BYED NYE BAR ZHI BAR @67B BYED CES PA NI SEMS PA LA GCIG TU BYAS NAS MNYAM PAR 'DZIN PAR BYED CES PA STE, 'DI RNAMS KYIS NI NGO BO NYID MED PA LA MNYAM PAR GZHAG PA'I SEMS PHYIS NYAMS PAR GYUR NAS DNGOS PO LA CHAGS PAR 'GYUR BA MA YIN PA'O, ,'DIR BZHIS RJES LA NYAMS PAR BKAG NAS YID RJES LA NYAMS PAR MI 'GYUR BA'O, ,DE LTAR TSIG DRUG GIS NI ZHI GNAS KYI TSIG DGU GSUNGS PA'O, ,SKRAG PAR MI 'GYUR ZHES PA LHAG MTHONG LA MI SDANG ZHES PA LA SOGS PA TSIG GNYIS KYIS NI ZUNG DU 'BREL BA'I LAM GSUNGS PA'O, ,DE LTAR NA TING NGE 'DZIN LA SKRAG PAR MI 'GYUR ZHES PA NI ZHI GNAS KYI CHA LA, YANG DAG PAR RAB TU SHES PAS KUN TU SKRAG PAR MI 'GYUR BA DANG, KUN TU SKRAG PA DANG LDAN PAR MI 'GYUR ZHES PA NI LHAG MTHONG GI CHA'O, ,SPYOD CES PA NI BSTAN PA LA LHAG MA NI BSHAD PA'O, ,SGOM PA'O ZHES PA NI ZHI GNAS KYIS SO, ,NYE BAR RTOGS PA NI LHAG MTHONG GIS TE, NGO BO NYID MED PA'I RNAM PAS SO, ,NGES PAR SEMS PA NI NYE BAR RTOGS PAR BYAS NAS MKHAS PA RNAMS KYIS ZUNG DU 'BREL BA'I LAM GYIS SEMS PAR BYED PA STE, 'DI'I 'THAD PA NI DE CI'I PHYIR ZHES PA NI 'DRI BA LA, GANG GI TSE ZHES PA LA SOGS PA NI LAN NO, ,CHOS NI CHOS THAMS CAD DO, ,SHES RAB KYI PHA ROL TU PHYIN PA LA ZHES PA NI MNGON SUM DU GYUR PA LA'O, ,NYE BAR MI RTOG CES PA NI NYE BAR MI DMIGS PA'O, ,NYE BAR MI 'DZIN PA NI RNAM PAR RTOG PAR MI BYED DE, RNAM PAR MI RTOG PA'I PHYIR RO, ,SHES RAB KYI PHA ROL TU PHYIN PA LA ZHES PAS NGO BO NYID LA RNAM PAR RTOG PA RNAMS BKAG NAS KHYAD PAR LA RNAM PAR RTOG PA DGAG PA'I PHYIR GSUNGS PA STE, GZUGS SKYE BAR YANG DAG PAR RJES SU MI MTHONG ZHES PA LA SOGS PA STE, DON DAM PAR NA SKYE BA LA MI SBYOR BAS NA GANG DU 'GAG PA YANG YOD PA MA YIN NO, ,DE BZHIN DU ZHES PA LA SOGS PA NI GZUGS LA SOGS PA LA MA SKYES PA DANG, MA 'GAGS PA DAG GI DBYE BA MED PA'I DGAG BYAR BYA BA DANG, DBYE BA DGAG PA'I PHYIR GSUNGS PA NI, DE LTAR ZHES PA LA SOGS PA'O, ,'O NA GZUGS LA SOGS PA LA RANG BZHIN MED PAS GNYIS SU MED PA'I DNGOS PO MI 'THAD CE NA, GSUNGS PA NI, GANG YANG ZHES PA LA SOGS PA STE, GANG @68A *, ,DU KUN RDZOB KYI NGO BO GZUGS LA SOGS PA'I PHUNG PO LNGA PO NI SKYE BAR BYED LA, DON DAM PAR DNGOS PO MED PA'I MTSAN NYID KYI SKYE BA MED PA DANG ZAD PA MED PA DAG RO GCIG PAS GNYIS SU MED DE, GNYIS SU ZHES PA NI GNYIS KYI DNGOS PO MED PA'O, ,GNYIS SU BYAR MED PA NI GZHAN DU RNAM PA GNYIS KYI NGO BO DANG BRAL BA LA BYED PA PO'I TSAD MA MED CES PA'O ZHES PA NI GZHAN DAG GI STE, THOB PA'I NGES 'BYUNG NGO, ,RNAM PA THAMS CAD MKHYEN PA NYID KYI NGES PAR 'BYUNG BA BSTAN PAR 'DOD NAS GSUNGS PA NI, DE BZHIN DU BCOM LDAN 'DAS ZHES PA LA SOGS PA STE, DE BZHIN DU NI RNAM PA THAMS CAD CES PA DANG 'BREL LO, ,BYA BA'I KHYAD PAR LAS 'DI'I DON NI SNGA MA BZHIN NO, ,DES NA ZHES PA NI GANG GIS GNYIS SU MED PAR 'DI RNAMS BGRANG BAR BYAS PA'I RGYU MTSAN DES NA'O, ,DE'I SKYON GSUNGS PA NI, GAL TE YANG ZHES PA LA SOGS PA STE, DKA' BA'I LAS KYIS SPYOD PA POS SPYOD PA GANG DE CI'I PHYIR SPYOD PAR 'GYUR BA NI SBYOR BA'I BRTZON 'GRUS KYIS SO, ,CHUNG NGU'I DON LA'O, ,DKA' BA NI LAG PA DANG RKANG PA DANG MGO DANG LUS GTONG BA LA SOGS PA RNAMS KYI'O, ,DE DAG NYAMS SU MYONG BAR BYED PA'I CI'I PHYIR SPRO BA NI GO CHA'I BRTZON 'GRUS KYIS SO, ,DE LA SPYOD PA MED CING DMIGS PA MED CES PA NI RGOL BA LA, DE SKAD CES, DKA' BA LA SOGS PA NI RAB 'BYOR GYI LAN NO, ,DE LA THOG MA 'DIS ZHES PA LA SOGS PA NI KHAS BLANGS PAS SO, ,CI LTAR MI 'DOD PAR 'GYUR TE, DON DAM PAR NI SPYOD PAR BYED PA MI 'THAD LA, KUN RDZOB TU NI DKA' BA'I 'DU SHES KYIS DKA' BA'I SPYOD PA YID LA GCAGS PA NI RDZOGS SANGS RGYAS LAS RNAM PAR LDOG PAR 'GYUR BAS SO, ,YANG MI 'GYUR ZHES PA LA SOGS PA'I LAN GNYIS PA NI MI 'GYUR BA NI RDZOGS PAR MI 'GYUR BA'O, ,'ON KYANG ZHES PA LA SOGS PA'I LAN GSUM PA NI, SDUG BSNGAL THAMS CAD CES PA NI ZAG PA DANG BCAS PA THAMS CAD KYI PHUNG PO LNGA PO DE RNAMS THAMS CAD LAS GROL BAR BYA BA'O, ,THAMS CAD NAS NI KHAMS DANG GROL BA DANG GANG ZHIG GZHAN LA SOGS PA'I DBYE BAS SO, ,THAMS CAD NI JI LTAR GYUR PA'I SDUG BSNGAL GSUM PO RNAMS KYIS SO, ,RNAM PA THAMS CAD NI DMIGS PA RNAMS THAMS CAD @68B KYIS SO, ,THAMS CAD NI LHAG MA MA LUS PAR SGROL BAR BYA BA'O, ,SDUG BSNGAL GYI PHUNG PO NI SDUG BSNGAL GYI TSOGS TE, SEMS LA SO SOR RAB TU SKYON TE, KHONG KHRO BA'O, ,GZHAN YANG ZHES PA LA SOGS PA'I LAN BZHI PA NI THAMS CAD NAS NI BDAG DANG SEMS CAN DANG SROG DANG GSO BA DANG SKYES BU LA SOGS PA'I DBYE BAS SAM, MNGON SUM LA SOGS PA'I TSAD MAS SO, ,THAMS CAD NI JI LTAR GYUR PA'I SNANG BA DANG MI SNANG BA PHYE BA'I KHYAB PA DANG CIG SHOS GNYIS KYI NGO BO'O, ,RNAM PA THAMS CAD NI PHUNG PO LA SOGS PA RNAMS LAS THA DAD KYIS JI LTAR THA MI DAD PAS SO, ,THAMS CAD NI JI LTAR GYUR PA'I SO SO'I SDE TSAN SO SO BA DANG BSDUS PA DE RNAMS LA, BYED PA PO LA SOGS PA'AM NGO BO NYID DU DE LTAR CHOS THAMS CAD YOD PA MA YIN NO, ,THAMS CAD KYIS NI PHUNG PO DANG KHAMS LA SOGS PA'I SDE TSAN GYI DBYE BAS SAM RANG GI MTSAN NYID LA SOGS PAS SO, ,THAMS CAD NI CHA SHAS THAMS CAD LAS JI LTAR GYUR PA'I SDE TSAN RNAMS KYI CHA SHAS YONGS SU RDZOGS PA'I PHYIR RAM, PHYI ROL DANG NANG GI BDAG NYID CAN NO, ,YANG THAMS CAD NI JI LTAR GYUR PA'I SDE TSAN LA SOGS PA DE THAMS CAD CES PA'I DON TO, ,RNAM PA THAMS CAD NI DBYE BA DE THAMS CAD KYI BDAG NYID GANG MA LUS PA BSDUS PA DE RNAMS THAMS CAD LA ZHES PA'I DON TO, ,DE NYID LA DKA' BA SPYOD PA CAN GYI SPYOD PA MED PAR THAL BAR 'GYUR BA LA LAN RNAM PA BZHI GSUNGS PA STE, BZHI KAS KYANG DE LTAR GSAL BAR BYA BA NI DGA' BA SPYOD PA PO YANG SKYE BA MED PA'I DE LTA BU'I DE KHO NA NYID LA, DE LTAR DE KHO NA NYID DU MTHONG BA NYID KYIS DE LTAR SPYOD PAR BYA BA'O, ,GANG DU NI 'DI NUS PAR GYUR NA 'BRAS BU CHEN POR 'GYUR ZHES PA'O, ,RNAM PA THAMS CAD DU CHOS THAMS CAD LA RNAM PAR RTOG PA BKAG CING BCOM PA'I PHYIR GNAS BRTAN NO, ,GANG YANG TSE DANG LDAN PA ZHES PA LA SOGS PA NAS BRTZAMS PA'I SGRA NI DE LTAR SNGA NAS BSHAD DO, ,'DIR NI THAMS CAD SHES PA NYID DANG RNAM PA THAMS CAD MKHYEN PA NYID DANG SANGS RGYAS KYANG NGO ZHES PA'I DON TO, ,THAMS CAD MKHYEN PA'I CHOS RNAMS NI SANGS RGYAS SU BYED PA PO'I CHOS RNAMS SO, ,SKYE BA MED PA NI 'PHAGS PA'I LAM MO, ,SO SO'I SKYE BO DANG SKYE BO'I CHOS @69A *, ,RNAMS NI 'DOD CHAGS PA'O, ,DE THOB PA'I RNAM PAR RTOG PA 'GAG PA'I DON DU GSUNGS PA NI, DE SKAD CES SMRAS PA DANG ZHES PA LA SOGS PA NAS JI SRID DU SHIN TU SPONG BAS SAM ZHES PA'I BAR DU'O, ,THAMS CAD MKHYEN PA NYID CES PA NI RNAM PA THAMS CAD MKHYEN PA NYID DO, , RJES SU THOB CES PA NI GDOD NAS DE DE LTAR DE THAMS CAD CHOS KYI DBYINGS KYI RANG BZHIN GYI PHYIR LA, CHOS KYI DBYINGS KYANG MA SKYES PA'I NGO BO'I RANG BZHIN NYID DU RNAM PA THAMS CAD DU RNAM PAR DAG PA'I PHYIR RO, ,DE SKAD CES PA LA SOGS PA NI LAN TE, CHOS NI BYANG CHUB SEMS DPAR BRJOD PA'I'O, ,THOB PA NI THOB PAR BYED PA BO NYID DE, SBYOR BA'I GNAS SKABS SU'O, ,THOB PA YANG MED CING MNGON PAR RTOGS PA MED PA'I RTOG PA NI DNGOS GZHI'I GNAS SKABS SU STE, 'DIR MI 'DOD PA NI MI RIGS PAS THOB PAR THAL BAR 'GYUR BA'I PHYIR RO, ,RIGS PA YANG GSUNGS PA NI, YANG MED CES PA LA SOGS PA STE, CHOS KYIS ZHES PA NI THOB PA POS TE, THOB PA DANG THOB BYA'I MTSAN NYID GNYI GA DAG NGO BO NYID MED PA'I PHYIR RO, ,RAB 'BYOR GYIS GZHAN YANG SKYE BA'I PHYOGS KYIS 'THAD PA DANG BRAL BA'I PHYIR GSUNGS PA NI, CI ZHES PA LA SOGS PA STE, MA SKYES PA'I PHYIR SKYE BA NYID DU 'GYUR BA'AM MA SKYES PA NYID CES PA'I GZHAN DU JI LTAR THE TSOM GNYIS SKYE BA LA DANG PO NA NI 'GAL TE, MA SKYES PA NI MED PA NYID DO, ,DE NI JI LTAR YOD PAR BYED DE, DE LTAR YANG GSUNGS PA, TSANGS PA GANG ZHIG RTEN CING 'BREL PAR 'BYUNG BA LAS RNAM PAR MA GROL BA'I CHOS NI RDUL PHRA MO TZAM YANG SKYE BA YANG DAG PAR RJES SU MI MTHONG ZHES TE; DE'I PHYIR NA GNYI GA YANG MA SKYES PAR GSUNGS PAS THOB PA'I RNAM PAR RTOG PA DGAG PAS SO, ,DE GANG DU 'BAD PA MED PAR THOB PA STE, KUN RDZOB TU NI SKYE STE MI G-YO BA LA SOGS PA'I SA RNAMS LA YANG 'BAD PA MED PAR 'JUG PA YE SHES SO, ,GANG GI PHYIR CHOS RNAMS THAMS CAD NI DON DAM PAR NI SKYE BA MED PAR STONG PA NYID NGO BO NYID MED PA CHOS KYI DBYINGS DE BZHIN NYID YANG DAG PA'I MTHA' 'JIG RTEN ZHES PAS NI NGO BO NYID NGO BO NYID CES PA NI GANG GI GANG BDAG NYID KYI NGO BO STE ME'I TSA BA BZHIN DE'I DE LA NGO BO NYID CES BRJOD LA, GANG BCOS MA DE NI DE'I BDAG NYID MIN TE, DPER NA CHU'I TSA BA @69B BZHIN TE, DE LTAR 'DIR CHOS THAMS CAD NGO BO NYID YOD PA MIN LA MED PA YANG CUNG ZAD YOD PA MA YIN PA'I PHYIR TE, GANG YANG 'PHAGS PAS, STONG PA NYID DU MI BRJOD CING, ,MI STONG ZHES KYANG 'GYUR BA MIN, ,GNYIS DANG GNYIS MIN ZHES BYA BAR, ,BTAGS PAS DON NI BRJOD PAR BYA, , ZHES PA LA SOGS PA'I TSIG RNAMS KYIS BRJOD PAR BYED PA STE, BDEN PA'I NGO BO NI BCOS MA MA YIN PA'I PHYIR TE, GANG DU 'PHAGS PAS, BCOS MIN NGO BO NYID LA NI, ,GZHAN LA LTOS PA YOD MA YIN, ,ZHES LA, DE YANG MA SKYES PA STE, RANG BZHIN GYIS 'OD GSAL BA'I PHYIR DANG, THOG MA DANG THA MA MED PA'I PHYIR THOB PAR BYA BA YANG MED LA THOB PA YANG MED PA STE, MA 'DRES PAR BLTA BAR BYA STE, GANG DE LTAR MTHONG BA DE NYID CHOS RNAMS THAMS CAD KYI BDEN PA NYID KYIS SGRO BTAGS PA RNAMS THAMS CAD RJES SU NYE BAR MI DMIGS PA STE DE NYID YANG DAG PA'I SHES RAB KYI PHA ROL TU PHYIN PA NYID DE, DES PHUNG PO LNGA LA BDEN PAR MNGON PAR ZHEN PA ZAD PAR BYED CING DE'I MNGON PAR ZHEN PA MED PA'I RGYU CAN DES SGRIB PA THAMS CAD KUN TU 'DZIN PA CAN GYI GNAS KYI PHUNG PO LNGA PO RNAMS ZAD PAR 'GYUR TE, SNGON GYI RLUNG DU GYUR PA RNAMS 'GAG PA'I PHYIR DANG, RGYU MED PAS DE DANG 'DRA BA RNAMS KYI PHYI MA RNAMS MI SKYE BA'I PHYIR RO BYANG CHUB SEMS DPA' DE RANG BZHIN GYIS 'OD GSAL BA'I KUN RDZOB DANG DON DAM PAR RO GCIG PA'I BYANG CHUB KYI SEMS KYI BDAG NYID YIN YANG GLO BUR BA'I SGRIB PA'I DRI MA RNAMS KYIS DRI MA CAN DU BYAS PA DE'I DE RNAMS ZAD PA STE, DE ZAD PA'I MTSAN NYID KYI RNAM PAR DAG PA SNGA NA MED PA'I PHYIR NA THOB PA'O, ,'KHRUL PA THAMS CAD LOG PA LAS KUN RDZOB TU SKYES PA'I SHIN TU RNAM PAR DAG PA'I PHUNG PO LNGA PO STONG PA NYID KYI YE SHES KYI MTSAN NYID KYI RNAM PA THAMS CAD MKHYEN PA NYID KYANG SNGA MA MED PA'I PHYIR BYANG CHUB SEMS DPAS THOB PA STE, DE'I RNAM PAR DAG PA YANG DAG PAR RIG PA DE NYID KYIS THOB PA DANG MNGON PAR RTOGS PA YANG DAG PAR SKYE BAR 'GYUR ZHES PA NI GRUB PA'I MTHA'O, ,DE LA 'DI NI GLO BUR GYI SGRIB PA RNAM PAR DAG PA'I GNAS BRTAN DAG TU BRJOD PAR BYA STE, KUN RDZOB DANG DON DAM PA LA GNAS NAS SKYES PA DANG MA SKYES PA'I RNAM PAR GZHAG PA @70A *, ,DE RNAMS THOB PA LAS 'DI SLAR DRI LA DE LA DGONGS NAS GSUNGS PA NI, SKYES PA NYID CES PA LA SOGS PA NI, SKYES PA ZHES PA NI SKYE BA'I RGYU DANG RKYEN LA RAG LAS PA'I CHOS LA MI SPOBS ZHES PA NI SKYES PA DANG MA SKYES PA DE KHO NA NYID DU NGO BO NYID MED PA'I PHYIR TE, CHOS THAMS CAD STONG PA NYID LA DMIGS PA'I SEMS KYI RGYUD GANG DE KHO NAS 'KHRUL PA RNAMS THAMS CAD LAS LDOG CING DE DAG LA RNAM PA THAMS CAD MKHYEN PA NYID SKYE BO ZHES PA LA DGONGS PA'O, ,BRJOD PA'I RNAM PA DANG RTOG PA DGAG PA GSUNGS PA NI MA SKYES PAS KYANG ZHES PAS TE, , MA SKYES PA NI TSAD MAS GRUB PAR 'DOD PA'I PHYIR DE SKAD CES BRJOD PA'O, ,DE YANG MED CES PA NI 'BAD PAS 'DRI BA'I BRJOD PA RNAMS DANG YID DANG SGRAS SPOBS SHING BRJOD PA'I BRJOD PAR BYA BA'O, ,SHIN TU NI DNGOS PO DANG DNGOS PO MED PA'I MTHA' DANG BRAL BA DANG SPOBS PA DANG BRJOD PA DANG BCAS PA'I BLO GSUM PO 'DIR MA SKYES PA STE, DE LTAR RNAM PA THAMS CAD MKHYEN PA NYID KYI RNAM PAR RTOG PA MED PA NYID KYIS DE LTA BU CHOS RNAMS THAMS CAD DE LA SNANG BAR BYED CES PA LA DGONGS PA'O, ,DE RNAMS BSHAD PAS NI SPROS PA MED PA'I DON DAM PA'I RJES SU MTHUN PA'I PHYIR MA SKYES PA LA DON DAM PA ZHES BRJOD DO, ,MNGON PAR RTOGS PA'I DUS SU NI RNAM PAR RTOG PA THAMS CAD LAS GROL BA GZUNG BAR BYAR MED PA NYID KYIS SKYE BA MED PA'I GZUNG BAR BYA BA LA SPOBS PA STE, 'DZIN PA MED PA NYID NI 'DZIN PA'I SPOBS PA STE, RNAM PAR RTOG PA MED PAS SO, ,JI LTAR DE'I NGO BO NYID MED KYANG DE'I NGO BO NYID LA SPOBS PA ZHES PAS NYE BAR BSDU BA GSUNGS PA NI, DE KHO NA BZHIN ZHES PA STE, JI LTAR MTHONG BA SPONG BA LA SGRIB PAR MI NUS PA'I PHYIR KUN RDZOB TU NI GANG DANG GANG ZHES PA MA BRTAGS NA NYAMS DGA' BA NYID KYIS SPOBS ZHES PA STE, RNAM PA THAMS CAD MKHYEN PA NYID KYI NGES PAR 'BYUNG BA'O, ,LAM GYI NGES PAR 'BYUNG BA'I GO SKABS RNAMS KYI BYED PA NI, DE SKAD CES SMRAS PA ZHES PA LA SOGS PA STE, GANG DANG GANG ZHES PA NI GANG DANG GANG GI GNAS NYID LA'O, ,'BYUNG BA ZHES PA NI MTHONG BA'O, ,MI G-YO BA NI THE TSOM DANG MI @70B SHES PA DAG MED PA'I PHYIR RO, ,'GAL BAR MI BYED PA NI PHYIN CI LOG PAR MI BYED DE, LOG PA'I SHES PA MED PA'I PHYIR RO, ,'DI RNAMS KYI ZHES PA NI LAM GYI NGES PAR 'BYUNG BA'O, ,MI GNAS PA NI MNGON PAR ZHEN PA LA CHOS NI GANG DE DE LTAR BSHAD PA RNAMS SO, ,MI G-YO ZHES PA 'DI'I RGYAS PAR BSHAD PA NI GANG LA YANG GNAS PA MED PA DANG SPROS PA MED PA'I PHYIR NA PHA ROL TU PHYIN PA DRUG PO 'DI RNAMS KYI NANG NA JI LTAR NA SHES RAB KYI PHA ROL TU PHYIN PA LA MI 'DA' ZHES PA NI NYAMS PAR MI 'GYUR BA STE, MI SHES PA DANG THE TSOM DAG MED PA'I PHYIR RO, ,'DI ZHES PA NI BSHAD MA THAG PA'O, ,'DI NI CHOS THAMS CAD NYID LAS GZHAN MA YIN NO, ,THEG PA THAMS CAD PA NI THEG PA GSUM GYI THUN MONG BA'O, ,DE LTAR NI NI GANG DANG NGO, ,DE NYID DE'I 'PHYIR RO, ,ZHUM PAR MI 'GYUR BA NI SGYID LUG PAS SO, ,NEM NUR DU MI 'GYUR BA NYID NI THE TSOM GYIS SO, ,CI 'DIR GZHAN ZHES PA NI LAM GYI BAR DU GCOD PA 'DOD PAS SO, ,RMONGS PAR MI 'GYUR BA NI DE KHO NA NYID MA SHES PA'I NGO BOS BSGRUB PA MIN PA'O, ,GZHAN DU MI 'GYUR BA NI KHA PHYIR PHYOGS PAR 'GYUR PA 'AM, LOG PA'I SHES PAS PHYIN CI LOG TU SGRUB PA'I MTSAN NYID CAN NO, ,GNAS PA NI LAM GYI NGO BOS SO, ,YID LA BYED PA ZHE PA NI RNAM PA RTOG PA MED PA'I YID KYI LAM GYI BDAG NYID KYIS MNYAM PAR GZHAG PA'I GNAS SKABS RNAMS LA'O, ,CI LTAR ZHES PA LA SOGS PA STE, RTOG PA POS YID LA BYED PAR 'DOD PA'I 'DRI BA NI YID LA MI BYED PA DANG, GNAS PA DAG LHAN CIG MI GNAS PAR 'GAL BA'I PHYIR RO, ,MI 'GAL NA NI SEMS CAN THAMS CAD SHES RAB KYI PHA ROL TU PHYIN PA LA GNAS PAR THAL BAR 'GYUR RO, ,LEGS SO LEGS SO ZHES PA NI RGOL BA RGYA CHEN POR BYAS PA'I PHYIR RO, ,'ON KYANG ZHES PA LA SOGS PA NI LAN NO,, DON DU GNYER BAR BYA BAS DON TE, DE NYID NI BDAG GIS BSTAN PA NYID LA KLAN KA TSOL BA'I BSAM PAS BSTAN PA'O, ,YANG DAG PA'I GNAS MNGON PAR BRJOD PAS ZHES PA NI RNAMS PAR RTOG PAS YID LA BYAS PA NI PHYIN CI LOG LA KUN TU GNAS PA LAS YANG DAG PA'I DE KHO NA NYID SHES RAB @71A *, ,KYI PHA ROL TU PHYIN PA LA GNAS PA NI RNAM PAR RTOG PA YID LA BYED PA MTHA' DANG BRAL BA STE, DE LA NI YID LA BYED PA NYID YID LA BYED PAR 'DOD KYI RNAM PAR RTOG PAS NI MA YIN NO, ,DES YANG DAG PA'I TSIG MNGON PAR BRJOD PAR THAL BAR 'GYUR PA LAS BZLOG PA LAS BSAMS NAS MI 'DOD PA MED PAS RGOL ZHING, MI 'DOD PAR BRJOD PA'I KLAN KA LA RIGS PAS BSTAN PAR 'DOD NAS RANG NYID KYIS SLAR DRI BA NI DE CI'I PHYIR ZHES PA STE, DE GANG DU YANG DAG PA'I GNAS TE, SEMS CAN RNAMS NI PHUNG PO LNGA'I BDAG NYID CAN DE NGO BO NYID MED PA NYID KYI NGO BO NYID NI STONG PA NYID LA JI LTAR SEMS CAN RNAMS NGO BO NYID MED PA NYID DE, DE LTAR DE DANG THA DAD PA MA YIN PA'I YID LA BYED PA YANG NGO, ,SEMS CAN MI BDEN PA'I NGO BO NYID KYIS NA SEMS CAN NGO BO NYID MED PA STE, DE KHO NAR SKYE BA LA SOGS PAS DBEN PA'O, , SEMS PA LAS SHIN TU 'DAS PA'I PHYIR BSAM GYIS MI KHYAB PA'O, ,MNGON PAR BYANG MA CHUB BA NYID NI YANG DAG PA'I SHES PA'I YUL MA YIN PA NYID DANG, YANG DAG PA JI LTA BA MA YIN PA NYID DANG, LOG PA'I DNGOS PO NYID DANG SGRA DON NYID KYI PHYIR RO, ,MNGON PAR RDZOGS PAR BYANG MA CHUB PA NI YANG DAG PA'I SHES PA 'DIS ZHES PA STE, YANG DAG PA JI LTA BA BZHIN DU MNGON PAR RDZOGS PAR BYANG MA CHUB PA NYID DE, TSIG DRUG PO 'DI RNAMS NI GO RIMS JI LTA BA BZHIN DU NGES PAR 'BYED PA'I CHA DANG MTHUN PA RNAM PA BZHI DANG, MTHONG BA DANG BSGOM PA'I GNAS SKABS SU SBYAR BAR BYA'O, , 'DIS ZHES PA NI JI SKAD DU BSHAD PAS SO, ,DE LTA BU'I NGO BOS NI YANG DAG PA'I DON SO SOR RTOGS PA CAN GYIS TE, PHYIN CI MA LOG PA'I PHYIR 'JUG PA'I PHYIR 'DOD PA'O, ,SHES RAB KYI PHA ROL TU PHYIN PA'I BDAG NYID KYIS GNAS PA NI ZHI GNAS KYI NGO BO'I LAM GYIS NGES PAR 'BYUNG BA'I MTSAN NYID KYIS TE, 'DI NI LE'U'I DON RDZOGS PA'O, ,RNAM PA THAMS CAD MKHYEN PA NYID KYIS SPYOD PA SPYAD PA NI SEMS BSKYED PA LA SOGS PA'I DON BCU LA DE GSAL BAR BYED PAS LE'U STE DE'I LE'U'O, ,'PHAGS PA SHES RAB KYI PHA ROL TU PHYIN PA BRGYAD STONG PA'I 'GREL PA PAndI TA CHEN PO 'JIGS MED @71B 'BYUNG GNAS SBAS PAS MDZAD PA'I GNAD KYI ZLA BA'I 'OD LAS LE'U DANG PO'O,, ,,RNAM PA THAMS CAD MKHYEN PA NYID KYI RJES LA DE KHYAD PAR DU BSGRUB PA'I PHYIR RAM, THA DAD DU PHYE BA'I PHYIR LAM SHES PA NYID BRJOD PAR BYA STE, GANG DU BSTAN BCOS LAS, MOG MOG POR BYED LA SOGS DANG, , SLOB MA BSE RU'I LAM GANG DANG, ,'DI DANG GZHAN PA'I YON TAN GYI, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG DANG, ,YID LA BYED PA BLA MED DAG, ,SGRUB DANG SHIN TU DAG PA YIS, ,BYA BA 'DI NI BSGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,CES TE, GANG DU LAM 'DIS MTHONG BA'I LAM NI BYANG CHUB SEMS DPA'I STE, SHIN TU DAG PA ZHES PA NI RJES SU 'JUG PA STE, SHIN TU RNAM PAR DAG PA CAN NI SANGS RGYAS KYI ZHES BSHAD DO, ,'DIR 'BRAS BU'I GNAS SKABS KYI DAG PA NI ZHING LA 'DIR BSHAD KYI, LAM SHES PA'I NANG DU 'DUS PA MA YIN PA NYID DO, ,BSGOM PA NYID KYI LAM NI BSGOM PAS JI LTAR NA SHIN TU RNAM PAR DAG PA BSGOM PA'I LAM GYI 'BRAS BU YIN PA'I PHYIR RO, ,DE LA THOG MAR, LHA RNAMS RUNG PAR BYA BA'I PHYIR, ,'OD KYIS MOG MOG POR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, ,ZHES PA NI RGYAS PAR BSHAD PA STE, LAM SHES PAR RUNG BA NYID NI SEMS BSKYED PA LA LHA DE RNAMS KYI DON DU MOG MOG POR MDZAD PA NYID NI DMAN PA DANG NGAN PAR BYAS PA STE, BCOM LDAN 'DAS KYI RANG BZHIN GYI 'OD KYIS ZIL GYIS MNAN PA NI LAM SHES PA RNAMS KYI RTZA BA NI SEMS BSKYED PA STE, DE DANG BRAL BA RNAMS KYIS DE LA MI RUNG BA'I PHYIR LA, DE NYID KYIS NA 'DIR RUNG BA ZHES BRJOD DO, ,DES NA 'DI NYID GTZO BO LA, LHAG MA NI DE'I 'KHOR RO, , DE LA MOG MOG POR BYED KYI DBANG DU BYAS NAS GSUNGS PA NI, DE NAS YANG ZHES PA LA SOGS PA STE, DE'I TSE NI DUS SO, ,'DUS PA NI PHYAG BYAS PA LA SOGS PA STE, 'KHOD PA NI NYE BA NA 'DUG PA'O, ,RIG NI SDE'O, ,RGYAL PO CHEN PO NI, RNAM THOS SRAS LA SOGS PA'O, ,STONG @72A *, ,GSUM GYI STONG CHEN PO'I 'JIG RTEN GYI KHAMS 'DI DAG NYID NI MI MJED DE'I BDAG PO'O, ,LNGA NGO ZHI GNAS GTZANG MA'I RIS RNAMS LA STONG PHRAG LNGA NYID DO, ,'DIR GZUGS CAN GYI LHA'I RIS JI LTA BA'I GONG GI KHYAD PAR CAN RNAMS KYI 'OD MTHU LA SOGS PA RNAMS KYI SNANG BAS 'OD ZIL GYIS MNAN BA NI SEMS BSKYED PA'I DON GYI PHYIR BCOM LDAN 'DAS KYIS MOG MOG POR BYAS NAS THAMS CAD ZIL GYIS MNAN ZHES MKHAS PA NYID KYIS DE'I NGO BO LA DGA' BSKYED PAR 'GYUR BA'I PHYIR RO, ,LHAN CIG SKYES PA NI MNGON PAR 'DUS BYAS PA CAN MA YIN PA'O ,SANGS RGYAS KYI BYIN GYI RLABS NI NYE BAR BYED PA PO GANG GIS BYAS SHE NA, SANGS RGYAS KYI GZI BRJID KYIS TE, BCOM LDAN 'DAS KYI RANG BZHIN GYI 'OD KYIS SO, ,SANGS RGYAS KYI MTHUS ZHES PA STE, SANGS RGYAS KYI MTHUS SO SOR BCOM MO ZHES PA NI MOG MOG POR BYED PA NYID KYI'O, ,MI MJED LA SOGS PA RNAMS KYI JI LTAR SKYE BA DANG GNAS PA MDOR BSDUS NAS BRJOD DE, ,'DIR SEMS CAN RNAMS KYI LAS KYI DBANG GIS MNGON PAR LDOG CING NAM MKHA' RAB TU GNAS PA LA 'OG TU RLUNG GI DKYIL 'KHOR DPAG TSAD 'BUM PHRAG BCU DRUG PA KHA KHYER YONGS SU BSKOR BA LA GRANGS MED PA'O, ,DE'I STENG DU GLOG ME'I SPRIN DANG BCAS PA'I SPRIN CHEN PO LAS CHAR PA'I CHU'I DKYIL 'KHOR DPANGS SU 'DUM PHRAG BRGYAD PA'O, ,DE'I STENG DU CHU YONGS SU GYUR PA LAS GSER GYI DBANG CHEN GYI DKYIL 'KHOR DPANGS SU 'BUM PHRAG GSUM DANG STONG PHRAG NYI SHU'O, ,'DI GNYIS KYI RGYA'I TSAD NI DPAG TSAD 'BUM PHRAG BCU GNYIS DANG, STONG PHRAG GSUM DANG, BRGYA PHRAG PHYED DANG LNGA NI DBUS KYI RGYA'I TSAD DO, ,KHOR YUG TU NI DBUS KYI DRANG THAD KYI SUM 'GYUR RO, ,DE'I STENG DU RI RAB GRUB SHEL BEE d'U RYA DANG SHEL DANG GSER DANG DNGUL TE RIN PO CHE BZHI'I RANG BZHIN LA LHO LA SOGS PA'I LOGS BZHI LA LOGS RE RE LA THA DKAR DPAG TSAD STONG PHRAG BRGYAD CU LA DE'I 'KHOR YUG TU NI ZLUM POS YONGS SU BSKOR BA LA CHU LAN LAG BRGYAD DANG LDAN PA'I ROL MTSO BDUN DANG, GSER GYI RI BDUN TE, MTSO RI RE'I PHYI ROL DU RIS BSKOR @72B BA'I NANG GI RGYA MTSO LA NI DPAG TSAD STONG PHRAG BRGYAD CU'O, ,DE LAS GZHAN PA'I CHU LA NI BCU DRUG PA LAS RIM GYIS PHYED KYIS DMAN PA'O, ,MTHA'I RI MU KHYUD 'DZIN GYI PHYI ROL TU BA TSA CAN GYI CHU'I RGYA MTSO'I TSAD NI DBU MA PHRAG GSUM DANG, STONG PHRAG NYI SHU GNYIS SO, ,DE'I PHYI ROL DU LCAGS KYI LCAGS RI KHYUD MO STE RI BRGYAD PA'O, ,RI RAB LA SOGS PA'I RI RNAMS DANG GLING RNAMS KYI CHU'I NANG DU NUB PA NI DPAG TSAD BRGYAD KHRI LA, CHU'I STENG DU YANG RI RAB LA NI YANG STONG PHRAG BRGYAD CU STE, BRGYAD PO RNAMS KYI DPANGS SU NI PHYED PHYED PHRA BA'I RNGAMS DPANGS DANG MNYAM PA'O, , MU KHYUD 'DZIN GYI BA TSA CAN LAS PHYI ROL GYI MTSO LA 'DUG PA'I RANG BZHIN GYI GLING BZHI DANG, GLING PHRAN MANG PO STE, DE LA LHO DANG NUB KYI PHYOGS LA PHYOGS PA LA GO RIMS JI LTA BA BZHIN DU 'DZAM BU'I GLING DANG, BA LANG SPYOD DANG, BYANG GI SGRA MI SNYAN DANG, SHAR GYI LUS 'PHAGS PO'O, ,SOG KA PA NI 'DZAM BU'I GLING STE NGOS GSUM LA, STONG PHRAG GNYIS YOD SHING RTA'I DBYIBS, ,GCIG LA DPAG TSAD PHYED DANG BZHI'O, ,SHAR GYI LUS 'PHAGS ZLA GAM 'DRA, ,NGOS GSUM 'DI DANG 'DRA GCIG LA, ,DPAG TSAD PHYED DANG BZHI BRGYA'O, ,BA LANG SPYOD GLING ZLUM PO STE, ,STONG PHRAG PHYED DANG BRGYAD YIN NO, ,PHYED DANG GNYIS NI DBUS KYI'O, ,SGRA MI SNYAN BRGYAD GRU BZHI'I DBUS SU STONG GNYIS SO, ,TSAD BYAS PA 'DI RNAMS KYI GANG ZHIG GI PHYOGS LA TSE [?] LA MI GNAS TE, PHYOGS GANG DU ZLA BA 'CHAR BA DANG ZAD PA'I RIM GYIS RGYA MTSO DPA' RLABS RNAMS KYIS NUB PAR 'GYUR BA DANG, GTANG BAR 'GYUR BA RTOGS PAS KHANG DU BRTZIGS PA'I MDO LAS NI, 'DZAM BU'I GLING NI DPAG TSAD STONG PHRAG 'DUN LA, SHAR GYI LUS 'PHAGS LA NI BRGYAD DO, ,BA LANG SPYOD LA DGU, SGRA MI SNYAN LA BCU ZHES GSUNGS PA, RNAL 'BYOR SPYOD PA'I SA LAS NI, SHING RTA'I DBYIBS KYI LHO PHYOGS KYI THA MAR NI DPAG TSAD LNGA BRGYA LA, LUS 'PHAGS PO'I NI LOGS GCIG LA DPAG TSAD STONG PHRAG GCIG CES BSHAD DO, ,'DZAM BU'I GLING GI 'OG NA DPAG TSAD STONG PHRAG NYI SHUN MNAR MED PA'I SEMS CAN DMYAL BA DANG, YI DAGS DANG, KLU DANG, LHA MA YIN TE, GONG NAS @73A *, ,GONG DU NYI TSE BA'I DMYAL BA DANG, YI DAGS DANG, DUD 'GRO DANG, MI RNAMS JI LTAR RIGS PAS GLING DANG GLING PHRAN DANG, RI DANG RGYA MTSO CHEN PO LA SOGS PA RNAMS LA, CHU'I GTING GI RI RAB KYI BAR THAG RE RE LA STONG PHRAG BCU YOD PA'I BANG RIM BZHI PA'I RGYAL PO CHEN PO BZHI STE, RNAM THOS SRAS DANG, YUL 'KHOR SKYONG DANG, SPYAN MI BZANG DANG, 'PHAGS SKYES PO RNAMS SO, ,DE'I PHYI ROL DU DE DANG GNYA' SHING 'DZIN DANG MNYAM PA'I NAM MKHA'I KHANG BZANGS LA SPYOD PA'I NYI MA DANG ZLA BA LA SOGS PA'O, ,BANG RIM RNAMS DANG RI RNAMS LA RGYAL CHEN BZHI'I RIS RNAMS SO, ,RI RAB KYI RTZE MO NI SUM CU RTZA GSUM PA RNAMS SO, ,ZUR GYI LCOG LA GNAS PA NI LAG NA RDO RJE LA SOGS PA GNOD SBYIN RNAMS SO, ,DE'I STENG DU NAM MKHA'I KHANG BZANGS NA GNAS PA'I LHA STE, JI SRID DU 'OG MIN GYI BAR DE GO RIMS JI LTA BA BZHIN DU, MTSE MA DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED LA SOGS PA DANG, DE LA DMYAL BA DANG, YI DVAGS DANG, DUD 'GRO DANG, MI DANG, LHA DRUG NI 'DOD PA'I KHAMS DANG, DE'I GONG DU BSAM GTAN GSUM PA RE RE LAS GSUM GSUM MO, ,'DU SHES MED PA'I SEMS CAN NI 'BRAS BU CHE BA RNAMS KYI PHYOGS GCIG NA GNAS PA'O, ,DE LA TSANGS RIS DANG, TSANGS PA MDUN NA 'DON DANG, TSANGS PA CHEN PO DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG, SPRIN MED DANG, BSOD NAMS 'PHEL DANG, 'BRAS BU CHE DANG, MI CHE BA DANG, MI GDUNG BA DANG, SHIN TU MTHONG DANG, GYA NOM SNANG BA DANG, 'OG MIN NO, ,'DI LA BCU GNYIS NI SO SO'I SKYE BO'I SA'O, ,MI CHE BA LA SOGS PA LNGA NI GNAS GTZANG MA'I STE, 'DI RNAMS LA NI SA THOB PA'I BYANG CHUB SEMS DPA' RNAMS DANG, 'BRAS BU LA GNAS PA RNAMS SKYE BAR 'GYUR RO, ,'OG MIN GYI STENG DU DE DANG RAB TU 'BREL BA NYID DU GNAS PA NI GANG DU BCOM LDAN 'DAS DANG BYANG CHUB SEMS DPA' CHEN PO'I SA BCU PA'I DBANG PHYUG RNAMS GNAS ZHES PA NI GZUGS KYI KHAMS TE, 'DIR BUD MED NI MED DO, ,LHA'I GNAS NYI SHU RTZA GSUM PO 'DI @73B RNAMS KYI GNAS DANG, GNAS 'OG JI SRID PAR, DE NAS DE'I GONG DE SRID LA, DPAG TSAD KYI TSAD NI THAMS CAD DU 'DZAM BU'I GLING PA RNAMS KYI'O, ,GZUGS DANG BRAL BA NYID DAM CUNG ZAD TZAM NYID KYIS NI GZUGS MED PA NYID KYI GZUGS MED PA'I KHAMS NI DMIGS PA THA DAD PA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED CES PA RNAM PA BZHI STE, GNAS NI MED DE NAM MKHA' NYID LA GNAS PA'I PHYIR RO, ,JI LTAR SNANG BA MED PA'I 'GRO BA PO'I SEMS CAN RNAMS GANG YANG THAMS CAD DU NAM MKHA' BZHIN DU GNAS PA STE, DE NI BYANG CHUB SEMS DPA' RNAMS KYIS KYANG MI MTHONG STE, DE BZHIN GSHEGS PA NYID KYIS GZIGS PAR 'GYUR BA'O, ,DE LA YANG SHING RTA'I 'PHANG LO'I TSAD TZAM GYIS NAM MKHA' CHA MTHO DMA' JI SRID PA DE SRID LA STONG GSUM GYI 'JIG RTEN GYI KHAMS LHA DANG MI TZAM MO ZHES PA NI KHAMS GSUM PA'O, ,KHAMS GSUM PA DE LAS GZHAN DU YANG STE, KHAMS GSUM PA RNAMS LA MTHA' MED DE PHYOGS BCU'I NAM MKHA' JI SRID PA DE SRID DU 'JIG RTEN GYI KHAMS TE, 'OG MIN GYI GONG DU YANG 'DOD PA'I KHAMS, 'DOD PA'I KHAMS KYI 'OG TU YANG 'OG MIN NO, ,DE LA 'DOD PA'I KHAMS DANG BSAM GTAN DANG PO RNAMS, BSAM GTAN DANG PO PA RNAMS STONG LA NI STONG SPYI PHUD KYI 'JIG RTEN GYI KHAMS SO, ,DE STONG 'GYUR GNYIS LA NI STONG GNYIS SO, ,DE STONG 'GYUR GSUM LA NI STONG GSUM STE MI MJED KYI 'JIG RTEN GYI KHAMS ZHES GRAGS SO, ,GLING BZHI PA BYE BA PHRAG BRGYA RNAMS KYI 'JIG RTEN GYI KHAMS RNAMS DUS GCIG TU 'BYUNG BA DANG 'JIG PA'O, ,DMYAL BA'I 'GRO BA NAS BZUNG STE, SEMS CAN RNAMS 'JIG LA, CHU'I DKYIL 'KHOR NAS BRTZAMS TE SNOD 'JIG PA'O, ,DE LA 'DIR GANG ZHIG SEMS CAN RNAMS 'JIG RTEN GYI KHAMS GZHAN DU SKYES NAS RIM GYIS RGYUN CHAD PA'I SNOD STONG PA LA NYI MA BDUN GYI MES JI SRID BSAM GTAN DANG PO'I BAR DU 'JIG PAR 'GYUR RO, ,CHUS JI SRID DU GNYIS PA'O, ,RLUNG GIS NI JI SRID DU BSAM GTAN GSUM PA'I BAR RO, ,DE BZHIN DU 'JIG PA GSUM PO @74A *, ,RNAMS LA RE RES 'JIG PA LA BAR GYI BSKAL PA NYI SHU 'JIG PAR 'GYUR RO, ,DE NAS NYI SHU LA NAM MKHA' STONG PA NYID DU GNAS SO, ,DE NAS NYI SHU LA CHAGS PAR 'GYUR RO, ,CHAGS PA DANG GNAS PAR 'GYUR BA'I NYI SHU ZHES PA'I BAR GYI BSKAL PA BRGYAD CU LA NI BSKAL PA CHEN PO'O, ,DE LA BSKAL PA DANG POR MI RNAMS KYI TSE LO DPAG TU MED PA NAS RIM GYIS THUNG NGU NAS LO BCU'I TSE'I BAR JI SRID DE NI BAR GYI BSKAL PA'O, ,DE LA TSE 'PHEL NAS TSE LO STONG PHRAG BRGYAD CU RNAMS NAS YANG THUNG NAS TSE LO BCU'I BAR JI SRID PA DE NI GNYIS PA'O, ,DE BZHIN DU 'PHEL BA DANG 'GRIB PA GZHAN BCU BDUN LA JI SRID DU TSE LO STONG PHRAG BRGYAD CU DE RAB KYI MTHAR THUG PA NYI SHU GCIG CES PA DANG NYI SHU'I BRGYAD CU PO RNAMS KYI TSAD NI MNYAM PA STE, DE LTAR BRGYAD CU BSKAL PA BZANG PO'O, ,DE LTAR GZHAN YANG BSKAL PA CHEN PO PHAL CHE BA DPE SKAR MA LTA BU'I BSKAL PA'I 'GRIB PA YANG 'DI NYID KYI DUS KYI JI SKAD DU BSHAD PA'I BAR GYI BSKAL BA'I TSAD KYI DUS KYIS YONGS SU BCAD PA'I BSKAL PA STONG PHRAG NYI SHU'O, ,DE BTANG NAS BZANG PO LA SOGS PA'I BSKAL PA CHEN PO DE GRANGS KYI GNAS GZHAN DRUG CUR GYUR PA RJES SU THOB PA GRANGS MED CES BRJOD DO, ,DE LAS BZLOG NAS GRANGS GZHAN YANG ZHES PA STE GRANGS MED GSUM MO, ,DE LTAR BSKAL PA GRANGS MED PA GSUM LA SBYIN PA LA SOGS PA'I BYA BA LAS BYUNG BA'I GANG ZHIG THABS GOMS PAS BSGRUB PAR BYA BA NI SANGS RGYAS NYID DE, DE LTAR YANG GRANGS MED DANG POS NI SA DANG PO THOB PAR 'GYUR LA GNYIS PAS NI DRI MA MED PA LA SOGS PA'O, ,GSUM PAS NI MI G-YO BA LA SOGS PA'O ZHES MDO SDE LAS BSHAD LA, 'DIR BCOM LDAN 'DAS KYIS BSKAL PA BYE BA MTHA' YAS PA'I DGE BAS NGES PAR 'BYUNG BA'I BYANG CHUB SEMS DPA' ZHES GSUNGS SO, ,DE LTA BU LA BRTZON 'GRUS CHEN POS SLOB PAR BYED PA NA BSKAL PA MANG PO RNAM PAR LDOG PAR 'GYUR TE, JI LTAR BDAG CAG GI STON PA BYANG CHUB SEMS DPAR GYUR PAS SANGS RGYAS NYE RGYAL LA BRTEN PAS BSKAL PA DGU BCU RNAM PAR LOG CING DE BZHIN DU SHIN TU SBYOR BA DANG, THABS CHEN PO'I KHYAD PAR GYIS BSKAL PA BYE BA MANG PO RNAMS LA JI @74B SRID DU BSKAL PA GRANGS MED PA GNYIS RNAM PAR LOG PAR GYUR PA DANG, JI SRID DUS GCIG NA YANG SKYE BA NYUNG NGU RNAMS KYIS DANG, JI SRID DU BLA NA MED PA'I TSUL LAS SKYE BA 'DI LA MNGON PAR BYANG CHUB CES GSUNGS PA NA, DE BAS 'DOD PA GZHAN MI 'THAD DO, ,'DZAM BU'I GLING PA RNAMS TSE LO STONG PHRAG BRGYAD CUR SONG NAS MAR 'GRIB PA'I LO BRGYA'I BAR LA RDZOGS SANGS RGYAS BYUNG BAR GYUR TO, ,DUS GCIG TU GLING BZHI PAR NI DE BZHIN GSHEGS PA GCIG KHO NA 'BYUNG BAR 'GYUR BA NI GDUL BYA'I SKYE BO RNAMS GUS PA BSKYED PA'I PHYIR RO, ,SANGS RGYAS MANG POS GDUL BAR BYA BA'I SEMS CAN SRID PA LA NI DUS GCIG TU DE BZHIN GSHEGS PA DU MA SKYE BAR 'GYUR BA NYID DE, TSOGS GNYIS LA GOMS PA'I RGYU'I MTHUS DUS GCIG LA MTHA' YAS PA'I STONG GSUM 'JIG RTEN PA RNAMS NA DE BZHIN GSHEGS PA MTHA' YAS PA SKYE BAR 'GYUR LA, SKYES NAS KYANG MYA NGAN LAS 'DA' BA CHOS DANG LONGS SPYOD RDZOGS PA DAG NI MED LA, SPRUL PA'I SKU GZUGS DANG DBYIBS KYI KHYAD PAR LA NI YOD PA NYID DE, JI LTAR BSOD RNAMS CHUNG BA RNAMS LA MI 'BYUNG LA, DE YANG BSOD NAMS BSAGS PA RNAMS KYIS NI MTHONG BAR 'GYUR GYI, BDAG CAG LEGS SPYAD MA BYAS PA RNAMS KYIS NI MI MTHONG STE LONG BA RNAMS BZHIN NO, ,BDAG CAG GI STON PA NI 'OG MIN DU MNGON PAR RDZOGS PAR SANGS RGYAS NAS, SPRUL PA'I SKU RNAMS KYIS NI MI MJED KYI NANG DU CHUD PA'I GLING BZHI BYE BA PHRAG BRGYA RNAMS LA RIM DANG CIG CHAR GYIS DGA' LDAN DU SKYE BA DANG SHI NAS 'DZAM BU'I GLING RNAMS SU SKYE BA LA SOGS PA NAS JI SRID DU DGONGS PA CAN GYIS MYA NGAN LAS 'DAS PA'I BAR BSTAN PA MDZAD DO, ,RNAM PA THAMS CAD DU BCOM LDAN 'DAS MAR ME BZHIN DU MYA NGAN LAS 'DAS PA NA GANG 'DIR SANGS RGYAS LA SKYABS SU SKYE BO JI LTAR 'GRO ZHES PA LA SOGS PA'I SUN 'BYIN PA SRID PAS, NYAN THOS KYI THEG PA PA RNAMS KYI MYA NGAN LAS 'DAS PA ZHES PA NI MI RIGS PA NYID DE, DE JI LTAR RGYA CHE BAR 'GYUR BAS NYES PA 'JUG PAR BYED, DE NAS YANG ZHES PA LA SOGS PA STE, SHES RAB KYI PHA ROL TU PHYIN PA LA NI LAM SHES PA LA'O, ,NYE BAR BSTAN PA NI GDAMS NGAG GO, ,DE'I DON DE NYID LA'O, ,GNAS PAR BYA BA NI THOS PA LAS BYUNG BA'I @75A *, ,SHES RAB KYIS SO, ,BSLAB PAR BYA BA NI BSAMS PA LAS BYUNG BAS SO, ,RNAL 'BYOR DU BYA BA NI BSGOMS PA LAS BYUNG BAS SO, ,BYIN GYIS BRLABS PA LA SOGS PA NI MTHU'I RNAM GRANGS TE, DE LA MTHU SHES PA NI BSTAN PA'O, ,CIG SHOS DAG GIS BSHAD PA'O, ,GZI BRJID KYIS NI SPOBS PAR NUS PA BSKYED PA'I MTHUS SO, ,BYIN GYIS BRLABS PA NI RAB TU RTOGS PAS SO, ,DE BZHIN DU SBYOR BAR NUS PA RNAMS KYI GNAS SKABS SU BYAS NAS DE GSUNGS PA NI GANG ZHES PA LA SOGS PA STE, DES BSKYED PAR BYA ZHES PAS NI SBYOR BAR NUS PAS SO, ,DE DAG GIS ZHES PA LA SOGS PA NI LAM DMAN PAS THOB PAR BYA BA'I MYA NGAN LAS 'DAS PA YANG DAG PA NYID DU NGES PA DE DES THOB PAS SO, ,MTSAMS BCAD PA NI MTSAMS BCAD PA STE, RGYUN TU ZHUGS PA LA SOGS PAS BLA NA MED PA YANG DAG PAR RDZOGS PA'I BYANG CHUB KYI RGYUR GANG YANG NAS YANG DU DE LA BOR BA'I SKAL BA MED DE, JI SRID DU SANGS RGYAS RNAMS KYIS BYIN GYIS MA BRLABS KYI BAR DU ZHES PA NI SBYOR BAR NUS PA'I YUL SO SOR NGES PA'O, ,'ON KYANG ZHES PA LA SOGS PA NI KHYAB PA STE, NYAN THOS RNAMS KYIS NI BAG LA NYAL CHAD NAS SKYE BA MED PA SKYE BA PHAN TSUN GYIS BSGRUB PAR BYA BA'I SANGS RGYAS NYID DU BYED CES PA NI MI 'THAD CE NA, NYON MONGS PA SPANGS PAS SO SO'I SKYE BO DANG THUN MONG GI 'KHOR BA RGYUN CHAD KYANG MA RIG PA'I NYON MONGS PA'I BAG LA NYAL MA SPANGS PA DE'I RKYEN DANG ZAG PA MED PA'I DGE BA'I RTZA BA'I RGYU DE BSOD NAMS KYI TSOGS CHOL BAS CHOG SHES PA MED PA NYID DANG, SEMS CAN YONGS SU SMIN PAS DU PA MED PA LA SOGS PA STE, DE LA NYON MONGS PA'I KUN NAS NYON MONGS PA BZHIN GYI MA RIG PA'I BAG CHAGS DANG, LAS KYI KUN NAS NYON MONGS PA BZHIN DU ZAG PA MED PA'I LAS MNGON PAR 'DU BYED LA, SKYE BA'I NYON MONGS PA BZHIN DU NYAN THOS DANG RANG SANGS RGYAS DANG DBANG DU GYUR PA THOB PA'I BYANG CHUB SEMS DPA' RNAMS KYI 'GRO BA DRUG TU 'DUS PA DE YID KYI RANG BZHIN GYI LUS KYIS 'JUG LA, DE'I RKYEN GYIS YANG SKYE BO'I RKYEN BZHIN DU RGAS PA DANG SHI BA LA NI BSAM GYIS MI KHYAB PA'I YONGS SU BSGYUR BA CAN GYI 'CHI 'PHO BA ZHES DPAL PHRENG SENG GE'I NGA @75B RO'I MDO LAS GSUNGS TE, DE NYID KYIS NA THEG PA GSUM DU GSUNGS PA NI DGONGS PA CAN TE, DE LTAR NA SHES RAB KYI PHA ROL TU PHYIN PA THEG PA CHEN PO'I BDAG NYID 'DIS 'GRO ZHES PA DANG, DER 'GRO ZHES PA'I LAM DANG, 'BRAS BU'I NGO BO'I THEG PA NI GCIG NYID LA THEG PA GSUM DU RNAM PAR GZHAG PA NI BYIS PA RNAMS THEG PA CHEN PO LA ZHUGS PA'I DRANG BA'I DON DU STE, DE LTAR YANG LANG KAR GSHEGS PA LAS, BDAG GIS THEG GCIG BSHAD PA LAS, ,THEG PA'I RNAM GZHAG YOD MIN TE, ,BYIS RNAMS YONGS SU DRANG DON DU, ,THEG PA THA DAD BDAG GIS BSHAD, ,CES PA DANG, 'PHAGS PAS KYANG, CHOS KYI DBYINGS LA DBYER MED PAS, ,THEG PA THA DAD YOD MA YIN, ,THEG PA GSUM NI KUN BSHAD PA, ,KHYOD KYIS SEMS CAN GZHUG PA NYID, ,CES SO, ,CHOS KYI DBYINGS NI CHOS THAMS CAD KYI DE KHO NA NYID GCIG PA NYID DE, DE NYID GRUB PA'I MTHA'I DBYE BAS THA DAD PA NYID NA NI MTHAR THUG PA MED PAR THAL BAR 'GYUR LA, PHYOGS GCIG PA'I YE SHES RNAMS KYIS NI DE KHO NA NYID RTOGS PA MED DE, RTOGS NA NI CHES THAL BAR 'GYUR RO, ,DE'I PHYIR NI GANG ZAG CHOS LA BDAG MED PA'I DE KHO NA NYID MNGON SUM DU BYED PA'I YE SHES DE NYID KYIS MYA NGAN LAS 'DAS PA THOB PA LAS YANG DAG PA'I CHOS LAS GZHAN GYIS NI MIN ZHES PAS NA THEG PA NI GCIG NYID DO, ,DE'I PHYIR NA LAM GZHAN LA YANG DAG PA'I THAR PA MED CES PA BSGRUB PA NI, BDEN PA GNYIS LA 'JUG PA'I MDO LAS, DE LA YANG CHOS THAMS CAD NGO BO NYID MED PA NYID BSGOMS PAS GANG GIS NYON MONGS PA SPONG GI ,LAM GZHAN GYIS MIN TE, NYON MONGS PA RNAMS NI DNGOS PO LA MNGON PAR ZHEN PA'I RTZA BA CAN YIN PA'I PHYIR ZHES GSUNGS SO, ,GANG DU YANG GSUNGS PA 'JAM DPAL JI LTAR NYON MONGS PA RNAMS YONGS SU SHES PAR 'GYUR BAS NYON MONGS PA RNAMS 'DUL BAR 'GRO BAR 'GYUR SMRAS PA, DON DAM PAR MA SKYES PA'I CHOS RNAMS KYI YOD PA MA YIN PA'I YUL RNAMS LA YOD PAR SGRO BTAGS PAS PHYIN CI LOG GI BDAG NYID KYI LTA BA KUN TU LDANG LA, DE LAS NYON MONGS PA RNAMS RAB TU 'JUG GO, ,GANG YANG LHA'I BU DON DAM PAR CHOS RNAMS @76A *, ,MA SKYES PA RAB TU SHES SHING SHES RAB KYI SBYOR BA MI BYED PA NI PHYIN CI MA LOG PA'I RNAM PAR RTOG PA MED PA STE, YOD PA MA YIN PA LA SGRO 'DOGS PAR MI BYED CING LTA BA KUN NAS LDANG BAR MI BYED DO, ,SKYE BA MED PA DE NYID LA GNAS PAS NYON MONGS PA SHIN TU 'DUL BA NYID DU BLTA BAR BYA STE, MTHONG BA MED PA'I SBYOR BAS SO, ,GANG DU DON DAM PAR SKYE BA MED PA'I NGO BOR RAB TU SHES NAS KYANG RAB TU SHES PA LA SBYOR BA MED PAS NI DE LTAR NYON MONGS PA RNAMS RAB TU SHES PA MED PA'I SBYOR BAS YONGS SU SHES PA YIN TE, 'DI LTA STE DPER NA MCHE BA DUG CAN GYI RIGS BRJOD PAS DUG ZHI BAR 'GYUR RO, ,DE BZHIN DU GANG NYON MONGS PA'I RIGS SHES PA NI DE'I NYON MONGS PA RNAMS SHIN TU MI DMIGS PA'I RNAL 'BYOR GYIS RAB TU ZHI BAR 'GYUR RO, ,GANG DU YANG LHA'I BU DON DAM PAR SHIN TU SKYE BA MED PA'I DNGOS PO RNAMS KYIS CHOS RNAMS THAMS CAD LA KUN TU BRTAGS PA 'DI NI NYON MONGS PA RNAMS KYI RIGS ZHES GSUNGS SO, ,MDO TING NGE 'DZIN GYI RGYAL POR YANG, 'GRO BA 'DI RNAMS THAMS CAD SANGS RGYAS 'GYUR, ,ZHES TE, 'DIR YANG DRI MA RNAMS NI GLO BUR BA'I PHYIR NA SEMS RANG BZHIN GYIS 'OD GSAL BAS MA LUS PA'I 'GRO BA RNAMS CHOS KYI DBYINGS KYI MTSAN NYID CAN GYI DE BZHIN GSHEGS PA'I SNYING PO CAN TE, YANG DAG PAR RDZOGS PA'I SANGS RGYAS NYID DU SBYOR BAR RUNG BAR YOD PA NYID DO ZHES PA LA DGONGS PA'O, ,'DIR THEG PA GSUM BSTAN PA NI NGES PA'I DON LA THEG PA GCIG BSTAN PA NI DGONGS PA CAN NYID CES PA DANG, RIGS MED PA'I SEMS CAN YANG YOD CES PA'I BRTAGS PA NI SHIN TU MA BRTAGS PA'I STE, SPANG BAR BYA'O, ,SEMS CAN RDZOGS SANGS RGYAS LA SBYOR MI RUNG BA NI GCIG KYANG MED CES PAS GNAS PA STE, DE LTAR YANG DBANG PO THAMS BDEN PA BSGOMS PAS NI BDAG MED PAR MNYAM POS 'DOD CHAGS DANG BRAL BAR 'GRO BAR 'GYUR RO, ,'BRING GIS NI CUNG ZHIG GZHAN GYI DON 'DOD PAS 'DOD CHAGS DANG BRAL BA RTOGS KYANG 'DOD PA'I KHAMS RNAMS SU DAM PA'I CHOS NUB PA NA KUN TU 'JUG CING SHES BYA'I SGRIB PA'I PHYOGS GCIG GZUNG BA'I RNAM PAR RTOG PA @76B SPANGS NAS RANG SANGS RGYAS MNGON SUM DU BYAS NAS RDZU 'PHRUL RNAMS DANG LUS KYIS CHOS RNAMS STON PAR BYED DO, ,DBANG PO RAB KYIS NI BRTZE BA'I RANG BZHIN NYID KYIS SEMS CAN THAMS CAD 'DREN PA'I BSAM PA CAN TE, GSUM CHAR YANG KHAMS GSUM PA'I NYON MONGS PA'I SGRIB PA TZAM LAS GROL BA'I MYA NGAN LAS 'DAS PA MED KYANG MAR ME ZAD PA BZHIN DU MYA NGAN LAS 'DAS PA'I 'DU SHES CAN GYI ZAG PA MED PA'I KHAMS NA PADMA'I SNYING PO LA BSKUL BA'AM JI SRID DU GNAS PA LA, DE'I DE BZHIN GSHEGS PA'I 'OD ZER RNAMS KYIS RAB TU SAD PAR BYAS NAS SEMS BSKYED PAR BYAS NAS SKYE BA LA DBANG BA DANG, STOBS NI MI G-YO BA LA SOGS PA'I DBANG PHYUG GI BYANG CHUB SEMS DPA' BZHIN GYI SKYE BA RNAMS KYIS BSOD NAMS DANG YE SHES KYI TSOGS YONGS SU RDZOGS PAR BYED PAS BSKAL PA GRANGS MED PA BZHIS YANG DAG PAR RDZOGS PA'I SANGS RGYAS RTOGS PAR 'GYUR ZHES PA NI KHYAB PA'O, ,SMRAS PA ZHES PA LA SOGS PA NI RANG BZHIN TE, DGE BA'I PHYOGS NI DGE BA'I TSOGS TE, DGE BA'I CHOS THAMS CAD SEMS BSKYED PA 'DIS BSDUS PA'I PHYIR RO ZHES PAS DGE BA'I PHYOGS NYID DE SBYOR BAR RUNG BA NYID KYI RANG BZHIN LA'O, ,KHYAD PAR DU 'PHAGS PA'I ZHES PA NI BYANG CHUB KYI SEMS KYIS KUN TU BSDUS PA DE RNAMS KYIS TE, RGYU LNGA PA'O, ,CHOS KHYAD PAR DU 'PHAGS PA NI THEG PA CHEN POS KUN TU BSDUS PA NYID DO, ,'BRAS BU GYUR PA LA LHAG PAR DMIGS PAR BYA ZHES TE, THOB PAR BYA BA'O, ,DE'I PHYIR NA BAR CHAD MI BYA ZHES PA NI, SGRA'I DON ZHES PA NI BYANG CHUB KYI SEMS DE'I LAS SO, ,DE LTAR BYANG CHUB TU SEMS BSKYED PA'I PHYIR NA BYANG CHUB SEMS DPA' SEMS DPA' CHEN PO RNAMS KYI RGYUD LAM SHES PA NYID LA SPRO BA BSKYED PA LA 'DIR GSUNGS PA NI, DE NA ZHES PA LA SOGS PA STE, KHYOD LEGS SO ZHES BYA BA NI GZHAN GYI DON BYED PA'I PHYIR RO, ,JI LTAR SNGON GYI RGYAL BA'I SRAS LA, BCOM LDAN 'DAS DANG, DE'I NYAN THOS RNAMS KYIS MANG DU BYAS PA DE LTAR BDAG CAG GIS BCOM LDAN 'DAS DANG DE'I NYAN THOS RNAMS KYIS BCOM LDAN 'DAS KYI SRAS BYANG CHUB SEMS DPA' RNAMS LA MANG DU BYA'O ZHES PA NI BKA' DRIN GZO BA'I @77A *, ,DON TO, ,SNGON GYI NYID NI SNGON GYI RNAMS SO, ,TSANGS PA NI MYA NGAN LAS 'DAS PA LA DE LA PHAN PAR SPYOD PA NI TSANGS PAR SPYOD PA'O, ,GANG DAG CES PA NI RNAM PAR PHYE BA'I NANG DU PHYIN CI LOG PA CAN DU MA LTUNG BA'I JI LTA BA'I DON NO, ,MA RTOGS ZHES PA'I GZHUNG YANG KHA CIG GIS GDAMS ZHES PA NI BSTAN PA'I SGRA ZHES PA DANG, SKAD KYI DBYINGS DON DU MA LA 'JUG PA'I PHYIR RJES SU GZUNG BAR BYA BA NI GDAMS PAR BYA BAS RJES SU BSKOR BAR BYA BA NI RJES SU BSTAN PAR BYA ZHES PA'I PHYI MA'I TSIG GNYIS PA YANG DAG PA'I SGRA NI DON YANG DAG PA'O, ,BDAG CAG NYAN THOS RNAMS KYIS KYANG NI RANG DANG RIS MTHUN PA RNAMS LA YANG BDAG NYID KYI THA SNYAD BYED PA'I PHYIR RO, ,LEGS PA NI G-YO BA MED PAS NYAN PA LA'O, ,RAB TU NI G-YENG BA'I YID KYIS SO, ,PHYIN CI MA LOG PA LA BSTAN PAR BSGRUB PA'I DON DU YID LA BGYID PA BSAM PA DANG BSGOM PA DAG GIS SO, ,SHES RAB KYI PHA ROL TU PHYIN PA LA ZHES PA NI LAM SHES PA LA'O, ,GNAS PAR BYA BA NI SPYAD PAR BYA BA'O, ,DE LA NYAN THOS KYI MTHONG BA'I LAM GYI DBANG DU BYAS TE GSUNGS PA NI, STONG PA NYID LA ZHES PA LA SOGS PA STE, 'PHAGS PA RNAMS LA BDEN PA NYID DANG, PHYIN CI MA LOG PA NYID LAS, BYIS PA RNAMS LA NI MA YIN ZHES PA NI 'PHAGS PA'I BDEN PA STE, SDUG BSNGAL DANG KUN 'BYUNG DANG 'GOG PA DANG LAM MO, ,NAD KYIS SDUG BSNGAL BA LA DE'I NGES PAR ZAD PA'I SMAN TSOL BA BZHIN GYI RIM PA STE, GNYI GA LA YANG BDAG MED PAR BSTAN PA'I SKABS SU SGRIB PA GNYIS SPANGS PA'I MTSAN NYID CAN GYI 'GOG PA'I BDEN PA DON DAM PA LA, GSUM NI KUN RDZOB KYI BDEN PA ZHES PA'I GNYIS PO NYID NI BDEN PA GNYIS TE, JI SKAD DU YAB SRAS MJAL BA'I MDO SDER, RNAM PAR BLTA DKA' BDEN PA 'DIR NI MKHAS RNAMS KYIS, ,RANG GIS MTHONG 'GYUR GZHAN GYIS MNYEN SOGS RNAMS KYIS MIN, ,KUN RDZOB DANG NI GANG YANG DE BZHIN DON DAM LAS, ,BDEN PA GSUM PO CUNG ZAD YOD PAR 'GYUR BA MIN, ,ZHES TE, NYAN THOS RNAMS LAS NI 'KHOR BA LAS YID BYUNG BA'I DON DU GANG ZAG GI BDAG MED TZAM LA GZHUG PA'I @77B RNAM PA BZHI PO BSTAN TO, ,DE LA SDUG BSNGAL NI SDUG BSNGAL GYI SDUG BSNGAL DANG, RNAM PAR 'GYUR BA'I SDUG BSNGAL DANG, 'DU BYED KYI SDUG BSNGAL RNAMS KYIS SDUG BSNGAL BA'I 'KHOR BA PA'I PHUNG PO RNAMS LA SDUG BSNGAL GYI RGYU NI KUN 'BYUNG BA'O, ,SDUG BSNGAL ZAD PA NI 'GOG PA'O, ,DE THOB PA'I YE SHES NI LAM STE, GANG 'DI RNAMS KYI RNAM PA DE RNAMS STONG PA NYID LA GNAS SHING STONG PA NYID DU MTHONG BA'O, ,SHES RAB KYI PHA ROL TU PHYIN PA LA NI NYAN THOS KYI GANG ZHIG MTHONG BA'I LAM LA GNAS PAR BYA BA LA MNYAM PAR GZHAG PA'I SEMS KYIS TE, STONG PA NYID DU MTHONG BA DANG MI DMIGS PA NYID KYIS TE, DE NI BSTAN BCOS LAS, LAM SHES NYID KYI TSUL LAS NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES TE, NYAN THOS KYI SDE SNOD LA RNAM PA BCU DRUG TU BSHAD DE, 'DI LTA STE, RTAG PA DANG GZHAN DANG BDAG GIR SGRO BTAGS PA LAS LDOG PA'I SDUG BSNGAL BA DANG MI RTAG PA DANG SDUG BSNGAL DANG BDAG MED PA DANG STONG PA NYID DU YONGS SU SHES PA'O, ,KUN 'BYUNG BA LA CHOS RNAM PA THAMS CAD RGYU MED PA CAN DANG DUS LA SOGS PA'I SEMS MED PA'I RTOG PA'I RGYU CAN DANG GTZO BO DANG SGRA'I TSANGS PA LA SOGS PAS YONGS SU BSGYUR BA'I DNGOS PO'I RGYU CAN DANG, DBANG PHYUG LA SOGS PA'I BLO DANG LDAN PA'I RGYU CAN ZHES PA'I SGRO BTAGS PA'I GNYEN POR RGYU DANG KUN 'BYUNG BA DANG RAB TU SKYE BA DANG RKYEN NO, ,'GOG PA MED CING THAR PA DANG SDUG BSNGAL BA LAS THAR PA MED DO; ,BSAM GTAN GYI BDE BA KHO NA LAS GYA NOM PA MED PA STE, GROL KYANG YANG 'KHOR BA NA LHUNG ZHES PA'I GNYEN POR 'GOG PA ZHI BA GYA NOM PA NGES PAR 'BYIN PA'O, ,LAM MED DE, BDAG MED PA'I MTSAN NYID KYI LAM BDAG NYID KYIS RTAG PAR YOD PA'I LAM NGAN PA LAS 'DIR GZHAN DU MED PA DANG LAS YANG DAG PAR LDOG PAS SO ZHES PA'I GNYEN POR LAM RIGS PA BSGRUB PA NGES PAR 'BYUNG BA STE 'DIR DE GZUNG BAR MI BYA LA, GANG DU YUM CHEN MO LAS GSUNGS PA DE 'DIR GZUNG BAR BYA STE, RE BAR 'GYUR NA NYAN THOS KYI BYANG CHUB KYANG TSEGS CHUNG NGU DE RNAMS KYIS THOB PA'I PHYIR RO,, @78A *, ,DE LA SDUG BSNGAL NI RNAM PA BZHI RNAMS KYIS YID LA BYED PA DE SNGA MA BZHIN NO, ,MI RTAG PA LAS BYUNG BA 'JIG PA DANG BRAL BAR SBYOR BA'I PHYIR DANG, SDUG BSNGAL BA LA SO SOR MI MTHUN PA'I PHYIR DANG, BDAG MED PA LA BDAG GI MTSAN NYID DANG BRAL BA'I PHYIR DANG, ZHI PA LA BDAG GIS STONG PA'I PHYIR TE, BDAG GIS STONG PA NI ZHI BA STE, RO BZHIN NO, ,KUN TU 'BYUNG BA LA NI DBYE BA BCU GCIG STE, DE LA RNAM PA BZHIS SPANGS PAS DGRA BCOM PA SHES PA'I PHYIR NAD DANG 'BRAS DANG ZUG RNGU DANG SDIG PA DANG, SDUG BSNGAL GYI RGYU'I PHYIR DANG, SDUG BSNGAL GZENGS BSTOD PA'I RGYU'I PHYIR DANG, 'DREN PAR DKA' BA'I PHYIR DANG, 'DI'I DANG GZHAN PA'I SDUG BSNGAL GYI RGYU NYID KYIS NA SDIG PA DANG CHOS MTHUN PA'O, ,YANG BZHI RNAMS KYIS NI NUS PA NYID DU YONGS SU SHES PA'I PHYIR TE, PHA ROL DANG, RAB TU 'JIG PA'I CHOS DANG, G-YO BA DANG, RAB TU 'JOMS PA STE, BDAG NI BCOM PAR MI NUS PAS 'DIR PHA ROL LA SO SOR SKAD CIG LA 'JIG PA'I PHYIR NA RAB TU 'JIG PA'I CHOS SO, ,DGRA BCOM PA RNAMS KYI DRUNGS 'BYIN PA'I PHYIR G-YO BA'O, ,RANG BZHIN GYI LAM GYIS RAB TU BCOM PA'I PHYIR RAB TU 'JOMS PA NYID DO, ,GDUNG BAR MI BYED PA'I DON DU YANG GSUM RNAMS KYIS TE, 'JIG PA NYID DANG, NYE BAR 'TSE BA NYID DANG, NYE BAR BSGYUR BA NYID DE, KUN TU 'DUS PA LA SOGS PA BZHIN DU 'JIGS PA'I RGYU'I PHYIR DANG, 'BYUNG PO DANG SRIN PO LA SOGS PA DANG CHOS MTHUN PA DANG, MU GE DANG PHAS KYIS DGRA BO LA SOGS PA DANG CHOS MTHUN PA ZHES PA'O, ,RTEN CING 'BREL BAR 'BYUNG BA LUGS DANG MI MTHUN PA NI MA RIG PA 'GAGS PAS 'DU BYED 'GAG CES PA DE NAS BRTZAMS TE, JI SRID DU DE BZHIN NYID DU SDUG BSNGAL GYI PHUNG PO 'BA' ZHIG 'GAG PAR 'GYUR RO ZHES PA'I BAR DU'O, ,DE LA BKAG PAS 'GAG CES PAS 'GOG PA'I BDEN PA LA, 'DIS 'GAG PA 'GYUR ZHES PA NI 'GOG PA'I LAM GYI BDEN PA STE, DE LA 'GOG PA'I BDEN PA LA NI RNAM PA BDUN GYIS TE, BDAG MED PA NYID DANG, ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA @78B MED PA NYID DANG MNGON PAR 'DU BYA BA MED PA NYID DO, ,BDAG NI RNAL 'BYOR PA'I SDUG BSNGAL GYI BDAG NYID KYI PHUNG PO RNAMS LA 'DIR SDUG BSNGAL MED PAS BDAG MED PA'O, ,NYON MONGS PA NYE BAR ZHI BAS ZHI BA'O, ,SDUG BSNGAL DANG NYON MONGS PA'I MI GTZANG BA DAG NYE BAR ZHI BAS DBEN PA STE ZHES PA'I DON TO, ,BDAG DANG BDAG GI DANG BRAL BAS STONG PA'O, ,'DUS BYAS PA'I MTSAN MA THAMS CAD MED PA'O, ,DE'I KHAMS GSUM PA LA SMON PA'I SMON PA ZAD PAS SMON PA MED PA'O, ,'BYUNG BAR 'GYUR BA'I LAS MNGON PAR 'DU BYED PA MED PAS MNGON PAR 'DU BYED PA MED PA'O, ,LAM GYI BDEN PA LA YANG RNAM PA BDUN PO 'DI RNAMS NYID KYIS TE, 'GOG PA'I THOB PA PO NI LAM DES NA BDAG MED PA DANG ZHI BA DANG DBEN PA LA SOGS PA'I THOB PAR BYED PA PO'I PHYIR NA LAM YANG BDAG MED PA DANG ZHI BA DANG DBEN PA DANG STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYA BA MED PA STE, DE LTA BU'I RNAM PA NYI SHU RTZA DGUS NI 'DIR NYAN THOS KYI LAM MYUR BAR DE'I BYANG CHUB THOB PA'I PHYIR RO, ,DE YANG RNAM PA 'DI RNAMS MI DMIGS PA NI LAM SHES PA NYID LA RAB TU 'JUG STE, GANG GIS DMAN PA'I LAM BSGOM PA'I BYANG CHUB SEMS DPA' THABS LA MI MKHAS PA DMAN PA'I BYANG CHUB TU 'GRO BAR NUS TE, DE'I PHYIR RGYU DES NA 'DI LAM SHES PA LA GO CHA CHEN PO DANG THABS LA MKHAS PA CHEN PO BDAG NYID BSRUNG BA'I PHYIR GO BGO BAR BYA'O, ,DE LA 'DI'I GO CHA CHEN PO 'DI LTA STE, PHUNG PO LNGA PO RNAMS DANG NGO BO NYID KYIS STONG PA NYID DE LAS THA MI DAD CES PA'I STONG PA NYID DANG, SNYING RJE RO GCIG PA'I BYANG CHUB KYI SEMS BSGOM PA NYID DO, ,'DI NI NYAN THOS RNAMS KYI MTHONG BA'I LAM MO, ,NGES PAR 'BYED PA'I CHA DANG MTHUN PA GSUNGS PA NI, GZUGS LA GNAS PAR MI BYA ZHES PA LA SOGS PA STE, DE LA GZUGS LA SOGS PA RNAMS LA GNAS PA MED PA DANG MNGON PAR ZHEN PA MED PA NI DROD DO, ,DE LTAR GZUGS ZHES PA LA SOGS PA STE, GZUGS LA SOGS PA RNAMS LA 'DIR DES RANG GI MTSAN NYID DMIGS SU MED PAS NI RTZE MO'O, ,GZUGS RTAG CES PA LA SOGS PA STE, GZUGS LA SOGS PA RNAMS LA GNYIS SU MI DMIGS @79A *, ,PAS NI BZOD PA'O STONG PA'O ZHES DMIGS PAS NYE BAR DMIGS PAR BYED PA DANG, DE LTAR DMIGS PA NI DE'I PHYIR STONG PA NYID NYE BAR DMIGS PA'I ZHES BYA BA GNYIS DANG, RGYUN DU ZHUGS PA'I 'BRAS BU LA SOGS PA RNAMS KYI KHYAD PAR LA GNAS PA MED PAS NA CHOS MCHOG STE; 'DIR BSTAN BCOS LAS, 'PHAGS PA NYAN THOS LAM LA NI, ,GZUGS SOGS PHUNG PO STONG PA'I PHYIR, ,STONG PA NYID LA DBYER MED PAS, ,DRO BA DE DAG MI DMIGS PAR, ,RTZE MOR GYUR PA DAG TU 'DOD, ,DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,SA BCU DAG LA BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,CI'I PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES TE, LAM SHES PA NI BSHAD MA THAG PA'I LAM GYI RGYU MTSAN LA GZUGS LA SOGS PA'I PHUNG PO DE RNAMS KYANG STONG PA NYID PAS STONG PA NYID DANG GZUGS LA SOGS PA RNAMS THA MI DAD DE, GZUGS LA SOGS PA DE RNAMS KYI GZUGS LA SOGS PA DE RNAMS LA MI RTAG PA LA SOGS PA SBYOR BA RNAMS KYIS DE LA GNAS PA NYE BAR DMIGS PA BKAG PAS SA DANG PO'I ZHES PA LA SOGS PA'I YUM CHEN MOR NYE BAR MI DMIGS PA RGYA CHEN POS BSTAN PA'I PHYIR RO, ,JI LTAR BSTAN ZHE NA CHOS RNAMS MA MTHONG BA'I PHYIR RO ZHES PA LA SOGS PAS SO, ,BCOM LDAN 'DAS MA 'DIR NI RGYUN DU ZHUGS PA'I 'BRAS BU LA SOGS PA'I KHYAD PAR RNAMS LA MI GNAS PA GSUNGS PAS SA BCU RNAMS LA MI GNAS PA NYE BAR MTSON PAS SO, ,MIG GI 'DUS TE REG PA ZHES PA STE, GANG DBANG PO DANG YUL DANG RNAM PAR SHES PA 'DUS PAR GYUR PAS BDE BA LA SOGS PA'I TSOR BA SKYE BAR 'GYUR BA DANG RJES SU MTHUN PA'I DBANG PO RNAM PAR 'GYUR BA'I YONGS SU GCOD PA PO LA 'DRA BA TZAM GYI BDE BA LA SOGS PA DANG BCAS PA'I TSOR BA SKYED PA PO'I SEMS LAS BYUNG BA REG BYA'I DBANG PO LAS BYUNG BA'I RNAM PAR 'GYUR BA DANG 'DRA BA REG PAR BYED PAR 'GYUR ZHES PA NYID DE, 'DI DBANG PO'I DBYE BA NI, MIG GI 'DUS TE REG PA NAS JI SRID DU YID KYI 'DUS TE REG PA'I BAR DE DANG, SDUG PA NI @79B GTZANG BA'O, ,MI SDUG PA NI MI GTZANG BA'O, ,'DUS MA BYAS PAS DBANG DU PHYED PA NI NYON MONGS PA DANG, MA RIG PA ZAD PA'I 'DUS MA BYAS PA'I PHYIR RO, ,'JIG RTEN 'DI NI 'DOD PA'I KHAMS TE DE NYID LA 'DOD PA DANG LDAN PA'I 'JIG RTEN LA'O, ,'DI NYID NI SKYE BA 'DI NYID LA'O, ,SO SO'I SKYE BA'I SA NI MOS PAR SPYOD PA'I SA LA'O, ,PHUNG PO LHAG MA MED CES PA NI PHUNG PO NI PHUNG PO LNGA LA DE NYID KYI GANG DU LHAG MA DE NI 'DI PHUNG PO LHAG MA LA NYON MONGS PA 'GAG PA'I MTSAN NYID CAN MYA NGAN LAS 'DAS PA LA GANG DU DE YANG 'GAG PAS 'GYUR BA DE NI PHUNG PO LHAG MA MED PA'O, ,DE YANG NYAN THOS RNAMS DANG RANG SANGS RGYAS RNAMS LA SHES BYA'I SGRIB PA YOD KYANG GNYIS PO DAG GI MAR MI BZHIN DU MYA NGAN LAS 'DAS PA'I 'DU SHES NYID KYIS RNAM PAR BZHAG LA, RDZOGS SANGS RGYAS RNAMS KYI SPRUL PA'I SKU'I BDAG NYID RNAMS NI RNAM PA THAMS CAD DU SHES BYA'I SGRIB PA LNGA SPANGS SHING 'GAGS PA'I MYA NGAN LAS 'DAS PA'O, ,'DIR GNYIS PA BSHAD PA NI GZHAN DU NA GDUL BYA'I NGO BO'I PHYIR RO, ,CHOS DANG LONGS SPYOD RDZOGS PA'I SKU'I NGO BO RNAMS NI SGRIB PA GNYIS PO'I BAG CHAGS DANG BCAS PA'I GNAS SKABS KYI PHUNG PO LNGA 'GAGS NAS SHIN TU RNAM PAR DAG PA'I STONG PA NYID DANG RO GCIG PA'I KUN RDZOB KYI PHUNG PO LNGA'I BDAG NYID CAN PHUNG PO LHAG MA MED PA NYID DU MYA NGAN LAS 'DA' BAR 'GYUR TE, 'DIR RNAM PAR RTOG PA THAMS CAD DE LTAR MYA NGAN LAS 'DAS PA STE RAB TU MI GNAS PAS SO, ,'DZIN ZHES PAS DBYINGS TE, GZHAN GYI DON BYA BA'I RGYU TE, PHUNG PO LHAG MA DANG BCAS PA LAS GZHAN DU 'DI DAG YOD PA MA YIN NO, ,DE NYID KYI NI GZUNGS PA NI, ,SANGS RGYAS YONGS SU MYA NGAN LAS 'DAS ZHES PA STE, 'KHOR BA KUN TU RTAGS PA DANG, MYA NGAN LAS 'DAS PA DAG LA MI GNAS PA DES NA, GO RIMS BZHIN DU KUN NAS NYON MONGS PA CAN GYI CHOS THAMS CAD ZAD NAS, ZAG PA MED PA'I PHUNG PO LNGA PO RNAMS KYI NAM MKHA' JI SRID PAR 'GRO BA'I DON BYED PAS GNAS PA'I PHYIR RO, ,DE LAS BZHENGS PA YANG MA YIN ZHES PA NI THOB PA DANG NYAMS PA LA'O, ,GNAS PA MA YIN LA MI GNAS PA YANG MA YIN PA NI YID KYIS RAB TU MI GNAS PA'I PHYIR DANG, @80A *, ,LANGS PA MIN PA'I PHYIR RO, ,MI MTHUN PAR GNAS PA MA YIN ZHING MI MTHUN PA MED PAR YANG GNAS PA YANG MA YIN PA'I PHYIR NI RAB TU RGYU BA'I SBYOR BAR SNGON BZHIN DU'O, ,YUL MED PA LA DGAG PA MI SRID PAS GNYI GA LA MI MTHUN PAR MI GNAS PA'O, ,LHAG MA NI GO SLA'O ZHES PA NI CHOS KYI MCHOG GO, JI LTAR NA NGES PAR 'BYED PA'I CHA DANG MTHUN PA 'DI RNAMS NYAN THOS THAMS KYI NI, DE LA 'DIR 'PHAGS PA'I LAM LA CHED DU BYED PA BSGOM PA'I PHYIR RO, ,BSE RU'I LAM BSTAN PAR 'DOD NAS GSUNGS PA NI, DE NAS YANG ZHES PA LA SOGS PA STE, GANG YANG KHA CIG GIS GANG NYAN THOS KYI LAM YANG RAB 'BYOR GYIS STON PAR BYED PA LA 'DI NI SHIN TU ZAB STE, JI LTAR GNOD SBYIN RNAMS DANG ZHES PA NI NGES BRJOD PA'O, ,JI LTAR GNOD SBYIN GYI SKAD LA SOGS PA NI DES SMRA BA'I PHYIR RO, ,DE SKAD CES PA NI BSTAN PA LA, LHAG MA NI BSHAD PA STE, SGRA NI DAG GO, ,TSIG NI NGAG GI TSOGS RNAMS SO,SMRAS PA NI, TSIG GI NGAG RNAMS KYIS SO, ,RAB TU BRJOD PA NI NGAG GI TSOGS RNAMS KYIS SO, ,'CHAD PA NI GDAMS PA'O, ,BRJOD PA NI RJES SU BSTAN PA'O, ,'DI YANG GO SKABS THOB PA'I PHYIR SLO LA GNAS PA'I BSE RU'I YE SHES KYIS MCHOG TU BRTAGS PAR BYAS PA'O, ,SHES PAR MI RUNG BA NI GZHAN LAS TE, TSIG GNYIS KYIS KUN TU BRTAGS PA'I PHYIR 'DIR DE RNAMS LAS GZHAN GYI NYE BAR BSTAN PA'I DON MED DO, ,'DIR ZHES PA NI PHUNG PO DANG, KHAMS DANG, SKYE MCHED LA SOGS PA'O, ,CHOS GANG YANG SMOS PAR MA BYAS PAR NI BSTAN PAR RO, ,THOS BA MED PA NI RNA BAS TE, CHOS RNAMS THAMS CAD NGO BO NYID MED PA'I PHYIR TE, DPER NA SPRUL PA'I SANGS RGYAS KYIS SPRUL PA'I 'KHOR RNAMS LA CHOS RTON PAR BYED PA'I STON PA PO BSTAN PA DANG, 'KHOR SRID PA'O, ,GSAL BA NI ZAB MO'O, , GZENGS BSTOD PA NI GNYIS BRJOD PA'O, ,'PHAGS PA MIN PA'I SPYOD YUL MA YIN PA NYID KYIS NI RING BA'O, ,SPROS PA MED PA'I PHYIR PHRA BA'O, GTING DPOGS PAR DKA' BA'I PHYIR NA ZAB BA'O, ,NYAN THOS KYI MA LAS CHES RING BA DANG, CHES PHRA BA DANG, CHES ZAB PA'I YE SHES LA RAB TU @80B 'JUG PA'I SEMS PAS SO, STON PAR BYED CING NI GZHUNG NGO, ,'CHAD PA NI DON NO, ,DE LTA BAS NA 'DIR MED CES PA LA SOGS PAS NI GTING DPAG DKA' BA'I PHYIR TE, YE SHES ZAB PA STON TO, ,'DIR BSTAN BCOS LAS, GZHAN GYIS BSTAN YANG MI DGOS LA, ,RANG 'BYUNG RANG GIS RTOGS PA'I PHYIR, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES PA STE, GANG DU GZHAN DAG GIS BSTAN PA'I DON MED DE SRID PAR SBYOR BA LAS RAB 'BYUNG BA NYID LA, DE RNAMS KYIS RANG GI MNGON DU PHYOGS PAS BSGOM BYA MNGON BAR RTOGS PAS SO, ,BSE RU RNAMS KYIS GZHAN GYI DON GYI BYA BA JI LTA BU ZHE NA, 'DOD PA TZAM GYIS DON GRUB LA JI LTAR DE RNAMS LA THOS PA NI LEGS PAR MNYAN PA TZAM GYIS TE, GANG DU BSTAN BCOS LAS, ,GANG GANG DON NI GANG GANG LA, ,JI LTA JI LTAR NYAN DE DANG, ,DE LA SGRA MED KYANG DON TE, ,DE NI DE LTA DE LTAR SNANG, ,ZHES PA STE, GDUL BAR BYA BA GANG DANG GANG GI DON GANG DANG GANG LA STE, NGES PAR 'BYED PA'I CHA DANG MTHUN PA RNAMS SAM, 'PHAGS PA'I LAM LA'O, ,DE NAS YANG TSE DANG LDAN PA ZHES PA LA SOGS PA STE, BZOD PA 'DI LAM BSTEN PAR, ,ZHES PA NI DE LTA BU NI 'DIR MED CES PA LA SOGS PA BSHAD DE, GZUNG BA MED PA'I SHES PAS THOB BYA THOS PA MED CES PA'I DON TO, ,DE BZHIN DU SBYAR TE ZHES PA NI MDOR BSDUS NAS GSUM KA'I 'BRAS BU YANG BZOD PA 'DI LAM BRTEN PAR ZHES PA DANG 'BREL BAR BYA'O ZHES PA'I DON TO, ,'DIR YANG NYAN THOS RNAMS KYIS KYANG RANG GI SHES PA DANG, DE BZHIN GSHEGS PA RNAMS KYIS KYANG BLANG BAR BYA BA LA SHIN TU MYUR BAR BSE RU RNAMS KYIS RTOGS PAR BYA BA ZHES PA LA DGONGS PA NI DE LTAR BSE RU RNAMS KYIS BZUNG BA'I RNAM PAR RTOG PA SPONG PA'O, ,SNGAGS LA SOGS PA'I MTHUS SO SOR RNANG BAR BYAD PA'I SGYU MA'I SKYES BU DANG RDZU 'PHRUL SPRUL NAS BSTAN PA DANG DE DANG 'DRA BA'O, ,SGYU MA DANG GNYIS SU MED CES PA NI KUN RDZOB KYI NGO BO NYID KHO NA SGYU MA NYID DU SEMS PA'O, ,RAB 'BYOR GYIS KUN RDZOB KYI KHYAD PAR DANG, SGYU MA DANG RMI LAM DE DAG 'DRA BAS KUN RDZOB NYID KHO NA'O, ,DE'I PHYIR NA SGYU MA DANG SEMS CAN DANG @81A *, ,GZHAN MA YIN PA'I DNGOS PO RNAMS KYANG MED DE, RTEN CING 'BREL PAR 'BYUNG BA'I PHYIR RO, ,DON DAM PAR NI YOD PA DANG MED PA'I KHYAD PAR MED PA'I PHYIR LA, RIGS PAS NI SEMS CAN LA SOGS PA YANG SGYU MA DANG, BDAG NYID GCIG PA NYID DO ZHES PA LA DGONGS PA'O, ,YANG DAG PAR RDZOGS PA'I SANGS RGYAS NI GZUGS KYI SKU STE, YANG DAG PAR RDZOGS PA'I BYANG CHUB NYID RTOGS PA'I BDAG NYID CHOS KYI SKU NI MYA NGAN LAS 'DAS PA SPROS PA MED PA'I RANG BZHIN GYI SKU ZHES KHAS BLANGS NAS BRJOD KYI, MYA NGAN LAS 'DAS PA LAS KHYAD PAR DU GYUR PA NI YOD PA MA YIN NO, ,SO SOR 'DOD PAR BYED CES PA NI YID CHES PAR BYED PA LA DE RNAMS MED PA NI YID CHES PA PO STE, SEMS CAN RNAMS DON DAM PAR MED PA'I PHYIR RO, ,PHYIR MI LDOG PA NI RANG GI NGES PAR 'BYED PA'I CHA DANG MTHUN PAR RTOGS PA'I RANG RGYAL GYI BYANG CHUB LA'O, ,DE LA MNGON PAR RANG GI BYANG CHUB LA STE, 'DIR RANG GI BYANG CHUB PO, ,'DOD PAS NI BYANG CHUB SEMS DPA' LA LUS KYI SEMS CAN GYI DON BYED PA LA MOS PAS SEMS DPA' CHEN PO'O, ,LTA BA PHUN SUM TSOGS PAS NI SHES RAB 'BRING POS SO, ,DGRA BCOM PAS NI RANG GI MTHONG BA'I LAM GYI SGRIB PA SPANGS PA'I PHYIR NA MCHOD 'OS SO, ,SMRAS PA STE SNANG BAR MA BYAS PAS NI BSTAN PAS SO, ,YONGS SU GSAL BA NI GSAL BAR RO, ,BRTAGS PA NI NYAN PA PO DANG STON PA PO RNAMS KYIS THA SNYAD DU BYED PA'O, ,DE'I PHYIR RNAM PA THAMS CAD DU DON DAM PAR MED PA LA SEMS CAN KUN RDZOB TU NI NANG GI BDAG NYID CAN KHO NA'I PHUNG PO LA SOGS PA LA SEMS CAN DU BTAGS PA 'BA' ZHIG LA, DES SEMS CAN DU BTAGS PA LA BRTEN NAS PHUNG PO LA SOGS PA LA 'DZIN PA PO'I 'DI RNAMS YOD CES PA DE BSE RU RNAMS KYI 'DZIN PA'I RNAM PAR RTOG PA MA SPANGS PA'O, ,DE NAS ZHES PA LA SOGS PA NI BSE RU RNAMS KYI RIGS GSUNGS TE, 'DIR CHOS KYI RNAM GRANGS NI CHOS KYI DBYE BA STE BSE RU'I LAM LA'O, ,YANG GI SGRA TSIG GI RGYAN LA, RAB 'BYOR ZHES BYA BA NI CHOS STON PA PO LA MCHOD PAS CHOS LA MCHOD PA'I PHYIR NA'O, ,BRGYA BYIN LA ZHES PA NI BRGYA BYIN LA STE, 'CHAD PAR GYUR PA 'DI RNAMS SU RNAM PAR RTOG STE, ME TOG CES PA NI DRI MA MED PA NYID KYIS @81B ME TOG DANG CHOS MTHUN PA STE BSE RU'I LAM GYIS BSDUS PA'I DGE BA'I RTZA BA'O, ,LHA RNAMS SU MA MTHONG BA NI ZAG PA MED PA NYID KYIS KHAMS LAS BYUNG BA NYID CES PA LA DGONGS PA'O, ,MNGON PAR GTOR BA NI 'KHOR LA SPRUL PA'I ME TOG RNAMS GSAL BAR BYAS PA'O, ,YID LAS BYUNG ZHES PA NI NYE BAR BSDUS PA STE, YID KYI SPRUL PA ZHES PA'I DON TO, ,MA SKYES PA NI YID LAS BYUNG BA YANG DAG PA STE, DON DAM PAR SKYE BA MED PA'I PHYIR RO, ,JI LTAR YANG GZUNG BYA SHING LA SOGS PA RNAMS LA, YOD PA MA YIN ZHES PA NI DE RNAMS LAS SKYES PA MA YIN PA'O, ,DE LTAR YID LA YANG STE, 'DZIN PA PO LA YANG SKYES PA YOD PA MA YIN PA STE, GANG YANG SKYES PA DE NI MA YIN ZHES PA NI BSE RU'I LAM GYI RTEN DU GYUR PA MA YIN ZHES PA LA DGONGS PA STE, DE LTAR GZHAN DU KHYAD PAR MED PAR SKYES PAS SKYES PA STE, RIGS MTHUN PA'O ZHES PA'I DON TO, ,'DIS BSE RUS GZUNG BA'I DON GYI RNAM PAR RTOG PA SPANGS PAS RIGS MTHUN PA'I CHOS KYI DBYINGS NI DE LTAR BSE RU'I LAM GYI RTEN GYI RIGS LA, NYAN THOS KYI CHOS KYI DBYINGS LAS SKYES PAS RIGS MTHUN PA'I BSE RU'I LAM GYI RTEN NI MA YIN TE, GSUNGS PA, RTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES PA STE, 'DIR BSTAN BCOS LAS, GZUNG BA'I RTOG PA NYAMS PHYIR DANG, ,'DZIN PA MA SPANGS PHYIR DANG NI, ,RTEN GYI BSE RU LTA BU'I LAM, ,YANG DAG BSDUS PAR SHES PAR BYA, ,ZHES PA STE, JI SKAD DU BSHAD PA'I NYAN THOS KYI LAM DANG 'DI GNYIS NI SPONG BA'I RTEN GYI KHYAD PAR DAG GIS RANG SANGS RGYAS KYI LAM MO ZHES PA'I DON TO, ,NGES PAR 'BYED PA'I CHA DANG MTHUN PA BSTAN PAR 'DOD NAS GSUNGS PA NI, DE NAS ZHES PA LA SOGS PA STE, MING GI TSOGS RNAMS SO, ,BTAGS PA NI THA SNYAD DE, DE LTAR YANG GZUGS LA SOGS PA NI BTAGS PA TZAM NYID LA, BTAGS PA TZAM GYI CHOS NYID DU 'DIR NYE BAR STON PAR 'GYUR RO ZHES PA NI DROD DO, ,GANG ZHIG TSAD MED PA RNAMS LA ZHES PA LA SOGS PA NI JI LTAR SLOB PAR MI 'GYUR TE DMIGS PA MED PAS ZHES PA NI RTZE MO'O, ,GANG ZHIG GZUGS 'PHEL ZHES PA LA SOGS PA STE, 'DIR @82A *, ,GZUGS LA SOGS PA LA YONGS SU GZUNG BA MED PAR RIGS PA NI BCOM LDAN 'DAS MA YUM CHEN MO LAS NANG STONG PA NYID LA ZHES PA NAS JI SRID DU DNGOS PO MED PA'I NGO BO NYID STONG PA NYID DU NYE BAR GZUNG STE ZHES PA NI BZOD PA'O, ,DE NAS YANG TSE DANG LDAN PA ZHES PA LA SOGS PAS NI CHOS KYI MCHOG GO, ,DE LTAR ZHES PA NI BLO LA GNAS PA GSAL BAS MCHOG TU BRTAGS PA'O, ,BCOM LDAN 'DAS MA YUM CHEN MO LAS GANG ZHIG GSUNGS TE, DE LTAR YANG GZUGS SKYE BA YANG DAG PAR RJES SU MI MTHONG, 'GAG PAR YANG MA YIN, YONGS SU GZUNG BAR YANG MA YIN, NUB PAR YANG MA YIN ZHES PA STE, 'DIR BSTAN BCOS LAS, BTAGS PA DANG NI MI 'GAL BAS, ,CHOS NYID STON PAS DROR GYUR PA, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,NANG STONG NYID LA SOGS PA YI, ,GZUGS SOGS MI 'DZIN PHYIR BZOD PA, ,GZUGS SOGS SKYE BA MED SOGS KYIS, ,RNAM PA RNAMS KYI CHOS KYI MCHOG ,CES TE, RTZE MOR SON PA DANG RTZE MOR SON PAR GYUR PA DANG, RTZE MOR RTOG PA DANG, RTZE MO'I GNAS SKABS ZHES PA'I DON GZHAN MA YIN NO, ,DE BZHIN DU JI SRID DU CHOS MCHOG BDE BAR RO ZHES GSUNGS PA NI RANG SANGS RGYAS KYI LAM MO, ,BYANG CHUB SEMS DPA'I LAM GYI DBANG DU BYAS PA NI, BSTAN BCOS LAS, BDEN DANG BDEN LA BZOD PA DANG, ,SHES PA'I SKAD CIG RNAM BZHI NI, ,LAM SHES NYID LAS MTHONG BA'I LAM, ,PHAN YON BCAS PA 'DI BSHAD DO, ,ZHES TE, BDEN PA RE RE LA BZOD PA GNYIS DANG SHES PA GNYIS TE, 'DIR 'JIG RTEN PA'I CHOS KYI MCHOG GI BAR CHAD MED PA'I TING NGE 'DZIN GYI SBYOR BA'I LAM GANG GIS NYON MONGS PA RAB TU SPONG LA, DE'I RJES LA DMIGS PA MED PA'I TING NGE 'DZIN MTHONG BA'I LAM MO ZHES THEG PA CHEN PO'I CHOS MNGON PA KUN LAS BTUS PAR BSHAD LA, RNAM PAR GROL BA DANG BAR CHAD MED PA'I LAM GYI BDAG NYID CAN GYI MI SKYE BA'I CHOS LA BZOD PA'I NGO BO LAS SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA DANG, SDUG BSNGAL LA RJES SU SHES PA'I @82B BZOD PA DANG, SDUG BSNGAL LA RJES SU SHES PA'O, ,DE BZHIN DU KUN 'BYUNG BA DANG, 'GOG PA DANG, LAM LA STE, DA LTAR BYUNG BA'I DE LTAR PHUNG PO LNGA NI SNGON GYI NYON MONGS PA DANG BCAS PA'I PHUNG PO LNGA'I BDAG NYID CAN GYI KUN 'BYUNG GI DBANG GIS 'KHOR BA'I PHYIR SDUG BSNGAL LO,, BSGOM PA'I LAM GYIS SPANG BAR BYA BA NYON MONGS PA DANG LDAN PAS PHYI MA'I SDUG BSNGAL BA'I RGYUR GYUR PA'I PHYIR KUN 'BYUNG BA'O, ,'DUN PA'I SEMS BSKYED PA NAS BRTZAMS TE, LAM BSGOMS PAS DE KHO NA NYID RTOGS PAR GYUR NAS SNGON DU MTHONG BA'I LAM GYIS SPANG BAR BYA BA'I NYON MONGS PA STE; DE YANG KUN 'BYUNG DANG DES BYAS PA'I SDUG BSNGAL NYID 'DI 'GAG PAR 'GYUR ZHES PA LA 'GOG PA'O, ,DE NYID NI BSGOM PA'I LAM GYIS SPANG BYA'I NYON MONGS PAS BYAS PA'I SDUG BSNGAL GYI DE KHO NA NYID DU YOD PA NYID LA, PHYIS RTOGS PA RDZOGS PA'I PHYIR STONG PA NYID DANG RO GCIG PAS SGOM PAR BYED PA'I PHYIR NA LAM LA, DE NYID KYI NI SGOM PA PO RNAM PAR SHES PA GTZO BO BAS NA LAM ZHES BRJOD LA, DE LTAR DE'I BDEN PA BZHI PO'I BDAG NYID CAN GYI RTEN CING 'BREL PAR 'BYUNG BA'I NGO BO NYID MED PA NYID KYI RNAM PA NI THAMS CAD DU DE KHO NA NYID DU DE LTAR CHA SHAS MED PAS DUS GCIG NYID KYIS YONGS SU CHAD PAR 'GYUR LA, 'DZIN STONGS KYI KHYAD PAR DE BZHIN DU GSAL BAR 'GYUR BAS RNAM PA MTHA' DAG MNGON SUM DU BYED DE GANG DU RIGS MI MTHUN PA'I RNAM PAR RTOG PA DANG NI MA 'DRES LA, MNGON PAR 'DOD PA'I RNAM PAR RTOG PA RNAMS KYANG CIG CAR MI SRID PA'I PHYIR NA RIM GYIS 'GYUR TE, DPER NA SNGON PO BSKYOD PA CAN LA SOGS PA'I KHYAD PAR LA SKYE BOS AUTPALA MTHONG LA DE BZHIN DU GZHAN DANG GZHAN MA YIN PA SKAD CIG LA GZHAN DANG GZHAN MA YIN PA RNAMS SU MYONG BAS MNGON SUM DU BYED PA LA RNAM PAR RTOG PA NI JI LTAR MNGON PAR 'DOD PA LA RAB TU 'JUG CING 'DZIN NAS RJES SU MTSAMS SBYOR BA'I NGO BO RNAMS TE, RNAM PA KUN GYI NGO BO 'DZIN PA NYID YIN KYANG RNAM PAR SHES PA'I 'GOG PA GSAL BA LA SOGS PA GANG ZHIG SGRO BTAGS PA'I RNAM PAR BZLOG PAR NUS LA, DE NYID KYIS SGRO BTAGS PA LOG PA'I CHED DANG RJES SU 'BREL BA'I @83A *, ,SGRIB PA SPANG BA NI TSAD MA LAS GZHAN MED PAS DE LTAR MI SKYE BA'I CHOS LA BZOD PA'I NGO BO'I SDUG BSNGAL LA CHOS SHES PA'I BZOD PA'I SKAD CIG MA LAS GZHAN PA'I ZHA NYE DKAR PO LA DNGUL BZHIN DU 'KHRUL PA'I RGYU MTSAN GYIS SGRO BTAGS PA'I RNAM PA PHYIN CI LOG PAR RAB TU SKYE BA'I NYON MONGS PA DRUNGS 'BYIN PA PO NYID KYI SDUG BSNGAL LA CHOS SHES PA LA SOGS PA'I SKAD CIG BCO LNGA ZHES PA DANG, SKAD CIG BCU DRUG PAS MTHONG BA'I LAM RAB TU DGA' BA'I SA'I DNGOS PO STE, DES ZHUGS PA PO LA SOGS PA'I RNAM PAR GZHAG PA NYID LA GANG DU SENG GE BZANG POS SA'I TSOGS SU RAB TU DGA' BA'I SA SKAD CIG MA DANG PO NI MTHONG BA'I LAM LA DE LAS GZHAN PA SNGA MA DE MA THAG PA'I SKAD CIG MA NAS BRTZAMS PA'I GNYIS PA LA SOGS PA'I SKAD CIG MA RNAMS NI JI SRID DU SANGS RGYAS KYI SA'I BAR GYI BSGOM PA'I LAM DU BSHAD DE, DE LA YANG 'DOD CHAGS DANG, KHONG KHRO DANG, NGA RGYAL DANG, MA RIG PA DANG, 'JIG TSOGS LA LTA BA DANG, MTHAR 'DZIN PAR LTA BA'I 'DOD PA NA SPYOD PA DRUG DANG, GZUGS DANG GZUGS MED PA NA SPYOD PA DE LTAR ZHE SDANG SPANGS PAS BCU ZHES PA STE, DE LTAR BCU DRUG RAB TU SPONG BAR 'GYUR ZHES PA DANG, LAM SHES PAR NI MTHONG BA'I LAM DU RNAM PAR BSHAD DE, BYANG CHUB SEMS DPA' RNAMS KYI MTHONG BA'I LAM SKAD CIG MA BCU DRUG PA'I MTHONG BA'I LAM DE LA BRGYAD PA LA SOGS PAR RNAM PAR GZHAG CES PA YANG BSHAD DE, DE LA 'DIS NI SNGA MA DANG PHYI MA 'GAL BAR YANG MA SHES PA NYID DO, ,DE NAS GNYIS PA LA SOGS PA'I SKAD CIG BCO LNGA PO RNAMS KYANG BSGOM PA'I BDAG NYID CAN GYIS NI BSGOM PA'I LAM NI ZHES BRJOD PA TZAM NA NI DE LTAR NA NI DRI MA MED PA LA SOGS PA'I SA'I RANG BZHIN NYID BSGOM PA'I LAM LA DES SPANG BAR BYA BA'I BAG LA NYAL SPANGS PA LA LAN CIG MA YIN PAS SO SOR BSGRUBS PAS SKAD CIG MA BCO LNGA PO RNAMS LA JI LTAR RIGS ZHES PA'I TSUL NGAN PA MANG PO LA DON MED KYANG SEMS KYI SKAD CIG NYI SHU RTZA GNYIS PO'I SEMS BSKYED PA'I DBYE BA RNAMS KYANG KUN TU THA SNYAD PA STE, DUS KYI KHYAD PAR GYIS 'BRAS BU YONGS SU RDZOGS PA'I MTSAN NYID CAN GYI SHES BYA LA SHES @83B PA YONGS SU RDZOGS PA LA JI SRID DU RIG PAR BYA STE, DPER NA MI KHOM PA BRGYAD LA SOGS PA'I SKAD CIG BZHIN NO, ,DE LA NYON MONGS PA SPONG BA'I BAR CHAD MED PA'I LAM GYI BDAG NYID CAN DU GZHAN BRGYAD PO RNAMS LA SDUG BSNGAL LA SOGS PA MTHONG BA NI BZOD PAR BRJOD LA, 'DIR RJES SU SHES PA'I BZOD PAS NI KHAMS GSUM PA'I CHOS RNAMS LA BRJOD DU MED PA NYID DU SO SOR RIG PAR 'GYUR BA'I SKAD CIG MA GNYIS PA THOB PAS SHES RAB TU 'GYUR NAS SNGON DU 'DOD PA'I KHAMS LA SHES RAB MED NAS DER LTUNG BA RNAMS KYI CHOS RNAMS LA NGO BO NYID MED PAR SO SOR RIG PAR 'GYUR LA, 'DIR DE DANG MNYAM PA DANG DE'I RGYUN GYIS DE'I RJES SU BZOD PAR GYUR BA LA NI RJES SU SHES PA'I BZOD PA ZHES BRJOD DE, RNAM PAR GROL BA'I LAM GYI NGO BO DES NI NYON MONGS PA DANG BRAL BAR BYAS PA LA MNGON SUM DU BYED PA'I RJES SU CHOS SHES PA BRGYAD DO, , DE DANG LHAN CIG SPYOD PA'I YANG BRGYAD PO NI NGES PAR SHES PAS NA GZHAN DU NYE BAR BRTAGS NAS RJES SU CHOS SHES PAR GZHAN DU BRJOD LA, 'DI'I GNAS SKABS SU NI SNANG BA DANG DMIGS PA DAG GI KHO NA'I MNGON SUM DU BYED PA RNAM PAR GZHAG PA'O, ,'DIR BZOD PA'I RJES SU NYON MONGS PA LAS RNAM PAR GROL BAS MNGON SUM DU BYAS PA'I SHES PA DANG LHAN CIG SPYOD PA NYID KYIS BZOD PA LA RTOG PA'I SHES PA LA YANG GZHAN DU MNGON SUM DU BYED PAR BRJOD DO, ,DE NYID KYIS NYE BAR MTSON PA NYID KYIS NA GANG GIS RJES SU SHES PA'I BZOD PA LA KUN TU RTOG PAR BYED PA DE LA SDUG BSNGAL LA RJES SU SHES PA ZHES CHOS MNGON PA KUN LAS BTUS PAR BSHAD DO, ,LAM LA RJES SU SHES PAS NI MA MTHONG BA MTHONG BA MED PAS MTHONG BA'I LAM MA YIN PA NYID CES 'DOD NA BZOD PA LA RTOG PA'I SHES PA GZHAN RNAMS KYANG MTHONG BA'I LAM MA YIN PA NYID DU THAL BAR 'GYUR RO, ,DE LA CHOS SHES PA'I BZOD PA BZHI POS NI 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM DANG, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA DANG, MCHOG TU 'DZIN PA DANG, TSUL KHRIMS DANG, @84A *, ,BRTUL ZHUGS MCHOG TU 'DZIN PA RNAMS 'DOD PA'I KHAMS PA LA SO SOR BCU ZHES PAS BZHI BCU LA, RJES SU SHES PA'I BZOD PA BZHI PO LA NI DE NYID LA KHONG KHRO BA SPANGS PAS BSAM GTAN BZHI DANG GZUGS MED BZHIR SON PA'I LA BDUN CU RTZA GNYIS ZHES PA DANG, NYON MONGS PA BRGYA RTZA BCU GNYIS KYI MTHONG BAS SPANG BAR BYA BA SPONG BAR 'GYUR RO, ,DE LA 'DOD CHAGS NI BAG LA NYAL GYIS ZHEN PA'O, ,KHONG KHRO BA NI ZHE SDANG NGO, ,YANG DAG PA'AM YANG DAG PA MA YIN PA'I KHYAD PAR GYIS SEMS KYI GZENGS BSTOD PA NI NGA RGYAL LO, , RTAG PA LA SOGS PAR NANG DU SGRO BTAGS NAS DE LA MCHOG NYID DU MNGON PAR ZHEN PA NI LTA BA MCHOG TU 'DZIN PA'O, ,DE NYID LA RNAM PAR GROL BA'I LAM NYID DU MNGON PAR ZHEN PA NI TSUL KHRIMS DANG BRTUL ZHUGS MCHOG TU 'DZIN PA STE, LHAG MA NI BSHAD ZIN TO, ,'JIG TSOGS LA LTA BA NI MDO SDE TSANGS PA'I DRA BA NAS BSHAD PA'I LTA BA DRUG CU RTZA GNYIS NANG DU 'DUS PA CAN TE, DE YANG 'DIR 'JIG TSOGS LA LTA BA NI GZHAN GYI GRUB PA'I MTHA' MAN NGAG GIS BDAG TU 'DZIN PA DE RAB TU SPONG BAR 'GYUR LA, LHAN CIG SKYES PA'I 'JIG TSOGS LA LTA BA NI RING MO NAS 'JUG PA'I PHYIR BSGOM PA'I LAM DE NYID KYIS RAB TU SPONG STE, LHAN CIG SKYES PA NI SEMS CAN DU LTA BA'I BAG CHAGS THOG MA MED PA NAS KYI STOBS KYIS BYUNG BAR GYUR PA 'DI RNAMS LA BDAG GI'O ZHES PA'I BLO NI RIM GYIS NYON MONGS PA MTHA' DAG DANG 'GAL BA'I CHOS THAMS CAD STONG PA NYID DU MTHONG NAS YANG NYON MONGS PA 'BYUNG BA MED DE, GANG YANG, SEMS KYI RANG BZHIN 'OD GSAL 'DIR, ,GLO BUR BA YI DRI MA RNAMS, ,DE YI SNGA NAS NUS MED NA, ,PHYIS NI NUB PA GANG NAS BYUNG STE, DE NYID KYIS NA BDAG DE'I TSE DE'I DUS SU RI DAGS KYI RGYAL PO SMOD MED LUS ZHES BYA BAR GYUR ZHES PA LA SOGS PA BCOM LDAN 'DAS KYIS GSUNGS PA NI SNGON GYI SMON LAM GYI SHUGS KYIS ZHES PA STE, RGYAS PAR DGOS PA MED DO, ,'DIR MTHONG BA'I LAM LA 'JIG RTEN PA'I NGES PAR 'BYED PA'I CHA DANG MTHUN PA RNAMS SU MNGON DU GYUR PA DAG CES GSUNGS KYANG, BCOM LDAN @84B 'DAS LA 'DZIN PA YOD PA RNAMS KYIS GZUNG BA DANG 'DZIN PA'I RNAM PAR RTOG PA BZHIR PHYE BA RNAMS KYIS RNAM PAR RTOG PA NYID KYIS PHYIN CI LOG PA'I PHYIR DANG, DNGOS PO DANG DNGOS PO MED PA LA SOGS PA LA MNGON PAR ZHEN PA'I NGO BO NI PHYIN CI LOG PAS BSKYED PA'I PHYIR LA, DE YANG MA RIG PA'I NANG DU 'DUS PAS MA RIG PA SPANGS PAS DE LTAR SPANG STE, DE LTAR YANG MDO SDE RGYAN LAS NGES PAR 'BYED PA'I CHA DANG MTHUN PA RNAMS LAS GZHAN PA'I MTHONG BA'I LAM GYI GNAS SKABS NI GNYIS LAS GROL BA'I SHES PA GZUNG BA DANG 'DZIN PA LA SBYOR BA DANG BRAL BA'I PHYIR DANG, RNAM PAR RTOG PA MED PAS GZUNG BA DANG 'DZIN PA'I RNAM PAR RTOG PA LA MI SBYOR BA'I PHYIR DANG DRI MA DANG LDAN PA'I MTHONG BAS SPANG PAR BYA BA'I NYON MONGS PA SPANGS PA'I PHYIR ZAG PA DANG BCAS PA GNAS GZHAN DU MI 'JUG PAS DE LTAR 'DIR SA DANG POR 'DOD DO ZHES BSHAD LA, 'PHAGS PA RNAM PAR GROL SDES KYANG GZUNG BA DANG 'DZIN PA'I RNAM PAR RTOG PA BZHI PA RNAMS KYI GNYEN PO NI MTHONG BA'I LAM ZHES SO, ,DE'I PHYIR NA SENG GE BZANG POS SNGON DU BSTAN PA BZHI PO'I NGES PAR 'BYED PA'I CHA DANG MTHUN PA RNAMS NAS CI RIGS PAR MNGON DU RGYU BA'I GZUNG PA DANG 'DZIN PA'I RNAM PAR RTOG PA RNAMS NI KHYAD PAR GYI LAM GYI RTZE MO'I MNGON PAR RTOGS PAS BSDUS PA'I MTHONG BA DANG BSGOM PA'I LAM BDAG NYID KYIS SPANG BAR BYA'O ZHES BSHAD PA NI 'THAD PA MA YIN PAS 'DI RNAMS SU NI BAG CHAGS 'DI LTAR RAB TU SPONG BAR 'GYUR BA DAG GO ZHES PA'I 'THAD PA DANG BCAS PA BSHAD PAR BYA STE, 'DI RNAMS KYI SKAD CIG MA BCU DRUG PA RNAMS KYI KHYAD PAR GYI MTSAN NYID LA TSIGS SU BCAD PA LNGA STE, DE BZHIN NYID DANG SANGS RGYAS DAG ,PHAN TSUN RTEN LA BRTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MED NYID DANG BCAS, ,DPAG MED MTHA' GNYIS MED PA DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS PA SOGS DANG STONG NYID DANG, ,SANGS RGYAS NYID NI THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, , @85A *, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYI SRUNG LA SOGS, ,SROG MI GCOD PA LA BRTZAMS PA'I, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB TU BSNGO BA, ,LAM SHES NYID KYIS SKAD CIG MA, ,ZHES TE, GZUGS LA SOGS PA ZHES PA NI SKAD CIG MA BRGYAD PA RNAMS KYIS SNGON GYI LA SOGS PA DANG 'BREL PAR 'GYUR TE, GZUGS LA SOGS PA NYID DU SDUG BSNGAL BA DANG, KUN 'BYUNG BA'I PHYIR SKAD CIG MA BRGYAD PA LA BYAMS PA LA SOGS PA'I GZUGS SU MTHONG BAS DE LA DMIGS PA STE, GZUGS LA SOGS PA NYID NI SEMS CAN DU BSHAD DE, 'PHAGS PA STONG PHRAG NYI SHU LNGA PA LAS GSUNGS PA, GZUGS LA SOGS PA'I DE BZHIN NYID LA YANG DE BZHIN GSHEGS PA MED LA, DE BZHIN GSHEGS PA YANG GZUGS LA SOGS PA'I DE BZHIN NYID MED CES, GZUGS LA SOGS PA RNAMS KYI DE BZHIN NYID KYI NGO BO NYID MED PA NYID DE BZHIN GSHEGS PA LA 'DIR SEMS CAN RNAMS NI DE BZHIN NYID KHO NA JI LTA BA DE BZHIN GSHEGS PA'I SNYING PO CAN TE, 'DIR PHAN TSUN DU RTEN DANG BRTEN PA'I DNGOS POR NI YOD PA MA YIN NO, ,RNAM GRANGS NI THA DAD PA LA KHAS MI LEN PA NI THA DAD PAR KHAS MI LEN ZHES PA'I DON TE, GZUGS KYI DE BZHIN NYID LAS GZHAN DU YANG DE BZHIN GSHEGS PA MED LA, DE BZHIN GSHEGS PA LAS GZHAN DU YANG GZUGS KYI DE BZHIN NYID MED CES RNAM GRANGS KYIS TE, BYE BRAG GZHAN GYIS KHAS MI LEN CING THA DAD PA MED CES PAS THA DAD PA DANG THA MI DAD PA NYE BAR DMIGS SU MED PA GSUNGS LA, DE'I RJES LA DER YANG GSUNGS TE, GZUGS LA SOGS PAR YANG SHES RAB KYI PHA ROL TU PHYIN PA MA YIN LA GZUGS LA SOGS PA LAS GZHAN DU YANG SHES RAB KYI PHA ROL TU PHYIN PA MED CES PAS DE BZHIN NYID RJES SU RTOG PA NYID SHES RAB KYI PHA ROL TU PHYIN PA STE, 'DI NYID KYIS NA THA DAD PA DANG, THA MI DAD PA NYE BAR DMIGS PA GSUNGS LA, BCOM LDAN 'DAS MA 'DIR NI MDOR BSDUS NAS GSUNGS BA'I DANG PO'I SKAD CIG GI GNAS SKABS NI DE @85B NAS YANG LHA'I DBANG PO BRGYA BYIN ZHES PA LA SOGS PA STE, LE'U BSTAN PA LAS SHES RAB KYI PHA ROL TU PHYIN PA GZUGS LA SOGS PA LAS DON DAM PAR THA DAD PA YANG MA YIN LA, THA MI DAD PA YANG MA YIN TE, DE LTAR YANG GANG SHES RAB KYI PHA ROL TU PHYIN PA DANG, GANG GZUGS LA SOGS PA DANG, GANG YANG GZUGS LA SOGS PA'I DE BZHIN NYIS DANG, GANG YANG TSOL BA'I CHOS 'DI RNAMS THAMS CAD NI DON DAM PAR NGO BO NYID MED PA'I PHYIR LA THA DAD PA DANG THA MI DAD PA DAG NI DNGOS PO'I CHOS KYI PHYIR ZHES PA'I SDUG BSNGAL DANG SDUG BSNGAL GYI MTSAN NYID MI DMIGS PA NI SDUG BSNGAL LA CHOS SHES PA'I BZOD PA'O, ,BRGYA BYIN GYIS CHEN PO LA SOGS PA NI MDOR BSTAN PA YIN LA, RAB 'BYOR GYIS BSTOD PA DANG BCAS PAS RJES SU RTZOM PA NI RGYAS PAR BSHAD PA'O, ,DE LA GZUGS LA SOGS PA RNAMS LAS CHEN PO MED CES PA NYID DU YONGS SU MI GCOD PA'I PHYIR RAM, CHOS KYI DBYINGS KYI RANG BZHIN GYIS NA CHEN PO LA, DE LA DMIGS PA'I PHYIR SHES RAB KYI PHA ROL TU PHYIN PA LA YANG CHEN PO NYID CES PA NI SDUG BSNGAL LA CHOS SHES PA'O, ,PHA ROL TU PHYIN PA CHEN PO LA SOGS PA'I SHES PA 'DI RNAMS KYI CHOS KYI DBYINGS DANG RO GCIG PAS MNGON PAR ZHEN PA MED PAR BLTA BAR BYAS PAS MNGON PAR ZHEN PA MED PA ZHES BSHAD DE, GZUGS LA SOGS PA RNAMS NAM MKHA' LTA BU'I STONG IPA NYID PAS GANG YANG TSAD KYIS YONGS SU MCHOD PAS TSAD MED CES PA NI SDUG BSNGAL LA RJES SU SHES PA'I BZOD PA'O, ,GZUGS LA SOGS PA RNAMS LA GRANGS KYIS YONGS SU MA CHOD PAS GZHAL DU MED CES PA NI SDUG BSNGAL LA RJES SU SHES PA'I BZOD PA'O, ,MTHA' NYID NI MTHA' LA GZUGS LA SOGS PA RNAMS LA MTHA' MED PA NYID DE YUL GYIS YONGS SU MCHOD PA DANG, RTZOM PA MTHA' MED DE, RTZOM PA'I CHOS DE RNAMS THAMS CAD LA MTHA' YOD PA MA YIN PA LA BGRANG BA LAS SHIN TU 'DAS PA'I PHYIR DANG, MED PA NYID KYIS NA SKYE BA DANG 'JIG PA'I MTHA' DAG MED PA'I PHYIR RO, ,DE'I PHYIR NA DBUS GNAS PA MED LA SEMS CAN LA DMIGS PA GNYI GA LA YANG BDAG MED PA'I SHES PA LA DE YANG MTHA' MED KYI, CUNG @86A *, ,ZHIG BGRANG BA DANG LHAN CIG SBYOR BAS MED PA'I BGRANG BA LAS SHIN TU 'DAS PA NYID KYIS NA MED PA MA YIN LA, MI BRJOD PA NI GRANGS MED PA'O, ,CHOS KYI TSIG BLA DGAS ZHES PA NI CHOS NI PHUNG PO LA SOGS PA LA BDAG DANG RDZAS NI MED PAS TSIG BLA DGAS TE MED PA'I PHYIR RO, ,CHOS NYID KYI RANG GI DON MNGON PAR BRJOD PA'I CHOS KYI TSIG BLA DGAS NI MA YIN GYIS, ,RMONGS PA RNAMS KYI RAB TU SPROS PA DANG LDAN PA GANG ZHIG GLO BUR BAR YOD PA NI RNAM PAR BRTAGS NA G-YO BA'I PHYIR RO, ,GANG DU DNGOS PO MED PA CAN NI BDAG DANG RDZAS NI MED PA'I PHYIR RO, ,BDAG TU BTAGS PA'I YUL PHUNG PO LA SOGS PA LA BDAG GIR BYED PA GANG DE YANG MED PAS BDAG GI BYA BA MED PA LA RTZOM PA'I YUL DE LA MED PAS RTZOM PA MED PA'O, ,'DI LA ZHES PA NI STON PA'I BSTAN PA LA STE, 'DIS NI TSIG THOB NAS KYANG GRUB PA MED PAR GRUB PA STON PAR BYED PA'O, ,CI LTAR SEMS CAN MTHA' YAS ZHES PA NI BGRANG BA LAS YANG DAG PAR 'DAS PA NYID KYIS DANG, GANG DU YANG BDAG MED PAR TSAD MAS GRUB PA NI GZHAN YANG ZHES PA LA SOGS PA STE, DBYANGS KYIS NI TSIG LA MTHA' YAS PA NI 'JIG RTEN TE, RNAM PAR RIG PA NI DON SHES PAR BYED PA'I SGRA DBYANGS SO, ,SGRA ZHES PA NI DE LTAR BRJOD PAS SO, ,DE LTAR SHIN TU DBYANGS CHE BA'I PHYIR NA ZAB MO'I DBYANGS TE, RNGA PHRAN GYI DBYANGS BZHIN DU RNAM PA SNA TSOGS PA'O, ,SGRA YIS ZHES PA LA DE LTAR BRJOD DO, ,MA ZHUGS PA NI NGAL MA BSOS PAS SO, ,ZIN KYANG NI CUNG ZHIG GO, ,GDOD NAS DAG PA'I PHYIR NI GDOD NAS DE LTAR MED PA NYID DE, YONGS SU DAG PA NYID NI THAMS CAD MU MED PA NYID KYIS SO, ,RNAM GRANGS 'DIS ZHES PA NI BYE BRAG 'DIS SO, ,SEMS CAN MTHA' MED PA ZHES PA NI SEMS CAN LA SKYE BA DANG 'GAG PA'I MTHA' DANG BRAL BA'I PHYIR RO, ,'DI LTAR YANG ZHES PA NI DE LTA BU NYID DO, ,BGRANG BA LAS SHIN TU 'DAS PA NYID MIN ZHES PA NI KUN 'BYUNG BA'I CHOS SHES PA'I BZOD PA'O, ,DE'I ZHES PA NI GZUGS LA SOGS PA SHES RAB KYI PHA ROL TU PHYIN PA LA GNAS PA LA SANGS RGYAS NYID DU @86B 'DZIN PAS SO, ,SANGS RGYAS NYID DU BLTA BAR BYA, ,ZHES PA NI SKAD CIG MA DRUG PA STE, DE'I GNAS SKABS SU GSUNGS PA NI DE NAS ZHES PA LA SOGS PA STE, SKYE DGU'I BDAG PO NI 'JIG RTEN SKYONG BA BZHI RNAMS TE, KHYAD PAR DU 'PHAGS PA'I CHOS THOS NAS RAB TU MGU NAS 'BAD PA MED PAR TSIG GIS CHED DU BRJOD PAS CHED DU BRJOD DO, ,CHOS BSTAN PAS NI CHOS LA YANG CHOS NI CHOS RAB TU GSAL BAR BYAS PA STE, MTHONG BA'I LAM MO, ,CHOS DE RNAMS KYI CHOS NYID NI RANG BZHIN TE, DE BZHIN GSHEGS PA 'BYUNG BA'O, ,DE'I PHYIR NA GSOL BA NI GANG ZHES PA LA SOGS PA STE, RAB TU 'BYUNG ZHES PA NI SKYE BA ZAG PA MED PAR YE SHES KYI MTSAN NYID LA SMOS PA NI DE'I TSIG LAS THOG MAR CUNG ZHIG YID CHES PA'O, ,DE NAS RIM GYIS GSAL ZHING GSAL BAR GYUR NAS GSAL BA DANG YID CHES PAR GYUR PA LA BSTAN PAR GYUR PA DANG, RAB TU BSHAD PAR 'GYUR BA DANG, RAB TU BRJOD PAR 'GYUR RO, ,DE BZHIN GSHEGS PA ZHES PA LA SOGS PA NI SKAD CIG MA DRUG PO DE NYID GSOL BA'O, ,DE NAS ZHES PA NI DE NAS BRTZAMS NAS SO, ,MA BRAL BA NI THOB PA LAS MA NYAMS PAS SO, ,GNAS PAR 'GYUR ZHES PA NI MNGON DU GYUR PA'I PHYIR RO, ,DE BZHIN GSHEGS PA NYID DU GZUNG BAR BGYI, ,ZHES PA NI GANG ZHIG BSHAD PA'I DE BZHIN GSHEGS PA NYID DU NGES PA'I KHYAD PAR DES THOB PAS SO, ,DE THOB PAS LUNG BSTAN PA THOB LA, DE LAS GSUNGS PA NI, GANG DU BDAG CES PA LA SOGS PA STE, LO NYUNG BA'I GTZANG SBRA CAN LA BRAM ZE'I KHYE'U ZHES BRJOD DO, ,CHOS RNAMS JI LTA BA DE BZHIN NYID DU RTOGS PAS NA DE BZHIN GSHEGS PA'O, ,DGRA NI NYON MONGS PA LA DE BCOM PA DANG LDAN PAS DGRA BCOM PA'O, ,YANG DAG PAR PHYIN CI LOG MA LUS PAR RTOG PA 'DIS NI YANG DAG PAR RDZOGS PA'I SANGS RGYAS TE, DE NYID KYIS NI STONG PA NYID PHUN SUM TSOGS PA GSUNGS PA'O, ,MI GSUNGS PA MED PA'AM, PHYIN CI MA LOG PAR GSUNGS PAS STON PA YIN TE, PHYIN CI LOG GI TSIG NI NYON MONGS PA'I DBANG GIS SAM, MI SHES PA LAS BYUNG LA DE GNYI GA YANG 'DI LA MED PAS GO RIMS BZHIN DU DGRA BCOM PA'I PHYIR DANG, YANG @87A *, ,DAG PAR RDZOGS PA'I SANGS RGYAS PA'I PHYIR RO, ,'KHOR BA PAS JI LTAR 'DI 'DRA BA CAN DU NUS SHE NA, GSUNGS PA, BDE BAR GSHEGS PA NI YANG SRID PA LAS GROL BA'O, ,BDE BA'I SGRA NI BKRA SHIS PA DANG YANG PHYIR MI LDOG PA DANG, MA LUS PA'I DON TE, GZUGS MDZES PA LTA BU DANG, RIMS NAD LEGS PAR BYANG BA LTA BU DANG, BUM PA LEGS PAR GANG BA LTA BU STE, PHYI ROL GYI SLOB PA DANG, MI SLOB PA RNAMS RNAM PAR BCAD PA GO RIMS BZHIN NO, ,DE LA 'JIG RTEN LAS 'DAS PA'I LAM GYIS GSHEGS PA'I PHYIR BKRA SHIS PAR GSHEGS PAS BDE BAR GSHEGS PA'O, ,DE BZHIN DU PHYI ROL PA RNAMS KYIS NI MA YIN TE, DUS MTSAMS DANG BCAS PA NYID KYIS DE'I THAR PA NI THAR PA MA YIN PA'I PHYIR RO, ,YANG MI LDOG CES BSHAD PA NI SLOB PA DE RNAMS LA SKYE BA'I SKYON KUN TU 'BYUNG LA, BCOM LDAN 'DAS LA NI SLOB PA MED DE, DE'I PHYIR YANG MI LDOG PAR GSHEGS PAS BDE BAR GSHEGS PA'O, ,NYON MONGS PA'I RIMS NAD KYI LHAG MA MA LUS PA MED PAS LUS DANG, NGAG DANG, BLO LA LAM BSHAD PA'I YON TAN THAMS CAD LA GSAL BA DANG MI LDAN PA MED PAS SO, ,DE LA SLOB PA RNAMS KYI THEG PA RNAMS KYI THEG PA DMAN PA LA NI DGRA BCOM PA RNAMS JI LTAR SRID CING YOD PA NI MA YIN TE, BCOM LDAN 'DAS KYIS NI DE MA LUS PA LA GSHEGS PAS BDE BAR GSHEGS PA'O, ,BDE BA'I SGRA NI GCIG PU GCIG GIS DON GSUM 'GREL BA'I TSUL GYIS BRJOD DO, ,JI LTAR BDE BAR GSHEGS PA NA GANG DU RIG PA DANG ZHABS SU LDAN PA STE, 'DIR RIG PA NI LHAG PA'I SHES RAB KYI BSLAB PA LA, LHAG PA'I TSUL KHRIMS DANG, LHAG PA'I SEMS KYI BSLAB PA NI ZHABS TE, RIG PA DE DAG GI SNGON DU 'GRO BA'I PHYIR RO, ,'DIR RIG PA'I SPYAN GYIS BLTAS NAS CIG SHOS DAG GI RKANG PA GNYIS BZHIN DU DE BZHIN GSHEGS PAS BDE BAR GSHEGS PA'O, ,DE LA TSIG 'DI GNYIS KYIS NI STON PA PO NYID KYI RGYU PHUN SUM TSOGS PA GSUNGS PA'O, ,'JIG RTEN GDUL BAR BYA BA LA DUS DANG, DUS MA YIN PA YONGS SU MI MKHYEN PA MED PAS 'JIG @87B RTEN MKHYEN PA'O, ,SKYES BU 'DUL BA NI GDUL BYA'I GDUL BAR BYA BA 'DUL BA'I PHYIR RO, ,DE RNAMS KYI KHA LO SGYUR BA STE, YANG DAG PAR DUL BA NYID DE, MDZES DGA' DANG, SOR PHRENG DANG, LTENG RGYAS 'OD SRUNGS DANG, SER SKYA LA SOGS PA BZHIN NO, ,DE LAS LHAG PA MED PA NI BLA NA MED PA STE, SKYES BU 'DUL BA DANG KHA LO SGYUR BA'I TSIG 'DI GNYIS NI STON PA PHUN SUM TSOGS PA NYID KYI LAS GSUNGS PA'O, ,DE LTA BU'I LAS KYI YUL CI NGAN SONG DU SONG BA'AM ZHE NA, MIN CES GSUNGS PA DE LHA DANG MI RNAMS KYI STON PA ZHES PA STE, ,RANG NYID MNGON PAR BYANG CHUB PAS SHIN TU BA'I BLO 'DI LA YOD CES PAS NI SANGS RGYAS SO, ,DRANG SRONG GI THOG MA'I PHYIR DANG DE DANG 'DRA BA'I RANG RGYAL BA YANG MED CES RNAM PAR BCAD PA'I PHYIR BCOM LDAN 'DAS ZHES SMOS PA STE, RNAM PA DRUG DANG LDAN PA DANG BCOM PA'I PHYIR LA, DE LA NI MI LDAN PA'I PHYIR ZHES PA NI KUN 'BYUNG LA CHOS SHES PA'O, ,NGO MTSAR BA NI SKYES PA NYID LA'O, ,MCHOG TU NGO MTSAR BA NI RJES SU YONGS SU 'DZIN PA LA STE, JI SRID KYI SGRA NI MTHA' THUG PA'I DON TE, SBYIN PA'I PHA ROL TU PHYIN PA NAS JI SRID DU RNAM PA THAMS CAD MKHYEN PA NYID KYI BAR DU ZHES PA'I DON TO, ,SKYED PAR BYED PA NI 'GUGS PAR BYED PA'O, ,RJES SU YONGS SU 'DZIN PA PO ZHES PA'I RJES SU'I SGRA NI CHED DU'I DON LA, CHED DU DANG LDAN PA DAG NI RIGS PA'O, ,YONGS SU GZUNG BA DANG, MA BTANG BA DAG SGRUB PAR BYED PA'I RGYUR YONGS SU 'DZIN PA STE, JI LTAR YONGS SU BLANG BA MED CING DOR BA MED PA DE LTAR YONGS SU BLANG BA ZHES PA'I DON TE, 'DIR BSTAN BCOS LAS, BLANG MED DOR BA MED SOGS DANG, ,ZHES SO, ,BLANG BA MED PA NI RNAM PAR RTOG PA MED PA STE, 'DI NI BLANG BA MED PA'I DON TO, ,DOR BA MED PA NYID NI MI DOR BA STE, 'DIR NI MI GTONG BA'I DON TO, ,KUN TU LEN PA NI THOG MA NAS YONGS SU 'DZIN PA STE, MI 'JIG PA DANG MI GTONG BA NYID NI THOG MA NAS DE LTAR RO ZHES PA STE, DE LTAR MI LEN PA DANG, MI 'DOR BDAG LA NI BYANG CHUB SEMS DPAS BLANG DU MED CES PA'I DON TO ZHES PA NI KUN 'BYUNG BA LA RJES SU SHES PA'I BZOD PA'O, ,BRGYA BYIN GYIS GO @88A *, ,SKABS PHYE BA'I PHYIR NYE BAR MTSON PA'I LE'U NI BRGYA BYIN GYI LE'U'O, ,'PHAGS PA SHES RAB KYI PHA ROL TU PHYIN PA BRGYAD STONG PA'I 'GREL BA GNAD KYI ZLA BA'I 'OD CES BYA BA PAndI TA CHEN PO 'JIGS MED 'BYUNG GNAS SBAS PAS MDZAD PA LAS LE'U GNYIS PA'O,, ,, BYAMS PA LA SOGS ZHES PA NI BYAMS PA DANG, SNYING RJE DANG, DGA' BA DANG, BTANG SNYOMS TE TSAD MED PA BZHI STE, DE'I BDAG NYID CAN MTHONG BA'I SKAD CIG MA BRGYAD PA LA ZHES PA'I DON TO, ,DE STON PA'I GLENG GZHI, DE NAS ZHES PA LA SOGS PA NI SDUD PA POS SMRAS PA STE, DPANG DU BYAS PA NI SKAD CIG MA BRGYAD PA NA THEG PA DMAN PA LTUNG BA'I GNYEN PO LA SHIN TU GUS PA BSKYED PA'I PHYIR TE, SKAD CIG MA DE NYID LA BCOM LDAN 'DAS KYIS GSUNGS PA NI, GANG LA LA ZHES PA LA SOGS PA STE, SHES RAB KYI PHA ROL TU PHYIN PA ZHES PA NI RAB TU 'BYED PA'I MTHONG BA'I SKAD CIG NI SHES RAB LA DE NYID KYIS THEG PA DMAN PAR LTUNG BA'I SA LAS PHA ROL TU 'GRO BA NI GANG 'DIR GANG ZHIG TSAD MED PA BZHI'I BDAG NYID CAN DU MTHONG BA LA DE LTAR NI BYANG CHUB SEMS DPA' DES THOB PA STE, SEMS CAN THAMS CAD LA BDAG NYID DANG MNYAM PA NYID DU BLTAS NAS, DES SKYOB PA DANG, PHAN PA'I BDAG NYID KYI PHAN PA 'GA' ZHIG GIS 'DIR DE GANG YANG THEG PA DMAN PAR MI LTUNG BAS DE'I PHYIR BYAMS PA LA SOGS PA'I MTHONG BA NI SHES RAB KYI PHA ROL TU PHYIN PA STE, DE NYID SKAD CIG MA BRGYAD PA'O, ,DE RNAMS KYIS GANG ZHIG CES PA NAS JI SRID DU KUN CHUB PAR BYED PA'I BAR TE; MNGON SUM DU BYED PA'I PHYIR RO, ,RAB TU 'DON PAR BYED PA NI GZHAN DAG LAS RAB TU STON PA'I PHYIR DE RNAMS LA DES 'DZIN PA NAS JI SRID DU 'CHANG BA'I BAR GYI PHYIR RO, ,DE'I ZHES PA LA SOGS PA NI PHAN YON TE, RAB TU 'DON PAR 'GYUR ZHES PA'I BAR TE, GLAGS TSOL BA NI 'JUG PA LA SKABS NI SKYON TE, DE DANG LDAN PA NI GLAGS LTA BA'I BSAM PA NI GLAGS TSOL BA'O ZHES PA NI KUN 'BYUNG LA RJES SU SHES PA'O, ,'GOG PA LA BCU DRUG CES PA BSTAN BCOS SU BSHAD DE, STONG PA NYID BCU DRUG RNAMS KYIS THOB PA NI MTHONG BA'I SKAD CIG MA DGU PA LA STE, @88B DE GSUNGS PA NI, GZHAN YANG ZHES PA LA SOGS PA STE, 'DIR YANG MTHONG BA'I SKAD CIG MA NI SHES RAB LA, PHA ROL TU PHYIN PA NI STONG PA NYID BCU DRUG RNAMS KYANG KUN TU MTHONG BA'I PHYIR RO, ,GRONG LAS GZHU 'DOM LNGA BRGYA'I PHA ROL GYI GNAS NI DGON PA'O, ,THOG MA PHUB PA'I SA PHYOGS NI BLA GAB MED PA'O, ,DGON PA LAS GRONG DU 'BROG DGON PA STE, DE NYAL BA NI NYAL BA'O, ,'BYUNG BAR 'GYUR BA NI RGYUN GYIS 'JUG PA LA BSRUNG BA DANG, BSKYAB PA DANG BCAS PA NI SBA BA'O, ,DE LA SNGAGS LA SOGS PA NI BSRUNG BA'O, ,SRUNG BA PO NGES PAR SBYOR BA NI BSKYAB PA'O, ,RANG NYID NYE BAR SON NAS BYIN GYIS BRLAB PA NI SBED PA'O, ,YANG NA LUS KYI BDE BA NYE BAR SGRUB PA NI BSRUNG BA LA PHYI ROL GYI NYE BAR 'TSE BA BZLOG PA NI BSKYAB PA'O, ,NANG GI NAD LA SOGS PA LAS BZLOG PA NI SBED PA'O, ,DE RNAMS KYI BGYI BA NI YANG DAG PA'I SBYOR BA STE, NGAG DANG YID DO ZHES PA NYE BAR SON NAS BYIN GYIS BRLAB PA NI SBED PA'O, ,SANGS RGYAS KYI DNGOS PO NYID NI SANGS RGYAS NYID LA GANG GIS SANGS RGYAS 'BYUNG BAR 'GYUR BA DE YONGS SU 'DZIN TE MTSAN DANG 'OD DANG DBYANGS DANG TING NGE 'DZIN DANG GZUNGS LA SOGS PA PHUN SUM TSOGS PAS SANGS RGYAS MED PA'I ZHING RNAMS SU SANGS RGYAS KYI GZUGS SU BDAG NYID KYIS STON TE, DE GSUNGS PA NI, DE NAS YANG BRGYA BYIN ZHES PA LA SOGS PA STE, SHES RAB KYI PHA ROL TU PHYIN PA LA ZHES PA NI MTHONG BA'I SKAD CIG MA BCU PA LA'O, ,DE LA NI KHYAD PAR DU 'PHAGS PAS SO, ,MTHONG BA'I CHOS NI SKYE BAS THOB PA'O,, DE LAS BYUNG BA'I YON TAN GYIS MTSAN PHUN SUM TSOGS PA LA SOGS PA THOB CES PA NI BSTAN PA'O, ,BSHAD PA NI YONGS SU 'DZIN PAR GYUR ZHES PA STE, 'GOG PA LA CHOS SHES PA'O, ,RNAM PAR BYANG BA BYED PAS NA RNAM PAR BYANG BA STE, SBYIN PA LA SOGS PA'I PHA ROL TU PHYIN PA LA SOGS PA'O, ,DES NI THAMS CAD YONGS SU BSDUS PA'O, ,DE GSUNGS PA NI, YANG CI ZHES PA LA SOGS PA STE, MA NI ZHES PA NI 'GOG PA LA RJES SU SHES PA'I BZOD PA'O, ,KLAN KA DANG GNOD PAR BYED PA'I MU STEGS RNAMS DANG LHAN CIG RTZOD PA DANG, RGOL BA DANG, 'GAL BA @89A *, ,DE RNAMS ZHI LA, DE LTAR YANG DE ZHI NAS JI LTAR DE RNAMS KYIS PHYIS THEG PA GSUM PO 'DI THOS PA DANG LDAN PA RNAMS KYIS NYON MONGS PA DANG, NGAN 'GRO DANG, 'KHOR BAR BSGRAGS PA'I NAD ZAD PAR 'GYUR LA, DE'I PHYIR GNOD PA'I NAD THAMS CAD ZHI BAR BYED PA NI MTHONG BA'I SKAD CIG MA BCU GNYIS LA STE, DE GSUNGS PA NI, GZHAN YANG ZHES PA LA SOGS PA STE, CHOS STON PA LA RTZOD PA BYED PA NI BZHAD GAD KYIS SO, ,RGOL BAR BYED PA NI 'THAB MOS SO, ,'GAL BAR BYED PA NI PHAN TSUN LA ZHE SDANG BAS SO, ,DES RTZOD PA LA SOGS PA'I BSAM PA LA DE BZHIN NI DE YIN ZHES PA STE, CHOS 'DI NYID LA ZHES PA'I DON TO, ,SKAD CIG MA BCU GNYIS PO 'DI RNAMS KYI MTSAN NYID LA'O, ,SMAN NI STOBS DANG LDAN PA'O, ,SBRUL GDUG PA NI DE'I 'DIR MCHE BA DUG CAN PAS SBRUL GDUG PA'O, ,SKYE BO NI LUS CAN LA, SROG CHAGS SU GYUR PA NI DUD 'GRO'I BYE BRAG GO, ,GZI BRJID KYIS NI MTHUS SO, ,STOBS NI GNOD PAR BYED PA NYID KYIS TE, MTHUS NI GNOD PAR BYAR MED PA NYID DU'O, ,STOBS BSKYED PA NI DE LA SBYOR BA'I NUS PA BSKYED NAS SO ZHES PA NI 'GOG PA LA RJES SU SHES PA'O, ,'DZIN PA LA MNGON PAR ZHEN PA DE GSUNGS PA NI, CI'I PHYIR ZHES PA LA SOGS PA STE, SHES RAB KYI PHA ROL TU PHYIN PA NI SKAD CIG MA BCU GSUM SHES PA STE, LAM LA CHOS SHES PA'I BZOD PA'O, ,SANGS RGYAS RNAMS DANG, LHA RNAMS KYIS SRUNG BA STE, DE GSUNGS PA NI, RGYAL PO BZHIS ZHES PA LA SOGS PA STE, SHES RAB KYI PHA ROL TU PHYIN PA NI SKAD CIG MA BCU BZHI PA STE, LAM LA CHOS SHES PA'O, ,SROG GCOD PA SPONG BA NI SROG MI GCOD PA LA DE THOG MAR BYAS NAS PHA ROL TU PHYIN PA DRUG LA SOGS PA NAS JI SRID DU RNAM PA THAMS CAD MKHYEN PA NYID KYI BAR LA GNAS SHING, DE NYID LA GZHAN DAG KYANG DGOD PA NI SKAD CIG MA BCO LNGA LA STE, DE GSUNGS PA NI, GZHAN YANG ZHES PA LA SOGS PA STE, SHES RAB KYI PHA ROL TU PHYIN PA NI SKAD CIG MA BCO LNGA LA STE, PHA ROL TU PHYIN PA LA SOGS PA RNAMS GZHAN DAG LA NYE BAR STON PA'I TSIG GZUNG BAR 'OS PA STE, DE @89B LA RANG NYID KYANG DE RNAMS LA GNAS PA'I PHYIR RO ZHES PA'I TSIG GZUNG BAR 'OS PA'O, ,'DI'I TSIG 'JAM ZHING SNYAN PAS ZHES PA NI TSIG 'JAM PA STE, SBYIN PA LA SOGS PA DRUG PO RNAMS LA GNAS PA RNAMS GSUNGS PA'I PHYIR RO, ,TSIG NGAN PA NI GSUNG DE NYID DO, ,TSIG 'CHAL PA MED PA NI, DES PHAN PA MA YIN PA DANG 'DRES PA'I TSIG MI SMRA BAS SO ZHES PA NI LAM LA RJES SU SHES PA'I BZOD PA'O, ,SKAD CIG MA BCU DRUG GSUNGS PA NI, KHRO BAS ZHES PA LA SOGS PA STE, YONGS SU 'DUL BAR BYED PA NI KHRO BA ZHI BAR BYED PA'I PHYIR RO, ,YONGS SU SGYUR BAR BYED PA NI KHENGS PA'I MTSAN NYID KYI NGA RGYAL ZAD PAR BYED PA'I PHYIR RO, ,KHON DU 'DZIN PA NI DGRA BOR RO, ,GNOD SEMS NI ZHE SDANG LA, BAG LA NYAL NI MDUD PAR RO, ,DRAN PA GSUNGS PA NI, DE'I ZHES PA LA SOGS PA STE, DE ZHES PA NI GNOD SEMS KYIS TE, YONGS SU PHYE BA NI RNAM PAR 'GYUR BAS TE, DE BZHIN DU SDANG BAR BYED PA 'KHOR DANG BCAS PA SPANG BAR BYAS LA, BDAG NYID KYI SBYIN PA LA SOGS PA RNAMS KYIS SEMS CAN GYI PHUNG PO YANG DAG PAR RDZOGS PA'I BYANG CHUB THOB PAR BYED PA'I PHYIR YONGS SU BSNGO BA BSTAN PA NI LAM LA RJES SU SHES PA'O, ,LAM SHES PA'I SKAD CIG MA 'DI RNAMS NI MTHONG BA'I LAM GYI'O, ,MTHONG BA'I LAM 'DIR NI RNAM PA THAMS CAD MKHYEN PA NYID DU BSHAD PA'I NGES PAR 'BYED PA'I CHA DANG MTHUN PA YANG SHES PAR BYAS LA, THAR PA'I CHA DANG MTHUN PA'I GO CHA'I SGRUB PAR BSHAD PA'I 'CHAD PAR 'GYUR BA'I MTSAN NYID KYI RAB TU DGA' BA LA, SOGS PA LA YANG NGO, ,DE LA SEMS CAN NI 'DIR ZHES PA STE, MTHONG BA LA SOGS LAM GYI RJES SU 'BRANGS NAS SHES PAR BYA'O, ,MTHONG BA'I LAM NI 'JIG RTEN LAS 'DAS PA NYID LA, BSGOM PA'I LAM DE NI RNAM PA GNYIS TE, 'JIG RTEN PA DANG, 'JIG RTEN LAS 'DAS PA STE, DE RNAMS NI RTING LA BRJOD PAR BYA STE, DE DAG GI BYED PA NI CHOS MCHOG CHEN PO'I BYE BRAG NAS BRTZAMS NAS NYE BAR SOGS SHING DROD NAS BRTZAMS NAS 'BYUNG BAR 'GYUR BA DANG, 'BRAS BU 'DOD PAS RAB TU 'JUG CES PA NI DANG PO BRJOD PAR BYA BA STE, DE LA BSTAN BCOS LAS, KUN NAS DUL DANG @90A *, ,THAMS CAD NAS, NYON MONGS KUN LAS RGYAL BA DANG, ,GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES PA STE, KUN NAS ZHES PA NI YONGS SU ZHES PA'I SGRA DON LA, BDAG DANG BDAG GI DAG LA ZHEN PA MED PA NI DUL BA LA, BDAG GI RJES SU YID DGA' BAR MI BYED PAS NI YONGS SU DUL BA DANG, YONGS SU KHENGS PA MED PA STE GO RIMS BZHIN DU ZHE SDANG DANG, NGA RGYAL DAG YONGS SU ZAD PA MED PA'I PHYIR RO, ,DE SKAD CES SMRAS PA GNYIS DANG BRGYA BYIN ZHES PA LA SOGS PA GSOL BA NI, BYED PA SDUG PA 'DI RNAMS LA'O, ,SHES RAB KYI PHA ROL TU PHYIN PA NI BSGOM PA'I LAM MO, ,JI LTAR ZHES PA NI GAL TE ZHES PA'I DON TO ZHES PA NI YONGS SU DUL BA DANG YONGS SU SGYUR BAR BYED PA'O, ,BCOM LDAN 'DAS ZHES PA LA SOGS PA STE SROG GI BAR CHAD DU 'GYUR ZHES PA NI DE NYID LA MTSON CHAS BSNUN PAS SO, ,GZHAN GYI GNOD PA ZHES PA NI RI DAGS LA SOGS PA'I NANG DU SONG YANG NGO, ,GZHAN GYIS GNOD PA NI GZHAN RNAMS KYIS TE, DE NA RANG BZHIN GYI NYON MONGS PA RNAMS KYIS 'DI LTA STE, BCOM LDAN 'DAS MA DES NA LAS RGYAL BA NYID DE, DE'I 'DI NI RGYU MTHUN PA ZHES PA DANG DNGOS PO ZHES PAS NI KUN NAS NYON MONGS PA LAS RGYAL BAR BYED PA'O, ,GAL TE ZHES PA LA SOGS PA STE, DE LA NI LUS LA'O, ,DE CI'I PHYIR ZHE NA, DE LA GANG DU MI 'PHOG STE, DUS THAMS CAD DANG, YUL THAMS CAD DU MI MTHUN PA'I PHYOGS THAMS CAD LAS MTHU THOGS PA MED PA'I PHYIR GO RIMS BZHIN DU CHEN PO DANG, TSAD MED PA DANG, GZHAL DU MED PA'O, ,DE LAS LHAG PA MED PA'I PHYIR BLA NA MED PA'O, ,MNYAM PA MED PAS NI MI MNYAM PA'O, ,MI MNYAM PA DANG MNYAM PAS MI MNYAM PA DANG MNYAM PA'O, ,RNAM PAR GNOD PA NI NYE BAR 'JOMS PA STE, DE'I SROG GI BAR CHAD BYED PA RNAMS KYIS SO, ,GZHAN GYI NYE BAR 'ONGS PAS DE GLAGS RNYED PAR MI 'GYUR ZHES PA NI DE RNAMS KYIS BRDZI BA MED PA NYID DE, 'DI RNAMS NI LAS KYIS NYE BAR GNOD PAS BRDZI BA MED PA'I BYED PA'O, ,'DI LA ZHES PA LA SOGS PA NI THAMS CAD MKHYEN PA'I YE SHES DES SO, ,RNAM PAR GZIGS @90B PA NI GDUL BAR BYA BA YAL BAR MI 'DOR BA NYID DO, ,CI'I PHYIR ZHES PA NI DE LTAR THAMS CAD MKHYEN PA'I YE SHES KYIS GANG DU SNGAS RGYAS KYI CHOS RNAMS THAMS CAD LA DES MA THOB PA GANG YANG CUNG ZAD YOD PA MA YIN LA, THOB PAR BYA BA 'DI THOB PAR MI 'GYUR NA 'DI THAMS CAD MKHYEN PAR MI 'GYUR BA'I PHYIR RO, ,DES THOB PAR BYA BA DANG, CIG SHOS DAG THAMS CAD SHES PA SHES RAB KYI MTHAR SON NAS MNGON SUM DU BYAS PA'I YE SHES LA 'DIR GZUNG BAR BYA STE, DE'I PHYIR 'DIR THAMS CAD MKHYEN PA'I YE SHES DE NI YANG DAG PAR RDZOGS PA'I BYANG CHUB LA DBYE BA NI THA SNYAD KYI LDOG PA'I DBYE BA LAS DNGOS POR YOD PA NI MA YIN ZHES PA NI RDZOGS PA'I BYANG CHUB KYI BYED PA'O, ,GZHAN YANG ZHES PA LA SOGS PA STE, CHUNG NGU NA ZHES PA NI MCHOG TU PHRA BA'O, ,MA RTOGS PA NI PHYI ROL DU BYAS PA STE, SNGON GYI SKYE BA LAS PHYIS LAN GRANGS KYIS MYONG BAR 'GYUR BAR NGES PA'I MI DGE BA'I RNAM PAR SMIN PA DE RNAM PAR SMIN PA'I LHAG MA'I 'BRAS BU'O, ,'DI LTA STE DPER NA ZHES PA DPE STE SNYING PO NI SNYING PO STE, BYANG CHUB SEMS DPA'I DON GYI SNYING PO NI BYANG CHUB PA'I SNYING PO LA, DE LA 'DUG PA NI BYANG CHUB RTOGS PA STE, DE LTAR YANG RNAM PAR GNAS PA'I BSKAL PA'I THOG MA LA GSER GYI RANG BZHIN GYI SA GZHI RNAMS KYI SNYING PO KHYAD PAR DU 'PHAGS PA'I 'DZAM BU'I GLING GI LTE BA KUN TU 'DUS PA STE, DE YANG RDO RJE'I RANG BZHIN YIN PA'I PHYIR DANG, BYANG CHUB PA'I GDAN YIN PA'I PHYIR NI RDO RJE'I GDAN ZHES BRJOD DO, , DER BYANG CHUB KYI SNYING PO LA DE THOB PA'I KHOR YUG TU GYUR PA NI KHOR YUG TU BSKOR BA'O, ,YONGS SU KHOR YUG NI YONGS SU BSKOR BA'O, ,NANG NI DBUS SU'O, ,BYANG CHUB PA'I SHING NI BYANG CHUB PA'I SHING STE, DE'I DRUNG NA 'DUG NAS BYANG CHUB RTOGS PA'I PHYIR RO, ,DE'I RTZA BA STE MNGON PAR YONGS SU BCAD PA'I SA PHYOGS SO, ,RNAM PAR 'TSE BAR 'DOD PA NI RNAM PAR SDANG BAR 'DOD PA'O, ,GNOD PAR 'DOD PA NI BCOM PAR 'DOD PA'O, ,'BEBS PAR 'DOD PA NI 'BYUNG PO DANG SHA ZA LA SOGS PA RAB TU 'JUG PA'I PHYIR RO, ,'JIGS PA LA SOGS PA'I GNYEN PO'I PHYIR 'JIGS @91A *, ,PA MED PA'O, ,KHO NA MED PA DANG, MI SKRAG PA NI BYAMS PA CHEN PO LA SOGS PA'I MING CAN GYI TSAD MED PAS SO, ,RAB TU SGOM PAR MDZAD PA NI RDZOGS PAR MDZAD PA'O, ,RAB TU STON PAR MDZAD PA NI BDUD SDE DANG BCAS PA RNAMS KYIS BGEGS BYED KYANG BZOD PA'I PHYIR RO, ,MCHOD RTEN NI MCHOD PA'I RTEN LA, DER GYUR PA NI DE DANG 'DRA BA'O, ,BKUR STIR BYED PA LA SOGS PA NI BSHAD ZIN TO, ,NYE BAR PHYIN PA LA SKYOB PAR BYED PAS SKYOB PA'O, ,MNGON SUM DU NYE BAR PHYIN PA'I 'JIGS PA LA BSKYAB PA'I PHYIR SKYABS SO, ,'JIGS PA MED PA DER GNAS PAR BYED CES PAS GNAS SO, ,MCHOG TU DPUNG DU GYUR PAS DPUNG GNYEN LA DES PHA ROL DU 'GRO ZHES PA NI RTEN MCHOD PA BYED PA'O, ,'JIG RTEN PA'I BSGOM PA'I LAM ZAG PA DANG BCAS PA NI RNAM PA GSUM STE, MOS PA YID LA BYED PA DANG, BSNGO BA YID LA BYED PA DANG, RJES SU YI RANG BA YID LA BYED PA STE, DE LTAR YANG 'JIG RTEN PAS BSAM GTAN DANG, GZUGS MED PA LA DMIGS PA NYID KYIS 'JIG RTEN PA STE, ZAG PA DANG BCAS PA'I BSGOM PA'I LAM GYIS MOS PA DANG, BSNGO BA DANG RJES SU YI RANG BA YID LA BYED PA LA, ZAG PA MED PA NI SGRUB PA DANG, SHIN TU DAG PA ZHES 'PHAGS PA RNAM PAR GROL BA'I SDES BSHAD DO, ,GANG DU THEG PA CHEN PO'I MNGON PA KUN LAS BTUS PA LAS BSHAD DE, BSGOM PA'I LAM NI MTHONG BA'I LAM LAS GONG GI 'JIG RTEN LAS 'DAS PA DANG, 'JIG RTEN PA'O, ,'JIG RTEN PA'I LAM GANG ZHE NA; 'JIG RTEN PA'I BSAM GTAN DANG, GZUGS MED PA BRGYAD CES SO, ,DE LA 'JIG RTEN LAS 'DAS PA NYID KYI BSGOM PA'I LAM GANG LA GZHAN GYI DON DU BSAM GTAN DANG PO LA SOGS PA LA DMIGS PAR BYED PA DE LA NI 'JIG RTEN PA ZHES THA SNYAD DU BYED KYI, NYE BAR BTAGS PA MA YIN PA'I 'JIG RTEN PA ZAG PA DANG BCAS PA RANG NYID RTOGS PA LA LTOS PA NI MA YIN ZHES PA'I DON TO, ,DE LA MOS PA'I DBANG DU BYAS NAS BSTAN BCOS LAS, MOS PA RNAM GSUM SHES BYA STE, ,RANG GI DON DANG RANG GZHAN DON, ,GZHAN GYI DON TE DE DAG NI, ,SO SOR RNAM PA GSUM @91B DU 'DOD, ,CHUNG DANG 'BRING DANG CHEN PO LA, ,CHUNG NGU'I CHUNG SOGS DBYE BA YIS, ,DE YANG RNAM GSUM DE LTA BUR, ,RNAM PA NYI SHU BDUN DU 'DOD, ,CES TE GO RIMS BZHIN DU RANG NYID DANG, RANG GZHAN DAG DANG, GZHAN NYID DE, DON GTZO BOR SEMS PA GANG GIS DE LTAR TE, 'DI DAG NI RANG GI DON LA SOGS PA'I YANG CHUNG NGU LA SOGS PA RNAMS LA SO SOR CHUNG NGU LA SOGS PAR BYA BA STE, JI LTAR RANG GI DON GYI MOS PA'I CHUNG NGU'I CHUNG NGU DANG, CHUNG NGU'I 'BRING DANG, CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO STE, DGU NI DROD LA'O, ,DE BZHIN DU RANG GZHAN DON GYI DGU NI RTZE MO LA'O, ,GZHAN GYI DON GYI DGU NI BZOD PA'I ZHES PA STE, MOS PA DANG, DAD PA DANG, 'DUN PA DANG, YID CHES PA DANG, MNGON PAR 'DOD PA'I MTSAN NYID RNAMS KYIS SO, ,GANG LA MOS NA MDO DANG MDO'I DON GYI NGO BO BCOM LDAN 'DAS MA LAS TE, DE LA DANG PO NI DE SKAD CES BKA' STZAL PA DANG, BRGYA BYIN ZHES PA LA SOGS PA STE, BRIS PA NI RANG NYID KYIS LA, GLEGS BAM DU CHUD PAR BYAS PA NI GZHAN GYIS SO, ,LHA'I ZHES PA NI KHYAD PAR DU 'PHAGS PA RNAMS KYIS SO, ,ME TOG NI SIL MA'O, ,PHRENG BA NI BRGYUS PA LAS BYUNG BA'O, ,BYUG PA NI MNYAM DU SBYOR BA'O, ,PHYE MA NI GZHAN AA KA RU DANG, TZANDAN LA SOGS PA RNAMS KYIS SO, ,CHOS GOS NI GOS LA, MCHOD PA RNAMS KYIS NI ZHAL ZAS LA SOGS PA RNAMS KYIS SO, , RNAM PA MANG PO RNAMS KYIS NI BZA' BCA' DANG, BDUG PA LA SOGS PA'I BYE BRAG GI MCHOD PA RNAMS KYIS NI BKUR STI BYED PA DANG 'BREL TE, MCHOD PA BYED CES PA'I DON TO, ,BLA MAR BYED PA NI GUS PAS SO, ,RIM GROR BYED PA NI DAD PAR BYED PA LA, MCHOD PAR BYED PA NI PHYAG DANG THAL MO SBYAR BA DANG BSTOD PA LA SOGS PA RNAMS KYIS SO, ,RJED PAR BYED PA NI G-YAS KYIS BSKOR BA RNAMS KYIS SO, ,GSOL BAR BYED PA NI SNYING PO LA SOGS PA BOR BA RNAMS KYIS SO, ,SKU GDUNG NI GDUNG STE MCHOD RTEN RNAMS SU GZHAG PAR BYED PA'O, ,YONGS SU 'DZIN PAR BYED PA @92A *, ,NI ZA MA TOG LA SOGS PAR BYAS NAS SO, ,'CHANG BAR BYED PA NI ZA MA TOG LA SOGS PAR KHYER BA STE, MCHOD RTEN GYI ZA MA TOG LA SOGS PA DE RNAMS NI THAMS CAD MKHYEN PA'I BDAG NYID KYI LUS SO, ,GANG THAMS CAD MKHYEN PA NYID CE NA, BLA NA MED PA YANG DAG PAR RDZOGS PA'I BYANG CHUB KYI THAMS CAD MKHYEN PA NYID DO, ,MNGON PAR RDZOGS PA'I DON GSUNGS PA NI MNGON PAR RDZOGS PAR SANGS RGYAS ZHES PA 'DI'I YANG DON GSUNGS PA NI SO SOR THOB CES PA'O, ,'DIR NI 'DI NYID DU'O, ,BDAG GI DNGOS PO NI 'DIR BDAG TU BTAGS PA LA, LUS NI GZUGS KYI SKU'O, ,SHES RAB KYI PHA ROL TU PHYIN PA DANG, THABS LA MKHAS PA NI DE DAG GIS NGES PAR 'BYUNG BAR 'GYUR BAS SO, ,'JIG RTEN LA ZHES PA NI YID CHES PA'I RAB TU BSGOM PAS SO, ,'DI BCOM LDAN 'DAS MA MCHOD PA DANG, DE BZHIN GSHEGS PA'I SKU GDUNG LA MCHOD PAS ZHES PA NI RANG GI MOS PA CHUNG NGU'I CHUNG NGU'O, ,DE SKAD CES BKA' STZAL PA DANG, BRGYA BYIN ZHES PA LA SOGS PA STE, RAB TU STON PAR 'GYUR ZHES PA NI BSTAN PA LA, GSUM POS NI BSHAD PA STE, STON PAR 'GYUR ZHES PA'I DON TO, ,STON PAR 'GYUR BA NI GDAMS PAR 'GYUR BA LA; NYE BAR BSTAN PAR 'GYUR BA NI GZHUNG NGO, ,KHA TON BYED PAR 'GYUR ZHES PA NI KHA TON SHIN TU GOMS PAR RO, ,DON CHEN PO NI 'BRAS BU CHEN PO'O, ,SHES PAR MA GYUR PA NI SGRA THOS PAR MA GYUR PA'O, ,RIG PAR MA GYUR PA NI GLEGS BAM THOB PAR MA GYUR ZHES PA'O, ,PHAN YON CHEN PO NI MOS PAR SPYOD PA LA'O, ,'BRAS BU CHEN PO NI RAB TU DGA' BA LA SOGS PA LA'O, ,RNAM PAR SMIN PA CHEN PO NI SANGS RGYAS KYI SA LA'O, ,RIG PAR MA GYUR PA NI RIG PAR BYED PAS RIG PA STE, DON SHES PAR MA GYUR PA ZHES PA'I DON TO, ,MA RIG CES PA NI 'JIG RTEN LAS 'DAS PA'I YE SHES KYI BDEN PAR SHES PA NYID KYIS SEMS KYI NANG DU SON PA'I CHOS NYID LA MA DAD PA'O, ,GANG GIS SEMS SHIN TU RNYOG PA MED PAR BYED PA'I RGYUN DE LA ZHUGS PA DE NYID KYI 'BRAS BU'O, ,BDAG NYID GCIG PU'I SO SO'I BYANG CHUB NI RANG BYANG CHUB BO, ,NYE BAR 'PHEL BAR BYED CES PA NI NYE BAR 'TSE BA @92B NI MI MTHUN PHYOGS LA, NYE BA'I SGRAS NI NYE BAR MTSON PA MA YIN TE, RAB TU SBYIN PA LA SOGS PA BZHIN NO, ,PHYIR MI LDOG PA RNAMS LA PHAN PAS NA PHYIR MI LDOG PA'O, ,'BYUNG BAR DKA' BA NI RNYED PAR DKA' BA'O, ,BRTZON 'GRUS NI DGE BA'I LAS LA SPRO BA'O, ,NGAN PA'I LAS LA ZHEN PA NI LE LO LA; SEMS PA NI BSTAN PA'O, ,SEMS NI TING NGE 'DZIN TO, ,'DU SHES PA NI DRAN PA LA MOS PA NI DAD PA'O, ,DE KHO NA NYID RAB TU RNAM PAR 'BYED PA NI SHES RAB BO, ,'BYUNG BAR DKA' BA NYID DU SHES PA'I 'THAD PA DANG BCAS PA'I SPYOD PA LHAG MA CAN LA BSOD NAMS LHAG PAR SHES PAR BYA'O ZHES PA NI CHUNG NGU'I 'BRING NGO, ,DE LTA BAS NA ZHES PA LA SOGS PA STE, MYUR DU NI MNYAN PA LA SOGS PA'O, ,YONGS SU 'DRI BA NI THE TSOM GCOD PA'I PHYIR RO, ,'DIR GZHUG PAR BYA BA NI DE DAG GI 'THAD PA DANG BCAS PA'I SHES PAS NA NANG DU SPYOD PA LHAG MA LA BSOD NAMS LHAG PAR SHES PAR BYA ZHES PA NI CHUNG NGU'I CHEN PO'O, ,DE LTA BAS NA ZHES PA LA SOGS PA STE, GSER DANG, DNGUL DANG, BEE d'URYA DANG, SPUG DANG, RDO'I SNYING PO DANG, MU TIG DMAR PO DANG, KARKE TA NA STE RIN PO CHE SNA BDUN NO, ,DE'I GZHI NI DE'I RGYUS SO, ,BCOM LDAN 'DAS MA LA DAD PA DANG MOS PA DANG DANG BA RNAMS SKYED PA LA LHAG PA'I BSAM PA DANG NYAN PA LA SOGS PA DANG DON RNAM PAR 'BYED PA DANG YID KYIS RJES SU RTOG PA DANG DPYOD PAS TSUL KUN TU GZHAG PA'I DPYOD PA BLA LHAG PA LA BSOD NAMS BLA LHAG PA NI GZHUNG JI LTA BA BZHIN NO ZHES PA NI 'BRING GI CHUNG NGU'O, ,ZHOG CES PA LA SOGS PA STE, RDZA RNGA CAN GYI 'BRAS BU DANG LDAN PA'I 'DZAM BU'I SHING GIS MTSON PA'I PHYIR 'DZAM BU'I GLING STE, 'DI LAS BRTZAMS NAS GANG DU PHAN YON BSTAN PA STE, SPYOD PA BLA LHAG PA MIN NO, ,DE LA GANG DANG GANG DU BSHAD PA'I PHAN YON LA DAD PA LA SOGS PAS SPYOD PA DANG BLA LHAG PA DANG BCAS PA ZHES BYA BA NI 'BRING GI 'BRING NGO, ,ZHOG CES PA LA SOGS PA STE, GLING CHEN PO BZHI PA 'DIR ZHES PA NI, GLING CHEN PO BZHI LAS 'JIG RTEN 'DZIN PA BYED PAS KHAMS ZHES PA NI RANG GI DON GYI MOS PA 'BRING GI CHEN PO'O, ,ZHOG CES PA LA SOGS PA STE, GLING BZHI PA RNAMS KYIS YONGS SU @93A *, ,BSGRES PA STONG ZHES PA STE, DE DE LTAR YONGS SU BKANG BA NYID KYIS NA SPYI PHUD DANG 'DRA BAS SPYI PHUD CES PA NI RANG GI DON GYI MOS PA CHEN PO'I CHUNG NGU'O, ,ZHOG CES PA LA SOGS PA STE, 'DI STONG GNYIS SU YONGS SU SGYUR BA ZHES PA NI STONG GNYIS PA'I STONG GI STONG ZHES PA'I DON TO, ,DE NI BAR MA'I STONG STE STONG DANG STONG CHEN PO'I BAR GYI PHYIR RO ZHES PA NI RANG GI DON GYI MOS PA CHEN PO'I 'BRING NGO, ,ZHOG CES PA LA SOGS PA STE, 'DI LTA BU'I STONG GNYIS PA RNAMS KYIS YONGS SU BSGRES PA'I STONG GSUM MO ZHES PA'I DON TO, ,DE LTAR DE BZHIN DU STONG CHEN PO ZHES PA NI RANG GI DON GYI MOS PA CHEN PO'I CHEN PO'O, ,ZHOG CES PA LA SOGS PA STE, SEMS CAN THAMS CAD SNGA PHYI MED PAR MI'I LUS THOB PAR 'GYUR PA ZHES PA NI SNGA PHYI MED PAR LHAN CIG TU ZHES PA'I DON TO, ,YONGS SU BRTAGS PA NI YONGS SU BRTAGS PAS SO, ,JI SRID 'TSO'I BAR DU NI MCHOD RTEN LA MCHOD PA THAMS CAD KYIS 'DIR BSKAL PA'AM BSKAL PA LAS LHAG PAS NI BCOM LDAN 'DAS MA LA MCHOD PA'I BSOD NAMS KYI LAS BLA LHAG PAR NYE BAR BSKYED PA'I SHES PAS SPYOD PA DANG BLA LHAG CES PA NI RANG GZHAN DON GYI MOS PA CHUNG NGU'I CHUNG NGU'O, ,ZHOG CES PA LA SOGS PA STE, 'DI 'DRA BA NYID CES BSAM PA LAS 'DAS PAS BSAM GYIS MI KHYAB PA'O, ,'DRA BA MED PAS MI MNYAM PA'O, ,BSOD NAMS MNGON PAR 'DU BYED PA'I BSOD NAMS KYI LAS LA CHA NI CHA SHAS SO, ,MI PHOD CES PA NI MI RUNG MI THOB CES PA'I DON TO, ,CHAR YANG MI PHOD CES PA NI, BSNYAMS NA ZHES PA'I DON TO, ,CI LTAR BGRANGS KYANG GRANGS BLA LHAG PAS MI MNYAM PA STE, SNGON GYI BSOD NAMS KYIS JI SRID DU BYE BA KHRAG KHRIG BRGYA STONG GIS KYANG PHYI MA'I BSOD NAMS DANG BSNYAMS NA MI BZOD LA, YANG DUS PHRA MOR GYUR PAS GRANGS SU BGRANGS PAS DA LTAR BYUNG BA LA SOGS PA DE RNAMS KYIS JI LTAR YANG MI PHOD PA'O, ,DE LAS BLA LHAG PAS NI MI MNYAM PA'I PHYIR RO, ,SNGON GYI BSOD NAMS KYIS JI SRID DU PHYE BA'I 'GYUR GYIS KYANG PHYI MA'I BSOD NAMS LA BSDUR YANG MI BZOD PA'O, ,THA MI DAD PA'I DPE MED PAS ZLA MED PA'O, ,GRANGS KYI DPE MED PAS DPE MED PA'O, ,BGRANG BA'I DPE'I RGYU MED @93B PAS RGYUR MED PA STE, DE LA 'DIS BSDUR BAR MI BZOD PA'O, ,DPE DANG RGYUR YANG ZHES PA NI DE LTAR SHIN TU YANG MNYAM PA MED PAS RGYUR YANG ZHES PA STE, MNYAM PA'I DON GYI GANG ZHIG DPE'I RGYU DANG NYE BAR 'DUG NAS DRUNG NA GNAS PA DE YANG RIGS PA MA YIN ZHES PA'I DON LA, KYE MA ZHES PA NI BOD PA STE, 'PHAGS PA ZHES PA'I DON TO, ,KUN TU RGYU BA ZHES PA NI BSAM PA'O, ,BRTAGS PA NI DRAN BAS SO, ,KHA DON DU NI YID KYIS BZLAS PA BYAS PA 'DI NI ZHES PA LA SOGS PA GSUM DU RNAM PAR BSHAD DE, 'DIR 'DI LAS LHAG PA'I RIG SNGAGS MED PAS GONG NA MED PA'O, , 'DIR 'DI LAS LHAG PA'I DGE BA'I CHOS MED PAS BLA NA MED PA'O, ,MNYAM PA'I RIG SNGAGS GZHAN MED PAS MI MNYAM PA'O, ,MI MNYAM PA'I DE BZHIN GSHEGS PA RNAMS DANG MNYAM PA'I PHYIR MI MNYAM PA DANG MNYAM PA'O, ,RAB TU PHYE BAR BGYI ZHING RAB TU GSAL BAR BGYI'O, , BYANG CHUB KYI YAN LAG BDUN DANG LDAN PA NI DE'I RTEN YIN PA'I PHYIR NA DE RNAMS KYIS YONGS SU BZUNG NAS GNAS PA'O, ,BRGYAD KHRI BZHI STONG ZHES PA NI CHOS KYI PHUNG PO BRGYAD KHRI BZHI STONG RNAMS TE, 'DOD CHAGS LA SOGS PA LA SPYOD PA RNAMS KYI RE RE'I SPYOD PA'I GNYEN POR JI SRID DU GZHUNG GIS YONGS SU RDZOGS PA DE SRID NI CHOS KYI PHUNG PO STE, CHOS KYI PHUNG PO GCIG GO, ,SANGS RGYAS RNAMS KYI YE SHES NI RANG GIS BYUNG BAS RANG BYUNG BA'O, ,BSAM PA LAS SHIN TU 'DAS PAS BSAM GYIS MI KHYAB PA'O, ,SNGON DU THOS NAS ZHES PA NI SNGON DU THOS PA LAS BYUNG BAS SO, ,SMAN DANG SKAR MA NI SMAN DANG SKAR MA YANG GSAL BAR BYED PAR 'GYUR RO, ,CHOS NI MYA NGAN LAS 'DAS PA STE, CHOS THAMS CAD LAS KHYAD PAR DU 'PHAGS PA'I PHYIR RO, ,DE NYID KYI MNYAM PA NI NYON MONGS PA'I SDUG BSNGAL NYE BAR ZHI BAR BYED PA'I PHYIR RO, ,DE'I SPYOD PA NI DGE BA LEGS PAR SPYOD PA'O, ,YANG BA NI 'CHI BA'I RGYU LA, DE MA SPANGS PA NI YANG BA MA SPANGS PA'O, ,'DI'I RGYAS PAR BSHAD PA NI LHAG MA STE, CHAD PAS ZHES PA NI LDOG PA LA SOGS PAS SO, ,BRJOD PA NI 'ONGS PA'I TSIG GO, ,MNGON PAR BRJOD PA NI GTAM GYI RGYUN LA, SO SOR DGA' MGU BA NI GOS LA SOGS PA NYE BAR STOBS PAS SO, ,BYAMS @94A *, ,PA'I SEMS KYIS DANG PHAN PA'I SEMS KYIS TE, SGYU MA LA SOGS PA NI MA YIN PA'O, ,SNYING RJE NI 'BRAS BU LA STE, 'DIR SNYING RJE BA DES SO SOR GDOD NAS SDUG BSNGAL BSAL BAR SEMS PAS SO, ,GDUG PA NI RI DAGS GTUM PO'O, ,SDIG SBRUL NI SBRUL LO, ,MA GTOGS ZHES PA NI 'JUG PA LAS PHYI ROL DU BYAS PA'O, ,KUN TU BRTAGS PA NI YID LA BYAS NAS SO, ,KLAN KA TSOL BA'I BSAM PA NI SDANG BA DANG BCAS PA'I SEMS KYIS SO, ,MIG GIS MI RTZOL BA NI YID KYIS SO, ,DPUNG GI TSOGS NI DPUNG GI TSOGS LA, DE NI YAN LAG BZHI STE, GLANG PO DANG, RTA DANG, BDAG PO'I SHING RTA DANG, BKOD PA 'DUS PA'O, ,SLAR LOG PA NI MA ZHUGS PA'O, ,BAR SNANG ZHES PA NI NAM MKHA' NAS NAM MKHAR SON PA RNAMS KYIS SO, ,YUN RING MO NI YUN RING PO NAS SO, ,CHED DU BRJOD PA NI YANG YANG BRJOD PA'O, ,NGAN DON NI NYUNG NGU'O, ,JI LTAR SHES RAB KYI PHA ROL TU PHYIN PA LA NI DE LTAR DNGOS PO MED PA NYID LA'O, ,SHES RAB KYI PHA ROL TU PHYIN PA NYID KYI RGYA MTSO CHEN PO ZHES PA NI CHUNG NGU'I 'BRING NGO, ,DE NAS YANG ZHES PA LA SOGS PA STE, PHA ROL TU PHYIN PA DRUG GIS 'DREN PA PO NYID LA SOGS PA SHES PAR 'THAD PA DANG BCAS PA'I SPYOD PA BLA LHAG PA LAS BSOD NAMS BLA LHAG PAR SHES PAR BYED PA'O, ,BSNGAGS PA NI BSTOD PA'AM YON TAN NO, ,SNGON DU 'GRO BA NI MDUN DU 'GRO BA'O, ,'DREN PA NI SDUD PA PO LA, YONGS SU 'DREN PA NI KUN TU 'PHEL BAR BYED PA'O, ,SHES RAB KYI PHA ROL TU PHYIN PA NI RANG NYID KYIS MCHOG YIN PA'I PHYIR PHA ROL TU PHYIN PA STE, CIG SHOS TE DE RNAMS NYID KYANG THAMS CAD MKHYEN PA NYID DU YONGS SU SNGO BAR BYED KYIS SO ZHES PA NI CHUNG NGU'I CHEN PO'O, ,DE NAS ZHES PA LA SOGS PA STE, GLEGS BAM DU CHUD PA NI DAM PA'I CHOS YUN RING DU GNAS PA'I PHYIR MCHOD PA'I PHAN YON ZHES PAS 'DIR SPYOD PA BLA LHAG PA ZHES PA NI 'BRING DANG CHUNG NGU'O, ,DE SKAD CES BKA' STZAL PA ZHES PA LA SOGS PA NI SPYOD PA BLA LHAG PA STE, MDO JI LTA BA BZHIN TE 'BRING GI 'BRING NGO, ,GZHAN YANG ZHES PA LA SOGS PA STE, SNAG GI GNYEN MTSAMS NI MNGAL GCIG NAS SKYES PA'O, ,PHAN TSUN RJES SU SBYOR BA @94B NI 'DRI BA STE, 'BRING GI CHEN PO'O, ,GANG SU ZHES PA LA SOGS PA STE, LHA THAMS CAD NYE BAR 'ONGS PA NI DANG PAS SO, ,DE RNAMS LA CHOS KYI DBYINGS KYI SBYIN PA SBYIN PA'I SPYOD PA BLA LHAG PA ZHES PA NI CHEN PO'I CHUNG NGU'O, ,DE SKAD CES BKA' STZAL PA ZHES PA LA SOGS PA STE, LHA LA SOGS PA GANG ZHIG 'ONGS NAS MCHOD PA SHES PAR RAB TU GZENGS BSTOD PAR 'GYUR ZHES DAD PA'I MTHU LA DAD PA BLA LHAG PA DANG SPYOD PA BLA LHAG PA'O, ,KUN TU SHES TE NI KUN TU MTSON PA'O, ,MTHAR THUG PA NI NGES PA'O, ,'GRO BAR BYA BA NI BYA BA LA'O, ,MI MA YIN PA'I DRI ZHES PA NI MI'I LUS NI MI LA, DE LTA MA YIN PA NI MI MA YIN NO, ,MI GTZANG BA MED PA NI GTZANG SBRA LA ME TOG LA SOGS PA DANG LDAN PAS GTZANG MA'O, ,BYOL BA NI 'PHOS NAS SO, ,NGAL BA NI GNOD PA'O, ,RGYA CHEN PO NI CHEN PO LA, SO SOR MYONG BAR 'GYUR BA NI RTOGS PAR 'GYUR BAS SO, ,BRKAM PA NI 'DOD PA LA, 'DU SHES NI DRAN PA'I ZHES PA NI CHEN PO'I 'BRING NGO, ,KOO SHI KA GZHAN YANG ZHES PA LA SOGS PA NAS LE'U YONGS SU RDZOGS PA'I BAR NI CHEN PO'I CHEN PO'O, ,GZHAL DU MED PA'I YON TAN NI GLEGS BAM GANG GIS BCANGS NAS GZUNG BA LA SOGS PAS 'DZIN PA NI DE SKAD CES BRJOD PA, DE YANG PHA ROL TU PHYIN PA DANG, MCHOD RTEN ZHES PA GNYIS TE, DE DAG LA BSNYEN BKUR NI ME TOG LA SOGS PA'I MCHOD PA STE, DE BRJOD PA CAN GYI LE'U'O, ,'PHAGS PA SHES RAB KYI PHA ROL TU PHYIN PA BRGYAD STONG PA'I 'GREL BA GNAD KYI ZLA BA'I 'OD CES BYA BA, PAndI TA 'JIGS MED 'BYUNG GNAS SBAS PAS MDZAD PA LAS LE'U GSUM PA'O,, ,,GZHAN YANG ZHES PA LA SOGS PA STE, SHES RAB KYI PHA ROL TU PHYIN PA NYID DANG CHOS KYI SKU NYID RO GCIG PA'I PHYIR NA SHIN TU MCHOD PAR BYA'I, GZUGS KYI SKU LA NI MA YIN TE, 'JIG TSOGS YIN PA'I PHYIR ZHES PA 'DI'I DON LA GANG ZHIG DAD PA DANG DANG PA'I STOBS LA BRTEN NAS KYANG TSOD BLA LHAG PA STE, DE NI 'DIR SPYOD PA BLA LHAG PA'O, ,DE NI DE BZHIN GSHEGS PA RNAMS KYI SKU NI GDUNG STE, DE RNAMS KYIS BKANG NAS 'DAM PAR BYED PA NI GCIG KHYER CIG CES RJOD PAR BYED NA'O, ,RI MOR BGYI BA NI SHIN TU YANG GUS PA STE, DE DAG LAS BLA MAR GYUR PA NI BCOM @95A *, ,LDAN 'DAS MA'O, ,'DI NI ZHES PA NI BRIS PA'I SHES RAB KYI PHA ROL TU PHYIN PA'I TSUL LA'O, ,YANG DAG PA NI 'DIR DE KHO NA NYID DE CHOS RNAMS THAMS CAD NGO BO NYID MED PA NYID LA, DON DU GNYER BAR BYA BAS DON TE, YANG DAG PA'I DON TO, ,DON DAM PA NI CHOS KYI SKU LA, DE'I RJOD PAR BYED PA DES DE LTAR SBYOR NAS DON DU GNYER BA PO LA GTZO BO'I SKU MNGON PAR BRJOD PAS NYE BAR BTAGS PA DE BZHIN GSHEGS PA RNAMS KYI SKU'O, ,DE ZHES PA NI GANG DU YANG DAG PA'I DON GYI NGO BO'I SKU STE, YUM CHEN MOR GSUNGS PA DE 'DIR BSHAD DE, CHOS NI NGO BO NYID MED PA NYID KYI DON DAM PA LA, SKU NI GANG DAG LA DE'O, ,'O NA 'DI LTAR SKU GZHAN LA YOD PA MA YIN NAM ZHE NA, GSUNGS PA NI MIN ZHES PA STE, MTSAN DANG DPE BYAD KYI 'BAR BA'I SKU YOD NA 'DI NI RANG BZHIN GYIS RTAG PAR YOD PAR BYED PA'I DON DAM PA PA'I SKU SNYAM DU MA SEMS SHIG ,LONGS SPYOD RDZOGS PA DANG SPRUL PA'I SKU DAG NI KUN RDZOB PA'I PHYIR RO, ,YANG NA DMIGS PAR BYED PA YOD PA DE YANG 'DIR RAB TU G-YO BA'I CHU'I NANG GI ZLA BA BZHIN TE, SKAD CIG RE RES 'JIG PA CAN GYI SKU ZHES PAS 'JIG TSOGS LA STE, GZUGS KYI SKU DE LA DON DAM PA'I SKUR MA SEMS SHIG PA'O, ,CHOS KYI SKUS YONGS SU RDZOGS PA NI BAG CHAGS DANG BCAS PA'I SGRIB PA RAB TU SPANGS NAS RTOG PA RDZOGS PA STE, DE'I YANG DAG PA'I DON NYID KYI PHYIN CI MA LOG PAR YONGS SU RDZOGS PA RTOGS PA LA CHOS KYI SKU ZHES BRJOD LA, DE KHO NA DON DAM PA'I SANGS RGYAS SO, ,LTOS ZHES PA NI MTHONG BA MED PA'I SBYOR BA STE, DE LTAR YANG SUM BRGYA PA LAS, CHOS NYID DU YANG 'DI SHES NA, ,DE NI SHES PAR MI NUS SO, ,ZHES GSUNGS TE, CHOS NYID SHES PAR MI NUS ZHES PA NI 'DIR DON DAM PA CHOS RNAMS THAMS CAD MA MTHONG BA NYID KYIS SANGS RGYAS BCOM LDAN 'DAS RNAMS MTHONG ZHES PA LA DGONGS PA STE, 'DIR GSUNGS PA, 'DI ZHES PA NI CHOS KYI SKU STE, YANG DAG PA'I MTHA' DE BZHIN NYID KYI MCHOG STE, DES RGYU'I GNAS SKABS RNAMS SU LEGS PAR BSGOMS PAS RTOGS NAS RAB TU PHYE BA STE, KUN TU SKYES NAS DE LTAR RAB TU PHYE BA'O, ,DE'I BDAG PO NYID KYIS GZUGS KYI SKU YONGS SU DAG PA 'BAR BA DAG SKYED PA'O, , @95B DE NYID NI CHOS KYI SKU SHES RAB KYI PHA ROL TU PHYIN PA DON DAM PA STE, DE'I RTOGS PA DE'I RANG BZHIN YIN PA'I PHYIR DANG, YUL YIN PA SHES RAB KYI PHA ROL TU PHYIN PA STE, KUN RDZOB KYI NGO BO LA 'ON KYANG KUN RDZOB KYI NGO BO NYID KYANG DON DAM PAR NGES PA NYID KYIS NA GZUGS KYI SKU GNYIS PO DANG NGO BO NYID MCHOG SHIN TU MCHOG NYID KYIS BYANG CHUB KYI PHYOGS LA SOGS PA'I CHOS KYI PHUNG PO YANG KUN RDZOB STE, SHES RAB KYI PHA ROL TU PHYIN PA'I BDAG NYID CAN NO, ,DE'I PHYIR NA DE NI CHOS KYI SKUS KUN TU BSDUS ZHES BSHAD DO, ,DE LTA BU'I DE KHO NA NYID DANG, DE KHO NA NYID RTOGS PA'I BRJOD PA PO NYID KYIS SHES RAB KYI PHA ROL TU PHYIN PA NI SHIN TU YANG GUS PA'I YUL YIN ZHES BRGYA BYIN GYIS BSTAN SHES PA NI GZHAN GYI DON GYI MOD PA CHUNG NGU'I CHUNG NGU'O, ,'ON KYANG ZHES PA LA SOGS PA STE, 'ON KYANG GI SGRA NI KHYAD PAR GYI DON TO, GANG YANG DE RNAMS LA YANG GUS TE, DE LTA NA YANG ZHES PA'I DON TO, , CHOS STON PA'I GZHI YIN PA'I PHYIR CHOS BZANGS LHA'I 'DUN SA YIN PA'I PHYIR LHA'I 'DUN SA STE, SHIN TU YANG YANGS PA LHA'I GRONG KHYER BLTA NA SDUG PA'I BDEN BRAL GYI PHYOGS SU'O, ,'DOD CES PAS NA DBANG PO STE, SKYES BU CHEN PO DES KUN DU BSGRAGS PA LA BLTA BAR 'DOD PA'O, ,SHIN TU DBANG CHE BAR GRAGS PAS 'DIR DBANG CHE BAR GRAGS PA STE, BSAM PA CHEN PO'I ZHES PA'I DON TE, DE YANG 'DIR YANG DAG PAR RDZOGS PA'I SANGS RGYAS TE, DE'I YE SHES KYI SKU'I RGYU'I NGO BO DANG RKYEN GYI NGO BO STE, 'DI LA GSUNGS PA NI, DE BZHIN GSHEGS PA'I ZHES PA LA SOGS PA STE, DE LA THAMS CAD MKHYEN PA'I YE SHES NI BRGYA BYIN LA DE BZHIN GSHEGS PA'I GDUNG NI 'DIR RGYU DANG RKYEN DU GYUR PA MA YIN TE, BRGYA BYIN GYI STAN BZHIN TE, SNGON DU CHOS KYI SKU'I RTEN DU GYUR PAS GZUGS KYI SKU LA YANG SKU NYID DU BSHAD DO, ,'DIR NI DBANG CHE BAR GRAGS PA'I YE SHES KYI SKU'I GDAN LTA BU'O ZHES PA'I DON 'DI LA GANG ZHIG DAD PA DANG