@1A *, ,SHES PHYIN PA PA BZHUGS SO, , @1B [DD] #, ,DE NAS BCOM LDAN 'DAS KYIS LHA'I DBANG PO BRGYA BYIN LA BKA' STZAL PA, KOO SHI KA RIGS KYI BU'AM RIGS KYI BU MO GANG LA LA ZHIG GIS, GAL TE 'DZAM BU'I GLING GI SEMS CAN DE DAG [DD] DGE BA BCU'I LAS KYI LAM LA BKOD PAR GYUR NA ZHES BYA BA NAS, DE DAG LA BSLABS SHING RIGS KYI BU'AM RIGS KYI BU MO DE DAG KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR DU NI 'DZAM BU'I GLING GI SEMS CAN RNAMS DGE BA BCU'I LAS KYI LAM LA BKOD PA PAS KYANG SHES RAB KYI PHA ROL TU PHYIN PA 'DI GLEGS BAM KLAG PA'AM, DPE 'DRI BA'AM, KHA TON DU BYE BA'I PHYIR GZHAN LA BYIN PA BSOD NAMS CHE BA'I PHAN YON BSTAN PA STE, DE LTAR PHAN YON CHE BA YANG SHES RAB KYI PHA ROL TU PHYIN PA 'DI LAS DUS GSUM GYI NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYIS ZAG PA MED PA'I CHOS DRAN PA NYE BAR GZHAG PA BZHI LA SOGS PA SANGS RGYAS KYI CHOS MA 'DRES PA BCO BRGYAD LA THUG GI @2A *, ,BAR LA BSLABS NAS SO SO'I 'BRAS BU THOB PAR 'GYUR BA RNAMS RGYA CHER BSTAN PA'I PHYIR RO, ,DE LA YANG DAG PA'I SKYON MED PAR ZHUGS PA ZHES BYA BA NI NYAN THOS RGYUN DU ZHUGS PA'I 'BRAS BU THOB PAR BYA BA'I PHYIR ZHUGS PA LA BYA'O, ,BYANG CHUB SEMS DPA'I SKYON MED PAR ZHUGS PA ZHES BYA BA NI BYANG CHUB SEMS DPA'I SA DANG PO THOB PAR BYA BA'I PHYIR ZHUGS PA'O, ,KOO SHI KA SEMS CAN GCIG CIG RGYUN DU ZHUGS PA'I 'BRAS BU LA BZHAG NA, RIGS KYI BU'AM RIGS KYI BU MO DE'I BSOD NAMS CHES MANG DU 'PHEL GYI, 'DZAM BU'I GLING GI SEMS CAN RNAMS DGE BA BCU'I LAS KYI LAM LA BKOD PA NI MA YIN NO ZHES BYA BA NAS, KOO SHI KA RNAM GRANGS DES NA, 'DI LTAR BYANG CHUB SEMS DPA' RNAMS KYANG MCHOD CING RIM GRO BYA BA YIN TE, 'JIG RTEN LHA DANG BCAS PA DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG BRAM ZER BCAS PA'I SKYE DGUS ME TOG DANG, PHRENG BA DANG, SPOS DANG, BYUG PA DANG, PHYE MA DANG, NA BZA' DANG, GDUGS DANG, RGYAL MTSAN DANG, BA DAN DANG, SIL SNYAN SNA TSOGS KYIS RIM GROR BYA BA DANG, BKUR STIR BYA BA DANG, PHU DUD DU BYA BA YIN PAR SHES PAR BYA'O ZHES BYA BA'I BAR DU NI 'DZAM BU'I GLING GI SEMS CAN RNAMS DGE @2B BA BCU'I LAS KYI LAM LA BKOD PA BAS, SEMS CAN GCIG RGYUN DU ZHUGS PA'I 'BRAS BU LA BZHAG PA DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID LA BKOD PA'I BSOD NAMS CHE BA DANG, 'DZAM BU'I GLING GI SEMS CAN RNAMS RGYUN DU ZHUGS PA LA SOGS PA'I 'BRAS BU BZHI LA BKOD PA BAS KYANG SEMS CAN GCIG RANG BYANG CHUB LA BZHAG PA BSOD NAMS CHE BA DANG, 'DZAM BU'I GLING GI SEMS CAN THAMS CAD RANG BYANG CHUB LA BKOD PA BAS KYANG, SEMS CAN GCIG BLA NA MED PA YANG DAG PAR RDZOGS PA'I BYANG CHUB LA BZHAG PA BSOD NAMS CHE BA GTAN TSIGS DANG BCAS PAR BSTAN TE, DE'I GTAN TSIGS KYANG SEMS CAN GCIG BLA NA MED PA'I BYANG CHUB LA BZHAG PAS NI SANGS RGYAS KYI CHOS KYI TSUL RGYUN MI 'CHAD PAR 'GYUR GYIS, NYAN THOS DANG RANG SANGS RGYAS RNAMS SO SO'I 'BRAS BU LA BKOD PAR DE LTAR MI 'GYUR BA DANG, NYAN THOS DANG, RANG SANGS RGYAS RNAMS DANG, DE BZHIN GSHEGS PA YANG BYANG CHUB SEMS DPA' LAS 'BYUNG BA'I PHYIR RO ZHES BSTAN PA'O, ,KOO SHI KA RIGS KYI BU'AM RIGS KYI BU MO GANG LA LA ZHIG GIS, 'DZAM BU'I GLING GI SEMS CAN THAMS CAD DGE BA BCU'I LAS KYI LAM LA BKOD PAR GYUR NA, KOO SHI KA DE CI SNYAM DU SEMS ZHES BYA BA NAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS YOD DO ZHES BYA BA'I BAR DU NI 'DZAM BU'I GLING GI SEMS CAN THAMS CAD DGE BA BCU'I LAS KYI LAM LA BKOD PA DANG, GLING BZHI PA'I SEMS CAN RNAMS DANG, STONG GCIG GI 'JIG RTEN GYI KHAMS KYI SEMS CAN RNAMS DANG, STONG GNYIS KYI 'JIG RTEN GYI KHAMS KYI SEMS CAN RNAMS DANG, STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED DAG NA SEMS CAN JI SNYED CIG YOD PA DE DAG THAMS CAD DGE BA BCU'I LAS KYI LAM LA BKOD PA'I BSOD NAMS PAS KYANG, SHES RAB KYI PHA ROL TU PHYIN PA 'DI GLEGS BAM KLAG PA 'AM, DPE BRI @3A *, ,BA'AM, KHA TON DU BYA BA'I PHYIR GZHAN LA BYIN NA BSOD NAMS CHE BA GTAN TSIGS DANG BCAS PAR BSTAN PA STE, DE'I GTAN TSIGS KYANG SHES RAB KYI PHA ROL TU PHYIN PA 'DI LAS ZAG PA MED PA'I CHOS THAMS CAD RGYA CHER BSTAN PA DANG, ZAG PA MED PA'I CHOS DE DAG YOD PAS RGYAL RIGS CHE ZHING MTHO BA LA SOGS PA 'DOD PA'I KHAMS KYI MI YA RABS RNAMS DANG, RGYAL CHEN BZHI'I RIGS KYI LHA LA SOGS PA GZUGS MED PA'I KHAMS KYI LHA MAN CHAD KHAMS GSUM GYI LHA RNAMS 'JIG RTEN NA YOD PAR 'GYUR PA DANG, SBYIN PA'I PHA ROL TU PHYIN PA LA SOGS PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA THUG GI BAR DU, RNAM PAR BYANG BA'I CHOS THAMS CAD 'JIG RTEN NA YOD PAR 'GYUR BA'I PHYIR RO ZHES BSTAN PA'O, ,KOO SHI KA GZHAN YANG 'DZAM BU'I GLING GI MI JI SNYED PA DE DAG RIGS KYI BU'AM RIGS KYI BU MO LA LAS BSAM GTAN BZHI LA BKOD DE, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA LA RAB TU BKOD NA, KOO SHI KA DE JI SNYAM DU SEMS, RIGS KYI BU'AM RIGS KYI BU MO DE'I BSOD NAMS DE'I RGYUS MANG DU 'PHEL LAM ZHES BYA BA NAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS YOD DO ZHES PA'I BAR DU NI 'DZAM BU'I GLING GI MI THAMS CAD DANG, GLING BZHI PA'I SEMS CAN RNAMS DANG, STONG GCIG GI 'JIG RTEN GYI KHAMS KYI SEMS CAN RNAMS DANG, STONG GNYIS KYI 'JIG RTEN GYI KHAMS KYI SEMS CAN RNAMS DANG, STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS DANG, PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN JI SNYED YOD PA DE DAG THAMS CAD BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA LA BKOD PA'I BSOD NAMS PAS KYANG, SHES RAB KYI PHA ROL TU PHYIN PA 'DI GLEGS BAM LA KLAG PA DANG, DPE BRI BA DANG, KHA TON DU BYA BA'I PHYIR GZHAN LA BYIN PA BSOD NAMS CHE BA GTAN @3B TSIGS SNGAR BSHAD PA DANG BCAS PAR BSTAN PA'O, ,KOO SHI KA GZHAN YANG RIGS KYI BU'AM RIGS KYI BU MO GANG LA LAS SHES RAB KYI PHA ROL TU PHYIN PA 'DI 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, TSUL BZHIN DU YID LA BYED NA DE'I BSOD NAMS CHES MANG DU 'PHEL GYIS ZHES BYA BA NAS, STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DGE BA BCU'I LAS KYI LAM LA BKOD PA DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA LA BKOD PAS NI MA YIN NO ZHES BYA BA'I BAR DU NI SHES RAB KYI PHA ROL TU PHYIN PA 'DI LA TSUL BZHIN YID LA BYED PA GTZO BOR BYA STE 'DZIN PA DANG, 'CHANG BA DANG, KLOG PA DANG, KUN CHUB PAR BYAS NA, 'DZAM BU'I GLING NAS STONG GSUM GYI STONG CHEN PO'I 'JIG RTEN GYI KHAMS LA THUG GI BAR GYI SEMS CAN THAMS CAD DGE BA BCU LA SOGS PA LA BKOD PA'I BSOD NAMS PAS KYANG BSOD NAMS CHES MANG DU 'PHEL BA BSTAN PA'O, ,DE LA TSUL BZHIN YID LA BYED PA NI 'DI YIN TE, GNYIS PA LA SPYOD PA YANG MA YIN MI GNYIS PA LA SPYOD PA YANG MA YIN PA'I BLOS SHES RAB KYI PHA ROL TU PHYIN PA 'DZIN PA DANG, KUN CHUB PAR BYED PA DANG, 'CHANG BA DANG, KLOG PA DANG, TSUL BZHIN DU YID LA BYED PA'O ZHES BYA BA NAS, RNAM PA THAMS CAD MKHYEN PA NYID TSUL BZHIN DU YID LA BYED PA'O ZHES BYA BA'I BAR DU NI TSUL BZHIN DU YID LA BYED PA'I DON BSTAN PA STE, SHES RAB KYI PHA ROL TU PHYIN PA LA SPYOD PA'I TSE DON DAM PAR CHOS THAMS CAD STONG PA NYID DU RTOGS PAS YOD PA DANG MED PA LA SOGS PA'I MTHA' GNYIS SU YANG MI 'DZIN, YOD MED GNYIS KYI MTHA' DANG BRAL BAR YANG MI 'DZIN PAR SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR LA SPYOD PA NYID TSUL BZHIN DU YID LA BYED PA YIN NO ZHES BSTAN PA'O, ,KOO SHI KA GZHAN YANG RIGS KYI BU'AM , RIGS KYI BU MO LA LA ZHIG ,SHES RAB KYI PHA ROL TU PHYIN PA 'DI GZHAN LA RNAM GRANGS DRANGS DU MAR RGYA CHER BRJOD CING @4A *, ,STON LA ZHES BYA BA LA SOGS PA NI SHES RAB KYI PHA ROL TU PHYIN PA 'DI BDAG NYID KYIS BZUNG ZHING BCANGS PA LA SOGS PA BYAS PA PAS KYANG, SHES RAB KYI PHA ROL TU PHYIN PA 'DI LA GNYIS SU YANG MI LTA, GNYIS SU MED PAR YANG MI LTA BA LA SOGS PA'I DON GZHAN LA RGYA CHER BSTAN CING BSHAD PA BSOD NAMS CHES MANG DU 'PHEL BA'I YON TAN BSTAN PA STE, DE LA RNAM GRANGS DU MAR RGYA CHER BRJOD CING STON PA 'CHAD CING 'GREL PA DANG, RNAM PAR 'BYED CING GSAL BAR BYED LA YANG DAG PAR STON CING DE'I DON GTAN LA PHAB PAR STON PA BYED NA ZHES BYA BA NI SHES RAB KYI PHA ROL TU PHYIN PA'I DON GNYIS SU MED PA GZHAN LA ZHIB TU STON CING 'CHAD PA'I RNAM GRANGS SU RIG PAR BYA'O, ,SHES RAB KYI PHA ROL TU PHYIN PA NI GNYIS SU LTA BA MA YIN, GNYIS SU MED PAR LTA BA MA YIN ZHES BYA BA NI DON DAM PAR SHES RAB KYI PHA ROL TU PHYIN PA'I RANG BZHIN CHOS THAMS CAD LA RNAM PAR MI RTOG PA YIN PA'I PHYIR GNYIS SU MED PA'I NGO BO NYID DO ZHES BYA BAR YANG MI RTOG NA GNYIS KYI NGO BO NYID DU RTOGS PA LTA SMOS KYANG CI DGOS TE, DE BAS NA SHES RAB KYI PHA ROL TU PHYIN PA NI GNYIS KYI TSUL DU YANG MI LTA, , GNYIS SU MED PA'I TSUL DU YANG MI LTA'O ZHES BYA BA'I DON TO, ,MTSAN MAR MA YIN MTSAN MA MED PAR MA YIN ZHES BYA BA NI MIG LA SOGS PA'I YUL LA DMIGS PA'I TSE GZUGS LA SOGS PA KUN BRTAGS PA'I DNGOS PO RNAMS LA MTSAN MAR MI 'DZIN PA DANG, MTSAN MA MED PA'O ZHES BYA BAR YANG RNAM PAR MI RTOG PA'I PHYIR RO, ,BLANG BAR MA YIN DOR BAR MA YIN ZHES BYA BA NI LAS LEGS NYES BYED PA'I TSE SRID PA'I PHYI MA BLANG BA'I RNAM PAR RTOG PA MED PA DANG, LAS KYI RNAM PAR SMIN PA MYONG BA'I TSE SDUG BSNGAL LA SOGS PA DOR BA'I RNAM PAR RTOG PA MED PA'I PHYIR RO, ,DBRI BAR MA YIN BSNAN PAR MA YIN ZHES BYA BA NI SHES PAR BYA BA NI SHES PAR BYA BA'I CHOS RNAMS RAB TU 'BYED PA'I TSE YOD PA'I DNGOS PO LA MED DO ZHES SKUR BA 'DEBS SHING DBRI BAR MI BYED PA DANG, MED PA'I DNGOS PO LA YOD DO ZHES SGRO 'DOGS SHING BSNAN PA MED PA'I PHYIR RO, ,KUN NAS NYON MONGS PAR @4B MA YIN RNAM PAR BYANG BAR MA YIN ZHES BYA BA NI SEMS CAN THAMS CAD DE BZHIN GSHEGS PA'I SNYING PO YIN TE, RANG BZHIN GYIS YONGS SU DAG PA'I PHYIR SO SO'I SKYE BO'I TSE YANG KUN NAS NYON MONGS PA MED LA, 'PHAGS PAR GYUR PA'I TSE YANG RNAM PAR BYANG BA MED PA'I PHYIR RO, , SKYE BAR MA YIN 'GAG PAR MA YIN ZHES BYA BA NI SHES PAR BYA BA'I DE KHO NA NYID YONGS SU BRTAG PA'I TSE CHOS KYI CHOS NYID LA DON DAM PAR SKYE BA MED PA DANG 'GAG PA MED PAR RTOGS PA'I PHYIR RO, ,GZUNG BAR MA YIN MI BZUNG BAR MA YIN ZHES BYA BA NI CHOS KYI DE BZHIN NYID LA SEMS RTZE GCIG TU 'JOG CING BSGOM PA'I TSE GZUNG BA DANG 'DZIN PA GNYIS MED PAR GZUNG BA DANG MI BZUNG BA GNYIS KAR RNAM PAR RTOG PA MED PA'I PHYIR RO, ,LEN PAR MA YIN LA 'DOR BAR MA YIN ZHES BYA BA NI SA 'OG MA NAS SA GONG MAR 'PHAR BA'I TSE DON DAM PAR SA GONG MA'I YON TAN BLANG BA DANG, SA 'OG MA'I SKYON DOR BAR MI RTOG PA'I PHYIR RO, ,GNAS PAR MA YIN MI GNAS PAR MA YIN ZHES BYA BA NI SA GONG NAS GONG DU 'PHAR ZHING GNAS PAR BYA BA DANG, SA 'OG MA LA GNAS PAR MI BYA BA'I RNAM PAR RTOG PA MED PA'I PHYIR RO, ,YANG DAG PAR MA YIN LOG PAR MA YIN ZHES BYA BA NI ZHI GNAS DANG LHAG MTHONG ZUNG DU 'BREL BAR SGRUB PA'I TSE 'DI NI YANG DAG PA'I BSGRUB PA'O, ,'DI NI YANG DAG PA MA YIN PA'I BSGRUB PA'O ZHES BYA BAR RNAM PAR RTOG PA MED PA'I PHYIR RO, ,LDAN PAR MA YIN MI LDAN PAR MA YIN ZHES BYA BA NI ZHI GNAS DANG LHAG MTHONG ZUNG DU 'BREL BAR SGRUB CING YID LA BYED PA DE NYID KYI TSE 'DI LA BYED PA 'DI NI RIGS PA DANG LDAN PA'O, ,YID LA BYED PA 'DI NI RIGS PA DANG MI LDAN PA'O ZHES BYA BAR RNAM PAR RTOG PA MED PA'I PHYIR RO, ,'DRE BAR MA YIN MI 'DRE BAR MA YIN ZHES BYA BA NI NYON MONGS PA'I SGRIB PA DANG, SHES BYA'I SGRIB PA PHRA MO MTHAR GYIS SPONG BA NA NYON MONGS PA DANG SHES BYA'I SGRIB PA'I SKYON RNAMS DANG 'DRES PA DANG MA 'DRES PA'I RNAM PAR RTOG PA MED PA'I PHYIR RO, ,RKYEN DU MA YIN RKYEN MED PAR MA YIN ZHES BYA BA NI DE BZHIN NYID DU RAB TU RTOGS PAR BYED PA'I TSE DON DAM @5A *, ,PA'I RANG BZHIN DE DE BZHIN NYID DE LAS DANG PO LA SOGS PA'I RIGS PAS 'JUG KYANG RGYU DANG RKYEN GYI RANG BZHIN DU SO SOR DBYE BA DANG, DBYE BA MED PA'I RNAM PAR RTOG PA MI 'BYUNG BA'I PHYIR RO, ,CHOS SU MA YIN CHOS SU MA YIN PAR MA YIN ZHES BYA BA'I CHOS KYI CHOS NYID MNGON SUM DU BYED PA'I TSE CHOS DANG CHOS MA YIN PA'I DNGOS POR RNAM PAR RTOG PA MI 'BYUNG BA'I PHYIR RO, ,DE BZHIN NYID DU MA YIN DE BZHIN NYID MA YIN PAR MA YIN ZHES BYA BA NI DE BZHIN NYID LA BSGOM PA'I TSE 'DI NI DE BZHIN NYID DO, ,'DI NI DE BZHIN NYID MA YIN NO ZHES BYA BAR RNAM PAR RTOG PA MED PA'I PHYIR RO, ,YANG DAG PA'I MTHA' MA YIN PAR MA YIN ZHES BYA BA NI MYA NGAN LAS 'DAS PA'I TSE YANG DAG PA'I DON GYI MTHA'O ZHES BYA BA'AM, YANG DAG PA'I DON GYI MTHA' MA YIN NO ZHES BYA BAR RNAM PAR RTOG PA MED PA'I PHYIR RO, ,RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA 'DI GZHAN LA RGYA CHER BRJOD CING STON LA ZHES BYA BA LA SOGS PA NI DE LTAR GONG DU SMOS PA'I RIM PAS, SHES RAB KYI PHA ROL TU PHYIN PA'I DON ZAB MO MTHA' GNYIS DANG BRAL BA DE LTA BU BDAG 'BA' ZHIG GIS BZUNG ZHING BCANGS PA LA SOGS PA BYAS PA BAS KYANG GZHAN LA RGYA CHER BSHAD CING BSTAN PA BSOD NAMS MANG DU 'PHEL BA'I PHAN YON MJUG BSDUS TE BSTAN PA'O, ,KOO SHI KA GZHAN YANG RIGS KYI BU'AM RIGS KYI BU MO GANG LA LA ZHIG, BDAG NYID KYANG SHES RAB KYI PHA ROL TU PHYIN PA 'DZIN CING KUN CHUB PAR BYED DE ZHES BYA BA NAS, RIGS KYI BU'AM RIGS KYI BU MO DE'I BSOD NAMS NI SHIN TU MANG DU 'PHEL LO ZHES BYA BA'I BAR DU NI SHES RAB KYI PHA ROL TU PHYIN PA 'DI BDAG NYID KYANG 'DZIN CING 'CHANG BA LA SOGS PA'I NAN TAN BYED LA, GZHAN LA YANG GNYIS SU MED PA'I DON RGYA CHER BSHAD NA BSOD NAMS SNGA MA BAS KYANG CHES MANG DU 'PHEL BA'I PHAN YON BSTAN PA'O, ,BRGYA BYIN GYIS GSOL PA, BCOM LDAN 'DAS RIGS KYI BU'AM RIGS KYI BU MOS SHES RAB KYI PHA ROL TU PHYIN PA DE LTAR DON DANG LDAN LA, YI GE DANG LDAN PAR BSTAN PAR BGYI'AM ZHES BYA BA NI @5B SHES RAB KYI PHA ROL TU PHYIN PA'I DON ZAB MO GZHAN LA RGYA CHER BSTAN PA BSOD NAMS CHE BA GZHAN DAG KYANG BSTAN PA'I GLENG BSLANG BA'I PHYIR, CI SHES RAB KYI PHA ROL TU PHYIN PA'I DON DE LTA BU GZHAN LA NGES PAR BSTAN 'TSAL LAM ZHES ZHUS PA'O, ,BCOM LDAN 'DAS KYIS BKA' STZAL PA, KOO SHI KA RIGS KYI BU'AM RIGS KYI BU MO SHES RAB KYI PHA ROL TU PHYIN PA DE LTAR DON DANG LDAN PA, YI GE DANG LDAN PAR BSTAN PAR BYA STE, KOO SHI KA DE LTAR STON PA'I RIGS KYI BU'AM RIGS KYI BU MO NI BSOD NAMS KYI PHUNG PO TSAD MED GRANGS MED PA DANG LDAN PAR 'GYUR RO ZHES BYA BA NI DE LTAR SHES RAB KYI PHA ROL TU PHYIN PA'I DON ZAB MO GZHAN LA RGYA CHER BSTAN NA BSOD NAMS TSAD MED GRANGS MED PA DANG LDAN PAR 'GYUR GYIS, NGES PAR BSTAN DGOS SO ZHES BKA' STZAL PA STE, DE LA DON DANG LDAN PA NI MTHA' GNYIS DANG BRAL BA'I DON ZAB MO DANG LDAN PA'O, , YI GE DANG LDAN PA NI TSIG 'BRU GSAL BA DANG LDAN PA'O, ,KOO SHI KA GAL TE RIGS KYI BU'AM RIGS KYI BU MO LA LAS SHAR PHYOGS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA NAS, MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR DU NI PHYOGS BCU'I DE BZHIN GSHEGS PA RNAMS LA MCHOD PA'I YO BYAD SNA TSOGS KYIS NAM 'TSO'I BAR DU MCHOD PA DANG BKUR STI BYAS PA BAS KYANG SHES RAB KYI PHA ROL TU PHYIN PA 'DI DON DANG TSIG 'BRU GSAL BA DANG LDAN PAR GZHAN LA RGYA CHER BSTAN PA BSOD NAMS CHE BA DUS GSUM GYI SANGS RGYAS BCOM LDAN 'DAS RNAMS SHES RAB KYI PHA ROL TU PHYIN PA 'DI LA BSLABS TE, MNGON PAR RDZOGS PAR SANGS RGYAS PAR 'GYUR BA'I GTAN TSIGS DANG BCAS TE BSTAN PA'O, ,KOO SHI KA GZHAN YANG RIGS KYI BU 'AM RIGS KYI BU MO GANG LA LAS BSKAL PA TSAD MED GRANGS MED PAR DMIGS PA'I TSUL GYIS SBYIN PA'I PHA ROL TU PHYIN PA LA SPYAD PA DANG ZHES BYA BA NAS, YANG DAG PAR STON PAR BYED PA DE'I BSOD NAMS CHES MANG DU 'PHEL LO ZHES BYA BA'I BAR DU NI MTSAN MA DANG BCAS PAR BSKAL PA TSAD MED GRANGS MED PAR PHA ROL TU PHYIN PA DRUG LA SPYAD PA BAS KYANG, MI DMIGS PA'I TSUL GYIS @6A *, ,'KHOR GSUM YONGS SU DAG PAR SHES RAB KYI PHA ROL TU PHYIN PA 'DI DON DANG TSIG TU LDAN PAR GZHAN LA RGYA CHER BSHAD PA BSOD NAMS CHE BA BSTAN PA'O, ,DE LA DMIGS PA NI 'DI YIN TE ZHES BYA BA NAS, SHES RAB NYID DU 'GYUR GYI SHES RAB KYI PHA ROL TU PHYIN PA MA YIN NO ZHES BYA BA'I BAR DU NI SBYIN PA LA SOGS PA'I PHA ROL TU PHYIN PA DRUG LA SPYOD PA'I TSE 'KHOR GSUM YONGS SU MA DAG PAR SPYOD PA NYID DMIGS PA DANG BCAS PA YIN NO ZHES BSTAN PA'O, ,KOO SHI KA RIGS KYI BU'AM RIGS KYI BU MO DE BZHIN DE LTAR DMIGS PA LA SPYOD PAS NI SBYIN PA'I PHA ROL TU PHYIN PA YONGS SU RDZOGS PAR MI 'GYUR RO ZHES BYA BA NAS SHES RAB KYI PHA ROL TU PHYIN PA YONGS SU RDZOGS PAR MI 'GYUR RO ZHES BYA BA'I BAR DU NI DMIGS PA DANG BCAS PAR PHA ROL TU PHYIN PA DRUG LA SPYAD NA PHA ROL TU PHYIN PA DRUG YONGS SU RDZOGS PAR MI 'GYUR BA'I NYES DMIGS BSTAN PA'O, ,BRGYA BYIN GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN POS JI LTAR SPYAD NA, SBYIN PA'I PHA ROL TU PHYIN PA YONGS SU RDZOGS PAR 'GYUR ZHES BYA BA NAS, SHES RAB KYI PHA ROL TU PHYIN PA YONGS SU RDZOGS PAR 'GYUR RO ZHES BYA BA'I BAR DU NI MI DMIGS PA'I TSUL GYIS 'KHOR GSUM YONGS SU DAG PAR PHA ROL TU PHYIN PA DRUG LA SPYOD PA'I RANG BZHIN GYIS BSTAN PA'O, ,KOO SHI KA RIGS KYI BU'AM RIGS KYI BU MO DE LTAR KHONG DU CHUD PA MED PA'I SHES RAB KYI PHA ROL TU PHYIN PA'I DON DANG LDAN YI GE DANG LDAN PAR BSTAN PAR BYA'O ZHES BYA BA NAS DE LTAR KHONG DU CHUD PA MED PAR SBYIN PA'I PHA ROL TU PHYIN PA DON DANG LDAN, YI GE DANG LDAN PAR BSTAN PAR BYA'O ZHES BYA BA'I BAR DU NI DE LTAR MI DMIGS PA'I TSUL GYIS 'KHOR GSUM YONGS SU DAG PAR PHA ROL TU PHYIN PA DRUG YONGS SU RDZOGS PAR BSTAN PA'I DON MJUG BSDUS NAS BSTAN PA STE, KHONG DU CHUD PA MED PAR ZHES BYA BA NI GANG LA YANG DNGOS PO DANG MTSAN MAR MI 'DZIN CING, DMIGS PA MED PAR PHA ROL TU PHYIN PA DRUG YONGS SU RDZOGS PAR BYAS SHING GZHAN LA YANG DON DANG TSIG TU LDAN PAR BSTAN PAR BYA'O ZHES BYA BA'I DON TO, ,DE CI'I @6B PHYIR ZHE NA, KOO SHI KA MA 'ONGS PA'I DUS NA RIGS KYI BU'AM RIGS KYI BU MO LA LA BYANG CHUB SEMS DPA'I THEG PA BA RNAMS LA SHES RAB KYI PHA ROL TU PHYIN PA'I GZUGS BRNYAN STON PA 'BYUNG STE, DER RIGS KYI BU'AM RIGS KYI BU MO GANG BLA NA MED PA YANG DAG PAR RDZOGS PA'I BYANG CHUB TU ZHUGS PA DE DAG GIS KYANG GZUGS BRNYAN DE THOS NAS LAM STON PAR 'GYUR TE, DE DAG LA SHES RAB KYI PHA ROL TU PHYIN PA 'DI DON DANG LDAN, YI GE DANG LDAN PAR BSTAN PAR BYA'O ZHES BYA BA NI GONG DU BSHAD PA'I RIM PAS MI DMIGS PA'I TSUL GYIS SHES RAB KYI PHA ROL TU PHYIN PA BSTAN PAR BYA BA'I DGOS PA BSTAN PA STE, DE LTAR MI DMIGS PA'I TSUL GYIS MA BSTAN NA, MA 'ONGS PA'I DUS NA THEG PA CHUNG NGU PA KHA CIG DMIGS PA CAN GYI TSUL DU SHES RAB KYI PHA ROL TU PHYIN PA STON PA 'BYUNG STE, SHES RAB KYI PHA ROL TU PHYIN PA'I DON MA YIN PA LA, SHES RAB KYI PHA ROL TU PHYIN PA'I DON LTAR BCOS SHING STON PA DE DAG THOS NAS, BYANG CHUB SEMS DPA'I THEG PA LA GSAR DU ZHUGS PA RNAMS LTA BA LOG CING BYANG CHUB SEMS DPA'I LAM LAS NYAMS PAR 'GYUR TE, DE'I PHYIR SHES RAB KYI PHA ROL TU PHYIN PA'I DON DMIGS SU MED PA DE LTA BU BSTAN DGOS SO ZHES BYA BA'I DON TE, SHES RAB KYI PHA ROL TU PHYIN PA'I GZUGS BRNYAN ZHES BYA BA NI SHES RAB KYI PHA ROL TU PHYIN PA'I DON MA YIN PAS SHES RAB KYI PHA ROL TU PHYIN PA'I DON YIN PA LTAR BCOS TE STON PA'O, ,BRGYA BYIN GYIS GSOL PA, BCOM LDAN 'DAS SHES RAB KYI PHA ROL TU PHYIN PA'I GZUGS BRNYAN GANG LAGS ZHES BYA BA NI, SHES RAB KYI PHA ROL TU PHYIN PA'I GZUGS BRNYAN JI LTA BU YIN PA 'KHOR RNAMS LA ZHIB TU BSHAD PA SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, KOO SHI KA 'DI LA RIGS KYI BU'AM RIGS KYI BU MO DAG SHES RAB KYI PHA ROL TU PHYIN PA BSHAD DO SNYAM ZHING, DE DAG GZUGS BRNYAN STON PAR BYED PA'O ZHES BYA BA NI THEG PA CHUNG NGU PA DAG DMIGS PA DANG BCAS PA'I SEMS KYIS SHES RAB KYI PHA ROL TU PHYIN PA BSTAN TO SNYAM DU SEMS SHING STON PA @7A *, ,NYID SHES RAB KYI PHA ROL TU PHYIN PA'I GZUGS BRNYAN STON PA YIN NO ZHES BSTAN PA'O, ,BRGYA BYIN GYIS GSOL PA, JI LTAR NA RIGS KYI BU'AM RIGS KYI BU MO DE DAG SHES RAB KYI PHA ROL TU PHYIN PA'I GZUGS BRNYAN STON PA LAGS ZHES BYA BA NI SHES RAB KYI PHA ROL TU PHYIN PA'I GZUGS BRNYAN THABS JI LTAR STON CES ZHUS PA'O, ,BCOM LDAN 'DAS KYIS BKA' STZAL PA, KOO SHI KA 'DI LA RIGS KYI BU'AM RIGS KYI BU MO DAG SHES RAB KYI PHA ROL TU PHYIN PA STON PAR BYED PA'I TSE, SHES RAB KYI PHA ROL TU PHYIN PA'I GZUGS BRNYAN STON TE, DE LA 'DI NI SHES RAB KYI PHA ROL TU PHYIN PA'I GZUGS BRNYAN TE ZHES BYA BA LA SOGS PA NI SHES RAB KYI PHA ROL TU PHYIN PA'I GZUGS BRNYAN GANG YIN PA ZHIB TU BSHAD PA'O, ,'DI LTAR GZUGS MI RTAG GO ZHES BYA BAR STON, GZUGS SDUG BSNGAL LO ZHES BYA BAR STON, GZUGS BDAG MED DO ZHES BYA BAR STON, GZUGS MI SDUG GO ZHES BYA BAR STON CING ZHES BYA BA LA SOGS PA NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD LA DMIGS PA DANG BCAS PA'I TSUL DU, MI RTAG PA DANG, SDUG BSNGAL DANG, BDAG MED PA DANG, MI SDUG PA'I RANG BZHIN DU BSGOM PA STON PA THEG PA CHUNG NGU'I TSUL YIN YANG, GANG DE LTAR STON CING SPYOD PA SHES RAB KYI PHA ROL TU PHYIN PA LA SPYOD PA YIN NO ZHES 'CHAD PA NI SHES RAB KYI PHA ROL TU PHYIN PA'I GZUGS BRNYAN STON PA YIN NO ZHES BSHAD PA'O, ,KOO SHI KA GZHAN YANG RIGS KYI BU'AM RIGS KYI BU MO DE DAG SHES RAB KYI PHA ROL TU PHYIN PA STON PA 'DI LTAR STON TE ZHES BYA BA NAS DE YANG MTSAN MA'I TSUL DANG, DMIGS PA'I TSUL GYIS STON TE, DE DUS KYI 'DU SHES KYIS SHES RAB KYI PHA ROL TU PHYIN PA BSGOMS PAR 'GYUR TE, KOO SHI KA DE NI SHES RAB KYI PHA ROL TU PHYIN PA'I GZUGS BRNYAN NO ZHES BYA BA'I BAR DU NI MTSAN MA DANG BCAS SHING DMIGS PA DANG BCAS PAR PHA ROL TU PHYIN PA DRUG BSGOMS NA, TSE RABS SAM BSKAL PA'I DUS 'DI TZAM ZHIG GIS BYANG CHUB SEMS DPA'I SA BCU THOB PAR 'GYUR RO ZHES DUS KYI 'DU SHES DANG BCAS @7B PAR PHA ROL TU PHYIN PA DRUG BSGOM PA STON NA YANG MTSAN MA DANG BCAS SHING DMIGS PA DANG BCAS PAR SHES RAB KYI PHA ROL TU PHYIN PA STON PAS, SHES RAB KYI PHA ROL TU PHYIN PA'I DON YANG DAG PA STON PA NI MA YIN GYI, SHES RAB KYI PHA ROL TU PHYIN PA'I GZUGS BRNYAN STON PA YIN NO ZHES BSHAD PA'O, ,KOO SHI KA GZHAN YANG RIGS KYI BU'AM RIGS KYI BU MO DE DAG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DAG LA SHES RAB KYI PHA ROL TU PHYIN PA 'DI LTAR STON TE, TSUR RIGS KYI BU KHYOD KYIS SHES RAB KYI PHA ROL TU PHYIN PA BSGOMS SHIG , RIGS KYI BU KHYOD KYIS SHES RAB KYI PHA ROL TU PHYIN PA BSGOMS DANG NYAN THOS KYI SA LAS 'DA' BAR 'GYUR RO, ,RANG SANGS RGYAS KYI SA LAS 'DA' BAR 'GYUR RO ZHES STON TE, KOO SHI KA DE NI SHES RAB KYI PHA ROL TU PHYIN PA'I GZUGS BRNYAN NO ZHES BYA BA NI MTSAN MA DANG BCAS SHING DMIGS PA'I TSUL GYIS SHES RAB KYI PHA ROL TU PHYIN PA BSGOMS NA, DUS 'DI TZAM ZHIG GIS NYAN THOS DANG RANG SANGS RGYAS KYI SA LAS 'DA' BAR 'GYUR RO ZHES STON NA YANG MTSAN MA DANG BCAS SHING DMIGS PA DANG BCAS PAR STON PAS DE YANG SHES RAB KYI PHA ROL TU PHYIN PA'I GZUGS BRNYAN YIN GYIS, SHES RAB KYI PHA ROL TU PHYIN PA'I DON YANG DAG PA MA YIN ZHES BSTAN PA'O, ,KOO SHI KA GZHAN YANG RIGS KYI BU'AM RIGS KYI BU MO DE DAG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG LA SHES RAB KYI PHA ROL TU PHYIN PA STON NA 'DI LTAR STON TE ZHES BYA BA NAS, RIGS KYI BU'AM RIGS KYI BU MO DE DAG LA STON NA SHES RAB KYI PHA ROL TU PHYIN PA'I GZUGS BRNYAN STON TO ZHES BYA BA'I BAR DU NI MTSAN MA DANG BCAS SHING DMIGS PA DANG BCAS PAR SHES RAB KYI PHA ROL TU PHYIN PA BSGOMS NA BYANG CHUB SEMS DPA'I SKYON MED PAR 'JUG PA DANG, MI SKYE BA'I CHOS LA BZOD PA THOB PAR 'GYUR BA DANG, BYANG CHUB SEMS DPA'I MNGON PAR SHES PA LA GNAS TE, SANGS RGYAS BCOM LDAN 'DAS RNAMS LA MCHOD CING, RIM GRO LA SOGS PA BYED CING SANGS RGYAS KYI ZHING NAS @8A *, ,SANGS RGYAS KYI ZHING DU 'GRO BAR 'GYUR RO ZHES KYANG STON LA MTSAN MA DANG BCAS SHING DMIGS PA DANG BCAS PAR SHES RAB KYI PHA ROL TU PHYIN PA 'DI 'DZIN CING 'CHANG BA LA SOGS PA BYED NA, BSOD NAMS KYI PHUNG PO TSAD MED GRANGS MED DPAG TU MED PAR 'GYUR RO ZHES STON NA YANG MTSAN MA DANG BCAS SHING DMIGS PA DANG BCAS PAR STON PAS SHES RAB KYI PHA ROL TU PHYIN PA'I DON YANG DAG PA NYID STON PA MA YIN GYIS, SHES RAB KYI PHA ROL TU PHYIN PA'I GZUGS BRNYAN STON PA YIN NO ZHES BSTAN PA'O, ,KOO SHI KA GZHAN YANG RIGS KYI BU'AM RIGS KYI BU MO DE DAG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG LA 'DI LTAR STON TE ZHES BYA BA NAS, DE DAG DE LTAR STON CING SHES RAB KYI PHA ROL TU PHYIN PA'I GZUGS BRNYAN STON TO ZHES BYA BA'I BAR DU NI MTSAN MA DANG BCAS SHING DMIGS PA DANG BCAS PAR DUS GSUM GYI SANGS RGYAS BCOM LDAN 'DAS RNAMS KYI DGE BA'I RTZA BA LA RJES SU YI RANG BAR BYAS LA, RJES SU YI RANG BA'I DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS SHIG CES STON NA YANG MTSAN MA DANG BCAS SHING DMIGS PA DANG BCAS PAR STON PAS SHES RAB KYI PHA ROL TU PHYIN PA'I DON YANG DAG PAR STON PA MA YIN GYIS, SHES RAB KYI PHA ROL TU PHYIN PA'I GZUGS BRNYAN YIN NO ZHES BSTAN PA'O, ,BRGYA BYIN GYIS GSOL PA, BCOM LDAN 'DAS JI LTAR STON NA RIGS KYI BU'AM RIGS KYI BU MO DE DAG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG LA SHES RAB KYI PHA ROL TU PHYIN PA'I GZUGS BRNYAN MI STON PA LAGS ZHES BYA BA LA SOGS PA NI SHES RAB KYI PHA ROL TU PHYIN PA'I GZUGS BRNYAN STON PA'I GNYEN POR MTSAN MAR MI 'DZIN CING MI DMIGS PAR STON PA SHES RAB KYI PHA ROL TU PHYIN PA'I DON YANG DAG PA JI LTA BA NYID DU BSTAN PA BSHAD PA STE, GZUGS MI RTAG CES BYA BAR YANG DAG PAR RJES SU MA LTA SHIG ,DE CI'I PHYIR ZHE NA, GZUGS NI RANG BZHIN GYIS STONG STE, GZUGS KYI RANG BZHIN GANG YIN PA DE NI DNGOS @8B PO MED PA'O ZHES BYA BA NI DON DAM PAR GZUGS RANG BZHIN GYIS STONG STE, DNGOS PO MED PA'I PHYIR GZUGS MI RTAG PA ZHES BYA BAR MTSAN MAR MI BZUNG ZHING DMIGS PAR BYA BA'O ZHES BSTAN PA'O, ,DNGOS PO MED PA GANG YIN PA DE NI SHES RAB KYI PHA ROL TU PHYIN PA STE, SHES RAB KYI PHA ROL TU PHYIN PA GANG YIN PA DE LA NI GZUGS RTAG CES BYA BA'AM, MI RTAG CES BYA BA MI DMIGS SO ZHES BYA BA NI DE LTAR DON DAM PAR GZUGS RANG BZHIN GYIS STONG ZHING, DNGOS PO MED PAR RTOGS PA NYID SHES RAB KYI PHA ROL TU PHYIN PA YIN TE, DE LTAR RTOGS PA'I SHES RAB KYI PHA ROL TU PHYIN PA RNAM PAR MI RTOG PA DE LA NI GZUGS RTAG CES BYA BA'AM, MI RTAG CES BYA BAR RNAM PAR RTOG PA MED DO ZHES BYA BA'I DON TO, ,DE LA GZUGS NYID KYANG MED NA RTAG PA'AM MI RTAG PA LTA GA LA YOD CES BYA BA NI GZUGS NYID KYANG DON DAM PAR RANG BZHIN GYIS STONG ZHING DNGOS PO MED NA, GZUGS KYI CHOS NYID RTAG PA DANG MI RTAG CES BYA BA LTA GA LA YOD CES BSTAN PA STE, DE LTAR STON CING 'DOMS PA NI SHES RAB KYI PHA ROL TU PHYIN PA'I DON YANG DAG PA NYID STON PA YIN GYIS, SHES RAB KYI PHA ROL TU PHYIN PA'I GZUGS BRNYAN STON PA MA YIN NO ZHES BSTAN PA'O, ,GZUGS JI LTAR BSHAD PA DE BZHIN DU, RNAM PA THAMS CAD MKHYEN PA NYID LA THUG GI BAR YANG SBYAR BAR BYA'O, ,KOO SHI KA GZHAN YANG RIGS KYI BU'AM RIGS KYI BU MO DE DAG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG LA SHES RAB KYI PHA ROL TU PHYIN PA 'DI LTAR STON TO ZHES BYA BA LA SOGS PA NI CHOS THAMS CAD BLANG DOR MED PAR STON PA, SHES RAB KYI PHA ROL TU PHYIN PA'I DON YANG DAG PA JI LTA BA NYID DU STON PA YIN PAR BSHAD PA STE, DE LA CHOS GANG LAS KYANG YONGS SU 'DA' BAR MA BYED CIG CES BYA BA NI THEG PA CHUNG NGU PA LTAR 'KHOR BA'I CHOS GANG LAS KYANG YONGS SU 'DA' BAR MA BYED CIG CES BSTAN PA'O, ,CHOS GANG LA YANG GNAS PAR MA BYED CIG CES BYA BA NI THEG PA CHUNG NGU PA LTAR MYA NGAN LAS 'DAS PA'I CHOS GANG LA YANG GNAS PAR MA BYED CIG CES BSTAN PA'O, ,DE CI'I PHYIR ZHE NA, @9A *, ,DE NI 'DI LTAR SHES RAB KYI PHA ROL TU PHYIN PA LA CHOS GANG LAS 'DA' BAR BYA BA'AM, GANG LA GNAS PAR BYA BA'I CHOS DE MED DO ZHES BYA BA NI CHOS GANG LAS KYANG 'DA' BAR MI BYA BA DANG, CHOS GANG LA YANG GNAS PAR MI BYA BA'I GTAN TSIGS BSTAN PA STE; SHES RAB KYI PHA ROL TU PHYIN PA'I DON DANG SBYAR NA, DON DAM PAR 'KHOR BA DANG MYA NGAN LAS 'DAS PA'I CHOS GNYI GA YANG MED PAS 'DA' BAR BYA BA'AM GNAS PAR BYA BA MED DO ZHES BSTAN PA'O, ,DE CI'I PHYIR ZHE NA, DE NI 'DI LTAR CHOS THAMS CAD KYI RANG BZHIN GYIS STONG PA'I CHOS GANG YIN PA DE NI DNGOS PO MED PA'O ZHES BYA BA NI 'DA' BAR BYA BA DANG, GNAS PAR BYA BA'I CHOS GNYIS KA DNGOS PO MED PA'I GTAN TSIGS BSTAN PA STE, DON DAM PAR 'KHOR BA DANG MYA NGAN LAS 'DAS PA'I CHOS THAMS CAD RANG BZHIN GYIS STONG PA'I PHYIR DNGOS PO MED DO ZHES BSTAN PA'O, ,DNGOS PO MED PA GANG YIN PA DE NI SHES RAB KYI PHA ROL TU PHYIN PA STE ZHES BYA BA NI DE LTAR DNGOS PO MED PAR RTOGS PA DE NI RNAM PAR MI RTOG PA'I SHES RAB KYI PHA ROL TU PHYIN PA YIN NO ZHES BSTAN PA'O, ,SHES RAB KYI PHA ROL TU PHYIN PA GANG YIN PA DE LA NI BLANG BAR BYA BA'AM, DOR BAR BYA BA'AM, SKYE BAR BYA BA'AM, 'GAG PAR BYA BA'I CHOS GANG YANG MED DO ZHES BYA BA NI RNAM PAR MI RTOG PA'I SHES RAB KYI PHA ROL TU PHYIN PA DE LA NI MYA NGAN LAS 'DAS PA'I CHOS BLANG BAR BYA BA'AM, 'KHOR BA'I CHOS DOR BAR BYA BA RNAM PAR RTOG PA YANG MED LA 'PHAGS PA'I LAM BSKYED PAR BYA BA'AM, 'PHAGS PA'I LAM GYI MI MTHUN PA'I PHYOGS NYON MONGS PA'I CHOS RNAMS 'GAG PAR BYA BAR RNAM PAR RTOG PA YANG MED DO ZHES BSTAN PA'O, ,KOO SHI KA DE LTAR STON PA'I RIGS KYI BU'AM RIGS KYI BU MO DE DAG NI SHES RAB KYI PHA ROL TU PHYIN PA'I GZUGS BRNYAN MI STON TO ZHES BYA BA NI DE LTAR GONG DU BSHAD PA'I TSUL DU CHOS THAMS CAD LA BLANG DOR MED PAR STON PA DE NI SHES RAB KYI PHA ROL TU PHYIN PA'I DON YANG DAG PA NYID STON PA YIN TE, SHES RAB KYI PHA ROL TU PHYIN PA'I GZUGS BRNYAN STON PA MA YIN NO ZHES BSTAN @9B PA'O; ,KOO SHI KA DE LTA BAS NA RIGS KYI BU'AM RIGS KYI BU MOS DE LTAR SHES RAB KYI PHA ROL TU PHYIN PA'I DON BSTAN PAR BYA STE, KOO SHI KA DE LTAR STON PA'I RIGS KYI BU'AM RIGS KYI BU MO DE DAG GI BSOD NAMS KYI PHUNG PO NI CHES MANG DU 'PHEL GYI, RIGS KYI BU'AM RIGS KYI BU MO SNGA MA DAG NI MA YIN NO ZHES BYA BA NI DE LTAR MTSAN MAR MI 'DZIN CING MI DMIGS PA'I TSUL GYIS SHES RAB KYI PHA ROL TU PHYIN PA'I DON PHYIN CI MA LOG PAR BSTAN NA BSOD NAMS MANG DU 'PHEL GYI MTSAN MA DANG BCAS PAR DMIGS PA DANG BCAS PAR BYA STE, SHES RAB KYI PHA ROL TU PHYIN PA'I PHYIR GZUGS BRNYAN GONG DU SMOS PA LTA BUR BSTAN NA BSOD NAMS MANG DU MI 'PHEL LO ZHES BYA BA'I DON TO, ,KOO SHI KA GZHAN YANG 'DZAM BU'I GLING GI SEMS CAN JI SNYED PA DE DAG RIGS KYI BU'AM RIGS KYI BU MO LA LA ZHIG GIS RGYUN DU ZHUGS PA'I 'BRAS BU LA RAB TU BKOD NA ZHES BYA BA NAS, DE CI'I PHYIR ZHE NA, KOO SHI KA SHES RAB KYI PHA ROL TU PHYIN PA 'DI LAS RANG BYANG CHUB RNAMS YOD PAR 'GYUR RO ZHES BYA BA'I BAR DU NI 'DZAM BU'I GLING GI SEMS CAN JI SNYED YOD PA DANG, GLING BZHI DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN JI SNYED YOD PA DE DAG THAMS CAD RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG BYANG CHUB LA BKOD PA'I BSOD NAMS PAS KYANG, SHES RAB KYI PHA ROL TU PHYIN PA 'DI'I DON DANG, TSIG TU LDAN PAR GZHAN LA RGYA CHER BSTAN CING NYAMS SU LEN DU BCUG PA BSOD NAMS CHE BA'I PHAN YON BSTAN PA'O, ,KOO SHI KA GZHAN YANG 'DZAM BU'I GLING GI SEMS CAN JI SNYED PA DE DAG RIGS KYI BU'AM RIGS KYI BU MO LA LA ZHIG GIS BLA NA MED PA YANG DAG PAR RDZOGS PA'I BYANG CHUB TU YANG DAG PAR BSKUL BA BYAS NAS ZHES BYA BA NAS, KOO SHI KA PHYOGS BCU'I PHYOGS RE RE ZHING GANG G'A'I KLUNG GI BYE MA SNYED KYI 'JIG @10A *, ,RTEN GYI KHAMS ZHES BYA BA DANG, DE CI'I PHYIR ZHE NA, KOO SHI KA 'DI LAS BYUNG BA NI SEMS DANG PO BSKYED PA'I BYANG CHUB SEMS DPA' SEMS DPA' CHEN PO RNAMS SO ZHES BYA BA'I BAR GYIS NI 'DZAM BU'I GLING GI SEMS CAN JI SNYED YOD PA DANG, GLING BZHI PA DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN JI SNYED YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU BSKUL BA BYAS PA'I BSOD NAMS PAS KYANG SHES RAB KYI PHA ROL TU PHYIN PA 'DI DON DANG TSIG TU LDAN PAR BSHAD CING GDAMS NGAG DANG BCAS PAR BSTAN TE NAN TAN BYED DU BCUG PA CHES BSOD NAMS MANG DU 'PHEL BA GTAN TSIGS DANG BCAS PAR BSTAN PA STE, DE'I GTAN TSIGS DANG, DE CI'I PHYIR ZHE NA, KOO SHI KA 'DI LAS BYUNG BA NI SEMS DANG PO BSKYED PA'I BYANG CHUB SEMS DPA' SEMS DPA' CHEN PO RNAMS SO ZHES BYA BA STE, BYANG CHUB SEMS DPA' GANG BLA NA MED PA YANG DAG PAR RDZOGS PA'I BYANG CHUB TU BSKUL BAR BYAS NAS, BYANG CHUB KYI SEMS DANG PO BSKYED DE, BYANG CHUB SEMS DPA'I SA DANG PO THOB PAR GYUR PA'I BYANG CHUB SEMS DPA' RNAMS KYANG SHES RAB KYI PHA ROL TU PHYIN PA 'DI MNYAM PA DANG BSAM PA DANG BSGOM PA LAS BYUNG BA'I PHYIR, BLA NA MED PA YANG DAG PAR RDZOGS PA'I BYANG CHUB TU BSKUL BA BYAS PA PAS SHES RAB KYI PHA ROL TU PHYIN PA 'DI GZHAN LA RGYA CHER BSTAN TE NYAMS SU LEN DU BCUG NA BSOD NAMS CHE'O ZHES BSTAN PA'O, ,KOO SHI KA GZHAN YANG 'DZAM BU'I GLING GI SEMS CAN JI SNYED PA DE DAG, RIGS KYI BU'AM, RIGS KYI BU MO LA LA ZHIG GIS, PHYIR MI LDOG PA'I SA LA BKOD NA ZHES BYA BA NAS, PHYOGS BCU'I PHYOGS RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI ZHES BYA BA DANG, DE CI'I PHYIR ZHE NA, KOO SHI KA SHES RAB KYI PHA ROL TU PHYIN PA LAS BYUNG BA NI BYANG CHUB SEMS @10B DPA' SEMS DPA' CHEN PO RNAMS KYI PHYIR MI LDOG PA'I SA'O ZHES BYA BA'I BAR GYIS NI 'DZAM BU'I GLING GI SEMS CAN JI SNYED YOD PA DE DAG THAMS CAD DANG, GLING BZHI PA DANG, STONG GCIG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN JI SNYED YOD PA DE DAG THAMS CAD PHYIR MI LDOG PA'I SA LA BKOD PA'I BSOD NAMS PAS KYANG, SHES RAB KYI PHA ROL TU PHYIN PA 'DI'I DON DANG TSIG TU LDAN PAR GZHAN LA RGYA CHER BSTAN TE, NYAMS SU LEN DU BCUG PA'I BSOD NAMS CHE BA'I PHAN YON BSTAN PA'O, ,KOO SHI KA GZHAN YANG 'DZAM BU'I GLING GI SEMS CAN JI SNYED PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PAR GYUR TE ZHES BYA BA NAS, KOO SHI KA PHYOGS BCU'I PHYOGS RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS ZHES BYA BA DANG, GANG GI TSE KHYOD KYIS THAMS CAD MKHYEN PA NYID KYI CHOS RNAMS THOB PAR GYUR PA DE'I TSE KHYOD BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSGO NA, RIGS KYI BU'AM RIGS KYI BU MO DE'I BSOD NAMS CHES MANG DU 'PHEL LO ZHES BYA BA'I BAR GYIS NI 'DZAM BU'I GLING GI SEMS CAN JI SNYED YOD PA DANG, GLING BZHI PA'I 'JIG RTEN GYI KHAMS DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED YOD PA DE DAD THAMS CAD BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA RNAMS LA SHES RAB KYI PHA ROL TU PHYIN PA 'DI RGYA CHER BSHAD CING, GDAMS NGAG DANG BCAS PAR BSTAN TE NYAMS SU LEN DU BCUG NA BLA NA MED PA YANG DAG PAR RDZOGS PA'I BYANG CHUB TU YANG DAG PAR @11A *, ,ZHUGS PA'I BYANG CHUB SEMS DPA' DAM PA'I CHOS KYI SNOD DU GYUR CING, SKAL PA DANG LDAN PA DE DAG LA SHES RAB KYI PHA ROL TU PHYIN PA 'DI RGYA CHER BSHAD CING NYAMS SU LEN DU BCUG PA'I BSOD NAMS SNGA MA BAS KYANG CHES MANG DU 'PHEL BA BSTAN PA'O, , KOO SHI KA GZHAN YANG 'DZAM BU'I GLING GI SEMS CAN JI SNYED YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR GYUR TE ZHES BYA BA NAS, 'DI NI 'KHOR BA LAS BYUNG BAR 'DOD LA, SNYING RJE CHEN POS MNAR BA'I PHYIR RO ZHES BYA BA'I BAR DU NI 'DZAM BU'I GLING GI SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR GYUR PA DANG, GLING BZHI PA'I 'JIG RTEN GYI KHAMS DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS DANG, PHYOGS BCU'I PHYOGS RE RE ZHING YANG 'JIG RTEN GYI KHAMS GANG G'A'I KLUNG GI BYE MA SNYED KYI SEMS CAN JI SNYED YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA'I BYANG CHUB SEMS DPAR GYUR PA LA CHOS BSTAN PA'I BSOD NAMS PAS, DE DAG LAS LA LA ZHIG BDAG NI MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES KHAS 'CHE BA ZHIG YOD NA DE LA SHES RAB KYI PHA ROL TU PHYIN PA 'DI DON DANG TSIG TU LDAN PAR RGYA CHER BSHAD DE NYAMS SU LEN DU BCUG NA BSOD NAMS SNGA MA BAS KYANG CHES MANG DU 'PHEL BA BSTAN PA STE, DE CI'I PHYIR ZHE NA, PHYIR MI LDOG PA'I BYANG CHUB SEMS DPA' DE DAG NI NGES PAS TE RDZOGS PA'I BYANG CHUB TU GZHOL ZHING, BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR BAS NA, DE DAG LA NI GDOD CHOS BSTAN KYANG MI DGOS KYI 'DI NI 'KHOR BA LAS BYUNG BAR 'DOD LA, SNYING RJE CHEN POS MNAR BA'I PHYIR RO ZHES BYA BA NI PHYIR MI LDOG PA'I SA LA GNAS PA'I BYANG CHUB SEMS DPA' GZHAN NI BLA NA MED PA YANG DAG PAR RDZOGS PA'I BYANG @11B CHUB TU BLO NGES PAR GYUR PAS DE DAG LA SHES RAB KYI PHA ROL TU PHYIN PA 'DI MA BSHAD KYANG PHYIR LDOG PAR MI 'GYUR GYI, BYANG CHUB SEMS DPA' DE DAG GI NANG NAS KHA CIG MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS 'KHOR BA LAS THAR BAR 'DOD CING; BYANG CHUB SEMS DPA'I SNYING RJE CHEN PO SPYOD MI 'DOD PA DE DAG LA SHES RAB KYI PHA ROL TU PHYIN PA 'DI RGYA CHER BSTAN TE NYAMS SU LEN DU BCUG NA BSOD NAMS SNGA MA BAS CHES MANG DU 'PHEL LO ZHES BSTAN PA'O, ,DE NAS LHA'I DBANG PO BRGYA BYIN GYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTA JI LTAR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU NYE BAR GYUR PA DE LTA DE LTAR BYANG CHUB SEMS DPA' SEMS DPA' CHEN PO DE SBYIN PA'I PHA ROL TU PHYIN PA LA GDAMS SHING RJES SU BSTAN PAR BGYI'O ZHES BYA BA NAS, BYANG CHUB SEMS DPA' SEMS DPA' CHEN PO DE LA CHOS KYIS BSDU BA DANG, ZANG ZING GIS BSDU BAS RJES SU 'DZIN PA'I RIGS KYI BU DANG RIGS KYI BU MO DE DAG GI BSOD NAMS NI CHES MANG DU 'PHEL GYIS, RIGS KYI BU'AM RIGS KYI BU MO SNGA MA DAG GI MA LAGS SO ZHES BYA BA'I BAR DU NI BYANG CHUB SEMS DPA' PHYIR MI LDOG PA'I SA LA GNAS PA LA SOGS PA BLA NA MED PA'I BYANG CHUB TU NYE BAR GYUR PA RNAMS LA SBYIN PA'I PHA ROL TU PHYIN PA LA SOGS PA SANGS RGYAS KYI CHOS MA 'DRES PA BCVA BRGYAD KYI BAR DU GDAMS SHING RJES SU BSTAN TE, CHOS KYI SBYIN PAS PHAN GDAGS PA DANG, GOS DANG BSOD SNYOMS LA SOGS PA ZANG ZING GI SBYIN PAS PHAN BTAGS NA, SNOD KHYAD PAR CAN LA CHOS DANG ZANG ZING GI SBYIN PA BYAS PA'I BSOD NAMS SNGA MA BAS KYANG CHES MANG DU 'PHEL BAR BSTAN PA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR 'GYUR TE, BYANG CHUB SEMS DPA' SEMS DPA' CHEN PO GANG LAGS PA DE NI, SBYIN PA'I PHA ROL TU PHYIN PA LA GDAMS SHING RJES SU BSTAN PA'O ZHES BYA BA NAS, SANGS RGYAS KYI CHOS MA 'DRES PA BCVA BRGYAD LA GDAMS SHING RJES SU BSTAN PA'O ZHES BYA @12A *, ,BA'I BAR DU NI BLA NA MED PA YANG DAG PAR RDZOGS PA'I BYANG CHUB TU JI TZAM DU NYE BAR GYUR PA DE DAG LA, CHOS DANG ZANG ZING GI SBYIN PAS PHAN GDAGS PAR RIGS PA'I GTAN TSIGS BSTAN PA'O, ,DE NAS TSE DANG LDAN PA RAB 'BYOR GYIS, LHA'I DBANG PO BRGYA BYIN LA SMRAS PA ZHES BYA BA NAS, NYAN THOS KYI THEG PA 'JIG RTEN DU 'BYUNG BAR 'GYUR RO, ,RANG SANGS RGYAS KYI THEG PA 'JIG RTEN DU 'BYUNG BAR 'GYUR RO, ,THEG PA CHEN PO 'JIG RTEN DU 'BYUNG BAR 'GYUR RO ZHES BYA BA'I BAR DU NI GONG DU BRGYA BYIN GYIS BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU NYE BAR GYUR PA GANG YIN PA DE DAG LA CHOS DANG ZANG ZING GIS PHAN GDAGS PA'I RIGS PAR BSHAD PA DE LA RAB 'BYOR RJES SU YI RANG BA BSTAN PA STE, BYANG CHUB SEMS DPA' DE LTA BU DAG YOD NA, 'PHAGS PA NYAN THOS RNAMS KYANG 'BYUNG BAR 'GYUR LA, BYANG CHUB SEMS DPA' DE LTA BU MED CING BLA NA MED PA YANG DAG PAR RDZOGS PA'I BYANG CHUB TU SEMS MA BSKYED NA, BYANG CHUB SEMS DPA' SEMS DPA' CHEN PO RNAMS SBYIN PA'I PHA ROL TU PHYIN PA LA SOGS PA SANGS RGYAS KYI CHOS MA 'DRES PA BCO BRGYAD LA THUG GI BAR DU YANG SLOB PAR MI 'GYUR ZHING BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI 'GYUR BA DANG, DE LTAR BYANG CHUB MNGON PAR RDZOGS PAR SANGS MA RGYAS NA, NYAN THOS DANG RANG SANGS RGYAS RNAMS KYANG YOD PAR MI 'GYUR BA'I NYES DMIGS SMOS PA DANG, BYANG CHUB SEMS DPA' RNAMS SBYIN PA'I PHA ROL TU PHYIN PA LA SOGS PA SANGS RGYAS KYI CHOS MA 'DRES PA BCO BRGYAD KYI BAR DAG LA SLOB NA, GDONG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR TE, DE'I YON TAN GYIS NGAN SONG RNAMS RGYUN CHAD PAR 'GYUR BA DANG, LHA DANG MI'I MTHO RIS RNAMS 'JIG RTEN DU 'BYUNG BAR 'GYUR BA DANG, SBYIN PA'I PHA ROL TU PHYIN PA LA SOGS PA SANGS RGYAS KYI CHOS MA 'DRES PA BCO BRGYAD DANG, THEG PA GSUM RNAMS 'JIG RTEN DU 'BYUNG @12B BA'I PHAN YON SMOS NAS RJES SU YI RANG BA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS, BRGYA BYIN GYI LE'U STE NYI SHU BZHI PA'O,, ,,DE NAS BYANG CHUB SEMS DPA' SEMS DPA' CHEN PO BYAMS PAS RAB 'BYOR LA SMRAS PA ZHES BYA BA NAS, BYANG CHUB SEMS DPA' NI SEMS CAN THAMS CAD GDUL BA DANG ZHI BAR BYA BA DANG, YONGS SU MYA NGAN LAS 'DA' BA'I PHYIR RO, ,RJES SU YI RANG BA DANG LDAN PA'I BSOD NAMS BYA BA'I DNGOS PO SEMS CAN THAMS CAD DANG THUN MONG DU BYAS SHING, MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'O ZHES BYA BA'I BAR DU NI SO SO'I SKYE BO'I SEMS CAN RNAMS KYI RJES SU YI RANG BA'I BSOD NAMS DANG, NYAN THOS DANG RANG SANGS RGYAS KYI THEG PA PA RNAMS KYI SBYIN PA BYAS PA'I BSOD NAMS DANG, TSUL KHRIMS BSRUNGS PA'I BSOD NAMS DANG, BSGOM PA BYAS PA'I BSOD NAMS PAS, BYANG CHUB SEMS DPA'I RJES SU YI RANG BA DANG LDAN PA'I BSOD NAMS SEMS CAN THAMS CAD DANG THUN MONG DU BYAS TE, DE MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAS BSOD NAMS KHYAD PAR DU 'PHAGS PAR CHE BA BSTAN PA STE, RAB DANG, DAM PA DANG, GTZO BO LA SOGS PA SMOS PA NI KHYAD PAR DU 'PHAGS SHING BZANG BA'I RNAM GRANGS SMOS PA'O, ,DE LTAR BSOD NAMS KHYAD PAR DU 'PHAGS PA'I GTAN TSIGS KYANG, NYAN THOS DANG RANG SANGS RGYAS RNAMS KYI BSOD NAMS CI BYAS PA NI BDAG 'BA' ZHIG GI DON DU YONGS SU BSNGO BA'I BYANG CHUB SEMS DPA'I RJES SU YI RANG BA'I BSOD NAMS NI SEMS CAN GYI PHYIR YONGS SU BSNGO BAS, DE'I PHYIR BSOD NAMS KHYAD PAR DU 'PHAGS PAR CHE'O ZHES BSTAN PA'O, ,DE NAS TSE DANG LDAN PA RAB 'BYOR GYIS, BYANG CHUB SEMS DPA' SEMS DPA' CHEN PO BYAMS PA LA 'DI SKAD CES SMRAS SO ZHES BYA BA NAS, DMIGS PA DE DAG RIGS KYI BU DE DAG GIS JI LTAR MTSAN MAR BYAS PA DE BZHIN DU DMIGS @13A *, ,SU YOD PA YIN NAM ZHES BYA BA'I BAR DU NI GONG DU BYANG CHUB SEMS DPA' BYAMS PAS RJES SU YI RANG BA DANG LDAN PA'I BSOD NAMS SEMS CAN THAMS CAD DANG THUN MONG DU BYA STE, DE MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS KHYAD PAR DU 'PHAGS PAR CHE BA BSTAN PA LA, RAB 'BYOR GYIS GAL BZUNG NAS DRIS PA STE, PHYOGS BCU'I SANGS RGYAS BCOM LDAN 'DAS TSAD MED GRANGS MED PA DAG GIS DANG PO BYANG CHUB TU THUGS BSKYED NAS, MTHA' YONGS SU MYA NGAN LAS 'DAS SHING DAM PA'I CHOS NUB PAR GYUR GYI BAR DU SANGS RGYAS BCOM LDAN 'DAS DE DAG GIS DGE BA'I RTZA BA CI BSAGS PA DE DAG LA BYANG CHUB SEMS DPA' RNAMS RJES SU YI RANG BA DANG, NYAN THOS KYI THEG PA PA RNAMS KYIS SBYIN PA BYAS PA DANG, TSUL KHRIMS BSRUNGS PA DANG, BSAM GTAN BSGOMS PA'I BSOD NAMS DANG, 'PHAGS PA NYAN THOS SLOB PA DANG MI SLOB PA RNAMS KYI DGE BA'I RTZA BA ZAG PA MED PA LA RJES SU YI RANG BA DANG, DE BZHIN GSHEGS PA'I ZAG PA MED PA'I PHUNG PO LNGA LA RJES SU YI RANG BA DANG, DE BZHIN GSHEGS PA'I THUGS RJE CHEN PO SEMS CAN LA PHAN PAR BZHED PA LA RJES SU YI RANG BA DANG, SANGS RGYAS BCOM LDAN 'DAS RNAMS KYI DAM PA'I CHOS TSAD MED GRANGS MED PA RNAMS DANG, BCOM LDAN 'DAS KYIS DAM PA'I CHOS DE DAG BSTAN PA LA RJES SU YI RANG BA DANG, DAM PA'I CHOS JI SKAD BSTAN PA LA BSLABS NAS, NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYIS SO SO'I 'BRAS BU THOB PA LA RJES SU YI RANG BA DANG, SEMS CAN GANG DAG GIS DE BZHIN GSHEGS PA MNGON SUM DU BZHUGS PA DANG, MYA NGAN LAS 'DAS PA RNAMS LA DGE BA'I RTZA BA GANG JI SNYED BSKYED PA DE DAG THAMS CAD GCIG TU BSDUS TE, BLA NA MED PA'I RJES SU YI RANG BAS DE LTAR RJES SU YI RANG BA'I BSOD NAMS DE YANG SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS @13B SU BSNGOS PA'I BSOD NAMS KYI DNGOS PO DE DAG DANG, DGE BA'I RTZA BA BSKYED PA'I 'PHAGS PA DE DAG DANG RJES SU YI RANG ZHING BSOD NAMS YONGS SU SNGO BAR BYED PA'I BYANG CHUB SEMS DPA' DE DAG JI LTAR GRAGS SHING THA SNYAD DU BTAGS PA DE BZHIN DU YANG DAG PAR YOD PA YIN NAM ZHES RAB 'BYOR GYIS BYANG CHUB SEMS DPA' BYAMS PA LA DRIS PA STE, DE DAG JI LTAR DMIGS SHING MTSAN MAR BZUNG BA BZHIN DU YOD PAR GYUR NA NI CHOS THAMS CAD DNGOS PO YOD CING DMIGS PA DANG BCAS PA'I SKYON DU 'GYUR RO, ,DE STE MED NA NI DGE BA'I RTZA BA DE DAG LA RJES SU YI RANG ZHING YONGS SU BSNGOR YANG MED DE, DE LTAR DNGOS PO MED PA LA RJES SU YI RANG ZHING YONGS SU BSNGOS NA, MED PA LA YOD PAR SGRO BTAGS PAS PHYIN CI LOG TU BLTAS PAR 'GYUR RO ZHES GAL BZUNG STE DRIS PA'O, ,BYAMS PAS SMRAS PA, BYANG CHUB SEMS DPA'I THEG PA PA'I RIGS KYI BU DE DAG GIS JI LTAR MTSAN MAR BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA DE BZHIN DU, DNGOS PO DE DAG DANG, DMIGS PA DE DAG DMIGS SU YOD PA MA YIN NO ZHES BYA BA NI DGE BA'I RTZA BA DE DAG DANG, RJES SU YI RANG BA LA SOGS PA GONG DU SMOS PA DE DAG KUN RDZOB TU DMIGS SHING, YONGS SU BSNGO BAR ZAD KYI DON DAM PAR DNGOS PO YOD PA MA YIN NO ZHES BSTAN PA'O, ,RAB 'BYOR GYIS SMRAS PA, GAL TE DE LTAR DNGOS PO MED PA DANG DMIGS PA MED PAS ZHES BYA BA NAS, DE LTAR DE'I 'DU SHES PHYIN CI LOG TU MA GYUR TAM ZHES BYA BA'I BAR DU NI DE LTAR DNGOS PO MED PA YIN NA PHYOGS BCU'I SANGS RGYAS BCOM LDAN 'DAS DE DAG DANG, NYAN THOS DANG, RANG SANGS RGYAS DE DAG GIS DGE BA'I RTZA BA RNAMS LA RJES SU YI RANG BA'I BSOD NAMS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA DE MI DMIGS NA NI BSNGOR YANG MED, DMIGS PA'I TSUL GYIS BSNGOS NA DNGOS PO MED PA LA YOD PAR RTOGS PAS, MI RTAG PA LA RTAG PAR LTA BA DANG, SDUG BSNGAL BA LA BDE BAR LTA BA DANG, BDAG MED PA LA BDAG TU LTA BA DANG, MI GTZANG BA LA GTZANG BAR LTA BA @14A *, ,BZHIN DU, 'DU SHES DANG LTA BA PHYIN CI LOG TU MI 'GYUR RAM ZHES BRGAL BA'O, ,DE LTAR YIN YANG THAMS CAD DNGOS PO JI LTA BA DANG, DMIGS PA JI LTA BAR BYANG CHUB KYANG DE BZHIN SEMS KYANG DE BZHIN ZHES BYA BA NAS, SANGS RGYAS KYI CHOS MA 'DRES PA BCO BRGYAD KYANG DE BZHIN NA NI BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I DNGOS PO DE NI GANG ZHIG YIN, DMIGS PA DE NI GANG ZHIG YIN, BYANG CHUB DE NI GANG ZHIG YIN, SEMS DE NI GANG ZHIG YIN, DGE BA'I RTZA BA DE DAG NI GANG ZHIG YIN, RJES SU YI RANG BA DANG LDAN PA'I BSOD NAMS DE NI GANG ZHIG YIN ZHES BYA BA'I BAR DU NI JI LTAR THA SNYAD DU BTAGS SHING MTSAN MAR BZUNG BA DE BZHIN DU BLA NA MED PA'I BYANG CHUB DANG, YONGS SU BSNGO BA'I SEMS DANG, SBYIN PA'I PHA ROL TU PHYIN PA LA SOGS PA SANGS RGYAS KYI CHOS MA 'DRES PA BCO BRGYAD LA THUG GI BAR DU DNGOS PO DE DAG THAMS CAD JI LTAR THA SNYAD DU BTAGS SHING MTSAN MAR BZUNG BA DE BZHIN DU DNGOS PO YOD PA ZHIG YIN NA YONGS SU BSNGOS PA'I DNGOS PO DANG, DMIGS PA DANG, BYANG CHUB DANG, SEMS DANG, DGE BA'I RTZA BA DANG, RJES SU YI RANG BA DANG LDAN PA'I BSOD NAMS BYA BA'I DNGOS PO DE DAG RANG BZHIN GYIS GRUB CING YOD PA GANG YIN ZHES DRIS PA'O, ,BYAMS PAS SMRAS PA, GAL TE BYANG CHUB SEMS DPA' PHA ROL TU PHYIN PA DRUG LA SPYOD SPYOD PA ZHES BYA BA NAS, SKYE BA'I TSUL GYIS MA YIN NO, ,'GAGS PA'I TSUL GYIS MA YIN NO ZHES BYA BA'I BAR DU NI BYANG CHUB SEMS DPA' PHA ROL TU PHYIN PA DRUG LA GOMS PAR SPYAD PA, SANGS RGYAS MANG PO LA BSNYEN BKUR BYAS PA, DGE BA'I RTZA BA SKYED PAR GYUR PA CHOS THAMS CAD RANG BZHIN GYIS STONG PA LA GOMS PAR BSLABS PA DAG NI CHOS THAMS CAD MTSAN MA MED CING GNYIS SU MED PAR RTOGS PAS, DE LTAR MTSAN MAR BYAS SHING YONGS SU BSNGO BAR MI BYED PA'I PHYIR DE DAG LA NI GAL BZUNG DU MED DO ZHES BSTAN PA'O, ,GAL TE BYANG CHUB SEMS DPA' DE DAG PHA ROL TU PHYIN PA DRUG LA SPYOD SPYOD PA YANG MA YIN ZHES BYA BA NAS, RANG GI MTSAN NYID @14B KYIS STONG PA'I CHOS RNAMS DE LTAR BSTAN PA NI THEG PA LA GSAR DU ZHUGS PA'I BYANG CHUB SEMS DPA'I MDUN DU MI BSHAD DO ZHES BYA BA'I BAR DU NI BYANG CHUB SEMS DPA'I THEG PA LA GSAR DU ZHUGS PA PHA ROL TU PHYIN PA DRUG LA GOMS PAR MA SPYAD PA, SANGS RGYAS MANG PO LA BSNYEN BKUR MA BYAS PA DGE BA'I RTZA BA CHER MA BSKYED PA, DGE BA'I BSHES GNYEN GYIS YONGS SU MA BZUNG BA, CHOS THAMS CAD RANG BZHIN GYIS STONG PAR RTOGS PAR BYA BA LA LEGS PAR MA BSLABS PA ZHIG YIN NA NI DNGOS PO DE DAG MTSAN MA DANG BCAS SHING DMIGS PA DANG BCAS PAR YONGS SU BSNGO YANG SRID KYIS, DE DAG LA PHYIN CI LOG TU LTA BA'I SKYON DU 'GYUR BAS, DE LTAR BYANG CHUB SEMS DPA' YONGS SU MA DAG PA THEG PA LA GSAR DU ZHUGS PA'I MDUN DU NI SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR DU SANGS RGYAS KYI CHOS MING GIS SMOS PA DE DAG ZAB CING DMIGS SU MED PA DE LTA BUR BSHAD PAR MI BYA'O ZHES BSTAN PA'O, ,DE CI'I PHYIR ZHE NA, DE NI DE LA DAD PA TZAM MAM, DGA' BA TZAM MAM, MOS PA TZAM MAM, GUS PA TZAM ZHIG YOD PA DE YANG MED PAR GYUR PA'I PHYIR TE ZHES BYA BA NI THEG PA LA GSAR DU ZHUGS PA'I BYANG CHUB SEMS DPA' RNAMS LA CHOS ZAB MO BSTAN NA SNOD DU MA GYUR PAS YID MI CHES SHING DAD PA 'BRI BA LA SOGS PA'I SKYON DU GYUR PA BSTAN PA'O, ,PHYIR MI LDOG PA'I BYANG CHUB SEMS DPA' SEMS DPA' CHEN PO'I MDUN DU BSHAD CING BSTAN TO ZHES BYA BA NAS, DE'I MDUN DU RANG GI MTSAN NYID KYIS STONG PA'I CHOS RNAMS BSHAD PAR BYA'O BSTAN PAR BYA'O ZHES BYA BA'I BAR DU NI PHYIR MI LDOG PA'I BYANG CHUB SEMS DPA' YONGS SU DAG PA DGE BA'I BSHES GNYEN GYIS YONGS SU ZIN PA DANG, SNGON GYI RGYAL BA LA DGE BA'I RTZA BA BSKYED PA, SANGS RGYAS MANG PO LA BSNYEN BKUR BYAS PA, CHOS ZAB MO'I SNOD DU GYUR PA DE LTA BU DAG LA SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR GYI CHOS DE DAG MTSAN MA MED CING DMIGS SU MED PA'I TSUL DU @15A *, ,BSTAN PAR BYA'O ZHES BSHAD PA'O, ,DES NI DE THOS NAS MI 'JIGS MI SDANG SKRAG PAR MI 'GYUR TE ZHES BYA BA NI PHYIR MI LDOG PA'I BYANG CHUB SEMS DPA' SKYE BA MED PA'I CHOS LA BZOD PA THOB PA, CHOS ZAB MO'I SNOD DU GYUR PA DE LTA BU DAG LA DMIGS SU MED CING MTSAN MA MED PA'I CHOS RNAMS BSTAN NA 'JIGS SHING SKRAG PA LA SOGS PA'I SKYON DU MI 'GYUR RO ZHES BYA BA BSTAN PA'O, ,RAB 'BYOR BYANG CHUB SEMS DPA' SEMS DPA' CHEN POS RJES SU YI RANG BA DANG LDAN PA'I BSOD NAMS BYA BA'I DNGOS PO YANG, BLA NA MED PA YANG DAG PAR RDZOGS PA'I BYANG CHUB TU DE LTAR YONGS SU BSNGO BAR BYA'O ZHES BYA BA NI BYANG CHUB SEMS DPA'I RJES SU YI RANG BA DANG LDAN PA'I BSOD NAMS SEMS CAN THAMS CAD DANG THUN MONG DU BYA STE, DE MI DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS KHYAD PAR DU 'PHAGS PAR CHE BA'I DON MJUG BSDUS NAS BSTAN PA STE, DE LTAR GONG DU SMOS PA'I TSUL GYIS DON DAM PAR CHOS THAMS CAD LA MTSAN MAR MI 'DZIN CING DMIGS SU MED PAR RTOGS PAR BYAS LA, KUN RDZOB TU RJES SU YI RANG BA DANG LDAN PA'I DGE BA'I RTZA BA DE DAG SEMS CAN THAMS CAD DANG THUN MONG DU BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA BSOD NAMS KHYAD PAR DU 'PHAGS PAR CHE'O ZHES BSTAN PA'O, ,RAB 'BYOR GYIS SMRAS PA, BYAMS PA SEMS GANG GIS RJES SU YI RANG ZHING DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA BA'I SEMS DE NI ZHES BYA BA LA SOGS PAS NI MTSAN MA DANG BCAS SHING DMIGS PA DANG BCAS PAR DGE BA'I RTZA BA YONGS SU BSNGO BAR MI RIGS PA'I GTAN TSIGS RAB 'BYOR GYIS BSTAN PA STE, YONGS SU BSNGO BAR BYA BA'I SEMS DE NI ZAD CING 'GAGS PA MED DE RNAM PAR GYUR ZHES BYA BA NI BLA NA MED PA'I BYANG CHUB TU DMIGS SHING YONGS SU SNGO BAR BYED PA'I SEMS DE NI SKAD CIG MA'I RANG BZHIN TE, ZAD CING 'GAGS LA DNGOS PO MED DE, RANG BZHIN @15B GCIG TU GNAS PA MA YIN PAS SNGO BAR BYED PA'I SEMS DE YANG MED DO ZHES BYA BA'I DON TO, ,DNGOS PO DE DAG DANG DMIGS PA DE DAG DANG DGE BA'I RTZA BA DE DAG KYANG ZAD CING 'GAGS LA MED DE RNAM PAR GYUR NA ZHES BYA BA NI BSOD NAMS BYA BA'I DNGOS PO SBYIN PA LA SOGS PA DANG, DMIGS PA'I YUL GANG DU BSNGO BAR BYA BA BLA NA MED PA'I BYANG CHUB DANG, SBYIN PA LA SOGS PA BYAS PA'I DGE BA'I RTZA BA DE DAG KYANG SKAD CIG MA STE, DON DAM PAR DNGOS PO YOD PAR MA GRUB PAS ZAD CING 'GAGS LA MED DE RNAM PAR GYUR NA, CI ZHIG GANG DU BSNGO ZHES BYA BA'I DON TE, ZAD PA DANG, 'GAGS PA DANG, MED PA DANG, RNAM PAR 'GYUR BA ZHES BYA BA NI SKAD CIG MA'I RANG BZHIN YIN PAS MI RTAG CING DNGOS PO MED PA'I RNAM GRANGS SO, ,RJES SU YI RANG BA DANG LDAN PA'I SEMS NI GANG ZHIG, DNGOS PO DE DAG NI GANG ZHIG ,DMIGS PA DE DAG NI GANG ZHIG , DGE BA'I RTZA BA DE DAG NI GANG ZHIG ,BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA ZHES BYA BA NI DE LTAR RJES SU YI RANG BA'I SEMS DANG, SBYIN PA LA SOGS PA'I DNGOS PO DANG, DMIGS PAR BYA BA'I YUL BLA NA MED PA'I BYANG CHUB DANG, YONGS SU BSNGO BAR BYA BA'I DGE BA'I RTZA BA DE DAG THAMS CAD DON DAM PAR DNGOS PO MED PA YIN NA CI ZHIG YONGS SU BSNGOR YOD CES BYA BA'I DON TO, ,CI SEMS KYIS SEMS YONGS SU BSNGO'AM, DE LTAR SEMS KYIS SEMS YONGS SU BSNGO NA NI SEMS GNYIS PHRAD PAR 'GYUR BA MED DE ZHES BYA BA NI RJES SU YI RANG BA'I SEMS DANG, YONGS SU BSNGO BA'I SEMS GNYIS KA SKAD CIG MA'I RANG BZHIN YIN TE, YONGS SU BSNGO BA'I SEMS BYUNG BA'I TSE RJES SU YI RANG BA'I SEMS 'GAGS TE MED PAR GYUR PAS SEMS KYIS SEMS YONGS SU BSNGO BAR YANG DE LTAR MI RUNG NGO ZHES BYA BA'I DON TO, ,SEMS KYI RANG BZHIN GANG YIN PA DE YANG YONGS SU BSNGO BAR MI NUS SO ZHES BYA BA NI DE LTAR DON DAM PAR SEMS KYI RANG BZHIN YOD PAR MA GRUB STE MED PAS DNGOS PO MED PA LA YONGS SU BSNGO BAR MI RUNG NGO ZHES BSTAN PA'O, ,GAL TE BYANG CHUB SEMS DPA' SEMS @16A *, ,DPA' CHEN PO SHES RAB KYI PHA ROL TU PHYIN PA LA SPYOD PA'I TSE, 'DI LTAR SHES RAB KYI PHA ROL TU PHYIN PA NI DNGOS PO MED PA'O ZHES BYA BA NAS, GAL TE DE LTAR YONGS SU BSNGO NA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAR 'GYUR RO ZHES BYA BA'I BAR DU NI DON DAM PAR PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD DNGOS PO MED PAR RTOGS PAR BYA STE, DE DAG LA MTSAN MAR MI 'DZIN PAR KUN RDZOB TU RJES SU YI RANG BA DANG LDAN PA'I BSOD NAMS BLA NA MED PA'I BYANG CHUB TU YONGS SU BSNGOS NA BSOD NAMS YONGS SU BSNGO BA SKYON MED CING YONGS SU DAG PAR YONGS SU BSNGOS PAR 'GYUR RO ZHES BSTAN PA'O, ,DE NAS LHA'I DBANG PO BRGYA BYIN GYIS GNAS BRTAN RAB 'BYOR LA SMRAS PA ZHES BYA BA NAS, JI LTAR DES RJES SU YI RANG BA DANG LDAN PA'I BSOD NAMS BYA BA'I DNGOS PO YONGS SU BZUNG ZHING, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA YIN ZHES BYA BA'I BAR DU NI BYANG CHUB SEMS DPA' YONGS SU DAG PA RNAMS KYIS NI GONG DU BSHAD PA'I TSUL BZHIN DU SHES RAB KYIS DON DAM PAR CHOS THAMS CAD DNGOS PO MED PAR RTOGS PAR BYAS NAS, THABS KYIS KUN RDZOB TU DGE BA'I RTZA BA DE DAG BLA NA MED PA'I BYANG CHUB TU YONGS SU BSNGOS NA, BSNGO BA LA SKYON MED CING YONGS SU DAG PAR 'GYUR NA, THEG PA LA GSAR DU ZHUGS PA'I BYANG CHUB SEMS DPA' THABS DANG SHES RAB TU MI LDAN PA RNAMS KYIS CHOS THAMS CAD DNGOS PO MED PAR BSTAN PA 'DI THOS NAS, 'JIGS SHING SKRAG PAR 'GYUR RAM MI 'GYUR, DGE BA'I RTZA BA DE DAG DANG, RJES SU YI RANG BA DANG LDAN PA'I BSOD NAMS BYA BA'I DNGOS PO DE DAG BLA NA MED PA'I BYANG CHUB TU THABS JI LTAR YONGS SU BSNGO BAR BYA BA BRGYA BYIN GYIS RAB 'BYOR LA DRIS PA'O, ,DE NAS TSE DANG LDAN PA RAB 'BYOR GYIS BYANG CHUB SEMS DPA' SEMS DPA' CHEN PO BYAMS PA LA DMIGS NAS, LHA'I DBANG PO BRGYA BYIN LA 'DI SKAD CES SMRAS SO ZHES BYA BA NI THEG PA LA GSAR DU ZHUGS @16B PA'I BYANG CHUB SEMS DPA' RNAMS LA, DGE BA'I RTZA BA DMIGS SU MED PA DANG, MTSAN MA MED PA'I TSUL GYIS YONGS SU BSNGO BA'I THABS BSTAN PA 'KHOR THAMS CAD KYI YID CHES PAR BYA BA'I PHYIR BYAMS PA LA DMIGS NAS SMRAS PA BSTAN PA STE, DE LTAR BYAMS PA LA DMIGS NAS RAB 'BYOR NYID KYI MTHU DANG SPOBS PAS BSHAD PA MA YIN GYIS, 'PHAGS PA BYAMS PA'I BYIN GYIS RLABS KYIS BSHAD PAR 'GYUR BA BSTAN PA'I PHYIR RO, ,KOO SHI KA GAL TE THEG PA LA GSAR DU ZHUGS PA'I BYANG CHUB SEMS DPA' SEMS DPA' CHEN PO DE SHES RAB KYI PHA ROL TU PHYIN PA LA SPYOD CING SHES RAB KYI PHA ROL TU PHYIN PA DE YANG MI DMIGS PA'I TSUL DANG, MTSAN MA MED PA'I TSUL GYIS 'DZIN PAR BYED CES BYA BA NAS, RNAM PA THAMS CAD MKHYEN PA NYID LA SPYOD CING, RNAM PA THAMS CAD MKHYEN PA NYID DE YANG MI DMIGS PA'I TSUL DANG, MTSAN MA MED PA'I TSUL GYIS 'DZIN PAR BYED NA ZHES BYA BA'I BAR DU NI DGE BA'I RTZA BA DANG RJES SU YI RANG BA DANG LDAN PA'I BSOD NAMS BYA BA'I DNGOS PO DE DAG BLA NA MED PA'I BYANG CHUB TU JI LTAR BSNGO BA'I THABS BSTAN PA STE, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYI CHOS DE DAG THAMS CAD DON DAM PAR RANG BZHIN MED PAS DE DAG LA MI DMIGS SHING MTSAN MAR MI 'DZIN PAR BYAS LA, KUN RDZOB TU DE DAG LA SPYOD CING YONGS SU BZUNG NAS DE LTAR SPYOD PA'I DGE BA'I RTZA BA DE DAG BLA NA MED PA'I BYANG CHUB TU YONGS SU BSNGOS NA BSOD NAMS BSNGO BA SKYON MED CING YONGS SU DAG PAR 'GYUR RO ZHES BSTAN PA'O, ,DES SHES RAB KYI PHA ROL TU PHYIN PA LA MOS PA MANG BA DANG ZHES BYA BA NAS, RNAM PA THAMS CAD MKHYEN PA NYID LA MOS PA MANG BAR 'GYUR RO, ,DGE BA'I BSHES GNYEN GYIS YONGS SU ZIN PAR 'GYUR RO ZHES BYA BA'I BAR DU NI DE LTAR THABS DANG SHES RAB TU LDAN PAS DON DAM PAR MTSAN MA DANG DMIGS PA MED PAR YANG RTOGS LA, KUN RDZOB TU CHOS DE DAG LA SPYOD CING DGE BA'I RTZA BA YONGS SU DAG PAR BSNGO NA CHOS ZAB MOS 'JIGS SHING SKRAG PA MED PAS PHA ROL @17A *, ,TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS THAMS CAD LA THE TSOM DANG NEM NUR MED PAS DAD PA DANG MOS PA CHE BAR 'GYUR BA DANG, CHOS ZAB MO'I SNOD DU GYUR PAS DGE BA'I BSHES GNYEN GYIS YONGS SU ZIN PAR 'GYUR BA'I PHAN YON BSTAN PA'O, ,DGE BA'I BSHES GNYEN DE DAG KYANG PHA ROL TU PHYIN PA DRUG PO 'DI DAG DON DANG LDAN YI GE DANG LDAN PAR STON PAR 'GYUR TE ZHES BYA BA NAS, BYANG CHUB SEMS DPA'I SKYON MED PAR CHUD KYI BAR DU CI NAS KYANG SANGS RGYAS KYI CHOS MA 'DRES PA BCO BRGYAD DANG BRAL BAR MI 'GYUR BA DE LTAR STON TO ZHES BYA BA'I BAR DU NI DE LTAR CHOS ZAB MO'I SNOD DU GYUR PA'I BYANG CHUB SEMS DPA' DE LA DGE BA'I BSHES GNYEN RNAMS KYANG YID CHES PAS, PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCO BRGYAD LA THUG GI BAR DU DON DANG TSIG TU LDAN PAR LUNG DANG MAN NGAG MA NOR BAR STON PAR 'GYUR BA'I PHAN YON BSTAN PA'O, ,DE LA BDUD KYI LAS RNAMS KYANG STON PAR 'GYUR TE, DES BDUD KYI LAS DE DAG THOS NAS 'GRIB PA'AM 'PHEL BA MED PAR 'GYUR RO ZHES BYA BA NI, DGE BA'I BSHES GNYEN DE DAG THEG PA LA GSAR DU ZHUGS PA'I BYANG CHUB SEMS DPA' DE DAG LA DGE BA'I BAR CHAD DU 'GYUR BA'I BDUD KYI LAS RNAMS JI LTAR 'BYUNG BA YANG STON PAR 'GYUR LA, THEG PA LA GSAR DU ZHUGS PA'I BYANG CHUB SEMS DPA' DE DAG GIS BDUD KYI LAS DE DAG THOS NA YANG DON DAM PAR BDUD KYI LAS DE DAG NYID KYANG DNGOS PO MED PA DANG, BDAG NYID LA YANG BDUD KYIS GLAGS BTZAL BA'I SKYON MED PA'I PHYIR SKRAG CING ZHUM PAR YANG MI 'GYUR LA BDUD KYI LAS DNGOS PO MED PAR RTOGS PAS BSNYEMS SHING NGA RGYAL YANG MED PAR 'GYUR RO ZHES BSTAN PA'O, ,DE CI'I PHYIR ZHE NA, DE NI 'DI LTAR BDUD KYI LAS DE DAG LA NGO BO NYID MED DO ZHES BYA BA NI 'GRIB PA'AM 'PHEL BA MED PA'I GTAN TSIGS BSTAN PA'O, ,DE NI BYANG CHUB SEMS DPA'I SKYON MED PAR CHUD KYI BAR DU SANGS RGYAS BCOM LDAN 'DAS RNAMS DANG 'BRAL BAR MI 'GYUR TE ZHES BYA @17B BA LA SOGS PA NI DE LTAR SNOD DU GYUR PA'I BYANG CHUB SEMS DPA' DE SANGS RGYAS BCOM LDAN 'DAS RNAMS DANG 'GROGS PAR 'GYUR BA DANG, SANGS RGYAS BCOM LDAN 'DAS DE DAG LA BSNYEN BKUR BYED CING, DGE BA'I RTZA BA BSKYED PA DANG, DGE BA'I RTZA BA DE DAG GIS NAM YANG NYAN THOS DANG RANG SANGS RGYAS KYI SAR MI LTUNG ZHING, BYANG CHUB SEMS DPA'I RIGS PHUN SUM TSOGS PA DANG LDAN PAR 'GYUR BA'I PHAN YON BSTAN PA'O, ,KOO SHI KA GZHAN YANG BYANG CHUB SEMS DPA' SEMS DPA' CHEN PO THEG PA LA GSAR DU ZHUGS PAS ZHES BYA BA NAS, SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BYA BA'I BAR DU NI THEG PA LA GSAR DU ZHUGS PA'I BYANG CHUB SEMS DPAS PHYOGS BCU'I SANGS RGYAS BCOM LDAN 'DAS NYAN THOS KYI DGE 'DUN DANG BCAS PA RNAMS KYI BSOD NAMS KYI MDZAD PA DANG, SANGS RGYAS BCOM LDAN 'DAS DANG NYAN THOS KYI DGE 'DUN DE DAG LA RGYAL RIGS CHE ZHING MTHO BA LA SOGS PA 'OG MIN GYI LHA'I BAR DU 'DOD PA'I KHAMS DANG, GZUGS KYI KHAMS KYI MI DANG LHA RNAMS KYIS DGE BA'I RTZA BA CI BSAGS PA DE DAG THAMS CAD GCIG TU BSDUS TE, BLA NA MED PA'I RJES SU YI RANG BAR BYAS LA, DE LTAR RJES SU YI RANG BA'I BSOD NAMS KYANG SEMS CAN THAMS CAD DANG THUN MONG DU BYAS TE BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA BA BSTAN PA STE, DE LA SPROS PA'I TSUL CHAD PAR GYUR PA ZHES BYA BA NI SANGS RGYAS BCOM LDAN 'DAS DE DAG RNAM PAR RTOG PA'I SPROS PA DANG BRAL BA ZHES BYA BA'I DON TO, ,TSIG GIS LAM NYAMS PA MI MNGA' BA ZHES BYA BA NI DE LTAR RNAM PAR RTOG PA MI MNGA' YANG SNGON GYI SMON LAM GYI SHUGS KYIS SEMS CAN GYI DON DU CHOS 'CHAD PA'I GSUNG RNAM PA SNA TSOGS RGYUN MI 'CHAD PAR 'BYUNG BA LA BYA'O, ,KHUR BOR BA ZHES BYA BA NI PHUNG PO'I KHUR DANG, NYON MONGS PA'I KHUR DANG, YID DAM BCAS PA'I KHUR DANG, BRTZON 'GRUS KYI KHUR RNAMS BLANGS @18A *, ,BA MTHAR PHYIN CING BOR BA LA BYA STE, GLENG GZHI'I LE'U LAS KHUR BOR BA BSTAN PA'I SKABS SU BSHAD PA BZHIN NO, ,GRONG GI TSER MA RAB TU BSAL BA ZHES BYA BA NI SO SO'I SKYE BO PHAL PA GRONG MI'I CHOS NGAN PA LUS DANG NGAG YID KYIS NYES PAR SPYOD PA BDAG DANG GZHAN LA GNOD PA'I CHOS CAN TSER MA DANG 'DRA BA RNAMS SPANGS PA LA BYA'O, ,SRID PA KUN DU SBYOR BA YONGS SU CHAD PA ZHES BYA BA NI LOG PAR LTA BA LA SOGS PA'I NYON MONGS PA RNAMS KYIS KHAMS GSUM DU SKYE ZHING SBYOR BAR 'GYUR BA RNAMS SPANGS SHING RGYUN BCAD PA LA BYA STE, GLENG GZHI'I LE'U LAS SRID PAR KUN TU SBYOR BA YONGS SU ZAD PA BSTAN PA'I SKABS SU ZHIB TU BSHAD PA BZHIN NO, ,YANG DAG PAR YONGS SU MKHYEN PAS THUGS SHIN TU RNAM PAR GROL BA ZHES BYA BA NI NYON MONGS PA'I SGRIB PA DANG, SHES BYA'I SGRIB PA BAG CHAGS YAN CHAD MA LUS PAR SPANGS SHING YE SHES RNAM PAR DAG PA LA BYA'O, ,RJES SU YI RANG BA'I RAB DAM PA MCHOG CES BYA BA LA SOGS PA NI DON DAM PAR CHOS THAMS CAD MI DMIGS PA'I TSUL DU RTOGS PAR BYAS NAS KUN RDZOB TU DE DAG LA RJES SU YI RANG BA NI BLA NA MED PA'I RJES SU YI RANG BA ZHES BYA STE, RAB DANG DAM PA LA SOGS PA NI BLA NA MED PA'I RNAM GRANGS SU ZAD DO, ,DE NAS BYANG CHUB SEMS DPA' SEMS DPA' CHEN PO BYAMS PAS TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS, LTA BA PHYIN CI LOG TU MI 'GYUR BA YIN ZHES BYA BA'I BAR DU NI THEG PA LA GSAR DU ZHUGS PA'I BYANG CHUB SEMS DPA' BSOD NAMS KYI RJES SU YI RANG BA DANG, BSOD NAMS YONGS SU BSNGO BA SKYON MED CING YONGS SU DAG PAR BYA BA ZHIB TU BSHAD PA'I GLENG BSLANGS PA'I PHYIR DE LTAR THEG PA LA GSAR DU ZHUGS PA'I BYANG CHUB SEMS DPA' DE RJES SU YI RANG ZHING YONGS SU BSNGO BA'I TSE SANGS RGYAS BCOM LDAN 'DAS DE DAG DANG, NYAN THOS KYI DGE 'DUN DE DAG DANG, DGE BA'I RTZA BA DE DAG MA BSAMS PAR NI YONGS SU BSNGO BAR YANG MI RUNG, DE DAG BSAMS TE YONGS SU BSNGOS NA NI DNGOS POR DMIGS SHING MTSAN MAR BZUNG NA 'DU SHES @18B PHYIN CI LOG DANG, SEMS PHYIN CI LOG DANG, LTA BA PHYIN CI LOG TU JI LTAR MI 'GYUR ZHES GAL BZUNG STE DRIS PA'O, ,RAB 'BYOR GYIS SMRAS PA, BYAMS PA GAL TE ZHES BYA BA NAS, LTA BA PHYIN CI LOG TU 'GYUR BA MED DO ZHES BYA BA'I BAR DU NI, THEG PA LA GSAR DU ZHUGS PA'I BYANG CHUB SEMS DPAS YONGS SU BSNGO BA SKYON MED PA BSTAN PA STE, KUN RDZOB TU SANGS RGYAS DANG NYAN THOS DANG DGE BA'I RTZA BA DANG YONGS SU BSNGO BA'I SEMS RNAMS LA SEMS SHING RTOGS KYANG, DON DAM PAR DE DAG THAMS CAD DNGOS PO MED PAR KHONG DU CHUD PAS, DGE BA MDZAD PA'I SANGS RGYAS BCOM LDAN 'DAS DANG, 'PHAGS PA NYAN THOS DANG, DE DAG GI DGE BA'I RTZA BA DANG YONGS SU SNGO BAR BYED PA'I BDAG GIS SEMS RNAMS LA DNGOS POR LTA ZHING MTSAN MAR 'DZIN PA'I 'DU SHES MED PA KUN RDZOB TU THABS MKHAS PAS YONGS SU BSNGOS NA, 'DU SHES DANG SEMS DANG LTA BA PHYIN CI LOG TU MI 'GYUR RO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO DE SANGS RGYAS BCOM LDAN 'DAS NYAN THOS DANG BCAS PA DE DAG DANG DGE BA'I RTZA BA DE DAG LA SEMS SHING MTSAN MAR 'DZIN PA ZHES BYA BA NAS, LTA BA PHYIN CI LOG TU 'GYUR RO ZHES BYA BA'I BAR DU NI, DGE BA MDZAD PA'I SANGS RGYAS BCOM LDAN 'DAS DANG, 'PHAGS PA NYAN THOS DANG, DE DAG GI DGE BA'I RTZA BA DANG YANGS SU SNGO BAR BYED PA'I BDAG GIS SEMS RNAMS DON DAM PAR DNGOS PO MED PAR MA RTOGS SHING, DE DAG MTSAN MAR 'DZIN PA'I 'DU SHES KYIS YONGS SU BSNGOS NA 'DU SHES DANG SEMS DANG LTA BA PHYIN CI LOG TU 'GYUR RO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO DE SEMS GANG GIS SANGS RGYAS BCOM LDAN 'DAS NYAN THOS DANG BCAS PA DANG, DGE BA'I RTZA BA DE DAG LA SEMS PA'I SEMS DE LA YANG DAG PAR SEMS SHING ZHES BYA BA NAS, DE LTAR BYANG CHUB SEMS DPA' SEMS DPA' CHEN POS DGE BA'I RTZA BA RNAMS YONGS SU BSNGO BAR BYA'O ZHES BYA BA'I BAR DU NI SANGS RGYAS BCOM LDAN 'DAS DANG, 'PHAGS PA NYAN THOS DANG, DGE BA'I RTZA @19A *, ,BA RNAMS LA SEMS PA'I SEMS GANG YIN PA DANG, YONGS SU BSNGO BA'I SEMS GANG YIN PA DANG, GANG DU BSNGO BAR BYA BA'I BLA NA MED PA'I BYANG CHUB KYANG DON DAM PAR ZAD CING DNGOS PO MED PAR RTOGS PAR BYA STE, KUN RDZOB TU YONGS SU BSNGO BAR BYA BA BSTAN PA STE; SEMS DE NYID KYI CHOS NYID KYANG DE YIN PA DANG ZHES BYA BA NI YONGS SU BSNGO BA'I SEMS DE'I RANG BZHIN YANG ZAD CING MED PA YIN NO ZHES BYA BA'I DON TO, ,CHOS GANG LA YONGS SU BSNGO BA'I CHOS DE'I CHOS NYID KYANG DE YIN NO ZHES BYA BA NI BLA NA MED PA'I BYANG CHUB TU YONGS SU BSNGO BA'I BYANG CHUB TU YANG DNGOS PO MED PA'I NGO BO NYID DO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN POS 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYIS THUGS DANG PO BSKYED NAS ZHES BYA BA NAS, 'DI NI BYANG CHUB SEMS DPA' SEMS DPA' CHEN PO'I YONGS SU BSNGO BA'I BLA NA MED PA'O ZHES BYA BA'I BAR DU NI DUS GSUM GYI SANGS RGYAS BCOM LDAN 'DAS RNAMS KYIS DANG PO BYANG CHUB TU THUGS BSKYED NAS, DGE BA'I RTZA BA JI SNYED CIG MDZAD PA DANG, NYAN THOS DANG RANG SANGS RGYAS RNAMS KYIS DGE BA'I RTZA BA JI SNYED CIG MDZAD PA DANG, SO SO'I SKYE BO LHA DANG MI LA SOGS PA'I RIGS SU GTOGS PA RNAMS KYIS 'PHAGS PA DE DAG LA DGE BA'I RTZA BA JI SNYED CIG BSKYED PA'I DGE BA'I RTZA BA DE DAG THAMS CAD GCIG TU BSDUS TE RJES SU YI RANG BA'I MCHOG DAM PA BLA NA MED PAS RJES SU YI RANG NAS DE LTAR RJES SU YI RANG BA'I BSOD NAMS DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS LA DON DAM PAR DGE BA MDZAD PA'I 'PHAGS PA RNAMS DANG, SO SO'I SKYE BO RNAMS DANG, DGE BA'I RTZA BA RNAMS DANG, RJES SU YI RANG BA'I SEMS DANG, YONGS SU BSNGO BA'I SEMS DANG, GONG DU YONGS SU BSNGO BA'I BYANG CHUB KYI CHOS DE DAG THAMS CAD ZAD CING 'GAGS LA DNGOS PO MED DE RANG BZHIN GYIS STONG PAR SHES PAR BYA STE, KUN RDZOB TU THABS MKHAS PAS YONGS SU BSNGO NA BLA NA MED PA'I YONGS SU BSNGOS PAR 'GYUR RO ZHES BSTAN PA STE, CHOS KYIS @19B CHOS YONGS SU BSNGO BAR MI BYA STE ZHES BYA BA NI YONGS SU BSNGO BAR BYA BA DANG, YONGS SU SNGO BAR BYED PA'I CHOS DE DAG THAMS CAD RANG BZHIN GYIS STONG PA'I PHYIR STONG PAS STONG PA LA BSNGOR MED DO ZHES BYA BA'I DON TO, ,GAL TE BYANG CHUB SEMS DPA' SEMS DPA' CHEN POS BSOD NAMS BYA BA'I DNGOS PO MNGON PAR 'DU BYA BA DE, PHUNG PO DANG, KHAMS DANG, SKYE MCHED RNAMS KYIS DBEN PAR SHES TE ZHES BYA BA NAS, RAB 'BYOR DE LTAR BYANG CHUB SEMS DPA' SEMS DPA' CHEN POS BSOD NAMS BYA BA'I DNGOS PO MNGON PAR 'DU BYA BA DE BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA YIN NO ZHES BYA BA'I BAR DU NI BSOD NAMS BYA BA'I DNGOS PO MNGON PAR 'DU BYA BA DE DON DAM PAR PHUNG PO DANG KHAMS DANG SKYE MCHED LA SOGS PA SANGS RGYAS KYI CHOS MA 'DRES PA BCO BRGYAD LA THUG GI BAR GYI CHOS RNAMS KYIS DBEN PAR SHES TE, CHOS DE DAG GI RANG BZHIN DANG MI LDAN PAR ZHES NAS KUN RDZOB TU YONGS SU BSNGOS NA SKYON MED PA'I BSNGO BA YONGS SU DAG PA YIN NO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN POS RJES SU YI RANG BA DANG LDAN PA'I BSOD NAMS BYA BA'I DNGOS PO MNGON PAR 'DU BYA BA DE RJES SU YI RANG BA DANG LDAN PA'I BSOD NAMS BYA BA'I DNGOS PO MNGON PAR 'DU BYA BA DE NYID KYIS DBEN PAR SHES TE ZHES BYA BA NAS, 'DI NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'O ZHES BYA BA'I BAR DU NI DON DAM PAR RJES SU YI RANG BA DANG LDAN PA'I BSOD NAMS BYA BA'I DNGOS PO MNGON PAR 'DU BYED PA DE NYID KYANG DE'I RANG BZHIN GYIS DBEN TE STONG PAR SHES LA, SANGS RGYAS BCOM LDAN 'DAS DE DAG DANG, BSNGO BAR BYA BA'I DGE BA'I RTZA BA DE DAG DANG, SNGO BAR BYED PA'I SEMS DE DAG DANG, GANG DU BSNGO BA'I BYANG CHUB DE NYID KYANG DE'I RANG BZHIN GYIS DBEN ZHING STONG PAR SHES, SHES RAB KYI PHA ROL TU PHYIN PA NAS, SANGS RGYAS KYI CHOS MA 'DRES PA BCO BRGYAD KYI BAR GYI CHOS DE DAG THAMS CAD KYANG DE DAG GI RANG BZHIN GYIS DBEN ZHING STONG PAR SHES PAS BYAS LA, @20A *, ,KUN RDZOB TU YONGS SU BSNGOS NA SHES RAB KYI PHA ROL TU PHYIN PA DANG MI 'GAL BAR YONGS SU BSNGOS PA YIN NO ZHES BSTAN PA'O, ,GZHAN YANG BYANG CHUB SEMS DPA' SEMS DPA' CHEN PO SANGS RGYAS BCOM LDAN 'DAS NYAN THOS KYI DGE 'DUN DANG BCAS PA YONGS SU MYA NGAN LAS 'DAS PA DE DAG GI DGE BA'I RTZA BA DE DAG YONGS SU BSNGO NA, 'DI LTAR YONGS SU BSNGO BAR BYA STE ZHES BYA BA NAS, LTA BA PHYIN CI LOG TU MI 'GYUR RO ZHES BYA BA'I BAR DU SANGS RGYAS BCOM LDAN 'DAS NYAN THOS KYI DGE 'DUN DANG BCAS PA YONGS SU MYA NGAN LAS 'DAS PA RNAMS KYIS DGE BA'I RTZA BA DE DAG LA RJES SU YI RANG BA'I BSOD NAMS YONGS SU BSNGO BA'I TSE, JI LTAR SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DE DAG YONGS SU MYA NGAN LAS 'DA' STE MNGON DU MI BZHUGS SHING DNGOS POR MI SNANG BA DE BZHIN DU DGE BA'I RTZA BA DE DAG DANG, YONGS SU BSNGO BA DE DAG DANG, YONGS SU BSNGO BA'I SEMS DE DAG KYANG MYA NGAN LAS 'DAS PA DANG 'DRA BAR DON DAM PAR DNGOS PO MED PAR RTOGS PAR BYAS NAS, KUN RDZOB TU BLA NA MED PA'I BYANG CHUB TU YONGS SU BSNGOS NA MTSAN MAR MI 'DZIN PAS 'DU SHES DANG SEMS DANG LDAN PA LTA BA PHYIN CI LOG TU MI 'GYUR RO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, MTSAN MA'I TSUL GYIS SANGS RGYAS BCOM LDAN 'DAS DE DAG GI DGE BA'I RTZA BA DE DAG YONGS SU SHES NA BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA MA YIN NO ZHES BYA BA NAS, LTA BA PHYIN CI LOG TU 'GYUR RO ZHES BYA BA'I BAR DU NI SANGS RGYAS BCOM LDAN 'DAS DANG, DGE BA'I RTZA BA DE DAG LA MTSAN MAR 'DU SHES NA YANG YONGS SU BSNGO BA SKYON MED PAR MI 'GYUR LA, 'DAS PA'I SANGS RGYAS BCOM LDAN 'DAS DE DAG LA MTSAN MA MED PA DANG, MTSAN MA'I YUL MA YIN NO SNYAM DU SEMS NA, DE LTAR SEMS SHING 'DU SHES SKYE BA NYID KYANG MTSAN MAR 'DZIN PA YIN PAS BLA NA MED PA'I BYANG CHUB TU YONGS SU BSNGO BA @20B SKYON MED PA MA YIN TE, 'DU SHES DANG SEMS DANG LTA BA PHYIN CI LOG TU 'GYUR BA YIN NO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN POS SANGS RGYAS BCOM LDAN 'DAS DE DAG DANG ZHES BYA BA NAS, LTA BA PHYIN CI LOG TU MI 'GYUR RO ZHES BYA BA'I BAR DU NI GONG DU SMOS PA LTAR MTSAN MAR MI 'DZIN NA BSNGO BA YONGS SU DAG PA STE, PHYIN CI LOG TU MI 'GYUR RO ZHES BSTAN PA'O, ,BYAMS PAS SMRAS PA, BTZUN PA RAB 'BYOR JI LTAR NA BYANG CHUB SEMS DPA' SEMS DPA' CHEN PO DGE BA'I RTZA BA DE DAG LA MTSAN MAR MI BYED CING, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA YIN ZHES BYA BA NI RJES SU YI RANG BA'I BSOD NAMS DE DAG MTSAN MAR MA BZUNG NA NI YONGS SU BSNGOR YANG MED, YONGS SU BSNGO BA NI MTSAN MAR MI BZUNG DU YANG MI RUNG NA, 'DI GNYIS JI LTAR 'GAL BAR MI 'GYUR ZHES DRIS PA'O, ,RAB 'BYOR GYIS SMRAS PA, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA 'DI LA THABS MKHAS PA DE DAG BSLAB PAR BYA STE ZHES BYA BA NI DNGOS PO RNAMS MTSAN MAR YANG MI 'DZIN LA, YONGS SU BSNGO BA SKYON MED PAR YANG 'GYUR BA NI; THABS LA MKHAS PA'I BYANG CHUB SEMS DPAS NUS TE, DE LTA BU'I THABS LA MKHAS PA YANG SHES RAB KYI PHA ROL TU PHYIN PA 'DI LA SPYOD PAS BSLAB DGOS SO ZHES BSTAN PA'O, ,SHES RAB KYI PHA ROL TU PHYIN PA 'DI LAS BYANG CHUB SEMS DPA' SEMS DPA' CHEN PO'I THABS LA MKHAS PAR RIG PAR BYA'O ZHES BYA BA NI DE LTA BU'I THABS MKHAS PA BSLAB PA GZHAN DU MI BTZAL BAR SHES RAB KYI PHA ROL TU PHYIN PA 'DI NYID LAS BTZAL BAR BYA BA'I GTAN TSIGS BSTAN PA'O, ,SHES RAB KYI PHA ROL TU PHYIN PA LA MA BRTEN PAR BSOD NAMS BYA BA'I DNGOS PO YONGS SU BSNGO BAR MI NUS SO ZHES BYA BA NI SHES RAB KYIS CHOS THAMS CAD MTSAN MA MED PAR MA RTOGS PAS BSOD NAMS YONGS SU BSNGOS KYANG, BSNGO BA YONGS SU DAG PAR MI 'GYUR RO ZHES BSTAN PA'O, ,BYAMS PAS SMRAS PA, SANGS RGYAS BCOM LDAN 'DAS DE DAG KYANG SHES RAB KYI PHA ROL TU PHYIN @21A *, ,PA LA MED DE MI DMIGS SO ZHES BYA BA DANG ZHES BYA BA NAS, YONGS SU BSNGO BA'I SEMS BSKYED PA DE DAG KYANG MED DE MI DMIGS SO ZHES BYA BA 'DI SKYON DU SMOS PAR MI 'GYUR RAM SNYAM NA ZHES BYA BA'I BAR DU NI MTSAN MA MED CING MI DMIGS PAR YONGS SU BSNGO BA GONG DU BSHAD PA LA MED PAR LTA BA'I SKYON DU 'GYUR BAR DOGS PA SKYE BA 'PHAGS PA BYAMS PAS BSTAN PA'O, ,DE LA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA SPYOD PA'I TSE, 'DI LTAR YONGS SU BRTAG PAR BYA STE ZHES BYA BA NAS, MI DMIGS SHING MTSAN MA MED PAR BYA STE YONGS SU BSNGO BAR BYA'O ZHES BYA BA'I BAR DU NI MED PAR LTA BA'I SKYON DU MI 'GYUR BA'I GTAN TSIGS BSTAN PA STE YONGS SU BSNGO BAR BYA BA'I DGE BA'I RTZA BA LA SOGS PA DE DAG THAMS CAD DON DAM PAR 'GAGS SHING MED PAR GYUR PA LA YOD PAR LTA ZHING MTSAN MAR 'DZIN PA NI LTA BA LOG PA YIN TE, DE BZHIN GSHEGS PAS KYANG SMAD PA YIN GYIS, DON DAM PAR MED CING MI DMIGS PA LA MED CING MI DMIGS PAR RTOGS NAS MTSAN MAR MI 'DZIN PA NI SKYON DU MI 'GYUR RO ZHES BSTAN PA'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS NI DMIGS PA'I 'DU SHES CAN DANG, MTSAN MA'I 'DU SHES CAN GYI YONGS SU BSNGO BA DON CHE BAR MA GSUNGS SO ZHES BYA BA NI DE LTAR DMIGS PA DANG BCAS SHING MTSAN MA DANG BCAS PAR YONGS SU BSNGO BA DE BZHIN GSHEGS PAS KYANG DON CHUNG ZHING SMAD PA YIN PAR BSTAN PA'O, ,DE CI'I PHYIR ZHE NA, YONGS SU BSNGO BA DE NI DUG CAN ZUG RNGU CAN TE ZHES BYA BA NAS, DE BZHIN DU 'DI LA LOG PAR RIG PA DANG, LOG PAR SHES PA DANG, LOG PAR BSLABS PA LA LA DON MA RTOGS PAR MI SHES SHING 'DI SKAD DU STON TE ZHES BYA BA'I BAR DU NI DE LTAR DMIGS PA DANG BCAS SHING MTSAN MA DANG BCAS PAR YONGS SU BSNGO BA SKYON DU 'GYUR BA'I DPE KHA ZAS DUG CAN ZA BA LAS BLANGS TE BSTAN PA'O, ,TSUR RIGS KYI BU KHYOD KYIS 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS KYIS THUGS DANG PO BSKYED PA NAS NYE @21B BAR BZUNG STE ZHES BYA BA NAS, DE DE LTAR YONGS SU BSNGO NA, DE BZHIN GSHEGS PA LA SKUR BAR 'GYUR, DE BZHIN GSHEGS PAS GSUNGS PA BZHIN DU SMRA BA YANG MA YIN, CHOS BZHIN DU SMRA BA YANG MA YIN PAR 'GYUR TE ZHES BYA BA'I BAR DU NI DUS GSUM GYI SANGS RGYAS BCOM LDAN 'DAS RNAMS KYIS SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID DANG, MI MNYAM PA'I CHOS NYID DANG RTAG TU BTANG SNYOMS SU GNAS PA LA THUG GI BAR DU RNAM PAR BYANG BA'I CHOS RNAMS LA SPYAD CING BSGOMS PA'I DGE BA'I RTZA BA LA MTSAN MAR BZUNG ZHING DMIGS PA DANG BCAS PAR BDAG KYANG RJES SU YI RANG ZHING YONGS SU BSNGO BA DANG, GZHAN YANG DE LTAR RJES SU YI RANG ZHING YONGS SU BSNGOR 'JUG PA DANG, SANGS RGYAS BCOM LDAN 'DAS DE DAG GI NYAN THOS DANG, RANG SANGS RGYAS RNAMS KYI DGE BA'I RTZA BA ZAD PA MED PA DANG, SO SO'I SKYE BO RNAMS KYIS DGE BA'I RTZA BA CI BSKYED PA RNAMS LA MTSAN MAR 'DZIN CING, DMIGS PA'I TSUL GYIS YONGS SU BSNGOR 'JUG NA KHA ZAS DUG CAN ZA BA DANG 'DRA BAR BSNGO BA SKYON CAN DU 'GYUR ZHING DE BZHIN GSHEGS PA'I BKA' DANG 'GAL BAR 'GYUR BA BSTAN PA'O, ,DE LA BYANG CHUB SEMS DPA'I THEG PA PA'I RIGS KYI BU'AM RIGS KYI BU MOS JI LTAR NA 'DAS PA DANG, MA BYON PA DANG, DA LTAR BYUNG BA'I SANGS RGYAS RNAMS KYI DGE BA'I RTZA BA RNAMS LA RJES SU YI RANG STE ZHES BYA BA NAS, DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAR 'GYUR SNYAM DU BSLAB PAR MI BYA'O ZHES BYA BA'I BAR DU NI DE LTAR GONG DU BSHAD PA'I TSUL GYIS DMIGS PA DANG BCAS SHING MTSAN MA DANG BCAS PAR DGE BA'I RTZA BA YONGS SU BSNGO BA SKYON DU 'GYUR BAS, DE'I PHYIR PHYOGS BCU'I 'JIG RTEN GYI KHAMS NA DUS GSUM DU BZHUGS PA'I SANGS RGYAS BCOM LDAN 'DAS RNAMS KYIS DGE BA'I RTZA BA GANG JI SNYED CIG MNGON PAR 'DU MDZAD PA LA SOGS PA LA JI LTAR RJES SU YI RANG STE YONGS SU BSNGOS NA, DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAR 'GYUR SNYAM DU DMIGS PA DANG BCAS SHING MTSAN @22A *, ,MA DANG BCAS PAR YONGS SU BSNGO BAS BSLAB PAR MI BYA'O ZHES BSTAN PA'O, ,RAB 'BYOR GYIS SMRAS PA, BYAMS PA 'DI LA BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA LA SPYOD PA DE BZHIN GSHEGS PA LA SKUR BAR 'GYUR BA MED PAR 'DOD PAS 'DI LTAR YONGS SU BSNGO BAR BYA STE ZHES BYA BA NAS DE LTAR SPYOD PA'I BYANG CHUB SEMS DPA' SEMS DPA' CHEN PO'I YONGS SU BSNGO BA DE DUG MED CING BDUD RTZI'I MTHAR PHYIN PAR 'GYUR RO ZHES BYA BA'I BAR DU NI DGE BA'I RTZA BA YONGS SU BSNGO BA YONGS SU DAG PAR BYA BA'I THABS BSTAN PA STE, DE'I THABS KYANG DE BZHIN GSHEGS PA RNAMS KYIS BLA NA MED PA'I YE SHES KYI DGE BA'I RTZA BA DE DAG DON DAM PAR RANG BZHIN GYIS STONG PAR THUGS SU CHUD LA, KUN RDZOB TU THABS MKHAS PAS DE LA MA CHAGS PAR YONGS SU BSNGO BA MDZAD PA DE BZHIN DU BDAG KYANG YONGS SU BSNGO'O ZHES DE BZHIN GSHEGS PA TSAD MAR BYAS TE YONGS SU BSNGOS NA BSNGO BA YONGS SU DAG PAR 'GYUR RO ZHES BSTAN PA'O, ,DE LA DGE BA'I RTZA BA DE DAG GI NGANG TSUL GANG YIN PA DANG, RANG BZHIN GANG YIN PA DANG, MTSAN NYID GANG YIN PA ZHES BYA BA NI RANG BZHIN GANG YIN PA ZHES BYA BA'I RNAM GRANGS TE, DON DAM PAR DE DAG GI RANG BZHIN MED PA YIN YANG KUN RDZOB TU JI LTAR BSNGOS PA'I 'BRAS BU 'THOB PAR 'GYUR BA THUGS SU CHUD DE MKHYEN LA ZHES BYA BA DANG SBYAR RO, ,CHOS NYID GANG GIS YOD PA DE BZHIN DU ZHES BYA BA NI DON DAM PAR STONG PA NYID KYI CHOS NYID YIN LA KUN RDZOB TU JI LTAR BSNGOS PA'I 'BRAS BU THOB PAR BYED PA DE LTA BU'I CHOS NYID DU YOD PA LA RJES SU YI RANG NGO ZHES BYA BA DANG SBYAR RO, ,YONGS SU BSNGO BA DE DUG MED CING BDUD RTZI'I MTHAR PHYIN PAR 'GYUR RO ZHES BYA BA LA BDUD RTZI ZHES BYA BA NI MYA NGAN LAS 'DAS PA LA BYA STE, DE LTAR YONGS SU BSNGOS NA BSNGO BA SKYON MED PA YIN PAS MYA NGAN LAS 'DAS PA THOB PAR 'GYUR RO ZHES BYA BA'I DON TO, ,GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MOS SHES RAB KYI PHA ROL TU PHYIN PA LA SPYOD PA'I TSE, @22B DGE BA'I RTZA BA RNAMS 'DI LTAR YONGS SU BSNGO BAR BYA STE ZHES BYA BA NAS, RANG SANGS RGYAS DE DAG KYANG KHONGS SU CHUD PA MA YIN, DE DAG GI DGE BA'I RTZA BA DE DAG KYANG YONGS SU CHUD PA MA YIN TE, GANG KHONGS SU CHUD PA MA YIN PA DE NI 'DAS PA MA YIN, MA 'ONGS PA MA YIN, DA LTAR BYUNG BA MA YIN NO ZHES BYA BA'I BAR DU NI GZUGS LA SOGS PA RTAG TU BTANG SNYOMS SU GNAS PA LA THUG GI BAR GYIS CHOS THAMS CAD DON DAM PAR DNGOS PO MED PAS KHAMS GSUM GANG NA YANG MED LA, DUS GSUM GANG DU YANG MA GTOGS PA DE BZHIN DU YONGS SU BSNGO BA DANG GANG DU BSNGO BAR BYA BA'I BLA NA MED PA'I BYANG CHUB DANG, YONGS SU BSNGO BAR BYA BA'I DGE BA'I RTZA BA DANG, DGE BA'I RTZA BA MDZAD PA'I SANGS RGYAS BCOM LDAN 'DAS DANG, NYAN THOS DANG, RANG SANGS RGYAS DE DAG KYANG DON DAM PAR KHAMS GSUM GANG NA YANG MED PA DUS GSUM GANG DU YANG MA GTOGS PAR SHES PAR BYA STE YONGS SU BSNGOS NA BSNGO BA YONGS SU DAG PA YIN NO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE ZHES BYA BA NAS DE LTAR SHES NA BYANG CHUB SEMS DPA' SEMS DPA' CHEN PO'I BSNGO BA DUG MED PA YIN TE, BDUD RTZI'I MTHAR PHYIN PAR 'GYUR RO ZHES BYA BA'I BAR DU NI GZUGS LA SOGS PA RTAG TU BTANG SNYOMS SU GNAS PA LA THUG GI BAR GYIS CHOS DE DAG THAMS CAD GONG DU SMOS PA'I TSUL DU DON DAM PAR RANG BZHIN GYIS STONG PAS KHAMS GSUM GANG NA YANG MED LA, DUS GSUM GANG DU YANG MA GTOGS PAR DE DAG THAMS CAD MTSAN MA'I TSUL LAM, DMIGS PA'I TSUL GYIS YONGS SU BSNGO BAR MI RUNG BA'I GTAN TSIGS ZHIB TU BSTAN PA STE, DE CI'I PHYIR ZHE NA, DE LA RANG BZHIN MED DO ZHES BYA BA KHAMS GSUM GANG NA YANG MED CING, DUS GSUM GANG DU YANG MA GTOGS PA DE LA SO SO'I RANG GI MTSAN NYID MED DO ZHES BSTAN PA'O, ,GANG LA RANG BZHIN MED PA DE NI DNGOS PO MED PA STE ZHES BYA BA NI DE LTAR RANG GI MTSAN NYID MED PA DE LA DON DAM PAR SPYI'I MTSAN NYID KYANG MED DE, DNGOS PO YOD PAR MA @23A *, ,GRUB PO ZHES BYA BA'I DON TO, ,DNGOS PO MED PA NI DNGOS PO MED PAS YONGS SU BSNGO BAR MI NUS SO ZHES BYA BA NI JI LTAR BSNGO BAR BYA BA DNGOS PO MED PA DE BZHIN DU SNGO BAR BYED PA YANG DNGOS PO MED PA'I PHYIR MED PAS MED PA YONGS SU BSNGO BAR MI RUNG NGO ZHES BSTAN PA STE, THAMS CAD LA YANG DE BZHIN DU SBYAR BAR BYA'O, ,BYANG CHUB SEMS DPA'I THEG PA PA'I RIGS KYI BU'AM RIGS KYI BU MO MTSAN MA'I TSUL LAM, DMIGS PA'I TSUL GYIS DGE BA'I RTZA BA DE DAG YONGS SU BSNGO NA DE NI LOG PAR YONGS SU BSNGO BA YIN GYIS, YANG DAG PAR YONGS SU BSNGO BA MA YIN NO ZHES BYA BA NAS, SANGS RGYAS KYI CHOS MA 'DRES PA BCVA BRGYAD YONGS SU RDZOGS PAR MI 'GYUR RO ZHES BYA BA'I BAR DU NI DE LTAR CHOS THAMS CAD RANG BZHIN GYIS STONG ZHING DNGOS PO MED PA LA DNGOS PO YOD PAR DMIGS SHING, MTSAN MA'I TSUL GYIS YONGS SU BSNGO NA LOG PAR YONGS SU BSNGO BA YIN PAS SANGS RGYAS BCOM LDAN 'DAS RNAMS KYIS KYANG BSNGAGS PA MA YIN LA DE LTAR MI BSNGAGS PA'I YONGS SU BSNGO BA DES NI PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCVA BRGYAD LA THUG GI BAR DU RNAM PAR BYANG BA'I CHOS RNAMS YONGS SU RDZOGS PAR MI 'GYUR TE, BDAG GI DON PHUN SUM TSOGS PAR MI 'GYUR BA'I PHYIR KHA ZAS DUG CAN ZA BA DANG 'DRA'O ZHES BSTAN PA'O, ,GANG GIS SBYIN PA'I PHA ROL TU PHYIN PA YONGS SU RDZOGS PAR MI 'GYUR BA DANG ZHES BYA BA NAS, DE CI'I PHYIR ZHE NA, DE LTAR YONGS SU BSNGO BA DE NI DUG DANG BCAS PA'I PHYIR RO ZHES BYA BA'I BAR DU NI DE LTAR PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCVA BRGYAD LA THUG GI BAR DU YONGS SU RDZOGS PAR MA GYUR NA, SANGS RGYAS KYI ZHING YONGS SU DAG PAR BYA BA DANG, SEMS CAN YONGS SU SMIN PAR BYA YANG MI NUS TE, GZHAN GYI DON PHUN SUM TSOGS PAR MI 'GYUR BA'I SKYON BSTAN PA'O, ,GZHAN YANG BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA SPYOD PA'I TSE ZHES BYA BA NAS, BDAG GIS KYANG CHOS NYID DES BLA NA MED PA YANG DAG PAR RDZOGS PA'I BYANG CHUB TU YONGS @23B SU BSNGO BAR BYA'O ZHES YONGS SU BRTAG PAR BYA'O ZHES BYA BA'I BAR DU NI BSNGO BA YONGS SU DAG PA SANGS RGYAS BCOM LDAN 'DAS RNAMS KYIS JI LTAR MKHYEN CING THABS MKHAS PA'I CHOS NYID KYIS YONGS SU BSNGOS PA DE BZHIN DU, BDAG GIS KYANG DON DAM PAR CHOS THAMS CAD RANG BZHIN GYIS STONG ZHING, DMIGS PA DANG MTSAN MA MED PAR RTOGS PAR BYAS LA, KUN RDZOB TU DE LA MA CHAGS PAR BYA STE, DGE BA'I RTZA BA YONGS SU BSNGOS NA THABS MKHAS PA'I CHOS NYID DANG LDAN PA'I YONGS SU BSNGO BAR 'GYUR RO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA ZHES BYA BA NAS, RAB 'BYOR KHYOD STON PA'I BYA BA BYED PA YIN NO ZHES BYA BA'I BAR DU NI DE LTAR DGE BA'I RTZA BA YONGS SU BSNGO BA SKYON MED CING YONGS SU DAG PAR BSNGO BA RAB 'BYOR GYIS GONG DU BSHAD PA MTSAN MA MED CING MI DMIGS PA'I TSUL GYIS YONGS SU BSNGO BA BSTAN PA DE LEGS SO ZHES BSTOD PA STE, MTSAN MA MED PA DANG, DMIGS PA MED PA DANG, SKYE BA MED PA LA SOGS PA'I TSIG RNAMS SMOS PA NI STONG PA NYID KYI RNAM GRANGS SU ZAD DO, ,RAB 'BYOR GAL TE STONG GSUM GYI STONG CHEN PO'I 'JIG RTEN GYI KHAMS 'DI'I SEMS CAN DE DAG THAMS CAD DGE BA BCU'I LAS KYI LAM THOB PAR GYUR ZHES BYA BA NAS, BLA NA MED PA ZHES BYA'O, ,GONG NA MED PA ZHES BYA'O ZHES BYA BA'I BAR DU NI STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED YOD PA DE DAG THAMS CAD KYI DGE BA BCU'I LAS KYI LAM DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA THOB PAR GYUR PA'I BSOD NAMS PAS KYANG RJES SU YI RANG BA DANG LDAN PA'I DGE BA'I RTZA BA RNAMS DMIGS PA DANG BCAS SHING MTSAN MA DANG BCAS PA'I SKYON GYIS MA CHAGS MA GOS PAR SEMS CAN THAMS CAD DANG THUN MONG DU BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS KHYAD PAR DU 'PHAGS PAR CHE BA BSTAN PA STE, RAB DANG, @24A *, ,GTZO BO DANG, DAM PA ZHES BYA BA LA SOGS PA NI KHYAD PAR DU 'PHAGS PAR CHE BA'I RNAM GRANGS SO, ,RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS 'DI NA, SEMS CAN JI SNYED CIG YOD PA DE DAG THAMS CAD RGYUN DU ZHUGS PAR GYUR ZHES BYA BA NAS, BLA NA MED PA ZHES BYA'O, ,GONG NA MED PA ZHES BYA'O ZHES BYA BA'I BAR DU NI STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD RGYUN DU ZHUGS PA DANG, LAN CIG PHYIR 'ONG BA DANG, PHYIN MI 'ONG BA DANG, DGRA BCOM PAR GYUR PA RNAMS LA GOS DANG, ZAS DANG, MAL STAN DANG, NA BA'I SMAN GYI YO BYAD RNAMS KYIS RIM GRO DANG BKUR STI LA SOGS PA BYAS PA'I BSOD NAMS PAS KYANG RJES SU YI RANG BA DANG LDAN PA'I DGE BA'I RTZA BA MTSAN MAR 'DZIN PA'I SKYON GYIS MA CHAGS MA GOS PAR SEMS CAN THAMS CAD DANG THUN MONG DU BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS KHYAD PAR DU 'PHAGS PAR CHE BAR BSTAN PA'O, ,RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD RANG SANGS RGYAS SU GYUR TE ZHES BYA BA NAS, BLA NA MED PA ZHES BYA'O, ,GONG NA MED PA ZHES BYA'O ZHES BYA BA'I BAR DU NI STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD RANG SANGS RGYAS SU GYUR PA LA GOS DANG, ZAS DANG, MAL STAN DANG, NA BA'I SMAN GYI YO BYAD RNAMS KYIS RIM GRO DANG BKUR STI LA SOGS PA BYAS PA'I BSOD NAMS PAS KYANG RJES SU YI RANG BA DANG LDAN PA'I DGE BA'I RTZA BA MTSAN MAR 'DZIN PA'I SKYON GYIS MA CHAGS MA GOS PAR SEMS CAN THAMS CAD DANG THUN MONG DU BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS KHYAD PAR DU 'PHAGS PAR CHE BAR BSTAN PA'O, ,RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE @24B DAG THAMS CAD BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PAR GYUR TE ZHES BYA BA NAS, RIGS KYI BU'AM RIGS KYI BU MO DE DAG KYANG DMIGS PA'I 'DU SHES CAN NO ZHES BYA BA'I BAR DU NI STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA RNAMS LA PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED DAG NA SEMS CAN JI SNYED CIG YOD PA DE DAG THAMS CAD KYIS BSKAL PA'I GRANGS GANG G'A'I KLUNG GI BYE MA SNYED DU GOS DANG, ZAS DANG, MAL STAN DANG, NA BA'I SMAN DANG YO BYAD MANG POS RIM GRO DANG BKUR STI BYAS PA'I BSOD NAMS PAS KYANG, RJES SU YI RANG BA DANG LDAN PA'I DGE BA'I RTZA BA MTSAN MAR 'DZIN PA'I SKYON GYIS MA CHAGS MA GOS PAR BYA STE, SEMS CAN THAMS CAD DANG THUN MONG DU BYAS NAS, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS SNGA MA BAS KYANG KHYAD PAR DU 'PHAGS PAR CHE BA BSTAN PA STE, DE LA BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA ZHES BYA BA NI BYANG CHUB SEMS DPA' SA DANG PO THOB PA YAN CHAD LA BYA'O, ,DE NAS RGYAL PO CHEN PO BZHI LA RGYAL CHEN BZHI'I RIGS KYI LHA'I BU STONG PHRAG NYI SHU DANG ZHES BYA BA NAS, BCOM LDAN 'DAS DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG, THABS MKHAS PAS YONGS SU BZUNG BA DE DAG GIS, RIGS KYI BU DANG, RIGS KYI BU MO SNGA MA THABS MKHAS PA DANG MI LDAN PA, DMIGS PA'I SPYOD PA CAN DE DAG GIS DGE BA'I RTZA BA DE DAG ZIL GYIS MNAN PA NGO MTSAR CHE'O ZHES SGRAR BSGRAGS TE DBYANGS SU BRJOD DO ZHES BYA BA'I BAR DU NI 'DOD PA'I KHAMS DANG, GZUGS KYI KHAMS KYI LHA RNAMS KYI DE LTAR DMIGS SU MED PA DANG, CHAGS PA MED PA DANG, MTSAN MA MED PA DANG, RTZOL BA MED PA'I TSUL GYIS DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA THABS MKHAS PA DANG LDAN PAS MTHA' GNYIS DANG BRAL BAR DNGOS PO DE YONGS @25A *, ,SU BSNGO BA'I MCHOG YIN LA, DMIGS PA CAN GYIS DGE BA'I RTZA BA THAMS CAD ZIL GYIS MNAN PA'I YON TAN SMOS TE RJES SU YI RANGS NAS MCHOD PAR BYAS PA BSTAN PA'O, ,DE NAS BCOM LDAN 'DAS KYIS RGYAL CHEN BZHI'I RIS KYI LHA RNAMS DANG ZHES BYA BA NAS, MNYAM PA MED PA ZHES BYA'O, ,MI MNYAM PA DANG MNYAM PA ZHES BYA'O ZHES BYA BA'I BAR DU NI STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,BYANG CHUB SEMS DPAR GYUR PA RNAMS KYIS PHYOGS BCU DUS GSUM DU ZHUGS PA RNAMS KYI SANGS RGYAS BCOM LDAN 'DAS NYAN THOS DANG RANG SANGS RGYAS SU BCAS PA RNAMS KYIS DANG POR SEMS BSKYED PA NAS, DAM PA'I CHOS MA NUB KYI BAR DU PHA ROL TU PHYIN PA DRUG LA SOGS PA SANGS RGYAS KYI CHOS THAMS CAD LA SPYAD DE, DGE BA'I RTZA BA JI SNYED CIG BSKYED PA DE DAG LA RJES SU YI RANGS NAS DMIGS PA DANG BCAS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS PAS KYANG, RIGS KYI BU'AM RIGS KYI BU MO LA LA ZHIG BLA NA MED PA YANG DAG PAR RDZOGS PA'I BYANG CHUB TU SEMS BSKYED DE BYANG CHUB SEMS DPAR GYUR PAS, PHYOGS BCU NA DUS GSUM DU BZHUGS PA'I SANGS RGYAS BCOM LDAN 'DAS NYAN THOS DANG RANG SANGS RGYAS SU BCAS PA RNAMS KYIS DANG PO SEMS BSKYED PA NAS, DAM PA'I CHOS MA NUB KYI PAR DU PHA ROL TU PHYIN PA DRUG LA SOGS PA SANGS RGYAS KYI CHOS THAMS CAD LA SPYAD DE, DGE BA'I RTZA BA JI SNYED CIG BSKYED PA DE DAG LA DMIGS SU MED PA DANG GNYIS SU MED PA LA SOGS PA'I TSUL GYIS RJES SU YI RANGS NAS, RJES SU YI RANG BA'I DGE BA'I RTZA BA DE YANG DMIGS SU MED PA DANG GNYIS SU MED PA LA SOGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA, DE'I BSOD NAMS DMIGS PA CAN GYI BSNGO BA SNGA MA'I BSOD NAMS PAS KHYAD PAR DU 'PHAGS PAR CHE BA BSTAN PA STE, RAB @25B DANG GTZO BO LA SOGS PA NI KHYAD PAR DU 'PHAGS PA'I RNAM GRANGS SU ZAD DE SNGA MA BZHIN NO, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, MI MNYAM PA DANG MNYAM PA ZHES BYA'O ZHES BYA BA'I BAR DU NI MTSAN MA MED PA DANG DMIGS SU MED PA'I RJES SU YI RANG BA DE RAB DANG, GTZO BO DANG, DAM PA DANG, MCHOG LA SOGS PA JI TZAM GYIS 'GYUR BA BSTAN PA STE, DON DAM PAR DGE BA'I RTZA BA DE DAG RANG BZHIN GYIS STONG ZHING DE BZHIN NYID DU RO GCIG PAS BLANG DOR MED PA DANG, SKYE BA DANG, 'GAG PA LA SOGS PA MED PA DANG, DE BZHIN NYID DANG, MA NOR BA DE BZHIN NYID LA SOGS PA'I RANG BZHIN DU RO GCIG PAR RTOGS PAR BYA STE KUN RDZOB TU RJES SU YI RANGS NAS, DE LTAR RJES SU YI RANG BA'I DGE BA'I RTZA BA DE BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA RAB DANG GTZO BO LA SOGS PAR 'GYUR TE, DMIGS PA CAN GYIS RJES SU YI RANG BAS DE LA BRGYA STONG DU MA'I CHAR YANG MI PHOD DO ZHES BSTAN PA'O, ,RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MOS ZHES BYA BA NAS, RAB 'BYOR RJES SU YI RANG BA DE DANG LDAN PA'I BYANG CHUB SEMS DPA' SEMS DPA' CHEN PO MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES BYA BA'I BAR DU NI DUS GSUM GYI DE BZHIN GSHEGS PA RNAMS DANG, NYAN THOS DANG, RANG SANGS RGYAS RNAMS DANG, SEMS CAN THAMS CAD KYI DGE BA'I RTZA BA JI SNYED YOD PA DE DAG THAMS CAD LA RJES SU YI RANG BA SKYON MED CING YONGS SU DAG PAR BYA BA'I THABS BSTAN PA STE, DE'I THABS KYANG GZUGS LA SOGS PA 'JIG RTEN DANG 'JIG RTEN LAS 'DAS PA'I CHOS THAMS CAD DON DAM PAR RNAM PAR GROL ZHING YONGS SU DAG PAR RO GCIG PA DANG, CHOS THAMS CAD MA CHAGS PA DANG, MA BCINGS PA DANG, MA GROL BA LA SOGS PA'I RANG BZHIN DU RTOGS PAR BYA STE, KUN RDZOB TU BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA, DE LTAR RJES SU YI RANGS NAS YONGS @26A *, ,SU BSNGO BA DE NI RJES SU YI RANG BA'I RAB DANG GTZO BO LA SOGS PA YIN PAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I RGYUR 'GYUR RO ZHES BSTAN PA'O, ,RAB 'BYOR GZHAN YANG SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA ZHES BYA BA NAS, THABS MKHAS PAS DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BYA BA'I BAR DU NI PHYOGS BCU'I SANGS RGYAS BCOM LDAN 'DAS NYAN THOS KYI DGE 'DUN DANG BCAS PA RNAMS LA, NAM 'TSO'I BAR DU BDE BA'I YO BYAD THAMS CAD KYIS MCHOD CING, BKUR STI LA SOGS PA BYAS PA DANG, SANGS RGYAS BCOM LDAN 'DAS DE DAG YONGS SU MYA NGAN LAS 'DAS PA'I RING BSREL LA MCHOD PA SNA TSOGS BYAS PA DANG, DMIGS PA'I TSUL GYIS PHA ROL TU PHYIN PA DRUG LA SPYOD PA'I BSOD NAMS PAS MI DMIGS PA'I TSUL GYIS PHA ROL TU PHYIN PA DRUG LA SPYAD DE THABS MKHAS PAS DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS KHYAD PAR DU 'PHAGS PAR CHE BA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS YONGS SU BSNGO BA'I LE'U STE NYI SHU LNGA PA'O,, ,,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, BCOM LDAN 'DAS SHES RAB KYI PHA ROL TU PHYIN PA NI DNGOS PO MA MCHIS PA'I NGO BO NYID STONG PA NYID KYI SLAD DU CHOS THAMS CAD KYI NGO BO NYID STON PA'O ZHES BYA BA'I BAR DU NI DE LTAR SHES RAB KYI PHA ROL TU PHYIN PA MCHOD PA DANG, BKLAGS PA DANG, GZHAN LA SBYIN PA LA SOGS PA BYAS PA DANG, BSOD NAMS KYI RJES SU YI RANG BA DANG, BSOD NAMS YONGS SU BSNGO BA'I BSOD NAMS CHE BA'I PHAN YON CHEN PO BSNGAGS PA SH'A RI'I BUS THOS NAS DAD PA CHEN PO SKYES TE 'KHOR GZHAN RNAMS KYANG DAD PA BSKYED PA'I PHYIR SHES RAB KYI PHA ROL TU PHYIN PA LA BSTOD PA BSTAN PA STE, BCOM LDAN 'DAS SHES RAB KYI PHA ROL TU PHYIN PA NI SHIN TU RNAM PAR DAG PA'I @26B SLAD DU SNANG BAR BGYID PA'O ZHES BYA BA NI CHOS KYI DBYINGS SHIN TU RNAM PAR DAG CING RANG BZHIN GYIS 'OD GSAL BA, SEMS CAN GYI SEMS KYI RGYUD LA SNANG BAR BYED PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI PHYAG BGYI BAR 'OS PA'O ZHES BYA BA NI YON TAN THAMS CAD KYI 'BYUNG GNAS YIN PA'I PHYIR 'PHAGS PA DANG SO SO'I SKYE BO THAMS CAD KYIS MCHOD CING PHYAG BYA BAR 'OS PA YIN NO ZHES BSTAN PA'O, ,BCOM LDAN 'DAS SHES RAB KYI PHA ROL TU PHYIN PA LA BDAG PHYAG 'TSAL LO ZHES BYA BA NI DE LTAR YON TAN THAMS CAD KYI 'BYUNG GNAS YIN LA, SKYE BO THAMS CAD KYIS MCHOD CING PHYAG BYA BAR 'OS PA'I PHYIR, SH'A RI'I BU BDAG NYID KYANG PHYAG 'TSAL LO ZHES DAD PA'I SHUGS KYIS SMRAS PA'O, ,BCOM LDAN 'DAS SHES RAB KYI PHA ROL TU PHYIN PA NI KHAMS GSUM PA THAMS CAD KYIS MA GOS PA'O ZHES BYA BA NI KHAMS GSUM GANG DU YANG MA GTOGS LA KHAMS GSUM PO DE DAG GI SKYON GANG GIS KYANG MA GOS PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI NYON MONGS PA DANG LTA BA'I MUN PA THAMS CAD BSAL BA LA RAB RIB MA MCHIS PAR BGYID PA'O ZHES BYA BA NI SEMS CAN THAMS CAD KYI 'DOD CHAGS LA SOGS PA NYON MONGS PA'I SGRIB PA RNAMS DANG, 'JIG TSOGS SU LTA BA LA SOGS PA LTA BA NGAN PA RNAMS BSAL CING, SEMS CAN RNAMS YANG DAG PA'I LTA BA SKYON MED PA LA 'DZUD PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI BYANG CHUB KYI PHYOGS KYI CHOS RNAMS KYI NANG NA MCHOG TU BGYID PA'O ZHES BYA BA NI BLA NA MED PA'I BYANG CHUB THOB PAR BYED PA'I RGYU'I GTZO BO YIN NO ZHES BYA BA'I DON TO, ,BCOM LDAN 'DAS SHES RAB KYI PHA ROL TU PHYIN PA NI 'JIGS PA DANG GNOD PA DANG 'TSE BA THAMS CAD RAB TU BYANG BA'I SLAD DU BDE BAR BGYID PA'O ZHES BYA BA NI SHES RAB KYI PHA ROL TU PHYIN PA 'DI LA BKLAG PA DANG MCHOD PA LA SOGS PA'I SGO NAS BSTEN NA, GNOD PA THAMS CAD KYIS MI TSUGS SHING BDE BA THAMS CAD DANG LDAN PAR 'GYUR BA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA @27A *, ,NI SEMS CAN THAMS CAD KYIS MIG LNGA YONGS SU THOB PAR BGYI BA LA SNANG BAR BGYID PA'O ZHES BYA BA NI SHES RAB KYI PHA ROL TU PHYIN PA LA GOMS PAR BYAS NA SHA'I SPYAN DANG, LHA'I SPYAN LA SOGS PA DE BZHIN GSHEGS PA'I SPYAN LNGA THOB CING, 'JIG RTEN DANG 'JIG RTEN LAS 'DAS PA'I CHOS THAMS CAD PHYIN CI MA LOG PAR GSAL BAR SNANG BAR BYED PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI SEMS CAN SHUL GOL BAR ZHUGS PA RNAMS MTHA' LAS BZLOG PA'I SLAD DU SHUL STON PA'O ZHES BYA BA NI RTAG PA DANG MI RTAG PA LA SOGS PA'I MTHA' GNYIS SU LTUNG ZHING BLA NA MED PA'I BYANG CHUB THOB PAR 'GYUR BA YANG DAG PA'I LAM LAS NYAMS NAS LAM LOG PAR GYUR BA RNAMS LAS BZLOG STE, YANG DAG PA'I LAM DU 'DZUD PA'I CHOS RNAMS STON PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI BAG CHAGS KYIS MTSAMS SBYOR BA'I NYON MONGS PA THAMS CAD MKHYEN PA NYID DU BGYID PA'O ZHES BYA BA NI NYON MONGS PA DANG SHES BYA'I SGRIB PAS 'KHOR BAR SKYE ZHING SBYOR BA'I BAG CHAGS THAMS CAD SPANGS NAS, THAMS CAD MKHYEN PA'I YE SHES THOB PAR BYED PA'I RGYU YIN PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI SANGS RGYAS KYI CHOS BSKYED PA STE, BYANG CHUB SEMS DPA' SEMS DPA' CHEN PO RNAMS KYI MA'O ZHES BYA BA NI SHES RAB KYI PHA ROL TU PHYIN PA 'DI LA BSLABS NA BYANG CHUB KYI PHYOGS DANG, STOBS BCU DANG, MI 'JIGS PA BZHI LA SOGS PA SANGS RGYAS KYI CHOS RNAMS BYANG CHUB SEMS DPA'I SEMS KYI RGYUD LA 'BYUNG ZHING CHOS DE RNAMS DANG LDAN NA BYANG CHUB SEMS DPAR 'GYUR TE, DE LTAR BYANG CHUB SEMS DPAR 'GYUR BA'I RGYU'AM GZHI YIN PAS MA DANG 'DRA BA'I PHYIR BYANG CHUB SEMS DPA' MA ZHES BYA'O, ,BCOM LDAN 'DAS SHES RAB KYI PHA ROL TU PHYIN PA NI RANG GI MTSAN NYID STONG PA NYID KYI SLAD DU MA SKYES MA 'GAGS PA'O ZHES BYA BA NI DON DAM PAR SHES RAB KYI PHA ROL TU PHYIN PA'I NGO BO NYID YOD PAR MA GRUB STE, @27B STONG PA NYID KYI RANG BZHIN YIN PA'I PHYIR MA SKYES PA DANG MA 'GAGS PA'I NGO BO NYID YIN NO ZHES BYA BA'I DON TO, ,BCOM LDAN 'DAS SHES RAB KYI PHA ROL TU PHYIN PA NI MI RTAG MI 'JIG PA'I SLAD DU 'KHOR BA'I GNYEN PO'O ZHES BYA BA NI 'KHOR BA'I CHOS RTAG PA DANG MI RTAG PA'I MTHA' GNYIS LAS BZLOG PA'I PHYIR 'KHOR BA'I GNYEN PO ZHES BYA'O, ,BCOM LDAN 'DAS SHES RAB KYI PHA ROL TU PHYIN PA'I CHOS RIN PO CHE THAMS CAD STOBS PA'I SLAD DU, SEMS CAN MGON MA MCHIS PA RNAMS KYI MGON BGYID PA'O ZHES BYA BA NI SEMS CAN NYON MONGS PA'I DBANG DU GYUR CING, 'KHOR BA'I BRTZON RA NAS MA THAR PA RNAMS LA RNAM PAR BYANG BA'I CHOS RIN PO CHE RNAMS BSTAN PAS SEMS CAN RNAMS 'KHOR BA'I BRTZON RA NAS THAR PAR BYED PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI THUB PA MA MCHIS PA'I SLAD DU STOBS BCU BGYID PA'O ZHES BYA BA NI BDUD DANG MU STEGS CAN PHAS KYI RGOL BA RNAMS KYIS MI THUB PA'I PHYIR DE BZHIN GSHEGS PA'I STOBS BCU DANG LDAN PAR BYED PA'O ZHES BYA BA'I DON TO, ,BCOM LDAN 'DAS SHES RAB KYI PHA ROL TU PHYIN PA NI 'GRO BA DANG LDOG PA MA MCHIS PA'I SLAD DU RNAM PA BCU GNYIS RGYUD GSUM DU 'KHOR BA'I CHOS KYI 'KHOR LO BSKOR BA DANG, MI BSKOR BA ZHES BYA BA YANG MED LA KUN RDZOB TU CHOS KYI 'KHOR LO RNAM PA BCU GNYIS LAN GSUM DU BSKOR BA'I RANG BZHIN CAN NO ZHES BSTOD PA STE, DE LA RNAM PA BCU GNYIS LAN GSUM DU 'KHOR LO BSKOR BA NI, 'PHAGS PA'I BDEN PA BZHI PO SDUG BSNGAL BA DANG, KUN 'BYUNG BA DANG, 'GOG PA DANG, LAM RNAMS KYI RANG BZHIN STON PA'I TSE, PHUNG PO LNGA LA 'DI NI SBUG BSNGAL BA YIN NO ZHES BYA BA DANG, PHUNG PO LNGA 'BYUNG BA'I RGYU LAS DANG NYON MONGS PA LA 'DI NI PHUNG PO KUN 'BYUNG BA YIN NO ZHES BYA BA DANG, SDUG BSNGAL GYI PHUNG PO 'GAGS PA'I RANG BZHIN MYA NGAN 'DAS PA LA 'DI NI SDUG BSNGAL 'GOG PA'O ZHES BYA BA DANG, MYA NGAN LAS @28A *, ,'DAS PA THOB PAR BYED PA'I LAM 'PHAGS PA'I LAM YAN LAG BRGYAD PA 'DI NI MYA NGAN 'DAS PA THOB PAR BYED PA'I RGYU'AM LAM YIN NO ZHES BYA BAR BDEN PA BZHI PO DE DAG NI RANG BZHIN NYID TSE BSTAN PA'I RGYUD GCIG GO, ,SDUG BSNGAL NI YONGS SU SHES PAR BYA'O, ,KUN 'BYUNG BA NI SPANG BAR BYA BA'O, ,'GOG PA NI MNGON SUM DU BYA BA'O, ,LAM NI BSGOM PAR BYA BA'O ZHES STON PA NI RGYUD GNYIS PA'O, ,SDUG BSNGAL NI BDAG GIS SHES SO, ,KUN 'BYUNG BA NI BDAG GIS SPANGS SO, ,'GOG PA NI BDAG GIS MNGON SUM DU BYAS SO, ,LAM NI BDAG GIS BSGOMS SO ZHES BYA BAR STON PA NI RGYUD GSUM PA STE, DE LTAR 'PHAGS PA'I BDEN PA BZHI PO DE DAG LA RNAM PA GSUM DU PHYE STE BSTAN PA RNAM PA BCU GNYIS RGYUD GSUM DU 'KHOR BA'I CHOS KYI 'KHOR LO BSKOR BA ZHES BYA'O, ,BCOM LDAN 'DAS SHES RAB KYI PHA ROL TU PHYIN PA NI DNGOS PO MA MCHIS PA'I NGO BO NYID STONG PA NYID KYI SLAD DU CHOS THAMS CAD KYI NGO BO NYID STON PA'O ZHES BYA BA DON DAM PAR CHOS THAMS CAD DNGOS PO MED PA'I NGO BO NYID STONG PA NYID KYI RANG BZHIN YIN NO ZHES STON PA'I PHYIR RO, ,BCOM LDAN 'DAS BYANG CHUB SEMS DPA'AM, BYANG CHUB SEMS DPA'I THEG PA PA'AM, NYAN THOS SAM, NYAN THOS KYIS THEG PA PA'AM, RANG SANGS RGYAS SAM, RANG SANGS RGYAS KYI THEG PA PAS JI LTAR SHES RAB KYI PHA ROL TU PHYIN PA LA GNAS PAR BGYI ZHES BYA BA NI SHES RAB KYI PHA ROL TU PHYIN PA LA MI GNAS PA'I TSUL GYIS GNAS PAR BYA BA'I THABS NI SNGAR BSHAD ZIN PAS SKABS 'DIR JI LTAR GNAS PAR BGYI ZHES BYA BA NI GONG DU SMOS PA'I RIM PAS SHES RAB KYI PHA ROL TU PHYIN PA YON TAN DU MA DANG LDAN PA'I SGO NAS BSTOD PA DE LTA BU LA GUS SHING RIM GRO BYA BA'I THABS JI LTA BUR BGYI ZHES BCOM LDAN 'DAS LA SH'A RI'I BUS ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU STON PA LA JI LTA BA DE BZHIN DU SHES RAB KYI PHA ROL TU PHYIN PA LA GNAS PAR BYA'O, ,STON PA LA JI LTAR PHYAG BYA BA @28B DE BZHIN DU SHES RAB KYI PHA ROL TU PHYIN PA LA YANG PHYAG BYA'O ZHES BYA BA NI SANGS RGYAS BCOM LDAN 'DAS LHA DANG MI RNAMS KYIS STON PA LA GUS PA DANG RIM GRO LA SOGS PA JI LTAR BYA BA DE BZHIN DU SHES RAB KYI PHA ROL TU PHYIN PA LA YANG GUS PA DANG RIM GRO LA SOGS PA BYA'O ZHES BSTAN PA'O, ,DE CI'I PHYIR ZHE NA, SHES RAB KYI PHA ROL TU PHYIN PA 'DI NYID STON PA YIN TE ZHES BYA BA LA SOGS PAS NI STON PA LA JI LTAR GUS PAR BYA BA DE BZHIN DU SHES RAB KYI PHA ROL TU PHYIN PA LA GUS PAR BYA BA'I GTAN TSIGS BSTAN PA STE, DON DAM PAR YANG SHES RAB KYI PHA ROL TU PHYIN PA DANG, STON PA GNYIS STONG PA NYID KYI RANG BZHIN DU THA MI DAD PA DANG, KUN RDZOB TU YANG STON PA'I BYA BA BYED PAR 'DRA BA'I PHYIR, STON PA LA MCHOD PA DANG BKUR STI BYA BA BZHIN DU SHES RAB KYI PHA ROL TU PHYIN PA LA YANG MCHOD CING BKUR STI BYA'O ZHES BSTAN PA'O, , DE'I PHYIR SHES RAB KYI PHA ROL TU PHYIN PA LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS 'BYUNG NGO ZHES BYA BA NAS, RNAM PA THAMS CAD MKHYEN PA NYID 'BYUNG NGO ZHES BYA BA'I BAR DU NI SHES RAB KYI PHA ROL TU PHYIN PA STON PA'I BYA BA BYED PA'I GTAN TSIGS BSTAN PA STE, SHES RAB KYI PHA ROL TU PHYIN PA 'DI LAS DE BZHIN GSHEGS PA LA SOGS PA RNAM PAR BYANG BA'I CHOS THAMS CAD 'BYUNG BA'I PHYIR RO, ,STON PA DANG 'DRA BAR MCHOD CING BKUR STI BYA'O ZHES BSTAN PA'O, ,DE NAS LHA'I DBANG PO BRGYA BYIN 'DI SNYAM DU 'GYUR TE, BTZUN PA SHA RA DVA TI'I BU'I ZHU BA 'DI GANG LAS SKYES CI'I RGYU SNYAM PA DANG ZHES BYA BA NI SHES RAB KYI PHA ROL TU PHYIN PA'I YON TAN GZHAN DAG KYANG BSTAN PA'I GLENG BSLANG BA'I PHYIR, SH'A RI'I BUS GONG DU SHES RAB KYI PHA ROL TU PHYIN PA LA JI LTAR GNAS PAR BGYI ZHES ZHUS PA DE CI LAS BSAMS TE ZHUS SNYAM DU RTOG PA BSKYED PA'O, ,DE NAS TSE DANG LDAN PA SHA RA DVA TI'I BUS LHA'I DBANG PO BRGYA BYIN LA 'DI SKAD CES SMRAS SO ZHES BYA BA NAS, RNAM PA THAMS CAD MKHYEN PA NYID DU YONGS SU BSNGO BAS NA, BDAG GIS ZHU BA SKYES SO ZHES BYA BA'I BAR DU NI BYANG CHUB SEMS DPA' @29A *, ,RNAMS DUS GSUM GYI SANGS RGYAS BCOM LDAN 'DAS RNAMS DANG, NYAN THOS DANG, RANG SANGS RGYAS RNAMS DANG, SEMS CAN THAMS CAD KYI DGE BA'I RTZA BA RNAMS LA RJES SU YI RANG ZHING, RNAM PA THAMS CAD MKHYEN PA NYID DU YONGS SU BSNGO BA YANG SHES RAB KYI PHA ROL TU PHYIN PAS YONGS SU ZIN PA'I PHYIR THABS MKHAS PAS YONGS SU BSNGO BAR GYUR TE, DE LTAR SHES RAB KYI PHA ROL TU PHYIN PA DE THAMS CAD KYI GTZO BO YIN PA'I PHYIR DE LA JI LTAR GNAS PAR BGYI ZHES BDAG GIS ZHUS SO ZHES BSTAN PA'O, ,KOO SHI KA BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA 'DI NI SBYIN PA'I PHA ROL TU PHYIN PA ZIL GYIS GNON TO ZHES BYA BA NAS, PHA ROL TU PHYIN PA LNGA PO 'DI DAG NI SHES RAB KYI PHA ROL TU PHYIN PAS YONGS SU BZUNG NA PHA ROL TU PHYIN PA'I MING THOB BO ZHES BYA BA'I BAR DU NI SHES RAB KYI PHA ROL TU PHYIN PA 'DI PHA ROL TU PHYIN PA KUN GYI GTZO BO YIN PAR DMUS LONG DANG DMIGS BU'I DPE DANG BCAS TE BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PA SHA RA DVA TI'I BU LA 'DI SKAD CES SMRAS SO ZHES BYA BA NAS, PHA ROL TU PHYIN PA LNGA NI BSAM GTAN GYI PHA ROL TU PHYIN PAS YONGS SU BZUNG YANG PHA ROL TU PHYIN PA'I MING MI 'THOB BO ZHES BYA BA'I BAR DU NI SNGAR GZHUNG 'DI NYID LAS PHA ROL TU PHYIN PA GCIG LA SPYOD PA'I TSE YANG PHA ROL TU PHYIN PA DRUG CAR YONGS SU RDZOGS PAR 'GYUR BAR BSHAD LA, SKABS 'DIR SHES RAB KYI PHA ROL TU PHYIN PA 'DI 'BA' ZHIG GTZO BO YIN PAR BSHAD PA LA 'KHOR RNAMS THE TSOM ZA BA BSAL BA'I PHYIR PHA ROL TU PHYIN PA DRUG PO 'DI RNAMS GCIG GI RGYU GCIG YIN TE, GANG YANG RUNG BA GCIG GIS YONGS SU BZUNG NA YANG GZHAN RNAMS PHA ROL TU PHYIN PA'I MING THOB PAR 'GYUR NA, CI'I PHYIR SHES RAB KYI PHA ROL TU PHYIN PA 'BA' ZHIG GTZO BO YIN PAR BSHAD CES BRGYA BYIN GYIS SH'A RI'I BU LA BRGAL BA'O, ,SMRAS PA DE LTA MA YIN TE, KOO SHI KA DE NI DE LTA MA YIN NO ZHES BYA BA NAS, KOO SHI KA DE BAS NA SHES RAB KYI PHA ROL TU PHYIN PA NI PHA @29B ROL TU PHYIN PA LNGA PO 'DI DAG GI RAB CES BYA'O, ,GTZO BO DANG, DAM PA DANG, MCHOG DANG, PHUL DANG, GYA NOM PA DANG, BLA NA MED PA DANG, GONG NA MED PA ZHES BYA'O ZHES BYA BA'I BAR DU NI SNGAR PHA ROL TU PHYIN PA GCIG YONGS SU RDZOGS PAR BYED PA'I TSE, DRUG CAR YONGS SU RDZOGS PAR 'GYUR BAR BSHAD PA NI GROGS BYED PA'I RGYUR 'GYUR BA TZAM DU BSTAN DU ZAD KYI, SHES RAB KYI PHA ROL TU PHYIN PA LTAR RNAM PA THAMS CAD DU RGYU'I GTZO BO YIN PAR BSTAN PA MA YIN TE, DE BAS NA SHES RAB KYI PHA ROL TU PHYIN PA NI PHA ROL TU PHYIN PA THAMS CAD KYI NANG NA MCHOG YIN PAR SHES PAR BYA'O ZHES BSTAN PA'O, ,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, DE BZHIN DU CHOS THAMS CAD MNGON PAR BSGRUB PA MED PA'I PHYIR SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA'I BAR DU NI DE LTAR SHES RAB KYI PHA ROL TU PHYIN PA DE PHA ROL TU PHYIN PA THAMS CAD KYI MCHOG DAM PA YIN NA, JI LTAR MNGON PAR BSGRUB CING THOB PAR BGYI ZHES ZHUS PA DANG, DE JI LTAR MNGON PAR BSGRUB PA'I THABS BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR DNGOS PO MED PAS DE DAG MNGON PAR BSGRUB TU MED PAR RTOGS PA NYID SHES RAB KYI PHA ROL TU PHYIN PA MNGON PAR BSGRUB PA YIN NO ZHES BSTAN PA'O, ,GSOL PA BCOM LDAN 'DAS JI LTAR GZUGS MNGON PAR BSGRUB PA MA MCHIS PA'I SLAD DU, SHES RAB KYI PHA ROL TU PHYIN PA MNGON PAR BSGRUB PAR BGYI ZHES BYA BA NAS, JI LTAR RNAM PA THAMS CAD MKHYEN PA NYID MNGON PAR BSGRUB PA MA MCHIS PA'I SLAD DU, SHES RAB KYI PHA ROL TU PHYIN PA MNGON PAR BSGRUB PAR BGYI ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS DE DAG JI LTAR DNGOS PO MED CING MNGON PAR BSGRUB PA MED PA'I GTAN TSIGS ZHUS PA'O, ,BCOM LDAN 'DAS KYIS BKA' STZAL @30A *, ,PA; GZUGS MNGON PAR 'DU BYA BA MED PAS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NAS RNAM PA THAMS CAD MKHYEN PA NYID 'JIG PA MED PAS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DNGOS PO MED CING MNGON PAR BSGRUB TU MED PA'I GTAN TSIGS BSTAN PA DE, DON DAM PAR CHOS DE DAG THAMS CAD DNGOS PO MED PAS MNGON PAR 'DU BYA BA DANG, SKYE BA DANG, 'GAG PA DANG, DMIGS PA DANG, 'JIG PA MED PA'I PHYIR MNGON PAR BSGRUB DU YANG MED DE, DE LTAR RTOGS PA NYID SHES RAB KYI PHA ROL TU PHYIN PA MNGON PAR BSGRUB PA YIN NO ZHES BSTAN PA'O, ,GSOL PA, BCOM LDAN 'DAS DE LTAR MNGON PAR BSGRUBS PA'I SHES RAB KYI PHA ROL TU PHYIN PA CHOS GANG THOB PAR BGYID CES BYA BA NI DE LTAR CHOS THAMS CAD SKYE BA MED PA DANG, 'GAG PA MED PA LA SOGS PA'I RANG BZHIN YIN TE, CI YANG MED NA SHES RAB KYI PHA ROL TU PHYIN PA LA DE LTAR SPYAD CING BSGOMS PA'I 'BRAS BU CI ZHIG YOD CES ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE LTAR MNGON PAR BSGRUBS PA'I SHES RAB KYI PHA ROL TU PHYIN PA NI CHOS GANG YANG THOB PAR MI BYED DE NAM CHOS GANG YANG THOB PAR MI BYED PA DE'I TSE SHES RAB KYI PHA ROL TU PHYIN PA'I GRANGS SU 'GRO'O ZHES BYA BA NI DON DAM PAR CHOS THAMS CAD STONG PA NYID KYI RANG BZHIN DU RTOGS PAS CHOS GANG LA YANG MTSAN MAR MI 'DZIN CING, MA CHAGS LA THOB PAR MI BYED PA NYID CHOS THAMS CAD DNGOS PO MED PAR RTOGS PA'I SHES RAB KYI MCHOG RNAM PAR MI RTOG PA LHUN GYIS GRUB PA'I SHES RAB KYI PHA ROL TU PHYIN PA YIN NO ZHES BSTAN PA'O, , GSOL PA, BCOM LDAN 'DAS CHOS THAMS CAD THOB PAR MI BGYID PA GANG LAGS ZHES BYA BA NI CHOS GANG YANG THOB PAR MI BYED DO ZHES GONG DU BSHAD PA CHOS GANG DANG GANG RNAMS THOB PAR MI BYED PA'I DMIGS ZHUS PA'O, ,BCOM LDAN 'DAS KYIS BKA' STZAL PA, MI @30B DGE BA'I CHOS RNAMS THOB PAR MI BYED DE ZHES BYA BA NAS 'DUS MA BYAS PA'I CHOS RNAMS THOB PAR MI BYED DO ZHES BYA BA'I BAR DU NI ZAG PA DANG BCAS PA DANG, ZAG PA MED PA'I CHOS THAMS CAD DON DAM PAR DNGOS PO MED PAS CHOS DE DAG GANG YANG THOB PAR BYED PA'I RGYU MA YIN NO ZHES BSTAN PA'O, ,DE CI'I PHYIR ZHE NA, SHES RAB KYI PHA ROL TU PHYIN PA NI CHOS GANG GI PHYIR YANG DMIGS PA'I TSUL GYIS NYE BAR MI GNAS TE, DE'I PHYIR CHOS GANG YANG THOB PAR BYED PA MA YIN NO ZHES BYA BA NI CHOS GANG YANG THOB PAR MI BYED PA'I GTAN TSIGS BSTAN PA STE, CHOS THAMS CAD DNGOS PO MED PAR RTOGS PAS CHOS GANG YANG THOB PAR BYA BA'I PHYIR DMIGS PA'I TSUL GYIS GNAS PA MA YIN NO ZHES BYA BA'I DON TO, ,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS CI LAGS, SHES RAB KYI PHA ROL TU PHYIN PA 'DI RNAM PA THAMS CAD MKHYEN PA NYID KYANG THOB PAR MI BGYID DAM ZHES BYA BA NI SHES RAB KYI PHA ROL TU PHYIN PA LA SPYAD PA'I 'BRAS BU NI BLA NA MED PA'I BYANG CHUB RNAM PA THAMS CAD MKHYEN PA NYID THOB PAR MI BYA BA YIN NO, ,CI DE YANG THOB PAR MI BYED DAM ZHES ZHUS PA'O, ,BCOM LDAN 'DAS KYIS BKA' STZAL PA, KOO SHI KA GANG DE SKAD DU CI LAGS, SHES RAB KYI PHA ROL TU PHYIN PA 'DI RNAM PA THAMS CAD MKHYEN PA NYID KYANG THOB PAR MI BGYID DAM ZHES ZER BA NI KOO SHI KA DE DE BZHIN NO, ,DE DE BZHIN TE, SHES RAB KYI PHA ROL TU PHYIN PA NI RNAM PA THAMS CAD MKHYEN PA NYID THOB PAR MI BYED DMIGS PAR MI BYED DO ZHES BYA BA NI DON DAM PAR SHES RAB KYI PHA ROL TU PHYIN PA DANG, RNAM PA THAMS CAD MKHYEN PA NYID STONG PA NYID DU RO GCIG PAS THOB PAR BYA BA DANG THOB PAR BYED PA GNYIS THA DAD DU DBYE ZHING DMIGS SU MED DO ZHES BSTAN PA'O, ,BRGYA BYIN GYIS GSOL PA, BCOM LDAN 'DAS JI LTAR NA SHES RAB KYI PHA ROL TU PHYIN PA RNAM PA THAMS CAD MKHYEN PA NYID KYANG THOB PAR MI BGYID, DMIGS PAR MI BGYID PA LAGS ZHES BYA BA NI RNAM PA THAMS CAD MKHYEN PA NYID KYANG THOB PAR MI BYED PA'I @31A *, ,GTAN TSIGS 'KHOR RNAMS LA ZHIB TU BSHAD PA'I GLING BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, KOO SHI KA SHES RAB KYI PHA ROL TU PHYIN PA NI MING JI LTA BA DANG, MTSAN MA JI LTA BA DANG, MNGON PAR 'DU BYED PA JI LTA BA DE BZHIN DU THOB PAR MI BYED PA YIN NO ZHES BYA BA NI SHES RAB KYI PHA ROL TU PHYIN PA RNAM PAR MI RTOG PA'I RANG BZHIN YIN PAS, RNAM PA THAMS CAD MKHYEN PA NYID LA MING DANG MTSAN MA LA SOGS PAR 'DZIN CING THOB PAR BYED PA MA YIN NO ZHES BSTAN PA'O, ,BRGYA BYIN GYIS GSOL PA, BCOM LDAN 'DAS 'O NA JI LTAR THOB PAR BGYID PA LAGS ZHES BYA BA NI MI DMIGS PA DANG MI LEN PA LA SOGS PAR RNAM PA THAMS CAD MKHYEN PA NYID THOB PAR BYED PA ZHIB TU BSHAD PA'I GLING BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, MI DMIGS PA DANG, MI LEN PA DANG, MI GNAS PA DANG, MI 'DOR BA DANG, MNGON PAR CHAGS PA MED PA DE LTAR THOB PAR BYED DE ZHES BYA BA NI SHES RAB KYI PHA ROL TU PHYIN PA RNAM PAR MI RTOG PA YIN ZHING GZUNG BA DANG 'DZIN PA RNAM PAR SPANGS PA DANG, BLANG DOR MED CING MNYAM PA NYID DU GYUR PA NYID RNAM PA THAMS CAD MKHYEN PA NYID THOB PAR BYED PA YIN NO ZHES BSTAN PA'O, ,GANG YANG THOB PAR BYED PA MED DO ZHES BYA BA NI DE LTAR RNAM PAR MI RTOG PA YIN PAS MTSAN MA DANG BCAS SHING DMIGS PA'I TSUL GYIS THOB PAR BYED PA NI GANG YANG MED DO ZHES BSTAN PA'O, ,KOO SHI KA DE LTAR SHES RAB KYI PHA ROL TU PHYIN PA NI CHOS THAMS CAD THOB PAR MI BYED DE GANG YANG THOB PAR MI BYED DO ZHES BYA BA NI GONG DU CHOS GANG YANG THOB PAR MI BYED PA'I GTAN TSIGS BSHAD PA'I DON MJUG BSDUS TE BSTAN PA'O, ,BRGYA BYIN GYIS GSOL PA, BCOM LDAN 'DAS DE LTAR SHES RAB KYI PHA ROL TU PHYIN PA 'DI CHOS THAMS CAD SKYE BA MA MCHIS PA DANG, 'GAG PA MA MCHIS PA DANG, MNGON PAR 'DU BGYI BA MA MCHIS PA DANG, DMIGS PA MA MCHIS PA DANG, 'JIGS PA MA MCHIS PA'I SLAD DU NYE BAR GNAS PA NGO MTSAR CHE'O ZHES BYA BA @31B NI GONG DU CHOS THAMS CAD SKYE BA DANG, 'GAG PA LA SOGS PA MED PAR RTOGS PA NYID SHES RAB KYI PHA ROL TU PHYIN PA MNGON PAR BSGRUB PA YIN LA, DON DAM PAR CHOS GANG YANG THOB PAR BYED PA MED PAR BSHAD PAS, BRGYA BYIN MGU NAS 'KHOR RNAMS KYANG MGU BA DANG DAD PA BSKYED PA'I PHYIR DE LTA BU NGO MTSAR CHE'O ZHES SHES RAB KYI PHA ROL TU PHYIN PA LA BSTOD PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, DE NI SHES RAB KYI PHA ROL TU PHYIN PA RING DU BGYID PA LAGS SO ZHES BYA BA'I BAR DU NI SHES RAB KYI PHA ROL TU PHYIN PA CHOS THAMS CAD THOB PAR BYED PA'I DNGOS POR 'DU SHES SHING RNAM PAR RTOG GAM, CHOS THAMS CAD THOB PAR MI BYED PA'I DNGOS POR 'DU SHES SHING RNAM PAR RTOG NA YANG THOB PAR BYED PA DANG, THOB PAR MI BYED PA'I MTHA' GNYIS SU 'DZIN PAS SHES RAB KYI PHA ROL TU PHYIN PA'I DON DANG 'GAL BA'I PHYIR SHES RAB KYI PHA ROL TU PHYIN PA 'DOR ZHING RING DU BYED PA YIN NO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR RNAM GRANGS GANG GIS ZHES BYA BA NAS, SHES RAB KYI PHA ROL TU PHYIN PA RING DU BYED PA'I RNAM GRANGS SO ZHES BYA BA'I BAR DU NI THOB PAR BYED PA DANG, THOB PAR MI BYED PA'I MTHA' GNYIS SU 'DZIN CING RNAM PAR RTOG PA 'BA' ZHIG SHES RAB KYI PHA ROL TU PHYIN PA 'DOR ZHING RING DU BYED PAR MA ZAD KYI SHES RAB KYI PHA ROL TU PHYIN PA LAS CHOS THAMS CAD DNGOS PO MED PA DANG, STONG PA SHA STAG TU STON PAS, SHES RAB KYI PHA ROL TU PHYIN PA NI GSOG GSOB STE SNYING PO MED PA'O SNYAM DU SEMS SHING DE LTAR RNAM PAR RTOG NA YANG SHES RAB KYI PHA ROL TU PHYIN PA 'DOR ZHING RING DU BYED PA YIN NO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA LA YID CHES PAS, CHOS GANG LA YID CHES PAR 'GYUR BA LAGS ZHES BYA BA NAS GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS, DNGOS PO YOD PAR YID CHES PAR BYAR MI RUNG BA'I 'KHOR RNAMS LA ZHIB TU BSHAD PA'I GLING @32A *, ,BSLANG BA'I PHYIR BCOM LDAN 'DAS LA RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SHES RAB KYI PHA ROL TU PHYIN PA LA YID CHES PAS GZUGS LA YID CHES PAR MI 'GYUR RO ZHES BYA BA NAS, RNAM PA THAMS CAD MKHYEN PA NYID LA YID CHES PAR MI 'GYUR RO ZHES BYA BA'I BAR DU NI SHES RAB KYI PHA ROL TU PHYIN PA'I DON RTOGS TE, DON DAM PAR CHOS THAMS CAD RANG BZHIN GYIS STONG PAR YID CHES NA GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA DNGOS PO YOD PAR 'DZIN PAR MI 'GYUR RO ZHES BSTAN PA'O, ,GSOL PA, BCOM LDAN 'DAS JI LTAR SHES RAB KYI PHA ROL TU PHYIN PA LA YID CHES PAS, GZUGS LA YID CHES PAR MI 'GYUR BA LAGS ZHES BYA BA NAS, RNAM PA THAMS CAD MKHYEN PA NYID LA YID CHES PAR MI 'GYUR BA LAGS ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA MI DMIGS PA'I DON 'KHOR RNAMS LA ZHIB TU BSHAD PA'I GLENG BSLANG BA'I PHYIR, BCOM LDAN 'DAS LA RAB 'BYOR GYIS ZHUS PA'O, , BCOM LDAN 'DAS KYIS BKA' STZAL PA, RAB 'BYOR GZUGS SU MI DMIGS PAS, SHES RAB KYI PHA ROL TU PHYIN PA LA YID CHES PAR 'GYUR TE, DE LTAR NA SHES RAB KYI PHA ROL TU PHYIN PA LA YID CHES PAS, GZUGS LA YID CHES PAR MI 'GYUR RO ZHES BYA BA NAS, DE LTAR NA SHES RAB KYI PHA ROL TU PHYIN PA LA YID CHES PAS, RNAM PA THAMS CAD MKHYEN PA NYID LA YID CHES PAR MI 'GYUR RO ZHES BYA BA'I BAR DU NI GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAR RTOGS TE, DE DAG GANG LA YANG DNGOS PO YOD PAR MI DMIGS SHING MTSAN MAR MI 'DZIN PAR GYUR NA, SHES RAB KYI PHA ROL TU PHYIN PA'I DON ZAB MO RTOGS SHING YID CHES PAR 'GYUR TE, DE LTAR SHES RAB KYI PHA ROL TU PHYIN PA'I DON ZAB MO RTOGS SHING YID CHES PAR GYUR NA, GZUGS LA SOGS PA RNAM PA @32B THAMS CAD MKHYEN PA NYID LA THUG GI BAR DU CHOS THAMS CAD LA DNGOS PO YOD PAS YID CHES PAR MI 'GYUR RO ZHES BSTAN PA'O, ,GSOL PA, BCOM LDAN 'DAS 'DI LTAR SHES RAB KYI PHA ROL TU PHYIN PA 'DI NI PHA ROL TU PHYIN PA CHEN PO'O ZHES BYA BA NI GZUGS LA SOGS PA'I CHOS THAMS CAD YONGS SU DAG PA'I TSE YANG BZANG ZHING CHE BAR RNAM PAR RTOG PA MED LA, YONGS SU MA DAG PA'I TSE YANG NGAN ZHING CHUNG BAR RNAM PAR RTOG PA MED DE, DE LTAR LHUN GYIS GRUB PAR RNAM PAR MI RTOG CING YON TAN CHE BA'I PHYIR PHA ROL TU PHYIN PA CHEN MO'O ZHES BSTOD PA'O, , BCOM LDAN 'DAS KYIS BKA' STZAL PA, RAB 'BYOR 'DI JI SNYAM DU SEMS, RGYU GANG GIS NA SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN ZHES BYA BA NI JI LTAR PHA ROL TU PHYIN PA CHEN MO YIN PA'I GTAN TSIGS DRIS PA'O, ,GSOL PA, GZUGS CHE BAR MI BGYID CHUNG BAR MI BGYID DO ZHES BYA BA NAS, BYANG CHUB DANG, SANGS RGYAS DANG, SANGS RGYAS KYI CHOS RNAMS CHE BAR MI BGYID DO ZHES BYA BA'I BAR DU NI PHA ROL TU PHYIN PA CHEN MO YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA NI RNAM PAR MI RTOG PA'I RANG BZHIN YIN PAS; GZUGS LA SOGS PA'I CHOS THAMS CAD YONGS SU DAG PA'I TSE YANG BZANG ZHING CHE BAR MI RTOG LA YONGS SU MA DAG PA'I TSE YANG NGAN ZHING CHUNG BAR MI RTOG STE, DE LTAR MTSAN MAR MI 'DZIN CING RNAM PAR MI RTOG PA'I YON TAN CHE BA'I PHYIR SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN NO ZHES BSTAN PA'O, ,GZHAN YANG SHES RAB KYI PHA ROL TU PHYIN PA NI GZUGS 'DU BAR MI BGYID YANGS PAR MI BGYID DO ZHES BYA BA NAS, BYANG CHUB DANG, SANGS RGYAS DANG SANGS RGYAS KYI CHOS RNAMS 'DU BAR MI BGYID YANGS PAR MI BGYID DO ZHES BYA BA'I BAR DU YANG SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA NI RNAM PAR MI RTOG PA'I RANG BZHIN YIN PAS GZUGS LA SOGS PA'I CHOS THAMS CAD YONGS SU DAG PA'I TSE YANG CHOS @33A *, ,KYI DBYINGS NYID DU BSDU BA'I RNAM PAR RTOG PA YANG MED LA, YONGS SU MA DAG PA'I TSE YANG KUN BRTAGS PA'I RANG BZHIN DU SO SOR 'PHROS SHING YANGS PA'I RNAM PAR RTOG PA YANG MED PA'I PHYIR PHA ROL TU PHYIN PA CHEN MO YIN NO ZHES BSTAN PA'O, ,GZHAN YANG SHES RAB KYI PHA ROL TU PHYIN PA NI GZUGS TSAD MCHIS PAR MI BGYID TSAD MA MCHIS PAR YANG MI BGYID DO ZHES BYA BA NAS, BYANG CHUB DANG SANGS RGYAS DANG SANGS RGYAS KYI CHOS RNAMS TSAD MCHIS PAR MI BGYID TSAD MA MCHIS PAR MI BGYID DO ZHES BYA BA'I BAR DU YANG SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA NI RNAM PAR MI RTOG PA'I RANG BZHIN YIN PAS GZUGS LA SOGS PA'I CHOS THAMS CAD LA TSAD YOD PA DANG TSAD MED PA'I RNAM PAR RTOG PA MI 'BYUNG BA'I PHYIR PHA ROL TU PHYIN PA CHEN MO YIN NO ZHES BSTAN PA'O, ,GZHAN YANG SHES RAB KYI PHA ROL TU PHYIN PA NI GZUGS RGYA CHEN POR MI BGYID RGYA CHUNG NGUR MI BGYID DO ZHES BYA BA NAS, BYANG CHUB DANG SANGS RGYAS DANG SANGS RGYAS KYI CHOS RNAMS RGYA CHEN POR MI BGYID RGYA CHUNG NGUR MI BGYID PA'O ZHES BYA BA'I BAR DU YANG SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA RNAM PAR MI RTOG PA'I RANG BZHIN YIN PAS, GZUGS LA SOGS PA'I CHOS THAMS CAD YONGS SU DAG PA'I TSE YANG RGYA CHE BAR RNAM PAR MI RTOG LA, YONGS SU MA DAG PA'I TSE YANG RGYA CHUNG BAR RNAM PAR MI RTOG PA'I PHYIR PHA ROL TU PHYIN PA CHEN MO YIN NO ZHES BSTAN PA'O, ,GZHAN YANG SHES RAB KYI PHA ROL TU PHYIN PA NI GZUGS MTHU DANG LDAN PAR MI BGYID, MTHU MA MCHIS PAR MI BGYID DO ZHES BYA BA NAS BYANG CHUB DANG SANGS RGYAS DANG SANGS RGYAS KYI CHOS RNAMS MTHU DANG LDAN PAR MI BGYID, MTHU MA MCHIS PAR MI BGYID DO ZHES BYA BA'I BAR DU YANG SHES RAB KYI PHA ROL TU PHYIN PA 'DI PHA ROL TU PHYIN PA CHEN MO YIN PA'I GTAN TSIGS BSTAN PA STE, SHES RAB KYI PHA @33B ROL TU PHYIN PA RNAM PAR MI RTOG PA'I RANG BZHIN YIN PAS GZUGS LA SOGS PA'I CHOS THAMS CAD MTHU DANG LDAN PAR RNAM PAR RTOG PA YANG MED LA, MTHU CHUNG BAR RNAM PAR RTOG PA YANG MED DE, DE LTAR RNAM PAR MI RTOG PA LHUN GYIS GRUB PA'I YON TAN CHE BA'I PHYIR PHA ROL TU PHYIN PA CHEN MO YIN NO ZHES BSTAN PA'O, BCOM LDAN 'DAS RNAM GRANGS DES NA 'DI LTA STE, SHES RAB KYI PHA ROL TU PHYIN PA 'DI NI BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA CHEN MO'O ZHES BYA BA NI DE LTAR GONG DU BSHAD PA'I RIM PAS SHES RAB KYI PHA ROL TU PHYIN PA 'DI CHOS THAMS CAD DNGOS PO MED PAR RTOG PAS YONGS SU DAG PA'I TSE YANG YON TAN DU LTA BA'I RNAM PAR RTOG PA MED LA, YONGS SU MA DAG PA'I TSE YANG SKYON DU LTA BA'I RNAM PAR RTOG PA MED DE, RNAM PAR MI RTOG PA'I YON TAN CHE BA'I PHYIR SHES RAB KYI PHA ROL TU PHYIN PA CHEN MO YIN PA'I DON MJUG BSDUS TE BSTAN PA'O, ,BCOM LDAN 'DAS GAL TE YANG BYANG CHUB SEMS DPA' SEMS DPA' CHEN PO THEG PA LA GSAR DU ZHUGS PAS, SHES RAB KYI PHA ROL TU PHYIN PA LA BRTEN ZHES BYA BA NAS BYANG CHUB DANG SANGS RGYAS DANG SANGS RGYAS KYI CHOS RNAMS MTHU DANG LDAN PAR MI BYED MTHU MED PAR MI BYED DO ZHES BGYI BAR 'DU SHES SU GYUR NA, BCOM LDAN 'DAS DE LTAR 'DU SHES SU GYUR PA'I BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA MA LAGS SO ZHES BYA BA'I BAR DU NI GAL TE THEG PA LA GSAR DU ZHUGS PA'I BYANG CHUB SEMS DPA' RNAMS PHA ROL TU PHYIN PA DRUG LA BRTEN NAS, SHES RAB KYI PHA ROL TU PHYIN PA 'DI GZUGS LA SOGS PA'I CHOS THAMS CAD CHE BAR MI BYED CHUNG BAR MI BYED PA DANG, 'DU BAR MI BYED YANGS PAR MI BYED PA DANG, TSAD YOD PAR MI BYED TSAD MED PAR MI BYED PA DANG, RGYA CHEN POR MI BYED, RGYA CHUNG BAR MI BYED PA DANG, MTHU DANG LDAN PAR MI BYED, MTHU MED PAR MI BYED PA YIN NO SNYAM DU SEMS SHING DNGOS PO DANG MTSAN MAR BZUNG STE, DE LTAR 'DU SHES SU GYUR NA DMIGS PA DANG BCAS SHING MTSAN MA DANG BCAS PAR SPYOD PA @34A *, ,YIN PAS SHES RAB KYI PHA ROL TU PHYIN PA LA SPYOD PAR MI CHUD DO ZHES BSTAN PA'O, ,DE CI'I SLAD DU ZHE NA, GANG GZUGS CHE BAR BGYID PA'AM, CHUNG BAR BGYID PA DE NI SHES RAB KYI PHA ROL TU PHYIN PA DANG MTHUN PA'I 'BRAS BU MA LAGS SO ZHES BYA BA NAS, GANG BYANG CHUB DANG SANGS RGYAS DANG SANGS RGYAS KYI CHOS RNAMS MTHU DANG LDAN PAR BGYID PA'AM, MTHU MA MCHIS PAR BGYID PA DE NI SHES RAB KYI PHA ROL TU PHYIN PA DANG MTHUN PA'I 'BRAS BU MA LAGS TE ZHES BYA BA'I BAR DU NI DE LTAR DNGOS POR LTA ZHING MTSAN MAR 'DZIN PA SHES RAB KYI PHA ROL TU PHYIN PA LA SPYOD PAR MI CHUD PA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG PAS YONGS SU DAG PA'I RANG BZHIN DU GNAS PA LA SHES RAB KYI PHA ROL TU PHYIN PAS CHE BA DANG, CHUNG BA DANG, 'DU BA DANG, YANGS PA DANG, TSAD YOD PA DANG, TSAD MED PA DANG RGYA CHEN PO DANG, RGYA CHUNG BA DANG, MTHU DANG LDAN PA DANG, MTHU MED PAR BYA ZHING BSGYUR DU MED PAS DE LTAR CHE CHUNG LA SOGS PAR BYED PA SHES RAB KYI PHA ROL TU PHYIN PA'I MTHU DANG 'BRAS BU MA YIN TE, SHES RAB KYI PHA ROL TU PHYIN PA RNAM PAR MI RTOG PA'I RANG BZHIN DU GNAS PA LA CHE CHUNG LA SOGS PA BYED CING RNAM PAR RTOG PAR 'DU SHES PAR GYUR NA SHES RAB KYI PHA ROL TU PHYIN PA LA SPYOD PA MA YIN NO ZHES BYA BA DANG SBYAR RO, ,BCOM LDAN 'DAS GANG DE LTAR SHES RAB KYI PHA ROL TU PHYIN PA LA SPYOD PA'I TSE, GZUGS CHE BAR BGYID PA'AM, CHUNG BAR BGYID PA'AM ZHES BYA BA NAS, BYANG CHUB DANG, SANGS RGYAS DANG, SANGS RGYAS KYI CHOS RNAMS MTHU DANG LDAN PAR BGYID PA'AM, MTHU MA MCHIS PAR BGYID PA DE NI DE'I DMIGS PA CHEN POR 'GYUR RO ZHES BYA BA'I BAR DU NI DE LTAR CHOS THAMS CAD DON DAM PAR RANG BZHIN GYIS STONG ZHING SHES RAB KYI PHA ROL TU PHYIN PA YANG RNAM PAR MI RTOG PA'I RANG BZHIN YIN TE, CI YANG MI BYED PA LA CHOS THAMS CAD CHE BA DANG, CHUNG BA DANG, 'DU BA DANG, YANGS PA DANG, TSAD YOD PA DANG, TSAD MED PA DANG, RGYA CHE BA DANG, RGYA CHUNG BA DANG, MTHU DANG LDAN PA DANG, MTHU MED PAR BYED PAR LTA ZHING @34B MTSAN MAR 'DZIN NA DMIGS PA CAN DU GYUR PAS BYANG CHUB SEMS DPA' DE'I SKYON CHEN POR 'GYUR RO ZHES BSTAN PA'O, ,DE CI'I SLAD DU ZHE NA, DMIGS PA'I 'DU SHES CAN LA BYANG CHUB CES BGYI BA MA MCHIS TE ZHES BYA BA NI DE LTAR DMIGS PA DANG BCAS SHING, MTSAN MAR 'DZIN PA SKYON CHEN POR 'GYUR BA'I GTAN TSIGS BSTAN PA STE, DE LTAR DMIGS PA'I 'DU SHES CAN DU GYUR NA BLA NA MED PA'I BYANG CHUB THOB PAR MI 'GYUR RO ZHES BYA BA'I DON TO, ,DE NI 'DI LTAR SEMS CAN SKYE BA MA MCHIS PA'I SLAD DU SHES RAB KYI PHA ROL TU PHYIN PA SKYE BA MA MCHIS PAR LTA'O ZHES BYA BA NAS, BLA NA MED PA YANG DAG PAR RDZOGS PA'I BYANG CHUB KYI STOBS YONGS SU 'GRUB PA MA MCHIS PA'I SLAD DU SHES RAB KYI PHA ROL TU PHYIN PA'I STOBS YONGS SU 'GRUB PA MA MCHIS PAR LTA'O ZHES BYA BA'I BAR DU NI SHES RAB KYI PHA ROL TU PHYIN PA DON DAM PAR DNGOS PO MED PA'I RANG BZHIN YIN PA LA, DNGOS PO DANG MTSAN MAR MI 'DZIN CING DMIGS PA'I 'DU SHES CAN DU MI BYA BA'I DON BSTAN PA STE, DE NI 'DI LTAR SEMS CAN SKYE BA MA MCHIS PA'I SLAD DU SHES RAB KYI PHA ROL TU PHYIN PA SKYE BA MA MCHIS PAR LTA'O ZHES BYA BA NI, MU STEGS CAN GYIS BRTAGS PA'I SEMS CAN DNGOS PO MED PAS SKYE BA MED PA'I PHYIN SHES RAB KYI PHA ROL TU PHYIN PA YANG DON DAM PAR SKYE BA MED PAR SHES PAR BYA'O ZHES BSTAN PA'O, ,DE NI GANG ZAG LA BDAG MED PAR RTOGS PA'I SGO NAS SHES RAB KYI PHA ROL TU PHYIN PA SKYE BA MED PAR LTA BA BSTAN PA'O, , GZUGS SKYE BA MA MCHIS PA'I SLAD DU, SHES RAB KYI PHA ROL TU PHYIN PA SKYE BA MA MCHIS PAR BLTA'O ZHES BYA BA LA SOGS PAS NI GZUGS LA SOGS PA BLA NA MED PA YANG DAG PAR RDZOGS PA'I BYANG CHUB LA THUG GI BAR GYI CHOS RNAMS SKYE BA MED PA BSTAN PAS CHOS LA BDAG MED PAR RTOGS PA'I SGO NAS SHES RAB KYI PHA ROL TU PHYIN PA SKYE BA MED PAR LTA BA BSTAN PA'O, ,SKYE BA MED PA'I 'GRES LA JI LTAR BSHAD PA DE BZHIN DU RANG BZHIN MED PA'I 'GRES DANG, DNGOS PO MED PA'I 'GRES DANG, STONG PA NYID KYI 'GRES DANG, DBEN PA'I 'GRES DANG, MED PA'I @35A *, ,'GRES DANG, BSAM GYIS MI KHYAB PA'I 'GRES DANG, RNAM PAR 'JIGS PA MED PA'I 'GRES DANG, MNGON PAR RDZOGS PAR 'TSANG RGYA BA MED PA'I 'GRES DANG, STOBS YONGS SU 'GRUB PA MED PA'I 'GRES RNAMS LA YANG SBYAR BAR BYA STE, SKYE BA MED PA DANG; RANG BZHIN MED PA LA SOGS PA'I TSIG BCU PO 'DI DAG KYANG DNGOS PO MED PA'I RNAM GRANGS SU RIG PAR BYA'O, ,BCOM LDAN 'DAS RNAM GRANGS DES KYANG 'DI LTA STE, SHES RAB KYI PHA ROL TU PHYIN PA 'DI NI BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA CHEN MO'O ZHES BYA BA NI DE LTAR SHES RAB KYI PHA ROL TU PHYIN PA 'DI SKYE BA MED CING RANG BZHIN MED PA LA SOGS PA'I NGO BO NYID YIN ZHING RNAM PAR RTOG PA MED PAS CHOS GANG LA YANG CHE CHUNG DANG BZANG NGAN LA SOGS PAR MI BYED CING MTSAN MAR MI 'DZIN PA'I PHYIR PHA ROL TU PHYIN PA CHEN MO YIN NO ZHES SHES RAB KYI PHA ROL TU PHYIN PA YON TAN CHE BA'I DON MJUG BSDUS TE BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U NYI SHU DRUG GO, ,,DE NAS TSE DANG LDAN PA SHA RA DVA TI'I BUS, BCOM LDAN 'DAS LA 'DI SKAD CES GSOL TO ZHES BYA BA NAS, SHES RAB KYI PHA ROL TU PHYIN PA LA NI YUN RING PO JI SRID CIG NAS SPYAD PA LAGS ZHES BYA BA'I BAR DU NI DE LTAR GONG DU BSHAD PA'I RIM PAS SHES RAB KYI PHA ROL TU PHYIN PA 'DI YON TAN CHE ZHING RGYA CHE BA SH'A RI'I BUS THOS NAS DAD PA SKYES TE, SHES RAB KYI PHA ROL TU PHYIN PA ZAB MO 'DI LTA BU LA DAD CING MOS PA'I BYANG CHUB SEMS DPA' DE GNAS GANG NAS TSE 'PHOS TE 'DIR SKYES PA DANG, BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS YUN JI SRID CIG LON PA DANG, SANGS RGYAS BCOM LDAN 'DAS JI SNYED CIG LA BSNYEN BKUR BYAS PA DANG, PHA ROL TU PHYIN PA DRUG LA SPYAD NAS YUN JI SRID CIG LON PAR ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU BYANG CHUB SEMS DPA' SEMS DPA' CHEN PO DE NI PHYOGS BCU'I 'JIG RTEN GYI KHAMS KYI DE BZHIN GSHEGS PA DGRA BCOM PA YANG DAG PAR @35B RDZOGS PA'I SANGS RGYAS TSAD MED GRANGS MED PA BSNYEN BKUR NAS 'DIR 'ONGS SHING 'DIR SKYES PA STE ZHES BYA BA NAS SHES RAB KYI PHA ROL TU PHYIN PA ZAB MO 'DI LA MOS PA'I BYANG CHUB SEMS DPA' DE GANG NAS TSE 'PHOS TE 'DIR SKYES PA DANG, DE BZHIN GSHEGS PA JI SNYED CIG LA BSNYEN BKUR BYAS PA BSTAN PA'O, ,SHA RA DVA TI'I BU BYANG CHUB SEMS DPA' SEMS DPA' CHEN PO DE NI BSKAL PA BYE BA KHRAG KHRIG BRGYA STONG GRANGS MED TSAD MED DPAG TU MED PAR SBYIN PA'I PHA ROL TU PHYIN PA LA SPYAD PA'O ZHES BYA BA NAS, SHES RAB KYI PHA ROL TU PHYIN PA LA SPYAD PA'O ZHES BYA BA'I BAR DU NI PHA ROL TU PHYIN PA DRUG LA SPYAD PA NAS YUN JI SRID LON PA BSTAN PA'O, ,DE NI BSKAL PA BYE BA KHRAG KHRIG BRGYA STONG GRANGS MED TSAD MED DPAG TU MED PA NAS, BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA STE ZHES BYA BAS NI BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS YUN JI SRID LON PAR BSTAN PA'O, ,DE SEMS DANG PO BSKYED PHYIN CHAD SBYIN PA'I PHA ROL TU PHYIN PA LA SPYOD CING 'DIR 'ONGS PA'O ZHES BYA BA NAS SHES RAB KYI PHA ROL TU PHYIN PA LA SPYOD CING 'DIR 'ONGS PA'O ZHES BYA BA'I BAR DU NI PHYOGS BCU'I 'JIG RTEN GYI KHAMS NAS TSE 'PHOS ZHING 'DIR SKYE TSE RABS SNGA MA LA SHES RAB KYI PHA ROL TU PHYIN PA LA GOMS PA'O, ,DES DE NAS BZUNG STE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GRANGS MED TSAD MED DPAG TU MED PA BSAM GYIS MI KHYAB PA MTSUNGS PA MED PA BSNYEN BKUR NAS 'DIR 'ONGS SHING 'DIR SKYES PA STE ZHES BYA BAS NI, PHYOGS BCU'I 'JIG RTEN GYI KHAMS NAS TSE 'PHO ZHING 'DIR SKYE BA'I TSE, SANGS RGYAS MANG PO LA BSNYEN BKUR BYED PA DANG MA BRAL BA BSTAN PA'O, ,SHA RA DVA TI'I BU BYANG CHUB SEMS DPA' SEMS DPA' CHEN PO DES, SHES RAB KYI PHA ROL TU PHYIN PA 'DI MTHONG NGAM THOS NAS ZHES BYA BA NAS, DON DANG TSUL GYIS RJES SU 'BRANG BAR 'GYUR RO ZHES BYA BA'I BAR DU NI DE LTAR TSE RABS SNGA MA LA SHES RAB KYI PHA ROL TU PHYIN PA LA GOMS PAR BYAS PA'I RGYUS TSE 'DI LA YANG SHES @36A *, ,RAB KYI PHA ROL TU PHYIN PA 'DI MTHONG BA TZAM MAM, THOS PA TZAM GYIS SANGS RGYAS BCOM LDAN 'DAS MTHONG ZHING THOS PA DANG 'DRA BAR DAD PA SKYE BA DANG, SHES RAB KYI PHA ROL TU PHYIN PA'I DON ZAB MO JI LTA BA DANG, TSUL JI LTA BA BZHIN DU PHYIN CI MA LOG PAR RTOGS PAR 'GYUR BA'I PHAN YON BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA LA MNYAN PA'AM BLTA BAR NUS SAM ZHES BYA BA NI GONG DU SHES RAB KYI PHA ROL TU PHYIN PA MTHONG NGAM THOS NA STON PA MTHONG ZHING THOS PAR SEMS PAR 'GYUR RO ZHES BSHAD PA LA 'KHOR GYI NANG NAS KHA CIG SHES RAB KYI PHA ROL TU PHYIN PA 'DI DON DAM PAR YANG DNGOS PO YOD DE MNYAN CING BLTAR YOD PA ZHIG YIN NAM SNYAM DU THE TSOM ZA BA BSAL BA'I PHYIR ZHUS PA'O, ,BCOM LDAN 'DAS KYIS BKA' STZAL PA; RAB 'BYOR DE NI MA YIN NO, ,RAB 'BYOR SHES RAB KYI PHA ROL TU PHYIN PA LA NI NYAN PA MED DO LTA BA MED DO SHES RAB KYI PHA ROL TU PHYIN PA NYID KYANG MI NYAN MI LTA'O ZHES BYA BA NI DON DAM PAR SHES RAB KYI PHA ROL TU PHYIN PA RANG BZHIN GYIS STONG PAS GZHAN GYIS BLTA ZHING MNYAN PAR BYA BA'I DNGOS PO YANG MA YIN LA, SHES RAB KYI PHA ROL TU PHYIN PA NYID GZHAN LAS NYAN CING LTA BA'I DNGOS PO YANG MA YIN NO ZHES BYA BA'I DON TO, ,CHOS LA SEMS PA MED PA'I PHYIR SHES RAB KYI PHA ROL TU PHYIN PA NI DE DAG GIS MI THOS MI MTHONG NGO ZHES BYA BA NAS CHOS LA SEMS PA MED PA'I PHYIR BYANG CHUB DANG SANGS RGYAS DANG SANGS RGYAS KYI CHOS NI DE DAG GIS MI THOS MI MTHONG NGO ZHES BYA BA'I BAR DU NI SHES RAB KYI PHA ROL TU PHYIN PA LA SOGS PA CHOS THAMS CAD LA MNYAN CING BLTAR MED PA'I GTAN TSIGS BSTAN PA STE, CHOS LA SEMS PA MED PA'I PHYIR ZHES BYA BA NI DON DAM PAR CHOS THAMS CAD DNGOS PO MED PAR LTA BA DANG, NYAN PAR SEMS PA YANG MI SRID PA'I PHYIR RO, ,DE DAG GIS MI THOS MI MTHONG NGO ZHES BYA BA NI SHES RAB KYI PHA ROL TU PHYIN PA THOS SHING MTHONG NA, STON PA THOS SHING MTHONG BAR SEMS PA'I BYANG CHUB SEMS DPA' DE DAG GIS @36B MI THOS MI MTHONG NGO ZHES BYA BA'I DON TO, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI LA BRTZON PAR BGYID PA DE YUN RING PO JI SRID CIG NAS SPYOD SPYOD PA LAGS ZHES BYA BA NI SHES RAB KYI PHA ROL TU PHYIN PA ZAB MO 'DI LA MI DMIGS PA'I TSUL GYIS SPYOD PA'I YON TAN BSTAN PA DANG, DMIGS PA DANG BCAS PAR SPYOD PA RNAMS KYI SKYON ZHIB TU BSTAN PA'I GLENG BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI NI RNAM PAR PHYE ZHING BSHAD DGOS PA STE ZHES BYA BA NI TSE RABS SNGA MA YUN RING PO NAS MI DMIGS PA'I TSUL GYIS PHA ROL TU PHYIN PA DRUG LA SOGS PA LA SPYOD SPYOD PA DANG, DMIGS PA'I TSUL GYIS PHA ROL TU PHYIN PA DRUG LA SOGS PA LA SPYOD PA SHES RAB KYI PHA ROL TU PHYIN PA ZAB MO 'DI THOS NAS SKUR BA 'DEBS SHING RAB TU SPONG BA DAG KYANG YOD DE, DE DAG KYANG RNAM PAR PHYE STE BSHAD DGOS SO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO LA LA SEMS DANG PO BSKYED PA NAS NYE BAR BZUNG STE, SHES RAB KYI PHA ROL TU PHYIN PA ZAB MO 'DI LA DE MI DMIGS PA'I TSUL GYIS BRTZON PAR BYED PA DANG ZHES BYA BA NAS, RAB 'BYOR BYANG CHUB SEMS DPA' SEMS DPA' CHEN PO DE LTA BU DAG NI SHES RAB KYI PHA ROL TU PHYIN PA ZAB MO 'DI LA BRTZON PAR BYED DO ZHES BYA BA'I BAR DU NI MI DMIGS PA'I TSUL GYIS PHA ROL TU PHYIN PA DRUG LA SOGS PA LA YUN RING PO NAS SPYOD SPYOD PAS DON DAM PAR CHOS THAMS CAD STONG PA NYID DU RTOGS SHING, CHOS GANG LA YANG 'PHEL BA DANG 'GRIB PA MED PAR MTHONG BAS SHES RAB KYI PHA ROL TU PHYIN PA ZAB MO 'DI THOS NA YANG SKUR BA MI 'DEBS MI SPONG ZHING SEMS DANG PO BSKYED PA NAS PHA ROL TU PHYIN PA DRUG LA SOGS PA DANG MI 'BRAL BA'I YON TAN DANG LDAN PA DE LTA BU'I BYANG CHUB SEMS DPA' DAG KYANG YOD DO, ,DE DAG NI TSE RABS SNGA MA YUN RING PO NAS SHES RAB KYI PHA ROL TU PHYIN PA ZAB MO 'DI LA GOMS PAR BYED BYED PAS, TSE 'DI LA YANG SHES RAB KYI PHA ROL TU PHYIN PA ZAB MO 'DI LA SKUR BA MI 'DEBS SHING BRTZON @37A *, ,PAR BYED DO ZHES BSTAN PA'O, ,RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO GANG GIS SANGS RGYAS BRGYA PHRAG MANG PO DANG ZHES BYA BA NAS, GANG NA SANGS RGYAS KYI SGRA MED PA DANG, CHOS KYI SGRA MED PA DANG, DGE 'DUN GYI SGRA MED PA DE DAG RTAG TU SKYE BAR 'GYUR BA YIN ZHES BYA BA'I BAR DU NI DMIGS PA DANG BCAS PAR LTA BA SHES RAB KYI PHA ROL TU PHYIN PA'I DON ZAB MO LA MA MOS TE SPONG ZHING SKUR BA 'DEBS PA RNAMS BSTAN PA STE, DE DAG NI SANGS RGYAS MANG PO LA BSNYEN BKUR BYAS SHING, PHA ROL TU PHYIN PA DRUG LA SOGS PA LA SPYAD DU ZIN KYANG DMIGS PA DANG BCAS PA'I LTA BA CAN DU GYUR PAS SHES RAB KYI PHA ROL TU PHYIN PA ZAB MO 'DI THOS NAS 'JIGS SHING SKRAG STE, MA DAD MA MOS NAS SPONG ZHING SKUR BA 'DEBS TE, 'DI NI SANGS RGYAS KYIS BSTAN PA MA YIN GYIS, BDUD KYIS SMRAS PA'O ZHES SKUR BA BTAB PA'I LAN GYIS YUN RING POR NGAN SONG RGYUD GSUM DU SKYE BAR 'GYUR BA DANG, NGAN SONG GSUM NAS THAR TE MIR SKYES NA YANG RIGS NGAN DANG YAN LAG NYAMS PAR 'GYUR BA DANG, DKON MCHOG GSUM GYI SGRA YANG MI THOS PAR 'GYUR BA DAG KYANG YOD DO ZHES BSTAN PA'O, ,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS MTSAMS MA MCHIS PA LNGAS NI CHOS 'JIG PAR 'GYUR BA'I SUG LAS BGYIS PA DANG BSAGS PA 'DI'I GZUGS BRNYAN TZAM DU YANG MA SPYAD DO ZHES BYA BA NI GONG DU BSHAD PA DANG SBYAR NA SHES RAB KYI PHA ROL TU PHYIN PA ZAB MO 'DI LA MA DAD MA MOS NAS SPONG ZHING SKUR PA BTAB PAS NI 'JIG RTEN GYI KHAMS DU MA'I NGAN SONG RGYUD GSUM GYI SDUG BSNGAL MYONG BAR 'GYUR ZHING MTSAMS MED PA LNGA BYAS PAS NI 'JIG RTEN GYI KHAMS GCIG GIS NGAN SONG RGYUD GSUM GYI SDUG BSNGAL MYONG BAR 'GYUR BAS, SHES RAB KYI PHA ROL TU PHYIN PA ZAB MO 'DI LA SPONG ZHING SKUR PA 'DEBS PA NI MTSAMS MED PA LNGA BYAS PA BAS KYANG SDIG PA CHES CHE BA BSTAN PA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE NI GANG SHES RAB KYI PHA ROL TU PHYIN PA @37B ZAB MO 'DI BSTAN CING BSHAD PA'I TSE, PHYIR SPANGS PAR SEMS SHING ZHES BYA BA NAS SEMS CAN DMYAL BA'AM, BYOL SONG GI SKYE GNAS PA'AM, GSHIN RJE'I 'JIG RTEN GYI KHAMS PAR BYA'O ZHES BYA BA'I BAR DU NI SHES RAB KYI PHA ROL TU PHYIN PA ZAB MO 'DI LA MA DAD CING SMOD PA'I TSIG JI SKAD ZER BA RNAMS SMOS NAS MTSAMS MED PA LNGA BYAS PA'I SDIG PA BAS CHES SHIN TU CHE STE, BRJOD KYIS KYANG MI LANG NGO ZHES BSTAN PA'O, ,GSOL PA, BCOM LDAN 'DAS CHOS LA SKYON 'DOGS PA'I GANG ZAG DER SKYES PA DE'I LUS KYI TSAD DA DUNG MA GSUNGS SO ZHES BYA BA NI SHES RAB KYI PHA ROL TU PHYIN PA ZAB MO 'DI LA MA DAD NAS SMOD CING SKYON 'DOGS PA'I GANG ZAG SEMS CAN DMYAL BAR SKYES PA'I SDUG BSNGAL CHE BA RNAM PA GZHAN DAG KYANG BSTAN PA'I GLENG BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU CHOS LA SKYON 'DOGS PA'I GANG ZAG DER SKYES PA'I LUS KYI TSAD MA GLENG SHIG CES BYA BA NAS, BCOM LDAN 'DAS KYIS SHA RA DVA TI'I BU LA SKABS DBYE BA MA MDZAD DO ZHES BYA BA'I BAR DU NI SHES RAB KYI PHA ROL TU PHYIN PA LA SMOD CING SKYON 'DOGS PA'I GANG ZAG SEMS CAN DMYAL BAR SKYES PA'I LUS KYI TSAD SMOS SU MI RUNG BA BSTAN PAS, CHOS ZAB MO 'DI LA SMOS PA SDUG BSNGAL CHEN PO MYONG BAR 'GYUR BA'I SKYON BSTAN PA'O, ,GSOL PA, BCOM LDAN 'DAS KYIS BSTAN DU GSOL ZHES BYA BA NAS, SROG GI DON DU YANG DAM PA'I CHOS MI SPONG NGO ZHES BYA BA'I BAR DU NI CHOS ZAB MO LA SMOD PA'I GANG ZAG SEMS CAN DMYAL BAR SKYES PA'I LUS KYI TSAD BSHAD NA, MA 'ONGS PA'I DUS KYI SEMS CAN RNAMS CHES SKRAG NAS, DE LTA BU'I LAS MI BYED PA LA PHAN BGYI BA BSHAD DU GSOL ZHES GSOL PA BTAB PA DANG, BCOM LDAN 'DAS KYIS DE'I LUS KYI TSAD MA BSHAD KYANG, NGAN SONG RGYUD GSUM DU SDUG BSNGAL RNAM PA MANG PO MYONG BAR BSHAD PA NYID KYIS, MA 'ONGS PA'I DUS KYI SEMS CAN DKAR PO'I CHOS LA PHYOGS PA, BYANG CHUB SEMS DPA'I RIGS DANG LDAN PA RNAMS SKRAG NAS, DE LTA BU'I SDIG PA'I LAS @38A *, ,BYED PAR MI 'GYUR RO ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,RIGS KYI BU'AM RIGS KYI BU MO DE DAG GIS, GANG ZAG DAM PA'I CHOS SPONG BA'I NONGS PA BRJOD PA NI THOS NAS ZHES BYA BA NAS, LUS DANG NGAG DANG YID KYI LAS SHIN TU BSDAM PAR BGYI'O ZHES BYA BA'I BAR DU NI MA 'ONGS PA'I DUS KYI SEMS CAN RNAMS LUS DANG NGAG DANG YID GSUM GYI SGO NAS CHOS LA NGAN DU MI BYA BA'I DMIGS PA BSTAN PA'O, ,YANG TSE DANG LDAN PA RAB 'BYOR GYIS BCOM LDAN 'DAS LA JI SKAD CES GSOL TO ZHES BYA BA NAS, SDUG BSNGAL DANG YID MI BDE BA TSAD MED GRANGS MED DPAG TU MED PA MYONG BAR 'GYUR RO ZHES BYA BA'I BAR DU NI TSIG GI LAS 'BA' ZHIG GIS CHOS ZAB MO LA SKUR PA BTAB CING SKYON BTAGS NA YANG DKON MCHOG GSUM CHAR LA SKYON BTAGS PAR 'GYUR ZHING, DE'I LAS KYIS NGAN SONG RGYUD GSUM DU SDUG BSNGAL CHEN PO MYONG BAR 'GYUR NA LUS DANG NGAG DANG YID GSUM CHAR GYI SGO NAS CHOS LA NGAN DU BYAS NA LTA SMOS KYANG CI DGOS KYI, LUS DANG NGAG DANG YID KYI LAS GSUM SHIN TU BSDAM PAR BYA'O ZHES BSTAN PA'O, ,RAB 'BYOR GYIS GSOL PA, BCOM LDAN 'DAS SKYES BU GLEN PA GANG SHES RAB KYI PHA ROL TU PHYIN PA 'DI SLAR SPONG BA DE DAG RNAM PA DU ZHIG GIS SHES RAB KYI PHA ROL TU PHYIN PA ZAB MO 'DI SLAR SPONG BAR 'GYUR ZHES BYA BA NAS, RAB 'BYOR RNAM PA BZHI PO DE DAG GIS SKYES BU GLEN PA DE DAG SHES RAB KYI PHA ROL TU PHYIN PA ZAB MO 'DI LA PHYIR SPONG BAR 'GYUR RO ZHES BYA BA'I BAR DU NI SHES RAB KYI PHA ROL TU PHYIN PA ZAB MO 'DI LA MA DAD MA MOS NAS, SKYON 'DOGS SHING SKUR PA 'DEBS PA'I RGYU RNAM PA BZHI BSTAN PA STE, DE DAG SHES PAR BYAS NAS BAG BYA ZHING YONGS SU SPANG BAR BYA BA'I PHYIR BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA 'DI NI BRTZON 'GRUS CHUNG BA DANG, DGE BA'I RTZA BA DANG MI LDAN ZHING SDIG PA'I GROGS PO'I SUG PAR MCHIS PA RNAMS KYIS MOS PAR DKA'O ZHES BYA BA LA SOGS @38B PAS NI SHES RAB KYI PHA ROL TU PHYIN PA ZAB MO 'DI SEMS CAN BSOD NAMS CHUNG NGU SNOD DU MA GYUR PA RNAMS KYI SPYOD YUL MA YIN PA BSTAN PA STE, THEG PA CHEN PO'I CHOS LA MNGON PAR BRTZON PA DANG, DGE BA'I RTZA BA BSKYED CING BSOD NAMS KYI TSOGS BSAGS PA DANG, DGE BA'I BSHES GNYEN LA BRTEN PA RNAMS SHES RAB KYI PHA ROL TU PHYIN PA ZAB MO 'DI LA DAD CING MOS PAR 'GYUR RO ZHES BYA BA'I DON TO, ,GSOL PA, BCOM LDAN 'DAS DE LTAR MOS PAR DKA' BA'I SHES RAB KYI PHA ROL TU PHYIN PA DE JI TZAM DU ZAB PA LAGS ZHES BYA BA NI CHOS THAMS CAD MA BCINGS MA GROL BAR BSHAD PA DANG, RNAM PAR DAG PAR BSHAD PA DANG, KUN TU MTHA' YAS PAR BSHAD PA DANG, CHAGS PA DANG MA CHAGS PAR BSHAD PA'I SGO NAS ZAB PA BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS NI MA BCINGS MA GROL BA STE ZHES BYA BA NAS, RAB 'BYOR RNAM PA THAMS CAD MKHYEN PA NYID LA RANG BZHIN MED PA NI RNAM PA THAMS CAD MKHYEN PA NYID DO ZHES BYA BA'I BAR DU NI CHOS THAMS CAD MA BCINGS MA GROL BA'I SGO NAS SHES RAB KYI PHA ROL TU PHYIN PA ZAB PA BSTAN PA STE, DE LA GZUGS NI MA BCINGS MA GROL BA STE, DE CI'I PHYIR ZHE NA, RAB 'BYOR GZUGS LA RANG BZHIN MED PA NI GZUGS SO ZHES BYA BA NI DON DAM PAR KUN BRTAGS PA'I GZUGS KYI RANG BZHIN MED PA'I PHYIR YONGS SU MA DAG PA'I TSE YANG LAS DANG NYON MONGS PA LA SOGS PAS BCINGS PAR GYUR PA YANG MED LA, YONGS SU DAG PA'I TSE YANG DE DAG LAS GROL BAR GYUR PA YANG MED DE, DE LTAR RANG BZHIN GYIS STONG ZHING YONGS SU DAG PAR RTOGS PA LA SHES RAB KYI PHA ROL TU PHYIN PA ZHES BYA STE, SHES RAB KYI PHA ROL TU PHYIN PA DE LTA BU NI DMIGS PA DANG BCAS SHING MTSAN MAR 'DZIN PA RNAMS KYIS RTOGS PAR MI NUS SHING GTING DPAG DKA' BA'I PHYIR ZAB MO ZHES BSTAN PA'O, ,GZUGS LA JI LTAR BSHAD PA DE BZHIN DU, RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG SBYAR BAR BYA'O, ,RAB 'BYOR GZUGS @39A *, ,NI SNGON GYI MTHA' MA BCINGS MA GROL BA STE ZHES BYA BA NAS, RAB 'BYOR DA LTAR BYUNG BA DNGOS PO MED PA'I RANG BZHIN NI RNAM PA THAMS CAD MKHYEN PA NYID DO ZHES BYA BA'I BAR DU NI CHOS THAMS CAD MA BCINGS MA GROL BAR BSTAN PA DE NYID GSAL BAR BSHAD PA'I PHYIR DUS GSUM DANG SBYAR NAS BSTAN PA STE, DMIGS PA CAN KHA CIG GZUGS LA SOGS PA'I CHOS THAMS CAD 'DAS PA'I DUS NA NI BYA BA BYAS ZIN PA'I RANG BZHIN DU YOD, DA LTAR BYUNG BA'I DUS NA NI BYA BA BYED PA'I RANG BZHIN DU YOD, MA 'ONGS PA'I DUS NA NI BYA BA BYED PAR 'GYUR BA'I RANG BZHIN DU YOD PAR LTA BA LAS BZLOG PA'I PHYIR DON DAM PAR GZUGS NYID KYANG DNGOS PO MED PA'I RANG BZHIN YIN LA, 'DAS PA DANG MA 'ONGS PA DANG DA LTAR BYUNG BA ZHES BYA BA'I DUS KYANG GZUGS NYID ZHIG PA DANG, MA BYUNG BA DANG, GNAS PA LAS GDAGS SU ZAD KYI DE LAS GUD NA SNGON GYI MTHA' DANG, PHYI MA'I MTHA' DANG, DA LTAR BYUNG BA ZHES BYA BA'I DNGOS PO MED DE DUS GSUM CHAR YANG RANG BZHIN GYIS STONG ZHING DE BZHIN NYID DU RO GCIG STE, MI 'GYUR BA YONGS SU RDZOGS PA'I PHYIR BCINGS PA DANG GROL BA MED DO ZHES BSTAN PA'O, ,GZUGS LA JI LTAR BSHAD PA DE BZHIN DU RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG SBYAR BAR BYA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA NI BRTZON 'GRUS CHUNG BA, DGE BA'I RTZA BA MA BSKYED PA, SDIG PA'I GROGS PO'I SUG PAR LHUNG BA, BDUD KYI DBANG DU GYUR PA, LE LO CAN BRTZON 'GRUS BTANG BA, DRAN PA NYAMS PA SHES BZHIN DANG MI LDAN PA RNAMS KYIS MOS PAR DKA'O ZHES BYA BA LA SOGS PA NI CHOS THAMS CAD RNAM PAR DAG PA BSTAN PA'I SGO NAS SHES RAB KYI PHA ROL TU PHYIN PA 'DI MOS PAR DKA' ZHING ZAB PAR BSHAD PA'I SKABS DBYE BA'I PHYIR RAB 'BYOR GYIS GLENGS PA DANG, BCOM LDAN 'DAS KYIS BKA' STZAL PA'O, ,RAB 'BYOR GZUGS RNAM PAR DAG PA GANG YIN PA DE NI 'BRAS BU RNAM PAR DAG PA'O ZHES BYA BA NAS, RNAM PA THAMS CAD MKHYEN PA NYID RNAM PAR DAG PA GANG YIN PA DE NI 'BRAS BU RNAM @39B PAR DAG PA'O ZHES BYA'I BAR DU NI CHOS THAMS CAD RNAM PAR DAG PA BSTAN PA'I SGO NAS SHES RAB KYI PHA ROL TU PHYIN PA MOS PAR DKA' ZHING ZAB PAR BSTAN PA STE, DE LA RAB 'BYOR GZUGS RNAM PAR DAG PA GANG YIN PA DE NI 'BRAS BU RNAM PAR DAG PA'O ZHES BYA BA NI DON DAM PAR GZUGS KYI RANG BZHIN STONG ZHING, RNAM PAR DAG PA GANG YIN PA DE NYID MYA NGAN LAS 'DAS PA ZHES BYA BA YANG DAG PA'I MTHA'I RANG BZHIN PHA ROL TU PHYIN PA DANG, BYANG CHUB KYI PHYOGS LA SOGS PA'I 'BRAS BU YIN GYIS DE LAS GUD NA 'BRAS BU GZHAN MED DE, DE BAS NA DON DAM PAR GZUGS LA SOGS PA'I CHOS THAMS CAD RNAM PAR DAG PA DANG, MYA NGAN LAS 'DAS PA 'BRAS BU ZHES BYA BA DE DAG DE BZHIN NYID DU RO GCIG STE, RNAM PAR DAG PA'I RANG BZHIN DU THA MI DAD DO ZHES BSTAN PA'O, ,GZUGS LA JI LTAR BSHAD PA DE BZHIN DU RNAM PA THAMS CAD MKHYEN PA NYID LA THUG GI BAR DU YANG SBYAR BAR BYA'O, ,RAB 'BYOR GZHAN YANG GZUGS YONGS SU DAG PA GANG YIN PA DE NI SHES RAB KYI PHA ROL TU PHYIN PA YONGS SU DAG PA, SHES RAB KYI PHA ROL TU PHYIN PA YONGS SU DAG PA GANG YIN PA DE NI GZUGS YONGS SU DAG PA STE, DE LTAR NA GZUGS YONGS SU DAG PA DANG, SHES RAB KYI PHA ROL TU PHYIN PA YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR RNAM PA THAMS CAD MKHYEN PA NYID YONGS SU DAG PA DANG, SHES RAB KYI PHA ROL TU PHYIN PA YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI GZUGS LA SOGS PA'I CHOS THAMS CAD YONGS SU DAG PA DANG, SHES RAB KYI PHA ROL TU PHYIN PA YONGS SU DAG PA GNYIS DON DAM PAR RANG BZHIN GYIS STONG PA NYID DU RO GCIG STE, THA MI DAD PAR BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA STE, DE LA GNYIS SU MED PA NI RANG BZHIN GYIS STONG PA NYID DU RO GCIG PA'I PHYIR RO, ,GNYIS SU BYAR MED PA NI DE LTAR STONG PA NYID DU RO GCIG PA LA THA DAD DU DBYER MED PA'I PHYIR RO, ,SO SO MA YIN PA NI DE LTAR STONG PA NYID DU RO GCIG PA LA BYE @40A *, ,BRAG DBYER MED PA'I PHYIR RO, ,THA MI DAD PA NI DE LTAR STONG PA NYID DU RO GCIG PA LA GZHAN GYIS PAR MI CHOD PA'I PHYIR RO, ,GZUGS LA JI LTAR BSHAD PA DE BZHIN DU, RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG SBYAR BAR BYA'O, ,RAB 'BYOR GZHAN YANG BDAG RNAM PAR DAG PA GANG YIN PA DE NI GZUGS RNAM PAR DAG PA, GZUGS RNAM PAR DAG PA GANG YIN PA DE NI BDAG RNAM PAR DAG PA STE, DE LTAR NA BDAG RNAM PAR DAG PA DANG, GZUGS RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR MTHONG BA PO RNAM PAR DAG PA DANG, RNAM PA THAMS CAD MKHYEN PA NYID RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI MU STEGS CAN GYIS BRTAGS PA'I BDAG DANG, SEMS CAN DANG, SROG DANG, GSO BA DANG, SKYES BU BU DANG, GANG ZAG DANG, SHED CAN DANG, SHED BDAG DANG, BYED PA PO DANG, TSOR BA PO DANG, SHES PA PO DANG, MTHONG BA PO DANG, BDAG RNAM PA BCU GNYIS PO DE DAG RANG BZHIN GYIS STONG PA'I PHYIR RNAM PAR DAG PA DANG, GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD RNAM PAR DAG PA RE RE DANG SBYAR TE, RNAM PAR DAG PA'I RANG BZHIN DU THA MI DAD PA BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,RAB 'BYOR GZHAN YANG BDAG YONGS SU DAG PAS GZUGS YONGS SU DAG PA, GZUGS YONGS SU DAG PAS, BDAG YONGS SU DAG PA STE, DE LTAR NA BDAG YONGS SU DAG PA DANG, GZUGS YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR NA MTHONG BA PO YONGS SU DAG PA DANG, RNAM PA THAMS CAD MKHYEN PA NYID YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI MU STEGS CAN GYIS BRTAGS PA'I BDAG RNAM PA BCU GNYIS PO RE RE DANG, GZUGS LA @40B SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD DANG SBYAR TE, BDAG RNAMS YONGS SU DAG PAR RTOGS PAS GZUGS LA SOGS PA'I CHOS THAMS CAD YONGS SU DAG PAR RTOGS PA DANG, GZUGS LA SOGS PA'I CHOS THAMS CAD YONGS SU DAG PAR RTOGS PAS BDAG RNAMS YONGS SU DAG PAR RTOGS PA NGO BO NYID KYIS STONG ZHING YONGS SU DAG PA'I RANG BZHIN DU THA MI DAD PAR BSHAD PA'I SGO NAS SHES RAB KYI PHA ROL TU PHYIN PA ZAB CING MOS PAR DKA' BAR BSTAN PA'O, ,RAB 'BYOR GZHAN YANG 'DOD CHAGS RNAM PAR DAG PAS GZUGS RNAM PAR DAG PA GZUGS RNAM PAR DAG PAS 'DOD CHAGS RNAM PAR DAG PA STE, DE LTAR NA 'DOD CHAGS RNAM PAR DAG PA DANG GZUGS RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR NA GTI MUG RNAM PAR DAG PA DANG, RNAM PA THAMS CAD MKHYEN PA NYID RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI KUN BRTAGS PA'I RANG BZHIN 'DOD CHAGS DANG, ZHE SDANG DANG, GTI MUG GSUM DON DAM PAR DNGOS PO MED DE, RANG BZHIN GYIS RNAM PAR DAG PAS RTOGS NA KUN BRTAGS PA'I GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD RNAM PAR DAG PAR RTOGS PA DANG, KUN BRTAGS PA'I GZUGS LA SOGS PA'I CHOS THAMS CAD RNAM PAR DAG PAR RTOGS NA 'DOD CHAGS DANG, ZHE SDANG DANG, GTI MUG GSUM RNAM PAR DAG PAR RTOGS PAR 'GYUR TE, 'DOD CHAGS DANG, ZHE SDANG DANG, GTI MUG GSUM RNAM PAR DAG PA RE RE DANG, GZUGS LA SOGS PA CHOS THAMS CAD RNAM PAR DAG PA DANG SBYAR TE, DE LTAR RANG BZHIN GYIS STONG ZHING RNAM PAR DAG PA LA THA DAD DU DBYER MED PAR BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,RAB 'BYOR GZHAN YANG 'DOD CHAG YONGS SU DAG PAS GZUGS YONGS SU DAG PA, GZUGS YONGS SU DAG PAS 'DOD CHAGS YONGS SU DAG PA STE, DE LTAR NA 'DOD CHAGS @41A *, ,YONGS SU DAG PA DANG, GZUGS YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR NA GTI MUG YONGS SU DAG PA DANG, RNAM PA THAMS CAD MKHYEN PA NYID YONGS SU DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI 'DOD CHAGS DANG, ZHE SDANG DANG, GTI MUG GSUM GYI CHOS NYID YONGS SU GRUB PA'I MTSAN NYID YONGS SU DAG PAR RTOGS NA GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS NYID YONGS SU GRUB PA'I MTSAN NYID YONGS SU DAG PAR RTOGS PA DANG, GZUGS LA SOGS PA'I CHOS THAMS CAD YONGS SU DAG PAR RTOGS NA 'DOD CHAGS DANG, ZHE SDANG DANG, GTI MUG GSUM YONGS SU DAG PAR RTOGS PAR 'GYUR TE, 'DOD CHAGS DANG, ZHE SDANG DANG, GTI MUG GSUM YONGS SU DAG PA RE RE DANG, GZUGS LA SOGS PA CHOS THAMS CAD YONGS SU DAG PA DANG SBYAR TE, DE LTAR RANG BZHIN GYIS STONG ZHING YONGS SU DAG PA LA THA DAD DU DBYER MED PAR BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,RAB 'BYOR GZHAN YANG MA RIG PA RNAM PAR DAG PAS 'DU BYED RNAM PAR DAG PA, 'DU BYED RNAM PAR DAG PAS MA RIG PA RNAM PAR DAG PA STE, DE LTAR NA MA RIG PA RNAM PAR DAG PA DANG, 'DU BYED RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS, DE LTAR NA LAM GYI RNAM PA SHES PA NYID RNAM PAR DAG PA DANG, RNAM PA THAMS CAD MKHYEN PA NYID RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI MA RIG PA NAS RNAM PA THAMS CAD MKHYEN PA NYID LA THUG GI BAR GYI CHOS RNAMS GCIG RNAM PAR DAG PAR RTOGS PAS DE'I 'OG MA YANG RNAM PAR DAG PAR RTOGS PAR 'GYUR TE, DE LTAR CHOS DE DAG RNAM PAR DAG CING RANG BZHIN GYIS STONG PA LA THA DAD DU DBYER MED PA BSTAN PA'I SGO NAS SHES RAB KYI PHA ROL TU PHYIN PA 'DI ZAB @41B CING MOS PAR DKA' BA BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA RNAM PAR DAG PAS GZUGS RNAM PAR DAG PA, GZUGS RNAM PAR DAG PAS RNAM PA THAMS CAD MKHYEN PA NYID RNAM PAR DAG PA STE, DE LTAR NA SHES RAB KYI PHA ROL TU PHYIN PA RNAM PAR DAG PA DANG, GZUGS RNAM PAR DAG PA DANG, RNAM PA THAMS CAD MKHYEN PA NYID RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA LA SOGS PAS NI SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS THAMS CAD LAS CHOS RE RE RNAM PAR DAG PA DANG, GZUGS LA SOGS PA'I PHUNG PO LNGA DANG, PHYI NANG GI SKYE MCHED BCU GNYIS DANG, RNAM PAR SHES PA DRUG DANG, 'DUS TE REG PA DRUG DANG, 'DUS TE REG PA'I RKYEN GYIS TSOR BA DRUG RNAMS RNAM PAR DAG PA DANG, RNAM PA THAMS CAD MKHYEN PA NYID RNAM PAR DAG PA LA THA DAD DU DBYER MED PAR BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA STE, SHES RAB KYI PHA ROL TU PHYIN PA 'BA' ZHIG LA PHUNG PO LNGA DANG, SKYE MCHED BCU GNYIS DANG, RNAM PAR SHES PA DRUG DANG, 'DUS TE REG PA DRUG DANG, 'DUS TE REG PA'I RKYEN GYIS TSOR BA DRUG RNAMS DANG, RNAM PA THAMS CAD MKHYEN PA NYID DANG YANG SBYAR TE, CHOS GSUM RNAM PAR DAG PA LA THA DAD DU DBYER MED PA BSHAD PA DE BZHIN DU RNAM PA THAMS CAD MKHYEN PA NYID LA THUG GI BAR DU YANG SBYAR BAR BYA'O, , RNAM PA THAMS CAD MKHYEN PA NYID KYI 'GRES THA MA LA LTAG 'OG GNYIS KA LAS RNAM PA THAMS CAD MKHYEN PA NYID SMOS PA GONG MA NI KUN BRTAGS PA'I MTSAN NYID KYI RNAM PA THAMS CAD MKHYEN PA NYID DE, KUN RDZOB TU CHOS THAMS CAD KYI MTSAN NYID RNAM PA THAMS CAD DU MKHYEN PA NYID LA BYA'O, ,'OG MA NI YONGS SU GRUB PA'I MTSAN NYID KYI RNAM PA THAMS CAD MKHYEN PA NYID LA BYA STE, DON DAM PAR CHOS THAMS CAD STONG PA NYID KYI RANG BZHIN DU RO GCIG CING THA MI DAD PAR THUGS SU CHUD PA LA BYA BAR RIG PAR BYA'O, ,RAB 'BYOR GZHAN YANG RNAM PA THAMS CAD MKHYEN @42A *, ,PA NYID RNAM PAR DAG PAS GZUGS RNAM PAR DAG PA, GZUGS RNAM PAR DAG PAS SHES RAB KYI PHA ROL TU PHYIN PA RNAM PAR DAG PA STE, DE LTAR NA RNAM PA THAMS CAD MKHYEN PA NYID RNAM PAR DAG PA DANG, GZUGS RNAM PAR DAG PA DANG, SHES RAB KYI PHA ROL TU PHYIN PA RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA NAS DE LTAR NA RNAM PA THAMS CAD MKHYEN PA NYID RNAM PAR DAG PA DANG, YID KYI 'DUS TE REG PA'I RKYEN GYIS TSOR BA RNAM PAR DAG PA DANG, SBYIN PA'I PHA ROL TU PHYIN PA RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI RNAM PA THAMS CAD MKHYEN PA NYID RNAM PAR DAG PA THOG MAR SMOS NAS, GZUGS LA SOGS PA PHUNG PO LNGA DANG, SKYE MCHED BCU GNYIS DANG, RNAM PAR SHES PA DRUG DANG, 'DUS TE REG PA DRUG DANG, 'DUS TE REG PA'I RKYEN GYIS TSOR BA DRUG LA THUG GI BAR DU CHOS RNAMS PHA ROL TU PHYIN PA DRUG RE RE DANG SBYAR TE, CHOS DE DAG RNAM PAR DAG PA LA THA DAD DU DBYER MED PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,RAB 'BYOR GZHAN YANG 'DUS BYAS RNAM PAR DAG PAS 'DUS MA BYAS RNAM PAR DAG PA STE ZHES BYA BA NAS, DE LTAR NA DE LTAR BYUNG BA RNAM PAR DAG PA DANG, 'DAS PA DANG, MA 'ONGS PA RNAM PAR DAG PA 'DI LA GNYIS SU MED DE GNYIS SU BYAR MED SO SO MA YIN THA MI DAD DO ZHES BYA BA'I BAR DU NI 'DUS BYAS DANG, 'DUS MA BYAS RNAM PAR DAG PA LA THA DAD DU DBYER MED PA DANG, DUS GSUM RNAM PAR DAG PA LA THA DAD DU DBYER MED PA BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHED PA LAS LE'U NYI SHU BDUN PA'O,, ,,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA LA SOGS PA NI GONG DU CHOS THAMS CAD RNAM PAR DAG PA LA THA DAD DU DBYER MED PA BSTAN PA'I SGO NAS SHES RAB KYI PHA ROL TU PHYIN PA @42B 'DI ZAB CING MOS PAR DKA' BA BSHAD PA'I DON SH'A RI'I BUS RTOGS NAS RNAM PAR DAG CING ZAB PA'I DON DE NYID 'KHOR RNAMS LA GSAL ZHING ZHIB TU BSHAD PA'I GLENG BSLANG BA DANG, BCOM LDAN 'DAS KYIS CHOS THAMS CAD SHIN TU RNAM PAR DAG PA'I PHYIR ZAB PA BSTAN PA STE, BCOM LDAN 'DAS RNAM PAR DAG PA 'DI ZAB PO ZHES BYA BA NI GONG DU RNAM PAR DAG PA BSHAD PA DE DMIGS PA CAN RNAMS KYIS RTOGS PAR DKA' BA'I PHYIR ZAB PO ZHES GSOL PA'O, ,BCOM LDAN 'DAS KYIS BKA' STZAL PA, SHIN TU RNAM PAR DAG PA'I PHYIR RO ZHES BYA BA NI SHES BYA DANG NYON MONGS PA'I SGRIB PA THAMS CAD BAG CHAGS KYANG MA LUS PAR SPANGS SHING CIS KYANG MA GOS TE, SHIN TU RNAM PAR DAG PA DE RTOG PA CAN RNAMS KYI SPYOD YUL MA YIN PA'I PHYIR ZAB BO ZHES BSTAN PA'O, ,SHA RA DVA TI'I BUS GSOL PA, GANG RNAM PAR DAG PA'I SLAD DU ZHES BYA BA NI GZUGS LA SOGS PA'I CHOS THAMS CAD RNAM PAR DAG PA BSHAD PA'I GLENG BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU GZUGS RNAM PAR DAG PA ZAB PO ZHES BYA BA NAS, RNAM PA THAMS CAD MKHYEN PA NYID RNAM PAR DAG PA'I PHYIR RNAM PAR DAG PA ZAB PO ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS DE DAG THAMS CAD DON DAM PAR RANG BZHIN GYIS STONG ZHING RNAM PAR DAG PA STE, CES KYANG MA GOS PA DE MTSAN MAR 'DZIN CING RTOG PA CAN RNAMS KYIS RTOGS SHING YID CHES PAR DKA' BA'I PHYIR ZAB PO ZHES BSTAN PA'O, ,GSOL PA, BCOM LDAN 'DAS RNAM PAR DAG PA NI SNANG BA'O ZHES BYA BA NAS, RNAM PA THAMS CAD MKHYEN PA NYID RNAM PAR DAG PA'I PHYIR RNAM PAR DAG PA SNANG BA'O ZHES BYA BA'I BAR DU NI PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS YONGS SU DAG CING CIS KYANG MA BSGRIBS TE, RANG BZHIN GYIS 'OD GSAL BA'I PHYIR RNAM PAR DAG PA NI SNANG BA'O ZHES BSHAD PA'O, ,GSOL PA, BCOM LDAN 'DAS RNAM PAR DAG PA NI NYING GI MTSAMS SBYOR BA MA MCHIS PA'O ZHES BYA BA @43A *, ,NAS RNAM PA THAMS CAD MKHYEN PA NYID LA 'PHO BA MED CING NYING GI MTSAMS SBYOR BA MED PA NI RNAM PAR DAG PA'O ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS RANG BZHIN GYIS STONG ZHING RNAM PAR DAG PAS PHUNG PO 'DI BOR TE, PHA ROL TU 'PHO BA YANG MED LA, PHUNG PO PHYI MA LEN PA'I NYING MTSAMS SBYOR BA YANG MED PA BSTAN PA'O, ,GSOL PA, BCOM LDAN 'DAS RNAM PAR DAG PA NI KUN NAS NYON MONGS PA MA MCHIS PA'O ZHES BYA BA NAS RNAM PA THAMS CAD MKHYEN PA NYID RANG BZHIN GYIS 'OD GSAL BA'I PHYIR RNAM PAR DAG PA KUN NAS NYON MONGS PA MED PA'O ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR YONGS SU DAG CING RANG BZHIN GYIS 'OD GSAL BA STE, 'DOD CHAGS LA SOGS PA'I NYON MONGS PA RNAMS KYIS MA GOS PA'I PHYIR RNAM PAR DAG PA LA KUN NAS NYON MONGS PA MED PA BSTAN PA'O, ,GSOL PA, BCOM LDAN 'DAS RNAM PAR DAG PA NI THOB PAR BGYI BA DANG, MNGON PAR RTOGS PAR BGYI BA MA MCHIS PA'O ZHES BYA BA NAS, RNAM PA THAMS CAD MKHYEN PA NYID THOB PAR BYA BA MED PA DANG, MNGON PAR RTOGS PAR BYA BA MED PA NI RNAM PAR DAG PA'O ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR RANG BZHIN GYIS STONG ZHING RNAM PAR DAG PA YIN PAS DE LAS 'BRAS BU THOB PAR BYA BA DANG, RTOGS PAR BYA BA GANG YANG MED PA NYID RNAM PAR DAG PA YIN NO ZHES BSTAN PA'O, ,GSOL PA, BCOM LDAN 'DAS RNAM PAR DAG PA NI MNGON PAR MA GRUB PA'O ZHES BYA BA NAS, RNAM PA THAMS CAD MKHYEN PA NYID MNGON PAR MA GRUB PA NI RNAM PAR DAG PA'O ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR RANG BZHIN GYIS STONG ZHING DNGOS PO MED PAS MNGON PAR BSGRUB PAR BYA BA DANG, MNGON PAR SGRUB PAR BYED PA GNYIS KA DNGOS PO YOD PAR MA GRUB PA NYID RNAM PAR DAG PA YIN NO @43B ZHES BSTAN PA'O, ,GSOL PA, BCOM LDAN 'DAS RNAM PAR DAG PA NI 'DOD PA'I KHAMS SU SKYE BA MA LAGS SO ZHES BYA BA NAS, SHA RA DVA TI'I BU GZUGS MED PA'I KHAMS RANG BZHIN GYIS MI DMIGS PA'I PHYIR RNAM PAR DAG PA NI SKYE BA MA YIN NO ZHES BYA BA'I BAR DU NI CHOS THAMS CAD NGO BO NYID KYIS STONG ZHING RNAM PAR DAG PA'I RANG BZHIN DE BZHIN NYID DE NI KHAMS GSUM GANG DU'ANG SKYE BA MED PA BSTAN PA STE, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS ZHES BYA BA YANG KUN BRTAGS PA TZAM DU ZAD DE DON DAM PAR KHAMS GSUM NYID KYANG RANG BZHIN GYIS STONG STE, DMIGS SU MED PA DER SKYE BAR 'GYUR BA LTA GA LA YOD DE, DE LTAR GANG DU SKYE BA'I GNAS DANG, SKYE BAR 'GYUR BA GNYIS KA MI DMIGS PA NYID RNAM PAR DAG PA YIN NO ZHES BSTAN PA'O, ,GSOL PA, BCOM LDAN 'DAS RNAM PAR DAG PA NI 'TSAL BA MA MCHIS PA'O ZHES BYA BA NAS, BCOM LDAN 'DAS KYIS BKA' STZAL PA, SHA RA DVA TI'I BU RANG GI MTSAN NYID KYIS STONG PA NYID KYI PHYIR RNAM PAR DAG PAS RNAM PA THAMS CAD MKHYEN PA NYID MI SHES SO ZHES BYA BA'I BAR DU NI RNAM PAR DAG PA ZHES BYA BA RANG GI MTSAN NYID KYIS STONG ZHING DNGOS PO MED PA YIN PAS SHES PAR BYED PA'I RANG BZHIN MA YIN PA'I PHYIR GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS SHES PAR BYED PA MA YIN NO ZHES BSTAN PA STE, CHOS LA SEMS MED PA'I PHYIR RNAM PAR DAG PA LA SHES PA MED DO ZHES BYA BA NI RNAM PAR DAG PA'I CHOS NYID LA RNAM PAR RTOG PA MED PA'I PHYIR CHOS RNAMS LA MTSAN MAR 'DZIN PA'I SHES PA MED DO ZHES BYA BA'I DON TE, ,GSOL PA, BCOM LDAN 'DAS SHES RAB KYI PHA ROL TU PHYIN PA NI RNAM PA THAMS CAD MKHYEN PA NYID LA SMAN PAR MI BGYID GNOD PAR MI BGYID DO ZHES BYA BA NI DON DAM PAR RNAM PAR MI RTOG PA'I SHES RAB KYI PHA ROL TU PHYIN PA DANG, RNAM PA THAMS CAD MKHYEN PA NYID DE BZHIN NYID DU RO GCIG CING SHIN TU RNAM PAR DAG PA'I PHYIR GCIG GI RGYU GCIG MA YIN NO ZHES BSTAN PA'O, ,BCOM LDAN 'DAS @44A *, ,KYIS BKA' STZAL PA, SHA RA DVA TI'I BU SHIN TU RNAM PAR DAG PA'I PHYIR RO ZHES BYA BA NI SHES RAB KYI PHA ROL TU PHYIN PA DANG, RNAM PA THAMS CAD MKHYEN PA GNYIS KA YANG CHOS KYI DBYINGS RNAM PAR DAG PA'I RANG BZHIN DU RO GCIG CING, SHIN TU RNAM PAR DAG PA'I PHYIR GCIG GI RGYU GCIG MA YIN NO ZHES GONG DU BSHAD PA'I DON DE NYID BSNAN TE BSTAN PA'O, ,GSOL PA, BCOM LDAN 'DAS JI LTAR NA SHES RAB KYI PHA ROL TU PHYIN PA RNAM PA THAMS CAD MKHYEN PA NYID LA SMAN PAR MI BGYID CING GNOD PAR MI BGYID PA LAGS ZHES BYA BA NI GONG DU SH'A RI'I BUS BSHAD PA'I DON DE NYID BCOM LDAN 'DAS KYIS BKA' STZAL NAS, 'KHOR RNAMS BRTAN PAR YID CHES PAR 'GYUR BA'I PHYIR SH'A RI'I BUS ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU CHOS KYI DBYINGS GNAS PA NYID KYI PHYIR SHES RAB KYI PHA ROL TU PHYIN PA RNAM PA THAMS CAD MKHYEN PA NYID LA PHAN PAR MI BYED GNOD PAR MI BYED DO ZHES BYA BA NI SHES RAB KYI PHA ROL TU PHYIN PA DANG, RNAM PA THAMS CAD MKHYEN PA GNYIS KA YANG DON DAM PAR CHOS KYI DBYINGS KYI RANG BZHIN DU RO GCIG STE, THA MI DAD LA CHOS KYI DBYINGS KYI RANG BZHIN YANG MI 'GYUR BA YONGS SU RDZOGS PA'I NGO BO NYID YIN PAS PHAN PA DANG GNOD PA'I KHAR MA LAS PA'I PHYIR RO ZHES BSTAN PA STE, DES KYANG RNAM PAR DAG PA LA PHAN PA DANG, GNOD PA BYED PA MED PA'I MTSAN NYID BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA RNAM PAR DAG PA NI CHOS GANG YANG YONGS SU LEN PA MA MCHIS SO ZHES BYA BA NI DON DAM PA RNAM PAR MI RTOG PA'I SHES RAB KYI PHA ROL TU PHYIN PA DNGOS PO MED CING SHIN TU RNAM PAR DAG PA YIN PAS CHOS GANG LA YANG RNAM PAR RTOG CING MTSAN MAR 'DZIN PA'I RANG BZHIN MA YIN NO ZHES BSTAN PA'O, ,BCOM LDAN 'DAS KYIS BKA' STZAL PA, SHA RA DVA TI'I BU SHIN TU RNAM PAR DAG PA'I PHYIR RO ZHES BYA BA NI RNAM PAR MI RTOG PA'I SHES RAB KYI PHA ROL TU PHYIN PA DE GZUNG BA DANG, @44B 'DZIN PA GNYIS KA'I SKYON GYIS MA GOS SHING SHIN TU RNAM PAR DAG PA'I PHYIR CHOS GANG YANG YONGS SU LEN PA MED DO ZHES BSTAN PA'O, ,GSOL PA, BCOM LDAN 'DAS JI LTAR NA SHES RAB KYI PHA ROL TU PHYIN PA RNAM PAR DAG PA, CHOS GANG YANG YONGS SU LEN PA MA MCHIS PA LAGS ZHES BYA BA NI GONG DU BSHAD PA'I DON DE NYID BCOM LDAN 'DAS KYIS BKA' STZAL NA, 'KHOR RNAMS BRTEN PAR YID CHES PAR BYA BA'I PHYIR SH'A RI'I BUS ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU CHOS KYI DBYINGS MI G-YO BA'I PHYIR SHES RAB KYI PHA ROL TU PHYIN PA RNAM PAR DAG PA CHOS GANG YANG YONGS SU LEN PA MED DO ZHES BYA BA NI RNAM PAR MI RTOG PA'I SHES RAB KYI PHA ROL TU PHYIN PA RNAM PAR DAG PA DE CHOS KYI DBYINGS MI 'GYUR BA YONGS SU RDZOGS PA'I RANG BZHIN YIN PAS GZUGS LA SOGS PA'I CHOS GANG LA YANG RNAM PAR RTOG CING MTSAN MAR MI 'DZIN PA'I SGO NAS G-YO BA MED PA'I PHYIR RO ZHES BSTAN PA STE, 'DIS KYANG YONGS SU LEN PA MED PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG RNAM PAR DAG PA'I SLAD DU GZUGS RNAM PAR DAG PA'O ZHES BYA BA NAS, GSOL PA, BCOM LDAN 'DAS CI'I SLAD DU BDAG RNAM PAR DAG PAS RNAM PA THAMS CAD MKHYEN PA NYID RNAM PAR DAG PA LAGS, BCOM LDAN 'DAS KYIS BKA' STZAL PA, RAB 'BYOR RANG GI MTSAN NYID STONG PA NYID KYI PHYIR RO ZHES BYA BA'I BAR DU NI GANG ZAG LA BDAG MED PA DANG, CHOS LA BDAG MED PA NYID RNAM PAR DAG PA YIN PA BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA STE, JI LTAR MU STEGS CAN GYIS BRTAGS PA'I BDAG RNAMS KUN RDZOB TU YANG YOD PAR MA GRUB PA DE BZHIN DU GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD KYANG DON DAM PAR YOD PA MA YIN TE, DE LTAR CHOS THAMS CAD DNGOS PO MED PA NYID SHIN TU @45A *, ,RNAM PAR DAG PA YIN NO ZHES BSTAN PA'O, ,SKABS 'DIR GZUGS LA SOGS PA SANGS RGYAS KYI CHOS MA 'DRES PA BCVA BRGYAD LA THUG GI BAR DU NI TSIG GI MJUG LAS SHIN TU RNAM PAR DAG PA'I GTAN TSIGS SU BDAG MED PA'I PHYIR SANGS RGYAS KYI CHOS MA 'DRES PA BCVA BRGYAD MED PA NI SHIN TU RNAM PAR DAG PA'O ZHES SMOS LA, RGYUN TU ZHUGS PA'I 'BRAS BU MAN CHAD RNAM PA THAMS CAD MKHYEN PA NYID LA THUG GI BAR DU NI SHIN TU RNAM PAR DAG PA'I GTAN TSIGS SU RANG GI MTSAN NYID STONG PA NYID KYI PHYIR RO ZHES SMOS PA NI NYAN THOS DANG RANG SANGS RGYAS LA SOGS PA KHA CIG RANG GI MTSAN NYID LA MNGON PAR ZHES PA RNAMS BSAL BA'I PHYIR TE, GANG ZAG DANG CHOS GNYIS KA'I RANG GI MTSAN NYID YOD PAR MA GRUB STE, STONG PA NYID KYI PHYIR RGYUN DU ZHUGS PA'I 'BRAS BU LA SOGS PA BDAG RNAM PAR DAG PAS CHOS RNAMS KYANG RNAM PAR DAG PA YIN NO ZHES BSTAN PA'O, ,GSOL PA, BCOM LDAN 'DAS GNYIS SU MA MCHIS SHING RNAM PAR DAG PA NI THOB PAR BGYI BA MA LAGS, MNGON PAR RTOGS PAR BGYI BA MA LAGS SO ZHES BYA BA NAS, BCOM LDAN 'DAS KYIS BKA' STZAL PA, KUN NAS NYON MONGS PA MED CING RNAM PAR BYANG BA MED PA'I PHYIR RO ZHES BYA BA'I BAR DU NI CHOS THAMS CAD DON DAM PAR RANG BZHIN GYIS DAG CING DE BZHIN DU RO GCIG PAS SNGON YANG KUN NAS NYON MONGS PA MED LA, PHYIS KYANG RNAM PAR BYANG BAR 'GYUR BA MED DE, DE LTAR NYON MONGS PA DANG RNAM PAR BYANG BA GNYIS SU MED PA LA RGYUN DU ZHUGS PA LA SOGS PA'I 'BRAS BU THOB PAR BYA BA YANG MED LA, BYANG CHUB SEMS DPA'I SA DANG PO LA SOGS PA MNGON PAR RTOGS PAR BYA BA MED PAR BSTAN PA'I SGO NAS, SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,GSOL PA, BCOM LDAN 'DAS BDAG KUN TU MTHA' YAS PA'I SLAD DU GZUGS KUN TU MTHA' YAS PA'O ZHES BYA BA NAS, GSOL PA, BCOM LDAN 'DAS CI'I SLAD DU BDAG KUN TU MTHA' YAS PAS RNAM PA THAMS CAD MKHYEN PA NYID KUN TU MTHA' YAS PA RNAM PAR DAG PA LAGS, BCOM LDAN @45B 'DAS KYIS BKA' STZAL PA, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID KYI PHYIR RO ZHES BYA BA'I BAR DU NI BU STEGS CAN GYIS BRTAGS PA'I BDAG RNAMS DNGOS PO YOD PAR MA GRUB PAS RTAG PA DANG CHAD PA'I MTHA' LAS 'DAS PA DANG THOG MA DANG THA MA MED PA MTHA' LAS 'DAS PA DE BZHIN DU GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD KYANG DON DAM PAR MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID KYI PHYIR KUN TU MTHA' YAS PA RNAM PAR DAG PA YIN NO ZHES BSTAN PA'O, ,GSOL PA, BCOM LDAN 'DAS GANG DE LTAR RTOGS PA NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA'O ZHES BYA BA NI GONG DU BSHAD PA DE LTA BU'I RNAM PAR DAG PA ZAB CING MOS PAR DKA' BA DE LTA BU'I DON RTOGS SHING YID CHES PA NI BYANG CHUB SEMS DPA'I SHES RAB YONGS SU DAG PA YIN NO ZHES RAB 'BYOR GYIS BCOM LDAN 'DAS LA MDOR GSOL PA'O, ,BCOM LDAN 'DAS KYIS BKA' STZAL PA, RAB 'BYOR SHIN TU RNAM PAR DAG PA'I PHYIR RO ZHES BYA BA NI DE LTAR RNAM PAR DAG PA'I CHOS ZAB MO RTOGS PA'I SHES BYA DANG NYON MONGS PA'I SGRIB PA BAG CHAGS YAN CHAD MA LUS PAR SPANGS SHING, RNAM PAR DAG PA'I PHYIR BYANG CHUB SEMS DPA'I SHES RAB KYI PHA ROL TU PHYIN PA YIN NO ZHES MDOR BSTAN PA'O, ,GSOL PA, BCOM LDAN 'DAS CI'I SLAD DU GANG DE LTAR RTOGS PA DE BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA LAGS ZHES BYA BA NI GONG DU MDOR BSHAD PA'I DON DE NYID 'KHOR RNAMS KYI ZHIB TU RTOGS PAR BYA BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, LAM GYI RNAM PA SHES PA NYID KYI PHYIR RO ZHES BYA BA NI BYANG CHUB SEMS DPA' RNAMS KYIS LAM GYI RNAM PA SHES PA'I SHES RAB KYIS DE LTA BU'I CHOS ZAB MO RTOGS BAR 'GYUR BA'I PHYIR GANG DE LTAR RTOGS PA DE BYANG CHUB SEMS DPA'I SHES RAB KYI PHA ROL TU PHYIN @46A *, ,PA YIN NO ZHES BSTAN PA STE, 'DIS KYANG SHES RAB KYI PHA ROL TU PHYIN PA 'DI DE LTAR BYANG CHUB SEMS DPA' RNAMS KYI SPYOD YUL YIN GYIS, NYAN THOS DANG RANG SANGS RGYAS RNAMS KYI SPYOD YUL MA YIN PAR BSTAN PA'I SGO NAS ZAB CING MOS PAR DKA' BA BSTAN PA'O, , GSOL PA, BCOM LDAN 'DAS GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, TSU ROL GYI 'GRAM MAM, PHA ROL GYI 'GRAM MAM, GNYIS KYI DBUS NA MI GNAS NA, DE NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA'I TSU ROL DANG PHA ROL DANG GNYIS KA'I DBUS NA YANG MI GNAS PAR BSTAN PA'I SGO NAS ZAB CING MOS PAR DKA' BA BSTAN PA STE, TSU ROL GYI 'GRAM ZHES BYA BA NI 'DUS BYAS KYI MTHA'O, ,PHA ROL GYI 'GRAM ZHES BYA BA NI 'DUS MA BYAS KYI MTHA' LA BYA STE, DON DAM PAR 'DUS BYAS DANG 'DUS MA BYAS PA'I CHOS THAMS CAD DNGOS PO MED PAS DE GNYIS GANG GI MTHA' LA YANG MI GNAS SHING DE LTAR MTHA' GNYIS MED PAS DE GNYIS KYI DBUS KYANG MED PA'I PHYIR, DBUS NA YANG MI GNAS PA DE NI BYANG CHUB SEMS DPA'I SHES RAB KYI PHA ROL TU PHYIN PA YIN NO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR SHIN TU RNAM PAR DAG PA'I PHYIR RO ZHES BYA BA NI MTHA' GNYIS LA GNAS PA'I RNAM PAR RTOG PA MED PAS RNAM PAR DAG PA'I PHYIR RO ZHES BYA BA'I DON TO, , GSOL PA, BCOM LDAN 'DAS CI'I SLAD DU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, TSU ROL GYI 'GRAM MAM, PHA ROL GYI 'GRAM MAM, GNYIS KA'I DBUS NA MI GNAS SHING SHIN TU RNAM PAR DAG PA LAGS ZHES BYA BA NI GONG DU MDOR SMOS PA'I DON DE NYID BCOM LDAN 'DAS KYIS BKA' STZAL NA, 'KHOR RNAMS BRTAN PAR YID CHES PAR 'GYUR BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DUS GSUM MNYAM PA NYID KYI PHYIR RO ZHES BYA BA NI CHOS THAMS CAD RANG BZHIN @46B GYIS STONG ZHING SKYE BA DANG, 'GAG PA MED PA LA 'DAS PA DANG, MA 'ONGS PA DANG, DA LTAR BYUNG BA'I DUS KYANG MED DE, DE LTAR DUS GSUM MNYAM PA NYID DANG 'DUS BYAS DANG 'DUS MA BYAS GNYIS KA YANG STONG PA NYID DU RO GCIG STE MNYAM PA NYID KYI PHYIR BYANG CHUB SEMS DPA'I SHES RAB KYI PHA ROL TU PHYIN PA 'DI TSU ROL DANG PHA ROL DANG GNYIS KA'I DBUS NA YANG MI GNAS SO ZHES BSTAN PA'O, ,GSOL PA, BCOM LDAN 'DAS GAL TE BYANG CHUB SEMS DPA'I THEG PA PA'I RIGS KYI BU'AM RIGS KYI BU MO THABS MI MKHAS PAS, SHES RAB KYI PHA ROL TU PHYIN PA 'DI LA DMIGS PA'I TSUL DU 'DU SHES SU BGYID PA NI SHES RAB KYI PHA ROL TU PHYIN PA GSOG TU 'BYIN PA'O, ,SHES RAB KYI PHA ROL TU PHYIN PA RING DU SPONG BA'O ZHES BYA BA NI CHAGS PA DANG MA CHAGS PA BSTAN PA'I SGO NAS SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'I SKABS DBYE BA'I PHYIR RAB 'BYOR GYIS GSOL PA STE, SHES RAB KYI PHA ROL TU PHYIN PA SHIN TU RNAM PAR DAG CING DMIGS PA MED PA DANG, MTSAN MA MED PA LA DMIGS PA'I TSUL DU RTOG CING SHES PAR BYED NA DE SHES RAB KYI PHA ROL TU PHYIN PA LA SUN 'BYIN CING SNYING PO MED PAR BYED PA YIN LA, SHES RAB KYI PHA ROL TU PHYIN PA'I DON DANG MI MTHUN PAS SHES RAB KYI PHA ROL TU PHYIN PA RING DU SPONG BA YIN NO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN TE, RAB 'BYOR LEGS SO LEGS SO, ,RAB 'BYOR DE NI MING DU YANG CHAGS PA YIN MTSAN MAR YANG CHAGS PA YIN NO ZHES BYA BA NI GONG DU RAB 'BYOR GYIS SHES RAB KYI PHA ROL TU PHYIN PA LA DMIGS PA'I TSUL DU 'DU SHES NA SHES RAB KYI PHA ROL TU PHYIN PA GSOG TU 'BYIN CING RING DU SPONG BA YIN PAR BSHAD PA DE DE BZHIN TE LEGS SO ZHES BSTOD NAS, DE LTAR DMIGS PA'I TSUL DU 'DU SHES SU BYED NA CHOS THAMS CAD LA MING DANG MTSAN MAR 'DZIN CING CHAGS PA'I SKYON DU YANG 'GYUR RO ZHES BSTAN PA'O, ,GSOL PA, BCOM LDAN 'DAS JI LTAR NA MING DU YANG CHAGS SHING MTSAN MAR YANG CHAGS PA LAGS ZHES BYA BA NI MING DANG @47A *, ,MTSAN MAR 'DZIN CING CHAGS PA'I DON GONG DU MDOR BSHAD PA DE ZHIB TU BSHAD PA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA RIGS KYI BU'AM RIGS KYI BU MO BYANG CHUB SEMS DPA'I THEG PA PA SHES RAB KYI PHA ROL TU PHYIN PA LA MING DU 'DZIN TAM MTSAN MAR 'DZIN NA ZHES BYA BA NAS, DE SHES RAB KYI PHA ROL TU PHYIN PAS RLOM SEMS SU BYED CING, SHES RAB KYI PHA ROL TU PHYIN PA LA CHAGS PAS SHES RAB KYI PHA ROL TU PHYIN PA GSOG TU 'BYIN TO, ,SHES RAB KYI PHA ROL TU PHYIN PA RING DU SPONG NGO ZHES BYA BA'I BAR DU NI SHES RAB KYI PHA ROL TU PHYIN PA LA DMIGS PA'I TSUL DU 'DU SHES SU BYED NA MING DANG MTSAN MAR 'DZIN PAS SHES RAB KYI PHA ROL TU PHYIN PA'I DON DANG MI MTHUN PA'I PHYIR SHES RAB KYI PHA ROL TU PHYIN PA GSOG TU 'BYIN CING RING DU SPONG BA YIN PAR BSTAN PA DANG, DE LTAR MING DANG MTSAN MAR 'DZIN PA NYID YANG DAG PA YIN GYI GZHAN NI LOG PA YIN NO ZHES DON DE NYID BSNYEMS SHING RLOM SEMS SU BYED NA YANG SHES RAB KYI PHA ROL TU PHYIN PA GSOG TU 'BYIN CING RING DU SPONG BA YIN NO ZHES BSTAN PA'O, ,RAB 'BYOR GYIS GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO RNAMS LA SHES RAB KYI PHA ROL TU PHYIN PA 'DI YANG DE LTAR LEGS PAR BSHAD CING LEGS PAR BSTAN PA LA CHAGS PA DANG MA CHAGS PA DE DAG KYANG MCHIS PA NGO MTSAR CHE'O ZHES BYA BA NI CHAGS PA DANG MA CHAGS PA'I MTSAN NYID 'OG NAS ZHIB TU BSHAD PA'I SKABS DBYE BA'I PHYIR RAB 'BYOR GYIS GSOL PA STE, SHES RAB KYI PHA ROL TU PHYIN PA'I DON DANG SBYAR NA DON DAM PAR CHAGS PA DANG MA CHAGS PA YANG BRJOD DU MED PA'I RIGS PA LAS KUN RDZOB TU 'DI DAG NI CHAGS PA'O, ,'DI DAG NI MA CHAGS PA'O ZHES SO SOR PHYE STE BSHAD PA NGO MTSAR CHE STE LEGS SO ZHES GSOL PA'O, ,DE NAS TSE DANG LDAN PA SHA RA DVA TI'I BUS TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS, RNAM PA THAMS CAD MKHYEN PA NYID STONG PA ZHES BYA BAR 'DU SHES NA CHAGS PA'O ZHES BYA BA'I BAR DU NI SH'A RI'I BUS RAB 'BYOR LA CHAGS PA @47B DANG MA CHAGS PA'I MTSAN NYID GANG YIN PA DRIS PA DANG, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS LA DMIGS PA DANG BCAS SHING MTSAN MA DANG BCAS PA'I TSUL GYIS STONG PA ZHES BYA BAR 'DU SHES NA YANG STONG PA'I MTHA' LA CHAGS PA YIN NO ZHES BSTAN PA'O, ,TSE DANG LDAN PA SHA RA DVA TI'I BU GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO THABS MI MKHAS PAS 'DAS PA'I CHOS RNAMS LA 'DAS PA'I CHOS ZHES BYA BAR 'DU SHES NA CHAGS PA'O ZHES BYA BA NAS, RNAM PA THAMS CAD MKHYEN PA NYID LA SPYOD NA CHAGS PA'O ZHES BYA BA'I BAR DU NI DUS GSUM GYI CHOS RNAMS DMIGS PA'I TSUL GYIS YOD PAR 'DZIN PA DANG, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID KYI BAR DU RNAM PAR BYANG BA'I CHOS RNAMS LA DMIGS PA DANG BCAS SHING MTSAN MA DANG BCAS PA'I TSUL GYIS SPYOD NA YANG YOD PA'I MTHA' LA CHAGS PA YIN NO ZHES BSTAN PA'O, ,TSE DANG LDAN PA SHA RA DVA TI'I BU GANG YANG 'DI SKAD DU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA RNAMS KYI CHAGS PA MED PA GANG ZHES ZER BA NI ZHES BYA BA NAS, TSE DANG LDAN PA SHA RA DVA TI'I BU DE DAG NI BYANG CHUB SEMS DPA' SEMS DPA' CHEN PO THABS MKHAS PA SHES RAB KYI PHA ROL TU PHYIN PA LA SPYOD PA'I TSE CHAGS PA MED PA DAG GO ZHES BYA BA'I BAR DU NI PHUNG PO LNGA DANG DUS GSUM LA DMIGS PA'I TSUL GYIS MTSAN MAR MI 'DZIN PA DANG, PHA ROL TU PHYIN PA DRUG LA SOGS PA BYANG CHUB SEMS DPA'I SPYOD PA RNAMS STONG PA NYID BCVA BRGYAD DANG SBYAR TE, DE DAG LA DMIGS PA DANG BCAS PAS MTSAN MAR MI 'DZIN CING 'KHOR GSUM YONGS SU DAG PAR SPYOD PA NI CHAGS PA MED PA YIN NO ZHES BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS CHAGS PA DE DAG LA CHAGS PAR GYUR NA, CHAGS PA MED PA'I SHES RAB KYI PHA ROL TU PHYIN PA LA SPYOD PAR MI NUS SO ZHES BYA BA'I BAR DU NI GONG DU YOD PA DANG MED PA'I @48A *, ,MTHA' LA CHAGS PA'I MTSAN NYID BSTAN PA'I DON DE NYID 'KHOR RNAMS LA RNAM PA GZHAN GYIS ZHIB TU BSTAN PA'I PHYIR CHAGS PA'I MTSAN NYID BRGYA BYIN GYIS RAB 'BYOR LA DRIS PA DANG, RAB 'BYOR GYIS BYANG CHUB KYI SEMS DANG PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD LA DMIGS PA DANG BCAS SHING MTSAN MA DANG BCAS PAR 'DU SHES NA YANG BYANG CHUB SEMS DPA'I CHAGS PA YIN TE, DE LTAR CHAGS PAR GYUR NA SHES RAB KYI PHA ROL TU PHYIN PA'I DON DANG MI MTHUN PAS CHAGS PA MED PA'I SHES RAB KYI PHA ROL TU PHYIN PA LA SPYOD PAR MA NUS SO ZHES CHAGS PA'I NYES DMIGS DANG BCAS PAR BSTAN PA'O, ,DE CI'I PHYIR ZHE NA, DE NI KOO SHI KA GZUGS KYI RANG BZHIN YONGS SU BSNGO BAR MI NUS SO ZHES BYA BA NAS RNAM PA THAMS CAD MKHYEN PA NYID KYI RANG BZHIN YONGS SU BSNGO BAR MI NUS SO ZHES BYA BA'I BAR DU NI CHAGS PA DANG BCAS SHING 'DU SHES DANG BCAS PA'I YONGS SU BSNGO BA MI RIGS PA'I GTAN TSIGS BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR RANG BZHIN GYIS STONG STE, STONG PA'I RANG BZHIN LA DMIGS PA DANG BCAS PA'I 'DU SHES KYIS YONGS SU BSNGO BA MED DO ZHES BSTAN PA'O, ,KOO SHI KA GZHAN YANG BYANG CHUB SEMS DPA' SEMS DPA' CHEN POS GZHAN ZHIG BLA NA MED PA YANG DAG PAR RDZOGS PA'I BYANG CHUB TU YANG DAG PAR BSTAN TAM ZHES BYA BA NAS; DE LTAR NA RIGS KYI BU'AM RIGS KYI BU MO DES CHAGS PA'I MTHA' THAMS CAD YONGS SU SPANGS PA YIN NO ZHES BYA BA'I BAR DU NI DE LTAR SHES RAB KYI PHA ROL TU PHYIN PA ZAB MO 'DI LA BDAG NYID CHAGS PA MED PAR BYA BA BSTAN NAS, GZHAN LA CHOS STON PA'I TSE YANG CHAGS PA MED PAR BSTAN CING BSKUL BA'I THABS BSTAN PA STE, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS RNAMS LA SPYOD PA'I TSE CI NAS KYANG BDAG CHOS DE RNAMS LA SPYOD DO SNYAM DU SEMS PA'I RNAM PAR @48B RTOG PA DE LTA BU MI 'BYUNG BAR GZHAN RNAMS LA YANG DAG PAR BSTAN CING YANG DAG PAR BSKUL BA DANG, YANG DAG PAR SPRO BA BSKYED PA DANG, YANG DAG PAR DGA' BA BSKYED PAR BYA'O ZHES BSTAN PA STE, DE LA YANG DAG PAR BSTAN PA NI BLA NA MED PA YANG DAG PAR RDZOGS PA'I BYANG CHUB TU 'JUG PA'I LAM MI SHES PA LA LAM PHYIN CI MA LOG PAR BSTAN PA'O, ,YANG DAG PAR BSKUL BA NI LAM LOG PAR ZHUGS PA RNAMS KYI KHA LO SGYUR ZHING 'CHOS PA'O, ,YANG DAG PAR SPRO BA BSKYED PA NI BLA NA MED PA YANG DAG PAR RDZOGS PA'I BYANG CHUB THOB TU MI RE ZHING SEMS ZHUM PA RNAMS LA GZENGS BSTOD CING SPRO BA BSKYED PA'O, ,YANG DAG PAR DGA' BAR BYA BA NI BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA RNAMS BSNGAGS SHING BSTOD NAS DGA' BAR BYED PA'O, ,YANG DAG PA'I RJES SU SONG BA'I YID KYIS ZHES BYA BA NI DMIGS PA DANG, MTSAN MAR 'DZIN PA'I RNAM PAR RTOG PA MED PA'I SEMS KYIS GZHAN LA BSTAN PAR BYA'O ZHES BYA BA'I DON TO, ,RMA BYUNG BAR MI 'GYUR ZHING SANGS RGYAS KYIS GNANG BA'I YANG DAG PAR BSKUL BAS YANG DAG PAR BSKUL BA YIN TE ZHES BYA BA NI DE LTAR RNAM PAR BYANG BA'I CHOS RNAMS LA SPYOD PA'I TSE, CHOS DE RNAMS LA SPYOD PA'I RNAM PAR RTOG PA MI 'BYUNG BAR GZHAN RNAMS LA CHOS BSTAN NA SKYON DU MI 'GYUR ZHING SANGS RGYAS BCOM LDAN 'DAS KYI BSTAN PA DANG MTHUN PAR YANG DAG PAR STON CING BSKUL BA YIN NO ZHES BYA BA'I DON TO, ,DE LTAR NA RIGS KYI BU'AM RIGS KYI BU MO DES CHAGS PA'I MTHA' THAMS CAD YONGS SU SPANGS PA YIN NO ZHES BYA BA NI DE LTAR GONG DU SMOS PA'I TSUL DU YANG DAG PAR BSTAN NA DMIGS PA DANG BCAS SHING MTSAN MA DANG BCAS PAR LTA BA'I SKYON DANG, YOD PA DANG MED PA'I MTHA' LA CHAGS PA'I SKYON THAMS CAD YONGS SU SPANGS PA YIN NO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA LEGS SO ZHES BYA BA GNANG STE, RAB 'BYOR DE LTAR KHYOD BYANG CHUB SEMS DPA' SEMS DPA' @49A *, ,CHEN PO RNAMS LA CHAGS PA'I RNAM PA DE LTA BU DAG STON PA LEGS SO LEGS SO ZHES BYA BA NI GONG DU RAB 'BYOR GYIS CHAGS PA MED PA'I DON BSTAN PA LA, 'KHOR RNAMS BRTAN PAR YID CHES PAR BYA BA'I PHYIR BCOM LDAN 'DAS KYIS RJES SU YI RANGS NAS LEGS SO ZHES BYA BA GNANG BA BSTAN PA'O, ,RAB 'BYOR DE BAS NA KHYOD LA CHAGS PA'I RNAM PA DE BAS KYANG PHRA BA DAG BSTAN PAR BYAS ZHES BYA BA LA SOGS PA NI DE BZHIN GSHEGS PA LA SOGS PA LA MTSAN MAR YID LA BYED PA YANG BYANG CHUB SEMS DPA'I CHAGS PA YIN TE, CHAGS PA GONG DU BSHAD PA PAS KYANG ZAB CING PHRA BA DAG BSHAD PAR BYAS NYON CIG CES SKABS PHYE BA'O, ,RAB 'BYOR 'DI LA RIGS KYI BU'AM RIGS KYI BU MO BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA ZHES BYA BA NAS, GANG YANG DE BZHIN GSHEGS PA'I NYAN THOS DE DAG DANG, DE MA YIN PA'I SEMS CAN GZHAN RNAMS KYI DGE BA'I RTZA BA GANG JI SNYED PA DE DAG THAMS CAD KYANG MTSAN MAR BYA STE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO NA, RAB 'BYOR JI TZAM DU MTSAN MAR YID LA BYED PA DE TZAM DU CHAGS PA'O ZHES BYA BA'I BAR DU NI DE BZHIN GSHEGS PA RNAMS KYI YON TAN DANG, MTSAN DANG, DPE BYAD LA SOGS PA LA MTSAN MAR 'DZIN CING YID LA BYED PA DANG, DUS GSUM GYI SANGS RGYAS BCOM LDAN 'DAS RNAMS KYI DGE BA'I RTZA BA RNAMS LA MTSAN MAR YID LA BYED CING BLA NA MED PA YANG DAG PAR RDZOGS PA'I BYANG CHUB TU BSNGO BA DANG, 'PHAGS PA NYAN THOS DANG, SO SO'I SKYE BO RNAMS KYI DGE BA'I RTZA BA RNAMS LA MTSAN MAR BYA STE, BLA NA MED PA'I BYANG CHUB TU YONGS SU BSNGO BA RNAMS BYANG CHUB SEMS DPA'I CHAGS PA YIN NO ZHES BSTAN PA'O, ,DE CI'I PHYIR ZHE NA, DE BZHIN GSHEGS PA DE DAG NI MTSAN MAR YID LA BYA BA MA YIN TE, DE BZHIN GSHEGS PA DE DAG GI DGE BA'I RTZA BA YANG MTSAN MAR YID LA BYA BA MA YIN NO ZHES BYA BA NI MTSAN MAR YID LA BYA BA'I MI RIGS PA'I GTAN TSIGS BSTAN PA STE, DE BZHIN GSHEGS @49B PA RNAMS DANG, DE BZHIN GSHEGS PA'I DGE BA'I RTZA BA RNAMS DON DAM PAR DNGOS PO YOD PAR MA GRUB PAS MTSAN MAR YID LA BYAR MED DO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA NI ZAB BO ZHES BYA BA NI GONG DU BSHAD PA'I TSUL DU MTSAN MAR YID LA BYED PA THAMS CAD CHAGS PA YIN PAR BSHAD PA'I DON ZAB MO RAB 'BYOR GYIS RTOGS NAS, 'KHOR THAMS CAD KYIS KYANG SHES RAB KYI PHA ROL TU PHYIN PA ZAB PAR YID CHES PAR BYA BA'I PHYIR SHES RAB KYI PHA ROL TU PHYIN PA NI ZAB BO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR CHOS THAMS CAD RANG BZHIN GYIS RNAM PAR DBEN PA'I PHYIR RO ZHES BYA BA NI DON DAM PAR CHOS THAMS CAD RANG BZHIN GYIS STONG PAS MTSAN MAR 'DZIN PA LA SOGS PA'I SKYON GANG GIS KYANG MA CHAGS MA GOS TE YONGS SU DAG CING DBEN PA'I PHYIR ZAB BO ZHES BYA BA'I DON TO, ,GSOL PA, BCOM LDAN 'DAS SHES RAB KYI PHA ROL TU PHYIN PA LA PHYAG 'TSAL LO ZHES BYA BA NI DE LTAR SHES RAB KYI PHA ROL TU PHYIN PA'I DON ZAB MO BCOM LDAN 'DAS KYIS BSHAD PA LA RAB 'BYOR DAD PA SKYES NAS, 'KHOR GZHAN RNAMS KYANG DAG PA BSKYED PA'I PHYIR GUS SHING RIM GRO BSKYED PA BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SHES RAB KYI PHA ROL TU PHYIN PA MA BYAS MNGON PAR 'DUS MA BYAS PA STE ZHES BYA BA NI DON DAM PAR SHES RAB KYI PHA ROL TU PHYIN PA RANG BZHIN GYIS STONG PAS RGYU DANG RKYEN GANG GIS KYANG MA BYAS SHING MA BSKYED LA, BSOD NAMS DANG BSOD NAMS MA YIN PA'I DNGOS POS YONGS SU DAG PA DANG MA DAG PAR MNGON PAR 'DU BYA ZHING BCOS SU YANG MED DO ZHES BYA BA'I DON TO, ,DE NI SUS KYANG MNGON PAR 'TSANG RGYA BAR BYA BAR MI NUS SO ZHES BYA BA NI MNGON PAR SANGS RGYAS PAR BYED PA'I SANGS RGYAS DANG, BYANG CHUB SEMS DPA' DANG, MNGON PAR SANGS RGYAS PAR BYA BA'I SHES RAB KYI PHA ROL TU PHYIN PA NYID KYANG RANG BZHIN GYIS STONG PAS SHES PAR BYA BA DANG, SHES PAR BYED PA GNYIS KA MED PA'I PHYIR SUS KYANG MNGON PAR SANGS RGYAS PAR BYA @50A *, ,MI NUS SO ZHES GSUNGS SO, ,GSOL PA, BCOM LDAN 'DAS CHOS THAMS CAD NI MNGON PAR SANGS MA RGYAS PA'O ZHES BYA BA NI SHES RAB KYI PHA ROL TU PHYIN PA 'BA' ZHIG MNGON PAR 'TSANG RGYA BAR BYA BAR MI NUS PAR MA ZAD KYI, CHOS THAMS CAD KYANG DON DAM PAR RANG BZHIN GYIS STONG PAS SHES PAR BYED PA DANG, SHES PAR BYA BA GNYIS KA MED PA'I PHYIR MNGON PAR SANGS MA RGYAS PA'O ZHES BSHAD PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR CHOS KYI RANG BZHIN NI GNYIS MA YIN TE, RAB 'BYOR CHOS KYI RANG BZHIN NI GCIG TU ZAD DO ZHES BYA BA NI CHOS THAMS CAD DE BZHIN DU RO GCIG STE, DON DAM PAR STONG PA NYID KYI RANG BZHIN DU ZAD PAS SHES PAR BYAD PA DANG, SHES PAR BYA BA GNYIS SU DBYER MED DO ZHES BYA BA'I DON TO, ,RAB 'BYOR CHOS KYI RANG BZHIN GCIG PO GANG YIN PA DE NI RANG BZHIN MA YIN NO ZHES BYA BA NI GONG DU CHOS RANG BZHIN NI GCIG TU ZAD DO ZHES BSHAD PA LA KHA CIG DE BZHIN NYID DAM STONG PA NYID KYI RANG BZHIN GCIG PU ZHIG YOD PAR 'DZIN PA BSAL BA'I PHYIR DE YANG DON DAM PAR RANG BZHIN YOD PA MA YIN NO ZHES BSTAN PA'O, ,GANG RANG BZHIN MA YIN PA DE NI MA BYAS PA'O ZHES BYA BA NI DE LTAR DON DAM PAR RANG BZHIN YOD PA MA YIN PA DE NI RGYU DANG RKYEN GYIS BSKYED PA MA YIN NO ZHES BYA BA'I DON TO, ,GANG MA BYAS PA DE NI MNGON PAR 'DUS MA BYAS PA'O ZHES BYA BA NI DE LTAR RGYU DANG RKYEN GYIS MA BSKYED CING DNGOS PO MED PA DE LA NI BSOD NAMS DANG BSOD NAMS MA YIN PAS BZANG PO DANG NGAN PAR BCOS SHING MNGON PAR 'DU BYAR YANG MED DO ZHES BSTAN PA'O, ,RAB 'BYOR DE LTAR BYANG CHUB SEMS DPA' SEMS DPA' CHEN POS CHOS KYI RANG BZHIN GCIG PO RANG BZHIN MA YIN PA MA BYAS PA, MNGON PAR 'DU MA BYAS PA SHES NA CHAGS PA'I RNAM PA THAMS CAD YONGS SU SPANGS PA YIN NO ZHES BYA BA NI DE LTAR GONG DU BSHAD PA'I TSUL DU CHOS THAMS CAD STONG PA NYID DU RO GCIG STE, MA BYAS SHING MNGON PAR 'DU MA BYAS PAR SHES NA, MTSAN MA DANG DMIGS PA DANG BCAS PA'I SKYON THAMS CAD SPANGS PA YIN @50B NO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA NI RTOGS PAR DKA' BA'O ZHES BYA BA NI SHES RAB KYI PHA ROL TU PHYIN PA'I DON ZAB MO DMIGS PA CAN RNAMS KYI SPYOD YUL MA YIN NO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SHES RAB KYI PHA ROL TU PHYIN PA NI SUS KYANG MA MTHONG, MA THOS MA RTOGS, RNAM PAR MA SHES MNGON PAR SANGS RGYAS PA'I PHYIR RO ZHES BYA BA NI SHES RAB KYI PHA ROL TU PHYIN PA DON DAM PAR DNGOS PO MED PAS MIG GI RNAM PAR SHES PAS MTHONG BAR BYA BA YANG MA YIN; RNA BA'I RNAM PAR SHES PAS THOS PAR BYA BA YANG MA YIN, SNA DANG, LCE DANG, LUS KYI RNAM PAR SHES PAS RTOGS PAR BYA BA YANG MA YIN, YID KYI RNAM PAR SHES PAS RNAM PAR SHES PAR BYA BA YANG MA YIN, GNYIS SU MED PA'I YE SHES KYIS MNGON PAR SANGS RGYAS PAR BYA BA YANG MA YIN PA'I PHYIR RTOGS PAR DKA' BA YIN NO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA NI BSAM GYIS MI KHYAB PA'O ZHES BYA BA NI DE LTAR SHES RAB KYI PHA ROL TU PHYIN PA DON DAM PAR DNGOS PO MED PAS MTHONG ZHING THOS PA LA SOGS PAS MNGON SUM DU BYAR MI RUNG YANG, SEMS KYIS RJES SU DPAG TU MED DAM SNYAM DU SEMS DPA'I THE TSOM BSAL BA'I PHYIR BSAM GYIS MI KHYAB PA'O ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SEMS KYIS MA SHES SO ZHES BYA BA NAS, RNAM PA THAMS CAD MKHYEN PA NYID KYIS MA SHES SO ZHES BYA BA'I BAR DU NI SHES RAB KYI PHA ROL TU PHYIN PA 'DI BSAM GYIS MI KHYAB PA'I DON ZHIB TU BSHAD PA STE, SEMS DANG GZUGS LA SOGS PA RNAM PA THAMS CAD MKHYEN PA NYID LA THUG GI BAR GYIS CHOS THAMS CAD KYIS SHES PAR BYA BA'I YUL MA YIN PA'I PHYIR BSAM GYIS MI KHYAB PA'O ZHES BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U NYI SHU BRGYAD PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES @51A *, ,GSOL TO, ,BCOM LDAN 'DAS SHES RAB KYI PHA ROL TU PHYIN PA NI BGYID PA MA MCHIS PA'O ZHES BYA BA NI SHES RAB KYI PHA ROL TU PHYIN PA RNAM PAR MI RTOG CING CI YANG BYED PA MA YIN PA BSTAN PA'I SGO NAS ZAB CING MOS PAR DKA' BA BSTAN PA STE, DON DAM PAR SHES RAB KYI PHA ROL TU PHYIN PA NYID KYANG RANG BZHIN GYIS STONG STE, DNGOS PO MED PAS BYED PA PO'I RANG BZHIN MA YIN LA, CHOS THAMS CAD KYANG RANG BZHIN GYIS STONG PAS BYA BA'I DNGOS PO MA YIN TE, DE LTAR BYA BA DANG BYED PA GNYIS KA DON DAM PAR YOD PAR MA GRUB PAS CIS KYANG MI BYED PA'O ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR BYED PA PO MI DMIGS PA'I PHYIR RO ZHES BYA BA NI SHES RAB KYI PHA ROL TU PHYIN PA DON DAM PAR RANG BZHIN GYIS STONG PAS BYED PA PO'I DNGOS PO DMIGS SU MED PA'I PHYIR CI YANG MI BYED PA YIN NO ZHES BSTAN PA'O, ,RAB 'BYOR DE BZHIN DU GZUGS MI DMIGS PA DANG ZHES BYA BA NAS, RNAM PA THAMS CAD MKHYEN PA NYID MI DMIGS PA'I PHYIR RO ZHES BYA BA'I BAR DU NI GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD DON DAM PAR RANG BZHIN GYIS STONG PAS BYA BA'I DNGOS POR YOD PA MA YIN PA'I PHYIR SHES RAB KYI PHA ROL TU PHYIN PA CI YANG BYED PA MA YIN PA ZHES BSTAN PA'O, ,GSOL PA, BCOM LDAN 'DAS 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS, RNAM PA JI LTAR SPYAD PAR BGYI ZHES BYA BA NI DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA BYED PA PO'I DNGOS POR YANG MED LA, BYA BA'I DNGOS POR YANG MED NA BYANG CHUB SEMS DPA' SHES RAB KYI PHA ROL TU PHYIN PA LA SPYOD PAS THABS JI LTAR SPYAD PAR BGYI ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS LA MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NAS, DE CI'I PHYIR ZHE NA, GANG RTAG PA'AM MI RTAG PA'AM, BDE @51B BA'AM, SDUG BSNGAL BA'AM, BDAG GAM, BDAG MED PA'AM, SDUG PA'AM MI SDUG PAR 'GYUR BA DE LTA BU'I RNAM PA THAMS CAD MKHYEN PA NYID MED DO ZHES BYA BA'I BAR DU NI SHES RAB KYI PHA ROL TU PHYIN PA LA JI LTAR SPYOD PA'I THABS BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS KYI RANG BZHIN LA SPYIR YANG MTSAN MAR 'DZIN CING MI SPYOD LA, KHYAD PAR DU YANG RTAG CES BYA BA'AM MI RTAG CES BYA BAR YANG MI SPYOD, BDE ZHES BYA BA'AM, SDUG BSNGAL ZHES BYA BAR YANG MI SPYOD, BDAG CES BYA BA'AM, BDAG MED CES BYA BAR YANG MI SPYOD, SDUG CES BYA BA'AM MI SDUG CES BYA BAR MI SPYOD NA, GDOD SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE ZHES BYA BA LA SOGS PAS KYANG SHES RAB KYI PHA ROL TU PHYIN PA LA SPYOD PA'I THABS BSTAN PA STE, GAL TE GZUGS YONGS SU MA RDZOGS SO ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NI KUN BRTAGS PA'I GZUGS DNGOS PO YOD PAR MA GRUB PAS YONGS SU GRUB PA MA YIN NO ZHES BYA BAR RNAM PAR RTOG PA YANG MED NA, GDOD SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,DE CI'I PHYIR ZHE NA, GZUGS YONGS SU MA RDZOGS PA GANG YIN PA DE GZUGS MA YIN NO ZHES BYA BA DE LTAR YANG MI SPYOD NA, SHES RAB KYI PHA ROL TU PHYIN PA LA SPYOD DO ZHES BYA BA NI DE LTAR KUN BRTAGS PA'I GZUGS YONGS SU MA GRUB CING, YANG DAG PA MA YIN PA DE DON DAM PAR GZUGS KYI DNGOS PO YOD PA MA YIN NO ZHES BYA BAR YANG RNAM PAR MI RTOG NA, GDOD SHES RAB KYI PHA ROL TU PHYIN PA'I DON ZAB MO RTOGS SHING, SHES RAB KYI PHA ROL TU PHYIN PA LA SPYOD PAR CHUD DO ZHES BSTAN PA STE, DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG SBYAR BAR BYA'O, ,GSOL PA, BCOM LDAN 'DAS DE LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, BYANG @52A *, ,CHUB SEMS DPA'I THEG PA PA'I RIGS KYI BU'AM RIGS KYI BU MO RNAMS LA CHAGS PA DANG MA CHAGS PA LEGS PAR BSTAN PA 'DI NGO MTSAR TO ZHES BYA BA NI GONG DU BCOM LDAN 'DAS KYIS SHES RAB KYI PHA ROL TU PHYIN PA 'DI DON ZAB MO CHAGS PA DANG MA CHAGS PA'I RNAM PAR RTOG PA'I MTHA' GNYIS SPANGS PA BSHAD PA LEGS SO ZHES BSTOD PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,RAB 'BYOR DE DE BZHIN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, BYANG CHUB SEMS DPA'I THEG PA PA'I RIGS KYI BU DANG RIGS KYI BU MO RNAMS LA CHAGS PA DANG MA CHAGS PA LEGS PAR BSTAN TO ZHES BYA BA NI RAB 'BYOR GYIS GSOL PA'I TSIG 'KHOR THAMS CAD KYIS BSTAN PAR YID CHES PAR BYA BA'I PHYIR DE BDEN NO ZHES BKA' STZAL PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS CHAGS PA'AM MA CHAGS PA ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NAS, GAL TE RNAM PA THAMS CAD MKHYEN PA NYID CHAGS MA'AM MA CHAGS PA ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA'I BAR DU NI GZUGS LA SOGS PA'I CHOS THAMS CAD RANG BZHIN GYIS STONG PAS CHAGS PAR BYA BA'I GNAS KYANG MA YIN NO SNYAM MAM CHAGS PA MED PA'I RANG BZHIN NO SNYAM DU YANG MI SEMS SHING RNAM PAR MI RTOG NA GDOD SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO DE LTAR SPYOD NA GZUGS CHAGS PA'AM MA CHAGS PA ZHES BYA BAR 'DU SHES PA MED DO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB CHAGS PA'AM MA CHAGS PA ZHES BYA BAR 'DU SHES PA MED DO ZHES BYA BA'I BAR DU NI DE LTAR GONG DU BSHAD PA'I TSUL DU CHOS THAMS CAD LA CHAGS PA DANG MA CHAGS PA ZHES BYA BAR RNAM PAR RTOG PA MED PAR SHES RAB KYI PHA ROL TU PHYIN PA'I DON ZAB MO BSGOMS NA, DE'I YON TAN @52B GZUGS LA SOGS PA'I CHOS THAMS CAD LA CHAGS PA DANG MA CHAGS PA ZHES BYA BAR MTSAN MAR 'DZIN PA DANG 'DU SHES SKYE BAR MI 'GYUR RO ZHES BSTAN PA'O, ,GSOL PA, BCOM LDAN 'DAS DE LTAR CHOS ZAB MO 'DI BSTAN KYANG YONGS SU MI 'GRIB, MA BSTAN KYANG YONGS SU MI 'GRIB, BSTAN KYANG MI 'PHEL, MA BSTAN KYANG MI 'PHEL BA NGO MTSAR CHE'O ZHES BYA BAS NI SHES RAB KYI PHA ROL TU PHYIN PA'I DON ZAB MO 'DI DE BZHIN NYID KYI RANG BZHIN MI 'GYUR BA YONGS SU GRUB PA YIN PAR BSTAN PA STE, DE LA BSTAN KYANG YONGS SU MI 'GRIB CES BYA BA NI SHES RAB KYI PHA ROL TU PHYIN PA ZAB MO DE BZHIN NYID KYI RANG BZHIN MI 'GYUR BA YONGS SU GRUB PA DE CHOS STON PAS NYAN PA RNAMS LA CHOS KYI SBYIN PA BYA STE, RNAM PA DU MAR BSTAN PAS KYANG DE BZHIN NYID LA 'BRI BA'AM GDOD PAR GYUR PA MED DO ZHES BYA BA'I DON TO, ,MA BSTAN KYANG YONGS SU MI 'GRIB CES BYA BA NI GZHAN LA MA BSTAN MA SPEL NA SUS KYANG MA MNYAN MA BSAM MA BSGOMS PAS NUB STE MED PAR YANG MI 'GYUR RO ZHES BSTAN PA'O, ,BSTAN KYANG MI 'PHEL ZHES BYA BA NI DE BZHIN NYID KYI RANG BZHIN CHOS ZAB MO MI 'GYUR BA YONGS SU GRUB PA YIN PAS SEMS CAN MANG PO LA BSTAN TE SPEL KYANG SEMS CAN RNAMS KYIS SO SOR RTOGS SHING GO BA TZAM DU ZAD KYI DE BZHIN NYID KYI RANG BZHIN LA NI 'PHEL ZHING RGYAS PAR 'GYUR BA MED DO ZHES BYA BA'I DON TO, ,MA BSTAN KYANG MI 'PHEL ZHES BYA BA NI DE BZHIN NYID NI MI 'GYUR BA YONGS SU GRUB PA YIN PAS, GZHAN LA MA BSTAN TE, MA GOD KYANG 'PHEL ZHING RGYAS PAR 'GYUR BA YANG MED DO ZHES BSTAN PA'O, ,BCOM LDAN 'DAS KYIS BKA' STZAL PA, DE DE BZHIN NO, ,RAB 'BYOR DE DE BZHIN TE ZHES BYA BA LA SOGS PA NI RAB 'BYOR GYIS GSOL PA'I TSIG DANG DON 'KHOR RNAMS KYIS BRTAN PAR YID CHES PAR BYA BA'I PHYIR BCOM LDAN 'DAS KYIS DE BDEN NO ZHES BKA' STZAL PA'O, ,RAB 'BYOR 'DI LTA STE DPER NA ZHES BYA BA NAS, RAB 'BYOR DE BZHIN DU CHOS RNAMS KYI CHOS NYID GANG YIN PA DE BSTAN KYANG DE BZHIN MA BSTAN KYANG DE BZHIN NO ZHES BYA BA'I BAR DU NI SHES RAB KYI PHA ROL TU PHYIN PA'I DON ZAB MO MI @53A *, ,'GYUR BA YONGS SU GRUB PA YIN PAS RKYEN GYI KHAR MA LAS PA'I DPE BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING ZHES BYA BA NAS, DKA' BA BGYID PA'O ZHES BYA BA'I BAR DU NI DE LTAR SHES RAB KYI PHA ROL TU PHYIN PA'I DON ZAB MO MI 'GYUR BA YONGS SU GRUB CING, RKYEN GYI KHAR MA LAS PA MOS PA DANG YID CHES PAR DKA' BA DE LTA BU LA SPYOD CING BSTAN PA'I TSE, SEMS ZHUM PA DANG G-YENG BAR YANG MI 'GYUR LA, BRTZON 'GRUS MI GTONG ZHING PHYIR MI LDOG PAR NUS PA'I NGO MTSAR CHE STE DKA' BA SPYOD PA YIN NO ZHES BSTAN PA'O, ,DE CI'I SLAD DU ZHE NA, BCOM LDAN 'DAS 'DI LTA STE, BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA BSGOMS PA 'DI NI NAM MKHA' BSGOM PA STE ZHES BYA BA NI SHES RAB KYI PHA ROL TU PHYIN PA'I DON ZAB MO BSGOM ZHING NYAMS SU LEN PA DKA' BA SPYOD PA'I GTAN TSIGS BSTAN PA STE, JI LTAR NAM MKHA' DNGOS PO MED CING MTSAN MA THAMS CAD DANG BRAL BA DE BZHIN DU SHES RAB KYI PHA ROL TU PHYIN PA'I DON ZAB MO 'DI YANG DNGOS PO MED CING MTSAN MA MED PA LA SPYOD CING BSGOM YANG SKYO ZHING YID 'BYUNG BAR MI 'GYUR BA DKA' BA SPYOD DO ZHES BYA BA'I DON TO, ,NAM MKHA' LA NI GZUGS MA MCHIS SO, ,TSOR BA MA MCHIS SO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB MA MCHIS SO ZHES BYA BA'I BAR DU NI NAM MKHA' LA DNGOS PO DANG, MTSAN MA MED PA'I GTAN TSIGS BSTAN PA STE, NAM MKHA' NI GZUGS LA SOGS PA BLA NA MED PA YANG DAG PAR RDZOGS PA'I BYANG CHUB LA THUG GI BAR DU CHOS DE DAG THAMS CAD KYI DNGOS PO MA YIN ZHING RANG BZHIN GYIS STONG STE, DE LTA BU RANG BZHIN GYIS STONG PA LA BSGOM PAR DKA' BA DE BZHIN DU SHES RAB KYI PHA ROL TU PHYIN PA LA BSGOM PA YANG DKA' BA SPYOD PA YIN NO ZHES BSTAN PA'O, ,BCOM LDAN 'DAS BYANG CHUB SEMS DPA' SEMS DPA' CHEN PO GANG GIS GO CHA 'DI 'TSAL BA DE DAG NI PHYAG BGYI BAR 'OS PA'O ZHES BYA BA NI GONG DU BSHAD PA'I TSUL DU @53B SHES RAB KYI PHA ROL TU PHYIN PA'I DON ZAB MO NAM MKHA' DANG 'DRA BA LA SPYOD CING BSGOM YANG SEMS ZHUM PAR MI 'GYUR ZHING PHYIR LDOG PAR MI 'GYUR LA, DKA' BA SPYOD PA DE LTA BU DKON ZHING NGO MTSAR CHE STE, GO CHA CHEN PO BGOS PA YIN PAS LHA DANG MI RNAMS KYIS MCHOD CING PHYAG BYA BAR 'OS PA YIN NO ZHES BSTAN PA'O, ,BCOM LDAN 'DAS GANG GIS GO CHA 'DI 'TSAL BA DE DAG NI NAM MKHA'I DON DU BRTZON PAR MOS 'BAD PAR MOS RTZOL BAR MOS PA DAG STE ZHES BYA BA NI SHES RAB KYI PHA ROL TU PHYIN PA'I DON ZAB MO BSGOM ZHING YID CHES PAR DKA' BA LA BSGOM YANG SEMS ZHUM PAR MI 'GYUR ZHING PHYIR MI LDOG PA'I GO CHA BGOS PA DE DAG DKA' BA SPYOD PA'I DPE NAM MKHA' LA RTZOL ZHING 'BAD PA DANG 'DRA BAR DKA' BA BSTAN PA'O, ,BCOM LDAN 'DAS GANG GIS SEMS CAN RNAMS KYI SLAD DU GO CHA 'TSAL BA DE DAG NI NAM MKHA' YONGS SU SMIN PAR 'TSAL ZHING YONGS SU GROL BAR 'TSAL BA'O ZHES BYA BA NI SEMS CAN YONGS SU SMIN PAR BYA BA DANG RNAM PAR GROL BAR BYA BA'I PHYIR BRTZON 'GRUS KYI GO CHA BGOS PA DE DAG KYANG DON DAM PAR SEMS CAN DNGOS PO MED DE, ,MA MKHA' DANG 'DRA BA LA YONGS SU SMIN PA DANG, RNAM PAR GROL BAR BYED PA NI NAM MKHA' YONGS SU SMIN PA DANG, RNAM PAR GROL BAR BYA BAR 'DOD DU ZAD DO ZHES BSTAN PA'O, ,BCOM LDAN 'DAS BYANG CHUB SEMS DPA' SEMS DPA' CHEN PO NAM MKHA' LTA BU'I CHOS RNAMS KYI SLAD DU GO CHA 'TSAL BA DE DAG NI GO CHA CHEN PO 'TSAL BA'O ZHES BYA BA NI YONGS SU SMIN PAR BYA BA DANG, RNAM PAR GROL BAR BYA BA'I SEMS CAN RNAMS DANG, MNGON PAR RTOGS PAR BYA BA DANG, THOB PAR BYA BA'I RNAM PAR BYANG BA'I CHOS RNAMS DANG, YONGS SU SPANG ZHING ZAD PAR BYA BA'I NYON MONGS PA'I PHYOGS SU GTOGS PA'I CHOS THAMS CAD DON DAM PAR DNGOS PO MED CING RANG BZHIN GYIS STONG STE, NAM MKHA' DANG 'DRA BA LA SEMS CAN RNAMS YONGS SU SMIN PA DANG, RNAM PAR GROL BAR BYA BAR BRTZON PA DANG RNAM PAR BYANG BA'I CHOS RNAMS MNGON PAR RTOGS SHING THOB PAR BYA BAR BRTZON PA DANG, NYON MONGS PA'I @54A *, ,PHYOGS SU GTOGS PA'I CHOS RNAMS YONGS SU SPANG ZHING ZAD PAR BYA BAR BRTZON PA'I BYANG CHUB SEMS DPA' DE DAG NI DKA' BA SPYOD PA STE, GO CHA CHEN PO BGOS PA YIN NO ZHES BSTAN PA'O, ,BCOM LDAN 'DAS SEMS CAN RNAMS KYI DON DU GO CHA 'TSAL BA DE DAG NI NAM MKHA' BAR SNANG LA GDEG PAR 'TSAL BA'O ZHES BYA BA YANG DON DAM PAR SEMS CAN DNGOS PO MED DE, NAM MKHA' DANG 'DRA BA LA SEMS CAN GYI DON BYA BAR RTZOL BA DE DAG KYANG DKA' BA SPYOD PA'O ZHES BSTAN PA'O, ,BCOM LDAN 'DAS BYANG CHUB SEMS DPA' SEMS DPA' CHEN PO GANG SEMS CAN RNAMS KYI SLAD DU BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA DE DAG NI BRTZON 'GRUS CHEN PO THOB PA'O ZHES BYA BA NI BYANG CHUB SEMS DPA' SEMS CAN GYI DON DU BLA NA MED PA YANG DAG PAR RDZOGS PA'I BYANG CHUB THOB PAR BYED PA YANG DON DAM PAR SEMS CAN DANG BLA NA MED PA'I BYANG CHUB GNYIS KA DNGOS PO MED DE, NAM MKHA' DANG 'DRA BA LA MI SKYO ZHING SLAR MI LDOG PAR RTZOL ZHING 'BAD PA NI GO CHA CHEN PO BGOS PA YIN NO ZHES BSTAN PA'O, ,BCOM LDAN 'DAS BYANG CHUB SEMS DPA' SEMS DPA' CHEN PO GANG SEMS CAN RNAMS KYI DON DU BLA NA MED PA YANG DAG PAR RDZOGS PA'I BYANG CHUB TU ZHUGS PA DE DAG NI GO CHA CHEN PO 'TSAL BA'O ZHES BYA BA NI BRTZON 'GRUS CHEN PO THOB PA'I DON GONG DU BSHAD PA NYID BSTAN PAR BYA BA'I PHYIR BSTAN PA'O, ,BCOM LDAN 'DAS BYANG CHUB SEMS DPA' SEMS DPA' CHEN PO GANG NAM MKHA' LTA BU'I CHOS RNAMS KYI SLAD DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'TSAL BA DE DAG NI DPA' BO BSAM GYIS MI KHYAB, MTSUNGS PA MA MCHIS PA'I GO CHA 'TSAL BA'O ZHES BYA BA NI GONG DU BRTZON 'GRUS CHEN PO BRTZAMS SHING GO CHA CHEN PO BGOS PA BSHAD PA'I DON MJUG BSDUS TE BSTAN PA'O, ,DE CI'I SLAD DU ZHE NA, BCOM LDAN 'DAS GAL TE STONG GSUM GYI STONG CHEN PO'I 'JIG RTEN GYI KHAMS 'DI LTA STE, DPER NA 'DAM BU'I TSAL LAM ZHES BYA BA NAS, BCOM LDAN 'DAS RNAM GRANGS DES @54B NA BDAG 'DI SKAD DU SEMS CAN RNAMS KYI SLAD DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'TSAL BA DE DAG NI, NAM MKHA' YONGS SU SMIN PAR BGYI BAR 'TSAL ZHING YONGS SU DGROL BAR 'CHAL BA LAGS ZHES MCHI'O ZHES BYA BA'I BAR DU NI GONG DU YANG SEMS CAN GYI DON DU BRTZON PA DE DAG NAM MKHA'I DON DU BRTZON DU ZAD DE DKA' BA SPYOD PA YIN NO ZHES BSHAD PA'I GTAN TSIGS DANG DPE BSTAN PA'O, ,DE NAS DGE SLONG GCIG CIG 'DI SNYAM DU GYUR TE ZHES BYA BA NAS, BCOM LDAN 'DAS MA SHES RAB KYI PHA ROL TU PHYIN PA LA PHYAG 'TSAL LO SNYAM PA DANG ZHES BYA BA'I BAR DU NI DON DAM PAR CHOS GANG LA YANG SKYE BA DANG 'GAG PA MED DU ZIN KYANG KUN RDZOB TU ZAG PA MED PA'I PHUNG PO LNGA LA SOGS PA RNAM PAR BYANG BA'I CHOS RNAMS MED PA YANG MA YIN TE, SEMS CAN RNAMS KYIS 'BAD CING RTZOL BA'I DON MED PAR MI 'GYUR ZHING THABS DANG SHES RAB TU LDAN PA'I SHES RAB KYI PHA ROL TU PHYIN PA LA BSTOD PA BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PAR RAB 'BYOR LA 'DI SKAD CES SMRAS SO ZHES BYA BA NAS, GANG SHES RAB KYI PHA ROL TU PHYIN PA 'DI LA BSLAB PAR SEMS PA DE NI MKHA' STONG PA LA BRTZON PA'O ZHES BYA BA'I BAR DU NI GONG DU KUN RDZOB ZAG PA MED PA'I PHUNG PO LNGA LA SOGS PA YOD PAR BSTAN PA LA CHAGS SHING MTSAN MAR 'DZIN PA BSAL BA'I PHYIR, DON DAM PAR CHOS THAMS CAD NAM MKHA' STONG PA DANG 'DRA BAR RIG PAR BYA'O ZHES BSTAN PA'O, ,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO ZHES BYA BA NAS, DE NI BSAM PA LTAR MI 'GRUB CING DUB PA'I SKAL BA CAN DU 'GYUR RO ZHES BYA BA'I BAR DU NI, SHES RAB KYI PHA ROL TU PHYIN PA'I DON ZAB MO JI SKAD DU BSTAN PA LA MOS SHING YID CHES LA, DMIGS PA DANG BCAS SHING MTSAN MA DANG BCAS PA'I 'DU SHES CAN DU MA GYUR NA, MI DANG MI MA YIN PA LA SOGS PAS GLAGS BTZAL BA'I DMIGS MED DE, DE NYID DE'I BSRUNG BA DANG, BSKYAB PA YIN PAS MTSAN MA DANG @55A *, ,BCAS PA'I BA SRUNG BA BYA MI DGOS SO ZHES BSTAN PA STE, DON DAM PAR GANG LA BSRUNG BAR BYA BA'I DNGOS PO DE LTA BU YOD PAR MA GRUB PAS DNGOS PO MED PA LA 'BAD CING RTZOL BA NI DON YOD PAR MI 'GYUR RO ZHES BSTAN PA'O, ,KOO SHI KA DE JI SNYAM DU SEMS KHYOD KYIS SGYU MA DANG, SMIG RGYU DANG, RMI LAM DANG, SGRA BA SNYAN DANG, MIG YOR DANG, SPRUL PA LA BSRUNG BA DANG, BSKYANG BA DANG, BSKYAB PAR NUS SAM ZHES BYA BA NAS, KOO SHI KA JI SNYAM DU SEMS, KHYOD KYIS CHOS KYI DBYINGS DANG, YANG DAG PA'I MTHAR DANG, DE BZHIN NYID DANG, BSAM GYIS MI KHYAB PA'I DBYINGS LA BSRUNG BA DANG, BSKYANG BA DANG, BSKYAB PAR NUS SAM, BRGYA BYIN GYIS SMRAS PA, BTZUN PA RAB 'BYOR DE NI MI NUS SO, ,SMRAS PA KOO SHI KA DE BZHIN DU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA RNAMS BSRUNG BA DANG, BSKYANG BA DANG, BSKYAB PAR GANG SEMS PA DE NI BSAM PA LTAR MI 'GRUB CING DUB PA'I SKAL BA CAN DU 'GYUR RO ZHES BYA BA'I BAR DU NI, SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DON DAM PAR DNGOS PO MED PAS BSRUNG ZHING BSKYAB PAR BYA MI NUS PA SGYU MA LA SOGS PA LA DPE BLANGS TE BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS, SPRUL PA LA RLOM SEMS SU MI BYED PA YIN ZHES BYA BA'I BAR DU NI, GONG DU RMI LAM DANG SGYU MA LA SOGS PA SMOS PA JI TZAM GYIS CHOS THAMS CAD SGYU MA LA SOGS PA DANG 'DRA BAR RTOGS PAR 'GYUR BA DANG, DE LTAR CHOS THAMS CAD SGYU MA LA SOGS PAR RTOGS NAS KYANG, RMI LAM DANG SGYU MA LA SOGS PA'I RLOM SEMS SU MI 'GYUR BA 'KHOR RNAMS LA ZHIB TU BSTAN PA'I SKABS DBYE BA'I PHYIR BRGYA BYIN GYIS RAB 'BYOR LA DRIS PA'O, ,RAB 'BYOR GYIS SMRAS PA, KOO SHI KA GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS LA RLOM SEMS SU MI BYED, GZUGS KYIS RLOM SEMS @55B SU MI BYED, GZUGS LA RLOM SEMS SU MI BYED NA ZHES BYA BA LA SOGS PAS NI GZUGS LA SOGS PA'I CHOS THAMS CAD DON DAM PAR DNGOS PO MED PAR RTOGS NAS, DE DAG LA RNAM PAR MI RTOG CING MTSAN MAR MI 'DZIN NA CHOS THAMS CAD SGYU MA LA SOGS PA DANG 'DRA BAR RTOGS PAR YANG 'GYUR LA, DE DAG GIS RLOM SEMS SU YANG JI LTAR MI 'GYUR BA BSTAN PA STE, DE LA GZUGS RLOM SEMS SU MI BYED CES BYA BA NI DON DAM PAR GZUGS DNGOS PO MED PAR RTOGS PAS 'DI NI GZUGS YIN NO SNYAM DU GZUGS LA MTSAN MAR MI 'DZIN CING MI SEMS PA'O, ,GZUGS KYIS RLOM SEMS SU MI BYED CES BYA BA NI GZUGS 'DIS DNGOS PO 'DI LTA BU ZHIG SGRUB PO SNYAM DU YANG MI SEMS PA LA BYA'O, ,GZUGS LA RLOM SEMS SU MI BYED CES BYA BA NI GZUGS LA PHAN PA'AM, GNOD PA 'DI LTA BU ZHIG BYA'O SNYAM DU YANG MI SEMS PA LA BYA STE, DE LTAR GZUGS LA RLOM SEMS SU MI BYED NA RMI LAM LA SOGS PA YANG DNGOS PO MED PAR RTOGS PAS RMI LAM DANG, SGYU MA DANG, SMIG RGYU DANG, SGRA BRNYAN DANG, MIG YOR DANG, SPRUL PA RNAMS LA YANG RLOM SEMS SU MI BYED PAR 'GYUR RO ZHES BSTAN PA STE, GZUGS LA JI LTAR BSHAD PA DE BZHIN DU RNAM PA THAMS CAD MKHYEN PA NYID LA THUG GI BAR GYI CHOS RE RE LA YANG RMI LAM DANG, SGYU MA DANG, SMIG RGYU DANG, SGRA BRNYAN DANG, MIG YOR DANG, SPRUL PA RNAMS DANG SBYAR TE RLOM SEMS SU MI 'GYUR BA BSTAN PAR RIG PAR BYA'O, ,DE NAS SANGS RGYAS KYI MTHUS STONG GSUM GYI STONG CHEN PO'I 'JIG RTEN GYI KHAMS 'DI NA, RGYAL CHEN BZHI'I RIS KYI LHA DANG ZHES BYA BA NAS, STENG GI PHYOGS KYI SANGS RGYAS STONG YI GE 'DI DAG NYID KYIS CHOS STON PA MTSAN 'DI DAG NYID MNGA' BA DGE SLONG RAB 'BYOR CES BYA BA SHA STAG GIS SHES RAB KYI PHA ROL TU PHYIN PA ZAB MO 'DI NYID DANG, SHES RAB KYI PHA ROL TU PHYIN PA'I LE'U 'DI NYID ZHU BA DE NA, LHA'I DBANG PO BRGYA BYIN GYIS SHES RAB KYI PHA ROL TU PHYIN PA'I LE'U 'DI NYID ZHU ZHING YONGS SU DRI BA SEMS LA SNANG BAR GYUR TO ZHES @56A *, ,BYA BA'I BAR DU NI 'DOD PA'I KHAMS KYI LHA RNAMS DANG, GZUGS KYI KHAMS KYI LHA RNAMS SHES RAB KYI PHA ROL TU PHYIN PA 'DI LA LHAG PAR DAD PA BSKYED PA'I PHYIR PHYOGS BCU'I 'JIG RTEN GYI KHAMS NA YANG SANGS RGYAS BCOM LDAN 'DAS MANG PO MTSAN SH'A KYA THUB PA ZHES BYA BA SHA STAG SHES RAB KYI PHA ROL TU PHYIN PA ZAB MO 'DI NYID KYI CHOS STON PA DANG, THE TSOM ZHU ZHING RTOGS PA YANG DGE SLONG RAB 'BYOR CES BYA BA SHA STAG DANG, LHA'I DBANG PO BRGYA BYIN GYIS ZHU ZHING YONGS SU RTOGS PA SHA STAG BZHUGS PAR DE BZHIN GSHEGS PA'I BYIN GYI RLABS DANG MTHUS LHA MANG PO DE DAG GIS MTHONG BAR GYUR PA BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO ZHES BYA BA NAS, SHES RAB KYI PHA ROL TU PHYIN PA 'DI NYID STON CING 'CHAD PAR 'GYUR RO ZHES BYA BA'I BAR DU YANG 'KHOR RNAMS SHES RAB KYI PHA ROL TU PHYIN PA 'DI LA LHAG PAR DAD PA BSKYED PA'I PHYIR BCOM LDAN 'DAS SH'A KYA THUB PA NYAG GCIG DA LTAR SHES RAB KYI PHA ROL TU PHYIN PA 'DI STON PAR MA ZAD KYI, MA 'ONGS PA'I DUS NA YANG BYAMS PA BYANG CHUB SEMS DPA' DANG BSKAL PA BZANG PO 'DI LA MNGON PAR RDZOGS PAR SANGS RGYAS PAR 'GYUR BA'I BYANG CHUB SEMS DPA' RNAMS KYANG SHES RAB KYI PHA ROL TU PHYIN PA 'DI NYID STON CING 'CHAD PAR 'GYUR BA BSTAN PA'O, ,GSOL PA, BCOM LDAN 'DAS RNAM PA GANG DANG, RTAGS GANG DANG, MTSAN MA GANG GIS ZHES BYA BA LA SOGS PA NI MA 'ONGS PA'I DUS NA, BYAMS PA BYANG CHUB SEMS DPA' SHES RAB KYI PHA ROL TU PHYIN PA 'DI THABS JI LTAR STON PA ZHUS PA'O, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO ZHES BYA BA LA SOGS PA NI, MA 'ONGS PA'I DUS NA BYAMS PA BYANG CHUB SEMS DPA' SHES RAB KYI PHA ROL TU PHYIN PA'I CHOS ZAB MO 'DI THABS JI LTAR STON PA BSHAD PA STE, DON DAM PAR GZUGS RANG BZHIN GYIS STONG ZHING DNGOS PO MED PAR RTAG PA DANG, MI RTAG PA DANG, BDE BA DANG, SDUG BSNGAL BA DANG, BDAG DANG, BDAG @56B MED PA DANG, SDUG PA DANG, MI SDUG PA DANG, ZHI BA DANG, MA ZHI BA DANG, BCINGS PA DANG, GROL BA DANG, 'DAS PA DANG, MA 'ONGS PA DANG, DA LTAR BYUNG BA ZHES BYA BAR MI DMIGS SHING MTSAN MA DANG BCAS PAR CHOS MI STON TO ZHES BSHAD PA STE, GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG SBYAR BAR BYA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO BYAMS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS CHOS NI JI LTAR STON PAR 'GYUR STON NA NI CI ZHIG STON PAR 'GYUR ZHES BYA BA NI DE LTAR GONG DU BSHAD PA'I TSUL DU GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS DE DAG LA RTAG PA DANG MI RTAG PA LA SOGS PAR CHOS MI STON NA THAMS CAD JI LTAR STON, DE LTAR GZUGS LA SOGS PA RANG BZHIN GYIS STONG STE, MED NA CI ZHIG STON PAR 'GYUR ZHES BCOM LDAN 'DAS LA RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, GZUGS SHIN TU RNAM PAR DAG GO ZHES SHIN TU RNAM PAR DAG PA'I CHOS STON PAR 'GYUR RO ZHES BYA BA NAS, RNAM PA THAMS CAD MKHYEN PA NYID SHIN TU RNAM PAR DAG GO ZHES SHIN TU RNAM PAR DAG PA'I CHOS STON PAR 'GYUR RO ZHES BYA BA'I BAR DU NI GZUGS LA SOGS PA'I CHOS THAMS CAD DON DAM PAR RANG BZHIN GYIS STONG STE, CIS KYANG MA GOS MA CHAGS PAS SHIN TU RNAM PAR DAG PA'O ZHES SHES RAB KYI PHA ROL TU PHYIN PA'I DON ZAB MO STON GYI GZUGS LA SOGS PA LA DNGOS PO LA DNGOS POR DMIGS NAS RTAG PA DANG MI RTAG PA LA SOGS PA'I MTSAN MAR 'DZIN CING CHOS STON PA NI MA YIN NO ZHES BSHAD PA'O, , GSOL PA, BCOM LDAN 'DAS SHES RAB KYI PHA ROL TU PHYIN PA NI YONGS SU DAG PA'O ZHES BYA BA NI DE LTAR GZUGS LA SOGS PA'I CHOS THAMS CAD SHIN TU RNAM PAR DAG PA YIN PAR BSHAD NA, SHES RAB KYI PHA ROL TU PHYIN PA YANG CHOS DE DAG SHIN TU RNAM PAR DAG PA LAS @57A *, ,GUD NA MED PAS SHES RAB KYI PHA ROL TU PHYIN PA YANG YONGS SU DAG PA YIN NO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR GZUGS YONGS SU DAG PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NAS RNAM PA THAMS CAD MKHYEN PA NYID YONGS SU DAG PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA'I BAR DU NI, RAB 'BYOR GYIS SHES RAB KYI PHA ROL TU PHYIN PA YONGS SU DAG PA'O ZHES GSOL PA'I DON DE NYID ZHIB TU BSTAN PA STE, GZUGS LA SOGS PA'I CHOS THAMS CAD DON DAM PAR RANG BZHIN GYIS STONG ZHING YONGS SU DAG PA DANG, SHES RAB KYI PHA ROL TU PHYIN PA RANG BZHIN GYIS STONG ZHING YONGS SU DAG PA GNYIS YONGS SU DAG PAR RO GCIG CING THA MI DAD PAS GZUGS LA SOGS PA'I CHOS THAMS CAD YONGS SU DAG PA'I PHYIR, SHES RAB KYI PHA ROL TU PHYIN PA YONGS SU DAG PA'O ZHES BSTAN PA'O, ,GSOL PA, BCOM LDAN 'DAS JI LTAR NA GZUGS YONGS SU DAG PA'I SLAD DU SHES RAB KYI PHA ROL TU PHYIN PA YONGS SU DAG PA LAGS ZHES BYA BA NAS, JI LTAR NA RNAM PA THAMS CAD MKHYEN PA NYID YONGS SU DAG PA'I SLAD DU SHES RAB KYI PHA ROL TU PHYIN PA YONGS SU DAG PA LAGS ZHES BYA BA'I BAR DU NI CHOS THAMS CAD SKYE BA MED PA DANG, 'GAG PA MED PA LA SOGS PA'I DON ZHIB TU BSHAD PA'I SKABS DBYE BA'I PHYIR JI LTAR NA GZUGS LA SOGS PA'I CHOS THAMS CAD YONGS SU DAG PA'I PHYIR, SHES RAB KYI PHA ROL TU PHYIN PA YONGS SU DAG PA LAGS ZHES BCOM LDAN 'DAS LA RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS LA SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA NI GZUGS YONGS SU DAG PA'O ZHES BYA BA NAS, RNAM PA THAMS CAD MKHYEN PA NYID LA SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA NI @57B RNAM PA THAMS CAD MKHYEN PA NYID YONGS SU DAG PA'O ZHES BYA BA'I BAR DU NI GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS, SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA NYID LA YONGS SU DAG PA ZHES BYA BA'I BAR DU NI DNGOS PO YOD PA ZHIG LAS SKYON NAM DRI MA DANG BRAL BA'I PHYIR YONGS SU DAG PA NI MA YIN NO ZHES BSTAN PA'O, ,RAB 'BYOR GZHAN YANG NAM MKHA' YONGS SU DAG PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI SHES RAB KYI PHA ROL TU PHYIN PA YONGS SU DAG PA NAM MKHA' LA DPE BLANGS TE BSTAN PA STE, JI LTAR NAM MKHA' LA GLO BUR GYI SPRIN DANG KHUG RNA LA SOGS PAS BSGRIBS KYANG NAM MKHA'I RANG BZHIN YONGS SU DAG PA LAS MA DAG PAR 'GYUR BA MED PA DE BZHIN DU, SHES RAB KYI PHA ROL TU PHYIN PA YANG KUN BRTAGS PA'I CHOS RNAMS KYIS BSGRIBS KYANG RANG BZHIN YONGS SU DAG PA LAS MA DAG PAR 'GYUR BA MED DO ZHES BSTAN PA'O, ,GSOL PA, BCOM LDAN 'DAS JI LTAR NA NAM MKHA' YONGS SU DAG PA'I SLAD DU, SHES RAB KYI PHA ROL TU PHYIN PA YONGS SU DAG PA LAGS ZHES BYA BA NI NAM MKHA' DANG SHES RAB KYI PHA ROL TU PHYIN PA LA SKYE BA DANG 'GAG PA LA SOGS PA MED PA'I DON BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA'I PHYIR NAM MKHA' YONGS SU DAG PA'O ZHES BYA BA NI NAM MKHA' LA SKYE BA DANG 'GAG PA LA SOGS PA MED DE YONGS SU DAG PA DE BZHIN DU, SHES RAB KYI PHA ROL TU PHYIN PA LA YANG SKYE BA DANG 'GAG PA LA SOGS PA MED PA'I PHYIR YONGS SU DAG PA YIN NO ZHES BSTAN PA'O, ,RAB 'BYOR NAM MKHA' LA 'GO BA MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI NAM MKHA' RANG BZHIN GYIS DAG PAS SKYON DANG DRI MA CIS KYANG MA GOS PA DE BZHIN DU SHES RAB KYI PHA ROL TU PHYIN PA @58A *, ,YANG YONGS SU DAG PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA NAM MKHA' LA 'GO BA MA MCHIS PA'I SLAD DU SHES RAB KYI PHA ROL TU PHYIN PA YONGS SU DAG PA LAGS ZHES BYA BA NI GZUNG BA DANG 'DZIN PA MED PA'I DON BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' GZUNG DU MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI NAM MKHA' LA GZUNG BA DANG 'DZIN PA GNYIS MED DE YONGS SU DAG PA DE BZHIN DU SHES RAB KYI PHA ROL TU PHYIN PA LA YANG GZUNG BA DANG 'DZIN PA RNAM PAR RTOG PA MED PA'I PHYIR YONGS SU DAG PA YIN NO ZHES BSTAN PA'O, ,RAB 'BYOR NAM MKHA' LA THA SNYAD MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI NAM MKHA' NYID SMRA ZHING THA SNYAD 'DOGS PA'I RANG BZHIN YANG MA YIN LA, NAM MKHA' LA GZHAN GYIS BRJOD CING THA SNYAD DU GDAGS PAR BYA BA'I RANG BZHIN YANG MA YIN TE YONGS SU DAG PA DE BZHIN DU SHES RAB KYI PHA ROL TU PHYIN PA YANG RJOD PAR BYED PA DANG, BRJOD PAR BYA BA'I THA SNYAD DANG BRAL BA'I PHYIR YONGS SU DAG PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA NAM MKHA' LA THA SNYAD MA MCHIS PA'I SLAD DU SHES RAB KYI PHA ROL TU PHYIN PA YONGS SU DAG PA LAGS ZHES BYA BA NI NAM MKHA' LA THA SNYAD MED PA'I DPE SGRA BRNYAN LA BLANGS TE BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LTA STE, DPER NA NAM MKHA'I SGRA BRNYAN GNYIS KYI SGRA LTAR NAM MKHA' LA THA SNYAD MED PA'I PHYIR, SHES RAB KYI PHA ROL TU PHYIN PA YONGS SU DAG PA'O ZHES BYA BA NI MIS SGRA BRJOD PA DANG, BRAG CA LAS SGRA 'BYUNG BA GNYIS KA YANG NAM MKHA' STONG PA LA GRAG MOD KYI, 'ON KYANG NAM MKHA' NI SMRA BA'AM, BRJOD PA'I RANG BZHIN YANG MA YIN SGRA'I RANG BZHIN YANG MA YIN TE, YONGS SU DAG PA DE BZHIN DU SHES RAB KYI PHA ROL TU @58B PHYIN PA YANG KUN RDZOB TU SMRA ZHING BRJOD PA TZAM DU ZAD KYI, DON DAM PAR SMRA BAR BYED PA DANG, SMRA BAR BYA BA GNYIS KA'I RANG BZHIN MA YIN PA'I PHYIR YONGS SU DAG PA YIN NO ZHES BSTAN PA'O, ,RAB 'BYOR NAM MKHA' BRJOD DU MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI NAM MKHA' RANG BZHIN GYIS STONG PAS SMRA BA'AM, BRJOD PA'I BYA BA MI BYED PA DE BZHIN DU SHES RAB KYI PHA ROL TU PHYIN PA YANG DON DAM PAR RANG BZHIN GYIS STONG ZHING SMRA BA'AM BRJOD PA'I BYA BA MI BYED PA'I PHYIR YONGS SU DAG PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA NAM MKHA' BRJOD DU MA MCHIS PA'I SLAD DU SHES RAB KYI PHA ROL TU PHYIN PA YONGS SU DAG PA LAGS CES BYA BA NI BRJOD DU MED PA'I PHYIR YONGS SU DAG PA'I DON MDOR SMOS PA DE NYID ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' LA NI GANG YANG BRJOD DU MED DO, ,RAB 'BYOR DE BZHIN DU NAM MKHA' BRJOD DU MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA'I NAM MKHA' DANG SHES RAB KYI PHA ROL TU PHYIN PA GNYIS KA RANG BZHIN GYIS STONG ZHING BRJOD PAR BYA BA DANG, RJED PAR BYED PA'I NGO BO NYID MA YIN PA'I PHYIR YONGS SU DAG PA'O ZHES BSTAN PA'O, ,RAB 'BYOR GZHAN YANG NAM MKHA' DMIGS SU MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI NAM MKHA' DANG SHES RAB KYI PHA ROL TU PHYIN PA GNYIS KA RANG BZHIN GYIS STONG PAS DMIGS PAR BYA BA DANG, DMIGS PAR BYED PA'I DNGOS PO MA YIN PA'I PHYIR SHES RAB KYI PHA ROL TU PHYIN PA YONGS SU DAG PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA NAM MKHA' DMIGS SU MA MCHIS PA'I SLAD DU SHES RAB KYI PHA ROL TU PHYIN PA YONGS SU DAG PA LAGS ZHES BYA BA NI DON GONG MA NYID GSAL BAR BSHAD PA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' LA GANG YANG DMIGS SU MED DO, , @59A *, ,RAB 'BYOR DE BZHIN DU NAM MKHA' BZHIN DMIGS SU MED PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA NI JI LTAR NAM MKHA' LA DMIGS PAR BYA BA DANG, DMIGS PAR BYED PA'I DNGOS PO GANG YANG MED PA DE BZHIN DU RNAM PAR MI RTOG PA'I SHES RAB KYI PHA ROL TU PHYIN PA LA YANG DMIGS PAR BYA BA DANG, DMIGS PAR BYED PA'I DNGOS PO MED DE, GZUNG BA DANG 'DZIN PA'I SKYON GYIS MA GOS PA'I PHYIR SHES RAB KYI PHA ROL TU PHYIN PA YONGS SU DAG PA YIN NO ZHES BSTAN PA'O, ,RAB 'BYOR GZHAN YANG CHOS THAMS CAD SKYE BA MED PA DANG, 'GAG PA MED PA DANG ZHES BYA BA NAS, RAB 'BYOR CHOS THAMS CAD SHIN TU RNAM PAR DAG PA'I PHYIR SHES RAB KYI PHA ROL TU PHYIN PA YONGS SU DAG PA'O ZHES BYA BA'I BAR DU NI 'DUS BYAS DANG 'DUS MA BYAS PA'I CHOS THAMS CAD DON DAM PAR RANG BZHIN GYIS STONG ZHING RNAM PAR DAG PA'I PHYIR, SKYE BA DANG, 'GAG PA LA SOGS PA MED PA DE BZHIN DU SHES RAB KYI PHA ROL TU PHYIN PA YANG DON DAM PAR RANG BZHIN GYIS STONG ZHING, SKYE BA DANG 'GAG PA LA SOGS PA MED PA'I PHYIR YONGS SU DAG PA YIN NO ZHES BSTAN PA'O, ,RAB 'BYOR GYIS GSOL PA, BCOM LDAN 'DAS RIGS KYI BU'AM RIGS KYI BU MO GANG LA LA ZHIG CES BYA BA NAS, BSOD NAMS KYI PHUNG PO MANG BA TSAD MED GRANGS MED PA, BSAM GYIS MI KHYAB PA MTSUNGS PA MED PA, GZHAL DU MED PA DPAG TU MED PA RAB TU 'PHEL BAR 'GYUR RO ZHES BYA BA'I BAR DU NI DE LTAR SHES RAB KYI PHA ROL TU PHYIN PA SHIN TU YONGS SU DAG PA BSTAN NAS, DE LTAR YONGS SU DAG PA'I SHES RAB KYI PHA ROL TU PHYIN PA 'DI LA 'KHOR RNAMS DAD PA BSKYED PA'I PHYIR TSE 'DI LA PHAN PA DANG, BSOD NAMS SU 'GYUR BA'I YON TAN RNAMS BSTAN PA STE GZHAN NI RANG LOG TU ZAD, MI BDE BA MA SPANGS PAR DUS BYED PAR MI 'GYUR RO ZHES BYA BA NI DUG DANG MTSON LA SOGS PA GLO BUR GYI SDUG BSNGAL RNAMS KYIS TSE 'DA' BAR MI 'GYUR RO ZHES BYA BA'I DON TO, ,TSES BRGYAD DANG BCU BZHI DANG BCO LNGA DAG LA LHA'I TSOGS CHEN PO 'DU BAR 'GYUR RO ZHES BYA BA NI GANG @59B NA SHES RAB KYI PHA ROL TU PHYIN PA STON PA'I GNAS DER DUS DRUG DAG LA 'JIG RTEN GYI LHA MTHU CHEN PO RNAMS 'GO ZHING BYIN GYIS RLOB PA'I PHYIR 'DU ZHING STONG DU 'ONG NGO ZHES BYA BA'I DON TE, TSES NYI SHU GSUM LA MAR GYI NGO'I TSES BRGYAD CES BYA, TSES NYI SHU DGU LA MAR GYI NGO'I TSES BCU BZHI ZHES BYA GNAM STONG LA MAR GYI NGO'I TSES BCO LNGA ZHES BYA STE, GZHUNG LAS TSES BRGYAD DANG BCU BZHI DANG BCO LNGA ZHES SMOS PA ZLA BA YAR GYI DO DANG MAR GYI NGO GNYIS KA LA SNYEGS PAS DE LTAR DUS DRUG TU RIG PAR BYA'O, ,RAB 'BYOR DE CI'I PHYIR ZHE NA, 'DI LTA STE, SHES RAB KYI PHA ROL TU PHYIN PA 'DI NI RIN PO CHE'O ZHES BYA BA NAS YANG DAG PAR RDZOGS PA'I BYANG CHUB 'BYIN PA'O ZHES BYA BA'I BAR DU NI TSE RABS PHYI MA LA PHAN PAR 'GYUR BA'I YON TAN BSTAN PA'O, ,DE CI'I PHYIR ZHE NA, DE NI 'DI LTAR SHES RAB KYI PHA ROL TU PHYIN PA 'DI LAS DGE BA BCU'I LAS KYI LAM RGYAS PAR BSTAN TE ZHES BYA BA NAS, RNAM PA THAMS CAD MKHYEN PA NYID YOD DO ZHES BYA BA'I BAR DU NI TSE RABS PHYI MA LA PHAN PAR 'GYUR BA'I GTAN TSIGS BSTAN PA'O, ,DE YANG 'DI LTAR SHES RAB KYI PHA ROL TU PHYIN PA 'DI LAS CHOS THAMS CAD RGYA CHER BSTAN TE, DE LA BSLABS NA RGYAL RIGS CHE ZHING MTHO BA RNAMS YOD DO ZHES BYA BA NAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS YOD DO, ,DE BAS NA DE LA PHA ROL TU PHYIN PA RIN PO CHE ZHES BYA BA'O ZHES BYA BA'I BAR DU NI GONG DU SHES RAB KYI PHA ROL TU PHYIN PA 'DI RIN PO CHE ZHES BSHAD PA JI LTAR RIN PO CHE YIN PA'I GTAN TSIGS BSTAN PA STE, DPER NA YID BZHIN GYI NOR BU RIN PO CHE GANG NA YOD PA DER NOR DANG DGOS PA DANG PHUN SUM TSOGS PA THAMS CAD 'DU ZHING YOD PAR 'GYUR BA DE BZHIN DU SHES RAB KYI PHA ROL TU PHYIN PA 'DI LAS RNAM PAR BYANG BA'I CHOS THAMS CAD RGYA CHER BSTAN PAS 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD 'BYUNG BA'I PHYIR RIN PO CHE ZHES BYA'O ZHES BSTAN PA'O, ,PHA ROL TU PHYIN PA RIN PO CHE DE LA NI CHOS GANG YANG SKYE BA'AM, 'GAG PA'AM, KUN NAS NYON MONGS PA'AM, RNAM PAR BYANG BA'AM, @60A *, ,YONGS SU GZUNG BA'AM, DOR BA MED DO, ,DE CI'I PHYIR ZHE NA, DE NI 'DI LTAR GANG SKYE BA'AM, 'GAG PA'AM, KUN NAS NYON MONGS PA'AM, RNAM PAR BYANG BA'AM, YONGS SU GZUNG BA'AM, DOR BAR BYA BA'I CHOS DE LTA BU MED DO ZHES BYA BA NI DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA 'DI PHUN TSOGS PA THAMS CAD 'BYUNG BA'I RGYU YIN PA'I PHYIR RIN PO CHE YIN PA BSHAD PA LA, KHA CIG DNGOS PO YOD PAR 'DZIN PA BSAL BA'I PHYIR DON DAM PAR SKYE BA DANG, 'GAG PA DANG, KUN NAS NYON MONGS PA DANG, RNAM PAR BYAD PA DANG, GZUNG BA DANG, DOR BAR BYA BA'I DNGOS POR YOD PA MA YIN NO ZHES BSTAN PA'O, ,RAB 'BYOR PHA ROL TU PHYIN PA RIN PO CHE 'DI LA NI DGE BA'AM MI DGE BA'AM ZHES BYA BA NAS, RAB 'BYOR RNAM GRANGS DES KYANG PHA ROL TU PHYIN PA RIN PO CHE NI DMIGS SU MED DO, ZHES BYA BA'I BAR DU NI DON DAM PAR PHA ROL TU PHYIN PA RIN PO CHE 'DI LA DGE BA DANG, MI DGE BA LA SOGS PA'I CHOS RNAMS DMIGS SU YANG MED DO ZHES DMIGS SU MED PA'I YON TAN DANG LDAN PAR BSTAN PA'O, ,RAB 'BYOR PHA ROL TU PHYIN PA RIN PO CHE LA NI CHOS GANG GIS KYANG 'GO BA MED DO ZHES BYA BA NAS 'DI NI 'GO BA MED PA'I PHA ROL TU PHYIN PA'O ZHES BYA BA'I BAR GYIS NI CIS KYANG MA GOS PA'I YON TAN BSTAN PA'O, ,RAB 'BYOR GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE ZHES BYA BA NAS, SANGS RGYAS KYI ZHING YONGS SU SBYONG BA BYED CING SANGS RGYAS KYI ZHING NAS SANGS RGYAS KYI ZHING DU 'GRO'O ZHES BYA BA'I BAR DU NI DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA'I DON ZAB MO DMIGS SU MED PA RTOGS NAS, SHES RAB KYI PHA ROL TU PHYIN PA RIN PO CHE 'DI NI 'DI LTAR ZAB CING DMIGS SU MED PA'O SNYAM DU 'DU SHES MI SKYE ZHING RNAM PAR MI RTOG NA SHES RAB KYI PHA ROL TU PHYIN PA LA BSGOM ZHING SPYOD PAR CHUD LA, SANGS RGYAS BCOM LDAN 'DAS RNAMS MNYES PAR BYA BA DANG, SEMS CAN YONGS SU SMIN PAR BYA BA DANG, SANGS RGYAS KYI ZHING @60B YONGS SU DAG PAR BYA YANG NUS PAR 'GYUR RO ZHES BSTAN PA'O, ,RAB 'BYOR SHES RAB KYI PHA ROL TU PHYIN PA 'DI NI CHOS GANG YANG STON PA'AM ZHES BYA BA NAS, GZUGS MED PA'I KHAMS LAS 'DA' BAR BYED PA MA YIN GNAS PAR BYED PA MA YIN ZHES BYA BA'I BAR DU NI SHES RAB KYI PHA ROL TU PHYIN PA RNAM PAR MI RTOG PA YIN PAS CHOS GANG YANG STON PA LA SOGS PA'I BYA BA MI BYED DO ZHES BSTAN PA'O, ,SBYIN PA'I PHA ROL TU PHYIN PA SGRUB PA MA YIN 'DOR BA MA YIN ZHES BYA BA NAS, RNAM PA THAMS CAD MKHYEN PA NYID SGRUB PA MA YIN 'DOR BA MA YIN NO ZHES BYA BA'I BAR DU NI SHES RAB KYI PHA ROL TU PHYIN PA 'DI RNAM PAR MI RTOG PA'I RANG BZHIN YIN PAS, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS RNAMS LA YANG BLANG BA DANG DOR BA'I RNAM PAR RTOG PA MED DO ZHES BSTAN PA'O, ,SHES RAB KYI PHA ROL TU PHYIN PA 'DI NI 'DUS BYAS KYI KHAMS 'DOR BA MA YIN, 'DUS MA BYAS KYI KHAMS SGRUB PA MA YIN ZHES BYA BA NI SHES RAB KYI PHA ROL TU PHYIN PA 'DI NI RNAM PAR MI RTOG PA'I RANG BZHIN YIN PAS 'DUS BYAS DANG 'DUS MA BYAS PA LA BZANG NGAN DU 'BYED CING, BLANG DOR CAN DU MI 'GYUR RO ZHES BSTAN PA'O, ,DE CI'I PHYIR ZHE NA, DE BZHIN GSHEGS PA RNAMS BYUNG YANG RUNG DE BZHIN GSHEGS PA RNAMS MA BYUNG YANG RUNG, CHOS RNAMS KYI CHOS NYID DANG, CHOS KYI DBYINGS DANG, CHOS KYI GNAS NYID DANG, CHOS SKYON MED PA DE NI DE BZHIN DU GNAS PA YIN TE ZHES BYA BA NI SHES RAB KYI PHA ROL TU PHYIN PA LA BLANG DOR MED PA'I GTAN TSIGS BSTAN PA STE, CHOS KYI CHOS NYID DANG, CHOS KYI DBYINGS DANG, CHOS KYI GNAS NYID DANG, CHOS SKYON MED PA ZHES BYA BA STONG PA NYID KYI RNAM GRANGS TE, STONG PA NYID LA BLANG DOR DANG BZANG NGAN DU 'BYED PA'I RNAM PAR RTOG PA MED PA DE MI 'GYUR BA YONGS SU GRUB PA'I RANG BZHIN DU GNAS PA DE BZHIN DU SHES RAB KYI PHA ROL TU PHYIN PA YANG DON DAM PAR STONG PA NYID KYI RANG BZHIN TE, STONG PA NYID LA 'GYUR BA MED PAS DE BZHIN GSHEGS PA RNAMS 'JIG RTEN DU @61A *, ,BYUNG YANG RUNG MA BYUNG YANG RUNG, STONG PA NYID NI MI 'GYUR BA'I RANG BZHIN DU GNAS SO ZHES BSTAN PA'O, ,DE NI DE BZHIN GSHEGS PAS MNGON PAR SANGS RGYAS SO ZHES BYA BA NAS, GSAL BAR MDZAD DO, ,YANG DAG PAR STON TO ZHES BYA BA'I BAR DU NI DE LTA BU'I CHOS NYID SHES RAB KYI PHA ROL TU PHYIN PA'I DON ZAB MO DE NI DE BZHIN GSHEGS PA RNAMS KYIS THUGS SU CHUD NAS GZHAN LA RGYAS PAR STON GYI, NYAN THOS DANG, RANG SANGS RGYAS LA SOGS PA GZHAN GYI SPYOD YUL MA YIN NO ZHES BSTAN PA'O, ,DE NAS LHA'I BU STONG PHRAG MANG PO STENG GI BAR SNANG LA 'KHOD NAS ZHES BYA BA NAS, 'DZAM BU'I GLING DU CHOS KYI 'KHOR LO GNYIS PA BSKOR BAR MTHONG NGO ZHES BYA BA'I BAR DU NI DE LTAR SHES RAB KYI PHA ROL TU PHYIN PA DON ZAB MO BSHAD PAS LHA'I BU MANG PO MGU STE, NGO MTSAR DU GYUR PA'I TSIG SNYAN PA'I SGRA PHYUNG NAS SHES RAB KYI PHA ROL TU PHYIN PA DANG BCOM LDAN 'DAS LA BSTOD PA STE, LHUNG LHUNG LDEGS [*LDEG?] KYI SGRA PHYUNG ZHES BYA BA NI NGO MTSAR DU GYUR PA'I TSIG SNYAN PA MNYEN ZHING YID DU 'ONG BAS BSTOD DO ZHES BYA BA'I DON TO, ,CHOS KYI 'KHOR LO GNYIS PA BSKOR BA MTHONG NGO ZHES BYA BA NI BCOM LDAN 'DAS DANG PO MNGON PAR SANGS RGYAS NAS, YUL B'A R'A nA S'IR 'PHAGS PA'I BDEN PA BZHI LA LAN GSUM DU BZLAS TE CHOS KYI 'KHOR LO RNAM PA BCU GNYIS SU BSKOR BA DANG, DA LTAR RGYAL PO'I KHAB KYI RI BYA RGOD KYI PHUNG PO 'DI LA YANG SHES RAB KYI PHA ROL TU PHYIN PA ZAB MO 'DI RGYA CHER BSTAN PA DANG, CHOS KYI 'KHOR LO LAN GNYIS SU BSKOR BA MTHONG NGO ZHES BYA BA'I DON TO, ,DE NAS BCOM LDAN 'DAS KYIS GNAS BRTAN RAB 'BYOR LA BKA' STZAL PA, RAB 'BYOR DNGOS PO MED PA'I NGO BO NYID STONG PA NYID KYI PHYIR 'DI NI CHOS KYI 'KHOR LO GNYIS SU BSKOR BA YANG MA YIN, GCIG TU BSKOR BA YANG MA YIN NO ZHES BYA BA NI LHA'I BU RNAMS KYIS CHOS KYI 'KHOR LO GNYIS PA BSKOR BA MTHONG NGO ZHES SMRAS PA, DON DAM PAR CHOS THAMS CAD DNGOS PO MED PA'I NGO BO NYID KYIS STONG PA'I PHYIR CHOS KYI 'KHOR LO BSKOR BA @61B YANG MED DO ZHES BSTAN PA'O, ,SHES RAB KYI PHA ROL TU PHYIN PA 'DI YANG CHOS GANG YANG 'KHOR BA'AM MI 'KHOR BAR BYA BA'I PHYIR NYE BAR GNAS PA MA YIN NO ZHES BYA BA NI CHOS THAMS CAD DNGOS PO MED PA'I NGO BO NYID KYIS STONG PA DE BZHIN DU SHES RAB KYI PHA ROL TU PHYIN PA 'DI YANG NGO BO NYID KYIS STONG PAS CHOS KYI 'KHOR LO BSKOR BA'AM, MI BSKOR BA'I BYA BA GNYIS KA YANG MI BYED DO ZHES BSTAN PA'O, ,GSOL PA, BCOM LDAN 'DAS DE LTAR SHES RAB KYI PHA ROL TU PHYIN PA NI CHOS GANG YANG 'KHOR BAR BGYI BA'AM, MI 'KHOR BAR BGYI BA'I SLAD DU NYE BAR MI GNAS PA'I DNGOS PO MA MCHIS PA'I NGO BO NYID STONG PA NYID DE GANG LAGS ZHES BYA BA NI GONG DU DNGOS PO MED PA'I NGO BO NYID STONG PA NYID KYI PHYIR CHOS KYI 'KHOR LO BSKOR BA'AM, MI BSKOR BA MED DO ZHES MDOR SMOS PA CHOS GANG DANG GANG DNGOS PO MED PA'I NGO BO NYID KYIS STONG PA ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SHES RAB KYI PHA ROL TU PHYIN PA SHES RAB KYI PHA ROL TU PHYIN PAS STONG PA ZHES BYA BA NAS, RNAM PA THAMS CAD MKHYEN PA NYID RNAM PA THAMS CAD MKHYEN PA NYID KYIS STONG NGO ZHES BYA BA'I BAR DU NI CHOS GANG DANG GANG DNGOS PO MED PA'I NGO BO NYID KYIS STONG PA YIN PAR BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI CHEN MO STE ZHES BYA BA NAS, DE DAG GI CHOS GANG YANG YONGS SU MTHONG BA'AM, YONGS SU MA MTHONG BA MA MCHIS PA'O ZHES BYA BA'I BAR DU NI DE LTAR SHES RAB KYI PHA ROL TU PHYIN PA 'DI NI DON DAM PAR RANG BZHIN GYIS STONG ZHING, CHOS THAMS CAD KYANG DON DAM PAR RANG BZHIN GYIS STONG YANG, KUN RDZOB TU BYANG CHUB SEMS DPA' RNAMS SHES RAB KYI PHA ROL TU PHYIN PA 'DI LA BRTEN NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR YANG 'GYUR LA, DE LTAR MNGON PAR RDZOGS PAR SANGS RGYAS NA YANG DON DAM PAR CHOS GANG YANG MNGON PAR RDZOGS PAR SANGS @62A *, ,RGYAS PA YANG MED, KUN RDZOB TU CHOS KYI 'KHOR LO YANG BSKOR LA, DON DAM PAR CHOS KYI 'KHOR LO BSKOR BA YANG MED, MI BSKOR BA YANG MED PA DANG, LHA'I BU DE DAG GIS CHOS KYI 'KHOR LO BSKOR BAR MTHONG BA DANG, MA MTHONG BA GNYIS KA YANG MED PAR STON PA'I SHES RAB KYI PHA ROL TU PHYIN PA 'DI NI, DE LTAR YON TAN CHE BA'I PHYIR PHA ROL TU PHYIN PA CHEN MO'O ZHES SHES RAB KYI PHA ROL TU PHYIN PA LA RAB 'BYOR GYIS BSTOD PA'O, ,DE CI'I SLAD DU ZHE NA, DE NI 'DI LTAR GANG 'KHOR BAR BGYI BA'AM, MI 'KHOR BAR BGYI BA'AM, RAB TU 'KHOR BAR BGYI BA'I CHOS DE LTA BU DMIGS SU MA MCHIS TE, DE NI 'DI LTAR CHOS THAMS CAD KYANG SHIN TU MNGON PAR MA GRUB PA'O ZHES BYA BA NI DE LTAR GONG DU BSHAD PA'I TSUL DU DON DAM PAR CHOS KYI 'KHOR LO BSKOR BA LA SOGS PA MED PA'I GTAN TSIGS BSTAN PA'O, , DE CI'I SLAD DU ZHE NA, STONG PA NYID NI 'KHOR BAR BGYID PA'AM, MI 'KHOR BAR BGYID PA MA LAGS SO ZHES BYA BA NAS, SMON PA MA MCHIS PA NI 'KHOR BAR BGYID PA'AM, MI 'KHOR BAR BGYID PA MA LAGS SO ZHES BYA BA'I BAR DU NI CHOS KYI 'KHOR LO BSKOR BA DANG, MI BSKOR BA DMIGS SU MED PA DANG, CHOS THAMS CAD SHIN TU MNGON PAR MA GRUB PA'I GTAN TSIGS SU RNAM PAR THAR PA'I SGO GSUM CI YANG BYED PA MA YIN PA BSTAN PA'O, ,DE LTAR SHES RAB KYI PHA ROL TU PHYIN PA BSTAN PA DANG RAB TU BSTAN PA DANG ZHES BYA BA NAS, CHOS BSTAN PA 'DI LA GANG SU YANG SBYIN PA'I GNAS SU 'GYUR BA MA MCHIS SO ZHES BYA BA'I BAR DU NI, DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA LAS KUN RDZOB TU CHOS THAMS CAD RGYA CHER BSTAN CING CHOS KYI 'KHOR LO BSKOR LA, DON DAM PAR CHOS GANG YANG BSTAN PA MED PA DE NI SHES RAB KYI PHA ROL TU PHYIN PA BSTAN PA YONGS SU DAG PA YIN PAR BSHAD PA DANG, DE LTAR YONGS SU DAG PAR BSTAN PA DE LA NI DON DAM PAR STON CING 'CHAD PA YANG MED, NYAN CING 'DZIN PA YANG MED, 'BRAS BU MNGON SUM DU THOB PA @62B DANG, MNGON SUM DU MA THOB PA DANG, MYA NGAN LAS 'DAS PAR GYUR PA DANG, SBYIN PA'I GNAS SU GYUR PA YANG MED DO ZHES BSTAN PA STE, SHES RAB KYI PHA ROL TU PHYIN PA BSTAN PA DANG, RAB TU BSTAN PA DANG, SGRUB PA DANG, RAB TU BKOD PA ZHES BYA BA LA SOGS PA NI ZHIB TU BSHAD PA'I RNAM GRANGS SU ZAD DO, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U NYI SHU DGU PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PA NI SHES RAB KYI PHA ROL TU PHYIN PA 'DI ZAB PA'I RNAM GRANGS BSTAN PA STE, BCOM LDAN 'DAS 'DI LTA STE, SHES RAB KYI PHA ROL TU PHYIN PA 'DI MA MCHIS PA'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA'I RANG BZHIN YOD PAR MA GRUB PA'I PHYIR MA MCHIS PA'O ZHES GSOL PA'O, ,BCOM LDAN 'DAS KYIS BKA' STZAL PA, NAM MKHA' MED PA'I PHYIR RO ZHES BYA BA NI RAB 'BYOR GYIS BSHAD PA'I DON BCOM LDAN 'DAS KYIS DPES BKROL TE BSHAD PA STE, JI LTAR NAM MKHA' LA DNGOS PO MED PA DE BZHIN DU SHES RAB KYI PHA ROL TU PHYIN PA 'DI LA YANG, DON DAM PAR DNGOS PO MED DE NAM MKHA' DANG 'DRA'O ZHES BYA BA'I DON TO, ,MNYAM PA NYID KYI PHA ROL TU PHYIN PA'O ZHES BYA BA NI DE LTAR GONG DU BSHAD PA'I TSUL DU RANG BZHIN GYIS STONG ZHING NAM MKHA' DANG 'DRA BAS CHE CHUNG DANG, MTHO DMAN DANG, BZANG NGAN LA SOGS PA MED PA'I PHYIR MNYAM PA NYID DO ZHES BSTAN PA'O, ,CHOS THAMS CAD MNYAM PA NYID KYI PHYIR RO ZHES BYA BA NI 'DUS BYAS DANG, 'DUS MA BYAS PA'I CHOS THAMS CAD KYANG DON DAM PAR STONG ZHING RANG BZHIN MED PAS, DE BZHIN NYID DU RO GCIG CING MNYAM PA NYID YIN PA'I PHYIR, SHES RAB KYI PHA ROL TU PHYIN PA YANG DE DANG 'DRA BAR MNYAM PA NYID YIN NO ZHES BSTAN PA'O, ,RNAM PAR DBEN PA'I PHA ROL TU PHYIN PA'I ZHES BYA BA NI YOD PA DANG, MED PA DANG, RTAG PA DANG CHAD PA LA SOGS PA'I MTHA' GNYIS DANG BRAL BAS DBEN PA @63A *, ,YIN NO ZHES BSTAN PA'O, ,MTHA' LAS 'DAS PA STONG PA NYID KYI PHYIR RO ZHES BYA BA NI RNAM PAR DBEN PA'I DON DE NYID 'GREL PA STE, YOD MED DANG RTAG CHAD LA SOGS PA'I MTHA' LAS 'DAS SHING RANG BZHIN GYIS STONG PA'I PHYIR RNAM PAR DBEN PA YIN NO ZHES BSTAN PA'O, ,THUB PA MED PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DNGOS PO YOD PAR MA GRUB PAS MU STEGS CAN LA SOGS PA PHAS KYI RGOL BA RNAMS KYIS GLAGS MI MTHONG ZHING CIS KYANG MI THUB PA YIN NO ZHES BYA BA'I DON TO, ,CHOS THAMS CAD DMIGS SU MED PA'I PHYIR RO ZHES BYA BA NI THUB PA MED PA'I DON 'GREL PA STE, DON DAM PAR CHOS THAMS CAD DNGOS POR DMIGS SU MED PA DE BZHIN DU, SHES RAB KYI PHA ROL TU PHYIN PA YANG DMIGS SU MED PA'I PHYIR THUB PA MED PA YIN NO ZHES BSTAN PA'O, , GNAS MA MCHIS PA'I PHA ROL TU PHYIN PA'O ZHES BYA BA NI PHUNG PO LNGA'I RANG BZHIN GYI GNAS SAM RTEN MED PA'O ZHES BSTAN PA'O, ,MING DANG LUS MED PA'I PHYIR RO ZHES BYA BA NI GNAS MED PA NYID KYI DON 'GREL PA STE, MING NI TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO BZHI LA BYA LUS NI GZUGS KYI PHUNG PO LA BYA STE, DE LTAR MING DANG GZUGS KYI RANG BZHIN PHUNG PO LNGA PO MED PA LA GNAS MED PA'O ZHES BYA'O ZHES BSTAN PA'O, ,NAM MKHA'I PHA ROL TU PHYIN PA'O ZHES BYA BA NI DE LTAR MING DANG GZUGS KYI RANG BZHIN GNAS ZHES BYA BA PHUNG PO LNGA MED PAS NAM MKHA' DANG 'DRA'O ZHES BYA BA'I DON TO, ,DBUGS PHYI NANG DU RGYU BA MED PA'I PHYIR RO ZHES BYA BA NI DE LTAR PHUNG PO LNGA'I RANG BZHIN MA YIN PAS DBUGS PHYI NANG DU RGYU BA MED PA'I PHYIR NAM MKHA' DANG 'DRA'O ZHES BYA BA'I DON TO, ,BRJOD DU MA MCHIS PA'I PHA ROL TU PHYIN PA'O ZHES BYA BA NI MING DANG MTSAN MAR BZUNG BA'I THA SNYAD DU BRJOD DU MED DO ZHES BYA BA'I DON TO, ,RNAM PAR RTOG PA DANG, RNAM PAR DPYOD PA DMIGS SU MED PA'I PHYIR RO ZHES BYA BA NI BRJOD DU MED PA'I DON 'GREL PA STE, TSIG TU BRJOD DO COG NI SEMS KYIS RNAM @63B PAR BRTAGS DPYAD NAS MTSAN MAR BZUNG STE, MING DANG THA SNYAD DU 'DOGS SHING TSIG TU BRJOD PA LAS 'BYUNG GI, RNAM PAR RTOG PA DANG, RNAM PAR DPYOD PA MED NA TSIG TU BRJOD PA YANG MED DO ZHES BSTAN PA'O, ,MING MA MCHIS PA'I PHA ROL TU PHYIN PA'O ZHES BYA BA NI GZUGS MED PA'I PHUNG PO BZHI MED PA'I RANG BZHIN NO ZHES BSTAN PA'O, ,TSOR BA DANG, 'DU SHES DANG, 'DU BYED DANG, RNAM PAR SHES PA DMIGS SU MED PA'I PHYIR RO ZHES BYA BA NI MING MED PA'I DON 'GREL PA STE, MING ZHES BYA BA NI GZUGS MED PA'I PHUNG PO BZHI PO TSOR BA DANG, 'DU SHES DANG, 'DU BYED DANG, RNAM PAR SHES PA RNAMS LA BYA STE, DE DAG GI RANG BZHIN MA YIN PA LA MING MED PA ZHES BYA'O ZHES BYA BA'I DON TO, ,MCHI BA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA RANG BZHIN GYIS STONG ZHING MI G-YO BAS, KHAMS GSUM DANG 'GRO BRGYUD LNGA GANG DU YANG 'GRO BA MED DO ZHES BSTAN PA'O, ,CHOS THAMS CAD 'GRO BA MED PA'I PHYIR RO ZHES BYA BA NI 'GRO BA MED PA'I DON 'GREL PA STE, DON DAM PAR CHOS THAMS CAD DNGOS PO MED PAS KHAMS GSUM DANG 'GRO BA RGYUD LNGA GANG DU YANG 'GRO ZHING RGYU BA MED PA DE BZHIN DU, SHES RAB KYI PHA ROL TU PHYIN PA YANG DNGOS PO MED PAS GANG DU YANG 'GRO ZHING RGYU BA MED DO ZHES BYA BA'I DON TO, ,MI 'PHROGS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RANG BZHIN GYIS STONG PAS BDUD DANG MU STEGS CAN LA SOGS PA LTA BA NGAN PA CAN RNAMS KYIS DBROG CING BSGYUR DU MI NUS SO ZHES BYA BA'I DON TO, ,CHOS THAMS CAD BZUNG DU MED PA'I PHYIR RO ZHES BYA BA NI MI 'PHROGS PA'I DON 'GREL PA STE, CHOS THAMS CAD KYANG RANG BZHIN GYIS STONG PAS MING DANG MTSAN MAR BZUNG DU MED PA DE BZHIN DU SHES RAB KYI PHA ROL TU PHYIN PA YANG DON DAM PAR MING DANG MTSAN MAR BZUNG DU MED PAS MI 'PHROGS PA YIN NO ZHES BSTAN PA'O, ,SKAD CIG MA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU @64A *, ,PHYIN PA RANG BZHIN GYIS STONG PAS SKAD CIG MA'I RGYUN LA GNAS PA MA YIN NO ZHES BYA BA'I DON TO, ,CHOS THAMS CAD BYANG ZHING ZAD PA'I PHYIR RO ZHES BYA BA NI SKAD CIG MA MED PA'I 'GREL PA STE, CHOS THAMS CAD RANG BZHIN GYIS STONG ZHING MED PA LA BYANG ZHING ZAD PA ZHES BYA STE, DE LTAR STONG ZHING MED PA'I PHYIR SKAD CIG MA'I RGYUN LA YANG MI GNAS SO ZHES BYA BA'I DON TO, ,SKYE BA MA MCHIS PA'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA LA DNGOS PO MED PAS MI SKYE BA'I RANG BZHIN YIN NO ZHES BYA BA'I DON TO, ,CHOS THAMS CAD SKYE BA DANG 'GAG PA MED PA'I PHYIR RO ZHES BYA BA NI SKYE BA MED PA'I 'GREL PA STE, DON DAM PAR DNGOS PO MED PA NI SKYE BA DANG 'GAG PA GNYIS KA YANG MED PA'I PHYIR SHES RAB KYI PHA ROL TU PHYIN PA YANG SKYE BA MED PA YIN NO ZHES BSTAN PA'O, ,BYED PA PO MA MCHIS PA'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA DNGOS PO MED PA CI 'ANG MI BYED PA'I RANG BZHIN YIN NO ZHES BSTAN PA'O, ,BYED PA PO DMIGS SU MED PA'I PHYIR RO ZHES BYA BA NI BYED PA PO MED PA'I 'GREL PA STE, DON DAM PAR DNGOS PO YOD PAR MA GRUB PAS BYED PA PO'I RANG BZHIN DMIGS SU MED PA'I PHYIR PHA ROL TU PHYIN PA 'DI YANG BYED PA PO MA YIN NO ZHES BYA BA'I DON TO, ,SHES PA PO MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA NI RNAM PAR MI RTOG PA'I RANG BZHIN YIN NO ZHES BSTAN PA'O, ,SHES PA PO DMIGS SU MED PA'I PHYIR RO ZHES BYA BA NI DON DAM PAR DNGOS PO MED PA'I PHYIR SHES PA PO RANG BZHIN MA YIN NO ZHES BYA BA'I DON TO, ,'PHO BA MA MCHIS PA'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA DNGOS PO MED PAS 'GRO BA'I RGYUD GZHAN DU 'PHO BA MED DO ZHES BYA BA'I DON TO, ,'CHI BA DANG SKYE BA MED PA'I PHYIR RO ZHES BYA BA NI 'PHO BA MED PA'I GTAN TSIGS BSTAN PA STE, DON DAM PAR DNGOS PO MED PA LA TSE 'PHO BA DANG SKYE BA MI SRID PA'I PHYIR @64B 'PHO BA MED PA YIN NO ZHES BSTAN PA'O, ,'JIG PA MA MCHIS PA'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA DNGOS PO YOD PAR MA GRUB PAS, MI 'JIG PA'I RANG BZHIN CAN NO ZHES BYA BA'I DON TO, ,CHOS THAMS CAD 'JIG PA MED PA'I PHYIR RO ZHES BYA BA NI MI 'JIG PA'I 'GREL PA STE, CHOS THAMS CAD KYANG DON DAM PAR DNGOS PO MED PAS STONG PA NYID KYI RANG BZHIN DE BZHIN NYID LA 'JIG CING GZHAN DU 'GYUR BA MED PA DE BZHIN DU SHES RAB KYI PHA ROL TU PHYIN PA LA YANG 'JIG PA MED DO ZHES BSTAN PA'O, , RMI LAM GYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI NI DON DAM PAR DNGOS PO MED PA LAS KUN RDZOB TU SHES RAB KYI PHA ROL TU PHYIN PA'O ZHES MING DANG THA SNYAD DU BRJOD PA NI RMI LAM GYI DNGOS PO DANG 'DRA'O ZHES BSTAN PA'O, ,RMI LAM MTHONG BA DMIGS SU MED PA'I PHYIR RO ZHES BYA BA NI RMI LAM DANG 'DRA BAR BSHAD PA'I GTAN TSIGS BSTAN PA STE, RMI LAM DU MTHONG BA'I DNGOS PO RNAMS YANG DAG PAR BRTAGS NA DMIGS SU MED PA BZHIN NO ZHES BYA BA'I DON TO, ,SGRA BRNYAN GYI PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA'I DNGOS PO MED PA LAS SHES RAB KYI PHA ROL TU PHYIN PA'I MING DU BTAGS SHING SGRAR BRJOD PA NI SGRA BRNYAN NAM BRAG CA DANG 'DRA'O ZHES BSTAN PA'O, ,NYAN PA DANG SGRAR BRJOD PA DMIGS SU MED PA'I PHYIR RO ZHES BYA BA NI SGRA BRNYAN LTA BUR BSHAD PA'I 'GREL PA STE, BRAG LA SOGS PA LAS BRAG CA'I SGRA BYUNG BA SGRA YANG DAG PA MA YIN YANG SGRA BUR GRAG PA BZHIN DU SHES RAB KYI PHA ROL TU PHYIN PA'I MING DANG SGRAR BRJOD PA YANG DNGOS PO MED PA LAS SGRAR BRJOD PA TZAM DU ZAD DO ZHES BSTAN PA'O, ,MIG YOR GYI PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA DNGOS PO MED PA LAS, YI GE'I 'BRU LA SOGS PA SNANG BA NI MIG YOR DANG 'DRA'O ZHES BSTAN PA'O, ,ME LONG GI BZHIN DMIGS SU MED PA'I PHYIR RO ZHES BYA BA NI MIG YOR DANG 'DRA BAR BSHAD PA'I 'GREL PA STE, ME LONG GI NANG NA BZHIN GYI @65A *, ,GZUGS BRNYAN SNANG BA MI'I BZHIN YANG DAG PAR MA YIN YANG, BZHIN DANG 'DRA BAR SNANG BA BZHIN DU SHES RAB KYI PHA ROL TU PHYIN PA YANG DON DAM PAR YIG 'BRU'I RANG BZHIN MA YIN PA LAS KUN RDZOB TU YI GE'I 'BRU LTA BUR SNANG BA TZAM DU ZAD DO ZHES BSTAN PA'O, ,SMIG RGYU'I PHA ROL TU PHYIN PA'O ZHES BYA BA NI DON DAM PAR SHES RAB KYI PHA ROL TU PHYIN PA 'DI DNGOS PO MED PA LAS, YOD PA LTA BUR SNANG BA NI 'KHRUL PA STE, SMIG RGYU LA CHU'I RANG BZHIN MED PA LAS CHU 'DRA BAR SNANG BA DANG 'DRA'O ZHES BYA BA'I DON TO, ,CHU 'BAB PA DMIGS SU MED PA'I PHYIR RO ZHES BYA BA NI SMIG RGYUR BSHAD PA'I 'GREL PA STE, DON DAM PAR CHU 'BAB PA NYID KYANG DNGOS PO MED PA YIN NO, ,SMIG RGYU LA CHU 'BAB PA'I RANG BZHIN MED PA LTA SMOS KYANG CI DGOS ZHES BYA BA'I THA TSIG GO, ,SGYU MA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DON DAM PAR DNGOS PO MED PA LAS YOD PA LTA BUR SNANG BA NI SGYU MA'I RTA DANG GLANG PO CHE LA SOGS PA RTA DANG GLANG PO CHE'I RANG BZHIN MA YIN YANG RTA DANG GLANG PO CHE LTA BUR SNANG BA DANG 'DRA'O ZHES BSTAN PA'O, ,MTSAN MA DMIGS SU MED PA'I PHYIR RO ZHES BYA BA NI SGYU MA LTA BUR BSHAD PA'I 'GREL PA STE, SGYU MA MKHAN GYIS SGYU MA BYAS PA'I GZHI DANG MTSAN MA, RTA DANG GLANG PO CHE'I DNGOS PO DANG SGYU MA BYA BA'I RGYU RKYEN, SMAN DANG SNGAGS LA SOGS PA'I MTSAN MA YANG DON DAM PAR DMIGS SU MED NA DE LAS BYUNG BA'I SGYU MA LTA BU DNGOS PO MED PA SMOS KYANG CI DGOS ZHES BYA BA'I DON TO, , RMONGS PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RANG BZHIN GYIS YONGS SU DAG CING MI SHES PA'I SGRIB PA MED PA'O ZHES BSTAN PA'O, ,MA RIG PA'I MUN PA DMIGS SU MED PA'I PHYIR RO ZHES BYA BA NI RMONGS PA MED PA'I DON 'GREL PA STE, SHES RAB KYI PHA ROL TU PHYIN PA RMONGS PA MED CING YONGS SU DAG PA DE SNGON MA RIG PA'I SGRIB PA YOD PA LAS BSAL TE, YONGS SU DAG PA NI MA YIN GYI MA RIG PA'I MUN PA NYID DON DAM PAR DMIGS SU MED PAS, THOG MA NAS YONGS SU DAG PA YIN NO ZHES BYA BA'I DON TO, ,KUN NAS NYON MONGS @65B PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI NYON MONGS PA'I SGRIB PA YONGS SU DAG PA YIN NO ZHES BSTAN PA'O, ,KUN NAS NYON MONGS PA DMIGS SU MED PA'I PHYIR RO ZHES BYA BA NI SHES RAB KYI PHA ROL TU PHYIN PA 'DI DE LTAR NYON MONGS PA'I SGRIB PA YONGS SU DAG PA YANG SNGON NYON MONGS PA DANG BCAS PA LAS NYON MONGS PA SPANGS TE, PHYIS YONGS SU DAG PAR GYUR PA NI YIN GYI, NYON MONGS PA NYID KYANG DON DAM PAR DNGOS PO MED PAS THOG MA NAS YONGS SU DAG PA YIN NO ZHES BSTAN PA'O, ,RNAM PAR BYANG BA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RANG BZHIN GYIS STONG ZHING GZOD MA NAS YONGS SU DAG PA YIN PAS, SNGON NYON MONGS PA DANG BCAS PA LAS PHYIS RNAM PAR BYANG BAR GYUR PA MA YIN NO ZHES BYA BA'I DON TO, ,NYON MONGS PA MED PA'I PHYIR RO ZHES BYA BA NI DE LTAR RNAM PAR BYANG BA'I GTAN TSIGS BSHAD PA STE, NYON MONGS PA ZHIG SNGON YOD NA NI DE SPANGS PAR RNAM PAR BYANG BA ZHES BYA NA NYON MONGS PA NYID KYANG RANG BZHIN GYIS STONG STE, GZOD MA NAS DAG PA'I PHYIR RNAM PAR BYANG BA MED DO ZHES BYA BA'I DON TO, ,DMIGS SU MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DON DAM PAR DNGOS PO YOD PAR MA GRUB PAS DMIGS PAR BYA BA DANG, DMIGS PAR BYED PA'I DNGOS PO MA YIN NO ZHES BYA BA'I DON TO, ,GNAS DMIGS SU MED PA'I PHYIR RO ZHES BYA BA NI DMIGS PAR BYA BA'I GNAS SAM YUL DNGOS PO MED PAS DMIGS SU BYED PAR YANG MED PA'I PHYIR DMIGS SU MED PA YIN NO ZHES BSTAN PA'O, ,SPROS PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RNAM PAR RTOG PA'I SPROS PA THAMS CAD DANG BRAL BA'I RANG BZHIN YIN NO ZHES BSTAN PA'O, ,SPROS PA THAMS CAD YANG DAG PAR BCOM PA'I PHYIR RO ZHES BYA BA NI DE LTAR RNAM PAR RTOG PA'I SPROS PA DANG BRAL BA YANG, RNAM PAR RTOG PA'I SPROS PA THAMS CHAD GZOD MA NAS MA SKYES PAR RTOGS PA'I PHYIR RO ZHES BSTAN PA'O, ,RLOM SEMS MA @66A *, ,MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RNAM PAR MI RTOG PA'I RANG BZHIN YIN PAS, BDAG GI YON TAN GYIS RLOM ZHING BSNYEMS PA MED PA YIN NO ZHES BSTAN PA'O, ,RLOM SEMS THAMS CAD YANG DAG PAR BCOM PA'I PHYIR RO ZHES BYA BA NI SNGON RLOM SEMS DANG BCAS PA LAS PHYIS RLOM SEMS MED PAR GYUR PA NI MA YIN GYI RLOM SEMS THAMS CAD GZOD MA NAS MA SKYES PAR RTOGS PA'I PHYIR RO ZHES BYA BA'I DON TO, ,MI G-YO BA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA RNAM PAR MI RTOG CING RLOM SEMS MED PA'I RANG BZHIN LAS NYAMS SHING G-YO BAR MI 'GYUR BA YIN NO ZHES BSTAN PA'O, ,CHOS KYI DBYINGS GNAS PA NYID KYI PHYIR RO ZHES BYA BA NI SHES RAB KYI PHA ROL TU PHYIN PA CHOS KYI DBYINGS KYI RANG BZHIN DANG THA MI DAD PAS, JI LTAR CHOS KYI DBYINGS MI 'GYUR BAR YONGS SU GRUB PAS G-YO ZHING 'GYUR BA MED PAR GNAS PA DE BZHIN DU SHES RAB KYI PHA ROL TU PHYIN PA YANG G-YO ZHING 'GYUR BA MED DO ZHES BYA BA'I DON TO, ,'DOD CHAGS DANG BRAL BA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA YONGS SU DAG PA 'DIS CHOS THAMS CAD STONG PA'I NGO BO NYID DU RTOGS PAS, CHOS GANG LA YANG CHAGS PA MED PA'I RANG BZHIN CAN NO ZHES BSTAN PA'O, ,CHOS THAMS CAD MA NOR BA YANG DAG PA NYID DU MNGON PAR 'TSANG RGYA BAR BYED PA'I PHYIR RO ZHES BYA BA NI CHOS THAMS CAD STONG PA'I NGO BO NYID DU PHYIN CI MA LOG PAR RTOGS PAR BYED PA SHES RAB KYI PHA ROL TU PHYIN PA YIN PAS, DE'I PHYIR 'DOD CHAGS DANG BRAL BA'I PHA ROL TU PHYIN PA YIN NO ZHES BYA BA'I DON TO, ,KUN NAS LDANG BA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI 'DOD CHAGS LA SOGS PA'I YUL LA MTSAN MAR MI 'DZIN CING RNAM PAR MI RTOG PAS 'DOD CHAGS LA SOGS PA'I NYON MONGS PA RNAMS KUN NAS LDANG BA'I RANG BZHIN CAN NO ZHES BSTAN PA'O, ,CHOS THAMS CAD RNAM PAR RTOG PA MED PA'I PHYIR RO ZHES BYA BA NI DON DAM PAR CHOS @66B THAMS CAD RANG BZHIN GYIS STONG PAS RNAM PAR RTOG PA MED PA DE BZHIN DU, SHES RAB KYI PHA ROL TU PHYIN PA YANG RANG BZHIN GYIS STONG ZHING RNAM PAR RTOG PA MED PA'I PHYIR KUN NAS LDANG BA MED DO ZHES BYA BA'I DON TO, ,ZHI BA'I PHA ROL TU PHYIN PA'O ZHES BYA BA NI, DE LTAR RNAM PAR MI RTOG CING NYON MONGS PA KUN NAS LDANG BA MED PAS ZHI BA'I RANG BZHIN CAN NO ZHES BSTAN PA'O, ,CHOS THAMS CAD MTSAN MA MED CING DMIGS SU MED PA'I PHYIR RO ZHES BYA BA NI DON DAM PAR CHOS THAMS CAD RANG BZHIN GYIS STONG PAS, NYON MONGS PA RNAMS SKYE BA'I MTSAN MA DMIGS SU MED PA'I PHYIR SHES RAB KYI PHA ROL TU PHYIN PA ZHI BA YIN NO ZHES BYA BA'I DON TO, ,'DOD CHAGS MA MCHIS PA'I PHA ROL TU PHYIN PA'O ZHES BYA BA NI CHAGS PAR BYA BA'I DNGOS PO MED PA'I PHYIR, SHES RAB KYI PHA ROL TU PHYIN PA 'DOD CHAGS MED PA'I RANG BZHIN CAN NO ZHES BSTAN PA'O, ,'DOD CHAGS DMIGS SU MED PA'I PHYIR RO ZHES BYA BA NI CHAGS PAR BYA BA'I DNGOS PO MED PAS CHAGS PAR BYED PA'I 'DOD CHAGS KYANG DMIGS SU MED PA'I PHYIR SHES RAB KYI PHA ROL TU PHYIN PA 'DOD CHAGS MED PA YIN NO ZHES BYA BA'I DON TO, ,ZHE SDANG MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA YONGS SU DAG CING SKYON MED PAS ZHE SDANG MED PA'I RANG BZHIN CAN NO ZHES BSTAN PA'O, ,ZHE SDANG YOD PA MA YIN PA'I PHYIR RO ZHES BYA BA NI ZHE SDANG SKYE BAR 'GYUR BA'I RGYUR GYUR PA'I CHOS RNAMS DNGOS PO MED PAS ZHE SDANG SKYE BAR MI 'GYUR BA'I PHYIR, SHES RAB KYI PHA ROL TU PHYIN PA ZHE SDANG MED PA YIN NO ZHES BYA BA'I DON TO, ,GTI MUG MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA SHES BYA DANG NYON MONGS PA'I SGRIB PA THAMS CAD YONGS SU DAG PA'I RANG BZHIN CAN YIN NO ZHES BSTAN PA'O, ,MI SHES PA'I MUN PA THAMS CAD SEL BA'I PHYIR RO ZHES BYA BA NI SHES RAB KYI PHA ROL TU PHYIN PA GTI MUG GI GNYEN PO YIN PA'I PHYIR GTI MUG MED PA YIN NO ZHES BYA BA'I DON TO, ,NYON MONGS PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU @67A *, ,PHYIN PA RNAM PAR MI RTOG PA LHUN GYIS GRUB PA'I RANG BZHIN YIN PAS RNAM PAR RTOG PA'I NYON MONGS PA MED PA YIN NO ZHES BSTAN PA'O, ,YONGS SU RTOGS PA MED PA'I PHYIR RO ZHES BYA BA NI BYANG CHUB SEMS DPA' RNAMS KYI NYON MONGS PA YONGS SU RTOGS PA YIN NO ZHES 'BYUNG BAS SHES RAB KYI PHA ROL TU PHYIN PA LA YONGS SU RTOGS PA MED PA'I PHYIR NYON MONGS PA MED PA'I PHA ROL TU PHYIN PA'O ZHES BYA'O, ,SEMS CAN MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RANG BZHIN GYIS STONG BAS, MU STEGS CAN GYIS BRTAGS PA'I BDAG SEMS CAN GYI DNGOS PO MED PA YIN ZHES BSTAN PA'O, ,SEMS CAN MED PA'I PHYIR RO ZHES BYA BA NI MU STEGS CAN GYIS BRTAGS PA'I BDAG SEMS CAN ZHES BYA BA DE KUN RDZOB TU YANG YOD PAR MA GRUB PA DE BZHIN DU, SHES RAB KYI PHA ROL TU PHYIN PA 'DI YANG DON DAM PAR DNGOS PO MED PA'I PHYIR SEMS CAN MED PA YIN NO ZHES BYA BA'I DON TO, ,RAB TU SPANGS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA NYON MONGS PA'I GNYEN PO YIN PAS NYON MONGS PA THAMS CAD MA LUS PAR SPANGS PA'I RANG BZHIN YIN NO ZHES BSTAN PA'O, , CHOS THAMS CAD KUN NAS LDANG BA MED PA'I PHYIR RO ZHES BYA BA NI NYON MONGS PA KUN NAS LDANG BA RNAMS DNGOS PO YOD PA LAS GNYEN PO BSGOMS PAS SPANGS TE MED PAR GYUR PA NI MA YIN GYI, CHOS THAMS CAD RANG BZHIN GYIS STONG STE, KUN NAS LDANG ZHING 'BYUNG BA MED PAR RTOGS PA NYID RAB TU SPANGS PA YIN NO ZHES BYA BA'I DON TO, ,MTHA' GNYIS SU MI 'GYUR BA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA RNAM PAR MI RTOG PA'I RANG BZHIN YIN PAS, YOD PA DANG, MED PA DANG, RTAG PA DANG, CHAD PA LA SOGS PA'I MTHA' GNYIS SU RNAM PAR RTOG PAR MI 'GYUR BA'O ZHES BSTAN PA'O, ,MTHA' RNAM PAR SPONG BA'I PHYIR RO ZHES BYA BA NI RNAM PAR MI RTOG PA NYID MTHA' GNYIS RNAM PAR SPONGS PA'I RANG BZHIN YIN PA'I PHYIR MTHA' GNYIS SU MI 'GYUR BA YIN NO ZHES BYA BA'I DON TO, ,THA MI DAD PA'I PHA ROL TU PHYIN PA'O ZHES BYA BA NI @67B SHES RAB KYI PHA ROL TU PHYIN PA DE BZHIN NYID KYI RANG BZHIN YIN PAS CHOS KYI DBYINGS DANG THA MI DAD PA'O ZHES BSTAN PA'O, ,CHOS THAMS CAD 'DRES PA MED PA'I PHYIR RO ZHES BYA BA NI DNGOS PO ZHIG YOD NA 'DRES PA DANG MA 'DRES PA THA DAD DU GYUR PA ZHES BYAR YANG RUNG NA, CHOS THAMS CAD DNGOS PO MED PAS 'DRES PA DANG MA 'DRES PA YANG MED PA'I PHYIR THA DAD DU GYUR PA YANG MED DO ZHES BYA BA'I DON TO, ,NYAMS PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA SKYON DANG DRI MA THAMS CAD DANG BRAL BA YIN NO ZHES BSTAN PA'O, ,NYAN THOS DANG RANG SANGS RGYAS KYI SA LAS 'DA' BAR BYED PA'I PHYIR RO ZHES BYA BA NI THEG PA CHEN PA'I SKYON DANG DRI MA NI THEG PA DMAN PA LAS 'DAS PA YIN TE, NYAN THOS DANG RANG SANGS RGYAS KYI SA DMAN PA LAS 'DAS PA NYID MA NYAMS SHING SKYON DANG BRAL BA YIN NO ZHES BYA BA'I DON TO, ,RNAM PAR RTOG PA MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI RNAM PAR MI RTOG PA LHUN GYIS GRUB PA YIN NO ZHES BSTAN PA'O, ,RNAM PAR RTOG PA THAMS CAD DMIGS SU MED PA'I PHYIR RO ZHES BYA BA NI DON DAM PAR RNAM PAR RTOG PA NYID KYANG DMIGS SU MED PA'I PHYIR RNAM PAR RTOG PA MED DO ZHES BYA BA'I DON TO, ,TSAD MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DON DAM PAR DNGOS PO MED PAS TSAD MAS BRTAG CING GZHAL DU MED DO ZHES BSTAN PA'O, ,CHOS THAMS CAD KYI TSAD DMIGS SU MED PA'I PHYIR RO ZHES BYA BA NI CHOS THAMS CAD KYANG RANG BZHIN GYIS STONG PAS TSAD MAS GZHAL DU MED PA DE BZHIN DU TSAD MAS GZHAL DU MED DO ZHES BYA BA'I DON TO, ,NAM MKHA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DON DAM PAR DNGOS PO MED DE, NAM MKHA' DANG 'DAR BAR CI LA YANG MA THOGS MA CHAGS PA YIN NO ZHES BSTAN PA'O, CHOS THAMS CAD LA CHAGS PA MED PA'I PHYIR RO ZHES BYA BA NI CHOS THAMS CAD KYANG DON DAM PAR DNGOS PO MED PAS, NAM MKHA' DANG 'DRA BA CI LA YANG MA THOGS MA CHAGS PA DE BZHIN DU SHES RAB KYI PHA ROL TU PHYIN @68A *, ,PA YANG NAM MKHA' DANG 'DRA'O ZHES BYA BA'I DON TO, ,MI RTAG PA'I PHA ROL TU PHYIN PA'O ZHES BYA BA NI, THEG PA CHUNG NGU BA'I MI RTAG PA LTAR DNGOS PO SKYES PA'AM YOD PA LAS 'JIG PA'I PHYIR MI RTAG PA NI MA YIN GYI DON DAM PAR RANG BZHIN GYIS STONG ZHING DNGOS PO MED DE RI BONG GI RVA LA SOGS PA BZHIN DU RTAG TU YOD PA MA YIN PA LA MI RTAG PA ZHES BYA'O, ,CHOS THAMS CAD 'JIG PA MED PA'I PHYIR RO ZHES BYA BA NI DE LTAR RANG BZHIN GYIS STONG ZHING RTAG TU YOD PA MA YIN PA DE LA 'JIG PA YANG MI SRID PA'I PHYIR RO ZHES BYA BA'I DON TO, ,SDUG BSNGAL GYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI DNGOS PO MED PA'I RANG BZHIN YIN PAS, DE LA SPYAD NA BDE BA'I 'DU SHES MED PA'I PHYIR SDUG BSNGAL ZHES BYA'I, MI BDE BA DANG LDAN PA'I PHYIR SDUG BSNGAL BA NI MA YIN NO, ,CHOS THAMS CAD TSOL BAR SBYOR BA MED PA'I PHYIR RO ZHES BYA BA NI DNGOS PO ZHIG YOD NA DE THOB PAS BDE BA THOB PAR BYA BA'I PHYIR TSOL ZHING SBYOR BA YANG SRID NA, CHOS THAMS CAD DNGOS PO MED DE DNGOS PO MED PA LA BDE BA THOB PAR BYA BA'I PHYIR TSOR BA DANG SBYOR BA YANG MED DE, DE LTAR BDE BA MED PA LA SDUG BSNGAL ZHES BRDAR BTAGS TE BSHAD PA YIN GYI SDUG BSNGAL NYID DANG LDAN PA LA NI MI BYA'O, ,BDAG MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA DON DAM PAR NGO BO NYID KYIS STONG PAS, DE'I BDAG NYID DAM RANG BZHIN YOD PA MA YIN NO ZHES BSTAN PA'O, ,CHOS THAMS CAD LA MNGON PAR CHAGS PA MED PA'I PHYIR RO ZHES BYA BA NI CHOS THAMS CAD DE LTAR RANG BZHIN GYIS STONG STE, BDAG MED PAS MNGON PAR CHAGS PAR BYA BA'I YUL MA YIN PA'I PHYIR BDAG MED PA YIN NO ZHES BYA BA'I DON TO, ,STONG PA NYID KYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA'I RANG BZHIN GYI MTSAN NYID KUN RDZOB TU JI SKAD DU BRTAGS SHING RNAM PAR GZHAG PA DE DANG BRAL BA'I PHYIR STONG PA NYID DO ZHES BSTAN PA'O, ,CHOS THAMS CAD DMIGS SU MED PA'I PHYIR RO ZHES BYA BA NI GZUGS LA SOGS PA'I CHOS THAMS CAD KYI SO SO'I @68B MTSAN NYID JI SKAD DU BRTAGS SHING RNAM PAR GZHAG PA DE DAG GIS STONG ZHING DMIGS SU MED PA DE BZHIN DU SHES RAB KYI PHA ROL TU PHYIN PA YANG RANG GI MTSAN NYID KYIS STONG NGO ZHES BYA BA'I DON TO, ,MTSAN NYID MA MCHIS PA'I PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA NYID RANG BZHIN GYIS STONG BAS, DE'I MTSAN NYID KYANG YOD PA MA YIN NO ZHES BSTAN PA'O, ,CHOS THAMS CAD MNGON PAR GRUB PA MED PA'I PHYIR RO ZHES BYA BA NI, GZUGS LA SOGS PA'I CHOS THAMS CAD MA SKYES SHING MNGON PAR GRUB PA MED PA'I PHYIR SO SO'I MTSAN NYID KYANG YOD PA MA YIN PA BZHIN NO ZHES BYA BA'I DON TO, ,NANG STONG PA NYID KYI PHA ROL TU PHYIN PA'O ZHES BYA BA NAS DNGOS PO MED PA'I NGO BO NYID DMIGS SU MED PA'I PHYIR RO ZHES BYA BA'I BAR DU NI, STONG PA NYID BCVA BRGYAD DANG SBYAR TE DE DAG GI DNGOS PO YANG YOD PA MA YIN PA'I SGO NAS SHES RAB KYI PHA ROL TU PHYIN PA 'DI ZAB PA BSTAN PA STE, STONG PA NYID BCVA BRGYAD KYI MTSAN NYID NI SNGAR BSHAD ZIN TO, ,DRAN PA NYE BAR GZHAG PA'I PHA ROL TU PHYIN PA'O ZHES BYA BA NAS, NYAN THOS DANG RANG SANGS RGYAS KYI CHOS THAMS CAD LAS YANG DAG PAR 'DAS PA'I PHYIR RO ZHES BYA BA'I BAR DU NI BYANG CHUB KYI PHYOGS KYI CHOS SUM CU RTZA BDUN DANG, RNAM PAR THAR PA'I SGO GSUM DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU DANG, PHA ROL TU PHYIN PA DRUG DANG, STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SNYING RJE CHEN PO DANG, SANGS RGYAS KYI CHOS MA 'DRES PA BCVA BRGYAD RNAMS DON DAM PAR DMIGS SU MED PA'I RANG BZHIN NYID SHES RAB KYI PHA ROL TU PHYIN PA YIN PAR BSTAN PA'I SGO NAS, SHES RAB KYI PHA ROL TU PHYIN PA 'DI NI ZAB PA BSTAN PA'O, ,DE BZHIN GSHEGS PA'I PHA ROL TU PHYIN PA'O ZHES BYA BA NI DE BZHIN GSHEGS PA'I RANG BZHIN DANG THA MI DAD DO ZHES BSTAN PA'O, ,BRJOD PA THAMS CAD KYI DE BZHIN NYID KYI PHYIR RO ZHES BYA BA NI DE BZHIN GSHEGS PA'I RANG BZHIN BSTAN PA STE, DE BZHIN GSHEGS PA NI GSUNGS SO @69A *, ,COG MA NOR BA DE BZHIN NYID GSUNG GI GZHAN DU MI GSUNG BA DE BZHIN DU SHES RAB KYI PHA ROL TU PHYIN PA 'DI LAS CHOS CI BSHAD DO COG KYANG DE BZHIN NYID DU BRJOD CING BSHAD KYI GZHAN DU BRJOD PA DANG BSHAD PA MED DO ZHES BYA BA'I DON TO, ,RANG BYUNG GI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI CHOS THAMS CAD LA DBANG BSGYUR BA YIN TE GZHAN LA RAG MA LUS SHING GZHAN GYI RKYEN GYIS BYUNG BA MA YIN NO ZHES BSTAN PA'O, ,CHOS THAMS CAD LA DBANG BSGYUR BA'I PHYIR RO ZHES BYA BA NI SHES RAB KYI PHA ROL TU PHYIN PA 'DI'I DBANG GIS CHOS THAMS CAD BSTAN GYI CHOS GZHAN RNAMS KYI DBANG GIS SHES RAB KYI PHA ROL TU PHYIN PA 'DI BSHAD PA MA YIN NO ZHES BYA BA'I DON TO, ,SANGS RGYAS KYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA 'DI CHOS THAMS CAD THUGS SU CHUD PA'I RANG BZHIN YIN NO ZHES BSTAN PA'O, ,CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BA'I PHYIR RO ZHES BYA BA NI, 'JIG RTEN DANG 'JIG RTEN LAS 'DAS PA'I CHOS THAMS CAD RNAM PA THAMS CAD DU YONGS SU RDZOGS PAR SHES PAR BYED PA'I RGYU YIN PA'I PHYIR SANGS RGYAS KYI PHA ROL TU PHYIN PA YIN NO ZHES BYA BA'I DON TO, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU PA'O,, ,,DE NAS LHA'I DBANG PO BRGYA BYIN 'DI SNYAM DU GYUR TO ZHES BYA BA LA SOGS PA NI, DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA 'DI SHIN TU ZAB PA BRGYA BYIN GYIS THOS NAS, DE LTA BU'I SHES RAB KYI PHA ROL TU PHYIN PA ZAB MO 'DI THOS PA DANG, 'DZIN CING 'CHANG BA LA SOGS PA DKON PA BSTAN PA'I SGO NAS, SHES RAB KYI PHA ROL TU PHYIN PA ZAB MO 'DI DKON ZHING MOS PAR DKA' BA BSTAN PA STE, SHES RAB KYI PHA ROL TU PHYIN PA 'DI RIGS KYI BU DANG RIGS KYI BU MO GANG GI RNA LAM DU GRAG PA DE DAG NI SNGON GYI RGYAL BA LA BSNYEN BKUR BYAS PA'O ZHES BYA BA NI, BSOD NAMS CHUNG NGUS SHES RAB KYI PHA ROL TU PHYIN PA 'DI MING DANG TSIG TZAM YANG RNA LAM DU THOS PAR MI 'GYUR GYI, SNGON 'DAS PA'I SANGS RGYAS BCOM LDAN 'DAS @69B RNAMS LA BSNYEN BKUR BYAS PA RNAMS KYIS MING DANG TSIG TZAM THOS PAR 'GYUR RO ZHES BSTAN PA'O, ,SHES RAB KYI PHA ROL TU PHYIN PA 'DI SEMS CAN GANG GI RNA LAM DU GRAG PA DE DAG NI DE BZHIN GSHEGS PA LA DGE BA'I RTZA BA BSKYED PA'O ZHES BYA BA NI, DA LTAR BYUNG BA'I DE BZHIN GSHEGS PA RNAMS LA BSNYEN BKUR BYAS SHING DGE BA'I RTZA BA BSKYED PA RNAMS KYIS, SHES RAB KYI PHA ROL TU PHYIN PA ZAB MO 'DI MING DANG TSIG TZAM THOS PAR 'GYUR GYI GZHAN GYIS THOS PAR MI 'GYUR RO ZHES BYA BA'I DON TO, ,SHES RAB KYI PHA ROL TU PHYIN PA 'DI SEMS CAN GANG GI RNA LAM DU GRAG PA DE DAG NI DGE BA'I BSHES GNYEN GYIS YONGS SU BZUNG BA'O ZHES BYA BA NI, THEG PA CHEN PO'I DON PHYIN CI MA LOG PAR STON PA'I DGE BA'I BSHES GNYEN GYIS YONGS SU ZIN PA RNAMS KYIS SHES RAB KYI PHA ROL TU PHYIN PA ZAB MO 'DI THOS PAR 'GYUR GYI GZHAN GYI RNA LAM DU GRAG PAR YANG MI 'GYUR RO ZHES BSTAN PA'O, ,GANG 'DZIN CING 'CHANG BA DANG ZHES BYA BA NAS, DE BZHIN NYID DU SHES RAB KYI PHA ROL TU PHYIN PA LA NAN TAN DU BYED PA LTA CI SMOS TE ZHES BYA BA'I BAR DU NI, SHES RAB KYI PHA ROL TU PHYIN PA 'DI'I MING DANG TSIG TZAM THOS PA YANG DE LTAR DKON NA, DON PHYIN CI MA LOG PAR RTOGS SHING NYAMS SU LEN PA LTA CI SMOS ZHES BSTAN PA'O, ,RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA 'DI THOS NAS, MI 'JIGS MI DNGANG SKRAG PAR MI 'GYUR BA DAG GIS, SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA YONGS SU DRIS SO YONGS SU ZHUS SO ZHES BYA BA NI SNGON GYI SANGS RGYAS RNAMS LA SHES RAB KYI PHA ROL TU PHYIN PA 'DI LEGS PAR MNYAN CING THE TSOM MED PAR BYAS PA RNAMS KYIS THOS NAS 'JIGS SHING SKRAG PAR MI 'GYUR TE, SMOS SHING DAD PAR 'GYUR GYI GZHAN GYIS DE LTAR MI 'GYUR RO ZHES BSTAN PA'O, ,RIGS KYI BU'AM RIGS KYI BU MO GANG GIS SHES RAB KYI PHA ROL TU PHYIN PA 'DI THOS NAS ZHES BYA BA NAS, SHES RAB KYI PHA ROL TU PHYIN PA LA SPYAD DO ZHES BYA BA'I BAR DU NI, TSE RABS SNGA MA LA BSKAL PA DU @70A *, ,MAR PHA ROL TU PHYIN PA DRUG LA SPYAD CING GOMS PAR BYED PA RNAMS, SHES RAB KYI PHA ROL TU PHYIN PA ZAB MO 'DI THOS NAS, 'JIGS SHING SKRAG PAR MI 'GYUR LA MOS SHING DAD PAR 'GYUR GYI GZHAN GYIS DE LTAR MI NUS SO ZHES BSTAN PA'O, , DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, SHES RAB KYI PHA ROL TU PHYIN PA ZAB MO 'DI THOS NAS KYANG MOS PAR BGYI BAR MI NUS SO ZHES BYA BA'I BAR DU NI, SHES RAB KYI PHA ROL TU PHYIN PA 'DI NYAN PA DANG NYAMS SU LEN PA DE DAG BYANG CHUB SEMS DPA' PHAL PA MA YIN GYI, PHYIR MI LDOG PA'I BYANG CHUB SEMS DPA' DANG 'DRA STE, TSE RABS SNGA MA LA PHA ROL TU PHYIN PA DRUG MA SPYAD PAS, SHES RAB KYI PHA ROL TU PHYIN PA'I DON ZAB MO 'DI LA DPYOD CING MOS PAR MI NUS SO ZHES BSTAN PA'O, , BCOM LDAN 'DAS RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI THOS NAS, SPANGS PAR SEMS PA DAG GIS NI SNGON GYI MTHA' YANG SHES RAB KYI PHA ROL TU PHYIN PA ZAB MO 'DI SPANGS PAR GYUR TE ZHES BYA BA NAS, SANGS RGYAS KYI CHOS MA 'DRES PA BCVA BRGYAD NI JI LTAR BSGOM PAR BGYI ZHES YONGS SU MA ZHUS YONGS SU MA DRIS SO ZHES BYA BA'I BAR DU NI SHES RAB KYI PHA ROL TU PHYIN PA ZAB MO 'DI THOS NA MA DAD CING MA MOS LA SKUR BA 'DEBS PA DAG NI, TSE RABS SNGA MA LA YANG SHES RAB KYI PHA ROL TU PHYIN PA 'DI LA MA DAD MA MOS SHING SKUR BA BTAB PA DANG, SANGS RGYAS DANG BYANG CHUB SEMS DPA' DANG, NYAN THOS DANG, RANG SANGS RGYAS RNAMS LA BSNYEN BKUR MA BYAS PA DANG, PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCVA BRGYAD LA THUG GI BAR GYI CHOS RNAMS JI LTAR SPYAD CING BSGOM PA MA MNYAN MA DRIS PA'I LAN TO ZHES BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PA SHA RA DVA TI'I BU LA 'DI SKAD CES SMRAS SO ZHES BYA BA NAS, RNAM PA THAMS CAD MKHYEN PA NYID LA MOS PAR MI 'GYUR BA LTA NGO MTSAR KYANG CI CHE ZHES BYA BA'I BAR DU NI SHES @70B RAB KYI PHA ROL TU PHYIN PA 'DI RAB TU ZAB PAS SNGON BYANG CHUB SEMS DPA'I SPYOD PA LA SPYAD CING GOMS PAR BYAS PA NYUNG ZAD CIG DAD CING MOS PAR 'GYUR GYI, SNGON BYANG CHUB SEMS DPA'I SPYOD PA LA MA SPYAD CING GOMS PAR MA BYAS PA RNAMS, SHES RAB KYI PHA ROL TU PHYIN PA ZAB MO 'DI LA MOS SHING DAD PAR MI 'GYUR BA LTA NGO MTSAR KYANG CI CHE ZHES BSTAN PA STE, 'DIS KYANG SHES RAB KYI PHA ROL TU PHYIN PA 'DI ZAB CING MOS PAR DKA' BA BSTAN PA'O, ,BTZUN PA SHA RA DVA TI'I BU SHES RAB KYI PHA ROL TU PHYIN PA LA PHYAG 'TSAL LO ZHES BYA BA NI GONG DU BSHAD PA'I TSUL DU SHES RAB KYI PHA ROL TU PHYIN PA SHIN TU ZAB PA'I DON BRGYA BYIN GYIS RTOGS NAS SHES RAB KYI PHA ROL TU PHYIN PA LA DAD PA CHEN PO SKYES TE PHYAG 'TSAL BA'O, ,GANG SHES RAB KYI PHA ROL TU PHYIN PA LA PHYAG 'TSAL BA DE NI, THAMS CAD MKHYEN PA'I YE SHES LA PHYAG 'TSAL BA'O ZHES BYA BA NI THAMS CAD MKHYEN PA'I YE SHES KYANG SHES RAB KYI PHA ROL TU PHYIN PA 'DI LAS BYUNG BA'I PHYIR RGYU LA PHYAG BYAS NA 'BRAS BU LA YANG PHYAG BYAS PAR 'GYUR BA BSTAN PA'O, ,DE NAS BCOM LDAN 'DAS KYIS LHA'I DBANG PO BRGYA BYIN LA BKA' STZAL PA ZHES BYA BA NAS RNAM PA THAMS CAD MKHYEN PA NYID KYI YE SHES LAS KYANG SHES RAB KYI PHA ROL TU PHYIN PA BRJOD DO ZHES BYA BA'I BAR DU NI, BRGYA BYIN GYIS SMRAS PA'I DON BCOM LDAN 'DAS KYIS GSAL BAR BSTAN PA STE, SHES RAB KYI PHA ROL TU PHYIN PA LAS RNAM PA THAMS CAD MKHYEN PA NYID KYI YE SHES 'BYUNG LA, RNAM PA THAMS CAD MKHYEN PA NYID KYI YE SHES THOB NAS KYANG SHES RAB KYI PHA ROL TU PHYIN PA BSTAN PA 'BYUNG BAS, 'DI GNYIS GCIG GI RGYU GCIG YIN PA'I PHYIR SHES RAB KYI PHA ROL TU PHYIN PA LA PHYAG 'TSAL BAS RNAM PA THAMS CAD MKHYEN PA NYID KYI YE SHES LA PHYAG 'TSAL BAR 'GYUR BA BDEN NO ZHES BSTAN PA'O, ,KOO SHI KA THAMS CAD MKHYEN PA NYID LA GNAS PAR 'DOD PA'I RIGS KYI BU'AM RIGS KYI BU MOS SHES RAB KYI PHA ROL TU PHYIN PA LA GNAS PAR BYA'O ZHES BYA BA NAS, DGE SLONG GI DGE 'DUN BSDU BAR 'DOD PA'I RIGS KYI BU'AM RIGS KYI BU MOS SHES @71A *, ,RAB KYI PHA ROL TU PHYIN PA LA BRTZON PAR BYA'O ZHES BYA BA'I BAR DU NI SHES RAB KYI PHA ROL TU PHYIN PA 'DI RNAM PA THAMS CAD MKHYEN PA NYID KYI YE SHES DANG, LAM GYI RNAM PA SHES PA THOB PAR BYA BA DANG, BAG CHAGS KYIS MTSAMS SBYOR BA NYON MONGS PA SPANG BAR BYA BA DANG, CHOS KYI 'KHOR LO BSKOR BA DANG, SEMS CAN RNAMS NYAN THOS KYI 'BRAS BU BZHI DANG, RANG BYANG CHUB DANG, BLA NA MED PA'I BYANG CHUB LA DGOD PA DANG, KHAMS GSUM GYI PHUL DU 'GYUR BAR BYA BA DANG, BDUD PHAM PAR BYA BA DANG, DGE SLONG GI DGE 'DUN BSDU BAR BYA BA'I RGYU YIN PAS, DNGOS PO DE DAG SGRUB PAR 'DOD NA YANG SHES RAB KYI PHA ROL TU PHYIN PA 'DI LA BRTZON PAR BYA'O ZHES BSTAN PA'O, ,DE SKAD CES BKA' STZAL PA DANG, LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO ZHES BYA BA NAS, JI LTAR NA SHES RAB KYI PHA ROL TU PHYIN PA LA SPYOD PA'I TSE SANGS RGYAS KYI CHOS MA 'DRES PA BCVA BRGYAD LA BRTZON PAR BGYID PA LAGS ZHES BYA BA'I BAR DU NI, GONG DU THAMS CAD MKHYEN PA NYID LA GNAS PAR 'DOD PAS SHES RAB KYI PHA ROL TU PHYIN PA LA GNAS PAR BYA'O ZHES BCOM LDAN 'DAS KYIS BKA' STZAL PA DANG; LAM GYI RNAM PA SHES PA NYID KYI YE SHES SGRUB PAR 'DOD PAS, SHES RAB KYI PHA ROL TU PHYIN PA LA BRTZON PAR BYA'O ZHES BYA BA LA SOGS PA GNAS PAR BYA BA DANG, BRTZON PAR BYA BA DE JI LTAR GNAS PAR BYA BA DANG, JI LTAR BRTZON PAR BYA BA BCOM LDAN 'DAS LA BRGYA BYIN GYIS ZHUS PA'O, ,BCOM LDAN 'DAS KYIS BKA' STZAL PA, KOO SHI KA DE LTAR KHYOD DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA DON 'DI YONGS SU DRI BAR SEMS PA LEGS SO LEGS SO, ,KOO SHI KA KHYOD KYI SPOBS PA 'DI YANG SANGS RGYAS KYI BYIN GYI RLABS KYIS BYUNG NGO ZHES BYA BA NI, BRGYA BYIN GYIS SHES RAB KYI PHA ROL TU PHYIN PA LA JI LTAR GNAS PAR BYA BA DANG, JI LTAR BRTZON PAR BYA BA BCOM LDAN 'DAS LA ZHUS PA DON MA NOR BAR LEGS PAR ZHUS SO ZHES BSTOD PA STE, DE LTAR LEGS PAR ZHUS PA BSTOD PA @71B DANG; DE LTAR ZHU BA'I SPOBS PA SKYES PA BCOM LDAN 'DAS KYI MTHU DANG BYIN GYI RLABS YIN PAR BSTAN PA YANG, 'KHOR RNAMS YID CHES SHING DAD PA BSKYED PA'I PHYIR RO, ,KOO SHI KA 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE GZUGS LA MI GNAS TE, GANG GI TSE GZUGS LA MI GNAS PA DE'I TSE, GZUGS LA BRTZON PAR BYED DO ZHES BYA BA NAS, GANG GI TSE RNAM PA THAMS CAD MKHYEN PA NYID LA MI GNAS PA DE'I TSE RNAM PA THAMS CAD MKHYEN PA NYID LA BRTZON PAR BYED DO ZHES BYA BA'I BAR DU NI JI LTAR GNAS PAR BYA BA DANG, JI LTAR BRTZON PAR BYA BA ZHUS PA'I LAN BCOM LDAN 'DAS KYIS BKA' STZAL PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR DNGOS PO YOD PAR MA GRUB PAS, DE DAG LA MTSAN MAR MI 'DZIN CING DMIGS PA'I TSUL DU MI GNAS PA NYID SHES RAB KYI PHA ROL TU PHYIN PA LA GNAS PA YIN ZHING, DE NYID SHES RAB KYI PHA ROL TU PHYIN PA LA BRTZON PA YIN NO ZHES BSTAN PA'O, ,DE CI'I PHYIR ZHE NA, KOO SHI KA DE NI 'DI LTAR GANG LA GNAS PAR BYA BA DANG, GANG LA BRTZON PAR BYA BA DE LTA BU'I GZUGS MI DMIGS SO ZHES BYA BA NAS, GANG LA GNAS PAR BYA BA DANG, GANG LA BRTZON PAR BYA BA DE LTA BU'I RNAM PA THAMS CAD MKHYEN PA NYID MI DMIGS SO ZHES BYA BA'I BAR DU NI GZUGS LA SOGS PA'I CHOS THAMS CAD LA MI GNAS PA NYID SHES RAB KYI PHA ROL TU PHYIN PA LA GNAS SHING, BRTZON PA YIN PA'I GTAN TSIGS BSTAN PA STE, GZUGS LA SOGS PA'I CHOS THAMS CAD DON DAM PAR DNGOS PO MED CING DMIGS SU MED PAS, GANG LA YANG GNAS PAR BYA BA DANG DMIGS PAR BYA BA'I DNGOS PO DE LTA BU YOD PAR MI LTA ZHING MTSAN MAR MI 'DZIN PA DE NYID SHES RAB KYI PHA ROL TU PHYIN PA LA GNAS PA DANG BRTZON PA YIN NO ZHES BYA BA'I DON TO, ,KOO SHI KA GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS LA MI SBYOR MI 'BYED DE, @72A *, ,GANG GI TSE GZUGS LA MI SBYOR MI 'BYED PA DE'I TSE, GZUGS LA BRTZON PAR BYED DO ZHES BYA BA NAS, GANG GI TSE RNAM PA THAMS CAD MKHYEN PA NYID LA MI SBYOR MI 'BYED PA DE'I TSE, RNAM PA THAMS CAD MKHYEN PA NYID LA BRTZON PAR BYED DO ZHES BYA BA'I BAR DU NI GZUGS LA SOGS PA'I CHOS THAMS CAD DE NA DAM PAR DNGOS PO MED PAS DE DAG BSGRUB PA'I PHYIR BRTZON PAR YANG MI BYED, MI SGRUB PA'I PHYIR SPANG BAR YANG MI BYED PA NYID SHES RAB KYI PHA ROL TU PHYIN PA LA BRTZON PAR BYED PA YIN NO ZHES BSTAN PA'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO DE NI SHES RAB KYI PHA ROL TU PHYIN PA LA SPYOD PA'I TSE, GZUGS SNGON GYI MTHAR MI DMIGS SO, ,GZUGS PHYI MA'I MTHAR MI DMIGS SO, ,GZUGS DBUS SU MI DMIGS SO ZHES BYA BA NAS RNAM PA THAMS CAD MKHYEN PA NYID DBUS SU MI DMIGS SO ZHES BYA BA'I BAR DU NI GZUGS LA SOGS PA'I CHOS THAMS CAD DON DAM PAR DNGOS PO MED PAS DE DAG BSGRUB PA'I PHYIR BRTZON PAR BYAR MED SPANG BAR YANG BYAR MED PA'I GTAN TSIGS BSTAN PA STE, GZUGS LA SOGS PA'I CHOS THAMS CAD DNGOS PO ZHIG YOD NA DUS GSUM LAS SNGON GYI MTHA'AM, PHYI MA'I MTHA'AM, DA LTAR BYUNG BA'I DUS NA YOD CING DMIGS PA'I RIGS NA YANG DAG PA'I SHES RAB KYIS BRTAGS NA DUS GSUM CHAR DU YANG DNGOS PO YOD PAR MI DMIGS PAS, DE DAG BSGRUB PA'I PHYIR BRTZON PAR YANG MI BYED, MI SGRUB PA'I PHYIR SPANG BAR YANG MI BYED DO ZHES BSTAN PA'O, ,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, SHA RA DVA TI'I BU RNAM PA THAMS CAD MKHYEN PA NYID KYI DE BZHIN NYID ZAB PA'I PHYIR SHES RAB KYI PHA ROL TU PHYIN PA ZAB BO ZHES BYA BA'I BAR DU NI, DE LTAR GZUGS LA SOGS PA'I CHOS THAMS CAD DUS GSUM DU DMIGS SU MED PAR STON PA'I SHES RAB KYI PHA ROL TU PHYIN PA DE NI SEMS CAN THAMS CAD KYI SPYOD YUL MA YIN ZHING RTOGS PA DANG YID CHES PAR DKA' BA'I PHYIR ZAB BO ZHES GSOL PA DANG, BCOM @72B LDAN 'DAS KYIS GZUGS LA SOGS PA'I CHOS THAMS CAD DNGOS PO MED PA'I RANG BZHIN DE BZHIN NYID NI MNGON SUM DU MI 'GYUR BA'I PHYIR, DE LTAR STON PA'I SHES RAB KYI PHA ROL TU PHYIN PA ZAB BO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA GTING DPAG DKA' BA'O ZHES BYA BA NAS, SHA RA DVA TI'I BU RNAM PA THAMS CAD MKHYEN PA NYID GTING DPAG DKA' BA'I PHYIR, SHES RAB KYI PHA ROL TU PHYIN PA GTING DPAG DKA' BA'O ZHES BYA BA'I BAR DU NI, ZAB PA'I DON NYID RNAM GRANGS GZHAN GYIS BSTAN PA'I PHYIR GTING DPAG DKA' BA BSHAD PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA 'DI TSAD MA MCHIS SO ZHES BYA BA NAS, SHA RA DVA TI'I BU RNAM PA THAMS CAD MKHYEN PA NYID TSAD MED PA'I PHYIR SHES RAB KYI PHA ROL TU PHYIN PA TSAD MED DO ZHES BYA BA'I BAR DU NI GTING DPAG DKA' BA'I DON DE NYID TSAD MED PAS BSTAN PA STE, GZUGS LA SOGS PA'I CHOS THAMS CAD DON DAM PAR DNGOS PO MED PAS, GRANGS DANG TSAD 'DI TZAM MO ZHES BRTAG TU MED PA'I PHYIR GTING DPAG DKA'O ZHES BYA BA'I DON TO, ,GSOL PA, BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA LAGS ZHES BYA BA NI, DE LTAR GONG DU BSHAD PA'I TSUL DU CHOS THAMS CAD DON DAM PAR DNGOS PO MED DE ZAB CING GTING DPAG DKA' BA DANG, TSAD MED PA YIN PAS THAMS CAD KYI SPYOD YUL DU 'GYUR BA MA YIN TE, SHES RAB KYI PHA ROL TU PHYIN PA YANG DE BZHIN DU ZAB CING GTING DPAG DKA' LA TSAD MED PA YIN PAS THAMS CAD KYI SPYOD YUL DU MI 'GYUR NA, BYANG CHUB SEMS DPAS SHES RAB KYI PHA ROL TU PHYIN PA LA JI LTAR SPYAD PAR BYA ZHES SHES RAB KYI PHA ROL TU PHYIN PA LA SPYAD PA'I THABS SH'A RI'I BUS ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS ZAB CES BYA BAR MI SPYOD NA SHES RAB KYI PHA ROL TU PHYIN PA LA SPYOD DO @73A *, ,ZHES BYA BA NAS, GAL TE RNAM PA THAMS CAD MKHYEN PA NYID ZAB CES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA'I BAR DU NI, GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS ZAB PAR 'DU SHES SHING RNAM PAR RTOG PA MED NA SHES RAB KYI PHA ROL TU PHYIN PA LA MI SPYOD PA'I TSUL GYIS SPYOD PA YIN NO ZHES BSTAN PA'O, ,DE CI'I PHYIR ZHE NA, SHA RA DVA TI'I BU GZUGS KYI ZAB PA NYID GANG YIN PA DE NI GZUGS MA YIN NO ZHES BYA BA NAS RNAM PA THAMS CAD MKHYEN PA NYID KYI ZAB PA GANG YIN PA DE NI RNAM PA THAMS CAD MKHYEN PA NYID MA YIN NO ZHES BYA BA'I BAR DU NI, GZUGS LA SOGS PA'I CHOS THAMS CAD LA ZAB PA'I 'DU SHES MED CING RNAM PAR MI RTOG PA'I SHES RAB KYI PHA ROL TU PHYIN PA LA SPYOD PA YIN PA'I GTAN TSIGS BSTAN PA STE, GZUGS LA SOGS PA'I CHOS THAMS CAD ZAB CES BYA BA NI DNGOS PO MED PA LA BYA STE, DNGOS PO MED PA GANG YIN PA DE NI GZUGS LA SOGS PA'I RANG BZHIN DU YOD PA MA YIN PAS RNAM PAR RTOG PA'I YUL MA YIN NO ZHES BSTAN PA'O, ,SHA RA DVA TI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS GTING DPAG DKA' ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NAS, GAL TE RNAM PA THAMS CAD MKHYEN PA NYID GTING DPAG DKA' ZHES BYA BAR MI SPYOD NA, SHES RAB KYI PHA ROL TU PHYIN PA LA SPYOD CES BYA BA'I BAR GYIS NI, GZUGS LA SOGS PA'I CHOS THAMS CAD RANG BZHIN GYIS STONG PAS GTING DPAG DKA' BA'I 'DU SHES KYANG MED CING RNAM PAR MI RTOG NA SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,DE CI'I PHYIR ZHE NA, SHA RA DVA TI'I BU GZUGS KYI GTING DPAG DKA' BA GANG YIN PA DE NI GZUGS MA YIN NO ZHES BYA BA NAS, RNAM PA THAMS CAD MKHYEN PA NYID KYI GTING DPAG DKA' BA GANG YIN PA DE NI RNAM PA THAMS CAD MKHYEN PA NYID MA YIN NO ZHES BYA BA'I BAR DU NI, GZUGS LA SOGS PA'I CHOS THAMS CAD LA GTING DPAG DKA' BA'I 'DU SHES MED CING RNAM PAR MI RTOG @73B PA SHES RAB KYI PHA ROL TU PHYIN PA LA SPYOD PA YIN PA'I GTAN TSIGS BSTAN PA STE, GZUGS LA SOGS PA'I CHOS THAMS CAD GTING DPAG DKA' ZHES BYA BA NI, DNGOS PO MED PA LA BYA STE DNGOS PO MED PA GANG YIN PA DE NI GZUGS LA SOGS PA'I RANG BZHIN DU YOD PA MA YIN PAS RNAM PAR RTOG PA'I YUL MA YIN TE, DE LTAR RNAM PAR MI RTOG PA NYID SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,SHA RA DVA TI'I BU GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS TSAD MED DO ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NAS, GAL TE RNAM PA THAMS CAD MKHYEN PA NYID TSAD MED DO ZHES BYA BAR MI SPYOD NA SHES RAB KYI PHA ROL TU PHYIN PA LA SPYOD DO ZHES BYA BA'I BAR DU NI, GZUGS LA SOGS PA'I CHOS THAMS CAD RANG BZHIN GYIS STONG PAS TSAD MED DO ZHES BYA BA'I 'DU SHES KYANG MED CING RNAM PAR MI RTOG NA SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,DE CI'I PHYIR ZHE NA, SHA RA DVA TI'I BU GZUGS KYI TSAD MED PA GANG YIN PA DE NI GZUGS MA YIN NO ZHES BYA BA NAS, RNAM PA THAMS CAD MKHYEN PA NYID KYI TSAD MED PA GANG YIN PA DE NI, RNAM PA THAMS CAD MKHYEN PA NYID MA YIN NO ZHES BYA BA'I BAR DU NI GZUGS LA SOGS PA'I CHOS THAMS CAD LA TSAD MED PA'I 'DU SHES MI 'BYUNG ZHING RNAM PAR MI RTOG PA'I SHES RAB KYI PHA ROL TU PHYIN PA SPYOD PA YIN PA'I GTAN TSIGS BSTAN PA STE, GZUGS LA SOS PA'I CHOS THAMS CAD TSAD MED PA ZHES BYA BA NI DNGOS PO MED PA LA BYA STE, DNGOS PO MED PA GANG YIN PA DE NI GZUGS LA SOGS PA'I RANG BZHIN DU YOD PA MA YIN PAS RNAM PAR RTOG PA'I YUL MA YIN TE, DE LTAR RNAM PAR MI RTOG PA NYID SHES RAB KYI PHA ROL TU PHYIN PA LA SPYOD PA YIN NO ZHES BYA BA'I DON TO, ,SHA RA DVA TI'I BUS GSOL PA, KYE MA BCOM LDAN 'DAS SHES RAB KYI PHA ROL TU PHYIN PA 'DI NI DE LTAR ZAB BO ZHES BYA BA NAS, TSUL BZHIN DU YID LA BGYID PAR 'GYUR RO ZHES BYA BA'I BAR DU NI SHES @74A *, ,RAB KYI PHA ROL TU PHYIN PA ZAB MO 'DI THEG PA CHEN PO LA GSAR DU ZHUGS PA THEG PA CHEN PO'I DON GOMS PAR MA BYAS PA RNAMS LA BSHAD NA SKYON DU 'GYUR BA DANG, PHYIR MI LDOG PA'I BYANG CHUB SEMS DPA' RNAMS LA BSHAD NA YON TAN DU 'GYUR BA BSTAN PA STE, DES KYANG SHES RAB KYI PHA ROL TU PHYIN PA 'DI DE LTAR ZAB PAS THAMS CAD KYI SPYOD YUL MA YIN PAR BSTAN PA'O, ,DE NAS LHA'I DBANG PO BRGYA BYIN GYIS TSE DANG LDAN PA SHA RA DVA TI'I BU LA 'DI SKAD CES SMRAS SO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR YANG DKA' BA DE LTA BU'I GNAS YOD DO ZHES BYA BA'I BAR DU NI, THEG PA LA GSAR DU ZHUGS PA'I BYANG CHUB SEMS DPA' LA SHES RAB KYI PHA ROL TU PHYIN PA ZAB MO 'DI BSHAD NA SNOD DU MA GYUR PA LA CHOS ZAB MO BSHAD PA'I NYES PA'I DMIGS ZHIB TU RNAM PAR PHYE STE BSTAN PA'O, , BRGYA BYIN GYIS SMRAS PA ZHES BYA BA NAS, BLA NA MED PA YANG DAG PAR RDZOGS PA'I BYANG CHUB KYI BAR DU LUNG BSTAN PAR 'GYUR RO ZHES BYA BA'I BAR GYIS NI GONG DU BYANG CHUB SEMS DPA' THEG PA LA GSAR DU ZHUGS PA LA DON ZAB MO 'DI MI BSHAD PA'I PHYIR MI LDOG PA'I BYANG CHUB SEMS DPA' RNAMS LA SHES RAB KYI PHA ROL TU PHYIN PA BSHAD PAR BYA'O ZHES BSTAN PA THEG PA LA GSAR DU ZHUGS PA YANG MA YIN, PHYIR MI LDOG PA YANG MA YIN PA'I BYANG CHUB SEMS DPA' RNAMS LA SHES RAB KYI PHA ROL TU PHYIN PA'I DON ZAB MO 'DI BSHAD NA MI 'JIGS MI SKRAG CING SNOD DU 'GYUR BA DE LTA BU YOD DAM ZHES DRIS PA DANG, DE LTA BU YOD DE THEG PA LA GSAR DU ZHUGS PA YANG MA YIN LA PHYIR MI LDOG PA'I BYANG CHUB SEMS DPA' YANG MA YIN PA KHA CIG SHES RAB KYI PHA ROL TU PHYIN PA'I DON ZAB MO 'DI THOS NAS MI 'JIGS MI SKRAG CING MYUR DU LUNG BSTAN PA'I SKAL BA CAN DAG KYANG YOD DO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA SHA RA DVA TI'I BU LA BKA' STZAL PA ZHES BYA BA NAS, SANGS RGYAS MANG PO LA BSNYEN BKUR BYAS PA'O ZHES BYA BA'I BAR GYIS NI THEG PA LA GSAR DU ZHUGS PA MA YIN LA, PHYIR MI LDOG @74B PA'I BYANG CHUB SEMS DPA' YANG MA YIN PA'I BYANG CHUB SEMS DPA' DAG KYANG SHES RAB KYI PHA ROL TU PHYIN PA ZAB MO 'DI'I SNOD DU 'GYUR BA YOD PA'I DON GONG DU BSHAD PA NYID 'KHOR RNAMS YID CHES PAR BYA BA'I PHYIR BCOM LDAN 'DAS KYIS GTAN TSIGS DANG BCAS PAR ZHIB TU BSHAD PA'O, , SHA RA DVA TI'I BUS GSOL PA, BCOM LDAN 'DAS DE'I DPE GSOL BAR BDAG GIS SPOBS SO ZHES BYA BA NAS, RIGS KYI BU DANG RIGS KYI BU MO DE DAG NI BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR RIG PAR BGYI BA DAG GO ZHES BYA BA'I BAR GYIS NI SHES RAB KYI PHA ROL TU PHYIN PA LA SPYOD PA DE DAG SEMS CAN THA MAL PA MA YIN GYI PHYIR MI LDOG PA'I BYANG CHUB SEMS DPA' YIN PAR BSTAN PA'O, ,BCOM LDAN 'DAS 'DI LTA STE DPER NA SKYES BU LA LA 'BROG DGON PA DPAG TSAD BRGYA PA ZHIG NAS BYUNG BA'AM ZHES BYA BA NAS, DE CI'I SLAD DU ZHE NA 'DI LTA STE SHES RAB KYI PHA ROL TU PHYIN PA ZAB MO 'DI BLTA BA DANG, PHYAG BGYID PA DANG, MNYAN DU MCHIS PA DE NYID BLA NA MED PA YANG DAG PAR RDZOGS PA'I BYANG CHUB KYI SNGA LTAS SO ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA YID CHES SHING NAN TAN BYED PA GDON MI ZA BAR BLA NA MED PA YANG DAG PAR RDZOGS PA'I BYANG CHUB TU 'GRUB PAR 'GYUR BA'I DPE BSTAN PA STE, 'BROG DGON PA NI 'KHOR BA'I DPE'O, ,GRONG DANG GRONG KHYER LA SOGS PA NI MYA NGAN LAS 'DAS PA'I DPER RIG PAR BYA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE DE BZHIN NO, ,DE DE BZHIN TE, SHA RA DVA TI'I BU KHYOD KYIS DA DUNG YANG SANGS RGYAS KYI MTHUS SPOBS PA SKYED CIG CES BYA BA NI 'KHOR RNAMS YID CHES PAR BYA BA'I PHYIR, DPE SNGA MA BSTAN PA YANG SANGS RGYAS KYI MTHUS BSTAN TE, LEGS SO ZHES BSTOD NAS, DPE PHYI MA YANG SANGS RGYAS KYI MTHUS STON CIG CES BKA' STZAL PA'O, ,GSOL PA, BCOM LDAN 'DAS 'DI LTA STE DPER NA SKYES BU LA LA ZHIG RGYA MTSO MCHING NAM CHEN PO LTA BAR 'TSAL NAS ZHES BYA BA NAS, THOS NAS KYANG GZUNG DU YOD, BCAD DU YOD, KLAG TU YOD, KUN CHUB PAR BYAR YOD, @75A *, ,TSUL BZHIN DU YID LA BYAR YOD DO ZHES BGYI BAR RIG PAR BGYI'O ZHES BGYI BA'I BAR GYIS NI, SHES RAB KYI PHA ROL TU PHYIN PA ZAB MO 'DI LA YID CHES SHING NAN TAN DU BYED PA'I BYANG CHUB SEMS DPA' BLA NA MED PA'I BYANG CHUB TU MNGON SUM DU LUNG MA BSTAN DU ZIN KYANG LUNG BSTAN PA DANG NYE BAR GYUR PA'I DPE RGYA MTSO CHEN PO MNGON SUM DU MA MTHONG DU ZIN KYANG RGYA MTSO DANG NYE BAR GYUR PA'I LTAS DANG MTSAN MA RNAMS MTHONG BAS RING POR MI THOGS PAR RGYA MTSO MTHONG BAR 'GYUR BAR BSTAN PA'O, ,BCOM LDAN 'DAS 'DI LTA STE DPER NA DPYID KYI DUS LA BAB STE RTZI SHING GI LO MA DANG 'DAB MA LHAGS NAS KHA DOG GYUR PA'I TSE ZHES BYA BA NAS, SNGON GYI DGE BA'I RTZA BAS BLA NA MED PA YANG DAG PAR RDZOGS PA'I BYANG CHUB TU NYE BAR GYUR TO ZHES BGYI BAR 'TSAL BAR BGYI'O ZHES BYA BA'I BAR GYIS NI, DPYID KYI DUS NA RTZI SHING GI LO MA RNYING PA LHAGS SHING LO MA DANG, ME TOG DANG, 'BRAS BU GSAR PA BYUNG BA'I SNGA LTAS RTZI SHING GI KHA DOG 'GYUR ZHING KHA 'BU BA MTHONG NAS, RING POR MI THOGS PAR LO MA DANG, ME TOG DANG, 'BRAS BU PHUN SUM TSOGS PA 'BYUNG BAR RIG PAR 'GYUR ZHING DGA' BA DANG, NYAMS BDE BAR 'GYUR BA DE BZHIN DU BYANG CHUB SEMS DPA' YANG SHES RAB KYI PHA ROL TU PHYIN PA ZAB MO 'DI LTA ZHING MNYAN PA LA SOGS PA'I SGO NAS SPYAD DU YOD PA NYID SNGON GYI DGE BA'I RTZA BA YONGS SU SMIN CING, BLA NA MED PA'I BYANG CHUB TU NYE BAR GYUR PA'I LTAS YIN PAR RIG PAR BYA'O ZHES BSTAN PA'O, , DE NA LHA'I BU SNGON YANG SANGS RGYAS MTHONG BA JI SNYED CIG YOD PA DE DAG KYANG ZHES BYA BA NAS DGA' ZHING SPRO LA YID BDE ZHING NYAMS BDE BAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' BLA NA MED PA'I BYANG CHUB TU NYE BAR GYUR PA'I LTAS GONG DU BSHAD PAR 'KHOR RNAMS KYIS YID CHES PAR BYA BA'I PHYIR LHA'I BU RNAMS DPANG DU GYUR PA BSTAN PA'O, ,BCOM LDAN 'DAS 'DI LTA STE DPER NA BUD MED SBRUM MA NI ZHES BYA BA NAS, BCOM LDAN 'DAS BYANG CHUB SEMS DPA' SEMS DPA' CHEN PO DE DAG RING POR MI THOGS PAR BLA @75B NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR BAR RIG PAR BGYI'O ZHES BYA BA'I BAR GYIS NI, BYANG CHUB SEMS DPA' SHES RAB KYI PHA ROL TU PHYIN PA ZAB MO 'DI LA DAD CING MOS NAS NYAMS SU LEN PA NI SNGON DGE BA'I RTZA BA BSKYED PA DANG, SANGS RGYAS MANG PO LA BSNYEN BKUR BYAS PA DANG, LEGS PAR SPYAD PA DANG, DGE BA'I BSHES GNYEN GYIS YONGS SU ZIN PA DANG, DGE BA'I RTZA BA YONGS SU SMIN PA STE, DE DAG NI RING POR MI THOGS PAR BLA NA MED PA'I BYANG CHUB TU LUNG BSTAN NAS, CHOS KYI SKU'I 'BRAS BU THOB PAR 'GYUR BA'I DPE BUD MED SBRUM MAS BSTAN PA'O, ,BCOM LDAN 'DAS KYIS BKA' STZAL PA, SHA RA DVA TI'I BU LEGS SO LEGS SO, ,SHA RA DVA TI'I BU KHYOD KYI SPOBS PA DE NI SANGS RGYAS KYI MTHUS SKYES SO ZHES BYA BA NI, SH'A RI'I BUS DPE DANG DON GONG DU BSHAD PA DE NYID 'KHOR RNAMS YID CHES PAR BYA BA'I PHYIR LEGS SO ZHES BSTOD NAS, DE LTAR DPE DANG DON DU LDAN PAR STON NUS PA DE YANG, DE BZHIN GSHEGS PA'I MTHU DANG BYIN GYIS BRLABS PA YIN NO ZHES BYA BA'I DON TO, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS BYANG CHUB SEMS DPA' SEMS DPA' CHEN PO DE DAG DE LTAR LEGS PAR YONGS SU BSTAN PA NI NGO MTSAR CHE'O ZHES BYA BA NI, GONG DU BSHAD PA'I TSUL DU SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' MYUR DU BLA NA MED PA'I BYANG CHUB TU LUNG BSTAN PAR 'GYUR BA'I YON TAN THOB PAR 'GYUR BA DPE RNAM PA SNA TSOGS KYIS BSTAN TE, SPRO BA BSKYED PA NI BYANG CHUB SEMS DPA' RNAMS LA SMAN YON CHEN PO BTAGS SO ZHES BSTOD PA'O, , BCOM LDAN 'DAS KYIS BKA' STZAL PA, RAB 'BYOR 'DI LTAR BYANG CHUB SEMS DPA' SEMS DPA' CHEN PO DE DAG NI SKYE BO MANG PO LA PHAN PA DANG ZHES BYA BA NAS, BDAG KYANG CHOS KYI 'KHOR LO BSKOR LA, GZHAN YANG CHOS KYI 'KHOR LO BSKOR BA LA YANG DAG PAR BSKUL LO ZHES BYA BA'I @76A *, ,BAR GYIS NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DE DAG NI SEMS CAN MANG PO'I DON BYA BA'I PHYIR, BLA NA MED PA YANG DAG PAR RDZOGS PA'I BYANG CHUB TU ZHUGS PA DANG, BDAG KYANG BSAM GTAN BZHI LA SOGS PA CHOS KYI 'KHOR LO BSKOR BA LA THUG GI BAR DU, SANGS RGYAS DANG BYANG CHUB SEMS DPA' RNAMS KYI SPYAD PA SPYOD LA, SEMS CAN RNAMS KYANG SANGS RGYAS DANG BYANG CHUB SEMS DPA'I SPYAD PA DE DAG LA BSKUL ZHING RAB TU 'GOD PAR BYED DE, DE LTAR BDAG DANG GZHAN GYI DON PHUN SUM TSOGS PAR BYED PA'I PHYIR, DE BZHIN GSHEGS PAS SPRO BA BSKYED CING PHAN BTAGS SO ZHES BSTOD PA'O, ,DE SKAD CES BKA' STZAL PA DANG ZHES BYA BA NAS, BDE BAR GSHEGS PA NGO MTSAR TO ZHES BYA BA'I BAR GYIS NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DE DAG BDAG GI DON PHUN SUM TSOGS PA'I YON TAN MANG PO DANG LDAN PAR BGYID PA YANG SEMS CAN THAMS CAD KYI DON BYA BA'I PHYIR, BLA NA MED PA'I BYANG CHUB TU YANG DAG PAR ZHUGS PA LAGS TE, DE YANG NGO MTSAR CHE'O ZHES GSOL PA'O, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO RNAMS KYIS SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR BA LAGS ZHES BYA BA NI DE YANG GONG DU BSHAD PA'I RIM PAS SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' BLA NA MED PA'I BYANG CHUB TU MYUR DU LUNG BSTAN PAR 'GYUR BA'I YON TAN BSTAN NA, BLA NA MED PA'I BYANG CHUB THAB PAR 'GYUR BA NI, SHES RAB KYI PHA ROL TU PHYIN PA BSGOM PA YONGS SU RDZOGS PAR MA BYAS PAR, BLA NA MED PA'I BYANG CHUB THOB PAR MI 'GYUR NA, SHES RAB KYI PHA ROL TU PHYIN PA BSGOM PA YONGS SU RDZOGS PAR JI LTAR BGYI ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, NAM GZUGS KYI 'PHEL BA YANG DAG PAR RJES SU MA MTHONG BA DE'I TSE, BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN @76B PA BSGOM PA YONGS SU RDZOGS PAR 'GYUR RO ZHES BYA BA LA SOGS PAS NI, SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR BA'I THABS BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DON DAM PAR DNGOS PO MED PAS 'PHEL BA DANG 'GRIB PA YOD PAR MI LTA ZHING RNAM PAR MI RTOG PAR GYUR NA, DE'I TSE SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR RO ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, CHOS ZHES BYA BAR YANG DAG PAR RJES SU MI MTHONG NGO ZHES BYA BA NAS, RNAM PA THAMS CAD MKHYEN PA NYID CES BYA BAR YANG DAG PAR RJES SU MI MTHONG BA DE'I TSE, BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR RO ZHES BYA BA'I BAR GYIS KYANG, NAM CHOS DANG CHOS MA YIN PA LA SOGS PA'I MTSAN NYID DU DNGOS PO YOD PAR MI LTA ZHING RNAM PAR MI RTOG PAR GYUR PA DE'I TSE, SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR RO ZHES BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR CHOS RNAMS KYI CHOS NYID KYI MTSAN NYID DANG ZHES BYA BA LA SOGS PAS NI CHOS DANG CHOS MA YIN PA LA SOGS PAR RJES SU MI MTHONG ZHING RNAM PAR MI RTOG PAR BYA BA'I GTAN TSIGS BSTAN PA STE, CHOS RNAMS KYI CHOS KYI MTSAN NYID DANG ZHES BYA BA NI, CHOS RNAMS KYI PHYI'I MTSAN NYID STONG PA NYID KYI MTSAN NYID YIN PA'I PHYIR RNAM PAR RTOG PA'I YUL MA YIN NO ZHES BYA BA'I DON TO, ,PHYIR MI LDOG PA DANG ZHES BYA BA NI, CHOS RNAMS KYI MTSAN NYID STONG PA NYID KYI RANG BZHIN YONGS SU DAG PA DE NI MI 'GYUR BAR YONGS SU GRUB PA'I MTSAN NYID YIN PAS NAM YANG 'GYUR ZHING LDOG PA MED DO ZHES BSTAN PA'O, ,GSOG DANG GSOB DANG SNYING PO MED PA ZHES BYA BA NI STONG PA'I RNAM GRANGS TE, DE LTAR STONG ZHING DNGOS PO MED PAS RNAM PAR RTOG PA'I SPYOD YUL MA YIN NO ZHES BYA BA'I DON TO, , @77A *, ,DBANG DU GYUR PA DANG ZHES BYA BA NI DE LTAR CHOS THAMS CAD DNGOS PO MED DE RANG BZHIN GYIS STONG PA DE NI, RGYU DANG RKYEN GZHAN GYI DBANG DU MI 'GYUR ZHING RANG BZHIN THOB PA YIN PA'I PHYIR MTSAN MAR BZUNG ZHING RNAM PAR BRTAG TU MED DO ZHES BYA BA'I DON TO, ,BYED PA MED PA DANG SROG MED PA'I PHYIR RO ZHES BYA BA NI CHOS THAMS CAD DNGOS PO MED CING RANG BZHIN GYIS STONG BAS, MU STEGS CAN GYIS BRTAGS PA'I BYED PA PO DANG SROG LA SOGS PA LTA BU'I DNGOS POR YANG YOD PA MA YIN PA'I PHYIR RNAM PAR RTOG PA'I SPYOD YUL MA YIN NO ZHES BSTAN PA'O, , GSOL PA, BCOM LDAN 'DAS BSAM GYIS MI KHYAB PA BSTAN TO ZHES BYA BA NI, DE LTAR GONG DU BSHAD PA'I TSUL DU DON DAM PAR CHOS THAMS CAD DNGOS PO MED PAS GANG LA YANG DNGOS POR MI LTA ZHING RNAM PAR MI RTOG NA, SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR RO ZHES BSTAN PA DE ZAB STE, SEMS KYI SPYOD YUL MA YIN PAS BSAM GYIS MI KHYAB BO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR GZUGS BSAM GYIS MI KHYAB PA'I PHYIR BSAM GYIS MI KHYAB PA BSTAN TO ZHES BYA BA NAS, RNAM PA THAMS CAD MKHYEN PA NYID BSAM GYIS MI KHYAB PA'I PHYIR BSAM GYIS MI KHYAB PA BSTAN TO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED PAS, SEMS KYIS BSAM ZHING RNAM PAR BRTAG PA'I YUL MA YIN NO ZHES BSTAN PA STE, DE LTAR RTOGS SHING BSGOMS NA YANG, SHES RAB KYI PHA ROL TU PHYIN PA BSGOM PA YONGS SU RDZOGS PA YIN NO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GAL TE GZUGS BSAM GYIS MI KHYAB CES BYA BAR 'DU SHES PA MED NA, SHES RAB KYI PHA ROL TU PHYIN PA YONGS SU RDZOGS PAR BYED PA'O ZHES BYA BA NAS, GAL TE RNAM PA THAMS CAD MKHYEN PA NYID BSAM GYIS MI KHYAB CES BYA BAR 'DU SHES PA MED NA, SHES @77B RAB KYI PHA ROL TU PHYIN PA YONGS SU RDZOGS PAR BYED PA'O ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED PAS SEMS KYI SPYOD YUL MA YIN TE, BSAM GYIS MI KHYAB BO SNYAM DU SEMS DPA'I 'DU SHES TZAM ZHIG BYUNG NA YANG SHES RAB KYI PHA ROL TU PHYIN PA BSGOM PA YONGS SU RDZOGS PAR MI CHUD KYI, DE LTA BU'I 'DU SHES DANG RTOG PA PHRA MO YANG MED NA, GDONG SHES RAB KYI PHA ROL TU PHYIN PA BSGOM PA YONGS SU RDZOGS PAR CHUD DO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA ZAB MO 'DI LA SU ZHIG MOS PAR 'GYUR ZHES BYA BA NI, DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA'I DON ZAB MO BRTAGS PA DANG, BSAMS PA'I SPYOD YUL MA YIN PA, DE LTA BU LA DAD CING YID CHES NAS, SPYOD PAR 'GYUR BA SU MCHIS ZHES ZHUS PA'O, ,BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO GANG PHA ROL TU PHYIN PA DRUG LA SPYAD PA ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI THAMS CAD KYI SPYOD YUL MA YIN GYI, SNGON PHA ROL TU PHYIN PA DRUG LA SPYOD SPYOD PA, DGE BA'I RTZA BA CHER BSKYED PA, SANGS RGYAS MANG PO LA BSNYEN BKUR BYAS PA, DGE BA'I BSHES GNYEN GYIS YONGS SU BZUNG BA RNAMS SNGON GYI DGE BA'I 'PHRO YOD CING SNOD DU GYUR PAS SHES RAB KYI PHA ROL TU PHYIN PA ZAB MO 'DI LA DAD CING YID CHES NAS SPYOD PAR 'GYUR RO ZHES BSTAN PA'O, ,GSOL PA; BCOM LDAN 'DAS JI TZAM GYIS NA, BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYAD PA DANG ZHES BYA BA LA SOGS PAS NI, JI TZAM GYIS NA SNGON PHA ROL TU PHYIN PA DRUG LA SPYOD PA DANG, DGE BA'I RTZA BA BSKYED PA DANG, SANGS RGYAS MANG PO LA BSNYEN BKUR BYAS PA DANG, DGE BA'I BSHES GNYEN GYIS YONGS SU BZUNG BAR CHUD PA'I TSAD ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS SU MI RTOG RNAM @78A *, ,PAR MI RTOG GO ZHES BYA BA NAS, RNAM PA THAMS CAD MKHYEN PA NYID KYI RANG BZHIN DU MI RTOG RNAM PAR MI RTOG GO ZHES BYA BA'I BAR GYIS NI, SNGON PHA ROL TU PHYIN PA DRUG LA SPYAD PA DANG, DGE BA'I RTZA BA BSKYED PA DANG, SANGS RGYAS MANG PO LA BSNYEN BKUR BYAS PA DANG, DGE BA'I BSHES GNYEN GYIS YONGS SU BZUNG BA'I TSAD BSTAN PA STE, GZUGS LA SOGS PA'I CHOS THAMS CAD LA RNAM PAR MI RTOG PAR GYUR PA NYID SNGON PHA ROL TU PHYIN PA DRUG LA SPYOD SPYOD PA DANG, DGE BA'I RTZA BA BSKYED PA DANG, SANGS RGYAS MANG PO LA BSNYEN BKUR BYAS PA DANG, DGE BA'I BSHES GNYEN GYIS YONGS SU BZUNG BA'I RTAGS DANG MTSAN MA YIN NO ZHES BSTAN PA'O, ,GZUGS SU MI RTOG RNAM PAR MI RTOG GO ZHES BYA BA NI, MIG GI RNAM PAR SHES PA'I YUL DU GYUR PA'I GZUGS SPYIR RNAM PAR MI RTOG PA LA BYA'O, ,GZUGS KYI MTSAN MAR MI RTOG RNAM PAR MI RTOG GO ZHES BYA BA NI; GZUGS KYI MTSAN NYID GZUGS SU SPYOD PA LA RNAM PAR MI RTOG PA LA BYA'O, ,GZUGS KYI RANG BZHIN DU MI RTOG RNAM PAR MI RTOG GO ZHES BYA BA NI, GZUGS KYI RANG BZHIN STONG PA NYID DU YANG RNAM PAR MI RTOG GO ZHES BYA BA'I DON TO, ,GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA YANG CI RIGS SU SBYAR BAR BYA'O, ,DE CI'I PHYIR ZHE NA, RAB 'BYOR DE NI 'DI LTAR GZUGS BSAM GYIS MI KHYAB BO ZHES BYA BA NAS, RNAM PA THAMS CAD MKHYEN PA NYID BSAM GYIS MI KHYAB BO ZHES BYA BA'I BAR GYIS NI, RNAM PAR MI RTOG PA'I GTAN TSIGS BSTAN PA STE, GZUGS LA SOGS PA'I CHOS THAMS CAD DON DAM PAR DNGOS PO MED DE RANG BZHIN GYIS STONG PAS RNAM PAR BRTAG CING BSAM PA'I SPYOD YUL MA YIN TE, BSAM GYIS MI KHYAB PA'I PHYI MA RNAM PAR MI RTOG GO ZHES BYA BA'I DON TO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYAD PA DANG, DGE BA'I RTZA BA BSKYED PA DANG, SANGS RGYAS MANG PO LA BSNYEN BKUR BYAS PA DANG, DGE BA'I BSHES GNYEN GYIS YONGS SU BZUNG BA YIN NO @78B ZHES BYA BA NI GONG DU JI TZAM GYIS NA PHA ROL TU PHYIN PA DRUG LA SPYOD PA LA SOGS PA LAGS ZHES ZHUS PA'I LAN MJUG BSDUS TE BSTAN PA'O, ,RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA ZAB MO ZHES BYA BA NI DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA 'DI RNAM PAR RTOG PA'I SPYOD YUL MA YIN LA BSAM GYIS MI KHYAB PA YIN PAS SUS KYANG RTOGS PAR MI NUS PA'I PHYIR ZAB BO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR GZUGS ZAB PA'I PHYIR SHES RAB KYI PHA ROL TU PHYIN PA ZAB PO ZHES BYA BA NAS, RNAM PA THAMS CAD MKHYEN PA NYID ZAB PA'I PHYIR, SHES RAB KYI PHA ROL TU PHYIN PA ZAB BO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED DE RANG BZHIN GYIS STONG PAS, RNAM PAR RTOG PA DANG BSAM PA'I SPYOD YUL MA YIN LA, SHES RAB KYI PHA ROL TU PHYIN PA YANG DE DANG THA MI DAD PA'I PHYIR ZAB PO ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA RIN PO CHE'I PHUNG PO STE, CHOS RIN PO CHE'I PHUNG PO RNAMS SGRUB PA'O ZHES BYA BA NI SHES RAB KYI PHA ROL TU PHYIN PA 'DI DE LTAR GONG DU BSHAD PA'I RIM PAS DON DAM PAR DNGOS PO MED DE, BSAM GYIS MI KHYAB CING ZAB KYANG KUN RDZOB TU DGE BA BCU LA SOGS PA'I CHOS RIN PO CHE RNAMS BSGRUB PA'I PHYIR, YID BZHIN GYI NOR BU RIN PO CHE DANG 'DRA BAR SEMS CAN THAMS CAD KYI RE BA YONGS SU BSKONG BA YIN NO ZHES BSTAN PA'O, ,'DI LTA STE, DGE BA BCU'I LAS KYI LAM SGRUB PA'O ZHES BYA BA NAS, RNAM PA THAMS CAD MKHYEN PA NYID SGRUB PA'O ZHES BYA BA'I BAR GYIS NI CHOS RIN PO CHE ZHES BYA BA GANG DANG GANG YIN PA'I DMIGS PA BSTAN PA STE, DGE BA BCU'I LAS KYI LAM LA SOGS PA RNAM PA THAMS CAD MKHYEN PA NYID LA THUG GI BAR GYI RNAM PAR BYANG BA'I CHOS DKON ZHING RNYED PAR DKA' BA RNAMS SGRUB CING RNYED PAR BYED PA'I RGYU YIN PA'I PHYIR SHES RAB KYI PHA ROL TU PHYIN PA 'DI RIN PO CHE DANG 'DRA BAR DKON ZHING RNYED PAR DKA' BA YIN NO ZHES BYA BA'I DON TO, ,BCOM LDAN 'DAS @79A *, ,SHES RAB KYI PHA ROL TU PHYIN PA NI CHOS KYI 'KHOR LO BSKOR BA'O ZHES BYA BA NI, SANGS RGYAS DANG BYANG CHUB SEMS DPA' RNAMS CHOS KYI 'KHOR LO BSKOR BA YANG SHES RAB KYI PHA ROL TU PHYIN PA LA BRTEN TE 'BYUNG BAS NA, CHOS KYI 'KHOR LO BSKOR BA YIN NO ZHES BYA BA'I DON TO, ,BCOM LDAN 'DAS GZUGS DAG PA DANG, TSOR BA DAG PA DANG ZHES BYA BA NAS RNAM PA THAMS CAD MKHYEN PA NYID DAG PA'I SLAD DU SHES RAB KYI PHA ROL TU PHYIN PA NI DAG PA'I PHUNG PO'I ZHES BYA BA'I BAR GYIS NI, SHES RAB KYI PHA ROL TU PHYIN PA 'DI GZUGS LA SOGS PA'I CHOS THAMS CAD DON DAM PAR DNGOS PO MED CING YONGS SU DAG PA'I RANG BZHIN YIN PA'I PHYIR DAG PA'I PHUNG PO YIN NO ZHES BSTAN PA STE, DAG PA'I PHUNG PO ZHES BYA BA NI GZUGS LA SOGS PA'I CHOS MANG PO RNAMS DAG PAR 'DUS PA'I PHYIR PHUNG PO ZHES BSTAN PA'O, ,BCOM LDAN 'DAS SHES RAB KYI PHA ROL TU PHYIN PA ZAB MO DE LTA BU BSTAN PA'I TSE BAR CHAD DU MI 'GYUR BA NI NGO MTSAR CHE'O ZHES BYA BA NI, SHES RAB KYI PHA ROL TU PHYIN PA ZAB MO 'DI LA SPYOD PA'I TSE, BDUD LA SOGS PAS BAR CHAD BYA MI NUS PA 'KHOR RNAMS LA ZHIB TU BSTAN PA'I SKABS DBYE BA'I PHYIR RAB 'BYOR GYIS SMRAS PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RAB 'BYOR SHES RAB KYI PHA ROL TU PHYIN PA ZAB MO 'DI LA BAR CHAD MANG DU 'BYUNG STE ZHES BYA BA NAS, DE CI'I PHYIR ZHE NA, RAB 'BYOR DE NI NOR BU RIN PO CHE CHEN PO LA BAR CHAD MANG DU 'BYUNG NGO ZHES BYA BA'I BAR GYIS NI 'JIG RTEN NA YID BZHIN GYI NOR BU RIN PO CHE BTZAL ZHING SGRUB PA LA, BGEGS DANG BAR CHAD MANG PO 'BYUNG BA DE BZHIN DU, SHES RAB KYI PHA ROL TU PHYIN PA'I CHOS RIN PO CHE SPYAD PA LA YANG BDUD LA SOGS PA'I BAR CHAD 'BYUNG YANG SRID KYIS BRI BA DANG, KLAG PA DANG, BSTAN PA DANG TSUL BZHIN DU YID LA BYA BA DANG, BSGOM PA ZLA GRANGS DANG LO GRANGS JI TZAM GYIS ZIN PAR BYA BAR YID DAM BCAS SHING KHAS 'CHES PA DE BZHIN DU BAR CHAD DU MI 'GYUR BAR BRI BA DANG KLAG PA LA SOGS PA BYA'O ZHES BSTAN PA'O, ,GSOL PA, @79B BCOM LDAN 'DAS SHES RAB KYI PHA ROL TU PHYIN PA ZAB MO 'DI CI NAS KYANG MI 'DRI BA DANG, MI KLAG PA DANG, MI BSTAN PA DANG, KHA TON MI BGYID PA DANG, YID LA MI BGYID PA DANG, MI BSGOM PA'I SLAD DU BDUD SDIG TO CAN DAG BAR CHAD MI BGYID PA NGO MTSAR CHE'O ZHES BYA BA NI BDUD KYIS BAR CHAD BYA MI NUS PAR BSHAD PA'I SKABS DBYE BA'I PHYIR RAB 'BYOR GYIS SMRAS PA'O, ,BCOM LDAN 'DAS KYIS BKA' STZAL PA ZHES BYA BA NAS BAR CHAD BYA MI NUS SO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI LA SPYOD CING NAN TAN BYED PA LA, BDUD SDIG CAN BAR CHAD MI BYED PA YANG MA YIN MOD KYI BAR CHAD BYED PAR BYAS KYANG BAR CHAD BYA MI NUS PA'I MTHU DANG LDAN PA'I YON TAN BSTAN PA'O, ,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, BDUD SDIG TO CAN GYIS BAR CHAD BYA MI NUS SO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI LA SPYOD PA LA SANGS RGYAS BCOM LDAN 'DAS BYIN GYIS RLOB CING MTHU GTONG BAS, BDUD KYIS BAR CHAD BYA MI NUS PA'I YON TAN BSTAN PA'O, ,SHA RA DVA TI'I BU PHYOGS BCU KUN GYI 'JIG RTEN GYI KHAMS DAG NA SANGS RGYAS BCOM LDAN 'DAS GANG JI SNYED BZHUGS SHING 'TSO SKYONG BA DANG, CHOS STON PA DE DAG GI MTHUS KYANG ZHES BYA BA NAS TSUL BZHIN DU YID LA BYED DO, ,BSGOM MO ZHES BYA BAR KHONG DU CHAD PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA 'DI LA SPYOD PA'I BYANG CHUB SEMS DPA' LA SANGS RGYAS BCOM LDAN 'DAS SH'A KYA THUB PA NYAG GCIG BDUD KYIS BAR CHAD PHYA MI NUS PAR BYIN GYIS RLOB CING MTHU GTONG BAR MDZAD PAR MA ZAD KYI, PHYOGS BCU'I DE BZHIN GSHEGS PA THAMS CAD KYANG BDUD KYIS BAR CHAD BYA MI NUS PAR BYIN GYIS RLOB CING MTHU GTONG BA'I YON TAN BSTAN PA'O, , GSOL PA, BCOM LDAN 'DAS RIGS KYI BU'AM RIGS KYI BU MO GANG SU YANG RUNG STE ZHES BYA BA NAS, DE THAMS CAD KYANG SANGS RGYAS KYI GZUNGS YIN PAR RIG PAR BYA'O ZHES BYA BA'I BAR GYIS NI, 'KHOR GYI NANG NA SEMS CAN KHA CIG SHES RAB KYI PHA ROL TU PHYIN PA LA SPYOD PA'I BYANG CHUB @80A *, ,SEMS DPA' RNAMS LA NI SANGS RGYAS BCOM LDAN 'DAS RNAMS BYIN GYIS RLOB CING DE LTAR MTHU GTONG NA, MA 'ONGS PA'I DUS KYI SEMS CAN PHAL PA'I NANG NAS GANG SU YANG RUNG BA DAG LAS, SHES RAB KYI PHA ROL TU PHYIN PA 'DI LA SPYAD NA, DE DAG LA YANG SANGS RGYAS BCOM LDAN 'DAS BYIN GYIS RLOB CING MTHU GTONG NGAM, MI GTONG SNYAM DU THE TSOM ZA BA BSAL BA'I PHYIR MA 'ONGS PA'I DUS KYI RIGS KYI BU'AM RIGS KYI BU MO SU YANG RUNG STE, SHES RAB KYI PHA ROL TU PHYIN PA ZAB MO 'DI LA SPYOD NA DE DAG THAMS CAD LA YANG SANGS RGYAS BCOM LDAN 'DAS RNAMS BYIN GYIS RLOB CING MTHU GTONG NGO ZHES BSTAN PA'O, ,GSOL PA, BCOM LDAN 'DAS RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI 'DRI ZHING KLOG PA DANG ZHES BYA BA NAS, 'DI LTAR BDAG CAG NI BLA NA MED PA YANG DAG PAR RDZOGS PA'I BYANG CHUB TU NYE BAR RIG PAR BYA'O ZHES BYA BA'I BAR GYIS NI, MA 'ONGS PA'I DUS KYI SEMS CAN GANG SU YANG RUNG STE, SHES RAB KYI PHA ROL TU PHYIN PA ZAB MO 'DI LA SPYOD PA ZHIG YOD NA, DE DAG THAMS CAD KYANG PHYOGS BCU'I SANGS RGYAS BCOM LDAN 'DAS RNAMS KYIS MNGON SUM DU GZIGS SHING THUGS SU CHUD PAR 'GYUR BA'I YON TAN BSTAN PA'O, ,SHA RA DVA TI'I BU GANG YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA ZAB MO 'DI BRIS SHING GLEGS BAM DU BYAS TE 'CHANG BA DE DAG KYANG ZHES BYA BA NAS, SANGS RGYAS KYI CHOS MA 'DRES PA BCVA BRGYAD DANG NAM YANG BRAL BAR MI 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI KLOG PA DANG, STON PA DANG, KHA TON DU BYA BA DANG, TSUL BZHIN YID LA BYA BA DANG, BSGOM MI NUS PA DAG GIS BRIS SHING GLEGS BAM DU BYAS NAS BCANGS TE DRI DANG ME TOG LA SOGS PAS MCHOD CING BKUR STI BYAS PA TZAM GYI DGE BA'I RTZA BAS KYANG PHYIR MI LDOG PA'I SA NON GYI BAR DU NGAN SONG DU MI SKYE BA DANG, SANGS RGYAS BCOM LDAN 'DAS RNAMS DANG NAM YANG BRAL BAR MI 'GYUR BA'I PHAN YON DANG BLA NA MED PA @80B YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS KYI BAR DU PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCVA BRGYAD KYI BAR DU RNAM PAR BYANG BA'I CHOS RNAMS DANG BRAL BAR MI 'GYUR BA'I PHAN YON BSTAN PA'O, ,SHA RA DVA TI'I BU SHES RAB KYI PHA ROL TU PHYIN PA 'DI DE BZHIN GSHEGS PA 'DAS NAS, LHO PHYOGS KYI RGYUD NA SPYOD PAR 'GYUR TE ZHES BYA BA NAS, THEG PA GSUM POS RIM GYIS MYA NGAN LAS 'DA' BAR 'GYUR RO ZHES BYA BA'I BAR GYIS NI, BCOM LDAN 'DAS SH'A KYA THUB PA MYA NGAN LAS 'DAS PA'I 'OG TU BYANG CHUB CHEN POR MNGON PAR RDZOGS PAR SANGS RGYAS PA'I SA PHYOGS NAS, LHO PHYOGS KYI YUL RGYUD AO dA'I YUL DANG SING GA LA'I YUL LA SOGS PA NA SHES RAB KYI PHA ROL TU PHYIN PA SPYOD PAR 'GYUR BA 'DI NGAN SONG DU MI LTUNG BA DANG, LHA DANG MI'I PHUN SUM TSOGS PA MYONG BA DANG, PHA ROL TU PHYIN PA DRUG GIS GONG NAS GONG DU 'PHAR ZHING MNGON PAR 'PHAGS PAR 'GYUR BA DANG, THEG PA GSUM GYIS MTHAR GYIS NYON MONGS PA SPANGS NAS, MYA NGAN LAS 'DA' BAR 'GYUR BA'I PHAN YON DANG BCAS PAR BSTAN PA STE, DE LTAR BSTAN PA YANG YUL DE PHYOGS NA SNGON DGE BA'I RTZA BA BSKRUN CING, SHES RAB KYI PHA ROL TU PHYIN PA ZAB MO 'DI LA SPYOD PA'I SKAL BA DANG LDAN PA MANG BA BSTAN PA'I PHYIR RO, ,SHA RA DVA TI'I BU DE LTAR NA SHES RAB KYI PHA ROL TU PHYIN PA ZAB MO 'DI LHO PHYOGS KYI RGYUD NAS YUL BAR TI NI NA SPYOD PAR 'GYUR TE ZHES BYA BA NAS, THEG PA GSUM POS RIM GYIS MYA NGAN LAS 'DA' BAR 'GYUR RO ZHES BYA BA'I BAR GYIS NI, DE LTAR SHES RAB KYI PHA ROL TU PHYIN PA ZAB MO 'DI LHO PHYOGS SU DAR BA LAS NUB NAS, LHO PHYOGS DANG BYANG PHYOGS GNYIS KYI BAR RGYA GAR YUL GYI DBUS NA SPYOD PAR 'GYUR BA PHAN YON DANG BCAS PAR BSTAN PA'O, ,SHA RA DVA TI'I BU DE LTAR SHES RAB KYI PHA ROL TU PHYIN PA ZAB MO 'DI YUL BAR TA NI NAS BYANG PHYOGS KYI RGYUD NA SPYOD PAR 'GYUR TE ZHES BYA BA NAS, THEG PA GSUM POS RIM GYIS MYA NGAN LAS 'DAS PAR 'GYUR RO ZHES BYA @81A *, ,BA'I BAR GYIS NI, BYANG CHUB CHEN POR BYANG CHUB KYI SHING DRUNG DU MNGON PAR SANGS RGYAS PA'I SA PHYOGS NAS, BYANG PHYOGS LOGS KYI YUL PHYOGS NA SPYOD CING DAR BAR 'GYUR BA PHAN YON DANG BCAS PAR BSTAN PA STE, BYANG PHYOGS KYI RGYUD CES BYA BA YANG BOD YUL YAN CHAD, AU RGYAN YUL DANG KHA CHE YUL MAN CHAD LA BYA'O, ,SHA RA DVA TI'I BU DE LTAR SHES RAB KYI PHA ROL TU PHYIN PA ZAB MO 'DI LHO PHYOGS KYI RGYUD DANG BYANG PHYOGS KYI RGYUD NA PHYI MA'I DUS PHYI MA'I TSE LNGA BRGYA THA MA LA SANGS RGYAS KYI BYA BA BYED PAR 'GYUR RO ZHES BYA BA NI, DE LTAR GONG DU BSHAD PA'I TSUL GYIS DE BZHIN GSHEGS PA MYA NGAN LAS 'DAS PA'I 'OG TU, DAM PA'I CHOS NUB TU NYE BA'I TSE LHO PHYOGS DANG BYANG PHYOGS SU SHES RAB KYI PHA ROL TU PHYIN PA ZAB MO 'DI DAR BAR 'GYUR TE, DE LA SPYOD SPYOD PA RNAMS NAM YANG NGAN SONG DU MI LTUNG BA DANG, LHA DANG MI'I LONGS SPYOD PHUN SUM TSOGS PA MYONG ZHING PHA ROL TU PHYIN PA DRUG GIS MNGON PAR 'PHAGS NAS, THEG PA GSUM GYIS YONGS SU MYA NGAN LAS 'DA' BAR 'GYUR BA'I PHYIR SANGS RGYAS KYI BYA BA BYED PAR 'GYUR RO ZHES BSTAN PA STE, DE LA PHYI MA'I DUS LNGA BRGYA THA MA ZHES BYA BA NI, DE BZHIN GSHEGS PA MYA NGAN LAS 'DAS PA'I 'OG TU LO LNGA STONG GI BAR DU DAM PA'I CHOS GNAS PAR 'GYUR TE, LO LNGA STONG LA LO LNGA BRGYA PHRAG BCU YOD DE, DE LA LNGA BRGYA DANG PO LA DAM PA'I CHOS SPYOD SPYOD PA RNAMS PHAL CHER DGRA BCOM PA'I 'BRAS BU THOB PAR 'GYUR, LNGA BRGYA GNYIS PA LA PHAL CHER PHYIR MI 'ONG BA'I 'BRAS BU THOB PAR 'GYUR, LNGA BRGYA GSUM PA LA LAN CIG PHYIR 'ONG BA DANG, RGYUN DU ZHUGS PA'I 'BRAS BU THOB PAR 'GYUR BA MANG STE, LNGA BRGYA PHRAG GSUM PO DE DAG GI TSE NI CHOS RTOGS SHING 'BRAS BU THOB PA MANG BA'I TSIGS ZHES BYA'O, ,LNGA BRGYA BZHI PA LA NI LHAG MTHONG GI SHAS CHE ZHING SHAS RAB RNO BA MANG NGO, ,LNGA BRGYA LNGA PA LA ZHI GNAS KYI SHAS CHE STE, TING NGE 'DZIN BSGOM PA MANG NGO, ,LNGA BRGYA DRUG PA LA NI TSUL KHRIMS DANG LDAN PA MANG STE, LNGA BRGYA PHRAG GSUM PO DE DAG GI TSE NI ZHI GNAS DANG LHAG @81B MTHONG BSGOM ZHING TSUL KHRIMS DANG LDAN PA MANG BAS SGRUB PA DANG LDAN PA'I TSIGS ZHES BYA'O, ,LNGA BRGYA BDUN PA LA CHOS MNGON PA DAR BAR 'GYUR, LNGA BRGYA BRGYAD PA LA MDO SDE DAR BAR 'GYUR, LNGA BRGYA DGU PA LA 'DUL BA DAR BAR 'GYUR TE, LNGA BRGYA PHRAG GSUM PO DE DAG LA BCOM LDAN 'DAS KYI ZHAL NAS GSUNGS PA'I SDE SNOD GSUM LA BRTEN CING, LUNG LA SPYOD PA MANG BAS LUNG GI TSIGS ZHES BYA'O, ,LNGA BRGYA BCU PA LA SDE SNOD GSUM YANG BRTZAN PAR MI BYED, CHOS SPYOD PA RNAMS KYANG GZHUNG LAS 'BYUNG BA BZHIN DU LEGS PAR NYAMS 'OG TU MI CHUD DE, MTSAN MA TZAM ZHIG SPYOD PA MANG BAS, MTSAN MA TZAM GYI TSIGS ZHES BYA STE, DE LA LNGA BRGYA PHRAG BCU'I THA MA 'DI LA PHYI MA'I DUS LNGA BRGYA THA MA ZHES BYA'O, ,DE CI'I PHYIR ZHE NA, SHA RA DVA TI'I BU DE NI 'DI LTAR DE BZHIN GSHEGS PA'I DGONGS PA GANG YIN PA DE NI SHES RAB KYI PHA ROL TU PHYIN PA'O, ,SHES RAB KYI PHA ROL TU PHYIN PA GANG YIN PA DE NI DE BZHIN GSHEGS PA'I DGONGS PA'O ZHES BYA BA NI, PHYI MA'I DUS LNGA BRGYA THA MA LA SHES RAB KYI PHA ROL TU PHYIN PA 'DI SANGS RGYAS KYI BYA BA BYED PAR 'GYUR BA'I GTAN TSIGS BSTAN PA STE, DE BZHIN GSHEGS PA RNAMS KYI DGONGS PA NI, SEMS CAN YONGS SU MA SMIN PA RNAMS YONGS SU SMIN PAR MDZAD PA DANG, SEMS CAN YONGS SU SMIN PA RNAMS RNAM PAR GROL BAR MDZAD PAR DGONGS PA STE, SHES RAB KYI PHA ROL TU PHYIN PA 'DI BRIS SHING BCANGS PA DANG, BKLAGS SHING KUN CHUB PAR BYAS PA LA SOGS PA'I DGE BA'I RTZA BAS KYANG NGAN SONG DU MI LTUNG ZHING, LHA DANG MI'I LONGS SPYOD PHUN SUM TSOGS PA MYONG BAR 'GYUR BA DANG THEG PA GSUM GYIS YONGS SU MYA NGAN LAS 'DAS PAR 'GYUR TE, DE LTAR SANGS RGYAS BCOM LDAN 'DAS RNAMS MDZAD CING DGONGS PA DANG MTHUN PA'I PHYIR SANGS RGYAS KYI BYA BA BYED PAR 'GYUR RO ZHES BSTAN PA'O, ,SHA RA DVA TI'I BU CHOS DANG 'DUL BA RGUD PAR GYUR PA'I TSE, DAM PA'I CHOS NUB PAR MI 'GYUR TE, CHOS DE YANG GANG ZHE NA, 'DI LTAR SHES RAB KYI PHA ROL TU PHYIN PA 'DI'O ZHES BYA BAS NI, PHYI MA'I DUS @82A *, ,LNGA BRGYA THA MA LA DAM PA'I CHOS DANG 'DUL BA 'DRI ZHING KLOG PA LA SOGS PA'I SGO NAS SPYOD CING NYAMS SU LEN PA NYUNG STE, RGUD CING NYAMS PAR GYUR PA'I TSE, LHO PHYOGS DANG, BYANG PHYOGS NAS SHES RAB KYI PHA ROL TU PHYIN PA ZAB MO 'DI 'DRI BA DANG, 'CHANG BA DANG KLOG PA LA SOGS PA'I SGO NAS SPYOD PA MANG STE NUB PAR MI 'GYUR RO ZHES BSTAN PA'O, ,SHA RA DVA TI'I BU RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, TSUL BZHIN DU YID LA BYED PA DANG, DE BZHIN NYID DU NAN TAN DU BYED PA DE DAG LA NI NGAS DGONGS SO ZHES BYA BA NAS, STENG GI PHYOGS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BZHUGS SHING 'TSO SKYONG BA DANG, CHOS STON PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI SANGS RGYAS KYI SPYAN GYIS GZIGS SO, ,RIGS KYI BU'AM RIGS KYI BU MO DE DAG NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS BRJOD DO, ,BSTOD DO, ,BSNGAGS SO ZHES BYA BA'I BAR GYIS NI, PHYI MA'I DUS LNGA BRGYA THA MA 'DI LA, RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA 'DI LA SPYOD CING NAN TAN BYED PA DANG, SPYOD CING NAN TAN BYED MA NUS NA YANG BRIS NAS GLEGS BAM DU BCANGS TE MCHOD CING BKUR STI BYED NA YANG, PHYOGS BCU'I DE BZHIN GSHEGS PA RNAMS KYIS DGONGS SHING GZIGS PAR 'GYUR BA DANG, NGAN SONG DU MI LTUNG BA DANG, LHA DANG MI'I LONGS SPYOD PHUN SUM TSOGS PA MYONG BAR 'GYUR BA DANG, DE BZHIN GSHEGS PA RNAMS KYIS BSTOD CING BSNGAGS PAR 'GYUR BA DANG, PHA ROL TU PHYIN PA DRUG GIS MNGON PAR 'PHAGS PAR 'GYUR BA DANG, THEG PA GSUM GYIS YONGS SU MYA NGAN LAS 'DA' BAR 'GYUR BA'I PHAN YON BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA ZAB MO 'DI SLAD MA'I DUS SLAD MA'I TSE NA BYANG PHYOGS SU RGYAS PAR 'GYUR RO ZHES BYA BA NI, PHYI MA'I @82B DUS LNGA BRGYA THA MA'I TSE, SHES RAB KYI PHA ROL TU PHYIN PA ZAB MO 'DI LA SPYOD PA RNAMS SNGON THEG PA CHEN PO LA SPYOD SPYOD PA'I 'PHRO YOD PA DANG, SANGS RGYAS MANG PO LA BSNYEN BKUR BYAS SHING, DGE BA'I RTZA BA BSKYED PA RNAMS SPYOD PAR 'GYUR GYIS, GZHAN DE LTAR SPYOD PAR MI 'GYUR BA BSTAN PA'I SKABS DBYE BA'I PHYIR SH'A RI'I BUS GSOL PA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE DE BZHIN NO, ,DE DE BZHIN TE ZHES BYA BA NAS, DGE BA'I BSHES GNYEN GYIS YONGS SU BZUNG BA DANG, DGE BA'I RTZA BA BSKYED PAR RIG PAR BYA'O ZHES BYA BA'I BAR GYIS NI, PHYI MA'I DUS LNGA BRGYA THA MA LA BAB PA'I TSE, SHES RAB KYI PHA ROL TU PHYIN PA ZAB MO 'DI LA SPYOD PA DKON TE, SNGON THEG PA CHEN PO LA SPYOD SPYOD PA'I LAS KYI 'PHRO YOD PA DANG, SNGON SANGS RGYAS MANG PO LA BSNYEN BKUR BYAS SHING DGE BA'I BSHES GNYEN GYIS YONGS SU BZUNG BA DANG, DGE BA'I RTZA BA BSKYED BSKYED PA RNAMS SHES RAB KYI PHA ROL TU PHYIN PA 'DI LA DAD CING MOS NAS, NYAN PA DANG, 'DRI BA DANG, 'CHANG BA DANG, KLOG PA DANG, TSUL BZHIN DU YID LA BYED CING DE BZHIN NYID DU NAN TAN BYED PAR 'GYUR TE SNGON GYI LAS KYI 'PHRO MED PA RNAMS DE LTAR SPYOD PAR 'GYUR BA DKON NO ZHES BSTAN PA'O, ,GSOL PA, BCOM LDAN 'DAS SLAD MA'I TSE SLAD MA'I DUS NA, BYANG GI PHYOGS CHA DER BYANG CHUB SEMS DPA'I THEG PA PA'I RIGS KYI BU DANG, RIGS KYI BU MO GANG SHES RAB KYI PHA ROL TU PHYIN PA ZAB MO 'DI NYAN CING THOS NAS MOS PAR BGYID PA DANG MOS PAR BGYIS NAS 'DRI ZHING 'DZIN PA DANG, 'CHANG ZHING KLOG PA DANG, KUN CHUB PAR BGYID CING TSUL BZHIN DU YID LA BGYID PA DANG, DE BZHIN NYID DU NAN TAN DU BGYID PA DE LTA BU JI SNYED CIG 'BYUNG BAR 'GYUR ZHES BYA BA NI, PHYI MA'I DUS LNGA BRGYA THA MA LA SHES RAB KYI PHA ROL TU PHYIN PA ZAB MO 'DI LA NYAN CING MOS PAR BYED PA LA SOGS PA'I SGO NAS SPYOD PA'I NANG NA YANG, SHES RAB KYI PHA ROL TU PHYIN PA'I DON ZAB MO 'DI BSTAN PA'I TSE, SEMS ZHUM PAR MI 'GYUR BA DANG, SKRAG PAR MI 'GYUR BA DKON ZHING NYUNG BA BSHAD PA'I SKABS DBYE BA'I PHYIR SH'A RI'I BUS @83A *, ,ZHUS PA'O, ,BCOM LDAN 'DAS KYIS BKA' STZAL PA ZHES BYA BA NAS, MI 'JUM YONGS SU MI 'JUM, MI 'JIGS MI DNGANG SKRAG PAR MI 'GYUR BA DE LTA BU NI MI MANG NGO ZHES BYA BA'I BAR GYIS NI, PHYI MA'I DUS LNGA BRGYA THA MA'I TSE BYANG CHUB SEMS DPA'I THEG PA LA ZHUGS SHING SHES RAB KYI PHA ROL TU PHYIN PA 'DRI ZHING KLOG PA LA SOGS PA TZAM GYI SGO NAS SPYOD CING MOS PA NI MANG MOD KYI SHES RAB KYI PHA ROL TU PHYIN PA'I DON ZAB MO CHOS THAMS CAD SKYE BA MED PA THOS NAS, SEMS ZHUM PAR MI 'GYUR BA DANG 'JIGS SHING SKRAG PAR MI 'GYUR BA DE LTA BU NYUNG BA BSTAN PA'O, ,DE CI'I PHYIR ZHE NA, RIGS KYI BU DANG RIGS KYI BU MO DE DAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MANG PO'I RJES SU 'BRANGS PA DANG, RIGS KYI BU DANG RIGS KYI BU MO DE DAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MANG PO LA YONGS SU ZHUS YONGS SU DRIS PA'I PHYIR RO ZHES BYA BA NI, SHES RAB KYI PHA ROL TU PHYIN PA'I DON ZAB MO THOS NAS SEMS ZHUM PAR MI 'GYUR BA DANG 'JIGS SHING SKRAG PAR MI 'GYUR BA NYUNG BA'I GTAN TSIGS BSTAN PA STE, DE LTAR SHES RAB KYI PHA ROL TU PHYIN PA'I DON ZAB MO BSTAN PA'I TSE, SEMS ZHUM PAR MI 'GYUR BA DANG, 'JIGS SHING SKRAG PAR MI 'GYUR BA DANG, SNGON DE BZHIN GSHEGS PA MANG PO'I ZHABS 'BRING NA 'DUG CING BSNYEN BKUR BYED BYED PA DANG, DE BZHIN GSHEGS PA MANG PO LA CHOS ZAB MO'I DON ZHUS SHING THE TSOM MED PAR GYUR PA RNAMS, SHES RAB KYI PHA ROL TU PHYIN PA'I DON ZAB MO 'DI THOS NAS SEMS ZHUM PAR MI 'GYUR BA DANG, 'JIGS SHING SKRAG PAR MI 'GYUR TE, DE'I PHYIR DE LTA BU DAG NYUNG NGO ZHES BYA BA'I DON TO, ,DE CI'I PHYIR ZHE NA, RIGS KYI BU DANG RIGS KYI BU MO DE DAG NI SHES RAB KYI PHA ROL TU PHYIN PA YONGS SU RDZOGS PAR 'GYUR RO ZHES BYA BA NAS, SANGS RGYAS KYI CHOS MA 'DRES PA BCVA BRGYAD YONGS SU RDZOGS PAR 'GYUR RO ZHES BYA BA'I BAR GYIS KYANG SHES RAB KYI PHA ROL TU PHYIN PA'I DON ZAB MO THOS NAS MI 'JIGS MI @83B SKRAG PA NYUNG BA'I GTAN TSIGS DANG, SHES RAB KYI PHA ROL TU PHYIN PA'I DON ZAB MO THOS NAS MI 'JIGS MI SKRAG PA'I PHAN YON BSTAN PA STE, SHES RAB KYI PHA ROL TU PHYIN PA'I DON ZAB MO DE LTA BU BSTAN PA'I TSE, SEMS ZHUM PAR MI 'GYUR BA DANG, 'JIGS SHING SKRAG PAR MI 'GYUR BA'I RIGS KYI BU'AM RIGS KYI BU MO DE DAG NI PHYIS KYANG PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCVA BRGYAD LA THUG GI BAR DU RNAM PAR BYANG BA'I CHOS THAMS CAD YONGS SU RDZOGS PAR 'GYUR TE, DE LTA BU'I PHAN YON CHEN PO CAN NI DKON ZHING NYUNG NGO ZHES BYA BA'I DON TO, ,SHA RA DVA TI'I BU RIGS KYI BU DANG RIGS KYI BU MO DE DAG NI DGE BA'I RTZA BAS NYE BAR BSTAN PAR 'GYUR TE ZHES BYA BA LA SOGS PA YANG PHYI MA'I DUS LNGA BRGYA THA MA LA SHES RAB KYI PHA ROL TU PHYIN PA ZAB MO 'DI LA DAD CING SPYOD PA RNAMS, TSE 'DI LA PHAN YON CI 'BYUNG BA DANG, TSE RABS SNGA MA LA YON TAN CI BSAGS PA DANG, TSE RABS PHYI MA LA PHAN YON CI 'BYUNG BA RNAMS BSTAN PA STE, DGE BA'I RTZA BAS NYE BAR BSTAN PAR 'GYUR TE ZHES BYA BA NI TSE RABS SNGA MA LA DGE BA'I RTZA BA BSKYED PA'I RGYUS, TSE 'DI LA BDAG GI DON PHUN SUM TSOGS PAR 'GYUR RO ZHES BSTAN PA'O, ,BLA NA MED PA YANG DAG PAR RDZOGS PA'I BYANG CHUB KYI DON DU SKYE BO MANG PO'I DON BYED PAR 'GYUR RO ZHES BYA BAS NI, TSE 'DI DANG PHYI MA GNYIS KA LA GZHAN GYI DON PHUN SUM TSOGS PAR BYED NUS PA'I YON TAN BSTAN PA'O, ,DE CI'I PHYIR ZHE NA, DE NI 'DI LTAR SHA RA DVA TI'I BU RIGS KYI BU DANG RIGS KYI BU MO DE DAG LA NI NGAS RNAM PA THAMS CAD MKHYEN PA NYID DANG LDAN PA'I GTAM BRJOD DO, ,'DAS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG JI SNYED CIG 'BYUNG BA'I SANGS RGYAS BCOM LDAN 'DAS DE DAG GIS KYANG RIGS KYI BU DANG RIGS KYI BU MO DE DAG LA RNAM PA THAMS CAD MKHYEN PA NYID DANG LDAN PA'I GTAM BRJOD DE ZHES BYA BA NAS, TSE RABS SNGA MA LA SANGS RGYAS MANG PO LA BSNYEN BKUR BYAS PA'I YON TAN BSTAN PA'O, ,DE DAG TSE 'DAS KYANG 'DI LTA STE, BLA NA @84A *, ,MED PA YANG DAG PAR RDZOGS PA'I BYANG CHUB KYI DON DU SPYOD PA NYID DU 'GYUR TE ZHES BYA BAS NI TSE RABS PHYI MA LA BDAG GI DON PHUN SUM TSOGS PAR BYED NUS PAR 'GYUR BA'I PHAN YON BSTAN PA'O, ,DE DAG GZHAN LA YANG 'DI LTA STE, BLA NA MED PA YANG DAG PAR RDZOGS PA'I BYANG CHUB KYI DON DU RNAM PA DE LTA BU NYID BRJOD PAR 'GYUR RO ZHES BYA BAS NI TSE RABS PHYI MA LA GZHAN GYI DON PHUN SUM TSOGS PAR BYED NUS PA'I PHAN YON BSTAN PA STE, RNAM PA DE LTA BU NYID BRJOD PAR 'GYUR RO ZHES BYA BA NI BLA NA MED PA'I BYANG CHUB THOB PAR 'GYUR RO ZHES BYA BA'I DON TO, ,SHA RA DVA TI'I BU RIGS KYI BU DANG RIGS KYI BU MO DE DAG NI MNYAM PAR GZHAG PAR 'GYUR TE ZHES BYA BAS NI, TSE 'DI DANG PHYI MA GNYIS KA LA 'DOD CHAGS LA SOGS PA'I YUL GYI DBANG DU MI 'GYUR BAR BSAM GTAN DANG TING NGE 'DZIN LA SNYOMS PAR 'JUG NUS PA'I PHAN YON BSTAN PA'O, ,DE DAG NI BDUD DAM BDUD KYI RIS KYI LHA RNAMS KYIS KYANG BLA NA MED PA YANG DAG PAR RDZOGS PA'I BYANG CHUB LAS BZLOG PAR MI NUS NA SDIG TO LA MOS PA DANG, SDIG TO'I SPYOD PA CAN SHES RAB KYI PHA ROL TU PHYIN PA ZAB MO 'DI LA SPONG BA GZHAN GYIS LTA CI SMOS ZHES BYA BA NI BDUD LA SOGS PAS DGE BA'I BAR CHAD BYA MI NUS PA'I PHAN YON BSTAN PA'O, ,SHA RA DVA TI'I BU BYANG CHUB SEMS DPA'I THEG PA PA'I RIGS KYI BU DANG RIGS KYI BU MO DE DAG NI SHES RAB KYI PHA ROL TU PHYIN PA ZAB MO 'DI THOS NAS DGA' ZHING NYAMS BDE BA RGYA CHEN PO SKYE BAR 'GYUR RO ZHES BYA BAS NI, CHOS ZAB MO RTOGS NAS DAD PA CHEN PO SKYE BAR 'GYUR BA'I PHAN YON BSTAN PA'O, ,'DI LTAR BLA NA MED PA YANG DAG PAR RDZOGS PA'I BYANG CHUB KYI DON DU SKYE BO MANG PO YANG DGE BA'I CHOS LA DGOD PAR 'GYUR RO ZHES BYA BAS NI, SEMS CAN GZHAN YANG DAM PA'I CHOS LA DAD PA BSKYED NUS PA'I PHAN YON BSTAN PA'O, ,RIGS KYI BU DANG RIGS KYI BU MO DE DAG GIS NI NGA'I MDUN DU 'DI SKAD DU ZHES BYA BA NAS, PHYIR MI LDOG PAR LUNG BSTAN PAR BGYI'O ZHES BYA BA'I TSIG SMRAS SO ZHES BYA BA'I BAR GYIS NI, TSE RABS SNGA MA LA DE BZHIN GSHEGS PA'I SPYAN SNGAR GZHAN GYI DON PHUN @84B SUM TSOGS PAR BYA BAR YID DAM BCAS PA'I YON TAN BSTAN PA'O, ,DE CI'I PHYIR ZHE NA, SHA RA DVA TI'I BU RIGS KYI BU DANG RIGS KYI BU MO DE DAG GI TSIG NI SEMS LA SEMS KYIS RNAM PAR BLTAS TE, NGAS RJES SU DGYES PAR MDZAD DO ZHES BYA BAS NI GZHAN GYI DON PHUN SUM TSOGS PAR BYA BAR YID DAM BCAS SHING KHAS 'CHES PA JI SKAD SMRAS PA DE BZHIN DU BYED NUS PA DE BZHIN GSHEGS PAS THUGS CHES PA'I YON TAN BSTAN PA'O, ,SHA RA DVA TI'I BU 'DAS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SPYAN SNGAR YANG ZHES BYA BA NAS, RIGS KYI BU DANG RIGS KYI BU MO DE DAG GI TSIG NI SEMS LA THUGS KYIS RNAM PAR GZIGS TE RJES SU DGYES PAR MDZAD DO ZHES BYA BA'I BAR GYIS NI, TSE RABS SNGA MA LA 'DAS PA'I SANGS RGYAS MANG PO'I SPYAN SNGAR GZHAN GYI DON PHUN SUM TSOGS PAR BYA BA'I KHAS 'CHE BA DANG, DE LTAR KHAS 'CHES PA 'DAS PA'I DE BZHIN GSHEGS PA RNAMS KYI THUGS CHES PA'I YON TAN BSTAN PA'O, ,SHA RA DVA TI'I BU RIGS KYI BU DANG RIGS KYI BU MO DE DAG BYANG CHUB SEMS DPA'I SPYAD PA SPYOD PA'I TSE ZHES BYA BA NAS, PHYIR MI LDOG PAR LUNG STON PAR 'GYUR RO ZHES BYA BA'I BAR GYIS NI, TSE RABS SNGA MA LA GZHAN GYI DON PHUN SUM TSOGS PAR BYA BAR YID DAM BCAS PA TSE 'DI DANG TSE RABS PHYI MA LA GDON MI ZA BAR DE BZHIN DU 'GYUR BA'I PHAN YON BSTAN PA'O, ,SHA RA DVA TI'I BU RIGS KYI BU DANG RIGS KYI BU MO DE DAG NI, GZUGS DANG, SGRA DANG, DRI DANG, RO DANG, REG LA MOS PA RLABS PO CHER 'GYUR TE ZHES BYA BA NAS, YANG DAG PAR DKA' BAR BYED PAR 'GYUR RO ZHES BYA BA'I BAR GYIS NI, 'DOD PA'I YON TAN LNGA LA MOS PA RLABS PO CHES MA CHAGS PAR SPYOD CING SBYIN PA LA SOGS PA'I BSDU BA RNAM PA BZHIS SEMS CAN RNAMS YONGS SU BSDUS NAS, BDAG DANG SEMS CAN GNYIS KA RNAM PAR SMIN PA RLABS CHEN PO DANG LDAN PAR BYA STE, SANGS RGYAS KYI ZHING GZHAN DAG NA SANGS RGYAS BCOM LDAN 'DAS SHES RAB KYI PHA ROL TU PHYIN PA ZAB MO 'DI NYID STON PA LAS MNGON SUM DU CHOS MNYAN TE, SANGS RGYAS KYI ZHING DER YANG SEMS CAN GYI DON PHUN @85A *, ,SUM TSOGS PA BYED NUS PAR 'GYUR BA'I PHAN YON BSTAN PA'O, ,GSOL PA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS 'DAS PA DANG, MA 'ONGS PA DANG, DA LTAR BYUNG BA'I CHOS RNAMS LAS CHOS GANG THUGS SUM CHUD PA DE LTA BU GANG YANG MA MCHIS SO ZHES BYA BA NAS, PHYOGS BCU'I 'JIG RTEN GYI KHAMS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS JI SNYED CIG BZHUGS SHING 'TSO SKYONG BA DANG, CHOS STON PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS BYANG CHUB SEMS DPA' RNAMS KYANG YONGS SU MKHYEN TO, ,SANGS RGYAS KYI ZHING DANG NYAN THOS RNAMS KYANG YONGS SU MKHYEN TO ZHES BYA BA'I BAR GYIS NI, DE LTAR GONG DU BSHAD PA'I RIM PAS SHES RAB KYI PHA ROL TU PHYIN PA ZAB MO 'DI LA SPYOD PA RNAMS TSE RABS SNGA MA LA DGE BA CI SPYAD PA'I YON TAN DANG, TSE 'DI DANG TSE RABS PHYI MA LA PHAN YON CI DANG CIR 'GYUR BA RNAMS, BCOM LDAN 'DAS KYIS LUNG BSTAN PA SH'A RI'I BUS THOS NAS 'KHOR RNAMS KYANG YID CHES SHING DAD PA BSKYED PA'I PHYIR, DE LTAR BCOM LDAN 'DAS KYIS DUS GSUM GYI DNGOS PO THAMS CAD CIR GYUR PA DANG, CIR 'GYUR BA MA LUS PAR THUGS SU CHUD PA NGO MTSAR CHE'O ZHES BSTOD PA BSTAN PA'O, ,BCOM LDAN 'DAS GANG YANG BYANG CHUB SEMS DPA' SEMS DPA' CHEN PO PHA ROL TU PHYIN PA DRUG PO 'DI DAG GI SLAD DU BRTZON PAR BGYID CING PHA ROL TU PHYIN PA DRUG PO 'DI DAG TSOL BA DANG, YONGS SU TSOL BA'I TSE RIGS KYI BU DANG RIGS KYI BU MO PHA ROL TU PHYIN PA DRUG PO 'DI DAG TSOL BA DANG YONGS SU TSOL BA LAS, LA LAS NI BTZAL BA LAS PHA ROL TU PHYIN PA DRUG PO 'DI DAG THOB PAR 'GYUR, LA LAS NI THOB PAR MI 'GYUR RO ZHES BYA BA NI, DE LTAR GONG DU BSHAD PA'I RIM PAS, SNGON DGE BA SPYOD SPYOD PA DANG, SANGS RGYAS MANG PO LA BSNYEN BKUR BYAS PA RNAMS KYIS SHES RAB KYI PHA ROL TU PHYIN PA 'DI NYAN PA DANG 'DRI BA LA SOGS PA'I SGO NAS SPYOD NUS PAR 'GYUR TE, SHES RAB KYI PHA ROL TU PHYIN @85B PA ZAB MO 'DI LA SPYOD PA DKON PA BSTAN PA SH'A RA DVA TI'I BUS THOS NAS, DE LTAR DKON NA THAMS CAD KYIS SHES RAB KYI PHA ROL TU PHYIN PA ZAB MO 'DI BTZAL KYANG RNYED PAR MI 'GYUR GYI, SNGON DGE BA'I RTZA BA BSKYED PA NYI TSE ZHIG GIS RNYED PAR 'GYUR BA LTA ZHIG CES ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE NI DE LTAR MA YIN TE, RIGS KYI BU DANG RIGS KYI BU MO BRTZON 'GRUS MI GTONG PA DE DAG KUN GYIS KYANG PHA ROL TU PHYIN PA DRUG PO 'DI DAG THAMS CAD 'GRUB PAR 'GYUR RO, ,DE CI'I PHYIR ZHE NA, SHA RA DVA TI'I BU DE NI 'DI LTAR RIGS KYI BU DANG RIGS KYI BU MO DE DAG PHA ROL TU PHYIN PA DRUG PO 'DI DAG GI DON DU BRTZON PAR BYED PA'I PHYIR RO ZHES BYA BAS NI SHES RAB KYI PHA ROL TU PHYIN PA ZAB MO 'DI THOS PAR BYA BA'I PHYIR, BRTZON 'GRUS CHEN PO BRTZAMS SHING YID BSRINGS TE BTZAL NA TSE 'DI LA GRUB PAR MA GYUR NA YANG TSE RABS PHYI MA TSUN CHAD KYIS BRTZON 'GRUS MA GTANG NA GRUB PAR 'GYUR RO ZHES BSTAN PA'O, ,GSOL PA CI LAGS, BCOM LDAN 'DAS RIGS KYI BU DANG RIGS KYI BU MO DE DAG GIS MDO SDE ZAB MO ZAB MO PHA ROL TU PHYIN PA DRUG DANG LDAN PA 'DI DAG KUN KYANG GRUB PAR 'GYUR RAM ZHES BYA BA NAS, JI SKAD DU BSTAN PA'I PHA ROL TU PHYIN PA DRUG PO 'DI DAG LAS BRTZON 'GRUS NYAMS PAR MI BYED DO ZHES BYA BA'I BAR GYIS NI, BRTZON 'GRUS CHEN PO MA GTZANG NA SNGON DGE BA'I RTZA BAM BSKYED CING LAS KYI 'PHRO MED DU ZIN KYANG MDO SDE ZAB MO PHA ROL TU PHYIN PA DRUG DANG LDAN PA RNAMS GRUB PAR MI 'GYUR MI SRID DE, TSE 'DI LA MA GRUB KYANG TSE RABS PHYI MA TSUN CHOD KYIS GRUB PAR 'GYUR GYIS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR MA GYUR GYI BAR DU MDO SDE ZAB MO 'DI'I DON BTZAL BA DANG, SEMS CAN GYI DON PHUN SUM TSOGS PAR BYA BA'I BRTZON 'GRUS NYAMS PAR MI BYA'O ZHES BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU GCIG PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI DE LTAR GONG DU BSHAD @86A *, ,PA'I RIM PAS SHES RAB KYI PHA ROL TU PHYIN PA ZAB MO 'DI LA SPYOD PA'I BYANG CHUB SEMS DPA' RNAMS KYI PHAN YON BSHAD PA 'DI, BDAG CAG GIS 'JAL NA RIGS KYI BU DANG RIGS KYI BU MO SHES RAB KYI PHA ROL TU PHYIN PA LA SPYOD PA DE DAG LA BDUD KYI BAR CHAD DU 'GYUR BA CI DANG CI MCHIS PA BSHAD DU GSOL ZHES BDUD KYI LAS ZHIB TU BSHAD PA'I SKABS DBYE BA'I PHYIR RAB 'BYOR GYIS GSOL PA STE, DE LA BDUD KYI LAS ZHES BYA BA YANG KHA CIG NI BDUD KYIS BAR CHAD BYAS PA'O, ,KHA CIG NI CHOS 'CHAD PA DANG, CHOS NYAN PA'I LUS DANG NGAG DANG YID KYI SPYOD PA'I SKYON RNAMS KYIS SHES RAB KYI PHA ROL TU PHYIN PA 'DI LA SPYOD PA'I BAR CHAD DU 'GYUR BA STE, DE DAG KYANG BDUD KYI LAS DANG 'DRA BA'I PHYIR BDUD KYI LAS ZHES BYA'O, ,KHA CIG NI CHOS 'CHAD PA DANG NYAN PA'I MI'I LUS DANG NGAG DANG YID KYI SPYOD PA'I SKYON LAS BDUD GLAGS LTA ZHING BAR CHAD BYED PAR 'GYUR BA'I PHYIR YANG BDUD KYI LAS ZHES BYA STE, SKABS DANG SBYAR ZHING RIG PAR BYA'O, ,BCOM LDAN 'DAS KYIS BKA' STZAL PA, RAB 'BYOR SPOBS PA HA CANG 'PHYIS TE SKYE NA, RAB 'BYOR DE NI BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI CHOS 'CHAD PA'I TSE, CHOS KYI MKHAN PO DON DANG TSIG RNAMS MYUR DU MI DRAN ZHING SPOBS PA BUL BA DANG CHOS NYAN PAS THE TSOM DRIS NA YANG MYUR DU LAN MI THEBS SHING SPOBS PA 'PHYIS TE SKYE NA, DAM PA'I CHOS BSHAD PA'I BAR CHAD DU 'GYUR BA'I BDUD KYI LAS SU RIG PAR BYA'O ZHES BSTAN PA'O, ,BCOM LDAN 'DAS CI'I SLAD DU SPOBS PA HA CANG 'PHYIS TE SKYE BAR 'GYUR BA DE NI CI'I SLAD DU BYANG CHUB SEMS DPA' SEMS DPA' CHEN POS BDUD KYI LAS SU RIG PAR BGYI ZHES BYA BAS NI SPOBS PA HA CANG YANG 'PHYIS TE SKYE BA'I RGYU CI LAS GYUR PA DRIS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, SHES RAB KYI PHA ROL TU PHYIN PA DKA' BAR YONGS SU RDZOGS PAR BYED CES BYA BA LA SOGS PAS NI, @86B PHA ROL TU PHYIN PA DRUG LA SPYOD PA'I TSE MI MTHUN PA'I PHYOGS DANG 'DRES SHING MYUR DU YONGS SU RDZOGS PAR MA BYAS PA'I LAM GYIS SPOBS PA BUL ZHING 'PHYIS TE SKYE BAR 'GYUR RO ZHES BSTAN PA'O, ,RAB 'BYOR GZHAN YANG KUN TU MYUR BAR SPOBS PA SKYE NA, BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI CHOS 'CHAD PA'I MKHAN PO CHOS 'CHAD PA DANG, DRIS PA'I LAN LDON PA'I TSE ZHIB TU MA BRTAGS MA BSAMS PAR RLOM SEMS SAM NGA RGYAL GYI DBANG GIS CHOS STON PAS, DON DANG TSIG GTAN LA MI 'BAB PA'I PHYIR BDUD KYIS GLAGS RNYED PAR 'GYUR ZHES BSTAN PA'O, ,GSOL PA, BCOM LDAN 'DAS CI'I SLAD DU SHIN TU MYUR BAR SPOBS PA SKYE BAR 'GYUR ZHES BYA BA LA SOGS PA NI, SHIN TU MYUR BAR SPOBS PA SKYE BAR 'GYUR BA'I GTAN TSIGS RAB 'BYOR GYIS ZHUS PA DANG, PHA ROL TU PHYIN PA DRUG LA SPYOD PA'I TSE THABS MI MKHAS PAS ZHIB TU MA BRTAGS MA BSAMS PAR NGA RGYAL DANG RLOM SEMS KYI DBANG GIS PHA ROL TU PHYIN PA DRUG LA SPYOD SPYOD PA'I RGYUS SHIN TU MYUR BAR SPOBS PA SKYE BAR 'GYUR TE, DE LTAR NGA RGYAL DANG RLOM SEMS KYIS SHIN TU MYUR BAR SPOBS PA SKYE NA YANG BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG GLAL ZHING SHES RAB KYI PHA ROL TU PHYIN PA 'DI 'DRI NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI SNYOM ZHING GNYID KYI DBANG DU GYUR TE LUS DANG SEMS LAS SU MI RUNG NA GLAL 'BYUNG STE, DE LTAR LUS DANG SEMS LAS SU MI RUNG BZHIN DU SHES RAB KYI PHA ROL TU PHYIN PA 'DI 'DRI NA YANG BDUD KYIS GLAGS RNYED PAR 'GYUR RO ZHES BSTAN PA'O, ,RAB 'BYOR GZHAN YANG DGOD CING 'DRI NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI, GZHAN LA 'PHYAS BTZAL BA LA SOGS PA'I BSAM PAS DGOD CING SHES RAB KYI PHA ROL TU PHYIN PA 'DI 'DRI NA YANG SEMS G-YENG BA'I PHYOGS SU GTOGS PAS BDUD KYIS BYIN GYIS BRLABS @87A *, ,PA'AM, BDUD KYIS GLAGS RNYED PAR 'GYUR RO ZHES BSTAN PA'O, ,RAB 'BYOR PHAN TSUN STEG CING 'DRI NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI, SHES RAB KYI PHA ROL TU PHYIN PA 'DI 'DRI BA'I TSE, MI GZHAN DANG LHAN CIG KHAS BRGYA PA'AM, RTZE BA'AM STEG SNGAGS ZER ZHING 'DRI NA BDUD KYIS BYIN GYIS BRLABS PAS DE LTAR BYED PA'AM DE LTAR BYED NA BDUD KYIS GLAGS RNYED PAR 'GYUR RO ZHES BSTAN PA'O, ,SEMS G-YENG ZHING 'DRI NA RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI BUD MED LA RTOG PA'AM, YUL LA RTOG PA DANG, GNYEN BSHES LA RTOG PA LA SOGS PAS SEMS GUD DU G-YENGS SHING 'DRI NA, DE LTAR BYED PA YANG BDUD KYIS BYIN GYIS BRLABS PAS, DE LTAR BYED DAM DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LUS SU RIG PAR BYA'O ZHES BSTAN PA'O, ,YI GE GZHAN LA CHAGS SHING TSIG GI DON MI SHES PAR 'DRI NA RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI, SHES RAB KYI PHA ROL TU PHYIN PA'I DON DANG SBYOR BAR BYA KA RA nA LA SOGS PA'I TSIG GI RJES SU 'BRANG ZHING 'DRI NA YANG DE LTAR BYED PA NYID BDUD KYIS BYIN GYIS BRLABS PA'AM, DE BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,'DI'I RO MA MYONG NAS STAN LAS LANGS TE 'GRO NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI, SHES RAB KYI PHA ROL TU PHYIN PA ZAB MO 'DI NYAN PA'I TSE DON ZAB MO GO BA'I NYAMS MED NAS MNYAN PA BTANG STE GUD DU 'GRO NA YANG, DE LTAR BYED PA NYID BDUD KYIS BYIN GYIS BRLABS PA'AM DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O, ,RAB 'BYOR GZHAN YANG GLAL ZHING LUNG 'BOGS NA ZHES BYA BA NAS, RAB 'BYOR GZHAN YANG YI GE GZHAN DANG GZHAN DAG LA CHAGS SHING 'DZIN TAM 'CHANG NGAM, KLOG GAM, KUN CHUB PAR BYED DAM, TSUL BZHIN DU YID @87B LA BYED NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, LUNG 'BOGS PA DANG, KHA TON BYED PA DANG, 'DZIN PA DANG, KLOG PA DANG, STON PA DANG, TSUL BZHIN DU YID LA BYED PA'I TSE GLAL BA DANG, DGOD PA DANG STEG PA DANG, YI GE GZHAN LA CHAGS PAR GYUR NA YANG BDUD KYIS BYIN GYIS BRLABS PAS DE LTAR BYED PA'AM, DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA STE, GLAL BA DANG, DGOD PA DANG, STEG PA DANG, YI GE GZHAN LA CHAGS PA'I DON NI GONG DU BSHAD PA BZHIN NO, ,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, SHES RAB KYI PHA ROL TU PHYIN PA 'DI LAS BDAG CAG LUNG MA BSTAN TO ZHES MA DAD PA'I YID KYIS STAN LAS LANGS SHING 'DONG STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, SHES RAB KYI PHA ROL TU PHYIN PA'I DON ZAB MO RTOGS PA'I RO MA MYONG NAS STAN LAS LANGS TE 'DONG BA CI'I PHYIR DE LTAR BYED PA'I GTAN TSIGS RAB 'BYOR GYIS ZHUS PA DANG, TSE RABS SNGA MA LA PHA ROL TU PHYIN PA DRUG LA MA SPYAD CING GOMS PAR MA BYAS PA'I RGYUS TSE 'DI LA YANG SHES RAB KYI PHA ROL TU PHYIN PA 'DI'I DON ZAB MO RTOGS PA'I NYAMS MED PAS MA DAD MA MOS NAS GUD DU 'DONG BA BSTAN PA STE, DE LTAR BYED PA YANG BDUD KYIS BYIN GYIS BRLABS PA'AM, DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,GSOL PA, BCOM LDAN 'DAS CI'I SLAD DU SHES RAB KYI PHA ROL TU PHYIN PA LAS LUNG MA BSTAN PA DE DAG STAN PA DE DAG STAN LAS LANGS SHING MCHI BAR 'GYUR ZHES BYA BA NI, BYANG CHUB SEMS DPA' SA GANG DANG GANG LA GNAS PA YAN CHAD KYIS LUNG BSTAN PA 'THOB PA DANG, SA GANG MAN CHAD KYIS LUNG BSTAN PA MI 'THOB PA BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG @88A *, ,CHUB SEMS DPA' SEMS DPA' CHEN PO SKYON ME DPAR MA CHUD PA NI BLA NA MED PA YANG DAG PAR RDZOGS PA'I BYANG CHUB TU LUNG MI STON TO ZHES BYA BAS NI BYANG CHUB SEMS DPA' SA DANG PO THOB PA YAN CHAD NI BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR GYI, DE MAN CHAD KYIS LUNG BSTAN PA MI 'THOB BO ZHES BSTAN PA'O, ,DE LA BDAG NI SHES RAB KYI PHA ROL TU PHYIN PA 'DI LAS MI 'BYUNG NGO, ,BDAG GI MING YANG YONGS SU MA BRJOD DO ZHES DAD PAR MA GYUR NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NI, BYANG CHUB SEMS DPA' KHA CIG SHES RAB KYI PHA ROL TU PHYIN PA ZAB MO 'DI LA SPYOD SPYOD PA DAG BDAG GIS MING NAS SMOS TE LUNG BSTAN DU RE BA LAS, LUNG BSTAN PAR MA GYUR NAS, DAD PA BRI STE SHES RAB KYI PHA ROL TU PHYIN PA ZAB MO 'DI LA SPYOD PA GTONG BAR GYUR NA, DE LTAR BYED PA YANG BDUD KYIS BYIN GYIS BRLABS PA'AM, DE LTAR BYAD NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,GSOL PA, BCOM LDAN 'DAS CI'I SLAD DU SHES RAB KYI PHA ROL TU PHYIN PA ZAB MO 'DI LAS BYANG CHUB SEMS DPA' SEMS DPA' CHEN PO DAG GI MING YONGS SU MA BRJOD PA LAGS ZHES BYA BA NI, SHES RAB KYI PHA ROL TU PHYIN PA ZAB MO 'DI LA SPYOD SPYOD PA RNAMS JI LTAR TZAM GYIS MING BRJOD CING LUNG BSTAN PAR 'GYUR BA ZHUS PA'O, ,BCOM LDAN 'DAS KYIS BKA' STZAL PA, RAB 'GYUR BYANG CHUB SEMS DPA' SEMS DPA' CHEN PO LUNG MA BSTAN PA RNAMS KYI MING NI YONG SUS MI BRJOD DO ZHES BYA BA NI SHES RAB KYI PHA ROL TU PHYIN PA 'DI LA SPYAD DO COG GI MING BRJOD CING LUNG BSTAN PA THOB PAR MI 'GYUR GYI, SA DANG PO THOB PA YAN CHAD KYI MING BRJOD CING LUNG BSTAN PA THOB PAR 'GYUR RO ZHES BSTAN PA'O, ,DE LA BDAG GI MING YANG 'DI LAS MI 'BYUNG BA DAG GANG DU SKYES PA'I GONG NGAM GRONG KHYER RAM, GRONG RDAL GYI MING 'DI YANG MI 'BYUNG NGO ZHES DE SHES RAB KYI PHA ROL TU PHYIN PA MI MNYAN TO SNYAM BYED CING 'KHOR DE NAS 'GRO BAR SEMS NA SEMS BSKYED PA DES JI LTA JI @88B LTAR 'GRO BAR SEMS SHING GOM PA JI SNYED CIG BOR BA DE SNYED KYI BSKAL PA YONGS SU 'DZIN PAR 'GYUR TE, DE DAG LA BZOD PA BRTZON PAR BYA DGOS SO ZHES BYA BA NI LUNG MA BSTAN PA'I BYANG CHUB SEMS DPA' KHA CIG SHES RAB KYI PHA ROL TU PHYIN PA LA SPYOD SPYOD PA LAS, BDAG GI MING LA SOGS PA MA SMOS TE LUNG MA BSTAN TO SNYAM NAS DAD PA BRI STE, SHES RAB KYI PHA ROL TU PHYIN PA ZAB MO 'DI MNYAN PA BTANG NAS GUD DU 'GRO BAR SEMS SHING SONG NAS, GOM PA JI SNYED BOR BA DE SNYED KYI BSKAL PAR 'KHOR BA NA 'KHYAMS SHING GROL THAR BAR MI 'GYUR TE, SHES RAB KYI PHA ROL TU PHYIN PA ZAB MO 'DI LA GZOD BRTZON PAR BYA DGOS SO ZHES BSTAN PA'O, ,DE SHES RAB KYI PHA ROL TU PHYIN PA BOR ZHING MDO SDE GANG RNAM PA THAMS CAD MKHYEN PA NYID KYI YE SHES YONGS SU MI SGRUB PA DE DAG KUN CHUB PAR BYA BAR SEMS TE, DE NAS BYANG CHUB SEMS DPA'I THEG PA PA'I RIGS KYI BU DANG RIGS KYI BU MO DE DAG RNAM PA THAMS CAD MKHYEN PA NYID KYI SHING GI RTZA BA SPANGS TE, DE NYID KYI YAL GA DANG 'DAB MA DANG LO MA LA 'JUG PAR SEMS PAR 'GYUR BA DAG STE ZHES BYA BAS NI, DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA ZAB MO 'DI MI MNYAN PAR GUD DU 'GRO BAR SEMS DPA'I SKYON DANG DPE BSTAN PA STE, SHES RAB KYI PHA ROL TU PHYIN PA NI RNAM PA THAMS CAD MKHYEN PA'I YE SHES SGRUB PA YIN TE, SHING GI RTZA BA DANG 'DRA BA THEG PA CHUNG NGU'I MDO SDE 'DI SHING GI YAL GA DANG 'DAB MA DANG LO MA DANG 'DRA STE, DON CHEN PO BOR NAS DON CHUNG NGU LA ZHUGS PA YIN PAS DE LTAR BYED PA YANG BDUD KYIS BYIN GYIS BRLABS PA'AM, DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,GSOL PA, BCOM LDAN 'DAS RNAM PA THAMS CAD MKHYEN PA NYID KYI YE SHES YONGS SU MI SGRUB PA'I MDO SDE KUN CHUB PAR BGYI BAR SEMS PAR 'GYUR BA DE DAG GANG LAGS ZHES BYA BA NAS, RAB 'BYOR DE DAG NI NYAN THOS DANG, RANG SANGS RGYAS DANG LDAN PA'I MDO SDE GANG LAS SHES RAB KYI PHA ROL TU PHYIN PA BOR ZHING KUN CHUB PAR BYA BAR SEMS PA STE, RNAM PA THAMS CAD @89A *, ,MKHYEN PA NYID KYI YE SHES YONGS SU MI SGRUB PA'O ZHES BYA BA'I BAR GYIS NI, THEG PA CHUNG NGU'I MDO SDE SHING GI YAL GA DANG 'DRA BA RNAM PA THAMS CAD MKHYEN PA NYID DANG LDAN PA'I YE SHES MI SGRUB PA GANG YIN PA'I DMIGS BSTAN PA'O, ,DE CI'I PHYIR ZHE NA ZHES BYA BA NAS; 'JIG RTEN DANG 'JIG RTEN LAS 'DAS PA'I CHOS RNAMS LA SLOB PA YIN NO ZHES BYA BA'I BAR GYIS NI, SHES RAB KYI PHA ROL TU PHYIN PA LA SPYAD NA 'JIG RTEN DANG 'JIG RTEN LAS 'DAS PA'I CHOS THAMS CAD ZHAR LA SPYAD PAR 'GYUR RO ZHES BSTAN PA'O, ,RAB 'BYOR 'DI LTA STE DPER NA KHYI LA LA ZHIG CES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI BOR TE, THEG PA CHUNG NGU'I MDO SDE LA SPYOD PA DON BZANG PO BOR TE NGAN PA TSOL BA KHYIS ZAN BZANG BO BOR TE NGAN PA TSOL BA LAS DPE BLANGS TE BSTAN PA STE, DE LTAR BYED PA YANG BDUD KYIS BYIN GYIS BRLABS PA'AM, DE LTAR BYED PA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG MA 'ONGS PA'I DUS NA ZHES BYA BA LA SOGS PAS NI YUL DANG DUS LA LA NA THEG PA CHEN PO LA SPYOD PA NI NYUNG ZHING MI BTZUN PAR BYED THEG PA CHUNG NGU LA SPYOD PA NI MANG ZHING BTZUN PAR BYED PA YOD DE DE LTA BUR GYUR PA'I TSE, SHES RAB KYI PHA ROL TU PHYIN PA ZAB MO 'DI BOR TE KHE DANG BKUR STI'I PHYIR THEG PA CHUNG NGU'I MDO SDE LA SPYOD NA, DE LTAR BYED PA YANG BDUD KYIS BYIN GYIS BRLABS PA'AM, DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,RAB 'BYOR 'DI LTA STE DPER NA MI LA LA ZHIG GLANG PO CHE 'DOD LA ZHES BYA BA LA SOGS PAS NI SHES RAB KYI PHA ROL TU PHYIN PA ZAB MO 'DI BOR TE, THEG PA CHUNG NGU'I MDO SDE LA SPYOD PA DMAN PA'I DPE MI BLUN PO LAS BLANGS PA BSTAN PA STE, DE LTAR BYED PA YANG BDUD KYIS BYIN GYIS BRLABS PA'AM, DE LTAR BYED NA BDUD KYIS GLAGS RNYED PAR 'GYUR BA'I PHYIR BDUD KYI LAS SU RIG PAR BYA'O ZHES BSTAN PA'O, ,RAB 'BYOR 'DI LTA STE DPER NA MI ZHIG RGYA MTSO CHEN PO LTA BAR 'DOD LA ZHES BYA @89B BA LA SOGS PAS NI SHES RAB KYI PHA ROL TU PHYIN PA ZAB MO BOR TE, THEG PA CHUNG NGU'I MDO SDE TSOL BA'I DPE RGYA MTSO DANG, BA LANG GI RJES KYI CHU LAS BLANGS PA BSTAN PA STE, DE LTAR BYED PA YANG SNGA MA BZHIN DU BDUD KYI LAS SU RIG PAR BYA'O ZHES BSTAN PA'O, ,RAB 'BYOR 'DI LTA STE DPER NA PHYVA MKHAN NAM, PHYVA MKHAN GYI SLOB MA ZHES BYA BA LA SOGS PAS NI SHES RAB KYI PHA ROL TU PHYIN PA ZAB MO 'DI BOR TE, THEG PA CHUNG NGU LAS RNAM PA THAMS CAD MKHYEN PA NYID TSOL BAR SEMS PA PHYVA MKHAN LHA'I DBANG PO BRGYA BYIN GYI KHANG PA RNAM PAR RGYAL BA ZHES BYA BA'I TSANG DU KHANG PA BDUB PAR 'DOD LA NYI MA DANG ZLA BA'I GZHAL MED KHANG LAS TSAD BLANGS TE, KHANG PA DBUBS PA LAS DPE BLANGS PA BSTAN PA STE, DE LTAR BYED PA YANG BDUD KYI LAS SU RIG PAR BYA BA SNGA MA BZHIN NO, ,RAB 'BYOR 'DI LTA STE DPER NA SKYES BU LA LA ZHIG 'KHOR LOS SGYUR BA'I RGYAL PO MTHONG BAR 'DOD LA ZHES BYA BA LA SOGS PAS NI SHES RAB KYI PHA ROL TU PHYIN PA ZAB MO 'DI BOR NAS THEG PA CHUNG NGU'I MDO SDE LAS, RNAM PA THAMS CAD MKHYEN PA NYID BTZAL BAR SEMS PA 'KHOR LOS SGYUR BA'I RGYAL PO DANG, KHAMS KYI RGYAL PHRAN LAS DPE BLANGS NAS BSTAN PA STE, 'KHOR LOS SGYUR BA'I RGYAL PO DANG, KHAMS KYI RGYAL PHRAN GNYIS RGYAL PO'I CHA BYAD TZAM DU 'DRAR ZIN KYANG, 'KHOR LOS SGYUR BA'I RGYAL PO LA NI SKYES BU CHEN PO'I MTSAN SUM CU RTZA GNYIS DANG, RIN PO CHE SNA BDUN LA SOGS PA MNGA' BA'I YON TAN DANG LDAN GYI, KHAMS KYI RGYAL PHRAN LA YON TAN DE LTA BU DANG MI LDAN TE MI 'DRA BA DE BZHIN DU SHES RAB KYI PHA ROL TU PHYIN PA ZAB MO 'DI DANG THEG PA CHUNG NGU'I MDO SDE GNYIS KYANG, MDO SDE TZAM DU 'DRA YANG YON TAN THA DAD DE MI 'DRA BAL THEG PA CHUNG NGU'I MDO SDE LAS RNAM PA THAMS CAD MKHYEN PA NYID BTZAL PAR SEMS PA BDUD KYI LAS SU RIG PAR BYA'O ZHES BSTAN PA'O, ,RAB 'BYOR 'DI LTA STE DPER NA SKYES BU SHIN TU BKRES PA LA LA ZHIG GIS RO BRGYA DANG LDAN PA'I KHA ZAS RNYED KYANG ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI BOR NAS, THEG PA CHUNG NGU'I MDO SDE LAS RNAM PA THAMS CAD @90A *, ,MKHYEN PA NYID THOB PAR BYED PA MI LA LA ZHIG KHA ZAS ZHIM PO RO BRGYA DANG LDAN PA BOR TE, 'BRAS DRUG CU PA ZHES BYA BA'I KHA ZAS BZA' BAR SEMS PA LAS DPE BLANGS TE BSTAN PA STE, DRUG CU PA'I KHA ZAS ZHES BYA BA NI, 'BRAS DMAR PO NGAN PA ZHIG ZHAG DRUG CUS SMIN PAR 'GYUR BA LA BYA'O, ,RAB 'BYOR 'DI LTA STE DPER NA SKYES BU LA LA ZHIG GIS NOR BU RIN PO CHE RIN THANG MED PA RNYED NAS, NOR BU MCHING BU DANG BSKRUN PAR BSAMS NA ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI BOR NAS, THEG PA CHUNG NGU'I MDO SDE LAS RNAM PA THAMS CAD MKHYEN PA NYID BTZAL BAR SEMS PA NOR BU RIN PO CHE DANG MCHING BU LAS DPE BLANGS NAS BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG RIGS KYI BU DANG RIGS KYI BU MO DE DAG SHES RAB KYI PHA ROL TU PHYIN PA 'DI 'DRI BA'I TSE, SPOBS PA MANG PO GANG GIS SHES RAB KYI PHA ROL TU PHYIN PA ZAB MO 'DI 'DRI BA'I DKRUGS MAR 'GYUR BA DE LTA BU SKYE BAR 'GYUR BA STE ZHES BYA BA NAS, RAB 'BYOR GAL TE BYANG CHUB SEMS DPA'I THEG PA PA'I RIGS KYI BU DANG RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI BA'I TSE, CHOS DE DAG GIS DKRUGS PAR MI 'GYUR NA, RAB 'BYOR DE YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG GIS BDUD KYI LAS SU RIG PAR BYA'O ZHES BYA BA'I BAR GYIS NI, SHES RAB KYI PHA ROL TU PHYIN PA 'DI 'DRI BA'I TSE, GZUGS LA SOGS PA'I CHOS RNAM PA SNA TSOGS LA MTSAN MAR 'DZIN CING RNAM PAR RTOG PA SNA TSOGS 'BYUNG NA, SHES RAB KYI PHA ROL TU PHYIN PA RNAM PAR MI RTOG PA'I RANG BZHIN LA RNAM PAR RTOG PA BYUNG NA DE YANG BDUD KYI LAS SU RIG PAR BYA'O ZHES BSTAN PA STE, SPOBS PA ZHES BYA BA NI RNAM PAR RTOG PA DANG MTSAN MAR 'DZIN PA'I BLO SKYE BA LA BYA'O, ,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA BRI BAR NUS SAM ZHES BYA BAS NI GONG DU SHES RAB KYI PHA ROL TU PHYIN PA 'DRI BA'I TSE, SPOBS PA MANG PO @90B BYUNG NA BDUD KYI LAS SU 'GYUR RO ZHES BSHAD PA LA 'KHOR RNAMS KYI NANG NAS, KHA CIG SHES RAB KYI PHA ROL TU PHYIN PA BRIR YOD PA DANG SBYAR NA, DNGOS PO YOD PA ZHIG YIN NAM SNYAM DU RTOG PA SKYES PA BSAL BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE LTA MA YIN NO ZHES BYA BA NAS RNAM PA THAMS CAD MKHYEN PA NYID KYI NGO BO NYID YOD PA MA YIN TE MI DMIGS SO, ,NGO BO NYID MI DMIGS PA GANG YIN PA DE NI DNGOS PO MED PA'O, ,DNGOS PO MED PA GANG YIN PA DE NI SHES RAB KYI PHA ROL TU PHYIN PA STE, DNGOS PO MED PAS DNGOS PO MED PA BRI BAR MI NUS SO ZHES BYA BA'I BAR GYIS NI, DON DAM PAR SHES RAB KYI PHA ROL TU PHYIN PA DNGOS PO MED PAS BRIR MI RUNG BA BSTAN PA'I ZHAR LA, CHOS THAMS CAD DNGOS PO MED PA'I MI DMIGS PA BSTAN PA'O, ,RAB 'BYOR GAL TE BYANG CHUB SEMS DPA'I THEG PA PA'I RIGS KYI BU'AM RIGS KYI BU MOS SHES RAB KYI PHA ROL TU PHYIN PA ZAB MO 'DI DNGOS PO MED CES BYA BAR 'DU SHES NA, DE YANG BDUD KYI LAS SU RIG PAR BYA'O ZHES BYA BAS NI DNGOS PO ZHIG YOD NA DE'I LAS, DNGOS PO MED PA ZHES BYA BA YANG 'GRUB NA, SHES RAB KYI PHA ROL TU PHYIN PA 'DI DON DAM PAR DNGOS PO YOD PAR MA GRUB PAS, DNGOS PO MED PA ZHES BYA BA'I 'DU SHES KYANG BSKYED DU MED PA LAS, DNGOS PO MED PA'I 'DU SHES SKYES NA MED PA'I MTHA' LA CHAGS PAS BDUD KYI LAS SU RIG PAR BYA'O ZHES BSTAN PA'O, ,GSOL PA, BYANG CHUB SEMS DPA'I THEG PA PA'I RIGS KYI BU'AM RIGS KYI BU MO LA LAS SHES RAB KYI PHA ROL TU PHYIN PA ZAB MO 'DI YI GER BRIS NAS, SHES RAB KYI PHA ROL TU PHYIN PA ZAB MO 'DI BDAG GIS BRIS SO ZHES MCHI NA, DE NI SHES RAB KYI PHA ROL TU PHYIN PA ZAB MO 'DI LA YI GER MNGON PAR CHAGS DPA LAGS TE ZHES BYA BA NAS; YI GE MA MCHIS PA'I RNAM PA THAMS CAD MKHYEN PA NYID LA MNGON PAR CHAGS PAR BGYID NA, DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, SHES RAB KYI PHA ROL TU PHYIN PA 'DI YI GER 'DRI BA'I TSE YANG DNGOS @91A *, ,POR LTA ZHING DMIGS PA DANG BCAS PA'I 'DU SHES CAN DU BYA STE, BDAG GIS SHES RAB KYI PHA ROL TU PHYIN PA 'DI YI GER BRIS SO SNYAM DU SEMS NA, CHOS THAMS CAD YI GE DANG BRAL BA LA YI GER MNGON PAR CHAGS NA, DE YANG BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI BA DANG, KHA TON BYED PA DANG ZHES BYA BA NAS BAR CHAD BYA BA'I PHYIR BDUD SDIG TO CAN 'KHRUG PAR 'GYUR BA NYE BAR SBYAR TE, DE DAG KYANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA 'DI 'DRI BA DANG KLOG PA LA SOGS PA'I BYA BA BYED PA'I TSE, YUL DANG GRONG LA SOGS PA 'DU 'DZI'I BSAM PA RNAMS BYUNG NA YANG BDUD KYIS BAR CHAD BYA BA'I GLAGS RNYED PAR 'GYUR RO ZHES BSTAN PA'O, ,RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA 'DI 'DRI BA'I TSE ZHES BYA BA NAS, BAR CHAD DE LTA BU DAG 'BYUNG BAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI 'DRI BA LA SOGS PA'I BYA BA BYED PA'I TSE, RNYED PA DANG BKUR STI LA SOGS PA 'BYUNG LA DE LA CHAGS PAR BYED PA NA YANG BDUD KYIS GLAGS RNYED CING BAR CHAD DU 'GYUR RO ZHES BSTAN PA'O, ,RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG, KHA TON BYED PA DANG TSUL BZHIN DU YID LA BYED PA DANG BSGOM PA'I TSE ZHES BYA BA NAS, RAB 'BYOR DE LTAR BYANG CHUB SEMS DPA'I THEG PA PA'I RIGS KYI BU DANG RIGS KYI BU MO SHES RAB KYI PHA ROL TU PHYIN PA ZAB MO 'DI BOR ZHING NYAN THOS DANG, RANG SANGS RGYAS DANG LDAN PA'I MDO SDE DAG LAS THABS MKHAS PA BTZAL BAR SEMS PA YOD NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, SHES RAB KYI @91B PHA ROL TU PHYIN PA ZAB MO 'DI 'DRI BA DANG, LUNG 'BOGS PA LA SOGS PA BYED PA'I TSE BDUD SDIG TO CAN DAG BAR CHAD BYA BA'I PHYIR THEG PA CHUNG NGU BA'I MDO SDE ZAB MO DAG STON ZHING, 'DI LAS RNAM PA THAMS CAD MKHYEN PA NYID THOB PAR 'GYUR RO ZHES ZER NA DE YANG BDUD KYI LAS YIN PAS DE DAG MNYAN PAR MI BYA BA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU GNYIS PA'O,, ,,RAB 'BYOR GZHAN YANG CHOS NYAN PA NI, SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG KHA TON BYA BAR DGA' LA; CHOS SMRA BA NI PHYI BSHOL BYED NA, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NAS, CHOS SMRA BA NI 'DOD PA'I SRID PA DANG BCAS, GNOD SEMS DANG SNYOM PA DANG GNYID DANG 'GYOD PA DANG BCAS, THE TSOM DANG BCAS PAR GYUR NA, RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, CHOS NYAN PA DANG, 'CHAD PA GNYIS SPYOD PA DANG BSAM PA MI MTHUN NA, SHES RAB KYI PHA ROL TU PHYIN PA 'DI LA SPYOD PA'I RGYU RKYEN MI LDAN PAS BAR CHAD DU 'GYUR ZHING, MTHAR PHYIN PAR MI 'GYUR BA'I PHYIR BDUD KYI LAS SU RIG PAR BYA BA BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA DANG, LUNG 'BOGS PA DANG, KHA TON BYED PA DANG, 'CHANG BA DANG, TSUL BZHIN DU YID LA BYED PA'I TSE LA LA ZHIG DER 'ONGS TE SEMS CAN DMYAL BA'I MI SNYAN PA BRJOD CES BYA BA NAS, 'DI NYID DU RANG BYANG CHUB THOB PAR GYIS SHIG ,PHYIN CHAD 'KHOR BA NA MA 'KHOR BAR GYIS SHIG CES ZER NA, RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG LUNG 'BOGS PA DANG KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS @92A *, ,BDUD KYI LAS SU RIG PAR BYA'O ZHES BYA BA'I BAR GYIS NI, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA SEMS CAN GYI DON BYED CING 'KHOR BA NA YUN RING DU GNAS KYI BYANG CHUB SEMS DPA'I SPYAD PA SPYOD PA LA, BDUD DAG DGE BA'I BSHES GNYEN GYI TSUL DU BSGYUR NAS 'KHOR BA'I SKYON SMOS TE, NYAN THOS DANG RANG SANGS RGYAS KYI THEG PAS MYUR DU MYA NGAN LAS 'DAS PAR BSKUL MA 'DEBS PA BYUNG NA YANG BDUD KYI LAS SU RIG PAR BYA BA BSTAN PA'O, ,RAB 'BYOR GZHAN YANG CHOS SMRA BA NI GCIG PU STE, ZLA MED CING BDAG GIS BYED PA YIN LA, CHOS NYAN PA NI 'KHOR GYI NANG NA GNAS NA ZHES BYA BA NAS, DES CHOS NYAN PA DE DAG PHYIR BZLOG PA'I PHYIR 'ONG NA, RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG, KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS KYANG CHOS 'CHAD PA DANG NYAN PA GNYIS SPYOD PA DANG BSAM PA MI MTHUN NA, SHES RAB KYI PHA ROL TU PHYIN PA LA SPYOD PA YONGS SU RDZOGS PAR MI 'GYUR ZHING BAR CHAD DU 'GYUR BA'I PHYIR BDUD KYI LAS SU RIG PAR BYA BA BSTAN PA'O, ,RAB 'BYOR GZHAN YANG BDUD SDIG TO CAN DGE SLONG GI CHA BYAD DU BYAS SHING ZHES BYA BA NAS, DE DAG THE TSOM DU GYUR NAS SHES RAB KYI PHA ROL TU PHYIN PA ZAB MO 'DI MI 'DRI BAR GYUR, MI KLOG PAR GYUR, LUNG MI 'BOGS PAR GYUR, KHA TON MI BYED PAR GYUR, MI SGOM PAR GYUR, TSUL BZHIN DU YID LA MI BYED PAR GYUR TE, RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG, KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, BYANG CHUB SEMS DPA' SHES RAB KYI PHA ROL TU PHYIN PA LA BRTZON PAR BYED PA LA BAR CHAD BYA BA'I PHYIR, BDUD DAG DGE SLONG GI TSUL DU BSGYUR TE, THEG PA CHUNG NGU'I MDO SDE RNAMS BSLABS NAS, @92B NGED KYIS JI LTAR KHONG DU CHUD PA DE NI, SHES RAB KYI PHA ROL TU PHYIN PA YIN GYI, KHYED JI SKAD DU KLOG PA DE NI SHES RAB KYI PHA ROL TU PHYIN PA MA YIN NO ZHES SLU BAR BYED PA 'BYUNG STE, DE YANG BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG BDUD SDIG TO CAN DAG DGE SLONG GI CHA BYAD DU BYAS NAS ZHES BYA BA NAS, DE NI RANG BYANG CHUB THOB PAR 'GYUR RO ZHES ZER NA, DES TSIG DE THOS NAS SHES RAB KYI PHA ROL TU PHYIN PA LA MI SPYOD NA, RAB 'BYOR DE YANG SHES RAB KYI PHA ROL TU PHYIN PA ZAB MO 'DRI 'DI BA DANG, LUNG 'BOGS PA DANG, KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, BYANG CHUB SEMS DPA'I THEG PA CHUNG NGU'I TSUL GYIS MYA NGAN LAS 'DAS PAR MI 'DOD CING, SHES RAB KYI PHA ROL TU PHYIN PA LA SPYOD PA LA, SHES RAB KYI PHA ROL TU PHYIN PA 'DI LA SPYOD NA, THEG PA CHUNG NGU'I RIM PAS MYA NGAN LAS 'DAS PAR 'GYUR BAS BSDIGS PAS, SHES RAB KYI PHA ROL TU PHYIN PA 'DI LA SPYOD PA'I BAR CHAD BYED PA DAG BYUNG NA, DE YANG BDUD KYI LAS SU RIG PAR BYA BA BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA ZAB MO 'DI STON PA'I TSE, BAR CHAD DU 'GYUR BA'I BDUD KYI LAS MANG DU 'BYUNG STE, BDUD KYI LAS DE DAG KYANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA NAS, RAB 'BYOR SBYIN PA'I PHA ROL TU PHYIN PA'I GZUGS BRNYAN NI BDUD KYI LAS TE, DE DAG KYANG BYANG CHUB SEMS DPA' SEMS DPA' CHEN POS RNAM PAR SPANG BAR BYA'O ZHES BYA BA'I BAR GYIS NI, PHA ROL TU PHYIN PA DRUG GI GZUGS BRNYAN STON PA DAG BYUNG NA BDUD KYI LAS SU RIG PAR BYA BA BSTAN PA STE, PHA ROL TU PHYIN PA DRUG GI GZUGS BRNYAN ZHES BYA BA YANG, THEG PA CHUNG NGU'I TSUL DU DMIGS PA DANG BCAS PAR STON PA'O, ,RAB 'BYOR GZHAN YANG NYAN THOS KYI THEG PA DANG LDAN PA DANG, RANG SANGS RGYAS KYI THEG PA DANG LDAN PA'I MDO SDE DE DAG KYANG BYANG CHUB SEMS DPA' SEMS DPA' CHEN POS BDUD KYI @93A *, ,LAS SU RIG PAR BYA STE, RNAM PAR SPANG BAR BYA'O ZHES BYA BA NAS, DE YANG DE LA DGA' BA SKYE NA RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG, LUNG 'BOGS PA DANG, KHA TON BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, THEG PA CHUNG NGU'I MDO SDE DANG STONG PA NYID BCVA BRGYAD LA SOGS PA RNAM PAR BYANG BA'I CHOS RNAMS BDUD SDIG TO CAN DAG DGE SLONG GI CHA BYAD DU BYAS SHING, NYAN THOS DANG RANG SANGS RGYAS KYI 'BRAS BU THOB PAR BYA BA'I PHYIR, BYANG CHUB SEMS DPA' LA STON PA DAG 'BYUNG STE, BYANG CHUB SEMS DPA' DE YANG CHOS STON PA DE LA YID CHES SHING DAD PA SKYE BAR GYUR NA, DE YANG BDUD KYI LAS YIN GYIS SPANG BAR BYA'O ZHES BSTAN PA'O, ,RAB 'BYOR GZHAN YANG BDUD SDIG TO CAN DAG SANGS RGYAS KYI CHA BYAD DU LUS GSER GYI KHA DOG DANG, MI CHEN PO'I MTSAN SUM CU RTZA GNYIS DANG, 'OD 'DOM GANG BAR LDAN PAR BYAS SHING, BYANG CHUB SEMS DPA' SEMS DPA' CHEN PO'I DRUNG DU 'ONGS TE ZHES BYA BA NAS, SHES RAB KYI PHA ROL TU PHYIN PA LA SPYOD PA DE LTA BU DAG NYE BAR STON TE, DE YANG BYANG CHUB SEMS DPA'I THEG PA PA DE DAG LA 'DOD PAR SKYE BAR 'GYUR RO, ,DES DE DAG LA 'DOD PA SKYED NAS, RNAM PA THAMS CAD MKHYEN PA NYID LAS YONGS SU NYAMS PAR 'GYUR TE, RAB 'BYOR DE YANG SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA DANG, LUNG 'BOGS PA DANG, KHA TON BYED PA DANG, BSGOM PA DANG TSUL BZHIN DU YID LA BYED PA'I RGYU RKYEN MI LDAN PA STE, RAB 'BYOR DE YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI, BDUD SDIG TO CAN DAG SANGS RGYAS KYI CHA BYAD DU BYAS SHING 'ONG BA DANG, SANGS RGYAS LA SOGS PA DGE SLONG GI DGE 'DUN RNAMS SU STON PA DANG, BYANG CHUB SEMS DPA' PHA ROL TU PHYIN PA DRUG LA SPYOD PA MANG POR BSGYUR TE, BYANG CHUB SEMS DPA'I THEG PA PA RNAMS DE LA CHAGS SHING 'DOD PA SKYE BAR BYED PA DAG BYUNG NA, CHAGS PAR BYA BA'I DNGOS PO @93B MED PA LAS CHAGS PAR BYED PAS BDUD KYI LAS SU RIG PAR BYA BA BSTAN PA'O, ,RAB 'BYOR DE CI'I PHYIR ZHE NA, SHES RAB KYI PHA ROL TU PHYIN PA ZAB MO 'DI LA GZUGS MED DO, ,TSOR BA MED DO ZHES BYA BA NAS RNAM PA THAMS CAD MKHYEN PA NYID MED DO ZHES BYA BA'I TSUL GYIS NI, SHES RAB KYI PHA ROL TU PHYIN PA'I DON DANG SBYAR NA GZUGS LA SOGS PA'I CHOS THAMS CAD DNGOS PO MED PAS, CHAGS PAR BYA BA'I RGYU MED PA'I GTAN TSIGS BSTAN PA'O, ,RAB 'BYOR GANG LA GZUGS MED PA DE LA SANGS RGYAS MED DO, ,BYANG CHUB SEMS DPA' MED DO, ,RANG SANGS RGYAS MED DO, ,NYAN THOS MED DO, ,DE CI'I PHYIR ZHE NA, RAB 'BYOR CHOS THAMS CAD NI RANG BZHIN GYIS STONG NGO ZHES BYA BA NAS, GANG LA BLA NA MED PA YANG DAG PAR RDZOGS PA'I BYANG CHUB MED PA LA SANGS RGYAS MED DO, ,BYANG CHUB SEMS DPA' MED DO, ,RANG SANGS RGYAS MED DO, ,NYAN THOS MED DO, ,DE CI'I PHYIR ZHE NA, RAB 'BYOR CHOS THAMS CAD NI RANG BZHIN GYIS STONG NGO ZHES BYA BA'I BAR GYIS NI, DE LTAR GZUGS LA SOGS PA'I CHOS THAMS CAD DNGOS PO MED DE, RANG BZHIN GYIS STONG PA LA SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS RNAMS KYANG MED DO, ,DE LTAR MED PA LA YOD PAR LTA ZHING MNGON PAR CHAGS NA BDUD KYI LAS SU RIG PAR BYA'O ZHES BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA 'DI NI BAR CHAD DU 'GYUR BA MANG BA STE ZHES BYA BA NAS, BCOM LDAN 'DAS DE BZHIN DU RIGS KYI BU DANG RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA DANG, LUNG 'BOGS PA DANG, KHA TON BGYID PA DANG, STON PA DANG TSUL BZHIN DU YID LA BGYID PA DE DAG LA YANG BDUD KYI LAS MANG PO 'BYUNG BAR 'GYUR RO, ,BAR CHAD MANG PO 'BYUNG BAR 'GYUR RO, ,SLAR RGOL BA MANG PO 'BYUNG BAR 'GYUR RO ZHES BYA BA'I BAR GYIS NI RIN PO CHE DKON ZHING RIN THANG CHEN PO RNAMS BSGRUB PA LA BGEGS DANG BAR CHAD MANG PO 'BYUNG BA'I DPES, SHES RAB KYI PHA ROL TU PHYIN PA'I LA BAR CHAD DANG BDUD KYI LAS MANG PO 'BYUNG BA YANG SHES RAB KYI PHA ROL TU PHYIN PA 'DI DKON ZHING DON CHEN PO YIN PAR BSTAN @94A *, ,PA'O; ,DE CI'I SLAD DU ZHE NA, BCOM LDAN 'DAS SKYES SU GLEN PA GANG, RIGS KYI BU DANG RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA DANG, LUNG 'BOGS PA DANG, KHA TON BGYID PA DANG, STON PA DANG, TSUL BZHIN DU YID LA BGYID PA DE DAG GI BAR CHAD BGYID PA NI BDUD KYIS BYIN GYIS BRLABS PA STE ZHES BYA BA NAS, SANGS RGYAS KYI CHOS RLABS PO CHE DAG LA, DE DAG GI SEMS MI 'JUG GO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI LA SPYOD PA'I BYANG CHUB SEMS DPA' LA BAR CHAD BYED PA'I MI RNAMS SMAD PA BSTAN PA'O, ,RAB 'BYOR SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA DANG, LUNG 'BOGS PA DANG, KHA TON BYED PA DANG, STON PA DANG, TSUL BZHIN DU YID LA BYED PA DAG LA, BDUD KYI LAS SU 'DI DAG KYANG 'BYUNG MOD KYI ZHES BYA BA NAS, RNAM PA THAMS CAD MKHYEN PA NYID YONGS SU RDZOGS PAR BYED NA, RAB 'BYOR DE NI SANGS RGYAS KYI MTHU YIN PAR SHES PAR BYA BA STE ZHES BYA BA'I BAR GYIS NI, GONG DU BSHAD PA'I TSUL DU SHES RAB KYI PHA ROL TU PHYIN PA 'DI LA SPYOD PA LA BAR CHAD DANG BDUD KYI LAS MANG DU 'BYUNG BA THOS NAS, 'KHOR GYI NANG NAS KHA CIG SEMS ZHUM PAR 'GYUR BA DAG KYANG SRID DE DE DAG SPRO BA BSKYED PA'I PHYIR SHES RAB KYI PHA ROL TU PHYIN PA LA SOGS PA YONGS SU RDZOGS PAR BYA BA LA 'BAD NA, SANGS RGYAS BCOM LDAN 'DAS MTHU GTONG ZHING BYIN GYIS RLOB STE, BDUD KYIS BAR CHAD BYA MI NUS PAR BSTAN PA'O, ,DES RIGS KYI BU DANG RIGS KYI BU MO DE DAG SHES RAB KYI PHA ROL TU PHYIN PA ZAB MO 'DI 'DRI'O KLOG GO ZHES BYA BA NAS RNAM PA THAMS CAD MKHYEN PA NYID YONGS SU RDZOGS PAR BYED DO ZHES BYA BA'I BAR GYIS NI, DE LTAR SHES RAB KYI PHA ROL TU PHYIN PA 'DI 'DRI BA DANG, KLOG PA LA SOGS PA LA 'BAD NA, SANGS RGYAS BCOM LDAN 'DAS MTHU GTONG ZHING BYIN GYIS RLOB PA DES, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU YONGS SU RDZOGS PAR BYED NUS PA'I PHAN YON BSTAN PA'O, ,SHAR PHYOGS KYI SANGS RGYAS BCOM LDAN 'DAS GANG JI SNYED CIG BZHUGS SHING 'TSO SKYONG BA DE DAG @94B KYANG, RIGS KYI BU'AM RIGS KYI BU MO DE DAG GIS SHES RAB KYI PHA ROL TU PHYIN PA 'DI 'DRI BA DANG, KLOG PA DANG, LUNG 'BOGS PA DANG, KHA TON BYA BA DANG, BSTAN PA DANG, TSUL BZHIN DU YID LA BYA BA'I PHYIR DGONGS PA MDZAD DO ZHES BYA BA NAS, STENG GI PHYOGS KYI BYANG CHUB SEMS DPA' SEMS DPA' CHEN PO PHYIR MI LDOG PA GANG JI SNYED PA DE DAG KYANG, RIGS KYI BU'AM RIGS KYI BU MO SHES RAB KYI PHA ROL TU PHYIN PA 'DI 'DRI ZHING KLOG PA DANG, LUNG 'BOGS PA DANG, KHA TON BYED PA DANG, STON PA DANG, TSUL BZHIN DU YID LA BYED PA DE DAG GI DON DU BRTZON PAR BYED CING YONGS SU 'DZIN PAR BYED DO ZHES BYA BA'I BAR GYIS NI, RIGS KYI BU 'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI 'DRI BA DANG, KLOG PA LA SOGS PA LA 'BAD CING BRTZON PA DE DAG LA PHYOGS BCU'I SANGS RGYAS BCOM LDAN 'DAS RNAMS DANG, BYANG CHUB SEMS DPA' PHYIR MO LDOG PA RNAMS KYANG DGONGS SHING MTHU GTONG BA'I PHAN YON BSTAN PA'O, ,RAB 'BYOR 'DI LTA STE DPER NA BUD MED PA LA LA ZHIG LA BU LNGA'AM BCU'AM NYI SHU'AM SUM CU'AM BZHI BCU'AM LNGA BCU'AM, BRGYA'AM STONG ZHIG YOD NA ZHES BYA BA NAS, DE BAS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SHES RAB KYI PHA ROL TU PHYIN PA ZAB MO 'DI LA SANGS RGYAS KYI SPYAN GYIS RTAG TU RGYUN MI 'CHAD PAR GZIGS SHING DGONGS SO ZHES BYA BA'I BAR GYIS NI, 'JIG RTEN NA MA LA BU RNAMS DRIN LA LAN LDON ZHING RIM GRO DANG BKUR STI BYED PA DE BZHIN DU PHYOGS BCU'I SANGS RGYAS BCOM LDAN 'DAS RNAMS KYANG SHES RAB KYI PHA ROL TU PHYIN PA 'DI LAS BYUNG BA'I PHYIR YUM DANG 'DRA BAR DGONGS TE, DRIN LA LAN LDON ZHING RIM GRO DANG BKUR STI MDZAD PA BSTAN PA'O, ,DE CI'I PHYIR ZHE NA, 'DI LAS BYUNG BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BSAM GTAN GYI PHA ROL TU PHYIN PA'O ZHES BYA BA NAS, DE DAG THAMS CAD NI SHES RAB KYI PHA ROL TU PHYIN PA ZAB MO 'DI LA BRTEN TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS @95A *, ,RGYAS SO, ,MNGON PAR RDZOGS PAR 'TSANG RGYA'O, ,MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI LA DE BZHIN GSHEGS PA THAMS CAD KYI YUM DANG 'DRA BAR DGONGS TE, RIM GRO DANG, BKUR STI BYA BA'I GTAN TSIGS SU RNAM PAR BYANG BA'I CHOS THAMS CAD DANG, 'PHAGS PA'I GANG ZAG THAMS CAD SHES RAB KYI PHA ROL TU PHYIN PA 'DI LAS BYUNG STE, THAMS CAD KYI RGYU DANG GZHI YIN PA'I PHYIR RIM GRO DANG, BKUR STI BYA BA'I GNAS YIN PAR BSTAN PA'O, ,RAB 'BYOR BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA ZAB MO 'DI 'DRI ZHING KLOG PA DANG ZHES BYA BA NAS, BLA NA MED PA YANG DAG PAR RDZOGS PA'I BYANG CHUB LAS YONGS SU NYAMS PAR MI 'GYUR BAR RTAG TU RGYUN MI 'CHAD PAR BSRUNG BA MDZAD DO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI 'DRI ZHING KLOG PA LA SOGS PA BYED PA LA YANG SANGS RGYAS BCOM LDAN 'DAS RNAMS SPYAN RAS KYIS 'TSO ZHING BYIN GYIS RLOB PA'I PHAN YON BSTAN PA'O, ,RAB 'BYOR GYIS GSOL PA, BCOM LDAN 'DAS KYIS GANG 'DI SKAD DU SHES RAB KYI PHA ROL TU PHYIN PA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS BSKYED PA'O ZHES BYA BA LA SOGS PAS NI, GONG DU SHES RAB KYI PHA ROL TU PHYIN PA DE BZHIN GSHEGS PA RNAMS BSKYED PA YIN ZHING, 'JIG RTEN STON PA YIN PA'I PHYIR RIM GRO DANG BKUR STI BYA BA'I GNAS YIN PAR BSHAD PA LAS GLENGS NAS, SHES RAB KYI PHA ROL TU PHYIN PA JI LTAR DE BZHIN GSHEGS PA RNAMS BSKYED PA YIN PA DANG, JI LTAR 'JIG RTEN STON PA YIN PA DANG, DE BZHIN GSHEGS PA RNAMS THABS JI LTA BUR BSKYOD PA DANG, 'JIG RTEN ZHES BYA BA YANG GANG YIN PA RNAMS ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SHES RAB KYI PHA ROL TU PHYIN PA 'DIS DE BZHIN GSHEGS PA'I STOBS BCU BSKYED DO, ,RAB 'BYOR DE BAS NA SHES RAB KYI PHA ROL TU PHYIN PA ZAB MO 'DIS DE @95B BZHIN GSHEGS PA BSKYED DO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI JI LTAR NA, DE BZHIN GSHEGS PA YIN PA BSTAN PA STE, DE BZHIN GSHEGS PA'I STOBS BCU LA SOGS PA RNAM PA THAMS CAD MKHYEN PA NYID LA THUG GI BAR DU, DE BZHIN GSHEGS PA'I YON TAN GYI CHOS RNAMS SHES RAB KYI PHA ROL TU PHYIN PA 'DI LAS BYUNG BA'I PHYIR, DE BZHIN GSHEGS PA BSKYED PA YIN NO ZHES BSTAN PA'O, ,GSOL PA, BCOM LDAN 'DAS DE BZHIN GSHEGS PAS GSUNGS PA'I 'JIG RTEN GANG LAGS ZHES BYA BA NI GONG DU SHES RAB KYI PHA ROL TU PHYIN PA 'DI 'JIG RTEN STON PA YIN NO ZHES BSHAD PA 'JIG RTEN ZHES BYA BA GANG LA BYA BA ZHIB TU BSTAN PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, PHUNG PO LNGA NI DE BZHIN GSHEGS PAS 'JIG RTEN DU GSUNGS SO ZHES BYA BA NI 'JIG PA'I RANG BZHIN LA RTEN CING GNAS PA'I PHYIR PHUNG PO LNGA LA 'JIG RTEN ZHES BYA'O ZHES BSTAN PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA ZAB MOS PHUNG PO LNGA NI JI LTAR BSTAN PA LAGS ZHES BYA BA NI DE LTAR PHUNG PO LANG 'JIG PA'I RANG BZHIN YIN TE, DNGOS PO MED PA YIN NA BSTAN DU YANG JI LTAR RUNG ZHES RAB 'BYOR GYIS ZHUS PA'O, ,BCOM LDAN 'DAS SHES RAB KYI PHA ROL TU PHYIN PA NI JI LTA BUR PHUNG PO LNGA STON PA LAGS ZHES BYA BA NI PHUNG PO LNGA PO DNGOS PO MED PA DE DAG STON NA YANG THABS JI LTAR STON PA LAGS ZHES ZHUS PA'O, ,BCOM LDAN 'DAS KYIS BKA' STZAL PA, SHES RAB KYI PHA ROL TU PHYIN PA NI PHUNG PO LNGA PO 'DI DAG 'JIG PAR STON PA MA YIN, RAB TU 'JIG PAR STON PA MA YIN TE ZHES BYA BA NAS, RAB 'BYOR DE LTAR DE BZHIN GSHEGS PAS SHES RAB KYI PHA ROL TU PHYIN PA 'JIG RTEN STON PAR GSUNGS TE ZHES BYA BA'I BAR GYIS NI, DON DAM PAR PHUNG PO LNGA PO 'DI DAG STONG PA NYID DANG, MTSAN MA MED PA DANG, SMON PA MED PA DANG, SMON PA MED PA DANG, MNGON PAR 'DU BYA BA MED PA DANG, SKYE BA MED PA DANG, DNGOS PO MED PA DANG, RANG BZHIN ME DPAS 'JIG PA DANG RAB 'JIG PA MI SRID PA'I PHYIR PHUNG PO LNGA PO 'DI DAG 'JIG PAR STON PA MA YIN, RAB TU 'JIG PAR STON PA MA YIN TE, SKYE @96A *, ,BA DANG, 'GAG PA DANG, KUN NAS NYON MONGS PA DANG, RNAM PAR BYANG BA DANG, 'PHEL BA DANG, 'GRIB PA DANG, BLANG BA DANG, DOR BA DANG, 'DAS PA DANG, MA 'ONGS PA DANG, DA LTAR BYUNG BA ZHES BYA BAR MI STON PA NYID PHUNG PO LNGA'I 'JIG RTEN STON PA YIN NO ZHES BSHAD PA'O, , RAB 'BYOR SEMS CAN TSAD MED GRANGS MED DPAG TU MED PA'I SEMS DANG SPYOD PA MKHYEN PA DE DAG GIS SHES RAB KYI PHA ROL TU PHYIN PA NYID LA BRTEN CING RAB TU MKHYEN TE, RAB 'BYOR SHES RAB KYI PHA ROL TU PHYIN PA ZAB MO 'DI LA NI SEMS CAN MED DO, ,SEMS CAN DU GDAGS PA MI DMIGS SO, ,GZUGS MED DO, ,GZUGS SU GDAGS PA MI DMIGS SO ZHES BYA BA NAS, RNAM PA THAMS CAD MKHYEN PA NYID STON PAR BYED PA MA YIN NO ZHES BYA BA'I BAR GYIS NI, SEMS CAN DANG GZUGS LA SOGS PA'I CHOS THAMS CAD KYI RANG BZHIN GDAGS SU MED PA BSTAN PA'I SGO NAS, SHES RAB KYI PHA ROL TU PHYIN PA 'DI 'JIG RTEN STON PA YIN PAR BSHAD PA'O, ,DE CI'I PHYIR ZHE NA, RAB 'BYOR SHES RAB KYI PHA ROL TU PHYIN PA NYID KYANG, SHES RAB KYI PHA ROL TU PHYIN PA ZAB MO 'DI NYID LA MED CING MI DMIGS NA, GZUGS YOD PA'AM DMIGS PAR LTA GA LA 'GYUR ZHES BYA BA NAS, RNAM PA THAMS CAD MKHYEN PA NYID YOD PA'AM DMIGS PAR LTA GA LA 'GYUR ZHES BYA BA'I BAR GYIS NI, CHOS THAMS CAD KYI RANG BZHIN GDAGS SU MED PAS, SHES RAB KYI PHA ROL TU PHYIN PA ZAB MO 'DI GZUGS LA SOGS PA'I CHOS THAMS CAD STON PAR BYED PA MA YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA NYID KYANG SHES RAB KYI PHA ROL TU PHYIN PA ZAB MO 'DI NYID LA MED CING MI DMIGS NA ZHES BYA BA NI RNAM PAR MI RTOG PA'I SHES RAB KYI PHA ROL TU PHYIN PA LA SHES RAB KYI PHA ROL TU PHYIN PA'I NGO BO NYID DU RTOG CING DMIGS PA YANG MED NA, GZUGS LA SOGS PA'I CHOS RNAMS LA DNGOS POR DMIGS SHING STON PAR LTA GA LA 'GYUR ZHES BSHAD PA'O, ,RAB 'BYOR GZHAN YANG SEMS CAN JI SNYED CIG GDAGS PAS GDAGS SU YOD PA ZHES BYA BA LA SOGS PAS NI SEMS CAN THAMS CAD KYI SEMS BSDUS PA DANG, SPROS PA LA SOGS PA'I SEMS KYI SPYOD PA RNAM PA SNA TSOGS YANG DAG PA JI LTA @96B BA BZHIN DU MKHYEN PA'I SGO NAS 'JIG RTEN STON PAR BSHAD PA STE, DE LA SEMS CAN JI SNYED CIG GDAGS PAS GDAGS SU YOD PA ZHES BYA BA NAS, 'JIG RTEN GYI KHAMS 'DI DANG PHYOGS BCU KUN GYI 'JIG RTEN GYI KHAMS DAG GI YANG RUNG STE ZHES BYA BA'I BAR GYIS NI SEMS CAN MANG PO RNAM PA SNA TSOGS KYI SEMS KYI SPYOD PA RNAM PA SNA TSOGS MKHYEN PA BSTAN PA'O, ,DE DAG GI SEMS BSDUS PA DANG SPROS PA DE DAG KYANG DE BZHIN GSHEGS PAS SEMS BSDUS PA DANG SPROS PA YANG DAG PA JI LTA BA BZHIN DU RAB TU MKHYEN TO ZHES BYA BA NAS CHOS NYID GANG LA CHOS NYID KYANG MI DMIGS NA, SEMS BSDUS PA DANG SPROS PA LTA SMOS KYANG MI SMOS PA'I CHOS NYID DE DE BZHIN GSHEGS PAS SEMS CAN DE DAG GI SEMS BSDUS PA DANG SPROS PA YANG DAG PA JI LTA BA BZHIN DU RAB TU MKHYEN TO ZHES BYA BA'I BAR GYIS NI, SEMS CAN RNAMS KYI SEMS BSDUS PA DANG, SPROS PA CHOS NYID DU RAB TU MKHYEN PA BSTAN PA STE CHOS NYID DU RAB TU MKHYEN PA YANG STONG PA NYID DU THUGS SU CHUD PA LA BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SEMS CAN DE DAG GI SEMS BSDUS PA DANG, SPROS PA YANG DAG PA JI LTA BA BZHIN DU RAB TU MKHYEN TE ZHES BYA BA NAS DBEN PA'I RNAM PAR YANG DAG PA JI LTA BA BZHIN DU RAB TU MKHYEN TO ZHES BYA BA'I BAR GYIS NI, SEMS CAN THAMS CAD KYI SEMS BSDUS PA DANG, SPROS PA RNAMS ZAD PA'I RNAM PA DANG, 'DOD CHAGS DANG BRAL BA'I RNAM PA DANG, 'GOG PA'I RNAM PA DANG, SPONG BA'I RNAM PA DANG, ZHI BA'I RNAM PA DANG, DBEN PA'I RNAM PAR MKHYEN PA BSTAN PA STE, ZAD PA DANG 'DOD CHAGS DANG BRAL BA LA SOGS PA SMOS PA YANG DNGOS PO MED PA'I RNAM GRANGS SU RIG PAR BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SEMS CAN DE DAG GI SEMS 'DOD CHAGS DANG BCAS PA LA, 'DOD CHAGS DANG BCAS PA'I SEMS ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, GTI MUG DANG BCAS PA'AM, GTI MUG DANG @97A *, ,BRAL BA'I SEMS DMIGS PA LTA CI ZHIG SMOS ZHES BYA BA'I BAR GYIS NI, 'DOD CHAGS DANG BCAS PA LA SOGS PA'I SEMS KUN BRTAGS PA'I RANG BZHIN DU SHES PA NI YANG DAG PA JI LTA BA BZHIN DU SHES PA MA YIN GYI, 'DOD CHAGS DANG BRAL BA'I SEMS DANG 'DOD CHAGS DANG BCAS PA NYID KYANG DON DAM PAR MED PAR MKHYEN PA LA, 'DOD CHAGS DANG BCAS PA'I SEMS LA SOGS PA YANG DAG PA JI LTA BA BZHIN DU MKHYEN PA YIN NO ZHES BSTAN PA'O, ,RAB 'BYOR JI LTAR NA DE BZHIN GSHEGS PAS SEMS CAN DE DAG GI SEMS 'DOD CHAGS DANG BRAL BA LA 'DOD CHAGS DANG BRAL BA'I SEMS ZHES BYA BAR YANG DAG PA JI LTA BA BZHIN DU RAB TU MKHYEN CE NA ZHES BYA BA NAS, RAB 'BYOR JI LTAR NA DE BZHIN GSHEGS PAS SEMS CAN DE DAG GI SEMS GTI MUG DANG BRAL BA LA, GTI MUG DANG BRAL BA'I SEMS ZHES BYA BAR YANG DAG PA JI LTA BA BA BZHIN DU RAB TU MKHYEN TO ZHES BYA BA'I BAR GYIS NI GONG DU BSHAD PA'I DON NYID RIGS PAS GTAN LA PHAB NAS ZHIB TU BSHAD PA STE, DON DAM PAR SEMS 'DOD CHAGS DANG BCAS PA DANG, 'DOD CHAGS DANG BRAL BA ZHES BYA BA DNGOS PO MED PAR MKHYEN PAR MA ZAD KYI KUN RDZOB TU YANG 'DOD CHAGS DANG BCAS PA'I SEMS DANG, 'DOD CHAGS DANG BRAL BA'I SEMS GNYIS SEMS KYI RGYUD GCIG LA 'GROGS SHING PHRAD PA MI SRID DE, DE LTAR MKHYEN PA YANG 'DOD CHAGS DANG BRAL BA LA SOGS PA'I SEMS YANG DAG PA JI LTA BA BZHIN DU RAB TU MKHYEN PA YIN NO ZHES BSTAN PA'O, ,RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS RGYA CHE BA LA, SEMS RGYA CHE ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS RGYA CHE BA LA SEMS RGYA CHE ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA'I BAR @97B GYIS NI, 'DOD PA'I KHAMS KYI SEMS CAN RNAMS KYI SEMS KYI SPYOD PA YANG DAG PA JI LTA BA BZHIN DU RAB TU MKHYEN PA BSTAN PA STE, 'DOD PA'I KHAMS KYI SEMS CAN RNAMS KYI SEMS KYI SPYOD PA NI RTZID ZHING RAGS PAS RGYA CHE BA ZHES BYA'O, ,SEMS DE DAG KYANG DON DAM PAR DNGOS PO MED PAS, RGYA CHE BA DANG, RGYA CHUNG BA DANG, 'PHEL BA DANG, 'GRIB PA DANG, 'ONG BA DANG, 'GRO BA MED PAR THUGS SU CHUD PA LA YANG DAG PA JI LTA BA BZHIN DU RAB TU MKHYEN PA ZHES BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS YANGS PA LA, SEMS YANGS ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, ,RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA LA BRTEN TE, SEMS CAN PHA ROL DANG, GANG ZAG PHA ROL GYI SEMS YANGS PA LA SEMS YANGS ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA'I BAR GYIS NI, GZUGS KYI KHAMS KYI SEMS CAN RNAMS KYI SEMS KYI SPYOD PA MKHYEN PA BSTAN PA STE, GZUGS KYI KHAMS KYI SEMS CAN RNAMS KYI SEMS BSAM GTAN DANG TING NGE 'DZIN BSGOM ZHING 'DOD PA'I KHAMS KYI 'DOD CHAGS DANG BRAL BA'I PHYIR YANGS PA ZHES BYA STE, SEMS DE DAG KYANG DON DAM PAR DNGOS PO MED PAS 'ONG BA DANG, 'GRO BA DANG, SKYE BA DANG, 'GAG PA DANG, GNAS PA DANG, GNAS PA LAS GZHAN DU 'GYUR BA MED PAR THUGS SU CHUD PA LA YANG DAG PA JI LTA BA BZHIN DU RAB TU MKHYEN PA ZHES BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SHES RAB KYI PHA ROL TU PHYIN PA 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS TSAD MED PA LA SEMS TSAD MED PA'O ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, RAB 'BYOR DE LTAR NA DE BZHIN GSHEGS PA DGRA @98A *, ,BCOM PA YANG DAG PAR RDZOGS PA'I SANGS RGYAS KYI SHES RAB KYI PHA ROL TU PHYIN PA 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS TSAD MED PA LA SEMS TSAD MED CES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA'I BAR GYIS NI, GZUGS MED PA'I KHAMS KYI SEMS CAN RNAMS KYI SEMS KYI SPYOD PA MKHYEN PA BSTAN PA STE, GZUGS MED PA'I SEMS CAN RNAMS NAM MKHA' MTHA' YAS SKYE MCHED LA SOGS PA'I TING NGE 'DZIN LA SNYOMS PAR 'JUG PAS GZUGS LA SOGS PA'I DNGOS PO LA MI BSTEN CING DMIGS PA'I YUL TSAD MED PA LA SPYOD PA'I PHYIR TSAD MED PA ZHES BYA BA STE, SEMS DE DAG DON DAM PAR DNGOS PO MED PAS, NAM MKHA' MTHA' YAS SKYE MCHED LA YANG MI GNAS PA'I PHYIR, GNAS PAR YANG DAG PAR RJES SU MI GZIGS SO, ,RNAM SHES MTHA' YAS SKYE MCHED LA YANG MI GNAS PA'I PHYIR, RNAM PAR GNAS PAR YANG DAG PAR RJES SU MI GZIGS SO, ,CUNG ZAD MED PA'I SKYE MCHED LA YANG MI GNAS PA'I PHYIR, RNAM PAR YONGS SU GNAS PAR YANG DAG PAR RJES SU MI GZIGS SO, ,'DU SHES MED 'DU SHES MED MIN SKYE MCHED LA YANG MI GNAS PA'I PHYIR, NYE BAR GNAS PAR YANG DAG PAR RJES SU MI GZIGS TE, DE LTAR SEMS LA DNGOS PO MED PAS SEMS KYI RGYUD LA RTEN MED CING TSAD MED PAR THUGS SU CHUD PA LA, YANG DAG PA JI LTA BA BZHIN DU RAB TU MKHYEN ZHES BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SHES RAB KYI PHA ROL TU PHYIN PA 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS BSTAN DU MED PA LA, SEMS BSTAN DU MED CES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS BSTAN DU MED PA LA BSTAN DU MED PA'I SEMS ZHES BYA BAR YANG DAG PA JI LTA BA BZHIN DU RAB TU @98B MKHYEN TO ZHES BYA BA'I BAR GYIS NI, BSTAN DU MED PA'I YUL LA DMIGS PA'I SEMS KYI SPYOD PA MKHYEN PA BSTAN PA STE, MIG LA SOGS PA'I DBANG PO RNAMS DANG, SEMS DANG SEMS LAS BYUNG BA LA SOGS PA DNGOS PO BSTAN DU MED PA'I YUL LA DMIGS PA'I SEMS LA SEMS BSTAN DU MED PA ZHES BYA STE, SEMS DE YANG DON DAM PAR DNGOS PO MED PAS RANG GI MTSAN NYID KYIS STONG PA'I PHYIR, MTSAN NYID MED PAR GZIGS PA LA YANG DAG PA JI LTA BA BZHIN DU RAB TU MKHYEN PA ZHES BYA'O, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS BLTAR MED PA LA, BLTAR MED PA'I SEMS ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA NAS, RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS BLTAR MED PA LA BLTAR MED PA'I SEMS ZHES BYA BAR YANG DAG PA JI LTA BA BZHIN DU RAB TU MKHYEN TO ZHES BYA BA'I BAR GYIS NI, SEMS CAN RNAMS KYI SEMS GCIG GIS GCIG BLTAR MED PA'I SEMS KYI SPYOD PA MKHYEN PA BSTAN PA STE, DON DAM PAR SEMS DE DAG DNGOS PO MED PAR DE BZHIN GSHEGS PA'I SPYAN LNGAS KYANG GZIGS PAR MI 'GYUR BAR MKHYEN PA NYID YANG DAG PA JI LTA BA BZHIN DU MKHYEN PA ZHES BYA STE, DE BZHIN GSHEGS PA'I SPYAN LNGA NI GONG DU BSHAD ZIN TO, ,RAB 'BYOR GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL PO DE DAG GI SEMS 'PHRO BA DANG, 'DU BA DANG, BKRAM PA DANG, BCUM PA YANG DAG PA JI LTA BA BZHIN DU RAB TU MKHYEN TO ZHES BYA BA LA SOGS PAS NI MU STEGS CAN LTA BA PHYIN CI LOG PA RNAMS PHUNG PO LNGA LA BDAG TU BZUNG NAS, RTAG PA DANG, @99A *, ,CHAD PA DANG, SGRO 'DOGS PA DANG, SKUR BA 'DEBS PA'I SEMS KYI SPYOD PA MKHYEN PA BSTAN PA STE, SEMS 'PHRO BA NI BDAG DANG 'JIG RTEN RTAG PAR 'DZIN PA'I SEMS SO, ,SEMS 'DU BA NI CHAD PAR 'DZIN PA'I SEMS SO, ,SEMS BKRAM PA NI SGRO 'DOGS PA'I SEMS SO, ,SEMS BCUM PA NI SKUR BA 'DEBS PA'I SEMS SO, ,RAB 'BYOR 'DI LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SEMS CAN PHA ROL DANG, GANG ZAG PHA ROL PO DE DAG NI SEMS 'PHRO BA DANG, 'DU BA DANG, BKRAM PA DANG, BCUM PA GANG JI SNYED CIG SKYE ZHING 'BYUNG BA DE DAG THAMS CAD KYANG GZUGS LA BRTEN, TSOR BA LA BRTEN, 'DU SHES LA BRTEN, 'DU BYED LA BRTEN, RNAM PAR SHES PA LA BRTEN PAS SKYE ZHING 'BYUNG BAR 'GYUR RO ZHES BYA BAR SEMS CAN PHA ROL DANG, GANG ZAG PHA ROL PO DE DAG GI SEMS DE DAG RAB TU MKHYEN TO ZHES BYA BA NI MU STEGS CAN RTAG PA DANG CHAD PAR SGRO 'DOGS PA DANG, SKUR PA 'DEBS PA RNAMS PHUNG PO LNGA LA BDAG TU BZUNG NAS, RTAG PA DANG CHAD PA LA SOGS PAR LTA BAR 'GYUR TE, YANG DAG PAR NA PHUNG PO LNGA TZAM DU ZAD KYI, BDAG CES BYA BA GANG YANG MED PA DE BZHIN GSHEGS PAS YANG DAG PA JI LTA BA BZHIN DU RAB TU MKHYEN TO ZHES BSTAN PA'O, ,DE LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SEMS CAN PHA ROL PO DANG, GANG ZAG PHA ROL GYI SEMS 'PHRO BA DANG, 'DU BA DANG, BKRAM PA DANG, BCUM PA RNAMS 'DI LTAR RAB TU MKHYEN TE ZHES BYA BA LA SOGS PAS NI, MU STEGS CAN RNAMS RTAG PA DANG, CHAD PA DANG, SGRO 'DOGS PA DANG, SKUR BA 'DEBS PAR LTA BA SEMS KYI SPYOD PA 'PHRO BA DANG, 'DU BA DANG, BKRAM PA DANG, BCUM PA MKHYEN PA GONG DU BSHAD PA'I DON SO SOR PHYE NAS ZHIB TU BSHAD PA STE, BDAG DANG 'JIG RTEN MI RTAG CES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA @99B GNAS PA'O ZHES BYA BA NI MU STEGS CAN RTAG PAR LTA BA'I SEMS KYI SPYOD PA 'PHRO BA DAG BDAG DANG 'JIG RTEN GNYI GA YANG DAG PAR RTAG PA YIN TE, DE SKAD DU SMRA BA LA SOGS PA DE NI BDEN GYI MI RTAG PAR SMRA BA GZHAN NI MA RTOGS PAR SMRA BAS YANG DAG PA MA YIN TE, DON MED CING BRDZUN NO ZHES SMRA BA DE DAG KYANG, YANG DAG PAR NA BDAG CES BYA BA MED KYI PHUNG PO LNGA LA BDAG TU BZUNG NAS SMRA BAR ZAD DO ZHES BSTAN PA STE, DES NI RTAG PAR LTA BA'I SEMS KYI SPYOD PA 'PHRO BA MKHYEN PA BSTAN PA'O, ,BDAG DANG 'JIG RTEN MI RTAG CES BYA BA DE NYID BDEN GYI GZHAN NI DON MED DO ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN CHAD PAR LTA BA'I SEMS KYI SPYOD PA 'DU BA MKHYEN PA BSTAN PA STE, MU STEGS CAN KHA CIG BDAG DANG 'JIG RTEN GNYI GA MI RTAG GO ZHES CHAD PAR LTA BA DE NYID BDEN GYI RTAG PAR LTA BA LA SOGS PA GZHAN NI BRDZUN TE, DON MED DO ZHES SMRA BA DE DAG KYANG YANG DAG PAR NA BDAG CES BYA BA GANG YANG MED DO, ,PHUNG PO LNGA LA BDAG TU BZUNG NAS DE SKAD SMRA'O ZHES DE BZHIN GSHEGS PAS YANG DAG PA JI LTA BA BZHIN DU RAB TU MKHYEN PA BSTAN PA'O, ,BDAG DANG 'JIG RTEN RTAG KYANG RTOG LA MI RTAG KYANG MI RTAG GO ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BAS NI MU STEGS CAN RTAG PA DANG, CHAD PA GNYIS KA YOD PAR SGRO 'DOGS PA'I SEMS KYI SPYOD PA BKRAM PA MKHYEN PA BSTAN PA STE, MU STEGS CAN RTAG PA DANG CHAD PA GNYIS KA YOD PAR SGRO 'DOGS PA YANG PHUNG PO LNGA LA BRTEN TE SMRA BA TZAM DU ZAD KYI PHUNG PO LNGA LAS LHAG PA BDAG CES BYA BA RTAG PA DANG, MI RTAG PA GNYIS KA'I RANG BZHIN CAN GANG YANG MED PAR THUGS SU CHUD PA LA YANG DAG PA JI LTA BA BZHIN DU RAB TU MKHYEN TO ZHES BSTAN PA'O, ,BDAG DANG @100A *, ,'JIG RTEN NI RTAG PA YANG MA YIN MI RTAG PA YANG MA YIN ZHES BYA BA DE NYID BDEN GYI GZHAN NI DON MED DO ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BAS NI MU STEGS CAN RTAG PA DANG CHAD PA GNYIS KA MED PAR SKUR BA 'DEBS PA'I SEMS KYI SPYOD PA MKHYEN PA BSTAN PA STE, RTAG CHAD GNYIS KA MED CES SMRA BA YANG PHUNG PO LNGA LA BDAG TU BZUNG NAS SMRA BA TZAM DU ZAD KYI, RTAG CHAD GNYIS KA MED PA'I RANG BZHIN CAN GYI BDAG CES BYA BA NI GANG YANG MED DO ZHES BSTAN PA'O, ,BDAG DANG 'JIG RTEN NI MTHA' DANG LDAN PA ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, , DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN 'KHOR BA LA MTHA' YOD PAR LTA BA'I SEMS KYI SPYOD PA MKHYEN PA BSTAN PA STE, DE SKAD SMRA BA YANG PHUNG PO LNGA LA BDAG TU BZUNG NAS SMRA BA TZAM DU ZAD KYI YANG DAG PAR NA MTHA' DANG LDAN PA'I BDAG GANG YANG MED DO ZHES BSTAN PA'O, ,BDAG DANG 'JIG RTEN NI MTHA' DANG MI LDAN PA ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, , DE NI RNAM PAR SHES PA LA GNAS PA'O ZHES BYA BA NI MU STEGS CAN KHA CIG 'KHOR BA MTHA' MED PAR LTA BA'I SEMS KYI SPYOD PA MKHYEN PA BSTAN PA STE, DE SKAD DU SMRA BA YANG PHUNG PO LNGA LA BDAG TU BZUNG NAS SMRA BAR ZAD KYI YANG DAG PAR NA PHUNG PO LNGA LAS LHAG PA GUD NA BDAG CES BYA BA GANG YANG MED DO ZHES BSTAN PA'O, ,BDAG DANG 'JIG RTEN NI MTHA' DANG LDAN PA YANG YIN LA, MTHA' DANG MI LDAN PA YANG YIN ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES @100B LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN KHA CIG 'KHOR BA MTHA' YOD PA DANG MTHA' MED PA GNYIS KAR SGRO 'DOGS SHING SMRA BA'I SEMS KYI SPYOD PA MKHYEN PA BSTAN PA STE, DE SKAD DU SMRA BA YANG PHUNG PO LNGA LA BDAG TU BZUNG NA SMRA BTZAM DU ZAD KYI YANG DAG PAR NA BDAG CES BYA BA GANG YANG MED DO ZHES BSTAN PA'O, ,BDAG DANG 'JIG RTEN NI MTHA' DANG LDAN PA YANG MA YIN MTHA' DANG MI LDAN PA YANG MA YIN ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA DE NI MU STEGS CAN KHA CIG 'KHOR BA MTHA' YOD PA DANG, MTHA' MED PA GNYIS KA MA YIN PAR SKUR BA 'DEBS SHING SMRA BA'I SEMS KYI SPYOD PA MKHYEN PA BSTAN PA STE, DE SKAD DU SMRA BA YANG PHUNG PO LNGA LA BDAG TU BZUNG NAS SMRA BA TZAM DU ZAD KYI YANG DAG PAR NA BDAG CES BYA BA GANG YANG MED DO ZHES BSTAN PA'O, ,LUS DE SROG DANG LDAN PA ZHES BYA BA DE NYID BDEN GYI GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN KHA CIG SROG CES BYA BA'I BDAG LUS DANG THA MI DAD PAR SMRA BA'I SEMS KYI SPYOD PA MKHYEN PA BSTAN PA STE, DE SKAD DU SMRA BA YANG PHUNG PO LNGA LA BDAG TU BZUNG NAS SMRA BA TZAM DU ZAD KYI YANG DAG PAR NA BDAG CES BYA BA GANG YANG MED DO ZHES BSTAN PA'O, ,SROG KYANG GZHAN LA LUS KYANG GZHAN ZHES BYA BA DE NYID BDEN GYI, GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS DPA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN KHA CIG SROG CES BYA BA'I BDAG DANG LUS GNYIS THA DAD PAR SMRA BA'I SEMS KYI SPYOD PA MKHYEN PA BSTAN PA STE, DE SKAD DU SMRA BA YANG @101A *, ,PHUNG PO LNGA LA BDAG TU BZUNG NAS SMRA BA TZAM DU ZAD KYI YANG DAG PAR NA SROG CES BYA BA'I BDAG GANG YANG MED DO ZHES BSTAN PA'O, ,DE BZHIN GSHEGS PA GRONGS NAS YOD CES BYA BA DE NYID BDEN GYI, GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA NI MU STEGS CAN CHAD PAR LTA BA KHA CIG DE BZHIN GSHEGS PA MYA NGAN LAS 'DAS PA'I TSE, LAS DANG NYON MONGS PA ZAD DE SLAR 'KHOR BAR MI SKYE'O ZHES BYA BA DE NI BRDZUN GYI, DE BZHIN GSHEGS PA NI SO SO'I SKYE BO DANG 'DRA BAR, TSE 'DAS NAS KYANG 'KHOR BAR SLAR SKYE BAR 'GYUR TE, PHUNG PO'I LHAG MA LUS PA'I MYA NGAN LAS 'DAS PAR MI 'GYUR RO ZHES SMRA BA'I SEMS KYI SPYOD PA 'PHRO BA MKHYEN PA BSTAN PA STE, DE SKAD DU SMRA BA YANG PHUNG PO LNGA LA BDAG TU BZUNG NAS, RTAG PA'I MTHA' LA CHAGS PAS SMRA BAR ZAD KYI, YANG DAG PAR NA DE LTA BU'I RTAG PA'I BDAG MED DO ZHES BSTAN PA'O, ,DE LTAR DE BZHIN GSHEGS PA GRONGS NAS MED CES BYA BA DANG ZHES BYA BA NI MU STEGS CAN CHAD PAR LTA BA KHA CIG DE BZHIN GSHEGS PA TSE 'DAS NAS, PHUNG PO'I LHAG MA MA LUS PAR ZAD DE MED PAR 'GYUR RO ZHES ZER BA'I SEMS KYI SPYOD PA 'DU BA MKHYEN PA BSTAN PA STE, DE SKAD ZER BA DE YANG PHUNG PO LNGA LA BDAG TU BZUNG NAS SMRA BA TZAM DU ZAD KYI, YANG DAG PAR NA DE LTA BU'I BDAG CHAD PA'I RANG BZHIN CAN GANG YANG MED DO ZHES BSTAN PA'O, ,DE BZHIN GSHEGS PA GRONGS NAS YOD KYANG YOD LA, MED KYANG MED CES BYA BA DANG ZHES BYA BA NI MU STEGS CAN YOD PA DANG MED PA GNYIS KA YOD PAR SGRO 'DOGS PA RNAMS KYI SPYOD PA BKRAM PA MKHYEN PA BSTAN PA STE, DE BZHIN GSHEGS PA TSE 'DAS KYANG BDAG GI RANG BZHIN PHRA MO MED PA MA YIN PA'I PHYIR YOD KYANG YOD LA, DE BZHIN GSHEGS PA TSE 'DAS NAS PHUNG PO RAGS PAR SNANG BA ZHIG STE, MED PA'I PHYIR MED KYANG MED CES ZER BA DE YANG PHUNG PO LNGA LA BDAG TU BZUNG NAS SMRA BA TZAM DU ZAD KYI, YANG DAG PAR NA YOD MED @101B GNYIS KA'I RANG BZHIN CAN GYI BDAG NI GANG YANG MED DO ZHES BSTAN PA'O, ,DE BZHIN GSHEGS PA GRONGS NAS YOD PAR 'GYUR BA YANG MA YIN MED PAR 'GYUR BA YANG MA YIN ZER BA DE NYID BDEN GYI, GZHAN NI DON MED PA'O ZHES BYA BA DE NI GZUGS LA GNAS PA'O, ,DE NI TSOR BA LA GNAS PA'O, ,DE NI 'DU SHES LA GNAS PA'O, ,DE NI 'DU BYED LA GNAS PA'O, ,DE NI RNAM PAR SHES PA LA GNAS PA'O ZHES BYA BA RAB TU MKHYEN TO ZHES BYA BA NI MU STEGS CAN KHA CIG YOD PA DANG MED PA GNYIS KA MED PAR SKUR BA 'DEBS PA'I SEMS KYI SPYOD PA BCUM PA MKHYEN PA BSTAN PA STE, MU STEGS CAN KHA CIG LTA BA LAS BDAG CES BYA BA PHRA ZHING ZAB PAS, YOD PA DANG MED PA GNYIS KA'I DNGOS POR BRJOD DU MI RUNG NGO ZHES ZER BA DE YANG PHUNG PO LNGA LA BDAG TU BZUNG NAS SMRA BA TZAM DU ZAD KYI, YANG DAG PAR NA YOD MED GNYIS KA'I MTHA' DANG BRAL BA'I RANG BZHIN CAN GYI BDAG GANG YANG MED DO ZHES BSTAN PA'O, ,RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS, SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL RNAMS KYI SEMS 'PHRO BA DANG, 'DU BA DANG, BKRAM PA DANG, BCUM PA YANG DAG PA JI LTA BA BZHIN DU RAB TU MKHYEN TO ZHES BYA BA NI MU STEGS CAN RTAG PA DANG, CHAD PA DANG, SGRO 'DOGS PA DANG, SKUR BA 'DEBS PAR LTA BA'I SEMS KYI SPYOD PA MKHYEN PA'I DON MJUG BSDUS NAS BSTAN PA STE, 'PHRO BA NI RTAG PAR LTA BA'O, ,'DU BA NI CHAD PAR LTA BA'O, ,BKRAM PA NI SGRO 'DOGS PA'O, ,BCUM PA NI SKUR BA 'DEBS PA STE, DE DAG THAMS CAD KYANG PHUNG PO LNGA LA BDAG TU BZUNG NAS, RTAG CHAD DU LTA ZHING SGRO 'DOGS PA DANG, SKUR BA 'DEBS PAR ZAD KYI, YANG DAG PAR NA DE LTA BU'I BDAG GANG YANG MED PAR THUGS SU CHUD PA LA YANG DAG PA JI LTA BA BZHIN DU MKHYEN PA ZHES BYA'O, ,RAB 'BYOR GZHAN YANG DE BZHIN GSHEGS PAS SHES RAB KYI PHA ROL TU PHYIN PA ZAB MO 'DI LA BRTEN TE GZUGS MKHYEN TO ZHES BYA BA LA SOGS PAS NI, CHOS THAMS @102A *, ,CAD DE BZHIN NYID STON PA'I SGO NAS, SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED PA DANG, 'JIG RTEN STON PA BSTAN PA STE, GZUGS JI LTAR MKHYEN CE NA, DE BZHIN NYID DANG, MA NOR BA DE BZHIN NYID 'GYUR BA MED CING RNAM PAR RTOG PA MED LA MTSAN MA MED CING BYED PA MED DE SPROS PA MED CING DMIGS SU MED PA DE LTAR MKHYEN TO ZHES BYA BA NAS, RNAM PAR SHES PA MKHYEN TO, ,RNAM PAR SHES PA JI LTAR MKHYEN CE NA, DE BZHIN NYID DANG, MA NOR BA DE BZHIN NYID 'GYUR BA MED CING RNAM PAR RTOG PA MED LA MTSAN MA MED CING BYED PA MED DE SPROS PA MED CING DMIGS SU MED PA DE LTAR MKHYEN TO ZHES BYA BA'I BAR GYIS NI PHUNG PO LNGA LA DE BZHIN NYID KYI RANG BZHIN DU MKHYEN PA BSTAN PA STE, DE LA DE BZHIN NYID CES BYA BA DANG, MA NOR BA DE BZHIN NYID DANG, 'GYUR BA MED PA DANG, RNAM PAR RTOG PA MED PA DANG, MTSAN MA MED PA DANG, BYED PA MED PA DANG, SPROS PA MED PA DANG, DMIGS SU MED PA ZHES BYA BA NI CHOS KYI DBYINGS KYI RNAM GRANGS TE, DON DAM PAR PHUNG PO LNGA DNGOS PO MED PAS STONG PA NYID KYI RANG BZHIN DU MKHYEN TO ZHES BYA BA'I DON TO, ,RAB 'BYOR DE BZHIN DU DE BZHIN GSHEGS PAS SHES RAB KYI PHA ROL TU PHYIN PA ZAB MO 'DI LA BRTEN TE, SEMS CAN PHA ROL DANG, GANG ZAG PHA ROL GYI SEMS KYI 'PHRO BA DANG, 'DU BA DANG, BKRAM PA DANG, BCUM PA RNAMS KYANG DE BZHIN NYID JI LTA BA BZHIN DU MKHYEN TE ZHES BYA BA NAS, DMIGS SU MED PA JI LTA BA BZHIN DU MKHYEN TO ZHES BYA BA'I BAR GYIS NI JI LTAR PHUNG PO LNGA DON DAM PAR DNGOS PO MED DE DE BZHIN NYID KYI RANG BZHIN DU MKHYEN PA DE BZHIN DU, SEMS CAN RNAMS KYI SEMS KYI SPYOD PA 'PHRO BA DANG, 'DU BA DANG, BKRAM PA DANG, BCUM PA RNAMS KYANG DON DAM PAR DNGOS PO MED PAS DE BZHIN NYID KYI RANG BZHIN DU MKHYEN TO ZHES BSTAN PA'O, ,DE LTAR NA 'PHRO BA DANG, 'DU BA DANG, BKRAM PA DANG, BCUM PA'I DE BZHIN NYID GANG YIN PA DE NI, PHUNG PO'I DE BZHIN NYID DO ZHES BYA BA NAS, DE BZHIN GSHEGS PA'I DE BZHIN NYID GANG YIN PA DE NI DE BZHIN NYID GCIG PA NYID DO, ,THA MI DAD PA'I DE BZHIN NYID @102B DO; ,THA MI DAD PA'I DE BZHIN NYID GANG YIN PA DE NI MI ZAD PA STE, MI ZAD PA'I PHYIR GNYIS SU MED DE GNYIS SU BYAR MED DO ZHES BYA BA'I BAR GYIS NI ZAG PA DANG BCAS PA'I CHOS DANG, ZAG PA MED PA'I CHOS DANG, 'JIG RTEN PA DANG, 'JIG RTEN LAS 'DAS PA'I CHOS THAMS CAD DANG, 'PHAGS PA'I GANG ZAG THAMS CAD DE BZHIN NYID DU RO GCIG STE THA MI DAD PA'I PHYIR GNYIS SU MED PA BSTAN PA'O, ,RAB 'BYOR DE NI CHOS THAMS CAD KYI DE BZHIN NYID DE, DE BZHIN GSHEGS PAS SHES RAB KYI PHA ROL TU PHYIN PA 'DI LA BRTEN TE, MNGON PAR RDZOGS PAR SANGS RGYAS PA'O ZHES BYA BAS NI GONG DU BSTAN PA'I RIM PAS, CHOS THAMS CAD DE BZHIN NYID DU RO GCIG PAR DE BZHIN GSHEGS PAS THUGS SU CHUD PA YANG, SHES RAB KYI PHA ROL TU PHYIN PA ZAB MO 'DI LA BRTEN NAS THUGS SU CHUD DE, MNGON PAR RDZOGS PAR SANGS RGYAS PA'I PHYIR, 'JIG RTEN STON PA YIN NO ZHES BSHAD PA'O, ,RAB 'BYOR DE LTA BAS NA SHES RAB KYI PHA ROL TU PHYIN PA ZAB MO 'DI NI DE BZHIN GSHEGS PA BSKYED PA'O, ,'JIG RTEN STON PA'O ZHES BYA BAS NI SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED PA DANG, 'JIG RTEN STON PA'I DON GONG DU SMOS PA MJUG BSDUS NAS BSTAN PA'O, ,RAB 'BYOR DE LTAR NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS CHOS THAMS CAD KYI DE BZHIN NYID THUGS SU CHUD DO, ,MA NOR BA DE BZHIN NYID DANG, GZHAN MA YIN PA DE BZHIN NYID THUGS SU CHUD DO; ,DE BZHIN NYID DES NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA'O ZHES BYA BAS NI, SHES RAB KYI PHA ROL TU PHYIN PA'I DON ZAB MO 'DI DE BZHIN GSHEGS PA BSKYED PA'I DON BSTAN PA STE, SHES RAB KYI PHA ROL TU PHYIN PA 'DI LAS CHOS THAMS CAD KYI DE BZHIN NYID DANG, MA NOR BA DE BZHIN NYID DANG, GZHAN MA YIN PA DE BZHIN NYID BSHAD PA DE DAG RTOGS PA LAS, BLA NA MED PA YANG DAG PAR RDZOGS PA'I BYANG CHUB 'THOB CING, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BRJOD @103A *, ,PAR 'GYUR BA'I PHYIR, SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED PA YIN NO ZHES BSTAN PA'O, ,RAB 'BYOR GYIS GSOL PA, BCOM LDAN 'DAS 'DI LTA STE, CHOS THAMS CAD KYI DE BZHIN NYID DANG, MA NOR BA DE BZHIN NYID DANG, GZHAN MA LAGS PA DE BZHIN NYID 'DI NI ZAB PA STE ZHES BYA BA NAS, BCOM LDAN 'DAS DE BZHIN GSHEGS PAS CHOS DE DAG MNGON PAR RDZOGS PAR SANGS RGYAS NAS, SEMS CAN RNAMS LA GSUNGS PA 'DI SHIN TU ZAB PO ZHES BYA BA'I BAR GYIS NI, CHOS THAMS CAD KYI DE BZHIN NYID BSHAD PA'I DON RAB 'BYOR GYIS RTOGS NAS, SHES RAB KYI PHA ROL TU PHYIN PA CHOS THAMS CAD KYI DE BZHIN NYID STON PA ZAB PA DANG, DE LTA BU'I DON ZAB MO LA MOS SHING DAD PA'I GANG ZAG DKON PA BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR DE BZHIN NYID NI MI ZAD PA STE ZHES BYA BA NAS, 'DI LTAR CHOS THAMS CAD KYI DE BZHIN NYID DO ZHES BYA BA'I BAR GYIS NI DE BZHIN NYID KYI DON ZAB PA DE NYID CHOS THAMS CAD KYI DE BZHIN NYID MI 'GYUR BA YONGS SU GRUB PA'I SGO NAS MI ZAD PAR BSTAN TE DE'I PHYIR ZAB BO ZHES BSHAD PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU GSUM PA'O,, ,,DE NAS STONG GSUM GYI STONG CHEN PO'I 'JIG RTEN GYI KHAMS 'DI'I 'DOD PA NA SPYOD PA DANG, GZUGS YOD PA NA SPYOD PA'I LHA'I BU GANG JI SNYED PA DE DAG CES BYA BA LA SOGS PAS NI, CHOS THAMS CAD MTSAN NYID MED PA'I MTSAN NYID DU STON PA'I SGO NAS SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED BSKYED PA YIN PA DANG, 'JIG RTEN STON PA YIN PAR BSHAD PA'I GLENG BSLANG BA'I PHYIR, STONG GSUM GYI STONG CHEN PO'I 'JIG RTEN GYI KHAMS KYI LHA RNAMS KYIS BCOM LDAN 'DAS LA SHES RAB KYI PHA ROL TU PHYIN PA'I MTSAN NYID ZHUGS PA BSTAN PA STE, BCOM LDAN 'DAS SHES RAB KYI PHA ROL TU PHYIN PA ZAB MO BSHAD NA, BCOM LDAN 'DAS SHES RAB KYI PHA ROL TU PHYIN PA ZAB MO'I MTSAN NYID JI LTA BU LAGS ZHES BYA BA NI GONG DU CHOS THAMS CAD @103B DE BZHIN NYID GCIG STE THA MI DAD PAR BSHAD PA'I DON NI BDAG CAG GIS 'JAL NA, DE LTA BU'I DON ZAB MO STON PA'I SHES RAB KYI PHA ROL TU PHYIN PA ZAB MO 'DI'I MTSAN NYID JI LTA BU LAGS ZHES ZHUS PA STE, DE SKAD DU ZHU BA YANG GONG DU RAB 'BYOR GYIS CHOS THAMS CAD KYI DE BZHIN NYID STON PA'I SHES RAB KYI PHA ROL TU PHYIN PA ZAB PAR BSTAN PA DANG, 'KHOR GYI NANG NAS KHA CIG DE LTA BU'I ZAB PA DE DNGOS PO ZHIG YOD DAM SNYAM DU RTOG PA BSAL BA'I PHYIR ZHUS PA'O, ,BCOM LDAN 'DAS KYIS BKA' STZAL PA, LHA'I BU DAG SHES RAB KYI PHA ROL TU PHYIN PA ZAB MO 'DI STONG PA NYID KYI MTSAN NYID DO ZHES BYA BA NAS, LHA'I BU DAG SHES RAB KYI PHA ROL TU PHYIN PA ZAB MO 'DI NI NAM MKHA'I MTSAN NYID DO ZHES BYA BA'I BAR GYIS NI, SHES RAB KYI PHA ROL TU PHYIN PA LA DNGOS PO MED PAS MTSAN NYID GANG YANG MED DO ZHES BSTAN PA STE, STONG PA NYID DANG; MTSAN MA MED PA DANG, SMON PA MED PA DANG, MNGON PAR 'DU BYA BA MED PA DANG, SKYE BA MED PA DANG, 'GAG PA MED PA DANG, NYON MONGS PA MED PA DANG, RNAM PAR BYANG BA MED PA DANG, DNGOS PO MED PA DANG, NGO BO NYID MED PA DANG, DNGOS PO MED PA'I NGO BO NYID DANG, , MI GNAS PA DANG, NAM MKHA'I MTSAN NYID CES BYA BA NI DNGOS PO MED PA'I RNAM GRANGS TE, SHES RAB KYI PHA ROL TU PHYIN PA ZAB MO 'DI NI DE LTA BU'I RANG BZHIN YIN PAS 'DI NI MTSAN NYID GANG YANG MED DO ZHES BSTAN PA'O, ,LHA'I BU DAG SHES RAB KYI PHA ROL TU PHYIN PA ZAB MO 'DI NI MTSAN NYID DE LTA BU YIN YANG, DE BZHIN GSHEGS PAS 'JIG RTEN GYI BRDAR BKA' STZAL TE, DON DAM PAR NI MA YIN NO ZHES BYA BA NI DE LTAR SHES RAB KYI PHA ROL TU PHYIN PA DNGOS PO MED DE, MTSAN NYID MED PA YIN NA, BSHAD DU YANG CI ZHIG YOD SNYAM DU SEMS SHING RTOG PA LA YI GE DANG TSIG TU BRJOD CING BSHAD PAS, 'DUL BA'I SEMS CAN RNAMS KYI DON DU KUN RDZOB TU 'JIG RTEN GYI BRDA DANG THA SNYAD TZAM DU BRJOD CING BSHAD PA TZAM DU ZAD KYI DON DAM PAR NI BRJOD DU MED PA'I MTSAN NYID YIN PAS BSHAD DU MED DO ZHES BSTAN PA'O, ,LHA'I BU DAG @104A *, ,MTSAN NYID DE DAG NI LHA DANG MI DANG LHA MA YIN DU BCAS PA'I 'JIG RTEN GYIS GZHAN DU BYA BAR MI NUS SO ZHES BYA BAS NI DON DAM PA'I SHES RAB KYI PHA ROL TU PHYIN PA ZAB MO STONG PA NYID KYI MTSAN NYID DE MI 'GYUR BA YONGS SU GRUB PA DANG, PHYIN CI MA LOG PAR YONGS SU GRUB PA'I PHYIR, DNGOS PO YOD PA'AM GZUNG BA DANG 'DZIN PA'I RANG BZHIN CAN DU SUS KYANG BYA MI NUS SO ZHES BSTAN PA'O, ,DE CI'I PHYIR ZHE NA, LHA DANG MI DANG LHA MA YIN DU BCAS PA'I 'JIG RTEN YANG MTSAN NYID DER ZAD DE ZHES BYA BAS NI STONG PA NYID KYI MTSAN NYID YOD PA'I MTSAN NYID DU BYA MI NUS PA'I GTAN TSIGS BSTAN PA STE LHA DANG MI DANG LHA MA YIN DU BCAS PA'I 'JIG RTEN YANG STONG PA NYID KYI MTSAN NYID YIN PAS STONG PAS STONG PA GZHAN DU BSGYUR MI NUS SO ZHES BYA BA'I DON TO, ,LHA'I BU DAG MTSAN NYID NI MTSAN NYID GZHAN DU MI BYED DO ZHES BYA BAS NI DON DE NYID GSAL BAR BSTAN PA STE, GZHAN DU BYA BA DANG, GZHAN DU BYED PA GNYIS KA YANG DON DAM PAR DE BZHIN NYID KYI MTSAN NYID STONG PA NYID DU RO GCIG PA'I PHYIR GZHAN DU MI BYED DO ZHES BSTAN PA'O, ,MTSAN NYID NI MTSAN NYID SHES PAR MI BYED DO ZHES BYA BA NI DE BZHIN NYID KYI RANG BZHIN STONG PA NYID KYIS STONG PA NYID SHES PAR MI BYED DO ZHES BSTAN PA STE, DPER NA NAM MKHAS NAM MKHA' MI SHES PA BZHIN NO, ,MTSAN NYID MTSAN NYID MED PA SHES PAR MI BYED DO ZHES BYA BA NI, STONG PA NYID KYI RANG BZHIN DE BZHIN NYID KYI MTSAN NYID KYIS KUN BRTAGS PA'I MTSAN NYID SHES PAR MI BYED PA STE, DPER NA NAM MKHAS RI BONG GI RVA MI SHES PA BZHIN NO, ,MTSAN NYID MED PA NI MTSAN NYID MED PA SHES PAR MI BYED DO ZHES BYA BA NI KUN BRTAGS PA DANG, DE BZHIN NYID KYI MTSAN NYID MA YIN PAS DE BZHIN NYID MI SHES PA STE, DPER NA RI BONG GI RVAS NAM MKHA' MI SHES PA BZHIN NO, , MTSAN NYID MED PA NI MTSAN NYID MED PA SHES PAR MI BYED DO ZHES BYA BA NI KUN BRTAGS PAS KUN BRTAGS PA MI SHES PA STE, DPER NA RI BONG GI RVAS RI BONG GI RVA MI SHES PA BZHIN NO, ,DE LTAR MTSAN NYID DANG, MTSAN NYID PA DANG, MTSAN NYID YOD PA DANG, MTSAN NYID MED PA DE @104B GNYIS KA LA YANG GANG GIS SHES PAR BYA BA DANG, GANG SHES PAR BYA BA DANG, GANG SHES PAR BYED PA DE LTA BU MI SRID DO ZHES BYA BA NI MTSAN NYID YOD PA DANG MTSAN NYID MED PA GNYIS KA YANG DON DAM PAR DNGOS PO MED PAS SHES PA GANG GIS SHES PAR BYA BA DANG, DNGOS PO GANG SHES PAR BYA BA DANG, SHES PA PO GANG SHES PAR BYED PA DE LTA BU GANG YANG MED DO ZHES BSTAN PA'O, ,LHA'I BU DAG MTSAN NYID DE DAG NI GZUGS KYI 'DU BYAS PA MA YIN NO ZHES BYA BA NAS, RNAM PA THAMS CAD MKHYEN PA NYID KYI 'DU BYAS PA MA YIN NO ZHES BYA BA'I BAR GYIS NI, DE LTAR STONG PA NYID KYI MTSAN NYID DE, DON DAM PAR DNGOS PO MED PAS, 'JIG RTEN DANG 'JIG RTEN LAS 'DAS PA'I CHOS GANG GIS KYANG YOD PA 'AM, MED PAR BYAR RUNG BA MA YIN NO ZHES BSTAN PA'O, ,LHA'I BU DAG MTSAN NYID DE DAG NI MI'AM, MI MA YIN PA'AM ZHES BYA BA NAS 'DUS BYAS SAM 'DUS MA BYAS KYI MA YIN TE ZHES BYA BA'I BAR GYIS NI, GONG DU SMOS PA'I MTSAN NYID DE DAG DON DAM PAR DNGOS PO MED PAS MI DANG MI MA YIN PA LA SOGS PA GANG GI DNGOS PO YANG MA YIN NO ZHES BYA BA'I DON TO, ,LHA'I BU DAG LA LA ZHIG 'DI SKAD DU NAM MKHA'I MTSAN NYID GANG YIN ZHES ZER NA ZHES BYA BA NAS, NAM MKHA' LA NI MTSAN NYID GANG YANG MA MCHIS SO ZHES BYA BA'I BAR GYIS NI, STONG PA NYID KYI MTSAN NYID DE DAG DNGOS PO GANG GIS KYANG MA BYAS PA DANG, GANG GI DNGOS PO YANG MA YIN PA'I DON NAM MKHA' LAS DPE BLANGS TE BSTAN PA'O, ,BCOM LDAN 'DAS KYIS BKA' STZAL PA ZHES BYA BA NAS, DE'I PHYIR DE BZHIN GSHEGS PA ZHES BYA'O ZHES BYA BA'I BAR GYIS NI, DON DAM PAR CHOS THAMS CAD DNGOS PO MED PA'I MTSAN NYID STONG PA NYID KYI RANG BZHIN CHOS KYI DBYINGS KYI NGO BO NYID DE NI YE NAS DE BZHIN TE, SUS KYANG STONG PAR BYAS PA'AM, YOD PAR BYAS PA MA YIN TE, DE LTA BU'I RANG BZHIN NI, DE BZHIN GSHEGS PAS PHYIN CI MA LOG PAR THUGS SU CHUD DE, DE'I PHYIR DE BZHIN GSHEGS PA ZHES BYA'O, ,DE BZHIN GSHEGS PA ZHES BYA BA YANG, CHOS THAMS @105A *, ,CAD KYI DE BZHIN NYID MA NOR BAR THUGS SU CHUD PA LA BYA STE, RGYA GAR GYI SKAD DU, TA TH'A GA TA ZHES BYA BA DE BZHIN DU MKHYEN PA'AM, DE BZHIN NYID THUGS SU CHUD PA LA BYA BA'I PHYIR RO, ,DE NAS 'DOD PA NA SPYOD PA DANG, GZUGS YOD PA NA SPYOD PA'I LHA'I BU DE DAG GIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI, GONG DU CHOS THAMS CAD DON DAM PAR MTSAN NYID MED PA'I RANG BZHIN DU BSTAN PA DANG, KUN RDZOB TU 'JIG RTEN GYI BRDAR CHOS THAMS CAD KYI MTSAN NYID SO SOR PHYE STE BSTAN PA NGO MTSAR CHE'O ZHES LHA'I TU RNAMS KYIS BCOM LDAN 'DAS LA BSTOD PA STE, BCOM LDAN 'DAS MTSAN NYID DE DAG MNGON PAR RDZOGS PAR SANGS RGYAS PAS, DE BZHIN GSHEGS PA'I YE SHES GZIGS PA CHOS THAMS CAD LA THOGS PA MA MCHIS PAR 'JUG CING ZHES BYA BA NI GONG DU SMOS PA'I STONG PA'I MTSAN NYID DE DAG THUGS SU CHUD PAS DE BZHIN GSHEGS PA'I YE SHES KUN RDZOB TU CHOS THAMS CAD LA THAGS THOGS MED PAR GZIGS PAR GYUR TO ZHES BYA BA'I DON TO, ,MTSAN NYID DE DAG LA ZHUGS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SHES RAB KYI PHA ROL TU PHYIN PA MTSAN NYID THAMS CAD KYI CHAGS PA LAS 'DAS PA 'DI MNGON PAR RDZOGS PAR SANGS RGYAS TE ZHES BYA BA NI DON DAM PAR CHOS THAMS CAD STONG PA NYID KYI MTSAN NYID DU THUGS SU CHUD PA DE LA BRTEN NAS, KUN RDZOB TU SHES RAB KYI PHA ROL TU PHYIN PA MTSAN NYID THAMS CAD LA MA CHAGS PA 'DI THUGS SU CHUD PA NGO MTSAR CHE'O ZHES BSTAN PA'O, ,MNGON PAR RDZOGS PAR SANGS RGYAS NAS KYANG SHES RAB KYI PHA ROL TU PHYIN PA YANG DAG PAR BSTAN NAS, MTSAN NYID RNAMS RAB TU BSTAN PA NI DE BZHIN GSHEGS PAS MTSAN NYID ZAB MO MNGON PAR RDZOGS PAR SANGS RGYAS SO ZHES BYA BA NI, DE LTAR SHES RAB KYI PHA ROL TU PHYIN PA ZAB MO MTSAN NYID THAMS CAD KYI CHAGS PA LAS 'DAS PA THUGS SU CHUD NAS KYANG, DE'I DON STONG PA NYID KYI MTSAN NYID SEMS CAN RNAMS LA RAB TU BSTAN PA NI MTSAN NYID ZAB MO THUGS SU CHUD PAS @105B BSTAN PA NGO MTSAR CHE'O ZHES BYA BA'I DON TO, ,BCOM LDAN 'DAS DE LTAR NA SHES RAB KYI PHA ROL TU PHYIN PA ZAB MO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SPYOD YUL DU 'GYUR TE ZHES BYA BA NAS, MTSAN NYID THAMS CAD RAB TU DBYE BA MDZAD DE ZHES BYA BA'I BAR GYIS NI, SHES RAB KYI PHA ROL TU PHYIN PA'I DON ZAB MO DE BCOM LDAN 'DAS KYIS THUGS SU CHUD DE, SPYOD YUL DU GYUR CING DE LA SPYAD PAS BLA NA MED PA'I BYANG CHUB TU MNGON PAR RDZOGS PAR SANGS RGYAS NAS KYANG KUN RDZOB TU CHOS THAMS CAD KYI MTSAN NYID SO SOR PHYE STE BSTAN PA NI, THABS DANG SHES RAB MCHOG DANG LDAN TE NGO MTSAR CHE'O ZHES BYA BA'I DON TO, ,'DI LTAR GZUGS KYI MTSAN NYID DANG ZHES BYA BA NAS, RNAM PA THAMS CAD MKHYEN PA NYID KYI MTSAN NYID RAB TU DBYE BA MDZAD PA NGO MTSAR CHE'O ZHES BYA BA'I BAR GYIS NI CHOS GANG DANG GANG GI MTSAN NYID RAB TU DBYE BA MDZAD PA'I CHOS RNAMS KYI MING TZAM BSTAN PA'O, ,DE SKAD CES GSOL PA DANG, BCOM LDAN 'DAS KYIS 'DOD PA NA SPYOD PA DANG, GZUGS YOD PA MA SPYOD PA'I LHA'I BU RNAMS LA BKA' STZAL PA, LHA'I BU DAG GZUGS NI GZHIG TU RUNG BA'I MTSAN NYID DE, DE NI DE BZHIN GSHEGS PAS MTSAN NYID MED PAR MNGON PAR RDZOGS PAR SANGS RGYAS SO ZHES BYA BA LA SOGS PAS NI, KUN RDZOB TU CHOS RNAMS SO SO'I MTSAN NYID GANG YIN PA BSTAN NAS, DON DAM PAR DE DAG MTSAN NYID MED PAR THUGS SU CHUD PA BSTAN PA STE, DE LA GZUGS NI GZHIG TU RUNG BA'I MTSAN NYID DE ZHES BYA BA NI, THOGS PA DANG BCAS PA LA GZUGS GZHAN GYIS GZUGS GZHIG TU RUNG BA'I PHYIR RO, ,DE NI DE BZHIN GSHEGS PAS MTSAN NYID MED PAR MNGON PAR RDZOGS PAR SANGS RGYAS SO ZHES BYA BA NI KUN RDZOB TU GZUGS KYI MTSAN NYID GZHIG TU RUNG BA YIN YANG DON DAM PAR RANG BZHIN GYIS STONG PA'I PHYIR MTSAN NYID MED PAR DE BZHIN GSHEGS PAS THUGS SU CHUD DO DO ZHES BYA BA'I DON TO, ,MTSAN NYID MED PAR MNGON PAR RDZOGS PAR SANGS RGYAS PA'I DON 'DI TSOR BA LA @106A *, ,SOGS PA 'OG MA THAMS CAD LA YANG DE BZHIN DU SBYAR BAR BYA'O, ,TSOR BA NI MYONG BA'I MTSAN NYID DE ZHES BYA BA NI BDE BA DANG, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA RNAM PA GSUM MYONG BA'I MTSAN NYID YIN PA'I PHYIR RO, ,'DU SHES NI 'DZIN PA'I MTSAN NYID DE ZHES BYA BA NI MING DANG MTSAN MA LA SOGS PAR 'DZIN PA'I PHYIR RO, ,'DU BYED NI MNGON PAR 'DU BYED PA'I MTSAN NYID DE ZHES BYA BA NI DGE BA DANG, MI DGE BA DANG LUNG DU MI STON PA'I LAS RNAMS DBYE BA'I PHYIR RO, ,RNAM PAR SHES PA NI SO SO'I BYE BRAG SHES PA'I MTSAN NYID DE ZHES BYA BA NI YUL DRUG SO SO'I BYE BRAG 'GYED PA'I PHYIR RO, ,PHUNG PO RNAMS NI SDUG BSNGAL GYI MTSAN NYID DE ZHES BYA BA NI NA BA DANG RGA BA LA SOGS PAR 'GYUR BA'I PHYIR RO, ,KHAMS RNAMS NI SDUG PA'I MTSAN NYID DE ZHES BYA BA NI YUL DRUG DANG, DBANG PO DRUG DANG, RNAM PAR SHES PA DRUG 'DUS PA LAS, REG PA DANG TSOR BA 'BYUNG BA 'KHOR BA'I RGYU YIN PA'I PHYIR RO, ,SKYE MCHED RNAMS NI 'BYUNG BA'I SGO'I MTSAN NYID DE ZHES BYA BA NI SKYE MCHED BCU GNYIS LA BRTEN NAS RNAM PAR SHES PA DRUG 'BYUNG BA'I PHYIR RO, ,RTEN CING 'BREL PAR 'BYUNG BA NI 'DU 'PHROD KYI MTSAN NYID DE ZHES BYA BA NI RGYU DANG RKYEN RNAMS 'DUS SHING TSOGS PA LAS 'BRAS BU 'GRUB PA'I PHYIR RO, ,SBYIN PA'I PHA ROL TU PHYIN PA NI YONGS SU GTONG PA'I MTSAN NYID DE ZHES BYA BA NI, CHOS DANG ZANG ZING GI SBYIN PA RNAMS CHOS DANG ZANG ZING 'DOD PA RNAMS LA YONGS SU GTONG PA'I PHYIR RO, ,TSUL KHRIMS KYI PHA ROL TU PHYIN PA NI GDUNG BA MED PA'I MTSAN NYID DE ZHES BYA BA NI SROG GCOD PA LA SOGS PA SPANGS TE, TSUL KHRIMS DANG LDAN NA BDAG NYID KYANG TSE 'DI DANG PHYI MA GNYIS KA LA, LUS DANG SEMS GDUNG ZHING MI BDE BA MED PA DANG, SEMS CAN PHA ROL LA YANG GNOD PA DANG GDUNG BA MED PA'I PHYIR RO, ,BZOD PA'I PHA ROL TU PHYIN PA NI 'KHRUGS PA MED PA'I MTSAN NYID DE ZHES BYA BA NI, BZOD PA DANG LDAN NA BDAG DANG PHA ROL GNYIS KA'I SEMS 'KHRUGS PA MED PA'I PHYIR RO, ,BRTZON 'GRUS KYI PHA ROL @106B TU PHYIN PA NI THUB PA MED PA'I MTSAN NYID DE ZHES BYA BA NI BRTZON 'GRUS KYI GO BGOS NAS, BDUD DANG BAR DU GCOD PA RNAMS KYIS ZIL GYIS MI NON CING MI THUB PA'I PHYIR RO, ,BSAM GTAN GYI PHA ROL TU PHYIN PA NI YANG DAG PAR SDUD PA'I MTSAN NYID DE ZHES BYA BA NI SEMS MNYAM PAR GZHAG NA YANG DAG PA'I DON RTOGS SHING SDUD PA DANG, BSAM GTAN GYI 'BRAS BU RDZU 'PHRUL LA SOGS PAS SEMS CAN RNAMS YID CHES SHING 'DU BA'I PHYIR RO, ,SHES RAB KYI PHA ROL TU PHYIN PA NI CHAGS PA MED PA'I MTSAN NYID DE ZHES BYA BA NI SHES RAB KYIS CHOS THAMS CAD DNGOS PO MED PAR RTOGS NA, DNGOS PO GANG LA YANG CHAGS PAR MI 'GYUR BA'I PHYIR RO, ,BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DAG NI MI 'KHRUGS PA'I MTSAN NYID DE ZHES BYA BA NI BSAM GTAN DANG, TSAD MED PA DANG, SNYOMS PAR 'JUG PA 'DI DAG SEMS MNYAM PAR GZHAG CING PHRA BA'I PHYIR 'DOD PA DANG, RNAM PAR RTOG PA LA SOGS PAS SEMS MI 'KHRUGS PA'I PHYIR RO, ,BYANG CHUB KYI PHYOGS KYI CHOS SUM CU RTZA BDUN 'BYUNG BA'I MTSAN NYID DE ZHES BYA BA NI DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA RNAMS NI 'KHOR BA NAS 'BYUNG BAR BYED PA'I PHYIR RO, ,RNAM PAR THAR PA'I SGO STONG PA NYID NI DBEN PA'I MTSAN NYID DE ZHES BYA BA NI GZUNG BA DANG 'DZIN PA'I DNGOS PO THAMS CAD DANG BRAL TE DBEN PA'I PHYIR RO, ,RNAM PAR THAR PA'I SGO MTSAN MA MED PA NI ZHI BA'I MTSAN NYID DE ZHES BYA BA NI MTSAN MAR RNAM PAR RTOG PA THAMS CAD SPANGS TE ZHI BA'I PHYIR RO, ,RNAM PAR THAR PA'I SGO SMON PA MED PA NI SDUG BSNGAL SEL BA'I MTSAN NYID DE ZHES BYA BA NI, CHOS THAMS CAD STONG PA NYID DANG MTSAN MA MED PAR RTOGS NA DNGOS PO GANG YANG BTZAL ZHING YONGS SU THOB PAR BYA BA'I PHYIR SMON CING 'BAD MI DGOS PAS 'DOD PA MI RNYED PA'I SDUG BSNGAL MED PA'I PHYIR @107A *, ,RO; RNAM PAR THAR PA'I SGO RNAMS NI 'GREL PA'I MTSAN NYID DE ZHES BYA BA NI RNAM PAR THAR PA BRGYAD RNAMS BSGOM PA NI, 'DOD CHAGS LA SOGS PA'I NYON MONGS PA RNAMS LAS GROL BAR 'GYUR BA'I PHYIR RO, ,STOBS RNAMS NI SHIN TU RNAM PAR GDON MI ZA BA'I MTSAN NYID DE ZHES BYA BA NI GNAS DANG GNAS MA YIN PA MKHYEN PA LA SOGS PA NI DE BZHIN GSHEGS PA'I STOBS BCU RNAMS NI, YE SHES KYIS GTAN LA BAB PAR BRTAGS NA, DGE BA SPYAD PAS NI MTHO RIS SU GDON MI ZA BAR 'GRO, ,SDIG PA SPYAD PAS NI NGAN 'GROR GDON MI ZA BAR 'GRO BA GTAN LA BAB PAR MKHYEN PA'I MTHU DANG LDAN PA'I PHYIR RO, ,MI 'JIGS PA RNAMS NI SHIN TU BRTAN PA'I MTSAN NYID DE ZHES BYA BA NI DE BZHIN GSHEGS PAS MNGON PAR BYANG CHUB PA DANG, ZAG PA ZAD PA DANG, BAR DU GCOD PA'I CHOS RNAMS BSTAN PA DANG, 'PHAGS PA'I LAM RNAMS BSTAN PA LA BDUD DANG MU STEGS CAN RNAMS KYIS GZHAN DU BSGYUR MI NUS PA'I PHYIR RO, ,SO SO YANG DAG PAR RIG PA RNAMS NI YONGS SU MI CHOD PA'I MTSAN NYID DE ZHES BYA BA NI, CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA RNAMS NI, BDUD DANG PHAS KYI RGOL BA RNAMS KYIS ZIL GYIS MI NON CING BAR MA CHOD PA'I PHYIR RO, ,BYAMS PA CHEN PO NI PHAN PAR BSGRUB PA'I MTSAN NYID DE ZHES BYA BA NI SEMS CAN THAMS CAD LA 'JIG RTEN DANG 'JIG RTEN LAS 'DAS PA'I PHAN PA DANG BDE BA THOB PAR BYED PA'I PHYIR RO, ,SNYING RJE CHEN PO NI SKYOB PA'I MTSAN NYID DE ZHES BYA BA NI SDUG BSNGAL DANG MI BDE BA SNA TSOGS LAS SKYOB PA'I PHYIR RO, ,DGA' BA CHEN PO NI RAB TU DGA' BA'I MTSAN NYID DE ZHES BYA BA NI SANGS RGYAS KYI CHOS RNAMS LA MOS SHING RAB TU DGA' BA DANG, SEMS CAN PHA ROL PO LONGS SPYOD DANG 'BYOR PA PHUN SUM TSOGS PA MTHONG NA, BDAG NYID RAB TU DGA' BAR 'GYUR BA'I PHYIR RO, ,BTANG SNYOMS CHEN PO NI MA 'DRES PA'I MTSAN NYID DE ZHES BYA BA NI BDE BA DANG SDUG BSNGAL BA DANG, DGRA DANG ZUN LA SOGS PA LA SEMS MNYAM PAR 'GYUR TE, PHYOGS GCIG TU MA ZHEN CING MA 'DRES PA'I @107B PHYIR RO, ,SANGS RGYAS KYI CHOS MA 'DRES PA BCVA BRGYAD NI MI 'PHROGS PA'I MTSAN NYID DE ZHES BYA BA NI DE BZHIN GSHEGS PA LA 'KHRUL PA MI MNGA' BA LA SOGS PA'I YON TAN MNGA' BA RNAMS, NYAN THOS DANG RANG SANGS RGYAS LA SOGS PA GZHAN LA MED DE, DE DAG GIS BSKYOD CING 'PHROG PAR MI NUS PA'I PHYIR RO, ,RNAM PA THAMS CAD MKHYEN PA NYID KYI YE SHES MNGON SUM GYI MTSAN NYID DE ZHES BYA BA NI, KUN RDZOB DANG DON DAM PA GNYIS KAR CHOS THAMS CAD RNAM PA THAMS CAD DU GSAL BAR THUGS SU CHUD PA'I PHYIR RO, ,LHA'I BU DAG DE LTAR DE BZHIN GSHEGS PAS CHOS THAMS CAD MTSAN NYID MED PAR MNGON PAR RDZOGS PAR SANGS RGYAS PAS, DE'I PHYIR DE BZHIN GSHEGS PA NI CHAGS PA MI MNGA' BA'I YE SHES CAN ZHES BYA'O ZHES BYA BA NI, CHOS THAMS CAD MTSAN NYID MED PAR BSTAN PA'I SGO NAS, SHES RAB KYI PHA ROL TU PHYIN PA ZAB MO 'DI 'JIG RTEN STON PA YIN PA'I DON MJUG BSDUS NAS BSTAN PA STE, DE BZHIN GSHEGS PAS KUN RDZOB TU CHOS THAMS CAD KYI MTSAN NYID KYANG DE LTAR MKHYEN LA, DON DAM PAR CHOS THAMS CAD MTSAN NYID MED PAR YANG THUGS SU CHUD DE MKHYEN PA LA THAGS THOGS MED PA'I PHYIR, CHAGS PA MI MNGA' BA'I YE SHES CAN ZHES BYA STE, DE YANG SHES RAB KYI PHA ROL TU PHYIN PA ZAB MO 'DI LA BRTEN PAS MKHYEN PA'I PHYIR, SHES RAB KYI PHA ROL TU PHYIN PA ZAB MO 'DI 'JIG RTEN STON PA YIN NO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO ZHES BYA BA LA SOGS PAS NI SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED PA DANG, 'JIG RTEN STON PA YIN PA LA DE BZHIN GSHEGS PA BSTEN CING SPYOD PA DANG, MCHOD CING RIM GRO MDZAD PA BYAS PA DRIN DU GZO ZHING DRIN LAN LDON PA BSTAN PA STE, RAB 'BYOR SHES RAB KYI PHA ROL TU PHYIN PA NI, DE BZHIN GSHEGS PA BSKYED PA STE ZHES BYA BA NI, SHES RAB KYI PHA ROL TU PHYIN PA LA BRTEN CING GOMS PAR BYAS PAS BSOD NAMS DANG YE SHES KYI TSOGS YONGS SU RDZOGS SHING DE BZHIN GSHEGS PAR GYUR PA'I PHYIR DE BZHIN GSHEGS PA BSKYED PA ZHES BYA'O, ,SHES RAB KYI PHA ROL @108A *, ,TU PHYIN PA NI 'JIG RTEN 'DI STON PA'O ZHES BYA BA NI SHES RAB KYI PHA ROL TU PHYIN PA 'DI LA BRTEN CING GOMS PAR BYAS PA'I MTHUS, DE BZHIN GSHEGS PAS SEMS CAN RNAMS LA 'JIG RTEN 'DI DAG KUN RDZOB DANG DON DAM PA'I TSUL DU PHYIN CI MA LOG PAR BSTAN PA'I PHYIR SHES RAB KYI PHA ROL TU PHYIN PA 'DI 'JIG RTEN STON PA YIN NO ZHES BSTAN PA'O, ,DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'DI LTA STE, SHES RAB KYI PHA ROL TU PHYIN PA'I CHOS 'DI LA BRTEN CING RNAM PAR SPYOD DO, ,CHOS DE DAG LA RIM GROR MDZAD CING MCHOD PA MDZAD DO ZHES BYA BA NI DE LTAR SHES RAB KYI PHA ROL TU PHYIN PA 'DI DE BZHIN GSHEGS PA BSKYED PA DANG, 'JIG RTEN STON PA YIN PAS BYAS PA DRIN DU GZO ZHING DRIN LA LAN GLON PA'I PHYIR, DE BZHIN GSHEGS PAS SHES RAB KYI PHA ROL TU PHYIN PA 'DI NYID LA BRTEN TE, 'DI NYID KYI TSUL SPYOD CING 'DI NYID LA MCHOD PA DANG RIM GRO MDZAD DO ZHES BSTAN PA'O, ,SHES RAB KYI PHA ROL TU PHYIN PA LA DE BZHIN GSHEGS PA RIM GRO MDZAD PA DANG, BKUR STI MDZAD PA DANG, PHU DUD MDZAD PA DANG, MCHOD PA MDZAD PA DE NI CHOS DANG LDAN PA STE ZHES BYA BA NI DE LTAR DE BZHIN GSHEGS PAS SHES RAB KYI PHA ROL TU PHYIN PA LA DRIN DU GZO ZHING MCHOD PA DANG BKUR STI MDZAD PA NI, DAM PA'I CHOS DANG MI 'GAL TE SKYES BU DAM PA'I CHOS DANG LDAN ZHING RIGS PA DANG LDAN NO ZHES BYA BA'I DON TO, ,DE CI'I PHYIR ZHE NA, RAB 'BYOR SANGS RGYAS BCOM LDAN 'DAS RNAMS NI SHES RAB KYI PHA ROL TU PHYIN PA 'DI LAS BYUNG BA STE ZHES BYA BA NI, SHES RAB KYI PHA ROL TU PHYIN PA LA MCHOD CING RIM GRO BYA BAR RIGS PA'I GTAN TSIGS BSTAN PA STE, DUS GSUM GYI DE BZHIN GSHEGS PA RNAMS KYANG, SHES RAB KYI PHA ROL TU PHYIN PA 'DI LA SPYAD CING GOMS PAR BYAS PA LAS, BLA NA MED PA'I BYANG CHUB TU MNGON PAR RDZOGS PAR SANGS RGYAS PA'I PHYIR MCHOD PA DANG RIM GRO BYA BAR RIGS SO ZHES BSTAN PA'O, ,RAB 'BYOR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI BYAS PA MKHYEN PA'O, ,DE BZHIN GSHEGS PA @108B DGRA BCOM PA YANG DAG PAR RDZOGS PA'I SANGS RGYAS NI BYAS PA DGONGS PA LA BYA'O ZHES BYA BA NI DE LTAR DUS GSUM GYI DE BZHIN GSHEGS PA RNAMS SHES RAB KYI PHA ROL TU PHYIN PA 'DI LAS BYUNG LA DE BZHIN GSHEGS PA RNAMS KYANG SHES RAB KYI PHA ROL TU PHYIN PA LA DRIN DU GZO ZHING, MCHOD PA DANG BKUR STI MDZAD PA NI BYAS PA MKHYEN PA DANG, BYAS PA DGONGS PA YIN ZHES BSTAN PA'O, ,RAB 'BYOR GANG LA LA ZHIG YANG DAG PAR SMRA BAS BYAS PA SHES SHING BYAS PA DRIN NO ZHES SMRA NA, DE BZHIN GSHEGS PA BYAS PA MKHYEN CING BYAS PA DGONGS PA'O ZHES YANG DAG PAR SMRA BAS YANG DAG PAR SMRA'O ZHES BYA BA NI, DE BZHIN GSHEGS PA LAS BYAS PA DRIN DU GZO ZHING BYAS PA MI BSNYEL PA 'JIG RTEN NA GZHAN SU YANG MED PAS, DE BZHIN GSHEGS PA LA BYAS PA MKHYEN CING BYAS PA DGONGS PA'O ZHES GANG SU ZHIG SMRA BA YOD NA, DE NI YANG DAG PAR SMRA BA STE, BDEN PAR SMRA BA YIN NO ZHES BYA BA'I DON TO, ,RAB 'BYOR JI LTAR NA DE BZHIN GSHEGS PA BYAS PA MKHYEN CING BYAS PA DGONGS PA YIN ZHE NA, RAB 'BYOR DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS THEG PA GANG GIS BYON PA DANG, LAM GANG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR GYUR PA'I THEG PA DE NYID DANG LAM DE NYID LA DE BZHIN GSHEGS PA RIM GRO MDZAD PA DANG, BKUR STI MDZAD PA DANG, PHU DUD MDZAD PA DANG, MCHOD PA MDZAD PA DANG, YONGS SU BSRUNG BA MDZAD PA'I PHYIR TE ZHES BYA BAS NI, DE BZHIN GSHEGS PA BYAS PA DRIN DU GZO ZHING DRIN DU DGONGS PA'I GTAN TSIGS ZHIB TU BSTAN PA STE, THABS GANG GIS BYON PA DANG, LAM GANG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR GYUR PA ZHES BYA BA NI SHES RAB KYI PHA ROL TU PHYIN PA 'DI NYID LA BRTEN NAS, DE BZHIN GSHEGS PAS SANGS RGYAS KYI GO 'PHANG BRNYES PA DANG, BLA NA MED PA'I BYANG CHUB TU MNGON PAR RDZOGS PAR SANGS RGYAS PAR GYUR PA'I SHES RAB KYI PHA ROL TU PHYIN PA DE NYID LA THEG PA DANG LAM ZHES BYA STE, DE LA MCHOD CING RIM GRO LA @109A *, ,SOGS PA MDZAD PA'I PHYIR BYAS PA MKHYEN PA DANG BYAS PA DGONGS PA YIN NO ZHES BSTAN PA'O, ,RAB 'BYOR DE NI DE BZHIN GSHEGS PA'I BYAS PA MKHYEN PA DANG BYAS PA DGONGS PAR BLTA'O ZHES BYA BA NI RGYU GANG GIS BLA NA MED PA'I BYANG CHUB THOB PAR GYUR PA'I RGYU DE LA MCHOD CING RIM GRO LA SOGS PA MDZAD PA DE NYID LA BYAS PA DRIN DU GZO ZHING DRIN LA LON LDON PA YIN PAR BLTA'O ZHES BSTAN PA'O, ,RAB 'BYOR GZHAN YANG DE BZHIN GSHEGS PAS CHOS THAMS CAD MTSAN MA MED PA LA BRTEN TE, BYED PA PO MED PA'I PHYIR CHOS THAMS CAD MA BYAS PAR MNGON PAR RDZOGS PAR SANGS RGYAS SO ZHES BYA BA NI DON DAM PAR CHOS THAMS CAD MTSAN MA MED CING MU STEGS CAN GYIS BRTAGS PA'I BYED PA PO MED PA'I PHYIR, CHOS THAMS CAD SUS KYANG MA BYAS PAR THUGS SU CHUD PA DE YANG SHES RAB KYI PHA ROL TU PHYIN PA 'DI LA BRTEN PAS THUGS SU CHUD DO ZHES BYA BA'I DON TO, ,LUS MED PA'I PHYIR MA BYAS PAR MNGON PAR RDZOGS PAR SANGS RGYAS SO ZHES BYA BA NI CHOS THAMS CAD DON DAM PAR DNGOS PO MED PAS BSTAN PA 'DI LAS GRAGS PA'I RGYU DANG RKYEN RNAMS KYIS MA BYAS PAR THUGS SU CHUD DO ZHES BSTAN PA'O, ,RAB 'BYOR DE LTAR DE BZHIN GSHEGS PAS SHES RAB KYI PHA ROL TU PHYIN PA LA BRTEN TE, CHOS THAMS CAD BYA BA MED PAR MNGON PAR RDZOGS PAR SANGS RGYAS PA DE NI, DE BZHIN GSHEGS PA'I BYAS PA MKHYEN PA DANG BYAS PA DGONGS PA'O ZHES BYA BA NI, DE LTAR CHOS THAMS CAD BYED PA PO MED PA DANG, BYA BA MED PAR THUGS SU CHUD PA DE YANG SHES RAB KYI PHA ROL TU PHYIN PA 'DI LA BRTEN TE THUGS SU CHUD LA, DE LTAR THUGS SU CHUD PA NYID KYANG SHES RAB KYI PHA ROL TU PHYIN PA LA NAN TAN GYIS MCHOD PA BYAS PA YIN TE, DRIN DU GZO ZHING DRIN LA LAN LDON PA YIN NO ZHES BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA LA BRTEN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI YE SHES BYAS PA MED PA CHOS THAMS CAD LA 'JUG PA MED PA'I BRDAS 'JUG STE ZHES BYA BA NI, DE LTAR BYED PA PO MED PA'I PHYIR CHOS THAMS CAD @109B SUS KYANG MA BYAS PAR MKHYEN PA'I YE SHES DE YANG SUS KYANG MA BYAS TE, CHOS THAMS CAD BYED PA PO MED PAR MKHYEN PA 'JUG PA YANG DON DAM PAR NI 'JUG PA MED KYI, KUN RDZOB KYI BRDA TZAM DU 'JUG GO ZHES BSTAN PA'O, ,RAB 'BYOR RNAM GRANGS DES NA SHES RAB KYI PHA ROL TU PHYIN PA NI DE BZHIN GSHEGS PA BSKYED PA'O, ,'JIG RTEN 'DI STON PA'O ZHES BYA BA NI DE LTAR DE BZHIN GSHEGS PAS CHOS THAMS CAD KUN RDZOB DANG DON DAM PA'I TSUL DU THUGS SU CHUD DE, DE BZHIN GSHEGS PAR GYUR PA DANG, DE BZHIN GSHEGS PAS 'JIG RTEN GYI CHOS THAMS CAD BSTAN PA YANG SHES RAB KYI PHA ROL TU PHYIN PA 'DI LA BRTEN TE BSTAN PA'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA BSKYED PA DANG 'JIG RTEN 'DI STON PA YIN NO ZHES BSTAN PA'O, ,RAB 'BYOR GYIS GSOL PA, BCOM LDAN 'DAS DE LTAR CHOS THAMS CAD LA SHES PA PO MA MCHIS SHING MTHONG BA PO MA MCHIS NA, JI LTAR NA SHES RAB KYI PHA ROL TU PHYIN PA DE BZHIN GSHEGS PA SKYED CING 'JIG RTEN 'DI STON PA LAGS ZHES BYA BA NI GONG DU CHOS THAMS CAD LA BYED PA PO MED PAR BSHAD PA'I DON RAB 'BYOR GYIS RTOGS NAS, DE LTAR BYED PA PO MED NA SHES PA PO DANG MTHONG BA PO YANG MED PAS SHES RAB KYI PHA ROL TU PHYIN PA DE BZHIN GSHEGS PA SKYED CING 'JIG RTEN STON PAR MDZAD PA'I MI RIGS SO ZHES GAL BZUNG STE GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, CHOS THAMS CAD NI SHES PA PO MED CING MTHONG BA PO MED PA'O ZHES BYA BA NI, RAB 'BYOR GYIS GSOL PA'I DON DE NYID BDEN NO ZHES BKA' STZAL PA STE, DON DAM PAR CHOS THAMS CAD RANG BZHIN GYIS STONG ZHING DNGOS PO MED PAS, SHES PA PO DANG MTHONG BA PO MED PA NI BDEN NA, DON DAM LTA BU SHES NA 'JIG RTEN NA GZHAN SU YANG MED DE, DE BZHIN GSHEGS PAS NI SHES RAB KYI PHA ROL TU PHYIN PA 'DI LA BRTEN TE CHOS THAMS CAD LA SHES PA PO MED CING MTHONG BA PO MED PAR RTOGS PAS DE'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA BSKYED PA DANG, 'JIG RTEN 'DI'I PHYIN @110A *, ,CI MA LOG PAR STON PA YIN NO ZHES BSTAN PA'O, ,RAB 'BYOR CHOS THAMS CAD NI STONG PA GSOG GSOB DBANG MED PA SNYING PO MED PA STE, RAB 'BYOR RNAM GRANGS DES NA CHOS THAMS CAD NI SHES PA PO MED CING MTHONG BA PO MED PA'O ZHES BYA BA NI SHES PA PO MED PA DANG, MTHONG BA PO MED PA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG STE, DNGOS PO MED PAS SHES PAR BYA BA DANG, MTHONG BAR BYA BA YANG MED PA'I PHYIR, SHES PA PO DANG MTHONG BA PO MED DO ZHES BSTAN PA STE, GSOG DANG GSOB DANG DBANG MED PA DANG SNYING PO MED PA ZHES BYA BA NI DNGOS PO MED PA'I RNAM GRANGS SU RIG PAR BYA'O, ,RAB 'BYOR GZHAN YANG CHOS THAMS CAD NI SHES PA PO MED CING MTHONG BA PO MED PA STE, RAB 'BYOR JI LTAR NA CHOS THAMS CAD SHES PA PO MED CING MTHONG BA PO MED PA YIN ZHE NA, RAB 'BYOR CHOS THAMS CAD NI MI GNAS SHING KHONGS SU CHUD PA MA YIN PA STE, RAB 'BYOR RNAM GRANGS DES NA CHOS THAMS CAD SHES PA PO MED CING MTHONG BA PO MED PA STE ZHES BYA BAS NI, SHES PA PO MED CING MTHONG BA PO MED PA'I GTAN TSIGS RNAM PA GZHAN BSTAN PA STE, DON DAM PAR CHOS THAMS CAD DNGOS PO MED PAS CI LA YANG MI GNAS SHING KHAMS GSUM GANG GI NANG DU GTOGS PA YANG MA YIN PA'I PHYIR, SHES PA PO DANG MTHONG BA PO MED DO ZHES BSTAN PA'O, ,RAB 'BYOR DE LTAR NA SHES RAB KYI PHA ROL TU PHYIN PA DE BZHIN GSHEGS PA SKYED CING 'JIG RTEN STON PA'O ZHES BYA BA NI DE LTAR CHOS THAMS CAD MI GNAS SHING GANG DU YANG MA GTOGS PA'I PHYIR SHES PA PO MED PA DANG, MTHONG BA PO MED PAR DE BZHIN GSHEGS PAS THUGS SU CHUD DE, DE BZHIN GSHEGS PAR GYUR NAS, 'JIG RTEN BSTAN PA YANG SHES RAB KYI PHA ROL TU PHYIN PA 'DI LA BRTEN PA LAS GYUR PA'I PHYIR, SHES RAB KYI PHA ROL TU PHYIN PA 'DI NI, DE BZHIN GSHEGS PA SKYED CING 'JIG RTEN STON PA YIN NO ZHES BSTAN PA'O, ,DE YANG GZUGS MTHONG BA MED PA'I PHYIR STONG PA'O ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI 'JIG RTEN NA YANG DAG PA JI LTA BA NYID DU STON @110B PA BSHAD PA STE, GZUGS MTHONG BA MED PA'I PHYIR STON PA'O ZHES BYA BA NI, SHES RAB KYI PHA ROL TU PHYIN PA ZAB MO 'DI LA SPYAD CING BSGOMS NAS, KUN BRTAGS PA'I GZUGS LA MTSAN MAR MI 'DZIN CING DNGOS POR MTHONG BA MED PAR GYUR PA NYID, GZUGS KYANG YANG DAG PA JI LTA BA BZHIN DU STON PA YIN NO ZHES BSHAD PA'O, ,DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU YANG SHES PAR BYA'O, ,RAB 'BYOR DE LTAR NA SHES RAB KYI PHA ROL TU PHYIN PA DE BZHIN GSHEGS PA BSKYED PA'O ZHES BYA BA NI, SHES RAB KYI PHA ROL TU PHYIN PA LA BRTEN NAS, DE BZHIN GSHEGS PAS CHOS THAMS CAD LA MTSAN MAR MI 'DZIN CING, CHOS RNAMS KYI YANG DAG PA NYID JI LTA BA BZHIN DU THUGS SU CHUD NAS, DE BZHIN GSHEGS PAR GYUR PA'I PHYIR, SHES RAB KYI PHA ROL TU PHYIN PA ZAB MO 'DI DE BZHIN GSHEGS PA BSKYED PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA GZUGS MTHONG BA MA MCHIS PA'I SLAD DU STON PA LAGS ZHES BYA BA NAS, JI LTAR NA RNAM PA THAMS CAD MKHYEN PA NYID MTHONG BA MA MCHIS PA'I SLAD DU STON PA LAGS ZHES BYA BA'I BAR DU NI, CHOS THAMS CAD MTHONG BA MED PA'I PHYIR STON PA'I DON GONG DU BSHAD PA DE NYID ZHIB TU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM GZUGS LA DMIGS PA'I RNAM PAR SHES PA MI 'BYUNG BA'I TSE, GZUGS MTHONG BA MED PA'I PHYIR STON PA'O ZHES BYA BA NAS, RNAM PA THAMS CAD MKHYEN PA NYID LA DMIGS PA'I RNAM PAR SHES PA MI 'BYUNG BA'I TSE, RNAM PA THAMS CAD MKHYEN PA NYID MTHONG BA MED PA'I PHYIR STON PA'O ZHES BYA BA'I BAR GYIS NI, CHOS RNAMS MTHONG BA MED PA'I PHYIR STON PA'I DON RAB 'BYOR GYIS ZHIB TU BSHAD PA STE, DE LA NAM GZUGS LA DMIGS PA'I RNAM PAR SHES PA MI 'BYUNG BA'I TSE, GZUGS MTHONG BA MED PA'I PHYIR STON PA'O ZHES BYA BA NI, SHES RAB KYI PHA ROL TU PHYIN PA 'DI LA SPYOD CING BSGOMS PA'I MTHUS PHYIN CI LOG TU MTHONG ZHING @111A *, ,SHES PA SPANGS TE KUN BRTAGS PA'I GZUGS LA PHYIN CI LOG TU DMIGS SHING MTSAN MAR 'DZIN PA'I RNAM PAR SHES PA MI 'BYUNG BAR GYUR PA DE'I TSE, YANG DAG PA'I DON MTHONG ZHING RTOGS PAS, GZUGS KYI DE BZHIN NYID PHYIN CI MA LOG PAR STON NUS PA'I PHYIR, GZUGS MTHONG BA MED PA'I PHYIR STON PA ZHES BYA STE, DPER NA RAB RIB CAN GYIS SKRA SHAD 'DZINGS PA LA SOGS PA MTHONG NAS, DE LA DMIGS PA'I RNAM PAR SHES PA 'BYUNG BA DE, PHYIS RAB RIB BYANG NAS 'KHRUL PA RNAM PAR SHES PA MI 'BYUNG BA BZHIN DU ZHES BSTAN PA'O, ,DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU YANG SBYAR BAR BYA'O, ,RAB 'BYOR DE LTAR NA SHES RAB KYI PHA ROL TU PHYIN PA ZAB MO 'DI DE BZHIN GSHEGS PA SKYED CING 'JIG RTEN STON PA'O ZHES BYA BA NI, DE LTAR GONG DU BSHAD PA'I TSUL DU DE BZHIN GSHEGS PAS SHES RAB KYI PHA ROL TU PHYIN PA ZAB MO 'DI LA BRTEN NAS, CHOS THAMS CAD PHYIN CI MA LOG PAR THUGS SU CHUD PA'I PHYIR, SHES RAB KYI PHA ROL TU PHYIN PA ZAB MO 'DI DE BZHIN GSHEGS PA SKYED CING 'JIG RTEN STON PA YIN NO ZHES BSTAN PA'O, ,RAB 'BYOR GZHAN YANG JI LTAR NA SHES RAB KYI PHA ROL TU PHYIN PA DE BZHIN GSHEGS PA SKYED CING 'JIG RTEN STON PA YIN ZHES BYA BA LA SOGS PAS NI, SHES RAB KYI PHA ROL TU PHYIN PA 'DI LAS CHOS THAMS CAD STONG PA NYID DU MDOR STON PA'I PHYIR DE BZHIN GSHEGS PA SKYED CING 'JIG RTEN STON PA YIN PAR BSHAD PA STE, RAB 'BYOR 'DI LA SHES RAB KYI PHA ROL TU PHYIN PA NI 'JIG RTEN DU STON PA ZHES BRJOD DE, 'JIG RTEN DU CI STON PA ZHES BRJOD CE NA, GZUGS STONG NGO ZHES BYA BAR 'JIG RTEN DU BRJOD DO ZHES BYA BA NAS, RNAM PA THAMS CAD MKHYEN PA NYID STONG NGO ZHES BYA BAR 'JIG RTEN DU BRJOD DO ZHES BYA BA'I BAR DU NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD DON DAM PAR STONG PA NYID KYI RANG BZHIN DU BRJOD CING STON PA YIN NO ZHES BSHAD PA'O, ,RAB 'BYOR @111B DE LTAR NA SHES RAB KYI PHA ROL TU PHYIN PA DE BZHIN GSHEGS PA SKYED CING 'JIG RTEN STON PA'O ZHES BYA BA NI, SHES RAB KYI PHA ROL TU PHYIN PA ZAB MO 'DI LAS CHOS THAMS CAD STONG PA NYID DU BRJOD CING BSTAN PA'I DON BCOM LDAN 'DAS KYIS THUGS SU CHUD PA LAS, DE BZHIN GSHEGS PAR GYUR PA'I PHYIR, SHES RAB KYI PHA ROL TU PHYIN PA NI DE BZHIN GSHEGS PA SKYED CING 'JIG RTEN STON PA YIN NO ZHES BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI, DE BZHIN GSHEGS PA LA 'JIG RTEN STONG ZHES BYA BAR STON, 'JIG RTEN STONG ZHES BYA BAR BRJOD, 'JIG RTEN STONG ZHES BYA BAR SHES PAR BYED DE, RAB 'BYOR DE LTAR NA SHES RAB KYI PHA ROL TU PHYIN PA NI DE BZHIN GSHEGS PA SKYED CING 'JIG RTEN STON PA'O ZHES BYA BA NI, SHES RAB KYI PHA ROL TU PHYIN PA 'DI LAS 'JIG RTEN GYI CHOS THAMS CAD STONG PA NYID KYI RANG BZHIN YIN PAR 'CHAD CING BSTAN PA LAS DE BZHIN GSHEGS PAR GYUR PA'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN NO ZHES BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI DE BZHIN GSHEGS PA LA 'JIG RTEN STONG ZHES BYA BAR STON TE ZHES BYA BA LA SOGS PAS NI, SHES RAB KYI PHA ROL TU PHYIN PA 'DI LAS CHOS THAMS CAD DON DAM PAR STONG PA NYID KYI RANG BZHIN DU ZHIB TU 'CHAD PA'I PHYIR, DE BZHIN GSHEGS PA SKYED CING 'JIG RTEN STON PA YIN PAR BSTAN PA STE, 'JIG RTEN STONG ZHES BYA BAR JI LTAR STON CE NA, 'JIG RTEN NA GZUGS STONG ZHES BYA BAR STON TO ZHES BYA BA NAS, 'JIG RTEN NA RNAM PA THAMS CAD MKHYEN PA NYID STONG ZHES BYA BAR STON TO ZHES BYA BA'I BAR GYIS NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR STONG PA NYID KYI RANG BZHIN DU ZHIB TU BSTAN TE, BCOM LDAN 'DAS KYIS THUGS SU CHUD PAR BYAS PA LAS, DE BZHIN GSHEGS PAR 'GYUR BA'I PHYIR SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN NO @112A *, ,ZHES BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI, DE BZHIN GSHEGS PA LA 'JIG RTEN BSAM GYIS MI KHYAB CES BYA BAR STON TE ZHES BYA BA NAS, RNAM PA THAMS CAD MKHYEN PA NYID KYI 'JIG RTEN BSAM GYIS MI KHYAB CES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA ZAB MO 'DI LAS CHOS THAMS CAD DON DAM PAR DNGOS PO MED DE, SEMS DANG SEMS LAS BYUNG BA'I SPYOD YUL DU MI 'GYUR BA'I PHYIR BSAM GYIS MI KHYAB PAR STON PA'I SGO NAS, DE BZHIN GSHEGS PA SKYED CING 'JIG RTEN STON PA YIN PAR BSHAD PA STE, SHES RAB KYI PHA ROL TU PHYIN PA LA SOGS PA PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYIS 'JIG RTEN LAS 'DAS PA'I CHOS RNAMS LA 'JIG RTEN ZHES BYA BAS NI, KUN BRTAGS PA'I RANG BZHIN DU GTOGS PA'I CHOS THAMS CAD LAS DGONGS TE 'JIG RTEN ZHES BSHAD DO, ,RAB 'BYOR GZHAN YANG SHES RAB KYI PHA ROL TU PHYIN PA ZAB MO 'DI NI DE BZHIN GSHEGS PA LA 'JIG RTEN DBEN ZHES BYA BAR STON TE ZHES BYA BA NAS, RNAM PA THAMS CAD MKHYEN PA NYID KYI 'JIG RTEN DBEN ZHES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA ZAB MO 'DI LAS CHOS THAMS CAD DON DAM PAR GZUNG BA DANG 'DZIN PA LAS DBEN ZHING STONG PAR BSHAD PA LAS, DE BZHIN GSHEGS PAR GYUR PA'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN PAR BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA 'DI DE BZHIN GSHEGS PA LA 'JIG RTEN MTHA' LAS 'DAS PA STONG PA ZHES BYA BAR STON TE ZHES BYA BA NAS, RNAM PA THAMS CAD MKHYEN PA NYID KYI 'JIG RTEN MTHA' LAS 'DAS PA STONG PA'O ZHES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA 'DI LAS, CHOS THAMS CAD DON DAM PAR RANG BZHIN GYIS STONG PAS YOD PA DANG MED PA DANG, RTAG PA DANG MI RTAG PA LA SOGS PA'I MTHA' LAS 'DAS TE STONG NGO ZHES BSHAD PA LAS DE BZHIN GSHEGS @112B PAR GYUR PA'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN PAR BSTAN PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI, DE BZHIN GSHEGS PA LA 'JIG RTEN NGO BO NYID KYIS STONG PA ZHES BYA BAR STON TE ZHES BYA BA NAS, RNAM PA THAMS CAD MKHYEN PA NYID KYI 'JIG RTEN NGO BO NYID STONG PA ZHES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA 'DI LAS DON DAM PAR CHOS THAMS CAD NGO BO NYID KYIS STONG PAR BSHAD PA BCOM LDAN 'DAS KYIS THUGS SU CHUD PA LAS, DE BZHIN GSHEGS PAR GYUR PA'I PHYIR SHES RAB KYI PHA ROL TU PHYIN PA ZAB MO 'DI DE BZHIN GSHEGS PA SKYED CING 'JIG RTEN STON PA YIN PAR BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI, DE BZHIN GSHEGS PA LA 'JIG RTEN DNGOS PO MED PA'I NGO BO NYID STONG PA ZHES BYA BAR STON TO ZHES BYA BA NAS, RNAM PA THAMS CAD MKHYEN PA NYID KYI 'JIG RTEN DNGOS PO MED PA'I NGO BO NYID STONG PA ZHES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA 'DI LAS DON DAM PAR CHOS THAMS CAD DNGOS PO MED PA'I NGO BO NYID YIN PAR BSHAD PA, BCOM LDAN 'DAS KYIS THUGS SU CHUD PA LAS DE BZHIN GSHEGS PAR GYUR PA'I PHYIR SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN PAR BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA NI DE BZHIN GSHEGS PA LA 'JIG RTEN ZHI ZHES BYA BAR STON TE ZHES BYA BA NAS, RNAM PA THAMS CAD MKHYEN PA NYID KYI 'JIG RTEN ZHI ZHES BYA BAR STON TE ZHES BYA BA'I BAR DU NI, SHES RAB KYI PHA ROL TU PHYIN PA 'DI LAS DON DAM PAR CHOS THAMS CAD RANG BZHIN GYIS STONG STE, NYON MONGS PA DANG NYE BA'I NYON MONGS PA RNAMS ZHI ZHING GZUGS LA SOGS PA, RNAM PA THAMS CAD MKHYEN PA NYID LA THUG GI BAR GYI CHOS RNAMS LA MTSAN MAR 'DZIN CING RNAM PAR RTOG PA MED DE ZHI BAR GYUR PA BSTAN PA BCOM LDAN 'DAS KYIS THUGS SU CHUD PA LAS, DE BZHIN GSHEGS PAR GYUR PA'I PHYIR, SHES RAB KYI PHA ROL @113A *, ,TU PHYIN PA ZAB MO 'DI DE BZHIN GSHEGS PA SKYED CING 'JIG RTEN STON PA YIN PAR BSHAD PA'O, ,RAB 'BYOR GZHAN YANG SHES RAB KYI PHA ROL TU PHYIN PA 'DI DE BZHIN GSHEGS PA LA 'JIG RTEN STONG PA NYID CES BYA BAR STON TE ZHES BYA BA NAS, RNAM PA THAMS CAD MKHYEN PA NYID CES BYA BAR STON TO ZHES BYA BA'I BAR DU NI, SHES RAB KYI PHA ROL TU PHYIN PA 'DI LAS DON DAM PAR CHOS THAMS CAD STONG PA NYID KYI RANG BZHIN YIN PAR BSTAN PA, BCOM LDAN 'DAS KYIS THUGS SU CHUD PA LAS, DE BZHIN GSHEGS PAR GYUR PA'I PHYIR, SHES RAB KYI PHA ROL TU PHYIN PA 'DI DE BZHIN GSHEGS PA SKYED CING 'JIG RTEN STON PA YIN PAR BSHAD PA'O, ,RAB 'BYOR SHES RAB KYI PHA ROL TU PHYIN PA ZAB MO 'DI 'JIG RTEN JI LTAR STON CE NA, CI NAS KYANG 'JIG RTEN 'DI'I 'DU SHES SU YANG MI 'GYUR LA, 'JIG RTEN PHA ROL GYI 'DU SHES SU YANG MI 'GYUR BA LTAR STON TE ZHES BYA BA NI, GONG DU SHES RAB KYI PHA ROL TU PHYIN PA ZAB MO 'DI 'JIG RTEN STON PA'O ZHES BSHAD PA LA, KHA CIG 'JIG RTEN ZHES BYA BA DANG, DNGOS PO YOD PAR 'DZIN PA BSAL BA'I PHYIR, DON DAM PAR 'JIG RTEN 'DI DANG 'JIG RTEN PHA ROL GNYIS KA YANG DNGOS PO MED DE, DE LTA BU'I 'DU SHES KYANG MI 'BYUNG BAR 'CHAD PA NYID 'JIG RTEN GYI DON YANG DAG PA JI LTA BA BZHIN DU STON PA'I PHYIR 'JIG RTEN STON PA YIN NO ZHES BSHAD PA'O, ,DE CI'I PHYIR ZHE NA, DE NI 'DI LTAR GANG GIS 'JIG RTEN 'DI'I 'DU SHES SU 'GYUR BA'AM, 'JIG RTEN PHA ROL GYI 'DU SHES SU 'GYUR BA'I CHOS DE LTA BU MED DO ZHES BYA BA NI, 'JIG RTEN GYI DON YANG DAG PA JI LTA BA BZHIN DU STON PA'I GTAN TSIGS BSHAD PA STE, 'JIG RTEN 'DI ZHES BYA BA'AM, 'JIG RTEN PHA ROL ZHES BYA BA'I DNGOS PO 'GA' ZHIG YOD NA NI, DE'I 'DU SHES KYANG SKYE BAR 'GYUR NA, DE LTA BU'I DNGOS PO GANG YANG MED PAS, DE'I 'DU SHES SKYE BAR MI 'GYUR RO ZHES BYA BA'I DON TO, ,GSOL PA, BCOM LDAN 'DAS SHES RAB KYI PHA ROL TU PHYIN PA NI DON CHEN PO'I SLAD DU NYE BAR GNAS SO ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI DE BZHIN GSHEGS PA'I YON TAN THAMS CAD YONGS SU @113B RDZOGS PAR 'GYUR BA'I RGYU CHEN PO YIN TE, GZHAN GYI DON PHUN SUM TSOGS PA CHEN PO DANG LDAN PA BSTAN PA STE, DON CHEN PO'I SLAD DU NYE BAR GNAS SO ZHES BYA BA NI, BCOM LDAN 'DAS KYIS MNGON PAR RDZOGS PAR SANGS RGYAS NAS THUGS RJE CHEN POS SEMS CAN THAMS CAD BSKYAB PA DANG, BYAMS PA CHEN POS SEMS CAN THAMS CAD YONGS SU MI GTONG BA'I DON CHEN PO MDZAD PA YANG, SHES RAB KYI PHA ROL TU PHYIN PA 'DI LA SPYOD CING GOMS PAR GYUR PA'I MTHU YIN PA'I PHYIR, SHES RAB KYI PHA ROL TU PHYIN PA 'DI DON CHEN PO MDZAD PA YIN NO ZHES BSTAN PA'O; ,DON BSAM GYIS MI KHYAB PA'I SLAD DU NYE BAR GNAS SO ZHES BYA BA NI, SHES RAB KYI PHA ROL TU PHYIN PA 'DI LA BRTEN NAS, SANGS RGYAS ZHES BYA BA DANG, DE BZHIN GSHEGS PA ZHES BYA BA DANG, RANG BYUNG BA ZHES BYA BA DANG THAMS CAD MKHYEN PA ZHES BYA BAR GYUR TE, DE'I YON TAN BSAM GYIS MI KHYAB PA'I RGYU YIN PA'I PHYIR, DON BSAM GYIS MI KHYAB PA MDZAD PA YIN NO ZHES BYA BA'I DON TO, ,DON DPAG TU MA MCHIS PA'I SLAD DU NYE BAR GNAS SO ZHES BYA BA NI, SHES RAB KYI PHA ROL TU PHYIN PA 'DI LA BRTEN NAS, BCOM LDAN 'DAS KYIS MNGON PAR SANGS RGYAS PA DANG, DE BZHIN GSHEGS PA ZHES BYA BAR GYUR PA DANG, RANG BYUNG BA ZHES BYA BAR GYUR PA DANG, THAMS CAD MKHYEN PA NYID CES BYA BAR GYUR PA'I YON TAN DE DAG SEMS CAN GANG GIS KYANG TSAD BZUNG ZHING DPAG PAR MI NUS TE, DE LTA BU'I YON TAN DPAG TU MED PA'I RGYU YIN PA'I PHYIR RO, ,DON GZHAL DU MA MCHIS PA'I SLAD DU NYE BAR GNAS SO ZHES BYA BA NI, BCOM LDAN 'DAS KYIS SHES RAB KYI PHA ROL TU PHYIN PA 'DI LA BRTEN NAS, SANGS RGYAS ZHES BYA BAR GYUR PA DANG, DE BZHIN GSHEGS PA ZHES BYA BAR GYUR PA DANG, RANG BYUNG BA ZHES BYA BAR GYUR PA DANG, THAMS CAD MKHYEN PA ZHES BYA BAR GYUR PA'I YON TAN DE DAG GRANGS 'DI SNYED CIG GO ZHE'AM, TSAD 'DI TZAM MO ZHES SUS KYANG GZHAL ZHING BGRANG BAR MI NUS TE, YON TAN DE LTA BU'I RGYU YIN PA'I PHYIR RO, ,DON MI MNYAM PA DANG MNYAM PA'I SLAD DU @114A *, ,NYE BAR GNAS SO ZHES BYA BA NI, SHES RAB KYI PHA ROL TU PHYIN PA 'DI LA BRTEN NAS, BCOM LDAN 'DAS KYIS BLA NA MED PA'I BYANG CHUB BRNYES TE, DE DANG MNYAM PA YANG SU YANG MED NA DE LAS LHAG PA LTA SMOS KYANG CI DGOS PA DE LTA BU'I BLA NA MED PA'I BYANG CHUB DANG YANG MI MNYAM PA DE DANG MNYAM PAR BYED PA'I RGYU YIN PA'I PHYIR, SHES RAB KYI PHA ROL TU PHYIN PA 'DI DON MI MNYAM PA DANG MNYAM PA'I PHYIR NYE BAR GNAS PA ZHES BYA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE ZHES BYA BA NAS, RAB 'BYOR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA MNYAM PAS MNYAM PA SU YANG MED NA LHAG PA LTA CI SMOS TE, RAB 'BYOR RNAM GRANGS DES NA, SHES RAB KYI PHA ROL TU PHYIN PA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI DON MI MNYAM PA DANG MNYAM PA'I PHYIR NYE BAR GNAS SO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI DON CHEN PO DANG, DON BSAM GYIS MI KHYAB PA DANG, DON DPAG TU MED PA DANG, DON GZHAL DU MED PA DANG, DON MI MNYAM PA DANG MNYAM PA MDZAD PA YIN NO ZHES GONG DU MDOR SMOS PA'I DON DE NYID BCOM LDAN 'DAS NYID KYIS SO SOR PHYE STE ZHIB TU BSHAD PA STE, SO SO'I DON NI SNGAR BSHAD PAR ZAD DO, ,GSOL PA, BCOM LDAN 'DAS SANGS RGYAS NYID DANG, DE BZHIN GSHEGS PA NYID DANG, RANG BYUNG NYID DANG, RNAM PA THAMS CAD MKHYEN PA NYID KYANG BSAM GYIS MI KHYAB, DPAG TU MA MCHIS, GZHAL DU MA MCHIS SHING, MI MNYAM PA DANG MNYAM PA LAGS SAM ZHES BYA BA NI, CHOS THAMS CAD KYANG BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA YIN PAR ZHIB TU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE ZHES BYA BA NAS, RAB 'BYOR RNAM PA THAMS CAD MKHYEN PA NYID KYANG BSAM GYIS MI @114B KHYAB, DPAG TU MED PA DANG, GZHAL DU MED PA STE, MI MNYAM PA DANG MNYAM PA'O ZHES BYA BA'I BAR DU NI, SANGS RGYAS ZHES BYA BA DANG, DE BZHIN GSHEGS PA ZHES BYA BA DANG, RANG BYUNG BA ZHES BYA BA DANG, THAMS CAD MKHYEN PA ZHES BYA BA 'BA' ZHIG BSAM GYIS MI KHYAB DPAG TU MED; GZHAL DU MED, MI MNYAM PA DANG MNYAM PAR MA ZAD KYI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DON DAM PAR DNGOS PO MED PAS BSAM PA DANG, DPAG PA DANG, GZHAL BA DANG, MNYAM PA'I SPYOD YUL MA YIN NO ZHES BSTAN PA'O, ,RAB 'BYOR CHOS THAMS CAD KYANG BSAM GYIS MI KHYAB, DPAG TU MED PA STE, MI MNYAM PA DANG MNYAM PA'O ZHES BYA BA NI GONG DU BSHAD PA'I DON MDOR BSDUS TE BSTAN PA STE, MDOR NA 'JIG RTEN DANG, 'JIG RTEN LAS 'DAS PA DANG, 'DUS BYAS DANG, 'DUS MA BYAS DANG, ZAG PA DANG BCAS PA DANG, ZAG PA MED PA'I CHOS THAMS CAD KYANG DON DAM PAR DNGOS PO MED PAS, BSAM PA DANG, DPAG PA DANG, MNYAM DU MED DO ZHES BSTAN PA'O, ,RAB 'BYOR CHOS THAMS CAD KYI CHOS NYID GANG YIN PA DE LA NI SEMS MI DMIGS SO; ,SEMS LAS BYUNG BA'I CHOS RNAMS KYANG MI DMIGS SO ZHES BYA BA NI, DE LTAR GONG DU BSHAD PA'I TSUL DU GZUGS LA SOGS PA'I CHOS THAMS CAD DNGOS PO MED DE, BSAM PA DANG DPAG PA LA SOGS PA'I SEMS KYI SPYOD YUL DU MI 'GYUR NA, CHOS DE DAG THAMS CAD KYI CHOS NYID STONG PA NYID GANG YIN PA DE BSAM ZHING DPAG PA'I SPYOD YUL DU 'GYUR TE, SEMS DANG SEMS LAS BYUNG BAS DMIGS SU RUNG BA ZHIG YIN SNYAM DU KHA CIG RNAM PAR RTOG PA 'BYUNG YANG SRID DE, DE LTA BU'I RNAM PAR RTOG PA BSAL BA'I PHYIR CHOS THAMS CAD KYI CHOS NYID CES BYA BA YANG KUN RDZOB TU TSIG TZAM DU BRJOD DU ZAD KYI, DON DAM PAR SEMS DANG SEMS LAS BYUNG BAS DMIGS PA'I YUL MA YIN NO ZHES BSTAN PA'O, ,RAB 'BYOR GZUGS BSAM GYIS MI KHYAB, DPAG TU MED, GZHAL DU MED PA STE, MI MNYAM PA DANG MNYAM PA @115A *, ,YANG MI DMIGS SO ZHES BYA BA NAS, RAB 'BYOR RNAM PA THAMS CAD MKHYEN PA NYID BSAM GYIS MI KHYAB, DPAG TU MED, GZHAL DU MED PA STE, MI MNYAM PA DANG MNYAM PA YANG MI DMIGS SO ZHES BYA BA'I BAR GYIS NI, GZUGS LA SOGS PA'I CHOS THAMS CAD BSAM PA DANG DPAG PA DANG GZHAL DU MED PA DE, MI MNYAM PA DANG MNYAM PA'O ZHES BSHAD PA LA MI MNYAM PA DANG MNYAM PA ZHES BYA BA'I DNGOS PO 'GA' ZHIG YOD SNYAM DU RNAM PAR RTOG PA 'BYUNG YANG SRID DE, DE LTA BU'I RNAM PAR RTOG PA BSAL BA'I PHYIR MI MNYAM PA DANG MNYAM PA ZHES BYA BA YANG KUN RDZOB TU BSTAN PA TZAM DU ZAD KYI DON DAM PAR NI DE YANG MI DMIGS SO ZHES BSTAN PA'O, ,GSOL PA, BCOM LDAN 'DAS CI'I SLAD DU GZUGS BSAM GYIS MI KHYAB DPAG TU MA MCHIS GZHAL DU MA MCHIS SHING, MI MNYAM PA DANG MNYAM PA MI DMIGS PA LAGS ZHES BYA BA NAS, DE CI'I SLAD DU RNAM PA THAMS CAD MKHYEN PA NYID BSAM GYIS MI KHYAB DPAG TU MA MCHIS GZHAL DU MA MCHIS SHING MI MNYAM PA DANG MNYAM PA MI DMIGS PA LAGS ZHES BYA BA'I BAR GYIS NI, GZUGS LA SOGS PA'I CHOS THAMS CAD BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA MI DMIGS PA'I DON DE NYID ZHIB TU BSHAD CING 'KHOR RNAMS KYIS BRTAN PAR RTOGS PAR BYA BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS LA YANG BSAM PA DANG, DPAG PA DANG, TSAD DANG, MNYAM PA DANG, MI MNYAM PA MI DMIGS SO ZHES BYA BA NAS, RAB 'BYOR RNAM PA THAMS CAD MKHYEN PA NYID LA YANG BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS SO ZHES BYA BA'I BAR GYIS NI, GZUGS LA SOGS PA'I CHOS THAMS CAD LA DNGOS PO ZHIG YOD NA NI, SEMS KYIS BSAM ZHING DPAG PA'AM, TSAD KYIS BTZAL ZHING MNYAM DU YANG RUNG NA DON DAM PAR DNGOS PO MED PAS DE LTA BU MI DMIGS SO ZHES BSTAN PA'O, ,GSOL PA, BCOM LDAN 'DAS CI'I SLAD DU @115B GZUGS LA BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS PA LAGS ZHES BYA BA NAS, CI'I SLAD DU RNAM PA THAMS CAD MKHYEN PA NYID LA BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS PA LAGS ZHES BYA BA'I BAR GYIS NI, GZUGS LA SOGS PA'I CHOS THAMS CAD LA BSAM PA DANG DPAG PA DANG TSAD DANG MNYAM PA DANG MI MNYAM PA'I DON DON DE NYID ZHIB TU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS KYI NGO BO NYID BSAM GYIS MI KHYAB DPAG TU MED, GZHAL DU MED LA, MI MNYAM PA STE, DE'I PHYIR GZUGS LA BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS SO ZHES BYA BA NAS, DE'I PHYIR RNAM PA THAMS CAD MKHYEN PA NYID LA BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS SO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR RANG BZHIN GYIS STONG STE, DNGOS PO MED PAS BSAM PA DANG DPAG PA DANG GZHAL DU MI RUNG STE, DE'I PHYIR BSAM PA DANG DPAG PA DANG TSAD DANG MNYAM PA DANG MI MNYAM PA MI DMIGS SO ZHES BSTAN PA'O, ,RAB 'BYOR DE JI SNYAM DU SEMS, GZUGS GANG BSAM GYIS MI KHYAB DPAG TU MED GZHAL DU MED PA STE, MI MNYAM PA DANG MNYAM PA DE LA GZUGS DMIGS SU YOD DAM ZHES BYA BA NAS, RNAM PA THAMS CAD MKHYEN PA NYID GANG BSAM GYIS , MI KHYAB DPAG TU MED GZHAL TU MED PA STE, MI MNYAM PA DANG MNYAM PA DE LA RNAM PA THAMS CAD MKHYEN PA NYID DMIGS SU YOD DAM ZHES BYA BA'I BAR GYIS NI, GONG DU CHOS THAMS CAD BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA BSHAD PA'I DON DE NYID GSAL BAR BSTAN PA'I PHYIR, BCOM LDAN 'DAS KYIS RAB 'BYOR LA SMRAS PA STE, 'KHOR GYI NANG NA KHA CIG DE LTAR CHOS THAMS CAD BSAM GYIS MI KHYAB, DPAG TU MED, GZHAL DU MED, MI MNYAM PA DANG MNYAM PA ZHES BYA BA DE LA DNGOS PO 'GA' @116A *, ,ZHIG YOD DAM SNYAM DU SEMS DPA'I RNAM PAR RTOG PA BSAL BA'I PHYIR, GZUGS BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA ZHES BYA BA GANG YIN PA DE LA GZUGS KYI DNGOS PO DMIGS SU YOD DAM ZHES SMRAS PA STE, BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA ZHES BYA BA DE NYID DNGOS PO MED PA'I RNAM GRANGS YIN PAS, DE LA GZUGS KYI DNGOS PO DMIGS SU MED DO ZHES BYA BA'I DON TO, ,TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU YANG DE BZHIN DU SBYAR BAR BYA'O, ,GSOL PA, BCOM LDAN 'DAS DE NI MA MCHIS SO ZHES BYA BA NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA GANG YIN PA DE LA GZUGS LA SOGS PA'I DNGOS PO GANG YANG DMIGS SU MED DO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE BAS NA RNAM GRANGS 'DIS CHOS THAMS CAD BSAM GYIS MI KHYAB, DPAG TU MED, GZHAL DU MED PA STE, MI MNYAM PA DANG MNYAM PA'O ZHES BYA BA NI, GONG DU GZUGS LA SOGS PA'I CHOS THAMS CAD RE RE NAS SO SOR PHYE STE, BSAM GYIS MI KHYAB PA LA SOGS PA'I DON BSHAD PA DE NYID MDOR BSDUS TE BSTAN PA'O, ,RAB 'BYOR DE BZHIN GSHEGS PA'I DE BZHIN GSHEGS PA'I CHOS 'DI DAG NI BSAM PA DANG BRAL BA'I PHYIR BSAM GYIS MI KHYAB PA'O ZHES BYA BA LA SOGS PA NI, BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA'I DON GONG DU BSHAD PA ZHIB TU 'GREL PA STE, DE BZHIN GSHEGS PA'I DE BZHIN GSHEGS PA'I CHOS DAG NI ZHES BYA BA, DE BZHIN GSHEGS PA'I ZHES BYA BA'I TSIG LAN GNYIS SMOS PA GONG MA NI DE BZHIN GSHEGS PAS THUGS SU CHUD CING BSHAD PA'I CHOS RNAMS LA BYA'O, ,DE BZHIN GSHEGS @116B PA'I CHOS 'DI DAG NI ZHES BYA BA'I TSIG 'OG MA NI DE BZHIN GSHEGS PA NYID KYIS YON TAN BRNYES PA'I CHOS SANGS RGYAS NYID DANG, DE BZHIN GSHEGS PA NYID DANG, RANG BYUNG NYID DANG, THAMS CAD MKHYEN PA NYID CES BYA BA, GONG DU SMOS PA RNAMS LA BYA STE, DE BZHIN GSHEGS PA'I CHOS DE DAG BSAM PA DANG BRAL BA'I PHYIR BSAM GYIS MI KHYAB PA'O ZHES BYA BA NI, SANGS RGYAS KYI CHOS DE DAG LA SEMS PA'I BSAM PA NYID KYANG DNGOS PO MED DE, DE LTAR BSAM PA DANG BRAL BA'I PHYIR BSAM GYIS MI KHYAB BO ZHES BSTAN PA'O, ,DPAG PA DANG BRAL BA'I PHYIR DPAG TU MED PA'O, ZHES BYA BA NI CHOS DE DAG LA DPOG PA'I RNAM PAR RTOG PA NYID KYANG DNGOS PO MED PA'I PHYIR DPAG TU MED DO ZHES BYA BA'I DON TO, ,TSAD DANG BRAL BA'I PHYIR GZHAL DU MED PA'O ZHES BYA BA NI MNGON SUM DANG, RJES SU DPAG PA LA SOGS PA'I TSAD MAS 'JAL ZHING GTAN LA 'BEBS PA NYID KYANG DNGOS PO MED PA'I PHYIR GZHAL DU MED DO ZHES BSTAN PA'O, ,MNYAM PA DANG MI MNYAM PA DANG BRAL BA'I PHYIR MI MNYAM PA DANG MNYAM PA STE ZHES BYA BA NI, DON DAM PAR CHOS THAMS CAD DNGOS PO MED PAS, MNYAM PA DANG MI MNYAM PA ZHES BYA BA'I THA SNYAD LAS 'DAS PA'I PHYIR, MI MNYAM PA DANG MNYAM PA ZHES BYA STE, SKABS 'DIR YANG MI MNYAM PA DANG MNYAM PA ZHES BYA BA NI DE BZHIN GSHEGS PA NYID STONG PA NYID KYI RANG BZHIN LA BYA STE, DE DANG MNYAM PA NI STONG PA NYID KYI RANG BZHIN DU 'GYUR ZHES BYA BA'I DON TO, ,RAB 'BYOR RNAM GRANGS DES NA, CHOS THAMS CAD BSAM GYIS MI KHYAB, DPAG TU MED, GZHAL DU MED PA STE, MI MNYAM PA DANG MNYAM PA'O ZHES BYA BA NI, DE LTAR SANGS RGYAS NYID DANG, DE BZHIN GSHEGS PA NYID DANG, RANG BYUNG NYID DANG, THAMS CAD MKHYEN PA NYID CES BYA BA, DE BZHIN GSHEGS PA'I CHOS DE DAG NI BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA DE BZHIN DU GZUGS LA SOGS PA'I CHOS THAMS CAD KYANG BSAM GYIS MI KHYAB, DPAG TU MED, GZHAL DU MED, MI MNYAM PA DANG MNYAM PA'O ZHES BSTAN PA'O, ,RAB 'BYOR @117A *, ,DE BZHIN GSHEGS PA'I DE BZHIN GSHEGS PA'I CHOS 'DI DAG NI, BSAM PA LAS YONGS SU 'DAS PAS NA, BSAM GYIS MI KHYAB PA'O ZHES BYA BA NAS, MNYAM PA DANG MI MNYAM PA LAS YONGS SU 'DAS PAS NA, MI MNYAM PA DANG MNYAM PA'O ZHES BYA BA'I BAR GYIS NI BSAM GYIS MI KHYAB PA LA SOGS PA'I DON GONG DU BSHAD PA DE NYID TSIG GI RNAM GRANGS GZHAN GYIS BSHAD PA STE, BSAM PA DANG BRAL BA'I PHYIR BSAM GYIS MI KHYAB PA'O ZHES BYA BA'I TSIG DANG DON DE NYID BSAM PA LAS YONGS SU 'DAS PAS NA BSAM GYIS MI KHYAB PA'O ZHES BYA BA'I TSIG GIS BSTAN NA, CHOS NYAN PA'I 'KHOR KHA CIG LA GO BAR SLA BA'I PHYIR DE SKAD BSTAN TE, SEMS PA DANG, BSAM PAR BYA BA GNYIS KA YANG DON DAM PAR DNGOS PO MED PAS BSAM GYIS MI KHYAB PA ZHES BYA BA STE, DE BZHIN DU DPAG TU MED PA DANG, GZHAL DU MED PA DANG, MI MNYAM PA DANG MNYAM PA LA YANG SBYAR BAR BYA'O, ,RAB 'BYOR BSAM GYIS MI KHYAB CES BYA BA 'DI NI BSAM DU MED PA'I TSIG BLA DGAS SO ZHES BYA BA NAS, MI MNYAM PA DANG MNYAM PAS MNYAM PA MED PA'I TSIG BLA DGAS TE ZHES BYA BA'I BAR DU NI, DE LTAR CHOS THAMS CAD BSAM PA LA SOGS PA LAS YONGS SU 'DAS NAS, BSAM GYIS MI KHYAB PA LA SOGS PA'I TSIG TU BRJOD DU YANG CI YOD SNYAM DU 'KHOR GYI NANG NA KHA CIG SEMS DPA'I THE TSOM BSAL BA'I PHYIR, BSAM GYIS MI KHYAB CES BYA BA LA SOGS PA BRJOD PA YANG KUN RDZOB TU 'JIG RTEN GYI THA SNYAD TZAM DU TSIG BLA DGAS SU BTAGS PAR ZAD KYI DON DAM PAR NI MA YIN NO ZHES BSTAN PA'O, ,RAB 'BYOR BSAM GYIS MI KHYAB CES BYA BA NI NAM MKHA' BSAM GYIS MI KHYAB PA'I PHYIR RO ZHES BYA BA NAS, NAM MKHA' MI MNYAM PA DANG MNYAM PA MED PA'I PHYIR TE ZHES BYA BA'I BAR DU NI, DNGOS PO MED PA LAS TSIG BLA DGAS SU BTAGS PA'I DPE BSTAN PA STE, DPER NA NAM MKHA' LA BSAM GYIS MI KHYAB PA ZHES BYA BA LA SOGS PA'I DNGOS PO MED PA BSAM GYIS MI KHYAB PA LA SOGS PA'I TSIG TU BRJOD PA YIN NO ZHES BSTAN PA'O, ,RAB 'BYOR DE BZHIN GSHEGS PA'I DE @117B BZHIN GSHEGS PA'I CHOS DE DAG NI BSAM GYIS MI KHYAB PA, DPAG TU MED PA, GZHAL DU MED PA, MI MNYAM PA DANG MNYAM PA STE, DE DAG NI LHA DANG MI DANG LHA MA YIN DU BCAS PA'I 'JIG RTEN GYIS BSAM PA'AM DPAG PAR MI NUS TE, DE LTAR NA SANGS RGYAS RNAMS NI GZHAL DU MED DO, ,SANGS RGYAS KYI CHOS RNAMS NI GZHAL DU MED DO ZHES BYA BA NI, CHOS THAMS CAD BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA GONG DU BSHAD PA'I DON MJUG BSDUS TE BSTAN PA STE, DON DAM PAR CHOS THAMS CAD RANG BZHIN GYIS STONG PAS BSAM ZHING DPAG PAR BYA BA'I DNGOS PO YANG MED, SEMS SHING DPOG PAR BYED PA'I SEMS DANG SEMS LAS BYUNG BA YANG MED PA'I PHYIR, SUS KYANG BSAM ZHING DPAG TU MI RUNG NGO ZHES BSTAN PA'O, ,DE LTAR NA SANGS RGYAS RNAMS NI GZHAL DU MED DO ZHES BYA BA NI DE LTAR GONG DU BSHAD PA'I TSUL GYIS NI, SANGS RGYAS NYID DANG, DE BZHIN GSHEGS PA NYID DANG, RANG BYUNG NYID DANG, DE BZHIN GSHEGS PA NYID CES BYA BA, DE BZHIN GSHEGS PA'I YON TAN GYI CHOS RNAMS BSAM GYIS MI KHYAB, DPAG TU MED, GZHAL DU MED DO ZHES BSTAN PA'O, , SANGS RGYAS KYI CHOS RNAMS NI GZHAL DU MED DO ZHES BYA BA NI DE BZHIN GSHEGS PAS THUGS SU CHUD CING BSHAD PA'I CHOS RNAMS BSAM GYIS MI KHYAB, DPAG TU MED, GZHAL DU MED DO ZHES BSTAN PA'O, ,DE LTAR BCOM LDAN 'DAS KYIS DE BZHIN GSHEGS PA BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA'I LE'U 'DI BSTAN PA'I TSE ZHES BYA BA LA SOGS PAS NI, BSAM GYIS MI KHYAB PA'I CHOS ZAB MO BSHAD PA'I DON YOD PA BSTAN PA STE, DGE SLONG LNGA BRGYA NYE BAR LEN PA MED PAR ZAG PA RNAMS LAS SEMS RNAM PAR GROL LO, ,DGE SLONG BRGYA PHRAG NYI SHUS NYE BAR LEN PA MED PAR ZAG PA RNAMS LAS SEMS RNAM PAR GROL LO ZHES BYA BA NI, DGE SLONG DANG DGE SLONG MA DE SNYED CIG GIS PHUNG PO PHYI MA LEN PA MED PAR NYON MONGS PA RNAMS LAS SEMS RNAM PAR GROL TE, PHYIR @118A *, ,MI 'ONG BA DANG, DGRA BCOM PA'I 'BRAS BU THOB PAR GYUR TO ZHES BYA BA'I DON TO, ,DGE BSNYEN PHA STONG PHRAG DRUG CU DANG, DGE BSNYEN MA STONG PHRAG SUM CU NI, CHOS RNAMS LA RDUL DANG BRAL ZHING DRI MA DANG BRAL BA'I CHOS KYI MIG RNAM PAR DAG GO ZHES BYA BA NI, DGE BSNYEN DANG DGE BSNYEN MA LA RNAM PA GSUM STE, KHRIMS BRGYAD PA DANG, KHRIMS LNGA PA DANG, BYANG CHUB TU SEMS BSKYED NAS DKON MCHOG GSUM LA SKYABS SU SONG BA STE, DE DAG GIS 'JIG TSOGS LA LTA BA LA SOGS PA LTA BA NGAN PA'I RDUL DANG BRAL ZHING 'DOD PA'I 'DOD CHAGS DANG, KHONG KHRO BA LA SOGS PA'I DRI MA DANG BRAL TE, 'PHAGS PA'I BDEN PA BZHI LA SOGS PA DAM PA'I CHOS LA LTA BA YONGS SU DAG PAR GYUR TO ZHES BYA BA'I DON TO, ,BYANG CHUB SEMS DPA' STONG PHRAG NYI SHUS NI MI SKYE BA'I CHOS LA BZOD PA THOB STE ZHES BYA BA NI, BYANG CHUB SEMS DPA' MOS PAS SPYOD PA'I SA LA GNAS PA LA SOGS PA DE SNYED CIG GIS MI SKYE BA'I CHOS LA BZOD PA THOB STE, BYANG CHUB SEMS DPA'I SA BRGYAD PA LA GNAS PAR GYUR TO ZHES BSTAN PA'O, ,DE DAG BCOM LDAN 'DAS KYIS BSKAL PA BZANG PO 'DI NYID LA SANGS RGYAS SU 'GYUR RO ZHES LUNG BSTAN TO ZHES BYA BA NI, MI SKYE BA'I CHOS LA BZOD PA THOB CING SA BRGYAD PA LA GNAS PAR GYUR PA'I BYANG CHUB SEMS DPA' DE DAG DA LTA'I BSKAL PA BZANG PO 'DI NYID LA SANGS RGYAS SU 'GYUR BAR LUNG BSTAN TO ZHES BYA BA'I DON TO, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU BZHI PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA 'DI NI ZAB PA STE, BCOM LDAN 'DAS SHES RAB KYI PHA ROL TU PHYIN PA 'DI NI DON CHEN PO'I SLAD DU NYE BAR GNAS PA'O ZHES BYA BA LA SOGS PA NI, SHES RAB KYI PHA ROL TU PHYIN PA ZAB MO 'DI GONG DU BSHAD PA'I RIM PA LTAR DON CHEN PO BYED CING BSAM GYIS MI KHYAB PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA'I DON DANG LDAN PA NYID YANG @118B BZLAS TE BRJOD NAS, SHES RAB KYI PHA ROL TU PHYIN PA ZAB MO 'DI'I NANG DU, PHA ROL TU PHYIN PA LNGA LA SOGS PA RNAM PAR BYANG BA'I CHOS THAMS CAD 'DUS PA DANG, RGYAL PO CHEN PO'I DGONGS PA THAMS CAD BLON POS BYED PA'I DPES, SANGS RGYAS KYI CHOS THAMS CAD KYI DGOS PA THAMS CAD SHES RAB KYI PHA ROL TU PHYIN PA ZAB MO 'DI 'BA' ZHIG BYED PA BSTAN PA'I SGO NAS DON CHEN PO BYED PAR BSTAN PA STE, DE LA BCOM LDAN 'DAS SHES RAB KYI PHA ROL TU PHYIN PA 'DI NI ZAB PA STE, BCOM LDAN 'DAS SHES RAB KYI PHA ROL TU PHYIN PA 'DI NI DON CHEN PO'I SLAD DU NYE BAR GNAS PA'O ZHES BYA BA NAS, SHES RAB KYI PHA ROL TU PHYIN PA 'DI NI DON MI MNYAM PA DANG MNYAM PA'I PHYIR NYE BAR GNAS PA'O ZHES BYA BA'I BAR GYIS NI, SHES RAB KYI PHA ROL TU PHYIN PA 'DIS DON CHEN PO MDZAD PA RAB 'BYOR GYIS GSOL PA, BCOM LDAN 'DAS KYIS DE BDEN NO ZHES BKA' STZAL PA STE, DON CHEN PO DANG DON BSAM GYIS MI KHYAB PA LA SOGS PA'I DON NI SNGAR BSHAD PA YIN NO, ,DE CI'I PHYIR ZHE NA, RAB 'BYOR SHES RAB KYI PHA ROL TU PHYIN PA ZAB MO 'DIR NI PHA ROL TU PHYIN PA LNGA PO 'DUS SO ZHES BYA BA NAS, RNAM PA THAMS CAD MKHYEN PA NYID 'DUS SO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI DON CHEN PO MDZAD PA'I GTAN TSIGS BSTAN PA STE, PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD KYI DGOS PA, SHES RAB KYI PHA ROL TU PHYIN PA 'DI 'BA' ZHIG BYED PA'I PHYIR, SHES RAB KYI PHA ROL TU PHYIN PA ZAB MO 'DI DON CHEN PO BYED PA YIN NO ZHES BSTAN PA'O, ,RAB 'BYOR 'DI LTA STE DPER NA ZHES BYA BA NAS, SHES RAB KYI PHA ROL TU PHYIN PA 'DI NI BYA BA MI MNYAM PA DANG MNYAM PA'I PHYIR NYE BAR GNAS PA'O ZHES BYA BA'I BAR GYIS NI, SHES RAB KYI PHA ROL TU PHYIN PA 'DI DON CHEN PO BYED PA'I DPE BSTAN PA STE, DPER NA RGYAL PO CHEN PO'I DON THAMS CAD BLON POS BYED PA DE BZHIN DU SANGS RGYAS KYI BYA BA THEG PA CHE CHUNG GSUM CHAR GYI DGOS PA THAMS CAD KYANG SHES RAB KYI PHA ROL TU PHYIN PA 'DIS BYED PA'I PHYIR DON CHEN PO BYED PA YIN @119A *, ,NO ZHES BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR SHES RAB KYI PHA ROL TU PHYIN PA ZAB MO 'DIS GZUGS YONGS SU 'DZIN PA MED PA DANG, MNGON PAR CHAGS PA MED PA NYE BAR GNAS SO ZHES BYA BA LA SOGS PAS KYANG SHES RAB KYI PHA ROL TU PHYIN PA ZAB MO 'DI DON CHEN PO BYED PA'I GTAN TSIGS BSTAN PA STE, SHES RAB KYI PHA ROL TU PHYIN PA ZAB MO 'DI MNYAN PA DANG SEMS PA DANG BSGOM PA'I SGO NAS DON DAM PAR CHOS THAMS CAD STONG PAR RTOGS NA, GZUGS LA SOGS PA'I CHOS RNAMS LA SRED PA'I DBANG GIS YONGS SU 'DZIN PAR YANG MI 'GYUR LA, LTA BA LOG PA'I PHYOGS LA MNGON PAR CHAGS PAR YANG MI 'GYUR TE, DE'I PHYIR SHES RAB KYI PHA ROL TU PHYIN PA ZAB MO 'DI DON CHEN PO BYED PA YIN NO ZHES BSTAN PA STE, GZUGS LA JI LTAR BSHAD PA DE BZHIN DU LAM GYI RNAM PA SHES PA NYID DANG BLA NA MED PA YANG DAG PAR RDZOGS PA'I BYANG CHUB LA THUG GI BAR DU YANG SBYAR BAR BYA'O, ,GSOL PA, BCOM LDAN 'DAS JI LTAR NA SHES RAB KYI PHA ROL TU PHYIN PA 'DI GZUGS YONGS SU 'DZIN PA MA MCHIS PA DANG MNGON PAR CHAGS PA MA MCHIS PA NYE BAR GNAS PA LAGS ZHES BYA BA NAS, JI LTAR NA BLA NA MED PA YANG DAG PAR RDZOGS PA'I BYANG CHUB LA YONGS SU 'DZIN PA MA MCHIS PA DANG, MNGON PAR CHAGS PA MA MCHIS PAS NYE BAR GNAS PA LAGS ZHES BYA BA'I BAR GYIS NI, YONGS SU GZUNG BAR BYA BA DANG, MNGON PAR CHAGS PAR BYA BA'I DNGOS PO DANG, YONGS SU 'DZIN PAR BYED PA DANG, MNGON PAR CHAGS PAR BYED PA'I BYED PA PO DANG, GANG GIS YONGS SU GZUNG BAR BYA BA DANG, MNGON PAR CHAGS PAR BYA BA'I SEMS KYANG DNGOS PO MED PAR BSTAN PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, KHYOD KYI GZUGS GANG YONGS SU GZUNG BAR BYA BA'AM, MNGON PAR CHAGS PAR BYA BA DE LTA BU MTHONG NGAM ZHES BYA BA LA SOGS PAS NI, JI LTAR NA YONGS SU BZUNG BA MA MCHIS PA DANG, MNGON PAR CHAGS PA MA @119B MCHIS PA LAGS ZHES RAB 'BYOR GYIS ZHUS PA'I DON ZHIB TU BSHAD PA STE, DON DAM PAR CHOS THAMS CAD RANG BZHIN GYIS STONG PA LA GANG YONGS SU BZUNG BAR BYA BA'I DNGOS PO DANG, 'DZIN PAR BYED PA'I BYED PA PO DANG, 'DZIN PA'I SEMS DE LTA BU'I DNGOS PO YOD DAM ZHES RAB 'BYOR LA SLAR DRIS PA STE, DE LTA BU'I DNGOS PO GANG YANG MED DO ZHES BYA BA'I DON TO, ,DE LA GZUGS GANG YONGS SU GZUNG BAR BYA BA 'AM, MNGON PAR CHAGS PAR BYA BA DE LTA BU MTHONG NGAM ZHES BYA BAS NI GZUNG BA'I DNGOS PO MED PA BSTAN PA'O, ,CHOS GANG YANG YONGS SU 'DZIN PAR BYED PA DANG, MNGON PAR CHAGS PAR BYED PA'AM ZHES BYA BAS NI 'DZIN PAR BYED PA'I BYED PA PO MED PAR BSTAN PA'O, ,YONGS SU GZUNG BAR BYA BA'AM, MNGON PAR CHAGS PAR BYA BA DE LTA BU YANG MTHONG NGAM ZHES BYA BAS NI 'DZIN PA MED PAR BSTAN PA'O, ,GZUGS LA JI LTAR BSHAD PA DE BZHIN DU LAM GYI RNAM PA SHES PA NYID DANG, BLA NA MED PA YANG DAG PAR RDZOGS PA'I BYANG CHUB LA THUG GI BAR DU YANG SBYAR BAR BYA'O, ,BCOM LDAN 'DAS KYIS BKA' STZAL PA, RAB 'BYOR LEGS SO LEGS SO, ,RAB 'BYOR NGAS KYANG GZUGS YANG DAG PAR RJES SU MA MTHONG STE, YANG DAG PAR RJES SU MA MTHONG BAS YONGS SU MI 'DZIN, YONGS SU MI 'DZIN PAS NYE BAR MI LEN TO ZHES BYA BA LA SOGS PAS NI YONGS SU GZUNG BAR BYA BA DANG, MNGON PAR CHAGS PAR BYA BA MED PA'I DON DE NYID GSAL BAR BSTAN PA'I PHYIR; BCOM LDAN 'DAS KYIS BKA' STZAL PA STE, GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS BCOM LDAN 'DAS NYID KYIS KYANG YANG DAG PAR MI GZIGS TE, DE LTAR YANG DAG PAR MI GZIGS PAS, SRED PA'I DBANG GIS YONGS SU 'DZIN PAR MI 'GYUR, DE LTAR YONGS SU MI 'DZIN PA DANG, LTA BA'I DBANG GIS NYE BAR LEN PAR YANG MI 'GYUR TE, MNGON PAR CHAGS PAR MI 'GYUR RO ZHES BYA BA'I DON TO, ,GZUGS LA JI LTAR BSHAD PA DE BZHIN DU RNAM PA THAMS CAD MKHYEN PA NYID DANG, DE @120A *, ,BZHIN GSHEGS PA NYID LA THUG GI BAR DU YANG SBYAR BAR BYA'O, ,RAB 'BYOR DE LTA BAS NA, BYANG CHUB SEMS DPA' SEMS DPA' CHEN POS GZUGS LA MNGON PAR CHAGS PAR MI BYA'O, ,YONGS SU GZUNG BAR MI BYA'O ZHES BYA BA NAS, DE BZHIN GSHEGS PA NYID LA MNGON PAR CHAGS PAR MI BYA'O, ,YONGS SU GZUNG BAR MI BYA'O ZHES BYA BA'I BAR GYIS NI DE LTAR CHOS THAMS CAD RANG BZHIN GYIS STONG PA STE, DE BZHIN GSHEGS PAS KYANG MA GZIGS SHING YONGS SU MI 'DZIN, NYE BAR BLANG DU MED PAS RAB 'BYOR KHYOD KYIS KYANG CHOS THAMS CAD LA MNGON PAR CHAGS PA DANG, YONGS SU GZUNG BAR MI BYA'O ZHES RJES SU GDAMS TE BSTAN PA'O, ,DE NAS 'DOD PA NA SPYOD PA DANG, GZUGS YOD PA NA SPYOD PA'I LHA'I BU DAG GIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI MNGON PAR CHAGS PA DANG, YONGS SU 'DZIN PA MED PA'I DON ZAB MO LHA'I BU DAG GIS THOS NAS SHES RAB KYI PHA ROL TU PHYIN PA 'DI ZAB CING BLTA DKA' BA LA SOGS PA'I SGO NAS BSTOD PA STE, DE LA ZAB PA NI MU STEGS CAN DANG, NYAN THOS DANG RANG SANGS RGYAS LA SOGS PA'I BLOS MA RTOGS PA'I PHYIR RO, ,DE LTAR ZAB PA'I PHYIR BLTA DKA' BA'O, ,BLTA DKA' BA'I PHYIR RTOGS PAR DKA' BA'O, ,RTOGS PAR DKA' BA'I PHYIR MI BRTAG PA'O, ,MI BRTAG PA'I PHYIR BRTAG PA'I SPYOD YUL MA YIN PA'O ZHES TSIG SNGA MAS PHYI MA BSHAD PAR BYA'O, ,ZHI ZHING PHRA BA ZHES BYA BA NI DE LTAR NYAN THOS DANG RANG SANGS RGYAS LA SOGS PAS BRTAG PA'I SPYOD YUL MA YIN TE, RNAM PAR RTOG PA'I SPROS PA THAMS CAD ZHI ZHING GZUNG BA DANG 'DZIN PA'I CHA DANG BRAL BA'I PHYIR PHRA BA'O, ,MKHAS PA DANG BZANG BA DANG YID GSAL BAS 'TSAL BAR BGYI'O ZHES BYA BAS NI DE LTAR NYAN THOS DANG RANG SANGS RGYAS LA SOGS PAS SHES PAR MI NUS PA STE, BYANG CHUB SEMS DPA' THABS DANG SHES RAB ZUNG DU 'BREL BA MKHAS PA DAG GIS SHES PAR NUS KYI GZHAN GYIS SHES PAR MI NUS SO ZHES BSTAN PA'O, ,BCOM LDAN 'DAS SEMS CAN GANG @120B SHES RAB KYI PHA ROL TU PHYIN PA ZAB MO 'DI LA MOS PA DE DAG NI SNGON GYI RGYAL BA LA BGYI BA BGYIS PA'O ZHES BYA BAS NI, SHES RAB KYI PHA ROL TU PHYIN PA ZAB MO 'DI LA DAD CING SPYOD PA'I SEMS CAN DKON PA BSTAN PA STE, SNGON GYI DE BZHIN GSHEGS PA LA BSNYEN BKUR BYED BYED PA RNAMS SHES RAB KYI PHA ROL TU PHYIN PA ZAB MO 'DI LA DAD CING SPYOD PAR 'GYUR GYI, GZHAN RNAMS DE LTAR DAD CING SPYOD PAR MI 'GYUR RO ZHES BSTAN PA'O, ,BCOM LDAN 'DAS SEMS CAN GANG SHES RAB KYI PHA ROL TU PHYIN PA ZAB MO 'DI LA MOS PA DE DAG NI DGE BA'I BSHES GNYEN GYIS YONGS SU BZUNG BA DGE BA'I RTZA BA BSKYED PA'O ZHES BYA BAS KYANG SHES RAB KYI PHA ROL TU PHYIN PA ZAB MO 'DI LA DAD CING SPYOD PA'I SEMS CAN DKON PA BSTAN PA STE, TSE 'DI DANG TSE SNGA MA GNYIS KA LA DGE BA'I BSHES GNYEN LA BRTEN BRTEN PA DANG, BSOD NAMS KYI TSOGS BSAGS PA DAG SHES RAB KYI PHA ROL TU PHYIN PA ZAB MO 'DI LA DAD CING SPYOD PAR 'GYUR GYIS, DE LTA MA YIN PA GZHAN DAG NI DAD CING SPYOD PAR MI 'GYUR RO ZHES BSTAN PA'O, ,BCOM LDAN 'DAS GAL TE STONG GSUM GYI STONG CHEN PO'I 'JIG RTEN GYI KHAMS KYI SEMS CAN GANG JI SNYED PA DE DAG THAMS CAD CES BYA BA NAS, GANG SHES RAB KYI PHA ROL TU PHYIN PA ZAB MO 'DI LA GDUGS GCIG TU MOS PA DE NYID CHES LEGS PA'I MCHOG TU 'GYUR RO ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA DAD CING SPYOD PA BSOD NAMS CHE ZHING DON CHE BA BSTAN PA STE, STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED YOD PA DE SNYED KYI NYAN THOS DANG RANG SANGS RGYAS RNAMS KYIS CHOS RTOGS PA'I YE SHES JI TZAM YOD PA DANG, NYON MONGS PA SPANGS BA'I YON TAN DANG, BSOD NAMS JI TZAM YOD PA DE DAG THAMS CAD PAS SHES RAB KYI PHA ROL TU PHYIN PA ZAB MO 'DI LA DAD CING MOS PAS, NYIN GCIG SPYAD PA'I BSOD NAMS DANG PHAN YON CHE'O ZHES BSTAN PA'O, ,DAD PA'I RJES SU 'BRANG BA DANG, CHOS KYI RJES SU 'BRANG BA ZHES BYA BA NI NYAN THOS SHES RAB RTUL PO DANG RNON PO LA BYA STE, DAD PA'I RJES SU 'BRANG BA NI NYAN THOS SHES RAB RTUL PO @121A *, ,CHOS KYI DON MA RTOGS KYANG, GANG ZAG GZHAN CHOS SPYOD PA MTHONG NA DAD PA SKYES NAS DE DAG GI RJES SU 'BRANG ZHING CHOS SPYOD PA LA BYA'O, ,CHOS KYI RJES SU 'BRANG BA NI NYAN THOS SHES RAB RNON PO BDAG RANG GIS CHOS KYI DON RTOGS NAS CHOS SPYOD PA'O, ,BRGYAD PA LA SOGS PA'I NYAN THOS KYI GANG ZAG GZHAN RNAMS NI SNGAR BSHAD ZIN TO, ,DE CI'I SLAD DU ZHE NA, DE NI 'DI LTAR DAD PA'I RJES SU 'BRANG BA'I YE SHES GANG JI TZAM PA DANG, SPONG BA GANG JI TZAM PA DE NI BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA THOB PA'I BZOD PAR 'DUS SO ZHES BYA BA NAS, RANG SANGS RGYAS RNAMS KYI YE SHES GANG JI TZAM PA DANG, SPONG BA GANG JI TZAM PA DE NI BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA THOB PA'I BZOD PAR 'DUS SO ZHES BYA BA'I BAR GYIS NI NYAN THOS DANG, RANG SANGS RGYAS RNAMS KYI YE SHES DANG SPONG BA'I PHAN YON PAS BYANG CHUB SEMS DPA' SHES RAB KYI PHA ROL TU PHYIN PA 'DI LA NYIN GCIG SPYAD PA'I PHAN YON CHE BA'I GTAN TSIGS BSTAN PA STE, NYAN THOS DANG RANGS SANGS RGYAS RNAMS KYI SO SO'I 'BRAS BU THOB STE, YE SHES DANG LDAN ZHING NYON MONGS PA SPANGS PA NI DMIGS PA DANG BCAS SHING MTSAN MAR BCAS PA YIN GYI, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NI DON DAM PAR CHOS THAMS CAD SKYE BA MED PAR RTOGS NAS CHOS ZAB MO LA BZOD PAR GYUR CING, KUN RDZOB TU SHES RAB KYI PHA ROL TU PHYIN PA LA DAD PAS SPYOD PA MTSAN MAR MI 'DZIN CING DMIGS PA LA MA CHAGS PA'I PHYIR PHAN YON LHAG PAR CHE'O ZHES BSTAN PA'O, ,DE NAS BCOM LDAN 'DAS KYIS 'DOD PA NA SPYOD PA DANG GZUGS YOD PA NA SPYOD PA'I LHA'I BU DE DAG LA BKA' STZAL PA ZHES BYA BA NAS, RANG SANGS RGYAS KYI YE SHES GANG YIN PA JI TZAM PA DANG, SPONG BA GANG JI TZAM PA DE DAG NI BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA THOB PA'I BZOD PAR 'DUS SO ZHES BYA BA'I BAR GYIS NI GONG DU LHA'I BU RNAMS KYIS GSOL PA'I TSIG DANG, DON BRTZON @121B ZHING 'KHOR RNAMS KYIS BRTAN PAR YID CHES PAR BYA BA'I PHYIR, DE BDEN NO ZHES TSIG GONG MA NYID BZLAS TE BKA' STZAL PA'O, ,LHA'I BU DAG RIGS KYI BU'AM RIGS KYI BU MO GANG SU YANG RUNG STE ZHES BYA BA NAS SHES RAB KYI PHA ROL TU PHYIN PA DANG BRAL BA'I MDO SDE GZHAN LA BSKAL PA DANG, BSKAL BA'I LHAG MAR SPYAD PA DAG NI MA YIN NO ZHES BYA BA'I BAR GYIS NI NYAN THOS DANG RANG SANGS RGYAS KYI THEG PA'I MDO SDE SHES RAB KYI PHA ROL TU PHYIN PA'I DON DANG MI LDAN PA LA, BSKAL PA'AM BSKAL PA BAS KYANG LHAG PAR SPYOD PA'I NYAN THOS DANG, RANG SANGS RGYAS KYI THEG PA PA'I RIGS KYI BU'AM RIGS KYI BU MO BAS, SHES RAB KYI PHA ROL TU PHYIN PA ZAB MO 'DI LA SPYOD PA PHAN YON CHE BA BSTAN PA STE, MYUR DU 'BYUNG BA ZHES BYA BA NI 'KHOR BA LAS THAR TE BLA NA MED PA'I BYANG CHUB MYUR DU THOB PAR 'GYUR RO ZHES BYA BA'I DON TO, DE CI'I PHYIR ZHE NA, DE NI 'DI LTAR SHES RAB KYI PHA ROL TU PHYIN PA 'DI PHUL DU BYA BA'I CHOS GANG LA ZHES BYA BA NAS, GANG LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BSLABS TE, BLA NA MED PA YANG DAG PAR RDZOGS PA'I BYANG CHUB TU MNGON PAR SANGS RGYAS PA DANG, MNGON PAR RDZOGS PAR 'TSANG RGYA BA DANG, MNGON PAR RDZOGS PAR 'TSANG RGYA BAR 'GYUR BA DE DAG RGYA CHER BSTAN TO ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA SPYAD PA PHAN YON CHE BA'I GTAN TSIGS BSTAN PA STE, NYAN THOS DANG RANG SANGS RGYAS DANG BYANG CHUB SEMS DPA' RNAMS KYIS BSLAB PAR BYA BA'I CHOS BZANG PO PHUL DU BYUNG BA THAMS CAD SHES RAB KYI PHA ROL TU PHYIN PA 'DI LAS RGYA CHER BSTAN TE, NYAN THOS DANG RANG SANGS RGYAS DANG, BYANG CHUB SEMS DPA' RNAMS KYANG CHOS DE LA BSLAB PA DUS GSUM GYI DE BZHIN GSHEGS PA RNAMS KYIS KYANG CHOS DE LA BSLABS NAS BLA NA MED PA YANG DAG PAR RDZOGS PA'I BYANG CHUB TU MNGON PAR SANGS RGYAS TE, DE BAS NA SHES RAB KYI PHA ROL TU PHYIN PA ZAB MO 'DI LA SPYAD NA MYUR DU BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES BSTAN PA'O, , @122A *, ,DE NAS 'DOD PA NA SPYOD PA DANG GZUGS YOD PA NA SPYOD PA'I LHA'I BU DE DAG GIS CHED DU BRJOD PA CHED DU BRJOD DE ZHES BYA BA NAS, DE LA BSLABS SHING BYANG CHUB SEMS DPA' SEMS DPA' CHEN PO RNAMS BLA NA MED PA YANG DAG PAR RDZOGS PA'I BYANG CHUB TU BYUNG BAR GYUR TE 'BYUNG ZHING 'BYUNG BAR 'GYUR ZHES BYA BA'I BAR GYIS NI, LHA'I BU DE DAG GIS SHES RAB KYI PHA ROL TU PHYIN PA 'DI LA SPYOD PA PHAN YON CHE BAR RTOGS NAS MOS TE, SHES RAB KYI PHA ROL TU PHYIN PA LA BSTOD PA BSTAN PA STE, CHED DU BRJOD PA ZHES BYA BA NI SHES RAB KYI PHA ROL TU PHYIN PA 'DI PHA ROL TU PHYIN PA CHEN PO YIN PA DANG, DPAG TU MED PA DANG, GZHAL DU MED PA DANG, MI MNYAM PA DANG MNYAM PA'I PHA ROL TU PHYIN PA YIN NO ZHES BYA BA LA SOGS PAS BSTOD PA'I TSIG RNAMS SUS KYANG MA BSKUL BAR RANG BYUNG BA LA CHED DU BRJOD PA ZHES BYA'O, ,BCOM LDAN 'DAS SHES RAB KYI PHA ROL TU PHYIN PA ZAB MO DE LA BSLABS SHING DAD PA'I RJES SU 'BRANG BA RNAMS BYUNG BAR GYUR TE, 'BYUNG ZHING 'BYUNG BAR 'GYUR ZHES BYA BA LA SOGS PAS NI DUS GSUM GYI NYAN THOS DANG, RANG SANGS RGYAS DANG BYANG CHUB SEMS DPA' RNAMS KYI SO SO'I 'BRAS BU THOB PA YANG SHES RAB KYI PHA ROL TU PHYIN PA ZAB MO 'DI LA BSLABS TE, SO SO'I 'BRAS BU THOB PAR GYUR PA'I PHYIR SHES RAB KYI PHA ROL TU PHYIN PA NI PHA ROL TU PHYIN PA CHEN MO YIN NO ZHES BSTOD PA'O, ,SHES RAB KYI PHA ROL TU PHYIN PA 'DI NI 'BRI BA'AM 'PHEL BA YANG MI DGA'O ZHES BYA BA NI DE LTAR SHES RAB KYI PHA ROL TU PHYIN PA ZAB MO 'DI THEG PA GSUM CHAR 'BRAS BU THOB PA'I RGYU YIN YANG RANG BZHIN GYIS RNAM PAR MI RTOG CING MI 'GYUR BA YONGS SU RDZOGS PA YIN PAS 'DI LA 'GYUR BA MED DO ZHES BSTAN PA'O, ,'DOD PA NA SPYOD PA DANG GZUGS YOD PA NA SPYOD PA'I LHA'I BU DE DAG GIS ZHES BYA BA NAS GZUGS YOD PA NA SPYOD PA'I LHA'I BU DAG NI GZUGS YOD PA'I KHAMS SU 'KHOD DO ZHES BYA BA'I BAR GYIS NI LHA'I BU DE DAG GIS SHES RAB KYI PHA ROL TU PHYIN PA'I DON ZAB MO RTOGS NAS MGU STE, BCOM LDAN 'DAS LA BSNYEN BKUR BYAS NAS SO SO'I GNAS SU @122B DONG BA BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI SHES RAB KYI PHA ROL TU PHYIN PA ZAB MO 'DI LA DAD CING MOS PA PHUN SUM TSOGS PA'I MI RNAMS, SHES RAB KYI PHA ROL TU PHYIN PA ZAB MO 'DI LA LHAG PAR DAD CING GUS PA BSKYED PA'I PHYIR DE DAG GANG NAS TSE 'PHOS TE, MI MED KYI 'JIG RTEN GYI KHAMS 'DIR SKYES PAR GYUR PA ZHUS PA DANG, BCOM LDAN 'DAS KYIS BSHAD PA STE, BCOM LDAN 'DAS KYIS BKA' STZAL PA ZHES BYA BA NAS, RAB 'BYOR BYANG CHUB SEMS DPA'I THEG PA PA'I GANG ZAG DE NI MI'I NANG NAS TSE 'PHOS NAS MI'I NANG DU SKYES PA'O ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI THOS NAS DAD PA DANG MOS PA SKYES TE, SEMS MA ZHUM ZHING MA RMONGS LA SHES RAB KYI PHA ROL TU PHYIN PA 'BA' ZHIG SPYOD LAM BZHI CHAR DU YID LA BYED CING YI DAM NYAMS PAR MI BYED LA, SHES RAB KYI PHA ROL TU PHYIN PA'I DON MTHAR MA PHYIN GYI BAR DU DE STON PA'I MKHAN PO YANG MI GTONG BA DE NI, MI MJED KYI 'JIG RTEN GYI KHAMS 'DI NYID NAS MI'I NANG NAS TSE 'PHOS TE, 'DZAM BU'I GLING 'DIR YANG MI'I NANG DU SKYES PA YIN NO ZHES BSTAN PA'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA'I THEG PA PA'I RIGS KYI BU DES SNGON YANG SHES RAB KYI PHA ROL TU PHYIN PA ZAB MO 'DI THOS NAS ZHES BYA BA NAS SHES RAB KYI PHA ROL TU PHYIN PA ZAB MO 'DI LA YANG THOS MA THAG TU MOS PAR 'GYUR BAR BLTA'O ZHES BYA BA'I BAR GYIS NI SHES RAB KYI PHA ROL TU PHYIN PA THOS NAS DAD CING MOS PAS SPYOD PA'I MI DE MI'I NANG NAS TSE 'PHOS NAS MI'I NANG DU SKYES PA'I GTAN TSIGS BSTAN PA STE, DE SNGON YANG SHES RAB KYI PHA ROL TU PHYIN PA ZAB MO 'DI LA GOMS PAR BYAS PA'I DGE BA'I RTZA BA DE NYID KYIS DA YANG MI'I NANG DU SKYES NAS SHES RAB KYI PHA ROL TU PHYIN PA ZAB MO 'DI THOS MA THAG TU MOS SHING DAD PAR GYUR TE ZHES BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI LA THOS MA THAG TU MOS SHING @123A *, ,ZHES BYA BA NAS, DE NI DGE BA'I RTZA BA DE NYID DANG, YID LA BYA BA DE NYID KYIS 'DIR SKYES PA'O ZHES BYA BA'I BAR GYIS NI SHES RAB KYI PHA ROL TU PHYIN PA 'DI LA DAD CING SPYOD PA'I BYANG CHUB SEMS DPA' LA LA 'JIG RTEN GYI KHAMS GZHAN DAG TU SNGON SANGS RGYAS BCOM LDAN 'DAS GZHAN DAG LA BSNYEN BKUR BYAS TE, SHES RAB KYI PHA ROL TU PHYIN PA LA GOMS PAR BYAS PAS 'JIG RTEN GYI KHAMS 'DIR SKYES TE, SHES RAB KYI PHA ROL TU PHYIN PA ZAB MO 'DI LA DAD CING SPYOD PA DAG KYANG YOD DO ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO DGA' LDAN GYI LHA RNAMS DANG SKAL BA MNYAM PA LAS ZHES BYA BA NAS, DE NI DGE BA'I RTZA BA DES 'DIR SKYES PAR RIG PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA SPYOD PA'I BYANG CHUB SEMS DPA' KHA CIG DGA' LDAN GYI LHA'I RIS NA BYAMS PA BYANG CHUB SEMS DPA' LA SHES RAB KYI PHA ROL TU PHYIN PA 'DI MNYAN PA'I DGE BA'I RTZA BAS 'DIR MI'I NANG DU SKYES TE, SHES RAB KYI PHA ROL TU PHYIN PA 'DI LA DAD CING SPYOD PAR GYUR PA DAG KYANG YOD DO ZHES BSTAN PA'O, ,RAB 'BYOR GZHAN YANG GANG ZAG BYANG CHUB SEMS DPA'I THEG PA PA GANG GIS SNGON GYI MTHAR SHES RAB KYI PHA ROL TU PHYIN PA 'DI THOS KYANG YONGS SU MA DRIS YONGS SU BRTAG PA MA BYAS PA DE NI SHES RAB KYI PHA ROL TU PHYIN PA ZAB MO 'DI BSTAN PA'I TSE, NEM NUR DU 'GYUR, RMONGS PAR 'GYUR, SEMS ZHUM PAR 'GYUR, SEMS KYI RNAM PA GZHAN DU 'GYUR RO ZHES BYA BA NAS, RAB 'BYOR GZHAN YANG GANG ZAG BYANG CHUB SEMS DPA'I THEG PA PA GANG GIS SNGON GYI MTHAR BLA NA MED PA YANG DAG PAR RDZOGS PA'I BYANG CHUB TU THOS KYANG YONGS SU MA DRIS YONGS SU BRTAG PA MA BYAS PA DE NI SHES RAB KYI PHA ROL TU PHYIN PA 'DI BSTAN PA'I TSE, NEM NUR DU 'GYUR, SEMS ZHUM PAR 'GYUR, SEMS KYI RNAM PA GZHAN DU 'GYUR RO ZHES BYA BA'I BAR GYIS NI TSE RABS SNGA MA LA SHES RAB KYI PHA ROL TU PHYIN PA 'DI CUNG ZAD CIG THOS SU ZIN KYANG, DRI ZHING BRTAGS PAS GOMS @123B PAR MA BYAS PA NI TSE 'DI LA YANG SHES RAB KYI PHA ROL TU PHYIN PA ZAB MO 'DI THOS NA THE TSOM SKYE ZHING DAD PAR MI 'GYUR BAR BSTAN PA STE, SHES RAB KYI PHA ROL TU PHYIN PA LA JI LTAR BSHAD PA DE BZHIN DU LAM GYI RNAM PA SHES PA NYID DANG, BLA NA MED PA YANG DAG PAR RDZOGS PA'I BYANG CHUB LA THUG GI BAR DU YANG DE BZHIN DU SBYAR BAR BYA'O, ,RAB 'BYOR GZHAN YANG GANG ZAG BYANG CHUB SEMS DPA'I THEG PA PA GANG GIS SNGON GYI MTHAR SHES RAB KYI PHA ROL TU PHYIN PA ZAB MO 'DI THOS NAS YONGS SU MA DRIS YONGS SU BRTAG PA MA BYAS TE, NYI MA GCIG GAM, GNYIS SAM GSUM MAM, BZHI'AM, LNGAR RJES SU 'BRANG BA MA BYAS NA ZHES BYA BA NAS, DE NI DAD PA TZAM DANG DGA' BA TZAM DANG MOS PA TZAM DANG LDAN PAR ZAD DE, SHES RAB KYI PHA ROL TU PHYIN PA ZAB MO 'DI 'DRI BA'AM KLAG PA'AM, LUNG 'BOGS PA'AM, KHA TON BYA BA'AM, TSUL BZHIN DU YID LA BYA BAR MI NUS SO ZHES BYA BA'I BAR GYIS NI, RIGS KYI BU'AM RIGS KYI BU MO LA LAS TSE RABS SNGA MA LA SHES RAB KYI PHA ROL TU PHYIN PA ZAB MO 'DI CUNG ZAD CIG THOS NAS DRI BA DANG BRTAG PA LA SOGS PA'I SGO NAS GOMS PAR MA BYAS PA DAG, TSE 'DI LA SHES RAB KYI PHA ROL TU PHYIN PA ZAB MO 'DI THOS NA YANG BLO MI BRTAN ZHING MI DGE BA'I BSHES GNYEN GZHAN GYI KHA PHYIN PAR 'GYUR TE, SHES RAB KYI PHA ROL TU PHYIN PA ZAB MO 'DI 'DRI BA DANG, KLAG PA DANG, LUNG 'BOGS PA DANG, KHA TON BYA BA DANG, TSUL BZHIN DU YID LA BYA BA MI NUS PAR 'GYUR BA BSTAN PA'O, ,RAB 'BYOR BYANG CHUB SEMS DPA'I THEG PA PA'I RIGS KYI BU'AM RIGS KYI BU MO SHES RAB KYI PHA ROL TU PHYIN PA ZAB MO 'DI MI 'DRI ZHING LUNG MI 'BOGS PA DANG, KHA TON MI BYED CING TSUL BZHIN DU YID LA MI BYED LA, SHES RAB KYI PHA ROL TU PHYIN PA ZAB MO 'DIS GZHAN LA PHAN MI 'DOGS PA DANG ZHES BYA BA NAS, BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG GIS SHES RAB KYI PHA ROL TU PHYIN PA 'DI DANG MTHUN PAR MA SPYAD PAS, DE'I PHYIR BYANG CHUB SEMS DPA'I THEG PA PA'I RIGS KYI BU'AM RIGS @124A *, ,KYI BU MO DES GNAS GNYIS DANG SA GNYIS PO DE LAS GCIG LA GNAS PAR 'GYUR BAR RIG PAR BYA'O ZHES BYA BA'I BAR GYIS NI BYANG CHUB SEMS DPA'I THEG PA PA KHA CIG TSE RABS SNGA MA LA BDAG NYID KYIS KYANG SHES RAB KYI PHA ROL TU PHYIN PA ZAB MO 'DI MA BRIS, LUNG MA PHOG KHA TON MA BYAS TSUL BZHIN DU YID LA MA BYAS LA, GZHAN LA YANG SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS KYIS PHAN MA BTAGS PA DANG, BDAG NYID KYANG SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS RNAMS KYI DON DANG MTHUN PAR MA BYAS PAS NYAN THOS DANG RANG SANGS RGYAS KYI SAR LTUNG BAR GYUR PA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU LNGA PA'O,, ,, RAB 'BYOR 'DI LTA STE DPER NA, RGYA MTSO'I DBUS SU GRUB ZHIG LA MI RNAMS ZHES BYA BA NAS, RNAM PA THAMS CAD MKHYEN PA NYID MI 'DRI MI STON, KHA TON DU MI BYED, TSUL BZHIN DU YID LA MI BYED CING MI BRTEN PA DE DAG NI BAR MA DOR BYANG CHUB LAS NYAMS PAR 'GYUR TE RNAM PA THAMS CAD MKHYEN PA NYID MA THOB PAR NYAN THOS KYI SA'AM, RANG SANGS RGYAS KYI SA MNGON SUM DU BYED PAR 'GYUR RO ZHES BYA BA'I BAR GYIS NI, RGYA MTSO'I DBUS SU GRUB ZHIG PAR GYUR PA'I MI RNAMS SHING LA SOGS PA LA MA 'JUS MA BRTEN PAR RGYA MTSO'I 'GRAM DU PHYIN PAR MI 'GYUR BA DE BZHIN DU BYANG CHUB SEMS DPA'I THEG PA PA'I RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI LA DAD PA DANG, MOS PA TZAM NI YOD LA, BRI BA DANG BSTAN PA LA SOGS PA'I SGO NAS NYAMS SU MA BLANGS MA BRTEN NA BLA NA MED PA YANG DAG PAR RDZOGS PA'I BYANG CHUB LAS NYAMS TE, NYAN THOS DANG RANG SANGS RGYAS KYI SAR LTUNG BAR 'GYUR BA BSTAN PA'O, ,RAB 'BYOR GANG ZAG BYANG CHUB SEMS DPA'I THEG PA PA GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I DON DU DAD PA YOD CING ZHES BYA BA @124B NAS; RNAM PA THAMS CAD MKHYEN PA NYID KYIS YONGS SU BZUNG BAS BAR MA DOR NYE ZHO MED PAR NYAN THOS KYI SA LAS 'DAS, RANG SANGS RGYAS KYI SA LAS 'DAS TE, SEMS CAN YONGS SU SMIN PAR BYAS NAS, SANGS RGYAS KYI ZHING YONGS SU DAG PAR BYAS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR GYIS NI MI GANG DAG RGYA MTSO CHEN PO'I NANG DU GRU ZHIG PAR GYUR PA'I TSE SHING LA SOGS PA LA 'JUG ZHING BRTEN NA NYE ZHO MED PAR RGYA MTSO'I 'GRAM DU PHYIN PAR 'GYUR BA DE BZHIN DU, RIGS KYI BU'AM RIGS KYI BU MO GANG BLA NA MED PA YANG DAG PAR RDZOGS PA'I BYANG CHUB TU DAD CING MOS PA LA SOGS PA YANG YOD LA, SHES RAB KYI PHA ROL TU PHYIN PA ZAB MO 'DI 'DRI ZHING KLOG PA LA SOGS PA'I SGO NAS 'BAD CING NYAMS SU LEN PA DAG NI SHES RAB KYI PHA ROL TU PHYIN PA LA SOGS PAS YONGS SU BZUNG BAS NYAN THOS DANG RANG SANGS RGYAS KYI SA LAS 'DAS TE, BAR MA DOR MI NYAMS PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA BSTAN PA'O, ,RAB 'BYOR 'DI LTA STE DPER NA BUD MED DAM SKYES PA LA LA ZHIG BUM PA MA BSREGS SHING SO MA BTANG BAR CHU BCU BAR SEMS NA ZHES BYA BA NAS RNAM PA THAMS CAD MKHYEN PA NYID KYIS MA BZUNG NA BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG NI BAR MA DOR NYE ZHOR 'GYUR BAR SHES PAR BYA'O ZHES BYA BA'I BAR GYIS NI BYANG CHUB SEMS DPA'I THEG PA LA LA BLA NA MED PA'I BYANG CHUB TU DAD CING MOS PA LA SOGS PA YOD DU ZIN KYANG, SHES RAB DANG THABS MKHAS PAS YONGS SU MA BZUNG NA SEMS KYI RGYUD YONGS SU MA SMIN PAS BAR MA DOR NYAMS PAR 'GYUR TE, BUM PA SOM BTANG BAR CHU BCUS NA ZHIG STE NYAMS PAR 'GYUR BA BZHIN NO ZHES BSTAN PA'O, ,RAB 'BYOR BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG GI BAR MA DOR NYE ZHO 'BYUNG BA GANG ZHE NA, 'DI LTA STE, NYAN THOS KYI SA'AM RANG SANGS RGYAS KYI SA'O ZHES BYA BA NI GONG DU BAR MA DOR NYE ZHOR 'GYUR RO ZHES BSHAD PA BYANG CHUB SEMS @125A *, ,DPA' LA BAR MA DOR NYE ZHOR 'GYUR BA NI GZHAN LA MI BYA'I NYAN THOS KYI SA'AM RANG SANGS RGYAS KYI SAR LHUNG ZHING THEG PA CHEN PO LAS NYAMS PA LA BYA'O ZHES BSTAN PA'O, ,RAB 'BYOR 'DI LTA STE DPER NA SKYES PA'AM BUD MED LA LA ZHIG BUM PA SO LEGS PAR BTANG BAS CHU KLUNG NGAM, MTSO'AM MTSE'U'AM KHRON PA NAS CHU 'CHU NA ZHES BYA BA NAS, RNAM PA THAMS CAD MKHYEN PA NYID KYIS YONGS SU BZUNG NA, RAB 'BYOR BYANG CHUB SEMS DPA' SEMS DPA' CHEN PO DE NI 'DI LTA STE NYAN THOS KYI SA'AM RANG SANGS RGYAS KYI SAR BAR MA DOR NYE ZHOR MI 'GYUR TE, MA NYES MA NYAMS PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR GYIS NI THABS DANG SHES RAB KYIS YONGS SU ZIN NA BAR MA DOR NYAN THOS DANG RANG SANGS RGYAS KYI SAR MI LTUNG BAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA BUM PA SO LEGS PAR BTANG BAS CHU BCUS NA BDE BAR KHYIM DU PHYIN PAR 'GYUR BA LAS DPE BLANGS TE BSTAN PA'O, ,RAB 'BYOR 'DI LTA STE DPER NA RGYA MTSO'I GRU MA BSDAMS SHING ZAG LHAN MA BYAS PAR RDZAS BCUG STE CHU LA BTANG NA ZHES BYA BA NAS RNAM PA THAMS CAD MKHYEN PA NYID KYIS YONGS SU MA BZUNG NA, RAB 'BYOR BYANG CHUB SEMS DPA' SEMS DPA' CHEN PO DE NI BAR MA DOR NYE ZHOR 'GYUR TE, 'DI LTAR THAMS CAD MKHYEN PA NYID RIN PO CHE'I DON CHEN PO DANG BRAL ZHING RIN PO CHE CHEN PO LAS PHANGS PAR RIG PAR BYA'O ZHES BYA BA'I BAR GYIS NI TSONG PA RGYA MTSO'I NANG DU NOR BU RIN PO CHE LEN PA THABS MI MKHAS PAR GRU SBYAR NYES NA GNOD PA CHEN PO DANG LDAN ZHING NOR BU RIN PO CHE MA RNYED PAR 'GYUR BA'I DPES BYANG CHUB SEMS DPA' THABS DANG SHES RAB TU MI LDAN NA, DAD PA LA SOGS PA YOD DU ZIN KYANG THAMS CAD MKHYEN PA NYID MI 'GRUB CING BAR MA DOR THEG PA CHEN PO LAS NYAMS PAR 'GYUR BA BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO RNAMS KYI BAR MA DO'I NYE ZHO GANG ZHE NA, 'DI LTA STE, NYAN THOS KYI SA'AM RANG SANGS RGYAS KYI SA'O ZHES BYA BAS NI NYAN @125B THOS DANG RANG SANGS RGYAS KYI SAR LTUNG BA NYID BYANG CHUB SEMS DPA'I NYAMS PA YIN PAR BSTAN PA'O, ,RAB 'BYOR 'DI LTA STE DPER NA SKYES BU MKHAS PA'I NGANG TSUL CAN LA LA ZHIG CES BYA BA NAS, RNAM PA THAMS CAD MKHYEN PA NYID KYIS YONGS SU BZUNG NA RAB 'BYOR BYANG CHUB SEMS DPA' SEMS DPA' CHEN PO DE NI BLA NA MED PA YANG DAG PAR RDZOGS PA'I BYANG CHUB TU BAR MA DOR NYE ZHOR MI 'GYUR BAR RIG PAR BYA'O ZHES BYA BA'I BAR GYIS NI RGYA MTSOR 'JUG PA'I GRU SBYAR LEGS PA'I DPES, BYANG CHUB SEMS DPA' THABS DANG SHES RAB TU LDAN PA BAR MA DOR MI NYAMS PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA BSTAN PA'O, ,RAB 'BYOR DE NI DE LTAR YANG 'GYUR TE ZHES BYA BA NAS RNAM PA THAMS CAD MKHYEN PA NYID KYIS YONGS SU ZIN PAR GYUR NA, BYANG CHUB SEMS DPA' SEMS DPA' CHEN PO DE NI NYAN THOS DANG RANG SANGS RGYAS KYI SAR MI LTUNG NGO ZHES BYA BA'I BAR GYIS NI GONG DU BSHAD PA'I DON DE NYID DE LTAR 'GYUR BAR RIG PAR BSTAN PA'O, ,RAB 'BYOR 'DI LTA STE DPER NA MI NA TSOD LO BRGYA NYI SHU LON PA ZHES BYA BA NAS, RNAM PA THAMS CAD MKHYEN PA NYID KYIS YONGS SU MA BZUNG NA, RAB 'BYOR BYANG CHUB SEMS DPA' SEMS DPA' CHEN PO DE NI BAR MA DOR NYAN THOS KYI SA'AM RANG SANGS RGYAS KYI SAR LTUNG BAR 'GYUR RO ZHES BYA BA'I BAR GYIS NI MI RGAD PO NYAM CHUNG BA GROGS GZHAN LA MA BRTEN PAR LDANG ZHING 'GRO MI NUS PA'I DPES, BYANG CHUB SEMS DPA'I THEG PA PA YANG SHES RAB KYI PHA ROL TU PHYIN PA DANG THABS MKHAS PA LA MA BRTEN NA BAR MA DOR NYAN THOS DANG RANG SANGS RGYAS KYI SAR LTUNG STE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI NUS PA BSTAN PA'O, ,DE CI'I PHYIR ZHE NA, DE NI 'DI LTAR SHES RAB KYI PHA ROL TU PHYIN PAS YONGS SU MA BZUNG BA DANG ZHES BYA BA NAS, RNAM PA THAMS CAD MKHYEN PA NYID KYIS YONGS SU MA BZUNG BA'I PHYIR RO ZHES BYA BA'I BAR GYIS NI DON GONG DU SMOS PA'I RIGS PA DANG GTAN TSIGS BSTAN PA'O, ,RAB 'BYOR 'DI LTA STE DPER NA MI NA TSOD KYIS LO BRGYA NYI SHU LON PA, RGAS PA DGOG TU GYUR PA @126A *, ,'KHOGS PA DE NYID RLUNG NGAM MKHRIS PA'AM, BAD KAN NAM 'DUS PA'I NAD KYIS BTAB PAR GYUR LA, DE KHRI LAS LDANG BAR 'DOD NA DE LA SKYES BU STOBS DANG LDAN PA GNYIS KYIS GLO G-YAS G-YON GNYIS NAS BZUNG STE BRTAN NA ZHES BYA BA NAS, RNAM PA THAMS CAD MKHYEN PA NYID KYIS YONGS SU BZUNG NA, RAB 'BYOR BYANG CHUB SEMS DPA' SEMS DPA' CHEN PO DE NI BAR MA DOR NYE ZHOR MI 'GYUR TE, BYANG CHUB SEMS DPA' SEMS DPA' CHEN PO DE NI 'DI LTA STE BLA NA MED PA YANG DAG PAR RDZOGS PA'I BYANG CHUB KYI GNAS DER PHYIN PAR NUS SO ZHES BYA BA'I BAR GYIS NI MI RGAD PO NAD PA MI GNYIS KYIS GROGS BYAS TE BRTEN NA BAR MA DOR MI NYAMS SHING GAR 'DOD PA'I GNAS SU PHYIN PAR 'GYUR BA'I DPES, BYANG CHUB SEMS DPA'I THEG PA PA SHES RAB KYI PHA ROL TU PHYIN PA DANG THABS MKHAS PA GNYIS LA BRTEN NA BAR MA DOR NYAN THOS DANG; RANG SANGS RGYAS KYI SAR MI LTUNG BAR BLA NA MED PA YANG DAG PAR RDZOGS PA'I BYANG CHUB KYI GNAS SU PHYIN PAR NUS PA BSTAN PA'O, ,DE CI'I PHYIR ZHE NA, DE LTAR DE SHES RAB KYI PHA ROL TU PHYIN PA DANG THABS MKHAS PA DANG MA BRAL BA'I PHYIR RO ZHES BYA BA NI DON GONG DU BSHAD PA'I GTAN TSIGS BSTAN PA'O, ,GSOL PA, BCOM LDAN 'DAS JI LTAR NA GANG ZAG BYANG CHUB SEMS DPA'I THEG PA PA SHES RAB KYI PHA ROL TU PHYIN PA DANG THABS MKHAS PA DANG BRAL BAS NYAN THOS KYI SA'AM RANG SANGS RGYAS KYI SAR LTUNG BA LAGS ZHES BYA BA NI DE LTAR GONG DU SHES RAB KYI PHA ROL TU PHYIN PA DANG THABS MKHAS PAR MI LDAN NA THEG PA CHUNG NGU GNYIS SU LTUNG BAR 'GYUR LA, SHES RAB KYI PHA ROL TU PHYIN PA DANG THABS MKHAS PAR LDAN NA THEG PA CHUNG NGU GNYIS SU LTUNG BAR MI 'GYUR ZHING, BLA NA MED PA YANG DAG PAR RDZOGS PA'I BYANG CHUB THOB PAR 'GYUR BA BSTAN PA DANG, GNAS BRTAN RAB 'BYOR GYIS GANG ZAG BYANG CHUB SEMS DPA'I THEG PA PA SHES RAB KYI PHA ROL TU PHYIN PA DANG THABS MKHAS PAR JI LTAR MI LDAN PA DANG, NYAN THOS DANG RANG SANGS RGYAS KYI SAR JI LTAR LTUNG BAR 'GYUR BA 'OG NAS ZHIB TU BSHAD PA'I GLENG BSLANG BA'I PHYIR ZHUS PA'O, ,BCOM LDAN @126B 'DAS KYIS BKA' STZAL PA, RAB 'BYOR DE LTAR GANG ZAG BYANG CHUB SEMS DPA'I THEG PA PA RNAMS KYI DON DU DE BZHIN GSHEGS PA LA DON 'DI 'DRI BAR SEMS PA NI LEGS SO LEGS SO ZHES BYA BA NI THABS DANG SHES RAB TU MI LDAN ZHING 'KHOR GSUM YONGS SU MA DAG PAR SPYOD PA DANG, THABS DANG SHES RAB TU LDAN ZHING 'KHOR GSUM YONGS SU DAG PA'I DON 'OG NAS BSHAD PA 'KHOR RNAMS LEGS PAR NYAN DU GZUNG BA'I PHYIR DON 'DI LTA BU 'DRI BA LEGS SO ZHES RAB 'BYOR LA BSTOD PA'O, ,RAB 'BYOR 'DI LA GANG ZAG BYANG CHUB SEMS DPA'I THEG PA BA THOG MAR SBYIN PA YONGS SU GTONG NA ZHES BYA BA NAS, DE SHES RAB RLOM SEMS SU BYED, SHES RAB KYIS RLOM SEMS SU BYED, BDAG NI SHES RAB DANG LDAN PA'O ZHES RLOM SEMS SU BYED DO ZHES BYA BA'I BAR GYIS NI THABS DANG SHES RAB TU MI LDAN PA DANG, BDAG DANG BDAG GIR MTSAN MAR 'DZIN PAS 'KHOR GSUM YONGS SU DAG PAR PHA ROL TU PHYIN PA DRUG LA SPYOD NA THEG PA CHUNG NGU GNYIS SU LTUNG BAR 'GYUR BA BSTAN PA'O, ,DE CI'I PHYIR ZHE NA, SBYIN PA'I PHA ROL TU PHYIN PA LA RTOG PA DE DAG MED DE RING DU SONG BA NI SBYIN PA'I PHA ROL TU PHYIN PA'O ZHES BYA BA NAS, SHES RAB KYI PHA ROL TU PHYIN PA LA RNAM PAR RTOG PA DE DAG MED DE RING DU SONG BA NI SHES RAB KYI PHA ROL TU PHYIN PA'O ZHES BYA BA'I BAR GYIS NI PHA ROL TU PHYIN PA ZHES BYA BA'I DON NI BDAG DANG BDAG GIR 'DZIN PA MED CING RNAM PAR RTOG PA THAMS CAD LAS 'DAS TE RING DU SONG BA LA BYA NA, PHA ROL TU PHYIN PA DRUG LA SPYOD PA'I TSE BDAG DANG BDAG GIR 'KHOR GSUM YONGS SU DAG PAR SPYOD PA NA THABS DANG SHES RAB TU MI LDAN PAS NYAN THOS DANG RANG SANGS RGYAS KYI SAR LTUNG BAR 'GYUR RO ZHES BSTAN PA'O, ,DE LTA YIN YANG GANG ZAG BYANG CHUB SEMS DPA'I THEG PA PA DE RING DU SONG BA'ANG MI SHES, PHA ROL KYANG MI SHES TE, SBYIN PA'I PHA ROL TU PHYIN PAS YONGS SU MA BZUNG ZHES BYA BA NAS, RNAM PA THAMS CAD MKHYEN PA NYID KYIS YONGS SU MA BZUNG BAS NYAN THOS KYI SA'AM RANG SANGS RGYAS KYI SAR LTUNG STE, RNAM PA THAMS CAD MKHYEN PA NYID DU @127A *, ,MI 'BYUNG NGO ZHES BYA BA'I BAR GYIS NI PHA ROL TU PHYIN PA ZHES BYA BA LA BDAG DANG BDAG GIR 'DZIN PA'I RNAM PAR RTOG PA MED DE, RTOG PA THAMS CAD LAS RING DU SONG ZHING MTSAN MA THAMS CAD KYI MTHAR PHYIN PA YIN NA, THABS MI MKHAS PAS MTSAN MAR BZUNG BAS PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS RNAMS KYI DON DANG MI LDAN PA'I PHYIR NYAN THOS DANG RANG SANGS RGYAS KYI SAR LTUNG ZHING RNAM PA THAMS CAD MKHYEN PA NYID DU MI 'BYUNG NGO ZHES BSTAN PA'O, , RAB 'BYOR JI LTAR GANG ZAG BYANG CHUB SEMS DPA'I THEG PA PA THABS MI MKHAS PA YIN ZHE NA ZHES BYA BA NAS, DE SHES RAB RLOM SEMS SU BYED, SHES RAB KYIS RLOM SEMS SU BYED, BDAG NI SHES RAB DANG LDAN PA'O ZHES RLOM SEMS SU BYED PA STE ZHES BYA BA'I BAR GYIS NI, THABS MI MKHAS PAS PHA ROL TU PHYIN PA DRUG LA SPYOD PA'I TSE 'KHOR GSUM YONGS SU MA DAG PAR SPYOD CING DE RLOM SEMS SU BYED NA NYAN THOS DANG RANG SANGS RGYAS KYI SAR LTUNG ZHING RNAM PA THAMS CAD MKHYEN PA NYID DU MI 'BYUNG BA BSTAN PA'O, ,DE CI'I PHYIR ZHE NA, JI LTAR DE RNAM PAR RTOG PA'I RNAM PAR RTOG PA DE DAG SBYIN PA'I PHA ROL TU PHYIN PA LA MED DO ZHES BYA BA NAS, DE CI'I PHYIR ZHE NA, DE NI 'DI LTAR 'DI LTA STE SHES RAB KYI PHA ROL TU PHYIN PA DE NI PHA ROL TU PHYIN PA MED PA'O ZHES BYA BA'I BAR GYIS NI DON DAM PAR PHA ROL TU PHYIN PA ZHES BYA BA'I DNGOS PO MED PA LA DNGOS POR BZUNG ZHING RLOM SEMS SU BYED PAS THABS MI MKHAS PA YIN NO ZHES BSTAN PA'O, ,DE LTAR YIN YANG BYANG CHUB SEMS DPA'I THEG PA PA DE NI RING DU SONG BA'ANG MI SHES, PHA ROL YANG MI SHES TE, SBYIN PA'I PHA ROL TU PHYIN PAS YONGS SU MA BZUNG ZHES BYA BA NAS RNAM PA THAMS CAD MKHYEN PA NYID KYIS YONGS SU MA BZUNG BAS NYAN THOS KYI SA'AM RANG SANGS RGYAS KYI SAR LTUNG STE, RNAM PA THAMS CAD MKHYEN PA NYID DU MI 'BYUNG NGO ZHES BYA BA'I BAR GYIS NI DE LTAR THABS DANG MI LDAN PAR PHA ROL TU PHYIN PA DRUG LA SPYOD CING 'KHOR GSUM YONGS SU MA DAG LA RLOM SEMS SU BYED NA, PHA ROL TU @127B PHYIN PA DRUG LA SOGS PA RNAM PAR BYANG BA'I CHOS RNAMS DANG MI LDAN PAS NYAN THOS DANG RANG SANGS RGYAS KYI SAR LTUNG ZHING RNAM PA THAMS CAD MKHYEN PA NYID DU MI 'BYUNG NGO ZHES BSTAN PA'O, ,RAB 'BYOR JI LTAR GANG ZAG BYANG CHUB SEMS DPA'I THEG PA PA SHES RAB KYI PHA ROL TU PHYIN PA DANG, THABS MKHAS PAS YONGS SU BZUNG BA NYAN THOS KYI SA'AM RANG SANGS RGYAS KYI SAR MI LTUNG ZHING, BLA NA MED PA YANG DAG PAR RDZOGS PA'I BYANG CHUB 'GRUB PAR 'GYUR BA YIN ZHE NA ZHES BYA BA NAS, RNAM PA THAMS CAD MKHYEN PA NYID KYIS YONGS SU BZUNG BAS NYAN THOS KYI SA'AM RANG SANGS RGYAS KYI SAR MI LTUNG STE, RNAM PA THAMS CAD MKHYEN PA NYID KYANG 'GRUB PAR 'GYUR RO ZHES BYA BA'I BAR GYIS NI BYANG CHUB SEMS DPA' SHES RAB KYI PHA ROL TU PHYIN PA DANG THABS MKHAS PAR LDAN PA PHA ROL TU PHYIN PA DRUG LA SPYOD PA RNAMS BDAG DANG BDAG GIR MI 'DZIN CING, DON DAM PAR PHA ROL TU PHYIN PA RNAMS KYANG DNGOS PO MED PAR RTOGS LA, KUN RDZOB TU THABS MKHAS PAS DE DAG LA MTSAN MAR MI 'DZIN CING RLOM SEMS MED PAR PHA ROL TU PHYIN PA DRUG LA SOGS PA LA SPYOD NA, PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS KYI DON DANG LDAN ZHING DON DE RNAMS KYIS YONGS SU ZIN PAS BAR MA DOR NYAN THOS KYI SA 'AM RANG SANGS RGYAS KYI SAR MI LTUNG BAR RNAM PA THAMS CAD MKHYEN PA NYID KYANG 'GRUB PAR 'GYUR BA BSTAN PA'O, ,RAB 'BYOR DE LTAR GANG ZAG BYANG CHUB SEMS DPA'I THEG PA PA SHES RAB KYI PHA ROL TU PHYIN PAS YONGS SU BZUNG BA THABS MKHAS PAS YONGS SU BZUNG BA ZHES BYA BA NI RNAM PA THAMS CAD MKHYEN PA NYID KYIS YONGS SU BZUNG BA STE, NYAN THOS KYI SA'AM RANG SANGS RGYAS KYI SAR MI LTUNG NGO ZHES BYA BA'I BAR GYIS NI GONG DU BSHAD PA'I DON DE NYID MJUG BSDUS NAS BSTAN PA STE, DE LTAR SHES RAB KYI PHA ROL TU PHYIN PA DANG, THABS MKHAS PA LA SOGS PAS YONGS SU BZUNG NA, NYAN THOS DANG RANG SANGS RGYAS KYI SAR BAR MA DOR MI LTUNG ZHING, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSTAN PA'O, ,RAB @128A *, ,'BYOR JI LTAR NA GANG ZAG BYANG CHUB SEMS DPA'I THEG PA PA THABS MKHAS PAS YONGS SU BZUNG BA YIN ZHE NA ZHES BYA BA LA SOGS PAS NI, BYANG CHUB SEMS DPA' THABS MKHAS PA DANG LDAN PA PHA ROL TU PHYIN PA DRUG LA SOGS PA LA SPYOD PA'I TSE, 'KHOR GSUM YONGS SU DAG PAR SPYOD CING RLOM SEMS MED PA RNAMS NYAN THOS DANG RANG SANGS RGYAS KYI SAR MI LTUNG ZHING BLA NA MED PA YANG DAG PAR RDZOGS PA'I BYANG CHUB TU 'GRUB PAR BSTAN PA'I DON GONG DU BSHAD PA NYID RNAM PA GZHAN GYIS ZHIB TU BSHAD PA STE, RAB 'BYOR 'DI LA GANG ZAG BYANG CHUB SEMS DPA'I THEG PA PA THOG MAR THABS DANG LDAN PAR SBYIN PA YONGS SU GTONG ZHES BYA BA NAS, BDAG NI SHES RAB DANG LDAN PA'O ZHES RLOM SEMS SU MI BYED DO ZHES BYA BA'I BAR GYIS NI BYANG CHUB SEMS DPA' THABS DANG LDAN PA PHA ROL TU PHYIN PA DRUG LA 'KHOR GSUM YONGS SU DAG PAR SPYOD CING DE DAG GIS RLOM SEMS MI BYED PA BSTAN TO, ,DE CI'I PHYIR ZHE NA, DE LTAR DE RNAM PAR MI RTOG PAS SBYIN PA'I PHA ROL TU PHYIN PA LA RNAM PAR RTOG PA DE DAG MED DE, DE CI'I PHYIR ZHE NA, DE NI 'DI LTA STE SBYIN PA'I PHA ROL TU PHYIN PA MED PA'O ZHES BYA BA NAS, SHES RAB KYI PHA ROL TU PHYIN PA DE NI PHA ROL TU PHYIN PA MED PA'O ZHES BYA BA'I BAR GYIS NI 'KHOR GSUM YONGS SU DAG PAR SPYOD CING RLOM SEMS SU MI BYED PA'I GTAN TSIGS BSTAN PA STE, BYANG CHUB SEMS DPA'I SBYIN PA LA SOGS PA SPYOD PA LA YANG DE LTA BU'I RNAM PAR RTOG PA MED LA, PHA ROL TU PHYIN PA DRUG KYANG DON DAM PAR DNGOS PO MED PAS RNAM PAR RTOG PA'I YUL MA YIN TE, DE'I PHYIR 'KHOR GSUM YONGS SU DAG CING RLOM SEMS MED DO ZHES BSTAN PA'O, ,DE LTA YANG YIN LA GANG ZAG BYANG CHUB SEMS DPA'I THEG PA PA DE YANG RING DU SONG BA'ANG SHES SHING PHA ROL SHES KYANG DES RLOM SEMS MED DE DE ZHES BYA BA NI DE LTAR CHOS THAMS CAD RANG BZHIN GYIS STONG PAS RNAM PAR RTOG PA DANG BRTAG PAR BYA BA GNYIS KA MED DE, RTOG PA'I SPYOD YUL LAS 'DAS TE RING DU SONG BA SHES KYANG SHES PA DE MI BSNYEMS SO ZHES BSTAN PA'O, ,DE SBYIN PA'I @128B PHA ROL TU PHYIN PAS YONGS SU BZUNG BA DANG ZHES BYA BA NAS, RNAM PA THAMS CAD MKHYEN PA NYID KYIS YONGS SU BZUNG BAS NYAN THOS KYI SA'AM RANG SANGS RGYAS KYI SAR MI LTUNG STE, RNAM PA THAMS CAD MKHYEN PA NYID DU 'BYUNG NGO ZHES BYA BA'I BAR GYIS NI, DE LTAR GONG DU BSHAD PA LTAR 'KHOR GSUM YONGS SU DAG CING RLOM SEMS MED NA PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS KYI DON DANG LDAN PAS NYAN THOS DANG RANG SANGS RGYAS KYI SAR MI LTUNG ZHING RNAM PA THAMS CAD MKHYEN PA NYID THOB PAR 'GYUR BA'I PHAN YON BSTAN PA'O, , SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU DRUG PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI DE LTAR GONG DU SHES RAB KYI PHA ROL TU PHYIN PA DANG, THABS MKHAS PAR MI LDAN NA NYAN THOS DANG RANG SANGS RGYAS KYI SAR LTUNG BAR 'GYUR LA SHES RAB KYI PHA ROL TU PHYIN PA DANG THABS MKHAS PAR LDAN NA, NYAN THOS DANG RANG SANGS RGYAS KYI SAR LTUNG BAR MI 'GYUR BA BSHAD PA THOS PA DANG, 'O NA THEG PA LA GSAR DU ZHUGS PA SHES RAB DANG THABS SU MI LDAN PA DAG GIS PHA ROL TU PHYIN PA DRUG LA JI LTAR BSLAB PAR BYA SNYAM NAS ZHUS PA'O, ,BCOM LDAN 'DAS KYIS BKA' STZAL PA ZHES BYA BA NAS, SBYIN PA'I PHA ROL TU PHYIN PA STON PA DE DAG BSNYEN PAR BYA'O, ,BRTEN PAR BYA'O, ,BSNYEN BKUR BYA'O ZHES BYA BA'I BAR GYIS NI LAS DANG PO PA RNAMS KYIS DGE BA'I BSHES GNYEN PHA ROL TU PHYIN PA DRUG STON PA'I MKHAS PA LA BSNYEN CING BSNYEN BKUR BYAS TE BSLABS NA THABS MKHAS PAR 'GYUR ZHING, NYAN THOS DANG RANG SANGS RGYAS KYI SAR MI LTUNG BAR BLA NA MED PA YANG DAG PAR RDZOGS PA'I BYANG CHUB 'GRUB PAR 'GYUR RO ZHES BSTAN PA'O, ,DE DAG DE LA SHES RAB KYI PHA ROL TU PHYIN PA 'DI LTAR STON TE ZHES BYA BA LA SOGS PAS NI, DGE BA'I BSHES GNYEN DE DAG PHA ROL TU PHYIN PA DRUG LA JI LTAR STON CING 'CHAD PA'I TSUL BSTAN PA'O, ,TSUR RIGS KYI BU SBYIN PA GANG DANG GANG SBYIN PA DE THAMS CAD BLA @129A *, ,NA MED PA YANG DAG PAR RDZOGS PA'I BYANG CHUB TU YONGS SU BSNGOS SHIG CES BYA BA NAS, TSUR RIGS KYI BU SHES RAB GANG DANG GANG BSGOMS PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS SHIG CES BYA BA'I BAR GYIS NI, PHA ROL TU PHYIN PA DRUG LA SPYAD PA'I 'BRAS BU 'JIG RTEN GYI PHUN SUM TSOGS PA DANG, NYAN THOS DANG RANG SANGS RGYAS KYI SAR MI BSNGO BAR BLA NA MED PA'I BYANG CHUB TU YONGS SU BSNGO BAR BYA BA'I THABS BSTAN PA'O, ,RIGS KYI BU KHYOD BLA NA MED PA YANG DAG PAR RDZOGS PA'I BYANG CHUB GZUGS SU RTOG PAR MA BYED CIG CES BYA BA NAS, RNAM PA THAMS CAD MKHYEN PA NYID DU RTOG PAR MA BYED CIG CES BYA BA'I BAR GYIS NI, BLA NA MED PA YANG DAG PAR RDZOGS PA'I BYANG CHUB NYID KYANG DON DAM PAR DNGOS PO MED PAS GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS GANG GI RANG BZHIN YANG MA YIN PA'I PHYIR CHOS DE DAG GI RANG BZHIN DU MI BRTAG CING MTSAN MAR MI BZUNG NGO ZHES BSTAN PA'O, ,DE CI'I PHYIR ZHE NA, YONGS SU MA BRTAGS PA'I GZUGS NI RNAM PA THAMS CAD MKHYEN PA NYID THOB PAR BYED DO ZHES BYA BA NAS YONGS SU MA BRTAGS PA'I LAM GYI RNAM PA SHES PA NI RNAM PA THAMS CAD MKHYEN PA NYID THOB PAR BYED DO ZHES BYA BA'I BAR GYIS NI, BLA NA MED PA YANG DAG PAR RDZOGS PA'I BYANG CHUB GZUGS LA SOGS PA'I RANG BZHIN DU MI BRTAG CING MTSAN MAR MI BZUNG BA'I RIGS PA BSTAN PA STE, DON DAM PAR BLA NA MED PA YANG DAG PAR RDZOGS PA'I BYANG CHUB NYID DANG GZUGS LA SOGS PA'I CHOS THAMS CAD KYANG DNGOS PO MED DE BRTAG PA'I YUL MA YIN PAS DE DAG LA YONGS SU MA BRTAGS SHING MTSAN MAR MA BZUNG NA YANG DAG PA'I DON RTOGS PA YIN PAS RNAM PA THAMS CAD MKHYEN PA NYID THOB PAR 'GYUR RO ZHES BSTAN PA'O, ,RIGS KYI BU KHYOD GZUGS LA 'DOD PA MA SKYED CIG ,DE CI'I PHYIR ZHE NA, RIGS KYI BU 'DOD PA MED PA NI GZUGS SO ZHES BYA BA NAS BLA NA MED PA YANG DAG PAR RDZOGS PA'I BYANG CHUB LA 'DOD PA MA SKYED CIG ,DE CI'I PHYIR ZHE NA, @129B RIGS KYI BU 'DOD PA MED PA NI BLA NA MED PA YANG DAG PAR RDZOGS PA'I BYANG CHUB PO ZHES BYA BA'I BAR GYIS NI, DE LTAR GZUGS LA SOGS PA'I CHOS GANG LA YANG YONGS SU MA BRTAGS SHING DANG MTSAN MAR MA BZUNG NA, RNAM PA THAMS CAD MKHYEN PA NYID THOB PAR 'GYUR ZHES BSHAD NA RNAM PA THAMS CAD MKHYEN PA NYID THOB PAR BYA BA'I DNGOS POR RTOG CING DE LA 'DOD PA SKYED PA DGAG PA BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR DNGOS PO MED DE, 'DOD PAR BYA BA'I DNGOS PO MA YIN PAS DE LA 'DOD PA MA SKYED CIG CES BSTAN PA'O, ,DE CI'I PHYIR ZHE NA, RIGS KYI BU CHOS THAMS CAD NI NGO BO NYID KYIS STONG NGO ZHES BYA BAR 'GYUR RO ZHES BYA BA NI GONG DU BSHAD PA'I DON DE NYID MDOR BSDUS NAS BSTAN PA STE, MDOR NA CHOS THAMS CAD DON DAM PAR NGO BO NYID KYIS STONG BAS CHOS GANG YANG THOB PAR BYA BA'I PHYIR 'DOD PA MI SKYED DO ZHES BSTAN PA'O, ,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PAS NI DE LTAR GONG DU BSHAD PA'I TSUL GYIS CHOS THAMS CAD DON DAM PAR RANG BZHIN GYIS STONG PAS GANG LA 'DOD PA BSKYED DU MED LA, BLA NA MED PA YANG DAG PAR RDZOGS PA'I BYANG CHUB 'GRUB PAR SMON LAM 'DEBS SHING MNGON PAR RDZOGS PAR 'TSANG RGYA BAR 'DOD PA DE DAG DE LTAR DNGOS PO MED NA NI SMON CING 'DOD PAR BYA BA'ANG MI RIGS, DE STE DNGOS PO ZHIG YOD NA NI MI SMON CING 'DOD PA MI BSKYED PA MI RIG PA LAS, SMON CING 'DOD PA SKYED PA NI 'GAL BAR BYED PA'O ZHES ZHUS PA'O, ,RAB 'BYOR 'ON KYANG BYANG CHUB SEMS DPA' CHEN PO RNAMS NI CHOS THAMS CAD SGYU MA LTA BU DANG, RMI LAM LTA BUR RIG NAS BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA STE ZHES BYA BA NAS, 'JI RTEN GYI LAM DU 'GYUR BAR BYA'O ZHES BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS SO ZHES BYA BA'I BAR GYIS NI DON DAM PAR CHOS THAMS CAD STONG @130A *, ,PAR RTOGS KYANG KUN RDZOB TU SEMS CAN RNAMS DRANG ZHING PHAN GDAGS PA'I PHYIR CHOS THAMS CAD SGYU MA DANG RMI LAM LTA BUR RTOGS PAR BYA STE, DE LA MA CHAGS PAR SEMS CAN GYI DON BYA'O ZHES BSTAN PA STE, 'JIG RTEN GYI DON DANG, PHAN PA DANG, BDE BA DANG, 'JIG RTEN GYI MGON DANG, SKYABS DANG, RTEN DANG, DPUNG GNYEN DANG, GLING DANG, SNANG BA DANG, SGRON MA 'DZIN PA DANG, 'OD 'BYIN PA DANG, DED DPON DANG, YONGS SU 'DREN PA DANG, LAM DU 'GYUR BAR BYA BA'I TSIG RNAMS NI 'OG NAS GZHUNG NYID LAS ZHIB TU BSHAD PA DANG SBYAR RO, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD CING, 'JIG RTEN GYI DON GYI PHYIR YANG DAG PAR ZHUGS PA YIN ZHE NA ZHES BYA BA NAS, SHES RAB CI BSGOM PA DE DAG THAMS CAD KYANG SEMS CAN RNAMS KYI SDUG BSNGAL YONGS SU SGROL BA'I PHYIR TE ZHES BYA BA'I BAR GYIS NI 'JIG RTEN GYI DON GYI PHYIR YANG DAG PAR ZHUGS PA BSTAN PA STE, BYANG CHUB SEMS DPAS DON DAM PAR CHOS THAMS CAD STONG PAR RTOGS KYANG KUN RDZOB TU SEMS CAN RNAMS KYI SDUG BSNGAL BSAL BA'I DON DU PHA ROL TU PHYIN PA DRUG LA SPYOD DO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO 'JIG RTEN LA PHAN PA'I PHYIR YANG DAG PAR ZHUGS PA YIN ZHE NA, RAB 'BYOR 'DI LA BYANG CHUB SEMS DPA' SEMS DPA' CHEN PO SEMS CAN RNAMS 'GRO BA'I RGYUD LNGA NAS YONGS SU BTON CING MI 'JIGS PA'I THANG BDE BA MYA NGAN LAS 'DAS PA LA RAB TU 'GOD DE ZHES BYA BAS NI 'JIG RTEN LA PHAN PA'I PHYIR YANG DAG PAR ZHUGS PA BSTAN PA STE, SEMS CAN RNAMS 'GRO BA RGYUD LNGA'I 'KHOR BA NAS BTON TE, MYA NGAN LAS 'DAS PA'I GNAS BDE BA LA 'GOD PAR BYED PA NA 'JIG RTEN LA PHAN PA'I PHYIR ZHUGS PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO 'JIG RTEN LA BDE BA'I PHYIR YANG DAG PAR ZHUGS @130B PA YIN ZHE NA ZHES BYA BA NAS, 'KHRUG PA RNAMS LAS YONGS SU BKROL ZHING MI 'JIGS PA'I THANG BDE BA MYA NGAN LAS 'DAS PA LA RAB TU 'GOD DE ZHES BYA BA'I BAR GYIS NI 'JIG RTEN LA BDE BA'I PHYIR ZHUGS PA BSTAN PA STE, SEMS CAN RNAMS 'KHOR BA'I SDUG BSNGAL DANG YID MI BDE BA DANG, 'KHRUG PA LAS THABS SNA TSOGS KYIS THAR PAR BYAS TE, MYA NGAN LAS 'DAS PA'I GNAS SU 'GOD PA NI 'JIG RTEN LA BDE BA'I PHYIR ZHUGS PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD CING 'JIG RTEN GYI MGON BYED PA YIN ZHES BYA BA NAS, SEMS CAN DE DAG KYANG THOS TE THOS NAS RIM GYIS THEG PA GSUM GYIS YONGS SU MYA NGA LAS 'DAS PAR 'GYUR TE ZHES BYA BA'I BAR GYIS NI 'JIG RTEN GYI MGON BYED PA BSTAN PA STE, 'KHOR BA NA GNAS PA'I SEMS CAN RNAMS KYI PHYI NANG GI SDUG BSNGAL CI YOD PA THAMS CAD BSKYABS SHING BSAL TE DGA' BAR BYAS NAS, DGA' BAR GYUR PA DANG, DE DAG LA DAM PA'I CHOS BSHAD DE YONGS SU SMIN PAR BYAS NAS THAR PA'I THEG PA GSUM LA MYA NGAN LAS 'DA' BAR BYED PA GSUM LA MYA NGAN LAS 'DA' BAR BYED PA NI 'JIG RTEN GYI MGON BYED PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA 'JIG RTEN GYI SKYABS SU GYUR PA YIN ZHE NA ZHES BYA BA NAS, PHUNG PO MA LUS PA'I MYA NGAN LAS 'DAS PA'I DBYINGS SU YONGS SU MYA NGAN LAS ZLO STE ZHES BYA BA'I BAR GYIS NI SKYABS SU GYUR PA BSTAN PA STE, 'KHOR BA NA GNAS PA'I SEMS CAN SKYE BA DANG RGA BA LA SOGS PA'I CHOS CAN RNAMS SKYE BA DANG RGA BA LA SOGS PA MED PAR BYAS NAS YONGS SU MYA NGAN LAS 'DAS PA'I BDE BA LA 'GOD PA'I BDE BA LA 'GOD PA NI 'JIG RTEN GYI SKYABS SU GYUR PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR @131A *, ,'DOD PA SEMS CAN RNAMS KYI RTEN DU GYUR PA YIN ZHE NA, RAB 'BYOR 'DI LA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA CHOS THAMS CAD 'DRE BA MED PAR CHOS STON PA STE ZHES BYA BA NI SEMS CAN RNAMS KYI RTEN DU GYUR PA'I DON MDOR BSHAD PA STE, DON DAM PAR CHOS THAMS CAD DNGOS PO MED CING RANG BZHIN GYIS DBEN PAS MTSAN NYID MA 'DRES SHING GANG DANG YANG 'BREL PA MED PAR CHOS STON PA NI DON DAM PA'I DBYINGS LA MI BRTEN PA'I TSUL GYIS BRTEN PA'I PHYIR SEMS CAN RNAMS KYI RTEN DU GYUR PA YIN NO ZHES BSTAN PA'O, ,GSOL PA, BCOM LDAN 'DAS JI LTAR NA CHOS THAMS CAD 'DRE BA MA MCHIS PA LAGS ZHES BYA BA NI GONG DU CHOS THAMS CAD 'DRE BA MED PAR CHOS STON TO ZHES BSHAD PA'I DON DE NYID ZHIB TU BSHAD PA'I GLENG BSLANG BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS KYI 'DRE BA MED PA GANG YIN PA DE NI GZUGS KYI 'BREL PA GANG YANG MED PA'O ZHES BYA BA LA SOGS PAS NI CHOS THAMS CAD 'DRE BA MED PA'I DON ZHIB TU BSHAD PA STE, DON DAM PAR CHOS THAMS CAD NGO BO NYID KYIS STONG ZHING RANG BZHIN GYIS DBEN PA NI SO SO'I MTSAN NYID GANG DANG GANG MA 'DRES PAS DE DANG 'BREL PA GANG YANG MED DO ZHES BYA BA'I DON TO, ,GZUGS KYI 'BREL BA MED PA GANG YIN PA DE NI GZUGS KYI SKYE BA MED PA'O ZHES BYA BA NI GZUGS RANG BZHIN GYIS STONG STE, GANG DANG YANG MA 'BREL BA DE NYID SKYE BA MED PA'I RANG BZHIN NO ZHES BSTAN PA'O, ,GZUGS KYI SKYE BA MED PA GANG YIN PA DE NI GZUGS KYI 'GAG PA MED PA'O ZHES BYA BA NI DE LTAR SKYE BA MED NA 'GAG PA YANG MED DO ZHES BYA BA'I DON TO, ,GZUGS KYI 'GAG PA MED PA GANG YIN PA DE NI GZUGS KYI 'DRE BA MED PA'O ZHES BYA BA NI, DE LTAR SKYE BA MED CING 'GAG PA MED PA NI DNGOS PO MED PAS GANG DANG YANG 'DRES PAR MI 'GYUR TE RANG BZHIN GYIS DBEN PA YIN NO ZHES BSTAN PA'O, ,GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU @131B YANG SBYAR BAR BYA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA SEMS CAN RNAMS KYI DPUNG GNYEN DU GYUR PA YIN ZHE NA ZHES BYA BA LA SOGS PAS NI 'JIG RTEN GYI DPUNG GNYEN DU GYUR PA BSTAN PA STE, SEMS CAN RNAMS CHOS RNAMS KYI CHOS NYID MI SHES SHING, MGON SKYABS MED PA LA BYANG CHUB SEMS DPA' BDAG NYID KYIS CHOS RNAMS KYI CHOS NYID JI LTAR RTOGS PA DE BZHIN DU SEMS CAN RNAMS LA MA NOR BAR CHOS BSTAN NA, SEMS CAN RNAMS DE DAG BDUD DANG BGEGS KYI DBANG DU MI 'GYUR BAR GROGS BYAS SHING BSTANGS PAR 'GYUR BA'I PHYIR DPUNG GNYEN DU 'GYUR BA YIN NO ZHES BSTAN PA STE, GZUGS KYI PHA ROL GANG YIN PA DE NI GZUGS MA YIN NO ZHES BYA BA NI GZUGS RNAMS KYI MTHA' DNGOS PO MED PA'I RANG BZHIN GANG YIN PA DE NI GZUGS MA YIN ZHES BYA BA'I CHOS BSTAN NA, SEMS CAN RNAMS KYIS CHOS KYI CHOS NYID DON DAM PA'I DBYINGS RTOGS PAR 'GYUR TE, BDUD KYI DBANG DU MI 'GYUR BA'I PHYIR SEMS CAN RNAMS KYI DPUNG GNYEN DU 'GYUR BA YIN NO ZHES BSTAN PA'O, ,GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU YANG SBYAR BAR BYA'O, ,RAB 'BYOR GZUGS JI LTA BAR CHOS THAMS CAD KYANG DE BZHIN NO ZHES BYA BA NI, DON DAM PAR GZUGS DANG CHOS THAMS CAD STONG PA NYID DU RO GCIG PAS RANG BZHIN THA MI DAD DO ZHES BSTAN PA'O, ,GSOL PA, GANG BCOM LDAN 'DAS KYIS GZUGS JI LTAR CHOS THAMS CAD KYANG DE BZHIN NO ZHES BKA' STZAL NA, BCOM LDAN 'DAS DE LTA LAGS NA NI BYANG CHUB SEMS DPA' SEMS DPA' CHEN POS CHOS THAMS CAD MNGON PAR RDZOGS PAR SANGS RGYAS PAR 'GYUR RO ZHES BYA BA NI, GZUGS JI LTA BA BZHIN DU CHOS THAMS CAD KYANG DE BZHIN NA GZUGS 'BA' ZHIG RTOGS PAS CHOS THAMS CAD KYANG RTOGS PAR 'GYUR TE, DE LTA YIN NA GZUGS 'BA' ZHIG RTOGS PAS RNAM PA THAMS CAD MKHYEN PA NYID THOB PAR 'GYUR RO ZHES RAB 'BYOR GYIS @132A *, ,GAL BZUNG STE GSOL PA'O, ,DE CI'I SLAD DU ZHE NA, BCOM LDAN 'DAS GZUGS KYI PHA ROL NA RNAM PAR RTOG PA GANG YANG MA MCHIS SO ZHES BYA BA LA SOGS PAS NI GZUGS 'BA' ZHIG RTOGS PAS CHOS THAMS CAD RTOGS PAR 'GYUR BAR GAL BZUNG STE GSOL PA'I GTAN TSIGS BSHAD PA STE, KUN RDZOB TU NI GZUGS 'BA' ZHIG RTOGS PAS CHOS THAMS CAD RTOGS PAR MI 'GYUR GYI, DON DAM PAR NI GZUGS KYI PHA ROL ZHES BYA BA GZUGS KYI MTHA' STONG PA NYID KYI RANG BZHIN LA BYA STE, DE NI RNAM PAR RTOG PA'I SPYOD YUL MA YIN TE, DE LTAR RNAM PAR RTOG PA MED PAR SHES NA CHOS THAMS CAD MNGON PAR RDZOGS PAR SANGS RGYAS PAR 'GYUR RO ZHES BSTAN PA'O, ,GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU YANG SBYAR BAR BYA'O, ,'DI NI GZUGS SO, ,'DI NI TSOR BA'O ZHES BYA BA NAS, 'DI NI RNAM PA THAMS CAD MKHYEN PA NYID DO ZHES BGYI BA'I RNAM PAR RTOG PA GANG YANG MA MCHIS SO ZHES BYA BA'I BAR GYIS NI GZUGS KYI PHA ROL NA RNAM PAR RTOG PA GANG YANG MA MCHIS SO ZHES GSOL PA, GZUGS LA SOGS PA'I MTHA' PHA ROL ZHES BYA BA STONG PA NYID LA RNAM PAR RTOG PA GANG DANG GANG MED PA'I DMIGS BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, GZUGS KYI PHA ROL NA RNAM PAR RTOG PA GANG YANG MED DO ZHES BYA BA NAS, RNAM PA THAMS CAD MKHYEN PA NYID KYI PHA ROL NA RNAM PAR RTOG PA MED DO ZHES BYA BA'I BAR GYIS NI GONG DU RAB 'BYOR GYIS GSOL PA'I TSIG DE NYID BZLAS TE, GZUGS LA SOGS PA PHA ROL ZHES BYA BA STONG PA NYID LA RNAM PAR RTOG PA GANG YANG MED PA BDEN NO ZHES BKA' STZAL PA'O, ,'DI NI GZUGS SO, ,'DI NI TSOR BA'O ZHES BYA BA NAS, 'DI NI RNAM PA THAMS CAD MKHYEN PA NYID DO ZHES BYA BAR RNAM PAR RTOG PA GANG YANG MED DE ZHES BYA BA'I BAR GYIS NI, GONG DU GZUGS LA SOGS PA'I PHA ROL NA RNAM PAR RTOG PA GANG YANG MED DO ZHES BSHAD PA RNAM PAR RTOG PA'I THABS JI LTAR RTOGS PA RNAMS MED PA'I DMIGS @132B BSTAN PA STE, GZUGS LA SOGS PA LA DNGOS PO YOD PAR LTA ZHING MTSAN MAR 'DZIN PA'I RNAM PAR RTOG PA MED DO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO RNAMS CHOS DE DAG ZHI BA DAG LA RTOGS KYANG, DE LTAR ZHUM PAR MI 'GYUR ZHING BDAG GIS CHOS DE DAG NI 'DI LTAR MNGON PAR RDZOGS PAR SANGS RGYAS PAR BYA'O, ,BLA NA MED PA YANG DAG PAR RDZOGS PA'I BYANG CHUB NI JI LTAR MNGON PAR RDZOGS PAR SANGS RGYAS NAS, CHOS DE LTAR ZHI BA DE LTAR BZANG BA DE LTAR BSHAD PAR BYA'O SNYAM DU SEMS PA NI DKA' BA BYED PA STE ZHES BYA BA NI, BYANG CHUB SEMS DPAS DON DAM PAR CHOS THAMS CAD RANG BZHIN GYIS STONG ZHING ZHI BA RNAM PAR RTOG PA DANG TSIG GI SPYOD YUL MA YIN PA DE LTA BU RTOGS KYANG, NYAN THOS DANG RANG SANGS RGYAS LTAR SEMS ZHUM ZHING ZHI BA PHYOGS GCIG PA LA MI GNAS PAR THABS MKHAS PAS KUN RDZOB TU SEMS CAN RNAMS LA PHAN GDAGS PA'I PHYIR BSOD NAMS DANG YE SHES KYI TSOGS YONGS SU RDZOGS PAR BYAS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS KYANG CHOS ZAB MO ZHI BA RTOG PA'I SPYOD YUL LAS 'DAS PA BZANG PO DE LTA BU 'JIG RTEN GYI SGRA DANG, THA SNYAD DU SGRO 'DOGS TE, SEMS CAN RNAMS LA BSHAD PAR SEMS PA NI NYAN THOS DANG RANG SANGS RGYAS RNAMS KYI MI NUS PA'I PHYIR DKA' BA SPYOD PA STE NGO MTSAR CHE'O ZHES BSTAN PA'O, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS 'JIG RTEN GYI GLING DU GYUR PA YIN ZHE NA ZHES BYA BA LA SOGS PAS NI, BYANG CHUB SEMS DPA' 'JIG RTEN GYI GLING DU JI LTAR GYUR PA BSTAN PA STE, RAB 'BYOR 'DI LTA STE DPER NA CHU KLUNG NGAM CHU BRAN NAS RGYA MTSO CHEN PO'I NANG NA CHUS YONGS SU BCAD PA'I GNAS GANG JI SNYED CIG YOD PA DE DAG NI GLING ZHES BYA STE ZHES BYA BA NI GLING DU GYUR PA'I DPES BSTAN PA STE, DPER NA CHU KLUNG CHEN PO'AM, 'BAB CHU PHRA MO'AM, RGYA MTSO CHEN PO'I NANG NA SEMS CAN GYI GNAS SU RUNG BA'I THANG MTHA' MA CHUS 'KHOR BA LA GLING ZHES BYA STE, SEMS CAN @133A *, ,CHUS KHYER ZHING GNAS PA'I DBANG MED PA RNAMS GLING DE LTA BU DANG PHRAD NA DE LA BRTEN CING GNAS SU YOD PA LA GLING ZHES BYA BA DE BZHIN DU SEMS CAN YANG DAG PA'I DON MA RTOGS TE, 'KHOR BA'I RGYA MTSO NA 'KHYAMS PA RNAMS MYA NGAN LAS 'DAS PA'I GNAS BDE BA RNYED NA 'KHOR BAR MI 'KHYAM ZHING GLING LA GNAS PA DANG 'DRA BAR BDE BA LA 'JOG PA'I CHOS ZAB MO ZHI BA BZANG PO STON PA LA GLING DU GYUR PA ZHES BYA'O, ,RAB 'BYOR DE BZHIN DU GZUGS SNGON GYI MTHA' DANG PHYI MA'I MTHA' YONGS SU CHAD PA'O ZHES BYA BA NI, DON DAM PAR GZUGS KYI RANG BZHIN YOD PAR MA GRUB PAS SNGON YANG 'DI TZAM NAS BYUNG NGO ZHES BYA BA'AM, PHYI MA'I MTHA' YANG 'DI TZAM NAS 'BYUNG BAR 'GYUR RO ZHES BYA BA MED DE, DE LTAR MTHA' GNYIS YONGS SU CHAD CING MTHA' GNYIS KA LA MI GNAS PAR MTHA' GNYIS DANG BRAL BA'I CHOS KYI DBYINGS LA MI GNAS PA'I TSUL GYIS GNAS PAR CHOS STON PA LA GLING DU GYUR PA ZHES BYA'O, ,GZUGS LA JI LTAR BSHAD PA DE BZHIN DU TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU SBYAR BAR BYA'O, ,RAB 'BYOR SNGON GYI MTHA' DANG PHYI MA'I MTHA' YONGS SU CHAD PA 'DIS CHOS THAMS CAD YONGS SU CHAD PA STE ZHES BYA BA NI DE LTAR GZUGS LA SOGS PA'I CHOS RNAMS MTHA' GNYIS DANG BRAL BA'I DON GONG DU BSHAD PA NYID MDOR BSDUS TE BSTAN PA STE, MDOR NA CHOS THAMS CAD KYANG DON DAM PAR DNGOS PO YOD PAR MA GRUB PAS MTHA' GNYIS DANG BRAL BAR YONGS SU CHAD PA YIN NO ZHES BSTAN PA'O, ,RAB 'BYOR CHOS THAMS CAD KYI SNGON GYI MTHA' DANG PHYI MA'I MTHA' YONGS SU CHAD PA GANG YIN PA DE NI ZHI BA'O DE NI BZANG BA'O ZHES BYA BA LA SOGS PAS NI DE LTAR MTHA' GNYIS DANG BRAL BA NYID MYA NGAN LAS 'DAS PA YIN NO ZHES MYA NGAN LAS 'DAS PA'I RNAM GRANGS BSTAN PA STE, DE NI ZHI BA'O ZHES BYA BA NI SHES BYA DANG NYON MONGS PA'I SGRIB PA THAMS CAD YONGS SU BYANG BA'I PHYIR RO, ,DE NI BZANG BA'O ZHES BYA BA NI BDUD LA SOGS PA'I GDON THAMS CAD DANG BRAL BA'I PHYIR RO, ,DE NI YANG DAG PA STE ZHES BYA BA NI DON MA NOR @133B CING PHYIN CI MA LOG PA'I PHYIR RO, ,'DI LTAR STONG PA NYID DANG, DMIGS SU MED PA DANG ZHES BYA BA THEG PA CHUNG NGU BAS MYA NGAN LAS 'DAS PA ZHES BYA BA DNGOS PO YOD PAR BRTAGS PA LTA BUR DNGOS PO YOD PAR MA YIN PA'I PHYIR RO, ,LAM GYI RGYUN CHAD PA ZHES BYA BA NI 'KHOR BA'I LAM RGYUN LNGAR MI SKYE BA'I PHYIR RO, ,SRED PA ZAD PA ZHES BYA BA NI PHUNG PO PHYI MA LEN PA'I SRED PA MED PA'I PHYIR RO, ,'DRE BA MED PA ZHES BYA BA NI ZAG PA DANG BCAS PA'I CHOS RNAMS DANG MA 'DRES PA'I PHYIR RO, ,'DOD CHAGS DANG BRAL BA ZHES BYA BA NI KHAMS GSUM GYI DNGOS PO LA YANG MA CHAGS PA'I PHYIR RO, ,'GOG PA ZHES BYA BA NI LAS DANG NYON MONGS PA THAMS CAD 'GAGS TE RGYUN CHAD PA'I PHYIR RO, ,MYA NGAN LAS 'DAS PA ZHES BYA BA NI PHUNG PO'I GNOD PA THAMS CAD DANG BRAL BA'I PHYIR RO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS, DE LTAR ZHI BA DE LTAR BZANG PO'I CHOS DE DAG STON TE ZHES BYA BA NI DE LTAR BYANG CHUB SEMS DPA' CHOS THAMS CAD PHYIN CI MA LOG PAR RTOGS NAS, JI LTAR RTOGS PA'I CHOS RNAMS SEMS CAN RNAMS LA YANG DAG PA JI LTA BA BZHIN DU BSTAN PAS SEMS CAN RNAMS MYA NGAN LAS 'DAS PA'I GNAS BDE BA LA 'GOD PA'I PHYIR GLING DU GYUR PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS 'JIG RTEN GYI SNANG BAR 'GYUR BA YIN ZHE NA ZHES BYA BA NAS, MA RIG PA'I MUN PA DANG MI SHES PA'I RAB RIB SEL TE ZHES BYA BA'I BAR GYIS NI 'JIG RTEN GYI SNANG BAR GYUR PA BSTAN PA STE, SEMS CAN RNAMS THOG MA MED PA'I DUS NAS 'KHOR BA'I MUN NAG NA 'KHOR ZHING MA RIG PAS BSGRIBS TE YANG DAG PA'I LTA BA LA MA PHYOGS PA RNAMS, BYANG CHUB SEMS DPA' THABS MKHAS PAS YANG DAG PA'I LTA BA LA 'DZUD PA NI 'JIG RTEN GYI SNANG BAR 'GYUR BA YIN NO ZHES BSTAN @134A *, , PA'O, ,RAB 'BYOR JI LTA NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN RNAMS KYI SGRON MA 'DZIN CING 'OD 'BYIN PA YIN ZHE NA ZHES BYA BA NAS, SEMS CAN RNAMS KYANG DE LA YANG DAG PAR BSKUL ZHING SBYAR LA GZHOG CING RAB TU DGONG DE ZHES BYA BA'I BAR GYIS NI SEMS CAN RNAMS KYI SGRON MA 'DZIN CING 'OD 'BYIN PA BSTAN PA STE, SEMS CAN DAM PA'I CHOS MA THOS SHING MI SHES PA RNAM LA, THEG PA CHEN PO'I MDO SDE PHA ROL TU PHYIN PA DRUG GI DON STON PA 'PHAGS PA'I BDEN PA BZHI'I BYIN GYI RLABS DANG LDAN PA BSDU BA RNAM BZHIS SEMS CAN RNAMS SDUD PA'I THABS STON PA DAG SEMS CAN RNAMS LA DON MA NOR BAR STON CING, SEMS CAN RNAMS PHA ROL TU PHYIN PA DRUG DANG, 'PHAGS PA'I BDEN PA BZHI DANG, BSDU BA'I DNGOS PO BZHI LA SPYOD DU 'JUG PA NI SEMS CAN RNAMS KYI SGRON MA 'DZIN CING 'OD 'BYIN PA YIN NO ZHES BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN RNAMS KYI DED DPON DU GYUR PA YIN ZHE NA ZHES BYA BA NAS, MYA NGAN LAS 'DAS PA MNGON SUM DU BYA BA'I PHYIR GCIG LA BRTEN PA'I LAM STON TE ZHES BYA BA'I BAR GYIS NI BYANG CHUB SEMS DPA' SEMS CAN RNAMS KYI DED DPON DU GYUR PA BSTAN PA STE, DPER NA TSONG PA MANG PO LAM NGAN PA DANG LAM LOG PAR ZHUGS PA RNAMS DED DPON GYIS SKYONG SHING LAM BDE BA DANG, LAM LA MA LOG PAR BTZUD DE DES NA LAM NA NYE ZHO MED PAR GNAS SU PHYIN PAR 'GYUR BA DE BZHIN DU, BYANG CHUB SEMS DPA' YANG SEMS CAN MU STEGS CAN GYI LAM NGAN PAR ZHUGS PA DANG, PHYIN CI LOG BZHI LA ZHEN PA RNAMS LA THEG PA CHEN PO'I CHOS BZANG PO BSTAN TE, 'PHAGS PA'I LAM LA BTZUD NAS MYA NGAN LAS 'DAS PA'I GNAS BZANG PO LA 'GOD PA DED DPON DANG 'DRA BA'I PHYIR SEMS CAN RNAMS KYI DED DPON DU GYUR PA YIN NO @134B ZHES BSTAN PA'O, ,SEMS CAN LAM NGAN PAR ZHUGS LA ZHES BYA BA'I BA NI MU STEGS CAN GYI LTA BA NGAN PA LA PHYOGS PA LA BYA'O, ,TSUL MA YIN PA BZHI LA ZHEN PA ZHES BYA BA NI PHYIN CI LOG BZHI LA ZHEN PA STE, MI RTAG PA LA RTAG PAR LTA BA DANG, BDAG MED PA LA BDAG YOD PAR LTA BA DANG, SDUG BSNGAL BA LA BDE BAR 'DZIN PA DANG, MI GTZANG BA LA GTZANG BAR 'DZIN PA LA TSUL MA YIN PA BZHI LA ZHEN PA ZHES BYA'O, ,SEMS CAN RNAM PAR DAG PAR BYA BA'I DON DU ZHES BYA BA NI SEMS CAN LAM NGAN PAR ZHUGS SHING TSUL MA YIN PA BZHI LA ZHEN PA RNAMS, LAM NGAN PA DANG TSUL MA YIN PA LA SOGS PA'I SKYON GYIS MI GOS PAR BYA BA'I PHYIR LAM STON TO ZHES BYA BA DANG SBYAR RO, ,MYA NGAN DANG GNOD PA LAS YANG DAG PAR BZLA BA DANG SDUG BSNGAL DANG YID MI BDE BA NUB PAR BYA BA DANG ZHES BYA BA NI 'KHOR BA'I SDUG BSNGAL LAS THAR PAR BYA BA'I PHYIR LAM STON TO ZHES BYA BA DANG SBYAR RO, ,RIGS PA DANG LDAN PA'I CHOS GO BAR BYA BA DANG ZHES BYA BA NI GANG ZAG DANG CHOS LA BDAG MED PA'I DON STON CING THABS DANG SHES RAB ZUNG DU 'BREL BAR SPYOD PA STON PA THEG PA CHEN PO'I MDO SDE RNAMS GO BAR BYA BA'I PHYIR LAM STON TO ZHES BYA BA DANG SBYAR RO, ,MYA NGAN LAS 'DAS PA MNGON DU BYA BA'I PHYIR GCIG LA BRTEN PA'I LAM STON TE BYA BA NI MI GNAS PA'I MYA NGAN LAS 'DAS PA THOB PAR BYA BA'I PHYIR THEG PA CHEN PO GCIG PU LA GZHOL BA'I CHOS STON TO ZHES BYA BA'I DON TO, ,RAB 'BYOR JI LTAR NA BYANG CHUB SEMS DPA' SEMS CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS, SEMS CAN RNAMS KYI YONGS SU 'DREN PAR GYUR PA YIN ZHE NA ZHES BYA BA NAS, BLA NA MED PA YANG DAG PAR RDZOGS PA'I BYANG CHUB SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA'I PHYIR CHOS STON TE ZHES BYA BA'I BAR GYIS NI BYANG CHUB SEMS DPA' SEMS CAN RNAMS KYI YONGS SU 'DREN PAR 'GYUR BA BSTAN PA STE, SEMS CAN RNAMS GZUGS @135A *, ,LA SOGS PA'I CHOS THAMS CAD DNGOS PO YOD PAR LTA ZHING, SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA LA MTSAN MAR 'DZIN PA RNAMS LA GZUGS LA SOGS PA'I CHOS THAMS CAD DON DAM PAR RANG BZHIN GYIS STONG PAS SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA MED PA'I CHOS ZAB MO BSTAN TE, SEMS CAN RNAMS DON DAM PA'I DBYINGS LA 'DZUD PA'I PHYIR SEMS CAN RNAMS KYI YONGS SU 'DREN PA YIN NO ZHES BSTAN PA'O, , RAB 'BYOR JI LTAR NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS, SEMS CAN RNAMS KYI LAM DU GYUR PA YIN ZHE NA ZHES BYA BA NAS RNAM PA THAMS CAD MKHYEN PA NYID NI NAM MKHA'I NGANG TSUL CAN ZHES BYA BAR SEMS CAN RNAMS LA CHOS STON TO ZHES BYA BA'I BAR GYIS NI BYANG CHUB SEMS DPA' SEMS CAN RNAMS KYI LAM DU GYUR PA BSTAN PA STE, SEMS CAN DNGOS PO LA CHAGS PA RNAMS LA DON DAM PAR CHOS THAMS CAD RANG BZHIN GYIS STOD PAS NAM MKHA' DANG 'DRA BAR DNGOS PO MED DE, CIS KYANG MA GOS PA YIN NO ZHES CHOS BSTAN NA SEMS CAN RNAMS BLA NA MED PA'I BYANG CHUB TU LAM MA GOL BAR ZHUGS PAR GYUR PA'I PHYIR, SEMS CAN RNAMS KYI LAM DU GYUR PA YIN NO ZHES BSTAN PA'O, ,GZUGS KYI STONG PA NYID NI 'GRO BA MED PA STE, DE NI MI 'GRO MI 'ONG NGO ZHES BYA BAR SEMS CAN RNAMS LA CHOS STON TO ZHES BYA BA NAS, RNAM PA THAMS CAD MKHYEN PA NYID KYI STONG PA NYID NI 'GRO BA MED PA STE, DE NI MI 'GRO MI 'ONG NGO ZHES BYA BAR SEMS CAN RNAMS LA CHOS STON TO ZHES BYA BA'I BAR GYIS KYANG SEMS CAN RNAMS KYI LAM DU GYUR PA BSTAN PA STE, BYANG CHUB SEMS DPA' SEMS CAN RNAMS KYI LAM DU GYUR PA YIN NO ZHES BSTAN PA LA, DE LTAR LAM YOD NA 'GRO BA DANG 'ONG BA YANG YOD DAM SNYAM DU RNAM PAR RTOG PA BSAL BA'I PHYIR DON DAM PAR CHOS THAMS CAD RANG BZHIN GYIS STONG PAS STONG PA LA NI LAM YANG MED 'GRO BA DANG 'ONG BA GANG YANG MED DO @135B ZHES CHOS STON PA LA DE NYID THEG PA CHEN PO'I LAM MA NOR BAR STON PA YIN PA'I PHYIR SEMS CAN RNAMS KYI LAM DU GYUR PA YIN NO ZHES BSHAD PA'O, ,DE CI'I PHYIR ZHE NA, RAB 'BYOR CHOS THAMS CAD NI STONG PA NYID KYI NGANG TSUL CAN DE DAG NI NGANG TSUL DE LAS MI 'DA'O ZHES BYA BA LA SOGS PAS NI CHOS THAMS CAD 'GRO BA DANG 'ONG BA MED PA BSHAD PA'I DON GANG DU SMOS PA'I GTAN TSIGS BSTAN PA STE, CHOS THAMS CAD NI STONG PA NYID KYI NGANG TSUL CAN TE ZHES BYA BA NAS, RAB 'BYOR DE CI'I PHYIR ZHE NA, SMON PA MED PA LA 'GRO BA 'AM 'ONG BA MI DMIGS SO ZHES BYA BA'I BAR GYIS NI CHOS THAMS CAD RNAM PAR THAR PA'I SGO GSUM GYI RANG BZHIN DANG THA MI DAD DE, RNA PAR THAR PA'I SGO GSUM LA 'GRO BA DANG 'ONG BA MED PA DE BZHIN DU CHOS THAMS CAD LA YANG 'GRO BA DANG 'ONG BA MED DE, DE LTAR YANG DAG PA'I DON STON PA BYANG CHUB SEMS DPA' DE NI SEMS CAN RNAMS KYI DON DU GYUR PA YIN NO ZHES BYA BA'I TSIG GONG DU SMOS PA DANG SBYAR RO, ,RAB 'BYOR CHOS THAMS CAD NI MNGON PAR 'DU BYA BA MED PA'I NGANG TSUL CAN TE ZHES BYA BA NAS, ,DE CI'I PHYIR ZHE NA, SPRUL PA LA 'GRO BA DANG 'ONG BA MI DMIGS SO ZHES BYA BA'I BAR GYIS NI, CHOS THAMS CAD DON DAM PAR DNGOS PO YOD PAR MA GRUB PAS, MNGON PAR 'DU BYA BA MED PA DANG, SKYE BA MED PA DANG 'GAG PA MED PA DANG, KUN NAS NYON MONGS PA DANG, RNAM PAR BYANG BA MED DE, RMI LAM DANG, SGYU MA DANG, SGRA BRNYAN DANG, MIG YOR DANG, GZUGS BRNYAN DANG, SMIG RGYU DANG, CHU ZLA DANG, SPRUL PA DANG 'DRA BA'I PHYIR 'GRO BA DANG 'ONG BA MED DO ZHES BSTAN PA'O, ,RAB 'BYOR CHOS THAMS CAD MTHA' YAS KUN DU MTHA' YAS PA'I NGANG TSUL CAN TE ZHES BYA BAS NI, CHOS THAMS CAD RANG BZHIN GYIS STONG STE, DNGOS PO MED PAS SKYE BA DANG 'GAG PA'I MTHA'AM, RTAG PA DANG CHAD PA LA SOGS PA'I MTHA' LAS 'DAS PA'I PHYIR 'GRO BA'AM 'ONG BA MI DMIGS SO ZHES BYA BA DANG SBYAR RO, ,RAB 'BYOR CHOS THAMS CAD NI DBYUNG BA DANG MI DBYUNG BA MED PA'I NGANG TSUL CAN TE ZHES BYA BAS NI, @136A *, ,CHOS THAMS CAD DON DAM PAR RANG BZHIN GYIS STONG PAS MED PA LA YOD PAR SGO MA BTAGS PA'I PHYIR SGRO MA BTAGS PA'I PHYIR, SGO BTAGS PA'I DNGOS PO DBYUNG DU YANG MED LA YOD PA LA YANG MED PAR SKUR PA MA BTAB PA'I PHYIR, MI DBYUNG BA YANG MED PA'I RANG BZHIN CAN TE, DE LTA BU LA 'GRO BA DANG 'ONG BA DMIGS SU MED DO ZHES BSTAN PA'O, ,RAB 'BYOR CHOS THAMS CAD NI DBRI BA DANG BSNAN PA MED PA'I NGANG TSUL CAN TE ZHES BYA BA NI DON DAM PAR CHOS THAMS CAD RANG BZHIN GYIS YONGS SU DAG PA YIN PAS, NYON MONGS PA'I PHYOGS DBRIR YANG MED LA; RNAM PAR BYANG BA'I PHYOGS KYIS BSNAN DU YANG MED PA'I RANG BZHIN CAN LA 'GRO BA DANG 'ONG BA MED DO ZHES BSTAN PA'O, ,RAB 'BYOR CHOS THAMS CAD NI 'ONG BA MED PA'I NGANG TSUL CAN TE ZHES BYA BAS NI, CHOS THAMS CAD RANG BZHIN GYIS YONGS SU DAG STE, MI 'GYUR BA YIN PAS RNAM PAR BYANG BA'I CHOS RNAMS GANG NAS KYANG 'ONG BA MED DE, MI 'GYUR BA YONGS SU GRUB PA LA 'GRO BA DANG 'ONG BA MED DO ZHES BYA BA'I DON TO, ,RAB 'BYOR CHOS THAMS CAD BLANG BA DANG DOR BA MED PA'I NGANG TSUL CAN TE ZHES BYA BAS NI, DON DAM PAR CHOS THAMS CAD DNGOS PO YOD PAR MA GRUB PAS RNAM PAR BYANG BA'I PHYOGS BLANG DU YANG MED LA, NYON MONGS PA'I PHYOGS SPANG ZHING DOR DU YANG MED DE, DE LTAR DNGOS PO MED PA 'GRO BA'AM 'ONG BA YANG DMIGS SU MED DO ZHES BSTAN PA'O, ,RAB 'BYOR CHOS THAMS CAD NI PHRAD PA MED PA DANG, 'BRAL BA MED PA'I NGANG TSUL CAN TE ZHES BYA BA NI, DON DAM PAR CHOS THAMS CAD THOG NA NAS ZHI ZHING RANG BZHIN GYIS YONGS SU DAG PA YIN PAS SNGAR 'DUS BYAS KYI DNGOS PO DANG PHRAD BA YANG MED LA, PHYIS 'DUS BYAS KYI RANG BZHIN SPANGS SHING 'BRAL BAR 'GYUR BA YANG MED DE, RANG BZHIN MI 'GYUR BA'I PHYIR 'GRO BA'AM 'ONG BA MI DMIGS ZHES BYA BA'I DON TO, ,RANG 'BYOR CHOS THAMS CAD NI 'DRE BA MED PA'I NGANG TSUL CAN TE ZHES BYA BA NI, DON DAM PAR CHOS THAMS CAD RANG BZHIN GYIS YONGS SU DAG PAS NYON MONGS PA RNAMS DANG 'DRES PAR 'GYUR BA YANG MED LA, GNYEN PO @136B BSGOMS NA 'DRES PAR MI 'GYUR BA YANG MED DE DE LTAR YONGS SU DAG PA LA 'GRO BA 'ONG BA MI DMIGS SO ZHES BSTAN PA'O, ,RAB 'BYOR CHOS THAMS CAD NI BDAG GI NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR MTHONG BA PO NYID KYANG SHIN TU MED NA, DE LA 'GRO BA'AM 'ONG BA LTA GA LA YOD CES BYA BA'I BAR GYIS NI CHOS THAMS CAD DON DAM PAR DNGOS PO YOD PAR MA GRUB STE, DNGOS PO MED PA LA YOD PAR SGRO BTAGS SHING 'KHRUL PA NI, DPER NA MU STEGS CAN GYIS YONGS SU BTAGS PA'I BDAG DANG, SEMS CAN DANG, SROG DANG 'GRO BA DANG, GSO BA DANG, SKYES BU DANG, GANG ZAG DANG, SHED CAN DANG, SHED BDAG DANG, BYED PA PO DANG, BYED DU 'JUG BA PO DANG, SLONG BA PO DANG, YONGS SU SLONG BA PO DANG, TSOR BA PO DANG, TSOR BAR BYED PA PO DANG, SHES PA PO DANG, MTHONG BA PO RNAMS KUN RDZOB TU YANG YOD PA MA YIN TE, DE DAG LA 'GRO BA DANG 'ONG BA MED PA DE BZHIN DU CHOS THAMS CAD KYANG DNGOS PO YOD PAR MA GRUB PAS 'GRO BA DANG 'ONG BA MED DO ZHES BSTAN PA'O, ,RAB 'BYOR CHOS THAMS CAD NI RTAG PA'I NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR SDUG PA NYID KYANG SHIN TU MED NA, DE LA 'GRO BA'AM 'ONG BLTA GA LA YOD CES BYA BA'I BAR GYIS NI, MU STEGS CAN GYIS MI RTAG PA LA RTAG PA DANG, SDUG BSNGAL BA LA BDE BAR BRTAGS PA DANG, BDAG MED PA LA BDAG YOD PAR BRTAGS PA DANG, MI SDUG BA LA SDUG PAR PHYIN CI LOG TU BRTAGS PA RNAMS YANG DAG PAR YOD PA MA YIN PA DE BZHIN DU CHOS THAMS CAD KYANG YANG DAG PAR SPYOD PAR MA GRUB PAS DE LA 'GRO BA'AM 'ONG BA MED DO ZHES BSTAN PA'O, ,RAB 'BYOR CHOS THAMS CAD NI MI RTAG PA'I NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR MI SDUG PA NYID KYANG SHIN TU MED NA, DE LA 'GRO BA DANG, 'ONG BA LTA GA LA YOD CES BYA BA'I BAR GYIS NI THEG PA CHUNG NGU BA RNAMS KYIS CHOS THAMS CAD MI RTAG PA DANG SDUG BSNGAL BA DANG, BDAG MED PA DANG, MI SDUG PA'I RNAG BZHIN DU BRTAGS PA DE @137A *, ,DAG KYANG DON DAM PAR DE LTA BU'I RANG BZHIN DU YOD PA YANG MA YIN TE, DE BAS 'GRO BA DANG 'ONG BA MED DO ZHES BSTAN PA'O, ,RAB 'BYOR CHOS THAMS CAD NI 'DOD CHAGS KYI NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR LTA BA'I RNAM PA'I DNGOS PO NYID KYANG SHIN TU MED NA, DE LA 'GRO BA'AM 'ONG BA LTA GA LA YOD CES BYA BA'I BAR GYIS NI, 'DOD CHAGS DANG, ZHES SDANG DANG, GTI MUG DANG, 'JIG TSOGS LA LTA BA DANG, MTHAR 'DZIN PAR LTA BA LA SOGS PA YANG DAG PAR YOD PA MA YIN PA DE BZHIN DU, CHOS THAMS CAD KYANG YANG DAG PAR YOD PA MA YIN PAS 'GRO BA'AM 'ONG BA MED DO ZHES BSTAN PA'O, ,RAB 'BYOR CHOS THAMS CAD NI DE BZHIN NYID KYI NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR CHOS GANG LA YANG G-YO BA MED DE 'GRO BA'AM 'ONG BA MED DO ZHES BYA BA'I BAR GYIS NI, CHOS THAMS CAD CHOS KYI DBYINGS KYI RANG BZHIN DU RO GCIG PAS DE LA 'GRO BA'AM 'ONG BA MED PA BSTAN PA STE, DE BZHIN NYID DANG, CHOS KYI DBYINGS DANG, YANG DAG PA'I MTHA' DANG, NYAM PA NYID DANG, BSAM GYIS MI KHYAB PA'I DBYINGS DANG, MI G-YO BA ZHES BYA BA NI, CHOS KYI DBYINGS STONG PA NYID KYI RNAM GRANGS SU GTOGS SO, ,RAB 'BYOR CHOS THAMS CAD NI GZUGS KYI NGANG TSUL CAN TE ZHES BYA BA NAS, DE CI'I PHYIR ZHE NA, RAB 'BYOR BLA NA MED PA YANG DAG PAR RDZOGS PA'I BYANG CHUB DE LA 'GRO BA MA 'ONG BA MI DMIGS SO ZHES BYA BA'I BAR GYIS NI GZUGS LA SOGS PA 'JIG RTEN DANG, 'JIG RTEN LAS 'DAS PA'I CHOS THAMS CAD DON DAM PAR DNGOS PO YOD PAR MA GRUB PAS, DE DAG LA 'GRO BA DANG 'ONG BA MED PA DE BZHIN DU DE LAS GZHAN PA 'DUS BYAS DANG, 'DUS MA BYAS LA SOGS PA'I CHOS THAMS CAD KYANG DNGOS PO MED PA'I RANG BZHIN DU 'DRA BAS, DE DAG LA YANG 'GRO BA DANG 'ONG BA MED DO ZHES BSTAN PA'O, ,SKABS 'DIR PHUNG PO LNGA SMOS PA'I 'OG TU PHYI NANG GI SKYE MCHED BCU GNYIS DANG, RNAM PAR SHES PA DRUG DANG, 'DUS TE REG PA DRUG DANG, 'DUS TE REG @137B PA LAS BYUNG BA'I TSOR BA DRUG DANG, SA'I KHAMS LA SOGS PA KHAMS DRUG DANG, MA RIG PA LA SOGS PA'I RTEN CING 'BREL BAR 'BYUNG BA'I YAN LAG BCU GNYIS RNAMS MA SMOS PA NI, 'KHOR BA'I CHOS RNAMS PHUNG PO LNGA'I NANG DU 'DUS PAR DGONGS NAS MA SMOS PAR RIG PAR BYA'O, , RAB 'BYOR GYIS GSOL PA, BCOM LDAN 'DAS DE LTAR ZAB PA'I SHES RAB KYI PHA ROL TU PHYIN PA LA SU ZHIG MOS PAR 'GYUR ZHES BYA BA NAS, DGE BA'I BSHES GNYEN GYIS YONGS SU BZUNG BA DE DAG SHES RAB KYI PHA ROL TU PHYIN PA ZAB MO 'DI LA MOS PAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI LA MOS PAR DKA' ZHING, THAMS CAD KYI SPYOD YUL MA YIN PA DANG, SHES RAB KYI PHA ROL TU PHYIN PA ZAB MO 'DI LA SPYOD PA'I BYANG CHUB SEMS DPA' DKON PA BSTAN PA STE, SNGON YANG BLA NA MED PA YANG DAG PAR RDZOGS PA'I BYANG CHUB TU SMON LAM BTAB CING BYANG CHUB SEMS DPA'I SPYAD PA SPYOD PA DANG, SNGON GYIS SANGS RGYAS BCOM LDAN 'DAS LA DGE BA'I RTZA BA BSKYED PA DANG, THEG PA CHEN PO'I DGE BA'I BSHES GNYEN GYIS YONGS SU BZUNG BA RNAMS SHES RAB KYI PHA ROL TU PHYIN PA ZAB MO 'DI LA DAD CING MOS NAS SPYOD PAR 'GYUR GYI GZHAN LA DE LTA BUR DAD CING SPYOD PA'I SKAL BA MED DO ZHES BYA BA'I DON TO, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU BDUN PA'O,, ,,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI LA MOS PAR 'GYUR ZHES BYA BA LA SOGS PAS NI, GANG DU CHOS THAMS CAD 'GRO BA DANG 'ONG BA MED PA'I DON ZAB MO BSHAD PA LA MOS PA'I BYANG CHUB SEMS DPA' DE DAG SNGON YANG BYANG CHUB SEMS DPA'I SPYAD PA SPYOD PA YIN LA, SNGON GYI RGYAL BA LA BSNYEN BKUR BYAS SHING DGE BA'I RTZA BA BSKYED PA DANG, DGE BA'I BSHES GNYEN GYIS YONGS BZUNG BA YIN NA, BYANG CHUB SEMS DPA' DE DAG GI RANG BZHIN DANG, TSUL DANG, MTSAN MA DANG, RNAM PA JI LTA BU ZHIG TU RIG @138A *, ,PAR BGYI ZHES RAB 'BYOR GYIS ZHUS PA'O, ,BCO, LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI LA MOS PAR GYUR PA DE DAG NI 'DOD CHAGS RNAM PAR BSAL BAS DBEN PA'I RANG BZHIN DU 'GYUR RO ZHES BYA BA NI, CHOS THAM CAN RANG BZHIN GYIS STONG PAR RTOGS PAS CHAGS PAR BYA BA DANG, CHAGS PAR BYED PA GNYIS KA MI DMIGS PA'I SGO NAS, 'DOD CHAGS BSAL TE MED PAR GYUR PAS, 'DOD CHAGS KYI DRI MAS MA GOS SHING, DBEN PAR GYUR BA NYID BYANG CHUB SEMS DPA' DE DAG GI RANG BZHIN NO ZHES BSTAN PA'O, ,BYANG CHUB SEMS DPA' SEMS DPA' CHEN PO DE DAG NI, ZHE SDANG DANG, GTI MUG RNAM PAR BSAL BAS DBEN PA'I RANG BZHIN DU 'GYUR RO ZHES BYA BAS NI, DON DAM PAR CHOS THAMS CAD RANG BZHIN GYIS STONG PAS, ZHE SDANG BAR BYA BA DANG, GTI MUG PAR 'GYUR BA'I DNGOS PO DANG, ZHE SDANG BAR BYED PA DANG, GTI MUG PAR BYA BA'I DNGOS PO THAMS CAD MI DMIGS PA'I SGO NAS, ZHE SDANG DANG, GTI MUG RNAM PAR BSAL BAS ZHE SDANG DANG, GTI MUG GI DRI MAS MGOS SHING, DBEN PAR GYUR BA NYID BYANG CHUB SEMS DPA' DE DAG GI RANG BZHIN YIN NO ZHES BSTAN PA'O, ,BYANG CHUB SEMS DPA' SEMS DPA' CHEN PO DE DAG NI 'DOD CHAGS KYI TSUL GYIS DBEN PA'I RANG BZHIN DU 'GYUR RO, ,BYANG CHUB SEMS DPA' SEMS DPA' CHEN PO DE DAG NI, ZHE SDANG DANG, GTI MUG GI TSUL GYIS DBEN PA'I RANG BZHIN DU 'GYUR RO ZHES BYA BA NI, BYANG CHUB SEMS DPA' DE DAG GI TSUL JI LTA BU YIN PA BSTAN PA STE, GONG DU BSHAD PA LTAR 'DOD CHAGS DANG, ZHE SDANG DANG GTI MUG GSUM NI MI DMIGS PA'I TSUL GYIS BSAL TE, DE DAG LAS DPEN PAR GYUR NA 'DOD CHAGS DANG, ZHE SDANG DANG, GTI MUG GSUM GYIS G-YENGS SHING, DE DAG LA SPYOD PA'I TSUL MED DE, TSUL DE DAG DANG BRAL ZHING, TSUL DE DAG LAS DBEN PAR GYUR PA NYI BYANG CHUB SEMS DPA' DE DAG GI TSUL DANG, RTAGS YIN NO ZHES BSTAN PA'O, , @138B RAB 'BYOR BYANG CHUB SEMS DPA' SEMS DPA' CHEN PO DE DAG NI, 'DOD CHAGS KYI MTSAN MAS DBEN PA'I RANG BZHIN DU 'GYUR RO, ,RAB 'BYOR BYANG CHUB SEMS DPA' SEMS DPA' CHEN PO DE DAG NI ZHE SDANG DANG, GTI MUG GI MTSAN MAS DBEN PA'I RANG BZHIN DU 'GYUR RO ZHES BYA BAS NI, BYANG CHUB SEMS DPA' DE DAG GI MTSAN MA BSTAN PA STE, 'DOD CHAGS DANG, ZHE SDANG DANG, GTI MUG GI MTSAN MA ZHES BYA BA NI, SKABS 'DIR 'DOD CHAGS DANG, ZHE SDANG DANG, GTI MUG GI RGYU DANG, DMIGS PA'I YUL LA BYA STE, DE LA RGYU NI BAG CHAGS DANG, BAG LA NYAL BA MA SPANGS PA DANG, TSUL BZHIN MA YIN PA YID LA BYED PA'O, ,DMIGS PA'I YUL NI BUD MED BZANG MO LA SOGS PA 'DOD CHAGS LDANG BA'I YUL DANG, DGRA LA SOGS PA ZHE SDANG LDANG BA'I YUL DANG, RTEN CING 'BREL PAR 'BYUNG BA'I CHOS DKA' BA SHES PAR MI NUS PA'I DMIGS PA'I YUL RNAMS LA BYA STE, MTSAN MA DE DAG BYANG CHUB SEMS DPA' LA MED CING DBEN PAR GYUR PA NYID BYANG CHUB SEMS DPA' DE DAG GI MTSAN MA YIN NO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO DE DAG NI 'DOD CHAGS KYI RNAM PAS DBEN PA'I RANG BZHIN DU 'GYUR RO, ,RAB 'BYOR BYANG CHUB SEMS DPA' SEMS DPA' CHEN PO DE DAG NI ZHE SDANG DANG GTI MUG GI RNAM PAS DBEN PA'I RANG BZHIN DU 'GYUR RO ZHES BYA BAS NI, BYANG CHUB SEMS DPA' DE DAG GI RNAM PA JI LTA BU YIN PA BSTAN PA STE, 'DOD CHAGS DANG, ZHE SDANG DANG GTI MUG GI RNAM PA ZHES BYA BA NI, 'DOD CHAGS DANG ZHE SDANG DANG GTI MUG GI YUL LA 'JUG PA'I MTSAN MA'AM RTAGS LA BYA STE, BYANG CHUB SEMS DPAS 'DOD CHAGS DANG, ZHE SDANG DANG, GTI MUG GI RNAM PA BSAL BAS 'DOD CHAGS LA SOGS PA'I YUL LA 'JUG PA'I MNGON RTAGS MED DE, DBEN PAR GYUR PA NYID DE'I RNAM PA YIN NO ZHES BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG GIS SHES RAB KYI PHA ROL TU PHYIN PA ZAB MO 'DI LA YONGS SU BTZAL BAR GYUR PA DE DAG @139A *, ,GI NGANG TSUL JI LTA BU LAGS ZHES BYA BA NI GONG DU BSHAD PA LTA BU'I RANG BZHIN DANG, NGANG TSUL DANG, MTSAN MA DANG, RNAM PA DANG LDAN PA'I BYANG CHUB SEMS DPA' SHES RAB KYI PHA ROL TU PHYIN PA ZAB MO'I DON RTOGS PA DE DAG CI LA BRTEN PA'I RANG BZHIN NAM; NGANG TSUL LAGS ZHES RAB 'BYOR GYIS ZHUS PA LA, BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI YONGS SU SHES PAR 'GYUR BA DE NI RNAM PA THAMS CAD MKHYEN PA NYID KYI NGANG TSUL CAN DU 'GYUR RO ZHES BYA BA NI, DE LTAR SHES RAB KYI PHA ROL TU PHYIN PA'I DON ZAB MO RTOGS PA'I BYANG CHUB SEMS DPA' DE NI, KUN RDZOB TU YANG RNAM PA THAMS CAD MKHYEN PA NYID THOB PAR BYA BA'I DON LA RTON LA, DON DAM PAR YANG RNAM PA THAMS CAD MKHYEN PA NYID DANG RANG BZHIN THA MI DAD PAR GYUR PA YIN NO ZHES BYA BA'I DON TO, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID KYI NGANG TSUL CAN TE, SEMS CAN RNAMS KYI RTEN DU GYUR PA MA LAGS SAM ZHES BYA BA NI DE LTAR BYANG CHUB SEMS DPA' SHES RAB KYI PHA ROL TU PHYIN PA'I DON ZAB MO RTOGS PA DE DAG DON DAM PAR RNAM PA THAMS CAD MKHYEN PA NYID DANG RANG BZHIN GCIG STE THA MI DAD NA RNAM PAR MI RTOG PA'I RANG BZHIN YIN PAS, SEMS CAN RNAMS KYI DON MDZAD DAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID KYI NGANG TSUL CAN NI, SEMS CAN RNAMS KYI RTEN DU 'GYUR RO ZHES BYA BA NI DON DAM PAR RNAM PAR MI RTOG KYANG, KUN RDZOB TU THABS MKHAS PAS SEMS CAN RNAMS KYI DON MI MDZAD PA MA YIN TE, SEMS CAN RNAMS KYI DON MDZAD CING RTEN DU 'GYUR RO ZHES BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG GIS SEMS CAN THAMS CAD YONGS SU MYA NGAN LAS 'DA' BAR BYA'O ZHES GO CHA 'DI 'TSAL KYANG, DE LA SEMS @139B CAN DANG SEMS CAN DU GDAGS PAR MI DMIGS PA DE DAG NI DKA' BA BGYID PA'O ZHES BYA BA NI, BYANG CHUB SEMS DPA' DE DAG DON DAM PAR RNAM PA THAMS CAD MKHYEN PA NYID DANG RANG BZHIN GCIG STE RNAM PAR MI RTOG LA, SEMS CAN THAMS CAD KYANG DON DAM PAR DNGOS PO MED PAS SEMS CAN DU GDAGS SU MED PAR RTOGS KYANG THABS MKHAS PAS KUN RDZOB TU SEMS CAN THAMS CAD YONGS SU MYA NGAN LAS BZLA BAR BYA BA'I YID DAM BCAS TE, BRTZON 'GRUS KYI GO CHA CHEN PO BGOS PA DE LTA BU'I THABS DANG SHES RAB TU LDAN PA'I SPYOD PA NI NYAN THOS DANG RANG SANGS RGYAS RNAMS KYI SPYOD YUL MA YIN TE, DE DAG GIS MI NUS PA'I BYA BA BYED PA NI DKA' BA SPYOD PA LAGS SO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, BYANG CHUB SEMS DPA' SEMS DPA' CHEN PO GANG GIS SEMS CAN THAMS CAD YONGS SU MYA NGAN LAS BZLA BAR BYA'O ZHES GO CHA 'DI BGOS PA DE DAG NI DKA' BA BYED PA'O ZHES BYA BA NI, RAB 'BYOR GYIS GSOL PA'I TSIG DANG, DON GONG DU SMOS PA DE BRTZAN ZHING 'KHOR RNAMS YID CHES PAR BYA BA'I PHYIR DE BDEN NO ZHES BKA' STZAL PA'O, ,RAB 'BYOR BYANG CHUB SEMS DPA' SEMS DPA' CHEN PO'I GO CHA DE NI GZUGS DANG 'BREL BA MA YIN TE, DE CI'I PHYIR ZHE NA, RAB 'BYOR GZUGS KYANG SHIN TU MED LA, BYANG CHUB SEMS DPA'I GO CHA YANG MED PAS DE'I PHYIR GO CHA DE NI GZUGS DANG 'BREL PA MA YIN ZHES BYA BA NAS, RAB 'BYOR BYANG CHUB SEMS DPA' SEMS DPA' CHEN PO'I GO CHA DE NI RNAM PA THAMS CAD MKHYEN PA NYID DANG 'BREL PA MA YIN TE, DE CI'I PHYIR ZHE NA, RAB 'BYOR RNAM PA THAMS CAD MKHYEN PA NYID KYANG SHIN TU MED LA, BYANG CHUB SEMS DPA'I GO CHA YANG MED PAS, DE'I PHYIR GO CHA DE NI RNAM PA THAMS CAD MKHYEN PA NYID DANG 'BREL PA MA YIN ZHES BYA'O ZHES BYA BA'I BAR GYIS NI, BYANG CHUB SEMS DPA' SEMS CAN THAMS CAD YONGS SU MYA NGAN LAS BZLA BAR BYA'O ZHES YID DAM BCAS SHING BRTZON 'GRUS KYI GO CHA CHEN PO BGOS PA YANG GZUGS LA SOGS PA THAMS CAD MKHYEN PA NYID LA THUG @140A *, ,GI BAR GYI CHOS RNAMS LA DNGOS POR LDAN ZHING MTSAN MAR BZUNG STE, GO CHA BGOS PA NI MA YIN GYI, DON DAM PAR CHOS DE DAG THAMS CAD STONG PAR RTOGS NAS, KUN RDZOB TU THABS MKHAS PAS GO CHA DE LTA BU BGOS PA'I PHYIR, CHOS DE DAG GANG YANG MA 'BREL ZHING, CHOS DE DAG GANG GI DBANG DU MA GYUR PAR SEMS CAN THAMS CAD YONGS SU MYA NGAN LAS BZLA BAR YID DAM BCAS SHING GO CHA CHEN PO BGOS PA YIN NO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA SPYOD PA GANG DAG GIS SEMS CAN THAMS CAD BDAG GIS YONGS SU MYA NGAN LAS BZLA BAR BYA'O ZHES GO CHA BGOS PA DE DAG GI GO CHA NI CHOS THAMS CAD DANG 'BREL PA MA YIN NO ZHES BYA BA NI, GONG DU BYANG CHUB SEMS DPA'I GO CHA DE GZUGS LA SOGS PA'I CHOS THAMS CAD RE RE DANG 'BREL PA MA YIN PA BSTAN NAS, MDOR BSDUS TE BSHAD PA LA DGA' BA'I SEMS CAN RNAMS KYI DON DU BYANG CHUB SEMS DPA'I GO CHA DE NI CHOS THAMS CAD DANG 'BREL PA MA YIN NO ZHES MDOR BSDUS TE BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SEMS CAN THAMS CAD YONGS SU MYA NGAN LAS BZLA BAR BYA'O ZHES GO CHA 'TSAL BA DES ZHES BYA BA NAS, DE NI GNAS MA MCHIS SO ZHES BYA BA'I BAR GYIS NI, BYANG CHUB SEMS DPA' SHES RAB KYI PHA ROL TU PHYIN PA ZAB MO 'DI LA SPYOD CING, THABS DANG SHES RAB TU LDAN PAS SEMS CAN THAMS CAD KYI DON DU GO CHA BGOS PA DE DAG NYAN THOS DANG RANG SANGS RGYAS KYI SAR MI LTUNG BA'I PHAN YON BSTAN PA'O, ,DE CI'I PHYIR ZHE NA, BYANG CHUB SEMS DPA' SEMS DPA' CHAN POS SA MTSAMS BCAD DE SEMS CAN GYI DON DU GO CHA 'TSAL BA MA LAGS SO ZHES BYA BAS NI, NYAN THOS DANG RANG SANGS RGYAS KYI SAR MI LTUNG BA'I GTAN TSIGS BSTAN PA STE, NYAN THOS DANG RANG SANGS RGYAS NI SEMS CAN NYUNG ZAD NYI TSE ZHIG GI DON BYA BAR SEMS SHING, GANG ZAG LA BDAG MED PAR RTOGS PA'I YE SHES TZAM ZHIG THOB PAR BYA BA'I DON DU GO CHA GYON GYI, @140B BYANG CHUB SEMS DPA' NI SEMS CAN MTHA' YAS MU MED PA'I DON DANG, RNAM PA THAMS CAD MKHYEN PA'I YE SHES THOB PAR BYA BA'I PHYIR GO CHA BGOS TE DE LTAR SEMS CAN DANG YE SHES CUNG ZAD NYE TSE ZHIG TU MTSAMS BCAD PA'I PHYIR, NYAN THOS DANG RANG SANGS RGYAS KYI SAR MI LTUNG NGO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR KHYOD KYIS DON GYI DBANG GANG ZHIG MTHONG NA ZHES BYA BA NAS THAMS CAD MKHYEN PA'I YE SHES KYI DON DU GO CHA BGOS SO ZHES BYA BA'I BAR GYIS NI BYANG CHUB SEMS DPA' SA MTSAMS BCAD DE, GO CHA BGOS PA MA YIN PA'I DON DE NYID ZHIG TU BSTAN PA'I PHYIR GLENGS SHING BSHAD PA'O, ,GSOL PA, BCOM LDAN 'DAS SHES RAB KYI PHA ROL TU PHYIN PA NI SHIN TU ZAB PA STE ZHES BYA BA LA SOGS PA NI, BYANG CHUB SEMS DPA'I GO CHA DE CHOS THAMS CAD DANG 'BREL BA MA YIN NO ZHES BSHAD PA'I DON RAB 'BYOR GYIS RTOGS NAS, DE LTAR DON DAM PAR CHOS THAMS CAD RANG BZHIN GYIS STONG STE, CHOS GANG LA YANG DNGOS POR MI LTA ZHING MTSAN MAR MI 'DZIN PA'I DON STONG PA'I SHES RAB KYI PHA ROL TU PHYIN PA DE SHIN TU ZAB PAS BSGOM DU YANG MED PA'I DON 'KHOR RNAMS LA ZHIB TU BSTAN PA'I GLENG BSLANG BA'I PHYIR, RAB 'BYOR GYIS SMRAS PA STE, DE NI SUS KYANG BSGOM PAR MI BGYI ZHES BYA BA NI SGOM PAR BYED PA'I BYED PA PO DNGOS PO MED PAR BSTAN TO, ,CI YANG BSGOM PAR MI BGYI ZHES BYA BAS NI, BSGOM PAR BYA BA'I CHOS DNGOS PO MED PA BSTAN TO, ,GANG DU YANG BSGOM PAR MI BGYI'O ZHES BYA BAS NI BSGOM PA'I GNAS DNGOS PO MED PA BSTAN TO, ,DE CI SLAD DU ZHE NA, BCOM LDAN 'DAS SHES RAB KYI PHA ROL TU PHYIN PA ZAB MO 'DI LA GANG BSGOM PA'AM, GANG BSGOM PAR BGYI BA'AM, GANG GIS BSGOM PAR BGYI BA'I CHOS GANG YANG YONGS SU GRUB PA DMIGS SU MA MCHIS ZHES BYA BAS NI, SHES RAB KYI PHA ROL TU PHYIN PA 'DI ZAB CING BSGOM DU MED PA'I GTAN TSIGS BSTAN PA STE, GANG BSGOM PA'AM ZHES BYA BA NI SGOM PA PO DMIGS SU MED PA BSTAN TO, ,GANG BSGOM PAR BGYI BA'AM ZHES BYA BAS NI, @141A *, ,BSGOM PAR BYA BA'I CHOS DMIGS SU MED PAR BSTAN TO, ,GANG GIS BSGOM PAR BGYI BA ZHES BYA BA NI, BSGOM PA'I SHES RAB DMIGS SU MED PA BSTAN TO, ,CHOS GANG YANG YONGS SU GRUB PA DMIGS SU MA MCHIS TE ZHES BYA BAS NI, SGOM PA PO DANG BSGOM PAR BYA BA'I CHOS DANG SHES RAB GANG GIS BSGOM PAR BYA BA'I CHOS DE DAG THAMS CAD DON DAM PAR DNGOS PO YOD PAR YONGS SU MA GRUB STE, DMIGS SU MED PA'I PHYIR BSGOM DU MED DO ZHES BSTAN PA'O, ,BCOM LDAN 'DAS SHES RAB KYI PHA ROL TU PHYIN PA BSGOMS PA DE NI NAM MKHA' BSGOM PA'O ZHES BYA BA NI, SHES RAB KYI PHA ROL TU PHYIN PA BSGOM DU MED PA'I DPE NAM MKHA' LAS BLANGS TE BSTAN PA STE, NAM MKHA' DNGOS PO MED PAS BSGOM DU MED PA DE BZHIN DU SHES RAB KYI PHA ROL TU PHYIN PA YANG DON DAM PAR DNGOS PO MED PAS BSGOM DU MED DO ZHES BSTAN TO, ,BCOM LDAN 'DAS 'DI LTA STE SHES RAB KYI PHA ROL TU PHYIN PA BSGOMS PA DE NI CHOS THAMS CAD BSGOM PA'O ZHES BYA BAS NI, CHOS THAMS CAD RANG BZHIN GYIS STONG STE, DNGOS PO MED PAS BSGOM DU MED PA DE BZHIN DU SHES RAB KYI PHA ROL TU PHYIN PA LA YANG BSGOM DU MED DO ZHES BSTAN PA'O, ,BCOM LDAN 'DAS 'DI LTA STE SHES RAB KYI PHA ROL TU PHYIN PA BSGOMS PA DE NI MA MCHIS PA BSGOM PA'O ZHES BYA BA NI, ,RI BONG GI RVA DANG 'DRA BAR DNGOS PO CI YANG MED PA LA BSGOM DU MED PA DE BZHIN DU SHES RAB KYI PHA ROL TU PHYIN PA LA YANG DON DAM PAR DNGOS PO CI YANG MED PAS BSGOM DU MED DO ZHES BYA BA'I DON TO; ,BCOM LDAN 'DAS 'DI LTA STE SHES RAB KYI PHA ROL TU PHYIN PA BSGOMS PA DE NI YONGS SU 'DZIN PA MA MCHIS PA BSGOM PA'O ZHES BYA BA NI GZUNG BA DANG 'DZIN PA GNYIS SU MED PA LA BSGOM DU MED PA DE BZHIN DU, SHES RAB KYI PHA ROL TU PHYIN PA LA YANG GZUNG BA DANG, 'DZIN PA'I DNGOS PO MED PAS BSGOM DU MED PA'O ZHES BSTAN PA'O, ,BCOM LDAN 'DAS 'DI LTA STE SHES RAB KYI PHA ROL TU PHYIN PA BSGOMS PA DE NI BSGOM PA RNAM PAR BSGOM PA'O ZHES BYA BA NI, SHES RAB KYI PHA ROL TU PHYIN PA DON DAM PAR DNGOS PO MED PAS, DE LA BSGOM PA NI BSGOM PA MED PAR BYED PA'O ZHES BYA @141B PA'I DON TE, RGYA GAR SKAD DU BI BHA BA NA ZHES BYA BA NI, RNAM PAR BSGOM PA LA YANG BYA, BSGOM PA MED PA LA YANG BYA STE, SKABS 'DIR NI BSGOM PA MED PA LA BYA BAR SHES PAR BYA'O, ,BCOM LDAN 'DAS KYIS BKA' STZAL PA, RAB 'BYOR DE LTAR SHES RAB KYI PHA ROL TU PHYIN PA BSGOMS PA DE GANG BSGOM PA RNAM PAR BSGOM PA YIN ZHES BYA BA NI, GZUGS LA SOGS PA'I CHOS THAMS CAD DON DAM PAR DNGOS PO MED DE BSGOM PA MED PA BSTAN PA'I GLENG BSLANG BA'I PHYIR BKA' STZAL PA STE, GANG BSGOM PA RNAM PAR BSGOM PA YIN ZHES BYA BA NI, GZUGS LA SOGS PA'I DNGOS PO GANG BSGOM PA BSGOM DU MED PA YIN ZHES RAB 'BYOR LA SMRAS PA'O, ,GSOL PA, BCOM LDAN 'DAS 'DI LTA STE SHES RAB KYI PHA ROL TU PHYIN PA BSGOMS PA DE NI GZUGS BSGOM PA RNAM PAR BSGOM PA'O ZHES BYA BA NI, SHES RAB KYI PHA ROL TU PHYIN PA BSGOMS PA DE NI DON DAM PAR GZUGS DNGOS PO MED PAR RTOGS PAS, GZUGS BSGOM DU MED PA BSGOM PA YIN NO ZHES BSTAN PA STE, GZUGS LA JI LTAR BSHAD PA DE BZHIN DU, TSOR BA LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD LA SBYAR BAR BYA'O, , BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RAB 'BYOR 'DI LTA STE, SHES RAB KYI PHA ROL TU PHYIN PA BSGOM PA 'DI NI GZUGS BSGOM PA RNAM PAR BSGOM PA'O ZHES BYA BA NAS RAB 'BYOR 'DI LTA STE, SHES RAB KYI PHA ROL TU PHYIN PA BSGOM PA 'DI NI RNAM PA THAMS CAD MKHYEN PA NYID BSGOM PA RNAM PAR BSGOM PA'O ZHES BYA BA'I BAR DU NI, RAB 'BYOR GYIS BSHAD PA'I DON DANG, TSIG BRTZAN PAR BYA BA'I PHYIR TSIG DE NYID BZLAS TE, DE BDEN NO ZHES BCOM LDAN 'DAS KYIS BKA' STZAL PA'O, ,DE NAS BCOM LDAN 'DAS KYIS TSE DANG LDAN PAR RAB 'BYOR LA 'DI SKAD CES BKA' STZAL TO, ,RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA MNGON PAR CHAGS PA MED DAM ZHES, RAB 'BYOR SHES RAB KYI PHA ROL TU PHYIN PA ZAB MO 'DI LA PHYIR MI LDOG PA'I BYANG CHUB SEMS @142A *, ,DPA' SEMS DPA' CHEN PO YONGS SU BRTAG PAR BYA'O ZHES BYA BA LA SOGS PA NI, DE LTAR SHES RAB KYI PHA ROL TU PHYIN PA ZAB MO 'DI'I DON RTOGS NA, CHOS THAMS CAD LA MTSAN MAR MI 'DZIN CING, CI YANG MI BSGOM PA'I BYANG CHUB SEMS DPA' DE PHYIR MI LDOG PA'I BYANG CHUB SEMS DPA' YIN NAM, MA YIN PA BRTAG PAR BYA BA BSHAD PA STE, SHES RAB KYI PHA ROL TU PHYIN PA ZAB MO 'DI LA DNGOS POR LTA LA, MTSAN MAR 'DZIN CING MNGON PAR CHAGS PA YOD DAM MED BRTAGS TE, MNGON PAR CHAGS PA YOD NA NI, MI LDOG PA'I BYANG CHUB SEMS DPA' MA YIN, DE LTAR MNGON PAR CHAGS PA MED NA NI PHYIR MI LDOG PA'I BYANG CHUB SEMS DPA' YIN PAR SHES PAR BYA'O ZHES BSTAN PA STE, SHES RAB KYI PHA ROL TU PHYIN PAS JI LTAR BSHAD PA DE BZHIN DU, BSAM GTAN GYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS THAMS CAD LA YANG SBYAR BAR BYA'O, ,PHYIR MI LDOG PA'I BYANG CHUB SEMS DPA' SEMS DPA' CHEN PO DE SHES RAB KYI PHA ROL TU PHYIN PA ZAB MO 'DI LA SPYOD PA'I TSE, PHA ROL GYIS SMRAS PA DANG, PHA ROL GYIS BSTAN PA LA SNYING POR MI LTA'AM ZHES BYA BA LA SOGS PA NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DE GZHAN GYI RKYEN LA LTOS SAM, MI LTOS BRTAG PA LA SOGS PA'I SGO NAS PHYIR MI LDOG PA'I BYANG CHUB SEMS DPA' YIN NAM MA YIN BRTAG PA'I THABS BSTAN PA STE, PHA ROL GYIS SMRAS PA DANG, PHA ROL GYIS BSTAN PA LA SNYING POR MI LTA 'AM ZHES BYA BAS NI, GZHAN GYIS BSLUR TSUGS SAM MI TSUGS BRTAG PA'O, ,PHA ROL GYI DAD PAS MI 'GRO'AM ZHES BYA BAS NI GZHAN GYI DRING LA 'JOG CING GANG ZAG GI RJES SU 'BRANG BA YIN NAM MA YIN BRTAG PA'O, ,'DOD CHAGS DANG BCAS PA'I SEMS BSKYED PAS 'PHROGS PA MA YIN NAM ZHES BYA BAS NI GTI MUG DANG BCAS PA'I SEMS BSKYED PAS 'PHROGS PA MA YIN NAM ZHES BYA BA'I BAR GYIS NI 'DOD CHAGS LA SOGS PA'I NYON MONGS PA'I DBANG DU GYUR TAM MA GYUR BRTAG PA'O, ,SBYIN PA'I PHA @142B ROL TU PHYIN PA DANG BRAL BAR MA GYUR TAM ZHES PA NAS, SHES RAB KYI PHA ROL TU PHYIN PA DANG BRAL BAR MA GYUR TAM ZHES YONGS SU BRTAG PAR BYA STE ZHES BYA BA'I BAR GYIS NI PHA ROL TU PHYIN PA DRUG LA SPYOD PA'I TSE, 'KHOR GSUM YONGS SU DAG PAR SPYOD DAM MI SPYOD BRTAG PA'O, , GAL TE PHYIR MI LDOG PA'I BYANG CHUB SEMS DPA' SEMS DPA' CHEN PO DE ZHES BYA BA NAS, THOS NAS KYANG GONG DU 'DZIN CING 'CHANG LA KLOG CING KUN CHUB PAR BYED DE, TSUL BZHIN DU YID LA BYED PA'I PHYIR RO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI THOS NAS MI 'JIGS MI SKRAG LA, SEMS ZHUM PAR MI 'GYUR ZHING PHYI PHYIR DAD PA SKYES TE, 'DZIN CING 'CHANG BA LA SOGS PA'I SGO NAS RGYA CHER SPYOD NA, BYANG CHUB SEMS DPA' DE SNGON YANG YUN RING PO NAS, SHES RAB KYI PHA ROL TU PHYIN PA ZAB MO 'DI LA SPYOD SPYOD PA YIN PAS, YON TAN DE RNAMS DANG LDAN NA PHYIR MI LDOG PA'I BYANG CHUB SEMS DPA' YIN PAR SHES PAR BYA'O ZHES BSTAN PA'O, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA ZAB MO 'DI BSTAN PA'I TSE ZHES BYA BA NAS, SHES RAB KYI PHA ROL TU PHYIN PA ZAB MO 'DI JI LTAR BRTAG PAR BGYI ZHES BYA BA'I BAR GYIS NI DE LTAR SHES RAB KYI PHA ROL TU PHYIN PA ZAB MO 'DI BSHAD PA'I TSE, DON ZAB MOS MI SKRAG STE, PHYI PHYIR RGYA CHER SPYOD PAR GYUR PA YIN, DAM PA'I DBYINGS RTOGS PA'I TSE, SHES RAB KYI PHA ROL TU PHYIN PA 'DI LA JI LTAR BSAM ZHING BRTAG PAR BYA ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO DES RNAM PA THAMS CAD MKHYEN PA NYID LA GZHOL BA'I BSAM PAS, SHES RAB KYI PHA ROL TU PHYIN PA ZAB MO 'DI BRTAG PAR BYA'O ZHES BYA BAS NI, SHES RAB KYI PHA ROL TU PHYIN PA LA DNGOS PO DANG MTSAN MAR MI BZUNG BAR RNAM PA THAMS CAD MKHYEN PA NYID KYI DON DANG MTHUN PAS, SHES RAB KYI PHA ROL TU PHYIN PA'I DON MI BRTAG PA'I TSUL GYIS BRTAG PAR BYA'O ZHES BSTAN PA'O, ,GSOL PA, BCOM LDAN 'DAS JI LTAR @143A *, ,NA RNAM PA THAMS CAD MKHYEN PA NYID LA GZHOL BA'I BSAM PAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA RTOG PA LAGS ZHES BYA BA NI, STONG PA NYID DANG MTSAN MA MED PA DANG, SMON PA MED PA LA SOGS PA'I TSUL DU BRTAG PAR BYA BA'I GLING BSLANG BAR BYA BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR STONG PA NYID LA GZHOL BA'I BSAM PAS ZHES BYA BA NAS, RAB 'BYOR SPRUL PA LA GZHOL BA'I BSAM PAS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA RTOG PA YIN NO ZHES BYA BA'I BAR GYIS NI, RNAM PAR THAR PA'I SGO GSUM DANG, NAM MKHA' DANG, SKYE BA MED PA DANG, 'GAG PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA DANG, DE BZHIN NYID DANG, CHOS KYI DBYINGS DANG, YANG DAG PA'I MTHA' DANG, MNYAM PA NYID DANG, BSAM GYIS MI KHYAB PA'I DBYINGS DANG, MNGON PAR 'DU BYA BA MED PA DANG, RMI LAM DANG, GZUGS BRNYAN DANG, SGRA BRNYAN DANG, SMIG RGYU DANG, SGYU MA DANG, SPRUL PA LA SOGS PA DNGOS PO MED PA RNAMS LA DNGOS POR LTA ZHING, MTSAN MAR GZUNG DU MED PAR RTOG PA DE BZHIN DU, SHES RAB KYI PHA ROL TU PHYIN PA ZAB MO 'DI LA YANG DNGOS PO DANG MTSAN MAR 'DZIN PAS BRTAG PAR MI BYA'O ZHES BSTAN PA'O, ,GSOL PA, BCOM LDAN 'DAS STONG PA NYID LA GZHOL BA'I BSAM PAS ZHES BYA BA NAS, RNAM PA THAMS CAD MKHYEN PA NYID LA RTOG PA LAGS SAM ZHES BYA BA'I BAR GYIS NI, GZUGS LA SOGS PA'I CHOS THAMS CAD LA YANG DNGOS POR MI LTA ZHING MTSAN MAR MI BZUNG BA BSHAD PA'I SKABS DBYE BA'I PHYIR DE LTAR RNAM PAR THAR PA'I SGO GSUM LA SOGS PA'I DNGOS PO MED PA'I CHOS RNAMS LA RNAM PAR MI RTOG PA DE BZHIN DU, SHES RAB KYI PHA ROL TU PHYIN PA LA YANG RNAM PAR MI RTOG PA YIN NA CI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS LA DNGOS PO DANG MTSAN MAR 'DZIN CING RNAM PAR RTOG PA LAGS SAM ZHES @143B ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO DE NI GZUGS LA RTOG PA MA YIN NO ZHES BYA BA NAS, RNAM PA THAMS CAD MKHYEN PA NYID LA RTOG PA MA YIN NO ZHES BYA BA'I BAR GYIS NI GZUGS LA SOGS PA'I CHOS THAMS CAD KYANG NAM MKHA' LA SOGS PA BZHIN DU DNGOS PO MED PA DE BRTAG PA'I YUL MA YIN PA'I PHYIR, DE DAG GANG LA YANG RNAM PAR MI RTOG GO ZHES BSHAD PA'O, ,DE CI'I PHYIR ZHE NA, RAB 'BYOR DE NI 'DI LTAR RNAM PA THAMS CAD MKHYEN PA NYID GANG YIN PA DE NI SUS KYANG MA BYAS, RNAM PAR MA BYAS ZHES BYA BA LA SOGS PAS NI, GZUGS LA SOGS PA'I CHOS THAMS CAD DNGOS PO MED DE, RNAM PAR RTOG PA'I YUL MA YIN PA'I GTAN TSIGS BSTAN PA STE, SUS KYANG MA BYAS ZHES BYA BA NI RNAM PA THAMS CAD MKHYEN PA NYID DON DAM PAR DNGOS PO MED PAS SUS KYANG MED PA LAS, YOD PAR BYAS PA MA YIN NO ZHES BYA BA'I DON TO, ,RNAM PAR MA BYAS ZHES BYA BA NI YOD PA LAS MED PAR MA BYAS ZHES BYA BA'I THA TSIG GO, ,GANG NAS KYANG MA 'ONGS, GANG DU YANG MA SONG, PHYOGS NA YANG MI GNAS, YUL NA YANG MI GNAS, GANG NA YANG MI GNAS PA STE ZHES BYA BA NI, DE LTAR DNGOS PO MED PAS 'GRO BA DANG 'ONG BA DANG, GNAS PA MED DO ZHES BSTAN PA'O, ,GANG LA GRANGS MI DMIGS SHING 'GRO BA DANG 'ONG BA MI DMIGS PA DE NI, GANG GIS KYANG MNGON PAR 'TSANG RGYA BAR MI NUS TE ZHES BYA BA NI, DE LTAR DNGOS PO MED DE BGRANG DU YANG MED, 'GRO BA DANG 'ONG BA YANG MED PA DE NI GZUGS LA SOGS PA GANG GI RANG BZHIN DU SHES PAR BYAR MI RUNG LA, GZUGS LA SOGS PA GANG GIS KYANG SHES PAR BYA MI NUS SO ZHES BSTAN PA STE, DE BAS NA DON DE NYID GSAL BAR BSTAN PA'I PHYIR, GZUGS KYIS MA YIN NO, ,TSOR BAS MA YIN NO ZHES BYA BA LA SOGS PA GSUNGS TE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS GANG GI RANG BZHIN DU YANG SHES PAR BYAR MI RUNG LA, CHOS DE DAG GANG GIS KYANG SHES PAR MI NUS SO ZHES BYA BA'I DON TO, ,DE CI'I PHYIR ZHE NA, GZUGS NYID KYANG RNAM PA THAMS CAD @144A *, ,MKHYEN PA NYID DO ZHES BYA BA LA SOGS PAS NI GZUGS LA SOGS PA'I CHOS GANG GIS KYANG SHES PAR BYA MI NUS PA'I GTAN TSIGS BSTAN PA STE, CHOS THAMS CAD RNAM PA THAMS CAD MKHYEN PA NYID KYI RANG BZHIN DU RO GCIG PAS, BDAG GIS BDAG SHES PAR BYAR MI RUNG STE, DPER NA RAL GRI DE NYID KYI SOS RAL GRI DE NYID BCAD DU MI RUNG BA BZHIN NO ZHES BSTAN PA'O, ,DE CI'I PHYIR ZHE NA, RAB 'BYOR 'DI LTAR GZUGS KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE NI DE BZHIN NYID GCIG PA'O ZHES BYA BA LA SOGS PAS NI GZUGS LA SOGS PA'I CHOS THAMS CAD RNAM PA THAMS CAD MKHYEN PA NYID DANG RO GCIG CING, THA MI DAD PA'I GTAN TSIGS BSTAN PA STE, DON DAM PAR GZUGS DANG RNAM PA THAMS CAD MKHYEN PA NYID GNYIS KA YANG DE BZHIN NYID KYI RANG BZHIN DU GCIG PAS, GCIG GIS GCIG SHES PAR BYED PA DANG, SHES PAR BYA BA'I YUL LTAR SHES PAR BYAR MI RUNG NGO ZHES BYA BA'I DON TO, ,GZUGS LA JI LTAR BSHAD PA DE BZHIN DU, SANGS RGYAS KYI CHOS MA 'DRES PA RNAMS LA THUG GI BAR DU YANG SBYAR BAR BYA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU BRGYAD PA'O,, ,,DE NAS 'DOD PA NA SPYOD PA DANG, GZUGS NA SPYOD PA DANG, GZUGS YOD PA NA SPYOD PA'I LHA'I BU RNAMS, LHA RDZAS KYI TZANDAN GYI PHYE MA DANG, LHA RDZAS KYI ME TOG AUTPALA DANG, PAD MO DANG, KU MU DA DANG, PUndA R'I KA MANG PO KHYER TE, BCOM LDAN 'DAS GA NA BA DE LOGS SU MNGON PAR GTOR RO ZHES BYA BA LA SOGS PAS NI, GANG DU BCOM LDAN 'DAS KYIS GZUGS LA SOGS PA'I CHOS THAMS CAD RNAM PA THAMS CAD MKHYEN PA NYID DANG RANG BZHIN THA MI DAD DE, GCIG TU BSHAD PA DANG, GZUGS LA SOGS PA'I CHOS THAMS CAD KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE DAG DE BZHIN NYID GCIG PA STE, GNYIS SU MED CING GNYIS SU MED DO ZHES BSHAD PA'I DON LHA'I BU RNAMS KYIS RTOGS NAS, DE LTA BU'I DON ZAB MO BSHAD PAS MGU STE, LHA RDZAS KYI MCHOD PA @144B RNAMS KYIS BCOM LDAN 'DAS LA MCHOD NAS, BCOM LDAN 'DAS KYIS GONG DU BSHAD PA'I TSIG DE DAG NYID BZLAS TE, GSOL NAS SHES RAB KYI PHA ROL TU PHYIN PA 'DI ZAB MO BLTA BKA' BAS MKHAS PA RNAMS KYIS RIG PAR BYA BA YIN GYI, 'JIG RTEN THAMS CAD KYIS YID CHES PAR DKA' BA YIN PAR BSTAN PA STE, BCOM LDAN 'DAS 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SHES RAB KYI PHA ROL TU PHYIN PA ZAB 'DIS, 'DI SKAD DU GZUGS NYID RNAM PA THAMS CAD MKHYEN PA STE, RNAM PA THAMS CAD MKHYEN PA NYID KYANG GZUGS SO ZHES SO ZHES BYA BA NAS, SANGS RGYAS KYI CHOS MA 'DRES PA NYID RNAM PA THAMS CAD MKHYEN PA STE, RNAM PA THAMS CAD MKHYEN PA NYID SANGS RGYAS KYI CHOS MA 'DRES PA RNAMS SO ZHES BYA BA'I BAR GYIS NI, GONG DU BCOM LDAN 'DAS KYIS CHOS THAMS CAD RNAM PA THAMS CAD MKHYEN PA NYID KYI RANG BZHIN DU RO GCIG PAR BSHAD PAS LHA'I BU RNAMS KYIS BZLAS TE GSOL NAS DE LTA BU'I DON ZAB MO STON PA'I SHES RAB KYI PHA ROL TU PHYIN PA 'DI ZAB CING BLTA DKA' STE, MKHAS PA RNAMS KYIS RTOGS PAR BYA BA YIN GYI, 'JIG RTEN THAMS CAD KYIS YID CHES PAR DKA' BA'O ZHES BYA BA'I THA TSIG 'OG NAS 'BYUNG BA DANG SBYAR RO, ,GZUGS KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE NI, DE BZHIN NYID GCIG PA STE, GNYIS SU MED CING GNYIS SU BYAR MED DO ZHES BYA BA NAS, SANGS RGYAS KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE NI DE BZHIN NYID GCIG PA STE, GNYIS SU MED CING GNYIS SU BYAR MED DO ZHES STON PA NI ZHES BYA BA'I BAR GYIS NI, GONG DU GZUGS LA SOGS PA'I CHOS THAMS CAD KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE DAG ,DE BZHIN NYID KYI RANG BZHIN DU RO GCIG STE, THA DAD DU DBYER MED DO ZHES BCOM LDAN 'DAS KYIS BSHAD PA'I TSIG LHA'I BU RNAMS KYIS BZLAS TE GSOL PA'O, ,'DI LTA STE, DE BZHIN GSHEGS PA RNAMS KYI BYANG CHUB SHES RAB KYI PHA ROL TU PHYIN PA 'DI ZAB CING BLTA DKA' LA @145A *, ,KHONG DU CHUD PAR DKA' ZHING, BRTAG TU MA MCHIS LA RTOG GE'I SPYOD YUL MA LAGS TE, ZHI ZHING PHRA BA ZHIB MO MKHAS SHING RTOGS PAS RIG PAR BGYI BA STE, 'JIG RTEN THAMS CAD KYIS YID CHES PAR DKA' BA'O ZHES BYA BAS NI, DE LTAR CHOS THAMS CAD DON DAM PAR DE BZHIN NYID DU RO GCIG PAR STON PA'I SHES RAB KYI PHA ROL TU PHYIN PA 'DI DE BZHIN GSHEGS PA RNAMS KYI BLA NA MED PA'I BYANG CHUB YIN TE, ZAB CING BLTA DKA' BAS MKHAS PA RNAMS KYI SPYOD YUL YIN GYI, SEMS CAN PHAL PA RNAMS KYI SPYOD YUL MA YIN NO ZHES BSTAN PA STE, ZAB PA DANG BLTA BKA' BA DANG, KHONG DU CHUD PAR DKA' BA DANG, BRTAG TU MED PA DANG, RTOG GE'I SPYOD YUL MA YIN PA DANG, ZHI BA DANG, PHRA BA DANG, ZHIB PA'I TSIG RNAMS KYI DON NI SNGAR BSHAD ZIN TO, ,BCOM LDAN 'DAS KYIS 'DOD PA NA SPYOD PA DANG, GZUGS YOD PA NA SPYOD PA'I LHA'I BU DE DAG LA 'DI SKAD CES BKA' STZAL TO, ,LHA'I BU DAG DE BZHIN NO, ,DE DE BZHIN TE, LHA'I BU DAG GZUGS NYID RNAM PA THAMS CAD MKHYEN PA STE, RNAM PA THAMS CAD MKHYEN PA NYID KYANG GZUGS SO ZHES BYA BA NAS, SANGS RGYAS KYI CHOS MA 'DRES PA NYID RNAM PA THAMS CAD MKHYEN PA STE, RNAM PA THAMS CAD MKHYEN PA NYID KYANG SANGS RGYAS KYI CHOS MA 'DRES PA RNAMS SO ZHES BYA BA'I BAR GYIS NI, GONG DU LHA'I BU RNAMS KYIS GZUGS LA SOGS PA'I CHOS THAMS CAD DANG, RNAM PA THAMS CAD MKHYEN PA NYID DON DAM PAR RANG BZHIN GCIG PA'I 'CHAD PA'I SHES RAB KYI PHA ROL TU PHYIN PA 'DI ZAB CING BLTA DKA' LA, MKHAS PA RNAMS KYIS RIG PAR BYA BA YIN GYI, 'JIG RTEN THAMS KYI SPYOD YUL MA YIN NO ZHES GSOL BA'I TSIG DANG DON DE DAG BCOM LDAN 'DAS KYIS BZLAS TE DE BDEN NO ZHES BKA' STZAL PA'O, ,GZUGS KYI DE BZHIN NYID GANG YIN PA DANG; RNAM PA THAMS CAD MKHYEN PA NYID KYI DE BZHIN NYID GANG YIN PA DE NI DE BZHIN NYID GCIG PA STE, GNYIS SU MED CING GNYIS SU BYAR MED DO ZHES BYA BA NAS, SANGS RGYAS KYI DE BZHIN NYID GANG YIN PA DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE NI, DE @145B BZHIN NYID GCIG PA STE, GNYIS SU MED CING GNYIS SU BYAR MED DO ZHES BYA BA'I BAR GYIS KYANG, GONG DU LHA'I BU RNAMS KYIS GZUGS LA SOGS PA'I DE BZHIN NYID DANG, RNAM PA THAMS CAD MKHYEN PA NYID KYI DE BZHIN NYID GANG YIN PA DE DAG DE BZHIN NYID DU RO GCIG PA STE, THA MI DAD PAR STON PA'I SHES RAB KYI PHA ROL TU PHYIN PA 'DI ZAB CING BLTA DKA' STE, MKHAS PA RNAMS KYIS RIG PAR BYA BA YIN GYI, SEMS CAN THAMS CAD KYI SPYOD YUL MA YIN NO ZHES SMRAS PA'I TSIG DANG DON DE DAG BCOM LDAN 'DAS KYIS BZLAS TE, DE BDEN NO ZHES BKA' STZAL PA'O, ,LHA'I BU DAG DON GYI DBANG DE GZIGS PAS, DE BZHIN GSHEGS PA PHRIN LAS CHUNG BA LA THUGS GZHOL TE, CHOS BSTAN PA LA GZHOL BA MA YIN NO ZHES BYA BA NI, SNGON DE BZHIN GSHEGS PA MNGON PAR SANGS RGYAS NAS, CHOS KYI 'KHOR LO MI BSKOR BAR CANG MI GSUNG BAR BZHUGS PA YANG, DON ZAB MO 'DI LTA BU DE BZHIN GSHEGS PA NYAG GCIG GI SPYOD YUL YIN GYI, SEMS CAN THAMS CAD KYI SPYOD YUL MA YIN NO SNYAM NAS, DON DE LTA BU LA DGONGS NAS, BCOM LDAN 'DAS CHOS KYI 'KHOR LO MI BSKOR BAR BZHUGS PA'I DON NO ZHES BYA BA'I DON TO, DE CI'I PHYIR ZHE NA, 'DI LTAR 'DI LTA STE, DE BZHIN GSHEGS PA RNAMS KYI CHOS BYANG CHUB 'DI NI ZAB CING BLTA DKA' LA KHONG DU CHUD PAR DKA' ZHING, BRTAG TU MED LA RTOG GE'I SPYOD YUL MA YIN TE, ZHI ZHING PHRA BA ZHI MO MKHAS SHING RTOGS PAS RIG PAR BYA BA 'JIG RTEN THAMS CAD KYIS YID CHES PAR DKA' BA STE, DE NI SUS KYANG MNGON PAR SANGS RGYAS NAS, NAM YANG MNGON PAR SANGS RGYAS MA RGYAS, GANG DU YANG MNGON PAR SANGS RGYAS TE, GANG LA GNYIS SU KUN NAS RGYU BA MED PA DE NI CHOS RNAMS KYI ZAB PA NYID DO ZHES BYA BA NI, BCOM LDAN 'DAS DANG PO MNGON PAR SANGS RGYAS PA'I TSE, CHOS KYI 'KHOR LO MI BSKOR BAR BZHUGS PA'I GTAN TSIGS BSTAN PA STE, DE BZHIN GSHEGS PA BLA NA MED PA BYANG CHUB PA'I CHOS DE ZAB CING BLTA DKA' BAS, SUS KYANG MNGON PAR RTOGS PAR BYA MI NUS PA'I PHYIR, BCOM LDAN 'DAS CANG MI GSUNG BAR GYUR TE, BRGYA BYIN LA SOGS PAS CHOS KYI 'KHOR LO BSKOR BAR @146A *, ,BSKUL DGOS PAR GYUR TO ZHES BSTAN PA'O, ,ZAB CING BLTA DKA' BA LA SOGS PA'I TSIG RNAMS KYI DON SNGAR BSHAD PA BZHIN NO, ,DE NI SUS KYANG MNGON PAR SANGS RGYAS ZHES BYA BA NI, BLA NA MED PA'I BYANG CHUB DE DON DAM PAR DNGOS PO MED PAS GANG ZAG GANG GIS KYANG MA RTOGS SO ZHES BYA BA'I DON TO, ,NAM YANG MNGON PAR SANGS MA RGYAS ZHES BYA BA NI, DE LTAR DNGOS PO MED PA DE SNGON YANG RTOGS PAR MA GYUR, DA LTAR YANG MI RTOGS, PHYIS KYANG RTOGS PAR MI 'GYUR RO ZHES BSTAN PA'O, ,GANG DU YANG MNGON PAR SANGS MA RGYAS ZHES BYA BA NI, DE LTAR DNGOS PO MED PA DE KHAMS GSUM GYI GNAS GANG DU YANG RTOGS PAR MI 'GYUR RO ZHES BYA BA'I DON TO, ,GANG LA GNYIS SU KUN NAS RGYU BA MED PA DE NI, CHOS RNAMS KYI ZAB PA NYID DO ZHES BYA BA NI, GANG DU BLA NA MED PA'I BYANG CHUB DE ZAB CING BLTA DKA' BAR BSHAD PA'I DON DE NYID GSAL BAR BSTAN PA STE; BLA NA MED PA'I BYANG CHUB DE LA RTOGS PAR BYED PA DANG, RTOGS PAR BYA BA'I DNGOS POR RNAM PAR RTOG PA MED PA DE NYID DE'I ZAB MO YIN NO ZHES BSTAN PA'O, ,LHA'I BU DAG NAM MKHA' ZAB PA'I PHYIR, CHOS 'DI ZAB BO ZHES BYA BA LA SOGS PAS NI, SHES RAB KYI PHA ROL TU PHYIN PA BLA NA MED PA'I BYANG CHUB KYI RANG BZHIN DE ZAB PA'I GTAN TSIGS DANG DPE BSTAN PA STE, NAM MKHA' ZAB PA'I PHYIR CHOS 'DI ZAB BO ZHES BYA BA NAS, LHA'I BU DAG MNGON PAR 'DU BYA BA DANG, MNGON PAR RDZOGS PAR BYANG CHUB PA MED PA ZAB PA'I PHYIR, CHOS 'DI ZAB BO ZHES BYA BA'I BAR GYIS NI, NAM MKHA' LA SOGS PA'I 'DUS MA BYAS PA'I CHOS RNAMS DNGOS PO MED DE, SUS KYANG MNGON SUM DU RTOGS PAR BYA MI NUS SHING ZAB PA DE BZHIN DU, BLA NA MED PA'I BYANG CHUB KYI RANG BZHIN SHES RAB KYI PHA ROL TU PHYIN PA'I CHOS 'DI YANG ZAB BO ZHES BYA BA'I DON TO, ,LHA'I BU DAG BDAG ZAB PA'I PHYIR CHOS 'DI ZAB BO ZHES BYA BA NAS, LHA'I BU DAG MTHONG BA PO ZAB PA'I PHYIR CHOS 'DI ZAB BO ZHES BYA BA'I BAR GYIS NI, MU STEGS CAN GYIS PHYIN CI LOG TU BRTAGS PA'I BDAG RNAMS YANG DAG PAR YOD PA MA YIN PAS, SUS KYANG MNGON SUM DU BYAR MI RUNG STE, ZAB PA DE BZHIN DU BLA NA MED PA'I @146B BYANG CHUB KYI RANG BZHIN SHES RAB KYI PHA ROL TU PHYIN PA'I CHOS 'DI YANG ZAB BO ZHES BSTAN PA'O, ,LHA'I BU DAG GZUGS ZAB PA'I PHYIR CHOS 'DI ZAB BO ZHES BYA BA NAS, LHA'I BU DAG RNAM PA THAMS CAD MKHYEN PA NYID ZAB PA'I PHYIR CHOS 'DI ZAB BO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR RANG BZHIN GYIS STONG STE, CHOS DE DAG GI RANG BZHIN 'DI KHO NA'O ZHES SUS KYANG THOG TU MI PHEBS PAS, ZAB PA DE BZHIN DU BLA NA MED PA'I BYANG CHUB KYI RANG BZHIN SHES RAB KYI PHA ROL TU PHYIN PA'I CHOS 'DI YANG ZAB BO ZHES BYA BA'I DON TO, ,LHA'I BU RNAMS KYIS GSOL PA, BCOM LDAN 'DAS 'JIG RTEN THAMS CAD KYIS YID CHES PAR DKA' BA'I CHOS BSTAN PA 'DI NI NGO MTSAR RO ZHES BYA BA NI, GONG DU SHES RAB KYI PHA ROL TU PHYIN PA ZAB PAR BSTAN PAS LHA'I BU RNAMS MGU NAS, DE LTA BU'I CHOS ZAB MO BSTAN PA SHIN TU DKON TE NGO MTSAR CHE'O ZHES BCOM LDAN 'DAS LA BSTOD PA'O, ,DE CI'I SLAD DU ZHE NA, BCOM LDAN 'DAS 'DI NI GZUGS GZUNG BA'I SLAD DU MA LAGS, MI GZUNG BA'I SLAD DU BSTAN PA MA LAGS ZHES BYA BA NAS, RNAM PA THAMS CAD MKHYEN PA NYID GZUNG BA'I SLAD DU MA LAGS, MI GZUNG BA'I SLAD DU BSTAN PA MA LAGS SO ZHES BYA BA'I BAR GYIS NI, SHES RAB KYI PHA ROL TU PHYIN PA'I CHOS 'DI 'JIG RTEN THAMS CAD KYIS YID CHES PAR DKA' ZHING ZAB PA'I GTAN TSIGS BSTAN PA STE, GZUGS LA SOGS PA'I CHOS THAMS CAD DON DAM PAR DNGOS PO YOD PAR MA GRUB PAS, 'DI NI GZUGS SO ZHES DNGOS PO DANG MTSAN MAR GZUNG DU YOD PAR YANG BSTAN LA, KUN RDZOB TU SGYU MA TZAM DU YANG MED DO ZHES RNAM PA THAMS CAD DU MED PAR SKUR BA BTAB PA STE, MED PA'I MTHA' LA CHAGS PAR BYA BA'I PHYIR YANG MA BSTAN PAS, CHOS 'DI ZAB BO ZHES LHA'I BU RNAMS KYIS GSOL PA'O, ,BCOM LDAN 'DAS 'JIG RTEN NI BDAG GI GZUGS SO, ,BDAG NI GZUGS CAN NO ZHES BYA BA NAS, BDAG NI RNAM PA THAMS CAD MKHYEN PA NYID DO, ,BDAG NI RNAM PA THAMS CAD MKHYEN PA NYID DU 'GYUR RO ZHES BGYI BAR 'DZIN PA LA SPYOD DO ZHES BYA BA'I BAR @147A *, ,GYIS NI, 'JIG RTEN THAMS CAD CHOS ZAB MO LA YID MI CHES PA'I RGYU BSTAN PA STE, 'JIG RTEN PA RNAMS NI CHOS THAMS CAD KYI RANG BZHIN STONG PA NYID MA RTOGS PAS, CHOS RNAMS LA BDAG DANG BDAG GIR 'DZIN PA'I PHYIR, SHES RAB KYI PHA ROL TU PHYIN PA ZAB MO 'DI LA YID CHES SO ZHES BSTAN PA'O, ,BCOM LDAN 'DAS KYIS BKA' STZAL PA, LHA'I BU DAG DE DE BZHIN NO, ,DE DE BZHIN TE, LHA'I BU DAG CHOS 'DI NI GZUGS GZUNG BA'I PHYIR BSTAN PA MA YIN, MI GZUNG BA'I PHYIR MA YIN ZHES BYA BA NAS RNAM PA THAMS CAD MKHYEN PA NYID GZUNG BA'I PHYIR BSTAN PA MA YIN, MI GZUNG BA'I PHYIR BSTAN PA MA YIN ZHES BYA BA'I BAR GYIS NI, GANG DU LHA'I BU RNAMS KYIS SHES RAB KYI PHA ROL TU PHYIN PA 'DI GZUGS LA SOGS PA'I CHOS THAMS CAD LA SGRO 'DOGS PA DANG, SKUR BA 'DEBS PAS BSTAN PA MA YIN PA'I PHYIR; 'JIG RTEN THAMS CAD KYIS YID CHES PAR DKA' ZHING ZAB PA BSTAN PA NGO MTSAR CHE BA'I GTAN TSIGS SU GZUGS LA SOGS PA'I CHOS THAMS CAD GZUNG BA'I SLAD DU BSTAN PA YANG MA LAGS, MI GZUNG BA'I SLAD DU BSTAN PA MA LAGS SO ZHES GSOL PA'I TSIG DE DAG NYID BCOM LDAN 'DAS KYIS BZLAS NAS DE BDEN NO ZHES BKA' STZAL PA'O, ,LHA'I BU DAG GANG YANG GZUGS GZUNG BA'I PHYIR RAM, ,MI GZUNG BA'I PHYIR SPYOD PA DANG ZHES BYA BA NAS, RNAM PA THAMS CAD MKHYEN PA NYID BSGOM PAR MI NUS SO ZHES BYA BA'I BAR GYIS NI, GZUGS LA SOGS PA'I CHOS THAMS CAD LA SGRO 'DOGS SHING SKUR BA 'DEBS PA'I TSUL GYIS YOD PA DANG MED PA'I MTHA' LA CHAGS PAS SPYOD NA, CHOS RNAMS KYI CHOS NYID MA RTOGS PAR PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS 'KHOR GSUM YONGS SU DAG PAR BSGOM MI NUS SO ZHES YOD PA DANG MED PA'I MTHA' LA CHAGS PA'I NYES DMIGS BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS CHOS 'DI NI CHOS THAMS CAD DANG RJES SU MTHUN PA STE ZHES BYA BA NAS, 'DI NI RNAM PA THAMS CAD MKHYEN @147B PA NYID DANG RJES SU MTHUN PA'O ZHES BYA BA'I BAR GYIS NI, GONG DU BCOM LDAN 'DAS KYIS CHOS THAMS CAD LA YOD PA DANG MED PA'I MTHAR 'DZIN PA DAG RNAM PAR BYANG BA'I CHOS RNAMS BSGOM PAR MI NUS KYI, MTHA' GNYIS DANG BRAL NA GDOD RNAM PAR BYANG BA'I CHOS RNAMS BSGOM NUS SO ZHES BSHAD PA'I DON RAB 'BYOR GYIS RTOGS NAS 'KHOR THAMS CAD MTHA' GNYIS DANG BRAL BA'I CHOS ZAB MO LA GZUD PA'I PHYIR, DE LTAR MTHA' GNYIS DANG BRAL BA'I CHOS ZAB MO 'DI NI PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD YONGS SU GRUB PA'I RGYU YIN PA'I PHYIR, CHOS THAMS CAD DANG RJES SU MTHUN PA'O ZHES RAB 'BYOR GYIS SMRAS PA'O, ,CHOS 'DI NI GANG LA YANG THOGS PA MA MCHIS TE, CI LA YANG THOGS PA MA MCHIS SHE NA, GZUGS LA THOGS PA MA MCHIS SO ZHES BYA BA NAS, RNAM PA THAMS CAD MKHYEN PA NYID LA THOGS PA MA MCHIS SO ZHES BYA BA'I BAR GYIS NI, DE LTAR CHOS ZAB MO DE RNAM PAR BYANG BA'I CHOS THAMS CAD DANG RJES SU MTHUN PA YIN PAS, GZUGS LA SOGS PA'I CHOS GANG LA YANG DNGOS POR MI LTA ZHING, CHOS DE DAG GI DBANG DU MI 'GYUR RO ZHES BSTAN PA'O, ,CHOS 'DI NI NAM MKHA' DANG MNYAM PA NYID DANG, DE BZHIN NYID DANG MNYAM PA NYID DANG ZHES BYA BA NAS, KUN NAS NYON MONGS PA MA MCHIS PA DANG, RNAM PAR BYANG BA MA MCHIS PA DANG, MNYAM PA NYID KYI SLAD DU, THOGS PA MA MCHIS PA'I MTSAN NYID DO ZHES BYA BA'I BAR GYIS NI, CHOS THAMS CAD THOGS PA MED PA'I MTSAN NYID YIN PA'I GTAN TSIGS BSTAN PA STE, SHES RAB KYI PHA ROL TU PHYIN PA ZAB MO'I CHOS 'DI NAM MKHA' LA SOGS PA 'DUS MA BYAS PA'I CHOS RNAMS DANG 'DRA BAS, THOGS PA MED PA'I MTSAN NYID YIN NO ZHES BYA BA'I DON TO, ,CHOS 'DI NI GZUGS KYI SKYE BA MI DMIGS PA DANG ZHES BYA BA NAS, RNAM PA THAMS CAD MKHYEN PA NYID SKYE BA MI DMIGS PA'I SLAD DU SKYE BA MA MCHIS PA'O ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR SKYE BA MED PA'I PHYIR, BLA NA MED PA'I BYANG CHUB KYI RANG BZHIN SHES RAB KYI PHA ROL TU PHYIN PA'I CHOS 'DI YANG SKYE BA MED PA'I MTSAN NYID @148A *, ,YIN NO ZHES BSTAN PA'O, ,CHOS 'DI NI GZUGS KYI RTEN MI DMIGS PA DANG ZHES BYA BA NAS RNAM PA THAMS CAD MKHYEN PA NYID KYI RTEN MI DMIGS PA'I SLAD DU RTEN MA MCHIS PA'O ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED PAS GANG NA YANG MI GNAS CI LA YANG MI BRTEN PA'I PHYIR, SHES RAB KYI PHA ROL TU PHYIN PA'I CHOS 'DI YANG GANG NA YANG MI GNAS, CI LA YANG MI BRTEN PAS RTEN MED PA YIN NO ZHES RAB 'BYOR GYIS GSOL PA'O, ,DE NAS 'DOD PA NA SPYOD PA DANG, GZUGS YOD PA NA SPYOD PA'I LHA'I BU RNAMS KYIS BCOM LDAN 'DAS LA 'DI SKAD CES GSOL TO, ,GNAS BRTAN RAB 'BYOR NI BCOM LDAN 'DAS KYI RJES SU SKYES SO ZHES BYA BA NI GONG DU RAB 'BYOR GYIS SHES RAB KYI PHA ROL TU PHYIN PA'I CHOS ZAB MO 'DI RNAM PAR BYANG BA'I CHOS THAMS CAD DANG, RJES SU MTHUN PAR BSHAD PA DANG, CHOS THAMS CAD LA THOGS PA MED PAR BSHAD PA DANG, 'DUS MA BYAS PA'I CHOS RNAMS DANG MNYAM PA NYID DU BSHAD PA DANG, SKYE BA MED PAR BSHAD PA DANG, RTEN MED PAR BSHAD PAS LHA'I BU RNAMS MGU NAS, DE BZHIN GSHEGS PA DANG CHOS MTHUN PAR STON PA'I PHYIR, BCOM LDAN 'DAS KYI RJES SU SKYES SO ZHES RAB 'BYOR LA BSTOD PA STE, BCOM LDAN 'DAS DANG MTHUN PAR GYUR TO ZHES BYA BA'I DON TO, ,DE CI'I SLAD DU ZHE NA, 'DI LTAR GNAS BRTAN RAB 'BYOR NI CI DANG CI STON PA DE THAMS CAD STONG PA NYID LAS BRTZAMS SHING STON TO; ,MTSAN MA MA MCHIS PA DANG, SMON PA MA MCHIS PA NYID LAS BRTZAMS SHING STON TO ZHES BYA BAS NI, RAB 'BYOR BCOM LDAN 'DAS KYI RJES SU SKYES PA'I GTAN TSIGS BSTAN PA STE, BCOM LDAN 'DAS KYANG RNAM PAR THAR PA'I SGO GSUM GYI CHOS ZAB MO STON, RAB 'BYOR YANG RNAM PAR THAR PA'I SGO GSUM GYI CHOS ZAB MO STON TE, DE LTAR CHOS ZAB MO STON PAR RJES SU MTHUN PA'I PHYIR, BCOM LDAN 'DAS KYI RJES SU SKYES SO ZHES BYA BA'I DON TO, DE NAS TSE DANG LDAN PA RAB 'BYOR GYIS 'DOD PA NA SPYOD PA DANG, GZUGS YOD PA NA SPYOD PA'I LHA'I BU DE DAG LA 'DI @148B SKAD CES SMRAS SO ZHES BYA BA LA SOGS PAS NI, DE BZHIN GSHEGS PA DANG RAB 'BYOR GNYIS DON DAM PAR DE BZHIN NYID KYI RANG BZHIN DU THA MI DAD DE RJES SU MTHUN PA'I PHYIR, DE BZHIN GSHEGS PA'I RJES SU SKYES PA YIN PAR RAB 'BYOR GYIS BSHAD PA STE, GNAS BRTAN RAB 'BYOR NI DE BZHIN GSHEGS PA'I DE BZHIN NYID KYI RJES SU SKYES PA STE ZHES BYA BAS NI, DON DAM PAR DE BZHIN GSHEGS PA DANG, RAB 'BYOR GNYIS DE BZHIN NYID KYI RANG BZHIN DU RO GCIG STE, THA MI DAD CING RJES SU MTHUN PA'I PHYIR, DE BZHIN GSHEGS PA'I RJES SU SKYES PA YIN NO ZHES BYA BA'I DON TO, ,JI LTAR DE BZHIN GSHEGS PA'I DE BZHIN NYID MA 'ONGS MA SONG BA DE BZHIN DU, GNAS BRTAN RAB 'BYOR GYI DE BZHIN NYID KYANG MA 'ONGS MA SONG BAS NA, THOG MA NAS GNAS BRTAN RAB 'BYOR DE BZHIN GSHEGS PA'I RJES SU SKYES SO ZHES BYA BAS NI; DE BZHIN GSHEGS PA DANG RAB 'BYOR GNYIS DE BZHIN NYID DU THA MI DAD CING RJES SU MTHUN PA'I GTAN TSIGS BSTAN PA STE, DE BZHIN NYID CES BYA BA NI YONGS SU DAG CING 'GYUR BA MED PAS, THOG MA YANG GANG NAS KYANG MA 'ONGS, THA MA GAR YANG MI 'GRO STE, MI 'GYUR BAS YONGS SU GRUB PA YIN PAS, RAB 'BYOR CHOS 'DI LTA BU STON PA'I PHYIR, GZOD DE BZHIN GSHEGS PA'I RJES SU SKYES PA MA YIN GYI, THOG MA NAS DE BZHIN NYID KYI RANG BZHIN YIN TE, DE BZHIN GSHEGS PA'I DE BZHIN NYID DANG, THA MI DAD PA'I PHYIR, DE BZHIN GSHEGS PA'I RJES SU SKYES PA YIN NO ZHES BSTAN PA'O, ,DE BZHIN GSHEGS PA'I DE BZHIN NYID GANG YIN PA DE NI, CHOS THAMS CAD KYI DE BZHIN NYID KYANG DE'O, ,CHOS THAMS CAD KYI DE BZHIN NYID GANG YIN PA DE NI DE BZHIN GSHEGS PA'I DE BZHIN NYID KYANG DE STE ZHES BYA BAS NI, JI LTAR DE BZHIN GSHEGS PA DANG; RAB 'BYOR GNYIS KYI RANG BZHIN DU THA MI DAD PA DE BZHIN DU, CHOS THAMS CAD KYANG DON DAM PAR DE BZHIN NYID KYI RANG BZHIN YIN PAS, DE BZHIN GSHEGS PA'I DE BZHIN NYID KYI RANG BZHIN DANG THA MI DAD DO ZHES BSTAN PA'O, ,DE BZHIN GSHEGS PA'I DE BZHIN NYID DE YANG, @149A *, ,DE BZHIN NYID MA YIN NO ZHES BYA BA NI, GANG DU DE BZHIN NYID KYI RANG BZHIN BSHAD PA LA, KHA CIG DE LTA BU'I DE BZHIN NYID DNGOS PO'I RANG BZHIN DU YOD PAR RTOGS PA BSAL BA'I PHYIR, DE YANG DNGOS POR YOD PA MA YIN NO ZHES BSTAN PA'O, ,DA LTAR NA GNAS BRTAN RAB 'BYOR NI DE BZHIN GSHEGS PA'I RJES SU SKYES SO ZHES BYA BA NI, KUN RDZOB TU DE BZHIN GSHEGS PA DANG, CHOS STON PAR RJES SU MTHUN PA'I PHYIR, RJES SU SKYES PA TZAM DU MA ZAD KYI, DON DAM PAR DE BZHIN NYID KYI RANG BZHIN DNGOS PO MED PAR YANG THA MI DAD PA'I PHYIR, RAB 'BYOR DE BZHIN GSHEGS PA'I RJES SU SKYES SO ZHES BSHAD PA'O, ,DE BZHIN GSHEGS PA'I DE BZHIN NYID JI LTA BA BZHIN DU, GNAS BRTAN RAB 'BYOR GNAS PAS DE BZHIN GSHEGS PA'I RJES SU SKYES SO ZHES BYA BA NI, DE BZHIN GSHEGS PA'I DE BZHIN NYID KYI CHOS KYI SKU'I RANG BZHIN DANG, RAB 'BYOR GYI DON DAM PA'I RANG BZHIN GNYIS DON DAM PAR THA MI DAD DE, RANG BZHIN GCIG TU GNAS PA'I PHYIR, RAB 'BYOR DE BZHIN GSHEGS PA'I RJES SU SKYES SO ZHES BSTAN PA'O, ,JI LTAR DE BZHIN GSHEGS PA'I DE BZHIN NYID 'GYUR BA MED CING RNAM PAR RTOG PA MED PA DE BZHIN DU, GNAS BRTAN RAB 'BYOR GYI DE BZHIN NYID KYANG 'GYUR BA MED CING RNAM PAR RTOG PA MED CES BYA BA NI, DE BZHIN GSHEGS PA'I DE BZHIN NYID DANG, RAB 'BYOR GYI DE BZHIN NYID RANG BZHIN GCIG PA DE YANG CHOS KYI DBYINGS MI 'GYUR BA YONGS SU GRUB PA DANG, RNAM PAR MI RTOG PA'I RANG BZHIN YIN NO ZHES BSTAN PA'O, ,JI LTAR DE BZHIN GSHEGS PA'I DE BZHIN NYID CI LA YANG THOGS PA MED PA DE BZHIN DU, CHOS THAMS CAD KYI DE BZHIN NYID KYANG CI LA YANG THOGS PA MED DE ZHES BYA BA NI, DE BZHIN GSHEGS PA'I CHOS KYI SKU STONG PA NYID DANG, CHOS THAMS CAD KYI STONG PA NYID LA DNGOS PO MED PAS CI LA YANG THOGS PA MED PA'I RANG BZHIN CAN YIN NO ZHES BSTAN PA'O, ,DE BZHIN GSHEGS PA'I DE BZHIN NYID GANG YIN PA DANG, CHOS THAMS CAD KYI DE BZHIN NYID GANG YIN PA DE NI, DE BZHIN NYID GCIG CING GNYIS SU MED DE GNYIS @149B SU BYAR MED CES BYA BA NI DE BZHIN GSHEGS PA'I DE BZHIN NYID DANG, CHOS THAMS CAD KYI DE BZHIN NYID CI LA YANG THOGS PA MED PA DE YANG CHOS KYI DBYINGS STONG PA NYID DU RO GCIG CING, SO SOR DBYER MED PA BSTAN PA'O, ,DE BZHIN NYID DE YANG MA BYAS PA STE ZHES BYA BA NI STONG PA NYID DE 'DUS MA BYAS PA'I RANG BZHIN YIN PAS, RGYU DANG RKYEN GYIS SKYES PA YANG MA YIN NO ZHES BYA BA'I DON TO, ,DE BZHIN NYID DE NI GANG GI DE BZHIN NYID DU MA GYUR PA YANG MED DE ZHES BYA BA NI STONG PA NYID KYIS MKHYEN PA MED DE, CHOS THAMS CAD KYI DON DAM PAR DNGOS PO MED PAR STONG PA NYID KYI RANG BZHIN NO ZHES BSTAN PA'O, ,DE BZHIN NYID DE GANG GI DE BZHIN NYID DU MA GYUR PA YANG MED PAS, DE'I PHYIR DE BZHIN NYID DE NI GNYIS SU MED CING GNYIS SU BYAR MED PA STE ZHES BYA BA NI, STONG PA NYID KYI RANG BZHIN DE BZHIN NYID CES BYA BA DE NI, DNGOS PO MED PA'I RANG BZHIN DU THA MI DAD DO ZHES BYA BA'I DON TO, ,DE LTAR NA GNAS BRTAN RAB 'BYOR DE NI DE BZHIN GSHEGS PA'I RJES SU SKYES SO ZHES BYA BA NI GONG DU DON DAM PAR BCOM LDAN 'DAS DANG, RAB 'BYOR GNYIS DE BZHIN NYID DU RO GCIG STE, THA MI DAD PAR BSHAD PA'I DON MJUG BSDUS TE BSTAN PA'O, ,DE BZHIN GSHEGS PA'I DE BZHIN NYID GANG YIN PA DE NI THAMS CAD DU 'GYUR BA MED CING, RNAM PAR RTOG PA MED PA STE, DE BZHIN DU RAB 'BYOR GYI DE BZHIN NYID KYANG THAMS CAD DU 'GYUR BA MED CING RNAM PAR MI RTOG ,RNAM PAR RTOG PA MED PA LA ZHES BYA BAS NI, DE BZHIN GSHEGS PA'I DE BZHIN NYID DANG, RAB 'BYOR GYI DE BZHIN NYID RANG BZHIN GCIG CING THA MI DAD PA DE YANG, MI 'GYUR BAR YONGS SU GRUB PA DANG, PHYIN CI MA LOG PAS YONGS SU GRUB PA YIN PAR BSTAN PA STE, THAMS CAD DU 'GYUR BA MED CING ZHES BYA BAS NI, DE BZHIN NYID DE RANG BZHIN GYIS YONGS SU DAG PA YIN PAS, SNGAR MA DAG LA PHYIS DAG PAR 'GYUR BA YANG MED, GNAS LA LAR MA DAG LA GNAS LA LAR DAG PAR 'GYUR BA YANG MED DE, DUS THAMS CAD DANG GNAS THAMS CAD DU YANG DE BZHIN DU MI 'GYUR BAR GNAS PA'I PHYIR, MI 'GYUR BAR YONGS SU GRUB PA YIN NO ZHES BSTAN PA'O, ,RNAM PAR RTOG PA @150A *, ,MED PA STE ZHES BYA BA NI PHYIN CI MA LOG PA YONGS SU GRUB PA YIN PAR BSTAN PA STE, GZUNG BA DANG 'DZIN PA'I MTSAN MA LA PHYIN CI LOG TU RTOGS PA MED CES BYA BA'I DON TO, ,JI LTAR DE BZHIN GSHEGS PA'I DE BZHIN NYID THA MI DAD PA DBYER MED PA 'BYED PA MA YIN PA DMIGS SU MED PA DE BZHIN DU, RAB 'BYOR GYI DE BZHIN NYID KYANG THA MI DAD PA DBYER MED PA 'BYED PA MA YIN PA, DMIGS SU MED PA STE ZHES BYA BAS NI DON DAM PAR DE BZHIN NYID DE DNGOS PO'I RANG BZHIN MA YIN PAS, THA DAD DU DBYER MED CING GNYIS SU DBYER YANG MED LA, BYED PA PO'I RANG BZHIN DU YANG YOD PA MA YIN PAS, DNGOS PO GZHAN BYED PA YANG MA YIN TE, 'DI LTAR BYA BA MED PA YANG GNYIS KA'I DNGOS POR YANG MED PAS, DMIGS SU MED DO ZHES BSTAN PA'O, ,DE LTAR NA GNAS BRTAN RAB 'BYOR DE BZHIN GSHEGS PA'I RJES SU SKYES SO ZHES BYA BAS NI, GONG DU BSTAN PA'I DON MJUG BSDUS TE BSTAN PA'O, ,JI LTAR DE BZHIN GSHEGS PA'I DE BZHIN NYID DE CHOS THAMS CAD KYI DE BZHIN NYID LAS GUD NA YOD PA MA YIN TE, DE NAM YANG DE BZHIN NYID MA YIN PA MA YIN TE, RTAG TU DE BZHIN NYID DO ZHES BYA BA NI DE BZHIN GSHEGS PA'I CHOS KYI SKU STONG PA NYID KYI RANG BZHIN DE NI CHOS THAMS CAD KYI STONG PA NYID LAS GUD NA YOD PA MA YIN TE STONG PA NYID KYI RANG BZHIN DU GCIG LA, DE YANG SNGON YONGS SU MA DAG PA LAS PHYIS YONGS SU DAG PAR 'GYUR BA YANG MED DE, RTAG TU YONGS SU DAG PA'I RANG BZHIN CAN NO ZHES BYA BA'I DON TO, ,DE BZHIN DU GNAS BRTAN RAB 'BYOR YANG RNAM PA GZHAN MA YIN PAR DE BZHIN GSHEGS PA'I RJES SU SKYES KYANG, GAR YANG RJES SU SKYES PA MED PA STE ZHES BYA BA NI DE BZHIN GSHEGS PA'I CHOS KYI SKU STONG PA NYID KYI RANG BZHIN TE, CHOS THAMS CAD KYI STONG PA NYID DANG RO GCIG CING DUS THAMS CAD DU YONGS SU SU DAG PA DE BZHIN DU, RAB 'BYOR GYI RANG BZHIN STONG PA NYID KYANG DUS THAMS CAD DU YONGS SU DAG PA STE, DE LTAR DE BZHIN GSHEGS PA'I RANG BZHIN DANG RJES SU MTHUN PA'I PHYIR, DE BZHIN GSHEGS PA'I RJES SU SKYES SO ZHES KUN RDZOB TU BTAGS KYANG, DON DAM PAR NI GANG @150B DU YANG SKYES PA MED DO ZHES BSTAN PA'O, ,DE LTAR NA GNAS BRTAN RAB 'BYOR NI DE BZHIN GSHEGS PA'I RJES SU SKYES SO, ,DE BZHIN GSHEGS PA'I RJES SU SKYES SO ZHES BYA STE ZHES BYA BA NI, RAB 'BYOR DE BZHIN GSHEGS PA'I RJES SU SKYES PA'I DON GANG DU BSHAD PA RNAMS MJUG BSDUS TE BSTAN PA STE, KUN RDZOB TU CHOS ZAB MO STON PAR RJES SU MTHUN PA'I PHYIR, RAB 'BYOR DE BZHIN GSHEGS PA'I RJES SU SKYES PA TZAM DU MA ZAD KYI, DON DAM PAR YANG DE BZHIN NYID KYI RANG BZHIN DU THA MI DAD DE, RJES SU MTHUN PA'I PHYIR RAB 'BYOR DE BZHIN GSHEGS PA'I RJES SU SKYES SO ZHES BSTAN PA'O, ,'DAS PA'I DE BZHIN NYID KYI MNYAM PA NYID KYIS, DE BZHIN GSHEGS PA'I DE BZHIN NYID MNYAM PA NYID DO ZHES BYA BA NAS, DE LTAR 'DAS PA DANG MA 'ONGS PA DANG DA LTAR BYUNG BA'I DE BZHIN NYID DANG, DE BZHIN GSHEGS PA'I DE BZHIN NYID DE LA GNYIS SU MED DE GNYIS SU BYAR MED DO ZHES BYA BA'I BAR GYIS NI, DUS GSUM MNYAM PA NYID KYI DE BZHIN NYID DANG, DE BZHIN GSHEGS PA'I DE BZHIN NYID STONG PA NYID KYI RANG BZHIN DU RO GCIG CING MNYAM PAS THA DAD DU DBYER MED DO ZHES BSTAN PA'O, ,GZUGS KYI DE BZHIN NYID KYIS, DE BZHIN GSHEGS PA'I DE BZHIN NYID DE DE BZHIN GSHEGS PA'I DE BZHIN NYID KYIS GZUGS KYI DE BZHIN NYID DE, DE LTAR NA GZUGS KYI DE BZHIN NYID DANG, DE BZHIN GSHEGS PA'I DE BZHIN NYID DE LA GNYIS SU MED DE GNYIS SU BYAR MED DO ZHES BYA BA NAS, RNAM PA THAMS CAD MKHYEN PA NYID KYI DE BZHIN NYID DANG, DE BZHIN GSHEGS PA'I DE BZHIN NYID DE LA GNYIS SU MED DE GNYIS SU BYAR MED DO ZHES BYA BA'I BAR GYIS NI GONG DU DE BZHIN GSHEGS PA'I DE BZHIN NYID DANG, RAB 'BYOR GYI DE BZHIN NYID DANG CHOS THAMS CAD KYI DE BZHIN NYID LA, THA DAD DU DBYER MED PAR MDOR BSTAN PA'I DON DE NYID GZUGS LA SOGS PA'I CHOS RE RE DANG SBYAR TE, DE BZHIN NYID LA THA DAD DU DBYER MED PA'I DON ZHIB TU BSHAD PA'O, ,'DI NI RAB 'BYOR DE BZHIN GSHEGS PA'I DE BZHIN NYID DE, BYANG CHUB SEMS DPA' SEMS DPA' CHEN POS, DE BZHIN NYID DE MNGON PAR RDZOGS PAR SANGS RGYAS NAS, DE BZHIN GSHEGS PA ZHES BYA BA'I MING 'THOB PAR 'GYUR @151A *, ,BA'O ZHES BYA BA NI, CHOS KYI CHOS NYID DE BZHIN NYID ZAB MO DE LTA BU KHONG DU CHUD NAS, DE BZHIN GSHEGS PAR 'GYUR BA'I YON TAN BSTAN PA STE, DE BZHIN GSHEGS PA ZHES BYA BA YANG GZHAN LA MI BYA'O, ,GNYIS SU MED PA'I DE BZHIN NYID DE LTA BU RTOGS PA LA BYA'O ZHES BSTAN PA'O, , DE BZHIN NYID KYI LE'U 'DI BSHAD PA'I TSE, STONG GSUM GYI STONG CHEN PO'I 'JIG RTEN GYI KHAMS 'DI RNAM PA DRUG TU G-YOS TE ZHES BYA BA LA SOGS PAS NI, CHOS ZAB MO DE LTA BU BSHAD PAS, SA'I 'OG NA GNAS PA'I LHA MTHU BO CHE RNAMS KYIS KYANG THOS NAS, DGA' ZHING MGU BA'I SHUGS KYIS LUS BSGUL ZHING BSKYOD PA LAS, SA CHEN PO G-YOS PA'I 'GYUR BA BSTAN PA YANG RNAM PA GCIG TU NA DUS GSUM GYI DE BZHIN GSHEGS PA RNAMS KYI, DE BZHIN NYID GNYIS SU MED PA'I DON ZAB MO 'DI LTA BU BSHAD PA'I MTHU DANG BYIN GYIS, SNOD KYI 'JIG RTEN NYID RNAM PA DRUG TU G-YOS PAR GYUR PA'I NGO MTSAR DANG, YA MTSAN CHEN PO LTA BU MTHONG NA, SEMS CAN THAMS CAD DAD PA SKYE BAR BYA BA'I PHYIR, BCOM LDAN 'DAS KYI BYIN GYI RLABS KYIS, SA CHEN PO 'DI RNAM PA DRUG TU G-YOS PA BSTAN PA STE, G-YOS PA'I RIM PA DANG, G-YOS PA'I RGYUS NI ZHIB TU GLENG GZHI'I LE'U LAS BSHAD ZIN TO; ,DE NAS 'DOD PA NA SPYOD PA DANG GZUGS YOD PA NA SPYOD PA'I LHA'I BU DE DAG GIS ZHES BYA BA NAS, DE BZHIN GSHEGS PA'I RJES SU SKYES PA NGO MTSAR CHE'O ZHES BRJOD DO ZHES BYA BA'I BAR GYIS NI, KUN RDZOB DANG DON DAM PA GNYIS KA'I TSUL GYIS GNAS BRTAN RAB 'BYOR DE BZHIN GSHEGS PA'I RJES SU SKYES PAR BSTAN PA'I CHOS ZAB MO LHA'I BU RNAMS KYIS THOS NAS MGU STE MCHOD PAR BYAS SHING BSTAN PA'O, ,DE NAS GNAS BRTAN RAB 'BYOR GYIS LHA'I BU DE DAG LA 'DI SKAD CES SMRAS SO ZHES BYA BA NAS, RNAM PA THAMS CAD MKHYEN PA NYID KYI DE BZHIN NYID LAS GZHAN GYI RJES SU MA SKYES SO ZHES BYA BA'I BAR GYIS NI, GONG DU GNAS BRTAN RAB 'BYOR DE BZHIN GSHEGS PA'I DE BZHIN NYID DANG RJES SU MTHUN PA'I PHYIR, DE BZHIN GSHEGS PA'I RJES SU SKYES SO ZHES BSHAD PA LA, 'KHOR RNAMS KYI NANG NAS KHA CIG BSKYED PAR BYA BA DANG, SKYED PAR BYED PA LA SOGS PA'I DNGOS @151B PO YOD PAR RTOG PA BSAL BA'I PHYIR, GZUGS LA SOGS PA NAS RNAM PA THAMS CAD MKHYEN PA NYID LA THUG GI BAR CHOS RNAMS DANG, CHOS DE DAG GI DE BZHIN NYID KYANG DON DAM PAR DNGOS PO MED LA, GNAS BRTAN RAB 'BYOR KYANG DON DAM PAR DNGOS PO MED PAS, DE DAG GANG GI RJES SU SKYES PAR YANG MED DO ZHES BSTAN PA'O, ,'DUS BYAS KYI RJES SU MA SKYES, 'DUS MA BYAS LAS GZHAN GYI RJES SU MA SKYES SO ZHES BYA BA NAS 'DUS MA BYAS KYI DE BZHIN NYID LAS GZHAN GYI RJES SU MA SKYES SO ZHES BYA BA'I BAR GYIS NI, MDOR BSDUS TE BSHAD NA, DON GO BAR 'GYUR BA'I SEMS CAN RNAMS KYI DON DU, GONG DU SMOS PA'I CHOS THAMS CAD MDOR BSDUS NAS, 'DUS BYAS DANG 'DUS MA BYAS GNYIS SU 'DUS TE, DE DAG KYANG DON DAM PAR DNGOS PO MED PAS DE DAG GANG GI RJES SU SKYES PA YANG MED DO ZHES BYA BA'I DON TE, DE CI'I PHYIR ZHE NA, DE NI 'DI LTAR GANG RJES SU SKYES PA DANG, ZHES BYA BA NAS GANG GI RJES SU SKYE BAR 'GYUR BA'I CHOS DE DAG THAMS CAD MED CING MI DMIGS SO ZHES BYA BA'I BAR GYIS NI GNAS BRTAN RAB 'BYOR CHOS THAMS CAD KYI RJES SU SKYES PA MA YIN PA'I GTAN TSIGS SU, 'DAS PA DANG, MA 'ONGS PA DANG, DA LTAR GYI DUS GSUM CHAR DU YANG SKYED PAR BYED PA DANG, BSKYED PAR BYA BA'I CHOS GANG YANG MED CING MI DMIGS PA BSTAN TE, GANG RJES SU SKYES PA DANG, GANG GI RJES SU SKYES PA DANG ZHES BYA BAS NI 'DAS PA'I DUS NA BSKYED PAR BYA BA DANG, SKYED PAR BYED PA'I CHOS RNAMS MED CING MI DMIGS PA BSTAN PA'O, ,GANG RJES SU SKYED PA DANG GANG GI RJES SU SKYED PA DANG ZHES BYA BAS NI DA LTAR BYUNG BA'I DUS NA BSKYED PAR BYA BA DANG, SKYED PAR BYED PA'I CHOS RNAMS MED CING MI DMIGS PA BSTAN PA'O, ,GANG RJES SU SKYE BAR 'GYUR BA'AM, GANG GI RJES SU SKYE PAR 'GYUR BA ZHES BYA BAS NI, MA 'ONGS PA'I DUS NA YANG BSKYED PAR BYA BA DANG, SKYED PAR BYED PA'I CHOS RNAMS MED CING MI DMIGS PA BSTAN PA'O, ,DE NAS TSE DANG LDAN PA SHA RA DVA TI'I BUS BCOM LDAN 'DAS LA 'DI SKAD CES GSOL TO ZHES BYA BA NAS, YANG DAG PA'I MTHA' NI ZAB PA STE ZHES BYA BA'I BAR GYIS NI, DE LTAR GONG DU SKYE BA MED PA'I CHOS ZAB MO BSTAN PAS, SH'A RI'I BU @152A *, ,MGU NAS DE LTA BU'I STONG PA NYID KYI CHOS ZAB MO BSHAD PA NI RTOG GE PA RNAMS KYI SPYOD YUL MA YIN NO ZHES BSTAN PA STE, DE BZHIN NYID DANG, MA NOR BA DE BZHIN NYID DANG ZHES BYA BA LA SOGS PA NI STONG PA NYID KYI RNAM GRANGS SU RIG PAR BYA'O, ,DE LA GZUGS MI DMIGS GZUGS KYI DE BZHIN NYID MI DMIGS TE ZHES BYA BA NAS RNAM PA THAMS CAD MKHYEN PA NYID KYI DE BZHIN NYID LTA DMIGS PAR GA LA 'GYUR ZHES BYA BA'I BAR GYIS NI, CHOS KYI DBYINGS KYI RANG BZHIN STONG PA NYID DE ZAB PA'I GTAN TSIGS BSTAN PA STE, STONG PA NYID DE LA GZUGS LA SOGS PA RNAM PA THAMS CAD MKHYEN PA NYID LA THUG GI BAR DU, KUN BRTAGS PA'I CHOS THAMS CAD DANG, CHOS DE DAG GI DE BZHIN NYID YONGS SU GRUB PA'I MTSAN NYID KYANG DMIGS SU MED PAS ZAB BO ZHES BYA BA'I DON TO, ,BCOM LDAN 'DAS KYIS BKA' STZAL PA, SHA RA DVA TI'I BU DE DE BZHIN NO, ,DE DE BZHIN TE, DE BZHIN NYID ZAB PA STE, DE LA GZUGS MI DMIGS, GZUGS KYI DE BZHIN NYID MI DMIGS PA STE ZHES BYA BA NAS, RNAM PA THAMS CAD MKHYEN PA NYID KYI DE BZHIN NYID LTA DMIGS PAR GA LA 'GYUR ZHES BYA BA'I BAR GYIS NI, SH'A RI'I BUS GSOL PA'I TSIG DANG, DON DE NYID SLAR 'DAS TE STONG PA NYID KYI RANG BZHIN, DE BZHIN NYID KYI MTSAN NYID DE NI, DE LTAR ZAB PA BDEN NO ZHES BKA' STZAL PA'O, ,SHA RA DVA TI'I BUS DE BZHIN NYID DANG, MA NOR BA DE BZHIN NYID DANG, GZHAN MA YIN PA DE BZHIN NYID KYI LE'U 'DI BSHAD PA'I TSE, DGE SLONG NYIS BRGYA NYE BAR LEN PA MED PAR ZAG PA LAS SEMS RNAM PAR GROL LO ZHES BYA BA'I BAR ZAB MO'I LE'U 'DI BSHAD PA'I TSE, DGE SLONG NYIS BRGYAS BSGOM PA'I LAM GYIS SPANG BAR BYA BA'I NYON MONGS PA RNAMS SPANGS NAS, 'KHOR BAR PHUNG PO PHYI MA NYE BAR LEN PA MED PAR SEMS RNAM PAR GROL TE, DGRA BCOM PAR GYUR TO ZHES BYA BA'I DON TO, ,DGE SLONG MA LNGA BRGYAS NI, CHOS RNAMS LA CHOS KYI MIG RDUL MED CING DRI MA DANG BRAL BA SKYES SO ZHES BYA BAS NI, MTHONG BAS SPANG BAR BYA BA'I NYON MONGS PA RNAMS SPANGS NAS MTHONG BA'I LAM GYIS SHES RAB KYI MIG THOB STE, RGYUN DU ZHUGS PA'I 'BRAS BU LA @152B GNAS PAR GYUR TO ZHES BYA BA'I DON TO, ,BYANG CHUB SEMS DPA' LNGA STONG DANG LHA DANG MI RNAMS KYIS MI SKYE BA'I CHOS LA BZOD PA RAB TU THOB BO ZHES BYA BAS NI, BYANG CHUB SEMS DPA' LNGA STONG DANG LHA DANG MI RNAMS KYI NANG NA KHA CIG GIS CHOS THAMS CAD SKYE BA MED PAR RTOGS NAS, BYANG CHUB SEMS DPA'I SA BRGYAD THOB PAR GYUR TO ZHES BSTAN PA'O, ,BYANG CHUB SEMS DPA' YONGS SU NYAMS PA'I CHOS CAN DRUG CU NI NYE BAR LEN PA MED PAR ZAG PA LAS SEMS RNAM PAR GROL TE ZHES BYA BAS NI, BYANG CHUB SEMS DPA' THABS MI MKHAS PAS, PHA ROL TU PHYIN PA DRUG LA DMIGS PA DANG BCAS PAR SPYOD PA DRUG CU NI BYANG CHUB SEMS DPA'I SA MA THOB PAR KHAMS GSUM GYI NYON MONGS PA LAS SEMS RNAM PAR GROL TE, PHUNG PO PHYI MA NYE BAR MI LEN PA DANG, DGRA BCOM PA'I 'BRAS BU THOB PAR GYUR TO ZHES BYA BA'I DON TO, ,SHA RA DVA TI'I BU BYANG CHUB SEMS DPA' SEMS DPA' CHEN PO 'DI DAG GIS NI SANGS RGYAS LNGA BRGYA BSNYEN BKUR BYAS TE ZHES BYA BA NAS, DE DAG BYANG CHUB SEMS DPA'I SKYON MED PAR MA ZHUGS PAS, RGYUN DU ZHUGS PA'I 'BRAS BU 'THOB, LAN CIG PHYIR 'ONG BA'I 'BRAS BU 'THOB, PHYIR MI 'ONG BA'I 'BRAS BU 'THOB, DGRA BCOM PA'I 'BRAS BU 'THOB BO ZHES BYA BA'I BAR GYIS NI, BYANG CHUB SEMS DPA' YONGS SU NYAMS PA'I CHOS CAN RNAMS NYAN THOS KYI SAR LHUNG BA'I GTAN TSIGS BSTAN PA STE, DE DAG GIS PHA ROL TU PHYIN PA DRUG LA SPYAD KYANG, MTSAN MA DANG BCAS SHING DMIGS PA DANG BCAS PAR SPYAD DE, 'KHOR GSUM YONGS SU MA DAG PAR SPYAD PA'I PHYIR, BYANG CHUB SEMS DPA'I SA DANG PO SKYON MED PA ZHES BYA BA MA THOB PAR NYAN THOS KYI 'BRAS BU RNAMS THOB PAR GYUR RO ZHES BSTAN PA'O, ,SHA RA DVA TI'I BU BYANG CHUB SEMS DPA' SEMS DPA' CHEN PO RNAMS KYI LAM STONG PA NYID DANG, MTSAN MA MED PA DANG, SMON PA MED PA YOD MOD KYI DE DAG SHES RAB KYI PHA ROL TU PHYIN PA DANG BRAL ZHING THABS MKHAS PAS YONGS SU MA BZUNG NA YANG DAG PA'I MTHA' MNGON DU BYAS NAS, NYAN THOS DANG RANG SANGS RGYAS SU 'GYUR RO ZHES BYA BA NI THABS DANG SHES RAB TU MA LDAN NA, BYANG CHUB SEMS DPA'I LAM RNAM PAR THAR PA'I SGO GSUM @153A *, ,LA SPYAD KYANG MI PHAN TE, NYAN THOS DANG, RANG SANGS RGYAS KYI MYA NGAN LAS 'DAS PA THOB PAR 'GYUR RO ZHES BSTAN PA'O, ,GSOL PA, BCOM LDAN 'DAS CI'I SLAD DU ZHES BYA BA NAS THABS MKHAS PA LA BRTEN CING BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR ZHES BYA BA'I BAR GYIS NI, BYANG CHUB SEMS DPA' RNAMS RNAM PAR THAR PA'I SGO GSUM LA SPYOD DU 'DRA YANG, THABS DANG SHES RAB TU LDAN MI LDAN GYI BYE BRAG LAS THEG PA CHE CHUNG NGU 'GYUR BA'I GTAN TSIGS DANG DPER BCAS PA ZHIB TU BSHAD PA'I GLENG BSLANG BA'I PHYIR BCOM LDAN 'DAS LA SH'A RI'I BUS ZHUS PA'O, ,BCOM LDAN 'DAS KYIS BKA' STZAL PA, SHA RA DVA TI'I BU 'DI LA KHA CIG RNAM PA THAMS CAD MKHYEN PA'I SEMS DANG BRAL BA, STONG PA NYID DANG, MTSAN MA MED PA DANG, SMON PA MED PA'I CHOS 'BA' ZHIG BSGOM PA NI, THABS MKHAS PA MA THOB PAS, NYAN THOS DANG RANG SANGS RGYAS SU 'GYUR RO ZHES BYA BA NI, CHOS RNAMS LA DNGOS PO DANG MTSAN MAR 'DZIN CING THABS MKHAS PA DANG MI LDAN TE, RNAM PA THAMS CAD MKHYEN PA NYID KYI YE SHES THOB PAR BYA BA'I SEMS DANG MI LDAN NA, RNAM PAR THAR PA'I SGO GSUM LA SPYOD PAR 'DRA YANG, NYAN THOS DANG, RANG SANGS RGYAS KYI SAR LHUNG BAR 'GYUR RO ZHES BSTAN PA'O, ,SHA RA DVA TI'I BU 'DI LA BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID KYI SEMS DANG MA BRAL BA NI, STONG PA NYID DANG, MTSAN MA MED PA DANG, SMON PA MED PA'I CHOS RNAMS LA BSGOM ZHING, THABS MKHAS PA THOB PAS BYANG CHUB SEMS DPA'I SKYON MED PAR 'JUG CING, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES BYA BA NI BYANG CHUB SEMS DPA' THABS MKHAS SHING BSAM PA RGYA CHEN PO DANG LDAN PAS, DGE BA CI SPYAD DO COG BLA NA MED PA'I BYANG CHUB RNAM PA THAMS CAD MKHYEN PA NYID KYI YE SHES THOB PAR BYA BA'I PHYIR BSNGOS TE, RNAM PAR THAR PA'I SGO GSUM LA SPYOD NA, BSAM PA'I KHYAD PAR GYIS BYANG CHUB SEMS DPA'I SA DANG PO SKYON MED PA LA ZHUGS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES @153B BSTAN PA'O, ,SHA RA DVA TI'I BU 'DI LTA STE DPER NA ZHES BYA BA NAS, NYAN THOS KYI SA'AM, RANG SANGS RGYAS KYI SAR LHUNG NGO ZHES BYA BA'I BAR GYIS NI, THABS DANG SHES RAB TU MI LDAN ZHING RNAM PA THAMS CAD MKHYEN PA'I SEMS DANG MI LDAN NA, NYAN THOS DANG RANG SANGS RGYAS KYI SAR LHUNG BA'I DPE BYA 'DAB MA MED PA LAS BLANGS TE BSTAN PA STE, BYA'I LUS CHE BA BSTAN PA NI, BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR BYA BA SMON PA CHE BA DANG, BYANG CHUB TU SEMS BSKYED PA CHE BA DANG, BYANG CHUB SEMS DPA'I SPYOD PA RLABS CHEN PO YONGS SU 'DZIN PA CHE BA'I DPE'O, , BYA'I 'DAB MA GNYIS PA BSTAN PA NI, SHES RAB DANG THABS GNYIS MI LDAN PA BSTAN PA'O, ,SMAS PA DANG, SNAD PA'I SDUG BSNGAL BAR GYUR PA BSTAN PA NI BYANG CHUB SEMS DPA'I SA NAS NYAMS TE, NYAN THOS DANG RANG SANGS RGYAS KYI SAR LHUNG BAR 'GYUR BA'I DPE'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA' DES RNAM PA THAMS CAD MKHYEN PA NYID KYI SEMS DANG MI LDAN PAR SBYIN PA BYIN ZHES BYA BA NAS, NYAN THOS DANG, RANG SANGS RGYAS KYI SAR LHUNG NGO ZHES BYA BA'I BAR GYIS NI, THABS DANG SHES RAB TU MI LDAN NA NYAN THOS DANG RANG SANGS RGYAS KYI SAR LHUNG BA'I GTAN TSIGS BSTAN PA STE, PHA ROL TU PHYIN PA DRUG LA SPYOD PA'I TSE, 'KHOR GSUM YONGS SU MA DAG PAR SPYOD NA, MTSAN MA DANG BCAS SHING DMIGS PA DANG BCAS PAR SPYOD PA YIN TE, SHES RAB KYI PHA ROL TU PHYIN PA DANG BRAL ZHING THABS MKHAS PAS YONGS SU MA BZUNG BA'I PHYIR, NYAN THOS DANG RANG SANGS RGYAS KYI SAR LHUNG BAR 'GYUR RO ZHES BSTAN PA'O, ,SHA RA DVA TI'I BU BYANG CHUB SEMS DPA' 'DAS PA DANG, MA 'ONGS PA DANG, DA LTAR BYUNG BA'I DE BZHIN GSHEGS PA RNAMS KYI ZHES BYA BA NAS, NYAN THOS KYI SA'AM, RANG SANGS RGYAS KYI SA LA GNAS PAR 'GYUR RO ZHES BYA BA'I BAR GYIS NI, THABS DANG SHES RAB MED CING, RNAM PA THAMS CAD MKHYEN PA NYID KYI SEMS DANG MI LDAN NA DUS GSUM GYI DE BZHIN GSHEGS PA RNAMS KYI ZAG PA MED PA'I PHUNG PO LNGA LA SPYAD CING BSGOMS KYANG, DON DAM PAR DE DAG GI DNGOS PO MED PAR MI SHES SHING MA RTOGS PAS, @154A *, ,ZAG PA MED PA'I PHUNG PO LNGA DANG, RNAM PAR THAR PA'I SGO GSUM LA MYA NGAN LAS 'DAS PA ZHI BA'I MTSAN MAR BZUNG NAS, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS TE, MTSAN MA DANG DNGOS POR 'DZIN PA'I PHYIR, NYAN THOS DANG RANG SANGS RGYAS KYI SA LA GNAS PAR 'GYUR RO ZHES BSTAN PA'O, ,SHA RA DVA TI'I BU DE CI'I PHYIR ZHE NA, DE LTAR SHES RAB KYI PHA ROL TU PHYIN PA DANG THABS MKHAS PA DANG BRAL BAS, DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA NI, DE LTAR 'GYUR DU GDON MI ZA'O ZHES BYA BAS NI, DON GONG DU SMOS PA NYID DE DE LTAR NGES PAR 'GYUR BAR BSNAN TE BSTAN PA'O, ,SHA RA DVA TI'I BU 'DI LA BYANG CHUB SEMS DPA' SEMS DPA' CHEN PO THOG MA SEMS SKYES PA NAS NYE BAR BZUNG STE, RNAM PA THAMS CAD MKHYEN PA'I SEMS DANG MA BRAL BAR SBYIN PA GTONG ZHING ZHES BYA BA NAS, SHA RA DVA TI'I BU BYANG CHUB SEMS DPA' SEMS DPA' CHEN PO DE NI NYAN THOS DANG RANG SANGS RGYAS KYI SA LA GNAS PAR MI 'GYUR BAR RIG PAR BYA'O ZHES BYA BA'I BAR GYIS, BYANG CHUB SEMS DPA' THABS DANG SHES RAB TU LDAN PA, RNAM PA THAMS CAD MKHYEN PA'I SEMS DANG MA BRAL ZHING, ZAG PA MED PA'I PHUNG PO LNGA DANG, RNAM PAR THAR PA'I SGO GSUM DANG, DNGOS PO DANG MTSAN MAR MI 'DZIN PA RNAMS NYAN THOS DANG, RANG SANGS RGYAS KYI SAR LHUNG BAR MI 'GYUR BA BSTAN PA'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO DES THOG MA SEMS BSKYED PA NAS NYE BAR BZUNG STE, SBYIN PA BYIN YANG MTSAN MAR MA BZUNG ZHES BYA BA NAS, STONG PA NYID DANG MTSAN MA MED PA DANG, SMON PA MED PA'I TING NGE 'DZIN RNAMS BSGOMS KYANG MTSAN MAR MA BZUNG NGO ZHES BYA BA'I BAR GYIS NI, BYANG CHUB SEMS DPA' THABS DANG SHES RAB TU LDAN PA DANG, 'KHOR GSUM YONGS SU DAG PAR SPYOD PA RNAMS, NYAN THOS DANG RANG SANGS RGYAS KYI SAR MI LHUNG BA'I GTAN TSIGS BSTAN PA'O, ,SHA RA DVA TI'I BU DE LTAR MTSAN MA DANG BRAL BA'I SEMS KYIS SBYIN PA YONGS SU GTONG BA DANG ZHES BYA BA NAS, MTSAN MA DANG BRAL BA'I SEMS KYIS RNAM PA THAMS @154B CAD MKHYEN PA NYID BSGOM PA 'DI NI, BYANG CHUB SEMS DPA' SEMS DPA' CHEN PO THABS MKHAS PA'O ZHES BYA BA'I BAR GYIS NI, BYANG CHUB SEMS DPA' SEMS DPA' CHEN PO 'KHOR GSUM YONGS SU DAG PAR SPYOD CING THABS MKHAS PA DANG LDAN PA'I RANG BZHIN BSTAN PA'O, ,GSOL PA, BCOM LDAN 'DAS BDAG GIS BCOM LDAN 'DAS KYIS GSUNGS PA'I DON 'TSAL BA LTAR NA, BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, SHES RAB KYI PHA ROL TU PHYIN PA DANG, THABS MKHAS PA DANG MA BRAL NA DE'I BLA NA MED PA YANG DAG PAR RDZOGS PA'I BYANG CHUB NI THE TSOM MA MCHIS SO ZHES BYA BA NI, GONG DU SMOS PA'I DON DE NYID 'KHOR RNAMS BRTAN PAR YID CHES PAR BYA BA'I PHYIR, SH'A RI'I BUS GSOL PA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR BYANG CHUB SEMS DPA' SEMS DPA' CHEN PO DES SEMS DANG PO BSKYED PA NAS NYE BAR BZUNG STE ZHES BYA BA NAS RNAM PA THAMS CAD MKHYEN PA NYID DAM CHOS GANG LA YANG DMIGS PA MA MCHIS SO ZHES BYA BA'I BAR GYIS NI, BYANG CHUB SEMS DPA' 'KHOR GSUM YONGS SU DAG PAR SPYOD PA'I CHOS GANG LA MI DMIGS SHING, MTSAN MAR MI 'DZIN NA, BLA NA MED PA'I BYANG CHUB THE TSOM MED PAR 'GRUB PA'I GTAN TSIGS BSTAN PA STE, DON DAM PAR GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DNGOS PO YOD PAR MA GRUB PAS, SHES PAR BYED PA DANG, SHES PAR BYA BA'I RGYU GANG DMIGS SU MED DO ZHES BSTAN PA'O, , BCOM LDAN 'DAS BYANG CHUB SEMS DPA'I THEG PA PA'I RIGS KYI BU'AM RIGS KYI BU MO GANG SHES RAB KYI PHA ROL TU PHYIN PA DANG, THABS MKHAS PA DANG BRAL BA DE DAG GI BLA NA MED PA YANG DAG PAR RDZOGS PA'I BYANG CHUB NI THE TSOM MA MCHIS PAR RIG PAR BGYI BA STE ZHES BYA BAS NI, THABS DANG SHES RAB TU MI LDAN PAR BYANG CHUB SEMS DPA'I SPYAD PA SPYOD PA NI, BLA NA MED PA'I BYANG CHUB THOB PAR NGES PA MED KYI, GDON MI ZA BAR NYAN THOS DANG RANG SANGS RGYAS KYI SAR LHUNG BAR 'GYUR RO ZHES BYA BA'I DON TO, ,DE CI'I SLAD DU ZHE NA, BCOM LDAN 'DAS DE NI 'DI LTAR ZHES BYA BA NAS, DE'I @155A *, ,SLAD DU BYANG CHUB SEMS DPA'I THEG PA PA'I RIGS KYI BU 'AM RIGS KYI BU MO DAG GI BLA NA MED PA YANG DAG PAR RDZOGS PA'I BYANG CHUB NI, THE TSOM MA MCHIS PAR RIG PAR BGYI'O ZHES BYA BA'I BAR GYIS NI, BYANG CHUB SEMS DPA' THABS DANG SHES RAB TU MI LDAN PAR SPYOD PA RNAMS NYAN THOS DANG RANG SANGS RGYAS KYI SAR NGES PAR LHUNG BA'I GTAN TSIGS BSTAN PA STE, PHA ROL TU PHYI PA DRUG LA 'KHOR GSUM YONGS SU MA DAG PAR SPYAD NA, BLA NA MED PA YANG DAG PAR RDZOGS PA'I BYANG CHUB TU NGES PAR MNGON PAR 'TSANG RGYA BAR MI 'GYUR RO ZHES BYA BA'I DON TO, ,BCOM LDAN 'DAS DE'I SLAD DU BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'TSAL BAS, SHES RAB KYI PHA ROL TU PHYIN PA DANG, THABS MKHAS PA DANG MA BRAL BAR BGYI'O ZHES BYA BA NAS, RNAM PA THAMS CAD MKHYEN PA NYID LA SPYAD PAR BGYI'O ZHES BYA BA'I BAR GYIS NI, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BYA BA'I THABS BSTAN PA STE, THABS DANG SHES RAB DANG MA BRAL BAR BYAS LA, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS RNAMS LA MI DMIGS PA'I TSUL DANG, MTSAN MA MED PA'I SEMS KYIS SPYAD PAR BYA'O ZHES BSTAN PA'O, ,DE NAS 'DOD PA NA SPYOD PA DANG, GZUGS YOD PA NA SPYOD PA'I LHA'I BU DE DAG GIS BCOM LDAN 'DAS LA 'DI SKAD CES GSOL TO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB NI 'BYUNG BAR DKA'O ZHES BYA BA'I BAR GYIS NI, CHOS THAMS CAD DNGOS PO MED CING DMIGS SU MED PA LA, BLA NA MED PA'I BYANG CHUB THOB PAR 'DOD PA NI, NYAN THOS DANG RANG SANGS RGYAS LA SOGS PA DMIGS PA CAN RNAMS KYIS MI NUS SO ZHES BYA BA'I DON TO, ,BCOM LDAN THABS KYIS BKA' STZAL PA ZHES BYA BA NAS, DE CI'I PHYIR ZHE NA, LHA'I BU DAG CHOS THAMS CAD NI, SHIN TU RNAM PAR DAG PA'I PHYIR RO ZHES BYA BA'I BAR GYIS NI, LHA'I BU RNAMS KYIS GSOL PA'I DON, 'KHOR RNAMS BRTAN PAR YID CHES PAR BYA BA'I PHYIR, BCOM LDAN 'DAS KYIS @155B GSAL BAR BSHAD PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BGYI BA NI MI DKA'O ZHES BYA BA'I BAR GYIS NI CHOS RNAMS LA DNGOS PO ZHIG YOD NA, DE DAG MED PAR RTOGS PAR BYA DKA'I, MED PA LA MED PAR SHES PAR BYA BA MI DKA'O ZHES RAB 'BYOR GYIS GSOL PA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR ZHES BYA BA NAS, GANG MNGON PAR RDZOGS PAR 'TSANG RGYA BAR BGYI BA'I CHOS DE LTA BU MA MCHIS SO ZHES BYA BA'I BAR GYIS NI, CHOS THAMS CAD DNGOS PO MED PA LA, DNGOS PO MED PAR RTOGS PAR BYA BA MI DKA' BA'I GTAN TSIGS BSTAN PA'O, ,DE CI'I PHYIR ZHE NA, BCOM LDAN 'DAS DE NI 'DI LTAR CHOS THAMS CAD STONG PA STE ZHES BYA BA NAS, BCOM LDAN 'DAS RNAM GRANGS DES NA BYANG CHUB SEMS DPA' SEMS DPA' CHEN POS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BLA'O ZHES BYA BA'I BAR GYIS NI, RNAM PAR BYANG BA'I PHYOGS SU GTOGS PA DANG, NYON MONGS PA'I PHYOGS SU GTOGS PA'I CHOS THAMS CAD RANG BZHIN GYIS STONG BAS, RNAM PAR BYANG BA'I CHOS RNAMS 'PHEL BAR BYA BA DANG, NYON MONGS PA'I PHYOGS RNAMS 'GRIB PAR BYA BA'I PHYIR PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU BSGOM ZHING SPYAD PAR BYA BA'I CHOS RNAMS KYANG RANG BZHIN GYIS STONG LA SHES PAR BYED PA DANG, SHES PAR BYA BA'I RGYU RNAMS KYANG RANG BZHIN GYIS STONG STE, DNGOS PO MED PA'I PHYIR MED PA LA MED PAR SHES PAR BYA BA MI DKA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR GZUGS NI GZUGS KYI RANG BZHIN GYIS STONG LA ZHES BYA BA NAS RNAM PA THAMS CAD MKHYEN PA NYID NI RNAM PA THAMS CAD MKHYEN PA NYID KYI RANG BZHIN GYIS STONG NGO ZHES BYA BA'I BAR GYIS NI CHOS THAMS CAD DNGOS PO MED PA'I GTAN TSIGS BSTAN PA STE, CHOS THAMS CAD DNGOS PO MED PA LA YANG YOD PA LAS BSHIG STE, MED PAR BYAS PA NAM YIN GYI, GZUGS LA SOGS PA RNAM PA THAMS CAD MKHYEN PA NYID LA THUG GI BAR DU, @156A *, ,CHOS THAMS CAD DON DAM PAR DNGOS PO YOD PAR MA GRUB PAS, RANG BZHIN GYIS STONG NGO ZHES BSTAN PA'O, ,DE NAS TSE DANG LDAN PA SHA RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS, TSE DANG LDAN PA RAB 'BYOR RNAM GRANGS DES NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR NI DKA' BA STE, MNGON PAR RDZOGS PAR 'TSANG RGYA BAR SLA BA NI MA YIN NO ZHES BYA BA'I BAR GYIS NI SH'A RI'I BUS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR DKA' BA BSTAN PA STE, DE LTAR CHOS THAMS CAD RANG BZHIN GYIS STONG STE, NAM MKHA' BZHIN DU DNGOS PO MED NA, MNGON PAR RDZOGS PAR 'TSANG RGYA BAR BYA'O SNYAM DU YANG SEMS PA MI RIGS NA, DE LTAR YANG MA YIN TE, BYANG CHUB SEMS DPA' NI CHOS THAMS CAD NAM MKHA' LTA BUR MOS PAR YANG BYAS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BYED PAS, DNGOS PO YOD PA LA YOD PA'I BYA BA BYED PA NI DKA' BA BYED PA'O ZHES BSTAN PA'O, ,YANG RNAM PA GCIG TU NA DE LTAR BLA NA MED PA'I BYANG CHUB TU MNGON PAR RDZOGS PAR 'TSANG RGYA BAR SLA NA, DMIGS PA DANG BCAS PAR SPYOD PA'I BYANG CHUB SEMS DPA' MANG PO BLA NA MED PA'I BYANG CHUB LAS PHYIR LDOG PAR YANG MI 'GYUR BA'I RIGS NA DE DAG PHYIR LDOG PA DANG SBYAR NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BYA BAS LA BA MA YIN NO ZHES SH'A RI'I BUS RAB 'BYOR LA BRGAL BA'O, ,RAB 'BYOR GYIS SMRAS PA, TSE DANG LDAN PA SHA RA DVA TI'I BU 'DI CI SNYAM DU SEMS, GZUGS BLA NA MED PA YANG DAG PAR RDZOGS PA'I BYANG CHUB LAS LDOG GOM ZHES BYA BA LA SOGS PAS NI, SH'A RI'I BUS BYANG CHUB SEMS DPA' GANG G'A'I KLUNG GI BYE MA SNYED BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR 'GYUR BA DANG SBYAR NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA SLA BA MA YIN NO ZHES SMRAS PA LA, RAB 'BYOR GYIS PHYIR LDOG PAR 'GYUR BA'I DNGOS PO YOD PA MA YIN PAR BSTAN PA STE, DE LTAR DNGOS PO MED PA LA @156B DNGOS PO MED PAR RTOGS PAR BYA BA DKA' BA MA YIN NO ZHES BSTAN PA STE, GZUGS BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA NAS, RNAM PA THAMS CAD MKHYEN PA NYID BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA'I BAR GYIS NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DON DAM PAR RANG BZHIN GYIS STONG PAS PHYIR LDOG PAR 'GYUR BA'I DNGOS PO GANG YANG MED DO ZHES BSTAN PA'O, ,SMRAS PA TSE DANG LDAN PA SHA RA DVA TI'I BU DE JI SNYAM DU SEMS, GZUGS LAS GUD NA GANG BLA NA MED PA YANG DAG PAR RDZOGS PA'I BYANG CHUB LAS LDOG PA'I CHOS DE LTA BU DMIGS SAM ZHES BYA BA NAS, RNAM PA THAMS CAD MKHYEN PA NYID LAS GUD NA, GANG BLA NA MED PA YANG DAG PAR RDZOGS PA'I BYANG CHUB LAS LDOG PA'I CHOS DE LTA BU DMIGS SAM ZHES BYA BA'I BAR GYIS NI, PHYIR LDOG PA'I BYANG CHUB SEMS DPA' GZUGS LA SOGS PA'I RANG BZHIN DU YOD PA MA YIN YANG, GZUGS LA SOGS PA LAS MA GTOGS PA'I RANG BZHIN ZHIG YOD DO SNYAM DU SEMS PA BSAL BA'I PHYIR, GZUGS LA SOGS PA'I RNAM PA THAMS CAD MKHYEN PA NYID LA THUG GI BAR GYI CHOS RNAMS LAS GUD NA YANG, PHYIR LDOG PAR 'GYUR BA'I BYANG CHUB SEMS DPA' DMIGS SU MED DO ZHES BSTAN PA'O, ,TSE DANG LDAN PA SH'A RA DVA TI'I BU DE JI SNYAM DU SEMS, GZUGS KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA NAS, RNAM PA THAMS CAD MKHYEN PA NYID KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA'I BAR GYIS NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS KYI DE BZHIN NYID RANG BZHIN DU YANG PHYIR LDOG PA'I BYANG CHUB SEMS DPA' YOD PA MA YIN NO ZHES BSTAN PA'O, , SMRAS PA, TSE DANG LDAN PA SH'A RA DVA TI'I BU DE JI SNYAM DU SEMS, GZUGS KYI DE BZHIN NYID LAS GUD NA GANG BLA NA MED PA YANG DAG PAR RDZOGS PA'I BYANG CHUB LAS LDOG PA'I CHOS DE LTA BU YOD DAM ZHES BYA BA NAS, RNAM PA THAMS CAD MKHYEN PA NYID KYI DE BZHIN NYID LAS GUD NA GANG BLA NA MED PA YANG DAG PAR RDZOGS @157A *, ,PA'I BYANG CHUB LAS LDOG PA'I CHOS DE LTA BU YOD DAM ZHES BYA BA'I BAR GYIS NI, BLA NA MED PA'I BYANG CHUB LAS PHYIR LDOG PA'I BYANG CHUB SEMS DPA' GZUGS LA SOGS PA'I DE BZHIN NYID KYI RANG BZHIN DU YOD PA MA YIN PA YANG, GZUGS LA SOGS PA'I DE BZHIN NYID LAS GZHAN PA'I RANG BZHIN DU YOD DO SNYAM DU KHA CIG SEMS KYANG SRID DE DE LAS BZLOG PA'I PHYIR, PHYIR LDOG PA'I BYANG CHUB SEMS DPA' NI GZUGS LA SOGS PA'I DE BZHIN NYID LAS GZHAN PA'I RANG BZHIN DU YANG YOD PA MA YIN NO ZHES BSTAN PA'O, ,SMRAS PA, TSE DANG LDAN PA SH'A RA DVA TI'I BU DE JI SNYAM DU SEMS, DE BZHIN NYID BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA NAS, SMRAS PA, TSE DANG LDAN PA SH'A RA DVA TI'I BU DE JI SNYAM DU SEMS, BSAM GYIS MI KHYAB PA'I DBYINGS LAS BLA NA MED PA YANG DAG PAR RDZOGS PA'I BYANG CHUB LAS LDOG GAM ZHES BYA BA'I BAR GYIS NI DE LTAR GONG DU SMOS PA'I TSUL GYIS, PHYIR LDOG PA'I BYANG CHUB SEMS DPA' GZUGS LA SOGS PA'I DE BZHIN NYID KYI RANG BZHIN DU YOD PA YANG MA YIN PA, DE LAS GZHAN PA'I RANG BZHIN DU YOD PA YANG MA YIN DU ZIN KYANG, DE BZHIN NYID DANG, CHOS NYID DANG CHOS KYI DBYINGS LA SOGS PA MA BYAS SHING YONGS SU DAG PA'I RANG BZHIN DU YOD DO SNYAM DU KHA CIG SEMS PA LAS BZLOG PA'I PHYIR, PHYIR LDOG PA'I BYANG CHUB SEMS DPA' NI, DE BZHIN NYID DANG, CHOS NYID DANG, CHOS KYI DBYINGS LA SOGS PA'I RANG BZHIN DU YANG YOD PA MA YIN NO ZHES BSTAN PA STE, DE BZHIN NYID DANG CHOS NYID DANG, CHOS KYI DBYINGS DANG, CHOS KYI GNAS NYID DANG, CHOS SKYON MED PA NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS RNAMS NI STONG PA NYID YONGS SU DAG PA'I RNAM GRANGS TE, DE LA PHYIR LDOG PA'I BYANG CHUB SEMS DPA' MI SRID DO ZHES BYA BA'I DON TO, ,SMRAS PA, TSE DANG LDAN PA SH'A RA DVA TI'I BU DE JI SNYAM DU SEMS, DE BZHIN NYID LAS GUD NA GANG BLA NA MED PA YANG DAG PAR RDZOGS PA'I BYANG CHUB LAS LDOG PA'I CHOS DE LTA BU YOD DAM ZHES BYA BA NAS, SMRAS PA, TSE DANG LDAN PA SHA RA DVA TI'I BU DE JI SNYAM DU SEMS BSAM GYIS MI KHYAB PA'I DBYINGS LAS GUD NA GANG BLA NA MED PA YANG DAG PAR RDZOGS PA'I BYANG CHUB @157B LAS LDOG PA'I CHOS DE LTA BU YOD DAM ZHES BYA BA'I BAR GYIS NI, PHYIR LDOG PA'I BYANG CHUB SEMS DPA' DE BZHIN NYID DANG, CHOS NYID LA SOGS PA'I RANG BZHIN DU YOD PA MA YIN YANG, DE DAG LAS GZHAN PA'I RANG BZHIN DU YOD DO SNYAM DU KHA CIG SEMS PA LAS BZLOG PA'I PHYIR, PHYIR LDOG PA'I BYANG CHUB SEMS DPA' NI DE BZHIN NYID DANG, CHOS NYID LA SOGS PA LAS GZHAN PA'I RANG BZHIN DU YANG YOD PA MA YIN NO ZHES BSTAN PA'O, ,SMRAS PA, DE LTAR NA BDEN PA'I TSUL BZHIN DU CHOS DE DAG MI DMIGS NA, GANG BLA NA MED PA YANG DAG PAR RDZOGS PA'I BYANG CHUB LAS LDOG PA'I CHOS DE LTA BU GANG ZHIG YOD CES BYA BAS NI, DE LTAR GONG DU BSHAD PA'I TSUL GYIS, PHYIR LDOG PA'I BYANG CHUB SEMS DPA' CHOS GANG GIS DNGOS PO YANG YOD PA MA YIN PAS, DON DAM PA PHYIR LDOG PAR 'GYUR BA'I BYANG CHUB SEMS DPA' GANG YANG MED DO ZHES BSTAN PA'O, ,SMRAS PA, GNAS BRTAN RAB 'BYOR GYIS CHOS KYI TSUL DU RNAM PA DES BSTAN PA LTAR NA, BYANG CHUB SEMS DPA' GANG YANG BLA NA MED PA YANG DAG PAR RDZOGS PA'I BYANG CHUB LAS LDOG PA MED DE ZHES BYA BA NAS, SANGS RGYAS KYI THEG PA GCIG TU 'GYUR RO ZHES BYA BA'I BAR GYIS NI, DE LTAR PHYIR LDOG PAR 'GYUR BA'I BYANG CHUB SEMS DPA' YANG DAG PAR YOD PA MA YIN NA, DE BZHIN GSHEGS PAS NYAN THOS KYI THEG PA LA GNAS PAR 'GYUR BA'I BYANG CHUB SEMS DPA' DANG, RANG SANGS RGYAS KYI THEG PA LA GNAS PAR 'GYUR BA'I BYANG CHUB SEMS DPA' YANG MED DE, THAMS CAD KYANG THEG PA CHEN PO 'BA' ZHIG LA GNAS PAR 'GYUR RO ZHES SH'A RI'I BUS GAL BZUNG STE SMRAS PA'O, ,DE NAS TSE DANG LDAN PA BYAMS GANG GI BUS, TSE DANG LDAN PA SH'A RI'I BU LA 'DI SKAD CES SMRAS SO, ,TSE DANG LDAN PA SH'A RI'I BU GNAS BRTAN RAB 'BYOR 'DI BYANG CHUB SEMS DPA' GCIG TU YANG 'DOD DAM ZHES GNAS BRTAN RAB 'BYOR LA DRI DGOS SO ZHES BYA BAS NI, DON DAM PAR CHOS THAMS CAD RANG BZHIN GYIS STONG BAS, PHYIR LDOG PA'I BYANG CHUB SEMS DPA' 'BA' ZHIG MED PAR MA ZAD KYI, PHYIR LDOG PA DANG PHYIR MI LDOG PA THAMS CAD KYI DON DAM PAR DNGOS PO MED PAR BSHAD PA'I GLENG BSLANG BA'I PHYIR, BYAMS GANG GI BUS SH'A RI'I BU RAB 'BYOR LA PHYIR MI LDOG PA'I BYANG CHUB @158A *, ,SEMS DPA' GCIG TU YOD PAR 'DOD DAM ZHES 'DRIR BCUG PA'O, ,DE NAS TSE DANG LDAN PA SHA RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR BYANG CHUB SEMS DPA' SANGS RGYAS KYI THEG PA PA 'DOD DAM ZHES BYA BA NI, DE LTAR PHYIR LDOG PA'I BYANG CHUB SEMS DPA' NYAN THOS KYI THEG PA DANG, RANG SANGS RGYAS KYI THEG PA PA GNYIS MED NA, CI'I PHYIR PHYIR MI LDOG PA'I BYANG CHUB SEMS DPA' SANGS RGYAS KYI THEG PA GCIG TU YOD PAR 'DOD DAM ZHES DRIS PA'O, ,RAB 'BYOR GYIS SMRAS PA, TSE DANG LDAN PA SHA RA DVA TI'I BU DE BZHIN NYID LA BYANG CHUB SEMS DPA' NYAN THOS KYI THEG PA BA DANG ZHES BYA BA NAS DE BZHIN NYID LA BYANG CHUB SEMS DPA' GSUM DU DMIGS SAM ZHES BYA BA'I BAR GYIS NI, DON DAM PAR CHOS THAMS CAD NGO BO NYID KYIS STONG STE, DE BZHIN NYID KYI RANG BZHIN TZAM DU ZAD PA LA, BYANG CHUB SEMS DPA' RNAM PA GSUM DU DBYER MED DO ZHES BSTAN PA'O, ,SMRAS PA, TSE DANG LDAN PA SHA RA DVA TI'I BU RGYU GCIG GAM ZHES BYA BA NAS BYANG CHUB SEMS DPA' GCIG YANG DAG PAR RJES SU MTHONG NGAM ZHES BYA BA'I BAR GYIS NI DE BZHIN NYID LA RNAM PA GSUM DU BYE BRAG DBYER MED PAS, DON DAM PAR BYANG CHUB SEMS DPA' PHYIR MI LDOG PA GCIG BU YANG DNGOS PO YOD PAR MI 'GRUB BO ZHES BSTAN PA'O, ,SMRAS PA, DE LTAR BDEN PA'I TSUL BZHIN DU CHOS DE DAG MI DMIGS NA ZHES BYA BA NAS, 'DI NI SANGS RGYAS KYI THEG PA BA'O ZHES BYA BAR SEMS PAR 'GYUR ZHES BYA BA'I BAR GYIS NI, DE LTAR GONG DU BSHAD PA'I TSUL DU, BDEN PAR BRTAGS SHING GTAN LA PHAB NA, DON DAM PAR CHOS THAMS CAD DE BZHIN NYID KYI RANG BZHIN TZAM DU ZAD DE, RNAM PA GSUM DU DMIGS SU MED NA, SH'A RI'I BU KHYOD CI LAS BSAMS TE, BYANG CHUB SEMS DPA' RNAM PA GSUM YOD PAR SEMS ZHES RAB 'BYOR GYIS DRIS PA STE, SNGAR BSHAD PA'I TSUL DANG SBYAR NA, BYANG CHUB SEMS DPA' RNAM PA GSUM DU MED DO ZHES BYA BA'I DON TO, ,TSE DANG LDAN PA SHA RA DVA TI'I BU DE LTAR BYANG CHUB SEMS DPA' SEMS DPA' CHEN PO CHOS THAMS CAD KYI DE BZHIN NYID KYI BYE BRAG MED PA LA, BYANG CHUB SEMS DPA' SEMS DPA' CHEN PO'I SEMS MI 'JUM ZHING 'GOD PA MED LA YID LA 'GYOD @158B PA MED NA, BYANG CHUB SEMS DPA' SEMS DPA' CHEN PO DE NI, BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES BYA BA NI, DE LTAR GONG DU BSHAD PA'I TSUL GYIS CHOS THAMS CAD NGO BO NYID KYIS STONG ZHING DE BZHIN NYID KYI RANG BZHIN DU GCIG STE, BYE BRAG MED PA BSHAD PA LA YID CHES SHING SEMS ZHUM BA MED LA, THE TSOM MED NA BYANG CHUB SEMS DPA' DE NYAN THOS DANG, RANG SANGS RGYAS KYI SAR MI LHUNG BAR, BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA ZHES BYA BA NAS, BYANG CHUB SEMS DPA' SEMS DPA' CHEN PO DE NI BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES BYA BA'I BAR GYIS NI, RAB 'BYOR GYIS BSHAD PA'I DON 'KHOR RNAMS LEGS PAR YID CHES PAR BYA BA'I PHYIR, DE BZHIN NYID LA BYE BRAG DBYER MED PA'I CHOS ZAB MO BSHAD PA LAS, THE TSOM MED CING SEMS MA ZHUM PA, BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES RAB 'BYOR GYIS BSHAD PA LEGS TE, SPOBS PA CHE'O ZHES BCOM LDAN 'DAS KYIS RAB 'BYOR LA BSTOD PA'O, ,RAB 'BYOR GYIS GSOL PA, BCOM LDAN 'DAS DE LTA BU'I CHOS DANG LDAN PA'I BYANG CHUB SEMS DPA' SEMS DPA' CHEN PO, ,BYANG CHUB GANG GIS 'BYUNG BAR 'GYUR ZHES BYA BA NI, GONG DU CHOS THAMS CAD KYI DE BZHIN NYID LA BYE BRAG MED PAR BSTAN PA LA YID CHES SHING SEMS ZHUM PA MED PA, BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES BSHAD PA, NYAN THOS KYI THEG PA BA DANG, RANG SANGS RGYAS KYI THEG PA BA DANG, BYANG CHUB SEMS DPA'I THEG PA BA GSUM CHAR YANG, SO SO'I BYANG CHUB LA BLA NA MED PA YANG DAG PAR RDZOGS PA'I BYANG CHUB CES ZER NA, BYANG CHUB 'DI GSUM GANG GIS 'BYUNG BAR 'GYUR ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BLA NA MED PA YANG DAG PAR RDZOGS PA'I BYANG CHUB SEMS DPA' SEMS DPA' CHEN PO DE 'BYUNG BAR 'GYUR RO ZHES BYA BA NAS, THEG PA CHUNG NGU GNYIS BYANG CHUB KYIS 'BYUNG BAR NI, BLA NA MED PA'I BYANG CHUB LAS PHYIR LDOG PA YIN TE, 'BYUNG BA MA YIN PAS, BLA NA MED PA YANG DAG PAR @159A *, ,RDZOGS PA'I BYANG CHUB KYIS 'BYUNG BAR 'GYUR RO ZHES BSTAN PA'O, ,RAB 'BYOR GYIS GSOL PA, BCOM LDAN 'DAS 'BYUNG BA 'TSAL BA'I BYANG CHUB SEMS DPA' SEMS DPA' CHEN POS BLA NA MED PA YANG DAG PAR RDZOGS PA'I BYANG CHUB LA JI LTAR GNAS PAR BGYI ZHES BYA BA NI, DE LTAR CHOS ZAB MO BSTAN PA LA THE TSOM MED CING SEMS MA ZHUM PA'I BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR RO ZHES, BCOM LDAN 'DAS DANG RAB 'BYOR GNYIS KAS BSHAD PA'I SKABS SU BLA NA MED PA YANG DAG PAR RDZOGS PA'I BYANG CHUB TU 'BYUNG BAR BSGRUB PA'I MTSAN NYID SHES PAR 'DOD PA'I 'KHOR RNAMS KYI DON DU 'BYUNG BAR 'GYUR BA'I THABS ZHUS PA'O, ,BCOM LDAN 'DAS KYIS BKA' STZAL PA, SEMS CAN THAMS CAD LA SEMS MNYAM PA NYID DU GNAS PAR BYA'O ZHES BYA BA LA SOGS PAS NI, BLA NA MED PA YANG DAG PAR RDZOGS PA'I BYANG CHUB TU JI LTAR GNAS PAR BYA BA'I THABS BSTAN PA STE, THABS DE YANG BSAM PA PHUN SUM TSOGS PA DANG, SBYOR BA PHUN SUM TSOGS PAR BSTAN PA'O, ,DE LA SEMS CAN THAMS CAD LA SEMS MNYAM PA NYID DU GNAS PAR BYA'O ZHES BYA BA NAS, SEMS CAN THAMS CAD LA PHA DANG MA'I SEMS DANG, PHU NU'I DANG SRING MO'I SEMS DANG, GROGS PO DANG GNYEN DANG, RUS GCIG PA'I SEMS KYIS DMIGS PAR BYA'O ZHES BYA BA'I BAR GYIS NI, BSAM PA PHUN SUM TSOGS PA LA GNAS PAR BYA BA BSTAN PA STE, SEMS CAN THAMS CAD LA SEMS MNYAM PA NYID DU GNAS PAR BYA'O ZHES BYA BA NI SPYI'I TSIG STE, DANG PO BSAM PA'I GZHI NYID SEMS CAN THAMS CAD LA SEMS MNYAM PA NYID DU BZHAG PA'O, ,SEMS CAN THAMS CAD LA MNYAM PA'I SEMS BSKYED PAR BYA STE MI MNYAM PA'I SEMS BSKYED PAR MI BYA'O ZHES BYA BA NI SMON LAM DU BTAB CING YID DAM DU BCA' BA'I TSE, SKYE BA RNAM PA BZHIR GTOGS PA'I SEMS CAN THAMS CAD LA, NYE RING DANG BYAMS SDANG MED PA 'DI DAG THAMS CAD BDAG GIS, BLA NA MED PA YANG DAG PAR RDZOGS PA'I BYANG CHUB TU DGOD PAR BYA'O ZHES SEMS BSKYED DE BRTZON 'GRUS KYI GO CHA BGOS PA LA BYA'O, ,SEMS CAN THAMS CAD LA MNYAM PA'I SEMS KYIS DMIGS PAR BYA STE, MI MNYAM PA'I @159B SEMS KYIS DMIGS PAR MI BYA'O ZHES BYA BA NI SEMS BSKYED PA'I 'OG TU BLA NA MED PA YANG DAG PAR RDZOGS PA'I BYANG CHUB TU BSGRAL BAR BYA BA'I SEMS CAN RNAMS MTHONG STE, MNGON SUM DU GYUR BA'I TSE YANG MNYAM PA'I SEMS KYIS DMIGS SHING, GOMS PAR BSGOM PAR BYA BA BSTAN PA'O, ,DE BZHIN DU SEMS CAN THAMS CAD LA MNYAM PA'I SEMS BSKYED PAR BYA BA DE DANG, SEMS CAN THAMS CAD LA MNYAM PA'I SEMS KYIS DMIGS PAR BYA BA'I TSIG 'OG MA RNAMS LA YANG SBYAR BAR BYA'O, ,BDAG GIS KYANG SROG GCOD PA SPANG BAR BYA ZHES BYA BA LA SOGS PAS NI SBYOR BA PHUN SUM TSOGS PA BSTAN PA STE, DE LA BDAG GIS KYANG SROG GCOD PA SPANG BAR BYA ZHES BYA BA NAS, SEMS CAN GZHAN GANG SANGS RGYAS KYI CHOS MA 'DRES PA RNAMS YONGS SU RDZOGS PAR BYED PA DE DAG GI LEGS PA BRJOD CING MTHUN PAS DGA' BAR BYA'O ZHES BYA BA'I BAR GYIS NI DGE BA BCU DANG, BSAM GTAN BZHI DANG TSAD MED PA BZHI DANG, GZUGS MED PA'I SNYOMS PAR 'JUG PA DANG, PHA ROL TU PHYIN PA DRUG LA SOGS PA SANGS RGYAS KYI CHOS MA 'DRES PA BCO BRGYAD LA THUG GI BAR GYI CHOS RNAMS LA BDAG KYANG SPYOD CING, GZHAN YANG SPYOD DU 'JUG LA, DE DAG SPYAD PA'I LEGS PA BRJOD CING, DE DAG LA SPYOD PA'I MI RNAMS KYI YON TAN BRJOD DE, RJES SU YI RANG BAR BYA BA'I SGO NAS, SBYOR BA PHUN SUM TSOGS PAR GNAS PAR BYA BA BSTAN PA STE, DE LTAR GNAS PA YANG KUN RDZOB TU DE LTAR GNAS PAR BYAS LA DON DAM PAR NI DE YANG MI DMIGS PA'I TSUL GYIS GNAS PAR BYA'O ZHES BSTAN PA STE, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI RNAMS LAN GNYIS SU ZLOS PA, SNGA MA RNAMS NI THEG PA CHUNG NGU'I TSUL GYIS SNYOMS PAR 'JUG PA'O, ,PHYI MA NI THEG PA CHEN PO'I TSUL GYIS SNYOMS PAR 'JUG PA YIN PAR RIG PAR BYA'O, ,BDAG GIS KYANG RTEN CING 'BREL PAR 'BYUNG BA LUGS DANG LUGS MA YIN PAR MNYAM PAR GZHAG PAR BYA'O ZHES BYA BA NAS, SEMS CAN GZHAN GANG RANG BYANG CHUB SHES PA MNGON DU BYED PA DE DAG GI LEGS PA BRJOD CING MTHUN PAS DGA' BAR BYA'O ZHES BYA BA'I BAR GYIS NI NYAN THOS DANG, RANG SANGS RGYAS KYI THEG PA'I TSUL GYIS RTEN CING 'BREL @160A *, ,PAR 'BYUNG BA BCU GNYIS DANG, 'PHAGS PA'I BDEN PA BZHI GOMS PAR BYA BA DANG DE DAG GOMS PAR BYAS PA'I 'BRAS BU NYAN THOS KYI THEG PA'I RGYUN DU ZHUGS PA LA SOGS PA'I 'BRAS BU BZHI DANG, RANG SANGS RGYAS KYI THAG PA'I 'BRAS BU RANG BYANG CHUB THOB PAR YANG BYAS LA, NYAN THOS DANG RANG SANGS RGYAS LTAR YANG DAG PA'I MTHA' MNGON DU BYAS TE, ZHI BA PHYOGS GCIG PA'I MYA NGAN LAS KYANG MI 'DA' BAR, BYANG CHUB SEMS DPA'I SBYOR BA PHUN SUM TSOGS PA LA GNAS PAR BYA BA BSTAN PA'O, ,BDAG KYANG BYANG CHUB SEMS DPA'I SKYON MED PA LA 'JUG PAR BYA ZHES BYA BA NAS, SEMS CAN GANG DAM PA'I CHOS GNAS PA YONGS SU 'DZIN PA DE DAG GI LEGS PA BRJOD CING MTHUN PAS DGA' BAR BYAS TE, RAB 'BYOR DE LTAR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'DOD PAS, DE MI DMIGS PA'I TSUL GYIS GNAS PAR BYA'O ZHES BYA BA'I BAR GYIS NI, BYANG CHUB SEMS DPA'I SA DANG PO LA GNAS PAR BYA BA DANG, BYANG CHUB SEMS DPA'I SA LA GNAS NAS KYANG SEMS CAN YONGS SU SMIN PAR BYA BA DANG, SANGS RGYAS KYI ZHING YONGS SU SBYANG BA DANG, RNAM PA THAMS CAD MKHYEN PA NYID KYI YE SHES BSKYED PA DANG, BAG CHAGS KYIS MTSAMS SBYOR BA'I NYON MONGS PA THAMS CAD SPANG BAR BYA BA DANG, TSE PHUN SUM TSOGS PAR BYA BA DANG, DAM PA'I CHOS GNAS PAR BYA BA RNAMS LA, BDAG KYANG SPYOD LA GZHAN YANG SPYOD DU 'JUG, GZHAN DE DAG LA SPYOD PA'I LEGS PA BRJOD CING RJES SU YI RANG BAR BYED PA'I SGO NAS, SBYOR BA PHUN SUM TSOGS PA LA GNAS PAR BYA BA BSTAN PA'O, ,DE LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA DANG, THABS MKHAS PA LA BSLAB PAR BYA'O ZHES BYA BA NAS, DE LTAR GONG DU BYANG CHUB SEMS DPA' SBYOR BA PHUN SUM TSOGS PA LA GNAS PAR BYA BA BSTAN PA DE YANG, KUN RDZOB TU NI DGE BA BCU LA SOGS PA DAM PA'I CHOS GNAS PAR BYA BA LA THUG GI BAR GYIS SBYOR BA RNAMS LA, BDAG KYANG SPYOD GZHAN YANG SPYOD DU 'JUG, DE LA SPYAD PA'I LEGS PA YANG BRJOD CING RJES SU YI RANG BAR BYAS LA, DON DAM PAR NI DE LA YANG RNAM PAR MI RTOG MI DMIGS PA'I TSUL GYIS GNAS TE, SHES RAB @160B DANG THABS MKHAS PAR LDAN PA LA BSLAB PAR BYA'O ZHES BSTAN PA'O, ,DE DE LTAR SLOB CING DE DE LTAR GNAS PAS, DE'I GZUGS SGRIB PA MED PAR 'GYUR RO ZHES BYA BA LA SOGS PAS NI DE LTAR SBYOR BA PHUN SUM TSOGS PA LA GNAS PA'I 'BRAS BU CHOS THAMS CAD LA SGRIB PA MED PA DANG, CHOS THAMS CAD LA YONGS SU 'DZIN PA MED PAR 'GYUR BA BSTAN PA STE, DE LA DE'I GZUGS SGRIB PA MED PAR 'GYUR RO ZHES BYA BA NAS, DAM PA'I CHOS GNAS PA SGRIB PA MED PA 'GYUR RO ZHES BYA BA'I BAR GYIS NI DE LTAR SBYOR BA PHUN SUM TSOGS PA LA GNAS NA, CHOS THAMS CAD LA SGRIB PA MED PA'I YE SHES THOB PAR 'GYUR RO ZHES BSTAN PA'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO DES SNGON GYI MTHA' NAS KYANG GZUGS YONGS SU MA BZUNG ZHES BYA BA NAS, RNAM PA THAMS CAD MKHYEN PA NYID YONGS SU MA BZUNG ZHES BYA BA'I BAR GYIS NI GZUGS LA SOGS PA'I CHOS THAMS CAD LA SGRIB PA MED PA'I GTAN TSIGS BSTAN PA STE, TSE RABS SNGA MA LA YANG GZUGS LA SOGS PA'I CHOS THAMS CAD DNGOS PO MED PAR RTOGS PAS, DNGOS PO DANG MTSAN MAR MA BZUNG BA'I PHYIR CHOS DE DAG LA SGRIB PA MED PAR 'GYUR RO ZHES BYA BA'I DON TO, ,DE CI'I PHYIR ZHE NA, 'DI LTAR GZUGS YONGS SU GZUNG DU MED PA GANG YIN PA DE NI, GZUGS MA YIN ZHES BYA BA NAS, RNAM PA THAMS CAD MKHYEN PA NYID YONGS SU GZUNG DU MED PA GANG YIN PA DE NI, RNAM PA THAMS CAD MKHYEN PA NYID MA YIN NO ZHES BYA BA'I BAR GYIS NI GZUGS LA SOGS PA'I CHOS THAMS CAD YONGS SU MA BZUNG BA DE YANG, DNGOS PO ZHIG YOD PA LAS YONGS SU MA BZUNG BA MA YIN GYI DON DAM PAR CHOS THAMS CAD RANG BZHIN GYIS STONG STE, GZUGS LA SOGS PA'I CHOS DNGOS PO YOD PA MA YIN PA'I PHYIR YONGS SU MA GZUNG NGO ZHES BSTAN PA'O, ,BYANG CHUB SEMS DPA'I GNAS 'DI BSHAD PA'I TSE BYANG CHUB SEMS DPA' NYIS STONG GIS MI SKYE BA'I CHOS LA BZOD PA THOB PAR GYUR TO ZHES BYA BA NI, BSAM PA PHUN SUM TSOGS PA'I GNAS PA DANG, SBYOR BA PHUN SUM TSOGS PAR GNAS PAR BYA BA'I CHOS BSHAD PA 'DI PHAN YON CHEN PO DANG LDAN PA STE, BYANG CHUB SEMS DPA' NYIS STONG GIS MI SKYE BA'I CHOS LA BZOD PA THOB NAS, BYANG CHUB SEMS DPA'I SA BRGYAD PA PHYIR MI LDOG PA'I @161A *, ,SA LA GNAS PAR GYUR TO ZHES BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U SUM CU DGU PA'O,, ,,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PA NI, SNGAR BYANG CHUB SEMS DPA' PHYIR LDOG PA MED PAR BSHAD PA'I SKABS NAS GLENGS TE, DE LTAR DON DAM PAR PHYIR LDOG PA MED NA, PHYIR MI LDOG PA'I MTSAN NYID JI LTA BU LAGS ZHES KUN RDZOB TU BYANG CHUB SEMS DPA' PHYIR MI LDOG PA'I MTSAN NYID JI LTA BU LAGS ZHES BYANG CHUB SEMS DPA' PHYIR MI LDOG PA'I MTSAN NYID ZHIB TU BSHAD PA'I SKABS DBYE BA'I PHYIR RAB 'BYOR GYIS ZHUS PA DANG, BCOM LDAN 'DAS KYIS PHYIR MI LDOG PA'I MTSAN NYID ZHIB TU BSHAD PA STE, BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO'I RNAM PA NI GANG LAGS, TSUL NI GANG LAGS, MTSAN MA NI GANG LAGS, JI LTAR BDAG CAG GIS BYANG CHUB SEMS DPA' SEMS DPA' CHEN PO 'DI NI PHYIR MI LDOG PA'O ZHES BGYI BAR 'TSAL BAR BGYI ZHES BYA BA LA, RNAM PA DANG TSUL DANG MTSAN MA ZHES BYA BA NI, SPYOD PA'I MTSAN MA GANG DAG GIS 'DI NI PHYIR MI LDOG PA'I BYANG CHUB SEMS DPA' YIN NO ZHES BYA BAR MNGON PA'I RTAGS KYI RNAM GRANGS SU RIG PAR BYA'O, ,RAB 'BYOR 'DI LA SO SO'I SKYE BO'I SA DANG, NYAN THOS KYI SA DANG, RANG SANGS RGYAS KYI SA DANG, BYANG CHUB SEMS DPA'I SA DANG, DE BZHIN GSHEGS PA'I SAR BSHAD PA DE DAG THAMS CAD KYANG DE BZHIN NYID LA 'GYUR BA MED CING, RNAM PAR RTOG PA MED LA GNYIS SU MED CING GNYIS SU BYAR MED DO ZHES BYA BA NI DON DAM PAR CHOS THAMS CAD DE BZHIN NYID KYI RANG BZHIN DU RO GCIG STE, DE BZHIN NYID LAS GZHAN DU MI 'GYUR BAS SO SO'I SKYE BO DANG, NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA'I SA ZHES BYA BA'I RNAM PA DANG, TSUL DANG MTSAN MAS BYE BRAG TU DBYER MED DO ZHES BSTAN PA'O, ,DE NI DE BZHIN NYID JI LTA BA BZHIN DU 'JUG STE, DE BZHIN NYID LAS RNAM PAR MI RTOG CING, ,DE LTAR RNAM PAR MI RTOG PAR 'JUG STE, DE LTAR ZHUGS PA NI DE BZHIN @161B NYID DE LTA BA BZHIN DU THOS NAS DE LAS 'DAS TE, DE DAG DE BZHIN NYID LA RE RE DANG, GNYIS KA DANG GNYIS KA MA YIN PAR THE TSOM ZA BA GANG YANG MED DO ZHES BYA BA NI, BYANG CHUB SEMS DPA' PHYIR MI LDOG PA DE YANG, DON DAM PAR CHOS THAMS CAD DE BZHIN DU RO GCIG PAR THOS SHING RTOGS NAS, DE LA BYE BRAG MED PA THA DAD PAR RNAM PAR RTOG CING MTSAN MAR 'DZIN PA'AM, THE TSOM ZA BA GANG YANG MED DE, DE LTAR MTSAN MAR MI 'DZIN CING, THE TSOM MI ZA BA NYID BYANG CHUB SEMS DPA' PHYIR MI LDOG PA'I RNAM PA DANG, TSUL DANG, MTSAN MA YIN NO ZHES BSTAN PA'O, ,DE NI BYUNG RGYAL DU SMRAS PA MA YIN TE, DON DANG LDAN PAR SMRA'I, DON DANG MI LDAN PAR SMRAS PA MA YIN, GZHAN GYIS BYAS PA DANG, MA BYAS PA LA MI LTA ZHING, LEGS PAR BRJOD PA TSOL BA YIN TE ZHES BYA BA NI, TSIG TU SMRA BA'I SGO NAS PHYIR MI LDOG PA'I BYANG CHUB SEMS DPA' YIN PAR MNGON PA'I RNAM PA DANG, TSUL DANG MTSAN MAR BSTAN PA STE, DON MED PA'I TSIG CAL COL BYUNG RGYAL DU MI SMRA ZHING, MI GZHAN LA 'PHYAS 'DOGS LA, GZHAN GYIS LEGS PAR BYAS PA LA PHRAG DOG MI LTA BAR DE'I YON TAN BRJOD NA, RNAM PA DANG, TSUL DANG MTSAN MA DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA'O ZHES BSTAN PA'O, ,GSOL PA, BCOM LDAN 'DAS RNAM PA GANG DANG, TSUL GANG DANG, MTSAN MA GANG DAG DANG LDAN PA'I BYANG CHUB SEMS DPA' SEMS DPA' CHEN PO PHYIR MI LDOG PAR RIG PAR BYA ZHES BYA BA NI, DON DAM PAR CHOS THAMS CAD RNAM PA DANG TSUL DANG MTSAN MA MED PAR BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR CHOS THAMS CAD NI RNAM PA MED PA, TSUL MED PA MTSAN MA MED PA'O ZHES BYA BA NI PHYIR MI LDOG PA'I BYANG CHUB SEMS DPA'I RNAM PA DANG, TSUL DANG MTSAN MA BSTAN PA YANG KUN RDZOB TU BSTAN PA TZAM DU ZAD KYI, DON DAM PAR NI RANG BZHIN GYIS STONG STE, DNGOS PO MED PAS DNGOS PO MED PA LA RNAM PA DANG, TSUL DANG MTSAN MA YANG MED DE ZHES BYA BA'I DON TO, ,GSOL PA, BCOM LDAN 'DAS GAL TE CHOS THAMS CAD RNAM PA MA MCHIS TSUL MA MCHIS, MTSAN MA MA MCHIS PA LAGS NA, CHOS GANG LAS SLAR LDOG PA'I BYANG @162A *, ,CHUB SEMS DPA' SEMS DPA' CHEN PO PHYIR MI LDOG PA BSTAN PA LAGS ZHES BYA BA NI, PHYIR MI LDOG PA ZHES BYA BA ZLAS 'GRUB PA YIN TE, PHYIR LDOG PA ZHIG YOD NA DE'I ZLAS PHYIR MI LDOG PA ZHES GDAGS SU YANG RUNG NA, DE LTAR CHOS THAMS CAD RANG BZHIN GYIS STONG STE, RNAM PA DANG, TSUL DANG MTSAN MA MED NA PHYIR LDOG PA DANG, PHYIR MI LDOG PA ZHES BYA BA GDAGS SU YANG MED PA'I RIGS NA, CI LAS DGONGS TE PHYIR MI LDOG PA ZHES BSTAN ZHES RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO GANG GZUGS LAS PHYIR MI LDOG PA ZHES BYA BA NAS, BLA NA MED PA YANG DAG PAR RDZOGS PA'I BYANG CHUB LAS PHYIR LDOG PA DE NI RAB 'BYOR BYANG CHUB SEMS DPA' SEMS DPA' CHEN PO PHYIR MI LDOG PAR RIG PAR BYA'O ZHES BYA BA'I BAR GYIS NI GZUGS LA SOGS PA'I CHOS THAMS CAD LA CHAGS SHING MTSAN MAR MI 'DZIN PA TE; ,DE DAG LA MI GNAS TE, DE DAG LA PHYIR LDOG PAR GYUR NA, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR RIG PAR BYA'O ZHES BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR GANG LA BYANG CHUB SEMS DPA' SEMS DPA' CHEN PO GNAS PAR 'GYUR BA'I GZUGS KYI NGO BO NYID MED DO ZHES BYA BA NAS, GANG LA LA BYANG CHUB SEMS DPA' SEMS DPA' CHEN PO GNAS PAR 'GYUR BA'I RNAM PA THAMS CAD MKHYEN PA NYID KYI NGO BO NYID MED DO ZHES BYA BA'I BAR GYIS NI, GZUGS LA SOGS PA'I CHOS THAMS CAD LAS PHYIR BZLOG PA'I GTAN TSIGS BSTAN PA STE, DON DAM PAR GZUGS LA SOGS PA'I CHOS THAMS CAD RANG BZHIN GYIS STONG STE, NGO BO NYID MED PAS CHAGS SHING GNAS PAR BYAR MI RUNG BA'I PHYIR, DE DAG LAS PHYIR LDOG GO ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO DE NI, DGE SBYONG DANG, BRAM ZE 'DI DAG NI SHES PAR BYA BA SHES PA'O ZHES BYA BA NAS, LHA GZHAN LA PHYAG MI 'TSAL ZHING, ME TOG GAM, PHRENG BA'AM, SPOS SAM, BYUG PA'AM, PHYE MA'AM, GOS SAM, GDUGS SAM, RGYAL MTSAN NAM, BA DAN DAG DE LA SBYIN ZHING BYA BAR MI SEMS TE ZHES BYA BA'I BAR GYIS NI, MU STEGS @162B CAN GYI LTA BA NGAN PA LA PHYOGS PA'I DGE SBYONG DANG BRAM ZE LA MI BSTOD, 'JIG RTEN PA'I LTAS DANG, MTSAN MA LAM CHAGS, 'JIG RTEN GYI LHA RNAMS LA STON PAR MI 'DZIN NA, PHYIR MI LDOG PA'I BYANG CHUB SEMS DPA' SEMS DPA' CHEN PO YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI SEMS CAN DMYAL BAR MI SKYE ZHES BYA BA NAS, DE LTAR MI KHOM PA BRGYAD PO 'DI DAG GI NANG DU MI SKYE ZHING BUD MED DU 'GYUR BA YONGS SU MI 'DZIN TE ZHES BYA BA'I BAR GYIS NI, PHYIR MI LDOG PA'I BYANG CHUB SEMS DPA' MI KHOM PA BRGYAD DU MI SKYE ZHING BUD MED KYI LUS SU MI 'GYUR BA BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI DGE BA BCU'I LAS KYI LAM LA YANG DAG PAR BZUNG ZHING SPYOD DE ZHES BYA BA NAS, RMI LAM NA YANG MI DGE BA BCU'I LAS KYI LAM MI GNAS NA; SAD PA NA LTA CI SMOS TE ZHES BYA BA'I BAR GYIS NI, DGE BA BCU LA BDAG KYANG YONGS SU RDZOGS PAR SPYOD, GZHAN YANG SPYOD DU 'JUG, DGE BA BCU LA SPYOD PA'I LEGS PA YANG BRJOD CING, MI DGE BA BCU YONGS SU SPONG BA'I RTAGS DANG LDAN NA, PHYIR MI LDOG PA YIN PAR RIG PAR BYA BA BSTAN PA'O; ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, NAM SBYIN PA'I PHA ROL TU PHYIN PA LA GNAS PA DE'I TSE ZHES BYA BA NAS, NAM SHES RAB KYI PHA ROL TU PHYIN PA LA GNAS PA DE'I TSE, SEMS CAN THAMS CAD KYI PHYIR SHES RAB DE SGOM PAR BYED DO ZHES BYA BA'I BAR GYIS NI, BYANG CHUB SEMS DPA' PHA ROL TU PHYIN PA DRUG LA SPYOD PA'I TSE SEMS CAN GYI DON DU GTZO BOR BYAS TE SPYOD NA, RTAGS DANG MTSAN MA DE DAG GIS PHYIR MI LDOG PAR RIG PAR BYA BA BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' CHEN PO NI, MDO DANG DBYANGS KYIS BSNYAD PA DANG, ZHES BYA BA NAS, DES CHOS KYI SBYIN PA DE SEMS CAN THAMS CAD DANG THUN MONG DU BYAS NAS, BLA NA MED PA YANG DAG PAR RDZOGS PA'I BYANG CHUB TU BSNGOS TE ZHES BYA BA'I BAR GYIS NI, SEMS CAN THAMS CAD KYI DON DU GSUNG RAB YAN LAG BCU GNYIS KUN CHUB PAR BYAS NAS, SEMS CAN @163A *, ,RNAMS LA BSHAD DE, CHOS KYI SBYIN PA BYAS PA'I BSOD NAMS DE YANG BDAG DANG SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB THOB PAR YONGS SU BSNGO NA, RTAGS DANG MTSAN MA DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI CHOS ZAB MO LA NEM NUR MED, THE TSOM MED, YID GNYIS MED DO ZHES BYA BA NAS BLA NA MED PA YANG DAG PAR RDZOGS PA'I BYANG CHUB KYANG YANG DAG PAR RJES SU MI MTHONG NGO ZHES BYA BA'I BAR GYIS NI GZUGS LA SOGS PA'I CHOS THAMS CAD DON DAM PAR DNGOS PO MED PAR RTOGS PAS, CHOS ZAB MO LA NEM NUR DANG, THE TSOM DANG YID GNYIS MED NA, PHYIR MI LDOG PA YIN PAR SHES PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI LUS KYI LAS 'JAM PA DANG LDAN PA YIN, NGAG GI LAS 'JAM PA DANG LDAN PA YIN, YID KYI LAS 'JAM PA DANG LDAN PA YIN TE ZHES BYA BA NI LUS KYI SPYOD LAM ZHI BA DANG, TSIG 'JAM POR SMRAS PA DANG, YID LA GNOD SEMS MED NA PHYIR MI LDOG PA YIN PAR RIG PAR BYA'O ZHES BSTAN PA'O, , RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, BYAMS PA'I LUS KYI LAS DANG LDAN PA YIN, BYAMS PA'I NGAG GI LAS DANG LDAN PA YIN, BYAMS PA'I YID KYI LAS DANG LDAN PA YIN TE ZHES BYA BA LA BYAMS PA'I MTSAN NYID NI SEMS CAN THAMS CAD BDE BA LA 'GOD PA YIN TE, BYANG CHUB SEMS DPA' LUS KYIS CI SPYOD DO COG DANG, TSIG TU CI SMRA'O COG DANG, YID LA CI SEMS SO COG KYANG SEMS CAN THAMS CAD BDE BA LA 'GOD PA 'BA' ZHIG BYED NA PHYIR MI LDOG PA YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, 'DI LTA STE, 'DOD PA LA MOS PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG THE TSOM GYI SGRIB PA LNGA PO 'DI DAG DANG LHAN CIG TU MI GNAS TE ZHES BYA BAS NI, 'PHAGS PA'I LAM BSGOM PA'I BAR CHAD DU @163B 'GYUR BA'I SGRIB PA LNGA PO 'DI DAG DANG MI LDAN NA, PHYIR MI LDOG PA YIN PAR BSTAN PA STE, RMUGS PA DANG GNYID GNYIS SGRIB PA GCIG TU BGRANG, RGOD PA DANG 'GYOD PA GNYIS KYANG SGRIB PA GCIG TU BGRANG NGO, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO LA BAG LA NYAL BA THAMS CAD DU THAMS CAD MED DO ZHES BYA BA NI 'DOD PA'I 'DOD CHAGS DANG, SRID PA'I 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG THE TSOM BAG LA NYAL BA RNAMS DUS THAMS CAD DU RNAM PA THAMS CAD MED DO ZHES BYA BA'I DON TO, ,DE LA 'DOD PA'I 'DOD CHAGS NI 'DOD PA'I KHAMS KYI 'DOD CHAGS SO, ,SRID PA'I 'DOD CHAGS NI GZUGS DANG GZUGS MED PA'I KHAMS KYI 'DOD CHAGS SO, ,KHONG KHRO BA NI 'DOD PA'I KHAMS KYI ZHE SDANG NGO, ,NGA RGYAL NI RNAM PA BDUN NO, ,MA RIG PA NI KHAMS GSUM CHAR GYI MI SHES PA'O, ,LTA BA NI RNAM PA LNGA'O, ,THE TSOM NI 'PHAGS PA'I LAM BSGOM PA'I TSE, YID GNYIS ZA BA STE, BAG LA NYAL DE DAG MED NA, PHYIR MI LDOG PA'I BYANG CHUB SEMS DPA' RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO DE NI, 'GRO ZHING 'ONG YANG NOR BA'I SEMS KYIS MI 'GRO ZHES BYA BA NAS, DE SA'I PHYOGS MTHONG BZHIN DU 'GRO STE ZHES BYA BA'I BAR GYIS NI, SPYOD LAM BZHI 'KHRUL PA MED PAR SPYOD CING, DRAN PA DANG SHES BZHIN DU LDAN NA PHYIR MI LDOG PA YIN PAR BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, GOS TSAGS LA SMAD DU MED PA YIN ZHES BYA BA NAS RDUL DANG DRI MA DANG BRAL ZHING NAD NYUNG BA YIN TE ZHES BYA BA'I BAR GYIS NI, GOS TSAGS BZANG ZHING GTZANG SBRA CHE BA DANG LUS DRI ZHIM PA DANG, LUS LA RDUL DANG DRI MA MED CING LUS LA NAD NYUNG BA YANG PHYIR MI LDOG PA'I BYANG CHUB SEMS DPA'I RTAGS YIN PAR BSTAN PA'O, ,RAB 'BYOR GZHAN YANG MIR GYUR PA RNAMS KYI LUS LA SRIN BU'I RIGS STONG PHRAG BRGYAD CU ZHES BYA BA NAS, SEMS YONGS SU DAG PA YONGS SU 'DZIN TO ZHES BYA BA'I BAR GYIS NI, LUS LA SRIN BU MANG PO MI 'BYUNG ZHING LUS DANG NGAG DANG SEMS YONGS SU DAG PA @164A *, ,LAS, PHYIR MI LDOG PA'I RTAGS BSTAN PA STE, LUS LA SRIN BU MANG PO MI 'BYUNG BA YANG, DGE BA'I RTZA BA KHYAD PAR CAN DANG LDAN PA'I RGYUS, LUS DANG NGAG DANG SEMS YONGS SU DAG STE, 'JIG RTEN THAMS CAD LAS KHYAD PAR DU 'PHAGS PAR BYA BA'I PHYIR RO ZHES BYA BA'I DON TO, ,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, RAB 'BYOR 'DI YANG BYANG CHUB SEMS DPA' SEMS DPA' CHEN PO'I LUS DANG NGAG DANG SEMS YONGS SU DAG PAR RIG PAR BYA STE ZHES BYA BA'I BAR GYIS NI, GONG DU LUS DANG NGAG DANG, SEMS YONGS SU DAG PA MDOR SMOS PA DE BZHIN DU BSHAD PA'I SKABS DBYE BA'I PHYIR RAB 'BYOR GYIS ZHUS PA DANG, BCOM LDAN 'DAS KYIS DGE BA BCU LA SPYOD NA LUS DANG NGAG DANG YID YONGS SU DAG PA YIN NO ZHES BSTAN PA STE, LUS KYIS LEGS PAR SPYOD PA RNAM PA GSUM NI, SROG MI GCOD PA DANG, MA BYIN PAR MI LEN PA DANG, 'DOD PAS LOG PAR MI SPYOD PA'O, ,NGAG GIS LEGS PAR SPYAD PA RNAM PA BZHI NI, BRDZUN MI SMRA BA DANG, PHRA MA MI ZER BA DANG, NGAG RTZUB PO MED PA DANG, TSIG KYAL PA MI SMRA'O, ,YID KYIS LEGS PAR SPYAD PA GSUM NI, CHAGS SEMS DANG, GNOD SEMS DANG, LOG PAR LTA BA MED PA STE, DGE BA'I RTZA BA KHYAD PAR CAN GYIS BSKYED PA LUS DANG NGAG DANG YID YONGS SU DAG PA DANG LDAN NA NYAN THOS DANG, RANG SANGS RGYAS KYI SAR MI LHUNG BA'I PHYIR BYANG CHUB SEMS DPA' DE PHYIR MI LDOG PA YIN PAR RIG PAR BYA'O ZHES BSTAN PA'O, , RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, RNYED PA DANG BKUR STI DANG, TSIGS SU BCAD PA LHUR LEN PA MA YIN ZHES BYA BA NAS, DE SBYANGS PA'I YON TAN BCU GNYIS KYANG YANG DAG PAR 'DZIN ZHING BLANGS TE SPYOD DO ZHES BYA BA'I BAR GYIS NI RNYED PA DANG BKUR STI DANG, GRAGS PA LA MA CHAGS TE, 'DOD PA CHUNG ZHING CHOG SHES PA DANG, SBYANGS PA'I YON TAN BCU GNYIS LA GNAS KYANG, DE DAG LA MA CHAGS SHING SBYANGS PA'I YON TAN DE DAG MI BSNYEMS NA PHYIR MI LDOG PA YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG @164B PA'I BYANG CHUB SEMS DPA' SEMS DPA' CHEN PO LA SER SNA'I SEMS SKYE BA MED DO ZHES BYA BA NAS, SHES RAB 'CHAL BA'I SEMS SKYE BA MED DO, ,PHRAG DOG GI SEMS SKYE BA MED DO ZHES BYA BA'I BAR GYIS NI, PHA ROL TU PHYIN PA DRUG GI MI MTHUN PA'I PHYOGS RNAMS DANG, PHRAG DOG MED NA RTAGS DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO PHYIR MI LDOG PA NI BLO BRTAN PA YIN ZHES BYA BA NAS, RAB 'BYOR DE DAG NI PHYIR MI LDOG PA'I BYANG CHUB SEMS DPA' SEMS DPA' CHEN PO PHYIR MI LDOG PA'I MTSAN NYID DU RAG PAR BYA'O ZHES BYA BA'I BAR GYIS NI BLO BRTAN ZHING ZAB PA DANG, GZHAN LAS CHOS GUS PAR NYAN PA DANG, SHES RAB KYI PHA ROL TU PHYIN PA DANG MTHUN PAR BSGRUB PA DANG, 'JIG RTEN GYI BYA BA CI YOD DO COG KYANG KUN RDZOB TU 'JIG RTEN DANG MTHUN PAR SPYOD KYI, DON DAM PAR SHES RAB KYI PHA ROL TU PHYIN PA LA BRTEN TE, MI DMIGS PAR SPYOD CING CHOS NYID DANG CHOS KYI DBYINGS DANG MI MTHUN PA'I PHYOGS GANG YANG MED PAR RTOGS NAS, RTOGS PA DE DAG GIS PHYIR MI LDOG PA'I BYANG CHUB SEMS DPAR RIG PAR BYA'O ZHES BSTAN PA'O, ,RAB 'BYOR DE LA GAL TE PHYIR MI LDOG PA'I BYANG CHUB SEMS DPA' SEMS DPA' CHEN PO'I MDUN DU BDUD SDIG TO CAN GYIS SEMS CAN DMYAL BA CHEN PO BRGYAD MNGON DU SPRUL NAS ZHES BYA BA LA SOGS PAS NI, BDUD KYIS BSLUR MI TSUGS NA, RTAGS DE DAG GIS PHYIR MI LDOG PAR RIG PAR BYA BA BSTAN PA'O, ,DE LA BDUD SDIG TO CAN GYIS SEMS CAN DMYAL BA CHEN PO BRGYAD MNGON PAR SPRUL NAS ZHES BYA BA NAS, RAB 'BYOR 'DI NI GNAS MA YIN ZHING, GO SKABS MED PA STE PHYIR MI LDOG PA'I BYANG CHUB SEMS DPA' SEMS DPA' CHEN PO SEMS CAN DMYAL BA'AM, BYOL SONG GI SKYE GNAS SAM, GSHIN RJE'I 'JIG RTEN DU SKYE BAR 'GYUR BA DE NI GNAS MED DO ZHES BYA BA'I BAR GYIS NI, PHYIR MI LDOG PA'I BYANG CHUB SEMS DPA' DE BZHIN GSHEGS PAS LUNG BSTAN PA MANG PO SEMS CAN DMYAL BA RNAMS SU SREG PA BSTAN NAS BSDIGS KYANG, BYANG CHUB KYI SEMS MI GTONG NA RTAGS DE DAG GIS PHYIR MI LDOG PA YIN PAR RIG PAR BYA BA BSTAN @165A *, ,PA'O; ,RAB 'BYOR GZHAN YANG GAL TE BYANG CHUB SEMS DPA' SEMS DPA' CHEN PO'I DRUNG DU, BDUD SDIG TO CAN DGE SBYONG GI CHA BYAD DU 'ONGS TE ZHES BYA BA NAS, BYANG CHUB SEMS DPA' DE NI MA NGES PA YIN TE, BYANG CHUB SEMS DPA' DE NI PHYIR MI LDOG PA'I KHAMS SU GNAS PA MA YIN NO ZHES BYA BA'I BAR GYIS NI, BDUD SDIG TO CAN GYIS DGE SBYONG GI CHA BYAD DU SPRUL TE BYANG CHUB SEMS DPA' SNGON PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS YONGS SU SBYANG BAR YID DAM BCAS SHING MNYAN PA RNAMS LA THE TSOM BSKYED DE, SO SOR SHOGS SHIG THONG SHIG ZER BA LA, THE TSOM LDANG ZHING SEMS 'KHRUGS TE, NEM NUR CAN DU GYUR NA, BYANG CHUB SEMS DPA' DE MA NGES PA YIN PAS, PHYIR MI LDOG PA MA YIN NO ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO MI 'KHRUGS SHING NEM NUR MED THE TSOM MI ZA LA ZHES BYA BA NAS, MU STEGS CAN DANG KUN TU RGYU BA GZHAN DAG LA YID CHES PAS 'GRO BAR 'GYUR BA LTA CI SMOS TE, DE NI GNAS MED DO ZHES BYA BA'I BAR GYIS NI, GONG DU SMOS PA LTAR BDUD SDIG TO CAN GYIS BSLUR MI TSUGS TE, GZHAN GYI DBANG DU MI 'GYUR NA PHYIR MI LDOG PA YIN PAR RIG PAR BYA BA BSTAN PA'O, , DE CI'I PHYIR ZHE NA, 'DI LTAR DES GANG LA YID CHES PAS 'GRO BA'I CHOS GANG YANG DAG PAR RJES SU MI MTHONG STE, GZUGS SAM GZUGS KYI DE BZHIN NYID YANG DAG PAR RJES SU MI MTHONG NGO ZHES BYA BA NAS, LAM GYI RNAM PAR SHES PA NYID DAM, LAM GYI RNAM PAR SHES PA NYID KYI DE BZHIN NYID YANG DAG PAR RJES SU MI MTHONG NGO, ,BYANG CHUB PA'AM BYANG CHUB KYI DE BZHIN NYID YANG DAG PAR RJES SU MI MTHONG STE ZHES BYA BA'I BAR GYIS NI CHOS THAMS CAD LA GZHAN GYI DRING MI 'JOG PA'I GTAN TSIGS BSTAN PA STAN PA STE, GZUGS LA SOGS PA'I CHOS THAMS CAD DANG, CHOS DE DAG GI DE BZHIN NYID KYANG DON DAM PAR DNGOS PO MED PAR RTOGS PAS, CHOS DE DAG GANG GI DBANG DU YANG MI 'GYUR RO ZHES BYA BA'I DON TO, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I DRUNG DU BDUD SDIG TO CAN DGE SBYONG GI CHA BYAD DU 'ONGS NAS ZHES BYA BA NAS RNAM PA THAMS CAD MKHYEN PA NYID KYI BAR DU DE @165B LTAR SPYOD PA NI, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS MA RGYAS PA'I GNAS MED SKABS MED DE, DE NI GNAS MA YIN NO SNYAM NA ZHES BYA BA'I BAR GYIS NI, BDUD SDIG TO CAN DGE SLONG GI CHA BYAD DU BYAS TE, BYANG CHUB SEMS DPA' LA NYAN THOS DANG RANG SANGS RGYAS KYI LAM MI GTZANG BA BSGOMS PA DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI STON CING, LAM 'DI NYID KYIS NYAN THOS KYI 'BRAS BU BZHI THOB PAR BYAS TE, YONGS SU MYA NGAN LAS 'DAS PAR BYOS SHIG CES THEG PA CHUNG NGU'I LAM STON CING, THEG PA CHEN PO LA SMAD DE SLU BA DANG, BYANG CHUB SEMS DPA' SANGS RGYAS BCOM LDAN 'DAS GANG G'A'I KLUNG GI BYE MA SNYED LA BSNYEN BKUR BYAS PA DANG, DE BZHIN GSHEGS PA GANG G'A'I KLUNG GI BYE MA SNYED LA PHA ROL TU PHYIN PA DRUG YONGS SU RDZOGS PAR BYA BA DANG, SANGS RGYAS BCOM LDAN 'DAS GANG G'A'I KLUNG GI BYE MA SNYED LA BSNYEN BKUR BYAS NAS KYANG PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR LA SPYOD PA'I TSE, CHOS DE DAG LA JI LTAR GNAS PAR BGYI ZHES ZHUS SHING BRTAGS KYANG, KHYOD KYIS BLA NA MED PA YANG DAG PAR RDZOGS PA'I BYANG CHUB THOB PAR MI 'GYUR RO ZHES SNYING SMYAN BCUG KYANG; SEMS NUR BAR MI 'GYUR BA DANG, BDUD SDIG TO CAN GYIS DGE SLONG MANG POR SPRUL TE, DGE SLONG 'DI DAG KYANG BLA NA MED PA YANG DAG PAR RDZOGS PA'I BYANG CHUB TU 'JUG PA SHA STAG STE, 'DI DAG GIS KYANG BLA NA MED PA YANG DAG PAR RDZOGS PA'I BYANG CHUB MA GRUB NAS, DGRA BCOM PA NYID LA GNAS PAR 'GYUR NA, KHYOD LTAR BLA NA MED PA'I BYANG CHUB THOB RE SKAN ZHES ZER YANG, BSLUR MI TSUGS NA PHYIR MI LDOG PA YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, 'DI SNYAM DU GAL TE ZHES DE BZHIN GSHEGS PAS JI SKAD DU BSTAN PA DE SKAD DU SLOB LA SPYOD PA DE DANG MA BRAL ZHING, PHA ROL TU PHYIN PA DANG LDAN PA'I YID LA BYED PA DE DAG GIS SPYOD PA DE NI, SBYIN PA'I PHA ROL TU PHYIN PA LAS YONGS SU MI NYAMS ZHES BYA BA NAS SUS BDUD KYI LAS SU RIG PA DE NI BLA NA MED PA YANG DAG @166A *, ,PAR RDZOGS PA'I BYANG CHUB LAS YONGS SU MI NYAMS SO SNYAM NA ZHES BYA BA'I BAR GYIS NI BDUD KYIS BSLUR YANG MI TSUGS LA PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS LA, DE BZHIN GSHEGS PAS JI SKAD BSTAN PA BZHIN DU BSLABS SHING SPYAD LA, BDUD KYI LAS SU RIG NA BLA NA MED PA YANG DAG PAR RDZOGS PA'I BYANG CHUB LAS YONGS SU MI NYAMS SO SNYAM DU SEMS NA, RTAGS DE DAG GIS KYANG PHYIR MI LDOG PAR RIG PAR BYA'O ZHES BSTAN PA'O, ,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS SANGS RGYAS KYI 'DU SHES LAS PHYIR MI LDOG GO ZHES BYA BA'I BAR GYIS NI, PHYIR MI LDOG PA ZHES BYA BA ZLAS GRUB STE, PHYIR LDOG PA ZHIG YOD NA, PHYIR MI LDOG PA ZHES BYA BA NAS CHOS GANG RNAMS LAS PHYIR LDOG PA'I ZLAS PHYIR MI LDOG PA ZHES BGYI BZHES RAB 'BYOR GYIS ZHUS PA DANG, GZUGS LA SOGS PA'I CHOS THAMS CAD LA DNGOS PO YOD PAR LTA BA'I 'DU SHES LAS PHYIR BZLOG NA, DE NYID CHOS MI SKYE BA LA BZOD PA THOB PA YIN PAS, PHYIR MI LDOG PA YIN PAR RIG PAR BYA'O ZHES BSTAN PA'O, ,DE CI'I PHYIR ZHE NA, DE NI 'DI LTAR PHYIR MI LDOG PA'I BYANG CHUB SEMS DPA' SEMS DPA' CHEN PO CHOS THAMS CAD RANG GI MTSAN NYID KYIS STONG PA ZHES BYA BA NAS, DE NI PHYIR MI LDOG PA'I BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA ZHES BYA BA'I BAR GYIS NI, CHOS THAMS CAD LA DNGOS PO YOD PAR LTA BA'I 'DU SHES LAS PHYIR LDOG PA'I GTAN TSIGS BSTAN PA STE, BYANG CHUB SEMS DPA' DES CHOS THAMS CAD RANG GI MTSAN NYID KYIS STONG PAR RTOGS PAS, BYANG CHUB SEMS DPA'I SKYON MED PA'I SA DANG PO LA 'JUG STE, SA DANG PO LA ZHUGS NAS, DON DAM PAR CHOS THAMS CAD RDUL TZAM YANG DMIGS SU MED PAR RTOGS PAS, CI LA YANG MNGON PAR 'DU MI BYED DE MNGON PAR 'DU MI BYED PAS, CHOS GANG YANG SKYED PAR MI BYED PA'I PHYIR, MI SKYE BA'I CHOS LA BZOD PA THOB PA ZHES BYA STE, DE LTAR MI SKYE BA'I CHOS LA BZOD PA THOB NAS, PHYIR MI LDOG PAR RIG PAR BYA'O ZHES BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U BZHI @166B BCU PA'O,, ,,RAB 'BYOR GZHAN YANG BYANG CHUB SEMS DPA' SEMS DPA' CHEN PO'I DRUNG DU BDUD SDIG TO CAN NYE BAR 'ONGS TE MOS PA BZLOG CING ZHES BYA BA NAS, BYANG CHUB SEMS DPA'I SKYON MED PAR 'JUG PAR 'GYUR RO ZHES BYA BA'I BAR GYIS NI, BDUD SDIG TO CAN DAG CHOS THAMS CAD STONG PA LA THA SNYAD DU BTAGS NAS DE LTAR CHOS THAMS CAD RANG BZHIN GYIS STONG PA LA, MNGON PAR 'TSANG RGYAR YANG CI YOD CES, BYANG CHUB SEMS DPA' LA MOS PA DANG DAD PA BZLOG CING 'ONG BA LA BDUD KYIS MI TSUGS PAR BYA BA'I GDAMS PA BSTAN PA STE, DON DAM PAR CHOS THAMS CAD NAM MKHA' DANG MTSUNGS TE, RANG BZHIN GYIS STONG YANG KUN RDZOB TU LAS LEGS NYES CI SPYAD PA'I 'BRAS BU MED PA MA YIN PAS, BDAG GIS RNAM PA THAMS CAD MKHYEN PA NYID DU, MNGON PAR RDZOGS PAR SANGS RGYAS PAR BYAS LA, SEMS CAN THAMS CAD KYANG RIM GYIS BLA NA MED PA YANG DAG PAR RDZOGS PA'I BYANG CHUB TU DGOD PAR BYA'O SNYAM DU SEMS BSKYED CING, BDUD KYIS MI TSUGS PAR SEMS BRTAN PAR BYA'O ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PA NI BYANG CHUB SEMS DPA'I MI SKYE BA'I CHOS LA BZOD PA THOB CING, PHYIR MI LDOG PA'I SA LA GNAS PA STE, NYAN THOS DANG RANG SANGS RGYAS KYI SA LAS SLAR LDOG PAR 'GYUR BA DANG, NYAN THOS DANG RANG SANGS RGYAS KYI SA LAS SLAR LOG NAS, MI SKYE BA'I CHOS LA BZOD PA THOB CING PHYIR MI LDOG PA'I BYANG CHUB SEMS DPAR 'GYUR BA BSTAN PA STE, CI LAGS BCOM LDAN 'DAS SLAR MI LDOG PA'I BYANG CHUB SEMS DPA' SEMS DPA' CHEN PO LA PHYIR MI LDOG PA ZHES BGYI'AM ZHES BYA BA NI NYAN THOS DANG RANG SANGS RGYAS KYI SA LAS SLAR MI LDOG PA'I PHYIR, BYANG CHUB SEMS DPA' DE PHYIR MI LDOG PA ZHES BGYI'AM ZHES ZHUS PA'O, ,'ON KYANG SLAR LOG PA'I BYANG CHUB SEMS DPA' LA PHYIR MI LDOG PA ZHES BGYI ZHES BYA BA NI NYAN THOS DANG RANG SANGS RGYAS KYI SA LAS SLAR LDOG PA LA, PHYIR MI LDOG PA ZHES BGYI ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR PHYIR MI LDOG PA'I BYANG CHUB SEMS DPA' NI, PHYIR MI LDOG PA ZHES BYA'O ZHES BYA BA NI, BYANG CHUB SEMS DPA' MI SKYE @167A *, ,PA'I CHOS LA BZOD PA THOB PA, PHYIR MI LDOG PA'I SA LA GNAS PA NI, NYAN THOS DANG RANG SANGS RGYAS KYI SA LAS SLAR LDOG PA YIN PAS, PHYIR MI LDOG PAR BTAGS SO ZHES BSTAN PA'O, ,PHYIR MI LDOG PA'I BYANG CHUB SEMS DPA' NI PHYIR MI LDOG PA ZHES BYA'O ZHES BYA BA NI BYANG CHUB SEMS DPA' GANG NAM NYAN THOS DANG RANG SANGS RGYAS KYI SA LAS SLAR LDOG PAR GYUR PA DE'I TSE MI SKYE BA'I CHOS LA BZOD PA THOB CING, PHYIR MI LDOG PA'I SA LA GNAS PAR 'GYUR BAS NA, PHYIR MI LDOG PAR BTAGS SO ZHES BYA BA'I DON TO, ,GSOL PA, BCOM LDAN 'DAS CI'I SLAD DU SLAR MI LDOG PA'I BYANG CHUB SEMS DPA' LA, PHYIR MI LDOG PA ZHES BGYI BA'I SLAD DU SLAR LDOG PA'I BYANG CHUB SEMS DPA' LA PHYIR MI LDOG PA ZHES BGYI ZHES BYA BA NI, GONG DU MDOR BSHAD PA'I DON DE NYID GSAL BAR BSHAD PA'I PHYIR, RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' GANG NYAN THOS KYI SA'AM, RANG SANGS RGYAS KYI SA LAS PHYIR LDOG PA DE NI, RAB 'BYOR PHYIR LDOG PA'I BYANG CHUB SEMS DPA' YIN TE, PHYIR MI LDOG PA'I BYANG CHUB SEMS DPA' ZHES BYA'O ZHES BYA BA NI BYANG CHUB SEMS DPA' GANG MI SKYE BA'I CHOS LA BZOD PA THOB STE, NYAN THOS DANG RANG SANGS RGYAS KYI SA LAS SLAR LOG PA DE NI, NYAN THOS DANG RANG SANGS RGYAS KYI SA LAS PHYIR LOG PAS, PHYIR MI LDOG PA'I BYANG CHUB SEMS DPA' ZHES KYANG BYA LA, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAS NA, PHYIR MI LDOG PA'I BYANG CHUB SEMS DPA' ZHES KYANG BYA'O ZHES BSTAN PA'O, ,RAB 'BYOR BYANG CHUB SEMS DPA' GANG NYAN THOS KYI SA'AM, RANG SANGS RGYAS KYI SA LAS PHYIR MI LOG PA DE NI RAB 'BYOR PHYIR MI LDOG PA'I BYANG CHUB SEMS DPA' YIN TE, PHYIR LDOG PA ZHES BYA'O ZHES BYA BA NI, BYANG CHUB SEMS DPA' GANG NYAN THOS DANG RANG SANGS RGYAS KYI SA LAS PHYIR MI LOG PA DE LA YANG, PHYIR MI LDOG PA ZHES GDAGS MOD KYI, DE DAG NI BLA NA MED PA YANG DAG PAR RDZOGS PA'I BYANG CHUB LAS PHYIR LOG PAR 'GYUR BAS NA, PHYIR MI LDOG PAR MI CHUD DO ZHES BYA BA'I DON TO, ,RAB 'BYOR RNAM PA DE DAG DANG, TSUL DE DAG DANG, MTSAN MA DE DAG GIS ZHES BYA BA NAS BDUD SDIG TO CAN GYIS BLA NA MED PA YANG DAG PAR RDZOGS PA'I BYANG CHUB LAS @167B BZLOG PAR MI NUS SO ZHES BYA BA'I BAR GYIS NI, DE LTAR GONG DU BSHAD PA'I TSUL DU BYANG CHUB SEMS DPA' GANG NYAN THOS DANG RANG SANGS RGYAS KYI SA LAS LOG NAS, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR BA DE NI, BDUD SDIG TO CAN GYIS BSLU ZHING, BLA NA MED PA YANG DAG PAR RDZOGS PA'I BYANG CHUB LAS BZLOG PAR MI NUS ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI, 'DOD NA BSAM GTAN DANG PO LA SNYOMS PAR 'JUG GO ZHES BYA BA NAS, DE 'DOD NA CHED DU BSAMS SHING LUS YONGS SU 'DZIN TE, LUS NGAG GIS SEMS CAN RNAMS KYI DON BYA BAR 'GYUR BA DE LTA BU'I LUS YONGS SU 'DZIN TO ZHES BYA BA'I BAR GYIS NI, BYANG CHUB SEMS DPA' THABS DANG SHES RAB TU LDAN PAS, CHOS THAMS CAD LA YONGS SU 'DRIS SHING GOMS PAR BYA BA'I PHYIR, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, 'GOG PA'I SNYOMS PAR 'JUG PA DANG, BYANG CHUB KYI PHYOGS KYI CHOS SUM CU RTZA BDUN DANG, RNAM PAR THAR PA'I SGO GSUM LA SNYOMS PAR 'JUG CING MNGON PAR SHES PA LNGA MNGON PAR BSGRUBS KYANG, SEMS CAN RNAMS KYI DON DU DE DAG LA 'DRES SHING GOMS PAR BYED KYI, NYAN THOS DANG RANG SANGS RGYAS LTAR, DE DAG NI 'BRAS BU YONGS SU MI 'DZIN PAR, SEMS CAN RNAMS GANG GIS 'DUL BA'I LUS YONGS SU 'DZIN PAR BYED NA, MTSAN MA DANG RTAGS DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, , RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI BYANG CHUB YID LA BYED PA DANG LDAN TE ZHES BYA BA NAS DRAN BZHIN DU 'JUG GO, ,DRAN BZHIN DU NYAL LO ZHES BYA BA'I BAR GYIS NI BYANG CHUB SEMS DPA' THABS DANG SHES RAB TU LDAN PA BLA NA MED PA'I BYANG CHUB YID LA BYED CING BYANG CHUB SEMS DPA'I MTSAN DANG DPE BYAD DU LDAN PAR BYAS NAS PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD LA SPYOD KYANG DE DAG LA MTSAN MAR MI 'DZIN CING CHAGS PAR MI SPYOD NA, RTAGS DANG MTSAN MA DE DAG GIS PHYIR MI LDOG PA'I BYANG CHUB SEMS DPA' YIN PAR RIG @168A *, ,BAR BYA BA BSTAN PA STE, LHUR MI LEN CES BYA BA NI GZUGS DANG MTSAN PHUN SUM TSOGS PA LA SOGS PA LA SPYOD KYANG, DE DAG DON DAM PAR DNGOS PO MED PAR RTOGS PAS DE DAG LA MTSAN MAR MI 'DZIN CING MA CHAGS PAR SPYOD DO ZHES BYA BA'I DON TO, ,RAB 'BYOR GZHAN YANG GAL TE PHYIR MI LDOG PA'I BYANG CHUB SEMS DPA' SEMS DPA' CHEN PO NI, KHYIM NA GNAS KYANG THABS MKHAS PAS SEMS CAN YONGS SU SMIN PAR BYA BA'I PHYIR, 'DOD PA'I YON TAN LNGA NYE BAR LEN TO ZHES BYA BA NAS GZHAN GANG SHES RAB KYI PHA ROL TU PHYIN PA LA SPYOD PA DE DAG GI YANG LEGS PA BRJOD CING MTHUN PAS DGA' BAR BYED DO ZHES BYA BA'I BAR GYIS NI BYANG CHUB SEMS DPA' KHA CIG THABS DANG SHES RAB TU LDAN PAS, SEMS CAN YONGS SU SMIN PAR BYA BA'I PHYIR, KHYIM NA GNAS TE 'DOD PA'I YON TAN LNGA LA SPYOD CING, SEMS CAN RNAMS LA SBYIN PA YID BZHIN DU GTONG BA DANG, BDAG DANG PHA ROL GNYIS KA PHA ROL TU PHYIN PA DRUG LA SPYOD NA RTAGS DANG MTSAN MA DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,RAB 'BYOR PHYIR MI LDOG PA'I BYANG CHUB SEMS DPA' SEMS DPA' CHEN PO NI KHYIM NA GNAS NA 'DZAM BU'I GLING RIN PO CHE SNA BDUN GYIS BKANG ZHING SBYIN PA YONGS SU GTONG ZHES BYA BA NAS, DE 'DOD PA LA YONGS SU MI SPYOD DE, RTAG TU RGYUN MI 'CHAD PAR TSANGS PAR SPYOD PA YIN, GNOD PA GANG GIS GZHAN MI DGA' BAR 'GYUR BA'I GNOD PA DE LTA BU GANG YANG MI SKYED DE ZHES BYA BA'I BAR GYIS NI, PHYIR MI LDOG PA'I BYANG CHUB SEMS DPA' KHA CIG KHYIM NA GNAS KYANG; 'DOD PA'I YON TAN LNGA LA MI SPYOD PAR RTAG TU TSANGS PAR SPYOD CING 'DZAM BU'I GLING NAS STONG GSUM GYI STONG CHEN PO'I 'JIG RTEN GYI KHAMS LA THUG GI BAR DU RIN PO CHE SNA BDUN GYIS YONGS SU BKANG STE, SBYIN PA YONGS SU GTONG ZHING SEMS CAN LA GNOD PA MI SPYOD NA RTAGS DANG MTSAN MA DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I PHYI BZHIN DU ZHES BYA BA NAS DE NI SKYES BU DAM PAR 'GYUR TE, SKYES BU NGAN PA MA YIN NO ZHES BYA BA'I BAR GYIS NI PHYIR MI LDOG @168B PA'I BYANG CHUB SEMS DPA' LA, GNOD SBYIN LAG NA RDO RJES RTAG TU BSRUNG BAS, MI DANG MI MA YIN PA LA SOGS PAS GNOD PAR BYA BA MI NUS PA DANG, LHA DANG BDUD LA SOGS PAS MI THUB PA DANG, BLA NA MED PA'I BYANG CHUB YID LA BYED PA LAS MI LDOG PA DANG, DBANG PO RNAMS MA TSANG BAR MI 'GYUR ZHING, SKYES BU DAM PAR 'GYUR BA'I PHAN YON BSTAN PA'O, ,GSOL PA BCOM LDAN 'DAS JI TZAM GYIS NA ZHES BYA BA NAS SKYES BU DAM PAR 'GYUR TE SKYES BU NGAN PA MA YIN NO ZHES BYA BA'I BAR GYIS NI GONG DU BCOM LDAN 'DAS KYIS SKYES BU DAM PAR 'GYUR RO ZHES BSHAD PA JI TZAM GYIS NA SKYES BU DAM PAR 'GYUR BA TSAD RAB 'BYOR GYIS ZHUS PA DANG, BCOM LDAN 'DAS KYIS BSHAD PA STE, BLA NA MED PA'I BYANG CHUB TU SEMS BSKYED PA MA NYAMS NA SKYES BU DAM PAR 'GYUR RO ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO DE NI, BYANG CHUB YID LA BYA BA DANG LDAN ZHING ZHES BYA BA NAS DES MTSAN MA YANG DAG PAR RJES SU MI MTHONG BAS, 'TSO BA YONGS SU DAG PA YIN TE ZHES BYA BA'I BAR GYIS NI 'JIG RTEN GYI SNGAGS DANG SMAN DANG LTAS RNAMS KYIS MNGON PAR RTOGS PA DANG, YID CHES PA'I MTSAN MA BSTAN PAS RNYED PA DANG BKUR STI TSOL BA MA YIN ZHING RGYU MI 'TSO STE, 'TSO BA YONGS SU DAG NA, MTSAN MA DANG RTAGS DE DAG GIS PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO ZHES BYA BA NAS RTEN CING 'BREL PAR 'BYUNG BA STONG PA NYID SHIN TU YID LA BYAS PA YIN TE ZHES BYA BA'I BAR GYIS NI NYAN THOS DANG RANG SANGS RGYAS LTAR PHUNG PO DANG KHAMS DANG SKYE MCHED DANG, RTEN CING 'BREL PAR 'BYUNG BA RNAMS LA DNGOS PO YOD PAR LTA ZHING DE DAG LAS 'DAS PAR BYA BA'I PHYIR BRTZON PAR MI BYED KYI, PHUNG PO DANG KHAMS DANG, SKYE MCHED DANG, RTEN CING 'BREL PAR 'BYUNG BA RNAMS STONG PA NYID DU SGOM NA, PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,DE 'DU 'DZI'I SBYOR BA LA RJES SU BRTZON PAR MI GNAS TE ZHES BYA BA LA SOGS PAS PHYIR MI LDOG PA'I BYANG CHUB SEMS DPA' 'DU 'DZI LA 'JIG RTEN GYI GTAM NGAN PA RNAMS LA MI 'JUG PA BSTAN @169A *, ,PA STE, DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO DES, SEMS CAN STONG PA NYID SHIN TU YID LA BYAS PA YIN NO ZHES BYA BA NI 'DU 'DZI'I SPYOD PA'I RGYU GNYEN BGROD PAR BYAS PA LA SOGS PA'I SEMS CAN RNAMS STONG PA NYID DU GOMS PAR BYAS PA'I PHYIR 'DU 'DZI'I SPYOD PA LA MI GNAS SO ZHES BSTAN PA'O, ,DE RGYAL PO'I GTAM GYIS SBYOR BA LA RJES SU BRTZON PAR MI GNAS TE, DE CI'I PHYIR ZHE NA, DE NI 'DI LTAR RANG BZHIN STONG PA NYID LA GNAS PAS, CHOS GANG LA YANG BZANG PO'AM, NGAN PAR YANG DAG PAR RJES SU MI MTHONG NGO ZHES BYA BA NI RGYAL PO LA BSTOD PA DANG, SMAD PA'I GTAM NGAN PA LA MA ZHUGS PA BSTAN PA STE, BSTOD PA DANG SMAD PA'I CHOS BZANG PO DANG NGAN PA THAMS CAD DON DAM PAR RJES SU MI MTHONG BA'I PHYIR RO ZHES BYA BA'I DON TO, ,DE RKUN PO'I GTAM GYI SBYOR BA LA RJES SU BRTZON PAR MI GNAS TE, DE CI'I PHYIR ZHE NA, DE NI 'DI LTAR CHOS THAMS CAD RANG GI MTSAN NYID KYIS STONG PAS, CHOS GANG LA YANG BLANG BA'AM, DBROG PAR YANG DAG PAR RJES SU MI MTHONG NGO ZHES BYA BA NI RKUN POS RKUR THOB PA DANG MA THOB PA'I GTAM NGAN PA LA YANG G-YENG BAR MI GNAS PA BSTAN PA STE, DON DAM PAR CHOS THAMS CAD RANG GI MTSAN NYID KYIS STONG PAR RTOGS PAS, RKUN POS DBROG PAR BYA BA DANG, MA PHROGS TE SLAR BLANG DU YOD PA'I CHOS GANG YANG YOD PAR MA MTHONG PAS, RKUN PO'I GTAM MI ZER RO ZHES BYA BA'I DON TO, ,DE G-YUL GYI GTAM GYI SBYOR BA LA RJES SU BRTZON PAR MI GNAS TE, DE CI'I PHYIR ZHE NA, DE NI 'DI LTAR DE RANG BZHIN STONG PA NYID LA GNAS PAS, CHOS GANG YANG NYUNG NGU'AM MANG POR YANG DAG PAR RJES SU MI MTHONG NGO ZHES BYA BAS NI DMAG GI G-YUL BSHAMS PA'I GTAM GYIS MA YENGS PA BSTAN PA STE, DON DAM PAR CHOS THAMS CAD RANG BZHIN STONG PA NYID DU RTOGS PAS, G-YUL BSHAMS PA'I TSOGS 'DI NI MANG NGO, ,'DI NI NYUNG NGO ZHES BYA BA'I CHOS GANG YANG YOD PAR MA MTHONG BA'I PHYIR, G-YUL GYI GTAM MI ZER RO ZHES BYA BA'I DON TO, ,DMAG GI GTAM GYI SBYOR BA LA RJES SU BRTZON PAR MI GNAS TE, DE CI'I PHYIR ZHE NA, DE NI 'DI LTAR DE CHOS THAMS CAD KYI DE BZHIN NYID LA GNAS PAS, CHOS GANG LA YANG BYAMS PA'AM, @169B ZHE SDANG BAR YANG DAG PAR RJES SU MI MTHONG NGO ZHES BYA BAS NI DGRA ZIN GNYIS DMAG 'GYED PA'I GTAM GYIS MA YENGS PAR BSTAN PA STE, DON DAM PAR CHOS THAMS CAD DE BZHIN NYID DU RO GCIG PAR RTOGS PAS, DGRA ZIN DANG BYAMS SDANG BYE BRAG DBYE MED PA'I DMAG GI GTAM MI ZER RO ZHES BSTAN PA'O, , GRONG GI GTAM GYI SBYOR BA LA RJES SU BRTZON PAR MI GNAS TE, DE CI'I PHYIR ZHE NA, DE NI 'DI LTAR DE CHOS THAMS CAD STONG PA NYID LA GNAS PAS, CHOS GANG YANG TSOGS SAM TSOGS MA YIN PAR YANG DAG PAR RJES SU MI MTHONG NGO ZHES BYA BA NI GRONG GI GTAM GYIS MA YENGS PAR BSTAN PA STE, DON DAM PAR CHOS THAMS CAD STONG PA NYID DU RTOGS PAS, GRONG 'DI NI TSOGS CHE ZHING STUG GO, ,GRONG 'DI NI TSOGS CHUNG ZHING SRAB PO ZHES BYA BA'I CHOS GANG YANG YOD PAR MA MTHONG BA'I PHYIR GRONG GI GTAM MI ZER RO ZHES BYA BA'I DON TO, ,GRONG KHYER GYI GTAM GYI SBYOR BA LA RJES SU BRTZON PAR MI GNAS TE, DE CI'I PHYIR ZHE NA; DE NI 'DI LTAR DE NAM MKHA' STONG PA NYID LA GNAS PAS, CHOS GANG YANG GZUNG BA'AM, MI GZUNG BAR YANG DAG PAR RJES SU MI MTHONG NGO ZHES BYA BA NI, GRONG KHYER GYI GTAM GYIS MA YENGS PA BSTAN PA STE, DON DAM PAR CHOS THAMS CAD NAM MKHA' BZHIN DU STONG PAR RTOGS PAS, GRONG KHYER GYI TSONG 'DUS NA TSONG BYED PA'I TSONG RDZAS KHE YOD NA, GZUNG ZHING BSAGS PAS DANG, KHE MED NA MI GZUNG ZHING MI BSAGS PA'I CHOS DE LTA BU GANG YANG DNGOS PO YOD PAR MA MTHONG BA'I PHYIR GRONG KHYER GYI GTAM MI ZER RO ZHES BYA BA'I DON TO, ,GRONG RDAL GYI GTAM GYI SBYOR BA LA RJES SU BRTZON PAR MI GNAS TE, DI CI'I PHYIR ZHE NA, DE NI 'DI LTAR YANG DAG PA'I MTHA' LA GNAS PAS, CHOS GANG YANG 'PHEL BA'AM, 'BRI BAR YANG DAG PAR RJES SU MI MTHONG NGO ZHES BYA BAS NI YUL GYI LJONGS KYI GTAM GYIS MA YENGS PAR BSTAN PA STE, DON DAM PAR CHOS THAMS CAD YANG DAG PA'I MTHA'I RANG BZHIN DU STONG PAR RTOGS PAS, YUL GYI LJONGS LO LEGS TE, 'PHEL BA'AM, LO NYES TE 'GRIB PAR 'GYUR BA'I CHOS DE LTA BU GANG YANG YOD PAR MI MTHONG BA'I PHYIR, GRONG RDAL GYI GTAM MI ZER RO ZHES BSTAN PA STE, GRONG RDAL ZHES BYA BA NI YUL GYI LJONGS LA BYA'O, ,BDAG GI GTAM GYI SBYOR BA LA RJES SU BRTZON PAR MI GNAS ZHES @170A *, ,BYA BA NAS MTHONG BA PO'I GTAM GYI SBYOR BA LA RJES SU BRTZON PAR MI GNAS TE ZHES BYA BA'I BAR GYIS NI MU STEGS CAN GYIS BRTAGS PA'I BDAG DANG SEMS CAN LA SOGS PA, YOD PAR LTA BA'I GTAM GYIS MA YENGS PA BSTAN PA'O, ,GZHAN DU NA SHES RAB KYI PHA ROL TU PHYIN PA'I GTAM GYI SBYOR BA LA RJES SU BRTZON ZHING ZHES BYA BA LA SOGS PAS NI YANG DAG PA'I GTAM LA 'JUG CING, BSAM PA DGE BA LA GNAS NA PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA STE, GZHAN DU NA SHES RAB KYI PHA ROL TU PHYIN PA'I GTAM GYI SBYOR BA LA BRTZON ZHING ZHES BYA BAS NI, YANG DAG PA'I GTAM LA 'JUG PA BSTAN PA STE, GTAM CI ZER KYANG RUNG SEMS CAN RNAMS SHES RAB KYI PHA ROL TU PHYIN PA LA GZUD PA'I GTAM 'BA' ZHIG ZER RO ZHES BYA BA'I DON TO, ,RNAM PA THAMS CAD MKHYEN PA NYID DANG LDAN PA'I YID LA BYA BA DANG MA BRAL BAR GNAS TE ZHES BYA BA NAS, SHES RAB KYI PHA ROL TU PHYIN PA LA SPYOD CING, SHES RAB 'CHAL BA'I SBYOR BA LA RJES SU BRTZON PAR MI GNAS SO ZHES BYA BA'I BAR GYIS NI, BSAM PA DGE BA LA GNAS PA BSTAN PA STE, RNAM PA THAMS CAD MKHYEN PA NYID DANG LDAN PA'I YID LA BYA BA'I BSAM PA DANG MA BRAL BAR GNAS TE, PHA ROL TU PHYIN PA DRUG LA SPYOD CING, PHA ROL TU PHYIN PA DRUG GI MI MTHUN PA'I PHYOGS RNAMS YONGS SU SPONG NA, PHYIR MI LDOG PA'I BYANG CHUB SEMS DPA' YIN PAR RIG PAR BYA'O ZHES BSTAN PA'O, ,CHOS THAMS CAD STONG PA NYID LA SPYOD CING CHOS 'DOD PA YIN GYI CHOS MI 'DOD PA MA YIN ZHES BYA BA NI PHYIR MI LDOG PA'I BYANG CHUB SEMS DPA' DE, DON DAM PAR CHOS THAMS CAD STONG PA NYID DU RTOGS KYANG, KUN RDZOB TU DAM PA'I CHOS TSOL BA LA 'BAD PA YIN NO ZHES BYA BA'I DON TO, ,DE CHOS KYI DBYINGS LA SPYOD CING CHOS THA DAD PA'I LEGS PA BRJOD PA MA YIN ZHES BYA BA NI, PHYIR MI LDOG PA'I BYANG CHUB SEMS DPA' DES CHOS THAMS CAD RANG BZHIN GYIS STONG STE, CHOS KYI DBYINGS KYI RANG BZHIN DU RO GCIG PAR RTOGS PAS, CHOS RNAMS LA MING DANG MTSAN MA LA SOGS PA THA DAD DU 'BYED PA LA DGA' BA MA YIN NO ZHES BSTAN PA'O, ,DE SANGS RGYAS BCOM LDAN 'DAS RNAMS DANG, BYANG CHUB SEMS DPA' SEMS DPA' @170B CHEN PO RNAMS LA BSHES GNYEN DU SEMS PA YIN ZHES BYA BA NI, NYAN THOS DANG RANG SANGS RGYAS LTA BU THEG PA DMAN PA LA ZHUGS PAS RNAMS LA, DGE BA'I BSHES GNYEN MI TSOL BAR SANGS RGYAS DANG BYANG CHUB SEMS DPA' RNAMS LA DGE BA'I BSHES GNYEN DU 'DZIN TO ZHES BYA BA'I DON TO, ,RIGS KYI BU DANG RIGS KYI BU MO NYAN THOS DANG RANG SANGS RGYAS KYI THEG PA PA GANG JI SNYED PA DE DAG KYANG BLA NA MED PA YANG DAG PAR RDZOGS PA'I BYANG CHUB TU YANG DAG PAR BSKUL BA 'GOD DO, ,'DUL LO RAB TU 'JOG GO ZHES BYA BA NI THEG PA DMAN PA LA ZHUGS PA RNAMS KYANG THEG PA CHEN PO LA THABS SNA TSOGS KYIS 'DZUD PA BSTAN PA STE, YANG DAG PAR BSKUL BA NI DANG POR GROS 'DEBS PA'O, ,'GOD PA NI NYAN CING SEMS SU 'DZUD PA'O, ,'DUL BA NI NYES PA BYUNG BA RNAMS 'CHOS PA'O, ,RAB TU GZHOG PA NI PHYIS GZHAN DU MI 'GYUR BAR BRTAN PAR BYED PA'O, ,DE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS BSNYEN PAR BYED CING ZHES BYA BA NAS GANG NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MNGON DU GYUR PAR MA ZHUGS SHING, 'TSO SKYONG BA DANG, CHOS STON PA DER SKYES TE ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' SANGS RGYAS 'BYUNG BA DANG MI 'BRAL ZHING SANGS RGYAS MNYES PAR BYED PA LA BRTZON PA BSTAN PA STE, SEMS CAN RNAMS MIG DRANG BA'I PHYIR THABS KYIS 'DOD PA'I KHAMS SU SKYES NAS, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI BSGOMS PA'I MTHU THOB PAR BYAS NAS, DE'I MTHUS GANG NA DE BZHIN GSHEGS PA MNGON SUM DU BZHUGS PA'I GNAS DER SKYES TE, DE BZHIN GSHEGS PA RNAMS MNYES PAR BYED PA'I MTSAN MA DANG RTAGS DE LTA BU DAG DANG LDAN NA, PHYIR MI LDOG PA'I BYANG CHUB SEMS DPA' YIN PAR RIG PAR BYA'O ZHES BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS, NANG STONG PA NYID LA GNAS PA DANG ZHES BYA BA NAS SANGS RGYAS KYI CHOS MA 'DRES PA BCO BRGYAD LA GNAS PA NI, 'DI SNYAM DU BDAG NI PHYIR MI LDOG PA'AM, PHYIR MI LDOG PA YIN NO SNYAM DU YANG MI BYED @171A *, ,DE; THE TSOM MI SKYE ZHING RANG GI SA LA YID GNYIS MED DO ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' RANG GI SA LA THE TSOM MED PA BSTAN PA STE, STONG PA NYID BCO BRGYAD DANG, BYANG CHUB KYI PHYOGS KYI CHOS SUM CU RTZA BDUN DANG, 'PHAGS PA'I BDEN PA BZHI DANG, , BSAM GTAN BZHI DANG TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU DANG, RNAM PAR THAR PA'I SGO GSUM DANG, MNGON PAR SHES PA DRUG DANG, TING NGE 'DZIN RNAMS DANG, GZUNGS KYI SGO RNAMS DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD RNAMS LA SPYOD CING GNAS PA'I TSE, CHOS THAMS CAD MI SKYE BA LA BZOD PA THOB CING PHYIR MI LDOG PA'I SA LA GNAS PAR NGES SHING, RANG GI SA LA THE TSOM MI SKYE BAR BSTAN PA'O, ,DE CI'I PHYIR ZHE NA, DE NI 'DI LTAR DES PHYIR MI LDOG PA DANG, PHYIR LDOG PA MA YIN PA'I CHOS RDUL TZAM YANG YANG DAG PAR RJES SU MI MTHONG NGO ZHES BYA BAS NI PHYIR MI LDOG PA'I BYANG CHUB SEMS DPA' MI SKYE BA'I CHOS LA BZOD PA THOB PA DANG, RANG GI SA LA THE TSOM MED PA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG PAR NGES PAR RTOGS PAS, MI SKYE BA'I CHOS LA BZOD PA THOB PA DANG, DE LTAR CHOS THAMS CAD RANG BZHIN GYIS MA SKYES PAR RTOGS NAS PHYIR MI LDOG PA'AM, PHYIR MI LDOG PA ZHES BYA BA'I CHOS GANG YANG YOD PAR MA MTHONG BAS PHYIR MI LDOG PA MA YIN DU DOGS PA MED PA'I PHYIR RANG GI SA LA THE TSOM DANG YID GNYIS MED DO ZHES BYA BA'I DON TO, ,RAB 'BYOR 'DI LTA STE, DPER NA RGYUN DU ZHUGS PA'I SKYES BU RGYUN DU ZHUGS PA'I SA LA GNAS PA NI RANG GI SA LA NEM NUR MED CING THE TSOM MI ZA'O ZHES BYA BA NAS YANG DAG PAR RDZOGS PA'I SANGS RGYAS KYI SA LA GNAS PA NI, RANG GI SA LA NEM NUR MED CING THE TSOM MI ZA'O ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' RANG GI SA LA THE TSOM MI ZA BA'I DPE BSTAN PA'O, ,RAB 'BYOR DE BZHIN DU BYANG CHUB @171B SEMS DPA' SEMS DPA' CHEN PO RANG GI SA LA GNAS PA YANG NEM NUR MED CING THE TSOM MI ZA ZHING, DE PHYIR MI LDOG PA'I SA LA GNAS TE, SANGS RGYAS KYI ZHING YONGS SU SBYONG NGO ZHES BYA BA NAS BDUD KYI LAS DE DAG KYANG RNAM PAR 'JOMS SHING SRAB MOR BYED DO ZHES BYA BA'I BAR GYIS NI PHYIR MI LDOG PA'I SA LA THE TSOM MED PAR GNAS PA'I YON TAN BSTAN PA STE, DE LTAR PHYIR MI LDOG PA'I SA LA THE TSOM MED PAR GNAS NA SANGS RGYAS KYI ZHING YONGS SU SBYONG BA DANG, SEMS CAN YONGS SU SMIN PAR BYED PA DANG, BDUD KYI LAS KYI DBANG DU MI 'GYUR BA BSTAN PA'O, ,RAB 'BYOR 'DI LTA STE DPER NA MTSAMS MED PA BYED BYED PA'I SKYES BU NI ZHES BYA BA NAS SEMS DE RNAM PAR BRTAG TU MED CING MI SGUL BAS, DE NI LHA DANG MI DANG LHA MA YIN DU BCAS PA'I 'JIG RTEN GYIS PHYIR BZLOG PAR MI NUS SO ZHES BYA BA'I BAR GYIS NI PHYIR MI LDOG PA'I BYANG CHUB SEMS DPAS SKYE BA MED PA'I CHOS LA BZOD PA THOB CING PHYIR MI LDOG PA'I SA LA NGES PAR GNAS TE, RANG GI SA LA NEM NUR DANG THE TSOM MED PA DPE DANG BCAS PA BSTAN PA STE, DPER NA MTSAMS MED PA'I LAS BYED BYED PA'I MI MTSAMS MED PA'I LAS DE GOMS SHING SEMS LA ZHEN PAR BYAS PAS LAS DE'I 'BRAS BU MA MYONG GI BAR DU SDIG PA'I BAG CHAGS BSAGS PA'I SEMS DE DANG NAM YANG MI 'BRAL ZHING SEMS DE RJES SU 'BRANG BAR 'GYUR BA DE BZHIN DU PHYIR MI LDOG PA'I BYANG CHUB SEMS DPA'I SEMS KYANG MI SKYE BA'I CHOS LA BZOD PA GOMS PAR BYAS PAS SUS KYANG SLAR BZLOG PAR MI NUS SHING NAM YANG NYAN THOS DANG RANG SANGS RGYAS KYI SAR MI LDOG GO ZHES BYA BA'I DON TO, ,DE CI'I PHYIR ZHE NA, DE NI 'DI LTAR SEMS DE LHA DANG MI DANG LHA MA YIN DU BCAS PA'I 'JIG RTEN LAS 'DAS TE ZHES BYA BA NAS, SANGS RGYAS KYI ZHING DE DAG GI SANGS RGYAS BCOM LDAN 'DAS RNAMS LA DGE BA'I RTZA BA MANG PO SKYED CING, SANGS RGYAS BCOM LDAN 'DAS DE DAG LA KUN 'DRI ZHING YONGS SU ZHU BA BYED LA BSNYEN BKUR BAR BYED DO ZHES BYA BA'I BAR GYIS NI PHYIR MI LDOG PA'I SA LA GNAS PA RANG GI SA LA THE TSOM MED PA DANG, BDUD KYIS BSLUR MI TSUGS PA'I GTAN TSIGS BSTAN PA STE, PHYIR MI LDOG PA'I BYANG CHUB SEMS DPA' DE NI SEMS LHA DANG MI DANG LHA MA YIN DU BCAS PA'I 'JIG RTEN LAS 'DAS TE, 'PHAGS PAR GYUR @172A *, ,LA BYANG CHUB SEMS DPA'I SA DANG PO YANG DAG PA'I SKYON MED PA LA ZHUGS NAS, SA BRGYAD PA LA GNAS KYI BAR DU MNGON PAR SHES PA RNAMS KYI MCHOG THOB, SANGS RGYAS KYI ZHING YONGS SU DAG PAR BYED, SEMS CAN YONGS SU SMIN PAR BYED, SANGS RGYAS BCOM LDAN 'DAS RNAMS LA BSNYEN BKUR BYA BA DANG, CHOS MNYAN PA'I PHYIR SANGS RGYAS KYI ZHING NAS SANGS RGYAS KYI ZHING DU 'GRO NUS PA'I MTHU DANG LDAN PA'I PHYIR RANG GI SA LA THE TSOM MED CING BDUD KYIS BSLUR MI TSUGS SO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO DE DE LTAR GNAS PAS BDUD KYI LAS SKYES SHING BYUNG BA RNAMS KHONG DU CHUD DE, BDUD KYI LAS SKYES SHING BYUNG BA DAG GI DBANG DU YANG MI 'GRO'O ZHES BYA BA'I BAR GYIS NI RANG GI SA LA THE TSOM MED PAR GNAS SHING, BDUD KYI LAS KYI DBANG DU MI 'GRO BA'I DON GONG DU SMOS PA NYID MJUG BSDUS TE GSAL BAR BSTAN PA'O, ,BDUD KYI LAS DE DAG KYANG THABS MKHAS PAS YANG DAG PA'I MTHA' LA SBYOR BAR BYED CING, DE RANG GI SA LA NEM NUR MED, THE TSOM MI ZA'O ZHES BYA BA NI BDUD KYI LAS KYI DBANG DU MI 'GYUR BA DE YANG DON DAM PAR CHOS THAMS CAD STONG PA NYID DU RTOGS SHING, YANG DAG PA'I MTHA'I RANG BZHIN DU RO GCIG PAR KHONG DU CHUD PAR BDUD KYIS BSLUR MI TSUGS SHING RANG GI SA LA THE TSOM MED DO ZHES BSTAN PA STE, YANG DAG PA'I MTHA' LA SBYOR BAR BYED CES BYA BA CHOS THAMS CAD STONG PA NYID KYI RANG BZHIN DU RO GCIG PAR RTOGS PAS, BDUD KYI LAS KYI MTSAN MA THAMS CAD SBYONG NGO ZHES BYA BA'I DON TO, ,DE CI'I PHYIR ZHE NA, 'DI LTAR DE YANG DAG PA'I MTHA' LA NEM NUR MED PAS YANG DAG PA'I MTHA' LA GCIG GAM GNYIS SU YANG DAG PAR RJES SU MI MTHONG STE, DE LTAR SHES PAS DE TSE 'PHOS NAS KYANG, NYAN THOS DANG RANG SANGS RGYAS KYI SAR SEMS MI SKYED DE ZHES BYA BA NI BDUD KYI LAS RNAMS YANG DAG PA'I MTHA' LA SBYOR BA'I GTAN TSIGS BSTAN PA STE, DON DAM PAR CHOS THAMS CAD YANG DAG PA'I MTHA'I RANG BZHIN DU RTOGS NA BDUD DAM BDUD MA YIN PA'AM, PHYIR LDOG PA'AM, PHYIR MI LDOG PA'AM, BYANG CHUB SEMS DPA'I SA'AM, NYAN THOS DANG RANG SANGS RGYAS KYI SA'I MTSAN MA YANG DAG PAR @172B RJES SU MI MTHONG BAS, NYAN THOS DANG RANG SANGS RGYAS KYI SAR NAM YANG LDOG PAR MI 'GYUR RO ZHES BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR BYANG CHUB SEMS DPA' SEMS DPA' CHEN PO NI CHOS THAMS CAD RANG GI MTSAN NYID KYIS STONG PA LA, CHOS GANG YANG SKYE BA'AM, 'GAG PA'AM, KUN NAS NYON MONGS PA'AM, RNAM PAR BYANG BAR YANG DAG PAR RJES SU MI MTHONG NGO ZHES BYA BAS NI PHYIR MI LDOG PA'I BYANG CHUB SEMS DPA' TSE 'PHOS NAS KYANG, NYAN THOS DANG RANG SANGS RGYAS KYI SAR SEMS MI SKYED PA'I GTAN TSIGS BSTAN PA STE, DON DAM PAR CHOS THAMS CAD RANG GI MTSAN NYID KYIS STONG PAR RTOGS PA'I PHYIR TSE 'PHO ZHING SKYE BA DANG, NYON MONGS PA DANG RNAM PAR BYANG BA'I CHOS GANG YANG DNGOS PO YOD PAR MA MTHONG BAS, NYAN THOS DANG RANG SANGS RGYAS KYI SAR SLAR LDOG CING LTUNG BA MED DO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO DE TSE 'PHOS NAS KYANG 'DI SNYAM DU BDAG NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI 'GYUR RO SNYAM MI BYED DE, GDON MI ZA BAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO SNYAM SEMS SO ZHES BYA BAS PHYIR MI LDOG PA'I BYANG CHUB SEMS DPA' TSE SNGA PHYI DRAN ZHING BYANG CHUB KYI SEMS MI NYAMS PAS BLA NA MED PA YANG DAG PAR RDZOGS PA'I BYANG CHUB TU NGES PAR MNGON PAR 'TSANG RGYA BAR 'GYUR BA BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR BLA NA MED PA YANG DAG PAR RDZOGS PA'I BYANG CHUB NI RANG GI MTSAN NYID KYIS STONG NGO ZHES BYA BA NI BYANG CHUB SEMS DPA' DES CHOS THAMS CAD RANG GI MTSAN NYID KYIS STONG PAR RTOGS SHING, MI SKYE BA'I CHOS LA BZOD PA THOB STE, BLA NA MED PA YANG DAG PAR RDZOGS PA'I BYANG CHUB KYANG RANG GI MTSAN NYID KYIS STONG PAR RTOGS PA'I PHYIR, BLA NA MED PA YANG DAG PAR RDZOGS PA'I BYANG CHUB TU NGES PAR MNGON PAR RDZOGS PAR 'TSANG RGYA BAR 'GYUR ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO RANG GI SA LA DE LTAR GNAS PA NI, RANG GI SA LA THUB PA MED PA YIN TE ZHES BYA BAS NI DE LTAR BLA NA MED PA'I BYANG CHUB TU NGES PAR MNGON PAR 'TSANG RGYA BA STE, BDUD @173A *, ,DANG MU STEGS CAN LA SOGS PAS GZHAN DU BSGYUR MI NUS SO ZHES BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR PHYIR MI LDOG PA'I BYANG CHUB SEMS DPA' SEMS DPA' CHEN PO DE LTAR GNAS PA NI MI 'PHROGS PA'I YE SHES DANG LDAN PA YIN TE ZHES BYA BA NI RANG GI SA LA THUB PA MED PA'I GTAN TSIGS BSTAN PA STE, BYANG CHUB SEMS DPA' DE'I YE SHES CHOS THAMS CAD RANG GI MTSAN NYID KYIS STONG PAR RTOGS PA DE MI MTHUN PA'I PHYOGS KYIS ZIL GYIS MI NON CING MI 'PHROGS PA'I PHYIR RO ZHES BSTAN PA'O, ,RAB 'BYOR GAL TE PHYIR MI LDOG PA'I BYANG CHUB SEMS DPA' SEMS DPA' CHEN PO'I DRUNG DU BDUD SDIG TO CAN SANGS RGYAS KYI CHA BYAD DU NYE BAR 'ONGS NAS ZHES BYA BA NAS BLA NA MED PA YANG DAG PAR RDZOGS PA'I BYANG CHUB TU LUNG BSTAN TO ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' DE RANG GI SA LA THUB PA MED PA DANG, MI 'PHROGS PA'I YE SHES DANG LDAN PA'I DON DE NYID BDUD KYIS BSLUR MI TSUGS PA'I TSIG RNAMS KYIS GSAL BAR BSTAN PA'O, ,DE CI'I PHYIR ZHE NA, DE NI 'DI LTAR CHOS GANG DANG LDAN PAS BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR BA'I CHOS DE DAG BDAG LA YOD DO ZHES BYA BAR RIG PAR BYA'O ZHES BYA BAS NI BDUD KYIS BSLUR MI TSUGS PA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG PAR RTOGS SHING, KUN RDZOB TU YANG PHYIR MI LDOG PA'I BYANG CHUB SEMS DPA' YIN PAR MNGON PA'I RTAGS DANG MTSAN MA GONG DU BSHAD PA RNAMS BYANG CHUB SEMS DPA' DE LA YOD PA'I PHYIR BLA NA MED PA YANG DAG PAR RDZOGS PA'I BYANG CHUB TU NGES PAR LUNG BSTAN TO ZHES BYA BA'I DON TO, ,RAB 'BYOR GAL TE BDUD SDIG TO CAN NAM BDUD KYIS BYIN GYIS BRLABS PA'I SKYES BU ZHIG CES BYA BA NAS BYANG CHUB SEMS DPA' SEMS DPA' CHEN PO DE NI PHYIR MI LDOG PA'I SA LA GNAS PAR RIG PAR BYA'O ZHES BYA BA'I BAR GYIS KYANG PHYIR MI LDOG PA'I BYANG CHUB SEMS DPA' RANG GI SA LA THUB PA MED CING MI 'PHROGS PA'I YE SHES DANG LDAN PA'I DON DE NYID BDUD KYIS NYAN THOS DANG RANG SANGS RGYAS KYI SAR LUNG BSTAN PA DANG, THEG PA CHEN PO'I MDO SDE SUN PHYUNG BAS, @173B MI TSUGS PA'I TSIG RNAMS KYIS GSAL BAR BSTAN PA'O, ,DE CI'I PHYIR ZHE NA, GANG PHYIR MI LDOG PA'I BYANG CHUB SEMS DPA' SEMS DPA' CHEN PO RNAMS KYI RNAM PA DE DAG DANG, TSUL DE DAG DANG, MTSAN MA DE DAG NI DE LA YOD DO ZHES BYA BAS NI DE LTAR BDUD KYIS BSLUR MI TSUGS PA'I GTAN TSIGS BSTAN PA STE, BYANG CHUB SEMS DPA' DE LA PHYIR MI LDOG PA'I RTAGS DANG, MTSAN MA GONG DU BSHAD PA RNAMS YOD PAS, BDUD KYIS BSLUR MI TSUGS SO ZHES BYA BA'I DON TO, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA'I TSE, DAM PA'I CHOS YONGS SU GZUNG BA'I PHYIR BDAG KYANG YONGS SU GTONG LA, SROG YONGS SU CHAD PAR 'GYUR YANG SDOD CING YONGS SU MI GTONG NGO ZHES BYA BA NAS DE DAG GI DAM PA'I CHOS KYANG YONGS SU GZUNG BAR 'GYUR RO SNYAM MO ZHES BYA BA'I BAR GYIS NI DAM PA'I CHOS YONGS SU GZUNG BA'I PHYIR LUS DANG SROG KYANG MI PHANGS PAR BYED NA, PHYIR MI LDOG PA'I BYANG CHUB SEMS DPA' YIN PAR BSTAN PA'O, ,DE LA CHOS GANG GI DON DU BYANG CHUB SEMS DPA' SEMS DPA' CHEN PO BDAG YONGS SU GTONG ZHING, SROG YONGS SU CHAD PAR 'GYUR YANG SDOD PA'I CHOS DE DAG GANG ZHE NA ZHES BYA BA NAS RAB 'BYOR CHOS DE'I PHYIR BYANG CHUB SEMS DPA' SEMS DPA' CHEN PO BDAG YONGS SU GTONG ZHING, SROG YONGS SU CHAD PAR 'GYUR YANG MI GTONG NGO ZHES BYA BA'I BAR GYIS NI SROG GI PHYIR YANG DAM PA'I CHOS MI GTONG BA DE GANG YIN PA'I DMIGS PA BSTAN PA STE, SHES RAB KYI PHA ROL TU PHYIN PA LTA BUR DON ZAB MO, CHOS THAMS CAD STONG PAR STON PA, 'JIG RTEN THAMS CAD KYIS YID CHES PAR DKA' BA, MI BLUN PO RNAMS KYIS THOS NA, 'DI NI CHOS MA YIN, 'DUL BA MA YIN, SANGS RGYAS KYI BSTAN PA MA YIN NO ZHES, SKUR BA 'DEBS SHING DAN DU ZER BA DE LTA BU'I CHOS ZAB MO YONGS SU GZUNG BA'I PHYIR BYANG CHUB SEMS DPA' SROG DANG YANG BSNGO'O ZHES BSTAN PA'O, ,RAB 'BYOR DE LTAR BYANG CHUB SEMS DPA' SEMS DPA' CHEN POS 'DI LTAR BSLAB PAR BYA STE ZHES BYA BA NAS DON GYI DBANG 'DI MTHONG BAS DAM PA'I CHOS YONGS SU GZUNG BA'I PHYIR @174A *, ,BDAG KYANG YONGS SU GTONG LA, SROG YONGS SU CHAD PAR 'GYUR YANG SDOD PA YIN NO ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' DE NGES PAR BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR 'GYUR ZHING, CHOS DE YANG BDAG GI CHOS YIN PAR NGES PAR 'GYUR RO SNYAM NAS SROG GI PHYIR YANG DAM PA'I CHOS MI GTONG NA PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,RAB 'BYOR GZHAN YANG PHYIR MI LDOG PA'I BYANG CHUB SEMS DPA' SEMS DPA' CHEN PO NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS STON PA LA NEM NUR MED CES BYA BA NAS, DE CI'I PHYIR ZHE NA, DE NI 'DI LTAR GZUNGS RAB TU THOB PA'I PHYIR RO ZHES BYA BA'I BAR GYIS NI PHYIR MI LDOG PA'I BYANG CHUB SEMS DPA' DE BCOM LDAN 'DAS KYIS CHOS CI BSHAD PA RNAMS KYI DON DANG TSIG RNAMS SHES RAB KYIS RTOGS SHING, DRAN PAS MI BRJED PA'I GZUNGS THOB PA'I PHYIR DAM PA'I CHOS JI LTAR GZUNG BAR CHUD ZA BAR MI BYED PA'I YON TAN BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS YONGS SU 'DZIN PA'I GZUNGS RAB TU THOB PAS BYANG CHUB SEMS DPA' SEMS DPA' CHEN PO DE BZHIN GSHEGS PAS GSUNGS PA'I MDO RNAMS CHUD MI ZA'O ZHES BYA BA'I BAR GYIS NI, GZUNGS GANG DANG GANG RNAMS THOB PAS, DE BZHIN GSHEGS PA'I MDO RNAMS CHUD MI ZA BAR 'GYUR BA BSTAN PA STE, MI ZAD PA'I ZA MA TOG GI GZUNGS ZHES BYA BA NI BYANG CHUB SEMS DPA'I SHES RAB KYIS CHOS THAMS CAD LA THOGS PA MED PAR 'JUG CING, THE TSOM 'DRI BA DANG RTOGS PA GRANGS MED BYUNG YANG, LAN 'DEBS PA LA ZAD MI SHES PA DANG, DRAN PA RNAM PA MANG PO TSE RABS DU MAR YANG MI BRJED PA LA MI ZAD PA'I GZUNGS ZHES BYA STE, SHES RAB DANG DRAN PA DE GNYIS KYIS CHOS BSHAD DO COG GI DON DANG TSIG RNAMS GZUNGS SU BZUNG STE, SNOD BLUGS PA DANG 'DRA BAR MI ZAD PA'I ZA MA TOG CES BYA'O, ,ZA MA TOG CES BYA BA'I NI NOR BU RIN PO CHE LA SOGS PA RGYAN DANG, NOR RIN PO CHE GCES PA RNAMS GZHUG PA'I SNOD LA BYA'O, ,ZA MA TOG DE DANG 'DRA BAR BYANG CHUB SEMS DPA'I SHES RAB @174B DANG; DRAN PA GNYIS KYANG DAM PA'I CHOS RIN PO CHE RNAMS KYI SNOD DANG, GZUNGS ZAD MI SHES SHING CHUD MI ZA BA YIN PA'I PHYIR MI ZAD PA'I ZA MA TOG GI GZUNGS ZHES BYA'O, ,RGYA MTSO'I PHYAG RGYA ZHES BYA BA NI RGYA MTSO DANG 'DRA BAR RGYA MTSO'I PHYAG RGYA ZHES BYA STE, BYANG CHUB SEMS DPA'I SHES RAB DANG DRAN PA'I GZUNGS KYANG RGYA MTSO DANG 'DRA BAR ZAB CING GTING DPAG DKA' BA LA RGYA MTSO'I PHYAG RGYA ZHES BYA'O, ,PADMO RNAM PAR BKOD PA ZHES BYA BA NI, BYANG CHUB SEMS DPA'I SHES PA DANG 'DRA BA'I GZUNGS TE, SEMS CAN GYI DON DU THABS KYIS 'KHOR BA NA RNAM PA SNA TSOGS SU SPYOD CING GNAS KYANG, 'KHOR BA'I NYES PAS MI GOS PAR GNAS TE, PADMA CHU'I NANG NA GNAS KYANG, CHU'I NYES PA 'DAM GYIS MI GOS PA DANG 'DRA BA'I PHYIR, PADMO RNAM PAR BKOD PA ZHES BYA'O, ,YONGS SU 'DZIN PA'I GZUNGS ZHES BYA BA NI BYANG CHUB SEMS DPA'I SHES RAB DANG DRAN PA'I GZUNGS TE, DE BZHIN GSHEGS PAS GSUNGS PA'I MDO SDE ZAB CING RGYA CHE BA RNAM PA MANG PO YONGS SU 'DZIN PA'I PHYIR YONGS SU 'DZIN PA'I GZUNGS ZHES BYA STE, PHYIR MI LDOG PA'I BYANG CHUB SEMS DPAS GZUNGS DE LTA BU DAG THOB PA'I PHYIR, DE BZHIN GSHEGS PAS GSUNGS PA'I MDO RNAMS CHUD MI ZA BA'O ZHES BYA BA'I DON TO, , GSOL PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS GSUNGS PA 'BA' ZHIG CHAB MI 'TSAL DU BAS KYI NYAN THOS KYIS BSHAD PA MA LAGS SAM ZHES BYA BA LA SOGS PAS NI GONG DU SMOS PA'I GZUNGS DE DAG DANG LDAN NA BYANG CHUB SEMS DPA' DE SKAD BRDA DANG, SGRA THAMS CAD THAGS THOGS MED PAR SHES PAS, NYAN THOS DANG RANG SANGS RGYAS DANG, 'JIG RTEN GYI LHA DANG, KLU LA SOGS PAS BSHAD PA'I CHOS THAMS CAD KYANG CHUD MI ZA STE, RTAGS DANG TSUL DE DAG DANG LDAN NA PHYIR MI LDOG PA'I BYANG CHUB SEMS DPA' YIN PAR RIG PAR BYA BA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U BZHI BCU GCIG PA'O,, ,,DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS BCOM LDAN 'DAS PHYIR MI LDOG PA'I BYANG CHUB @175A *, ,SEMS DPA' SEMS DPA' CHEN PO NI BSKYOD DU MA MCHIS PA'I YON TAN DANG LDAN PA'O ZHES BYA BA'I BAR GYIS NI, GONG DU PHYIR MI LDOG PA'I BYANG CHUB SEMS DPA' RNAMS KYI YON TAN RNAM PA MANG PO BSTAN PAS RAB 'BYOR MGU STE DAD PA SKYES NAS PHYIR MI LDOG PA'I BYANG CHUB SEMS DPA' RNAMS KYI YON TAN DPAG TU MED PA DANG LDAN PAR RIG NAS YON TAN CHEN PO DANG LDAN PA DANG, YON TAN TSAD MED PA DANG, YON TAN GRANGS MED PA DANG, YON TAN DPAG TU MED PA DANG, YON TAN BSKYED DU MED PA DANG LDAN PA RNAMS SMOS NAS YON TAN CHEN PO DANG LDAN PA'I DON MDOR BSDUS TE GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN ZHES BYA BA LA SOGS PA NI PHYIR MI LDOG PA'I BYANG CHUB SEMS DPA' RNAMS KYI YON TAN CHE BA MDOR BSDUS PA'I DON RAB 'BYOR GYIS GSOL PA 'KHOR RNAMS YID CHES PAR BYA BA'I PHYIR BCOM LDAN 'DAS KYIS DE BDEN NO ZHES BKA' STZAL PA'O, ,DE CI'I PHYIR ZHE NA, DE NI 'DI LTAR DES NYAN THOS DANG RANG SANGS RGYAS THAMS CAD DANG, THUN MONG MA YIN PA'I YE SHES MTHA' YAS MU MED PA RAB TU THOB STE, YE SHES DE DAG LA GNAS SHING PHYIR MI LDOG PA'I BYANG CHUB SEMS DPA' SEMS DPA' CHEN PO SO SO YANG DAG PAR RIG PA MNGON PAR BSGRUBS PA GANG GIS LHA DANG MI DANG LHA MA YIN DU BCAS PA'I 'JIG RTEN GYIS DRIS KYANG LAN ZAD PAR MI NUS PA'I SO SO YANG DAG PAR RIG PA MNGON PAR BSGRUB BO ZHES BYA BAS NI PHYIR MI LDOG PA'I BYANG CHUB SEMS DPA' YON TAN CHEN PO DANG LDAN PA'I GTAN TSIGS BSTAN PA STE, PHYIR MI LDOG PA'I BYANG CHUB SEMS DPA' DES CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'I SHES SHES NYAN THOS DANG RANG SANGS RGYAS THAMS CAD LA MED PA DE LTA BU'I YE SHES THOB PAS, LHA DANG MI DANG LHA MA YIN DU BCAS PA'I 'JIG RTEN THAMS CAD KYIS CHOS DANG DON DANG NGES PA'I TSIG GANG DANG GANG DRIS PA DE DAG GI LAN GDAB PA LA SPOBS PA ZAD PAR MI 'GYUR BA THOB PA'I PHYIR YON TAN CHEN PO DANG LDAN NO ZHES BYA BA'I DON TO, ,RAB 'BYOR GYIS GSOL PA, BCOM LDAN 'DAS DE BZHIN GSHEGS PA @175B DGRA BCOM PA YANG DAG PAR RDZOGS PA'I SANGS RGYAS NI GANG G'A'I KLUNG GI BYE MA SNYED KYI BSKAL PAR YANG RNAM PA GANG DANG TSUL GANG DANG, MTSAN MA GANG GIS PHYIR MI LDOG PA'I BYANG CHUB SEMS DPA' SEMS DPA' CHEN POR BRJOD PA'I PHYIR MI LDOG PA'I BYANG CHUB SEMS DPA' SEMS DPA' CHEN PO'I RNAM PA DANG TSUL DANG MTSAN MA RNAMS STON PA'I MTHU MNGA' BA ZHES BYA BA NAS RNAM PA THAMS CAD MKHYEN PA NYID YONGS SU RDZOGS PAR BGYID PA'I GNAS ZAB MO ZAB MO RNAMS LEGS PAR BSHAD DU GSOL ZHES BYA BA'I BAR GYIS NI DE LTAR PHYIR MI LDOG PA'I BYANG CHUB SEMS DPA' RNAMS KYI YON TAN CHE BA GTAN CHE BA GTAN TSIGS DANG BCAS PAR BSTAN PA DANG, DE LTA BU'I YON TAN CHEN PO RNAM PAR BYANG BA'I CHOS THAMS CAD YONGS SU RDZOGS PAR 'GYUR BA YANG CHOS ZAB MO RNAMS RTOGS PAR 'GYUR NA, CHOS ZAB MO GANG DANG GANG RNAMS RTOGS NA, YON TAN DE LTA BU DAG DANG LDAN PAR 'GYUR BA'I CHOS ZAB MO RNAMS BSHAD PAR BCOM LDAN 'DAS LA RAB 'BYOR GYIS GSOL BA BTAB PAR BSTAN PA'O, ,BCOM LDAN 'DAS KYIS BKA' STZAL PA, RAB 'BYOR LEGS SO LEGS SO, ,RAB 'BYOR KHYOD DE LTAR PHYIR MI LDOG PA'I BYANG CHUB SEMS DPA' SEMS DPA' CHEN PO RNAMS KYI DON TU, DE BZHIN GSHEGS PA'I GNAS ZAB MO ZAB MO RNAMS DRI BAR SEMS PA LEGS SO LEGS SO ZHES BYA BAS NI RAB 'BYOR GYIS CHOS ZAB MOR BSHAD PAR GSOL PA, DON NI DMIGS SU PHEBS PAR 'KHOR RNAMS KYIS YID CHES PAR BYA BA'I PHYIR BSTOD PA'O, ,RAB 'BYOR ZAB MO ZHES BYA BA 'DI NI STONG PA NYID KYI TSIG BLA DAGS SO ZHES BYA BA NAS CHOS KYI DBYINGS KYI TSIG BLA DAGS SO ZHES BYA BA'I BAR GYIS NI ZAB MO'I DON BSTAN PA STE, STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU BYA BA MED PA DANG, 'DOD CHAGS DANG BRAL BA DANG, 'GOG PA DANG, MYA NGAN LAS 'DAS PA DANG ZHI BA DANG, DE BZHIN NYID DANG, YANG DAG PA'I MTHA' DANG, CHOS KYI DBYINGS ZHES BYA BA RNAMS NI STONG PA NYID KYI RNAM GRANGS TE, DE DAG NYAN THOS DANG RANGS SANGS RGYAS LA SOGS PA DMIGS PA CAN RNAMS KYI BLOS MI RTOGS PA'I PHYIR ZAB PA YIN PAR TSIG TU BTAGS SO ZHES BYA BA'I DON TO, ,RAB 'BYOR 'DI LTAR STE MYA NGAN LAS 'DAS PA'I TSIG BLA DAGS DE DAG @176A *, ,NI GNAS ZAB MO ZAB MO ZHES BYA BA DE DAG GO ZHES BYA BAS NI GONG DU SMOS PA'I TSIG RNAMS KYI DON MDOR BSDUS NAS BSTAN PA STE, MDOR NA CHOS THAMS CAD STONG PA NYID KYI RANG BZHIN DU RTOGS PA MI GNAS PA'I MYA NGAN LAS 'DAS PA'I RANG BZHIN NYAN THOS DANG RANG SANGS RGYAS LA SOGS PA'I SPYOD YUL MA YIN PA DE LA ZAB MO ZHES MING DU BTAGS TE BSTAN TO ZHES BYA BA'I DON TO, ,GSOL PA DE MYA NGAN LAS 'DAS PA'I TSIG BLA DAGS SU BAS KYI, CHOS THAMS CAD KYI TSIG BLA DAGS MA LAGS SAM ZHES BYA BA NI GZUGS LA SOGS PA'I CHOS THAMS CAD KYANG, DON DAM PAR DNGOS PO MED PA DE DAG GI CHOS NYID KYI RANG BZHIN YANG ZAB PAR BSTAN PA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR ZAB MO ZHES BYA BA NI CHOS THAMS CAD KYI TSIG BLA DAGS KYANG YIN NO ZHES BYA BA NAS RAB 'BYOR RNAM PA THAMS CAD MKHYEN PA NYID KYANG ZAB BO, ,BYANG CHUB KYANG ZAB BO ZHES BYA BA'I BAR GYIS NI GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD KYANG, DON DAM PAR JI LTAR SNANG ZHING GRAGS PA'I RANG BZHIN DU YOD PA MA YIN ZHING DE BZHIN NYID TZAM DU ZAD DE DMIGS PA RNAMS KYI SPYOD YUL MA YIN PA'I PHYIR MYA NGAN LAS 'DAS PA 'BA' ZHIG ZAB PAR MA ZAD KYI CHOS DE DAG THAMS CAD KYANG ZAB BO ZHES BSTAN PA'O, ,RAB 'BYOR JI LTAR NA GZUGS ZAB CES BYA BA NAS JI LTAR NA RNAM PA THAMS CAD MKHYEN PA NYID ZAB CE NA ZHES BYA BA'I BAR DU NI GZUGS LA SOGS PA'I CHOS THAMS CAD JI LTAR ZAB PA'I GLENG BSLANG BA'O, ,GZUGS KYI DE BZHIN NYID JI LTA BA DE BZHIN DU GZUGS ZAB PO ZHES BYA BA NAS, RNAM PA THAMS CAD MKHYEN PA NYID KYI JI LTA BA DE BZHIN DU RNAM PA THAMS CAD MKHYEN PA NYID ZAB BO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DE BZHIN NYID KYI RANG BZHIN TZAM DU ZAD DE, DE BZHIN NYID DE YANG MTSAN MA'I SGO NAS DMIGS SU MED DO, ,DMIGS PA CAN RNAMS KYI SPYOD YUL MA YIN PA'I PHYIR ZAB BO ZHES BSTAN PA'O, ,GSOL PA BCOM LDAN 'DAS GZUGS KYI DE BZHIN NYID NI JI LTA BU LAGS ZHES BYA BA NAS, BCOM LDAN 'DAS RNAM PA THAMS CAD MKHYEN PA NYID NI JI LTA BU LAGS @176B ZHES BYA BA'I BAR GYIS NI GZUGS LA SOGS PA'I DE BZHIN NYID JI LTA BU YIN PA ZHIB TU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, GZUGS KYI DE BZHIN NYID DE LA GZUGS KYANG MED, GZUGS LAS GUD NA YANG DE BZHIN NYID MED DE, GZUGS KYI DE BZHIN NYID NI DE LTA BU'O ZHES BYA BA NAS RAB 'BYOR BLA NA MED PA YANG DAG PAR RDZOGS PA'I BYANG CHUB KYI DE BZHIN NYID DE LA, BLA NA MED PA YANG DAG PAR RDZOGS PA'I BYANG CHUB KYANG MED, BLA NA MED PA YANG DAG PAR RDZOGS PA'I BYANG CHUB LAS GUD NA YANG DE BZHIN NYID MED DE BLA NA MED PA YANG DAG PAR RDZOGS PA'I BYANG CHUB NI DE LTA BU'O ZHES BYA BA'I BAR GYIS NI CHOS THAMS CAD KYI DE BZHIN NYID JI LTA BU YIN PA ZHIB TU BSTAN PA STE, DE BZHIN NYID CES BYA BA NI CHOS RNAMS KYI CHOS NYID STONG PA NYID KYI RANG BZHIN YIN PAS, GZUGS LA SOGS PA'I DNGOS POR YOD PA MA YIN, GZUGS LA SOGS PA LAS GZHAN PA'I DNGOS POR YANG YOD PA MA YIN NO ZHES BSTAN PA'O, ,GSOL PA BCOM LDAN 'DAS DE LTAR THABS MKHAS PAS PHYIR MI LDOG PA'I BYANG CHUB SEMS DPA' SEMS DPA' CHEN PO GZUGS LAS KYANG BZLOG, MYA NGAN LAS 'DAS PA YANG BSTAN ZHES BYA BA NAS SANGS RGYAS KYI CHOS MA 'DRES PA RNAMS LAS KYANG BZLOG, MYA NGAN LAS 'DAS PA YANG BSTAN, 'JIG RTEN PA DANG 'JIG RTEN LAS 'DAS PA DANG, THUN MONG DANG THUN MONG MA LAGS PA DANG, ZAG PA DANG BCAS PA DANG, ZAG PA MA MCHIS PA'I 'DZIN PA THAMS CAD LAS KYANG BZLOG, MYA NGAN LAS 'DAS PA YANG BSTAN PA DE NI NGO MTSAR CHE'O ZHES BYA BA'I BAR DU NI DE LTAR GONG DU BSHAD PA'I RIM PAS KUN BRTAGS PA'I GZUGS LA SOGS PA CHOS THAMS CAD DON DAM PAR DNGOS PO YOD PAR MA GRUB PAS, GZUGS LA SOGS PA ZAB BO ZHES BSTAN PA NI GZUGS LA SOGS PA LA MNGON PAR CHAGS PA LAS BZLOG PA'I PHYIR GZUGS LA SOGS PA LA BZLOG PA YIN LA DE LTAR GZUGS LA SOGS PA'I CHOS THAMS CAD DON DAM PAR DNGOS PO YOD PAR MA GRUB STE, STONG PA NYID KYI RANG BZHIN ZAB MO BSTAN PAS NI MYA NGAN LAS 'DAS PA BSTAN PA YIN TE, DE LTAR GZUGS LA SOGS PA ZAB BO ZHES BSTAN PA TZAM GYIS GZUGS LA SOGS PA LA MNGON PAR CHAGS PA LAS KYANG BZLOG, MYA NGAN @177A *, ,LAS 'DAS PA YANG BSTAN PA'I THABS MKHAS PA DE NI NYAN THOS DANG RANG SANGS RGYAS LA SOGS PA DMIGS PA CAN RNAMS KYI SPYOD YUL MA YIN PA BSTAN PA NGO MTSAR CHE'O ZHES BYA BA'I DON TO, ,'JIG RTEN PA DANG, 'JIG RTEN LAS 'DAS PA DANG, THUN MONG DANG, THUN MONG MA LAGS PA DANG, ZAG PA DANG BCAS PA DANG, ZAG PA MA MCHIS PA'I 'DZIN PA THAMS CAD LAS KYANG BZLOG CES BYA BA NI GZUGS LA SOGS PA SANGS RGYAS KYI CHOS MA 'DRES PA RNAMS LA THUG GI BAR GYI CHOS RNAMS LA MA GTOGS PA RNAMS BSDUS TE BSTAN PA STE GZUGS LA SOGS PA ZAB MO ZHES BSTAN PAS; 'JIG RTEN DANG 'JIG RTEN LAS 'DAS PA DANG, THUN MONG DANG THUN MONG MA YIN PA DANG, ZAG PA DANG BCAS PA DANG ZAG PA MED PA'I CHOS THAMS CAD LA MTSAN MAR 'DZIN CING, MNGON PAR CHAGS PA THAMS CAD LAS KYANG BZLOG PAR 'GYUR LA, MYA NGAN LAS 'DAS PAR YANG BSTAN PAR 'GYUR BA'I THABS MKHAS PA DE LTA BU BSHAD PA NGO MTSAR CHE'O ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA LAS JI SKAD BSTAN PA BZHIN DU BDAG GIS GNAS PAR BYA'O ZHES BYA BA NAS SHES RAB KYI PHA ROL TU PHYIN PA LA MA 'DRES PAR SPYOD CING BYANG CHUB YID LA BYA BA DANG LDAN PAR GNAS PA LTA CI SMOS ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA GNAS SHING BSLAB PAR SEMS PA BSOD NAMS CHE BA DANG, SGRIB PA BYANG BAR 'GYUR BA'I PHAN YON CHE BA BSTAN PA STE, SHES RAB KYI PHA ROL TU PHYIN PA LA MA 'DRES PAR SPYOD CING, BYANG CHUB YID LA BYA BA DANG LDAN PAR GNAS PA LTA CI SMOS ZHES BYA BA NI 'DU 'DZI'I NANG NA GNAS SHING SHES RAB KYI PHA ROL TU PHYIN PA LAS JI SKAD BSHAD PA BZHIN DU SPYOD PAR SEMS SHING RTZOL BA YANG PHAN YON DE LTAR CHE NA 'DU 'DZI SPANGS TE SU DANG YANG MA 'DRES PAR GCIG PU DBEN PAR 'DUG CING BSGOMS NA LTA SMOS KYANG CI DGOS ZHES BSTAN PA'O, ,RAB 'BYOR DE LTAR DE DPER NA SKYES BU 'DOD CHAGS KYI SPYOD PA CAN RTOG PA DANG LDAN PA LA LA ZHIG GIS ZHES BYA BA NAS BYANG CHUB SEMS DPA' SEMS DPA' CHEN PO 'KHOR BA SPANGS SHING RGYAB KYIS BLTAS PAR 'GYUR RO ZHES BYA BA'I BAR GYIS NI BYANG CHUB @177B SEMS DPA' SHES RAB KYI PHA ROL TU PHYIN PA LA SPYOD PA BSKAL PA MANG POR SGRIB PA BYANG ZHING 'KHOR BA LAS THAR BAR 'GYUR BA'I DPE SKYES PA BUD MED LA CHAGS PA'I RTOG PA MANG PO 'BYUNG BA LAS BLANGS TE BSTAN PA STE, SKYES PA BUD MED LA CHAGS PA NUB GCIG LA SEMS KYI RTOG PA MANG PO JI SNYED CIG 'BYUNG BA DE SNYED KYI BSKAL PAR BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I 'KHOR BA SPANGS PAR 'GYUR BA'I PHAN YON BSTAN PA'O, ,GANG SHES RAB KYI PHA ROL TU PHYIN PA ZAB MO JI SKAD DU BSTAN PA 'DI LA SLOB PA DANG ZHES BYA BA NAS GRANGS DANG CHA DANG BGRANG BA DANG DPE DANG RGYUR YANG NYE BAR MI 'GRO'O ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LAS JI SKAD BSTAN PA BZHIN DU SLOB CING NYAMS SU LEN PA DANG BLA NA MED PA'I BYANG CHUB LA SGRIB PA'I SKYON RNAMS SPONG BA PHAN YON CHE BAR BSTAN PA STE, DE LTAR SPYOD PA'I BYANG CHUB SEMS DPA' DES NYIN ZHAG GCIG LA DGE BA'I RTZA BA JI SNYED CIG BSAGS PA DE LA GZUGS SHIG YOD DU ZIN NA, GANG G'A'I KLUNG GI BYE MA SNYED KYI 'JIG RTEN GYI KHAMS KYANG YONGS SU GANG BAR GYUR KYANG DGE BA'I RTZA BA SNGA MA DE, DGE BA'I RTZA BA DE'I LHAG MA LA 'JIG RTEN GYI KHAMS YONGS SU GANG BAR GYUR PA'I DGE BA'I RTZA BA DES, BRGYA'I CHAR YANG MI CHOG PA NAS BYE BA KHRAG KHRIG BRGYA STONG GI CHAR YANG MI CHOG CING, GRANGS DANG CHA DANG BGRANG BA DANG DPE DANG RGYUR YANG BYAR MI RUNG BA TZAM DU DGE BA'I RTZA BA MANG DU 'PHEL BA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, BSKAL PA GANG G'A'I KLUNG GI BYE MA SNYED DU SANGS RGYAS DKON MCHOG DANG, CHOS DKON CHOG DANG, DGE 'DUN DKON MCHOG DANG, DKON MCHOG GSUM LA SBYIN PA BYIN NA ZHES BYA BA NAS, DE CI'I PHYIR ZHE NA, TSUL GANG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DE NI BYANG CHUB SEMS DPA' SEMS DPA' CHEN PO RNAMS KYI TSUL LO ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO JI SKAD DU BSTAN PA 'DI LA BRTZON PAR BYED PA BSOD NAMS CHE BA BSTAN PA STE, BSKAL PA'I GRANGS GANG G'A'I KLUNG GI BYE MA SNYED DU DKON MCHOG GSUM LA SBYIN PA BYIN PA NI ZANG ZING GI SBYIN PA'I 'BRAS @178A *, ,BU LONGS SPYOD CHEN PO THOB PA TZAM DU ZAD KYI, SHES RAB KYI PHA ROL TU PHYIN PA ZAB MO JI SKAD DU BSTAN PA 'DI LA BRTZON PAR BYAS NAS, BLA NA MED PA YANG DAG PAR RDZOGS PA'I BYANG CHUB THOB PAR 'GYUR BA'I PHYIR DE BSOD NAMS CHES MANG DU 'PHEL LO ZHES BSTAN PA'O, ,RAB 'BYOR DE JI SNYAM DU SEMS, BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA DANG BRAL BA, GANG G'A'I KLUNG GI BYE MA SNYED KYI BSKAL BAR 'DUG CING, RGYUN DU ZHUGS PA LA YON PHUL ZHES BYA BA NAS NYAN THOS DANG, RANG SANGS RGYAS KYI SA LAS 'DAS NA BYANG CHUB SEMS DPA'I SKYON MED PAR 'JUG CING BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR GYIS NI SHES RAB KYI PHA ROL TU PHYIN PA DANG MI LDAN PAR GANG G'A'I KLUNG GI BYE MA SNYED KYI BSKAL PAR RGYUN DU ZHUGS PA LA SOGS PA 'PHAGS PA'I GANG ZAG RNAMS LA SBYIN PA BYIN PA BAS SHES RAB KYI PHA ROL TU PHYIN PA ZAB MO JI SKAD BSTAN PA 'DI LA BRTZON PAR BYED PA BSOD NAMS CHE BAR BSTAN PA STE, 'PHAGS PA'I GANG ZAG RNAMS LA YON PHUL BA NI ZANG ZING GI SBYIN PA'I 'BRAS BU 'JIG RTEN PA'I LONGS SPYOD CHEN PO THOB PA TZAM DU ZAD KYI, SHES RAB KYI PHA ROL TU PHYIN PA 'DI LA BRTZON PAR BYAS NA NYAN THOS DANG RANG SANGS RGYAS KYI SA LAS 'DAS NAS BYANG CHUB SEMS DPA'I SA DANG PO LA ZHUGS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I PHYIR BSOD NAMS CHES MANG DU 'PHEL LO ZHES BSTAN PA'O, ,RAB 'BYOR DE JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BA ZHIG, BSKAL PA GANG G'A'I KLUNG GI BYE MA SNYED DU 'DUG CING 'TSO STE SBYIN PA BYIN NA ZHES BYA BA NAS BLA NA MED PA YANG DAG PAR RDZOGS PA'I BYANG CHUB KYI BAR MNGON PAR RDZOGS PAR 'TSANG RGYA'O ZHES BYA BA'I BAR GYIS KYANG SHES RAB KYI PHA ROL TU PHYIN PA ZAB MO 'DI DANG MI LDAN PAR BSKAL PA MANG POR SBYIN PA LA SOGS PAR BYAS PA PAS SHES RAB KYI PHA ROL TU PHYIN PA ZAB MO 'DI'I DON DANG MTHUN PAR NYIN ZHAG 'GA' ZHIG PHA ROL TU PHYIN PA DRUG SPYAD PA BSOD NAMS CHE BA BSTAN PA STE, SHES RAB KYI PHA ROL TU PHYIN PA DANG MI LDAN ZHING DMIGS @178B PA DANG BCAS PAR SBYIN PA LA SOGS PA BYAS NAS 'KHOR GSUM YONGS SU MA DAG PAS BLA NA MED PA'I BYANG CHUB KYI RGYUR MI 'GYUR GYI, SHES RAB KYI PHA ROL TU PHYIN PA DANG MA BRAL BAR PHA ROL TU PHYIN PA DRUG SPYAD NA SHES RAB KYI PHA ROL TU PHYIN PA NI SANGS RGYAS KYI CHOS THAMS CAD 'BYUNG BA DANG, YONGS SU RDZOGS PAR 'GYUR BA'I RGYU YIN TE, BLA NA MED PA YANG DAG PAR RDZOGS PA'I BYANG CHUB KYI BAR DU MNGON PAR RDZOGS PAR 'TSANG RGYA BAR 'GYUR BA'I PHYIR BSOD NAMS CHES MANG DU 'PHEL LO ZHES BSTAN PA'O, ,RAB 'BYOR DE JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BAS BSKAL PA GANG G'A'I KLUNG GI BYE MA SNYED DU GNAS TE, CHOS KYI SBYIN PA BYIN NA ZHES BYA BA NAS RAB 'BYOR DE BAS NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA DANG MA BRAL BAR BYA'O ZHES BYA BA'I BAR GYIS NI DMIGS PA DANG BCAS PAR CHOS KYI SBYIN PA BSKAL PA MANG POR BYAS PA PAS DMIGS PA MED CING 'KHOR GSUM YONGS SU DAG PAR NYIN ZHAG 'GA' ZHIG CHOS KYI SBYIN PA BYAS PA RNAM PA THAMS CAD MKHYEN PA NYID THOB PA'I RGYU YIN PA'I PHYIR BSOD NAMS CHES MANG DU 'PHEL LO ZHES BSTAN PA'O, ,RAB 'BYOR DE JI SNYAM DU SEMS, SHES RAB KYI PHA ROL TU PHYIN PA DANG BRAL BA'I BYANG CHUB SEMS DPA' SEMS DPA' CHEN POS BSKAL PA GANG G'A'I KLUNG GI BYE MA SNYED DU GNAS TE, DRAN PA NYE BAR GZHAG PA BZHI DANG ZHES BYA BA NAS RAB 'BYOR DE LTA BAS NA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA DANG MA BRAL BAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA'I DON DANG MI LDAN ZHING, DMIGS PA DANG BCAS PAR BSKAL PA MANG POR DRAN PA NYE BAR GZHAG PA BZHI LA SOGS PA RNAM PAR BYANG BA'I CHOS RNAMS LA BRTZON PAR BYAS PA PAS SHES RAB KYI PHA ROL TU PHYIN PA ZAB MO 'DI'I DON DANG MTHUN ZHING 'KHOR GSUM YONGS SU DAG PAR NYIN ZHAG 'GA' ZHIG DRAN PA NYE BAR GZHAG PA BZHI LA SOGS PA RNAM PAR BYANG BA'I CHOS RNAMS LA BRTZON PAR BYED PA CHES BSOD NAMS MANG DU 'PHEL BA BSTAN PA STE, SHES RAB KYI PHA ROL TU PHYIN PA DON DANG MI LDAN PAR @179A *, ,RNAM PAR BYANG BA'I CHOS RNAMS LA SPYOD PA NI RNAM PA THAMS CAD MKHYEN PA NYID LAS PHYIR MI LDOG PA SRID KYI, SHES RAB KYI PHA ROL TU PHYIN PA'I DON DANG MTHUN ZHING 'KHOR GSUM YONGS SU DAG PAR RNAM PAR BYANG BA'I CHOS RNAMS LA SPYOD PA NI NAM YANG RNAM PA THAMS CAD MKHYEN PA NYID LAS PHYIR LDOG PA MI SRID PA'I PHYIR BSOD NAMS CHES MANG DU 'PHEL LO ZHES BSTAN PA'O, ,RAB 'BYOR DE JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG BRAL BAS BSKAL PA GANG G'A'I KLUNG GI BYE MA SNYED DU GNAS TE, ZANG ZING GI SBYIN PA DE DANG, CHOS KYI SBYIN PA DE DANG ZHES BYA BA NAS RAB 'BYOR DE LTA BAS NA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA'I YONGS SU BSNGO BA LA MKHAS PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA DANG MI LDAN PAR ZANG ZING GI SBYIN PA DANG, CHOS KYI SBYIN PA BYAS PA'I BSOD NAMS DANG, BSAM GTAN BSGOMS PA'I BSOD NAMS DE DAG BSKAL PA MANG POR BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS PAS SHES RAB KYI PHA ROL TU PHYIN PA'I DON DANG MTHUN ZHING 'KHOR GSUM YONGS SU DAG PAR ZANG ZING GI SBYIN PA DANG, CHOS KYI SBYIN PA DANG BSAM GTAN BSGOMS PA NYID ZAG 'GA' ZHIG BYAS PA'I BSOD NAMS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS CHES MANG DU 'PHEL BA BSTAN PA'O, ,RAB 'BYOR DE JI SNYAM DU SEMS, RIGS KYI BU'AM RIGS KYI BU MO SHES RAB KYI PHA ROL TU PHYIN PA DANG BRAL BA GANG LA LAS ZHES BYA BA NAS SHES RAB KYI PHA ROL TU PHYIN PA'I YONGS SU BSNGO BA LA MKHAS PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA'I DON DANG MI LDAN ZHING DMIGS PA DANG BCAS PAR BSKAL PA MANG POR DUS GSUM GYI SANGS RGYAS BCOM LDAN 'DAS NYAN THOS KYI DGE 'DUN DANG BCAS PA'I DGE BA'I RTZA BA THAMS CAD LA RJES SU YI RANGS NAS DE LTAR RJES SU YI RANGS PA'I BSOD NAMS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS PAS SHES RAB KYI PHA ROL @179B TU PHYIN PA ZAB MO 'DI LAS JI SKAD BSTAN PA'I DON DANG MTHUN PAR BYAS TE, NYIN ZHAG GCIG GI DGE BA'I RTZA BA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA BSOD NAMS CHES MANG DU 'PHEL BA BSTAN PA STE, BSNGO BA THAMS CAD KYI SNGON DU 'GRO BA ZHES BYA BA NI, NYAN THOS DANG RANG SANGS RGYAS LA SOGS PA DMIGS PA CAN RNAMS KYI BSOD NAMS YONGS SU BSNGO BA THAMS CAD PAS SHES RAB KYI PHA ROL TU PHYIN PA'I DON DANG LDAN ZHING, 'KHOR GSUM YONGS SU DAG PA'I BSNGO BA MCHOG YIN NO ZHES BYA BA'I DON TO, ,GSOL PA BCOM LDAN 'DAS MNGON PAR 'DU BGYIS PA MA MCHIS PA NI, YONGS SU BRTAG PA'O ZHES BCOM LDAN 'DAS KYIS BKA' STZAL PA, DE LA JI LTAR RIGS KYI BU'AM RIGS KYI BU MO DE'I BSOD NAMS CHES MANG DU 'GYUR BA LAGS ZHES BYA BA NI GONG DU BCOM LDAN 'DAS KYIS SHES RAB KYI PHA ROL TU PHYIN PA DANG MA BRAL BAR BYANG CHUB SEMS DPA'I SPYOD PA SPYAD PA BSOD NAMS MANG DU 'PHEL BAR BSHAD PA SHES RAB KYI PHA ROL TU PHYIN PA DANG MA BRAL BA NI, 'KHOR GSUM YONGS SU DAG PA YIN PAS CI LA YANG MI DMIGS TE, STONG PA NYID KYI MTSAN NYID YIN, BSOD NAMS MANG DU 'PHEL BA'I RGYU DANG RKYEN GYIS 'GYUR BA YIN PAS KUN BRTAGS PA YIN PAS 'KHOR GSUM YONGS SU DAG PA'I RANG BZHIN LAS, RGYU DANG RKYEN GYIS BSKYED PA'I BSOD NAMS JI LTAR 'PHEL BAR 'GYUR ZHES RAB 'BYOR GYIS GAL GZUNG STE ZHUS PA'O, ,BCOM LDAN 'DAS MNGON PAR 'DU BGYI BA MA MCHIS PA NI YANG DAG PAR LTA BA BSKYED PA'AM, SKYON MA MCHIS PAR YANG DAG PAR 'JUG PAR MI NUS SO ZHES BYA BA NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR YANG MI NUS SO ZHES BYA BA'I BAR GYIS KYANG, GONG DU SMOS PA'I GAL BZUNG BA DE NI ZHIB TU BSHAD DE GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE ZHES BYA BA NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI NUS TE ZHES BYA BA'I BAR GYIS NI RAB 'BYOR GYIS GAL BZUNG BA DE RIGS PAR GAL BZUNG STE ZHUS PA BSTAN PA'O, ,RAB 'BYOR DE LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD @180A *, ,PA'I SBYIN PA DE YANG MNGON PAR 'DU BYA BA MED PA STE STONG PA NYID DU SNANG NGO ZHES BYA BA NAS DNGOS PO MED PA'I NGO BO NYID STONG PA NYID LA SHIN TU BSLABS PA'O ZHES BYA BA'I BAR GYIS NI RAB 'BYOR GYIS GAL BZUNG STE ZHUS PA'I LAN BTAB PA STE, SHES RAB KYI PHA ROL TU PHYIN PA DANG MA BRAL BAS STONG PA NYID BCO BRGYAD KYI DON SHIN TU BSLABS PAR 'GYUR BA'I PHYIR SBYIN PA LA SOGS PA SPYAD DO COG KYANG 'KHOR GSUM YONGS SU DAG PAS CI YANG MI DMIGS TE, STONG PA NYID DANG GSOG DANG, GSOB DANG, SNYING PO MED PAR MTHONG BAR 'GYUR BAS DON DAM PAR BSOD NAMS 'PHEL BAR 'GYUR BA'AM, YANG DAG PAR LTA BA SKYED PA LA SOGS PA GANG GIS BYA BA YANG MED DO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO DE NI STONG PA NYID DE DAG LA GNAS SHING ZHES BYA BA NAS, DE LTA DE LTAR GRANGS MED DPAG TU MED TSAD MED PA'I BSOD NAMS 'PHEL BAR 'GYUR RO ZHES BYA BA'I BAR GYIS NI DE LTAR DON DAM PAR 'KHOR GSUM YONGS SU DAG PAS CI YANG MNGON PAR 'DU BYA BA MED DU ZIN KYANG, SHES RAB KYI PHA ROL TU PHYIN PA DANG MA BRAL BAS CHOS KYI DBYINGS KYI BYIN GYI RLABS DANG, SNGON GYI SMON LAM GYI SHUGS KYIS RNAM PAR RTOG PA DANG, RNAM PAR DPYOD PA MED PAR YANG LHUN GYIS GRUB PA NYID DU BSOD NAMS KYI TSOGS TSAD MED GRANGS MED DPAG TU MED PA MI 'PHEL PA YANG MA YIN NO ZHES BSTAN PA'O, ,GSOL BA BCOM LDAN 'DAS GRANGS MA MCHIS PA DANG DPAG TU MA MCHIS PA DANG, TSAD MA MCHIS PA LA BYED BRAG NI CI MCHIS, KHYAD PAR NI CI MCHIS ZHES BYA BA NI DON DAM PAR CHOS THAMS CAD DNGOS PO MED PAR GRANGS DANG DPAG PA DANG, TSAD KYIS THOG TU PHEBS PAR BYAR MI RUNG BA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GRANGS MED PA ZHES BYA BA NI GANG 'DUS BYAS KYI KHAMS SAM 'DUS MA BYAS KYI KHAMS SU BGRANG BAR YANG NYE BAR MI 'GRO'O ZHES BYA BA NI DON DAM PAR CHOS THAMS CAD RANG BZHIN GYIS STONG PAS, 'DI DAG NI 'DUS BYAS KYI GRANGS SU RTZI'O, ,'DI DAG NI 'DUS MA BYAS KYI GRANGS SU RTZI'O ZHES BYA BAR TSIG GIS BGRANG ZHING NGES PAR THOG TU MI PHEBS SO ZHES BYA BA'I DON TO, ,RAB 'BYOR DPAG TU MED PA ZHES BYA BA NI 'DAS @180B PA DANG MA 'ONGS PA DANG, DA LTAR BYUNG BA'I CHOS RNAMS LA TSAD MI DMIGS SO ZHES BYA BA NI DON DAM PAR CHOS THAMS CAD RANG BZHIN GYIS STONG PAS DUS GSUM GYI CHOS RNAMS KYI RANG BZHIN 'DI 'DRA BA'O ZHES YE SHES KYIS DPAG TU MED DO ZHES BSTAN PA'O, ,RAB 'BYOR TSAD MED PA ZHES BYA BA NI GANG LA GZHAL BAR MI NUS PA'O ZHES BYA BA NI CHOS THAMS CAD RANG BZHIN GYIS STONG PAS SRANG GRANGS LA SOGS PAS GZHAL BAS THOG TU DBAB TU MED DO ZHES BYA BA'I DON TO, ,GSOL PA, BCOM LDAN 'DAS RNAM GRANGS GANG GIS GZUGS KYANG GRANGS MA MCHIS, DPAG TU MA MCHIS, TSAD MA MCHIS PAR 'GYUR BA DE LTA BU'I RNAM GRANGS MCHIS SAM ZHES BYA BA NAS RNAM PAR SHES PA YANG GRANGS MA MCHIS DPAG TU MA MCHIS TSAD MA MCHIS PAR 'GYUR BA'I RNAM GRANGS DE LTA BU MCHIS SAM ZHES BYA BA'I BAR GYIS NI BSOD NAMS 'PHEL BA LA GRANGS DANG, DPAG PA DANG, TSAD MED PA BZHIN DU PHUNG PO LNGA YANG DON DAM PAR DNGOS PO YOD PA MA YIN PAS, GRANGS DANG, DPAG PA DANG, TSAD MED PAR BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR RNAM GRANGS GANG GIS ZHES BYA BA NAS RNAM PAR SHES PA YANG GRANGS MED DPAG TU MED, TSAD MED PAR 'GYUR BA'I RNAM GRANGS DE LTA BU YOD DO ZHES BYA BA'I BAR GYIS NI CHOS THAMS CAD RANG BZHIN GYIS STONG PA LA DGONGS NAS PHUNG PO LNGA RNAM GRANGS DANG DPAG PA DANG TSAD MED PA DE LTA BU'I RNAM GRANGS YOD DO ZHES BKA' STZAL PA'O, ,GSOL PA BCOM LDAN 'DAS RNAM GRANGS GANG GIS NA, GZUGS KYANG GRANGS MA MCHIS DPAG TU MA MCHIS TSAD MA MCHIS PAR 'GYUR BA LAGS ZHES BYA BA NAS RNAM PAR SHES PA YANG GRANGS MA MCHIS, DPAG TU MA MCHIS TSAD MA MCHIS PAR 'GYUR BA LAGS ZHES BYA BA'I BAR GYIS NI GZUGS LA SOGS PA'I PHUNG PO LNGA RNAMS RANG BZHIN GYIS STONG PAS GRANGS DANG DPAG PA DANG TSAD MED PA'I DON ZHIB TU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS KYANG STONG PA STE, GRANGS MED DPAG TU MED TSAD MED PA'O ZHES BYA BA NAS RNAM PAR SHES PA YANG STONG PA STE, GRANGS MED DPAG TU MED TSAD MED PA'O ZHES BYA BA'I BAR GYIS NI @181A *, ,GZUGS LA SOGS PA'I PHUNG PO LNGA LA GRANGS DANG DPAG PA DANG TSAD MED PA YANG PHUNG PO LNGA CHAR RANG BZHIN GYIS STONG PA'I PHYIR GRANGS DANG DPAG PA DANG TSAD MED DO ZHES BSTAN PA'O, ,GSOL PA BCOM LDAN 'DAS GZUGS 'BA' ZHIG STONG ZHES BYA BA NAS RNAM PAR SHES PA 'BA' ZHIG STONG DU BAS KYI, CI CHOS THAMS CAD STONG PA MA LAGS SAM ZHES BYA BAS NI CHOS THAMS CAD STONG PA NYID DU BSHAD PA'I GLENG BSLANG BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS NGAS CHOS THAMS CAD STONG PA'O ZHES MA BSHAD DAM ZHES BYA BAS NI JI LTAR PHUNG PO LNGA STONG PA BZHIN DU CHOS THAMS CAD KYANG STONG NGO ZHES NGAS BSHAD DO ZHES BYA BA'I DON TO, ,GSOL PA BCOM LDAN 'DAS DE BZHIN GSHEGS PAS CHOS THAMS CAD STONG PA'O ZHES GSUNGS TE ZHES BYA BA NAS BCOM LDAN 'DAS DE BAS NA CHOS DE DAG LAS DON DAM PAR YI GE THA DANG DU BGYI BA MI DMIGS SO ZHES BYA BA'I BAR GYIS NI CHOS THAMS CAD RANG BZHIN GYIS STONG PAS, DON DANG TSIG TU GRANGS DANG TSAD KYIS BYE BRAG DU DBYER MED DO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, CHOS DE DAG LA DON NAM YI GE THA DAD DU MI DMIGS SO ZHES BYA BAS NI, RAB 'BYOR GYIS GSOL PA'I DON DE DAG 'KHOR THAMS CAD KYIS YID CHES PAR BYA BA'I PHYIR DE BDEN NO ZHES BKA' STZAL PA'O, ,RAB 'BYOR MI ZAD PA ZHES BYA BA'AM ZHES BYA BA NAS MYA NGAN LAS 'DAS PA ZHES BYA BA 'DI NI BRJOD DU MED PA LAS DE BZHIN GSHEGS PAS BRJOD DE ZHES BYA BA'I BAR GYIS NI MI ZAD PA DANG TSAD MED PA LA SOGS PA STONG PA NYID KYI RNAM GRANGS RNAMS DON DAM PAR BRJOD DU MED PA YIN YANG, DE BZHIN GSHEGS PA'I THUGS RJE CHEN POS SEMS CAN RNAMS BKRI ZHING DRANG BA'I PHYIR MI ZAD PA DANG, TSAD MED PA DANG, STONG PA DANG, MTSAN MA MED PA DANG, SMON PA MED PA DANG, MNGON PAR 'DU BYA BA MED PA DANG, SKYE BA MED PA DANG, 'DOD CHAGS DANG BRAL BA ZHES BYA BA DANG, 'GAG PA MED PA ZHES BYA BA MYA NGAN LAS 'DAS PA ZHES PAR KUN RDZOB KYI BDEN PA LA GNAS TE BRJOD DO ZHES BSTAN PA MI ZAD PA ZHES BYA BA'AM ZHES BYA BA NAS MYA NGAN LAS 'DAS PA ZHES BYA BA DE @181B NI DE BZHIN GSHEGS PA'I BSTAN PA MNGON PAR BSGRUBS PAR BSHAD PA'O ZHES BYA BA'I BAR GYIS NI GONG DU BSHAD PA'I DON DE NYID ZHIB TU BSTAN PA STE, SEMS CAN RNAMS DON DAM PA'I DBYINGS LA GZUD PA'I PHYIR DE BZHIN GSHEGS PAS KUN RDZOB TU MI ZAD PA LA SOGS PA'I MING GIS SGRO BTAGS TE BSHAD DO ZHES BYA BA'I DON TO, ,GSOL PA BCOM LDAN 'DAS CHOS RNAMS KYI CHOS NYID DE BZHIN GSHEGS PAS BSTAN LA, CHOS NYID DE YANG BRJOD DU MA MCHIS PA NI NGO MTSAR CHE'O ZHES BYA BA NI DE LTAR DON DAM PAR CHOS THAMS CAD RANG BZHIN GYIS STONG STE, DNGOS PO MED KYANG KUN RDZOB TU THABS MKHAS PAS SEMS CAN BKRI BA'I PHYIR MING DANG MTSAN MAR SGRO BTAGS TE BSTAN PA BCOM LDAN 'DAS LA RAB 'BYOR GYIS BSTOD PA'O, ,BCOM LDAN 'DAS KYIS GSUNGS PA'I DON BDAG GIS 'TSAL BA LTAR NA, BCOM LDAN 'DAS CHOS THAMS CAD NI BRJOD DU MA MCHIS PA'O ZHES BYA BA NI GONG DU SMOS PA'I DON DE NYID MDOR BSDUS NAS BSTAN PA STE, DON DAM PAR CHOS THAMS CAD RANG BZHIN GYIS STONG PAS MING DANG TSIG GIS BRJOD DU MED DO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RAB 'BYOR CHOS THAMS CAD NI BRJOD DU MED PA'O ZHES BYA BA NI RAB 'BYOR GYIS GSOL PA'I DON DE 'KHOR RNAMS KYIS YID CHES PAR BYA BA'I PHYIR DE DE BZHIN NO ZHES BKA' STZAL PA'O, ,RAB 'BYOR CHOS THAMS CAD BRJOD DU MED PA GANG YIN PA DE NI STONG PA NYID DE, STONG PA NYID LA NI BRJOD PA GANG YANG MED DO ZHES BYA BA NI DON DAM PAR CHOS THAMS CAD RANG BZHIN GYIS STONG PA LA, MING DANG TSIG GIS BSTAN DU MED DO ZHES BYA BA'I DON TO, ,STONG PA NYID NI BRJOD PAR BYA MI NUS SO ZHES BYA BA NI STONG PA NYID LA BRJOD DU MED PA'I DON DE NYID BRNAN TE BSTAN PA'O, ,GSOL PA BCOM LDAN 'DAS BRJOD DU MA MCHIS PA'I DON LA 'PHEL BA DANG YONGS SU 'GRIB PA MA MCHIS SAM ZHES BYA BA NI DON DAM PAR CHOS THAMS CAD RANG BZHIN GYIS STONG PA LA 'PHEL BA'AM 'GRIB PA MED PA'I DON ZHIB TU BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN TE RAB 'BYOR BRJOD DU MED PA'I DON LA NI 'PHEL BA'AM YONGS SU 'GRIB PA MED DO ZHES BYA BAS @182A *, ,NI BRJOD DU MED PA ZHES BYA BA STONG PA NYID LA BYA BA STE, STONG PA NYID LA NI RNAM PAR BYANG BA'I PHYOGS SU GTOGS PA'I CHOS RNAMS KYIS 'PHEL BAR 'GYUR BA'AM, NYON MONGS PA'I PHYOGS SU GTOGS PA'I CHOS RNAMS KYIS 'GRIB PAR 'GYUR BA YANG MED DO ZHES MDOR BSTAN PA'O, , GSOL PA BCOM LDAN 'DAS GAL TE BRJOD DU MA MCHIS PA'I DON LA 'PHEL BA DANG YONGS SU 'GRIB PA MA MCHIS NA, BCOM LDAN 'DAS DES SBYIN PA'I PHA ROL TU PHYIN PA YANG 'PHEL BA DANG YONGS SU 'GRIB PA MA MCHIS PAR 'GYUR RO ZHES BYA BA NAS BCOM LDAN 'DAS SANGS RGYAS KYI CHOS MA 'DRES PA RNAMS KYANG 'PHEL BA DANG YONGS SU 'GRIB PA MA MCHIS PAR 'GYUR RO ZHES BYA BA'I BAR GYIS NI DE LTAR CHOS THAMS CAD RANG BZHIN GYIS STONG ZHING BRJOD DU MED PA LA 'PHEL BA DANG 'GRIB PA MED NA, PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD LA YANG 'PHEL BA DANG 'GRIB PA MED PAR 'GYUR RO ZHES RAB 'BYOR GYIS GAL BZUNG STE GSOL PA'O, ,BCOM LDAN 'DAS DE LTAR GYUR NA SBYIN PA'I PHA ROL TU PHYIN PA MA MCHIS PAR 'GYUR RO ZHES BYA BA NAS BCOM LDAN 'DAS DE LTAR GYUR NA SANGS RGYAS KYI CHOS MA 'DRES PA RNAMS MA MCHIS PAR 'GYUR RO ZHES BYA BA'I BAR GYIS NI DE LTAR CHOS THAMS CAD RANG BZHIN GYIS STONG ZHING BRJOD DU YANG MED LA, 'PHEL BA DANG 'GRIB PA YANG MED PAR 'GYUR NA, PHA ROL TU PHYIN PA DRUG LA SOGS PA RNAM PAR BYANG BA'I CHOS THAMS CAD KYANG MED PAR 'GYUR RO ZHES RAB 'BYOR GYIS GSOL PA'O, ,CHOS DE DAG MA MCHIS NA RNAM PA THAMS CAD MKHYEN PA NYID KYANG MA MCHIS PAR 'GYUR RO, , RNAM PA THAMS CAD MKHYEN PA NYID MA MCHIS NA SU ZHIG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR ZHES BYA BA NI DE LTAR PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS MED NA, CHOS DE RNAMS KYI 'BRAS BU RNAM PA THAMS CAD MKHYEN PA NYID KYANG MED PAR 'GYUR TE, DE LTAR GYUR NA SU YANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI 'GYUR BA'I SKYON DU 'GYUR RO ZHES RAB 'BYOR GYIS GSOL PA'O, ,RAB 'BYOR GYIS DE LTAR GAL BZUNG STE GSOL PA YANG 'KHOR RNAMS DE LTA BU'I THE TSOM SKYE BA BSAL @182B BA DANG, DON DAM PAR CHOS THAMS CAD RANG BZHIN GYIS STONG ZHING BRJOD DU MED KYANG KUN RDZOB TU THABS MKHAS PAS SPYAD CING YONGS SU BSNGOS NA 'BRAS BU MED PAR MI 'GYUR BA'I DON ZHIB TU BSHAD PA'I SKABS DBYE BA'I PHYIR RO, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, BRJOD DU MED PA'I DON LA NI 'PHEL BA'AM, YONGS SU 'GRIB PA MED DO ZHES BYA BA NI RAB 'BYOR GYIS GONG DU GAL BZUNG STE GSOL PA DE 'KHOR RNAMS KYIS YID CHES PAR BYA BA'I PHYIR DE BDEN NO ZHES BKA' STZAL PA'O, ,RAB 'BYOR GAL TE THABS MKHAS PA'I BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA DANG ZHES BYA BA NAS DE YANG BLA NA MED PA YANG DAG PAR RDZOGS PA'I BYANG CHUB TU JI LTA BA BZHIN DU YONGS SU BSNGO'O ZHES BYA BA'I BAR GYIS NI DE LTAR GONG DU BSHAD PA'I TSUL GYIS DON DAM PAR CHOS THAMS CAD RANG BZHIN GYIS STONG STE, BRJOD DU MED KYANG KUN RDZOB TU THABS MKHAS PAS SHES RAB KYI PHA ROL TU PHYIN PA LA SPYOD PA'I TSE, PHA ROL TU PHYIN PA DRUG KYANG DON DAM PAR DNGOS PO MED PAS 'DI DAG NI MING TZAM DU ZAD DO ZHES BYA BAR KHONG DU CHUD PAS PHA ROL TU PHYIN PA DRUG GIS RNAM PAR 'PHEL BAR 'GYUR BA'I RLOM SEMS KYANG MI SKYE LA, KUN RDZOB TU THABS MKHAS PAS DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSTAN PA'O, ,DE YANG BLA NA MED PA YANG DAG PAR RDZOGS PA'I BYANG CHUB JI LTA BA DE BZHIN DU YONGS SU BSNGO BA'O ZHES BYA BA NI BSNGO BA YONGS SU DAG PAR BSTAN PA STE, DNGOS POR DMIGS SHING MNGON PAR CHAGS PA MED PAR YONGS SU BSNGO'O ZHES BYA BA'I DON TO, ,GSOL PA BCOM LDAN 'DAS BLA NA MED PA YANG DAG PAR RDZOGS PA'I BYANG CHUB JI LTA BU LAGS ZHES BYA BA NI CHOS THAMS CAD DE BZHIN NYID DANG, BLA NA MED PA'I BYANG CHUB GNYIS DON DAM PA'I RANG BZHIN GYIS THA MI DAD DE, GCIG PAR BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR CHOS THAMS CAD KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB BO ZHES BYA BA NI CHOS THAMS CAD KYI RANG BZHIN STONG PA NYID @183A *, ,GANG YIN PA RTOGS PA DE NYID BLA NA MED PA YANG DAG PAR RDZOGS PA'I BYANG CHUB YIN GYI, DE LA GUD NA BLA NA MED PA YANG DAG PAR RDZOGS PA'I BYANG CHUB MED DO ZHES BSTAN PA'O, ,GSOL PA BCOM LDAN 'DAS CHOS THAMS CAD PO GANG RNAMS KYI DE BZHIN NYID BLA NA MED PA YANG DAG PAR RDZOGS PA'I BYANG CHUB LAGS ZHES BYA BA NI GONG DU CHOS THAMS CAD KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB BO ZHES MDOR BSHAD PA CHOS THAMS CAD CES BYA BA GANG DANG GANG YIN PA 'KHOR RNAMS LA ZHIB TU BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB BO ZHES BYA BA NAS RNAM PA THAMS CAD MKHYEN PA NYID KYI DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB BO, ,MYA NGAN LAS 'DAS PA'I DE BZHIN NYID GANG YIN PA DE BLA NA MED PA YANG DAG PAR RDZOGS PA'I BYANG CHUB STE ZHES BYA BA'I BAR GYIS NI CHOS THAMS CAD CES BYA BA GANG DANG GANG YIN PA GZUGS LA SOGS PA RNAM PA THAMS CAD MKHYEN PA NYID DANG, MYA NGAN LAS 'DAS PA LA THUG GI BAR GYI CHOS RNAMS RE RE NAS SMOS TE, CHOS DE DAG THAMS CAD KYI RANG BZHIN STONG PA NYID DE BZHIN NYID GANG YIN PA DE NYID BLA NA MED PA YANG DAG PAR RDZOGS PA'I BYANG CHUB YIN GYI, DE LAS GUD NA BLA NA MED PA YANG DAG PAR RDZOGS PA'I BYANG CHUB CES BYA BA'I DNGOS PO GANG YANG MED DO ZHES BSTAN PA'O, ,DE NI 'PHEL BA YANG MED DO YONGS SU 'GRIB PA YANG MED DO ZHES BYA BA NI DE LTAR CHOS THAMS CAD KYI DE BZHIN NYID DANG, THA MI DAD PA'I BLA NA MED PA YANG DAG PAR RDZOGS PA'I BYANG CHUB DE NI RANG BZHIN GYIS YONGS SU DAG CING MI 'GYUR BAR YONGS SU GRUB PA YIN PAS RNAM PAR BYANG BA'I PHYOGS KYIS RGYAS PAR 'GYUR BA'AM, NYON MONGS PA'I PHYOGS KYIS NYAMS PAR 'GYUR BA MED DO ZHES BYA BA'I DON TO; ,RAB 'BYOR DE LA NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA DANG MA BRAL BA RGYUN MI 'CHAD PAR RTAG TU RNAM PAR SPYOD DE, CHOS GANG LA YANG 'PHEL BA'AM YONGS SU 'GRIB PAR YANG DAG PAR RJES SU MI MTHONG NGO ZHES BYA BA NI BYANG CHUB SEMS DPA' THABS MKHAS PA @183B SHES RAB KYI PHA ROL TU PHYIN PA DON DANG MTHUN PAR SPYOD PA NI CHOS THAMS CAD KYI DE BZHIN NYID DANG THA MI DAD PA'I BLA NA MED PA YANG DAG PAR RDZOGS PA'I BYANG CHUB DE LA RTAG TU RGYUN MI 'CHAD PAR SPYOD CING GNAS PAS, CHOS GANG LA YANG 'PHEL BA DANG 'GRIB PA YOD PAR MI LTA'O ZHES BYA BA'I DON TO, ,RAB 'BYOR DE LTAR NA BRJOD DU MED PA'I DON NI 'PHEL BA MED CING YONGS SU 'GRIB PA MED PA STE ZHES BYA BA NAS, SANGS RGYAS KYI CHOS MA 'DRES PA RNAMS LA 'PHEL BA YANG MED DO, ,YONGS SU 'GRIB PA YANG MED DO, ,RAB 'BYOR DE LTAR BYANG CHUB SEMS DPA' SEMS DPA' CHEN POS 'PHEL BA MED PA DANG, YONGS SU 'GRIB PA MED PA'I TSUL GYIS SHES RAB KYI PHA ROL TU PHYIN PA LA SPYAD PAR BYA'O ZHES BYA BA'I BAR GYIS NI BRJOD DU MED PA'I DON LA 'PHEL BA DANG 'GRIB PA MED PA BSHAD PA'I DON MJUG BSDUS TE BSTAN NAS, DE LTAR CHOS THAMS CAD RANG BZHIN GYIS STONG STE, BRJOD DU MED PAS 'PHEL BA MED PA DANG, YONGS SU 'GRIB PA MED PA'I TSUL GYIS SHES RAB KYI PHA ROL TU PHYIN PA LA SPYAD NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES RAB 'BYOR LA RJES SU GDAMS TE BSTAN PA'O, ,GSOL PA BCOM LDAN 'DAS CI LAGS, SEMS DANG PO BSKYED PAS BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'AM ZHES BYA BA LA SOGS PAS NI GANG DU SHES RAB KYI PHA ROL TU PHYIN PA DANG MA BRAL ZHING THABS MKHAS PAS YONGS SU BSNGOS NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSTAN PA'I SKABS NAS BLA NA MED PA YANG DAG PAR RDZOGS PA'I BYANG CHUB TU THABS JI LTAR MNGON PAR RDZOGS PAR 'TSANG RGYA BAR 'GYUR BA ZHUS PA STE, SEMS BSKYED PA GANG GIS MNGON PAR RDZOGS PAR 'TSANG RGYA BAR ZHUS KYANG 'KHOR RNAMS LA RTEN CING 'BREL BAR 'BYUNG BA'I DON ZAB MO BSHAD PA'I SKABS DBYE BA'I PHYIR RO, ,DE LA SEMS DANG PO BSKYED PA ZHES BYA BA NI SO SO SKYE BO'I TSE DANG PO BYANG CHUB TU SEMS BSKYED PA LA BYA'O, ,SEMS PHYI MA BSKYED PA ZHES BYA BA NI BYANG CHUB KYI SNYING POR RDO RJE LTA BU'I TING NGE 'DZIN GYIS SGRIB PA THAMS CAD YONGS SU SPANGS NAS MNGON PAR RDZOGS PAR 'TSANG RGYA BA'I SEMS @184A *, ,NYID NI SKYON DANG BRAL BA'O, ,THOGS PA DANG BCAS PA ZHES BYA BA NI RTZIG PA LA SOGS PAS THOGS PAR BYAS PA SO SO'I SKYE BO RNAMS KYI GZUGS LA SOGS PA'I SHES PA RNAMS SO, ,MED PA LA KUN DU BRTAGS PA ZHES BYA BA LA SOGS PA NI GANG ZHIG 'DI KUN RDZOB TU DMIGS PA'I DBANG DU GYUR PA SO SOR NGES PA'I DMIGS PA LA GZHAN DBANG DU GYUR PA DE RNAMS NI DE KHO NA NYID KYIS STONG PA STE, GANG GI PHYIR MED PA LA KUN DU BRTAGS PA'O, ,MED PA NI GNYIS TE 'DI RNAMS KYIS KUN DU BRTAGS PA NI ZHES DE LTAR BRJOD PA'O, ,THOGS PA MED PA RNAMS ZHES BYA BA NI GANG ZHIG MNGON PAR SHES PA DANG LDAN PA'I RTZIG PA LA SOGS PA RNAMS KYIS SGRIB PA MA YIN PA'O, ,GNYIS SU MED PAR GYUR PA ZHES BYA BA NI DE KHO NA NYID DU STONG PA NYID KYI NGO BO NYID DO, ,GANG GI PHYIR MA BYUNG BAR KUN DU 'BYUNG BA STE YANG DAG PA'I BDAG NYID KYIS YANG DAG PAR BYUNG BA MA YIN NO, ,BLA NA YOD PA RNAMS ZHES BYA BA NI BYANG CHUB KYI SPYOD PA LA ZHUGS PA RNAMS KYI DROD DANG RTZE MO LA SOGS PA'I KHYAD PAR GYI CHA RNAMS SO, ,SEMS BLA NA YOD PA'I YANG DAG PA JI LTA BA ZHES BYA BA LA SOGS PA NI BLA NA YOD PA YANG DON DAM PA BLA NA YOD PA MA YIN TE, STONG PA NYID KYI NGO BO NYID KYIS RLOM SEMS DANG BRAL BA'I PHYIR RO, ,BLA NA MED PA RNAMS ZHES BYA BA NI 'KHOR BA SNYING PO MED PA'I DUS THAMS CAD KHYAD PAR DANG BRAL BA'I PHYIR DE KHO NA NYID DU SBROS PA MED PA YIN TE GANG GI PHYIR SEMS PHRA MO TZAM YANG DMIGS PA MA YIN PA DE'I PHYIR SEMS PHRA MO TZAM YANG MI DMIGS PA'I PHYIR ZHES BYA BA 'GA' ZHIG TU 'DON PA STE DER NI MED CES BYA BA'I NGAG GI LHAG MA'O, ,MNYAM PAR MA BZHAG PA RNAMS ZHES BYA BA NI SEMS NYON MONGS PA RNAMS TE, BSHAD PAR GYUR PA DANG YANG DAG PAR LDAN PA'I PHYIR RO, ,MI MNYAM PA ZHES BYA BA NI MI MNYAM PA NI CHOS KYI DBYINGS LA DES MNYAM PA STE, DON DAM PAR DE NYID LA 'JUG PA'I PHYIR RO, ,MNYAM PAR MA BZHAG PA NI GANG ZHIG KUN RDZOB TU MNYAM PAR MA BZHAG PAR RO, ,SNA TSOGS PA NYID KYI PHYIR RAM DE NYID KYI PHYIR MNYAM PAR MA BZHAG PA'O, ,MNYAM PAR GZHAG PA RNAMS ZHES @184B BYA BA NI DGE BA RNAMS TE, DGE BA'I TING NGE 'DZIN DANG YANG DAG PAR LDAN PA'I PHYIR RO, ,MNYAM PA DANG MNYAM PAS ZHES BYA BA NI CHOS THAMS CAD KYI MNYAM PA NYID LA RAB TU GNAS PA'O, ,DE'I DMIGS PA DANG MTHAR THUG PA NYID KYIS MNYAM PAR 'JUG CING ZHES BYA BA'O, ,DE BZHIN DU DE DAG NI NAM MKHA' DANG MTSUNGS PA'O, ,RNAM PAR GROL BA RNAMS ZHES BYA BA NI SO SO'I SKYE BO RNAMS NI NYON MONGS PA RNAMS KYIS BCINGS PA'O, ,RANG BZHIN GYIS RNAM PAR GROL BA ZHES BYA BA NI RANG BZHIN GYIS DRI MA DANG BRAL BA'I PHYIR RO, ,DE NYID KYI PHYIR DE KHO NA NYID DU DNGOS PO MED PA'I RANG BZHIN CAN NO, ,NGO BO NYID MED PA'I RANG BZHIN TE ZHES BYA BA'I 'DON PA LA YANG DON DE NYID DO, ,RNAM PAR GROL BA RNAMS ZHES BYA BA NI 'PHAGS PA RNAMS LA RNAM PAR GROL BA DANG LDAN PA'I PHYIR DON DAM PA'I DE BZHIN GSHEGS PA'I YE SHES KYIS MI DMIGS PA'I PHYIR MED PA NYID DE DE'I PHYIR RNAM PAR GROL BA NYID DO; ,DE LTAR NA KUN RDZOB TU ZAG PA DANG BCAS PA DANG ZAG PA MED PA LA SOGS PA'I NGO BO DON DAM PAR DE BZHIN GSHEGS PAS DE RNAMS THAMS CAD STONG PA NYID KYI NGO BO NYID KYIS MKHYEN PA ZHES SO SOR NYE BAR BSTAN NAS THAMS CAD KHYAD PAR MED PAR DE KHO NA NYID GCIG PA'I NGO BO STONG PA NYID KYI NGO BO NYID MKHYEN PA ZHES BSTAN PAR MDZAD PA NI, RAB 'BYOR GZHAN YANG ZHES BYA BA LA SOGS PA STE, SEMS BLTAR MED PA RNAMS ZHES BYA BA LA SOGS PA NI SEMS NYID KYI PHYIR SEMS ZHES BYA BA NI KUN BRTAGS BRJOD PA YIN TE DE YANG DE'I BDAG NYID KYIS YOD PA MA YIN NO, ,DE BAS NA MED PA'I PHYIR ZHES BYA BA NI YOD PAR GYUR PA MA YIN PA'I PHYIR RO, ,MA BYUNG BA'I PHYIR NI RGYU DANG RKYEN RNAMS KYIS MA BSKYED PA'I PHYIR RO, ,YONGS SU MA GRUB PA'I PHYIR NI SGYU MA'I GLANG PO LTAR MI BDEN PA'I PHYIR RO, ,DE NYID KYI PHYIR DE KHO NA NYID MTHONG BA RNAMS KYI MIG LA SNANG BAR GYUR PA MA YIN NO, ,THAMS CAD LA ZHES BYA BA NI BSHAD ZIN PA GSUM GYI'O, ,CHOS DANG SANGS RGYAS KYI SBYIN DAG LA SHES RAB KYI SPYAN NYID LA KHONGS SU BSDU BA ZHES GSUNGS SO, ,DE BZHIN DU SEMS CAN THAMS CAD KYI SEMS KYI SPYOD PA THAMS CAD STONG PA NYID KYI NGO BO NYID KYIS YANG DAG PAR STON PA'I PHYIR DE BZHIN GSHEGS PA RNAMS DANG 'JIG RTEN @185A *, ,BA'I SNGA LTAS DROD DANG RTZE MO DANG BZOD PA ZHES BYA BA'I TING NGE 'DZIN LHAG MTHONG DANG BCAS PA 'THOB PA LA BYA'O, ,RIGS KYI SA ZHES BYA BA NI MOS PAS SPYOD PA'I SA LA STOBS LNGA BSGOM PA'I TSE, 'JIG RTEN CHOS KYI MCHOG THOB PAS 'PHAGS PA'I RIGS SU 'GYUR BA'I PHYIR RIGS KYI SA ZHES BYA'O, ,BRGYAD PA'I SA ZHES BYA BA NI DGRA BCOM PA NAS YAS BGRANGS NA, RGYUN DU ZHUGS PA'I 'BRAS BU LA 'JUG PA GRANGS BRGYAD PA LA 'BAB PA'I PHYIR RGYUN DU ZHUGS PA'I 'BRAS BU LA 'JUG PA BRGYAD PA'I SA ZHES BYA'O, ,MTHONG BA'I SA ZHES BYA BA NI RGYUN DU ZHUGS PA'I 'BRAS BU THOB PAS 'JIG RTEN LAS 'DAS PA'I CHOS MTHONG STE, MTHONG BA'I LAM LA GNAS PA'I PHYIR MTHONG BA'I SA ZHES BYA'O, ,BSRABS PA'I SA ZHES BYA BA NI LAN CIG PHYIR 'ONG BA'I SA LA GNAS PAS, 'DOD PA'I 'DOD CHAGS DANG, GNOD SEMS SRAB MOR BYAS PA'I PHYIR LAN CIG PHYIR 'ONG BA'I SA LA BSRABS PA'I SA ZHES BYA'O, ,'DOD CHAGS DANG BRAL BA'I SA ZHES BYA BA NI PHYIR MI 'ONG BA'I SA LA GNAS PAS, 'DOD CHAGS DANG GNOD SEMS RAB TU SPANGS PAS PHYIR MO 'ONG BA'I SA LA 'DOD CHAGS DANG BRAL BA'I SA ZHES BYA'O, ,BYAS PA RTOGS PA'I SA ZHES BYA BA NI DGRA BCOM PAR GYUR PA'I TSE, KHAMS GSUM GYI NYON MONGS PA THAMS CAD SPANGS TE, BYA BA BYAS KHUR BOR BAS, DE PHAN CHAD PHUNG PO GZHAN MI LEN PAR SHES PA'I PHYIR DGRA BCOM PA'I SA LA BYAS PA RTOGS PA'I SA ZHES BYA'O, ,RANG SANGS RGYAS KYIS ZHES BYA BA NI THEG PA CHUNG NGU'I GANG ZAG SHES RAB RNON PO RTEN CING 'BREL PAR 'BYUNG BA'I DON GZHAN GYIS MA BSTAN PAR BDAG RANG GIS RTOGS PA LA RANG SANGS RGYAS KYI SA ZHES BYA'O, ,BYANG CHUB SEMS DPA'I SA ZHES BYA BA NI BYANG CHUB SEMS DPA'I SA BCU LA BYA'O, ,SANGS RGYAS KYI SA ZHES BYA BA NI SANGS RGYAS KYI SA KUN DU 'OD CES BYA BA ME LONG LTA BU'I YE SHES DANG, MNYAM PA NYID KYI YE SHES DANG, SO SOR RTOG PA'I YE SHES DANG, BYA BA GRUB PA'I YE SHES LA SOGS PA'I YON TAN DANG LDAN PA LA BYA'O, ,DE LA BYANG CHUB SEMS DPA' SEMS DPA' CHEN PO SA BCU LA SLOB PA NI SEMS DANG PO BSKYED PAS KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA MA YIN ZHES BYA @185B BA NAS BCOM LDAN 'DAS BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DE NI RTEN CING 'BREL PAR 'BYUNG BA ZAB BO ZHES BYA BA'I BAR GYIS NI DE LTAR GONG DU BSHAD PA'I DON BCOM LDAN 'DAS KYIS MJUG BSDUS NAS BSTAN PA DANG, RAB 'BYOR GYIS KYANG TSIG DANG DON DE DAG BZLAS TE GSOL NAS, DE LTA BU'I RTEN CING 'BREL PAR 'BYUNG BA DE THABS MA MKHAS PA DMIGS PA CAN RNAMS KYIS RTOGS PAR MI NUS PA'I PHYIR ZAB BO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, , SEMS GANG 'GAGS PA DE PHYIR SKYE BAR 'GYUR RAM ZHES BYA BA LA SOGS PAS NI DON DAM PAR CHOS THAMS CAD RANG BZHIN GYIS MYA NGAN LAS 'DAS PA YIN PA'I DON BSTAN PA'I PHYIR BKA' STZAL PA STE, SEMS GANG 'GAGS PA DE PHYIR SKYE BAR 'GYUR BA'AM ZHES BYA BA NI DON DAM PAR SEMS DNGOS PO MED CING RANG BZHIN GYIS MYA NGAN LAS 'DAS PA DE DNGOS PO YOD PAR MI 'GYUR RO ZHES BYAS BA'I DON TO, ,SEMS GANG BSKYED PA 'GAGS PA'I CHOS CAN YIN NAM ZHES BYA BA NI KUN RDZOB TU SEMS BSKYED PA DE YANG DON DAM PAR DNGOS PO MED DO ZHES BYA BA'I DON TO, ,GANG 'GAGS PA'I CHOS CAN DE 'GAG PAR 'GYUR RAM ZHES BYA BA NI DON DAM PAR DNGOS PO MED DE RANG BZHIN GYIS MYA NGAN LAS 'DAS PA DE LA NI, PHYIS 'GAG PAR 'GYUR BA MED DO ZHES BSTAN PA'O, ,DE BZHIN NYID JI LTA BA BZHIN DU GNAS PAR 'GYUR RAM ZHES BYA BA NI DE LTAR SKYE 'GAG MED PA DE NI DE BZHIN NYID KYI RANG BZHIN LAS MI 'GYUR BAR YONGS SU GRUB BO'O ZHES BYA BA'I DON TO, ,RAB 'BYOR GAL TE DE BZHIN NYID JI LTA BA BZHIN DU GNAS PAR 'GYUR NA RTAG PAR MI 'GYUR RAM ZHES BYA BA NI MU STEGS CAN RTAG PAR LTA BA RNAMS DANG MI 'DRA BAR BSTAN PA'I PHYIR DRIS PA'O, ,GSOL PA BCOM LDAN 'DAS DE NI MA LAGS SO ZHES BYA BA MU STEGS CAN NI DNGOS PO YOD PA LAS RTAG PAR LTA'I, 'DIR NI DNGOS PO MED PA LAS GZHAN DU MI 'GYUR BA LA DE BZHIN NYID JI LTA BA BZHIN DU GNAS PA ZHES BYAS BA NAS MU STEGS CAN GYIS RTAG PAR LTA BA 'DRA BAR MI 'GYUR RO ZHES GSOL PA'O, ,DE BZHIN NYID ZAB BO ZHES BYA BA NI, DE LTAR MI 'GYUR BAR @186A *, ,YONGS SU GRUB PA YANG MA YIN LA, RTAG PA YANG MA YIN PA DE NI DMIGS PA CAN RNAMS KYI SPYOD YUL MA YIN PA'I PHYIR ZAB BO ZHES BSTAN PA'O, ,SEMS DE YANG DE BZHIN NAM ZHES BYA BA NI DE BZHIN NYID ZAB PA BZHIN DU SEMS DE YANG ZAB PA YIN NAM ZHES DRIS PA'O, ,GSOL PA BCOM LDAN 'DAS DE NI MA LAGS SO ZHES BYA BA NI KUN RDZOB KYI SEMS SKYE ZHING 'GAG PA CAN DE NI DE LTAR ZAB PA MA YIN NO ZHES GSOL PA'O, ,DE BZHIN NYID LAS SEMS GUD NA YOD DAM ZHES BYA BA NI DON DAM PA LAS DGONGS TE DRIS PA'O, ,GSOL PA BCOM LDAN 'DAS DE NI MA LAGS SO ZHES BYA BA NI DON DAM PAR DE BZHIN NYID LAS SEMS GUD NA YOD PA YANG MA YIN NO ZHES GSOL PA'O, ,SEMS LA DE BZHIN NYID YOD DAM ZHES BYA BA DANG, DE BZHIN NYID LA SEMS YOD DAM ZHES BYA BA NI DE LTAR DE BZHIN NYID LAS SEMS GUD NA YOD PA MA YIN NA, DE GNYIS GZHI DANG BRTEN PA'I TSUL DU GNAS SAM ZHES DRIS PA'O, ,GSOL PA BCOM LDAN 'DAS DE NI MA LAGS SO ZHES BYA BA NI DE GNYIS STONG PA NYID KYI RANG BZHIN DU RO GCIG PA'I PHYIR DE BZHIN NYID LAS SEMS GUD NA YOD PA MA YIN GYI, DNGOS PO CAN GNYIS GCIG LA GCIG GZHI DANG BRTEN PA'I TSUL DU GNAS PA MA YIN NO ZHES BSTAN PA'O, ,DE BZHIN NYID KYIS DE BZHIN NYID YANG DAG PAR RJES SU MA MTHONG NGAM ZHES BYA BA NI DE LTAR SEMS DANG DE BZHIN NYID GNYIS STONG PA NYID DU RO GCIG STE, DE BZHIN NYID KYI RANG BZHIN DU THA MI DAD PAS DMIGS PAR BYA BA DANG, DMIGS PAR BYED PA GNYIS SU DBYER MED PA BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, GANG DE LTAR SPYOD PA DE SHES RAB KYI PHA ROL TU PHYIN PA LA SPYOD PA MA YIN NAM ZHES BYA BA NI DE LTAR SKYE BA DANG, 'GAG PA MED PA'I CHOS ZAB MO RTOGS PA DE NI SHES RAB KYI PHA ROL TU PHYIN PA LA SPYOD PA YIN PAR BSTAN PA'O, ,GANG DE LTAR SPYOD PA DE GANG LA SPYOD PA YIN ZHES BYA BA NI GANG SHES RAB KYI PHA ROL TU PHYIN PA LA SPYOD PA DE DNGOS POR 'DZIN PA LAS BZLOG PA'I PHYIR DRIS PA'O, ,GANG DE LTAR SPYOD PA DE NI CI LA MI SPYOD DO ZHES BYA BA NI DE LTAR SKYE 'GAG MED PAR RTOGS PA DE NI DNGOS POR MNGON PAR CHAGS PA MED DO ZHES BSTAN PA'O, ,DE CI'I SLAD @186B DU ZHE NA, BCOM LDAN 'DAS DE NI 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING, DE BZHIN NYID LA GNAS PA LA YONGS SU RGYU BA DE DAG MI 'JUG MI 'BYUNG NGO ZHES BYA BA NI CI LA YANG MI SPYOD PA'I GTAN TSIGS BSTAN PA STE, SHES RAB KYI PHA ROL TU PHYIN PA LA SPYOD CING DE BZHIN NYID LA GNAS PA LA NI DNGOS POR DMIGS SHING RNAM PAR RTOG PA'I SEMS RGYU BA MI 'BYUNG NGO ZHES BYA BA'I DON TO, ,DE CI'I SLAD DU ZHE NA, BCOM LDAN 'DAS DE BZHIN NYID GANG DU YANG YONGS SU RGYU BA MA MCHIS TE DE NYID LA YANG GANG YANG RGYU BA MA MCHIS SO ZHES BYA BA NI SEMS KYI RGYU BA MI 'BYUNG BA'I GTAN TSIGS BSTAN PA STE, DON DAM PAR SEMS KYANG DE BZHIN NYID KYI RANG BZHIN YIN PAS, CHOS GANG LA YANG RTOG CING RGYU BA MED LA DE BZHIN NYID KYI RANG BZHIN GYIS DE LA YANG CHOS GANG YANG RGYU BA MED DO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA LA SPYOD PA DE GANG LA SPYOD PA YIN ZHES BYA BA NI CI LA YANG MI SPYOD DAM ZHES DRIS PA'O, ,GSOL PA DE NI GANG LA GNYIS KYI RGYU BA MA MCHIS PA'I DON DAM PA LA SPYOD DO ZHES BYA BA NI CI LA YANG MI SPYOD PA YANG MA YIN TE, GZUNG BA DANG 'DZIN PA GNYIS KYI RNAM PAR RTOG PA MED PA'I DON DAM PA LA SPYOD DO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, GANG DON DAM PA LA SPYOD PA DE YONGS SU RGYU BA LA SPYOD PA MA YIN NAM, DE MTSAN MA LA SPYOD PA MA YIN NAM ZHES BYA BA NI DE LTAR DON DAM PA LA SPYOD NA RTOGS PA DANG MTSAN MA LA SPYOD PAR MI 'GYUR RAM ZHES DRIS PA'O, ,GSOL PA BCOM LDAN 'DAS DE NI MA LAGS SO ZHES BYA BA NI DON DAM PA LA SPYOD CES BYA BA YANG THA SNYAD DU BRJOD PA TZAM DU ZAD KYI, YANG DAG PAR NA SPYOD PA'I 'DU SHES DANG, MTSAN MAR 'DZIN PA MED DO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DES MTSAN MAR 'DU SHES PA RNAM PAR BSHIG PA YIN NAM ZHES BYA BA NI DE LTAR YONGS SU RGYU BAR SPYOD PA DANG, MTSAN MAR SPYOD PA MA YIN NA MTSAN MAR 'DU SHES PA SUN PHUNG STE BSHIG PA YIN NAM ZHES @187A *, ,DRIS PA'O, ,GSOL PA, BCOM LDAN 'DAS DE NI MA LAGS SO ZHES BYA BA NI DON DAM PAR CHOS THAMS CAD RANG BZHIN GYIS STONG PAS MTSAN MA'I 'DU SHES GZHIG TU YANG MED DO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR 'O NA JI LTAR NA BYANG CHUB SEMS DPA' SEMS DPA' CHEN POS MTSAN MA'I 'DU SHES RNAM PAR BSHIG PA YIN ZHES BYA BA NI DE LTAR MTSAN MA'I 'DU SHES GZHIG TU MED NA GZHUNG LAS MTSAN MA'I 'DU SHES RNAM PAR SPANGS SO ZHES BYA BA JI LTAR SPANGS PA YIN NO ZHES DRIS PA'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA DE NI 'DI LTAR MTSAN MA RNAM PAR BSHIG PAR BYA'O ZHE'AM, MTSAN MA MED PA RNAM PAR BSHIG PAR BYA'O SNYAM DU MI SBYOR RO ZHES BYA BA NI MTSAN MAR 'DZIN PA DANG, MTSAN MA MED PAR 'DZIN PA'I RNAM PAR RTOG PA RNAM PAR SPANG NGO SNYAM DU YANG MI SEMS PA NYID MTSAN MA'I 'DU SHES RNAM PAR GZHIG PA YIN NO ZHES BYA BA'I DON TO, ,BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA 'DI LA SPYOD PA NI ZHES BYA BA NAS CHOS THAMS CAD KYI RANG GI MTSAN NYID STONG PA NYID DU RIG PA'I SLAD DU STE ZHES BYA BA'I BAR GYIS NI DE LTAR DON DAM PAR CHOS THAMS CAD RANG BZHIN GYIS STONG PAR RTOGS PAS RNAM PAR RTOG PA DANG, MTSAN MAR 'DZIN PA MED DU ZIN KYANG, KUN RDZOB TU THABS MKHAS PAS DE BZHIN GSHEGS PA'I STOBS BCU LA SOGS PAS YONGS SU RDZOGS PAR BYAS NAS BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG YANG RGYA LA, CHOS GANG YANG DNGOS PO'AM, DNGOS POR MED PAR YANG MI LTA'O ZHES BSTAN PA'O, ,RANG GI MTSAN NYID STONG PA NYID DE LA GNAS NAS ZHES BYA BA NAS RAB 'BYOR DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING TING NGE 'DZIN GSUM LA GNAS TE, SEMS CAN RNAMS YONGS SU SMIN PAR BYED DO ZHES BYA BA'I BAR GYIS NI DON DAM PAR CHOS THAMS CAD RANG GI MTSAN NYID STONG PAR RTOGS PAR BYAS NAS, KUN RDZOB TU THABS MKHAS PAS RNAM PAR THAR PA'I SGO GSUM GYI TING NGE 'DZIN LA GNAS NAS @187B SEMS CAN RNAMS YONGS SU SMIN PAR BYED PA'I THABS MKHAS PA BSTAN PA'O, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS LE'U BZHI BCU GNYIS PA'O,, ,,DE NAS TSE DANG LDAN PA SHA RA DVA TI'I BUS TSE DANG LDAN PA RAB 'BYOR LA 'DI SKAD CES SMRAS SO ZHES BYA BA LA SOGS PAS NI GONG DU CHOS THAMS CAD RANG GI MTSAN NYID KYIS STONG PA LA GNAS TE, STONG PA NYID DANG, MTSAN MA MED PA DANG, SMON PA MED PA'I TING NGE 'DZIN GSUM GYIS SEMS CAN YONGS SU SMIN PAR BYED PA'I THABS MKHAS PA BSTAN PA'I SKABS NAS, CHOS ZAB MO BSTAN PA'I SKABS DBYE BA'I PHYIR SH'A RI'I BUS RAB 'BYOR LA THE TSOM DRIS PA STE, TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO GANG LA LA, RMI LAM DU STONG PA NYID DANG, MTSAN MA MED PA DANG, SMON PA MED PA'I TING NGE 'DZIN GSUM LA SNYOMS PAR ZHUGS NA SHES RAB KYI PHA ROL TU PHYIN PAS RNAM PAR 'PHEL LAM ZHES BYA BA NI CHOS THAMS CAD RMI LAM DANG 'DRA BAR BSTAN PA'I SKABS DBYE BA'I PHYIR RAB 'BYOR LA DRIS PA'O, ,RAB 'BYOR GYIS SMRAS PA, TSE DANG LDAN PA SHA RA DVA TI'I BU GAL TE NYIN PAR BSGOMS PAS RNAM PAR 'PHEL NA, RMI LAM MA BSGOMS PAS KYANG RNAM PAR 'PHEL LO ZHES BYA BA NI DON DAM PAR CHOS THAMS CAD RANG BZHIN GYIS STONG PAS, GNYID KYIS MA LOG PA'I TSE, TING NGE 'DZIN GSUM BSGOMS PAS KYANG BYANG CHUB SEMS DPA' BSOD NAMS DANG YE SHES KYI TSOGS KYIS RNAM PAR 'PHEL BAR MI 'GYUR NA RMI LAM NA BSGOMS PA LTA GA LA 'GYUR TE, TING NGE 'DZIN GSUM BSGOMS PA'I MTHUS SEMS CAN YONGS SU SMIN PAR BYA BA LA SOGS PA BSTAN PA YANG KUN RDZOB TU RMI LAM DANG 'DRA BAR BSTAN PA TZAM DU ZAD KYI, DON DAM PAR NI YOD PA MA YIN NO ZHES BYA BA'I DON TO, ,DE CI'I PHYIR ZHE NA, TSE DANG LDAN PA SHA RA DVA TI'I BU RMI LAM DANG NYIN PAR NI RNAM PAR RTOG PA MED PA'O ZHES BYA BA NI CHOS THAMS CAD RMI LAM DANG 'DRA BA'I GTAN TSIGS BSTAN PA STE, DON DAM PAR GNYID KYIS MA LOG PA NA SPYAD PA DANG RMI LAM NA SPYOD PA GNYI GA YANG DNGOS PO MED PAR 'DRA BAS RNAM PAR RTOG PA'I YUL MA YIN NO ZHES BSTAN PA'O, ,TSE DANG LDAN PA SHA RA DVA TI'I BU GAL TE BYANG CHUB SEMS DPA' SEMS DPA' CHEN @188A *, ,PO NYIN PAR SHES RAB KYI PHA ROL TU PHYIN PA LA SPYOD PA DE'I SHES RAB KYI PHA ROL TU PHYIN PA BSGOM PA YOD NA NI BYANG CHUB SEMS DPA' SEMS DPA' CHEN PO RMI LAM NA SHES RAB KYI PHA ROL TU PHYIN PA BSGOM PA YANG YOD PAR 'GYUR RO ZHES BYA BA NI CHOS THAMS CAD RMI LAM DANG 'DRA BA'I DON GONG DU BSHAD PA DE NYID GSAL BAR BSTAN PA STE, RMI LAM NA SHES RAB KYI PHA ROL TU PHYIN PA BSGOMS PAS BSOD NAMS DANG YE SHES KYI TSOGS 'PHEL BAR 'GYUR BA DE BZHIN DU, GNYID KYIS MA LOG PA'I TSE, SHES RAB KYI PHA ROL TU PHYIN PA BSGOMS PAS KYANG DON DAM PAR BSOD NAMS DANG YE SHES KYI TSOGS 'PHEL PAR 'GYUR BA MED DO ZHES BYA BA'I DON TO, ,SMRAS PA TSE DANG LDAN PA RAB 'BYOR BYANG CHUB SEMS DPA' SEMS DPA' CHEN POS RMI LAM DU LAS SHIG BYAS NAS LAS DE LA SOGS PA'AM, 'BRI BAR 'GYUR BA YOD DAM ZHES BYA BA NI DE LTAR GNYID KYIS MA LOG PA DANG, RMI LAM GNYIS SU MTSUNGS NA KUN RDZOB TU YANG MTSUNGS PA'I RIGS NA, RMI LAM DU LAS DGE BA'AM, MI DGE BA BYAS NA DGE BA BYAS PAS NI BSOD NAMS KYI TSOGS SOGS PAR 'GYUR BA DANG, MI DGE BA BYAS PAS BSOD NAMS 'BRI BAR 'GYUR BA YOD DAM ZHES SH'A RI'I BUS RAB 'BYOR LA DRIS PA'O, ,GAL TE BCOM LDAN 'DAS KYIS CHOS THAMS CAD RMI LAM LTA BUR GSUNGS NA, DE LA SOGS PA'AM 'BRI BAR 'GYUR BA MED DO ZHES BYA BA NI RAB 'BYOR GYIS DON DAM PA'I PHYOGS LA BRTEN NAS, BCOM LDAN 'DAS KYIS KYANG CHOS THAMS CAD RMI LAM DANG 'DRA BAR DNGOS PO MED DO ZHES GSUNGS PAS, RMI LAM NA LAS LEGS NYES BYAS PA LA, DGE BA SOGS PA'AM 'BRI BA MED DO ZHES BSTAN PA'O, ,DE CI'I PHYIR ZHE NA, RMI LAM GYI CHOS GANG YANG SOGS PA'AM 'BRI BA MI DMIGS SO ZHES BYA BA NI RMI LAM DU LAS LEGS NYES BYAS PA LA, DGE BA LA SOGS PA DANG DGE BA 'BRI BA MED PA'I GTAN TSIGS BSTAN PA STE, RMI LAM GYI CHOS NI DNGOS PO MED PA STE, DNGOS PO MED PA LA SOGS PA'AM 'BRI BA MI SRID DO ZHES BYA BA'I DON TO, ,GAL TE SAD NAS RNAM PAR RTOG NA DE LA SOGS PA'AM 'BRI BAR 'GYUR RAM ZHES BYA BA NI SH'A TI'I BUS KUN RDZOB KYI BDEN PA LA BRTEN NAS RMI LAM NA LAS LEGS NYES BYAS PA DE DAG @188B GNYID LAS SAD PA'I TSE DRAN NAS DE LA RJES SU YI RANG ZHING RNAM PAR RTOG NA DE LA DGE BA LA SOGS PA'AM 'BRI BAR 'GYUR RAM ZHES DRIS PA'O, ,RAB 'BYOR GYIS SMRAS PA NYIN PAR SROG BCAD PA DANG, RMI LAM NA SROG BCAD PA DE LA 'DI SNYAM DU BDAG GIS BSAD DO, ,DE BDAG GIS BSAD PA LEGS SO ZHES SAD DE RNAM PAR RTOG NA, TSE DANG LDAN PA SHA RA DVA TI'I BU LAS DE LA KHYOD CI ZER ZHES BYA BA NI KUN RDZOB TU RMI LAM DANG GNYID KYIS MA LOG PA'I TSE, LAS BYAS PA GNYIS 'BRAS BU RNAM PAR SMIN PA LA BYE BRAG YOD PAR BSTAN PA'I PHYIR SH'A RI'I BU LA DRIS PA'O, ,SMRAS PA TSE DANG LDAN PA RAB 'BYOR DMIGS PA MED PAR LAS MI SKYE'O DMIGS PA MED PAR SEMS PA MI 'BYUNG NGO ZHES BYA BA NI GNYID KYIS MA LOG PA'I TSE LAS BYAS PA DANG, RMI LAM NA LAS BYAS PA LA GNYID LAS SAD NAS RJES SU YI RANG BA RNAM PAR RMIN PA BYE BRAG YOD PAR BSTAN PA STE, GNYID KYIS MA LOG PA'I TSE LAS BYAS PA NI DMIGS PA'I YUL DANG BCAS PA LAS LEGS NYES CI BYAS PA'I 'BRAS BU RNAM PAR SMIN PA YANG DE BZHIN DU 'BYUNG GI, RMI LAM NA LAS BYAS PA LA GNYID SAD PA'I TSE RJES SU YI RANG BA NI DMIGS PA'I YUL MED PAS RJES SU YI RANG BA'I RNAM PAR SMIN PA TZAM DU ZAD KYI, RMI LAN MA LAS KYI DNGOS PO GANG BYAS PA'I RNAM PAR SMIN PA NI MED DO ZHES BSTAN PA'O, ,RAB 'BYOR GYIS SMRAS PA TSE DANG LDAN PA SHA RA DVA TI'I BU DE DE BZHIN TE ZHES BYA BA NAS, DE BAS NA TSE DANG LDAN PA SHA RA DVA TI'I BU DMIGS PA DANG BCAS PAR LAS SKYES TE, DMIGS PA MED PAR NI MA YIN NO, ,DMIGS PA DANG BCAS PAR SEMS PA 'BYUNG STE, DMIGS PA MED PAR NI MA YIN NO ZHES BYA BA'I BAR GYIS NI SH'A RI'I BUS RMI LAM DANG GNYID KYIS MA LOG PA'I TSE BYAS PA'I LAS GNYIS BYE BRAG YOD PAR BSHAD PA'I DON DE BDEN NO ZHES RAB 'BYOR GYIS RJES SU YI RANGS NAS DON DE NYID GSAL BAR BSTAN PA STE, GNYID KYIS MA LOG PA'I TSE, MTHONG BA LA SOGS PA NI DMIGS PA'I YUL DANG BCAS PAS RNAM PAR SMIN PA YANG DE BZHIN DU 'GYUR GYI, RMI LAM NA MTHONG BA DANG THOS PA LA SOGS PA DE NI DE LTA MA YIN NO ZHES BYA BA'I DON TO, ,SMRAS PA TSE DANG LDAN PA RAB 'BYOR LAS THAMS CAD DANG, DMIGS PA THAMS CAD DBEN PA'O ZHES @189A *, ,BCOM LDAN 'DAS KYIS GSUNGS NA DE JI LTAR DMIGS PA DANG BCAS PAR LAS SKYES TE, DMIGS PA MED PAR MA YIN, DMIGS PA DANG BCAS PAR SEMS PA 'BYUNG STE, DMIGS PA MED PAR MA YIN ZHES BYA BA NI RMI LAM DANG GNYID KYIS MA LOG PA'I TSE LAS BYAS PA LA BYE BRAG YOD PAR BSHAD PA YANG BYES PA SO SO'I SKYE BO MTSAN MAR 'DZIN PA RNAMS KYI DBANG DU BYAS TE, KUN RDZOB TU BSHAD KYI DON DAM PAR BSHAD PA MA YIN PA BSTAN PA'I PHYIR RAB 'BYOR LA DRIS PA'O, ,RAB 'BYOR GYIS SMRAS PA, TSE DANG LDAN PA SHA RA DVA TI'I BU MTSAN MAR BYAS NAS DMIGS PA DANG BCAS PAR LAS SKYES TE, DMIGS PA MED PAR MA YIN NO, ,DMIGS PA DANG BCAS PAR SEMS PA 'BYUNG STE, DMIGS PA MED PAR MA YIN NO ZHES BYA BA NI RMI LAM DANG GNYID KYIS MA LOG PA'I LAS KYI BYE BRAG BSHAD PA YANG BYIS PA SO SO'I SKYE BO DMIGS PA CAN RNAMS KYI DBANG DU BYAS TE, KUN RDZOB TU BSHAD KYI DON DAM PAR BYE BRAG YOD PAR BSHAD PA NI MA YIN NO ZHES BSTAN PA'O, ,SMRAS PA TSE DANG LDAN PA RAB 'BYOR GAL TE BYANG CHUB SEMS DPA' SEMS DPA' CHEN POS RMI LAM DU SBYIN PA SBYIN ZHES BYA BA NAS DES BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PAR 'GYUR RAM ZHES BYA BA'I BAR GYIS NI RMI LAM NA YANG LAS GZHAN BYAS PA NI DMIGS PA'I YUL MED PAS, RNAM PAR SMIN PA'I 'BRAS BU YOD PA MA YIN NA, BYANG CHUB SEMS DPA' SEMS DPA' CHEN PO'I RGYUD YONGS SU DAG PA 'GA' ZHIG GIS RMI LAM DU PHA ROL TU PHYIN PA DRUG SPYAD DE, DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA DE LA 'BRAS BU YOD PAR 'GYUR RAM ZHES SH'A RI'I BUS DRIS PA'O, ,RAB 'BYOR GYIS SMRAS PA, TSE DANG LDAN PA SHA RA DVA TI'I BU ZHES BYA BA NAS, 'DI LA DRIS SHIG DANG 'DI LA LAN LDAN PAR 'GYUR RO ZHES BYA BA'I BAR GYIS NI 'KHOR DE NA 'KHOD PA'I KHA CIG RAB 'BYOR GYIS BSHAD NA YID MI CHES KYI BYANG CHUB SEMS DPA' BYAMS PAS LAN BLAN TE BSHAD NA YID CHES SHING PHAN THOGS PAR 'GYUR BA'I PHYIR BYAMS PA'I YON TAN SMOS NAS DE 'DI NA MNGON SUM DU 'DUG GI, 'DI LA DRIS SHIG CES BDAG GIS LAN @189B MA BTAB PAR GZHAN LA BTAB PA BSTAN PA'O, ,DE NAS TSE DANG LDAN PA SHA RA DVA TI'I BUS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES SMRAS SO ZHES BYA BA NAS 'DI LA DRIS SHIG DANG, 'DI LAN LDON PAR 'GYUR RO ZHES ZER RO ZHES BYA BA'I BAR GYIS NI RAB 'BYOR GYIS SMRAS PA'I TSIG SH'A RI'I BUS BYANG CHUB SEMS DPA' BYAMS PA LA BZLAS PA BSTAN PA'O, ,CI BYANG CHUB SEMS DPA' SEMS DPA' CHEN PO BYAMS PA ZHES BYA BA'I MING 'DI LAN LDON NAM ZHES BYA BA NAS RNAM PAR SHES PA'I DE BZHIN NYID GANG YIN PA DE LA NI LAN LDON PA'I MTHU MED DO ZHES BYA BA'I BAR GYIS NI BYANG CHUB SEMS DPA' BYAMS PAS DON DAM PA'I BDEN PA LA BRTEN NAS, RMI LAM NA PHA ROL TU PHYIN PA DRUG SPYAD CING DE'I DGE BA'I RTZA BA YONGS SU BSNGOS PA'I 'BRAS BU YOD DAM MED DRIS PA'I LAN BTAB PA STE, DON DAM PAR CHOS THAMS CAD RANG BZHIN GYIS STONG PAS GANG ZAG DANG CHOS GNYIS KA DNGOS PO MED DO, ,GANG ZAG GI DNGOS PO MED PAS BYAMS PA ZHES BYA BA'I MING LA YANG LAN LDON PA'I MTHU MED DO, ,CHOS LA DNGOS PO MED PAS GZUGS LA SOGS PA'I PHUNG PO LNGA DANG, DE DAG GI STONG PA NYID DANG, DE DAG GI DE BZHIN NYID LA YANG LAN LDON PA'I MTHU MED NA, RMI LAM NA YANG PHA ROL TU PHYIN PA DRUG SPYAD PA'I 'BRAS BU MED PA LTA SMOS KYANG CI DGOS ZHES BYA BA'I DON TO, ,BDAG GIS NI GANG LAN GLON PA DANG, GANG GIS LAN GLAN PA DANG, GANG LA LAN GLAN PA'I CHOS DE LTA BU YANG DAG PAR RJES SU MA MTHONG NGO ZHES BYA BA NI GONG DU SMOS PA'I DON DE NYID MDOR BSDUS TE BSTAN PA STE, GANG LAN GLON PA ZHES BYAS BA NI LAN LDON PA'I MI LA BYA'O, ,GANG GIS LAN GLON PA ZHES BYA BA NI LAN LDON PA'I TSIG DANG YI GE GANG GIS LAN LDON PA LA BYA'O, ,GANG GIS LAN GLAN PA ZHES BYA BA NI DNGOS PO'AM DON GANG GIS LAN GLAN PA LA BYA'O, ,GANG LA LAN GLAN PA ZHES BYA BA NI KLAN KA TSOL ZHING 'DRI BA'I MI GANG YIN PA LA BYA STE, CHOS DE DAG THAMS CAD DON DAM PAR RANG BZHIN GYIS STONG PAS BDAG GIS YANG DAG PAR RJES SU MA MTHONG NA 'DI LA SU ZHIG CI ZHIG SU LA LAN LDON PAR 'GYUR ZHES BYA BA'I DON TO, ,GANG BLA NA MED PA YANG DAG PAR RDZOGS PA'I BYANG CHUB TU LUNG BSTAN PA DANG, GANG GIS LUNG BSTAN PA DANG, GANG LA @190A *, ,LUNG BSTAN PA'I CHOS DE YANG BDAG GIS YANG DAG PAR RJES SU MA MTHONG STE ZHES BYA BA NI GONG DU RAB 'BYOR GYIS BYANG CHUB SEMS DPA' BYAMS PA LA 'DI BLA NA MED PA YANG DAG PAR RDZOGS PA'I BYANG CHUB TU LUNG BSTAN PA YIN GYI, 'DI LA DRIS SHIG CES BSTOD PA DE YANG DON DAM PAR DNGOS PO MED PAR BSTAN PA STE, GANG LUNG BSTAN PA ZHES BYA BA NI LUNG STON PA'I BCOM LDAN 'DAS NYID LA BYA'O, ,GANG GIS LUNG BSTAN PA ZHES BYA BA NI LUNG BSTAN PAR 'OS PA'I RGYU'AM YON TAN GANG GIS LUNG BSTAN PAR 'GYUR BA LA BYA'O, ,GANG LA LUNG BSTAN PA ZHES BYA BA NI BYANG CHUB SEMS DPA' BYAMS PA NYID LA BYA STE, DE DAG KYANG DON DAM PAR DNGOS PO MED DO ZHES BSTAN PA'O, ,CHOS DE DAG THAMS CAD NI GNYIS SU MED CING GNYIS SU BYAR MED PA'O ZHES BYA BA NI LAN GLON PA DANG, LUNG BSTAN PA LA SOGS PA'I CHOS GONG DU SMOS PA DE DAG THAMS CAD DON DAM PAR DNGOS PO MED DE, STONG PA NYID DU RO GCIG GO ZHES BSTAN PA'O, ,SHA RA DVA TI'I BUS SMRAS PA, CHOS DE DAG JI SKAD DU BSHAD PA DE BZHIN DU CHOS DE DAG KHYOD KYIS MNGON SUM DU BYAS SAM ZHES BYA BA NI NYAN THOS LA SOGS PA DMIGS PA CAN RNAMS MYA NGAN LAS 'DAS PA GNYIS SU ME DPA MNGON DU BYED PAR 'DOD PA DAG LA, , MNGON SUM DU BYAR MED PA LA BSTAN PA'I PHYIR DRIS PA'O, ,BYAMS PAS SMRAS PA CHOS DE DAG JI SKAD BSHAD PA DE LTAR CHOS DE DAG BDAG GIS MNGON SUM DU BYAS PA MED DO ZHES BYA BA NI DON DAM PAR CHOS THAMS CAD RANG BZHIN GYIS STONG PAS, CHOS RNAMS KYI CHOS NYID GNYIS SU MED PA DE YANG KUN RDZOB TU SGRO BTAGS TE BSHAD PA TZAM DU ZAD KYI, DON DAM PAR NI MNGON DU BYED PA DANG, MNGON DU BYA BA GNYIS KA STONG PA NYID DU RO GCIG PAS MNGON DU BYAS PA MED DO ZHES BSTAN PA'O, ,DE NAS TSE DANG LDAN PA SHA RA DVA TI'I BU 'DI SNYAM DU GYUR TE ZHES BYA BA NAS, 'DI NI MI DMIGS PAR SPYOD PA BSTAN PA'O ZHES BYA BA'I BAR GYIS NI BYANG CHUB SEMS DPA' BYAMS PAS CHOS THAMS CAD GNYIS SU MED CING MNGON SUM DU BYAR MED PA'I DON ZAB MO BSTAN PAS SH'A RI'I BU MGU NAS BYAMS PA LA BSTOD PA STE, 'DI LTA BU'I CHOS ZAB MO BSHAD PA NI YUN RING PO NAS PHA ROL TU PHYIN PA DRUG LA SPYAD CING, DMIGS PA MED PA'I @190B DON LA GOMS PAR BYAS PA'I SHES RAB ZAB MO DANG LDAN PA BSTAN PAR NUS KYI, DGE BA'I RTZA BA CHUNG NGU DANG DMIGS PA CAN GYI SHES RAB DANG LDAN PAS BSTAN PA'I SPYOD YUL MA YIN ZHES BYA BA'I DON TO, ,DE NAS BCOM LDAN 'DAS KYIS TSE DANG LDAN PA SHA RA DVA TI'I BU LA 'DI SKAD CES BKA' STZAL TO, ,SHA RA DVA TI'I BU DE JI SNYAM DU SEMS, CHOS GANG GIS KHYOD DGRA BCOM PAR BRJOD PA PA'I CHOS DE DAG KHYOD KYIS YANG DAG PAR RJES SU MTHONG NGAM ZHES BYA BA NI NYAN THOS DGRA BCOM PA DAG BDAG NI ZAG PA ZAD DO, ,BDAG GIS BYA BA BYAS SO, ,KHUR BOR RO, ,DGRA BCOM PA NYID THOB PA SNYAM DU SEMS PA'I RTOG PA DMIGS PA CAN BSAL BA'I PHYIR SMRAS PA'O, ,GSOL PA BCOM LDAN 'DAS DE NI MA LAGS SO ZHES BYA BA NI KHAMS GSUM GYI NYON MONGS PA'I DGRA RNAMS BCOM STE, SPANGS PA TZAM LA DGRA BCOM PA ZHES THA SNYAD TZAM DU GDAGS PAR ZAD KYI, YANG DAG PAR NA DGRA BCOM PA ZHES BYA BA'I CHOS GANG YANG MA MCHIS SO ZHES GSOL PA'O, ,BCOM LDAN 'DAS KYIS BKA' STZAL PA, SHA RA DVA TI'I BU DE DE BZHIN TE ZHES BYA BA NAS BDAG NI GDON MI ZA BAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO SNYAM MO ZHES BYA BA'I BAR GYIS NI GONG DU RAB 'BYOR GYIS DGRA BCOM PA ZHES BYA BA'I DNGOS PO MED PAR BSTAN PA DE BDEN TE, DE BZHIN DU LUNG BSTAN PA ZHES BYA BA YANG DON DAM PAR YOD PA MA YIN TE, SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' YANG DE LTA BU'I MTSAN MAR 'DZIN PA'I 'DU SHES KYANG DON DAM PAR MED LA KUN RDZOB TU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG MI RGYA BAR YANG DOGS PA MED CING, STONG PA NYID KYIS SKRAG PAR YANG MI 'GYUR RO ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG YONG SU RDZOGS PAR BGYID CING RNAM PA THAMS CAD MKHYEN PA NYID DANG YANG NYE BAR 'GYUR BA LAGS ZHES BYA BA NI GONG DU BCOM LDAN 'DAS KYIS DON DAM PAR CHOS THAMS CAD RANG BZHIN GYIS STONG PAR LUNG BSTAN PA DANG, BLA NA @191A *, ,MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS DE NI 'DI'O ZHES BYA BAR MI SEMS SHING RNAM PAR MI RTOG KYANG, KUN RDZOB TU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG MI RGYA BAR DOGS PA DANG, THE TSOM YANG MED DE GDON MI ZA BAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES BSHAD PA DE LTAR MNGON PAR RDZOGS PAR 'TSANG RGYA YANG PHA ROL TU PHYIN PA DRUG YONGS SU RDZOGS PAR MA BYAS SHING BSOD NAMS DANG YE SHES KYI TSOGS MA BSAGS PAR MI 'GYUR NA PHA ROL TU PHYIN PA DRUG JI LTAR YONGS SU RDZOGS PAR BGYI, BSOD NAMS DANG YE SHES KYI TSOGS NI JI LTAR BSAGS TE, RNAM PA THAMS CAD MKHYEN PA NYID DANG NYE BAR GYUR PAR BGYI ZHES KUN RDZOB TU PHA ROL TU PHYIN PA DRUG JI LTAR YONGS SU RDZOGS PAR BYA BA'I THABS ZHUS PA'O, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR 'DI LA BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA'I TSE ZHES BYA BA NAS LE'U BZHI BCU RTZA GSUM LA THUG GI BAR DU KUN RDZOB TU SNYING RJE CHEN PO LA GNAS NAS PHA ROL TU PHYIN PA DRUG YONGS SU RDZOGS PAR BYA BA DANG, SANGS RGYAS KYI ZHING YONGS SU DAG PAR BYA BA DANG, SEMS CAN YONGS SU SMIN PAR BYA BA'I THABS DANG, SMON LAM RGYA CHEN POR BSTAN PA STE, DE DAG GI DON KYANG RANG LOG TU ZAD DO, ,DE NAS 'KHOR DER GANG G'A'I LHA MO ZHES BYA BA'I BUD MED CIG 'DUS TE 'DUG PAR GYUR PA DE STAN LAS LANGS TE ZHES BYA BA NAS, LE'U BZHI BCU RTZA BZHI LA THUG GI BAR DU LHA MO'I MING GANG G'A ZHES BYA BA LUNG BSTAN PA BSHAD PA STE, DE LTAR LUNG BSTAN PA YANG BUD MED KYIS SMON LAM RGYA CHEN PO BTAB PA'I DGE BA'I RTZA BA BSKYED NA SKYES PA DANG 'DRA BAR 'PHAGS PA'I SA THOB PAR 'GYUR BA BSTAN PA'I PHYIR TE, TSIG RNAMS NI RANG LOG TU ZAD DO, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA LA SOGS PA NI GONG DU RNAM PAR THAR PA'I SGO GSUM LA GNAS NAS SEMS CAN YONGS SU SMIN PAR BYA BA DANG, SANGS RGYAS KYI ZHING YONGS SU DAG PAR BYA BA @191B LA SOGS PA BSHAD PA, NYAN THOS DANG RANG SANGS RGYAS DAG NI RNAM PAR THAR PA'I SGO GSUM LA GNAS NAS MYA NGAN LAS 'DAS PA MNGON SUM DU BYED DE, SEMS CAN YONGS SU SMIN PAR BYA BA DANG, SANGS RGYAS KYI ZHING YONGS SU DAG PAR BYA BA LA SOGS PA MI NUS PA DAG KYANG YOD NA, DE LTAR MI 'GYUR BAR THABS MKHAS PAS RNAM PAR THAR PA'I SGO GSUM LA YANG GNAS LA MYA NGAN LAS 'DAS PA YANG MNGON SUM DU MI BYED CING, SEMS CAN GYI DON PHUN SUM TSOGS PAR 'GYUR BAR JI LTAR BGYI ZHES ZHUS PA STE, DE LA JI LTAR STONG PA NYID LA YONGS SU 'DRIS PAR BGYI ZHES BYA BA NI LHAG MTHONG GIS JI LTAR SHES PAR BYA BA ZHUS PA'O, ,STONG PA NYID KYI TING NGE 'DZIN LA SNYOMS PAR 'JUG PAR BGYI ZHES BYA BA NI ZHI GNAS JI LTAR GOMS PAR BYA ZHES ZHUS PA'O, ,MDOR NA ZHI GNAS LHAG MTHONG GNYIS ZUNG DU 'BREL PAR JI LTAR BSGOM ZHES ZHUS PA'O, , STONG PA NYID BSGOM PA JI LTAR ZHUS PA DE BZHIN DU SANGS RGYAS KYI CHOS MA 'DRES PA BCO BRGYAD LA THUG GI BAR DU YANG SBYAR BAR BYA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GZUGS STONG ZHES BYA BAR BRTAG PAR BYA'O ZHES BYA BA NAS GZUGS MED PA'I KHAMS STONG ZHES BRTAG PAR BYA'O ZHES BYA BA'I BAR GYIS NI RAB 'BYOR GYIS ZHUS PA'I LAN BKA' STZAL PA STE, NYAN THOS DANG RANG SANGS RGYAS DAG NI GANG ZAG LA BDAG MED PA NYI TSE RTOGS PAS MU STEGS CAN GYIS BRTAGS PA'I BDAG RNAMS STONG PAR RTOG GI, CHOS LA BDAG MED PA MA RTOGS PAS GZUGS LA SOGS PA'I CHOS RNAMS STONG PAR RTOGS TE, DE BAS NA GZUGS LA SOGS PA'I SANGS RGYAS KYI CHOS MA 'DRES PA BCO BRGYAD LA THUG GI BAR GYI CHOS RNAMS DANG, KHAMS GSUM YANG STONG ZHES BYA BAR LHAG MTHONG GIS BRTAG PAR BYA'O ZHES BSTAN PA'O, ,DE YANG CI NAS KYANG DE LTAR BRTAGS NA SEMS G-YENG BAR MI 'GYUR BA DE LTAR BRTAG PAR BYA STE ZHES BYA BA NI ZHI GNAS KYI SEMS TING NGE 'DZIN DU MNYAM PAR GZHAG STE BSGOM MO ZHES BYA BA'I DON TO, ,DE SEMS MI G-YENG BA DANG LDAN PAS CHOS DE YANG DAG PAR RJES SU MI MTHONG STE ZHES BYA BA NI DE LTAR ZHI GNAS DANG LHAG @192A *, ,MTHONG GNYIS ZUNG DU 'BREL NA GZUGS LA SOGS PA'I CHOS DE DAG DNGOS PO YOD PAR MI MTHONG NGO ZHES BSTAN PA'O, ,CHOS DE YANG DAG PAR RJES SU MA MTHONG BAS MNGON DU MI BYED DO ZHES BYA BA NI DE LTAR 'DUS BYAS DANG 'DUS MA BYAS KYI CHOS THAMS CAD LA DNGOS POR MI LTA NA ZHI BA PHYOGS GCIG PA'I MYA NGAN LAS 'DAS PA MNGON DU MI BYED DO ZHES BYA BA'I DON TO, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO DE CHOS THAMS CAD RANG GI MTSAN NYID STONG PA NYID LA BSLABS PAS, CHOS GANG LA YANG RIGS CHAD PAR MI BYED DE ZHES BYA BA NI CHOS GANG YANG RJES SU MA MTHONG BAS MNGON DU MI BYED PA'I GTAN TSIGS BSTAN PA STE, BYANG CHUB SEMS DPA' DES CHOS THAMS CAD RANG GI MTSAN NYID KYIS STONG PAR SNGA NAS BSLABS SHING RTOGS PAS 'DI NI MNGON DU BYED DO, ,'DI NI MNGON DU MI BYED PA'O, ,'DI NI MNGON DU BYED PA'I RGYU'O ZHES MNGON DU BYED PA'O, , MNGON DU BYA BA DANG, MNGON DU BYED PA RNAMS SO SOR RIGS SU BCAD DE YOD PAR MI LTA'O ZHES BSTAN PA'O, ,DON DE NYID GSAL BAR BSTAN PA'I PHYIR GANG MNGON DU BYED PA DANG, GANG MNGON DU BYA BA DANG, GANG GIS MNGON DU BYA BA'I CHOS DE DAG THAMS CAD KYANG YANG DAG PAR RJES SU MI MTHONG ZHES BYA BA GSUNGS TE, GANG MNGON DU BYED PA ZHES BYA BA NI BYANG CHUB SEMS DPA' MNGON DU BYED PA PO LA BYA'O, ,GANG MNGON DU BYA BA ZHES BYA BA NI MNGON DU BYA BA'I DNGOS PO MYA NGAN LAS 'DAS PA LA BYA'O, ,GANG GIS MNGON DU BYA BA NI MNGON DU BYED PA'I YE SHES LA BYA STE, CHOS DE DAG THAMS CAD RANG GI MTSAN NYID KYIS STONG PA'I PHYIR GANG YANG RJES SU MA MTHONG NGO ZHES BYA BA'I DON TO, ,RAB 'BYOR GYIS GSOL PA, BCOM LDAN 'DAS KYIS KYANG 'DI SKAD DU BYANG CHUB SEMS DPA' SEMS DPA' CHEN PO STONG PA'I CHOS RNAMS MNGON DU MI BYA'O ZHES BKA' STZAL PA DE LA, BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO STONG PA NYID LA GNAS PA STONG PA NYID MNGON DU MI BGYID PA LAGS ZHES BYA BA NI BYANG CHUB SEMS DPA' CHOS THAMS CAD STONG PA NYID DU YANG RTOGS LA, NYAN THOS DANG RANG SANGS RGYAS LTAR STONG PA NYID MNGON SUM DU YANG MI BYA BA'I THABS BSTAN PA'I SKABS DBYE BA'I PHYIR @192B ZHUS PA STE, STONG PA NYID LA GNAS NA STONG PA NYID MNGON DU MI BYAR MI RUNG NGAM ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO RNAM PA'I MCHOG THAMS CAD DANG LDAN PA'I STONG PA NYID LA RAB TU RTOG STE, MNGON DU MI BYED DO ZHES BYA BA LA SOGS PAS NI STONG PA NYID LA GNAS KYANG STONG PA NYID MNGON DU MI BYED PA'I THABS BSTAN PA STE, RNAM PA'I MCHOG THAMS CAD DANG LDAN PA'I STONG PA NYID CES BYA BA NI NYAN THOS DANG RANG SANGS RGYAS KYI STONG PA LTAR NYI TSE BA NI MA YIN GYI, GANG ZAG DANG CHOS GNYIS KA RNAM PA THAMS CAD DU STONG PAR RTOGS PAS MYA NGAN LAS 'DAS PA YANG STONG PAR RTOGS PA'I PHYIR MNGON DU MI BYED DO ZHES BSTAN PA'O, ,MNGON DU BYA'O SNYAM DU MI RTOG GO, ,MNGON DU BYA BA YIN NO ZHES BYA BAR MI RTOG STE ZHES BYA BA NI TING NGE 'DZIN LA 'JUG PA'I SNGON ROL NAS KYANG MNGON DU BYA BA DON DU MI GNYER TO ZHES BYA BA'I DON TO, ,YONGS SU 'DRIS PAR BYA BAR RTOG CING 'DI NI YONGS SU 'DRIS PAR BYA BA'I DUS YIN GYI, 'DI NI MNGON DU BYA BA'I DUS MA YIN NO ZHES BYA BAR RTOG GO ZHES BYA BA NI STONG PA NYID LA GNAS PA'I DON BSTAN PA STE, STONG PA NYID LA GNAS PA YANG ZHIB PHYOGS GCIG PAR LHUNG NAS STONG PA NYID MNGON DU BYED CING GNAS PA NI MA YIN GYI, LHAG MTHONG GI DBANG GIS CHOS THAMS CAD RANG BZHIN GYIS STONG PAR SHES SHING, 'DIS PA DANG GOMS PAR BYED LA STONG PA NYID LA GNAS PA YIN NO ZHES BSTAN PA'O, ,BYANG CHUB SEMS DPA' SEMS DPA' CHEN PO NI MNYAM PAR MA GZHAG PA NYID DU SEMS DMIGS PA LA 'DOGS TE ZHES BYA BA NI ZHI GNAS KYI DBANG DU GYUR NAS, ZHI BA PHYOGS GCIG PA'I TING NGE 'DZIN GYIS STONG PA NYID MNGON DU MI BYED PAR LHAG MTHONG GIS DMIGS PAR BYA BA'I CHOS RNAMS LA MNGON PAR MA CHAGS PAR SEMS 'JOG GO ZHES BSTAN PA'O, ,DES BAR MA DOR BYANG CHUB SEMS DPA' SEMS DPA' CHEN PO BYANG CHUB KYI PHYOGS KYI CHOS RNAMS LAS YONGS SU NYAMS PAR MI 'GYUR TE, ZAG PA ZAD PA YANG MNGON DU MI BYED DO ZHES BYA BA NI DE LTAR LHAG MTHONG LA GNAS PAS BYANG CHUB KYI PHYOGS KYI CHOS RNAMS LAS NYAMS PAR MI 'GYUR LA, MYA NGAN LAS 'DAS PA YANG MNGON DU MI BYED DO ZHES BYA BA'I DON TO, ,DE CI'I PHYIR ZHE NA ZHES BYA BA NAS @193A *, ,'DI NI MNGON DU BYA BA'I DUS MA YIN NO ZHES BYA BAR RAB TU SHES SO ZHES BYA BA'I BAR GYIS NI NYAN THOS LTAR MYA NGAN LAS 'DAS PA MNGON DU MI BYED PA'I GTAN TSIGS BSTAN PA STE, ZHI GNAS DANG LHAG MTHONG ZUNG DU 'BREL PA'I YE SHES RLABS PO CHE DANG LDAN PAS BYANG CHUB KYI PHYOGS KYI CHOS RNAMS LA SPYOD CING GNAS PA'I TSE CHOS 'DI DAG SHES PAR BYA BA TZAM DU ZAD KYI DON DAM PAR DNGOS PO MED PAS, MNGON DU BYA BA NI MA YIN NO ZHES BYA BA'I BAR SHES PA'I PHYIR RO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA DES 'DI LTAR 'DI NI SHES PA'I PHA ROL TU PHYIN PA'I DUS SO ZHES BYA BA NAS 'DI NI RANG SANGS RGYAS KYI YE SHES MNGON DU BYA BA'I DUS MA YIN TE ZHES BYA BA'I BAR GYIS NI GONG DU BYANG CHUB KYI PHYOGS KYI CHOS RNAMS LAS YONGS SU NYAMS PAR YANG MI 'GYUR LA, ZAG PA ZAD PA YANG MNGON DU MI BYED PAR BSHAD PA BYANG CHUB KYI PHYOGS GANG DANG GANG LAS MI NYAMS PA DANG, ZAG PA ZAD PA'I CHOS GANG DANG GANG MNGON DU MI BYED PA ZHIB TU RNAM PAR PHYE STE BSTAN PA STE, PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS LA SPYOD CING 'DRIS PA DANG, GOMS PAR BYED PA'I CHOS 'DI DAG SHES PAR BYA BA YIN GYI, NYAN THOS DANG RANG SANGS RGYAS KYI 'BRAS BU THOB PAR BYA BA MA YIN PAR BRTAG PAR BYA'O ZHES BSTAN PA'O, ,'DI NI RNAM PA THAMS CAD MKHYEN PA NYID THOB PAR BYA BA YONGS SU MI GTONG BA'I DUS SO ZHES BYA BAR BRTAG PAR BYA STE ZHES BYA BA NI NYAN THOS DANG RANG SANGS RGYAS KYI 'BRAS BU MNGON DU BYAS NA RNAM PA THAMS CAD MKHYEN PA NYID YONGS SU BTANG BAR 'GYUR GYI DE LTAR MI BYA'O ZHES BYA BA'I DON TO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, STONG PA NYID LA YONGS SU 'DRIS PAR BYED CING STONG PA NYID KYIS RNAM PAR SPYOD PA YIN ZHES BYA BA NAS, DGRA BCOM PA NYID MNGON DU MI BYED DO, ,RANG BYANG CHUB MNGON DU MI BYED DO ZHES BYA BA'I BAR GYIS NI GONG DU STONG PA NYID LA GNAS PA JI LTAR STONG PA NYID MNGON DU BYED PAR MI 'GYUR ZHES RAB 'BYOR GYIS ZHUS PA'I LAN BCOM LDAN 'DAS KYIS ZHIB TU BSHAD DE, BKA' STZAL PA'I DON MJUG BSDUS NAS BSTAN PA'O, ,RNAM @193B PAR THAR PA'I SGO GSUM LA SOGS PA'I CHOS RNAMS SHES RAB KYIS 'DRIS SHING GOMS PAR BYED PA NYID LA, DE DAG LA GNAS PA ZHES BYA BA'I NYAN THOS DANG RANG SANGS RGYAS LTAR ZAG PA MED PA'I CHOS MNGON DU BYED PA NI MA YIN NO ZHES BSTAN PA'O, ,RAB 'BYOR 'DI LTA STE SKYES BU ZHIG DPA' LA RTZAL CHE LA ZHES BYA BA NAS MTSAN MA MED PA'I TING NGE 'DZIN GANG MNGON DU BYAS PAS NYAN THOS KYI SA'AM, RANG SANGS RGYAS KYI SA LA GNAS PAR 'GYUR BA DE LTA BU YANG MNGON DU MI BYED DO ZHES BYA BA'I BAR GYIS NI BYANG CHUB SEMS DPA' SHES RAB KYI PHA ROL TU PHYIN PA LA SPYOD PA THABS MKHAS PA DANG LDAN PA CHOS THAMS CAD STONG PA NYID DU YANG RTOGS PAR BYED LA, NYAN THOS DANG RANG SANGS RGYAS KYI MYA NGAN LAS 'DAS PA MNGON SUM DU YANG MI BYED PA'I DPE MI DPA' BO RTZAL CHE ZHING THABS MKHAS PA LAS BLANGS TE BSTAN PA STE, TSIG GZHAN NI RANG LOG TU ZAD, SGYU RTZAL DRUG CU RTZA BZHI PO NI RTZAL GYIS THABS SNA TSOGS DANG, DGRA THABS SNA TSOGS DANG, BZO'I SPYAD SNA TSOGS DANG, 'TSO RTZIS SU BYA BA'I SPYAD RNAM PA SNA TSOGS LA MKHAS PA LA BYA STE, DE LTA BU'I MI DPA' BO DE 'BROG DGON PA 'JIGS PA CHEN POR PHYIN PA LAS, DGRA BYUNG YANG DPA' ZHING RTZAL CHE LA THABS MKHAS PAS PHA MA DANG BU SMAD KYANG 'JIGS PA NAS BTON TE BDE BAR BKOD, BDAG NYID LA YANG DGRAS MI TSUGS SHING, DGRA LA YANG GNOD PAR MI 'GYUR BA DE BZHIN DU, BYANG CHUB SEMS DPA' THABS MKHAS PA DANG LDAN PA YANG SEMS CAN THAMS CAD LA TSAD MED PA SEMS NYE BAR 'JOG CING, PHA ROL TU PHYIN PA DRUG YONGS SU RDZOGS PAR BYAS TE; RNAM PAR THAR PA'I SGO GSUM LA GNAS NAS RNAM PA THAMS CAD MKHYEN PA NYID THOB PAR BYA BA'I DON LA YANG 'DRIS PAR BYED LA, DE DAG LA MTSAN MAR YANG MI 'DZIN, NYAN THOS DANG RANG SANGS RGYAS KYI SAR LHUNG BAR 'GYUR BA'I MTSAN MA MED PA'I TING NGE 'DZIN KYANG MNGON DU MI BYED DO ZHES BSTAN PA STE; MI DPA' BO CHE NI BYANG CHUB SEMS DPA' THABS MKHAS PA'I DPE'O, ,PHA MA DANG BU SMAD NI SEMS CAN THAMS CAD KYI DPE'O, ,PHYIR RGOL BA'I DGRA MANG PO NI THEG PA CHUNG NGU'I MI DGE BA'I BSHES GNYEN GYI DPE'O, ,GRONG DANG GRONG KHYER DANG GRONG RDAL DANG LJONGS NI BYANG CHUB SEMS DPA'I LAM BDE @194A *, ,BA NYAN THOS DANG RANG SANGS RGYAS SU LHUNG BA'I NYEN MED PA'I DPE YIN PAR RIG PAR BYA'O, ,RAB 'BYOR 'DI LTA STE DPER NA 'DAB CHAGS BYA NI BAR SNANG LA RGYU ZHING SA LA MI LTUNG STE ZHES BYA BA NAS SANGS RGYAS KYI CHOS TSAD MED PA LA SPYAD NAS, RNAM PA THAMS CAD MKHYEN PA NYID THOB PAR BYED DO ZHES BYA BA'I BAR GYIS NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' THABS MKHAS PA MI GNAS PA'I MYA NGAN LAS 'DAS PA LA GNAS PA'I DPE BYA BAR SNANG LA RGYU BA LAS BLANGS NAS BSTAN PA STE, BYA BAR SNANG LA RGYU BA NAM MKHA'I DKYIL BAR SNANG LA YANG GNAS MI 'CHA' LA, BYOL SONG GZHAN LTAR SA 'BA' ZHIG LA YANG MI BRTEN PA DE BZHIN DU BYANG CHUB SEMS DPA' THABS MKHAS PA YANG RNAM PAR THAR PA'I SGO GSUM LA SPYAD PAS NYAN THOS DANG RANG SANGS RGYAS KYI SA MNGON DU YANG MI BYED LA, THABS KYIS BYANG CHUB SEMS DPA'I SPYAD PA SNA TSOGS SPYOD KYANG SEMS CAN PHAL LTAR 'KHOR BA NA YANG MI GNAS TE DE LTAR 'KHOR BA DANG MYA NGAN LAS 'DAS PA GNYIS KA PHYOGS GCIG TU MI GNAS PA NI MI GNAS PA'I MYA NGAN LAS 'DAS PA YIN NO ZHES BSTAN PA'O, ,RAB 'BYOR 'DI LTA STE DPER NA, SKYES BU MTHU DANG LDAN PA 'PHONG RTZAL GYI SLOB DPON DU GYUR PA ZHES BYA BA NAS NAM DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR GYUR PA DE NA, YANG DAG PA'I MTHA' DAM PA MNGON DU BYED DO ZHES BYA BA'I BAR GYIS NI BYANG CHUB SEMS DPA' SHES RAB KYI PHA ROL TU PHYIN PA LA SPYOD PA GZHAN GYI DON PHUN SUM TSOGS PA MA GRUB KYI BAR DU BDAG GI DON MI BYED PA'I DPE SKYES BU MTHU DANG LDAN PA 'PHONG RTZAL GYI SLOB DPON DU GYUR PA LAS BLANGS NAS BSTAN PA STE, MDA' GNAM DU 'PHANGS NAS MDA' PHYI MA GCIG NAS GCIG TU BRGYUD PAS SA LA MI LHUNG BAR BYA BA NI BYANG CHUB SEMS DPA'I SMON LAM DANG, DGE BA'I RTZA BA SPYAD PA'I SHUGS DRAG PO SEMS CAN GYI DON MTHAR MA PHYIN GYI BAR DU MI GTONG BA'I DPE YIN PAR RIG PAR BYA'O, ,RAB 'BYOR DE BAS NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS CHOS DE DAG GI CHOS NYID DE LTAR YONGS SU BRTAG PAR BYA'O ZHES BYA BA NI GONG DU BSHAD PA'I DON RNAMS MJUG BSDUS @194B NAS BSTAN PA STE, BYANG CHUB SEMS DPA'I THABS MKHAS PA'I CHOS NYID DU BSHAD PA DE DAG LA DE LTAR BSLAB PAR BYA'O ZHES BSTAN PA'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO GANG CHOS NYID 'DI LA SLOB PA ZHES BYA BA NAS RNAM PAR THAR PA'I SGO GSUM LA SLOB CING BAR MDOR BLA NA MED PA YANG DAG PAR RDZOGS PA'I BYANG CHUB LAS NYAMS PAR MI 'GYUR BA NI DKA' BA BGYID PA STE, BCOM LDAN 'DAS NGO MTSAR CHE'O, ,BDE BAR GSHEGS PA SHIN TU NGO MTSAR CHE'O ZHES BYA BA'I BAR GYIS NI BYANG CHUB SEMS DPA' SHES RAB KYI PHA ROL TU PHYIN PA LA SPYOD PA, SHES RAB KYI PHA ROL TU PHYIN PA'I CHOS NYID ZAB MO CHOS THAMS CAD STONG PA NYID DU MTHONG BA LA SLOB PA RNAMS STONG PAS SKRAG STE, SEMS ZHUM NAS BLA NA MED PA'I BYANG CHUB MA THOB PAR BAR MA DOR NYAN THOS DANG RANG SANGS RGYAS KYI SAR MI LHUNG BAR NUS PA NI DKA' BA BGYID PA STE, RAB TU NGO MTSAR CHE'O ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR BYANG CHUB SEMS DPA' SEMS DPA' CHEN POS SEMS CAN THAMS CAD YONGS SU MA BTANG BA'I PHYIR TE, RAB 'BYOR BYANG CHUB SEMS DPA' SEMS DPA' CHEN PO GANG GIS SEMS CAN THAMS CAD YONGS SU MA BTANG BA DE DAG GI SMON LAM GYI KHYAD PAR NI RNAM PA DE LTAR 'GYUR RO ZHES BYA BA NI DE LTAR BYANG CHUB SEMS DPA' CHOS THAMS CAD STONG PAR RTOGS KYANG STONG PAS SKRAG CING SEMS ZHUM STE BAR MDOR BLA NA MED PA YANG DAG PAR RDZOGS PA'I BYANG CHUB LAS NYAMS NAS, NYAN THOS DANG RANG SANGS RGYAS KYI SAR MI LTUNG BAS DKA' BA SPYOD PA DE YANG SNYING RJE CHEN POS SEMS CAN THAMS CAD YONGS SU MA BTANG STE, SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB TU MA BKOD KYI BAR DU BDAG MNGON PAR RDZOGS PAR 'TSANG MI RGYA'O ZHES SMON LAM KHYAD PAR CAN DU BTAB PA'I PHYIR DE LTAR 'GYUR RO ZHES BSTAN PA STE, SEMS CAN THAMS CAD YONGS SU MA BTANG YANG DAM PA MA YIN PA'I CHOS SPYOD PA'I SEMS CAN DANG, BDAG TU LTA BA'I SEMS CAN DANG, SEMS PHYIN CI LOG TU GYUR PA'I SEMS CAN DANG, GANG ZAG DANG CHOS SU RNAM PAR RTOG PA'I SEMS CAN DANG, MTSAN MA CAN DU SPYOD PA'I SEMS CAN DANG, 'JIG RTEN DANG @195A *, ,'JIG RTEN LAS 'DAS PA'I CHOS RNAMS LA SMON PA'I SEMS CAN RNAMS YONGS SU MA BTANG BA STE, DE LA RAB 'BYOR BYANG CHUB SEMS DPA' SEMS DPA' CHEN PO GANG SEMS CAN THAMS CAD NI BDAG GIS YONGS SU MA BTANG BA STE, DAM PA MA YIN PA'I CHOS LA GNAS PA 'DI DAG NI BDAG GIS YONGS SU DGROL BAR BYA'O ZHES BYA BA NAS JI SRID DU RNAM PA THAMS CAD MKHYEN PA NYID MA THOB KYI BAR DU MA DOR YANG DAG PA'I MTHA' MNGON DU MI BYED PAR RIG PAR BYA'O ZHES BYA BA'I BAR GYIS NI DAM PA MA YIN PA'I CHOS SPYAD PA'I SEMS CAN RNAMS YONGS SU MA BTANG BA'I PHYIR RNAM PAR THAR PA'I SGO GSUM GYI TING NGE 'DZIN MNGON PAR SGRUB CING, NYAN THOS DANG RANG SANGS RGYAS LTAR YANG DAG PA'I MTHA' MNGON DU MI BYED PA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO GANG GI TSE 'DI LTA STE NANG STONG PA NYID DANG ZHES BYA BAS THABS MKHAS PAS YONGS SU BZUNG BA'I BYANG CHUB SEMS DPA' SEMS DPA' CHEN PO DE NI DGE BA'I RTZA BA RNAMS KYIS RNAM PAR 'PHEL ZHING DE'I DBANG PO RNAMS KYANG CHES RNO BAR 'GYUR TE, NYAN THOS DANG RANG SANGS RGYAS KYI LTA BU MA YIN PAR 'GYUR RO ZHES BYA BA'I BAR GYIS NI BDAG TU LTA BA'I SEMS CAN RNAMS YONGS SU MA BTANG BA'I PHYIR STONG PA NYID KYI CHOS RNAMS LA SPYOD CING SEMS CAN 'DI DAG YUN RING PO NAS BDAG DANG SEMS CAN DANG, SROG DANG, 'GRO BA DANG, GSO BA DANG, SKYES BU DANG, GANG ZAG LA SOGS PA'I 'DU SHES PAS DMIGS PA CAN DU SPYOD PA YIN GYI DE DAG GI DMIGS PA SPANG BA'I PHYIR CHOS BSTAN PAR BYA'O SNYAM DU SEMS SHING, YANG DAG PA'I MTHA' MNGON DU MI BYED NA PHA ROL TU PHYIN PA DRUG LA SOGS PA'I RNAM PAR BYANG BA'I CHOS RNAMS YONGS SU 'GRIB PAR MI 'GYUR ZHING, DGE BA'I CHOS RNAMS KYIS RNAM PAR 'PHEL BA DANG, NYAN THOS DANG RANG SANGS RGYAS LAS KHYAD PAR DU 'PHAGS PAR SHES RAB RNO BAR 'GYUR RO ZHES BDAG TU LTA BA'I SEMS CAN RNAMS YONGS SU MA BTANG PA PHAN YON DANG BCAS PAR BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO NI 'DI LTA STE, SEMS CAN 'DI DAG NI YUN RING PO NAS PHYIN CI LOG BZHI LA SPYOD SPYOD @195B PA ZHES BYA BA NAS, BLA NA MED PA YANG DAG PAR RDZOGS PA'I BYANG CHUB TU 'TSANG RGYA PAR SANGS RGYAS KYI BAR DU YANG DAG PA'I MTHA' MNGON DU MI BYED DO ZHES BYA BA'I BAR GYIS NI SEMS PHYIN CI LOG TU GYUR PA'I SEMS CAN RNAMS YONGS SU MA BTANG PA'I PHYIR THABS LA MKHAS PA RNAM PAR BYANG BA'I CHOS RNAM YONGS SU RDZOGS PAR MA GYUR GYI BAR DU YANG DAG PA'I MTHA' MNGON DU MI BYED PA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO NI 'DI SNYAM DU SEMS CAN 'DI DAG NI YUN RANG PO NAS DMIGS PA LA SPYOD SPYOD PA STE ZHES BYA BA NAS SNYING RJE CHEN PO YONGS SU MA RDZOGS PAR YANG DAG PA'I MTHA' MNGON DU MI BYED DE, DE'I TSE BYANG CHUB SEMS DPA' SEMS DPA' CHEN PO RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA'I TING NGE 'DZIN BSGOM PA YONGS SU RDZOGS PAR 'GYUR RO ZHES BYA BA'I BAR GYIS NI GANG ZAG DANG CHOS SU RNAM PAR RTOG PA'I SEMS CAN YONGS SU MA BTANG BA'I PHYIR RNAM PAR BYANG BA'I CHOS RNAMS YONGS SU MA RDZOGS PAR YANG DAG PA'I MTHA' MNGON DU MI BYED PA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, 'DI SNYAM DU SEMS CAN 'DI DAG NI YUN RING PO NAS MTSAN MA LA SPYOD SPYOD PA STE ZHES BYA BA NAS SNYING RJE CHEN PO YONGS SU MA RDZOGS PAR YANG DAG PA'I MTHA' MNGON DU MI BYED DE, LDE'I TSE BYANG CHUB SEMS DPA' SEMS DPA' CHEN PO'I RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA'I TING NGE 'DZIN BSGOM PA YONGS SU RDZOGS PAR 'GYUR RO ZHES BYA BA'I BAR GYIS NI MTSAN MA CAN DU SPYOD PA'I SEMS CAN RNAMS YONGS SU MA BTANG BA'I PHYIR THABS MKHAS PAS DE DE BZHIN GSHEGS PA'I STOBS BCU LA SOGS PA YONGS SU MA RDZOGS PAR YANG DAG PA'I MTHA' MNGON DU MI BYED PA BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, 'DI SNYAM DU SEMS CAD 'DI DAG NI YUN RING PO NAS SMON LAM LA SPYOD SPYOD PA STE ZHES BYA BA NAS BLA NA MED PA YANG DAG PAR RDZOGS PA'I BYANG CHUB TU @196A *, ,MNGON PAR SANGS RGYAS KYI BAR DU YANG DAG PA'I MTHA' YANG MNGON DU MI BYED DO ZHES BYA BA'I BAR GYIS NI 'JIG RTEN DANG 'JIG RTEN LAS 'DAS PA'I CHOS RNAMS LA SMON PA'I SEMS CAN RNAMS YONGS SU MA BTANG BA'I PHYIR RNAM PAR THAR PA'I SGO GSUM GYI TING NGE 'DZIN SGOM PA YONGS SU RDZOGS PAR BYED CING DE BZHIN GSHEGS PA'I STOBS BCU LA SOGS PA YONGS SU MA RDZOGS PAR YANG DAG PA'I MTHA' MNGON DU MI BYED PA BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA DANG ZHES BYA BA NAS SANGS RGYAS KYI CHOS MA 'DRES PA RNAMS LA SPYOD PA DANG, 'DRES PAR BYED CING DE LTA BU'I YE SHES MTHONG BA DANG LDAN PA'I BYANG CHUB SEMS DPA' SEMS DPA' CHEN PO NI MNGON PAR 'DU BYA BA MED PAR LTUNG BA'AM KHAMS GSUM PA DANG LHAN CIG GNAS MED SKABS MED DE DE NI GNAS MA YIN NO ZHES BYA BA'I BAR GYIS NI GONG DU BSHAD PA LTAR SNYING RJE CHEN PO DANG LDAN PAS, SEMS CAN THAMS CAD YONGS SU MA BTANG BA DANG, THABS MKHAS PAS YANG DAG PA'I MTHA' MNGON DU MI BYED PA'I BYANG CHUB SEMS DPA' PHA ROL TU PHYIN PA DRUG LA SOGS PA SPYOD PA NI NAM YANG NYAN THOS DANG RANG SANGS RGYAS KYI MYA NGAN LAS 'DAS PA MNGON PAR 'DU BYED PA MED PAR LTUNG BAR YANG MI 'GYUR LA, SEMS CAN PHAL LTAR 'KHOR BA NA GNAS PAR YANG MI 'GYUR RO ZHES BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO DE LTAR SPYOD PA'I BYANG CHUB KYI PHYOGS KYI CHOS 'DI DAG LA YONGS SU 'DRIS PAR BYED PA DE CI LTAR NA ZHES BYA BA LA SOGS PAS NI, DE LTAR SPYOD PA'I BYANG CHUB SEMS DPA' DE DAG LUNG BSTAN PA YIN NAM, MA YIN BRTAG PA'I PHYIR, BYANG CHUB SEMS DPA' NANG GCIG LA GCIG 'DRIR GZHUG PA BSTAN PA STE, DE LA DE LTAR SPYOD CING BYANG CHUB KYI PHYOGS KYI CHOS 'DI DAG YONGS SU 'DRIS PAR BYED PA DE LA JI LTAR NA ZHES BYA BA NAS, DE CI'I PHYIR ZHE NA, DE NI 'DI LTAR PHYIR MI LDOG PA'I BYANG CHUB SEMS DPA' SEMS DPA' CHEN PO'I YONGS SU 'DRIS PAR BYA BA DE BRJOD DO, ,DE LUNG BSTAN TO, ,DE RAB TU 'BYED DO ZHES BYA BA'I BAR GYIS NI DE LTAR SPYOD PA'I BYANG CHUB SEMS DPA' DE LA PHA ROL TU PHYIN PA DRUG LA @196B SOGS PA'I CHOS DE DAG LA SPYOD CING YONGS SU 'DRIS PAR BYED PA NA NYAN THOS DANG RANG SANGS RGYAS KYI SA THOB PAR 'GYUR PA'I STONG PA NYID YANG DAG PA'I MTHA' MNGON DU MI BYED PA YIN ZHES DRIS NA, GAL TE RNAM PAR THAR PA'I SGO GSUM DANG, MNGON PAR 'DU BYA BA MED PA DANG, SKYE BA MED PA DANG, 'GAG PA MED PA DANG, DNGOS PO MED PA YID LA 'DRIS PAR BYA BA TZAM DU ZAD KYI, MNGON DU BYA BA MA YIN NO ZHES LAN LDON NA DE PHYIR MI LDOG PA'I BYANG CHUB SEMS DPA' DANG MTHUN PAR LAN LDON PAS DE BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR RIG PAR BYA BA BSTAN PA'O, ,RAB 'BYOR GAL TE BYANG CHUB SEMS DPA' SEMS DPA' CHEN PO LA DE LTA BU DRIS NA, 'DI SKAD DU LUNG STON CING DES STONG PA NYID LA YONGS SU 'DIS PAR MI BYA'O ZHES BYA BA NAS PHYIR MI LDOG PA'I BYANG CHUB SEMS DPA' SEMS DPA' CHEN POS PHYIR MI LDOG PA'I SA NON PA LTAR BSRABS PA'I SA NON PA MA YIN NO ZHES BYA BAR RIG PAR BYA'O ZHES BYA BA'I BAR GYIS NI PHA ROL TU PHYIN PA DRUG LA SOGS PA LA SPYOD PA'I TSE, JI LTAR YANG DAG PA'I MTHA' MNGON DU MI BYED PA YIN ZHES DRIS PA NA RNAM PAR THAR PA'I SGO GSUM DANG, MNGON PAR 'DU BYA BA MED PA LA SOGS PA YONGS SU 'DRIS PAR MI BYA'O ZHES ZER NA, PHYIR MI LDOG PA'I BYANG CHUB SEMS DPA' DRIS PA'I LAN LDON PA DANG MI MTHUN PAS BLA NA MED PA YANG DAG PAR RDZOGS PA'I BYANG CHUB TU LUNG BSTAN PA MA YIN PAR RIG PAR BYA BA BSTAN PA STE, PHYIR MI LDOG PA'I BYANG CHUB SEMS DPA' SEMS DPA' CHEN POS PHYIR MI LDOG PA'I SA NON PA LTAR BSRABS PA'I SA NON PA MA YIN NO ZHES BYA BA LA BSRABS PA'I SA ZHES BYA BA NYAN THOS KYI SA'I RIM PA LA NI LAN CIG PHYIR 'ONG BA'I SA LA BYA, BYANG CHUB SEMS DPA'I SA'I RIM PA LA NI SA GNYIS PA YAN CHAD, SA BDUN PA MAN CHAD LA BYA STE, PHYIR MI LDOG PA'I BYANG CHUB SEMS DPA' SA BRGYAD NON PA NI MTSAN MA THAMS CAD SPANGS SHING LHUN GYIS GRUB PAR GYUR PA DE LTAR LUNG MA BSTAN PA'I BYANG CHUB SEMS DPA' DE DAG GIS BSRABS PA'I SA YANG LEGS PAR NON PAR MA GYUR TO ZHES BYA BA'I DON TO, ,GSOL PA BCOM LDAN 'DAS GANG GIS SLAR MI LDOG PAR 'GYUR BA'I RNAM GRANGS MCHIS SAM ZHES BYA BA NI BYANG CHUB SEMS DPA'I SA'I RIM PA @197A *, ,MA THOB PA LAS PHYIR MI LDOG PAR 'GYUR BA CI LAS BRTAG CES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI YOD DE, GAL TE BYANG CHUB SEMS DPA' SEMS DPA' CHEN POS PHA ROL TU PHYIN PA DRUG THOS KYANG RUNG MA THOS KYANG RUNG STE, PHYIR MI LDOG PA'I BYANG CHUB SEMS DPA' SEMS DPA' CHEN PO CI LTA BA BZHIN DU LAN GLAN PA'O ZHES BYA BA NI SA'I RIM PA MA THOB PA'I BYANG CHUB SEMS DPAS KYANG CHOS ZAB MO LA MOS SHING, GZHAN GYIS DRIS PA'I LAN PHYIR MI LDOG PA'I BYANG CHUB SEMS DPA' DANG MTHUN PAR LAN LDON PA DE DAG NI PHYIS PHYIR MI LDOG PAR 'GYUR ZHES BSTAN PA'O, ,GSOL PA BCOM LDAN 'DAS DE'I SLAD DU BYANG CHUB TU SPYOD PA NI MANG STE, PHYIR MI LDOG PA'I BYANG CHUB SEMS DPA' SEMS DPA' CHEN PO YONGS SU SBYANG BA'I SA'AM YONGS SU SBYANG BA MA LAGS PA'I SA LA GNAS PA BZHIN DU LAN 'DEBS PA NI NYUNG NGO ZHES BYA BA NI PHYIR MI LDOG PAR 'GYUR BA DKON PA STE, YONGS SU SBYANG BA'I SA NI MOS PAS SPYOD PA'I SA LA BYA'O, ,YONGS SU SBYANG BA'I SA MA YIN PA NI MOS PAS SPYOD PA'I SA YANG MA THOB PA LA BYA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO ZHES BYA BA NAS, DE DAG NI LHA DANG MI DANG LHA MA YIN DU BCAS PA'I 'JIG RTEN GYIS MI 'PHROGS PA'O, ,'PHAGS PA SHES RAB KYI PHA ROL TU PHYIN PA STONG PHRAG BRGYA BA LAS LE'U BZHI BCU LNGA PA'O,, ,,ZHES BYA BA'I BAR GYIS NI PHYIR MI LDOG PAR 'GYUR BA'I BYANG CHUB SEMS DPA' DKON PA'I GTAN TSIGS BSTAN PA STE, SNGON DGE BA'I RTZA BA CHEN PO BSKYED CING, BSOD NAMS DANG YE SHES KYI TSOGS BSAGS PA DE DAG GIS PHYIR MI LDOG PA'I BYANG CHUB SEMS DPA' DANG MTHUN PAR LAN LDON ZHING, PHYIS KYANG PHYIR MI LDOG PAR 'GYUR TE, DE DAG DANG LHA DANG MI DANG LHA MA YIN GYI 'JIG RTEN GYIS ZIL GYIS MI NON CING SLAR MI TSUGS SO ZHES BYA BA'I DON TO, ,DE NAS YANG BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO ZHES BYA BA LA SOGS PA NAS PHYIR MI LDOG PA'I BYANG CHUB SEMS DPA'I MTSAN NYID BRTAG PAR BSTAN PA STE, RAB 'BYOR GAL TE BYANG CHUB SEMS DPA' SEMS DPA' @197B CHEN PO RMI LAM NA YANG ZHES BYA BA NAS, CHOS THAMS CAD SPRUL PA DANG 'DRA BA NYID DU LTA LA, MNGON DU MI BYED NA RAB 'BYOR DE NI PHYIR MI LDOG PA'I BYANG CHUB SEMS DPA' SEMS DPA' CHEN PO'I PHYIR MI LDOG PA'I MTSAN NYID DU RIG PAR BYA'O ZHES BYA BA'I BAR GYIS NI BYANG CHUB SEMS DPA' GANG GI RMI LAM NA YANG NYAN THOS DANG RANG SANGS RGYAS KYI SA DANG, KHAMS GSUM LA 'DOD PA'I SEMS MI SKYE ZHING YON TAN DU MI LTA LA, CHOS THAMS CAD RMI LAM DANG, SGRA BRNYAN DANG, GZUGS BRNYAN DANG, SMIG RGYU DANG, SPRUL PA DANG 'DRA BAR LTA ZHING, YANG DAG PA'I MTHA' MNGON DU MI BYED PA RMI NA DE LTA BU NI PHYIR MI LDOG PA'I BYANG CHUB SEMS DPAR 'GYUR BA'I RTAGS YIN NO ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO RMI LAM NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHABS 'BRING BRGYA PHRAG TU MA DANG ZHES BYA BA NAS GNYER BA'I CHOS LA SPYOD PA MTHONG NA RAB 'BYOR 'DI YANG PHYIR MI LDOG PA'I BYANG CHUB SEMS DPA' SEMS DPA' CHEN PO PHYIR MI LDOG PA'I MTSAN NYID DU RIG PAR BYA'O ZHES BYA BA'I BAR GYIS NI BYANG CHUB SEMS DPA' GANG GI RMI LAM NA SANGS RGYAS BCOM LDAN 'DAS 'KHOR MANG POS BSKOR ZHING CHOS 'CHAD PA MTHONG LA, CHOS DE'I DON SHES PAR BYA'O SNYAM DU SEMS SHING NAN TAN BYED PA MTHONG NA DE YANG PHYIR MI LDOG PAR 'GYUR BA'I RTAGS YIN PAR BSTAN PA STE, CHOS DANG GNYER BA'I CHOS ZHES BYA BA LA, CHOS NI MYA NGAN LAS 'DAS PA LA SOGS PA THOB PAR BYA BA'AM, RTOG PAR BYA BA'I CHOS RNAMS LA BYA'O; ,GNYER BA'I CHOS NI THOB PAR BYA BA'I CHOS DE RNAMS BSGRUB PAR 'PHAGS PA'I LAM LA BYA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO RMI LAM NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NAM MKHA' LA 'PHAGS SHING ZHES BYA BA NAS, SPRUL PA DE DAG KYANG 'JIG RTEN GYI KHAMS GZHAN DU SANGS RGYAS KYI BYA BA BYED PA MTHONG NA RAB 'BYOR 'DI YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I PHYIR MI LDOG PA'I MTSAN NYID DU RIG PAR BYA'O ZHES BYA BA'I BAR GYIS NI BYANG CHUB SEMS DPA' LA LA'I RMI LAM @198A *, ,NA DE BZHIN GSHEGS PA SKYES BU CHEN PO'I MTSAN DANG DPE BYAD PHUN SUM TSOGS PA DGE SLONG GI DGE 'DUN LA CHOS STON PA DANG, RDZU 'PHRUL DANG, CHO 'PHRUL DANG, SPRUL PA MANG PO STON CING, SPRUL PA DAG KYANG 'JIG RTEN GYI KHAMS GZHAN DU SEMS CAN YONGS SU SMIN PAR BYA BA LA SOGS PA SANGS RGYAS KYI BYA BA BYED PA MTHONG NA, DE YANG PHYIR MI LDOG PAR 'GYUR BA'I RTAGS YIN NO ZHES BSTAN PA'O, ,RAB 'BYOR GZHAN YANG GAL TE BYANG CHUB SEMS DPA' SEMS DPA' CHEN POS RMI LAM NA DGRA BCOM PA'AM ZHES BYA BA NAS KHAMS GSUM PA'I CHOS THAMS CAD RMI LAM LTA BUR BSTAN PAR BYA'O SNYAM NA RAB 'BYOR 'DI YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I PHYIR MI LDOG PA'I MTSAN NYID DU RIG PAR BYA'O ZHES BYA BA'I BAR GYIS NI BYANG CHUB SEMS DPA' KHA CIG RMI LAM NA BDAG DANG GZHAN LA GNOD PA DANG, MI BDE BA SNA TSOGS MTHONG YANG MI 'JIGS MI SDONG LA MYA NGAN MI BYED PA DANG, GNYID LAS SAD PA'I TSE YANG KHAMS GSUM PA'I CHOS THAMS CAD RMI LAM DANG 'DRA BAR RTOGS SHING, YID CHES PA DANG, CHOS THAMS CAD RMI LAM DANG 'DRA BAR GZHAN LA YANG BSTAN PAR SEMS NA DE YANG PHYIR MI LDOG PA'I MTSAN NYID DU RIG PAR BYA'O ZHES BSTAN PA'O, ,RAB 'BYOR GZHAN YANG CI LTAR PHYIR MI LDOG PA'I BYANG CHUB SEMS DPA' SEMS DPA' CHEN POS ZHES BYA BA NAS RMI LAM GANG YIN PA DANG, RMI LAM GYI MTHA' GANG YANG YIN PA DE GNYIS SU MED DE GNYIS SU BYAR MED DO SNYAM NA RAB 'BYOR 'DI YANG PHYIR MI LDOG PA'I BYANG CHUB SEMS DPA' SEMS DPA' CHEN PO PHYIR MI LDOG PA'I MTSAN NYID DU RIG PAR BYA'O ZHES BYA BA'I BAR GYIS NI BYANG CHUB SEMS DPA' LA LA'I RMI LAM DU NGAN SONG GSUM MTHONG NAS BDAG MNGON PAR RDZOGS PAR SANGS RGYAS PA'I SANGS RGYAS KYI ZHING NA NGAN SONG GSUM PO DE DAG RNAM PA THAMS CAD DU MED PAR 'GYUR BA DE LTAR BYANG CHUB SEMS DPA' SPYAD PA SPYOD DO SNYAM DU YI DAM 'CHA' NA DE YANG PHYIR MI LDOG PAR 'GYUR BA'I RTAGS YIN PA DANG, BYANG CHUB SEMS DPA' DE MNGON PAR RDZOGS PAR SANGS RGYAS PA'I SANGS RGYAS KYI ZHING NA NGAN SONG GSUM RNAM PA THAMS CAD DU MI SRID PAR 'GYUR BA'I MTSAN MA YIN PAR BSTAN PA'O, ,RAB @198B 'BYOR GZHAN YANG GAL TE BYANG CHUB SEMS DPA' SEMS DPA' CHEN POS RMI LAM SAD PA'I TSE, GRONG KHYER TSIG PAR GYUR NA ZHES BYA BA NAS RGYU DE DANG RKYEN DE DAG GIS PHYIR MI LDOG PA'I BYANG CHUB SEMS DPA' SEMS DPA' CHEN POR RIG PAR BYA'O ZHES BYA BA'I BAR GYIS NI BDEN PA'I BYIN GYI RLABS KYI MTHU LAS PHYIR MI LDOG PAR SHES PAR BYA BA BSTAN PA STE, RMI LAM MAM GNYID KYIS MA LOG PA'I TSE YANG RUNG, GRONG KHYER MES TSIG PA MTHONG NAS BDAG PHYIR MI LDOG PA'I BYANG CHUB SEMS DPA' YIN NA ME 'DI ZHI BAR GYUR CIG CES, BDEN PA'I TSIG GIS BYIN GYIS BRLABS TE ME DE ZHI BAR GYUR NA PHYIR MI LDOG PAR 'GYUR BAR RIG PAR BYA'O, ,DE STE ME DE RNAM PA THAMS CAD DU NI MA ZHI NAS LA LA MA TSIG PAR GYUR NA YANG, SEMS CAN DE DAG GI LAS LAS GYUR TE, LAS DE'I RNAM PAR SMIN PA DE BAS KYANG SDUG BSNGAL CHE LA YUN RING DU GYUR PA LAS, BYANG CHUB SEMS DPA'I BDEN PA'I BYIN GYI RLABS KYIS RNAM PAR SMIN PA DE TZAM DU ZAD PAR GYUR NA YANG PHYIR MI LDOG PAR 'GYUR BAR RIG PAR BYA BA BSTAN PA'O, ,RAB 'BYOR GZHAN YANG RNAM PA GANG DANG, TSUL GANG DANG MTSAN MA GANG GIS ZHES BYA BA NAS, RAB 'BYOR RNAM PA DE DAG DANG, TSUL DE DAG DANG, MTSAN MA DE DAG DANG LDAN PA'I BYANG CHUB SEMS DPA' SEMS DPA' CHEN PO NI PHYIR MI LDOG PAR RIG PAR BYA'O ZHES BYA BA'I BAR GYIS KYANG, PHYIR MI LDOG PA YIN NAM MA YIN PA BDEN PA'I BYIN GYI RLABS KYIS BRTAG PAR BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA THABS MKHAS PA DANG MI LDAN PA ZHES BYA BA NAS, RAB 'BYOR DE LTA BU YANG BYANG CHUB SEMS DPA' SEMS DPA' CHEN POS BDUD KYI LAS SU RIG PAR BYA'O ZHES BYA BA'I BAR GYIS NI BYANG CHUB SEMS DPA' THABS MI MKHAS PA RNAM PAR BYANG BA'I CHOS RNAMS YONGS SU RDZOGS PAR MA SPYAD PA DAG GIS BDEN PA'I BYIN GYIS BRLABS NA BDUD KYIS BSLUS NAS MNGON RTOGS BSTAN PAS NGA RGYAL SKYES TE BDAG STOD CING GZHAN SMOD PA DAG NYAN THOS DANG RANG SANG RGYAS KYI SAR LTUNG BA BSTAN PA'O, ,RAB 'BYOR JI LTAR NA BYANG CHUB SEMS DPA' SEMS DPA' CHEN PO SBYIN PA'I PHA ROL @199A *, ,BA'O, ,KHRI NI NYAL KHRI'O, ,'GRO BA NI 'GRO BA'I DON DU'O, ,BCOM PA NI ZAD PA'O, ,GANG DU ZHES BYA BA NI PHYOGS GANG LA'O, ,JI SRID CES BYA BA NI RING PO JI SRID DO, ,GNAS DER ZHES BYA BA NI GRONG KHYER DER ZHES BYA BA LA'O, ,DPE NYID NI DPE STE RGYA MTSO'I GRU LA SOGS PA'O, ,DE'I MTHA' CAN GYI LE'U STE DPE'I LE'U LAS LE'U BCU BZHI PA'O,, ,,DE LTAR SHES RAB KYI PHA ROL TU PHYIN PA LA MKHAS PA DAG GIS RNAM PAR BRAL BA THEG PA GNYIS LAS LTUNG NGO, ,MA BRAL BA NI BLA NA MED PA YANG DAG PAR RDZOGS PA'I BYANG CHUB LA MNGON PAR 'TSANG RGYA BAR 'GYUR RO ZHES DE LTAR RAB TU BSTAN PA LA GNAS BRTAN RAB 'BYOR 'ON DE LTAR THEG PA LA GSAR DU YANG DAG PAR ZHUGS PA'I LAS DANG PO PA LA GTAM GANG YIN ZHES 'DRI BAR BYED PA NI LAS DANG PO PAS ZHES BYA BA LA SOGS PA STE, GNAS PAR BGYI ZHES BYA BA NI BSGRUB PA LAS SO; ;BSLAB PAR BGYI ZHES BYA BA NI YONGS SU SHES PA LAS SO, ,DE NAS BCOM LDAN 'DAS LAS DANG PO LA CI NAS KYANG DGE BA'I BSHES GNYEN GYIS DGONGS PA DE'I PHYIR DGE BA'I BSHES GNYEN RNAMS BSNYEN PAR BYA'O ZHES BSTAN PAR MDZAD PA NI, RAB 'BYOR 'DI LA ZHES BYA BA LA SOGS PA STE, BSNYEN PAR BYA BA NI YONGS SU MI 'DOR BA LAS SO, ,BSTEN PAR BYA ZHES BYA BA NI CHOS STON PA'I DUS SU YONGS SU MI 'DOR BA LAS SO, ,BSNYEN BKUR BYA ZHES BYA BA NI BSTEN PAR BYA BA LAS SO, ,DE RNAMS KYIS CI ZHIG BYA ZHE NA, GSUNGS PA NI GANG DAG 'DI LA ZHES BYA BA STE, 'DOMS SHING ZHES BYA BA NI SGRUB PA LA 'JUG PA'I DON DU'O, ,RJES SU STON PAR 'GYUR BA NI SGRUB PA RNAM PAR SBYAR BA'I DON DU'O, ,GDAMS NGAG GI RANG GI NGO BO GSUNGS PA NI GANG DAG CES BYA BA LA SOGS PA STE, SLAR 'DI DGE BA'I BSHES GNYEN RNAMS GANG YIN ZHES DE'I PHYIR GSUNGS PA NI DE DAG NI ZHES BYA BA LA SOGS PA STE, DE DAG NI 'DI'I PHYIR JI LTAR DON NYE BAR STON PAR BYED CES GSUNGS PA NI DE LA 'DI SKAD DU ZHES BYA BA LA SOGS PA STE, DE SKAD DU RNAM PA 'DIS SO, ,KHYOD TSUR SHOG CES BYA BA LA SOGS PA NAS 'DOD PAR MA BYED CIG CES BYA BA'I BAR @199B GYIS SO, ,SHES RAB KYI PHA ROL TU PHYIN PA'I SGRUB PA 'DI NI RNAM PA BZHI STE PHA ROL TU PHYIN PA DRUG BSGRUB PA DANG RDZOGS PA'I BYANG CHUB LA YONGS SU SMIN PA DANG, MTSAN MA MCHOG TU MI 'DZIN PA DANG, SA GZHAN LA 'DOD PA MI BSKYED PA LAS SO, ,DANG PO GSUNGS PA NI SBYIN PA'I PHA ROL TU PHYIN PA LA ZHES BYA BA LA SOGS PA STE, RNAL 'BYOR ZHES BYA BA NI SBYOR BA'AM, MNGON PAR BRTZON PA'O, ,GNYIS PA GSUNGS PA NI DE DAG THAMS CAD CES BYA BA'O, ,GSUM PA GSUNGS PA NI, GZUGS SU MA SNYEMS SHIG CES BYA BA STE, GZUGS KYI NGO BOS RNAM PAR RTOG PA'I LTA BAS GZUNG BAR MA BYED CIG ,MI SNYEMS PA'O ZHES BYA BA NI CHOS THAMS CAD KYIS RNAM PAR MI RTOG PA'O, ,YONGS SU SBYONG BA NI GOMS PA'O, ,BZHI PA GSUNGS PA NI RIGS KYI BU KHYOD GZUGS SU MA SNYEMS SHIG ,RAB 'BYOR DE LTAR NA ZHES BYA BA LA SOGS PA NYE BAR BSDU BA'O, ,DA NI GNAS BRTAN RAB 'BYOR RANG GI MTSAN NYID KYIS STONG PA'I CHOS RNAMS THAMS CAD LA RANG LA RAG LAS PA'I MYA NGAN LAS 'DAS PA MI 'DOD CING BLA NA MED PA YANG DAG PAR RDZOGS PA'I BYANG CHUB TU DON DU GNYER BAR GYUR PA'I BYANG CHUB SEMS DPA' RNAMS DKA' BA SPYOD PA BGYID CES GSUNGS PA NI, BCOM LDAN 'DAS DKA' BA BGYID PA LA GSO ZHES BYA BA LA SOGS PA STE, DE LTA BU'I NGO BO'I SBYIN PA ZHES BYA BA'O, ,SHES RAB KYI PHA ROL TU PHYIN PA YONGS SU BSGOMS PA'O, ,RANG DBANG DU GYUR PA LAGS KYANG ZHES BYA BA NI LAM LA SHIN TU GOMS PA'I PHYIR RO, ,'DIR NI SNYING RJE NYID MYA NGAN LAS 'DAS PA LA LTUNG BA LA 'GEGS PA'I RGYU ZHES GSUNGS PA NI SHIN TU SDUG BSNGAL BA ZHES BYA BA STE, DA NI BCOM LDAN 'DAS GNAS SKABS DE NYID KYIS 'JIG RTEN LA PHAN PA'I PHYIR DANG BDE BA'I PHYIR DANG SNYING BRTZE BA'I PHYIR DANG SKYOB PA DANG SKYABS DANG GNAS DANG DPUNG GNYEN DANG GLING DANG SNANG BA DANG YONGS SU 'DREN PA DANG RTEN DU GYUR PAR BYA'O ZHES NYE BAR BKOD NAS BSTAN PA LA RGYAS PAR BYED PA NI DE DE BZHIN TE ZHES BYA BA LA SOGS PAS SO, ,'GRO BA LNGA RNAMS LAS YONGS SU 'GRO BAR BYA BA MI 'JIGS PA'I GNAS LA RAB TU GNAS PA'I BSAM PAS PHAN PA'I PHYIR DANG @200A *, ,BA DANG, BLA NA MED PA YANG DAG PAR RDZOGS PA'I BYANG CHUB THOB PA'I RGYUR 'GYUR PA'I RNAM GRANGS SU RIG PAR BYA'O, ,RAB 'BYOR GYIS GSOL PA, BCOM LDAN 'DAS SHES RAB KYI PHA ROL TU PHYIN PA'I MTSAN NYID JI LTA BU LAGS ZHES BYA BA NI GONG DU SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BSTAN PA LA, 'KHOR GYI NANG NA KHA CIG SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BSTAN PA LAS, SHES RAB KYI PHA ROL TU PHYIN PA 'DI DNGOS PO YOD PAR RTOG PA BSAL BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' LTAR CHAGS PA MED PA'I MTSAN NYID NI SHES RAB KYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA DON DAM PAR DNGOS PO MED PA NAM MKHA' DANG 'DRA'O ZHES BSTAN PA'O, ,RAB 'BYOR SHES RAB KYI PHA ROL TU PHYIN PA'I MTSAN NYID MED PA STE ZHES BYA BA NI DE LTAR NAM MKHA' DANG 'DRA BA'I PHYIR CHOS GANG GI MTSAN NYID DU YANG YOD PA MA YIN NO ZHES BSTAN PA'O, ,SHES RAB KYI PHA ROL TU PHYIN PA LA MTSAN NYID GANG YANG MED DO ZHES BYA BA NI SHES RAB KYI PHA ROL TU PHYIN PA RANG BZHIN GYIS STONG PAS, DE LA MTSAN NYID CI YANG MED DO ZHES BSTAN PA'O, ,GSOL PA BCOM LDAN 'DAS MTSAN NYID GANG GIS SHES RAB KYI PHA ROL TU PHYIN PA MCHIS PA'I MTSAN NYID DES CHOS THAMS CAD MCHIS PAR 'GYUR BA'I RNAM GRANGS DE LTA BU MCHIS SAM ZHES BYA BA NI CHOS THAMS CAD RANG BZHIN GYIS DBEN PA DANG, RANG BZHIN GYIS STONG PAR BSTAN PA'I SKABS DBYE BA'I PHYIR CHOS THAMS CAD SHES RAB KYI PHA ROL TU PHYIN PA DANG 'DRA'AM ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, MTSAN NYID GANG GIS SHES RAB KYI PHA ROL TU PHYIN PA YOD PA'I MTSAN NYID DE NYID KYIS CHOS THAMS CAD YOD DO ZHES BYA BA NI SHES RAB KYI PHA ROL TU PHYIN PA DANG, CHOS THAMS CAD KYANG MTSAN NYID MED CING STONG PA NYID DU 'DRA'O ZHES BSTAN PA'O, ,DE NYID GSAL BAR BSTAN PA'I PHYIR, DE CI'I PHYIR ZHE NA, RAB 'BYOR CHOS THAMS CAD NI RANG BZHIN GYIS DBEN PA STE ZHES BYA BA NAS, 'DI LTAR STONG PA NYID KYI MTSAN NYID DANG, DBEN PA'I @200B MTSAN NYID DU MTSAN NYID GANG GIS SHES RAB KYI PHA ROL TU PHYIN PA YOD PA'I MTSAN NYID DES CHOS THAMS CAD YOD DO ZHES BYA BA GSUNGS TE, SHES RAB KYI PHA ROL TU PHYIN PA DANG, CHOS THAMS CAD RANG BZHIN GYIS DBEN PA DANG, RANG BZHIN GYIS STONG PAR 'DRA'O ZHES BYA BA'I DON TO, ,RAB 'BYOR GYIS GSOL PA, BCOM LDAN 'DAS GAL TE CHOS THAMS CAD KYANG CHOS THAMS CAD KYIS DBEN LA ZHES BYA BA NAS BCOM LDAN 'DAS BSTAN PA DE'I DON BDAG GIS JI LTAR 'TSAL BAR BGYI ZHES BYA BA'I BAR DU NI DE LTAR CHOS THAMS CAD RANG BZHIN GYIS STONG NA, BCOM LDAN 'DAS KYIS SEMS CAN RNAMS LA NYON MONGS PA'I PHYOGS SPANGS PA DANG, RNAM PAR BYANG BA'I PHYOGS BSGRUBS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BSTAN PA DE DAG THAMS CAD KYANG, DNGOS PO MED DE RANG BZHIN GYIS STOD NA, DE'I DON JI LTAR RTOGS PAR BGYI ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, SEMS CAN RNAMS YUN RING PO NAS BDAG DANG BDAG GI ZHES BYA BA LA SPYOD DAM ZHES BYA BA NAS, DE LA KUN NAS NYON MONGS PA GANG YANG MED PAS, RAB 'BYOR DE LTAR NA SEMS CAN RNAMS KYIS RNAM PAR BYANG BA YOD PA YIN NO ZHES BYA BA'I BAR GYIS NI DON DAM PAR CHOS THAMS CAD RANG BZHIN GYIS DBEN ZHING STONG NA, SEMS CAN RNAMS KYIS DE LTAR MA RTOGS TE, MTSAN MAR 'DZIN CING 'KHOR BA NA 'KHYAMS PAR GYUR PA DE DAG BKRI BA'I PHYIR KUN RDZOB TU KUN NAS NYON MONGS PA DANG, RNAM PAR BYANG BA YOD PAR SGRO BTAGS TE BSHAD PA TZAM DU ZAD KYI, DON DAM PAR NI GANG YANG MED DO ZHES BYA BA'I DON TO, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO DE LTAR SPYOD PA NI GZUGS LA MI SPYOD CES BYA BA NAS RNAM PA THAMS CAD MKHYEN PA NYID LA MI SPYOD DO ZHES BYA BA'I BAR GYIS NI DE LTAR DON DAM PAR CHOS THAMS CAD RANG BZHIN GYIS STONG PAR RTOGS KYANG, STONG PA NYID MNGON DU MI BYED PAR THABS MKHAS PAS KUN RDZOB TU SEMS CAN YONGS SU SMIN PAR BYA BA'I PHYIR KUN NAS NYON MONGS PA DANG RNAM PAR BYANG BA YOD PAR LTA BA DE LTAR SPYOD PA NI KUN RDZOB TU GZUGS LA SOGS PA'I CHOS THAMS CAD LA SPYOD KYANG, DON DAM PAR DE DAG LA DNGOS POR LTA ZHING MI SPYOD DO ZHES @201A *, ,BYA BA'I DON TO, ,DE CI'I SLAD DU ZHE NA, DE NI 'DI LTAR GANG SPYOD PA DANG GANG GIS SPYOD PA DANG, GANG LA SPYOD PAR 'GYUR BA'I CHOS DE DAG THAMS CAD MI DMIGS SO ZHES BYA BAS NI DON DAM PAR CHOS THAMS CAD LA MI SPYOD PA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG PAS, SPYOD PA PO DANG, SPYAD PAR BYA BA DANG, SPYOD PA'I RGYU GANG YANG MI DMIGS PA'I PHYIR RO ZHES BSTAN PA'O, ,BCOM LDAN 'DAS DE LTAR SPYOD PA'I BYANG CHUB SEMS DPA' SEMS DPA' CHEN PO NI LHA DANG MI DANG LHA MA YIN DU BCAS PA'I 'JIG RTEN GYIS MI THUB PA STE ZHES BYA BA NAS RNAM PA THAMS CAD MKHYEN PA NYID DANG NYE BAR GYUR PA LAGS SO ZHES BYA BA'I BAR GYIS NI DE LTAR THABS MKHAS PA DANG LDAN PAR SPYOD PA'I BYANG CHUB SEMS DPA' DE NI 'JIG RTEN THAMS CAD KYIS GNOD PAR BYA MI NUS SHING, NYAN THOS DANG RANG SANGS RGYAS THAMS CAD KYIS ZIL GYIS MI NON LA, RNAM PA THAMS CAD MKHYEN PA NYID DANG NYE BAR GYUR PA'I PHAN YON BSTAN PA'O, ,BCOM LDAN 'DAS KYIS BKA' STZAL PA, RAB 'BYOR GAL TE 'DZAM BU'I GLING GI SEMS CAN JI SNYED PA DE DAG THAMS CAD SNGA PHYI MED PAR MI'I LUS THOB PAR GYUR TE ZHES BYA BA LA SOGS PAS NI 'DZAM BU'I GLING DANG, GLING BZHI DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DUS GCIG TU SANGS RGYAS SU GYUR PA LA, RIM GRO DANG, BKUR STI LA SOGS PA BYAS TE, DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA PAS SHES RAB KYI PHA ROL TU PHYIN PA 'DI GZHAN LA STON PA DANG, YID LA BYED PA BSOD NAMS CHES BSTAN PA STE, GZHAN LA STON PA DANG, 'CHAD PA DANG RNAM PAR GZHOG PA DANG, RAB TU GZHOG PA DANG, 'GREL PA DANG, RNAM PAR 'BYED PA DANG, GSAL BAR BYED PA DANG, YANG DAG PAR STON PA ZHES BYA BA NI, 'CHAD PA'I RNAM GRANGS SU RIG PAR BYA'O, ,RAB 'BYOR GAL TE 'DZAM BU'I GLING GI SEMS CAN GANG JI SNYED PA DE DAG THAMS CAD SNGA PHYI MED PAR MI'I LUS THOB PAR GYUR LA, DE DAG RIGS KYI BU'AM RIGS KYI @201B BU MO LA LA ZHIG GIS, DGE BA BCU'I LAS KYI LAM LA RAB TU BKOD PA DANG ZHES BYA BA LA SOGS PAS NI 'DZAM BU'I GLING DANG GLING BZHI DANG, STONG GI 'JIG RTEN GYI KHAMS DANG, STONG GNYIS KYI 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DUS GCIG TU MI'I LUS SU GYUR LA, DE DAG THAMS CAD DGE BA BCU'I LAS KYI LAM LA SOGS PA LA BKOD DE, DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I BSOD NAMS PAS KYANG SHES RAB KYI PHA ROL TU PHYIN PA 'DI GZHAN LA STON PA DANG 'CHAD PA LA SOGS PA'I BSOD NAMS CHI BA BSTAN PA'O, ,RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID DANG LDAN PA'I YID LA BYA BAS RNAM PAR SPYOD PA NI ZHES BYA BA NAS BLA NA MED PA'I SHES RAB KYI MIG BSKYED PAR 'DOD PAS, SHES RAB KYI PHA ROL TU PHYIN PA DANG LDAN PA'I YID LA BYA BAS RTAG TU RGYUN MI 'CHAD PAR GNAS PAR BYA'O ZHES BYA BA'I BAR GYIS NI DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA 'DI GZHAN LA STON CING 'CHAD PA LA SOGS PA'I SGO NAS SPYOD PA DANG RNAM PA THAMS CAD MKHYEN PA NYID DANG LDAN PA'I YID LA BYA BAS, RNAM PAR SPYOD PA'I PHAN YON BSTAN PA STE, DE'I PHAN YON YANG SEMS CAN THAMS CAD KYI SBYIN PA'I GNAS SU 'GYUR BA DANG, TSAD MED PA BZHI DANG LDAN PAR 'GYUR BA DANG, PHA ROL TU PHYIN PA DRUG GI SNANG BA CHEN PO DANG LDAN PA DANG, MNGON PAR RDZOGS PAR SANGS MA RGYAS KYANG, SEMS CAN THAMS CAD KYI SBYIN PA'I GNAS SU 'GYUR BA DANG, BLA NA MED PA'I BYANG CHUB LAS PHYIR MI LDOG PAR 'GYUR BA DANG, GOS DANG BSOD SNYOMS LA SOGS PA SBYIN PA'I SBYIN BDAG GI SBYIN PA YONGS SU DAG PAR BYED PA DANG, RNAM PA THAMS CAD MKHYEN PA NYID DANG NYE BAR 'GYUR BA DAG STE, DE BAS NA PHAN YON DE DAG THOB PAR 'DOD PA DANG, YUL KHAMS KYI BSOD SNYOMS BLANG BA 'BRAS BU YOD PAR BYA BAR 'DOD PA DANG, SEMS CAN THAMS CAD KYI LAM STON PA LA SOGS PA 'DOD PAS, SHES RAB KYI PHA ROL TU PHYIN PA DANG LDAN PA'I YID LA BYA BAS RTAG TU RGYUN MI 'CHAD PAR GNAS PAR BYA'O ZHES BSTAN PA'O, ,GAL TE BYANG CHUB @202A *, ,SEMS DPA' SEMS DPA' CHEN PO SHES RAB KYI PHA ROL TU PHYIN PA DANG LDAN PA'I YID LA BYA BAS, RNAM PAR MI SPYOD NA YANG DES YID LA BYA BA GZHAN GYI GO SKABS MI DBYE BA STE ZHES BYA BA NI BRGYA LA GONG DU SMOS PA LTA BUR SHES RAB KYI PHA ROL TU PHYIN PA DANG LDAN PA'I YID LA BYA BA YONGS SU RDZOGS PAR MA NUS NA YANG, NYAN THOS DANG RANG SANGS RGYAS KYI YID LA BYA BA GO SKABS MI DBYE'O ZHES BSTAN PA'O, ,DES NI CI NAS KYANG SHES RAB KYI PHA ROL TU PHYIN PA DANG LDAN PA'I YID LA BYA BA NYID KYIS NYIN MTSAN DU MI GTONG ZHING BRTZON PAR GNAS PA DE LTAR BYA'O ZHES BYA BA NI SHES RAB KYI PHA ROL TU PHYIN PA YID LA BYA BA YONGS SU MA RDZOGS SU MI GTONG BAR BRTZON PAR BYA'O ZHES BYA BA'I DON TO, ,RAB 'BYOR 'DI LTA STE DPER NA ZHES BYA BA NAS RNAM PA THAMS CAD MKHYEN PA NYID KYI RIN PO CHE DE STONG PAR YANG MI BYA STE, DE LTAR NA RTAG TU BDE BA DANG YID BDE BA DANG, YID BDE BA MANG PO DANG LDAN PAR 'GYUR RO ZHES BYA BA'I BAR GYIS NI SHES RAB KYI PHA ROL TU PHYIN PA'I YID LA BYA BA RTAG TU MI GTANG BA'I DPE BSTAN PA STE, DE LTAR YID LA BYA BA DE MA BTANG NA RTAG TU YID BDE BA MANG PO DANG LDAN PAR 'GYUR RO ZHES BSTAN PA'O, ,GSOL PA BCOM LDAN 'DAS YID LA BGYI BA DE DAG THAMS CAD KYANG RANG BZHIN DANG BRAL BA STE ZHES BYA BA LA SOGS PA NI DE LTAR GONG DU SHES RAB KYI PHA ROL TU PHYIN PA DANG, RNAM PA THAMS CAD MKHYEN PA NYID DANG LDAN PA'I YID LA BYA BA DANG MA BRAL LO ZHES BSHAD PA LA 'KHOR GYI NANG NAS KHA CIG YID LA BYA BA DE LTA BU DNGOS PO YOD PAR RTOG PA BSAL BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA ZHES BYA BA NAS RAB 'BYOR DE NI 'DI LTAR SHES RAB KYI PHA ROL TU PHYIN PA NI RANG BZHIN GYIS STONG PA STE, DE LA 'PHEL BA MED DO, ,YONGS SU 'GRIB PA MED DO ZHES BYA BA'I BAR GYIS NI YID LA BYA BA DANG MA BRAL BA ZHES BYA BA YANG DNGOS PO YOD PAR RTOG PA'I YID LA BYA BA LA NI MI BYA'O, ,DON DAM PAR CHOS THAMS CAD RANG BZHIN GYIS STONG STE, SUS KYANG MA BYAS LA DE BZHIN NYID DANG, CHOS KYI DBYINGS LA SOGS PA'I RANG BZHIN DU GNAS PAR SHES PA NYID YID LA BYED PA DE DANG MA BRAL BA YIN NO ZHES BSTAN PA'O, ,GSOL PA BCOM LDAN 'DAS GAL TE SHES RAB KYI PHA ROL TU PHYIN PA RANG BZHIN GYIS @202B DBEN ZHING, RANG BZHIN GYIS STONG PA LAGS ZHES BYA BA NAS BYANG CHUB SEMS DPA' SEMS DPA' CHEN PO DE NI SHES RAB KYI PHA ROL TU PHYIN PA LA SPYOD DO ZHES BYA BAR RTOG PAR RIG PAR BYA'O ZHES BYA BA'I BAR GYIS NI GONG DU SHES RAB KYI PHA ROL TU PHYIN PA DANG MA BRAL BA YIN NO ZHES BSHAD PA LA, 'KHOR GYI NANG NAS KHA CIG SHES RAB KYI PHA ROL TU PHYIN PA DNGOS PO YOD PAR RTOG PA BSAL BA'I PHYIR RAB 'BYOR GYIS ZHUS PA DANG, BCOM LDAN 'DAS KYIS DE'I LAN BKA' STZAL PA STE, SHES RAB KYI PHA ROL TU PHYIN PA DANG MA BRAL BA ZHES BYA BA YANG DNGOS PO YOD PAR DE YANG MA BRAL BA LA NI MI BYA'I, DON DAM PAR RANG BZHIN GYIS STONG PAS, DE BZHIN NYID DANG CHOS KYI DBYINGS DANG, YANG DAG PA'I MTHA'I RANG BZHIN DU RO GCIG STE, DE LA 'PHEL 'GRIB DANG, GCIG DANG GNYIS ZHES BYA BAR DAM PAR RTOG PA MED NA SHES RAB KYI PHA ROL TU PHYIN PA LA SPYOD PAR CHUD DE PHYIR MI LDOG PA'I SA LA GNAS PA YIN NO ZHES BSTAN PA'O, ,RAB 'BYOR GYIS GSOL PA BCOM LDAN 'DAS SHES RAB KYI PHA ROL TU PHYIN PA'I STONG PA NYID DANG, GSOG NYID DANG, GSOB NYID DANG, RAG MA LUS PA NYID DANG, SNYING PO MA MCHIS PA GANG LAGS PA DE SHES RAB KYI PHA ROL TU PHYIN PA LA SPYOD DME ZHES BYA BA NI GONG DU BYANG CHUB SEMS DPA' SEMS DPA' CHEN PO DE NI SHES RAB KYI PHA ROL TU PHYIN PA LA SPYOD DO ZHES BYA BAR RTOG PAR RIG PAR BYA'O ZHES GSUNGS PA LA, 'KHOR GYI NANG NAS 'GA' ZHIG DE LTAR SPYOD PA'I BYANG CHUB SEMS DPA' DNGOS POR YOD DAM SNYAM DU RTOG PA BSAL BA'I PHYIR ZHUS PA STE, STONG PA NYID DANG, GSOG DANG, GSOB DANG, RAG MA LUS PA DANG; SNYING PO MED PA ZHES BYA BA NI STONG PA NYID KYI RNAM GRANGS TE, DE LTAR SHES RAB KYI PHA ROL TU PHYIN PA DANG, DE LA SPYOD PA GNYIS KA RANG BZHIN STONG NA, SU ZHIG TZAM LA SPYOD CES BYA BA'I DON TO, ,GSOG DANG GSOB DANG RAG MA LUS PA DANG, SNYING PO MED PA ZHES BYA BA NI STONG PA NYID KYI RNAM GRANGS SU RIG PAR BYA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA NI SHES RAB KYI PHA ROL TU PHYIN PA LA SPYOD DO ZHES BYA BA YANG, KUN RDZOB TU BSHAD PA TZAM DU ZAD KYI, DON DAM PAR NI SPYOD PA DANG, SPYAD PAR BYA BA GANG YANG MED DO ZHES BSTAN PA'O, ,GSOL PA BCOM @203A *, ,LDAN 'DAS SHES RAB KYI PHA ROL TU PHYIN PA LAS GUD NA GANG SHES RAB KYI PHA ROL TU PHYIN PA LA SPYOD PA'I CHOS GANG YANG DMIGS SU MA MCHIS SAM ZHES BYA BA NI DE LTAR SHES RAB KYI PHA ROL TU PHYIN PA'I STONG PA NYID SHES RAB KYI PHA ROL TU PHYIN PA LA SPYOD PA MA YIN NA, DE LAS GZHAN PA'I CHOS 'GA' ZHIG SHES RAB KYI PHA ROL TU PHYIN PA LA SPYOD PA MCHIS SAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA NI DON DAM PAR CHOS THAMS CAD RANG BZHIN GYIS STONG PAS CHOS GZHAN GANG YANG SHES RAB KYI PHA ROL TU PHYIN PA LA SPYOD PA MED DO ZHES BSTAN PA'O, ,GSOL PA BCOM LDAN 'DAS CI LAGS, SHES RAB KYI PHA ROL TU PHYIN PA SHES RAB KYI PHA ROL TU PHYIN PA LA SPYOD DAM ZHES BYA BA NI DE LTAR SHES RAB KYI PHA ROL TU PHYIN PA LAS GUD NA CHOS GZHAN 'GA' ZHIG SHES RAB KYI PHA ROL TU PHYIN PA LA SPYOD PA MED NA, CI SHES RAB KYI PHA ROL TU PHYIN PA NYID SHES RAB KYI PHA ROL TU PHYIN PA LA SPYOD DAM ZHUS PA'O, ,BCOM LDAN 'DAS KYIS BKA' STZAL PA DE NI MA YIN NO ZHES BYA BA NI DON DAM PAR SHES RAB KYI PHA ROL TU PHYIN PA NYID KYANG RANG BZHIN GYIS STONG PAS DE NYID LA MI SPYOD DO ZHES BSTAN PA'O, ,BCOM LDAN 'DAS CI LAGS STONG PA NYID STONG PA NYID LA SPYOD DAM ZHES BYA BA NI DE LTAR SHES RAB KYI PHA ROL TU PHYIN PA LAS GZHAN PA YANG SHES RAB KYI PHA ROL TU PHYIN PA LA MI SPYOD, SHES RAB KYI PHA ROL TU PHYIN PA NYID KYANG SHES RAB KYI PHA ROL TU PHYIN PA LA MI SPYOD DE, SPYOD PA DANG SPYAD PAR BYA BA GNYI GA STONG NA STONG PA NYID STONG PA NYID LA SPYOD DAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA NI STONG PA NYID CES BYA BA DNGOS PO MED PA LA BYA STE, DNGOS PO MED PAS DNGOS PO MED PA LA SPYAD DU MED DO ZHES BYA BA'I DON TO, ,GSOL PA BCOM LDAN 'DAS STONG PA NYID LAS GUD DU STONG PA NYID LA SPYOD DAM ZHES BYA BA NI DE LTAR SPYOD PA NYID STONG PA NYID LA MI SPYOD NA STONG PA NYID LAS GZHAN PA'I DNGOS PO 'GA' ZHIG LA STONG PA NYID SPYOD DAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA NI CHOS THAMS CAD DON DAM PAR STONG PA NYID DU RO GCIG PAS, STONG PA NYID MA @203B YIN PA'I CHOS GANG YANG MED DO ZHES BYA BA'I DON TO, ,GSOL PA BCOM LDAN 'DAS CI LAGS, GZUGS SHES RAB KYI PHA ROL TU PHYIN PA LA SPYOD DAM ZHES BYA BA NAS, BCOM LDAN 'DAS CI LAGS RNAM PA THAMS CAD MKHYEN PA NYID SHES RAB KYI PHA ROL TU PHYIN PA LA SPYOD DAM, BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA'I BAR GYIS NI DE LTAR STONG PA NYID STONG PA NYID LA MI SPYOD NA, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS SHES RAB KYI PHA ROL TU PHYIN PA LA SPYOD DAM ZHES ZHUS PA DANG, CHOS DE DAG THAMS CAD KYANG DON DAM PAR STONG PA NYID DU RO GCIG PAS, SPYOD PA DANG SPYAD PAR BYA BA GNYIS SO SOR DBYER MED PA'O, ,RAB 'BYOR GYIS GSOL PA BCOM LDAN 'DAS CI LAGS, GZUGS KYI STONG PA NYID DANG ZHES BYA BA NAS RNAM PA THAMS CAD MKHYEN PA NYID KYI STONG PA NYID DANG, GSOG NYID DANG, GSOB NYID DANG, RAG LUS PA NYID DANG, SNYING PO MA MCHIS PA NYID DANG, DE BZHIN NYID DANG, MA NOR BA DE BZHIN NYID DANG, GZHAN MA YIN PA DE BZHIN NYID DANG, CHOS KYI DBYINGS DANG, CHOS KYI GNAS NYID DANG, CHOS SKYON MED PA NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS DE SHES RAB KYI PHA ROL TU PHYIN PA LA SPYOD DAM, BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA'I BAR GYIS NI DE LTAR GZUGS LA SOGS PA'I DNGOS PO RNAMS SHES RAB KYI PHA ROL TU PHYIN PA LA MI SPYOD NA GZUGS LA SOGS PA DNGOS PO MED PA STONG PA NYID KYI RNAM GRANGS SU GTOGS PA RNAMS, SHES RAB KYI PHA ROL TU PHYIN PA LA SPYOD DAM ZHES ZHUS PA DANG, CHOS THAMS CAD RANG BZHIN GYIS STONG PA LA NI SPYOD PA DANG SPYAD PAR BYA BA GNYIS KA MED PAS, GZUGS LA SOGS PA STONG PA NYID KYI RNAM GRANGS SU GTOGS PA RNAMS KYANG SHES RAB KYI PHA ROL TU PHYIN PA LA SPYOD DO ZHES BSTAN PA'O, ,RAB 'BYOR GYIS GSOL PA BCOM LDAN 'DAS GAL TE CHOS DE DAG SHES RAB KYI PHA ROL TU PHYIN PA LA MI SPYOD NA, BCOM LDAN 'DAS BYANG CHUB SEMS DPA' SEMS DPA' CHEN PO JI LTAR SHES RAB KYI PHA ROL TU PHYIN PA LA SPYOD PA LAGS ZHES BYA BA NI DE LTAR GONG DU SMOS PA'I TSUL DU CHOS @204A *, ,GANG SHES RAB KYI PHA ROL TU PHYIN PA LA SPYOD PA MED NA, DE CI'I SLAD DU ZHE NA BCOM LDAN 'DAS KYIS DE LTAR SPYOD PA NI SHES RAB KYI PHA ROL TU PHYIN PA LA SPYOD PA YIN NO ZHES BKA' STZAL ZHES GAL BZUNG STE ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM SU SEMS, CHOS GANG SHES RAB KYI PHA ROL TU PHYIN PA LA SPYOD PA'I CHOS DE KHYOD KYIS MTHONG NGAM, GSOL PA BCOM LDAN 'DAS DE NI MA LAGS SO ZHES BYA BA NI SPYOD PAR BYED PA'I BYANG CHUB SEMS DPA' DON DAM PAR YOD PA MA YIN PA BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, GANG LA BYANG CHUB SEMS DPA' SEMS DPA' CHEN PO SPYOD PA'I SHES RAB KYI PHA ROL TU PHYIN PA DE LTA BU KHYOD KYIS MTHONG NGAM, GSOL PA BCOM LDAN 'DAS DE NI MA LAGS SO ZHES BYA BAS NI BYANG CHUB SEMS DPAS SPYAD PAR BYA BA'I SHES RAB KYI PHA ROL TU PHYIN PA DON DAM PAR YOD PA MA YIN PA BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS CHOS GANG KHYOD KYIS MA MTHONG BA'I CHOS DE DMIGS SU YOD DAM, GSOL PA BCOM LDAN 'DAS DE NI MA LAGS SO ZHES BYA BAS NI SPYOD PA DANG SPYAD PAR BYA BA GNYIS KA DON DAM PAR DNGOS PO MED PAS DMIGS SU MED DO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS CHOS GANG DMIGS SU MED PA DE SKYE BA'AM 'GAG PAR 'GYUR RAM, GSOL PA BCOM LDAN 'DAS DE NI MA LAGS SO ZHES BYA BAS NI DE LTAR DON DAM PAR CHOS THAMS CAD DMIGS SU MED PAS SKYE BA DANG 'GAG PA YANG MED DO ZHES BSTAN PA'O, ,BCOM LDAN 'DAS KYIS BKA' STZAL PA, RAB 'BYOR DE NI BYANG CHUB SEMS DPA' SEMS DPA' CHEN PO RNAMS KYI MI SKYE BA'I CHOS LA BZOD PA STE ZHES BYA BA NAS DE'I CHOS DE DAG NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS KYI BAR DU NAM YANG YONGS SU 'GRIB PAR MI 'GYUR RO ZHES BYA BA'I BAR GYIS NI DE LTAR MI SKYE BA'I CHOS LA BZOD PA THOB NA BYANG CHUB SEMS DPA'I YON TAN RNAMS MI 'GRO BA'I PHAN YON BSTAN PA'O, ,RAB 'BYOR GYIS GSOL PA, BCOM LDAN 'DAS @204B CI LAGS CHOS THAMS CAD MI SKYE BA NYID GANG LAGS PA DE LAS BYANG CHUB SEMS DPA' SEMS DPA' CHEN PO DE BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR RAM ZHES BYA BA NI GONG DU BCOM 'DAS KYIS BZOD PA DE LTA BU DANG LDAN PA'I BYANG CHUB SEMS DPA' SEMS DPA' CHEN PO NI SANGS RGYAS BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU LUNG BSTAN TO ZHES GSUNGS PA DE LTAR CHOS THAMS CAD SKYE BA MA MCHIS NA LUNG BSTAN DU YANG MCHIS SAM ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN NO ZHES BYA BA NI LUNG BSTAN TO ZHES BYA BA YANG KUN RDZOB TU BSHAD PA TZAM DU ZAD KYI, DON DAM PAR NI CHOS THAMS CAD RANG BZHIN GYIS MA SKYES PAS LUNG BSTAN PA GANG YANG MED DO ZHES BYA BA'I DON TO, ,GSOL PA BCOM LDAN 'DAS CI LAGS, SKYE BA YANG MA LAGS MI SKYE BA YANG MA LAGS PA LAS ZHES BYA BA NAS BYANG CHUB SEMS DPA' SEMS DPA' CHEN PO JI LTAR BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR ZHES BYA BA'I BAR GYIS NI DE LTE DNGOS PO YOD PA DANG, DNGOS PO MED PA DANG, YOD MED GNYI GA YANG MA YIN PA LAS LUNG BSTAN PAR MI 'GYUR NA, CI'I SLAD DU BCOM LDAN 'DAS KYIS DE LTAR SPYOD PA'I BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU LUNG BSTAN TO ZHES GSUNGS PA ZHES GAL BZUNG STE ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS GANG BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR BA'I CHOS DE LTA BU KHYOD KYIS YANG DAG PAR RJES SU MTHONG NGAM ZHES BYA BA NAS, DE CI'I PHYIR ZHE NA, RAB 'BYOR SHES RAB KYI PHA ROL TU PHYIN PA NI RNAM PAR MI RTOG PA'O ZHES BYA BA'I BAR GYIS NI BLA NA MED PA YANG DAG PAR RDZOGS PA'I BYANG CHUB TU LUNG BSTAN PA ZHES BYA BA YANG, KUN RDZOB TU BSTAN PA TZAM DU ZAD KYI, DON DAM PAR NI LUNG BSTAN PA'I DNGOS PO GANG YANG MED DE, BYANG CHUB SEMS DPA' GANG MNGON PAR RDZOGS PAR 'TSANG RGYA BA DANG, YE SHES GANG GIS MNGON PAR RDZOGS PAR 'TSANG RGYA BAR 'GYUR BA DANG, CHOS GANG @205A *, ,MNGON PAR RDZOGS PAR SANGS RGYAS PAR BYA BA YANG MED LA, BYANG CHUB SEMS DPA' YANG 'DI SNYAM DU BDAG NI MNGON PAR RDZOGS PAR 'TSANG RGYA'O, ,YE SHES NI 'DIS MNGON PAR RDZOGS PAR 'TSANG RGYA BAR BYA'O, ,CHOS 'DI DAG MNGON PAR RDZOGS PAR SANGS RGYAS PAR BYA'O SNYAM DU YANG MI SEMS TE, SHES RAB KYI PHA ROL TU PHYIN PA RNAM PAR MI RTOG PA YIN PA'I PHYIR BYANG CHUB SEMS DPA' DE LTAR RNAM PAR MI RTOG GO ZHES BSTAN PA'O, ,'PHAGS PA SHES RAB KYI PHA ROL TU PHYIN PA RGYA CHER BSHAD PA LAS, LE'U BZHI BCU DRUG PA'O,, ,,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL TU PHYIN PA NI SHIN TU DBEN PA'I SLAD DU ZAB PA'O ZHES BYA BA NAS, BCOM LDAN 'DAS SHES RAB KYI PHA ROL TU PHYIN PA NI SHIN TU DBEN PA'I SLAD DU MKHAS SHING RIG PAS RTOGS PAR BGYI'O ZHES BYA BA'I BAR GYIS NI GONG DU CHOS THAMS CAD DMIGS SU MED PAR BSTAN PA'I DON BRGYA BYIN GYIS RTOGS NAS, SHES RAB KYI PHA ROL TU PHYIN PA ZAB PA'I SGO NAS BSTOD PA STE, SHIN TU DBEN PA'I SLAD DU ZAB BO ZHES BYA BA NI GANG ZAG DANG CHOS GNYIS LA RANG BZHIN MED PAR STON CING, DMIGS PA CAN RNAMS KYI SPYOD YUL MA YIN PA'I PHYIR ZAB PA'O ZHES BYA BA'I DON TE, BLTA DKA' BA DANG, RTOGS PAR DKA' BA DANG, BRTAG TU MED PA DANG, BRTAG PA'I SPYOD YUL MA YIN PA DANG, ZHI BA DANG, PHRA BA DANG, ZHIB PA ZHES BYA BA'I DON SNGAR YANG BSHAD ZIN TE, ZAB PA'I RNAM GRANGS SU RIG PAR BYA'O, ,MKHAS SHING RIG PAS RTOGS PAR BGYI'O ZHES BYA BA NI DE LTAR ZAB PAS DMIGS PA CAN THAMS CAD MI MKHAS PAS RTOGS PAR BYA BA MIN GYI, THABS DANG SHES RAB ZUNG DU 'BREL BA RNAMS KYI SPYOD YUL YIN NO ZHES BSTAN PA'O, ,BCOM LDAN 'DAS SEMS CAN GANG SHES RAB KYI PHA ROL TU PHYIN PA ZAB MO 'DI NYAN CING 'DZIN PA DANG ZHES BYA BA NAS SEMS DANG SEMS LAS BYUNG BA'I CHOS GZHAN GYI GO MI 'BYED PA DE DAG NI DGE BA'I RTZA BA THA MA DANG LDAN PA MA YIN NO ZHES BYA BA'I BAR GYIS NI DE LTA ZAB PA'I SHES RAB KYI PHA ROL TU PHYIN PA LA SPYOD CING NAN TAN BYED LA, NYAN THOS DANG RANG SANGS RGYAS KYI SEMS DANG SEMS LAS @205B BYUNG BA DMIGS PA CAN MI SKYED PA DE DAG NI DGE BA'I RTZA BA MCHOG DAM PA DANG LDAN PA YIN NO ZHES BYA BA'I DON TO, ,KOO SHI KA DE JI SNYAM DU SEMS, 'DZAM BU'I GLING GI SEMS CAN GANG JI SNYED PA DE DAG THAMS CAD DGE BA BCU'I LAS KYI LAM DANG LDAN PAR 'GYUR ZHES BYA BA NAS, GRANGS DANG BGRANG BA DANG DPE DANG RGYUR YANG MI BZOD DO ZHES BYA BA'I BAR GYIS NI 'DZAM BU'I GLING GI SEMS CAN THAMS CAD DGE BA BCU DANG BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA DANG LDAN PAR GYUR PA'I BSOD NAMS DANG, SHES RAB KYI PHA ROL TU PHYIN PA 'DI LA SPYOD CING NAN TAN BYAS PA BSOD NAMS KHYAD PAR DU 'PHAGS PA CHE BA BSTAN PA'O, ,DE NAS DGE SLONG GCIG CIG GIS LHA'I DBANG PO BRGYA BYIN LA 'DI SKAD CES SMRAS SO ZHES BYA BA NAS DE LTAR SLOB PA'I BYANG CHUB SEMS DPA' SEMS DPA' CHEN PO DE NI BYANG CHUB SEMS DPA'I BSLAB PA LA SLOB PA STE, NYAN THOS KYI BSLAB PA LA SLOB PA MA YIN NO, ,RANG SANGS RGYAS KYI BSLAB PA LA SLOB PA MA YIN NO ZHES BYA BA'I BAR GYIS NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPAS 'DZAM BU GLING GI SEMS CAN THAMS CAD DGE BA BCU'I LAS KYI LAM LA SOGS PA DANG LDAN PA ZIL GYIS GNON TO ZHES 'KHOR GYI NANG NA 'DUG 'DUG PA'I DGE SLONG GCIG CIG GIS YON TAN BSNGAGS PA DANG, BRGYA BYIN GYIS 'DZAM BU'I GLING GI SEMS CAN THAMS CAD DGE BA BCU LA SOGS PA DANG LDAN LA, RNAM PA THAMS CAD MKHYEN PA DANG LDAN PA'I SEMS DANG PO SKYED PAS KYANG ZIL GYIS MI NON NA, SHES RAB KYI PHA ROL TU PHYIN PA ZAB MO 'DI LA SPYOD CING NAN TAN BYED PAS ZIL GYIS GNON PA LTA SMOS KYANG CI DGOS TE, DES LHA DANG MI DANG LHA MA YIN DU BCAS PA'I 'JIG RTEN THAMS CAD KYANG ZIL GYIS NON PAR 'GYUR TE, DER YANG MA ZAD KYI NYAN THOS KYI 'BRAS BU BZHI THOB PA DANG, THABS DANG SHES RAB KYI LDAN PA PHA ROL TU PHYIN PA LNGA LA SPYOD PA RNAMS KYANG ZIL GYIS GNON PAR 'GYUR LA, LHA DANG MI DANG LHA MA YIN GYI 'JIG RTEN GYIS DE LA ZIL GYIS GNON PAR YANG MI NUS PA DANG, SHES RAB KYI PHA ROL TU PHYIN PA'I DON JI SKAD BSHAD PA DANG, MTHUN PAR SPYOD PA DANG, RNAM PA @206A *, ,THAMS CAD MKHYEN PA NYID KYI RIGS RGYUN MI GCOD PA DANG, DE BZHIN GSHEGS PA RING DU MI BYED PA DANG, SNYING PO BYANG CHUB LAS 'PHANG BAR MI 'GYUR BA DANG, SEMS CAN NGAN SONG GSUM DU BYING BA RNAMS 'DON NUS PAR 'GYUR BA DANG, BYANG CHUB SEMS DPA'I BSLAB PA LA SLOB PA DANG NYAN THOS DANG RANG SANGS RGYAS KYI BSLAB PA LA MI SLOB PA'I YON TAN BSNGAGS PA BSTAN PA'O, ,DE LTAR SLOB PA'I BYANG CHUB SEMS DPA' SEMS DPA' CHEN PO'I DRUNG DU RGYAL PO CHEN PO BZHI DAG KYANG 'GRO BAR BYA BAR SEMS TE ZHES BYA BA NAS 'DI DAG KYANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA SPYOD PA'I TSE, 'DI NYID NAN TAN DU RIG PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA SPYOD CING NAN TAN DU BYED PA'I TSE, 'DI NYID LA 'DOD PA'I KHAMS DANG, GZUGS KYI KHAMS KYI LHA RNAMS KYIS RIM GROR BYA BA DANG, DE BZHIN GSHEGS PA RNAMS KYIS RTAG TU DGONGS PA DANG, LUS DANG SEMS LA GNOD PA DANG, SDUG BSNGAL DANG NAD THAMS CAD MI 'BYUNG BA'I PHAN YON BSTAN PA'O, ,DE NAS TSE DANG LDAN PA DGA' BO 'DI SNYAM DU GYUR TE ZHES BYA BA NAS SHES RAB KYI PHA ROL TU PHYIN PA'I YON TAN DANG LEGS PA BRJOD PA NI SANGS RGYAS KYI MTHUR RIG PAR BYA'O ZHES BYA BA'I BAR GYIS NI BRGYA BYIN GYIS DE LTAR SHES RAB KYI PHA ROL TU PHYIN PA ZAB PA'I RNAM GRANGS BSTAN PA DANG, DE LA SPYOD PA'I PHAN YON BSTAN PA YANG, BRGYA BYIN GYIS CHOS BSHAD NA 'DUL BA'I SEMS CAN RNAMS LA PHAN GDAGS PA'I PHYIR BCOM LDAN 'DAS KYIS BYIN GYIS BRLABS PA BSTAN PA'O, ,DE NAS BCOM LDAN 'DAS KYIS TSE DANG LDAN PA DGA' BO LA 'DI SKAD CES BKA' STZAL TO ZHES BYA BA LA SOGS PA NI BRGYA BYIN DE SKAD SMRA BA 'KHOR RNAMS KYIS YID CHES PAR BYA BA'I PHYIR BDEN NO ZHES BKA' STZAL PA'O, ,DGA' BO GANG GI TSE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SLOB PA DANG ZHES BYA BA NAS SPU G-YO BAR 'GYUR BA DANG, SKAR MA LTUNG BA GTONG ZHING 'JIGS PA SKYED DO ZHES BYA BA'I BAR GYIS NI DE LTAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' LA BDUD THAMS CAD @206B GLAGS LTA BAR 'GYUR GYIS BAG YOD PAR BYOS SHIG CES BSTAN PA'O, ,DE NAS TSE DANG LDAN PA DGA' BOS BCOM LDAN 'DAS LA 'DI SKAD CES GSOL TO ZHES BYA BA NAS, DE CI'I PHYIR ZHE NA, 'DI LTAR RIGS KYI BU 'DI GNYIS KYIS GANG BRTZAMS PA DE NI RNAM PA THAMS CAD MKHYEN PA NYID KYI LAM MA YIN, RIGS KYI BU 'DI GNYIS KYIS NI SEMS CAN DMYAL BA DANG, BYOL SONG GI SKYE GNAS DANG, GSHIN RJE'I 'JIG RTEN GYI LAM BRTZAMS SO ZHES BYA BA NAS DGA' ZHING SPRO BA DANG TSIM ZHING YID BDE BA SKYE BAR 'GYUR RO ZHES BYA BA'I BAR GYIS NI BDUD KYIS GLAGS RNYED PAR 'GYUR BA'I SKYON RNAMS BSTAN PA STE, SNGON SHES RAB KYI PHA ROL TU PHYIN PA LA DAD CING MOS PAR MA BYAS PA DANG, THE TSOM ZA BA DANG DGE BA'I BSHES GNYEN DANG MI LDAN PA DANG, DAM PA'I CHOS MA YIN PA YONGS SU 'DZIN CING DE'I LEGS PA BRJOD PA DANG, SHES RAB KYI PHA ROL TU PHYIN PA 'DI SHIN TU ZAB PAS, KHYOD KYIS SPYAD MI NUS SO ZHES GZHAN GYI DAD PA BZLOG PA DANG, BDAG PHA ROL TU PHYIN PA DRUG LA SPYOD PA BSNYEMS SHING, GZHAN PHA ROL TU PHYIN PA DRUG LA SPYAD PA MA YIN NO ZHES BRNYAS PAR BYED PA DANG, BDAG NYID MCHOG TU SEMS SHING, RLOM SEMS BSKYED PA DANG, BDAG GI MING DANG RUS KUN GYIS BRJOD PA'I GRAGS PA BSNYEMS NAS, GZHAN KHYAD DU GSOD DE, BDAG STOD CING GZHAN LA SMOD PA DANG, GANG ZAG BYANG CHUB SEMS DPA'I THEG PA PA, GANG ZAG NYAN THOS KYI THEG PA PA DANG RTZOD PA DANG, BYANG CHUB SEMS DPA'I THEG PA LA SPYOD PA NANG 'THAB PAR 'GYUR NA, BDUD KYIS GLAGS RNYED PAR 'GYUR RO ZHES BSTAN PA'O, ,DGA' BO GZHAN YANG GAL TE BYANG CHUB SEMS DPA' LUNG MA BSTAN PA ZHES BYA BA NAS JI SRID KYI BSKAL PAR GO CHA BGO BAR BYA'O ZHES BYA BA'I BAR GYIS NI BYANG CHUB SEMS DPA' PHAL PAS LUNG BSTAN PA'I BYANG CHUB SEMS DPA' LA BSNGOS SHING, GNOD PAR BSAMS LA BYANG CHUB SEMS DPA' PHAL PA DE YANG RNAM PA THAMS CAD MKHYEN PA NYID YONGS SU MI GTONG ZHING THOB PAR 'DOD NA GNOD SEMS DANG SDIG PA'I SEMS JI SNYED BSKYED PA DE SNYED KYI BSKAL PAR DGA' BA SPYOD CING 'BAD DGOS SO ZHES BSTAN PA'O, ,DGA' BOS GSOL PA BCOM LDAN 'DAS DE DAG GI SEMS @207A *, ,BSKYED PA DE DAG LA 'BYUNG BA GZHAN MCHIS SAM, 'O NA DE MA LAGS KYI BSKAL PA DE SNYED KHO NAR GO CHA BGO 'TSAL ZHES BYA BA NI DE LTA BU'I NGAN SEMS SKYES PA BSHAGS SHING SBYANGS NA 'BYUNG BAR 'GYUR RAM MI 'GYUR ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, DGA' BO GANG ZAG NYAN THOS KYI THEG PA PA RNAMS DANG ZHES BYA BA NAS DE LA BDUD SDIG TO CAN GLAGS LTA ZHING, GLAGS TSOL BAS KYANG GLAGS MI RNYED DO ZHES BYA BA'I BAR GYIS NI DE LTAR 'THABS SHING RTZOD PA LA SOGS PAR 'GYUR NA ZHE LA MI 'CHANG ZHING 'KHON DU MI 'DZIN PAR BYA STE, MTHOL ZHING BSHAGS LA PHYIN CHAD KYANG DE LTAR MI BYA BAR YID DAM BCAS TE, CHOD PAR BYAS NA 'BYANG BAR 'GYUR GYI DE LTAR MA BYAS NA 'BYANG BAR MI 'GYUR TE, YUN RING POR 'KHOR BA NA 'KHOR ZHING BSKAL PA MANG POR BRTZAL ZHING 'BAD DGOS SO ZHES BSTAN PA'O, ,DGA' BO GZHAN YANG BYANG CHUB SEMS DPA' SEMS DPA' CHEN POS GANG ZAG NYAN THOS KYI THEG PA PA DAG DANG 'GROGS PAR MI BYA'O ZHES BYA BA NAS SDUG BSNGAL THAMS CAD LAS YONGS SU GROL BAR BYA BA DAG GO SNYAM DU BYA'O ZHES BYA BA'I BAR GYIS NI NYAN THOS KYI THEG PA PA DANG GNAS PAR MI BYA BA DANG, NGAN SEMS MI BYA BA BSTAN PA'O, ,DGA' BOS GSOL PA BCOM LDAN 'DAS JI LTAR BYANG CHUB SEMS DPA' SEMS DPA' CHEN POS GANG ZAG BYANG CHUB SEMS DPA'I THEG PA PA DAG GNAS PAR BGYI ZHES BYA BA NAS DE LTAR SLOB PA'I BYANG CHUB SEMS DPA' SEMS DPA' CHEN PO NI BSLAB PA MNYAM PA YIN NO ZHES BYA BA'I BAR GYIS NI BYANG CHUB SEMS DPA'I THEG PA PA DANG MTHUN PAR GNAS PAR BYA BA BSTAN PA'O, ,DE NAS TSE DANG LDAN PA RAB 'BYOR GYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN POS MNYAM PA NYID GANG LA BSLAB PAR BGYI BA'I BYANG CHUB SEMS DPA' SEMS DPA' CHEN PO RNAMS KYI MNYAM PA NYID GANG LAGS ZHES BYA BA NI GONG DU DE LTAR SLOB PA'I BYANG CHUB SEMS DPA' SEMS DPA' CHEN PO NI BSLAB PA MNYAM PA YIN NO ZHES BSTAN PA CI LTAR BSLAB PA MNYAM PA YIN PA'I GTAN TSIGS ZHUS PA'O, , @207B BCOM LDAN 'DAS KYIS BKA' STZAL PA, RAB 'BYOR NANG STONG PA NYID NI BYANG CHUB SEMS DPA' SEMS DPA' CHEN PO RNAMS KYI MNYAM PA NYID DO ZHES BYA BA NAS RAB 'BYOR DNGOS PO MED PA'I NGO BO NYID STONG PA NYID NI BYANG CHUB SEMS DPA' SEMS DPA' CHEN PO RNAMS KYI MNYAM PA NYID DO ZHES BYA BA'I BAR GYIS NI CHOS THAMS CAD DON DAM PAR STONG PA NYID BCO BRGYAD DANG SBYAR TE, STONG PA NYID DU SLOB PAR MTSUNGS PA'I PHYIR BSLAB PA MNYAM PA YIN NO ZHES BKA' STZAL PA'O, ,GZUGS NI GZUGS KYIS STONG ZHES BYA BA NAS RNAM PA THAMS CAD MKHYEN PA NYID NI RNAM PA THAMS CAD MKHYEN PA NYID KYIS STONG STE, RAB 'BYOR 'DI NI BYANG CHUB SEMS DPA' SEMS DPA' CHEN PO RNAMS KYI MNYAM PA NYID DE, DE LA GNAS SHING BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'O ZHES BYA BA'I BAR GYIS NI CHOS THAMS CAD STONG PA BCO BRGYAD LA SLOB PAR MNYAM NA CHOS GANG DANG GANG STONG PAR BSLABS NA, BSLAB PA MTSUNGS SHING MNYAM STE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I DMIGS BSTAN PA'O, ,GSOL PA, BCOM LDAN 'DAS CI LAGS, BYANG CHUB SEMS DPA' SEMS DPA' CHEN PO GZUGS BAS PAR BGYI BA'I SLAD DU SLOB NA RNAM PA THAMS CAD MKHYEN PA NYID DU SLOB PA LAGS SAM ZHES BYA BA NAS RNAM PA THAMS CAD MKHYEN PA NYID MI SKYE BAR BGYI BA'I SLAD DU SLOB NA, RNAM PA THAMS CAD MKHYEN PA NYID DU SLOB PA LAGS SAM ZHES BYA BA'I BAR GYIS NI GZUGS LA SOGS PA'I CHOS THAMS CAD RANG BZHIN GYIS STONG PAS ZAD PAR BYA BA DANG 'DOD CHAGS DANG BRAL BAR BYA BA DANG, 'GAG PAR BYA BA DANG, MI SKYE BAR BYA BA'I PHYIR BSLAB PA MI SRID NA CI DE LTAR SLOB PA RNAM PA THAMS CAD MKHYEN PA NYID LA SLOB PA MTSUNGS PA YIN NAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN TE, GNAS BRTAN RAB 'BYOR GYIS GANG 'DI SKAD DU GZUGS ZAD PAR BYA BA'I PHYIR SLOB NA, RNAM PA THAMS CAD MKHYEN PA NYID DU SLOB PA YIN NAM ZHES BYA BA NAS RNAM PA THAMS CAD MKHYEN PA NYID MI SKYE BAR BYA BA'I PHYIR SLOB NA RNAM PA THAMS CAD MKHYEN PA NYID DU @208A *, ,SLOB PA YIN NAM ZHES SMRAS PA DE NI MA YIN NO ZHES BYA BA'I BAR GYIS NI RAB 'BYOR GYIS ZHUS PA'I TSIG DE DAG THAMS CAD RE RE NAS SMOS NA DE LTAR SLOB PA MA YIN NO ZHES BKA' STZAL PA STE, ZAD PA DANG 'DOD CHAGS DANG BRAL BA DANG MI SKYE BA ZHES BYA BA NI DNGOS PO MED PA'I RNAMS GRANGS TE, GZUGS LA SOGS PA'I CHOS THAMS CAD RANG BZHIN GYIS STONG ZHING, DNGOS PO MED PAS ZAD PA DANG 'DOD CHAGS DANG BRAL BA DANG, 'GAG PA DANG MI SKYE BAR BYA BA'I PHYIR BSLAB TU MED PAR RTOGS PA NYID MNYAM PA NYID LA SLOB PAR MTSUNGS PA YIN NO ZHES BSTAN PA'O, ,RAB 'BYOR DE JI SNYAM DU SEMS, GZUGS KYI DE BZHIN NYID GANG YIN PA DE ZAD PA'AM SPONG BA'AM, SKYE BA'AM 'GAG PAR 'GYUR RAM ZHES BYA BA NAS RNAM PA THAMS CAD MKHYEN PA NYID KYI DE BZHIN NYID GANG YIN PA DE ZAD PA'AM SPANG BA'AM, SKYE BA'AM 'GAG PAR 'GYUR RAM ZHES BYA BA'I BAR GYIS NI, DON DAM PAR GZUGS LA SOGS PA'I CHOS THAMS CAD RANG BZHIN GYIS STONG STE, DE BZHIN NYID TZAM DU ZAD PA LA, ZAD PA DANG SPANG BA DANG, SKYE BA DANG 'GAG PAR 'GYUR BA YOD DAM ZHES BCOM LDAN 'DAS KYIS RAB 'BYOR LA BKA' STZAL PA'O, ,GSOL PA, BCOM LDAN 'DAS DE NI MA LAGS SO, ,BDE BAR GSHEGS PA DE NI MA LAGS SO ZHES BYA BA NI DON DAM PAR CHOS THAMS CAD RANG BZHIN GYIS STONG PAS, ZAD PA'AM SPANG BA'AM, SKYE BA'AM 'GAG PAR 'GYUR BA GANG YANG MA MCHIS SO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE LTAR SLOB PA'I BYANG CHUB SEMS DPA' SEMS DPA' CHEN PO NI DE BZHIN NYID LA SLOB STE ZHES BYA BA NAS RAB 'BYOR DE LTAR SLOB PA'I BYANG CHUB SEMS DPA' SEMS DPA' CHEN PO NI 'DI LTA STE, NYAN THOS DANG RANG SANGS RGYAS KYI YID LA BYA BA'I DRI MA YONGS SU DAG PAS SANGS RGYAS KYI CHOS THAMS CAD KYI STOBS YONGS SU DAG PA 'THOB PAR 'GYUR RO ZHES BYA BA'I BAR GYIS NI DE LTAR GONG DU BSHAD PA'I TSUL DU, CHOS THAMS CAD RANG BZHIN GYIS STONG PAS, ZAD PA DANG SPANG BA DANG SKYE BA DANG, 'GAG PA MED PAR SLOB PA'I YON TAN BSTAN PA STE, DE LTAR SLOB PA RNAM PA THAMS CAD MKHYEN PA NYID DANG, PHA ROL TU PHYIN PA DRUG LA SOGS PA RNAM PA THAMS CAD MKHYEN @208B PA NYID LA THUG GI BAR GYI CHOS RNAMS LA SLOB PA LA SOGS PA'I PHAN YON BSTAN PA'O, ,GSOL PA, BCOM LDAN 'DAS CHOS THAMS CAD RANG BZHIN GYIS YONGS SU DAG PA LAGS NA, BYANG CHUB SEMS DPA' SEMS DPA' CHEN POS CHOS GANG GIS YONGS SU DAG PA 'THOB PAR 'GYUR BA LAGS ZHES BYA BA'I BAR GYIS NI GONG DU SANGS RGYAS THAMS CAD KYI STOBS YONGS SU DAG PA 'THOB PAR 'GYUR RO ZHES BSTAN PA LA 'KHOR GYI NANG NAS KHA CIG YONGS SU DAG PA 'THOB PAR BYA BA'I DNGOS PO 'GA' ZHIG YOD DAM SNYAM DU SEMS DPA'I THE TSOM BSAL BA'I PHYIR, RAB 'BYOR GYIS ZHUS PA'O, , BCOM LDAN 'DAS KYIS BKA' STZAL PA, RAB 'BYOR DE DE BZHIN NO ZHES BYA BA NAS THAMS CAD MKHYEN PA NYID DANG NYE BAR 'GYUR BA YIN TE ZHES BYA BA NAS BLA NA MED PA YANG DAG PAR RDZOGS PA'I BYANG CHUB DANG NYE BAR 'GYUR BA YIN ZHES BYA BA'I BAR GYIS KYANG, DE LTAR GONG DU BSHAD PA'I TSUL DU SHES RAB KYI PHA ROL TU PHYIN PA LA SPYOD PA'I PHAN YON BSTAN PA'O, ,GAL TE DE YANG 'DI SNYAM DU 'DI NI SHES RAB KYI PHA ROL TU PHYIN PA'O ZHES BYA BA NAS RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA YIN NO ZHES BYA BA'I BAR GYIS NI SHES RAB KYI PHA ROL TU PHYIN PA LA DNGOS POR MI LTA ZHING, MI DMIGS PAR BYA BA'I THABS BSTAN PA'O, ,'PHAGS PA SHES RAB KYI PHA ROL TU PHYIN PA STONG PHRAG BRGYA PA LAS, LE'U BZHI BCU BDUN PA'O,, ,,DE NAS LHA'I DBANG PO BRGYA BYIN 'DI SNYAM DU SEMS PAR GYUR TE ZHES BYA BA NAS, SANGS RGYAS KYI CHOS MA 'DRES PA BCO BRGYAD LA SPYAD BZHIN DU, SEMS CAN THAMS CAD ZIL GYIS NON NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR GYUR NA LTA CI SMOS ZHES BYA BA'I BAR GYIS NI, SBYIN PA'I PHA ROL TU PHYIN PA LA SOGS PA RNAM PAR BYANG BA'I CHOS RNAMS LA SPYAD PA PHAN YON CHE BA BSTAN PA'O, ,SEMS CAN GANG GIS SEMS RNAM PA THAMS CAD MKHYEN PA NYID DU 'JUG PA DE DAG KYANG THOB PA LEGS PAR 'THOB CING ZHES BYA BA NAS SHES RAB KYI PHA ROL TU PHYIN PA 'DI NYAN PA DE DAG NI, KUN GYIS YID DU 'ONG BAR BYA BA YIN NO ZHES BYA BA'I BAR @209A *, ,GYIS NI, RNAM PA THAMS CAD MKHYEN PA NYID LA SEMS PA TZAM DANG, BLA NA MED PA'I BYANG CHUB TU SEMS BSKYED PA DANG, SHES RAB KYI PHA ROL TU PHYIN PA LA SPYOD PA PHAN YON CHE BA BSTAN PA'O, ,DE NAS LHA'I DBANG PO BRGYA BYIN GYIS ME TOG MAN D'A RA BA MANG PO BLANGS TE ZHES BYA BA NAS BCOM LDAN 'DAS BDAG NI BYANG CHUB SEMS DPA' SEMS DPA' CHEN PO SLAR LOG STE, NYAN THOS SAM RANG SANGS RGYAS SU 'GYUR BAR SEMS 'GA' TZAM YANG SKYE BA MA MCHIS KYI ZHES BYA BA'I BAR GYIS NI DE LTAR SHES RAB KYI PHA ROL TU PHYIN PA LA SPYOD PA PHAN YON CHE BA BRGYA BYIN GYIS RTOGS NAS, DAD PA LHAG PAR SKYES TE, BCOM LDAN 'DAS LA MCHOD PA DANG, DE LTAR MCHOD PA'I DGE BA'I RTZA BA YONGS SU BSNGO BA DANG, BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA, PHYIR LDOG PAR GYUR DU DOGS PA MED PA BSTAN PA'O, ,BLA NA MED PA YANG DAG PAR RDZOGS PA'I BYANG CHUB TU MOS PA BSKYED CING ZHES BYA BA NAS CI BDAG YONGS SU MYA NGAN LAS 'DAS NAS, SEMS CAN YONGS SU MYA NGAN LAS MA 'DAS PA YONGS SU MYA NGAN LAS ZLO BAR 'GYUR RAM ZHES RTOGS PAR BGYID CES BYA BA'I BAR GYIS NI, DE LTAR BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I BYANG CHUB SEMS DPA' BDAG DANG GZHAN GYI DON PHUN SUM TSOGS PAR BYA BA'I BSAM PA DANG LDAN PA BSTAN PA'O, ,BCOM LDAN 'DAS DE LTAR THEG PA LA GSAR DU ZHUGS PA'I BYANG CHUB SEMS DPA' SEMS DPA' CHEN PO RNAMS KYI SEMS BSKYED PA DE DAG LA RJES SU YI RANG BAR BGYID PA DANG ZHES BYA BA NAS SKRA'I RTZE MO BRGYAR GSHEGS PA'I CHA GCIG GIS CHU'I THIGS PA BLANG BA'I TSAD KYIS TSAD GZUNG BAR RUNG YANG SRID KYI, DE DAG GI RJES SU YI RANG BA DANG LDAN PA'I SEMS BSKYED PA'I BSOD NAMS LA NI TSAD MED DO ZHES BYA BA'I BAR GYIS NI, DE LTAR BDAG DANG GZHAN GYI DON PHUN SUM TSOGS PA'I BSAM PA DANG LDAN PA DE LTA BU LA RJES SU YI RANG BA BSOD NAMS CHE BA BSTAN PA'O, ,DE SKAD CES BKA' STZAL PA DANG, LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GANG SEMS BSKYED PA DE DAG LA RJES SU YI RANG BAR MI BGYID PA'I SEMS CAN DE DAG NI, @209B BDUD KYIS BYIN GYIS BRLABS PA LAGS SO ZHES 'BYUNG BA NAS ZHES BYA BA NAS SEMS CAN DE DAG NI BDUD KYI GNAS NAS SHI 'PHOS PA'O ZHES BYA BA'I BAR GYIS NI DE LTA BU'I BDAG DANG GZHAN GYI DON PHUN SUM TSOGS PA'I SEMS BSKYED PA LA RJES SU YI RANG BAR MI BYED PA SMAD PA BSTAN PA'O, ,DE CI'I SLAD DU ZHE NA BCOM LDAN 'DAS GANG SEMS ZHUM PA MED CING 'GONG BA MED PA DE NI, RAB 'BYOR SHES RAB KYI PHA ROL TU PHYIN PA STE ZHES BYA BA'I BAR GYIS NI, CHOS THAMS CAD RANG BZHIN GYIS YONGS SU DAG PAS, DE SNOD YONGS SU DAG PA THOB PAR BYA BA MED PA BDEN TE, DE LTA BU'I DON ZAB MO LA SEMS ZHUM PA MED CING 'GONG BA MED PA NYID YONGS SU DAG PA THOB PA YIN NO ZHES BSTAN PA'O, ,BYIS PA SO SO'I SKYE BO THAMS CAD KYIS NI, CHOS NYID DE MI SHES MI MTHONG BA ZHES BYA BA NAS RNAM PA THAMS CAD MKHYEN PA NYID LA SPYOD DE ZHES BYA BA'I BAR GYIS NI, BYANG CHUB SEMS DPA' PHA ROL TU PHYIN PA DRUG LA SOGS PA LA SPYOD PA YANG, SEMS CAN SO SO'I SKYE BO RNAMS YANG DAG PA'I DON LA GZUD PA'I PHYIR KUN RDZOB TU THABS MKHAS PAS SPYOD PA YIN NO ZHES BSTAN PA'O, ,RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO NI ZHES BYA BA NAS RNAM PA THAMS CAD MKHYEN PA NYID DANG LDAN PA'I SEMS MI SKYE'O ZHES BYA BA'I BAR GYIS NI, DE LTAR THABS MKHAS PA LA SLOB PA'I PHAN YON DANG, DE LTAR SLOB PA NYUNG BA DPE DANG BCAS PAR BSTAN PA STE, TSIG GNYER RNAMS NI RANG LOG TU ZAD DO, ,DE CI'I PHYIR ZHE NA, RAB 'BYOR 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA ZAB MO 'DI LA SPYOD PA'I TSE, CHOS GANG YANG DMIGS PA MED DE, MI DMIGS PAS CHOS GANG LA YANG SEMS BSKYED PA MA YIN NO ZHES BYA BAS NI GZUGS LA SOGS PA'I CHOS THAMS CAD LA DMIGS PA DANG BCAS PA'I SEMS MI SKYE BA'I GTAN TSIGS BSTAN PA STE, DON DAM PAR CHOS THAMS CAD RANG BZHIN GYIS STONG STE, GANG YANG DMIGS SU MED PA'I PHYIR DMIGS PA DANG BCAS PA'I SEMS MI SKYE'O ZHES BSTAN PA'O, ,RAB 'BYOR DE LTAR SHES RAB KYI PHA ROL TU PHYIN PA ZAB MO 'DI LA SLOB PA'I BYANG CHUB SEMS DPA' SEMS DPA' CHEN POS PHA ROL TU PHYIN PA @210A *, ,THAMS CAD YONGS SU 'DUS PAR 'GYUR RO ZHES BYA BA NAS RAB 'BYOR SHES RAB KYI PHA ROL TU PHYIN PA ZAB MO 'DI LA SLOB PA'I BYANG CHUB SEMS DPA' SEMS DPA' CHEN PO SEMS CAN THAMS CAD KYI MCHOG TU GYUR PA LA SLOB PA YIN NO ZHES BYA BA'I BAR GYIS NI, SHES RAB KYI PHA ROL TU PHYIN PA ZAB MO 'DI LA SPYAD NA PHA ROL TU PHYIN PAS THAMS CAD LA SPYAD PA LA SOGS PA'I PHAN YON DANG, PHA ROL TU PHYIN PA 'DI'I NANG TU PHA ROL TU PHYIN PA THAMS CAD 'DUS PA DPE DANG BCAS PAR BSTAN PA STE, LTA BA'I RNAM PA DRUG CU RTZA GNYIS NI SNGAR BSHAD ZIN TO, ,RAB 'BYOR DE JI SNYAM DU SEMS, STONG GSUM GYI STONG CHEN PO'I 'JIG RTEN GYI KHAMS NA, SEMS CAN GANG JI SNYED CIG 'KHOD PA DE DAG MANG BA YIN NAM ZHES BYA BA NAS RAB 'BYOR SHES RAB KYI PHA ROL TU PHYIN PA LA SLOB PA'I BYANG CHUB SEMS DPA' SEMS DPA' CHEN PO NI PHUN SUM TSOGS PA GANG THOB PAR BYA BA DE DAG LAS MI THOB PA GANG YANG MED DO ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI 'DZIN CING 'CHANG BA LA SOGS PA'I BSOD NAMS CHE BA DANG, DE LA BSLAB PAR BYA BA'I GDAMS NGAG BSTAN PA STE, DE LA SANGS RGYAS KYI YUL KHONG DU CHUD PAR 'DOD PA ZHES BYA BA NI CHOS KYI DBYINGS DE BZHIN NYID RTOGS PAR 'DOD PA ZHES BYA BA'I DON TO, ,SANGS RGYAS KYI RNGA BRDUNG BAR 'DOD PA DANG, SANGS RGYAS KYI GTAM BYA BAR 'DOD PA ZHES BYA BA NI DAM PA'I CHOS KYI RNGA BRDUNG BA DANG, DAM PA'I CHOS KYI DUNG 'BUD PA DANG, CHOS KYI GTAM BYA BAR 'DOD PAS SHES RAB KYI PHA ROL TU PHYIN PA ZAB MO 'DI LA BSLAB PAR BYA'O ZHES BYA BA'I DON TO, ,RAB 'BYOR GYIS GSOL PA, BCOM LDAN 'DAS NYAN THOS KYI PHUN SUM TSOGS PA YANG DES THOB PAR BGYI BA LAGS SAM ZHES BYA BA NAS BYANG CHUB SEMS DPA'I SKYON MED PAR CHUD PAR BYA'O ZHES BYA BA'I BAR GYIS NI GONG DU PHUN SUM TSOGS PA GANG THOB PAR BYA BA DE DAG LAS MI THOB PA GANG YANG MED DO ZHES BSTAN PA LA, 'KHOR GYI NANG NA KHA CIG NYAN THOS DANG RANG SANGS RGYAS KYI 'BRAS BU PHUN SUM TSOGS PA YANG THOB PAR BYA BA'AM SNYAM DU RTOG PA BSAL BA'I PHYIR ZHUS PA DANG, NYAN THOS DANG RANG SANGS RGYAS KYI PHUN SUM TSOGS PA @210B YANG THOB PAR NI BYA'I, NYAN THOS DANG RANG SANGS RGYAS LTAR DE LA GNAS PAR MI BYA BAR BYANG CHUB SEMS DPA'I SKYON MED PAR CHUD PAR BYA'O ZHES BSTAN PA'O, ,RAB 'BYOR DE LTAR SLOB PA'I BYANG CHUB SEMS DPA' SEMS DPA' CHEN PO NI RNAM PA GANG GIS SEMS BSKYED PA 'DI BSGRUBS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I SEMS CAN DE DAG NI BDUD KYI GNAS 'JIG PAR BGYID PA STE ZHES BYA BA NI DE LTAR BDAG DANG GZHAN GYI DON PHUN SUM TSOGS PA'I BSAM PA DANG LDAN PA STE, GDON MI ZA BAR BDUD LAS RGYAL NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR TE, DE BAS NA DE LTA BU LA RJES SU YI RANG BA MI BYED PA NI BDUD KYI PHYOGS SU GTOGS PA YIN NO ZHES BSTAN PA'O, ,GANG BLA NA MED PA YANG DAG PAR RDZOGS PA'I BYANG CHUB TU BSKYED PA'I SEMS DE DAG NI RJES SU YI RANG BAR BGYI BA STE ZHES BYA BA NAS JI LTAR GNYIS KYI 'DU SHES SU 'GYUR BA DANG, GNYIS SU MA MCHIS PA'I 'DU SHES SU YANG MI 'GYUR LA, DE LTAR YONGS SU BSNGO BAR BGYI'O ZHES BYA BA'I BAR GYIS NI SEMS BSKYED PA DE LA RJES SU YI RANG BAR MI BYAR MI RUNG BA DANG, RJES SU YI RANG BA BYAS NAS KYANG BSNGO BA'I THABS BSTAN PA'O, ,BCOM LDAN 'DAS KYIS BKA' STZAL PA ZHES BYA BA NAS PHYIR MI LDOG PA DANG SKYE BA GCIG GIS THOGS PA RNAMS KYI DGE BA'I RTZA BA DE DAG LA YANG RJES SU YI RANG BAR BYAS SHING BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BYA BA'I BAR GYIS NI BDAG DANG GZHAN GYI DON PHUN SUM TSOGS PA'I SEMS BSKYED PA LA RJES SU YI RANG BA'I PHAN YON DANG, JI LTAR RJES SU YI RANG BAR BYAS PA DANG, RJES SU YI RANG BA BYAS NAS, JI LTAR BSNGO BA'I THABS BSTAN PA STE, CI NAS KYANG SEMS MED PA DANG, SEMS MA YIN PA GZHAN YANG MED PAR ZHES BYA BA NI RJES SU YI RANG BAR BYA BA'I SEMS BSKYED PA DE LA DNGOS PO YOD PA'AM, DNGOS PO MED PA'I MTSAN MAR MI GZUNG BAR RJES SU YI RANG ZHING, YONGS SU BSNGO BAR BYA'O ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM @211A *, ,LDAN 'DAS JI LTAR NA SGYU MA LTA BU'I SEMS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA LAGS ZHES BYA BA NI GONG DU CI NAS KYANG SEMS MED PA DANG, SEMS MA YIN PA GZHAN YANG MED PAR RJES SU YI RANG BAR BYAS SHING, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BSHAD PA DANG SBYAR NA, DE LTAR DON DAM PAR NI SEMS DE DNGOS PO MED PAS RJES SU YI RANG BA DANG, YONGS SU BSNGO BA DANG, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA YANG MED DE; DE DAG KYANG KUN RDZOB TU YOD GRANG NA, KUN RDZOB TU YOD PA'I SEMS NI YANG DAG PAR YOD PA MA YIN TE, SGYU MA DANG 'DRA NA, SGYU MA LTA BU'I SEMS DE JI LTAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR ZHES GAL BZUNG STE ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, SGYU MA LTA BU'I SEMS DE KHYOD KYIS YANG DAG PAR RJES SU MTHONG NGAM ZHES BYA BA NI SGYU MA LTA BU'I SEMS MNGON PAR RDZOGS PAR 'TSANG RGYA BAR MI 'GYUR BA'I DON ZHIB TU BSTAN PA'I PHYIR RAB 'BYOR GYIS SMRAS PA'O, ,GSOL PA, BCOM LDAN 'DAS DE NI MA LAGS TE, BCOM LDAN 'DAS BDAG GIS SGYU MA YANG DAG PAR RJES SU MA MTHONG, SGYU MA LTA BU'I SEMS DE YANG DAG PAR RJES SU MA MTHONG NGO ZHES BYA BA NI SGYU MA NYID DANG SGYU MA LAS DPE BLANGS PA'I SEMS DE GNYI GA YANG, KUN RDZOB TU BRJOD PA TZAM DU ZAD KYI, DON DAM PAR YOD PA MA YIN NO ZHES GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DE LTAR SGYU MA YANG MA MTHONG SGYU MA LTA BU'I SEMS KYANG MA MTHONG NA, SEMS GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I SEMS DE KHYOD KYIS YANG DAG PAR RJES SU MTHONG NGAM ZHES BYA BA NI DE LTAR SGYU MA DANG, SGYU MA LTA BU'I SEMS GNYIS KA MED NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I SEMS DE GA LA YOD SNYAM DU DGONGS NAS SMRAS PA'O, ,GSOL PA, BCOM LDAN 'DAS DE NI MA LAGS SO @211B ZHES BYA BA NI DE LTA BU MA MTHONG NGO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, SGYU MA DANG SGYU MA LTA BU'I SEMS LAS GUD NA ZHES BYA BA NAS, BCOM LDAN 'DAS SGYU MA DANG SGYU MA LTA BU'I SEMS LAS GUD NA CHOS GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DE, BDAG GIS YANG DAG PAR RJES SU MA MTHONG NGO ZHES BYA BA'I BAR GYIS NI SGYU MA DANG SGYU MA LTA BU'I SEMS LA MA GTOGS PA'I CHOS GZHAN YANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA DE LTA BU DON DAM PAR GANG YANG MED DO ZHES BSTAN PA'O, ,BCOM LDAN 'DAS DE LTAR BDAG GIS CHOS GZHAN YANG YANG DAG PAR RJES SU MA MTHONG NA, MCHIS PA 'AM MA MCHIS PA'I CHOS GANG ZHIG BDAG GIS BSTAN PAR BGYI ZHES BYA BA NI DE LTAR GONG DU BSHAD PA'I TSUL GYIS, SGYU MA DANG SGYU MA LTA BU'I SEMS LAS GUD NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS GANG YANG MED NA, DE LAS GZHAN PA YOD PA DANG, MED PA GNYI GAR YANG BSTAN DU MED DO ZHES BYA BA'I DON TO, ,CHOS GANG SHIN TU DBEN PA DE NI MCHIS PA 'AM MA MCHIS PAR MI 'GYUR RO ZHES BYA BA NI YOD PA DANG, MED PA GNYI GAR BSTAN DU MED PA'I GTAN TSIGS BSTAN PA STE, DON DAM PAR CHOS THAMS CAD YOD PA DANG MED PA'I MTHA' GNYIS DANG BRAL TE, SHIN TU DBEN PA'I PHYIR YOD PA DANG MED PAR GDAGS SHING BSTAN DU MED DO ZHES BYA BA'I DON TO, ,CHOS GANG DBEN PA DE NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG MI RGYA STE ZHES BYA BA NI DE LTAR MTHA' GNYIS DANG BRAL ZHING DBEN PA DE MNGON PAR RDZOGS PAR 'TSANG MI RGYA'O ZHES BSTAN PA'O, ,MA MCHIS PA'I CHOS KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG MI RGYA'O ZHES BYA BA NI SHIN TU DBEN PA'I DON DE NYID DNGOS PO MED PAR BSTAN PA STE, DNGOS PO MED PA NI MNGON PAR RDZOGS PAR 'TSANG RGYAR YANG MED DO ZHES BYA BA'I DON TO, ,DE CI'I PHYIR ZHE NA, BCOM LDAN 'DAS DE NI 'DI LTAR GANG NYON MONGS PAR 'GYUR BA 'AM, RNAM PAR BYANG BAR 'GYUR BA'I CHOS @212A *, ,THAMS CAD NI MA MCHIS SHING YONGS SU MA MCHIS PA'O ZHES BYA BA NI DNGOS PO MED PA MNGON PAR RDZOGS PAR 'TSANG MI RGYA BA'I GTAN TSIGS BSTAN PA STE, MNGON PAR RDZOGS PAR 'TSANG RGYA BA NI NYON MONGS PA'I PHYOGS SU GTOGS PA'I CHOS RNAMS SPANGS SHING, RNAM PAR BYANG BA'I CHOS RNAMS BSGOM PA LAS 'GYUR NA, CHOS DE DAG THAMS CAD DON DAM PAR DNGOS PO MED DE, SPANG BAR BYA BA DANG BSGOM PAR BYA BA GNYIS KA MED PAS, MNGON PAR 'TSANG RGYAR YANG MED DO ZHES BSTAN PA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR SHES RAB KYI PHA ROL TU PHYIN PA NI SHIN TU DBEN PA'O ZHES BYA BA NAS, RNAM PA THAMS CAD MKHYEN PA NYID NI SHIN TU DBEN PA'O ZHES BYA BA'I BAR GYIS NI DE LTAR GONG DU CHOS THAMS CAD SHIN TU DBEN ZHING DNGOS PO MED PAR MDOR BSTAN NAS, DE'I 'OG TU SHES RAB KYI PHA ROL TU PHYIN PA NAS RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS THAMS CAD RE RE NAS SMOS TE, SHIN TU DBEN ZHING DNGOS PO MED PAR BSTAN PA'O, ,CHOS GANG SHIN TU DBEN PA DE NI BSGOM PAR BGYI BA YANG MA LAGS, RNAM PAR BSGOM PAR BGYI BA YANG MA LAGS TE ZHES BYA BA NI DE LTAR SHIN TU DBEN ZHING DNGOS PO MED PA LA NI BSGOM ZHING BSGRUB PAR BYA BA YANG MED, GZHIG CING SPANG BAR BYA BA YANG MED DO ZHES BSTAN PA STE, RNAM PAR BSGOM PA ZHES BYA BA NI SUN DBYUNG BA'AM GZHIG PA ZHES BYA BA'I DON TO, ,DE NI SHES RAB KYI PHA ROL TU PHYIN PA SHIN TU DBEN PA'I SLAD DU, CHOS GANG YANG SGRUB PA MA MCHIS SO ZHES BYA BA NI GONG DU BSHAD PA'I DON DE NYID GSAL BAR GO BAR BYA BA'I PHYIR BSTAN PA'O, ,SHES RAB KYI PHA ROL TU PHYIN PA SHIN TU DBEN PA LAGS NA ZHES BYA BA NAS JI LTAR DBEN PAS DBEN PA 'TSANG RGYA BAR 'GYUR ZHES BYA BA'I BAR GYIS NI DE LTAR CHOS THAMS CAD SHIN TU DBEN ZHING, RANG BZHIN GYIS STONG PAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I RGYU SHES RAB KYI PHA ROL TU PHYIN PA DANG, BLA NA MED PA'I BYANG CHUB NYID KYANG DON DAM PAR DNGOS PO MED DE SHIN TU DBEN PAS GANG YANG MNGON PAR RDZOGS PAR 'TSANG RGYA BAR 'GYUR BA MED DO ZHES BSTAN PA'O, , @212B BCOM LDAN 'DAS KYIS BKA' STZAL PA, RAB 'BYOR LEGS SO LEGS SO ZHES BYA BA NAS RNAM PA THAMS CAD MKHYEN PA NYID NI SHIN TU DBEN PA'O ZHES BYA BA'I BAR GYIS NI, RAB 'BYOR GYIS BSHAD PA'I DON 'KHOR RNAMS KYIS BSTAN PAR YID CHES PAR BYA BA'I PHYIR LEGS SO ZHES BSTOD NAS, SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS THAMS CAD SHIN TU DBEN PA DPEN NO ZHES BKA' STZAL PA'O, ,RAB 'BYOR JI LTAR SHES RAB KYI PHA ROL TU PHYIN PA DBEN PA DANG ZHES BYA BA NAS RNAM PA THAMS CAD MKHYEN PA NYID SHIN TU DBEN PA DE BZHIN DU, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YANG SHIN TU DBEN PA'O ZHES BYA BA'I BAR GYIS NI SHES RAB KYI PHA ROL TU PHYIN PA LA SOGS PA'O, ,RNAM PAR BYANG BA'I CHOS THAMS CAD DON DAM PAR DNGOS PO MED DE, SHIN TU DBEN PA DE BZHIN DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YANG DNGOS PO MED DE, SHIN TU DBEN PAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA GANG YANG MED DO ZHES BSTAN PA'O, ,RAB 'BYOR GAL TE SHES RAB KYI PHA ROL TU PHYIN PA SHIN TU DBEN PAR MA GYUR NA ZHES BYA BA NAS DE RNAM PA THAMS CAD MKHYEN PA NYID DU MI 'GYUR RO ZHES BYA BA'I BAR GYIS NI, SHIN TU DBEN PA'I DON BSHAD PA STE, SHIN TU DBEN PA ZHES BYA BA NI GZUNG BA DANG 'DZIN PA RNAM PAR SPANGS SHING, 'KHOR GSUM YONGS SU DAG PA LA BYA STE, DE LTAR 'KHOR GSUM YONGS SU DAG PAR SPYAD NA, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS RNAMS KYI MING THOB PAR 'GYUR GYI, GZUNG BA DANG 'DZIN PA MA SPANGS TE, SHIN TU DBEN PAR MA GYUR CING 'KHOR GSUM YONGS SU MA DAG NA PHA ROL TU PHYIN PA DRUG LA SOGS PA'I MING THOB PAR MI 'GYUR RO ZHES BSTAN PA PA'O, ,RAB 'BYOR DE BAS NA JI LTAR SHES RAB KYI PHA ROL TU PHYIN PA SHIN TU DBEN PA DANG ZHES BYA BA NAS JI LTAR RNAM PA THAMS CAD MKHYEN PA NYID SHIN TU DBEN PA DE LTAR, SHES RAB KYI PHA ROL TU PHYIN PA LA MA BRTEN PAR YANG BLA NA MED PA YANG DAG PAR @213A *, ,RDZOGS PA'I BYANG CHUB TU MNGON PAR RDZOGS PAR 'TSANG MI RGYA ZHES BYA BA'I BAR GYIS NI, DE LTAR DON DAM PAR CHOS THAMS CAD DNGOS PO MED DE, SHIN TU DBEN YANG KUN RDZOB TU SHIN TU DBEN PA'I SHES RAB KYI PHA ROL TU PHYIN PA LA MA BRTEN PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI 'GYUR GYI, DE LA BRTEN NA RTEN CING 'BREL PAR 'BYUNG BA'I TSUL GYIS MNGON PAR RDZOGS PAR 'TSANG RGYA BAR 'GYUR RO ZHES BSTAN PA'O, ,DBEN PAS DBEN PA MNGON PAR RDZOGS PAR 'TSANG MI RGYA STE ZHES BYA BA NI DON DAM PAR SHES RAB KYI PHA ROL TU PHYIN PA YANG DNGOS PO MED PAS DBEN TE, DE BAS NA DNGOS PO MED PAS DNGOS PO MED PA MI 'GRUB BO ZHES BYA BA'I DON TO, ,BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG YANG RGYA BA NAS, SHES RAB KYI PHA ROL TU PHYIN PA LA MA BRTEN PAR MNGON PAR RDZOGS PAR 'TSANG MI RGYA'O ZHES BYA BA NI DE LTAR DON DAM PAR RGYU DANG 'BRAS BU GNYI GA DNGOS PO MED DE DBEN PAS MNGON PAR RDZOGS PAR 'TSANG MI RGYA YANG, KUN RDZOB TU RTEN CING 'BREL PAR 'BYUNG BA'I TSUL GYIS, MNGON PAR RDZOGS PAR 'TSANG MI RGYA BA YANG MA YIN TE, DE YANG SHES RAB KYI PHA ROL TU PHYIN PA LA BRTEN NAS, MNGON PAR RDZOGS PAR 'TSANG RGYA'O ZHES BYA BA'I DON TO, ,GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO NI DON ZAB MO LA SPYOD PA'O ZHES BYA BA NI DE LTAR GONG DU BSHAD PA'I TSUL GYIS, DON DAM PAR CHOS THAMS CAD RANG BZHIN GYIS STONG STE, SHIN TU DBEN PAS SGRUB PAR BYED PA'I SHES RAB KYI PHA ROL TU PHYIN PA DANG, BSGRUB PAR BYA BA'I YANG DAG PAR RDZOGS PA'I BYANG CHUB GNYI GA DNGOS PO MED PAS, MNGON PAR RDZOGS PAR 'TSANG MI RGYA LA, KUN RDZOB TU RTEN CING 'BREL PAR 'BYUNG BA'I TSUL GYIS; SHES RAB KYI PHA ROL TU PHYIN PA LA BRTEN NAS, MNGON PAR RDZOGS PAR 'TSANG RGYA BAR YANG 'GYUR BA'I DON ZAB MO DMIGS PA CAN RNAMS KYIS RTOGS PAR DKA' BA DE LTA BU LA SPYOD PA'I PHYIR DON ZAB MO LA SPYOD PA'O ZHES RAB 'BYOR GYIS GSOL PA'O, ,BCOM LDAN 'DAS KYIS BKA' STZAL @213B PA; RAB 'BYOR DE DE BZHIN NO ZHES BYA BA LA SOGS PAS NI, RAB 'BYOR GYIS SMRAS PA BDEN NO ZHES BKA' STZAL PA'O, ,RAB 'BYOR BYANG CHUB SEMS DPA' SEMS DPA' CHEN PO DE LTAR DON ZAB MO LA SPYOD CING, 'DI LTA STE NYAN THOS KYI SA'AM, RANG SANGS RGYAS KYI SAR 'GYUR BA'I DON DE MNGON DU MI BYED PA NI DKA' BA BYED PA'O ZHES BYA BA NI DE LTAR STONG PA NYID KYI DON ZAB MO YANG BSGOMS LA, THABS MKHAS PAS KUN RDZOB TU BLA NA MED PA YANG DAG PAR RDZOGS PA'I BYANG CHUB THOB PAR BYED KYI, NYAN THOS DANG RANG SANGS RGYAS KYI SA THOB PAR 'GYUR BA'I STONG PA NYID MNGON DU MI BYED PA DE LTA BU DMIGS PA CAN RNAMS KYIS MI NUS PA'I PHYIR, DKA' BA BYED PA'O ZHES BSTAN PA'O, ,GSOL PA, BCOM LDAN 'DAS KYIS GSUNGS PA'I DON BDAG GIS 'TSAL BA LTAR NA, DKA' BA CUNG ZAD KYANG MI BGYID NA, JI LTAR BYANG CHUB SEMS DPA' SEMS DPA' CHEN PO DKA' BA BGYID PA LAGS ZHES BYA BA NI DNGOS PO YOD PA LAS MNGON DU MI BYA BA NI DKA' YANG SRID KYI, DNGOS PO MED PA LA MNGON DU BYAR YANG MED DE, DE LTAR DNGOS PO MED CING MNGON DU BYAR MED PA LA, MNGON DU MI BYED PA LTA DKA' YANG CI YOD CES BYA BA'I DON TO, ,DE CI'I SLAD DU ZHE NA, BCOM LDAN 'DAS DE NI 'DI LTAR GANG MNGON DU BGYI BA'I DON DE YANG MI DMIGS, GANG GIS MNGON DU BGYI BA'I SHES RAB KYI PHA ROL TU PHYIN PA DE YANG MI DMIGS PA, GANG MNGON DU BGYI BA'I CHOS DE YANG MI DMIGS TE ZHES BYA BA NI MNGON DU BYA BA'I DON STONG PA NYID DANG, MNGON DU BYED PA'I RGYU SHES RAB KYI PHA ROL TU PHYIN PA DANG, MNGON DU BYED PA'I GANG ZAG KYANG DON DAM PAR DMIGS SU MED PA'I PHYIR MNGON DU MI BYA BA NI DKA'O ZHES BSTAN PA'O, ,BCOM LDAN 'DAS CHOS THAMS CAD MI DMIGS NA GANG MNGON DU BGYIS PAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG MI RGYA BAR 'GYUR BA'I DON MNGON DU BGYI BA DE LTA BU YANG GANG ZHIG MCHIS, SHES RAB KYI PHA ROL TU PHYIN PA YANG GANG ZHIG GIS MNGON DU BGYI, CHOS MNGON DU BGYI BA DE LTA BU GANG ZHIG GIS ZHES BYA BA'I NYAN THOS DANG RANG SANGS RGYAS KYI SAR LTUNG BAR 'GYUR BA'I @214A *, ,STONG PA NYID 'BA' ZHIG MNGON DU BYAR MED CING, MI DMIGS PAR MA ZAD KYI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I DON DE LTA BU YANG GANG YANG DMIGS SU MED DO ZHES BSTAN PA'O, ,BCOM LDAN 'DAS 'DI NI MI DMIGS PA'I SPYOD PA STE, DE LA SPYAD PA'I BYANG CHUB SEMS DPA' SEMS DPA' CHEN PO CHOS THAMS CAD LA MUN PA MA MCHIS PA THOB PA'O ZHES BYA BA NI DE LTAR CHOS GANG MNGON DU MI BYED CING, MI DMIGS PAR SPYOD NA, DMIGS PA LAS GYUR PA'I SGRIB PA THAMS CAD BYANG BAR 'GYUR RO ZHES BSTAN PA'O, ,BCOM LDAN 'DAS GAL TE DE SKAD DU BSTAN PA LAS BYANG CHUB SEMS DPA' SEMS DPA' CHEN PO'I SEMS MI 'DZUM ZHES BYA BA NAS BCOM LDAN 'DAS DE BZHIN DU SHES RAB KYI PHA ROL TU PHYIN PA YANG DON GANG GI SLAD DU BRJOD PA'I DON DE BGYID KYANG, SHES RAB KYI PHA ROL TU PHYIN PA DE RNAM PAR MI RTOG GO ZHES BYA BA'I BAR GYIS NI DE LTA BU'I DON ZAB MO BSTAN PA LA, NYAN THOS DANG RANG SANGS RGYAS LTAR STONG PAS 'JIGS SHING SKRAG PAR MA GYUR NA, SHES RAB KYI PHA ROL TU PHYIN PA LA SPYOD PA'I YON TAN BSTAN PA DANG, DE LTAR SPYOD PA'I BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I RLOM SEMS MI SKYE BA DANG, DE LTAR SHES RAB KYI PHA ROL TU PHYIN PA LA SPYOD NA, BDAG GIS NYAN THOS DANG RANG SANGS RGYAS KYI SA NI RING DU GYUR PAR BYA, RNAM PA THAMS CAD MKHYEN PA NYID NI NYE BAR GYUR PAR BYA'O SNYAM DU SEMS PA LA SOGS PA'I RNAM PAR RTOG PA MED PA DPE DANG BCAS PAR BSTAN PA STE, TSIG GNYER NI RANG LOG TU ZAD DO, ,DE NAS TSE DANG LDAN PA SHA RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO ZHES BYA BA NAS RAB 'BYOR GYIS SMRAS PA TSE DANG LDAN PA SHA RA DVA TI'I BU CHOS THAMS CAD NI RNAM PAR MI RTOG PA'O ZHES BYA BA'I BAR GYIS NI JI LTAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DANG, SHES RAB KYI PHA ROL TU PHYIN PA RNAM PAR MI RTOG PA DE BZHIN DU, PHA ROL TU PHYIN PA LNGA LA SOGS PA RNAM PA THAMS CAD MKHYEN PA NYID DANG, 'DUS BYAS DANG 'DUS MA BYAS KYI KHAMS LA @214B THUG GI BAR DU, CHOS THAMS CAD STONG PA NYID DU RO GCIG PAS RNAM PAR MI RTOG PA'O ZHES BSTAN PA'O, ,SMRAS PA TSE DANG LDAN PA RAB 'BYOR GAL TE DE LTAR CHOS THAMS CAD RNAM PAR MI RTOG PA YIN NA ZHES BYA BA NAS, SANGS RGYAS BCOM LDAN 'DAS SU BRJOD PA YANG CI LAS GYUR ZHES BYA BA'I BAR GYIS NI DE LTAR GONG DU CHOS THAMS CAD RNAM PAR MI RTOG PAR BSTAN PA LAS, 'KHOR GYI NANG NA KHA CIG DE LTAR CHOS THAMS CAD STONG PAR RO GCIG NA, 'KHOR BA DANG MYA NGAN LAS 'DAS PA YANG STONG PA NYID DU RO GCIG PAS, CI YANG BYA MI DGOS SO SNYAM DU RTOG PA BSAL BA'I PHYIR SH'A RI'I BUS RAB 'BYOR LA DRIS PA'O; ,RAB 'BYOR GYIS SMRAS PA TSE DANG LDAN PA SHA RA DVA TI'I BU ZHES BYA BA NAS RNAM PAR MI RTOG PA LAS SANGS RGYAS SU BRJOD DO, ,RNAM PAR MI RTOG PA LAS BYANG CHUB TU BRJOD DO ZHES BYA BA'I BAR GYIS NI, DON DAM PAR CHOS THAMS CAD RANG BZHIN GYIS STONG STE, RNAM PAR MI RTOG KYANG KUN RDZOB TU LAS LEGS NYES CI BYAS PA'I 'BRAS BU SKYED SDUG MED PA MA YIN PA BSTAN PA STE, SEMS CAN SO SO'I SKYE BO YANG DAG PAR MA MTHONG ZHING, PHYIN CI LOG TU RTOG CING DPYOD PA RNAMS NI 'KHOR BA'I RGYUR 'GYUR BA'I LAS SPYAD PAS, 'BRAS BU YANG 'KHOR BA NYID DU RNAM PAR SMIN TE, 'GRO BA LNGA'I NANG DU SKYE, SEMS CAN GANG BLO PHYIN CI LOG TU MA GYUR TE, 'KHOR BA'I CHOS RNAMS LA MA CHAGS SHING, RNAM PAR MI RTOG PA RNAMS NI 'KHOR BA LAS THAR TE, 'PHAGS PA'I SA THOB PAR 'GYUR RO ZHES BSTAN PA'O, ,TSE DANG LDAN PA SHA RA DVA TI'I BU 'DAS PA'I DUS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG JI SNYED BYUNG BA ZHES BYA BA NAS RNAM PAR MI RTOG PA SHES RAB KYI PHA ROL TU PHYIN PA LA SPYAD PAS, RNAM PAR MI RTOG PA'I CHOS THAMS CAD MNGON PAR RDZOGS PAR 'TSANG RGYA'O ZHES BYA BA'I BAR GYIS NI, RNAM PAR MI RTOG PA BSGOMS PA LAS 'PHAGS PA'I SA THOB PAR 'GYUR BA'I GTAN TSIGS BSTAN PA STE, DUS GSUM GYI SANGS RGYAS BCOM LDAN 'DAS RNAMS KYANG RNAM PAR RTOG PA SPANGS PA LA, MNGON PAR RDZOGS PAR SANGS RGYAS PA'I PHYIR CHOS THAMS CAD KYI DE BZHIN NYID RNAM PAR MI RTOG PA BRTZAN PAR BYA STE, RNAM PAR MI RTOG @215A *, ,PA'I SHES RAB KYI PHA ROL TU PHYIN PA LA RNAM PAR MI RTOG PAR SPYAD PAR BYA'O ZHES BSTAN PA'O, ,'PHAGS PA SHES RAB KYI PHA ROL TU PHYIN PA 'BUM PA LAS LE'U BZHI BCU BRGYAD PA'O,, ,,DE NAS TSE DANG LDAN PA SHA RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO, ,KYE MA TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA LA SPYOD PA NI SNYING PO LA SPYOD PA'O ZHES BYA BA NI RNAM PAR MI RTOG PA'I DON GONG DU BSHAD PA SH'A RI'I BUS RTOGS NA, DE LTAR RNAM PAR MI RTOG PA'I DON LA SPYOD PA NI SPYOD PA'I MCHOG DAM PA SNYING POR GYUR PA LA SPYOD DO ZHES BSTOD PA'O, ,DE SKAD CES SMRAS PA DANG TSE DANG LDAN PA RAB 'BYOR GYIS TSE DANG LDAN PA SHA RA DVA TI'I BU LA 'DI SKAD CES SMRAS SO, ,KYE MA TSE DANG LDAN PA SHA RA DVA TI'I BU BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA LA SPYOD PA DE NI SNYING PO MED PA LA'O ZHES BYA BA NI GONG DU SNYING PO LA SPYOD DO ZHES BSHAD PA LA 'KHOR GYI NANG NA KHA CIG SNYING POR GYUR PA DE LTA BU'I DNGOS PO YOD DAM SNYAM DU RTOG PA BSAL BA'I PHYIR, SNYING PO MED PA LA SPYOD PA'O ZHES SMRAS TE, SNYING PO ZHES BYA BA NI DNGOS PO YOD PA'I NANG NAS MCHOG LA BYA, SNYING PO MED PA ZHES BYA BA NI, DON DAM PAR CHOS THAMS CAD RANG BZHIN GYIS STONG ZHING DNGOS PO MED LA BYA STE, DE BAS NA BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NI SNYING PO MED PA LA SPYOD PA'O ZHES BSTAN PA'O, ,DE CI'I PHYIR ZHE NA, TSE DANG LDAN PA SHA RA DVA TI'I BU, SHES RAB KYI PHA ROL TU PHYIN PA NI SNYING PO MED PA'O ZHES BYA BA NAS, RNAM PA THAMS CAD MKHYEN PA NYID NI SNYING PO MED PA'O ZHES BYA BA'I BAR GYIS NI, SNYING PO MED PA LA SPYOD PA'I GTAN TSIGS BSTAN PA STE, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS DON DAM PAR DNGOS PO MED PA STE, BYANG CHUB SEMS DPA' YANG CHOS DE DAG LA SPYOD PA'I PHYIR, SNYING PO MED PA LA SPYOD PA'O ZHES BYA BA'I DON TO, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO @215B SHES RAB KYI PHA ROL TU PHYIN PA LA SPYOD PA NI SNYING PO MED PA NYID KYANG MI DMIGS SHING YANG DAG PAR RJES SU MI MTHONG NA, SNYING PO LA DMIGS PA LTA GA LA YOD CES BYA BA NI PHA ROL TU PHYIN PA LA DRUG LA SOGS PA DON DAM PAR DNGOS PO MED PA'I CHOS BYANG CHUB SEMS DPA' DON GRUB PAR BYA BA DE DAG LA YANG MI DMIGS SHING, DNGOS POR MI LTA NA YANG DAG PA MA YIN PA'I DON SNYING PO CAN DU DMIGS PA LTA GA LA YOD DE, DE BAS NA SHES RAB KYI PHA ROL TU PHYIN PA LA SPYAD PA'I BYANG CHUB SEMS DPA' NI SNYING PO MED PA LA SPYOD PA YIN NO ZHES BYA BA'I DON TO, ,DE NAS 'DOD PA NA SPYOD PA DANG, GZUGS YOD PA NA SPYOD PA'I LHA'I BU SHIN TU MANG PO DAG 'DI SNYAM DU GYUR TE ZHES BYA BA NAS CHOS KYI MNYAM PA NYID 'DI MNGON DU MI BYED PA DE DAG NI PHYAG BYA BAR 'OS PA'O ZHES BYA BA'I BAR GYIS NI DE LTAR CHOS THAMS CAD SNYING PO MED PAR RTOGS KYANG, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA MI GTONG ZHING, SHES RAB KYI PHA ROL TU PHYI PA ZAB MO DMIGS SU MED PA LA SPYOD KYANG NYAN THOS DANG RANG SANGS RGYAS KYI YANG DAG PA'I MTHA' DANG, STONG PA NYID KYI CHOS NYID MNGON DU MI BYED PA DE LTA BU DKON PAS, DE LTAR SPYOD PA'I BYANG CHUB SEMS DPA' DE DAG NI PHYAG BYA BAR 'OS PA'O ZHES BSTAN PA'O, ,DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO ZHES BYA BA NAS GANG YONGS SU MYA NGAN LAS BZLA BAR BYA BA'I SEMS CAN DE DAG SHIN TU MI DMIGS PA NI DE DAG LA DE BAS DKA' STE ZHES BYA BA'I BAR GYIS NI, DMIGS SU MED PA'I CHOS LA SPYOD LA, YANG DAG PA'I MTHA' MNGON DU MI BYED PA DE TZAM DU MI DKA' DE BAS KYANG SEMS CAN MANG PO'I DON BYA BAR YI DAM BCAS LA, SEMS CAN DE DAG MI DMIGS PA NI RAB TU DKA' STE, DE LTAR SPYOD PA NI PHYAG BYA BAR 'OS PA'O ZHES BSTAN PA'O, ,DE LTAR SPYOD PA'I BYANG CHUB SEMS DPA' SEMS DPA' CHEN PO NI SEMS CAN THAMS CAD GDUL BAR BYA'O ZHES BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA YIN TE ZHES BYA BA NI SEMS CAN MANG PO'I DON DU GO CHA YANG BGOS LA, SEMS CAN YANG MI DMIGS PA DE NI BDAG GI @216A *, ,DON 'BA' ZHIG BYED PA NI MA YIN GYI, SEMS CAN GYI DON GTZO BOR BYED LA, DE YANG MI DMIGS PAS DE LTAR SPYOD PA NI BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA YIN NO ZHES BSTAN PA'O, ,GANG SEMS CAN 'DUL BAR SEMS PA NI NAM MKHA' 'DUL BAR SEMS PA DANG 'DRA'O ZHES BYA BA NAS NAM MKHA' GSOG PA'I PHYIR SEMS CAN GSOG TU LTA BA'O ZHES BYA BA'I BAR GYIS NI SEMS CAN DMIGS SU MED PA'I GTAN TSIGS BSTAN PA STE, DON DAM PA'I SEMS CAN DNGOS PO MED PAS NAM MKHA' DANG 'DRA STE, SEMS CAN 'DUL BA NI NAM MKHA' 'DUL BA DANG 'DRA'O ZHES BSTAN PA STE, DBEN PA DANG STONG PA NYID DANG, SNYING PO MED PA DANG, GSOG CES BYA BA NI DNGOS PO MED PA'I RNAM GRANGS SU RIG PAR BYA'O, ,LHA'I BU DAG RNAM GRANGS DES NA, BYANG CHUB SEMS DPA' SEMS DPA' CHEN PO GANG SEMS CAN MED PA RNAMS KYI DON DU GO CHA GYON PA DE DAG NI DKA' BA STE ZHES BYA BA NI DNGOS PO MED PA LA DNGOS PO YOD PA'I BYA BA BYED PA NI THABS MI MKHAS PAR BYA BAR DKA'O ZHES BYA BA'I DON TO, ,GANG SEMS CAN RNAMS KYI DON DU GO CHA GYON PA DE DAG NI NAM MKHA' DANG BRTZAD PAR 'DOD PA STE ZHES BYA BA NI SEMS CAN DNGOS PO MED PA'I DPE NAM MKHA' LAS BLANGS TE BSTAN PA STE, SEMS CAN DNGOS PO MED PA 'DUL BA'I DON DU GO CHA GYON PA NI NAM MKHA' 'DUL DU ZAD DO ZHES BSTAN PA'O, ,BYANG CHUB SEMS DPA' SEMS DPA' CHEN POS GO CHA DE YANG BGOS LA SEMS CAN GANG GI DON DU BYANG CHUB SEMS DPA' SEMS DPA' CHEN POS GO CHA BGOS PA'I SEMS CAN DE DAG KYANG MI DMIGS SO ZHES BYA BA NI GDUL BAR BYA BA'I SEMS CAN RNAMS DNGOS PO MED PA'I DON MJUG BSDUS TE BSTAN PA'O, ,DE CI'I PHYIR ZHE NA, SEMS CAN DBEN PA'I PHYIR GO CHA DBEN PAR LTA'O ZHES BYA BA NI DE LTAR SEMS CAN DMIGS SU MED PA'I GTAN TSIGS SU DBEN PA'I TSIG GIS BSTAN PA STE, SEMS CAN DNGOS PO MED CING DBEN PA'I PHYIR DMIGS SU MED DE DE LTAR SEMS CAN DBEN PAS SEMS CAN 'DUL BAR RTZOL BA'I GO CHA YANG DBEN PAS GNYIS SU MED DO @216B ZHES BYA BA'I DON TO, ,GAL TE DE LTAR BSTAN PA'I TSE, BYANG CHUB SEMS DPA' SEMS DPA' CHEN PO ZHUM PAR MI 'GYUR NA, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA YIN NO ZHES BYA BA NI DE LTAR SEMS CAN DANG GO CHA GNYIS KA DBEN TE, GO CHA MED PAR BSTAN PA LA DNGOS PO MED CING STONG PAS SKRAG NAS, THEG PA CHUNG NGU'I SEMS SU MA GYUR NA, SHES RAB KYI PHA ROL TU PHYIN PA LA SPYOD PAR CHUD DO ZHES BSTAN PA'O, ,DE CI'I PHYIR ZHE NA, GZUGS DBEN PA'I PHYIR SEMS CAN DBEN PA'O ZHES BYA BA NAS RNAM PA THAMS CAD MKHYEN PA NYID DBEN PA'I PHYIR SEMS CAN DBEN PA'O ZHES BYA BA'I BAR GYIS NI GONG DU SEMS CAN DBEN PAR BSHAD PA'I GTAN TSIGS BSTAN PA STE, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DON DAM PAR RANG BZHIN GYIS STONG STE DBEN PA'I PHYIR, SEMS CAN RANG BZHIN GYIS STONG ZHING DBEN NO ZHES BYA BA'I DON TO, ,GZUGS DBEN PA'I PHYIR SHES RAB KYI PHA ROL TU PHYIN PA DBEN PA'O ZHES BYA BA NAS RNAM PA THAMS CAD MKHYEN PA NYID DBEN PA'I PHYIR SHES RAB KYI PHA ROL TU PHYIN PA DBEN PA'O ZHES BYA BA'I BAR GYIS NI, GONG DU DE LTAR SPYOD NA SHES RAB KYI PHA ROL TU PHYIN PA LA SPYOD PA YIN NO ZHES BSHAD PA LA, 'KHOR GYI NANG NAS KHA CIG SHES RAB KYI PHA ROL TU PHYIN PA LA DNGOS PO YOD SNYAM DU RTOG PA BSAL BA'I PHYIR, SHES RAB KYI PHA ROL TU PHYIN PA YANG DNGOS PO MED DE, DBEN PA YIN NO ZHES BSTAN PA'O, ,LHA'I BU DAG GAL TE BYANG CHUB SEMS DPA' SEMS DPA' CHEN PO CHOS THAMS CAD DBEN PAR BSHAD PA LA SEMS MI 'JUM, YONGS SU ZHUM PAR MI 'GYUR LA DE'I YID 'JIGS PAR MI 'GYUR NA, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'O ZHES BYA BA NI DA LTAR SHES RAB KYI PHA ROL TU PHYIN PA YANG DNGOS PO MED DE, DBEN PAR BSHAD PAS SKRAG STE SEMS ZHUM PAR MA GYUR NA KUN RDZOB TU SHES RAB KYI PHA ROL TU PHYIN PA LA SPYOD PAR CHUD DO ZHES BSTAN PA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' @217A *, ,STZAL TO, ,RAB 'BYOR DE CI'I PHYIR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA ZHUM PAR MI 'GYUR BA YIN NA ZHES BYA BA NI, ZHUM PAR MI 'GYUR BA'I GTAN TSIGS RAB 'BYOR GYIS BSHAD NA, 'DUL BAR 'GYUR BA'I SEMS CAN RNAMS LA PHAN GDAGS PA'I PHYIR BCOM LDAN 'DAS KYIS SMRAS PA'O, ,BCOM LDAN 'DAS CHOS THAMS CAD MA MCHIS PA'I SLAD DU ZHES BYA BA NAS DE CI'I SLAD DU ZHE NA, BCOM LDAN 'DAS DE NI 'DI LTAR GANG ZHUM PAR 'GYUR BA DANG, GANG GIS ZHUM PAR 'GYUR BA DANG, GANG LA ZHUM PAR 'GYUR BA'I CHOS DE DAG THAMS CAD NI MA MCHIS PA STE, DMIGS SU MA MCHIS SO ZHES BYA BA'I BAR GYIS NI, RAB 'BYOR GYIS ZHUM PAR MI 'GYUR BA'I GTAN TSIGS BSTAN PA STE, DON DAM PAR CHOS THAMS CAD DBEN PA DANG, ZHI BA DANG MA SKYES PA'I PHYIR GANG ZAG GANG ZHUM PAR 'GYUR BA DANG, RGYU GANG GIS ZHUM PAR 'GYUR BA DANG DON GANG LA ZHUM PAR 'GYUR BA'I CHOS DE DAG THAMS CAD MED CING MI DMIGS PA'I PHYIR ZHUM PAR MI 'GYUR RO ZHES BYA BA'I DON TO, ,BCOM LDAN 'DAS GAL TE BYANG CHUB SEMS DPA' SEMS DPA' CHEN PO DE SKAD DU BSHAD PA LA MI 'JUM MI 'GONG ZHING ZHES BYA BA NAS GANG LA ZHUM PAR 'GYUR BA'I CHOS DE DAG THAMS CAD NI MA MCHIS PA STE ZHES BYA BA'I BAR GYIS NI, GONG DU BSHAD PA'I DON DE NYID GSAL BAR GO BAR BYA BA'I PHYIR BZLAS NAS MJUG BSDUS TE BSTAN PA'O, ,BCOM LDAN 'DAS DE LTAR SPYOD PA'I BYANG CHUB SEMS DPA' SEMS DPA' CHEN PO NI DBANG PO DANG BCAS TSANGS PA DANG BCAS, SKYE DGU'I BDAG PO DANG BCAS PA'I LHA RNAMS KYIS PHYAG BGYI BAR 'GYUR RO ZHES BYA BA NAS, RNAM PA THAMS CAD MKHYEN PA NYID YONGS SU RDZOGS PAR BYED PA'O ZHES DGONGS PA MDZAD DO ZHES BYA BA'I BAR GYIS NI, DE LTAR DMIGS SU MED PA'I CHOS BSTAN PA LA ZHUM PA MED PAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' LA 'DOD PA'I KHAMS DANG, GZUGS KYI KHAMS KYI LHA RNAMS KYIS PHYAG BYA BAR 'GYUR BA DANG, PHYOGS BCU'I DE BZHIN GSHEGS PA RNAMS KYIS DGONGS @217B PAR 'GYUR BA'I PHAN YON BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA GANG LA, SANGS RGYAS BCOM LDAN 'DAS KYIS DGONGS PA MDZAD PA'I BYANG CHUB SEMS DPA' SEMS DPA' CHEN PO NI SANGS RGYAS SU 'GYUR BAR ZHUGS PAR RIG PAR BYA'O ZHES BYA BA NI DE LTAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' PHYOGS BCU'I DE BZHIN GSHEGS PA RNAMS KYIS DGONGS PAR 'GYUR BA DE NI GDON MI ZA BAR SANGS RGYAS SU 'GYUR BAR RIG PAR BYA'O ZHES BYA BA'I DON TO, ,RAB 'BYOR GANG G'A'I KLUNG GI BYE MA SNYED KYI KHAMS DAG NA, SEMS CAN JI SNYED CIG YOD PA DE DAG THAMS CAD BDUD SDIG TO CAN DU GYUR TE ZHES BYA BA NAS, JI SKAD DU SMRAS PA DE BZHIN DU DBEN PA YIN SANGS RGYAS BCOM LDAN 'DAS RNAMS KYIS DGONGS PA YIN TE, RAB 'BYOR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' SEMS DPA' CHEN PO CHOS DE GNYIS DANG LDAN PA NI, BDUD SDIG TO CAN RNAMS KYIS MI THUB PA YIN NO ZHES BYA BA'I BAR GYIS NI, SHES RAB KYI PHA ROL TU PHYIN PA LA DE LTAR SPYOD PA'I BYANG CHUB SEMS DPA' PHYOGS BCU'I DE BZHIN GSHEGS PAS DGONGS PAR 'GYUR BA DANG, CHOS THAMS CAD STONG PAR YANG RTOGS LA, SNYING RJE CHEN POS SEMS CAN THAMS CAD YONGS SU MA BTANG BA DANG BDEN PA'I TSIG BSRUNG STE, JI SKAD DU KHAS 'CHES SHING SMRAS PA DE BZHIN DU NYAMS SU BLANGS TE BYED PA LA BDUD KYIS BAR CHAD BYA MI NUS PA'I PHAN YON BSTAN PA'O, ,RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO'I DRUNG DU LHA'I BU RNAMS KYANG 'ONG BAR SEMS SO ZHES BYA BA NAS, SEMS CAN MUN PAR GYUR PA RNAMS KYIS SNANG BAR 'GYUR RO ZHES DE LA SPRO BA BSKYED PAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA LA DE LTAR SPYOD PA'I BYANG CHUB SEMS DPA' DE BZHIN GSHEGS PAS DGONGS PA MDZAD PA DE'I DRUNG DU 'JIG RTEN GYI LHA RNAMS KYANG 'ONG STE 'DOMS SHING SPRO BA SKYED PA BSTAN PA'O, ,DE CI'I PHYIR ZHE NA, DE NI 'DI LTAR 'JIG RTEN GYI @218A *, ,KHAMS TSAD MED GRANGS MED PA DAG NA ZHES BYA BA NAS DE'I MING DANG RIGS YONGS SU BRJOD PA'I TSUL GYIS CHOS STON CING CHED DU BRJOD PA CHED DU RJOD PA MDZAD DE ZHES BYA BA'I BAR GYIS NI, LHA'I BU RNAMS SPRO BA SKYED PA'I RGYU BSTAN PA STE, 'JIG RTEN GYI KHAMS TSAD MED PA NA BZHUGS PA'I SANGS RGYAS BCOM LDAN 'DAS RNAMS KYIS KYANG, SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DGONGS SHING MING DANG RUS NAS SMOS TE CHOS BSTAN CING BSNGAGS PA'I PHYIR LHA'I BU RNAMS KYANG DE'I DRUNG DU 'ONG ZHING SPRO BA SKYED DO ZHES BYA BA'I DON TO, , RAB 'BYOR 'DI LTA STE DPER NA NGA DA LTAR ZHES BYA BA NAS CHOS STON CING CHED DU BRJOD PA CHED DU BRJOD PA BZHIN NO ZHES BYA BA'I BAR GYIS NI, 'JIG RTEN GYI KHAMS TSAD MED GRANGS MED PA'I SANGS RGYAS BCOM LDAN 'DAS RNAMS SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' LA CHOS STON CING BSNGAGS PA MDZAD PA'I DPE BSTAN PA STE, DPER NA BCOM LDAN 'DAS SH'A KYA THUB PA BYANG CHUB SEMS DPA' RIN CHEN DPAL ZHES BYA BA DANG, GTZUG PHUD CAN ZHES BYA BA DAG SHES RAB KYI PHA ROL TU PHYIN PA LA SPYOD PA'I MING NAS SMOS TE CHOS STON CING BSNGAGS PA MDZAD PA DANG, DE BZHIN GSHEGS PA MI 'KHRUGS PA'I ZHAM 'BRING NA 'KHOD PA'I BYANG CHUB SEMS DPA' SHES RAB KYI PHA ROL TU PHYIN PA LA SPYOD PA RNAMS KYI MING NAS SMOS TE, CHOS STON CING BSNGAGS PA MDZAD PA BZHIN NO ZHES BYAS BA'I DON TO, ,SHAR PHYOGS KYI SANGS RGYAS BCOM LDAN 'DAS GANG JI SNYED CIG BZHUGS SHING 'TSO SKYONG BA DANG ZHES BYA BA NAS STENG GI PHYOGS KYI SANGS RGYAS BCOM LDAN 'DAS GANG JI SNYED CIG BZHUGS SHING 'TSO SKYONG BA DANG, CHOS STON PA DE DAG THAMS CAD KYANG DE NA BYANG CHUB SEMS DPA' SEMS DPA' CHEN PO GANG JI SNYED CIG TSANGS PA'I SPYAD PA SPYOD CING, SHES RAB KYI PHA ROL TU PHYIN PA DANG MA BRAL BA DE DAG LA SPRO BAR MDZAD PA'I TSUL GYIS CHOS STON TE, CHED DU BRJOD PA YANG CHED DU RJOD PA MDZAD DO ZHES BYA BA'I BAR GYIS NI, ,SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' LA DGONGS SHING, SPRO BA MDZAD PA'I CHOS NYID BSTAN PA STE, @218B PHYOGS BCU'I DE BZHIN GSHEGS PA RNAMS KYANG, SO SO'I SANGS RGYAS KYI ZHING NA BZHUGS PA'I BYANG CHUB SEMS DPA' SHES RAB KYI PHA ROL TU PHYIN PA LA SPYOD PA RNAMS LA DGONGS SHING SPRO BAR MDZAD DE, DE BAS NA BYANG CHUB SEMS DPA' SHES RAB KYI PHA ROL TU PHYIN PA DE LTAR SPYOD PA RNAMS LA, SANGS RGYAS BCOM LDAN 'DAS RNAMS DE LTAR DGONGS SHING SPRO BA MDZAD DO ZHES BYA BA'I DON TO, ,BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, THAMS CAD MKHYEN PA NYID THOB KYI BAR DU, BYANG CHUB KYI LAM YONGS SU SPYOD PA GANG JI SNYED YOD PA DE DAG LA SANGS RGYAS BCOM LDAN 'DAS DE DAG SPRO BAR MDZAD PA'I TSUL GYIS CHOS STON TE, CHED DU BRJOD PA YANG CHED PA YANG CHED DU RJOD PA MDZAD DO ZHES BYA BA NI SHES RAB KYI PHA ROL TU PHYIN PA LA SPYOD PA 'BA' ZHIG LA DE BZHIN GSHEGS PA DGONGS PA MDZAD PA MA YIN GYI, BYANG CHUB SEMS DPA' SEMS DANG PO BSKYED PA NAS, SHES RAB KYI PHA ROL TU PHYIN PA DANG MTHUN PAR BSGRUBS PAS BYANG CHUB KYI LAM SBYONG NA, DE DAG LA YANG DE BZHIN GSHEGS PA DGONGS SHING SPRO BA BSKYED PA MDZAD DO ZHES BSTAN PA'O, ,DE CI'I PHYIR ZHE NA, RAB 'BYOR BYANG CHUB SEMS DPA' SEMS DPA' CHEN PO GANG SANGS RGYAS KYI TSUL RGYUN MI 'CHAD PA'I DON DU ZHUGS PA DE DAG NI DKA' BA BYED PA'O ZHES BYA BA NI DE LTAR BYANG CHUB KYI LAM SBYONG ZHING SANGS RGYAS SU 'GRUB PA'I RGYU DAM PA'I CHOS NYAMS SHING NUB PAR MI BYED PA DE LTA BU DMIGS PA CAN GZHAN GYIS MI NUS PAS DKA' BA BYED PA STE, DE'I PHYIR SANGS RGYAS BCOM LDAN 'DAS DE DAG BYANG CHUB SEMS DPA' DE LA DGONGS SHING SPRO BA BSKYED PA MDZAD DO ZHES BYA BA'I DON TO, ,GSOL PA BCOM LDAN 'DAS SANGS RGYAS BCOM LDAN 'DAS DE DAG BYANG CHUB SEMS DPA' SEMS DPA' CHEN PO SLAR LDOG PA'AM, SLAR MI LDOG PA'AM GANG GIS MING YONGS SU BRJOD PA'I TSUL GYIS STON PAR MDZAD CES BYA BA NI DE LTAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' LA SANGS RGYAS BCOM LDAN 'DAS DGONGS SHING SPRO BA SKYED PA MDZAD PA'I PHYIR MI LDOG PA'I BYANG @219A *, ,CHUB SEMS DPA' YONGS SU DAG PA RNAMS MDZAD DAM, 'ON TE BYANG CHUB SEMS DPA' YONGS SU MA DAG PA GZHAN RNAMS LA YANG DGONGS PA MDZAD SNYAM DU 'KHOR GYI NANG NAS KHA CIG THE TSOM SKYE BA BSAL BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA ZHES BYA BA LA SOGS PA NI SHES RAB KYI PHA ROL TU PHYIN PA LA TSUL BZHIN DU SPYOD NA, YONGS SU DAG PA DANG MA DAG PA GNYI GA LA YANG SANGS RGYAS BCOM LDAN 'DAS RNAMS DGONGS SHING SPRO BA MDZAD DO ZHES BSTAN PA'O, ,GSOL PA BCOM LDAN 'DAS DE DAG GANG LAGS ZHES BYA BA NAS SNYING PO MED PA'O ZHES BYA BAR MOS KYANG, MI SKYE BA'I CHOS LA BZOD PA MA THOB PA DE DAG LA YANG, SANGS RGYAS BCOM LDAN 'DAS DE DAG SPRO BA MDZAD PA'I TSUL GYIS CHOS STON CING CHED DU BRJOD PA YANG CHED DU BRJOD PA MDZAD DO ZHES BYA BA'I BAR GYIS NI, YONGS SU MA DAG PA'I BYANG CHUB SEMS DPA' DE BZHIN GSHEGS PAS DGONGS PA GANG LAGS ZHES ZHUS PA DANG, DE DAG GANG DANG GANG YIN PA BSTAN PA STE, DE BZHIN GSHEGS PA MI 'KHRUGS PA DANG, BYANG CHUB SEMS DPA' RIN CHEN DPAL GYI RJES SU SLOB PA'I TSUL GYIS SPYOD PA YANG SHES RAB KYI PHA ROL TU PHYIN PA ZAB MO 'DI NYID LA SPYOD PA LA BYA STE, DE LTAR SPYOD NA BYANG CHUB SEMS DPA' YONGS SU MA DAG PA LA YANG DE BZHIN GSHEGS PA RNAMS DGONGS PA MDZAD PA DANG, BYANG CHUB SEMS DPA' YONGS SU MA DAG PA KHA CIG CHOS THAMS CAD SKYE BA MED PA DANG, STONG PA DANG ZHI BA DANG, GSOG DANG GSO BA DANG, SNYING PO MED PAR RTOGS TE, DE LA MOS KYANG MI SKYE BA'I CHOS LA BZOD PA MA THOB PA RNAMS SHES RAB KYI PHA ROL TU PHYIN PA ZAB MO 'DI LA SPYOD NA, DE DAG LA YANG DE BZHIN GSHEGS PA DGONGS PA MDZAD DO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO GANG LA ZHES BYA BA NAS, DE DAG DE BZHIN NYID LA GNAS, DE BZHIN NYID LA NAN TAN DU BYAS NAS, RNAM PA THAMS CAD MKHYEN PA NYID LA GNAS PAR 'GYUR RO ZHES BYA BA'I BAR GYIS NI SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' DE BZHIN GSHEGS PAS DGONGS @219B PAR 'GYUR BA'I PHAN YON BSTAN PA STE, DE DAG GIS NI NYAN THOS DANG RANG SANGS RGYAS KYI SA SPANGS TE, BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR BA DANG, PHYIR MI LDOG PA'I SA LA GNAS SHING RNAM PA THAMS CAD MKHYEN PA NYID DU THOB PAR 'GYUR BA DANG, DE LTAR SHES RAB KYI PHA ROL TU PHYIN PA LA YID CHES NA, 'PHAGS PA'I SA MA THOB KYANG, PHYIS DGE BA'I BSHES GNYEN LA BRTEN TE, GO RIMS BZHIN DU PHYIR MI LDOG PA'I SA LA GNAS SHING DE BZHIN NYID LA NAN TAN DU BYAS NAS, RNAM PA THAMS CAD MKHYEN PA NYID DU 'GYUR BA'I PHAN YON MANG PO DANG LDAN PAR 'GYUR RO ZHES BYA BA'I DON TO, ,GSOL PA BCOM LDAN 'DAS DE BZHIN NYID DU GNAS NAS, DE BZHIN NYID DU NAN TAN BGYIS TE, CHOS GANG YANG MI DMIGS NA ZHES BYA BA NAS, DE BZHIN NYID LA GNAS SHING CHOS STON PAR 'GYUR BA LTA CI SMOS TE, DE NI GNAS MA MCHIS SO ZHES BYA BA'I BAR GYIS NI, GONG DU SHES RAB KYI PHA ROL TU PHYI PA LA SPYOD PA'I PHAN YON BSTAN PA LAS, DE BZHIN NYID LA GNAS DE BZHIN NYID LA NAN TAN DU BYAS NAS, RNAM PA THAMS CAD MKHYEN PA NYID LA GNAS PAR 'GYUR RO ZHES BSHAD PA LA, 'KHOR GYI NANG NAS KHA CIG THOB PAR BYA BA'I DE BZHIN NYID DANG, THOB PAR BYED PA'I BYANG CHUB SEMS DPA' DNGOS PO YOD DAM SNYAM DU RTOG PA BSAL BA'I PHYIR DE BZHIN NYID DANG, DE BZHIN NYID LA MA GTOGS PA'I CHOS GZHAN GANG YANG MI DMIGS NA, SU ZHIG DE BZHIN NYID LA GNAS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA DANG, CHOS STON PAR YANG SU ZHIG YOD CES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GANG KHYOD KYIS 'DI SKAD DU ZHES BYA BA NAS RAB 'BYOR DE DE BZHIN NO, ,DE DE BZHIN TE, JI SKAD SMRAS PA DE BZHIN NO ZHES BYA BA'I BAR GYIS NI RAB 'BYOR GYIS SMRAS PA'I TSIG RNAMS BCOM LDAN 'DAS KYIS BZLAS TE, KHYOD KYIS ZHUS PA RNAMS BDEN NO ZHES BKA' STZAL PA'O, ,RAB 'BYOR GANG DE BZHIN NYID LA GNAS PA DANG ZHES BYA BA NAS DE BZHIN NYID LA GNAS SHING CHOS STON PAR 'GYUR BA LTA CI SMOS @220A *, ,TE DE NI GNAS MED DO ZHES BYA BA'I BAR GYIS NI, RAB 'BYOR GYIS GSOL PA'I LAN BTAB PA STE, DON DAM PAR DE BZHIN NYID DANG, DE BZHIN NYID LA GNAS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, CHOS STON PA DE LTA BU GANG YANG MED DO ZHES BSTAN PA'O, ,DE CI'I PHYIR ZHE NA, RAB 'BYOR DE BZHIN GSHEGS PA RNAMS BYUNG YANG RUNG, DE BZHIN GSHEGS PA RNAMS MA BYUNG YANG RUNG STE ZHES BYA BA NAS CHOS STON PAR 'GYUR BA LTA CI SMOS TE, DE NI GNAS MED DO ZHES BYA BA'I BAR GYIS NI, , DE BZHIN NYID DANG DE BZHIN NYID LA GNAS PAR 'GYUR BA DNGOS PO MED PA'I GTAN TSIGS BSTAN PA STE, CHOS THAMS CAD DNGOS PO MED CING RANG BZHIN GYIS STONG PA NI BSHIG STE MED PAR BYAS PAS STONG PA NI MA YIN GYI, YE NAS DE BZHIN TE, DE BAS NA DE BZHIN NYID 'DI LA GNAS PAR 'GYUR BA GANG YANG MED DO ZHES BYA BA'I DON TO, ,'PHAGS PA SHES RAB KYI PHA ROL TU PHYIN PA STONG PHRAG BRGYA PA LAS LE'U BZHI BCU DGU PA'O,, ,,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO ZHES BYA BA NAS, RMONGS PAR 'GYUR BA MA MCHIS PA NI DKA' PA BGYID PA'O ZHES BYA BA'I BAR GYIS NI, DE LTAR DON DAM PAR CHOS GANG YANG DMIGS SU MED LA, KUN RDZOB TU MNGON PAR RDZOGS PAR 'TSANG RGYA BAR YANG 'DOD PA DE LTA BU NI DMIGS PA CAN SUS KYANG MI NUS PA'I PHYIR DKA' PA SPYOD PA'O ZHES SHES RAB KYI PHA ROL TU PHYIN PA ZAB MO LA SPYOD PA'I BYANG CHUB SEMS DPA' LA BSTOD PA'O, ,DE NAS GNAS BRTAN RAB 'BYOR GYIS LHA'I DBANG PO BRGYA BYIN LA 'DI SKAD CES SMRAS SO ZHES BYA BA NAS DE BZHIN DU GNAS BRTAN RAB 'BYOR GYIS CHOS BSTAN PA YANG CI LA YANG CHAGS PA MED DO ZHES BYA BA'I BAR GYIS NI, BRGYA BYIN GYIS DKA' PA SPYOD PAR BSHAD PA CHOS THAMS CAD STONG PAR BSHAD PA LA NEM NUR MED PAR BYA BA MI DKA' BAR RAB 'BYOR GYIS BSTAN PA DANG, BRGYA BYIN GYIS RAB 'BYOR CHOS ZAB MO STON PAR BSTOD PA'O, ,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES @220B GSOL TO ZHES BYA BA NAS CHOS KYI GNYER BA'I CHOS NYID YANG DAG PAR LUNG BSTAN PAS, LUNG BSTAN PAR 'GYUR BA LAGS SAM ZHES BYA BA'I BAR GYIS NI, GONG DU BRGYA BYIN GYIS CHOS ZAB MO LA SPYOD PA'I BYANG CHUB SEMS DPA' DKA' BA BGYID PA'O ZHES SMRAS PA DANG, GNAS BRTAN RAB 'BYOR GANG CI STON KYANG, DE THAMS CAD STONG PA NYID BRTZAMS SHING STON TE, CI LA YANG CHAGS PA MED DO ZHES SMRAS PA STE, BCOM LDAN 'DAS KYIS GSUNGS PA DANG, MTHUN NAM MI MTHUN CHOS DANG MTHUN PAR SMRA BA LAGS SAM MA LAGS ZHES ZHUS PA STE, CHOS KYI GNYER BA'I CHOS NYID CES BYA BA LA, CHOS NI MYA NGAN LAS 'DAS PA'I CHOS LA BYA, GNYER BA'I CHOS NI MYA NGAN LAS 'DAS PA'I CHOS DE SGRUB PA 'PHAGS PA'I LAM LA BYA STE, DE MTHUN PAR BDAG GIS SMRAS PA LAGS SAM MA LAGS ZHES ZHUS PA'O, ,BCOM LDAN 'DAS KYIS BKA' STZAL PA ZHES BYA BA NAS GNYER BA'I CHOS NYID LUNG STON PAR 'GYUR RO ZHES BYA BA'I BAR GYIS NI, GONG DU BRGYA BYIN GYIS SMRAS PA BCOM LDAN 'DAS KYIS GSUNGS PA DANG YANG MTHUN LA, CHOS NYID DANG YANG MI 'GAL BA YIN NO ZHES BKA' STZAL PA'O, ,BRGYA BYIN GYIS GSOL PA, BCOM LDAN 'DAS GNAS BRTAN RAB 'BYOR 'DIS CI DANG CI SPOBS PA DE DAG THAMS CAD STONG PA NYID LAS BRTZAMS SHING SPOBS ZHES BYA BA NAS RNAM PA THAMS CAD MKHYEN PA NYID LAS BRTZAMS SHING SPOBS PA NGO MTSAR CHE'O ZHES BYA BA'I BAR GYIS NI, RAB 'BYOR NYAN THOS YIN LA, BYANG CHUB SEMS DPA'I SPYOD PA ZAB CING RGYA CHE BA RNAMS SHES NAS SPOBS PA CHEN PO GZHAN LA YANG STON PA NGO MTSAR CHE'O ZHES RAB 'BYOR LA BSTOD PA BSTAN PA'O, ,BCOM LDAN 'DAS KYIS BKA' STZAL PA, KOO SHI KA GNAS BRTAN RAB 'BYOR STONG PA NYID LA RNAM PAR SPYOD PAS ZHES BYA BA NAS DPE BYAD RNAMS KYANG MI DMIGS NA, GANG GI LUS LA DPE BYAD YOD PAR 'GYUR BA LTA CI SMOS ZHES BYA BA'I BAR GYIS NI, GNAS BRTAN RAB 'BYOR DE LTAR BYANG CHUB SEMS DPA'I SPYOD PA ZAB CING RGYA CHEN PO LA SPYOD PAS SPYAD PAR BYA BA'I PHA ROL TU PHYIN PA DRUG LA SOGS PA RNAM PAR BYANG BA'I CHOS @221A *, ,THAMS CAD DANG, DE LA SPYOD PA'I GANG ZAG GNYI GA YANG MI DMIGS PAS, GNAS BRTAN RAB 'BYOR PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS LA DE LTAR SPOBS SO ZHES BSTAN PA'O, ,DE CI'I PHYIR ZHE NA, KOO SHI KA GNAS BRTAN RAB 'BYOR NI CHOS THAMS CAD DBEN PA LA RNAM PAR SPYOD PA STE ZHES BYA BA NAS GRANGS DANG TSA DANG BGRANG BA DANG, DPE DANG RGYUR YANG MI BZOD DO ZHES BYA BA'I BAR GYIS NI, GNAS BRTAN RAB 'BYOR DE LTAR ZAB CING RGYA CHE BA'I SPYOD PA DANG LDAN YANG, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA BRGYA'I CHAR YANG NYE BAR MI 'GRO BA LA SOGS PAS, BYANG CHUB SEMS DPA'I SPYOD PA KHYAD PAR DU 'PHAGS PA BSTAN PA'O, ,DE CI'I PHYIR ZHE NA, DE BZHIN GSHEGS PA'I RNAM PAR SPYOD PA MA RTOGS PAR ZHES BYA BA NAS, BAG CHAGS KYI MTSAMS SBYOR BA'I NYON MONGS PA THAMS CAD SPANGS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES BYA BA'I BAR GYIS NI, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA, NYAN THOS DANG RANG SANGS RGYAS KYI SPYOD PA LAS KHYAD PAR DU 'PHAGS PA'I GTAN TSIGS BSTAN PA STE, BYANG CHUB SEMS DPA' JI LTAR SHES RAB KYI PHA ROL TU PHYIN PA LA SPYOD PA DE LTAR RAB 'BYOR GYIS PHUN SUM TSOGS PAR MI NUS PA DANG, BYANG CHUB SEMS DPA' SMON LAM KHYAD PAR CAN GYIS 'PHAGS PAS, NYAN THOS DANG, RANG SANGS RGYAS KYI SPYOD PAS KHYAD PAR DU MI 'KHOR RO ZHES BYA BA'I DON TO, ,DE NAS 'KHOR DE'I NANG NAS SUM CU RTZA GSUM GYI LHA RNAMS ZHES BYA BA NAS, BCOM LDAN 'DAS DGE BA'I RTZA BA 'DIS, NYAN THOS DANG RANG SANGS RGYAS THAMS CAD KYI SPYOD YUL MA LAGS PA'I RNAM PAR SPYOD PA DAM PAS, BDAG CAG RNAM PAR SPYOD PAR GYUR CIG CES SMRAS PA DANG ZHES BYA BA'I BAR GYIS NI, DE LTAR BCOM LDAN 'DAS KYIS SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' NYAN THOS DANG RANG SANGS RGYAS KYI SPYOD PA LAS KHYAD PAR DU 'PHAGS PA SUM CU RTZA GSUM GYI LHA RNAMS DANG, DGE SLONG BRGYA DRUG CU 'KHOR @221B DE'I NANG NA 'KHOD PAS THOS NAS LHA RNAMS KYIS NI MCHOD PA CHEN PO BYAS, DGE SLONG RNAMS KYIS KYANG MCHOD PA CHEN PO BYAS NAS, DGE SLONG RNAMS KYIS NYAN THOS DANG RANG SANGS RGYAS KYI SPYOD PA LAS KHYAD PAR DU 'PHAGS PA SHES RAB KYI PHA ROL TU PHYIN PA'I SPYOD PA DAM PA LA SPYOD PAR GYUR CIG CES SMON LAM BTAB PA DANG LUNG BSTAN PA BSHAD PA'O, ,DE NAS BCOM LDAN 'DAS KYIS BDAG GI BSAM PA THUGS SU CHUD DE ZHES BYA BA NAS BYANG CHUB SEMS DPA' SEMS DPA' CHEN PO DE BZHIN GSHEGS PA'I RNAM PAR SPYOD PAR 'DOD PAS, SHES RAB KYI PHA ROL TU PHYIN PA LA SPYAD PAR BYA'O ZHES BYA BA'I BAR GYIS NI, DGE STONG BRGYA DRUG CU PO SHES RAB KYI PHA ROL TU PHYIN PA LA SPYOD PA LA DAD PA SKYES NAS, SMON LAM BTAB PA YANG 'DI LTAR LUNG BSTAN PA DANG SBYAR NA, SHES RAB KYI PHA ROL TU PHYIN PA LA SPYOD PA NI DE LTAR MTHU CHE ZHING BSAM PA YONGS SU RDZOGS PAR 'GYUR BAS DE LA SPYAD PAR BYA'O ZHES BSTAN PA'O, ,DGA' BO RIGS KYI BU'AM RIGS KYI BU MO GANG SHES RAB KYI ZHES BYA BA NAS, DGA' BO RIGS KYI BU'AM RIGS KYI BU MO DE NI, SNGON GYI RGYAL BA LA BYA BA BYAS PA DGE BA'I RTZA BA BSKYED PA, DGE BA'I GSHES GNYEN GYIS YONGS SU GZUNG BAR RIG PAR BYA'O ZHES BYA BA'I BAR GYIS NI, TSE RABS SNGA MA LA SHES RAB KYI PHA ROL TU PHYIN PA LA SPYAD CING DGE BA'I RTZA BA RNAM PA SNA TSOGS SPYAD PA LAS, SHES RAB KYI PHA ROL TU PHYIN PA 'DI LA SPYOD PAR 'GYUR GYI, GZHAN GYIS DE LTAR MI 'GYUR RO ZHES BSTAN PA'O, , DGA' BO RIGS KYI BU'AM RIGS KYI BU MO LA LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LAS DGE BA'I RTZA BA BSKYED PA LTA YANG MI SLU STE, NYAN THOS SAM RANG SANGS RGYAS SU 'GYUR MOD KYI ZHES BYA BA NAS RNAM PA THAMS CAD MKHYEN PA NYID LA SPYOD PAS SHIN TU RTOGS PAR BYA'O ZHES BYA BA'I BAR GYIS NI, DGE BA'I RTZA BA GANG SKYED KYANG THEG PA GSUM GYI 'BRAS BU THOB PA LTAR GDON MI ZA BAR 'GYUR MOD KYI, 'ON KYANG CHOS RNAMS KYI RANG BZHIN SHIN TU RTOGS PAR BYA STE, BLA NA MED PA YANG DAG PAR RDZOGS PA'I BYANG CHUB THOB @222A *, ,PAR BYA BA'I BAR MA DOR NYAN THOS DANG RANG SANGS RGYAS KYI SAR LTUNG BAR MI BYA'O ZHES BSTAN PA'O, ,DON DE NYID GSAL BAR BSHAD PA'I PHYIR SHIN TU RTOGS PA'I BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA DANG ZHES BYA BA NAS RNAM PA THAMS CAD MKHYEN PA NYID LA SPYOD PA NI NYAN THOS DANG RANG SANGS RGYAS SU MI 'GYUR RO ZHES BYA BA'I BAR GYIS BSTAN TO, ,DGA' BO DE BAS NA SHES RAB KYI PHA ROL TU PHYIN PA ZAB MO 'DI KHYOD LA GTAD DE ZHES BYA BA NAS RNAM PA THAMS CAD MKHYEN PA NYID DANG NYE BAR 'GYUR BA YIN ZHES BYA BA'I BAR GYIS NI SHES RAB KYI PHA ROL TU PHYIN PA MDO SDE GZHAN THAMS CAD PAS MCHOG YIN PA DANG, DE BZHIN GSHEGS PA NYID DANG 'DRA BA LA SOGS PA'I YON TAN SMOS NAS NYAMS PAR MI 'GYUR BAR BYA BA'I PHYIR GTAD CING GTAMS PA BSTAN PA'O, ,DE CI'I PHYIR ZHE NA, DGA' BO SHES RAB KYI PHA ROL TU PHYIN PA LAS BYUNG BA NI SANGS RGYAS BCOM LDAN 'DAS RNAMS KYI BLA NA MED PA YANG DAG PAR RDZOGS PA'I BYANG CHUB STE ZHES BYA BA NAS, DGA' BO DE BAS NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PA DANG, PHA ROL TU PHYIN PA DRUG LA BSLAB PAR 'DOD PA'I BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA ZAB MO 'DI LA BSLAB PAR BYA'O ZHES BYA BA'I BAR GYIS NI, SHES RAB KYI PHA ROL TU PHYIN PA LA BSLAB PA DANG, MCHOD CING RIM GRO BYA BA DANG, YONGS SU MI GTONG BA'I GTAN TSIGS BSTAN PA STE, 'DAS PA DANG MA BYON PA DANG, DA LTAR BYUNG BA'I SANGS RGYAS BCOM LDAN 'DAS PHYOGS BCU NA BZHUGS PA RNAMS KYI BYANG CHUB KYANG SHES RAB KYI PHA ROL TU PHYIN PA 'DI LAS BYUNG BA'I PHYIR SHES RAB KYI PHA ROL TU PHYIN PA 'DI LA BSLAB CING YONGS SU GTANG BAR MI BYA'O ZHES BSTAN PA'O; ,DE CI'I PHYIR ZHE NA, DGA' BO 'DI LTA STE SHES RAB KYI PHA ROL TU PHYIN PA NI BYANG CHUB SEMS DPA' SEMS DPA' CHEN PO RNAMS KYI MA STE SKYED PAR BYED PA'O ZHES BYA BA NI SHES RAB KYI PHA ROL TU PHYIN PA ZAB MO 'DI LA BSLAB PAR BYA BA'I GTAN TSIGS BSTAN PA STE, SANGS RGYAS DANG @222B BYANG CHUB SEMS DPA' RNAMS KYIS SO SO'I SA BRNYES PA YANG, SHES RAB KYI PHA ROL TU PHYIN PA 'DI LA BRTEN TE BRNYES SHING 'DI'I RGYUS BLA NA MED PA'I BYANG CHUB BRNYES PA'I PHYIR 'DI LA BSLAB PAR BYA'O ZHES BSTAN PA'O, ,DGA' BO BYANG CHUB SEMS DPA' SEMS DPA' CHEN PO GANG PHA ROL TU PHYIN PA DRUG LA SLOB PA DE DAG THAMS CAD NI BLA NA MED PA YANG DAG PAR RDZOGS PA'I BYANG CHUB TU 'BYUNG BAR 'GYUR TE, DGA' BO DE BAS NA KHYOD LA PHA ROL TU PHYIN PA DRUG PO 'DI DAG YANG DANG YANG DU YONGS SU GTAD DO, ,RJES SU GTAD DO ZHES BYA BA'I BAR GYIS NI GONG DU BSHAD PA'I DON DE NYID GSAL BAR BYA BA'I PHYIR BSTAN PA STE, DE LTAR SHES RAB KYI PHA ROL TU PHYIN PA 'DI BYANG CHUB SEMS DPA' RNAMS SKYED PAR BYED PA YIN PAS, MI BSLAB TU MI RUNG GI NYAMS PAR MI 'GYUR BAR YUN RING DU GNAS SHING, RGYA CHER SPEL BA'I PHYIR KHYOD LA GTAD DO ZHES BSTAN PA'O, ,DE CI'I PHYIR ZHE NA, DGA' BO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI CHOS KYI MDZOD DO ZHES BYA BA NAS YONGS SU MYA NGAN LAS 'DA'O, ,YONGS SU MYA NGAN LAS 'DA' BAR 'GYUR RO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI LA BRTEN NAS DUS GSUM GYI SANGS RGYAS BCOM LDAN 'DAS RNAMS DANG, DE DAG GI 'KHOR NYAN THOS RNAMS DANG SHES RAB KYI PHA ROL TU PHYIN PA 'DI'I RGYUS SO SO'I GO 'PHANG THOB CING, 'DI LA BRTEN TE CHOS STON TO ZHES BSHAD PA'O, ,DGA' BO GAL TE KHYOD KYIS GANG ZAG NYAN THOS KYI THEG PA PA RNAMS LA, NYAN THOS KYI SA LAS BRTZAMS TE ZHES BYA BA NAS, NYAN THOS KYI BYA BA BYAS PAR 'GYUR RO ZHES BYA BA'I BAR GYIS NI, THEG PA CHUNG NGU'I CHOS BSTAN PAS STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DGRA BCOM PAR GYUR PAR BYAS PA PAS, BYANG CHUB SEMS DPA' LA SHES RAB KYI PHA ROL TU PHYIN PA ZAB MO 'DI TSIG 'GA' TZAM ZHING BSTAN PA PHAN YON CHE BA BSTAN PA'O, ,DGA' BO DE JI SNYAM DU SEMS CHOS BSTAN PA SNGA MA DES ZHES BYA BA NAS, DES NYAN THOS DANG RANG SANGS RGYAS KYI THEG PA PA'I RIGS KYI BU DANG, RIGS KYI BU MO THAMS @223A *, ,CAD KYI DGE BA'I RTZA BA ZIL GYIS NON PAR 'GYUR TE ZHES BYA BA'I BAR GYIS NI STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD DUS GCIG TU DGRA BCOM PAR GYUR TE, SBYIN PA BYIN PA DANG, TSUL KHRIMS BSRUNGS PA DANG, BSGOM PA BYAS PA'I BSOD NAMS PAS, SHES RAB KYI PHA ROL TU PHYIN PA 'DI CHUNG NGU NA NYI MA 'GA'AM NYI MA PHYED DAM, SNGA DRO 'GA'AM CHU TSOD 'GA'AM, SKAD CIG GAM YUD TZAM MAM, THANG CIG TZAM BSHAD PA BSOD NAMS CHE BA BSTAN PA'O, ,DE CI'I PHYIR ZHE NA, 'DI LTAR DE NI BDAG KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD LA ZHES BYA BA NAS, BLA NA MED PA YANG DAG PAR RDZOGS PA'I BYANG CHUB LAS YONGS SU NYAMS PA'I GNAS MED DE DE NI GNAS MA YIN NO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI BSHAD PA BSOD NAMS CHE BA'I GTAN TSIGS BSTAN PA STE, SHES RAB KYI PHA ROL TU PHYIN PA 'CHAD PA NI BDAG DANG, GZHAN GYI DON PHUN SUM TSOGS PA BYED LA, BLA NA MED PA YANG DAG PAR RDZOGS PA'I BYANG CHUB LAS NYAMS PAR 'GYUR BA MI SRID DO ZHES BSTAN PA'O, ,SHES RAB KYI PHA ROL TU PHYIN PA 'DI BSHAD PA'I TSE ZHES BYA BA NAS DGA' BO CHOS THAMS CAD NI SHES PA MED PA, MTHONG BA MED PA, BYA BA LA MTHU MED PA SHA STAG STE ZHES BYA BA'I BAR GYIS NI, CHOS THAMS CAD LA DNGOS PO YOD PAR MI LTA BA BSTAN PA'I PHYIR, RDZU 'PHRUL MDZAD PA PHYIS BLTAR MED PA'I DPES CHOS THAMS CAD KYANG DNGOS PO BLTAR MED DO ZHES BSTAN PA'O, ,DE CI'I PHYIR ZHE NA, DGA' BO CHOS THAMS CAD NI NAM MKHA' LTAR BYED PA MED PAS BYED PA MED CING 'DZIN PA MED PA'O ZHES BYA BA NAS SNYING PO MED PA'I PHYIR TSOR BA MED PA'O ZHES BYA BA'I BAR GYIS NI DNGOS PO MED CING BYED PA MED PA DPE DANG BCAS PAR BSTAN PA'O, ,DPER NA NAM MKHA' DANG SGYU MA'I SKYES BU DNGOS PO MED CING SEMS MED PAS CI YANG MI BYED PA BZHIN NO ZHES BSTAN PA'O, ,RNAM PAR SGRUB PAS SO SOR GNAS PA'I MTSAN NYID DE ZHES BYA BA NI, DON DAM PAR DE LTAR DNGOS PO MED PAS BYED PA @223B PO MED KYI, KUN RDZOB TU SNANG BA NI RGYU DANG RKYEN GYIS BSGRUB PA LA BRTEN PA TZAM DU ZAD DO ZHES BYA BA'I DON TO, ,DE LTAR SPYOD PA'I BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA STE ZHES BYA BA NAS, SANGS RGYAS KYIS GNANG BA SANGS RGYAS KYIS BSNGAGS PA STE ZHES BYA BA'I BAR GYIS NI, DE LTAR CHOS THAMS CAD DNGOS PO MED PAR RTOGS NA SHES RAB KYI PHA ROL TU PHYIN PA LA SPYOD CING SLOB PA NI, DMIGS PA CAN GYI SPYOD PA THAMS CAD PAS KHYAD PAR DU 'PHAGS PA YIN NO ZHES BSTAN PA'O, ,DE LA GNAS SHING DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS STONG GSUM GYI STONG PA CHEN PO'I 'JIG RTEN GYI KHAMS 'DI PHYAG G-YAS PAS GYEN DU BTEG CING ZHES BYA BA NAS MNYAM PA MED PA ZHES BYA'O, ,MI MNYAM PA DANG MNYAM PA ZHES BYA BA'I BAR GYIS NI, DE LTAR SHES RAB KYI PHA ROL TU PHYIN PA LA SPYOD PA'I MTHU DANG YON TAN CHE BA BSTAN PA'O, ,DGA' BO GANG SHES RAB KYI PHA ROL TU PHYIN PA LA SPYOD PA'I TSAD GZUNG BA'AM, MTHA' BTZAL BAR 'DOD PA NI NAM MKHA' TSAD GZUNG BA DANG, MTHA' BTZAL BAR 'DOD DU ZAD DO ZHES BYA BA NAS, DE CI'I PHYIR ZHE NA, DGA' BO SHES RAB KYI PHA ROL TU PHYIN PA ZAD PAR BYA BAR SEMS PA DE NI NAM MKHA' ZAD PAR BYA BAR SEMS SU ZAD DO ZHES BYA BA'I BAR GYIS NI SHES RAB KYI PHA ROL TU PHYIN PA DE LTAR YON TAN CHEN PO DANG LDAN PAS, KUN RDZOB TU YON TAN TSAD MED CING ZAD MI SHES PA DANG, ZAD PAR MI 'GYUR BA BSTAN PA'O, ,SHES RAB KYI PHA ROL TU PHYIN PA MA ZAD MI ZAD ZAD PAR MI 'GYUR RO ZHES BYA BA NAS, RNAM PA THAMS CAD MKHYEN PA NYID NI MA ZAD MI ZAD ZAD PAR MI 'GYUR RO, ,CHOS DE DAG LA NI SKYE BA YANG MED NA, DE DAG ZAD PAR 'GYUR BA LTA GA LA YOD CES BYA BA'I BAR GYIS NI, SHES RAB KYI PHA ROL TU PHYIN PA 'BA' ZHIG DNGOS PO MED DE, TSAD GZUNG DU MED CING MI ZAD PAR MA ZAD KYI, BSAM GTAN GYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD KYANG RANG BZHIN DE DANG 'DRA'O ZHES BSTAN PA'O, ,DE NAS BCOM LDAN 'DAS KYIS LJAGS KYI @224A *, ,DBANG PO BKRAM STE ZHES BYA BA NAS, DGA' BO KHYOD KYIS SHES RAB KYI PHA ROL TU PHYIN PA'I GZUNGS GANG BZUNG BAS, CHOS THAMS CAD GZUNG BAR 'GYUR BA'I SHES RAB KYI PHA ROL TU PHYIN PA'I GZUNGS BSTAN PA 'DI YIN NO ZHES BYA BA'I BAR GYIS NI, SHES RAB KYI PHA ROL TU PHYIN PA 'DI YON TAN MANG PO BSHAD PA, 'KHOR RNAMS KYIS YID CHES PAR BYA BA'I PHYIR, BCOM LDAN 'DAS SHO BA MI GSUNGS PA'I RTAGS SU LJAGS KYI DBANG PO BKRAM STE BSTAN NAM, NGAS BSTAN PA BZHIN DU YID CHES PAR GYIS LA SHES RAB KYI PHA ROL TU PHYIN PA ZAB MO 'DI DGE SLONG DANG; DGE SLONG MA DANG, DGE BSNYEN DANG, DGE BSNYEN MA'I 'KHOR BZHI PO RNAMS LA RGYA CHER STON CIG CES BKA' STZAL PA'O, ,'PHAGS PA SHES RAB KYI PHA ROL TU PHYIN PA STONG PHRAG BRGYA PA LAS LE'U LNGA BCU PA'O,, ,,DE NAS TSE DANG LDAN PA RAB 'BYOR 'DI SNYAM DU GYUR TE ZHES BYA BA NAS, BCOM LDAN 'DAS SHES RAB KYI PHA ROL TU PHYIN PA NI MI PAS PA'O ZHES BYA BA'I BAR GYIS NI, GONG DU BSHAD PA LTAR NA, BSGRUB PAR BYA BA'I BLA NA MED PA'I BYANG CHUB KYANG ZAB LA, SGRUB PAR BYED PA'I SHES RAB KYI PHA ROL TU PHYIN PA YANG DE LTAR ZAB NA, DE DAG JI LTAR BSGRUB PAR BYA BA ZHUS PA STE, BCOM LDAN 'DAS SHES RAB KYI PHA ROL TU PHYIN PA NI MI PAS PA'O ZHES BYA BA NI SHES RAB KYI PHA ROL TU PHYIN PA ZAB MO DNGOS PO MED PA JI LTAR BSGRUB PAR BYA BA'I THABS ZHU BA'I GLENG BSLANG BA'I PHYIR SMRAS PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' MI ZAD PA'I PHYIR, SHES RAB KYI PHA ROL TU PHYIN PA MI ZAD PA'O ZHES BYA BA NI SHES RAB KYI PHA ROL TU PHYIN PA DON DAM PAR DNGOS PO MED DE, NAM MKHA' DANG 'DRA BA'I PHYIR MI ZAD PA YIN NO ZHES BSTAN PA'O, ,GSOL PA BCOM LDAN 'DAS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NAS, SHES RAB KYI PHA ROL TU PHYIN PA NAM MKHA' DANG 'DRA STE, DNGOS PO MED NA JI LTAR YONGS SU RDZOGS PAR BYA ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GZUGS MI ZAD PAS, SHES RAB KYI PHA ROL TU PHYIN PA MNGON @224B PAR BSGRUB PAR BYA'O ZHES BYA BA NAS, RAB 'BYOR RNAM PA THAMS CAD MKHYEN PA NYID MI ZAD PAS, SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA'I BAR GYIS NI GZUGS LA SOGS PA'I CHOS THAMS CAD DON DAM PAR DNGOS PO MED DE, MI ZAD PAR SHES PA NYID SHES RAB KYI PHA ROL TU PHYIN PA RNAM PAR MI RTOG PA MNGON PAR BSGRUBS PA YIN NO ZHES BSTAN PA'O, ,RAB 'BYOR GZHAN YANG GZUGS NAM MKHA' LTAR ZAD MI SHES PAS, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NAS, RAB 'BYOR RNAM PA THAMS CAD MKHYEN PA NYID NAM MKHA' LTAR ZAD MI SHES PAS, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA'I BAR GYIS NI, GZUGS LA SOGS PA MI ZAD PA NAM MKHA'I DPES BSTAN PA STE, JI LTAR NAM MKHA' DNGOS PO MED PAS ZAD PAR MI 'GYUR BA DE BZHIN DU, GZUGS LA SOGS PA'I CHOS THAMS CAD KYANG DON DAM PAR NAM MKHA' DANG 'DRA BAR DNGOS PO MED PAS ZAD MI SHES PAR RTOGS PAR BYAS NAS, RNAM PAR MI RTOG PA'I SHES RAB KYI PHA ROL TU PHYIN PA YONGS SU RDZOGS PAR 'GYUR RO ZHES BSTAN PA'O, ,RAB 'BYOR GZHAN YANG MA RIG PA NAM MKHA' LTAR ZAD MI SHES PAS, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NAS, RAB 'BYOR RGA SHI DANG, MYANG NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA NAM MKHA' LTAR ZAD MI SHES PAS, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA MNGON PAR BSGRUB PAR BYA STE ZHES BYA BA'I BAR GYIS NI RTEN CING 'BREL PAR 'BYUNG BA YAN LAG BCU GNYIS RNAM PAR BRTAG PA'I SGO NAS SHES RAB KYI PHA ROL TU PHYIN PA MNGON PAR BSGRUB PA BSTAN PA STE, DE YANG KUN RDZOB TU RTEN CING 'BREL PAR 'BYUNG BA'I YAN LAG BCU GNYIS LUGS DANG LUGS MA YIN PAR RNAM PAR BLTAS NAS, DON DAM PAR DE DAG KYANG NAM MKHA' LTAR DNGOS PO MED DE ZAD MI SHES PAR RTOGS @225A *, ,PAR BYAS NAS, RNAM PAR MI RTOG PA'I SHES RAB KYI PHA ROL TU PHYIN PA YONGS SU RDZOGS PAR 'GYUR RO ZHES BSTAN PA'O, ,RAB 'BYOR DE LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NI, GONG DU GZUGS LA SOGS PA MI ZAD PAS, SHES RAB KYI PHA ROL TU PHYIN PA MNGON PAR BSGRUB PAR BYA BA DANG, GZUGS LA SOGS PA NAM MKHA' LAS DPE BLANGS TE ZAD MI SHES PAS, SHES RAB KYI PHA ROL TU PHYIN PA MNGON PAR BSGRUB PA DANG, RTEN CING 'BREL PAR 'BYUNG BA RNAM PAR BRTAGS PA'I SGO NAS, SHES RAB KYI PHA ROL TU PHYIN PA MNGON PAR BSGRUB PA'I DON MJUG BSDUS TE BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO RTEN CING 'BREL PAR 'BYUNG BA RNAM PAR BLTA BA DANG, SHIN TU RNAM PAR SPANGS PA RNAM PAR BLTA BA STE ZHES BYA BA NAS RTEN CING 'BREL PAR 'BYUNG BA'I YAN LAG BCU GNYIS LUGS DANG LUGS MA YIN PAR BRTAGS PA, NAM MKHA' LTAR ZAD MI SHES PAR RTOGS PA SHES RAB KYI PHA ROL TU PHYIN PA YONGS SU RDZOGS PAR BYA BA'I 'JUG BSDUS TE BSTAN PA STE, SHIN TU RNAM PAR SPANG BA RNAM PAR BLTA BA STE ZHES BYA BA NI, NAM MKHA' LTAR ZAD MI SHES PAR RTOGS PA NYID DNGOS POR LTA BA RNAM PAR SPANGS PA YIN NO ZHES BYA BA'I DON TO, ,GANG DE LTAR RTEN CING 'BREL PAR 'BYUNG BA LA RNAM PAR LTA BA DE NI BYANG CHUB SEMS DPA' SEMS DPA' CHEN PO BYANG CHUB LA 'DUG PA'I MA 'DRES PA'I CHOS TE ZHES BYA BA NI DE LTAR GONG DU SMOS PA'I TSUL DU RTEN CING 'BREL PAR 'BYUNG BA NAM MKHA' LTAR ZAD MI SHES PAR RTOGS PA DE NI BYANG CHUB SEMS DPA'I SNYING PO BYANG CHUB LA 'DUG PAR NUS KYI, NYAN THOS DANG RANG SANGS RGYA SLA SOGS PA DMIGS PA CAN RNAMS KYIS MI NUS TE, DE DAG DANG THUN MONG MA YIN NO ZHES BYA BA'I DON TO, ,DE LTAR RTEN CING 'BREL PAR 'BYUNG BA LA RNAM PAR LTA BA NI RNAM PA THAMS CAD MKHYEN PA NYID KYI YE SHES THOB PAR 'GYUR RO ZHES BYA BA NI DE LTAR NYAN THOS DANG RANG SANGS RGYAS THAMS CAD DANG, THUN MONG MA YIN PA'I RTEN CING 'BREL PAR 'GYUR BA DE LTA BU RTOGS NA, RNAM PA @225B THAMS CAD MKHYEN PA NYID KYI YE SHES THOB PAR 'GYUR BA'I PHAN YON BSTAN PA'O, ,RAB 'BYOR GANG LA NAM MKHA' LTAR ZAD MI SHES PAS ZHES BYA BA NAS, DE NI BLA NA MED PA YANG DAG PAR RDZOGS PA'I BYANG CHUB LA GNAS PAR 'GYUR RO ZHES BYA BA'I BAR GYIS NI, CHOS THAMS CAD NAM MKHA' LTAR ZAD MI SHES PAR RTOGS PAR BYAS SHING, SHES RAB KYI PHA ROL TU PHYIN PA MNGON PAR BSGRUB PAR DANG, RTEN CING 'BREL PAR 'BYUNG BA LA RNAM PAR LTA BA DE DAG GNYI GA NYAN THOS DANG RANG SANGS RGYAS KYI SAR MI LTUNG ZHING, BLA NA MED PA YANG DAG PAR RDZOGS PA'I BYANG CHUB LA GNAS PAR 'GYUR BA'I PHAN YON BSTAN PA'O, ,RAB 'BYOR GANG BYANG CHUB SEMS DPA'I THEG PA PA GANG PHYIR LDOG PA DE DAG THAMS CAD NI ZHES BYA BA NAS, THABS MKHAS PA 'DI LAS MA BRTEN PAS BLA NA MED PA YANG DAG PAR RDZOGS PA'I BYANG CHUB LAS PHYIR LDOG GO ZHES BYA BA'I BAR GYIS NI, SHES RAB KYI PHA ROL TU PHYIN PA LA MI BRTEN PA DANG, CHOS THAMS CAD NAM MKHA' LTAR MI ZAD PAR SHES PA DANG, RTEN CING 'BREL PAR 'BYUNG BA NAM MKHA' LTAR ZAD MI SHES PA RNAM PAR LTA BA MI SHES PA LAS BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR 'GYUR BA'I NYES PA'I DMIGS BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA DE DAG THAMS CAD KYANG ZHES BYA BA NAS, SHES RAB KYI PHA ROL TU PHYIN PA RNAM PAR BLTA BAR BYA, MNGON PAR BSGRUB PAR BYA'O ZHES BYA BA'I BAR GYIS NI SHES RAB KYI PHA ROL TU PHYIN PA ZAB MO 'DI LA BRTEN TE THABS MKHAS PA LA SPYAD CING, RTEN CING 'BREL PAR 'BYUNG BA NAM MKHA' LTAR ZAD MI SHES PAR RTOGS PAS, SHES RAB KYI PHA ROL TU PHYIN PA MNGON PAR BSGRUB NA PHYIR MI LDOG PAR 'GYUR RO ZHES BSTAN PA'O, ,RAB 'BYOR DE LTAR BYANG CHUB SEMS DPA' SEMS DPA' CHEN PO RTEN CING 'BREL PAR 'BYUNG BA LA RNAM PAR BLTA BAS NI CHOS GANG YANG RGYU MED PA LAS 'BYUNG BA YANG DAG PAR RJES SU MI MTHONG NGO ZHES BYA BA NI DE LTAR GONG DU SMOS PA'I TSUL DU DON DAM PAR RTEN CING 'BREL PAR 'BYUNG BA RANG BZHIN GYIS STONG STE, NAM @226A *, ,MKHA' LTAR ZAD MI SHES PAR RTOGS KYANG KUN RDZOB TU CHOS THAMS CAD RGYU DANG RKYEN LAS BYUNG BAR LTA'I MU STEGS CAN KHA CIG LTAR RGYU MED PA LAS 'BYUNG BAR MI BLTA'O ZHES BYA BA'I DON TO, ,CHOS GANG YANG RTAG PAR YANG DAG PAR RJES SU MI MTHONG ZHES BYA BA NAS, ZHI BAR YANG DAG PAR RJES SU MI MTHONG MA ZHI BAR YANG DAG PAR RJES SU MI MTHONG STE ZHES BYA BA'I BAR GYIS NI, DE LTAR RTEN CING 'BREL PAR 'BYUNG BA'I DON KUN RDZOB DANG DON DAM PA'I TSUL DU SHES PAR BYA BA LA MKHAS PA NI CHOS GANG LA YANG RTAG PA'AM, 'GAG PA'I DNGOS POR YOD PAR YANG MI LTA LA, MU STEGS CAN GYIS BRTAGS PA'I BDAG RNAMS LA SOGS PA'I DNGOS POR YOD PAR MI BLTA'O ZHES BSTAN PA'O, ,RAB 'BYOR DE LTAR SHES RAB KYI PHA ROL TU PHYIN PA LA SPYOD PA'I TSE BYANG CHUB SEMS DPA' SEMS DPA' CHEN POS RTEN CING 'BREL PAR 'BYUNG BA RNAM PAR BLTA BAR BYA'O ZHES BYA BA NI DE LTAR GONG DU SMOS PA'I TSUL DU RTEN CING 'BREL PAR 'BYUNG BA LA MKHAS PA'I BLOS, CHOS GANG LA YANG RTAG PA DANG, 'GAG PA LA SOGS PA'I DNGOS POR YOD PAR YANG MI LTA LA, KUN RDZOB TU RTEN CING 'BREL PAR 'BYUNG BA'I TSUL LA YANG MKHAS PAR BYA'O ZHES BSTAN PA'O, ,RAB 'BYOR GANG GI TSE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA DE'I TSE, GZUGS RTAG PA'AM MI RTAG PA'AM, BDE BA'AM SDUG BSNGAL BA'AM, BDAG YOD PA'AM BDAG MED PA'AM, ZHI BA'AM MA ZHI BAR YANG DAG PAR RJES SU MI MTHONG NGO ZHES BYA BA NAS, RNAM PA THAMS CAD MKHYEN PA NYID RTAG PA'AM, MI RTAG PA 'AM, BDE BA'AM, SDUG BSNGAL BA'AM, ZHI BA'AM MA ZHI BAR YANG DAG PAR RJES SU MI MTHONG NGO ZHES BYA BA'I BAR GYIS NI, DE LTAR RTEN CING 'BREL PAR 'BYUNG BA LA MKHAS PA'I TSUL GYIS SHES RAB KYI PHA ROL TU PHYIN PA LA SPYOD NA, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD LA PHYIN CI LOG BZHI DANG, ZHI BA DANG MA ZHI BA'I DNGOS POR LTA BA'I PHAN YON BSTAN PA'O, ,DE CI'I PHYIR ZHE NA, RAB 'BYOR DE NI 'DI LTAR BYANG CHUB SEMS DPA' SEMS @226B DPA' CHEN PO SHES RAB KYI PHA ROL TU PHYIN PA LA SPYOD PA'I TSE, SHES RAB KYI PHA ROL TU PHYIN PA YANG DAG PAR RJES SU MI MTHONG STE, CHOS GANG GIS SHES RAB KYI PHA ROL TU PHYIN PA YANG DAG PAR RJES SU MTHONG BAR 'GYUR BA'I CHOS DE YANG YANG DAG PAR RJES SU MI MTHONG NGO ZHES BYA BA NAS, RAB 'BYOR DE LTAR BYANG CHUB SEMS DPA' SEMS DPA' CHEN POS CHOS THAMS CAD MI DMIGS PA'I TSUL GYIS SHES RAB KYI PHA ROL TU PHYIN PA LA SPYAD PAR BYA'O ZHES BYA BA'I BAR GYIS NI, CHOS THAMS CAD LA PHYIN CI LOG TU LTA BAR MI 'GYUR BA'I GTAN TSIGS BSTAN PA STE, SHES RAB KYI PHA ROL TU PHYIN PA LA SOGS PA'I RNAM PA THAMS CAD MKHYEN PA NYID DANG, BAG CHAGS KYIS MTSAMS SBYOR BA THAMS CAD SPANG BAR BYA BA LA THUG GI BAR GYI CHOS THAMS CAD DON DAM PAR RANG BZHIN GYIS STONG PAS, BLTA BAR BYA BA'I DNGOS POR YANG MED LA, CHOS DE DAG LA LTA BAR 'GYUR BA'I DNGOS PO GANG YANG MED PAS, CHOS DE DAG THAMS CAD LA PHYIN CI LOG TU MTHONG BAR MI 'GYUR RO ZHES BYA BA'I DON TO, ,RAB 'BYOR GANG GI TSE BYANG CHUB SEMS DPA' SEMS DPA' CHEN PO CHOS THAMS CAD MI DMIGS PAR SHES RAB KYI PHA ROL TU PHYIN PA LA SPYOD PA DE'I TSE, BDUD SDIG TO CAN MYA NGAN GYI ZUG RNGUS ZUG PAR GYUR TO ZHES BYA BA NAS, STONG GSUM GYI STONG CHEN PO'I 'JIG RTEN GYI KHAMS NA BDUD SDIG TO CAN GANG JI SNYED CIG YOD PA DE DAG THAMS CAD MYA NGAN GYI ZUG RNGU MI BZAD PAS ZUG PAR GYUR TE, RANG RANG GI STAN PA LA 'DUG MI 'DOD DO ZHES BYA BA'I BAR GYIS NI, DE LTAR CHOS THAMS CAD DMIGS SU MED PA'I TSUL GYIS SHES RAB KYI PHA ROL TU PHYIN PA LA SPYOD PA BDUD KYIS MI TSUGS SHING, BDUD THAMS CAD ZIL GYIS GNON PA'I MTHU DANG LDAN PAR 'GYUR BA BSTAN PA'O, ,DE LTAR RNAM PAR SPYOD PA'I BYANG CHUB SEMS DPA' SEMS DPA' CHEN PO NI LHA DANG MI DANG LHA MA YIN DU BCAS PA'I 'JIG RTEN GYIS, GANG GI PHYIR DE GZUNG ZHING PHYIR ZLOG PA'I GLAGS MI RNYED GTING MI RNYED DO ZHES BYA BA NI DE LTAR CHOS THAMS CAD NI NAM MKHA' DANG 'DRA BAR ZAD MI SHES PAR RTOGS SHING, SHES RAB KYI PHA ROL TU PHYIN PA LA SPYOD PA NI BLA NA MED PA YANG DAG PAR @227A *, ,RDZOGS PA'I BYANG CHUB LAS PHYIR MI LDOG PA YIN PAR NGES PAR BSTAN PA STE, BDUD 'BA' ZHIG GIS MI TSUGS SHING BAR CHAD BYA MI NUS PAR MA ZAD KYI, LHA DANG MI DANG LHA MA YIN DU BCAS PA'I 'JIG RTEN THAMS CAD KYIS KYANG PHYIR BZLOG CING BAR CHAD BYA MI NUS SO ZHES BYA BA'I DON TO, ,RAB 'BYOR DE BAS NA BYANG CHUB SEMS DPA' SEMS DPA' CHEN PO MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA RNAM PAR SPYOD PAS, RNAM PAR SPYAD PAR BYA STE ZHES BYA BA NI, DE LTAR GONG DU BSHAD PA'I TSUL GYIS SHES RAB KYI PHA ROL TU PHYIN PA LA SOGS PA BDUD LA SOGS PAS BAR CHAD BYA MI NUS PA'I MTHU DANG LDAN TE, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR BA'I PHYIR, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PAS, SHES RAB KYI PHA ROL TU PHYIN PA 'DI LA GNAS SHING SPYAD PAR BYA'O ZHES GDAMS NGAG TU BSTAN PA'O, ,SHES RAB KYI PHA ROL TU PHYIN PA LA RNAM PAR SPYOD PAS, RNAM PAR SPYOD PA'I BYANG CHUB SEMS DPA' SEMS DPA' CHEN PO NI SBYIN PA'I PHA ROL TU PHYIN PA BSGOM PA YONGS SU RDZOGS PAR 'GYUR RO ZHES BYA BA NAS, PHA ROL TU PHYIN PA THAMS CAD BSGOM PA YONGS SU RDZOGS PAR 'GYUR RO ZHES BYA BA'I BAR GYIS NI, DE LTAR SHES RAB KYI PHA ROL TU PHYIN PA LA SPYOD PA, PHA ROL TU PHYIN PA THAMS CAD BSGOM PA YONGS SU RDZOGS PAR 'GYUR BA'I PHAN YON BSTAN PA STE, PHA ROL TU PHYIN PA DRUG MING GIS KYANG SMOS LA, PHA ROL TU PHYIN PA THAMS CAD BSGOM PA YONGS SU RDZOGS PAR 'GYUR RO ZHES KYANG 'BYUNG BA NI, PHA ROL TU PHYIN PA BCU CHAR BSGOM PA YONGS SU RDZOGS PAR 'GYUR RO ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS SHES RAB KYI PHA ROL TU PHYIN PA BSGOM PA YONGS SU RDZOGS PAR 'GYUR BA LAGS ZHES BYA BA'I BAR GYIS NI, PHA ROL TU PHYIN PA DRUG JI LTAR BSGOM PA YONGS SU RDZOGS PAR 'GYUR BAR BYA BA'I THABS ZHUS PA'O, , @227B BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SBYIN PA YONGS SU GTONG BA'I TSE, RNAM PA THAMS CAD MKHYEN PA NYID DU YONGS SU BSNGO ZHING SBYIN PA DE DAG YONGS SU GTONG STE ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'I BSGOM PA YONGS SU RDZOGS PAR 'GYUR RO ZHES BYA BA'I BAR GYIS NI, PHA ROL TU PHYIN PA DRUG BSGOM PA YONGS SU RDZOGS PAR BYA BA'I THABS BSTAN PA STE, PHA ROL TU PHYIN PA DRUG SGOM PA'I TSE, BDAG DANG SEMS CAN THAMS CAD RNAM PA THAMS CAD MKHYEN PA NYID THOB PAR BYA BA'I PHYIR BSGOM LA, DE LTAR BSGOMS PA'I BSOD NAMS KYANG BDAG DANG SEMS CAN THAMS CAD RNAM PA THAMS CAD MKHYEN PA NYID THOB PAR GYUR CIG CES YONGS SU BSNGOS NA, PHA ROL TU PHYIN PA DRUG BSGOM PA YONGS SU RDZOGS PAR 'GYUR RO ZHES BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO THABS MKHAS PAS SBYIN PA'I PHA ROL TU PHYIN PA LA GNAS SHING, SHES RAB KYI PHA ROL TU PHYIN PA YONGS SU 'DZIN TO ZHES BYA BA'I BAR GYIS NI, SBYIN PA'I PHA ROL TU PHYIN PA GCIG PU SPYOD PA'I TSE, PHA ROL TU PHYIN PA DRUG CAR YONGS SU RDZOGS PAR BYA BA'I THABS BSTAN PA'O, ,'PHAGS PA SHES RAB KYI PHA ROL TU PHYIN PA STONG PHRAG BRGYA PA LAS LE'U LNGA BCU GCIG PA'O,, ,,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO; ,BCOM LDAN 'DAS JI LTAR NA, BYANG CHUB SEMS DPA' SEMS DPA' CHEN PO TSUL KHRIMS KYI PHA ROL TU PHYIN PA LA GNAS SHING SBYIN PA'I PHA ROL TU PHYIN PA YONGS SU 'DZIN PA LAGS ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO TSUL KHRIMS KYI PHA ROL TU PHYIN PA LA GNAS SHING, SHES RAB KYI PHA ROL TU PHYIN PA YONGS SU 'DZIN TO ZHES BYA BA'I BAR GYIS NI, TSUL KHRIMS KYI PHA ROL TU PHYIN PA GCIG PU LA GNAS PA'I TSE, PHA ROL TU PHYIN PA DRUG CAR YONGS SU RDZOGS PAR BYA BA'I THABS BSTAN PA'O, ,GSOL PA @228A *, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO BZOD PA'I PHA ROL TU PHYIN PA LA GNAS SHING, SBYIN PA'I PHA ROL TU PHYIN PA YONGS SU BRTEN PA LAGS ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO, BZOD PA'I PHA ROL TU PHYIN PA LA GNAS SHING SHES RAB KYI PHA ROL TU PHYIN PA YONGS SU 'DZIN TE, CI NAS KYANG MI SPONG MI 'DZIN PA DE LTAR YONGS SU 'DZIN TO ZHES BYA BA'I BAR GYIS NI, BZOD PA'I PHA ROL TU PHYIN PA LA GNAS PA'I TSE, PHA ROL TU PHYIN PA DRUG CAR YONGS SU RDZOGS PAR BYA BA'I THABS BSTAN PA STE, CI NAS KYANG MI SPONG MI 'DZIN PA DE LTAR YONGS SU 'DZIN TO ZHES BYA BA NI SHES RAB KYIS DON DAM PAR CHOS THAMS CAD DNGOS PO MED PAR RTOGS PAS SPANG BAR BYA BA DANG GZUNG BAR BYA BA GNYIS GAR YANG MI RTOG LA, KUN RDZOB TU YONGS SU MI 'DZIN PA YANG MA YIN NO ZHES BYA BA'I DON TO, GSOL PA BCOM LDAN 'DAS JI LTAR NA, BYANG CHUB SEMS DPA' SEMS DPA' CHEN PO BRTZON 'GRUS KYI PHA ROL TU PHYIN PA LA GNAS SHING SBYIN PA'I PHA ROL TU PHYIN PA YONGS SU 'DZIN PA LAGS ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO BRTZON 'GRUS KYI PHA ROL TU PHYIN PA LA GNAS SHING, SHES RAB KYI PHA ROL TU PHYIN PA YONGS SU 'DZIN TO ZHES BYA BA'I BAR GYIS NI, BRTZON 'GRUS KYI PHA ROL TU PHYIN PA LA GNAS PA'I TSE, PHA ROL TU PHYIN PA DRUG CAR YONGS SU RDZOGS PAR BYA BA'I THABS BSTAN PA'O, ,GSOL PA BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO BSAM GTAN GYI PHA ROL TU PHYIN PA LA GNAS SHING, SBYIN PA'I PHA ROL TU PHYIN PA YONGS SU 'DZIN PA LAGS ZHES BYA BA NAS, RAB 'BYOR DE LTAR NA BYANG CHUB SEMS DPA' SEMS DPA' CHEN PO, BSAM GTAN GYI PHA ROL TU PHYIN PA LA GNAS SHING, SHES RAB KYI PHA ROL TU PHYIN PA YONGS SU 'DZIN TO ZHES BYA BA'I BAR GYIS NI, BSAM GTAN GYI PHA ROL TU PHYIN PA LA GNAS PA'I TSE, PHA ROL TU PHYIN PA DRUG CAR YONGS SU RDZOGS PAR BYA BA'I THABS BSTAN PA STE, BSAM GTAN RNAMS KYI MTSAN NYID DANG, BSAM GTAN RNAMS KYI 'BRAS BU MNGON PAR @228B SHES PA RNAMS KYI MTSAN NYID NI SNGAR BSHAD ZIN TO, ,GSOL PA BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA GNAS SHING, BSAM GTAN GYI PHA ROL TU PHYIN PA YONGS SU 'DZIN TO ZHES BYA BA'I BAR GYIS NI, SHES RAB KYI PHA ROL TU PHYIN PA LA GNAS PA'I TSE, PHA ROL TU PHYIN PA DRUG YONGS SU RDZOGS PAR BYA BA'I THABS BSTAN PA STE, RNAM PAR THAR PA BRGYAD DANG MTHAR GYIS GNAS PA'I SNYOMS PAR 'JUG PA DGU'I MTSAN NYID NI SNGAR BSHAD ZIN TO, ,SENG GE RNAM PAR BSGYINGS PA'I TING NGE 'DZIN ZHES BYA BA NI BSAM GTAN DANG SNYOMS PAR 'JUG PA RNAMS LA GOMS SHING DBANG DU GYUR PAS MI MTHUN PA'I PHYOGS KYIS MI 'JIGS SHING, BAG MI TSA BAR LUGS DANG MTHUN PA DANG LUGS DANG MI MTHUN PA DANG, THOD RGAL DU SNYOMS PAR 'JUG PA LA BYA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO GANG THABS MKHAS PA DE LTA BU DANG LDAN PA STE, YUN RING PO JI SRID CIG NAS YANG DAG PAR ZHUGS PA LAGS ZHES BYA BA NAS, YONGS SU RDZOGS PAR MA BYAS PA'I TSES RAB KYI PHA ROL TU PHYI PA BYA BA DE LTA BU GANG YANG MED DO ZHES BYA BA'I BAR GYIS NI DE LTAR GONG DU BSHAD PA'I TSUL DU PHA ROL TU PHYIN PA GCIG SPYAD PA'I ZHAR LA, PHA ROL TU PHYIN PA DRUG CAR YONGS SU RDZOGS PAR BYED NUS PA'I BYANG CHUB SEMS DPA' DKON PA BSTAN PA STE, YUN RING PO NAS BYANG CHUB TU SEMS BSKYED DE, BSKAL PA GRANGS MANG POR BYANG CHUB SEMS DPA'I SPYOD PA SPYAD PA DANG, SANGS RGYAS MANG PO LA BSNYEN BKUR BYAS PA DANG, PHA ROL TU PHYIN PA DRUG GI BYA BA THAMS CAD YONGS SU RDZOGS PAR BYAS PAS, THABS MKHAS PA DE LTA BU DANG LDAN PAR 'GYUR RO ZHES BYA BA'I DON TO, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO THABS MKHAS PA DE LTA BU DAG DANG LDAN PA DE DAG NI NGO MTSAR CHE'O ZHES BYA BA NAS, BSAM GTAN GYI HA ROL TU PHYIN PA YANG 'DI SNYAM DU BDAG NI SHES RAB KYI PHA ROL TU PHYIN PA'I RJES SU 'BRANG NGO SNYAM DU MI SEMS SO ZHES BYA BA'I BAR GYIS NI, DE LTAR THABS MKHAS PA DANG LDAN PA YANG SHES RAB KYI PHA ROL TU @229A *, ,PHYIN PA'I MTHU YIN PA DPE DANG BCAS PAR BSTAN PA'O, ,DE CI'I PHYIR ZHE NA, DE DAG GI RANG BZHIN NI DE YIN TE, CI YANG NUS PA MED PA'I NGO BO NYID KYIS STONG ZHING GSOG STE, SMIG RGYU LTA BU'O ZHES BYA BA NI DE LTAR SHES RAB KYI PHA ROL TU PHYIN PA LNGA CHAR GYI GTZO BO YIN YANG GCIG LA GCIG PHAN 'DOGS PAR RNAM PAR RTOG PA MED PA'I GTAN TSIGS BSTAN PA STE, DON DAM PAR PHA ROL TU PHYIN PA DE DAG THAMS CAD KYANG NGO BO NYID KYIS STONG PA'I PHYIR DE SNYAM DU MI SEMS SHING RNAM PAR MI RTOG GO ZHES BYA BA'I DON TO, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GAL TE CHOS THAMS CAD RANG BZHIN GYIS STONG PA LAGS NA ZHES BYA BA LA SOGS PAS NI 'KHOR GYI NANG NAS KHA CIG DE LTAR CHOS THAMS CAD RANG BZHIN GYIS STONG NA, PHA ROL TU PHYIN PA DRUG KYANG YONGS SU RDZOGS PAR BYAR MED LA, DE DAG YONGS SU RDZOGS PAR BYAS PA'I 'BRAS BU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YANG MED DO SNYAM DU SEMS DPA'I RNAM PAR RTOG PA BSAL BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA'I TSE, 'DI SNYAM DU BYE MA 'JIG RTEN GNAS PA 'DI DAG NI, SEMS PHYIN CI LOG TU GYUR PA STE ZHES BYA BA NAS, RAB 'BYOR DE LTAR YONGS SU RTOGS PA'I BYANG CHUB SEMS DPA' SEMS DPA' CHEN PO NI, SEMS CAN RNAMS KYI DON DU SHES RAB KYI PHA ROL TU PHYIN PA LA SPYOD PA YIN NO ZHES BYA BA'I BAR GYIS NI, DE LTAR DON DAM PAR CHOS THAMS CAD RANG BZHIN GYIS STONG YANG, KUN RDZOB TU SEMS CAN SEMS PHYIN CI LOG TU GYUR PA RNAMS KYI DON DU PHA ROL TU PHYIN PA DRUG YONGS SU RDZOGS PAR MI BYAR MI RUNG BA DANG, DE DAG YONGS SU RDZOGS PAR BYA BA'I THABS BSTAN PA'O, ,GSOL PA BCOM LDAN 'DAS GAL TE, PHA ROL TU PHYIN PA RNAMS LA THA DAD PA MA MCHIS NA ZHES BYA BA NAS, MI MNYAM PA DANG MNYAM PA ZHES BGYI PA'I BAR GYIS NI, GONG DU PHA ROL TU PHYIN PA RNAMS STONG PA NYID DU RO GCIG STE, RNAM PAR MI RTOG @229B PAR BSHAD LA, SHES RAB KYI PHA ROL TU PHYIN PA GTZO BO YIN PAR YANG BSHAD PA 'GAL BA'I GAL BZUNG STE, RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE ZHES BYA BA NAS, DE CI'I PHYIR ZHE NA, 'DI LTAR DE DAG LA NGO BO NYID MED PAS DE'I PHYIR KHYAD PAR MED DO ZHES BYA BA'I BAR GYIS NI, DON DAM PAR STONG PA NYID DU RO GCIG TE, THA DAD PA MED DU ZIN KYANG KUN RDZOB TU SHES RAB KYI PHA ROL TU PHYIN PA GTZO BO YIN NO ZHES THA DAD DU DBYER YOD PA BSTAN PA DANG, PHA ROL TU PHYIN PA RNAMS KYIS 'BRAS BU RNAM PA THAMS CAD MKHYEN PA NYID THOB PAR 'GYUR PA'I TSE, RNAM PA THAMS CAD MKHYEN PA NYID KYI RANG BZHIN DU GCIG TU 'GYUR PA'I DPE SEMS CAD LUS KYI KHA DOG THA DAD PA RNAMS RI RAB DANG NYE BAR GYUR NA, NGOS GANG DANG NYE BA DE'I KHA DOG TU 'GYUR PA LAS BLANGS TE BSTAN PA STE, RNAM PA THAMS CAD MKHYEN PA NYID KYI KHA DOG TU KHA DOG GCIG PAR 'GYUR ZHES BYA BA, RGYA GAR SKAD DU, PA NA ZHES PA RIGS SAM RANG BZHIN LA YANG BYA STE, RNAM PA THAMS CAD MKHYEN PA NYID KYI RIGS SAM RANG BZHIN DU GCIG TU 'GYUR RO ZHES BYA BA'I DON TO, ,GSOL PA BCOM LDAN 'DAS DE LTAR CHOS GANG LA YANG KHYAD PAR MA MCHIS LA, BYE BRAG MA MCHIS NA ZHES BYA BA NAS, MNYAM PA MED PA ZHES BYA BA NA, MI MNYAM PA DANG MNYAM PA ZHES BYA BA BZHIN NO ZHES BYA BA'I BAR GYIS NI, DE LTAR CHOS THAMS CAD STONG PA NYID DU RO GCIG TE, CHOS GANG LA YANG THA DAD PA MED PA, BLA NA MED PA YANG DAG PAR RDZOGS PA'I BYANG CHUB THOB PAR BYA BA'I DON YANG CI ZHIG YOD, SHES RAB KYI PHA ROL TU PHYIN PA YANG CI'I PHYIR GTZO BO YIN ZHES ZHUS PA DANG, DE LTAR CHOS THAMS CAD DON DAM PAR STONG PA'I RANG BZHIN DU GCIG KYANG, KUN RDZOB TU 'JIG RTEN GYI THA SNYAD DANG BRDAR BYA NA, DON RJES SU 'THOB PA MED PA YANG MA YIN LA PHA ROL TU PHYIN PA RNAMS LA THA DAD PA YANG MED PA YANG MA YIN ZHING, SHES RAB KYI PHA ROL TU PHYIN PA GTZO BO YIN PAR DPE DANG BCAS TE BSTAN PA'O, ,GSOL PA BCOM LDAN 'DAS DE LTAR SHES RAB KYI PHA ROL TU PHYIN PA RAB CES BGYI BA DANG, GTZO BO ZHES BGYI BA @230A *, ,DANG ZHES BYA BA NAS, MI MNYAM PA DANG MNYAM PA ZHES BGYI BA CI LAS DGONGS ZHES BYA BA'I BAR GYIS NI, SHES RAB KYI PHA ROL TU PHYIN PA CI'I PHYIR GTZO BO YIN PA'I GTAN TSIGS ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SHES RAB KYI PHA ROL TU PHYIN PA NI DGE BA'I CHOS THAMS CAD YONGS SU BZUNG ZHING MI GNAS PA'I TSUL GYIS, RNAM PA THAMS CAD MKHYEN PA NYID GANG NA BA DER GNAS PAR 'GYUR BA'I PHYIR RO ZHES BYA BA NI SHES RAB KYI PHA ROL TU PHYIN PA DANG LDAN NA, DGE BA'I CHOS SPYOD DO COG THAMS CAD 'KHOR GSUM YONGS SU DAG PAR SPYAD PAS RNAM PA THAMS CAD MKHYEN PA NYID THOB PAR 'GYUR BA'I PHYIR, GTZO BO DANG RAB LA SOGS PAR 'GYUR RO ZHES BYA BA'I DON TO, ,GSOL PA BCOM LDAN 'DAS SHES RAB KYI PHA ROL TU PHYIN PA CHOS GANG YANG YONGS SU 'DZIN PA'AM, MTHONG BA MCHIS SAM ZHES BYA BA NI BYANG CHUB SEMS DPA'I SHES RAB STE GAL TE CHOS 'GA' ZHIG YONGS SU 'DZIN NA, DE NYID MNGON PAR CHAGS PA'I SKYON DU 'GYUR TE, DE CI YANG YONGS SU MI 'DZIN PAR GTONG NA, RNAM PA THAMS CAD MKHYEN PA NYID KYANG THOB PAR MI 'GYUR RO SNYAM DU RTOG PA BSAL BA'I PHYIR RAB 'BYOR GYIS ZHUS PA'O; ,BCOM LDAN 'DAS KYIS BKA' STZAL PA, RAB 'BYOR DE NI MA YIN TE, SHES RAB KYI PHA ROL TU PHYIN PA NI CHOS GANG YANG YONGS SU 'DZIN PA'AM, GTONG PA MED DO, ,DE CI'I PHYIR ZHE NA, RAB 'BYOR DE NI 'DI LTAR CHOS THAMS CAD YONGS SU GZUNG BA MED PA DANG, GTONG PA MED PA'I PHYIR RO ZHES BYA BA NI, DON DAM PAR CHOS THAMS CAD RANG BZHIN GYIS STONG PAS, YONGS SU GZUNG BAR BYA BA'AM, GTANG BAR BYA BA'I DNGOS PO MED PA'I PHYIR 'DZIN PA'AM GTONG PA MED DO ZHES BSTAN PA'O, ,GSOL PA BCOM LDAN 'DAS JI LTAR NA SHES RAB KYI PHA ROL TU PHYIN PA CHOS THAMS CAD MI 'DZIN MI GTONG BA LAGS ZHES BYA BA NI GZUGS LA SOGS PA'I CHOS THAMS CAD GZUNG DU MED PA DANG, GTONG DU MED PA'I ZHIB TU BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SHES RAB KYI PHA ROL TU PHYIN PA NI GZUGS @230B YONGS SU MI 'DZIN MI GTONG NGO ZHES BYA BA NAS, RAB 'BYOR SHES RAB KYI PHA ROL TU PHYIN PA NI BLA NA MED PA YANG DAG PAR RDZOGS PA'I BYANG CHUB TU YONGS SU MI 'DZIN MI GTONG NGO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED PAS GZUNG DU YANG MED GTONG DU YANG MED PA'I PHYIR SHES RAB KYI PHA ROL TU PHYIN PA CHOS GANG YANG YONGS SU MI 'DZIN MI GTONG NGO ZHES BSTAN PA'O, ,GSOL PA BCOM LDAN 'DAS JI LTAR NA, GZUGS YONGS SU MA BZUNG MA BTANG BA LAGS ZHES BYA BA NAS, JI LTAR RNAM PA THAMS CAD MKHYEN PA NYID YONGS SU MA BZUNG MA BTANG BA LAGS ZHES BYA BA'I BAR GYIS NI, GZUGS LA SOGS PA'I CHOS THAMS CAD LA, SHES RAB KYI PHA ROL TU PHYIN PA YONGS SU MI GTONG BAR BYA BA'I THABS ZHUS PA'O, ,BCOM LDAN 'DAS KYIS BKA' STZAL PA, RAB 'BOR GZUGS YID LA MI BYED PAS, GZUGS YONGS SU MA BZUNG MA BTANG BA YIN NO ZHES BYA BA NAS, RNAM PA THAMS CAD MKHYEN PA NYID YID LA MI BYED PAS, RNAM PA THAMS CAD MKHYEN PA NYID YONGS SU MA BZUNG MA BTANG BA YIN NO ZHES BYA BA'I BAR GYIS NI, GZUGS LA SOGS PA'I CHOS THAMS CAD GZOD MA NAS MA SKYES TE, DMIGS PA'I YUL MA YIN PA'I PHYIR YID LA MI BYED PA NYID YONGS SU MA BZUNG MA BTANG BA YIN NO ZHES BSTAN PA'O, ,RAB 'BYOR DE LTAR NA GZUGS YONGS SU MA BZUNG MA BTANG BA YIN NO ZHES BYA BA NAS, BLA NA MED PA YANG DAG PAR RDZOGS PA'I BYANG CHUB YONGS SU MA BZUNG MA BTANG BA YIN NO ZHES BYA BA'I BAR GYIS NI, GONG DU SMOS PA'I TSIG NYID BZLAS NAS, DE LTAR YID LA MI BYED PA NYID YONGS SU MI 'DZIN MI GTONG BA YIN GYI, DNGOS PO YOD PA MI 'DZIN MI GTONG BA NI MA YIN NO ZHES BSTAN PA'O, ,GSOL PA BCOM LDAN 'DAS GAL TE GZUGS YID LA MI BGYI, TSOR BA YID LA MI BGYI ZHES BYA BA NAS, RNAM PA THAMS CAD MKHYEN PA NYID YID LA MA BGYIS PAR DGE BA'I RTZA BA RNAMS JI LTAR NAM PAR 'PHEL BAR 'GYUR, DGE BA'I RTZA BA RNAMS RNAM PAR MA 'PHEL NA YANG JI LTAR PHA ROL TU PHYIN PA DRUG YONGS SU RDZOGS PAR 'GYUR, PHA ROL TU PHYIN PA DRUG YONGS SU MA RDZOGS PA NA YANG JI LTAR RNAM @231A *, ,PA THAMS CAD MKHYEN PA NYID 'THOB PAR 'GYUR ZHES BYA BA'I BAR GYIS NI, DE LTAR CHOS THAMS CAD YID LA MI BYA NA, BSOD NAMS DANG YE SHES KYI TSOGS KYANG MI 'PHEL BAR JI LTAR RNAM PA THAMS CAD MKHYEN PA NYID THOB PAR 'GYUR ZHES GAL BZUNG STE ZHUS PA'O, ,BCOM LDAN 'DAS KYIS BKA' STZAL PA, RAB 'BYOR NAM GZUGS YID LA MI BYED CES BYA BA NAS, BLA NA MED PA YANG DAG PAR RDZOGS PA'I BYANG CHUB YID LA MI BYED PA DE'I TSE, BYANG CHUB SEMS DPA' SEMS DPA' CHEN PO DGE BA'I RTZA BA RNAMS RNAM PAR 'PHEL BAR 'GYUR TE, DGE BA'I RTZA BA RNAM PAR 'PHEL BAS PHA ROL TU PHYIN PA DRUG YONGS SU RDZOGS PAR 'GYUR RO, ,PHA ROL TU PHYIN PA DRUG YONGS SU RDZOGS PAS RNAM PA THAMS CAD MKHYEN PA NYID THOB PAR 'GYUR RO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR STONG PAR RTOGS TE, DE DAG LA MNGON PAR MA CHAGS SHING YID LA MA BYAS NA, 'KHOR GSUM YONGS SU DAG PAR DGE BA'I RTZA BA RNAMS SPEL ZHING, PHA ROL TU PHYIN PA DRUG YONGS SU RDZOGS PAR BYAS NAS, RNAM PA THAMS CAD MKHYEN PA NYID THOB PAR 'GYUR RO ZHES BSTAN PA'O, ,DE CI'I PHYIR ZHE NA, GZUGS YID LA MA BYAS PAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES BYA BA'I BAR GYIS NI, GONG DU SMOS PA'I DON DE NYID BZLAS TE, DE LTAR CHOS THAMS CAD YID LA MA BYAS NA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSTAN PA'O, ,GSOL PA CI'I SLAD DU DE LTAR GZUGS YID LA MA BGYIS ZHES BYA BA NAS, DE LTAR BLA NA MED PA YANG DAG PAR RDZOGS PA'I BYANG CHUB YID LA MA BGYIS PAR RNAM PA THAMS CAD MKHYEN PA NYID THOB PAR 'GYUR ZHES BYA BA'I BAR GYIS NI CHOS THAMS CAD YID LA BYAS NA, SKYON DU 'GYUR BA BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA ZHES BYA BA NAS, CHOS GANG YANG 'DRES PAR MI BYA'O ZHES BYA BA'I BAR GYIS NA, CHOS RNAMS LA DNGOS POR LTA ZHING MNGON PAR CHAGS PAS YID LA BYAS NA, KHAMS GSUM LAS GROL THAR PAR MI @231B 'GYUR TE, DE BAS NA CHOS GANG LA YANG MNGON PAR CHAGS PAS YID LA MI BYA ZHING, KHAMS GSUM GYI CHOS GANG DANG YANG MA 'DRES PAR BYA'O ZHES BSTAN PA'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA DE LTAR SPYOD PA DE DAG GANG LA GNAS PAR 'GYUR ZHES BYA BA NI DE LTAR CHOS THAMS CAD YID LA MI BYED CING, KHAMS GSUM GANG DANG YANG 'DRES PAR MI BYA NA, GANG LA BRTEN ZHING GNAS PAR BYA ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE LTAR SPYOD PA'I BYANG CHUB SEMS DPA' SEMS DPA' CHEN PO NI GZUGS LA GNAS PAR MI 'GYUR RO ZHES BYA BA NAS, RNAM PA THAMS CAD MKHYEN PA NYID LA GNAS PAR MI 'GYUR RO ZHES BYA BA'I BAR GYIS NI DNGOS POR LTA ZHING MNGON PAR CHAGS PA'I DBANG GIS NI CHOS GANG LA YANG GNAS PA MA YIN NO ZHES BSTAN PA'O, ,GSOL PA BCOM LDAN 'DAS CI'I SLAD DU RNAM PA THAMS CAD MKHYEN PA NYID LA YANG GNAS PAR MI 'GYUR BA LAGS ZHES BYA BA NI, RNAM PA THAMS CAD MKHYEN PA NYID LA BSGRUB CING THOB PAR BYA BA YIN NA, DE LA CI'I PHYIR GNAS PAR MI 'GYUR ZHES ZHUS PA DANG, BCOM LDAN 'DAS KYIS BKA' STZAL PA, MNGON PAR CHAGS PA MED PA'I PHYIR GANG LA YANG GNAS PAR MI 'GYUR RO ZHES BYA BA NI DON DAM PAR CHOS THAMS CAD RANG BZHIN GYIS STONG PAR CHAGS SHING GNAS PAR BYA BA MED DO ZHES BYA BA'I DON TO, ,DE CI'I PHYIR ZHE NA, 'DI LTAR DES GANG LA MNGON PAR CHAGS PAR BYA BA'AM, GNAS PAR BYA BA'I CHOS DE LTA BU GANG YANG YANG DAG PAR RJES SU MI MTHONG STE ZHES BYA BA NI, DON DE NYID GTAN TSIGS DANG BCAS PAS GSAL BAR BSTAN PA STE, DNGOS PO 'GA' ZHIG YOD NA NI DE LA MNGON PAR CHAGS PA'AM, GNAS PAR BYAR YANG RUNG NA DON DAM PAR CHOS THAMS CAD RANG BZHIN GYIS STONG PAS MNGON PAR CHAGS PAR BYA BA'AM, GNAS PAR BYA BA DE LTA BU GANG YANG MED PA'I PHYIR, GANG LA YANG GNAS PAR MI 'GYUR RO ZHES BYA BA'I DON TO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO MNGON PAR CHAGS PA MED PA DANG, GNAS PA MED PA'I TSUL GYIS SHES RAB KYI PHA ROL TU PHYIN PA LA SPYOD DO ZHES BYA BA NI DE LTAR @232A *, ,GONG DU BSHAD PA'I TSUL DU CHOS GANG LA YANG MNGON PAR MA CHAGS SHING MI GNAS PAR SPYOD NA, SHES RAB KYI PHA ROL TU PHYIN PA LA SPYOD PA YIN NO ZHES BSTAN PA'O, ,GAL TE YANG BYANG CHUB SEMS DPA' SEMS DPA' CHEN PO 'DI SNYAM DU SEMS SHING, GANG DE LTAR SPYOD PA DANG, DE LTAR BSGOMS PA DE NI SHES RAB KYI PHA ROL TU PHYIN PA LA SPYOD PA ZHES BYA BA NAS RNAM PA THAMS CAD MKHYEN PA NYID LAS RING DU GYUR PA YIN ZHES BYA BA'I BAR GYIS NI, DE LTAR GANG LA YANG MNGON PAR MA CHAGS, GANG LA YANG MI GNAS PAR SPYOD PA DE'I TSE, BDAG DE LTAR SPYOD CING SGOM MO SNYAM PA'I 'DU SHES TZAM ZHIG SKYES NA YANG SHES RAB KYI PHA ROL TU PHYIN PA'I DON DANG MI MTHUN PAS, SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS THAMS CAD DANG BRAL ZHING RING DU GYUR PA YIN NO ZHES BSTAN PA YIN NO, ,DE CI'I PHYIR ZHE NA, SHES RAB KYI PHA ROL TU PHYIN PA NI GANG LA YANG MNGON PAR CHAGS PAR MI BYED DE, SHES RAB KYI PHA ROL TU PHYIN PA LA MNGON PAR CHAGS PA GANG YANG MED DO ZHES BYA BA NI DON DAM PAR CHOS THAMS CAD RANG BZHIN GYIS STONG PAS, SHES RAB KYI PHA ROL TU PHYIN PA YANG STONG PA'I PHYIR GZHAN LA MNGON PAR CHAGS PAR BYED PA YANG MA YIN GZHAN GYIS MNGON PAR CHAGS PAR BYA BA YANG MA YIN NO ZHES BYA BA'I DON TO, ,DE CI'I PHYIR ZHE NA, DE NI 'DI LTAR GANG LA MNGON PAR CHAGS PAR 'GYUR BA DE LTA BU'I RANG BZHIN DE LA MED DE ZHES BYA BA NI, SHES RAB KYI PHA ROL TU PHYIN PA CHAGS PAR BYED PA DANG, CHAGS PAR BYA BA GNYI GA'I RANG BZHIN DU YOD PA MA YIN PA'I GTAN TSIGS BSTAN PA'O, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PAR 'DU SHES NA YANG, BYANG CHUB SEMS DPA' SEMS DPA' CHEN PO DE SHES RAB KYI PHA ROL TU PHYIN PA LAS NYAMS PAR 'GYUR TE, GANG SHES RAB KYI PHA ROL TU PHYIN PA LAS NYAMS PA DE NI CHOS THAMS CAD LAS NYAMS PAR 'GYUR RO ZHES BYA BA NAS, RAB 'BYOR DE YANG 'DI LTAR DE BZHIN GSHEGS PA NI CHOS GANG YANG 'DOGS PA MED NA, CHOS LA LA ZHIG MNGON PAR RDZOGS PAR 'TSANG RGYA BAR 'GYUR BA LTA GA LA YOD DE DE NI GNAS MA YIN NO ZHES BYA @232B BA'I BAR GYIS NI SHES RAB KYI PHA ROL TU PHYIN PA LA SOGS PA LA 'DU SHES SKYE ZHING MTSAN MAR 'DZIN NA, SHES RAB KYI PHA ROL TU PHYIN PA LAS NYAMS PAR 'GYUR ZHING BLA NA MED PA YANG DAG PAR RDZOGS PA'I BYANG CHUB MI 'THOB PA'I SKYON DU 'GYUR BA BSTAN PA'O, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, DE CI'I PHYIR ZHE NA, SHES RAB KYI PHA ROL TU PHYIN PA NI MNGON PAR MA CHAGS PAS BRJOD PA YIN NO ZHES BYA BA'I BAR GYIS NI, CHOS THAMS CAD LA 'DU SHES DANG MTSAN MAR 'DZIN PA'I SKYON DU MI 'GYUR BA'I THABS BSTAN PA'O, , GSOL PA BCOM LDAN 'DAS CI LAGS, SHES RAB KYI PHA ROL TU PHYIN PA SHES RAB KYI PHA ROL TU PHYIN PA DANG MA BRAL BA LAGS SAM ZHES BYA BA NAS, RNAM PA THAMS CAD MKHYEN PA NYID KYANG JI LTAR MNGON PAR BSGRUB PAR BGYI ZHES BYA BA'I BAR GYIS NI, SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS THAMS CAD CHOS DE DAG GI RANG BZHIN DANG BRAL TE, RANG BZHIN GCIG NA BDAG GIS BDAG MNGON PAR BSGRUB TU MI RUNG STE, DPER NA RAL GRI DE NYID KYI SOS RAL GRI DE NYID BCAD DU MI RUNG BA BZHIN NO, ,JI LTAR DE DAG MNGON PAR BSGRUB PAR BGYI ZHES GAL BZUNG STE ZHUS PA'O; ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS ZHE'AM 'DI NI GZUGS SO, ,'DI'I GZUGS SO ZHES BYA BAR MNGON PAR CHAGS PA MED DO ZHES BYA BA NAS, RNAM PA THAMS CAD MKHYEN PA NYID CE'AM, 'DI NI RNAM PA THAMS CAD MKHYEN PA NYID DO, ,'DI'I RNAM PA THAMS CAD MKHYEN PA NYID DO ZHES BYA BAR MNGON PAR CHAGS PA MED DO ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR DNGOS PO MED PAR RTOGS PAS BDAG DANG BDAG GIR MI RTOG CING, MNGON PAR CHAGS PA MED PA NYID PHA ROL TU PHYIN PA DRUG LA SOGS PA MNGON PAR BSGRUB PA YIN GYI, DNGOS PO YOD PAR LTA ZHING CHAGS PAS NI MNGON PAR BSGRUB PAR MI NUS SO ZHES BSTAN PA'O, ,GZUGS RTAG PA'AM MI RTAG PAR MNGON PAR CHAGS PA MED DO ZHES @233A *, ,BYA BA NAS, RNAM PA THAMS CAD MKHYEN PA NYID DBEN PA'AM, MI DBEN PAR MNGON PAR CHAGS PA MED DO ZHES BYA BA'I BAR GYIS NI GZUGS LA SOGS PA'I CHOS THAMS CAD LA RTAG PA'AM, MI RTAG PA'AM, BDE BA'AM SDUG BSNGAL BA'AM, BDAG GAM BDAG MED PA'AM, ZHI BA'AM MA ZHI PA'AM, STONG PA'AM MI STONG PA'AM, MTSAN MA YOD PA'AM MTSAN MA MED PA'AM, SMON PA YOD PA'AM, SMON PA MED PA'AM, DBEN PA'AM MI DBEN PAR 'DU SHES SHING, MNGON PAR CHAGS PA MED PA NYID YANG DAG PAR JI LTA BA BZHIN DU RTOGS PA YIN PAS, PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS MNGON PAR BSGRUB PA YIN NO ZHES BSTAN PA'O, ,DE CI'I PHYIR ZHE NA, RANG BZHIN MED PA'I CHOS LA NI RTAG CES BYA BA'AM MI RTAG CES BYA BA'AM ZHES BYA BA NAS, DBEN ZHES BYA BA'AM, MI DBEN ZHES BYA BAR MNGON PAR SGRUB PAR MI NUS SO ZHES BYA BA'I BAR GYIS NI, RTAG PA'AM MI RTAG PA LA SOGS PAR MNGON PAR SGRUB PAR BYED PA DANG, MNGON PAR BSGRUB PAR BYA BA'I CHOS RNAMS DON DAM PAR DNGOS PO MED PAS, MNGON PAR CHAGS PAR BYA ZHING SGRUB TU MED DO ZHES BSTAN PA'O, ,NGO BO NYID NI NGO BO NYID KYIS MNGON PAR BSGRUB PAR MI NUS SO ZHES BYA BA NI DE LTAR CHOS THAMS CAD DON DAM PAR RANG BZHIN GYIS STONG STE, DNGOS PO MED PAS DNGOS PO MED PA'I NGO BO NYID KYIS MNGON PAR BSGRUB TU MED DO ZHES BYA BA'I DON TO, ,RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA ZHES BYA BA NAS, SBYIN PA'I PHA ROL TU PHYIN PA LA SPYOD PA DE NI, RNAM PA THAMS CAD MKHYEN PA NYID LA GNAS PAR 'GYUR RO ZHES BYA BA'I BAR GYIS NI, DE LTAR GONG DU BSHAD PA'I TSUL DU DON DAM PAR CHOS THAMS CAD STONG PA'I NGO BO NYID DU RTOGS LA, DE LA MNGON PAR MA CHAGS PAR PHA ROL TU PHYIN PA DRUG LA SPYOD PA DE NI RNAM PA THAMS CAD MKHYEN PA NYID KYI RANG BZHIN DANG MA BRAL BA'I PHYIR RNAM PA THAMS CAD MKHYEN PA NYID LA GNAS PA YIN NO ZHES BSTAN PA'O, ,RAB 'BYOR 'DI LTA STE DPER NA 'KHOR LOS SGYUR BA'I RGYAL PO DPUNG GI TSOGS YAN LAG BZHI NI, 'KHOR LOS SGYUR BA'I @233B RGYAL PO GANG DANG GANG DU 'GRO BA DE DANG DER 'GRO'O ZHES BYA BA LA SOGS PAS NI, SHES RAB KYI PHA ROL TU PHYIN PA ZAB MO 'DI PHA ROL TU PHYIN PA GZHAN RNAMS KYI GTZO BO YIN PA'I DPE 'KHOR LOS SGYUR BA'I RGYAL PO DANG, KHA LO BSGYUR BA LAS BLANGS TE BSTAN PA STE, LAM MNYAM PA NI NYAN THOS DANG RANG SANGS RGYAS KYI LAM DMIGS PA CAN MED PA'I DPE'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO RNAMS KYI LAM NI GANG LAGS, LAM MA LAGS PA NI GANG LAGS ZHES BYA BA NI GONG DU RNAM PA THAMS CAD MKHYEN PA NYID GANG NA BA DER, LAM MNYAM PA NAS 'GRO ZHES GSUNGS PA, LAM DANG LAM MA YIN PA GANG YIN PA RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, RNAM PA THAMS CAD MKHYEN PA NYID THOB PAR BYA BA LA NYAN THOS KYI LAM NI BYANG CHUB SEMS DPA' SEMS DPA' CHEN PO RNAMS KYI LAM MA YIN NO, , RANG SANGS RGYAS KYI LAM NI BYANG CHUB SEMS DPA' SEMS DPA' CHEN PO RNAMS KYI LAM MA YIN NO ZHES BYA BA NI NYAN THOS DANG RANG SANGS RGYAS KYI LAM DMIGS PA CAN NI RNAM PA THAMS CAD MKHYEN PA NYID THOB PAR BYED PA'I RGYU LA LAM MA YIN NO ZHES BYA BA'I DON TO, ,RNAM PA THAMS CAD MKHYEN PA NYID THOB PAR BYA BA LA, SHES RAB KYI PHA ROL TU PHYIN PA SNGON DU 'GRO BA'I PHA ROL TU PHYIN PA DRUG NI BYANG CHUB SEMS DPA' SEMS DPA' CHEN PO RNAMS KYI LAM STE, 'DI NI BYANG CHUB SEMS DPA' SEMS DPA' CHEN PO RNAMS KYI LAM MO ZHES BYA BA NI, SHES RAB KYI PHA ROL TU PHYIN PA DANG LDAN PAR PHA ROL TU PHYIN PA DRUG LA SPYAD NA, RNAM PA THAMS CAD MKHYEN PA NYID THOB PAR 'GYUR BA'I RGYU YIN NO ZHES BSTAN PA'O, ,'DI NI LAM MA YIN PA'O ZHES BYA BA NI, NYAN THOS DANG RANG SANGS RGYAS KYI LTA BA DMIGS PA CAN LA SPYAD NA, RNAM PA THAMS CAD MKHYEN PA NYID THOB PAR BYA BA'I RGYU MA YIN NO ZHES BYA BA'I DON TO, ,GSOL PA BCOM LDAN 'DAS DE LTAR SHES RAB KYI PHA ROL TU PHYIN PA LA LAM DANG LAM MA LAGS PA STON PA NI BYANG CHUB SEMS DPA' SEMS DPA' CHEN PO RNAMS LA DON CHEN PO'I SLAD DU NYE BAR GNAS SO ZHES BYA BA NI, GONG DU LAM DANG LAM MA YIN PA BSTAN PAS @234A *, ,RAB 'BYOR MGU NAS SHES RAB KYI PHA ROL TU PHYIN PA LA BSTOD PA STE, CHOS DANG GANG ZAG LA BDAG MED PA'I DON STON PA DANG, BDAG DANG GZHAN GYI DON PHUN SUM TSOGS PAR STON PA DANG, RNAM PA THAMS CAD MKHYEN PA NYID KYI 'BRAS BU CHEN PO THOB PA'I RGYU YIN PA'I PHYIR; DON CHEN PO BSGRUB PA'I BYA BA BYED DO ZHES BYA BA'I DON TO, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO DE DE BZHIN TE ZHES BYA BA LA SOGS PA NI RAB 'BYOR GYIS GSOL PA'I DON DE NYID 'KHOR RNAMS YID CHES PAR BYA BA'I PHYIR DE BDEN NO ZHES BSTAN PA STE, DON TSAD MED PA DANG, DON GRANGS MED PA YANG DON CHEN PO'I 'GREL PA STE, RNAM PA THAMS CAD MKHYEN PA NYID YON TAN TSAD MED GRANGS MED PA THOB PA'I RGYU YIN PA DANG, SEMS CAN TSAD MED GRANGS MED PA'I DON BYED PA'I PHYIR RO ZHES BYA BA'I DON TO, ,SHES RAB KYI PHA ROL TU PHYIN PA NI DON DE YANG RJOD MOD KYI, GZUGS YONGS SU 'DZIN TO ZHES BYA BA LA SOGS PAS NI, KUN RDZOB TU DON DE LTA BU DAG STON KYANG DON DAM PAR NI GZUGS LA SOGS PA'I 'JIG RTEN DANG 'JIG RTEN LAS 'DAS PA'I CHOS THAMS CAD LA DNGOS POR LTA ZHING MTSAN MAR 'DZIN PA MA YIN NO ZHES BSTAN PA'O, , SHES RAB KYI PHA ROL TU PHYIN PA 'DI NI BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB 'THOB PAR BYED PA MA YIN NO ZHES BYA BA LA SOGS PA NI SHES RAB KYI PHA ROL TU PHYIN PA 'DI CHOS GANG LA YANG BLANG DOR MED PA BSTAN PA STE, DE LTAR CHOS KYI GNAS NYID TSAD MAR BYAS NA SHES RAB KYI PHA ROL TU PHYIN PA 'DI NI CHOS GANG YANG SKYED PA MA YIN 'GOG PA MA YIN NO ZHES BYA BA NI, GONG DU BLANG DOR MED PA BSTAN PA'I GTAN TSIGS BSTAN PA STE, DE BZHIN NYID BRTZAN PAR BYAS NA, CHOS THAMS CAD STONG PA NYID DU RO GCIG PAS, RNAM PAR BYANG BA'I PHYOGS SU GTOGS PA'I CHOS RNAMS BSKYED DU YANG MED, KUN NAS NYON MONGS PA'I PHYOGS SU GTOGS PA'I CHOS RNAMS DGAG TU YANG MED PA'I PHYIR, CHOS GANG YANG BSKYED PA MA YIN 'GOG PA MA YIN NO ZHES BSTAN PA STE, CHOS KYI GNAS NYID MTSAN MAR BYAS NA ZHES BYA BA NI DE BZHIN @234B BRTZAN PAR BYAS NA ZHES BYA BA'I DON TO, ,GSOL PA BCOM LDAN 'DAS DE LTAR SHES RAB KYI PHA ROL TU PHYIN PA 'DI CHOS GANG YANG SKYE BA MA LAGS 'GOG PA MA LAGS NA ZHES BYA BA LA SOGS PAS NI DE LTAR SHES RAB KYI PHA ROL TU PHYIN PA 'DI CHOS GANG YANG DNGOS PO MED PAS GANG LA YANG MI RTOG STE, MI 'GOG MI SKYED NA BYANG CHUB SEMS DPA'I SHES RAB KYIS SBYIN PA LA SOGS PA PHA ROL TU PHYIN PA DRUG JI LTAR SPYAD PAR BYA ZHES DON DAM PA'I BDEN PA LA BRTEN NAS ZHUS PA'O, ,BCOM LDAN 'DAS KYIS BKA' STZAL PA, RNAM PA THAMS CAD MKHYEN PA NYID DU DMIGS TE, SBYIN PA BYIN PAR BYA'O ZHES BYA BA LA SOGS PAS NI DON DAM PAR CHOS GANG YANG BSKYED PAR BYA BA'AM, DGAG PAR BYA BA MED DU ZIN KYANG KUN RDZOB TU RNAM PA THAMS CAD MKHYEN PA NYID THOB PAR BYA BA'I PHYIR BSNGOS TE, PHA ROL TU PHYIN PA DRUG LA DGE BA'I RTZA BA DE DAG KYANG SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA, SHES RAB KYIS DON DAM PAR BSTOD PAR RTOGS LA, THABS KYIS KUN RDZOB TU DGE BA'I RTZA BA RNAMS SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA, THABS DANG SHES RAB ZUNG DU 'BREL ZHING 'KHOR GSUM DAG PAS PHA ROL TU PHYIN PA DRUG BSGOM PA YONGS SU RDZOGS PAR 'GYUR RO ZHES BSTAN PA'O, ,BYANG CHUB SEMS DPA' SEMS DPA' CHEN PO BYAMS PA BSGOM PA GANG YIN PA DE NI, RNAM PA THAMS CAD MKHYEN PA NYID DO ZHES BYA BA LA SOGS PAS NI, RNAM PA THAMS CAD MKHYEN PA NYID KYI MTSAN NYID BSTAN PA STE, BYANG CHUB SEMS DPA'I BYAMS PA BSGOM PA SNGAR BSHAD PA'I MTSAN NYID GANG YIN PA DE RNAM PA THAMS CAD MKHYEN PA NYID THOB PA'I RGYU YIN PA'I PHYIR, RGYU LA 'BRAS BU BTAGS TE BYAMS PA BSGOM PA DE NYID RNAM PA THAMS CAD MKHYEN PA NYID YIN NO ZHES BSTAN PA'O, ,DE BZHIN DU PHA ROL TU PHYIN PA DRUG DANG MA BRAL BA YANG RNAM PA THAMS CAD MKHYEN PA NYID THOB PA'I RGYU YIN PAS RGYU LA 'BRAS BU BTAGS TE PHA ROL TU PHYIN PA DRUG DANG MA BRAL BA NYID RNAM PA THAMS CAD MKHYEN PA NYID DANG MA BRAL BA YIN @235A *, ,PAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'DOD PAS, PHA ROL TU YIN PA DRUG LA BRTZON PAR BYA'O ZHES BSTAN PA'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN POS JI LTAR PHA ROL TU PHYIN PA DRUG LA BRTZON PAR BGYI ZHES BYA BA NI, GONG DU PHA ROL TU PHYIN PA DRUG LA BRTZON PAR BYA'O ZHES BSHAD PA LAS GLENG BSLANGS NAS, DON DAM PAR PHA ROL TU PHYIN PA DRUG LA JI LTAR BSGOM ZHING BRTZON PAR BYA BA ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN POS JI LTAR GZUGS LDAN PA YANG MA YIN, MI LDAN PA YANG MA YIN ZHES BYA BA NAS, RNAM PA THAMS CAD MKHYEN PA NYID LDAN PA YANG MA YIN, MI LDAN PA YANG MA YIN NO ZHES BYA BAR RAB TU BRTAGS PAR BYA STE ZHES BYA BA'I BAR GYIS NI, GZUGS LA SOGS PA'I CHOS THAMS CAD DON DAM PAR RANG BZHIN GYIS YONGS SU DAG PA'I PHYIR NYON MONGS PA LA SOGS PA'I DRI MA DANG LDAN PA YANG MA YIN, DI MA SPANGS TE MI LDAN PA YANG MA YIN PAR BSGOM ZHING BRTAG PAR BYA'O ZHES BSTAN PA'O, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO GZUGS LA GNAS PAR BYA'O ZHES BRTZON PAR BYA'O ZHES BYA BA LA SOGS PAS NI, DE LTAR GZUGS LA SOGS PA'I CHOS THAMS CAD RANG BZHIN GYIS YONGS SU DAG PAS CI LA YANG MI GNAS PA'I PHYIR GNAS SHING BRTEN PAR BYA BA'I DNGOS PO GANG YANG MED PAS RNAM PA THAMS CAD MKHYEN PA NYID LA THUG GI BAR DU RNAM PAR SMIN PA'I PHUNG PO BDE BA LA SOGS PA THOB PAR BYA BA'I BSAM PA LA GNAS PA'AM, RNAM PA THAMS CAD MKHYEN PA NYID KYI 'BRAS BU THOB PAR BYA BA'I BSAM PA LA GNAS TE PHA ROL TU PHYIN PA DRUG LA RNAL 'BYOR DU MI BYA'O ZHES BYA BA'I THA TSIG GO, ,DE CI'I PHYIR ZHE NA; GZUGS NI GANG LA YANG MI GNAS SO ZHES BYA BA LA SOGS PAS NI GNAS PAR MI BYA BA'I GTAN TSIGS BSTAN PA SNYE, DON DAM PAR GZUGS LA SOGS PA'I CHOS RNAMS KYI DE BZHIN NYID GANG YANG MI GNAS PA YIN PA'I PHYIR BYANG CHUB SEMS DPAS KYANG CI LA YANG MI GNAS PAR @235B BYAS NA DE BZHIN NYID DANG MI 'GAL BAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BSTAN PA'O, ,RAB 'BYOR 'DI LTA STE DPER NA SKYES BU ZHIG SHING THOG AA MRA'AM, PA NA SA ZA BAR 'DOD NA ZHES BYA BA LA SOGS PAS NI 'BRAS BU RJES SU MTHUN PA'I RGYU SPYAD PA'I DPE KUN RDZOB TU BSTAN PA STE, KUN RDZOB KYI DPE DES DON DAM PAR YANG DE BZHIN NYID DANG MTHUN PA'I RGYU CHOS GANG LA YANG MI GNAS PAR RNAL 'BYOR DU BYAS NA BLA NA MED PA'I BYANG CHUB 'THOB PAR 'GYUR LA, KUN RDZOB TU YANG PHA ROL TU PHYIN PA DRUG LA BSLABS TE PHA ROL TU PHYIN PA DRUG GIS SEMS CAN RNAMS LA PHAN GDAGS PAR BYA STE, DE LTAR BYAS NA GZHAN LA MI LTOS PA BYANG CHUB KYI TSOGS RDZOGS PA DANG, SANGS RGYAS KYI ZHING YONGS SU DAG PAR BYA BA DANG, BYANG CHUB KYI SNYING POR 'DUG PAR BYA BA DANG, CHOS KYI 'KHOR LO BSKOR NUS PAR 'GYUR RO ZHES BSTAN PA'O, ,GSOL PA BCOM LDAN 'DAS SHES RAB KYI PHA ROL TU PHYIN PAS SHES RAB KYI PHA ROL TU PHYIN PA LA BSLAB PAR BYA'O ZHES GSUNG NGAM ZHES BYA BA NI GONG DU BSHAD PA LTAR NA, CHOS THAMS CAD DE BZHIN NYID DU RO GCIG PAS THA DAD DU DBYER MED NA SHES RAB KYI PHA ROL TU PHYIN PA NYID KYIS, SHES RAB KYI PHA ROL TU PHYIN PA LA BSLAB TU NI BDAG NYID KYIS BDAG NYID LA BSLAB TU MI RUNG STE, DPER NA RAL GRI DE NYID KYI SOS RAL GRI DE NYID BCAD DU MI RUNG BA DANG 'DRA'O ZHES GAL BZUNG STE ZHUS PA'O, ,RAB 'BYOR SHES RAB KYI PHA ROL TU PHYIN PAS BSLAB PAR BYA'O ZHES SMRAS PA'O ZHES BYA BA NI, SHES RAB DANG THABS SU LDAN PAS, DE LTAR BSLAB TU RUNG BAR BSHAD DO ZHES MDOR BSTAN PA'O, ,CHOS THAMS CAD LA DBANG DU 'GYUR BA THOB PAR 'DOD PAS, SHES RAB KYI PHA ROL TU PHYIN PA LA BSLAB PAR BYA'O ZHES SMRA'O ZHES BYA BA NI GONG DU MDOR BSTAN PA'O DON DE NYID 'GREL PA STE, SHES RAB KYIS CHOS THAMS CAD DON DAM PAR STONG PA NYID DU RO GCIG PAR RTOGS PAR BYAS LA, THABS KYIS KUN RDZOB TU DNGOS PO LA MA CHAGS PA'I TSUL GYIS SHES RAB KYI PHA ROL TU PHYIN PA LA BSLABS NA CHOS THAMS CAD LA DBANG DU 'GYUR RO ZHES BSTAN PA STE, CHOS THAMS CAD LA DBANG DU 'GYUR RO @236A *, ,ZHES BYA BA YANG THABS DANG SHES RAB ZUNG DU 'BREL PAS DNGOS PO GANG LA YANG MA CHAGS PAR MI DMIGS PA'I TSUL GYIS SLOB PA LA BYA'O, ,DE CI'I PHYIR ZHE NA, GANG GIS CHOS THAMS CAD DBANG DU 'GYUR BA'I SA THOB PAR 'GYUR BA DE NI SHES RAB KYI PHA ROL TU PHYIN PA'O ZHES BYA BA NI SHES RAB KYI PHA ROL TU PHYIN PA LA BSLABS NA, CHOS THAMS CAD LA DBANG DU 'GYUR BA'I SHES RAB 'THOB PAR 'GYUR RO ZHES BSTAN PA STE, DBANG DU 'GYUR BA'I SA ZHES BYA BA NI DE BZHIN NYID RTOGS PA'I SHES RAB KYI LA BYA'O, ,SHES RAB KYI PHA ROL TU PHYIN PA 'DI NI CHOS THAMS CAD KYI SGO STE ZHES BYA BA NI, SHES RAB KYI PHA ROL TU PHYIN PA LA BSLABS NA CHOS THAMS CAD DE BZHIN NYID DU RO GCIG PAR RTOGS PAR 'GYUR RO ZHES BSTAN PA'O, ,'DI LTAR DPER NA RGYA MTSO CHEN PO NI CHU KLUNG THAMS CAD KYI SGO'O ZHES BYA BA LA SOGS PAS CHU KLUNG THAMS CAD KYANG RGYA MTSO CHEN POR 'DU ZHING LAN TSVA'I ROR RO GCIG PAR 'GYUR BA DE BZHIN DU, CHOS THAMS CAD SHES RAB KYI PHA ROL TU PHYIN PA'I NANG DU 'DU ZHING DE BZHIN NYID DU RO GCIG PAR 'GYUR BAS, THEG PA GSUM CHAR LA SLOB PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BSTAN PA'O, ,RAB 'BYOR DE LTA BAS NA BYANG CHUB SEMS DPA' SEMS DPA' CHEN POS SBYIN PA'I PHA ROL TU PHYIN PA LA BSLAB PAR BYA'O ZHES BYA BA LA SOGS PAS DE LTAR SHES RAB KYI PHA ROL TU PHYIN PA CHOS THAMS CAD KYI SGO YIN PAS SHES RAB KYI PHA ROL TU PHYIN PAS YONGS SU ZIN PAR BYAS TE, RNAM PA THAMS CAD MKHYEN PA NYID LA THUG GI BAR DU RNAM PAR BYANG BA'I CHOS THAMS CAD LA BSLAB PAR BYA'O ZHES BSTAN PA'O, ,RAB 'BYOR 'DI LTA STE DPER NA 'PHONG GI SLOB DPON LAG TSOD DANG 'BYOR PA'I GZHU THOGS PA NI DGRA DANG PHYIR RGOL BA RNAMS KYIS THUB PAR DKA'O ZHES BYA BA LA SOGS PAS THABS DANG SHES RAB BZUNG DU 'BREL PAR SPYOD PAS CHOS THAMS CAD LA DBANG DU GYUR PA NAS NYON MONGS PA LA SOGS PA'I DGRAS MI TSUGS PA'I DPES BSTAN PA STE, MI DPA' BO 'PHONG SKYEN PA DAG GIS LAG TSOD LA BAB PA'I GZHU THOGS PA NA NYAMS 'OG TU CHUNG CING DBANG DU 'GYUR BAS DGRA LA SOGS PAS THUB PAR BKA' BA DE BZHIN DU, THABS DANG SHES RAB @236B ZUNG DU 'BREL ZHING CHOS THAMS CAD LA DBANG DU GYUR PA'I BYANG CHUB SEMS DPA' SHES RAB KYI PHA ROL TU PHYIN PA LA SPYOD PA YANG BDUD LA SOGS PAS THUB PAR DKA'O ZHES BSTAN PA'O, ,DE LTAR SHES RAB KYI PHA ROL TU PHYIN PA LA SPYOD PA DE LA 'DAS PA DANG MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS DGONGS PA MDZAD DO ZHES BYA BA NI DE LTAR CHOS THAMS CAD LA DBANG DU GYUR PA'I BYANG CHUB SEMS DPA' SHES RAB KYI PHA ROL TU PHYIN PA LA SLOB PA LA, CHOS GANG LA YANG MA CHAGS SHING MI DMIGS PAR SPYOD PAR BYIN GYIS RLOB CING MTHU GTONG NGO ZHES BSTAN PA'O, ,GSOL PA SANGS RGYAS BCOM LDAN 'DAS RNAMS JI LTAR BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA LA DGONGS PA MDZAD CES BYA BA LA SOGS PAS NI SANGS RGYAS BCOM LDAN 'DAS RNAMS JI LTAR DGONGS PA MDZAD PA ZHIB TU BSTAN PA'I SKABS DBYE BA'I PHYIR ZHUS PA'O, , BCOM LDAN 'DAS KYIS BKA' STZAL PA, RAB 'BYOR 'DI LA SANGS RGYAS BCOM LDAN 'DAS RNAMS NI BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD PA LA DGONGS PA MDZAD DE, CI NAS KYANG SBYIN PA'I PHA ROL TU PHYIN PA LA MI DMIGS PA DE LTAR DGONGS PA MDZAD DO ZHES BYA BA LA SOGS PAS NI, BYANG CHUB SEMS DPA' THABS DANG SHES RAB ZUNG DU 'BREL ZHING CHOS THAMS CAD LA DBANG DU GYUR PA LA, DON DAM PAR CHOS GANG YANG MI DMIGS LA, KUN RDZOB TU PHA ROL TU PHYIN PA LA SOGS PA MI SPYOD PA YANG MA YIN TE, DE DAG LA YANG SPYOD LA CI LA YANG MA CHAGS SHING MI DMIGS PA DANG, NYON MONGS PA DANG BDUD LA SOGS PA'I DBANG DU MI 'GYUR BAR BYIN GYIS RLOB CING DGONGS PA MDZAD DO ZHES BSTAN PA'O, ,RAB 'BYOR GZHAN YANG SANGS RGYAS BCOM LDAN 'DAS RNAMS NI, BYANG CHUB SEMS DPA' SEMS DPA' CHEN PO LA GZUGS SU DGONGS PA MI MDZAD DO ZHES BYA BA LA SOGS PAS NI, BYANG CHUB SEMS DPA' NYID KYANG GZUGS LA SOGS PA RNAM PA THAMS CAD MKHYEN PA NYID LA THUG GI BAR DU DON DAM PAR CHOS GANG GIS DNGOS POR YANG DMIGS TE DGONGS PA MI MDZAD KYI, KUN RDZOB TU 'JIG RTEN GYI THA SNYAD TZAM DU DGONGS PA MDZAD DO ZHES BSTAN @237A *, ,PA'O; ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO GNAS MANG PO LA YANG BSLAB PAR BGYI LA, GANG LA YANG BSLAB PAR MI BGYI'O ZHES BYA BA LA SOGS PAS NI, KUN RDZOB TU PHA ROL TU PHYIN PA DRUG LA SOGS PA RNAM PAR BYANG BA'I CHOS RNAM PA MANG PO LA BSLABS LA, DON DAM PAR DE LTAR BSLAB PAR BYA BA'I CHOS GANG YANG DMIGS SU MED DO ZHES BSTAN PA'O, ,GSOL PA BCOM LDAN 'DAS DE LTAR DE BZHIN GSHEGS PAS CHOS 'DI DAG MDO DANG RGYAS PAR BSTAN NA ZHES BYA BA LA SOGS PA NI, DON DAM PAR CHOS THAMS CAD DE BZHIN NYID DU RO GCIG PAR RTOGS PAR BYA BA BSTAN PA NI MDOR BSTAN PA'O, ,KUN RDZOB TU CHOS RNAMS KYI MTSAN NYID SO SOR PHYE STE BSTAN PA NI RGYAS PAR BSTAN PA'O, ,GSOL PA BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO CHOS THAMS CAD KYI MDO DANG RGYAS PAR 'CHAL BAR 'GYUR BA LAGS ZHES BYA BA NI, CHOS THAMS CAD KYI MDO DANG RGYAS PAR SHES PAR BYA BA'I DON ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, GZUGS KYI DE BZHIN NYID SHES NA CHOS THAMS CAD KYI MDO DANG RGYAS PA SHES PAR 'GYUR RO ZHES BYA BA LA SOGS PA NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DE BZHIN NYID DU RO GCIG PAR SHES PA NI MDOR SHES PA'O, ,CHOS DE DAG GI SO SO'I MTSAN NYID SHES PA NI RGYAS PAR SHES PA YIN NO ZHES BSTAN PA'O, ,GSOL PA BCOM LDAN 'DAS GZUGS KYI DE BZHIN NYID JI LTA BU LAGS ZHES BYA BA NI, GONG DU GZUGS LA SOGS PA'I CHOS THAMS CAD KYI DE BZHIN NYID SHES NA, CHOS THAMS CAD KYI MDO DANG RGYAS PA SHES PAR 'GYUR RO ZHES BSHAD PA, CHOS DE DAG GI DE BZHIN NYID GANG YIN PA ZHIB TU BSHAD PA'I SKABS DBYE BA'I PHYIR RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, DE BZHIN NYID GANG LA SKYE BA MI DMIGS 'JIG PA MI DMIGS GNAS PA LAS GZHAN DU 'GYUR BA MI DMIGS PA 'DI NI GZUGS KYI DE BZHIN NYID DE, DE LA BYANG CHUB SEMS DPA' SEMS DPA' CHEN POS BSLAB PAR BYA'O ZHES BYA BA LA SOGS @237B PAS NI, GZUGS LA SOGS PA'I CHOS THAMS CAD KYI DE BZHIN NYID GANG YIN PA BSTAN PA STE, GZUGS LA SOGS PA'I CHOS RNAMS DON DAM PAR RANG BZHIN GYIS STONG ZHING YONGS SU DAG PAS SKYE BA DANG 'JIG PA DANG, GNAS PA LAS GZHAN DU 'GYUR BA MED PA NYID, GZUGS LA SOGS PA'I DE BZHIN NYID YIN TE BYANG CHUB SEMS DPA' SEMS DPA' CHEN POS BSLAB PAR BYA BA YANG DE NYID YIN NO ZHES BSTAN PA'O, ,YANG DAG PA'I MTHA' SHES NA CHOS THAMS CAD KYI MDO DANG RGYAS PA SHES PAR 'GYUR RO ZHES BYA BA NI, 'DUS MA BYAS PA'I RANG BZHIN YANG DAG PA'I MTHA' ZHES BYA BA DE, KUN RDZOB DANG DON DAM PA'I TSUL DU SHES NA, CHOS THAMS CAD KYI MOD DANG RGYAS PA SHES PAR 'GYUR RO ZHES BSTAN PA'O, ,GSOL PA BCOM LDAN 'DAS YANG DAG PA'I MTHA' GANG LAGS ZHES BYA BA NI, NYAN THOS LA SOGS PA KHA CIG YANG DAG PA'I MTHA' DNGOS POR LTA ZHING MNGON SUM DU BYA BAR 'DOD PA YANG YOD, DE CI LTA BU YIN NAM 'ON TE GZHAN ZHIG YIN ZHES ZHUS PA'O, ,BCOM LDAN 'DAS KYIS BKA' STZAL PA, MTHA' MED PA NI YANG DAG PA'I MTHA' STE ZHES BYA BA NI, NYAN THOS LA SOGS PA'I YANG DAG PA'I MTHA' LTA BU DNGOS PO CAN NI MA YIN GYI CHOS THAMS CAD RANG BZHIN GYIS DAG PA, SKYE BA DANG 'GAG PA'I MTHA' GNYIS MED PA DE NI YANG DAG PA'I MTHA' STE YANG DAG PA'I DON DE LTA BU SHES NA, CHOS THAMS CAD KYI MDO DANG RGYAS PA SHES PAR 'GYUR RO ZHES BSTAN PA'O, ,CHOS KYI DBYINGS SHES NA BYANG CHUB SEMS DPA' SEMS DPA' CHEN PO CHOS THAMS CAD KYI MDO DANG RGYAS PA SHES PAR 'GYUR RO ZHES BYA BA NI CHOS KYI DBYINGS DON DAM PA DANG KUN RDZOB KYI TSUL DU SHES NA CHOS THAMS CAD CHOS KYI DBYINGS KYI NANG DU 'DUS PAS DON DAM PA'I TSUL DU SHES PAS NI MDOR SHES SO, ,KUN RDZOB KYI TSUL DU SHES PAR 'GYUR RO ZHES BSTAN PA'O, ,GSOL PA BCOM LDAN 'DAS CHOS KYI DBYINGS GANG LAGS ZHES BYA BA NI THEG PA CHUNG NGU'I GZHUNG LTAR NA RDZAS BDUN PA YANG CHOS KYI DBYINGS ZHES BYA, CHOS RNAMS SKYE ZHING 'BYUNG BA'I RGYU'AM GNAS LA YANG DBYINGS ZHES BYA, RANG GI MTSAN NYID 'DZIN PA LA YANG DBYINGS ZHES BYA, SKABS 'DIR CHOS KYI @238A *, ,DBYINGS ZHES BYA BA GANG LA BYA ZHES ZHUS PA'O, ,BCOM LDAN 'DAS KYIS BKA' STZAL PA, DBYINGS MED PA NI CHOS KYI DBYINGS TE ZHES BYA BA NI THEG PA CHUNG NGU'I GZHUNG LAS BYUNG BA'I CHOS KYI DBYINGS GONG DU SMOS PA RNAM PA GSUM LA SOGS PA'I DNGOS PO MED PA LA CHOS KYI DBYINGS ZHES BYA'O ZHES BSTAN PA'O, ,CHOS KYI DBYINGS DE LA CHAD PA DANG YONGS SU CHAD PA MI DMIGS SO ZHES BYA BA NI CHOS KYI DBYINGS DE MI 'GYUR BA YONGS SU GRUB PA'I PHYIR CHAD PA DANG GZHAN DU 'GYUR BA MED DO ZHES BSTAN PA'O, ,CHOS KYI DBYINGS DE LTAR SHES PA'I BYANG CHUB SEMS DPA' SEMS DPA' CHEN PO NI CHOS THAMS CAD KYI MDO DANG RGYAS PA SHES PAR 'GYUR RO ZHES BYA BA NI GONG DU BSTAN PA'I DON MJUG BSDUS NAS BSTAN PA STE, DE LTAR GONG DU SMOS PA'I TSUL DU DON DAM PAR CHOS THAMS CAD CHOS KYI DBYINGS SU RO GCIG PAR SHES NA CHOS THAMS CAD KYI MDO SHES SO, ,KUN RDZOB TU CHOS DE LA MA CHAGS PAR BYA STE, CHOS THAMS CAD KYI SO SO'I MTSAN NYID SHES PA NI RGYAS PAR SHES PA'O ZHES BSTAN PA'O, ,GSOL PA BCOM LDAN 'DAS JI LTAR CHOS THAMS CAD KYI MDO DANG RGYAS PA 'TSAL BAR BGYI ZHES BYA BA NI CHOS THAMS CAD KYI MDO DANG RGYAS PAR SHES PA GONG DU MDOR BSHAD PAS TSIM PAR MA GYUR PA'I SEMS CAN RNAMS LA PHAN GDAGS PA'I PHYIR ZHUS PA'O, ,BCOM LDAN 'DAS KYIS BKA' STZAL PA, CI NAS KYANG CHOS THAMS CAD LDAN PA YANG MA YIN, MI LDAN PA YANG MA YIN PAR SHES PAR BYA'O ZHES BYA BA NI CHOS THAMS CAD DNGOS PO ZHIG YOD NA NI PHAN TSUN LDAN PAR 'GYUR NA, CHOS THAMS CAD RANG BZHIN GYIS STONG ZHING DNGOS PO MED PAS GANG DANG YANG LDAN PAR 'GYUR BA DE LTA BU MED DE DE BAS CHOS THAMS CAD LDAN PA YANG MA YIN MI LDAN PA YANG MA YIN PAR SHES PAR BYA'O ZHES BSTAN PA'O, ,GSOL PA BCOM LDAN 'DAS LDAN PA YANG MA LAGS, MI LDAN PA YANG MA LAGS PA'I CHOS DE DAG KYANG GANG LAGS ZHES BYA BA NI, GONG DU CHOS THAMS CAD CES SPYIR SMOS PA MING GIS RE RE NAS SMOS TE ZHIB TU BSHAD PA'I PHYIR ZHUS PA'O, ,BCOM LDAN 'DAS KYIS BKA' STZAL PA, GZUGS LDAN PA YANG MA YIN MI LDAN PA YANG MA @238B YIN NO ZHES BYA BA LA SOGS PAS, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD DNGOS PO MED PAS, GANG DANG YANG LDAN PA'AM MI LDAN PA MA YIN NO ZHES BSTAN PA'O, ,'DUS BYAS KYI KHAMS LDAN PA YANG MA YIN MI LDAN PA YANG MA YIN NO, , 'DUS MA BYAS KYI KHAMS LDAN PA YANG MA YIN MI LDAN PA YANG MA YIN NO ZHES BYA BA NI, GONG DU GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS THAMS CAD RE RE NAS SMOS TE, RGYAS PAR BSHAD PA'I DON DE NYID MDOR BSDUS PA'AM DGA' BA'I SEMS CAN RNAMS LA PHAN GDAGS PA'I PHYIR, 'DUS BYAS DANG 'DUS MA BYAS KYI KHAMS MDOR BSDUS TE BSTAN PA'O, ,DE CI'I PHYIR ZHE NA, GANG LDAN PA'AM MI LDAN PAR 'GYUR BA DE LTA BU'I NGO BO NYID MED DE ZHES BYA BA LA SOGS PA NI GONG DU BSHAD PA'I GTAN TSIGS BSTAN PA STE, DNGOS PO 'GA' ZHIG YOD NA LDAN PA'AM MI LDAN PA ZHES BYAR RUNG NA DON DAM PAR CHOS THAMS CAD RANG BZHIN GYIS STONG STE, DNGOS PO MED PAS LDAN PA'AM MI LDAN PAR 'GYUR BA GANG YANG MED DO ZHES BYA BA'I THA TSIG GO, ,RAB 'BYOR 'DI NI BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA MDOR BSDUS PA STE ZHES BYA BA NI, GONG DU BSHAD PA'I TSUL DU CHOS THAMS CAD RANG BZHIN GYIS STONG STE DNGOS PO MED PAS LDAN PA MA YIN, MI LDAN PA YANG MA YIN PAR BSHAD PA DE NYID CHOS THAMS CAD STONG PA NYID DU RO GCIG PAR MDOR BSDUS TE BSTAN PA STE, 'DI NYID SHES BYA DANG NYON MONGS PA'I SGRIB PA THAMS CAD BSAL BA'I MTHAR PHYIN CING, DON THAMS CAD KYI PHA ROL TU PHYIN TE YONGS SU RDZOGS PAS NA PHA ROL TU PHYIN PA ZHES BYA'O, ,MDOR BSDUS PA'I PHA ROL TU PHYIN PA 'DI LA LAS DANG PO PA'I BYANG CHUB SEMS DPA' SEMS DPA' CHEN POS BSLAB PAR BYA'O ZHES BYA BA NI, STONG PA NYID DU MDOR BSDUS TE BSTAN PA'I DON 'DI LA MOS PA SPYOD PA'I SA LA GNAS PA'I BYANG CHUB SEMS DPA' RNAMS KYIS KYANG MOS PA YID LA BYED PAS BSLAB PAR BYA'O ZHES BYA BA'I DON TO, ,LAS DANG PO PA ZHES BYA BA NI, MOS PA SPYOD PA'I SA LA GNAS PA'I BYANG CHUB SEMS DPA' LA BYA'O, ,BYANG CHUB @239A *, ,CHUB SEMS DPA'I SA BCU LA GNAS TE, MDOR BSDUS PA LA BSLAB PAR BYA'O ZHES BYA BA NI BYANG CHUB SEMS DPA'I SA DANG PO NAS SA BCU'I PAR DU GNAS PAS KYANG MDOR BSDUS PA'I DON 'DI NYID LA DE KHO NA NYID RTOGS PA'I TSUL GYIS BSLAB PAR BYA'O ZHES BSTAN PA'O, ,MDOR BSDUS PA'I DON 'DI LA SLOB PA'I BYANG CHUB SEMS DPA' SEMS DPA' CHEN PO NI CHOS THAMS CAD KYI MDO DANG RGYAS PA SHES PAR 'GYUR RO ZHES BYA BA NI, GONG DU BSTAN PA'I DON DE LTA BU LA SLOB PA'I PHAN YON BSTAN PA'O, ,GSOL PA BCOM LDAN 'DAS 'DI NI BYANG CHUB SEMS DPA' SEMS DPA' CHEN PO DBANG PO RNON POS RTOGS PA'O ZHES BYA BA NI, 'KHOR GYI NANG NA SEMS CAN DBANG PO RNO RTUL DU MA ZHIG YOD PAS DE DAG GI NANG NA DBANG PO RTUL PO KHA CIG 'DI LTA BU'I DON ZAB MO BDAG CAG GI SPYOD YUL DU MI 'GYUR RO SNYAM NAS SGYID LUGS PA'I SEMS SKYE BA DAG BSAL BA'I PHYIR DE SKAD ZHUS SO, ,BCOM LDAN 'DAS KYIS BKA' STZAL PA, RAB 'BYOR 'DI NI BYANG CHUB SEMS DPA' SEMS DPA' CHEN PO DBANG PO ZHEN PAS KYANG RTOGS PAR 'GYUR BA'O ZHES BYA BA LA SOGS PAS NI MDOR BSDUS PA'I DON ZAB MO 'DI DBANG PO RNO RTUL KUN GYI SPYOD YUL DU 'GYUR TE DAD PA CHE ZHING BRTZON 'GRUS SPYAD DE SLOB PAR 'DOD PA KUN GYIS KYANG LOBS SHING RTOGS PAR 'GYUR TE, GANG GIS KYANG RTOGS PAR MI 'GYUR BA MED KYI, LE LO CAN DANG BRTZON 'GRUS ZHAN PA DANG, DRAN PA NYAMS PA DANG, SEMS 'KHRUGS PA 'BA' ZHIG GIS RTOGS PAR MI 'GYUR RO ZHES BSTAN PA STE, DE LA LE LO CAN NI DGE BA MA YIN PA'I CHOS GZHAN LA ZHEN PA'O, ,BRTZON 'GRUS ZHAN PA NI DGE BA LA SEMS MI SPRO BA'O, ,PHYIR MI LDOG PA'I SA LA SLOB PAR 'DOD PA RNAM PA THAMS CAD MKHYEN PA NYID THOB PAR 'DOD PAS RTOGS PAR 'GYUR TE ZHES BYA BA NI GONG DU SLOB PAR 'DOD PAS RTOGS PAR 'GYUR RO ZHES SPYIR BSHAD PA GANG LA SLOB PAR 'DOD PA'I DMIGS PHYE STE ZHES BSTAN PA'O, ,GAL TE JI SKAD DU BSTAN PA'I SHES RAB KYI PHA ROL TU PHYIN PA LA SLOB CING ZHES BYA BA LA SOGS PAS NI GONG DU JI SKAD BSTAN PA'I SHES RAB KYI PHA ROL TU PHYIN PA LA SLOB CING PHA ROL TU PHYIN PA DRUG YONGS SU RDZOGS PAR BYAS NAS, RNAM PA @239B THAMS CAD MKHYEN PA NYID THOB PAR BYED NA, BDUD KYIS MI TSUGS PA DANG, SANGS RGYAS BCOM LDAN 'DAS RNAMS KYIS DGONGS SHING BYIN GYIS BRLABS PAR 'GYUR BA'I PHAN YON BSTAN PA'O, ,DE CI'I PHYIR ZHE NA, 'DI LTA STE, PHA ROL TU PHYIN PA DRUG PO 'DI DAG LAS BYUNG BA NI 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS TE ZHES BYA BAS NI SANGS RGYAS BCOM LDAN 'DAS RNAMS DGONGS SHING BYIN GYIS RLOB PAR 'GYUR BA'I GTAN TSIGS BSTAN PA STE, DUS GSUM GYI SANGS RGYAS RNAMS KYANG SHES RAB KYI PHA ROL TU PHYIN PA 'DI BSLABS BSLABS PA LAS SANGS RGYAS SU GYUR PAS NA BYANG CHUB SEMS DPA' SHES RAB KYI PHA ROL TU PHYIN PA LA SLOB PA LA DE LTAR DGONGS SHING BYIN GYIS RLOB PAR MDZAD DO ZHES BSTAN PA'O, ,DE BAS NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS ZHES BYA BA LA SOGS PAS NI DE BZHIN GSHEGS PA'I YON TAN STOBS BCU DANG MI 'JIGS PA BZHI LA SOGS PA'I CHOS RNAMS DUS GSUM GYI SANGS RGYAS RNAMS KYIS SNGAR BRNYES ZIN PA DANG, DA LTAR BRNYES PA DANG PHYIS BRNYES PAR 'GYUR BA DE DAG THAMS CAD KYANG SHES RAB KYI PHA ROL TU PHYIN PA 'DI LA BSLABS PA LAS GYUR PAS BDAG GIS KYANG SHES RAB KYI PHA ROL TU PHYIN PA 'DI LA BSLABS NA CHOS DE DAG 'THOB PAR 'GYUR RO SNYAM PA'I SEMS BSKYED DE BRTZON PAR BYAS NA MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR 'GYUR GYI RNAM PA THAMS CAD MKHYEN PA NYID YID LA BYA BA DANG MA BRAL BAR BYA STE, SHES RAB KYI PHA ROL TU PHYIN PA 'DI LA BRTZON PAR BYA'O ZHES BSTAN PA'O, ,GAL TE BYANG CHUB SEMS DPA' SEMS DPA' CHEN PO RNAM PA THAMS CAD MKHYEN PA NYID KYI DON DU DE LTAR SPYOD NA CHUNG NGU NA SE GOL GTOGS PA TZAM DU SHES RAB KYI PHA ROL TU PHYIN PA BSGOMS YANG BYANG CHUB SEMS DPA' SEMS DPA' CHEN PO DE'I BSOD NAMS NI CHES MANG DU 'PHEL GYI ZHES BYA BA LA SOGS PAS NI STONG GSUM GYI STONG CHEN PO'I 'JIG RTEN GYI KHAMS NA SEMS CAN 'KHOD DO COG THAMS CAD ZAG PA MED PA'I PHUNG PO LA BKOD PA DANG, RGYUN DU ZHUGS PA LA SOGS PA'I 'BRAS BU LA @240A *, ,BKOD PA PAS KYANG SHES RAB KYI PHA ROL TU PHYIN PA 'DI LA SE GOL GTOGS PA TZAM GOMS PAR BYAS PA BSOD NAMS CHE BA'I PHAN YON GTAN TSIGS DANG BCAS PA BSTAN PA'O, ,RAB 'BYOR GZHAN YANG SKAD 'GA'AM NYI MA 'GA'AM ZHES BYA BA LA SOGS PA NI, 'JIG RTEN GYI KHAMS GANG G'A'I KLUNG GI BYE MA SNYED NA 'KHOR BA'I SEMS CAN THAMS CAD ZAG PA MED PA'I PHUNG PO LNGA LA BKOD PA DANG, RGYUN DU ZHUGS PA LA SOGS PA'I 'BRAS BU LA BKOD PA PAS KYANG SHES RAB KYI PHA ROL TU PHYIN PA 'DI LA SPYAD CING BSGOMS PA CHES BSOD NAMS MANG DU 'PHEL PA'I PHAN YON GTAN TSIGS DANG BCAS PAR BSTAN PA STE, DE'I GTAN TSIGS KYANG BSOD NAMS BYA BA'I DNGOS PO RNAMS DANG, ZAG PA MED PA'I PHUNG PO LNGA DANG, RGYUN DU ZHUGS PA'I 'BRAS BU LA SOGS PA STON PA'I SANGS RGYAS BCOM LDAN 'DAS RNAMS KYANG SHES RAB KYI PHA ROL TU PHYIN PA 'DI LAS BYUNG NA, ZAG PA MED PA'I PHUNG PO LNGA LA SOGS PA LTA SMOS KYANG CI DGOS ZHES BSTAN PA'O, ,BYANG CHUB SEMS DPA' SEMS DPA' CHEN PO GANG DE LTAR BSTAN PA'I SHES RAB KYI PHA ROL TU PHYIN PA LA GNAS PA DE NI PHYIR MI LDOG PAR RIG PAR BYA STE ZHES BYA BA LA SOGS PAS NI DE LTAR GONG DU BSHAD PA'I TSUL LTAR SHES RAB KYI PHA ROL TU PHYIN PA LA SPYOD NA, PHYIR MI LDOG PA'I BYANG CHUB SEMS DPAR 'GYUR BA LA SOGS PA'I PHAN YON 'JIG RTEN DANG 'JIG RTEN LAS 'DAS PA YON TAN RNAMS DANG LDAN PAR 'GYUR BA BSTAN PA STE, GZHAN NI RANG LOG TU ZAD DE DE LA GZUGS YONGS SU RDZOGS PA NI MTSAN DANG DPE BYAD KYIS BRGYAN PA LA SOGS PA'I GZUGS SU 'GYUR BA'O, ,LUNG BSTAN PA PHUN SUM TSOGS PA NI DE BZHIN GSHEGS PAS LUNG BSTAN PA DANG LDAN PAR 'GYUR BA'O, ,CHED DU BSAMS SHING SRID PA 'DOD PA NI SMON LAM GYI DBANG GIS SEMS CAN THAMS CAD KYI DON CHED DU BSAMS SHING 'KHOR BAR SKYE'I NYON MONGS PA'I DBANG GIS MI SKYE PA'O, ,RNAM PAR RTOGS PAR BYA BA LA MKHAS PA NI MI RTAG PA DANG SDUG BSNGAL BA LA SOGS PA'I RNAM PA BCU DRUG SHES PA LA MKHAS PA'O, ,LUNG BSTAN PA LA MKHAS PA NI GZHAN GYI THE TSOM DRIS PA'O LAN LDON PA LA MKHAS PA'O, ,YI GE DANG YI GE MED PAR @240B RTOGS PAR BYA BA LA MKHAS PA NI KUN RDZOB TU TSIG BRJOD PA DANG, DON DAM PAR BRJOD DU MED PA'I DON LA MKHAS PA'O, ,BYANG CHUB SEMS DPA'I RNAM PAR SPYOD PA LA MKHAS PA NI BYANG CHUB SEMS DPA'I BSAM GTAN DANG TING NGE 'DZIN DE BZHIN NYID LA GNAS PA LA MKHAS PA'O, ,BRJOD PA LA MKHAS PA NI NGES PA'I TSIG DANG SGRA SKAD SNA TSOGS SU BRJOD CING CHOS STON PA LA MKHAS PA'O, ,BRJOD PA MED PA LA MKHAS PA NI DON DAM PA'I DBYINGS BRJOD DU MED PA LA MKHAS PA'O, ,GCIG GIS LHAG PA'I TSIG LA MKHAS PA DANG, GNYIS DANG MANG PO DANG, BUD MED DANG SKYES PA DANG, MA NING GIS LHAG PA'I TSIG LA MKHAS PA NI 'JIG RTEN GYI GTZUG LAG BY'A KA RA nA LA SOGS PA'I GZHUNG LAS GCIG GI TSIG DANG GNYIS KYI TSIG DANG, MANG PO'I TSIG DANG, BUD MED KYI MTSAN DANG, SKYES PA'I MTSAN DANG, MA NING GI MTSAN LA SOGS PA'I TSIG BLA DGAS LA MKHAS PA'O, ,BYANG CHUB SEMS DPA' SEMS DPA' CHEN PO DE NI 'DAS PA DANG MA 'ONGS PA DANG DA LTAR BYUNG BA LA MKHAS PAR RIG PAR BYA'O ZHES BYA BA NI 'DAS PA DANG, MA 'ONGS PA DANG, DA LTAR GYI DNGOS PO RNAMS SNGON JI LTAR GYUR PA DANG, DA LTA JI YIN PA DANG, PHYIS CIR 'GYUR BA LA MKHAS PA'O, ,BYANG CHUB SEMS DPA' SEMS DPA' CHEN PO DE NI GZUGS LA MKHAS PAR RIG PAR BYA'O ZHES BYA BA LA SOGS PAS NI PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DANG, 'DUS TE REG PA DRUG DANG, 'DUS TE REG PA'I RKYEN GYI TSOR BA DRUG DANG, SA'I KHAMS LA SOGS PA KHAMS DRUG DANG, MA RIG PA LA SOGS PA RTEN CING 'BREL PAR 'BYUNG BA BCU GNYIS DANG, PHA ROL TU PHYIN PA DRUG DANG, STONG PA NYID BCO BRGYAD DANG, BYANG CHUB KYI PHYOGS KYI CHOS SUM CU RTZA BDUN DANG, 'PHAGS PA'I BDEN PA BZHI DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU DANG, RNAM PAR THAR PA'I SGO GSUM DANG, MNGON PAR SHES PA DRUG DANG, TING NGE 'DZIN RNAMS DANG, GZUNGS KYI SGO RNAMS DANG, DE BZHIN GSHEGS PA'I STOBS BCU DANG, MI 'JIGS PA @241A *, ,BZHI DANG, SO SO YANG DAG PAR RIG PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG, RGYUN DU ZHUGS PA'I 'BRAS BU LA SOGS PA BZHI DANG, RANG BYANG CHUB DANG, LAM GYI RNAM PA SHES PA NYID DANG, RNAM PA THAMS CAD MKHYEN PA NYID DANG, MYA NGAN LAS 'DAS PA DANG, CHOS KYI DBYINGS KYI MTSAN NYID DANG, 'DUS BYAS DANG 'DUS MA BYAS KYI MTSAN NYID DANG, DNGOS PO DANG DNGOS PO MED PA DANG, BDAG GI DNGOS PO DANG, GZHAN GYI DNGOS PO LA MKHAS PAR GYUR PA LA SOGS PA'I PHAN YON BSTAN PA STE, DE LA 'DU BA LA MKHAS PA NI NYON MONGS PA'I PHYOGS DANG LDAN PA LA MKHAS PA'O, ,'BRAL BAR LA MKHAS PA NI GNYEN PO LA BRTEN NAS, NYON MONGS PA DANG BRAL BAR BYED PA LA MKHAS PA'O, ,LDAN PA LA MKHAS PA NI 'DU BYED SEMS DANG LDAN PA LA MKHAS PA'O, ,MI LDAN PA LA MKHAS PA NI 'DU BYED SEMS DANG MI LDAN PA LA MKHAS PA'O, ,LDAN PA DANG MI LDAN PA LA MKHAS PA NI DE GNYI GA'I DNGOS PO LA MKHAS PA'O, ,LDAN PA YANG MA YIN MI LDAN PA YANG MA YIN PA LA MKHAS PA NI DE GNYI GA MED PA LA MKHAS PA'O, ,DE BZHIN NYID LA MKHAS PA LA SOGS PA NI YANG DAG PA'I MTHA' DANG, BSAM GYIS MI KHYAB PA LA THUG GI BAR DU CHOS KYI DBYINGS KYI RNAM GRANGS LA MKHAS PAR BSTAN PA'O, ,RGYU DANG RKYEN LA MKHAS PA NI DBANG PHYUG LA SOGS PA MU STEGS CAN GYI BYED PA RNAMS RGYU RKYEN MA YIN GYI, LAS DANG NYON MONGS PA LA SOGS PA'I RGYU RKYEN LA MKHAS PA'O, ,RKYEN MED PA LA MKHAS PA NI MU STEGS CAN GYIS BRTAGS PA'I RKYEN RNAMS RKYEN MA YIN PAR MKHAS PA'O, ,'DUS BYAS KYI KHAMS LA MKHAS PA NI KUN RDZOB KYI CHOS 'JIG RTEN DANG, 'JIG RTEN LAS 'DAS PA'I DNGOS PO RGYU DANG RKYEN 'DUS PA LAS BYUNG BA RNAMS LA MKHAS PA'O, ,'DUS MA BYAS LA MKHAS PA NI, DE BZHIN NYID LA SOGS PA RGYU RKYEN TSOGS PAS BYAS PA MA YIN PA LA MKHAS PA'O, ,KHAMS LA MKHAS PA NI, KHAMS GSUM LA MKHAS PA'O, ,KHAMS MED PA LA MKHAS PA NI, DON DAM PAR KHAMS GSUM DNGOS PO MED PAR MKHAS PA'O, ,BYANG CHUB SEMS DPA' SEMS DPA' CHEN PO NI GZUGS @241B YID LA MI BYED PA LA MKHAS PAR RIG PAR BYA'O ZHES BYA BA LA SOGS PAS NI GZUGS LA SOGS PA RNAM PA THAMS CAD MKHYEN PA NYID LA THUG GI BAR DU CHOS THAMS CAD DON DAM PAR DNGOS PO MED PAS, GANG YANG YID LA BYA BA'I YUL MA YIN PAR RTOGS NAS, CHOS DE DAG GANG YANG YID LA MI BYED PA LA MKHAS PAR 'GYUR RO ZHES BSTAN PA'O, ,BYANG CHUB SEMS DPA' SEMS DPA' CHEN PO DE NI GZUGS GZUGS KYIS STONG NGO ZHES BYA BA LA MKHAS PAR RIG PAR BYA'O ZHES BYA BA LA SOGS PAS NI, GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS DE RNAMS DON DAM PAR DNGOS PO MED PAS SO SO'I RANG BZHIN GYIS STONG PAR SHES PAR 'GYUR RO ZHES BSTAN PA'O, ,RAB TU SBYANGS PA'I LAM LA MKHAS PA ZHES BYA BA NI 'JIG RTEN PA'I LAM GYIS LUS DANG SEMS LAS SU RUNG BA'I MTSAN NYID RAB TU SBYANGS PA ZHES BYA BA BDE BA CAN LA MKHAS PA'O; ,RAB TU MA SBYANGS PA LA MKHAS PA ZHES BYA BA NI 'JIG RTEN LAS 'DAS PA'I LAM GYIS LUS DANG SEMS LAS SU RUNG BAR BYA STE RAB TU MA SBYANGS PA'I BDE BA LA MA CHAGS PA LA MKHAS PA'O, ,SKYE BA DANG 'GAG PA LA MKHAS PA ZHES BYA BA LA SOGS PA NI SKYE BA DANG 'GAG PA DANG, GNAS PA LAS GZHAN DU 'GYUR BA'I RANG BZHIN LA MKHAS SHING, 'DOD CHAGS DANG ZHE SDANG DANG GTI MUG DANG, DE RNAMS MED PA'I RANG BZHIN LA MKHAS PA DANG, MU STEGS CAN GYI LTA BA RNAMS KYI RGYUS DANG LTA BA DE DAG MED PA LA MKHAS PA DANG, MING DANG GZUGS LA SOGS PA'I CHOS RNAMS KYI RANG BZHIN DANG, RGYU DANG 'BRAS BU LA MKHAS PAR 'GYUR BA LA SOGS PA'I PHAN YON BSTAN PA'O, ,GSOL PA BCOM LDAN 'DAS JI LTAR SHES RAB KYI PHA ROL TU PHYIN PA LA SPYAD PAR BGYI ZHES BYA BA LA SOGS PA NI GONG DU SHES RAB KYI PHA ROL TU PHYIN PA LA SPYAD PA DANG, SHES RAB KYI PHA ROL TU PHYIN PA MNGON PAR BSGRUB PA DANG, SHES RAB KYI PHA ROL TU PHYIN PA BSGOM PA DE LA LEGS PA 'DI DAG YOD PAR RIG PAR BYA'O ZHES GSUNGS PA LA, SPYAD PA DANG MNGON PAR BSGRUB PA DANG BSGOM PA GSUM GYI BYE BRAG ZHUS PA'O, ,BCOM LDAN 'DAS KYIS BKA' STZAL PA, GZUGS ZHI BA DANG ZHES BYA BA LA @242A *, ,SOGS PAS DE DAG GI BYE BRAG BSTAN PA STE, GZUGS LA SOGS PA'I PHUNG PO LNGA RNAMS ZHI BA DANG, RAG LAS PA DANG, GSOB DANG SNYING PO MED PAR RTOGS PAR BYA STE, SHES RAB KYI PHA ROL TU PHYIN PA LA SPYAD PAR BYA'O ZHES BSTAN PA STE, DE LA ZHI BA NI DON DAM PA'I RANG BZHIN GYIS STONG PAS SKYE BA DANG 'JIG PA LA SOGS PA MED PA'O, ,RAG LAS PA NI DNGOS PO YOD PAR GZHUNG MI TSUGS PA'O, ,GSOB DANG SNYING PO MED PA NI DNGOS PO MED PA'I RNAM GRANGS SO, ,NAM MKHA' STONG PA NYID MNGON PAR BSGRUBS PAS SHES RAB KYI PHA ROL TU PHYIN PA MNGON PAR BSGRUB PAR BYA'O ZHES BYA BA NI, MNGON PAR BSGRUB PA BSTAN PA STE, CHOS THAMS CAD NAM MKHA' LTAR STONG PA NYID DU RTOGS PAR BYAS NAS, SHES RAB KYI PHA ROL TU PHYIN PA RTOGS PAR BYA'O ZHES BSTAN PA'O, ,BSGOM PA RNAM PAR BSGOMS PAS SHES RAB KYI PHA ROL TU PHYIN PA BSGOM PAR BYA'O ZHES BYA BA NI, BSGOM PA NYID KYANG STONG PA NYID DU BSHIG STE, MED PAR BSGOMS PAS SHES RAB KYI PHA ROL TU PHYIN PA BSGOM PAR BYA'O ZHES BYA BA'I DON TO, ,DANG PO'I SPYOD PA NI MOS PA SPYOD PA'I SA NAS SA DANG PO'I BAR DU RTZOL BA DANG BCAS SHING MTSAN MA DANG BCAS PA'I GNAS SKABS LA BYA'O, , DE'I 'OG TU MNGON PAR BSGRUB PA NI SA DANG PO YAN CHAD SA BDUN GYI BAR DU RTZOL PA DANG BCAS LA MTSAN MA MED PA'I GNAS SKABS LA BYA'O, ,DE'I YANG 'OG TU BSGOM PA NI SA BRGYAD PA YAN CHAD LHUN GYIS GRUB CING MTSAN MA MED PA LA GNAS PA'I GNAS SKABS LA BYA'O, ,GSOL PA BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA YUN RING PO JI SRID DU SPYAD NA SHES RAB KYI PHA ROL TU PHYIN PA LA SPYAD PAR 'GYUR ZHES BYA BA NI DON DE NYID GSAL BAR BSHAD PA'I PHYIR ZHUS PA'O, ,SEMS DANG PO BSKYED PA NAS NYE BAR BZUNG STE SNYING PO BYANG CHUB LA 'DUG GI BAR DU SHES RAB KYI PHA ROL TU PHYIN PA LA SPYAD PAR BYA BA YIN TE ZHES BYA BA NI DANG PO MOS PA SPYOD PA'I SA LA SEMS DANG PO BSKYED PA NAS BZUNG STE, SA DANG PO'I BAR DU RTZOL BA DANG BCAS SHING MTSAN MA DANG BCAS PAR SPYAD, DE'I 'OG TU SA DANG PO NAS SA BDUN PA LA THUG GI BAR DU RTZOL BA DANG BCAS SHING @242B MTSAN MA MED PAR MNGON PAR BSGRUB, DE'I YANG 'OG TU SA BRGYAD PA NAS SANGS RGYAS KYI SA'I BAR DU RTZOL BA YANG MED, MTSAN MA YANG MED PAR LHUN GYIS GRUB PA NYID DU BSGOM DGOS SO ZHES BSTAN PA'O, ,GSOL PA BCOM LDAN 'DAS JI LTAR SEMS KYI RGYUN MA CHAD PA DANG BRAL BAR SPYAD PAR BGYI ZHES BYA BA NI, DE LTAR SEMS DANG PO BSKYED PA NAS SNYING PO BYANG CHUB LA 'DUG GI BAR DU SPYAD PA DANG, MNGON PAR BSGRUB PA DANG, BSGOM PAR BGYI NA SEMS LA BAR CHAD MA MCHIS PAR JI LTAR BGYI ZHES ZHUS PA'O, ,YID LA BYA BA GZHAN GYI GO SKABS MI 'BYED PAS ZHES BYA BA NI RNAM PA THAMS CAN MKHYEN PA NYID MA YIN PA'I YID LA BYA BA GZHAN RNAMS KYI GO SKABS MI DBYE BAS SPYAD PAR BYA'O ZHES BSTAN PA STE, DON DE NYID GSAL BAR BSTAN PA'I PHYIR RNAM PA THAMS CAD MKHYEN PA NYID YID LA BYA BA MI 'DOR BAS SHES RAB KYI PHA ROL TU PHYIN PA LA SPYAD PAR BYA BA GSUNGS SO, ,CI NAS KYANG SEMS DANG SEMS LAS BYUNG BA'I CHOS MI RGYU BA DE LTAR SPYAD PAR BYA'O ZHES BYA BA NI DE LTAR YID LA BYA BA GZHAN GYI SKABS MI DBYE BAS SPYAD PAR BYA BA'I THABS BSTAN PA STE, SEMS DANG SEMS LAS BYUNG BA'I RNAM PAR RTOG PA RNAMS MI 'BYUNG BAR SHES RAB KYI PHA ROL TU PHYIN PA LA SPYAD PA DANG MNGON PAR BSGRUB PA DANG BSGOM PAR BYA'O ZHES BSTAN PA'O, ,GSOL PA BCOM LDAN 'DAS CI 'GAS ZHES BYA BA LA SOGS PA NI SHES RAB KYI PHA ROL TU PHYIN PA LA SPYAD PA DANG, MNGON PAR BSGRUB PA DANG, BSGOM PA RTZOL PA DANG BCAS SHING MTSAN MA DANG BCAS PAS BYAS NA RNAM PA THAMS CAD MKHYEN PA NYID THOB PAR 'GYUR RAM ZHES ZHUS PA'O, ,DE NI MA YIN NO ZHES BYA BA NI RTZOL PA DANG BCAS SHING MTSAN MA DANG BCAS PAS SHES RAB KYI PHA ROL TU PHYIN PA LA SPYAD PA DANG, MNGON PAR BSGRUB PA DANG, BSGOM PA BYAS NA RNAM PA THAMS CAD MKHYEN PA NYID THOB PAR MI 'GYUR RO ZHES BYA BA'I DON TO, ,'O NA CI LAGS MA BSGOMS PAS SAM ZHES BYA BA NI 'O NA SPYAD PA DANG MNGON PAR BSGRUB PA DANG, BSGOM PA MA BYAS PAS RNAM PA THAMS CAD MKHYEN PA NYID THOB PAR 'GYUR RAM ZHES ZHUS PA'O, ,DE NI MA YIN NO ZHES BYA BA NI MA SPYAD CING MA BSGOMS PAS RNAM PA THAMS CAD MKHYEN PA NYID THOB @243A *, ,PAR MI 'GYUR RO ZHES BYA BA'I DON TO, ,'O NA CI LAGS BSGOMS KYANG BSGOMS LA MA BSGOMS KYANG BSGOMS SAM ZHES BYA BA NI DE LTAR BSGOMS PAR MI 'THOB, MA BSGOMS PAR YANG MI 'THOB NA, CI BSGOMS PA DANG MA BSGOMS PA GNYIS KA BYAS PAS 'THOB BAM ZHES ZHUS PA'O, ,DE NI MA YIN NO ZHES BYA BA NI GONG DU SMOS PA'I SKYON GNYI GA LTAR 'GYUR BA'I PHYIR DE LTA YANG MA YIN NO ZHES BSTAN PA'O, ,'O NA CI LAGS BSGOMS PA YANG MA LAGS MA BSGOMS PA YANG MA LAGS PAS SAM ZHES BYA BA NI GCER BU PA'I GZHUNG LAS 'BYUNG BA LTA BU GNYIS KA YANG MA YIN PA'I DNGOS PO ZHIG YOD DE, DE LTA BUS THOB BAM ZHES ZHUS PA'O, ,DE NI MA YIN NO ZHES BYA BA NI DE LTA YANG MA YIN NO ZHES BYA BA'I DON TO, ,'O NA RNAM PA THAMS CAD MKHYEN PA NYID JI LTAR THOB PAR BGYI ZHES BYA BA NI DE BZHIN NYID LA SOGS PA BRJOD DU MED CING BSAM GYIS MI KHYAB PA DE BZHIN DU RNAM PA THAMS CAD MKHYEN PA NYID KYANG BSGOMS PAR BYA BA BSTAN PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, DE BZHIN NYID JI LTA BA BZHIN NO ZHES BYA BA LA SOGS PAS NI RNAM PA THAMS CAD MKHYEN PA NYID JI LTAR 'THOB PAR 'GYUR BA'I THABS BSTAN PA STE, DE BZHIN NYID DANG YANG DAG PA'I MTHA' DANG, CHOS KYI DBYINGS BRJOD DU MED CING BSAM GYIS MI KHYAB PA DANG, MU STEGS CAN GYIS BRTAGS PA'I BDAG DANG SEMS CAN DANG SROG DANG GANG ZAG LA SOGS PA KUN RDZOB TU YANG DMIGS SU MED CING GDAGS SU MED PA DE BZHIN DU SHES RAB KYI PHA ROL TU PHYIN PA LA SOGS PA CHOS THAMS CAD DMIGS SU MED CING GDAGS SU MED PAR RTOGS SHING SGOM NA GDOD RNAM PA THAMS CAD MKHYEN PA NYID THOB PAR 'GYUR RO ZHES BSTAN PA'O, ,GSOL PA BCOM LDAN 'DAS CI LAGS, SHES RAB KYI PHA ROL TU PHYIN PA GDAGS SU MCHIS PA LAGS SAM ZHES BYA BA LA SOGS PA NI GONG DU BSHAD PA LTAR DE BZHIN NYID LA SOGS PA CHOS KYI DBYINGS KYI RNAM GRANGS SU GTOGS PA DANG, MU STEGS CAN GYIS BRTAGS PA'I BDAG LA SOGS PA GDAGS SU MED DE CIR YANG MA BRTAGS NA GDOD RNAM PA THAMS CAD MKHYEN PA NYID THOB PAR 'GYUR NA, @243B CI SHES RAB KYI PHA ROL TU PHYIN PA LA SOGS PA RNAM PA THAMS CAD MKHYEN PA NYID LA THUG GI BAR GYI CHOS THAMS CAD KYANG GDAGS SU MED PA YIN NAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SHES RAB KYI PHA ROL TU PHYIN PA NI GDAGS SU MED PA'O ZHES BYA BA LA SOGS PAS SHES RAB KYI PHA ROL TU PHYIN PA LA SOGS PA RNAM PAR BYANG BA'I CHOS RNAMS DANG, 'DUS BYAS DANG 'DUS MA BYAS LA SOGS PA'I CHOS THAMS CAD KYANG GDAGS SU MED DE, DE LTAR RTOGS NA GDOD RNAM PA THAMS CAD MKHYEN PA NYID THOB PAR 'GYUR RO ZHES BSTAN PA'O, ,GSOL PA BCOM LDAN 'DAS GAL TE DE LTAR CHOS THAMS CAD GDAGS SU MA MCHIS PA LAGS NA, BCOM LDAN 'DAS CI'I SLAD DU SEMS CAN DMYAL BAR MCHIS PAR 'GYUR ZHES BYA BA LA SOGS PA NI DE LTAR CHOS THAMS CAD RANG BZHIN GYIS STONG STE, GDAGS SU MED PA LAG NYES PA BYAS PA'I 'BRAS BU NGAN SONG GSUM DANG, LAS LEGS PAR BYAS PA'I 'BRAS BU MTHO RIS DANG 'PHAGS PA'I SA YANG MED PAR 'GYUR BA'I RIGS NAS, CI'I PHYIR DE DAG GZHUNG LAS BSHAD CES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR JI SNYAM DU SEMS, SEMS CAN DU GDAGS PA DMIGS SU YOD DAM ZHES BYA BA LA SOGS PA NGAN SONG DANG MTHO RIS LA SOGS PA BSHAD PA NI SEMS CAN RNAMS LA PHAN GDAGS PA'I PHYIR LAS LEGS NYES KYI 'BRAS BUS SKYID SDUG YOD PAR KUN RDZOB TU BTAGS PA TZAM DU ZAD KYI, DON DAM PAR NI GANG LA YANG DMIGS SU MED PAS CHOS THAMS CAD GDAGS SU MED PA LA BSLAB PAR BYA'O ZHES BSTAN PA'O, ,GSOL PA BCOM LDAN 'DAS 'O NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS GZUGS LA BSLAB PA DANG ZHES BYA BA LA SOGS PAS, DE LTAR CHOS THAMS CAD GDAGS SU MED NA, GZUGS LA SOGS PA RNAM PA THAMS CAD MKHYEN PA NYID LA THUG GI BAR DU DMIGS SHING GDAGS SU MED DE, BSLAB TU YANG MED PAS DE DAG LA BSLAB PAR YANG MI BGYI'AM ZHES ZHUS PA'O, ,BCOM LDAN 'DAS KYIS BKA' STZAL PA, @244A *, ,GZUGS DBRI BA DANG BSNAN PA MED PAR BSLAB PAR BYA'O ZHES BYA BA LA SOGS PAS NI SKUR BA 'DEBS PA DANG SGRO 'DOGS PA MED PAR BSLAB PAR BYA'O ZHES BSTAN PA STE, DBRI BA MED PA NI KUN RDZOB TU YANG MED PAR MI LTA BA'O, ,BSNAN PA MED PA NI DON DAM PAR YOD PAR MI LTA BA'O, ,GSOL PA BCOM LDAN 'DAS JI LTAR GZUGS LA DBRI BA DANG BSNAN PA MA MCHIS PAR BSLAB PAR BGYI ZHES BYA BA LA SOGS PA NI CHOS THAMS CAD SKYE BA DANG 'GAG PA MED PAR BSLAB PAR BYA BA BSTAN PA'I SKABS DBYE BA'I PHYIR BSTAN PA'O, ,BCOM LDAN 'DAS KYIS BKA' STZAL PA, SKYE BA MED PA DANG 'GAG PA MED PAR BSLAB PAR BYA'O ZHES BYA BA NI SKYE BA MED PAR BSLABS PAS SGRO 'DOGS PA MED PAR BSTAN PA'O, ,'GAG PA MED PAR BSLABS PAS SKUR BA 'DEBS PA MED PA BSTAN PA'O, ,GSOL PA BCOM LDAN 'DAS SKYE BA MA MCHIS PA DANG 'GAG PA MA MCHIS PA LA JI LTAR BSLAB PAR BGYI ZHES BYA BA NI SKYE BA DANG 'GAG PA MED PA JI LTAR BSLAB PAR BYA BA'I THABS 'OG NAS BSHAD PA SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, 'DU BYED RNAMS MNGON PAR 'DU BYA BA MED PA LA BSGOM PA 'AM RNAM PAR BSGOM PA LA BSLAB PAR BYA'O ZHES BYA BA NI 'DU BYED RNAMS BSKYED PAR BYA BA'I PHYIR BSGOM ZHING MNGON PAR 'DU BYA BA MED PA DANG, 'DU BYED RNAMS GZHIG CING MED PAR BYA BA'I PHYIR, MNGON PAR 'DU BYA BA MED PAR BSLAB PAR BYA BA BSTAN PAS TE, RNAM PAR BSGOM PA ZHES BYA BA NI GZHIG CING SUN DBYUNG BA LA BYA'O, ,GSOL PA BCOM LDAN 'DAS JI LTAR MNGON PAR 'DU BGYI BA MA MCHIS PA LA BSLAB PAR BGYI ZHES BYA BA NI GONG DU 'DU BYED RNAMS BSKYED PA'AM GZHIG PAR BYA BA'I PHYIR MNGON PAR 'DU BYED PA MED PAR BSLAB PAR BYA'O ZHES MDOR BSHAD PA'I DON ZHIB TU BSHAD PA'I PHYIR ZHUS PA'O, ,BCOM LDAN 'DAS KYIS BKA' STZAL PA, CHOS RNAMS RANG GI MTSAN NYID KYIS STONG PAR MTHONG BAS MNGON PAR 'DU BYA BA MED PA LA BSLAB PAR BYA'O ZHES BYA BA NI DON DAM PAR CHOS THAMS CAD RANG GI MTSAN NYID KYIS STONG PAS BSKYED PAR BYA BA'AM GZHIG @244B PAR BYA BA'I DNGOS PO GANG YANG MED PAR RTOGS PAR BYA STE, MNGON PAR 'DU BYA BA MED PA LA BSLAB PAR BYA'O ZHES BSTAN PA'O, ,GSOL PA BCOM LDAN 'DAS CHOS RNAMS RANG GI MTSAN NYID KYIS STONG PAR JI LTAR BLTA BAR BGYI ZHES BYA BA NI CHOS RNAMS DON DAM PAR RANG GI MTSAN NYID KYIS STONG PAR JI LTAR RTOGS PAR BYA BA'I THABS ZHUS PA'O, ,BCOM LDAN 'DAS KYIS BKA' STZAL PA, GZUGS GZUGS KYIS STONG PAR BLTA'O ZHES BYA BA LA SOGS PA NI GZUGS LA SOGS PA'I CHOS THAMS CAD SO SO'I RANG BZHIN KUN BRTAGS PA'I MTSAN NYID JI LTAR SNANG ZHING GRAGS PA LTA BUR DON DAM PAR YOD PA MA YIN PAR MTHONG BAS, CHOS THAMS CAD RANG GI MTSAN NYID KYIS STONG PA LA BSLAB PAR BYA'O ZHES BSTAN PA'O, ,GSOL PA BCOM LDAN 'DAS GAL TE DE LTAR GZUGS NI GZUGS KYIS STONG ZHES BYA BA LA SOGS PA NI DE LTAR CHOS THAMS CAD RANG GI MTSAN NYID KYIS STONG STE CI YANG MED NA, BYANG CHUB SEMS DPAS SPYAD DU YANG CI ZHIG YOD CES GAL BZUNG STE ZHUS PA'O, ,RAB 'BYOR SPYOD PA MED PA NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA LA SPYOD PA'O ZHES BYA BA NI DON DAM PAR CHOS THAMS CAD DMIGS SU MED PAS CI LA YANG MI SPYOD PA NYID SHES RAB KYI PHA ROL TU PHYIN PA LA SPYOD PA YIN GYI, DMIGS PA DANG BCAS SHING MTSAN MA DANG BCAS PAR SPYOD PA NI SHES RAB KYI PHA ROL TU PHYIN PA LA SPYOD PA MI CHUD DO ZHES BYA BA'I DON TO, ,GSOL PA BCOM LDAN 'DAS CI'I SLAD DU SPYOD PA MA MCHIS PA SHES RAB KYI PHA ROL TU PHYIN PA LA SPYOD PA LAGS ZHES BYA BA NI DMIGS SU MED PA'I DON BSTAN PA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SHES RAB KYI PHA ROL TU PHYIN PA LA YANG MI DMIGS ZHES BYA BA LA SOGS PAS NI SPYAD PAR BYA BA'I SHES RAB KYI PHA ROL TU PHYIN PA DANG, SPYOD PAR BYED PA'I BYANG CHUB SEMS DPA' THABS GANG GIS SPYOD PA DE YANG MI DMIGS TE, DE LTAR RTOGS PA NYID SHES RAB KYI PHA ROL TU PHYIN PA LA SPYOD PA YIN NO ZHES BSTAN PA STE, GANG SPYOD PA ZHES BYA BA NI BYANG CHUB SEMS DPA' LA BYA'O, ,GANG GIS SPYOD PA ZHES BYA BA NI THABS GANG GIS @245A *, ,SPYOD PA'O, ,GANG LA SPYOD PA ZHES BYA BA NI SHES RAB KYI PHA ROL TU PHYIN PA LA BYA'O, ,RAB 'BYOR GANG LA SPROS PA DE DAG THAMS CAD MI DMIGS PA DE NI BYANG CHUB SEMS DPA' SEMS DPA' CHEN PO'I SPYOD PA MED PA SHES RAB KYI PHA ROL TU PHYIN PA LA SPYOD PA'O ZHES BYA BA NI; GANG SPYOD PA GANG LA SPYOD PAR RTOGS PA'I SPROS PA DE DAG THAMS CAD MI 'BYUNG BAR MI 'GYUR BA DE NI SHES RAB KYI PHA ROL TU PHYIN PA LA SPYOD PAR CHUD DO ZHES BYA BA'I DON TO, ,GSOL PA BCOM LDAN 'DAS GAL TE DE LTAR SPYOD PA MA MCHIS PA SHES RAB KYI PHA ROL TU PHYIN PA LA SPYOD PA LAGS NA; LAS DANG PO PA'I BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA JI LTAR SPYAD PAR BGYI ZHES BYA BA NI DE LTAR CI LA YANG MI DMIGS SHING CI LA YANG MI SPYOD PA SHES RAB KYI PHA ROL TU PHYIN PA LA SPYOD PA YIN NA, LAS DANG PO PA'I BYANG CHUB SEMS DPAS NI DE LTAR MI DMIGS PAR MI NUS NA, JI LTAR SHES RAB KYI PHA ROL TU PHYIN PA LA SPYAD PAR BYA ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR 'DI LA LAS DANG PO PA'I BYANG CHUB SEMS DPA' SEMS DPA' CHEN POS SEMS DANG PO BSKYED PA NYID NAS BRTZAMS TE, CHOS THAMS CAD DMIGS SU MED PA LA BSLAB PAR BYA'O ZHES BYA BA NI, LAS DANG PO PA'I BYANG CHUB SEMS DPA' CHOS THAMS CAD MI DMIGS PA DON DAM PA'I SPYOD PA YONGS SU RDZOGS PAR MI NUS SU ZIN KYANG DE LTAR CI NUS SU BSLAB PAR BYA'O ZHES BSTAN PA'O, ,DES SBYIN PA GTONG BA'I TSE MI DMIGS PA'I TSUL GYIS SBYIN PA GTANG BAR BYA'O ZHES BYA BA LA SOGS PAS NI MI DMIGS PAR BSLAB PA'I THABS BSTAN PA STE, PHA ROL TU PHYIN PA DRUG LA SOGS PA LA SPYOD NA DE DAG LA SPYOD KYANG SPYOD LA DNGOS POR LTA ZHING CHAGS PAR YANG MI BYA'O ZHES BYA BA'I DON TO, ,GSOL PA BCOM LDAN 'DAS CI TZAM GYIS DMIGS PAR 'GYUR ZHES BYA BA NI, GONG DU PHA ROL TU PHYIN PA DRU GLA SOGS PA LA MI DMIGS PA'I TSUL GYIS SPYAD PAR BYA'O ZHES BSHAD PA DMIGS PA DANG MI DMIGS PA'I BYE BRAG ZHUS PA'O, ,BCOM LDAN 'DAS KYIS BKA' STZAL PA, CI TZAM DU GNYIS PA DE TZAM DU @245B DMIGS TE, GNYIS SU MED PA NI MI DMIGS PA'O ZHES BYA BA NI JI TZAM DU GZUNG BA DANG 'DZIN PA GNYIS SPYOD PA DE TZAM DU DMIGS PAR 'GYUR TE, GZUNG BA DANG 'DZIN PA GNYIS RNAM PAR SPANGS PA NI DMIGS SU MED PA'O ZHES MDOR BSTAN PA'O, ,GSOL PA BCOM LDAN 'DAS GNYIS ZHES BGYI BA JI LTA BU LAGS ZHES BYA BA NI, GONG DU MDOR BSTAN PA'I DON DE NYID ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, JI TZAM DU MIG DANG GZUGS DANG ZHES BYA BA LA SOGS PAS NI JI TZAM DU DMIGS PAR BYA BA DANG, DMIGS PAR BYED PA GNYIS YOD PAR GYUR PA DE TZAM DU GNYIS SU YOD PA NI YIN NO ZHES BSTAN PA'O, ,GSOL PA BCOM LDAN 'DAS CI LAGS, DMIGS SU MCHIS PA MI DMIGS SAM, MA LAGS TE DMIGS SU MA MCHIS PA MI DMIGS ZHES BYA BA NI GONG DU MI DMIGS PA'I TSUL GYIS CHOS THAMS CAD LA SPYAD PAR BYA'O ZHES GSUNGS PA LA, 'KHOR GYI NANG NA KHA CIG MI DMIGS ZHES BYA BA 'PHAGS PA KHA CIG GI SPYOD YUL DU 'GYUR BA'I DNGOS PO GCIG YOD DAM SNYAM DU RTOG PA BSAL BA'I PHYIR MI DMIGS PA ZHES BGYI BA DE DNGOS POR DMIGS SU MCHIS PA ZHIG LAGS SAM, 'ON TE DNGOS POR DMIGS SU MA MCHIS PA ZHIG LAGS ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR DMIGS SU YOD PA MI DMIGS PA YANG MA YIN ZHES BYA BA LA SOGS PA NI MI DMIGS ZHES BYA BA DNGOS POR DMIGS SU YOD PA YANG MA YIN, DNGOS PAR DMIGS SU MED PA YANG MA YIN GYI, DMIGS PA DANG MI DMIGS PA GNYI GAR MI 'BYED CING MNYAM PA NYID DU GYUR PA NI MI DMIGS PA YIN TE, DE LTAR DMIGS PA DANG MI DMIGS PA MNYAM PA NYID LA BSLAB PAR BYA'O ZHES BSTAN PA'O, ,GSOL PA BCOM LDAN 'DAS GAL TE DA LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, DMIGS PA LA YANG MI CHAGS MI DMIGS PA LA YANG MI CHAGS PA LAGS NA, 'O NA JI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS SA NAS SA YONGS SU RDZOGS PAR BGYI, SA NAS SA YONGS SU RDZOGS NAS NI RNAM PA THAMS CAD MKHYEN PA NYID JI LTAR @246A *, ,THOB PAR BGYI ZHES BYA BA NI DE LTAR DMIGS PA DANG MI DMIGS PA MNYAM PA NYID LA BSLAB NA, CI LA YANG MA CHAGS, CI LA YANG MI SPYOD PAR BYA DGOS TE, DE LTAR CI LA YANG MA SPYAD NA BYANG CHUB SEMS DPA' SA GONG NAS GONG DU 'PHAR BA DANG, SA DE DAG LA SPYAD PA'I 'BRAS BU RNAM PA THAMS CAD MKHYEN PA NYID KYANG THOB PAR JI LTAR BYA ZHES ZHUS PA'O, ,DMIGS PA LA GNAS SHING SA NAS SA YONGS SU RDZOGS PAR MI BYED DE ZHES BYA BA LA SOGS PA NI, DMIGS PA DANG BCAS PAS SHES RAB KYI PHA ROL TU PHYIN PA LA SPYAD NA, BYANG CHUB SEMS DPA'I SA YONGS SU RDZOGS PAR MI 'GYUR LA, RNAM PA THAMS CAD MKHYEN PA NYID THOB PAR MI 'GYUR RO ZHES BSTAN PA'O, ,DE CI'I PHYIR ZHE NA, SHES RAB KYI PHA ROL TU PHYIN PA YANG DMIGS SU MED DE ZHES BYA BA LA SOGS PAS DE'I GTAN TSIGS BSTAN PA STE, SHES RAB KYI PHA ROL TU PHYIN PA DANG, BLA NA MED PA'I BYANG CHUB DANG, SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' YANG DON DAM PAR DMIGS SU MED PA'I PHYIR RO ZHES BYA BA'I DON TO, ,GSOL PA BCOM LDAN 'DAS GAL TE DE LTAR SHES RAB KYI PHA ROL TU PHYIN PA DMIGS SU MA MCHIS TE ZHES BYA BA LA SOGS PA NI, DE LTAR SHES RAB KYI PHA ROL TU PHYIN PA LA SOGS PA DMIGS SU MED NA BYANG CHUB SEMS DPA' SEMS DPA' CHEN POS CHOS THAMS CAD RAB TU RTOGS PAR BYA DGOS NA, GZUGS LA SOGS PA BLA NA MED PA YANG DAG PAR RDZOGS PA'I BYANG CHUB LA THUG GI BAR DU 'JIG RTEN DANG, 'JIG RTEN LAS 'DA' BA'I CHOS THAMS CAD JI LTAR RAB TU RTOGS PAR BGYI ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, JI LTAR BYAS PAS GZUGS DMIGS PAR 'GYUR BA DANG ZHES BYA BA LA SOGS PAS BYANG CHUB SEMS DPA' NI SHES RAB KYI PHA ROL TU PHYIN PA LA SPYOD PA'I TSE, CI NAS KYANG CHOS RNAMS RTAG TU MED CING MI DMIGS PAR SPYOD KYI, DMIGS SU YOD PA DANG, RTOGS PAR BYA BAR MI SPYOD DO ZHES BSTAN PA'O, ,GSOL PA BCOM LDAN 'DAS GAL TE DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS KYANG MI DMIGS ZHES BYA BA LA SOGS PAS NI, , @246B CHOS THAMS CAD DMIGS SU MED NA PHA ROL TU PHYIN PA DRUG YONGS SU RDZOGS PAR BYAS NAS, BYANG CHUB SEMS DPA'I SA LA 'JUG PA DANG, SANGS RGYAS KYI ZHING YONGS SU DAG PAR BYA BA DANG, SEMS CAN RNAMS YONGS SU SMIN PAR BYA BA DANG, RNAM PA THAMS CAD MKHYEN PA NYID THOB PAR BYA BA DANG, CHOS KYI 'KHOR LO BSKOR BA LA SOGS PA SANGS RGYAS KYIS MDZAD PA RNAMS JI LTAR GRUB PAR 'GYUR ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA' SEMS DPA' CHEN PO NI GZUGS KYI DON DU SHES RAB KYI PHA ROL TU PHYIN PA LA MI SPYOD DO ZHES BYA BA LA SOGS PAS NI, PHA ROL TU PHYIN PA DRUG YONGS SU RDZOGS PAR BYA BA LA SOGS PA NI KUN RDZOB TU 'JIG RTEN GYI THA SNYAD TZAM DU ZAD KYI, DON DAM PAR NI BSGRUB PAR BYA BA'I CHOS GANG YANG MED DO ZHES BSTAN PA'O, ,GSOL PA BCOM LDAN 'DAS GANG GI SLAD DU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA LAGS ZHES BYA BA NI, CHOS THAMS CAD MA BYAS PA DANG MNGON PAR 'DU MA BYAS PA'I DON BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, GANG GI PHYIR YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD DO ZHES BYA BA NI CHOS THAMS CAD RANG BZHIN GYIS STONG PAS SPYAD CING, SPYAD DU MED PA'I PHYIR GANG GI DON DU YANG SHES RAB KYI PHA ROL TU PHYIN PA LA MI SPYOD DO ZHES BSTAN PA'O, ,DE CI'I PHYIR ZHE NA, 'DI LTAR CHOS THAMS CAD NI MA BGYIS PA STE ZHES BYA BA LA SOGS PAS DE'I GTAN TSIGS BSTAN PA STE, MA BYAS PA NI BYED PA POS MA BYAS PA LA BYA'O, ,MNGON PAR 'DU MA BYAS PA NI, RGYU RKYEN TSOGS PAS MA BSKYED PA LA BYA'O, ,GSOL PA BCOM LDAN 'DAS GAL TE DE LTAR CHOS THAMS CAD MA BGYIS PA STE MNGON PAR 'DU MA BGYIS PA LAGS NA, 'O NA JI LTAR NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO DANG, THEG PA GSUM PO 'DI DAG RNAM PAR DGONGS PAR 'GYUR RO ZHES BYA BA NI DON DAM PAR THEG PA GSUM DU DBYE ZHING RNAM PAR DGOD DU YANG MED PA'I DON BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR MA BYAS MNGON PAR 'DU MA BYAS PA'I CHOS RNAMS LA NI RNAM PAR DGOD PA YANG DMIGS SU MED DO ZHES BYA BA LA SOGS PAS NI, DON DAM PAR CHOS @247A *, ,THAMS CAD RANG BZHIN GYIS STONG STE, MNGON PAR 'DUS MA BYAS PA LA THEG PA GSUM DU DBYE ZHING RNAM PAR DGOD DU MED KYI, KUN RDZOB TU BYIS PA SO SO'I SKYE BO THOS PA DANG MI LDAN PA RNAMS LA MNGON PAR 'DU BYED PA RNAM PAR RTOG PA YOD PA RNAMS LA, THEG PA GSUM DU DBYE ZHING RNAM PAR DGOD PA YOD DO ZHES BSTAN PA'O, ,DE CI'I PHYIR ZHE NA, DE NI 'DI LTAR BYIS PA THOS PA DANG MI LDAN PA SO SO'I SKYE BO RNAMS PHUNG PO LA MNGON PAR ZHEN CING ZHES BYA BA LA SOGS PAS DE'I GTAN TSIGS BSTAN PA STE, BYIS PA SO SO'I SKYE BO RNAMS YANG DAG PAR MA YIN PAR RNAM PAR RTOG PAS, GZUGS LA SOGS PA'I CHOS RNAMS LA MNGON PAR ZHEN CING RLOM SEMS SU BYAS NAS, BDAG GIS BYANG CHUB MNGON PAR RDZOGS PAR SANGS RGYAS NAS SEMS CAN RNAMS 'KHOR BA LAS DGROL LO SNYAM DU SEMS CAN RNAMS BKRI BA'I PHYIR, KUN RDZOB TU THEG PA GSUM RNAM PAR PHYE STE BKOD PA TZAM DU ZAD KYI, DON DAM PAR NI DE BZHIN GSHEGS PA'I SPYAN LNGAS KYANG CHOS GANG YANG MA GZIGS TE DMIGS SU MED DO ZHES BSTAN PA'O, ,DE LA LONG BA ZHES BYA BA NI GTI MUG GIS LDONGS PA'O, ,MIG MED PA ZHES BYA BA NI SPYAN LNGA DANG MI LDAN PA LA BYA'O, ,GSOL PA BCOM LDAN 'DAS GAL TE, DE LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SPYAN LNGAS KYANG SEMS CAN GANG 'KHOR BA LAS YONGS SU DGROL BAR BGYI BA DE LTA BU MA GZIGS NA ZHES BYA BA LA SOGS PAS NI, DON DAM PAR SEMS CAN DMIGS SU MED KYANG, KUN RDZOB TU SEMS CAN PHYIN CI LOG TU GYUR PA RNAMS DE LAS BZLOG PA'I PHYIR PHUNG PO GSUM DU BSHAD PA BSTAN PA STE, DE LA YANG DAG PAR NGES PA NI BLA NA MED PA YANG DAG PAR RDZOGS PA'I BYANG CHUB 'GRUB PA'I SKAL PA NGES PAR SPYOD PA LA BYA'O, ,MA NGES PA NI DGE BA'I GSHEGS GNYEN GYI KHAR LUS PA LA BYA'O, ,LOG PAR NGES PA NI LTA BA LOG PA CAN DGE BA'I RTZA BA CHAD PA RNAMS LA BYA'O, ,GSOL PA BCOM LDAN 'DAS KYIS DON DAM PA LA ZHUGS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SAM ZHES BYA BA LA SOGS PAS NI DON DAM PAR NI GNAS PA YANG MED, MNGON PAR RDZOGS PAR SANGS RGYAS PAR BYA BA YANG MED PAS, DON DAM PAR SANGS RGYAS PA YANG MA YIN LA, KUN RDZOB NI PHYIN CI LOG YIN PAS KUN RDZOB LA GNAS TE MNGON PAR @247B RDZOGS PAR SANGS RGYAS PA YANG MA YIN PA STE, MTHA' DE GNYI GA SPANGS PA BRJOD DU MED PA'I BDAG NYID SO SO RANG GIS RIG PA'I RNAM PAS CHOS THAMS CAD RTOGS PA NI, MNGON PAR RDZOGS PAR SANGS RGYAS PA YIN NO ZHES BSTAN PA'O, ,DON DE NYID DPES GO BAR BYA BA'I PHYIR RAB 'BYOR 'DI LTA STE DPER NA, DE BZHIN GSHEGS PA'I SPRUL PA NI ZHES BYA BA LA SOGS PAS BSTAN TE, DE BZHIN GSHEGS PA'I SPRUL PAS PHA ROL TU PHYIN PA DRUG LA SOGS PA RNAM PAR BYANG BA'I CHOS RNAMS YONGS SU RDZOGS PAR BYA STE, CHOS KYI 'KHOR LO BSKOR BA DANG, SEMS CAN MANG PO SPRUL TE, PHUNG PO GSUM DU PHYE STE BSTAN PA BZHIN DU DE BZHIN GSHEGS PAS TSOGS YONGS SU RDZOGS PAR MDZAD CING, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS CHOS KYI 'KHOR LO BSKOR BA DANG, SEMS CAN RNAMS PHUNG PO GSUM DU PHYE STE, BSTAN PA YANG DON DAM PAR DNGOS PO YOD PA LAS BSTAN PA NI MA YIN GYI, KUN RDZOB TU SGYU MA DANG SPRUL PA TZAM DU BSTAN PAR ZAD DO ZHES BSTAN PA'O, ,GSOL PA BCOM LDAN 'DAS GAL TE CHOS THAMS CAD SPRUL PA LTA BU LAGS NA, DE BZHIN GSHEGS PA DANG SPRUL PA LA KHYAD PAR DANG BYE BRAG CI ZHIG MCHIS, CI LAS DGONGS PA LAGS ZHES BYA BA NI, DE BZHIN GSHEGS PA DANG SPRUL PA GNYIS KUN RDZOB TU SEMS CAN GYI DON BYA BA LA SOGS PA, SANGS RGYAS KYI MDZAD PA RNAMS MDZAD PA LA BYE BRAG MED PA'I DON ZHIB TU BSHAD PA'I SKABS DBYE BA'I PHYIR ZHUS PA'O, ,DE CI'I PHYIR ZHE NA, RAB 'BYOR DE NI 'DI LTAR DE BZHIN GSHEGS PA PHRIN LAS GANG MDZAD PA'I LAS DE NI SPRUL PA YANG BYED DO ZHES BYA BA NI, PHA ROL TU PHYIN PA DRUG LA SOGS PA YONGS SU RDZOGS PAR BYAS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, CHOS KYI 'KHOR LO BSKOR BA DANG, SEMS CAN GYI DON RNAM PA SNA TSOGS MDZAD PA LA DE GNYIS BYE BRAG MED DO ZHES BSTAN PA'O, ,GSOL PA BCOM LDAN 'DAS CI LAGS DE BZHIN GSHEGS PA MI BZHUGS NA SPRUL PA LAS BGYID PAR 'GYUR RAM ZHES BYA BA NI, DE BZHIN GSHEGS PA MYA NGAN LAS 'DAS PA'I PHYIR NA, SPRUL PA SEMS CAN GYI DON BYED PA BSTAN PA'I SKABS DBYE BA'I PHYIR ZHUS PA'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHI BA'I BLO GROS KYIS ZHES BYA BA LA SOGS PAS, DE BZHIN GSHEGS PA'I SPRUL PA SEMS CAN GYI DON BYED PA'I DPE SNGON BYUNG BA @248A *, ,BSTAN PA STE, BYANG CHUB SEMS DPA' MA GZIGS NAS ZHES BYA BA NI, SNGON DE BZHIN GSHEGS PA ZHI BA'I BLO GROS MYA NGAN LAS 'DAS PA'I DUS LA BAB PA'I TSE, PHYIN DAM PA'I CHOS GTAD CING SEMS CAN GYI DON BYED DU GZHUG TU RUNG BA'I BYANG CHUB SEMS DPA' LUNG BSTAN DU 'OS PA MA GZIGS NAS ZHES BYA BA'I DON TO, ,DE BZHIN GSHEGS PA'I SKU SPRUL TE, YONGS SU MYA NGAN LAS 'DAS SO ZHES BYA BA NI DE LTAR DAM PA'I CHOS GTAD DU RUNG BA'I BYANG CHUB SEMS DPA' MA GZIGS NA, DE BZHIN GSHEGS PA ZHI BA'I BLO GROS DE NYID KYI SKU DANG 'DRA BA'I DE BZHIN GSHEGS PA GCIG SPRUL TE BZHAG NAS DE BZHIN GSHEGS PA ZHI BA'I BLO GROS NYID NI MYA NGAN LAS 'DAS TE GSHEGS SO ZHES BSTAN PA STE, DE LTAR MDZAD PA YANG SEMS CAN TSE RING BA BSNYEMS SHING, LE LO CAN RNAMS SKUL MA GDAB PA DANG, SPRUL PAS 'DUL BA'I SEMS CAN RNAMS LA PHAN GDAGS PA'I PHYIR RO, ,SPRUL PA DES DE'I PHYIR NA BSKAL PA GCIG TU SANGS RGYAS KYI BYA BA BYAS TE ZHES BYA BA NI DE BZHIN GSHEGS PA ZHI BA'I BLO GROS MYA NGAN LAS 'DAS PA'I PHYI NA, SPRUL PA DES KYANG BSKAL PA GCIG GI BAR DU DE BZHIN GSHEGS PA ZHI BA'I BLO GROS DANG 'DRA BAR SEMS CAN GYI DON MDZAD DO ZHES BSTAN PA'O, ,DE'I RJES LA BYANG CHUB SEMS DPA' SEMS DPA' CHEN PO LUNG BSTAN NAS ZHES BYA BA NI, SPRUL PA DES BSKAL PA GCIG GI BAR DU SEMS CAN GYI DON BYAS PA'I RJES LA, BYANG CHUB SEMS DPA' DAM PA'I CHOS GTAD DU RUNG BA LUNG BSTAN DU 'OS PA BYUNG NAS, DE LA DAM PA'I CHOS GTAD DE SPRUL PA DE YANG YONGS SU MYA NGAN LAS 'DAS PAR 'GYUR RO ZHES BYA BA'I THA TSIG GO, ,YONGS SU MYA NGAN LAS 'DAS PAR GRAGS KYANG SPRUL PA LA SKYE BA'AM, YONGS SU MYA NGAN LAS 'DAS PA MED DO ZHES BYA BA NI, DE LTA BU DAG SNGON BYUNG MOD KYI, 'ON KYANG YANG DAG PAR NA SPRUL PA DE SKYES PA YANG MED, YONGS SU MYA NGAN LAS 'DAS PA YANG MED DO ZHES BSTAN PA'O, ,GSOL PA BCOM LDAN 'DAS GAL TE DE LTAR SPRUL PA DANG DE BZHIN GSHEGS PA LA KHYAD PAR MA MCHIS NA, YON YONGS SU DAG PAR JI LTAR 'GYUR ZHES BYA BA LA SOGS PAS, DE BZHIN GSHEGS PA LA YON PHUL NA BSOD NAMS CHE BA BZHIN DU, DE BZHIN GSHEGS PA'I SPRUL PA LA YON PHUL BA YANG BSOD NAMS CHE BAR BSHAD PA SKABS DBYE BA'I PHYIR ZHUS PA STE, YON YONGS SU DAG PAR JI LTAR 'GYUR ZHES BYA BA NI, DE BZHIN @248B GSHEGS PA'I SPRUL PA LA YON PHUL NA BSOD NAMS CHEN POR 'GYUR RAM ZHES BYA BA'I DON TO, ,BCOM LDAN 'DAS SEMS CAN BSOD NAMS 'TSAL BA DANG ZHES BYA BA LA SOGS PAS, GONG DU MDOR ZHUS PA'I DON DE NYID ZHIB TU BSHAD DE ZHUS PA STE, DE BZHIN GSHEGS PA LA YON PHUL BA'I BSOD NAMS ZAD MI SHES PAR 'GYUR BA DE BZHIN DU, DE BZHIN GSHEGS PA'I SPRUL PA LA YON PHUL BA'I BSOD NAMS KYANG DE BZHIN DU ZAD MI SHES PAR 'GYUR RAM ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR CHOS NYID GANG GIS ZHES BYA BA LA SOGS PAS, DE BZHIN GSHEGS PA LA YON PHUL NA, BSOD NAMS CHE ZHING ZAD MI SHES PA DE BZHIN DU, DE BZHIN GSHEGS PA'I SPRUL PA LA YON PHUL NA YANG DE BZHIN DU BSOD NAMS CHE ZHING ZAD MI SHES PAR 'GYUR RO ZHES BSTAN PA STE, CHOS NYID GANG GIS ZHES BYA BA NI, DE BZHIN GSHEGS PA DANG, DE BZHIN GSHEGS PA'I SPRUL PA GNYIS DON DAM PAR DNGOS PO MED PA'I NGO BO NYID KYI CHOS NYID DU MTSUNGS PA DANG, KUN RDZOB TU SEMS CAN GYI DON GYI PHYIR 'BYUNG BA DANG, SANGS RGYAS KYI BYA BA BYED PAR MTSUNGS PA'I PHYIR, YON GYI GNAS SU YANG MTSUNGS TE, DE DAG GNYIS KA LA YON PHUL BA DANG, SEMS DANG BAS YID LA BYAS PA DANG, 'OG PHYOGS SU YID LA BYAS SHING ME TOG GSOL PA DANG, SANGS RGYAS LA PHYAG 'TSAL LO ZHES TSIG TZAM BRJOD PA'I BSOD NAMS KYANG ZAD MI SHES SHING CHE BAR MTSUNGS SO ZHES BSTAN PA STE, CHOS RNAMS KYI CHOS NYID KHONG DU CHUD PAR BYAS NAS ZHES BYA BA NI DON DAM PAR GNYI GA DNGOS PO MED PA'I NGO BO NYID KYI CHOS NYID YIN PA DANG, KUN RDZOB TU SEMS CAN GYI DON GYI PHYIR 'BYUNG BA DANG, SANGS RGYAS KYI BYA BA BYED PAR MTSUNGS PA'I CHOS NYID DE BRTZAN PAR BYAS NAS DE BZHIN GSHEGS PA DANG, DE BZHIN GSHEGS PA'I SPRUL PA LA BYE BRAG GANG YANG MED DO ZHES BYA BA'I THA TSIG GO, ,CHOS RNAMS KYI CHOS NYID DE YANG RNAM PAR DKRUG PAR MI BYA STE ZHES BYA BA LA SOGS PAS CHOS NYID DANG MI MTHUN PAR MI BYA BA BSTAN PA STE, PHA ROL TU PHYIN PA DRUG LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS LA CHOS DE DAG GI SO SO'I MTSAN NYID DANG, CHOS DE DAG GI CHOS NYID STONG PA NYID DE BZHIN NYID GANG YIN PA DE DAG SO SOR 'BYED CING RNAM PAR RTOG NA, CHOS NYID RNAM PAR DKRUG PAR 'GYUR GYI, DE LTAR MI BYA'O ZHES BSTAN PA'O, , @249A *, ,GSOL PA, BCOM LDAN 'DAS GAL TE DE LTAR CHOS RNAMS KYI CHOS NYID RNAM PAR DKRUG PAR MI BGYI BA LAGS NA ZHES BYA BA LA SOGS PAS NI, DE LTAR CHOS RNAMS KYI MTSAN NYID DANG, CHOS RNAMS KYI CHOS NYID LA RNAM PAR RTOG CING SO SOR 'BYED NA, CHOS NYID RNAM PAR DKRUG PAR 'GYUR TE CHOS NYID DANG MI MTHUN NA, BCOM LDAN 'DAS KYIS GZUGS LA SOGS PA RNAM PA THAMS CAD MKHYEN PA NYID LA THUG GI BAR GYI CHOS RNAMS KYI MTSAN NYID SO SOR PHYE STE BSTAN PA STE, CHOS RNAMS KYI CHOS NYID DKRUG PAR MA GYUR TAM ZHES GAL BZUNG STE GSOL PA'O, ,BCOM LDAN 'DAS KYIS BKA' STZAL PA, RAB 'BYOR DE NI MA YIN TE ZHES BYA BA LA SOGS PAS, BCOM LDAN 'DAS KYIS DE LTAR CHOS RNAMS SO SOR PHYE STE BSTAN PA NI, SEMS CAN RNAMS KYIS KHONG DU CHUD PAR BYA BA'I PHYIR, MING DANG MTSAN MA TZAM SMOS TE BSTAN PAR ZAD KYI, DE NYID LA RTOG CING CHAGS PA MED PAS, CHOS NYID DKRUG PAR MA GYUR TO ZHES BSTAN PA'O, ,GSOL PA BCOM LDAN 'DAS GAL TE GZHAN RNAMS KHONG DU CHUD PAR BGYI BA'I SLAD DU ZHES BYA BA LA SOGS PAS CHOS THAMS CAD DON DAM PA RANG BZHIN GYIS STONG STE, MING DANG MTSAN MA MED PA LA MING DANG MTSAN MAS BSTAN DU YANG CI YOD CES GSOL PA'O, ,BCOM LDAN 'DAS KYIS BKA' STZAL PA, RAB 'BYOR BRJOD PA NI MING YANG MA YIN, MTSAN MA YANG MA YIN, MNGON PAR CHAGS PA YANG MA YIN ZHES BYA BA NI, SEMS CAN RNAMS KHONG DU CHUD PAR BYA BA'I PHYIR SEMS CAN RNAMS LA JI LTAR GRAGS PA'I MING DANG, MTSAN MAS BSTAN PA TZAM DU ZAD KYI, MING DANG MTSAN MA LA DNGOS POR 'DZIN CING MNGON PAR ZHEN PA MED PAS NYES PA MED DO ZHES BYA BA'I DON TO, ,RAB 'BYOR GZHAN DU NA, SDUG BSNGAL NYID BRJOD DU ZAD KYI MING DANG MTSAN MA LA MNGON PAR CHAGS PA MED DO ZHES BYA BA NI, DE LTAR SEMS CAN RNAMS LA MING DANG MTSAN MAS CHOS RNAMS BSTAN PA YANG 'KHOR BA'I SDUG BSNGAL SHES PAR BYA BA'I PHYIR BSTAN DU ZAD KYI, DE LA DNGOS POR 'DZIN CING CHAGS PA MED PA MED DO ZHES BSTAN PA'O, ,RAB 'BYOR DE BZHIN GSHEGS PA'AM, DE BZHIN GSHEGS PA'I NYAN THOS NI MING DANG MTSAN MA LA MNGON PAR CHAGS PAR MI 'GYUR TE ZHES BYA BA LA SOGS PAS NI, MNGON PAR CHAGS PA'I GNAS MED CING MI SRID PA BSTAN @249B PA STE, STONG PA NYID KYANG STONG PA NYID LA MNGON PAR CHAGS PAR MI 'GYUR RO ZHES BYA BA LA SOGS PAS NI, MNGON PAR CHAGS PA MI SRID PA'I DPE BSTAN PA STE CHAGS PAR BYA BA DANG, CHAGS PAR BYED PA GNYI GA DON DAM PAR DNGOS PO MED PA'I PHYIR RO ZHES BYA BA'I THA TSIG GO, ,GSOL PA BCOM LDAN 'DAS GAL TE 'DUS BYAS 'DI DAG THAMS CAD MING DANG MTSAN MA TZAM DU BAS PA LAGS NA ZHES BYA BA LA SOGS PAS, DE LTAR CHOS THAMS CAD DON DAM PAR RANG BZHIN GYIS STONG STE, DNGOS PO MED NA BSGRUB PAR BYA BA DANG, SGRUB PAR BYED PA GNYI GA YANG RANG BZHIN MED NA, BYANG CHUB SEMS DPA' CI ZHIG BSGRUB PA'I PHYIR BYANG CHUB TU SEMS BSKYED NAS, BYANG CHUB SEMS DPA'I SPYAD PA SPYOD CES BYA BAR GAL BZUNG STE ZHUS PA'O, ,BCOM LDAN 'DAS KYIS BKA' STZAL PA, RAB 'BYOR GANG DE SKAD DU, GAL TE 'DUS BYAS THAMS CAD MING DANG MTSAN MA TZAM DU ZAD NA ZHES BYA BA LA SOGS PA NI, RAB 'BYOR GYIS ZHUS PA'I TSIG DE DAG BCOM LDAN 'DAS KYIS BZLAS TE, LAN BKA' STZAL PA STE, DON DAM PAR CHOS THAMS CAD RANG BZHIN GYIS STONG STE, DNGOS PO MED PA LA SEMS CAN RNAMS DNGOS POR CHAGS SHING RNAM PAR SPYOD PA DE DAG DRANG PA'I PHYIR, KUN RDZOB TU BYANG CHUB SEMS DPA'I SPYOD PA YANG SPYAD DE, RNAM PA THAMS CAD MKHYEN PA NYID KYANG THOB PAR BYAS NAS CHOS KYI 'KHOR LO BSKOR BA LA SOGS PA SEMS CAN GYI DON RNAMS BYED DO ZHES BSTAN PA'O, ,GSOL PA BCOM LDAN 'DAS RNAM PA THAMS CAD MKHYEN PA NYID CES GSUNG NGAM ZHES BYA BA NI, DE LTAR CHOS THAMS CAD RANG BZHIN GYIS STONG STE, MING DANG MTSAN MA MED NA RNAM PA THAMS CAD MKHYEN PA NYID CES BRJOD CING, GDAGS SU YANG CI MCHIS ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR RNAM PA THAMS CAD MKHYEN PA NYID, RNAM PA THAMS CAD MKHYEN PA NYID CES SMRA'O ZHES BYA BA NI, DE LTAR DON DAM PAR CHOS THAMS CAD KYANG RANG BZHIN GYIS STONG STE, MING DANG MTSAN MAR GDAGS SHING BRJOD DU MED CING, KUN RDZOB TU SEMS CAN RNAMS DRANG BA'I PHYIR BRJOD DO ZHES BSTAN PA'O, ,GSOL PA BCOM LDAN 'DAS DE BZHIN GSHEGS PAS THAMS CAD SHES PA NYID DU GSUNGS PA DANG ZHES BYA BA LA SOGS PA NI, THAMS CAD @250A *, ,SHES PA NYID DANG, LAM GYI RNAM PA SHES PA NYID DANG, RNAM PA THAMS CAD MKHYEN PA NYID LA MKHYEN PA NYID LA KHYAD PAR CI YOD PA ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, RAB 'BYOR THAMS CAD SHES PA NYID CES BYA BA NI, NYAN THOS DANG RANG SANGS RGYAS RNAMS LA BYA'O ZHES BYA BA LA SOGS PAS THAMS CAD SHES PA GSUM MDO TZAM DU PHYE STE BSTAN PA'O, ,GSOL PA BCOM LDAN 'DAS CI'I SLAD DU, NYAN THOS DANG RANG SANGS RGYAS RNAMS LA NI, THAMS CAD SHES PA NYID CES BGYI ZHES BYA BA LA SOGS PA NI, GONG DU MDO RNAM PA GSUM DU PHYE STE BSHAD PA DE NYID GTAN TSIGS DANG BCAS PA DE ZHIB TU BSHAD PA'I SKABS DBYE BA'I PHYIR ZHUS PA'O, ,BCOM LDAN 'DAS KYIS BKA' STZAL PA, PHYI DANG NANG GI CHOS JI SNYED PA TZAM NI, THAMS CAD NYAN THOS DANG RANG SANGS RGYAS RNAMS KYIS SHES TE ZHES BYA BA NI PHUNG PO DANG KHAMS LA SOGS PA PHYI NANG GI CHOS THAMS CAD NYAN THOS DANG RANG SANGS RGYAS RNAMS BDEN PA BZHI'I SGO NAS ZHUGS TE, 'DUS BYAS THAMS CAD NI MI RTAG PA'O, ,ZAG PA DANG BCAS PA THAMS CAD NI SDUG BSNGAL BA'O, ,CHOS THAMS CAD NI BDAG MED PA'O ZHES BYA BA RNAM PA 'DI GSUM LTAR CHOS THAMS CAD SHES PA LA THAMS CAD SHES PA NYID CES BYA'O, ,LAM THAMS CAD NI MA YIN NO ZHES BYA BA NI, BYANG CHUB SEMS DPA' BYANG CHUB SEMS DPA'I LAM SA BCU LA GNAS TE, CHOS THAMS CAD SHES PA LTA BU NI MA YIN NO ZHES BYA BA'I DON TO, ,RAB 'BYOR LAM THAMS CAD BYANG CHUB SEMS DPA' SEMS DPA' CHEN POS BSGRUB PAR BYA ZHES BYA BA LA SOGS PAS, BYANG CHUB SEMS DPA' RNAMS KYIS LAM GYI RNAM PA SHES PA NYID GANG YIN PA BSTAN PA STE, BYANG CHUB SEMS DPA' SEMS DANG PO BSKYED DE MOS PAS SPYOD PA'I SA NAS SA BCU YONGS SU RDZOGS KYI BAR DU, MTHONG BA'I LAM DANG, BSGOM PA'I LAM GYI DE BZHIN NYID RNAM PAR SBYONG BA'I RIM PAS, BLA NA MED PA YANG DAG PAR RDZOGS PA'I BYANG CHUB 'THOB PA'I RGYUR GYUR PA, RNAM PA THAMS CAD MKHYEN PA NYID KYI GNAS SU PHYIN PAR BYED PA'I YE SHES NYAN THOS DANG RANG SANGS RGYAS KYI LAM THAMS CAD KYANG SHES LA, DE DAG GI YANG DAG PA'I MTHA' MNGON DU YANG MI BYED PA DE LA LAM GYI RNAM PA SHES PA NYID CES BYA'O ZHES BYA BA'I THA TSIG @250B GO; ,GSOL PA BCOM LDAN 'DAS BYANG CHUB SEMS DPA' SEMS DPA' CHEN POS, SANGS RGYAS KYI LAM YONGS SU RDZOGS PAR BGYI 'TSAL NA, 'O NA NI DES YANG DAG PA'I MTHA' YANG MNGON DU BGYI BAR 'GYUR RO ZHES BYA BA NI, DE LTAR LAM GYI RNAM PA SHES PA NYID KYI YE SHES DE YANG DAG PA'I MTHA' MNGON DU MI BYED NA, SANGS RGYAS SU 'GRUB PAR YANG MI 'GYUR, SANGS RGYAS SU BSGRUBS NA NI YANG DAG PA'I MTHA' YANG MNGON DU BAS PAR 'GYUR TE, GONG DU BSHAD PA DANG 'GAL LO ZHES ZHUS PA'O, ,BCOM LDAN 'DAS KYIS BKA' STZAL PA, RAB 'BYOR SANGS RGYAS KYI ZHING YONGS SU DAG PAR MA BYAS LA ZHES BYA BA LA SOGS PAS, SANGS RGYAS KYI ZHING YONGS SU DAG PAR BYA BA DANG, SEMS CAN YONGS SU SMIN PAR BYA BA LA SOGS PA BYANG CHUB SEMS DPA'I SPYOD PA MTHA' DAG YONGS SU RDZOGS PAR BYAS NAS, YANG DAG PA'I MTHA' MNGON DU BYAS PA LA NYES PA MED KYI, DE LTAR MA BYAS PAR NYAN THOS DANG RANG SANGS RGYAS LTAR BAR MDOR YANG DAG PA'I MTHA' MNGON DU MI BYA'O ZHES BSTAN PA'O, ,GSOL PA BCOM LDAN 'DAS CI LAGS, BYANG CHUB SEMS DPA' SEMS DPA' CHEN POS LAM LA GNAS TE, YANG DAG PA'I MTHA' MNGON DU BGYI'AM LAM ZHES BYA BA LA SOGS PAS, DON DAM PAR YANG DAG PA'I MTHA' MNGON DU BYAR MED PA'I DON BSTAN PA'I PHYIR ZHUS PA STE, LAM LA GNAS TE ZHES BYA BA NI, NYAN THOS DANG BYANG CHUB SEMS DPA'I MTHONG BA'I LAM DANG, BSGOM PA'I LAM LA BRTEN TE, YANG DAG PA'I MTHA' MNGON DU BGYI'AM ZHES ZHUS PA'O, ,BCOM LDAN 'DAS KYIS BKA' STZAL PA MA YIN NO ZHES BYA BA NI, DON DAM PAR LAM DE GNYI GA DNGOS PO MED PAS BRTEN CING GNAS SU MED PA'I PHYIR DE LTAR MA YIN NO ZHES GSUNGS SO, ,'O NA LAM MA LAGS PA LA GNAS TE'AM ZHES BYA BA NI GONG DU SMOS PA'I LAM GNYIS LAS BZLOG PA LA GNAS TE'AM ZHES ZHUS PA'O, ,MA YIN NO ZHES BYA BA NI LAM DNGOS PO YOD NA LAM MA YIN PA YANG ZLAS 'GRUB STE, LAM DNGOS PO MED NA LAM MA YIN PA ZLAS 'GRUB PA YANG DNGOS PO MED PAS, DES KYANG YANG DAG PA'I MTHA' MNGON DU BYA BA MA YIN NO ZHES GSUNGS PA'O, ,'O NA LAM YANG LAGS LA, LAM MA LAGS PA YANG LAGS PA LA GNAS TE'AM ZHES BYA BA NI, LAM DANG LAM MA YIN PA GNYI GA LA GNAS TE, YANG DAG @251A *, ,PA'I MTHA' MNGON DU BYA'AM ZHES ZHUS PA'O, ,MA YIN NO ZHES BYA BA NI LAM DANG MAL MA YIN PA GNYIS DON DAM PAR MA GRUB PAS, GNYIS KA'I RANG BZHIN LA GNAS PAS KYANG YANG DAG PA'I MTHA' MNGON DU BYAR MED DO ZHES BYA BA'I THA TSIG GO, ,GSOL PA'O NA LAM YANG MA LAGS LA, LAM MA LAGS PA YANG MA LAGS PA LA GNAS TE LAM ZHES BYA BA NI GNYI GA MA YIN PA LA GNAS TE YANG DAG PA'I MTHA' MNGON DU BGYI'AM ZHES ZHUS PA'O, ,MA YIN NO ZHES BYA BA NI LAM DANG LAM MA YIN PA GNYIS MA GRUB PAS, GNYI GA MA YIN PA YANG MI 'GRUB PA'I PHYIR DE LTAR YANG MA YIN NO ZHES BSHAD PA'O; ,GSOL PA BCOM LDAN 'DAS 'O NA JI LTAR BYANG CHUB SEMS DPA' SEMS DPA' CHEN POS YANG DAG PA'I MTHA' MNGON DU BGYI ZHES BYA BA NI, CI LA YANG MI GNAS PAR YANG DAG PA'I MTHA' MNGON DU BYA BA BSHAD PA'I SKYABS DBYE BA'I PHYIR ZHUS PA'O, ,RAB 'BYOR DE JI SNYAM DU SEMS ZHES BYA BA LA SOGS PA NI; RAB 'BYOR NYID CI LA YANG MI GNAS PAR SEMS RNAM PAR GROL BA KHAS LEN DU BCUG PAS, NYAN THOS LA SOGS PA DMIGS PA CAN RNAMS GDUL BA'I PHYIR BCOM LDAN 'DAS KYIS DRIS PA STE, LAM DANG LAM MA YIN PA RNAM PA BZHIR PHYE BA NI SNGA MA BZHIN NO, ,RAB 'BYOR GANG YANG RNAM PA THAMS CAD MKHYEN PA NYID CES BYA BA LA SOGS PAS NI RNAM PA THAMS CAD MKHYEN PA NYID BSTAN PA STE, ZHI BA'I RNAM PA ZHES BYA BA NI DE BZHIN GSHEGS PA'I YE SHES RNAM PAR RTOG PA DANG, YONGS SU RTOG PA THAMS CAD SPANGS PA, CHOS KYI DBYINGS RNAM PAR DAG PA'I RANG BZHIN DU 'GYUR BA DE LA ZHI BA'I RNAM PA ZHES BYA STE, CHOS THAMS CAD KYI YANG DAG PA'I RNAM PA YANG DE YIN PA'I PHYIR, RNAM PA THAMS CAD MKHYEN PA NYID CES BYA'O, ,RAB 'BYOR 'DI LTAR YANG RNAM PA GANG DANG, TSUL GANG DANG ZHES BYA BA LA SOGS PAS KUN RDZOB TU RNAM PA THAMS CAD MKHYEN PA NYID BSTAN PA STE, 'JIG RTEN DANG 'JIG RTEN LAS 'DAS PA'I CHOS THAMS CAD KYI RANG DANG SPYI'I MTSAN NYID THAMS CAD MA NOR BAR RNAM PA THAMS CAD DU THUGS SU CHUD PA LA RNAM PA THAMS CAD MKHYEN PA NYID CES BYA'O ZHES BSTAN PA'O, ,GSOL PA BCOM LDAN 'DAS RNAM PA THAMS CAD MKHYEN PA NYID DANG ZHES BYA BA LA SOGS PA NI, THAMS CAD SHES PA NYID DANG LAM GYI RNAM PA SHES PA NYID DANG, RNAM PA THAMS @251B CAD MKHYEN PA NYID DANG, RNAM PA GSUM PO 'DI LA RNAM PAR GROL BA'I BYE BRAG MED PA DANG, BAG CHAGS MA SPANGS PA'I BYE BRAG YOD PA BSTAN PA'I SKABS DBYE BA'I PHYIR ZHUS PA'O, ,RAB 'BYOR NYON MONGS PA SPANGS PA LA NI BYE BRAG MED DE ZHES BYA BA LA SOGS PAS NI, NYON MONGS PA SPANGS TE, RNAM PAR GROL BAR NI MTSUNGS MOD KYI, BAG CHAGS YAN CHAD MA LUS PA SPANGS PA DANG, MA SPANGS PA LA BYE BRAG YOD DE, DE BZHIN GSHEGS PA NI NYON MONGS PA THAMS CAD BAG CHAGS PHRA MO YAN CHAD SPANGS KYI, NYAN THOS DANG RANG SANG RGYAS RNAMS NI, NYON MONGS PA THAMS CAD SPANGS KYANG, BAG CHAGS MA SPANGS SO ZHES BSTAN PA'O, ,BYANG CHUB SEMS DPA' RNAMS KYANG BAG CHAGS PHRA MO MA SPANGS MOD KYI, LAS DANG NYON MONGS PA LA DBANG THOB PAS NYAN THOS DANG MI 'DRA'O, ,GSOL PA BCOM LDAN 'DAS CI LAGS, NYAN THOS DANG RANG SANGS RGYAS DE DAG THAMS CAD KYIS 'DUS MA BGYIS MA THOB PAR NYON MONGS PA SPANGS PA BGYIS SAM ZHES BYA BA NI, MYA NGAN LAS 'DAS PA 'DUS MA BYAS PA ZHES BYA BA DE MA MTHONG BAR NYON MONGS PA SPANG DU YANG MI RUNG, THOB NA NI NYON MONGS PA SPANG DU YANG MED NA JI LTAR NYON MONGS PA SPANG SNYAM NAS ZHUS PA'O, ,BCOM LDAN 'DAS KYIS BKA' STZAL PA, DE NI MA YIN NO ZHES BYA BA NI DON DAM PAR THOB PAR BYA BA DANG, SPANG BAR BYA BA GNYIS KA DMIGS SU MED PA'I PHYIR DE NI MA YIN NO ZHES GSUNGS SO, ,YANG RNAM PA GCIG TU NA, KUN RDZOB TU YANG 'DUS MA BYAS SNGAR THOB STE, NYON MONGS PA PHYIS SPANGS PA YANG MA YIN, NYON MONGS PA SNGAR SPANGS TE, 'DUS MA BYAS PHYIS THOB PA YANG MA YIN GYI NYON MONGS PA'I GNYEN PO ZAG PA MED PA'I YE SHES THOB PA NYID KYI TSE, NYON MONGS PA RNAMS KYANG 'GAGS TE, GNYEN PO SKYES PA DANG, NYON MONGS PA 'GAGS PA GNYIS SU GCIG PA'I PHYIR 'DUS MA BYAS MA THOB PAR NYON MONGS PA SPANGS PA YANG MA YIN, NYON MONGS PA SPANGS NAS, 'DUS MA BYAS THOB PA YANG MA YIN NO ZHES BSHAD PA'O, ,GSOL PA BCOM LDAN 'DAS CI LAGS, 'DUS MA BYAS LA BYE BRAG DMIGS SU MCHIS SAM ZHES BYA BA NI RNAM PAR GROL BA'I RANG BZHIN MYA NGAN LAS 'DAS PA 'DUS MA BYAS PA ZHES BYA BA DE, NYAN THOS DANG RANG SANGS RGYAS DANG, DE BZHIN GSHEGS PA RNAMS KYI 'DUS MA BYAS PA @252A *, ,RNAM PAR GROL BA LA BYE BRAG MCHIS SAM ZHES ZHUS PA'O, ,BCOM LDAN 'DAS KYIS BKA' STZAL PA, DE NI MA YIN NO ZHES BYA BA NI, NYON MONGS PA MTSAN NYID RNAM PAR GROL BA 'DUS MA BYAS PA ZHES BYA BA DE LA, BYE BRAG MED DO ZHES BSHAD PA'O, ,GSOL PA, BCOM LDAN 'DAS GAL TE DE LTAR DMIGS SU MA MCHIS NA ZHES BYA BA LA SOGS PA NI, DE LTAR 'DUS MA BYAS PA LA BYE BRAG DBYER MA MCHIS NA, DE BZHIN GSHEGS PA LA NI BAG CHAGS KYIS MTSAMS SBYOR BA MI MNGA', NYAN THOS DANG RANG SANGS RGYAS RNAMS LA NI BAG CHAGS KYIS MTSAMS SBYOR BA YOD DO ZHES CI'I SLAD DU BYE BRAG MCHIS PAR BSHAD CES ZHUS PA'O, , BCOM LDAN 'DAS KYIS BKA' STZAL PA, RAB 'BYOR BAG CHAGS KYIS MTSAMS SBYOR BA NI, NYON MONGS PA MA YIN MOD KYI ZHES BYA BA LA SOGS PAS NI, NYON MONGS PA SPANGS PA'I MTSAN NYID RNAM PAR GROL BA LA NI BYE BRAG MED KYI BAG CHAGS SPANGS MA SPANGS PA LA NI BYE BRAG YOD PA BSTAN PA STE, NYAN THOS DANG RANG SANGS RGYAS RNAMS, BAG CHAGS RNAM PA THAMS CAD DU MA SPANGS PAS, 'DOD CHAGS DANG, ZHE SDANG DANG, GTI MUG GI BAG CHAGS KYI DBANG GIS LUS DANG NGAG GI SPYOD PA 'GYUR BA YOD DO, ,DPER NA 'PHAGS PA DGRA BCOM PA DAG NYON MONGS PA SPANGS KYANG, KHA CIG SNGON GYI BAG CHAGS KYI DBANG GIS, ME LONG LA LTA BA DANG, MCHOD ZHING 'GRO BA DANG, PI LIN DHA BAD SA LTA BU GANG G'A'I LHA MO LA DMANGS MO'I TSIG BRJOD PA LTA BU STE BAG CHAGS DE DAG LAS GYUR PA'I LUS DANG NGAG GI SPYOD PA DE LTA BU NI BYIS PA SO SO'I SKYE BO THAMS CAD LA YOD DO, ,KUN DANG THUN MONG BA 'DRAS KYANG, 'PHAGS PA RNAMS NYON MONGS PA THAMS CAD SPANGS PAS BAG CHAGS LAS GYUR PA'I LUS DANG NGAG GI SPYOD PA DE DAG NI SU LA YANG GNOD PA MED PA'I PHYIR, 'DUS MA BYAS PA LA BYE BRAG MED DO ZHES BSTAN PA'O, ,DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS ZHES BYA BA LA SOGS PA NI BAG CHAGS DE LTA BU DE BZHIN GSHEGS PA LA NI YANG YE MI MNGA'O ZHES BYA BA'I DON TO, ,'PHAGS PA SHES RAB KYI PHA ROL TU PHYIN PA STONG PHRAG BRGYA PA RGYA CHER BSHAD PA, DUS GSUM SKYED MDZAD YUM LA PHYAG 'TSAL TE, ,BLA MA'I LUNG GIS NYID LA PHAN MDZAD PHYIR, ,RLOM PA MI MNGA' ZHAL BSKYUNGS MDZAD MOD KYI, ,SKYE BO YONGS LA BRTZE PHYIR MDO GZHUNG BKROL, ,GNAS BRTAN CHE LA GUS PAS PHYAG 'TSAL LO, ,RDZOGS SO,, ,,