@1A *, ,SHES PHYIN MA PA BZHUGS SO, , @1B [DD] #, ,RGYA GAR SKAD DU, BHA GA BA TI PRADZNY'A P'A RA MI TA NA WA SHLOO KA PIndA AARTHA, BOD SKAD DU, BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD [DD] PA DGU PA, 'JAM DPAL GZHON NUR GYUR PA LA PHYAG 'TSAL LO, ,SHES RAB PHA ROL PHYIN PA RGYA MTSO STE, ,DGE BA RIN CHEN 'BYUNG GNAS RANG NYID YIN, ,PHA ROL PHYIN PA DAG NI THAMS CAD KYANG,, DE RU DE YI BDAG NYID DAG GIS GNAS, ,SPROS PA MED CING SNANG BA MED, ,RNAM RTOG MED CING SKYON DANG BRAL, ,RANG BZHIN MED MCHOG SHIN TU PHRA, ,THIG LE SGRA NI RNAM PAR SPANGS, ,SHES RAB PHA ROL PHYIN YUM NI, ,SANGS RGYAS THAMS CAD BSKYED PA'I MCHOG ,RJES SU MI DMIGS GSUM GYI TSUL, ,THAMS CAD MKHYEN PA'I SPYOD YUL GYI, ,SHES RAB PHA ROL PHYIN PA NI, ,GANG ZHIG YANG DAG BSGOM 'DOD PAS, ,DES NI TSIGS BCAD DGU PA'I DON, ,MDOR BSDUS PA NI BSAM PAR BYA, ,LAS KYI MTHU LAS BYUNG BA YI, ,SKYE MCHED DRUG GI MTSAN NYID CAN, ,YANG @2A *, ,SRID ZHES BYAR GRAGS PA YIN, ,DE NI MIG YOR DAG DANG MTSUNGS, ,JI LTAR SPRUL PA'I GRONG KHYER LA, ,SPRUL PA RNAM PAR LTA BA BZHIN, ,LAS RNAMS KYIS SPRUL 'GRO BA YIS, ,GZUGS RNAMS DE BZHIN MTHONG BAR 'GYUR, ,CHOS RNAMS STON PA'I SGRA DANG NI, ,THOS PA'I SPYOD PA GANG CI 'ANG RUNG, ,MNYAN BYA THOS PA BYUNG GYUR PA, ,THAMS CAD BRAG CA LTA BU YIN, ,YUL LA CHAGS PAS SNOM PA DANG,, MYANG DANG DE BZHIN REG PA RNAMS, ,DMIGS SU YOD PA MA YIN TE, 'DI DAG THAMS CAD RMI LAM 'DRA, ,JI LTAR SGYU MA'I 'KHRUL 'KHOR MI, ,BYA BA THA DAD BYED PA LTAR, ,LUS KYI 'KHRUL 'KHOR BDAG MED 'DI,, DE BZHIN BYA BA BYED PAR 'GYUR, ,DMIGS PA SNA TSOGS GANG DANG GANG, ,SKAD CIG RE RE 'BYUNG 'GYUR BA, ,MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,GZUNG BYA GZUGS BRNYAN LTA BU STE, ,THOG MA MED PA'I SEMS LAS BYUNG, ,RNAM PAR SHES PA'ANG DE 'DRA STE, ,PHAN TSUN GZUGS BRNYAN DAG DANG MTSUNGS, ,BSGOM PA DANG BA'I RGYUD LA NI, ,YE SHES ZLA BA GANG BYUNG BA, ,MNGON SUM YOD PA MA @2B YIN TE, ,DE NI CHU ZLA DAG DANG MTSUNGS, ,RNAL 'BYOR PA YI YE SHES GANG, ,DE YANG NAM MKHA'I MTSAN NYID DE, ,DE BAS SHES DANG SHES BYA DAG ,THAMS CAD NAM MKHA'I MTSAN NYID DO, ,DE LTAR DE BZHIN NYID SEMS PA, ,DNGOS PO KUN LA MI GNAS TE; BYANG CHUB SMON PA'I SEMS KYIS NI, ,YE SHES DE LTAR 'BYUNG BAR 'GYUR, ,BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD PA DGU PA, SLOB DPON CHEN PO KA MA PA LA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO A'A TZ'ARYA SHRADDH'A KA RA WARMA DANG, ZHU CHEN GYI LO TZ'A BA BANDE RIN CHEN BZANG POS BSGYUR CING ZHUS TE GTAN LA PHAB PA,, #, ,RGYA GAR SKAD DU, BHA GA BA TI PRADZNY'A P'A RA MI TA NA BA SHLOO KA PAndI AARTHA t'I KA, BOD SKAD DU, BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD PA DGU PA'I RGYA CHER BSHAD PA, BCOM LDAN 'DAS NGAG GI DBANG PHYUG LA PHYAG 'TSAL LO, ,SHES RAB PHA ROL PHYIN PA RGYA MTSO STE, ,DGE BA RIN CHEN 'BYUNG GNAS RANG NYID YIN, ,PHA ROL PHYIN PA DAG NI THAMS CAD KYANG, ,DE RU DE YI BDAG NYID DAG GIS GNAS, ,SPROS PA MED CING SNANG BA MED, ,RTOG PA MED CING SKYON DANG BRAL, ,DNGOS PO MED CING SHIN TU PHRA, ,BLO DANG SGRA NI RNAM SPANGS PA'O, ,SHES RAB PHA ROL PHYIN YUM NI, ,SANGS RGYAS THAMS CAD BSKYED PA'I MCHOG ,RJES SU MI DMIGS GSUM GYI TSUL, , KUN MKHYEN YE SHES RGYU CAN GYI, ,SHES RAB PHA ROL PHYIN PA NI, ,GANG ZHIG YANG DAG BSGOM 'DOD PAS, ,DES NI TSIGS BCAD DGU YI DON, ,MDOR BSDUS PA NI BSAM PAR BYA, ZHES BYA BA LA, SHES RAB NI GANG THOS PA DANG, BSAM PA DANG, BSGOM PA'I MTSAN NYID CAN NO, ,PHA ROL TU PHYIN PA NI RAB TU MTHAR THUG PAR 'GRO BAS RTOG PA THAMS CAD DANG BRAL PA'O ZHES BYA BA'I BAR DU STE, DE NI SHES RAB KYI PHA ROL TU PHYIN PA ZHES BYA BA LA, DE GANG ZHIG YANG DAG BSGOM 'DOD PAS ZHES BYA BA NI PHYIN CI MA LOG PA'I RNAM PAS YID LA BYED PAS @3A *, ,MNGON PAR DGA' BA GANG YIN PA DES NI TSIGS SU BCAD PA DGU PO 'OG NAS BSHAD PA'I DON ZHES PA DON GYI SGO NAS BSAM PAR BYA ZHING YID LA BYA'O, ,CI RGYAS PAR RAM ZHE NA, DE MA YIN PAR BSTAN PA'I PHYIR MDOR BSDUS PA NI ZHES BYA BA SMOS TE, NYUNG DU BSDUS PA'O, ,TSIGS SU BCAD PA DGU PO DE NYID RIM GYIS BSTAN PAR BYA BA'I PHYIR, LAS KYI MTHU LAS KUN BYUNG BA'I, ,SKYE MCHED DRUG GI MTSAN NYID CAN, ,YANG SRID CES BYAR GRAGS PA NI, ,DE NI MIG YOR DAG DANG MTSUNGS, ,ZHES BYA BA SMOS TE, LAS NI DGE BA DANG MI DGE BA RNAMS SO, ,LAS DE LAS BYUNG BA NI LAS KYI MTHU LAS ZHES BYA STE, LAS BDAG POR GYUR PA'O, ,DE LAS BYUNG BA NI YANG DAG PAR SKYES PA STE, DE GANG ZHE NA, SKYE MCHED DRUG GI MTSAN NYID CAN, ,ZHES BYA BA STE, SKYE BA NI RNAM PAR SHES PA'O, ,DE RGYAS PAR BYED PAS NA SKYE MCHED DE, NANG GI BDAG NYID CAN MIG DANG RNA BA DANG, SNA DANG LCE DANG LUS DANG YID DANG DRUG NI SKYE MCHED DRUG GI MTSAN NYID CAN NI MTSAN MA STE, LAS KYI MTHU LAS BYUNG BA'I SKYE MCHED DRUG GI MTSAN NYID CAN NO, ,DE JI LTA BU ZHE NA, YANG SRID CES BYA STE, YANG SKYE BAR BYED PA'I CHOS CAN ZHES BYA BA'I BAR DU'O, ,DE LTAR GRAGS PA NI RAB TU BRJOD CING DES PA ZHES BYA BA'I BAR DU'O, ,YANG DE NYID KYI DON DAM PA'I NGO BO NYID GANG YIN PA BSTAN PAR BYA BA'I PHYIR, DE NI MIG YOR DAG DANG MTSUNGS, ,ZHES BYA BA SMOS TE, MIG YOR NYID 'DRA ZHING MTSUNGS PA GANG YIN PA DE NI MIG YOR DANG MTSUNGS PA STE, BYED PA PO LAS DANG BYA BA RNAMS DANG BRAL BA'I PHYIR STONG PA'O ZHES BYA BA'I BAR DU'O, ,PHYI ROL GYI GZUGS LA SOGS PA'I SKYE MCHED GANG YIN PA'I NGO BO NYID DE RIM BZHIN DU BSTAN PAR BYA BA'I PHYIR, JI LTAR SPRUL PA'I GRONG KHYER LA, ,SPRUL PA RNAM PAR LTA BA BZHIN, ,LAS RNAMS KYIS SPRUL 'GRO BA YIS, ,GZUGS RNAMS DE BZHIN MTHONG BAR 'GYUR, ,ZHES BYA BA SMOS TE, JI LTAR SPRUL PA'I GRONG KHYER DE LA, DE LAS GZHAN PA'I SPRUL PA RNAM PAR LTA BAR BYED PA NA, @3B DE GNYIS YANG YOD PA MA YIN TE, YANG DAG PA MA YIN PA LAS KUN DU 'BYUNG BA'I PHYIR, BLTA BAR BYA BA DANG LTA BA PO GNYI GA YANG DE DANG 'DRA STE, GZUGS RNAMS DE BZHIN DU PHYI ROL DU SNANG BAR GYUR PA NA LAS KYIS SPRUL PAR 'GRO BAS KHAMS GSUM POR MTHONG BAR 'GYUR RO ZHES BYA BAR SHES PAR BYA STE, SPRUL PA NYID YIN PAR KHYAD PAR MED DE ZHES BYA BAR DGONGS SO, ,SGRA RNAMS NI BRAG CA DANG MTSUNGS SO ZHES BSTAN PAR BYA BA'I PHYIR, CHOS RNAMS STON PA'I SGRA DANG NI, ,THOS PA'I SPYOD YUL GANG CI'ANG RUNG, ,MNYAN BYA THOS PA BYUNG GYUR PA, ,THAMS CAD BRAG CA LTA BU YIN, ,ZHES BYA BA SMOS TE, CHOS RNAMS STON PA ZHES BYA BA NI STON PA PO'I DBANG DU BYAS PA LAS BYUNG ZHING DE LAS GRAG PA'I SGRA RNAMS SO, ,THOS PA'I SPYOD YUL NI THOS PA'I YUL DU GYUR PA RNAMS SO, ,GANG CI'ANG RUNG ZHES BYA BA NI, GANG DE DANG RIGS MTHUN PA RNAMS KYANG NGO, ,MNYAN BYA THOS PA BYUNG GYUR PA, ,ZHES PA NI, MNYAN PAR BYA BA THOS SHING NYE BAR DMIGS PA GANG CI YANG RUNG BA'I SGRA RNAMS TE, GANG LAS THOS PAR GYUR PA YOD PA RNAMS SO, ,DE BAS NA KHYAD PAR MED PAR BSTAN PAR BYA BA'I PHYIR, THAMS CAD CES BYA BA SMOS SO; ,BRAG CA LTA BU YIN ZHES BYA BA NI GANG 'DI THAMS CAD KYANG BRAG CA DANG MTSUNGS PAR 'BYUNG BA YIN PA'I PHYIR RO, ,SKYES BU'I RMI LAM DANG 'DRA BAR BSTAN PA'I PHYIR, YUL LA CHAGS PAS SNOM PA DANG, ,MYANG DANG DE BZHIN REG PA RNAMS, ,DMIGS SU YOD PA MA YIN TE, ,'DI DAG THAMS CAD RMI LAM 'DRA, ,ZHES BYA BA SMOS TE, YUL LA CHAGS PAS ZHES BYA BA NI GANG YUL 'DOD PA DE RNAMS KYIS ZHES RE RE LA'ANG SBYAR BAR BYA'O, ,SNOM PA DANG ZHES BYA BA NI SNA'I RNAM PAR SHES PAS YUL DU BYAS PA STE, DRI'I RDZAS RNAMS SO,, MYANG ZHES BYA BA NI RO ZHES BYA BA RNAMS SO, ,DE BZHIN REG PA RNAMS ZHES BYA BA NI REG BYA RNAMS TE, DE LTAR YUL LA CHAGS PA RNAMS KYIS GANG ZHIG SPYOD PA'I DRI DANG RO DANG REG BYA ZHES BYA BAR GRAGS PA DE RNAMS NI DMIGS SU YOD PA MA YIN TE, CI'I PHYIR ZHE NA, 'DI DAG @4A *, ,THAMS CAD RMI LAM 'DRA, ,ZHES BYA BA SMOS TE, DE RNAMS NI RMI LAM DANG MTSUNGS SHING KHYAD PAR MED DO ZHES BYA BAR DGONGS SO, ,CI GAL TE, MIG LA SOGS PA NANG GI SKYE MCHED RNAMS DANG GZUGS LA SOGS PA PHYI'I SKYE MCHED RNAMS KYANG MED PAR GYUR NA DE DANG LDAN PA'I BYA BA DANG SPYOD PA JI LTAR SNANG ZHES RTOG PA BSAL BA'I PHYIR, JI LTAR SGYU MA'I 'KHRUL 'KHOR MI, ,BYA BA THA DAD BYED PA LTAR, ,LUS KYI 'KHRUL 'KHOR BDAG MED 'DI, ,DE BZHIN BYA BA BYED PAR 'GYUR, ,ZHES BYA BA SMOS TE, SGYU MA NYID KYI 'KHRUL 'KHOR GYI GZUGS BRNYAN GYI MI GANG YIN PA DE NI SGYU MA'I 'KHRUL 'KHOR GYI MI'O, ,BYA BA THA DAD BYED PA LTAR, ,ZHES BYA BA NI JI LTAR DE LA BYA BA DANG SPYOD PA YOD PA MA YIN YANG DE LA LUS KYI SPYOD PA DANG BYA BA 'GRO BA LA SOGS PA'I MTSAN NYID CAN THA DAD CING SNA TSOGS PA RNAMS BYED PAR 'GYUR RO, ,DE BZHIN DU, LUS KYI 'KHRUL 'KHOR BDAG MED 'DI, ,ZHES BYA BA STE, LUS NYID 'KHRUL 'KHOR LTA BU YIN PAS NA LUS KYI 'KHRUL 'KHOR ZHES BYA'O, ,GANG GI PHYIR BDAG DANG BRAL BAS NA BDAG MED PA ZHES BYA STE, DE LTAR BDAG MED PAS NA 'DI LA NI DON DAM PAR BYA BA DANG LDAN PA 'GA' YANG MED DO ZHES BYA BA'I BAR DU'O, ,DE BZHIN BYA BA BYED PAR 'GYUR, ,ZHES BYA BA NI DE LTAR BYA BA DANG LDAN PA'I BDAG MED KYANG SGYU MA'I 'KHRUL 'KHOR GYI MI'I GZUGS BRNYAN BYA BA SNA TSOGS BYED PA DE BZHIN DU 'DIR YANG DE DANG KHYAD PAR SHES PAR BYA'O,, SMIG RGYU DANG MTSUNGS BAR YANG BSTAN PAR BYA BA'I PHYIR, DMIGS PA SNA TSOGS GANG DANG GANG, ,SKAD CIG RE RE 'BYUNG 'GYUR BA, ,MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,ZHES BYA BA SMOS TE, DMIGS PA RNAM PA SNA TSOGS GANG YIN PA DE NI NYE BAR DBYE BAS YONGS SU BRTAGS PA YIN LA, GANG DANG GANG ZHES BYA BA NI SKAD CIG MA'I MTSAN NYID CAN NO, ,SKAD CIG RE RE 'BYUNG 'GYUR PA, ,ZHES BYA BA NI SKAD CIG RE RE ZHING SKYE BAR 'GYUR BA'AM, MTSAN NYID SO SOR 'BYUNG BAR 'GYUR BAS NA, SKAD CIG RE RE @4B 'BYUNG 'GYUR BA, ,ZHES BYA BA STE, SKAD CIG MA NYID DO ZHES BYA BA'I BAR DU'O, ,DE YANG DON DAM PAR NGO BO NYID JI LTA BU ZHE NA, MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,ZHES BYA BA SMOS TE, JI LTAR SA'I 'GYUR BA DANG, NYI MA'I 'OD ZER PHRAD PA LAS SMIG RGYU'I TSOGS SNANG BA DANG PO MTHONG BA YANG PHYIS 'JIG PAR 'GYUR BA DE BZHIN DU NYE BAR DMIGS PA'I YUL RNAMS LA RNAM PAR SHES PA 'BYUNG BA NI DNGOS PO MED CING MTSAN NYID DANG BRAL BAS SNGON DANG PHYI MA MI 'PHRAD PA'I NGO BO NYID YIN PA'I PHYIR, MI 'DRA BA'I RANG BZHIN CAN YIN PA LAS BYIS PAR GYUR PAS MTHA' GCIG TU RTOG CING 'DUG LA, KUN RDZOB KYI BDEN PAR RTOGS PA'I GZUNG BA DANG 'DZIN PA'I CHA GNYIS SU SNANG BA DE YANG GANG STONG ZHING RANG BZHIN GYIS 'OD GSAL BA GZOD MA NYID NAS MA SKYES PA'I SEMS KYI CHOS NYID DU BSTAN PA YIN NO, ,GZUGS BRNYAN DANG 'DRA BA NYID DU BSTAN PAR BYA BA'I PHYIR, GZUNG BYA GZUGS BRNYAN LTA BU STE, ,THOG MA MED PA'I SEMS LAS BYUNG, ,RNAM PAR SHES PA'ANG DE 'DRA STE, ,PHAN TSUN GZUGS BRNYAN DAG DANG MTSUNGS, ,ZHES BYA BA SMOS TE, GZUNG BYA ZHES BYA BA NI KHA PHYIR BLTAS PA GOMS PA'I BAG CHAGS KYI DBANG DU BYAS PA STE, GZUNG BA NYID DU MNGON PAR ZHEN PAS, GNYIS SU MED NA YANG NGO BO NYID GNYIS SU SO SOR SNANG BAR GYUR PA'O, ,GZUGS BRNYAN LTA BU STE ZHES BYA BA NI GZUGS BRNYAN DANG MTSUNGS PA GANG YIN PA DE LA NI GZUGS BRNYAN LTA BU ZHES BYA BA STE, ME LONG GI DKYIL 'KHOR GYI NANG DU CHUD PA'I BZHIN LA SOGS PA DANG 'DRA BA'O, ,THOG MA ZHES BYA BA NI THOG MA MED PA'I DUS KYI SEMS KYI RNAM PAR 'PHRUL PA LAS BYUNG BA'O, ,DE GANG ZHE NA, SEMS LAS BYUNG ZHES BYA BA STE, SEMS NYID LAS BYUNG BAS NA SEMS LAS BYUNG BA ZHES BYA BA YIN TE, DE TZAM DU RJES SU 'BREL BA'I PHYI'I DNGOS PO LA LTOS PA MED LA ZHES BYA BA'I BAR DU'O, ,DE BAS NA DE NI GZUGS BRNYAN LTA BU STE, SPYI DANG KHYAD PAR GYI DUS NYID KYIS RNAM PAR BRTAG SNA YOD PA MA YIN NO, ,'BA' ZHIG TU MA ZAD KYI RNAM @5A *, ,PAR SHES PA'ANG DE DANG 'DRA STE ZHES BYA BA NI, RNAM PA DE NYID DANG CHA 'DRA BA'I SHES PA GANG YIN PA DE LA RNAM PAR SHES PA'ANG DE 'DRA STE ZHES BYA'O, ,'ANG ZHES BYA BA NI BSDU BA STE, 'DZIN PA YOD PA'ANG DE DANG 'DRA STE, GZUNG BAR BYA BA DANG BRAL NA 'DZIN PA PO 'ANG YOD PA MA YIN NO BYA BAR DGONGS TE, 'BREL PA'I SGRAS NI PHAN TSUN GCIG LA GCIG LTOS PA YIN PA'I PHYIR, PHAN TSUN GZUGS BRNYAN DAG DANG MTSUNGS, ,ZHES BYA BA SMOS TE, GZUNG BAR BYA BA DANG 'DZIN PO NI GCIG LA GCIG LTOS PAR BYA BA YIN TE, DE GNYIS KAR DMIGS PA'I PHAN TSUN RJES SU 'BREL PA'I NGO BO NYID NI RANG BZHIN GYIS 'OD GSAL BA'I SEMS KYI CHOS NYID YIN NO ZHES BYA BAR DGONGS SO, ,RANG BZHIN GYIS 'OD GSAL BA'I SEMS DE NYID KYANG GZUNG BA DANG 'DZIN PA DANG BRAL ZHING, 'DOD CHAGS LA SOGS PA DANG MA RIG PA'I DRI MA SPANGS TE, RNAM PAR DAG PAR GYUR PA NI YOD DO ZHES MNGON PAR ZHEN PA SPANGS PAR BYA BA'I DON DU CHU ZLA DANG MTSUNGS PAR BSTAN PAR BYA BA'I PHYIR, ,BSGOM PA DANG BA'I RGYUD LA NI, ,YE SHES ZLA BA GANG BYUNG BA, ,MNGON SUM YOD PA MA YIN TE, ,DE NI CHU ZLA DAG DANG MTSUNGS,, ZHES BYA BA SMOS TE, BSGOM PA NI SEMS RTZE GCIG PA'I MTSAN NYID CAN TE, DE GANG LA YOD PA DE NI BSGOM PA'O, ,DANG BA NI BAG CHAGS KYI RNYOG PA DANG BRAL BA'O, ,RGYUD LA ZHES BYA BA NI LUS DANG NGAG DANG YID KYI RGYUD DE, RTEN CING 'BREL PAR 'BYUNG BA LUGS LAS BZLOG CING, YANG DAG PA'I YE SHES SKYES PA'I BDAG NYID CAN LA'O, ,YE SHES ZLA BA GANG BYUNG BA, ,ZHES BYA BA NI YANG DAG PA'I YE SHES NI MA RIG PA'I MUN PA SEL CING NYON MONGS PA'I GDUNG BZHI BAR BYED LA, BAG CHAGS KYI DRI MAS MA GOS PAS ZLA BA DANG CHOS MTHUN PA'I PHYIR, YE SHES ZLA BZHES BYA LA, DE RGYUD DAG PA GANG LAS BYUNG ZHING SHAR BA DE YANG DNGOS POR GZUNG DU MED PA'I PHYIR, MNGON SUM YOD PA MA YIN TE, ,ZHES BYA STE, DE LTAR SNANG DU ZIN KYANG GANG GI PHYIR MNGON SUM DU DMIGS SHING GZUNG DU MED DO, ,CI'I PHYIR ZHE NA, STONG PA NYID KYI CHOS RNAMS @5B LAS STONG PA NYID KYI CHOS RNAMS KHO NA 'BYUNG BA'I PHYIR RO, ,DE BAS NA GZOD MA NYID NAS MA SKYES PA'I PHYIR, DE NI CHU ZLA DAG DANG MTSUNGS, ,ZHES BYA BA STE, 'DI LTAR CHOS KYI DBYINGS KYI NGO BO NYID YIN PAS NA DNGOS PO LA MNGON PAR ZHEN PA MNGON SUM DU DMIGS SU YOD PA MA YIN NO; ,DE LTAR DE KHO NA NYID YIN PA'I PHYIR CHOS THAMS CAD DMIGS SU MED PAS MNGON SUM DU BYA BAR MI NUS SHE NA, MNGON SUM DU BYA BA'I THABS CHOS THAMS CAD NAM MKHA' DANG MNYAM PAR BSTAN PAR BYA BA'I PHYIR, RNAL 'BYOR BA YI YE SHES GANG, ,DE YANG NAM MKHA'I MTSAN NYID DE, ,DE BAS SHES DANG SHES BYA DAG ,THAMS CAD NAM MKHA'I MTSAN NYID DO, ,ZHES BYA BA SMOS TE, 'DI LTAR ZHI GNAS TE, SEMS RTZE GCIG PA'I MTSAN NYID DANG, LHAG MTHONG STE, YANG DAG PA'I SHES RAB KYI MTSAN NYID ZUNG DU 'BREL BAR 'JUG PA LA NI RNAL 'BYOR CES BYA LA DE GANG LA YOD PA DE LA NI RNAL 'BYOR PA ZHES BYA STE, DE RNAMS KYI YE SHES GANG YIN PA DE DAG KYANG CHOS THAMS CAD NAM MKHA'I MTSAN NYID YIN PA'I PHYIR, 'KHOR BA DANG MYA NGAN LAS 'DAS PA LA MI GNAS PA'I NGO BO NYID THABS DANG SHES RAB GNYIS SU MED PAR GYUR PA'I DE BZHIN NYID KYI YE SHES DE NI DE BZHIN GSHEGS PA'I BDAG NYID CAN TE, DE YANG PHUNG PO DANG KHAMS DANG SKYE MCHED LA SOGS PA SPROS PA'I BDAG NYID CAN MA YIN TE, GANG DE BZHIN NYID KYI BDAG NYID CAN CHOS KYI DBYINGS MI G-YO BA'I NGO BO NYID KYIS GZOD MA NYID NAS MA SKYES PA'I RANG BZHIN TE, 'GRO BA DANG 'OD BA LA SOGS PA'I NGO BO NYID DANG BRAL BA'I PHYIR DNGOS PO MED PA'O ZHES KYANG BRJOD PAR NUS PA MA YIN TE, DGAG PAR BYED PA MED PA'I PHYIR RO, ,MA SKYES PA'I NGO BO NYID DU YANG YOD PA MA YIN TE, DE BAS NA, DE YANG NAM MKHA'I MTSAN NYID DE, ,ZHES BYA BA SMOS TE, SPROS PA THAMS CAD DANG BRAL BA'I PHYIR; NAM MKHA' DANG 'DRA BAS NA NAM MKHA' STE, DE NYID KYI MTSAN NYID CAN GYI MTSAN MA GANG YIN PA DE NAM MKHA'I MTSAN NYID DE, GANG GI PHYIR RGYU DES NA CHOS THAMS CAD SGRIB PA MED PA'I NGO BO NYID YIN PA'I PHYIR RO, ,GTAN TSIGS DE BAS NA SHES PA STE, KHAMS GSUM @6A *, ,PAR ZHUGS PA'I SEMS DANG, SEMS LAS BYUNG BA RNAMS KYANG NAM MKHA'I MTSAN NYID YIN LA, SHES BYA DAG STE, DES MTHONG BA'I YUL MA RIG PA'I RJES SU ZHUGS PAS SNOD DANG BCUD KYI 'JIG RTEN GYI MTSAN NYID CAN SEMS CAN RNAMS KYI PHUNG PO KHAMS DANG SKYE MCHED LA SOGS PA'I NGO BO NYID NI SHES BYA STE, SHES PAS YUL DU BYAS PAS SHES BYA NYID TZAM DU RJES SU 'BREL CING KHONG DU CHUD PAR BYA BA'I SHES BYA GANG YIN PA DE NI YUL NYID DU YONGS SU BRTAGS PAS SHES BYA ZHES BYA LA, THAMS CAD MKHYEN PA'I YE SHES LA NI, DE GNYI GA YANG NAM MKHA' DANG MNYAM MO, ,DE BAS NA DE'I KHYAB PA NYID BSTAN PA NI THAMS CAD CES BYA BA STE, PHYOGS GCIG TZAM MA YIN TE LHAG MA MED PAR RO, ,GANG 'DI LTAR NYAN THOS RNAMS KYIS GANG ZAG TZAM LA BDAG MED KYI PHUNG PO LA SOGS PA YOD PA DANG, DE RNAMS KYI THAR PA'I MTSAN NYID DU PHUNG PO LHAG MA DANG BCAS PA'I MYA NGAN LAS 'DAS PAR 'DOD PA DANG, GZHAN DU NA LHAG MA MED PA'I MYA NGAN LAS 'DAS PAR 'DOD CING SMRA LA, BCOM LDAN 'DAS KYIS NI DE DAG THAMS CAD NAS THAMS CAD DU DNGOS PO THAMS CAD STONG PA NYID DU GSUNGS KYI, MU STEGS PA LTA BU'I PHYOGS GCIG PA'I STONG PA NYID NI MA YIN NO, ,DE BAS NA DE'I DON NI 'DI YIN TE, 'GRO BA GANG CI 'ANG RUNG NAM MKHA'I MTSAN NYID DU MA GYUR PA NI 'GA' YANG MED DE, DE BAS NA, THAMS CAD NAM MKHA'I MTSAN NYID DO, ,ZHES BSHAD DO, ,DE LTAR TSIGS SU BCAD PA DGUS DE KHO NA NYID BSTAN NAS, 'DIR DNGOS PO MED PAS THOB PA'I 'BRAS BU MED PAR DOGS PA BSAL CING BYANG CHUB SEMS DPA'I RIGS CAN RNAMS KYI 'BRAS BU NYE BAR BSTAN PA'I PHYIR, DE LTAR DE BZHIN NYID SEMS PA, ,DNGOS PO KUN LA MI GNAS TE, ,BYANG CHUB SMON PA'I SEMS KYIS NI, ,YE SHES DE LTAR 'BYUNG BAR 'GYUR, ,ZHES BYA BA SMOS PA YIN NO, ,BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA TSIGS SU BCAD PA DGU PA'I RGYA CHER BSHAD PA SLOB DPON CHEN PO KAM PA LA'I ZHAL SNGA NAS MDZAD PA RDZOGS SO,, ,, @6B RGYA GAR GYI MKHAN PO KA MA LA GUPTA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,, #, ,RGYA GAR SKAD DU, A'ARYA SAPTA SHA TA K'A PRADZNY'A P'A RA MI TA t'I KA ,BOD SKAD DU, 'PHAGS PA SHES RAB KYI PHA ROL TU PHYIN PA BDUN BRGYA PA'I RGYA CHER 'GREL PA, BAM PO DANG PO, NGAG GI DBANG PHYUG ZAB CING GTING RTOGS BLO MNGA' BA, ,THUGS RJE CHE LDAN SKYABS KYI NGANG LA PHYAG 'TSAL TE, KUN RMONGS GNAS NGAN LEN GYI NAGS CHEN SREG PA'I ME, ,BDUN BRGYA PA NI MDOR BSDUS KUN NAS BSHAD PAR BYA, ,SANGS RGYAS SKYED MA THAMS CAD LA YANG LHAG MTHONG DANG, ,ZHI GNAS DANG NI GNYIS PO MNYAM PA'I DMIGS PA 'BYUNG, ,BDUN BRGYA PA LA'ANG BZHI PO GANG DAG BSTAN MOD KYI, ,'CHAD BYED RNAMS KYIS MA BSTAN DE DAG BRJOD PAR BYA, ,GLENG BSLANG BA NI MDOR BSDUS DANG, ,DE YI SKABS 'BYED PA DANG BCAS, ,'KHOR DANG GLENG GZHI RGYU DANG DON, ,MTHONG BA DANG NI BSGOM PA'I LAM, ,RGYU NI MOS SPYOD RNAM PA GSUM, ,BSTOD DANG RAB BSTOD BSNGAGS PA DANG, ,DMIGS DANG DE YI RNAM PA YI, ,TSUL GYI RJES MTHUN RNAM DRUG STE, ,DE NYID DON DAM DGONGS PA DANG, ,'THOB DANG MTHA' GNYIS SPANGS PA DANG, ,BSAM GYIS MI KHYAB PA DANG 'CHAD, ,DE 'BRAS 'THOB PA'I MTSAN NYID DANG, ,DE YI RJES MYONG RNAM PAR SGROGS, ,RANG GI NGO BO'I THOGS MED BLO, ,RIGS DANG BZHUGS DANG SPYOD PA DANG, ,YON TAN BCAS DANG BZOD PA GSUM, ,RJES SU GZUNG DANG SMON PA DANG, ,RJES SU BSTAN PA DPE DANG BCAS, ,MI RTOG PA YI GZUGS BRNYAN GSUNGS, ,DAM CHOS YUN RING GNAS CHED DU, ,LHA RNAMS KYIS NI RJES SU BSGRUBS, ,SANGS RGYAS RNAMS KYIS BYIN BRLABS 'DI, ,RNAM BSHAD MTSAN NYID MDO DON GYIS, ,BDUN BRGYA PA YI DON BSDUS YIN, ,DE LA TSIG DANG PO GSUM NI GLENG BSLANG BA'O, ,GLENG BSLANGS NAS SKABS 'BYED PAR RTZOM PA NI DUS GCIG NA ZHES BYA BA LA SOGS PA NAS, KUN DGA' RAB NA ZHES BYA BA'I @7A *, ,BAR YIN NO, ,BSHAD PAR GTOGS PA'I 'KHOR GYI DBANG DU BYAS NAS DGE SLONG STONG THAM PA'I ZHES BYA BA NAS, BYANG CHUB SEMS DPA' SA YA DANG THABS CIG GO ZHES BYA BA'I BAR DES NI 'KHOR BSTAN TO, ,DE PHAN CHAD NAS DE BZHIN GSHEGS PA'I PHO BRANG GAL BA DER MCHIS NAS, PHYOGS GCIG TU MCHIS SO, ,DE CI'I SLAD DU ZHE NA ZHES BYA BA'I BAR DU NI GLENG GZHI'O, ,DE DAG NI DE BZHIN GSHEGS PA LA BLTA BA DANG, PHYAG BGYI BA DANG ZHES BYA BA LA SOGS PA NI RGYU'O, ,DE'I 'BRAS BU NI SEMS CAN GYI DON TO, ,MI DMIGS PA'I TSUL GYIS DE BZHIN NYID KYI RNAM PA DANG, RNAM PAR MI RTOG PA'I RNAM PAR DE BZHIN GSHEGS PA LA BLTA BAR BYA'O ZHES BYA BA'I SA NAS BRTZAMS TE, BYANG CHUB SEMS DPA'I THEG PA PA DMIGS PA CAN RNAMS YANG DAG PA JI LTA BA BZHIN DU RTOGS PAR BYA BA'I PHYIR PHYAG RGYA 'DI GZHAG GO ZHES BYA BA'I BAR NI MTHONG BA'I LAM MO, ,BCOM LDAN 'DAS BDAG NI SHES RAB KYI PHA ROL TU PHYIN PA RGYA CHER STON PAR SPOBS LAGS SO ZHES BYA BA NAS BRTZAMS TE, BCOM LDAN 'DAS 'JIG TSOGS DE NI MA MCHIS PA STE, 'JIG TSOGS MA LAGS PAS DE NI MI 'PHO LA 'PHO BA DANG BRAL BA YANG MA LAGS TE, DE CI'I SLANG DU ZHE NA, 'JIG TSOGS DE NI 'JIG TSOGS MA LAGS SO ZHES BYA BA'I BAR NI BSGOM PA'I LAM MO, ,'DI LTAR MTHONG BA'I LAM GYI RJES LA BSGOM PA'I LAM YIN LA, MTHONG BA'I LAM DE'I RGYU GANG ZHE NA, DE'I RGYUR GYUR PA'I MOS PA RNAM GSUM YIN PAR BSTAN TE, DE LA DE NAS BCOM LDAN 'DAS LA TSE DANG LDAN PA SHA RA DVA TI'I BUS 'DI SKAD CES GSOL TO ZHES BYA BA NAS, BYANG CHUB TU NGES PAR 'GYUR BA LAGS SO ZHES BYA BA'I BAR SH'A RI'I BUS SMRAS PA RNAMS NI RANG GI DON DU MOS PA'O; ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO ZHES BYA BA NAS, BYANG CHUB LA NYE BAR GYUR PA LAGS SO ZHES BYA BA'I BAR BYAMS PA'I TSIG RNAMS NI RANG DANG GZHAN GYI DON DU MOS PA'O, ,DE NAS BCOM @7B LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES BYA BA NAS, DE DAG NI SANGS RGYAS NYID DU BLTA BAR BGYI'O ZHES BYA BA'I BAR 'JAM DPAL GYI TSIG NI GZHAN GYI DON DU MOS PA'O, ,DE NAS BCOM LDAN 'DAS LA SRING MO DMIGS PA MED PAS 'DI SKAD CES GSOL TO ZHES BYA BA LA SOGS PA SRING MO DMIGS PA MED PA'I TSIG NI THAR PA DANG NGES PAR 'BYED PA'I CHA'I MTSAN NYID MOS PAS SPYOD PA'I SAS BSDUS PA RNAMS KYI DMIGS PA DANG MTHONG BA DANG BSGOM PA'I LAM GYI DMIGS PA NI JI SNYED YOD PA DANG, JI LTA BA BZHIN DU YOD PA 'THAD PA SGRUB PA'I RIGS PA DANG BCAS PA YIN NO, ,DE NAS BCOM LDAN 'DAS KYIS TSE DANG LDAN PA SHA RA DVA TI'I BU LA BKA' STZAL PA, DE DE BZHIN NO ZHES BYA BA NAS BRTZAMS TE, DE DAG NI RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES DANG LDAN PA'I BAR DU 'GYUR RO ZHES BYA BA'I BAR NI MOS PA RNAM PA GSUM MO, ,DE LA YANG BCOM LDAN 'DAS KYIS BSTOD PA DANG RAB TU BSTOD PA DANG BSNGAGS PA'O, ,DMIGS PA MDOR BSTAN PA'O, ,RGYAS PAR BSTAN PA NI 'JAM DPAL KHYOD KYIS DON GYI DBANG CI ZHIG MTHONG NA ZHES BYA BA NAS, DE CI'I PHYIR ZHE NA, 'DI LTAR CHOS THAMS CAD NI, GANG LA GNAS TE RNAM PAR RIG PAR 'GYUR BA'I SKYE BA MED PA'I PHYIR RO ZHES BYA BA LA THUG PA'I BAR YIN NO, ,GANG DAG MTSAMS MED PA LA ZHUGS PA DE DAG NI ZHES BYA BA LA SOGS PA NAS, KUN DGA' PO 'JIG RTEN DU SA G-YOS PA BYUNG BA 'DI'I RGYU NI DE YIN NO, ,RKYEN NI DE YIN NO ZHES BYA BA LA THUG PA NI DMIGS PA'I RNAM PA GTAN LA 'BEBS PA STE, TSUL RNAM PA DRUG BSTAN TO, ,BCOM LDAN 'DAS 'JAM DPAL 'DI NI BSAM GYIS MI KHYAB PA'I DPAL LO ZHES BYA BA NAS BSAM GYIS MI KHYAB PA NYID NI SGRA MA LAGS SO; ,SGRA MA LAGS PA YANG BSTAN PAR MI NUS SO ZHES BYA BA'I BAR NI DE'I 'BRAS BU THOB PA'I MTSAN NYID BSTAN TO, ,'JAM DPAL KHYOD BSAM GYIS MI KHYAB PA'I TING NGE 'DZIN LA SNYOMS PAR 'JUG GAM ZHES BYA BA NAS, 'DI LTAR 'JAM DPAL KHYOD NI SNGON GYI RGYAL BA LA BYA BA @8A *, ,BYAS PA STE, MI DMIGS PAR TSANGS PAR SPYOD PA YUN RING DU SPYAD PA'O ZHES BYA BA LA THUG PA'I BAR NI RJES SU MYONG BA BSTAN PA SMRAS PA YIN NO, ,CI 'JAM DPAL KHYOD SHES RAB KYI PHA ROL TU PHYIN PA LA GNAS TE, DE SKAD SMRA'O SNYAM DU SEMS SAM ZHES BYA BA NAS BRTZAMS TE, DE LTAR NA DE BZHIN GSHEGS PA'I DBYINGS DANG, BDAG GI DBYINGS 'DI NI GNYIS SU MA MCHIS TE, GNYIS SU DBYER MA MCHIS SO ZHES BYA BA'I BAR 'DI NI RANG GI NGO BO BSTAN PA YIN NO, ,BCOM LDAN 'DAS KYIS GANG BDAG BSGOM PA DE NI SHES RAB KYI PHA ROL TU PHYIN PA BSGOM PA'O ZHES BKA' STZAL PA DE YANG ZHES BYA BA NAS, BCOM LDAN 'DAS DE BZHIN DU YE SHES 'DI YANG MA BGYIS PA MA BSGRUBS PA MA BSKYED PA MA 'GAGS PA STE, DE'I SLAD DU MI BSGYUR BA LAGS SO ZHES BYA BA LA THUG PAS NI YE SHES THOGS PA MED PAR BSTAN TO, ,DE NAS BYANG CHUB SEMS DPA'I RIGS CAN GYI GANG ZAG STON TE, DE YANG RIGS LA GNAS PA DANG, ZHUGS PA DANG, SPYOD PA LA ZHUGS PA DANG, SPYOD PA'I YON TAN NO, ,'JAM DPAL DE BZHIN GSHEGS PA'I YE SHES BSTAN PA 'DI LA 'DI LTAR BSTAN PAR SU DAG MOS ZHES BYA BA LA SOGS PA NAS, 'JAM DPAL LEGS SO LEGS SO, ,KHYOD KYI TSIG 'DI LEGS PAR SMRAS SO ZHES BYA BA LA THUG PA'I BAR DU NI RIGS LA GNAS PA'I GANG ZAG BSTAN TO, ,DE NAS DE'I TSE BCOM LDAN 'DAS LA TSE DANG LDAN PA 'OD SRUNGS CHEN POS 'DI SKAD CES GSOL TO ZHES BYA BA NAS BRTZAMS TE, 'JAM DPAL SHES RAB KYI PHA ROL TU PHYIN PA ZAB MO SHIN TU MA SKYES PA DANG, DNGOS PO MED PA'I BAR 'DI BSTAN PA NA GANG DAG MOS PA NAS, KUN CHUB PAR BYED PA'I BAR DU BYED PA DE DAG NYID RIGS KYI BU DANG, RIGS KYI BU MO DE DAG GI RNAM PA DANG, RTAGS DANG MTSAN MA DE YIN NO, ,ZHES BYA BA'I BAR NI BYANG CHUB SEMS DPA'I RIGS CAN NYID KYI ZHUGS PA BSTAN TO, ,'JAM DPAL GANG DU SHES RAB KYI PHA ROL TU PHYIN PA BSTAN PA DER SANGS RGYAS KYI CHOS THAMS CAD BSTAN PAR @8B BLTA'O ZHES BYA BA NAS BRTZAMS TE, BKOD PA GCIG PA'I TING NGE 'DZIN BSGRUBS PA DE'I TSE'I TSAD JI TZAM BA DE TZAM DU GNAS SHING GLENG GZHI DANG BCAS PA'I CHOS STON PAR 'GYUR RO ZHES BYA BA LA THUG PA'I BAR GYIS NI SHES RAB KYI PHA ROL TU PHYIN PA LA SPYOD PA DANG TING NGE 'DZIN LA SPYOD PA BSTAN TO, ,'JAM DPAL DE LA BYANG CHUB SEMS DPA'I THEG PA PA KHA CIG 'DI SNYAM DU BKOD PA GCIG PA'I TING NGE 'DZIN 'DI ZHES BYA BA NAS, 'JAM DPAL GZHAN YANG TING NGE 'DZIN 'DI THOB PA'I BYANG CHUB SEMS DPA' SEMS DPA' CHEN PO MYUR DU BYANG CHUB KYI PHYOGS KYI CHOS RNAMS YONGS SU RDZOGS NAS MYUR BA NYID DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR NI SPYOD PA'I YON TAN NO, ,'JAM DPAL GZHAN YANG BYANG CHUB SEMS DPA' SEMS DPA' CHEN POS GANG GI TSE BDAG GI DBYINGS NAS, CHOS KYI DBYINGS KYI BAR DU ZHES BYA BA LA SOGS PA NAS, 'JAM DPAL DE LTA BAS NA RIGS KYI BU 'AM, RIGS KYI BU MO GANG GIS BSTAN PA 'DI THOS NAS ZHUM PAR MI 'GYUR BA DE YANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR NGAS BSHAD DO ZHES BYA BA LA THUGS PA'I BAR DU NI SGRA'I RJES SU 'BRANG BA DANG BSAM PA LAS BYUNG BA DANG BSGOM PA DANG RJES SU MTHUN PA'I BZOD PA RNAM PA GSUM BSTAN TO, ,'JAM DPAL DE LTA BAS NA DGE SLONG NGAM, DGE SLONG MA 'AM, DGE BSNYEN NAM DGE BSNYEN NAM DGE BSNYEN MA GANG DAG SHES RAB KYI PHA ROL TU BYIN PA ZAB MO 'DI LA ZHUM PAR MI 'GYUR BA NAS, NUR BA'I BAR DU MI 'GYUR BA DE DAG NI NGA LA SKYABS SU SONG BA'O ZHES BYA BA NAS BRTZAMS TE, BLO 'PHEL ZHING RGYAS PA DANG YANGS PAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SLU BAR MI BYED DO ZHES PA'I BAR DU DE BZHIN GSHEGS PAS RJES SU GZUNG BA BSTAN TO, ,'DI'I 'BRAS BU RNAM PAR PHYE STE 'CHAD PA NI PHYIS STON PAR 'GYUR RO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES @9A *, ,BYA BA NAS BRTZAMS TE, 'JAM DPAL GANG DAG SHES RAB KYI PHA ROL TU PHYIN PA ZAB MO 'DI THOS TE, THOS NAS KYANG DGA' BA DANG MGU BA YANGS PA THOB PA DE DAG NI DGE BA'I RTZA BA CHUNG BAR NGA MI 'CHAD DO ZHES BYA BA'I BAR GYIS NI SMON PA BSTAN NO, ,DBANG PO RNON PO MNGON DU ZHUGS PA GANG DAG CHOS BTAGS PA RNAM PAR GZHAG PA LA BRTEN NAS JI SNYED YOD PA DANG, JI LTA BA BZHIN DU YOD PA RTOGS PAR NUS PA DE DAG GI CHED DU BYA BA RNAMS RDZOGS SO, ,DA NI 'JAM DPAL GANG ZHIG SHES RAB KYI PHA ROL TU PHYIN PA BSTAN PA 'DI LA NYAN 'DOD PAR GYUR NA ZHES BYA BA NAS BRTZAMS TE, NYAN THOS DANG RANG SANGS RGYAS KYI SAR 'GRO BA'AM 'JUG PA'I SKAL BA CAN MA YIN NO ZHES BYA BA'I BAR DU NI DE LAS GZHAN PA GDAMS NGAG RJES SU BSTAN PA TZAM GYIS BSGRUB PAR BYA BA'I GDUL BYA RNAMS KYI CHED DU BYAS TE, DPE DANG BCAS PA'I TING NGE 'DZIN GYI SPYOD YUL RNAM PAR MI RTOG PA'I GZUGS BRNYAN BSTAN TO, ,DE NAS DE'I TSE LHA'I DBANG PO BRGYA BYIN DANG SUM CU RTZA GSUM PA'I LHA'I BU RNAMS KYIS LHA'I TZAN DAN GYI PHYE MA DANG ZHES BYA BA NAS, 'CHANG BA'I BAR DU BGYID PA'I RIGS KYI BU 'AM RIGS KYI BU MO DE DAG GIS, BDAG CAG GI 'DI NI LHAS BSGRUBS PA'O ZHES THE TSOM MA MCHIS PAR 'TSAL BAR BGYI'O ZHES BYA BA'I BAR DU NI LUNG DANG RTOGS PA'I CHOS KYI MTSAN NYID YUN RING DU GNAS PAR BYA BA'I PHYIR, LHA RNAMS KYIS BSGRUBS PA BSTAN TO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES BYA BA LA SOGS PAS NI DAM PA'I CHOS YUN RING DU GNAS PAR BYA BA'I PHYIR, SANGS RGYAS KYIS BYIN GYIS BRLABS PA BSTAN TE, DE DAG NI BSDUS PA'I DON TO, ,DA NI RGYAS PAR BSHAD PA BRTZAMS TE, DE LA CHOS SDUD PA PO LA 'KHOR RNAMS KYIS GSOL PA DANG SDUD PA POS GLENG BSLANG BA NI 'DI SKAD BDAG GIS THOS PA ZHES BYA BA YIN NO, ,'DIR YANG BDAG GIS THOS PA ZHES BYA BA YANG RJES SU BZLAS PA STE, SDUD PA PO NI CHOS NYAN PA DANG, KUN TU 'DZIN PA DANG 'CHAD BA DANG 'CHAD PAR BYED PA YIN PAR 'KHOR RNAMS KYIS @9B RNAM PA GZHAN GYI SGO NAS KHONG DU CHUD PA'I PHYIR RO, ,DE LTA MA YIN NA GSOL BA 'DEBS PA MI RIGS PA'I PHYIR RO, ,'DI SKAD CES BYA BA NI SGRUB PAR BYED PA STE, DE JI LTA BU YIN PA MI SHES NAS, DE BAS NA SHES PAR 'DOD PA'I PHYIR DON 'DI KHO NA YIN NO ZHES BYA BA NI 'DI SKAD CES BYA BAS SGRUB PAR BYED DE, GANG BDAG GIS THOS PA DE NI 'DI SKAD YIN GYI GZHAN DU MA YIN TE, LHAG CHAD SPANGS NAS, JI SKAD THOS PA 'OG NAS 'BYUNG BA MTHA' DAG RDZOGS PAR GLENG BSLANG BA YIN NO, ,CIG CAR THOS PA DANG, KUN 'DZIN PA DANG, 'CHANG BA DANG, 'CHAD PAR BSTAN PAS NI BDAG NYID SANGS RGYAS RNAMS LA DGE BA'I RTZA BA BSKYED PA NYID DANG, SANGS RGYAS DANG BYANG CHUB SEMS DPA' RNAMS KYIS RJES SU GZUNG BA YIN PAR BSTAN TE, DE LTA MA YIN NA DE LTA BUR NUS PA MI SRID PA'I PHYIR RO, ,DE NI BCOM LDAN 'DAS MGON PO BYAMS PAS KYANG BSTAN TE; SANGS RGYAS RNAMS LA BYA BA BYAS PA DANG, ,DE DAG RNAMS LA DGE BA'I RTZA BA BSKRUN, ,DGE BA'I BSHES GNYEN DAG GI MGON BCAS NI, ,'DI DAG NYAN PA'I SNOD DU 'GYUR BA YIN, ,SANGS RGYAS RNAMS LA BSNYEN BKUR KUN TU 'DRI, ,SBYIN DANG TSUL KHRIMS LA SOGS SPYOD PA NI,, KUN TU 'DZIN DANG 'CHANG BA LA SOGS PA'I, ,SNOD NYID DAM PA DE DAG YIN PAR DGONGS, ,DE NYID KYI PHYIR BDAG GIS ZHES BYA BA GSUNGS TE, GDUL BYA RNAMS THE TSOM DANG BRAL NAS, RAB TU DANG BA DANG RNA BA BLAGS TE NYAN PA DANG, GUS PA LA SOGS PA BSKYED PA'I PHYIR RO, , 'PHAGS PA DKON MCHOG SPRIN LAS KYANG SMAN PA SNYING RJE CAN BZHIN NO ZHES BSTAN TO, ,THOS PA'I TSIG GIS NI YI GE LA BRTEN PA'I SGRA JI LTA BA BZHIN ZHAL NAS GSUNGS PA NYID YIN PAR BLTA'O, ,DUS GCIG NA ZHES BYA BA LA SOGS PAS NI SKABS 'BYED PAR BYED PA RTZOM PA YIN NO, , DUS NI STON PA LA SOGS PA'I DUS SO, ,BDUD BZHI BCOM BAS NA BCOM LDAN 'DAS TE, YON TAN RIN PO CHE'I PHUNG PO MTHA' MED PA CAN 'GRO BA'I BLA MA LA BYA'O, ,BCOM LDAN 'DAS ZHES BYA BA'I TSIG GIS BRJOD PA NI RANG DANG GZHAN GYI DON DU ZHUGS PA'I 'KHOR GNYI GA'I YANG @10A *, ,CIG CHAR SKYABS SU 'OS PA NYID YIN PAR BSTAN PA'I PHYIR RO, ,RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BCOM LDAN 'DAS BZHUGS PAS NI GNAS DE MCHOD RTEN DU GYUR PA DANG MES 'JIG PA LA SOGS PAS MI SHIGS PAR YANG BSTAN TE, SA PHYOGS DE NI SKYON THAMS CAD LAS GROL BA'I DE BZHIN GSHEGS PA'I DBANG GIS BYUNG BA'I PHYIR RO, ,DE BZHIN GSHEGS PA'I SPYOD LAM BZHI PO GANG YANG RUNG BAS BZHUGS PA'I SA PHYOGS DE NI ME LA SOGS PA'I 'JIG PA RNAMS KYIS SHIGS PAR MI 'GYUR RO,, ZHES BYANG CHUB SEMS DPA'I SDE SNOD LAS BCOM LDAN 'DAS KYIS DNGOS SU BSTAN PA'I PHYIR RO, ,DE LTAR BYAS NA ZLA BA SGRON MA'I MDO LAS, RGYAL PO'I KHAB KYI SHAR PHYOGS 'DI NYID DU, ,SANGS RGYAS BYE BA STONG PHRAG MTHONG BA DANG, ,RGYAL BA DE DAG KUN GYI DRUNG DU NI, ,TING 'DZIN ZHI BA MCHOG 'DI ZHU BA BGYIS, ,ZHES BYA BA DANG, BLO GROS SHIN TU BRTAN PAS ZHUS PA LAS KYANG, BYAMS PA CHOS KYI RNAM GRANGS 'DI NI SANGS RGYAS BYE BA KHRAG KHRIG STONG PHRAG BDUN CU RTZA BZHIS SA PHYOGS 'DI NYID DU GSUNGS SO, ,ZHES BYA BA DAG DANG RJES SU MTHUN PAR 'GYUR RO, ,BZHUGS SO ZHES BYA BA NI SPYOD PA KHYAD PAR CAN DANG LDAN ZHING ZHES BYA BA'I THA TSIG GO, ,BZHUGS PA'I TSIG GIS NI LHA DANG 'PHAGS PA TSANGS PA'I GNAS PA BSTAN TE, RGYAL BYED KYI TSAL LA SOGS PA NA SEMS CAN GYI DON MCHOG TU MDZAD CING BCOM LDAN 'DAS DE LJONGS RGYU BA BZHIN DU BZHUGS PA YIN GYI, DUS BZLA BA'I MTSAN NYID KYI PHYIR NI MA YIN NO ZHES BYA BA'I DON TO, ,DE NYID KYI PHYIR DUS GCIG NA ZHES GSUNGS TE, GZHAN NA NI YUL GZHAN DAG NA BZHUGS PAR BSTAN PA'I PHYIR RO, ,'DIS NI BCOM LDAN 'DAS KYI RJES SU SLOB PA GDUL BYA RNAMS KYIS KYANG GNAS PA MCHOG GSUM GYIS GNAS PAR BYA BA YIN GYI 'JIM GONG BZHIN DU 'DUG PAR MI BYA'O ZHES BSTAN TO, ,GZHAN DAG NA RE DUS GCIG NA ZHES BYA BA NI SNGA MA DANG SBYAR BA YIN TE, BDAG RANG LA SKAD CIG MA GCIG LA SNANG BA YIN NO ZHES ZER TE, DE NI GCIG TU NGES @10B PAR DGONGS PA YOD PA MA YIN TE, DE'I BDAG RANG LA SNANG BA NI 'KHOR RNAMS 'DRI BAR MI 'DOD KYI, DPAL GYI MGUR NAS GSUNGS PA 'DRI BAR BSAMS PA'I PHYIR RO, ,GANG YANG RANG TSANG MAR GRUB PAR BYA BA'I PHYIR, YUL DANG DUS NI GTAN TSIGS, 'KHOR NI DBANG PO YIN TE; RTZOD PA'I DBANG RGYA DANG TSUL 'DRA'O ZHES SMRA NA, DE NI BDAG GIS RTOGS PA MA YIN TE, 'DI LTAR YUL THOG THAG TU SONG ZHING DBANG LA DRI BAR BYA BA NI DER 'GRO MI NUS PA RNAMS KYIS MDO SDE'I DON GTAN LA DBAB PA RING DU THOGS PAR 'GYUR RO, ,GANG DU 'KHOR GYI MING MA BSTAN PA DER YANG SU LA DRI BAR BYA, DA NI BSTAN PA'I NANG DU GTOGS PA'I 'KHOR GANG YIN PA'I DBANG DU BYAS NAS DE NI, DGE SLONG STONG THAM PA'I DGE SLONG GI DGE 'DUN CHEN PO DANG THABS CIG TU ZHES BYA BA LA SOGS PA SMOS SO, ,'DIR YANG DGE SLONG GI 'KHOR SNGAR BSTAN PA NI CHUNG BA YIN PA'I PHYIR RO, ,BYANG CHUB SEMS DPA'I 'KHOR PHYIS BSTAN PA NI CHE BA'I PHYIR RO, ,DPER NA 'GRO BA KUN DANG SLOB PA DANG MI SLOB PA DANG RANG RGYAL RNAMS ZHES BYA BA LA SOGS PA GSUNGS PA BZHIN NO, ,GZHAN DAG NA RE 'KHOR RTAG PA YIN PA'I PHYIR DGE SLONG GI 'KHOR SNGAR SMOS SO ZHES ZER RO, ,NYON MONGS PA BCOM PA'I PHYIR DGE SLONG NGO, ,NYON MONGS PA TZAM ZAD PAR BYA BA'I PHYIR ZHUGS PA GANG YIN PA DE DAG NYAN THOS KYI THEG PA'I NANG DU GTOGS PA YIN GYI, THEG PA CHEN PO'I NANG DU MA GTOGS PA YIN NAM, BDUN BRGYA PA 'DI NI THEG PA CHEN PO SHIN TU BSDUS PA GCIG TU NGES PA'I DON MCHOG TU ZAD PA 'DI LA BYANG CHUB SEMS DPA'I RIGS CAN DAG LAS GZHAN PA NYAN THOS LA SOGS PA DAG 'DIR JI LTAR GTOGS, GANG GIS NA NYAN THOS KYI 'KHOR BSTAN CE NA DE NI NYES PA MED DE, DON 'DI NI SHES RAB KYI PHA ROL TU PHYIN PA NYI KHRI LNGA STONG PA LAS BYAMS PAS ZHUS NAS DE BZHIN GSHEGS PAS BKA' STZAL PA, SEMS CAN RNAMS KYI RIGS NI GSUM MO, ,DE LA SEMS CAN GYI RIGS KHA CIG NI THOG MAR RGYA CHE BA DAM PA TSOL BAR BYED LA RGYA CHE BA NYID KHONG DU CHUD PAR 'GYUR RO, ,KHA CIG NI THOG MAR DMAN PA TSOL @11A *, ,LA DMAN PA NYID KHONG DU CHUD PA'O, ,DE TZAM GYIS MGU BA YANG MA YIN TE, YANG MCHOG RGYA CHE BA TSOL ZHING DE YANG KHONG DU CHUD DO, ,KHA CIG NI DMAN PA KHO NA TSOL ZHING DMAN PA KHONG DU CHUD DE, DE TZAM GYIS MGU NAS GANG MA MCHOG RGYA CHEN PO TSOL BAR MI BYED PA DE NI ZHI BA PHYOGS GCIG LA ZHUGS PAR BSTAN TO, ,GANG DAG NYAN THOS KYI BYANG CHUB THOB KYANG DE TZAM GYIS MGU BA MA YIN GYI BLA NA MED PA YANG DAG PA'I BYANG CHUB TU SEMS SKYED PAR BYED CING, LAS DANG NYON MONGS PA'I DBANG DU MA GYUR PAR BYANG CHUB TU YONGS SU SGYUR BAR BYED LA; SMON LAM GYI DBANG GIS SKYE BA GZHAN DANG GZHAN BSGRUBS TE, BYANG CHUB TU TSOGS RDZOGS PAR BYED DO, ,DE NYAN THOS KYI RIGS CAN DU BSTAN PA NI THOG MAR DE'I BYANG CHUB TSOL BA'I PHYIR RO, ,DGONGS PA NGES PAR 'GREL PA LAS KYANG NGA NI RNAM GRANGS KYIS DE DAG BYANG CHUB SEMS DPA'I RIGS CAN DU SMRA'O ZHES BKA' STZAL TO, ,SH'A RI'I BU LA SOGS PA YANG DE LTA BU YIN PAR BLTA'O, ,DES NA DE DAG 'DI NYAN PA LA SOGS PA'I SNOD NYID YIN NO, ,BYANG CHUB LA 'AM BYANG CHUB NYID SEMS PA YIN PA DE DAG NI BYANG CHUB SEMS DPA'O, , SEMS CHE BA NYID DANG SPONG BA CHE BA NYID DANG RTOGS PA CHE BA NYID DANG LDAN PA'I PHYIR, BYANG CHUB SEMS DPA' CHEN PO'O, ,PHAN TSUN DU 'BREL PA'I PHA ROL TU PHYIN PA DRUG YONGS SU RDZOGS PAR BYA BA'I CHED DU BRTZON 'GRUS KHYAD PAR CAN DANG LDAN PA'I PHYIR GO CHA CHEN PO BGOS PA'O, ,'DI SKAD BSTAN TE, SBYIN PA LA SOGS PA DRUG PO RE RE LA YANG RNAM PA DRUG PO 'DUS PA LA GO CHA'I BRTZON 'GRUS GANG YIN PA STE, DE NI RNAM PA DRUG DANG LDAN PA JI SKAD DU BSTAN PA'O, ,PHYIR MI LDOG PA NYID KYIS NI MI SKYE BA'I CHOS LA BZOD PA THOB PA BSTAN TE, GO CHA CHEN PO NYID KYIS BYE BRAG TU BYAS PA'I PHYIR RO, ,MI SKYE BA'I CHOS LA BZOD PA MED PAR NI PHA ROL TU PHYIN PA RNAMS CHEN PO NYID DU MI RUNG NGO, ,NGES PAR 'BYED PA'I CHA DANG MTHUN PA LA SOGS PA'I GNAS SKABS KYI PHYIR MI LDOG PA LA NI BYA BAR 'OS PA MA YIN NO, ,DE SKAD DU, DROD DANG SPYI BO BZOD PA DANG, ,CHOS @11B KYI MCHOG LA GNAS PA DAG ,RTAGS NI RNAM PA NYI SHU 'DIS, ,BYANG CHUB DAG LAS MI LDOG YIN, ,MI LDOG PA YI RTAGS DAG NI, ,MTHONG BA'I LAM GNAS YIN PAR 'DOD, ,CES BYA BA LA SOGS PA GSUNGS SO, ,SKYA RENGS NI MANG STE MTHON KA DANG, SER PO DANG, DMAR PO DANG NYI MA'I MDOG 'DRA ZER BA'O, ,'DIR DUS LA MA BABS PAR 'ONGS PAS NA RINGS PA YIN PAR BRJOD PAR BZHED PA'I PHYIR, SKYA RENGS MTHON KA YIN PAR BLTA BAR BYA STE, DE NI THAMS CAD PAS SNGAR 'CHAR BA'I PHYIR DANG, KHYAD PAR MED PAS NA THAMS CAD BSDU BA BYAS PA'I PHYIR RO, ,'DI SKAD BSTAN TE, THOG MAR SKAR MA'I 'OD NYAMS SHING, ,NAM MKHA' DAG NI SNGO SER MDOG ,SHAR PHYOGS SU NI MDOG SNGA'O 'OD, ,MTHON KA'I SKYA RENGS SHAR BA YIN, ,DE SHAR BA NI DE BYUNG BA'O, ,DES MTSON PA'I DUS LA BAB PA NI TSE STE, DUS DE LA BAB PA NA DE'I TSE MTSAN MO THOG MA RNGA BRDUNG BA'I DUS SO, ,DE'I PHYIR DUS LAS 'DAS SO, ,GNAS NI NANG DU YANG DAG 'JOG PA'I KHANG PA LA BYA STE, DE NAS BYUNG BA'O, ,GA LA BA ZHES BYA BA NI DE BZHIN GSHEGS PA'I PHO BRANG MTSON PA'O, ,DER ZHES BYA BA 'DIS KYANG SONG BA MTSON PAR BYED DO,, BCOM LDAN 'DAS KYI GDAN BSHAMS PA'I PHYOGS KYI NYE 'KHOR DU 'DUG PAR 'OS PA'I GNAS LAS PHYI ROL NA 'DUG PA'I PHYIR YUL LAS 'DAS PA'O, ,YUL DANG DUS LAS 'DAS PA 'DI GNYIS KYIS BSAM PA'I KHYAD PAR STON PA'I PHYIR 'CHAD PA'I GLENG GZHI YIN NO, ,DE BZHIN GSHEGS PA LA LTA BA LA SOGS PA NI JI SKAD DU, RIN PO CHE'I ZA MA TOG LAS BCOM LDAN 'DAS 'OD KYI TOG GIS, 'PHAGS PA 'JAM DPAL LA BKA' STZAL PA DANG, GANG BCOM LDAN 'DAS CHOS LA LTA BA SHIN TU RNAM PAR DAG PAR GYUR PA NI DE BZHIN GSHEGS PA LA LTA BA SHIN TU RNAM PAR DAG PA YIN NO, ,GANG GI TSE LUS KYIS MA YIN SEMS KYIS MA YIN, MI 'DUD RAB TU MI 'DUD KHENGS PAR MA YIN GUS PAR MA YIN PAR MI GNAS PAR 'DUG STE, BTANG SNYOMS THOB CING RNAM PAR DBEN PA'I REGS KYIS SEMS GNAS TE, DRAN PA DANG @12A *, ,LDAN ZHING SHES BZHIN DU 'DUG PA DE NI DE BZHIN GSHEGS PA LA PHYAG 'TSAL BA YIN NO, ,GANG GI TSE BDAG TU SGRO 'DOGS PAR MI BYED, SANGS RGYAS SU SGRO 'DOGS PAR MI BYED, MNYAM PA NYID YIN PAR MNYAM PAR MI BYED, MI MNYAM PA NYID YIN PAR MI MNYAM PAR MI BYED, RNAM PAR MI BYED KYI, SANGS RGYAS BCOM LDAN 'DAS RNAMS DANG LHAN CIG TU SHIN TU GCIG PAR BYED, SANGS RGYAS KYI SKU YANG CHOS KYI SKU YIN PAR RTOGS, RANG GI LUS KYANG CHOS KYI DBYINGS KYI NANG DU GTOGS PAR MTHONG, MTHONG BA RNAMS KYANG MA YIN PAR MA MTHONG, RNAM PAR MA MTHONG, RING BAR MA YIN, NYE BAR MA YIN PA DE NI DE BZHIN GSHEGS PA LA BSNYEN BKUR BYED PA YIN NO ZHES GSOL TO, ,DE LTAR NA LTA BA LA SOGS PA DE DAG NI RGYU YIN NO, ,SEMS CAN GYI DON NI 'BRAS BU STE, DE DAG NI PHYIS BSTAN PAR BYA'O, ,NYON MONGS PA MED CING KHA NA MA THO BA MED PA'I SKU TSE BSTOD PA YIN PA'I PHYIR, TSE DANG LDAN PA ZHES BYA'O, ,SH'A RI'I BU LA SOGS PA'I LTA BA LA SOGS PA KUN LA YANG SBYAR BAR BYA'O, ,MNGON DU ZHUGS TE MNGON DU ZHUGS TE ZHES RNAM PA GNYIS 'BYUNG BA NI GSAL BA GSAL BA BZHIN PA'AM, 'JAM PO 'JAM PO ZHES BYA BA BZHIN TE, DE BZHIN GSHEGS PA LA MNGON DU PHYOGS PA 'AM BSHAD PA'I DON LA MNGON DU PHYOGS TE ZHUGS PA NI GNAS PA'I CHED DAM SPYOD PA'I CHED DU ZHUGS PA DANG GNAS SO ZHES BYA BA'I BAR DU STE, LTA BA LA SOGS PA BSTAN ZIN PA'I NGO BO DE DAG LA JI LTA BA BZHIN DU BRTZON PA'I PHYIR RO, ,GLEGS BAM KHA CIG LAS 'DAS SHING THAL TE 'DUS PAR MKHYEN NAS ZHES 'BYUNG BA ZHES BYA BA DER YANG YUL DANG DUS LAS 'DAS TE ZHES BYA BAR RIG PAR BYA'O, ,NYAN THOS SH'A RI'I BU LA SOGS PA DAG SHES RAB DANG RDZU 'PHRUL LA SOGS PAS CHEN PO YIN NO, ,YANG NA NYAN PAS NA NYAN THOS TE, GDUL BYA THAMS CAD DO, ,DE DAG NI MANG BA'I PHYIR CHEN PO NYID DO, ,'DUS PA TSOGS PAR MKHYEN NAS SO, ,KYANG ZHES BYA BA NI GONG DU BSTAN PA'I BCOM LDAN 'DAS KYI MDZAD PA @12B GSUM KHO NAR ZAD PAR 'DIR NGES PAR GZUNG BA'I DON YIN GYI, NYI KHRI LNGA STONG PA LA SOGS PA LAS TING NGE 'DZIN DANG RDZU 'PHRUL DANG CHO 'PHRUL LA SOGS PAS GDUL BYA RNAMS GZUD PA LTA BUR BYAS PA NI 'DIR MA YIN TE, GDUL BYA'I SEMS KYI RGYUD YONGS SU SMIN BA CHUNG NGU DANG 'BRING DANG CHEN PO'I MTSAN NYID KYI RNAM PAR ZHUGS ZIN PA'I PHYIR RO, ,YONGS SU SMIN PA'I RNAM PAR ZHUGS ZIN PA DE YANG MNGON DU ZHUGS PA MNGON DU ZHUGS PA ZHES BYA BA'I TSIG GIS BSTAN TO, ,KHA CIG GIS PHYI DANG NANG GI GNAS PHYE NAS, BGROD PAR BYA BA GNYIS SU BRTAGS TE MNGON DU ZHUGS PA MNGON DU ZHUGS PA ZHES BYA BA BYED PA'I TSIG GNYIS SBYOR BAR BYED PA MI RIGS PAR MTHONG STE, SGRA DANG DON GNYIS MI RIGS PA'I PHYIR RO, ,SHA RA DVA TI'I BU KHYOD CI'I PHYIR ZHES BYA BA LA SOGS PAS NI SH'A RI'I BU DUS DANG YUL LAS 'DAS TE, 'ONGS PA'I DGONGS PA BCOM LDAN 'DAS KYIS DRIS PA NI THAMS CAD PAS THOG MAR 'PHAGS PA 'JAM DPAL LA 'ONGS PA NI SHIN TU DGONGS PA MCHOG DANG LDAN PA YOD PAR 'KHOR RNAMS LA BSTAN PA'I PHYIR RO, ,THAMS CAD KYI THOG MA NYID DU 'JAM DPAL ZHES BYA BA LA SOGS PAS NI 'JAM DPAL NI JI LTA BA BZHIN DU DE BZHIN GSHEGS PA BLTA BA LA SOGS PA STON PAR MKHAS PA'I PHYIR DANG, THOG MAR 'ONGS PA YANG YIN PA'I PHYIR, SH'A RI'I BUS KYANG DE 'JAM DPAL LAGS SO ZHES SMRA'O, ,MKHYEN BZHIN DU ZHES BYA BA NI RTAG TU MNYAM PAR GZHAG PA'I PHYIR RO, , CHOS KYI SKU THOB PA DANG SANGS RGYAS NYID DU ZHUGS PA'I 'PHAGS PA 'JAM DPAL YANG DE LTAR BRTZON PAR 'JUG PA DANG SBYAR NA NGES PAR DGOS PA CHEN PO ZHIG YOD DO SNYAM NAS, DE BZHIN GSHEGS PA BLTA BA LA SOGS PA LA 'KHOR RNAMS KYI GUS PA BSKYED PA'I PHYIR, 'JAM DPAL KHYOD DE BZHIN GSHEGS PA LA BLTA BA LA SOGS PA BYA BA'I PHYIR, THAMS CAD KYI THOG MA NYID DU PHO BRANG GI SGOR 'DUG CES GRAG NA BDEN NAM ZHES BKA' STZAL TE, DE NYID KYI PHYIR MI SRID PA LA GRAG NA ZHES BYA BA'I SGRA SBYOR BAR MDZAD DO, ,CI'I PHYIR KHYOD KHO NA LHAG PAR BRTZON PAR BYED @13A *, ,CE NA; MA NGOMS PA'I SLAD DU'O ZHES BYA BA LA SOGS PA'O, ,'DIS NI SHIN TU DAD PA LA SOGS PA DANG LDAN PA NYID BSTAN TE, 'DI LTAR BLTA BA DANG PHYAG 'TSAL BA DANG, BSNYEN BKUR BYA BA 'ANG 'DOD PA MI NGOMS TE 'ONGS PA JI SKAD DU BSTAN PA'I MTSAN NYID RNAMS KYIS NI DAD PA DANG BRTZON 'GRUS SHIN TU CHE BA NYID DANG LTA BAS SHES RAB CHE BA NYID DANG PHYAG 'TSAL BAS NI DRAN PA DANG TING NGE 'DZIN CHE BA NYID DANG BSNYEN BKUR BYED PAS NI THAMS CAD KYANG CHE BA NYID YIN PAR BSTAN TO, ,BLTA BA LA SOGS PA LA YANG CI'I PHYIR KHYOD BRTZON PA NYID DU BYED CE NA, 'DI LTAR BDAG DE BZHIN GSHEGS PA LA BLTA BA NAS BSNYEN BKUR BYA BA'I SLAD DU MCHI BA DE YANG SEMS CAN THAMS CAD KYI DON GYI SLAD DU STE ZHES BYA BA GSUNGS TE, 'DIS NI BLTA BA LA SOGS PA NI RGYU NYID YIN LA, SEMS CAN GYI DON DE NI DE'I 'BRAS BU NYID YIN PAR BSTAN TE, 'DI LTAR DE BZHIN GSHEGS PA LA BLTA BA LA SOGS PA JI LTA BA BZHIN DU MA BYAS PAR 'GA' YANG SEMS CAN GYI DON BYED NUS PA MA YIN NO, ,DE DAG GIS RIM GYIS MNGON PAR SHES PA BSKYED PAS SEMS CAN RNAMS KYI SEMS 'DZUD PA DANG DGE BA'I RTZA BA BSKYED PA DANG YONGS SU SMIN PA LA SOGS PAR BYED NA, PHAN PA DANG BDE BA'I MTSAN NYID KYI SEMS CAN GYI DON BYED NUS PAR 'GYUR RO, ,DE LA PHAN PA NI THEG PA GSUM GYIS MYA NGAN LAS 'DAS PA LA BKOD PA'O, ,BDE BA NI LHA DANG MI'I BDE BA LA BKOD PA STE; SNGAR LHA DANG MI LA BKOD NAS PHYIS THEG PA GSUM GYIS MYA NGAN LAS 'DAS PA LA SBYOR BAR MDZAD DO, ,DE LTAR MA BYAS NA 'DU BYED KYI SDUG BSNGAL DANG BRAL BAR MA BYAS PAS THUGS RJE MED CING SBYOR BA LA MA LCOGS PAR 'GYUR TE, 'DIR NI DE YONGS SU SPANG BAR BZHED DO, , DE LTAR NA BDAG NI BLTA BAS MI NGOMS SO ZHES BYA BA 'DIS NI CHOG PAR 'DZIN PA DANG RGYUN TU MI SBYOR BAR BYED PA YONGS SU SPANGS SO, ,SEMS CAN RNAMS KYI DON GYI CHED DU DE BZHIN GSHEGS PA'I THAD DU 'ONGS BAS NI MA GUS PAR BYED PA DANG LE LO DANG SNYING RJE MED PA'I SBYOR BA YONGS SU @13B SPANGS SO, ,DE DAG GI SA NI KUN RDZOB KYI MTSAN NYID DE DAG YIN PAR BSTAN TE, GANG ZAG GIS SEMS PA DANG, SPYOD PA LA SOGS PA KUN TU BRTAGS PA YIN PAR BSTAN PA'I PHYIR RO, ,DA NI BCOM LDAN 'DAS GAL TE DE BZHIN GSHEGS PA LA BLTA BA DANG PHYAG BGYI BA DANG ZHES BYA BA LA SOGS PAS NI MTHONG BA'I LAM BSTAN TO, ,DE YANG SKAD CIG MA BCU DRUG GI BDAG NYID YIN TE, SKAD CIG MA DE DAG RIM GYIS STON PAR BYED DO, ,GAL TE ZHES BYA BA NI JI LTA ZHES BYA BA'I THA TSIG GO, ,JI LTAR BDAG GIS MTHONG BA DANG ZHES BYA BA NI RNAM PA GANG GIS ZHES BYA STE, RNAM PA DE YANG JI LTA BU ZHE NA, DE BZHIN NYID KYI RNAM PAR ZHES GSUNGS TE, DUS THAMS CAD DU DE BZHIN DU 'DUG PAS NA, DE BZHIN NYID DE MA SKYES PA'I GNAS SKABS BZHIN DU SKYE BA'I GNAS SKABS KYANG SMIG RGYU'I CHU BZHIN DU YOD PA MA YIN PA'I PHYIR RO, , 'PHAGS PA DKON MCHOG ZA MA TOG LAS KYANG SKYE BA DANG MI SKYE BA GNYIS MNYAM PA NYID NI DE BZHIN NYID DO ZHES GSUNGS TE, DE BZHIN NYID KYI RNAM PA DE'I SGO NAS, DE BZHIN GSHEGS PA BLTA BAR BYA'O, ,'DIS NI DE BZHIN NYID DANG SANGS RGYAS GNYIS DANG GZHI DANG GNAS PA BSTAN TE, RNAM PA NI BLTA BAR BYA BA LAS GZHAN MA YIN PA'I PHYIR RO, ,GZHAN YIN NA YANG RNAM PA NYID DU MI RIGS PAR 'GYUR RO, ,GAL TE DE BZHIN GSHEGS PA NI BLTA BAR BYA BA YIN LA, KHYOD NI LTA BAR BYED PA YIN NA, GZUNG BA DANG 'DZIN PA DANG LDAN PA'I PHYIR DE BZHIN NYID KYI RNAM PAR MTHONG BA MA YIN PAR 'GYUR RO ZHE NA, DE'I PHYIR MI DMIGS PA'I TSUL GYIS ZHES GSUNGS TE, CHOS THAMS CAD DANG DE BZHIN GSHEGS PA DANG BDAG KYANG MI DMIGS PA STE, DE LA SBYOR ZHING MNYAM PAR 'JOG PA DE'I SGO NAS SO, ,CI STE ZHE NA, DE BZHIN GSHEGS PA'I SGRA NI CHOS THAMS CAD KYI DE BZHIN NYID RTOGS PAS RAB TU PHYE BA YIN PA'I PHYIR DANG, DE BZHIN GSHEGS PA YANG DE BZHIN NYID KYI RNAM PA YIN PA'I PHYIR LA, 'JAM DPAL GYIS KYANG DE LTAR MTHONG BA YIN PA'I PHYIR RO, ,DE LTA YIN NA NI MI DMIGS PAR SBYOR @14A *, ,BA 'GRUB PAR 'GYUR GYI, GZHAN DU DMIGS PA YOD NA NI MA YIN NO, ,'DI LTAR DE BZHIN GSHEGS PA MTHONG BA YIN, CI'I PHYIR GZHAN DU MTHONG BA YIN ZHE NA, DE RJES SU DRAN PA'I DBANG GIS DE BZHIN GSHEGS PA MTHONG BA YIN NO, ,DE NYID KYI PHYIR DRAN PA NI MTHONG BA'I BYANG CHUB KYI GNAS KYI YAN LAG TU GSUNGS SO, ,MA MTHONG BA YANG MA YIN TE, RNAM PAR MI RTOG PA'I YE SHES YOD PA'I PHYIR RO, ,GZUGS KYI SKUR CI'I PHYIR DE BZHIN GSHEGS PA BLTA BAR MI BYA STE, DE NI 'DI LTAR YUM GYI LHUMS SU BLTAMS PA DANG, TSAL LUM BIR SKYES PA DANG, BYANG CHUB CHEN POR DE BZHIN GSHEGS PAR GYUR PA YIN TE, DER MNGON PAR RDZOGS PAR SANGS RGYAS PA'I PHYIR RO ZHE NA, SPROS PA'I DRA BA 'DI THAMS CAD DRI ZA'I GRONG KHYER BZHIN DU BRDZUN PA YIN PA'I PHYIR RNAM PA DE DAG GIS, DE BZHIN GSHEGS PA MTHONG BA NI YANG DAG PA MTHONG BA MA YIN TE, DE'I PHYIR DE BZHIN GSHEGS PA LA MI SKYE BA'I RNAM PAR BLTA BA NAS, DNGOS PO MA MCHIS PA'I RNAM PA'I BAR DU ZHES GSUNGS SO, ,BAR DU ZHES BYA BA'I SGRA NI SKYE BA MA MCHIS PA'I RNAM PA DANG, DNGOS PO MA MCHIS PA'I RNAM PAR DE BZHIN GSHEGS PA LA BLTA BAR BGYI'O ZHES SBYAR RO, ,RNAM PA DE DAG GIS BLTAS NA, JI LTAR DE BZHIN GSHEGS PA JI LTA BA BZHIN DU MTHONG BA YIN ZHE NA, 'DIR BSHAD PA 'BRAS BU SKYE NA, RGYU DANG DUS MNYAM PAR SKYE 'AM DUS THA DAD PA YIN, DUS MNYAM PA YIN NA NI KUN CIG CAR DMIGS PAR 'GYUR BA DANG RGYU DANG 'BRAS BU DBYER MED PA DANG, BSKAL BA YANG SKAD CIG GCIG TU 'GYUR RO, ,DUS THA DAD NA YANG NUS PA MED PA'I PHYIR RGYU MED PA NYID DU 'GYUR RO, ,RGYU MED PA YIN NA NI LTOS PA MED PA'I PHYIR, RTAG TU YOD PA 'AM MED PAR THAL BAR 'GYUR RO, ,DE BAS NA DON DAM PAR SKYE BA ZHES BYA BA NI 'GA' YANG YOD PA MA YIN NO, ,DE LTAR GZUGS SU DE BZHIN GSHEGS PA BLTA BAR BYA BA MA YIN PAR BSTAN NAS, MTSAN DU BLTA BAR BYA BA MA YIN, DPE BYAD DU YANG MA YIN NO ZHES @14B BSTAN PA'I PHYIR, DE BZHIN NYID LA KUN NAS 'BYUNG BA MA MCHIS TE, ZHES BYA BA LA SOGS PA GSUNGS SO, ,GZUGS KYI SKUR DE BZHIN GSHEGS PA BLTA BA MA YIN NA, 'O NA LONGS SPYOD RDZOGS PA'I SKU MTSAN SUM CU RTZA GNYIS DANG, DPE BYAD BZANG PO BRGYAD CU DANG LDAN PA PHA ROL TU PHYIN PA DANG TSAD MED PA LA SOGS PA THEG PA CHEN PO'I 'BRAS BU LA LONGS SPYOD PA'I MTSAN NYID THUN MONG MA YIN PA THAMS CAD DU KHYAD PAR DU GYUR PAS BSAGS PA'I GNAS SKABS DE BZHIN GSHEGS PA YIN PAR LTA MOD, DE SKAD DU MGON PO BYAMS PAS KYANG, THUB PA'I SUM CU RTZA GNYIS MTSAN, ,DPE BYAD BZANG PO BRGYAD CU'I BDAG ,THEG CHEN LONGS SPYOD RDZOGS PAS NA, ,'DI NI LONGS SPYOD RDZOGS SKUR BZHED, ,GANG DANG GANG GI 'DIR RGYU GANG, ,MTSAN NYID DAG NI SGRUB BYED PA, ,DE DANG DE NI RAB RGYAS PA, ,KUN NAS 'BYUNG BA'I MTSAN NYID YIN, ,ZHES GSUNGS SO ZHE NA, DE YANG YOD PA YIN TE, 'DI LTAR SKYE BO BLA MA'I DRUNG DU 'GRO BA DANG SDOM PA BLANG BA DANG, DNGOS PO BZANG PO SBYIN PA DANG, ,BSAD PA LAS THAR BAR BYED PA DANG, YID DAM LEN PA DANG, DGE BA SPEL BA LA SOGS PA RANG JI LTA BA BZHIN DU PHYAG DANG ZHABS 'KHOR LO LA SOGS PA'I MTSAN DANG, SEN MO'I MDOG SNUM BA LA SOGS PA DPE BYAD BZANG PO SGRUB PAR BYED PA'I LAS RNAMS KUN NAS 'BYUNG BA MA YIN NO, ,DE MED PA'I PHYIR DE'I 'BRAS BU MTSAN DANG DPE BYAD RNAMS KYANG 'BYUNG BA MA YIN NO, ,DES NA DE DAG GI SKU YANG DE DAG GIS KHYAD PAR DU GYUR PA'I NGO BOR YOD PA MA YIN NO, ,DE'I PHYIR DE BZHIN NYID LA KUN NAS 'BYUNG BA MA MCHIS TE ZHES GSUNGS TE, 'DIS NI 'BYUNG BA'I RGYU BKAG GO, ,DE BZHIN NYID NI 'BYUNG BA 'ANG MA LAGS ZHES BYA BA 'DIS NI MTSAN DANG DPE BYAD 'BYUNG BA BKAG GO, ,KHYAD PAR YANG MA LAGS TE ZHES BYA BA 'DIS NI MTSAN DANG DPE BYAD MED PA'I PHYIR DES KHYAD PAR CAN DU GYUR PA LONGS SPYOD RDZOGS PA'I SKU BKAG GO, ,'O NA BYANG CHUB KYI PHYOGS LA SOGS PA THUN MONG MA YIN PA'I CHOS RNAMS SU DE BZHIN GSHEGS PA LA BLTA BAR BYA @15A *, ,MOD CE NA, DE YANG MI RUNG BAR YUL NA MI GNAS ZHES BYA BA LA SOGS PA GSUNGS SO, ,YUL NI TSUL KHRIMS LA SOGS PA'I PHUNG PO'I SPYI LA BYA'O, ,PHYOGS NI DE'I CHA SHAS TE, BAG CHAGS KYIS MTSAMS SBYOR BA SPANGS BA'I MTSAN NYID SHIN TU RNAM PAR DAG PA MTHAR PHYIN PA'I BDAG NYID LA BYA'O, ,GNAS PA NI DE NYID LA SLOB PA STE, THA DAD PA DE DAG DE BZHIN NYID LA MED PAS NA, YUL NA MI GNAS PHYOGS NA MI GNAS PA YIN NO, ,'DAS PA LA SOGS PA BKAG PAS SNGON GYI MTHA' DANG, MA 'ONGS PA'I MTHA' DANG, DE LTAR BYUNG BA'I SPYOD PA RNAM PAR DAG PA RNAMS BRTZAL TO, ,GNYIS KYIS RAB TU PHYE BA ZHES BYA BA LA GNYIS NI BSOD NAMS DANG YE SHES KYI TSOGS KYI MTSAN NYID DO, ,DES RAB TU PHYE BA NI DE LAS SKYES PA DANG, DE LAS BYUNG BA ZHES BYA BA'I BAR DU YIN NA DE BZHIN NYID NI DE LTA BU MA YIN NO, , GNYIS SU MA MCHIS PA NI 'DUS MA BYAS STONG PA NYID LA SOGS PA YIN NA DES RAB TU PHYE BA YANG MA YIN NO, ,GANG GI PHYIR GNYIS SU MED PAS RAB TU PHYE BA MA YIN PA DE NYID KYI PHYIR, DE BZHIN NYID LA KUN NAS NYON MONGS PA DANG RNAM PAR DAG PA LA SOGS PA MED PAS NA DE BZHIN NYID NI KUN NAS NYON MONGS PAR ZHES BYA BA LA SOGS PA GSUNGS SO, ,DE NYID KYI PHYIR RNAM PAR BYANG BA'I CHOS RNAMS MI SKYE BA DANG KUN NAS NYON MONGS PA RNAMS MI 'GAG PA DE'I PHYIR, DE BZHIN NYID NI MI SKYE MI 'GAG PA STE ZHES GSUNGS SO, ,DE LTAR LTA BA NI SPROS PA'I TSOGS 'DI THAMS CAD DE BZHIN NYID LA MED PA'I PHYIR RO ZHES BYA BA'I THA TSIG GO, ,DE LTAR BYAS NA NYI KHRI LNGA STONG PA DANG, RDO RJE GCOD PA DANG, SGO MTHA' YAS PA LA SOGS PA LA, DE BZHIN GSHEGS PA BLTA BA DANG, RJES SU DRAN PA BSTAN PA DANG RJES SU MTHUN PAR 'GYUR RO, ,ZLA BA SGRON MA LAS KYANG, GZUGS SUM YIN MTSAN NYID CHOS MIN PAR, ,RGYAL BA'I SRAS 'DI SANGS RGYAS RJES SU DRAN, ,GANG DU SEMS MED 'GRO ZHING RGYU BA MED, ,DE LTAR DE NI SANGS RGYAS RJES SU DRAN, ,ZHES GSUNGS SO, ,BCOM LDAN 'DAS KYIS MDO SDE NI MDO SDE GZHAN GYI RJES SU @15B 'BRANGS TE, KHONG DU CHUD PAR BYA'O ZHES GSUNGS SO, ,DE LTA NA DE BZHIN GSHEGS PA MTHONG BA DANG ZHES BYA BA NI BSTAN PA'I RNAM PA BZHIN DU DE BZHIN GSHEGS PA LTA NA YIN GYI, DE LAS GZHAN DU LTA NA MA YIN NO ZHES NGES PAR GZUNG BAR BYA'O, ,'DI DAG GIS NI RANG GI 'DOD PA DAM BCAS PA BSGRUBS PA YIN NO, ,'DI TZAM GYIS KHA CIG LA GSAL BAR MI 'GYUR BAS NA DE BAS NA MA LUS PAR KHONG DU CHUD PAR BYA BA'I CHED DU 'JAM DPAL KHYOD KYIS DE LTAR BLTAS NA JI ZHIG MTHONG ZHES DRIS SO, ,DRIS PA RTOGS PAR BYA BA'I CHED DU, BCOM LDAN 'DAS BDAG GIS DE LTAR BLTAS NA CI YANG MTHONG BA MA MCHIS SO ZHES GSUNGS SO, ,DE NYID JI LTA BU YIN ZHE NA DE'I PHYIR, BDAG GIS CHOS GANG LA YANG SKYE BA YANG MA MTHONG ZHES GSUNGS TE, MA SKYES PA MTHONG BAR MI RIGS PA'I PHYIR RO, ,MA MTHONG BA NI DE BZHIN GSHEGS PA'I MTHONG BA YIN NO ZHES BYA BAR GNAS SO, ,DE NI RNAM GRANGS KYIS ZHAL GYIS BZHES PA STON TE, DE LTAR BLTA BA DANG BSNYEN BKUR BYED PA'I DANG TSUL CAN DAG SEMS CAN DU DMIGS PA DANG, MNGON PAR ZHEN PA DANG BRAL BA YIN NA BYAMS PA CHEN PO NYE BAR GNAS TE, SEMS CAN THAMS CAD YONGS SU MYA NGAN LAS 'DA' BA'I GO CHA DAG 'GAL BA'I PHYIR MI 'THAD PAR STON PA NI 'JAM DPAL KHYOD KYIS DE BZHIN GSHEGS PA LA, DE LTAR MTHONG BA DANG DE LTAR BSNYEN BKUR BYAS PA ZHES BYA BA NAS, GO CHA CHEN PO BGOS PA DE NI KHYOD DKA' BA BYED PA'O ZHES BYA BA'I BAR DU GSUNGS TE, PHAN TSUN 'GAL ZHING MI RIGS PA'I DON LA RJES SU BRTZON PAR BYED PA ZHES BYA BA'I THA TSIG GO, ,SEMS CAN THAMS CAD LA ZHES BYA BA NI PHUNG PO DANG KHAMS DANG SKYE MCHED KYI MTSAN NYID LA'O, ,BYAMS PA CHEN PO ZHES BYA BA NI MI DMIGS PA NYID YIN GYI SEMS CAN DANG CHOS LA DMIGS PA GNYIS NI CHEN PO NYID DU MI 'THAD PA'I PHYIR TE, MTSAN MA MA SPANGS PA'I PHYIR DANG RTZOL BA YOD PA'I PHYIR DANG DBANG RNAMS MA THOB PA'I PHYIR RO, ,SA BRGYAD PA LA SOGS PA MI SKYE BA'I CHOS LA BZOD PA THOB PA LA NI BYAMS PA CHEN PO LHUN GYIS GRUB PAR 'BYUNG BA @16A *, ,RNAM PAR SMIN PA LAS SKYES PA GNAS PA 'BYUNG BAR 'GYUR RO, ,CI YANG MED CING ZHES BYA BA NI SEMS CAN LA DMIGS PA DANG CHOS LA DMIGS PA DAG GIS SEMS CAN DU DMIGS PA YOD PA MA YIN NO ZHES BYA BA'I THA TSIG GO, ,SEMS CAN DU MNGON PAR ZHEN PA CI YANG MED CING ZHES BYA BA NI MI DMIGS PA DANG MNGON PAR ZHEN PA MED PA GNYIS KYIS MTHONG BAS SPANG BAR BYA BA DANG, BSGOM PAS SPANG BAR BYA BAR JI LTAR RANG GI RNAM PAR RTOG PA SPANGS PAR BSTAN TO, ,BYAMS PA BSGRUB PA'I PHYIR SEMS CAN THAMS CAD YONGS SU MYA NGAN LAS 'DA' BA'I PHYIR ZHUGS KYANG ZHES GSUNGS TE, THEG PA GSUM GYI MYA NGAN LAS 'DAS PA NI GTAN DU ZHI BA BDE BA YIN TE, DE NYID BSGRUB PA'I CHED DU LHA DANG MI'I BDE BA LA DGOD PAR MDZAD DO, ,SEMS CAN THAMS CAD KYI CHED DU ZHES BYA BA NI SEMS CAN RNAMS KYI DON DU ZHES BYA BA'I THA TSIG GO, ,GO CHA NI SNGAR BSTAN ZIN TO, ,KHYOD MI DMIGS PA'I TSUL DANG ZHES BYA BA LA SOGS PAS NI MI 'THAD PA NYID SMOS PAR BYED DO, ,DE NYID KYI PHYIR 'GAL BA BSTAN PA'I PHYIR THAMS CAD DU KYANG GI SGRA SMOS SO, ,'PHAGS PA 'JAM DPAL GYIS KYANG RNAM GRANGS KYIS MI 'GAL BA 'THAD PA ZHAL GYIS BZHES PA'I PHYIR, JI SKAD SMRAS PA DE DE BZHIN TE ZHES BYA BA LA SOGS PA GSUNGS TE, RNAM PAR RTOG PA YOD NA NI GAL TE SEMS CAN MI DMIGS NA, JI LTAR DE DAG LA BDE BA NYE BAR BSGRUB PA'I MTSAN NYID BYAMS PA LA NYE BAR GNAS PAR BYED CES BYA BA'I SKYON 'DIR 'GYUR GYI, GANG GI TSE LHUN GYIS GRUB PAR 'BYUNG BA DMIGS PA MED PA'I ZHI GNAS DANG, LHAG MTHONG SKYES PA DE'I TSE JI LTAR GOMS PA BZHIN DU LHUN GYIS GRUB PA ZAG PA MED PA'I CHOS THAMS CAD 'BYUNG BAR 'GYUR RO, ,DE BAS NA BYAMS PA CHEN PO DANG SEMS CAN MYA NGAN LAS 'DA' BA'I GO CHA DANG SEMS CAN MI DMIGS PA DANG MNGON PAR ZHEN PA MED PA RNAMS CUNG ZAD KYANG 'GAL BA 'AM MI 'THAD PA MED DO, ,DE LTAR NA CHOS KYI DBYINGS RTOGS PA'I BDAG NYID MTHONG BA'I LAM LA YANG CUNG ZAD KYANG SKYON MED DO ZHES RNAM GRANGS KYIS KHAS BLANGS PA BSTAN TO, , @16B DA NI CHEN PO NYID BSTAN PA'I PHYIR, GO CHA DE NI JI LTAR BDAG GIS SEMS CAN GYI KHAMS ZHES BYA BA LA SOGS PA SMOS TE, DE LTAR GO CHA BGOS TE, SEMS CAN GYI KHAMS SEMS CAN GYI RIGS 'KHOR BAR GTOGS PA RNAMS, BRI BA 'AM MYA NGAN LAS 'DAS PA GNAS PA RNAMS GANG BAR BYA ZHES BYA BA'I SEMS CAN GYI KHAMS NYID DMIGS SU MED PA'I PHYIR, BRI BA NYID DANG GANG BA NYID YOD PA MA YIN NO, ,YONGS SU BRTAG PA BZUNG STE, GAL TE ZHES BYA BA LA SOGS PAS NI DE NYID STON PAR BYED DE, DE NI GSAL BA YIN NO, ,RNAM PA 'DI DAG TZAM GYIS CI'I PHYIR BRI BA MED PA NYID DANG GANG BA NYID DU MI MNGON ZHE NA, 'DIR GTAN TSIGS NI SEMS CAN DBEN PA DANG ZHES GSUNGS TE, SEMS CAN STONG PA NYID KYI PHYIR RO ZHES BYA BA'I THA TSIG STE, DE BZHIN NYID LA SEMS CAN 'GA' YANG DMIGS SU MED DO, ,DE NYID KYANG CI'I PHYIR ZHE NA, SEMS CAN SEMS CAN MA YIN PA'I PHYIR TE ZHES GSUNGS TE, SEMS CAN GYI MTSAN NYID PHUNG PO DANG KHAMS DANG, SKYE MCHED DANG BDAG LA SOGS PA GZHAN YANG RUNG BA MED PA'I PHYIR RO ZHES BYA BA'I THA TSIG GO, ,NAM MKHA' BZHIN DU CHE BA NYID BSTAN ZIN TO, ,DA NI 'O NA NI BYANG CHUB TU MNGON PAR RDZOGS PAR SANGS RGYAS NAS ZHES BYA BA LA SOGS PAS MTHA' MED PA NYID 'DRI BAR BYED DO, ,DE NI ZHES BYA BA NI SEMS CAN MED NA ZHES BYA BA YIN TE, CHOS NYAN PA MED PAS CHOS STON PA MI 'THAD NA, SANGS RGYAS KYI MDZAD PA YOD PA MA YIN PAS BLA NA MED PA YANG DAG PAR RDZOGS PAR BYANG CHUB PA DON MED PAR 'GYUR RO ZHE NA, LAN NI GANG GI TSE SEMS CAN SHIN TU MI DMIGS PA DE'I TSE ZHES BYA BA LA SOGS PA YIN TE, GANG GI TSE SNGON GYI MTHA' DANG PHYI MA'I MTHA' DANG DA LTAR GYI DNGOS PO MED PAS SEMS CAN MI DMIGS PA DE'I TSE, 'DIR SU ZHIG MNGON PAR RDZOGS PAR 'TSANG RGYA SU LA CHOS BSTAN PAR BYA STE, MNGON PAR RDZOGS PAR 'TSANG RGYA BA DANG, CHOS 'CHAD PA DANG NYAN PA GANG YANG MED DO ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI CI'I PHYIR NA, SEMS CAN DE DAG SHIN TU DMIGS SU MED @17A *, ,PA YIN, GANG GIS NA MNGON PAR RDZOGS PAR 'TSANG RGYA BA LA SOGS PA 'GA' YANG MED CE NA, DE'I PHYIR 'DI LTAR CHOS THAMS CAD CES BYA BA LA SOGS PA GSUNGS SO, ,'DIS NI GTAN TSIGS BSTAN TE, GZUGS LA SOGS PA'I CHOS DE DAG THAMS CAD SNGON GYI MTHA' LA SOGS PA MED PA'I PHYIR, SHIN TU MI DMIGS PA YIN NO, ,MTHA' MED PA BSTAN ZIN TO, ,DA NI 'JAM DPAL GANG GI TSE CHOS THAMS CAD SHIN TU MI DMIGS PA ZHES BYA BA LA SOGS PAS DPAG TU MED PA NYID 'DRI'O, ,DE'I TSE ZHES BYA BAS NI 'DAS MA THAG PAR CHOS THAMS CAD MI DMIGS PA DE'I TSE ZHES STON TO, ,CI ZHES BYA BA NI GTAN TSIGS CI ZHE 'AM, CI ZHES 'DRI BA TZAM YIN NO, ,DA NI ZHES BYA BA NI SEMS CAN DPAG TU YOD PA 'DRI BA'I TSE'O, ,SEMS CAN DU YANG 'DOGS SAM ZHES BYA BA NI RNAM PAR 'JOG GAM ZHES 'DIR TSIG ZUR DU 'DOD DO, ,YANG GAL TE ZHES BYA BA NI CI STE ZHES BYA BA'I DON TO, ,'GA' ZHIG CES BYA BA NI SEMS CAN DPAG TU MED PA SHES PAR 'DOD PA'O, ,GANG DAG YIN ZHES BYA BA NI SEMS CAN DU DPAG TU YOD PA GANG ZHES BYA BA'O, ,DE SKAD 'DRI NA DE LA KHYOD KYIS JI SKAD BYA ZHES BYA BA NI GAL TE PHUNG PO LA SOGS PA'I CHOS TZAM DU ZAD DO, ,SEMS CAN GDAGS SU MED NA ZHES DGONGS SO, ,LAN DU DE SKAD 'DRI BA DE LA BDAG GIS ZHES BYA BA LA SOGS PA GSUNGS SO, ,SANGS RGYAS KYI CHOS GANG DAG YIN ZHES BYA BA 'DIS NI NAM MKHA' BZHIN DU SEMS CAN DPAG TU MED PAR BSTAN TE, NAM MKHA' BZHIN DU SANGS RGYAS KYI CHOS RNAMS DPAG TU MED PA'I PHYIR RO, ,DE SKAD DU YANG NYI KHRI LNGA STONG PA LA SOGS PA LAS DPAG TU MED PA NYID DU BSTAN TE, NAM MKHA' DPAG TU MED PAS NA GZUGS DPAG TU MED DO, ,GZUGS DPAG TU MED PAS NA SHES RAB KYI PHA ROL TU PHYIN PA DPAG TU MED DO ZHES BYA BA LA SOGS PA GSUNGS TE, DE LAS GZHAN PAR DPAG PA YANG BKAG PA'I PHYIR RO, ,JI SKAD DU DE BZHIN GSHEGS PA BSAM GYIS MI KHYAB PA GSANG BA'I MDO LAS, @17B MI RNAMS GANG ZHIG SANGS RGYAS CHOS, ,NAM MKHA' 'DRA BA'I BDAG NYID LA, PHA MTHA' RTOGS PAR 'DOD PA NI, ,DE NI 'GRUB PAR MI 'GYUR RO, ,SANGS RGYAS DANG NI CHOS RNAMS KYI, ,DPER NI JI TZAM 'GA' BYED PA, ,SANGS RGYAS DAG DANG DE MI MTHUN, ,DE DAG RGYAL BA SMOS PAR BYED, ,SANGS RGYAS CHOS DANG MNYAM PA GANG, ,DPE NI DE LA GCIG YOD PA, ,NAM MKHA'I KHAMS SU BSTAN PA STE, ,DE YI TSAD NI GANG NA'ANG MED, ,NAM MKHA'I KHAMS NI JI TZAM PAR, ,RGYAL BA'I TSUL KHRIMS DE TZAM YIN, ,BSAM GTAN SHES RAB YE SHES DANG, ,RNAM GROL YE SHES MTHONG BA DANG, ,ZHES BYA BA LA SOGS PA GSUNGS SO, ,GAL TE DE LTA NA NYI KHRI LNGA STONG PA LA SOGS PA BZHIN DU 'DIR YANG NAM MKHA' BZHIN DU SEMS CAN DPAG TU MED PA YIN ZHES CI'I PHYIR MA GSUNGS, GZHAN DU CI DGOS SHE NA, 'DI YANG GSAL BA KHO NA YIN TE, NYI KHRI LNGA STONG PAR NI RGYAS PAR BSTAN LA, 'DIR NI MDOR BSTAN TE, TSIG NYUNG YANG DON MANG BA YIN NO, ,DE LTAR BSTAN PA'I DGONGS PA NI 'DI YIN TE, SEMS CAN DPAG TU MED PA LA DMIGS PA'I BYANG CHUB KYI SEMS DANG, TSAD MED PA LA SOGS PA RGYU NAM MKHA' BZHIN PA LAS SANGS RGYAS KYI CHOS 'BRAS BUR GYUR PA RNAMS DE TZAM KHO NAR MNGON PAR GRUB PA YIN NO ZHES SHES PAR BYA BA'I PHYIR RO, ,DPAG TU MED PA BSTAN ZIN TO, ,DA NI TSAD MED PA BRJOD PAR BYA BA NI SEMS TZAN GYI KHAMS KYI TSAD JI TZAM ZHES 'DRI NA ZHES BYA BA YIN NO, ,SANGS RGYAS KYI YUL GYI TSAD JI TZAM PA DE TZAM MO ZHES BGYI'O ZHES BYA BA NI SANGS RGYAS KYI YUL NI RNAM PA LNGA'I BDAG NYID DE, DE YANG SO SOR YONGS SU MA CHAD CING TSAD MED PA YIN NO, ,DE BAS NA SEMS CAN GYI KHAMS TSAD MED PA YIN NO ZHES GSUNGS SO, ,KHAMS LNGA GANG ZHE NA, SEMS CAN GYI KHAMS RNAM PA THAMS CAD DANG, 'JIG RTEN GYI KHAMS DANG CHOS KYI KHAMS DANG, GDUL BYA'I KHAMS DANG, GDUL BYA'I THABS KYI KHAMS SO, ,GAL TE DPAG TU MED PA NYID DANG, TSAD MED PA NYID LA THA DAD @18A *, ,DU BYAR CI YOD, GANG GIS NA GNYIS BSTAN ZHE NA, DE BZHIN NYID LA NI CI YANG MED DO, ,GZHAN DU NI THA DAD PA NYID YOD DE 'DI LTAR, SEMS CAN JI SNYED YOD CES BYA BA NI RDZAS 'DI JI SNYED CIG LA SEMS CAN ZHES THA SNYAD 'DOGS, CIG CIG LA 'AM, 'ON TE GNYIS LA 'AM, 'ON TE MANG PO LA GANG GI TSE PHUNG PO LNGA LA 'JIG RTEN ZHES BRJOD NA 'JIG RTEN DANG SEMS CAN DON THA DAD PA MED PAR BRJOD PA YIN NO, ,SEMS CAN ZHES BRJOD PAR BYA BA PHUNG PO LNGAR DPAG TU YOD PA'I TSAD JI TZAM ZHE NA, DPER NA 'DZAM BU'I GLING GI MI RNAMS KYI TSAD NI KHRU PHYED DANG KHRU BZHI'O ZHES BYA BA LA SOGS PA LTA BU STE, YUL 'DI LTA BU LA NI DPAG PA'I SGRA SBYAR BAR 'OS PA MA YIN NO, ,'DIR NI 'JIG RTEN GYI KHAMS LA SOGS PAS SEMS CAN GYI KHAMS KYI TSAD SHES PAR 'DOD DO, ,TSAD MED PA BSTAN ZIN TO, ,NYI KHRI LNGA STONG PA LA SOGS PA LAS NI THOG MAR TSAD MED PA DE'I 'OG TU DPAG TU MED PA PHYIS MTHA' MED PA 'BYUNG LA, ,'DIR GO RIMS BZLOG PA NI SNGA PHYIR MNGON PAR ZHEN PA BSAL BA'I DON DU RIG PAR BYA'O, ,DE LTAR YANG NYI KHRI LNGA STONG PA LA SOGS PA DANG, MNGON PAR RTOGS PA'I RGYAN LAS KYANG, BDEN PA'I RNAM PA GO RIMS BZHIN DU BSTAN TE, DE NI BRGYAD DANG BDUN DANG LNGA, ,BCU DRUG TU NI BSTAN PA STE, ,RGYU DANG LAM DANG SDUG BSNGAL DANG, ,'GOG PA DAG LA GO RIMS BZHIN, ,'DIR YANG 'OG NAS YUL GCIG NA, ,SANGS RGYAS BCOM LDAN 'DAS ZHES BYA, ,ZHES BYA BA LA SOGS PAS GO RIMS MED PA BZHIN DU GSAL BAR STON PAR 'GYUR RO, ,DA NI SHES RAB KYI PHA ROL TU PHYIN PA LA GNAS PA STON PAR BYED DE, YANG LA LA ZHIG 'DI SKAD DU SEMS CAN GYI KHAMS GANG DU GTOGS ZHES 'DRI NA ZHES BYA BA LA SOGS PA NI RNAM PA THAMS CAD DU DE'I BDAG NYID KYI NGO BO GANG YIN PA YIN NAM, GANG DU GTOGS SHE NA, 'DIR LAN NI SKYE BA MED PA BSAM GYIS MI KHYAB PA DAG TU GTOGS PAR GTOGS SO ZHES BYA BA YIN TE, SKYE BA MED PA DNGOS PO MED PA NYID YIN NO, ,BSAM @18B GYIS MI KHYAB PA NI RNAM PAR RIG PAR BYA BA NYID MA YIN PA'O, ,TSUL DE LTA BU'I SKYE BA MED PA DANG BSAM GYIS MI KHYAB PA NI GANG DU YANG GTOGS PA MED DO, ,DE DANG THA MI DAD PA'I MTSAN NYID SEMS CAN GYI KHAMS KYANG GANG DU YANG GTOGS PA MED DO ZHES BYA BA'I THA TSIG GO, , SEMS CAN GYI KHAMS CI LA GNAS ZHES 'DRI NA ZHES BYA BA NI GNAS GANG LA ZHE 'AM, DMIGS PA GANG LA GNAS SHING 'DUG CI LA GNAS ZHES BYA BA YIN NO, ,'DIR LAN NI SKYE BA MED PA'I KHAMS CI LA GNAS PA ZHES BYA BA LA SOGS PA YIN NO, ,SKYE BA MED PA'I BDAG NYID KYI KHAMS NI SKYE BA MED PA'I KHAMS SO, ,DE'I MTSAN NYID NI BSTAN ZIN TO, ,DE DAG DNGOS PO MED PA NYID KYIS NA GANG LA YANG GNAS PA MED PA'I PHYIR, SEMS CAN GYI KHAMS DE YANG MTSAN NYID GCIG STE, GANG LA YANG GNAS PA MED DO ZHES BYA BA'I THA TSIG GO, ,'JAM DPAL KHYOD GANG GI TSE SHES RAB KYI PHA ROL TU PHYIN PA SGOM PA ZHES BYA BA LA, RNAM PA THAMS CAD SHES PA 'AM SHES PA'I MCHOG NI SHES RAB BO, ,SHES RAB DE MCHOG NYID DANG, DAM PA'I DNGOS PO DANG, PHUL DU BYUNG BA NYID NI SHES RAB KYI PHA ROL TU PHYIN PA ZHES BYA'O, ,NGES PA'I TSIG 'DI NI RIGS PA NYID YIN TE, SKYON MED PA'I PHYIR DANG, BCOM LDAN 'DAS KYIS KYANG BSTAN PA'I PHYIR RO, ,BRGYAD STONG PA LAS KYANG, BCOM LDAN 'DAS BSAM GYIS MI KHYAB PA DE NI SHES RAB BO, ,MCHOG TU BSAM GYIS MI KHYAB PA DE SHES RAB YIN TE, DGE BA'I RTZA BA GANG THAMS CAD MKHYEN PA NYID DU YONGS SU SNGO BAR BYED PA'O, ,BCOM LDAN 'DAS KYIS BKA' STZAL PA, KUN DGA' BO DE BAS NA SHES RAB DE MCHOG NYID YIN PA'I PHYIR, PHA ROL TU PHYIN PA'I MING THOB PAR 'GYUR RO ZHES BYA BA LA SOGS PA GSUNGS TE, 'DI LTAR SHES RAB 'DI NI YANG DAG PA MA YIN PA KUN BRTAGS PAR SGRO 'DOGS PAR MI BYED CING CHOS THAMS CAD MA SKYES PA LA CHAGS PA DANG BRAL ZHING RTOG PA'I NGO BO THAMS CAD BCOM PA DON DAM PA YIN TE, DE LAS GZHAN PA YOD PA MA YIN PA'I DON CAN GYI SHES RAB LAS PHUL DU BYUNG BA YIN PA'I PHYIR @19A *, ,MCHOG YIN NO, ,'DIS YONGS SU ZIN PA'I SBYIN PA LA SOGS PA YANG, DES YONGS SU MA ZIN PA'I SBYIN PA LA SOGS PA LAS MCHOG YIN NO, ,MCHOG YIN PA'I PHYIR YANG PHA ROL TU PHYIN PA'I MING 'THOB PA YIN TE KUN MCHOG YIN NO, ,DE'I TSE CI LA GNAS TE ZHES BYA BA NI DMIGS PA GANG LA SEMS 'DUG CES BYA BA'O, ,BDAG SHES RAB KYI PHA ROL TU PHYIN PA SGOM PA DE'I TSE, MI GNAS PAR SHES RAB KYI PHA ROL TU PHYIN PA SGOM PA LAGS SO ZHES BYA BA NI SHES RAB KYI PHA ROL TU PHYIN PA LA NI GANG LA GNAS SHING GANG GIS JI LTAR DE BSGOM PAR 'GYUR BA'I GNAS PAR BYA BA 'GA' YANG YOD PA MA YIN TE, CHOS THAMS CAD SHIN TU MA SKYES PA'I PHYIR RO, ,SHES RAB KYI PHA ROL TU PHYIN PA'I MTSAN NYID NI CHAGS PA MED PA YIN PA'I PHYIR RO, ,GAL TE YANG 'GA' ZHIG LA GNAS PA YOD NA NI, DE'I TSE LOG PA'I SHES PA YIN PAS, SHES RAB KYI PHA ROL TU PHYIN PA BSGOM PAR GA LA 'GYUR, DON 'DI GSAL BAR BYA BA'I PHYIR, 'JAM DPAL MI GNAS PA LA SHES RAB KYI PHA ROL TU PHYIN PA BSGOM DU YANG CI YOD CES DRIS SO, ,'DIS NI 'KHOR GYI NANG DU 'DI SKAD BSTAN TE, GAL TE DNGOS PO GOMS PAR BYA BA 'AM, BSGOM PAR BYA BA DE LA SEMS RGYUN DU MA BZHAG NA JI LTAR BSGOMS PA YIN ZHES BYA BA YIN NO,, ,,BAM PO GNYIS PA, ,'JAM DPAL GYIS KYANG GANG CI LA YANG MI GNAS PA DE NYID CES BYA BA LA SOGS PAS 'DI SKAD BSTAN TE, GANG CI LA YANG MI GNAS PA NYID NI SHES RAB KYI PHA ROL TU PHYIN PA CHAGS PA MED PA'I MTSAN NYID YIN TE, MI GNAS PA LAS GZHAN DU BSGOM PA YOD PA MA YIN NO, ,SHES RAB KYI PHA ROL TU PHYIN PA LA GNAS PAR BSTAN ZIN TE, 'DI NYID LA GNAS PA'I BYANG CHUB SEMS DPA' NI SANGS RGYAS NYID DU NGES PA YIN NO, ,LEN PA MED PA DANG GTONG BA MED PA LA SOGS PA BRJOD PAR BYA'O, ,DE'I TSE KHYOD GANG GI TSE SHES RAB KYI PHA ROL TU PHYIN PA SGOM PA DE'I TSE, KHYOD KYI DGE BA'I RTZA BA PHA ROL TU PHYIN PA LA SOGS PA 'PHEL ZHING RGYAS PAR 'GYUR BA DANG, LAM GYI @19B SGRAS DE LAS GZHAN PA DAG 'BRI ZHING 'GRIB PAR 'GYUR ZHES BYA BAR BLTA'O, ,LAN NI DE'I TSE BDAG GI DGE BA'I RTZA BA 'PHEL BA 'AM, 'BRI BAR 'GYUR BA CI YANG MA MCHIS SO ZHES BYA BA YIN TE, CI'I PHYIR ZHE NA, DGE BA'I RTZA BA 'PHEL BA DANG MI DGE BA ZAD BA NI SHES RAB KYI PHA ROL TU PHYIN PA BSGOM PA DANG 'GAL BA MED KYI, 'DIR NI YONGS SU LEN PA DANG GTONG BA'I BSAM PA LA DGONGS PA YIN TE, RLOM PA'I BDAG NYID PAS NA BSGOM PA DANG 'GAL BA'I PHYIR RO, ,DE NYID KYI PHYIR DON 'DI NYID 'OG NAS, BCOM LDAN 'DAS GANG LA CHOS 'GA' ZHIG 'PHEL BA DANG 'GRIB PA MCHIS NA ZHES BYA BA LA SOGS PAS STON PAR BYED DO, ,SBYIN PA LA SOGS PA'I CHOS 'GA' ZHIG 'PHEL BA 'AM, SER SNA LA SOGS PA BRI'O ZHES GANG LA BSAM PA YOD PA DE LA NI SHES RAB KYI PHA ROL TU PHYIN PA'I SGOM PA YOD PA MA YIN NO, ,DE CI'I PHYIR ZHE NA DE'I PHYIR, DE NI SHES RAB KYI PHA ROL TU PHYIN PA SGOM PA MA LAGS TE ZHES BYA BA LA SOGS PA GSUNGS SO, ,GANG LA CHOS 'GA'I DNGOS PO 'PHEL BA'I PHYIR RAM, 'BRI BA'I PHYIR NYE BAR GNAS SHING 'JUG PA DE NI SGOM PA MA YIN PAR RIG PAR BYA'O, ,DE LTAR 'GAL BA'I CHOS DANG LDAN PA SGOM PA LAS LOG PAR BSTAN NAS SGOM PA DANG RJES SU MTHUN PA RJES SU 'GRO BA BSTAN PA'I PHYIR, BCOM LDAN 'DAS GANG SO SO'I SKYE BO'I CHOS RNAMS KYANG MI SPONG LA ZHES BYA BA LA SOGS PA GSUNGS TE, SO SO'I SKYE BO'I CHOS 'DOD CHAGS LA SOGS PA MI SPONG MI SEL LA, SANGS RGYAS KYI CHOS STOBS LA SOGS PA MI LEN MI 'DZIN PA DE SHES RAB KYI PHA ROL TU PHYIN PA SGOM PA LAGS SO, ,DE CI'I SLAD DU ZHE NA ZHES BYA BA NI DE LTAR LEN PA MED PA DANG GTONG BA MED PA'I GTAN TSIGS GANG YIN SNYAM PA LA, GTAN TSIGS BSTAN PA'I PHYIR, BCOM LDAN 'DAS 'DI LTAR SHES RAB KYI PHA ROL TU PHYIN PA SGOM PA NI ZHES BYA BA LA SOGS PA GSUNGS TE, CHOS THAMS CAD MI DMIGS PA'I NGO BOR SHES RAB KYI PHA ROL TU PHYIN PA LA GNAS PAS CHOS GANG LA SPANG BA 'AM BLANG BAR BYA, BLANG BA LA SOGS PAR 'GYUR BA NI SKYON @20A *, ,DANG YON TAN MTHONG BA LAS 'GYUR BA YIN GYI GZHAN DU NI MA YIN NO, ,SHES RAB KYI PHA ROL TU PHYIN PA SGOM PA 'DI NI SKYON DANG YON TAN GNYIS MI DMIGS PA YIN TE, GTANG BA 'AM GZUNG BA GAR YANG YOD PA MA YIN NO, ,DE NYID KYI GTAN TSIGS BSDU BAR BCOM LDAN 'DAS GANG 'KHOR BA'I SKYON DU YANG MI MCHI LA ZHES BYA BA LA SOGS PA GSUNGS TE, GANG 'KHOR BA'I SKYON 'DOD CHAGS LA SOGS PAS BYAS PA SKYE BA DANG RGA SHI LA SOGS PA DANG MYA NGAN LAS 'DAS PA'I YON TAN STOBS DANG MI 'JIGS PA LA SOGS PA BYANG CHUB KYI PHYOGS BSGOMS PAS BYAS PA RNAMS SU MI MCHI ZHING MI SEMS PA DE SHES RAB KYI PHA ROL TU PHYIN PA SGOM PA LAGS SO, ,DE CI'I PHYIR ZHE NA ZHES BYA BA DE NI DE NYID KYANG CI'I PHYIR ZHES DOGS PA LA BCOM LDAN 'DAS 'DI LTAR 'KHOR BA NYID KYANG RE ZHIG MI MTHONG NA ZHES BYA BA LA SOGS PA GSUNGS SO, ,'KHOR BA NYID KYANG RE ZHIG CES BYA BA NI SKYON LA LTOS TE, RE ZHIG MI MTHONG BA'O, ,MYA NGAN LAS 'DAS PA NYID KYANG RE ZHIG MI DMIGS NA ZHES BYA BA 'DIR YANG RE ZHIG CES BYA BA'I RIM PA NI YON TAN LA LTOS PA'O, ,DE DAG NI RANG GIS MI DMIGS PA'I DON LA NYE BAR GTOD PA YIN TE, DE'I CHED DU BRIS PA'I PHYIR RO, ,BCOM LDAN 'DAS GANG CHOS GANG LA YANG BLANG BA 'AM ZHES BYA BA LA SOGS PA GSUNGS PA NI MJUG SDUD PA'O, ,SANGS RGYAS KYI CHOS GANG LA YANG BLANG BA 'AM GZUNG BA ZHES BYA BA LA THA DAD PA 'GA' ZHIG GIS BLANG BA NI BLANG BA'O, ,THA DAD PA MED PAR DE'I BDAG NYID DU GYUR PA NI GZUNG BA STE, BLANG BA DANG GZUNG BA GNYIS LHAN CIG TU SMOS PA'I PHYIR DON DE LTAR DBYE'O, ,LAM GYI SGRA NI THAMS CAD DU PHAN TSUN LTOS PA'O, ,SO SO'I SKYE BO'I CHOS 'DOR ZHING NGES PAR 'BYUNG BA STE, MA MCHIS ZHES BYA BA NI THAMS CAD DU SBYAR RO, ,BLANG BA MED PA DANG DOR BA MED PA LA SOGS PA BSTAN ZIN TO, ,DA NI BYAMS PA LA SOGS PA DANG STONG PA NYID BRJOD PAR BYA'O, ,TSAD MED PA LA SOGS PA DANG STONG PA NYID DE YANG JI LTA BA BZHIN DU MDOR BSTAN PA'I PHYIR, BCOM @20B LDAN 'DAS GANG CHOS GANG LA YANG 'GRIB PA DANG ZHES BYA BA LA SOGS PA GSUNGS SO, ,CHOS GANG LA YANG ZHES BYA BA NI RANG GI MI MTHUN PA'I PHYOGS ZHE SDANG LA SOGS PA DANG LTA BAS BYAS PA DAG 'GRIB CING ZAD PA DANG, TSAD MED PA LA SOGS PA DANG, STONG PA NYID SGOM PA RNAMS 'PHEL ZHING LHAG PAR RGYAS PAR GYUR PA'I DNGOS PO GANG MI DMIGS PA DE SHES RAB KYI PHA ROL TU PHYIN PA SGOM PA LAGS SO, ,DE YANG CI'I PHYIR ZHE NA, DE'I PHYIR BCOM LDAN 'DAS SKYE BA MA MCHIS PA LA 'GRIB PA DANG 'PHEL BA MA MCHIS PA'I SLAD DU'O ZHES GSUNGS TE, SKYE BA MA MCHIS PA NI DE BZHIN NYID DE, DE LA NI 'GRIB BA MED 'PHEL BA MED DE, DUS THAMS CAD DU DE BZHIN DU 'DUG PA'I PHYIR DANG 'DUS MA BYAS YIN PA'I PHYIR RO, ,DE BAS NA MI MTHUN PA'I PHYOGS 'GRIB PA MED LA GNYEN PO 'PHEL BA MED DO, ,'GOG PA LA YANG MI RTOG PAS NA SHES RAB KYI PHA ROL TU PHYIN PA SGOM PA YIN NO ZHES BSTAN PA'I PHYIR, BCOM LDAN 'DAS GANG CHOS GANG YANG ZHES BYA BA LA SOGS PA GSUNGS TE, RNAM PAR BYA BA'I CHOS SKYE BA DANG, NYON MONGS PA'I KUN NAS NYON MONGS PA LA SOGS PA 'GAG PAR RLOM PA DE LTA BU YANG SGOM PA GANG LA YOD PA MA YIN PA DE SHES RAB KYI PHA ROL TU PHYIN PA SGOM PA LAGS SO, ,DE LTAR GANG GIS DNGOS POR RTOG PA BSAL NAS 'BRAS BU LA RTOG PA BSAL BA'I PHYIR, BCOM LDAN 'DAS GANG CHOS GANG LA YANG JI LTAR RANG GI GNAS NGAN LEN DANG, DE'I KUN TU RMONGS PA RNAMS 'GRIB BA'AM RNAM PAR BYANG BA'I YON TAN RNAMS RGYAS PAR MI BGYID CING BCOM LDAN 'DAS GANG DE LTAR SGOM ZHING SEMS BSKYED PA DE SHES RAB KYI PHA ROL TU PHYIN PA SGOM PA LAGS SO, ,DE LTAR RGYUN DU SEMS BSKYED PA DE NYID SHES RAB KYI PHA ROL TU PHYIN PA SGOM PA LAGS SO, ,TSAD MED PA LA SOGS PA DANG STONG PA NYID BSTAN ZIN TO, ,DA NI SANGS RGYAS NYID 'THOB PA BRJOD PA NI BCOM LDAN 'DAS GZHAN YANG ZHES BYA BA LA SOGS PA YIN TE, STOBS DANG MI 'JIGS PA LA SOGS PA SANGS RGYAS KYI CHOS GANG YIN PA DE DAG NI BSAM GYIS MI KHYAB PA'I CHOS YIN TE @21A *, ,BSAM PAR MI NUS PA'I PHYIR RO, ,NYI TSE BA'I SO SO'I SKYE BO DANG NYAN THOS LA SOGS PA'I CHOS YIN TE NYI TSER ZHUGS PA'I PHYIR RO, ,MI SMON PA NI 'DOD PA MED PA'O, ,NYI TSE BA SMOS PA NI MI SMON PAS KHYAD PAR BSTAN PA'I PHYIR RO, ,DE NI GNYIS KAR RTOG PA DANG BRAL BA'I DBU MA'I LAM BSTAN PA YIN NO, ,TSIG GI ZLA BSTAN PA KUN LA YANG DE BZHIN DU RIG PAR BYA'O, ,MI SMON PA YANG RNAM PA GSUM STE, DGOS PA MED PA'I PHYIR DANG LE LO YOD PA'I PHYIR DANG MI NUS PA'I PHYIR RO, ,'ON KYANG BCOM LDAN 'DAS GANG LA SMON PA DANG ZHES BYA BA LA SOGS PAS NI RNAM PA THA MA NYID BSTAN TE, DE YANG MCHOG YIN PA NYID KYIS SANGS RGYAS NYID NI GTZO BO DAM PA BYA DKA' BA MTHA' YAS PA SHIN TU 'BAD PAS SMON CING BTZAL BAR BYA BA NI YOD PA MA YIN NO, ,KYANG GI SGRAS NI GANG GIS DANG JI LTAR GANG GI DON DU SMON PA YANG RIG PAR BYA STE, YOD PA MA YIN PA'I PHYIR SMON CING BTZAL BYAR NUS PA MA YIN NO, ,DE LTAR BSGOMS NA SHES RAB KYI PHA ROL TU PHYIN PA SGOM PA LAGS SO, ,SANGS RGYAS NYID THOB PA BSTAN ZIN TO, ,DE NI RNAM PAR BYANG BA'I PHYOGS THAMS CAD BSDU BA BRJOD PAR BYA BA NI BCOM LDAN 'DAS SHES RAB KYI PHA ROL TU PHYIN PA SGOM PA NI 'DI LTAR CHOS 'DI DAG NI MCHOG GO ZHES BYA BA LA SOGS PA GANG GSUNGS PA YIN NO, ,NYE BAR MI GNAS SHING ZHES BYA BA NI MI 'JUG PA'O, ,DE STON PA NI PHA ROL TU PHYIN PA DANG STONG PA NYID DANG BYANG CHUB KYI PHYOGS DANG TSAD MED PA LA SOGS PA'I CHOS 'DI DAG NI MCHOG GO, ,SER SNA DANG TSUL KHRIMS 'CHAL BA DANG GNOD SEMS DANG LE LO LA SOGS PA'I CHOS 'DI DAG NI THA MA'O ZHES DE LTAR MCHOG DANG THA MA YIN PAR RTOG PAS MI GNAS PA'O, ,DE LTAR CI'I PHYIR YIN ZHE NA, DE'I PHYIR CHOS GANG DAG MCHOG DANG THA MAR GYUR PA'I CHOS DE DAG KYANG MI DMIGS TE ZHES GSUNGS TE, PHA ROL TU PHYIN PA LA SOGS PA'I MCHOG GANG DAG BLA NA MED PA'I DON 'DREN PAR BYED PAS NA MCHOG GO, ,NGAN SONG LA SOGS PA 'DREN PAR BYED PAS NA SER SNA LA SOGS PA NI THA @21B MA'O ZHES CHOS DE LA YANG MI DMIGS SO, ,DE LTAR RNAM PAR BYANG BA DANG, KUN NAS NYON MONGS PA'I CHOS MI DMIGS PAS MCHOG NYID DANG, THA MA NYID DU MI RTOG PA GANG YIN PA'I SHES RAB KYI PHA ROL TU PHYIN PA SGOM PA'I RNAL 'BYOR TING NGE 'DZIN LA RJES SU GTAD DE; BRTZON ZHING MA BRAL BA'I RIGS KYI BU NI CHOS THAMS CAD MI DMIGS SO, ,DES RNAM PAR BYANG BA'I PHYOGS THAMS CAD YONGS SU ZIN PAR BSTAN PAS SHES RAB KYI PHA ROL TU PHYIN PAS YONGS SU ZIN NA PHA ROL TU PHYIN PA THAMS CAD DANG, STONG PA NYID DANG TSAD MED PA DANG BYANG CHUB KYI PHYOGS LA SOGS PA YONGS SU ZIN PA YIN NO ZHES 'BYUNG BA DANG MTHUN PA YIN NO, ,RNAM PAR BYANG BA'I CHOS THAMS CAD YONGS SU BZUNG BA BSTAN ZIN TO, ,DA NI MNGON PAR ZHEN PA'I NAD THAMS CAD 'JOMS PAR BYED PA BRJOD PA'I CHED DU BCOM LDAN 'DAS SHES RAB KYI PHA ROL TU PHYIN PA SGOM PA NI CHOS GANG LA GANG MCHOG CE 'AM THA MA ZHES MI RTOG GO ZHES GSUNGS SO, ,MNGON PAR ZHEN PA'I NAD CES BYA BA GANG ZHE NA, SRID PA DANG, LONGS SPYOD KYI DNGOS PO PHYI NANG GI CHOS LA THA MA DANG, MCHOG TU LTA BAS KUN TU ZHEN CING CHAGS PA NI MNGON PAR ZHEN PA'O, ,DE NYID YUN RING POR DBYEN DANG RTZOD PA DANG 'GYED PA DANG MI MTHUN PA LA SOGS PA'I GNOD PA BSKYED PA'I PHYIR DANG, SER SNA LA SOGS PA SKYED PAR BYED PA'I PHYIR NAD DO, ,DE THAMS CAD 'JOMS PAR BYED CING GTAN NAS 'BYIN PA NI MCHOG NYID DANG THA MA NYID DU MI RTOG PA'I SHES RAB KYI PHA ROL TU PHYIN PA SGOM PA DANG GZHAN DAG KYANG DE LA 'GOD PAR BYED PA YIN NO, ,DE CI'I SLAD DU ZHE NA ZHES BYA BA NI MI RTOG PA DE NYID GTAN TSIGS GANG GIS ZHES BYA BA'O, ,DE'I PHYIR BCOM LDAN 'DAS SKYE BA MA MCHIS PA LA ZHES BYA BA LA SOGS PA GSUNGS SO, ,DE BZHIN NYID DANG YANG DAG PA'I MTHA' DANG, CHOS THAMS CAD KYI BAR LA YANG ZHES BYA BA LA, BAR LA ZHES BYA BA'I SGRAS 'DUS MA BYAS PA'I RNAM GRANGS GZHAN DAG KYANG GZUNG NGO, ,CHOS THAMS CAD CES BYA BA NI PHYI DANG NANG MA SKYES PA'I NGO BO STE, DE LA @22A *, ,MCHOG DANG THA MA MCHIS SO ZHES BYA BA'I THA TSIG GO, ,BCOM LDAN 'DAS DE LTAR BSGOMS NA SHES RAB KYI PHA ROL TU PHYIN PA SGOM PA LAGS SO ZHES BYA BA NI MJUG SDUD PA'O, ,DE NI MYA NGAN LAS 'DAS PA LA MNGON PAR ZHEN PA ZHIB BRJOD PAR BYA STE, DE SKAD CES GSOL BA DANG BCOM LDAN 'DAS KYIS ZHES BYA BA LA SOGS PA GSUNGS PA GANG YIN PA DE LA DE SKAD CES BYA BA NI RNAM PA SNGA MA DE LTA BU LA BYA'O, ,GSOL PA ZHES BYA BA NI SMRAS PA'O, ,'DI SKAD CES ZHES BYA BA NI 'OG NAS 'BYUNG BA'O, ,BKA' STZAL TO ZHES BYA BA NI GSUNGS PA'O; ,'JAM DPAL SANGS RGYAS KYI CHOS ZHES BYA BA SANGS RGYAS KYI BDAG NYID KYI CHOS STOBS DANG, MI 'JIGS PA LA SOGS PA RNAM PA THAMS CAD LAS KHYAD PAR DU 'PHAGS PA YIN PA'I PHYIR, GTZO BO MCHOG MA YIN NAM ZHES TSIG ZUR GYIS DRIS PA DANG 'DIR LAN NI, BZUNG DU MA MCHIS PA'I SLAD DU SANGS RGYAS KYI CHOS RNAMS NI MCHOG LAGS SO ZHES GSOL TO, ,'JUG PA DANG LDOG PA'I GNAS LA GZUNG BAR RNAM PAR RTOG PA MI MNGA' BA'I PHYIR DANG, DE MED NA MED PA YIN PA'I PHYIR 'DZIN PAR RNAM PAR RTOG PA YANG MI MNGA'O, , DE BAS NA DE DAG NI KUN RDZOB TU MCHOG YIN NO, ,DON DAM PAR NI MA YIN TE, DE'I PHYIR BCOM LDAN 'DAS CHOS THAMS CAD STONG PAR ZHES BYA BA LA SOGS PA GSUNGS TE, CHOS THAMS CAD CES BYA BA NI GZUGS LA SOGS PA'O, ,STONG PAR ZHES BYA BA NI NGO BO NYID KYIS DBEN PA'O,, DE LTAR DE BZHIN GSHEGS PAS MNGON PAR RDZOGS PAR SANGS RGYAS PA LAGS SAM ZHES BYA BA LA MNGON SUM DU MTSAN NYID GCIG NYID DU MNYAM ZHING THA MI DAD PAR MKHYEN TE, MNGON PAR RDZOGS PAR SANGS RGYAS PA LAGS SAM, DE SKAD ZHUS PA DANG, BCOM LDAN 'DAS KYIS DE DE BZHIN TE ZHES ZHAL GYIS BZHES SO, ,'PHAGS PA 'JAM DPAL GYIS KYANG BCOM LDAN 'DAS STONG PA NYID LA MCHOG GAM, THA MA ZHES BGYI BA MCHIS SAM ZHES DRI BA NYID LAN DU SMRAS PA YIN TE, STONG PA NYID LA MCHOG DANG THA MA MCHIS SAM ZHES TSIG ZUR GYIS DRIS PA NI DE GNYI @22B GA YANG MCHIS PA MA LAGS SO ZHES BYA BA'I THA TSIG GO, ,BCOM LDAN 'DAS KYANG RIGS PA SMRAS PAS DGYES NAS 'JAM DPAL LEGS SO LEGS SO ZHES GSUNGS SO, ,'JAM DPAL DE DE BZHIN TE, JI SKAD SMRAS PA BZHIN NO ZHES BYA BA NI ZHAL GYIS BZHES PA STE, GZHAN DU MA YIN NO ZHES BYA BA'I BAR DU YIN NO, ,GZUNG BA DANG 'DZIN PA YANG DAG PA MA YIN PAR SGRO 'DOGS PA'I RNAM PAR RTOG PA DANG BRAL BA NI SANGS RGYAS KYI CHOS RNAMS YIN NO ZHES BSTAN NAS DE'I BAG LA NYAL DANG BRAL BA BSTAN PA'I PHYIR, 'JAM DPAL SANGS RGYAS KYI CHOS RNAMS BLA NA MED PA YIN NAM ZHES BYA BA LA SOGS PA GSUNGS TE, 'DI LAS GZHAN MCHOG DAM PA KHYAD PAR DU 'PHAGS PA MED PAS BLA NA MED PA'O, ,DRIS PA DANG 'JAM DPAL GYIS GSOL BA DE DE LTA LAGS TE ZHES GSUNGS TE, SANGS RGYAS KYI CHOS RNAMS BLA NA MED PA NYID LAGS KYI, DE LAS GZHAN NI MA LAGS SO ZHES ZHAL GYIS BZHES PA GSUNGS SO, ,'DIR GTAN TSIGS SU BCOM LDAN 'DAS 'DI LTAR DE DAG LA ZHES BYA BA LA SOGS PA GSUNGS TE, SANGS RGYAS KYI BDAG NYID KYI CHOS DE DAG LA BAG CHAGS KYI MTSAN NYID KYI CHOS CUNG ZAD TZAM DANG PHRA MO TZAM YANG MA MCHIS SHING MCHIS PA MA LAGS SO, ,DE'I PHYIR MI DMIGS TE, RIG PAR BYAR MED DO, ,RNAM PAR RTOG PA RGYU BA'I GNAS SKABS LTA RE ZHIG RING DU ZHOG GI ,SANGS RGYAS KYI CHOS RNAMS LA DE'I BAG CHAGS KYANG YOD PA MA YIN NO ZHES BYA BA NI YANG GI SGRA'I DON YIN NO, ,DES NA SANGS RGYAS KYI CHOS BLA NA MED PA DE DAG KUN RDZOB TU MCHOG NYID DANG, BLA NA MED PA NYID NI MYA NGAN LAS 'DAS PA LA MNGON PAR ZHEN PA'I GNAS YIN NO, ,YANG DAG PAR NI STONG PA NYID LA MCHOG DANG THA MA NYID YOD PA MA YIN LA, BLA NA MED PA NYID DANG, GONG MA DANG BCAS PA NYID KYANG YOD PA MA YIN PAS MYA NGAN LAS 'DAS PA LA MNGON PAR ZHEN PA ZHI BA YIN NO, ,DA NI SANGS RGYAS KYIS GSUNGS PA LA SOGS PA BRJOD PAR BYA'O, ,SHES RAB KYI PHA ROL TU PHYIN PA SGOM PA LA BRTZON PAS SANGS RGYAS BCOM LDAN 'DAS RNAMS SGRUB PA'I @23A *, ,BYANG CHUB SEMS DPA' LA SRUNG BA DANG SKYOB PA DANG SBA BA MDZAD DO, ,DE LA SRUNG BA NI SGOM PA 'PHEL BA DANG, YONGS SU MI NYAMS PAR MDZAD PA'O, ,SKYOB PA NI PHA ROL GYI GNOD PA LAS SKYOB PA'O, ,SBA BA NI THEG PA DMAN PAR 'PHRO ZHING G-YENG BA MED PAR BYED PA'O, ,BYANG CHUB SEMS DPA' GANG GIS SO SO'I SKYE BO'I CHOS RNAMS SPANGS NAS THEG PA DMAN PA LAS 'DAS TE, SANGS RGYAS KYI CHOS RNAMS THOB PAR MDZAD CING, SANGS RGYAS KYI MDZAD PA MDZAD DO ZHES GANG LA KUN RDZOB KYI RNAM PAR RTOG PA DE DAG MI 'BYUNG BA DE SHES RAB KYI PHA ROL TU PHYIN PA SGOM PA YIN NO ZHES STON PA NI BCOM LDAN 'DAS GZHAN YANG GANG SANGS RGYAS KYI CHOS RNAMS ZHES BYA BA LA SOGS PA YIN TE, SANGS RGYAS KYI CHOS BSTAN ZIN PA'I NGO BO RNAMS SGRUB PAR BYED PAS SGRUB PA STE, BSNYEN PAR BYED NGES [?] SU MTHUN PAR BYED PA'O, ,DE'I DNGOS PO NI SGRUB PAR BYED PA NYID DO, ,DE'I DON DU 'JUG PAR MI BYED 'BYUNG BAR MI BYED SGRUB PAR MI BYED PA'I BAR DU YIN NO, ,SO SO'I SKYE BO'I CHOS RNAMS SPONG BA DANG DOR BAR MI BGYID DO, ,SANGS RGYAS KYI CHOS RNAMS 'THOB PA YANG MA LAGS LA ZHES BYA BA NI 'THOB PAR BYED PA YANG MA LAGS PA'O; ,'DZIN PA YANG MA LAGS ZHES BYA BA NI SKYED PAR BYED PA 'AM 'DZIN PAR BYED PA MA LAGS ZHES BYA BA YIN NO, ,SANGS RGYAS RNAMS KYIS GSUNGS PA LA SOGS PA BSTAN ZIN TE, NYI KHRI LNGA STONG PA LA SOGS PA LAS KYANG DE SKAD DU BSTAN PA NI PHYOGS BCU'I 'JIG RTEN GYI KHAMS DAG NA BZHUGS PA'I SANGS RGYAS BCOM LDAN 'DAS RNAMS KYIS SHES RAB KYI PHA ROL TU PHYIN PA 'DI 'DZIN PA NAS YID LA BYED PA'I BAR DU BYED PA DE'I JI LTAR DGE BA'I CHOS 'PHEL BAR 'GYUR BA DANG, SBYIN PA'I PHA ROL TU PHYIN PA NAS RNAM PA THAMS CAD MKHYEN PA'I BAR DU MI NYAMS PAR 'GYUR BA DANG, NGA RGYAL LA SOGS PAS ZIL GYIS MI NON PAR 'GYUR BAR BYA BA'I PHYIR, BSRUNG BA DANG BSKYAB PA DANG, SBA BAR MDZAD DO ZHES BYA BA LA SOGS PA GSUNGS TE, BU MANG POS MA'I NAD BSAL BA'I PHYIR BRTZON PA'I DPES SANGS RGYAS KYIS BSRUNGS PA LA SOGS @23B PA BSTAN TE, DE LA BU LTA BU NA SANGS RGYAS BCOM LDAN 'DAS SO, ,MA LTA BU NI SHES RAB KYI PHA ROL TU PHYIN PA'O, ,DE'I NAD LTA BU NI MTHONG BA DANG BSGOMS BAS SPANG BAR BYA BA'I RNAM PAR RTOG PA RANG RANG LA JI LTAR YOD PA DANG DE'I BAG LA NYAL LO, ,DE BZHIN GSHEGS PA 'BYUNG BA BSTAN PA'I MDO LAS KYANG DON 'DI GSAL BAR BSTAN MOD KYI YI GE MANGS SU DOGS BAS MA BRIS SO, ,SROG GCOD PA MED PA NAS BRTZAMS TE, RNAM PA THAMS CAD MKHYEN PA'I TSUL LA RANG YANG GNAS SHING SEMS CAN RNAMS DGOD PA BRJOD PAR BYA'O, ,DE YANG SPANG BA DANG BLANG BA'I CHOS RNAM PA GNYIS BYE BRAG TU SHES SHING BSAMS PA MED PAR SPANG BAR BYA BA MI DGE BA LA SOGS PA LAS BSLANG STE, BLANG BAR BYA BA RNAM PA THAMS CAD MKHYEN PA NYID THOB PAR BYED PA'I CHOS DGE BA LA SOGS PA LA RANG GNAS SHING GZHAN YANG DGOD PAR MI NUS PAS CHOS DE DAG LA GDON MI ZA BAR BSAM PA DANG RNAM PAR SHES PAR BYA DGOS SO, ,GANG ZHIG DAG GIS DBEN BAR BSGOMS PA DE NI SHES RAB KYI PHA ROL TU PHYIN PA SGOM PA YIN PAR BSTAN PA'I PHYIR, GANG CHOS GANG LA YANG MI SEMS LA ZHES BYA BA LA SOGS PA GSUNGS TE, SPANG BAR BYA BA SO SO'I SKYE BO LA SOGS PA DANG 'BREL BA DANG BLANG BAR BYA BA YANG DAG PAR RDZOGS PA'I SANGS RGYAS KYI CHOS GANG LA YANG, DRAN PA'I RNAM PAR RTOG PAS MI SEMS LA MYONG ZHING DMIGS PAS RNAM PAR MI RIG PA DE SHES RAB KYI PHA ROL TU PHYIN PA SGOM PA LAGS SO, ,GTAN TSIGS BSTAN PAS GSAL BAR BYA BA'I PHYIR, 'JAM DPAL KHYOD SANGS RGYAS KYI CHOS RNAMS LA MI SEMS SAM ZHES BCOM LDAN 'DAS KYIS DRIS TE, SANGS RGYAS KYI CHOS DE DAG LA MI SEMS SAM ZHES TSIG ZUR GYIS BSTAN TE, DE RJES SU DRAN PA NI NGES PAR BYA DGOS PA'I PHYIR RO ZHES DGOS PA'O, , GAL TE BDAG GIS SANGS RGYAS KYI CHOS RNAMS YONGS SU GRUB PAR MTHONG NA NI BDAG SANGS RGYAS KYI CHOS RNAMS LA SEMS LAGS SO ZHES BYA BA LA, SANGS RGYAS KYI CHOS RNAMS NI CHOS CAN SANGS RGYAS DANG, DE'I CHOS RNAMS LA BYA STE, CI STE YONGS SU GRUB CING RANG GI NGO BO GRUB PAR @24A *, ,MTHONG NA NI SEMS LAGS SO, ,YONGS SU GRUB PAR MA MTHONG BA'I PHYIR SEMS PAR MI BGYID DO ZHES BSTAN TO, ,DE LTAR YONGS SU MA GRUB PA DNGOS POR SEMS PAR BGYID NA, SHES RAB KYI PHA ROL TU PHYIN PA NYID MA YIN NO ZHES BSTAN PA'I PHYIR SHES RAB KYI PHA ROL TU PHYIN PA SGOM PA NI 'DI DAG NI ZHES BYA BA LA SOGS PA NAS, CHOS GANG LA YANG RNAM PAR RTOG PAS NYE BAR GNAS PA MA LAGS SO ZHES BYA BA'I BAR DU GSUNGS TE, SPANG BAR BYA BA DANG BLANG BAR BYA BA'I CHOS CAN DANG CHOS GANG LA YANG BYE BRAG TU RTOG CING, RNAM PAR RTOG PAS NYE BAR GNAS SHING ZHUGS PA MA LAGS SO, ,'DI DAG NI SO SO'I SKYE BO'I CHOS SO ZHES BYA BA LA SOGS PAS NI BYE BRAG TU RTOG PA STON TE, 'GRO BA LNGA 'AM DRUG TU SO SOR 'GRO BAS NA SO SO'I SKYE BO'O, ,DE DAG GI CHOS NI SO SO'I SKYE BO'I CHOS TE, 'DOD CHAGS LA SOGS PA'O; ,BDAG DUL BA DANG ZHI BA DANG YONGS SU MYA NGAN LAS 'DAS PA LA SOGS PA 'DI DAG NI NYAN THOS KYI CHOS SO, ,'DZIN PAR SGRO 'DOGS PA LA SOGS PA 'DI DAG NI RANG SANGS RGYAS KYI CHOS SO, ,STOBS LA SOGS PA 'DI DAG NI YANG DAG PAR RDZOGS PA'I SANGS RGYAS KYI CHOS SO ZHES CHOS GANG LA YANG RNAM PAR RTOG PAS NYE BAR GNAS PA MA LAGS SO, ,'DIR GTAN TSIGS NI RNAL 'BYOR LA BRTZON PA'I RIGS KYI BUS CHOS DE NYID KYANG MI DMIGS TE ZHES BYA BA LA SOGS PA GSUNGS TE, THA SNYAD GDAGS PAR 'OS PA'I CHOS BDAG LA SOGS PA DE NYID KYANG MI DMIGS TE MI MTHONG NGO, ,BDAG LA SOGS PA GANG LA BSTAN ZIN PA'I NGO BO'I CHOS SO SO'I SKYE PO'I CHOS ZHES BRJOD CING BSTAN PA BDAG DE MI DMIGS SO, ,SLOB PA NI RGYUN DU ZHUGS PA LA SOGS PA GANG BAG BDUN NO, ,MI SLOB PA NI DGRA BCOM PA'O, ,RANG SANGS RGYAS NI RNAM PA GNYIS TE, BSE RU LTA BU DANG, TSOGS DANG SPYOD PA'O, ,DE LA BSE RU LTA BU NI SKYES BU DAM PA LA BRTEN NAS RGYUD YONGS SU SMIN PAR BYED KYI NGES PAR 'BYED PA'I CHA DANG MTHUN PA YANG MI SKYED PA'O, ,TSE YONGS SU BRJES NAS NI NGES PAR 'BYED PA'I CHA DANG MTHUN PA DANG, 'PHAGS @24B PA'I LAM SKYED PAR BYED CING DGE SBYONG GI 'BRAS BU NGANG SHIN TU MTHAR THUG PA'I RANG BYANG CHUB SGRUB PAR BYED DO, ,TSOGS DANG SPYOD PA YANG RNAM PA GNYIS TE, KHA CIG NI SKYES BU DAM PA LA BSTEN NAS RGYUD YONGS SU SMIN PAR BYED, NGES PAR 'BYED PA'I CHA DANG MTHUN PA YANG SKYED PAR BYED KYI, DGE SBYONG GI 'BRAS BU DANG 'PHAGS PA'I LAM NI MI SKYED DO, ,TSE YONGS SU BRJES NA SA NI 'PHAGS PA'I LAM BSKYED NAS SHIN TU MTHAR PHYIN PA'I RANG BYANG CHUB MNGON SUM DU MI BYED DO, ,GZHAN DAG NI SKYES BU DAM PA LA BRTEN NAS RGYUD YONGS SU SMIN PAR BYED NGES PAR 'BYED PA'I CHA DANG MTHUN PA YANG SKYED, 'PHAGS PA'I LAM YANG SKYED PAR BYED KYI SHIN TU MTHAR PHYIN PA'I MTSAN NYID RANG BYANG CHUB NI MNGON SUM DU MI BYED DO, ,TSE YONGS SU BRJES NAS NI RANG BYANG CHUB DE THOB PAR BYED DO, ,RNAM PA DE DAG GSUM CHAR YANG LUNG LAS GCIG TU NGA RGYAL LA SPYOD PA YIN PAR BZHAG STE, NGA RGYAL CHEN PO DANG 'BRING DANG CHUNG NGU YIN PA'I PHYIR, BSE RU LTA BU LA SOGS PAR DBYE'O, ,DE DAG GI CHOS NI RANG SANGS RGYAS KYI CHOS SO ZHES BYA BA'I SGRA NI THAMS CAD DU YANG PHAN TSUN LTOS PA YIN NO, ,YANG DAG PAR RDZOGS PA'I SANGS RGYAS ZHES BRJOD PA'I CHOS DE SHIN TU RAB TU BDAG LA SOGS PAR BRJOD PAR RUNG BA'I CHOS CAN DE MI DMIGS SHING DMIGS SU MED PA YIN NO, ,DE LTAR GANG ZAG LA BDAG MED PA SGOM PA NI SHES RAB KYI PHA ROL TU PHYIN PA SGOM PA YIN NO, ,CHOS LA BDAG MED PA'I DBANG DU BYAS NAS, BCOM LDAN 'DAS SHES RAB KYI PHA ROL TU PHYIN PA SGOM PA'I RNAL 'BYOR LA BRTZON PA'I RIGS KYI BU NI ZHES BYA BA LA SOGS PA GSUNGS TE, RIGS KYI BU DE'I RNAM PAR RTOG PA 'DI SNYAM DU DBANG SGYUR BA LA SOGS PA NAS, MNAR MED PA LA THUG PA'I BAR 'DI NI 'DOD PAS RAB TU PHYI BA'I KHAMS YIN PAS 'DOD PA'I KHAMS SO, ,GNAS GTZANG MA LA SOGS PA NAS TSANGS RIS LA THUG PA'I BAR 'DI NI GZUGS KYIS RAB TU PHYE BA'I KHAMS YIN PAS GZUGS KYI KHAMS SO, ,'DU SHES MED 'DU SHES MED MIN SKYE MCHED LA SOGS PA NAS, NAM MKHA' @25A *, ,MTHA' YAS SKYE MCHED LA THUG PA'I BAR 'DI NI GZUGS MED PAS RAB TU PHYE BA YIN PAS GZUGS MED PA'I KHAMS SO, ,RAB TU YANG ZHES BYA BA'I SGRAS BSDU BA NI 'DOD CHAGS ZAD PAS 'DOD CHAGS DANG BRAL BA'I KHAMS DANG, DE LAS GZHAN PA'I NYON MONGS PA ZAD PAS SPANGS PA'I KHAMS RNAMS YONGS SU BZUNG NGO, ,'GOG PA'I DBYINGS SU ZHES BYA BA NI DNGOS PO YONGS SU ZAD PA ZHES BGYI BA RNAM PAR RTOG PA'I NGO BO DE LTA BUR MI SEMS SO, ,'DIR DOGS NAS GTAN TSIGS SU BCOM LDAN 'DAS 'DI LTAR DES ZHES BYA BA LA SOGS PA GSUNGS TE, DES ZHES BYA BA NI SHES RAB KYI PHA ROL TU PHYIN PA SGOM BA DANG LDAN PA'I RIGS KYI BUS SO, ,'DOD CHAGS LA SOGS PA 'GOG PA'I CHOS ZAD PA'I RANG GI NGO BO'I CHOS DE GANG YANG MI MTHONG STE, CHOS THAMS CAD MA SKYES PA'I PHYIR RO, ,DE LTAR BDAG MED PA GNYIS KYI MTSAN NYID SGOM PA SHES RAB KYI PHA ROL TU PHYIN PA SGOM PA NI RTOG PA MED PA'I BDAG NYID YIN PAR RIG PAR BYA'O, ,RNAM PA THAMS CAD MKHYEN PA'I TSUL LA RANG GNAS LA SEMS CAN RNAMS 'GOD PA BSTAN ZIN TO, ,DA NI SBYIN PA LA SOGS PA BYANG CHUB TU YONGS SU BSNGO BA BRJOD PAR BYA STE, RAB TU 'JUG PA THAMS CAD KYANG 'DOD PA DANG MI 'DOD PA THOB PA DANG YONGS SU SPANG PA'I CHED YIN LA, SBYIN PA LA SOGS PA BYANG CHUB TU YONGS SU BSNGOS PA 'DI YANG SANGS RGYAS NYID DANG SO SO SKYE BO GNYIS GO RIMS BZHIN DU 'THOB PA DANG, YONGS SU SPANG BA'I CHED YIN NO ZHES DE LTAR RNAM PAR RTOG PA SKYE'O, ,DE LA 'DIR CHOS THAMS CAD MA SKYES PA YIN PA'I PHYIR, DGOS PA DANG BYED PA PO DANG LAS RNAMS LA MI RTOG PAR SHES RAB KYI PHA ROL TU PHYIN PA BSGOM PAR BYA'O ZHES GO RIMS BZHIN DU BSTAN PA'I PHYIR; BCOM LDAN 'DAS GZHAN YANG GANG CHOS GANG LA YANG PHAN PA 'AM ZHES BYA BA LA SOGS PA GSUNGS TE, 'DOD PA 'AM MI 'DOD PA MA THOB PA 'AM THOB PA'I CHOS KYI RANG GI NGO BO GANG LA YANG GO RIMS BZHIN DU PHAN PA SGRUB PA 'AM, GNOD PA SEL BAR YANG MI BGYID CING MI @25B SGRUB PA DE SHES RAB KYI PHA ROL TU PHYIN PA SGOM BA LAGS SO, ,PHAN PA MA THOB PA SGRUB CING GNOD PA THOB PA SEL BAR MI BYED PA'O, ,'AM ZHES BYA BA'I SGRA NI PHAN TSUN LTOS PA YIN NO, ,DON 'DI LA GTAN TSIGS SU BCOM LDAN 'DAS 'DI LTAR SHES RAB KYI PHA ROL TU PHYIN PA SGOM PA NI SANGS RGYAS KYI CHOS RNAMS SBYIN PAR BGYID PA PO YANG MA LAGS ZHES BYA BA LA SOGS PA GSUNGS SO, ,'DI LTAR GANG GI PHYIR SHES RAB KYI PHA ROL TU PHYIN PA SGOM PA BSTAN ZIN PA'I NGO BO NI SANGS RGYAS KYI CHOS RNAMS SBYIN PAR BGYID PA PO YANG MA LAGS TE, DES NA 'BUL BAR BGYID PA PO MA LAGS ZHES BYA BA'I THA TSIG GO, ,SO SO'I SKYE BO'I CHOS RNAMS GCOD PAR BGYID PA PO LAGS SO ZHES BYA BA NI SEL BAR BYED PA PO MA YIN NO ZHES BYA BA'I THA TSIG GO, ,DE BAS NA BCOM LDAN 'DAS GANG SO SO'I SKYE BO'I CHOS RNAMS KYANG MI 'GOG LA ZHES BYA BA LA SOGS PAS NI DON DE NYID NI GZHUNG 'DZUGS PAR BYED PA'O, ,GANG ZHES BYA NI 'DI LTAR ZHES BYA STE, SO SO'I SKYE BO'I CHOS DNGOS PO MA SKYES PA RNAMS MI 'GOG CING ZAD PAR MI BYED, SANGS RGYAS KYI CHOS DNGOS PO MA SKYES PA RNAMS MI 'THOB CING YOD PAR MI BYED DE; THOB PAR BYA BA DANG THOB PA PO RNAMS SHIN TU DNGOS PO MED PO'I PHYIR RO ZHES LAN DU MAR BSTAN ZIN TO, ,'DIR NI YONGS SU BSNGO BA 'KHOR GSUM YONGS SU DAG PA YIN PAR RIG PAR BYA'O, ,SBYIN PA LA SOGS PA BYANG CHUB TU YONGS SU BSNGO BA BSTAN ZIN TO, ,DE YAN CHAD DU MTHONG BA'I LAM SKAD CIG MA BCU DRUG BSTAN ZIN TE, DE LA BCU DRUG NI, DE BZHIN NYID DANG SANGS RGYAS DAG, ,PHAN TSUN BRTEN PA MED PA DANG, ,RNAM GRANGS KYIS NI ZHAL MI BZHES, ,CHEN PO NYID DANG MTSAN MED BCAS, ,DPAG MED PA DANG MTHA' MED DANG, ,DER GNAS PA YI GZUGS LA SOGS, ,SANGS RGYAS NYID DU NGES 'DZIN DANG, ,BLANG DOR MED LA SOGS PA DANG, ,BYAMS LA SOGS PA STONG NYID DANG, ,SANGS RGYAS NYID NI 'THOB PA DANG, ,RNAM PAR BYANG KUN YONGS BSDUS DANG, ,MNGON ZHEN NAD KUN 'JOMS PA DANG, ,MYA NGAN 'DAS @26A *, ,'DZIN ZHI NYID DANG, ,SANGS RGYAS RNAMS KYIS BSRUNGS SOGS DANG, ,SROG GCOD MED PA NAS BRTZAMS NAS, ,RNAM PA KUN MKHYEN TSUL LA NI, ,BDAG GNAS SEMS CAN 'GOD PA DANG, ,SBYIN BA LA SOGS BYANG CHUB TU, ,YONGS SU SNGO BAR BYED PA STE; ,LAM SHES NYID KYI SKAD CIG MA, ,ZHES BYA STE, DE DAG NI ZHI GNAS DANG LHAG MTHONG GI DMIGS PA DNGOS PO'I MTHA' YIN PAR RIG PAR BYA'O, ,MTHONG BA'I LAM DE SKAD DU BSTAN PA DANG, ,THUGS DGYES PA 'AM ZHAL GYIS BZHES NAS, LEGS SO LEGS SO, ZHES LAN GNYIS SU GSUNGS SO, ,'JAM DPAL KHYOD KYIS 'DI LTAR CHOS ZAB MO 'DI LTA BU 'DI ZHES BYA BA LA, 'DI LTAR ZHES BYA BA NI GANG GI PHYIR ZHES BYA'O, ,'DI LTA BU ZHES BYA BA NI DMIGS PA'I MTSAN NYID DNGOS PO'I MTHA' LA BYA'O, ,ZAB MO NI SGRO 'DOGS PA DANG SKUR 'DEBS KYI MTHA' DANG BRAL BA'I PHYIR TE, DON DAM PAR RANG GI NGO BO'I CHOS MTHONG BA'I LAM 'DI SEMS CAN RNAMS LA BSTAN CING BSHAD PA ZHES BYA BAR RIG PAR BYA STE, DE'I SKABS YIN PA'I PHYIR RO, ,PHYAG RGYA 'DI GZHAG GO ZHES BYA BA NI MTHONG BA'I LAM GYI CHOS BCU DRUG 'DI NYID YID CHES PAR BYED PA'I RGYU YIN PA'I PHYIR, PHYAG RGYA DANG RTAGS YIN TE, THEG PA GSUM GYI TSUL SO SOR NGES PA'I SEMS CAN GYI NGO BO DAG GI CHA PHRA MO KHONG DU MA TSUD PA TSU ROL NYI TSE MTHONG BA, BYANG CHUB SEMS DPA' DANG CIG SHOS SU BYE BRAG MA PHYED PA RNAMS KYIS, BYANG CHUB SEMS DPA' SEMS DPA' CHEN PO YIN PAR, YANG DAG PA JI LTA BA BZHIN RTOGS PAR BYA BA'I PHYIR KHYOD KYIS PHYAG RGYA BZHAG STE, GANG DAG CHOS 'DI LA 'DOD PA DANG SENG GE SGRAS SENG GE'I PHRU GU BZHIN DU CHOS THOS PAS MI SKRAG PA LA SOGS PA DE DAG NI BYANG CHUB SEMS DPA' YIN NO ZHES PHYAG RGYA 'DIS NGES PAR BYED DO, ,GANG DAG SENG GE'I SGRAS RI DAGS GZHAN BZHIN PA DANG, ,BA TSA'I CHU'I NANG NAS SKYES PAS CHU ZHIM PO MI 'DOD PA BZHIN 'DI LA MI 'DOD CING SKRAG PAR BYED PA'I NYAN THOS KYI THEG PA PA MNGON PA'I NGA RGYAL CAN NAM, BYANG CHUB @26B SEMS DPA'I THEG PA PA DMIGS PA CAN DAG YIN PAR RIG PAR BYA STE, BYANG CHUB SEMS DPA'I RTAGS SU GYUR PA'I PHYAG RGYA DANG BRAL BA'I PHYIR RO, ,MNGON PA'I NGA RGYAL CAN RNAMS DANG ZHES BYA BA NI NYAN THOS KYI THEG PA'I BYE BRAG YIN TE, NYAN THOS KYI BYANG CHUB TZAM GYIS DGA' ZHING ZHI BA PHYOGS GCIG PA ZHES BYA BA'I THA TSIG GO, ,YANG NA RANG SANGS RGYAS KYI THEG PA PAR BZUNG STE, DE DAG NI GCIG TU NGA RGYAL LA SPYOD PA YIN PAR GSUNG RAB LAS GZHAG GO, ,DE DAG NI SANGS RGYAS GCIG LA BSNYEN BKUR BYAS PA MA YIN ZHES BYA BA LA SOGS PA NI 'DI DAG GIS SANGS RGYAS GCIG BSNYEN BKUR BYAS PA DE SANGS RGYAS GCIG LA BSNYEN BKUR BYAS PA'O, ,YANG NA SANGS RGYAS GCIG LA BSNYEN BKUR BYAS PA GANG YIN ZHES BYA BAR SBYAR TE, DE LTA BU MA YIN NO, ,'DI DAG GIS SANGS RGYAS GCIG LA BSNYEN BKUR BSKYED PA ZHES BYA BAR SBYAR TE, DE LTAR MA YIN GYI 'ON KYANG SANGS RGYAS MANG PO LA BSNYEN BKUR BYAS PA YIN, SANGS RGYAS MANG PO LA DGE BA'I RTZA BA BSKUL BA YIN ZHES BYA BA'I THA TSIG GO, ,SKRAG PA NI SNGANGS SHING SKRAG PA STE, LAN 'GA' 'BYUNG BA'O, ,DNGANG BA NI RGYUN DU SKRAG PA'O, ,DNGANG BAR 'GYUR BA NI BRAL YANG YANG BYUNG YANG BYUNG BYED PA STE, RGYUN DU 'DUG PA'I RIMS DANG BAR DU 'BYUNG BA'I RIMS BZHIN NO, ,GZHAN DAG NA RE CHUNG NGU DANG 'BRING DANG CHEN PO'I BYE BRAG YIN NO ZHE'O, ,DE DAG LTA BU MA YIN PAS MI SKRAG PA LA SOGS PA YIN NO, ,DE LTAR BSAM PA RNAM PAR DAG PAS BSDUS PA'I MTHONG BA'I LAM GYI MJUG THOGS SU BSLAB PA GSUM RNAM PAR DAG PAS BSDUS PA'I BSGOM PA'I LAM BRJOD PAR BYA STE, CHUNG BA'I CHUNG BA LA SOGS LAM, ,SA DGU LA NI RNAM PAR DAG, ,CHEN PO'I CHEN PO LA SOGS PA'I, ,DRI MA DAG GI GNYEN PO YIN, ,ZHES GSUNGS PA YIN NO, ,DE LA LHAG PA'I TSUL KHRIMS RNAM PAR DAG PAS SA GNYIS PA DANG, LHAG PA'I BSAM PA RNAM PAR DAG PAS SA GSUM PA DANG, LHAG PA'I SHES RAB RNAM PAR DAG PA'I BYE BRAG GI @27A *, ,PHYIR 'OD 'PHRO BA LA SOGS PAS BRGYAD GZHAG GO, ,DE LA DE BZHIN GSHEGS PA'I NI DE BZHIN GSHEGS PA'I YE SHES KUN 'BYUNG BA'I BDEN BAS THOB PAR BYA BA YIN PAS 'DIR MA BSHAD DO, ,DE LAS GZHAN DGU NI RIM BZHIN STON TE, BCOM LDAN 'DAS KYIS GNANG BA BSGRUB PA'I PHYIR BDAG NI SHES RAB KYI PHA ROL TU PHYIN PA RGYA CHER STON PAR SPOBS LAGS SO ZHES GSUNGS TE, RGYA CHER ZHES BYA BA NI GONG DU BSTAN BA TZAM PAS LHAG PAR SPOBS SO ZHES BYA BA'I THA TSIG GO, ,'JAM DPAL SPOBS PAR GYIS SHIG CES BYA BA NI BCOM LDAN 'DAS KYIS RJES SU GNANG BA BSTAN TO, ,DE LA LHAG PA'I TSUL KHRIMS KYI BSLAB PA NI SBYIN PA LA SOGS PA PHA ROL TU PHYIN PA GSUM MO, ,BRTZON 'GRUS KYI PHA ROL TU PHYIN PA NI THAMS CAD DU 'GRO BA'O, ,LHAG PA'I SEMS KYI BSLAB PA NI BSAM GTAN GYI PHA ROL TU PHYIN PA'O, ,LHAG PA'I SHES RAB KYI BSLAB PA NI SHES RAB KYI PHA ROL TU PHYIN PA STE, 'DI DRUG KHO NAS SEMS CAN GYI DON DANG NYON MONGS PA SPANGS PA 'GRUB PA'I PHYIR RO, ,THABS LA SOGS PA BZHI NI 'DI DAG NYID KYI GROGS YIN TE, 'DI LTAR SBYIN BA LA SOGS PAS YONGS SU ZIN PA'I SEMS CAN GYI TSOGS RNAMS THABS LA MKHAS PAS DGE BA LA SBYOR BAR BYED PAS THABS KYI PHA ROL TU PHYIN PA NI LHAG PA'I TSUL KHRIMS KYI BSLAB PA'I GROGS YIN NO, ,MTHONG BA'I CHOS LA NYON MONGS PA LHAG PAR CHE BA'I PHYIR SGOM PA RGYUN DU MI NUS SHING KHAMS DMAN BA LA LHAG PAR MOS PAS LHAG PA'I BSAM BA NYAM CHUNG BAS DMIGS PA JI LTA BA BZHIN DU BSAM GTAN YONGS SU BSGOM PA'I PHYIR NANG DU SEMS 'JOG MI NUS PA DANG 'JIG RTEN LAS 'DAS PA'I SHES RAB MNGON PAR SGRUB MI NUS PA RNAMS BSOD NAMS CUNG ZAD TZAM DAG BYAS TE 'DUG PA DE DAG TSE PHYI MAR NYON MONGS PA CHUNG BAR YID KYIS SMON LAM BTAB BO, ,NYON MONGS PA CHUNG BA DES NA BRTZON 'GRUS RTZOM NUS PAR 'GYUR TE, DE BAS NA SMON LAM GYI PHA ROL TU PHYIN PA NI BRTZON 'GRUS KYI GROGS @27B YIN NO, ,GANG GI TSE SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA LA BRTEN NAS LHAG PA'I BSAM BA NYAM CHUNG BA BZLOG STE, GZUGS KYI KHAMS SU LHAG PA'I BSAM BA STOBS DANG LDAN PA NYID THOB PA'I PHYIR, STOBS KYI PHA ROL TU PHYIN PA NI BSAM GTAN GYI GROGS YIN NO, ,YE SHES GANG GIS 'JIG RTEN LAS 'DAS PA'I SHES RAB SGRUB NUS PAR 'GYUR BA'I YE SHES KYI PHA ROL TU PHYIN PA DE NI SHES RAB KYI PHA ROL TU PHYIN PA 'DI'I GROGS YIN NO, ,DE LAS GNYIS PA'I DBANG DU BYAS NAS; BCOM LDAN 'DAS GANG CHOS GANG GI GNAS PA MI DMIGS PA DANG ZHES BYA BA LA SOGS PA GSUNGS TE, 'DIR SHES RAB KYI PHA ROL TU PHYIN PA SGOM PA NI LHAG PA'I TSUL KHRIMS KYI BSLAB PA RNAM PAR DAG PA'I MTSAN NYID DE DE LA GANG CHOS GANG GI ZHES BYA BA NI GNAS PA PO'I CHOS GZUGS LA SOGS PA GANG YIN BA DE DAG GI'O, ,GNAS PA ZHES BYA BA NI 'DI LA GNAS PAS GNAS PA'O, ,BSLAB PA 'DI NYID LA BYA STE, RJES SU BSGRUB PA'I BDAG NYID RNAMS KYIS SGRUB BA NI DE LA 'JUG PA'I PHYIR RO, ,DE MI DMIGS PA NI MI MTHONG BA'O,, MI GNAS PA YANG RNAM PA GNYIS TE, SER SNA DANG, TSUL KHRIMS 'CHAL PA DANG, GNOD SEMS LA SOGS PA LOG PAR SGRUB PA DANG MI SGRUB PA STE, DE YANG MI DMIGS PA STE, GNYEN PO DANG MI MTHUN PA'I PHYOGS DANG GNYI GA MA YIN PA RNAMS MI DMIGS PA GANG YIN BA DE SGOM PA 'DI YIN PAR BZHED DO, ,DE NAS DE MI DMIGS PA 'DI YANG CI'I SLAD DU ZHE NA, GZUGS LA SOGS PA'I CHOS THAMS CAD MI GNAS PA'I SLAD DU ZHES GSUNGS TE, MA SKYES PA RNAMS NI GNAS PAR MI RIGS SO ZHES BYA BA'I THA TSIG GO, ,SA GSUM PA'I DBANG DU BYAS NAS BCOM LDAN 'DAS GANG CHOS GANG LA YANG LHAG PAR DMIGS PA'I SLAD DU NYE BAR MI GNAS PA DE ZHES BYA BA LA SOGS PA GSUNGS TE, 'DIR SHES RAB KYI PHA ROL TU PHYIN PA SGOM PA NI LHAG PA'I SEMS KYI BSLAB PA RNAM PAR DAG PA'I MTSAN NYID YIN @28A *, ,NO; ,DE YANG GANG ZHE NA, DNGOS PO'I CHOS GANG LA YANG LHAG PAR DMIGS PA'I SLAD DU YUL DU BYA BA'I PHYIR NYE BAR MI GNAS 'JUG PA MA LAGS SO, ,'DIR DE CI'I SLAD DU ZHE NA ZHES BYA BAS DOGS TE, GTAN TSIGS DRIS PA DANG, BCOM LDAN 'DAS 'DI LTAR ZHES BYA BA LA SOGS PA GSUNGS TE, GANG GI PHYIR CHOS THAMS CAD NI DMIGS PA MA MCHIS SHING, DMIGS PA STONG PA YIN TE, MA SKYES PA RNAMS LA YUL DANG YUL CAN GYI DNGOS PO MI 'THAD PA'I PHYIR RO, ,BCOM LDAN 'DAS 'DI LTAR SGOM PA NI ZHES BYA BA LA SOGS PA MJUG SDUD PA'O, ,DE NYID SEMS MI DMIGS PAR SGOM PA YIN TE, DMIGS PA'I RNAM PA MA GTOGS PAR SEMS MED PA'I PHYIR RO, ,DE YANG DRI ZA'I GRONG KHYER BZHIN DU YOD PA MA YIN YANG SNANG BA'I PHYIR RO, ,DON DAM PAR DE MI DMIGS PA'I BDAG NYID SGOM PA NI SHES RAB KYI PHA ROL TU PHYIN PA SGOM PA YIN PAR BZHED DO, ,LHAG PA'I SEMS KYI BSLAB PA RNAM PAR DAG PA ZHES BYA BA SA GSUM PA'O, ,LHAG PA'I SHES RAB KYI BSLAB PA RNAM PAR DAG PA'I KHYAD PAR NI SA LHAG MA RNAMS YIN NO, ,DE LAS BZHI PA'I DBANG DU BYAS NAS, BCOM LDAN 'DAS GZHAN YANG ZHES BYA BA LA SOGS PA GSUNGS TE, GZHAN YANG ZHES BYA BA NI SHES RAB KYI PHA ROL TU PHYIN PA'I RNAM PA GZHAN YANG ZHES BYA BA YIN NO, ,'OD 'PHRO CAN GYIS 'DI NI CHOS KYI DBYINGS LA KUN TU 'DZIN PA NYID MED PA'I DON RTOGS PAS, SNYOMS PAR 'JUG PA LA SRED PA'I RMONGS PA DANG CHOS LA SRED PA'I RMONGS PA DANG, DE'I GNAS NGAN LEN GYI GNYEN PO YIN NO, ,DE LTAR NA RE ZHIG CHOS LA SRED PA MED PA BSTAN PA'I PHYIR GANG LA SANGS RGYAS KYI CHOS RNAMS KYANG ZHES BYA BA LA SOGS PA GSUNGS TE, KYANG GI SGRAS NI DE DAG GI CHED DU 'JUG PAS SANGS RGYAS KYI CHOS RNAMS 'DOD PAR BYA BA NYID DU BSTAN PA'I PHYIR RO, ,SANGS RGYAS KYI CHOS RNAMS KYANG MNGON DU MI 'GYUR ZHES BYA BA NI MDUN NA 'DUG PA MA YIN TE, CHOS THAMS CAD DNGOS PO MA YIN PAR MTHONG BA'I PHYIR RO, ,'DOD PAR BYA BA MA YIN PA RANG SANGS RGYAS KYI CHOS @28B RNAMS MNGON DU LTA GA LA 'GYUR ZHES SBYAR RO, ,NYAN THOS KYI CHOS RNAMS KYANG MNGON DU MI 'GYUR NA ZHES BYA BA LA SOGS PA NI SGOM PA GANG LA ZHES BYA BA LA LTOS PA YIN NO, ,SO SO'I SKYE BO'I CHOS RNAMS LTA SMOS KYANG CI 'TSAL ZHES BYA BA NI SPONG BA STE, SO SO'I SKYE BO'I CHOS RNAMS KYI DNGOS PO MNGON DU 'GYUR BA LTA RE ZHIG ZHOG GI ,SMOS SU YANG MED DO ZHES BYA BA NI KYANG GI SGRA'I DON YIN NO, ,CHOS LA SRED PA MED PA BSTAN NAS, BCOM LDAN 'DAS GZHAN YANG SHES RAB KYI PHA ROL TU PHYIN PA DE SGOM PA NI ZHES BYA BA LA SOGS PAS NI SNYOMS PAR 'JUG PA LA SRED PA MED PAR STON TO, ,SHES RAB KYI PHA ROL TU PHYIN PA DE SGOM PA NI ZHES BYA BA NI SNYOMS PAR 'JUG PA LA SRED PA'I GNYEN PO'I MTSAN NYID DO, ,SGOM PA GANG LA BRTEN NAS ZHES BYA BA NI GNAS NAS TE, RE ZHIG NYI TSE BA'I CHOS MNGON DU BYED PA LTA ZHOG GI ,SANGS RGYAS KYI CHOS RNAMS BSAM GYIS MI KHYAB PA LA YANG MNGON DU MI BYED DO, ,YANG GI SGRAS SANGS RGYAS KYI CHOS RNAMS BSAM GYIS MA KHYAB PA'O ZHES RNAM PAR RTOG PA YANG MNGON DU MI BYED DO ZHES BYA BAR BLTA BAR BYA'O, ,MNGON DU MI BYED PA NI SNYOMS PAR 'JUG PAS YUL DU MI BYED PA STE, SNYOMS PAR 'JUG PA LA SRED PA CHAD PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA SGOM PA 'DI NI BYANG CHUB SEMS DPA' SEMS DPA' CHEN PO RNAMS CHOS THAMS CAD LA RNAM PAR ME RTOG PA'I SLAD DU LAGS PAR RIG PAR BGYI'O ZHES BYA BA NI, YANG DAG PAR RDZOGS PA'I SANGS RGYAS LA SOGS PA'I CHOS RNAMS LA RNAM PAR MI RTOG PAR BYA BA'I PHYIR YIN NO ZHES BLTA BAR BYA STE, CHOS DANG SNYOMS PAR 'JUG PA LA SRED PA SPANGS PA'I PHYIR RO ZHES BYA BA'I THA TSIG GO, ,BCOM LDAN 'DAS GZHAN YANG SGOM PA GANG LA BRTEN NAS ZHES BYA BA LA SOGS PAS NI SA LNGA PA STON TO, ,SGOM PA GANG LA BRTEN NAS ZHES BYA BA NI THOB NAS SO, , MTHONG BA MA MCHIS PA'I TSUL DU ZHES BYA BA NI CHOS THAMS CAD MI DMIGS PA'I TSUL GYIS ZHES BYA BA'I DON TO, ,SO SO'I SKYE BO LA SOGS PA DANG 'BREL PA'I CHOS THAMS CAD NI SANGS RGYAS KYI CHOS SU MTHONG ZHING SHES SO, ,CHOS THAMS CAD BSAM GYIS MI KHYAB PA'I CHOS THUN @29A *, ,MONG MA YIN PA RMAD DU BYUNG BA'I CHOS YIN PAR MTHONG BA DE SHES RAB KYI PHA ROL TU PHYIN PA SGOM PA LAGS SO ZHES BYA BA NI NYON MONGS PA DANG RNAM PAR BYANG BA'I RGYUD THA DAD PA MED PAR RTOGS PA'I MTSAN NYID DO, ,GANG DAG SHES RAB KYI PHA ROL TU PHYIN PA BSTAN PA 'DI THOS NAS MI SGRA GCES BYA BA LA SOGS PA LA SANGS RGYAS BRGYA STONG MANG PO LA BSNYEN BKUR BGYIS PA LAGS TE, MNYES PAR BGYIS PA DANG LDAN PA NI SANGS RGYAS LA BSNYEN BKUR BGYIS PA'O, ,DE GANG ZHE NA, GANG DAG BSGOM PA'I LAM GYIS BSDUS PA'I SHES RAB KYI PHA ROL TU PHYIN PA BSTAN PA 'DI THOS NAS MI SKRAG PA LA SOGS PA YIN NO, ,MI SKRAG PA LA SOGS PA BSHAD ZIN TO, ,THOS PA LA SKRAG PA MED PA LA SOGS PA SANGS RGYAS BRGYA STONG MANG PO LA BSNYEN BKUR BYAS PAS LHAG PAR MOS PA NI SHIN TU YANG SANGS RGYAS MANG PO LA BSNYEN BKUR BYAS PA YIN TE; DE DAG GI THUGS MNYES PAR MDZAD PA YIN GYI, GZHAN DAG NI NYAN PA LA SOGS PA MI RIGS PA'I PHYIR RO, ,JI SKAD DU SNGAR SANGS RGYAS RNAMS LA LHAG PAR BYA BA BYAS PA ZHES BYA BA LA SOGS PA GSUNGS PA YIN NO, ,GAL TE BSGOMS PA'I BRTZAMS PA YONGS SU RDZOGS PAR THOS PA LA SKRAG PA MED PA LA SOGS PA'I BSNGAGS PA STON PA SKABS SU CI BAB CE NA, DE LA BSHAD PA, BYANG CHUB SEMS DPA'I SA LA NI NYON MONGS PA'I PHRA RGYAS KYI GROGS DANG NYAM CHUNG BA DANG PHRA BA DANG RNAM PA GSUM YANG DAG PAR BCOM MO, ,DE LA DANG PO NAS LNGA PA'I BAR DU NI MTHUN BAR NYON MONGS PA'I PHRA RGYAS KYI GROGS YANG DAG PAR BCOM PA'I GNAS SKABS YIN NO, ,DRUG PA DANG, BDUN PA GNYIS KYI GNAS SKABS SU NI MTHUN PAR NYAM CHUNG BA BCOM PA YIN NO, ,BRGYAD PA LA SOGS PA GSUM GYI GNAS SKABS SU NI MTHUN PAR PHRA BA BCOM PA YIN NO ZHES BSTAN PA'I PHYIR, SA LNGA PA BSTAN NAS SANGS RGYAS MANG PO LA ZHES BYA BA LA SOGS PA GNAS SKABS GZHAN BSTAN TO, ,DE BZHIN DU SA BDUN PA BSTAN NAS DE NAS YANG ZHES BYA BA LA SOGS PA SMOS SO, ,SA BCU PA BSTAN PA LA NI SKABS RDZOGS PA YIN NO ZHES DGONGS @29B PA'O; ,DE SKAD DU SA LA 'JUG PA LAS KYANG, SA LNGA GNYIS DANG GSUM DAG LA, ,NYON MONGS GROGS DANG NYAM CHUNG DANG, ,PHRA BA ZAD PA'I 'DOD PA YIN, ,DE BZHIN GSHEGS PA DE DAG ZAD, ,CES GSUNGS SO, ,BCOM LDAN 'DAS GZHAN YANG GANG KUN NAS NYON MONGS PA 'AM ZHES BYA BA LA SOGS PAS SA DRUG PA STON TO, ,'DIR LUGS DANG MI THUN PA DANG, LUGS DANG MI MTHUN PA'I RTEN CING 'BREL PAR 'BYUNG BA RTOGS PA'I PHYIR, GANG KUN NAS NYON MONGS PAR 'GYUR BA 'AM RNAM PAR BYANG BAR 'GYUR BA'I CHOS GANG YANG YOD PA MA YIN PAR MTHONG; DE DAG NI KUN NAS NYON MONGS PA RNAM PA GSUM RTEN CING, KUN NAS NYON MONGS PAR GYUR PA'I CHOS KYI DNGOS PO DANG BDAG LA SOGS PA GANG YANG YANG DAG PAR RJES SU MI MTHONG ZHING, RNAM PAR BYANG BA YANG SKYED DO, ,GANG ZAG DANG, CHOS LA MNGON PAR ZHEN PA NGAN SONG BA'I KUN NAS NYON MONGS PA'I RMONGS PA DANG GNAS NGAN LEN LA SOGS PA'I DRI MA DANG BRAL BA YANG DAG PAR RJES SU MI MTHONG ZHING, MI DMIGS PA DE SHES RAB KYI PHA ROL TU PHYIN PA SGOM PA LAGS TE ZHES BYA BAS STON TO, ,BCOM LDAN 'DAS DE LTAR BSGOMS NA ZHES BYA BA LA SOGS PAS NI MJUG SDUD PA YIN NO, ,BCOM LDAN 'DAS SHES RAB KYI PHA ROL TU PHYIN PA SGOM PA DE NI SO SO'I SKYE BO DANG ZHES BYA BA LA SOGS PAS SA BDUN PA STON TE, 'DI NI RTZOL BA DANG BCAS SHING MTSAN MA MED PAR GNAS PA YIN LA THA DAD PA NYID MED PA'I DON RTOGS PA YIN TE, THA DAD PA NYID KYI RGYU DANG MTSAN MA MI DMIGS PA'I PHYIR RO, ,DE NYID STON PA NI SHES RAB KYI PHA ROL TU PHYIN PA SGOM PA DE NI THA DAD PA MED PA NYID KYI DON RTOGS PA'I MTSAN NYID GANG YIN PA STE, SO SO'I SKYE BO NAS YANG DAG PAR RDZOGS PA'I SANGS RGYAS KYI BAR DU YANG PHAN TSUN THA DAD DU MI BGYID CING BYE BRAG TU MI BYED DE, ,YANG NA 'DIR THA DAD DU BYED DE MTSAN MA'O, ,DE MI BYED PA GANG YIN PA 'DI NI RING DU SONG BA'I BDAG NYID SHES RAB KYI PHA ROL TU PHYIN PA SGOM BA LAGS SO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA ZHES BYA BA LA @30A *, ,SOGS PAS SA BRGYAD PA MI G-YO BA STON TE, 'DIR MI SKYE BA'I CHOS LA BZOD PA THOG PAS DMA' BA MED PA DANG MA THOB PA MED PA'I DON RTOGS SHING MTSAN MA MED PA YID LA BYED PA LHUN GYIS GRUB PA 'BYUNG BA DANG MTSAN MA LA YANG DBANG NYID THOB PA'O, ,DE DAG THAMS CAD BSTAN PA'I PHYIR BCOM LDAN 'DAS KYIS, 'JAM DPAL KHYOD KYIS DE BZHIN GSHEGS PA JI SNYED CIG LA BSNYEN BKUR BYAS ZHES DRIS TE, GANG KHYOD KYIS BSNYEN BKUR BYAS PA'I DE BZHIN GSHEGS PA DE DAG GI TSAD JI TZAM ZHES BYA BA'O, ,'PHAGS PA 'JAM DPAL GYIS KYANG SGYU MA'I SKYES BU'I SEMS DANG SEMS LAS BYUNG BA JI SNYED CES BYA BA LA SOGS PAS DE DAG MA SKYES PA NYID DU STON PAR BYED DO, ,SGYU MA'I RANG BZHIN GYI SKYES BU NI SGYU MA'I SKYES BU'O, ,DE NI RE ZHIG GTAN MA SKYES PA YIN NA, DE'I SEMS DANG SEMS LAS BYUNG BA LTA SHIN TU YANG MA SKYES NA 'GAG PA LTA CI ZHIG YOD, ,BSNYEN BKUR BYA BA'I SANGS RGYAS KYANG DE BZHIN DU MA SKYES PA YIN NO, ,BSNYEN BKUR BYED PA YANG MA SKYES PA YIN NO ZHES BSTAN PA'I PHYIR, 'JAM DPAL KHYOD SANGS RGYAS KYI CHOS LA YANG DAG PAR MA ZHUGS SAM ZHES DRIS SO, ,SANGS RGYAS RNAMS KYI CHOS NI SANGS RGYAS KYI CHOS TE, STOBS DANG MI 'JIGS PA LA SOGS PA'O, ,DE 'AM DE DAG LA LHUN GYIS GRUB PAR 'JUG PA MA YIN PA'I PHYIR, RGYUN GYIS SA MA YANG DAG PAR MA ZHUGS PA NI SANGS RGYAS KYI CHOS LA YANG DAG PAR MA ZHUGS SAM ZHES BYA STE, 'DI LTAR BSNYEN BKUR MA SKYES PAR SMRA'O, ,SANGS RGYAS KYI CHOS LA YANG DAG PAR ZHUGS PA NI SANGS RGYAS LA BSNYEN BKUR BYED PA DANG, ,SEMS CAN YONGS SU SMIN PAR BYED PA DANG SANGS RGYAS KYI ZHING YONGS SU SBYONG BA DANG, BYANG CHUB SEMS DPA'I SPYOD PA YONGS SU SBYONG BA LA SOGS PA YIN NA BYA BA DE DAG MI BYED NA, JI LTAR SANGS RGYAS KYI CHOS LA YANG DAG PAR ZHUGS PA YIN ZHES DGONGS PA'O, ,BCOM LDAN 'DAS GANG SANGS RGYAS KYI CHOS LA YANG DAG PAR ZHUGS PA'I CHOS DE GANG YANG DMIGS SU MA MCHIS SAM ZHES BYA BA NI YANG DAG PAR ZHUGS PA PO BSNYEN BKUR BYED PA LA SOGS @30B PA'I BDAG NYID RTAG PA DANG PHUNG PO LA SOGS PA'I MTSAN NYID MI RTAG PA MI DMIGS PAS MI 'THAD PA KHO NA YIN PAR STON TO, ,'DIS NI MTSAN MA MED PA YID LA BYED PA NA RTZOL BA'I RMONGS PA SPANGS PA DANG MTSAN MA LA DBANG BA'I RMONGS PA SPANGS PA YANG BSTAN TO, ,GAL TE BSNYEN BKUR BYA BA LA BSNYEN BKUR BYED PA RNAMS YANG DAG PAR ZHUGS PA MED NA, 'JAM DPAL 'O NA SANGS RGYAS KYI CHOS DE DAG SU LA YOD CES DRIS PA DANG, 'JAM DPAL GYIS GSOL PA, BCOM LDAN 'DAS NYID LA YANG ZHES BYA BA LA SOGS PA GSUNGS TE, SANGS RGYAS KYI CHOS ZHES BGYI BA DE DAG CES BYA BA 'DIS BSTAN PA'I MNGON SUM DU MDZAD PA DE DAG GI MING YANG JI LTAR YANG MA MCHIS TE, DE BAS NA MI DMIGS PA NI RIG PAR MI NUS PA'I PHYIR RO, ,'DIS NI CHOS DANG CHOS CAN MA SKYES PAR BSTAN TO, ,SA DGU PA LA NI STON PAR MDZAD PA'I GNAS SKABS YIN PA'I PHYIR CHAGS PA MED PA'I SO SO YANG DAG PAR RIG PA THOB BO, ,DE LTA MA YIN NA, JI LTA BA BZHIN DU THOGS PA MED PAR STON PA MI 'THAD PA'I PHYIR RO, ,DE NYID 'DIR STON PA NI 'JAM DPAL KHYOD KYIS CHAGS PA MED PA NYID RNYED DAM ZHES TSIG ZUR GYIS DRES PA DANG, DE'I LAN DU BCOM LDAN 'DAS BDAG NYID CHAGS PA MA MCHIS PA NYID LAGS NA ZHES BYA BA LA SOGS PA YIN TE, BDAG NYID CHAGS PA MA MCHIS PA NYID LAGS NA ZHES BYA BA NI CHOS THAMS CAD CHAGS PA MED PA'I MTSAN NYID YIN PA'I PHYIR RO, ,DE BAS NA YANG LAN CIG CHAGS PA MA MCHIS PA THOB PAR BGYIR CI MCHIS, DE NI SHES BYA LA CHAGS PA'I DRI MA MED PA'I YE SHES YIN PA'I PHYIR RO, ,SA BCU PA'I SKABS DBYE BA'I PHYIR 'JAM DPAL KHYOD CI BYANG CHUB KYI SNYING PO LA 'DUG GAM ZHES DRIS TE GAL TE BDAG NYID CHAGS PA MED PA YIN PAR KHAS LEN NA ZHES DGONGS PA'O, ,DE SKAD DRIS PA DANG, YANG DAG PA'I MTHA' BRTZON PAR BGYIS NA BCOM LDAN 'DAS NYID KYANG ZHES BYA BA LA SOGS PAS SA DE NYID STON TO, ,DE YANG DGOS PA YONGS SU GRUB PA'I DMIGS PA CAN ZHI GNAS DANG LHAG MTHONG THOB CING MNGON PAR SHES PA CHEN PO LA KUN TU RMONGS PA DANG, GSANG BA @31A *, ,PHRA MO LA 'JUG PA'I KUN TU RMONGS PA SPANGS PA YIN TE GANG GIS PHYIN CI LOG THAMS CAD KYI MTSAN NYID KYI GNAS NGAN LEN GYI TSOGS SPANGS PA'I PHYIR, 'DI CHOS KYI SKU YONGS SU THOB PO ZHES BRJOD PA STE, BAG LA NYAL LHAG MA TZAM LUS PA NI GANG SPANGS PAS SHIN TU RNAM PAR DAG PA DE BZHIN GSHEGS PA NYID DU 'GYUR BA'O, ,BYANG CHUB KYI SNYING PO ZHES BYA BA 'DI NI BYANG CHUB KYANG YIN SNYING PO YANG YIN PAS BYANG CHUB KYI SNYING PO'O, ,GNAS NGAN LEN RNAM GSUM SPANGS PA NI BYANG CHUB BO, ,DE YANG PAGS PA LA YOD PA LTA BU DANG, SHA LA YOD PA LTA BU DANG, RUS PA LA YOD PA LTA BUR DBYE'O, ,DE LA CHOS DANG GANG ZAG LA MNGON BAR ZHEN PA'I KUN DU RMONGS PA DANG, NGAN SONG BA'I KUN NAS NYON MONGS PA'I KUN TU RMONGS PA DANG, DE'I GNAS NGAN LEN LA SOGS PA RAB TU DAG PA LA SOGS PA'I MI MTHUN PA'I PHYOGS RNAMS SGRO BTAGS PA'I NGO BO NYID KYIS PHYI ROL DU GYUR PA'I PHYIR PAGS PA LA YOD PA LTA BU NYID YIN NO, ,MTSAN MA LA DBANG BA'I KUN TU RMONGS PA DANG DE'I GNAS NGAN LEN LA SOGS PAS BRGYAD PA LA SOGS PA GSUM GYI MI MTHUN PA'I PHYOGS RNAMS NI YID KYI RNAM PAR SHES PA'I BDAG NYID KYIS MI BSTAN PAR GYUR PA'I PHYIR SHA LA YOD PA LTA BU YIN NO, ,BAG CHAGS NI SA BON DU GYUR PA NYID KYIS KUN GZHI LA GNAS PA'I PHYIR RUS PA LA YOD PA LTA BU YIN NO, ,PAGS PA LA YOD PA LTA BU'I GNAS NGAN LEN SPANGS PAS NI RAB TU DGA' BA LA SOGS PA SA BDUN YIN NO, , BRGYAD PA LA SOGS PA GSUM NI SHA LA YOD PA LTA BU'I GNAS NGAN LEN SPANGS PA'O, ,DE BZHIN GSHEGS PA NI RUS PA LA YOD PA LTA BU'I GNAS NGAN LEN SPANGS PA STE, DES NA BYANG CHUB 'DI MCHOG YIN PA'I PHYIR SNYING PO ZHES BYA'O, ,DE THOB PAR BYED PA'I SA GZHI YANG DE'I SGRA YIN BAR GDUL BYA RNAMS DE LTAR MNGON PAR ZHEN PA'I PHYIR RO, ,DE LA BYANG CHUB KYI SNYING PO LA BZHUGS TE, BDUD BCOM PA DANG LDAN PAR GRAGS PA DAG BZHUGS PA MI MNGA' NA CI BDAG KYANG MCHIS PAR BGYID DAM, YANG DAG PA'I MTHA' BRTZON PAR BGYIS NA ZHES BYA BA 'DIS NI RDO RJE'I @31B GDAN LA 'DUG PA LA SOGS PA PHYIN CI LOG YIN BAR BSTAN TE, DON DAM PAR NI GDAN DANG 'GRO BA DANG 'ONG BA LA SOGS PA YOD PA MA YIN NO, ,DES NA PHYIN CI LOG THAMS CAD SPANGS PA'I MTSAN NYID CHOS KYI SKU NI GANG DU YANG BZHUGS PA LA SOGS PA YOD PA MA YIN NO ZHES BSTAN TO, , DE NYID BSTAN PA'I PHYIR YANG DAG PA'I MTHA' ZHES BYA BA DE DAG GI TSIG BLA DAGS ZHES YANG DAG PA'I MTHA'I SGRA'I DON DRIS PA DANG LAN DU, BCOM LDAN 'DAS YANG DAG PA'I MTHA' ZHES BGYI BA DE NI 'JIG TSOGS KYI TSIG BLA DAGS LAGS SO ZHES GSOL TO, ,'JIG TSOGS DANG YANG DAG PA'I MTHA' GNYIS NI PHYIN CI LOG DANG PHYIN CI MA LOG PA'I MTSAN NYID YIN PA'I PHYIR 'GAL BAS SHIN TU THA DAD PA'I PHYIR GCIG PA NYID DU MI RIGS SO, ,DE BAS NA DE BSTAN PA'I PHYIR, 'JAM DPAL CI LAS BSAMS TE DE SKAD SMRA ZHES DRIS SO, ,LAN DU; BCOM LDAN 'DAS 'JIG TSOGS DE NI MA MCHIS PA STE ZHES GSOL TO, ,SGRO 'DOGS SHING YONGS SU BRTAGS PA YIN PA'I PHYIR RO, ,MED PA NI MU STEGS CAN DANG NYAN THOS KYIS YONGS SU BRTAGS PA'I BDAG GO SNYAM PA'I YUL RANG DBANG CAN GYI BDAG DANG PHUNG PO LA SOGS PA'I MTSAN NYID YIN NO, , RANG DBANG CAN GYI BDAG LA SOGS PA NI MI DMIGS PA'I PHYIR MU STEGS CAN GYIS YONGS SU BRTAGS PA NI MED PA NYID DU RIGS NA PHUNG PO LA SOGS PA'I MTSAN NYID KHO NA JI LTAR MED PA NYID YIN ZHE NA, DE'I PHYIR 'JIG TSOGS MA LAGS PAS ZHES GSUNGS TE, DA LTAR BYUNG BA'I RANG GI NGO BO YOD PA NYID DU BDAG DANG GZHAN GYIS NGES PAR MA BYAS PA'I PHYIR RO, ,RGYU GANG NAS KYANG DE NI MI 'PHO LA 'BRAS BU GANG DU YANG RNAM PAR 'PHO PA YANG MA LAGS SO, ,DES NA DUS GSUM MI DMIGS PAS DE LTAR YONGS SU BRTAGS PA'I LUS CHOS CAN NI 'JIG TSOGS MA YIN BAR GRUB BO, ,DE LTA BU'I RNAM PA GANG YIN PA YOD PA MA YIN PA 'JIG TSOGS DMIGS PA DANG MI DMIGS PA MNYAM PA NYID DE NI YANG DAG PA'I MTHA' YIN TE, PHYIN CI MA LOG PA'I NGO BO YIN BA'I PHYIR RO, ,'DI NYID CHOS KYI SKU YIN NO, ,BSGOM PA'I LAM BSTAN ZIN TE, DE'I DMIGS @32A *, ,PA NI DNGOS PO'I MTHA' DANG RNAM PAR RTOG PA DANG BCAS PA'I GZUGS BRNYAN DANG RNAM PAR MI RTOG PA'I GZUGS BRNYAN RNAMS YIN NO, ,SA BCU PA DANG DE BZHIN GSHEGS PA'I DMIGS PA NI MTHAR PHYIN PAR GNAS PA YIN PA'I PHYIR DGOS PA YONGS SU GRUB PA YIN NO; ,DE NAS YANG BCOM LDAN 'DAS LA TSE DANG LDAN PA SHA RA DVA TI'I BUS 'DI SKAD CES GSOL TO ZHES BYA BA LA SOGS PA NI MTHONG BA DANG BSGOM PA'I LAM 'BRAS BUR GYUR PA GNYIS KYI 'OG TU, DE'I RGYUR GYUR PA MOS PA GSUM BSTAN PA'I SKABS LA BAB STE, RNAM PA THAMS CAD MKHYEN PA NYID BRJOD PA'I RJES LA LAM MKHYEN PA LA SOGS PA STON PA BZHIN NO, ,GANG YANG MNGON PAR RTOGS PA'I RGYAN DANG, DE DANG RJES SU MTHUN PAR BRGYAD STONG PA RGYA CHER 'GREL PA LAS KYANG MOS PA NI BSGOM PA'I LAM YIN BAR BSTAN TO, ,DE NI RIGS PA MA YIN TE 'DI LTAR DGONGS PA NGES PAR 'GREL PA LAS, MOS PA SPYOD PA'I SA LA NI PHA ROL TU PHYIN PA'O, ,RAB TU DGA' BA LA SOGS PA BDUN LA NI PHA ROL TU PHYIN PA 'PHEL BA'O, ,BRGYAD PA LA SOGS PA NI PHA ROL TU PHYIN PA CHEN PO'O, ,DE BZHIN DU 'PHAGS PA BLO GROS MI ZAD PAS BSTAN PA DANG, BYANG CHUB SEMS DPA'I SDE SNOD DANG DE BZHIN GSHEGS PA BDUN SKYE BA 'BYUNG BA BSTAN PA LA SOGS PA'I MDO LAS RIG PAR BYA'O, ,DBUS DANG MTHA' RNAM PAR 'BYED PA LAS KYANG, DBANG PO DANG NI STOBS RNAMS LA, ,NGES 'BYED CHA MTHUN GNYIS GNYIS SO, ,ZHES 'BYUNG BA DANG, DE BZHIN DU BYANG CHUB SEMS DPA'I SA DANG, THEG PA CHEN PO BSDUS PA DANG, THEG PA CHEN PO'I CHOS MNGON PA LA 'JUG PA DANG, SA LA 'JUG PA DANG, BSTAN PA RGYAS PA LA SOGS PA LAS KYANG RIG PAR BYA STE, 'PHROS PA GTANG NGO, ,MOS PA DE YANG RNAM PA GSUM STE, RANG GI DON DANG, RANG DANG GZHAN GYI DON DANG STE GZHAN GYI DON TO, ,DE LA RANG GI DON GYI DBANG DU BYAS NAS DE DAG NI BYANG CHUB TU NGES PAR 'GYUR BA LAGS SO ZHES GSUNGS TE, BLA NA MED PA'I BYANG CHUB TU ZHES BYA BAR RIG PAR BYA'O, ,GTAN TSIGS SU, SHES @32B RAB KYI PHA ROL TU PHYIN PA BSTAN PA 'DI THOS NAS ZHES BYA BA LA SOGS PA GSUNGS TE, LAM GNYIS KYI MTSAN NYID SHES RAB KYI PHA ROL TU PHYIN PA BSTAN PA GONG DU GSUNGS PA 'DI THOS PA NI THOS PA LAS BYUNG BA'I SHES PAS MNGON DU BYED PA'O, ,MOS PA NI 'DI NI DE KHO NA YIN GYI GZHAN DU MA YIN NO ZHES NGES PAR 'DZIN CING KHONG DU CHUD NAS RANG GI DON GYI CHED DU SGRUB PAR BYED DO, ,MI SKRAG PA LA SOGS PA NI BSHAD ZIN TO, ,NGES PA NI GDON MI ZA BAR BYANG CHUB KYI SNOD DU GYUR PA'O, ,JI LTA ZHE NA, 'DIR NI BYANG CHUB THOB PAR BYED PA'I THABS KYI RANG GI NGO BO JI LTA BA BZHIN DU SHIN TU BSTAN LA, DE THOS NAS YANG DAG PAR KHONG DU CHUD PA'I SBYOR BA DANG, DNGOS GZHI DANG, RJES KYI GNAS SKABS DANG, GO RIMS BZHIN DU SKRAG PA DANG, DNGANG BA DANG DNGANG BAR 'GYUR BA MED PAS NA MOS PA YID LA BYED PA STOBS DANG LDAN PA YIN NO, , DE NI GDON MI ZA BAR RGYU MTHUN PA DANG, RNAM PAR SMIN PA'I BAG CHAGS 'JOG PAR BYED PA LA DE LAS GONG NAS GONG DU YONGS SU GYUR PA'I BYE BRAG LAS RIM GYIS GOMS PA YOD NA SHIN TU RNAM PAR DAG PA'I GNAS SKABS THOB PAR 'GYUR RO, ,DE BAS NA DE NI NGES PA YIN NO ZHES BYA BA NI RIGS PA YIN NO, ,RANG DANG GZHAN GYI DON GYI DBANG DU BYAS NAS, DE DAG NI BYANG CHUB LA NYE BAR GYUR PA LAGS SO ZHES GSUNGS SO,, ,,BAM PO GSUM PA, 'DIS NI RANG GI DON LA MOS PA'I 'BRAS BU NGES PAR GYUR BA YIN PAS 'DI KHYAD PAR DU GSUNGS TE; ,'DI LTAR 'DI LA NI GZHAN GYI DON YOD PA'I PHYIR DANG, BYAMS PA LA SOGS PA LHAG PAR CHE BA DANG LDAN ZHING BDAG TU 'DZIN PA YANG SNGA MA BAS CHUNG BA NYID YIN TE, DES NA DE BYANG CHUB LA NYE BAR GYUR PA YIN NO, ,GTAN TSIGS GANG GIS SHE NA, BCOM LDAN 'DAS GANG CHOS DE DAG RJES SU RTOGS PA ZHES BYA BA LA SOGS PA GSUNGS TE, BYANG CHUB NI ZAD PA DANG MI SKYE BA'I YE SHES SO, ,MCHOG NI DAM PA'O, ,'DI SKAD GSUNGS TE, DRI MA RNAMS NI ZAD PA DANG, ,MI SKYE SHES PA BYANG CHUB BSTAN, ,ZAD PA MED DANG MI SKYE'I PHYIR, ,GO @33A *, ,RIMS BZHIN DU DE RTOGS BYA, ,GANG CHOS ZHES BYA BA NI GZUGS LA SOGS PA SO SOR SNANG BA RNAMS SO, ,DE DAG RJES SU RTOGS PA ZHES BYA BA NI JI LTA BA BZHIN DU YONGS SU SHES PA STE, RJES SU ZHES BYA BA'I SGRA NI MTHUN PA'I DON YIN PA'I PHYIR RO, , BYANG CHUB DE NYID MOS PA YID LA BYED PA'I DMIGS PA NYID DU YOD PAS NA NYE BAR GYUR PA YIN NO, ,GZHAN GYI DON GYI DBANG DU BYAS NAS, DE DAG NI SANGS RGYAS NYID DU BLTA BAR BGYI'O ZHES GSUNGS TE, BYAMS PA LA SOGS PA 'PHEL BAS GZHAN GYI DON LA MOS PA GCIG TU YID LA BYED PA CHE BA DANG CHES CHE BAR GYUR PA'I PHYIR DANG, RANG GI DON YID LA BYED PA KUN TU MI 'BYUNG BA'I PHYIR RO, ,SANGS RGYAS NYID DU BLTA BAR BGYI'O ZHES BYA BA NI RGYU DANG, PHRIN LAS LAS ZHES BYA BAR RIG PAR BYA'O, ,SHES RAB KYI PHA ROL TU PHYIN PA LA MOS PA YID LA BYED PA RGYU DANG GZHAN GYI DON BYED PA NYID KYI MTSAN NYID 'BRAS BU DANG GNYIS YOD DU ZIN KYANG 'ON KYANG DNGOS PO MA YIN TE, MOS PAR BYED PA DAG LA SANGS RGYAS SU BLTA BA MI RIGS SO ZHES DOGS PA LA, 'DIR GTAN TSIGS SU SANGS RGYAS ZHES BGYI BA DE NI DAM PAR NA SKYE BA MA MCHIS PA'I TSIG BLA DGAS SO ZHES GSUNGS TE, DNGOS SU SKYE BA MED PA DANG SKYE BA MED PAR SHES PA MED PA'I TSIG BLA DGAS YIN TE, DE NI RNAM PAR RTOG PA DANG BCAS PA DE DAG GIS 'DI LA YOD PA YIN NO, ,RNAM PAR RTOG PA'I GZUGS BRNYAN LA DMIGS PA NI LHAG MTHONG YIN NO, ,ZHI GNAS LA LTOS NAS NI RNAM PAR MI RTOG PA YANG YIN TE, DE'I DMIGS PA NI RNAM PAR MI RTOG PA'I GZUGS BRNYAN YIN PA'I PHYIR RO, ,DE BAS NA DE DAG NI SANGS RGYAS NYID DU BLTA BAR BYA'O, ,BYANG CHUB KYI PHYOGS BSHAD ZIN TO, ,DE DAG GI DMIGS PA BRJOD PA BRTZON BA NI DE NAS YANG BCOM LDAN 'DAS LA SRING MO DMIGS PA MED PAS ZHES BYA BA LA SOGS PA YIN NO, ,DE NAS ZHES BYA BA NI 'DAS MA THAG PA NAS SO, ,YANG GI SGRA NI TSIG GI RGYAN NO, ,DMIGS PA MED PA NI BYANG CHUB SEMS DPA' CHEN PO LA BRJOD DO, ,'OG NAS @33B 'CHAD PA 'DI SKAD CES GSOL TO, ,DE DAG NI SO SO'I SKYE BO LA SOGS PA'I CHOS DGE BA DANG MI DGE BA LA SOGS PA RNAMS LA LHAG PAR DMIGS PAR MI 'GYUR TE, DMIGS PAR MI BGYID DO, ,DE STON PA NI GANG DAG SHES RAB KYI PHA ROL TU PHYIN PA 'DI THOS NAS MOS TE ZHES BYA BA LA SOGS PA YIN TE, DE NI BSHAD ZIN TO, ,'DIR DOGS PA LA GTAN TSIGS SU BCOM LDAN 'DAS 'DI LTAR ZHES BYA BA LA SOGS PA GSUNGS SO, ,MI DMIGS PA ZHES BYA BA NI BSGRUB PAR BYA BA'I CHOS SO, ,CHOS THAMS CAD CES BYA BA NI DON LA SOGS PA'I NGO BOR SNANG BA'I CHOS CAN NO, ,MA MCHIS PA'I SLAD DU ZHES BYA BA NI GTAN TSIGS SO, ,'DI GRUB PA NI SNGAR BSHAD ZIN TO, ,PHYIS KYANG RGYAS PAR STON PAR 'GYUR RO, ,DA NI MOS PA RNAM PA GSUM LA YANG BSTOD PA DANG RAB TU BSTOD PA DANG BSNGAGS PAR BYA BA'I PHYIR TSE DANG LDAN PA SHA RA DVA TI'I BU LA BKA' STZAL PA DE DE BZHIN NO ZHES BYA BA LA SOGS PA GSUNGS SO, ,'DIR SH'A RA DVA TI'I BU LA BKA' STZAL PA NI 'DIR SNGAR SMOS PA NYID KYIS NA SNGAR ZHAL GYIS BZHES PA'I PHYIR DANG, SHES RAB KYI PHA ROL TU PHYIN PA LA MOS PA YONGS SU GYUR PA'I 'BRAS BU'I BYE BRAG MNGON DU MA BYAS PA'I PHYIR RO, ,DE DAG NI BYANG CHUB TU NGES PAR 'GYUR RO ZHES BYA BA NI GDON MI ZA BAR 'GYUR BA'O, ,MOS PA'I SEMS BSKYED PA KHO NA DAG PHYIR MI LDOG PA'I SA LA GNAS PA YIN PAR KHYOD KYIS SHES PAR GYIS SHIG CES BYA BA NI BZANG PO'I DPAL GZHON NUR GYUR PA DANG, ZHI BA'I SHUGS DANG, 'JAM DPAL LA SOGS PA BZHIN DU DE DAG GI DGE BA'I RTZA BA YONGS SU SMIN PA NYID DU STON TO, ,SPYI BOS LEN PA ZHES BYA BA NI DAD PA LA SOGS PA SHIN TU YONGS SU SMIN PA'I BYE BRAG DANG LDAN PA'I PHYIR RO, ,DE LA 'DIR BSTOD PA NI DE DANG DE DAG NI SBYIN BDAG DAM PAR 'GYUR ZHES BYA BA LA SOGS PA YIN TE, DE DANG DE DAG NI ZHES BYA BA NI SBYOR BA GZHAN RNAM PAR BCAD PA'I TSUL GYIS BSTOD PA'O, ,DE LA SBYIN PA NI ZANG ZING DANG MI 'JIGS PA DANG, CHOS KYI BYE BRAG GIS RNAM PA GSUM MO, , @34A *, ,DE'I PHYIR TSIG GSUM DANG GO RIMS BZHIN SBYAR RO, ,YANG NA PHA ROL TU PHYIN PA DANG, NYE BA'I PHA ROL TU PHYIN PA DANG, PHA ROL TU PHYIN PA CHEN PO BSHAD PA BZHIN DU GNAS SKABS KYI BYE BRAG TU GZHAG STE, DE LA SBYIN BDAG DAM PAR 'GYUR ZHES BYA BA NI MOS PAS SPYOD PA'I SA LA NI PHA ROL TU PHYIN PA BZHIN NO, ,SBYIN BDAG KHYAD PAR DU 'PHAGS PAR 'GYUR ZHES BYA BA NI RAB TU DGA' BA LA SOGS PA SA BDUN LA YIN TE, NYE BA'I PHA ROL TU PHYIN PA BZHIN NO, ,SBYIN BDAG CHEN POR 'GYUR BA NI MI SKYE BA'I CHOS LA BZOD PA THOB PA'I PHYIR, SA BRGYAD PA LA SOGS PA GONG MA BZHI'I TSE YIN TE, SKAD CIG MA GCIG LA PHYOGS BCU'I 'JIG RTEN GYI KHAMS MTHA' MED PA 'BYAM KLAS PA DAG TU PHA ROL TU PHYIN PA DANG TSAD MED PA LA SOGS PA THAMS CAD BSGRUB PA'I PHYIR TE, PHA ROL TU PHYIN PA CHEN PO BZHIN NO, ,SH'A RI'I BU DE DANG DE DAG NI TSUL KHRIMS PHUN SUM TSOGS PAR 'GYUR ZHES BYA BA LA SOGS PA LA, TSUL KHRIMS NI SDOM PA DANG, DGE BA'I CHOS SDUD PA DANG, SEMS CAN GYI DON BYA BA'I BYE BRAG GIS RNAM PA GSUM MO, ,DE BAS NA TSIG GSUM DANG SBYAR RO, ,YANG NA GNAS SKABS KYI BYE BRAG YIN TE, SNGA MA BZHIN NO, ,NGES PAR 'BYIN PA'I 'BRAS BU LA LTOS NAS DE DANG MTHUN PA'I TSUL KHRIMS KYI YON TAN GYI LAM RNYED PAR 'GYUR RO ZHES BYA'O, ,DE DANG DE DAG NI BZOD PA'I MCHOG DANG ZHES RGYAS PAR 'BYUNG BA LAS, BZOD PA YANG SDUG BSNGAL DANG DU LEN PA DANG, GNOD PA LA JI MI SNYAM PA DANG, CHOS LA NGES PAR SEMS PA'I BYE BRAG GIS RNAM PA GSUM MO, ,BRTZON 'GRUS KYANG GO CHA DANG, DGE BA LA SBYOR BA DANG, SEMS CAN GYI DON LA SBYOR BA'I BYE BRAG GIS RNAM PA GSUM MO, ,BSAM GTAN NI ZHI ZHING RAB TU ZHI STE, RNAM PAR MI RTOG CING NYON MONGS PA DANG SDUG BSNGAL GYI GNYEN POR GYUR PA BDE BAR GNAS PA'I BSAM GTAN DANG, YON TAN MNGON PAR SGRUB PA'I BSAM GTAN DANG, SEMS CAN GYI DON MNGON PAR SGRUB PA'I BSAM GTAN NO, ,SHES RAB NI BDEN PA GNYIS DANG, SEMS CAN GYI DON LA @34B DMIGS PA'I BYE BRAG GIS RNAM PA GSUM MO, ,DE SKAD DU, DRUG PO DE DAG BSLAB PA'I DNGOS, ,RE RE LA YANG RNAM PA GSUM, ,SBYIN PA LA SOGS RNAM DAG NI, ,LNGA DANG BDUN TE GZHAN DAG YIN, ,ZHES 'BYUNG NGO, ,DE BAS NA KUN LA YANG DNGOS PO MA YIN PAR GZUNG BA'I PHYIR, DAM PA'I SGRA SBYAR BAR BYA'O, ,MTSUNGS PA MED PA'I SHES RAB CES BYA BA NI DMIGS PA MED CES BYA BA'I THA TSIG GO, ,LDAN PA ZHES BYA BA NI 'BREL PA'O, ,'GYUR RO ZHES BYA BA NI GDON MI ZA BAR 'GYUR BA STE, BSTOD PA 'DI NI SPRO BA RGYAS PAR BYED PA'I NGO BO YIN PA'I PHYIR RO, ,DE DAG NI RNAM PA THAMS CAD KYI MCHOG DANG LDAN PA'I ZHES BYA BA LA RNAM PA THAMS CAD NI BYANG CHUB KYI PHYOGS DANG, TSAD MED PA LA SOGS PA NAS, RNAM PA THAMS CAD MKHYEN PA LA THUG PA'I BAR YIN NO, ,MCHOG CES BYA BA NI DE DAG SHIN TU RNAM PAR DAG PA YIN PA'I PHYIR RO, ,RNAM PA'I MCHOG DE DAG THAMS CAD LDAN ZHING 'BREL PA THAMS CAD MKHYEN PA'I YE SHES DANG LDAN ZHING 'BREL PAR 'GYUR RO, ,GLEGS BAM KHA CIG LAS GANG DAG SHES RAB KYI PHA ROL TU PHYIN PA 'DI THOS NAS MOS TE, ,MI SKRAG MI DNGANG DNGANG BAR MI 'GYUR BA DE DANG, DE DAG NI SKRAG PA MED PAR SEMS CAN RNAMS LA RAB TU STON PAR 'GYUR, 'CHAD PAR 'GYUR ZHES 'BYUNG STE, DES NA GZHAN GYI DON LA MOS PA GSAL BA YIN TE, DE DRUG NI BSNGAGS PA YIN NO, ,BSTOD PA DANG RAB TU BSTOD PA DANG, BSNGAGS PA 'DI DAG GI BYE BRAG JI LTA BU ZHE NA, YON TAN BRJOD PA NI BSTOD PA'O, , DON GYI GZUGS BRNYAN LA SOGS PA SPANGS PA'I SGO NAS BSNGAGS PAR BYED PA'I BSNGAGS PA STE, NYI KHRI LNGA STONG PA LA SOGS PA LAS BSTAN TO, ,DMIGS PA MED PAR BSTAN PA'I DMIGS PA GSAL BAR BYA BA'I PHYIR, 'JAM DPAL KHYOD KYIS DON GYI DBANG CI ZHIG MTHONG NAS ZHES BYA BA LA SOGS PAS DRIS SO, ,DRIS PA'I LAN DU, GAL TE BDAG BYANG CHUB TU ZHUGS NA NI SHES BYA BA LA SOGS PA GSUNGS TE, RANG DANG YANG DAG PA'I BYANG CHUB DANG YANG DAG PAR ZHUGS PA DANG 'DOD PA'I RNAM PAR RTOG PA RNAMS MI 'BYUNG BA'I PHYIR, 'DRES PA'I CHOS LA DMIGS PA ZHI GNAS @35A *, ,DANG; LHAG MTHONG RNAM PAR DAG PA MTHAR PHYIN PAR BSTAN TO, ,'DIR DOGS PA'I LAN DU 'JAM DPAL GZHON NUR GYUR PA GANG LAGS PA DE BYANG CHUB NYID DO ZHES GSUNGS TE, CHOS THAMS CAD BYANG CHUB LAS THA DAD PA'I NGO BO NYID MA YIN PA'I PHYIR RO ZHES DGONGS PA'O, , DE SKAD DU, DE BZHIN NYID DANG BYANG CHUB DANG, ,MYA NGAN 'DAS DANG GNAS GYUR LA, ,CHOS RNAMS THAMS CAD RTOGS PA YIS, ,GZHOL DANG 'BAB DANG BAB PAR GYUR, ,ZHI GNAS DANG NI LHAG MTHONG 'DI, ,'DRES PA'I CHOS LA DMIGS PA YIN, ,DANG PO DANG NI GSUM PA DANG, ,THA MA GNYIS LA GO RIMS BZHIN, ,'JUG DANG RAB TU 'THOB PA DANG, ,DE YI MTHAR PHYIN RGYAL BAS DGONGS, ,ZHES BYA BA 'DIS RE ZHIG BDAG GI RANG GI NGO BO DANG CHOS THAMS CAD KYANG BYANG CHUB LAS THA DAD MA YIN PAR BSGOM PAR BYA'O, ,BYANG CHUB KYI RANG GI NGO BO NI PHYIS STON PAR 'GYUR RO, ,'DIR DGYES NAS LEGS SO LEGS SO ZHES LAN GNYIS GSUNGS SO, ,DGYES PA'I GTAN TSIGS SU 'JAM DPAL KHYOD ZAB MO ZAB PA'I GNAS 'DI LTA BU 'DI STON PA ZHES GSUNGS SO, ,ZAB MO ZAB PA ZHES BYA BA NI SGRO 'DOGS PA DANG, SKUR PA 'DEBS PA'I MTHA' DANG BRAL BA RNAM PA GNYIS SO, ,GNAS ZHES BYA BA NI PHYOGS LA BYA'O, ,'DI LTA BU ZHES BYA BA NI BYANG CHUB DANG THA DAD PA MED PA'I NGO BO'O, ,'DI ZHES BYA BA NI BYANG CHUB SEMS DPA'I TING NGE 'DZIN GYI DMIGS PAR GYUR PA BSTAN PA GANG YIN PA'O, ,NGES PAR STON PA ZHES BYA BA NI NGES PA'AM NGES PA LAS STON PA'O; ,'DI LTAR KHYOD NI SNGON GYI RGYAL BA LA BYA BA BYAS PA STE, MI DMIGS PAR TSANGS PAR SPYOD PA YUN RING DU SPYAD PA LTA ZHIG CES BYA BA NI THABS SU GYUR PA'I RNAM PA GANG GIS JI LTAR KHYOD SNGON GYI RGYAL BA 'BRUG GI SGRA DBYANGS LA SOGS PA LA BYA BA SHES RAB KYI PHA ROL TU PHYIN PA NYAN PA DANG LEN PA DANG 'DZIN PA DANG STON PA LA SBYOR BA'I RNAM PA GTZO BOR BYAS TE, DGE PA'I RTZA BA BSKYED PA LA SOGS PA BSGRUBS PA GANG YIN PA DE LA DE SKAD CES BYA'O, ,CHOS THAMS CAD BDAG MED CING MI DMIGS PAR TSANGS PA BYANG CHUB STE GANG DANG LDAN BAS BCOM LDAN 'DAS TSANGS PA @35B ZHES BRJOD PA DE'I DON DU GANG GIS SPYOD PA BSGOM PA LA SOGS PA'I MTSAN NYID DE YUN RING PO BSKAL PA GANG G'A'I KLUNG GI BYE MA 'BUM PHRAG GRANGS MED PA BDUN SNYED DU 'AM, DUS RING POR SPYOD PA LTA ZHIG DE LTA MA YIN NA, KHYOD KYIS STON PAR MI NUS SO ZHES BYA BA'I THA TSIG GO, ,DE BAS NA DE LTA BUR 'GYUR BA'I 'DOD PA RNAMS KYIS SANGS RGYAS RNAMS LA BYA BA SGOM PA LA SOGS PA BYA DGOS SO ZHES BSTAN PA YIN NO, ,DE LA RLOM SEMS SPONG BAR BYED PA NI, BCOM LDAN 'DAS GAL TE BDAG MI DMIGS PA SPYOD PA LAGS NA NI CHOS THOB PA NYID DU 'GYUR BA LAGS SO ZHES BYA BA YIN NO, ,CHOS SPYOD PAR BYED PA'I MTSAN NYID BDAG LA SOGS PA THOB PA NYID DU RNYED PA NYID DU 'GYUR BA LAGS SO ZHES BYA BAS MI DMIGS PA SEL BAR BYED PAR 'GYUR RO, ,DE CI'I PHYIR ZHE NA, GAL TE BDAG MI DMIGS PAR SPYOD PA LAGS NA NI ZHES GSUNGS TE, MI DMIGS PAR SPYOD PA GANG YIN PA DE LA DE SKAD CES BSTAN TE, 'DIS NI DMIGS PA BSTAN TO, ,DES NA DMIGS PA DANG SPYOD PA GNYIS PHAN TSUN 'GAL BA'I PHYIR, SPYOD PA BYED PA'I MTSAN NYID KYI CHOS 'DI LA YOD PA MA YIN NO ZHES BYA BA'I THA TSIG GO ,DE DAG NI SO SO'I SKYE BO'I CHOS RNAMS LHAG PAR DMIGS PAR MI 'GYUR BA LAGS SO ZHES BYA BA LA SOGS PA SNGAR MDOR BSTAN PA DE DAG RGYAS PAR BSTAN CING CHOS CAN GYI RNAM PAR RTOG PA SHIN TU BSAL BA'I PHYIR 'JAM DPAL KHYOD KYIS NGA'I NYAN THOS PHUN SUM TSOGS PA 'DI DAG MTHONG NGAM ZHES DRIS TE, GZHAN LAS THOS PA'I RJES SU 'GRO ZHING MCHOG TU SEMS RNAM PAR GROL BA 'BYOR PA MTHONG NGAM ZHES DRIS PA DANG, GSOL PA, BCOM LDAN 'DAS MTHONG LAGS SO ZHES GSUNGS SO, ,JI LTAR CI 'DRA BAR MTHONG ZHES BYA BA NI MTHONG BA'I RNAM PA 'DRI BA STE, MTHONG BA'I RNAM PA GANG YIN CI 'DRA BA ZHES DRIS PA DANG; BCOM LDAN 'DAS JI LTAR SO SO'I SKYE BOR MI MTHONG BA DANG ZHES RGYAS PAR GSUNGS SO, ,SO SOR 'GRO BAS NAS SO'I SKYE BO'O, ,SLOB PA NI RGYUN TU ZHUGS PA LA SOGS PA NAS DGRA BCOM PA LA 'JUG PA LA THUG PA'I BAR DU BDUN YIN TE, BSLAB PAR BYA BA YOD PA'I PHYIR RO, , @36A *, ,MI SLOB PA NI DGRA BCOM PA STE, BSLAB PA RDZOGS PA'I PHYIR RO, ,SO SO'I SKYE BO DANG SLOB PA DANG BSLAB PA YONGS SU RDZOGS PA RNAMS LA GCIG PU'I NGO BO MI DMIGS PA'I PHYIR DANG DE LAS GZHAN PA YANG MA SKYES PA'I PHYIR DE DAG MA MTHONG NGO SNYAM DU BSAMS PA'O, ,MTHONG BA MA MCHIS MA MTHONG BA YANG MA MCHIS PA DE LTAR MTHONG NGO ZHES BYA BA NI MTHONG BA DANG MA MTHONG BAR RNAM PAR RTOG PA MED PAR MTHONG NGO ZHES BYA BA'I THA TSIG GO, ,DE LTAR ZHES BYA BA'I SGRA NI RE RE DANG SBYAR RO, ,GANG 'GA' YANG MTHONG BA MED PA DANG BDAG MI DMIGS PA DE LTA BU DE NI MTHONG BA YIN NO, ,DE LTAR RANG GI NGO BO LA RNAM PAR RTOG PA BSAL NAS, 'DI LTAR MANG DU YANG MI MTHONG BA DANG ZHES BYA BA LA SOGS PAS TSAD LA RNAM PAR RTOG PA DANG, BYE BRAG LA RNAM PAR RTOG PA GNYIS SEL BAR BYED PA YIN NO, ,'DI LTAR ZHES BYA BA NI GANG GI PHYIR ZHES BYA BA'I DON YIN NO, ,YI GE KHA CIG LAS 'DI LTAR ZHES MI 'BYUNG GI BAR DU ZHES 'BYUNG BA DE NI MTHONG BA'I RNAM PAR STON PA YIN NO, ,MANG DU ZHES BYA BA NI SO SO'I SKYE BO'O, ,NYUNG DU ZHES BYA BA NI SLOB PA DANG MI SLOB PA'O, ,DUL BA YANG ZHES BYA BA NI MI DGE BA DANG BRAL BAS DUL BA 'AM DGE BA BYE BRAG TU GYUR PAS DUL BA'O, ,DE LAS GZHAN PA NI MA DUL BA'O, ,MANG NYUNG GI TSAD DANG, DUL BA DANG MA DUL BA'I BYE BRAG TU YANG MI MTHONG NGO ZHES BYA BA'I BAR DU YIN NO, ,SO SO'I SKYE BO DANG NYAN THOS KYI 'KHOR MTHONG BA BSTAN NAS BYANG CHUB SEMS DPA'I 'KHOR DRIS PA DANG, 'JAM DPAL GYIS SMRAS PA, BTZUN PA SHA RA DVA TI'I BU BYANG CHUB SEMS DPA' ZHES BYA BA'I CHOS KYANG ZHES BYA BA LA SOGS PA GSUNGS SO, ,BYANG CHUB SEMS DPA' RNAMS KYI SGRUB PA NI RNAM PA BZHI STE; GO CHA DANG RAB TU ZHUGS PA DANG TSOGS DANG NGES PAR ZHUGS PA'I MTSAN NYID DO, ,DE LA GO CHA LTA BU SGRUB PA'I DBANG DU BYAS NAS, 'DI LA BYANG CHUB SEMS DPA'I BSAM PA YOD PAS BYANG CHUB SEMS DPA'O ZHES BYA BA JI LTAR YANG RNAM PA GANG GIS KYANG MI @36B MTHONG STE, BYANG CHUB SEMS DPA' GANG YIN PA DE'I CHOS CAN LA RNAM PAR BLTAS NA MI DMIGS SO ZHES BYA BA'I BAR DU YIN NO, ,DE LTAR GANG BYANG CHUB KYI CHED DU YANG DAG PAR RAB TU ZHUGS PA DANG, DE BZHIN DU GANG DE'I TSOGS LA SPYOD PA DANG, GANG MNGON PAR RDZOGS PAR BYANG CHUB CING NGES PAR 'BYIN PA ZHES BYA BA'I CHOS DNGOS PO JI LTAR YANG YANG DAG PAR RJES SU MI MTHONG BA DE LTAR YANG DAG PAR RDZOGS PA'I SANGS RGYAS KYI THEG PA PA BDAG GIS MTHONG NGO ZHES SBYAR RO, ,DE BZHIN GSHEGS PA LA RNAM PAR RTOG PA 'DI YANG BSAL BA'I PHYIR, 'JAM DPAL KHYOD KYIS DE BZHIN GSHEGS PA SH'AKYA THUB PA 'AM GZHAN LA JI LTAR MTHONG ZHES DRIS PA DANG, BTZUN PA SHA RA DVA TI'I BU GLANG PO CHE ZHOG SHIG CES BYA BA LA SOGS PA GSUNGS SO, ,GLANG PO CHE NI KLU'I RGYAL PO RGYA MTSO LA SOGS PA STE, DE DAG NI LO THOG DANG 'BRAS BU PHUN SUM TSOGS PA'I RGYU SKOM PAS GDUNGS PA RNAM PAR 'JOMS PAR BYED PA BDUD RTZI'I RO 'BEBS PA THUN MONG MA YIN PA'I RGYU YIN NO, ,BCOM LDAN 'DAS KYANG SRID PA DANG LONGS SPYOD LA MNGON PAR DGA' BA'I SRED PA RGYUN GCOD CING LHA'I DBANG PHYUG LA SOGS PA'I BDE PA'I RGYUR GYUR PA DGE BA'I LO TOG PHUN SUM TSOGS PAR BYED PA'I CHOS KYI BDUD RTZI'I RO 'BEBS PA THUN MONG MA YIN PA'I RGYU YIN TE, DE DANG CHOS MTHUN PAS KLU CHEN PO ZHES BYA'O, ,DE ZHOG SHIG CES BYA BA NI MA BSKUL CIG CES BYA BA'O, ,DE BZHIN GSHEGS PA NI GDUL BYA'I SKYE BO'I BLO LA DE BZHIN GSHEGS PA'I SKU SNANG BA NYID LA BYA STE, DE NYID DE BZHIN NYID GSUNGS PAS NA STON PA PO NYID KYI MTSAN NYID YIN PAR NGES PA'I TSIG GI DON SRID PA YIN TE, RTZOL ZHING SGROL BA LA SOGS PA'I LHAG PA'I BSAM PA 'BYUNG BA'I PHYIR DANG, DGA' BA LA YANG BRTZON PA MI 'PHROGS PAS NA, GLANG PO CHE CHEN PO DANG CHOS MTHUN PA'I PHYIR, GLANG PO CHE CHEN PO NI BCOM LDAN 'DAS SAM, CANG SHES PA LA BYA'O, ,DE BSKUL BA NI DPYOD PA'I DPYANG THAG LA GDAGS PA STE, 'DI DGAG PA NI 'OG NAS 'CHAD PA'I DON LA SPRO BA BSKYED PA DANG, @37A *, ,GUS PA DANG RNA BA GTOD PA LA SOGS PA BSKYED PA'I PHYIR RO, ,DE BAS NA DE NI SANGS RGYAS KYI DNGOS PO RTOGS PAR BYA BA'I PHYIR, DPYOD PAR BYED PA NI 'JAM DPAL SANGS RGYAS ZHES BYA BA DE GANG GI TSIG BLA DGAS ZHES BYA BA YIN TE, BRJOD PAR BYA BA GANG YIN ZHES BYA BA'I THA TSIG GO, ,DRIS PA'I LAN DU BTZUN PA SHA RA DVA TI'I BU BDAG CES BYA BA DE GANG GI TSIG BLA DGAS ZHES GSUNGS SO, ,DE LA BDAG CES BYA BA DE NI SKYE BA MED PA'I TSIG BLA DGAS SO ZHES GSOL TO, ,BDAG CES BYA BA'I DNGOS PO NI YOD PA MA YIN TE, 'DI LTAR BDAG 'DI'I DNGOS PO CUNG ZAD KYANG YOD PA MA YIN TE MED KYANG YONGS SU BRTAGS PA'I PHYIR RO, ,BTZUN PA SHA RA DVA TI'I BU DE DE BZHIN TE ZHES BYA BA LA SOGS PAS BDAG 'DI DANG MTSUNGS PAR BSTAN NAS KHYAD PAR GYI GTAN TSIGS BSTAN PA'I PHYIR, YANG 'DI LTA STE SANGS RGYAS ZHES BYA BA DE NI ZHES BYA BA LA SOGS PA GSUNGS SO, ,'DI LTAR ZHES BYA BA 'DIS NI SANGS RGYAS ZHES BYA BA DNGOS PO MED PA NYID DU RNAM PA GZHAN GYIS SDUD PAR BYED DO, ,YANG ZHES BYA BA'I SGRA NI RNAM PA GZHAN YANG ZHES BYA BA'I SGRA'I DON YIN PA'I PHYIR RO, ,GZHI NI DNGOS PO LA BYA STE, 'DI LTAR RTZOL BA DANG, DNGOS PO DANG, MTSAN GZHI DANG, GNAS DANG YONGS SU SKYOB PA RNAMS NI GZHI'I TSIG YIN NO, ,GZHI MED PA'I TSIG BLA DGAS SO ZHES BYA BA NI DNGOS PO MED PA'I TSIG BLA DGAS LA BYA STE, 'DI LTAR SANGS RGYAS ZHES BRJOD PA'I NGAG 'DI NI DNGOS PO LA BRJOD PAR GRAGS PA MA YIN NO, ,'DIR GTAN TSIGS SU SANGS RGYAS ZHES BYA BA DE NI TSIG GIS SHES PAR BYA DKA' BA'O ZHES BYA BA LA SOGS PA GSUNGS TE, 'DI LTAR DE NI TSIG GIS SAM NGAG GIS SHES PAR KHONG DU CHUD PAR BYA DKA' ZHING SLA BA MA YIN TE, GZHAN LA BSTAN PAR MI NUS SO ZHES BYA BA'I BAR DU YIN NO, ,'DIR DGONGS PA NI 'DI YIN NO, ,NGAG KUN NAS SLONG BAR BYED PA'I RNAM PAR RTOG PA DANG, NGAG DANG DE SNANG BA'I RNA BA'I RNAM PAR SHES PA DANG, DE LAS PHYIS RNAM PAR RTOG PA DANG, BZHI PO DE DAG NI RANG RIG PA TZAM DU @37B ZAD PA YIN PA'I PHYIR, RANG LAS GZHAN PA DANG NI GANG DU YANG GANG GI TSE JI LTAR YANG 'BREL PA NYID YOD PA MA YIN NO, ,DE BAS NA TSIG GIS NI 'GAL LA JI LTAR YANG RTOGS PAR MI BYED NA, GANG GI PHYIR TSIG GIS SANGS RGYAS SO ZHES SHES PAR BYA SLA BAR 'GYUR, SANGS RGYAS ZHES BYA BA NI NYE BAR MTSON PA YIN TE, CHOS THAMS CAD KYANG TSIG GIS SHES PAR BYA SLA BA MA YIN NO, ,DNGOS PO'I YANG DAG PA NYID BSTAN PA LA RGYAB KYIS PHYOGS PA'I BLO DANG LDAN PA'I BYIS PA RNAMS SGRA DANG DON RTOGS PA DANG, RTOGS PAR BYED PA'I MTSAN NYID YIN PAR 'DI LA LOG PA'I NGA RGYAL BYED PA TZAM DU ZAD DE, RAB RIB CAN RNAMS KYIS ZLA BA GNYIS SU MTHONG BA NA, ZLA BA GNYIS RTOGS PA DANG, RTOGS PAR BYED PAR BYAS PA BZHIN NO, ,BDAG GIS BRJOD DU MED PA GRUB PA LAS, DON 'DI RGYAS PAR GTAN LA PHAB ZIN PAS 'DIR GZHUNG MANG DU DOGS NAS MA SPROS SO, ,BTZUN PA SHA RA DVA TI'I BU TSIG KYANG RGYUD THAMS CAD LA NGES PA MED PAR GSAL LA RAB TU SO SOR SNANG BA'I RANG GI NGO BO YANG 'DI NI TSIG GO ZHES BRTAG CING DPYAD DE GTAN LA DBAB PAR DKA' STE, MI NUS TE, 'DI DANG NI RNAM PAR RTOG PA'I RANG GI NGO BOR GTOGS PA'I TSIG DANG LHAN CIG 'BREL PA MED PA'I PHYIR DANG, SO SOR SNANG BA RTOG PAR BYED PA MA YIN PA'I PHYIR RO, ,SANGS RGYAS ZHES BYA BA LTA CI SMOS TE ZHES BYA BA 'DIS NI SANGS RGYAS ZHES BYA BA 'DI NI TSIG LAS SHIN TU RING ZHING THA DAD PAR BSTAN TE, SO SO RANG GIS RIG PA NYID YIN PAS NA GZHAN GYI YUL MA YIN PA'I PHYIR RO, ,'DIR GTAN TSIGS GZHAN YANG BTZUN PA SHA RA DVA TI'I BU SANGS RGYAS ZHES BYA BA DE GANG GI TSIG BLA DGAS ZHES DE SKAD SMRA BA NI ZHES BYA BA LA SOGS PA GSUNGS SO, ,GANG YANG DAG PAR MA GRUB PA NI RGYU DE MED NA DE LAS 'ONGS PAR MI RIGS PA'I PHYIR RO, ,DE NYID KYI PHYIR MA SKYES PA STE, GANG NAS KYANG MA 'ONGS PA NI DRI ZA'I GRONG KHYER BZHIN DU SKYE BAR MI RIGS PA'I PHYIR RO, ,MA SKYES NA JI LTAR 'GAG STE 'GAG PA'I SNGON ROL DU SKYE BA YIN PA'I PHYIR RO, ,GANG CHOS GANG DANG YANG MI LDAN PA YIN NO ZHES BYA BA NI SKYE BA @38A *, ,DANG GNAS PA DANG, 'PHEL BA DANG YONGS SU 'GYUR BA DANG ZAD PA DANG 'JIG PA GANG YANG RUNG BA RE RE 'AM, 'DUS PA DANG MI LDAN ZHING MA 'BREL BA DE'I TSIG BLA DGAS YIN NO ZHES BYA BAR SBYAR RO, ,SNGAR NI TSIG LA DNGOS PO MED PAR BSTAN TO, ,DA NI DON LA NGAG MED PAR BSTAN PA'I PHYIR, 'DI LA TSIG DBYER MED PA CI YANG MED LA TSIG MED PA STE BTZUN PA ZHES GSUNGS SO, ,SANGS RGYAS BCOM LDAN 'DAS 'DI LA TSIG 'DIS RTOGS PAR BYED PA DON KHONG DU CHUD PAR BYED PA'I TSIG RJOD PAR BYED PA'I BYE BRAG CI YANG MED DO, , TSIG DBYER MED PA TSIG GI SPYI'I MTSAN NYID KYANG CUNG ZAD KYANG YOD PA MA YIN NO, ,DE BAS NA TSIG MED PA STE ZHES GSUNGS SO, ,'DI LA TSIG GI RANG DANG SPYI'I MTSAN NYID YOD PA MA YIN PAS, BCOM LDAN 'DAS LA TSIG GIS THOG DU MI PHEBS BRJOD DU MI RUNG BA DE LA SANGS RGYAS ZHES BYA BA'I TSIG BLA DGAS GLO BUR BA MING RJOD PAR BYED PA SGRO BTAGS PA'O ZHES BYA BA'I BAR DU YIN NO, ,SKABS MJUG BSDU BAR BYA STE, SKABS KYANG CI ZHE NA, DE BZHIN GSHEGS PA MTHONG BA'O, ,DE'I PHYIR BTZUN BA SHAR DVA TI'I BU DE BZHIN GSHEGS PA TSOL BAR 'DOD PAS ZHES GSUNGS TE, MTHONG BA DANG DRAN PA DANG BRJOD PA DAG GIS TSOL ZHING RJES SU 'BRANG BAR 'DOD PAS BDAG BTZAL BAR BYA'O, ,DON DE NYID PHYIS GSAL BAR BYED DO, ,'DI GNYIS 'BREL PA CI ZHIG YOD, GANG GI DE SKAD BYA ZHE NA, DE'I PHYIR, BTZUN PA SHA RA DVA TI'I BU BDAG CES BYA BA DE NI SANGS RGYAS KYI TSIG BLA DGAS TE ZHES BYA BA LA SOGS PA GSUNGS SO, ,BDAG NI NAM MKHA'I ME TOG BZHIN DU GTAN MED PA YIN LA SANGS RGYAS BCOM LDAN 'DAS NI DE LTA BU MA YIN PA YIN NO, ,DE JI LTAR BDAG CES BYA BA SANGS RGYAS KYI TSIG BLA DGAS YIN PAR 'DOD CE NA; DE'I PHYIR JI LTAR BDAG CES BYA BA SHIN TU MED CING MI DMIGS PA DE BZHIN DU SANGS RGYAS KYANG SHIN TU MED CING MI DMIGS SO ZHES GSUNGS PAS 'DI SKAD BSTAN TE, BDAG NI YOD PA MA YIN PA'I PHYIR SHIN TU MI DMIGS SO, ,SANGS RGYAS KYANG MA SKYES PA'I PHYIR SHIN TU YOD @38B PA MA YIN TE, MI DMIGS SHING BRJOD PAR BYA BA MA YIN ZHES BYA BA'I BAR DU YIN NO, ,JI LTAR BDAG CES BYA BA, TSIG GI RGYU MTSAN, CHOS GANG LTAR YANG TSIG GIS BRJOD PAR BYA BA MA YIN ZHING BRJOD DU MI RUNG BA DE BZHIN DU SANGS RGYAS KYANG, CHOS GANG LTAR YANG TSIG GIS BRJOD PAR BYA BA MA YIN NO, ,TSIG GI YUL MA YIN PA NYID DANG, SHES PA'I YUL MA YIN PA NYID MJUG BSDU BA'I PHYIR, GANG LA CI YANG BRJOD CING SMRA BA SGROGS PA MED PA DE SANGS RGYAS ZHES BYA'O, ,SHES PA'I YUL MA YIN PA NYID BSTAN PA'I CHED DU, BDAG CES BYA BA'I GZHI'I TSIG BLA DGAS DE NI SHES PAR SLA BA MA YIN NO ZHES BYA BA LA SOGS PA GSUNGS TE, 'DI NI GSAL LO, ,SANGS RGYAS KYI TSIG GI DON GYI RJES LA BYANG CHUB BSTAN PA'I SKABS GZHAN BYA BA'I PHYIR, DE NAS BCOM LDAN 'DAS LA TSE DANG LDAN PA SHA RA DVA TI'I BUS 'DI SKAD CES GSOL TO ZHES BYA BA LA SOGS PA GSUNGS TE, JI LTAR RNAM PA GANG GIS LAS DANG PO PA THEG PA LA GSAR DU ZHUGS PA RNAMS KYIS 'TSAL BAR 'GYUR BA, MA LUS PA KHYAD PAR RTOGS PAR 'GYUR BA'I RNAM PA DE LTA BU, DE 'DRA BA MI STON TO ZHE NA LAN DU, KHO BO NI JI LTAR DGRA BCOM PA BYAS PA RTOGS PAR 'GYUR BA DAG GIS KYANG SHES PAR 'GYUR BA ZHES BYA BA LA SOGS PA GSUNGS TE, JI LTAR RNAM PA GANG GIS BYAS PA RTOGS PA CAN YONGS SU NYAMS PA MED PA'I CHOS CAN GNYI GA'I CHA LAS RNAM PAR GROL BA'I DGRA BCOM PA DAG GIS KYANG SHES PAR 'GYUR BA DE LTA BU RNAM PA DE 'DRA BA'I CHOS MI STON MI 'CHAD DO, ,THEG PA CHEN PO LAS BYANG CHUB NI RNAM PA MANG DU BRJOD LA, 'PHAGS PA NYI KHRI LNGA STONG PA LAS KYANG, SANGS RGYAS KYIS MNGON PAR RDZOGS PAR BYANG CHUB PA'I PHYIR DANG, 'DI SANGS RGYAS RNAMS KYI YIN PA DANG, BYANG CHUB CES BYA BA NI 'DI LTA STE, MING GI NGO BO TZAM DU ZAD DO, ,MING DANG MTSAN MA RTOGS PA'I PHYIR BYANG CHUB CES BYA'O, ,'DUS MA BYAS YANG DAG PA'I DON NI BYANG CHUB CES BYA'O ZHES 'BYUNG NGO, ,DE LA SANGS RGYAS KYIS MNGON PAR RDZOGS PAR SANGS RGYAS PA'I PHYIR ZHES BYA BA DE'I MTSAN NYID KYI DBANG DU @39A *, ,BYAS NAS KHO BO NI JI LTAR SUS KYANG ZHES BYA BA LA SOGS PA GSUNGS TE, GZHAN 'GA' ZHIG SHIN TU KHYAD PAR DU 'PHAGS PA DES KYANG SHES PAR 'GYUR, BYE BRAG SHES PAR 'GYUR BA DE LTA BUR MI STON TO, ,'DIR GTAN TSIGS CI YIN SNYAM DU DOGS PA LA DE BSAL BAR BYA BA'I PHYIR BYANG CHUB NI SUS KYANG MA SHES ZHES GSUNGS TE KHYAD PAR DU MA SHES PA'O, ,SUS KYANG MNGON PAR RDZOGS PAR MA RTOGS ZHES BYA BA NI MNYAM PA NYID KHONG DU CHUD PA'I PHYIR RO, ,MA MTHONG BA NI MIG GIS SO, ,MA THOS PA NI RNA BAS SO, ,MA DRAN PA NI YID KYIS MA MYONG BA'I PHYIR RO, ,MA SKYES PA NI RGYU RKYEN TSOGS PAS MA BSKYED PA'O, ,DE NYID KYI PHYIR DE DANG BRAL BAS NA MA BKAG PA YIN TE, GANG ZHIG RGYU RKYEN TSOGS PA LAS SKYE BA DE NYID DE DANG BRAL NA 'GAG PAR 'GYUR TE, ROL MO'I RGYUD KYI SGRA LA SOGS PA BZHIN NO, ,MA SMRAS PA NI GZHAN LA TSIG GIS SO, ,MA BSTAN PA NI DPE NYE BAR BYA BA LA SOGS PA 'DI LTA BU MA BSTAN TO, ,SKYED PAR BYED PA DANG DPE SHES PAR BYED PA BKAG PA DE DAG GIS NI 'DIS SANGS RGYAS RNAMS KYI YIN NO ZHES BYA BA'I BYANG CHUB KYI DON 'DI GSAL BA YIN NO, ,MING GI NGO BO TZAM GYI DBANG DU BYAS TE, BTZUN PA SHA RA DVA TI'I BU BYANG CHUB NI 'DI LTA BU STE ZHES BYA BA LA SOGS PA GSUNGS TE, BYANG CHUB KYI DNGOS PO NI DE LTA BU STE, 'DI LTA STE, BYANG CHUB DE YANG DNGOS PO MA YIN NO, ,DE'I PHYIR MING TZAM YIN, 'DI LTAR MING DANG MTSAN MA RTOGS PA BYANG CHUB YIN MOD CE NA, DE'I PHYIR BYANG CHUB KYIS MNGON PAR RDZOGS PAR 'TSANG RGYA BAR ZHES BYA BA LA SOGS PA GSUNGS TE, BYED PAR GYUR PA 'AM, BYED PA POR GYUR PA'I BYANG CHUB KYIS MNGON PAR RDZOGS PAR 'TSANG RGYA BAR BYA, MING NGAM MTSAN MA GANG YANG MED DE, DE YANG BYANG CHUB BZHIN DU DNGOS PO MED PA'I PHYIR RO, ,MING DANG MTSAN MA DE NYID BSTAN PA'I PHYIR BYANG CHUB KYANG BYANG CHUB KYIS ZHES BYA BA LA SOGS PA GSUNGS TE, DNGOS PO MED PAS DNGOS PO MED PA MNGON PAR RDZOGS PAR 'TSANG RGYA BA MA YIN NO ZHES DGONGS PA'O, ,DNGOS PO MA YIN PA'O, ,DE CI'I PHYIR ZHE NA, MING @39B DANG MTSAN MA RTOGS PA'I DBANG DU BYAS NAS, BYANG CHUB KYIS MNGON PAR RDZOGS PAR 'TSANG RGYA BA ZHES BYA BA LA SOGS PA GSUNGS TE, BYED PAR GYUR PA 'AM, BYED PAR GYUR PA'I BYANG CHUB MNGON PAR RDZOGS PAR 'TSANG RGYA BAR BYA BA MING NGAM MTSAN MA CI YANG MED DE, DE YANG BYANG CHUB BZHIN DU DNGOS PO MED PA YIN PA'I PHYIR RO, ,DNGOS PO MED PAS DNGOS PO MED PA MNGON PAR RDZOGS PAR BYANG CHUB PAR NUS PA MA YIN NO, ,DE NYID BSTAN PA'I PHYIR BYANG CHUB KYANG BYANG CHUB KYIS ZHES BYA BA LA SOGS PA GSUNGS TE, RANG GI NGO BO LA YANG BYANG CHUB CING MNGON PAR RTOGS PA MA YIN NO, ,BSTAN ZIN PA'I DON GSAL BAR BYA BA'I PHYIR 'JAM DPAL BCOM LDAN 'DAS KYIS CHOS KYI DBYINGS ZHES BYA BA LA SOGS PA DRIS TE, LHA'I BU LA SOGS PA'I BDUD GNOD PAR BYED PA BCOM PA DANG LDAN PAS STOBS DANG, MI 'JIGS PA LA SOGS PA'I CHOS KYI RGYU DBYINGS DON DAM PAR MNGON PAR RDZOGS PAR SANGS MA RGYAS SAM, MNGON DU MA BYAS SAM ZHES TSIG ZUR GYIS DRIS SO, ,'DIR LAN NI BTZUN PA SHA RA DVA TI'I BU DE NI MA YIN NO, ,GTAN TSIGS SU 'DI LTAR CHOS KYI DBYINGS NYID BCOM LDAN 'DAS YIN TE, DE LA MA GTOGS PA'I DNGOS PO 'GA' YANG YOD PA MA YIN PA'I PHYIR RO, ,GAL TE BCOM LDAN 'DAS KYIS CHOS KYI DBYINGS ZHES BYA BA LA SOGS PAS NI ZHAL GYIS BZHES NAS 'CHAD PAR BYED PA STE, CI STE CHOS KYI DBYINGS MNGON PAR RDZOGS PAR SANGS RGYAS PA YIN PAR GYUR NA, 'O NA NI DE'I TSE 'AM DE BAS NA GANG SKYE BA MED PA'I DBYINGS 'DUS MA BYAS PA NYID DE DANG 'GAL BAR 'GYUR TE GNOD PAR 'GYUR RO, ,'DUS MA BYAS PA'I YANG DAG PA'I DON NYID BRTAN POR BYA BA'I PHYIR CHOS KYI DBYINGS DE NYID BYANG CHUB PO ZHES GSUNGS SO, ,CHOS KYI DBYINGS DE NYID BYANG CHUB CES BYA BAR, CHOS KYI DBYINGS NI BSGOM PAR BYA BA YIN, BYANG CHUB NI THOB PAR BYA BA YIN TE, DE'I PHYIR RGYU DANG 'BRAS BUR GYUR PA 'DI GNYIS JI LTAR DBYER MED PA YIN ZHES DOGS PA LA, CHOS KYI DBYINGS NI DNGOS PO MED PA'I PHYIR RO ZHES @40A *, ,GSUNGS TE, DNGOS PO ZHES BYA BA NI YOD PA'I DNGOS PO STE, DE MA BYUNG BA 'AM MED PA GANG YIN PA DE DNGOS PO MED PA'O, ,PHYIR RO ZHES BYA BA GANG GI PHYIR ZHES BYA BA YIN TE, RE ZHIG CHOS KYI DBYINGS NI DE LTA BU YIN NO, ,CHOS THAMS CAD NGO BO NYID MED PA'O ZHES BYA BA DE NI BYANG CHUB KYI TSIG BLA DGAS TE ZHES BYA BA DES NI BYANG CHUB KYI RANG GI NGO BO BSTAN TO, ,DE BAS NA DNGOS PO MED PA DANG, CHOS THAMS CAD MED PA GNYIS DBYER MED PA'I PHYIR CHOS KYI DBYINGS DANG, BYANG CHUB GNYIS THA DAD PA MA YIN NO, ,DE NYID STON PAR BYED PA NI DE NI CHOS KYI DBYINGS KYI GRONGS SU 'GRO BA'O ZHES BYA BA YIN TE, CHOS THAMS CAD MED PA'I NGO BO BYANG CHUB GANG YIN PA DE NYID SHES PA'I NGO BO'I DNGOS PO YIN PAS DE NI CHOS KYI DBYINGS ZHES BYA BA'I GRANGS SU 'GRO ZHING BRJOD PA THOB PAR 'GYUR RO, ,'DIR DOGS PA LA GTAN TSIGS SU CHOS THAMS CAD NI ZHES BYA BA LA SOGS PA SMOS TE, CHOS THAMS CAD THA DAD PA MED CING MTSAN NYID GCIG PA YIN NO, ,GTAN TSIG MA GRUB PO SNYAM PA DANG, LAN NI SANGS RGYAS KYI YUL DU ZHES BYA BA YIN TE, MTHAR PHYIN PA PHYIN CI MA LOG PA'I YE SHES KYI SPYOD YUL DU'O, , PHYIR RO ZHES BYA BA NI GANG GI PHYIR ZHES BYA BA'O, ,DES 'DI SKAD DU GANG SNA TSOGS PA NYID DU YANG DAG PA MA YIN PAR KUN BRTAGS PA DE NI 'KHRUL PA'I SHES PA'I SPYOD YUL YIN PAR BSTAN TO, ,BTZUN PA SHA RA DVA TI'I BU THA DAD PA MED CES BYA BA DE NI RNAM PAR RIG PA MED PA'O ZHES GSUNGS PA NI THA DAD PA MED PAR STON PA YIN TE, BYE BRAG TU SHES PA NI RNAM PAR RIG PA'O, ,DE GANG LA MED PA DE NI RNAM PAR RIG PA MED PA'O, ,'DIR GTAN TSIGS SU RNAM PAR RIG PA MED PA ZHES BYA BA DE NI RNAM PAR SHES PAR MI NUS PA STE ZHES GSUNGS TE, RANG DANG GZHAN LA SHES PAR MI NUS PA'O, ,RGYUS BSKYED PA'I 'DUS BYAS SU 'AM DE LAS BZLOG PA 'DUS MA BYAS SU RNAM PAR RIG PAR MI NUS PA'O, ,BAR DU ZHES BYA BA'I SGRAS RTAG PA DANG MI RTAG PA LA SOGS PA YANG BZUNG NGO, ,'ANG ZHES BYA BA'I SGRA NI PHAN TSUN GNYI GA LA LTOS PA'O, ,DE LTAR SANGS @40B RGYAS KYI YUL THA DAD PA MED PA DE LA 'DUS BYAS LA SOGS PA'I RNAM PA'I BYE BRAG RNAM PAR RIG PA GANG YANG MED PA DES NA DE RNAM PAR RIG PA MED PA'O, ,DE LTAR YUL CAN GYI CHOS SNA TSOGS MED PAR BSTAN NAS YUL GYI CHOS KYANG SNA TSOGS MED PAR BSTAN PA'I PHYIR CHOS THAMS CAD NI RNAM PAR RIG PA MED PA STE ZHES GSUNGS SO, ,'DIR DOGS PA LA GTAN TSIGS SU 'DI LTAR GANG GI PHYIR GZUGS LA SOGS PA'I CHOS THAMS CAD NI DNGOS PO GANG LA GNAS TE, RNAM PAR GNAS PA BYAS TE, RNAM PAR RIG PAR 'GYUR BA RNAM PAR SHES PAR 'GYUR BA BDAG DANG GZHAN KHONG DU CHUD PAR 'GYUR BA'I SKYE BA 'BYUNG BA BDAG YOD PAR THOB PAR 'GYUR BA MED PA'I PHYIR RO, ,DE DAG NI DE KHO NA'I DON GYI TSUL GYI RNAM PA YIN NO, ,SO SO'I SKYE BO LA SOGS PA BSTAN ZIN TO, ,DA NI DE'I CHOS BRJOD PAR BYA STE, DGONGS PA'I TSUL GYI RNAM PA NI DE LA SO SO'I SKYE BO'I CHOS 'DI LTA STE, MTSAMS MED PA ZHES BYA BA NI MI BZAD PA'O, ,DE LA ZHUGS PA RNAMS NI BSAM GYIS MI KHYAB PA NYID LA ZHUGS PA NYID DU BSTAN PAS, MTSAMS MED PA RNAMS BYANG CHUB KYI RANG BZHIN YIN PAR BSTAN TO, ,DE DAG KYANG ZHES BYA BA LA KYANG GI SGRAS NI DE LAS GZHAN PA'I MI DGE BA RNAMS DANG, LUNG DU MA BSTAN PA DANG, DGE BA RNAMS DANG, SO SO'I SKYE BO DANG SLOB PA DANG MI SLOB PA LA SOGS PA'I CHOS DE DAG THAMS CAD KYANG BYANG CHUB KYI RANG BZHIN NYID YIN PAR BLTA BAR BYA'O ZHES 'DIR THUN MONG YIN PAR BSHAD DE, 'OG NAS MJUG SDUD PA'I TSIG GIS STON PAR 'GYUR RO, ,BYE BRAG TU 'CHAD PA NI SO SO'I TSIG GIS 'CHAD PAR 'GYUR TE, DE BAS NA GANG DAG MTSAMS MED PA ZHES BYA BA LA SOGS PA GSUNGS TE, MTSAMS MED PA LA ZHUGS PA NI MTSAMS MED PA LA GNAS PA STE, DE DAG NI BSAM GYIS MI KHYAB PA LA ZHUGS PA'O ZHES BYA BA NI SO SO'I SKYE BO NI BSTAN PA LA MA ZHUGS PA DANG, ZHUGS PA'I BYE BRAG GIS RNAM PA GNYIS SO, ,BSTAN PA LA ZHUGS PA YANG 'DUL BA LAS 'GAL BAR BYED PA DANG, MI 'GAL BAR BYED PA DANG RNAM PA GNYIS SO, ,DE @41A *, ,RIM GYIS BSTAN PA'I PHYIR MTSAMS MED PA LA ZHUGS PA MA GSOD PA LA SOGS PA BYED PAR ZHUGS PA DE DAG NI BSAM GYIS MI KHYAB PA LA ZHUGS PA STE, BSAM GYIS MI KHYAB PA'I DON RNAM PAR SGROGS PA'I BYED PA NI GANG DAG BSAM GYIS MI KHYAB PA LA ZHUGS PA DE DAG NI ZHES BYA BA LA SOGS PA YIN TE, BSAM PAR MI NUS PA 'AM, BSAM PAR MI 'OS PA NI BSAM GYIS MI KHYAB PA'O, ,DE LA ZHUGS PA DE DAG NI YANG DAG PA LA ZHUGS PA KHO NA YIN NO, ,YANG DAG PA NI PHYIN CI MA LOG PA DANG, SKYE BA MED PA'I BAR DU YIN TE DER ZHUGS PA'O; ,MTSAMS MED PA YANG PHYIN CI MA LOG PA NYID YIN PA'I PHYIR YANG DAG PA YIN PAR BLTA BAR BYA'O ZHES DGONGS PA'O, ,'DIR DGONGS NAS YANG DAG PA'I DON DGROL BA'I GTAN TSIGS SU BTZUN PA SHA RA DVA TI'I BU YANG DAG PA ZHES BYA BA NI DBYER MED PA'I GZHI YIN PA'I PHYIR RO ZHES GSUNGS TE, DBYER MED PA NI YANG DAG PAR DBYER MED PA STE, GNAS MED PA LA SOGS PA NAS BYUNG BA MED PA LA THUG PA'I BAR RO, ,DE'I GZHI NI GNAS SAM NGO BO STE, DE BZHIN NYID LA SOGS PA MYA NGAN LAS 'DAS PA LA THUG PA'I BAR DU YIN TE, DE NI BYANG CHUB SEMS DPA'I SDE SNOD LAS RIG PAR BYA'O, ,DBYER MED PA'I GZHI DE DAG YANG DAG PA YIN PA'I PHYIR BSAM GYIS MI KHYAB PA'I SGRAS BRJOD PAR BYA BA STE, DE LA ZHUGS PA DE DAG NI GANG MTSAMS MED PA LA ZHUGS PA YIN NO ZHES BYA BA'I THA TSIG GO, ,GAL TE DE LTA NA BSAM GYIS MI KHYAB PA LA ZHUGS PA BZHIN DU MTSAMS MED PA BYED PA RNAMS KYANG MTHO RIS DANG, BYANG GROL THOB PAR CI'I PHYIR MI 'GYUR, CHOS GCIG LA ZHUGS PA RNAMS 'BRAS BU THA DAD PAR CI'I PHYIR 'GYUR ZHE NA, DE'I PHYIR GANG DAG BSAM GYIS MI KHYAB PA DANG LDAN PA ZHES BYA BA LA SOGS PA GSUNGS TE BSAM GYIS MI KHYAB PA DANG LDAN ZHING RJES SU 'BREL PA DE DAG MTHO RIS BRGYA BYIN LA SOGS PAR BSTEN CING, 'GRO BA KHO NA MA YIN NO, ,MTHO RIS SMOS PAS 'KHOR LOS SGYUR BA DANG, TSANGS PA LA SOGS PAR BSTEN PA YANG MTSON PA YIN NO, ,NGAN SONG NI DMYAL BA LA SOGS @41B PA'O; MYA NGAN LAS 'DAS PA NI YANG DAG PAR RDZOGS PA'I SANGS RGYAS NYID DE, DE DAG TU 'GRO BA MA YIN NO, ,MTHO RIS DANG BYANG GROL DANG NGAN SONG LA SOGS PAR 'GRO BA'I MTSAN NYID DU SNANG BA DE DAG NI RMONGS PA RNAMS KYI 'KHRUL PA YIN GYI YANG DAG PA NYID MA YIN NO, ,'DI LA GTAN TSIGS CI YOD, MTSAMS MED PA BYED PA NI NGAN SONG DU 'GRO LA, BSAM GYIS MI KHYAB PA DANG LDAN PA NI MTHO RIS DANG, BYANG GROL THOB PAR BYED PAR SNANG NGO SNYAM DU SEMS PA DE'I PHYIR BSAM GYIS MI KHYAB PA NI 'GRO BA DANG MI 'GRO BAR NYE BAR GNAS PA MA YIN ZHES GSUNGS TE, BSAM GYIS MI KHYAB PA NI 'DUS MA BYAS TE, DE BZHIN NYID LA SOGS PA MYA NGAN LAS 'DAS PA LA THUG PA RNAMS TE, DE DAG NI LAS KYIS 'GRO BA DANG DE ZAD PAS MI 'GRO BA STE, 'GRO BA DANG MI 'GRO BAR KUN TU BRTAGS PA YOD PA MA YIN PA DE BAS NA, NYE BAR GNAS PA MA YIN 'GYUR BA MA YIN TE, BSAM GYIS MI KHYAB PA NI SKYE BA MED PA'I NGO BO YIN PA'I PHYIR JI LTAR 'BRAS BU YOD PA MA YIN PA KUN BRTAGS PA YIN PAR 'GYUR ZHING, NYE BAR GNAS PAR 'GYUR MYA NGAN LAS 'DAS PA'I BAR DU ZHES THA MAR SMOS PA LA BAR DU ZHES BYA BA'I SGRAS NI DE BZHIN NYID KYI RNAM GRANGS SU GTOGS PA THAMS CAD STON PAR BYED DO, ,'DUL BA'I CHOS LAS 'GAL BAR BYED PA'I DBANG DU BYAS NAS, BTZUN PA SHA RA DVA TI'I BU GANG DAG LTUNG BA'I RTZA BA BZHI LA GNAS PA ZHES BYA BA LA SOGS PA GSUNGS TE, MI GSOD PA LA SOGS TE, PHAS PHAM PA'I LTUNG BA BZHI LA GNAS PA DE DAG KYANG ZHES BYA BA LA, KYANG GI SGRAS DGE 'DUN GYI LHAG MA LA SOGS PA LA NAN TAN BYED PAS 'DUG PAR BYED CING GNAS PA BSDU'O, ,RTZA BA MED PA LA GNAS PA'O ZHES BYA BA LA RTZA BA NI 'JIG TSOGS DANG PHAM PA'I LTUNG BA BZHI BYUNG BA'O,, ,MI GNAS PA ZHES BYA BA LA GNAS PA NI YANG DAG PA YIN PAR KUN TU RTOG PA LA'O, ,DE GNYIS MA SKYES PA'I PHYIR DE GNYIS NI BYANG CHUB DANG MNYAM PA YIN PAR SHES SO, ,BYANG CHUB SEMS DPA'I SDE SNOD LAS KYANG BYANG CHUB KYI RTZA BA MED @42A *, ,PA DANG; GNAS PA MED PAR GSUNGS SO, ,'DIR RTZA BA MED PA'I TSIG GIS NI GNYI GA'I BYE BRAG YIN PAR BSTAN TO, ,'OG NAS KYANG RTZA BA MED PA'I DGE SLONG ZHES BYA BA DE NI GNAS PA MED PA'I DGE SLONG GI TSIG BLA DGAS SO ZHES GSUNGS TE, TSIG GNYI GA SMOS PAS NI 'DIR RAB TU PHYE BA YIN NO, ,GANG YANG RUNG BA CIG SMOS NA NI GNYI GA BSTAN PA YIN TE, BYA BA DANG DNGOS PO'I SGRA BZHIN NO, ,DE BAS NA DE DAG KYANG RTZA BA MED PA LA GNAS PA'O ZHES BYA BA NI BYANG CHUB LA GNAS PA YIN NO ZHES BYA BA'I THA TSIG GO, ,RTZA BA BYUNG BA LA GNAS PA DAG JI LTAR BYANG CHUB LA GNAS PA YIN ZHE NA, DE'I PHYIR BTZUN PA SHA RA DVA TI'I BU SKYE BA MED PA LA RTZA BA 'AM RTZE MO ZHES BYA BAR 'DOD PA MED PA'I PHYIR RO ZHES GSUNGS TE, 'DI LTAR SKYE BA MED PA 'DUS MA BYAS PA LA NI RTZA BA ZHES BYA BA BDAG GO SNYAM PA'I BLO DANG RTZE MO CHOS KYI RNAM PAR RTOG PA YOD PAR 'DOD CING KHAS LEN PA MED PA'I PHYIR TE, YANG DAG PA MA YIN PA DE GNYIS YOD NA NI SKYE BA MED PA NYID MA YIN PAR 'GYUR RO, ,DES NA RTZA BA MED PA'I DGE SLONG ZHES BYA BA DE NI YANG DAG PA MA YIN PAR KUN TU RTOG PA KHAMS GSUM PA'I SEMS DANG SEMS LAS BYUNG BA'I BDAG NYID LA MI GNAS SHING RLOM SEMS DANG BRAL BA'I DGE SLONG GI TSIG BLA DGAS TE, RJOD PAR BYED PA YIN NO, ,'DIS NI RTZA BA BYUNG BA DANG BYANG CHUB MNYAM PA NYID YIN PAR BLTA BAR BYA BA YIN NO ZHES BSTAN PAR RIG PAR BYA'O, ,DA NI RTA DANG RGOD MA DANG, BA LANG DANG GLANG ZHES BYA BA'I TSUL LTAR DE LAS GZHAN PA'I LTUNG BA'I DBANG DU BYAS NAS RTZOD PA BYUNG BA ZHES BYA BA DE NI LHAG PAR SGRO 'DOGS PA ZHES BYA BA LA SOGS PA GSUNGS TE, RTZOD PA BYUNG BA ZHES BYA BA NI RTZOD PA'I GNAS SU GYUR PA'I LTUNG BA BYAS PA BYUNG BA STE, DAG PA MA YIN PA'I PHYIR; GNAS PAR BYA BA MA YIN PAS JI LTAR RANG RANG GI LAS RNAMS KYIS RNAM PAR SBYANG DGOS PA YIN NO, ,RTZOD PA'I GNAS PA MA SKYES PA YIN PA'I PHYIR, BYANG CHUB KYI RANG GI NGO BO YIN NO ZHES BSTAN PA'I PHYIR, DE NI LHAG PAR SGRO 'DOGS PA ZHES BYA BA'I TSIG BLA DGAS SO ZHES @42B GSUNGS TE, GANG LA LTA BAS BYAS PA'I RTOG PA SGRO 'DOGS PA DE LHAG PA KHONGS SU MA GTOGS PA RNAM PAR MI GNAS PA DE NI MNYAM PA NYID KYI YE SHES MNGON PAR RDZOGS PAR BYANG CHUB PA'I MTSAN NYID YIN TE, DE'I TSIG BLA DGAS YIN NO, ,BSTAN MA THAG PA'I MTSAN NYID LHAG PAR SGRO 'DOGS PA LA LHAG PAR MOS PA LA SOGS PAS BYANG CHUB KYI SPYOD PA'I GNAS SKABS NA, SPYOD CING BYED PA NI SBYIN GNAS SU 'GYUR TE, 'KHOR GSUM YONGS SU DAG PA DANG LDAN PA'I PHYIR DANG DAG PA YIN PA'I PHYIR RO, ,DE LAS GZHAN PA NI SBYIN PA DANG SBYIN PA PO DANG LEN PA RNAMS DMIGS PA DANG DRI MA CAN YIN PA'I PHYIR MA DAG PA YIN TE, SBYIN GNAS DAM PA DAG PAR 'GYUR BAR NUS PA MA YIN NO, ,DE LTAR NA 'DI NI DGONGS PA STON PA'I GZHI BLO GROS SHIN TU GNAS PAS YONGS SU ZHUS PA DANG RJES SU MTHUN PAR GYUR PA YIN NO, ,'DI YANG 'KHOR GSUM YONGS SU DAG PA ZHES BYA BA GANG YIN PA DE LTAR DAG PA DE NI PHYIS RNAM PAR SBYANG DU MED DO, ,LHA'I BU 'DI LAS DGONGS NAS 'DI SKAD DU STON TE, GANG ZHIG STONG GSUM GYI STONG CHEN PO'I 'JIG RTEN GYI KHAMS KYI DAD PAS BYIN PA YONGS SU SPYOD PA DE NI 'JIG RTEN NI SBYIN GNAS SU GYUR PA DANG DE SHIN TU RAB TU BYUNG BA YIN PAS DE SBYANG DGOS PA MA YIN NO ZHES 'BYUNG STE, DE NI KHYAD PAR DU BSTAN PA YIN TE, NYI MA BZHIN NO ZHES DGONGS PA'O, ,'DIR DGOS PA LA GTAN TSIGS SU 'DI LTAR LHAG PAR SGRO 'DOGS PA DE NI MNYAM PA YIN PA'I PHYIR RO ZHES GSUNGS TE, MNYAM PA NI RNAM PAR THAR PA GSUM GYI MNYAM PA NYID KYIS MNYAM PA NYID YIN PA DE NYID DANG, BYANG CHUB SEMS DPA'I SDE SNOD LAS RGYAS PAR RIG PAR BYA'O, ,LHAG PAR SGRO 'DOGS PA DE NI SNGAR BSTAN ZIN TO, ,DA NI YONGS SU SMIN PAR BYED PA LA ZHUGS PA NYID KYI CHOS KYI DBANG DU BYAS NAS, BTZUN PA SHA RA DVA TI'I BU DGE SLONG DAD PA DANG LDAN PA NI ZHES BYA BA LA SOGS PA GSUNGS TE, LAS DANG 'BRAS BU DANG BDEN PA DANG DKON MCHOG LA SOGS PA LA MNGON PAR YID CHES PA DANG LDAN PA'I DAD PA CAN DE NI @43A *, ,DAD PAS BYIN PA SPYAD PA'I 'OS MA YIN TE, LAS DANG 'BRAS BU LA SOGS PA RNAM PAR RTOG PA'I DRI MAS SEMS KYI RGYUD DRI MA CAN DU BYAS PA'I PHYIR RO, ,DE LAS BZLOG PA NI DGE SLONG MA DAD PA YIN TE, DE NI DAD PAS BYIN PA SPYAD PA'I 'OS YIN TE, SEMS KYI RGYUD RNAM PAR DAG PA'I RANG BZHIN YIN PA'I PHYIR RO, ,BTZUN PA SHA RA DVA TI'I BU RUNG BA CAN GYI DGE SLONG NI ZHES BYA BA LA RUNG BA NI 'DUL BA LAS BSLAB PA BCAS PA GSUNGS PA BZHIN BYED PA DANG BCAS PA DE LAS MI 'DA' BA GANG YIN BA'O, ,'DI YANG DAD PA DANG LDAN PA BZHIN RIG PAR BYA'O, ,DE NI RGYU DANG 'BRAS BUR PHYE STE, MI SLOB BA'I CHOS KYI DBANG DU BYAS NAS KHRID PA YANG DAG PAR MA BCOM BA'I DGE SLONG NI ZHES BYA BA LA SOGS PA GSUNGS TE, SRID PAR KHRID PAR BYED PA NI SRED PA'O, ,DE NI YUL THOB PA DANG MA THOB PA NYID PAS RNAM PA GNYIS SO, ,DE LA THOB PA'I YUL LA BRTEN PA DES MI SKYO ZHING MA THOB PA YANG TSOL BAR BYED DO, ,YUL LA YID BYUNG BA MED PA'I NGO BO DANG, YUL TSOL BAR BYED PA DE YANG 'GRO BA DANG, SKYE GNAS DE DANG DE DAG TU PHUNG PO'I RGYUN KHRID PAR BYED PAS KHRID PAR ZHES SBYAR TE, SDUG PA DANG MI SDUG PA THOB PA DANG SPANGS PAR BYA BA'I PHYIR RGYUG PAR BYED PA'I THA TSIG GO, ,YID 'BYUNG BA'I GAGS SU GYUR PA DANG, YUL TSOL BAR BYED PA'I DGRA DE DAG BCOM PAS, DGRA BCOM PA'O, ,PHUNG PO'I RGYUN ZAG PA ZAD PAS, ZAG PA ZAD PA ZHES BYA'O, ,NYON MONGS PA BCOM BAS DGE SLONG NGO, ,DE DAG YANG DAG PAR BCOM BA DE NYID KHRID PAR BYED PA YANG DAG PAR MA BCOM PA ZHES BYA BA 'DIS BSTAN TO, ,DGONGS PA GSAL BAR BYA BA'I PHYIR, 'JAM DPAL CI LAS BSAMS TE DE SKAD SMRA ZHES DRIS SO, ,'DI SNYAM BSAMS TE, SRID PAR KHRID PAR BYED PA MA BCOM NA, JI LTAR ZAG PA ZAD PA, DGRA BCOM PA'I DGE SLONG NYID YIN, YANG DAG PAR BCOM NA YANG, JI LTAR SRID PAR KHRID PA YANG DAG PAR MA BCOM PA NYID YIN ZHES BSAMS PA'O, ,JI LTA BA BZHIN BCOM PA BSTAN PA'I PHYIR, MNYAM PA NYID LA YANG DAG PAR BCOM @43B PA MED, KHRID PAR BYED PA DE NYID KYANG MNYAM PA NYID YIN NO ZHES GSUNGS SO, ,MNYAM PA NYID CHOS KYI DBYINGS DE LA, YANG DAG PAR BCOM PA MED PA NI GANG GIS JI LTAR YANG DAG PAR RGYUN BCAD PA MED PA'O, ,'DI LTAR SNA TSOGS NYID KYIS NI BCOM PA DANG, 'JOMS PAR BYED PA LA KHYAB PAR BYED PA YIN LA, SNA TSOGS NYID DANG MI MTHUN PA YANG MNYAM PA NYID YIN NO, ,DE LTAR SNA TSOGS NYID LOG PAR GYUR NA, KHYAD PAR BYA BA BCOM PA RANG YANG LDOG PAR 'GYUR BAS, YANG DAG PAR BCOM PA MED PA MNYAM PA NYID YIN NO, ,GZHAN YANG 'DAS PA NI 'GAGS PA'I PHYIR DANG, MA 'ONGS PA NI MA THOB PA'I PHYIR DANG, DA LTAR BYUNG BA NI STOBS MTSUNGS PA'I PHYIR 'JOMS PA MA YIN NO, ,DE BAS NA DON DAM PAR GANG GZHOM PAR BYA BA DANG, 'JOMS PAR BYED PA GANG YANG MNYAM PA NYID LA BSAM DU MED DO, ,'JOMS PA DE LA KHYAB PAR BYED PA'I SNA TSOGS NYID DANG, MI MTHUN PA MNYAM PA NYID NI KHRID PAR BYED PA LA YOD PAR MJUG BSDU ZHING MA GRUB PA YONGS SU SPANG BA'I PHYIR, KHRID PAR BYED PA DE NYID KYANG MNYAM PA NYID YIN NO ZHES GSUNGS TE, 'DIR NI KHRID PAR BRJOD PA MNYAM PA NYID BSTEN PAS NI KHRID PA'I MI MNYAM BA'I NGO BO SEL BAR BYED PA YIN NO, ,DE NYID KYI PHYIR MNYAM PA NYID YIN NO ZHES BSTAN TO, ,KYANG ZHES BYA BA NI SNGA PHYI SDUD PAR BYED PA'O, ,DE NYID CES BYA BA 'DIS NI KHRID PAR BYED PA BRJOD MA THAG PA MTSON PAR STON PAR BYED DO, ,DES NA 'DI SKAD DU, SKYE BA MED PAR MNYAM PA NYID MTHONG BA KHO NA YANG DAG PAR DGRA BCOM PA NYID YIN NO ZHES BSTAN TO, ,SLOB DPON KLU SGRUB KYIS KYANG, GNAS DANG BCAS PA'I SEMS YOD LA, ,NYON MONGS DUG CHEN CIS MI 'BYUNG, ,THA MAL 'DUG PA 'AM NYON MONGS PA'I, ,SBRUL GDUG RNAMS KYIS ZIN PAR 'GYUR, , SDUG CES PA LAS CHAGS PA 'BYUNG, ,DE LAS BZLOG PAS 'DOD CHAGS BRAL, ,SGYU MA'I SKYES BU LTAR DBEN BAR, ,MTHONG NA MYA NGAN 'DAS PAR 'GYUR, ,ZHES BSHAD DO, ,PHUNG PO LA SOGS PA YANG DAG PAR MA SKYES PA RNAMS LA, MI RTOG PA LA SOGS PA'I RNAM PAR BSGOMS @44A *, ,PAS; 'DOD CHAGS LA SOGS PA ZHI BAR 'GYUR BA DE NI YANG DAG PA MA YIN TE, NYAN THOS RNAMS THEG PA CHEN PO LA 'DZUD PAR DGONGS NAS, DGONGS PA'I TSUL LA DGONGS TE, DE SKAD BSHAD PA YIN NO, ,'BRAS BUR GYUR PA'I MI SLOB PA'I CHOS KYI DBANG DU BYAS NAS; BTZUN PA SHA RA DVA TI'I BU 'JIGS PA LAS MA RGAL BA ZHES BYA BA LA SOGS PA GSUNGS SO, ,NYAN THOS RNAMS NI SKYE BA LA SOGS PA'I SDUG BSNGAL GYIS KHAMS GSUM LA SKRAG NAS, RANG GI LAM BSGOMS PAS 'KHOR BA'I 'JIGS PA LAS BRGAL TE 'BRAS BU THOB PA DE LA, 'JAM DPAL CI LAS BSAMS TE DE SKAD SMRA ZHES DGONGS PA DRIS PA DANG LAN DU, DE'I 'JIGS PA CUNG ZAD TZAM YANG MED NA, CI ZHIG LAS BRGAL BAR 'GYUR ZHES GSUNGS SO, ,RE ZHIG 'JIGS PA CHEN PO 'AM, 'BRING LTA ZHOG GI ,'JIGS PA CUNG ZAD CAM YANG PHRA MO TZAM YANG MED DE, DE'I SKYE BA LA SOGS PA NI MA SKYES PA'I PHYIR RO, ,DE BAS NA CI ZHIG LAS BRGAL BAR 'GYUR GANG ZHIG GANG DU JI LTAR YANG ZHES BYA BAR YANG BSTAN PAR BYA BA YIN NO, ,'DIS NI MI RTAG PA LA SOGS PA'I RNAM PAR 'PHAGS PA'I BDEN PA BSGOMS PAS, DGRA BCOM PA'I GANG ZAG 'DI KHAMS GSUM LAS 'DAS TE, MYA NGAN LAS 'DAS PA LA GNAS SO ZHES BYA BA 'DI THAMS CAD NI YANG DAG PA MA YIN PAR SGRO BTAGS PA TZAM DU ZAD DO ZHES BSTAN PA YIN NO,, ,,BAM PO BZHI PA, DA NI BYANG CHUB SEMS DPA'I CHOS BSHAD PA SKABS DBYE BA'I PHYIR 'JAM DPAL MA SKYES PA'I BZOD PA CAN ZHES BYA BA DE GANG GI TSIG BLA DGAS ZHES SH'A RI'I BUS DRIS SO, ,MA SKYES PA LA 'AM MA SKYES PA RTOGS PA LA BZOD PA NI BZOD PA DANG DU LEN PA DANG, 'DOD PA 'DI LAS YOD PAS MA SKYES PA'I BZOD PA CAN ZHES BYA'O, ,SHA RA DVA TI'I BU GANG GIS MIG DANG GZUGS DANG, DE'I RNAM PAR SHES PA LA SOGS PA'I CHOS CUNG ZAD TZAM YANG PHRA RAB TZAM YANG MA BSKYED DE, SKYE BAR BLOS MA MTHONG BA BRTAGS PA STE, MA SKYES PA'I BZOD PA CAN ZHES BYA'O, ,'DI MAN CHAD NI BSLAB PA GSUM GYI MTSAN NYID LAM GYI DBANG DU BYAS NAS, 'JAM DPAL DGE SLONG MA DUL BA ZHES @44B BYA BA DE ZHES BYA BA LA SOGS PA GSUNGS SO, ,CI'I PHYIR DGRA BCOM PA LA DE SKAD CES BYA ZHE NA, DE'I PHYIR MA DUL BA NI 'DUL LA, DUL BA NI MI 'DUL BA YIN TE, BTZUN PA SHA RA DVA TI'I BU 'DI LA BSAMS TE ZHES BYA BA LA SOGS PA GSUNGS TE, MA DUL BA ZHES BYA BA NI 'DUL BA DANG 'BRAL BA 'AM, LOG PAR DUL BA RNAMS BSLAB PA DANG GDAMS NGAG RJES SU SBYIN PA RNAMS KYIS 'DUL BAR BYED PA'O, ,DUL BA NI MI 'DUL BA ZHES BYA BA NI RNAM PAR DAG PA'I TSUL CAN SGRO 'DOGS PA DANG, SKUR 'DEBS KYI MTHA' DANG BRAL BA GANG YIN PA DE DAG 'DUL BAR MI BYED PA STE, , LUS DANG NGAG DANG, YID SDOM PA'I BDAG NYID KYI LHAG PA'I TSUL KHRIMS KYI BSLAB PA MI DMIGS PA LA DGONGS TE DE SKAD SMRA'O ZHES BYA BA'I THA TSIG GO, ,DE LTAR BYAS NA 'DI'I BLO GROS SHIN TU GNAS PAS ZHUS PA LAS, LHAG PA'I TSUL KHRIMS LA SOGS PA'I BSLAB PA GSUM MI DMIGS PAS; LHAG PA'I TSUL KHRIMS LA SOGS PA BSLAB PA GSUM YIN NO ZHES 'BYUNG BA DANG RJES SU MTHUN PAR BYAS PA YIN NO, ,BTZUN PA SHA RA DVA TI'I BU LHAG PA'I SEMS LA SPYOD DO ZHES BYA BA DE NI SO SO'I SKYE BO'I TSIG BLA DGAS SO ZHES BYA BA NI LHAG PA'I SEMS KYI BSLAB PA DANG, SPYOD PA RNAMS DMIGS PA'I PHYIR RO, ,'DIR GTAN TSIGS SU 'DI LTAR DE LHAG PAR BYED PA'I PHYIR RO ZHES GSUNGS TE, 'DI LTAR GANG GI PHYIR LHAG PA'I SEMS KYI BSLAB PA SANGS RGYAS THAMS CAD KYIS MA BRNYES PA LA, SO SO'I SKYE BO DE DAG LHAG PAR BYED CING GNAS PAR BYED DE, ,MNYAM PA NYID BOR NA SEMS DANG GZHAN LA YANG RTOGS PAR BYED PA YIN NO, ,DON GYIS NA SEMS DANG SPYOD PA MI DMIGS PA'I LHAG PA'I SEMS KYI BSLAB PA YIN BAR GSUNGS SO, ,YANG DAG PAR BSHAD PAS RANGS NA, 'JAM DPAL KHYOD KYIS DGRA BCOM PA ZAG PA ZAD PA JI LTA BA DE BZHIN DU SMRAS PA DE LEGS SO LEGS SO ZHES BYA BAS, LHAG PA'I SHES RAB KYI BSLAB PA GLENG SLONG BAR BYED PA YIN TE, YANG DAG PA'I NGAG NI SHES RAB KYI 'BRAS BU YIN PA'I PHYIR RO, ,DGRA BCOM PA ZAG PA ZAD PA ZHES BYA BA NI RNAM PAR GROL BA'I PHUNG PO'O, ,JI LTAR DE BZHIN DU SMRAS PA ZHES BYA BA NI RNAM PAR GROL BA'I YE @45A *, ,SHES MTHONG BAS SO, ,'DIS NI SHES RAB 'BRAS BU DANG DGONGS PA DANG BCAS PA BSTAN PA YIN NO, ,'PHAGS PA 'JAM DPAL GYIS KYANG THEG PA CHEN PO LA GZUD PAR DGONGS NAS, NYAN THOS KYI THEG PA SPANG BAR BSTAN PA'I PHYIR, SH'A RI'I BU DE DE BZHIN TE, JI SKAD SMRAS PA DE BZHIN NO ZHES BYA BA LA SOGS PA GSUNGS TE, RNAM PA GZHAN LA DGONGS NAS ZAG PA ZAD PA NYID YIN PAR ZHAL GYIS BZHES PA'I PHYIR DANG, DGRA BCOM PA NYID YIN PAR DNGOS SU BKAG PA'I PHYIR, GNYI GA YANG MA YIN PAR BSTAN PA YIN NO, ,DE CI'I PHYIR ZHES DOGS PA LA GTAN TSIGS SU, BTZUN PA SHA RA DVA TI'I BU 'DI LTAR NYAN THOS KYI SA DANG ZHES BYA BA LA SOGS PA GSUNGS TE, NYAN THOS DGRA BCOM PA DANG, RANG SANGS RGYAS KYI SAR KHO BO'I BDAG GI BSAM PA SRED PA ZAD PA'I PHYIR DANG MED PA'I PHYIR TE, NYAN THOS KYI SA LA 'DOD PA MED PA'I RNAM GRANGS TSUL 'DIS NA KHO BO ZAG PA ZAD PA YIN MOD KYI, DGRA BCOM PA NI JI LTAR YANG MA YIN NO ZHES BYA BA'I SGRA NI NGES PAR BZUNG BA'I DON TE, MA YIN PA KHO NA'O ZHES BYA BA'I THA TSIG GO, ,'DI SKAD BSTAN TE, GANG ZHIG NYAN THOS KYI THEG PA 'DOD PA DE LA NI BDAG TU LTA BA LA SOGS PA YOD PA YIN NO, ,DE LTA MA YIN NA BDAG ZHI BAR BYA BA DANG, YONGS SU MYA NGAN LAS 'DAS PAR BYA BA'I PHYIR, MI SBYOR BA KHO NA YIN NO, ,MNGON PAR BZHED PA'I SHES RAB BSTAN PA'I PHYIR, 'JAM DPAL BYANG CHUB SEMS DPA' SEMS DPA' CHEN PO GANG BYANG CHUB KYI SNYING POR 'DUG LA ZHES BYA BA LA SOGS PA GSUNGS TE, GANG ZHES BYA BA NI GANG GIS SO, ,BYANG CHUB KYI SNYING PO NI MTSAN NYID BSTAN ZIN TO, ,'DUG LA GNAS TE BLA NA MED PA'I BYANG CHUB MNGON PAR RDZOGS PAR 'TSANG RGYA BA'I SKAL BA MED PAR 'GYUR BA, SNOD DU MI 'GYUR BA'I RNAM GRANGS YOD DAM ZHES DRIS SO; ,RNAM GRANGS ZHES BYA BA NI, BSHAD PA'I RIM PA LA BYA BA YIN GYI, DNGOS SU NI DUS THAMS CAD DU DE BZHIN DU GNAS PA YIN PA'I PHYIR RNAM GRANGS MED PA YIN NO, ,LAN DU 'JAM DPAL GYIS GSOL BA, BCOM LDAN 'DAS ZHES BYA BA NAS, SKAL PA MA MCHIS PAR 'GYUR BA'I RNAM @45B GRANGS MCHIS SO ZHES BYA BA'I BAR DU GSOL TO, ,DE GTAN TSIGS CI YOD CE NA DE'I PHYIR, 'DI LTAR BYANG CHUB LA CUNG ZAD TZAM GYI CHOS KYANG MA MCHIS SHING ZHES BYA BA LA SOGS PA GSOL TE, 'DI LTAR BYANG CHUB LA CUNG ZAD TZAM GYI CHOS KYANG MA MCHIS SO ZHES LAN GRANGS DU MAR BSHAD DO; ,'DI LAS GONG NA LHAG PA MED PA'I PHYIR BLA NA MED PA'O, ,YANG DAG PA NI PHYIN CI MA LOG PA'O, ,RDZOGS PA NI THA DAD PA MED PA STE, CHOS THAMS CAD MTSAN NYID GCIG PA YIN NO, ,BYANG CHUB NI MNYAM PA NYID KYI YE SHES TE, DE NI YANG DAG PAR RDZOGS PA'I BYANG CHUB BO, ,SKYES PA'I CHOS GANG YANG MED DU ZIN KYANG, 'ON KYANG BYANG CHUB DE NI SKYES TE YOD PA YIN NO ZHE NA, DE'I PHYIR BYANG CHUB DE YANG MA SKYES PA STE ZHES GSUNGS SO, ,NGES PA'I TSIG GI DON GSAL BAR BYA BA'I PHYIR, DE LA GANG BYANG CHUB KYI SNYING PO LA MCHIS PA 'AM ZHES BYA BA LA SOGS PA GSUNGS PA'O, , GANG DANG GANG GIS DANG, BYANG CHUB GANG LA MNGON PAR RDZOGS PAR 'TSANG RGYA BAR 'GYUR ZHES BYA BA NI GO RIMS BZHIN DU, BYED PA PO BYANG CHUB SEMS DPA' DANG, BYED PA LAM DANG, LAS BYANG CHUB RNAMS LA BYA STE, DE DAG GANG YANG MA MCHIS SHING ZHES BYA BA NI MA SKYES PA'I PHYIR RO, ,MI DMIGS TE ZHES BYA BA NI RMI LAM LA SOGS PA BZHIN DU YANG DAG PA MA YIN PA'I PHYIR TA, MA SKYES PA'I PHYIR DNGOS PO MED PAR BSTAN PA YIN GYI, SKAD CIG MA NYID YIN PA'I PHYIR NI MA YIN TE, 'DI LTAR DE NI GZUGS BRNYAN YIN TE, 'GOG PAR BYED DO, ,SO SO'I SKYE BO LA SOGS PA'I CHOS BSTAN ZIN PA'I RNAMS BYANG CHUB DANG MNYAM PAR BSTAN PA'I CHED DU BYANG CHUB KYI RANG GI NGO BO DRIS PA DANG, BCOM LDAN 'DAS BYANG CHUB CES BGYI BA DE NI MTSAMS MA MCHIS PA LNGA PO DAG GI TSIG BLA DGAS SO ZHES GSOL TO, ,BYANG CHUB BSHAD MA ZIN NAM DE LA GZHAN CI ZHIG BSHAD DU YOD CE NA, DE BDEN TE 'ON KYANG BYANG CHUB MA BSTAN PAR SO SO'I SKYE BO LA SOGS PA'I CHOS RNAMS DE'I RANG BZHIN YIN PAR BSTAN PAR MI NUS PAS YANG DE BSTAN PA LA NYES PA MED DO, ,CI'I PHYIR DE'I TSIG BLA DGAS YIN ZHE NA, BCOM LDAN 'DAS 'DI LTAR MTSAMS MA MCHIS PA LNGA PO DE DAG NYID DNGOS PO MA @46A *, ,MCHIS PAS BYANG CHUB KYI RANG BZHIN CAN TE ZHES GSUNGS TE, 'DI LTAR ZHES BYA BA NI GANG GI PHYIR TE, BYANG CHUB KYI RANG BZHIN DE DAG GI NGO BO NYID YIN PAS BYANG CHUB KYI RANG BZHIN CAN NO, ,RANG BZHIN DE YANG GANG ZHE NA, DNGOS PO MA MCHIS PA NYID PAS ZHES GSUNGS TE, DNGOS PO NI 'BYUNG BA LA BYA'O, ,DE LTA BU MA YIN PAS DNGOS PO MA MCHIS BA STE, MA SKYES PA ZHES BYA BA'I THA TSIG GO, ,DE'I NGO BO NI DE NYID DO, ,DE BAS NA MI GSOD PA LA SOGS PA DE DAG GI RANG GI NGO BO NI DNGOS PO MED PA NYID YIN PA'I PHYIR MA SKYES PA KHO NA YIN NO, ,CHOS THAMS CAD DNGOS PO MED PA NYID KYI RANG BZHIN DU GYUR PA DE'I SLAD DU BYANG CHUB DE NI MTSAMS MA MCHIS PA LNGA'I RANG BZHIN CAN LAGS SO, ,DES NA MTSAMS MA MCHIS PA RNAMS DNGOS PO MED PA NYID DU MNGON PAR RDZOGS PAR RTOGS PA MTSAN NYID BSTAN ZIN PA NI BYANG CHUB LAGS SO, ,MTSAMS MED PA RNAMS NI MTSON BAR ZAD KYI, CHOS THAMS CAD MNGON PAR RDZOGS PAR RTOGS PA YANG BYANG CHUB YIN TE, RANG BZHIN GCIG PA'I PHYIR RO ZHES BYA BAR RIG PAR BYA'O, ,GLEGS BAM KHA CIG LAS MTSAMS MA MCHIS PA RNAMS MNGON PAR RDZOGS PAR RTOGS PA BYANG CHUB MA LAGS SO ZHES BYUNG BDE'I DON YANG 'DI LTA STE, DNGOS PO MED PA NI MNGON PAR RDZOGS PAR RTOGS PAR MI NUS PA'I PHYIR, MTSAMS MED PA RNAMS MNGON PAR RDZOGS PAR RTOGS PA MA YIN PA GANG YIN PA DE BYANG CHUB YIN LA, MTSAMS MED PA RNAMS MA MTHONG BA'I MTSAMS YIN TE, CHOS THAMS CAD MTHONG BA MED PA'I MTSAN NYID YIN PAR NI CHOS RNAMS MA MTHONG BA NYID DE KHO NA MTHONG BA YIN NO ZHES LAN MANG DU BSTAN TO, ,'DOD PA BSTAN ZIN NAS, MI 'DOD PA DGAG PA'I PHYIR, CHOS THAMS CAD MNGON DU GYUR PA YANG BYANG CHUB MA LAGS SO ZHES GSUNGS TE, MNGON SUM DU MA GYUR PA RNAMS MNGON SUM DU BYA BAR SBYOR BA NI MNGON SUM DU GYUR PA STE, DE'I RNAM PA MNGON SUM DU BYED PA'I TSUL GYIS CHOS THAMS CAD MNGON SUM DU BYED PA DE NI BYANG CHUB MA YIN NO ZHES BYA BAR SBYAR RO, ,DE LTAR NA CHOS THAMS CAD KYI RNAM PA MNGON SUM DU BYED PA MED CING, MNGON SUM @46B DU MI BYED PA BYANG CHUB YIN NO, ,YANG GTAN TSIGS GANG GIS YIN ZHE NA DE'I PHYIR, CHOS THAMS CAD NI SHIN TU MNGON SUM MA LAGS TE ZHES BYA BA LA SOGS PA GSUNGS TE, 'DI LTAR SHIN TU MNGON SUM MA LAGS PA'I CHOS DE DAG NI SANGS RGYAS SAM, GZHAN GANG GIS KYANG MNGON PAR RDZOGS PAR RTOGS PA'I MTSAN NYID BSTAN ZIN PA DANG, STON PAR GYUR PA LTA BUR MNGON PAR RDZOGS PAR RTOGS SO, ,MA MTHONG BA NI LTA BAS SO, ,MA THOS PA NI NYAN PAS SO, ,MA 'TSAL BA NI SHES PAS SO, ,YANG NA MTHONG BA DANG BSGOM PA'I LAM LA LTOS NAS SO, ,BAR GYI SGRAS DRAN PA GZUNG NGO, , MA RTOGS PA NI KUN GYIS SO, ,DE LTA BU'I SHES PA GANG YIN PA SGRO 'DOGS DANG SKUR 'DEBS KYI MTHA' THAMS CAD DANG BRAL BA DE LTA BU DE NI BYANG CHUB PO, ,'THAD PA GZHAN YANG DE LTA LAGS KYIS KYANG, BCOM LDAN 'DAS ZHES BYA BA LA SOGS PA GSUNGS TE, LHAG PAR ZHEN PA 'AM LHAG PA'I NGA RGYAL NI MNGON PA'I NGA RGYAL LO, ,DE SPYOD PA NI MNGON PA'I NGA RGYAL CAN TE, LOG PA'I SGRO 'DOGS SHING SPYOD PA'O, ,DE DAG GI RNAM PAR RTOG PAS GZHAN NA NI PHUNG PO DANG KHAMS DANG SKYE MCHED RNAMS MNGON SUM DU BYAS SHING, MNGON PAR RDZOGS PAR SANGS RGYAS PA YIN PAR GZHAG GO , BAR DU ZHES BYA BA'I SGRAS MTHONG BA DANG, SHES PA LA SOGS PA GZUNG NGO, ,DE DAG GI RNAM PA DE DANG DE'I RANG GI NGO BO STONG YANG RNAM PAR SHES PA LA SNANG BA'I RANG GI NGO BO MA SHES PA DE DAG NI STONG PA NYID MA RTOGS TE, RNAM PA DE DAG PHYI ROL NA YOD PA NYID DU YANG DAG PAR MNGON PAR ZHEN TE, MTSAN MAR 'DZIN PAS DE DANG DE LA RTOGS PAR BYED PA YIN GYI DE DAG YANG DAG PA NI MA YIN NO, ,DGONGS PA BSHAD ZIN TO, ,DA NI 'THOB PA BRJOD PAR BYA STE, SO SO'I SKYE BO RNAMS DANG 'PHAGS PA'I CHOS RNAMS DE LTAR BYANG CHUB KYI RANG BZHIN NYID DU BSTAN NAS, YANG DAG PAR RDZOGS PA'I SANGS RGYAS KYI CHOS BSTAN PA'I PHYIR, 'JAM DPAL CI KHYOD NGA LA ZHES BYA BA LA SOGS PA GSUNGS TE, NGA LA ZHES BYA BA NI BDAG LA'O, ,'DI SNYAM DU ZHES BYA BA NI 'OG NAS 'BYUNG BA, DE BZHIN GSHEGS PA NI BDAG GI DE BZHIN GSHEGS PA'O SNYAM DU RNAM PAR RTOG PA'I NGO BO SEMS PA DANG THA SNYAD DU BYED @47A *, ,PA 'BYUNG NGAM ZHES BYA BA YIN NO, ,'DI NI YANG DAG PAR RDZOGS PA'I SANGS RGYAS NYID DANG, DE'I PHRIN LAS STON PA PO NYID LA DGONGS PA YIN NO, ,DE BZHIN GSHEGS PA NI ZHES BYA BA NI JI LTAR BGROD PAR BYA BA DE BZHIN GSHEGS PAS DE BZHIN GSHEGS PA'O, ,BDAG GI DE BZHIN GSHEGS PA'O ZHES PA NI BDAG LA DE BZHIN DU GSUNGS PA'I PHYIR DANG, PHYIN CI MA LOG PAR STON PAS DE BZHIN GSHEGS PA STE, STON PAR MDZAD PA YIN NO, ,DE LTAR NA DE BZHIN GSHEGS PA'I SGRA GNYIS 'BYUNG BA LA SNGA MA NI JI LTA BA BZHIN DU RTOGS PA'O, ,GCIG NI RJES SU STON PAR MDZAD PA'O, ,STON PA PO LA LTOS NAS BDAG GIS ZHES DRUG PA YIN NO, ,DE SKAD DRIS PA DANG BCOM LDAN 'DAS DE NI MA LAGS SO ZHES GSOL TE, DE BZHIN GSHEGS PA LA BDAG GI LAGS SO ZHES PA'I RNAM PAR RTOG PA DANG THA SNYAD MA MCHIS TE, SGRUB PAR BYED PA'I GTAN TSIGS MED DO ZHES DGONGS PA'O, ,DE CI'I SLAD DU ZHE NA ZHES DRIS PA DANG, BCOM LDAN 'DAS 'DI LTAR DE BZHIN GSHEGS PA NI ZHES BYA BA LA SOGS PAS GTAN TSIGS MED PAR GSUNGS TE, 'DI LTAR GTAN TSIGS KYIS BRTAGS NA JI SKAD BSTAN PA'I RNAM PA CAN GYI SHES PA YOD PA MA YIN PAR BLTA BAR BYA STE; DE SNGON DU 'GRO BA YIN PA'I PHYIR RTOG PA DANG THA SNYAD KYANG MED PAR RIG PAR BYA'O, ,CI'I PHYIR DE LTAR KHYOD SHES PA MED PAR GYUR ZHE NA 'DIR GSOD PAR BYED PA NI BCOM LDAN 'DAS 'DI LTAR DE BZHIN NYID NI ZHES BYA BA LA SOGS PA GSUNGS TE, DE BZHIN NYID YUL DU GYUR PA'I DE BZHIN GSHEGS PA LA DE BZHIN NYID KYIS RNAM PAR RIG PAR MI BGYID PA NI DE BZHIN NYID KYIS RANG GI BDAG NYID DE BZHIN GSHEGS PA LA KHONG DU CHUD PAR MI BYED PA ZHES BYA BA'I THA TSIG GO, ,'DIS NI RTOG PA'I DE BZHIN GSHEGS PA BSAL TE, DE BZHIN GSHEGS PAS KYANG SKAL BA DANG LDAN PA RNAMS LA; DE BZHIN NYID RNAM PAR RIG PAR MI BGYID KHONG DU CHUD PAR MI BGYID DE MI NUS PA'I PHYIR RO, ,'DIS NI RJES SU STON PA NYID KYI DE BZHIN GSHEGS PA BSAL TO, ,DE CI'I PHYIR RIG PAR MI BYED CE NA DE'I PHYIR, BCOM LDAN 'DAS 'DI LTAR DON DAM PAR NA ZHES BYA BA LA SOGS PA GSUNGS @47B TE; YANG DAG PAR DE BZHIN NYID KYANG MED, DE BZHIN GSHEGS PA YANG MED NA DE JI LTAR RNAM PAR RIG PAR BYED PA YIN, BCOM LDAN 'DAS DE BAS NA ZHES BYA BA LA SOGS PA NI MJUG SDUD PA'O, ,'DIR GTAN TSIGS KYI SNOD DU DE BZHIN GSHEGS PA ZHES BGYI BA DE MING TZAM DU BAS NA ZHES BYA BA LA SOGS PA GSUNGS TE, DE BZHIN GSHEGS PA ZHES BYA BA NI MING TZAM DU ZAD DE, DE NI DNGOS PO STONG PA YIN NA, SHES PA DANG THA SNYAD KYI YUL DAG LA BDAG 'DI SNYAM DU DE BZHIN GSHEGS PA NI BDAG GI DE BZHIN GSHEGS PA'I SNYAM DU SHES PA DANG, THA SNYAD 'BYUNG BAR 'GYUR ZHES BYA BA NI MJUG SDUD PA YIN NO, ,DE NYID GTAN LA DBAB PA'I PHYIR, 'JAM DPAL KHYOD DE BZHIN GSHEGS PA LA THE TSOM ZA 'AM ZHES ZUR GYIS DRIS SO, ,THE TSOM SPANG BA'I PHYIR BCOM LDAN 'DAS DE NI MA LAGS SO ZHES GSOL TO, ,BCOM LDAN 'DAS GAL TE DE BZHIN GSHEGS PA BYUNG BA 'AM ZHES BYA BA NI SO SO'I SKYE BO NYID SPANGS NAS 'PHAGS PA'I SAR ZHUGS TE, SANGS RGYAS KYI RIGS SU SKYES PA STE, DPER NA SO SO'I SKYE BO'I RIS MTHUN PA'I SKYE BO'I LUS SNGA MA BOR NAS MA'I MNGAL DU ZHUGS PA'I MTSAN NYID SKYES PA DANG DE NAS RIM GYIS YAN LAG DANG, NYID LAG TSANG BAR YONGS SU GRUB PA BZHIN DU GYUR PA 'AM LHAG MA MED PA'I YONGS SU MYA NGAN LAS 'DAS PA 'AM, GAL TE DE BZHIN GSHEGS PAR YONGS SU GRUB PA STE, DGONGS PA YONGS SU GRUB PA LA DMIGS PA'I TSUL GYIS, SHIN TU RNAM PAR DAG PA'I MTSAN NYID CHOS KYI SKU YONGS SU RDZOGS PA THOB PA'I DE BZHIN GSHEGS PA 'GA' ZHIG MCHIS NA NI DE LA BDAG THE TSOM 'TSAL LO, ,DE SUM CHAR YANG MA MCHIS PAS DE BAS NA BDAG DE BZHIN GSHEGS PA LA THE TSOM MA MCHIS TE, MNGON SUM DU NGES PAR GYUR BA KHO NA LAGS SO, ,GAL TE DE LTA BU YIN NA 'JAM DPAL KHYOD DE BZHIN GSHEGS PA BYUNG NGO SNYAM DU MI SEMS SAM BSOD NAMS DANG YE SHES KYI TSOGS LAS BYUNG NGO SNYAM PA'I BLO MED DAM, 'DIR LAN DU BCOM LDAN 'DAS GAL TE CHOS KYI DBYINGS LA BYUNG BA MA MCHIS NA NI ZHES GSOL TE, DE DANG THA MI DAD PA'I DE BZHIN GSHEGS PA YANG BYUNG NGO SNYAM DU SEMS @48A *, ,PAR 'GYUR NA, GANG GI TSE CHOS THAMS CAD LA KHYAB PAR BYED PA'I CHOS KYI DBYINGS MA BYUNG BA DE'I TSE, DE BZHIN GSHEGS PA BYUNG BA GA LA MCHIS, 'O NA DE LTAR 'BYUNG BA MA MTHONG NA, 'JAM DPAL KHYOD SANGS RGYAS BCOM LDAN 'DAS GANG G'A'I KLUNG GI BYE MA SNYED YONGS SU MYA NGAN LAS 'DAS PAR MI MOS SAM, YID MI CHES SAM ZHES DGONGS PA'O, ,BSAM GYIS MI KHYAB PA BRJOD PAR BZHED NAS, SANGS RGYAS BCOM LDAN 'DAS RNAMS NI 'DI LTAR BSAM GYIS MI KHYAB PA'I YUL DU YUL GCIG PA MA LAGS SAM ZHES DRIS SO, ,YUL GCIG PA ZHES BYA BA LA YUL NI SPYOD YUL LO, ,GCIG PA NI DBYER MED PA STE, SHIN TU MCHOG TU PHUL DU BYUNG BA'I BLO CAN, SANGS RGYAS DE DAG GI YUL DE NI GCIG PA YIN NO, ,'DIS NI THUGS SU CHUD PA SNA TSOGS PA NYID SEL BAR BYED PA YIN NO, ,YUL DE LA GZHAN DANG GZHAN RTOGS PA DANG MA RTOGS PA YOD NA NI MI SHES PA YIN TE, SNGAR BSTAN PA LTA BU SANGS RGYAS MA YIN PAR 'GYUR RO, ,BCOM LDAN 'DAS NI GRAGS PA DANG LDAN PA RAB TU GRAGS PA YIN TE, JI SKAD DU SA'I STENG GI LHA RNAMS NAS BZUNG STE, 'OG MIN GYI LHA'I BAR DU KYE MA'O 'DI NI YANG DAG PAR RDZOGS PA'I SANGS RGYAS YIN NO ZHES SGRA SGROGS SHING SGRAS GO BAR BYED DO ZHES BYA BA LA SOGS PA GSUNGS TE, DE BAS NA GDON MI ZA BAR YUL DE KHO NA NYID DAM PA GCIG YIN PAR 'GYUR RO, ,YUL DE KHO NA NYID MA YIN ZHING, DU MA YOD NA NI 'GRON PO'I MI BZHIN DU MNGON PAR 'DOD PA'I GRAGS PA DANG LDAN PAR MI 'GYUR RO, ,DE KHO NA NYID DAM PA DE YANG BSAM GYIS MI KHYAB PA LAS GZHAN MA YIN PAS 'DI LTAR BSAM GYIS MI KHYAB PA'I YUL DU ZHES GSUNGS TE, 'DI LTA STE, BSAM GYIS MI KHYAB PA'I YUL ZHES BYA BA NI BSAM PAR 'OS PA NI BSAM PA'O; ,DE LTA BU MA YIN PAS BSAM GYIS MI KHYAB PA'O, ,DE NYID YUL YIN TE DE NI BSAM GYIS MI KHYAB PA'I YUL LO, ,'DI DANG DE RNAM PAR RTOG PA DANG BRAL BA NI YE SHES KYI BDAG NYID YIN NO, ,DE LTAR NA 'DI NI BSAM GYIS MI KHYAB PA YIN NO ZHES DE SNYAM DU SHES PAS, DMIGS @48B NA YANG BSAM GYIS MI KHYAB PA SEMS PA'I PHYIR 'DOD PA MI 'GRUB STE, DON MED PA KHO NA YIN NO, ,DE SKAD DU DE BZHIN GSHEGS PA'I GSANG BA BSAM GYIS MI KHYAB PA BSTAN PA LAS, CHOS RNAMS LA MNGON PAR MA ZHEN PA NI DON YOD PA'O, ,GANG ZHIG DON LA RLOM SEMS BYED PA DE NI 'DI'I DON MED PA CHEN PO YIN NO ZHES GSUNGS SO, ,DE'I DGONGS PA 'DI LTA STE, ,SANGS RGYAS YUL NI BSAM MI KHYAB, ,DE MCHOG RTAG PA DE KHO NA, ,ZAD DANG SKYE DANG RING THUNG SOGS, ,DE LTAR RTOG PA LOG PA YIN, ,BRDZUN PA DAG LA MTHU MED PHYIR, ,'GA' YANG YANG DAG SEL MI BYED, ,SMIG RGYU'I CHU YI TSOGS RNAMS NI, ,DPYID DUS TSA BAS SEL MI BYED, ,CES BYA BA BZHIN NO, ,'JAM DPAL DE DE BZHIN TE ZHES BYA BA LA SOGS PA NI DGONGS PA DANG MTHUN PA'O, ,CI NI BCOM LDAN 'DAS DE LTAR BZHUGS SAM ZHES BYA BA NI BCOM LDAN 'DAS BSAM GYIS MI KHYAB PA'I YUL CAN DE LTAR BZHUGS SAM ZHES 'DRI BA'O, ,'JAM DPAL DE DE BZHIN NO ZHES 'DIR YANG ZHAL GYIS BZHES SO, ,'JAM DPAL GYIS GSOL BA, BCOM LDAN 'DAS DE'I SLAD DU ZHES BYA BA LA SOGS PA GSUNGS TE, DE BZHIN GSHEGS PA NI BSAM GYIS MI KHYAB PA'I YUL NYI TSE BA MA YIN PA, PHYIN CI MA LOG PA'I BDAG NYID KYI YE SHES DANG LDAN PA'I SANGS RGYAS BCOM LDAN 'DAS RNAMS YONGS SU MYA NGAN LAS 'DA' BAR BZHED PA DE DAG BZHUGS PA DE'I SLAD DU, YONGS SU MYA NGAN LAS MA 'DAS TE, JI SKAD DU BSTAN PA'I MTSAN NYID KYI YE SHES KYIS MYA NGAN LAS 'DAS PA DE DAG LA MI DMIGS SO, ,DMIGS NA NI YUL BSAM GYIS MI KHYAB PA NYAMS PAR 'GYUR RO, ,DE CI'I SLAD DU ZHE NA ZHES BYA BA NI, BSAM GYIS MI KHYAB PA YIN DU ZIN KYANG, CI'I PHYIR YONGS SU MYA NGAN LAS MI 'DA' ZHES BYA BA YIN NO, ,SANGS RGYAS BCOM LDAN 'DAS RNAMS NI 'DI LTAR BSAM GYIS MI KHYAB PA'I YUL DU YUL GCIG PA'I SLAD DU STE ZHES GSUNGS PA NI, DE GNYIS 'GAL BAR STON PAR BYED DO, ,BSAM GYIS MI KHYAB PA DE NYID NI SKYE BA MA LAGS ZHES BYA BA LA, DE NYID ZHES BYA BA NI @49A *, ,NGES PAR GZUNG BA STE, BSAM GYIS MI KHYAB PA NYID NI SKYE BA MA LAGS 'GAG PA MA LAGS SO, ,GAL TE 'DI SKAD DU GSUNGS PA'I MTSAN NYID KYI YE SHES GCIG PA YIN NA, SO SO'I SKYE BO LA SOGS PA DE LTA BU THAMS CAD MI SRID PAR 'GYUR RO ZHE NA, DE BZHIN NO ZHES BRJOD PAR BYA'O, ,DE NYID KYI PHYIR, BCOM LDAN 'DAS NYID KYIS MNGON PAR RDZOGS PAR SANGS RGYAS NA ZHES BYA BA LA SOGS PA GSUNGS TE, GANG DAG MA 'ONGS PA'I DUS NA, DE BZHIN GSHEGS PA DGRA BCOM PAR 'GYUR BA DE DAG MNGON PAR RDZOGS PAR SANGS RGYAS ZIN PAR 'GYUR GYI, PHYIS 'TSANG RGYA BAR MI 'GYUR RE, ,GTAN TSIGS SU BSAM GYIS MI KHYAB PA LA 'DAS PA'AM ZHES BYA BA LA SOGS PA GSUNGS TE, 'DAS PA LA SOGS PA'I NGO BO YOD PA MA YIN NO, ,RING BA DANG NYE BA DANG, RAGS PA DANG, PHRA BA DANG, SO SO'I SKYE BO DANG, 'PHAGS PA DANG, NGAN PA DANG, GYA NOM PA LA SOGS PAR DBYE BA RNAMS NI LOG PAR RNAM PAR RTOG PAS BYAS PA'O, ,DE NYID KYI PHYIR, BCOM LDAN 'DAS DE BAS NA SU DAG 'DI SNYAM DU DE BZHIN GSHEGS PA SKYES SO ZHES BGYI BA NAS, YONGS SU MYA NGAN LAS 'DA' BA'I BAR DU SEMS PA DE DAG GI 'JIG RTEN GNAS PA NI 'KHRUL PAR BGYID PA STE ZHES BYA BA LA SOGS PA GSUNGS SO, ,'KHRUL PAR BYED PAS 'KHRUL PA STE, KUN TU RMONGS PAR BYED PA'O, ,'JIG RTEN GNAS PA ZHES BYA BA NI SEMS CAN DANG, SNOD RNAMS GNAS PA'O, ,YANG NA 'JIG RTEN NI GZUGS LA SOGS PA'I PHUNG PO DANG, DE DAG GNAS PA NI ZHEN PA'I SEMS LA YOD PA'O, ,DE NI DE DAG LA 'KHRUL PAR BYED 'KHRUL PA SKYED PAR BYED DO, ,BCOM LDAN 'DAS DE DAG 'JIG RTEN GNAS PA 'PHROS PAR BGYID PA LAGS SO ZHES BGYI BA LA, DE DAG GIS 'KHRUL PAR BYAS PA; DE DAG NI 'JIG RTEN GNAS PA 'KHRUL PAR BYED PA RNAMS 'PHROS PAR BGYID BYE BRAG DE DANG DE DAG GIS RGYAS PAR BGYIS PA'O, ,DE GANG ZHE NA SU DAG 'DI SNYAM DU DE BZHIN GSHEGS PA SKYES PA DANG, SEMS CAN LA GZIGS PA DANG, 'DREN PA DANG, SMIN BAR MDZAD ZIN TO, , @49B MDZAD DO MDZAD PAR 'GYUR RO ZHES BYA BA NAS DE NAS 'DI MYA NGAN LAS 'DA'O ZHES BYA BA'I BAR DU KUN TU RTOG PA YIN NO, ,'JAM DPAL DE'I PHYIR KHYOD KYIS DE BZHIN GSHEGS PA'I BSAM GYIS MI KHYAB PA BSAM DU MED PA BSAM PA LAS 'DAS PA BSAM GYIS MI LANG BA ZHES BYA BA LA SOGS PAS NI SHIN TU ZAB PA BSAM GYIS MI KHYAB PA'I TSUL DE LA SGRO 'DOGS PA DANG SKUR PA 'DEBS PA 'GOG PAR BYED DO, ,DE BZHIN GSHEGS PA BSAM GYIS MI KHYAB PA ZHES BYA BA NI BSTAN MA THAG PA'I DE BZHIN GSHEGS PA'I BSAM GYIS MI KHYAB PA DE YIN TE, DE NI 'DIR BYE BRAG CAN GYI TSIG YIN NO, ,LHAG MA GSUM NI 'DI'I BYE BRAG YIN NO, ,BSAM DU MED PA ZHES BYA BA GNYIS PA NI BSAM PAR MI NUS PA'I PHYIR RO, ,DE YANG CI'I PHYIR MI NUS SHE NA, BSAM PA LAS 'DAS PA YIN TE, BSAM PAR BYA BA'I CHOS 'GA' YANG MED PA'I PHYIR RO, , NGES TSIG NI BSAM PA LAS 'DAS PA'AM, BSAM PA 'DI LAS 'DAS PAS BSAM PA LAS 'DAS PA'O, ,DE BAS NA DE NI BSAM PA'I 'OS MA YIN PAS BSAM GYIS MI LANG BA YIN NO, ,DE LTAR NA SEMS PAR BYED PA'I NGANG TSUL CAN SKAL BA MED PA SO SO'I SKYE BO RNAMS LA BSTAN PAR BYA BA MA YIN GYI, SEMS PA'I DRA BA SPANGS PA DE BZHIN GSHEGS PA'I SPYAN SNGA DANG, PHYIR MI LDOG PA ZHES BYA BA NI MOS PA YANG DAG PA DANG LDAN PA'I SO SO'I SKYE BO YANG GZUNG BAR BYA STE, NYI KHRI LNGA STONG PA LA SOGS PA LAS, NGES PAR 'BYED PA'I YAN LAG LA GNAS PA YANG, PHYIR MI LDOG PA'I MTSAN NYID YIN PAR BSTAN PA'I PHYIR RO, ,MGON PO BYAMS PAS KYANG 'DI SKAD DU, ,DROD DANG SPYI BO BZOD PA DANG, ,'JIG RTEN CHOS LA DE GNAS PA, ,RTAGS NI NYI SHU 'DI DAG GIS, ,BYANG CHUB LAS NI PHYIR MI LDOG ,CES GSUNGS SO, ,DGRA BCOM PA ZAG PA ZAD PA ZHES BYA BA NI BLA NA MED PA RDZOGS PA'I BYANG CHUB KYI SEMS YOD PA LA BYA BA YIN GYI, DGRA BCOM PA GZHAN ZHIB PHYOGS GCIG PA LA YANG BYA BA NI MA YIN TE, DE LA MOS PA MED PA'I PHYIR RO, ,DE LTA CI'I PHYIR YIN ZHE NA, 'DI LTAR DE DAG NI ZHES BYA BA LA SOGS PA GSUNGS TE, DE DAG NI @50A *, ,ZHES BYA BA NI BSTAN MA THAG PA'O, ,THOS NAS BSNGAGS PAR YANG MI 'GYUR ZHES BYA BA NI SGRO 'DOGS PA'I RNAM PAR RTOG PA MED PA'I PHYIR RO, ,SPONG BAR YANG MI 'GYUR ZHES BYA BA NI 'DOD PAR MI 'GYUR BA STE, SKUR PA 'DEBS PA'I RNAM PAR RTOG PA MED PA'I PHYIR RO, , DE BZHIN GSHEGS PA DANG, BYANG CHUB SEMS DPA' DAG DE LTA BU YIN PAR RUNG GRANG NA, DGRA BCOM PA PHUNG PO DANG KHAMS DANG SKYE MCHED SKYE BA DANG, 'GAG PAR LTA BA CAN DE DAG GO, ,JI LTA BU ZHE NA, NYES PA MED DE, 'DI LTAR GANG ZAG LA BDAG MED PA MNGON DU BYAS SHING, CHOS THAMS CAD LA BDAG MED PAR RTOGS PAR 'DOD PAS YANG DAG PA'I BYANG CHUB TU SMON LAM BTAB PA YIN PAS, BSAM GYIS MI KHYAB PA'I TSUL LA SGRO 'DOGS PA DANG, SKUR PA 'DEBS PA MI BYED PAR BSGOM PA'I PHYIR RO, ,DE LTAR YIN PA CI'I PHYIR ZHE NA, DE'I PHYIR 'DI LTAR 'DI BSAM GYIS MI KHYAB PA ZHES BYA BA LA SOGS PA GSUNGS TE, 'DI LTAR ZHES BYA BA NI GANG GI PHYIR ZHES BYA BA'I DON TO, ,'DI ZHES BYA BA NI 'DIR DE BZHIN GSHEGS PA'I BSAM GYIS MI KHYAB PA LA BYA'O, ,BSAM GYIS MI KHYAB PA ZHES BYA BA LA SOGS PA NI BYE BRAG GSUM PO SNGA MA RNAMS 'DIR GTAN TSIGS NYID DU BSTAN PAS BSHAD MI DGOS TE, GANG ZAG DE GSUM GYIS BYE BRAG GSUM DE DE BZHIN GSHEGS PA'I BSAM GYIS MI KHYAB PA YIN PAR RTOGS SO, ,GAL TE DE DAG BSAM GYIS MI KHYAB PA YIN NA, DE NI DE LTA BU YIN GYI GZHAN DU MA YIN NO ZHES SU BSNGAGS PA BYED PAR 'GYUR, DE MA YIN NO ZHES SU SPONG BAR 'GYUR, MA BSAMS PAR NI DE DAG BYED MI NUS PAS BSAM DGOS NA, DE YANG BSAM GYIS MI KHYAB PA'I YUL CAN GYI YUL MA YIN PAS, DE BZHIN GSHEGS PA NI PHYOGS GCIG CIG MKHYEN PAR 'GYUR RO, ,'ON TE BSAM PA LA YANG BSAM PA MA YIN PAR RTOGS NA NI DE MA YIN PA LA DER 'DZIN PAS 'KHRUL PA YIN TE, PHAN TSUN 'GAL BA RNAM PA GNYIS RIGS PA MA YIN LA, GSUNGS MA THAG PA DANG YANG 'GAL BAR 'GYUR RO ZHES SNYAM PA'I DOGS PA 'DI BSAL BA'I PHYIR, 'JAM DPAL GYIS GSOL BA, BCOM @50B LDAN 'DAS CHOS THAMS CAD BSAM GYIS MI KHYAB CING ZHES BYA BA LA SOGS PA GSUNGS TE, MIG DANG GZUGS LA SOGS PA'I CHOS THAMS CAD BSAM GYIS MI KHYAB PA NI BSAM PAR 'OS PA MA YIN TE, GZUNG BAR BYA BA MA YIN PA'I PHYIR RO, ,BSAM DU MA MCHIS PA ZHES BYA BA LA BSAM PA NI SEMS PA'O, ,DE DAG STONG PA NI BSAM DU MA MCHIS PA STE, 'DZIN PA MED PA'I PHYIR RO, ,BSAM DU MA MCHIS PA'I TSUL 'DI LA CHOS DE DAG GI NANG NAS SU ZHIG BSNGAGS PA 'AM SPONG BAR 'GYUR, SU ZHIG CES BYA BA NI SPONG BA'I DON YIN PA'I PHYIR TE GANG YANG MED DO ZHES BYA BA'I BAR DU YIN NO, ,'DIR MDOR NA DON 'DI YIN TE, BYIS PA RNAMS KYIS RNAM PAR SHES PA'I RANG GI NGO BO MA SHES PAS 'DI BDAG GIS BSAM PAR BYA'O, ,GZHAN LA BLTA'O SNYAM PA 'DI NI RMONGS PA 'BA' ZHIG TU ZAD DO ZHES BYA BA YIN NO, ,'DI NYID BSAL BAR BYA BA'I PHYIR, 'JAM DPAL JI LTAR NA DE BZHIN GSHEGS PA BSAM GYIS MI LANG BA DE LTAR ZHES BYA BA LA SOGS PAS ZUR GYIS DRIS TE, DE BZHIN GSHEGS PA JI LTAR BSAM GYIS MI KHYAB CING SEMS PA STONG PA NYID YIN PA DE LTAR DE BZHIN DU, SO SO'I SKYE BO RNAMS KYANG BSAM GYIS MI KHYAB PA YIN NAM ZHES DRIS PA DANG LAN DU, BCOM LDAN 'DAS SO SO'I SKYE BO RNAMS KYANG DE BZHIN DU ZHES BYA BA LA SOGS PA GSUNGS SO, ,BSAM GYIS MI KHYAB PA DE LA DE BZHIN GSHEGS PA DANG, SO SO'I SKYE BO GNYIS DNGOS SU BYE BRAG CI YANG MA MCHIS SO, ,'JAM DPAL DE DE BZHIN NO ZHES BYA BA 'DIS NI RJES SU GNANG BA MDZAD NAS GTAN TSIGS SU DE CI'I PHYIR ZHE NA, 'DI LTAR ZHES BYA BA LA SOGS PA GSUNGS TE, BSAM PAR BYA BA NYID DU SGRO 'DOGS PA'I BSAM PA THAMS CAD NI BSAM GYIS MI LANG ZHING SEMS PAS STONG PA YIN TE, BSAM PAR BYA BA DANG SEMS PAR BYED PA'I DNGOS PO MED PA'I PHYIR RO, , GAL TE BSTAN MA THAG PA LTA BU'I DON LAGS NA, 'O NA CI'I SLAD DU BCOM LDAN 'DAS KYIS JI LTAR DE BZHIN GSHEGS PA BSAM GYIS MI LANG BA DE BZHIN DU ZHES BYA BA LA SOGS PAS BDAG LA 'DI SKAD DRI BA BKA' STZAL PA, JI LTAR BKA' STZAL PAR BYA BA MA YIN ZHE NA, DE'I PHYIR BCOM LDAN @51A *, ,'DAS SO SO'I SKYE BO NYID KYANG ZHES BYA BA LA SOGS PA GSUNGS TE, SO SO'I SKYE BO DE DAG BSAM GYIS MI KHYAB PA LTA ZHOG GI ,GANG YANG DE DAG SO SOR 'GRO BA KUN NAS SLONG BAR BYED CING RAB TU 'JUG PA'I RGYU MTSAN NYID KYI LAS DE DANG DE DAG SEMS PA'I BDAG NYID YIN PAR SHIN TU GRAGS PA DE YANG SEMS PA MED PA YIN NO, ,'DIR GTAN TSIGS SU BCOM LDAN 'DAS CHOS THAMS CAD GANG GI PHYIR BSAM GYIS MI KHYAB PA YIN PA DE BZHIN DU MYA NGAN LAS 'DAS PAR SEMS PA YANG YIN NO ZHES BYA BA'I PHYIR, GANG LA LA DAG MYA NGAN LAS 'DAS PA'I SLAD DU ZHUGS NA ZHES BYA BA LA SOGS PA GSUNGS TE, MYA NGAN LAS 'DAS PAR BYA BA'I PHYIR 'BAD PAR BYED PA NI NYAM THAG PAR 'GYUR 'KHYAMS PAR 'GYUR DON MED PAR 'GYUR RO, ,CI'I PHYIR ZHE NA DE'I PHYIR GANG BSAM GYIS MI LANG BA DE NYID CES BYA BA LA SOGS PA GSUNGS TE, BSAM GYIS MI KHYAB PA RANG BZHIN NYID DU GYUR PA YIN PA'I PHYIR RO, ,MYA NGAN LAS 'DAS PA YANG DE LTA BU YIN PAR 'BAD PA MED PAR GRUB STE, BSAM GYIS MI KHYAB PAS KHYAB PAR BYED PA NI THAMS CAD 'BAD MI DGOS PAR GRUB PA YIN NA MYA NGAN LAS 'DAS PA LA 'JUG PA'I NYAM THAG PA DON MED PA'I GNAS SU GYUR PA CI DGOS, THEG PA GCIG PA NYID DU BSTAN CING MJUG SDUD PA'I PHYIR, DE'I SLAD DU BSAM GYIS MI LANG BA LA THA DAD PA MA MCHIS SO ZHES GSUNGS TE, BSAM GYIS MI KHYAB PA LA NI SO SO'I SKYE BO DANG 'PHAGS PA GNYIS THA DAD PA MED DO ZHES BYA BA'I TSIG GI LHAG MA'O, ,YANG DAG PAR SO SO'I SKYE BO DANG 'PHAGS PA'I CHOS THAMS CAD THA DAD PAR SMRA BA DE DAG NI DE DAG GI MI SHES PAS SPUNGS PA YIN NO, ,DE'I PHYIR GANG DAG 'DI SKAD DU, 'DI DAG NI SO SO'I SKYE BO'I CHOS RNAMS SO ZHES BYA BA LA SOGS PA GSUNGS SO, ,DE DAG LA 'OG NAS 'BYUNG BA 'DI SKAD DU BRJOD PAR BYA'O; ,DGE BA'I BSHES GNYEN ZHES BYA BA LA, DGE BA NI PHAN PA DANG BDE BA THOB PA STE, GANG LA 'DU BYED KYI SDUG BSNGAL TZAM YANG MED PA YIN TE, DE NI MYA NGAN LAS 'DAS PA YIN NO, ,DER DGE BA'I BSHES GNYEN BYED PA NI YANG DAG PA'I MTHA' DANG, MAN NGAG SBYIN PA GNYIS KYI @51B GROGS BYED PA'O, ,DE DAG KYANG SANGS RGYAS DANG BYANG CHUB SEMS DPA' DANG, DE DAG GI NYAN THOS RNAMS SO, ,DE DAG LA BSNYEN BKUR BYA BA NI, RNAM PA THAMS CAD DU MNYES PAR BYA BA'O, ,DGE BA'I BSHES GNYEN MNYES PAR BYAS PA DE LAS PHYIS SO SO'I SKYE BO DANG 'PHAGS PA'I CHOS RNAMS KYI RANG GI NGO BO SHES PAR 'GYUR GYI, DE LTAR NI MI DGE BA LA GNAS PA YIN NO ZHES BYA BA'I THA TSIG GO, ,SEMS CAN THAMS CAD KYI MCHOG SEMS CHE BA NYID PHUN SUM TSOGS PA'I DBANG DU BYAS NAS, 'JAM DPAL KHYOD DE BZHIN GSHEGS PA SEMS CAN THAMS CAD KYI MCHOG TU 'DOD DAM ZHES BYA BA LA SOGS PA GSUNGS SO, ,GAL TE 'DI LA SEMS CAN DU YONGS SU GRUB CING SKYES PA 'GA' ZHIG MCHIS NA NI BDAG DE BZHIN GSHEGS PA SEMS CAN THAMS CAD KYI MCHOG GTZO BO LAGS PAR 'TSAL BA ZHIG NA, GRUB PA DE NI MA MCHIS TE CHOS THAMS CAD MA SKYES PA'I PHYIR RO, ,DE BAS NA GANG LA LTOS TE GANG ZHIG MCHOG LAGS ZHES BSAMS PA'O, ,SPANGS PA DANG RTOGS PA CHEN PO NYID PHUN SUM TSOGS PA'I DBANG DU BYAS TE, 'JAM DPAL KHYOD DE BZHIN GSHEGS PA BSAM GYIS MI KHYAB PA'I CHOS DANG LDAN BAR 'DOD DAM ZHES BYA BA LA SOGS PA GSUNGS TE, SKU DANG GSUNGS DANG THUGS BSAM GYIS MI KHYAB PA'I CHOS THUN MONG MA YIN PA DPE MED CING BDAG NYID CHEN PO DANG SHIN TU LDAN PA BRNYES TE MNGA'O ZHES BYA BA'I BAR DU YIN NO, ,LDAN PA DE YANG GZUNG BA DANG 'DZIN PAR RNAM PAR RTOG PA BRGYAD MA LUS PAR SPANGS PA YIN GYIS GZHAN DU NI MA YIN NO, ,DE SKAD DU MGON PO BYAMS PAS KYANG, GNOD BYED 'DI DAG ZAD GYUR NA, ,RING ZHIG LON NAS DBUGS PHYUNG BZHIN, ,'GRO BA'I BDE BA'I RNAM PA KUN, ,SGRUB BYED YON TAN PHUN SUM TSOGS, ,RNAM PA THAMS CAD KUN LDAN PA'I, ,'DOD PA'I 'BRAS BU RGYA CHEN RNAMS, ,SEMS CAN CHEN PO KHYOD BSTEN PA, ,RGYA MTSO CHEN POR CHU KLUNG BZHIN, ,ZHES GSUNGS TE, GAL TE BSAMS PA'I CHOS DANG LDAN PA 'GA' ZHIG MCHIS NA NI DE LTAR 'GYUR NA DE YANG MA MCHIS TE, CHOS THAMS CAD @52A *, ,BSAM GYIS MI KHYAB PA LAGS PA'I PHYIR RO, ,DE LTAR NA DE BZHIN GSHEGS PA YANG BSAM GYIS MI KHYAB PA'I CHOS DANG LDAN NO SNYAM DU MNGON PAR ZHEN PA'I RNAM PAR RTOG PA DAG BSKYED PAR MI BGYID DE, BDAG LA SOGS PA GCIG PU DANG, PHUNG PO LA SOGS PA LA LDAN PA GANG YANG MI DMIGS PA'I PHYIR RO ZHES DGONGS PA'O, ,PHUN SUM TSOGS PA RNAM PA DE DAG GSUM BRNYES PA'I BSTAN PA PO GANG GI CHED DU 'JUG PA'I PHRIN LAS BSTAN PA'I PHYIR, 'JAM DPAL KHYOD NYAN THOS 'DI LTA BU 'DI DAG NI DE BZHIN GSHEGS PAS BTUL LO ZHES BYA BAR 'DOD DAM ZHES BYA BA LA SOGS PA GSUNGS SO, ,'DI LTA BU ZHES BYA BA NI BSAM PA DANG DBANG PO DANG DAD PA'I BYE BRAG CAN NO, ,'DI DAG NI ZHES BYA BA NI 'DUS PA DANG PO NAS DA LTAR 'KHOD PA YAN CHAD DO, ,NYAN THOS ZHES BYA BA NI MTSAN NYID KYIS NA THEG PA GSUM CHAR GYI'AM GRAGS PA'I NYAN THOS KYI THEG PA PA STE; DE DAG BTUL TE BSTAN PA LA BTZUD PA DANG, DGE BA'I RTZA BA BSKYED PA DANG, YONGS SU SMIN PAR BYAS PA DANG GROL BAR BYAS SAM ZHES DRIS PA DANG, GAL TE LA LA ZHIG BSAM GYIS MI KHYAB PA'I DBYINGS ZHES BYA BA LA SOGS PA GSUNGS TE; BSAM GYIS MI KHYAB PA'I DBYINGS 'DUL BA NI NYES PA ZLOG PA DANG, YON TAN 'BYUNG BAR BYED PA'I MTSAN NYID DU 'GYUR NA, THOB NA NI DE LTAR 'TSAL NA DE DAG NI MA MCHIS TE, DE BAS NA DE LTAR MI 'TSAL LO ZHES DGONGS PA'O, ,DE NYID GSAL BAR BYED PA NI BCOM LDAN 'DAS SANGS RGYAS 'BYUNG BA NI ZHES BYA BA LA SOGS PA GSUNGS PA YIN TE, BYANG CHUB KYI PHYOGS DANG, MYA NGAN LAS 'DAS PA GANG LA YANG PHAN PA 'BYUNG BAR 'GYUR BA'AM, 'DOD CHAGS LA SOGS PA'AM, 'KHOR BA GANG LA YANG SPONG ZHING ZHES GNOD PAR NYE BAR GNAS PA MA LAGS 'JUG PA MA LAGS SO, ,'DIR GTAN TSIGS GANG ZHE NA, 'DI LTAR DBYINGS 'DI NI GNAS PA NYID DANG ZHES BYA BA LA SOGS PA GSUNGS SO, ,'DI NI ZHES BYA BA NI DBYINGS KYI RANG GI NGO BO MNGON SUM DU GYUR PA LA BYA'O, ,DBYINGS 'DI NI GNAS PA NYID NI GNAS PA NYID DANG ZHES BYA BA NI SKYE BA DANG 'GAG PA @52B BSAL BA'O, ,MA 'DRES PA NI GZHAN DANG MA 'DRES PA'O, ,DE YANG GANG ZHE NA, 'DI LTAR DBYINGS 'DI NI DBYINGS GANG YIN PA'O, ,BSAM GYIS MI KHYAB PA'I DBYINGS DE LA NI NYAN THOS THA DAD PA NAS SO SO'I SKYE BO THA DAD PA'I BAR DU MI DMIGS SO, ,BAR DU ZHES BYA BA'I SGRAS NI RANG SANGS RGYAS LA SOGS PA BSDU'O, ,SO SO'I SKYE BO THA DAD PAR MI DMIGS TE, MI RTOGS NA DE LAS GZHAN 'DUL BAR BYA BA GA LA YOD CES BYA BA LHAG MA'O, ,THABS GANG GIS LAS DE DAG BYED PA'I THABS DE BSTAN PA'I CHED DU, 'JAM DPAL KHYOD 'DI LTAR DE BZHIN GSHEGS PA BSOD NAMS KYI ZHING BLA NA MED PA YIN PAR MI 'DOD DAM ZHES GSUNGS SO, ,DE BZHIN GSHEGS PA BSOD NAMS KYI ZHING ZHES BYA BA LA, BSOD NAMS SKYE BA DANG, GNAS PA'I ZHING DANG RTEN DANG GZHI STE, SEMS DANG BA BSKYED PA'I BSOD NAMS SHIN TU SOGS PA DAG PHYOGS BCU'I SANGS RGYAS KYI ZHING RAB 'BYAM DAG TU 'KHOR BA JI TZAM PAR SEMS CAN GYI DON DU SPYAD KYANG YONGS SU GTUGS PAR MI 'GYUR BA'I GNAS YIN PA'I PHYIR BLA NA MED PA STE, 'DI LAS LHAG PA GONG NA MED PA'I PHYIR RO, ,DE LTA BU YIN NAM ZHES DRIS PA DANG LAN DU BCOM LDAN 'DAS DNGOS PO MA MCHIS PA'I SLAD DU ZHES GSOL TE, DNGOS POR SHES PA DANG BRAL BA'I PHYIR, DE BZHIN GSHEGS PA BSOD NAMS KYI ZHING NGO, ,DNGOS PO MED PAR MKHYEN PA DE NYID KYIS NA, DE NI BSOD NAMS KYI ZHING BLA NA MA MCHIS PA STE, STONG PA NYID MKHYEN PA'I BDAG NYID LAGS PA'I PHYIR RO, ,DE SKAD DU YANG, BYANG CHUB SEMS KYI BSOD NAMS DANG, ,DAM CHOS 'DZIN PA'I BSOD NAMS GANG, ,STONG PA NYID LA BRTZON PA YI, ,BCU DRUG CHAR YANG MI PHOD DO, ,ZHES GSUNGS SO, ,YON TAN GYIS GANG BA NYID KYANG, SKYON GYIS MA GANG BA NYID KYIS ZHING DAM PA YIN NO, ,'DIR NI BSOD NAMS KYI ZHING YON TAN DANG SKYON GYIS MA GANG BA NYID KYIS ZHING DAM PA YIN NO, ,'DI NI BSOD NAMS KYI ZHING YON TAN DANG, SKYON MA SKYES PAR THUGS SU CHUD PA'I PHYIR, ZHING DE NI GANG BA MA LAGS SHING MA GANG BA YANG MA LAGS TE, DE LTA BU'I DNGOS POR DGONGS PAS NA BLA NA MED @53A *, ,PAR RIG PAR BYA'O, ,DE NYID GSAL BAR BYA BA'I PHYIR, BCOM LDAN 'DAS YANG DE LA CHOS GANG YANG ZHES BYA BA LA SOGS PA GSUNGS TE, DE LA ZHES BYA BA NI ZHING DU 'DOD PA LA'O, ,CHOS GANG YANG YANG DAG PAR 'GRUB PAR MI 'GYUR ZHES BYA BA NI MI SKYE BA SHES PA'O, , BAS PAR MI 'GYUR ZHES BYA BA NI ZAD PA SHES PA STE, DE NYID SNGAR BSTAN ZIN TO, ,DE LTAR NA DE BSOD NAMS KYI ZHING LAGS SO ZHES BYA BA NI RNAM PA GZHAN GYIS BSAL BA'I MJUG SDUD PA'O, ,DE LA YANG SA BON BTAB PA NI ZHES BYA BA LA SOGS PA GSUNGS PA LA, DE LA NI ZHES BYA BA NI ZHING GI MTSAN NYID BSTAN ZIN PA DAG LA'O, ,YANG GI SGRA NI SDUD PAR BYED PA'O, ,SA BON NI DGE PA'I RTZA BA'O, ,BTAB PA NI RAB TU BSKYED PA STE, DE LTA BU'I NGO BO 'DOD PA'I TSUL GYIS SEMS DANG BAR GYUR PA'I PHYIR BTAB PA YIN NO, ,RNAM PAR MI 'PHEL ZHING YONGS SU MI 'GRIB BO ZHES BYA BA NI SKYE BA MED PA NYID DU STON PA YIN NO, ,DE GSAL BAR BYA BA'I PHYIR, 'JAM DPAL KHYOD KYIS CI LAS BRTZAMS TE ZHES BYA BA LA SOGS PA DRIS SO, ,GTAN TSIGS SU BCOM LDAN 'DAS 'DI LTAR ZHING DE NI BSAM GYIS MI KHYAB PA STE ZHES BYA BA LA SOGS PA GSUNGS SO, ,BSAM GYIS MI KHYAB PA NI BSAM PA'I GNAS MED PAR SNGAR BSTAN PA'I RNAM PA LTA BU YIN GYI DE LTA MA YIN NA DE BSOD NAMS KYI ZHING MA YIN NO, ,'DI SKAD BSTAN TE DE LA SEMS DANG BA BSKYED PA NI DE NYID KYI DNGOS PO 'THOB PAR 'GYUR TE, SA BON GYI CHOS NI 'BRAS BU LAS GZHAN DU MI 'GYUR BA'I PHYIR RO, ,DE NAS DE'I TSE SANGS RGYAS KYI MTHUS ZHES BYA BA LA SOGS PA GSUNGS PA LA, DE NAS ZHES BYA BA NI DE MA THAG TU'O, ,DE'I TSE ZHING BYA BA NI SANGS RGYAS KYI ZHING DU BSTAN PA'I TSE'O, ,SANGS RGYAS KYI MTHUS ZHES BYA BA NI BCOM LDAN 'DAS KYI BYIN GYI RLABS KYIS TE, DE YANG BDAG NYID CHE BA NYID DU BSTAN PAS GDUL BYA RNAMS CHOS 'DI LA 'JUG PAR BYA BA'I PHYIR RO, ,RNAM PA DRUG TU DBYE BA NI BYED PA'I BYE BRAG YIN TE, SHAR PHYOGS MTHO LA NUB PHYOGS DMA' BA STE GCIG ,NUB PHYOGS MTHO LA SHAR PHYOGS DMA' BA DANG GNYIS, DE BZHIN DU LHO PHYOGS DANG BYANG PHYOGS GNYIS LA GNYIS SO, ,DBUS DANG MTHA' GNYIS LA GNYIS TE RNAM PA DRUG @53B GO; ,DGE SLONG KHRI DRUG STONG ZHES BYA BA LA SOGS PA 'BYUNG BA LA GANG YANG 'KHOR 'DUS PA'I TSE, DGE SLONG STONG TSANG BA ZHES BYA BA LA SOGS PA NI DE DAG DGRA BCOM PA'I DBANG DU BYAS SO ZHES BYA BAR SHES SO, ,LEN PA MED PAR ZAG PA RNAMS LAS ZHES BYA BA LA, ZAG PA NI RNAM PA BZHI STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DANG, LTA BA'I ZAG PA'O, ,'DOD PA LA SOGS PA DE DAG NYID NYE BAR LEN PA YIN TE, MA RIG PAS MDONGS PAR GYUR CING, LTA BA'I CHUS BRLAN PA'I BDAG TU MNGON PAR ZHEN PA DAG NI PHUNG PO LA SOGS PA LEN PA'I PHYIR RO, ,DE LTA BUR LEN PA MED PAS, LEN PA MED PAR ZAG PA RNAMS LAS SEMS BRAL ZHING RNAM PAR GROL BAR GYUR TO, ,DGE SLONG MA BDUN BRGYA DANG ZHES BYA BA NI GONG MA DANG SBYAR RO, ,YANG NA 'OG MA DANG SBYAR RO, ,RDUL DANG BRAL ZHING ZHES BYA BA NI GLO BUR BA'I MTSAN MA DANG BRAL BA'I PHYIR RO, ,DRI MA MED PA ZHES BYA BA NI LHAN CIG SKYES PA'I GNAS NGAN LEN GYI DRI MA DANG BRAL BA'I PHYIR RO, ,CHOS LA ZHES BYA BA NI GZUGS LA SOGS PA LA'O, ,CHOS KYI MIG CES BYA BA NI STONG PA NYID LA SOGS PA'I CHOS KYI YUL CAN GYI YE SHES SKYES SHING BYUNG BA STE, YUL 'DI LA MTSAN MA'I GNAS NGAN LEN DANG BRAL BAR GYUR TO ZHES BYA BA'I THA TSIG GO ,DOG SA CHER G-YOS PA RGYUN DU BYUNG BA 'DI'I RGYU GANG LAGS RGYU DE'I GROGS BGYID PA'I RKYEN GANG LAGS ZHES DRIS PA DANG LAN DU, KUN DGA' BO BSOD NAMS KYI ZHING BSTAN PA ZHES BYA BA'I CHOS KYI RNAM GRANGS 'DI ZHES BYA BA LA SOGS PA GSUNGS TE, 'DIS SAM 'DIR BSOD NAMS KYI ZHING BSTAN PAS NA BSOD NAMS KYI ZHING BSTAN PA'O, ,SNGON GYI SANGS RGYAS RNAMS KYIS KYANG ZHES BYA BA NI MTSAN MA SMOS PA RNAMS KYIS TE, GRANGS KYI BYE BRAG MA BSTAN PA'I PHYIR DANG, 'JIG PA'I RGYU SKYON THAMS CAD LAS RNAM PAR GROL BA'I DE BZHIN GSHEGS PA RNAMS KYI BZHUGS YUL NI 'JIG PA'I YUL MA YIN PA'I PHYIR RO, ,BSKAL PA BZANG PO LA 'OD SRUNGS LA SOGS PAS 'DI BSHAD DO ZHES 'CHAD PA NI RIGS PA MA YIN TE, DE 'BA' ZHIG MA YIN GYI SNGA MA DAG KYANG YIN NO, ,DE LTA @54A *, ,MA YIN NA ROL PAS CHUB PA LAS 'DI SKAD DU, SANGS RGYAS BYE BA STONG PHRAG NI, ,DGU BCU RTZA GCIG BDAG SNGON DRAN, ,DRANG SRONG ZHES BYA'I TSAL MCHOG 'DIR, ,CHOS KYI 'KHOR LO DAM PA BSKOR, ,ZHES 'BYUNG BA DANG, JI LTAR RJES SU MTHUN PAR 'GYUR, SA PHYOGS 'DI NYID DU ZHES GSUNGS PA GANG YIN PA DE NI SA PHYOGS GZHAN DU MA YIN NO, ,GSUNGS TE ZHES BYA BA NI BSHAD DE'O, ,'DI'I RGYU NI DE YIN NO ZHES BYA BA NI SNGON GYI DE BZHIN GSHEGS PA RNAMS BZHUGS TE BSHAD PA'I MTSAN NYID DO, ,RKYEN NI DE YIN NO ZHES BYA BA NI DA LTAR BZHUGS TE 'CHAD PA'O, ,DE LTAR NA JI LTAR BGROD PAR BYA BAR GSHEGS PA DANG, JI LTAR THUGS SU CHUD PA GSUNG BA DANG, GANG GI CHED DU 'JUG PA DE THOB PA DANG, DE'I PHRIN LAS SEMS CAN 'DUL BA GANG YIN PA DANG, DE'I THABS BSOD NAMS KYI ZHING STE, DE DAG NI SANGS RGYAS KYI CHOS BSTAN PA YIN NO, , BYANG CHUB KYI PHYOGS KYI DMIGS PA'I RNAM PA BSTAN PA RDZOGS SO,, ,,DE'I 'BRAS BU THOB PA'I DBANG DU BYAS TE, BCOM LDAN 'DAS 'JAM DPAL 'DI NI BSAM GYIS MI KHYAB PA'I DPAL LO ZHES BYA BA LA SOGS PA GSUNGS SO, ,BSAM GYIS MI KHYAB PA NI BSAM PAR MI NUS PA'O, , DPAL NI SKU DANG GSUNG DANG THUGS PHUN SUM TSOGS PA STE, CHE BA'I BDAG NYID GANG LA YOD PA DE LA DE SKAD CES BSHAD DO, ,GTAN TSIGS SU 'DI LTAR 'DI'I SPOBS PA GANG DANG GANG LAGS PA'I ZHES BYA BA LA SOGS PA GSUNGS TE, GANG DANG GANG LAGS PA'I SPOBS PA NI SEMS LA SNANG BA STE, DE DAG NYID BSAM GYIS MI KHYAB PA NYID LAGS KYI GZHAN SPOBS PA MA LAGS SO, ,'JAM DPAL DGE SLONG SHA RA DVA TI'I BUS TSIG JI SKAD SMRAS PA DE BZHIN TE ZHES BYA BA LA SOGS PA GSUNGS PA NI, BCOM LDAN 'DAS KYIS KYANG RJES SU GNANG BA MDZAD PA YIN TE, SH'A RI'I BU 'DIS SANGS RGYAS NYID DU ZHUGS PA 'PHAGS PA 'JAM DPAL GYI SPOBS PA JI LTAR KHONG DU CHUD NA DE SKAD DU SMRA ZHES 'GA' YANG 'DI LA DOGS PAR MA BYED CIG CES BYA BA YIN NO, ,'JAM DPAL GYIS KYANG DE NYID BSTAN PA'I PHYIR, BCOM LDAN 'DAS BSAM GYIS MI KHYAB NA SPOBS PAR MI 'GYUR RO ZHES BYA BA LA @54B SOGS PA GSUNGS TE, BDAG SHIN TU SPOBS PA BKAG PA DE'I RANG BZHIN LAGS SO ZHES BSTAN TO, ,GAL TE BSAM GYIS MI KHYAB PA SPOBS PAR 'GYUR NA NI ZHES BYA BA NI GAL TE BSAM GYIS MI KHYAB PA YIN NO ZHES SPOBS SHING MDUN DU BZHAG NA NI BSAM DU MA MCHIS PA NYID DU 'GYUR RO; ,,BAM PO LNGA PA, GAL TE BSAM GYIS MI KHYAB PA YIN NA SPOBS PA MED PAS JI LTAR STON PAR 'GYUR, 'ON TE STON NA NI, JI LTAR SPOBS PA MED PA YIN ZHES BYA BA'I 'GAL BA 'DI DAG BSAL BA'I PHYIR, YANG GANG BSAM GYIS MI KHYAB PA MA LAGS PA NI GANG CI YANG MA MCHIS SO ZHES GSUNGS SO, ,YANG ZHES BYA BA NI SNGA MA LAS PHYE STE 'THAD PA GZHAN BSTAN PA STE, BSAM GYIS MI KHYAB PA MA LAGS PA'I DNGOS PO NI GANG CI YANG MA MCHIS SO, ,DE LTAR BSAM GYIS MI KHYAB PA NI KHYAB PAR BYED PA NYID YIN PAR BSTAN NAS 'CHAD PA NI SGRA'I BDAG NYID YIN PA'I PHYIR, RTZOD PA'I GNAS SU GYUR PA'I SGRA BSAM GYIS MI KHYAB PA NYID YIN PAR BSGRUB PA'I PHYIR, BCOM LDAN 'DAS SGRA THAMS CAD NI BSAM GYIS MI KHYAB PA STE ZHES BYA BA GSUNGS TE, ZIN PA'I 'BYUNG BA CHEN PO'I RGYU LAS BYUNG BA LA SOGS PAR DBYE BA'I SGRA RNAM PA BRGYAD PO DE DAG THAMS CAD NI BSAM PAR MI NUS PAS BSAM GYIS MI KHYAB PA STE, BSAM PA'I YUL MA YIN PA'I PHYIR RO, ,SGRA BSAM GYIS MI KHYAB PA NYID YIN PAR BSTAN NAS SGRA 'CHAD PAR BYED PA NYID MA YIN PAR BSTAN PA'I PHYIR, BSAM GYIS MI KHYAB PA'I SGRA NI STON PAR NUS PA YANG MA YIN NO ZHES GSUNGS TE, BSAM GYIS MI KHYAB PA'I BDAG NYID YIN PA'I SGRA NI STON PAR NUS PA MA YIN GZHAN LA KHONG DU CHUD PAR BYED PA MA YIN TE, RANG RIG PA'I MTHAR THUG PA NI GZHAN LA RIG PAR MI BYED DE, DE DAG NI DON DAM PA YIN NO, ,RTOGS PA PO DANG STON PAR BYE DPA'I THA SNYAD NI MA BRTAGS PA GCIG PU NA DGA' BA KUN RDZOB YIN TE, RTOGS PA PO DANG, STON PAR BYED PA YIN PAR MNGON PAR ZHEN PA'I DON BYAS PA'I PHYIR, RAB RIB CAN GNYIS KYIS ZLA BA GNYIS MTHONG STE, STON PAR BYED PA BZHIN NO, ,'DIR NI DE LTA BU BSAM DU MED PA'O, ,DE SKAD DU 'PHAGS @55A *, ,PA THOGS MED KYIS KYANG, YI GE PHAN TSUN 'BREL PA LAS, ,'BREL PA CAN NI DON DE YIN, ,'BREL PA CAN GYI NGO BO LAS, ,BRTAGS YIN DE LAS GZHAN DU MIN, ,RJOD PAR BYED PA MED PAR NI, ,BRJOD PAR BYA LA SHES MI 'JUG, ,RJOD PAR BYED PA 'ANG 'GAL BA'I PHYIR; ,DE BAS THAMS CAD BRJOD DU MED, ,CES GSUNGS SO, ,DE BZHIN GSHEGS PA 'DU BA'I MDO LAS KYANG, GZUGS KYI NGO BO BSTAN MI NUS, ,GZUGS KYI NGO BO BSAM MI NUS, ,GZUGS KYI NGO BO YI GE BRAL, ,YI GES STON PA GZUGS LA YIN, ,SGRA YI NGO BO BSTAN MI NUS, ,SGRA YI NGO BO BSAM MI NUS, ,SGRA YI NGO BO YI GE BRAL, ,YI GES STON PA SGRA LA YIN, ,DE BZHIN DU DRI LA SOGS PA DANG, MIG LA SOGS PA LA YANG SBYAR BAR BYA'O, ,DE DAG NI 'DIR STON PA'I TSUL GYI RNAM PA YIN NO, ,DE'I 'BRAS BU THOB PA BSHAD ZIN TO, ,DA NI RJES SU MYONG BA 'CHAD PAR BYED PA STON TE, DE YANG GANG ZHE NA, BYANG CHUB KYI PHYOGS DE DAG BSGOM PA NA NYAMS SU MYONG BA DE'I BYE BRAG 'CHAD CING SGROGS PA NI DE RJES SU MYONG BA RNAM PAR 'CHAD PA YIN NO, ,DE DAG KYANG CI'I PHYIR ZHE NA, LAS DANG PO PA 'JUG PAR BYA BA'I PHYIR TE, DANG POR RNAM PAR RTOG PA 'BYUNG BA YIN LA, DE NAS SBYOR BA BAR CHAD DANG BCAS PA DANG, RTAG TU SBYOR BA DANG, BAR MA CHAD PAR SBYOR BA YIN NO, ,DE'I 'OG TU NI DE'I BDAG NYID DU GYUR TE, DE NAS BRTZON PA MI 'DOR BA YIN PAS SPRO BA MED PAR MI BYA'O, ,DE BSTAN PA'I CHED DU 'JAM DPAL KHYOD BSAM GYIS MI KHYAB PA'I TING NGE 'DZIN LA SNYOMS PAR 'JUG GAM ZHES DRIS TE, TING NGE 'DZIN LA SNYOMS PAR 'JUG PA RLOM SEMS CAN YIN YANG TING NGE 'DZIN MA YIN NO ZHES BYA BA NI DRIS PA'I DON YIN NO, ,DON DE NYID BCOM LDAN 'DAS DE NI MA LAGS TE ZHES BYA BAS STON TO, ,DE NYID GSAL BAR BYA BA'I PHYIR, BSAM GYIS MI KHYAB PA'I TING NGE 'DZIN LA BDAG SNYOMS PAR MI 'JUG GO ZHES GSUNGS TE, 'DI NI DAM BCAS PA YIN NO, ,'DIR GTAN TSIGS NI DE CI'I SLAD DU ZHE NA, 'DIR BDAG NYID CES BYA BA LA SOGS PA GSUNGS PA YIN TE, GSUNGS PA'I TSUL DES NI SEMS PA DANG BRAL ZHING BDAG NYID SEMS PAR BYED @55B PA NYID SPONG BAR BYED PA YIN NO, ,BCOM LDAN 'DAS GAL TE BDAG BSAM DU RUNG BA LAGS NA NI BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG GO ZHES BYA BA NI BDAG GI BSAM PA YANG SPONG BAR BYED DE CHOS THAMS CAD SHIN TU MA SKYES PA'I PHYIR RO, ,SNYOMS PAR 'JUG PO'AM SNYOMS PAR 'JUG PAR BYA BA'I CHOS GANG BSAM PAR BYA BA STE GANG YANG MA MCHIS SO, ,GANG GI TSE DE LTAR BSAM PAR BYA BA GANG YANG MA MCHIS NA, DE'I TSE SU ZHIG TING NGE 'DZIN 'DI LA SNYOMS PAR 'JUG PAR 'GYUR, TING NGE 'DZIN LA CHOS DE GNYI GA MI RIGS PAR MJUG BSDU BA'I PHYIR, BCOM LDAN 'DAS BSAM GYIS MI KHYAB PA'I TING NGE 'DZIN ZHES BGYI BDE NI BSAM DU MCHIS PA, BSAM GYIS MI LANG BA LAGS NA ZHES BYA BA DE'I DON NI BSHAD ZIN TO, ,DE BAS NA JI LTAR BSAM GYIS MI KHYAB PA'I TING NGE 'DZIN LA SNYOMS PAR 'JUG PAR BGYI ZHES 'BYUNG PA LA, DE BAS NA ZHES BYA BA NI DE LTA NA ZHES BYA BA'O, ,JI LTAR ZHES BYA BA NI SPONG BA STE, BDAG NYID BSAM GYIS MI KHYAB PA'I RANG BZHIN LAGS LA, BDAG LAS THA MI DAD PA'I RANG GI NGO BO BSAM GYIS MI KHYAB PA'I TING NGE 'DZIN LA JI LTAR SNYOMS PAR 'JUG PAR BGYI, CI KHYOD GCIG PU DE LTAR BSAM GYIS MI KHYAB PA YIN NAM, 'JIG RTEN PA THAMS CAD KYANG BSAM GYIS MI KHYAB PA YIN NA, DE DAG JI LTAR KHYOD BZHIN DU MA GYUR CE NA, DE'I PHYIR DE LTAR LAGS KYIS KYANG BCOM LDAN 'DAS BDAG SNGON LAS DANG PO PA'I TSE NA ZHES BYA BA LA SOGS PA GSUNGS TE, TING NGE 'DZIN THOB PA'I SNGA ROL SNGON BDAG BSGOM PA LA SBYOR BA'I LAS DANG PO'I TSE, NYAN PA DANG, SEMS PA'I DUS NA NI SNYOMS PAR 'JUG PA PO DANG SNYOMS PAR 'JUG PAR BYA BA DANG, SNYOMS PAR 'JUG PAR SGRO 'DOGS PAR BGYID CING, BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU RNAM PAR RTOG PA DE LTA BU SHIN TU BYUNG LAGS SO, ,TING NGE 'DZIN THOB NAS DE LTAR NI BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU YANG DE LA SEMS PA KUN 'BYUNG ZHING SKYE BA MA MCHIS SO, ,DANG POR RNAM PAR RTOG PA DE LTA BU 'BYUNG DU ZIN KYANG, ,BSGOM PA GOMS PAS BDAG BZHIN DU MA MCHIS PAR 'GYUR RO, ,DE BAS NA BSGOM PA LA BRTZON PAR BYOS SHIG CES BSTAN PA YIN NO, ,DPES GSAL BAR BYA BA'I PHYIR, @56A *, ,BCOM LDAN 'DAS 'DI LTA STE, DPER NA 'PHONG GI SLOB DPON NI ZHES BYA BA LA SOGS PA GSUNGS TE, GZHU 'DIS MDA' 'PHEN ZHES PA'I SLOB DPON ZHES BYA STE, DE NI DON GSAL LO, ,SKRA LA ZHES PA NI SPU'I NYAG MA LA'O, ,BCOM LDAN 'DAS DE BZHIN DU BDAG SNGON NI ZHES BYA BA LA SOGS PA NI DPES DON LA SBYOR BAR BYED PA'O, ,BDAG SNGON NI BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU DE LTAR BSAM PAR GYUR TO ZHES BYA BA NI MI MTHUN PA'I PHYOGS DANG 'BREL PA DE'I TSE TING NGE 'DZIN MA YIN PAS LDOG PAR BYA BA YIN NO, ,GANG GI TSE BDAG GIS TING NGE 'DZIN DE LA SNYOMS PAR ZHUGS NAS ZHES BYA BA NI RJES SU 'GRO BA BSTAN PA YIN TE, TING NGE 'DZIN 'DI LAN MANG DU GNAS SHING GNAS PA DE'I TSE DE'I DUS NA, BDAG TING NGE 'DZIN 'DI LA SLAR YANG 'DI SNYAM DU BYANG CHUB KYI DON DU TING NGE 'DZIN 'DIS GNAS PAR BYA'O SNYAM DU MI SEMS SO, ,KHYOD KYIS GTAN TSIGS GANG GIS DE LTAR 'GYUR ZHE NA DE'I PHYIR, GANG DANG GANG GI TSE TING NGE 'DZIN 'DIS GNAS PA DE DANG DE'I TSE, TING NGE 'DZIN 'DIS GDAGS SU MA MCHIS PA'I SLAD DU'O ZHES GSUNGS TE, DE DANG DE'I TSE ZHES BYA BA NI RIM PA MANG BAR STON PA YIN NO, , TING NGE 'DZIN 'DI GDAGS SU MA MCHIS PA ZHES BYA BA NI 'DI DANG DE'O SNYAM PA'I RNAM PAR RTOG PA DANG BRAL BA DANG BSTAN DU MED PA DANG MTHONG BA MED PA ZHES BYA BA'I BAR DU YIN NO, ,TING NGE 'DZIN 'DI'I RNAM PA SHIN TU ZHI BA'I MTSAN NYID BSTAN PA'I CHED DU SKABS DBYE BA'I PHYIR, BCOM LDAN 'DAS 'JAM DPAL GZHON NUR GYUR PA NI BSAM GYIS MI KHYAB PA'I TING NGE 'DZIN 'DIS GNAS PA'I TSE 'DI LA YID MI RTON NA ZHES BYA BA LA SOGS PA GSOL TO, ,'CHAD PA'I TSE DRIS PA NA TING NGE 'DZIN 'DI LA 'DI LTAR 'JAM DPAL NI YID MI RTON TE, GSANG BA DAG 'DI LTAR GSAL POR MI STON TO, ,DE BAS NA BCOM LDAN 'DAS LA ZHU BA BGYID DO ZHES STON TO, ,YID MI RTON PA'I GTAN TSIGS SU BSAM GYIS MI KHYAB PA'I TING NGE 'DZIN 'DIS DE'I BDAG NYID DU GYUR PAR GNAS PA'I TSE ZHES GSUNGS TE, DRIS PA LA SHIN TU ZAB MO KHO NA 'CHAD PAR BYED DO, ,BCOM LDAN 'DAS BSAM GYIS MI KHYAB PA'I TING NGE @56B 'DZIN 'DI BAS CHES ZHI BA'I TING NGE 'DZIN GZHAN LTA MCHIS SAM ZHES BYA BA 'DIS TING NGE 'DZIN 'DI'I RNAM PA NI ZHI BA NYID YIN PAR BSTAN TO, ,DON DE NYID GSAL BAR BYA BA'I PHYIR, 'PHAGS PA 'JAM DPAL GYIS KYANG BTZUN PA SHA RADVA TI'I BU 'DI SKAD DU BSAM GYIS MI KHYAB PA'I TING NGE 'DZIN ZHES BYA BA NAS, KHYOD KYIS BSAM GYIS MI KHYAB PA'I TING NGE 'DZIN 'DI ZHI BA YIN PAR JI LTAR SHES ZHES BYA BA'I BAR DU GSUNGS SO, ,JI LTAR SHES ZHES BYA BA NI SPONG BA'O, ,DGONGS PA NI 'DI LTA STE, MNYAM PAR GZHAG PA'I TSE NA NI MI SHES TE, ZHI BA BSAM GYIS MI KHYAB PA NYID NYAMS PAR THAL BAR 'GYUR BA'I PHYIR RO, ,MNYAM PAR MA BZHAG PAS KYANG MA YIN TE, RNAM PAR RTOG PA LA YUL MED PA'I PHYIR DANG, DE MED PAR 'DZIN PA 'KHRUL PA YIN PA'I YANG PHYIR RO, ,ZHI BA NI NANG DANG PHYI'I NYE BAR ZHI GNAS 'GYUR BA MED PA YIN TE, DE NI BSAM GYIS MI KHYAB PA'I TING NGE 'DZIN YIN NO, ,BTZUN PA SHA RADVA TI'I BU GAL TE, BSAM GYIS MI KHYAB PA'I TING NGE 'DZIN 'DI YOD CING DMIGS NA NI BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN YOD PAR 'GYUR RO ZHES BYA BAS NI 'DRI BA MI 'THAD PAS NA 'DIR YANG SHIN TU BSAM GYIS MI KHYAB PA NYID SBYOR BAR BYED DO, ,GAL TE ZHES BYA BA NI JI STE ZHES BYA BA YIN TE, BSAM GYIS MI KHYAB PA'I TING NGE 'DZIN 'DI YOD CING DE MI DMIGS NA NI DE'I TSE BSAM GYIS MI KHYAB PA 'DI BAS CHES ZHI BA'I ZHES BYA BA LA SOGS PA 'DI BA RIGS PA YIN NA JI TZAM DU TING NGE 'DZIN DE LA MED CING MI DMIGS PA YIN NA 'DRI BA'I DON DE JI LTAR 'THAD PAR 'GYUR, SHA RADVA TI'I BUS SMRAS PA, 'JAM DPAL BSAM GYIS MI KHYAB PA'I TING NGE 'DZIN MED CING 'DI LTAR MI DMIGS PA YIN NAM ZHES BYA BA NI SH'A RI'I BUS KYANG 'DI'I DMIGS PA MED PA NYID YIN PAR TSIG ZUR GYIS 'DRI BA YIN NO, ,'DI LTAR ZHES BYA BA NI GANG GI PHYIR ZHES BYA STE, GANG GI PHYIR MI DMIGS PA YIN PA DE'I PHYIR MED PA YIN TE, YOD PA DANG MED PA'I THA SNYAD NI DMIGS PA SNGON DU SONG BA CAN YIN GYI MED PA DANG YOD PA'I THA SNYAD SNGON DU SONG BA'I DMIGS PA CAN NI MA YIN NO, ,GZHAN DAG @57A *, ,NI MED PA NYID YIN PA DE'I PHYIR, MI DMIGS SO ZHES KYANG 'CHAD DO, ,'DIR JI LTAR DE MED PA NYID YIN ZHE NA, DE'I PHYIR, BTZUN PA SHA RADVA TI'I BU 'DI LTAR DE NI BSAM GYIS MI KHYAB PA'I TING NGE 'DZIN TO ZHES BYA BA LA SOGS PA GSUNGS TE, DE BSAM DU MED PA YIN NA; DE JI LTAR YOD PA YIN, BSAM DU MED PA NYID YIN PA DES NA, 'DI NI MED DE MI DMIGS PA YIN NO, ,DMIGS PA RNAMS DNGOS PO MED PAR BSTAN NA, MTSAN NYID MED PA RNAMS MTSAN NYID YIN PAR BSTAN PA'I PHYIR, DE LTA MOD KYI BTZUN PA SHA RADVA TI'I BU BSAM GYIS MI KHYAB PA'I TING NGE 'DZIN MA THOB PA NI SU YANG MED DO ZHES GSUNGS TE, SO SO'I SKYE BO'AM, GZHAN GANG YANG RUNG STE BSAM GYIS MI KHYAB PA'I TING NGE 'DZIN 'DI MI THOB PA SU YANG MED DO, ,SANGS RGYAS DANG BYANG CHUB SEMS DPA' NYI TSER MA ZAD KYI, SEMS CAN THAMS CAD KYANG BSAM GYIS MI KHYAB PA'I TING NGE 'DZIN THOB PA YIN NO,, DE JI LTA ZHE NA, SEMS CAN THAMS CAD KYANG MTSAN NYID MED PA NYID DU MTSAN NYID GCIG PA'I PHYIR RO ZHES BYA BA'I THA TSIG GO ,GTAN TSIGS GANG YIN ZHE NA, 'DI LTAR BSAM PA THAMS CAD NI BSAM GYIS MI KHYAB PA YIN LA ZHES BYA BA LA SOGS PA GSUNGS TE, GANG GI PHYIR BYIS PAS YONGS SU BRTAGS PA'I BSAM BYA NI BSAM GYIS MI KHYAB PA YIN TE, BSAM BYA'I DNGOS PO DANG BRAL BA YIN TE DNGOS PO MED PA YIN NO, ,DE LTA BU CI YIN ZHE NA, DE'I PHYIR, GANG BSAM GYIS MI KHYAB PA DE NI BSAM GYIS MI KHYAB PA'I TING NGE 'DZIN TE ZHES GSUNGS TE, BSAM BYA DBEN PA 'DI NI BSAM GYIS MI KHYAB PA'I TING NGE 'DZIN GYI MTSAN NYID YIN NO, ,DE BAS NA GANG GI PHYIR BSAM PA'I DNGOS PO YOD PA MA YIN PA DE'I PHYIR, DON DES NA SEMS CAN THAMS CAD BSAM GYIS MI KHYAB PA'I TING NGE 'DZIN 'DI THOB PA'O RJES MJUG BSDUS SO, ,DE LTAR SO SO'I SKYE BO DANG 'PHAGS PA RNAMS KYIS GANG BSAM PA DE NI DNGOS PO YOD PA MA YIN LA, CHOS THAMS CAD BDAG MED PAR SO SOR RTOG CING BSAM DU MED PA RGYUN DU DRAN PA LAS ZHI BA'I RNAM PA CAN GYI SHES PA GANG YIN PA DE NI BSAM GYIS MI KHYAB PA'I TING NGE 'DZIN YIN TE, DNGOS PO MED PA NI DMIGS PA YIN TE, DRAN PA NI BDAG PO YIN NO, ,MTSAN NYID @57B MED PA NI MTSAN NYID GCIG PA YIN NO ZHES BSHAD PA DANG BCOM LDAN 'DAS DGYES NAS LEGS SO ZHES SBYIN PA NI 'JAM DPAL KHYOD KYIS ZAB MO ZAB PA'I GNAS 'DI LTA BU ZHES BYA BA LA SOGS PA GSUNGS TE, ZAB MO ZAB PA'I ZHES BYA BA LAN GNYIS SU 'BYUNG BA NI SGRO 'DOGS DANG SKUR 'DEBS KYI MTHA' DANG BRAL BA'O, ,GNAS NI LOG PAR RTOG PA RNAMS KYI GNAS SO, ,'DI LTA BU ZHES BYA BA NI SHES PAR DKA' BA'O, ,'DI ZHES BYA BA NI BSTAN MA THAG PA'O, ,THAMS CAD CES BYA BA NI TING NGE 'DZIN GYI YAN LAG TU GTOGS PA DANG, DMIGS PA DANG, RNAM PA LA SOGS PA SNGA MA RNAMS TE, DE DAG KHYOD KYIS LOG PAR RTOGS PA BSAL BA'I PHYIR BSTAN CING BSHAD PA LEGS SO ZHES BYA BA YIN NO, ,'O NA DE LTAR GNAS DE LTA BU SHES PAR DKA' BA YIN NA, 'JAM DPAL GYIS DE JI LTAR STON ZHES DOGS PA BSAL BA'I PHYIR, DE LTAR YANG SRID PA YIN TE, 'JAM DPAL KHYOD NI SNGON GYI RGYAL BA LA BYA BA BYAS PA STE, MI DMIGS PA TSANGS PAR SPYOD PA YUN RING DU SPYAD PA'O ZHES GSUNGS TE, DE LTAR YANG SRID PA YIN TE ZHES BYA BA NI BSAL BA 'AM ZHAL GYIS BZHES PA STE, DE LTA BU 'CHAD PA YIN PAR GSAL BAR SRID NGO ZHES BYA BA'I THA TSIG GO, ,ZAB MO'I CHOS SHES PA DANG, BSTAN PAR BYA BA'I CHED DU GANG GIS SNGON GYI RGYAL BA RNAMS LA DGE BA'I RTZA BA BSKYED PA LA SOGS PA'I BYA BA BYAS SHING BSKYED PA DE LA DE SKAD CES BYA'O, ,TSANGS PA NI SKYON MED PA'O, ,DE'I CHED DU SPYOD PA NI TSANGS PAR SPYOD PA STE, MI DMIGS PAR GANG GIS YUN RING DU SPYAD PA DE LA DE SKAD CES BYA BAS KHYOD KYIS BSTAN TO ZHES BYA BAR SBYAR RO, ,DES NA SANGS RGYAS LA DGE BA'I RTZA BA BSKYED CING MI DMIGS PAR BSGOM PA MCHOG TU GYUR PA NI ZAB MO'I CHOS STON PA'I GTAN TSIGS YIN NO, ,DA NI RANG GI NGO BO BSTAN PA'I PHYIR, DE LTAR NA 'JAM DPAL KHYOD CI SHES RAB KYI PHA ROL TU PHYIN PA LA GNAS TE, DE SKAD SMRAS SO ZHES DE SKAD SEMS SAM ZHES 'DRI STE, DE LTAR NA ZHES BYA BA MI DMIGS PAR SPYOD PA YIN PA DE LTAR NA ZHES BYA'O, ,CI ZHES BYA BA NI 'DRI BA'O, ,SHES RAB KYI PHA ROL TU PHYIN PA LA GNAS TE SNGAR BSTAN PA'I NGO BO DE SKAD SMRAS SO ZHES SEMS KYI KUN TU RGYU BA DE SNYAM SEMS PA 'BYUNG NGAM ZHES DE SKAD @58A *, ,DRIS PA DANG, LAN DU BCOM LDAN 'DAS GAL TE BDAG DRIS PA'I NGO BO DE LTA BU'I SEMS 'BYUNG NA NI DE'I TSE GZUNG 'DZIN DU DMIGS PA LA GNAS TE, DE SKAD MCHI BAR 'GYUR TE, DMIGS PA LA SPYOD NA NI DMIGS PA SPYOD PA NYAMS PAR 'GYUR RO, ,DMIGS PA LA SPYOD PA 'DI'I 'BRAS BU MDOR BSTAN PA'I PHYIR, BDAG TU 'DU SHES PA LA GNAS PA NAS ZHES BYA BA LA SOGS PA GSUNGS TE, BDAG CES BYA BA NI MU STEGS CAN RNAMS KYIS RTAG PA LA SOGS PA'I NGO BOR YONGS SU BRTAGS PA DANG, DE KHO NA NYID MA MTHONG BA'I BYANG CHUB SEMS DPA' RNAMS KYIS BRTAGS PA PHUNG PO LA SOGS PA'I RANG GI NGO BO YIN TE, DE GNYI GA YANG 'JIG TSOGS LA LTA BA'I GNAS YIN NO, ,DE LA 'DU SHES PA NI KUN TU RTOG PA DANG RLOM SEMS PA'O, ,NAS ZHES BYA BA'I SGRAS SEMS CAN DANG SROG LA SOGS PA'I 'DU SHES BSDU BA DANG, KUN NAS NYON MONGS PA DANG RNAM PAR BYANG BA LA SOGS PA'I 'DU SHES KYANG BSDU'O, ,DE DAG NI 'DIR RGYU YIN NO, ,DNGOS PO'I 'DU SHES ZHES BYA BA NI GZUGS LA SOGS PA'I 'DU SHES TE, 'DI NI 'BRAS BU YIN NO, ,'BRAS BU DANG BCAS PA DMIGS PA BSTAN PA 'DIS NI MI DMIGS PAR SPYOD PA DANG 'GAL BAR BSTAN TO, ,MJUG BSDU BA'I PHYIR, DE BAS NA SHES RAB KYI PHA ROL TU PHYIN PA LA GNAS TE ZHES BYA BA LA SOGS PA GSUNGS TE, SNGAR 'DRIS PA'I DMIGS PA'I BDAG NYID SMRAS PA NI CHOS THAMS CAD MI DMIGS PA'I BDAG NYID SHES RAB KYI PHA ROL TU PHYIN PA DANG 'GAL BAS, DE BAS NA SHES RAB KYI PHA ROL TU PHYIN PA LA GNAS TE, 'DI SKAD MI 'CHI'O, ,'GAL BA NYID BSTAN PA'I PHYIR, CI'I SLAD DU ZHEN BCOM LDAN 'DAS GAL TE, JI SKAD DU BSTAN PA'I NGO BO'I SHES RAB KYI PHA ROL TU PHYIN PA LA GNAS SO SNYAM BGYID CING GNAS PAR RTOG PA'AM, 'ON TE MI GNAS SO SNYAM BGYID CING MI GNAS PAR RNAM PAR RTOG PA SHES RAB KYI PHA ROL TU PHYIN PA MA LAGS PAR 'GYUR TE, SHES RAB KYI PHA ROL TU PHYIN PA DE LAS PHYIN CI LOG TU GYUR PA'I PHYIR RO, ,DE NI DAM BCAS PA YIN NO, ,'DI LA 'THAD PA SGRUB PAR BYED PA'I RIGS PA NI GZHAN YANG BCOM LDAN 'DAS BDAG LA GNAS PA NI SHES RAB KYI PHA ROL TU PHYIN PA LA GNAS PA STE, GNAS PA @58B MED PA KUN NAS SLONG BA MED PA 'BYUNG BA MED PA LTAR GNAS DE YANG DE BZHIN NO, ,CHOS GANG YANG GNAS PA MED PA DES NA GNAS KYANG DE YIN TE, BSAM DU MED PA'I GNAS NI SHES RAB KYI PHA ROL TU PHYIN PA'I GNAS SO ZHES BYA BA LA SOGS PA GSUNGS TE, BDAG LA GNAS PA ZHES BYA BA NI BDAG LA GNAS PA DANG 'DRA BAS BDAG LA GNAS PA'O, ,DE NI SHES RAB KYI PHA ROL TU PHYIN PA LA GNAS PA YIN NO, ,BDAG LA GNAS PA YANG CI 'DRA BA ZHIG CE NA, GNAS PA MED PA ZHES GSUNGS TE, BDAG YOD PAR GNAS PA 'DI YOD PA MA YIN PAS GNAS PA MED PA'O, ,YANG NA 'DIR GNAS PAS NA GNAS SO, ,DE LTA BU MA YIN PA NI GNAS PA MED PA'O, ,DE NYID KYANG CI'I PHYIR ZHE NA, DE'I KUN NAS SLONG PA MED PA ZHES GSUNGS TE, 'DIS KUN TU 'BYUNG BAR 'GYUR SLONG BAR 'GYUR BAS NA KUN NAS SLONG BA STE KUN NAS SLONG BAR BYED PA LA BYA'O, ,DE GANG LA YOD PA MA YIN PA DE NI KUN NAS SLONG BA MED PA'O; ,DE BAS NA KUN NAS SLONG BAR BYED PA'I RGYU MED PA'I PHYIR, KUN NAS 'BYUNG BA MED PA YIN TE, SKYE BA MED DO, ,DE SKAD DU, RIN PO CHE ZA MA TOG LAS KYANG 'JIG TSOGS LA LTA BA KUN NAS SLONG BAR BYED PA NI BDAG YIN NA BDAG KUN NAS SLONG BAR BYED PA'ANG GANG YIN ZHE NA, BDAG NI GANG NAS KYANG MA BYUNG, BDAG KUN NAS 'BYUNG BAR BYED PA'I KUN NAS 'BYUNG BA MED PA YIN NO ZHES BYA BA LA SOGS PA GSUNGS SO, ,RGYU DANG RANG GI NGO BO DANG LAS RNAMS MI 'THAD PA'I DPE GNAS PA MED PA NYID BSTAN NAS DON LA SBYAR BA'I PHYIR, GNAS PA DE YANG DE BZHIN TE ZHES BYA BA LA SOGS PA GSUNGS SO, ,DE BZHIN TE ZHES BYA BA NI BDAG BZHIN DU STE, DE NI GANG LA GNAS NAS BDAG DE SKAD DU MI MCHI'O ZHES BYA BA YIN TE, 'DIR GNAS PAS GNAS SHING ZHES BRJOD PA'I KUN RDZOB TU DE LTAR BZHED DE BSHAD DO, ,DE NI BSDUS PA'I TSIG STE, DPE'I CHOS THAMS CAD BSDUS PA'I PHYIR RO, ,'DI'I RAB TU DBYE BA NI CHOS GANG YANG GNAS PA MED DO ZHES BYA BA LA SOGS PA YIN TE, GZUNG BA 'AM 'DZIN PA GANG YANG GNAS PA'AM, 'BYUNG BA'AM YOD PA MA YIN NO, ,'DIS NI RGYU MI 'THAD PAR BSTAN TO, ,DES NA ZHES BYA BA NI CHOS YOD PA MA YIN PA NYID KYIS NA GNAS DANG GZHI NI MNGON PAR 'DOD PA DE YIN NO, ,'DI NI 'DIR MTSAN NYID MI 'THAD @59A *, ,PA YIN TE, DNGOS PO 'DZIN PA'I PHYIR, GNAS ZHES BYA BA YIN NA, 'DIR NI DNGOS PO MED PA'I PHYIR, GNAS 'THAD PA MA YIN NO, ,RNAM PA DE LTA BU DE NI BSAM DU CI YANG MED PAS, BSAM DU MED PA'I GNAS YIN NO, ,'DIS NI LAS MI 'THAD PA BSTAN TO, ,MJUG BSDU BA'I PHYIR BSGRUB PAR BYA BA'I CHOS CAN NI SHES RAB KYI PHA ROL TU PHYIN PA'I GNAS ZHES GSUNGS TE, DE'I BDAG NYID NI GNAS YIN NO ZHES THA SNYAD LA BRTEN NAS DE SKAD BSTAN TO, ,DE DAG GIS NI SHES RAB KYI PHA ROL TU PHYIN PA DANG, BDAG MNYAM PA NYID DU MDOR BSTAN NAS, DE KHO NA NYID KYI DON LA SNA TSOGS KYI RNAM PA SPANG BA'I PHYIR BCOM LDAN 'DAS SHES RAB KYI PHA ROL TU PHYIN PA ZHES BGYI BA NI CHOS THAMS CAD KYI SKYE BA MA MCHIS PA ZHES BYA BA LA SOGS PA GSUNGS TE, CHOS THAMS CAD SKYE BA MA MCHIS SHING 'BYUNG BA MA MCHIS PA STE, SKYE BA MA MCHIS PA SHES RAB KYI PHA ROL TU PHYIN PA LAGS TE, DE KHO NA'I DON GYI NGO BO GCIG YIN PA'I PHYIR RO, ,RIGS DBYER MED PAR BSTAN PA'I PHYIR, SHES RAB KYI PHA ROL TU PHYIN PA ZHES BGYI BA 'DI NI 'DI LTA STE, BSAM GYIS MI KHYAB PA'I DBYINGS BSAM GYIS MI KHYAB PA'I RIGS DE'I TSIG BLA DGAS SO ZHES GSUNGS SO, ,GZHAN ZLOG PA THA DAD PAR ZAD KYI 'DIR NI THA DAD PA MED DO ZHES BSTAN PA'I PHYIR, BSAM GYIS MI KHYAB PA'I DBYINGS GANG LAGS PA DE ZHES BYA BA LA SOGS PA GSUNGS TE, GANG LAGS PA ZHES BYA BA NI THAMS CAD DU YANG NGES PAR GZUNG BA'I DON LAGS TE, GANG LAGS PA DE NYID NI SKYE BA MA MCHIS PA'I DBYINGS LAGS, DE NYID CHOS KYI DBYINGS TE, SANGS RGYAS KYI CHOS RNAMS KYI RGYU LAGS PA'I PHYIR RO, ,CHOS KYI DBYINGS GANG LAGS PA DE KUN TU 'BYUNG BA MA MCHIS PA'I DBYINGS SO ZHES BYA BA NI MI MTHUN PA YID LA BYED PA KUN TU 'BYUNG BA MA MCHIS PA'I RGYU YIN PA'I PHYIR RO, ,KUN TU 'BYUNG BA MA MCHIS PA'I DBYINGS GANG LAGS PA DE BSAM GYIS MI KHYAB PA'I DBYINGS SO ZHES BYA BA LA YANG BSAM GYIS MI KHYAB PA'I DBYINGS SMOS PA NI BDAG DANG SHES RAB KYI PHA ROL TU PHYIN PA DANG BSAM GYIS MI KHYAB PA RNAMS THA DAD PA MED PAR STON PA'I PHYIR RO, ,BDAG GI DBYINGS GANG LAGS @59B PA STE; SHES RAB KYI PHA ROL TU PHYIN PA'I DBYINGS TE, DE LTAR NA ZHES BYA BA 'AM, DE LTAR NA ZHES BYA BA NI GANG GI PHYIR DE LTAR NA ZHES BYA'O, ,DE'I PHYIR SHES RAB KYI PHA ROL TU PHYIN PA'I DBYINGS DANG, BDAG GI DBYINGS 'DI NI GNYIS SU MA MCHIS TE, GNYIS KYI DNGOS POS DBEN PA LAGS SO; ,DE BAS NA GNYIS SU DBYER MA MCHIS TE, RNAM PA GNYIS SU BGYIR MI NUS SO, ,SNGAR BSTAN MA THAG PA GANG GI SLAD DU 'DI GNYIS SU MA MCHIS TE GNYIS SU DBYER MA MCHIS PA LAGS PA DE'I SLAD DU 'DI NI BSAM GYIS MI KHYAB PA'I DBYINGS SO, ,'DI SKAD BSTAN TE, GAL TE 'DI GNYIS LAS GANG YANG RUNG BA 'GA' ZHIG SKYES TE YOD PAR GYUR TAM, GAL TE GNYIS KA YANG MA SKYES PA SHIN TU MA YIN PAR GYUR NA NI DE'I TSE CHOS YOD PA DAG LA SHES PAS YUL DU MA BYAS PA'I PHYIR, PHYOGS GCIG PA'I SHES PA YIN PAR 'GYUR BA 'AM, MA SHES PAR 'GYUR BA YIN NO, ,YUL DU BYED NA NI SEMS PA YOD PAS BSAM GYIS MI KHYAB PA NYAMS PAR 'GYUR RO, ,GANG GI SLAD DU ZHES BYA BA DANG, DE'I SLAD DU ZHES BYA BA 'DI NI GTAN TSIGS YIN TE, 'DI NI BSAM GYIS MI KHYAB PA'I DBYINGS SO ZHES THA SNYAD KYI BDEN PA'I DBANG DU BYAS NAS, DE SKAD BSHAD KYI 'DIR NI GTAN TSIGS SAM, BSGRUB PAR BYA BA CUNG ZAD KYANG YOD PA MA YIN PA'I PHYIR, GZHAN LA YANG DE BZHIN DU SBYAR BAR BYA'O, ,GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI YANG DAG PAR 'GRUB PA MA MCHIS SO, ,YANG DAG PAR 'GRUB PA MA MCHIS PA GANG LAGS PA DE NI MCHIS PA MA LAGS SO ZHES 'BYUNG BA LA YANG DAG PAR 'GRUB PA MA MCHIS PA NI BSOD NAMS DANG YE SHES KYI TSOGS MTSAN NYID KYI RGYU GANG NAS KYANG MA SKYES PA STE, DE NA YOD PA MA YIN NA, RGYU NYID DU BRTAGS PA DE LAS 'BRAS BU'I NGO BO GNYIS SU MED PA'I YE SHES SU BRJOD PA STE, JI LTAR DON DAM PAR YANG DAG PAR 'GRUB PAR 'GYUR, GANG NAS KYANG MA 'ONGS SHING SNGA NA YANG DE NA YOD PA MA YIN DU ZIN KYANG, GLO BUR DU BYUNG BAR RTOG NA 'O NA NI DRI ZA'I GRONG KHYER DANG, RMI LAM GYI DMIGS PA DANG, SMIG RGYU'I CHU LA SOGS PA YANG SKYES PA YIN @60A *, ,PAR CI STE MI BRTAG STE, RIGS PA MTHUN PA'I PHYIR RO, ,DE LTA NA NI 'GA' YANG PHYIN CI LOG TU MI 'GYUR BAS PHYIN CI LOG GI SHES PA MED PAR THAL BAR 'GYUR RO, ,'GA' ZHIG PHYIN CI LOG NYID YIN NA NI RIGS PA MTHUN PA'I PHYIR SKYES PA THAMS CAD KYANG DON DAM PAR NOR PA YIN PAR RTOGS SHING, RGYU'I RJES SU 'GRO BA DANG LDOG PA'I RJES SU BYED PA NI 'BRAS BU YIN LA, RJES SU 'GRO BA DANG LDOG PAR BYED PA GANG YIN PA'I RJES SU BYED PA GANG YIN PA DE NI RGYU YIN NO, ,DE SKAD DU MNGON SUM DANG, MI DMIGS PAS SGRUB PA NI RGYU DANG 'BRAS BU'I DNGOS PO YIN NO ZHES 'CHAD DO ZHE NA, THA SNYAD LA LTOS NAS DE SKAD DU 'CHAD PA NI BDEN TE, DE NYID LAS 'DI SKAD DU, TSAD MA'I MTSAN NYID 'DI NI THA SNYAD PA YIN LA, 'DI LA YANG GZHAN DAG LOG PAR RTOGS PA YIN GYI, DON DAM PA NI MA YIN NO ZHES 'CHAD DO, ,'DI LTAR RJES SU 'GRO BA DANG LDOG PA GNYIS NI SHES PAR MI NUS TE, 'DI LTAR RNAM PAR MI RTOG PAS NI MA YIN TE, DE NGES PAR BYED PA MA YIN PA'I PHYIR RO, ,RNAM PAR RTOG PAS KYANG MA YIN TE, DE LA YUL MED PA'I PHYIR RO, ,RANG GI NGO BO LA PHYI ROL GYI NGO BO YIN PAR ZHEN NAS, DE NA SKYES PA MED PA LA DER 'DZIN PA DE NI 'KHRUL PA KHO NA YIN PAR ZAD DO, ,MI RTOG PA NYAMS SU MYONG BA'I RJES LAS BYUNG BA'I RNAM PAR RTOG PA DANG, TSOL BA LA SOGS PAS KUN NAS BLANG BA'I RNAM PAR RTOG PA LA NI DON MED PA NYID YIN TE, BYE BRAG CI YANG MED DO, ,DON BYED PA 'THOB PAR MNGON PAR ZHEN PA YANG DE DAG NYID KYIS LAN BTAB PO, ,DE NI THA SNYAD YIN TE MI DGAG GO, ,GZHAN YANG DON BYED PA 'DI NI LOG PA'I SHES PA YIN PAR YANG MTHONG STE, 'DI LTAR NAM MKHA' LDING GI SNGAGS MKHAN LA SOGS PAS, NAM MKHA' LDING LA SOGS PA BSGOMS PAS, DUG LA SOGS PA BSAL BA YANG MTHONG STE, DE NA YANG NAM MKHA' LDING LA SOGS PA NI YOD PA MA YIN TE, DE'I NGO BO MI DMIGS PA'I PHYIR RO, ,GZHAN YANG MED PA SKYES NAS SKAD CIG TU MA LUS PAR 'GAGS SO ZHES SMRAS PA RNAMS KYIS NI MA SKYES PA YIN YANG SMIG RGYU LA SOGS PA BZHIN DU SNANG BA YIN NO ZHES BRJOD PAR RIGS TE, 'DI LTAR THAMS @60B CAD LAS THAMS CAD SKYE BAR THAL BA LA SOGS PA'I NYES PAR 'GYUR BA'I PHYIR RO, ,NUS PA YANG NGES PA YOD PA MA YIN TE, SKYON MTSUNGS PA'I PHYIR RO, ,GZHAN YANG DE DAG THAMS CAD NI BRJOD PA TZAM DU ZAD KYI, SKYE BA LA DGA' ZHING SKYE BA LA CHAGS PA NI SPANGS DKA' BA YIN TE, BSTAN BCOS RNAMS DANG 'JIG RTEN PA'I, ,DPE RNAMS PHA YIS BSGO NA YANG, ,GNAS PA MED LAM DON ZHEN PA, ,SKYABS SU 'ONGS BZHIN 'GA' SPONG MED, ,GNYIS SU MED PA'I YE SHES DON DAM PAR YOD PAR KHAS LEN PA NI SKYON MANG DU YOD DE, MU STEGS CAN BZHIN DU PHYOGS GCIG PA'I STONG PA NYID DU SMRA BAR 'GYUR BA DANG DE BZHIN GSHEGS PA MANG PO RNAMS KYI GNYIS SU MED PA'I YE SHES DE DAG MKHYEN NA NI GZUNG 'DZIN DANG LDAN PAR 'GYUR BA DANG, DON DAM PAR YOD PA MI MKHYEN NA NI MKHYEN PA MED PA NYID DU YANG 'GYUR RO, ,DON DAM PAR YOD PA MA YIN LA YUL DU MI BYED PA LA NI SKYON CI YANG YOD PA MA YIN TE, RMI LAM NA DMIGS PA'I RTA LA SOGS PA GNYID MA LOG PAS MA MTHONG ZHES TE, MI SHES PAR GYUR PA MA YIN NO, ,SHES PA'I YUL BSAM GYIS MI KHYAB PA YANG DE LTA BU YIN NA RUNG GI ,DE LTA BU MA YIN NA MI RUNG NGO, ,DE NYID KYI PHYIR MCHIS PA MA LAGS TE, YOD PAR GYUR PA MA YIN NO, ,RNAM PA DE LTA BU JI LTAR 'JIG PAR 'GYUR TE, 'JIG PAR MI 'GYUR RO, ,TSIG DE GSUM GYIS NI 'DI 'DUS MA BYAS NYID YIN PAR BSTAN TO, ,GANG 'JIG PAR MI 'GYUR BA DE NI BSAM GYIS MI KHYAB PA STE ZHES BYA BA NI BSAM GYIS MI KHYAB PA STE YIN PAR SGRUB PAR BYED PA'I 'THAD PA NI 'JIG PA MED PAS SGRUB PAR BYED PA YIN PAR BSTAN DU ZIN KYANG 'ON KYANG 'BYUNG BA MED PA DANG, YOD PA MA YIN PA DE DAG KYANG BLTA BAR BYA'O, ,'JIG PA MED PA NI DES RAB TU PHYE BA YIN PA'I PHYIR RO, ,DE DAG GIS 'DUS MA BYAS PA NYID YIN PA'I PHYIR, BSAM GYIS MI KHYAB PA NYID YIN NO ZHES BSTAN PA YIN NO, ,BSAM GYIS MI KHYAB PA DANG, BDAG GI DBYINGS 'DI GNYIS SHES RAB KYI PHA ROL TU PHYIN PA'I DBYINGS NYID YIN PAR BSTAN NAS, DE BZHIN GSHEGS PA'I DBYINGS NYID BSTAN PA'I PHYIR, DE LTAR NA DE BZHIN GSHEGS PA'I @61A *, ,DBYINGS DANG BDAG GI DBYINGS ZHES BYA BA LA SOGS PA GSUNGS PA YIN TE, GANG GI PHYIR DE LTAR DNGOS PO DBEN PA'I PHYIR, BSAM GYIS MI KHYAB PA YIN PA DE BAS NA DE BZHIN GSHEGS PA'I DBYINGS DANG BDAG GI DBYINGS 'DI GNYIS SU MA MCHIS TE, GNYIS SU DBYER MA MCHIS SHING, 'DI GNYI GA YANG RNAM PAR DBEN PA NYID YIN NO, ,DBYINGS NI RGYU STE, 'DI LTAR BDAG NI PHYOGS BCUR BTZAL NA DMIGS SU MED DO, ,DE BAS NA RIN PO CHE ZA MA TOG LAS KYANG RNAM PAR DBEN PA 'DI NYID SGO YIN NO ZHES GSUNGS TE, RNAM PAR DBEN PA DE NYID SEMS LA RGYUN MI 'CHAD PAR GZHAG NA DNGOS POR SGRO 'DOGS PA RNAMS CHUNG BA DANG SHIN TU CHUNG BAR 'GYUR ZHING YUN RING DU LON PA DANG, DNGOS POS SGRO 'DOGS PA SKABS MED PA'I PHYIR, DE BZHIN GSHEGS PA'I DBYINGS SO, ,RNAM PAR DBEN PA 'DI SEMS LA GZHAG PAR NUS SAM, 'ON TE MI NUS NA, CI'I PHYIR DE SKAD DU SMRAS SHE NA, SEMS NYID DE RNAM PA CAN LA DE SKAD DU BSTAN TE, DE'I BDAG NYID DU GYUR PA NI DE BZHIN GSHEGS PA YIN TE, DES NA BDAG DANG DE BZHIN GSHEGS PA GNYIS DBYINGS THA DAD PA MED DO, ,NGO BO NYID BSTAN ZIN TO, ,DA NI DE BZHIN GSHEGS PA'I YE SHES BSTAN PA'I CHED DU RE ZHIG SNGA PHYI MTSAMS SBYAR BA'I PHYIR, THA DAD PA MED PA NYID DU STON PA NI BCOM LDAN 'DAS KYIS GANG BDAG BSGOM PA NI SHES RAB KYI PHA ROL TU PHYIN PA BSGOM PA YIN NO ZHES BKA' STZAL PA ZHES GSUNGS TE, BDAG BSGOM PA NI SHES RAB KYI PHA ROL TU PHYIN PA BSGOM PA YIN NO ZHES 'DI DANG GZHAN DU GSUNGS PA NI SHES RAB KYI PHA ROL TU PHYIN PA RGYU'I BDAG NYID DE BSGOM PA'I SGRAS BDAG BSGOM PA YIN PAR BSTAN ZHES BYA BA'I THA TSIG GO, ,DE NYID KYANG CI'I SLAD DU ZHE NA, BCOM LDAN 'DAS SHES RAB KYI PHA ROL TU PHYIN PA ZHES BGYI BA 'DI NI 'DI LTAR BDAG RNAM PAR DBEN PA 'DI TSIG BLA DAGS LAGS PA'I SLAD DU'O, ,DE NYID KYANG CI'I SLAD DU ZHE NA, DE'I PHYIR BCOM LDAN 'DAS GANG GIS BDAG GI DBYINGS 'TSAL BA DES CHAGS PA MA MCHIS PA 'TSAL BA LAGS SO ZHES GSUNGS TE, JI SKAD DU BSTAN PA'I BDAG GI DBYINGS 'TSAL BA DE NI CHAGS PA MA @61B MCHIS PA 'CHAL BA LAGS TE, DMIGS PAR SGRO 'DOGS PA'I SGRIB PA LA CHAGS PA MED PA'I PHYIR, CHAGS PA MA MCHIS PA'I TSE MKHYEN PA CAN NYID NI DE BZHIN GSHEGS PA NYID YIN NO, ,DE NYID GSAL BAR BYED PA NI GANG GIS CHAGS PA MA MCHIS PA NYID 'TSAL BA DES CHOS GANG YANG 'TSAL BA MA MCHIS TE ZHES BYA BA YIN TE, SHES BYA LA CHAGS NA NI CHAGS MED NYAMS PA YIN NO, ,CHOS GANG YANG MED PA DE NYID KYANG CI'I SLAD DU ZHE NA, DE'I PHYIR 'DI LTAR BSAM GYIS MI KHYAB PA'I YE SHES NI ZHES GSUNGS TE, SGRO 'DOGS PA'I SGRIB PA SPANGS PA'I PHYIR LA SEMS PA NI SGRO 'DOGS PA'I BDAG NYID YIN PA'I PHYIR RO, ,DMIGS PA'I SGRIB PA SPANGS PA'I PHYIR, CHOS GANG LA YANG SHES PA MED PA NI SANGS RGYAS KYI YE SHES NYID LAGS TE, CHAGS PA MED PA DANG LDAN PA'I CHOS CAN BSTAN TO, ,CHAGS PA MED PA STON PA LA DE BZHIN GSHEGS PA'I YE SHES LA 'DZIN PA MA YIN NO ZHES ZER BA DE JI LTAR 'THAD, GANG GI PHYIR DON 'DI RIGS PAR 'GYUR, DE CI'I SLAD DU ZHE NA ZHES BYA BA'I DGONGS PA 'DI LTA STE, GAL TE BSAM PA CUNG ZAD KYANG MA MCHIS SHING MI MKHYEN NA, DE LTAR CHOS KYI 'KHOR LO BSKOR BAR 'GYUR TE, MA BSAMS PAR NI BSAM PA DANG, DBANG PO DANG 'DON PA DAG MA SHES PA'I PHYIR, CHOS KYI 'KHOR LO BSKOR BAR JI LTAR 'THAD PAR 'GYUR ZHE NA, LAN DU YE SHES DE NI DON DAM PAR MCHIS PA MA LAGS TE ZHES GSUNGS TE, GANG GI PHYIR YE SHES DE NI DON DAM PAR DE KHO NA NYID DU JI SKAD SMOS PA'I TSUL GYIS NA MCHIS PA MA LAGS SO, ,DE BAS NA DE LTA BU'I NGO BO YOD PA MA YIN PA'I PHYIR CHOS KYI 'KHOR LO BSKOR BAR YANG JI LTAR 'GYUR, JI LTAR ZHES BYA BA NI SPONG BA'O, ,CHOS KYI 'KHOR LO NI MTSON PA YIN GYI, SANGS RGYAS KYI MDZAD PA THAMS CAD KYANG MDZAD PA MED DO ZHES BYA BA'I THA TSIG GO, ,'ON KYANG SNGON YONGS SU SBYANGS PA'I BYE BRAG GI PHYIR DANG, SMON LAM GYI STOBS KYI PHYIR DANG, DE BZHIN GSHEGS PA CHOS KYI SKU'I DBANG GIS SKAL BA DANG LDAN PA RNAMS LA CHOS KYI 'KHOR LO SKOR BA LA SOGS PA SNANG BA'I RNAM PAR RIG PA SKYE'O, ,DE SKAD @62A *, ,DU DE BZHIN GSHEGS PA'I GSANG BA BSTAN PA LAS, JI LTAR 'KHRUL 'KHOR BYAS RGYUD LAS, ,RLUNG GIS BSKYOD DE SGRA DAG 'BYUNG, ,SEMS CAN BSAM PA'I DBANG GIS NI, ,DE BZHIN SANGS RGYAS CHOS KYANG STON, ,ZHES GSUNGS SO, ,'PHAGS PA BYAMS PA MGON POS KYANG, ,RTZOL BA MED CING CHAGS DANG BRAL, ,THOGS PA MED PAR RTAG TU BZHUGS, ,DRIS PA THAMS CAD SEL MKHYEN PA, ,SMON LAM MKHYEN PAR 'DOD PA YIN, ,RGYU NI YONGS SU SMIN GYUR NA, ,GANG GANG TSE NA GANG DAG LA, ,PHAN PAR BYA BA 'BYUNG BA NI, ,DE DANG DE LA DE 'PHEL 'GYUR, ,ZHES GSUNGS SO, ,GANG GI TSE YE SHES DE DON DAM PAR MA MCHIS PA DE'I TSE YE SHES DE NI CHAGS PA MA MCHIS PA'O ZHES BYA BA LA CHAGS PA NI BZHED PA'O, ,DE 'DI LA YOD PA MA YIN PAS CHAGS PA MA MCHIS PA'O, ,GANG GI TSE YE SHES DE CHAGS PA MA MCHIS PA DE'I TSE YE SHES DE NI DNGOS PO MA MCHIS PA'O ZHES GSUNGS PA LA, DNGOS PO NI BYUNG BA LA BYA'O, ,DNGOS PO MED PA NI DE LTA BU MA YIN TE, 'DUS MA BYAS PA YIN NO ZHES BYA BA'I THA TSIG STE, GANG 'BYUNG BA DE NI GDON MI ZA BAR RGYU DANG 'BRAS BU 'BREL ZHING CHAGS PA YIN LA, GANG CHAGS PA MED PA DE NI 'DUS MA BYAS PA YIN TE DE BAS NA DNGOS PO MA MCHIS PA'O ZHES GSUNGS SO, ,SEMS DANG SEMS LAS BYUNG BA'I RKYEN NI BZHI STE, DMIGS PA DANG BDAG PO DANG DE MA THAG PA DANG, RGYU ZHES BYA BA RNAMS SO, ,DE DAG NI DNGOS PO MED PA LA MI 'THAD DO ZHES BSTAN PA'I PHYIR, YE SHES DE NI YUL MA MCHIS PA'O ZHES GSUNGS TE, GZUGS LA SOGS PA'I DMIGS PA MED PA'I PHYIR RO, ,RNAM PAR SHES PA BSKYED PA LA DBANG BYED PA'I MIG LA SOGS PA'I DBANG PO LA MI GNAS PAS NA YE SHES NI MI GNAS PA'O, ,DE MA THAG PA'I RKYEN GYI DBANG DU BYAS NAS, YE SHES DE NI BRTEN PA MA MCHIS TE ZHES GSUNGS TE, BRTEN PA MTHONG BA'O, ,DE NI SKYE BZHIN PA MA 'ONGS PA RNAMS SKYE BA LA MNGON DU PHYOGS PA RNAMS LA, GO 'BYED PA SBYIN PAR BYED PA STE, GANG GIS GO PHYE BAS 'BRAS BU BRTEN PAR 'GYUR BA DE MED PA'I PHYIR, @62B BRTEN PA MA MCHIS PA'O, ,YE SHES DE NI MA BSKYED PA'O ZHES BYA BA NI SKAL BA MNYAM PA DANG KUN TU 'GRO BA DANG RNAM PAR SMIN PA'I RGYU DE DAG GIS NI SKYE BZHIN PA MA 'ONGS PA SKYE BA LA MNGON DU PHYOGS PA SKYED PAR BYED PA YIN LA, DE 'GOG PAR BYED PA NI MA BSKYED PA'O ZHES BYA BA YIN NO, , LHAN CIG 'BYUNG BA DANG MTSUNGS PAR LDAN PA'I RGYU'I DBANG DU BYAS NAS, MA THOB PA'O ZHES GSUNGS TE, 'GAG BZHIN PA DANG DA LTAR BYUNG BA 'GAG PA LA, MNGON DU PHYOGS PA DAG LA LHAN CIG 'BYUNG BA DANG MTSUNGS PAR LDAN PA'I RGYU DE GNYIS KYIS 'BRAS BU THOB PAR BYED PA YIN NA DE MED PA'I PHYIR MA THOB PA'O, ,BYED RGYU NI BDAG PO'I RKYEN YIN TE, DE YANG 'DIS BYAS KYI DNGOS PO THAMS CAD DO, ,'DUS BYED PA NI GNAS SKABS THAMS CAD DU BYED PAS RNAM PA MANG NGO, ,DE LA RTEN DU GYUR PA RNAMS NI YE SHES DE NI BRTEN PA MA MCHIS PA'O ZHES BYA BA DER BSTAN ZIN TO,, DE LAS GZHAN PA'I DBANG DU BYAS NAS SKYE BAR YANG MI 'GYUR BA'O ZHES GSUNGS TE, YANG GI SGRAS NI MA SKYES PA DANG MI SKYE BA YANG BLTA BAR BYA'O, ,DE YANG GTAN TSIGS GANG GIS MNGON ZHE NA, DE'I PHYIR GTAN TSIGS SU YE SHES DE NI YON TAN GYIS 'DUS BGYIS PA'AM ZHES BYA BA LA SOGS PA GSUNGS TE, 'DI LTAR YE SHES DE NI YON TAN GYIS 'DUS BGYIS PA MA LAGS TE, BSOD NAMS DANG YE SHES KYI TSOGS KYIS MA BSGRUBS PA'O, ,YON TAN MA LAGS PAS 'DUS BGYIS PA MA LAGS ZHES BYA BA NI YON TAN LAS GZHAN PA RNAMS KYIS SGRIB PAR MI BYED PA'I TSUL GYIS 'DUS BYAS MA YIN PA'O, ,YON TAN DANG YON TAN MA YIN PA GNYIS KYIS NI 'DUS BYAS THAMS CAD BSDUS PA YIN TE, 'DI GNYIS PHAN TSUN SPANGS TE, GNAS PA'I MTSAN NYID YIN PA'I PHYIR RO, ,GAL TE YON TAN DANG, YON TAN MA YIN PA GNYIS KYIS 'DUS MA BYAS PA YIN NA 'O NA JI LTAR DE BZHIN GSHEGS PA NYID KYI YE SHES THUN MONG MA YIN PA YIN LA, GANG ZAG GZHAN GYI MA YIN, 'DUS MA BYAS PA RGYU DANG MA 'BREL BA LA MI LTOS PA DAG CI'I PHYIR THUN MONG MA YIN PA YIN SNYAM PA DE'I PHYIR, CI'I SLAD DU ZHE NA ZHES GSUNGS SO, ,'DIR LAN NI 'DI LTAR YE SHES @63A *, ,DE NI BSAM GYIS MI KHYAB PA STE ZHES BYA BA YIN TE, 'DI BSAM PA DANG BRAL BAS BSAM GYIS MI KHYAB PA'O, ,BSAM PA SGRO BTAGS PA DANG BRAL BA BSTAN PA'I PHYIR, DES NA YON TAN NAM YON TAN MA LAGS PAS KYANG JI SKAD DU BSTAN PAR BGYI'O ZHES GSUNGS TE, GTAN TSIGS DES SAM, YE SHES DES YON TAN NAM, YON TAN MA LAGS PAS 'DUS BYAS NYID DU JI LTAR BSTAN PAR BGYI, GANG GI SLAD DU YE SHES DE BSAM GYIS MI KHYAB PA ZHES BYA BA NI GZUNG BA MED PA YIN NA, GZHAN CI ZHIG BSAM DU YOD CES BYA BA MA YIN NO; ,DE CI'I SLAD DU YE SHES DE BSAM DU MA MCHIS PA STE ZHES BYA BA NI BSAM PA GTONG STE, 'DZIN PA MED PA YIN NO, ,'DIS NI 'DI SKAD DU YE SHES DE NI BSAM PAR BYA BA DANG, SEMS PAR BYED PA LAS DBEN ZHING DE GNYIS SU SGRO 'DOGS PA MED PA YIN GYI, GZHAN DAG NI MA YIN NO ZHES BSTAN TO, ,MJUG BSDU BA'I PHYIR, GANG DE LTAR SHES PA DE NI ZHES BYA BA LA SOGS PA GSUNGS TE, GZUNG BA DANG 'DZIN PA LAS DBEN PA'I BDAG NYID KYI SHES PA GANG YIN PA DE NI SNGAR BSTAN PA'I MI DMIGS PA'I TSUL DU SANGS RGYAS KYI YE SHES LAGS PAR 'TSAL LO, ,DE LTAR BSAM GYIS MI KHYAB PA YIN PA'I PHYIR, RGYU DANG 'BREL PA BSAL NAS 'BRAS BU NYID KYANG BSAL BA'I PHYIR, YE SHES DE NI CHOS GANG YANG MNGON PAR RDZOGS PAR SANGS RGYAS PA 'AM, MKHYEN PA MA MCHIS SO ZHES GSUNGS TE, SHIN TU RNAM PAR DAG PA YIN PAS, RNAM PA THAMS CAD KHONG DU CHUD PA'I MNGON PAR RDZOGS PAR SANGS RGYAS PA 'AM, DE LAS GZHAN PA'I MKHYEN PA MA MCHIS TE, YUL GYI STOBS LAS BYUNG ZHING, YUL LA SHES PA GANG YIN PA DE LTA BU MA YIN PA DE JI LTAR SHES PAR BYED, 'DIS NI SKYES BU BYED PA'I 'BRAS BU BSAL BA BZHIN NO, ,YE SHES DE NI SNGON GYI MTHA' 'AM, PHYI MA'I MTHA' NAS MCHIS PA MA LAGS SO ZHES BYA BAS NI BDAG PO'I 'BRAS BU BSAL BA YIN TE, DE NI DUS NGES PA MED PA'I PHYIR RO, ,YE SHES DE NI SNGON MA SKYES PA YANG MA LAGS ZHES BYA BA NI YE SHES GANG GI RGYU SNGON SKYES PA MA YIN PA DE LA DE SKAD CES BYA STE, SNGON GYI SGRAS RGYU'I @63B DON LA BYA STE, DPER NA SNGON BZHIN DANG, PHYI MA BZHIN DANG, YANG DAG PA'I SHES PA SNGON DU SONG BA LA SOGS PA BZHIN NO, ,'DIS NI RNAM PAR SMIN PA'I 'BRAS BU BSAL BA YIN TE, 'DAS BA LAS DE RNAM PAR GZHAG PA'I PHYIR RO, ,YE SHES DE NI SNGON MA SKYES PA YANG MA LAGS TE ZHES BYA BA NI SNGA MA'I ZLA DGAG PA BSTAN PA STE, THAMS CAD RGYU MED PA CAN NYID STON PA GTZO BO YIN NO, ,'DI GNYIS KYIS DNGOS PO THAMS CAD BSDUS TE, PHAN TSUN SPANGS TE GNAS PA YIN PA'I PHYIR, PHUNG PO GSUM PA BZHIN MED DO, ,'BRAS BU GSUM NYID MI 'THAD PA'I GTAN TSIGS NI MA SKYES PA'I SLAD DU'O ZHES BYA BA YIN TE, YE SHES SKYE BA DANG LDAN PA NI 'BRAS BU NYID YIN GYI GZHAN DU MA YIN NO, ,DE LAS GZHAN PA 'DUS BYAS KYI CHOS 'GAG PA SEL BAR BYED PA NI GANG MA SKYES PA DE NI NUB PAR YANG MI 'GYUR, CHAD PAR YANG MI 'GYUR RO ZHES BYA BA YIN TE, DNGOS PO RNAMS 'JIG PA NI LHAG MA DANG BCAS PA DANG, LHAG MA MED PA DANG GNYIS SU BYIS PA RNAMS KYIS BRTAGS SO, ,DE LA LHAG MA DANG BCAS PA'I DBANG DU BYAS NAS NUB PAR MI 'GYUR ZHES GSUNGS TE, GNAS SKABS SU NUB PA MED PA'I PHYIR RO, ,CHAD PAR YANG MI 'GYUR ZHES BYA BA NI YONG YE LHAG MA MED PAR MI 'GYUR BA'O, ,RGYU DANG MTHUN PA'I 'BRAS BU 'GOG PAR BYED PA NI YE SHES DE DANG 'DRA BA'I YE SHES GANG YANG MA MCHIS TE ZHES BYA BA LA SOGS PA YIN TE, YE SHES DE LAS GZHAN PA'I YE SHES 'DRA ZHING MTHUN PA GANG YANG MA MCHIS NA, RGYU DANG MTHUN PA'I 'BRAS BU YIN PAR GANG ZHIG 'GYUR TE; RGYU DANG 'DRA BA YIN NA NI RGYU MTHUN PA'I 'BRAS BU YIN PAR BZHED DO, ,DE DANG 'DRA BA'I DNGOS PO MA MCHIS PA DE'I SLAD DU CHOS THAMS CAD YE SHES 'DI YANG MA SKYES PA'I PHYIR, YE SHES DE NI BSAM GYIS MI KHYAB PA YIN PAR BZHED CING 'DRA BA MA MCHIS TE, 'DI LA 'DRA ZHING MTHUN PA YOD PA MA YIN PAS RGYU DANG MTHUN PA'I 'BRAS BU MA YIN NO, ,'ON KYANG RGYU MTHUN PA'I 'BRAS BU BSAL BA'I SNGA ROL DU CI'I PHYIR 'GAG PA SEL BAR BYED CE NA, DGE BA DANG MI DGE BA DANG LUNG DU MA BSTAN PA'I CHOS GSUM CHAR GYIS KYANG RGYU MTHUN PA'I BAG CHAGS 'JOG PAR BYED PA YIN LA DE'I @64A *, ,'BRAS BUS KYANG DE 'JOG PAR BYED PAS, MI MTHUN PA NYE BAR GYUR PA LAS GZHAN DU 'BRAS BU GCIG NAS GCIG TU RGYUN CHAD PAR MI 'GYUR RO, ,RNAM PAR SMIN PA'I 'BRAS BU NI LUNG DU MA BSTAN PA MA YIN ZHING LUNG DU BSTAN PA LAS BYUNG BA YIN PAS, RNAM PAR SMIN PA'I BAG CHAGS 'JOG PAR BYED PAS RGYUN CHAD PA YIN TE, DES NA DE NYID DU DGAG PA SRID PAS NA 'GAG PA SEL BAR BYED PA YIN NO, ,BRAL BA'I 'BRAS BU SEL BAR BYED PA NI YE SHES DE NI THOG MA DANG, DBUS MA DANG, THA MA MI DMIGS PA STE ZHES BYA BA LA SOGS PA YIN TE, THOG MA NI MA DAG PA'I GNAS SKABS SO, ,DBUS NI MA DAG PA DANG DAG PA'I GNAS SKABS SO, ,THA MA NI DAG PA'I GNAS SKABS TE, DE DAG MA SKYES PAS NI MI DMIGS PA THOG MA DANG DBUS DANG THA MA MI DMIGS PA DE'I SLAD DU YE SHES DE NI NAM MKHA' DANG 'DRA BA'O, ,'DIR YANG MI DMIGS PA'I SBYOR BA BSTAN PA'I PHYIR, YE SHES DE LA MNYAM PA 'AM MI MNYAM PA MI DMIGS TE ZHES BYA BA LA SOGS PA GSUNGS TE, YE SHES 'DI NAM MKHA' DANG MNYAM PAS MNYAM PA'O, ,DE LAS GZHAN PA DANG MI MTSUNGS PA'I PHYIR MI MNYAM PA'O, ,'DI LA MNYAM PA 'AM MI MNYAM PA DE DAG KYANG MI DMIGS SO, ,YANG NA YE SHES DE MNYAM PA NI MNYAM PA NYID DAM MI MNYAM PA STE, MI MNYAM PA NYID MI DMIGS TE MI RIG GO, ,GNYI GA MI DMIGS PA DE'I SLAD DU YE SHES DE NI MI MNYAM PA NAM MKHA' DANG MNYAM PA'I PHYIR MI MNYAM PA DANG MNYAM PA STE, BYANG CHUB SEMS DPA'I SDE SNOD LAS, BCOM LDAN 'DAS KYIS MI MNYAM PA DANG MNYAM PA'I TSIG DE SKAD DU BSHAD PA'I PHYIR RO, ,DE LTAR BSAM GYIS MI KHYAB CING CHAGS PA MED PA'I YE SHES BSTAN NAS, DE'I RJES LAS THOB PA DAG PA 'JIG RTEN PA'I YE SHES KHA CIG GIS BRTAGS PA DE BSAL BA'I PHYIR, YE SHES DE LA NI DE DANG 'DRA BA'I YE SHES GZHAN MI DMIGS TE ZHES BYA BA LA SOGS PA GSUNGS TE, 'DI'I RNAM PA DE DANG 'DRA BA YIN TE, DE DANG TSUL 'DRA BA NI DE DANG 'DRA BA STE, DE'I RJES SU BYED PA'O, ,'DI LA DE YOD PA MA YIN PAS DE DANG 'DRA BA'I YE SHES GZHAN MI DMIGS TE, DON DAM PAR CHOS THAMS CAD MA SKYES PA'I PHYIR RO @64B ZHES DGONGS PA'O, ,KUN RDZOB TU YANG DE BZHIN GSHEGS PA'I GSANG BA BSAM GYIS MI KHYAB PA BSTAN PA LA SOGS PA LAS, 'DI BKAG PA'I PHYIR, 'DIS NI RTAG TU MNYAM PAR GZHAG PA YIN PAR BSTAN TO, ,YANG NA DE DANG 'DRA BA'I YE SHES GZHAN ZHES BYA BA NI, 'DI RANG GI NGO BO DANG MI MTHUN PA'I NGO BO LA BYA STE MI MTHUN PAR GLENG BA'I PHYIR RO, ,DE SKAD DU MI 'JIGS PA BZHI'I SKABS SU GSUNGS SO, ,DE MED PA'I PHYIR, DE DANG 'DRA BA'I YE SHES GZHAN MI DMIGS SO, ,DE NYID GSAL BAR BYA BA'I PHYIR, 'JAM DPAL YE SHES 'DI MI BSGYUR BA MA YIN NAM ZHES DRIS SO,, ,,BAM PO DRUG PA, MI BSGYUR BA 'DI JI LTA BU YIN ZHE NA, PHYIR RGOL BAR BYED PAS 'KHRUGS PA'AM, G-YOS PA NI BSGYUR BA YIN NO, ,DE LTA BU MA YIN PAS MI BSGYUR BA YIN NO, ,JI LTA ZHE NA YANG DAG PAR RDZOGS PA'I SANGS RGYAS SU GYUR TE, ZAG PA ZAD PA NA 'DI DAG NI BAR DU GCOD PA'I CHOS RNAMS SO, ,'DI DAG NI NGES PAR 'BYIN PA'I LAM YIN NO ZHES ZHAL GYIS BZHES PA NA, NGA LA PHYIR RGOL BA'I MTSAN MA YANG DAG PAR RJES SU MA MTHONG BAS, MI BDE BA DANG BAG TSA BA MED PA DANG, MI 'JIGS PA THOB STE BZHUGS, KHYU MCHOG GI GNAS YIN PAR ZHAL GYIS BZHES, 'KHOR GYI NANG DU SENG GE'I SGRA SGROGS, TSANGS PA'I 'KHOR LO BSKOR RO ZHES BYA BA LA SOGS PA NI MI BSGYUR BA'I LAS YIN NO, ,MI BSGYUR BA 'DI YANG CI'I PHYIR ZHE NA, DE'I PHYIR BCOM LDAN 'DAS YE SHES DE NI MA BGYIS PA DE ZHES GSUNGS SO, ,MA BGYIS PA NYID LAGS PA DE'I SLAD DU MNGON PAR BZHED PA'I YE SHES 'DI MI BSGYUR BA LAGS SO, ,GZHAN DAG MI BSGYUR BAR BYED PA DANG BRAL BA'I PHYIR, MI BSGYUR BA YIN PAR RNAM PAR GZHAG GO, ,YE SHES 'DI LA NI BSGYUR BA DANG, MI BSGYUR BA'I THA SNYAD 'JUG PA YANG MED PAS SHIN TU YANG BSGYUR BA MED DO ZHES DPES BSTAN PA'I PHYIR, BCOM LDAN 'DAS 'DI LTA STE, DPER NA, K'ARshA PA NA RTAGS MA BTAB PA NI ZHES BYA BA LA SOGS PA GSUNGS SO, ,RTAGS BTAB PA NI ZONG DU BYA BA'I RTAGS BTAB PA STE, DPER NA 'DRA MA MA LA SOGS PA LTA BU'O, ,'DI DE LTA BU MA YIN PAS @65A *, ,RTAGS MA BTAB PA'O, ,'DI BSGYUR BA YANG MA LAGS PA NI RTAGS MA BTAB PA'I PHYIR RO, ,BSGYUR BA LAS GZHAN PA DBYIG LA SOGS PA MI BSGYUR BA'I NGO BO YANG MA LAGS TE, DE'I NGO BO MA YIN PA'I PHYIR RO, ,DE BAS NA DE GNYI GA MA LAGS PA'I GRANGS SU MCHI'O, ,BCOM LDAN 'DAS DE BZHIN DU ZHES BYA BA LA SOGS PA NI DON LA SBYOR BAR BYED PA YIN TE, GANG MA BYAS PA DE NI BSGYUR BA DANG, MI BSGYUR BA'I GNAS MA YIN NO ZHES BYA BA YIN NO, ,CHAGS PA MED PA'I YE SHES BSHAD ZIN TO, ,DA NI SNOD DU GYUR PA'I GANG ZAG RNAMS BSTAN PAR BYA'O, ,DE BZHIN GSHEGS PA'I YE SHES BSTAN PA, 'DI LTAR ZAB MO BSTAN PA LA NI DE KHO NA MA YIN GYI, GZHAN DU NI MA YIN NO ZHES NGES PAR 'DZIN CING LHAG PAR SMOS PA'I GANG ZAG DE DAG SU ZHE NA 'PHAGS PA 'JAM DPAL GYIS KYANG DE BZHIN GSHEGS PA'I RIGS CAN DAG LAS GZHAN PA DAG MA YIN PAR BSTAN PA'I PHYIR, BCOM LDAN 'DAS GANG DAG 'KHOR BA'I CHOS CAN YANG MA LAGS ZHES BYA BA LA SOGS PA GSUNGS TE, 'KHOR BA'I CHOS CAN DE DAG NI RIGS MED CING DE LAS YID BYUNG BA MED PA'I PHYIR, 'KHOR BA'I RANG BZHIN PA YIN NO, ,YONGS SU MYA NGAN LAS 'DA' BA'I CHOS CAN NI NYAN THOS DANG, RANG SANGS RGYAS KYI RIGS CAN TE, 'KHOR BAS SKRAG PA'I PHYIR RO, ,DE GNYI GA MA YIN PA NI BYANG CHUB SEMS DPA'I RIGS CAN TE, DE YANG RIGS LA GNAS PA KHO NA YIN TE, DE'I PHYIR DE DAG 'DIR MOS PAR 'GYUR RO ZHES GSUNGS SO, ,GANG DAG 'JIG TSOGS LAS KYANG MA BSKYOD PA ZHES BYA BA'I DON 'DI YIN TE, 'JIG TSOGS LA LTA BA NI SKYON YIN TE, DE LAS BSKYOD NAS STONG PA NYID LA GNAS PA'I PHYIR, LTA BAS BYAS PA RNAMS ZAD PA DANG GTUGS PAR 'GYUR RO ZHES BYA BA'I BSAM PAS GANG DAG 'JIG TSOGS LAS 'DA' BAR BYED DO, ,GANG DAG DE LTA BU MA YIN PA DE DAG CHOS THAMS CAD SKYE BA MED PAR MOS PA NYID KYI PHYIR 'JIG TSOGS LAS MA BSKYOD PA YIN NO, ,GANG DAG 'DOD CHAGS DANG ZHE SDANG DANG GTI MUG KYANG MA BAS PA ZHES BYA BA NI SKYE BA MED PA LA @65B LHAG PAR MOS PA KHO NA YIN PAR DGONGS PA STE, DE DAG MOS PAR 'GYUR RO ZHES SBYAR RO, ,'DIS NI BYANG CHUB SEMS DPA'I RIGS CAN DAG KHO NA LHAG PAR MOS PA DANG LDAN PAR BSTAN TO, ,DE CI'I SLAD DU ZHE NA ZHES BYA BA NI DE DAG LA LEGS PAR KHONG DU CHUD PA CI ZHIG YOD NA, GANG GIS DE DAG KHO NA LHAG PAR MOS PA YIN GYI, GZHAN MA YIN NO ZHES BYA ZHE NA, DE'I PHYIR MI BAS PA NI BAS PAR MI 'GYUR TE ZHES BYA BA LA SOGS PA GSUNGS SO, ,BAS PA ZHES BYA BA NI ZHIG PA'O, ,DE MED PA NI MI BAS PA STE, 'DUS MA BYAS PA LA BYA'O, ,BAS PA YANG LHAG MA DANG BCAS PA STE, DPER NA GRANGS CAN RNAMS KYI LTA BU'O, ,YONGS SU BAS PA NI THAMS CAD DU LHAG MA MED PAR ZAD PA STE, DPER NA MDO SDE PA'I LTA BU STE, DE BAS NA DE DAG NI LOG PAR MOS PA YIN GYI, 'DI LA LHAG PAR MOS PA MED DO, ,GANG DAG DE LTA BU'I LTA BA CAN MA YIN PA DE DAG MOS PAR 'GYUR RO; ,GANG DAG 'KHOR BA LAS KYANG MA 'DAS LA ZHES BYA BA NI 'KHOR BA RNAMS MA SKYES PAR LHAG PAR MOS PA KHO NA'I PHYIR RO, ,'KHOR BA'I GRANGS SU YANG MI MCHI'O ZHES BYA BA NI GZUNG BA DANG 'DZIN PAR MNGON PAR ZHEN PA'I RMONGS PA SPANGS PAS NYON MONGS PA CAN MA YIN PA'I PHYIR RO, ,DE SKAD DU, NYON MONGS SKYE BA NYON MONGS MIN, ,SKYON MED YON TAN DPAG MED LDAN, ,ZHES BSTAN TO, ,'DIS NI MTHONG BA'I LAM LA GNAS PA BSTAN TO, ,GANG DAG LAM DANG BRAL BA YANG MA LAGS SHING ZHES BYA BA NI ZHI GNAS DANG LHAG MTHONG RTAG TU BAR CHAD MED PA 'BYUNG BA'I PHYIR RO, , LAM GYI 'DU SHES KYANG MI SKYE BA ZHES BYA BA NI SKYE BA MED PA RTOGS PA SHIN TU CHER GYUR PA'I PHYIR RO, ,'DIS NI BSGOM PA'I LAM LA GNAS PA BSTAN TO, ,'JAM DPAL LEGS SO LEGS SO ZHES BYA BA LA SOGS PA NI RJES SU GNANG BA MDZAD PA'O, ,BCOM LDAN 'DAS MA MCHIS PA'I DUS BCOM LDAN 'DAS MYA NGAN LAS 'DAS PA'I TSE NA, GANG LA LA DAG BYANG CHUB KYI PHYOGS KYI DMIGS PA SO SO'I SKYE BO LA SOGS PA DANG 'BREL PA DGE BA DANG MI DGE BA LA SOGS PA'I CHOS DE DAG RIGS PA RNAM PA BZHIS GDUL BAR BYA BA'I PHYIR RGYUD LA TSUL RNAM PA DRUG PO 'DIS PHYIN PAR BYED PAS 'DUL @66A *, ,BA YIN LA DE NYID MTHA' GNYIS SU LHUNG BA RNAMS KYIS RTOGS PAR DKA' BA'I PHYIR ZAB MO YIN TE, BSTAN MA THAG PA 'DI DANG THUGS SU CHUD PA'I NGO BO BYANG CHUB KYI PHYOGS KYI BDAG NYID SHES RAB KYI PHA ROL TU PHYIN PA ZAB MO 'DI LA NYAN PA STE, NYAN 'DOD PA DANG MOS PA STE THOS NAS SEMS DANG BAR GYUR PA NYID KYIS 'DI DE LTA BU YIN GYI GZHAN DU MA YIN NO ZHES NGES PAR 'DZIN PAR BYED PA DANG, KUN 'TSAL BA STE, THOS SHING MOS NAS RIGS PAS SEMS SHING GTAN LA 'BEBS PAR BYED PA DANG, RAB TU 'DZIN PAR 'GYUR BA STE JI LTA BA BZHIN DU SHES PAR BYAS NAS BSGOMS PAS KHONG DU CHUD PAR BYED PA MCHIS SAM, LAN NI 'OD SRUNGS 'KHOR 'DI NYID NA'ANG ZHES BYA BA LA SOGS PA YIN TE, 'JAM DPAL GYIS KYANG BYIN GYIS BRLABS PA'I PHYIR 'DI NYID NA'ANG ZHES BYA BAS NI NGES PAR 'DZIN PA SMRAS PA STE, SANGS RGYAS DANG BYANG CHUB SEMS DPAS RJES SU GZUNG BA DANG BRAL BA'I SPYOD YUL MA YIN NO ZHES BYA BA'I THA TSIG GO, ,'DIS NI BYANG CHUB SEMS DPA'I RIGS CAN DAG KHO NA ZHUGS PA YIN PAR BSTAN TE, NYAN PA LA SOGS PA'I DON RNAM PA BZHI LA ZHUGS PA DE DAG NYID DPE RNAM PA BZHIS GO RIMS BZHIN DU GSAL BAR BYED DO, ,DE LA RE ZHIG NYAN PA'I CHED DU 'DI LTA STE DPER NA, KHYIM BDAG GAM KHYIM BDAG GI BU ZHIG GIS 'DI LTA STE ZHES GSUNGS TE, SNGA MA NI BYANG CHUB SEMS DPA'I SDOM PA GZUNG BA'O, ,PHYI MA NI DE LAS GZHAN PA STE, BYANG CHUB SEMS DPA'I SDOM PA MA BZUNG BA'O, ,'O NA JI LTAR ZHUGS PA YIN PAR RNAM PAR GZHAG CE NA, DGE BA'I BSHES GNYEN LA BRTEN PAS BYANG CHUB KYI SEMS BSKYED PA'I PHYIR RO, ,NOR BU RIN PO CHE BRGYA STONG RI BA ZHES BYA BA NI CHAGS PA'I GNAS NYID YIN PAR BSTAN TE, KHYIM BDAG DAG NI DE NYID LA GCES PAR SEMS SO, ,NOR BU RIN PO CHE STOR TE, MI SNANG BAR GYUR NA SDUG BSNGAL TE, LUS KYI MI BDE BA 'BYUNG BAR 'GYUR TE, SEMS MYA NGAN GYIS NON PA 'DIS LUS KYANG GDUNGS PAR BYED PA'I PHYIR RO, ,MYA NGAN LAS YID GANG GIS GZHAN MI SEMS MI 'DZIN PA GANG YIN PA DE YID MI BDE BA YIN NO, ,DE NYID RNYED NA BDE BA DANG YID BDE BA SKYE ZHING ZHES BYA BA NI LUS @66B KYI DANG YID KYI BDE BA THA DAD PA'I PHYIR RO, ,BDE BA DE GNYIS KYI RGYU NI KUN NAS DKRIS PA'I YID LA BYED PA MED PAR 'GYUR RO ZHES BYA BA YIN NO, ,DON LA SBYAR BA NI 'OD SRUNGS DE BZHIN DU DGE SLONG DANG ZHES BYA BA LA SOGS PA YIN NO, ,DNGOS PO MED PA'I BAR DU MA THOS NA 'DI SNYAM DU ZHES BYA BA NI BDAG NYID SMOD PA'O, ,BDAG CAG CES BYA BA'I SGRA NI SMAD PA'I PHYIR RO, ,SMOD PA'I TSUL BSTAN PA'I PHYIR, SHES RAB KYI PHA ROL TU PHYIN PA ZAB MO MA SKYES PA DANG ZHES BYA BA NAS, 'DI LTA BU 'DI MA THOS SO SNYAM DU SEMS SO ZHES BYA BA YIN NO, ,DE DAG GIS DUS GZHAN NA THOS PAR GYUR PA NA ZHES BYA BA LA SOGS PA NI GSAL LO, ,TSIG 'DI SKAD DU 'DI LTAR BDAG CAG GIS ZHES BYA BA LA 'DI LTAR ZHES BYA BA NI GTAN TSIGS SO, ,MOS PA'I DBANG DU BYAS NAS 'OD SRUNGS 'DI LTA STE, DPER NA SUM CU RTZA GSUM PA'I LHA RNAMS NI ZHES BYA BA LA SOGS PA GSUNGS SO, , SHING YONGS 'DU DANG, SA BRTOL NI RNAM GRANGS YIN LA, DE NI ME TOG GI SHING YIN TE, ME TOG KHA 'BUS SHING ME TOG BYUNG DU NYE BA MTHONG NAS, RING PO MI THOGS PAR MYUR DU 'DI NA ME TOG THAMS CAD RGYAS PAR 'GYUR RO SNYAM DU NGES PAR BZUNG NAS YID DGA' BA STE, DE DGA' BA SKYES SO,, DE DAG GANG LA YOD PA DE RAB TU DGA' BAR 'GYUR RO, ,KYE MA ZHES BYA BA NI DGA' BA'I SGRA'O, ,'OD SRUNGS DE BZHIN DU DGE SLONG DANG ZHES BYA BA LA SOGS PA NI DON LA SBYOR BAR BYED PA YIN NO, ,YID DGA' BA DANG ZHES BYA BA DE NI SNYING DGA' BA'O, ,RAB TU DGA' BAR 'GYUR RO ZHES BYA BA DE NI DGA' BA DANG SHIN TU LDAN PA'I PHYIR RO, ,DE NYID 'DIR MOS PA YIN TE, MOS PA'I RGYU LAS BYUNG BA'O, ,DE BAS NA 'DI THOS NA ZHES GSUNGS TE, ME TOG KHA 'BUS PA DANG 'DRA BA YIN NO, ,DE DAG KYANG NGA'I 'KHOR 'DI NYID NA GNAS PAR 'OD SRUNGS KHYOD KYIS NGES PAR SHES PAR GYIS SHIG CES BYA BA LA YONGS 'DUS BRTOL LA LHA'I BU RNAMS JI LTA BA BZHIN DU KHYOD KYIS DE DAG THOS NAS DAD PA DANG, MCHOG TU DGA' BA MA 'ONGS PA NA BYED PA DE DAG KYANG DA LTAR NGA'I 'KHOR 'DI NYID NA GNAS PAR NGES PAR GTAN LA BAB PAR KHYOD KYIS SHES PAR GYIS SHIG THE TSOM MA BYED CIG CES BYA @67A *, ,BA'I THA TSIG GO, ,NGES PAR SHES PAR BYED PA RNAM PA GNYIS GANG DAG YIN PA DE STON PAR BYED PA NI GANG DAG MA 'ONGS PA'I DUS NA SHES RAB KYI PHA ROL TU PHYIN PA ZAB MO MA SKYES PA DANG ZHES BYA BA LA SOGS PA YIN TE, DE DAG NGA'I 'KHOR 'DUS PA 'DI'I NANG NA NGAS RJES SU GZUNG ZHING GNAS PAR SHES PAR GYIS SHIG, SHES PAR BYA BA MOS PA'I 'BRAS BU CIG SHOS STON PA NI GANG DAG MA 'ONGS PA'I DUS NA, YID DGA' BA DANG RAB TU DGA' BAR 'GYUR BA ZHES BYA BA LA SOGS PA GSUNGS TE, DUS SHIN TU RING POS SANGS RGYAS KYI ME TOG THAMS CAD RGYAS BAR 'GYUR BAR DOGS PA MI BYA'I, SHING YONGS 'DU'I ME TOG KHA 'BUS PA BZHIN RING PO MI THOGS SO ZHES BYA BA'I THA TSIG GO, ,MOS PA RNAMS KYI 'BRAS BU ME TOG RGYAS PA LTA BU NI GANG ZHE NA, 'DI LTA STE, ME TOG THAMS CAD RGYAS PAR 'GYUR BA NI STOBS DANG, MI 'JIGS PA LA SOGS PA SANGS RGYAS KYI CHOS MTHA' DAG RGYAS PAR 'GYUR RO ZHES GSUNGS PA YIN NO, ,DON LA SBYAR BA RDZOGS NAS, SPYI'I DON MJUG SDUD PAR BYED PA NI 'OD SRUNGS 'DI LTAR SHES RAB KYI PHA ROL TU PHYIN PA ZAB MO MA SKYES PA DANG, MA BYUNG BA NAS ZHES BYA BA LA SOGS PA YIN NO, ,'DI MA 'ONGS PA'I DUS NA ZHES BYA BA NI DUS PHYIS MYA NGAN LAS 'DAS PA LA THUG PA'I BAR DU'O, ,DE BZHIN GSHEGS PA MYA NGAN LAS 'DAS PA'I PHYIR ZHUGS PA'I GANG ZAG GI RGYUD LA GNAS PAR GYUR PA DANG, SNGON MED PA THOG MA NYID DU SPYOD PAR 'GYUR ZHING GNAS PA GANG YIN PA DE YANG 'OD SRUNGS SANGS RGYAS KYI BYIN GYI RLABS YIN TE, SANGS RGYAS KYIS BYIN GYIS MA BRLABS PAR GYUR NA GNAS PA MED PA'I PHYIR RO, ,SANGS RGYAS KYI MTHU YIN PAR SHES PAR BYA'O ZHES BYA BA NI DBANG GI MTHUS SPYOD PA YIN GYI DE LTAR MA YIN TE, GAL TE SDUD PA DANG, 'JOG PAR BYED PA'I DE BZHIN GSHEGS PA'I YE SHES KYI RLUNG GI DKYIL 'KHOR GYI RGYUN MI 'BAB NA NI DON 'DI LA SPYOD NUS PA SU YANG MED DO, ,'OD SRUNGS DE BAS NA GANG DAG SHES RAB KYI PHA ROL TU PHYIN PA ZHES BYA BA LA SOGS PAS NI DPE GSUM PA STON PAR BRTZON PA YIN NO, ,'OD SRUNGS DE NI DE DAG GI THOS BA'I DANG PO MA YIN NO @67B ZHES BYA BA NI SNGON YANG THOS PA YIN NO ZHES BYA BA'I THA TSIG GO, ,JI LTA ZHE NA DE BSTAN PA'I PHYIR 'OD SRUNGS 'DI LTA STE, DPER NA NOR BU MKHAN ZHIG GIS ZHES BYA BA LA SOGS PA GSUNGS TE, NOR BU MKHAN DE NI NOR BU RIN PO CHE'I RGYU DANG, 'BRAS BU DANG, NGO BO NYID DANG, SKYON DANG YON TAN SHES PA'O, ,DES NOR BU RIN PO CHE MTHONG NAS, GANG GI TSE DGA' BAR GYUR CING YID DGA' BAR GYUR PA DE NI NOR BU MKHAN DES NOR BU RIN PO CHE DE GZOD MTHONG BA MA YIN GYI 'ON KYANG DE NI SNGON NAS RGYUN DU NOR BU MKHAN 'DIS, NOR BU RIN PO CHE'I RIGS SU GTOGS PA 'AM, NOR BU RIN PO 'DI NYID SNGON LAN DU MA MTHONG BA YIN NO, ,'OD SRUNGS DE BZHIN DU GANG DAG SHES RAB KYI PHA ROL TU PHYIN PA ZHES BYA BA LA SOGS PA NI DON LA SBYOR BA YIN NO, ,'DI THOS NAS YID DGA' BA DANG RAB TU DGA' BAR GYUR CING ZHES BYA BA DE GNYIS NI MOS PA DANG LDAN PA DE'I RTAGS YIN TE, DE GNYIS KYANG DE'I RTAGS YIN PA'I PHYIR RO, ,MGU BA NI RAB TU MGU BA YIN NO, ,GANG DAG LA RANGS PA DANG YID BDE BA SKYES PA DE DAG LA DE SKAD CES BYA STE, 'DI GNYIS DANG, MGU BA NI KUN SHES PA LA RTAGS LHAG PAR YOD PA YIN LA, YID DGA' BA DANG RAB TU DGA' BA GNYIS MOS PA LA YANG YOD PA'I PHYIR RO, ,YID DGA' BA LA SOGS PA DANG LDAN PA DE DAG GI GZOD THOG MAR THOS PA MA YIN GYI, SNGON YANG THOS PA YIN PAR YID CHES PAR BYA'O, ,BZHI PA'I DON GSAL BAR BYA BA'I CHED DU RTZOM PAR BYED PA, 'OD SRUNGS DE DAG NI 'DI SKAD DU SMRA BAR 'GYUR TE ZHES BYA BA LA SOGS PA NI DON GSAL LO, ,DE DAG NI SNGON RGYUN DU 'JAM DPAL GZHON NUR GYUR PA LA BSNYEN BKUR BYAS PAR GYUR PA'O ZHES BYA BA NI SNGON GYI DUS NA RGYU DANG RJES SU MTHUN PAR BSNYEN BKUR BYAS PA STE, 'DIR DE DANG MTHUN PAR BSNYEN BKUR BYAS PA NI YON TAN GANG GIS 'JAM DPAL GZHON NUR GYUR PA 'DI, DE LTAR STON PAR MDZAD PA'I YON TAN DE'I GROGS BYAS PA DANG, RJES SU YI RANGS PA DANG, 'DOD PA DANG LHAG PAR MOS PA LA SOGS PA GANG GIS BYAS PA DE DAG GIS DE LTAR BSNYEN BKUR BYAS PA YIN NO, ,BCOM LDAN 'DAS KYIS KYANG DON 'DI NYID RNAM PA MANG DU @68A *, ,GTAN LA PHAB BO, ,RE ZHIG RIN PO CHE SKAR MDA' LAS KYANG, ,YON TAN GANG GIS GANG ZHIG 'OD ZER 'GYED, ,YON TAN DE LA GANG GIS SNGON GROGS BYAS, ,DE LA DE DAG 'OD ZER RAB TU 'GYED, ,'DI NI DRANG SRONG MKHYEN PA'I CHO 'PHRUL YIN, ,DE YI BSOD NAMS SNGON CHAD GROGS BYAS DANG, ,GANG GIS 'DOD DANG RJES SU YI RANG DANG, ,GANG GIS MTHONG NGAM DGE BA BRTZAMS DE DAG, ,DE YIS 'OD ZER 'DI DAG MTHONG BAR 'GYUR, ,GANG GIS BSOD NAMS BYAS SHING DGE BSAGS DANG, ,GANG GIS YANG DANG YANG DU SANGS RGYAS MCHOD, , SANGS RGYAS YON TAN 'DOD CING MOS PA LA, ,DE DAG RNAMS KYI 'OD ZER SKUL BAR BYED, ,JI LTAR NYI MA DMUS LONG MI MTHONG YANG, ,'JIG RTEN DAG NA SHAR BCAS DE MED MIN, ,MIG DANG LDAN PAS SHAR BA MTHONG NAS NI, ,KUN KYANG RANG RANG RNAMS KYI MOS LA SBYOR, , DE LTAR SKYES BU CHEN PO'I 'OD ZER DE, ,YOD KYANG DMAN PA RNAMS KYIS DE MI MTHONG, ,LOG PAS ZIL NON MOS PA NYAMS PA LA, ,BLO CAN RNAMS KYI 'OD ZER DKON PA YIN, ,RGYAN DANG NOR BU BZHON PA GZHAL MED KHANG, ,RIN CHEN BCUD LEN DRI BSUNG BYUG PA RNAMS, ,DE YANG CHEN POR GYUR PA RNAMS LA YOD, ,DMAN PAR GYUR PA RNAMS LA DE DAG DKON, ,ZHES GSUNGS SO, ,DE LTA MA YIN TE, YE SHES SEMS DPA' LA BSNYEN BKUR MA BYAS PA RNAMS DES BSTAN PA LA LHAG PAR MOS PA'AM, SHES PA 'AM, SGOM PAR NUS PA SU ZHIG YOD, SNGON BSGOM PA RJES SU MYONG BA GSAL BAR BYA BA'I PHYIR, 'OD SRUNGS 'DI LTA STE, DPER NA, MI LA LA ZHIG GRONG NGAM, GRONG KHYER RAM, GRONG RDAL LAM, LJONGS GANG YANG RUNG BA ZHIG TU ZHES BYA BA LA SOGS PA GSUNGS TE, DGOS PA LA LA'I PHYIR SON PAR GYUR PA LA ZHES BYA BA NI GRONG LA SOGS PA'I NANG DU YUN RING DU MI 'DUG PA DANG, DE'I YON TAN RJES SU MYONG BA YUN THUNG BA NYID DU BSTAN TO, ,DE LAS GZHAN DER SONG BA KHA CIG NI DE'I YUL MI 'AM, GRONG DE LA SOGS PA'I YON TAN SHES PA YIN NO, ,YANG DUS GZHAN ZHIG NA DE'I DRUNG DU MI LA LA ZHIG SONG STE, NYE BAR SONG NAS, MI SNGA @68B MAS MTHONG BA'I GRONG KHYER DE'I BSNGAGS PA YON TAN BRJOD DO, ,KUN DGA'I RA BA ZHES BYA BA NI SHING SNA TSOGS BSKYED PA'I RA BA'O, ,KUN DGA'I RA BA NYAMS DGA' NYID, ,CES BYA BA LA, KUN DGA'I RA BA'I LAS NI NYAMS DGA' BAR BYED PA'O, ,DE DAG GI LAS NI GZUGS DANG, SGRA DANG; DRI DANG, RO DANG, REG BYA'I BYE BRAG GIS RNAM PA MANG NGO, ,SKYED MOS TSAL NYAMS DGA' BA NYID DANG ZHES BYA BA LA, SKYED MOS TSAL NI SPYI'I SNA TSOGS BSKYED PA'I RA BA'O, ,DE'I LAN GCIG CIG DE DAG GI BSNGAGS PA BRJOD NAS DES DE THOS PA DANG DGA' BAR TSOR BA NI NYAMS BDE BA THOB PA'O, ,'DI'I YID BDE BA BSKYED PA DE LA DE SKAD CES BYA'O, ,YANG DANG YANG DU 'DI SKAD DU, KYE SKYES BU DE NYID ZLOS TE BRJOD CIG CES 'CHOL NA ZHES BYA BA NI GSOL BA 'DEBS PA'O, ,SKYES BU DE SKAD SMRA BA DE NI ME TOG DANG 'BRAS BU NYAMS DGA' BDAG KYANG SNGON MYONG BA YIN PAR MI DES DE LTAR RTOGS PAR 'GYUR RO, ,DE CI'I PHYIR ZHE NA ZHES BYA BA'I BSAM PA NI NYAMS DGA' BA SNGON MA MYONG YANG THOS NA DGA' BA MTHONG STE, DES NA MA NGES PA NYID YIN NO SNYAM NA, LAN DU BSAM PA GSAL BAR BYED PA DE LA YOD PA'I RNAM PA'I BYE BRAG THUN MONG MA YIN PA BSTAN PA'I PHYIR, 'DI LTAR DE THOS NAS YID CHER DGA' BA DANG ZHES BYA BA LA SOGS PA GSUNGS TE, MGU BA DANG ZHES BYA BA DE NI RAB TU DGA' BAS GZENGS MTHOS PA STE, DE NI SNYING DGA' BA'O, ,'DI'I RANGS PA DANG YID BDE BA SKYES PA DE LA DE SKAD CES BYA STE, RJES SU MYONG BA MI 'KHRUL BAR YOD PA'I CHOS RJOD PAR BYED PA DANG, DE LAS GZHAN PA DAG GIS KYANG NGES PAR BYED DO, ,'OD SRUNGS DE BZHIN DU GANG DAG GIS 'JAM DPAL GZHON NUR GYUR PA ZHES BYA BA LA SOGS PA NI DON LA SBYOR BA'O, ,BSNYEN BKUR BYAS PAR GYUR PA ZHES BYA BA NI JI SKAD DU BSTAN PA'I BSNYEN BKUR BYAS PA'O, ,YANG DANG YANG DU 'GRO ZHING ZHES BYA BA NI YANG DANG YANG DU SONG ZHING 'DRI BA BYAS PAR GYUR PA'O, ,'DI THOS NAS RAB TU DGA' ZHING MGU BAR GYUR TE ZHES BYA BA NI SNGON MA BYUNG BA 'BYUNG BAR 'GYUR BA'O, ,DGA' BA DANG MGU BA CHER BSKYED CING @69A *, ,ZHES BYA BA LA, CHER ZHES BYA BA NI RGYA CHER RO, ,BSKYED PA NI PHYIS KYANG YOD PAR 'GYUR BA STE, SKYES PA MYUR DU MI 'JIG CES BYA BA'I THA TSIG GO, ,DGA' BA'I RTAGS NI SPONG BAR MI 'DOD PA STE, TSIG 'DI SKAD DU MA LA 'DI LTA STE, MA SKYES PA DANG MA BYUNG BA NAS ZHES BYA BA NAS, 'DI LTA BU 'DI NYID MNYAN TO ZHES SMRA BAR 'GYUR RO ZHES GSUNGS SO, ,'DI NYID CES BYA BA NI GZHAN SEL BA STE, DE NYID BYED PA'I PHYIR RO, ,DE'I TSE BCOM LDAN 'DAS MA MCHIS PA'I DUS NA, DAD PA'I RIGS KYI BU 'AM RIGS KYI BU MO 'BYUNG BA DE DAG GI RNAM PA DANG ZHES BYA BA LA SOGS PA LA, DE'I TSE NA LUS DANG NGAG DANG SEMS LA RNAM PA YOD PAR GYUR PA'I PHYIR RNAM PA NI RAB TU DGA' BA LA SOGS PA YIN NO, ,SNGON GYI NYAN PA DANG, MOS PA LA SOGS PA RJES SU DPOG PAR BYED PA'I PHYIR RTAGS SO, ,MA 'ONGS BA'I BLA NA MED PA YANG DAG PAR RDZOGS PA'I BYANG CHUB KYI RGYU YIN PA'I PHYIR, RGYU MTSAN TE, DE DAG NYID LAGS SAM ZHES TSIG ZUR GYIS DRIS SO, ,'OD SRUNGS JI SKAD SMRAS PA DE DE BZHIN TE ZHES BYA BA LA SOGS PA NI LAN YIN NO, ,DE LTAR RNAM PA LA SOGS PA BSTAN PA DANG, RNAM PA LA SOGS PA DON DAM PA NYID YIN PA BSAL BA'I PHYIR, BCOM LDAN 'DAS CHOS DE NI RNAM PA MA MCHIS SHING ZHES BYA BA LA SOGS PA GSUNGS TE, 'DI LA RNAM PA YOD PA MA YIN PAS RNAM PA MED PA STE, BYANG CHUB KYI PHYOGS KYI DMIGS PA NYID DU BSTAN PA SO SO'I SKYE BO LA SOGS PA DANG 'BREL PA'I CHOS DE NI NGO BO NYID MA SKYES PA'I PHYIR RNAM PA MI RIGS PA'I PHYIR RO, ,TSUL DE LTA BU LA RJES SU DPAG PAR BYA BA MED PA'I PHYIR RTAGS MA MCHIS PA'O, ,RGYU MTSAN MA MCHIS PA ZHES MA GSUNGS PA NI MOS PA LA SOGS PA DE'I RGYU MTSAN NYID YIN PAR DOGS PA MED PA'I PHYIR RO, ,DE BZHIN DU BCOM LDAN 'DAS SHES RAB KYI PHA ROL TU PHYIN PA THUGS SU CHUD PA'I BDAG NYID KYANG RNAM PA MA MCHIS PA'O, ,BAR GYI SGRAS RTAGS MA MCHIS PA BZUNG LA, MTSAN MA MA MCHIS PA LAGS NA ZHES BYA BA NI MA SKYES PA'I PHYIR RO, ,SPYIR BSTAN PA'I PHYIR RNAM PA 'AM, RTAGS SAM MTSAN MA CI RIGS @69B PAR; JI LTA BU ZHIG RNAM PA GANG ZHIG MCHIS PAR 'GYUR BCOM LDAN 'DAS KYIS CHOS BSTAN PA SGRA'I BDAG NYID GANG LAGS PA DE YANG MA SKYES PA'I PHYIR DE BZHIN DU RNAM PA MA MCHIS, RTAGS MA MCHIS MTSAN MA MA MCHIS PA LAGS NA, DES NA DE LTAR NA, BCOM LDAN 'DAS RNAM PA DANG RTAGS DANG MTSAN MA RNAMS MCHIS PAR JI LTAR BSTAN CING BSHAD, DON DAM PAR RNAM PA LA SOGS PA MI SRID PAR DE SKAD CES GSOL BA DANG, KUN RDZOB KYI RNAM PA LAS GZHAN MA YIN PAR BSTAN PA'I PHYIR, 'JAM DPAL DE DAG NYID SHES RAB KYI PHA ROL TU PHYIN PA ZAB MO SHIN TU MA SKYES PA DANG DNGOS PO MED PA'I BAR 'DI BSTAN NA, GANG DAG MOS PA NAS KUN CHUB PAR BYED PA'I BAR DU BYED PA'I RIGS KYI BU DANG, RIGS KYI BU MO DE DAG GI RNAM PA DANG RTAGS DANG MTSAN MA YIN NO ZHES GSUNGS TE, DE DAG NYID CES BYA BA NI BSTAN MA THAG PA'I RNAM PA'O, , DE NI GANG ZAG SNGAR BSTAN PA DE DGRA GI RNAM PA LA SOGS PA YIN NO, ,GANG ZAG DE STON PA NI SHES RAB KYI PHA ROL TU PHYIN PA ZAB MO SHIN TU MA SKYES PA DANG ZHES BYA BA LA SOGS PA YIN NO, ,KUN CHUB BAR BYED PA ZHES BYA BA NI KUN 'DZIN PA'O, ,DE NYID DE'I RIGS CAN THOS PA LA SOGS PA'I SPYOD PA DANG LDAN PA YIN TE DE BSTAN PAR BYA'O, ,DE BAS NA DE GLENG BA'I CHED DU 'JAM DPAL GANG DU SHES RAB KYI PHA ROL TU PHYIN PA BSTAN PA DER ZHES BYA BA LA SOGS PA GSUNGS TE, RGYU'I BDAG NYID KYI SHES RAB KYI PHA ROL TU PHYIN PA BSTAN PA BSHAD PA NI JI LTA BA BZHIN DU PHYIN CI MA LOG PA'I RGYU YIN PA'I PHYIR, DER SANGS RGYAS KYI CHOS STOBS DANG MI 'JIGS PA LA SOGS PA MTHA' DAG BSTAN PAR MI BYA'O, ,SANGS RGYAS RNAMS KYI SKU DANG GSUNG DANG THUGS SPRUL PA DANG, MTHU DANG PHRIN LAS LA SOGS PA BSAM GYIS MI KHYAB PA GSUNGS PA GANG YIN PA DE YANG DE LTAR BSTAN PAR BLTA'O, ,GANG GI PHYIR SANGS RGYAS NYID DU BSOD NAMS KYI TSOGS KYIS 'GYUR BA DE YONGS SU RDZOGS PA YANG 'DI NYID KYIS 'GYUR BAR BSTAN PA'I PHYIR, 'JAM DPAL NGA SNGON BYANG CHUB SEMS DPA'I SPYAD PA SPYOD PA NA ZHES BYA BA LA SOGS PA GSUNGS PA STE, DGE BA'I RTZA BA @70A *, ,PHA ROL TU PHYIN PA DANG 'BREL PA 'AM, 'JIG RTEN PA 'AM 'JIG RTEN LAS 'DAS PA'I DGE BA RGYUR GYUR PA GANG DAG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR 'GYUR BA'I DGE BA DE DAG YANG DAG PAR BSGRUB PAR 'DOD, BSKYED PAR 'DOD PAS SHES RAB KYI PHA ROL TU PHYIN PA MA SKYES PA DANG DNGOS PO MED PA DANG SKYE BA MED PA'I BDAG NYID 'DI NYID KLOG PA DANG, 'CHAD PA NA MNYAN PAR BYA, DE DE BZHIN NO ZHES NGES PAR 'DZIN PAR MOS PAR BYA, GLEGS BAM YI GER 'BRI BAR BYA, TSIG DANG DON MI BRJED PAR GZUNG BAR BYA, GLEGS BAM BKLAG PAR BYA, GZHAN LAS LUNG MA NOD PAR BYA, SROD DANG THO RANGS LA KHA TON DU BYA, RANG DANG GZHAN GYI RGYUD LA JI LTAR YOD PAR 'GYUR BA DE LTAR TSIG TU GDON PAR BYA, RNAM PA THAMS CAD YONGS SU 'DZIN PA'I TSUL GYIS KUN CHUB PAR BYA, DE DANG RJES SU MTHUN PAR SEMS PAS TSUL BZHIN YID LA BYA, CHOS THAMS CAD MI DMIGS PA'I TSUL GYIS BSGOM PAR BYA, RGYAL MTSAN DANG BA DAN GNYIS LHAN CIG TU 'BYUNG BA LA BYE BRAG TU NI 'DI YIN TE, RGYAL MTSAN NI MTSAN MA CAN LA RGYU NGES PA MED PA YIN NO, ,BA DAN NI MTSAN MA MED PA LA GOS KYI RGYU LAS BYAS PA'O, ,DE BONG CHUNG BA NI RNAM PAR RGYAL BA'I BA DAN YIN NO, ,CI NUS ZHES BYA BA NI ME TOG LA SOGS PA'I NANG NAS GANG CI TZAM YOD PAR NUS PA DES DE SRID DU NGES PAR MCHOD PAR BYA ZHES BYA BA'I THA TSIG GO, , 'DI NI LHAG PA'I BSAM PA RNAM PAR DAG PA'I YAN LAG YIN TE, RTAG TU NGU LA SOGS PA BZHIN DU, DKA' BA YIN DU ZIN KYANG MI LDOG PAR SBYOR BA'I PHYIR RO, ,CI PHOD DU ZHES BYA BA NI LUS KYI MTHUS MI LDOG PA'O, ,RIM GROR BYA'O ZHES BYA BA NI GUS PAR BYA BA YIN GYI MA GUS PAR MA YIN TE; MTHONG MA THAG TU STAN LAS LDANG BA DANG, THAL MO SBYOR BA LA SOGS PA BYA'O, ,'DI NI BSAM PA RNAM PAR DAG PA'I YAN LAG YIN TE, SGYU DANG G-YO SPANGS TE SBYOR BA'I PHYIR RO, ,BSOD NAMS KYI TSOGS NI SBYIN PA LA SOGS PA PHA ROL TU PHYIN PA GSUM GYI NGO BO YIN LA, @70B DE'I BAR CHAD BYED PA THEG PA DMAN PA YIN LA BYED PA NI PAS PHAM PA BAS KYANG SHIN TU LCI BA YIN PA'I PHYIR, SA DANG RIGS DANG 'JUG PA LA SOGS PA THAMS CAD LAS 'DA' BAR BYA BA YIN NO, ,'JAM DPAL JI LTAR RNAM PA GANG GIS PHYIR MI LDOG PA'I SA NI GZUGS LA SOGS PA LAS PHYIR LDOG PA LA SOGS PA DANG MI G-YO BA'O, ,DE LA 'JUG PAR 'GYUR, KHONG DU CHUD PAR 'GYUR, RTOGS PAR 'GYUR BA DANG, DE LTA BUR NYAN PAR 'DOD PA DE NGES PAR 'DZIN PAR 'DOD PAS SHES RAB KYI PHA ROL TU PHYIN PA MA SKYES PA DANG, SKYE BA MED PA DANG, DNGOS PO MED PA'I BDAG NYID 'DI NYID MNYAN PAR BYA STE, SA DE 'THOB PA NI RNAM PA GZHAN GYIS MA YIN TE, 'DI LTAR BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR BYA BA'I CHOS NI RNAM PA GNYIS TE, CHOS THAMS CAD STONG PA NYID DU BLTA BA DANG, SEMS CAN THAMS CAD YONGS SU MA BTANG BA YIN NO ZHES GSUNGS SO, ,DE GNYIS KYANG 'DI NYID LAS GSUNGS TE, 'OG NAS RIM GYIS STON PAR BYED DO, ,'JAM DPAL CHOS GANG YANG RUNG SO SO'I SKYE BO LA SOGS PA DANG 'BREL PA DE DAG THAMS CAD MA SKYES PAS NA MNYAM PA NYID SKYE BA MED PA'O ZHES MTSAN NYID GCIG PO 'DI LA MOS SHING NGES PAR 'DZIN PAR 'DOD PAS SO, ,'DI NI 'DIR YE SHES KYI TSOGS KYI RTZA BA DANG RGYU YIN NO, ,LHAG MA NI DE NYID KYI 'BRAS BU DANG RAB TU DBYE BA YIN NO, ,'BRAS BU BSTAN PA'I PHYIR, 'JAM DPAL SANGS RGYAS KYI CHOS THAMS CAD MNGON PAR RDZOGS PAR BYANG CHUB PAR 'DOD PA'I ZHES GSUNGS SO, ,'JAM DPAL CHOS THAMS CAD KYANG DE BZHIN GSHEGS PAS MNGON PAR RDZOGS PAR SANGS RGYAS SO ZHES BYA BA 'DI LA, KYANG GI SGRA NI RIM PA GZHAN DU SBYAR BA STE, DE BZHIN GSHEGS PAS KYANG MNGON PAR SANGS RGYAS SO ZHES BSTAN PA 'DI LA MOS SHING NGES PAR BYED PA'O ZHES SBYAR RO, ,DE CI'I PHYIR ZHE NA ZHES BYA BA NI MOS PA 'DI JI LTAR MCHOG YIN ZHE NA ZHES BYA'O, ,GANG MNGON PAR RDZOGS PAR 'TSANG RGYA BA BYED PA 'AM ZHES BYA BA NI KHONG DU CHUD PA'O, ,LAM SHES PA GANG GIS @71A *, ,MNGON PAR RDZOGS PAR 'TSANG RGYA BAR BYED PA'AM, CHOS GANG MNGON PAR RDZOGS PAR 'TSANG RGYA BAR BYA ZHING KHONG DU CHUD PAR BYA BA'I CHOS DE GANG YANG MED DE MI DMIGS PA'I PHYIR RO, ,DE LTAR DON 'DI RTOGS SHING ZHES BYA BA NI DON SHES PAR RO, ,GANG BYANG CHUB MA YIN PA'I CHOS DE GANG YANG MED DO ZHES BYA BA NI SKYE BA MED PAR MNYAM PAR BYE BRAG MED PA'I PHYIR RO, ,CHOS THAMS CAD LA RNAM PAR MI RTOG PAR 'DOD DO, ,GZUNG BA DANG 'DZIN PAR RNAM PAR RTOG PA SPANG BAR 'DOD PAS, SHES RAB KYI PHA ROL TU PHYIN PA SKYE BA MED PA'I BDAG NYID 'DI NYID MNYAN PAR BYA BA NAS, RIM GRO'I BAR DU BYA STE, 'DI NYID LA SPYAD PAR BYA'O ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI 'DI LA GTAN TSIGS CI YOD CES BYA BA'O, ,DE'I PHYIR SHES RAB KYI PHA ROL TU PHYIN PA NI CHOS GANG GI ZHES BYA BA LA SOGS PA GSUNGS TE, CHOS GANG GI YONGS SU GRUB CING YOD PAR BSKYED PA MA YIN NO, ,SKYE BA BKAG NA DE MI DMIGS PA'I PHYIR YONGS SU GRUB PA STON PA YANG MA YIN TE, YONGS SU GRUB PA MED PA'I PHYIR STON PA LTA GA LA YOD, CHOS THAMS CAD KUN NAS NYON MONGS PA YANG MA YIN, RNAM PAR BYANG BA YANG MA YIN ZHES BYA BA NI RANG BZHIN GYIS MA SKYES PA'I PHYIR RO, ,CHOS THAMS CAD 'DAS PA YANG MA YIN, MA 'ONGS PA YANG MA YIN DA LTAR BYUNG BA YANG MA YIN ZHES BYA BA DE LA, MOS PAR BYA BA DANG, NGES PAR BYA BA DANG, 'JUG PAR BYA BAR 'DOD PAS 'DI NYID LA MNYAN PAR BYA'O, ,DE CI'I PHYIR ZHE NA, SHES RAB KYI PHA ROL TU PHYIN PA 'DI NI SKYE BA MED PA'I BDAG NYID YIN LA, SKYE BA MED PA LA SOGS PA NI DUS SU GTOGS PA MA YIN NO, ,DE CI'I PHYIR ZHE NA, CHOS THAMS CAD NI SKYE BA MED PA'I MTHAR THUG PA'I PHYIR RO ZHES BYA BA NI 'DI LTAR CHOS THAMS CAD DE LA GZHOL BA'I PHYIR RO, ,DE LTA BU'I CHOS THAMS CAD LA, DE LTA BU'I NGO BO LA THE TSOM MED PAR GTAN LA DBAB PAR RTOGS PAR 'DOD PA'O, ,'JAM DPAL LAN GSUM DU BZLAS TE, RNAM PA BCU GNYIS SU CHOS KYI 'KHOR LO JI LTAR BSKOR BAR 'GYUR BA DE ZHES BYA BA @71B DE LA; SDUG BSNGAL DANG, SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GYUR BA'I LAM GYI MTSAN NYID 'PHAGS PA'I BDEN PA RNAMS KYI RANG GI NGO BO YONGS SU SHES PA NI BSKOR BA GCIG PA'O, ,SDUG BSNGAL YONGS SU SHES PAR BYA'O, ,KUN 'BYUNG SPANG BAR BYA'O, ,'GOG PA MNGON SUM DU BYA'O, ,LAM BSGOM PAR BYA'O ZHES BYA BA NI YONGS SU BSKOR BA GNYIS PA'O, ,SDUG BSNGAL YONGS SU SHES PA'O, ,KUN 'BYUNG SPANGS SO, ,'GOG PA MNGON SUM DU BYAS SO, ,LAM BSGOMS SO ZHES BYA BA NI YONGS SU BSKOR BA GSUM PA STE, BDEN PA RE RE LA YANG GSUM DU BZLAS PA'I PHYIR, LAN GSUM DU BZLAS PA 'DI RNAM PA BCU GNYIS YIN PAS, GSUM DU BZLAS PA RNAM PA BCU GNYIS SO, ,LAN GSUM DU BZLAS PA BCU GNYIS KYI CHOS NI BSOD NAMS TE, NGES PAR LEGS PA DANG, MNGON PAR MTHO BA BSGRUB PAR BYA'O, ,CHOS DE 'KHOR LO BZHIN DU GDUL BYA'I RGYUD LA BSKOR BA NI CHOS KYI 'KHOR LO BSKOR BA'O, ,JI LTAR 'GYUR BA ZHES BYA BA NI DE BZHIN GSHEGS PA MTHONG BA DANG CHOS MNYAN PA 'GRUB PAR 'GYUR BA'I DGE BA'I RTZA BA BSKYED PA DANG, YONGS SU SMIN PA LA SOGS PA'I RNAM PAR JI LTAR 'GYUR BA'O, ,DE NYAN PAR 'DOD PA DANG ZHES BYA BA LA SOGS PA NI GO RIMS BZHIN DU THOS PA DANG, SEMS PA DANG BSGOM PAR 'DOD PAS ZHES BYA BA'I THA TSIG GO, ,SEMS CAN THAMS CAD YONGS SU MI GTONG BA'I DBANG DU BYAS TE, SEMS CAN THAMS CAD LA BYAMS PAS KHYAB PAR 'DOD LA ZHES GSUNGS TE, SHIN TU BDE BA DANG LDAN PAR 'DOD PA'I MTSAN NYID KYIS RGYAS PA NI BDAG DANG SEMS CAN DANG, BDE BA RNAMS MI DMIGS PA'I TSUL GYIS KHYAB PA'O, ,DE NYID KYI PHYIR SEMS CAN DU 'DU SHES PA LA YANG MI GNAS PAR 'DOD PA DANG ZHES GSUNGS SO, ,SHIN TU BDE BA DANG LDAN PA'I THABS RTZOD PA MED PA DE BSTAN PA'I PHYIR, 'JIG RTEN THAMS CAD DANG RTZOD PA MED PAR YANG 'DOD CING ZHES GSUNGS TE, PHYOGS BCU MTHA' YAS MU MED PA'I 'JIG @72A *, ,RTEN GYI KHAMS SU GTOGS PA DE DANG LHAN CIG RTZOD PA MED PAR 'DOD PA NI BSAM PA DANG, DBANG PO DANG, YID DU 'ONG BA DANG, MTHUN PAR STON PAR NYE BAR SGRUB PA DANG, MI MTHUN PAR SMRA BA SEL BAR 'DOD PA'O, ,'JIG RTEN GYI KHAMS THAMS CAD MI DMIGS PA NI DMIGS SU MED PA'O, ,CHOS THAMS CAD SKYE BA MED PA'I BAR DU RTOGS SHING MNGON DU KHYAB PAR 'DOD PAS MA SKYES PA DANG, SKYE BA MED PA DANG, DNGOS PO MED PA'I BDAG NYID KYI SHES RAB KYI PHA ROL TU PHYIN PA 'DI NYID LA SLOB PA PO DANG, SLOB PA DANG, DE'I GNAS RNAMS MI DMIGS PA'I TSUL GYIS BSLAB PAR BYA STE, MNGON PAR 'DOD PA'I SEMS BSKYED PA DE DAG NI 'DI NYID LA BSLABS PAS 'GRUB PAR 'GYUR GYI, GZHAN DU MA YIN NO ZHES BYA BA'I THA TSIG GO, ,BSOD NAMS KYI TSOGS SGRUB PA LA SOGS PA DE LA PHAN YON BYED PA NI SHES RAB KYI PHA ROL TU PHYIN PA 'DI YIN PAR BSTAN PA'I PHYIR, BCOM LDAN 'DAS SHES RAB KYI PHA ROL TU PHYIN PA YON TAN MA MCHIS PA'I YON TAN GANG LAGS, BCOM LDAN 'DAS SHES RAB KYI PHA ROL TU PHYIN PA NI NUS PA CI YANG MA MCHIS PA LAGS NA PHAN YON CI ZHIG MCHIS, YON TAN NI BSNGAGS PA YID DU 'ONG BA'I 'BRAS BU LA BYA'O, ,DE DANG BRAL BA NI CI YANG BYED PAR MI NUS PA'I PHYIR RO, ,NUS PA MED PA ZHES BYA BA 'DIS THAMS CAD LA PHAN PA MED PAR SPYIR BSTAN TE, SHES RAB KYI PHA ROL TU PHYIN PA SKYE BA MED PA'I BDAG NYID NI GANG DU YANG NUS PAR MI RIGS PA'I PHYIR RO, , DGE BA'I RTZA BA KUN NAS SLONG BAR MI BGYID PA'O, ,MI MTHUN PA'I PHYOGS 'DOD CHAGS LA SOGS PA RNAM PAR 'JIG PAR MI BGYID PA'O, ,PHYIR MI LDOG PA NYID KYI CHOS GANG YANG MI LEN PA STE, THOB PAR MI BYED, SGRUB PAR MI BYED CES BYA BA'I THA TSIG GO, ,MI 'DOD PA ZHES BYA BA NI NYAN THOS DANG, RANG SANGS RGYAS KYI SA MI SPONG BA'O, ,G-YO BA MA MCHIS PA BYED PA MA MCHIS PA ZHES BYA BA 'DIS NI THAMS CAD LA PHAN PA MED PAR STON TE, 'DI LTAR G-YO BA DANG LDAN ZHING BYED PA PO YOD NA NI DGE BA'I RTZA BA BSKYED PA DANG, DMAN PA'I SA LAS 'DA' BA @72B DANG; PHYIR MI LDOG PA'I SA GNON PA'I RNAM PA THOS PA DANG, CHOS THAMS CAD SKYE BA MED PAR MNYAM PAR MOS PA RNAMS LA PHAN PAR BYED PA YIN NA, SHES RAB KYI PHA ROL TU PHYIN PA GANG YIN PA DE NGAG GO, ,G-YO BA MA MCHIS PA, BYED PA MA MCHIS PA LAGS NA, JI SKAD DU BSTAN PA'I DON DANG, GZHAN LA PHAN PA BYED PAR GA LA 'GYUR, CHOS THAMS CAD KYI NGO BO NYID NI 'PHAGS PA'I YE SHES DANG MTHONG BAS MNGON PAR BYANG CHUB PA YIN NA, YE SHES DANG MTHONG BA DE GNYIS MED PA'I PHYIR, CHOS THAMS CAD MNGON PAR BYANG CHUB PA LA YANG 'DI PHAN PA MED DO ZHES BSTAN PA'I PHYIR, SHES RAB KYI PHA ROL TU PHYIN PA NI NGO BO NYID SHES PA MA LAGS NGO BO NYID MTHONG BA MA LAGS ZHES GSUNGS TE, NGO BO NYID SHES PA MA LAGS PA DANG, NGO BO NYID MTHONG BA MA LAGS PA ZHES BYA BA NI GNYI GA'I NGO BO MA YIN PA'I PHYIR RO, ,DE LTAR YE SHES LA PHAN PA MED PAR BSTAN NAS BSKYED PA LA YANG PHAN PA MED PAR STON PA NI CHOS GANG YANG SBYIN PAR MI BGYID PA ZHES GSUNGS TE, STOBS LA SOGS PA'I CHOS GANG YANG SBYIN PAR MI BGYID CING, YOD PAR MI BGYID PA'O, ,CHOS THAMS CAD BSKYED PAR MI BGYID CES BYA BA NI 'BYUNG BAR MI BGYID PA LAGS NA, CHOS GANG YANG SBYIN PAR MI BGYID PAR GA LA 'GYUR, GANG GI TSE CHOS THAMS CAD SEL BAR MI BGYID PA ZHES 'BYUNG BA DE'I TSE NI SO SO'I SKYE BO LA SOGS PA'I CHOS RNAMS 'JIG PAR MI BYED NA NI DE MA BCOM PAR SANGS RGYAS KYI CHOS KYANG SBYIN PAR MI BYED PAR RIG PAR BYA'O, ,DE LTAR NA TSIG BZHIS MNGON PAR BYANG CHUB PA LA PHAN PA MED PAR BSTAN NAS, DE'I RGYUR GYUR PA CHOS THAMS CAD MA SKYES PAR MNYAM PA NYID DU MOS PA'I RNAM PA DANG DE BZHIN GSHEGS PAS KYANG CHOS THAMS CAD MNGON PAR RDZOGS PAR SANGS RGYAS PA MA YIN NO ZHES BSTAN PA LA MOS PA LA SOGS PA DANG, CHOS SKYE BA MED PA LA STON PA DANG THE TSOM MED PA DANG, RTOGS PA LA THUG PA RNAMS LA PHAN PA MED PAR BSTAN PA'I PHYIR, CHOS THAMS CAD THA DAD PA MA MCHIS PA LA MI BGYID PA ZHES GSUNGS TE, CHOS @73A *, ,THAMS CAD THA DAD PA MA MCHIS PA NI DBYER MED PA STE, DE LA BGYID PA SPYOD PA MED PA GANG YIN PA DE LA DE SKAD CES BYA'O, ,DE NI CHOS THAMS CAD THA DAD PA MED PAR BYED PA MA YIN PA'O, ,DE'I GTAN TSIGS SU MA BGYIS PA ZHES GSUNGS TE, BYED PA DANG BRAL BA YIN NA CHOS THAMS CAD RO GCIG PA'I MTSAN NYID DU GSUNGS PA'I DON LA JI LTAR PHAN PA BYED PAR 'GYUR, GLEGS BAM KHA CIG LAS, CHOS THAMS CAD THA DAD PAR MI BGYID PA DANG, CHOS THAMS CAD GCIG TU BGYID PA MA LAGS PA DANG, CHOS THAMS CAD SO SOR BGYID PA MA LAGS PA DANG, BGYI BA MA MCHIS PA ZHES 'BYUNG BA DE'I DON NI 'DI YIN TE, THA DAD PA NYID DU BYED PA NI THA DAD PAR BYED PA'O, ,DE YOD PA MA YIN PA GANG YIN PA DE LA DE SKAD CES BYA STE, DES NA DON NI 'DI YIN TE, THA DAD PA NYID DU BYED PA MED PA ZHES BYA BA NI THA DAD PA NYID DU BYED PA 'GOG PA YIN NO, ,CHOS THAMS CAD GCIG TU BGYID PA MA LAGS PA ZHES BYA BA 'DIS NI THA DAD PA MED PAR BYED PA 'GOG PA'O, ,CHOS THAMS CAD SO SOR MED PAR BGYID PA MA LAGS PA ZHES BYA BA NI THA DAD PA NYID DU BYED PA 'GOG PA NYID GSAL BAR BYED PA'I RNAM GRANGS YIN NO, ,MA BGYIS PA ZHES BYA BA NI BSTAN MA THAG PA THAMS CAD KYI GTAN TSIGS SU BYED PA MA YIN PA STE, BYED PA MI RIGS PA'I PHYIR RO, ,DE BAS NA GONG DU BSTAN PA'I DON LA PHAN PA MED PA GSAL BA KHO NA YIN NO, ,CHOS KYI 'KHOR LO BSKOR BA'I RNAM PA LA, THOS PA DANG MOS PA DANG, 'JUG PA RNAMS KYI 'BRAS BU NI 'GOG PA YIN NO, ,DE YANG NYON MONGS PA ZAD PA DANG PHUNG PO ZHIG PA'O, ,LHAG MA DANG BCAS PA DANG, LHAG MA MED PA GANG YIN PA DE'I 'DU SHES MED PA'I PHYIR, CHOS KYI 'KHOR LA BSKOR BA THOS PA LA SOGS PA LA YANG PHAN PA MED PA YIN NO ZHES BSTAN PA'I PHYIR, MI BAS PA RNAM PAR 'JIG PAR MI BGYID PA ZHES GSUNGS TE, GO RIMS BZHIN DU NYON MONGS PA RNAMS DANG, PHUNG PO RNAMS YIN PAR RIG PAR BYA'O, ,SEMS CAN THAMS CAD LA BYAMS PAS KHYAB PA LA YANG 'DI PHAN PA MED PA BSTAN @73B PA'I PHYIR, SO SO'I SKYE BO'I CHOS RNAMS DANG ZHES BYA BA LA SOGS PA GSUNGS TE, BYAMS PA NI SEMS CAN THAMS CAD LA, 'JIG RTEN DANG 'JIG RTEN LAS 'DAS PA BLA NA MED PA'I BDE BA DANG LDAN PAR 'DOD PA YIN NO, ,SO SO'I SKYE BO'I CHOS RNAMS KYANG SBYIN PAR MI BYED NA, LHA DANG MI'I BDE BA SBYIN PAR BYED PA LTA GA LA YOD SNYAM DU DGONGS PA'O, ,DE BZHIN DU DGRA BCOM PA'I CHOS RNAMS KYANG SBYIN PAR MI BYED NA, MYA NGAN LAS 'DAS PA'I BDE BA SBYIN PAR LTA GA LA BYED, DE BZHIN DU, SANGS RGYAS KYI CHOS RNAMS KYANG SBYIN PAR BGYID PA YANG MA LAGS ZHES BYA BA LA KYANG GI SGRA NI SRID PA LA BYA'O, ,YANG GI SGRA NI THAMS CAD SBYIN PAR MI BGYID PA DANG SBYAR TE, BSDU BA'I DON YIN PA'I PHYIR RO, ,'DIR GTAN TSIGS SU 'KHOR BA 'DOR BAR MI BGYID PA ZHES BYA BA LA SOGS PA GSUNGS TE, 'DOR BAR MI BGYID PA NI SPONG BAR MI BGYID PA STE, 'DU BYED KYI SDUG BSNGAL MA BCOM PAR BDE BA SBYIN PAR GA LA 'GYUR, MYA NGAN LAS 'DAS PA LEN PAR MI BGYID PA ZHES BYA BA NI 'DZIN PAR MI BGYID PA YIN PAS MYA NGAN LAS 'DAS PA'I BDE BA SBYIN PA YOD PA MA YIN NO, ,SANGS RGYAS KYI CHOS STOBS LA SOGS PA RNAMS SBYIN PAR BGYID PA MA LAGS PA YIN NO, ,BLA NA MED PA'I BDE BA SBYIN PAR LTA GA LA 'GYUR, SNGAR YANG SANGS RGYAS KYI CHOS RNAMS SBYIN PAR BGYID PA MA LAGS PA ZHES DE SKAD DU BSTAN PA MA YIN NAM, DE YANG DE BZHIN DU STON NA YANG STON PA 'DI LA BYE BRAG CI YOD CE NA, SNGAR NI DE BZHIN GSHEGS PA BLA NA MED PA BDE BA'I BYE BRAG LA LTOS TE BSTAN TO, ,DE NI SANGS RGYAS KYI CHOS MTHA' DAG LA LTOS PA YIN TE, GANG NA SHING MED PA DE NA SHING SHA PA YANG SRID PA MA YIN NO ZHES BYA BA BZHIN NO, ,DE NYID KYI PHYIR 'DI NI SGRUB PAR BYED PA YIN NO, ,SNGA MA NI BSGRUB PAR BYA BA YIN NO, ,SEMS CAN GYI 'DU SHES LA MI GNAS PA LA YANG 'DI PHAN PA MED PAR BSTAN PA'I PHYIR, RNAM PAR 'JIG PAR BGYID PA MA LAGS PA ZHES GSUNGS TE, SEMS CAN GYI 'DU SHES YIN PAR RIG PAR BYA'O, ,'DI SKAD BSTAN TE, SEMS CAN GYI 'DU SHES YOD NA NI SHES RAB KYI PHA ROL TU @74A *, ,PHYIN PA 'DI 'JIG PAR BYED PA YIN LA DE'I TSE, DE LA MI GNAS PA LA PHAN PA BYED PA YIN GYI GZHAN DU MA YIN NO ZHES BYA BA YIN NO, ,'JIG RTEN THAMS CAD DANG LHAN CIG RTZOD PA MED PA LA YANG 'DI PHAN PA MED PAR BSTAN PA'I PHYIR, BSAM PAR BGYI BA MA LAGS PA ZHES BYA BA LA SOGS PA GSUNGS TE, BSAM PAR 'OS PA NI BSAM PA'O, ,BSAM PAR BGYI BA MA LAGS TE, SEMS PAR BYED PA STONG PA YIN NA, SEMS PA MED NA MI 'BYUNG BA'I CHOS 'CHAD PA MI RIGS PA'I PHYIR, CHOS RTOGS PAR JI LTAR 'GYUR TE, GANG GIS NA RTZOD PA MED PAR 'GYUR, DE BZHIN DU BSAM DU MA MCHIS PA MA LAGS PA ZHES GSUNGS TE, BSAM DU MA MCHIS PA YIN NO SNYAM DU RNAM PAR RTOG CING BSNYEMS PA MED PA GANG YIN PA DE LA DE SKAD CES GSUNGS SO, ,BSAM PAR BGYI BA MA LAGS PA DANG, BSAM DU MA MCHIS PA MA LAGS PA ZHES BYA BA'I TSIG 'DI GNYIS KYIS NI 'CHAD PA MI 'THAD PAR BSTAN TO, ,DE BAS NA 'DI LA PHAN PA MED PAR BSTAN PA'I PHYIR, CHOS RTOGS PAR BGYID PA MA LAGS PA ZHES GSUNGS SO, ,'JIG PAR BGYID PA MA LAGS PA ZHES BYA BA NI THE TSOM DANG, YID GNYIS DANG, SOM NYI RNAMS GZHAN DU 'GYUR BAR YANG DAG PA JI LTA BA BZHIN CHOS 'CHAD BAR BYED PA MED PA'I PHYIR RO, ,'JIG RTEN THAMS CAD MI DMIGS PAR RTOGS PA DANG, CHOS THAMS CAD SKYE BA MED PAR RTOGS PA LA YANG 'DI PHAN PA MED PAR BSTAN PA'I PHYIR, BCOM LDAN 'DAS SHES RAB KYI PHA ROL TU PHYIN PA NI DNGOS PO MA MCHIS PA'I BAR DU LAGS NA, YON TAN GANG LAGS ZHES GSUNGS SO, ,BAR DU ZHES BYA BA'I SGRAS NI MA SKYES PA DANG, SKYE BA MED PA NYID BZUNG STE, 'DI GNYIS LHAN CIG TU 'DUG PAR RNAM PA MANG DU BSTAN PA'I PHYIR RO, ,GANG YANG RNAM GRANGS GZHAN DAG KYANG DE YIN PAR SDUD PA NI SDUD LA RAG GO, ,GANG LTAR YANG RUNG STE, DON THA MA GNYIS DANG, DGE BA'I RTZA BA SGRUB PA LA SOGS PA KUN LA NI DE LTA BU YIN NA, RE ZHIG PHAN PA 'GA' YANG MED DO ZHES BSTAN PA'I PHYIR, SHES RAB KYI PHA ROL TU PHYIN PA'I YON TAN GANG LAGS ZHES GSUNGS TE, YON TAN NI PHAN PA LA BYA STE, GANG GI DON DU DE DANG @74B DE 'DOD PAS, 'DI NYID MNYAN PAR BYA BA NAS, BSNYEN BKUR BYA BA'I BAR DU BYED CES DGONGS PA'O, ,GLEGS BAM KHA CIG LAS BGYID PA MA LAGS PA, 'JIG PAR BGYID PA MA LAGS PA ZHES 'BYUNG BA'I MJUG THOGS SU DNGOS PO MED PA'I BAR DU ZHES BYA BA BSAL NAS, CHOS THAMS CAD BSKYED PA MA LAGS PA, 'GOG PA MA LAGS PA, 'CHAD PAR BGYID PA MA LAGS PA, RTAG PAR BGYID PA MA LAGS PA, 'ONG BAR BGYID PA MA LAGS PA, 'GRO BAR BGYID PA MA LAGS PA, DBEN PAR BGYID PA MA LAGS PA, MI DBEN PAR BGYID PA MA LAGS PA, GNYIS SU BGYID PA MA LAGS PA, MI GNYIS PAR BGYID PA MA LAGS PA ZHES 'BYUNG BA NI GZHUNG MA YIN PAR MNGON TE, GLEGS BAM DU MA LAS DE SKAD DU MI 'BYUNG BA'I PHYIR DANG, DNGOS PO MA MCHIS PA'I BAR DU ZHES BYA BA'I TSIG 'DI MI SMOS PA'I YANG PHYIR RO, ,'DI NI GDON MI ZA BAR BRJOD PAR BYA DGOS TE, BCOM LDAN 'DAS KYIS LAN DU BKA' STZAL PA LAS, YON TAN GYI MJUG TU 'DI BKA' STZAL BA'I PHYIR, GONG DU MI BRJOD PA NI RIGS PA MA YIN NO, ,'DIR LAN DU, 'JAM DPAL G-YO BA MED PA NAS DNGOS PO MED PA'I BAR 'DI NYID SHES RAB KYI PHA ROL TU PHYIN PA 'DI ZHES BYA BA LA SOGS PA GSUNGS TE, GANG KHYOD KYIS DANG PO G-YO BA MED PA NAS, THA MA DNGOS PO MED PA LA THUG PA'I BAR DU, 'DIR SMRAS PA GANG YIN PA DE NYID YON TAN YIN NO, ,GAL TE 'DI LA DNGOS PO YOD PA MA YIN NA NI LOG PAR SGRO 'DOGS PAR 'GYUR TE, MED PA LA SGRO 'DOGS PA'I PHYIR RO, ,DE'I TSE KUN NAS SLONG BA LA SOGS PA'I SPYOD PA DANG LDAN PA'I PHYIR, 'DI CHAGS PA MED PA'I YE SHES KYI RGYU MTHUN PAR MI 'GYUR RO, ,DE LTAR NA SKYE BA MED PA'I BDAG NYID KYI SHES RAB KYI PHA ROL TU PHYIN PA 'DI MNYAN NAS, SHIN TU LEGS PAR SHES PAR BYA STE, LHAG PAR MOS PAR BYA LA, BSAM PAS SHIN TU GTAN LA PHAB STE, GOMS PAS ZHI GNAS KYI SPYOD PA LA YANG SBYAR BAR BYA'O ZHES BSTAN PA'I PHYIR, 'JAM DPAL GZHAN YANG BYANG CHUB SEMS DPA' SEMS DPA' CHEN PO BYANG CHUB SEMS DPA'I TING NGE 'DZIN LA @75A *, ,ZHES BYA BA LA SOGS PA GSUNGS SO, ,BYANG CHUB SEMS DPA'I TING NGE 'DZIN LA ZHES BYA BA NI THAMS CAD MKHYEN PA'I YE SHES SU DBANG BSKUR BA'I BYE BRAG DANG LDAN PA LA'O, ,DE LA THOG MA NYID DU SLOB PA NI SPYOD CING GOMS PAR BYED PA'O, ,BYANG CHUB SEMS DPA'I TING NGE 'DZIN SGRUB PA ZHES BYA BA NI THOB PAR BYED PA'O, ,TING NGE 'DZIN DE'I 'BRAS BU BSTAN PA'I PHYIR, TING NGE 'DZIN GANG LA GNAS NAS ZHES BYA BA LA SOGS PA GSUNGS TE, RNAM PAR SMIN PA'I RNAM PAR SHES PA'I YE SHES KYIS PHYOGS BCU'I 'JIG RTEN GYI KHAMS THAMS CAD NA BZHUGS PA'I SANGS RGYAS BCOM LDAN 'DAS THAMS CAD SNANG BAR 'GYUR BA DANG, DE DAG GI SANGS RGYAS KYI ZHING YON TAN SNA TSOGS KYI RNAM PAS BRGYAN PA THAMS CAD KYANG MTHONG BAR 'DOD PA DANG, JI LTA JI LTAR DE DAG GI MING BTAGS PA SHES PAR 'DOD PA DANG, DE DAG LA MCHOD PA BLA NA MED PA ZHES BYA BA NI SGRUB PA DANG, RDZAS DANG, DE BKOD PA RNAMS KYIS JI LTAR DBANG BSKUR BA'I BYANG CHUB SEMS DPA' RNAMS KYI MCHOD PA BSNGAGS PA DE LTAR BYED PAR 'DOD PA DANG, DE DAG GI CHOS BSTAN PA LA 'JUG PA NI RTOGS PAR BYED PA'O, ,MOS PAR 'DOD PAS ZHES BYA BA NI NGES PAR BYE DPAR 'DOD PA'O, ,MI BSLAB PA'I TSUL DU SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BYA BA LA, NYID LA ZHES BYA BA NI 'DI KHO NA LA TSUL BZHIN YID LA BYED PA SO SOR RTOG PA LA SOGS PA'I RIM GYIS BSLAB PA KHO NA BYA'O ZHES GNYI GAR NGES PAR GZUNG BAR BYA'O, ,MI BSLAB PA'I TSUL DU ZHES BYA BA NI SKYE BA MED PA 'DI LA BDAG SLOB BO SNYAM DU SEMS BSKYED PAR MI BYA'O ZHES BYA BA'I THA TSIG GO, ,DE NI SKYE BA MED PA 'DI NYID ZHI GNAS DANG LHAG MTHONG GNYIS KYI SPYOD YUL DANG GZUGS BRNYAN YIN NO ZHES NGES PAR BYA BA'I CHED DU, BCOM LDAN 'DAS CI'I SLAD DU 'DI LA SHES RAB KYI PHA ROL TU PHYIN PA ZHES BGYI ZHES DRIS TE, SHES RAB MCHOG TU GYUR PA'I SHES RAB MCHOG NYID DANG KHYAD PAR DU GYUR PA DANG, DAM PA NYID YIN PA'I GTAN TSIGS GANG YIN ZHE NA LAN DU 'JAM DPAL MA SKYES MA 'GAGS @75B PA'I PHYIR, DE SKAD BYA'O ZHES GSUNGS TE, DE LAS GZHAN MCHOG TU GYUR PA'I GTAN TSIGS PHYIN CI MA LOG PA YOD PA MA YIN NO, ,SKYE BA DANG 'GAG PA GNYIS NI MED BZHIN DU KUN TU BRTAGS PA YIN PAS LOG PA YIN NO, ,DE 'DI NYID GSAL BAR BYED PA NI GZOD MA NAS ZHI BA LA SOGS PA YIN TE, SKYE BA MED PA DANG 'GAG PA MED PA GANG YIN PA DE NI GZOD MA NAS ZHI BA DANG 'BYUNG BA MED PA YIN TE, NGES PAR 'BYUNG BA MED PA DANG BYA BA MED PA YIN TE, BYED PA MED PA DANG, DE LTA BU'I BDAG NYID KYI DNGOS PO MED PA YIN PA DE'I PHYIR RO, ,BAR GYI SGRAS RANG BZHIN GYIS YONGS SU MYA NGAN LAS 'DAS PA LA SOGS PA GZUNG NGO, ,GANG DNGOS PO MED PA DE SHES RAB KYI PHA ROL TU PHYIN PA YIN NO ZHES BYA BA, SKYE BA MED PA LA SOGS PA NAS DNGOS PO MED PA LA THUG PA'I GTAN TSIGS KYI DON DE'I PHYIR NA, MJUG SDUD PA NI 'JAM DPAL GTAN TSIGS DE'I PHYIR SHES RAB KYI PHA ROL TU PHYIN PA YIN NO ZHES GSUNGS SO,, ,,BAM PO BDUN PA STE THA MA'O, ,GANG CHOS THAMS CAD SPYOD YUL MA YIN PA DE NYID BYANG CHUB SEMS DPA' SEMS DPA' CHEN PO RNAMS KYI SPYOD YUL YIN TE ZHES GSUNGS PA LA DE NYID CES BYA BA'I SGRA NI NGES PAR GZUNG BA'I PHYIR TE, DE NYID YIN GYI GZHAN BYANG CHUB SEMS DPA' RNAMS KYI SPYOD YUL MA YIN NO, ,DE STON PAR BYED PA NI GANG CHOS THAMS CAD SPYOD YUL MA YIN PA ZHES BYA BA YIN TE, MA SKYES PA'I PHYIR GZUNG BAR BYA BA MED PA LA SHES PA DANG, DMIGS PA MED PA YIN NO, ,DMIGS PA MED PA'I YE SHES 'DI LA DE'I NGANG DU GYUR PAR SPYOD NA BYANG CHUB SEMS DPA' SEMS DPA' CHEN PO'I SPYOD YUL LA ZHUGS PA ZHES BYA BA NI RANG GI YUL LA ZHUGS PA ZHES BYA BA YIN NO, ,'DI LTA STE, SPYOD YUL MA YIN PA THAMS CAD DU SONG BA NYID SPYOD YUL YIN NO ZHES GSUNGS PA NI 'DI LTA STE, SPYOD YUL MA YIN PA ZHES BYA BA NI SPYOD YUL MA YIN PA NI YUL DU BYAR MED PA'O, ,THAMS CAD DU SONG BA NI SPYOD YUL MA YIN PA YIN TE, THAMS CAD DU SONG BA YOD PAS DE THAMS CAD DU SONG BA YIN TE, CHOS THAMS CAD KYI NANG DU SONG BA NI SPYOD YUL MA YIN PA'I PHYIR RO, , @76A *, ,SKYE BA MED PA NI SPYOD YUL YIN TE, BLO LDAN RNAMS KYI SPYOD YUL YIN NO, ,CHOS THAMS CAD MI DMIGS PA NA BYANG CHUB SEMS DPA' RNAMS KYI SPYOD YUL YIN NO ZHES BSTAN PA YIN NO, ,DE CI'I PHYIR ZHE NA ZHES DOGS PA LA DON DE NYID GSAL BAR BYED PA NI SPYOD YUL 'DI NI MA BYAS PA STE ZHES BYA BA YIN TE, 'DI LTAR BYANG CHUB SEMS DPA' RNAMS KYI SPYOD YUL 'DI NI RGYU DANG RKYEN RNAMS KYIS 'DUS MA BYAS PA STE, DE'I PHYIR CHOS THAMS CAD DU SONG BA 'DI NI SPYOD YUL MA YIN PA ZHES BYA'O, ,DE LTAR SPYOD YUL DANG GZUGS BRNYAN BSTAN NAS, DE LA SPYOD PA BSTAN PA'I PHYIR RO, ,BCOM LDAN 'DAS GANG LA SPYAD NA, BYANG CHUB SEMS DPA' SEMS DPA' CHEN PO ZHES BYA BA LA SOGS PA GSUNGS SO, ,DE LA LAN NI 'JAM DPAL SHES RAB KYI PHA ROL TU PHYIN PA LA SPYAD NA ZHES BYA BA LA SOGS PA YIN TE, SPYOD PA'I NGANG DU GYUR NA, MYUR DU MNGON PAR RDZOGS PAR BYANG CHUB PAR 'GYUR GYI, 'PHRAL LA SPYOD PA DE NI MYUR DU MA YIN NO ZHES BYA BA'I THA TSIG GO, ,'JAM DPAL BKOD PA GCIG PA ZHES BYA BA'I TING NGE 'DZIN YOD DE ZHES BYA BA LA SOGS PA NI 'DI SNYAM DU DGONGS TE, 'DIR SKYE BA MED PA LA BZOD PA'I PHYIR BZOD PA DANG, SKAD CIG MA PHYI MA LA MNGON PAR 'DOD PA'I PHYIR 'DOD PA DANG, DE LTAR BSAM PA'I PHYIR BLO DANG, RGYUN DU RTOG PA'I PHYIR TSOL BA DANG, MNGON DU RTOG PA'I PHYIR LTA BA DAG GI MTSAN NYID GAL TE SHES RAB YIN DU ZIN KYANG, 'ON KYANG DE LA SKYE BA MED PA'I TING NGE 'DZIN SPYOD PA MED PAR NI SPYOD PA'I BDAG NYID LA SOGS PA'I SHES RAB KYI PHA ROL TU PHYIN PA LA SPYOD PA'I RNAM PA GANG GIS NI 'BRAS BU SHIN TU RNAM PAR DAG PA MNGON PAR BYANG CHUB PAR GANG GIS 'GYUR BAR BYED PA'I LHAG PA'I SHES RAB KYI BSLAB PA RNAM PAR DAG PAR MI 'GYUR RO, ,DE BAS NA DE BRJOD PA'I PHYIR, TING NGE 'DZIN DE LA SPYOD NA BYANG CHUB SEMS DPA' SEMS DPA' CHEN PO MYUR DU ZHES BYA BA LA SOGS PA GSUNGS SO, ,DE DAG GIS NI ZHI GNAS DANG LHAG MTHONG GNYIS NI MYUR DU MNGON PAR RDZOGS PAR 'TSANG RGYA BA'I RGYU YIN PAR BSTAN TO, ,DE NYID LAS SANGS RGYAS LA BSNYEN BKUR BYA BA DANG, @76B SEMS CAN YONGS SU SMIN PAR BYA BA DANG, SANGS RGYAS KYI ZHING RNAM PAR DAG PA DANG, SMON LAM YONGS SU RDZOGS PA LA SOGS PA'I YON TAN YANG 'GRUB PAR 'GYUR RO, ,BKOD PA GCIG PA'I TING NGE 'DZIN YOD DE, TING NGE 'DZIN DE LA SPYOD NA ZHES BSTAN GYI, DE LA SPYAD PA'I RIM PA NI MA GSUNGS TE DE'I PHYIR, BCOM LDAN 'DAS BKOD PA GCIG PA'I TING NGE 'DZIN DE LA, BYANG CHUB SEMS DPA' SEMS DPA' CHEN PO JI LTAR 'JUG PAR BGYI ZHES DRIS SO, ,GDUL BYA RNAMS SPRO BA BSKYED PAR BYA BA'I PHYIR, CI'I SLAD DU BKOD PA GCIG PA'I TING NGE 'DZIN ZHES BGYI ZHES SGRA 'JUG PA'I RGYU MTSAN DRIS SO, ,RE ZHIG SPYOD PA'I YUL BSTAN PA'I PHYIR, 'JAM DPAL BKOD PA GCIG PA ZHES BYA BA 'DI NI SKYE BA MED PA'I TSIG BLA DGAS SO ZHES GSUNGS TE, GCIG KHO NA YIN GYI GNYIS PA NI MA YIN NO, ,TSOGS MANG PO RNAMS SO SOR BKOD PA NI BKOD PA ZHES BYA STE, DMAG LA SOGS PA BKOD PA BZHIN NO, ,GCIG GIS NUS PA MA YIN GYI, MANG PO TSOGS PA SO SOR BKOD PA MA 'KHRUGS PAR 'KHOD PA RNAMS KYIS, DGOS PA MANG PO SGRUB PAR BYED PA'I DON GYI BKOD PA DANG CHOS MTHUN PA'I PHYIR TING NGE 'DZIN KHO NA BKOD PA YIN PAS, BKOD PA GCIG KHO NA YIN GYI GNYIS MA YIN NO, ,GTAN TSIGS DRIS PA RNAMS GSAL BAR BYA BA NI PHYIS BSHAD PAR BYA'O, ,NYI KHRI LNGA STONG PA LAS KYANG TING NGE 'DZIN 'DI BCOM LDAN 'DAS KYIS 'DI SKAD DU, ,DE LA BKOD PA GCIG PA ZHES BYA BA'I TING NGE 'DZIN GANG ZHE NA, TING NGE 'DZIN GANG LA GNAS NAS, CHOS GANG YANG GNYIS SU MI MTHONG BA 'DI NI BKOD PA GCIG PA'I TING NGE 'DZIN ZHES BYA'O ZHES MDOR BKA' STZAL TO, ,BKOD PA GCIG PA'I TING NGE 'DZIN LA 'JUG PAR 'DOD PA'I RIGS KYI BU'AM, RIGS KYI BU MOS THOG MA NYID DU SHES RAB KYI PHA ROL TU PHYIN PA YONGS SU DRI BAR BYA DGOS TE ZHES BYA BA 'DIS NI LOG PAR THOS PA DANG, LOG PAR ZIN PA LA SOGS PA SEL BAR BYED LA, DRIS PA YANG DAG PAR ZIN DANG, 'DOR BAR MI 'GYUR BA'I PHYIR RO, ,DE LTAR SHES RAB KYIS LEGS PAR DPYAD, LEGS PAR BZUNG, LEGS PAR BRTAGS, LEGS @77A *, ,PAR KHANG DU CHUD PAR BYAS LA, DE NAS DE'I 'OG TU BKOD PA GCIG PA'I TING NGE 'DZIN LA 'JUG PAR 'GYUR TE, DE RNAM PAR MI RTOG PA'I GZUGS BRNYAN NI TING NGE 'DZIN GYI SPYOD YUL YIN PA'I PHYIR RO, ,DE LTAR SNGA PHYIR NGES PA CI'I PHYIR ZHE NA DE'I PHYIR, 'JAM DPAL SKYE BA MED PA NI MI 'KHRUGS PA STE ZHES GSUNGS TE, 'DI LTAR TING NGE 'DZIN GYI SPYOD YUL SKYE BA MED PA NI RNAM PAR RTOG PA DPYAD PA'I BDAG NYID KYI RLUNG GIS MI 'KHRUGS TE, MA G-YOS PA YIN LA, SHES RAB KYI PHA ROL TU PHYIN PA'I SPYOD YUL NI, RNAM PAR RTOG PA DANG BCAS PA YANG YIN TE, DPYOD PAR BYED PA'I PHYIR RO, ,DE YANG CI'I PHYIR ZHE NA DE'I PHYIR, DKRUG TU MI RUNG ZHES GSUNGS TE, GZHAN GYIS DKRUG PAR 'OS PA MA YIN PA STE, DE BAS NA RTOG PA DANG BRAL BA'I PHYIR, DKRUG TU MI RUNG BA'O, ,CI'I PHYIR RTOG PA MED CE NA DE'I PHYIR, DKRUG PAR BYA BA MA YIN PA ZHES GSUNGS TE, DKRUG PAR BYA BA'I DNGOS PO 'DI LA YOD PA MA YIN PAS DKRUG PAR BYA BA MA YIN PA'O, ,'DI THAMS CAD JI LTAR 'THAD CE NA DE'I PHYIR, BSAM GYIS MI KHYAB PA ZHES GSUNGS TE, SEMS PAR BYED PAS STONG PA'I PHYIR RO, ,'DI'I GTAN TSIGS NI BSAM PAR MI BYA BA YIN TE, BSAM PAR BYA BA DANG BRAL BA'I PHYIR RO, ,BSAM GYIS MI LANG BA YANG YIN TE, SEMS PAR BYED PA DANG BRAL BA'I PHYIR RO, ,BDEN PA'I MAL STAN RNAMS BSTEN PAR BYA ZHES BYA BA NI THEG PA DMAN PA YIN LA BYED PAS DBEN PA'I MAL STAN BSNYEN PAR BYA BA YIN TE, LE LO'I GO SKABS KYI GNAS YIN PA'I PHYIR RO, ,'DU 'DZI MED PA LA DGA' BAR YANG BYAS LA ZHES BYA BA NI THEG PA DMAN PA'I GTAM BYED PA'I 'DU 'DZI MED PA DE LA DGA' BA 'DI YIN PAS 'DU 'DZI MED PA LA DGA' BA'O, ,PHYI DANG NANG GI MTSAN MA SNA TSOGS 'DU SHES KYI RGYU YIN PA THAMS CAD YID LA MI BYA BA NI 'DI BSNYEMS PA MED PA DE LA DE SKAD CES BYA'O, ,DES NA YID LA MI BYA BAR YANG BYAS LA ZHES SBYAR TE, YANG GI SGRA NI BSDU BA'I PHYIR RO, ,SKYIL MO KRUNG BCAS TE 'DUG PA NI LUS SHIN TU SBYANGS PA DANG, RJES SU MTHUN PA'I PHYIR MNYAM PAR 'JOG PA'I RGYU YIN NO, ,DE @77B BZHIN GSHEGS PA ZHES BYA BA NI DE'I LAM DANG RJES SU MTHUN PA'I PHYIR RO, ,GCIG YID LA BYA BA NI LAS DANG PO PA RNAMS KYI MI G-YENG BA'I RGYU YIN PA'I PHYIR RO, ,CHOS THAMS CAD KYANG ZHES BYA BA NI PHUNG PO DANG KHAMS DANG, SKYE MCHED SO SO'I SKYE BO LA SOGS PA'I RGYUD LA YOD PA NI RNAM PAR RTOG PA'I GNAS YIN PA'I PHYIR DANG DE YANG SPANG BAR BYA BA'I PHYIR RO, ,DE YANG MI DMIGS PA'I TSUL GYIS YID LA BYED PA NI JI LTAR SGO MTHA' YAS PA DANG, NYI KHRI LTA STONG PA LA SOGS PA LAS SANGS RGYAS RJES SU DRAN PA GSUNGS PA LTA BU'O, ,CHOS THAMS CAD BSGOM PA 'DI LA YANG SBYAR RO, ,DE'I MING YANG GZUNG BAR BYA'O ZHES BYA BA NI YI GE MNYAM PA NYID LA 'JUG PAR BYA BA'I PHYIR TE, JI SKAD DU NYI KHRI LNGA STONG PA LAS, AA DANG, RA DANG, PA DANG, TZA DANG, NA LA SOGS PA LAS, AA ZHES BYA BA NI CHOS THAMS CAD KYI SGO YIN TE, THOG MA NAS MA SKYES PA'I PHYIR RO; RA NI RDUL DANG BRAL BA'I PHYIR RO ZHES BYA BA LA SOGS PA GSUNGS PA LTA BU DANG, DE BZHIN GSHEGS PA'I MTSAN DRAN PAS JI LTAR RANG SMON PA'I 'BRAS BU THOB PAR BYA BA'I PHYIR YANG YIN TE, JI LTAR DE BZHIN GSHEGS PA SH'A KYA THUB PA 'DI'I MTSAN THOS PA NI PHYIR MI LDOG PA'I SA BON DU GSUNGS PA LTA BU'O, ,PHYOGS DER MNGON DU BLTAS TE 'DUG PAR BYA BA NI DE BZHIN GSHEGS PA'I 'OD ZER GYI RLUNG GI DKYIL 'KHOR DANG RJES SU MTHUN PAR BYA BA'I PHYIR RO, ,'O NA DE LTA NA DE BZHIN GSHEGS PA GZHAN SPANGS PAR JI LTAR MI 'GYUR ZHE NA MI 'GYUR TE, DE BZHIN GSHEGS PA GCIG DE NYID YID LA BYAS NA GCIG YID LA BYED PAR 'DOD PA DE NYID KYIS 'DAS PA LA SOGS PA'I SANGS RGYAS RNAMS YID LA BYAS PAR 'GYUR RO, ,GTAN TSIGS SU DE BZHIN GSHEGS PA NYID GCIG PA'I PHYIR RO ZHES GSUNGS TE, CHOS NYID DBYER MED PA'I PHYIR, DE NYID RJES SU DRAN PAS GZHAN RJES SU DRAN PA YIN NO, ,DE LTA MA YIN NA GCIG PO YANG RJES SU DRAN PAR MI 'GYUR RO, ,DE LTAR 'JUG PA'I RIM PA BSHAD NAS, GTAN TSIGS GANG GIS BKOD PA GCIG PA'I TING NGE 'DZIN CES BYA BA DE BSHAD PAR 'DOD PA'I PHYIR, 'JAM DPAL JI LTAR DE BZHIN @78A *, ,GSHEGS PA GCIG GI ZHES BYA BA LA SOGS PA GSUNGS TE, SANGS RGYAS KYI YON TAN TSAD MED PA NI NAM MKHA' BZHIN DU TSAD BYAR MI NUS SO, ,SPOBS PA TSAD MED PA NI CHOS BSHAD PA'I'O, ,DE BZHIN DU 'JAM DPAL BKOD PA GCIG PA'I TING NGE 'DZIN GONG DU JI SKAD BSHAD PA LTA BU THOB NAS BSKYED NAS SO, ,SKYE BA MED PA GCIG GI ZHES BYA BA NI GCIG GI SGRA 'JUG PA'I GTAN TSIGS SU BSTAN TO, ,CHOS KYI RNAM GRANGS KYI BYE BRAG TSAD MED PA ZHES BYA BA NI BKOD PA'I SGRA 'JUG PA'I GTAN TSIGS YIN PAR BSTAN TO, ,'DIR GANG DAG CHUD PAR 'GYUR BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GZHAN RNAMS KYIS GANG DAG GSUNGS PA DANG, NGAS KYANG GANG BSHAD PA LA KUN DGA' BOS JI SNYED YONGS SU GZUNG BA DE SNYED KYI BSHAD PA'I CHOS KYI RNAM GRANGS KYI DON DANG TSIG RNAMS MNYAM PAR GZHAG PA 'DIR SNANG BAR 'GYUR RO, ,BLO LA SNANG BA YOD PAR 'GYUR RO, ,GZUGS SHES PA'I CHE BA NYID BSTAN NAS SPOBS PA TSAD MED PAR GSUNGS PA DE BSTAN PA'I PHYIR, BKOD PA GCIG PA'I TING NGE 'DZIN 'DI BSGRUBS PAS, DE'I TSE'I TSAD JI TZAM PA DE SNYED DU GTAN TSIGS DANG BCAS PA'I CHOS STON PA RGYUN MI 'CHAD PAR 'GYUR RO ZHES GSUNGS TE, GTAN TSIGS DANG BCAS PA NI GTAN TSIGS 'THAD PA DANG BCAS PA'I CHOS STON PA'I BAR MI 'CHAD PA'O, ,GTAN TSIGS DE DAG GIS NI GCIG PO DE NYID BKOD PA YIN PAS, BKOD PA GCIG PA'I TING NGE 'DZIN ZHES BYA'O,, BSTAN MA THAG PA'I DON GNYIS PO DE'I DPE BSTAN PA RTZOM PA'I PHYIR, 'JAM DPAL DE LA BYANG CHUB SEMS DPA'I THEG PA KHA CIG 'DI SNYAM DU ZHES BYA BA LA SOGS PA GSUNGS TE, KHA CIG CES BYA BA NI YON TAN 'DOD PA'O, ,'DI SNYAM DU ZHES BYA BA NI RNAM PAR RTOG PA'O, ,YON TAN LAS BKOD PA GCIG PA'I TING NGE 'DZIN DU GZHAG PA 'DI GANG YIN SNYAM DU SEMS NA DE DAG LA 'DI SKAD CES RE ZHIG CES BYA BA NI RIM PA STON TO, ,YON TAN BSAM DU MED PA GANG YIN PA DE NI YON TAN BSAM GYIS MI KHYAB PA STE TING NGE 'DZIN LA BYA'O, ,DE YONGS SU BSGRAGS PA NI GANG GIS SAM @78B GANG DU BSHAD PA GANG YIN PA STE, YON TAN BSAM GYIS MI KHYAB PA YONGS SU BSGRAGS PA STE, GANG DU BSTAN PA BYAS PA'O, ,'DI ZHES BYA BA NI GONG DU BSTAN PA'O, ,DE YANG DAG PAR ZUNG LA LONG LA YID LA ZHOG SHIG ,SBYOR BA'I TSUL LA GUS PAS RTAG TU BSTEN CING 'DUG SHIG DANG JI LTA JI LTAR YANG DAG PAR BLANGS TE ZHES BYA BA LA SOGS PA NI YANG DAG PAR BLANGS TE 'DUG SHIG DANG, ,TING NGE 'DZIN GYI YON TAN MTHONG BAR 'GYUR GYI ZHES BYA BA YIN NO, ,JI SKAD BSTAN PA'I TSUL GYIS ZHES BYA BA NI GONG DU SHES RAB KYI PHA ROL TU PHYIN PA YONGS SU DRIS PA LA SOGS PA DANG, 'PHAGS PA'I GSUNG SHIN TU THOB PA DANG MA 'DRES PAR GNAS PA DE DAG GI BYA BA YIN NO, ,ZHUM PA MED PAR GYIS SHIG CES BYA BA NI CUNG ZAD TZAM GYIS CHOG PAR 'DZIN PA YONGS SU SPANG BA'O, ,DES NI ZHI GNAS DANG LHAG MTHONG DANG DE GNYI GA'I GAGS SU GYUR PA YONGS SU SPONGS LA 'DUG SHIG PAR BSTAN TO, ,SPYOD YUL LA BAR CHAD BYED PA MI MTHUN PA'I PHYOGS SU GYUR BA'I LTA BA SPANG BA'I PHYIR, TING NGE 'DZIN 'DI NI DMIGS PA'I LTA BA CAN DAG DANG ZHES BYA BA LA SOGS PA GSUNGS TE, DMIGS PA NI GZUNG BA DANG 'DZIN PA GNYIS SO, ,DNGOS PO NI DNGOS PO YOD PA YIN NO ZHES BYA BAR RO, ,YOD PA NI 'BYUNG BA DANG 'JIG PA YOD DO ZHES BYA BA STE, DE LTAR LTA ZHING 'DZIN PA GANG YIN PA DE DAG GIS BSGRUB PAR MI NUS SO, ,TING NGE 'DZIN GYI YON TAN MTHONG BA'I RIM PA'I DPE BSTAN PA'I PHYIR, 'JAM DPAL 'DI LTA STE, DPER NA, MI ZHIG LA NOR BU RIN THANG MED PA'I NOR BU RIN PO CHE BYI DOR MA BYAS PA ZHES BYA BA LA SOGS PA GSUNGS TE, NOR BU RIN PO CHE RIN THANG MED PA DANG, BYI DOR MA BYAS PA ZHES BYA BA NI DPE YIN TE MTHA' DAG GSAL BAS BSTAN MI DGOS SO, ,DE BZHIN DU 'JAM DPAL JI LTA JI LTAR RIGS KYI BU 'AM RIGS KYI BU MO DE TING NGE 'DZIN LA MNYAM PAR 'JOG PA DANG, 'DUG PA DE LTA DE LTAR TING NGE 'DZIN 'DI'I YON TAN MTHONG BAR 'GYUR RO ZHES GSUNGS PA LA JI LTA JI LTAR ZHES BYA BA NI LAN MANG DU BYED PA BSTAN PA YIN TE, 'DI LTAR LUS DANG SEMS SHIN TU SBYANGS PA MA THOB PA LHAG @79A *, ,PAR MOS PA DANG LDAN PA NI ZHI GNAS DANG RJES SU MTHUN PA YIN GYI ZHI GNAS MA YIN NO, ,LHAG MTHONG NI RNAM PA GSUM STE, MTSAN MA LAS BYUNG BA DANG TSOL BA PA DANG SO SOR RTOG PA PA'O, ,SEMS DE DANG, BAR CHAD MED PAR RJES SU 'BRANG BA'I ZHI GNAS KYANG RNAM PA GSUM DANG BSAM GTAN DANG, GZUGS MED PA'I SNYOMS PAR 'JUG PA'I BYE BRAG GIS RNAM PA BRGYAD DANG, BYAMS PA LA SOGS PA TSAD MED PA DANG LDAN PAS KYANG RNAM PA BZHI'O, ,DE BAS NA DE'I PHYIR JI LTA JI LTAR ZHES BYA BA 'DI GSUNGS SO, ,'JUG PA ZHES BYA BA NI SA DANG PO LA BYA'O, ,DE LTA DE LTAR TING NGE 'DZIN 'DI'I YON TAN MTHONG BAR 'GYUR RO ZHES BYA BA NI BDAG NYID KYIS SO, ,SPOBS PA RGYUN MI 'CHAD PA DPAG TU MED PA'I DPE BSTAN PA'I PHYIR, 'JAM DPAL 'DI LTA STE, DPER NA NYI MA'I DKYIL 'KHOR GYI 'OD ZER GYIS ZHES BYA BA LA SOGS PA GSUNGS TE, DKYIL 'KHOR GYI MTHA' DAG KYANG 'DZAM BU'I GLING LA SOGS PA'I MTHA' YAN CHAD 'OD ZER DAG GIS GSAL BAR MA GYUR PA SNANG BAR MA GYUR PA MED DO, ,'JAM DPAL DE BZHIN DU BKOD PA GCIG PA'I TING NGE 'DZIN LA BRTEN CING ZHUGS NAS ZHES BYA BA LA BRTEN PA 'DI NI MOS PAS SPYOD PA'I SA'I TSE'O, , ZHUGS PA NI MTHONG BA'I LAM GYI TSE'O, ,RNYED PA NI SA GSUM GYI TSE STE, 'OD BYED PA'I TSE TING NGE 'DZIN THOB PAR RNAM PAR 'JOG PA'I PHYIR RO, ,DE SHES RAB KYI PHA ROL TU PHYIN PAR BSTAN PA MA YIN PA'I CHOS GANG YANG BSTAN PA YOD PA MA YIN NO, ,GANG LA LAS 'DI BZHIN DU SHES NA RTOGS NA, DES SKYE BA MED PA DANG, MA SKYES PA DANG, 'GAL ZHING MI MTHUN PAR GYUR BA'I CHOS GANG YANG MI MTHONG NGO, ,SKYE BA MED PA NYID DU GCIG PA'I DPE NI, 'JAM DPAL 'DI LTA STE, DPER NA RGYA MTSO CHEN PO'I PHYOGS BZHI NAS ZHES BYA BA LA SOGS PA YIN NO, ,DE BZHIN DU BYANG CHUB SEMS DPA'I RIGS LA SOGS PA RIGS MA NGES PA LA THUG PA SEMS CAN GYI RIGS BZHI PO PHYOGS BZHI DANG 'DRA BA RNAMS LA, NGAS CHOS GANG CI BSTAN PA DE DAG THAMS CAD 'DI LTA STE, SKYE BA MED PA'I RO DANG DNGOS PO MED PA'I RO KHO NAR GCIG PA YIN NA, SEMS CAN RNAMS KYI BSAM PA THA DAD PA'I DBANG GIS THA DAD PAR @79B ZIN TO ZHES DGONGS PA'O, ,BCOM LDAN 'DAS KYIS CHOS STON PA 'DIR SKABS MA YIN PA MA YIN NAM, 'DIR CI'I PHYIR BSTAN ZHE NA, BDEN TE BKOD PA GCIG PA'I TING NGE 'DZIN THOB PA'I BYANG CHUB SEMS DPA' KHO NA'I GLENG BA BSTAN PAR BYA BA YIN LA, DE YANG DE BZHIN GSHEGS PAS 'CHAD PA TING NGE 'DZIN DE LAS BYUNG BA DANG THA MI DAD DO ZHES BSTAN PA'I PHYIR DE BZHIN GSHEGS PAS 'CHAD PA BSTAN PA NYES PA MED DO, ,DE BAS NA DPE GONG MAS BYE BRAG TU BYAS PA'I DE BZHIN GSHEGS PA YANG 'DIR DPE YIN NO, ,DE NYID KYI PHYIR DON KYANG GNYIS SU SBYAR BA YIN TE, 'JAM DPAL RIGS KYI BU TING NGE 'DZIN 'DI LA GNAS PA DE YANG CHOS GANG DANG GANG STON PAR 'GYUR BA DE THAMS CAD RO GCIG PA KHO NA STON PAR 'GYUR TE, 'DI LTA STE, SKYE BA MED PA'I RO KHO NA DANG, DNGOS PO MED PA'I RO KHO NA ZHES BYA BA LA, RGYA MTSO LA CHU LEN PA'I SKYES BU BZHIN DU RIGS KYI BU TING NGE 'DZIN 'DI LA GNAS PA DE YANG CHOS GANG DANG GANG STON PA DE THAMS CAD SKYE BA MED PA DANG, DNGOS PO MED PAR RO GCIG PA KHO NA STON PA YIN GYI GZHAN MA YIN NO, ,'JAM DPAL DE BZHIN DU RIGS KYI BU TING NGE 'DZIN 'DI LA GNAS NAS GANG CI STON PA DE THAMS CAD KYANG MA SKYES PA DANG, SKYE BA MED PA DANG, DNGOS PO MED PA KHO NA STON PAR GYUR RO ZHES BYA BA LA, DE BZHIN DU ZHES BYA BA NI RIGS KYI BU DE DE BZHIN GSHEGS PA BZHIN DU YIN TE, THABS GCIG PA DANG 'BRAS BU GCIG PA'I PHYIR RO, ,TING NGE 'DZIN 'DI LA GNAS NAS GANG CI STON PA DE THAMS CAD KYANG DE BZHIN GSHEGS PA STON PA MDZAD PA BZHIN DU, MA SKYES PA DANG SKYE BA MED PA DANG DNGOS PO MED PA STON PA YIN NO, ,DE BAS NA DE LTA BU'I RNAM PA MA SKYES PA DANG, SKYE BA MED PA DANG, DNGOS PO MED PA KHO NA ZHES BYA BA LA, DE KHO NA ZHES BYA BA NI DE BZHIN DU ZHES BYA BA'I DON YIN NO, ,TING NGE 'DZIN SPYOD PAS MYUR DU BYANG CHUB BAR 'GYUR BA'I SKABS BSDU BA'I PHYIR, 'JAM DPAL GZHAN YANG TING NGE 'DZIN THOB PA'I ZHES BYA BA LA SOGS PA GSUNGS SO, ,MYUR DU BYANG CHUB KYI PHYOGS KYI CHOS RNAMS ZHES BYA BA NI DRAN PA NYE BAR GZHAG PA LA SOGS PA'O, ,TING NGE 'DZIN LA JI LTAR 'JUG PAR BYA @80A *, ,BA DANG DE'I BSNGAGS PA NI BSTAN ZIN TO, ,SHES RAB KYI PHA ROL TU PHYIN PA DE LA SPYOD PA'I BZOD PA RNAM PA GSUM STE, SGRA'I RJES SU 'GRO BA DANG BSAMS PA LAS BYUNG BA DANG BSGOMS PA LAS BYUNG BA'O, ,DE LA SGRA'I RJES SU 'GRO BA'I BZOD PA BSTAN PA'I PHYIR, 'JAM DPAL GZHAN YANG BYANG CHUB SEMS DPA' SEMS DPA' CHEN POS GANG GI TSE BDAG GI DBYINGS NAS CHOS KYI DBYINGS KYI BAR DU ZHES BYA BA LA SOGS PA GSUNGS TE, GANG GI TSE ZHES BYA BA NI THOS PA'I SHES PA'I TSE'O, ,BDAG GI DBYINGS ZHES BYA BA NI BDAG GI RANG GI NGO BO LA BYA STE, MI MTHONG BA ZHES BYA BA 'DI DANG SBYAR BAR BYA'O, ,BAR GYI SGRAS BSAM GYIS MI KHYAB PA'I DBYINGS DANG KUN TU 'BYUNG BA MED PA'I DBYINGS LA SOGS PA BSDU'O, ,CHOS KYI DBYINGS SKYE BAR MI MTHONG 'GAG PAR MI MTHONG ZHES BYA BAR SBYAR RO, ,DE LTA BU'I BZOD PA CAN GYI BYANG CHUB SEMS DPA' SEMS DPA' CHEN PO YANG ZHES BYA BA LA, 'DI LA DE LTA BU'I BZOD PA'I NGO BO YOD PAS DE LTA BU'I BZOD PA CAN NO, ,YANG GI SGRAS SNGAR SMOS PA'I BKOD PA GCIG PA'I TING NGE 'DZIN THOB PA NYI TSER MA ZAD KYI 'ON KYANG DE LTA BU'I BZOD PA CAN YANG MYUR DU MNGON PAR RDZOGS PAR 'TSANG RGYA'O, ,BSAMS PA LAS BYUNG BA'I BZOD PA BSTAN PA'I PHYIR, BLA NA MED PA YANG DAG PAR RDZOGS PA'I BYANG CHUB LA GANG YANG MI SEMS PA DANG BYANG CHUB SEMS DPA'I CHOS RNAMS LA MI SEMS PA'I RIGS KYI BU DE BZOD PA LTA BU CAN DANG ZHES GSUNGS TE, GTZO BO YIN PA'I PHYIR, 'BRAS BUR GYUR PA BLA NA MED PA YANG DAG PAR RDZOGS PA'I BYANG CHUB LA GANG YANG MI SEMS PA NI CHOS THAMS CAD MA SKYES PA'I PHYIR, BSAM PAR BYA BA DANG SEMS PAR BYED PA DANG, SEMS PA RNAMS MI DMIGS PA'I PHYIR RO, ,BYANG CHUB SEMS DPA'I CHOS RNAMS LA ZHES BYA BA NI SA DANG PHA ROL TU PHYIN PA DANG TSAD MED PA LA SOGS PA YANG DAG PAR RDZOGS PA'I BYANG CHUB KYI RGYUR GYUR PA RNAMS TE, DE LA GANG YANG MI SEMS PA ZHES BYA BAR RIG PAR BYA'O, ,RGYU DANG 'BRAS BUR GYUR PA LA MI SEMS PA'I NGANG TSUL CAN DE LTA BU DE NI BSAMS PA LAS BYUNG BA'I BZOD PA YIN TE, MYUR DU @80B MNGON PAR RDZOGS PAR 'TSANG RGYA BAR 'GYUR RO ZHES 'OG NAS 'BYUNG BA DANG SBYAR RO, ,BSGOMS PA'I RJES SU MTHUN PA'I BZOD PA BSTAN PA'I PHYIR BYANG CHUB NI SANGS RGYAS NYID KYI PHYIR THOB PAR BYED PA NYID MA YIN ZHES GSUNGS TE, NYID KYI SGRA NI NGES PAR GZUNG BA YIN TE, BSTAN ZIN PA'I MTSAN NYID BYANG CHUB NI SANGS RGYAS NYID KYI PHYIR, SANGS RGYAS KYI NGO BO'I PHYIR THOB PAR BYED PA MA YIN NO, ,DE LTA BU YANG BZOD PA 'DI YIN TE, RIGS KYI BU DE NI MYUR DU BLA NA MED PA YANG DAG PAR RDZOGS PA'I BYANG CHUB TU 'GYUR BAR BRJOD DO ZHES 'BYUNG BA LA, DE LTA BU YANG BSGOMS PA'I RJES SU MTHUN PA'I BZOD PA GANG YIN PA 'DI YIN TE ZHES SBYAR TE, GANG ZHES BYA BA DANG DE ZHES BYA BA NI RTAG TU 'BREL PA'I PHYIR RO, ,RIGS KYI BU DE NI MYUR ZHING MGYOGS PAR BRJOD DO, ,LUNG STON TO, ,YUL GANG DU MYUR ZHES DE'I PHYIR, BLA NA MED PA YANG DAG PAR RDZOGS PA'I BYANG CHUB TU 'GYUR BAR ZHES GSUNGS SO, ,DON DE LTA BU LA MOS PA DANG, ZHUM PA MED PA YANG BYANG CHUB PAR 'GYUR BAR BSTAN PA'I PHYIR, CHOS THAMS CAD NI SANGS RGYAS KYI CHOS SO ZHES SU DE LTAR MOS SHING ZHES BYA BA LA SOGS PA GSUNGS TE, CHOS THAMS CAD NI SO SO'I SKYE BO LA SOGS PA'I CHOS SO, ,SANGS RGYAS KYI CHOS NI STOBS DANG MI 'JIGS PA LA SOGS PA'O, ,SU DE LTAR THA DAD PA MED PA NYID DU MOS SHING ZHUM PAR MI 'GYUR SEMS DMAN PAR MI 'GYUR BA DE YANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR NGES PAR 'GRO BAR NGAS BSHAD DE; DE'I SA BON MOS PA'I BYE BRAG DANG LDAN PA'I PHYIR RO, ,GANG GIS BSTAN PA 'DI'I DON THOS NAS RMONGS PAR MI 'GYUR, GTI MUG PAR MI 'GYUR, YIN NAM MA YIN ZHES THE TSOM ZA ZHING SO MA NYI ZA BAR MI 'GYUR BA DE YANG SANGS RGYAS KYI CHOS THAMS CAD DANG MI 'BRAL ZHING LDAN PAR BRJOD PAR BYA'O, ,SHES RAB KYI PHA ROL TU PHYIN PA'I SPYOD PA DANG, TING NGE 'DZIN GYI SPYOD PAS YANG DAG PAR BYANG CHUB PA 'THOB PAR DE SKAD CES BKA' STZAL TE BSTAN PA DANG, RGYU DANG 'BRAS BU'I DNGOS PO DON DAM PAR RNAM PAR RTOG PA BSAL BA'I PHYIR, BCOM LDAN 'DAS MYUR DU BLA NA MED PA @81A *, ,YANG DAG PAR RDZOGS PA'I BYANG CHUB RGYU LAS ZHES BYA BA LA SOGS PA ZHUS SO, ,'JAM DPAL DE NI MA YIN TE ZHES BYA BA LA SOGS PA NI LAN YIN TE, BYANG CHUB LA RGYU DANG 'BRAS BU'I DNGOS PO BKAG PA YIN NO, ,DE CI'I PHYIR ZHAN ZHES DOGS PA LA 'DIR 'CHAD PA NI SKYE BA MED PA DANG; DNGOS PO MED PA NI ZHES BYA BA LA SOGS PA GSUNGS TE, SKYE BA MED PA 'AM, DNGOS PO MED PA NI 'BRAS BU GANG GI YANG RGYU MA YIN ZHING, RGYU LAS NGES PAR 'BYUNG BA'I 'BRAS BU GANG YANG MED DO, ,'O NA SHES RAB KYI PHA ROL TU PHYIN PA DANG, TING NGE 'DZIN GYI SPYOD PAS MYUR DU MNGON PAR RDZOGS PAR 'TSANG RGYA BAR GSUNGS PA MA YIN NAM, DES NA SANGS RGYAS KYI MDZAD PA MTHA' DAG SGRUB PA'I RGYU DANG 'BRAS BU MED PA NI MI RIGS SO SNYAM NAS, DE CI'I PHYIR ZHEN ZHES DRIS SO, ,LAN NI CHOS THAMS CAD MA SKYES PA'I PHYIR RO ZHES BYA BA YIN TE, ZHI GNAS DANG LHAG MTHONG BSGOM PA DANG, DES SHIN TU RNAM PAR DAG PA'I SANGS RGYAS NYID DANG, DE'I MDZAD PA 'GRO BA ZHI BA LA SOGS PA LTA GA LA YOD CES DGONGS PA'O, ,'DIS NI DON DAM PA MED PA'I BYANG CHUB NI NAM MKHA' BZHIN DU MTSAN NYID MED PA LA RGYU DANG 'BRAS BU DANG LDAN PA MI RIGS SO, ,'JAM DPAL DE LTA BAS NA, RIGS KYI BU 'AM, RIGS KYI BU MO GANG GIS BSTAN PA 'DI THOS NAS NUR BAR MI 'GYUR BA ZHES BYA BA LA SOGS PA NI MJUG SDUD PA YIN NO, ,'JAM DPAL DE LTA BAS NA DGE SLONG NGAM DGE SLONG MA 'AM ZHES BYA BA LA SOGS PA NI STON PAS RJES SU GZUNG BA YIN NO, ,ZHUM PAR MI 'GYUR BA NAS NUR BA'I BAR DU MI 'GYUR BA ZHES BYA BA LA, BAR DU ZHES BYA BA'I SGRAS NI SAM NYI ZA BA DANG RMONGS PAR MI 'GYUR BA BSDU'O, ,NUR BAR MI 'GYUR BA NI BSHAD ZIN TO, ,BAR DU GCOD PA 'DI DAG SPANGS SHING SGRUB PA GANG DAG LA, SANGS RGYAS KYIS RJES SU GZUNG BA MED PAR MI 'GRUB PO ZHES BSTAN PA'I PHYIR, DE DAG NI NGA LA SKYABS SU SONG BA'O ZHES GSUNGS TE, SKYABS SU DONG BA KHO NA YIN PA DE BAS NA NGAS BSKYAB BAR 'OS PA YIN NO ZHES BYA BA YIN NO, ,DE DAG NI NGA'I RJES SU RAB TU BYUNG BA'O ZHES BYA BA LA, RJES SU ZHES BYA BA'I SGRA NI 'DRA BA'I DON YIN PA'I PHYIR, NGA DANG 'DRA @81B BAR RAB TU BYUNG BA 'AM, NGA DANG 'DRA BAR BYED PA NI RAB TU BYUNG BA YIN NO, ,DE BAS NA DE DAG GI STON PA NI NGA YIN TE, DE DAG NI NGAS BSTAN PA'I SNOD DU GYUR PA YIN TE, SKYABS SU 'GRO BA DANG, RAB TU 'BYUNG BA DANG, STON PAR GYUR PAS CHOS NYAN PA DANG, MOS PA LA SOGS PA 'GRUB PAR 'GYUR PA'I LAS BSKYED PAR 'GYUR BA DANG, YONGS SU SMIN PA LA SOGS PA NGAS DE DAG LA BYAS PA YIN NO ZHES BSTAN PA YIN NO, ,DES NA DE DAG LA SANGS RGYAS KYIS RJES SU GZUNG BA NI 'BRAS BU MED PA MA YIN NO ZHES BSTAN TE, SANGS RGYAS RNAMS KYI PHRIN LAS 'BRAS BU MED PA MA YIN PA'I PHYIR RO, , DE NYID KYI PHYIR, YE SHES KYI PHYAG RGYA LAS, SANGS RGYAS RNAMS KYIS SEMS BSKYED PA BSGRUBS PA'I BYANG CHUB SEMS DPA' RNAMS NI DMU RGOD MA YIN PAR GSUNGS SO, ,BYANG CHUB SEMS DPA'I BSLAB PA BSGRUB PA'I PHYIR, GONG DU SHES RAB KYI PHA ROL TU PHYIN PA 'DI NYID LA BSGRUB PAR BYA'O ZHES GSUNGS PA DER YANG 'DI NYID LA BSLAB PAR BYA BA KHO NA YIN NO ZHES GNYI GA NGES PAR GZUNG BA BSTAN LA, DE LA SNGA MAS NI BSLAB PA GZHAN LAS LDOG CING, SHES RAB KYI PHA ROL TU PHYIN PA LA BSLAB PA DANG LDAN PA'I DON YIN NO, ,DE BAS NA RJES SU 'GRO BA NI YON TAN RNAMS KYIS BSTAN TO, , GNYIS PA NI BSLAB PA MA YIN PA LAS LDOG PA TZAM LAS DGONGS PA YIN TE, LDOG PA NI SKYON RNAMS KYIS BSTAN PA'I PHYIR, 'JAM DPAL RIGS KYI BU 'AM, RIGS KYI BU MO GANG SHES RAB KYI PHA ROL TU PHYIN PA ZAB MO 'DI LA MI SLOB PA DE ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA MI SLOB PA DE NI BYANG CHUB SEMS DPA'I BSLAB PA GSUM LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI MTSAN NYID PHA ROL TU PHYIN PA DRUG GI BDAG NYID LA MI SLOB PA YIN NO, ,'DI SKAD DU, BSLAB PA'I DNGOS PO DRUG DE DAG, ,SNGA MA SNGA MA RGYU DAG YIN, ,SBYIN DANG TSUL KHRIMS BZOD PA DANG, ,BRTZON 'GRUS BSAM GTAN SHES RAB RNAMS, ,LHAG PA'I TSUL KHRIMS SNGA MA GSUM, ,BRTZON 'GRUS KUN TU 'GRO BAR 'DOD, ,LHAG SEMS LHAG PA'I SHES RAB NI, ,BSAM GTAN SHES RAB GO RIMS BZHIN, ,BSOD @82A *, ,NAMS YE SHES TSOGS DANG NI, ,DANG PO GSUM DANG THA MA YIN, ,'DI LA KUN TU 'GRO BA NI, ,BSAM GTAN BRTZON 'GRUS BCAS PAR BRJOD, ,SEMS CAN RJES SU GZUNG BA DANG, ,NYON MONGS GNYEN PO GSUM TSAN GNYIS, ,'DI DAG NYID KYI GROGS YIN PHYIR,, THABS LA SOGS PA RNAM PA BZHI, ,ZHES GSUNGS SO, ,SHES RAB KYI PHA ROL TU PHYIN PA MED PAR NI SBYIN PA LA SOGS PA SGRO 'DOGS PA BSKYED PA'I PHYIR LDOG PA NYID YIN GYI, PHA ROL TU PHYIN PA NYID MA YIN NO, ,PHA ROL TU PHYIN PA MA YIN NA YANG BYANG CHUB SEMS DPA'I BSLAB PA NYID MA YIN PAS SHES RAB KYI PHA ROL TU PHYIN PA 'DI LA MI SLOB NA BYANG CHUB SEMS DPA'I BSLAB PA LEN PA'I DBANG MDZAD PA SANGS RGYAS BYANG CHUB SEMS DPA' RNAMS KYI THUGS BSLUS PA DANG, SDUG BSNGAL BA'I SEMS CAN GYI TSOGS MTHA' MED PA DAG DBUGS PHYUNG BA YANG BSLUS PA'I SKYON DU 'GYUR RO, ,DPE NI RTOGS PAR SLA'O, ,DE BZHIN DU BYANG CHUB SEMS DPA' SEMS DPA' CHEN PO RNAMS KYI DGE BA'I CHOS 'JIG RTEN BA 'AM, 'JIG RTEN LAS 'DAS PA PHA ROL TU PHYIN PAS YONGS SU ZIN PA, GANG CI YANG RUNG BA DE DAG THAMS CAD SKYE BA MED PA'I RNAM PA GOMS PAR BYA STE, SHES RAB KYI PHA ROL TU PHYIN PAS YONGS SU ZIN NA, 'PHEL ZHING RGYAS PA STE, RGYUN 'PHEL BA DANG, YANGS PA RGYA CHE BA DANG, MI ZAD PA NYID DU 'GYUR TE, MNGON PAR 'DOD PA'I 'BRAS BU BLA NA MED PA YANG DAG PAR RDZOGS PA'I BYANG CHUB LAS SLU BAR MI BYED DO, ,DE BAS NA RDZOGS PA'I BYANG CHUB 'DOD PAS SHES RAB KYI PHA ROL TU PHYIN PA NYID LA GUS PAS BSTEN PAR BYA BA YIN NO, ,SMON LAM YONGS SU BZUNG BA MED PAR DAM PA'I CHOS NYAN PA DANG, LHAG PAR MOS PA DANG, SANGS RGYAS NYID DU 'GYUR BA'I BAR DU MED PAS NA, GDUL BYA RNAMS SMON LAM 'DEBS SU GZHUG PA'I PHYIR ZHUS PA, BCOM LDAN 'DAS SHES RAB KYI PHA ROL TU PHYIN PA'I BSTAN PA GANG LAGS PA'I ZHES BYA BA LA SOGS PA GSUNGS SO, ,LAN NI 'JAM DPAL GANG GIS SHES RAB KYI PHA ROL TU PHYIN PA BSTAN PA 'DI DA LTAR GYI TSE LA THOB NAS ZHES BYA BA LA SOGS PA YIN TE, DA LTAR GYI TSE 'DI LA SKYE BA MED @82B PAR BSTAN PA 'DI THOS NAS, BDAG TSE 'DI BRJES NAS KYANG, TSE 'PHOS NAS TSE GZHAN GYI TSE NA YANG, SHES RAB KYI PHA ROL TU PHYIN PA BSTAN PA 'DI NYAN TO ZHES SMON LAM BTAB PA DE DAG NI PHYIS NYAN PA NAS SGOM PAR BYED PA'I BAR DU 'GYUR RO, ,BAR DU ZHES BYA BA'I SGRAS NI LHAG PAR MOS PA LA SOGS PA GSUNGS SO, ,MI SGOM PA'I TSUL GYIS ZHES BYA BA NI MI RTOG PA'I TSUL GYIS SO, ,'JAM DPAL GANG DAG SHES RAB KYI PHA ROL TU PHYIN PA ZAB MO 'DI THOS TE THOS PA KHO NAS KYANG ZHES BYA BA LA, KHON ZHES BYA BA NI NGES PAR GZUNG BA'I PHYIR, THOS PA KHO NAS MGU BA YANGS PA THOB PA NI YID BDE BA THOB PA'O, ,DGA' BA YID DGA' BA GZENGS MTHO BA THOB PA DE DAG NI DGE BA'I RTZA BA CHUNG BAR NGA MI 'CHAD DO, ,SHES RAB KYI PHA ROL TU PHYIN PA'I SPYOD PA BSTAN ZIN TO, ,DBANG PO RNON PO'I GANG ZAG MNGON DU 'ONGS PA'I DBANG DU BYAS PA RDZOGS NAS, DA NI GANG ZAG DBANG PO RNON PO MA YIN PA DANG, DE'I TSE MNGON DU 'ONGS PA MA YIN LA, RGYU RKYEN 'GA' ZHIG GI DBANG GIS SKAL BA YOD PA TZAM DU ZAD PA DE'I CHED DU TING NGE 'DZIN GYI SPYOD YUL RNAM PAR MI RTOG PA'I GZUGS BRNYAN DPES BSTAN PA'I PHYIR, 'JAM DPAL GANG ZHIG SHES RAB KYI PHA ROL TU PHYIN PA BSTAN PA 'DI LA NYAN 'DOD PAR GYUR NA ZHES BYA BA LA SOGS PA GSUNGS SO, ,GANG ZHIG CES BYA BA'I SGRAS NI SNGAR GANG GI DBANG DU BYAS NAS BSHAD PA DE 'JUG PA'I SNGA MA DE NYID LAS 'DI PHYE STE BSTAN PA'O, ,'DI LA NYAN 'DOD PAR GYUR NA, THOS PA DON DU GNYER NA DES 'OG NAS 'BYUNG BA 'DI SKAD CES BRJOD PAR BYA STE, DE BSTAN PA'I PHYIR, RIGS KYI BU KHYOD DE MNYAN PAS CI ZHIG BYA ZHES GSUNGS TE, KHYOD BSTAN PA 'DI THOS NAS DGOS PA CI ZHIG YOD, ,'DIR MNYAN PAR GONG NAS GONG DU 'DUN PA BSKYED PA'I DON DU SPONG BA'I TSIG YIN GYI SPANG BA'I PHYIR NI MA YIN NO,, GTAN TSIGS BSTAN PA'I PHYIR, THOS NAS MA DAD CING PHYIR NUR TA RE ZHES GSUNGS TE, YID CHES PAR MA NUS TE, PHYIR NUR CING SEMS ZHUM PAR GYUR TA RE SHES RAB NYAM CHUNG BA'I PHYIR RO ZHES DGONGS PA'O, ,RNAM GRANGS GZHAN YANG GANG SHES RAB RNON PO MA YIN PA NYAN PAR 'DOD PA'I DAD @83A *, ,PA LHAG PAR YOD PA DE DAG SHES RAB KYI PHA ROL TU PHYIN PA BYANG CHUB KYI PHYOGS KYI DMIGS PA'I RNAM PA GTAN LA 'BEBS PA'I BDAG NYID BSTAN PA 'DI LA CHOS KYI RJES SU 'BRANG BA'I GANG ZAG DANG, RJES SU MTHUN PAR NYAN PAR 'DOD PA YOD SRID DE, DE LA RIGS KYI BU KHYOD DE MNYAN PAS CI ZHIG BYA ZHES BYA BA LA SOGS PA DE SKAD DU BRJOD PAR BYA STE, ZAB MO'I TSUL BSTAN PA 'DI LTA BU DE LAS BKAR TE, DE DANG RJES SU MTHUN PAR RNAM PAR MI RTOG PA'I GZUGS BRNYAN DPES RIG PAR BYA'O, ,DE NYID KYI PHYIR 'OG NAS GAL TE 'DRI BA'I RIGS KYI BU 'AM, RIGS KYI BU MO DE LTAR GNAS SHING DE LTAR ZHUGS NA, SPOBS PA'I PHYAG RGYA 'DI LA GNAS PA DE LA SLAD KYIS SHES RAB KYI PHA ROL TU PHYIN PA MA SKYES PA DANG, DNGOS PO MA MCHIS PA DANG, MA BYUNG BA'I BAR 'DI BSTAN PAR MI BGYI'O ZHES 'CHAD PAR 'GYUR TE, SNOD DU BYAS NAS ZHES BYA BA'I THA TSIG GO, ,CI'I PHYIR MA DAD PA GANG YIN BA NUR BAR 'GYUR ZHE NA, DE'I PHYIR, 'DI LA CHOS GANG YANG YONGS SU GRUB PAR MA BSTAN TE ZHES GSUNGS TE, 'DI NI BSDUS PA'I TSIG YIN NO, ,SO SO'I SKYE BO'I CHOS RNAMS SKYE BA 'AM 'JIG PAR YANG MA BSTAN ZHES BYA BA LA SOGS PA NI RGYAS PAR YIN TE RTOGS PAR SLA'O, ,DE LTAR BSTAN PA DANG DON DE LA DBANG PO RTUL PO DE DAG SNOD DU GYUR PAR BYA BA'I PHYIR 'JUG PA'I RIM PA STON PA NI BCOM LDAN 'DAS DGE SLONG NGAM, DGE SLONG MA 'AM, DGE BSNYEN NAM DGE BSNYEN MA GANG LA LA BDAG LA 'DI SKAD DU ZHES BYA BA LA SOGS PA YIN NO, ,CHOS KYI GTAM MDZAD PA DE DAG YIN NO ZHES BYA BA NI CHOS KYI RANG GI NGO BO 'DI GTAM JI LTA BU YIN ZHES BYA BA'O, ,DE SKAD DU 'DRI BA DE LA BDAG GIS 'DI SKAD DU, CHOS THAMS CAD DANG MI 'GAL BA'I GTAM MO ZHES BRJOD PAR BGYI'O ZHES BYA BA NI CHOS THAMS CAD DANG MI 'GAL BA'I CHOS LA MNGON PAR 'DOD PA RNAMS DANG PA BSKYED PA'I PHYIR RO, ,SKYE BA MED PA DANG 'GAL BA'I CHOS NI GANG YANG YOD PA MA YIN PA DE NI DE KHO NA NYID YIN TE, CHOS THAMS CAD MA SKYES PA'I PHYIR RO, ,BKA' MCHID DE NI RANG DBANG CAN RTAG PA'I NGO BO BDAG LA @83B SOGS PA 'AM, PHUNG PO LA SOGS PA'I NGO BO'I SEMS CAN GANG GIS KYANG 'TSAL BAR SLA BA MA LAGS SO, ,'DI LA GTAN TSIGS CI ZHE NA, 'DI LTAR SEMS CAN GANG YANG DMIGS SU MA MCHIS PA'I SLAD DU'O, ,DON DE LA BZOD PAR BYAS NAS, DE LTAR BZOD PAR GYUR PA DANG; DE LA BCOM LDAN 'DAS GZHAN YANG ZHES BYA BA LA, GZHAN ZHES BYA BA NI GZHAN DU'O, ,DE LA YANG ZHES BYA BA NI PHYIS DE LA 'DI SKAD DU MI SKYE BA ZHES BYA BA'I CHOS DE BSTAN PAR GYUR TO ZHES BRJOD PAR BGYI'O, ,GTAN TSIGS BSTAN PA'I PHYIR, 'DI LTAR CHOS THAMS CAD NI SKYE BA MA MCHIS PAR MNYAM PA'I SLAD DU'O ZHES GSUNGS SO, ,JI LTAR DE SKAD DU BRJOD, 'DI LTAR GTAM DES DGRA BCOM PA THOB PAR BYED CING, SO SO'I SKYE BO NYID 'JIG PAR BYED PA YIN TE, DE'I PHYIR JI LTAR SKYE BA MED PAR CHOS THAMS CAD MNYAM PA NYID YIN ZHE NA, DE'I PHYIR BKA' MCHID DER NI DGRA BCOM PA RNAMS GANG MA RTOGS PA MA BSTAN LA, DGRA BCOM PA'I CHOS KYIS KYANG SO SO'I SKYE BO'I CHOS DE DAG JI LTAR YANG MI 'JIG GO ZHES GSUNGS TE, DGRA BCOM PA'I MTSAN NYID NI SPYI YIN PAS, NYAN THOS DANG RANG RGYAL BA DANG, YANG DAG PAR RDZOGS PA'I SANGS RGYAS LA BYA STE, DE DAG GI GONG MA RTOGS PA 'JIG RTEN LAS 'DAS PA'I YE SHES THOB PA MA BSTAN MA GSUNGS TE, RTOGS PA PHUN SUM TSOGS PA MED PAR GSUNGS SO, ,DGRA BCOM PA'I CHOS KYIS KYANG SO SO'I SKYE BO'I CHOS 'DOD CHAGS LA SOGS PA DE DAG SKYE BA MED PA LA SOGS PA YIN PAS, JI LTAR RNAM PA GANG GIS KYANG BSHIG PA MA YIN NO, ,DE DAG GIS NI SPANGS PA PHUN SUM TSOGS PA MED PAR BSTAN TO, ,DE LTAR GZUNG BA'I CHOS SKYE BA MED PAR BSTAN NAS, 'DZIN PA SKYE BA MED PAR BSTAN PA'I PHYIR, BCOM LDAN 'DAS GZHAN YANG DE LA BDAG GIS 'DI SKAD DU ZHES BYA BA LA SOGS PA GSUNGS TE, DON DE NI BSHAD ZIN TO, ,BCOM LDAN 'DAS GZHAN YANG BDAG LAS SHES RAB KYI PHA ROL TU PHYIN PA ZAB MO 'DI NYAN PAR 'TSAL TE ZHES BYA BA LA SOGS PA LA, GZHAN YANG ZHES BYA BA NI SKYE BA MED PA NYAN PAR NUS PA'I PHYIR SNOD DU @84A *, ,GYUR PA DANG, GANG ZHIG 'DI NYAN PA'I CHED DU GZHAN YANG 'DRI BAR BYED PA'O, ,'DRI BA DE LA DRIS PA BZHIN MI 'CHAD PAR GZHAN DU DE LA BDAG GIS 'DI SKAD DU, GAL TE KHYOD NYAN PAR 'DOD NA DE MNYAN TO SNYAM DU YID MA GTOD CIG CES PA BSHAD DE, YID MNGON BAR 'DU BYED PA MA GTOD CIG ,MNYAN PAR BYA'O SNYAM DU RTZOL BA DANG BCAS PA MA BYED CIG ,GTAN TSIGS DES NA MNYAN TO SNYAM DU SEMS DANG YID DANG RNAM PAR SHES PA DE'I RNAM PAR MA BSKYED CIG ,DE LTAR RGYU DANG BCAS PA'I NYAN PA'I RNAM PAR RTOG PA SKYE BA BSAL DU ZIN KYANG, RNAM PA DE TZAM GYIS CHA SHAS BSAL BAR MI 'GYUR BAS, DPE GNYIS BSTAN PA'I PHYIR, KYE SKYES BU SGYU MA'I SKYES BU'I SHES RAB CI 'DRA BAR ZHES BYA BA LA SOGS PA GSUNGS TE, SGYU MAS BYAS PA'I SKYES BU NI SGYU MA'I SKYES BU YIN GYI, SGYU MA'I MKHAN PO NI MA YIN TE, DE RNAM PAR MI RTOG PA NYID DU MI 'THAD PA'I PHYIR DANG, BRGYAD STONG PA DANG, NYI KHRI LNGA STONG PA LA SOGS PA DANG 'GAL BA'I PHYIR RO, ,DE LAS NI 'DI LTAR DPE 'DI GSAL BAR MDZAD DE, SGYU MA'I SKYES BU NI 'DI SNYAM DU SGYU MA'I MKHAN PO NI BDAG DANG NYE'O, ,DE LAS GZHAN PA'I SKYE BO'I TSOGS NI BDAG DANG RING NGO SNYAM DU MI SEMS SO ZHES BYA BA LA SOGS PA YIN NO, ,SGYU MA'I SKYES BU LA SHES RAB GA LA YOD CE NA, 'DI LTA STE, MED PA DANG, 'DRA BA'I SHES RAB BSKYED PAR BYA BA 'DI NYID 'DIR DPE'I DON YIN TE, DE LTA BU YIN NA NI CHOS BSHAD PA 'DI SHES PAR NUS KYI GZHAN DU NI MA YIN NO, , JI STE SGYU MA'I SKYES BU BZHIN DU CHUNG ZAD KYANG SHES BA MED NA NI DE LTA NA 'DIR SHES PAR 'GYUR RO ZHES BYA BA'I THA TSIG GO ,DE LTAR NA 'DI NI DMIGS PA MED PA NYID BSTAN PAR RIG PAR BYA'O, ,RNAM PA GANG GIS DE LTAR BYA BA YIN PA DE BSTAN PA'I PHYIR, DPE GNYIS PA KYE SKYES BU GAL TE KHYOD KYIS CHOS BSTAN PA 'DI MNYAN PAR 'DOD NA DE'I PHYIR, DE BAS NA, 'DI LTAR 'DI LTA STE, DPER NA NAM MKHA' LA BYA GNAS PA LTA BUR GNAS PAR GYIS SHIG DANG ZHES BYA BA LA SOGS PA GSUNGS TE, BYA NI 'DAB CHAGS SO, ,GNAS PA NI 'DUG PA STE, GANG LA 'ANG BRTEN CING DMIGS PA DANG, GANG DU YANG @84B CHAGS PA MED PA DE NI DE'I GNAS PA YIN NO, ,KHYOD KYANG DE LTAR GNAS SHING BLO CHAGS PA MED PA YIN NA NI 'CHAD CING 'DI LA NYAN PA 'DI LTA BU YIN NO ZHES BYA BA'I BAR GYI DON 'DI MNYAN PAR NUS SO, ,DE BAS NA MNYAN PA ZHES GSUNGS SO, ,DE LTAR GNAS PA GANG ZHE NA, MNGON PAR 'DOD PA'I DON DE BSTAN PA'I PHYIR, KYE SKYES BU GAL TE KHYOD KYIS CHOS BSTAN PA 'DI MNYAN PAR 'DOD NA DE'I PHYIR, DE BAS NA GNYIS LA MA DMIGS SHIG ,GNYIS MED PA LA YANG MA GNAS SHIG ZHES GSUNGS TE, GNYIS NI RGYU DANG 'BRAS BU DAG STE, 'DUS BYAS LA BYA'O, ,GNYIS MED PA NI 'DUS MA BYAS LA BYA STE, RGYU DANG 'BRAS BU GNYIS YANG DAG PAR MA SKYES PA'I PHYIR RO, ,GZHAN DAG NA RE GNYIS NI GZUNG BA DANG 'DZIN PA'O, ,GNYIS MED PA NI DE DAG STONG PA NYID LA BYA STE, DE LA DMIGS SHING DE'I RNAM PA CAN GYI SEMS KYIS 'DI DAG RNAM PAR RIG PA TZAM YIN NO ZHES SGRO 'DOGS PAR BYED NA YANG, SEMS RNAM PAR RIG PA'I DE BZHIN NYID LA GNAS PA MA YIN NO ZHE'O, ,CI'I PHYIR DMIGS PAR MI BYA ZHE NA, DE'I PHYIR 'DI LA GNYIS SU BRJOD PAR BYA BA YONGS SU BRJOD PA 'AM ZHES BYA BA LA SOGS PA GSUNGS TE, GNYIS SAM GNYIS MED PA GANG YANG DMIGS PA NYID DU BRJOD CING BSTAN PAR BYAS PA YOD PA MA YIN NO, ,GAL TE CHOS BSTAN PA 'DI MNYAN PAR 'DOD NA, BDAG TU 'DU SHES RNAMS KYANG MA GZHIG SHIG CES BYA BA LA SOGS PA GSUNGS PA NI BDAG TU 'DU SHES LA SOGS PA RANG BZHIN GYIS MA SKYES PA RNAMS LA GZHIG PA LA SOGS PA MI RIGS PA'I PHYIR RO, ,BCOM LDAN 'DAS GANG ZHIG BDAG LAS NYAN PAR 'TSAL TE 'DRI NA ZHES BYA BA LA SOGS PA NI THAL ZIN PA RNAMS MJUG SDUD PA YIN TE, DE LA BDAG GIS GONG DU BSTAN PA'I TSUL GYI RIM PA DE SKAD BRJOD PAR BGYI'O, ,DE SKAD BSHAD CING; DE SKAD RJES SU BSTAN PAR BGYI'O, ,RNAM PAR MI RTOG PA'I TING NGE 'DZIN GYI SPYOD YUL GYI GZUGS BRNYAN 'DI LA GZHAG PAR BGYI'O, ,GDAMS PA RJES SU BSTAN PA TZAM LA GZHAG PA NYID KYIS NI GDUL BYA DBANG PO RTUL PO YIN PAR YANG BSTAN TO, ,GAL TE 'DRI BA'I RIGS @85A *, ,KYI BU 'AM, RIGS KYI BU MO JI SKAD DU BSTAN PA'I DPE GNYIS LTA BU LA, DE LTAR GNAS SHING, DE LTAR ZHUGS TE, DGA' BAR BYED NA ZHES BYA STE, DGA' BA NI CHAGS PA YIN PAR BSHAD DO, ,GLEGS BAM KHA CIG LAS RIGS KYI BU 'AM, RIGS KYI BU MO DE LTAR GNAS SHING DE LTAR MI SKRAG NA ZHES 'BYUNG BA'I DON NI 'DI YIN TE, 'DRI BA DE LTAR GNAS SHING MI SKRAG STE, 'DRI BA YONGS SU SPONG BAR MI BYED NA ZHES BYA BA YIN NO, ,SNGAR 'BYUNG BA LTAR BZANG NGO, ,DE'I SPOBS PA NI KHONG DU CHUD PA DANG RTOGS PA'O, ,DE NYID PHYAG RGYA YIN TE, GONG NAS GONG DU RGYAS PAR SHES RAB KYI PHA ROL TU PHYIN PA BSHAD PA'I SNOD NYID DU RUNG BA'I RTAGS SO, ,'DI LA GNAS PA NI YOD CING THOB PA'O, ,DE NAS SLAD KYIS MCHOG TU GYUR PA'I SHES RAB KYI PHA ROL TU PHYIN PA MA SKYES PA DANG, DNGOS PO MA MCHIS PA DANG, MA BYUNG BA'I BAR SNGAR JI LTAR BSTAN PA BZHIN RIM GYIS JI LTAR BZOD PAR BSTAN PAR BGYI'O, ,DE SKAD DU, RANG BZHIN GYIS NI DPE DANG 'DRES, ,'JIG PA DMAN PA'I SKYE BO LA, ,'GRO LA PHAN BYED MTHAR GYIS 'DUL, ,GLANG PO CHE DAG SLONG BA BZHIN, ,ZHES GSUNGS SO, ,DE LA SLAD KYIS ZHES BYA BA NI DUS PHYIS SO, ,MCHOG TU GYUR PA ZHES BYA BA NI NGES PAR MCHOG TU GYUR PA'O, ,DE LTAR GDUL BYA'I THABS LA MKHAS PAS BCOM LDAN 'DAS DGYES NAS LEGS SO ZHES BYA BA GSUNGS TE, RJES SU GNANG BA YANG MDZAD DO, ,RIGS KYI BU 'AM, RIGS KYI BU MO DE LA YANG PHYIS 'DI SKAD KYIS SHIG CES BYA BA LA SOGS PA NI 'CHAD PA'I DON DE LA GUS PA DANG SPRO BA BSKYED PA'I PHYIR RO, ,SNGAR BSHAD PA LAS 'DI'I 'BRAS BU THA DAD PAR GYUR PA NI MA YIN TE, SGOM PA GNYI GA YANG SKYE BA MED PA'I NGO BOR GCIG PA'I PHYIR RO, ,'ON KYANG GDUL BYA LA LTOS NAS SNGA MA NI RGYAS PA DANG BCAS PA YIN NO, ,'DI NI MDOR BSDUS PA TZAM DU ZAD DO, ,DE LA SANGS RGYAS DANG BYANG CHUB SEMS DPA'I RDZU 'PHRUL RNAM PAR 'PHRUL PA LA SOGS PA RNAM PA SNA TSOGS KYIS RGYU JI LTA BA BZHIN DU SEMS CAN RNAMS BYANG CHUB TU SEMS BSKYED DU BCUG @85B GO; ,SEMS BSKYED PA DE YANG GZHAN GYI DON GYI PHYIR, YANG DAG PAR RDZOGS PA'I BYANG CHUB 'DOD PA NYID YIN NO, ,DE YANG DE DAG GI 'DOD PAR BYA BA'I 'BRAS BU PHUN SUM TSOGS PA YIN TE, DE BAS NA DE DE LTAR 'DUS MA BYAS LA SBYOR BA'I TSUL GYIS SHES RAB KYI PHA ROL TU PHYIN PA LA SLOB CING GOMS PAR BYAS PAS 'GRUB PAR 'GYUR RO ZHES BSTAN PA'I PHYIR, DE BZHIN GSHEGS PA LA BLTA BAR 'DOD NA ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA 'DI NYID LA MI BSGOM PA'I TSUL GYIS BSGOMS NA, DE BZHIN GSHEGS PA MTHONG BAR 'GYUR BA NI JI LTAR MI DMIGS PA'I TSUL DU SLOB PAS BSNYEN BKUR BYAS PA YIN PA DANG, SKYE BA MED PA'I TSUL DU SLOB PAS DE BZHIN GSHEGS PA NI STON PA POR 'GYUR BA DAG ,SANGS RGYAS KYIS RJES SU GZUNG BA BSHAD PA LAS BDAG GIS SNGAR JI LTAR BSTAN PA BZHIN DU RIG PAR BYA'O; ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PA'I ZHES BYA BA LA SOGS PA LA MNGON PAR BYANG CHUB PAR GYUR NA, BYANG CHUB KYI SNYING PO'I RGYAN DANG, MCHOD PA BKOD PA DANG, BDUD LAS RGYAL BA LA SOGS PA KHYAD PAR DU GYUR PA'I BCOM LDAN 'DAS MTHONG NAS, DE LTA BUR GYUR PAR SHOG SHIG CES SKAL BA DANG LDAN PA 'GA' ZHIG SEMS SKYED PAR BYED DO, ,DE LTAR NA BDUD 'DUL BA LA SOGS PA STON PAR 'DOD PA ZHES THAMS CAD DU DE LTAR SBYAR BAR BYA STE, 'PHROS PAR DOGS PA'I PHYIR MA SMRAS SO, , RDZOGS PA'I BYANG CHUB DE YANG DE LA 'DOD PA RNAMS KYIS MNGON PAR 'DU BYED PA MED PA'I TSUL DU BSLABS PAS 'GRUB PAR 'GYUR RO, ,TING NGE 'DZIN THAMS CAD LA MKHAS PA BSGRUB PA YANG MA SKYES PA DANG, DNGOS PO MED PA DANG, SKYE BA MED PA'I TSUL GYIS GOMS PAR BYAS PAS 'GRUB PAR 'GYUR RO, ,RNAM PA THAMS CAD KYI MCHOG DANG LDAN PA ZHES BYA BA NI BYANG CHUB KYI PHYOGS DANG, TSAD MED PA LA SOGS PA DANG, RNAM PA THAMS CAD MKHYEN PA LA THUG PA'I BAR GYI RNAM PA DANG LDAN PA'O, ,RNAM PA DE DAG MCHOG YIN ZHING, 'DOD PAR BYA BA @86A *, ,YIN PAS DAM PA STE, SHIN TU RNAM PAR DAG PA YIN PA'I PHYIR RO, ,DE DANG DE DAG DANG LDAN PA DE BSGRUB PAR 'DOD PAS, 'DI NYID LA MI BSGOM PA'I TSUL GYIS BSGOMS NA 'GRUB PAR 'GYUR RO, ,BAR DU ZHES BYA BA'I SGRAS DE LAS GZHAN PA DE BZHIN GSHEGS PA'I YON TAN 'DOD NA, SHES RAB KYI PHA ROL TU PHYIN PA LA GOMS PAS 'GRUB PAR 'GYUR RO, ,DE BZHIN GSHEGS PA MTHONG BA LA SOGS PAR 'DOD PAS CI'I PHYIR DNGOS PO MED PA LA SOGS PA'I TSUL DU BSGOM PAR BYA ZHE NA, 'DI LTAR DE BZHIN GSHEGS PA DANG, BYANG CHUB DANG, TING NGE 'DZIN DANG, YE SHES KYI BAR 'DI THAMS CAD 'DUS MA BYAS PA DANG, SKYE BA MED PA YIN TE, DE BAS NA DE LTAR BSGOM PAR BYA'O, ,CHOS THAMS CAD NI NGES PAR 'BYUNG BA DANG BCAS PA STE ZHES BYA BA NI NGES PAR 'BYUNG BA DANG BCAS PA YIN TE, RANG BZHIN GYIS YONGS SU MYA NGAN LAS 'DAS PA YIN PA'I PHYIR MA BCINGS PA'O, ,GANG NGES PAR MI 'BYUNG BA'I CHOS DE GANG YANG MED DO ZHES BYA BAS NI KHYAB PA BSTAN PA'O, ,DE LTAR SHES PAR 'DOD PAS 'DI NYID LA BSLAB PAR BYA'O, ,BAR GYI SGRAS SKYE BA MED PA LA SOGS PA BSDU BAR BYA STE, DNGOS PO MED PA'I TSUL DU SBYAR RO, ,CHOS THAMS CAD NI NGES PAR MI 'BYUNG STE ZHES BYA BA LA, NGES PAR 'BYUNG BA MED PA YIN TE, MA SKYES PA RNAMS NI NGES PAR 'BYUNG BA MI 'THAD PA'I PHYIR SNGA MA BZHIN NO, ,SEMS CAN THAMS CAD NI BYANG CHUB KYI PHYIR SPYOD PA STE, GANG BYANG CHUB KYI PHYIR MI SPYOD PA'I SEMS CAN DE GANG YANG MED DO ZHES BYA BAS KHYAB PA BSTAN TO, ,DE LA ZHUM PA MED PAR 'DOD PAS KYANG DNGOS PO MED PA'I BAR GYI TSUL GYIS 'DI NYID LA BSLAB PAR BYA'O, ,SEMS CAN THAMS CAD BYANG CHUB KYI PHYIR SPYOD PA'I DON 'DI LA ZHUM PA MED PAR 'DOD PA NI SNGA MA BZHIN NO, ,DE CI'I PHYIR ZHE NA ZHES BYA BA NI JI LTAR DMYAL BA LA SOGS PA RNAMS BYANG CHUB KYI CHED DU SPYOD PA YIN PAR RTOGS PAR BYA ZHES BYA BA'O, ,GTAN TSIGS SU 'DI LTAR CHOS THAMS CAD NI BYANG CHUB DANG MNYAM PA'O ZHES BYA BA YIN TE, @86B GANG GI PHYIR CHOS THAMS CAD MA SKYES PA DE'I PHYIR, CHOS THAMS CAD BYANG CHUB DANG MNYAM PA'O, ,'DIS NI SPYOD PA'I YUL DANG, BYANG CHUB MNYAM PAR BSTAN TO, ,SPYOD PAR BYED PA DANG, SPYOD PA DANG, BYANG CHUB RNAMS DBYER MED PAR TSIG 'OG MAS BSTAN PA'I PHYIR, JI LTAR CHOS THAMS CAD BYANG CHUB DANG MNYAM PA DANG ZHES BYA BA LA SOGS PA GSUNGS TE, JI LTAR BYANG CHUB MA SKYES PA DE BZHIN DU SEMS CAN RNAMS KYANG MA SKYES PA YIN NO, ,SEMS CAN THAMS CAD JI LTA BA BZHIN DU, SPYOD PA YANG DE BZHIN TE, MA SKYES PA DE DAG LA SPYOD PA LTA GA LA YOD; DE BAS NA MED PA'I PHYIR ZHES GSUNGS SO, SPYOD PA NI BYANG CHUB DANG MNYAM PA YIN NO ZHES BYA BA'I THA TSIG GO, ,DES NA SO SO'I SKYE BO DANG, NYAN THOS LA SOGS PA'I SPYOD PA THAMS CAD NI SPYOD PA MED PA YIN TE, SPYOD PA NI RAB TU 'JUG PA'O, ,DE GANG LA YOD PA DE NI SPYOD PAR BYED PA'O, ,DE MED PA'I PHYIR SPYOD PAR BYED PA MED PA'O, ,SPYOD PAR BYED PA MED NA YANG SPYOD PA GA LA YOD, SPYOD PA DE NYID BYANG CHUB STE, BYANG CHUB GANG YIN PA SKYE BA MED PA'ANG DE YIN, 'BYUNG BA MED PA YANG DE YIN NO, ,DNGOS PO MED PA LA SOGS PA 'DUS MA BYAS KYI DON RNAMS KYANG BLTA BAR BYA'O, ,'JAM DPAL GANG DE BZHIN GSHEGS PA'I RNAM PAR 'PHRUL PA ZHES BYA BA LA SOGS PA GSUNGS PA LA, DE BZHIN GSHEGS PA'I RNAM PAR 'PHRUL PA NI GDUL BYA'I RGYUD LA DGE BA'I RTZA BA BSKYED PA LA SOGS PA BYED PA STE, GSANG SNGAGS KYI CHO 'PHRUL GYIS 'BEBS PA DANG, DMAG 'CHING BA LA SOGS PA BYED BA BZHIN NO, ,DE BZHIN GSHEGS PA'I RNAM PAR ROL PA NI MTHU CHEN PO RANG LA MNGA' BA STE, GCIG GIS JI LTAR BDUD MTHA' YAS PA PHAM PAR BYAS PA DANG, CHO 'PHRUL CHEN PO DANG, YID MGYOGS PA LA SOGS PA MDZAD PA LTA BU'O, ,DE DAG THAMS CAD KYANG SHES RAB KYI PHA ROL TU PHYIN PA NYID LA BSTAN TO, ,'DI LA GTAN TSIGS CI YOD, ,SANGS RGYAS KYI MDZAD PA MTHA' YAS PA RNAMS JI LTAR SHES RAB KYI PHA ROL TU PHYIN PA LAS YANG DAG PAR 'GRUB PAR BYA BA YIN ZHES DGONGS TE, DE CI'I PHYIR @87A *, ,ZHE NA ZHES GSUNGS SO, ,LAN NI DE NI BSTAN DU MED PA STE ZHES BYA BA YIN TE, BSTAN PA NI 'DI DANG 'DI LA ZHES RNAM PAR RTOG PA'O, ,DE 'DI LA YOD PA MA YIN NO, ,GANG GI PHYIR DE BSTAN DU MED PA DE'I PHYIR, SHES RAB KYI PHA ROL TU PHYIN PA NI MI STON PA YIN TE, DE BZHIN GSHEGS PA'I RNAM PAR 'PHRUL PA DANG, RNAM PAR ROL PA DAG MI STON TE, RNAM PAR MI RTOG PA LA MNGON PAR 'DU BYED PA MI RIGS PA'I PHYIR BSTAN PA'I CHED DU SBYOR BAR BYED PA MA YIN NO, ,DE BAS NA DE BZHIN GSHEGS PA'I RDZU 'PHRUL MNGON PAR 'DU BYED PA MED PAR MDZAD PA NI SHES RAB KYI PHA ROL TU PHYIN PA NYID LA BSTAN TO ZHES BYA'O, ,DE BZHIN GSHEGS PA MTHONG BA LA SOGS PAR 'DOD PA SKAL BA DANG LDAN PA LA, 'GRUB PA 'DI YANG MOS PA MED PAR MI 'GRUB PAR BSTAN PA'I PHYIR, 'JAM DPAL DGE SLONG NGAM DGE SLONG MA 'AM, DGE BSNYEN NAM, DGE BSNYEN MA GANG DAG CES BYA BA LA SOGS PA GSUNGS TE, SHES RAB KYI PHA ROL TU PHYIN PA'I GONG DU BSTAN PA 'DI LAS CHUNG DU NA, TSIG BZHI PA'I TSIGS SU BCAD PA TZAM YANG 'DZIN PA LA SOGS PA BYED PA DE DAG KYANG PHYIR MI LDOG PAR NGA 'CHAD NA, GANG DAG RANG DANG GZHAN DAG SHES RAB KYI PHA ROL TU PHYIN PA'I NGO BO BSGRUB CING, DE BZHIN NYID DU BYA BA'I PHYIR, SGRUB PA LTA CI SMOS, 'DIS NI DE DAG PHYIR MI LDOG PA NYID YIN PAR MA GSUNGS KYANG GSAL LO, ,ZHAL NAS GSUNGS PA LAS KYANG, TSIGS SU BCAD BA RTZA BA DRUG PA'I BAR DU YOD PAS DE RNAM PAR BCAD PA'I PHYIR, TSIG BZHI PA ZHES SMOS SO, ,'DZIN PA LA SOGS PA NI BSTAN ZIN TO, ,YANG DAG PAR RAB TU STON PA NI PHA ROL LA'O, ,DE NI GZHAN GYI DON LA MOS PA'O, ,RIGS KYI BU 'AM RIGS KYI BU MO DE DAG NI BYANG CHUB TU GDON MI ZA BAR NGES PAR RIG PAR BYA'O, ,SANGS RGYAS KYI YUL NI SPYOD YUL GANG NA GNAS NAS SANGS RGYAS NYID 'GRUB PA DANG, GRUB NAS KYANG GANG LA GNAS PA'O, ,DE LA GNAS PA NI DE THOS NAS SKRAG PA MED PA LA SOGS PA'I TSUL GYIS MOS PAS DE LA GNAS PA'I PHYIR RO, ,DE NI RANG DANG GZHAN GYI DON LA MOS PA YIN NO, ,DE DAG NI SANGS RGYAS @87B KYI CHOS KYI RANG GI NGO BO DANG, PHRIN LAS THAMS CAD LA NGES PAR 'GYUR BA NI GZHAN DU MI LDOG PAR 'GYUR BA'O, ,'DI NI RANG GI DON LA MOS PA'O, ,'JAM DPAL NGAS SANGS RGYAS KYIS GNANG BA ZHES BYA BA LA SNGAR MTHONG BA'I LAM GYI SKABS SU PHYAG RGYA BZHAG PA YIN LA, YANG GZHAG GO ZHES BSTAN PA'I PHYIR, PHYAG RGYA 'DI YANG GZHAG PAR BYA STE ZHES GSUNGS TE, YANG GI SGRA NI DON DE LTA BU YIN NO, ,DE'I KHYAD PAR CI 'DRA BA ZHIG CE NA, SANGS RGYAS KYIS GNANG BA YIN TE, SANGS RGYAS RNAMS KYIS RJES SU DGONGS PA'O, ,DE BZHIN GSHEGS PA RNAM PAR MKHYEN PA ZHES BYA BA LA, DE BZHIN GSHEGS PA NI SANGS RGYAS NYID DU 'JUG PA, DE BZHIN GSHEGS PA'I YE SHES KUN 'BYUNG BA'I BDEN PA LA BRTZON PA STE, KUN TU BZANG PO DANG, BYAMS PA DANG, SPYAN RAS GZIGS DBANG PHYUG DANG, 'JAM DPAL LA SOGS PA YIN TE, BRTZON PA MDZAD PA YIN DU ZIN KYANG, MTHAR PHYIN PA YIN PAR BRJOD PA'I PHYIR RO, ,DE DAG GIS MKHYEN PA NI MNGON PAR SHES PA CHEN PO BRNYES PAS, DE DAG GI RIGS NGES PA PHRA MO MKHYEN PA'I PHYIR RO, ,DGRA BCOM PA THAMS CAD KYIS YANG DAG PAR MNOS PA ZHES BYA BA NI PHYAG RGYA 'DI NYID YIN PAR KHAS BLANGS PA STE 'DI GZHAG PAR BYA'O, ,DE LTA BU'I KHYAD PAR CAN DE GANG ZHE NA, SANGS RGYAS THAMS CAD DANG MNYAM PA NYID DANG ZHES BYA BA YIN TE, CHOS THAMS CAD BYANG CHUB DANG MNYAM MO ZHES BYA BA LA SOGS PA GANG SNGAR BSTAN PA YIN TE, SANGS RGYAS DANG BYANG CHUB TU DBYER MED PA'I PHYIR SANGS RGYAS DANG BYANG CHUB MNYAM PA NYID KHO NAR 'DOD PA YIN NO, ,NGANG GI SGRA NI LTOS PA DANG BCAS PA YIN NO, ,GZHAN YANG CI ZHIG YIN ZHE NA, DE BSTAN PA'I PHYIR CHOS THAMS CAD LA CHAGS PA MED PA'I BAR DU YONGS SU BSTAN PA'O ZHES GSUNGS TE, BAR DU ZHES BYA BA 'DIS NI SKYE BA MED PA LA SOGS PA YONGS SU GZUNG NGO, ,GANG LA CHAGS PA MED CE NA, CHOS THAMS CAD LA CHAGS PA MED PAR BSTAN TE, 'DIR NI PHYAG RGYA DE YIN NO, ,DES CIR 'GYUR ZHE NA, DE'I PHYIR RIGS KYI BU 'AM RIGS KYI BU MO PHYAG RGYA 'DIS BTAB PA NI ZHES BYA BA LA SOGS @88A *, ,PA GSUNGS TE, GANG ZHIG LHAG PAR MOS PA'I SEMS LA PHYAG RGYA 'DI YOD PA'I BYANG CHUB SEMS DPA'I THEG PA DE NI DMYAL BA LA SOGS PA'I NGAN SONG DU MI 'GRO'O, ,NYAN THOS DANG RANG SANGS RGYAS KYI SAR 'GRO BA MA YIN TE, BDAG YONGS SU MYA NGAN LAS 'DA' BAR BYA BA'I CHED DU 'BAD PAR MI BYED DO, ,SA DE LA 'JUG PA'I SKAL BA CAN MA YIN TE, MI 'JUG NA 'BRAS BU MNGON SUM DU MI BYED DO, ,DE NAS DE'I TSE ZHES BYA BA NI SHES RAB KYI PHA ROL TU PHYIN PA 'CHAD PA RDZOGS PA'I TSE'O, ,LHA RDZAS KYI MCHOD PA BYAS NAS DGE BA'I RTZA BA 'DIS GANG DAG PHYAG RGYA 'DIS BTAB PA DE DAG GIS BLA NA MED PA'I CHOS RIN PO CHE ZHES BYA BA LA SOGS PA NI, MOS PA DANG LDAN PA LA SMON LAM GYIS YONGS SU GZUNG BAR BYAS PA LA'O, ,LHA'I MTHUS KYANG SPYIR YONGS SU GZUNG BA BSTAN PA'I PHYIR, BCOM LDAN 'DAS BDAG GIS KYANG MA BYUNG BA DANG; MA SKYES PA'I BAR GYI ZHES BYA BA LA SOGS PA GSUNGS SO, ,RIGS KYI BU 'AM, RIGS KYI BU MO DE 'DRA BA DE DAG GI ZHES BYA BA NI PHYAG RGYA YOD PA'O, ,DE DAG GI RNA LAM DU GRAG PAR 'GYUR BA ZHES BYA BA NI RNA BA'I SPYOD YUL DU BYA BA'I PHYIR YIN GYI THOS PA TZAM 'BA' ZHIG GI PHYIR MA YIN NO; DE CI'I PHYIR ZHE NA, DE DAG NYID SANGS RGYAS KYI CHOS THAMS CAD YONGS SU BSGRUB PAR 'GYUR BAR BGYI BA'I BAR GYI SLAD DU ZHES GSUNGS SO, ,BAR GYI ZHES BYA BA'I SGRAS 'CHANG BA LA SOGS PA GZUNG NGO, ,BRTZON PAR BGYI'O ZHES BYA BA NI 'BAD PAR BYA BA YIN NO, ,BCOM LDAN 'DAS SHES RAB KYI PHA ROL TU PHYIN PA BSTAN PA 'DI ZHES BYA BA LA SOGS PA NI RTOGS PAR SLA'O, ,BCOM LDAN 'DAS KYIS LHA'I DBANG PO BRGYA BYIN LA 'DI SKAD CES BKA' STZAL TO, ,KOO SHI KA DE DE BZHIN NO ZHES BYA BA LA SOGS PA NI BCOM LDAN 'DAS KYIS RJES SU GNANG BA MDZAD PA'O, , SANGS RGYAS KYIS BYIN GYIS MA BRLABS PAR DAM PA'I CHOS YUN RING DU GNAS PA MED PAS NA, BYIN GYIS BRLABS PA'I PHYIR, BCOM LDAN 'DAS KYIS LTAS STON PA NI SA CHEN PO RNAM PA DRUG TU G-YOS PAR GYUR PA DANG, 'DZUM PA MDZAD PA DANG, STONG GSUM GYI STONG CHEN PO'I @88B 'JIG RTEN GYI KHAMS 'DI SNANG BA CHEN POS KHYAB PAR GYUR PA'O, ,GANG GI DON DU SHES RAB KYI PHA ROL TU PHYIN PA 'DI BSTAN PAR BYIN GYIS BRLABS PA DE BSTAN PA'I PHYIR, BCOM LDAN 'DAS 'DI NI DE BZHIN GSHEGS PAS SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA'I SNGA LTAS LAGS SO ZHES BYA BA LA SOGS PA GSUNGS SO, ,BCOM LDAN 'DAS KYIS KYANG RJES SU GNANG BAR MDZAD PA NI 'JAM DPAL DE DE BZHIN NO ZHES BYA BA LA SOGS PA YIN TE, SNGA LTAS DE DAG GIS NA 'DI BYIN GYIS BRLABS PA YIN PAR RIG PAR BYA'O, ,'JAM DPAL BDAG NYID CHEN PO GANG DAG CHOS GANG YANG MI SPONG ZHING ZHES BYA BA NI SKUR BA MI 'DEBS PA'O, ,BSNGAGS PAR YANG MI BYED PA ZHES BYA BA NI SGRUB PAR MI BYED PA'O, ,DE DANG DE DAG NI ZHES BYA BA NI BSNGAGS PAR BYA BA RNAMS SO, ,PHYAG RGYA 'DIS BTAB PAR SHES PAR BYA'O ZHES BYA BA NI MTSAN MA BTAB PAR SHES PAR BYA'O, ,DE JI LTAR YIN ZHES DOGS PA LA 'DIR LAN DU 'JAM DPAL DMIGS PA YOD NA ZHES BYA BA LA SOGS PA GSUNGS TE, 'DI LTAR DMIGS PA YOD NA SPONG BAR BYED DE MED PA YIN NO SNYAM PAR 'GYUR, BSNGAGS PAR BYED PAR 'GYUR TE, YOD DO SNYAM PAR 'GYUR BA'I PHYIR RO, ,DMIGS PA MED NA NI 'GOG PA DANG, SGRUB PA DE GNYI GA BYED PAR MI RIGS SO, ,'JAM DPAL DE LTA BAS NA, GANG DAG PHYAG RGYA 'DIS BTAB PA ZHES BYA BA LA SOGS PA NI MJUG SDUD PA YIN TE, SKAL BA DANG LDAN PA GANG DAG YOD PA DANG MED PA LAS 'DAS PA'I PHYAG RGYA 'DIS BTAB PA DE DAG GI CHED DANG DON DU, NGAS BYIN GYIS BRLABS PA'I PHYIR, PHYAG RGYA 'DI GZHAG STE 'DI LTAR GANG GI PHYIR CHOS GANG LA YANG SGRUB PA DANG, 'GOG PA MI BYED PA DE DAG GIS THOS NAS KYANG, CHOS GANG YANG STON PA 'AM RNAM PAR RTOG PA MED DO, ,DE CI'I PHYIR ZHE NA; 'JAM DPAL CHOS THAMS CAD DON DAM PAR MA SKYES PA'I PHYIR RO ZHES GSUNGS SO, ,DON DAM PA SMOS PA NI RMI LAM LA SOGS PA BZHIN DU SNANG BA TZAM BSAL BAR MI NUS PA'I PHYIR RO, ,BCOM LDAN 'DAS KYIS DE SKAD CES BKA' STZAL NAS ZHES BYA BA NI MDO SDE DE SKAD @89A *, ,GSUNGS PA'O, ,GSUNGS PA DES YI RANGS PA NI SEMS DGA' BA STE, 'JAM DPAL GZHON NUR GYUR PA DANG, BYAMS PA LA SOGS PA BYANG CHUB SEMS DPA' SEMS DPA' CHEN PO DE DAG DANG, SHA RA DVA TI'I BU LA SOGS PA NYAN THOS CHEN PO DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN MI 'AM CI DANG, LTO 'PHYE CHEN PO LA SOGS PA DE DAG THAMS CAD BCOM LDAN 'DAS KYIS GSUNGS PA LA YI RANGS PAR GYUR PA DANG, DE DE BZHIN NO ZHES MNGON PAR BSTOD DO, ,KHA CIG STON PA PO GZHAN YANG YOD PAR 'CHAD DO, ,DE SKAD BKA' STZAL NAS ZHES BYA BA NI, 'JAM DPAL GYIS BKA' STZAL TO ZHES SBYOR BAR BYED PA DE DAG NI, BCOM LDAN 'DAS KYIS GSUNGS PA LA, MNGON PAR DGA'O ZHES GSUNGS PA'I PHYIR, 'JAM DPAL GYIS GSUNGS PA LA, MNGON PAR DGA' BA'O ZHES SBYAR BA BSAL BA YIN NO, ,SANGS RGYAS KYI BKA' DANG, SANGS RGYAS MA YIN PA'I TSIG 'DRES PA'I SKYON DU YANG 'GYUR RO, ,BCOM LDAN 'DAS CHOS 'CHAD PA JI SNYED PA DANG, 'BREL PAR 'CHAD PA'I TSIG DE DAG THAMS CAD SANGS RGYAS KYI MTHUS YIN PAS, BRGYA BYIN LA SOGS PA'I TSIG KYANG SANGS RGYAS KYI BKA' YIN PAR GZUNG BAR BYA'O, ,DRI MED TSIG GI 'OD ZER YID 'ONG TSOGS RNAMS KYIS, ,RGYAL BA SKYED MA RMONGS PA'I DRA BA SEL MDZAD PA'I, ,PADMA SDUG PO RJES SU 'TSAM PAR KHA PHYE LA, ,NGANG PA'I RGYAL PO BZHIN DU BLO DANG LDAN PAS LTOS, ,BDAG GIS BDUN BRGYA PA NI RNAM PHYE BA'I; ,BSOD NAMS GANG THOB DES NI 'GRO BA KUN, ,GNAS NGAN LEN DANG MTSAN MAS BCINGS PA LAS, ,RNAM GROL SANGS RGYAS MYUR DU 'GRUB PAR SHOG ,'PHAGS PA SHES RAB BDUN BRGYA PA RGYA CHER 'GREL PA, MGON PO NGAG GI DBANG POS SPOBS PA BSKYED PA'I SLOB DPON BA MI LA MI TRAS MDZAD BA RDZOGS SO,, #, ,RGYA GAR SKAD DU, A'ARYA SAPTA SHA TI K'A PRADZNY'A P'A RA MI TA t'I K'A, BOD SKAD DU, 'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA, BAM PO DANG PO, KUN TU GZIGS PHYAG NA AUTPALA @89B SNGON PO DRI MA MED PA BSNAMS PA LA RGYUN DU PHYAG 'TSAL LO, ,DE BZHIN GSHEGS PA'I RANG GI NGO BO DANG, LAM LA LOG PAR ZHUGS PA RNAMS KYI CHED DU 'DI BRTZAMS TE, DE'I RANG GI NGO BO PHYIN CI MA LOG PAR BSTAN PA'I PHYIR RO, ,GANG YANG BDAG GIS JI LTAR MTHONG BA DE BZHIN DU DE BZHIN GSHEGS PA LA BLTA BAR BYA'O, ,SHES RAB KYI PHA ROL TU PHYIN PA LA SPYOD NA MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES BKA' STZAL TO, ,'DI SKAD CES BYA BA LA SOGS PA NI SDUD PA POS BYAS PA'I TSIG YIN TE, MDO SDE'I DON MTHA' DAG BSDUS TE BSTAN PA'O, ,BDAG GIS ZHES BYA BA NI BDAG LAS LUNG NOD PA GZHAN GYIS MA YIN PA'O, ,'DIS NI BCOM LDAN 'DAS KYI ZHAL GYI PAD MO NAS MNGON SUM DU THOS PAR BSTAN TO, ,THOS BA ZHES BYA BA NI RNA BA'I RNAM PAR SHES PAS RJES SU MYONG BA YIN GYI, RTOGS PA NI MA YIN TE; CHOS 'DI LTA BU DE BZHIN GSHEGS PA MA GTOGS PAR GZHAN GYIS KHONG DU CHUD PA'I MTHU MED PA'I PHYIR RO, ,DUS GCIG NA ZHES BYA BA NI DUS GCIG NA STE, DUS THAMS CAD DU MDO SDE RIN PO CHE 'DI LTA BU DMIGS PA MI SRID PA'I PHYIR RO, ,'DIS NI RES 'GA' ZHIG YIN PAR BSTAN PA'I PHYIR 'DI RNYED PAR DKA' BAR BSTAN TO, ,YANG NA DUS GCIG NA BDAG GIS THOS KYI, GZHAN DU NI CHOS KYI RNAM GRANGS GZHAN DANG GZHAN NGAS THOS SO ZHES ZUR GYIS BDAG NYID MANG DU THOS PA YIN PAR SMAN PA'I RGYAL PO SNYING RJE CAN GYI TSUL BZHIN DU BRJOD DO, ,KHA CIG NI DUS GCIG NA ZHES BYA BA NI SKAD CIG THONG CIG LA DUS GCIG CES BYA STE, BCOM LDAN 'DAS KYI DBANG GIS SDUD PAR BYED PA DE LA MDO SDE'I DON MTHA' DAG SNANG BA RNA BA'I RNAM PAR SHES PA DANG MTHUN PA'I RNAM PA CAN GYI YID KYI RNAM PAR SHES PA SKAD CIG MA GCIG LA BYUNG BA'I PHYIR TE, RMI LAM NA LHA'I DBANG GIS DUS THUNG NGUR YANG LO BRGYA LA SOGS PA DMIGS PA BZHIN NO, ,DA NYID KYI PHYIR MDO SDUD PAR MDZAD PAS GDUL BYA'I SKYE BO GZHAN LA PHAN GDAGS PA'I PHYIR PHYIS CHOS BSTAN PA MDZAD PA NA BAR SKABS SU DUS KUN TU MNYAM PAR GZHAG PA MI SRID PA DANG, GAL TE NA LUNG DU MA BSTAN @90A *, ,PA'I YUL GZHAN LA SEMS DMIGS SU ZIN KYANG PHYIS MDO SDE MTHA' DAG SDUD PA 'GAL BAR MI 'GYUR TE, DE BZHIN GSHEGS PA'I DBANG GIS DON KUN RDZOGS PAR SNANG BA'I SHES PA DE BZHIN DU SKYE BA'I PHYIR RO, ,DE NI YANG CHOS NYAN PA'I BDUD RTZI'I ROS NGOMS PA MED DO, ,GDUL BYA'I TSOGS LHAG MA RNAMS KYANG DE JI LTAR MI 'GYUR RAM ZHE NA, YONGS SU DAG PA'I BYANG CHUB SEMS DPA'I TSOGS NI DE LTAR 'GYUR BA NYID YIN NO, ,DE SKAD DU SKAD CIG MA GCIG LA SHAR PHYOGS KYI 'JIG RTEN GYI KHAMS BRJOD DU MED PA'I BRJOD DU MED PA DAG 'DA' BAR BYA'O, , PHYOGS BCUR YANG DE BZHIN DU SBYAR NAS 'JIG RTEN GYI KHAMS JI SRID MA LUS PA DAG GI DE BZHIN GSHEGS PA RNAMS LA ME TOG THAMS CAD DANG, BKOD PA THAMS CAD KYIS MCHOD PAR BGYI'O, ,SANGS RGYAS BCOM LDAN 'DAS DE DAG GANG 'CHAD PA DANG, STON PA DE THAMS CAD 'TSAL BAR BGYI'O ZHES BKA' STZAL TO, ,LHAG MA RNAMS LA NI MI 'GYUR TE, KHYAD PAR CAN GYI SKAL BA MED PAS NA DE LTA BU NGES PAR 'DZIN PAR NUS PA MED PA'I PHYIR RO, ,YANG NA MNYAN DU YOD PA NA BZHUGS SO ZHES BYA BA'I TSIG THA MA 'DI DANG DUS GCIG NA ZHES BYA BA DE DANG SBYAR BAR RIG PAR BYA'O, ,BDUD BZHI BCOM PA'I PHYIR RAM, DBANG PHYUG LA SOGS PA'I YON TAN DANG LDAN PA'I PHYIR BCOM LDAN 'DAS SO, ,BZHUGS PA NI 'DUG PA'O, ,YANG NA SNA TSOGS KYI GDUL BYA'I YID 'PHROG CING 'DZUD PA'O, ,GZHAN GYI TSE NA NI, RGYAL PO'I KHAB DANG, YANGS PA CAN LA SOGS PA GZHAN DU BZHUGS PA YOD DO; ,CI'I PHYIR GANG GIS GZHAN GYI DON MDZAD PA 'DI RANG GI DON LHUR MDZAD PA BZHIN YUL GCIG LA CHAGS TE BZHUGS SHE NA, YUL DE YANG DE'I PHYIR MCHOD PAR BYA BA YIN NO ZHES MDO SDUD PAS SHUGS KYIS BSTAN TO, ,MNYAN DU YOD PA DE YANGS PHYOGS MANG DU YOD PA'I PHYIR, RGYAL PO RGYAL BYED CES BYA BA SMOS TE, GZHON NU MA DANG 'DRES PA'I TSAL GYI NANG DU MGON MED ZAS SBYIN KHYIM BDAG GIS NYOS PA'I KUN DGA' RA BAN STE, YUL GYI DBYE BA LA SOGS PA MDO SDUD PAS DE DAG BSTAN PA GANG YIN PA DE DAG NI 'JIG RTEN DANG RJES SU MTHUN PAR BYA BA'I PHYIR TE, 'DI LTAR 'JIG RTEN PA RNAMS @90B RTZOD PAR GYUR NA BRDA PHRAD PAR 'DOD PA DAG GIS YUL LA SOGS PA'I DBYE BA BRJOD PAS SHAGS 'GYED PA RNAMS BRDA SPROD PAR SNANG BA BZHIN NO, ,DGE SLONG GI DGE 'DUN CHEN PO DANG THABS CIG TU BZHUGS SO ZHES BYA BA 'DI LA DGE SLONG GI DGE 'DUN CHEN PO NI NYON MONGS PA'I SGRIB PA SPANGS BAR BLTA BAR BYA BA DANG, YON TAN GYI BDAG NYID CHE BA'I PHYIR RO, ,DE NYID KYI PHYIR DGE 'DUN ZHES BYA STE, BDUD LA SOGS PA'I PHYIR RGOL BA RNAMS KYIS DBYER MI NUS PA'I PHYIR DANG, DGOS PA GCIG LA GNAS PA LA BRTAN POR GYUR PA'I PHYIR RO, ,CI'I PHYIR BYANG CHUB SEMS DPA' SEMS DPA' CHEN PO RNAMS PHYIS BKA' STZAL, JI TZAM DU BU THU BOR GYUR PA DE DAG NI DANG POR SMOS PA'I RIGS SO ZHE NA, DGE SLONG GI DGE 'DUN NI RTAG PA'I PHYIR DANG POR BSHAD DO GZHAN DAG NI DUS THAMS CAD DU 'DUG PA MA YIN PA'I PHYIR PHYIS BSTAN TE, 'DI LTAR BYANG CHUB SEMS DPA' DE DAG NI MDO SDE ZAB MO RIN PO CHE DPAG TU MED PA NYAN PAR BYED PAS NA 'DI LTAR DGE BA DAG 'JIG RTEN GYI KHAMS DPAG TU MED PAR GSHEGS KYI NYAN THOS BYA BA BYAS PA DAG NI DE LTA MA YIN NO, ,BYANG CHUB LA BSAM PA BYAS PAS BYANG CHUB SEMS DPA'O, ,GZHAN GYI DON LA BSAM PA BRTAN PAS DE DAG SEMS DPA' CHEN PO YIN BAR DGONGS SO, ,DE NYID KYI PHYIR RANG DANG GZHAN GYI DON LA GO BGOS PAS GO CHA CHEN PO BGOS PA ZHES BSHAD DO, ,DE DAG GI THEG PA 'CHAD PA'I PHYIR 'DUS PA MANG NGO, ,'PHAGS PA 'JAM DPAL NI PHAN PA DANG BDE BA MANG PO 'BYUNG BAR 'GYUR BA LA GZIGS NAS NYI MA 'CHAR BA LA YANG MA BSDAD PAR SHIN TU BZHED NAS DE BZHIN GSHEGS PA'I GNAS SU GSHEGS SO, ,SKYA RENG NI SNANG BA'O, ,DE SHAR BA NI BYUNG BA'O, ,DE NYID DUS SO, ,CI'I PHYIR GANG GIS 'DI DA LTAR TSE ZHES BYA ZHE NA, THA SNYAD KYI YUL YIN PA'I PHYIR RO, ,DES NA DE NI THA SNYAD PA'I DUS YIN GYI GZEGS ZAN PAS BTAGS PA'I DUS RTAG PA NI YOD PA MA YIN TE, GCIG GI NGO BO DE NI SNGA DRO LA SOGS PA'I DBYE BA MI 'THAD BA'I PHYIR RO ZHES STON TO, ,RANG GI GNAS NAS BYUNG STE PHYOGS GANG NA BCOM LDAN 'DAS DE BZHIN GSHEGS PA'I PHO BRANG BCOM LDAN 'DAS DE BZHIN GSHEGS PA NANG DU @91A *, ,YANG DAG 'JOG PA'I KHANG BA DER SONG NAS PHYIN PA DANG, PHO BRANG GI SGO'I PHYI ROL NA 'DUG GO, ,YANG NA BYANG CHUB SEMS DPA' RANG GI GNAS 'BRAS BUR GYUR PA NAS LANGS TE, LAM GANG NAS GSHEGS PA'I PHO BRANG DU PHYIN PAR 'GYUR BA DE NAS SONG BA DE NI LAM DER ZHUGS PA'O, ,DE BZHIN GSHEGS PA'I PHO BRANG NI RNAM PA THAMS CAD DANG LDAN PA'I CHOS KYI SKU'I PHO BRANG GI SGO'I PHYI ROL NA 'DUG GO ZHES BYA BA 'DIS NI DE BZHIN GSHEGS PA'I PHO BRANG DANG NYE BA NA 'DUG PA BSTAN TO, ,BLTA BA DANG ZHES BYA BA NI MIG GIS SO, ,PHYAG BYA BA DANG ZHES BYA BA NI LUS DANG NGAG DANG YID KYIS RAB TU 'DUD PA'I NGO BO YIN NO, ,BSNYEN BKUR BYA BA ZHES BYA BA NI RANG GIS BKUR STI BYA BA LA SOGS PA'O, ,GZHAN YANG NYAN THOS CHEN PO RNAMS ZHES BYA BA NI 'PHAGS PA SH'A RI'I BU LA SOGS PA STE, RANG RANG GI GNAS NAS BYUNG STE, PHYOGS GANG NA DE BZHIN GSHEGS PA'I PHO BRANG YOD PA DER SONG BA'O, ,BYA BA BYAS PA YIN DU ZIN KYANG BKA' DRIN GZO NAS BCOM LDAN 'DAS LA BLTA BA LA SOGS PA'I DON DU SON TE, BCOM LDAN 'DAS KYI GNAS KYI PHYI ROL PHYOGS GCIG STE, SA PHYOGS GCIG TU GNAS SO, ,YANG NA NANG GI GNAS KYI PHYOGS SU YANG RANG GI KHYAD PAR JI LTA BA DAG LAS LANGS NAS GANG ZAG LA BDAG MED PA RTOGS PA THABS SU GYUR TE, RJES SU MTHUN PA'I THABS GANG GIS BDAG MED PA GNYI GA'I MTSAN NYID DE BZHIN GSHEGS PA'I GNAS MNGON DU BYED PA'I THABS DE MNGON DU BYED PA YIN NO, ,MNGON DU GYUR NAS BDAG MED PA GNYI GA'I BDAG NYID DE BZHIN GSHEGS PA'I GNAS KYI PHYOGS GCIG STE, GANG ZAG LA BDAG MED PA GCIG TU RTOGS PA'I PHYIR 'DI LA 'KHOD DO, ,DE LTAR 'DUG PA DE YANG DE DAG BDAG MED PA GNYIS STON PA'I BDAG NYID SHES RAB KYI PHA ROL TU PHYIN PA NYAN PA'I 'OS SU GYUR PA YIN NO, , 'PHAGS PA 'JAM PA'I DBYANGS NI THUGS BYANG CHUB LA GZHOL BA YIN PAS DE BZHIN GSHEGS PA'I PHO BRANG GI NANG DU GSHEGS PAR DGONGS PAR RIGS NA, NYAN THOS CHEN PO DAG GO CI ZHES DGONGS TE GSHEGS DE DAG GIS BYANG CHUB CHEN PO NAM YANG THOB PAR MI NUS TE, NYON MONGS PA'I @91B SHING BSREGS PA NYID KYIS 'KHOR BA GCIG NAS GCIG TU BYANG CHUB KYI TSOGS YONGS SU RDZOGS PA MED PA'I PHYIR RO ZHE NA, DE DAG LA SA BON MED CING BYANG CHUB CHEN PO LA 'BAD PA LOG PA YIN DU ZIN KYANG DE'I TSE CHOS ZAB MO MNYAN PA LA GUS PAS 'ONGS PAS NA NYES PA MED DO, ,GZHAN DAG SEMS PA NI DE DAG NI BYANG CHUB CHEN POR YONGS SU BSGYUR BA CAN YIN TE, DE THOS PAR BYA BA'I BSAM PA NYID KYIS 'ONG BA YIN NO, ,NYON MONGS PA BSREGS SU ZIN KYANG DE DAG 'GRO BA DE DANG DER SKYE BA LEN PA 'GAL BA MED DE, 'DI LTAR LUNG LAS SHI MA THAG TU SANGS RGYAS KYI ZHING YONGS SU DAG PAR SEMS MNYAM PAR BZHAG BZHIN DU PAD MO LA SOGS PA'I NANG DU SKYE BAR 'GYUR RO ZHES 'BYUNG NGO, ,DE LTAR NA DE DAG LA SANGS RGYAS KYI 'OD ZER GYIS BSKUL TE, RIM GYIS DBANG PO SO SOR THOB NAS GANG DANG GANG DU SEMS CAN GYI DON MTHONG BA DE DANG DER SKYE BAR 'GYUR RO, ,DE BAS NA THEG PA GCIG PA'I TSUL GYI RJES SU 'BRANG ZHING 'CHAD PA RIGS PA YIN NO, ,DE LTAR BYAS NA THEG PA NI GCIG STE GNYIS SU MED DO ZHES BYA BA LA SOGS PA DAM PA'I CHOS PAD MA DKAR PO LA SOGS PA LAS GSUNGS PA DANG SHIN TU MTHUN PA YIN NO, ,NYAN THOS LA SOGS PA'I RIGS THA DAD PA YIN DU ZIN KYANG RIM PA DE DAG GIS BYANG CHUB CHEN POR YONGS SU BSGYUR BA YIN GYI RAB TU DGA' BA LA SOGS PA'I SA LA 'JUG PAS NI MA YIN LA, NYAN THOS KYI RIGS CAN NO ZHES BYA BA LA SOGS PA 'GAL BA MED DO, ,DE DAG KYANG SKYA RENG SHAR BA'I DUS KYI TSE BCOM LDAN 'DAS KYI PHO BRANG DU 'KHOD PAR PHAN TSUN DUS BYAS PA YIN PAR MNGON NO, ,BCOM LDAN 'DAS KYANG SHES RAB KYI PHA ROL TU PHYIN PA THOS PAR 'OS PA'I 'KHOR 'DUS PA LA GZIGS NAS GZHAN LA PHAN PAR MDZAD PA LA GCIG TU MKHAS PA DAG RANG GI GNAS TING NGE 'DZIN GYI GNAS BZANG PO DAG NAS BYUNG NGO, ,'DI YANG NGO BO DE LTA BU LA ZHEN PA'I GDUL BYA'I 'GRO BA RNAMS KYI BSAM PA'I NGOR BYAS TE BSTAN PA YIN GYI, STON PA NI DUS THAMS CAD DU MNYAM PAR BZHAG PA DANG LDAN PA YIN PAS BZHENGS PA MI MNGA'O, ,DE LA 'ONGS SHING ZHES BYA BA NI NANG GI GNAS SU 'JUG PA'I THABS SU'O, ,LHAGS TE ZHES BYA BA NI PHYI ROL GNAS KYI PHYOGS GCIG TU'O,, @92A *, ,NYAN THOS CHEN PO 'DUS PAR ZHES BYA BA 'DIR NYAN THOS SMOS PA NI MTSON PA YIN TE, BYANG CHUB SEMS DPA' RNAMS KYANG DER 'DUS PA'I PHYIR RO, ,YANG NA GANG DAG NYAN PA DE DAG KYANG 'DIR NYAN THOS YIN PAR DGONGS PA'O, ,'PHAGS PA 'JAM PA'I DBYANGS NI NYON MONGS PA CAN MA YIN PA'I NGA RGYAL BCOM PAS MGU BAR BYA MI DGOS PAR BCOM LDAN 'DAS KYIS MKHYEN GYI, 'PHAGS PA SH'A RI'I BU LA NI NYON MONGS PA CAN MA YIN PA'I NGA RGYAL YOD PAS MGU BAR BYA DGOS SO SNYAM DU DGONGS NAS, SH'A RI'I BU KHYOD CI'I PHYIR ZHES BYA BA LA SOGS PAS THOG MAR DRIS SO, ,CI'I PHYIR ZHES BYA BA NI GTAN TSIGS SAM, YUL GANG NAS ZHES BYA BA STE, 'DI LTAR RGYU MED PAR NI KHYED CAG 'DRA BA'I TING NGE 'DZIN GYI BDE BA YID DU 'ONG BA SPANGS NAS RINGS PA NYID DU DUS MA YIN PAR 'ONG BAR RIGS PA MA YIN NO ZHES DGONGS PA'O, ,BTZUN PA SH'A RI'I BUS KYANG BDAG DANG POR MCHIS PA MA LAGS KYI, 'JAM PA'I DBYANGS 'DI NYID DANG POR RINGS PAR MCHIS PA LAGS SO ZHES SNGA MA'I TSUL BRJOD PA'I PHYIR, BCOM LDAN 'DAS THAMS CAD KYI THOG MA NYID DU 'JAM DPAL GZHON NUR GYUR PA ZHES BYA BA LA SOGS PA GSOL TO, ,DE BZHIN GSHEGS PA'I PHO BRANG GI SGO GNYIS YANG 'JUG PA'I THABS YIN NO, ,'JAM DPAL KHYOD DE BZHIN GSHEGS PA LA BLTA BA DANG ZHES BYA BA LA SOGS PA NAS, SGOR 'DUG PA BDEN NAM ZHES BYA BA'I BAR NI BCOM LDAN 'DAS KYIS 'JAM DPAL DBYANGS LA 'DRI BA'O, ,BCOM LDAN 'DAS DE DE LTA LAGS ZHES BYA BA LA SOGS PA NI 'JAM DPAL GYIS KYANG 'ONGS PA'I DGOS PA BRJOD PA'I PHYIR SMRAS PA'O, ,LAN GNYIS SMOS PA NI NGES PAR GZUNG BA'I PHYIR RAM DGA' BA'O, ,BLTA BA LA SOGS PA NI 'ONG BA'I RGYU YIN PAR RIGS KYI, CHOS KYI DE KHO NA NYID GTAN LA DBAB PA NI MA YIN PAR MI RUNG NGO ZHE NA, BLTA BA LA SOGS PA BSHAD PA'I SGO NYID NAS DE SRID PA'I PHYIR RO, ,DE LTAR YANG DE BZHIN NYID KYI RNAM PAR DE BZHIN GSHEGS PA BLTA BAR BYA'O ZHES BYA BA LA SOGS PA 'OG NAS 'CHAD DO, ,TSOGS YONGS SU RDZOGS PA YIN NA BLTA BA LA SOGS PA BYA CI DGOS @92B SHE NA ZHES BYA BA NI DE CI'I SLAD DU ZHE NA ZHES BYA BA NI 'DIR 'DRI BA'I BSAM PA YIN NO, ,BCOM LDAN 'DAS 'DI LTAR BDAG NI ZHES BYA BA LA SOGS PA NAS, MA NGOMS PA'I SLAD DU'O ZHES BYA BA'I BAR DU LAN YIN NO, ,MA NGOMS PA YANG DE'I YON TAN 'DOD PA'I PHYIR RO, ,BLTA BA LA SOGS PA LA 'CHEL NA SEMS CAN GYI DON NYAMS PAR 'GYUR BA MA YIN NAM SNYAM DU DGONGS NAS, BCOM LDAN 'DAS 'DI LTAR BDAG DE BZHIN GSHEGS PA LA BLTA BA DANG ZHES BYA BA NAS SEMS CAN THAMS CAD KYI DON GYI SLAD DU STE ZHES BYA BA GSUNGS SO, ,CI GZHAN DAG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'CHANG RGYA BAR 'DOD PA KUN KYANG SEMS CAN LA PHAN PA BYED 'DOD NAS DE DAG KYANG KHYOD KHO NA LTAR BLTA BA LA SOGS PA BYED DAM, 'ON TE GZHAN DU YIN ZHES DE LTAR DOGS PA LA BLTA BA LA SOGS PA RNAM PA GZHAN DU DRANG THAD THABS NYID YIN PA BSAL BA'I PHYIR, BCOM LDAN 'DAS GAL TE ZHES BYA BA LA SOGS PA GSUNGS SO, ,GAL TE RIGS KYI BU MYUR DU SANGS RGYAS NYID THOB PAR BRTZON PA'I BLO CAN 'JIG RTEN LA PHAN PA BYED 'DOD PA KHA CIG GIS DE BZHIN GSHEGS PA LA BLTA BAR BYA NA 'DI LTAR BLTA BAR BYA'O, ,DE LTAR JI LTAR BYA ZHE NA JI LTAR BDAG GIS MTHONG BA DANG ZHES BYA BA LA SOGS PA GSUNGS SO, ,CI'I PHYIR DE LTAR BLTA ZHE NA, DE LTA NA NI ZHES BYA BA LA SOGS PA GSUNGS SO, ,NI ZHES BYA BA'I SGRA NI GANG GI PHYIR ZHES BYA BA'I DON TE, GANG GI PHYIR YANG DAG PA'I LTA BA 'DI NYID YON TAN PHUN SUM TSOGS PA THAMS CAD 'DREN PAR BYED PA'I PHYIR RO, ,BCOM LDAN 'DAS BDAG NI ZHES BYA BA LA SOGS PA'I SKABS KYI DON MJUG SDUD PA'O, ,NI ZHES BYA BA NI DE'I PHYIR ZHES BYA BA'I DON TO, ,GZHAN DAG NI GO RIMS BSNOR TE BDAG DANG SEMS CAN THAMS CAD KYANG THAMS CAD MKHYEN PA'I YE SHES KYI DON DU'O ZHES BSDU BA'I DON YIN NO ZHES KYANG 'CHAD DO, ,KHYOD KYIS DE BZHIN GSHEGS PA JI LTAR MTHONG ZHE NA, DE BZHIN NYID KYI RNAM PA DANG ZHES GSUNGS TE, DE BZHIN GSHEGS PA'I DNGOS PO NI DE BZHIN NYID STONG PA NYID LA BYA'O, ,'DI SKAD BSTAN TE, GNYIS SU MED PA'I YE SHES KYI BDAG NYID DU BCOM LDAN 'DAS @93A *, ,BLTA BAR BYA'O ZHES BYA BA YIN NO, ,DE CI'I PHYIR ZHE NA BRTAGS PAS DBEN PA NI GNYIS KYIS DBEN PA'I YE SHES LAS THA DAD PA MED PA'I PHYIR RO, ,DPER NA BUM PAS DBEN PA NI BUM PAS DBEN PA'I SA GZHI LAS GZHAN MA YIN PA DE BZHIN DU GNYIS KYIS DBEN PA'I YE SHES LAS KYANG GNYIS KYIS DBEN PA GZHAN MA YIN NO, ,GAL TE DE BZHIN GSHEGS PA MTHONG NA DE'I TSE KHYOD NI 'DZIN PA YIN PA'I PHYIR DANG, DE BZHIN GSHEGS PA NI GZUNG BA YIN PAS GZUNG BA DANG 'DZIN PA YOD PA'I PHYIR STONG PA NYID DANG 'GAL BAR 'GYUR BA MA YIN NAM, DE BZHIN NYID KYI RNAM PA DANG MTHONG NGO ZHES BYA BA NI PHAN TSUN NANG 'GAL BAR YANG 'GYUR TE, DE BZHIN NYID KYI RNAM PA NI GNYIS LAS DBEN PA YIN LA, MTHONG BA NI MYONG BAR BYED PA YOD NA SKYE BA YIN NO, ,DE BAS NA 'DI NI NGA'I MA MO GSHOM YIN NO ZHES BYA BA'I TSIG DE DANG MTSUNGS PAR SMRAS PA YIN NO ZHE NA; DE LA MI DMIGS PA'I TSUL GYIS ZHES BYA BA GSUNGS TE, 'DI'I DGONGS PA NI 'DZIN PA LA SOGS PA SPROS PA'I MNGON PAR ZHEN PA'I MTSAN NYID MA LUS PAR SPANGS PA'I SEMS SKYE BA'I PHYIR DANG, CHOS MNYAM PA NYID RANG RIG PA MNGON SUM DU BYED PA NYID NA BRTAGS PA'I DRA BA MTHA' DAG MI DMIGS PAS DE BZHIN GSHEGS PA MTHONG BA YIN NO, ,JI SKAD DU CI YANG MA MTHONG BA NI DE KHO NA MTHONG BA YIN NO ZHES BYA BA DANG, DE BZHIN DU, CHOS NYID DU NI SANGS RGYAS BLTA, ,ZHES BYA BA LA SOGS PA GSUNGS PA YIN NO, ,DE BZHIN NYID KYI NGO BO LAS MA 'DAS PA MA SKYES PA DANG, THOG MA NAS ZHI BA DANG, RANG BZHIN GYIS MYA NGAN LAS 'DAS PA DANG, DNGOS PO MED PA ZHES 'BYUNG BA THAMS CAD KYANG RNAM PA'I BAR DU ZHES BYA BAS BSDUS TE BSTAN TO, ,DE BZHIN DU MI SKYE BA'I RNAM PAR ZHES BYA BA LA SOGS PA NI DON THA DAD PA MA YIN DU ZIN YANG, LA LA LAS KHA CIG GRAGS PA YIN PAS JI LTAR RIGS PAR CHOS KYI DBYINGS LA 'JUG PAR BYA BA'I PHYIR CHOS NYID MNYAM PA'I TSIG GIS PHYE STE BSTAN TO, ,DER YANG KUN BRTAGS KYI NGO BOS STONG PA YIN NO, ,JI SKAD DU, BRTAGS PA'I NGO BO NYID KYIS NI, ,CHOS RNAMS THAMS CAD MA SKYES PA, ,GZHAN GYI DBANG LA BRTEN NAS @93B NI; ,MI RNAMS KYI NI RNAM RTOG SKYE, ,ZHES GSUNGS SO, ,DE BZHIN DU GZHAN LA'ANG SBYAR RO, ,GZHAN DAG 'CHAD PA 'BRAS BU SKYE NA RANG GI NGO BOR GYUR PA'I RGYU LAS SAM, GZHAN DU GYUR PA LAS SAM, GNYI GA LAS SAM, RGYU'I BYED PA LA MI LTOS PAR SKYE GRANG, YOD PA'AM MED PA'AM GNYI GA'I NGO BO 'AM RGYU YANG DU MAS 'BRAS BU GCIG GI NGO BO SKYED PAR BYED DAM GANG YANG DU MA'I NGO BO SKYED PAR BYED GRANG, YANG NA GCIG GIS GCIG GI NGO BO 'AM, ,YANG NA DU MA'I NGO BOS BSKYED GRANG, YANG RGYU ZHIG PA LAS 'BRAS BU SKYE'AM, MA ZHIG PA LAS SKYE GRANG, RNAM PAR RTOG PA'I PHYOGS JI SNYED PA DE DAG THAMS CAD KYANG GZHAN DAG GI PHYOGS LA RJES SU CHAGS PAS BYAS PA NI RTOG PA'I SNYING PO TZAM YIN PAR MNGON NO, ,'DI LTAR RGYU'I RANG GI NGO BO 'BRAS BU YIN NA RGYU BZHIN DU SKYES ZIN PA NYID YIN NO, ,DE BAS NA DE LAS SKYE BA MA YIN TE, SKYES ZIN PA'I PHYIR RGYU'I RANG GI NGO BO BZHIN NO, ,GZHAN LAS ZHES BYA BA'I PHYOGS GNYIS PA LA YANG DNGOS PO LA LTOS TE BRJOD NA 'DIR GNYIS PA DNGOS PO YIN NA GO 'BRAS BU DE NI RGYU YOD PA'I DUS NA MED LA, DE YOD PA'I TSE NI RGYU YOD PA MA YIN NA, DE GANG LA LTOS TE DE GNYIS GZHAN NYID YIN PAR DON DAM PAS KHAS BLANG BAR BYA, YANG RGYUR MNGON PAR 'DOD PA NI 'BRAS BUR MNGON PAR 'DOD PA SKYED PAR BYED PA MA YIN TE, GZHAN YIN PA'I PHYIR MNGON PAR 'DOD PA MA YIN PA'I DNGOS PO BZHIN NO, ,GNYI GA'I PHYOGS LAS SKYE BA YANG RIGS PA MA YIN TE, PHYOGS GNYI GAR BRJOD PA'I SKYON DU THAL BAR 'GYUR BA'I PHYIR RO, ,GZHAN YANG THA DAD PA DANG THA DAD PA MA YIN PA'I NGO BO GNYIS NI PHAN TSUN SPANGS TE GNAS PA'I MTSAN NYID YIN PAS GCIG TU GNAS PA MI SRID PA'I PHYIR RO, ,DE NYID KYI PHYIR GNYI GA'I DNGOS PO'I PHYOGS RUNG BA MA YIN NO, ,MA BRTAGS PA'I DNGOS PO YIN NA THA DAD PA DANG THA DAD PA MA YIN PA'I RNAM PAR RTOG PA MI 'JUG PA MA YIN TE, GANG YIN PA DE 'DI MA YIN TE ZHES BYAS NA NGO BO NYID BSAL BA DE NYID RNAM PAR LOG PA YIN NA DE BKAG PA NYID RNAM PAR MA LOG PA YIN NO ZHES BYA BA'I TSIG RNAM PA GZHAN DAG GA LA YOD PAR 'GYUR, RGYU MED PA LAS @94A *, ,KYANG SKYE BAR RIGS PA MA YIN TE, RTAG TU YOD PA DANG MED PA NYID DU THAL BAR 'GYUR BA'I PHYIR RO, ,YOD PA YANG SKYE BA MA YIN TE, DNGOS PO GRUB ZIN PA LA SKYE BA'I DON MI 'THAD PA'I PHYIR DUS PHYI MA BZHIN NO, ,GZHAN YANG GAL TE YOD PA SKYE BAR 'GYUR NA NI SKYES ZIN PA YANG SKYE BAR 'GYUR RO, ,MED PA YANG SKYE BAR RIGS PA DANG LDAN PA MA YIN TE, NGO BO NYID MED PAS RI BONG GI RVA LA SOGS PA BZHIN DU SKYE BA MI 'THAD PA'I PHYIR RO, ,DE LTA MA YIN NA MED PA THAMS CAD DNGOS PO GANG YANG RUNG BA 'GA' LAS SKYE BAR THAL BAR 'GYUR BAS RGYU DANG 'BRAS BUR NGES PAR MI 'GYUR RO, ,NUS PA SO SOR NGES PA YOD PAS DE LTAR YANG MI 'GYUR TE, 'DI LTAR DE DANG DE LA NUS PA NGES PA YOD PA'I DNGOS PO DE LAS DNGOS PO 'GA' KHO NA SKYE BA YIN GYI, MED PA YIN PAR KHYAD PAR MED DU ZIN KYANG THAMS CAD MA YIN NO SNYAM DU SEMS NA, DE NI RIGS PA MA YIN NO, ,GAL TE RKYEN RNAMS 'BRAS BU DANG MA 'BREL BA'I LUS CAN YIN NA, DE'I TSE DE DAG 'BRAS BU DANG SO SOR 'BREL PA MED PA'I PHYIR 'BRAS BU GANG LA NUS PA SO SOR NGES PA YOD, DE BAS NA NUS PA SO SOR NGES PA MED PAR GNAS PA YIN PAS THAMS CAD LAS THAMS CAD SKYE BAR THAL BAR 'GYUR BA BZLOG DKA'O, ,YOD PA DANG MED PA'I PHYOGS LA BSTAN PA'I SKYON DU THAL BAR 'GYUR BA'I PHYIR YANG GNYI GA'I NGO BO YANG SKYE BAR 'THAD PA MA YIN NO, ,GCIG LA GNYIS KYI NGO BO YOD PA YANG MA YIN TE, GNYIS DANG GCIG GNYIS 'GAL BA'I PHYIR RO, ,RGYU DANG POS KYANG 'BRAS BU GCIG GI NGO BO GANG YIN PA SKYED PAR BYED DO ZHE NA, DE LTA NA NI RGYU RANG GI NGO BO LHAN CIG BYED PA DU MAS KYANG 'BRAS BU GCIG SKYED PA MA YIN TE, RGYU THA DAD PAS THA DAD PAR BYED PA YIN PA'I PHYIR RO, ,DE LTAR NA THA DAD PA MA YIN PA YANG THA DAD PA MA YIN PA BYED PAR MI 'GYUR TE, RGYU THA DAD PA YIN DU ZIN KYANG THA DAD PA MED PA'I PHYIR RO, ,GAL TE THA DAD PA LAS KYANG THA DAD PA NYID DU 'GYUR LA, THA DAD PA MED PA LAS KYANG THA DAD PA MED PA YIN NA RIGS PA YIN TE, 'KHRUL PA MED PA'I PHYIR RO, ,'DIR NI DE LTA MA YIN PAS THA DAD PA DANG THA DAD PA MA YIN PA MTHA' DAG RGYU MED PA CAN DU 'GYUR @94B RO; ,DNGOS PO 'GA' YANG DE LAS GUD NA MED PAS DNGOS PO THAMS CAD GZHAN GYI DBANG LAS SKYE BA MA YIN PAR THAL BAR 'GYUR RO, ,GAL TE 'DI SNYAM DU RGYU'I RANG GI NGO BO THA DAD PA LAS 'BRAS BU'I RANG GI NGO BO THA DAD PA SKYE BA YIN TE, RGYU'I BYED PAS BYAS PA'I 'BRAS BU'I RANG GI NGO BO'I BYE BRAG MA 'CHOL BA'I PHYIR RO, ,'DI LTAR YID LA BYED PA LAS NI MIG GI RNAM PAR SHES PA RTOGS PA'I NGO BO YIN NO, ,DMIGS PA'I BDAG NYID DE NYID MIG GI DBANG PO LAS NI YUL 'DZIN PAS SO SOR NGES PA'O, ,YUL LAS NI DE DANG 'DRA BA YIN GYI GZHAN LAS NI MA YIN NO, , RGYU'I BYED PA BYE BRAG SNA TSOGS YOD DU ZIN KYANG 'BRAS BU'I RANG GI NGO BO'I DBYE BA THA MI DAD PA YANG MA YIN TE, GCIG GI NGO BO DE LTAR DMIGS PA'I PHYIR RO ZHE NA, DE NI RIGS PA MA YIN TE, 'BRAS BU GCIG GI NGO BO DANG BYE BRAG RNAMS DE DANG THA MI DAD PAR YANG JI LTAR 'GYUR, DE LTA YIN NA NI SNA TSOGS SU YANG MI 'GYUR RO, ,SNA TSOGS DANG GCIG GNYIS PHAN TSUN 'GAL BA'I PHYIR RO, ,YUL SNANG BA LA SOGS PA YANG RNAM PAR SHES PA LAS THA DAD PA MA YIN PAR JI LTAR YUL LA SOGS PAS BYED PA DE BZHIN DU DE DANG THA DAD PA MA YIN PA RTOGS PA'I NGO BO LA SOGS PAR BYED PA YID LA BYED PA LA SOGS PAS KYANG BYED PAS DE LTAR NA 'CHOL BAR 'GYUR BA LA LAN MA BTAB PA YIN NO, ,'ON TE SKYON DER MI 'GYUR BAR BYA BA'I PHYIR BYE BRAG RNAMS 'BRAS BU LAS THA DAD PA NYID DU 'DOD NA NI DE LTA NA YANG RGYU'I BYED PA DE DAG NYID LA NYE BAR SBYOR BA'I PHYIR 'BRAS BU RGYU MED PA CAN DU 'GYUR RO, ,'BRAS BU'I BDAG NYID DU MA LAS RNAM PAR LOG PA DANG LDAN PA'I RGYU DANG RJES SU MTHUN PAR CHOS THA DAD PAR RTOG PAS BZHAG NAS DE'I BYED PA'I YUL THA DAD PAR RTOG PAS 'JOG PAR BYED DO ZHE NA, YANG 'JOG LA RAG STE, RGYU'I BYED PA DE NI RTOG PA'I BZOS BYAS PA LA BYED PAS RTOG PAS BZHAG PA YIN GYI YANG DAG PAR NI MA YIN NO, ,DE LTA NA YANG 'BRAS BU RGYU MED PA CAN DU 'GYUR TE, RGYU'I BYED PA BRTAGS PA'I BDAG NYID LA NYE BAR SBYOR BA'I PHYIR RO, ,CI STE 'BRAS BU DNGOS SU THA DAD PA MA YIN YANG BYE BRAG RNAMS THA DAD NA, DE LTA NA NI CHOS CAN DANG @95A *, ,CHOS CAN DNGOS SU THA DAD PAR 'GYUR TE, THA DAD PA DANG THA DAD PA MA YIN PA'I RANG GI NGO BOR GNAS PA'I PHYIR RO, ,DE LTA NA YANG SNGAR SMOS PA'I SKYON DU 'GYUR RO, ,'ON TE BYE BRAG DE DAG BRTAGS PA KHO NA YIN NA, DE LTA NA YANG RGYU RANG GI NGO BO THA DAD PA LAS BYE BRAG THA DAD PAR 'GYUR RO ZHES BYA BA RIGS PA MA YIN TE, RTOG PAS BYAS PA'I THA DAD PA NI RGYU'I BYED PA LA LTOS PA MA YIN PA'I PHYIR RO, ,GAL TE RGYU'I RANG GI NGO BO GCIG GIS 'BRAS BU'I RANG GI NGO BO GCIG SKYED PAR BYED DO ZHES ZER NA, DE LTA NA YANG LONG BA DANG 'ON PA LA SOGS PAR THAL BAR 'GYUR TE, MIG LA SOGS PAS RANG GI RIGS KYI SKAD CIG MA PHYI MA NYID SKYED PA YIN NA NI RNAM PAR SHES PA SKYED PAR MI 'THAD PA'I PHYIR RO, ,RNAM PAR SHES PA SKYED PAR BYED NA YANG RANG GI RIGS KYI SKAD CIG MA PHYI MA MTSAMS SBYOR BA MED PA'I PHYIR RO, ,DBANG PHYUG LA SOGS PA RGYU GCIG GIS 'BRAS BU DU MA BYED PAR SMRAS PA YANG TSAD MA THAMS CAD DANG 'GAL BAR 'GYUR TE, TSOGS PA DANG RIM GYIS 'BRAS BU SKYE BAR SNANG BA'I PHYIR RO, ,GAL TE 'BRAS BU YANG RGYU ZHIG PA LAS SKYE NA NI DE'I TSE RGYU MA YIN PA NYID DU THAL BAR 'GYUR TE, ZHIG PA NI RGYU NYID DU MI SRID PA'I PHYIR RO, ,'ON TE MA ZHIG PA LAS SKYE NA NI DE LTA NA YANG RGYU DANG 'BRAS BU GNYIS DUS MNYAM PAR THAL BAR 'GYUR RO, ,BA LANG GI RVA G-YAS G-YON RGYU DANG 'BRAS BUR MI 'THAD PA BZHIN DU DE YANG 'DOD PA MA YIN NO, ,'ON TE PHYIS 'BRAS BU SKYES PA DANG DUS MNYAM PA DE NYID DU 'DOD PAS DUS GCIG PA MI 'GAL LO ZHES ZER NA, DE LTA NA YANG SKYES MA THAG TU 'JIG PA DANG 'GAL BAR 'GYUR BAR 'BRAS BU SKYE BA SHIN TU RIGS PA MA YIN NO, ,'ON TE RGYU 'JIG PA'I TSE 'BRAS BU SKYES PAS 'DI LA NYES PA MED DO ZHES LAN 'DEBS PAR BYED NA, DE LA YANG BRJOD PAR BYA STE RGYU 'JIG PA 'DI GANG YIN, CI RGYU'I RANG GI NGO BO NYID YIN TE, JI SKAD DU DNGOS PO SKAD CIG MA GNAS PA'I CHOS KHO NA 'JIG PA YIN NO ZHES ZER BA LTA BU 'AM CI RGYU ZHIG STE MED PA LA BYA CI NYES, GAL TE RGYU'I RANG GI NGO BO LA BYA NA NI RGYU DANG 'BRAS BU GNYIS DUS MNYAM PA NYID DU THAL BAR 'GYUR RO, ,'ON TE RGYU ZHIG STE MED PA LA BYA NA DE @95B LTA NA YANG 'BRAS BU DANG DUS MNYAM PA NYID DU MI 'GYUR TE, RANG GI NGO BO MED PA NI RES 'GA' BA NYID DU MI 'THAD PA'I PHYIR RO, ,RES 'GA' BA NYID YIN NA NI DNGOS PO NYID YIN PAR THAL BAR 'GYUR TE, RNAM PAR SHES PA BZHIN NO, ,DE BAS NA SKYE BA'I DNGOS PO RNAMS LA JI LTA JI LTAR RNAM PAR DPYAD PA DE LTA DE LTAR 'THAD PA BZOD PA MA YIN NO, ,DE TSAD MA DANG 'GAL BA MED DU ZIN KYANG, 'ON KYANG DE NGES PAS BYA BA'I THABS NI 'GA' YANG YOD PA MA YIN TE, 'DI LTAR RGYU DANG 'BRAS BU'I DNGOS PO NI PHAL CHER MNGON SUM DANG MI DMIGS PAS SGRUB PAR BYED PA YIN NA, MNGON SUM DANG MI DMIGS PA GNYIS KYANG RNAM PA MED PA 'AM, RNAM PA DANG BCAS PAS DE 'DZIN PAR 'THAD PA MA YIN TE, YUL GYIS BYAS PA'I SNANG BA MED CING DON NYE BA'I RGYU MTSAN MED PAR NI 'DIS MYONG NGO ZHES RNAM PAR BZHAG PA MI RIGS PA'I PHYIR RO, ,RNAM PA'I DNGOS PO YANG DON MED PA CAN RMI LAM LA SOGS PA'I SHES PA'I RNAM PA DNGOS POS KHYAB PA MED PA'I PHYIR RO, ,SHES PA GCIG LA RAG LAS PA DANG SNA TSOGS KYI RNAM PA 'BYUNG BA RNAMS YANG DAG PA YIN PAR RIGS PA MA YIN NO, ,DE LTAR SKYE BA NI MNGON SUM DANG MI DMIGS PAS RGYU DANG 'BRAS BU 'DI BSGRUB TU MI RUNG BA YIN PAS RNAM PA GZHAN BSAM DGOS SO, ,DE BAS NA THAMS CAD MKHYEN PAS KYANG RGYU DANG 'BRAS BU GZHAN GYI DBANG GI MTSAN NYID 'DI CUNG ZAD TZAM YANG GSAL BAR MI MKHYEN MI SPYOD DE, DE LTAR SKYE BA NI TSAD MA DANG 'GAL BA'I PHYIR RO, ,RIGS PA'I RJES SU 'BRANG BAS NI SKYE BA MED PA'I RNAM BAR BLTA BAR NI SKYON MTHA' DAG DANG BRAL BA'I YE SHES KYI BDAG NYID STON PAS GSUNGS TE, RTAG TU SKYE MED CHOS NI DE BZHIN GSHEGS, ,CHOS RNAMS KUN KYANG BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA DAG, ,'JIG RTEN DAG NA MED PA'I CHOS LA SPYOD, , 'DI RGYA CHER DPYAD PA NI RTEN CING 'BREL PAR 'BYUNG BAR DPYAD PA YIN PAS RE ZHIG GZHAG GO, ,GAL TE SKYOB PA SPROS PA THAMS CAD DANG BRAL BA YIN TE, DE BZHIN NYID KYI RNAM PA GZIGS PA YIN NA DE'I BDAG NYID YIN PA'I PHYIR DE YE SHES KYI TSOGS BSAGS PA'I BYANG CHUB SEMS DPAR GYUR @96A *, ,NAS PHYIS BCOM LDAN 'DAS DE BZHIN GSHEGS PAR JI LTAR 'BYUNG BAR 'GYUR, SANGS RGYAS SU GYUR NAS KYANG MES SHING BSREGS TE ZAD PA BZHIN DU YONGS SU MYA NGAN LAS 'DA' BA DANG, YONGS SU MYA NGAN LAS MA 'DAS PA'I GNAS SKABS NA YANG YUL DE DANG DER GNAS PA DANG JI LTAR 'DAS PA DANG MA 'ONGS PA DANG DE LTAR BYUNG BA'I BDE BAR GSHEGS PA RNAM PAR GZHAG PAR BYA, CI'I PHYIR THAMS CAD MKHYEN PA'I YE SHES RNAM PAR BZHAG PAS SHES BYA'I MTSAN NYID GNYIS RNAM PAR BZHAG ,GZHAN YANG SEMS TZAM GYI RANG GI NGO BO MTHONG BAS GZUNG BA DANG 'DZIN PA'I BDAG NYID GNYIS DANG BRAL BA'I PHYIR GNYIS SU MED PA'I RNAM PAR BZHAG ,BDE BAR GSHEGS PA DANG BDE BAR GSHEGS PA MA YIN PA'I GNAS SKABS GNYIS SU KUN NAS NYON MONGS PA DANG RNAM PAR BYANG BA GANG GIS RNAM PAR BZHAG CES BYA BA DE DAG NI 'KHOR GYI DKYIL 'KHOR DE'I NANG NAS KHA CIG DOGS PA SKYES PA YIN NO, ,DOGS PA'I DRA BA DE YONGS SU SPANGS PA'I PHYIR, DE BZHIN NYID LA GUD NAS 'BYUNG BA MA MCHIS TE ZHES BYA BA LA SOGS PA NAS, DE BZHIN NYID NI MI SKYE MI 'GAG PA STE ZHES BYA BA'I BAR DU LAN 'DEBS PA YIN TE, 'DI'I BSAM PA NI GAL TE DE BZHIN NYID NI SNGAR MA BYUNG BA LAS BYUNG BA DANG, BYUNG NAS KYANG MI 'BYUNG NA NI DE LTAR NA 'GYUR BA MED PA'I DON DU MNYAM PA MA YIN PAS MI RTAG PAR THAL BAR 'GYUR RO ZHE NA, DE NI 'DI LTAR 'DOD PA YIN TE, JI SKAD DU DE BZHIN GSHEGS PA SKYES KYANG RUNG, MA SKYES KYANG RUNG CHOS NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS LA SOGS PA DE NI GNAS PA KHO NA YIN NO ZHES GSUNGS SO, ,GAL TE 'DI YE SHES KYI BDAG NYID YIN NA YE SHES BZHIN DU LUS MED PA'I PHYIR YUL NA MI GNAS PAR 'GYUR RO, ,SKYE BA DANG 'JIG PA MED PA YANG 'DAS PA LA SOGS PA'I RGYAL BA YIN PAR JI LTAR GDAGS, STON PA THAMS CAD MKHYEN PA NI DE'I BDAG NYID YIN NA YANG GNYIS SU GYUR PAS STONG PA NYID DANG MI 'GAL BAR JI LTAR 'GYUR, GNYIS SU MED PA'I YE SHES KYI BDAG NYID CAN YIN NA YANG SKAL BA DANG LDAN PA RNAMS KYIS @96B RTOGS PA NA GANG GIS GNYIS SU THAL BAR MI 'GYUR, SNGAR KUN NAS NYON MONGS LA PHYIS RNAM PAR BYANG BA YIN NA YANG RNAM PAR BYANG BA DANG LDAN PAR 'GYUR RO, ,'DI DE LTA YIN NA YANG GAL TE KUN NAS NYON MONGS PA'I GNAS SKABS KYI TSE NA NI GNYIS KYI BDAG NYID YIN LA, 'DI LTAR DE PHYIS SNGON MED PA'I GNYIS SU MED PAR GYUR PAS RNAM PAR BYANG BA YIN NA NI 'DUS MA BYAS MA YIN PAR 'GYUR RO ZHE NA, 'DI'I LAN GLAN PA'I CHED DU RKYEN 'DUS PA LAS DE BZHIN NYID LA KUN NAS 'BYUNG BA MA MCHIS TE, DE BZHIN NYID NI SNGON MED PA'I NGO BO 'BYUNG BA YANG MA LAGS SO, ,MI 'DRA BA'I RNAM PA 'JIG PA YANG MA LAGS SO, ,YUL NI YUL SA'O, ,PHYOGS NI GRONG LA SOGS PA'O, ,'DAS PA LA SOGS PA NI DUS SO, ,GNYIS LA SOGS PA NI GNAS SKABS SO, ,SKYE BA NI RGYUN GYIS SO, ,DE MED PAS MI SKYE BA'O, ,'GAG PA NI RGYUN CHAD PA'O, ,DE MED PAS MI 'GAG PA STE, BCOM LDAN 'DAS NI MI GNAS PA'I MYA NGAN LAS 'DAS PA YIN PA'I PHYIR RO, ,'DIR BSDUS PA'I DON NI 'DI YIN TE, DE BZHIN NYID NI, DE BZHIN GSHEGS PA SNGON MED PA'I NGO BO SKYED PAR BYED PA MA YIN GYI, 'ON KYANG YANG DAG PA MA YIN PA'I MNGON PAR ZHEN PA'I SKYON MTHA' DAG SBYANGS PAS DRI MA MED PA THOB PA YIN TE, CHOS LA BDAG MED PA'I YE SHES KYI SNGA ROL DU GZUNG BA DANG 'DZIN PAR MNGON PAR ZHEN PA'I LING TOG STUG POS DE KHEBS PA'I PHYIR RO, ,DE MA RTOGS PA YOD PA YANG DE'I PHYIR YANG DAG PA MA YIN PA'I RNAM PAR RTOG PA DE SNGA NAS YOD PA'I PHYIR RO, ,DUS PHYIS NI LAN MANG DU THABS MANG POS YUN RING POR CHOS BDAG MED PA'I YE SHES GOMS PAR BYAS PAS BSGOM PA KHYAD PAR DU GYUR NAS RNAM PAR RTOG PA MTHA' DAG RGYUN CHAD DE DE KHO NA NYID KYI YE SHES BYUNG BA DANG SGRO 'DOGS PA'I BAG LA NYAL THAMS CAD KYI GNAS KYANG MED PAR GYUR TO, , DE'I BDAG NYID GANG YIN PA'I DE BZHIN GSHEGS PA YID BZHIN GYI NOR BU RIN PO CHE LTA BU NI 'GRO BA MA LUS PA'I BSAM PA YONGS SU RDZOGS PAR MDZAD PA YIN NO, ,DE BZHIN NYID 'DI NI 'DI LTAR KUN NAS NYON MONGS PA'I YANG YIN TE, YOD PA DANG MED PAR MNGON PAR ZHEN PA GNYIS DANG LDAN @97A *, ,PA GANG YIN PA'O, ,'DI NYID 'DI LTAR RNAM PAR DAG PA YANG YIN TE, DE KHO NA NYID MTHONG BA'I BDAG NYID DANG BCAS PA'I SEMS GANG LA MNGON PAR ZHEN PA MTHA' DAG DANG BRAL BA'O, ,DE RNAM PAR DAG PA YANG RIM GYIS 'GYUR RO, ,'DAS PA LA SOGS PAR RNAM PAR BZHAG PA NI DE BZHIN NYID RNAM PAR DAG PA'I BDAG NYID DE BZHIN GSHEGS PA GANG DU GNAS PA DANG GSHEGS PA LA SOGS PA YANG DAG PA MA YIN PA KHO NA YIN NO, ,'ON KYANG 'JIG RTEN PA DAG DE'I DBANG GIS DE LTA BUR SNANG BA SKYE BA GANG YIN PA'I NGOR BYAS NAS DE SKAD DU BSHAD DO, ,SANGS RGYAS BCOM LDAN 'DAS NI CI'I PHYIR MI GNAS PA'I MYA NGAN LAS 'DAS PA YIN ZHE NA, DE RIGS PA DANG LUNG GIS YIN TE, GANG DAG GNAS PA'I RGYU TSOGS PA DE DAG NI GNAS PA DANG BRAL BAR MI 'GYUR TE, DPER NA DU BA LA SOGS PA GNAS PA'I RGYU ME DANG SHING LA SOGS PA TSANG BAR TSOGS PA BZHIN NO, ,SANGS RGYAS BCOM LDAN 'DAS KYANG 'KHOR BA JI SRID PAR BAR MA CHAD PAR GNAS PA'I RGYU CAN YIN NO, ,GNAS PA RNAM PAR 'JIG PA LA KHYAB PAR BYED PA NI GNAS PA'I RGYU NYID TSOGS PA MA YIN NO, ,DE NI 'DIR 'GAL BAR BSTAN PAS KHYAB PAR BYED PA 'GAL BA DMIGS PA YIN NO, ,CHOS MI MTHUN PA NI DU BA LA SOGS PA RGYUN CHAD PA'O, ,RGYU MA TSANG BA MED PA NI 'BRAS BU 'BYUNG BAR MI RIGS PA 'GAL BAR BYED PA YIN NO, ,GTAN TSIGS JI LTAR 'GRUB CE NA, BSHAD PA, GNAS PA'I RGYU MA TSANG BA NI SEMS CAN GYI DON SGRUB PA'I NUS PA MED PA'I PHYIR DANG, SNYING RJE CHEN PO DANG BRAL BA'I PHYIR DANG, TSE'I 'DU BYED BZHAG PA'I DBANG MED PA'I PHYIR DANG, SROG GI DBANG PO RNAM PAR SMIN PA'I LAS YONGS SU ZAD PA'I PHYIR DANG, SANGS RGYAS KYIS GDUL BAR BYA BA'I SEMS CAN MED PA RNAMS YIN NO, ,DE DAG LAS BZLOG PA DE NI GNAS PA'I RGYU YIN NO; ,DE LA STON PA NI YE SHES KYI NUS PA THOGS PA MI MNGA' BAR ZHAL GYIS BZHES PAS RNAM PAR RTOG PA DANG PO LTAR YANG MA YIN TE, DE LA GZHAN DU YIN NA NI BSE RU LTA BU LA SOGS PA DANG BYE BRAG CI YOD, BRAM ZE GCANG SBRA CAN GYIS MI THOD CAN YUN RING DU BSTEN PAS SKYUG MI BRO BA BZHIN @97B DU DE'I BDAG NYID DU GYUR PA'I PHYIR THUGS BRTZE BA NI 'BAD PA MA BYAS PAR NYAMS PA MED DO, ,'BAD PA YANG SKYON DU MA MTHONG BAR MI 'BYUNG NGO, ,DE YANG 'DI NI YOD PA MA YIN TE, YON TAN GYI RANG GI NGO BO YIN PA CI'I PHYIR DE NYID LA BLO LHAG PAR PHYOGS PA'I PHYIR YANG RNAM PAR RTOG PA GNYIS PA LTAR YANG MA YIN NO, ,RDZU 'PHRUL GYI RKANG PA BSGOM PA MTHAR PHYIN PAR SONG BA'I PHYIR RNAM PAR RTOG PA GSUM PA YANG RIGS PA DANG LDAN PA MA YIN NO, ,DE SKAD DU KUN DGA' BO GANG YANG RUNG BAS RDZU 'PHRUL GYI RKANG PA BSTAN CING BSGOMS TE LAN MANG DU BYAS NA NI 'DOD NA BSKAL PA 'AM BSKAL PA LAS LHAG PAR GNAS PAR 'GYUR RO ZHES GSUNGS SO, ,'BRAS BU SROG GI LAS ZAD PA YANG BSKAL BA MI NYUNG BAR SROG GCOD PA SPANGS PA BSAGS SHING GOMS PA MTHA' YAS PA'I THABS SBYIN PA LA SOGS PA'I PHA ROL TU PHYIN PA DANG LDAN PA'I 'GRO BA'I BLA MA LA SRID PA MA YIN NO, ,RGYU MCHOG TU GYUR PA GANG YIN PA'I 'BRAS BU MCHOG TU GYUR PA DANG, MCHOG TU GYUR PA MA YIN PA YIN NA 'BRAS BU MCHOG TU GYUR PA MA YIN NO ZHES BYA BA 'DI NI RGYU DANG 'BRAS BU GNYIS KYI CHOS YIN NO, ,DE LTA MA YIN TE, RGYU MCHOG TU GYUR PA DANG, MCHOG TU GYUR PA MA YIN PA LAS 'BRAS BU DE LTAR MI 'GYUR NA NI 'BRAS BU DANG DE BYED PA'I DNGOS POR MA GYUR PA YIN TE, DE'I BYE BRAG LA LTOS PA MED PA'I PHYIR RO, ,STON PA LA YANG SROG DE'I RGYU GZHAN GYIS SROG GCOD PA LA SOGS PA KHA NA MA THO BA MED PA DPAG TU MED PA YOD PA YANG MA YIN NA DES JI LTAR 'DI GNAS PA MED PA YIN, DE KUN GYI 'BRAS BU NI THAMS CAD MKHYEN PA 'DI YIN NO ZHE NA YANG MA YIN TE, SROG YUN RING DU YOD PAR DNGOS SU BSTAN PA'I PHYIR TE, SROG GCOD PA SPANGS PA DANG SBYIN PA'I PHA ROL TU PHYIN PA GNYIS KYI 'BRAS BU TSE RABS MI NYUNG BA YIN PAR BSTAN TO, ,GANG YANG DNGOS SU GANG GI RGYU YIN PAR BSTAN PA DE YONGS SU RGYAS SHING RKYEN NYE BAR GYUR PA NA DE SKYED PAR BYED PA DE BZHIN DU, GAL TE GZHAN GYI RGYU NYID DU YANG 'GYUR NA DE'I TSE NYES PA CI YOD, GZHAN YANG CHOS DE KHO NA NYID GOMS PA'I DBANG GIS NI RNAM PA THAMS CAD MKHYEN PA 'GRUB PAR 'GYUR LA, BSOD NAMS KYI TSOGS NI DE'I GNAS KHYAD PAR DU GYUR @98A *, ,BAS NA RJES SU MTHUN PAR 'GYUR RO, ,'DI SNYAM DU DE BZHIN GSHEGS PAS GDUL BAR BYA BA'I SEMS CAN MED PAS YONGS SU MYA NGAN LAS 'DAS SO SNYAM DU SEMS NA, 'DIR BSAM PAR BYA STE, CI SANGS RGYAS KYI GZUGS KYIS GDUL BAR BYA BA'I SEMS CAN MED PA'AM, CI GZHAN GYI GZUGS KYIS GDUL BAR BYA BA YANG MED PA YIN, GAL TE PHYOGS SNGA MA YIN NA NI DE'I CHE BRGYA BYIN LA SOGS PA'I GZUGS BSTAN PAS GDUL BAR BYA BA'I SKYE BO YOD PA'I PHYIR DE'I GZUGS KYIS CI'I PHYIR MI BZHUGS, THUGS RJE DANG LDAN PA RNAMS NI 'GRO BA'I PHAN PA BSGRUB PA'I PHYIR KHYAD PAR GZHAN LA YANG BSTAN PAR MDZAD DE, JI LTAR BCOM LDAN 'DAS KYIS 'KHOR LOS SGYUR BA'I GZUGS BSTAN PA LTA BU'O, ,GZHAN YANG 'JIG RTEN GYI KHAMS GCIG TU SANGS RGYAS KYIS GDUL BAR BYA BA'I SKYE BO MED DU ZIN KYANG 'JIG RTEN GYI KHAMS GZHAN DAG NA DE DPAG TU MED PA YOD PA'I PHYIR CI'I PHYIR 'DI YONGS SU MYA NGAN LAS 'DA', ,BCOM LDAN 'DAS NYID KYIS KYANG, SANGS RGYAS MYA NGAN MI 'DA' STE, ,CHOS KYANG NUB PAR MI 'GYUR RO, ,SEMS CAN YONGS SU SMIN BYA'I PHYIR, ,MYA NGAN 'DA' BAR BSTAN PA YIN, ,ZHES GSUNGS SO, ,SHIN TU SPROS PAS CHOG GIS SKABS NYID BRTZAM PAR BYA'O, ,DE LTAR NA DE BZHIN GSHEGS PA MTHONG BA DANG, PHYAG BGYIS PA DANG ZHES BYA BA LA SOGS PA NI SKABS KYI DON MJUG SDUD PA'O, ,JI SKAD DU BSTAN PA'I RNAM PA LAS BZLOG STE RNAM PA GZHAN DU MNGON PAR ZHEN PAS DE BZHIN GSHEGS PA MTHONG BA DON YOD DO SNYAM DU KHA CIG DOGS PA LA 'JAM DPAL KHYOD KYIS DE LTAR BLTAS NA CI ZHIG MTHONG ZHES BYA BA LA SOGS PA 'DI GSUNGS SO, ,DE LTAR BLTAS NA MTHONG BA CI YANG MA MCHIS SO ZHES BYA BA NI LAN YIN TE, RANG KHONG DU CHUD PA TZAM LAS MA GTOGS PAR ZHES DGONGS PA'O, , GZHAN DAG 'DI SNYAM DU DOGS TE, 'JAM PA'I DBYANGS 'DI NI DON DKA' BA'I RJES SU ZHUGS PA YIN TE, GANG YANG MTHONG BA MED PA'I TSUL GYIS GNAS LA, DE BZHIN GSHEGS PA YANG MTHONG BA DANG, SEMS CAN GYI KHAMS MTHA' DAG LA KHYAB PAR BYED PA'I BYAMS PA'I DGONGS PA'I RTZA BA CAN @98B BYANG CHUB KYI SEMS SNGON DU SONG BA'I BRTZON 'GRUS KYIS BSOD NAMS DANG YE SHES KYI TSOGS RDZOGS PAR MDZAD PA DANG, RNAM PAR MI RTOG PA'I YE SHES KYIS SEMS CAN YANG MI DMIGS PA DANG, RTOG PA DANG BCAS PAS KYANG MNGON PAR ZHEN PA MED PAR DE LA 'JUG PA NI RE ZHIG 'DIS KYANG SHIN TU DON DKA' BA YIN PAR SRID NA, BDAG 'DRA BAS LTA SMOS KYANG CI DGOS ZHES DE SKAD DU DOGS PA 'DI BRJOD PA LA, 'PHAGS PA SH'A RI'I BUS 'JAM DPAL DE BZHIN GSHEGS PA LA KHYOD KYIS DE LTAR MTHONG BA DANG ZHES BYA BA LA SOGS PA NAS, SEMS CAN THAMS CAD KYI CHED DU GO CHA CHEN PO BGOS PA DE NI KHYOD DKA' BA BYED PA'O ZHES BYA BA'I BAR DU GSUNGS SO, ,BYAMS PA CHEN PO ZHES BYA BA NI BYANG CHUB KYI SEMS KYIS BSKUL TE SEMS CAN THAMS CAD KHA NA MA THO BA MED PA'I BDE BA SKYED 'DOD PA'O, ,GZHAN DAG NA RE DMIGS PA MED PA'I BYAMS PA YIN NO ZHES ZER RO, ,SEMS CAN THAMS CAD YONGS SU MYA NGAN LAS 'DA' BA'I PHYIR ZHUGS KYANG ZHES BYA BA NI 'GRO LA PHAN PA'I PHYIR SANGS RGYAS 'GRUB PAR SHOG CES BYANG CHUB TU SEMS BSKYED PA'I PHYIR RO, ,GO CHA ZHES BYA BA NI BRTZON 'GRUS KYI BDAG NYID 'GRO BA GDON PAR SPRO BA'O, ,GO CHA DE YANG DMIGS PA LA SOGS PA'I TSUL GYIS YIN NO, , JI SKAD SMRAS PA DE DE BZHIN TE ZHES BYA BA NI DMAN PA LA MOS PA'I SKYE BO LA 'TSAM PA MA YIN PA'I CHOS LA RJES SU SPYOD PA'I PHYIR DKA' BA MDZAD PA NYID YIN PAR ZHAL GYIS BZHES SO, ,SEMS CAN MI DMIGS PA YIN YANG SEMS CAN MYA NGAN LAS 'DA' BA'I GO CHA MI 'GAL BAR BSTAN PA NI SEMS CAN THAMS CAD YONGS SU MYA NGAN LAS 'DA' BA'I PHYIR GO CHA 'DI YANG MOS PAS SPYOD PA'I SA'I GNAS SKABS SU BGOS PA YIN NO, ,BDAG LA SEMS CAN DU DMIGS PA GANG YANG MED DO ZHES BYA BA NI GZUNG BA DANG 'DZIN PA'I MTSAN NYID SPANGS PA'I PHYIR RO, ,DE NI YANG DAG PA YIN NO ZHE NA YANG MA YIN TE, DE MED DU ZIN KYANG SEMS CAN SGRO 'DOGS PAS 'KHRUL PA NYID YIN NO, ,CI'I PHYIR ZHE NA DE'I PHYIR, SEMS CAN DU MNGON PAR ZHEN PA BDAG LA GANG YANG MED PAR GYUR PA YIN TE, SGYU MA MKHAN BZHIN DU GNAS PA'I PHYIR RO, ,'DI LTAR SGYU MA MKHAN NI SGYU MA'I GLANG PO CHE LA @99A *, ,SOGS PA LA MNGON PAR ZHEN PA MED PA DE BZHIN DU, BDAG GIS SEMS CAN DU DMIGS PA DE YANG DE BZHIN NO ZHES DGONGS PA'O, ,'DIR BSDUS PA'I DON NI 'DI YIN TE, BYAMS PA CHEN POS BRGYAN CING BYANG CHUB CHEN PO'I DGONGS PA CAN MNGON PAR ZHEN PA THAMS CAD SPANGS PA RNAMS KYIS THOG MA NYID DU DE BSGOM PA NI YID KYI CHOS YIN PA'I PHYIR KUN TU RGYU MI THOD CAN SKYUG BRO BA BZHIN DU, RNAM PAR RTOG PA'I RGYU MTHA' DAG SPANGS PA NA GSAL BA KHO NAR 'GYUR BAS LHAG PA'I BSAM PA MI G-YO BA RNAMS LA DKA' BA CUNG ZAD KYANG MED DO, ,BSGOM PA'I SBYOR BA LA SDAR BA RNAMS LA NI MTHA' DAG SHIN TU DKA' BAR SNANG NGO, ,SPRO BA 'DI YANG 'KHOR BA DANG MYA NGAN LAS 'DAS PAR GTOGS PA'I SEMS CAN GO RIMS BZHIN DU NYUNG BA NYID DANG, YONGS SU MANG BA NYID DU BYA BA'I PHYIR BRTZAMS PA MA YIN NAM, JI LTAR NA SEMS CAN DU DMIGS PA DANG; MNGON PAR ZHEN PA DE MED PA YIN ZHE NA, DE'I PHYIR, DE LTAR MA DGONGS SO ZHES BYA BA SMRAS SO, ,JI LTAR YIN ZHE NA, 'DI LTAR BDAG GIS SEMS CAN GYI KHAMS BRI BA 'AM GANG BAR BYA ZHES BYA BA GSUNGS SO, ,GO CHA DE LTA BU YIN NA NYES PA CI YOD CE NA, DE'I PHYIR, BTZUN PA SHA RA DVA TI'I BU YONGS SU BRTAGS PA NYE BAR BZUNG STE, GAL TE ZHES BYA BA LA SOGS PA GSUNGS TE, GTAN TSIGS BSTAN PA NI GSAL BA YIN NO, ,GAL TE ZHES BYA BA NI JI STE ZHES BYA BA'I DON TO, ,GANG BAR MNGON PA MED DO ZHES BYA BA NI MI DMIGS SO ZHES BYA BA YIN NO, ,DE CI'I PHYIR ZHE NA ZHES BYA BA NI YONGS SU 'DRI BA'I DON GTAN TSIGS GANG ZHES BYA BA STE, CI MTHONG BA'I RGYU DANG BRAL BA'I PHYIR YOD KYANG MI DMIGS PA YIN TE, MUN RUM GYI NANG NA BUM PA LA SOGS PA 'DUG PA BZHIN NAM, MED PA'I PHYIR RTA'I RVA LA SOGS PA BZHIN NAM ZHE NA, 'DIR LAN DU RNAM PAR RTOG PA NI SEMS CAN DBEN PA'I PHYIR DANG ZHES BYA BA SMRAS SO, ,SEMS CAN ZHES BYA BA NI SROG CHAGS TE, DE DAG GI TSOGS RGYUN GYI GNAS SKABS KYI BYE BRAG GZUNG BAR BYA BA LA SOGS PA'I NGO BOR BRTAGS PA'O, ,SEMS CAN MED PA NI MED PA'O, ,SEMS CAN DNGOS PO MED PA @99B YIN NA BYANG CHUB PA'I GNAS SKABS NA KHYOD JI LTAR CHOS 'CHAD PA 'GRUB PAR 'GYUR, MO GSHAM GYI BU RTOGS PAR BYA BA'I PHYIR CHOS 'CHAD PA SMRA BAR NUS PA'I MKHAS PA MED PAR STON TO ZHES BYA BA 'DI NI, 'JAM DPAL GAL TE SEMS CAN DBEN BA DANG SEMS CAN SEMS CAN MA YIN PA'I PHYIR ZHES BYA BA LA SOGS PA NI RGOL BA YIN NO, ,DE SKAD CES SMRAS PA DANG, 'JAM DPAL GZHON NUR GYUR PAS TSE DANG LDAN PA SHA RA DVA TI'I BU LA 'DI SKAD CES SMRAS SO, ,BTZUN PA SHA RA DVA TI'I BU GANG GI TSE SEMS CAN SHIN TU MI DMIGS PA ZHES BYA BA LA SOGS PA NI LAN 'DEBS PA YIN TE, SEMS CAN SHIN TU MI DMIGS PA NI GZUNG BA LA SOGS PA MED PA'I PHYIR RO, ,DE'I TSE 'GRO BA SU ZHIG MNGON PAR RDZOGS PAR 'TSANG RGYA STE 'GA' YANG MA YIN NO, ,'TSANG RGYA BA PO DANG, 'GA' ZHIG 'TSANG RGYA BAR BYA BA DANG, 'TSANG RGYA BA YOD PA MA YIN PA'I PHYIR RO ZHES BSAMS PA'O, ,BSTAN PAR BYA ZHES BYA BA NI CHOS GANG ZHIG BSHAD PAR BYA STE, BSHAD PAR BYA BA'I CHOS SPYI'I RNAM PA DANG BSHAD PA'I SGRA'I SPYI'I BDAG NYID DANG DE 'DZIN PAR BYED PA YANG MED PA'I PHYIR RO, ,DE CI'I PHYIR ZHE NA ZHES BYA BA 'DRI BA'I BSAM PA NI NYAN PAR BYED PA'I SEMS CAN MI DMIGS PA'I PHYIR RO ZHES BYA BA 'DI TSIG GI DON YIN NO, ,JI LTAR ZHE NA, CHOS THAMS CAD RANG DANG GZHAN GYI RGYUD LA GZUNG BA LA SOGS PA SHIN TU MED PA'I PHYIR RO, ,'DI LTAR CHOS THAMS CAD SHIN TU MI DMIGS PA'I PHYIR RO ZHES BYA BA 'DIS NI JI LTAR BSTAN PA'I TSIG GI DON GSAL BAR BYED PA YIN NO, ,RANG NYID KYIS DRIS PA NI GZHAN GYI 'DRI BA LA SDOD NA, RGYUN MI 'CHAD PAR CHOS 'CHAD PAR BYED PA BAR CHAD PA LA MI DGA' BAR 'GYUR BA MED PAR BYA BA'I PHYIR DANG, 'DRI BA PO YANG MI SHES PA'AM SPOBS PA MED DE 'DRI BAR MI BYED PA LA PHAN GDAGS PA'I PHYIR RO, ,'PHAGS PA 'JAM DPAL GYI TSIG DE DAG GIS SGRO 'DOGS PA'I MTHA' SPANG BA BYAS PA DE'I DGONGS PA'I DON KHONG DU MA CHUD NAS SHIN TU SEMS CAN LA SOGS PA MED PAR KHONG DU CHUD NAS SKUR BA 'DEBS PA'I MTHAR LHUNG BA MNGON DU GYUR PA DANG, DE'I PHYIR BCOM LDAN 'DAS KYIS 'JAM DPAL GANG GI @100A *, ,TSE CHOS THAMS CAD SHIN TU MI DMIGS PA DE'I TSE CI SEMS CAN DU YANG 'DOGS SAM ZHES BYA BA 'DI GSUNGS TE, CI'I PHYIR STON ZHES BYA BA'I THA TSIG GO, ,YANG ZHES BYA BA'I SGRAS SNGON GYI THUGS RJE DANG PHA ROL TU PHYIN PA'I TSOGS RNAMS KYANG BSDU BA'I PHYIR RO, ,'DOGS PA NYID BYED PA MA LAGS SO ZHE NA, MI RUNG STE, DE GDAGS PA NI GDON MI ZA BAR BYA DGOS PA'I PHYIR RO, ,'DI LTAR GAL TE YANG 'GA' ZHIG SEMS CAN JI SNYED YOD CES DE SKAD 'DRI NA ZHES BYA BA NI MTHAR LHUNG BAR GYUR CING THE TSOM ZA BA'I BLO CAN DAG SEMS CAN JI SNYED YOD CES DE SKAD 'DRI BA'O, ,DE SKAD 'DRI BA LA JI SKAD BRJOD PAR BYA ZHE NA, SANGS RGYAS KYI CHOS JI SNYED PA DE SNYED DO ZHES LAN GDAB PAR BYA STE, SEMS CAN MTHA' MED PA DANG, GNYIS SU MED PAR STON PA YIN TE, SANGS RGYAS KYI CHOS JI SNYED PA RTOG PA'I DRA BA THAMS CAD DANG BRAL BA DE SNYED KYI SEMS CAN GNYIS SU MED PA'I BDAG NYID YIN NO ZHES BYA BA'I THA TSIG GO, ,SEMS CAN GYI KHAMS KYI TSAD JI TZAM ZHES BYA BA NI 'DI'I TSAD JI TZAM ZHES BYA BA YIN NO, ,SANGS RGYAS KYI YUL GYI TSAD JI TZAM ZHES BYA BA YANG DE BZHIN NO, ,SANGS RGYAS KYI YUL NI CHOS KYI DBYINGS TE, DE NI THAMS CAD DU SONG BA YIN PA'I PHYIR DPAG TU MED PA YIN NO, ,DPE RNAM PA 'DI GNYIS KYIS KYANG DE KHO NA NYID GNYIS SU MED PA RJOD PAR BYED PA YIN TE, YAN LAG DANG YAN LAG CAN TZAM BRJOD PAR 'DOD PA'I SGO NAS 'DRI BA SNGA PHYI GNYIS KYI DON DBYE BA YIN NO, ,YAN LAG DANG YAN LAG CAN THA DAD PA MED DU ZIN YANG 'ON KYANG 'DRI BA PO'I BSAM PA SNA TSOGS KYI SGO NAS DON GCIG PO GSAL BAR BYA BA'I PHYIR GNYIS BSTAN TO, ,DE LTAR NA SEMS CAN DPAG TU MED PA YOD PA'I PHYIR CHAD PA'I MTHA' RIGS PA MA YIN NO ZHES BYA BA BSDUS PA'I DON YIN NO, ,'JAM DPAL KHYOD LA GAL TE YANG 'GA' ZHIG 'DI SKAD DU SEMS CAN GYI KHAMS GANG DU GTOGS ZHES 'DRI NA ZHES BYA BA NI DE LTAR GAL TE SEMS CAN GYI KHAMS GDON MI ZA BAR YOD PA YIN NA RANG GI NGO BO 'GA' ZHIG DANG GZHI YANG YOD PAR BYA DGOS PAS NA BDAG NYID GANG YIN, GNAS KYANG GANG YIN, DE'I BDAG GANG DU 'DU ZHES BYA BA'I DON DE NI 'DRI BA'I BSAM @100B PA YIN NO, ,BDAG GIS 'DI SKAD DU SKYE BA MED PA BSAM GYIS MI KHYAB PA GANG DU GTOGS PAR GTOGS SO ZHES BGYI'O ZHES BYA BA NI SKYE BA MED PA NYID DANG, BSAM GYIS MI KHYAB PA GANG DU GNAS PA'I NGO BO DER SEMS CAN GYI KHAMS GNAS PA YIN NO, ,SKYE BA MED PA NI SNGAR BSTAN PA'I TSUL GYIS STONG PA NYID LA BYA'O, ,DE NYID BSAM GYIS MI KHYAB PA YIN TE, BSAM PA THAMS CAD KYI GNAS MA YIN PA'I PHYIR RO, ,GNAS PAR BYED PA'I NGO BO GANG DU GNAS SHE NA, 'DI SKAD DU SKYE BA MED PA'I KHAMS CI LA GNAS PA DE LA SEMS CAN GYI KHAMS GNAS SO ZHES BGYI STE, GANG DU YANG GNAS PA MCHIS SO ZHES BYA BA'I THA TSIG GO, ,'DI LTAR YANG DAG PA MA YIN PAR KUN TU RTOG PA MA GTOGS PAR NI CUNG ZAD KYANG YOD PA MA YIN NO, ,KUN BRTAGS PA SKYE BAR RNAM PAR RTOG PA YANG DE LAS LOGS SHIG NA MED DO, ,DBEN PA NI RNAM PAR DBEN PA'I RANG GI NGO BO NYID YIN PA'I PHYIR RO, ,DE LTA MA YIN TE, DBEN PA LAS DE LOG PA'I NGO BOR YOD PA YIN NA NI STONG PA NYID DANG 'GAL BAR 'GYUR RO, ,THA DAD PA MED PA NYID YIN NA YANG GZHI DANG GNAS PA MED DE 'DI'I GNAS NI RANG GI NGO BO THA DAD PA YIN PA'I PHYIR RO, ,DE BZHIN DU YANG DAG PA MA YIN PAR KUN TU RTOG PA'I BDAG NYID KYI SEMS CAN GYI KHAMS LA YANG SBYAR BAR BYA'O, ,DE BAS NA 'DI'I GNAS NI CI YANG YOD PA MA YIN NO, ,DE BAS NA GNAS SKABS DE LTA BU DE LA SEMS CAN GYI KHAMS GNAS PA'I TSIG GI DON MA RTOGS NAS GNAS DANG GNAS SHES PAR BYED PA'I DNGOS PO NI YANG DAG PA KHO NA YIN PAR BRGYA LA 'GA' ZHIG SEMS SHING SMRA BA GNAS DANG GNAS PAR BYED PA NI DNGOS SU YOD PA MA YIN NAM, DE LAS GZHAN CI ZHIG MED PA YIN NA DAM PA GANG YIN PA BSGOM BAR BYA BA'I PHYIR STONG PA NYID BSGOM PA STON ZHE NA, DE'I PHYIR BCOM LDAN 'DAS KYIS 'JAM DPAL KHYOD GANG GI TSE SHES RAB KYI PHA ROL TU PHYIN PA BSGOM PA DE'I TSE ZHES BYA BA LA SOGS PA GSUNGS SO, ,GANG GI TSE BDAG SHES RAB KYI PHA ROL TU PHYIN PA BSGOM PA DE'I TSE MI GNAS PAR ZHES BYA BA LA SOGS PAS DON CI BSTAN ZHE NA, MI GNAS PAR ZHES BYA BA NI GNAS DANG GNAS LA SOGS PA MED PA'I PHYIR GZUNG BA DANG @101A *, ,'DZIN PA LA SOGS PAR MNGON PAR ZHEN PA MED PAR BSTAN TO, ,MNGON PAR ZHEN PA MED NA YANG BSGOM PA CI ZHIG YOD, 'DI LTAR BSGOM PA NI YANG NAS YANG DU GOMS PAR BYED PA YIN LA, DE YANG RNAM PAR RTOG PA YIN, DE YANG MNGON PAR ZHEN PA YIN NO, ,DE LTAR RNAM PAR RTOG PA'I RANG GI SNANG BA LA DON MED BZHIN DU DON DU MNGON PAR ZHEN PA 'JUG PA'I PHYIR RO SNYAM PA DE'I PHYIR, 'JAM DPAL MI GNAS PA LA SHES RAB KYI PHA ROL TU PHYIN PA BSGOM DU YANG CI YOD CES GSUNGS SO, ,GANG CI LA YANG MI GNAS PA DE NYID CES BYA BA LA SOGS PA NI LAN YIN TE, GANG CI LA YANG MI GNAS PA DE NYID CES BYA BA NI BSGOM PA GANG YIN PA NI CI LA YANG MNGON PAR ZHEN PAR BYED PA MA YIN NO ZHES BYA BA'I THA TSIG GO, ,GZHUNG GZHAN LAS GANG CI LA YANG MI GNAS TE ZHES 'BYUNG BA DER NI GZUNG BA DANG GNAS PA LA SOGS PAR MNGON PAR ZHEN PA MED CES BYA BA'I THA TSIG GO, ,THOG MAR BSGOM PA'I GNAS SKABS NA NI RNAM PAR RTOG PA 'BYUNG NGO, ,YUN RING DU GOMS PAR BYAS PAS GONG NA MED PAR SONG ZHING MCHOG TU GSAL BA'I GNAS SKABS SU GYUR PA NA GCIG KHO NAR DE RGYU BA MED DO ZHES BYA BA NI BSDUS PA'I DON YIN NO, ,'O NA GAL TE SHES RAB KYI PHA ROL TU PHYIN PA BSGOM PA NI MNGON PAR ZHEN PA THAMS CAD DANG BRAL BA YIN NA DE JI LTAR SGOM PA POS DGE BA'I RTZA BA 'PHEL BA DANG, MI DGE BA'I RTZA BA 'BRI BAR BYED CES 'GA' ZHIG DOGS PA DE BCOM LDAN 'DAS KYIS 'JAM DPAL KHYOD GANG GI TSE SHES RAB KYI PHA ROL TU PHYIN PA BSGOM PA DE'I TSE KHYOD KYI DGE BA'I RTZA BA GANG 'PHEL BA 'AM 'BRI BAR 'GYUR ZHES DRIS SO, ,'AM ZHES BYA BA'I SGRAS NI MI DGE BA'I RTZA BA'I PHYOGS 'DI BSDUS PA'I PHYIR RO, ,BCOM LDAN 'DAS DE'I TSE BDAG GI DGE BA'I RTZA BA GANG 'PHEL BA 'AM ZHES BYA BA LA SOGS PA NI LAN YIN NO, ,CI'I PHYIR ZHE NA; SMRAS PA, 'DI LTAR GANG LAS ZHES BYA BA 'DZIN PAR BYED PA BDAG LA SOGS PA'I RANG GI NGO BO BYED PA POS SHES RAB KYI PHA ROL TU PHYIN PA SGOM PAR BYED PAS GANG DANG 'BREL PA'I CHOS DGE BA 'AM MI DGE BA 'GA' ZHIG 'PHEL ZHING RGYAS PAR 'GYUR BA'AM, 'BRI ZHING 'GRIB PAR 'GYUR @101B BAR BYED PA MA MCHIS SO, ,'DI SKAD DU BSTAN TE, SEMS CAN GANG DGE BA'I RTZA BA STOBS DANG LDAN PAS BSGOMS PA'I STOBS KYIS DGE BA 'PHEL BAR BYED PA DANG 'GRIB PAR BYED PA'I SGOM PA PO NI DGE BA'I CHOS DE LAS LOGS SHIG NA 'GA' YANG MA MCHIS SO, ,'ON KYANG DE NYID LA BRTEN NAS SGRO BTAGS PA DE BYED PA PO YIN NO, ,BYED PA PO'I THA SNYAD TZAM THAMS CAD KYANG DE LTA BU'I RNAM PA YIN PA'I PHYIR RO, ,BRTAGS PA'I NGO BO RJES SU 'GRO BA NI DON BYED PA MA YIN NO, ,DE LTA MOD KYI 'DI BSGOM PA YANG YIN TE, 'DI GNYIS 'PHEL BA DANG RGYAS PAR BYA BA'I CHED DU 'JUG PA'I PHYIR RO; ,GANG GI PHYIR DE LTA YIN PA DE BAS NA, GANG YANG CHOS 'GA' ZHIG 'PHEL BA'I SLAD DU 'AM 'BRI BA'I SLAD DU NYE BAR GNAS PA DE NI ZHES BYA BA LA SOGS PA GSUNGS SO, ,GAL TE MI DGE BA 'AM DGE BA 'BRI BA'AM RGYAS PAR BYA BA'I DON DU 'DI 'JUG PA MA YIN NA DE JI LTAR GO RIMS BZHIN DU SO SO'I SKYE BO'I CHOS 'DOD CHAGS LA SOGS PA SPONG BAR 'GYUR, SANGS RGYAS KYI CHOS STOBS DANG MI 'JIGS PA LA SOGS PA LEN PAR 'GYUR ZHE NA, DE'I PHYIR, BCOM LDAN 'DAS GANG SO SO'I SKYE BO'I CHOS RNAMS KYANG MI SPONG LA ZHES BYA BA LA SOGS PA GSUNGS SO, ,DE CI'I SLAD DU ZHE NA ZHES BYA BA'I DON CI ZHE NA, CI SHIN TU BSGOMS PA'I DBANG GIS SO SO'I SKYE BO'I CHOS SPONG BA DANG, SANGS RGYAS KYI CHOS BSKYED PA MED PA NYID KYIS SPONG BA MED PA DANG, LEN PA MED PA ZHES BRJOD DAM, 'ON TE MI DMIGS PA'I TSUL GYIS SHIN TU BSGOMS PA LAS BYUNG BA'I 'PHAGS PA'I SHES RAB KYI DBANG POS GANG GI TSE RTZAL GYUR PA DE'I TSE RTZOL BA MED PAR YANG SO SO'I SKYE BO'I CHOS RNAMS KYANG SPONG BAR 'GYUR LA, SANGS RGYAS KYI CHOS RNAMS KYANG MNGON SUM DU 'GYUR, DE DAG NI RANG LAS MA GTOGS PA RNAMS MI DMIGS PA'I PHYIR SPONG BA MED PA DANG, LEN PA MED PA ZHES BRJOD CES BYA BA 'DI NI GTAN TSIGS YONGS SU 'DRI BA'I DON YIN NO, ,DE LA 'DIR NYON MONGS PA DANG RNAM PAR BYANG BA'I GNAS SKABS MED PAR THAL BAR 'GYUR BA'I PHYIR PHYOGS DANG PO LTAR NI MA YIN NO, ,'ON KYANG 'OG MA LTAR YIN PAS, BCOM LDAN 'DAS 'DI LTAR SHES @102A *, ,RAB KYI PHA ROL TU PHYIN PA BSGOM PA NI ZHES BYA BA LA SOGS PA GSUNGS SO, ,CHOS GANG RNAM PAR BYANG BA 'AM KUN NAS NYON MONGS PA DMIGS PAS CHOS GANG LA YANG MI GNAS PA NI SO SO'I SKYE BO DANG, SANGS RGYAS KYI CHOS GO RIMS BZHIN DU SPANG PA 'AM BLANG BA RNAMS GZUNG BA'I MTSAN NYID DANG BRAL BA'I PHYIR RO, ,GAL TE DE DAG 'GA' LA YANG DMIGS PAS MI GNAS NA, 'O NA JI LTAR SRID BA'I NYES PA BRGAL BA LA SOGS PA GANG YIN PA DANG, DE DANG BRAL BA'I MYA NGAN LAS 'DAS PA'I YON TAN DMIGS SHE NA, DE'I PHYIR, BCOM LDAN 'DAS GANG 'KHOR BA'I SKYON DU YANG MCHI LA ZHES BYA BA LA SOGS PA GSUNGS TE, 'KHOR BA'I SKYON DANG MYA NGAN LAS 'DAS PA'I YON TAN DU MCHI BA DANG, NYE BAR DMIGS PA DANG, RTOG PA'I BAR DU MA LAGS PA'O, ,DE CI'I SLAD DU ZHE NA ZHES BYA BA NI RIGS PA GANG GIS SMRAS, CI MED PA'I PHYIR RAM, 'ON TE YOD KYANG DMIGS PAR MI RUNG BA'I PHYIR YIN ZHE NA, RTOG PA DANG PO LTAR NA NI NYON MONGS PA DANG, RNAM PAR BYANG BAR RNAM PAR GZHAG PA DE NYID MI 'THAD PAR 'GYUR RO, ,RTOG PA GNYIS PA LTAR NA NI RIGS PA MIN PAS DE'I PHYIR, BCOM LDAN 'DAS 'DI LTAR 'KHOR BA NYID KYANG MI MTHONG NA ZHES BYA BA LA SOGS PA GSUNGS SO, ,DGONGS PA NI 'DI YIN TE, 'DOD CHAGS LA SOGS NYON MONGS BSGOS, ,SEMS NYID DAG NI 'KHOR BA YIN, ,DE NYID DE DANG BRAL BA NA, ,SRID PA'I MTHA' ZHES RAB TU BSHAD, ,DE BAS NA MI DMIGS PA'I TING NGE 'DZIN GOMS PA'I RGYU DES 'KHOR BA'I BDAG NYID 'BAD PA MED PAR RNAM PAR LOG STE, DU MA DANG GCIG LA SOGS PAR SPROS PA'I TSOGS DANG BRAL TE RAB TU ZHI BAR ZHUGS PA'I RGYUN BAR MA CHAD PA JI SRID 'KHOR BA MA LUS PA'I SRID PA'I RGYA MTSOR BYING BA'I 'GRO BA GDON PA LA MKHAS PA BYUNG BA NI MYA NGAN LAS 'DAS PA ZHES BYA'O, ,DE BAS NA SEMS LAS MA GTOGS PAR 'KHOR BA DANG MYA NGAN LAS 'DAS PA GNYIS DANG, DE'I SKYON DANG YON TAN DMIGS PA MA YIN NO, ,RANG RIG PAS KYANG MA YIN TE, RANG RIG PAS YIN NA @102B NI GZUNG BA DANG 'DZIN PA'I DNGOS POR GYUR PA YANG DAG PA MA YIN PA'I PHYIR ZHES GSUNGS SO, ,DE LTA NA GDUL BYA 'KHOR BA'I NANG NAS JI LTA JI LTAR DOGS PA'I YID SKYE BA NI SNGAR BSTAN PA'I TSUL GYIS DNGOS SU LAN GLAN ZIN KYANG DE'I DOGS PA SKYE BA'I RGYUN RNAMS LA DOGS PA SKYED CING DOGS PA BSAL BAR BYA'O, ,DE LTA MA YIN NA THOG MA NYID DU GZHAG PA KHO NAS DOGS PA'I SKABS MA LUS PA MED PAS BSHAD PA PHYI MA RNAMS BRTZAM MI DGOS PAR THAL BAR 'GYUR RO, ,SRID PA'I SKYON DANG, MYA NGAN LAS 'DAS PA'I YON TAN MA MTHONG NA BSGOM PA 'DIS JI LTAR MTHONG BA'I LAM SKYED PAR BYED CING, BSGOM PA'I LAM 'DZIN PAR BYED, DE GNYIS KYIS SGRIB PA THAMS CAD LA NGES PAR 'BYIN PA SGRUB PAR YANG JI LTAR 'GYUR ZHE NA, 'DIR BCOM LDAN 'DAS CHOS GANG LA YANG BLANG BA 'AM, GZUNG BA'AM, DOR BA MA MCHIS PA DE ZHES BYA BA LA SOGS PA GSUNGS SO, ,DOR BA NI SPANGS PA'I PHYIR NGES PAR 'BYIN PA LA BYA'O, ,CHOS GANG LA YANG ZHES BYA BA NI GANG LAS KYANG ZHES BYA BAS RNAM PAR DBYE BA BSGYUR BAR BYA'O, ,LEN PAR BYED PA'I BYED PA PO DANG 'DZIN PAR BYED PA'I BDAG NYID MI SRID PA'I PHYIR BLANG BA'AM STE; BLANG BAR BYA BA 'AM GZHAN DU YANG RUNG MI SRID DO ZHES BYA BA'I THA TSIG GO, ,DE BAS NA, MTHONG BSGOM CHOS KYI NGO BO YI, ,SHES RAB PHA ROL PHYIN PA 'DI, ,GOMS PA 'PHEL BAR GYUR NA NI, ,SGRIB PA THAMS CAD SPANGS PA YIN,, ,,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA, BAM PO GNYIS PA, 'GA' ZHIG YANG SRID PA'I SKYON BSAL BA DANG, RNAM PAR BYANG BA'I CHOS BSKYED PAR GO RIMS BZHIN DU DE BZHIN NYID 'GRIB PA DANG, 'PHEL BA MNGON PAR ZHEN NAS 'DI SNYAM DU SEMS TE, BLANG BA DANG GZUNG BA DANG DOR BA GAL TE MED NA SRID PA DANG MYA NGAN LAS 'DAS PAR GTOGS PA'I SEMS CAN GYI KHAMS DE 'GRIB PA DANG 'PHEL BAR JI LTAR 'GYUR, SGRIB PA DANG SPANGS PA YOD NA NI GDAGS SU RUNG NGO ZHE NA DE'I PHYIR, BCOM LDAN 'DAS GANG CHOS GANG LA YANG 'GRIB PA DANG ZHES @103A *, ,BYA BA LA SOGS PA GSUNGS SO, ,DE CI'I SLAD DU ZHE NA ZHES 'DIS KHUNGS 'DRI BA'I BSAM BA CI ZHE NA, CI RIG PAR BYA BA'I MTSAN NYID DANG MI LDAN PA'I PHYIR MI DMIGS PA'AM, 'ON TE DE MED PA'I PHYIR ZHES BYA BA YIN NO, ,DE LA RNAM PAR RTOG PA DANG PO NI RANG RIG PAS DE DMIGS PA LA 'GAL BA CI YOD CE NA, RIG PAR BYA BA LA BRTAGS NA MED PA'I PHYIR RO, ,DE BAS NA 'DIR NI RNAM PAR RTOG PA GNYIS PA LTAR 'DOD PA YIN PA'I RIGS PA NI, BCOM LDAN 'DAS SKYE BA MA MCHIS PA LA ZHES BYA BA LA SOGS PA GSUNGS SO, ,SKYE BA MED PA NI STONG PA NYID DO, ,SKYE BA MED PA DE'I TSUL GYIS NA 'GRIB PA DANG 'PHEL BA MA MCHIS TE, DUS THAMS CAD DU NGO BO GCIG PA'I PHYIR RO, ,'GRIB PA DANG 'PHEL BA DE NI RGYAS PA DANG 'PHEL BAR BRTAGS PA'I NGO BO YIN NO, ,BRTAGS PA NI LAN 'GA' YANG YOD PA MA YIN NO, ,YOD PA GANG YIN PA SNGON DU SONG BA YIN NA NI BRI BA YIN TE, DE NI GLO BUR GYI DRI MA DANG BRAL BA TZAM YIN PAR BSTAN TO, ,BCOM LDAN 'DAS GANG DE LTAR SGOM PA DE SHES RAB KYI PHA ROL TU PHYIN PA SGOM PA LAGS SO ZHES TSIG LAN DU MAR SMOS PA CI'I PHYIR ZHE NA, BSGOM PA GCES PAR BSTAN PAS SGRUB PA PO RNAMS KYI BRTZON 'GRUS 'PHEL BAR BYA BA'I PHYIR RO, ,BYED PA PO LA SOGS PA MED NA STOBS DANG BYANG CHUB KYI YAN LAG LA SOGS PA'I YON TAN SKYE BA DANG, SGRIB PA THAMS CAD SPANG BA 'DI LA JI LTAR BRTZON PAR BYED CE NA, DE'I PHYIR, BCOM LDAN 'DAS GANG CHOS GANG YANG SKYE BA 'AM ZHES BYA BA LA SOGS PA GSUNGS TE, BYED PA MED PA'I PHYIR DANG, 'JIG PA LA RGYU MED PA'I PHYIR TE, GZHAN DU GYUR PA'I BYED PAS STONG ZHING RKYEN 'DI PA TZAM YIN NO, ,'GAG PA DANG SKYE BA'I DNGOS PO MED NA NYON MONGS PA DANG RNAM PAR BYANG BA'I YAN LAG RNAMS 'BRI BA DANG RGYAS PA NYID DU JI LTAR BYED CE NA, BYED PA MED PAS NA, BCOM LDAN 'DAS GANG CHOS GANG LA YANG 'GRIB PA 'AM RGYAS PAR MI BGYID PA DE ZHES BYA BA LA SOGS PA GSUNGS TE, BYED PA MED PA'I PHYIR DANG, 'JIG PA LA RGYU MED PA'I PHYIR RO ZHES DGONGS PA'O, , @103B GAL TE DE LTAR SPROS PA MED PA YIN NA JI LTAR STOBS BCU DANG, SA GONG NAS GONG DU GNAS PA'I BYANG CHUB SEMS DPA' DANG 'BREL BA'I YON TAN RNAMS DE TSOL BAR BYED CE NA, DE'I PHYIR, BCOM LDAN 'DAS GZHAN YANG BSAM GYIS MI KHYAB PA'I CHOS LA YANG MI SMON CING ZHES BYA BA LA SOGS PA GSUNGS SO, ,BSAM GYIS MI KHYAB PA'I CHOS NI DE BZHIN GSHEGS PA'I YON TAN RNAM PA THAMS CAD DANG LDAN PA DAG PAR GNAS PA GANG YIN PA'O, ,NYI TSE BA NI BYANG CHUB SEMS DPA' YIN TE, DRI MA MED PA'I YE SHES KYI RGYUN GYI CHA NYI TSE STE, SGRIB PA THAMS CAD SPANGS PA DANG BRAL BA'I PHYIR RO, ,CI'I PHYIR MI SMON ZHE NA, DE'I PHYIR 'ON KYANG BCOM LDAN 'DAS GANG LA SMON PA DANG GANG GIS SMON PA DE NYID KYANG MA MCHIS PA DE ZHES BYA BA LA SOGS PA GSUNGS TE, 'ON KYANG ZHES BYA BA 'DI NI 'DI LTAR ZHES BYA BA'I DON TE, GTAN TSIGS STON PA'I PHYIR RO, ,DE YANG LAS DANG BYED PA POR GYUR PA'I DNGOS PO GO RIMS BZHIN DU SMON PAR BYA BA GANG YIN PA YOD PA MA YIN NO, ,'DIR GTAN TSIGS NI BYED PA PO LA SOGS PA THAMS CAD PHAN TSUN BYE BRAG BSGRUBS PA YIN NO ZHES BYA BA LA SOGS PAS BSTAN TO, ,GAL TE BSAM GYIS MI KHYAB PA DANG, NYI TSE PA'I CHOS YOD PA MA YIN NA DE JI LTAR GO RIMS BZHIN DU MCHOG NYID DANG, THA MA NYID DU MTHONG ZHE NA, DE'I PHYIR BCOM LDAN 'DAS SHES RAB KYI PHA ROL TU PHYIN PA BSGOM PA NI 'DI LTAR CHOS 'DI DAG NI MCHOG GO, ,CHOS 'DI DAG NI THA MA'O ZHES BGYI BAR NYE BAR MI GNAS SHING ZHES BYA BA GSUNGS TE; SBYOR BA'I DUS NA'O ZHES DGONGS PA'O, ,GAL TE PHYIS 'JUG PA NA DMIGS PAR 'GYUR RO ZHE NA YANG, CHOS GANG DAG MCHOG DANG THA MAR 'GYUR BA'I CHOS DE DAG KYANG MI DMIGS TE ZHES BYA BA GSUNGS TE, RIG PAR BYA BA MI RIGS PA'I PHYIR RO ZHES DGONGS PA'O, , KYANG GI SGRA NI GTAN TSIGS BSTAN PA'I PHYIR YANG YIN NO, ,'O NA NYAN THOS DANG RANG SANGS RGYAS KYI CHOS RNAMS PHAN TSUN LTOS NAS GNAS DMAN PA NYID DU JI LTAR MTHONG ZHE NA, DMIGS PA CAN DE DAG GI LAN NI, DE LTAR SHES RAB KYI PHA ROL TU PHYIN PA SGOM PA'I RNAL 'BYOR LA ZHES @104A *, ,BYA BA LA SOGS PA YIN NO, ,DE LTAR ZHES BYA BA NI SANGS RGYAS DANG BYANG CHUB SEMS DPA'I CHOS BZHI YIN NO, ,SHES RAB KYI PHA ROL TU PHYIN PA SGOM PA NYID KYI RNAL 'BYOR NI TING NGE 'DZIN TO, ,DE LA BRTZON PA NI GOMS PAR BYED PA'O, ,RIGS KYI BU'I SGRA NI MCHOD PA'I TSIG GO, ,CHOS THAMS CAD CES BYA BA NI NYAN THOS LA SOGS PA DANG 'BREL PA'I'O, ,MI DMIGS SO ZHES BYA BA NI RNAM PAR MI RTOG PAS KYANG NYAMS SU MA MYONG BA'O, ,DE BAS NA DE NYID KYI PHYIR DE SNGON DU SONG BA CAN GYI RTOG PAS KYANG MI RTOG GO, ,DE CI'I SLAD DU ZHE NA ZHES BYA BAS CI BSTAN ZHE NA, NYAMS SU MYONG BA MED DU ZIN KYANG GZHAN GYI DBANG GI RTOG PA RANG DBANG CAN GO CI STE MI 'BYUNG, DE GANG DU 'JUG PA NA DNGOS PO GANG LA YANG 'JUG PAR MI 'GYUR BA MA YIN NAM ZHE NA, LAN NI, BCOM LDAN 'DAS SKYE BA MA MCHIS PA LA ZHES BYA BA LA SOGS PA YIN NO; ,RNAM PAR RTOG PA DANG 'BREL PA THAMS CAD DANG BRAL PA'I SHES RAB KYI PHA ROL TU PHYIN PA BSGOM PA LA RNAM PAR RTOG PA'I NGO BO YOD PA MA YIN NO ZHES BYA BA NI TSIG LHAG MA YIN NO, ,SKYE BA MED PA LA MED DU ZIN KYANG CHOS THAMS CAD LA YOD PA MA YIN NO ZHE NA, DE'I PHYIR, DE BZHIN NYID DE'I BDAG NYID DANG CHOS THAMS CAD KYI BAR DU STE, DE'I NGO BO LA YANG YOD PA MA YIN TE, BAR LA ZHES SMOS PAS NI YANG DAG PA'I MTHA' DANG, MTSAN MA MED PA DANG, DON DAM PA LA SOGS PA BSDU'O, ,SKYE BA MED PA LA SOGS PA CI'I PHYIR SMOS, SKABS LA MKHO BA YIN PA'I PHYIR CHOS THAMS CAD SMOS PA NI RIGS PA YIN NO ZHE NA, 'DI SNYAM DU DGONGS TE, DE KHO NA NYID BSGOMS PA NI SKYE BA MED PA LA SOGS PA 'DI SNGON DU BYAS TE 'JUG PA YIN PAS RNAM PAR RTOG PA DANG MI 'THAD PA DE NI RNAM PAR RTOG PA 'DI'I SKABS MED PA'I PHYIR RO, ,SKYE BA MED PA LA SOGS PA JI LTA BA BZHIN DU KHONG DU MA CHUD PA RNAMS NI 'DZIN PA LA SOGS PA'I RNAM PAR BRTEN PA LA 'CHEL BA 'DI DAG RANG DBANG DANG LDAN PAR 'GYUR RO, ,YANG NA 'BRI BA'I BSAM BA NI 'DI YIN TE, SANGS RGYAS DANG BYANG CHUB SEMS DPA' RNAMS LA CHOS MI DMIGS PA DE NI RIGS PA YIN TE, DE @104B DAG NI DMIGS PA'I TSOGS MTHA' DAG DANG MTHUN PA MA YIN NO, ,NYAN THOS LA SOGS PA NI DE LTA MA YIN PAS DE DAG GI MI DMIGS PA JI LTAR YIN ZHE NA, BCOM LDAN 'DAS SKYE BA MA MCHIS PA LA MCHOG GAM, THA MA ZHES BGYI BA GANG YANG MA MCHIS PA'I SLAD DU STE, DMIGS PA YOD PA ZHES BYA BA'I TSIG LHAG MA'O, ,LHAG MA NI SNGA MA BZHIN NO, ,NYAN THOS LA SOGS PA'I CHOS RNAMS NI RNAM PAR RTOG PA'I TSOGS DANG MI MTHUN BA MED PA YIN NA DMIGS PAR MNGON PAR ZHEN PA 'JUG PA YOD PA YIN MOD CE NA, DMIGS PAR BYA BA NI YOD PA MA YIN TE, GZUNG BA'I MTSAN NYID MI 'GRUB PA'I RIGS PA NI THAMS CAD DU MTHUN PA'I PHYIR RO ZHES BYA BA NI BSDUS PA'I DON YIN NO, ,TSIG LHAG MA DANG BCAS TE BSHAD PAR BYA BA 'DI NI NGES PA YIN NO, ,DE LTA MA YIN TE, MCHOG DANG THA MA'I RANG GI MTSAN NYID MED PA YIN NA NI KUN NAS NYON MONGS PA DANG RNAM PAR BYANG BA'I PHYOGS NYAMS PAR THAL BAR 'GYUR RO, ,DE LTAR DOGS PA NGAN PA 'PHROS PA RNAMS RIM GYIS BSAL DU ZIN KYANG, KHA CIG YANG BSTAN PA'I DOGS PA SKYES PA, GAL TE NYAN THOS LA SOGS PA'I CHOS DMIGS SU YOD PA MA YIN NA, JI LTAR DE LA LTOS NAS SANGS RGYAS KYI CHOS MCHOG YIN PAR RNAM PAR GZHAG PAR BYA ZHE NA, DE'I PHYIR BCOM LDAN 'DAS KYIS, 'JAM DPAL SANGS RGYAS KYI CHOS RNAMS MCHOG MA YIN NAM ZHES GSUNGS TE, ZUR GYIS STON TO, ,LAN DU GZUNG DU MA MCHIS PA'I SLAD DU SANGS RGYAS KYI CHOS RNAMS NI MCHOG LAGS SO ZHES GSUNGS TE, SANGS RGYAS BCOM LDAN 'DAS KYIS GNYIS SU SGRO 'DOGS PA DANG, SGRIB PA THAMS CAD SPANGS PA'I PHYIR RO ZHES DGONGS PA'O, ,DE LTA MA YIN NA NYAN THOS LA SOGS PA'I CHOS LAS MCHOG YIN PAR BSTAN DU CI ZHIG YOD; GAL TE GTAN TSIGS YOD PA'I PHYIR GZUNG DU MED PA KHO NA YIN NA NI, 'O NA SANGS RGYAS KYI CHOS RNAMS MCHOG YIN PAR GANG GIS GZHAG PAR BYA, RE ZHIG DE BZHIN GSHEGS PA MA YIN PAS NI MA YIN TE, YUL DE LA DRI MA MED PA'I YE SHES MI SRID PA'I PHYIR RO, ,DE BZHIN @105A *, ,GSHEGS PAS KYANG MA YIN TE, DE'I RANG RIG PA TZAM GYIS STONG PA NYID RTOGS PA NA MCHOG LA SOGS PAR RNAM PAR RTOG PA MI SRID PA'I PHYIR RO ZHES DE LTAR 'OG NAS 'BYUNG BA'I DON GYI DE KHO NA NYID GSAL BAR BYA BA'I PHYIR, BCOM LDAN 'DAS CHOS THAMS CAD STONG PAR DE BZHIN GSHEGS PAS MNGON PAR RDZOGS PAR SANGS RGYAS LAGS SAM ZHES ZHUS SO, ,'DIR MDOR NA 'DI YIN TE, STONG PA NYID KYI BDAG NYID KYI DE BZHIN GSHEGS PA'I DBANG GIS CHOS THAMS CAD STONG PA'O ZHES BYA BA LA SOGS PA'I RNAM PAR RTOG PA DE 'DRA BA YANG DAG PA NYID LA 'JUG PA'I RGYUR GYUR PA DAG BSOD NAMS DANG LDAN PAS RNYED PAR 'GYUR RO, ,DE DAG KYANG CHOS THAMS CAD STONG PA YIN PAR STON PAS THUGS SU CHUD DO ZHES LHAG PAR ZHEN TO, ,DE BAS NA DE DAG GI LHAG PAR ZHEN PA'I DOR BYAS TE, DANG PO SBYOR BA NA MNYAN PA LA SOGS PAS YID LA BYED PA DANG MTHUN PAR DE SKAD BSTAN TO, ,STONG PA NYID NI RANG RIG PA TZAM GYI BDAG NYID RNAM PAR RTOG PAS MA SBAGS PA NYID MNGON PAR BYANG CHUB PA YIN NO, ,GAL TE DE LTA YIN NA DE'I PHYIR STONG PA NYID LA SANGS RGYAS KYI CHOS KYI BDAG NYID DANG NYAN THOS LA SOGS PA'I CHOS KYI BDAG NYID DAG GDAGS SHING DMIGS TE, RTOG PA THAMS CAD MED PA'I PHYIR ZHES BYA BA'I THA TSIG GO, ,DE LTAR RNAM PA THAMS CAD DU MCHOG TU DGA' BA'I DON BSTAN PAS 'JAM PA'I DBYANGS LA GUS PA SKYES PA RNAMS KYI DANG BA 'PHEL BAR BYA BA'I PHYIR BCOM LDAN 'DAS KYIS 'JAM DPAL LEGS SO LEGS SO ZHES BYA BA LA SOGS PA GSUNGS SO, ,TSIG GI DON 'DI THAMS CAD GSAL BAR SPYOD YUL MA YIN DU ZIN KYANG SMRA BAR BYED PAS MNGON SUM DU RTOGS PA BZHIN DU BRJOD PA LA NGO MTSAR DU GYUR NAS YANG LEGS SO ZHES SMRAS SO, ,YANG NA RANG GIS SMRA BAR 'DOD PA GSAL BAR BRJOD PA'I PHYIR RAB TU DGYES CHES TE YIN NO, ,YANG NA 'DI DAG LA LEGS PAR SMRAS PA YIN NO ZHES NGES PAR GZUNG BA'I CHED DU YANG YIN NO, ,DE LTAR GSAL BAR BSTAN DU ZIN KYANG KHA CIG GI BLO 'KHYOG PA'I RNAM PAR RTOG PA 'DI SKYES PA NI MCHOG NYID YIN PAR BCOM LDAN @105B 'DAS KYIS KYANG MA MKHYEN NA JI LTAR BLA NA MED PA YIN, BLA NA YOD PA KHO NAR 'GYUR TE MCHOG NYID DU MI MNGON PA'I PHYIR NYAN THOS LA SOGS PA'I CHOS BZHIN NO ZHE NA, DE'I PHYIR BCOM LDAN 'DAS KYI 'JAM DPAL SANGS RGYAS KYI CHOS RNAMS BLA NA MED PA YIN NAM ZHES GSUNGS SO,, 'JAM DPAL GYIS GSOL PA, DE DE LTAR LAGS TE ZHES BYA BA LA SOGS PA NI LAN YIN NO, ,DE CI'I SLAD DU ZHE NA ZHES BYA BA'I BRJOD PAR BZHED PA GANG ZHE NA, GLENG BA'I GNAS SKABS DE KHO NA BZHIN TE, CUNG ZAD KYANG LAN MA GLAN NO ZHES BYA BA'I DON TO, ,BCOM LDAN 'DAS 'DI LTAR ZHES BYA BA LA SOGS PAS NI RANG GI DGONGS PA STON TO, ,CUNG ZAD TZAM YANG STE PHRA MO TZAM YANG CHOS BLA NA MED PA LA SOGS PAR RNAM PAR BZHAG PA'I RNAM PAR RTOG PA SANGS RGYAS KYI CHOS DE DAG LA MA MCHIS TE, 'DI LTAR BCOM LDAN 'DAS KYIS KYANG MA DMIGS TE, RNAM PAR RTOG PA'I SA BON THAMS CAD SPANGS PA'I PHYIR RO, ,SA BON DANG MI LDAN PA'I RGYU DES NA DE DAG NI BLA NA MED PA SANGS RGYAS KYI BDAG NYID KYI CHOS ZHES BYA STE, DE'I GONG NA MCHOG CUNG ZAD KYANG YOD PA MA YIN NO ZHES BYA BA YIN NO, ,GZHAN DAG YANG RNAM PAR RTOG PA BSGOM PA 'DI GAL TE RNAM PAR RTOG PA THAMS CAD DANG BRAL BA YIN NA DE JI LTAR NGES PAR 'BYED PA'I CHA DANG MTHUN PA'I GNAS SKABS MOS PAS SPYOD PA'I SA LA SANGS RGYAS KYI CHOS RNAMS BSGRUB PA'I CHED DU 'JUG PAR BGYID, SPYOD PAR BGYID CES BYA BA'I BAR DU'O, ,JI LTAR YANG BYANG CHUB SEMS DPA'I SA BCU LA MTHONG BA DANG BSGOM PA'I LAM GNYIS KYIS SO SO'I SKYE BO'I CHOS DAG RTZA NAS GDON PA'I PHYIR DANG, SANGS RGYAS KYI CHOS NYE BA RNAMS MNGON DU BYA BA'I PHYIR 'JUG PA LAGS, 'DUL BA NI NYE BA RNAMS MNGON DU BYED PA'O, ,JI LTAR SANGS RGYAS KYI SA KUN TU 'OD LA MNGON DU GYUR PA RNAMS 'DZIN PAR BYA BA'I PHYIR DANG, KUN TU BSRUNG BAR BYA BA'I PHYIR 'JUG PA LAGS, 'DI SKAD BSTAN TE, NGES PAR 'BYED PA'I CHA DANG MTHUN PA DANG, SLOB PA DANG MI SLOB PA'I LAM RNAMS SU NYE BAR MA GYUR PA RNAMS BSKYED PAR BYA BA'I PHYIR DANG, NYE BAR GYUR @106A *, ,PA RNAMS MNGON DU BYA BA'I PHYIR DANG, MNGON DU BYAS PA RNAMS 'DZIN CING BSKYANG BA'I PHYIR MCHOG TU BRTZON PA 'DI YOD PA MA YIN TE, RNAM PAR MI RTOG PA YIN PA'I PHYIR DA LTA BUR BYUNG MA THAG PA LA SOGS PA'I SEMS KYI RGYUN BZHIN NO ZHE NA 'DI'I LAN GO RIMS BZHIN DU GDAB PA'I PHYIR, BCOM LDAN 'DAS GZHAN YANG GANG SANGS RGYAS KYI CHOS RNAMS SGRUB PAR YANG MI BGYID LA ZHES BYA BA LA SOGS PA GSUNGS SO, ,GZHAN YANG ZHES BYA BA NI YANG ZHES BYA BA'I THA TSIG GO, ,'DIR GTAN TSIGS NI BYED PA PO LA SOGS PA THAMS CAD KYI BYE BRAG NI PHAN TSUN NYE BAR BSGRUBS PA YIN NO ZHES BSTAN PA YIN PA'O, ,'ON TE 'PHAGS PA RANG NYID KYIS CI'I PHYIR GTAN TSIGS MA GSUNGS SHE NA, NYE BA NA GNAS PA'I GDUL BYA'I BYE BRAG LA LTOS NAS RNAM PAR RTOG PA'I CHED DU 'DI BRTZAMS PA YIN LA, GDUL BYA DE YANG SKYON MED PA'I DNGOS PO BSTAN PA LA GTAN TSIGS BSTAN PA MED PAR YANG THE TSOM MED PAR PHYIN CI MA LOG PA'I DON YANG DAG PAR RTOGS PAR 'GYUR BAR DGONGS NAS RIGS PA BSTAN PAR MA BYAS KYI GZHAN DU NI BSTAN PA KHO NA YIN NO, ,GZHAN DAG RNAM PAR RTOG PA 'DI DAG LA GZUNG BA DANG 'DZIN PA'I RNAM PA DANG BRAL BA YIN NA MNYAN PA LAS BYUNG BA'I SHES PA'I BDAG NYID KYIS DON RNAM PAR SHES PAR BYED PA DANG, BSAMS PA LAS BYUNG BA'I SHES PA'I BDAG NYID KYIS DE NYID SEMS PAR BYED PA DANG, BSGOMS PA LAS BYUNG BA'I SHES PA'I BDAG NYID KYIS DE NYID YANG YANG DU GOMS PAR BYED PA DANG, YOD MING GNYIS DON YUL CAN NI, ,MNYAM LAS BYUNG BA'I BLO SOGS YIN, ,ZHES BYA BA DE JI LTAR RUNG, MCHOG TU GYUR PA YIN PA'I PHYIR SNANG BYED BZHIN DU GCIG PU KHO NA SMRA'O ZHE NA, 'DIR LAN DU, BCOM LDAN 'DAS GZHAN YANG GANG CHOS GANG LA YANG MI SEMS LA ZHES BYA BA LA SOGS PA GSUNGS TE, MNYAN PA DANG BSAM PA'I GNAS SKABS NA NI MING LA SOGS PA LA MNGON PAR MA ZHEN PA'I TSUL GYIS GNAS SO, ,BSGOMS PAS NI NYI MA RE RE LUS RNAM PAR BYANG STE, RNAM PAR RTOG PA MTHA' DAG @106B SPANGS NAS 'KHOR BA'I MTHA' JI TZAM PAR BZHUGS PA'I NYI TSE LA MING NGAM, DON NAM RNAM PAR SHES PA 'AM, SEMS PA 'GA' YANG YOD PA MA YIN NO ZHES BYA BA NI BSDUS PA'I DON YIN NO, ,GZHAN DAG KYANG 'DI LA YANG DAG PA MA YIN PA'I RTOG PA SKYES PA GAL TE CHOS 'DI SEMS PAR MI BYED NA 'PHAGS PA 'JAM PA'I DBYANGS 'DI PHA ROL TU PHYIN PA'I BDAG NYID DU GYUR PA RDZOGS PA'I SANGS RGYAS KYI CHOS DE JI LTAR SEMS PAR BYED TZEN, DE'I PHYIR BCOM LDAN 'DAS KYIS 'JAM DPAL KHYOD SANGS RGYAS KYI CHOS RNAMS LA MI SEMS SAM ZHES GSUNGS SO, ,LAN DU GAL TE BDAG GIS SANGS RGYAS KYI CHOS RNAMS YONGS SU GRUB PAR MTHONG NA NI BDAG SANGS RGYAS KYI CHOS RNAMS LA SEMS PA LAGS SO ZHES GSOL TE, JI TZAM DU MTHONG BA MA MCHIS NA DE JI LTAR BSAM PAR BGYI ZHES DGONGS PA'O, ,YONGS SU GRUB PA NI YOD PA'O, ,DON YONGS SU GRUB PAR MA MTHONG BA NI RNAM PA GNYIS TE, BSGOM PA DANG DUS PHYIS DAG PA 'JIG RTEN PA'I GNAS SKABS NA YANG YIN TE, CHOS DANG CHOS CAN DU DBYE BA MED PA KHO NA YIN PAS SANGS RGYAS KYI CHOS NI 'DI DAG GO ZHES DBYE BAR MA RTOGS PA'I PHYIR RO, ,RNAM PAR RTOG PA'I SKYON DANG BRAL BA'I GNAS SKABS NA YANG GZHAN DMIGS PA MED PA KHO NA YIN TE 'DI 'DRA BA'I RNAM PAR RTOG PA'I GNAS MED PA'I PHYIR RO, ,DE NYID KYI PHYIR, SHES RAB KYI PHA ROL TU PHYIN PA BSGOM PA NI 'DI DAG NI SO SO'I SKYE BO'I CHOS SO ZHES BYA BA NAS, CHOS GANG LA YANG RNAM PAR RTOG PAS NYE BAR GNAS PA MA LAGS SO ZHES BYA BA'I BAR DU GSUNGS SO, ,CHOS DANG CHOS CAN GYI DNGOS PO DANG, DE DANG 'BREL PA'AM 'DU BA LA SOGS PA'I NGO BOR RNAM PAR RTOG PA MI 'JUG PA'I PHYIR RO, ,'DI DAG NI SO SO'I SKYE BO'I CHOS SO ZHES BYA BA LA SOGS PA GSUNGS PA, SO SO'I SKYE BO'I CHOS LA SOGS PA SMOS PA NI RNAM PAR RTOG PA GZHAN SPANG BA'I PHYIR RO, ,DE LTA MA YIN NA YANG DAG PAR RDZOGS PA'I SANGS RGYAS KYI CHOS KHO NA ZHIG BRJOD PAR BYA BA YIN PAR 'GYUR TE, 'DI NYID LA THE TSOM @107A *, ,ZA BA ZHUGS PA'I PHYIR RO, ,DE CI'I SLAD DU ZHE NA ZHES BYA BA'I DGONGS PA CI ZHE NA, GAL TE SHES RAB KYI PHA ROL TU PHYIN PA BSGOMS PA NA JI SKAD DU BSTAN PA'I RNAM PAR RTOG PA DAG NYE BAR MI GNAS PA YIN NA BYIS PA SO SO'I SKYE BO DANG SLOB PA DANG MI SLOB PA DANG BSE RU LTA BU DAG DANG 'BREL PA'I CHOS DE MA 'DRES PAR JI LTAR STON, DMIGS PA MED PAR NI TSIG 'BYUNG BA MA YIN NO, ,DE BAS NA JI LTA BA BZHIN DU 'CHAD PA NI BSHAD PAR BZHED PA MED NA MED PA YIN LA, BSHAD PAR BZHED PA YANG RJES SU MYONG BA MI 'KHRUL BA CAN YIN NO, ,RJES SU MYONG BA CHOS CAN DANG CHOS LA SOGS PA LA THUG PA YIN PAS DON SGRUB PA GRUB PA YIN NO ZHE NA, LAN DU RNAL 'BYOR LA BRTZON PA'I RIGS KYI BUS CHOS DE NYID KYANG MI DMIGS TE ZHES GSUNGS TE, CHOS ZHES BYA BA NI SO SO'I SKYE BO LA SOGS PAR RNAM PAR GZHAG PA'I CHOS CAN GYI DON LA BYA'O, ,MI DMIGS PA NI CHOS CAN GANG YIN PA DANG 'BREL BA NYID DU BRTAG PA DMIGS PAR BYA BA MED PA'I PHYIR RO, ,CHOS DE NYID KYANG MI DMIGS TE ZHES BYA BA LA SOGS PA LA DE NYID CES BYA BA BSNAN PA'I DON GANG ZHE NA, RE ZHIG CHOS CAN DE NYID KYANG MI DMIGS NA GANG STON PAR BYED PA DE'I CHOS LTA DMIGS SU GA LA YOD CES BYA BA'I THA TSIG GO, ,MTHA' LAS 'DAS PA'I CHOS CAN LAGS PAS CHOS DE MI DMIGS SHING YANG DAG PAR RJES SU MI MTHONG BA'I SLAD DU'O ZHES BYA BA THA MAR SMOS PA CI'I PHYIR ZHE NA, SLOB PA LA SOGS PA'I TSIG DANG PO NAS RE RE DANG SBYAR BA'I DON YIN TE, 'DIS CI YANG BSTAN PA MED DO ZHES BSTAN PA YIN NO, ,DE YANG DMIGS PA MED PA LA SPYOD PA'I DBANG GIS CHOS DANG GANG ZAG LA BDAG MED PA RJOD PAR BYED PA'I TSIG SNANG BA'I SHES PA BSOD NAMS DANG LDAN PA RNAMS LA SKYE BA YIN NO, ,GZHAN DAG 'DI LA YANG DAG PA MA YIN PAR RTOG PA DMIGS PA MED PA YIN DU ZIN NA, RIGS KYI BU DAG 'DI LA BRTEN NAS KHAMS GSUM GYI NYON MONGS PA SPANGS PA'I PHYIR DANG, 'DOD CHAGS DANG BRAL BA'I DBYINGS DANG, SPANGS PA'I DBYINGS DANG, 'GOG PA'I DBYINGS DAG JI LTAR MNGON SUM DU BYED CE NA, @107B DE'I PHYIR 'DIR BCOM LDAN 'DAS SHES RAB KYI PHA ROL TU PHYIN PA BSGOM PA'I RNAL 'BYOR LA BRTZON PA'I RIGS KYI BU 'DI NI 'DOD PA'I KHAMS SO ZHES BYA BA NAS, 'DI NI 'GOG PA'I DBYINGS SO ZHES BGYI BA'I BAR DU YANG MI SHES SO ZHES BYA BA'I BAR DU GSUNGS SO, ,DE LA 'DOD CHAGS SPANGS PA NI 'DOD CHAGS DANG BRAL BA'I DBYINGS SO, ,DE LAS GZHAN PA ZHE SDANG LA SOGS PA'I NYON MONGS PA RNAMS SPANGS PA NI SPANGS PA'I DBYINGS SO, ,NYON MONGS PA LAS RNAM PAR GROL BA'I DNGOS PO SPANGS PA NI 'GOG PA'I DBYINGS SO, ,JI SKAD DU, 'DOD CHAGS BRAL BA 'DOD CHAGS ZAD, ,GZHAN DAG SPANGS PAS SPANGS PA'I DBYINGS, ,'GOG PAR BRJOD PA DNGOS PO SPANGS, ,ZHES BSHAD DO, ,DE CI'I SLAD DU ZHE NA ZHES BYA BA NI CIG LA TE MED PA'I PHYIR RAM, DE LTA YIN NA NI 'O NA NI NGA'I SKYE BA ZAD DO, ,TSANGS PAR SPYAD PA BSNYEN TO, ,BYA BA BYAS SO ZHES BYA BA LA SOGS PA DE DAG GI LHAG PAR ZHEN PAR BYED BA DE DAG JI LTAR LHAG PAR ZHEN PAR BYED PA'I RUNG ZHE NA, DE'I PHYIR BCOM LDAN 'DAS 'DI LTAR DE 'GOG PA'I CHOS GANG LAGS PA'I CHOS DE GANG YANG MI MTHONG STE ZHES GSUNGS SO, ,'DIS BSTAN PA NI SHES RAB KYI PHA ROL TU PHYIN PA BSGOM PA NI DRI MA MED PA'I YE SHES KYIS RAB TU PHYE BA'I BDAG NYID YIN LA, DE NI RANG RIG PA TZAM GYI NGO BOR 'DUG LA 'DOD PA LA SOGS PA'I KHAMS GSUM YANG RE ZHIG YOD PA MA YIN PA'I PHYIR RANG RIG PAR YOD PA MA YIN NA DE NA YOD PA'I 'DOD CHAGS LA SOGS PA LTA DMIGS PAR GA LA 'GYUR, GANG GIS NA DE DANG BRAL BA'I MTSAN NYID 'DOD CHAGS DANG BRAL BA LA SOGS PA'I KHAMS DMIGS PAR 'GYUR, GZHAN YANG SO SOR BRTAGS PAS 'GOG PA'I BDAG NYID DAM, SKYE BA MED PA'I BDAG NYID RTAG PA ZHIG 'DOD CHAGS DANG BRAL BA LA SOGS PA'I DBYINGS YIN NA YANG MNGON SUM DU BYAR MI RUNG STE, DNGOS PO RTAG PA NI KHYAD PAR GZHAN DU BYAR MED PA NYID KYIS RIM DANG RIM MA YIN PA'I SGO NAS RANG GI YUL LA SHES PA SKYE BA LA MKHO BA MA YIN PAS YUL DU MI 'DOD PA'I PHYIR RO, ,KHYAD PAR GZHAG TU YOD NA YANG DNGOS PO MI RTAG PAR THAL BAR 'GYUR RO, ,DE BAS @108A *, ,NA 'DOD CHAGS LA SOGS PA DANG MI MTHUN PA'I SGOM PA DE NYID SKYES PA NA 'DOD CHAGS DANG BRAL BA LA SOGS PA'I DBYINGS NYID DU RNAM PAR GZHAG GO, ,DE LTAR NA RANG LAS LOGS SHIG NA 'DOD CHAGS DANG BRAL BA LA SOGS PA'I DBYINGS 'DI LA DMIGS PAR BYED PA MA YIN PA NI THAMS CAD MA 'KHRUGS PA YIN NO, ,GZHAN DAG SEMS PA 'DOD CHAGS DANG BRAL BA LA SOGS PA'I DBYINGS YOD PA MA YIN NO, JI LTAR BSGOM PA 'DI 'GA' ZHIG LA PHAN PAR BYED PA'AM, GZHAN DAG LA GNOD PAR BYED PA YIN ZHE NA, DE'I PHYIR BCOM LDAN 'DAS GZHAN YANG GANG CHOS GANG LA YANG PHAN PA'AM GNOD PAR MI BGYID PA DE ZHES GSUNGS SO, ,SANGS RGYAS RNAMS LA STOBS DANG BYANG CHUB KYI YAN LAG RNAMS 'BUL BAR BGYID PA DE DAG PHAN PAR BGYID PA DANG, SO SO'I SKYE BO RNAMS KYI SRID PA DANG LONGS SPYOD LA KUN DU CHAGS PA LA SOGS PA RGYUN GCOD PAR BYED PA DE GNOD PAR BYED PA MA YIN NAM ZHE NA, DE'I PHYIR BCOM LDAN 'DAS SHES RAB KYI PHA ROL TU PHYIN PA BSGOM PA NI SANGS RGYAS KYI CHOS RNAMS SBYIN PAR BGYID PA YANG MA LAGS ZHES BYA BA LA SOGS PA GSUNGS SO, ,GAL TE 'DI BYED PA CI YANG MED NA JI LTAR DE BSGOM PA ZHES BYA ZHE NA, DE'I PHYIR BCOM LDAN 'DAS GANG SO SO'I SKYE BO'I CHOS KUN TU CHAGS PA LA SOGS PA RNAMS KYANG MI 'GOG MI SEMS TE, 'JIG PA LA RGYU MED PA'I PHYIR DANG, SO SOR BRTAGS PA'I 'GOG PA LA SOGS PA YANG RIGS PA DANG BRAL BA'I PHYIR NAM MKHA'I AUTPALA LA SOGS PA BZHIN DU YANG DAG PAR YOD PA MA YIN NO, ,SANGS RGYAS KYI CHOS RNAMS KYANG MI 'THOB PA ZHES BYA BA NI 'THOB PAR BYED PA GANG YIN PA DE MED PA'I PHYIR RO, ,DE LTA YIN NA NI, DMIGS SU GA LA YOD, ,'DIR BYANG GROL DANG NGES PAR LEGS PA 'THOB PAR BRTZON PA KHA CIG LA THE TSOM 'DI SKYES TE, CI MNGON PAR MTHO BA DANG NGES PAR LEGS PA'I THEM SKAS 'DI'I RGYU NA YON TAN BLA NA MED PA MTHA' DAG SNANG BAR BYED PA DANG, NYES PA'I TSOGS MA LUS PA THAMS CAD RGYUN GCOD PAR BYED BZHIN DU DUS THAMS CAD DU @108B GNAS SAM, CI DE MA THAG TU MED PAR 'GYUR ZHE NA, DE BAS NA DE YONGS SU MGU BAR BYA BA'I CHED DU, 'JAM DPAL KHYOD KYIS CHOS ZAB MO 'DI LTA BU 'DI BSTAN PA LEGS SO LEGS SO ZHES BYA BA LA SOGS PA GSUNGS SO, ,ZAB MO ZHES BYA BA NI NYAN THOS LA SOGS PA'I SPYOD YUL MA YIN PA'I PHYIR RO, ,KHYOD KYIS PHYAG RTAGS BZHAG PA NI 'KHOR BA'I MTHA' SRID DU BZHAG PA'O, ,BYANG CHUB SEMS DPA' SEMS DPA' CHEN PO RNAMS DANG ZHES BYA BA NI DMIGS PA MED PA LA SPYOD PA RNAMS SO, ,NYAN THOS KYI THEG PA MNGON PA'I NGA RGYAL CAN RNAMS DANG ZHES BYA BA NI BYA BA BYAS PA MA YIN PAR BDAG NI BYA BA BYAS SO SNYAM PA'I BSAM PA CAN RNAMS TE, MNGON PA'I NGA RGYAL GYIS SPYOD CING THA SNYAD SPYOD PA NI MNGON PA'I NGA RGYAL CAN NO, ,DE DAG GIS NI THEG PA GCIG TU BYAS PA'AM GSAL BAR BSTAN PA YIN NO, ,DE LTA MA YIN NA THEG PA CHEN PO GCIG TU MCHOG TU GYUR PA'I CHOS KYI RNAM GRANGS 'DI DAG GIS YONGS SU RTOGS PAR BYA BA'I CHED DU YIN PAR MI 'GYUR RO, ,NYAN THOS KYI THEG PA PA SMOS PAS NI RANG SANGS RGYAS KYI THEG PA PA RNAMS KYANG MTSON PA YIN NO, ,BYANG CHUB SEMS DPA'I THEG PA PA DMIGS PA CAN RNAMS ZHES BYA BA NI SANGS RGYAS NYID DU SMON LAM BTAB LA THEG PA CHEN PO'I DE KHO NA NYID MA MTHONG BA RNAMS LA BYA'O, ,THAMS CAD LA PHAN PAR BYED PA NYID DU BSTAN PA DE DAG GIS NI CHOS KYI RNAM GRANGS NYI TSE BA LA PHAN PAR BYED PA NYID MA YIN PAR 'GYUR RO, ,YANG DAG PA JI LTA BA BZHIN DU RTOGS PA NI CHOS THAMS CAD DNGOS PO MED PAR KHONG DU CHAD PA'O, ,MNGON PA'I NGA RGYAL CAN DANG, DMIGS PA CAN DAG LA YANG 'DI JI LTAR PHAN PAR BYED PA YIN ZHE NA, GANG DAG SANGS RGYAS GCIG LA BSNYEN BKUR BYAS PA MA YIN PA DANG, SANGS RGYAS GCIG LA DGE BA'I RTZA BA BSKYED PA MA YIN PA GANG YIN PA DE DAG LA DE SKAD CES BSTAN TO, ,GAL TE GSUNGS PA LA SOGS PA YANG DAG PA'I NGO BOR YOD PA MA YIN NA DES BDAG BSAD DO ZHES DE LTAR SKRAG PAR BRJOD DO, ,DE NI CHUNG NGU LA SOGS PA'I DBYE BAS GO RIMS BZHIN DU SKRAG PA DANG, DNGANG BA DANG, DNGANG BAR 'GYUR BA'I @109A *, ,SGRAS BSHAD DE, DES NA DON NI 'DI YIN TE, CHUNG NGU DANG, 'BRING DANG, CHEN PO'I 'JIGS PA SKYE BAR MI 'GYUR RO ZHES BYA BA YIN NO, ,DE LTAR YANG DAG PA NYID SHIN TU BSTAN DU ZIN KYANG 'DIR KHA CIG RNAM PAR RTOG PA 'PHAGS PA 'DI NI THAMS CAD DU GANG ZAG DANG CHOS LA BDAG MED PA'I CHED DU BSGOM PA STON PA YIN NA DE KHONG DU CHUD PAR BYED PA'I RIGS PA NI 'GA' YANG MED DO ZHE NA, DE'I PHYIR 'DI SKAD DU, BCOM LDAN 'DAS BDAG NI SHES RAB KYI PHA ROL TU PHYIN PA RGYA CHER STON PAR SPOBS PA LAGS SO ZHES BYA BA LA SOGS PA GSUNGS TE; SPOBS PA NI MNGON DU GYUR PA DANG, 'DOD PA ZHES BYA BA'I BAR DU'O, ,RGYA CHER ZHES BYA BA NI DE STON PAR BYED PA'I TSUL PHUL DU BYUNG BA'I RNAM PA YIN NO ZHES BSTAN PA YIN NO, ,BCOM LDAN 'DAS KYIS KYANG SEMS CAN GYI DON CHEN PO GZIGS NAS, 'JAM DPAL SPOBS PAR GYIS SHIG CES GNANG BA MDZAD DO, ,DE LA RE ZHIG RAGS PA YIN PA'I PHYIR GANG ZAG LA BDAG MED PA BSGRUB PA'I CHED DU, BCOM LDAN 'DAS GANG CHOS GANG GI GNAS PA MI DMIGS PA DANG ZHES BYA BA LA SOGS PA GSUNGS SO, ,GANG GI ZHES BYA BA NI BDAG DANG SROG LA SOGS PAR 'DU SHES PA'O; ,GNAS PA ZHES BYA BA NI 'DUG PA STE, RTAG PA ZHES BYA BA'I THA TSIG GO, ,MI GNAS PA NI YONGS SU 'GYUR BA'I MTSAN NYID GZHAN DU GYUR PA NYID DO, ,DE CI'I SLAD DU ZHE NA ZHES BYA BA'I DGONGS PA CI ZHE NA, CI MTHONG BAR BYED PA'I MTHU MED PA'I PHYIR MI DMIGS SAM, 'ON TE GNAS PA DANG MI GNAS PA'I DNGOS PO MED PA'I PHYIR YIN, GAL TE PHYOGS DANG PO LTAR YIN NA NI DE LTA NA GANG ZAG LA BDAG MED PA MI 'GRUB STE, MI DMIGS PA DE LTA BU NI DNGOS PO MED PA SGRUB PAR BYED PA MA YIN PA'I PHYIR RO, ,DNGOS PO MANG PO LA DMIGS PAR NUS PA'I MTHU DANG BRAL BA'I PHYIR MI DMIGS PA YOD DE, DPER NA SO SO'I SKYE BO RNAMS KYIS SANGS RGYAS DANG CHOS LA SOGS PA LTA BU'O, ,DE TZAM GYIS NI MED PA YANG MA YIN NO, ,PHYOGS GNYIS PA LTAR NA YANG TSIG TZAM SNYING PO YIN TE, RIGS PA DANG BRAL BA'I PHYIR RO, ,DE BAS NA RIGS PA BRJOD @109B DGOS SO ZHE NA, CHOS THAMS CAD MI GNAS PA'I SLAD DU GNAS PA DANG MI GNAS PA MI DMIGS PA'O ZHES BYA BAR SBYAR RO, ,MI GNAS PA NYID NI SKAD CIG MA NYID YIN TE, 'DI NI KHYAB PAR BYED PA'I CHOS CAN BSTAN TO, ,CHOS NI RANG GI MTSAN NYID 'DZIN PA LA BYA'O, ,RANG GI MTSAN NYID KYANG BYA BA BYED NUS PA'I NGO BO YIN NO, ,THAMS CAD CES SMOS PA NI THAMS CAD MA LUS PAR KHYAB PAR BSTAN PA'I PHYIR GSUNGS SO, ,PHYOGS KYI CHOS DANG DPE GNYIS NI MA GSUNGS TE, PHYOGS KYI CHOS DANG DPE GNYIS MA GSUNGS PA NI GDUL BYA'I BYE BRAG LA LTOS PA'I PHYIR RO, ,DE LTAR SBYOR BA NI GSAL BA YIN TE, GANG DON BYED NUS PA'I NGO BO 'DZIN PA DE NI SKAD CIG GCIG GNAS PA'I CHOS KHO NA YIN TE, DPER NA MAR ME LA SOGS PA BZHIN NO, ,DON BYED NUS PA'I NGO BO 'DZIN PA'I DON KYANG PHA ROL PO DAG 'DOD PA YIN PAS NGO BO NYID KYI GTAN TSIGS SO, ,PHYOGS DANG MI MTHUN PA NI NAM MKHA'I AUTPALA LA SOGS PA YIN TE, SKAD CIG MA NYID MED NA NI DON BYED NUS PA'I NGO BO YANG MED PA'I PHYIR RO, ,DE LTAR NA SKAD CIG MA NYID GRUB PAS GANG ZAG LA BDAG MED PA GRUB PA YIN NO, ,GRUB PAR BYED PA NI SROG DANG BCAS PA'I LUS LA SOGS PA NI BDAG KYANG MA YIN, BDAG GI BA YANG MA YIN TE, RIM GYIS 'JUG PA'I PHYIR MAR ME LA SOGS PA BZHIN NO, ,RTAG PA DANG 'BREL PA YIN NA RIM GYIS 'JUG PA MI 'THAD PA NI GNOD PAR BYED PA'I TSAD MA YIN NO, ,DE LTAR NA GANG ZAG LA BDAG MED PA BSTAN NAS, CHOS LA BDAG MED PA BSTAN PA'I PHYIR, BCOM LDAN 'DAS GANG CHOS GANG LA YANG LHAG PAR DMIGS PA'I SLAD DU NYE BAR MI GNAS PA DE ZHES BYA BA LA SOGS PA GSUNGS TE, DMIGS PA'I SLAD DU ZHES BYA BA NI 'DZIN PA'I SLAD DU'O, ,DE CI'I SLAD DU ZHE NA ZHES BYA BA NI KHA CIG 'DI SNYAM DU SEMS TE, CI 'DZIN PAR NUS PA DANG BRAL BA'I PHYIR RAM, 'ON TE GZUNG BA'I MTSAN NYID DANG BRAL BA'I PHYIR YIN, RNAM PAR RTOG PA DANG PO LTAR NA NI JI LTAR CHOS BDAG MED PA YIN, PHYOGS GNYIS PA LTAR NA NI RIGS PA CI YOD CE NA, DE'I PHYIR RIGS PA NI, BCOM LDAN 'DAS 'DI LTAR CHOS @110A *, ,THAMS CAD NI DMIGS PA MA MCHIS PA'I SLAD DU STE ZHES BYA BA LA SOGS PA GSUNGS TE, RANG GI MTSAN NYID 'DZIN PA NI YUL DANG BCAS PA'I SHES PA YIN PAR 'DOD PA YIN LA, RANG GI MTSAN NYID 'DZIN PA GANG YIN PA DE DAG NI DMIGS PA MED PA YIN TE, DPER NA RMI LAM DANG RAB RIB CAN LA SOGS PA'I SHES PA BZHIN NO, ,'DI LTAR SHES PA NI RANG GI RGYU LAS GSAL BA'I NGO BOR SKYE BA YIN LA, DE RTOGS PA'I NGO BO YIN PA NYID KYIS NA RANG GI NGO BO MYONG BA YIN NO ZHES 'DOD PA NI THA SNYAD TZAM DU 'DOD LA RAG GO, ,DE RANG RIG PA YANG MA YIN TE; GCIG GI NGO BO DE LA RIG PAR BYA BA DANG, RIG PA PO DANG, RIG PA'I MTSAN NYID THA DAD PA GSUM MI 'THAD PA'I PHYIR RO, ,GZHAN DAG NI BDAG GI NANG DU MA GTOGS PA'I PHYIR JI LTAR RIG PAR 'GYUR, BDAG GI NGO BO DE NI GZHAN GYI NGO BO MA YIN PA'I PHYIR GANG GIS DE RIG PA NA GZHAN YANG RIG PAR 'GYUR, RTOGS PA'I NGO BO NYID DE NI DE'I RGYU LAS SKYES PA DANG, DE'I PHYIR YUL 'DZIN TO ZHES BRJOD NA YANG RTOGS PA DANG, KHONG DU CHUD PA DANG 'DZIN PA LA SOGS PA NI RNAM PAR SHES PA'I RANG GI NGO BO MA YIN NAM, RNAM PAR SHES PAR BYA BA NI RTOGS PA DE'I BDAG NYID KYANG MA YIN NA, JI LTAR DE'I NGO BO DANG BRAL BA LCAGS KYI THUR MA LTA BU DE RNAM PAR SHES PA DE'I NGO BOR 'GYUR, RE ZHIG 'PHROS PA BZHAG STE SKABS NYID BRTZAM PAR BYA'O, ,BCOM LDAN 'DAS NI SHES RAB KYI PHA ROL TU PHYIN PA BSGOM PA'I BDAG NYID DU GYUR PA MA YIN NAM, GAL TE GZUNG BA'I MTSAN NYID DU GYUR PA CUNG ZAD KYANG YOD PA MA YIN NA, JI LTAR RDZOGS PA'I SANGS RGYAS DANG RANG RGYAL BA LA SOGS PA'I CHOS SNANG BAR 'GYUR, 'ON TE DE DAG LA MI SNANG NA DE LTA NA NI DE NYAN THOS LA SOGS PA DANG BYE BRAG CI YOD, GANG GIS NA THAMS CAD MKHYEN PAR GZHAG PAR BYA, DE BAS NA JI LTAR DE'I SHES PA GZUNG BA DANG 'DZIN PA CAN YIN PA DE BZHIN DU NYAN THOS LA SOGS PA'I YANG YIN TE, RGYANG RING PO NAS PHRA BA LA SOGS PA RTOGS PA DE'I BYE BRAG LTA BU YIN NO ZHES KHA CIG DE SNYAM DU SEMS NA, DE'I PHYIR 'DI SKAD DU, BCOM LDAN 'DAS @110B GZHAN YANG GANG LA SANGS RGYAS KYI CHOS RNAMS KYANG RANG RIG PA MA GTOGS PAR RIG PAR BYA BA NYID DU MNGON DU MI 'GYUR NA ZHES DGONGS PA'O, ,BSAM PA NI 'DI YIN TE, GNAS MED SNANG BA YOD MA YIN, ,MTSAN MA MED CING YI GE MED, ,RNAM RTOG THAMS CAD RNAM PAR BRAL, , 'KHOR BA JI SRID BAR DU BZHUGS, ,'JIG RTEN PHUN SUM TSOGS PA KUN, ,YON TAN RDZOGS MDZAD MTHU DANG LDAN, ,DE BZHIN GSHEGS PA'I YE SHES NI, ,KUN BLO TSIG GI GNAS MA YIN, ,DPAG BSAM DAG GI SHING BZHIN DU, ,RNAM RTOG RLUNG GIS THUB MI BSKYOD, ,'JIG RTEN PHUN SUM DON RNAMS MDZAD, ,DE PHYIR MTHONG MED CES KYANG GSUNGS, ,LHUN GYIS GRUB PAR MA LUS PA'I, ,BYA BA THAMS CAD BSGRUB PA'I PHYIR, ,KUN DU RGYAL BA THAMS CAD RIG, ,CES BYA BA'O, ,BCOM LDAN 'DAS GZHAN YANG BSGOM PA GANG LA BRTEN NAS SANGS RGYAS KYI CHOS RNAMS BSAM GYIS MI KHYAB PA LA YANG ZHES BYA BA LA SOGS PA LA BSAM GYIS MI KHYAB PA NI DE BZHIN NYID LA BYA STE, DE LA YANG RNAM PAR RTOG PA SEL BAR BYED PA YIN NO, ,SANGS RGYAS KYI CHOS RNAMS BSAM GYIS MI KHYAB PA'O ZHES RNAM PAR RTOG PA MI 'BYUNG BA ZHES BYA BA NI DON JI LTA BA BZHIN DU ZHES DGONGS PA'O, ,RNAM PAR RTOG PA MI 'BYUNG BA NI THOB PA STE, DON JI LTA BA BZHIN DU BYA BA'I PHYIR MNGON PAR ZHEN PA SPANGS PA ZHES BYA BA'I THA TSIG GO, ,'DI'I DON NI 'DI YIN TE, RE ZHIG RNAM PAR RTOG PA 'DI SANGS RGYAS BCOM LDAN 'DAS RNAMS LA MI MNGA' STE, MA RIG PA'I SA BON THAMS CAD SPANGS PA'I PHYIR RO, ,BYANG CHUB SEMS DPA' GANG DAG LA NYON MONGS PA CAN MA YIN PA'I MA RIG PA MTHA' DAG MA BSAL BA YOD PA DE GA LA 'DI 'BYUNG BAR 'GYUR RO, ,RNAM PAR RTOG PA NI RANG BZHIN GYI 'KHRUL PA NYID KYIS YUL MED PA'I PHYIR DE DAG LA YANG 'DI'I DON JI LTA BA BZHIN NI MA YIN NO, ,DE DAG LA DNGOS PO YANG DAG PAR 'DZIN PA NYID DU MNGON PAR ZHEN PA 'DI MED DE, SGYU MA MKHAN DANG CHOS MTHUN PAR GNAS PA'I PHYIR RO, ,DE DAG GI 'DI'I 'KHRUL PA YIN DU ZIN KYANG DON DANG 'BREL PA'I PHYIR MI @111A *, ,RTAG PA LA SOGS PA'I RJES SU DPAG PA'I RNAM PAR RTOG PA BZHIN DU, DNGOS PO'I DE KHO NA NYID THOB PAR BYED PAR 'DOD PA YIN NO, ,DE NYID KYI PHYIR, BCOM LDAN 'DAS SHES RAB KYI PHA ROL TU PHYIN PA SGOM PA 'DI NI BYANG CHUB SEMS DPA' SEMS DPA' CHEN PO RNAMS KYI CHOS THAMS CAD LA RNAM PAR MI RTOG PAR BLTA BAR BGYI'O ZHES GSUNGS TE, CHOS THAMS CAD LA RNAM PAR MI RTOG PA NI CHOS THAMS CAD LA RNAM PAR MI RTOG PA STE, RNAM PAR RTOG PA THAMS CAD KYI SA BON DANG BRAL BA BCOM LDAN 'DAS KYI TING NGE 'DZIN DMIGS PA MI MNGA' BA THUN MONG MA YIN PA YIN NO ZHES BYA BA'I THA TSIG STE, DE'I CHED DU BSGRUB PO ZHES BLTA BAR BYA'O, ,DE LTA BU'I TING NGE 'DZIN RNAM PAR RTOG PA DANG MA 'BREL BA 'DI JI LTAR THOB PAR 'GYUR ZHE NA, DE'I PHYIR BCOM LDAN 'DAS GZHAN YANG BSGOM PA GANG LA BRTEN NAS MTHONG BA MA MCHIS PAR ZHES BYA BA LA SOGS PA GSUNGS SO, ,CHOS THAMS CAD SANGS RGYAS KYI CHOS SU MTHONG BA 'DI'I DON JI LTA BU ZHE NA, DE'I PHYIR, CHOS THAMS CAD BSAM GYIS MI KHYAB PA'I CHOS SU MTHONG BA ZHES GSUNGS TE, SANGS RGYAS KYI CHOS NI DE DAG NYID KYIS DE BZHIN DU THUGS SU CHUD PA'I PHYIR DANG, BSTAN PA'I PHYIR RO, ,CHOS THAMS CAD BSAM GYIS MI KHYAB PA NI BSAM PAR MI NUS PA'I PHYIR TE, DE BZHIN NYID KYI NGO BOR ZHES BYA BA'I BAR DU YIN NO, ,'O NA GAL TE DE LTAR MTHONG BA YIN NA RIG PAR BYA BA'I MTSAN NYID DU GRUB MOD DE LTA MA YIN NA PHYIN CI LOG LA MNGON PAR DGA' BA DAG JI LTAR DE KHO NA NYID MNGON SUM DU BYED CE NA, DE'I PHYIR, MTHONG BA MA MCHIS PAR ZHES GSUNGS TE, MNGON PAR ZHEN PA MED PA'I TSUL DU ZHES BYA BA'I THA TSIG GO, ,'DIR 'KHOR BA DANG 'DRIS PA MA YIN PA BSAM GYIS MI KHYAB PA DE NYID LA JI LTAR MOS PAR 'GYUR ZHE NA, DE'I PHYIR, RIGS KYI BU 'AM RIGS KYI BU MO GANG DAG SHES RAB KYI PHA ROL TU PHYIN PA BSTAN PA 'DI THOS NAS MI SKRAG MI DNGANG, DNGANG BAR MI 'GYUR BA DE DAG SANGS RGYAS BRGYA STONG MANG PO LA BSNYEN BKUR BGYI BAR 'GYUR RO ZHES GSUNGS PAS 'DI SKAD BSTAN TE, 'GA' ZHIG GI BSOD NAMS KYIS LAS DANG @111B PO PA'I SA LA GNAS PA RNAMS KYI LHAG PAR MOS PA BCOS MA MA YIN PA CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS LAS BYUNG BA GANG YIN PA DE NYID BSGOMS NA TING NGE 'DZIN DE MNGON DU 'GYUR BA YIN NO, ,CHOS THAMS CAD LA RNAM PAR MI RTOG PA'I PHYIR BSGOM PA YIN NA, KUN NAS NYON MONGS PAR 'GYUR BA 'PHAGS PA MA YIN PA DANG, DE LAS GZHAN PA RNAM PAR BYANG BA YIN PAR BSGOM PA LA MNGON PAR DGA' BA RNAMS KYIS JI LTAR MTHONG, SO SO'I SKYE BO DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN LA LA SOGS PA DANG, NYAN THOS 'PHAGS PA'I GANG ZAG BRGYAD DANG, TSOGS SPYOD PA DANG, BSE RU LTA BU'I RANG SANGS RGYAS RNAMS DANG, BCOM LDAN 'DAS GSER THUB DANG, 'OD SRUNGS LA SOGS PA YANG DAG PAR RDZOGS PA'I SANGS RGYAS RNAMS LA SO SO'I SKYE BO LA SOGS PAR YUL DBYE BA JI LTAR BYA ZHES GZHAN DAG SEMS SHING DOGS PA LA DE'I PHYIR DNGOS SU SNGAR BSTAN ZIN KYANG YANG DE LA PHAN GDAGS SHING GSAL BAR BYA BA'I PHYIR LAN DU, BCOM LDAN 'DAS GZHAN YANG KUN NAS NYON MONGS PA'AM, RNAM PAR BYANG BA'I CHOS GANG YANG YANG DAG PAR RJES SU MI MTHONG ZHES BYA BA LA SOGS PA GSUNGS PA NI RTOGS PAR SLA'O, ,SANGS RGYAS MTHA' YAS PA LA BSNYEN BKUR MA BYAS PAR NI 'KHOR BA NA GNAS PA'I SEMS CAN BZHIN DU SPOBS PA DE LTA BU 'BYUNG BAR MI 'GYUR RO, ,DE BAS NA SANGS RGYAS MTHA' YAS PA LA BSNYEN BKUR BYAS PA'I 'PHAGS PA 'JAM DPAL BLO RGYA CHE BA DANG LDAN PA 'DI NI DE LTA BUR RTOGS PAR DKA' ZHING YID DU 'ONG PA'I CHOS STON PAR MDZAD PA YIN NO, ,BSNYEN BKUR BYED PA YANG G-YOG 'KHOR 'BUM PA DANG, DES BSTAN PA NYAN ZHING MCHOD PA LA SOGS PA BYED PA YIN LA, DE YANG DMIGS PA MI 'KHRUGS PA CAN YIN NO; ,DE BAS NA 'PHAGS PA GANG DU SHES RAB KYI PHA ROL TU PHYIN PA BSGOM PA'I RANG BZHIN YANG RDUL PHRA RAB KYIS BSKYED PA'I DMIGS PA LA SPYOD PA YIN NA DE LA GZHAN DAG LTA SMOS KYANG CI DGOS SNYAM DU DOGS PA BSAL BA'I PHYIR, 'JAM DPAL KHYOD KYIS DE BZHIN GSHEGS PA JI SNYED CIG LA @112A *, ,BSNYEN BKUR BYAS ZHES RGYAS PAR GSUNGS SO, ,BCOM LDAN 'DAS LA KUN RDZOB TU BSNYEN BKUR BYAS PA YIN GYI DON DAM PAR NI MA YIN TE, DE NYID KYI PHYIR, BCOM LDAN 'DAS SGYU MA'I SKYES BU'I SEMS DANG SEMS LAS BYUNG BA JI SNYED 'GAGS PA DE SNYED LA ZHES GSUNGS TE, SGYU MAS SPRUL PA'I SKYES BU NI SGYU MA'I SKYES BU'O, ,DE LA NI SEMS DANG SEMS LAS BYUNG BA YOD PA MA YIN TE, SNGON MED PA'I SEMS CAN 'BYUNG BAR THAL BAR 'GYUR BA'I PHYIR RO, ,DE DAG GI 'GAG PA LTA GAL YOD DE, DE NI SKYE BA SNGON DU 'GRO BA CAN YIN PA'I PHYIR RO, ,DE BZHIN DU GZUGS KYI SKU STON PA PO MDZAD PAR SNANG BA'I DE BZHIN GSHEGS PA BLTA BAR BYA BA YOD PA MA YIN NA DE DAG LA BSNYEN BKUR BYA BA LTA GA LA YOD DE, DE NI DMIGS PA SNGON DU 'GRO BA CAN YIN PA'I PHYIR RO, ,BSNYEN BKUR BYAS PA YOD PA MA YIN NA KHYOD SANGS RGYAS KYI CHOS LA YANG DAG PAR ZHUGS PA LTA GA LA YOD DE, MU STEGS BZHIN NO ZHES DGONGS NAS, 'JAM DPAL KHYOD SANGS RGYAS KYI CHOS LA YANG DAG PAR MA ZHUGS SAM ZHES BYA BA 'DI GSUNGS TE, SANGS RGYAS KYI CHOS KYI RGYU MTSAN DANG DE SKYED PA'I DON DU YID BRTZON PAR BYED CES BYA BA'I THA TSIG GO, ,'DIR LAN DU BCOM LDAN 'DAS GANG SANGS RGYAS KYI CHOS LA YANG DAG PAR ZHUGS PA'I CHOS DE GANG YANG DMIGS SU MCHIS SAM ZHES GSOL TE, BDAG LA SOGS PA RTAG PA MED PA'I PHYIR BDAG LA SOGS PA GANG YANG YOD PA MA YIN NO, ,PHUNG PO'I TSOGS MI RTAG PA YANG SKYES MA THAG TU 'JIG PA 'JUG PA MI RIGS PA'I PHYIR RO, ,DE BAS NA DE'I NGO BO RGYUN MI CHAD PAR SKYE BA 'DUS BYAS SKAD CIG MA'I RGYUN LA BRTEN TE GCIG PA NYID DU BRTAGS NAS YANG DAG PAR ZHUGS PAR BRTAGS PA YIN TE, YANG DAG PAR ZHUGS PA NI BRTAGS PA KHO NA YIN NA CI 'GA' ZHIG YOD DAM ZHES YANG DAG PA MA YIN PAR TSIG ZUR GYIS BSTAN TO, ,GAL TE YANG DAG PAR ZHUGS PA 'GA' YANG YOD PA MA YIN NA SU ZHIG GIS BSGOMS PA DE GRUB NA SANGS RGYAS KYI CHOS 'GRUB PAR 'GYUR, PHAN TSUN RTOG PA LA BRTEN PA NI RNAM PAR DBYE BA MED PAR THA DAD PA'I DNGOS POR MI 'THAD DE, CHOS RNAMS KYI CHOS ZHES BYA BA BZHIN NO, ,DE BAS @112B NA GANG GIS 'BREL PA'I RJES SU MYONG BA'I GANG ZAG LA SOGS PAR YANG DAG PAR ZHUGS PA DE DAG NA YOD PA YIN NO ZHES 'DRI BA NI 'JAM DPAL 'O NA SANGS RGYAS KYI CHOS DE DAG SU YOD CES BYA BA YIN NO, ,LAN DU, BCOM LDAN 'DAS NYID LA YANG ZHES BYA BA LA SOGS PA YIN TE, DBANG PHYUG DAM PA SKYON MA LUS PA DANG BRAL BA'I YE SHES THOGS PA MED PA'I BDAG NYID DAG LA YANG DE DANG 'BREL PA NYID KYI SANGS RGYAS KYI CHOS MA MCHIS TE, DE NYID KYI PHYIR MI DMIGS TE, DE'I NGO BO LA MA GTOGS PA MED PA'I PHYIR RO, ,BDAG DANG SROG LA SOGS PA GZHAN RNAMS LA MCHIS PAR 'GYUR BA LTA CI SMOS, 'DI NI SANGS RGYAS DE RNAMS KYI CHOS SO ZHES SO SOR PHYE STE, GNYIS SU SBYOR YANG GCIG TU BRJOD DE, SANGS RGYAS KYI BDAG NYID KYI CHOS SO ZHES SHES PAR BYA BA'I PHYIR RO, ,'DI LTAR CHOS DANG CHOS CAN GYI TSIG GI SGRA GNYIS YOD DU ZIN KYANG BRJOD PAR BYA BA'I DON LA CI YANG DBYE BA YOD PA MA YIN NO, ,'O NA DE LTAR CHOS DANG CHOS CAN THA DAD PA NYID YOD PA MA YIN NA JI LTAR 'PHAGS PA 'JAM PA'I DBYANGS 'DI YANG DAG PAR ZHUGS PA NA CHAGS PA MED PA'I CHOS RNYED PA YIN ZHES DE LTAR 'DRI BA NI 'JAM DPAL KHYOD KYIS CHAGS PA MED PA NYID RNYED DAM ZHES BYA BA YIN NO, , SPOBS PA CHAGS PA MED PHA NI CHAGS PA MED PA'O ZHES BAR GYI TSIG MI MNGON PAR BYAS PA YIN NO, ,CHAGS SHING THOGS PA 'DI LA YOD PA MA YIN PAS SPOBS PA CHAGS PA MED PA'O, ,DE'I DNGOS PO NI CHAGS PA MED PA NYID DO, ,DE'I BDAG NYID DU SKYES PA LAS MA GTOGS PAR BDAG GIS CHAGS PA MED PA NYID THOB PA MA MCHIS TE, 'DI LTAR BCOM LDAN 'DAS BDAG NYID CHAGS PA MA MCHIS PA NYID LAGS TE, CHOS DANG CHOS CAN GYI DBYE BA MI SRID PA'I PHYIR RO, ,BDAG GIS YANG PHYIS KYANG CHAGS PA MA MCHIS PA NYID 'THOB PAR 'GYUR RAM, 'DI LTAR DE'I NGO BOR SKYES PA'I DNGOS PO RNAMS NI YANG DE'I BDAG NYID DU SKYE BA DANG 'BREL PA'I RIGS LA SOGS PA 'THOB PA MA YIN NO, ,YANG NAS YANG THOB PA MA YIN TE, DE LAS MA GTOGS PA BDAG MI SRID PA'I PHYIR RO, ,GANG ZHIG GI BLO LA 'DI SNYAM DU 'JAM PA'I DBYANGS 'DI'I SPOBS PA NI DE BZHIN GSHEGS PA DANG KHYAD PAR MED PAS RDO RJE'I @113A *, ,GDAN LA BZHUGS PAR GSAL BA YIN NO, ,DE LTA MA YIN NA GZHAN JI LTAR 'DIR THOGS PA MED CING MA NOR NGAR NYAN THOS LA SOGS PA KUN DANG THUN MONG MA YIN PA STON PAR 'THAD, DE BAS NA 'DI NI RDO RJE'I GDAN LA BZHUGS PA YIN NO SNYAM DU SEMS PA DE'I PHYIR, 'JAM DPAL KHYOD CI BYANG CHUB KYI SNYING PO LA 'DUG GAM ZHES GSUNGS TE, BYANG CHUB KYI SNYING PO NI RDO RJE'I GDAN TE, ZAD PA DANG MI SKYE BA SHES PA'I BDAG NYID KYI BYANG CHUB NI 'DI LA BZHUGS TE SKYED PAS SNYING POR BYAS PA'I PHYIR RO, ,SNYING PO'I SGRA NI DAM PA'I RNAM GRANGS TE, MAR GYI SNYING KHU BZHIN NO,, DE NYID KYI PHYIR PHYOGS GZHAN THAMS CAD PAS MCHOG TU GYUR PA NI MTHONG BA LA SOGS PA BSOD NAMS RGYA CHEN PO LA SOGS PA'I GNAS YIN PA'I PHYIR RO ZHE NA, LAN DU, BCOM LDAN 'DAS NYID KYANG STE, BDUD BZHI BCOM PAR RAB TU GRAGS PA YANG DER MA BZHUGS NA, BDAG DE LTAR MA GRAGS BLTA MCHIS PAR JI LTAR 'GYUR, CI LAS DGONGS TE DE SKAD DU BSTAN ZHE NA, DE'I PHYIR, YANG DAG PA'I MTHA' BRTZAN PAR BGYIS NA ZHES GSOL TE, KUN RDZOB KYI BDEN PAR NI MA YIN NO, ,'O NA YANG DAG PA'I MTHA' YOD DAM, DE LA BCOM LDAN 'DAS BZHUGS NA NI DES NA SKYON DE NYID DU 'GYUR RO ZHES YANG DAG PA'I MTHA' NGO BO MA RTOGS PA RNAMS LA PHAN GDAGS PA'I PHYIR, 'JAM DPAL YANG DAG PA'I MTHA' ZHES BYA BA DE GANG GI TSIG BLA DGAS ZHES GSUNGS TE, 'JIG TSOGS ZHES BYA BA LA, 'JIG TSOGS KYI SGRA NI 'DIR MA MA'I TSIG MI MNGON PAR BYAS PAS 'JIG TSOGS LA LTA BA ZHES BSTAN PA YIN TE, DE LA BLO PHYIN CI LOG TU GYUR PA'I PHYIR RO, ,JI LTAR YANG DAG PA MCHOG TU GYUR PA YIN ZHE NA, DE'I PHYIR 'JAM DPAL KHYOD CI LAS BSAMS TE DE SKAD SMRA ZHES GSUNGS TE, KHYOD KYIS CI LAS BSAMS TE DE SKAD SMRAS ZHES BYA BA YIN NO, ,RANG GI BSAM PA GSAL BAR BYA BA'I PHYIR, BCOM LDAN 'DAS 'JIG TSOGS DE NI MA MCHIS PA ZHES GSUNGS SO, ,MA MCHIS PA ZHES BYA BA NI GZUNG BA DANG 'DZIN PAR BRTAGS PA'I BDAG NYID MED PA LA BYA'O, ,'JIG TSOGS MA LAGS PAS ZHES BYA BA NI YOD PA MA YIN PA'O, ,CI'I PHYIR ZHE NA, @113B GANG GI PHYIR BRTAGS PA'I DRA BA DANG BRAL BA'I PHUNG PO RNAMS 'DIR DE NI MI 'PHO STE, RDO RJE'I GDAN LA SOGS PA'I YUL DU GSHEGS PA MA YIN NO, ,'PHO BA DANG BRAL BA YANG MA LAGS TE ZHES BYA BA NI DER BZHUGS PA MA LAGS SO, ,GTAN TSIGS DE'I SLAD DU 'JIG TSOGS DE NI 'JIG TSOGS MA LAGS TE, 'DI YOD PA PO YANG MA YIN LA 'JIG TSOGS KYANG MA YIN PA'I PHYIR RO, ,DE BAS NA YANG DAG PA'I MTHA' YIN PAR GSUNGS SO, ,JI SKAD DU, GZUGS LAS STONG PA NYID GZHAN MA YIN TE, STONG PA NYID GZUGS SO, ,GZUGS NYID STONG PA NYID YIN TE, GNYIS SU MED CING GNYIS SU BYAR MED DO, ,RNAM PAR SHES PA'I BAR DU YANG DE BZHIN NO ZHES GSUNGS SO, ,DA NI CHOS KYI RNAM GRANGS SMAN GYI SDONG PO LTA BU'I MDO 'DI LA RAB TU SPRO BA 'PHEL BA'I PHYIR BLO DANG LDAN PAS DE'I 'OG TU BSNGAGS PA RJOD PAR BYED PA NI DNGANG BAR MI 'GYUR BA DE DAG NI BYANG CHUB TU NGES PAR 'GYUR BA LAGS SO ZHES BYA BA YIN TE, MOS PAS SPYOD PA'I SA LA GNAS PA NYID BYANG CHUB LA GCIG TU GYUR PA'I PHYIR RO, ,BYANG CHUB NI RTOGS PA LA BYA STE, BYANG CHUB TU NGES PAR 'GYUR RO ZHES BYA BA'I THA TSIG GO, ,SHIN TU MYUR BAR ZHES DGONGS PA STE, MYUR BA NI MI DMIGS PA'I TSUL GYIS MOS PAS SPYOD PA'I SA YONGS SU SBYONG BA'I PHYIR RO, ,DNGANG BAR MI 'GYUR BA DE DAG NI BYANG CHUB LA NYE BAR GYUR PA LAGS SO ZHES BYA BA NI PHYIR MI LDOG PA'I SA THOB PA'I PHYIR RO, ,DE CI'I SLAD DU ZHE NA ZHES BYA BA NI BSKAL PA MTHA' MED PAS BSGRUB DGOS PA'I PHYIR MI LDOG PA'I SA 'DI MYUR DU 'GRUB PAR 'GYUR RO ZHES BYA BA 'DI LA GTAN TSIGS CI YOD CES BYA BA YIN NO, ,'DI LTAR BCOM LDAN 'DAS GANG JI SKAD DU BSTAN PA'I GZUGS LA SOGS PA'I CHOS DE DAG RJES SU RTOGS SHING RAB TU 'BYED PA DE NYID BYANG CHUB MCHOG LAGS PA'I SLAD DU STE, DE DAG NI SHIN TU MCHOG YIN NO ZHES DGONGS PA'O, ,DNGANG BAR MI 'GYUR BA DE DAG NI SANGS RGYAS NYID DU BLTA BAR BGYI'O ZHES BYA BA NI BTAGS PA YIN PA'I PHYIR TE, MYUR DU 'GYUR RO ZHES DGONGS PA'O, ,DE CI'I SLAD DU ZHE NA ZHES BYA BA NI BSKAL PA DPAG TU MED PAS THOB PAR BYA BA'I SANGS RGYAS NYID JI LTAR 'GRUB PAR @114A *, ,'GYUR ZHES BYA BA'I THA TSIG GO, ,'DI LTAR SANGS RGYAS ZHES BGYI BA DE NI DON DAM PAR NA SKYE BA MA MCHIS PA'I TSIG BLA DGAS LAGS PA'I SLAD DU STE, DE DAG KYANG DE LA SHIN TU GZHOL BA'I PHYIR RO, ,SKYE BA MED PA RTOGS PA ZHES BYA BA BRJOD PAR BYA BA MA YIN NAM ZHE NA, SKYE BA MED PA ZHES GSUNGS PA NI THA MA'I TSIG MI MNGON PAR BYAS PA'I PHYIR DANG, NYI MA BZHIN DU KHYAD ZHUGS PA'I PHYIR DE SKAD DU GSUNGS SO, ,'DI SKAD BSTAN TE THABS LOG PAR ZHUGS PA NI YUN RING POS KYANG 'GRUB PAR MI 'GYUR GYI, DE DANG RJES SU MTHUN PA'I THABS LA ZHUGS PA DE DAG NI MYUR DU 'GRUB PAR 'GYUR BAS NGO MTSAR CI CHE, YANG NA RAB TU DGA' BA'I SA LA NI NGES PA NYID YIN TE, 'DI LTAR DE MNGON PAR RTOGS PA THOB PAS DE BZHIN GSHEGS PA'I RIGS SU SKYES PA YIN NO, ,CHOS KYI SPRIN GYI TSE NI NYE BAR GYUR PA YIN TE, 'DI LTAR DE'I TSE NI BAR DU MA CHOD PAR DES SANGS RGYAS KYIS KUN DU 'OD 'THOB PAR 'GYUR RO, ,DE'I TSE NI SGRIB PA THAMS CAD DANG BRAL BAS SANGS RGYAS YIN NO, ,YANG NA NYE BAR GYUR PA LA BRTEN TE 'DI KUN GYI NANG DU LTA BU ZHES BYA BA KHONG NAS 'BYUNG BAR GSUNGS TE, NGES PA LTA BU DANG, NYE BAR GYUR PA LTA BU DANG, SANGS RGYAS LTA BU ZHES BYA BA'I THA TSIG GO, ,GTAN TSIGS GNYIS DRIS PA'I DON NI JI LTAR NA SO SO'I SKYE BO'I SA LA GNAS PA KHO NA DAG MOS PA TZAM BSKYED PA'I PHYIR DE SKAD DU BSTAN ZHES BYA BA YIN NO, ,DE NYID BYANG CHUB MCHOG LAGS PA'I SLAD DU'O ZHES BYA BA NI NYE BAR GYUR PA NYID KYI MCHOG YIN PAR RANG GI TSIG GIS STON PAR BYED PA'O, ,DRIS PA SNGA MA'I GTAN TSIGS KYANG 'DI NYID YIN TE, GANG DAG GIS CHOS GANG DAG RJES SU RTOGS PA LHAG PAR CHE STE, DON DAM PAR SKYE BA MED PA LA GZHOL BA DE NYID GTAN TSIGS SU BRJOD PAR BZHED PA YIN GYI, KHONG DU CHUD PA NI MA YIN NO, ,DE BAS NA DE DAG NI 'KHRUL BA YIN NO,, ,,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA, BAM PO GSUM PA, KHA CIG CHOS DE DAG KHONG DU CHUD PAR BRTZON ZHING DON DAM PAR SKYE BA MED PA KHONG DU CHUD PA LA GZHAR YANG SMRA BAR BZHED PA DE DAG GI GTAN @114B TSIGS KHONG DU MA CHUD PA DE'I PHYIR DE DAG NI 'KHRUL NAS CHOS GANG DAG KHONG DU CHUD PA DE DAG NYID BYANG CHUB YIN PA DANG, SANGS RGYAS KYI CHOS GANG DAG RJES SU RTOGS PA DE NYID BYANG CHUB CES BYA BA DANG, SANGS RGYAS ZHES BYA BA NI SKYE BA MED PA'I TSIG BLA DAGS YIN DU ZIN MOD KYI, 'ON KYANG CI'I PHYIR NYE BAR GYUR PA NYID SANGS RGYAS YIN BAR BLTA BAR BYA SNYAM PA LA DE NYID GTAN TSIGS KYIS GSAL BAR BYA BA'I PHYIR, SRING MO DMIGS PA MED PAS ZHES BYA BA NI KHYAD PAR BLO GROS RNAM PAR 'PHRO BA ZHES BYA BA BYANG CHUB SEMS DPA' YIN BZHIN DU BUD MED KYI GZUGS 'CHANG BAS 'DI SKAD CES GSOL PA NI BCOM LDAN 'DAS BYANG CHUB SEMS DPA' SEMS DPA' CHEN PO GANG DAG CES BYA BA NAS, DNGANG BAR MI 'GYUR BA DE NI SO SO'I SKYE BO'I CHOS LA SOGS PA LA LHAG PAR DMIGS PAR MI 'GYUR BA LAGS SO ZHES BYA BA YIN TE, LHAG PAR DMIGS PA NI DE DAG GIS 'DZIN PA DANG, DE LA DMIGS SHING 'DUG CES BYA BA'I BAR DU YIN NO, ,DE CI'I SLAD DU ZHE NA ZHES BYA BA'I BSAM PA NI 'DI YIN TE, 'KHOR BAR GTOGS PA'I RNAM PAR SHES PA YOD BZHIN DU JI LTAR MI DMIGS PAR RUNG, 'DI LTAR RNAM PAR SHES PA NI DON GNYIS BYED PA'I RANG GI NGO BO YIN TE, 'DI LTAR RNAM PAR RIG CING RNAM PAR RIG PAS RNAM PAR SHES PA YIN NO ZHES RNAM PAR GZHAG GO, ,DMIGS PAR BYA BA MED NA NI CI ZHIG SHES NA RNAM PAR SHES PA ZHES BYA SNYAM PA LA, DE'I PHYIR 'DIR 'DI LTAR CHOS THAMS CAD NI MA MCHIS PA'I SLAD DU MI DMIGS PA STE ZHES GSUNGS TE, CHOS THAMS CAD CES SMOS PA NI 'DIR RNAM PAR SHES PA NYID LA BYA BAR GSUNGS TE, 'DI LTAR GZHAN DAG GIS DE NYID DMIGS PA DANG BCAS PAR RJOD PAR BYED DO, ,MA MCHIS PA'I SLAD DU ZHES BYA BA NI RNAM PAR SHES PA'I NGO BO YIN PAR BSTAN TE, 'DI LTAR RNAM PAR RIG PA 'DI NI GZUNG BAR 'DOD PA'I DNGOS PO LA LTOS TE, RNAM PAR SHES PA NYID YIN PAR RNAM PAR GZHAG GO, ,DE MED PA'I PHYIR GZHAN KHONG DU CHUD PA'I NGO BO 'DI YANG BKAG PA YIN NO, ,DE BAS NA 'DI NI DRI ZA'I GRONG KHYER LA SOGS PA'I SHES PA BZHIN DU GZHAN MED PA'I RNAM PAR SHES PA'I BDAG @115A *, ,NYID YIN DU ZIN KYANG SHES PA 'KHRUL NAS RIG PAR BYA BA DANG REG PAR BYED PA'I RNAM PAR STON PAR BYED DE, DE NYID LA BRTEN NAS RNAM PAR SHES PA NYID DU BRTAGS SO, ,YANG DAG PAR NA DE RNAM PAR SHES PA YIN NO ZHES BYA BAR BRJOD PAR NUS PA MA YIN TE, RNAM PAR RIG PAR BYA BA MED PA'I PHYIR RO, ,DE LTAR RE ZHIG KUN NAS NYON MONGS PA LA SOGS PA RGYU MTSAN GANG YIN PA DE DAG NI MED PAR RIG STE, GANG DU YANG BSTAN DU MED PA YIN NO, ,DE'I SLAD DU ZHES BYA BA NI MA MCHIS PA'I SLAD DU STE, CHOS DE DAG LA DMIGS PA MA MCHIS SO, ,KHA CIG BCOM LDAN 'DAS KYI BKA' MED PAR GLANG PO CHEN PO DAG GIS GSUNGS SU ZIN KYANG BSNGAGS PA MYUR DU KHONG DU MI CHUD DE, DE BAS NA BCOM LDAN 'DAS LA DANG BA SKYED PA KHO NA'I PHYIR RNAM PA GSUM GYI BSNGAGS PA YANG ZHAL GYIS BZHES PA'I PHYIR, DE DE BZHIN NO ZHES GSUNGS TE, DANG PO'I ZHAL GYIS BZHES PA NI BYANG CHUB TU NGES PAR 'GYUR RO ZHES BYA BA YIN NO, ,GNYIS PA NI PHYIR MI LDOG PA'I SA LA GNAS PA YIN ZHES BYA BA YIN TE, PHYIR MI LDOG PA'I SA YANG MI G-YO BA YIN NO ZHES BRJOD DO, ,SPYI BOS LEN PA NI SHIN TU DAD PA CAN DU STON TO, ,GAL TE MOS PA'I PHYIR MI LDOG PA NYID YIN NA; 'O NA NI SBYIN PA LA SOGS PA MI DGOS PAR 'GYUR RO ZHE NA, DE'I PHYIR DE DANG DE DAG NI SBYIN BDAG DAM PAR 'GYUR ZHES BYA BA LA SOGS PA GSUNGS TE, PHA ROL TU PHYIN PA RNAM PAR DAG PA'I LAM BSTAN PAS NI PHYIR MI LDOG PA'I SA NYID GSAL BAR BYED PA'O, ,RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES DANG LDAN PA'I BAR DU 'GYUR ZHES BYA BA NI THA MA'I ZHAL GYIS BZHES PA YIN NO, ,DE LA DE DANG DE DAG CES LAN GNYIS 'BYUNG BA NI THUGS DGYES NAS NGES PA KHO NAR DE KHO NA YIN NO ZHES BYA BA'I THA TSIG STE, THABS SHES YANG DAG PAR ZHUGS PA'I PHYIR RO, ,DE LA SBYIN PA NI ZANG ZING DANG MI 'JIGS PA DANG, CHOS KYI SBYIN PA'I BYE BRAG GIS RNAM PA GSUM STE, DE'I DBANG DU BYAS NAS, SBYIN BDAG DAM PA DANG, SBYIN BDAG CHEN PO DANG, SBYIN BDAG KHYAD PAR DU 'PHAGS PAR 'GYUR ZHES GSUNGS SO, ,TSUL KHRIMS KYANG @115B SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS DANG GSUM MO, ,DE'I DBANG DU BYAS PA NI TSUL KHRIMS PHUN SUM TSOGS PAR 'GYUR ZHES BYA BA LA SOGS PA TSIG BZHI YIN NO, ,DE LA DANG PO NI BSTAN PA'I TSIG GO, ,YANG NA THA MA NI MJUG BSDUS PA'I TSIG GO, ,TSUL KHRIMS DANG LDAN PA'I MCHOG TU 'GYUR ZHES BYA BA LA, DE TSUL KHRIMS KYANG YIN MCHOG KYANG YIN PA DE GANG DAG LA YOD PA'O, ,TSUL KHRIMS DANG LDAN PA KHYAD PAR DU 'PHAGS PAR 'GYUR ZHES BYA BA NI TSUL KHRIMS DANG LDAN PA KHYAD PAR DU 'PHAGS PA MCHOG GANG DAG LA YOD PA'O, ,YON TAN RNAMS KYI LAM NI YON TAN GYI LAM STE, TSUL KHRIMS NYID YON TAN LAM STE, DE RNYED PAR 'GYUR RO, ,BSTAN PA 'DI THOS NAS MOS TE ZHES BYA BA NI DE BZHIN NO ZHES NGES PAR 'DZIN PA'O, ,BZOD PA'I MCHOG CES BYA BA NI DMIGS PA MED PA DAG LA BYA STE, BLO GROS MI ZAD PAS BSTAN PA LA SOGS PA LAS JI SNYED BRJOD PA YIN NO, ,BAR DU ZHES BYA BA'I TSIG GIS NI THABS DANG SMON LAM DANG, STOBS DANG, YE SHES KYI PHA ROL TU PHYIN PA DANG LDAN PAR GZUNG NGO, ,RNAM PA THAMS CAD CES BYA BA NI SO SO YANG DAG PAR RIG PA DANG, THUGS RJE CHEN PO LA SOGS PA'I YON TAN BRJOD PAR BYA BA STE, DE DANG LDAN ZHING 'BREL PA NI THAMS CAD MKHYEN PA GANG YIN PA 'GRO BA MTHA' DAG LA PHAN PAR MDZAD PA'I YE SHES CAN YIN NO, ,DE DANG LDAN PA'I THAMS CAD MKHYEN PA'I YE SHES DANG LDAN PA'I BAR DU 'GYUR RO ZHES BYA BA NI MYUR BA LA DGONGS PA'O, ,RNAM GRANGS GNYIS SU NA SHIN TU NYE BAR GYUR PA NYID KYIS NI NGES PA NYID KHO NA YIN TE, PHYIR MI LDOG PA'I SA LA GNAS PA BYE BRAG TU BYAS PA'O, ,PHA ROL TU PHYIN PA YONGS SU DAG PA BSTAN PAS NI CHOS KYI SPRIN LA GNAS PAR BSTAN TE, DE LA NI PHA ROL TU PHYIN PA THAMS CAD RNAM PAR BYANG BAR 'GYUR RO, ,GAL TE CHOS KYI RNAM GRANGS 'DI LA MOS PA TZAM YANG BYANG CHUB MCHOG 'GRUB PAR 'GYUR NA, CI'I PHYIR 'PHAGS PA 'JAM DPAL 'DI KHO NAS YUN RING POR 'DI DAG STON PA MDZAD, DUS RING POR RJES SU BSGRUBS BSGOMS KYANG DA DUNG BYANG CHUB @116A *, ,MCHOG MA THOB CES DOGS PA'I THE TSOM BSAL BA'I PHYIR, 'JAM DPAL KHYOD KYIS DON GYI DBANG CI ZHIG MTHONG ZHE NA ZHES BYA BA LA SOGS PA DRIS SO, ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI 'DOD CES BYA BA'I TSIG 'DIS 'DI SKAD BSTAN TE, KHYOD LA BRTEN PA MTHA' MED PA DAG GIS KYANG 'BAD PA MA BYAS PAR 'DI THOB NA, BSOD NAMS DANG YE SHES KYI TSOGS MTHA' DAG RDZOGS PA KHYOD KHO NA CI'I PHYIR 'DI LA 'BAD PA CHEN POS SGRUB PAR BYED, DE BAS NA GZHAN LA RAG LAS PA'I DON CUNG ZAD CIG MTHONG NAS THOB PAR MI 'DOD DAM ZHE NA, LAN DU, BCOM LDAN 'DAS GAL TE BDAG BYANG CHUB TU ZHUGS NA NI ZHES BYA BA LA SOGS PA YIN TE, CI STE BDAG BYANG CHUB KYI CHED DU YANG DAG PAR ZHUGS PAR GYUR NA NI DE'I TSE DE MNGON DU BGYI BAR BDAG 'DOD DE, 'BAD PA NI 'DOD PA LA MI 'KHRUL BA CAN YIN PA'I PHYIR RO, , JI TZAM DU, BCOM LDAN 'DAS BDAG NI BYANG CHUB TU SMON PA STE, BYANG CHUB DON DU GNYER BA MA LAGS SO, ,DE CI'I SLAD DU ZHE NA ZHES BYA BA NI BYANG CHUB SEMS DPA' BYANG CHUB DON DU GNYER BAR MI BYED PA JI LTAR RIGS ZHES BSAMS PA'O, ,'DI LTAR 'JAM DPAL GZHON NUR GYUR PA GANG LAGS PA DE BYANG CHUB NYID YIN NO, ,DGONGS PA NI 'DI YIN TE, BYANG CHUB NI GZUNG BA LA SOGS PA YANG DAG PA MA YIN PA LA MNGON PAR ZHEN PA'I SPROS PA DANG BRAL BA'I YE SHES KYI BDAG NYID KHO NA YIN GYI, GZHAN GYI RANG BZHIN NI MA YIN NO, ,'JAM DPAL YANG DE LTA BU'I YE SHES KYI BDAG NYID KYI LUS CAN KHO NA YIN TE, DAR LAS BSGRIBS PA LA SOGS PA DPER BYA BA TZAM YIN NO, ,YANG NA SGRIB PA MED PA DON DU GNYER BAR RIGS PA MA YIN NAM ZHE NA, MA YIN TE 'DI LTAR GANG ZHIG BYANG CHUB YANG DAG PAR DON DU GNYER BA DE NI DE SKYED PA'I DBANG YOD PA MA YIN NO, ,BDAG NI 'DI 'DOD PA TZAM LA RAG LAS PA YIN NO, ,DE BAS NA DON DU GNYER BAR MI BYED DE, YANG NA DON DAM PAR SKYE BA MED PA'I RANG GI NGO BO NYID DU NI GNYIS KA YANG DBYER MED PAS BYANG CHUB NYID 'JAM DPAL YIN ZHES DGONGS PA'O, ,'PHAGS PA 'JAM DPAL 'DI CI'I RGYUS ZAB MO 'CHAD PA LA MKHAS SNYAM @116B DU THE TSOM ZA BA'I PHYIR, 'JAM DPAL KHYOD ZAB MO ZAB MO'I GNAS 'DI LTA BU STON PA LEGS SO LEGS SO ZHES BYA BA BKA' STZAL TO, ,ZAB MO ZAB PA ZHES BYA BA NI BSE RU LTA BU LA SOGS PA'I YUL MA YIN PA'I PHYIR RO, ,GNAS ZHES BYA BA NI PHYOGS LA BYA'O, ,'DI LTAR KHYOD NI ZHES BYA BA NI GANG GI PHYIR ZHES BYA BA'I THA TSIG GO, ,SNGON GYI RGYAL BA LA SBYIN PA LA SOGS PA'I MTSAN NYID KYI BYA BA GANG GIS BYAS SHING BSGRUBS PA DE LA DE SKAD CES BYA'O, ,YANG NA SNGON GYI RGYAL BA RNAMS KYIS CHOS ZAB MO 'CHAD PA'I BYA BA BYED PAR GANG ZHIG BSGOS PA BYAS PA'O, ,MI DMIGS PAR TSANGS PAR SPYOD PA YUN RING DU NI DUS RING POR GANG GIS SPYAD CING GOMS PAR BYAS PA DE LA DE SKAD CES BYA'O, ,TSANGS PA NI MYA NGAN LAS 'DAS PA STE, DE'I CHED DU PHA ROL TU PHYIN PA LA SOGS PA SPYOD PA'O, ,GANG GI PHYIR 'PHAGS PA 'JAM DPAL 'DI DE LTA BUR GYUR PA DE BAS NA 'DI DE LTA BU STON TO ZHES BYA BA NI MDO'I DON YIN NO, ,'PHAGS PA YANG BDAG NYID DMIGS SU MED PA GOMS PA YIN PAR ZUR GYI TSUL GYIS DE STON PA NI BCOM LDAN 'DAS GAL TE BDAG MI DMIGS PAR SPYOD PA LAGS NA NI CHOS THOB PA NYID DU 'GYUR BA LAGS SO ZHES GSOL TO, ,'DIS CI BSTAN ZHE NA; MI DMIGS PAR SPYOD PAR BYED PAS GAL TE BDAG PHA ROL TU PHYIN PA RNAMS LA SPYOD PA YOD NA NI DE'I TSE CHOS DANG CHOS CAN DU SGRO BTAGS NAS 'DZIN PA LA SOGS PAR MNGON PAR ZHEN PA'I MTSAN NYID KYI CHOS THOB PA KHO NAR YANG 'GYUR BA ZHIG NA SGRO 'DOGS PA THAMS CAD SPANGS PA'I PHYIR 'DI BDAG GIS THOB PA YANG MA YIN NO, ,PHA ROL TU PHYIN PA LA SOGS PA DE DAG LA BDAG MI DMIGS PAR SPYOD PA YANG MA YIN TE, RANG NYID DMIGS SU MED PA'I BDAG NYID PHA ROL TU PHYIN PA LA SOGS PA'I RANG BZHIN YIN PA'I PHYIR RO, ,BCOM LDAN 'DAS KYIS KYANG 'DI BKAG PA MA YIN TE, GNANG BA'I PHYIR RO, ,GAL TE 'PHAGS PA 'JAM DPAL 'DI DMIGS SU MED PA'I BDAG NYID YIN NA, 'O NA NI BCOM LDAN 'DAS KYI NYAN THOS PHUN SUM TSOGS PA NGES PAR 'BYED PA'I CHA DANG MTHUN PA LA SOGS PA DBYE BAS THA DAD DU GYUR PA LHA DANG BCAS PA'I 'JIG RTEN GYIS @117A *, ,RTOGS PAR BYA BA RNAMS 'DIS DMIGS PAR MI 'GYUR RO SNYAM NA, DE'I PHYIR 'JAM DPAL KHYOD KYIS PAS NYAN THOS PHUN SUM TSOGS PA 'DI DAG MTHONG NGAM ZHES DRIS SO, ,PHUN SUM TSOGS PA NI MCHOG TU GYUR PA'I DON GANG YIN PA'O, ,BDAG GIS JI LTAR MTHONG BA DE LTAR NI LHA DANG BCAS PA'I 'JIG RTEN GYIS MA YIN NO ZHES BYA BA'I PHYIR, ,'JAM DPAL GYIS GSOL PA, BCOM LDAN 'DAS MTHONG LAGS SO ZHES GSOL TO, ,MA RTOGS PA DE'I BSAM PA LA LTOS NAS BCOM LDAN 'DAS KYIS BKA' STZAL PA, JI LTAR CI 'DRA BAR MTHONG ZHES BKA' STZAL TE, JI LTA JI LTA BU ZHES BYA BA'I DON DANG DE MTHONG NA MI DMIGS PA'I BDAG NYID YIN NA JI LTAR MI 'GAL ZHES BYA BA'I BAR DU YIN NO, ,SO SO'I SKYE BO'I DRO BAR GYUR PA LA SOGS PA THOB PA'O, ,SLOB PA NI ZHUGS PA BZHI DANG 'BRAS BU LA GNAS PA GSUM MO, ,MI SLOB PA NI DGRA BCOM PA'O, ,THAMS CAD KYANG DON DAM PA'I TSUL LA GNAS PA'I TSE MTHONG BA YANG MA MCHIS SO, ,SNGAR NI RE RE NAS TSIG RDZOGS PAR BYAS PA YIN NO, ,'DI NI SPYIR BSTAN PA YIN TE, BYE BRAG NI DE YIN NO, ,KUN RDZOB KYI LAM LA GNAS PA NI MA MTHONG PA YANG MA MCHIS PA LAGS TE, MTHONG BA KHO NA LAGS SO ZHES BSTAN TO, ,'JIG RTEN GYI BDEN PA'I DBANG DU BYAS NAS MTHONG BA YANG BDAG GIS MNGON PAR ZHEN PA MED PAR MTHONG BA YIN PA DE LTAR MTHONG NGO ZHES GSOL TO, ,JI LTAR DE LTAR YIN ZHE NA, 'DIR MANG DU YANG MI MTHONG ZHES BYA BA LA SOGS PA GSUNGS SO, ,MANG BA NI SO SO'I SKYE BO STE, DE DAG PHAL CHE BA'I PHYIR RO, ,NYUNG DU NI SLOB PA DANG MI SLOB PA STE, DE DAG DKON PA NYID KYIS NYUNG BA'I PHYIR RO, ,NYUNG BA NI SU YIN, MANG BA NI SU YIN ZHES DOGS PA LA, DE'I DBYE BA BSTAN PA'I PHYIR, DUL BAR YANG MI MTHONG MA DUL BAR YANG MI MTHONG BA DE LTAR MTHONG NGO ZHES BYA BA LA SOGS PA GSUNGS SO, ,GZHAN YANG MI DMIGS PA NYID LA LTOS NAS BRGAL BA DANG, GAL TE MI DMIGS PA'I RANG BZHIN YIN NA BCOM LDAN 'DAS KYI LA BOR PHUN SUM TSOGS PA DAG DANG, BYANG CHUB SEMS DPA' DE DAG JI LTAR DMIGS @117B PAR 'GYUR SNYAM NA, DE'I PHYIR 'JAM DPAL KHYOD KYIS NYAN THOS KYI THEG PA PA RNAMS DE LTAR MTHONG NA ZHES BYA BA NI DE BZHIN NYID KYI NGO BOR RANG BZHIN MNYAM PA YIN PA'I PHYIR RO, ,BYANG CHUB SEMS DPA' RNAMS LA YANG DE KHO NA BZHIN NO ZHES LAN GLAN PA'I PHYIR RO, ,BYANG CHUB SEMS DPA' ZHES BYA BA'I CHOS KYANG RJES SU MI MTHONG ZHES GSUNGS TE, THAMS CAD YOD PAR DBYE BA LA SOGS PA'I RNAM PAR RTOG PA DANG BRAL BA DANG, GNAS SKABS KYANG BDAG DANG 'DZIN PA LA SOGS PA'I RANG GI DNGOS PO NI RANG BZHIN GYIS YONGS SU ZHI BA YIN PA'I PHYIR RO, ,DE LA BYANG CHUB KYI PHYIR SEMS DPA' STE, BYANG CHUB KYI SEMS BSKYED PA THOB PA MOS PAS SPYOD PA'I SA THOG MA'I GNAS SKABS KYI BYANG CHUB SEMS DPA' YIN NO, ,BYANG CHUB TU ZHUGS PA ZHES BYA BA NI MOS PAS SPYOD PA'I SA LA GNAS PA'O, ,BYANG CHUB KYI PHYIR SPYOD DO ZHES BYA BA NI RAB TU DGA' BA NAS BZUNG STE, SKYE BA GCIG GIS THOGS PA'I BAR YIN NO, ,MNGON PAR RDZOGS PAR SANGS RGYAS ZHES BYA BA NI SRID PA THA MA PA'O, ,YANG BRGAL BA GAL TE DE BZHIN GSHEGS PA DMIGS NA NI DE'I TSE MI DMIGS PA'I RANG BZHIN NYID YIN PA 'GAL BAR 'GYUR RO, ,'ON TE MA YIN NA NI DE'I TSE MTHONG BA LA BSTAN PA'I DGE BA'I LO TOG PHUN SUM TSOGS PA DE DAG JI LTAR BDAG DANG GZHAN GYI RGYUD LA SOGS PAR 'GYUR SNYAM DU DGONGS NAS, 'JAM DPAL KHYOD KYIS DE BZHIN GSHEGS PA JI LTAR MTHONG ZHES GSUNGS SO, ,GLANG PO CHEN PO ZHOG SHIG CES BYA BA NI LAN BKA' STZAL PA YIN NO, ,GLANG PO CHEN PO NI DE BZHIN GSHEGS PA LA BYA STE, DE BZHIN GSHEGS PA GLANG CHEN NI, ,RTAG TU MNYAM GZHAG SPYOD PA YIN, ,ZHES BYA BA LA SOGS PA GSUNGS PA YIN NO, ,GLANG PO CHEN PO MA BSKYOD CIG, ,DE BSKYOD NA NI DE MTHONG STE MNGON PAR ZHEN PAS BSKYOD PA'I DGE BA'I LO TOG PHUN SUM TSOGS PA MTHA' DAG MED PAR 'GYUR TE, YANG DAG PAR MOS PA DANG BRAL NAS MED PA'I LTA BAR LTUNG BA'I PHYIR RO, ,DE BAS NA MA BRTAGS NA DGA' BA NYID KYIS BCOM LDAN 'DAS NI GDUL BYA'I BYE BRAG GI PHYIR BZHUGS NA CHES LEGS PA YIN NO, ,'DIR 'DUS PA DE KHO NA NYID ZAB MO THOS PA RNAMS LA YA MTSAN BSKYED PA'I PHYIR @118A *, ,DANG; BAR DU CHOD PA'I BYA BA DAG BYA BA'I PHYIR YANG GSUNGS PA YIN TE, DE LTA MA YIN NA DE MA THAG TU GSUNGS PA'I DOGS PAR GA LA 'GYUR, GZHAN DAG BLO MA SBYANGS SHING KHYAD PAR CAN GYI SKAL BA THOB PA DANG BRAL BA 'DUS PA DAG DE BZHIN GSHEGS PA'I DBANG GIS DE DAG MI NYAN TO, ,DE BAS NA LHAG PAR YA MTSAN DU GYUR PA'I CHOS 'KHOR LA GZIGS NAS SKABS LA BAB PA DANG SKYE BO MANG PO LA PHAN PAR BYA BA'I PHYIR GLANG PO CHEN PO'I RANG GI NGO BO THOG MA NYID DU 'DRI BA NI, 'JAM DPAL SANGS RGYAS ZHES BYA BA DE GANG GI TSIG BLA DAGS ZHES GSUNGS SO, ,DE'I NGO BO MDOR STON PA NI, BDAG CES BYA BA DE GANG GI TSIG BLA DAGS ZHES BYA BA YIN TE, BDAG CES BYA BA NI MU STEGS PAS YONGS SU BRTAGS PA BDAG GO SNYAM PA'I YUL LO, ,SKYE BA MED PA ZHES BYA BA NI MTSAN MAR BYA BA DNGOS PO'I CHA 'GA' YANG DER MA SKYES PA'I PHYIR RO, ,BDAG CES BYA BA DE GANG GI TSIG BLA DAGS YIN PA SANGS RGYAS ZHES BYA BA DE YANG DE'I TSIG BLA DAGS SO ZHES BYA BA NI DE'I NGO BO ZHES BYA BA'I THA TSIG STE, DE LA YANG SGRA 'JUG PA'I RGYUR GYUR PA MTSAN MAR BYA BA'I DNGOS PO'I BAG TZAM YANG YONGS SU MA GRUB PA'I PHYIR RO, ,DE NYID KYI PHYIR 'DI LTA STE SANGS RGYAS ZHES BYA BA NI GZHI MED PA'I TSIG BLA DAGS SO ZHES GSUNGS TE, 'DI LTAR BSTAN PA YIN TE, 'DI 'AM 'DI LA GZHI MED PAS GZHI MED PA STE, DE'I TSIG BLA DAGS SO, ,'DIS DON RTOGS PAR BYED CING KHONG DU CHUD PAR BYED PAS GZHI STE TSIG LA BYA'O, ,GANG GIS SKYE 'GRO MTHA' DAG GI YID LA RE BA YONGS SU RDZOGS PAR MDZAD PA LA MKHAS PA'I YON TAN GYI RANG BZHIN BCOM LDAN 'DAS KYI SKU LA RJOD PAR BYED PA DANG 'BREL PA'I GNAS 'GA' YANG YOD PA MA YIN GYI, DNGOS PO'I DE KHO NA NYID BRTAG PA LA RGYAB KYIS PHYOGS PA'I BLO CAN BYIS PA RNAMS KYI SPOBS PA RANG DBANG DU BYUNG NAS MTSAN SANGS RGYAS ZHES BYA'O ZHES YANG DAG PAR MNGON PAR ZHEN TO, ,SANGS RGYAS ZHES BYA BAR BRJOD PA 'JUG PA'I RGYU MTSAN DE LA YANG YOD PA MA YIN TE, STON PAR BYED PA'I TSIG BLA DAGS YIN TE DE DAG GIS SGRO BTAGS PA YIN NO, ,DON GNYIS PA 'DI YANG SGRUB PA'I TSUL DANG MTHUN @118B PAR 'BREL BAR BSTAN TO, ,DE LA DANG PO RAB TU BSGRUB PA'I PHYIR, SANGS RGYAS ZHES BYA BA NI TSIG GIS SHES PAR DKA' BA'O ZHES GSUNGS TE, CI'I PHYIR ZHE NA, 'DI LTAR RE ZHIG TSIG KYANG 'DI NI TSIG GO ZHES BRTAG PAR DKA' STE, SHES PAR BYA ZHING GTAN LA DBAB PAR MI NUS TE SLA BA MA YIN NA, DES BZHAG CING BSTAN PAR BYA BA'I DON SANGS RGYAS ZHES BYA BA LTA CI SMOS, DGONGS PA NI 'DI LTA STE, RJOD PAR BYED PA YANG SGRA'I NGO BO LA TSIG CES BRJOD NA, DE YANG SGRA'I MTSAN NYID DAM, SPYI 'AM BLO LA GZUGS BRNYAN DU 'DUG PA ZHIG YIN GRANG, KUN KYANG RIGS PA MA YIN NO, , DE BAS NA 'DI NI 'KHRUL PA'I DBANG GIS SGRA'I THA SNYAD 'JUG PA YIN PAS DNGOS PO'I DE BZHIN NYID DPYOD PA LHUR LEN PA KHYOD KYIS BRTAG PAR NUS PA MA YIN NO, ,RJOD PAR BYED PA'I NGO BO BKAG PA NYID KYIS DE LA LTOS TE RAB TU BRTAGS PA BRJOD PAR BYA BA NYID KYANG RAB TU BKAG PA KHO NA YIN NO, ,'ON KYANG DE BKAR TE YANG DGAG PAR BYA BA'I PHYIR GNYIS PA'I DON DU, GANG YANG DAG PAR MA GRUB PA DANG ZHES GSUNGS TE, RKYEN TSOGS PA LAS THOG MAR BYUNG BA MA YIN NO, ,MA SKYES PA DANG ZHES BYA BA NI DE'I 'OG TU RGYUN DU 'JUG CING GNAS PAR 'DU SHES PA'I MA SKYES PA'O, ,MI 'GAG PA STE ZHES BYA BA NI RGYUN CHAD PAR 'GAGS PA MED PA'O, ,BDAG LA SOGS PA MTSAN MAR BYA BA'I TSIG GI GNAS SU GYUR PA GANG CHOS GANG DANG YANG MI LDAN PA'I BCOM LDAN 'DAS DE LA GZHI TSIG GANG YANG MED DO, ,JI LTA BU ZHE NA GZHI DBYER MED PA 'DI LA DBYER MED PAS DBYER MED PA STE, KUN DU 'GRO BA SPYI ZHES BYA BA'I BAR DU YIN NO, ,DE'I GZHI NI 'DI'I GNAS DANG RTEN ZHES TSIG SBYAR TE, DE'I GZHI MED PA DANG, GNAS MED PA DANG, TSIG GI YUL MA YIN PA ZHES BYA BA'I DON GANG YIN PA DE YIN NO, ,'DI LTA STE, SANGS RGYAS ZHES BYA BA DE NI DE'I TSIG BLA DAGS SO ZHES BYA BA NI SHES RAB KYI SPYOD PA YONGS SU MA DAG PAS SGRO BTAGS PA STE, DE KHO NA NYID LA 'JUG PAR BYA BA'I PHYIR RO, ,'DIR MDO NI 'DI LTA STE, TSIG GIS BRJOD PAR BYA BA'I DON RANG GI MTSAN NYID GCIG GAM, MTSAN MA LA SOGS PA'AM, SPYI 'AM, BLO LA GZUGS BRNYAN YOD PA ZHIG YIN GRANG, DE LA @119A *, ,RANG GI MTSAN NYID NI SKYES MA THAG TU MED PAR GYUR PAS ZHES PA LA SOGS PAR MA NUS SHING BRJOD PAR BYA BA MED DO, ,MTSAN MA LA SOGS PA YANG RTOGS PAS RANG DGAR BYAS PA NYID KYI PHYIR YANG DAG PAR MED DO, ,DNGOS PO NYID YOD NA NI RANG GI MTSAN NYID KYI BDAG NYID YIN TE DE LA YANG SKYON SMRAS ZIN TO, ,SPYI YANG LOGS SHIG PA LA SOGS PA'I NGO BOR YOD PA NI BLO LA YOD PA MA YIN TE, SNA TSOGS SNANG BA'I BLO LAS NYAMS SU MYONG BA MED PA'I PHYIR RO, ,GANG MING TZAM DANG RJES SU 'BREL ZHING RNAM PAR RTOG PA LA GZUGS BRNYAN TZAM PHYI ROL NA YOD PA 'DRA BAR SNANG BA DE LA DON YIN PAR GTAM DGOD PAR 'DOD DE SMRA BA DE NI 'KHRUL PA'I DBANG GIS 'BYUNG BA YIN NO, ,'KHRUL TE SNANG BA DE YANG JI LTAR SNANG BZHIN DU 'DOD PA'I PHYIR GANG YANG DAG PAR MA GRUB PA LA SOGS PAR GSUNGS PA YIN NO, ,'DI DON GYI NGO BOR YANG RIGS PA MA YIN TE MI GSAL BA LA SOGS PA YIN PA'I PHYIR RO, ,BCOM LDAN 'DAS KYI SKU 'DI DAG GI SPYOD YUL THAMS CAD LAS 'DAS PA YIN NA THABS GANG GIS RTOGS PAR BYA ZHE NA, DE'I PHYIR BTZUN PA SHA RADVA TI'I BU DE BZHIN GSHEGS PA TSOL BAR 'DOD PAS NI BDAG BTZAL BAR BYA'O ZHES GSUNGS TE, BRTAG PAR BYA'O, ,DE GNYIS 'BREL PA CI ZHIG YOD NA GANG GIS DE RTOGS PAR BYA BA'I PHYIR DE LA TSOL BAR BYED CE NA, BDAG CES BYA BA DE NI SANGS RGYAS KYI TSIG BLA DAGS TE ZHES GSUNGS TE, CHOS NYID DU MTSUNGS PA'I PHYIR RO ZHES DGONGS PA'O, ,MTSUNGS PA NYID STON PA NI JI LTAR BDAG CES BYA BA MU STEGS KYIS YONGS SU BRTAGS PA DE NI SHIN TU MED CING YOD PA MA YIN PA DE NYID KYI PHYIR MI DMIGS SO, ,DE BZHIN DU SANGS RGYAS KYANG SHIN TU MED CING MI DMIGS SO ZHES BYA BA YIN NO, ,'DAS PA LA SOGS PA'I DNGOS PO MA LUS PA RTOGS PA'I PHYIR SANGS RGYAS ZHES BRJOD PA MA YIN NAM, JI SKAD DU, SANGS RGYAS KYIS NI 'DAS PA GZIGS, ,ZHES BYA BA LA SOGS PA GSUNGS SO ZHE NA DE LTA MA YIN TE, 'DI LTAR RTOGS PA PO YANG MED, RTOGS PA YANG MED, RTOGS PAR BYA BA YANG MED DE, GZUNG BA DANG 'DZIN PA DANG BRAL BA'I PHYIR RO, ,DE @119B BZHIN GSHEGS PA'I DBANG GIS NI 'DAS PA LA MI SLU BA'I MKHYEN PA 'BYUNG STE, DE'I NGO BO LA MNGON PAR ZHEN PA'I DBANG GIS DE SKAD BRJOD DO, ,DE NYID KYI PHYIR, JI LTAR BDAG CES BYA BA 'DAS PA LA SOGS PA YONGS SU SHES PA'I CHOS GANG GIS KYANG TSIG TU BRJOD PAR BYA BA MA YIN PA LTAR STON PA YANG DE BZHIN NO, ,DE LTAR STON PA GANG LA YONGS SU SHES PAR BYA BA DANG, YONGS SU SHES PA LA SOGS PA'I NGO BO GRANGS SU BGRANG BA GANG YANG YOD PA MA YIN YANG DE'I DNGOS POR 'DZIN PA'I 'KHRUL PA'I DRI MA THAMS CAD KYIS MA SBAGS PA'I MKHYEN PA'I BYIN RLABS KYIS 'GRO BA RNAMS KYI DANG BA PHUN SUM TSOGS PA SGRUB PAR MDZAD PA LA SANGS RGYAS ZHES BYA'O, ,GAL TE THABS 'DIS BCOM LDAN 'DAS LA BLTA BAR BYA BA YIN NA DE NI SLA BA KHO NA YIN NA DE'I PHYIR 'DI LA 'BAD PA CHEN PO BYED CE NA, THOS PA DANG BSAMS PA LAS BYUNG BA'I SHES PA LA SNYING POR BLO SKYED CING RTOG PA BSAL BA'I PHYIR, BDAG CES BYA BA'I GZHI'I TSIG BLA DAGS DE NI SHES PAR SLA BA MA YIN NO ZHES GSUNGS TE, NGA'O SNYAM PA NI THOG MA MED PA NAS GOMS PA YIN PA'I PHYIR BSGOMS PA MCHOG TU MTHAR PHYIN PA LAS SKYES PA'I SHES PA MED PAR THOS PA TZAM SNYING POR BYED PAS BSAL BAR MI NUS TE, 'DI LTAR BDAG NI YUL BYED PA NYID RNAM PAR SUN 'BYIN PAS SEL BAR BYED LA, DE SUN 'BYIN PA YANG MED PAR BSGOMS PA MTHAR PHYIN PA LAS 'GYUR RO, ,JI SKAD DU, GAL TE CHOS LA BDAG MED SO SOR RTOG ,SO SOR BRTAGS TE GAL TE SGOM BYED NA, ,RGYU DES 'BRAS BU MYA NGAN 'DAS PA THOB,, RGYU GZHAN GYIS NI ZHI BAR 'GYUR BA MED, ,CES GSUNGS SO, ,BDAG CES BYA BA'I GZHI'I TSIG BLA DAGS DE NI GZHI MED PA NYID KYIS YANG DAG PAR SHES PAR SLA BA MA YIN NO ZHES BYA BA NI BSDUS PA'I DON YIN NO, ,SANGS RGYAS ZHES BYA BA'I GZHI'I TSIG BLA DAGS KYANG DE BZHIN NO, ,DNGOS POR MNGON PAR ZHEN PA NI THOG MA MED PA NAS BSAGS PA'I PHYIR MI DMIGS PA BSGOM PA MED PAR NI MI 'GYUR RO, ,DE BAS NA 'DIR DON NI BSGOMS PA LAS BYUNG BA'I SHES PA KHO NA MNGON DU BYA DGOS PA YIN PAS 'DI NYID LA 'BAD DE GNAS PAR BYA'O, ,'PHAGS PA 'JAM DPAL @120A *, ,NYID KYI MTHUS SHES PAR BYAS ZIN PA RANG NYID LA RJES SU BRTZE BA YOD PA DANG BCAS PA BZHIN DU GSAR DU ZHUGS PA RNAMS LA YIN LA, JI LTAR LAS DANG PO PAS 'TSAL BAR 'GYUR BA DE LTA BUR MI STON TO ZHES BRJOD, CI'I PHYIR GSAL BAR MA BSTAN TE, DON GYIS NI LAS DANG PO PA RNAMS KYANG KHONG DU CHUD PAR 'GYUR BA DE LTAR BSTAN TO, ,'PHAGS PA YANG RNAM PAR RTOG PA LHAG MA BRTZAM PAR BZHED NAS BDAG NYID KYI SHES PA 'BYUNG BA 'DI GSAL BAR BYA BAR BSTAN PA'I PHYIR, BTZUN PA SHA RA DVA TI'I BU KHO BO NI JI LTAR DGRA BCOM PA BYAS PA SRUNG BA CAN GYIS KYANG ZHES BYA BA LA SOGS PA GSUNGS SO, ,RTOGS PA NI BYAS PA STE, MTHONG BA'I CHOS LA BDE BAR GNAS PA LA SOGS PA SEMS LAS BYUNG BA RNAMS CHED DU SRUNG ZHING YOD PAR BYED PA'I NGANG TSUL CAN GANG DAG YIN PA DE DAG NI BYAS PA SRUNG BA CAN YIN TE, DGRA BCOM PA RTOGS PA RNAM PAR GROL BA DBANG PO RNON PO ZHES BYA BA'I BAR DU YIN NO, ,KHO BO NI JI LTAR SUS KYANG ZHES BYA BA'I TSIG NI THAMS CAD KYI MJUG SDUD PA'O, ,DES NA BCOM LDAN 'DAS KYI BAR DU YANG GZUNG BAR BYA'O, ,DES NA 'DI SKAD BSTAN TE, JI LTAR SHES PA DANG BRJOD PA MTHA' DAG LAS YANG DAG PAR 'DAS PAR BYA BA'I PHYIR BYANG CHUB KYI CHED DU DE LTAR BDAG STON TO, ,DE DAG GI SPYOD YUL YANG MA YIN NA LAS DANG PO PA DNGOS PO'I MTHA' LA GNAS PA RNAMS KYIS LTA SMOS KYANG CI DGOS, BYANG CHUB NI DE DAG NYID LA SHES PA DANG BRJOD PA THAMS CAD KYI YUL LAS YANG DAG PAR 'DAS PA YIN NO, ,DRI BA BRTZAM PA'I PHYIR DE CI'I PHYIR ZHE NA ZHES GSUNGS TE, GAL TE SHES PA DANG TSIG GI YUL MA YIN NA BCOM LDAN 'DAS KYIS 'DI JI LTAR MNGON DU BYAS NAS BSTAN ZHES BYA BA NI DRIS PA'I DON YIN NO, ,'DI LTAR BYANG CHUB NI SUS KYANG RNAM PAR MA SHES ZHES BYA BA NAS MA BSTAN PA'I PHYIR RO ZHES BYA BA'I BAR GYI PHYIR RO, ,RNAM PAR SHES PA DANG BSTAN PA'I BAR DU SNGAR BSTAN PA'I TSUL GYIS 'DI LA MA GTOGS PAR BYED PA PO 'DZIN PA'I BDAG NYID KYI NGO BO MED PA'I PHYIR RO, ,DE LA SUS KYANG RNAM PAR MA SHES PA NI SPYI'I RNAM PAR RO, ,SUS KYANG @120B MNGON PAR RDZOGS PAR MA RTOGS PA NI BYE BRAG GI NGO BOR RO, ,MA MTHONG BA NI MIG GI RNAM PAR SHES PAS SO, ,MA THOS PA NI RNA BA'I RNAM PAR SHES PAS SO, ,BYE BRAG MA PHYED PA DANG RNAM PAR MA SHES PA GNYIS KYANG BRJOD PAR BYA BA YIN TE, GNYIS NI NYE BAR MTSON PAR BYA BA'I PHYIR RO, , YANG NA YUL RING PO 'DI GNYIS KYANG RE ZHIG GZUNG BAR BYA BA MA YIN NA GZHAN LTA SMOS KYANG CI DGOS ZHES SHES PAR BYA BA'I PHYIR GNYIS BSTAN TO, ,YANG NA TSIG SNGA MA GNYIS NI BYE BRAG PHYED PA DANG, RNAM PAR SHES PA'I DBANG DU BYAS PA YIN NO, ,MA DRAN PA NI RJES SU MYONG BA SNGON DU SONG BA'I DRAN PA'I SHES PAS SO, ,CI'I PHYIR RNAM PAR MI SHES PA NAS MA DRAN PA'I BAR DU YIN ZHE NA, 'DI LTAR MA SKYED PA STE, BSKYED NA NI DE MA THAG TU 'DZIN PA SRID PA'I PHYIR RO, ,JI LTAR MA DRAN ZHE NA, GANG GIS MA BKAG PA STE, DRAN PA'I YUL NI 'DAS PA YIN PA'I PHYIR RO, ,MA SMRAS PA NI RANG GIS SO, ,MA BSTAN PA NI DRIS PA'I TSE'O, ,GAL TE DE LTAR BYANG CHUB NI NANG GI YIN NA DE THOB PAR BYA BA'I PHYIR 'BAD PAR BYED DE DGOS PA YANG CI YOD CE NA, JI TZAM DU BYANG CHUB CES BYA BA NI 'DI LTA STE ZHES GSUNGS TE, JI TZAM DU BYANG CHUB CES BYA BA NI 'DI LTA STE, BYANG CHUB CES BYA BA'I THA TSIG STE, DE NI RANG DANG GZHAN GYI DON BYED PA 'DI LTA BU GANG YIN PA YIN NO, ,'DIS NI MCHOG YIN PAR BSTAN TE, PHUN SUM TSOGS PA THAMS CAD KYI MCHOG TU GYUR PA THAMS CAD KYI BDAG NYID YIN PA'I PHYIR BYANG CHUB DE YANG YOD PA YIN NO, ,DE LTAR NA BYANG CHUB NI BYED PA'I NGO BO YIN PA'I PHYIR LA, BYED PA PO LA LTOS PA'I PHYIR BYED PA PO YOD PA THOB PAR 'GYUR RO, ,BYED PA PO YANG LAS LA RTZOM PAS BYANG CHUB PAR BYA BA'I LAS KYANG YOD PAR 'GYUR RO, ,DE LTAR NA BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED CING ZHES BYA BA RJES BZHIN DU STON PA THAMS CAD DANG 'GAL BAR 'GYUR RO ZHE NA, BYANG CHUB DE YANG DNGOS PO MA YIN NO ZHES GSUNGS TE, BYED PA ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI GAL TE BYED PA MED NA GO JI LTAR BYANG CHUB CES BYA, 'DI LTAR BYANG CHUB DANG RTOGS PA DANG DNGOS PO NYAMS SU MYONG BA ZHES BYA BA NI RNAM @121A *, ,GRANGS YIN NO ZHE NA, 'DI NI KUN BRTAGS TE BRJOD PA YIN GYI, DON DAM PA NI MA YIN NO ZHES BSTAN PA'I PHYIR BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED CING ZHES GSUNGS TE, GZHAN GYI NGO BO LA 'DZIN PA MI SRED PA'I PHYIR RO, ,'O NA RANG LA 'DZIN PA LA LTOS NAS BYED PA RNAM PAR GZHAG PAR 'GYUR RO ZHE NA 'DI YANG MED DO ZHES BSTAN PA'I PHYIR BYANG CHUB KYANG BYANG CHUB KYIS MNGON PAR RDZOGS PAR 'TSANG RGYA BA MA YIN PA'I PHYIR RO ZHES GSUNGS TE, RANG RIG PA LA YANG BYA BA DANG BYED PA DANG BYED PA PO'I DNGOS PO GZHAG TU GCIG LA GSUM GYI DNGOS PO MI 'THAD PA'I PHYIR RO, ,BYANG CHUB BYED PA'I NGO BO LA RGOL BA POS BRGAL BA MA YIN NAM, BYED PA PO'I NGO BO LA MA RGAL BAR BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED CING ZHES BYA BA LA SOGS PAS JI LTAR DE SEL BAR BYED, BYED PA'I NGO BO DE NI BYANG CHUB LA MED CING GANG LA BYANG CHUB PA DANG BDAG NYID LA YANG YOD PA MA YIN NO ZHES BSAL BA'I RIGS TE, DE LA BRGAL BA'I PHYIR RO ZHE NA, BDEN TE 'ON KYANG BYED PA PO'I GNAS SKABS KYI BYE BRAG KHO NA NYID BDAG NYID DU GYUR PA NI BYED PA ZHES BYA BA YIN GYI, DE LAS 'DI GZHAN PA YANG MA YIN TE, BYED PA PO DE'I NGO BO MA YIN PAR THAL BAR 'GYUR BA'I PHYIR RO, ,BYED PA PO DE'I NGO BO YANG LOGS SHIG NA YOD PA MA YIN NO ZHES BSTAN PA'I PHYIR, BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED CING ZHES BYA BA LA SOGS PA GSUNGS SO, ,DE BAS NA GNYIS SU MED PA RANG RIG PA TZAM DRI MAS MA SBAGS PA GTZO BOR BYAS TE, BYANG CHUB CES BTAGS TE GZHAG GO, ,'DIS NI SGRO 'DOGS PA'I MTHA' SPANGS PA YIN NO, ,BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED NA, BYANG CHUB NI BDAG NYID BCOM LDAN 'DAS KYIS CHOS KYI DBYINGS DE JI LTAR MNGON PAR RDZOGS PAR SANGS RGYAS SHE NA, DE'I PHYIR, 'JAM DPAL BCOM LDAN 'DAS KYIS CHOS KYI DBYINGS MNGON PAR RDZOGS PAR SANGS RGYAS SAM ZHES TSIG ZUR GYIS DRIS TE, MA YIN NAM CI ZHES BYA BA'I DON TO, ,LAN NI BTZUN PA SHA RADVA TI'I BU DE NI MA YIN NO ZHES @121B BYA BA YIN NO, ,DE CI'I PHYIR ZHE NA ZHES BYA BA NI DE BZHIN NYID RTOGS PAS RAB TU PHYE BA'I STON PA'I RTOGS PA DE SEL BAR BYED NA GRUB PA'I MTHA' DANG JI LTAR 'GAL BAR MI 'GYUR ZHES BSAMS PA'O, ,'OG MA'I DON KHAS MI LEN PA MA YIN PA'I PHYIR RO ZHES BSTAN PA'I PHYIR, 'DI LTAR CHOS KYI DBYINGS NYID BCOM LDAN 'DAS YIN PA'I PHYIR RO ZHES GSUNGS TE, DGONGS PA NI 'DI YIN TE, DRI MA MED PA'I BDAG NYID KYI MKHYEN PA'I NGO BO NI BYANG CHUB BO, BCOM LDAN 'DAS KYANG DE'I BDAG NYID DO, ,CHOS KYI DBYINGS KYANG DE'I BDAG NYID KHO NA YIN TE, RNAM PAR DBEN PA LAS DBEN PA THA DAD PA MED PA'I PHYIR RO ZHES RTAG TU BKA' STZAL TO, ,DBEN PA MA YIN PA'I NGO BO 'DI LA NI BYANG CHUB PAR BYA BA DANG, BYANG CHUB PA PO DANG, BYANG CHUB PA'I NGO BO YOD PAR GA LA 'GYUR, YOD NA NI GZUNG BA DANG 'DZIN PA YOD PAR 'GYUR BA'I PHYIR RO, ,DBEN PA'I MTSAN NYID NI STONG PA NYID DE, STONG PA NYID MED PAR 'GYUR RO SNYAM NAS, BTZUN PA SHA RA DVA TI'I BU GAL TE BCOM LDAN 'DAS KYIS CHOS KYI DBYINGS MNGON PAR RDZOGS PAR SANGS RGYAS PAR GYUR NA ZHES BYA BA LA SOGS PA GSUNGS TE, GAL TE CHOS KYI DBYINGS MNGON PAR RDZOGS PAR SANGS RGYAS PAR GYUR NA, 'O NA NI GNYIS SU MED PA'I YE SHES KYI BDAG NYID GANG YIN PA DE SKYE BA MED PA'I DBYINGS YIN PAR SNGON RNAM PA DU MAR BZHAG PA DE DANG YANG 'GAL ZHING MI MTHUN PAR 'GYUR TE, DNGOS SU NA RIG PAR BYA BA DANG RIG PAR BYED PA PO YOD PA'I PHYIR RO, ,DE'I BDAG NYID STON PA'I PHYIR DE MNGON PAR RDZOGS PAR SANGS RGYAS ZHES BSTAN NA; BYANG CHUB PA'I BDAG NYID BCOM LDAN 'DAS MA YIN NAM, DE LTAR CHOS KYI DBYINGS KYI BDAG NYID CES BYA ZHES MI SHES PAS DRIS PA DANG, DE'I PHYIR BTZUN PA SHA RA DVA TI'I BU CHOS KYI DBYINGS DE NYID BYANG CHUB BO ZHES GSUNGS SO, ,DE CI'I PHYIR ZHE NA ZHES 'DRI BA'I BSAM PA NI 'DI YIN TE, BYANG CHUB GANG YIN PA NI SGRIB PA THAMS CAD DANG BRAL BA'I NGO BO YIN PA'I PHYIR DNGOS PO'I NGO BO YIN NO, ,CHOS KYI DBYINGS NI GNYIS SU MED PA'I MTSAN NYID YIN PAS CHOS THAMS CAD DNGOS PO MED PA'I NGO BO YIN NA DE CI'I PHYIR BYANG CHUB KYI NGO BO NYID DU DAM 'CHA' STE, DNGOS PO DANG DNGOS PO MED PA @122A *, ,GNYIS NI GCIG TU GNAS PA MI SRID PA'I PHYIR RO ZHE NA, DE LA 'DIR LAN NI CHOS KYI DBYINGS NI SEMS CAN MED PA'I PHYIR RO ZHES GSUNGS TE, 'DI LTAR CHOS KYI DBYINGS NI SEMS CAN MED PA ZHES BYA BA DE NI BYANG CHUB KYI TSIG YIN NO, ,DE BZHIN DU CHOS THAMS CAD NGO BO NYID MED PA'O ZHES BYA BA DE NI BYANG CHUB KYI TSIG BLA DAGS TE, DE CI'I PHYIR BYANG CHUB KYI TSIG YIN, CI BRTAGS PA LA BYA'AM, DON RANG BZHIN GYIS DNGOS PO MED PA'I PHYIR CHOS KYI DBYINGS NI SEMS CAN MED PA'O ZHES BRJOD PAR RIGS SO, ,'ON KYANG SGRIB PA MED PA'I YE SHES KYI BDAG NYID KYI BYANG CHUB LA BRGAL BA'I LAN CI YANG MA BTAB PA YIN NO ZHE NA, DE'I PHYIR BYANG CHUB PA'I BDAG NYID BCOM LDAN 'DAS BSTAN MA THAG PA DE NI CHOS KYI DBYINGS KYI RNAM GRANGS SU 'GRO BA'O ZHES GSUNGS TE, DE'I BDAG NYID DE NI BYANG CHUB DE'I TSIG BLA DAGS YIN GYI, BRTAGS PA NI MA YIN NO ZHES BYA BA'I THA TSIG GO, ,'DI YANG CHOS KYI DBYINGS NYID BCOM LDAN 'DAS SO ZHES BYA BA 'DI NYID GSAL BAR BYED PA'O, ,DES NA DON NI 'DI YIN TE, RIG PAR BYA BA DANG RIG PA PO MED PA'I MTSAN NYID NI CHOS KYI DBYINGS GANG YIN PA DE YIN NO, ,DE NYID BYANG CHUB CES BYA STE, RNAM PAR DBEN PA DANG DBEN PA CAN THA DAD PA MED PAR BSTAN PA'I PHYIR RO, ,CHOS KYI DBYINGS NI NGO BO MED CING GTAN MED PA'I NGO BO YANG MA YIN NO, ,'ON KYANG DNGOS PO'I RANG GI NGO BO KHO NA STE, BRTAGS PA'I RNAM PA MA LUS PA DANG BRAL BA'I RANG GI NGO BO LA CHOS KYI DBYINGS DANG BYANG CHUB CES BYA'O, ,THAMS CAD KYANG CHOS NYID 'DI LAS MA 'DAS PA YIN TE, DE BAS NA MNYAM PA NYID LAS DGONGS TE, DE SKAD DU CHOS THAMS CAD DNGOS PO MED PA DE NI BYANG CHUB KYI TSIG GO ZHES GSUNGS SO, ,DE CI'I PHYIR ZHE NA ZHES BYA BA NI JI LTAR CHOS KYI DBYINGS SEMS CAN MED PA DANG, CHOS THAMS CAD NGO BO NYID MED PA DE NI BYANG CHUB KYI TSIG YIN, JI TZAM DU DNGOS PO DANG DNGOS PO MED PA GNYIS NI GCIG LA 'GAL BA'I PHYIR RO ZHE NA, LAN DU CHOS THAMS CAD NI THA DAD PA MED PA'I PHYIR RO, ,JI LTAR ZHE NA, SANGS RGYAS KYI YUL DU STE, SANGS RGYAS KYI YUL GYI NGO BOR DANG, DE @122B BZHIN NYID KYI NGO BOR ZHES BYA BA'I BAR DU YIN NO, ,'DI LTAR GANG LA GZUNG BA DANG 'DZIN PA LA SOGS PAR RNAM PAR DBYE BA'I THA DAD PA NYID YOD PA MA YIN PA DE THA DAD PA MED PA YIN NO, ,KHA CIG 'KHRUL NAS THA DAD PA MED PA NYID NI GANG LA RANG GI NGO BO DBYE BA MED PA DE LA DE SKAD CES BYA'O ZHE NA, DE'I PHYIR 'DI SKAD DU, BTZUN PA SHA RA DVA TI'I BU THA DAD PA MED PA ZHES BYA BA DE NI RNAM PAR RIG PA MED PA'O ZHES LAN GSUNGS TE, 'DI LA RNAM PAR RIG PAR 'DZIN PA YOD PA MA YIN PA DE BAS NA RNAM PAR RIG PA MED PA'O, ,KHA CIG 'KHRUL NAS RNAM PAR RIG PA MED PA ZHES BYA BA 'DI LA SEMS CAN YANG MED PAS RNAM PAR RIG PA MED PA YIN NO ZHE NA, DE'I PHYIR DE NYID GSAL BAR BYED PA NI, BTZUN PA SHA RADVA TI'I BU RNAM PAR RIG PA MED PA ZHES BYA BA DE NI RNAM PAR SHES SHING GZUNG BAR MI NUS PAS NA RNAM PAR RIG PA MED PA ZHES BYA'I, RNAM PAR SHES PA TZAM YANG MED PA'I PHYIR NI MA YIN NO, ,GANG GI NGO BO RNAM PAR SHES PAR MI NUS, CI RDUL PHRA RAB LA SOGS PA'I NGO BOR RAM ZHE NA, 'DUS BYAS SU RNAM PAR RIG PAR MI NUS PA NAS, 'DUS MA BYAS KYI BAR DU YANG RNAM PAR RIG PAR MI NUS PA STE, BAR DU ZHES BYA BA'I SGRAS 'DUS BYAS KYI DBYE BA GZUGS DANG, TSOR BA LA SOGS PA GZUNG NGO, ,RNAM PA THAMS CAD DU DE DAG LA RNAM PAR RIG PA 'DZIN PA GANG YANG MED DE CHUNG NGU NA RNAM PAR SHES PA TZAM YANG 'DI LA YOD PA MA YIN PA'I GTAN TSIGS DES NA DE RNAM PAR RIG PA MED PA'O ZHES GSUNGS SO, ,RDUL PHRA RAB LA SOGS PA'I NGO BOR RNAM PAR RIG PAR BYED PA NI RIGS TE, DE DAG MI SNANG BA'I PHYIR RO, ,'ON TE SEMS DANG SEMS LAS BYUNG BA'I NGO BOR YIN NA NI GSAL BAR RAB TU SNANG BA'I NGO BO LA JI LTAR NA RNAM PAR RIG PAR BYED PA MA YIN ZHE NA, DE'I PHYIR BTZUN PA SHA RADVA TI'I BU CHOS THAMS CAD NI ZHES BYA BA LA SOGS PA GSUNGS TE, CHOS THAMS CAD DE SEMS DANG SEMS LAS BYUNG BA YANG RNAM PAR RIG PAR BYED PA MA YIN TE, 'DZIN PA MED PAR MTHUN PA'I PHYIR DANG, THAMS CAD DU DMIGS PAR BYA BA'I MTSAN NYID DANG BRAL BA'I PHYIR RO, ,DE CI'I PHYIR ZHE NA ZHES BYA BA NI TSOR BA LA SOGS PA @123A *, ,'BYUNG BA GSAL BAR SNANG BZHIN DU JI LTAR GSAL BAR NUS ZHES BSAMS PA'O, ,LAN DU 'DI LTAR TSOR BA LA SOGS PA'I CHOS THAMS CAD NI SKYE BA RANG GI NGO BO 'THOB PA YOD PA MA YIN NO, ,TSOR BA LA SOGS PA RANG RANG GI NGO BO 'THOB PA YOD PA MA YIN NAM, DE MED DU ZIN NA 'JIG RTEN SNANG BA MED PAR THAL BAR 'GYUR BA'I PHYIR DANG, KUN NAS NYON MONGS PA DANG RNAM PAR BYANG BA MED PAR THAL BAR 'GYUR BA'I PHYIR RO ZHE NA, DE'I PHYIR GSUNGS PA YANG BDEN TE, DE 'BYUNG BA YANG GANG LA GNAS TE RNAM PAR RIG PAR 'GYUR BA'I 'DZIN PAR 'GYUR BA'I CHOS NI YOD PA MA YIN TE, TSOR BA LA SOGS PA RNAMS LCAGS KYI THUR MA BZHIN DU GZHAN LA REG PAR BYED PA CUNG ZAD KYANG MED LA, RANG LA YANG YUL DANG YUL CAN GYI DNGOS POR MA YIN GYI, RANG GI RGYU LAS GNANG BA'I BDAG NYID DU 'BYUNG BA KHO NAR ZAD DO ZHES JI SKAD DU SNGAR GSUNGS PA LTA BU'O ZHES BYA BA NI BSDUS PA'I DON YIN NO, ,CHOS SNA TSOGS YOD PA MA YIN NA SEMS CAN 'DI DAG NI MA GSOD PA LA ZHUGS PA'I DBYE BA 'DI JI LTAR RUNG BAR 'GYUR ZHE NA, DE DAG NI BSAM GYIS MI KHYAB PA LA ZHUGS PA STE, SANGS RGYAS NYID LA ZHUGS PA ZHES BYA BA'I THA TSIG GO, ,SANGS RGYAS NYID NI BSAM PA THAMS CAD KYI YUL MA YIN PA'I PHYIR BSAM GYIS MI KHYAB PA YIN NO, ,SNA TSOGS PA NYID MED NA RNAM PAR GZHAG PA 'DI DAG MI RIGS SO ZHES BYA BA NI RGOL BA'I DON YIN NO, ,LAN DU GANG DAG MTSAMS MED PA LA ZHUGS PA DE DAG NI BSAM GYIS MI KHYAB PA LA ZHUGS PA'O ZHES BYA BA'I GO RIMS BSNOR NAS KYANG BSAM GYIS MI KHYAB PA LA ZHUGS PA NI BSAM GYIS MI KHYAB PA LA ZHUGS PAR MA MDZAD KYI, MTSAMS MED PA LA ZHUGS PA YANG YIN TE, 'DI YANG MNYAM PA NYID LA DGONGS PA KHO NAS BSTAN TO, ,DE NYID KYI PHYIR GANG DAG BSAM GYIS MI KHYAB PA LA ZHUGS PA DE DAG NI YANG DAG PA LA ZHUGS PA'O ZHES GSUNGS SO, ,YANG GI SGRAS MTSAMS MED PA LA ZHUGS PAR RTOGS PAR BYA'O, ,DE CI'I PHYIR ZHE NA ZHES BYA BA 'DIR DGONGS PA NI 'O NA YANG DAG PA ZHES BYA BA 'DI CI YIN 'DIR CI DE KHO NA YID LA BYED @123B PA PHYIN CI MA LOG PA'I YE SHES LA BRJOD NA DE NI MI RUNG STE, DE THUN MONG BA MED PA'I PHYIR RO, ,MNYAM PA NYID LA BRJOD NA NI MTSAMS MED PA LA ZHUGS PA NGAN SONG LA GZHOL BA RNAMS JI LTAR NA BSAM GYIS MI KHYAB PA LA ZHUGS PA DANG, SANGS RGYAS NYID LA GZHOL BA YIN ZHE NA, DE'I PHYIR BTZUN PA SHA RA DVA TI'I BU YANG DAG PA ZHES BYA BA DE NI DBYER MED PA'I TSIG YIN NO ZHES GSUNGS TE, 'DI LA DBYER MED DE THAMS CAD DU NGO BO MNYAM PA'I PHYIR RO, ,DBYER MED PA'I CHOS KYI DBYINGS KYANG YOD PA MA YIN TE, DE'I TSIG NI NGAG YIN NO, ,DE BAS NA STONG PA NYID DU NA DE DAG LA BYE BRAG GANG YANG YOD PA MA YIN NO ZHES BSTAN PA YIN NO, ,JI LTAR BYE BRAG MED PA DE BSTAN PA'I PHYIR DANG PO RGOL BAR BYED PA RTZOM PA NI 'O NA GAL TE THAMS CAD DE BZHIN NYID DANG LDAN PA YIN NA MTSAMS MED PA LA ZHUGS PA DE JI LTAR NGAN SONG DU 'GRO BAR 'GYUR, BYANG CHUB TU SMON PA BYAS PA DANG, DE LAS GZHAN PA YOD PA DAG KYANG CI'I PHYIR MYA NGAN LAS 'DAS PA DANG MTHO RIS SU 'GRO BAR 'GYUR, DE LTAR GYUR NA NI MTSAMS MED PA LA ZHUGS PA MTHO RIS DANG MYA NGAN LAS 'DAS PAR GYUR TE, DE BZHIN NYID DANG LDAN PA'I PHYIR BYANG CHUB LA BRTZON PA BZHIN NO, ,YANG NA DE DAG KYANG DE BZHIN DU DE LTAR MI 'GYUR TE, KHYAD PAR MED PA'I PHYIR RO ZHE NA, DE'I PHYIR GANG DAG BSAM GYIS MI KHYAB PA DANG LDAN PA DE DAG NI MTHO RIS SU 'GRO BA MA YIN ZHES BYA BA LA SOGS PA GSUNGS TE, BSAM GYIS MI KHYAB PA NI 'DIR STONG PA NYID LA DGONGS PA'O, ,DE CI'I PHYIR ZHE NA ZHES BYA BA NI BSAM PA NI 'DI LTA STE, DGE BA'I CHOS LA 'JUG PA DANG, STONG PA NYID BSGOM PA DON MED PAR 'GYUR TE, DE DANG LDAN PA DANG MI LDAN PAR YANG BYE BRAG MED PA'I PHYIR RO ZHE NA, BSAM GYIS MI KHYAB PA NI 'GRO BA DANG MI 'GRO BAR NYE BAR GNAS PA MA YIN PA NAS, MYA NGAN LAS 'DAS PA'I BAR DU 'GRO BA DANG MI 'GRO BAR NYE BAR GNAS PA MA YIN TE, MTHO RIS DANG, NGAN SONG DU ZHES DGONGS PA'O, ,DE GNYI GA YANG SRID PA THOG MA MED PA NAS GOMS PA YIN PA'I PHYIR 'GRO BA DANG 'ONG BA'I TSIG NI LAN GRANGS DU MAR GTONG BA DANG LEN PA SRID PA YIN NO, ,MYA NGAN LAS 'DAS PAR @124A *, ,'GRO BA NI YONGS SU MI NYAMS PA'I CHOS CAN YIN PAS 'DIR 'ONG BAR BYED PA MED DO, ,BAR GYI SGRAS DE THOB PAR BYED PA'I SA LA SOGS PA YANG GZUNG BAR BYA'O, ,'GRO BA DANG MI 'GRO BA ZHES BYA BA NI 'THOB PA DANG MI 'THOB PA'O, ,NYE BAR GNAS PA NI 'JUG PA 'AM RAB TU 'BYED PA'O, ,DON NI 'DI YIN TE, STONG PA NYID 'DI BSGOMS NA GANG ZAG STONG PA BZHIN DU GZHAN LA PHAN PA'I RGYUR 'GYUR RO, ,DE BAS NA DE PHYIN CI MA LOG PAR GOMS PA LAS DGE BA 'PHEL BAR 'GYUR LA, BZLOG NA BSGRIB PAR 'GYUR RO, ,DE MNGON DU GYUR BA DANG MNGON DU MA GYUR PA YANG PHAN PA DANG PHAN PA MA YIN PA THOB PAR BYED PA YIN GYI, YOD PA TZAM GYIS PHAN PA DANG PHAN PA MA YIN PAR BYED PA MA YIN PAS SNGAR SMRAS PA'I THAL BAR 'GYUR BA MED DE, DE'I 'OG TU NI 'DUL BA 'DZIN PA DANG, MA MO 'DZIN PA RNAMS KYI DOGS PA BSAL BA'I PHYIR BSTAN PA YIN NO, ,DE LA 'DI NI 'DUL BA'I DON LA BRTZON PA RNAMS KYI DOGS PA YIN TE, SNA TSOGS PA NYID MED PA YIN NA 'DUL BA LAS LTUNG BAR 'GYUR BA LA GNAS PA'I DGE SLONG RNAM PA BZHI DANG LTUNG BA MED PA ZHES CI'I PHYIR GSUNGS SHE NA, DE LA 'DIR RE ZHIG BTZUN PA SHA RA DVA TI'I BU GANG DAG LTUNG BA'I RTZA BA BZHI LA GNAS PA DE DAG KYANG ZHES BYA BA LA SOGS PA GSUNGS TE, LTUNG BA'I RTZA BA SMOS PAS NI DGE 'DUN LHAG MA YANG MTSON PAR BYED PA YIN NO, ,BZHI LA GNAS PA SMOS PAS NI MI GNAS PA YANG MTSON PAR BYED PA YIN NO, ,DE DAG KYANG RTZA BA MED PA LA GNAS PA'O ZHES BYA BA NI DE DAG CHOS KYI DBYINGS LA GNAS PA ZHES BYA BA'I THA TSIG STE, 'DI LA RTZA BA THOG MA YOD PA MA YIN PAS RTZA BA MED PA NI CHOS KYI DBYINGS TE, CHOS NYID NI DUS THAMS CAD DU GNAS PA'I PHYIR RO, ,DE LA GNAS PA NI DE'I BDAG NYID DU GYUR PA STE, CHOS THAMS CAD DE BZHIN NYID KYI BDAG NYID YIN PA'I PHYIR RO, ,RTZA BA DANG RTZA BA MED PA LA GNAS PA MED PA ZHES BYA BA 'DI'I TSIG GI DON SGRO BTAGS NAS PHA ROL PO DAG RGOL BA NI DE CI'I PHYIR ZHE NA ZHES BYA BA YIN TE, DE LTA NA NI SHIN TU 'DUL BA DANG 'GAL @124B BAR JI LTAR MI 'GYUR ZHES BYA BA'I THA TSIG GO, ,DGONGS PA'I TSIG GI DON BRJOD PA NI BTZUN PA SHA RADVA TI'I BU SKYE BA MED PA LA RTZA BA 'AM, RTZE MO ZHES BYA BA MED PA'I PHYIR RO ZHES BYA BA STE, SKYE BA MED PA NI CHOS KYI DBYINGS SO, ,RTZE MO MED PA NI THA MA'O, ,DE CI'I PHYIR SMOS, JI TZAM DU RTZA BA MED PA ZHES BYA BA DE KHO NAS SKABS KYI DON GSAL BAR GYUR PA KHO NA YIN MOD CE NA, THA MA SMOS PAS THOG MA GSAL BAR BYA BA'I PHYIR RO, ,DE LTA MA YIN PAR RTZA BA 'BA' ZHIG SMOS NA RTZA BA 'BYUNG BA NYI TSE GRAGS PAR 'GYUR GYI SKABS LA PHAN PA MED PAR 'GYUR RO, ,THA MA MED CES BYA BA NI CHOS KYI DBYINGS RNAM GRANGS GZHAN GYIS BSTAN PA'I PHYIR TE, 'DI LTAR DE LTAR NA THAMS CAD KYI CHOS KYI DBYINGS NI DUS THAMS CAD PA YIN NO, ,DE BAS NA RTZA BA MED PA'I DGE SLONG ZHES BYA BA DE NI MI GNAS PA'I DGE SLONG GI TSIG BLA DAGS SO ZHES GANG GSUNGS PA YIN NO; ,RTZA BA MED PA ZHES BYA BA NI RTZA BA BYUNG BA DANG BRAL BA'O, ,MI GNAS PA ZHES BYA BA NI BDAG TU 'DZIN PA LA SOGS PA LA MI GNAS PA DANG, STONG PA NYID KYI BDAG NYID CES BYA BA'I BAR YIN NO, ,'DUL BA 'DZIN PA DANG RGOL BA LTUNG BA LA RTZOD PA DANG 'THAB PA BYUNG BA LA RTZOD PA'I DGE SLONG DANG, DE DAG DANG BRAL NA SEMS DANG BAR BYED CING 'JIG RTEN NA YON GNAS SU BYA BA RNAM PA SNA TSOGS MED NA DE DAG RNAM PAR GZHAG PAR JI LTAR 'GYUR ZHE NA, DE'I PHYIR RTZOD PA BYUNG BA ZHES BYA BA DE NI LHAG PAR SGRO 'DOGS PA ZHES BYA BA'I TSIG BLA DAGS SO ZHES GSUNGS TE, LHAG PAR SGRO 'DOGS PA NI GANG LA GZUNG BA LA SOGS PAS LHAG PAR SGRO 'DOGS PA STE, LHAG PAR SGRO 'DOGS PA NI CHOS KYI DBYINGS KHO NA LA BYA'O, ,SNA TSOGS PAR SO SOR SNANG BA 'BYUNG BA DANG RTZOD PA LA SOGS PAR GZHAG PA YOD DU ZIN KYANG, 'ON KYANG THAMS CAD KYANG SEMS KYI CHOS NYID GNYIS SU MED PA LAS MI LDOG GO ZHES BYA BA NI BSDUS PA'I DON YIN NO, ,DE LA LHAG PAR SGRO 'DOGS PA'I CHOS KYI DBYINGS ZHES BYA BA LA SPYOD PA NI 'JIG RTEN NA SBYIN GNAS SU 'GYUR TE, DE LA SPYOD PA NI JI LTA BA BZHIN DU SHES PA'O, ,SPYOD PA NI @125A *, ,RTOGS PA YIN PA'I PHYIR RO, ,DE BAS NA BSOD NAMS MI NYUNG BA BSAGS PA'I GNAS YIN PA'I PHYIR DE NYID MCHOD GNAS SU 'OS PA YIN NO, ,YI GE KHA CIG LAS NYES PAR SGRO 'DOGS PA LA SPYOD PA ZHES 'BYUNG STE, DE LA NYES PA ZHES BYA BA NI LTUNG BA LA SOGS PA LA BYA LA, DE CHOS KYI DBYINGS GANG LA SGRO 'DOGS PA YOD PA DE LA DE SKAD CES BYA BA 'BRU MANG POR BYA'O, ,BTZUN PA SHA RADVA TI'I BU LHAG PAR SGRO 'DOGS PA LA SPYOD PA ZHES BYA BA 'DI'I SGRA'I DON BZUNG NA LHAG PAR SGRO 'DOGS PA LA SPYOD PA'AM, RTZOD PAR SGRO 'DOGS PA LA SPYOD PA NI YON GNAS YIN NO, ,DE CI'I PHYIR ZHE NA ZHES BYA BA NI RGYUD RNAM PAR MA DAG PA JI LTAR YON GNAS SU'O ZHES SEMS PA'O, ,RNAM PAR PHYE STE MDOR STON PA NI 'DI LTAR MNYAM PA LA DE LHAG PAR SGRO 'DOGS PA'I PHYIR RO ZHES GSUNGS TE, MNYAM PA 'DRA BA KUN LA KHYAB PA DE LA LHAG PAR SGRO 'DOGS PA NI CHOS KYI DBYINGS LA BYA STE, 'DI LA LHAG PAR SGRO 'DOGS PA ZHES SNGA MA BZHIN DU SBYAR RO, ,MA MO'I DON LA BRTZON PA DAG SEMS PA SNA TSOGS PA MED NA DAD PA DANG DAD PA MED PA DANG, LHAG PA'I SEMS LA SPYOD PA ZHES BYA BA'I BAR DU 'DI DAG JI LTAR RNAM PAR DBYE, 'DI LTAR DAD PA ZHES BYA BA NI LAS DANG 'BRAS BU DANG BDEN PA DANG, DKON MCHOG LA MNGON PAR YID CHES PA GANG YIN PA'O, ,RUNG BA 'DI LA YOD PAS RUNG BA CAN TE, 'DUL BA LAS GSUNGS PA BZHIN DU RUNG BA LA RJES SU GNAS PA'O, ,TSUL YANG DAG PAR MA BCOM PA NI SRID PA'I MTSAN NYID 'KHOR BA LA MNGON PAR DGA' BA DANG, GZUGS LA DGA' BA'I TSUL RTZA BA NAS BTON PA'O, ,SKYE BA LA SOGS PA'I 'JIGS PA LAS RGAL BA NI GANG GIS 'JIGS PA'I RGYU NYON MONGS PA'I TSOGS SPANGS PA'I PHYIR TE, DE NI 'JIGS PA LAS RGAL BA'O, ,BZOD PA SKYES PA CAN NI GANG ZHIG SDUG BSNGAL LA CHOS SHES PA'I BZOD PA SKYES PA'O, ,DUL BA NI SPYOD PA BZANG PO CAN NO, ,LHAG PA'I SEMS LA SPYOD PA NI ZAG PA MED PA'I TING NGE 'DZIN THOB PA'O, ,BZLOG PA NI MA DAD PA LA SOGS PA YIN NO ZHE NA, RNAM PAR DBYE @125B BA DE DAG SNANG BA THAMS CAD KYANG CHOS KYI DBYINGS RO GCIG PA LA YANG 'GAL BA MED DE, RNAM PA DU MA SNANG ZHING STON PA'I SEMS DANG SEMS LAS BYUNG BA GNYIS SU MED PA LA YANG DE LTAR SNANG BA'I PHYIR RO, ,DE LTAR NA RNAM PAR BYANG BA NYID LA SOGS PA DANG LDAN PA'I SGO NAS MA DAD PA LA SOGS PA RNAM PAR GZHAG GO, ,LOG PAR LTA BA LA SOGS PA DANG LDAN PA'I SGO NAS DAD PA LA SOGS PAR GZHAG GO, ,THA SNYAD NI BRJOD PAR 'DOD PAS BKOD PA'I RNAM PA'I RGYU KHO NA LAS YIN GYI, DNGOS SU YOD PA LA LTOS PA NI MA YIN PAS 'DI LA MNGON PAR ZHEN PAR MI BYA'O, ,TSIG DE DAG NYID KYI RGYU MTSAN NI BRJOD PAR 'DOD PA'I RNAM PA TZAM YIN PAR STON PA NI YON TAN DANG LDAN PA THA SNYAD DU MA DAD PA LA SOGS PA NYID YIN PAR BSTAN PA'I PHYIR, BTZUN PA SHA RADVA TI'I BU DGE SLONG DAD PA CAN NI DAD PAS BYIN PA SPYOD PA'I 'OS MA YIN NO ZHES BYA BA LA SOGS PA GSUNGS SO, , DE LA DAD PA NI 'DOD PA YIN TE, BDAG DANG BDAG GI BA LA SOGS PA LA MNGON PAR CHAGS PA ZHES BYA BA'I THA TSIG GO, ,DE 'DI LA YOD PAS DAD PA CAN NO, ,MA DAD PA NI BZLOG PA STE, ,SRED PA DANG BRAL BA'O, ,DE NI DGRA BCOM PA STE, RGYUD YONGS SU DAG PA'I PHYIR RO, ,ZLA BA SGRON MA'I TING NGE 'DZIN LAS 'DI SKAD DU DE DAG NI ZAS RO BRGYA DANG LDAN PA ZHES BYA BA LA SOGS PA GSUNGS PA YIN NO, ,RTOG PAR BYED PA NI RTOG PA STE, TSUL BZHIN MA YIN PAR RNAM PAR RTOG PA'O, ,DE 'DI LA YOD PAS BRTAGS PA CAN NO, ,'DI YANG 'OS MA YIN TE, RGYUD YONGS SU MA DAG PA'I PHYIR RO, ,BZLOG PA NI BRTAGS PA CAN MA YIN TE, GANG DUS THAMS CAD DU TSUL BZHIN YID LA BYED PAR MNGON PAR DGA' BA'O, ,SRED PA 'AM 'KHOR BA'I RGYUN GYI TSUL BRTZON PAR BYAS NA RGYUN MA ZAD PAR TSUL YANG DAG PAR BCOM PA ZHES BYA BAR MI SRID PAS NA, 'JAM DPAL CI LAS BSAMS TE DE SKAD SMRA ZHES DRIS SO, ,RANG GI BSAM PA STON PA NI MNYAM PA NYID YANG DAG PAR 'JOMS PAR MI BYED DE, MNYAM PA NYID DE NYID TSUL YIN NO ZHES BYA BA YIN NO, ,MNYAM PA NYID YANG DAG PAR 'JOMS PAR MI BYED DE ZHES BYA BA NI 'DIS MI BYED CES BYA BA KHONG NAS @126A *, ,DBYUNG NGO, ,MNYAM PA NYID NI GANG ZAG STONG PA NYID DO, ,DE 'DIS THE TSOM DANG PHYIN CI LOG GI SHES PA GNYIS KYIS YANG DAG PAR 'JOMS PAR MI BYED DO, ,DE GNYIS KYIS YUL DU BYED PA NYID NI 'JOMS PAR BYED PA YIN NO, ,GAL TE DES MNYAM PA NYID YANG DAG PAR 'JOMS PAR MI BYED NA DE LTA NA MNYAM PA NYID YANG DAG PAR 'JOMS PAR MI BYED CES BYA BAS CHOG MOD, TSUL YANG DAG PAR MA BCOM PA ZHES CI'I PHYIR SMOS SHE NA, MNYAM PA NYID CES GSUNGS PA STONG PA NYID KYI BDAG NYID MNYAM PA NYID DE NYID SNGAR BSTAN PA'I TSUL YIN TE DON THA DAD PA CUNG ZAD KYANG MED DO, ,DE BAS NA GANG GIS YANG DAG PAR MA BCOM PA YANG DAG PAR MA RTOGS PA DE DE LTA BU YIN NO ZHES BYA BA'I TSIG GI DON DU GNAS SO, ,'JIGS PA MTHA' DAG DANG BRAL BA'I DGRA BCOM PA NI 'JIGS PA NYID DANG MA BRAL BAR MI SRID DO SNYOM NAS, 'JAM DPAL CI LAS BSAMS TE DE SKAD SMRA ZHES DRIS SO, ,'DIR BRJOD PAR BZHED PA NI DE'I 'JIGS PA CUNG ZAD TZAM YANG MED NA CI ZHIG LAS RGAL BAR 'GYUR ZHES GSUNGS TE, 'DI SNYAM DU 'JIGS PA ZHIG YOD NA NI LAS RGAL TAM MA RGAL ZHES BRTAGS GRANG NA, DGRA BCOM PA'I GNAS SKABS NA NI 'JIGS PA CUNG ZAD TZAM YANG YOD NA DE GANG LAS RGAL BA ZHES BYA STE, SNGON NYID NAS 'JIGS PA LNGA LAS 'DAS PA'I PHYIR RO, ,GANG GIS SDUG BSNGAL LA CHOS SHES PA'I BZOD PA ZHES BYA BA LA SOGS PA CHOS CUNG ZAD TZAM YANG 'PHAGS PA'I BDEN PA BZHI BSGOMS PAS MA SKYED PA DE MA SKYES PA'I BZOD PA CAN GYI 'PHAGS PA'I GANG ZAG CES BYA STE, MA SKYES PA'I BZOD PA CAN GANG YIN PA ZHES TSIG RNAM PAR SBYAR NAS SO, ,'DI LTAR DE NI RANG BZHIN KHO NA YIN GYI DE LA MA GTOGS PAR BZOD PAR BYED PA'I BYED PA PO MA YIN TE, MA SKYES PA YIN NO, ,DE CI'I PHYIR ZHE NA ZHES BYA BA NI MA DUL BA NI NGAN PAR SPYOD PA YIN NA DE LAS BZLOG PA NYID DU LUS DANG NGAG ZHI BAR MI SRID DO SNYAM PA YIN NO, ,RANG GI DGONGS PA NI MA DUL BA NI DUL LA, DUL BA NI MA DUL BA ZHES GSUNGS TE, GANG GIS ZHES BYA BA LHAG MA YIN NO, ,MA DUL BA NI SMAD PA YIN PA'I PHYIR, GANG @126B GIS 'DUL BAR BYED CING SKROD PA DE LA DE SKAD CES BYA'O, ,DUL BA NI MA DUL ZHES BYA BA CI'I PHYIR SMOS, DE NI SHUGS KYIS GO BAR 'GYUR RO ZHE NA, DE NI BDEN TE, 'ON KYANG 'DUL BA DANG BRAL BA MA YIN NA NI 'DUL BA YIN NO ZHES BYA BA 'DI LA DGONGS NAS SMOS TE, GSAL BAR BYA BA'I PHYIR RO; ,ZAG PA MED PA'I TING NGE 'DZIN DANG BRAL BA RNAMS JI LTAR LHAG PA'I SEMS LA SPYOD PA NYID YIN ZHES BSAMS NAS 'JAM DPAL CI LAS BSAMS TE DE SKAD SMRA ZHES SMRAS SO, ,LAN DU BTZUN PA SHA RA DVA TI'I BUS SMRAS PA 'DI LTAR DE LHAG PAR BYED PA'I PHYIR RO ZHES BYA BA YIN TE, LHAG PAR BYED PA NI SEMS NYID LA LHAG PAR BDAG TU MNGON PAR ZHEN NAS THA SNYAD DU BYED DO ZHES BYA BA'I BAR DU YIN NO, ,GZHAN DAG NA RE BYA BA MA YIN PA BYED PA BZLOG PA'I PHYIR 'PHAGS PA NI LHAG PA'I SEMS LA SPYOD PA MA YIN NO ZHES BSTAN PA YIN NO, ,SEMS CAN DMAN PA GZHAN DAG 'DI SNYAM DU NYAN THOS DGRA BCOM PA DANG, RANG SANGS RGYAS KYI SA LA BKOD PA NI BLO MCHOG DANG LDAN PA YIN NO SNYAM PA'I SEMS 'DI SKYES NAS, 'PHAGS PA 'JAM DPAL 'DI YANG DGRA BCOM PA ZAG PA ZAD PA YIN PA SNYAM, DE LTA BU MA YIN NA SHIN TU ZAB PA'I DE KHO NA NYID STON PAR SU ZHIG NUS PA YOD CE NA, DE'I DOGS PA LA LTOS NAS, SHES RAB MCHOG DANG LDAN PAS 'JAM DPAL KHYOD KYIS DGRA BCOM PA ZAG PA ZAD PA JI LTA BA DE BZHIN DU SMRAS PA LEGS SO LEGS SO ZHES GSUNGS SO, ,ZAG PA ZAD PA NI DGRA BCOM PA NYID KYI GTAN TSIGS YIN NO, ,JI LTAR DE DAG 'CHAD PA DE BZHIN DU KHYOD KYANG DE KHO NA NYID STON TE, DE'I NGO BO MA YIN PA NI 'DI LTA BU BYED PAR RIGS PA MA YIN NO, ,DE BAS NA KHYOD KYANG DGRA BCOM PA MA YIN NO ZHE NA, 'JAM DPAL GYIS SMRAS PA, BTZUN PA SHA RADVA TI'I BU DE DE BZHIN TE ZHES BYA BA LA SOGS PAS BDAG DGRA BCOM PA NI MA YIN GYI ZAG PA ZAD PA NI YIN PAR KHAS BLANGS SO, ,DE CI'I PHYIR ZHE NA ZHES BYA BA NI PHAN TSUN 'GAL BA'I TSIG 'DI JI LTAR RUNG, THAMS CAD LA YANG DGRA BCOM PA MA YIN PAR ZAG PA ZAD PA NYID YIN PAR MI RUNG NA KHYOD GZHAN DU JI LTAR GYUR ZHES BSAMS PA'O, ,BTZUN @127A *, ,PA SHA RA DVA TI'I BU 'DI LTAR ZHES BYA BA LA SOGS PAS RANG GI BSAM PA STON TO, ,'DI SKAD BSTAN TE, BYANG CHUB SEMS DPA' NI NYAN THOS DANG RANG SANGS RGYAS RNAMS KYI SA LA 'DOD PA DAG ZAG PA'I GNAS BZHIN DU SPANGS PA'I PHYIR RO, ,DE YANG NGA'I ZAD DO ZHES BYA BA YIN NO, ,DE LTAR RNAM GRANGS 'DIS NA KHO BO ZAG PA ZAD MOD KYI ZHES GSUNGS TE, NYAN THOS KYI SA MI GNAS SO ZHES BYA BA'I THA TSIG GO, ,GZHAN DAG YID GNYIS ZA BA SNA TSOGS PA MED NA, CI'I PHYIR SRID PA THA MA PA KHO NA BYANG CHUB KYI SNYING POR 'DUG NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA LA, GZHAN NYAN THOS LA SOGS PA NI MA YIN NA, DE'I PHYIR DE'I DOGS PA GNAS MED PA NYID DU BSTAN PA'I PHYIR 'JAM DPAL BYANG CHUB SEMS DPA' SEMS DPA' CHEN PO BYANG CHUB KYI SNYING POR 'DUG LA ZHES BYA BA LA SOGS PA DRIS TE, CI RNAM PA 'DI LTA BU SRID DAM ZHES BYA BA'I THA TSIG GO, ,SRID DO ZHES BYA BA'I PHYIR 'JAM DPAL GYIS GSOL BA, BCOM LDAN 'DAS BYANG CHUB SEMS DPA' SEMS DPA' CHEN PO BYANG CHUB KYI SNYING POR MCHIS LA ZHES BYA BA LA SOGS PA GSOL TO, ,DE CI'I SLAD DU ZHE NA ZHES BYA BA NI BSOD NAMS DANG YE SHES KYI TSOGS DON MED PAR JI LTAR MI 'GYUR ZHES BYA BA YIN NO, ,'DI'I LAN DU, 'DI LTAR BYANG CHUB LA CHOS 'DZIN PAR RNAM PAR RTOG PA LA SOGS PA CUNG ZAD TZAM YANG MA MCHIS SO, ,DE NYID KYI PHYIR MI DMIGS SO, ,GTAN TSIGS DE'I SLAD DU SPROS PA THAMS CAD DANG BRAL BA'I YE SHES KYI BDAG NYID NI BLA NA MED PA YANG DAG PAR RDZOGS PA'I BYANG CHUB CES BGYI'O ZHES GSUNGS SO, ,'DI'I PHYIR YANG 'DI GNYIS MED PA KHO NA YIN PA'I PHYIR GANG GIS BYANG CHUB PAR BYED PA BDAG NYID DANG BYANG CHUB PA'O, ,BYED PA PO BDAG NYID MED DO ZHES SNGAR BSTAN PA'I RIGS PA BSTAN PA'I PHYIR, BYANG CHUB DE YANG MA SKYES PA ZHES BYA BA LA SOGS PA GSUNGS TE, BYED PA'I NGO BO'I BYANG CHUB DE YANG MA SKYES PA'O, ,DE LA GANG ZHIG BYED PA POR 'GYUR BA'I BYANG CHUB KYI SNYING PO LA MCHIS PA'I NGO BO 'GA' YANG MA MCHIS SO, ,SU ZHIG BYED PA PO KHO NAR GYUR TE, BYANG CHUB MNGON PAR RDZOGS @127B PAR 'TSANG RGYA BA'AM, GZHAN 'GA' ZHIG BYED PAR GYUR PA GANG GIS BYANG CHUB MNGON PAR RDZOGS PAR 'TSANG RGYA BA'AM, LAS SU GYUR BA GANG LA BYANG CHUB MNGON PAR RDZOGS PAR 'TSANG RGYA BA 'GAL BA'AM, BYED PA POR GYUR PA GANG GIS MNGON PAR BYANG CHUB NAS BYANG CHUB KYI SNYING PO LAS LDANG BA GANG YANG MA MCHIS SHING MI DMIGS SO, ,GAL TE DE LTA NA JI LTAR BYANG CHUB KYI SNYING PO ZHES BYA ZHE NA, 'GAL BA MED DE, KUN RDZOB KYI BDEN PA LA BRTEN NAS DE BZHIN BSTAN PA'I PHYIR RO, ,KHA CIG GI BLO LA GAL TE BYANG CHUB RNAM PA DE LTA BU YIN NA, RE ZHIG 'DI LA BYANG CHUB SEMS DPA' KHO NA ZHES CI'I PHYIR BYA STE, MED PA DE LA NI SEMS DPA' YIN PAR 'GA' YANG DMIGS PA MA YIN NO SNYAM NA, 'DI NI SGYU MA LTA BU'I CHOS RNAMS LA KUN BRTAGS TE BSTAN PA YIN NO ZHES DGONGS NAS, 'JAM DPAL BYANG CHUB CES BYA BA DE GANG GI TSIG BLA DAGS ZHES BKA' STZAL TO, ,DE'I PHYIR STZAL BAR BYA ZHING BKAS SMOS PA'I DGONGS PA DANG RJES SU MTHUN PA NYID DU BCOM LDAN 'DAS BYANG CHUB CES BGYI BA DE NI MTSAMS MA MCHIS PA LNGA PO DAG GI TSIG BLA DAGS LAGS SO ZHES 'DI NYID MNYAM PA LA DGONGS TE GSOL TO, ,DGONGS PA MA RTOGS NA KHA CIG SKRAG PAR 'GYUR BAS DE CI'I SLAD DU ZHE NA ZHES DRIS TE, JI LTAR SDIG PA'I RANG BZHIN GYI TSOGS DAG YON TAN GYI TSOGS KYI RANG GI NGO BOR KHAS BLANG DU RUNG ZHES BYA BA'I THA TSIG GO, ,DGONGS PA STON PA NI BCOM LDAN 'DAS 'DI LTAR DNGOS PO MA MCHIS PAS MTSAMS MA MCHIS PA LNGA PO DE DAG NYID BYANG CHUB KYI RANG BZHIN TE ZHES BYA BA YIN TE, BYANG CHUB NYID KYI RANG BZHIN GANG DAG YIN PA DE LA 'DI SKAD CES BYA'O, ,CI'I PHYIR ZHE NA, 'DI LTAR DNGOS PO MA MCHIS PA STE, CHOS THAMS CAD BYED PA DANG, BYED PA PO LA SOGS PAR BRTAGS PA DANG BRAL BA'I PHYIR RO, ,DE DAG BYANG CHUB KYI RANG BZHIN NYID LAGS PA'I GTAN TSIGS DE'I SLAD DU BYANG CHUB DE NI MTSAMS MA MCHIS PA LNGA'I RANG BZHIN CAN LAGS TE, MTSAMS MED PA DANG 'DRA BAR 'DI YANG LAGS PA'I PHYIR RO, ,MTSAMS MED PA RNAMS DNGOS PO MED PA'I NGO BO NYID DU JI SKAD BSTAN PA @128A *, ,NI RIGS GRANG NA, BYANG CHUB GO JI LTAR YIN, DE YANG MTSAMS MED PA RNAMS DANG, CHOS GZHAN RNAMS MNGON PAR RTOGS PA ZHES BYA BA NI BYED PA'I NGO BO YIN LA, BYED PAS NI BYED PA PO 'PHEN PAR 'GYUR RO ZHE NA, DE'I PHYIR MTSAMS MA MCHIS PA RNAMS MNGON PAR RDZOGS PAR RTOGS PA ZHES BYA BA LA SOGS PA GSUNGS SO, ,DE CI'I SLAD DU ZHE NA ZHES BYA BA NI MA LA SOGS PA GSAL BAR MNGON SUM DU RIG PA RNAMS JI LTAR BSAD PAR NUS, DE LTA BUR GYUR PA RNAMS KYANG MED PA YIN NA NI SEMS KYANG YOD PA NYID KYI TSAD MA CI ZHIG YOD CES PAS BSAMS PA'O, ,LAN DU SKYED PAR BYED PA LA SOGS PA'I CHOS THAMS CAD NI SHIN TU GCIG KHO NAR MNGON SUM MA LAGS SO, ,DE BAS NA CHOS DE DAG NI SANGS RGYAS DANG SO SO'I SKYE BO'I BAR DU GANG GIS KYANG BSGOMS PA LAS BYUNG BA'I SHES PAS MNGON PAR RDZOGS PAR MA RTOGS PAR MIG GI RNAM PAR SHES PAS MA MTHONG, RNA BA'I RNAM PAR SHES PAS MA THOS, BSAMS PA LAS BYUNG BA'I SHES PAS MA 'TSAL, DE LAS GZHAN PA'I YID KYI RNAM PAR SHES PAS MA RTOGS, BAR GYI TSIG GIS THOS PA DANG, MYONG BA DANG, REG PA RNAMS GZUNG NGO, , DGONGS PA NI 'DI YIN TE, MA LA SOGS PA MNGON SUM GYIS RIG PA RNAMS RDUL PHRA MO'I NGO BO YIN NAM, CHA SHAS CAN GYI NGO BO ZHIG GRANG, DE GNYI GA YANG RIGS PA DANG LDAN PA MA YIN TE, 'DI LTAR YUL THAG RING PO NA BAR MED PAR GNAS PA RNAMS RDUL PHRAN YIN PAR MI RIGS TE, DUS THAMS CAD DU CHA SHAS DANG BCAS PAR 'DUG PA YIN NO, ,DE LTAR NA RDUL PHRA MO GCIG PU NI JI LTAR YANG 'THAD PA MA YIN NO, ,GCIG MA GRUB NA DU MA'I NGO BO YANG RIGS PA MA YIN TE, DE BAS NA RDUL PHRA RAB PHYI ROL NA GNAS PA NI 'GA' YANG YOD PA MA YIN TE, GCIG DANG DU MA'I NGO BO DANG BRAL BA'I MI'I RVA BZHIN NO, ,RDUL PHRA RAB MA GRUB PA'I PHYIR CHA SHAS CAN YANG YOD PA MA YIN TE, DE LTAR RDUL PHRA RAB RNAMS KYIS DE BRTZAMS PA YIN PAR YONGS SU BRTAGS PA YIN NO, ,RGYA CHER DPYAD PA'I GTAM 'PHROS PA 'DI RE ZHIG GZHAG GO, ,DE LTA BU NI @128B BYANG CHUB BO ZHES BYA BA NI MJUG SDUD PA STE RNAM PA DE LTA BU'I BYANG CHUB NI CHOS THAMS CAD DMIGS SU MED PA'I BDAG NYID YIN NO ZHES BYA BA'I THA TSIG GO, ,'O NA JI LTAR GZUGS DANG SGRA LA SOGS PA DMIGS PA RNAMS BCOM LDAN 'DAS NYID KYIS MNGON PAR RDZOGS PAR SANGS RGYAS SHING MNGON SUM GYI BAR DU BYAS PA YIN PAR BSTAN CE NA, DE LTA LAGS KYIS KYANG BCOM LDAN 'DAS MNGON PA'I NGA RGYAL CAN DAG GIS MNGON PAR RDZOGS PAR SANGS RGYAS PA NAS MNGON SUM DU BGYIS PA'I BAR DU DE DAG GZHAG GO, ,NYE BAR GZHAG GO, ,BAR GYI SGRAS MTHONG BA DANG, THOS PA LA SOGS PA'I RNAM GRANGS GZUNG NGO, ,KHYOD KYANG MNGON PA'I NGA RGYAL CAN YIN NAM ZHE NA, DE BZHIN GSHEGS PA NI BDAG GI DE BZHIN GSHEGS PA'O ZHES DE LTAR THA SNYAD DU BYED CES DOGS PA BSAL BA'I PHYIR, 'JAM DPAL CI KHYOD NGA LA 'DI SNYAM DU DE BZHIN GSHEGS PA NI BDAG GI DE BZHIN GSHEGS PA'O SNYAM SEMS SAM ZHES BKA' STZAL TE, SEMS LA ZHES BYA BA NI TSIG LHAG MA'O, ,TSIG GNYIS KYIS MNGON PAR ZHEN PA STON TE, 'DI LTAR THA SNYAD TZAM LAN DU MAR BRJOD PA LAS MNGON NO, ,BCOM LDAN 'DAS DE NI MA LAGS SO ZHES BYA BA NI MNGON PAR ZHEN PA DE LA RTZOD PA'O, ,DE CI'I SLAD DU ZHE NA ZHES BYA BA NI DE BZHIN GSHEGS PA'I SRAS NYID DU SHIN TU GRAGS PA KHYOD JI LTAR YAB LA MNGON PAR ZHEN PAR MI BYED CES DGONGS PA'O, ,BCOM LDAN 'DAS 'DI LTAR DE BZHIN GSHEGS PA NI BDAG GI DE BZHIN GSHEGS PA'O SNYAM DU MI SEMS PA'I SLAD DU'O ZHES BYA BA NI LAN NO, ,BRGAL BA GANG YIN PA DE NYID LAN DU BYAS PA MA YIN NAM ZHE NA, MA YIN TE BYE BRAG YOD PA'I PHYIR RO, ,GANG GIS BDAG DE SNYAM DU MI SEMS PA NI RANG GI NGO BO DMIGS PA SNGON DU SONG BA'I NYES PA RGYUN MI 'CHAD PAR RAB TU 'JUG PA YIN NO, ,DE BZHIN GSHEGS PA NI BDAG GI DE BZHIN GSHEGS PA YIN NO ZHES BYA BA NI THA SNYAD YIN NO, ,DE BAS NA 'DI'I RJES SU 'BRANG STE, BDAG GI MNGON PAR ZHEN PA 'JUG PA MA YIN NO ZHES BSTAN PA YIN NO, ,DE CI'I SLAD DU ZHE NA ZHES BYA BA NI YON TAN PHUN SUM TSOGS PA MCHOG GI GNAS YAB LA @129A *, ,RE ZHIG JI LTAR MI DMIGS ZHES DGONGS PA'O, ,LAN NI BCOM LDAN 'DAS 'DI LTAR DE BZHIN NYID NI DE BZHIN GSHEGS PA NYID DO ZHES BYA BA YIN NO, ,NI ZHES BYA BA NI GANG GI PHYIR ZHES BYA BA'I DON TO, ,DE BZHIN NYID DE BZHIN DU RNAM PAR GNAS PA NI STON PA YIN NO ZHES BYA BA'I THA TSIG GO, ,DE BZHIN DU ZHES BYA BA NI GZUNG BA DANG 'DZIN PA MED PA'I NGO BOR RO, ,KHA CIG LA GTAN TSIGS 'DRI BA NI MI SMOS PAR DE'I DE NYID KYANG DE BZHIN NYID DE ZHES DE SKAD DU 'BYUNG BA DE'I DON YANG 'DI LTA STE, BCOM LDAN 'DAS DE NYID KYANG DE NYID KYI DNGOS PO DE NYID DE BZHIN NYID YIN TE, GZUNG BA DANG 'DZIN PA'I RNAM PA DANG BRAL BA NYID DE BZHIN NYID YIN NO ZHES BYA BA'I THA TSIG GO, ,DE'I DE NYID KYI DNGOS PO NYID DE BZHIN NYID YIN NO ZHES BRJOD PAR BYA BA LAS DNGOS PO DE NYID DE BZHIN NYID YIN NO ZHES GSUNGS PA NI CHOS CAN GYI NGO BO DE LAS DON GZHAN DU 'GYUR BA NYID 'GAG PA'I PHYIR RO, ,GZUNG BA DANG 'DZIN PA'I RNAM PA DANG BRAL BA NYID STON PA YIN PAR SHES PAR BYA BA'I PHYIR, DE BZHIN GSHEGS PA NYID KYIS DE BZHIN GSHEGS PA RNAM PAR RIG PAR MI BGYID CING, DE BZHIN GSHEGS PAS KYANG DE BZHIN NYID RNAM PAR RIG PAR MI BGYID DO ZHES GSUNGS TE; 'DI NI GANG GIS GZUNG BAR BYA BA YANG MA YIN LA, DE BZHIN NYID KYI BDAG NYID DE NI BSTAN PAR BYA BA'I PHYIR RNAM PAR RIG PAR MI BGYID DO, ,DE CI'I SLAD DU ZHE NA ZHES BYA BA NI BYANG CHUB PA DANG CHOS KYI 'KHOR LO BSKOR BA LA SOGS PA SANGS RGYAS KYI SPYAN GYIS RNAM PAR GZIGS PA RNAMS GZUNG BA DANG 'DZIN PA DANG BRAL BAR JI LTAR KHAS BLANGS ZHES DGONGS PA'O, ,LAN NI, BCOM LDAN 'DAS 'DI LTAR DON DAM PAR NA DE BZHIN NYID NI DNGOS PO MA MCHIS SHING, DE BZHIN GSHEGS PA YANG DNGOS PO MA MCHIS PA'I SLAD DU'O ZHES BYA BA YIN TE, DE BZHIN NYID CES BYA BA NI 'DZIN PA DANG GZUNG BA YIN PAR 'JIG RTEN PA'I BDAG NYID 'DOD LA, DE LA NGO BO DE'I DNGOS PO MED PA YIN NO, ,DE BZHIN GSHEGS PA YANG DE LTAR KUN BRTAGS PA'I DNGOS PO MED PA KHO NA YIN TE, DE YANG DE BZHIN NYID KYI NGO BO LAS MI 'DA' BA'I PHYIR RO, ,DE LTAR NA GZUNG BA DANG @129B 'DZIN PA RNAM PAR GZHIG PA DANG, RDUL PHRA MO LA SOGS PA BKAG PA BSTAN PAS 'DI BSGRUBS ZIN TE YANG BSTAN MI DGOS KYI, TSIG GI MTSAMS SBYAR BA DANG, DOGS PA'I GNAS SPANG BA'I PHYIR RO, ,DON DAM PAR ZHES BYA BA'I TSIG NI RNAM PAR RTOG PA MA SPANGS SHING MNGON PAR ZHEN PA'I DBANG GIS GZUNG BA DANG 'DZIN PA'I DNGOS PO NI KUN RDZOB YIN PAR ZHAL GYIS BZHES PA YIN PA'I PHYIR RO, ,YANG DE NYID GSAL BAR BYA BA'I CHED DU 'OG NAS KYANG GTAN TSIGS BSTAN PA'I PHYIR DE BZHIN GSHEGS PA ZHES BGYI BA'I TSIG GIS BSTAN PA 'DI LTA STE, DON GYI NGO BO DE NI MING TZAM DU BAS TE MING TZAM SNYING PO YIN GYI, DON GYIS STONG ZHES BYA BA'I BAR DU YIN TE, DON DAM PAR CHOS THAMS CAD BRJOD DU MI RUNG BA'I PHYIR DANG, MA SKYES PA'I PHYIR RO, ,YANG NA DE BZHIN GSHEGS PA ZHES BYA BA'I TSIG DE NI 'DI LTA STE, MING BRJOD PA TZAM DU ZAD KYI BRJOD PAR BYA BAR 'OS PA MA YIN TE, 'DI SKAD DU, MING GIS MING NI STONG PA STE, ,MING LA MING NI YOD MA YIN, ,CHOS RNAMS THAMS CAD MING MED PA, ,MING NI KUN DU BRTAGS PA YIN, ,ZHES GSUNGS SO, ,GAL TE DE LTA NA DON DAM PAR YOD CING BRJOD PA'I GNAS SU GYUR PA GANG LA DE BZHIN GSHEGS PA NI BDAG GI DE BZHIN GSHEGS PA'O ZHES BRJOD PA DANG, MNGON PAR ZHEN PAR BYED PA'I DE BZHIN GSHEGS PA DE GANG YIN ZHE NA, GANG YANG MED DO ZHES SPONG BAR BYED PA NI GANG LA BDAG 'DI SNYAM DU DE BZHIN GSHEGS PA NI BDAG GI DE BZHIN GSHEGS PA'O SNYAM DU ZHES BYA BA LA SOGS PA 'DI YIN NO, ,THE TSOM GYIS BLO DKRUGS PA DAG GIS RA CHOD DU YONGS SU DRIS SU ZIN KYANG KHA CIG TSIG 'DI SNYAM DU DOGS PA SPANG BA'I PHYIR, BCOM LDAN 'DAS KYIS 'JAM DPAL KHYOD DE BZHIN GSHEGS PA LA THE TSOM ZA 'AM ZHES DRIS SO, ,BCOM LDAN 'DAS DE NI MA LAGS SO ZHES BYA BA NI DRIS MA THAG PA GANG YIN PA'O, ,'DI LTAR GAL TE RGYUN LA SOGS PA'I MTSAN NYID KYIS DE BZHIN GSHEGS PA 'BYUNG BA 'AM, RGYUN GZHAN DU GYUR PA'I NGO BOR YONGS SU GRUB PA'AM, RGYUN RGYUN CHAD PA'I BDAG NYID DU DE BZHIN GSHEGS PA YONGS SU MYA NGAN LAS 'DAS PA YANG @130A *, ,RUNG STE, DE BZHIN GSHEGS PAR YONGS SU GRUB PA 'GA' ZHIG MCHIS NA NI DE BZHIN GSHEGS PA YUL DE LA BDAG THE TSOM 'TSAL LO ZHES GSUNGS TE TSIG DE GSUM GYIS 'DUS BYAS KYI MTSAN NYID BSTAN PA YIN TE, SKYE BA DANG RGA BA DANG MYA NGAN LAS 'DAS PAR GYUR PA GANG YIN PA'I DE BZHIN GSHEGS PAR THA SNYAD GDAGS SU RUNG BA'I DON GYIS DNGOS PO 'DI NI 'GA' YANG YOD PA MA YIN TE, 'DI LTAR DE BZHIN GSHEGS PA ZHES BYA BA 'DI NI BYED PA'I RGYU MTSAN DU BSTAN PA YIN TE, DNGOS PO JI LTAR GNAS PA DE BZHIN DU GSHEGS PA'AM, RTOGS PA LA BYA NA, BYED PA RNAM PA DE GNYIS KA YANG RGYAS PAR BSAL ZIN TO,, ,,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA, BAM PO BZHI PA, KHA CIG GI BLO LA 'DI SNYAM DU GAL TE 'DUS BYAS KYI MTSAN NYID GSUM GYI DBYE BA YOD PA MA YIN NAM, SH'AKYA'I RIGS SAM GZHAN DU DE BZHIN GSHEGS PA 'BYUNG BA DANG, DE BZHIN DU MYA NGAN LAS 'DAS PAR MA BSTAN TE BZHUGS PA DANG, GANG G'A'I KLUNG GI BYE MA DANG MNYAM PA'I SANGS RGYAS BCOM LDAN 'DAS RNAMS YONGS SU MYA NGAN LAS 'DAS PA DE JI LTA BU DE BAS NI 'DIR 'JAM DPAL KHYOD DE BZHIN GSHEGS PA 'BYUNG NGO SNYAM DU MI SEMS SAM ZHES DRIS SO, ,'BYUNG BA SMOS PAS GNAS PA YANG RIG PAR BYA'O, ,DANG PO DANG RGYUN GYIS 'BYUNG BA ZHES BYA'O, ,LAN BCOM LDAN 'DAS GAL TE CHOS KYI DBYINGS LA 'BYUNG BA MCHIS NA NI BDAG DE BZHIN GSHEGS PA 'BYUNG NGO SNYAM DU SEMS PAR 'GYUR RO ZHES BYA BA YIN TE, SEMS ZHES BYA BA NI LHAG MA'O, ,CHOS KYI DBYINGS LA NI SNGON MED PA'I SKYE BA YOD PA MA YIN NO, ,DE BAS NA GNYIS LA DBEN PA'I BDAG NYID DE BZHIN GSHEGS PA LA YANG SNGON MED PA'I SKYE BA YOD PA MA YIN NO, , DE BAS NA BDAG DE SNYAM DU MI SEMS SO ZHES DGONGS PA'O, ,'JAM DPAL KHYOD SANGS RGYAS BCOM LDAN 'DAS GANG+G'A'I KLUNG GI BYE MA SNYED YONGS SU MYA NGAN LAS 'DAS PAR MI SMOS SAM ZHES BYA BAS NI DRI BA RNAM PA GNYIS PA BSTAN TO, ,BCOM LDAN 'DAS NYID KYIS DE'I LAN GDAB PAR BZHED @130B NAS BCOM LDAN 'DAS SANGS RGYAS BCOM LDAN 'DAS RNAMS NI 'DI LTAR BSAM GYIS MI KHYAB PA'I YUL DU YUL GCIG PA MA LAGS SAM ZHES GSOL TO, ,YUL GCIG PA ZHES BYA BA NI RTEN GCIG PA STE, DPER NA NYA RNAMS KYI YUL CHU LTA BU'O, ,YUL GCIG PA'I DBANG DU BYAS TE YUL GCIG PA DRIS PA GANG ZHE NA, 'DI LTAR BSAM GYIS MI KHYAB PA'I YUL DU ZHES GSUNGS SO, ,'DI LTAR ZHES BYA BA NI TSIG GI PHRAD YIN TE, 'DI LTA STE ZHES BYA BA'I THA TSIG GO, ,GANG DAG GI YUL BSAM GYIS MI KHYAB PA YIN PA DE LA DE SKAD CES GSUNGS SO, ,BSAM GYIS MI KHYAB PA ZHES BYA BA NI CHOS KYI DBYINGS SHIN TU RNAM PAR DAG PA LA DGONGS PA YIN TE, THAMS CAD DU BSAM PAR MI NUS PA'I PHYIR RO, ,DES NA 'DI SKAD BSTAN TE, CI RNAM PAR BYANG BA SKYES SHING THUGS RJE'I SNYING PO DANG SHIN TU LDAN PA'I BCOM LDAN 'DAS RNAMS CHOS KYI DBYINGS LA DE'I BDAG NYID DU RTEN TAM, CI RTEN PA MA LAGS SAM ZHES BYA BA YIN NO, ,'JAM DPAL DE DE BZHIN TE ZHES BYA BA LA SOGS PA GSUNGS TE, GAL TE DE DE LTAR NGES PA YIN NA RE ZHIG GZHAG STE, 'DI YANG DRIS PA BCOM LDAN 'DAS SH'AKYA THUB PA DE LTAR BZHUGS SAM ZHE NA, 'JAM DPAL DE DE BZHIN NO ZHES BKA' STZAL TO, ,GAL TE DE LTAR NA DE BZHIN GSHEGS PA RNAMS MYA NGAN LAS 'DAS PA LA MI GNAS PA NYID GRUB PA YIN NO ZHES DGONGS NAS BCOM LDAN 'DAS SH'AKYA THUB PA BZHUGS PA DE'I SLAD DU GANG G'A'I KLUNG GI BYE MA SNYED KYI SANGS RGYAS BCOM LDAN 'DAS 'OD SRUNGS LA SOGS PA MYA NGAN LAS 'DAS NAS YUN RING POR BZHED PA DE DAG YONGS SU MYA NGAN LAS 'DAS PA LAGS SO, ,DE CI'I SLAD DU ZHE NA ZHES BYA BA NI 'DIR 'BREL PA CI YOD NA, GANG GCIG BZHUGS NA THAMS CAD KYANG BZHUGS PA YIN, 'DI LTAR GCIG GI BDAG NYID DU THAMS CAD RJES SU 'DUG PA NI MA YIN LA, TSOGS THA DAD PA KHO NAS BYANG CHUB SO SOR THOB BO ZHE NA, LAN NI BCOM LDAN 'DAS SANGS RGYAS BCOM LDAN 'DAS RNAMS NI 'DI LTAR ZHES BYA BA LA SOGS PA YIN NO, ,DGONGS PA NI 'DI LTA STE, JI LTAR BCOM LDAN 'DAS SH'AKYA'I TOG DAG PA CHEN @131A *, ,PO'I MTHU DANG, THUGS RJE'I SNYING PO'I DBYINGS DANG DA LTAR LDAN ZHING RGYUN CHAD PA'I MTSAN NYID YONGS SU MYA NGAN LAS 'DAS PA MA YIN NO, ,DE BZHIN DU DE DAG KYANG DE'I NGO BO NYID YIN PAS DE NI RIGS PA MA YIN NO, ,'DI LTAR BYANG CHUB SEMS DPA' SHIN TU RNAM PAR DAG PA'I NUS PA DANG, THUGS RJE ZHAN PA'I GNAS SKABS NA YANG RE ZHIG SEMS CAN YONGS SU SMIN PA'I DUS LA GZIGS SHING DUS DPAG TU MED PAR BZHUGS SO, ,BYANG CHUB BRNYES NAS KYANG SHIN TU DAG PA'I MTHU DANG, THUGS RJE CHEN PO BRNYES NAS DPAG TU MED PA'I SEMS CAN GYI TSOGS LA MYUR DU PHAN GDAGS PAR BYA BA'I PHYIR BZHUGS PA'I DE BZHIN GSHEGS PA LA DAD PA CAN SU ZHIG YID CHES PAR MI BYED, DE BAS NA SANGS RGYAS BCOM LDAN 'DAS RNAMS NI MI GNAS PA'I MYA NGAN LAS 'DAS PA KHO NA YIN NO, ,LAS BYED PAS RAB TU PHYE BA'I BCOM LDAN 'DAS SH'AKYA THUB PA SKYE BA MED PA YIN DU ZIN KYANG GANG DAG MA 'ONGS PA'I DUS NA 'BYUNG BA 'PHAGS PA BYAMS PA LA SOGS PA DE DAG KYANG DE LTAR 'GYUR DU DOGS SO ZHE NA DE'I PHYIR, BCOM LDAN 'DAS DE BAS NA BCOM LDAN 'DAS NYID KYIS MNGON PAR RDZOGS PAR SANGS RGYAS NA ZHES BYA BA LA SOGS PA GSUNGS TE, 'DI LTAR RTAG PA LA SOGS PA'I NGO BO BZHIN DU LAS BYED PAS RAB TU PHYE BA RNAMS TSAD MA DANG 'GAL BAS DUS THAMS CAD DU SKYE BA MED PA YIN PAS NA BCOM LDAN 'DAS SH'AKYA THUB PA SHIN TU RNAM PAR DAG PA'I NGO BOR BYUNG STE MNGON PAR RDZOGS PAR SANGS RGYAS NA, GANG DAG MA 'ONGS PA'I DUS NA DE BZHIN GSHEGS PA 'BYUNG BA MI PHAM PA LA SOGS PA YANG MNGON PAR RDZOGS PAR SANGS RGYAS PA KHO NAR BLTA BAR BYA STE, DE NYID KYI NGO BO YIN PAR GTAN TSIGS MTHUN PA'I PHYIR DANG, DE BZHIN GSHEGS PA THAMS CAD KYANG MNYAM PA NYID MNGON PAR RDZOGS PAR BYANG CHUB PA YIN PA'I PHYIR RO, ,RNAM PA THAMS CAD DU GTAN TSIGS 'DRA BA YIN LA 'BRAS BU MI 'DRA BA NI RIGS PA MA YIN NO, ,MNYAM PA NYID 'DI LA DGONGS NAS BSHAD PA YIN PAR KHONG DU MA CHUD PA DAG DE CI'I SLAD DU ZHE NA ZHES SMRAS TE, NGO BO THA DAD PA YIN BZHIN DU @131B GCIG MNGON PAR RDZOGS PAR SANGS RGYAS NA JI LTAR DE LAS GZHAN BDAG KYANG MNGON PAR RDZOGS PAR SANGS RGYAS ZHES BYA, DE LTA NA NI SHIN TU THAL BAR 'GYUR RO ZHES BSAMS PA'O, ,RANG BRJOD PAR BZHED PA STON PA NI BSAM GYIS MI KHYAB PA LA 'DAS PA 'AM ZHES BYA BA LA SOGS PA YIN TE, SNGON MED PA'I NGO BO SKYES NAS ZHIG PA NI 'DAS PA'O, ,SNGON MED PA'I NGO BO SKYES NAS MA 'GAGS PA NI DA LTAR RO, ,SNGON MED PA'I NGO BO PHYIS 'BYUNG BA NI MA 'ONGS PA'O, ,THAMS CAD KYANG NGES PAR LAS BYED PA DANG BRAL BA'I NGO BO KHO NA YIN NO, ,DES NA DUS GSUM GYI DE BZHIN GSHEGS PA YANG CHOS NYID 'DI LAS MI 'DA' BA KHO NA YIN NO, ,DE LTA MA YIN NA DE DAG SANGS RGYAS KHO NA YIN PAR MI 'GYUR TE, TSAD MA DANG 'GAL BA RTOGS NA PHYIN CI LOG YIN PA'I PHYIR RO, ,GANG GI PHYIR DE LTAR LAS BYED PAS RAB TU PHYE BA'I DE BZHIN GSHEGS PA 'BYUNG BA LA SOGS PA YANG DAG PA MA YIN NO, ,BCOM LDAN 'DAS DE BAS NA SU DAG 'DI SKAD DU DE BZHIN GSHEGS PA SKYES SO ZHES BGYI BA NAS, YONGS SU MYA NGAN LAS 'DAS PA'I BAR DU SEMS PA DE DAG GI 'JIG RTEN GNAS PA NI 'KHRUL PA STE NOR PAS DE DAG LUNG DANG RIGS PA'I DON MA RTOGS PA YIN NO, ,YI GE KHA CIG LAS 'JIG RTEN GNAS PA NI 'KHRUL PA STE ZHES 'BYUNG BA DE'I DON YANG SNANG BA MED PA'I PHYIR DANG, JI LTA BA BZHIN GYI SHES RAB KYI SNANG BA MED PA'I PHYIR RO, ,BCOM LDAN 'DAS DE DAG NI 'JIG RTEN GNAS PA ZHES BYA BA LA 'JIG RTEN GNAS PA NI SHES PA DANG SHES BYA DANG, RJOD PAR BYED PA DANG BRJOD PAR BYA BA'I MTSAN NYID 'JIG RTEN GYI THA SNYAD LA BYA STE, 'JIG RTEN PA RNAMS SHIN TU DE LA MNGON PAR ZHEN PA'I PHYIR RO, ,'PHROS PAR BGYID PA LAGS SO ZHES BYA BA NI GZHAN DU 'DZIN PA'AM, STON PA'O, ,DE DAG KYANG GANG ZHE NA; SU DAG 'DI SNYAM DU DE BZHIN GSHEGS PA SKYES SO ZHES BGYI BA NAS, YONGS SU MYA NGAN LAS 'DAS PA'I BAR DU MNGON PAR ZHEN PA YIN NO, ,BAR TSIG GIS SKYE'O, ,SKYE BAR 'GYUR RO, ,GNAS ZIN TO, ,GNAS SO, ,GNAS PAR 'GYUR RO, ,YONGS SU MYA NGAN LAS @132A *, ,'DAS SO, ,YONGS SU MYA NGAN LAS 'DA'O, ,YONGS SU MYA NGAN LAS 'DA' BAR 'GYUR RO ZHES BYA BA DE LA SOGS PA GSUNGS SO, ,GANG DAG LA DE LTAR MNGON PAR ZHEN PA MED DU ZIN KYANG DE DAG LA YANG 'KHRUL PA DANG 'JIG RTEN GNAS PA NI YOD PA YANG MA YIN NAM, BYIS PA DANG MKHAS PA GNYIS KYI THA SNYAD NI 'DRA BA YIN PA'I PHYIR RO ZHE NA, DE DAG GIS NI 'GRO BA SGYU MA LTA BUR 'DUG PA KHONG DU MA CHUD PA'I PHYIR DANG, MNGON PAR ZHEN PA MED PAS MA BRLAN PA'I PHYIR RO, ,DA NI MNGON SUM DU GYUR CING DGE BAR GYUR PA RNAMS 'DI LA GUS PA SKYED PA'I CHED DU BSAM GYIS MI KHYAB PA BSTAN PA 'DI ZAB PAR BRJOD PA'I PHYIR BCOM LDAN 'DAS KYIS 'JAM DPAL DE'I PHYIR KHYOD KYIS DE BZHIN GSHEGS PA BSAM GYIS MI KHYAB PA ZHES BYA BA LA SOGS PA GSUNGS TE, SHIN TU RAB TU ZAB PA 'DI GANG GIS BSHAD PA LA GZHAN 'DI DANG 'DRA BA NYAN PA YOD PA YIN TE, DE BAS NA KHYOD KYIS DE BZHIN GSHEGS PA BSAM GYIS MI KHYAB PA 'DI DE BZHIN GSHEGS PA'I SPYAN SNGAR RAM, BYANG CHUB SEMS DPA' 'AM, DGRA BCOM PA'I MDUN DU BRJOD PA RJOD CIG DE BZHIN GSHEGS PA BSAM GYIS MI KHYAB PA NI DE BZHIN GSHEGS PA BSAM GYIS MI KHYAB PA STE, JI SKAD DU GSUNGS PA'I RANG GI NGO BO LA BYA'O, ,DE CI'I PHYIR BSAM GYIS MI KHYAB CE NA, GANG GI PHYIR BSAM DU MED PA STE, BSAM PA MED PA'O, ,DE NYID KYANG JI LTAR ZHE NA, GANG GIS BSAM PA LAS 'DAS PA STE, BSAM PAR BYA BAR NUS PA'I NGO BO LAS GANG GI PHYIR 'DAS PA ZHES BYA BA'I THA TSIG GO, ,DE BAS NA BSAM GYIS MI LANG BA ZHES GSUNGS SO, ,DE LTAR NA TSIG DANG PO NI BSTAN PA YIN NO, ,BZHI PA NI TSIG MJUG SDUD PA YIN NO, ,YANG NA SKYES NAS THOB PA DANG, THOS PA LAS BYUNG BA DANG, BSAMS PA LAS BYUNG BA DANG, , BSGOMS PA LAS BYUNG BA SHES RAB RNAM PA BZHI'I SPYOD YUL MA YIN PA'I PHYIR TSIG RNAM PA BZHI DANG GO RIMS BZHIN DU SBYAR RO, ,DE CI'I PHYIR ZHE NA ZHES BYA BA NI CHOS LA SLOB DPON 'CHAB PA DANG BRAL BA'I BYANG CHUB SEMS DPA' CHEN PO RNAMS MAN NGAG 'DI 'BOGS PAR JI LTAR RIGS SHE NA, @132B DGONGS PA NI GZHAN DE BSHAD NA DON MED PAR 'GYUR BA'I PHYIR, 'DI LTAR DE DAG NI THOS NAS BSNGAGS PAR YANG MI 'GYUR ZHES BYA BA LA SOGS PA LAN YIN TE, 'DI NI PHYIN CI MA LOG PAR BSTAN PA KHO NA YIN NO ZHES BSNGAGS PAR YANG MI 'GYUR TE, DNGOS PO'I DE KHO NA NYID LA REG PAR BSTAN PA MA YIN NO ZHES KHONG DU CHUD PA'I PHYIR RO, ,SPONG BAR YANG MI 'GYUR ZHES BYA BA NI SHIN TU RNAM PAR DAG PA'I CHOS KYI DBYINGS KYI RGYU MTHUN PA'I PHYIR DANG, BRGYUD PA'I SGO NAS RANG GI MTSAN NYID KYI PHYIR MTHAR THUG PA YIN NO ZHES SHES PA'I PHYIR RO, ,BSAM BA NI 'DI LTA STE; CHOS RNAMS LA SLOB DPON 'CHAB PA'I PHYIR NI MA YIN NO, ,'DI SKAD BSTAN TE, CHOS 'CHAD PAR BYED NA THOS PA LA DGA' BAR BYA BA'I PHYIR BYED DAM, MA 'ONGS PA NA PHAN PA DANG BDE BAR BYA BA'I PHYIR BYED GRANG NA, DE LA CHOS ZAB MO'I BZOD PA DANG BRAL BA DE LA BYAS NA MGU BA NYI TSER MA ZAD KYI, LEN PAR YANG MI BYED, PHAN PA YANG MI SGRUB KYI, SLAR PHYIN CI LOG NYID DU BYED PAR 'GYUR TE, 'DI LTAR DE THOS PAS DNGOS PO 'AM DNGOS PO MED PAR LTA BAR LHUNG BAR 'GYUR TE, 'CHAD PA DANG DON GNYIS LA DNGOS PO DANG DNGOS PO MED PAR LHAG PAR MOS PA'I PHYIR RO,, DE BAS NA SPONG BAR BYED PA YANG YIN NO, ,GANG GIS DON MED PA LA GZHOL BAR 'GYUR BA DE BAS NA SNOD MA YIN PA LA LHAG PA'I BSAM PAS 'DI BRTZAMS PA NI 'JU STOBS CHUNG NGUS ZAS LCI BA ZA BA BZHIN DU DON MA YIN PA GCIG NAS GCIG DU 'PHEL BAR 'GYUR BAS 'DI DAG LA MA BYAS NA LEGS PA KHO NA YIN NO, ,DE BAS NA DE KHO NA NYID MNGON SUM DU BYAS PA CHOS KYI DE KHO NA NYID KYI GTAM RNAM PAR NGES PA'I BDUD RTZI'I RO MYANG BAS BSKYED PA'I SRED PA CAN KHO NA'I MDUN DU YONGS SU MGU BAR BYA BA'I PHYIR BSHAD NA MDZES PA YIN NO, ,DE BAS NA 'PHAGS PA DKON MCHOG BRTZEGS PA LAS DMAN PA LA LHAG PAR MOS PA RNAMS LA CHOS ZAB MO 'CHAD PA NI BYANG CHUB SEMS DPA'I LTUNG BA YIN PAR GSUNGS SO, ,DE CI'I PHYIR ZHE NA ZHES BYA BA NI SO SO'I SKYE BO RNAMS LA 'DI LTAR DE DAG SHIN TU BSNGAGS PAR YANG MI 'GYUR, SPONG BAR YANG MI 'GYUR BA GA @133A *, ,LA YOD CE NA, SO SO'I SKYE BO MA YIN NO ZHES BSTAN PA'I PHYIR, 'DI LTAR 'DI BSAM GYIS MI KHYAB PA, BSAM DU MED PA ZHES BYA BA LA SOGS PA GSUNGS TE, 'DI YANG SNGA MA BZHIN DU BSAM GYIS MI KHYAB PA ZHES BYA BA'I TSIG DANG PO NI BSTAN PAR 'GYUR BA'O; ,LHAG MA TSIG GNYIS NI 'CHAD PA YIN NO, ,YI GE KHA CIG LAS 'DI LTAR BSAMS PA NI BSAM GYIS MI KHYAB PA BSAM DU MED PA ZHES 'BYUNG STE DER NI BDAG GIS RTOGS PA ZHES BYA BA KHONG NAS BYUNG NGO, ,BSAM DU MED PA BSAM GYIS MI LANG BA NI SNGA MA BZHIN NO, ,DE DAG THAMS CAD KYIS NI SO SO'I SKYE BO RNAMS LAS KHYAD PAR DU BSTAN PA YIN TE, 'DI LTA STE BSAM GYIS MI KHYAB PA YONGS SU SHES PA YIN NO, ,DE SKAD DU BCOM LDAN 'DAS KYIS BKA' STZAL PA DANG, 'PHAGS PA YANG BSAM GYIS MI KHYAB PA 'CHAD PAR BZHED NAS, BCOM LDAN 'DAS CHOS THAMS CAD BSAM GYIS MI KHYAB CING BSAM DU MA MCHIS PA 'DI LTA BU 'DI LA BYIS PA'AM MKHAS PA SU ZHIG BSNGAGS PA'AM, SPONG BAR 'GYUR TE, DE DAG RJES SU BSNGAGS SHING SPONG BAR BYED NA NI STONG PA NYID DE'I NANG DU 'DUS PA'I PHYIR CHOS 'DI THAMS CAD DON DAM PA YIN PAR ZHEN PAR 'GYUR RO, ,DE BAS NA GANG YANG DAG PAR BSNGAGS PA'AM, SPONG BAR 'GYUR BA MED DE, DE'I NGO BO NYID KYI SGRA DANG DON GNYIS MI RIGS PA'I PHYIR DANG, SGRUB PA DANG SEL BA YANG MI 'THAD PA'I PHYIR RO, ,GZHAN YANG BYED PA PO LA SOGS PA'I BYE BRAG BSNGAGS PA LA SOGS PA THAMS CAD BRTAGS PA YIN LA, DE YANG DON DU YOD PA MA YIN PA DES NA THAMS CAD YANG DAG PA MA YIN NO ZHES BSTAN TO, ,DE BAS NA BYIS PA RNAMS KYI BSNGAGS PA SGRUB PA DANG 'GOG PA LA SOGS PA DE DAG NI LOG PA'I MNGON PA'I NGA RGYAL TZAM BYED PAR ZAD KYI, GANG GIS CI YANG BSNGAGS PAR BYAS PA DANG, BKAG PA MED DO ZHES DGONGS PA'O, ,CHOS THAMS CAD BSAM GYIS MI KHYAB PAR BSTAN NA NI SO SO'I SKYE BO RNAMS KYANG DE BZHIN GSHEGS PA BZHIN DU BSAM GYIS MI KHYAB PA YIN PAR SMRAS PAR 'GYUR RO, ,DE YANG 'THAD PA MA YIN TE, DE LTAR MED @133B PA YIN NA NI DE DAG PHAN TSUN DU BYE BRAG 'GA' YANG YOD PAR MI 'GYUR RO ZHES KHA CIG DOGS PA BSAL BA'I PHYIR, 'JAM DPAL JI LTAR DE BZHIN GSHEGS PA BSAM GYIS MI LANG BA DE LTAR SO SO'I SKYE BO RNAMS KYANG BSAM GYIS MI LANG BA YIN NAM ZHES DRIS TE, CI YIN NAM ZHES BYA BA LHAG MA'O, ,YANG NA TSIG ZUR GYIS SMRAS PA'O, ,'DI LA DOGS PA MI BYA BAR BSTAN PA'I PHYIR, BCOM LDAN 'DAS SO SO'I SKYE BO RNAMS KYANG DE BZHIN DU BSAM GYIS MI LANG BA LAGS SO ZHES GSUNGS SO, ,BLO BZANG POS SMRA BAR 'DOD PA THUGS SU CHUD NAS 'JAM DPAL DE DE BZHIN NO ZHES ZHAL GYIS BZHES SO, ,DE CI'I PHYIR ZHE NA ZHES BYA BA NI RGOL BA STE, RGOL BA SU YANG MED PAR GNYIS KYIS LAN 'DEBS PA GNYIS SMRAS ZHES BYA BA'I THA TSIG GO, ,DE BAS NA BCOM LDAN 'DAS KYIS BLO BZANG PO'I BRJOD PAR 'DOD PA STON PA NI 'DI LTAR BSAM PA THAMS CAD NI BSAM GYIS MI LANG BA'I PHYIR RO ZHES BYA BA YIN NO, ,DGONGS PA NI 'DI YIN TE, JI TZAM JI TZAM DU RNAM PAR SHES PA SEMS PA'I NGO BO 'AM, GZHAN YANG RUNG 'GA' ZHIG LA 'BYUNG BA DE TZAM DE TZAM DU DE DON GZHAN YIN PAR MNGON PAR ZHEN TE 'BYUNG BA YIN YANG RTOG PA'I RANG GI NGO BO TZAM LA 'CHEL BA KHO NA YIN GYI, DON GZHAN GYI NGO BO LA REG STE 'BYUNG BA NI MA YIN NO, ,'DI LTAR DON GZHAN GYI NGO BO NI DE'I MA YIN NA JI LTAR DES MA MYONG BA'I NGO BO LA DON RJES SU MYONG BA ZHES BYA, DE BAS NA SO SO'I SKYE BO LA SOGS PA THAMS CAD NI BSAM PA LAS 'DAS PA YIN NO, ,KHYAD PAR DU BZHAG PA NI DE KHO NA NYID KHONG DU MA CHUD PA ZHES BSTAN PA YIN NO, ,BSAM PA ZHES BYA BA NI GZHAN GYI MNGON PAR ZHEN PA'I RJES SU 'BRANGS NAS BSTAN PA YIN GYI, DNGOS PO GNAS PA'I PHYIR NI MA YIN TE, MA BKAG PAR THAL BAR 'GYUR BA'I PHYIR RO, , BDAG GIS BRJOD PAR 'DOD PA NI 'DI KHO NA YIN NO ZHES RANG GI BRJOD PAR 'DOD PA CHIG ZUR GYIS BSTAN PA'I PHYIR GSUNGS PA NI GAL TE DNGOS PO'I CHOS KYI RANG GI NGO BO DANG, SO SO'I SKYE BO YANG BSAM GYIS MI KHYAB PA YIN NA, 'O NA DANG PO 'DRI BA'I TSE JI LTAR DE BZHIN GSHEGS PA BSAM @134A *, ,GYIS MI LANG BA DE BZHIN DU SO SO'I SKYE BO RNAMS KYANG BSAM GYIS MI LANG BA YIN NAM ZHES BCOM LDAN 'DAS KYIS GTAN TSIGS CI'I SLAD DU DE SKAD BKA' STZAL, CI'I PHYIR DE SKAD DRI BAR MI BYA ZHE NA, LAN DU BCOM LDAN 'DAS SO SO'I SKYE BO NYID KYANG ZHES BYA BA LA SOGS PA GSUNGS TE, SO SO'I SKYE BO NYID CES BYA BA SKAL BA MNYAM PA ZHES BYA BAR BRTAGS PA YANG BSAM GYIS MI LANG BA LAGS SAM, KYANG GI SGRAS SO SO'I SKYE BOR MA BAS KYI ZHES BYA BA YIN NO, ,YANG NA SO SO'I SKYE BO NYID KYANG ZHES BYA BA SO SO'I SKYE BO KHO NA'I BYE BRAG RNAMS DGAG PA'I PHYIR STON PA YIN NA NI KYANG GI SGRAS DE BZHIN GSHEGS PA YANG BSDUS PA MA YIN NO, ,DE CI'I SLAD DU ZHE NA ZHES BYA BA NI GZHAN GYI DOGS PA'I DBANG DU BYAS NAS DRI BA 'DI BYAS KYI, RANG GI BSAM PA'I RJES SU 'BRANGS NAS BYAS PA MA YIN NO ZHES BYA BA'I THA TSIG GO, ,'DIR LAN NI BCOM LDAN 'DAS CHOS THAMS CAD NI BSAM GYIS MI LANG BA'I SLAD DU'O ZHES BYA BA YIN TE, NI ZHES BYA BA'I SGRAS NI SHIN TU GSAL BAR BYED PA'I NGO BO NYID STON PAR BYED PA YIN PA'I PHYIR TE, 'DI NI DON SHIN TU GSAL BA YIN PAS GZHAN GYI DOGS PA YANG YOD PA MA YIN NO ZHES BSTAN PA YIN NO, ,DE BAS NA BSAM GYIS MI KHYAB PA DNGOS PO MTHA' DAG LA KHYAB PA 'DI RTOGS PAR BYAS NAS GZUNG BA DANG 'DZIN PA DANG BDAG DANG BDAG GI LA SOGS PAR RNAM PAR RTOG PA THAMS CAD SPANG BA'I PHYIR DMIGS SU MED PA'I TING NGE 'DZIN GOMS PAS MYA NGAN LAS 'DAS PA 'THOB PAR 'DOD PA RNAMS KYIS 'DI LA BRTZON PAR BYA BA YIN TE, 'DI NI THAR PA'I GRONG KHYER DU PHYIN PA DANG RJES SU MTHUN PA'I LAM YIN LA, RNAM PAR RTOG PA THAMS CAD ZAD PA'I RANG BZHIN KHO NA NI 'DI LTAR MYA NGAN LAS 'DAS PA KHO NA YIN NO, ,GANG LA LA DAG KHA CIG GIS SO SOR BRTAGS PA'I 'GOG PA LA SOGS PA GUD NA YOD PA KHO NA MYA NGAN LAS 'DAS PA YIN PAR BRTAGS NAS DE 'THOB PAR BYA BA'I CHED DU BRTZON PAR BYED PA DE DAG NI DON MED PA'I GNAS SU GYUR PA YIN NO, ,DE CI'I SLAD DU ZHE NA, 'DI LTAR GANG BSAM GYIS MI LANG BA DE NYID RNAM PAR RTOG PA THAMS CAD SPANG BA'I PHYIR, MYA @134B NGAN LAS 'DAS PA LAGS TE DNGOS PO GZHAN DU GYUR PA MA YIN NO, ,DE LTAR BYAS NA, RNAM PAR RTOG PA MA GTOGS PAR, ,'KHOR BA NAM YANG YOD PA MIN, ,ZHES BYA BA LA SOGS PA DANG SHIN TU MTHUN PA YIN NO, ,DE BAS NA THABS MA YIN PA LA ZHUGS PA DE DAG NI NYAM THAG PAR 'GYUR TE; THABS MA YIN PA LA ZHUGS PA DE DAG NI 'JIGS PAR BCAS PA DANG NYE BA'I LAM DU 'GRO BA BZHIN DU DKA' BA DANG, YUN RING POR 'JIGS PA MED PA DANG, MYA NGAN LAS 'DAS PA'I GRONG KHYER DU PHYIN PAR MI 'GYUR RO, ,GANG GI PHYIR DE LTAR KHYAB PAR BYA BA BSAM GYIS MI KHYAB PA STE; DE'I SLAD DU BSAM GYIS MI LANG BA STONG PA NYID LA THA DAD PA SO SO'I SKYE BO DANG, RDZOGS PA'I SANGS RGYAS LA SOGS PAR DBYE BA MA MCHIS SO, ,MYA NGAN LAS 'DAS PAR ZHUGS PA YIN PAR BRTAG PAR BYA BA YANG YIN NO ZHES BYA BA LHAG MA'O, ,BDE BAR GSHEGS PAR KHAS LEN PA DAG YIN NA GANG DAG 'DI SKAD DU 'DI DAG NI SO SO'I SKYE BO'I CHOS 'DOD CHAGS LA SOGS PA DANG DE DAG LA SOGS PA 'DI DAG NI 'PHAGS PA'I CHOS RNAMS SO ZHES KHA CIG JI LTAR YANG DAG PA NYID YIN PAR RTOGS PAR BYED PAR 'GYUR, DE BAS NA BCOM LDAN 'DAS GANG DAG 'DI SKAD DU 'DI DAG NI SO SO'I SKYE BO'I CHOS RNAMS SO ZHES BYA BA LA SOGS PA GSUNGS SO, ,DE NI 'DI SKAD BSTAN TE, DE DAG NI LOG PAR RNAM PAR RTOG PA KHO NA YIN TE DNGOS PO THAMS CAD LA KHYAB PAR BYED PA NI GSAL BAR RTOGS PA DANG, LUNG GIS SHES PAR BYA BA YIN DU ZIN GYIS KYANG PHYIN CI LOG TU MNGON PAR ZHEN PA YIN PA'I PHYIR RO, ,DE DAG LA 'DI SKAD BRJOD PAR BYA STE, YANG DAG PA'I YE SHES LA SOGS PA YON TAN PHUN SUM TSOGS PA THAMS CAD NI DGE BA'I BSHES GNYEN LA RAG LAS PA YIN PAS DGE BA'I BSHES GNYEN SANGS RGYAS DANG BYANG CHUB SEMS DPA' LA SOGS PA RNAMS LA BSNYEN BKUR GYIS SHIG DANG, DE NAS PHYIS 'DI DAG NI SO SO'I SKYE BO'I CHOS RNAMS SO, ,'DI DAG NI 'PHAGS PA'I CHOS RNAMS SO ZHES KUN RDZOB KYI BDEN PA DANG DON DAM PA'I BDEN PA YUL RNAM PAR DBYE BA SHES PAR 'GYUR RO, ,GAL TE DGE BA'I BSHES GNYEN LA BRTEN PAS @135A *, ,RNAM PAR RTOG PA 'DI DAG SPONG BA YIN NA DGE BA'I BSHES GNYEN NI DPAG TU MED PA GRANGS MED PA LA BSNYEN BKUR BYAS PA KHYOD KYIS 'DI LTA STE, SEMS CAN THAMS CAD KYI MCHOG DE BZHIN GSHEGS PA YIN PA DANG, DE BZHIN DU BSAM GYIS MI KHYAB PA'I CHOS DANG LDAN PA DANG, NYAN THOS RNAMS RNAM PAR 'DUL BAR MDZAD PA DANG, BSOD NAMS KYI ZHING DAM PA YIN PAR RNAM PAR RTOG PA GANG YIN PA 'DI DAG CI'I PHYIR SNANG SNYAM DU KHA CIG DOGS PA LA, DE'I LAN GO RIMS BZHIN DU GDAB PA'I PHYIR, 'JAM DPAL KHYOD DE BZHIN GSHEGS PA SEMS CAN THAMS CAD KYI MCHOG TU 'DOD DAM ZHES BYA BA LA SOGS PA GSUNGS SO, ,JI TZAM DU 'BRAS BU THOB PAR STON PA LA BDAG GI RNAM PAR RTOG PA 'DI NI KUN RDZOB KYI LAM GYI RJES SU 'BRANGS PA YIN GYI YANG DAG PA NYID DU MNGON PAR ZHEN PA NYID NI MA YIN NO ZHES BSTAN PA'I PHYIR, GAL TE 'DI LA SEMS CAN DU YONGS SU GRUB PA 'GA' ZHIG MCHIS NA NI ZHES BYA BA LA SOGS PA GSUNGS TE, SEMS CAN NYID NI DON DAM PAR YONGS SU MA GRUB STE, CHOS DANG GANG ZAG LA BDAG MED PA YIN PA'I PHYIR RO, ,DE LA LTOS NAS DE BZHIN GSHEGS PA MCHOG YIN PAR LTA GA LA 'GYUR ZHES BYA BA'I THA TSIG GO, ,GAL TE BSAM PA'I CHOS DANG LDAN PA 'GA' ZHIG MCHIS NA NI ZHES BYA BA 'DI LA YANG CHOS DANG GANG ZAG LA BDAG MED PA KHO NA'I CHOS DANG CHOS CAN DE DANG LDAN PA 'AM, 'THOB PA'I NGO BO 'AM, 'BREL PA'I NGO BO MED PA'I PHYIR BSAM PA'I CHOS DANG LDAN PA 'GA' YANG YOD PA MA YIN NA DE LA LTOS NAS DE BZHIN GSHEGS PA BSAM GYIS MI KHYAB PA'I CHOS DANG LDAN PA NYID DU LTA GA LA 'GYUR ZHES DGONGS PA'O, ,BCOM LDAN 'DAS GAL TE LA LA ZHIG BSAM GYIS MI KHYAB PA'I DBYINGS 'DUL BAR 'GYUR NA NI ZHES BYA BA NI 'DI LTAR 'DUL BA NI SKYON RNAMS DANG BRAL BA DANG, YON TAN RNAMS 'BYUNG BAR BYED PA'O, ,NYAN THOS ZHES BYA BA DE DAG 'DUL BAR BYED PA DE LAS MA GTOGS PA GZHAN BSAM GYIS MI KHYAB PA YOD PA MA YIN TE, 'DI LTAR 'DOD CHAGS LA SOGS PA'I SKYON GANG DAG YIN PA DE DAG RANG GI NGANG GIS RNAM PAR @135B ZHIG PA NI BTUL BA MA YIN NO, ,YON TAN GANG DAG YIN PA GNYEN PO GOMS PA YANG RANG BZHIN GYIS RNAM PAR DAG PAR 'GYUR BA STE, DE DAG KYANG SNGON MA DUL BA MA YIN NA JI LTAR BTUL BA ZHES BYA, DE BAS NA SNGON SMA MA PHAB PA'I 'DU BYED RNAMS LA GCIG POR MNGON PAR ZHEN NAS BYIS PA YANG DAG PA MA YIN PA MTHONG BA RNAMS KYI MI BDEN PA'I BLOS BTUL LO SNYAM PA'I THA SNYAD 'JUG PA YIN PAS BDAG LA NI NYAN THOS RNAMS DE BZHIN GSHEGS PAS BTUL LO SNYAM DU RNAM PAR RTOG PA MCHIS PA MA LAGS SO, ,GZHAN YANG SKYOB PA'I RNAM PAR MI RTOG PA'I DBANG TZAM KHO NAS BTUL BA GRUB PAR 'GYUR TE, DE BAS NA BTUL LO SNYAM PA'I THA SNYAD 'JUG PA YIN GYI, BCOM LDAN 'DAS NI DE DAG 'DUL BAR LAN 'GA' YANG MDZAD PA MA YIN NO, ,DE BAS KYANG BDAG NI DE BZHIN GSHEGS PAS BTUL LO SNYAM DU MI SEMS SO, ,BCOM LDAN 'DAS SANGS RGYAS 'BYUNG BA NI GANG LA YANG PHAN PA 'AM, GNOD PAR YANG NYE BAR GNAS PA MA LAGS SO ZHES BYA BA LA PHAN PA NI YON TAN GYI TSOGS SO, ,GNOD PA NI SKYON GYI TSOGS SO, ,NYE BAR GNAS PA NI 'JUG PA DANG BLO SNGON DU BTANG STE BYED CES BYA BA'I BAR DU YIN NO, ,DE CI'I SLAD DU ZHE NA ZHES BYA BA NI GAL TE 'GA' LA YANG PHAN PA DANG GNOD PA GNYIS BYED PAR NYE BAR GNAS PA MA YIN NA, DE JI LTAR SO SO'I SKYE BO LA BSAM PA'I CHOS DANG LDAN PA RNAMS BSAL NAS NYAN THOS LA SOGS PA LA BSAM GYIS MI KHYAB PA'I CHOS DANG LDAN PAR SGRUB PAR MDZAD CES BYA BA'I THA TSIG GO, ,DE NYID BRDZUN PA YIN NO ZHES BSTAN PA'I PHYIR, 'DI LTAR DBYINGS 'DI NI GNAS PA NYID DANG ZHES GSUNGS TE, SO SO'I SKYE BO'I GNAS SKABS NA YANG GNAS PA NYID DO ZHES DGONGS PA'O, ,DBYINGS 'DI NI MA 'DRES PA NYID DE ZHES BYA BA NI BSAM PAR BYA BA'I CHOS DANG LDAN PA DANG MA 'DRES PAR GYUR PA STE DUS THAMS CAD DU DBYINGS DE LTA BU YIN PA'O, ,DBYINGS DE GANG YIN ZHE NA, 'DI LTA STE BSAM GYIS MI KHYAB PA'I DBYINGS LAGS PA'I SLAD DU'O ZHES GSUNGS TE, STONG PA ZHES BYA BA'I THA TSIG GO, ,DE NYID KYI PHYIR, DBYINGS DE LA NI NYAN THOS THA DAD PA @136A *, ,NAS SO SO'I SKYE BO THA DAD PA'I BAR DU MI DMIGS TE KUN KYANG NGO BO NYID DE TZAM DU MNYAM PA'I PHYIR RO, ,DBYE BA RNAM PAR GZHAG PA NI DRI MA SPANGS PA DANG, MA SPANGS PA'O, ,BAR DU ZHES SMOS PAS NI BYANG CHUB SEMS DPA' DANG, RANG RGYAL BA DANG, RDZOGS PA'I SANGS RGYAS RNAMS GZUNG NGO, ,BCOM LDAN 'DAS DNGOS PO MA MCHIS PA NYID KYI SLAD DU ZHES BYA BA 'DI LA GZUNG BA LA SOGS PA'I RNAM PAR RTOG PA'I DNGOS PO YOD PA MA YIN PAS DE BZHIN GSHEGS PA NI DNGOS PO MED PA'O, ,DE'I DNGOS PO NI DNGOS PO MED PA NYID DO, ,DE BAS NA DNGOS PO MED PA NYID KYI PHYIR DE BZHIN GSHEGS PA NI RANG LA YOD PA'I BSOD NAMS KYI ZHING DANG GZHAN YIN TE, DE NI DE'I NGO BO YIN PA'I PHYIR RO, ,GTAN TSIGS DE'I SLAD DU DE NI THAMS CAD PAS LHAG PAR BSOD NAMS KYI ZHING BLA NA MA MCHIS PA'O, ,'DI'I PHYIR YANG BLA NA MED PA YIN TE, SHIN TU SBYANGS PA YIN PA'I PHYIR DANG, YUN RING POR GNAS PA'I PHYIR DANG, 'BRAS BU MI NYUNG BA RAB TU SBYIN PA'I PHYIR RO, ,DE DAG NYID GO RIMS BZHIN DU BSTAN PA'I PHYIR DE NI ZHING GANG BA MA LAGS ZHES BYA BA LA SOGS PA GSUNGS TE, SKYON RNAMS KYIS GANG BA MA LAGS, YON TAN RNAMS KYIS MA GANG BA YANG MA LAGS PA'O, , BCOM LDAN 'DAS YANG DE LA CHOS GANG YANG DAG PAR 'GRUB PAR MI 'GYUR ZHES BYA BA NI NYON MONGS PA'I BAG CHAGS KYANG NGO, ,BAS PAR MI 'GYUR ZHES BYA BA NI 'JIG RTEN SA'I YON TAN DANG MYA NGAN LAS 'DAS PA YANG NGO, ,DE LA SA BON BTAB PA NI RNAM PAR MI 'PHEL ZHING YONGS SU MI 'GRIB BO ZHES BYA BA LA; DE LA ZHES BYA BA NI YUL DE LA'O, ,SA BON NI DE LA DMIGS PA'I DGE BA STE, RANG GI RGYUD LA DGE BA'I SA BON BZHAG CING YOD PA'I THA TSIG GO, ,GAL TE 'GRIB PA MED CING 'PHEL BA MED NA 'O NA NI 'BRAS BU MNYAM PAR 'GYUR RO, ,DE LTA NA YANG KHYAD PAR DU 'PHAGS PA MED PA'I PHYIR BLA NA MED PA NYID MA YIN PAR 'GYUR RO ZHES DOGS NAS, 'JAM DPAL KHYOD KYIS CI LAS BSAMS TE, ZHING DE LA SA BON BTAB PA ZHES BYA BA LA SOGS PA BKA' STZAL TO, ,BCOM LDAN 'DAS 'DI LTAR ZHING DE NI ZHES BYA BA LA SOGS PA NI BRJOD PAR BZHED PA STON PA YIN NO, ,BSAM @136B GYIS MI KHYAB PA ZHES BYA BA NI LHAG MA MED PA'O, ,'DI SKAD BSTAN TE, YUL BSAM GYIS MI KHYAB PA LA SA BON BTAB PA NI 'BRAS BU BSAM GYIS MI KHYAB PA NYID DU 'GYUR TE, 'BRAS BU NI RGYU DANG 'BRAS BU MTHUN PA'I PHYIR RO, ,DE LA 'BRAS BU BSAM GYIS MI KHYAB PA YANG SANGS RGYAS NYID YIN LA, DE YANG 'GRIB PA MED CING 'PHEL BA MED DE, BLA NA MED PA YIN PA'I PHYIR RO, ,DE BAS NA SA BON YANG 'BRAS BU'I SGO NAS 'GRIB PA MED PA DANG 'PHEL BA MED PA ZHES BSHAD DO, ,DES NA DE'I TSE SANGS RGYAS KYI MTHUS ZHES BYA BA LA SOGS PA NI SGRO 'DOGS PA DANG SKUR PA 'DEBS PA DANG BRAL BA'I CHOS KYI RNAM GRANGS KYI CHE BA'I BDAG NYID STON PAR BYED PA YIN NO, ,SA CHEN PO RNAM PA DRUG TU G-YOS PAR GYUR TO ZHES BYA BA NI LAS BYED PA'I BYE BRAG YIN TE, RNAM PA DRUG NI RAB TU G-YO BA DANG, MTHO BA DANG, DMA' BA DANG, SGRA 'BYIN PA DANG, 'GUL BA DANG, 'KHRUG PA'O, ,LEN PA MED PAR ZAG PA RNAMS LAS SEMS RNAM PAR GROL LO ZHES BYA BA NI PHRA RGYAS YOD PA MA YIN PAS KUN NAS DKRIS PA LAS RNAM PAR GROL BA ZHES BYA BA'I THA TSIG GO, ,CHOS KYI MIG SKYES PA NI BDEN PA RTOGS PA SKYES PA STE, SHES RAB GANG GIS GANG ZAG LA BDAG MED PA LA SOGS PA'I CHOS RNAMS MTHONG BA NI CHOS KYI MIG CES BYA'O, ,CHOS SMOS PA NI SHA'I MIG RNAM PAR GCAD PA'I DON TE, DE NI LUNG DU MA BSTAN PA YIN NO, ,'DIR NI CHOS KYI BDAG NYID DGE BA ZHES BYA BA'I THA TSIG GO, ,MIG DANG GSAL BA DANG SNANG BA DANG SHES RAB DANG, YE SHES BYA BA RNAMS THA DAD PA MA YIN NO, ,CHOS LA ZHES BYA BA NI SDUG BSNGAL LA SOGS PA 'PHAGS PA'I BDEN PA LA BYA'O, ,MIG DE YANG RDUL DANG BRAL BA YIN TE, 'DOD CHAGS LA SOGS PA'I RDUL MED PA'O, ,DE NYID KYI PHYIR DRI MA MED PA YIN TE, 'DOD CHAGS LA SOGS PA'I DRI MA DANG BRAL BA'I PHYIR RO, ,'DI YANG TSIG SNGA MA NYID RNAM PAR 'BYED PA'O, ,YANG LTA BA'I NGO BO'I RDUL DANG BRAL BA'I DBANG DU BYAS PA NI TSIG SNGA MA YIN NO, ,LTA BA MA YIN PA'I NGO BO'I DRI MA MED PA LA DGONGS PA NI PHYI MA YIN NO, ,CHOS GOS PHRAG PA GCIG LA @137A *, ,GZAR NAS ZHES BYA BA NI CHOS GOS ZLUM POR GYON PA BTANG NAS PHRAG PA G-YON PA LA GZAR ZHES BYA BA'I THA TSIG GO, ,'DI PHRAG PA GCIG TU ZHES TSIG RNAM PAR SBYAR RO, ,'DI'I RGYU GANG LAGS RKYEN GANG LAGS ZHES BYA BA NI RNAM GRANGS YIN TE, JI LTAR GZHAN DAG NAS, YANG DAG PA'I LTA BA SKYED PA'I RGYU GNYIS, RKYEN GNYIS TE, GZHAN GYI SGRA DANG, NANG GI TSUL BZHIN YID LA BYED PA'O ZHES GSUNGS PA LTA BU'O, ,LHA LA SOGS PA'I MTHU YONGS SU SPANG BA'I PHYIR RGYU GANG LAGS ZHES GSUNGS SO, ,'DI SNGON GYI SANGS RGYAS BCOM LDAN 'DAS RNAMS KYIS KYANG ZHES BYA BA NI BCOM LDAN 'DAS 'OD SRUNGS LA SOGS PAS SO, ,GZHAN DAG NA RE 'DIS CHOS KYI RNAM GRANGS SANGS RGYAS KYI LAM STON PAR BYED PA'I PHYIR DE BZHIN DU THOG MA MED PA'I DUS CAN NO ZHES 'CHAD PA DE NI RIGS PA MA YIN TE, YUL DE NI KUN RDZOB TU YANG THOG MA MED PA NYID MED PA'I PHYIR TE, 'CHAGS PA'I SNGA ROL NA MED PA'I PHYIR RO, ,DE BAS NA 'PHAGS PA SH'A RI'I BUS CHOS KYI RNAM GRANGS KYI CHO 'PHRUL DANG, BSAM GYIS MI KHYAB CING DPE MED PA'I 'BRAS BU TSE 'DI LA 'THOB PA DMIGS NAS 'PHAGS PA 'JAM PA'I GSUNG LA GUS PA SKYES TE SHIN TU BSTOD PA'I CHED DU BCOM LDAN 'DAS 'JAM DPAL 'DI NI BSAM GYIS MI KHYAB PA'I DPAL LO ZHES DE SKAD GSOL TE, BSAM GYIS MI KHYAB PA NA LHAG PA MED PA'O, ,DPAL NI 'JIG RTEN LAS 'DAS PA'I YON TAN SHES RAB LA SOGS PA'I 'BYOR PA STE, DE 'DI LA YOD PA'I PHYIR RO, , DE CI'I SLAD DU ZHE NA ZHES RGOL BA'I BSAM PA NI 'DI YIN TE, RGYUD GZHAN LA YOD PA'I YON TAN PHUN SUM TSOGS PA DE JI LTAR KHYOD KYIS RTOGS PAR NUS, 'DI LTAR RE ZHIG KHYOD KYIS SEMS KYI RNAM GRANGS SHES PA'I MNGON PAR SHES PA NI 'DI LA MNGON SUM DU 'JUG PAR NUS PA MA YIN BDAG MED PA GNYIS KHONG DU CHUD PAS SHIN TU SHES RAB KYI DBANG PO RNO BA YIN PA'I PHYIR DANG, BDE BAR GSHEGS PA'I GO 'PHANG DANG NYE BA YIN PA'I PHYIR RO, ,SA DANG DBANG PO GANG ZAG GANG 'DAS DANG, ,ZHIG DANG MA SKYES DE DAG RTOG PA MED, ,CES GSUNGS PA YIN NO, ,YUL 'DI LTA @137B BU LA RJES SU DPAG PA 'JUG PA YANG MED DE, 'DI LTAR GZHAN GYI SKYON DANG YON TAN RTOGS PA NGES PAR BYA BA LA RTAGS YOD PA MA YIN TE, DE NI SEMS KYI CHOS YIN PA NYID KYIS DBANG PO'I YUL LAS 'DAS PA'I PHYIR RO, ,RANG GI LUS DANG NGAG GI THA SNYAD LA RJES SU DPOG NA YANG THA SNYAD NI SKYES BU'I 'DOD PA TZAM LA BRTEN TE 'JUG PA YIN PAS DE GZHAN DU BYA BAR YANG NUS PA MA YIN NO, ,SEMS LA SHIN TU RNAM PAR MA NGES PA 'DOD PA DANG BRAL BA KHYOD 'DRA BAS NI GZHAN GYIS BRJOD PAR SHIN TU NUS PA MA YIN NO ZHE NA, 'DI'I LAN DU, 'DI LTAR 'DI'I SPOBS PA GANG DANG GANG LAGS PA'I SPOBS PA DE DANG DE NYID BSAM GYIS MI KHYAB PA NYID LAGS SO ZHES BYA BAS 'DI SKAD BSTAN TE, TSIG KHYAD PAR CAN GYI RGYU NI RGYUD GZHAN LA YOD PA'I YON TAN GYI BYE BRAG RTOGS PA YIN LA, TSIG KHYAD PAR CAN DE YANG TSAD MA DANG LDAN PA'I DON STON PAR BYED PA NYID KYIS SMRA BA POS YANG DAG PAR RTOGS PA DANG, PHYIN CI MA LOG PAR MTHONG BA'I MCHOG DANG, GZHAN GYI DON GYI RJES SU 'BRANG BA'I BSAM PA RTOGS PAR BYED PA YIN NA, TSIG LA 'DIR SHIN TU MI 'THAD PA CI YOD, BCOM LDAN 'DAS KYIS KYANG BRJOD PAR BYA BA'I LHAG MA LUS PAR GZIGS NAS GDAMS NGAG GI GTAM GYI RGYUD MI GCAD PA'I PHYIR GLENG SLONG BA MDZAD PA NI, DGE SLONG SHAR DVA TI'I BUS TSIG JI SKAD SMRAS PA DE DE BZHIN TE ZHES BYA BA LA SOGS PA YIN NO, ,'PHAGS PAS KYANG DE KHO NA NYID BRJOD PA'I PHYIR BTZUN PAS SMRAS PA SEL BAR MDZAD PA NI, BCOM LDAN 'DAS BSAM GYIS MI KHYAB NA SPOBS PAR MI 'GYUR RO ZHES BYA BA LA SOGS PA YIN NO, ,DGONGS PA NI 'DI LTA STE SPOBS PA DE DAG THAMS CAD NI BSAM GYIS MI KHYAB PA NYID DO ZHES BYA BAS CI BSTAN PAR 'GYUR ZHE NA, CI BSAM GYIS MI KHYAB PA'I BDAG NYID GZUNG BA'I RNAM PAR SNANG NGAM, 'ON TE CI GNYIS SU MED PA NYID BSAM GYIS MI KHYAB PA'I BDAG NYID DU SKYE 'AM, CI NANG DU BRJOD PA'I NGO BO DANG LDAN PA'I PHYIR 'DI BSAM GYIS MI KHYAB PA YIN NO ZHES GNYIS SU 'BYUNG BA YIN, BTZUN BAS BDAG LA SMRAS PAR GYUR PA DE GZHAN DAG LAS BYE BRAG CI YOD CES DGONGS PA'O, ,'DI SNYAM DU @138A *, ,DGONGS TE, SGRA DANG DE'I DON MTHA' DAG NI BSAM PAR BYA BAR 'GYUR TE, DE GNYIS RNAM PAR RTOG PA'I SHES PA'I YUL YIN PA'I PHYIR RO, ,DE DAG NI MI RIGS PAR SMRAS PA MA YIN NAM, GANG BSAM GYIS MI KHYAB PA MA LAGS PA NI CI YANG MA MCHIS SO; ,DE NYID KYI PHYIR, BCOM LDAN 'DAS SGRA THAMS CAD NI BSAM GYIS MI KHYAB PA STE ZHES GSUNGS TE, SGRA SMOS PAS DE'I DON YANG MTSON PAR BYED PA YIN NO, ,'DI SNYAM DU DGONGS TE, SGRA DANG DON DE GNYIS NI PHYI'I GZUGS KYI NGO BO GSAL BA'I BDAG NYID DAM, SPYI'I NGO BO'AM, BLO LA SNANG BA'I MTSAN NYID CIG YIN GRANG NA, DE DAG NI DON DAM PAR RNAM PAR RTOG PA'I SHES PA'I YUL DU MI 'GYUR TE, THAMS CAD LAS KYANG, GSAL BA GNYIS SU MI 'GYUR TE, ,GZHAN DU 'GRO BAR SNANG BA YIN, ,SHES PA DAG LAM GTOGS PAR, , JI LTAR DON GZHAN 'GRUB PAR 'GYUR, ,DE BAS LOG PAR RNAM RTOG PA'I, ,SGRA DON 'DI KUN RNAM PAR NGES, ,BAG CHAGS LAS BYUNG THOG MA MED, ,RANG GI BSAM LAS RNAM PAR LOG ,CES 'BYUNG NGO, ,PHYOGS GSUM PA SEL BA NI BSAM GYIS MI KHYAB PA NYID KYI SGRA NI BSTAN PAR MI NUS SO ZHES BYA BA YIN TE, BSAM GYIS MI KHYAB PA NYID CES BYA BA NI BSAM GYIS MI KHYAB PA'I NGO BO'O, ,SGRA ZHES BYA BA NI SGRA'I DON LA BYA STE, SGRA'I RNAM PA'I RJES SU 'BRANG BA'I PHYIR SGRA'I DON LA SGRA ZHES GSUNGS SO, ,SGRA'I DON MED DU ZIN KYANG RANG BZHIN LA GO 'GAL BA CI YOD CE NA, SGRA MA LAGS PA YANG ZHES GSUNGS TE, SGRA'I DON MA LAGS PA YANG BSTAN PAR MI NUS SO, ,BRJOD PAR MI NUS SO ZHES BYA BA'I THA TSIG GO, ,DON NI 'DI YIN TE NANG DU BRJOD PA YANG JI LTAR DE'I SPYI'I RNAM PA'I SGRA'I DON NYID DU RANG GI RNAM PA LA MNGON PAR ZHEN PA DE BZHIN DU 'DI YANG YOD PA MA YIN TE, JI LTA BA BZHIN DU MNGON PAR ZHEN PA DANG LDAN PA'I PHYIR DANG, DE KHO NA NYID JI LTA BA BZHIN DU MNGON PAR MA RTOGS PA'I PHYIR RO, ,DE NAS YANG BTZUN PA'I DGONGS PA NI 'DI LTA STE, GANG GI PHYIR 'DI NI BSAM GYIS MI KHYAB PA'I TING NGE @138B 'DZIN LA SNYOMS PAR 'JUG GO, ,SO SO'I SKYE BO LA SOGS PA NI MA YIN NO, ,DE BAS NA 'DI NYID RE ZHIG DE TZAM GYIS BSAM GYIS MI KHYAB PA SPOBS PA LAGS SO ZHES BSHAD DO ZHE NA, DE'I PHYIR BCOM LDAN 'DAS KYIS BKA' STZAL PA, 'JAM DPAL KHYOD BSAM GYIS MI KHYAB PA'I TING NGE 'DZIN LA SNYOMS PAR 'JUG GAM ZHES GSUNGS SO, ,DE NYID KYANG SPONG BAR BYED PA NI BCOM LDAN 'DAS DE NI MA LAGS TE ZHES BYA BA YIN NO, ,'DI NYID RNAM PAR 'BYED PA NI BSAM GYIS MI KHYAB PA'I TING NGE 'DZIN LA BDAG SNYOMS PAR MI 'JUG GO ZHES BYA BA YIN NO, , DE CI'I SLAD DU ZHE NA ZHES BYA BA NI DES RAB TU PHYE BA YIN NA JI LTAR DE LA SNYOMS PAR MI 'JUG CES BSAMS PA'O, ,LAN DU BCOM LDAN 'DAS 'DI LTAR BDAG NYID BSAM GYIS MI KHYAB PA'I TING NGE 'DZIN LAGS PA'I SLAD DU'O ZHES BYA BA YIN NO, ,GONG DU TING NGE 'DZIN GYI SGRA SMOS PA DER YANG 'DI'I DON GYIS KHONG NAS DBYUNG BAR BYA'O, ,'DI LTAR 'GYUR TE, BCOM LDAN 'DAS GAL TE BDAG BSAM DU RUNG BA LAGS NA NI BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG GO, ,BSAM GYIS MI KHYAB PA'I TING NGE 'DZIN LAS LOGS SHIG NA YOD NA ZHES BYA BA'I THA TSIG GO, ,DON 'DI YANG YOD PA MA YIN TE, 'DI LTAR BCOM LDAN 'DAS BSAM DU MA MCHIS PA'I TING NGE 'DZIN ZHES BGYI BA DE NI BSAM DU MA MCHIS PA, BSAM GYIS MI KHYAB PA BSAM GYIS MI LANG BA LAGS TE GANG GI PHYIR BSAM DU MA MCHIS TE BSAM PA LAS 'DAS PA DE BAS NA DON BSAM GYIS MI LANG BA LAGS SO, ,BRJOD PA TZAM DU TING NGE 'DZIN SMOS SO, ,DE BAS NA JI LTAR BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG PAR BGYI STE, LOGS SHIG NA MI SRID PA'I PHYIR MI BGYID DO, ,GANG GI TSE RNAM PAR SHES PA NYID KYI SKAD CIG MA GCIG LA GNYIS SU MED PA BSAM GYIS MI KHYAB PA'I TING NGE 'DZIN GYI NGO BO DANG LDAN PA SKYE BA DE LA YANG DAG PAR SNYOMS PAR 'JUG PA PO DANG, SNYOMS PAR 'JUG PA DANG, SNYOMS PAR 'JUG PAR BYA BA DAG MED PA YIN NA, DE'I TSE JI LTAR BDAG BSAM @139A *, ,GYIS MI KHYAB PA'I TING NGE 'DZIN LA SNYOMS PAR 'JUG PA'AM, SNYOMS PAR ZHUGS PA'AM, SNYOMS PAR 'JUG PAR 'GYUR BA YIN, KHA CIG LAS BSAM PA LAS 'DAS PA, BSAM BYA MED PA, BSAM GYIS MI KHYAB PA ZHES 'BYUNG STE, DE'I DON YANG 'DI YIN TE, BSAM PAR BYA BA'I NGO BO 'DI LAS 'DAS PAS BSAM PA LAS 'DAS PA YIN NO, ,DE NYID KYI PHYIR BSAM BYA MED PA YIN TE, BSAM BYAR 'OS PA MA YIN PA'O, ,GSUM PA NI MJUG SDUD PA'I TSIG YIN NO, ,GAL TE DE LTAR NA BDAG NI BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM PA 'DI JI LTAR 'BYUNG BAR 'GYUR ZHE NA, DE'I PHYIR GSUNGS PA, DE LTA LAGS KYIS KYANG BCOM LDAN 'DAS BDAG BSGOM PA KHYAD ZHUGS PA THOB PA'I SNGON ROL LAS DANG PO PA THOG MA BRTZON PA'I TSE NA 'DI SNYAM DU ZHES BYA BA LHAG MA'O, ,DE JI LTA BU ZHE NA, BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU DE LTAR BSAMS PAR GYUR TO, ,BDE BAR GSHEGS PA'I GO 'PHANG 'DOD PAS MNGON DU BYA'O SNYAM MO, ,DE BSAM PA DE CI MED DAM ZHE NA, GSUNGS PA, BCOM LDAN 'DAS DA LTAR NI BDAG BSAM GYIS MI KHYAB PA'I TING NGE 'DZIN 'DI LA SNYOMS PAR 'JUG GO SNYAM DU YANG PHYIR YANG DE LA SEMS PA KUN TU 'BYUNG BA MA MCHIS SO, ,'DIR SNGAR DPE BSTAN PAS LAN GDAB PA'I PHYIR RO, ,BCOM LDAN 'DAS 'DI LTA STE DPER NA ZHES BYA BA LA SOGS PA GSUNGS SO, ,'PHONG GI SLOB DPON NI 'PHEN MKHAS PAR GYUR PA'O, ,DE SNGON LAS DANG PO PA'I SA NI SLOB PA'I TSE BSAM PA 'DI SNYAM DU BDAG GIS 'BEN SBOM POR GYUR PA BA LANG GI PHUR PA DAG LA PHOG PAR BYA'O SNYAM DU SEMS SO, ,BA LANG GI PHUR PA ZHES BYA BA NI PHUR PA GANG LA BA LANG DAG 'DOGS PA'O, ,'PHONG GI SLOB DPON DE GANG GI TSE SKRA'I NYAG MA PHRA MO LA PHOG PAR GYUR PA DE'I TSE 'PHONG GI SLOB DPON DE YANG BSAM PA 'DI SNYAM DU BDAG GIS BA LANG GI PHUR PA DAG LA PHOG PAR BYA'O SNYAM DU SEMS PA MI 'BYUNG NGO, ,CI'I PHYIR MI 'BYUNG ZHE NA, @139B 'DI LTAR DE SKRA LA PHOG PAR LEGS PAR LOBS PA'I SLAD DU'O, ,SKRA NYAG MA PHRA MO LA PHOG PAR MKHAS NA BA LANG GI PHUR PA LA PHOG PA LTA SMOS KYANG CI DGOS ZHES BYA BA'I THA TSIG GO, ,CI STE GOMS PA MCHOG TU GYUR MA THAG TU GANG GI TSE 'PHONG GI SLOB DPON DE SKRA LA PHOG PAR 'TSAL ZHING 'DOD PA DE'I TSE BSGRIM MI 'TSAL BAR 'BAD PA MED PAR SKRA LA PHOG PAR 'GYUR TE, SKRA LA PHOG PAR GOMS PA'I PHYIR RO, ,BCOM LDAN 'DAS DE BZHIN DU BDAG SNGON NI ZHES BYA BA LA SOGS PAS NI DON LA DPE'I DON SBYOR BAR BYED PA YIN NO, ,GANG GI TSE BDAG GIS RIM GYIS RNAM PAR RTOG PA 'PHROS PA MTHA' DAG BSAL TE TING NGE 'DZIN DE LA SNYOMS PA ZHUGS PAR GYUR NAS TING NGE 'DZIN 'DIS TING NGE 'DZIN 'DI'I NGO BOS GNAS PA DE'I TSE BDAG SLAR YANG TING NGE 'DZIN 'DI LA BSAM PA 'DI SNYAM DU TING NGE 'DZIN 'DIS GNAS PAR BGYI'O SNYAM DU MI SEMS SO, ,SLAR YANG ZHES BYA BA YANG CI STE SHIN TU BSGOMS PAR MA GYUR BA'I TSE SNGON NI BYUNG LA, DA NI MNGON PAR ZHEN PA MI 'BYUNG BA DE CI'I SLAD DU ZHE NA, 'DI LA DE'I BSAM PA ZHUGS NAS DE 'PHEL NA GO DE'I BSAM PA YANG 'PHEL BA'I RIGS SO ZHES BSAMS PA'O; ,'DI'I LAN NI GANG DANG GANG GI TSE TING NGE 'DZIN 'DIS GNAS PA ZHES BYA BA LA SOGS PA YIN NO, ,TING NGE 'DZIN 'DIS GDAGS SU MA MCHIS ZHES BYA BA NI RNAM PAR MI RTOG PA'I PHYIR TE, GNAS PAR BYA'O ZHES BYA BA LA SOGS PAR 'DOGS PA'I RNAM PAR RTOG PA MED PAS NA GDAGS SU MA MCHIS PA'O, ,RNAM PAR RTOG PA DE MED PA YANG TING NGE 'DZIN GYI NGO BO YIN PA'I PHYIR RO, ,BTZUN PAS ZIN PA NI SHIN TU ZHI BA'I TING NGE 'DZIN GZHAN YOD PA'I PHYIR 'DI LA YID RTON PA MED PAS RNAM PAR RTOG PA MI 'JUG GO SNYAM PA DE'I PHYIR, BCOM LDAN 'DAS 'JAM DPAL GZHON NUR GYUR PA NI BSAM GYIS MI KHYAB PA'I TING NGE 'DZIN 'DIS GNAS PA'I TSE 'DI LA YID MI RTON NA ZHES GSUNGS TE, 'DI LTAR GDAGS SU MA MCHIS PA ZHES GSUNGS NA, 'DI NYID SHIN TU ZHI BA YIN PAR MA RTOGS PA'I PHYIR, 'DI BAS CHES ZHI BA'I DNGOS PO @140A *, ,GZHAN ZHIG YOD PAR MNGON NO ZHES SEMS CAN GZHAN ZHIG SEMS PA'I NGOR BYAS TE, BCOM LDAN 'DAS BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN LTA MA MCHIS SAM ZHES DRIS SO, ,RE ZHIG TSIG GI SKYON BZUNGS BA NI BTZUN PA SHA RA DVA TI'I BU KHYOD KYIS BSAM GYIS MI KHYAB PA'I TING NGE 'DZIN 'DI ZHI BA YIN PAR JI LTAR SHES ZHES BYA BA YIN NO, ,BTZUN PA NI SHIN TU ZHI BA'I TING NGE 'DZIN GZHAN DRIS PA MA YIN NAM, 'DI ZHI BA NYID DU KHAS BLANGS PA NI MA YIN NA CI'I PHYIR DE SKAD DU BRGAL ZHE NA, 'DI SNYAM DU SEMS TE, 'DI ZHI BA NYID YIN PAR RTOGS NA NI GZHAN SHIN TU ZHI BA NYID YIN PAR DRI BA'I RIGS TE, 'DI LTAR 'DI YANG ZHI BA'O, ,'DI YANG ZHI BA'O, ,ZHI BA 'DI GNYIS KYI NANG NA SHIN TU ZHI BAR 'DUG PA YIN NO ZHES BYA BAS NI 'DI ZHI BA NYID DU NGES PA DANG, GZHAN SHIN TU ZHI BA YIN PAR 'DRI BAR RIGS SO, ,'DI NI ZHI BA NYID YIN PAR NGES PAR RIGS PA MA YIN TE, BYANG CHUB SEMS DPA' RNAMS KYI TING NGE 'DZIN NI NYAN THOS DAG GIS MNGON DU BYED PA MA YIN PA'I PHYIR RO, ,DE LTAR TSIG GI SKYON BRJOD NAS, DA NI TING NGE 'DZIN GDAGS SU MED PA 'DI'I DON GSAL BAR BYED PA NI BTZUN PA SHA RADVA TI'I BU 'DI SKAD DU BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN LTA MCHIS SAM ZHES 'DRI NA ZHES BYA BA YIN NO, ,DE LA GSUNGS PA, BTZUN PA SHA RADVA TI'I BU GAL TE BSAM GYIS MI KHYAB PA'I TING NGE 'DZIN 'DI YOD CING DE BZHIN DU DMIGS NA NI DE'I TSE BSAM GYIS MI KHYAB PA'I TING NGE 'DZIN 'DI BAS GZHAN CHES ZHI BA'I TING NGE 'DZIN GZHAN YOD PAR GYUR NA JI TZAM DU 'DI NYID RE ZHIG THOG MAR YOD PA MA YIN TE, MED PA YIN PA'I PHYIR RO, ,DE NYID KYI PHYIR MI DMIGS PA NI 'DI JI LTAR ZHI BA NYID DU YOD PAR 'GYUR, GANG GIS NA 'DI BAS GZHAN CHES ZHI BA BTZAL BAR BYA, 'DI YOD PA KHO NA MA YIN NAM, DE LTA MA YIN TE, MED PA YIN NA CHOS LA BDAG MED PA MNGON PAR RTOGS PA MED PAR THAL BAR 'GYUR BA'I PHYIR DANG, BYANG CHUB SEMS DPA' RNAMS @140B GZHAN LAS SHIN TU KHYAD PAR DU RNAM PAR GZHAG PA'I RGYU MTSAN MED PAR THAL BAR 'GYUR BA'I YANG PHYIR RO, ,DE BAS NA DMIGS PA KHO NA YIN TE, DE LTA MA YIN NA YOD PA YANG MED PA DANG BYE BRAG MED PAR THAL BAR 'GYUR BA'I PHYIR RO SNYAM DU SEMS PA LA, 'JAM DPAL BSAM GYIS MI KHYAB PA'I TING NGE 'DZIN 'DI MED CING MI DMIGS PA YIN PAR BRJOD DAM CI ZHES BYA BA DGONGS PA YIN NO, ,LAN NI BTZUN PA SHA RADVA TI'I BU 'DI LTAR DE NI BSAM GYIS MI KHYAB PA'I TING NGE 'DZIN TE ZHES BYA BA YIN TE, 'DI LA BSAM PAR BYA BA GZUNG BA YOD PA MA YIN LA, SEMS GZHAN GYIS BSAM PAR YANG NUS PA MA YIN NO, ,RANG LA SEMS SHING 'DZIN PAR YANG 'OS MA YIN TE, DE BAS NA BSAM GYIS MI KHYAB PA YIN NO, ,GTAN TSIGS GANG GIS DE LTAR YIN PA DE BAS NA BSAM GYIS MI KHYAB PA'I TING NGE 'DZIN 'DI NI MED DE MI DMIGS PA'O ZHES KYANG STON TO, ,'DIR BSDUS PA'I DON NI 'DI YIN TE, TING NGE 'DZIN NI SEMS RTZE GCIG PA LA BYA NA, DON DAM PAR SEMS KYI RTZE MO DMIGS PAR GDAGS PA GZHAN CUNG ZAD KYANG YOD PA MA YIN NA, GANG GIS 'DI RTZE GCIG PA'I TING NGE 'DZIN DU 'GRUB PAR 'GYUR, DE BAS NA BRJOD PA TZAM KHO NAR ZAD DE, SPROS PA'I TSOGS DANG BRAL BA GLO BUR DU G-YENG BA'I DRI MAS MA GOS PA RNAM PAR MI RTOG PA, 'GYUR BA MED PA DRI MA'I RNAM PAS DBEN PA GANG LA TING NGE 'DZIN GYI MING DU GZHAG PA NI KUN RDZOB TU YOD PA YIN NO, ,'O NA SO SO'I SKYE BO RNAMS LA YANG TSUL DE LTA BUR BRJOD PA'I DNGOS PO GNAS PA YIN TE, DUS THAMS CAD DU CHOS KYI DBYINGS NI 'GYUR BA MED PAR YONGS SU GRUB PA'I PHYIR RO, ,DE BAS NA DE DAG KYANG BSAM GYIS MI KHYAB PA'I TING NGE 'DZIN DANG LDAN PAR THAL BAR 'GYUR RO ZHE NA, DE LA 'DIR RE ZHIG DE TZAM DU BRJOD PAR 'DOD NAS BYIS PA RNAMS LA YANG BSAM GYIS MI KHYAB PA'I TING NGE 'DZIN YOD PAR 'GYUR NA DE'I PHYIR CUNG ZAD KYANG MI 'DOD PAR 'GYUR BA MA YIN PAR DGONGS NAS, DE LTA MOD KYI BTZUN PA SHA RA DVA TI'I BU BSAM GYIS MI KHYAB PA'I TING NE 'DZIN ZHES BYA BA LA SOGS PA @141A *, ,GSUNGS SO, ,DE CI'I PHYIR ZHE NA ZHES BYA BA NI SHES PA GNYIS LAS DBEN PA YIN ZHING SKABS KYI DNGOS PO YOD DU ZIN KYANG, SEMS CAN 'GA' YANG TING NGE 'DZIN DANG LDAN PAR THAL BAR MI 'GYUR BA MA YIN NAM, 'DI LTAR THAL MA THAG PA'I DON GYI YON TAN YOD PA MA YIN NO SNYAM PA 'DI SEMS LA BZHAG NAS YANG DE'I PHYIR RO, ,BSAM PA THAMS CAD NI ZHES BYA BA LA SOGS PA GSUNGS TE, BSAM BAR 'OS PA BSAM BAR BYA BA THAMS CAD NI BSAM GYIS MI KHYAB PA STE GZUNG BA MA YIN PA'O, ,DES NA CIR 'GYUR ZHE NA, GANG BSAM GYIS MI KHYAB PA ZHES BYA BA NI BSAM BAR BYA BA'I DON DANG BRAL BA'I PHYIR GZUNG BAS DBEN PA NYID YIN LA, DE NI BSAM GYIS MI KHYAB PA'I TING NGE 'DZIN TE DNGOS PO GNAS PA ZHES BYA'O, ,DE BAS NA DE DAG GI CHA LAS SEMS CAN THAMS CAD KYANG BSAM GYIS MI KHYAB PA'I TING NGE 'DZIN THOB PAR RNAM PAR GZHAG PA 'GAL BAR MI 'GYUR RO, ,YANG 'JAM PA'I GSUNG LA DAD PA LHAG PAR SKYES PA RNAMS KYI DANG BA BSKYED PA'I PHYIR, 'JAM DPAL KHYOD KYIS ZAB MO ZAB PA'I GNAS 'DI LTA BU 'DI DAG THAMS CAD BSTAN PA LEGS SO LEGS SO ZHES BYA BA LA SOGS PA GSUNGS TE, ZAB MO ZAB PA'I GNAS ZHES BYA BA NI DON ZAB PA YIN TE, SKUR PA 'DEBS PA DANG, SGRO 'DOGS PA DANG BRAL BA'I PHYIR RO, ,SKUR PA 'DEBS PA DANG, SGRO 'DOGS PAR MI BYED PA 'DI'I RGYU 'DI YANG GO RIMS BZHIN DU STON PAR BYED PA NI 'DI LTAR 'JAM DPAL KHYOD NI SNGON GYI RGYAL BA LA BYA BA BYAS PA STE ZHES BYA BA LA SOGS PA YIN TE, DE DAG GI DON NI BSTAN ZIN TO, ,DE LA KHA CIG GI BLO LA 'DI SNYAM DU 'DI NI SHES RAB CAN YIN PA'I PHYIR DE LA GNAS TE SMRA BA YIN GYI, DNGOS PO'I DBANG GIS NI MA YIN NO SNYAM MO, ,DE BAS NA BRNYAS PA YONGS SU SPANG BA'I PHYIR BCOM LDAN 'DAS KYIS CI 'JAM DPAL KHYOD SHES RAB KYI PHA ROL TU PHYIN PA LA GNAS TE ZHES BYA BA LA SOGS PA GSUNGS TE, GANG KHA CIG 'CHAD PA NI DE CI'I PHYIR SHES RAB KYI PHA ROL TU PHYIN PA LA GNAS TE 'DI SKAD SMRA'O SNYAM DU SEMS SHING BLO DE SNYAM @141B BYED DAM ZHES BYA BA'I THA TSIG GO, ,MA LAGS SO ZHES BSTAN PA'I PHYIR, BCOM LDAN 'DAS GAL TE BDAG GI BLO 'DI LTAR SHES RAB KYI PHA ROL TU PHYIN PA LA GNAS NAS 'DI SKAD MCHI'O SNYAM BGYID NA NI DE LTA NA YANG DE DMIGS PA LA GNAS TE, DE SKAD MCHI BAR 'GYUR TE, DMIGS PA NI BDAG LA SOGS PAR DMIGS PA'O, ,DE LTA NA YANG BDAG TU 'DU SHES PA LA GNAS PA NAS DE SKAD MCHI BAR 'GYUR TE, RANG GI NGO BO TZAM LA DMIGS PA SNGON DU BTANG BA CAN GYI MNGON PAR ZHEN PA CAN GYI 'DU SHES PA'O, ,DNGOS PO'I 'DU SHES NI GZUNG BA DANG 'DZIN PA YOD PAR MNGON PAR ZHEN PA'O, ,BAR GYI SGRAS SROG DANG, SKYE BA PO DANG, SKYES BU DANG, GSO BA DANG, GANG ZAG LA SOGS PA'I 'DU SHES YONGS SU GZUNG NGO SNYAM DU MI BGYID DO, ,DE BAS NA SHES RAB KYI PHA ROL TU PHYIN PA LA GNAS TE DE SKAD MI MCHI'O SNYAM BDAG MI BGYID DO ZHES KHONG NAS DBYUNG NGO, ,DE CI'I SLAD DU ZHE NA ZHES BYA BA NI SHES RAB KYI PHA ROL TU PHYIN PA LA GNAS TE MCHI'O SNYAM BGYID KYANG DE TZAM GYIS BDAG LA SOGS PA'I 'DU SHES PA LA YANG GNAS TE, DE SKAD MCHI'O SNYAM DU BGYID CES BYA BAR 'BREL PA CI YOD, SHES RAB KYI PHA ROL TU PHYIN PA NYID BDAG LA SOGS PA'I 'DU SHES MA YIN NO ZHES BYA BA NI RGOL BA PO'I BSAM PA YIN NO, ,'DI'I LAN DU, BCOM LDAN 'DAS GAL TE SHES RAB KYI PHA ROL TU PHYIN PA LA GNAS SU GYUR TAM ZHES BYA BA LA SOGS PA YIN NO, ,'DI SKAD BSTAN TE, SGRO 'DOGS PA DANG SKUR PA 'DEBS PA'I MTHA' DANG BRAL BA NI SHES RAB KYI PHA ROL TU PHYIN PA'O, ,BCOM LDAN 'DAS GAL TE SHES RAB KYI PHA ROL TU PHYIN PA DE LA BYED PA PO 'GA' ZHIG GNAS SO, ,'DUG GO ZHES BDAG RNAM PAR RTOG PAR GYUR NA, DE'I TSE SGRO 'DOGS PA'I MTHAR LTUNG BAR 'GYUR RO ZHES KYI SGRA NI 'DIR KHONG NAS DBYUNG BAR BSTAN TE, GNAS SO ZHES BYA BA'I THA TSIG GO, ,CI STE GNAS PA MA LAGS TE, GNAS PA MED PA ZHIG TU GYUR NA ZHES BYA BA NI SKYON MED PA GNYIS SU MED PA'I YE SHES KYI BDAG NYID KYANG DE'I BDAG NYID DU GYUR NA ZHES SBYAR RO, , @142A *, ,'DIR YANG ZHES KYI SGRA KHONG NAS DBYUNG BAR BSTAN TE, DE'I TSE YANG SKUR PA 'DEBS PA'I MTHAR LTUNG BAR 'GYUR RO, ,DE LTAR GYUR NA MTHA' GNYIS DANG BRAL BA'I SHES RAB KYI PHA ROL TU PHYIN PA MA LAGS PAR 'GYUR RO, ,SHES RAB KYI PHA ROL TU PHYIN PA LA GNAS PA MED NA YANG BDAG LA SOGS PA'I LTA BA RNAMS SPONG BAR MI 'GYUR TE, DE'I DBANG GIS BYANG CHUB SEMS DPA' RNAMS DE DAG SPONG BAR BYED DO, ,DE LTAR NA BDAG LA SOGS PA'I 'DU SHES LA GNAS NAS DE DE SKAD MCHI'O ZHES BYA BA RUNG BA YIN NO, GNAS MA LAGS PA ZHES BYA BA CI'I PHYIR SMOS, 'DI DRIS PA NI MED DO ZHE NA, NYES PA MED DE, SGRO 'DOGS PA DANG SKUR BA 'DEBS PA'I MTHA' DANG BRAL BA SHES RAB KYI PHA ROL TU PHYIN PA YIN PAR DE LTAR BZHED PA'I PHYIR TE, DE BZHIN DU BSTAN PA YIN NO, ,BSTAN MA THAG PA'I DE KHO NA NYID KYI DON GSAL BAR BYED PA'I DON DU, BCOM LDAN 'DAS BDAG GI GNAS MA LAGS PA NI SHES RAB KYI PHA ROL TU PHYIN PA'I GNAS TE ZHES GSUNGS TE, SHES RAB KYI PHA ROL TU PHYIN PA NYID GNAS YIN PAS SHES RAB KYI PHA ROL TU PHYIN PA'I GNAS SO, , DRI MA MED PA GNYIS SU MED PA'I YON TAN GYI RTEN YIN PA'I PHYIR TE, DE NI BDAG GI GNAS MA LAGS TE, BDAG GI RTEN MA YIN ZHES BYA BA'I THA TSIG GO, ,BDAG SMOS PAS GANG ZAG LA SOGS PA YANG MTSON PA YIN NO, ,DES NI GANG ZAG LA BDAG MED PA BSTAN TO; ,'O NA GZUNG BA DANG 'DZIN PA GNYIS KYI GNAS YOD MOD CE NA, SHES RAB KYI PHA ROL TU PHYIN PA'I GNAS NI GNAS MA MCHIS PA ZHES GSUNGS TE, GZUNG BA DANG 'DZIN PA GNYIS KYI ZHES BYA BA LHAG MA'O, ,DES NI CHOS LA BDAG MED PA BSTAN TO, ,DE GNYIS YANG DAM BCAS PA TZAM GYI SNYING POR BSTAN TO ZHES DOGS PA LA, GTAN TSIGS GO RIMS BZHIN DU BSTAN PA NI KUN NAS 'BYUNG BA MA MCHIS PA LAGS SO ZHES BYA BA YIN TE BDAG LA SOGS PA NI 'DI LAS SHIN TU YANG KUN NAS 'BYUNG BA MA MCHIS PAS KUN NAS 'BYUNG BA MA MCHIS PA'I DGONGS PA NI 'DI @142B YIN TE GNAS DANG GNAS MA YIN PA'I DNGOS PO NI NYE BAR SKYED PAR BYED PA DANG NYE BAR BSKYED PAR BYA BA MED PAR MI 'GRUB PA YIN NO, ,SHES RAB KYI PHA ROL TU PHYIN PA GNAS YOD DU ZIN KYANG BDAG LA SOGS PA 'GA' YANG SHIN TU SKYE BA MA YIN TE, RTAG PA'I PHYIR RO, ,'BYUNG BA MA MCHIS PA LAGS SO ZHES BYA BA NI GZUNG BA DANG 'DZIN PA'I MTSAN NYID DAG BSTAN ZIN PA'I TSUL GYIS MED PA YIN NO ZHES BYA BA LHAG MA YIN NO, ,KHA CIG LAS GO SKABS MA MCHIS PA, 'BYUNG BA MA MCHIS PA LAGS SO ZHES 'BYUNG BA DE LA 'DI LA GZUNG BA DANG 'DZIN PA'I SKABS YOD PA MA YIN NO ZHES BSHAD PAR BYA BA YIN NO, ,'BYUNG BA MA MCHIS PA LAGS SO ZHES BYA BA NI 'DI NYID KYI RNAM PAR 'BYED PA YIN TE, 'DI'I DON YANG SNGA MA BZHIN NO, ,YANG NA DGAG PA MED PAR BYA STE, BCOM LDAN 'DAS BDAG GI GNAS PA NI SHES RAB KYI PHA ROL TU PHYIN PA'I GNAS TE ZHES BYA BA DES NI CHOS LA BDAG MED PA BSTAN TE, SHES RAB KYI PHA ROL TU PHYIN PA'I GNAS GANG YIN PA DE DAG NI BDAG GI GNAS YIN NO ZHES 'DI NI DPER BSHAD PA YIN TE, GNAS BDAG LTA BU'O ZHES BYA BA'I THA TSIG GO, ,DPER NA NAM MKHA' LA ME TOG DANG 'DRA BAR BDAG LA BDE BA LA SOGS PA GNAS PAR PHA ROL POS BRTAGS PA NI YANG DAG PA MA YIN NO, ,DE BZHIN DU SHES RAB KYI PHA ROL TU PHYIN PA LA YANG GANG YANG GNAS PA MED DE, BDAG DANG 'DZIN PA LA SOGS PA'I GNAS MED PA'I PHYIR RO, ,DON DE NYID RNAM GRANGS KYIS GSAL BAR BYED PA NI GNAS MA MCHIS PA ZHES BYA BA LA SOGS PA YIN TE, SHES RAB KYI PHA ROL TU PHYIN PA NI GNAS PA 'DI'I GNAS DANG, GZHI YOD PA MA YIN PAS GNAS MED PA'O, ,DE BZHIN DU GNAS LA YANG JI LTAR RIGS PAR SBYAR RO, ,MJUG SDUD PA NI DE LTAR NA JI SKAD DU BSTAN PA'I TSUL GYIS GNAS SHES RAB KYI PHA ROL TU PHYIN PA'I BDAG NYID YON TAN GYI TSOGS MA LUS PA'I GZHIR GYUR PA DE NI BDAG DANG 'DZIN PA LA SOGS PA CHOS GANG GI GNAS DANG GZHI YANG MA LAGS SO, ,GTAN TSIGS DE'I SLAD DU GNAS DE NI BSAM @143A *, ,GYIS MI KHYAB PA'I GNAS ZHES BSTAN TO ZHES BYA BA NI LHAG MA'O, ,BSAM GYIS MI KHYAB PA NI BSAM PA THAMS CAD LAS 'DAS PA'I PHYIR RO, ,GNAS DE GANG ZHE NA, SHES RAB KYI PHA ROL TU PHYIN PA'I GNAS LAGS SO ZHES GSUNGS SO, ,SNGAR NI SHES RAB KYI PHA ROL TU PHYIN PA LA GNAS PA NI SHES RAB KYI PHA ROL TU PHYIN PA'I GNAS SO ZHES BSHAD DU ZIN KYANG 'DI NI SHES RAB KYI PHA ROL TU PHYIN PA NYID GNAS YIN NO ZHES BYE BRAG GI TSIG BSDU BA YIN TE, SNGAR BSTAN PA DANG MTSAMS SBYAR BA'I PHYIR SGRA TZAM NI 'DRA BA YIN NO, , BSAM GYIS MI KHYAB PA DANG MTSAN MA MED PA DANG, STONG PA ZHES BYA BA RGYUN DU BSTAN PA MA YIN NAM, JI LTAR SHES RAB KYI PHA ROL TU PHYIN PA DE NYID BSAM GYIS MI KHYAB PA'I GNAS ZHES BSHAD CE NA, BCOM LDAN 'DAS SHES RAB KYI PHA ROL TU PHYIN PA ZHES BGYI BA NI ZHES GSUNGS TE, BSHAD PA ZHES BYA BA NI LHAG MA'O, ,GANG ZHE NA, CHOS THAMS CAD KYI SKYE BA MA MCHIS PA GANG LAGS PA ZHES GSUNGS SO, ,DGONGS PA NI 'DI LTA STE, SKYE BA MED PA NI DE BZHIN NYID DANG, STONG PA ZHES LAN DU MAR BSTAN TO, ,SKYE BA MED PA DE YANG THAMS CAD DU SONG BA MA YIN PA'I PHYIR BYIS PA LA SOGS PA'I SEMS LA YANG YOD DU ZIN KYANG, 'ON KYANG DE DAG GIS MI RTOGS TE GNYIS SU SGRO 'DOGS PA STOBS CAN DU GNAS PA'I PHYIR RO, ,SHES RAB KYI PHA ROL TU PHYIN PA NI SGRO 'DOGS PAR 'PHROS PA MTHA' DAG DANG MI MTHUN PA YIN TE, RANG RIG PAS RTOGS PA YIN NO, ,DE BAS NA SKYE BA MED PAS RAB TU PHYE BA YIN PA'I PHYIR, CHOS THAMS CAD KYI SKYE BA MA MCHIS PA GANG LAGS PA DE SHES RAB KYI PHA ROL TU PHYIN PA LAGS SO ZHES GSUNGS SO, ,DE NYID KYI PHYIR RJES SU SONG BA'I DON NYID BSTAN PA'I PHYIR YANG SHES RAB KYI PHA ROL TU PHYIN PA ZHES BYA BA 'DI GSUNGS TE, SHES RAB KYI PHA ROL TU PHYIN PA MCHOG MTHAR PHYIN CING GSHEGS PA ZHES BYA BA'I THA TSIG GO, ,SKABS LA RGOL BA YONGS SU SPANG BA'I PHYIR, GANG GI PHYIR CHOS THAMS CAD SKYE BA MED PA NI SHES RAB KYI PHA ROL TU PHYIN PA ZHES BSHAD PA DE BAS NA, @143B SHES RAB KYI PHA ROL TU PHYIN PA ZHES BGYI BA DE NI 'DI LTA STE BSAM GYIS MI KHYAB PA'I DBYINGS KYI TSIG BLA DGAS SO ZHES GSUNGS SO, ,BSAM GYIS MI KHYAB PA DE NYID DBYINGS YIN PAS BSAM GYIS MI KHYAB PA'I DBYINGS TE STONG PA ZHES BYA BA'I THA TSIG GO, ,DE LA BSAM GYIS MI KHYAB PA NI BSAM PA'I BLO THAMS CAD KYI YUL DU BYA BAR MI NUS PA'I PHYIR RO, ,DBYINGS NI DKAR PO'I CHOS THAMS CAD KYI RIGS SAM RGYU YIN PA'I PHYIR RO, ,DE BAS NA BSAM GYIS MI KHYAB PA DANG, SKYE BA MED PA DANG, SHES RAB KYI PHA ROL TU PHYIN PA LA SOGS PA NI DON THA DAD PA MA YIN NO, ,DE NYID KYI PHYIR RNAM GRANGS KYI TSUL DE LTA BU YIN PA LA THE TSOM MI BYA'O, ,RNAM GRANGS DE NYID RGYAS PAR BRJOD PAR BZHED PA'I PHYIR, BSAM GYIS MI KHYAB PA'I DBYINGS GANG LAGS PA DE SKYE BA MA MCHIS PA'I DBYINGS SO ZHES GSUNGS TE, DON DE NI BSTAN MA THAG PA YIN NO, ,SKYE BA MED PA NYID DBYINGS YIN PAS SKYE BA MED PA'I DBYINGS SO, ,DBYINGS KYI SGRA NI 'DIR 'OG NAS 'BYUNG BA'I TSIG RNAMS LA YANG PHAL CHER SNGAR BZHIN DU RIGS KYI DON YIN NO, ,SKYE BA MA MCHIS PA'I DBYINGS GANG LAGS PA DE NI YID BZHIN GYI NOR BU DANG 'DRA BA'I CHOS KYI DBYINGS SO, ,'DI LTAR DE'I TSE LHUN GYIS GRUB PA NYID DU SKYE BO GDUL BYA MTHA' DAG LA YOD PA, BCOM LDAN 'DAS KYI STOBS BCU LA SOGS PA NI GANG LAS CIG CAR DU SKYE BA YIN NO, ,CHOS KYI DBYINGS GANG LAGS PA DE NI SGRIB PAR 'GYUR BA'I MTHA' DAG GI CHOS KUN DU 'BYUNG BA DANG BRAL BA'I PHYIR KUN DU 'BYUNG BA MA MCHIS PA'I DBYINGS TE, 'DI LAS SGRIB PA KUN DU 'BYUNG BA DANG BRAL BAS KUN DU 'BYUNG BA MED PA'O, ,DE NYID KHAMS KYANG DE YIN TE, DE SKAD DU BSTAN ZIN TO, ,KUN DU 'BYUNG BA MA MCHIS PA'I DBYINGS GANG LAGS PA DE BSAM GYIS MI KHYAB PA'I DBYINGS TE RGYUD GZHAN GYI YON TAN BSAM GYIS MI KHYAB PA RNAMS KYI DBYINGS TE, RIGS YIN PA'I PHYIR RANG YONGS SU DAG PAS GZHAN YONGS SU DAG PA BSKYED PA'I PHYIR DANG, 'BRAS BU NI RGYU DANG MTHUN PA YIN PA'I PHYIR RO, ,BSAM GYIS MI KHYAB PA'I DBYINGS GANG LAGS PA DE @144A *, ,BDAG GI DBYINGS TE, SHIN TU RNAM PAR DAG PA'I YE SHES KYI NGO BO STON PA'I BDAG GI DBYINGS DANG RANG BZHIN YIN PAS BDAG GI DBYINGS SO, ,DES NI MA 'DRES PA NYID NI DE'I RANG GI NGO BO NYID YIN PAR BSTAN TO, ,RNAM PA DE LTA BU'I NGO BO NYID KHYAD PAR DU 'PHAGS PA GANG YIN PA DE SHES RAB KYI PHA ROL TU PHYIN PA'I DBYINGS SO ZHES BYA BA NI SKABS LA SBYOR BA YIN NO, ,SHES RAB KYI PHA ROL TU PHYIN PA NYID DBYINGS SO ZHES SNGA MA BZHIN DU BSDU'O, ,DE LTAR NA ZHES BYA BA NI DE BAS NA ZHES BYA BA'I THA TSIG GO, ,SHES RAB KYI PHA ROL TU PHYIN PA'I DBYINGS DANG, BDAG GI DBYINGS TE DANG GI SBRAS SKYE BA MED PA'I DBYINGS DANG, KUN DU 'BYUNG BA MED PA'I DBYINGS KYANG RIG PAR BYA'O, ,DE DAG THAMS CAD GNYIS SU MA MCHIS TE, 'DI LA GNYIS KYI DNGOS POR DBYE BA YOD PA MA YIN PAS GNYIS SU MED PA'O, ,'DI NYID KYI RNAM PAR DBYE BA NI GNYIS SU DBYER MA MCHIS SO ZHES BYA BA YIN TE, 'DI LA GNYIS SU BYA BA LA SOGS PAS GNYIS SU BYAR YOD PA MA YIN PAS GNYIS SU DBYER MED PA'O, ,YANG DON 'DI NYID GTAN TSIGS DANG, GTAN TSIGS CAN GYI DNGOS POS GSAL BAR BYED PA NI GTAN TSIGS GANG GI SLAD DU 'DI GNYIS SU MA MCHIS TE GNYIS SU DBYER MA MCHIS PA'I GTAN TSIGS DE'I SLAD DU 'DI NI BSAM GYIS MI KHYAB PA'I DBYINGS TE, GNYIS MCHIS NA NI GNYIS SU DBYER MED PA NYID MI 'GRUB PAR 'GYUR RO, ,GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI SKYE BA MA MCHIS PA'I DBYINGS TE, BRTAGS PA'I CHOS RNAMS SKYE BA DANG LDAN PA YOD NA NI BSAM PA'I YUL NYID YIN PAR 'GYUR RO, ,GANG GI SLAD DU 'DI SKYE BA MA MCHIS PA'I DBYINGS LAGS PA DE'I SLAD DU 'DI NI CHOS KYI DBYINGS SO, ,DE LTA MA YIN NA SHIN TU DKAR BA'I CHOS RNAMS KYI RIGS YIN PAR MI 'GYUR LA, DE'I SGRO 'DOGS PAR 'PHROS PA THAMS CAD DANG BRAL BA'I SKYE BA MED PA'I DBYINGS SU YANG MI 'GYUR RO, ,GANG GI SLAD DU 'DI CHOS KYI DBYINGS LAGS PA DE'I SLAD DU 'DI NI KUN DU 'BYUNG BA MA MCHIS PA'I DBYINGS SO, ,NYON MONGS @144B PA CAN GYI CHOS KUN DU 'BYUNG NA NI SHIN TU RNAM PAR BYANG BA'I CHOS RNAMS KYI RIGS YIN PAR YANG MI 'GYUR TE, RANG NYID RNAM PAR MA DAG PA YIN PA'I PHYIR RO, ,GANG GI SLAD DU 'DI KUN DU 'BYUNG BA MA MCHIS PA'I DBYINGS LAGS PA DE'I SLAD DU 'DI NI BSAM GYIS MI KHYAB PA'I DBYINGS TE; GAL TE 'DI RGYUD GZHAN LA YOD PA'I YON TAN BSAM GYIS MI KHYAB PA RNAMS KYI RIGS MA YIN PAR GYUR NA NI DE'I TSE 'DI KUN DU 'BYUNG BA MED PA'I RIGS SU YANG MI 'GYUR TE, 'DI LTAR KUN DU 'BYUNG BA MED PA NYID NI SHIN TU RNAM PAR DAG PA'I DON NYID YID BZHIN GYI NOR BU LTA BU'O,, GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI BDAG GI DBYINGS TE, GAL TE SHIN TU RNAM PAR DAG PA DE'I BDAG NYID MA YIN NA NI DE'I TSE BYIS PA'I RGYUD BZHIN DU DE BZHIN GSHEGS PA'I RGYUD KYANG RGYUD GZHAN GYI YON TAN GYI RGYUR MI 'GYUR TE, BYE BRAG MED PA'I PHYIR RO, ,GANG GI SLAD DU 'DI BDAG GI DBYINGS LAGS PA DE'I SLAD DU 'DI NI SHES RAB KYI PHA ROL TU PHYIN PA'I DBYINGS TE, GAL TE DE LTA MA YIN NA NI SHES RAB KYI MCHOG MTHAR PHYIN PAR MI 'GYUR RO, ,DE'I TSE MA 'DRES PA YIN PAR YANG MI RIGS TE, THUN MONG MA YIN PA'I PHYIR RO; ,GANG GI SLAD DU 'DI SHES RAB KYI PHA ROL TU PHYIN PA'I DBYINGS LAGS PA DE'I SLAD DU 'DI NI BSAM GYIS MI KHYAB PA'I DBYINGS TE, GAL TE BSAM PAR NUS PA YIN NA NI BLO SHIN TU MTHAR PHYIN PAR 'GYUR RO, ,'DI CI'I PHYIR YANG SMRA BAR BYED, 'DI SNGAR YANG SHES RAB KYI PHA ROL TU PHYIN PA'I DBYINGS GANG YIN PA DE NI BSAM GYIS MI KHYAB PA'I DBYINGS YIN NO ZHES MA SMRAS SAM ZHE NA, NYES PA MED DE SKABS LA RGOL BA SEL BA'I MJUG BSDU BA'I PHYIR, 'DI SMRAS PA YIN NO, ,DE BAS NA 'DI NYID GNAS PA DES NA DE GNAS PA NI BSAM GYIS MI KHYAB PA GNAS SHES RAB KYI PHA ROL TU PHYIN PA GNAS PA YIN NO, ,GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI YANG DAG PAR 'GRUB PA MA MCHIS PA'I DBYINGS TE, SRID PAR GNAS PA BZHIN DU 'KHOR BAR SKYE BA MED DO, ,YANG DAG PAR 'GRUB PA MA MCHIS PA GANG LAGS PA @145A *, ,DE NI MCHIS PA MA LAGS TE, MA SKYES PA NI YOD PAR MI RIGS PA'I PHYIR RO, ,GANG MCHIS PAS LAGS PA DE NI 'KHOR BA'I CHOS RNAMS KYIS MI GOS TE, SHIN TU THUGS RJES YONGS SU BZUNG BA'I PHYIR BZHUGS PA'AM, 'BA' ZHIG KHO NA YIN NO ZHES BYA BA'I BAR DU YIN NO, ,DE NI 'JIG PAR MI 'GYUR TE, GZHAN LA PHAN PA BSGRUB PAR MKHAS PA NI 'KHOR BA JI SRID PAR GNAS PA'I PHYIR RO, ,GANG 'JIG PAR MI 'GYUR BA DE NI BSAM GYIS MI KHYAB PA STE, DNGOS PO THAMS CAD KYI MCHOG YIN PA'I PHYIR YA MTSAN DU BYED PA YIN NO, ,'DI YANG RNAM PA GZHAN GYI SGO NAS DE LA RGOL BA'I LAN GYI MJUG SDUD PA YIN NO, ,GANG GI TSE DE LTAR BRTAGS PA'I DRA BA THAMS CAD LAS DBEN PA NI SHES RAB KYI PHA ROL TU PHYIN PA YIN LA, DE'I BDAG NYID KYANG BCOM LDAN 'DAS YIN NO ZHES RNAM PAR GNAS SO, ,DE BAS NA DE LTAR NA DE BZHIN GSHEGS PA'I DBYINGS DANG, BDAG GI DBYINGS 'DI NI GNYIS SU MA MCHIS TE, GNYIS SU DBYER MA MCHIS SO ZHES GSUNGS TE, NANG GI BYED PA'I SKYES BU BDAG PHA ROL PO DAG GIS BRTAGS PAR DE'I DBYINGS NI DON DAM PA'I RANG GI NGO BO NYID DU BRTAGS PA MTHA' DAG LAS 'DAS PA'I NGO BO YIN TE, THAMS CAD DU YANG MED PA YIN PA'I PHYIR RO, ,SKYON MED CING GNYIS SU MED PA'I YE SHES KYI BDAG NYID DE BZHIN GSHEGS PA YANG BRTAGS PA'I NGO BO THAMS CAD LAS DBEN PAR GNAS PA'I PHYIR DANG, THAMS CAD DU SHES PA DANG BRJOD PA'I YUL LAS 'DAS PA'I PHYIR RO, ,DE LTA BU'I TSUL DU MNYAM PAS NA DE NI GNYIS SU MED DO ZHES BSHAD DO, ,ZLA LA MDO SDE GZHAN LAS GSUNGS PA'I DON KYANG STON PA NI MDO SDE GZHAN LAS, BCOM LDAN 'DAS KYIS GANG BDAG BSGOM PA NI SHES RAB KYI PHA ROL TU PHYIN PA BSGOM PA'O ZHES BKA' STZAL PA, DE YANG GNYIS SU MED CING GNYIS SU BYANG MED DO ZHES SBYAR TE, BSTAN MA THAG PA'I TSUL GYIS NA BDAG DANG SHES RAB KYI PHA ROL TU PHYIN PA NGO BO MTHUN PA'I PHYIR RO, ,DE YANG CI'I SLAD DU ZHE NA ZHES BYA BA NI DGONGS PA MA @145B RTOGS NAS DRIS PA STE, BDAG BSGOM PA NI PHYIN CI LOG YIN LA, SHES RAB KYI PHA ROL TU PHYIN PA BSGOM PA NI PHYIN CI MA LOG PA YIN NO, ,PHYIN CI LOG DANG CIG SHOS GNYIS NI GCIG YIN PAR MI RIGS TE, 'GAL BA'I PHYIR RO ZHES GSUNGS PA'I BZHED PA STON PA NI, BCOM LDAN 'DAS SHES RAB KYI PHA ROL TU PHYIN PA ZHES BGYI BA 'DI NI BDAG GI DBYINGS KYI TSIG BLA DAGS LAGS PA'I SLAD DU'O ZHES BYA BA YIN TE, RNAM PA DE DAG NI BSHAD ZIN TO, ,'ON KYANG GSUNG GI BZHED PA PHA ROL POS MA RTOGS NAS DE CI'I SLAD DU ZHE NA ZHES DRIS TE JI LTAR NA SHES RAB KYI PHA ROL TU PHYIN PA BRTAN PA RANG DBANG CAN LA SOGS PA NI DE DANG BRAL TE, DE LAS BZLOG PA BDAG GI NGO BO YIN PAR RTOGS PAR BYED PAR BSAMS PA'O, ,DE NAS BZHED PA GSAL BAR BYED PA NI, BCOM LDAN 'DAS GANG GIS BDAG GI DBYINGS BDAG GI DON DAM PA'I RANG GI NGO BO DE KHO NA NYID SGOM PA LA BRTZON BAS 'TSAL BA DES CHAGS PA MA MCHIS PA'I DBYINGS 'TSAL TE, DE NI BDAG GI RANG BZHIN GYI NGO BO YIN PA'I PHYIR RO, ,'ON KYANG PHA ROL PO DAG DGONGS PA MA RTOGS PA LA GANG GI CHAGS PA MA MCHIS PA NYID 'TSAL BA DES CHOS GANG YANG 'TSAL BA MA MCHIS TE ZHES GSUNGS TE, DE LA NI MTSAN MAR BYA BA'I NGO BO MED PA'I PHYIR RO, ,DE CI'I SLAD DU ZHE NA ZHES BYA BA'I BSAM BA NI 'DI YIN TE, 'DI LTAR DE BZHIN GSHEGS PAS CHAGS PA MED PA MKHYEN PA NI DES SKAD CIG MA GCIG DANG LDAN PA'I SHES RAB KYIS SHES BYA THAMS CAD SNANG BA YIN NA JI LTAR DE CI YANG MI MKHYEN PA YIN ZHES BYA BA YIN NO, ,DE'I PHYIR, 'DI LTAR BSAM GYIS MI KHYAB PA BSAM PAR MI NUS PA'I YE SHES NI SANGS RGYAS KYI YE SHES LAGS TE ZHES GSUNGS TE, DES NI 'DZIN PAR BYED PA'I SHES PA GZHAN DE LA YOD PA MA YIN PAR BSTAN TO, ,'DI'I GZUNG BA MED DO ZHES BSTAN PA'I PHYIR, CHOS GANG LA YANG SHES PA MA MCHIS PA NI SANGS RGYAS KYI YE SHES LAGS PA'I SLAD DU'O ZHES GSUNGS TE, GZUNG BA'I MTSAN NYID RNAM PAR BSHIG PA NI BSTAN ZIN PA'I PHYIR RO, ,DES NI 'DI SKAD DU DE NI GZUNG BA MA YIN LA DES KYANG 'DZIN @146A *, ,PA MA YIN NO ZHES BSTAN TE, SHES PA GZHAN DANG GZUNG BA YANG STONG PA YIN NO, ,'ON KYANG THAMS CAD MKHYEN PA'I PHRIN LAS MDZAD PA LA KHONG BZO BA 'GRO BA'I BLA MA RNAMS KYI YE SHES KYI RANG BZHIN NI SNANG BA YIN NO, ,DE CI'I SLAD DU ZHE NA ZHES BYA BA'I BSAM PA NI 'DI LTA STE, SHES PA PO'I YE SHES 'DI NI DNGOS PO YIN LA, DNGOS PO YANG BYED PA PO DANG LAS LA LTOS PA YIN NA, LAS BYED NI GNYI GA DANG 'BREL PA'I PHYIR RO ZHE NA, DE'I PHYIR, YE SHES DE NI DON DAM PAR NA MCHIS PA MA LAGS TE ZHES GSUNGS TE, DE'I YE SHES NYID NI BRTAGS PA YIN TE, YANG DAG PA MA YIN NO ZHES BYA BA'I THA TSIG GO, ,GAL TE YE SHES DE DON DAM PAR MED PA YIN NA, 'O NA DES JI LTAR CHOS KYI 'KHOR LO BSKOR BAR 'GYUR, 'DI LTAR GSUNG DBYANGS 'BYUNG BA NI YE SHES SNGON DU SONG BA MA YIN NO ZHE NA, GANG DON DAM PAR MA MCHIS PA DE CHOS KYI 'KHOR LO BSKOR BAR YANG JI LTAR 'GYUR, BDEN TE BSKOR BA NYID MED PA YIN NO, ,JI SKAD DU 'PHAGS PA DE BZHIN GSHEGS PA GSANG BA'I MDO LAS, ZHI BA'I BLO GROS GANG GI NUB MO DE BZHIN GSHEGS PA MNGON PAR RDZOGS PAR SANGS RGYAS PA NAS, GANG GI TSE MYA NGAN LAS 'DAS PA'I BAR DER DE BZHIN GSHEGS PAS YE SHES GCIG KYANG BRJOD PA MA GSUNGS SO, ,DE CI'I PHYIR ZHE NA, ZHI BA'I BLO GROS DE BZHIN GSHEGS PA NI RTAG TU MNYAM PAR GZHAG PA'O ZHES BYA BA LA SOGS PA GSUNGS SO, ,YANG BLA MA DE'I TSOGS KYI SHUGS KYIS YID BZHIN GYI NOR BU BZHIN DU JI LTAR 'DOD PAR RTZIG PA LA SOGS PA LAS KYANG CHOS 'CHAD PA 'BYUNG NGO ZHES GSUNGS SO, ,DE LTAR BYAS NA MDO SDE GZHAN LAS KYANG CHAGS PA MED PA DANG DNGOS PO MED PA DANG, YUL MED PA LA SOGS PA GSUNGS PA'I DON LEGS PAR DRANGS PA YIN NO ZHES DGONGS NAS ZHAR LA GO RIMS BZHIN DU STON PA NI GANG GI TSE YE SHES DE DON DAM PAR MA MCHIS PA DE'I TSE YE SHES DE NI CHAGS PA MA MCHIS PA'O ZHES GSUNGS TE, CHAGS PA MED PA NI MTSON PA YIN TE, GNOD SEMS MED PA DANG RMONGS PA MED PA LA SOGS PA @146B YANG RIG PAR BYA'O, ,'DI'I CHAGS PA YUL LA ZHEN PA'I 'DOD CHAGS YOD PA MA YIN PAS CHAGS PA MED PA'O, ,DNGOS PO YANG LAS DANG 'BREL PA'I PHYIR DE LA CHAGS PA YIN PAR SRID PA YIN NO, ,'DI'I DNGOS PO YANG YOD PA MA YIN TE, GCAD PAR BYA BA'I LAS MI 'THAD PA'I PHYIR RO ZHES BSTAN ZIN TO, ,'O NA YUL MED PA YIN NA SO SO'I SKYE BO LA SOGS PA'I SHES PA JI LTAR CHAGS PAR 'GYUR ZHE NA, YUL YOD PAR MNGON PAR ZHEN PA'I PHYIR RO ZHES BYA BAR KHONG DU CHUD PAR BYA'O, ,'KHRUL PA'I SA BON YANG SPANGS PA DE LA NI MNGON PAR ZHEN PA YANG YOD PA MA YIN NO, ,GANG GIS GANG LA CHAGS PA DE LA NI GDON MI ZA BAR DE YOD NA DNGOS PO YOD PAR 'GYUR TE, CHAGS PA NI DE GNYIS LA BRTEN PA'I PHYIR RO, ,CHAGS PA MED PA LA NI DNGOS PO GANG LA YANG DNGOS POR GYUR PA MA YIN NO ZHES BSTAN PA'I PHYIR, GANG GI TSE YE SHES DE CHAGS PA MA MCHIS PA DE'I TSE YE SHES DE NI DNGOS PO MA MCHIS PA'O ZHES GSUNGS TE, GZHAN LA MA YIN TE DNGOS PO GANG YANG YOD PA MA YIN PAS DNGOS PO MA MCHIS PA'O, ,GANG ZHIG YOD NA DE'I RNAM PA'I RJES SU BYED PA DE NI DNGOS PO YIN LA, DE NI DE'I YUL YIN NO ZHES BYA BAR RIGS TE, RJES SU 'GRO BA DANG LDOG PA'I RJES SU BYED PA'I BYE BRAG RGYU NYID YUL YIN PA'I PHYIR RO, ,DNGOS PO MED NA NI YUL YANG GANG GI YIN SNYAM NAS DE'I PHYIR, GANG GI TSE YE SHES DE DNGOS PO MA MCHIS PA DE'I TSE YE SHES DE NI YUL MA MCHIS PA'O ZHES GSUNGS SO; ,GANG ZHIG LA YUL GZUGS LA SOGS PA YOD PA DE LA NI RTEN MIG LA SOGS PA YIN PAR RIGS KYI, YUL MED NA NI RTEN YANG RIGS PA MA YIN NO SNYAM NAS GANG GI TSE YE SHES DE LA YUL MA MCHIS PA DE'I TSE YE SHES DE NI MI GNAS PA'O ZHES GSUNGS TE, 'DI LTAR GZUGS LA SOGS PA'I YUL SHES PAR BYA BA'I PHYIR MIG LA SOGS PA'I DBANG PO SKYES PA YIN NO ZHES DGONGS PA'O,, ,,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA BAM PO LNGA PA, JI SKAD DU MIG DANG GZUGS LA BRTEN NAS MIG GI @147A *, ,RNAM PAR SHES PA SKYES ZHES BYA BA LA SOGS PA GSUNGS PA YIN NO, ,GANG GI TSE YONG YE DUS THAMS CAD DU YUL MED NA DE'I TSE GANG LA GZUNG BAR BYA BA'I PHYIR DBANG PO BYUNG, YUL MED PAR YANG RNAM PAR SHES PA DBANG PO LA BRTEN PAR PHA ROL BO DAG 'DOD PA MA YIN NAM, DPER NA RAB RIB KYIS NYAMS PA'I MIG GIS SKRA LA SOGS PA SHES PA BZHIN DU 'DI YANG DE BZHIN NO ZHE NA, LAN DE NI SNANG BA TZAM YIN GYI DE RNAM PAR SHES PA NI MA YIN NO, ,DNGOS PO'I RANG BZHIN 'DI YANG RTEN LA SOGS PAS BSKYED PA YIN PAR MI 'DOD NA DE CI RGYU MED PA CAN YIN NAM, SKAL LDAN RNAMS KYI SNANG BA TZAM YIN DU ZIN KYANG RGYU MED PA CAN MA YIN TE, DBANG PO DANG YUL MED PAR YANG BSOD NAMS DANG YE SHES KYI TSOGS MTSUNGS PA MED PA THUGS KYI RGYUD LA GNAS PA'I MTHU TZAM RGYU YIN PA'I PHYIR RO, ,GANG ZHIG GNAS PA YIN PA DE NI 'DOD PA LA SOGS PA'I KHAMS LA BRTEN PA YIN NO, ,GNAS MIG LA SOGS PA YANG DER GTOGS PA'I PHYIR RO, ,GNAS PA YOD PA MA YIN NA NI NAM MKHA' LA SOGS PA BZHIN DU RTEN KYANG YOD PA MA YIN NO SNYAM NAS, GANG GI TSE YE SHES DE MI GNAS PA DE'I TSE YE SHES DE NI RTEN MA MCHIS PA'O ZHES GSUNGS SO, ,GANG ZHIG 'DOD PA LA SOGS PA LA BRTEN PA DE NI GDON MI ZA BAR DER LAS DGE BA DANG MI DGE BA GZHAN DAG GIS BSKYED PA 'THOB PA'AM, SKYE BAR 'GYUR BA YIN NO, ,DE GANG LA YANG BRTEN PA MED NA CI'I PHYIR RNAM PA 'DI DAG MI 'THAD SNYAM NAS GANG GI TSE YE SHES DE BRTEN PA MA MCHIS PA DE'I TSE YE SHES DE NI MA BSKYED PA'O, ,MA THOB PA'O, ,SKYE BAR MI 'GYUR BA'O ZHES GSUNGS TE, 'DI YANG BSTAN PA TZAM YIN GYI THOB PAR MI 'GYUR BA YANG KHONG DU CHUD PAR BYA'O, ,BRJOD PAR BZHED PA MA RTOGS NAS DE CI'I SLAD DU ZHE NA ZHES DRIS PA NI, GAL TE KHA NA MA THO BA MED PA'I BSOD NAMS DANG YE SHES KYI TSOGS KYI SHUGS KYI LAM GYIS 'KHOR BA JI SRID DU YE SHES DE 'JUG PA YIN NA DE CI'I PHYIR MA BSKYED PA YIN ZHES BYA BA'I THA TSIG GO, ,BRJOD PAR BZHED PA STON PA NA YE SHES DE NI YON TAN GYIS 'DUS BGYIS @147B PA'AM, YON TAN MA LAGS PAS 'DUS BGYIS PA MA LAGS PA'I SLAD DU'O ZHES BYA BA YIN TE, YON TAN NI 'DIR DGE BA ZAG PA DANG BCAS PA'I CHOS RNAMS YIN PAR BZHED RO, ,YON TAN MA YIN PA NI MI DGE BA STE, DE DAG GIS 'DUS MA BYAS PA NI ZAG PA MED PA'I CHOS KYI RGYU MTHUN PA YIN PA'I PHYIR TE, 'DI LTAR BYANG CHUB SEMS DPA'I GNAS SKABS NA YOD PA'I ZAG PA MED PA'I CHOS RNAMS NI DE'I RGYU YIN NO, ,DE CI'I SLAD DU ZHE NA ZHES BYA BA NI DE YANG YON TAN DANG YON TAN MA YIN PAS 'DUS BYAS MA YIN TE, STON PA PO YIN PA'I PHYIR BDAG CAG LA SOGS PA'I RNAM PAR RTOG PA'I SHES PA BZHIN NO ZHES BSAMS PA'O, ,'DI LTAR DES NA RNAM PAR DAG PA DANG, KUN NAS NYON MONGS PA GNYIS NI YON TAN DANG YON TAN MA YIN PAR BSTAN PA YIN PAS GTAN TSIGS 'DI MA GRUB BO ZHE NA, 'DI LTAR YE SHES DE NI BSAM GYIS MI KHYAB PA STE ZHES BYA BA LA SOGS PA GSUNGS TE, BSAM PA DANG, MNGON PAR BRJOD PA DANG, RTOG PA RNAMS LAS GANG GI PHYIR 'DAS PA YIN PA DE BAS NA BSAM GYIS MI KHYAB PA'O, ,MNGON PAR BRJOD PA NI NGAG KUN NAS SLONG PAR BYED PA STE, MNGON PAR BRJOD PA THAMS CAD NI RANG GI SNANG BA LA PHYI ROL BZHIN DU SGRA'I DON NYID DU MNGON PAR ZHEN PA YIN NA 'DI NI SHES BYA'I SGRIB PA MTHA' DAG SPANGS PA'I STON PA PO LA YOD PA MA YIN NO ZHES BSTAN ZIN TO, ,DE RTOG PA DANG BRJOD PA DANG BRAL PA DE'I SLAD DU YON TAN NAM, YON TAN MA LAGS PAR YANG JI SKAD DU BSTAN PAR BGYI, GANG GI PHYIR GTAN TSIGS 'DI 'GRUB PAR 'GYUR, GANG GI SLAD DU YE SHES DE BSAM GYIS MI KHYAB PA YIN TE, RNAM PAR RTOG PA'I SNANG BA STONG PA YIN PA'I PHYIR RO, ,DE CI'I PHYIR YE SHES DE BSAM DU MA MCHIS PA STE RTOG PAR MI BYED PA ZHES BYA BA'I THA TSIG GO, , BSTAN ZIN BA MJUG SDUD PAR BYED PA NI GANG DE LTAR SHES PA DE NI MI DMIGS PA'I TSUL DU RNAM PAR GNAS PA NI SANGS RGYAS KYI YE SHES LAGS SO ZHES THA SNYAD DU BYA BAR SBYAR RO, ,DE LTAR SHES PA PO'I SHES PA LA DNGOS POR RNAM PAR RTOG PA BSAL NAS, BYED PA PO DANG BYED PA LA @148A *, ,SOGS PAR RNAM PAR RTOG PA DE SEL BAR BYED PA NI YE SHES BYED PA PO 'AM BYED PA DES NI SDUG BSNGAL DANG, KUN 'BYUNG BA LA SOGS PA'I CHOS GANG YANG KUN MTHONG BA'I TSUL DU MNGON PAR RDZOGS PAR SANGS RGYAS PA 'AM, RANG GI NGO BO MED PA'I TSUL DU MKHYEN PA MA MCHIS SO, ,YONGS SU 'GYUR BAR RNAM PAR RTOG PA 'DI SEL BAR BYED PA NI YE SHES DE NI SNGON GYI MTHA' NAS MCHIS PA 'AM, PHYI MA'I MTHA' NAS MCHIS PA MA LAGS TE, SKAD CIG MA TZAM GNAS PA'I PHYIR RO, ,SNGON GYI MTHAR 'ONGS PA MA YIN, PHYI MA'I MTHAR 'DUG PA MA YIN NA SNGON GYI MTHA' NAS MA YIN ZHES BYA BA DE RIGS PA MA YIN NAM, PHYI MA'I MTHA' NAS MA YIN ZHES BYA BA DE YANG JI SKAD DU BSTAN, 'DAS PA YANG DE LTAR DU 'GYUR BA NI MED DO ZHE NA MA YIN TE, GRANGS CAN RNAMS SO SOR BRJOD PA'I PHYIR RO, ,DE DAG GIS NI 'DAS PA'I BUM PA YANG BUM PAR 'GYUR TE, GANG GI TSE DE NYID KYI CHAG GRUGS LAS KYANG BUM PAR BYED PA YIN NO, ,YANG NA 'DI NI 'PHO BAR SMRA BA SEL BAR BYED PA YIN TE, 'DAS PA'I DUS BOR NAS 'PHOS TE 'ONGS PA YANG MA YIN NO, ,RTAG PA DANG MI RTAG PAR RNAM PAR RTOG PA SEL BAR BYED PA NI YE SHES DE NI SNGON SKYES PA YANG MA LAGS ZHES BYA STE, BYANG CHUB SEMS DPA'I GNAS SKABS NA RNAM PAR RTOG PA MTHA' DAG GI DRI MA DANG BRAL BA DE LTA BU'I SHES PA'I RJES SU MA SKYES PA'I PHYIR RO, ,YE SHES DE NI SNGON MA SKYES PA YANG MA LAGS TE, RANG BZHIN GYIS DE KHO NA NYID MTHONG BA'I BDAG NYID SNGON YANG SKYES PA'I PHYIR RO; ,DE CI'I PHYIR ZHE NA, SGRO BTAGS PA'I RNAM PA'I TSUL DU SNGON YANG SKYES PA'I PHYIR RO, ,RNAM PAR RTOG PAR 'GYUR BA SEL BAR BYED PA NI SNGON MA SKYES PA'I SLAD DU GANG MA SKYES PA DE NI NUB PAR YANG MI 'GYUR ZHES BYA BA YIN TE, JI LTAR GZUNG BA DANG 'DZIN PA MED PA'I BDAG NYID DU MA SKYES PA'I PHYIR DE LTAR DE RNAM PAR DBEN PA'I NGO BOS NUB PAR 'GYUR BA MA YIN TE, NGO BO GZHAN DU 'GYUR BA MA YIN ZHES BYA BA'I THA TSIG GO, ,CHAD PAR RTOG PA SEL BAR BYED PA NI CHAD PAR YANG MI 'GYUR RO ZHES BYA BA YIN TE, THAMS CAD DU LOG PAR GYUR PA MA YIN @148B TE; SNGON GYI SMON LAM GYI STOBS KYIS 'KHOR BA JI SRID PAR GNAS PA'I PHYIR RO, ,'DRA BA LA SOGS PA RNAM PAR RTOG PA BSAL BAR BYA BA'I PHYIR, YE SHES DE DANG 'DRA BA'I ZHES BYA BA LA SOGS PA GSUNGS TE, YE SHES DE DANG GZHAN NYAN THOS LA SOGS PA DANG 'BREL PA SHES PA 'DRA BA GANG YANG MA MCHIS TE, DE'I SLAD DU YE SHES DE NI BSAM GYIS MI KHYAB CING YE SHES DE NI 'DRA BA MA MCHIS PA ZHES BYA'O, ,YE SHES DE NI THOG MA DANG DBUS DANG THA MA MI DMIGS PA STE, RANG BZHIN GYIS 'OD GSAL BA NI THOG MA MED PA'I PHYIR DANG, THUGS RJE CHEN PO'I SHUGS KYIS SRID PA'I CHU BO JI SRID PAR GNAS PA MTHA' MED PA'I PHYIR RO, ,THOG MA'I MTHA' LA LTOS NAS BRTAG PA'I DBUS KYANG MI RIGS PA'I PHYIR RO, ,DE'I SLAD DU YE SHES DE NI NAM MKHA' DANG 'DRA BA YIN NO, ,YE SHES DE LA MNYAM PA 'AM MI MNYAM PA MI DMIGS TE ZHES BYA BA'I 'AM GYI SGRA NI MNYAM PA DANG MI MNYAM PA ZHES BYA BA'I THA TSIG GO, ,DE LA MNYAM PA NI TSAD MA DANG LDAN PA'I NGO BO YIN TE, RTOGS PAR SLA BA YIN NO, ,MI MNYAM PA NI TSAD MAS GNOD PA'I NGO BO YIN TE, RTOGS PAR DGA' BA YIN NO, ,GNYIS PO DE NI DE LA YOD PA MA YIN TE, MNYAM PA KHO NA'I NGO BO YIN NO ZHES BYA BA'I THA TSIG GO, ,YANG NA 'AM GYI SGRA NI RNAM PAR RTOG PA'I DON TE, DE LA RNAM PAR RTOG PA YOD PA NI MNYAM PA KHO NA YIN TE, RNAM PA THAMS CAD DU SHIN TU BZANG BA'I PHYIR DE'I NGO BO MA YIN NO ZHES BSTAN PA YIN NO,, DE'I SLAD DU YE SHES DE NI MI MNYAM PA DANG MNYAM PA STE, CHOS THAMS CAD KYI MCHOG MNYAM PA MED PA DE BZHIN GSHEGS PA'I YE SHES GZHAN DANG MNYAM ZHING MTSUNGS PA YIN NO, ,YE SHES DE LA NI DE DANG 'DRA BA CUNG ZAD TZAM 'DRA BA YANG MI DMIGS TE, DE'I SLAD DU YE SHES DE NI MTSUNGS PA MA MCHIS PA STE, 'DI DANG 'DRA BA YOD PA MA YIN PA'I PHYIR RO, ,DE LTAR BCOM LDAN 'DAS KYI YE SHES NI BSAM GYIS MI KHYAB PA DANG, CHAGS PA DANG 'DRA BA MED PA'I BAR DU BSTAN PA THOS NAS, KHA CIG 'DI SNYAM DU YE SHES 'DI NI MI BSGYUR BA MA YIN NAM CI, GZHAN DU @149A *, ,DE SKAD DU BSTAN DU ZIN KYANG 'DIR DE LTAR MA BSTAN, 'DI LTAR MI 'JIGS PA'I SKABS SU NGA YANG DAG PAR RDZOGS PAR SANGS RGYAS PA LA DGE SBYONG DANG BRAM ZE LA SOGS PAS MI BSKYOD PA ZHES BYA BA LA SOGS PA GSUNGS PA YIN NO ZHE NA, MA YIN TE, DE'I PHYIR KLAN KA DE SPANG BA'I PHYIR BCOM LDAN 'DAS KYIS, 'JAM DPAL YE SHES 'DI MI BSGYUR BA MA YIN NAM ZHES BYA BA GSUNGS TE, CI ZHES BYA BA KHONG NAS PHYUNG STE TSIG ZUR DU BRJOD PAR BYA STE, DE CI BSGYUR BA YIN NAM GANG GIS NA KHYOD KYIS DE LTAR MA BRJOD CES BYA BA'I THA TSIG GO, , 'DIR LAN DU BCOM LDAN 'DAS YE SHES 'DI NI MA BGYIS PA STE ZHES BYA BA LA SOGS PA GSUNGS TE, YON TAN DANG, YON TAN MA YIN PAS 'DUS MA BYAS PA'I PHYIR 'DI MI BSGYUR BA YIN PAR 'THAD PA YIN NO, ,DE BAS NA LOGS SHIG TU MA BSTAN TO ZHES BYA BA'I THA TSIG STE, ZAG PA MED PA'I CHOS KYI RGYU MTHUN PA DANG MI MTHUN PA 'GA' YANG YOD PA MA YIN NO ZHES DGONGS PA'O, ,GZHAN YANG 'DI LA BSGYUR BA DANG MI BSGYUR BA YIN PAR DOGS PA'I GNAS MED PA KHO NA YIN TE, 'DI LTAR YONGS SU GRUB PA'I BDAG NYID KYI DNGOS PO KHO NA ZHIG YIN NA NI BSGYUR BA DANG MI BSGYUR BA'I GRANGS SU GZHUG PAR BYA STE, K'ARA sh'A PA nA ZONG DU BSGYUR BA LTA BU'O, ,BCOM LDAN 'DAS KYI YE SHES DE NI CHOS THAMS CAD MNGON PAR RDZOGS PAR BYANG CHUB PA'I NGO BOS DON DAM PAR MA GRUB PA KHO NA YIN NO, ,DE MNGON PAR RDZOGS PAR BYANG CHUB PA'I PHRIN LAS MDZAD PA DAG NI KUN RDZOB TU DE LTAR BSTAN PA YIN NO, ,DE NYID 'JIG RTEN PA'I DPES NYE BAR BSTAN PA SNGAR BYAS PA'I PHYIR, BCOM LDAN 'DAS 'DI LTA STE DPER NA K'AR sh'A PA nA RTAGS MA BTAB PA NI ZHES BYA BA LA SOGS PA GSUNGS SO, ,RTAGS MA BTAB PA NI GANG LEGS PAR MA BYAS PA STE, RGYAS MA BTAB PA ZHES BYA BA'I THA TSIG GO, ,BCOM LDAN 'DAS DE BZHIN DU YE SHES 'DI YANG ZHES BYA BA LA SOGS PAS NI DPE'I CHOS DON LA NYE BAR SBYOR BA YIN NO, ,MA BGYIS PA NAS MA 'GAGS PA'I BAR NI MNYAM PA NYID DU 'DUG PA YIN TE, RTAGS KYIS RNAM PAR BSGYUR BA'I RJES SU @149B 'BRANGS TE BSGYUR BA YANG MA YIN, MI BSGYUR BA YANG MA YIN ZHES BYA BA'I GRANGS SU 'GRO BA'O, ,MA BSGRUBS PA LA SOGS PA'I TSIG RNAMS NI SNGA MA SNGA MA BSTAN PA YIN NO, ,MA 'GAGS PA'I TSIG NI 'DUS BYAS KYI MTSAN NYID THAMS CAD MED PAR BSTAN PAS SHIN TU YANG 'DUS MA BYAS PA NYID YIN PAR BRJOD PA'I PHYIR RO, ,GNAS PA MA BKAG PA NI 'DI SKYE BA LAS LOGS SHIG NA MED PA'I PHYIR RO, ,GZHAN GYI DON DU BSTAN PA 'DI NI BYANG CHUB SEMS DPAR MA GYUR PA GANG GIS KYANG LHAG PAR MOS PAR NUS PA MA YIN NO ZHES THABS GZHAN GYIS BYANG CHUB SEMS DPAR GYUR PA'I SKYE BO DAG 'DI LA NYAN PAR GZHUG PA NYID DU BSTAN PA'I PHYIR, 'JAM DPAL DE BZHIN GSHEGS PA'I YE SHES BSTAN PA DE LTAR BSTAN PA 'DI LA SU DAG MOS PA ZHES BYA BA LA SOGS PA GSUNGS SO, ,BCOM LDAN 'DAS GANG DAG 'KHOR BA'I CHOS CAN YANG MA LAGS LA, YONGS SU MYA NGAN LAS 'DAS PA'I CHOS CAN YANG MA LAGS PA DANG ZHES BYA BA NI 'KHOR BA DANG, LHAG MA DANG BCAS PA DANG, LHAG MA MED PA DANG, BYE BRAG TU MYA NGAN LAS 'DAS PA GNYI GA LA MI GNAS PA'I BYANG CHUB SEMS DPA' ZHES BYA BA'I BAR DU YIN NO, ,'KHOR BAR MA GTOGS PA YANG MA YIN TE, SKYON DU MTHONG BA'I PHYIR RO, ,THUGS RJE CAN YIN PA'I PHYIR MYA NGAN LAS 'DAS PAR BZHUGS KYANG, SRID PA NA GNAS SHING GZHAN GYI DON SKYE BA LA GZIGS PA GANG DAG YIN PA DE DAG BSTAN PA SHIN TU GSAL BA 'DI LA LHAG PAR MOS PAR 'GYUR RO, ,DE LTA BU DE DAG KYANG GANG ZHE NA GANG DAG 'JIG TSOGS LAS KYANG MA BSKYOD PA DANG ZHES BYA BA LA SOGS PA GSUNGS TE, 'JIG TSOGS KYI SGRAS 'JIG TSOGS LA LTA BA LA BYA STE, TSIG THA MA KHONG NAS DBYUNG BA'I PHYIR RO, ,DE CI'I SLAD DU ZHE NA ZHES BYA BA NI DE GANG ZAG LA BDAG MED PAR SGOM PA'I RANG BZHIN DU GYUR PA YIN NA JI LTAR NYON MONGS PA ZAD PAR MI 'GYUR ZHE NA, 'DI'I LAN NI MI BAS PA NI CHEN PO LA SOGS PA SPONG BA'I RIM GYIS BAS PAR MI 'GYUR, RNAM PAR CHUNG BA'I CHUNG BA THAMS CAD NAS THAMS CAD SPANGS PAS @150A *, ,YONGS SU PAS PAR YANG MI MCHI'O, ,'DI LA YONGS SU ZAD PA YOD PA MA YIN PAS MI BAS PA DANG, 'JIG TSOGS DANG, 'DOD CHAGS LA SOGS PA ZAD PA MED PA YIN NO, ,'JIG TSOGS LA SOGS PA DANG GZUNG BA DANG 'DZIN PA'I RNAM PAS RAB TU PHYE BA RNAMS NI MED PA YIN PA'I PHYIR RO, ,'DI LTAR 'JIG TSOGS LA LTA BA NI BDAG DANG BDAG GI BA'I RNAM PAR 'JUG PA YIN NO, ,'DOD CHAGS DANG ZHE SDANG DANG GTI MUG LA SOGS PA NI YUL YID DU 'ONG BA DANG MI 'ONG BA LA SOGS PA LA CHAGS PA'I RNAM PAR 'JUG PA YIN NO ZHES DGONGS TE GSUNGS SO, ,'O NA RNAM PA 'DI DAG GIS NA SO SO'I SKYE BO LA SOGS PA YANG 'JIG TSOGS LAS KYANG MA BSKYOD LA, DE DAG KYANG 'DOD CHAGS LA SOGS PA MI ZAD PA KHO NA YIN TE, ZAD PAR MI 'GYUR BA DANG, YONGS SU ZAD PAR MI 'GRO BA YIN PAS DE DAG LAS LHAG PA CI YOD NA BYANG CHUB SEMS DPA' RNAMS LA DE SKAD DU BSTAN ZHE NA, MA YIN TE DE DAG NI CHOS LA BDAG MED PA GOMS PA DANG BRAL BAS DE BZHIN NYID RTOGS PA MED PA'I PHYIR RO, ,SKYES BU BRTAN PO DE DAG LA NI LAN MANG DU THABS MANG POS YUN RING POR CHOS LA BDAG MED PA BSGOMS PAS DE BZHIN NYID RTOGS PA YOD PA'I PHYIR RO, ,DE BAS NA DE NYID KYI DBANG DU BYAS TE DE SKAD BSTAN PA RIGS PA YIN NO, ,BDAG NYID CHEN PO DE DAG NI CHOS THAMS CAD RANG GI DNGOS PO MED PA YIN NO, SEMS CAN RNAMS NI DNGOS POR MNGON PAR ZHEN PA YIN NO ZHES THUGS RJE CHEN POS DGONGS SO, ,DE BAS NA DE DAG NI THUGS RJE'I DBANG DU GYUR PA'I THUGS KYIS SRID PA NA YUN RING DU 'GRO BA MTHA' DAG LA PHAN PAR BYA BA'I CHED DU BZHUGS PA YIN PAS DE'I PHYIR, GANG DAG 'KHOR BA LAS KYANG MA 'DAS LA ZHES GSUNGS TE, LHAG MA MED PA'I MYA NGAN LAS 'DAS PA'I DBYINGS SU MA BZHUGS PA'I PHYIR RO, ,'KHOR BA'I GRANGS SU YANG MI MCHI BA NI 'KHOR BA'I RGYA MTSOR SKYES KYANG PAD MO BZHIN DU DE'I DRI MA RNAMS KYIS MI GOS PA'I PHYIR RO, ,DE DAG GIS NI DE DAG NYID 'KHOR BA DANG MYA NGAN LAS 'DAS PA LA MI GNAS @150B PA NYID YIN PAR SNGAR KHAS BLANGS PA BSTAN PAR BYAS SO, ,GANG DAG LAM DANG BRAL BA YANG MA LAGS SHING ZHES BYA BA NI CHOS THAMS CAD DNGOS PO MED PA NYID DU MNGON PAR RTOGS PA'I BDAG NYID THUGS RJE CHEN PO DANG LDAN PA'I LAM DE'I BDAG NYID DU GYUR PA'I PHYIR RO, ,LAM GYI 'DU SHES KYANG MI SKYED PA NI DE'I MTSAN MA YIN PA LA MI BYED PA'I PHYIR RO, ,DE DAG GIS NI BSTAN MA THAG PA'I 'KHOR BA DANG MYA NGAN LAS 'DAS PA LA MI GNAS PA'I THABS GSAL BAR BYAS PA YIN NO, ,DE DAG GIS BSTAN PA 'DI'I DON 'TSAL BAR 'GYUR RO ZHES BYA BA NI RNAM PA THAMS CAD DANG MCHOG TU ZHES BYA BA'I BAR DU YIN NO, ,'DI BCOM LDAN 'DAS KYI DGONGS PA NI MA YIN GYI, DE SKAD DU 'CHAD PA NI RANG DGA' YIN NO SNYAM DU DOGS PA LA, 'JAM DPAL LEGS SO LEGS SO ZHES GSUNGS TE, KHYOD KYI TSIG DE NI LEGS PAR BSHAD PA YIN NO ZHES BYA BA YIN NO, ,JI SKAD DU, GANG ZHIG SRID PAR 'KHOR YANG SRID PA'I SKYON DANG BRAL, ,STONG PA SMRA YANG LAS DANG 'BRAS BU GTONG MI BYED, ,SHES PAS 'DOD PA BSREGS KYANG GANG DAG THUGS RJES BRLAN, ,ZHES BYA BA LA SOGS PA BSNGAGS PA GSUNGS PA YIN NO, ,SKYES BU DAM PA MOS PA'I SNOD DU GYUR PA NI DE LTAR YANG DKON NA CI MA 'ONGS PA'I DUS NA YOD DAM SNYAM BSAMS NAS BTZUN PA 'ONG SRUNGS CHEN POS, BCOM LDAN 'DAS MA MCHIS PA'I DUS NA ZHES BYA BA LA SOGS PA GSOL TO, ,GANG LA LA CHOS 'DUL BA ZAB MO 'DI DANG ZHES BYA BA NI MNGON PAR MTHO BA'I SKAS 'OG NAS BTZUGS PAR GYUR PA'I MDO SDE'I DBANG PO'I RGYAL PO CHEN PO LA BYA'O, ,SHES RAB KYI PHA ROL TU PHYIN PA ZAB MO 'DI LA ZHES BYA BA NI DON GYI NGO BO LA BYA'O, ,'DI LA NYAN PA NI TSIG DANG DON BSHAD PA LA GANG GIS GUS PAS RNA BA GTOD PA'O, ,MOS PA NI GANG ZHIG GIS THOS NAS DAD PA'I RJES SU 'BRANG BAS KYANG 'DI NI DE KHO NA YIN NO ZHES NGES PAR 'DZIN PA'O, ,KUN 'TSAL BA NI GANG ZHIG RIGS PAS DE'I DON GTAN LA PHEBS PA'O, ,RAB TU 'DZIN PAR 'GYUR BA NI GANG ZHIG GIS GTAN LA PHAB NAS YANG DAG PAR SGRUB PAS BSGOM @151A *, ,PA'O; ,NYAN PA LA SOGS PA DE DAG GI GO RIMS NI GSAL LO, ,YANG NA MOS PA NI GANG ZHIG GIS THOS NAS DAD PA DANG SHES RAB GNYIS KYI DON DE KHO NA YIN NO ZHES RTOGS PA'O, ,KUN 'TSAL BA NI DON JI LTA BA BZHIN GANG SGOM PAR BYED PA'O, ,RAB TU 'DZIN PAR 'GYUR BA NI BLA MA LA GUS SHING CHOS 'DUL BA 'DI GLEGS BAM DU BZHUGS PA YANG KLOG PA DANG, 'CHANG BA DANG, MCHOD CING SHIN TU 'DZIN PA'O, ,DE DAG NI 'KHOR 'DI NYID NA GNAS SO ZHES BYA BA LHAG MA YIN NO, ,GANG ZHIG CHOS KYI RNAM GRANGS 'DI 'KHOR GYI DKYIL 'KHOR 'DI'I NANG DU THOS PA DE DAG NYID MA 'ONGS PA'I DUS NA NYAN PAR 'GYUR BA DANG, MOS PAR 'GYUR BA NI SANGS RGYAS DANG BYANG CHUB SEMS DPA'I BKAS BYIN GYIS BRLABS PA'I PHYIR TE, SANGS RGYAS RNAMS LA BSNYEN BKUR MA BYAS PAR NI 'DI THOS PA'I LAM DU 'GRO BAR 'GYUR BA MA YIN NO ZHES BYA BA'I THA TSIG GO, ,DE DAG GI BYE BRAG NI 'DI YIN TE, GANG ZHIG 'DI LA THOS TE LEGS PAR SHIN TU YID LA BYED PA DE DAG NI GZHAN GYI TSE NA THOS PAR 'GYUR, MOS PAR 'GYUR, KUN SHES PAR 'GYUR, RAB TU 'DZIN PAR 'GYUR RO, ,GANG ZHIG THOS NAS LEGS PAR YID LA BYED PA DE DAG NI KUN SHES PA'I BAR DU 'GYUR RO, ,GANG ZHIG THOS PA NYI TSER ZAD PA DE DAG NI THOS PAR 'GYUR, MOS PAR YANG 'GYUR RO, ,GNYIS PA'I BSHAD PA YANG DE BZHIN DU RIG PAR BYA STE, RGYU CHUNG NGU LAS 'BRAS BU CHEN POR 'GYUR BAS 'DI NI STON PA PO'I DGONGS PA YIN PAR MNGON NO, ,'OD SRUNGS 'KHOR 'DI NYID NI ZHES BYA BA NI SPYIR BSTAN PA YIN NO, ,DE DAG KYANG GANG ZHE NA, DGE SLONG DANG, DGE SLONG MA DANG, DGE BSNYEN DANG, DGE BSNYEN MA 'KHOD PA DE DAG NI ZHES BYA BA YIN NO, ,GANG DAG MA 'ONGS PA'I DUS NA CHOS ZAB MO 'DUL BA 'DI DANG SHES RAB KYI PHA ROL TU PHYIN PA ZAB MO 'DI LA NYAN PA DANG, MOS PA DANG, KUN SHES PA DANG, RAB TU 'DZIN PAR 'GYUR BA YOD DO ZHES BYA BA NI SPYIR BSTAN PA YIN NO, ,DON DE DAG NYID DPE RNAM PA BZHIS GSAL BAR BYA BA'I PHYIR, 'OD SRUNGS 'DI LTA STE DPER @151B NA KHYIM BDAG GAM ZHES BYA BA LA SOGS PA GSUNGS SO, ,DE LA NOR BU RIN PO CHE STOR BA DANG RNYED PA BSTAN PAS NI CHOS KYI RNAM GRANGS 'DI YID BDE BA DANG MI BDE BA RJES SU 'JUG PA DANG LDOG PA'I GZHI YIN PA'I PHYIR RO, ,DE DAG GIS DUS GZHAN NA THOS PAR 'GYUR BA NA DGA' BA DANG BDE BA DANG YID DGA' BAR 'GYUR ZHING KUN NAS DKRIS PA'I YID LA BYED PA MED PAR 'GYUR TE ZHES GANG GSUNGS PA LA, DGA' BA NI YID DGA' BA GANG GIS ZIN PA ZHES SBYAR RO, ,SNGAR NI STOR BA BZHIN DU SNGAR MA THOS PA'I MYA NGAN GYIS YID GDUNGS PA YIN NO; ,BDE BA DANG ZHES BYA BA NI BDE BA SKYES PA STE, LUS SHIN TU SBYANGS PA DANG LDAN PA'I PHYIR RE, ,YID DGA' BAR 'GYUR BA NI SEMS SHIN TU SBYANGS PA DANG LDAN PA'I PHYIR RO, ,GANG DAG LA KUN NAS DKRIS PA'I YID LA BYED PA MED PAR 'GYUR BA DE DAG LA DE SKAD CES BSTAN TO, ,KUN NAS DKRIS PA'I YID LA BYED PA ZHES BYA BA NI YID MI BDE BAS GDUNGS PA YIN PAR BSHAD DO, ,DER KHYIM BDAG DANG DE'I BU SMOS PA NI RJES SU MTHUN PAR BSTAN PA'I PHYIR RO, ,SA BDAG DANG DE'I BU NI DE STOR TAM SLAR RNYED PAS YID MI BDE BA YANG MED, YID BDE BA YANG MED DO, ,MA SKYES PA LA SOGS PA'I DON BSTAN PA'I CHED DU DE BZHIN NYID BSHAD DE, DON DAM PA DANG, DE BZHIN NYID DAG NI RNAM GRANGS TE BAR GYI SGRAS BSDU'O, ,SHING YONGS 'DU SA BRTOL KHA 'BUS PA BSTAN PA NI DE'I TSE DANG DUS GZHAN NA YID BDE BA'I GNAS YIN PAR BSTAN TE, DE'I TSE DGA' BAR 'GYUR BA DANG, GANG GI TSE ME TOG THAMS CAD RGYAS PAR 'GYUR BA NI, 'DI LTA STE, CHOS THAMS CAD KYI ME TOG RGYAS PAR 'GYUR ZHES BYA BA YIN NO, ,YID DGA' BA ZHES BYA BA NI SNGA MA BZHIN NO, ,RAB TU DGA' BAR 'GYUR RO ZHES BYA BA NI DGA' BA MCHOG TU 'GYUR BA ZHES BYA BA'I THA TSIG GO, ,SA BRTOL NI SA LAS SKYES PA'O, ,DE NYID YONGS 'DU YIN TE, DE'I MING GI RNAM GRANGS YIN TE, KHA 'BUS PA ZHES BYA BA NI H'A KHYIM CHAGS PA'O, ,ME TOG THAMS CAD RGYAS PA NI THAMS CAD DU KHA BYE BA'O, ,NGES @152A *, ,PAR ZHES BYA BA NI GCIG TU NGES PAR ZHES BYA BA'I BAR DU'O, ,'DIR KHA CIG DOGS PA 'CHAD PA ZHES BYA BA NI SKYES BU LUS 'GA' MED PAR MI RUNG BA MA YIN NAM SNYAM DU BSAMS PA'O, ,THOS PA BZHIN DU SKYES BU MED PAR YANG YOD PA YIN TE, DE'I DBANG GIS GZHAN DU DE'I GZUGS LAS SAM GZUGS BRNYAN LAS YIN TE, BCOM LDAN 'DAS MYA NGAN LAS 'DAS PAR GYUR KYANG BDE BAR GSHEGS PA SNANG BA YIN NO, ,DE'I TSE 'DI THOS PAR GYUR PA GANG GI DBANG GIS SHE NA, 'DI LTAR 'DAS PA NA MNGON SUM DU BYAS PA DAG YIN PAR KHONG DU CHUD PAR BYA'O, ,DE'I PHYIR 'OD SRUNGS 'DI LTAR SHES RAB KYI PHA ROL TU PHYIN PA ZAB MO MA SKYES PA DANG MA BYUNG BA NAS DNGOS PO MED PA'I BAR 'DI MA 'ONGS PA'I DUS NA, DE BZHIN GSHEGS PA 'DAS PA'I PHYIN ZHES BYA BA LA SOGS PA GSUNGS SO, ,SHES RAB KYI PHA ROL TU PHYIN PA DANG 'BREL PA DANG LHAN CIG BRJOD BAR BYA BA DANG RJOD PAR BYED PA'I DNGOS POR 'BREL PAS 'BREL PA ZHES BYA BA'I THA TSIG GO, ,'DAS PA'I PHYIN ZHES BYA BA NI MI BZHUGS PA DANG, YONGS SU MYA NGAN 'DAS PA BSTAN PA ZHES BYA BA'I BAR DU YIN NO, ,GNAS PAR 'GYUR BA ZHES BYA BA NI GLEGS BAM LA YOD PA TZAM GYIS SO, ,SPYOD PAR 'GYUR BA ZHES BYA BA NI RGYUN DU KLOG PA DANG KHA DON BYED PAS SO, ,SANGS RGYAS KYI BYIN GYI RLABS DANG ZHES BYA BA 'DI NYID RNAM PAR 'BYED PA NI SANGS RGYAS KYI MTHU YIN PAR SHES PAR BYA'O ZHES BYA BA YIN NO, ,YANG NA BYIN GYI RLABS NI SLOB MA DANG YANG SLOB LA SOGS PA GCIG NAS GCIG TU BAR DU CHOD PA'I RGYU NYID YIN PA'O, ,MTHU NI DNGOS SU DE'I DBANG GIS SO, ,NOR BU MKHAN ZHIG GIS NOR BU RIN PO CHE MTHONG BA'I DPES NI RTAG TU YID BDE BA'I GNAS NYID 'DI YIN PAR BSTAN PA'I PHYIR, 'OD SRUNGS DE BZHIN DU GANG DAG SHES RAB KYI PHA ROL TU PHYIN PA ZAB MO MA SKYES PA DANG, MA BYUNG BA NAS DNGOS PO MED PA'I BAR 'DI THOS NAS ZHES BYA BA LA SOGS PA GSUNGS PA YIN NO, ,RAB TU DGA' BAR GYUR PA NI GANG DAG LA DGA' PA YOD PA DE RAB TU DGA' BAR GYUR PA'O, ,MGU BA NI YID DGA' BA LA @152B BYA'O; ,GANG DAG LA RANGS PA DANG, YID BDE BA SKYES PA ZHES BYA BAR SBYAR RO, ,YID DGA' BA'I DON NI SNGA MA BZHIN NO, ,YANG NA SNYING DGA' BA LA BYA STE, SNGON GYI RJES SU YANG NAS YANG DU ZHES BYA BA'I THA TSIG GO, ,NOR BU RIN PO CHE 'DI NI RIGS LAS BRJOD PAR BZHED DE BSTAN TO; ,SNGON NYAMS SU MYONG BA'I GRONG KHYER THOS PA'I DPES NI BDE BA DANG YID BDE BA SNA TSOGS KYI GNAS NYID YIN PAR DE DUS GZHAN ZHIG NA DE'I DRUNG DU MI LA LA ZHIG SONG STE GRONG KHYER DE'I BSNGAGS PA BRJOD CING KUN DGA' RA BA NYAMS DGA' BA DANG ZHES BYA BA LA SOGS PA GSUNGS SO, , GRONG GANG YANG RUNG BA ZHIG TU DGOS PA LA LA'I PHYIR SNGON SON PAR GYUR LA PHYIS BRJOD PAR GYUR ZHES DGONGS PA'O, ,NYAMS DGA' BA'I DNGOS PO LA NYAMS DGA' BA ZHES BYA'O, ,DE CI'I PHYIR ZHE NA ZHES BYA BA RGOL BA PO'I BSAM PA NI 'DI YIN TE, YANG NAS YANG DU BSNGAGS PA BRJOD PAR GSOL BA 'DEBS PA TZAM MTHONG BA LAS NYAMS SU MYONG BA YOD PAR RJES SU DPOG PA RIGS PA MA YIN TE, 'KHRUL PA'I PHYIR RO, 'DI LTAR 'DOD CHAGS DANG MA BRAL BA DAG GNAS GTZANG MA'I GNAS NYAMS DGA' BA DAG GI BSNGAGS PA BRJOD PA THOS PAS SNYING YA YA PO CHEN POS G-YENGS PAR GYUR NAS YANG DANG YANG DU GSOL BA 'DEBS PAR BYED KYANG DES TSE SNGA MA LA YANG DE MTHONG BAR GYUR PA NI MA YIN TE, LAN CIG PHYIR MI 'ONG BA KHO NA DAG DER SKYES PA'I PHYIR RO ZHE NA, 'DI LTAR DE THOS NAS YID CHER DGA' BA DANG RAB TU DGA' BAR GYUR TE ZHES BYA BA LA SOGS PA NI LAN YIN TE, DGA' BA'I BYE BRAG DE NYID KYIS DE LTA BU DRAN PA'I 'DU BYED SKYED PAR BYED PA YIN LA, DRAN PA DANG MTSUNGS PAR LDAN PA YANG GANG ZHIG RTAGS KYI BYE BRAG BRJOD PA'I NGO BO LA GSOL BA 'DEBS PA 'BYUNG BAR BYED DO, ,DE LAS NI KUN NAS SLONG BAR BYED PA'I BYE BRAG RJES SU DPOG PA YIN PAR SHES PAR BYA STE, MTSAN MA LAS RJES SU DPOG PA'I TSUL BZHIN DU GRONG KHYER LA SOGS PA MTHONG BAR GYUR PA RJES SU DPOG GO ZHES BYA BA 'DI NI BSDUS PA'I DON TO, ,YANG DANG YANG DRUNG DU 'GRO ZHING ZHES BYA BA NI LAN DU MAR RO, ,RAB TU DGA' ZHING MGU BAR GYUR TE ZHES BYA BA @153A *, ,NI RGYA CHEN POR RO, ,'DI NYID RNAM PAR 'BYED PA NI DGA' BA DANG MGU BA CHER SKYED CING ZHES BYA BA YIN NO, ,YANG NA RAB TU DGA' ZHING MGU BAR GYUR PA NI DANG POR RO, ,DGA' BA DANG MGU BA CHER SKYED PA NI RGYUN MA 'CHAD PAR RO, ,DGA' BA NYID MGU BA YIN PAR 'GREL TO, ,YANG NA DGA' BA YANG DE YIN LA MGU BA YANG DE YIN ZHES GCIG TU SBYAR RO, ,DE LA DGA' BA NI YID BDE BA'O, ,DE SNGON DU SONG BA'I RAB TU DGA' BA DANG KHONG MGU BA NI MGU BA'O, ,GTAN LA DBAB PA'I PHYIR, BCOM LDAN 'DAS MA MCHIS PA'I DUS NA ZHES BYA BA LA SOGS PA GSUNGS SO, ,DE DAG GI RNAM PA DANG RTAGS DANG MTSAN MA BCOM LDAN 'DAS KYIS GANG DAG BKA' STZAL PA DE DAG NYID LAGS SAM ZHES BYA BA NI TSIG ZUR GYIS DRI BA'O, ,YANG NA CI LAGS ZHES BYA BA KHONG NAS DBYUNG NGO, ,BSAM PA NI 'DI YIN TE, 'DIR DPE BZHIN DU SNGON MYONG BA'I RNAM PA SGROGS PA NI CHA TZAM YANG MI DMIGS NA DE DAG GIS 'JAM DPAL GZHON NUR GYUR PA LA BSNYEN BKUR BYAS PA LA SOGS PA DE JI LTAR SHES PAR BYA ZHE NA, BCOM LDAN 'DAS KYIS BKA' STZAL PA, 'OD SRUNGS JI SKAD SMRAS PA DE DE BZHIN TE ZHES GSUNGS TE, DGONGS PA NI 'DI YIN TE, DNGOS PO'I CHOS DE NYID RJES SU MYONG BA GSAL BAR GYUR PA GANG YIN PA DES DRAN PA'I SA BON 'JOG PAR BYED KYI GZHAN DU MA YIN NO, ,RJES SU MYONG BA DE YANG DE DAG LA GOMS PA CHE BA DANG, CHES CHE BA LA SOGS PA NYE BAR GYUR PA DANG BRAL BA'I PHYIR GSAL BAR 'GYUR BA DANG, BAR SKABS SU MI MTHUN PA'I RKYEN GYIS NYAMS SMAD PA DANG, DE BAS NA 'PHRAL DU DRAN PA 'BYUNG BA MA YIN TE, TSA BA DANG KHA BA'I RO RJES SU MYONG BA MI DRAN PA BZHIN NO, ,'DI TZAM GYIS DE MED PA YANG MA YIN TE, DE'I STOBS NYID KYIS MNGON PAR 'DOD PA LA SOGS PA JI SKAD DU GSUNGS PA RJES SU 'BYUNG BA YIN TE, GZHON NU'I GNAS SKABS NA MYONG BA'I TSA BA DANG KHA BA LA SOGS PA SRID PA BZHIN NO, ,RJES SU MYONG BA DANG MNGON PAR 'DOD PA TZAM GNYIS 'BREL BA 'DI NI BCOM LDAN 'DAS KYI BKA' LAS DAD PA MI G-YO BA'I STOBS KYIS DE RIG PAR @153B BYA'O; ,DE LA RNAM PA NI LUS DGA' BA'I BYE BRAG STE, BA SBU LDANG BA DANG, MCHI MA ZAG PA LA SOGS PA'O, RTAGS NI TSIG GI BYE BRAG STE DGA' STE GSOL BA 'DEBS PA LA SOGS PA'O, ,MTSAN MA NI SGRUB PA'I BYE BRAG STE, NYAN PA DANG, 'CHANG BA DANG, KLOG PA DANG, MCHOD PA LA SOGS PA SNGAR BSHAD PA BSTAN PA YIN NO, ,DE LTAR RNAM PA LA SOGS PA BCOM LDAN 'DAS KYIS BKA' STZAL PA DANG, KHA CIG DNGOS POR MNGON PAR ZHEN CING SGRO 'DOGS PA'I MTHA'I 'DAM DU BYING NGO, ,DE BAS NA MNGON PAR ZHEN PA BSAL BA'I PHYIR, BCOM LDAN 'DAS CHOS DE NI RNAM PA MA MCHIS SHING ZHES BYA BA LA SOGS PA GSUNGS SO, ,CHOS NI CHOS KYI RNAM GRANGS SO, ,SHES RAB KYI PHA ROL TU PHYIN PA YANG ZHES BYA BA NI DON GYI NGO BO'O, ,DON NI 'DI YIN TE, RNAM PA DANG, RTAGS DANG, MTSAN MA 'DI DAG THAMS CAD NI RNAM PAR MA DAG PA'I BLAS GNYIS KYI NGO BO NYID LA MNGON PAR 'DOD PA YIN NO, ,GNYIS KYANG BDEN PA MA YIN PAR RTAG TU LAN GRANGS DU MAR GSUNGS SO, ,DE GNYIS RNAM PA LA SOGS PA DANG, BRAL BA MA YIN NA RNAM PA LA SOGS PA GNYIS DANG LDAN PA ZHES JI SKAD DU BSTAN, 'ON KYANG DES THOS PA DANG LDAN PA'I GDUL BYA RNAMS DE LA BRTZON PAR MTHONG BA LAS SNGON THOS PA YOD PAR RJES SU DPOG PAR BYED DO, ,TSUL GANG GIS DE GNYIS LA RNAM PA LA SOGS PA MI RIGS PA DE NI DE NYAN PA PO LA YANG MTSUNGS PA'I PHYIR RO, ,DE NYID KYI PHYIR GDUL BYA'I BYE BRAG LA LTOS NAS RNAM PA LA SOGS PA DANG BRAL BA GRUB PA DE GNYIS KHO NA SMOS PA YIN TE, DE NI NYAN PA PO RNAMS LA YANG DE DAG MTSUNGS PA BSTAN PA'I PHYIR RO, ,DE LTA MA YIN NA RIGS KYI BU PHO 'AM, RIGS KYI BU MO DE DAG LA RNAM PA MA MCHIS PA DANG, MTSAN MA MCHIS PA LAGS NA, JI LTAR 'GYUR ZHES GO RIMS BZHIN DU BRJOD PAR BYA DGOS PAR 'GYUR RO, ,BCOM LDAN 'DAS KYIS CHOS BSTAN PA GANG LAGS PA DE YANG RNAM PA MA MCHIS, RTAGS MA MCHIS, MTSAN MA MCHIS PA'I SLAD DU LAGS NA ZHES BYA BA NI GTAN TSIGS KYI SNOD YIN NO, ,BCOM LDAN 'DAS RNAM PA @154A *, ,MA MCHIS PA BSTAN PA'I CHOS DE JI LTAR BSTAN PAR 'GYUR, RE ZHIG BSTAN PA YANG YOD PA MA YIN NA 'DAS PA'AM, DA LTA'I TSE NA NYAN PA LTA GA LA YOD CES BYA BA'I THA TSIG GO, ,DE LTAR SGRO 'DOGS PA'I MTHA' BSAL NAS, 'DIR SKUR PA 'DEBS PA'I MTHAR LTUNG BAR THAL BAR MI 'GYUR BAR BYA BAR DGONGS NAS KUN RDZOB KYI BDEN PA'I DBANG DU BYAS TE, 'JAM DPAL SHES RAB KYI PHA ROL TU PHYIN PA ZAB MO SHIN TU MA SKYES PA DANG, DNGOS PO MED PA'I BAR DU BSTAN NA ZHES BYA BA LA SOGS PA GSUNGS PA YIN NO, ,DE NI DE DAG NYID GUS PAR NYAN PA DANG, LEGS PAR SHIN TU YID LA SKYED PA LA SPRO BA BSKYED PA'I PHYIR RO, ,'JAM DPAL PHYOGS GANG DU SHES RAB KYI PHA ROL TU PHYIN PA BSTAN PA DER SANGS RGYAS KYI CHOS STOBS BCU DANG, ,BYANG CHUB KYI YAN LAG LA SOGS PA THAMS CAD BSTAN PAR BLTA'O ZHES GSUNGS SO, ,DUS DE'I TSE BYANG CHUB KYI YAN LAG LA SOGS PA BDAG NYID CHEN PO'I RANG GI NGO BO BSTAN PAR MA BYAS PA MA YIN NAM, DE CI'I PHYIR DER SANGS RGYAS KYI CHOS THAMS CAD BSTAN PAR BLTA'O ZHES GSUNGS SHE NA, DE'I PHYIR 'DI LTAR DER BSAM GYIS MI KHYAB PA BSTAN PAR BLTA'O ZHES GSUNGS TE, BSAM GYIS MI KHYAB PA NI STONG PA NYID DO, ,DON NI 'DI STE RNAM PA THAMS CAD STONG PA NYID BSGOMS PAS DE 'THOB PAR 'GYUR RO, ,DE YANG 'DIR RNAM PAR RTOG PA THAMS CAD BSAL BAS BSTAN PA YIN NO, ,DE BAS NA DE THOB PA'I THABS BSTAN PAS DE YANG YONGS SU BSTAN PA YIN PAR BSHAD DO, ,DE DAG GIS NI SANGS RGYAS NYID KYI RGYU GTZO BO NI SHES RAB KYI PHA ROL TU PHYIN PA LA SBYAR BA YIN PAR BSTAN TO, ,'DI SNYAM DU BCOM LDAN 'DAS BYANG CHUB SEMS DPA'I SPYOD PA MDZAD PA NA DGE BA'I RTZA BA GANG DAG BSGRUBS PA DE'I RGYU CAN SANGS RGYAS 'DI NYID YIN NA, DE JI LTAR SHES RAB KYI PHA ROL TU PHYIN PA LA SBYOR BA'I RGYU CAN DU BSTAN ZHE NA, DE'I PHYIR 'JAM DPAL NGAS SNGON BYANG CHUB SEMS DPA'I SPYAD PA SPYOD PA NA ZHES BYA BA LA SOGS PA GSUNGS TE, DE DAG KYANG SHES RAB KYI PHA ROL TU PHYIN PA LA SBYOR BA KHO NA YIN NO @154B ZHES BYA BA BSDUS PA'I DON YIN NO, ,DE LA NYIN RE BZHIN GZHAN DAG 'CHAD PA LA YID DAM DU MNYAN PAR BYA, MNYAN NAS DE KHO NA YIN NO ZHES MOS PAR BYA, DAD PAS GLEGS PA MA YI GER BRI BAR BYA, KHA TON BTON PAS GZUNG BAR BYA, GLEGS BAM LA GNAS PA TSIG TU BRJOD PAS BKLAG PAR BYA, GZHAN LAS MAN NGAG MNOS PAS LUNG MA NOD PAR BYA, KHA TON LOBS PA RNAMS YANG NAS YANG DU 'DON PAS KHA TON TU BYA, TSIG TU GDON PAR BYA BA NI GRAGS PAS SGROGS ZHES BYA BA'I THA TSIG GO, ,KUN CHUB PAR BYA BA NI TSIG DANG DON BYE BRAG TU 'CHAD PA'I PHYIR RO; ,TSUL BZHIN DU YID LA BYA BA NI RIGS PAS BSAMS PA LAS BYUNG BA'I SHES RAB KYIS DE'I DON DPYOD PAR BYED PA'O, ,BSGOM PAR BYA BA NI BSGOMS PA LAS BYUNG BA'I SHES RAB KYIS RNAM PAR RTOG PA THAMS CAD BSAL NAS, DE'I DON KHONG DU CHUD PAR BYED PA'I PHYIR RO, ,NAS ZHES BYA BA'I TSIG GIS RIN PO CHE'I GZHAL MED KHANG NOR BU RIN PO CHE'I RGYU LAS BYAS PA'I KHANG BZANGS LA SOGS PA GZUNG NGO, ,BA DAN DANG RNAM PAR RGYAL BA'I BA DAN NI RGYAL MTSAN GYI BYE BRAG YIN NO, ,CI NUS ZHES BYA BA 'DI'I RNAM PAR DBYE BA NI CI PHOD DU'O ZHES BYA BA YIN NO, ,YANG NA CI NUS ZHES BYA BA NI MTHU CI YOD PAS MNYAN PAR BYA BA LA SOGS PA LA SBYOR BA'O, ,CI PHOD DU BYAS PA NI ME TOG LA SOGS PAS MCHOD PAR BYA'O, ,RIM GROR BYA'O ZHES TSIG 'OG MAS RNAM PAR DBYE BA YIN NO, ,YANG NA RIM GRO BYA BA NI THAL MO SBYAR BA DANG, BSKOR BA DANG, BYA BA BYED PA LA SOGS PAS SO, ,DE DAG THAMS CAD KYIS NI CHOS SPYOD RNAM PA BCU BSTAN TO, ,NYAN THOS DANG RANG SANGS RGYAS KYIS THAMS CAD LAS 'DAS PAS SANGS RGYAS NYID THOB PA MA YIN NAM, DE CI'I PHYIR SHES RAB KYI PHA ROL TU PHYIN PA LA SBYOR BAS ZHES BSHAD CE NA, DE'I PHYIR NYAN THOS DANG RANG SANGS RGYAS THAMS CAD KYIS LAS 'DA' BAR 'DOD PA'I ZHES BYA BA LA SOGS PA GSUNGS TE, NYAN THOS LA SOGS PA'I SA YANG 'DI NYID LA BRTEN NAS 'DA' BA YIN NO ZHES BYA BA'I THA TSIG GO, ,PHYIR MI LDOG PA'I SA LAS 'DAS TE SANGS RGYAS NYID THOB PA MA YIN NAM ZHE NA DE'I PHYIR @155A *, ,'JAM DPAL JI LTAR PHYIR MI LDOG PA'I SA LA 'JUG PAR 'GYUR BA ZHES BYA BA LA SOGS PA GSUNGS TE, PHYIR MI LDOG PA'I SA NI MI G-YO BA'O, ,DE LA 'JUG PAR 'GYUR BA NI DER 'GRO BA'O, ,DER JI LTAR 'GYUR BA DE LTA BU NYAN PAR 'DOD PA ZHES BYA BA NI MTSON PA STE, BSAM PAR 'DOD PA DANG, BSGOM PAR 'DOD PA DAG KYANG RIG PAR BYA'O, ,'DI SNYAM DU CHOS THAMS CAD SKYE BA MED PAR MNYAM PAS MOS BAS SANGS RGYAS THOB PAR 'GYUR RO SNYAM PA'I PHYIR, 'JAM DPAL CHOS GANG YANG RUNG STE DE DAG THAMS CAD MA SKYES PAR MNYAM PA NYID DU ZHES BYA BA LA SOGS PA GSUNGS SO, ,DGONGS PA NI 'DI YIN TE, CHOS THAMS CAD MA SKYES PAR MNYAM PA 'DI LA RNAM PAR RTOG PA THAMS CAD SEL BAS MNYAM PA DE LTA BU NI GZHAN YOD PA MA YIN NO ZHES BYA BA YIN NO, ,GZHAN DAG RNAM PAR RTOG PA SANGS RGYAS KYI CHOS THAMS CAD MNGON PAR RDZOGS PAR BYANG CHUB PAR 'DOD PA DE NYID SANGS RGYAS NYID THOB PA 'DI'I RGYU'I GTZO BO YIN NO ZHE NA, DE'I PHYIR 'JAM DPAL SANGS RGYAS KYI CHOS THAMS CAD CES BYA BA LA SOGS PA GSUNGS TE, SANGS RGYAS KYI CHOS THAMS CAD RTOGS PAR 'DOD PA YANG 'DI NYID LA SBYOR BAS SHIN TU RNAM PAR DAG PAR 'GYUR RO ZHES BYA BA'I THA TSIG GO, ,GZHAN DAG NI BCOM LDAN 'DAS KYIS CHOS CUNG ZAD MA MKHYEN NA ZHES DE LTA BU'I ZAB MO BSTAN PA 'DI LA MOS PA'I RGYU MTSAN GYI GTZO BO YIN NO SNYAM PA DE LA, 'JAM DPAL CHOS THAMS CAD DE BZHIN GSHEGS PAS MNGON PAR RDZOGS PAR SANGS MA RGYAS SO ZHES BYA BA LA SOGS PA GSUNGS SO, ,DE CI'I PHYIR ZHE NA ZHES BYA BA NI THAMS CAD RIGS PA YIN NA JI LTAR MNGON PAR RDZOGS PAR SANGS MA RGYAS ZHES BSAMS PA LA, GANG MNGON PAR RDZOGS PAR 'TSANG RGYA BAR BYED PA 'AM ZHES BYA BA LA SOGS PA GSUNGS TE, DON BSHAD ZIN TO; ,DE BAS NA DE LTAR DON GYI TSUL 'DI LA MOS PAR 'DOD PA'I ZHES BYA BA LA SOGS PA NI BSTAN MA THAG PA'I MJUG SDUD PA YIN NO, ,DON GYI TSUL NI DON GYI RNAM PA'O, ,'DI NYID LA SBYOR BAS 'DI 'DRA BA'I MOS PA 'DI 'BYUNG BAR 'GYUR RO ZHES BYA BA'I THA TSIG GO, ,GZHAN NGAG NI BYANG CHUB DANG CHOS @155B THAMS CAD GNYIS SU MED CING MNYAM PAR DE LTAR MOS PA'I MNGON SUM GYI RGYU MTSAN YIN NO SNYAM PA DE LA, GANG BYANG CHUB MA YIN PA'I CHOS DE GANG YANG MED DO ZHES BYA BA LA SOGS PA GSUNGS SO, ,GZHAN DAG NA RE CHOS THAMS CAD LA RNAM PAR MI RTOG PA NYID BYANG CHUB KYI RGYU'I GTZO BO YIN NO ZHE NA; DE'I PHYIR CHOS THAMS CAD LA RNAM PAR MI RTOG PAR 'DOD PA'I ZHES BYA BA LA SOGS PA GSUNGS SO, ,DE CI'I PHYIR ZHE NA ZHES BYA BA NI MDO SDE GZHAN CHOS THAMS CAD RNAM PAR MI RTOG PA STON PAR BYED PA GANG YIN BA MTHA' DAG PA YOD BZHIN DU SHES RAB KYI PHA ROL TU PHYIN PA 'DI NYID LA MNYAN PAR BYA BAR GSUNGS PA 'DI LAS LHAG PA CIG YOD CES BYA BA'I THA TSIG GO, ,LAN DU SHES RAB KYI PHA ROL TU PHYIN PA NI RNAM PAR RTOG PA 'AM RNAM PAR MI RTOG PA GO RIMS BZHIN DU CHOS GANG YANG YONGS SU GRUB PAR RNAM PAR 'JOG CING SKYED BA'AM, STON PA MA YIN PA'I PHYIR RO ZHES BYA BA YIN TE, RNAM PAR RTOG PA SKYED PAR BYED PA'I RGYU MA YIN TE, DE'I YUL YIN PA'I KHUNGS MED DO ZHES BYA BA'I THA TSIG GO, ,'DI SKAD STON DE MDO SDE GZHAN LAS GDUL BYA'I BYE BRAG LA LTOS NAS DMIGS PAR STON PA YOD PA YANG YIN NO ZHES DGONGS PA'O, ,'DIR NI JI LTAR YANG YOD PA MA YIN NO ZHES BYA BA YIN NO, , KHA CIG NI CHOS THAMS CAD NI KUN NAS NYON MONGS PA CAN MA YIN TE, RANG BZHIN GYIS 'OD GSAL BA'I PHYIR RO, ,RNAM PAR BYANG BA YANG MA YIN TE, KUN NAS NYON MONGS PA GLO BUR BA YIN PA'I PHYIR RO ZHES DE LTAR 'JUG PAR 'DOD PA DANG MYUR DU BYANG CHUB MNGON PAR RTOGS PAR 'DOD PA DE LA CHOS THAMS CAD KUN NAS NYON MONGS PA MA YIN ZHES BYA BA LA SOGS PA GSUNGS SO, ,GZHAN DAG NI DUS GSUM DU SGRO 'DOGS PA RING DU SPANGS PAS MYUR DU BYANG CHUB PA YIN NO SNYAM PA LA, DE'I PHYIR CHOS THAMS CAD 'DAS PA MA YIN, MA 'ONGS PA MA YIN ZHES BYA BA LA SOGS PA GSUNGS TE, 'DI YANG 'DI LA BRTEN PA KHO NAS SGRO 'DOGS PA MYUR DU ZAD PAR 'GYUR RO ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI RGOL BA STE, THOS PA LA SOGS PA'I NGO BO NYID NI 'DAS PA DANG, MA 'ONGS PA LA SOGS PAR BSTAN PA MA YIN NAM, CI'I PHYIR CHOS DUS GSUM DU 'JUG PA MA YIN ZHES @156A *, ,RGOL BA POS BSAM PA LA, 'JAM DPAL SKYE BA MED PA NI 'DAS PA MA YIN ZHES BYA BA LA SOGS PA GSUNGS TE, SKYE BA MED PA NI DNGOS PO MED PA YIN LA, DNGOS BO MED PA LA 'DAS PA DANG, MA 'ONGS PA DANG, DE LTAR BYUNG BA YANG DAG PAR LTA GA LA YOD CES BYA BA NI MDOR BSDUS PA YIN NO, ,DE CI'I PHYIR ZHE NA ZHES BYA BA NI CI'I PHYIR DE SKAD DU STON, SKYE BA MED PA LA 'DAS PA LA SOGS PA'I DBYE BA MED, CHOS RNAMS LA GO 'DI CI STE DBYE BA MED CES BYA BA NI RGOL BA PO'I BSAM PA YIN NO, ,DE LA 'JAM DPAL CHOS THAMS CAD NI SKYE BA MED PA LA STON PA'I PHYIR RO ZHES BYA BA GSUNGS TE, SKYE BA MED PA'I NGO BO YIN NO ZHES BYA BA'I BAR DU YIN NO, ,'DIR NI KUN BRTAGS PA'I CHOS LA DGONGS PA'O, ,DE BAS NA DE LTA BU'I CHOS THAMS CAD LA THE TSOM MED PAR ZHES BYA BA LA SOGS PA NI BSTAN MA THAG PA'I MJUG BSDU BA YIN NO, ,GZHAN DAG SMRA BA SKYE BA'I DNGOS PO RNAMS RTAG PA MA YIN PAR 'DOD DU ZIN KYANG DON DAM PAR NI MI RUNG BA KHO NA YIN TE, 'DI LTAR RE ZHIG PHYI ROL GYI CHA SHAS CAN LA SOGS PA'I SKYE BA NI GONG DU BSTAN PA'I TSUL GYIS MA SKYES PA KHO NA MIN PAS YOD PAR RUNG BA MA YIN NO, ,NYAMS SU MYONG BA TZAM LHAG MA LUS PA DE YANG YOD PA DON DAM PA YIN PAR NI BSGRUB PAR DKA' BA KHO NA YIN TE, 'DI LTAR RI MO BKRAM PA LA SOGS PA LA SHES PA SKYE BA NI SNANG BA RNAM PA DU MAR SKYED PA YIN NO, ,RNAM PA DE DAG KYANG DE'I BDAG NYID KHO NA YIN GYI GZHAN DU GYUR PA NYID YIN NA NI NYAMS SU MYONG BAR MI RIGS PA'I PHYIR RO, ,DE BAS NA DE RNAM PA DU MA LAS RNAM PAR NA LOG PA YIN NA GCIG PA NYID YIN PAR JI LTAR RIGS PA YIN, GCIG PA NYID DANG DU MA NYID DAG NI PHAN TSUN RNAM PAR BCAD DE GNAS PA'I MTSAN NYID YIN PAS LHAN CIG TU GNAS BAR MI SRID PA'I PHYIR RO, ,'ON TE YANG 'DI SNYAM DU NYAMS SU MYONG BA'I RNAM PA DE RNAMS NI YANG DAG PA MA YIN TE, 'KHRUL PA'I DBANG GIS DE LTAR SNA TSOGS SU GNYIS SU MED PA'I SHES PA'I BDAG NYID LA SNANG NGO ZHE NA, 'O NA SNANG ZHES BYA BA 'DI CI YIN TE, NYAMS SU MYONG BA'I BDAG NYID MA GTOGS PAR GZHAN SNANG BA'I SGRA'I DON RTOGS PAR BYAR MED PA MA YIN NAM, 'DI LTAR SNANG BA ZHES BYA BA DE NI @156B NYAMS SU MYONG BA ZHES BYA BA'I DON 'DI YIN NO, ,MIG SER LA SOGS PAS MIG NYAMS PA RNAMS YOD PA MA YIN YANG SER PO LA SOGS PAR JI LTAR SNANG ZHE NA, DE LA YANG GAL TE PHYI ROL GYI NGO BO NYID DU YANG YOD PA MA YIN LA, SHES PA'I BDAG NYID DU YANG YOD PA MA YIN NA DE DAG JI LTAR SNANG ZHES DE LA YANG MTHUN PAR RGAL BA 'DI MA YIN NAM, GAL TE KA BA LA SOGS PA'I RNAM PA GCIG GI SHES PA DE GCIG YIN NO ZHE NA MA YIN TE, DE LA YANG TSU ROL DANG PHA ROL DANG DBUS KYI CHA LA SOGS PA DBYE BAS SNA TSOGS SU SNANG BA'I PHYIR RO, ,DE BAS NA BLO YANG GCIG TU 'THAD PA MA YIN PAS DNGOS PO THAMS CAD MA BRTAGS NA DGA' BA'I NGO BO NYID THA SNYAD KYI TSUL LA 'JUG PA YIN TE, 'DI LTAR JI LTA JI LTAR YONGS SU BRTAGS PA DE LTA DE LTAR BRTAG MI BZOD PA YIN PA'I PHYIR RO, ,'DI KHA CIG SMRA BA SNGON PO DANG SER PO LA SOGS PA NI RNAM PA THAMS CAD DU MED PA MA YIN TE, NYAMS BDE BA LA SOGS PA BZHIN DU GSAL BAR NYAMS SU MYONG BA'I PHYIR RO, ,'O NA KYANG SHES PA GCIG LA 'DZIN PA'I CHAR 'DOD PA DANG, CHA GNYIS PA PHYIR RGOL GYI NGO BOR GYUR PA DE NI YOD PA MA YIN TE, JI LTAR NANG DU BDE BA LA SOGS PA RANG RIG PA'I NGO BO YIN GYI, GZHAN GZUNG BAR CHAR GYUR PAR YOD PA MA YIN PA BZHIN NO, ,DE BZHIN DU DKAR PO LA SOGS PA YANG GZUNG BA DANG 'DZIN PA'I RNAM PAR BRTAGS PA DANG BRAL BA YIN NO, ,DE SKAD DU SLOB DPON DHARMA K'IRTIS KYANG, SNGO LA SOGS PA'I NGO BO DE'I, ,NGO BO NYID NI NYAMS MYONG YIN,, RANG GI NGO BO NYAMS MYONG YANG, ,SNGO LA SOGS PA MYONG ZHES SGROGS, ,SHES LAS THA DAD MA YIN NA, ,DON GZHAN YOD PAR JI LTAR 'GYUR, ,SPYI NYID YIN NA'ANG DON NYID NA, ,SHES PA'I NGO BOR THAL BAR 'GYUR, ,ZHES BRJOD DO ZHE NA, DE LTAR 'DOD PA'I PHYIR NYES PA MED DO, ,DE BZHIN DU 'PHAGS PA DGONGS PA NGES PAR 'GREL PA'I MDO LAS KYANG TING NGE 'DZIN GYI SPYOD YUL GZUGS BRNYAN NI SHES PA LAS THA DAD PA MA YIN PA KHO NAR GSUNGS SO, ,DE BAS NA BDE BA LA SOGS PA BZHIN DU SNGON PO LA SOGS PA YANG RUNG NYAMS SU MYONG BA NYID RTOGS PA'I NGO BO YIN NO, ,'O NA @157A *, ,RNAM PAR SHES PA DU MA CIG CAR YOD PA RNYED PAR 'GYUR RO ZHE NA, 'DOD PA'I PHYIR NYES PA MED DO, ,'O NA RNAM PA GCIG YIN NO ZHES JI SKAD DU BSTAN ZHE NA, 'DI LTAR GZHAN DU CHA RNAM PAR DBYE BA BYAS NA SHES PA GZHAN NYAMS SU MYONG BA YOD PA MA YIN NO, ,DE LA SHES PA GZHAN GCIG TU DE YOD DO ZHES BRJOD PAR NUS PA YANG MA YIN TE, SHES PAS NYAMS SU MA MYONG NA YOD PAR MI RIGS PA'I PHYIR DANG, RNAM PAR SHES PA NI NYAMS SU MYONG BA YIN PA'I PHYIR RO, ,PHYI ROL PA LA YANG RIM PA 'DI NYID MA YIN NAM, DE DAG NI NYAMS SU MYONG BA MA YIN YANG YONGS SU KHAS LEN PA'I PHYIR RO, ,'O NA GAL TE BDE BA LA SOGS PA BZHIN DU SNGON PO LA SOGS PA YANG SHES PA'I NGO BO YIN NA DE CI'I PHYIR PHYI ROL DU SNANG ZHE NA, 'DI NI THOG MA MED PA'I DUS CAN 'KHRUL PA'I SA BON GYI DBANG GIS YIN NO, ,DE LA 'DIR GZHAN DAG NA RE RNAM PAR SMIN PA'I RNAM PAR SHES PA YANG LUS DANG SNOD KYI 'JIG RTEN LA SOGS PAR SNANG BA'I PHYIR SNA TSOGS PA KHO NA YIN NO ZHE NA, DE YANG GCIG PA NYID DU MI 'GRUB PA KHO NA YIN TE, RI MO BKRA BA LA SOGS PA DRAN PA'I SHES PA YANG RNAM PA DU MA SNANG BA NYAMS SU MYONG BA NYID YIN PAS DE YANG DU MA NYID DU 'GYUR RO, ,DE LTA YIN DANG, ,DE NI RIGS DAG MTHUN PA YI, ,RNAM PAR SHES PA NGES PA YIN, ,RNAM PAR RTOG PA RIM GYIS 'BYUNG, ,'DI LTAR YANG DAG MNGON PA YIN, ,ZHES RNAM 'GREL BYED PA'I TSIG DAG 'GAL BA YIN NO, ,GZHAN DAG NA DE RNAM PA THAMS CAD NI DU MA SNA TSOGS YIN GYI, SEMS CAN THAMS CAD KYI RNAM PAR SHES PA'I RGYUD NI GCIG YIN NO ZHES BYA BA'I TSIG DE NI DON GZHAN YIN TE, GCIG GI SGRA NI 'BA' ZHIG CES BYA BA'I RNAM GRANGS TE, GTZO BO GCIG DANG GZHAN DAG GCIG, ,GCIG PO 'BA' ZHIG 'DOD PA YIN, ,ZHES BRJOD PA'I PHYIR RO, ,DES NA 'DI SKAD BSTAN TE, DE DAG GI RNAM PAR SHES PA'I RGYUN NI GCIG PO 'BA' ZHIG YIN GYI, DE LA BDAG DANG, BDAG GI 'AM, GZUNG BA DANG 'DZIN PA NI YOD PA MA YIN NO ZHES BYA BA YIN NO, ,KHA CIG LAS SEMS GNYIS @157B CIG CAR DU SKYE BA DE NI GNAS MED DO ZHES 'BYUNG BA DE YANG MI MTHUN PA'I PHYOGS KYI SEMS DANG BYAMS PA LA SOGS PA'I SEMS DANG MTSUNGS PAR LDAN PA'I DBANG DU BYAS TE GSUNGS PA YIN TE, DE GNYIS LHAN CIG MI GNAS PA'I MTSAN NYID DU MI 'GAL BA'I PHYIR RO, ,RNAM 'GREL BYED PAS DE NI RIGS DAG MTHUN PA'I ZHES BYA BA LA SOGS PA KHUNGS SNGAR BSTAN PA DE'I DGONGS PA YANG 'DI NYID YIN PAR MNGON NO, ,'DI YANG SLOB DPON KHA CIG 'CHAD PA DAG DES SMRAS PA YIN NO, ,PHYI ROL DU GNAS PA NYID LA RNAM PA'I DNGOS PO 'DI DAG BSTAN PA YIN GYI, RNAM PAR SHES PA LA NI MA YIN PAS RNAM PAR SHES PA NI RNAM PA MED PAR STON TO, ,PHYI'I DON GYIS 'DI LA RNAM PA SKYED PA YANG MA YIN NO, ,DE LTA BU YIN PA LA DGONGS NAS 'PHAGS PA RNAM PAR SNANG MDZAD MNGON PAR BYANG CHUB PA LAS KYANG, GSANG BA'I BDAG PO SEMS NI SNGON PO MA YIN, SER PO MA YIN ZHES BYA BA LA SOGS PA GSUNGS SO, ,GZHAN YANG RNAM PA SNA TSOGS KYIS STONG PA'I RNAM PAR SHES PA YANG YOD PA KHO NA YIN TE, CHA SHAS MED PA'I RDUL PHRA RAB LA SOGS PAR SNANG BA NI YANG DAG PA'I DON BSGOMS PA LAS BYUNG BA YIN NO, ,'DI LTAR YANG DAG YANG DAG MIN, ,GANG GANG DE LA SHIN TU BSGOMS, ,BSGOMS PA YONGS SU GRUB PA NA, 'BRAS BU MI RTOG DE BLO GSAL, ,ZHES BYA BA YIN NO, ,RGYAS PAR DPYAD PA YOD PAS RE ZHIG GZHAG GO, ,DE LTA BU'I CHOS THAMS CAD LA THE TSOM MED PAR RTOGS PAR 'DOD PA ZHES BYA BA NI SGRO 'DOGS PA THAMS CAD DANG NGES PAR BRAL BA THOB PAR 'DOD PA ZHES BYA BA'I THA TSIG GO, ,GZHAN DAG SEMS PA CHOS KYI 'KHOR LO RNAM PA BCU GNYIS LAN GSUM DU BSKOR BA'I THABS LA GNAS PAS RGYAL BA'I GO 'PHANG SHIN TU MYUR BAR THOB PAR 'GYUR GYI, SHES RAB KYI PHA ROL TU PHYIN PA LA BRTZON PAS NI MA YIN NO ZHE NA, DE'I PHYIR 'JAM DPAL LAN GSUM DU BZLAS TE, JI LTAR RNAM PA BCU GNYIS KYI CHOS KYI 'KHOR LO BSKOR BA DE NYAN PAR 'DOD PA DANG ZHES BYA BA LA SOGS PA GSUNGS TE, JI LTAR ZHES BYA BA NI THABS GANG GIS SO, ,GANG DU RNAM PA BCU GNYIS LAN GSUM DU BSKOR BA ZHES SBYAR RO, ,DE LA @158A *, ,'DI NI LAN GSUM DU BSKOR BA YIN TE, 'DI LTA STE, 'DI NI SDUG BSNGAL 'PHAGS PA'I BDEN PA'O, ,DE MNGON PAR SHES PAS YONGS SU SHES PAR BYA'O, ,YONGS SU SHES SO ZHES BYA BA 'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O, ,DE NI MNGON PAR SHES PAS BSGOM PAR BYA'O, ,BDAG GIS BSGOMS SO ZHES BYA BA'O, ,DGE SLONG DAG SNGON MA THOS PA'I CHOS LA TSUL BZHIN YID LA BYED BA NI MIG SKYES PA DANG SHES PA DANG, RIG PA DANG, BLO SKYES TE, BYA BA BYED PA'I TSIG NI BDEN PA RE RE'I GSUM PO LA YANG SBYAR BAR BYA'O, ,DE BAS NA 'PHAGS PA'I BDEN PA BZHI RE RE LA YANG LAN GSUM DU BZLAS PA'I PHYIR LAN GSUM DU BZLAS PA YIN NO, ,DE LTAR BZLAS PA DE THAMS CAD BSDOMS NA RNAM PA BCU GNYIS SU 'GYUR BAS DE'I PHYIR RNAM PA BCU GNYIS KYI CHOS KYI 'KHOR LO ZHES BYA'O, ,DE'I MDO DE YANG DANG POR YUL B'A R'A nA S'IRA BSHAD DO, ,CHOS RNAMS KYI 'KHOR LO NI CHOS KYI 'KHOR LO STE, 'KHOR LO DANG 'DRA BAS 'KHOR LO YIN NO, ,DPER NA 'KHOR LOS SGYUR BA'I RGYAL PO NI 'KHOR LO RIN PO CHE'I RJES SU 'BRANG BA DPUNG GI TSOGS THAMS CAD KYANG RJES SU 'BRANG ZHING THA MA NAS 'GRO'O, ,DE BZHIN DU KHAMS GSUM GYI BDAG PO CHOS KYI DBANG PHYUG DAM PA BCOM LDAN 'DAS DE BZHIN GSHEGS PAS KYANG MDO SDE DE DANG POR GSUNGS PA'I RJES SU BSHAD PA'I CHOS KYI SKU THAMS CAD 'CHAD PAR MDZAD PA YIN NO, ,DE NYAN PAR 'DOD PA ZHES BYA BA NI CHOS KYI 'KHOR LO BSKOR PA THABS SU GYUR PA CAN GNYIS SU MED PA'I YE SHES LA'O, ,DE RTOGS PAR 'DOD PA ZHES BYA BA NI BSAMS PA LAS BYUNG BA'I SHES RAB KYIS SO, ,DE NAS YUL DE LA MOS PAR 'DOD PA NI BSAMS PA LAS BYUNG BA'I SHES PA'I MJUG THOGS SU BYUNG BA 'DI NI DE KHO NA YIN NO ZHES MOS PA'O, ,DE LA 'JUG PAR 'DOD PA NI BSGOMS PA LAS BYUNG BA'I SHES RAB KYIS SO, ,SHES RAB KYI PHA ROL TU PHYIN PA 'DI NYID MNYAN PAR BYA STE, 'DI LTAR CHOS KYI 'KHOR LO BSKOR BA'I THABS NI GANG ZAG DANG CHOS LA BDAG MED PA GOMS PAR BYAS PA MA GTOGS PA GZHAN @158B YOD PA MA YIN LA, DE YANG 'DIR BSTAN PA YIN NO, ,GZHAN DAG SEMS PA GANG ZHIG SEMS CAN THAMS CAD LA BYAMS PAS KHYAB PAR BYED CING SEMS CAN GYI 'DU SHES LA YANG MI GNAS PA DANG, NGA RGYAL DANG BRAL BA'I PHYIR 'JIG RTEN THAMS CAD DANG RTZOD PA MED PA'I MCHOG YIN PA DANG, 'JIG RTEN GYI BSAM PA LA MNGON PAR MA ZHEN PA'I PHYIR 'JIG RTEN GYI SPROS PA MI DMIGS PA DE 'DRA BA DES MYUR DU SANGS RGYAS NYID THOB PAR 'GYUR GYI, SHES RAB KYI PHA ROL TU PHYIN PA LA BRTZON PAS NI MA YIN NO ZHE NA, DE'I PHYIR SEMS CAN THAMS CAD LA BYAMS PAS KHYAB PAR BYA BAR YANG 'DOD PA LA ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA LA BRTZON PA MED PAR DE 'DRA BA'I SPYOD PA MI 'GRUB BO ZHES BYA BA'I THA TSIG GO, ,KHA CIG SEMS PA CHOS THAMS CAD THOG MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA DANG, SKYE BA MED PA LA SOGS PA RTOGS PAR 'DOD PA NI MYUR DU BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO SNYAM PA LA, DE'I PHYIR CHOS THAMS CAD SKYE BA MED PA'I BAR DU RTOGS PAR 'DOD PA'I ZHES BYA BA LA SOGS PA GSUNGS SO, ,BAR DU ZHES BYA BA'I TSIG GIS THOG MA NAS ZHI BA NYID LA SOGS PA GZUNG NGO, ,CHOS THAMS CAD SKYE BA MED PA NI MNYAM PA NYID DO, ,MOS PA NI SNGAR BSTAN ZIN TO, ,DE NI CHOS THAMS CAD SKYE BA MED PA LA 'DOD PA YIN PAS ZLOS PA MA YIN NO, ,'DI NYID LA MI DMIGS PA'I TSUL GYIS BSLAB PAR BYA'O ZHES BYA BA LA 'DI NYID LA BSLAB PAR BYA BA NI NYAN PA DANG KLOG PA LA SOGS PA'I RIM GYIS SO, ,'DOD PA 'DI YANG SHES RAB KYI PHA ROL TU PHYIN PA LA BRTZON PA KHO NAS 'PHEL BAR 'GYUR GYI, GZHAN DAG LA NI SKYE BA MED PA LA SOGS PA GANG YANG BSHAD PA YOD PA MA YIN NO, ,GAL TE DE LTAR BSLAB PAR BYA'O ZHES BRJOD PA DANG, BYED PA PO GANG DAG LAS GANG LA SLOB PA DE DAG DMIGS SHING YOD PAR BSTAN PAR 'GYUR RO ZHE NA, DE'I PHYIR MI DMIGS PA'I TSUL GYIS ZHES GSUNGS TE, BYED PA PO DANG, LAS DANG BYA BA BYED PA LA MNGON PAR MA ZHEN PAR BSLAB PAR BYA'O ZHES SBYAR RO, ,'DIS NI SLOB PA 'KHOR GSUM YONGS SU DAG @159A *, ,PAR BSTAN TE, 'DI YANG SENG GE LTA BU'I TSUL GYIS SKABS MNYAN PAR BYA BA LA SOGS PA'I TSIG LA YANG SBYAR RO, ,DES NA THAMS CAD DU 'KHOR GSUM YONGS SU DAG PA'I NYAN PA LA SOGS PA BYA BAR MAN NGAG PHOG PA YIN NO, ,DE LTAR RANG LA PHAN PA DANG PHAN PA MA YIN PA THOB PA DANG YONGS SU SPANG BA'I RGYU NYID BCOM LDAN 'DAS KYIS BSTAN CING, BCOM LDAN 'DAS MA LAS YON TAN BSGRAGS SU ZIN KYANG BLO GROS KYI GO CHA MI BRTAN ZHING YON TAN LA MNGON PAR ZHEN PA'I 'DAM DU BYING BA DE DAG DE LAS DBYUNG BA'I PHYIR, BCOM LDAN 'DAS SHES RAB KYI PHA ROL TU PHYIN PA YON TAN MA MCHIS PA NUS PA CI YANG MA MCHIS PA KUN NAS SLONG BAR MI BGYID PA ZHES BYA BA LA SOGS PA GSUNGS TE, YON TAN MA MCHIS PA NI YON TAN GANG LAGS ZHES 'GA' ZHIG GIS BAR DU CHOD DE 'BYUNG BA DANG SBYAR RO, ,JI LTAR YON TAN MED PA YIN ZHE NA, SHES RAB KYI PHA ROL TU PHYIN PA NI GANG GIS NUS PA CI YANG MA MCHIS PA'O, ,BYED PA CI YANG MED PA NYID BSGRUB PA'I PHYIR, KUN NAS SLONG BAR MI BGYID PA ZHES BYA BA NAS, BSAM DU MA MCHIS PA MA LAGS PA, BGYID PA MA LAGS PA, RNAM PAR 'JIG PAR BGYID PA MA LAGS PA, DNGOS PO MA MCHIS PA'I BAR DU LAGS NA, BCOM LDAN 'DAS SHES RAB KYI PHA ROL TU PHYIN PA'I YON TAN GANG LAGS ZHES BYA BA'I BAR DU GSUNGS SO, ,DE LA SBYIN PA KUN NAS SLONG BAR MI BGYID PA'O, ,SER SNA RNAM PAR 'JIG PAR MI BGYID PA'O, ,CHOS GANG YANG MI LEN PA NI TSUL KHRIMS KYI MTSAN NYID KYI CHOS GANG YANG SKYED PAR MI BYED PA'I THA TSIG GO, ,MI 'DOR BA NI TSUL KHRIMS 'CHAL PA 'DOR BAR MI BYED PA'O, ,G-YO BA MA MCHIS PA NI BZOD PA BSGOM PA'I TSE G-YO BA MED PA'I PHYIR RO, ,BYED PA MA MCHIS PA NI KHRO BA BSAL BA'I CHED DU SPYOD PA MED PA'I PHYIR RO, , SHES RAB KYI PHA ROL TU PHYIN PA NI BRTZON 'GRUS KYI NGO BO NYID SHES PA MA LAGS PA'O, ,NGO BO NYID MTHONG BA MA LAGS PA NI LE LO'I CHOS GANG YANG SBYIN PAR MI BGYID PA NI BSAM GTAN DANG, TING NGE 'DZIN DANG SNYOMS PAR 'JUG PA'I MTSAN NYID DO, ,CHOS THAMS CAD DANG 'GAL BAR MI BYED @159B PA NI MI MTHUN PA'I PHYOGS SU GYUR PA RNAM PAR G-YENG BA LA SOGS PA THAMS CAD SEL BAR MI BYED CES BYA BA'I THA TSIG GO, ,THAMS CAD KYI SGRA NI BRJOD PAR 'DOD PA BSDUS PA'I TSIG YIN NO, ,CHOS THAMS CAD SKYED PAR MI BGYID PA ZHES YI GE KHA CIG LAS 'BYUNG BA DE'I DON NI RNAM PAR G-YENG BA LA SOGS PA'I CHOS THAMS CAD CHUNG PAR BYED CES BYA BA DANG, SHIN TU CHES CHUNG BAR BSGRUBS PAS RNAM PAR GNON PA DANG, RTZA BA NAS 'BYIN PA DE DAG SKYED PAR MI BYED PA NI BYED PA MED CES BYA BA'I THA TSIG GO, ,CHOS THAMS CAD THA DAD PA NYID DU MI BGYID PA ZHES BYA BA NI MI MTHUN PA THA DAD PAS BYED CING BYA BA 'AM, THA DAD PA NYID DU BYED PA NI THA DAD PAR BYED PA'O, ,DE GANG LA SPYOD PA MA YIN PA DE NI THA DAD PA NYID DU BYED PA MED PA'O, ,CHOS THAMS CAD LA THOS PA LA SOGS PA THA DAD PAR BGYID PA MA LAGS PA NI THOS PA LAS BYUNG BA LA SOGS PA'I SHES RAB RNAMS RNAM PAR DBYE BAR MI BYED CES BYA BA'I THA TSIG GO, ,MA BGYIS PA NI MI MTHUN PA'I PHYOGS SPONG BA'I YUL LA BYED PA MED PA YIN NO, ,BZOD MI BGYID PA ZHES GAL TE 'BYUNG NA NI DE'I TSE DON GSAL BA YIN TE, MI BZOD PA NI THABS SU MI RUNG BA BSRUNG BA YIN NO, ,GANG LAS MI PAS PA ZHES 'BYUNG BA DER BAS PA NI BYED PA LA DGONGS PA STE, SGRA RNAMS NI BRJOD PAR 'DOD PA CAM GYI RJES SU 'BRANG BA YIN GYI DON SO SOR NGES PA MED PA'I PHYIR TE, GANG ZHIG LA THABS LA BAS PAR BYED PAR BYA BA YOD PA MA YIN PA GANG YIN PA DE NI MI BAS PA'O, ,RNAM PAR 'JIG PAR MI BGYID PA NI DE'I MI MTHUN PA'I PHYOGS LAGS PA'O, ,SMON LAM GYI PHA ROL TU PHYIN PA'I DBANG DU BYAS NAS SO SO'I SKYE BO'I CHOS RNAMS DANG, DGRA BCOM PA'I CHOS RNAMS DANG, YI GE KHA CIG LAS BYANG CHUB SEMS DPA'I CHOS RNAMS DANG ZHES 'BYUNG BA DANG, SANGS RGYAS KYI CHOS RNAMS KYANG SBYIN BAR BGYID PA MA LAGS PA ZHES GSUNGS SO, ,DE LA SO SO'I SKYE BO'I CHOS RNAMS JI LTAR SBYIN PAR MI BYED CE NA, 'DI LTAR 'KHOR BA SGRUB PAR MI BGYID PA ZHES GSUNGS TE, DE LTAR GYUR CIG, ,LHA GANG YANG RUNG BAR GYUR CIG CES BYA BA LA SOGS PA'I SMON LAM 'DEBS PAR MI BYED PA'I PHYIR, @160A *, ,RO; ,DGRA BCOM PA'I CHOS RNAMS JI LTAR SBYIN PAR MI BYED CE NA, MYA NGAN LAS 'DAS PA LEN PAR MI BGYID PA ZHES GSUNGS TE, LHAG MA MED PA'AM, LHAG MA DANG BCAS PA'I MYA NGAN LAS 'DAS PA LEN PAR MI BYED PA STE, 'DI'I DON NI DE LA SGRUB PAR MI BYED PA YIN TE, DE LA SMOS PAR MI BYED PA'I PHYIR RO, ,JI LTAR SANGS RGYAS DANG BYANG CHUB SEMS DPA'I CHOS RNAMS SBYIN PAR MI BYED CE NA, GANG ZHIG SANGS RGYAS KYI CHOS RNAMS SBYIN PAR BGYID PA MA LAGS PA ZHES GSUNGS TE MI SBYOR ZHING DE'I DON SMON LAM MI 'DEBS PA'I PHYIR RO, , SANGS RGYAS KYI CHOS RNAMS ZHES BYA BA NI NYE BAR MTSON PA YIN NO, ,SMON LAM MI 'DEBS PAS RNAM PAR 'JIG PAR BGYID PA MA LAGS PA'O, ,BSAM PAR BGYID PA MA LAGS PA NI BSAM PA'I STOBS MNGON PAR SGRUB PA MA YIN PA'O, ,BSAM DU MA MCHIS PA MA LAGS PA DE NI DE'I MI MTHUN PA'I PHYOGS BSAL BA'I PHYIR SHIN TU BYED PA MED PA MA YIN PA'O, ,BGYID PA MA LAGS PA NI YE SHES LA'O, ,MI MTHUN PA'I PHYOGS DANG LDAN PA LAS 'JIG PAR BGYID PA MA LAGS PA'O, ,DE DAG THAMS CAD MI DMIGS PA'I NGO BO LA DE NUS PA YOD PA MA YIN PA'O,, 'JIG PAR BGYID BA MA LAGS PA NAS DNGOS PO MA MCHIS PA'I BAR DU MA LAGS PA'I BCOM LDAN 'DAS SHES RAB KYI PHA ROL TU PHYIN PA'I YON TAN GANG LAGS ZHES GSUNGS PA LA, BAR DU ZHES SMOS PAS THOG MA NAS ZHI BA DANG RANG BZHIN GYIS YONGS SU MYA NGAN LAS 'DAS PA NYID LA SOGS PA'I RNAM PA RNAMS GZUNG NGO, ,GLEGS BAM KHA CIG LAS 'JIG PAR BGYID PA MA LAGS PA ZHES BYA BA DE'I MJUG THOGS SU TSIG GZHAN DAG KYANG 'BYUNG BA NI CHOS THAMS CAD SKYED PA MA LAGS PA, 'GOG PA MA LAGS PA, CHAD PAR BGYID PA MA LAGS PA, RTAG PAR BGYID PA MA LAGS PA, 'ONG BAR BGYID BA MA LAGS PA, 'GRO BAR BGYID PA MA LAGS PA, RNAM PAR 'BYED PAR BGYID PA MA LAGS PA, ME 'BYED PAR BGYID PA MA LAGS PA, GNYIS SU BGYID PA MA LAGS PA, MI GNYIS PAR BGYID PA LAGS PA ZHES 'BYUNG BA DE DAG GI DON NI SNGAR PHA @160B ROL TU PHYIN PA'I RNAM PA'I SKABS SU BSTAN ZIN MOD KYI, DE NI PHYIR BSTAN PA YIN NO, ,YANG DAG PAR SPONG BA DANG, DBANG PO DANG, STOBS DANG, BYANG CHUB KYI YAN LAG LA SOGS PA'I CHOS THAMS CAD SKYED PA MA LAGS PA, 'GOG PA MA LAGS PA, CHAD PAR BGYID PA MA LAGS PA NI MI MTHUN PA'I PHYOGS RNAMS LA YIN TE, 'GOG PA NI RNAM PAR GNON PA'O, ,CHAD PA NI DE RTZA BA NAS DRUNGS 'BYIN PA'O, ,'DIR DGONGS PA NI SNGA MA BZHIN NO, ,RTAG PAR BGYID PA MA LAGS PA NI YANG DAG PAR SPONG BA LA SOGS PA'I YON TAN RNAMS NYID LA YIN TE, DE DAG KYANG RANG GI NGANG GIS 'GRO BA JI SRID GNAS PAR GNAS PA'I PHYIR RO, ,RTAG PAR DUS THAMS CAD DU 'DUG PA'I NGO BO LA BYED PA MED DO ZHES SBYAR RO, ,'ONG BAR BGYID PA MA LAGS PA NI MA 'ONGS PA'I DUS NA BYUNG STE, DA LTAR BYUNG BA'I DUS SU 'ONG BA MA YIN PA STE 'PHO BAR SMRA BA DAG JI SKAD BRJOD PA LTA BU'O, ,'GRO BAR BGYID PA MA LAGS PA NI DA LTAR LAS BYUNG BA STE 'DAS PAR 'JUG PA MA YIN PA'O, ,DE DAG GIS NI 'DI'I RANG GI NGO BO SNGON DANG, PHYI MA'I MTHA' STONG PA YIN PA DANG, 'BRAS BU'I DUS MI GNAS PA YIN NA DE JI LTAR CI ZHIG BYED PAR 'GYUR ZHES BYA BA YIN NO; ,DE BAS NA BAR MED PA TZAM LA BYED DO ZHES BYA BA 'DI NI BRTAGS PA KHO NA YIN BAR RNAM PAR 'JOG CING STONG PA DANG, BYED PA MED PA NYID SGRUB PAR BYED PA NI RNAM PAR 'BYED PAR BGYID PA MA LAGS PA, MI 'BYED PAR BGYID PA MA LAGS PA ZHES PA YIN TE, CHOS THAMS CAD RANG BZHIN GYIS RNAM PAR DAG PA YIN PA'I PHYIR RO, ,GNYIS SU BGYID PA MA LAGS PA MI GNYIS PAR BGYID PA MA LAGS PA NI GNYIS LAS DPEN PA'I DUS THAMS CAD DU GNAS PA'I PHYIR DE DAG GIS YON TAN LA SGRO 'DOGS PA'I MTHA' BSAL BA YIN NO, ,YON TAN DE DAG LA SKUR BA 'DEBS PA'I MTHA'I 'DAM DU GZHAN DAG 'BYING BA DE BAS NA DE YANG RTZA BA NAS 'DON PA'I PHYIR RO, ,'DI NYID SHES RAB KYI PHA ROL TU PHYIN PA 'DI'I YON TAN DU RIG PAR BYA'O ZHES GSUNGS SO, ,GANG ZHE NA 'JAM DPAL G-YO BA MED PA NAS DNGOS PO MED PA'I BAR ZHES BYA BA GSUNGS SO, ,'DI SKAD BSTAN TE, @161A *, ,GANG GIS DE DAG NI BRTAGS PA'I DNGOS PO THAMS CAD MED PA'I NGO BO YIN PA DANG, YON TAN DANG SKYON THAMS CAD BSKYED PA DANG SPANG BA LA G-YO BA MED PA DE DAG NYID RANG GI NGANG GIS YON TAN THAMS CAD RGYAS PA YIN PA'I PHYIR DANG, SKYON GYI DRA BA MTHA' DAG SHIN TU RING BAR GYUR PA'I PHYIR YON TAN DANG LDAN PA ZHES BYA'O, ,DE BAS NA DE LTA BUR GNAS PA'I SHES RAB KYI PHA ROL TU PHYIN PA LA BRTZON PA NI SANGS RGYAS NYID KYI MNGON SUM GYI RGYU YIN NO, ,'O NA GANG DAG BYANG CHUB DON DU MI GNYER ZHING 'DOD CHEN PO MA YIN PA'I BYANG CHUB SEMS DPA' DAG TING NGE 'DZIN NYI TSE GANG LA GNAS NAS SANGS RGYAS BCOM LDAN 'DAS THAMS CAD DANG, SANGS RGYAS KYI ZHING DANG BCAS TE BLTA BA DANG, DE DAG GI MTSAN BRJOD PA YANG SHES PA DANG, MCHOD PA BLA NA MED PA YANG BYED PA DANG, DE DAG GIS CHOS BSTAN PA YANG KHONG DU CHUD PA DANG, MCHOG DE DAG TZAM DON DU GNYER BA DE DAG GIS 'DI LA BSLAB PAR BYA'O ZHE NA, DE'I PHYIR 'JAM DPAL YANG BYANG CHUB SEMS DPA' SEMS DPA' CHEN PO BYANG CHUB SEMS DPA'I TING NGE 'DZIN LA SLOB PAR 'DOD PA ZHES BYA BA LA SOGS PA GSUNGS SO,, ,,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA BAM PO DRUG PA'O, ,BYANG CHUB SEMS DPA'I TING NGE 'DZIN LA SLOB PAR 'DOD PA ZHES BYA BA NI DE'I THABS YONGS SU SHES PA CHOL BA DANG, DE'I THABS YONGS SU SHES PA BSGRUB PAS SO, ,'DI LA MNGON PAR BRTZON PA MED PAR 'GRUB PA MA YIN NO ZHES BYA BA NI BSDUS PA'I DON YIN NO, ,MI BSLAB PA'I TSUL DU ZHES BYA BA NI SNGA MA BZHIN DU 'KHOR GSUM YONGS SU DAG PAS SO, ,DE BAS NA MI DMIGS PAR SBYOR BA KHO NA 'DIR THABS YIN TE, RANG YANG MI DMIGS PA'I NGO BO YIN PA'I PHYIR RO, ,'O NA GAL TE RANG YANG MI DMIGS PA'I NGO BO YIN NA DE CI'I PHYIR SHES RAB KYI PHA ROL TU PHYIN PA ZHES BYA, 'DI LTAR DRIS PA'I YUL NI PHA ROL TU PHYIN PA YIN PAR 'DIS MTHONG ZHING DMIGS PA LA DE SKAD CES BYA'O, ,DE'I PHYIR BCOM LDAN 'DAS CI'I SLAD DU 'DI LA ZHES BYA BA LA SOGS PA GSOL TO, ,LAN NI 'JAM DPAL MA SKYES MA @161B 'GAGS PA'I PHYIR ZHES BYA BA YIN NO, ,'DI NYID RNAM PAR 'BYED PA NI 'DI LTA STE, GZOD MA NAS ZHI BA NYID KYI PHYIR DANG ZHES BYA BA YIN TE, GNAS PA DANG 'JIG PA DE GNYIS ZHI ZHING BRAL BA GANG GI YIN PA DE NI GZOD MA NAS ZHI BA'O, ,DE'I DNGOS PO NI DE NYID DO, ,DE BAS NA GZOD MA NAS ZHI BA NYID KYI PHYIR 'JAM DPAL MA SKYES PA'O, ,MI 'BYUNG BA MED PA NYID KYI PHYIR ZHES BYA BA NI GANG GI PHYIR RGYUN GYIS SKYE ZHING 'BYUNG BA DANG BRAL BAS MI 'BYUNG BA STE RGYUN CHAD PA'O, ,DE GANG LA YOD PA MA YIN PA DE NI MI 'BYUNG BA MED PA'O, ,DE'I DNGOS PO NI MI 'BYUNG BA MED PA NYID DE 'KHOR BA JI SRID DU RTZOL BA MED PAR 'JIG RTEN LA PHAN PAR BYA BA'I PHYIR BZHUGS ZHES BYA BA'I THA TSIG GO, ,DE BAS NA MI 'BYUNG BA MED PA NYID KYI PHYIR MA 'GAGS PA YIN NO, ,GZOD MA NAS ZHI BA DANG MI 'BYUNG BA MED PA GNYIS GO RIMS BSNOR NAS RNAM PAR 'BYED PA NI BYA BA MED PA NYID KYI PHYIR DANG, DNGOS PO MED PA NYID KYI BAR GYI PHYIR TE ZHES BYA BA YIN NO, ,'DI LA BDAG GI CHED DANG GZHAN GYI CHED DU RTZOL BA BYA BA MED PAS BYA BA MED PA'O, ,DE'I DNGOS PO NI NYID DO, ,DE BAS NA MI 'BYUNG BA MED PA YIN NO, ,'DI LA KUN NAS BRTAGS PA'I DNGOS PO THAMS CAD YOD PA MA YIN PAS DNGOS PO MED PA'O, ,DE'I DNGOS PO NI NYID DO, ,DE BAS NA GZOD MA NAS ZHI BA YIN NO, ,DE LTAR NA GANG DNGOS PO MED PA ZHES BYA BA DE NI KUN BRTAGS PA'I DNGOS PO THAMS CAD KYIS RAB TU PHYE BA YIN PA'I PHYIR RO, ,DE SHES RAB KYI PHA ROL TU PHYIN PA YIN NO ZHES BYA BA 'DI NI MTSON PA TZAM DU ZAD KYI; MI 'BYUNG BA MED PA GANG YIN PA LA YANG BLTA BAR BYA'O, ,MJUG SDUD PA NI DE BAS NA 'JAM DPAL GTAN TSIGS DE'I PHYIR SHES RAB KYI PHA ROL TU PHYIN PA YIN NO ZHES BSHAD DO ZHES BYA BA KHONGS SU DBYUNG NGO, ,'DI SKAD BSTAN TE, SHES RAB KYI PHA ROL TU PHYIN PA MCHOG NI SGRO 'DOGS PA THAMS CAD DANG BRAL BA YID BZHIN GYI NOR BU MI GNAS PA'I MYA NGAN LAS 'DAS PA THOB PA'O, ,PHA ROL DE DANG 'DRA BAR PHYIN PA DANG, SON PA DANG THOB PA NI SHES RAB KYI PHA ROL TU PHYIN PA ZHES BYA'O, ,YUL LA MI 'DZIN PA'I PHYIR DE SKAD DU BSTAN PA SUS RTOGS SHE NA, DE'I PHYIR GTZO BOR NA, DE NI BYANG @162A *, ,CHUB SEMS DPA' SEMS DPA' CHEN PO RNAMS KYI SPYOD YUL 'DE ZHES GSUNGS TE, SO SO BDAG NYID KYIS RIG PA'I YUL ZHES BYA BA'I THA TSIG GO, ,CI DE YUL YIN PAR BLTA BAR BYA BA'AM ZHE NA MA YIN NA ZHES BYA BA'I PHYIR, GANG CHOS THAMS CAD SPYOD YUL MA YIN PA ZHES GSUNGS TE, YUL THAMS CAD SPYOD YUL DU GYUR PA MA YIN NO ZHES BYA BA'I BAR DU YIN TE, RANG RIG PA YANG BRTAGS PA YIN NO ZHES DGONGS PA'O, ,DE BAS NA DON 'DI LA SPYOD CING RANG GIS NYAMS SU MYONG NA DON DE LTA BU LA SPYOD PA'I BYANG CHUB SEMS DPA' NI SPYOD YUL LA ZHUGS PA YIN NO ZHES STON PA NI SPYOD YUL 'DI LA SPYOD NA BYANG CHUB SEMS DPA' ZHES BYA BA LA SOGS PA GSUNGS SO, ,GSUNGS PA'I DON MJUG SDUD PA NI, 'DI LTA STE, SPYOD YUL MA YIN PA THEG PA THAMS CAD PA 'DI NYID SPYOD YUL YIN NO ZHES BYA BA YIN TE 'DI LTA STE, SPYOD YUL MA YIN PA ZHES BYA BA DE YANG DAG PA THAMS CAD PA 'DI YIN TE, THEG PA THAMS CAD LA BYUNG BA 'AM DE DGONGS PA'O, ,'DI LTAR 'DIR BDAG MED PA GNYI GA YANG BSTAN PA YIN NO, ,DE CI'I PHYIR ZHE NA ZHES BYA BA NI SPYOD YUL YIN NA JI LTAR SPYOD YUL MA YIN PA NYID YIN TE, GCIG LA 'GAL LA ZHES BYA BA'I THA TSIG GO, ,SO SO LA LTO GA NAS THA DAD PA'I PHYIR 'GAL BA MED DO ZHES BYA BA'I PHYIR, SPYOD YUL 'DI NI MA BYAS PA STE ZHES GSUNGS TE, BYAS PA DANG, BCOS PA DANG, BRTAGS PA ZHES BYA BA'I BAR DU YIN LA, BYAS PA MED PA NI MA BYAS PA STE, JI LTAR BYA BZHIN DU GNAS ZHES BYA BA'I THA TSIG GO, ,DE'I PHYIR SPYOD YUL MA YIN PA ZHES BYA'O, ,ZHAR LA 'PHROS PA RDZOGS SO,, ,,'DI BRJOD PAR BYA STE, THABS GANG GIS SANGS RGYAS DANG BYANG CHUB BSAM GYIS MI KHYAB PA 'DI RING PO MI THOGS PAR THOB PAR 'GYUR ZHES BYA BA DE'I PHYIR, BCOM LDAN 'DAS GANG LA SPYOD NA ZHES BYA BA LA SOGS PA DRIS SO, ,MCHOD RTEN LA PHYAG 'TSAL BA LA SOGS PAS KYANG BYANG CHUB THOB PAR 'GYUR MOD KYI, DE NI YUN RING POS SO ZHES BYA BA'I PHYIR, MYUR DU ZHES GSUNGS SO, ,'JAM DPAL SHES RAB KYI PHA ROL TU @162B PHYIN PA LA SPYAD NA ZHES BYA BA LA SOGS PA NI LAN LDON PA YIN TE, SHES RAB KYI PHA ROL TU PHYIN PA LA BRTZON BA NI RE ZHIG GTZO BOR GYUR PA THABS GCIG PO YIN TE, JI SKAD DU SNGAR BSTAN PA'I DON YIN NO, ,DE'I SNGON DU SONG BA'I THABS GZHAN YANG YOD PA DE BSTAN PA'I PHYIR, 'JAM DPAL BKOD PA GCIG PA ZHES BYA BA'I TING NGE 'DZIN YOD DE ZHES BYA BA LA SOGS PA GSUNGS SO, ,THABS GANG GIS 'DI 'THOB PAR 'GYUR, RGYU MTSAN NYID GANG GIS 'DI'I MING DE SKAD CES BYA BA'I BSAM PA STON PA NI, BCOM LDAN 'DAS BKOD PA GCIG PA'I TING NGE 'DZIN LA BYANG CHUB SEMS DPA' SEMS DPA' CHEN POS JI LTAR 'JUG PAR BGYI ZHES BYA BA LA SOGS PA GSUNGS TE, RGYU THA DAD PA LAS 'BRAS BU THA DAD PA'I TING NGE 'DZIN PHYE BA YIN GYI, BDAG NYID THA DAD PA'I PHYIR NI MA YIN PAS GNYI GA DRIS TE, 'DI LTAR SANGS RGYAS DANG BYANG CHUB SEMS DPA' THAMS CAD KYI TING NGE 'DZIN NI DE BZHIN NYID LA DMIGS PA YIN NO, ,DE LA BRJOD PAR BYA BA NYUNG BA'I PHYIR DRIS PA PHYI MA YIN DU ZIN KYANG, RE ZHIG DON STON PAR BYED PA NI 'JAM DPAL BKOD PA GCIG PA ZHES BYA BA 'DI NI SKYE BA MED PA'I TSIG BLA DGAS SA ZHES BYA BA YIN TE SKYE BA MED PA NI BRTAGS PA'I CHOS KYIS STONG BA YIN PAR NI LAN DU MA BSTAN TO, ,DE YANG GCIG PA YIN TE, DNGOS PO THAMS CAD LA KHYAD PAR MED PA'I PHYIR RO, ,DE LHAG PAR 'DIS 'GOD PAR BYED RTOGS PAR BYED, 'DZIN PAR BYED PAS BKOD PA GCIG PA ZHES BYA'O, ,YANG NA GCIG LA LHAG PAR 'DZIN CING BKOD PA NI BKOD PA GCIG PA YIN NO, ,SKYE BA MED PA SPYOD YUL GYI TSIG BLA DGAS YIN NO ZHES BRJOD PAR BYA BA YIN BA LAS, SKYE BA MED PA'I TSIG BLA DAGS SO ZHES GSUNGS PA NI SKYE BA MED PA'I LAS MA GTOGS PAR DE'I SPYOD YUL GANG YIN PA DE MED DO ZHES BSTAN PA'I PHYIR RO, ,GZHAN DAG NI 'DI SKAD DU, BCOM LDAN 'DAS KYIS BKA' STZAL PA, 'JAM DPAL BKOD PA GCIG PA ZHES BYA BA 'DI NI CHOS KYI DBYINGS LA BKOD PA YIN NO ZHES 'DON TO, ,'DI SKAD 'CHAD DE, MDO LA SOGS PA'I CHOS RNAMS DE BZHIN GSHEGS PA'I MTSAN NYID KYI YI GE GCIG SA BON @163A *, ,MNGON DU BYAS PA'I SGO NAS RNAM PA SNA TSOGS PAR MTHONG BAR BYED, RTOGS PAR BYED, SNANG BAR 'GYUR BAR BYED PA'I PHYIR 'DI BKOD PA GCIG PA YIN NO, ,YANG NA CHOS KYI DBYINGS STONG PA NYID LA TING NGE 'DZIN GANG GIS RTOGS PAR BYED, ,MNGON SUM DU BYED PA YIN NO, ,DE YANG GCIG PA YIN TE, STONG PA NYID LA THA DAD PA MED PA'I PHYIR RO, ,DE BAS NA BKOD PA GCIG PA ZHES BYA BA'I GRANGS SU 'GRO'O, ,YANG NA DAD PA LA SOGS PA'I CHOS RNAMS KYI DBYINGS SA BON THOG MA MED PA'I DUS CAN TING NGE 'DZIN 'DI LA BKOD, 'PHEL RGYAS PAR GYUR PAS DES NA 'DI NI CHOS KYI DBYINGS BKOD PA GCIG PA ZHES BYA BA'I GRANGS SU 'GRO'O, ,MING GI DON BSHAD ZIN NAS, DE SKYED PA'I THABS STON PA NI BKOD PA GCIG PA'I TING NGE 'DZIN LA 'JUG PAR 'DOD PA'I ZHES BYA BA LA SOGS PA YIN TE, SGOM PAR BYED PAS THOG MA NYID DU SHES RAB KYI PHA ROL TU PHYIN PA YONGS SU DRI BA BYA DGOS PA NI BKOD PA GCIG PA'I DON RTOGS PA NI DE THOS PA LA RAG LUS PA'I PHYIR RO, ,DE'I 'OG TU BKOD PA GCIG PA'I TING NGE 'DZIN LA 'JUG PAR 'GYUR RO ZHES BYA BA NI BSAM PA DANG BSGOM PA'I RIM GYIS SO, ,GZHAN DAG NI 'DI SKAD DU BKOD PA GCIG PA'I TING NGE 'DZIN LA 'JUG PAR 'DOD PAS THOG MA NYID DU SHES RAB KYI PHA ROL TU PHYIN PA MNYAN PAR BYA, MNYAN NAS DON DANG TSUL YONGS SU DRI BAR BYA'O ZHES 'DON TO, ,'DI SKAD SGROGS TE, DON NI TSIG GI DON TO, ,TSUL NI BSDUS PA'I DON YIN PAS DE LTAR NA SHES RAB KYI PHA ROL TU PHYIN PA'I DON LA MKHAS PAR BYAS NAS, BKOD PA GCIG PA'I TING NGE 'DZIN LA 'JUG PA YIN NO, ,DE CI'I PHYIR ZHE NA ZHES BYA BA NI GANG NA SHES RAB KYI PHA ROL TU PHYIN PA'I TSUL YOD, BKOD PA GCIG PA'I TING NGE 'DZIN GANG NA YOD, 'DI GNYIS YAN LAG DANG YAN LAG CAN GYI DNGOS POR NI YOD PA MA YIN NO ZHES BYA BA'I THA TSIG GO, ,LAN NI 'JAM DPAL SKYE BA MED PA NI MI 'KHRUGS PA STE ZHES BYA BA YIN TE, DE LTAR BYAS NA TING NGE 'DZIN DANG 'GAL BA MED PAR GZUNG BAR BYA BA YIN NO, ,MI 'KHRUGS PA ZHES BYA BA 'DI'I DON NI DKRUG TU MI RUNG BA DKRUG @163B PAR BYA BA MA YIN PA ZHES BYA BA YIN NO, ,DE CI DE LTA NA YUL DANG YUL CAN GYI DNGOS POR GZUNG BAR BYA 'AM ZHE NA MA YIN TE, 'DI LTAR DE NI BSAM GYIS MI KHYAB PA YIN TE, GZUNG BAR BYA BA MED CES BYA BA'I THA TSIG GO, ,'DI NYID KYI DON NI BSAM PAR MI BYA BA, BSAM GYIS MI LANG BA'O ZHES BYA BA YIN TE, SO SOR NANG DU RIG PAS GZUNG BAR BYA BA YIN GYI, YUL DANG YUL CAN NYID DU NI MA YIN NO ZHES BSTAN PA YIN NO, ,'DI NI SKYE BA RNAM PAR 'JIG PA'I CHOS KYI RNAM PA CAN SGOM PA'I TING NGE 'DZIN YIN NO, ,SKYE BA MED PA DE YANG SHES RAB KYI PHA ROL TU PHYIN PA LA GSAL BAR GYUR PA YIN NO, ,DE BAS NA DE DON DU GNYER BAS DE DRI BAR BYA DGOS PAS 'DI NI YAN LAG DANG YAN LAG CAN GYI DNGOS PO YIN NO, ,CI SHES RAB KYI PHA ROL TU PHYIN PA'I DON LA MKHAS PA NYI TSE BKOD PA GCIG PA'I TING NGE 'DZIN GYI RGYU MTSAN YIN NAM ZHE NA MA YIN NO ZHES BYA BAR 'JAM DPAL BKOD PA GCIG PA'I TING NGE 'DZIN LA 'JUG PAR 'DOD PA'I RIGS KYI BU'AM RIGS KYI BU MOS DBEN PA'I MAL STAN RNAMS BSTAN PAR BYA ZHES GSUNGS SO, ,DBEN BA ZHES BYA BA NI BTZUN PA YIN TE, SGYU DANG KHA GSAG LA SOGS PA LOG PAS 'TSO BA DANG BRAL BA'O; ,LTUNG BA DANG BCAS SHING SEMS LA YO BYAD MA BSNYUNGS PA'I 'DAM GYIS GZER BA NA SEMS GNAS PA'I MNYAM PAR BZHAG PA MI SRID PA'I PHYIR RO, ,MAL STAN RNAMS ZHES BYA BA NI GTZUG LAG KHANG LA SOGS PA LA BYA'O, ,YANG NA DBEN PA NI GTZANG BA LA BYA STE, ME TOG GTOR BA LA SOGS PAS MDZES PAR BYA'O, ,DE DAG NI SEMS DANG BA 'PHEL BA DANG, RJES SU MTHUN PA'I PHYIR DANG, LHA RNAMS 'DU BA'I RGYU YIN PA'I PHYIR RO, ,LHA RNAMS 'DUS NA NI BSAM GTAN PA'I GZI BYIN 'PHEL BAR BYED, SRUNG BA DANG, SKYOB PA DANG, SBED PAR YANG BYED DO, ,YANG NA DBEN BA NI SKYE BO GNOD PAR BYED PA DANG BRAL BA DGON PA LA BYA STE, DE DAG NI SEMS RTZE GCIG PA'I RGYU YIN PA'I PHYIR RO, ,DE LA GNAS NAS KYANG 'DU 'DZI MED PA LA DGA' BAR BYA'O, ,'DU 'DZI NI GNYIS TE, LUS KYI 'DU 'DZI DANG, YID KYI 'DU @164A *, ,'DZI'O, ,DE LA LUS KYI 'DU 'DZI NI KHYIM PA DANG RAB TU BYUNG BA DAG DANG STAN CING GNAS PA'O, ,YID KYI 'DU 'DZI NI GCIG PU GNAS PA NA YANG DAG PA MA YIN PA'I RNAM PAR RTOG PA KUN DU 'BYUNG BA'O, ,'DU 'DZI DE DAG YANG DAG PAR SRUNG BAR DGA' BA YIN GYI, 'DU 'DZI MED PA LA MI DGA' BA NI MA YIN PA DE LTAR BYA BA YIN TE, 'DU 'DZI LA DGA' BAS NI YON TAN THAMS CAD 'JOMS PAR BYED DO, ,MTSAN MA THAMS CAD YID LA MI BYA BAR ZHES BYA BA NI BDAG DANG BDAG GI BA DANG, GZUNG BA DANG 'DZIN PA LA SOGS PAR SPROS PA LA MNGON PAR MA ZHEN PA NI MYUR DU DMIGS SU MED PA'I TING NGE 'DZIN MNGON DU 'GYUR BA'I PHYIR RO, ,RNYED PA DANG, BKUR STI DANG, MTHONG BA DANG, MA MTHONG BA DANG, BDE BAR GNAS PA'I MTSAN MA YID LA BYED PAS PHYIR SRED PA DANG RJES SU MTHUN PA NYID KYIS THABS MA YIN PA'I PHYIR RO, ,SKYIL MO KRUNG BCAS TE 'DUG NAS ZHES BYA BA NI SEMS RTZE GCIG PA'I CHOS NYID KYIS DE DANG MTHUN PAR SKYIL MO KRUNG BCAS PA YIN PA'I PHYIR RO, ,DE BZHIN GSHEGS PA GCIG LA BYA'O ZHES BYA BA NI DE'I NANG NAS SMOS PAS, BCOM LDAN 'DAS 'OD DPAG MED LA SOGS PA GANG YANG RUNG BA STE, DE YANG DE LTAR BCOM LDAN 'DAS DE NI ZHES SANGS RGYAS RJES SU DRAN PA LAS 'BYUNG BA'I RNAM PA MTHA' DAG GAM, MTHA' DAG MA YIN PA GANG YANG RUNG STE, YID LA BYA BA YIN NO, ,CHOS THAMS CAD KYANG YID LA BYA'O ZHES BYA BA NI YID LA BYA BA GNYI GA YANG SHES RAB RGYAS PA'I RGYU YIN PA'I PHYIR RO, ,MI DMIGS PA'I TSUL GYIS ZHES BYA BA'I DON NI BSHAD ZIN TO, ,KHA CIG NI SEMS CAN THAMS CAD CES 'DON GYI, CHOS THAMS CAD NI MA YIN NO, ,DE LTAR NA SMRAS PA MGON MED PA SDUG BSNGAL BA DE DAG NAM ZHIG NA BDAG DE DAG GI MGON DU 'GYUR ZHES BYA BA LA SOGS PA'I RNAM PA YID LA BYA'O, ,DE LA DE BZHIN GSHEGS PA YID LA BYA BA NI SHES RAB 'PHEL BAR BYA BA'I PHYIR RO, ,SEMS CAN THAMS CAD YID LA BYA BA NI SNYING RJE 'PHEL BAR BYA BA'I PHYIR RO, ,DE'I MING YANG GZUNG BAR @164B BYA'O ZHES BYA BA NI BCOM LDAN 'DAS 'OD DPAG MED LA PHYAG 'TSAL LO, ,PAD MA'I SPYAN LA PHYAG 'TSAL LO ZHES BYA BA LA SOGS PA YIN TE, DE'I MING GZUNG BA THOB NA DE'I YON TAN DRAN PA RGYAS PA'I RGYU YIN PA'I PHYIR DANG, SPOBS PA CHEN PO LA SOGS PA SO SO YANG DAG PAR RIG PA'I RGYU YIN PA'I PHYIR RO, ,MING DE YANG RANG GIS BRJOD PA THOS TE DON GYIS RANG GI NGO BO DMIGS NAS DE BZHIN GSHEGS PA PHYOGS GA LA BZHUGS PA'I PHYOGS NYI MA 'CHAR BA 'AM, GZHAN YANG RUNG BA DE BZHIN GSHEGS PA DE BZHUGS PA DER DGA' BA DANG GUS PA BSKYED NAS PHYOGS DER MNGON DU BLTAS TE 'DUG PAR BYA'O, ,DE BZHIN GSHEGS PA DE NYID KYANG NOR BU RIN PO CHE SNA TSOGS KYI RGYU LAS BYAS PA'I SENG GE'I KHRI LA BZHUGS PA BYANG CHUB SEMS DPA' DU MAS YONGS SU BSKOR BA, YID DU 'ONG BA'I CHOS KYI CHAR MNGON DU 'BEBS PA, MTSAN SUM CU RTZA GNYIS MNGA' BA, DPE BYAD BZANG PO BRGYAD CUS SKU MDZES PAR BYAS PA YIN NO, ,YANG DAG PAR NI CHOS KYI SKU YIN TE, JI LTAR MOS PA BZHIN DU YID LA BYAS NA, DE YID LA BYAS PAS 'DAS PA DANG, MA 'ONGS PA DANG, DA LTAR BYUNG BA'I SANGS RGYAS BCOM LDAN 'DAS RNAMS YID LA BYAS PAR 'GYUR RO, ,DE CI'I PHYIR ZHE NA ZHES BYA BA NI GCIG YID LA BYAS PAS THAMS CAD YID LA BYAS PAR JI LTAR 'GYUR, GCIG GI SKU DE NI THAMS CAD KYI MA YIN NO ZHES BSAM PA'O, ,LAN DU DE BZHIN GSHEGS PA NYID GCIG PA'I PHYIR RO ZHES BYA BA NI TSOGS DANG CHOS KYI SKU DANG, 'GRO BA'I DON SPYOD PA MNYAM PA NYID YIN GYI, DE BZHIN GSHEGS PA'I SKU NYID NI MA YIN NO ZHES BYA BA'I THA TSIG GO, ,SANGS RGYAS GCIG NI KUN GYI NGO BO YIN, ,SANGS RGYAS KUN KYANG GCIG GI NGO BO YIN, ,GCIG GI TSOGS LA SOGS PA MTHONG GYUR NA, ,SANGS RGYAS KUN NI DE YIS MTHONG BA YIN, ,BAR SKABS KYI TSIGS SU BCAD PA'O, ,GZHAN YANG 'DIR 'PHAGS PA DE KHO NA NYID BSDUS PA'I TSUL GYI RJES SU 'BRANGS TE, SNYING KHAR ZLA BA'I DKYIL 'KHOR LA DE BZHIN GSHEGS PA'I MTSAN GYI YI GE BSGOMS PA'I BSAM GTAN DAG GDUL BYA @165A *, ,RNAMS KYI SPRO BA 'PHEL BAR BYA BA'I PHYIR BSHAD PA LTA BU YIN NO, ,TING NGE 'DZIN 'DI'I 'BRAS BU RGYAS PAR STON PA NI 'JAM DPAL JI LTAR DE BZHIN GSHEGS PA GCIG GI ZHES BYA BA LA SOGS PA GSUNGS PA YIN TE, SKYE BA MED PA GCIG GI CHOS KYI RNAM GRANGS KYI BYE BRAG TSAD MED PAR SHES PAR BYA'O ZHES BYA BA NI GCIG GI SKYE BA MED PA NYID YIN TE, RNAM PA SNA TSOGS PAR CHOS STON PAR BYED DO ZHES BYA BA'I THA TSIG GO, ,DE LTAR TING NGE 'DZIN BSTAN DU ZIN KYANG BYANG CHUB SEMS DPA'I THEG PA LA YANG DAG PAR ZHUGS PA GANG DAG TING NGE 'DZIN GYI RANG GI NGO BO MNGON DU MA BYAS PA DAG 'DI SNYAM DU BKOD PA GCIG PA'I TING NGE 'DZIN 'DI GANG YIN SNYAM DU SEMS NA, DE DAG LA TING NGE 'DZIN GYI RANG GI NGO BO BSTAN PAR MI NUS TE, SO SO RANG GIS RIG PAR BYA BA YIN PA'I PHYIR RO, ,'ON KYANG DE DAG LA 'DI SKAD CES YON TAN BSAM GYIS MI KHYAB PA YONGS SU BSGRAGS PA 'DI YANG DAG PAR ZUNG LA 'DUG CIG DANG ZHES BYA STE, BSAM GYIS MI KHYAB PA NI MCHOG TU GYUR PA'O, ,YON TAN YONGS SU BSGRAGS PA NI YON TAN BSHAD PA STE, THABS SU GYUR PA BSTAN MA THAG PA GANG NAS GSUNGS PA DE BSAM GYIS MI KHYAB PA'I YON TAN YONGS SU BSGRAGS PA'O, ,DE'I DNGOS PO NI BSAM GYIS MI KHYAB PA'I YON TAN YONGS SU BSGRAGS PA NYID DO, ,'DI YANG DAG PAR ZUNG LA ZHES BYA BA NI YANG DAG PAR LONG LA ZHES BYA BA YIN TE, RGYUN DU GUS PAR SBYOR BA LA SOGS PA ZHES BYA'O, ,JI LTA JI LTAR YANG DAG PAR BLANGS TE GNAS PA DE LTA DE LTAR TING NGE 'DZIN 'DI'I YON TAN SANGS RGYAS KYI SKU ZAD MI SHES PA LTA BU MTHONG ZHING SNANG BA LA SOGS PA MTHONG BAR 'GYUR RO, ,GAL TE JI SKAD BSTAN PA'I TSUL GYIS SGRUB CING ZHUM PA MED PAR GYIS SHIG ,BRTZON 'GRUS LHONG PAR MA BYED CIG ,JI SKAD BSTAN PA'I TSUL NI DBEN PA'I MAL STAN LA SOGS PA BSTAN PA YIN NO, ,CI'I PHYIR TING NGE 'DZIN 'DI DKA' BA YIN ZHE NA, TING NGE 'DZIN 'DI NI DMIGS PA'I LTA BA CAN DAG DANG, DNGOS POR LTA BA CAN DAG NAS, YOD PAR LTA BA CAN DAG GI BAR GYIS @165B BSGRUB PAR MI NUS SO ZHES GSUNGS TE, 'DI DAG DMIGS PAR LTA BA MA YIN PAS DE NI DMIGS PA'I LTA BA CAN NO, ,YI GE KHA CIG LAS CHOS 'DI DANG RNAM PA 'GAL BAR BYED PA DE DAG GIS NI TING NGE 'DZIN 'DI BSGRUB PAR MI NUS SO ZHES 'BYUNG BA DE YANG DON DE DAG NYID YIN TE, JI LTA ZHE NA, 'DI LTAR DMIGS PA'I LTA BA CAN NI 'DI LTAR CHOS 'DI DANG 'GAL BAR BYED PA YIN NO, ,GANG YANG CHOS LA SGRIB PAS BSGRIBS PAR GYUR NA ZHES YI GE GZHAN GLEGS BAM KHA CIG LAS 'BYUNG BA DE YANG RIGS PA KHO NA YIN TE, RKYEN NYE BA YIN YANG DES BSGRIBS NA DE MI SKYE BA'I PHYIR ZHES BRJOD DE, DE LOG PAR SGRUB PA'I BSAM PA CAN YIN TE, DE'I SGRIB PA ZAD PA MED DO ZHES DGONGS PA'O, ,KHA CIG LAS DE DE LTAR BSGRUBS NA ZHES 'BYUNG BA DE YANG DON DE DAG NYID KYIS BSHAD ZIN TO, ,'DI LTAR MTSAN MA THAMS CAD YID LA BYED PA LA SOGS PA DMIGS PA'I LTA BA CAN GYIS DGA' BAR 'GYUR RO ZHES BYA BA YIN NO, ,'JAM DPAL 'DI LTA STE DPER NA MI ZHIG LA RIN THANG MED PA'I NOR BU RIN PO CHE BYI DOR MA BYAS PA ZHIG BDOG LA ZHES BYA BA LA SOGS PA'I DPE BSTAN PAS NI DON 'DI NYID GSAL BAR BYED PA YIN NO, ,BYI DOR MA BYAS PA NI MA SBYANGS PA'O, ,MI DE LA 'DI SKAD DU ZHES BYA BA DE LA ZHES BYA BA NI MI SNGA MA LA'O, ,YANG NA GZHAN GANG YANG RUNG BA LA'O, ,MI SNGA MA DES MI PHYI MA GANG GIS DRIS PA DE LA BZHAG NAS SO, ,DE LTAR NA SBYIN PAR MA BYAS PA STE, GTAN DU BYIN PA MED PA'I PHYIR; DPER NA BTZO BLAG MKHAN LA GOS BCOL BA BZHIN NO, ,DE NYID KYI PHYIR BYI DOR BYAS PA'I PHYIR ZHES GSUNGS SO, ,YANG NA BDAR BA BYA BA'I DON LA NGES PA MED PA'I PHYIR RO, ,'DI SKAD BSTAN TE, NOR BU RIN PO CHE BZHIN DU TING NGE 'DZIN 'DI YONGS SU SBYANGS NA SHIN TU RAB TU GRAGS PA'I YON TAN NYAMS SU MYONG BAR 'GYUR BA KHO NA YIN PAS, 'DI LA BAG TSA BAR MI BYA'O, ,SBYOR BA NI GANG ZHIG GNYEN PO YOD NA 'GRIB PAR 'GYUR BA'I CHOS CAN DE NI GNYEN POS SHIN TU RTZA BA NAS 'BYIN PAR SRID PA YIN TE DPER NA NOR BU RIN PO CHE BZHIN NO, ,GNYEN PO YOD NA @166A *, ,'GRIB PAR 'GYUR BA'I CHOS CAN YANG TING NGE 'DZIN GYI DRI MA YIN NO ZHES BYA BA NI RANG BZHIN GYI GTAN TSIGS YIN NO, ,TING NGE 'DZIN DRI MA DANG BRAL BA YANG MTHONG STE, JI LTA ZHE NA, JI LTAR SBYIN PA'I GNAS SKABS NA 'JUG PA SHIN TU CHER GYUR PA NA SHIN TU GSAL BA LA SOGS PAR RIGS PA YIN PAS MA GRUB PA MA YIN NO, ,DE BZHIN DU MI MTHUN PA'I RKYEN MED NA GNAS BRTAN PAR 'DUG PA GANG GIS CIG CAR DU JI LTAR YANG KHYAD PAR DU BYED DE, YANG 'BAD PA LA MI LTOS PAR DE MNGON PAR 'DU BYED PA KHYAD PAR DU GYUR PA'I BYE BRAG GIS GSAL BAR SHES PA SGRUB PAR BYED PA YIN NO, ,DPER NA NOR BU RIN PO CHE RNAM PAR DAG PA BZHIN NO, ,JI SKAD GSUNGS PA'I CHOS DANG LDAN PA YANG TING NGE 'DZIN RNAM PAR DAG PAR 'GYUR RO ZHES BYA BA NI RANG BZHIN GYI GTAN TSIGS YIN NO, ,'JAM DPAL BKOD PA GCIG PA'I TING NGE 'DZIN THOB NAS SKYE BA MED PA GCIG GI CHOS KYI RNAM GRANGS TSAD MED PAR SHES PAR BYA'O, ,'DIR GANG DAG CHUD PAR 'GYUR BA DANG ZHES BYA BA DE'I SHUGS KYIS 'ONGS PA RNAMS RDZOGS PAR BYAS NAS DPE NYE BAR STON PAS GSAL BAR BYED PA NI, 'JAM DPAL 'DI LTA STE, DPER NA NYI MA'I DKYIL 'KHOR GYI 'OD ZER DAG GIS DKYIL 'KHOR GYI MTHAR THUG PA GANG YANG MA KHYAB PA MI GSAL BA MED DE, ,THAMS CAD KHYAB PO ZHES BYA BA'I THA TSIG GO, ,'JAM DPAL DE BZHIN DU NGAS BKOD PA GCIG PA'I TING NGE 'DZIN 'DI THOB CING ZHUGS NAS RNYED PA DE SHES RAB KYI PHA ROL TU PHYIN PA BSTAN PA MA YIN PA'I CHOS GANG YANG MI STON TE, 'ON KYANG NGAS THAMS CAD DU SHES RAB KYI PHA ROL TU PHYIN PA STON TO ZHES BCOM LDAN 'DAS BDAG NYID GSUNG NGO, ,THOB CIG ZHES BYA BA LA SOGS PA'I TSIG GIS NI SNGA MA SNGA MA'I TSIG GI DON GSAL BAR BYED DO, ,YANG NA THOS PA LAS BYUNG BA'I SHES PA LA SOGS PAS GO RIMS BZHIN DU THOS PA DANG ZHUGS PA DANG RNYED PA DANG SBYAR TE 'CHAD PAR BYED DO, ,THAMS CAD KYANG BKOD PA GCIG PA'I TING NGE 'DZIN BSGOMS PA LA BRTEN NAS YIN PAR BCOM LDAN 'DAS KYIS GSUNGS TE, SNGON GYI BDE BAR GSHEGS PA'I @166B CHOS 'CHAD PA'I DKYIL 'KHOR LA YANG, SHES RAB KYI PHA ROL TU PHYIN PA 'CHAD PA'I 'OD ZER GYIS KHYAB BO ZHES BYA BA'I THA TSIG GO, ,DE BZHIN DU GZHAN DAG KYANG THOS PA DANG SEMS PA LA SOGS PA RIM GYIS 'DI ZHES BYA BA NI BKOD PA GCIG PA'I TING NGE 'DZIN 'DI SHES NA ZHES BYA BA'O; ,YI GE KHA CIG LAS 'DI BZHIN DU SHES NA ZHES 'BYUNG BA DER YANG BKOD PA GCIG PA'I TING NGE 'DZIN LA SNYEGS PA YIN LA, 'DI BZHIN ZHES BYA BA NI BDAG NYID SGOM PA DPER BYED PA YIN TE JI LTAR BDAG GIS TING NGE 'DZIN 'DI SHIN TU BSGOMS PA DE BZHIN DU GZHAN DAG KYANG DE LTAR SGOM PAR BYED NA ZHES GSUNGS PA YIN NO, ,SKYES BU CHEN PO BSTAN PA DES SKYE BA MED PA DANG, 'GAL BA'I CHOS GANG YANG MI MTHONG NGO, ,CHOS ZHES BYA BA NI MDO SDE LA SOGS PA'I CHOS SO, ,SKYE BA MED PA NI MA SKYES PA'O, ,'GAL BA NI MTHUN PA STE MDO SDE LA SOGS PA THAMS CAD SKYE BA MED PA STON PAR BYED PA YIN NO ZHES BYA BA'I BAR DU YIN NO, ,'JAM DPAL 'DI LTA STE DPER NA RGYA MTSO CHEN PO'I PHYOGS BZHI NAS ZHES BYA BA LA SOGS PAS CI STON CE NA, BYED PA PO THA DAD PA MED PAS CHOS RNAMS THA DAD PA MED PAR MA ZAD KYI, BYED PA PO THA DAD PA YIN DU ZIN KYANG CHOS RNAMS NI DON DAM PAR THA DAD PA MED PA KHO NA YIN TE, THAMS CAD SKYE BA MED PA'I BDAG NYID YIN PA'I PHYIR RO, ,RGYA MTSO CHEN PO'I PHYOGS BZHI NAS SKYES BU BZHI ZHES BYA BA NI MTSON PA YIN TE, THAMS CAD NAS THAMS CAD KYIS ZHES BYA BAR RIG PAR BYA'O, ,'JAM DPAL DE BZHIN DU NGAS CHOS GANG CI BSTAN PA DE DAG THAMS CAD NI ZHES BYA BA DE LA YANG, NGAS ZHES BYA BA NI MTSON PA YIN TE, PHYOGS THAMS CAD NA BZHUGS PA'I DE BZHIN GSHEGS PAS BSTAN PA YANG RIG PAR BYA'O SKYE BA MED PA DE KHO NA NYID KYI RGYA MTSO CHEN PO NAS CHOS 'CHAD PA'I CHU LEN PA THAMS CAD KUN GYIS THA DAD PA MED PA KHO NA LEN TO ZHES BYA BA BSDUS PA'I DON YIN NO, ,'JAM DPAL DE LTAR NA RIGS KYI BU'AM RIGS KYI BU MO DE TING NGE 'DZIN 'DI THOB NAS GANG CI STON KYANG ZHES BYA BA LA SOGS PA NI MJUG SDUD PA YIN NO, ,GANG CI STON KYANG DE DAG THAMS CAD MI @167A *, ,DMIGS PA'I TSUL DU MA SKYES PA DANG, MA BYUNG BA DANG, DNGOS PO MED PA STON PAR 'GYUR RO ZHES BYA BA NI CHOS GANG CI STON KYANG DE DAG MA SKYES PA DANG, MA BYUNG BA DANG, DNGOS PO MED PA DE DAG THAMS CAD LA STON PAR 'GYUR RO ZHES BSHAD PAR BYA BA DE LTAR YIN NA NI LEGS PA YIN NO, ,YANG NA GANG CI STON PA DE DAG MA SKYES PA'I DON STON PA YIN TE, DE KHO NA NYID NI DE'I NGO BO YIN PA'I PHYIR RO, ,DE YANG RIGS KYI BU 'AM RIGS KYI BU MO DES MA SKYES PA DANG, DNGOS PO MED PA KHO NA STON PA YIN NO, ,STON PA 'BA' ZHIG TU MA ZAD KYI MYUR DU BYANG CHUB KYI PHYOGS KYI CHOS DRAN PA NYE BAR GZHAG PA DANG, YANG DAG PAR SPONG BA LA SOGS PA BSGRUBS NAS RING PO MI THOGS PAR RDZOGS PA'I BYANG CHUB THOB PAR 'GYUR BAS GONG NAS GONG DU PHUN SUM TSOGS PA MCHOG TU GYUR PA'I RGYU NYID NI TING NGE 'DZIN 'DI YIN PAR BSTAN PA'I PHYIR 'JAM DPAL GZHAN YANG TING NGE 'DZIN 'DI THOB PA'I BYANG CHUB SEMS DPA' SEMS DPA' CHEN PO ZHES BYA BA LA SOGS PA GSUNGS SO, ,'JAM DPAL GZHAN YANG BYANG CHUB SEMS DPA' CHEN POS GANG GI TSE, BDAG GI DBYINGS NAS ZHES BYA BA LA SOGS PAS NI RDZOGS PA'I BYANG CHUB KYI THABS MYUR BA GZHAN YANG STON PAR BYED PA YIN NO, ,DE LTA BU'I BZOD PA CAN NI DE'I 'DOD PA LA BYA'O, ,DE LTA BU'I BZOD PA CAN 'DI NI MA SKYES PA LA BZOD PA YIN TE, SHIN TU MYUR BAR BYANG CHUB 'THOB PA'O, ,RNAM PAR MI RTOG PAR BZOD PA YANG DE'I THABS NYID YIN PAR BSTAN PA'I PHYIR, GANG YANG BLA NA MED PA YANG DAG PAR RDZOGS PA'I BYANG CHUB DANG, BYANG CHUB KYI CHOS RNAMS LA MI SEMS PA'I BZOD PA CAN GYI RIGS KYI BU DE YANG MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA LA GANG YANG BLA NA MED PA YANG DAG PAR RDZOGS PA'I BYANG CHUB LA MI SEMS PA NI 'DZIN PA 'AM GZUNG BA LA SOGS PAR MI RTOG CES BYA BA'I DON TE, BYANG CHUB KYI CHOS RNAMS THOB PAR BYA BA'I PHYIR MI SEMS PA 'DI'I BZOD PA CAN DE YANG YIN TE, @167B BYANG CHUB SEMS DPA'I CHOS RNAMS NI SA DANG PHA ROL TU PHYIN PA'O, ,DE DAG GIS NI DE LA BZOD PA YANG BYANG CHUB DANG NYE BA'I CHOS KYI RGYU NYID YIN PAR STON PA NA BYANG CHUB KYI RGYU YIN PAR STON PA YIN NO, ,YANG NA BYANG CHUB SEMS DPA'I CHOS RNAMS ZHES BYA BA LA SOGS PA NI YOD PA'I DON TE, BYANG CHUB LA MA 'DRES PA'I CHOS GANG YIN BA YOD PA DE NI BYANG CHUB SEMS DPA'O, ,DE YANG YOD PA DE DAG YIN PAS DE SKAD CES BYA STE, DE DAG GIS NI DNGOS PO DE NYID RGYUR BSTAN TE, BYANG CHUB NI BYED PA MED PA'O ZHES DE LTAR BZOD PA NI MYUR DU SANGS RGYAS NYID DU 'GYUR BA'I RGYU YIN NO ZHES BYA BA'I PHYIR, BYANG CHUB NI SANGS RGYAS NYID KYI PHYIR SEMS CAN GYIS THOB PAR BYED PA MA YIN ZHES BYA BA LA BYANG CHUB KYI TSOGS RNAMS LA ZHES BYA BA'I TSIG LHAG MA STE, BYANG CHUB NI SEMS CAN GYIS SANGS RGYAS NYID THOB PAR BYA BA'I PHYIR BCOM LDAN 'DAS KYI TSOGS RNAMS LA SEMS CAN SBYOR BAR BYED PA MA YIN TE, RNAM PAR MI RTOG PA'I PHYIR RO, ,LHUN GYIS GRUB PA NYID DU SEMS CAN GYI DON SPYOD PA'I 'KHOR LO BYUNG YANG STON PA NI RTAG TU MNYAM PAR BZHAG PA YIN NO ZHES DE LTA BU'I BZOD PA DE YANG MYUR DU BLA NA MED PA'I BYANG CHUB KYI RGYU MTSAN MA YIN PAR BSHAD DO, ,GZHAN LAS SKYES PA MED PAR BZOD PA MI 'BYUNG GI ,'ON KYANG SMON PA MED PA'I CHOS LA BZOD PA 'BYUNG STE, GANG YANG BYANG CHUB NI SANGS RGYAS NYID LA MI SMON ZHES 'BYUNG BA NI 'DI LTAR BSHAD DE, SANGS RGYAS NYID LA YANG SMON PA MED DO ZHES BYA BA'I THA TSIG GO, , DE LTAR CHOS THAMS CAD LA BYANG CHUB DANG MNYAM PAR MOS PA YANG MYUR DU BYANG CHUB SGRUB PAR BYED PA YIN NO ZHES BYA BA BSTAN PA'I PHYIR, CHOS THAMS CAD NI SANGS RGYAS KYI CHOS SO ZHES BYA BA LA SOGS PA GSUNGS TE, SANGS RGYAS KYI CHOS DANG MNYAM PA NYID KYIS NA CHOS THAMS CAD SANGS RGYAS KYI CHOS ZHES BYA STE, JI LTAR SANGS RGYAS KYI CHOS GNYIS SU MED PA LTAR CHOS THAMS CAD KYANG DE BZHIN NO, ,ZHUM PAR MI 'GYUR BA ZHES BYA BA NI CHOS THAMS CAD SANGS RGYAS KYI CHOS YIN PA'I PHYIR BDAG GIS SANGS RGYAS KYI CHOS THOB PA KHO NA YIN NO ZHES BYA BA YIN NO, , @168A *, ,DE LTAR MOS SHING ZHES BYA BA NI YAL BAR 'DOR BAR MI BYED PA'I THA TSIG GO, ,CHOS KYI DBYINGS LA GLO BUR GYI DRI MA DANG BRAL BAR BYA'O ZHES DE LTAR YANG MOS PA'I PHYIR RO, ,BYANG CHUB LAS PHYIR LDOG PA NI DE NAS SLAR LDOG PA'O, ,DE'I DNGOS PO NI PHYIR LDOG PA NYID DO, ,NANG GI 'GYUR BA LA SOGS PA'I TSOGS YOD PA'I PHYIR RO, ,PHYIR LDOG PA MA YIN PA NI PHYIR MI LDOG PA'O, ,DE LTA BU'I BZOD PA CAN DE NI SANGS RGYAS KYI CHOS THAMS CAD DANG MA BRAL BAR BRJOD PAR BYA STE, BYANG CHUB DANG NYE BAR GYUR BA YIN PA'I PHYIR RO, , 'DIR THABS BSTAN PA LA SEMS LA THE TSOM MED PA DES KYANG MYUR DU THOB PAR 'GYUR RO ZHES BSTAN PA'I PHYIR, RIGS KYI BU 'AM RIGS KYI BU MO GANG GIS BSTAN PA 'DI THOS NAS RMONGS PAR MI 'GYUR BA DANG, SOM NYI ZA BAR MI 'GYUR BA DE YANG PHYIR MI LDOG PAR BSHAD DE ZHES BYA BA'I RJES SU SNYEGS SO, ,GAL TE THABS DE DAG GIS BYANG CHUB BYAS PA YIN NA DE 'DUS BYAS YIN PAR THAL BAR 'GYUR LA, 'DUS BYAS YIN PA'I PHYIR SPONG BAR YANG 'GYUR RO, ,DE LTAR GYUR DANG BYANG CHUB PA PO DANG, BYANG CHUB PAR BYA BA YANG YOD PAR BYA DGOS SO, ,DE LTAR GYUR NA DE NYID STONG PA NYID DANG 'GAL LO ZHES KHA CIG NI DOGS PA SKYES SO, ,DE BAS NA 'DUS BYAS NYID YIN PAR MNGON PAR ZHEN PA BSAL BA'I PHYIR, BCOM LDAN 'DAS BLA NA MED PA YANG DAG PAR RDZOGS PA'I BYANG CHUB RGYU LAS NGES PAR BYUNG BA LAGS SAM ZHES ZHUS TE, DE LTAR GYUR NA DE DAG GIS BYANG CHUB DANG, BYANG CHUB PA PO DANG, BYANG CHUB PAR BYA BA RNAMS 'KHRUL PA MED PA MA YIN PAR DOGS SO ZHES DGONGS PA'O, ,RGYU LAS NGES PAR BYUNG BA NI SKYES ZHES BYA BA'I THA TSIG GO, ,LAN NI 'JAM DPAL DE NI MA YIN TE ZHES BYA BA YIN NO, ,BSTAN PA GANG YIN PA DE NYID RNAM PAR 'BYED PA NI, BLA NA MED PA YANG DAG PAR RDZOGS PA'I BYANG CHUB LA NI RGYU MED CING RGYU LAS NGES PAR BYUNG BA YANG MA YIN NO ZHES BYA BA YIN NO, ,'O NA DOGS PA YANG MED LA, DRIS PA YANG MED PAR CI'I PHYIR BYANG CHUB KYI RGYU NYID 'GOG PAR BYED CE NA, @168B RGYU GANG YANG MED PA DANG, 'BRAS BU GANG YANG MED DO ZHES SHIN TU BSTAN PAR BYA BA'I PHYIR RO, ,DE CI'I PHYIR ZHE NA ZHES BYA BA'I BSAM PA NI BSAM GYIS MI KHYAB PA'I SANGS RGYAS RNAM PAR ROL PA RGYU NYID YIN PAR LAN GRANGS DU MAR BSTAN ZIN LA, BSTAN MA THAG PA YANG 'BRAS BU NYID YIN PAR BSTAN PA YIN NA, CI'I PHYIR RGYU MED CING RGYU LAS NGES PAR BYUNG BA MA YIN ZHES BYA BA YIN NO, ,SKYE BA MED PA DANG, DNGOS PO MED PA NI RGYU YANG MA YIN LA ZHES BYA BA LA SOGS PA NI LAN YIN NO, ,DNGOS PO 'DI'I SKYE BA YOD PA MA YIN PAS SKYE BA MED PA'O, , DE BZHIN DU 'DI'I DNGOS PO MED PA ZHES BYA STE, GDUL BYA'I BYE BRAG NYE BAR GNAS PA LA LTOS NAS KHYAB PA KHO NAR BSTAN PA YIN NO, ,DE'I PHYOGS KYI CHOS KHO NA YIN PAR MA GSUNGS KYANG KHONG DU CHUD PAR BYA BA KHO NA YIN NO, ,SBYOR BA NI 'DI LTAR BYA STE, SKYE BA MED PA'AM DNGOS PO MED PA GANG YIN PA DE NI RGYU MA YIN ZHING RGYU LAS NGES PAR 'BYUNG BA YANG MA YIN TE, MO GSHAM GYI BU LA SOGS PA BZHIN NO, ,SKYE BA MED PA DANG DNGOS PO MED PA YANG BYANG CHUB YIN PAS ZHES BYA BA NI KHYAB PAR BYED PA DANG 'GAL BA YIN NO, ,DE CI'I PHYIR ZHE NA ZHES BYA BA'I BSAM PA NI THABS KYIS BSKYED PA NI SANGS RGYAS THAMS CAD KYI RNAM PAR ROL PA YIN NA, SKYE BA DANG DNGOS PO DANG BRAL BA LA NI DE LTA BU MI SRID DO ZHES BYA BA YIN NO, ,LAN NI CHOS THAMS CAD MA SKYES PA'I PHYIR RO ZHES BYA BA YIN TE, BRTAGS PA'I NGO BO 'CHANG BA THAMS CAD MA SKYES MA 'BYUNG BA GANG YIN PA DANG, BYANG CHUB 'DI YANG DE'I NANG DU GTOGS PA YIN TE, 'DI LTAR BYANG CHUB PAR BYA BA LA SOGS PA YANG DAG PA MA YIN PA DE LA NI PHA ROL PO DAG THE TSOM DU GYUR PA YIN NO, ,GANG YANG DE NI RNAM PAR RTOG PA THAMS CAD KYIS MA YIN ZHING BYANG CHUB GANG YIN PA DE YANG DAG PA YIN NO ZHES KYANG BRJOD PAR MI NUS MOD KYI, KUN RDZOB KYI BDEN PA'I DBANG DU BYAS NAS, DE RGYU MED PA MA YIN RGYU LAS NGES PAR MA BYUNG BA MA YIN NO ZHES DE LTAR BSHAD DE, DE THABS BSTAN PA YIN PA'I PHYIR RO, ,GZHAN YANG SNGAR BSTAN PA'I TSUL GYIS BYANG CHUB KYANG DON DAM PAR MA SKYES PA'I NGO BO YIN @169A *, ,PA'I PHYIR DE SKAD DU BSTAN PA YIN NO, ,DE LTAR BYANG CHUB KYI RGYU DANG 'BRAS BU BSAL BA'I DON 'DI THOS NAS NUR BAR MI 'GYUR BA STE YAL BAR MI 'DOR BA DE YANG PHYIR MI LDOG PA YIN PAR NGAS BSHAD DO ZHES BYA BA 'DI YANG JI LTA BA BZHIN DU 'DUS MA BYAS PA NYID LA 'JUG PA'I THABS GZHAN BSTAN PA YIN NO, ,DE 'DUS MA BYAS YIN PAR DON MA RTOGS PA NI NUR BAR 'GYUR RO, ,DE 'DI SNYAM DU SEMS TE, BYANG CHUB KYI TSOGS LA 'BAD PA 'DIS CI ZHIG BYA, DE NI BYA BAR NUS PA YANG MA YIN LA, BYAS NA YANG CI YANG BYED PA MED DO ZHES DE LTAR SNGAR GDUL BYA'I SKYE BO'I DBANG DU BYAS TE, LHAG PAR DRIS NAS DER THABS MDOR BSTAN PA YIN NO, ,DER DANG PO NAS BZUNG NAS GANG GIS SHES RAB KYI PHA ROL TU PHYIN PA LA BRTZON PA'I RGYU CAN 'GRUB PAR 'GYUR RO, ,DE BAS NA BDAG NYID THAMS CAD 'DOD PAS SBYOR BAR BYA BA DE BSTAN PA'I PHYIR, 'JAM DPAL DE LTA BAS NA DGE SLONG NGAM DGE SLONG MA 'AM ZHES BYA BA LA SOGS PA GSUNGS TE RTOGS PAR SLA'O, ,SHES RAB KYI PHA ROL TU PHYIN PA LA MOS PA MED PAR SKYABS SU 'GRO BA DANG, RAB TU BYUNG BA LA SOGS PA NI BYANG CHUB KYI CHED DU BRTZON BA 'JEBS PAR BYED PA MA YIN NO ZHES BYA BA NI BSDUS PA'I DON YIN NO, ,YANG GANG DAG SEMS PA MDO SDE DANG CHOS MNGON PA DANG 'DUL BA'I TSUL TZAM NYID KYIS SMON LAM BTAB CING SBYIN PA LA SOGS PA LA 'JUG NA, BYANG CHUB SEMS DPA'I BSLAB PA SGRUB PAR BYED PA YIN NO, ,BSGRUBS NAS KYANG MYUR BA KHO NAR BYANG CHUB THOB PAR 'GYUR BA YIN NA, SHES RAB KYI PHA ROL TU PHYIN PA LA BRTZON PA CI DGOS SNYAM PA LA, DE'I PHYIR 'DI SKAD CES 'JAM DPAL RIGS KYI BU 'AM RIGS KYI BU MO GANG SHES RAB KYI PHA ROL TU PHYIN PA ZAB MO 'DI LA MI SLOB PA DE BYANG CHUB SEMS DPA'I BSLAB PA LA MI SLOB PA'O ZHES GSUNGS TE, 'DI LTAR SHES RAB KYI PHA ROL TU PHYIN PA LA BRTZON BA MED PAR NI SHES RAB RNAM PAR DAG PA MED DO, ,DE MED PAR NI DGE BA'I TSOGS RNAM PAR DAG PA MED DO, ,DE MED PAR NI DGE BA'I TSOGS RNAM PAR DAG PA MED DO, ,DE MED PAR NI BYANG CHUB MED DO ZHES DGONGS PA'O, ,DON 'DI @169B NYID DPES GSAL BAR BYED PA NI 'JAM DPAL 'DI LTA STE DPER NA 'BYUNG PO'I GRONG KHYER DANG ZHES BYA BA LA SOGS PA GSUNGS TE, 'BYUNG PO'I GRONG KHYER NI LJON SHING RNAMS SO, ,SA BON GYI TSOGS NI SA BON LNGA'O, ,NYAN THOS KYI THEG PA PA RNAMS KYI YANG THABS GZHAN GYIS DGE BA'I CHOS RNAMS 'PHEL ZHING RGYAS PAR 'GYUR BA MA YIN NAM, JI SKAD DU RDZAS LAS BYUNG BA'I BSOD NAMS BYA BA'I DNGOS PO BDUN PO 'DI DAG DANG LDAN NA RTAG TU RGYUN MI 'CHAD PAR BSOD NAMS 'PHEL BA KHO NAR 'GYUR, BSOD NAMS SKYE BA KHO NAR 'GYUR ZHES GSUNGS TE, DE DAG SHES RAB KYI PHA ROL TU PHYIN PA NYAN PA LA NI YOD PA MA YIN NA, DE JI LTAR 'DI SKAD DU, 'JAM DPAL DE BZHIN DU BYANG CHUB SEMS DPA' SEMS DPA' CHEN PO RNAMS KYI DGE BA'I CHOS GANG CI YANG RUNG BA DE DAG THAMS CAD CES BYA BA LA SOGS GSUNGS SHE NA, 'DI LTAR BLA NA MED PA YANG DAG PAR RDZOGS PA'I BYANG CHUB LA SLU BAR MI BYED DO ZHES GSUNGS TE, THABS MED PAR NI BSKAL PA BYE BA GRANGS MED PAS KYANG BYANG CHUB MI THOB PA'I PHYIR RO, ,GANG LA LA DAG 'DZIN PAR 'GYUR BA NAS STON PA'I BAR DU 'GYUR BA MA MCHIS SAM ZHES BYA BA NI CI ZHES BYA BA KHONG NAS DBYUNG NGO, ,YANG NA TSIG ZUR DU BKLAG GO, ,DON 'DI NYID SNGAR YANG 'PHAGS PA 'OD SRUNGS CHEN POS DRIS PA KHO NA YIN PAS ZLOS PA'I NYES PAR 'GYUR BA MA YIN NAM ZHE NA, DE LTAR 'GYUR BA MA YIN TE, DER NI 'PHAGS PA 'JAM PA'I GSUNG GIS BSHAD PA LA DRIS PA YIN GYI; 'DI NI BCOM LDAN 'DAS KYIS BKA' STZAL PA YIN PA'I PHYIR RO, ,LAN DU SNGAR BSTAN PA DE NYID BKA' STZAL PA NI, 'JAM DPAL GANG DAG GIS SHES RAB KYI PHA ROL TU PHYIN PA BSTAN PA 'DI DA LTAR GYI TSE LA THOB NAS ZHES BYA BA LA SOGS PA YIN NO, ,TSE 'DI BRJES NAS ZHES BYA BA NI TSE 'PHOS SHING TSE GZHAN DU GYUR NAS SO, ,MI SGOM PA'I TSUL GYIS ZHES BYA BA NI BSGOM PA LA MNGON PAR ZHEN PA MED PA'I TSUL GYIS SO, ,GAL TE SMON LAM GYI DBANG GIS BSHAD PA 'DI RNA BAS THOS PA YIN NA DE DAG DE LTAR BSOD NAMS CHUNG NGUS KYANG RNA BAS THOS @170A *, ,PAR JI LTAR SNANG ZHE NA, DE'I PHYIR DE DAG NI DGE BA'I RTZA BA CHUNG BAR NGA MI 'CHAD DO ZHES GSUNGS TE, GANG DAG DGE BA'I RTZA BA RNAMS MI CHUNG BA DE LA DE SKAD CES BSTAN TO, ,DGONGS PA NI 'DI YIN TE, GANG DAG GIS TSE RABS GZHAN NA BCOM LDAN 'DAS KYIS YUM 'DI MA THOS PA DANG, DKON MCHOG GSUM LA GNOD PA DANG, ,MI GSOD PA LA SOGS PA SDIG PA CHEN PO'I BSAM PA RTAG TU BSTEN CING BSGOMS LA LAN MANG DU BYAS PA DANG, BSHAD PA LA SOGS PA CUNG ZAD TZAM YANG MA BYAS, MA BZUNG BA DE LTA BU DE DAG NGAN SONG DU 'GRO BA'I PHYIR GZHAN DAG CI'I PHYIR 'GYUR TE, DE BAS NA SHES RAB KYI PHA ROL TU PHYIN PA MNYAN PA KHO NAS DE DAG GI RNAM PAR SMIN PA THANG CIG YUD TZAM ZHIG MYONG NAS SDIG PA'I TSOGS CHEN PO DE DAG ZHU BYANG BAR 'GYUR LA, GAL TE GUS PA DANG RTAG TU SBYOR BA LA SOGS PA MED PAS NI RNAM PA THAMS CAD DU YID DU 'ONG ZHING MDZES PA'I SKYE BA BLANGS PA MA YIN NO, ,GAL TE CHOS KYI RNAM GRANGS 'DI DE LTAR 'BRAS BU BZANG PO 'THOB PA YIN NO, DE 'DOD PA THAMS CAD LA BSHAD PAR BYA BA YIN NAM ZHE NA MA YIN NO ZHES BYA BA'I PHYIR, 'JAM DPAL GANG ZHIG SHES RAB KYI PHA ROL TU PHYIN PA BSTAN PA 'DI LA NYAN 'DOD PAR GYUR PA ZHES BYA BA LA SOGS PA GSUNGS TE, 'DI YANG BSTAN PAR BYA BA'I PHYIR BSTAN TO, ,DE CI'I PHYIR ZHE NA ZHES BYA BA NI DAD PA DANG, BRTZON 'GRUS GNYIS DE LTAR RGYU DAM PA YIN NA THOS NAS MA DAD PA 'AM NUR BAR JI LTAR 'GYUR ZHES BSAMS PA'O; ,LAN NI, 'DI LTAR 'DI LA CHOS GANG YANG YONGS SU GRUB PAR NA BSTAM TE ZHES BYA BA LA SOGS PA YIN TE, DON NI BSHAD ZIN TO, ,'DI SKAD CES BYA STE, SEMS CAN DE DAG PHAL CHER NI CHOS LA MNGON PAR ZHEN PA YIN TE, DE YOD PAR BSHAD PA DRANG BA'I DON GZHAN DAG LA DGA' BA YIN NO, ,'DIR NI DE DAG YOD PAR YANG MA BSHAD DE, 'DIR BSHAD PA NI GTZOR DON DAM PA STON PA'I PHYIR RO, ,DE DAG GI THA SNYAD KYI BDEN PA'I NANG DU GTOGS PA'I PHYIR RO, ,DE BAS NA 'DOD PA DON MED PA'I PHYIR GDON MI ZA BAR MA DAD PA DANG NUR BAR YANG 'GYUR RO, , @170B BCOM LDAN 'DAS DGE SLONG NGAM DGE SLONG MA 'AM, DGE BSNYEN NAM DGE BSNYEN MA GANG LA LA BDAG LA 'DI SKAD DU ZHES BYA BA LA SOGS PAS 'DI SKAD BSTAN TE, BCOM LDAN 'DAS KYIS GDUL BYA'I SKYE BO LA YONGS SU BRTAGS NAS CHOS 'DI 'CHAD PA YIN PAR MA ZAD KYI, 'DIR SKYE BA MED PAR 'CHAD PA DANG, SEMS CAN MED PAR 'CHAD PA DANG, DNGOS PO MED PAR 'CHAD PA LA SOGS PA NI MING TZAM GYIS KYANG SKRAG PAR BYED CING DAD PAR MI BYED PA YIN NO, ,GAL TE DE 'GA' ZHIG 'DI'I MING 'DRI NA DE LA YANG GANG GIS SKRAG PAR MI 'GYUR BAR BYA BA'I PHYIR RNAM GRANGS GZHAN GYI SGO NAS BSTAN PAR BYA'O, ,JI LTAR BYA ZHE NA, DE'I PHYIR BCOM LDAN 'DAS DE SKAD 'DRI BA DE LA BDAG GIS 'DI SKAD DU CHOS THAMS CAD DANG MI 'GAL BA'I GTAM MO ZHES BRJOD PAR BGYI'O ZHES GSUNGS SO, ,DE CI'I SLAD DU ZHE NA ZHES BYA BA NI CHOS THAMS CAD DANG 'GAL BA YIN TE, DE DAG NI 'DI LAS SKYE BA MED PA LA SOGS PAR 'CHAD PA'I PHYIR RO, ,CHOS THAMS CAD DANG MI 'GAL BA'I GTAM MO ZHES DE CI 'DI LA BRDZUN ZER RAM SNYAM PA NI RGOL BAR BYED PA'I SEMS SO, ,LAN NI BCOM LDAN 'DAS GANG SKYE BA MA MCHIS PA DANG 'GAL BA'I CHOS DE GANG YANG MA MCHIS TE ZHES BYA BA YIN TE, SKYE BA MED PA DANG, DNGOS PO MED PA DANG 'GAL BA'I CHOS NI GANG YANG YOD PA MA YIN TE, THAMS CAD DE NYID KYI NGO BO YIN PA'I PHYIR RO, ,YI GE KHA CIG LAS GANG SKYE BA MA MCHIS PA LA 'GAL BA'I CHOS DE GANG YANG MA MCHIS TE ZHES 'BYUNG BA DE'I DON NI SKYE BA MED PA'I YUL LA 'GAL BA GANG YANG YOD PA MA YIN TE, THAMS CAD SKYE BA MED PAR BSDUS PA'I PHYIR RO, ,CI'I PHYIR MTHA' DE NYID RNAM PAR MI DBYE, GANG GIS NA RNAM GRANGS GZHAN GYI SGO NAS BSHAD, 'DI LA GSAL BAR BYAS PA MED DO ZHE NA, BKA' MCHID DE NI SEMS CAN GANG GIS KYANG 'TSAL BAR SLA BA MA LAGS SO ZHES GSUNGS TE, KYANG GI SGRA NI MNGON DU ZHES BYA BA'I SGRA'I DON TO, ,SLA BA ZHES BYA BA NI LAS BYED PA'I BYE BRAG YIN NO, ,DE CI'I SLAD DU ZHE NA ZHES BYA BA NI LAN GRANGS MANG DU GSAL BAR BYAS KYANG JI LTAR SHES BAR SLA BA MA YIN ZHES BYA BA'I THA @171A *, ,TSIG GO, ,LAN NI 'DI LTAR YOD PA GANG YANG DMIGS SU MA MCHIS PA'I SLAD DU'O ZHES BYA BA YIN TE, DE LA ZHES BYA BA LHAG MA'O, ,YOD PA NI GZUNG BA LA SOGS PA YOD PA DANG, DE DMIGS PA LA BYA STE, DE NI GANG YANG GTAM DE LA BSTAN PA MED DO, ,SROG CHAGS RNAMS KYIS NI PHAL CHER DE LA MNGON PAR ZHEN PA'I LHUN SDUG PAS DE LTAR DON GSAL BAR BYAS SU ZIN KYANG SHES PAR SLA BA MA YIN NO ZHES BYA BA'I THA TSIG STE, 'DI LTAR RES 'GA' YANG YANG DAG PA'I DON RNAM PAR SGOM PAR BYED PA MA YIN NO, ,BCOM LDAN 'DAS GZHAN YANG ZHES BYA BA NI YANG NA GZHAN DU ZHES BYA BA'I DON TE, BDAG GIS DE LA 'DI SKAD DU MI SKYE BA ZHES BYA BA'I CHOS DE BSTAN PAR GYUR TE ZHES BRJOD PAR BGYI'O ZHES BYA BA YIN NA, ,DE CI'I SLAD DU ZHE NA ZHES BYA BA NI 'DIR BSAM PA NI 'DI JI LTAR MI SKYE BA YIN, CI 'DI LA SKYE BA YOD PA MA YIN PA ZHES BYA BA NI CHOS GAL TE DE LTA NA 'O NA SHIN TU THAL BAR 'GYUR TE, 'DI LTAR 'CHAD PA GZHAN DAG LA YANG SKYE BA YOD PA MA YIN PAR 'GYUR TE, 'DI DE LA LTOS NA NYES PAR BSTAN PA CI YOD CES BYA BA YIN NO, ,LAN NI, BCOM LDAN 'DAS 'DI LTAR CHOS THAMS CAD NI SKYE BA MA MCHIS PAR MNYAM PA'I SLAD DU'O ZHES BYA BA YIN NO, ,DE LTAR BSTAN PA NI ZHES BYA BA NI TSIG LHAG MA'O, ,SKYE BA MED PA'I NGO BOR MNYAM ZHING MTHUN PA YIN TE, DE RANG BZHIN MNYAM PA YIN PA'I PHYIR RO, ,BSTAN PA GZHAN LA NI DE LTAR BSTAN PA MED DO ZHES BYA BA 'DI LHAG MA YIN NO, ,BKA' MCHID DER NI DGRA BCOM PA RNAMS KYI GONG MA RTOGS PA MA BSTAN TO ZHES BYA BA DES KYANG SKYE BA MED PA 'DI BSTAN PA YIN NO ZHES DGONGS PA STE, RTOGS PAR SKYE BA MA BSTAN PA'I PHYIR RO, ,GONG MA RTOGS PA ZHES BYA BA NI KHYAD PAR DU RTOGS PA DANG, THAR PA ZHES BYA BA'I BAR DU YIN NO, ,MA BSTAN TO ZHES BYA BA NI RTOGS PA'I GZUNG BAR BYA BA YANG MI RIGS PA'I PHYIR RO, ,DE DAG KYANG BYANG CHUB YONGS SU SGYUR BA NYID YIN PA'I PHYIR RO, ,THEG PA GCIG TU BSTAN PA 'DI YANG THAR PAS YID SKRAG PA'I DBANG DU BYAS NAS BSTAN PA YIN NO, ,DGRA BCOM PA'I CHOS RNAMS KYIS SO SO'I SKYE BO'I CHOS @171B RNAMS RNAM PAR GZHAG PAR BYAS PA MED PAS SKYE BAR BSTAN TO ZHES MA YIN NO ZHES BYA BA'I PHYIR, JI LTAR DGRA BCOM PA'I CHOS RNAMS KYIS SO SO'I SKYE BO'I CHOS DE DAG RNAM PAR BSHIG PA MA LAGS PA DE LTAR BSTAN TO ZHES BYA BA DGONGS PA YIN NO, ,DE DAG GIS DE RNAM PAR BSHIG PA MA YIN TE, THOG MA NYID NAS DE RNAM PAR BSHIG PA NYID YIN PA'I PHYIR RO, ,MI SKYE BA ZHES BYA BA'I CHOS DE BSTAN PAR GYUR TO ZHES CI'I PHYIR BRJOD, JI TZAM DU SKRAG PA YONGS SU SPANG BA'I PHYIR 'DI BRTZAMS PA YIN NA NI DE SKAD DU SMRAS PA DES KYANG SHIN TU SKRAG PA KHO NAR BRJOD PA MA YIN NAM ZHE NA NYES PA MED DE, GDUL BYA'I BYE BRAG LA LTOS NAS DE LTAR BSTAN PA'I PHYIR TE, 'DI LA MI DGE BA LA SOGS PA SKYE BA MA YIN NO ZHES GANG DAG 'DZIN PA DE DAG GI CHED DU DE SKAD BSTAN PA YIN NO, ,GZHAN DAG LAS NI MI SKYE BA ZHES BYA BA'I SA 'DIR YANG DAG PAR 'DI'I MTHA' ZHES 'BYUNG BA NI 'DI LTAR BSHAD DE, YANG DAG PA NI DE KHO NA NYID LA SOGS PA'O, ,MTHA' NI TSOGS DANG MCHOG DANG MTHAR PHYIN PA LA BYA'O, ,YANG NA BHU TA ZHES BYA BA SEMS CAN LA BYA STE, DE'I MCHOG GAM DNGOS PO RNAMS YOD PA'I MTHAR PHYIN PA ZHES BYA BA LA SOGS PAR BSHAD PA NI MI SKRAG PAR BYA BA'I PHYIR YIN NO, ,BCOM LDAN 'DAS GZHAN YANG DE LA BDAG GIS 'DI SKAD DU CHOS BSTAN PA 'DI LA SEMS CAN GANG YANG MYA NGAN LAS 'DAS PA DANG, MYA NGAN LAS 'DA' BA DANG, MYA NGAN LAS 'DA' BAR 'GYUR BA MED DO ZHES BSTAN TO ZHES BYA BA NI TSIG LHAG MA'O; ,DE LTAR NA YONGS SU MYA NGAN LAS 'DAS PA MED PA ZHES BYA BA'I CHOS BSTAN PA 'DI YIN NO ZHES BSTAN PA YIN NO, ,DE YANG MYA NGAN LAS 'DAS PA LA SKRAG PA DAG STE DE DNGOS PO MED PAR BSHAD PAS 'DI LA 'DUN PAR BYA BA'I PHYIR BSTAN PA YIN NO, ,DE CI'I SLAD DU ZHE NA ZHES BYA BA NI YONGS SU MYA NGAN LAS 'DAS PA'I THABS BSTAN PA'I PHYIR RAM, MNYAN PA'I PHYIR 'DI JI LTAR BSHAD CES SEMS PA'O, ,DGONGS PA NI BCOM LDAN 'DAS 'DI LTAR YOD PA SHIN TU MI DMIGS PA'I SLAD DU STE ZHES GSUNGS TE, 'DI DMIGS SU YOD PA MA YIN @172A *, ,PAS YOD PA DMIGS SU MED PA'O, ,DE'I DNGOS PO NI DMIGS SU MED PA NYID DO, ,YOD PA NI MI DMIGS PA DANG, DMIGS PAR BYA BA MA YIN PA'I PHYIR RO, ,YOD PA NI BDAG NYID DO, ,BCOM LDAN 'DAS DE SKAD 'DRIN ZHES BYA BA'O, NA ZHES BYA BA NI YID LA BYED PA ZHES BYA BA'I DON TE, ZHES BYA BA LHAG MA'O, ,BDAG GIS DE SKAD CES BGYI'O ZHES BYA BA NI, JI SKAD DU BSTAN PA'I TSIG ZUR GYIS SO, ,'O NA GANG ZHIG SKAL BA CAN CHOS YOD PAR MNGON PAR MA ZHEN PA DAG 'DI NA DE LA YANG TSIG ZUR GYIS BRJOD DAM ZHE NA, MA YIN NO ZHES BYA BA'I PHYIR, BCOM LDAN 'DAS GZHAN YANG BDAG LAS SHES RAB KYI PHA ROL TU PHYIN PA ZAB MO 'DI NYAN PAR 'TSAL TE ZHES BYA BA LA SOGS PA GSUNGS SO, ,DE NYID KYI TSE DON GYI DE KHO NA NYID GZUNG BA'I CHED DU, ,DE LA BDAG GIS 'DI SKAD DU ZHES GSUNGS SO,, 'DI SKAD DU ZHES BYA BA JI LTA BU ZHE NA, GAL TE KHYOD NYAN PAR 'DOD NA DE MNYAN TO SNYAM DU YID MA GTOD CIG CES GSUNGS TE, MNYAN TO SNYAM DU YUL GZHAN LA MA 'JUG CIG ,SEMS MA SKYED CIG SEMS GANG ZHE NA MNYAN TO SNYAM DU ZHES GSUNGS PA YIN NO, ,YANG NA YID MA GTOD CIG CES BYA BA NI MNYAN TO SNYAM DU DE LTAR MA 'DUG CIG CES BYA BA YIN NO, ,DON 'DI NYID NI MNYAN TO SNYAM DU SEMS MA SKYED CIG CES BYA BA YIN TE, MNYAN PAR MNGON PAR ZHEN PAR MA BYED CIG CES BYA BA'I THA TSIG GO, ,GAL TE DE LTAR SEMS MI SKYED NA, 'O NA JI LTAR CHOS DE DAG BSHAD PA NYAN PAR NUS SHE NA, DE'I PHYIR, KYE SKYES BU SGYU MA'I SKYES BU'I SHES RAB CI 'DRA BA DE LTA BU'I SHES RAB SKYED CIG DANG, DE LTA BUS CHOS BSTAN PA 'DI SHES PAR NUS SO ZHES GSUNGS TE, JI LTAR SGYU MA'I RNAM PA'I SKYES BU NI RANG GIS SPRUL PA'I GLANG PO CHE LA SOGS PA LA MI DMIGS SHING MNGON PAR MA ZHEN PA DE BZHIN DU KHYOD KYANG CHOS BSHAD PA 'DI DAG LA MNYAN PAR MNGON PAR ZHEN PAR MA BYED CIG, ,SGYU MA'I RNAM PA'I SKYES BU NI SGYU MA'I SKYES BU STE, TSIG BAR MA KHONG NAS DBYUNG BA'I PHYIR RO, ,DE NI SHES RAB LA MNGON @172B PAR ZHEN PA MED DO, ,DE LTA BUS ZHES BYA BA NI 'OG NAS 'BYUNG BA'I TSUL GYIS SO, ,BDAG NI RTEN MED PA GNAS PAR JI LTAR SPRO, 'DI LA SGYU MA'I SKYES BU'I SHES RAB KYI DPE YANG RIGS PA MA YIN TE, DE LA YANG RGAL BA MTHUN PA'I PHYIR DANG, 'DRI BAR BYED PA YANG RNA BAL SOGS PA'I DON LA BRTEN PA'I PHYIR RO ZHE NA, DE LA KYE SKYES BU GAL TE KHYOD KYIS CHOS BSTAN PA 'DI NGA LAS NYAN PAR 'DOD NA 'DI LTA BUR 'DUG CIG CES BYA BA'I TSIG DANG SBYAR RO, ,DE JI LTA ZHE NA, 'DI LTA STE DPER NA NAM MKHA' LA BYA'I RJES LTA BUR GNAS PAR GYIS SHIG CES GSUNGS SO, ,GANG GI PHYIR DE LTA BU YIN NA NI DE LTA BUS CHOS BSTAN PA 'DI MNYAN PAR NUS KYI GZHAN GYIS NI MA YIN NO, ,'DI SKAD BSTAN TE, 'DI LA GNAS GYUR PA'I DON YOD PA MA YIN GYI, JI LTAR MNGON PAR ZHEN PA GANG YIN PA SPONG BAR BYED PA DE LTAR YIN ZHES BSHAD PA YIN NO, ,DPER NA NAM MKHA' LA BYA'I GNAS NI RANG GI SGRO GSHOG GI NANG NA YOD PA'I RLUNG LAS MA GTOGS PAR GNAS PA MI LTOS PAR DKYIL NA GNAS SO, ,DE BZHIN DU KHYOD KYANG NYE BAR LEN PA'I PHUNG PO LNGA TZAM LAS MA GTOGS PAR GNAS PA DANG BRAL BA MNGON PAR ZHEN PA MED PA'I SHES RAB MNGON DU BYOS LA'ANG 'DUG CIG ,BDAG DANG BDAG GIS BYA BA LA YANG GNAS PAR MA BYED CIG ,GNYIS DANG GNYIS MED PA'I NGO BO NI GDON MI ZA BAR DMIGS PAR BYA BA KHO NA YIN NO, ,DE LA MI BRTEN NA NI GZHAN GANG LA BRTEN TE BDAG GI 'DU SHES BSHIG PAR BYA, LTA BA'I RNAM PA RTOG PA DANG CHAD PA LA SOGS PA LAS YANG DAG PAR 'DA' BAR BYA, SANGS RGYAS KYI CHOS RNAMS LA YANG LHAG PAR DMIGS PAR BYA, SO SO'I SKYE BO'I CHOS RNAMS LAS KYANG BSKYOD PA YIN, 'DI LTAR DE DAG THAMS CAD NI 'DI LTA STE, MIG DANG GZUGS NAS, YID DANG CHOS ZHES BYA BA'I BAR DE DAG YUL DANG YUL CAN GNYIS TZAM DU NYAN THOS RNAMS KYIS BZUNG BA'I PHYIR BDAG TU 'DU SHES PA DANG, DE LAS GZHAN DU LTA BAR GYUR PA RNAMS SHIN TU RING DU SPONG BAR BYED DO, ,BYANG CHUB SEMS DPA' RNAMS KYIS NI GNYIS SU MED PA'I DE @173A *, ,BZHIN NYID TZAM LA DMIGS PA'I PHYIR GZHAN DAG SPONG BAR BYED DO, ,SANGS RGYAS KYI CHOS RNAMS LA YANG RTEN PAR BYED DO, ,GTAN TSIGS DE DAG GIS NA DE GNYI GAS KYANG SO SO'I SKYE BO'I CHOS RNAMS LAS BSKYOD PA YIN NO ZHE NA, DE'I PHYIR, KYE SKYES BU GAL TE KHYOD KYIS CHOS BSTAN PA 'DI NYAN PAR 'DOD NA DE'I PHYIR GNYIS LA MA DMIGS SHIG MI GNYIS PA LA YANG MA DMIGS SHIG CES GSUNGS SO, ,'DIR YANG DE CI'I PHYIR ZHE NA ZHES DRIS TE, 'DIR JI LTAR DGOS PA DE'I LAN NI MA LON NO ZHES BYA BA'I THA TSIG GO, ,LAN DU 'DI LA GNYIS SU BRJOD PAR BYA BA YONGS SU BRJOD PAR BYA BA 'AM, GNYIS MED PAR BRJOD PAR BYA BA YONGS SU BRJOD PA GANG YANG MED PA'I PHYIR RO ZHES BYA BA YIN NO, ,GZHAN DAG LAS GNYIS DANG GNYIS SU MED PAR STON PA BSTAN DU ZIN KYANG GDUL BYA RNAMS KYI DBANG DU BYAS PA YIN GYI, 'DIR NI CHOS KYI RNAM GRANGS 'DI GCIG KHO NAR NGES PA'I DON YIN PA'I PHYIR GNYIS GANG YANG MI 'CHAD PA'I PHYIR RO, ,'DIR YANG GNYIS MED PA TZAM BSTAN PA MA YIN NAM ZHE NA, MA YIN TE DE LA YANG GNYIS SU MED PA NYID DU DMIGS NA GNYIS KYI NGO BO NYID LAS MA 'DAS PA'I PHYIR RO,, 'O NA CI'I PHYIR RAB TU GRAGS PA'I DBYE BAS GNYIS BSTAN, DE LTA NA YANG DE LTAR DOGS PA MA BSAL BA KHO NA MA YIN NAM ZHE NA DE'I PHYIR, GAL TE CHOS BSTAN PA 'DI NYAN PAR 'DOD NA BDAG TU 'DU SHES RNAMS KYANG MA BSHIG CIG CES BYA BA LA SOGS PA GSUNGS SO, ,LTA BAR GYUR PA NI LTA BA'I RNAM PA'O, ,BDAG TU 'DU SHES LOGS SHIG TU SMOS PA NI NYON MONGS PA THAMS CAD KYI RGYUR GYUR PA NYID KYIS NA GTZO BOR BSTAN PA'I PHYIR TE, DPER NA BRAM ZE RNAMS 'ONGS SO, ,BA SITA YANG 'ONGS SO ZHES BYA BA BZHIN NO, ,DGONGS PA NI 'DI YIN TE, BDAG TU 'DU SHES 'JIG PA LA SOGS PAR BYED PA MED PA KHO NA YIN TE, DE DAG NI DE KHO NA NYID SHES PA RNAMS KYI DE KHO NA NYID SHES PA YOD PA'I TSE DE YOD PA MI SRID PA'I PHYIR RO, ,'DU SHES LA SOGS PA NI 'DU SHES LA SOGS PA'I DON MI 'THAD PA'I YANG PHYIR RO, ,BCOM LDAN @173B 'DAS GANG ZHIG BDAG LA NYAN PAR 'TSAL TE ZHES BYA BA LA SOGS PA NI BSTAN MA THAG PA'I TSIG RE RE DANG SBYAR BA'I PHYIR DANG, MJUG SDUD PA'I PHYIR RO, ,DE SKAD BRJOD PAR BGYI'O ZHES BYA BA NI DE SKAD SMRA BAR BGYI ZHES BYA'O, ,DE SKAD RJES SU BSTAN PAR BGYI'O ZHES BYA BA NI PHYIN CI LOG PAS DE SKAD CES BYA BAS 'DUL BAR BGYI'O, ,DE LTAR 'DI LA GZHAG PAR BGYI'O ZHES BYA BA NI DE LTAR MNYAN PA DANG SEMS PA LA SOGS PA DANG RJES SU MTHUN PA'I THABS SBYAR BAR BGYI'O ZHES BYA BA'O, ,YANG NA 'DI DAG NI TSIG SNGA MA RNAM PAR 'BYED PA YIN NO, ,DE LTAR RJES SU GDAMS PA BSTAN PA 'DI LA GAL TE 'DRI BA'I RIGS KYI BU 'AM, RIGS KYI BU MO DE LTAR GNAS SHING 'DI NYID RNAM PAR 'BYED PA NI DE LTAR ZHUGS NA ZHES BYA BA YIN NO, ,YANG NA DANG POR GNAS SHING RGYUN GYIS ZHUGS NA ZHES BYA STE, DE SPOBS PA'I PHYAG RGYA 'DI LA GNAS PAR GYUR NA SLAD KYIS ZHES BYA BA 'DI NYID KYI DON NI RJES LA ZHES BYA BA YIN TE, DUS PHYIS ZHES BYA BA'I DON TO, ,RJES SU GDAMS PA 'DI DAG NYID LA SPOBS PA'I PHYAG RGYA ZHES BYA STE, SPOBS PA SO SO'I YANG DAG PAR RIG PA STON PAR BYED PA DANG, 'BREL PAR SPOBS PA'I PHYAG RGYA DANG, RTAGS YIN PA'I PHYIR TE, 'DI LTAR RJES SU GDAMS PA STON PAR BYED PA DANG, LAM LA DBANG BA NYID KYI PHYIR MA LOG PA'I SHES PA YOD DO ZHES 'DIS MNGON PAR BYED PA YIN TE, THABS MNGON SUM DU BYAS PA NI THABS 'DI LA SBYOR BA MI RIGS PA'I PHYIR RO, ,DE DAG THAMS CAD 'PHAGS PA 'JAM DPAL GYIS RANG DGAR BRJOD PA YIN GYI, 'DI BCOM LDAN 'DAS KYIS GNANG BA MA YIN NO ZHES KHA CIG DOGS PA LA, 'JAM DPAL LEGS SO LEGS SO ZHES BYA BA 'DI GSUNGS SO, ,RIGS KYI BU 'AM RIGS KYI BU MO DE LA YANG PHYIS 'DI SKAD KYIS SHIG CES BYA BA LA SOGS PA YANG KHYOD KYIS THABS GZHAN GYIS MAN NGAG DBOG PAR BYA'O ZHES SLOB PA YIN NO, ,DE LTA MA YIN TE GAL TE 'BRAS BU NYE BAR MA BSTAN NA DE'I TSE CHOS NYAN PA 'DI DON MED PA YIN NO ZHES RTOGS NAS NUR BAR 'GYUR RO, ,DE BAS NA 'BRAS BU 'DI YANG BSTAN PAR BYA @174A *, ,DGOS SO, ,DE BZHIN GSHEGS PA LA BLTA BAR 'DOD NA ZHES BYA BA LA SOGS PA 'DI CI'I PHYIR 'PHAGS PA 'JAM DPAL LA BSTAN, BLO GROS YANGS PA'I SHES PA MED PAS DE DAG BRJOD PAR MI NUS SAM ZHE NA, DE LA NI BRGAL DU MED DE, 'DI LTAR 'DI NI SANGS RGYAS DANG BYANG CHUB SEMS DPA'I CHO 'PHRUL SNA TSOGS PA YIN NO, ,DE LA DE BZHIN GSHEGS PA LA BLTA BA NI DE LA BSNYEN BKUR BYED PA'I RGYU YIN NO, ,YANG STON PAR KHAS LEN PA'I RGYU YIN NO, ,DE YANG RDZOGS PAR BYANG CHUB PA'I RGYU YIN NO, ,CI DE BZHIN BSHEGS PA NI BDAG GI STON PA'O ZHES KHAS BLANGS PA TZAM KHO NAS BYANG CHUB PA YIN NAM ZHE NA, DE LTA MA YIN NO, ,'O NA DE JI LTAR DE'I RGYU NYID DU BSTAN CE NA, DE KHAS LEN PA NI BYANG CHUB 'GRUB PAR BYED PA'I TING NGE 'DZIN THAMS CAD LAS MKHAS PAR 'GRUB PA'I RGYU MTSAN MA YIN PA'I PHYIR RO, ,TING NGE 'DZIN THAMS CAD LA MKHAS PA'I TSIG GIS DE DANG LHAN CIG TU SPYOD PA SA DANG PHA ROL TU PHYIN PA LA SOGS PA'I TSOGS RNAMS KYANG NYE BAR MTSON PA YIN NO, ,YANG NA PHA ROL TU PHYIN PA'I TSOGS GANG LA TING NGE 'DZIN LA MKHAS PA YOD PAS DNGOS SU DE NYID BZUNG NGO, ,TING NGE 'DZIN LA MKHAS PA NI KHONG GZO BA'O, ,SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O ZHES BYA BA NI, JI LTAR SHES RAB KYI PHA ROL TU PHYIN PA LA SBYOR BA MI DMIGS PA YIN PAR BSTAN PA DE'I PHYIR 'DI LA BSLAB PAR BYA'O ZHES BYA BA'I DON TO, , GANG GI PHYIR DE LTAR PHA ROL TU PHYIN PA DANG, TING NGE 'DZIN LA MKHAS PA LA SOGS PA DANG 'BREL PAR BYANG CHUB PA YIN GYI, STON PAR KHAS BLANGS PA TZAM GYIS 'GRUB PA MA YIN PA DE BAS NA, RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES KYI BAR DU BSGRUB PAR 'DOD PA'I RIGS KYI BU 'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA DNGOS PO MED PA'I TSUL GYIS BSLAB PAR BYA'O ZHES BYA BA NI MJUG SDUD PA YIN NO, ,RNAM PA THAMS CAD DU MCHOG GTZO BO NI RNAM PA THAMS CAD KYI MCHOG STE, YON TAN YONGS SU @174B DAG PA YIN NO, ,DE DAG DANG LDAN ZHING MNGA' BA NI THAMS CAD MKHYEN PA'I YE SHES TE DE NYID BLA NA MED PA'I BYANG CHUB BO, ,'DI ZLOS BA YANG MA YIN TE, 'DI MJUG SDUD PA YIN PA'I PHYIR RO, ,DE CI'I PHYIR ZHE NA ZHES BYA BA NI TING NGE 'DZIN THAMS CAD LA MKHAS PAS YE SHES DE SKYED PA YIN NA NI DE SHES RAB KYI PHA ROL TU PHYIN PA LA SLOB PAS CI ZHIG BYA, TING NGE 'DZIN THAMS CAD LA MKHAS PA KHO NA LA BSLAB PA'I RIGS SO ZHES BYA BA NI RGOL BA'I DON YIN NO, ,LAN NI 'DI LTAR RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES KYI BAR DU BYAS PA MA YIN PA DANG MA SKYES PA DANG, DNGOS PO MED PAR 'DIR BSTAN TO ZHES BYA BA NI LHAG MA'O, ,'DI LTAR CHOS THAMS CAD NI BYANG CHUB DANG MNYAM PA'O ZHES BYA BA NI LAN 'DEBS PA'I TSIG YIN TE, GNYIS SU MED PA NYID KYIS BYANG CHUB DANG MNYAM PA NI BYANG CHUB DANG MNYAM PA'O, , DE BAS NA CHOS GZHAN DAG LA SPYOD PA YANG BYANG CHUB KYI CHED DU SPYOD DO ZHES BYA STE, MNYAM PA NYID LA DGONGS NAS ZHES DGONGS PA'O, ,DE NYID STON PA NI JI LTAR CHOS THAMS CAD BYANG CHUB DANG MNYAM PA DE LTAR BYANG CHUB KYANG CHOS THAMS CAD DANG MNYAM PA'O ZHES KHONG NAS DBYUNG BA'O, ,MNYAM PA NYID GNYI GA LA YOD PA'I PHYIR RO, ,PHAN TSUN MNYAM PAR STON PA DE DAG GIS NI MNYAM PA NYID LA DGONGS PA GSAL BAR BYAS PA YIN NO, ,GZHAN DAG GIS KYANG MNYAM PA NYID LA DGONGS PAR STON PA NI, BYANG CHUB JI LTA BAR SEMS CAN THAMS CAD KYANG DE BZHIN NO ZHES GSUNGS TE, MNYAM PA ZHES BYA BA NI LHAG MA'O, ,CI'I PHYIR DE LTAR YIN ZHE NA MED PA'I PHYIR ZHES GSUNGS TE, RNAM PAR BRTAGS PA'I BDAG NYID KYIS MED PA'I PHYIR RO, ,DES NI MNYAM PA NYID KHO NAR BSTAN TO, ,CI'I PHYIR MED CE NA, GANG GI PHYIR YOD PA THAMS CAD NI SPYOD PA MED PA STE; SPYOD PA NI SGRUB PA STE, DE DANG BRAL BA ZHES BYA BA'I THA TSIG GO, ,SPYOD PA DE YANG BYANG CHUB STE MNYAM PA NYID KHO NA YIN NO, ,DE BAS NA BYANG CHUB GANG YIN PA'I GTAN TSIGS DES NA SKYE BA MED PA YANG DE YIN, 'BYUNG BA MED PA YANG DE YIN TE MDO SDE DE DANG DE DAG THAMS CAD @175A *, ,LAS BRTAN PA ZHES BYA BA NI TSIG LTAG MA'O, ,DE NI MTSON PAR BYED PA YIN TE, DNGOS PO MED PA YANG DE YIN, MNGON PAR 'DU BYED PA MED PA YANG DE YIN ZHES BYA BA LA SOGS PA YANG KHONG DU CHUD PAR BYA'O, ,CHOS THAMS CAD DE LTA BU 'DI LA ZHES BYA BA NI 'DOD CHAGS LA SOGS PA LA STE, BYANG CHUB DANG 'DOD CHAGS DE NI GNYIS SU MED CING GNYIS SU BYAR MED SO SO MA YIN ZHES BYA BA LA SOGS PAS MNYAM PA NYID LA DGONGS PAR STON PA LA ZHES BYA BA NI DON DE ZHUM PA MED PAS ZHES BYA BAR SBYAR RO, ,DE LTA BU'I CHOS 'DI LA ZHUM PA MED PAR 'DOD PA'I ZHES BYA BA NI GAL TE SKYE BA MED PA DE BYANG CHUB YIN NA BDAG CI'I PHYIR DE SKYED PA'I PHYIR BRTZON PAR BYED CES DNGANG BAR MI 'GRO BAR 'DOD PAS ZHES BYA BA YIN NO, ,DA NI BCOM LDAN 'DAS RANG NYID KYI RGYU DANG BCAS BA'I 'BRAS BU YANG SHES RAB KYI PHA ROL TU PHYIN PA LAS BYUNG BA YIN PAR BSTAN PA'I PHYIR, 'JAM DPAL GANG DE BZHIN GSHEGS PA'I RNAM PAR 'PHRUL PA NAS ZHES BYA BA LA SOGS PA GSUNGS SO, ,DE BZHIN GSHEGS PA'I RNAM PAR 'PHRUL PA NI BYANG CHUB SEMS DPA' GNAS SKABS NA BYANG CHUB SEMS DPA'I SPYOD PA MDZAD PA'O, ,DE BZHIN GSHEGS PA'I RNAM PAR ROL PA NI SANGS RGYAS PA'I GNAS SKABS NA CHOS KYI 'KHOR LO BSKOR BA DANG, CHO 'PHRUL CHEN PO DANG SPRUL PA STON PA LA SOGS PA'O, ,BAR GYI TSIG GIS BDUD DANG GANG PO LAS RGYAL BA LA SOGS PA DE BZHIN GSHEGS PA'I SA BRJID RNAMS GZUNG NGO, ,RNAM PA DE LTA BU GZHAN DAG KYANG NGO; ,DE CI'I PHYIR ZHE NA ZHES BYA BA NI SBYIN PA DANG TSUL KHRIMS LA SOGS PA YANG DER YAN LAG NYID YIN NA SHES RAB KYI PHA ROL TU PHYIN PA LA LHAG PA CI YOD CE NA, LAN DU DE NI BSTAN DU MED PA YIN TE ZHES BYA BA YIN TE, 'DI LA DPE BSTAN DU YOD PA MA YIN PAS BSTAN DU MED PA'O, ,DGONGS PA NI 'DI LTA STE, SHES RAB KYI PHA ROL TU PHYIN PA 'DI NI DPE MED PA STE, DE YONGS SU SMOS PA NYID KYIS NI GZHAN STOBS CAN DAG KYANG DPE MED PA YIN PAR 'GYUR RO, ,DE BAS NA 'DI GTZO BO YIN PA'I PHYIR SHES RAB KYI PHA ROL TU PHYIN PA 'DI NYID LAS BSTAN TO ZHES GSUNGS SO, ,CI DON DAM @175B PA KHO NAR DE LAS BSTAN NAM ZHE NA MA YIN TE, 'DI LTAR SHES RAB KYI PHA ROL TU PHYIN PA NI MI STON PA'I PHYIR RO ZHES BYA BA YIN TE, RNAM PAR RTOG PA DANG MA 'BREL PA'I PHYIR RO ZHES DGONGS PA'O, ,DE'I DBANG GIS 'JIG RTEN PA RNAMS LA DE LTAR SNANG BA YIN PAS DE BAS NA BSTAN ZHES GSUNGS SO, ,'DI MAN CHAD 'JAM DPAL DGE SLONG NGAM DGE SLONG MA 'AM ZHES BYA BA LA SOGS PAS NI MDO SDE 'CHANG BA LA SOGS PA'I PHAN YON STON TO, ,TSIG BZHI PA'I TSIGS SU BCAD PA TZAM YANG ZHES BYA BA NI GANG DAG LA TSIGS SU BCAD PA 'GA' TZAM YANG MED KYI TSIG LHUG PAR 'DUG PA LA YANG DE TZAM MO, ,LUS KYI SDOM PA LEGS PA STE, ,NGAG GI SDOM PA LEGS PA YIN, ,YID KYI SDOM PA LEGS PA STE, ,KUN TU SDOM PA'ANG LEGS PA YIN, ,KUN TU SDOM PA'I DGE SLONG NI, ,SDUG BSNGAL KUN LAS GROL BAR 'GYUR, ,ZHES BYA BA LA SOGS PA'I TSIGS SU BCAD PA YANG YOD PAS TSIG BZHI PA ZHES SMOS SO, ,PHYIR MI LDOG PA'I SA BON YOD PA'I PHYIR PHYIR MI LDOG PA'O, ,GANG DAG DE BZHIN NYID KYI PHYIR SGRUB PA LTA CI SMOS ZHES BYA BA LA, DE BZHIN NYID KYI DNGOS PO DE LTA BU'I PHYIR SHES RAB KYI PHA ROL TU PHYIN PA 'DI DON DAM PA'I PHYIR SGRUB PA NI SHIN TU YANG PHYIR MI LDOG PAR 'GYUR TE, SHIN TU NYE BA YIN PA'I PHYIR RO, ,LTA CI SMOS ZHES BYA BA NI DE LA BRJOD PAR BYA BA YANG CI YOD, MA GSUNGS KYANG MNGON MOD CES BYA BA'I BAR DU YIN NO, ,RIGS KYI BU 'AM RIGS KYI BU MO DE DAG NI BYANG CHUB TU NGES PAR RIG PAR BYA'O ZHES BYA BA NI DE BYANG CHUB 'THOB PA LA RGYUD NGES PA BLANGS PA'I PHYIR RO, ,NYAN THOS DANG RANG BYANG CHUB KYI CHED DU SANGS RGYAS KYI YUL NA GNAS PA YIN PAR DE BZHIN GSHEGS PAS MKHYEN, DE BZHIN GSHEGS PAS GZIGS ZHES BYA BA'I THA TSIG GO, ,GANG DAG SHES RAB KYI PHA ROL TU PHYIN PA ZAB MO MA SKYES PA DANG, DNGOS PO MED PA DANG, 'BYUNG BA MED PA'I BAR 'DI THOS NAS DNGANG BAR MI 'GYUR BAR DU BYED PA DANG, GONG DU YANG MOS PAR BYED PA NI TSIG TU BRJOD PA THOS NAS MI SKRAG PA LA SOGS PA GZUNG NGO, ,DE DAG NI SANGS RGYAS KYI CHOS THAMS CAD LA NGES PAR 'GYUR RO ZHES BYA BA @176A *, ,NI STOBS LA SOGS PA LA STE SHIN TU NYE BAR GYUR PA'I PHYIR RO, ,'GA' ZHIG RTOG PA CI'I PHYIR SANGS RGYAS BCOM LDAN 'DAS KYIS BKA' STZAL PA, MTHA' MED PA DAG NAS DE LTAR BYANG CHUB SEMS DPA' BSHAD PA DAG GI YON TAN RGYAS PAR STON CE NA, 'DIR 'JAM DPAL NGAS SANGS RGYAS KYIS GNANG BA DE BZHIN GSHEGS PAS RNAM PAR MKHYEN PA, DGRA BCOM PA THAMS CAD KYIS YANG DAG PAR MNOS PA'I PHYAG RGYA 'DI GZHAG PAR BYA STE ZHES GSUNGS TE, THA MA'I TSIG 'DI DBUS LA SBYAR BA'I PHYIR RO, ,PHYAG RGYA NI STON PA'I RANG BZHIN YIN TE, CHOS KYI DE KHO NA NYID KYI RTAGS SU GYUR PA'I PHYIR RO, ,'DI SKAD BSTAN TE, RIGS KYI BU DAG RDO RJE'I SNYING PO 'CHAD PA BZHIN DU DA LTAR GYI TSE SHOD CIG CES SANGS RGYAS KYIS GNANG BA YIN NO, ,'CHAD PAR GYUR PA LA YANG DE'I ZHAL GZIGS NAS SNYAN GYIS GTONG BA'I PHYIR DE BZHIN GSHEGS PAS RNAM PAR MKHYEN PA YIN NO, ,BSHAD ZIN PA YOD PA YANG DGRA BCOM PA THAMS CAD KYIS KHAS BLANGS PA YIN NO, ,DGRA BCOM PA SMOS PA NI SO SO'I SKYE BO DANG, BYANG CHUB SEMS DPA' LA SOGS PA YANG MTSON PAR BYED PA YIN NO, ,'DI GZHAG PAR BYA STE ZHES BYA BA NI 'JIG RTEN DU'O, ,'DI SANGS RGYAS KYIS GNANG BA 'BA' ZHIG TU MA ZAD KYI, 'ON KYANG SANGS RGYAS THAMS CAD MNYAM PA NYID CHAGS PA MED PAR YONGS SU BSTAN PA 'DI LA YANG ZHES BYA BA LA MNYAM PA KHO NA MNYAM PA NYID DE 'DRA ZHES BYA BA'I DON TO, ,CHAGS PA MED PA NI STONG PA NYID DE, DE YONGS SU BSTAN TO, ,GANG ZHE NA CHOS THAMS CAD KYI BAR DU BSTAN TO, ,BAR GYI SGRAS MA LUS PAR BSTAN TE, SBYIN PA'I PHA ROL TU PHYIN PA LA SOGS PA GZUNG NGO, ,SKABS NAS 'PHROS PA YONGS SU BSTAN NAS, YANG BSNGAGS PA YONGS SU STON PA NI 'JAM DPAL BYANG CHUB SEMS DPA'I THEG PA'I RIGS KYI BU 'AM RIGS KYI BU MO PHYAG RGYA 'DIS BTAB PA NI ZHES BYA BA LA SOGS PA GSUNGS TE, PHYAG RGYAS BTAB PA NI RTAGS BTAB PA STE, DE KLOG PA DANG BSGOM PA LA BRTZON PA'I PHYIR RO, ,NGAN SONG DU 'GRO BA'I SKAL BA CAN MA YIN PA NI MI RIGS PA'O, ,NYAN THOS DANG RANG SANGS RGYAS SU 'GRO BA'I SKAL BA CAN MA YIN PA NI THOG MAR DE'I @176B BSAM PAS GNAS PA MA YIN NO, ,'JUG PA'I SKAL BA CAN MA YIN PA NI BSAM PA GNAS SU ZIN KYANG, PHYIS DER 'JUG PA'I BRTZON PA DANG, SBYOR BAR MI BYED PA'O, ,DE DAG GI RNA LAM DU GRAG PAR 'GYUR BA NI RNA BA'I SPYOD YUL DU 'GYUR BA'O, ,KOO SHI KA DE DE BZHIN NO ZHES BYA BA NI RJES SU GNANG BA'I SBYIN PA STE, DE DAG LA LHA DE DAG GIS BSTAN PA YIN NO ZHES BYA BA'I THA TSIG GO, ,'DI LTAR DE LTAR LHA DE DAG GIS BYIN GYIS BRLABS PA DE DAG LA SANGS RGYAS KYI CHOS THAMS CAD 'GRUB PAR BLTA STE, NYE BAR GYUR PA'I PHYIR DE LTAR LHA RNAMS KYIS YONGS SU BZUNG BA YIN NO, ,DE DAG BLA NA MED PA YANG DAG PAR RDZOGS PA'I BYANG CHUB TU YANG NGES PAR SHES PAR BYA'O ZHES BYA BA 'DI BLTA BAR BYA'O ZHES BYA BA'I DON YIN NO, ,'DI BYIN GYIS BRLAB TU GSOL, BDE BAR GSHEGS PA BYIN GYIS BRLAB TU GSOL ZHES BYA BA NI 'DI LEGS PAR BSHAD PA YIN NO ZHES DE BZHIN DU KHAS LEN PA STE, MA 'ONGS PA'I DUS NA BDUD DANG MU STEGS LA SOGS PAS SHIN TU JI LTAR YANG SKABS RNYED PAR MI 'GYUR RO ZHES BSTAN PA'I PHYIR LAN GNYIS SU GSUNGS SO, ,YANG NA JI LTAR DE DAG GIS RANG GI DON PHUN SUM TSOGS PA RING PO MI THOGS PAR 'GRUB PAR 'GYUR BA DE LTAR BYIN GYIS BRLAB TU GSOL, JI LTAR GZHAN GYI DON PHUN SUM TSOGS PA BSGRUB PA'I PHYIR, ,DE DAG MYUR DU 'GRUB PAR 'GYUR BA DE LTAR YANG BYIN GYIS BRLAB TU GSOL ZHES BYA BA YIN NO, ,BCOM LDAN 'DAS KYIS 'DZUM PA MDZAD PA NI CUNG ZAD BZHAD PA'O, ,'JIG RTEN GYI KHAMS 'DI SNANG BA 'OD CHEN POS RGYAS PAR KHYAB PAR GYUR TO, ,BCOM LDAN 'DAS 'DI NI DE BZHIN GSHEGS PAS SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA'I SNGA LTAS LAGS SO ZHES BYA BA NI TSIG ZUR DU KLAG PA'AM, CI LAGS ZHES BYA BA KHONG NAS DBYUNG NGO, ,'JAM DPAL 'DI DAG NI SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA'I SNGA LTAS RNAMS TE ZHES BYA BA NI DE DE BZHIN NO ZHES ZHAL GYIS BZHES PA'O, ,PHYAG RGYA 'DIS BTAB PA ZHES GSUNGS NA DE LA JI LTAR BTAB PA MI SHES PAS DE'I PHYIR, 'JAM DPAL GANG DAG CHOS GANG YANG MED PA YIN NO ZHES MI SPANG ZHING MI ZLOG LA @177A *, ,BSNGAGS PAR YANG MI BYED PA DE DANG DE DAG NI PHYAG RGYA 'DIS BTAB PAR SHES PAR BYA'O ZHES GSUNGS TE, DE DANG DE DAG CES LAN GNYIS SMOS PA NI NGES PAR GZUNG BA 'AM RAB TU DGYES PA YIN NO, DE CI'I PHYIR ZHE NA ZHES BYA BA NI KUN TU BRTAGS PA DANG, GZHAN GYI DBANG NYID YUL DE LA 'GAG BA DANG, KHAS BLANGS PA MED PAR JI LTAR 'JUG CES SEMS PA'O, ,LAN NI 'JAM DPAL DMIGS PA YOD NA SPONG BAR BYED PA DANG BSNGAGS PAR BYED PAR 'GYUR BA'I PHYIR RO ZHES BYA BA YIN NO, ,BSAM PA NI 'DI LTA STE SGRUB PA DANG 'GOG PA THAMS CAD NI DMIGS PA SNGON DU SONG BA CAN YIN PAR DE DAG JI LTAR SNGAR BSTAN PA YIN TE, GCIG LA DMIGS PA DANG, MI DMIGS PA MED PA'I PHYIR RO, ,'DI MI DMIGS PA YIN NO ZHES BLOS MI DMIGS PA NI RTOG PA LAS BYUNG BA YIN NO, ,DE YANG KUN RDZOB KHO NA YIN PAR THA SNYAD GDAGS PAR RIGS KYI, YANG DAG PA NI MA YIN TE DMIGS PAR BYA BA RGYAS PAR BKAG ZIN PA'I PHYIR RO, ,GTAN TSIGS DE BAS NA SPONG BAR YANG MI BYED LA, BSNGAGS PAR YANG MI BYED DO, ,'JAM DPAL DE LTA BAS NA GANG DAG PHYAG RGYA 'DIS BTAB PA DE DAG GI CHED DU NGAS PHYAG RGYA 'DI BZHAG STE ZHES BYA BA NI MJUG SDUD PA YIN NO, ,DE DAG GI CHED DU ZHES BYA BA NI, DE'I DON DANG DE'I PHYIR ZHES BYA BA'I BAR DU YIN NO, ,BCOM LDAN 'DAS NI SEMS CAN THAMS CAD LA STE'U DANG TZAN DAN LA THUGS MNYAM PA LTA BU YIN NA, CI'I PHYIR NYI TSE BA'I CHOS 'CHAD PAR BRTZON PA MDZAD CE NA, 'DI LTAR BDAG NYID CHEN PO DE DAG NI CHOS GANG LA YANG STON PA MED DO ZHES GSUNGS SO, , CI'I PHYIR ZHE NA, 'DI LTAR RNAM PAR RTOG PA MED DO ZHES BYA BA YIN TE, CHOS GANG LA YANG ZHES BYA BAR SNYEGS SO, ,TSIG NI RNAM PAR RTOG PA SNGON DU SONG BA YIN NO, ,RNAM PAR RTOG PA MED PAR 'BYUNG BAR NUS PA MA YIN NO ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI CI NUS PA DANG BRAL BA'I PHYIR RNAM PAR MI RTOG CING MI 'CHAD PA YIN NAM, 'ON TE GTAN TSIGS GZHAN ZHIG YOD, ,GAL TE RNAM PAR RTOG PA DANG PO LTAR YIN NA NI DE'I TSE DE DAG GZHAN LAS BYE BRAG CUNG ZAD KYANG YOD PA MA YIN PAS CI'I PHYIR DE DAG GI CHED DU GZHAG GO ZHES BYA, PHYOGS GNYIS PA LTAR NA NI GTAN TSIGS GZHAN @177B BSTAN PA MED DO ZHE NA, 'DIR RNAM PAR RTOG PA GNYIS PA LA DGONGS PA YIN NO ZHES DGONGS NAS GTAN TSIGS GZHAN BSTAN PA'I CHED DU, 'JAM DPAL CHOS THAMS CAD DON DAM PAR MA SKYES PA'I PHYIR RO ZHES GSUNGS TE, BRJOD PAR BYA BA DANG DMIGS PAR BYA BA RNAM PAR BRTAGS PA'I NGO BO 'CHAD PA THAMS CAD MA SKYES PA YIN NO ZHES BSTAN ZIN TO, ,DE BAS NA DE SGOM PA LA DGA' BA RNAMS 'CHAD PAR MI BYED, RNAM PAR RTOG PAR MI BYED DO, ,'ON KYANG SKYES BU CHEN PO BDAG SHES PA DE DAG NI SMAN GYI LJON SHING LTA BU'I CHOS 'CHAD PA THUN MONG MA YIN PA'I DGONGS PAS BSGRUB PA DAG GIS KYANG DE DAG LA PHAN PA 'BYUNG BA KHO NA YIN PAS DE DAG GI CHED DU GZHAG GO ZHES BYA'O, ,STONG PA NYID MCHOG GI DBANG DU BYAS TE, DE DAG NI CHOS GANG YANG SPONG BA MA YIN NO ZHES BYA BA LA SOGS PA 'DI DAG THAMS CAD BRJOD PA YIN NO, ,KLOG PA LA SOGS PA TZAM 'JUG PA YANG PHYAG RGYA NYID YIN NO, ,BSTAN MA THAG PA'I MDO SDE RIN PO CHE MTHA' DAG GI DE KHO NA NYID BCOM LDAN 'DAS THUGS DGYES SHING DE SKAD CES BKA' STZAL TO, ,JI LTA BU ZHE NA DGYES SHING THUGS DGYES PA'O, ,GZHAN DAG GIS KYANG 'DIR BSHAD PA CUNG ZAD YOD MOD KYI, DE NI BCOM LDAN 'DAS KYI DBANG GIS YIN PA'I PHYIR RO, ,'JAM DPAL GZHON NUR GYUR PA DANG ZHES BYA BA LA, DANG GI SGRA NI PHYI MA DAG LA YANG LTOS NAS DE BSDU BAR BYA BA'I PHYIR RO, ,YANG NA SNGA MA LA LTOS PA KHO NA YIN TE, BCOM LDAN 'DAS THUGS DGYES SHING DE SKAD CES BKA' STZAL PA, DE BZHIN DU 'JAM DPAL GZHON NUR GYUR PA YANG THUGS DGYES SHING DE SKAD CES GSUNGS SO ZHES SBYAR RO, ,BYANG CHUB SEMS DPA' SEMS DPA' CHEN PO DE DAG DANG ZHES BYA BA NI 'PHAGS PA MA PHAM PA LA SOGS PA YANG THUGS DGYES PA'I TSIG SPROS TE SBYAR BAR BYA'O, ,NYAN THOS CHEN PO DE DAG DANG ZHES BYA BA NI 'PHAGS PA SH'A RI'I BU LA SOGS PA'O; ,LHA DANG MI DANG, LHA MA YIN DANG, DRI ZA RNAMS DANG THABS CIG PAS LHA DANG MI DANG LHA MA YIN DANG DRI ZAR BCAS PA'I 'JIG RTEN ZHES BYA'O, ,DE DAG MA GTOGS PAR 'JIG RTEN GZHAN SU ZHIG YOD NA DE DAG DANG BCAS PA ZHES BYA ZHE NA, SPYI DANG SPYI CAN LA LTOS NAS DE SKAD BSHAD @178A *, ,PA'I PHYIR 'DI LA NYES PA MED DO, ,YANG NA MI 'AM CI DANG, LTO 'PHYE CHEN PO DANG, NAM MKHA' LDING LA SOGS PA YANG YIN PAS DE LA BRGAL DU MED DO, ,DE DAG THAMS CAD KYANG MCHOG TU DGA' BA SHIN TU SKYES NAS, BCOM LDAN 'DAS KYIS LEGS PAR GSUNGS PA'I CHOS KYI DBANG PHYUG DAM PA THUGS RJE'I RANG BZHIN YIN GYI RDUL PHRAN GYIS BSGRUBS PA'I SKU MA YIN PA'I PHYIR TE, DE LTA BU DE LA MNGON PAR BSTOD DO, ,CI'I PHYIR BCOM LDAN 'DAS THUGS DGYES SHING 'JAM PA'I DBYANGS LA SOGS PA YANG THUGS RANGS PA SKYES SHE NA BSHAD PA, BCOM LDAN 'DAS KYIS DAM PA'I CHOS ZAB MO THOS PAS GZHAN LA PHAN THOGS PAR 'BYUNG BAR GZIGS PA DANG, DE LAS GZHAN DAG GIS KYANG SHIN TU MCHOG TU GYUR PA'I RANG LA PHAN PA DANG, GZHAN LA PHAN PA RAB TU DGA' BA'I RGYU YOD PA'I PHYIR, THUGS RAB TU DGA' BA SKYES SO ZHES BYA'O, ,'DI DAG THAMS CAD NI SDUD PA PO SA 'JIG RTEN GYI THA SNYAD LA LTOS NAS TSIG TU BCOM LDAN 'DAS DGYES SHING DE SKAD BKA' STZAL NAS ZHES BYA BA YIN NO, ,'PHAGS PA SHES RAB KYI PHA ROL TU PHYIN PA BDUN BRGYA PA RGYA CHER BSHAD PA, SLOB DPON KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO BI MA LA MI TRA DANG, LI'I MKHAN PO SU RENDRA KA RA PRA BH'A DANG, ZHU CHEN GYI LO TZ'A BA DGE SLONG NAM MKHA' SKYONG GIS BSGYUR CING ZHUS TE GTAN LA PHAB PA'O, ,*, ,RGYA GAR SKAD DU, A'ARYA BHA GA BA T'I PRADZNY'A P'A RA MI T'A BADZRA TZTSE DI K'A Y'A:SAPTA D'ARTHA t'I K'A, BOD SKAD DU, 'PHAGS PA BCOM LDAN 'DAS MA SHES RAB KYI PHA ROL TU PHYIN PA RDO RJE GCOD PA'I DON BDUN GYI RGYA CHER 'GREL PA, 'PHAGS PA SHES RAB KYI PHA ROL TU PHYIN PA LA PHYAG 'TSAL LO, ,MTSUNGS MED SANGS RGYAS CHOS RNAMS SKYED MDZAD LA, GANG ZHIG CHOS DBYINGS GSO BA'I MA MA STE, ,DBYE DKA'I RDO RJE GZHAN DON GRUB GANG YIN, ,GANG ZHIG BZUNG BAS 'PHAGS KUN SKYED PA'AM YIN, ,GANG YANG MTSAN TZAM BTAGS PA'I MTHU MNGA' BA, ,RDO RJER BOD PA PHAR PHYIN THU BO STE, ,GANG GIS DE BSTAN GSUNG LAS DE'I DON GANG, ,THOS NAS BDAG KYANG DE 'DZIN LA BRTZON GYUR, ,DE YI DE DAG RNAMS @178B KYANG RIG PA'I PHYIR, ,DE LA DNGOS PO KUN GYI SPYI BOS 'DUD, ,GZHAN GYI BSHAD SBYAR DON DE GZUNG BYA'I PHYIR, ,RNAM PAR BSHAD LA BDAG KYANG 'BAD PA YIN, ,DON GYI GNAS BDUN DU RNAM PAR GZHAG PAS SHES RAB KYI PHA ROL TU PHYIN PA 'DI RNAM PAR GZHAG PA YIN NO, ,DON GYI GNAS BDUN PO RNAMS NI 'DI LTA STE, SANGS RGYAS KYI GDUNG RGYUN MI 'CHAD PA DANG, RAB TU SBYOR BA'I MTSAN NYID DANG, DE'I RTEN DANG, GNYEN PO DANG, MI NYAMS PA DANG, SA DANG, MTSAN GYI RGYU MTSAN NO, ,DON GYI GNAS BDUN PO 'DI RNAMS NI SHES RAB KYI PHA ROL TU PHYIN PA'I RTEN YIN PA'I DON GYIS NA DON GYI GNAS ZHES BRJOD PAR BYA'O, ,DON GYI GNAS DRUG PO RNAMS KYIS BYANG CHUB SEMS DPA'I BYA BA YONGS SU RDZOGS LA, BDUN PAS NI CHOS KYI RNAM GRANGS 'DI'I DGOS PA YONGS SU BSTAN PAR RIG PAR BYA'O, ,SHES RAB KYI PHA ROL TU PHYIN PA 'DI YANG SANGS RGYAS KYI GDUNG RGYUN MI 'CHAD PA LAS BRTZAMS PA YIN TE, SANGS RGYAS KYI GDUNG JI LTAR RGYUN MI 'CHAD PAR 'GYUR BA'O, ,DE NYID GNAS BRTAN RAB 'BYOR GYIS DANG PO NYID DU BCOM LDAN 'DAS DE BZHIN GSHEGS PAS BYANG CHUB SEMS DPA' CHEN PO RNAMS LA PHAN BTAGS PA JI SNYED PAS PHAN BTAGS PA NI NGO MTSAR TO ZHES RGYAS PAR TE, DE LA PHAN BTAGS PA NI MNGON PAR RDZOGS PAR BYANG CHUB STE CHOS KYI 'KHOR LO BSKOR BA'I DUS SU BYANG CHUB SEMS DPA' RNAMS YONGS SU SMIN PA STE, DON GYI GNAS LNGA PO RNAMS SU BYANG CHUB SEMS DPA' CHOS NYID LA RAB TU GZHAG PA'I PHYIR RO, ,YONGS SU GTAD PA NI YONGS SU MA SMIN PA DE RNAMS LA PHAN BTAGS PA STE, YONGS SU MYA NGAN LAS 'DAS PA'I DUS DE DAG NYID RAB TU GNAS PAR BYA BA'I CHED DU'O ZHES PHAN BTAGS PA DANG YONGS SU GTAD PA DAG GIS GDUNG RGYUN MI 'CHAD PA YONGS SU BSTAN TO, ,RAB TU SBYOR BA'I MTSAN NYID NI CI LTAR BYANG CHUB SEMS DPAS GNAS PAR BYA ZHES BYA BA DE LTA BU LA SOGS PA STE, DE LA GNAS PAR BYA BA NI 'DUN PA DANG SMON LAM GYIS SO, ,BSGRUB PAR BYA BA NI RNAL 'BYOR LA SNYOMS PAR 'JUG PA LAS SO, ,SEMS RAB TU GZUNG BAR BYA BA NI RNAM PAR G-YENG BA TSAR GCOD PA LAS SO, ,DE LA 'DUN PA NI MNGON PAR 'DOD PA YIN LA, SMON @179A *, ,LAM NI MNGON PAR 'DOD PA'I DON LA SEMS PAS SEMS MNGON PAR 'DU BYED PA GANG YIN PA'O, ,RNAL 'BYOR LA SNYOMS PAR 'JUG PA NI RNAM PAR MI RTOG PA'I TING NGE 'DZIN GANG YIN PA'O, ,RNAM PAR G-YENG BA TSAR GCOD PA NI SNYOMS PAR 'JUG PA MA YIN PA LA BSTOD PA LAS BZLOG NAS DE NYID DU 'JOG PAR BYED PA STE, DANG POS NI LAM YONGS SU 'DZIN LA, GNYIS PAS LAM RDZOGS PAR BYED CING, ,GSUM PAS NI LAM MI NYAMS PAR YONGS SU BSTAN TO, ,DE'I RTEN NI RAB TU SBYOR BA'I MTSAN NYID DE NYID KYI STE RTEN GANG YIN PA DE YANG RNAM PA BCO BRGYAD DU RIG PAR BYA'O; ,'DI LTA STE, SEMS BSKYED PA DANG, PHA ROL TU PHYIN PA'I SBYOR BA DANG, GZUGS KYI SKU THOB PAR 'DUN PA DANG, CHOS KYI SKU THOB PAR 'DUN PA DANG, BSGOM PA'I KHYAD PAR RTOGS PA LA MNGON PA'I NGA RGYAL MED PA NYID DANG, SANGS RGYAS 'BYUNG BA MNYES PAR BYED PA NYID DANG, ZHING YONGS SU DAG PA'I SMON LAM DANG, SEMS CAN YONGS SU SMIN PAR BYED PA DANG, PHYI ROL PA'I BSTAN BCOS SNYING PO MED PA LA RJES SU CHAGS PAS DBEN PA DANG, GZUGS KYI SEMS CAN GYI LUS LA RIL POR 'DZIN PA DANG BRAL BA'I SBYOR BA DANG, DE BZHIN GSHEGS PA MCHOD CING BSNYEN BKUR BA DANG, DUB PA'I YONGS SU GDUNG BA LA BRTZON PA BZLOG NAS MA BRTZAMS PA'I RNYED PA DANG BKUR STIS DBEN PA DANG, SDUG BSNGAL BZOD PA NYID DANG, TING NGE 'DZIN GYI RO MYANG BAS DBEN PA DANG, MNGON PAR RTOGS PA'I DUS SU BDAG GO SNYAM DU 'DZIN PAS DBEN PA DANG, GDAMS NGAG YONGS SU TSOL BA DANG, MNGON PAR RTOGS PA DANG, DE LAS GONG DU SANGS RGYAS KYIS YONGS SU TSOL BA'O, ,RNAM PA BCO BRGYAD PO 'DI RNAMS NI RTEN TE, GANG LA BYANG CHUB SEMS DPA' GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA YIN NO; ,SEMS CAN THAMS CAD YONGS SU MYA NGAN LAS BZLA BA'I PHYIR SEMS BSKYED NAS PHA ROL TU PHYIN PA RNAMS LA RAB TU SBYOR ZHING DE BZHIN BSHAGS PA'I GZUGS KYI SKU 'AM CHOS KYI SKU RTOGS PAR 'DUN PA SKYED PAR BYED LA, MNGON PAR RTOGS PA'I GEGS KYIS SEMS RNAM PAR DBEN PAR @179B BYED CING MNGON PA'I NGA RGYAL BSAL NAS MTHAR THUG PAR BYA BA'I PHYIR SEMS RNAM PAR DBEN PA MNGON PAR RTOGS PA'I GDAMS NGAG YONGS SU TSOL LA, DE LAS NI MNGON PAR RTOGS PAR BYED DE DE LAS GONG DU SANGS RGYAS KYIS YONGS SU TSOL BAR BYED DE DE LTAR 'DI DANG 'DI RNAMS KYI RIM PA SHES PAR BYA'O; ,DE LA SEMS BSKYED PA'I DBANG DU BYAS NAS BYANG CHUB SEMS DPA' 'DI LTAR SEMS BSKYED PAR BYA'O ZHES BYA BA DE LTA BU LA SOGS PA GANG GSUNGS PA YIN NO, ,PHA ROL TU PHYIN PA SBYOR BA'I DBANG DU BYAS NAS, BYANG CHUB SEMS DPAS DNGOS PO LA MI GNAS PAR SBYIN PA SBYIN PAR BYA'O ZHES BYA BA GSUNGS PA YIN NO, ,GZUGS KYI SKU THOB PAR 'DUN PA'I DBANG DU BYAS NAS, RAB 'BYOR DE JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA 'AM ZHES BYA BA DE LTA BU LA SOGS PA GSUNGS PA YIN NO, ,CHOS KYI SKU YANG RNAM PA GNYIS TE, BSTAN PA'I CHOS KYI SKU DANG, RTOGS PA'I CHOS KYI SKU'O, ,DE LA RTOGS PA'I CHOS KYI SKU YANG RNAM PA GNYIS TE, YE SHES KYI RANG BZHIN DANG, BSOD NAMS KYI RANG BZHIN NO, ,DE LA BSTAN PA'I CHOS KYI SKU THOB PAR 'DUN PA'I DBANG DU BYAS NAS, BCOM LDAN 'DAS MA 'ONGS PA'I DUS NA SEMS CAN GANG LA LA 'BYUNG BAR 'GYUR BA MCHIS SAM ZHES BYA BA DE LTA BU LA SOGS PA GSUNGS PA YIN NO ,PHYIN CI MA LOG PA'I DON GYI 'DU SHES KYANG 'DIR YANG DAG PA'I 'DU SHES SU RIG PAR BYA STE, SGRA JI BZHIN MA YIN PA'I DON DU MNGON PAR ZHEN PAS 'DI DAG YANG DAG PA'O SNYAM PA'I 'DU SHES SO; ,YE SHES KYI RANG BZHIN GYI CHOS KYI SKU THOB PAR 'DUN PA'I DBANG DU BYAS NAS, DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I CHOS 'GA' ZHIG YOD DAM ZHES BYA BA DE LTA BU LA SOGS PA GSUNGS SO, ,BSOD NAMS KYI RANG BZHIN GYI CHOS KYI SKU THOB PAR 'DUN PA'I DBANG DU BYAS NAS, GANG LA LA ZHIG GIS STONG GSUM GYI STONG CHEN PO'I 'JIG RTEN GYI KHAMS 'DI ZHES BYA BA LA SOGS PA GSUNGS SO, ,BSGOMS PAS KHYAD PAR RTOGS PA LA MNGON PA'I NGA RGYAL MED PA'I DBANG DU BYAS NAS RGYUN DU ZHUGS PA 'DI SNYAM DU @180A *, ,ZHES BYA BA DE LTA BU LA SOGS PA GSUNGS SO, ,SANGS RGYAS 'BYUNG BA MNYES PAR BYED PA NYID KYI DBANG DU BYAS NAS, DE BZHIN GSHEGS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD LAS GANG BLANGS PA'I CHOS DE GANG YANG YOD DAM ZHES BYA BA DE LTA BU LA SOGS PA GSUNGS SO, ,ZHING YONGS SU DAG PA'I SMON LAM GYI DBANG DU BYAS NAS, RAB 'BYOR BYANG CHUB SEMS DPA' GANG LA LA ZHIG 'DI SKAD DU BDAG GIS ZHING BKOD PA RNAMS BSGRUB PO ZHES BYA BA DE LTA BU LA SOGS PA GSUNGS SO, ,SEMS CAN YONGS SU SMIN PAR BYED PA'I DBANG DU BYAS NAS, RAB 'BYOR 'DI LTA STE DPER NA MI ZHIG GIS ZHES BYA BA DE LTA BU LA SOGS PA GSUNGS SO, ,PHYI ROL PA'I BSTAN BCOS SNYING PO MED PA LA RJES SU CHAGS PAS DBEN PA'I DBANG DU MDZAD NAS, RAB 'BYOR 'DI JI SNYAM DU SEMS GANG+G'A'I KLUNG GI BYE MA JI SNYED PA DE SNYED KYI GANG+G'A'I KLUNG DU GYUR LA ZHES BYA BA DE LTA BU LA SOGS PA GSUNGS SO, ,GZUGS KYI SEMS CAN GYI LUS LA RIL POR 'DZIN PA DANG BRAL BA'I SBYOR BA'I DBANG DU BYAS NAS, YANG RAB 'BYOR RIGS KYI BU'AM RIGS KYI BU MO GANG GIS STONG GSUM GYI STONG CHEN PO'I 'JIG RTEN GYI KHAMS NA SA'I RDUL RNAMS JI SNYED YOD PA ZHES BYA BA DE LTA BU LA SOGS PA GSUNGS SO, ,DE BZHIN GSHEGS PA MCHOD CING BSNYEN BKUR BA'I DBANG DU BYAS NAS, RAB 'BYOR 'DI JI SNYAM DU SEMS, SKYES BU CHEN PO'I MTSAN SUM CU RTZA GNYIS KYIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU BLTA 'AM ZHES BYA BA DE LTA BU LA SOGS PA GSUNGS SO, ,DUB PA DANG YONGS SU GDUNG BA LA BRTZON PA BZLOG NAS MA BRTZAMS PA'I RNYED PA DANG BKUR STIS DBEN PA'I DBANG DU BYAS NAS, YANG RAB 'BYOR SKYES PA 'AM BUD MED GANG GIS LUS GANG+G'A'I KLUNG GI BYE MA SNYED YONGS SU BTANG ZHES BYA BA LA SOGS PA GSUNGS SO, ,DE LA DUB PA NI LUS KYI YIN LA YONGS SU GDUNG BA NI SEMS KYI STE, DE DAG LA BRTZON PA BZLOG NAS MA BRTZAMS PA'I SDUG BSNGAL LA BZOD PA'I DBANG DU BYAS NAS, YANG RAB 'BYOR DE BZHIN GSHEGS PA'I PHA ROL TU PHYIN @180B PA GANG YIN PA ZHES BYA BA DE LTA BU LA SOGS PA GSUNGS SO, ,TING NGE 'DZIN GYI RO MYONG BAS DBEN PA'I DBANG DU BYAS NAS, YANG RAB 'BYOR SKYES PA'AM BUD MED GANG ZHIG LUS GANG G'A'I KLUNG GI BYE MA SNYED CES BYA BA DE LTA BU LA SOGS PA GSUNGS SO, ,MNGON PAR RTOGS PA'I DUS SU BDAG GO SNYAM DU 'DZIN PAS DBEN PA'I DBANG DU BYAS NAS BCOM LDAN 'DAS BYANG CHUB SEMS DPAS JI LTAR GNAS PAR BGYI ZHES BYA BA DE LTA BU LA SOGS PA GSUNGS SO, ,GDAMS NGAG YONGS SU TSOL BA'I DBANG DU BYAS NAS, DE BZHIN GSHEGS PAS DE BZHIN GSHEGS PA MAR ME MDZAD LAS GANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I CHOS DE GANG YANG YOD DAM ZHES BYA BA DE LTA BU LA SOGS PA GSUNGS SO, ,MNGON PAR RTOGS PA'I DBANG DU BYAS NAS, RAB 'BYOR 'DI LTA STE DPER NA MI ZHIG LUS DANG LDAN ZHING LUS CHEN PO ZHES BYA BA DE LTA BU LA SOGS PA GSUNGS SO, ,DE LA LUS DANG LDAN PA NI LUS THOB PA STE LUS RDZOGS PA SHIN TU MTHAR THUG PA'I GNAS GYUR PA THOB PA'I PHYIR RO, ,LUS CHE BA NI SEMS CAN THAMS CAD KYI LUS NYE BAR LEN PA'I PHYIR RO, ,DE LAS GONG DU SANGS RGYAS KYI SA YONGS SU TSOL BAR RIG PAR BYA STE, SANGS RGYAS KYI SA DE YANG, PHUN SUM TSOGS PA DRUG GIS YONGS SU BSDUS PA GNAS GYUR PA'O, ,PHUN SUM TSOGS PA DRUG NI 'DI LTA STE, ZHING YONGS SU DAG PA PHUN SUM TSOGS PA DANG, BLA NA MED PA'I MTHONG BA DANG YE SHES YONGS SU DAG PA PHUN SUM TSOGS PA DANG, BSOD NAMS KYI PHUNG PO LA DBANG PHUN SUM TSOGS PA DANG, SKU PHUN SUM TSOGS PA DANG, GSUNG PHUN SUM TSOGS PA DANG, THUGS PHUN SUM TSOGS PA'O, ,THUGS PHUN SUM TSOGS PA DE YANG DRAN PA NYE BAR GZHAG PA DANG, MNGON PAR RDZOGS PAR BYANG CHUB PA DANG, DON CHEN PO'I CHOS SU GDAGS PA DANG, DON CHEN PO'I GDAMS NGAG TU GDAGS PA DANG, CHOS KYI SKU YONGS SU BSDUS PA DANG, MYA NGAN LAS 'DAS PA DANG 'KHOR BA LA RAB TU MI GNAS PA DANG, RGYU BA DANG GNAS YONGS SU DAG PAR RIG PAR BYA STE, RGYU BA DANG GNAS PA YONGS SU DAG PA YANG RGYU BA DANG GNAS PA'I SPYOD LAM DANG, GZUGS @181A *, ,DANG MING LA RNAM PAR BSGOM PA'I DBANG 'BYOR BA NYID KYI RGYU BA DANG GNAS PA DANG, KUN NAS NYON MONGS PA MED PA'I RGYU BA DANG GNAS PA RNAMS SU RIG PAR BYA'O, ,KUN NAS NYON MONGS PA MED PA YANG STON PA LA KUN NAS NYON MONGS PA MED PA DANG, 'KHOR BA'I KUN NAS NYON MONGS PA MED PA DAG TU RIG PAR BYA'O, ,DE LA ZHING YONGS SU DAG PA PHUN SUM TSOGS PA'I DBANG DU BYAS NAS, RAB 'BYOR BYANG CHUB SEMS DPA' GANG ZHIG 'DI SKAD DU BDAG GIS ZHING BKOD PA RNAMS BSGRUB PO ZHES ZER NA ZHES BYA BA DE LTA BU LA SOGS PA GSUNGS SO, ,BLA NA MED PA'I MTHONG BA YONGS SU DAG PA PHUN SUM TSOGS PA'I DBANG DU MDZAD NAS, RAB 'BYOR 'DI JI SNYAM DU SEMS, DE BZHIN GSHEGS PA LA SHA'I SPYAN MNGA' SNYAM MAM ZHES BYA BA DE LTA BU LA SOGS PA GSUNGS SO, ,BLA NA MED PA'I YE SHES YONGS SU DAG PA PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, GANG G'A'I KLUNG GI BYE MA JI SNYED PA ZHES BYA BA DE LTA BU LA SOGS PA GSUNGS SO, ,BSOD NAMS KYI PHUNG PO LA DBANG BA'I DBANG DU BYAS NAS, RAB 'BYOR 'DI JI SNYAM DU SEMS, STONG GSUM GYI STONG CHEN PO'I 'JIG RTEN GYI KHAMS ZHES BYA BA DE LTA BU LA SOGS PA GSUNGS SO, ,DPE BYAD KYI SKU PHUN SUM TSOGS PA'I DBANG DU BYAS NAS, RAB 'BYOR DE JI SNYAM DU SEMS, GZUGS KYI SKU YONGS SU GRUB PAS DE BZHIN GSHEGS PAR BLTA'AM ZHES BYA BA DE LTA BU LA SOGS PA GSUNGS SO, ,MTSAN GYI SKU PHUN SUM TSOGS PA'I DBANG DU MDZAD NAS, RAB 'BYOR DE JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA 'AM ZHES BYA BA DE LTA BU LA SOGS PA GSUNGS SO, ,GSUNG PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, DE BZHIN GSHEGS PA 'DI SNYAM DU NGAS CHOS BSTAN TO ZHES BYA BA DE LTA BU LA SOGS PA GSUNGS SO, ,THUGS PHUN SUM TSOGS PA DRAN PA NYE BAR GZHAG PA'I DBANG DU BYAS NAS, RAB 'BYOR DE DAG NI SEMS CAN YANG MA YIN, SEMS CAN MED PA YANG MA YIN @181B ZHES BYA BA DE LTA BU LA SOGS PA GSUNGS SO, ,MNGON PAR RDZOGS PAR BYANG CHUB PA'I DBANG DU BYAS NAS, RAB 'BYOR 'DI JI SNYAM DU SEMS, DE BZHIN GSHEGS PAS GANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I CHOS DE GANG YANG YOD DAM ZHES BYA BA DE LTA BU LA SOGS PA GSUNGS SO, ,DON CHEN PO'I CHOS SU GDAGS PA'I DBANG DU BYAS NAS, YANG RAB 'BYOR STONG GSUM GYI STONG CHEN PO'I 'JIG RTEN GYI KHAMS NA RI'I RGYAL PO RI RAB JI SNYED YOD PA ZHES BYA BA LA SOGS PA DE LTA BU GSUNGS SO, ,DON CHEN PO'I GDAMS NGAG TU GDAGS PA'I DBANG DU BYAS NAS, RAB 'BYOR DE JI SNYAM DU SEMS, DE BZHIN GSHEGS PA 'DI SNYAM DU NGAS SEMS CAN RNAMS BKROL LO ZHES BYA BA DE LTA BU LA SOGS PA GSUNGS SO, ,CHOS KYI SKU YONGS SU BSDUS PA'I DBANG DU BYAS NAS, RAB 'BYOR 'DI JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA 'AM ZHES BYA BA DE LTA BU LA SOGS PA GSUNGS SO, ,RAB 'BYOR 'DI JI SNYAM DU SEMS, MTSAN PHUN SUM TSOGS PAS DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO SNYAM DU ZHES BYA STE, YANG DON CI ZHIG YIN ZHE NA, MTSAN PHUN SUM TSOGS PA'I BDAG NYID CAN GYI BYANG CHUB KYANG MTSAN PHUN SUM TSOGS PA'I RGYU CAN NO ZHES BYA BA YONGS SU GSAL BAR BYED PA'I DON TO, ,MYA NGAN LAS 'DAS PA LA RAB TU MI GNAS PA'I DBANG DU BYAS NAS, YANG RAB 'BYOR KHYOD 'DI SNYAM DU BYANG CHUB SEMS DPA'I THEG PA LA YANG DAG PAR ZHUGS PA RNAMS KYIS CHOS LA LA ZHIG RNAM PAR BSHIG GAM ZHES BYA BA DE LTA BU LA SOGS PA GSUNGS SO, ,'KHOR BA LA RAB TU MI GNAS PA'I DBANG DU BYAS NAS, RAB 'BYOR BYANG CHUB SEMS DPAS BSOD NAMS KYI PHUNG PO YONGS SU GZUNG BAR MI BYA 'AM ZHES BYA BA DE LTA BU LA SOGS PA GSUNGS SO, ,YONGS SU GZUNG BAR BYA BA NI RAB 'BYOR GZUNG BAR BYA BA MA YIN ZHES PA NI LAM GYIS GZUNG BAR BYA BA MA YIN TE, BSOD NAMS KYI PHUNG PO JI LTA BA BZHIN DU 'DI DAG KYANG YANG DAG @182A *, ,PAR SKYE BAR MI 'GYUR RO, ,RGYU BA DANG GNAS PA YONGS SU DAG PA SPYOD LAM GYI RGYU BA DANG GNAS PA YIN PA'I DBANG DU BYAS NAS, GANG LA LA ZHIG DE BZHIN GSHEGS PA BZHUD DAM ZHES BYA BA DE LTA BU LA SOGS PA GSUNGS SO, ,GZUGS DANG MING RNAM PAR BSGOM PA LA DBANG BAS RGYU BA DANG GNAS PA'I DBANG DU BYAS NAS, YANG RAB 'BYOR RIGS KYI BU 'AM RIGS KYI BU MO GANG GIS STONG GSUM GYI STONG CHEN PO'I 'JIG RTEN GYI KHAMS NA SA'I RDUL RNAMS JI SNYED YOD PA ZHES BYA BA DE LTA BU LA SOGS PA GSUNGS SO, ,'KHOR BA'I KUN NAS NYON MONGS PA MED PA'I RGYU BA DANG GNAS PA RNAMS LAS STON PA LA KUN NAS NYON MONGS PA MED PA'I DBANG DU BYAS NAS, YANG RAB 'BYOR BYANG CHUB SEMS DPA' GANG DPAG TU MED PA DANG GRANGS MED PA'I 'JIG RTEN GYI KHAMS ZHES BYA BA DE LTA BU LA SOGS PA GSUNGS SO, ,'KHOR BA'I KUN NAS NYON MONGS PA MED PA'I DBANG DU BYAS NAS, SKAR MA RAB RIB MAR ME DANG, ,SGYU MA ZIL PA CHU BUR DANG, ,RMI LAM GLOG DANG SPRIN LTA BUR, ,'DUS BYAS DE LTAR BLTA BAR BYA, ,ZHES BYA BA'I TSIGS SU BCAD PA 'DIS 'DUS BYAS KYI MTSAN NYID RNAM PA BZHI BSTAN TE, NGO BO NYID KYI MTSAN NYID DANG, CHAGS PA'I GNAS MA YIN PA'I RO MYANG BA'I MTSAN NYID DANG, NYES DMIGS KYI RJES SU 'GRO BA'I MTSAN NYID DANG, NGES PAR 'BYUNG BA'I RJES SU 'GRO BA'I MTSAN NYID DO, ,DE LA NGO BO NYID KYI MTSAN NYID NI MTSAN MA DANG BCAS PA'I LTA BA NI RNAM PAR SHES PA'O, ,DE LA MTSAN MA NI SKAR MA LTA BUR BLTA BAR BYA STE, DON GANG GIS SHE NA, MI SHES PA'I MUN PA LA DE SNANG BAR 'GYUR BA'I PHYIR DANG, YE SHES KYI SNANG BA LA YOD KYANG MI SNANG BAR 'GRO BA'I PHYIR RO, ,GANG ZAG DANG CHOS SU LTA BA NI RAB RIB CAN BZHIN DU BLTA BAR BYA STE, DON GANG GIS SHE NA, YOD PAR MA GYUR PA'I DON 'DZIN PAR BYED PA'I PHYIR RO, ,RNAM PAR SHES PA NI MAR ME DANG 'DRA BAR BLTA BAR BYA STE, DON GANG GIS SHE NA, SRED PA'I SNUM GYI NYE BAR LEN PA LA BRTEN NAS 'BAR BA'I PHYIR RO, ,DE LA CHAGS PA'I GNAS MA YIN PA'I RO MYANG BA'I @182B MTSAN NYID NI PHYIN CI LOG TU GZHAG PAR BYA BA'I YUL MYANG BA STE, DE SGYU MA BZHIN DU BLTA BAR BYA STE, DON GANG GIS SHE NA, PHYIN CI LOG GI SNANG BA YIN PA'I PHYIR RO, ,DE LA NYES DMIGS KYI RJES SU 'GRO BA'I MTSAN NYID NI MI RTAG PA'I RJES SU 'GRO BA'I PHYIR DANG, SDUG BSNGAL GYI RJES SU 'GRO BA'I YANG PHYIR RO, ,DE LA ZIL PA LTA BU NYID KYIS NA LUS SKAD CIG GIS MI RTAG PA DANG RJES SU 'BREL BA'I DE KHO NA NYID YONGS SU GSAL BAR BYAS SO, ,CHU BUR LTA BU YIN PA NYID KYIS TSOR BA SDUG BSNGAL DANG RJES SU 'BREL BA NYID NI CHU BUR LTA BU'O, ,GANG CUNG ZAD TSOR BA 'DI NI 'DIR SDUG BSNGAL LO ZHES BYAS NAS SDUG BSNGAL RNAM PA GSUM GYIS CI RIGS PAR TSOR BA SDUG BSNGAL TE, DE LA SKYE BA LAS BYUNG BA NI SDUG BSNGAL GYI SDUG BSNGAL NYI DO, ,'BRAL BA LAS BYUNG BA NI 'GYUR BA'I SDUG BSNGAL NYID DO, ,YANG DAG PAR SBYOR BA DANG MA BRAL BA LAS BYUNG BA NI 'DU BYED KYI SDUG BSNGAL NYID DO, ,DE YANG BSAM GTAN BZHI DANG GZUGS MED PA LA YANG SDUG BSNGAL YANG MA YIN BDE BA YANG MA YIN PA'I TSOR BA GTZO BO NYID KYIS RNAM PAR BZHAG GO, ,DE LA NGES PAR 'BYUNG BA'I RJES SU 'GRO BA'I MTSAN NYID NI, GANG ZAG DANG CHOS KYI BDAG MED PA DANG RJES SU 'BREL BA LA DMIGS PAS NGES PAR 'BYUNG BA'I PHYIR BDAG MED PA NI NGES PAR 'BYUNG BA'I MTSAN NYID DU BSHAD DO, ,DE LA RJES SU 'GRO BA YANG 'DAS PA LA SOGS PA'I 'DU BYED RNAMS RMI LAM LA SOGS PA LTA BU NYID DU YONGS SU GSAL BAR BYAS SO, ,DE LA 'DAS PA'I 'DU BYED RNAMS NI DRAN PA LA GNAS PA NYID KYIS RMI LAM LTA BU'O, ,DA LTAR BYUNG BA NI DUS YUN RING DU MI GNAS PA NYID KYIS GLOG LTA BU'O, ,MA 'ONGS PA NI DE'I SA BON GNAS NGAN LEN GYIS NAM MKHA' LTA BU'I SEMS LA G-YOGS PAR BYED PA NYID KYIS SPRIN LTA BU'O, ,DE LTAR NA DUS GSUM GYI 'DUS BYAS THAMS CAD KYI 'JUG PA YONGS SU SHES PA'I PHYIR 'DI RNAMS BDAG MED PAR RTOGS PAR BYA'O ZHES NGES PAR 'BYUNG BA'I RJES SU 'GRO BA'I MTSAN NYID YONGS SU GSAL BAR BSTAN PA YIN NO, ,DE DANG DE RNAMS KYI RTEN @183A *, ,RNAMS NI MNGON PAR 'DRA BA GSAL BAR BYED PA'I RTEN YIN TE, YONGS SU 'DZIN PA'I RTEN DANG, PHA ROL TU PHYIN PA RNAM PAR DAG PA'I RTEN DANG, 'DUN PA'I RTEN DANG, GEGS KYIS DBEN PA'I RTEN DANG, BSAM PA RNAM PAR DAG PA'I RTEN DANG, MTHAR THUG PA'I RTEN DANG, RGYA CHE BA'I RTEN DANG ZAB PA'I RTEN RNAMS SO, ,YONGS SU 'DZIN PA'I RTEN NI SEMS BSKYED PA'O, ,PHA ROL TU PHYIN PA RNAM PAR DAG PA'I RTEN NI PHA ROL TU PHYIN PA'I SBYOR RO, ,'DUN PA'I RTEN NI GZUGS DANG CHOS SKU THOB PAR BYED PA'O, ,GEGS KYIS DBEN PA'I RTEN NI LHAG MA BCU GNYIS SO, ,BSAM PA RNAM PAR DAG PA'I RTEN NI MNGON PAR RTOGS PA'O, ,MTHAR THUG PA'I RTEN NI DE LAS GONG DU SANGS RGYAS KYI SA YONGS SU TSOL BA'O, ,RGYA CHE BA DANG ZAB PA'I RTEN NI THAMS CAD RNAMS SO, ,DANG POR RE ZHIG RTEN LA BYANG CHUB SEMS DPAS SEMS BSKYED PAR BYA STE, SEMS CAN SU YANG RUNG BA ZHES BYA BA DE LTA BU LA SOGS PA'O, ,'DI NI RGYA CHEN PO STE, GANG SLAR GAL TE BYANG CHUB SEMS DPA' SEMS CAN DU 'DU SHES 'JUG NA ZHES BYA BA DE LTA BU LA SOGS PA'O, ,'DI NI ZAB MO STE RTEN GNYIS PA YANG YIN NO, , GANG BYANG CHUB SEMS DPAS DNGOS PO LA MI GNAS PAR SBYIN PA SBYIN PAR BYA'O ZHES BYA BA DE LTA BU LA SOGS PA GSUNGS TE, 'DI NI ZAB MO'O, ,GANG SLAR YANG DE'I BSOD NAMS KYI PHUNG PO NI TSAD GZUNG BAR SLA BA MA YIN NO ZHES BYA BA LA SOGS PA GSUNGS TE 'DI NI RGYA CHE BA'O, ,DE LTAR RTEN GZHAN RNAMS LA YANG ZAB PA DANG RGYA CHE BAR JI LTAR RIGS PAR RIG PAR BYA STE RTEN BSHAD ZIN TO, ,GNYEN PO GANG ZHE NA, DE NYID SPYOR BA'I MTSAN NYID DANG, DE'I RTEN 'JUG PA GNYIS KYI GNYEN POR RIG PAR BYA'O, ,RNAM PA GNYIS KYIS LOG PAR SGRUB STE 'JIG TSOGS LA LTA BA RNAMS KYANG NGO, ,YANG DAG PAR SGRUB PA NA LTA BA NI 'DIR RNAM PAR RTOG PA LA 'DOD DO, ,DANG BOR RE ZHIG RTEN NI BYANG CHUB SEMS DPAS 'DI LTAR SEMS SKYED PAR BYA STE, SEMS CAN GANG SU YANG RUNG BA RNAMS ZHES BYA BA 'DI NI LOG PAR SGRUB PA'I GNYEN PO'O, ,DE LTAR SEMS MA BSKYED @183B PA NI LOG PA'I SGRUB PAR 'GYUR RO, ,GANG SLAR GAL TE BYANG CHUB SEMS DPA' SEMS CAN DU 'DU SHES 'JUG NA ZHES GANG GSUNGS PA 'DI NI YANG DAG PA'I LTA BA STE YANG DAG PAR SGRUB PA DANG GNYEN PO'O, ,'DI DAG KYANG RNAM PAR RTOG PAS MNGON PAR ZHEN PA STE BYANG CHUB SEMS DPAS SPANG BAR BYA'O, ,SEMS CAN RNAMS YONGS SU MYA NGAN LAS BZLA BAR BYA'O ZHES BYA BA NI GNYIS PA STE, GANG SBYIN PA SBYIN PAR BYA'O ZHES GSUNGS PA 'DI NI LOG PAR SGRUB PA'I GNYEN PO STE, MA BYIN NA NI BYANG CHUB SEMS DPA'I LOG PAR ZHUGS PAR 'GYUR RO, ,GANG SLAR DNGOS PO LA MI GNAS PAR SBYIN PA SBYIN PAR BYA'O ZHES GANG GSUNGS PA 'DI NI YANG DAG PA'I LTA BA STE, YANG DAG PA'I SGRUB PA DANG GNYEN PO YIN NO, ,'DI DAG KYANG RNAM PAR RTOG PAS MNGON PAR ZHEN PA STE, BYANG CHUB SEMS DPAS SPANG BAR BYA ZHING SBYIN PA SBYIN PAR BYA'O, , MI NYAMS PA GANG ZHE NA, MTHA' GNYIS RNAM BAR SPANGS PA'O, ,'DI'I MTHA' ZHE NA, SGRO 'DOGS PA'I MTHA' DANG, SKUR PA 'DEBS PA'I MTHA' STE, GANG ZHIG SGRA JI BZHIN PA'I CHOS RNAMS LA KUN BRTAGS PA MA YIN PA'I NGO BO NYID DU MNGON PAR ZHEN PA 'DI NI SGRO 'DOGS PA'I MTHA'O, ,GANG ZHIG CHOS BDAG MED PA'I GZHI LA YANG DNGOS PO MED PAR ZHEN PA 'DI NI SKUR BA 'DEBS PA'I MTHA'O, ,DE LA BCOM LDAN 'DAS BSOD NAMS KYI PHUNG PO DE NYID PHUNG PO MA MCHIS ZHES BYA BA 'DIS NI SGRO 'DOGS PA'I MTHA' DGAG PAR MDZAD PAR GANG GSUNGS PA YIN NO, ,BSOD NAMS KYI PHUNG PO DE MED PA DES NA SGRA JI BZHIN BAR YOD PA GANG YIN PA 'DI NI KUN BRTAGS PA'I NGO BO NYID KYIS YOD PA STE, SLAR YANG DES NA DE BZHIN GSHEGS PAS BSOD NAMS KYI PHUNG PO ZHES BYA BA 'DIS SKUR PA 'DEBS PA'I MTHA' DGAG PAR MDZAD PAS GANG GSUNGS PA YIN NO, ,SGRA JI BZHIN PA MA YIN PA'I NGO BO NYID DE NI CUNG ZAD CIG YOD DE, BRJOD DU MED PA'I DNGOS PO GANG YIN PA STE DE BZHIN GSHEGS PAS BSOD NAMS KYI PHUNG PO ZHES GSUNGS PA YONGS SU GSAL BAR BYED DO, ,DE BZHIN DU RAB 'BYOR SANGS RGYAS KYI CHOS RNAMS SANGS RGYAS @184A *, ,RNAMS ZHES BYA BA NI SANGS RGYAS KYI CHOS DE DAG MED PAR DE BZHIN GSHEGS PAS GSUNGS ZHES BYA BAS NI SGRO 'DOGS PA'I MTHA' DGAG PAR MDZAD LA, DES NA SANGS RGYAS KYI CHOS RNAMS ZHES BYA BAS NI SKUR PA 'DEBS PA'I NYAMS PA DGAG PAR MDZAD DO; ,DE LA SANGS RGYAS KYI CHOS DE DAG MED PAR DE BZHIN GSHEGS PAS GSUNGS ZHES BYA BA 'DIS NI THUN MONG MA YIN PA'I DON NYID YONGS SU GSAL BAR MDZAD DE, DES NA SANGS RGYAS KYI CHOS RNAMS ZHES BRJOD PA NI DON DANG 'BYOR PA NYID DO, ,GAL TE SANGS RGYAS KYI CHOS RNAMS JI LTAR GSUNGS PA'I NGO BO NYID KYIS MED NA DE BZHIN GSHEGS PAS MED PA GSUNG PAR BYA BA YIN NA SANGS RGYAS KYI CHOS RNAMS ZHES MA GSUNGS KYANG DE RNAMS DE BZHIN DU RTOGS PAR 'GYUR RO, ,GANG GI PHYIR DE RNAMS KYI NGO BO NYID DE YOD PA MA YIN PA DE'I PHYIR DE BZHIN GSHEGS PAS THA SNYAD KYI DON DU SANGS RGYAS KYI CHOS RNAMS ZHES GSUNGS PA YIN NO, ,DE BZHIN DU GZHAN THAMS CAD LA YANG THUN MONG MA YIN PA'I DON NYID 'DI DON DANG 'BYOR PAR RIG PAR BYA'O, ,SANGS RGYAS KYI CHOS RNAMS KYANG 'DIR PHA ROL DU PHYIN PA DANG BSDU BA'I DNGOS PO DANG DRAN PA NYE BAR GZHAG PA LA SOGS PA BYANG CHUB KYI PHYOGS RNAMS SU RIG PAR BYA'O, ,'DIS NI MTHA' GNYIS RNAM PAR SPANGS PA'I TSUL GYIS BYANG CHUB SEMS DPA' DE RNAMS LA GNYEN POS NYAMS PA'I NYAMS PA MED DO ZHES BRJOD PAR BYA'O, ,SA GANG ZHE NA, SA NI 'DIR RNAM PA GSUM DU MNGON PAR 'DOD DE, MOS PAS SPYOD PA'I SA DANG, LHAG PA'I BSAM PA DAG PA'I SA DANG, DE BZHIN GSHEGS PA DANG LDAN PA'I SA'O, ,DE LA RTEN BCU DRUG RNAMS KYIS MOS PAS SPYOD PA'I SA BSTAN LA, MNGON PAR RTOGS PAS NI LHAG PA'I BSAM PA DAG PA'I SA'O, , SANGS RGYAS KYI CHOS YONGS SU TSOL BAS NI DE BZHIN GSHEGS PA DANG LDAN PA'I SA'O, ,MTSAN GYI RGYU MTSAN GANG ZHE NA, RDO RJE GCOD PA ZHES BYA BA'I MTSAN GANG YIN PA DE YANG DON RNAM PA GNYIS DANG 'BREL BAR RIG PAR BYA STE, GANG 'DI'I YANG DAG PA'I SGRUB PAS LTA BA DANG NYON @184B MONGS PA 'JOMS PA GSUNGS SO, ,DE PHRA MO DANG SNYING PO NYID KYIS RDO RJER GYUR LA, DE YANG SHES DKA' BA NYID KYIS NA PHRA MO YIN ZHING, SPANG DKA' BA NYID KYIS NA SNYING PO'O, ,DE LA 'DI NI SHES RAB KYI PHA ROL TU PHYIN PA THOS PA DANG, BSAM PA DANG, BSGOM PAS GCOD PAR BYED DO, ,RDO RJE YANG 'DI YIN LA, GCOD PA YANG 'DI YIN ZHING, YONGS SU GCOD PA'I DBYIBS TE RDO RJE GCOD PA'O, ,RDO RJE NI MTHA' GNYIS RGYA CHE LA DBU MA BSDUS TE BRI BAR BYA STE, DE LTA BU'I SHES RAB KYI PHA ROL TU PHYIN PA NI DBU MAR BSDUS PA'I PHYIR LHAG BA'I BSAM PA DAG PA'I SA YONGS SU BSTAN TO, ,THOG MA DANG THA MA DAG RGYA CHEN POS NI MOS PA SPYOD PA'I SA DANG, DE BZHIN GSHEGS PA DANG LDAN PA'I SA YONGS SU BSTAN TO, ,DE LA DON GYI GNAS LNGA PO RNAMS NI PHYI MA LA YANG DAG PAR BRTEN NAS RIG PAR BYA STE, SA DE RNAMS KYANG YANG DAG PA'I RTEN YIN TE, MDO'I LUS KYI 'BREL PA BSHAD ZIN TO,, ,,DA NI TSIG GI DON BRJOD PAR BYA STE, CI'I DON DU BCOM LDAN 'DAS KYIS CHOS STON PA'I TSE SPONG BA PA'I SPYOD LAM GYIS BZHUGS SHE NA, SPONG BA PA KHO NAS CHOS 'DI RTOGS PAR NUS SO ZHES BSTAN PAR BYA BA'I PHYIR RO SNYAM DU YONGS SU BSTAN PA'I DON DU'O, ,PHAN GDAGS PA'I DAM PAS PHAN BTAGS PA ZHES PA LA BYANG CHUB SEMS DPA' RNAMS LA PHAN GDAGS PA NI CI ZHIG ,JI LTAR NA DAM PA YIN ZHE NA, PHAN PA DANG BDE BA'I SBYOR BA NI PHAN BTAGS PA YIN LA, RGYU DRUG RNAMS KYIS DAM PAR RIG PAR BYA STE, DUS DANG KHYAD PAR DANG RGYA CHEN PO DANG BRTAN PA DANG KHYAB PA DANG RIGS PA STE, DUS KYIS JI LTA BU ZHE NA, CHOS MTHONG BA DE NI DAM PA NYID YIN PA'I PHYIR RO, ,DE YANG BYANG CHUB SEMS DPA' RNAMS LA PHAN BTAGS PA YIN LA, BDE BA NYID KYI PHYIR MTHONG BA'I CHOS CAN NO, ,PHAN PA NYID KYI PHYIR YANG DAG PA'I PHA ROL CAN NO, ,KHYAD PAR GYIS JI LTA BU ZHE NA, DE NI PHYI ROL PA RNAMS KYI 'JIG RTEN PA'I SNYOMS PAR 'JUG PA YIN LA, 'DIR NI 'JIG RTEN LAS 'DAS PA'I SNYOMS PAR 'JUG PAS 'PHAGS PA NYAN THOS DANG RANG SANGS RGYAS @185A *, ,RNAMS LA PHAN BTAGS PA LAS KHYAD PAR DU 'PHAGS PA'O, ,RGYA CHE BAS JI LTA BU ZHE NA, PHAN BTAGS PA NI BLA NA MED PA NYID YIN PA'I PHYIR RO, ,BRTAN PAS JI LTA BU ZHE NA, SHIN TU BA NYID YIN PA'I PHYIR RO, ,JI LTAR KHYAB PA YIN ZHE NA, RANG DANG GZHAN GYI RGYUD LA PHAN 'DOGS PAR BYED PA NYID KYI PHYIR RO, ,RIGS KYI SA JI LTA BU ZHE NA, MA DAG PA'I BYANG CHUB SEMS DPA' RNAMS LA PHAN 'DOGS PA CHES GTZO BA NYID KYI PHYIR RO, ,DAM PAS NI YONGS SU GTOD PAR BYED DO, ,JI LTAR DAM PAS SHE NA, RGYU DRUG RNAMS KYIS TE, RGYAS PA DANG, CHOS NYID LA SO SOR DMIGS PA DANG, KUN SHES PA LA 'JUG PA DANG, MI NYAMS PA DANG, SNYING RJE DANG, GUS PAR BYA BA LAS SO, ,JI LTAR RGYAS PA LAS SHE NA, DGE BA'I BSHES GNYEN RNAMS LA YONGS SU GTOD PA'I PHYIR RO, ,JI LTAR CHOS NYID LA SO SOR DMIGS PA LAS SHE NA; PHAN BTAGS PA'I BYANG CHUB SEMS DPA' RNAMS KYIS GZHAN LA PHAN 'DOGS PAR BYED PA'I CHOS NYID SKYED PAR BYED PA'I PHYIR RO, ,JI LTAR KUN SHES PA LA 'JUG PAS SHE NA, BYANG CHUB SEMS DPA' GZHAN KHYED RNAMS KYIS PHAN BTAGS PA NI 'DI DAG GO ZHES KUN SHES PAR BYED PA'I PHYIR RO, ,GSUM PO 'DI RNAMS NYID KYIS MI NYAMS PA LAS DANG, SNYING RJE DANG LDAN PA LAS DANG, GUS PAR BYA BA DAG LAS ZHES BYA BA RNAMS RIG PAR BYA'O, ,CI'I DON DU GNAS BRTAN RAB 'BYOR GYIS DRIS PAR GYUR ZHE NA, RGYU DRUG RNAMS KYIS TE, THE TSOM GCOD PAR BYED PA'I DON DANG, LHAG PAR MOS PA LA GZHUG PA'I DON DANG, ZAB PA'I DON LA RJES SU GZHUG PA'I DON DANG, MA LOG PA'I DON DANG, RAB TU DGA' BA SKYED PAR BYED PA'I DON DANG, DAM PA'I CHOS SU RING DU GNAS PA NYID KYI DON TE, GDUNG RGYUN MI 'CHAD PA'I DON DU SHES RAB KYI PHA ROL TU PHYIN PA'O; ,DE LA JI LTAR NA 'DI DAG GIS SANGS RGYAS KYI GDUNG MI 'CHAD CE NA, THE TSOM CAN RNAMS KYI THE TSOM GCOD BAR BYED PA'I DON DANG, BSOD NAMS 'DOD PA RGYUD YONGS SU MA SMIN PA'I BYANG CHUB SEMS DPA' RNAMS NI BSOD NAMS MANG PO NYID THOB PA LAS SHES RAB KYI PHA ROL TU PHYIN PA LA @185B LHAG PAR MOS SU GZHUG PA'I DON DANG, RGYUD YONGS SU SMIN PA RNAMS ZAB MO'I DON LA GZHUG PA'I DON DANG, YONGS SU GYUR PA RNAMS DE DAG RJES SU 'DZIN PA LA BSOD NAMS MANG PO NYID THOB PAS MA LOG PA'I DON DANG, PHAN BTAGS PA'I LHAG PA'I BSAM PA DAG PA RNAMS KYI BDAG NYID CHOS DE RTOGS PA'I BSOD NAMS NYID LA DGA' BA YANG DAG PAR SKYED PA'I DON DANG, MA 'ONGS PA'I DUS SU THEG PA CHEN PO'I BSTAN PA YUN RING DU GNAS PA'I CHED DU'O, ,MDOR BSDU NA THE TSOM CAN RNAMS LA YANG DAG PAR BSTAN PA'I DON DANG BSOD NAMS 'DOD PA YONGS SU SMIN PA'I BYANG CHUB SEMS DPA' RNAMS YANG DAG PAR LEN DU GZHUG PA'I DON DANG, YONGS SU GYUR PA RNAMS GZENGS BSTOD PA'I DON DANG, LHAG PA'I BSAM PA DAG PA RNAMS YANG DAG PAR RAB TU DGA' BAR BYED PA'I DON DU'O, ,BYANG CHUB SEMS DPA' RNAMS NI CHEN PO NYID RNAM PA BDUN GYIS CHE BA'I PHYIR SEMS DPA' ZHES DANG SEMS DPA' CHEN PO STE, CHEN PO NYID BDUN PO GANG DAG CE NA, CHOS DANG, SEMS DANG, MOS PA DANG, BSAM PA DANG, TSOGS DANG, DUS DANG, KUN DU 'GRO BA CHEN PO NYID DE, BYANG CHUB SEMS DPA'I SA RNAMS LA CI RIGS PAR RO, ,CI'I PHYIR ZHE NA, BYANG CHUB SEMS DPA'I THEG PA LA YANG DAG PAR ZHUGS PAS ZHES GSUNGS TE, BYANG CHUB RNAM PA GSUM NYID LAS KHYAD PAR DU 'PHAGS PAR GYUR PA GNAS BRTAN RAB 'BYOR GYIS TSUL BZHIN DU DRIS PAR GYUR PA YIN NO, ,LEGS SO BYIN NAS BDAG GIS SEMS CAN JI TZAM SEMS CAN DU BSDU BAR BSDUS PA ZHES PAS NI SPYI'I MTSAN NYID BSTAN PA'O, ,SGO NGA LAS SKYES PA 'AM ZHES BYA BA DE LTA BU LA SOGS PAS NI KHYAD PAR GYI MTSAN NYID BSTAN PA STE, DE YANG SKYE BA DANG GNAS KYI KHYAD PAR SMOS PA'I DBYE BA LAS RIG PAR BYA STE, SGO NGA, MNGAL, DROD GSHER, BRDZUS PA RNAMS ZHES BYA BA NI SKYE BA'I DBYE BA'O, ,GZUGS CAN NAM GZUGS MED PA ZHES BYA BA NI GNAS KYI DBYE BA'O, ,'DU SHES CAN NAM 'DU SHES MED PA'AM, 'DU SHES MED 'DU SHES MED MIN ZHES BYA BA NI YUL 'DZIN PA'I DBYE BA'O, ,JI TZAM SEMS @186A *, ,CAN GYI KHAMS SU GDAGS PAS BTAGS PA ZHES PA NI MTSAN NYID RNAM PA GNYIS PO DE NYID KYI GNAS SKABS KYI SEMS CAN GYI KHAMS SANGS RGYAS SU BTAGS PA NYID NGES PAR BSTAN TO, ,THAMS CAD YONGS SU MYA NGAN LAS BZLA'O ZHES BYA BA NI CI NAS NUS PA MED PA'I DON DU GNYER BA YIN NO, ,RIGS LAS NI JI SKAD BSHAD PA'I SGO NGA LAS SKYES PA LA SOGS PA'I RIGS THAMS CAD KYI DBANG DU BYAS NAS SO ZHES DGONGS KYI, GRANGS LAS NI MA YIN NO, ,DE BZHIN DU YANG SGO NGA LAS SKYES PA'AM DROD GSHER LAS SKYES PA RNAMS DANG, 'DU SHES CAN DANG, 'DU SHES MED PA DANG, 'DU SHES MED 'DU SHES MED MIN RNAMS DBANG DU BYAS PA'I PHYIR CI NAS SEMS CAN THAMS CAD YONGS SU MYA NGAN LAS 'DAS PA LA RGYU GSUM GYIS SBYAR BAR BYA STE, MI KHOM PAR SKYES PA RNAMS DAL BA'I DUS SU 'GRO BA'I PHYIR DANG, DAL BAR SKYES PA YONGS SU MA SMIN PA RNAMS YONGS SU SMIN PAR BYED PA'I PHYIR DANG, YONGS SU SMIN PA RNAMS GROL BAR BYED PA'I PHYIR RO, ,CI LAS SHE NA, LHAG MA MED PA'I MYA NGAN LAS 'DAS PA'I DBYINGS SU'O ZHES GSUNGS PA YIN NO, ,MYA NGAN LAS BZLA BA MED DO ZHES BYA BA NYID DO, BCOM LDAN 'DAS KYIS RNAM GRANGS KYIS KYANG MYA NGAN LAS 'DAS PAR GSUNGS TE, BSAM GTAN DANG PO LA SOGS PA DE'I YONGS SU SPONG BA'I DON DU'O, ,DE NI GZUGS BRNYAN GYI MI'I RNAM PAS SANGS RGYAS RNAMS KYIS GDUL BYAS KYANG STE, SHIN TU BA YANG THOB PAR BYA'O, ,CI LAS NA LHAG MA DANG BCAS PA'I MYA NGAN LAS 'DAS PA'I DBYINGS SU ZHES NI MA GSUNGS SO, ,DE NI THUN MONG GI 'BRAS BU STE, RANG GI SNGON GYI LAS DANG SANGS RGYAS KYI MAN NGAG GI 'BRAS BU YIN PA'I PHYIR RO, ,GCIG TU MTHAR THUG PA MA YIN KYANG LUS CAN SDUG BSNGAL BA'I KHYAB PAR NYID LAS SO ZHES MYA NGAN LAS 'DAS PA LHAG MA DANG BCAS PA NI SKYES BU BYED PA'I 'BRAS BU YIN PA NYID KYI PHYIR DANG, THUN MONG GI 'BRAS BU YIN PA NYID KYI PHYIR DANG, SHIN TU BA YIN PA NYID KYI PHYIR RO, ,SHIN TU MTHAR THUG PA MA YIN PA'I 'BRAS BU NYID LAS KYANG LHAG MA MED PA ZHES BYA BA NYID DU BSHAD DO, ,DE LTAR SEMS CAN TSAD @186B MED PA YONGS SU MYA NGAN LAS BZLAS KYANG ZHES BYA BA NI SGO NGA LAS SKYES PA LA SOGS PA'I RIGS SO SOR TSAD MED PA NYID DU YONGS SU STON TE, SEMS CAN 'GA' YANG MYA NGAN LAS 'DA' BAR 'GYUR BA NI MA YIN NO ZHES DGONGS SO, ,BYANG CHUB SEMS DPA' BDAG NYID KYIS YONGS SU MYA NGAN LAS 'DAS PAR GYUR ZHES BYA NA 'GA' YANG MED DO ZHES BYA BA DE LA GTAN TSIGS CI ZHE NA, GAL TE BYANG CHUB SEMS DPA' SEMS CAN DU 'DU SHES 'JUG NA DE BYANG CHUB SEMS DPA' ZHES SMRA BAR MI BYA'O, ,DGONGS PA CI YIN ZHE NA, GAL TE BYANG CHUB SEMS DPA' SEMS CAN RNAMS LA GZHAN DU 'DU SHES 'JUG NA BDAG TU 'DU SHES PAS DE BYANG CHUB SEMS DPA' ZHES SMRA BAR MI BYA LA, GANG SEMS CAN DU 'DU SHES 'JUG PA'AM SROG TU 'DU SHES SAM GANG ZAG TU 'DU SHES ZHES BYA BA'I DGONGS PA CI YIN ZHE NA, GANG GI NYON MONGS PA CAN GYI SEMS CAN DANG, SROG DANG, GANG ZAG TU 'DZIN PA'I 'DU SHES 'JUG PA DE'I BDAG LA YANG BDAG TU 'DU SHES SHING, SEMS CAN LA YANG SEMS CAN DU 'DU SHES 'JUG STE, BYANG CHUB SEMS DPA' LA NI BDAG TU LTA BA SPANGS PA NYID KYI PHYIR DE RNAMS MI 'JUG GO,, DE'I PHYIR 'DU BYED KYI MTSAN NYID DU MTSUNGS PA NYID KYIS NA BDAG DANG GZHAN MNYAM PA NYID DU MOS PA GANG YIN PA'I BYANG CHUB SEMS DPA' DE NI SEMS CAN DANG, SROG DANG, GANG ZAG TU 'DZIN PA'I LTA BA CAN MA YIN NO ZHES BYA BA 'DI NI 'DI'I DGONGS PA YIN NO, ,DE LTAR SEMS BSKYED PAR MI BYA'O ZHES BYA BA 'DIS NI JI LTAR BYANG CHUB SEMS DPAS 'DUN PA DANG SMON LAM GYIS GNAS PAR BYA BA DE YONGS SU BSTAN PA YIN NO, ,GAL TE BYANG CHUB SEMS DPA' SEMS CAN DU 'DU SHES 'JUG NA DE BYANG CHUB SEMS DPA' ZHES MI BYA BA 'DIS NI RNAL 'BYOR LA MNYAM PAR GZHAG PA'I DUS SU JI LTAR BSGRUB PAR BYA ZHES BYA BA DE YONGS SU BSTAN TO, ,GANG SEMS CAN DU 'DU SHES 'JUG GAM, SROG TU 'DU SHES 'JUG GAM, GANG ZAG TU 'DU SHES 'JUG NA DE BYANG CHUB SEMS DPA' ZHES MI BYA'O ZHES BYA BA 'DIS NI RNAM PAR G-YENG BA TSAR GCOD PA'I DUS SU JI LTAR @187A *, ,SEMS RAB TU GZUNG BAR BYA BA DE YONGS SU BSTAN PA YIN NO, ,JI LTAR BYANG CHUB SEMS DPA' RNAL 'BYOR LA SNYOMS PAR 'JUG PA'I DUS SAM RNAM PAR G-YENG BA TSAR GCOD PA'I DUS SU SEMS CAN DU 'DU SHES PA MI 'JUG NA DE LTA BU'I MTSAN NYID DES SHES PAR BYA BA'I GNAS SKABS SO, ,DE'I PHYIR SEMS CAN 'GA' YANG YONGS SU MYA NGAN LAS 'DAS PAR 'GYUR BA MED DO SNYAM DU 'DI DAG YID LA MI BYA BA GNYIS SU 'GYUR RO, ,BSHAD ZIN PA'I 'DUN PA DANG SMON LAM LA SOGS PA NI YONGS SU 'DZIN PA'I RTEN LA RAB TU SBYOR BA'I MTSAN NYID DO; ,RTEN GZHAN RNAMS SU DE NYID 'DUN PA DANG SMON LAM LA BRTEN NAS NGES PAR 'BYUNG BAR 'GYUR RO ZHES 'DUN PA DANG SMON LAM LA SOGS PA SLAR YANG RGYAS PAR BSTAN PA YIN NO, ,'DI DAG LAS GONG GI RTEN DE RNAMS SU RNAM PA LNGA RNAMS KYIS JI LTAR SBYOR BA RNAM PAR BSHAD PAR RIG PAR BYA STE, DON NYAMS PA DANG, MTSAN MA TZAM YONGS SU GRAGS PA DANG, GSAL BAR BYED PA DANG, RNAM PAR 'JOG PAR BYED PA DANG, YANG DAG PAR MTHONG BAR BYED PA LAS SO, ,DON NYAMS PA NI RTEN GYI MI MTHUN PA'I PHYOGS SO, ,RTEN DE NYID KYI MTSAN MA TZAM NI YONGS SU GRAGS PA LAS SO, ,'DUN PA DANG SMON LAM GYIS NI GSAL BAR BYED PA LAS SO, ,DON DAM PA'I NI RNAM PAR 'JOG PAR BYED PA LAS SO, ,RNAL 'BYOR LA SNYOMS PAR 'JUG PA DANG, RNAM PAR G-YENG BA TSAR GCOD PA DAG NI YANG DAG PAR STON PAR BYED PA LAS SO, ,DE LA PHA ROL TU PHYIN PA RNAM PAR DAG PA'I RTEN LA RE ZHIG BYANG CHUB SEMS DPAS DNGOS PO LA MI GNAS PAR SBYIN PA BYIN NO ZHES GANG GSUNGS PA YIN TE, DE'I DON NYAMS PA NI GNAS PA NYID MI MTHUN PA'I PHYOGS SO ZHES GSUNGS PA YIN NO, ,SBYIN PA BYIN NO ZHES GANG GSUNGS PA DE NI MTSAN MA TZAM YONGS SU GRAGS PA LAS SO, ,'DIR SBYIN PA'I RANG BZHIN GYIS PHA ROL TU PHYIN PA DRUG PO THAMS CAD SBYIN PA RNAM PA GSUM GYI DBANG DU BYAS NAS BSDUS PA YIN TE, ZANG ZING GI SBYIN PAS NI PHA ROL TU PHYIN PA'O, ,MI 'JIGS PA'I SBYIN PAS NI TSUL KHRIMS KYI PHA ROL TU PHYIN PA DANG, BZOD PA'I PHA @187B ROL TU PHYIN PA'O, ,CHOS KYI SBYIN PAS NI BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA STE, BRTZON 'GRUS MED NA CHOS 'DZIN PA DANG STON PA LA SKYO BZHIN PAS CHOS STON PAR MI BYED DO, ,BSAM GTAN MED NA DAD PAS DBANG DU BYA BAR 'DOD PA NYID KYIS GRANG BA DANG TSA BA MI BZOD DE, KUN NAS NYON MONGS PAR STON TO, ,SHES RAB MED NA PHYIN CI LOG TU STON TE GANG LAS NYAMS PAR 'GYUR ZHES BYA STE, GSUM PO MED PA MA YIN NA CHOS KYI SBYIN PA PHUN SUM TSOGS PA YIN NO, ,PHA ROL TU PHYIN PA DE RNAMS KYANG PHA ROL PA DANG MTHONG BA'I CHOS KYI 'BRAS BU RNAM PA GNYIS TE, SBYIN PA'I PHA ROL TU PHYIN PAS PHA ROL GYI 'BRAS BU LONGS SPYOD CHEN PO'O, ,TSUL KHRIMS KYI PHA ROL TU PHYIN PAS BRGYA BYIN NYID DANG TSANGS PA NYID LA SOGS PA'I LUS PHUN SUM TSOGS PA'O, ,BZOD PA'I PHA ROL TU PHYIN PAS PHYOGS CHE BA DANG 'KHOR CHE BA'O, ,BRTZON 'GRUS KYI PHA ROL TU PHYIN PAS NI LONGS SPYOD LA SOGS PA RGYUN MI 'CHAD PA'O, ,BSAM GTAN GYI PHA ROL TU PHYIN PAS NI GNOD PA MED PA SGRUB PO, ,SHES RAB KYI PHA ROL TU PHYIN PAS NI DBANG PO THAMS CAD RNO ZHING BDE BA DANG, YID BDE BA MANG BA DANG, SKYE BO'I TSOGS CHEN PO LA DBANG SGYUR BA NYID DO, ,MTHONG BA'I CHOS KYI NI THAMS CAD LHAG PAR DAD PA DANG, MTHONG BA'I CHOS LA MYA NGAN LAS 'DAS PA'O, ,DE LA GAL TE BYANG CHUB SEMS DPA' PHA ROL GYI SBYIN PA'I 'BRAS BU DON DU GNYER BZHIN PAS SBYIN PA NI DNGOS PO LA GNAS PAS SBYIN PA YIN TE, SBYIN BYA'I DNGOS PO DANG, DE LTA BU'I 'BRAS BU'I DNGOS PO LA GNAS PA NYID KYI PHYIR RO, ,DE BAS NA DNGOS PO LA MI GNAS PAR SBYIN PA SBYIN NO ZHES GSUNGS PA YIN NO, ,YANG NA PHA ROL GYI TSUL KHRIMS LA SOGS PA'I 'BRAS BU DON DU GNYER BZHIN PAS SBYIN PA BYIN NA 'GA' ZHIG LA GNAS PAS SBYIN PA YIN TE, DE BAS NA CI LA YANG MI GNAS PAR SBYIN PA SBYIN NO ZHES PA YIN NO, ,TSUL KHRIMS LA SOGS PA'I 'BRAS BU MANG BA NYID DU BYE BRAG MED PAS CI LA YANG GI SGRA BRJOD DO, ,YANG NA MTHONG BA'I CHOS KYI 'BRAS @188A *, ,BU DAD PAS DBANG DU BYED PA DON DU GNYER BZHIN PAS SBYIN NA NI GZUGS DANG, SGRA DANG, DRI DANG, RO DANG, REG BYA LA GNAS PAS SBYIN PA YIN TE, DE BAS NA GZUGS LA YANG MI GNAS PAR ZHES BYA BA DE LTA BU LA SOGS PA GSUNGS SO, ,YANG NA MTHONG BA'I CHOS LA MYA NGAN LAS 'DAS PA DON DU GNYER BZHIN PAS SBYIN NA NI CHOS LA GNAS PAS SBYIN PA YIN TE, DE BAS NA CHOS LA YANG MI GNAS PAR SBYIN PA SBYIN NO ZHES GSUNGS PA YIN NO, ,SBYIN PA SBYIN PAR BYA'O ZHES MTSON PAR BYED PA GANG GSUNGS PA 'DIS NI SBYIN PA LA 'DUN PA DANG SMON LAM DAG GSUNGS PA YIN NO, ,MI GNAS PAR SBYIN PA SBYIN NO ZHES GANG GSUNGS PA'I MI GNAS PA NYID NI DON DAM PA RNAM PAR GZHAG PA YIN NO, ,DE LA MI GNAS PA NYID KYIS NI JI LTA BA BZHIN DU BSGOM PAR BYA BA'I DON DAM PA YONGS SU GSAL BAR BYED LA, DNGOS PO LA SOGS PA LA MI GNAS PA NYID KYIS NI JI SNYED BSGOM PA NYID DE, CI NAS BYANG CHUB SEMS DPAS MTSAN MAR 'DU SHES PA LA YANG MI GNAS PAR SBYIN PA SBYIN NO ZHES GANG GSUNGS PA YIN NO, ,MI GNAS PA ZHES BYA BA NI RNAL 'BYOR LA SNYOMS PAR ZHUGS PA'I RNAM PAR G-YENG BA TSAR GCOD PA BSTAN PA YIN TE, DUS DER MTSAN MAR 'DU SHES PA LA MI GNAS PA YIN NO, ,DE LTAR MI GNAS PA LA SBYOR BZHIN PA'I BYANG CHUB SEMS DPA' LA LA BSOD NAMS LA LTOS PA DANG BCAS PA NYID KYIS SPRO BA MED PA'AM, SPRO BAS DON DU GNYER BA'I CHA YANG RUNG STE; MI GNAS PAR SBYIN PA SBYIN PA'I BSOD NAMS KYI PHUNG PO CHE BA NYID YONGS SU STON TE, RNAM PA GSUM GYIS NAM MKHA' DANG MTSUNGS SO, ,THAMS CAD DU 'GRO BA NYID KYIS GNAS PA'AM MI GNAS PA YANG RUNG STE BSOD NAMS 'BYUNG BAR MTHUN PA LAS SO, ,YANGS PA NYID KYIS NI MCHOG GI KHYAD PAR LAS SO, ,MI ZAD PAS NI MTHA' YAS PA'I SBYIN PA LAS SO, ,GZUGS KYI SKU THOB PAR 'DUN PA'I RTEN SLAR YANG, RAB 'BYOR 'DI JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA 'AM ZHES BYA BA LA, DON NYAMS PA LAS NI @188B GZUGS KYI SKU LA DE BZHIN GSHEGS PAR MNGON PAR NGA RGYAL BA MI MTHUN PA'I PHYOGS YIN PAR STON TE, DGE BA'I BSHES GNYEN CI 'DRA BA ZHIG GI SA YONGS SU ZIN NA STE CI 'DRA BAS SHE NA, GNAS BRTAN RAB 'BYOR GYIS MA LAGS SO ZHES SMRAS PA YIN TE, BCOM LDAN 'DAS KYIS YONGS SU RGYAS PAR MDZAD PA NI, RAB 'BYOR JI TZAM DU MTSAN PHUN SUM TSOGS PA DE TZAM DU BRDZUN NO ZHES BYA BA 'DIS NI 'DUN PA DANG SMON LAM MO, ,'DI LA DON NI DON DAM PA RNAM PAR GZHAG PAR STON PA YIN TE, DON DAM PAR MTSAN PHUN SUM TSOGS PA NI BRDZUN TE, MTSAN PHUN SUM TSOGS PA MED PA NI MI BRDZUN NO ZHES BYA BAS SO, ,DE LTAR DE BZHIN GSHEGS PA LA MTSAN DANG MTSAN MED PAR BLTA'O ZHES BYA BAS NI RNAL 'BYOR LA SNYOMS PAR ZHUGS PA'I RNAM PAR G-YENG BA TSAR GCOD PA YANG DAG PAR STON PA YIN TE, DE'I TSE MTSAN RNAMS NI MTSAN MA YIN PA NYID DU BLTA BAR BYA'O, ,BSTAN PA'I CHOS KYI SKU THOB PAR 'DUN PA'I RTEN LA SEMS CAN GANG LA LA DAG 'DI LTA BU'I 'DU SHES SKYED PAR 'GYUR BA MCHIS SAM NI GANG DE LTA BU'I TSUL GYI MDO SDE'I MTHA'I TSIG RNAMS LA ZHES PA'O, ,DE LA MDO SDE'I TSIG RNAMS NI 'CHAD PAR 'GYUR BA RNAMS LA ZHES BYA BA'I DON DU RIGS PAR BYA'O, ,TSIG JI LTA BU RNAMS SU ZHE NA, GANG DON BDUN GYI TSIG CES GSUNGS PA RNAMS SO, ,GNAS BRTAN RAB 'BYOR GYIS MA 'ONGS PA'I DUS SU 'BYUNG BA'I 'DU SHES SKYED PAR BYED PA'I BYANG CHUB SEMS DPA' RNAMS KYI 'BYUNG BA NYID DO, ,'BYUNG BAR 'GYUR BA MA YIN PA DE DGAG PA MDZAD NAS 'BYUNG BAR 'GYUR RO ZHES BCOM LDAN 'DAS KYIS GSUNGS TE, CHOS RNAM PAR 'JIG PA YANG SGRUB PA YONGS SU NYAMS PAR RIG PAR BYA STE, DE RNAMS SU JI LTA BU BSGRUB PAS SHE NA, RGYU JI LTA BU KUN DU 'BYUNG BAS MTSAN PHUN SUM TSOGS PA'I RGYU TZAM YONGS SU BSGRAGS PA LAS DE BZHIN GSHEGS PA'I GZUGS KYI SKU YONGS SU BSTAN PA YIN TE, BSOD NAMS YONGS SU BZUNG BAS ZHES 'BREL TO, ,JI LTA BU'I YANG DAG PA'I 'DU @189A *, ,SHES KYIS 'DU SHES CAN 'BYUNG BAR 'GYUR BA YIN PA STE, BCOM LDAN 'DAS KYIS YONGS SU BSTAN TO, ,TSUL KHRIMS DANG LDAN PA, YON TAN DANG LDAN PA, SHES RAB DANG LDAN PA ZHES BYA BAS LHAG PA'I TSUL KHRIMS LA SOGS PA'I BSLAB PA GSUM GYI SGRUB PA YONGS SU BSTAN TE, YON TAN SMOS PA NI 'DOD PA CHUNG BA LA SOGS PA'I YON TAN SNGON DU 'GRO BA'I TING NGE 'DZIN SMOS PA YIN NO, ,SANGS RGYAS BRGYA STONG MANG PO LA DE RNAMS KYIS BSNYEN BKUR BA 'BYUNG BAR 'GYUR RO ZHES BYA BA RGYA CHEN POS RGYU KUN DU 'BYUNG BA YONGS SU BSGRAGS PA YIN NO, ,SEMS GCIG TU RAB TU DANG BA YANG RE ZHIG GANG ZHIG BSHAD PA DE RNAMS LAS DANG PO NYID DU GANG DAG 'BYUNG BA'I 'DU SHES SKYED PAR 'GYUR BA ZHES BYA'O, ,DE BZHIN GSHEGS PAS DE DAG MKHYEN TO ZHES BYA BA NI DE RNAMS KYI MING DANG, LUS DANG; SHES PA DANG, LTA BA RNAMS DE BZHIN GSHEGS PAS SO, ,GZUGS KYI SKU MTHONG BA LAS GNAS PA DANG RGYU BA THAMS CAD DO SNYAM PA'I BSAM PA MKHYEN PA LA BRTEN NAS LTA BA RNAMS TE, 'DI DAG GIS NI DGE BA'I BSHES GNYEN GYIS YONGS SU BZUNG BAR BSTAN LA, DE DAG THAMS CAD NI BSOD NAMS KYI PHUNG PO DPAG TU MED PA ZHES BYA BA 'DIS BSOD NAMS KYIS YONGS SU BZUNG BAR BSTAN TO, ,DE LA RAB TU BSGRUB CING BSOD NAMS BSKYED PA'I DUS SU YONGS SU BZUNG BAR 'DOD DE, DE 'GAGS PA'I DUS SU SA BON YONGS SU 'DZIN PA'I PHYIR RO, ,BYANG CHUB SEMS DPA' DE RNAMS NI SEMS CAN DU 'DU SHES PA 'JUG PAR MI 'GYUR BA NAS JI SRID GAL TE CHOS MED PA'I 'DU SHES 'JUG NA DE NYID DE DAG GI BDAG TU 'DZIN PAR 'GYUR ZHES BYA BAS NI DE RNAMS KYI YANG DAG PA'I 'DU SHES BSTAN TO, ,LOG PAR 'DZIN PA LNGA'I GNYEN POR TE, LOG PAR 'DZIN PA LNGA PO JI LTA BU ZHE NA, GZHAN MU STEGS BYED DAG CHOS 'DI LA DANG, SO SO'I SKYE BO DANG, NYAN THOS DANG, BYANG CHUB SEMS DPA' MNGON PA'I NGA RGYAL CAN DANG, 'JIG RTEN PA THUN MONG PA'I 'DU SHES SU LTUNG BA RNAMS SAM, 'DU SHES MED PAR LTUNG BA RNAMS KYANG STE, DANG PO NI @189B BDAG TU 'DU SHES 'JUG LA, GNYIS PA NI CHOS SU 'DU SHES SHING, GSUM PA NI CHOS YIN PAR 'DU SHES PA STE, CHOS LA DNGOS POR 'DU SHES PAS CHOS KYI DNGOS PO MED PA NI 'DIR CHOS MA YIN PAR 'DOD DO, ,BZHI PA'I 'DU SHES 'JUG PA DANG, LNGA PA'I 'DU SHES MED PA STE, BYANG CHUB SEMS DPA' DE RNAMS NI 'DI DAG THAMS CAD LA 'DU SHES 'JUG PAR MI 'GYUR RO, ,DE'I PHYIR TSUL KHRIMS DANG LDAN PA 'BYUNG BAR 'GYUR BA NAS JI SRID BSOD NAMS KYI PHUNG PO DPAG TU MED PA 'BYUNG BAR 'GYUR RO ZHES NYE BAR STON TO, ,DE CI'I PHYIR ZHE NA ZHES GSUNGS PA'I PHYIR GANG DANG GANG LOG PAR 'DZIN PA NI CHOS DANG CHOS MED PA'I 'DU SHES 'JUG PAR 'GYUR BA YIN NO, ,BDAG MED PA LA SOGS PA'I 'DU SHES NYID MI 'JUG PA GANG YIN PA DE YANG BDAG LA SOGS PA'I 'DU SHES TE, DE DAG GIS BAG LA NYAL MA SPANGS PA'I PHYIR 'DI NYID BDAG TU 'DZIN PA YIN TE, DES NA GAL TE BYANG CHUB SEMS DPA' DE DAG CHOS SU 'DU SHES 'JUG NA DE NYID DE DAG GI BDAG TU 'DZIN PAR 'GYUR, GAL TE CHOS MA YIN PAR 'DU SHES ZHES RGYAS PAR LHAG MA RNAMS KYANG BDAG LA SOGS PA'I 'DU SHES 'JUG PAR GSUNGS PA YIN NO, ,NYID CES MA BRJOD NA YANG DE NYID DE DAG GIS BDAG TU 'DZIN PAR 'GYUR RO ZHES PA'O, ,DE LA RANG GI RGYUD DU YONGS SU GCOD PA'I 'DZIN PA NI BDAG TU 'DU SHES PAR RIG PAR BYA LA, BDAG GI BA YOD PA NYID DU 'DZIN PA NI SEMS CAN 'DU SHES PA'O, ,BDAG TSE JI SRID PAR GNAS PAR 'DZIN PA NI SROG TU 'DU SHES PA'O, ,YANG NAS YANG DU 'GRO BA RNAMS SU 'GRO BAR 'DZIN PA NI GANG ZAG TU 'DU SHES PA'O, ,DE DAG LA YANG DAG PA'I 'DU SHES BSKYED PAR 'GYUR BA ZHES BYA'O, ,DON NYAMS PA LAS NI 'JUG PAR MI 'GYUR ZHES BYA BAS NI DON DAM YIN PA'I 'DU SHES NI MI MTHUN PHYOGS YIN PAR STON TE, RGYU TZAM YONGS SU BRJOD PA LAS NI BSTAN PA'I CHOS KYI SKU YONGS SU STON TO, ,YANG DAG PA'I 'DU SHES BSKYED CES BYA BA 'DI NYID KYIS DE BSKYED PA'I 'DUN PA DANG SMON LAM STON PA YIN NO, ,DE DAG GI BDAG TU 'DU SHES PA 'JUG PAR MI 'GYUR ZHES BYA BAS NI DON DAM @190A *, ,PA RGYAS PAR RNAM PAR 'JOG PAR BYED DO, ,YANG RAB 'BYOR CHOS SU BZUNG PAR MI BYA ZHING CHOS MA YIN PAR YANG ZHES BYA BA NI RNAL 'BYOR LA SNYOMS PAR ZHUGS PA'I RNAM PAR G-YENG BA TSAR GCOD PA STON PAR BYED DE, DE'I TSE CHOS MA YIN PAR 'DZIN PA DANG CHOS MA YIN PA MA YIN PAR 'DZIN PA GNYI GA CHOS BDAG MED PA LA RNAM PAR RTOG PA YIN PA'I PHYIR RO ZHES BYA BA'I DON TE, DE NI BSTAN PA'I CHOS KYI SKU'O, ,DE BAS NA 'DI SEMS CAN GYI CHED DU DE BZHIN GSHEGS PAS GSUNGS SO, ,CHOS KYI RNAM GRANGS GZINGS LTA BUR SHES PA RNAMS KYIS CHOS KYANG SPANG BAR BYA NA STE, YANG DAG PA'I 'DU SHES BSKYED PA'I SNGA ROL NYID DU CHOS MA YIN PA STE 'DI DAG BSTAN TO ZHES BYA BA MDOR BSDU NA YANG DAG PA'I 'DU SHES KYIS BSTAN PA'I CHOS KYI SKU LA BYANG CHUB SEMS DPAS THOB PAR 'DUN PAR BYA'O ZHES YONGS SU BSTAN TO, ,YE SHES KYI RANG BZHIN GYI RTOGS PA'I CHOS KYI SKU THOB PAR 'DUN PA'I RTEN NI RAB 'BYOR DE JI SNYAM SEMS, DE BZHIN GSHEGS PAS GANG BLA NA MED PA YANG DAG PAR RDZOGS PA'I ZHES GSUNGS PA YIN TE, 'DIS DON NYAMS PA LAS NI RTOGS PAR BYA BA'I BYANG CHUB TU LHAG PAR 'DZIN PA NI MI MTHUN PA'I PHYOGS SU STON TE, CHOS BSTAN PAS DE RDZOGS PA'I BYANG CHUB TU 'DZIN ZHES BYA'O, ,DE'I PHYIR CHOS GANG YANG BSTAN TAM ZHES GSUNGS PA YIN TE, BLA NA MED PA YANG DAG PAR RDZOGS PA'I BYANG CHUB CES BYA BA'I'O, ,RGYU TZAM YONGS SU BRJOD PA LAS NI RTOGS PA'I CHOS KYI SKU'O ZHES BSTAN TO,, MA LAGS SO ZHES PAS NI GNAS BRTAN RAB 'BYOR GYIS SANGS RGYAS KYI DGONGS PA SMRAS PA YIN TE, KUN RDZOB TU BYANG CHUB TU 'DZIN PA DANG BRAL BA'I 'DUN PA DANG SMON LAM STON TE, RNAM GRANGS KYIS NA 'DI DAG GNYI GA YANG YOD DO ZHES DGONGS SO, ,BCOM LDAN 'DAS KYIS GSUNGS PA DES NA 'DI DAG GNYI GA YANG YOD PA MA YIN NO ZHES BSTAN TO, ,BCOM LDAN 'DAS KYIS GSUNGS PA'I DON BDAG GIS JI LTAR 'TSAL BA LTAR NA ZHES GSUNGS PA STE, DE CI'I SLAD DU ZHE NA, DE BZHIN GSHEGS PAS CHOS GANG BSTAN PA ZHES GANG GSUNGS PA YIN NO, ,BZUNG DU MA MCHIS @190B PA DANG, BRJOD DU MA MCHIS PA, DE NI CHOS KYANG MA LAGS, CHOS MA MCHIS PA YANG MA LAGS ZHES BYA BA 'DIS NI DON DAM PA RNAM PAR 'JOG STE, CHOS BSTAN PA RTOGS PA'I PHYIR BYANG CHUB KYI'O, ,CHOS NYID KYI DBANG DU BYAS NAS DON DAM PA RNAM PAR 'JOG STE, DE LA BZUNG DU MED PA NI MNYAN DU MED PA'O, ,BRJOD DU MED PA NI BSTAN PA NYID KYI CHOS MED PA STE, KUN BRTAGS PA'I RANG BZHIN GYIS CHOS MA YIN PA YANG MED PA NI CHOS BDAG MED PAS SO, ,DE CI'I SLAD DU ZHE NA, 'PHAGS PA'I GANG ZAG RNAMS NI 'DUS MA BGYIS KYIS RAB TU PHYE BA'I SLAD DU'O ZHES BYA BA NI 'DU BYED MED PAR RNAM PAR MI RTOG CES BYA BA'I DON TE, DES SLOB PA'I BYANG CHUB SEMS DPA' RAB TU PHYE BA'O, ,SKYE BA MED PA NI YOD KYANG 'DUS MA BYAS PA STE, DE BZHIN GSHEGS PA'I GNAS YONGS SU GYUR PA GANG YIN PA NI DE BZHIN NYID RNAM PAR DAG PAS RAB TU PHYE BA'I PHYIR RO, ,DES MI SLOB PA'I DE BZHIN GSHEGS PA RAB TU PHYE BA YIN NO, ,DE LA 'DUS MA BYAS PA'I DON DANG POS NI RNAL 'BYOR LA SNYOMS PAR 'JUG PA STON TE, DE LA RNAM PAR G-YENG BA TSAR GCOD PA YANG STON TO, ,GNYIS PAS NI DE LA PHA ROL TU PHYIN PA'I DON CAN BLA NA MED PA YANG DAG PAR RDZOGS PA'I BYANG CHUB BO, ,'DI LAS RTEN GONG MA THAMS CAD 'DUS MA BYAS PAS RAB TU PHYE BA NI 'PHAGS PA'I GANG ZAG GO ZHES BYA BA'I DBANG DU BYAS PAR RIG PAR BYA'O, ,'DUS MA BYAS PAS RAB TU PHYE BA SNGAR MA GSUNGS PAR 'DIR BLA NA MED PA YANG DAG PAR RDZOGS PA'I BYANG CHUB BSTAN PA LAS 'DUS MA BYAS PA DON GYIS 'THOB PA'I PHYIR RO, ,BSOD NAMS KYI RANG BZHIN RTOGS PA'I CHOS KYI SKU'I RTEN LA CI ZHIG YONGS SU BSTAN PAR 'GYUR ZHE NA, GANG GI PHYIR RE ZHIG BSTAN PA'I CHOS KYI SKU LAS BSOD NAMS DANG BCAS PA'I RANG BZHIN DE BZHIN GSHEGS PA RNAMS LAS RTOGS PA'I CHOS KYI SKU SKYE BA'I PHYIR RO, ,DE YANG RE ZHIG TSIG BZHI PA'I TSIGS SU BCAD PA BSTAN PA YANG DE LTA BU'O, ,BSOD NAMS CHEN PO'I SKYE MCHED NI THOG MA NYID DU GANG 'DI BSOD NAMS KYI RANG BZHIN DE BZHIN GSHEGS PA RNAMS KYI RTOGS PA'I CHOS KYI SKU'O, ,YANG RGYU CI ZHIG CE NA, BSTAN @191A *, ,PA'I CHOS KYI SKU LAS TSIG BZHI PA'I TSIGS SU BCAD PA GCIG BSTAN NA YANG DE LTA BU'I BSOD NAMS RGYAS PAR 'GYUR BA YIN NO, ,DE CI'I PHYIR ZHE NA, DE BZHIN GSHEGS PA RNAMS KYI BLA NA MED PA YANG DAG PAR RDZOGS PA'I BYANG CHUB NI 'DI LAS 'BYUNG STE ZHES SGRUB PAR BYED PA GSUNGS TE, SPYOD PA BCU LUNG NYUNG ZAD LA BRTEN NAS KUN DU RTOGS PA'I PHYIR RO, ,SANGS RGYAS BCOM LDAN 'DAS RNAMS 'DI LAS SKYES ZHES BYA BA NI KUN RDZOB KYI SANGS RGYAS TE, DE LAS BYANG CHUB 'BYUNG BA NYID KYI PHYIR RO, ,GNYI GA LA YANG SANGS RGYAS KYI CHOS NI MCHOD RTEN NO, ,GANG BYANG CHUB DE NYID SANGS RGYAS SO, ,DES NA RAB 'BYOR SANGS RGYAS KYI CHOS RNAMS SANGS RGYAS KYI CHOS RNAMS ZHES BYA BA NI SANGS RGYAS KYI CHOS DE DAG MED PAR ZHES GSUNGS PA YIN TE, DE LA 'DI NYID NI RE ZHIG 'DI BSOD NAMS MANG PO 'BYUNG BA'I RGYUR RIG PAR BYA LA, DON NYAMS PA LAS NI MI MTHUN PA'I PHYOGS BSOD NAMS RAB TU 'BYUNG BAR YONGS SU BSTAN TE, BSOD NAMS ZHES BYA BA'I RGYU TZAM YONGS SU BRJOD PA LAS NI BSOD NAMS KYI RANG BZHIN GYI CHOS KYI SKU YONGS SU BSTAN TO, ,BSOD NAMS MCHOG TU BSTAN PA NYID KYIS KYANG DE LA SMON LAM STON PAR BYED DE, BCOM LDAN 'DAS BSOD NAMS KYI PHUNG PO DE NYID PHUNG PO MA MCHIS PA'I SLAD DU STE, DES NA DE BZHIN GSHEGS PAS BSOD NAMS KYI PHUNG PO ZHES BYA BA GANG GSUNGS PA YIN NO, ,GANG YANG RAB 'BYOR SANGS RGYAS KYI CHOS RNAMS SANGS RGYAS KYI CHOS RNAMS ZHES BYA BA NI SANGS RGYAS KYI CHOS DE DAG MED PAS DES NA SANGS RGYAS KYI CHOS RNAMS ZHES BYA'O ZHES BYA BA 'DIS NI BSOD NAMS KYI PHUNG PO DE YANG GANG GSUNGS PA YIN TE, SU ZHIG SANGS RGYAS KYI CHOS RNAMS YONGS SU 'DZIN PA DE BSOD NAMS KYI RANG BZHIN GYI CHOS KYI SKU NI DE BZHIN GSHEGS PA DE RNAMS KYI YIN PA'I DBANG DU BYAS NAS DON DAM PA RNAM PAR 'JOG GO, ,'PHAGS PA'I GANG ZAG RNAMS NI 'DUS MA BYAS KYIS RAB TU PHYE BA YIN NO ZHES BYA BA'I RJES SU ZHUGS PA LAS RNAL 'BYOR LA SNYOMS PAR ZHUGS PA'I RNAM PAR G-YENG BA TSAR GCOD PA SLAR YANG BSTAN PA YIN TE, BCOM LDAN 'DAS MANG LAGS @191B SO; ,BDE BAR GSHEGS PA MANG LAGS SO ZHES TSIG GNYIS SMOS PA NI SEMS NYID DU BZUNG BA DES NA BDAG TU BZUNG BA'I SEMS NYID STON PAR BYED DE, LHAG PAR BZUNG BA LHUR LEN PAR BSTAN PA YIN TE, TSIG DANG YIG GES BSTAN PAR BYA'O ZHES BYA BA'I DON TO, ,DPAG TU MED PA NI DPE'I YUL MA YIN PA'I PHYIR DANG GRANGS MED PA NI MANG BA NYID KYI PHYIR RO, ,DES NI 'DUN PA'I RTEN NO, ,GEGS KYIS DBEN PA'I RTEN NI GEGS BCU GNYIS KYI GNYEN POR RIG PAR BYA STE, GEGS BCU GNYIS PO GANG DAG CE NA, MNGON PA'I NGA RGYAL CAN NYID DANG, MNGON PA'I NGA RGYAL MED PAR GYUR KYANG THOS PA NYUNG BA NYID DANG, THOS PA MANG YANG DMIGS PA YID LA BYED PA CHUNG NGU BSGOM PA DANG, DMIGS PA YID LA BYED PA CHUNG DU MA YIN YANG SEMS CAN YAL BAR 'DOR BA NYID DANG, YAL BAR 'DOR BA MA YIN YANG PHYI ROL GYI BSTAN BCOS LA RJES SU CHAGS PA DANG, DE LA 'JUG PAR BYED PA MA YIN YANG GZUGS BRNYAN GYI MTSAN MA ZIL GYIS GNON PA LA MI MKHAS PA DANG, DE LA MKHAS KYANG BSOD NAMS KYI TSOGS MI SOGS PA NYID DANG, BSOD NAMS KYI TSOGS SOGS KYANG LE LOS RNYED PA DANG BKUR STI'I BDE BA'I RO MYANG BA NYID DANG, DE RO MYONG BA MA YIN KYANG SDUG BSNGAL MI BZOD PA NYID DANG, SDUG BSNGAL BZOD PA NYID YIN KYANG YE SHES KYI TSOGS MI SOGS PA NYID DANG, YE SHES KYI TSOGS SOGS KYANG BDAG TU YANG DAG PAR 'DZIN PA DANG, BDAG TU MI 'DZIN YANG GDAMS NGAG DANG BRAL BA NYID DO, ,DE LA MNGON PA'I NGA RGYAL GYIS DBEN PA'I DBANG DU BYAS NAS, YANG RGYUN DU ZHUGS PA 'DI SNYAM DU ZHES RGYAS PAR GSUNGS PA YIN NO, ,DE LA DON NYAMS PA NI BDAG GIS THOB PO ZHES MNGON PA'I NGA RGYAL CAN NYID DE MI MTHUN PA'I PHYOGS SU BSTAN TO, ,RGYUN DU ZHUGS PA 'DI SNYAM DU ZHES BYA BAS NI RGYU TZAM BRJOD PA NYID KYIS MNGON PA'I NGA RGYAL MED PA NYID DU YONGS SU STON TE, DE LA YANG 'DUN PA DANG SMON LAM STON PA YIN LA, BCOM LDAN 'DAS CI LA YANG ZHUGS PA MA MCHIS SO ZHES BYA BAS NI DON DAM PAR 'JOG GO, ,GAL TE RGYUN DU ZHUGS PA DA 'DI SNYAM DU BDAG GIS RGYUN DU ZHUGS PA'I 'BRAS BU THOB PO @192A *, ,SNYAM DU SEMS PAR GYUR NA DE NYID DE'I BDAG TU 'DZIN PAR 'GYUR RO, ,DE BAS NA DE DE'I MNGON PA'I NGA RGYAL DU 'GYUR BAR SHES PAR BYA'O, ,DE LTAR DGRA BCOM PA'I BAR DU STE, GNAS BRTAN RAB 'BYOR GYI KHYAD PAR GYIS GNAS PA DANG RGYU BA THUN MONG GI DGRA BCOM PA'I YON TAN GYIS BDAG NYID KHONG DU CHUD CING MNGON SUM DU GYUR PA NYID KYIS TSIG GZUNG BAR BYA BA'I DON TO, ,JI LTAR DGRA BCOM PA 'GA' LA YANG ZHUGS PA MED PA DE BZHIN DU 'GA' LA YANG GNAS PA MED PAR BRJOD DE, GNAS PA DANG RGYU BA'I DON DAM PA 'DIR YANG RNAM PAR 'JOG GO; ,THOS PA NYUNG BAS DBEN PA'I DBANG DU BYAS NAS DE BZHIN GSHEGS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD LAS GANG BLANGS PA'I CHOS DE GANG YANG YOD DAM ZHES GSUNGS TE, 'DIS NI SANGS RGYAS 'BYUNG BA LA 'DI CHAGS PA STE, DE BAS NA CHOS GANG BLANGS PA ZHES BYAS PAS RNAM PAR RTOG PA DOR RO, ,DON NYAMS PA LAS NI MI MTHUN PA'I PHYOGS LA SOGS PA LA SBYOR BA'I SBYOR BAS SO, ,DMIGS PA YID LA BYED PA CHUNG NGU BSGOM PAS DBEN PA'I DBANG DU BYAS NAS, RAB 'BYOR BYANG CHUB SEMS DPA' GANG LA LA ZHIG 'DI SKAD DU BDAG GIS ZHING BKOD PA RNAMS BSGRUB BO ZHES ZER NA ZHES RGYAS PAR GSUNGS PA YIN TE, ZHING BKOD PA YID LA BYED PA NA GZUGS LA SOGS PA'I RNAM PAR KUN BRTAGS PA LAS DE'I RO MYANG BAR GYUR PA'O, ,DE YONGS SU SPANG BA'I DON DU RAB 'BYOR DE LTA BAS NA BYANG CHUB SEMS DPAS 'DI LTAR MI GNAS PAR SEMS BSKYED PAR BYA'O, ,CI LA YANG MI GNAS PAR ZHES BYA BA 'DI RGYAS PAR GSUNGS PA YIN NO, ,SEMS CAN YAL BAR 'DOR BAS DBEN PA'I DBANG DU BYAS NAS, RAB 'BYOR 'DI LTA STE DPER NA MI ZHIG GI LUS 'DI LTA BUR GYUR TE ZHES RGYAS BAR GSUNGS PA YIN NO, ,'DIS CI BSTAN ZHE NA, 'DOD PA'I KHAMS NA SEMS CAN YONGS SU SMIN PA LA DGA' BA RNAMS TE, DE LA LHA MIN GYI DBANG PO SGRA GCAN GYI LUS CHE BA'I TSAD RI RAB TZAM STE DE YANG RE ZHIG LUS MED PAR BLTA BAR BYA BA GZHAN LTA SMOS KYANG CI DGOS ZHES BYA'O, ,DE LA DE BZHIN @192B GSHEGS PAS DNGOS PO MA MCHIS PAR GSUNGS ZHES BYA BAS DE BZHIN NYID CHOS BDAG MED PAR STON TE, DE DNGOS PO MED CES BYA BA NI MA BYUNG BA NYID DANG 'DUS MA BYAS PA DE BZHIN NYID DU YONGS SU STON TO ZHES BYA BA NI NGO BO NYID DANG KHYAD PAR GYI MTSAN NYID DAG GI CHOS BDAG MED PA YONGS SU BSTAN PA YIN NO, ,PHYI ROL GYI BSTAN BCOS SNYING PO MED PA LA RJES SU CHAGS PAS DBEN PA'I DBANG DU BYAS NAS, RAB 'BYOR 'DI JI SNYAM DU SEMS, GANG G'A'I KLUNG GI BYE MA JI SNYED PA ZHES RGYAS PAR GSUNGS PA YIN TE, 'DIR RGYU BZHIS CHOS 'DI'I KHYAD PAR YONGS SU STON TE, BSOD NAMS YONGS SU SDUD PA DANG, LHA LA SOGS PA MANG POS BKUR BA DANG, DKA' BA BYED PA'I RGYU DANG, DE BZHIN GSHEGS PA LA SOGS PAS DGONGS SHING LHAN CIG TU 'GROGS PA'O, ,'DI NYID 'DI LAS BSOD NAMS MANG DU 'BYUNG BA'I RGYU'O ZHES BYA BA NI BSOD NAMS YONGS SU SDUD PA'O; ,SA'I PHYOGS DE MCHOD RTEN DU GYUR ZHES BYA BAS NI LHA LA SOGS PA MANG POS BKUR PA'O, ,NGO MTSAR RAB DANG LDAN PAR 'GYUR ZHES BYA BAS NI DKA' BA BYED PA'I RGYU'O, ,SA PHYOGS DE NA STON PA YANG BZHUGS TE BLA MA'I GNAS GZHAN DAG KYANG GNAS SO ZHES BYA BAS NI DE BZHIN GSHEGS PA LA SOGS PAS DGONGS SHING LHAN CIG TU 'GROGS PA'O, ,DE LA GSUNGS PA DANG GSUNG BAR 'GYUR BA'I TSUL GYIS BSTAN PAR BYA BA DANG STON PA'I TSUL GYIS ZHES BYA STE, PHYI ROL PA'I BSTAN BCOS SNYING PO MED PA LA RJES SU CHAGS PA'I GNYEN POR CHOS 'DI'I KHYAD PAR YONGS SU BSTAN PAS CHOS 'DI NYID LA SGRA JI BZHIN PAR MNGON PAR ZHEN PAR MI BYA STE, DE RNAMS KYI MA 'ONGS PA'I SKYON GYI GNYEN PO STON PAR BYED DO, ,DE BZHIN GSHEGS PAS SHES RAB KYI PHA ROL TU PHYIN PA GANG GSUNGS PA DE NYID PHA ROL TU PHYIN PA MED CES BYA BA NI JI LTAR SHES RAB KYI PHA ROL TU PHYIN PA NI PHA ROL TU PHYIN PA MED DE, DE LTAR GZHAN DAG TU YANG DE BZHIN GSHEGS PAS CHOS 'GA' YANG MA BSTAN TO ZHES BYA BA'I DON YONGS SU BSTAN TE, DE BZHIN GSHEGS PAS CHOS GANG GSUNGS PA ZHES GSUNGS PA YIN TE, CHOS KYI RNAM GRANGS 'DI RANG DANG SPYI'I MTSAN NYID @193A *, ,KYIS DON DAM PA YONGS SU BSTAN TO, ,GZUGS BRNYAN GYI MTSAN MA ZIL GYIS GNON PA LA MI MKHAS PAS DBEN PA'I DBANG DU MDZAD NAS, RAB 'BYOR STONG GSUM GYI STONG CHEN PO'I 'JIG RTEN GYI KHAMS NA SA'I RDUL JI SNYED YOD PA ZHES RGYAS PAR GSUNGS PA YIN TE, DMIGS PA CHEN PO YID LA BYED PA'I BYANG CHUB SEMS DPA' RNAMS 'JIG RTEN GYI KHAMS LA DMIGS PA'I YID LA BYED PA MANG DU BSGOM PAR 'GYUR TE, DE'I PHYIR STONG GSUM GYI STONG CHEN PO'I 'JIG RTEN GYI KHAMS SMOS PA YIN NO, ,DE LA GZUGS KYI SKU'I GZUGS BRNYAN GYI MTSAN MA ZIL GYIS GNON PA'I DON DU THABS RNAM PA GNYIS BSTAN TE, PHRA MOR BYED PA'I THABS NI, STONG GSUM GYI STONG CHEN PO'I 'JIG RTEN GYI KHAMS NA SA'I RDUL JI SNYED YOD PA DE MANG BA YIN NAM ZHES GANG GSUNGS PA YIN NO, ,SNANG BA MED PAR BYED PA'I THABS KYANG SA'I RDUL GANG LAGS PA DE RDUL MA MCHIS PAR DE BZHIN GSHEGS PAS GSUNGS PA'I SLAD DU STE, DES NA SA'I RDUL ZHES BGYI'O ZHES GANG GSUNGS PA YIN NO, ,SEMS CAN GYIS LUS KYI GZUGS BRNYAN GYI MTSAN MA ZIL GYIS GNON PA'I DON DU 'JIG RTEN GYI KHAMS GANG LAGS PA DE KHAMS MA MCHIS PAR DE BZHIN GSHEGS PAS GSUNGS TE, DES NA 'JIG RTEN GYI KHAMS ZHES BGYI'O ZHES GSUNGS PA YIN TE, 'DIR 'JIG RTEN GYI KHAMS NI SEMS CAN GYI 'JIG RTEN DU DGONGS TE, MING DANG GZUGS KYIS RAB TU PHYE BA NI SEMS CAN GYI 'JIG RTEN NO ZHES BYA BA NI SNANG BA MED PAR BYED PA'I THABS LA MKHAS PA NYID DO, ,DE LA GZUGS BRNYAN GYI MTSAN MA ZIL GYIS GNON PA'I DON YONGS SU BSTAN GYI PHRA MOR BYED PA'I THABS NI MA YIN NO, ,BSOD NAMS KYI TSOGS MA BSAGS PAS DBEN PA'I DBANG DU BYAS NAS, RAB 'BYOR 'DI JI SNYAM DU SEMS, SKYES BU CHEN PO'I MTSAN SUM CU RTZA GNYIS PO DAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU BLTA'AM ZHES BYA BA GSUNGS PA YIN NO, ,'DIS CI BSTAN ZHE NA, BSOD NAMS KYI TSOGS KYI DON DU DE BZHIN GSHEGS PA MCHOD CING BSNYEN BKUR BAR @193B BYA STE; MTSAN PHUN SUM TSOGS PAS DE BZHIN GSHEGS PAR BLTA BAR MI BYA MOD KYI, 'ON KYANG DON DAM PA'I CHOS NYID KYIS BLTA BAR BYA'O ZHES PA'O, ,LE LO DANG RNYED PA DANG BKUR STI'I BDE BA LA GCIG TU RO MYANG BAS DBEN PA'I DBANG DU BYAS NAS, GANG SLAR YANG RAB 'BYOR SKYES PA 'AM BUD MED GANG GIS LUS GANG+G'A'I KLUNG GI BYE MA SNYED YONGS SU BTANG BAS ZHES RGYAS PAR GSUNGS PA YIN NO, ,'DIS CI BSTAN ZHE NA, RE ZHIG LUS YONGS SU BTANG BAS BSOD NAMS DE TZAM DU 'GYUR MOD KYI, GANG GI SRID PAR LUS GCIG LA LTOS PA'I LE LOS BAR MA CHAD PAR BYA'O ZHES BYA BA YIN NO, ,GNAS BRTAN RAB 'BYOR CI'I PHYIR 'DI MCHI MA 'BYIN PAR BYED CE NA, BDAG GIS YE SHES SKYES TSUN CHAD CHOS KYI RNAM GRANGS 'DI MA THOS SO ZHES GSUNGS TE, LUS SHIN TU MANG PO BTANG BAS BSOD NAMS MANG PO MCHOG TU 'GYUR BAR BDAG GIS THOS NA 'DIR BSOD NAMS MCHOG TU BSTAN PA 'DI NI MA YIN TE, DE LTAR BSOD NAMS MCHOG TU 'GYUR BAR THOS PAS BRTZON 'GRUS BRTZAMS NAS CHOS GANG LA SGRA JI BZHIN DU 'DU SHES PAR 'GYUR RO, ,DE RNAMS KYI SKYON YONGS SU SPANG BA'I DON DU GANG DAG MDO SDE 'DI BSHAD PA LA YANG DAG PAR 'DU SHES SKYED PAR 'GYUR BA DE DAG NI NGO MTSAR RAB DANG LDAN PAR 'GYUR RO ZHES BYA BA 'DI GSUNGS PA YIN NO, ,'DI LA YANG YANG DAG PA'I 'DU SHES NI YANG DAG PAR 'DU SHES PA'I RNAM PAR RTOG PA YIN PA YONGS SU SPANG BA'I DON DU YANG DAG PAR 'DU SHES PA GANG LAGS PA DE NYID 'DU SHES MA MCHIS ZHES RGYAS PAR GSUNGS PA YIN NO, ,BCOM LDAN 'DAS BDAG NGO MTSAR MA LAGS KYI ZHES KYANG RGYAS PAR TE, DON CI YIN ZHE NA, MA 'ONGS PA NA BYANG CHUB SEMS PA RNYED PA DANG BKUR STI'I RO MYANG BA'I SKYON GYIS LE LOR GYUR PA DE RNAMS NGO TSA BA LA YANG DAG PAR BSDU BA'I DON DU STE, DAM PA'I CHOS RNAM PAR 'JIG PA'I DUS NA 'BYUNG BAR 'GYUR BA'I BYANG CHUB SEMS PA'I CHED DU CHOS KYI RNAM GRANGS 'DI LEN PAR 'GYUR TE, DE RNAMS GANG ZAG TU 'DZIN PAR MI 'GYUR ZHING CHOS SU YANG MA YIN NO, ,KHYED CAG DAM PA'I CHOS @194A *, ,KYI DGA' STON BYED PA'I TSE NA YANG BSGRUB PA YOD PA MA YIN PAS NGO TSA BA'I GNAS LA NYE BAR BSDU BAR BYED DE, DE DAG BDAG TU 'DU SHES 'JUG PAR MI 'GYUR ZHES DANG, GANG ZAG TU 'DZIN PAR MI 'GYUR BAR STON TO, ,BDAG TU 'DU SHES PA GANG LAGS PA DE NYID 'DU SHES MA MCHIS PA ZHES BYA BAS NI CHOS SU 'DZIN PA MED PAR STON TO, ,DE CI'I SLAD DU ZHE NA, SANGS RGYAS BCOM LDAN 'DAS RNAMS NI 'DU SHES THAMS CAD DANG BRAL BA'I SLAD DU'O ZHES PAS NI RJES SU SLOB PAR BYED PA'I BYANG CHUB SEMS DPA' DE RNAMS YONGS SU STON TE, SANGS RGYAS BCOM LDAN 'DAS NI 'DU SHES THAMS CAD DANG BRAL NA DE LAS BDAG CAG RNAMS KYIS KYANG DE LTAR BSLAB PAR BYA'O ZHES PA STE, 'DI LA JI SRID BRTZON 'GRUS LDOG PAS DBEN PA'I DBANG DU BYAS NAS, RTOG PA MED PA'I RGYUD CAN NI RNAM PAR GROL BAR 'GYUR ZHES BYA BA NI RNAM PAR BSHAD PA'I DGONGS PA'O, ,LEN PAR 'GYUR BA NI YI GE LAS SO, ,KUN CHUB PAR 'GYUR BA NI DON LAS SO, ,MI RTZOM PAS DBEN PA'I DBANG DU BYAS NAS, GANG 'DIR MDO'I TSIG BSHAD PA LA MI SKRAG PAR 'GYUR RO ZHES RGYAS PAR GSUNGS PA YIN NO, ,SKRAG PA NI BRTZON 'GRUS MI RTZOM PA STE, NYAN THOS KYI THEG PA LA BCOM LDAN 'DAS KYIS CHOS TZAM GYI STONG PA NYID NI YOD DO ZHES BSTAN LA, THEG PA CHEN PO LA NI GNYI GA YANG KUN DU BRTAGS PA'I NGO BO NYID KYIS YOD PA MA YIN NO ZHES BSTAN TE, DE LA MNYAN PA'I DUS NA CHOS MED PAR THOS NAS SKRAG PAR 'GYUR LA, STONG PA NYID DNGOS PO MED PAR THOS NAS DNGANG BAR 'GYUR ZHING SEMS PA'I DUS NA GNYI GA YANG DNGOS PO MED PAS SBYAR BAR BYA BA DANG SBYOR BAR BYED PAR MI NUS PA'I PHYIR KUN DU DNGANG BAR 'GYUR RO, GZHAN YANG NGO BO NYID MED PA GSUM GYI DBANG DU BYAS NAS RNAM GRANGS SU RIG PAR BYA'O, ,MTSAN NYID DANG DON DAM PA NGO BO NYID MED PA'O; ,DE CI'I PHYIR ZHE NA, RAB 'BYOR PHA ROL TU PHYIN PA DAM PA 'DI NI DE BZHIN GSHEGS PAS GSUNGS ZHES BYA BA LA, YANG DON CI YIN ZHE NA, NGO TSA'I GNAS GNYIS PA LA NYE BAR 'GOD DE, DE LTAR CHOS 'DI GTZO BOR GYUR PA YIN PAS BAG YOD PAR BYA'O ZHES PA'O, ,DE LA PHA ROL @194B TU PHYIN PA GZHAN RNAMS NI GTZO BO NYID LAS PHA ROL TU PHYIN PA'O, ,DE BZHIN GSHEGS PAS PHA ROL TU PHYIN PA DAM PA GANG GSUNGS PA DE DPAG TU MED PA'I SANGS RGYAS ZHES BYA BA 'DIS NI SANGS RGYAS THAMS CAD KYIS KYANG PHA ROL TU PHYIN PA 'DI GSUNGS TE DE BAS NA DAM PA ZHES BRJOD PAR BYA'O ZHES BYA BAR BSTAN TO, ,SDUG BSNGAL MI BZOD PA NYID KYIS DBEN PA'I DBANG DU BYAS NAS, YANG RAB 'BYOR DE BZHIN GSHEGS PA'I BZOD PA'I PHA ROL TU PHYIN PA ZHES RGYAS PAR GSUNGS PA YIN TE, 'DI LA YANG JI SKAD DU SMRAS PA'I BZOD PA DE RTAGS GANG GIS SHES PAR BYA, BZOD PA'I RNAM PA JI LTA BU, BZOD PA'I RGYU GNYEN PO GANG YIN ZHE NA, DE BRJOD PAR BYA STE, JI LTAR BZOD PA NI CHOS LA BDAG MED PA SO SOR RTOGS PAS DE LTAR DU YIN NO ZHES YONGS SU BSTAN PA NI DE BZHIN GSHEGS PA'I BZOD PA'I PHA ROL TU PHYIN PA GANG YIN PA DE NYID PHA ROL TU PHYIN PA MED DO ZHES GANG GSUNGS PA YIN TE, RTAGS CI ZHIG GIS BZOD PAR RIG PAR BYA NA GAL TE GNOD PA BYED BZHIN PA NA BDAG LA SOGS PA'I 'DU SHES KYI GZHI LAS GNOD SEMS KYI 'DU SHES PA YIN NO, ,'DI BZOD PA'I PHA ROL TU PHYIN PA NYID DU YANG 'DU SHES PA MED DE, PHA ROL TU PHYIN PA MED PAR YANG 'DU SHES PA MA YIN PAS DE'I RNAM PA BSTAN PA YIN NO, ,GANG GI TSE KA LING KA'I RGYAL POS NGA'I YAN LAG DANG NYING LAG RNAMS BCAD PAR GYUR PA DE'I TSE NA NGA LA BDAG TU 'DU SHES MED DO ZHES RGYAS PAR GSUNGS PA YIN TE, DE RNAM PA CI LTA BUS BZOD CE NA, SDUG BSNGAL DRAG PO BZOD CING SDUG BSNGAL RGYUN CHAGS PA YANG BZOD PA STE DE JI LTA BU YIN PA YONGS SU BSTAN PA'I PHYIR GANG GI TSE KA LING KA'I RGYAL POS NGA'I YAN LAG DANG NYING LAG RNAMS BCAD PAR GYUR PA ZHES GANG GSUNGS PA YIN NO, ,GANG YANG NGAS MNGON PAR SHES TE 'DAS PA'I DUS NANG TSE RABS LNGA BRGYAR BZOD PA SMRA BA ZHES BYA BA'I DRANG SRONG DU GYUR ZHES PA NI BZOD PA'I RGYU YANG SDUG BSNGAL RNAM PA GSUM STE, 'KHOR BA'I SDUG BSNGAL DANG, SEMS CAN LOG PAR SGRUB PA'I SDUG BSNGAL DANG, LONGS SPYOD DANG BRAL BA'I SDUG BSNGAL LO, ,DE LA RAB 'BYOR @195A *, ,DE LTA BAS BYANG CHUB SEMS DPA' SEMS DPA' CHEN POS 'DU SHES THAMS CAD RNAM PAR SPANGS TE BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O ZHES GANG GSUNGS PA YIN TE, 'DIS 'KHOR BA'I SDUG BSNGAL MI BZOD PA'I RGYU'I GNYEN PO BSTAN PA YIN NO, ,BYANG CHUB TU SEMS BSKYED PA YANG RNAM PA GSUM STE, SDUG BSNGAL DU 'DU SHES PA NYID KYIS GANG SKYED PAR BYED PAR MI 'DOD PA STE, DE'I PHYIR 'DU SHES THAMS CAD RNAM PAR SPANGS TE ZHES RGYAS PAR GSUNGS PA YIN NO, ,'DI NI 'DIR RNAM PA GSUM STE, SDUG BSNGAL DU 'DU SHES PA DANG, GZUGS LA SOGS PA LA GNAS PAR MNGON PAR 'DOD PA'I 'DU SHES THAMS CAD DANG, 'KHOR BA'I SDUG BSNGAL 'DI DAG GIS YONGS SU DUB PAS YID BYANG CHUB TU SEMS BSKYED PAR MI BYED PA'O, ,GZUGS LA MI GNAS PAR SEMS BSKYED PAR BYA'O ZHES BYA BA NI SNGA MA BZHIN NO, ,DE BZHIN DU CHOS LA MI GNAS PA DANG, CHOS MED PA LA YANG MI GNAS PAR ZHES GSUNGS PA YIN TE, CHOS LA YANG NI CHOS BDAG MED PA LA YANG MI GNAS PA STE, DE LA YANG MI GNAS PA NYID NI 'DI LA SGRA JI BZHIN PA'I NGO BO NYID DU KUN DU RTOG PA DGAG PA'I PHYIR GNAS PA GANG YIN PA DE NYID MI GNAS PA'I PHYIR TE ZHES RGYAS PAR GSUNGS PA YIN NO, ,YANG BYANG CHUB SEMS DPAS SEMS CAN THAMS CAD LA PHAN GDAGS PA'I PHYIR SBYIN PA YONGS SU BTANG BAR BYA'O ZHES GANG GSUNGS PA DANG, GANG DU SEMS CAN DU 'DU SHES GANG YIN PA DE NYID KYANG 'DU SHES MED PA STE ZHES RGYAS PAR GSUNGS TE, 'DIS NI SEMS CAN GYI LOG PAR SGRUB PA'I SDUG BSNGAL MI BZOD PA'I RGYU'I GNYEN PO YONGS SU STON TE, SEMS CAN THAMS CAD KYI DON NYID KYI PHYIR YONGS SU GTONG BAR BYED PAR BRJOD DO, ,DE NYID LA BYED PA DANG BYED PA PO NGA'O SNYAM DU ZHEN PA'I SEMS CAN DE NYID KYANG YOD PA MA YIN NA RGYU GANG LAS SEMS CAN DU 'DU SHES TE SEMS CAN LOG PAR SGRUB PA LA SKYO BA SKYED PAR BYED CES GANG ZAG LA BDAG MED PA DANG CHOS LA BDAG MED PA YANG YONGS SU STON TO, ,RAB 'BYOR DE BZHIN GSHEGS PA NI YANG DAG PAR GSUNG PA ZHES RGYAS PAS CI ZHIG STON ZHE NA, DE BZHIN @195B GSHEGS PA LA YANG DAG PAR YID CHES PAS KYANG BZOD PAR BYA'O ZHES BYA BA YIN NO, ,DE LA KUN RDZOB KYI BDEN PA'I MTSAN NYID KYI DBANG DU BYAS NAS YANG DAG PAR GSUNG PA'O, ,DE SGRUB PA KUN NAS NYON MONGS PA DANG RNAM PAR BYANG BA'I MTSAN NYID KYI DBANG DU BYAS NAS BDEN PA GSUNG PA'O, ,'DI NI KUN NAS NYON MONGS PAR BYA BA DANG RNAM PAR BYANG BAR BYA'O ZHES BYA BA NI BDEN PA'I SGRUB PA'O, ,DON DAM PA'I BDEN PA'I MTSAN NYID KYI DBANG DU BYAS NAS DE BZHIN NYID GSUNGS PA STE, DE SGRUB PA KUN NAS NYON MONGS PA DANG RNAM PAR BYANG BA'I MTSAN NYID KYI DBANG DU BYAS NAS DE BZHIN NYID GSUNG BA DANG YANG DAG PAR GSUNG BA ZHES GSUNGS PA YIN TE, 'DIR YANG YANG DAG PA NI SGRA JI BZHIN PA'I NGO BO NYID DU MNGON PAR ZHEN PA YONGS SU SPANG BA'I DON DU DE BZHIN GSHEGS PAS CHOS GANG MNGON PAR SANGS RGYAS PA'AM BSTAN PA DE LA BDEN PA YANG MED BRDZUN PA YANG MED DO ZHES BYA BA GSUNGS TE, BDEN PA MED PA NI SGRA JI BZHIN PA'I NGO BO NYID KYIS MED PA'I PHYIR RO, ,BRDZUN PA MED PA NI SGRA JI BZHIN PA MA YIN PA'I NGO BO NYID KYIS YOD PA'I PHYIR RO, ,RAB 'BYOR 'DI LTA STE DPER NA, MI ZHIG MUN PAR ZHUGS ZHES BYA BA RGYAS PAS LONGS SPYOD MA TSANG BA'I SDUG BSNGAL LA MI BZOD PA'I RGYU'I GNYEN PO YONGS SU STON TE, SU ZHIG LONGS SPYOD KYI DON DU SBYIN PA GTONG BA DE NI DNGOS POR LTUNG BAS SBYIN PA GTONG BA YIN TE, DE LTUNG BA NI BDE BA 'DOD CING SDUG BSNGAL MED PA'I CHED DU'O, ,TSOR BAS NGES PAR 'BYUNG BA SKYED PAR MI BYED DE, JI LTAR MUN PAR ZHUGS PA CI NAS BDAG GIS 'GRO BAR BYA'O SNYAM PA DE'I PHYIR 'DOD PA'I BDE BA NYID LA MNGON PAR DGA' ZHING GANG DNGOS POR MA LHUNG BAS SBYIN PA BYIN PA DE NI JI LTAR MIG DANG LDAN PA'I MI NAM LANGS TE NYI MA SHAR NAS GZUGS SNA TSOGS PA MTHONG BA GANG LAS BDAG GIS 'GRO BAR BYA'O ZHES DE LTAR BLTA'O, ,DE NI MA RIG PA'I MTSAN MO 'DAS SHING YE SHES KYI NYI MA SHAR BA NA RNAM PA SNA TSOGS PA'I SHES BYA YANG DAG PA JI LTA BZHIN DU MTHONG BA SKYED PAR BYED DO, ,GZHAN DU 'DOD PA'I BDE BA DANG SDUG BSNGAL GYIS TSOR BA LAS NGES PAR 'BYUNG BA DE'I PHYIR 'DOD PA'I BDE BA LA MNGON PAR DGA' BA MA YIN NO, ,YE SHES KYI TSOGS MA TSANG BAS DBEN PA'I DBANG @196A *, ,DU BYAS NAS YANG RAB 'BYOR RIGS KYI BU'AM RIGS KYI BU MO GANG DAG CHOS KYI RNAM GRANGS 'DI LEN PA ZHES RGYAS PAR GSUNGS PA YIN TE, 'DIR TING NGE 'DZIN GYI RO MYANG BAS DBEN PA'I DON DU CHOS KYI RNAL 'BYOR BYA BA'I YON TAN GYI KHYAD PAR RNAM PA LNGA STON PAR BYED DE, DE BZHIN GSHEGS PAS DGONGS SHING LHAN CIG TU 'GROGS PA DANG, BSOD NAMS YONGS SU 'DZIN PA DANG CHOS SGRUB PA LA BSTOD PA DANG, LHA LA SOGS PAS BKUR BA DANG, SDIG PA ZAD PAR BYED PA RNAMS SO, ,DE BZHIN GSHEGS PAS DGONGS SHING LHAN CIG TU 'GROGS PA CI LTA BU ZHE NA, DE DAG NI DE BZHIN GSHEGS PAS MKHYEN, DE DAG NI DE BZHIN GSHEGS PAS GZIGS ZHES GANG GSUNGS PA YIN NO, ,DE LA LEN PA DANG, KLOG PA DANG, 'DZIN PA DANG, MI BRJED PAR BYED PA DANG, SMRA BAR BYED PA DANG, KUN CHUB PAR BYED PA ZHES GANG GSUNGS PA YIN NO, ,'DZIN PA'I GZUNGS KYI RGYU LEN PAR 'DOD PA DANG, KLOG PA DANG 'DZIN PAR 'DOD PA DANG KUN CHUB PAR BYED PA'O, ,YANG SMRA BAR BYED PA DANG, KLOG PAR BYED PA DANG, KUN CHUB PAR BYED PA ZHES DON 'DZIN PAR BYED PA'O, ,JI LTAR BSOD NAMS YONGS SU 'DZIN ZHE NA, SEMS CAN DE DAG THAMS CAD NI DPAG TU MED PA'I BSOD NAMS KYI PHUNG PO BSKYED DO ZHES GANG GSUNGS PA YIN NO, ,MI BRJED PAR 'GYUR ZHES KYANG RGYAS PAR RO, ,JI LTAR CHOS DE SGRUB PA LA BSTOD PA LAS YIN ZHE NA, RAB 'BYOR CHOS KYI RNAM GRANGS 'DI NI BSAM GYIS MI KHYAB CING MTSUNGS PA MED DE ZHES RGYAS PAR GANG GSUNGS PA YIN NO, ,CHOS KYI BSTOD PA NI 'DI YIN TE, DE LA BSAM GYIS MI KHYAB PA NI SO SO RANG GIS RIG PAR BYA BA NYID KYIS SO, ,MTSUNGS MED PA NI MNYAM PA'I KHYAD PAR MED PA'I PHYIR RO, ,DE BZHIN GSHEGS PAS GSUNGS PA'I CHOS KYI RNAM GRANGS 'DI YANG THEG PA MCHOG LA YANG DAG PAR ZHUGS PA'I SEMS CAN RNAMS KYI DON ZHES BYA BA NI MTSUNGS PA MED PA NYID SGRUB PAR BYED DO; DE LA THEG PA GZHAN LA LTOS NA NYON MONGS PA DANG SHES BYA'I SGRIB PA RNAM PAR DAG PA'I PHYIR MCHOG TU RIG PAR BYA LA, GTZO BOR RIG PAR BYA STE, CHOS KYI RNAM GRANGS 'DI LEN PA NAS KUN CHUB PA'I BAR DE DAG DE BZHIN GSHEGS PAS GZIGS ZHES GANG GSUNGS PA YIN TE, 'DI DANG DE DAG NI SGRUB @196B PA LA BSTOD PA YIN TE, SEMS CAN DE DAG THAMS CAD NI DPAG TU MED PA DANG BSAM GYIS MI KHYAB PA DANG, MTSUNGS PA MED PA DANG, GZHAL DU MED PA DANG, TSAD MED PA DANG LDAN PAR 'GYUR TE ZHES RGYAS PAR BSHAD PA'O, ,DE DAG THAMS CAD NI NGA'I BYANG CHUB PHRAG PA LA THOGS PAR 'GYUR, BYANG CHUB KYI KHUR 'PHEL BAR BYED PAR 'GYUR TE, RAB 'BYOR CHOS KYI RNAM GRANGS 'DI DMAN PA LA MOS PA RNAMS KYIS MNYAN PAR MI NUS TE, NYAN THOS DANG RANG SANGS RGYAS KYI THEG PA PA RNAMS KYIS SO, ,BDAG TU LTA BA RNAMS KYI MA YIN ZHES PA NI GANG ZAG TU LTA BA'I BYANG CHUB SEMS DPA' RNAMS BSHAD PA YIN NO, ,LHA LA SOGS PAS BKUR BA JI LTA BU ZHE NA, YANG RAB 'BYOR SA'I PHYOGS GANG NA MDO SDE 'DI STON PA DE MCHOD PAR BYA BA DANG, SA'I PHYOGS DE ZHES BYA BA RGYAS PAR GANG GSUNGS PA YIN NO, ,DE LA ME TOG DANG, BDUG SPOS DANG, GDUGS DANG, RGYAL MTSAN DANG, BA DAN LA SOGS PA RNAMS KYIS MCHOD PA DANG, 'DUD CING PHYAG BYA BA DANG, BSKOR BA BYED PA DANG, YON DBUL ZHING GANG DU MCHOD RTEN DU 'GYUR BA'O, ,SDIG PA ZAD PAR BYED PA JI LTA BU ZHEN, 'DI DAG YONGS SU MNAR BAR 'GYUR RO, ,DE YONGS SU MNAR BA'I SGO DU MA NYID YONGS SU BSTAN PA'I PHYIR SHIN DU MNAR BAR 'GYUR ZHES DANG, SANGS RGYAS KYI BYANG CHUB KYANG THOB PAR 'GYUR ZHES DANG, SGRIB PA DANG SDIG PA YONGS SU ZAD PAR 'GYUR ZHES BSTAN PAS GSUNGS PA YIN NO, ,DE'I PHYIR GZHAN YANG LTUNG BA LAS 'BYUNG BA DANG, BSOD NAMS CHES MANG ZHING GZHAL DU MED PA GRANGS MED PA 'BYUNG BAR 'GYUR RO ZHES KYANG GSUNGS SO, ,DE NI GZHAL DU MED PA DANG GRANGS MED PA'I RNAM PAR BSHAD PA YIN PAR RIG PAR BYA STE, SHIN DU GDUNG BA 'BYUNG BAR 'GYUR BA NYID DANG, MANG PO NYID 'BYUNG BAR 'GYUR BAS KYANG NGO, ,DE LA RAB 'BYOR NGAS MNGON PAR SHES TE BSKAL BA GRANGS MED PA'I CHES GRANGS MED PA ZHES RGYAS PAR GANG GSUNGS PA YIN TE, 'DI DAG GIS NI RAB TU GYUR PAR STON PAR BYED LA, 'DI NI 'DI'I BSOD NAMS KYI PHUNG PO 'BYUNG BA GANG RE ZHIG BSOD NAMS KYI PHUNG PO DE MCHOG TU ZIL GYIS GNON PA YIN NO, ,DE LA JI SRID DE BZHIN @197A *, ,GSHEGS PA MAR ME MDZAD NAS BSKAL PA GRANGS MED PAR RIG PAR BYA STE, DE LAS CHES GRANGS MED PA GZHAN GYIS MNYES PAR BYAS PA'O ZHES BYA BA NI MDOR BSDUS PA'O, ,THUGS BYUNG BAR MA BYAS PA NI NGA RGYAL MED PA'O, ,SLAR YANG RAB 'BYOR GAL TE RIGS KYI BU'AM RIGS KYI BU MO DE RNAMS KYI BSOD NAMS KYI PHUNG PO NGAS BRJOD NA ZHES RGYAS PAR GANG GSUNGS PA YIN NO, ,'DIS MANG PO NYID DU STON PAR BYED DE, DE LA MYO MYO PO NI RGYU YIN LA SEMS 'KHRUGS PA NI 'BRAS BUR RIG PAR BYA'O, ,DA NI BSOD NAMS 'BYUNG BA JI LTA ZHE NA, YANG RAB 'BYOR CHOS KYI RNAM GRANGS 'DI NI BSAM GYIS MI KHYAB PA NYID DE, 'DI'I RNAM PAR SMIN PA YANG BSAM GYIS MI KHYAB CES GANG GSUNGS PA YIN TE, 'DIS NI BSOD NAMS KYI 'BRAS BU DE RTOG GE LA MI BRTEN PAR YONGS SU STON PAR BYED DO, ,BDAG TU 'DZIN PAS DBEN PA'I DBANG DU BYAS NAS BYANG CHUB SEMS DPA'I THEG PA LA YANG DAG PAR ZHUGS PAS JI LTAR ZHES RGYAS PAR GSUNGS PA YIN NO, ,DE CI YIN ZHE NA, DANG POR DRIS PA NYID STON PAR BYED DE, MNGON PAR RTOGS PA'I MTHA' LAS GNAS BZHIN PA'I BYANG CHUB SEMS DPA' BDAG NYID KYI KHYAD PAR RTOGS PAR BLTA BAR BYA STE, DA NI DE LA GNAS PA'O ZHES SO, ,DE LTAR SGRUB PA DANG NGA NI DE LTAR SEMS RAB TU BZUNG BAR BYA'O, ,DA NI SEMS CAN YONGS SU MYA NGAN LAS 'DA' BAR BYA'O ZHES RGYAS PA'O, ,DE'I GNYEN POR DE LA GNAS PA DANG, YANG JI LTAR GNAS PAR BYA BA DANG, BSGRUB PAR BYA BA DANG SEMS RAB TU GZUNG BAR BYA BA'O, ,DE ZHUS PAR GYUR PA DANG BCOM LDAN 'DAS KYIS LUNG BSTAN TE, JI LTAR SEMS BSKYED PAR BGYI ZHES RGYAS PAR TE, SEMS CAN YONGS SU MYA NGAN LAS 'DA' BAR BYA'O ZHES BYA BA LA SEMS CAN 'GA' YANG YONGS SU MYA NGAN LAS 'DA' BAR GYUR PA MED DO ZHES BYA BAS NI BDAG TU 'DZIN PA'I GNYEN POR GSUNGS PA YIN NO, ,RAB 'BYOR GAL TE BYANG CHUB SEMS DPA' SEMS CAN DU 'DU SHES 'JUG NA ZHES BYA BA NI YANG DAG PAR 'DZIN PA LAS SAM BAG LA NYAL LAS SO ZHES DGONGS SO, ,YANG DAG PAR RDZOGS PA'I BYANG CHUB SEMS @197B DPA'I THEG PA LA GNAS PA ZHES PA NI BDAG TU 'DZIN PA'I GNYEN POR GSUNGS PA YIN NO, ,RAB 'BYOR BYANG CHUB SEMS DPA'I THEG PA LA YANG DAG PAR ZHUGS PA ZHES BYA BA'I CHOS DE GANG YANG MED PA'I PHYIR RO ZHES BYA BAS KYANG NGO, ,GDAMS NGAG DANG MI LDAN PAS DBEN PA'I DBANG DU MDZAD NAS RAB 'BYOR 'DI JI SNYAM DU SEMS, DE BZHIN GSHEGS PAS DE BZHIN GSHEGS PA MAR ME MDZAD LAS CHOS DE GANG YANG YOD DAM ZHES RGYAS PAR TE, RAB 'BYOR GAL TE DE BZHIN GSHEGS PAS DE BZHIN GSHEGS PA MAR ME MDZAD LAS GANG BLA NA MED PA YANG DAG PAR RDZOGS PA'I CHOS DE GANG YANG YOD DAM ZHES BYA BA DANG, LUNG STON PAR MI 'GYUR BA ZHIG NA ZHES GSUNGS PA YIN NO, ,'DI'I DGONGS PA CI YIN ZHE NA, GAL TE RTOGS PAR BYA BA'I CHOS THOB PAR 'GYUR BA DE NI, JI LTAR DE BZHIN GSHEGS PA MAR ME MDZAD KYIS BRNYES PA DE BZHIN DU, NGA NYID KYANG MNGON PAR RDZOGS PAR SANGS RGYAS PAR GYUR TO ZHES BYA'O, ,YANG DE BZHIN GSHEGS PA MAR ME MDZAD KYIS LUNG STON PAR MI 'GYUR BA ZHIG NA ZHES RGYA CHER GSUNGS TE, DE'I PHYIR CHOS DE MNGON PAR THOB PA MED PA NYID KYI PHYIR DE'I MTHA' LAS MNGON PAR RDZOGS PAR SANGS RGYAS TE, DE BAS NA NGA LUNG BSTAN TO ZHES PA NI 'DIR 'DI'I DGONGS PA YIN PAR RIG PAR BYA'O, ,CI'I PHYIR CHOS DE MNGON PAR THOB PA MED CE NA, RAB 'BYOR DE BZHIN GSHEGS PA ZHES BYA BA NI YANG DAG PA'I DE BZHIN NYID CES GSUNGS TE, DE LA DE BZHIN NYID KYI TSIG BLA DAGS NI, RNAM PAR DAG PAS RAB TU PHYE BA'I DE BZHIN GSHEGS PA STE, DE BZHIN NYID KYANG THOB PA MED PA'O ZHES DGONGS PA'O, ,RNAM PAR DAG PA'I DE BZHIN NYID DANG YANG DAG PA'I DE BZHIN NYID CES BRJOD PA DE LA, YANG DAG PA NI GSER LTA BU'O, ,GAL TE DE BZHIN GSHEGS PA MAR ME MDZAD LAS CHOS DE MNGON PAR RDZOGS PAR SANGS MA RGYAS LA, BCOM LDAN 'DAS NYID KYIS PHYIS MNGON PAR RDZOGS PAR SANGS RGYAS SO ZHES 'DZIN PA SPANG BA'I PHYIR, RAB 'BYOR GANG LA LA ZHIG 'DI SKAD DU DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES @198A *, ,ZER NA ZHES RGYA CHER GSUNGS SO, ,RAB 'BYOR DE BZHIN GSHEGS PAS CHOS GANG MNGON PAR RDZOGS PAR SANGS RGYAS PA'I CHOS DE NI BDEN PA YANG MED BRDZUN PA YANG MED CES PAS NI DE BZHIN NYID GNYIS SU MED PA GSAL BAR STON TE, CI LTAR BDEN PA MA YIN NA, THOB PAR BYA BA CI LTA BA'O, ,CI LTAR BRDZUN PA MA YIN NA, MNGON PAR RDZOGS PAR 'TSANG RGYA BA JI LTA BA STE, DE LA NI GANG DU YANG MNGON PAR THOB PA'I 'JUG PA YOD PA MA YIN PA NYID KYIS SO, ,DE BAS NA DE BZHIN GSHEGS PAS CHOS THAMS CAD SANGS RGYAS KYI CHOS ZHES GSUNGS PA'I DGONGS PA CI ZHE NA, GANG GI PHYIR SANGS RGYAS KYI CHOS RNAMS DE BZHIN NYID RNAM PAR DAG PAS RAB TU PHYE BA STE, CHOS THAMS CAD DE BZHIN NYID KYI RJES SU SONG BA'O ZHES PA 'DI'I DGONGS PA'O, ,CHOS THAMS CAD KYANG CHOS SUM GRUB PO ZHES DON DAM PA'I RNAM PAR BZHAG PAS, RAB 'BYOR CHOS THAMS CAD CES BYA BA NI DE DAG THAMS CAD CHOS MED PA YIN TE DES NA CHOS THAMS CAD SANGS RGYAS KYI CHOS ZHES BYA'O ZHES GSUNGS SO, ,MNGON PAR RTOGS PA'I DBANG DU BYAS NAS, RAB 'BYOR 'DI LTA STE DPER NA SKYES BU ZHIG MI'I LUS DANG LDAN ZHING LUS CHEN POR GYUR ZHES RGYA CHER GSUNGS PA YIN TE, 'DIS NI MNGON PAR RTOG PA'I YE SHES THOB PA DANG, MNGON PA'I NGA RGYAL MED PA GSAL BAR BSTAN TO, ,CI LTAR YE SHES THOB PAS SHE NA, YE SHES RNAM PA GNYIS NYE BAR BZUNG NAS TE, RIGS YONGS SU 'DZIN PA'I YE SHES DANG, MNYAM PA NYID KYI YE SHES SO, ,YE SHES GANG ZHIG THOB PAS DE BZHIN GSHEGS PA'I RIGS SU SKYES PA NI SANGS RGYAS SU RIGS NGES PAR GYUR PA STE, DE NI RIGS YONGS SU 'DZIN PA'I YE SHES YIN LA, DE THOB PAS NI LUS DANG LDAN PAR 'GYUR RO, ,'DIS NI GANG DU TSE RABS MANG POR MNGON PAR DGA' BAR BYED BA STE, RIGS SU SKYES PAR GYUR BA DE NI LUS DANG LDAN PAR 'GYUR TE, DE'I PHYIR LUS DANG LDAN PA ZHES BRJOD PAR BYA'O, ,MNYAM PA NYID KYI YE SHES KYANG MNYAM PA NYID RNAM PA LNGA NYE BAR BZUNG NAS TE, GNAS NGAN LEN MNYAM PA NYID DANG, BDAG MED PA MNYAM PA NYID DANG, SPONG BA LA BRTZON PA MNYAM PA NYID DANG, @198B ZANG ZING MED PA'I SEMS LA BRTZON PA MNYAM PA NYID DANG, BYANG CHUB SEMS DPA' THAMS CAD KYI MNGON PAR RTOGS PA MNYAM PA NYID DO, ,DE DAG THOS PAS LUS CHEN POR GYUR PA STE, SEMS CAN THAMS CAD KYI LUS NYE BAR LEN PA'I PHYIR RO, ,DE'I LUS DE NI RANG GI MA YIN ZHING GZHAN GYI MA YIN LA GNAS PAR NUS PA'O, ,DES NA DE BZHIN GSHEGS PAS SKYES BU MI'I LUS DANG LDAN ZHING LUS CHEN PO ZHES GANG GSUNGS PA DE DE BZHIN GSHEGS PAS LUS MA MCHIS PAR GSUNGS TE DES NA ZHES RGYA CHER GSUNGS SO, ,DE LA LUS DANG LDAN PA DANG LUS CHEN POS NI 'DIR DON DAM PA'I TSUL RNAM PAR 'JOG PAR BYED DE, DE LTAR RE ZHIG YE SHES THOB PA LAS SO, ,CI LTAR MNGON BA'I NGA RGYAL MED PA LAS SHE NA, BYANG CHUB SEMS DPA' GANG ZHIG 'DI SKAD DU ZHES RGYA CHER GANG GSUNGS PA STE, 'DIS CI SHES PAR BYED CE NA, GANG ZHIG 'DI SNYAM DU BDAG GIS SEMS CAN RNAMS YONGS SU MYA NGAN LAS 'DA' BAR BYA'O SNYAM NA BYANG CHUB SEMS DPA' DE BDAG NYID MNGON PA'I NGA RGYAL CAN DU RIG PAR BYA BA STE, YANG DAG PA'I DON DU NA BYANG CHUB SEMS DPA' ZHES MI BYA BA'O, ,DE BAS NA DE BZHIN GSHEGS PAS CHOS THAMS CAD NI SEMS CAN MED PA ZHES GSUNGS PAS CI ZHIG GSAL BAR BYAS SHE NA, GAL TE SEMS CAN YOD PAR GYUR NA, BYANG CHUB SEMS DPA' DE LTAR LUS DANG LDAN PA DANG LUS CHEN POR GYUR PA GANG LAS YIN ZHES PA'O, ,DE LAS GONG DU SANGS RGYAS KYI SA YONGS SU TSOL BA DANG ZHING RNAM PAR DAG PA PHUN SUM TSOGS PA'I DBANG DU BYAS NAS, RAB 'BYOR BYANG CHUB SEMS DPA' GANG ZHIG 'DI SKAD DU BDAG GIS ZHING BKOD PA RNAMS BSGRUB BA PO ZHES ZER NA, DE YANG DE BZHIN DU BRJOD PAR BYA'O ZHES GSUNGS TE, DE BYANG CHUB SEMS DPA' ZHES MI BYA'O ZHES PA'I DON TO, ,DER LTA BA DANG BCAS PA NI YANG DAG PA'I SGRUB PA LA 'JUG PAR BYED DE, DES NA DE SPANG BAR BYA BA'I PHYIR DON DAM PA RNAM PAR 'JOG PAR BYED DE, DE DAG BKOD PA MED PAR DE BZHIN GSHEGS PAS GSUNGS PA'I PHYIR TE, DES NA ZHING BKOD PA RNAMS ZHES BYA'O ZHES SO, ,RAB 'BYOR BYANG CHUB SEMS DPA' GANG ZHIG 'DI SKAD DU, CHOS RNAMS NI BDAG MED @199A *, ,PA CHOS RNAMS NI BDAG MED PA'O ZHES MOS PA ZHES PA NI BDAG MED PA RNAM PA GNYIS KYI DBANG DU BYAS NAS GSUNGS PA STE, GANG ZAG GI BDAG MED PA DANG CHOS KYI BDAG MED PA'O, ,DE DE BZHIN GSHEGS PAS BYANG CHUB SEMS DPA' BYANG CHUB SEMS DPA' ZHES BRJOD DO ZHES PA NI BDAG MED PA RNAM PA GNYIS PO DE NYID RDZOGS PAR BYANG CHUB PA RNAM PA GNYIS KYI DBANG DU BYAS NAS GSUNGS PA STE, 'DIS CI ZHIG GSAL BAR BYAS SHE NA, GANG ZHIG BDAG GIS BSGRUB PO ZHES GANG ZAG TU 'DZIN PA DANG, ZHING BKOD PA RNAMS ZHES CHOS SU 'DZIN PA STE, DE DAG BYANG CHUB SEMS DPA' RNAMS LA MED CES PA'O, ,BLA NA MED PA'I MTHONG BA DANG YE SHES PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, DE BZHIN GSHEGS PA LA SHA'I SPYAN MNGA' SNYAM 'AM ZHES RGYA CHER GSUNGS SO, ,DE BZHIN GSHEGS PA NI GZIGS PA RNAM PAR DAG PA PHUL DU BYUNG BA MNGA' BA NYID DU SHES PAR BYA BA'I PHYIR, SHES RAB KYI SPYAN KHO NA MNGA' BA MA YIN TE, SPYAN RNAM PA LNGA MNGA' BA NYID GSAL BAR STON TO, ,GZHAN DU NA SHES RAB KYI SPYAN KHO NAS GZIGS PA RNAM PAR DAG PA TSOL BAR 'GYUR RO, ,DE LA BSDUS NA SPYAN RNAM PA BZHI STE, GZUGS 'DZIN PAR BYED PA DANG, DON DAM PA'I BDEN PA 'DZIN PAR BYED PA DANG, ,KUN RDZOB KYI BDEN PA 'DZIN PAR BYED PA DANG, RNAM PA THAMS CAD DU SHES BYA THAMS CAD 'DZIN PAR BYED PA'O, ,GZUGS 'DZIN PAR BYED PA YANG RNAM PA GNYIS TE, LAS KYI 'BRAS BU DANG, BSGOMS PA'I 'BRAS BU'O, ,DES NA RNAM PA LNGAR 'GYUR RO, ,RGYA CHE BA'I YUL CAN NYID KYI PHYIR GZUGS 'DZIN PA NI DANG PO'O, ,DON DAM PA MKHYEN PA'I DBANG GIS KUN RDZOB LA MKHYEN PA PHYIN CI MA LOG PAR 'JUG STE, DE'I PHYIR DON DAM PA'I BDEN PA 'DZIN PA SNGA MA'O, ,DE LA CHOS DANG GANG ZAG TU MNGON PAR BRJOD PA NI CHOS DANG GANG ZAG TU BTAGS PA'O, ,DE DAG MKHYEN PA NI CHOS KYI SPYAN ZHES BRJOD PAR BYA STE, 'DI NI JI SNYED PA GZIGS PA RNAM PAR DAG PA'O, ,DPER MDZAD PA DE DAG GI BSAM PA THA DAD PA'I @199B SEMS KYI RGYUN NGAS RAB TU SHES SO ZHES GANG GSUNGS PA 'DI NI YE SHES RNAM PAR DAG PA STE, DE LA SEMS KYI RGYUN NI DUS GSUM PA'I SEMS RNAMS SO, ,DE LA BSAM PA THA DAD PA NI RNAM PA GNYIS SU RIG PAR BYA STE, KUN NAS NYON MONGS PA DANG RNAM PAR BYANG BA'AM 'DOD CHAGS DANG BCAS PA DANG 'DOD CHAGS DANG BRAL BA ZHES BYA BA DE LTA BU LA SOGS PA'O, ,YANG NA 'DAS PA LA SOGS PA'I DBYE BAS SO, ,DE LTAR GNYIS KA YANG DON DAM PAR RNAM PAR 'JOG PAR BYED DE, SEMS KYI RGYUN ZHES BYA BA NI RGYUN MED CES PA DANG, 'DAS PA'I SEMS KYANG DMIGS SU MED CES BYA BA RGYA CHER GSUNGS SO, ,DE LA 'DAS PA'I SEMS DMIGS SU MED PA NI NYE BAR ZHI BAS SO, ,MA 'ONGS PA NI MA BYUNG BAS SO, ,DA LTAR BYUNG BA NI DON DAM PAR TE, MNGON SUM GYI SHES BYA'I DNGOS PO'I DBANG DU BYAS NAS MTHONG BA RNAM PAR GZHAG PA'O, ,DE NAS SEMS CAN RNAMS KYI BSAM PA JI LTA BAR 'DOMS PA'I DBANG DU BYAS PA'I YE SHES TE, 'DIR SEMS KYI RGYUN NI RGYUN MED PA'O ZHES JI SKAD GSUNGS PA'O, ,DE BZHIN DU GZIGS PA RNAM PAR DAG PA LA SPYAN NI SPYAN MED PA'O ZHES CI'I PHYIR MA GSUNGS SHE NA, YE SHES GZIGS PA RNAM PAR DAG PA NI RTEN GCIG NYID KYI PHYIR DANG, MTHAR THUG DON DAM PA RNAM PAR GZHAG PA LAS NI DANG PO NYID NAS GRUB PAR 'GYUR ZHES PA'O, ,BSOD NAMS KYI PHUNG PO DBANG DU GYUR PA PHUN SUM TSOGS PA'I DBANG DU MDZAD NAS, GANG GIS STONG GSUM GYI STONG CHEN PO'I 'JIG RTEN GYI KHAMS 'DI ZHES RGYA CHER GSUNGS PA YIN NO, ,'DIR YANG DON DAM PA RNAM PAR 'JOG PAR BYED DE, YANG RAB 'BYOR GAL TE BSOD NAMS KYI PHUNG POR GYUR NA ZHES RGYA CHER GSUNGS SO, ,SKU PHUN SUM TSOGS PA DANG DPE BYAD KYI SKU PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, GZUGS KYI SKU YONGS SU GRUB PAS DE BZHIN GSHEGS PAR BLTA BAR BYA SNYAM MA MA ZHES RGYA CHER GSUNGS SO, ,MTSAN GYI SKU PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA BAR BYA @200A *, ,SNYAM MAM ZHES RGYA CHER GSUNGS SO, ,GSUNG PHUN SUM TSOGS PA'I DBANG DU BYAS NAS, RAB 'BYOR 'DI JI SNYAM DU SEMS, DE BZHIN GSHEGS PA 'DI SNYAM DU NGAS CHOS BSTAN TO ZHES RGYA CHER GSUNGS SO, ,THUGS PHUN SUM TSOGS PA DRAN PA NYE BAR GZHAG PA'I DBANG DU BYAS NAS, BCOM LDAN 'DAS MA 'ONGS PA'I DUS NA SEMS CAN GANG DAG 'DI LTA BU'O CHOS BSHAD PA 'DI THOS NAS ZHES RGYA CHER GSUNGS PA YIN NO, ,'DIS NI GANG GI PHYIR BCOM LDAN 'DAS KYIS SEMS CAN GANG DAG LA DGONGS PA NYE BAR BZHAG PA DE YONGS SU GSAL BAR BSTAN TE, DE DAG SEMS CAN MA YIN PA NI DON DAM PA LAS SO, ,SEMS CAN MED PA MA YIN PA NI KUN RDZOB LAS SO, ,'DI LAS GZHAN PA NI DON DAM PA BSTAN PA LAS SO, ,THUN MONG MA YIN PA'I DON RNAMS KYI 'THAD PA'I DON GSAL BAR STON PA NI DE RNAMS NYID SNGA MA BZHIN NO, ,THUGS PHUN SUM TSOGS PA MNGON PAR RDZOGS PAR BYANG CHUB PA'I DBANG DU MDZAD NAS, DE BZHIN GSHEGS PAS GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA'I CHOS DE GANG YANG YOD SNYAM MAM ZHES RGYA CHER GSUNGS PA YIN NO, ,DE LA CHOS DE GANG YANG MED DO ZHES LTA BA'I SKYON YONGS SU SPANGS NAS BYANG CHUB DANG BYANG CHUB KYI LAM YONGS SU TSOL BAR BYED DE, DE YANG BYANG CHUB GNYIS DANG NGES PA'I TSIG GNYIS KYIS STON PAR BYED DO, ,DE NI BLA NA MED PA'I SGRA DANG YANG DAG PA'I SGRA NYE BAR BZUNG NAS TE, AA NU RA BI TA TRA DHARMON BIDYA TE, ZHES PA NI AA NUTTA RA'I SGRA NYE BAR BZUNG BA STE BYANG CHUB KYI RANG GI MTSAN NYID STON PAR BYED DO, ,RNAM PAR GROL BA'I MTSAN NYID KYI BYANG CHUB DE LA MNYAM PA, SA MA: SA DHARMA: ZHES PAS NI YANG DAG PAR RDZOGS KYI PHYIR DMIGS SU MED PA'O, ,DE NYID KYIS RJES SU YONG, DE LA CHOS, YOD BA, NA YOD PA MA YIN PAR SHES PAR BYA'O, ,YANG RAB 'BYOR, (CHOS DE NI MNYAM PA,) SA MA: SA DHARMA: ZHES PAS NI YANG DAG PAR RDZOGS PA'I SGRA NYE BAR BZUNG NAS BYANG CHUB LAS GANG ZAG SPYI'I MTSAN NYID STON PAR BYED DE, DE LA CHOS DE NI MNYAM PA STE ZHES PA NI CHOS GANG GIS BYANG CHUB DANG SANGS RGYAS SU GDAGS @200B PA'O; ,DE LA MI MNYAM PA GANG YANG MED PAS SHES PAS NI, SANGS RGYAS THAMS CAD DON DAM PAR SKU TSE LA SOGS PA YANG MI MNYAM PA MED PAR STON PAR BYED DO, ,BLA NA MED PA YANG DAG PAR RDZOGS PA'I BYANG CHUB DE NI SROG MED PA NYID KYIS MNYAM PA'O ZHES SO, ,'KHOR BA PA'I CHOS KYI SPYI'I MTSAN NYID LAS BYANG CHUB STON PAR BYED PA NI, DGE BA'I CHOS THAMS CAD KYIS MNGON PAR SANGS RGYAS SO ZHES GSUNGS SO, ,BYANG CHUB KYI LAM YONGS SU STON PA NI, DE RNAMS DE LTAR YANG STE, DE RNAMS KYANG DON DAM PA'I MTSAN NYID KYIS RNAM PAR 'JOG PAR BYED DO, ,THUGS PHUN SUM TSOGS PA DON CHEN PO RNAM PAR GZHAG PA'I DBANG DU BYAS NAS, STONG GSUM GYI STONG CHEN PO'I 'JIG RTEN GYI KHAMS NA RI RAB JI SNYED YOD PA ZHES RGYA CHER GSUNGS SO, ,DON CHEN PO GDAMS NGAG RNAM PAR BZHAG PA'I DBANG DU BYAS NAS, DE BZHIN GSHEGS PAS 'DI SNYAM DU NGAS SEMS CAN RNAMS BKROL LO ZHES DGONGS SO SNYAM NA ZHES RGYA CHER GSUNGS SO, ,DE NYID DE BZHIN GSHEGS PAS BDAG TU 'DZIN PAR 'GYUR ZHES PA'I DGONGS PA CI ZHE NA, GANG GI PHYIR DE BZHIN GSHEGS PAS SHES BYA JI LTA BA MKHYEN PAS DE'I PHYIR SEMS CAN DU DGONGS PAR GYUR NA, DE NYID DE BZHIN GSHEGS PAS BDAG TU 'DZIN PAR 'GYUR ZHES BLTA BAR BYA'O, ,GAL TE BDAG MED KYANG RE ZHIG BDAG TU 'DZIN PA YOD DO SNYAM DU MNGON PAR ZHEN PA SPANG BA'I PHYIR, RAB 'BYOR BDAG TU 'DZIN ZHES BYA BA NI DE 'DZIN PA MED PAR ZHES RGYA CHER GSUNGS SO, ,BYIS PA SO SO'I SKYE BO RNAMS KYIS DE YOD PAR BZUNG YANG BZUNG DU MED DO ZHES PA NI, RAB 'BYOR BYIS PA SO SO'I SKYE BO RNAMS ZHES BYA BA NI, DE DAG SKYE BO MED PAR ZHES RGYA CHER GSUNGS TE DE RNAMS DE BZHIN NO, ,THUGS PHUN SUM TSOGS PA CHOS KYI SKU YONGS SU 'DZIN PA'I DBANG DU BYAS NAS, RAB 'BYOR 'DI JI SNYAM DU SEMS, MTSAN PHUN SUM TSOGS PAS DE BZHIN GSHEGS PAR BLTA BAR BYA SNYAM MAM ZHES RGYA CHER GSUNGS SO, ,DE LA TSIGS SU BCAD PA DANG POS NI JI LTAR MI MTHONG BA DANG GANG GIS MI MTHONG BA GSAL BAR BSTAN TE, CI LTAR MI MTHONG ZHE NA LTA BA LA SOGS PA'I THA SNYAD RNAMS KYIS SO, ,SPONG BAR BRJOD PA @201A *, ,NI BSAM GTAN TE GANG GI BSAM GTAN PA DE LTAR SPONG BA PA ZHES BRJOD PA STE, DE YANG BSAM PA DANG SGOM PA'O, ,DE LA BSAM PAS NI DE MA YIN PAR BZUNG LA, BSGOMS PAS NI LOG PAR SHES PA STE, SPONG BAS ZHUGS PAS NI LOG PAR SHES PA'I THA SNYAD BZUNG BAR RIG PAR BYA'O, ,GANG GIS MI MTHONG ZHE NA THA SNYAD LA ZHUGS PA'I SKYE BO RNAMS KYIS SO, ,TSIGS SU BCAD PA GNYIS PA'I PHYED SNGA MAS NI GANG MI MTHONG BA DANG PHYED PHYI MAS NI RGYU GANG GIS MI MTHONG BA GSAL BAR BSTAN TE, DE LA, SANGS RGYAS RNAMS NI CHOS NYID BLTA, ,ZHES PA NI CHOS 'DI LA DE BZHIN GSHEGS PA'I DON DU DGONGS PA'O, ,RGYU GANG GI SHES NA, 'DREN PA RNAMS NI CHOS KYI SKU, ,ZHES GSUNGS TE, GANG GI PHYIR DE BZHIN NYID LA DMIGS PA KUN TU 'GRO BA'I SANGS RGYAS RNAMS NI RNAM PAR DAG PA'I SKU STE, DE'I PHYIR DE RNAMS CHOS NYID DU BLTA BAR BYA STE 'DI NI DER BLTA'O, ,CI SLAR YANG RGYU GANG GIS BLTA BYA MA YIN ZHE NA, GANG GI PHYIR DE BZHIN NYID KYI MTSAN NYID CHOS NYID NI SGRA JI BZHIN PAS RNAM PAR SHES PAR BYA BA MA YIN LA, SO SO RANG GIS RIG PAR BYA BA NYID KYI PHYIR SGRA JI BZHIN MA YIN PAS KYANG MI MTHONG BAS NI RNAM PAR SHES PA MI NUS ZHES TE, DON 'DI GSAL BAR STON PA NI, CHOS NYID SHES PAR BYA MIN PAS, ,DES NI RNAM PAR SHES MI NUS, ,ZHES GSUNGS SO, ,DE BZHIN DU 'DIR CHOS KYI SKU'I RTEN NI DE BZHIN GSHEGS PAR BLTA BAR BYA BA MA YIN PA NI, MTSAN PHUN SUM TSOGS PAS MA YIN ZHES PAS STON PAR 'GYUR TE, MTSAN PHUN SUM TSOGS PA DE BZHIN GSHEGS PAR BLTA BAR BYA BA MA YIN PA'O, ,MTSAN PHUN SUM TSOGS PA'I RGYU LAS BLA NA MED PA YANG DAG PAR RDZOGS PA'I BYANG CHUB BRNYES SO SNYAM DU MNGON PAR ZHEN PA SPANG BA'I PHYIR DU 'DI LTAR, RAB 'BYOR 'DI JI SNYAM DU SEMS, MTSAN PHUN SUM TSOGS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO SNYAM DU 'DZIN NA ZHES RGYA CHER GSUNGS PA YIN TE, DE RNAM LA NI DE LTA BU'O, ,THUGS PHUN SUM TSOGS PA 'KHOR BA DANG MYA NGAN LAS 'DAS PA LA MI GNAS PA'I DBANG DU BYAS NAS, RAB 'BYOR YANG KHYOD @201B SNYAM DU BYANG CHUB SEMS DPA'I THEG PA LA YANG DAG PAR ZHUGS PA RNAMS KYIS ZHES RGYA CHER GSUNGS TE, DE LA CHOS GANG LA LA ZHIG BSHIG PAR BTAGS PA MED PA NI, JI LTAR GNAS PA'I CHOS NYID DO, ,CHAD PA MED PA NI SO SOR RTOGS PAS TE 'KHOR BA PA'I CHOS RNAMS GZUGS BRNYAN DANG SPRUL PA LTA BUR DBANG DU GYUR PAS SLAR YANG SEMS CAN GYI DON LA RAB TU 'JUG PAR BYED DO, ,'DIS NI RE ZHIG ZHI BA BGROD PA GCIG PU PA'I DE KHO NA NYID BKAG PAS MYA NGAN LAS 'DAS PA LA RAB TU MI GNAS PA NYID GSAL BAR BSTAN TO, ,DE NAS MYA NGAN LAS 'DAS PA LA RAB TU MI GNAS SHING 'KHOR BAR YONGS SU NYON MONGS PA DANG 'GROGS PA YONGS SU SPANG BA'I PHYIR DU 'DI LTAR, YANG RAB 'BYOR RIGS KYI BU 'AM ZHES RGYA CHER GSUNGS TE, DE LA BDAG MED CING SKYE BA MED PA'I CHOS RNAMS LA ZHES PA'I DON CI ZHE NA CHOS GANG ZHIG GI RAB TU 'JUG PA SPRUL PA LTA BU'I BDAG NYID LA DE BZHIN GSHEGS PAS DBANG BRNYES PA DE NI 'KHOR BA PA'I CHOS KYI BDAG NYID MA YIN ZHING DE BZHIN DU LAS DANG NYON MONGS PA LAS BYUNG BA MA YIN ZHING DBANG DU GYUR PA DE NI, BDAG MED CING SKYE BA MED PA ZHES BYA STE, 'DI'I SHES PAR BYED PA CI ZHE NA, GZHAN DU YANG JI SKAD BSHAD PA'I BSOD NAMS YONGS SU BZUNG BAS 'KHOR BAR YONGS SU NYON MONGS PAR MI 'GYUR NA, BYANG CHUB SEMS DPA' BDAG MED CING SKYE BA MED PA LA BZOD PA RNAMS NI LTA CI SMOS TE, SKYE BA MED PA LA BZOD PA THOB PAS NI BSOD NAMS CHES MANG PO SKYE BAR 'GYUR BAS SO, ,YANG RAB 'BYOR BYANG CHUB SEMS DPA' BSOD NAMS KYI PHUNG PO YONGS SU GZUNG BAR MI BYA'O ZHES PA DES NI 'KHOR BAR RAB TU MI GNAS PA NYID GSAL BAR STON PAR BYED DE, 'KHOR BAR RAB TU MI GNAS PAS BSOD NAMS KYI PHUNG PO YONGS SU 'DZIN PAR BYED DO, ,TSE DANG LDAN PA RAB 'BYOR GYIS GSOL BA, BSOD NAMS KYI PHUNG PO YONGS SU GZUNG BAR MI BYA'O ZHES PA'I DGONGS PA CI ZHE NA, BCOM LDAN 'DAS KYIS GZHAN DU BSOD NAMS KYI PHUNG PO YONGS SU GZUNG BAR BYA'O ZHES GSUNGS SO, ,BCOM LDAN 'DAS KYIS BKA' STZAL PA, YONGS SU BZUNG MOD KYI LOG PAR MI BZUNG STE, DE NAS YONGS @202A *, ,SU GZUNG BAR BYA'O ZHES RNAM GRANGS KYIS YONGS SU GZUNG BAR BYA BA STON TO, ,JI LTAR LOG PAR MI BZUNG BA NI SNGAR BSHAD PA DE BZHIN TE DE RNAMS NYID DO, ,THUGS PHUN SUM TSOGS PA RGYU BA DANG GNAS PA'I SPYOD LAM GYI DBANG DU BYAS NAS, YANG RAB 'BYOR GANG LA LA ZHIG 'DI SKAD DU DE BZHIN GSHEGS PA BZHUD DAM BYON TAM ZHES RGYA CHER GSUNGS TE, DE LA RGYU BA NI 'CHAG PA DANG GNAS PA'O, ,LHAG MA NI SPYOD LAM MO, ,GZUGS DANG MING GI LUS RNAM PAR SGOM PA LA DBANG 'BYOR PA'I RGYU BA DANG GNAS PA'I DBANG DU BYAS NAS, YANG RAB 'BYOR RIGS KYI BU 'AM RIGS KYI BU MO GANG LA LA ZHIG GIS STONG GSUM GYI STONG CHEN PO'I 'JIG RTEN GYI KHAMS NA SA'I RDUL JI SNYED YOD PA DE DAG CES RGYA CHER GSUNGS PA YIN TE, 'DI LA YANG PHRA MOR BYED PA'I THABS DANG SNANG BA MED PAR BYED PA'I THABS TE, DE SGOM PA NI SNGA MA BZHIN DU RIG PAR BYA'O,, RDUL PHRA RAB KYI TSOGS DE MANG BA YIN SNYAM 'AM ZHES PAS NI 'DIR JI SNYED PA STE, PHRA MOR BYED PA'I THABS SO, ,BCOM LDAN 'DAS GAL TE TSOGS SHIG MCHIS PAR GYUR NA, BCOM LDAN 'DAS KYIS RDUL PHRA RAB KYI TSOGS ZHES BKA' MI STZAL BA'I SLAD DU'O ZHES PA DE LTA BU LA SOGS PA NI SNANG BA MED PAR BYED PA'I THABS SO, ,DE LTAR BSHAD PAR GYUR PA CI ZHE NA, GAL TE RDUL PHRA RAB KYI TSOGS DON DAM PAR YOD PAR GYUR NA, BCOM LDAN 'DAS KYIS DE TSOGS MED PA'O ZHES MI GSUNG BA'I PHYIR RO, ,BCOM LDAN 'DAS KYIS RDUL PHRA RAB KYI TSOGS DE TSOGS MA MCHIS PAR GSUNGS PAS NA DE LTAR BSHAD PA'O, ,RDUL PHRA RAB KYI TSOGS ZHES BYA BA GANG YIN PA DE NYID TSOGS PA'I BDAG NYID DU MA GRUB PA CIG SHOS MA BSHAD PA LA YANG TSOGS KYI BLOR 'GYUR BA NI CI'I DON DU SLAR BRJOD CE NA, DE KHAMS MA MCHIS PAR DE BZHIN GSHEGS PAS GSUNGS SHES PA SNANG BA MED PAR BYED PA'I THABS NYID DE MING GI LUS BSGOM PA NI SNGA MA BZHIN DU RIG PAR BYA'O, ,'DIR KHAMS GSUM GYI 'JIG RTEN NI SEMS CAN GYI 'JIG RTEN LA DGONGS PA STE, DE YANG MING GI TSOGS KYIS RAB TU PHYE BA'O, ,BCOM LDAN 'DAS GAL TE 'JIG RTEN GYI KHAMS SHIG MCHIS PAR GYUR NA DE NYID @202B RIL POR 'DZIN PAR 'GYUR ZHES PA NI 'JIG RTEN GYI KHAMS GANG YIN PA DANG RDUL PHRA RAB GANG YIN PA GNYI GA'I DBANG DU MDZAD NAS GSUNGS PA'O, ,RIL POR 'DZIN PA NI RNAM PA GNYIS TE, GCIG TU RIL POR 'DZIN PA DANG, RNAM PAR PHYA STE RIL POR 'DZIN PA'O, ,DE LA 'JIG RTEN GYI KHAMS LA YOD PA NI PHUNG PO RNAMS LA SEMS CAN NO ZHES GCIG TU RIL POR 'DZIN PAR 'GYUR LA, RDUL PHRA RAB LA YOD PA NI RNAM PAR PHYE STE RIL POR 'DZIN PAR 'GYUR TE, RDUL PHRA RAB KYI TSOGS BZUNG BAS RIL POR 'DZIN PA'O, ,'DIR 'DZIN PA ZHES BYA BA YANG 'PHAGS PA RAB 'BYOR GYIS DON DAM PAR RNAM PAR 'JOG PAR BYED DE, BCOM LDAN 'DAS KYIS DON DE NYID SGRUB PAR MDZAD PA, RIL POR 'DZIN PA NYID NI THA SNYAD DE ZHES RGYA CHER TE, CIS SHES PAR BYED NA THA SNYAD LAS SO, ,RIL POR 'DZIN PA DE YANG DON DAM PAR NI BRJOD DU MED PA NYID KYIS SO, ,DE YANG BYIS PA SO SO'I SKYE BO RNAMS KYIS BZUNG BA NI THA SNYAD JI LTA BAR TE DON DAM PAR NI MA YIN NO ZHES BYA'O, ,SNANG BA MED PAR BYED PA'I THABS BSGOM PA BSHAD NAS SNANG BA MED PAR BYED PA'I RNAL 'BYOR DANG SNYOMS PAR 'JUG PA DE YANG SGRUB PAR BYED DE, DE YANG RNAM PAR MI RTOG CES BYA BA NI JI LTA BAR RNAM PAR MI RTOG PA'O, ,GANG DANG GANG ZHIG GANG GIS GANG DU RNAM PAR MI RTOG PA DE DE LAS GONG DU STON PAR BYED PA NI, RAB 'BYOR GANG LA LA ZHIG 'DI SKAD DU DE BZHIN GSHEGS PAS BDAG TU LTA BAR GSUNGS SO ZHES ZER NA ZHES RGYA CHER GSUNGS TE, 'DIS NI JI LTAR RNAM PAR MI RTOG PA DE GSAL BAR BSTAN PA YIN NO, ,CI LTAR ZHE NA GZHAN MU STEGS CAN GYIS BDAG TU BRJOD PA DANG DE BZHIN GSHEGS PAS BDAG TU GSUNGS PA DE GANG ZAG GI BDAG MED PAR RNAM PAR 'JOG GO, ,BDAG TU LTA BA DE YANG LTA BA MA MCHIS PAR GSUNGS PA NI CHOS KYI BDAG MED PAR 'JOG STE, GAL TE BDAG TU LTA BA DE LA LTA BAR 'DZIN PA MED PA DE LTAR SBYOR BAR BYED NA RNAL 'BYOR LA SNYOMS PAR 'JUG PAR 'GYUR TE, DE LTAR RNAM PAR MI RTOG PA DE NI DER 'JUG PA'I THABS YIN NO, ,RAB 'BYOR 'DI LTAR BYANG CHUB SEMS DPA'I THEG PA LA YANG DAG PAR ZHAGS @203A *, ,ZHES BYA BA 'DI NI SU RNAM PAR MI RTOG PAR BYED PA DE YONGS SU BSTAN TO, ,CHOS THAMS CAD CES BYA BA 'DIS NI GANG LA RNAM PAR MI RTOG PAR BYA BA DE BSTAN TO, ,SHES PAR BYA BA LTA BAR BYA MOS PAR BYA ZHES BYA BA 'DIS NI LHAG PA'I SEMS DANG LHAG PA'I SHES RAB LAS BRTZAMS TE, SHES PA DANG MTHONG BA DANG MOS PA RNAMS KYIS TE, GANG GIS RNAM PAR MI RTOG PAR BYA BA DE BSTAN TO, ,DE LA ZHI GNAS LA BRTEN PA NI SHES RAB BO, ,LHAG MTHONG LA BRTEN PA NI YE SHES SO, ,MTHONG BA GNYI GA YANG 'DIR MOS PA'I TING NGE 'DZIN TE, TING NGE 'DZIN GYI DBANG GIS GZUGS BRNYAN GYI DMIGS PA LA LHAG PAR MOS PAR BYED DO, ,CI NAS CHOS SU 'DU SHES PA LA YANG MI GNAS PA DE LTAR MOS PAR BYA'O ZHES BYA BAS NI, RNAM PAR RTOG PA GANG YIN PA DE YONGS SU BSTAN TE DE RNAMS NI NYID DO, ,CHOS SU 'DU SHES PAS NI THUN MONG MA YIN PA'I DON GYI RIGS PA'I DON STON PAR BYED DE, 'DI NI RNAL 'BYOR LA SNYOMS PAR 'JUG PA'I THABS TE RTEN THAMS CAD DU RIG PAR BYA'O, ,'DUN PA DANG SMON LAM DANG RNAM PAR G-YENG BA TSAR GCOD PA STE DE TZAM NYID DU BYA'O, ,DE'I PHYIR DE DAG GIS THABS BSHAD ZIN TE, DE LTA BU NYID DO; ,SEMS PHUN SUM TSOGS PA STON PA LA KUN NAS NYON MONGS PA MED PA'I DBANG DU BYAS NAS, YANG RAB 'BYOR BYANG CHUB SEMS DPA' SEMS DPA' CHEN PO GANG GIS ZHES RGYA CHER GSUNGS SO, ,'DIS CI ZHIG BSTAN ZHE NA, CHOS 'DI DON CHEN PO DANG LDAN PA'I PHYIR GDON MI ZA BAR YANG DAG PAR RAB TU GSAL BAR BYA BA'O, ,DE LTA MOD KYI CI NAS KYANG KUN NAS NYON MONGS PAR MI 'GYUR BA DE LTAR RAB TU GSAL BAR BYA BA'O, ,CI LTAR YANG DAG PAR RAB TU STON ZHE NA, CI NAS KYANG RAB TU MI STON PA BZHIN DU STE, DES NA YANG DAG PAR RAB TU STON PA ZHES BYA'O ZHES PA'I DGONGS PA CI ZHE NA, BRJOD DU MED PAR BSTAN PA'I BDAG NYID KYI CHOS NI BSTAN PAR BYAR MED PA STE, GZHAN DU KUN NAS NYON MONGS PAS BSTAN PAR 'GYUR TE, DON PHYIN CI LOG PA'I PHYIR RO ZHES DE LTAR BSTAN PA LA LHAG PAR DANG BA DANG DON DU GNYER BA MED @203B DO; ,DE'I PHYIR KUN NAS NYON MONGS PA MED PAR CHOS BSTAN PAR 'GYUR TE DE NI DE BZHIN NO, ,SEMS PHUN SUM TSOGS PA 'KHOR BAR KUN NAS NYON MONGS PA MED PA'I DBANG DU BYAS NAS, SKAR MA RAB RIB MAR ME DANG, ZHES PA'I TSIGS SU BCAD PA STE, DON NI SNGAR JI LTA BA BZHIN TE BSHAD ZIN TO, ,AE T'A DA SH'I MARTHA GA TIm NI SH'A MYA, YE SH'I MA H'A Y'A NA MA BADDHOO ME BA, T'A NASMA NO BEDMI NA B'ASMA NO PI, GU nEE RA BH'A BY'A NLA SU N'A NA BEE MI, H'I NO HI G'AMBH'IRYA MU D'A RA T'AMB'A, BODDHUNNA SHAKN'A TI NA TZ'A DHI, MOKTUm, PR'A YE nA TZE BAm BI DHA AE shA LO KA: TE N'A TRA DHARME KHI LA T'AMPRA Y'A TA: 'PHAGS PA BCOM LDAN 'DAS MA SHES RAB KYI PHA ROL TU PHYIN PA RDO RJE GCOD PA'I GNAS BDUN GYI RGYA CHER 'GREL PA, SLOB DPON DBYIG GNYEN GYIS MDZAD PA RDZOGS SO,, ,,ZHES PA 'DI NI THAMS CAD MKHYEN PA GZHON NU DPAL BA'I ZHAL SNGA NAS GSAR 'GYUR MDZAD PA'I 'PHRO CUNG ZAD LUS PA, RJE DAM PA DE'I DGONGS PA YONGS SU RDZOGS PA'I SLAD DU 'GYUR BAR GYIS SHIG CES, ZHVA DMAR COD PAN 'DZIN PA BZHI PA, DPAL CHOS KYI GRAGS PA YE SHES DPAL BZANG PO'I ZHAL SNGA NAS BKA' STZAL BA SPYI BOS MNOS TE, ZHA LU LO TZ'A BA 'GOS CHOS SKYONG BZANG POS, LUGS GNYIS KYI MDUN SA CHEN PO PHO BRANG SNE'U GDONG RTZER, CHOS KYI RJE CHOS KYI RGYAL PO CHEN PO DPAL NGAG GI DBANG PHYUG GRAGS PA PHYOGS THAMS CAD LAS RNAM PAR RGYAL BA'I DPAL GYI MNGA' THANG CHEN PO LA BRTEN NAS LEGS PAR BSGYUR BA'O, ,DUS GSUM RGYAL BA SKYED MA RDO RJE'I MTSAN CAN ZAB MO'I DGONGS 'GREL RAB GSAL BA, ,KUN MKHYEN GNYIS PA DBYIG GNYEN ZHES GRAGS DPAL LDAN SHING RTA CHEN POS RNAM PAR BKOD, ,GANG DE KHA BA CAN PA'I DPAL DU GZHON NU'I MTSAN CAN MKHAS GRUB MCHOG GIS BSGYUR, ,DE NYID RDZOGS PAR BSGYUR BA'I DGE BAS 'DREN PA MCHOG DE'I DGONGS PA RDZOGS GYUR CIG ,SLAR YANG RGYA DPE LA GTUGS SHING SLOB DPON KA MA LA SH'I LAS MDZAD PA'I 'GREL PAR BRJOD BYA RIS MTHUN PA RNAMS DANG SBYAR TE TSIG PHRAD DANG 'KHRUGS SDEB PA SOGS CUNG ZAD LEGS CHAR 'GYUR BA RNAMS 'BAD CING DAG PAR BGYIS SO,, ,, @204A *, ,RGYA GAR SKAD DU, A'ARYA PRADZNY'A P'A RA MI TA BADZRA TZTSI DI KA t'I K'A, BOD SKAD DU, 'PHAGS PA SHES RAB KYI PHA ROL TU PHYIN PA RDO RJE GCOD PA'I RGYA CHER 'GREL PA, 'JAM DPAL GZHON NUR GYUR PA LA PHYAG 'TSAL LO, ,GANG LA SKYE BO KUN LA GRAGS LUS MDUN NA GSAL BAR SNANG BA YANG, ,DNGOS PO'I NGO BOR 'BYOR BA MI RNYED RAB STON RGYAL BA THAMS CAD KYIS, ,YANG DAG DAM PA RTAG PA MCHOG GI 'BRAS BU THOB PA'I GNAS BRTAN PA, ,DUS GSUM BZHUGS PA'I SANGS RGYAS KUN SKYED DE LA RAB GUS BDAG PHYAG 'TSAL, ,GANG LA CUNG ZAD GOMS BYAS SKAD CIG TU YANG DGE BA RGYA CHEN SOGS, ,GANG PHYIR SDIG PA RAB TU CHE BA MTHA' DAG RTZA NAS ZAD BYED PA, ,DE BAS DE NI GOMS PAR BYA PHYIR BLA MA RNAMS KYIS BSTAN PA YI, ,LAM LAS BRTAGS TE BDAG BLOS JI LTAR LCOGS PAS BDAG GIS 'DI BGYI'O, ,DE LA MDO SDE 'CHAD PAR 'DOD PAS NYAN PA DAG NAN GYIS LEN PA LA SOGS PA LA GZUD PA'I PHYIR DANG POR DGOS PA DE BRJOD PAR BYA'O, ,DGOS PA MA RTOGS PAR NI RTOGS PA DANG LDAN PA DAG GANG LA YANG 'JUG PAR MI 'GYUR RO, ,DE'I 'OG TU MDO SDE'I DGOS PA'I THABS BSTAN PA'I PHYIR BRJOD PAR BYA BA BSNYAD PAR BYA STE, BRJOD PAR BYA BAS STONG PA'I MDO NI SE'U BCU ZHES BYA BA LA SOGS PA'I TSIG BZHIN DU DGOS PA 'DOD PA SGRUB PAR MI BYED DO, ,DE'I 'OG TU BRJOD PAR BYA BA DE GZUNG SLA BA'I PHYIR BSDUS PA'I DON BRJOD PAR BYA'O, ,DE'I 'OG TU BSDUS PA'I DON RTOGS PAR BYA BA'I PHYIR TSIG GI DON BRJOD PAR BYA'O, ,DE'I 'OG TU GO RIMS MI 'GAL BAR BSTAN PA'I PHYIR TSIG RNAMS KYI MTSAMS SBYAR BA BSTAN PAR BYA'O, ,DE'I 'OG TU SNGA PHYI'I RIGS PA DANG 'GAL BA BSAL BA'I PHYIR RGOL BA'I LAN BRJOD PAR BYA STE, TSUL NI DE LTA BU'O, ,DE LA MDO SDE 'DI'I MING RDO RJE GCOD PA ZHES BYA BA DE NYID KYIS BRJOD PAR BYA BA DANG DGOS PA BSTAN TO, ,'DI LTAR RNAM PA GNYIS KYIS RDO RJE GCOD PA YIN TE, NYON MONGS PA DANG SHES BYA'I SGRIB PA PHRA BA RDO RJE LTAR GZHIG DKA' BA DE GCOD PA'I PHYIR TE, 'DIS NI SGRIB PA GNYIS SPONG BA 'DI'I DGOS @204B PA BSTAN PA YIN NO, ,YANG NA GCOD PA NI RDO RJE'I DBYIBS DANG 'DRA BAS RDO RJE LTA BU ZHES BYA STE, RDO RJE NI RTZE MO GNYIS SBOM LA DBUS PHRA MOR BYED DO, ,DE BZHIN DU SHES RAB KYI PHA ROL TU PHYIN PA 'DI YANG THOG MA DANG THA MA MOS PAS SPYOD PA'I SA DANG, SANGS RGYAS KYI SA RGYA CHE BAR YONGS SU BSTAN TO, ,DBUS PHRA MOS NI LHAG PA'I BSAM PA DAG PA'I SA BSTAN TO, ,DE BAS NA 'DI NI RDO RJE'I RNAM PA LTA BU YIN TE, 'DIS NI SA GSUM PO 'DI'I BRJOD PAR BYA BA YIN PAR BSTAN TO, ,BSDUS PA'I DON NI MDOR BSDUS NA RNAM PA LNGA STE, 'DI LTA STE, GLENG GZHI DANG, GLENG BSLANG BA DANG, SANGS RGYAS KYI GDUNG RGYUN MI 'CHAD PAR BYA BA DANG, SGRUB PA'I MTSAN NYID DANG, DE'I GNAS SO, ,DE LA GLENG GZHI NI MDO SDE 'BYUNG BA'I RGYU STE, DE YANG 'DI SKAD BDAG GIS THOS PA ZHES BYA BA NAS BRTZAMS TE, DE NAS TSE DANG LDAN PA RAB 'BYOR ZHES BYA BA'I BAR 'DIS BSTAN TO, ,DE BAS NI YANG DAG PAR SDUD PAR BYED PAS BDAG LA YID CHES PAR BYA BA BRJOD PA'I PHYIR TE, MDO SDE THAMS CAD LA YANG BRJOD PAR BYA'O, ,GLENG BSLANG BA NI MDO SDE'I DON BSHAD PAR BYA BA'I PHYIR SKABS DANG SBYAR BA STE, SKABS SU MA BAB PAR SMRAS NA THAMS CAD 'CHAL BAR 'GYUR BAS 'CHAL BA BSAL BA'I PHYIR THAMS CAD DU YANG SKABS DANG SBYAR BAR BYA'O, ,DE NAS TSE DANG LDAN PA RAB 'BYOR STAN LAS LANGS TE ZHES BYA BA LA SOGS PAS BSTAN TO, ,SANGS RGYAS KYI GDUNG RGYUN MI 'CHAD PAR BYA BA YANG DE NYID KYIS BSTAN TE, SHES RAB KYI PHA ROL TU PHYIN PA 'DI SANGS RGYAS KYI GDUNG RGYUN MI 'CHAD PAR BYED PA YIN PAR 'PHAGS PA RAB 'BYOR GYIS RIG NAS, JI LTAR SANGS RGYAS KYI GDUNG RGYUN MI 'CHAD PAR 'GYUR BA DE NYID GNAS BRTAN RAB 'BYOR GYIS THOG MAR BKOD DO, ,SGRUB PA'I MTSAN NYID NI BYANG CHUB SEMS DPA'I THEG PA LA YANG DAG PAR ZHUGS PAS JI LTAR GNAS PAR BGYI ZHES BYA BA LA SOGS PAS BSTAN TO, ,SGRUB PA'I MTSAN NYID DE'I GNAS NI YUL GANG LA BYANG CHUB SEMS DPAS GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA GANG YIN PA STE, DE NI DE'I GNAS ZHES @205A *, ,BYA'O; ,DE YANG RAB 'BYOR 'DI LA BYANG CHUB SEMS DPA'I THEG PA LA YANG DAG PAR ZHUGS PA 'DI SNYAM DU BDAG GIS ZHES BYA BA NAS BRTZAMS TE, SKAR MA RAB RIB CES BYA BA LA SOGS PA THA MA'I TSIGS SU BCAD PA'I BAR GYIS BSTAN TO, ,SGRUB PA'I MTSAN NYID DANG DE'I GNAS 'DI GNYIS KYIS NI BYANG CHUB SEMS DPA'I BYA BA MTHA' DAG YONGS SU RDZOGS PAR BSTAN TE 'DI NI RE ZHIG BSDUS PA'I DON TO, ,TSIG GI DON LA SOGS PA YANG BRJOD PAR BYA STE, DE DAG DE BRJOD DO, ,DE LA 'DI SKAD CES BYA BA'I SGRA NI KHAS LEN PA LA SOGS PA DON MANG PO ZHIG TU YANG SNANG MOD KYI, 'DIR NI SKABS LA SOGS PA'I STOBS KYIS NI 'JOG PA YIN PAR BZUNG NGO, ,'DI NI MDO SDE'I DON 'OG NAS 'BYUNG BA MTHA' DAG 'JOG PAR BYED DO, ,BDAG GIS ZHES BYA BA NI GZHAN RNAM PAR GCOD PAR BYED CING DON MNGON SUM DU THOS PAR BSTAN TO, , BDAG NYID KYIS THOS PA GCIG TU BRGYUD DE 'ONGS PA NI MA YIN NO ZHES BYA BA'I THA TSIG GO, ,THOS PA ZHES BYA BA NI RTOGS PA DGAG PAR BYED DE, SANGS RGYAS MA GTOGS PAR CHOS 'DI LTA BU DAG RANG GIS RTOGS PA GZHAN MED PA'I PHYIR RO, ,'DIS NI YID MI CHES PA SEL BAR BYED DO; ,DUS GCIG CES BYA BA NI DUS GCIG GI TSE STE, DUS THAMS CAD DU CHOS DKON MCHOG 'DI LTA BU DAG THOS DKA' BAR BSTAN PA YIN NO, ,YANG NA BDAG NYID MANG DU THOS PAR STON TO, ,DUS GCIG NA 'DI THOS KYI GZHAN NA NI GZHAN DAG KYANG THOS SO ZHES STON TO, ,YANG NA DUS GCIG NA BCOM LDAN 'DAS BZHUGS SO ZHES 'OG MA DANG SBYAR TE, GDUL BA DPAG TU MED PA DE DAG LA PHAN GDAGS PA'I DON DU GZHAN NA NI GZHAN BZHUGS SO ZHES GZHAG PA YIN NO, ,BCOM LDAN 'DAS ZHES BYA BA NI NYON MONGS PA DANG, PHUNG PO DANG, 'CHI BDAG DANG, LHA'I BU'I MTSAN NYID KYI BDUD DANG BDUD BZHI BCOM PA DANG LDAN PAS NGES PA'I TSIG GI TSUL GYIS BCOM LDAN 'DAS ZHES BYA'O, ,YANG NA DBANG PO LA SOGS PA DANG LDAN PAS LEGS LDAN ZHES BYA STE, JI SKAD DU, DBANG DANG RAB TU LDAN PA DANG, ,GZUGS DANG DPAL DANG GRAGS PA DANG, @205B YE SHES DANG NI NAN TAN DANG, ,DRUG PO DE LA LEGS ZHES BYA, ,ZHES BSHAD PA LTA BU'O, ,MNYAN YOD CES BYA BA NI DRANG SRONG MNYAN YOD CES BYA BA'I BSTI GNAS YIN PA'I PHYIR GRONG KHYER MNYAN YOD DE, DES MTSON PA'I YUL GYI BYE BRAG KYANG LHAN CIG 'BREL PA'I PHYIR MNYAN YOD CES BYA'O, ,YUL SMOS PA DE YANG YUL DE MCHOD RTEN DU GYUR PAR BRJOD PA'I PHYIR TE, 'DI LTAR 'DI NYID LAS KYANG SA PHYOGS DE MCHOD RTEN DU GYUR PA YIN ZHES BRJOD DO, ,YANG NA YANG DAG PAR SDUD PAR BYED PAS BDAG GI TSIG GZUNG BAR 'OS PAR BSGRUB PA'I PHYIR THAMS CAD SMOS TE, 'DI LTAR 'JIG RTEN YID CHES PAR BYA BA'I DON NI SA PHYOGS DANG BCAS PA RNAM PA DANG BCAS, DBANG PHYUG DANG BCAS PAS SMRAS NA, GZHAN DAG GIS TSIG GZUNG BAR 'GYUR GYI, GZHAN DU NA TSIG GZUNG BAR 'OS PAR MI 'GYUR RO, ,YUL MNYAN YOD HA CANG RGYA CHES TE GANG NA BZHUGS GTOL MED PAS RGYAL BU RGYAL BYED KYI TSAL ZHES BYA BA SMOS TE, DE RGYAL BU RGYAL BYED CES BYA BA DE'I TSAL YIN PAS RGYAL BU RGYAL BYED KYI TSAL LO, ,DE YANG JI STE NA SU LA YANG MA GRAGS KYANG SRID PAS MGON MED ZAS SBYIN GYI KUN DGA' RA BA NA ZHES BYA BA SMOS TE, KHYIM BDAG MGON MED ZAS SBYIN ZHES PA MGON MED PA RNAMS LA SNYING BRTZE BA STE ZAS SBYIN PAS DE LTAR GRAGS PA DES BCOM LDAN 'DAS KYI PHYIR RIN PO CHE BKRAM PA GSHIBS PAS RGYAL BU RGYAL BYED LAS KUN DGA'I RA BA NYOS PA DANG, RGYAL BU RGYAL BYED KYIS KYANG DE LAS CUNG ZHIG BCOM LDAN 'DAS KYI PHYIR KHANG PA LA SOGS PA BRGYAN DU BCUG PAS DE GNYIS KYI TSAL DE GRAGS SO, ,GANG YANG RUNG BA ZHIG SMOS NA NI YUL GYI BYE BRAG BRJOD PAR 'DOD PA RTOGS PAR MI 'GYUR BAS TSIG GSUM CHAR SMOS SO, ,YANG NA MNYAN YOD CES BYA BA 'DIS NI MANG PO'I NANG NA BZHUGS PAS GZHAN GYI DON PHUN SUM TSOGS PA STON TO, ,RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA ZHES BYA BA 'DIS NI DBEN PA NA BZHUGS PAS RANG GI DON PHUN SUM TSOGS PA'O, ,'DI LA DBANG SU YOD SNYAM PA LA, DGE SLONG GI DGE 'DUN CHEN PO ZHES BYA BA SMOS @206A *, ,TE; NYON MONGS PA DANG BRAL BAS DGE SLONG DAG GO, ,BDUD LA SOGS PA'I PHYIR RGOL BA DAG GIS MI PHYED PAS MANG PO DE DAG LA DGE 'DUN ZHES BYA'O, ,DGE SLONG GI DGE 'DUN CHEN PO DE DAG NI PHAL CHE BA DANG MTHU GNYIS TE, DES NI MTHU CHE BA BSTAN TO, , PHAL CHE BA JI LTA BU SNYAM PA DANG, STONG NYIS BRGYA LNGA BCU ZHES BYA BA LA SOGS PA SMOS TE, DE'I TSE NA DE SNYED CIG YOD PA'I PHYIR RO, ,DGE SLONG GI DGE 'DUN PAS BYANG CHUB SEMS DPA' RAB TU MANG BA NI DE DAG GI CHED DU MDO SDE 'CHAD PA'I PHYIR RO, ,DE DAG NI BYANG CHUB TU SNYING STOBS CHE BA'I BSAM PA DANG LDAN PAS BYANG CHUB SEMS DPA' DAG GO ,NYAN THOS RNAMS LA YANG BYANG CHUB LA SNYING STOBS YOD PAS DE RNAM PAR GCOD PA'I PHYIR, SEMS DPA' CHEN PO ZHES BYA BA SMOS TE, CHOS DANG SEMS BSKYED PA DANG, MOS PA DANG, BSAM PA DANG, TSOGS DANG, DUS DANG, YANG DAG PAR 'GRUB PA'I MTSAN NYID CHEN PO RNAM PA BDUN DANG LDAN PAS SEMS DPA' CHEN PO DAG GO, ,DE LA CHOS CHEN PO NI BYANG CHUB SEMS DPA' RNAMS LA SHES RAB KYI PHA ROL TU PHYIN PA STONG PHRAG BRGYA PA LA SOGS PA CHOS BSTAN PA RGYA CHE BA'I PHYIR RO, ,SEMS BSKYED PA CHEN PO NI BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I PHYIR RO, ,MOS PA CHEN PO NI DE DAG NYID CHOS ZAB CING CHE BA LA MOS PA'I PHYIR RO, ,BSAM PA CHEN PO NI SEMS CAN THAMS CAD LA PHAN PA DANG BDE BA BSKYED PA'I BSAM PA DANG LDAN PA'I PHYIR RO, ,TSOGS CHEN PO NI BSOD NAMS DANG YE SHES KYI TSOGS DPAG TU MED PA'I PHYIR RO, ,DUS CHEN PO NI BSKAL PA CHEN PO GRANGS MED PA GSUM GYIS BYANG CHUB 'THOB PA'I PHYIR RO, ,YANG DAG PAR 'GRUB PA CHEN PO NI BLA NA MED PA YANG DAG PAR RDZOGS PA'I BYANG CHUB YANG DAG PAR 'GRUB PA'I PHYIR RO, ,BZHUGS ZHES BYA BA NI SPYOD LAM BZHI PO DAG GIS SAM, YANG NA TSANGS PA DANG LHA'I DANG, 'PHAGS PA'I BZHUGS PA BLA NA MED PA DAG GIS BZHUGS PA'O, ,TE ZHES BYA BA NI BZHUGS ZIN PAR BSTAN PA'O, ,DE LA DGE @206B SLONG GI DGE 'DUN NI BYA BA BYAS PA DANG, SNYING RJE BYA BA'I PHYIR DUS THAMS CAD DU DE BZHIN GSHEGS PA'I ZHABS KYI DRUNG NYID NA 'DUG PAR RIG NAS RTAG PAR BSTAN PA'I PHYIR GONG DU SMOS SO, ,BYANG CHUB SEMS DPA' NI SEMS CAN DPAG TU MED PA'I DON BSGRUB PA YONGS SU RDZOGS PA BYA BA MA BYAS LA SNYING BRTZE BA CHE BAS 'GRO BA'I DON BSGRUB PA'I PHYIR 'JIG RTEN GYI KHAMS RNAMS SU RGYU BAS DUS THAMS CAD DU BCOM LDAN 'DAS KYI ZHABS KYI DRUNG NA MI 'DUG PAS 'OG TU SMOS SO, ,DE BAS NA NYAN THOS KYI MDO SDE LAS BYANG CHUB SEMS DPA' MI SMOS TE, DE NI DE DAG GI CHED DU MA YIN PA DANG, MI RTAG PA'I PHYIR RO, ,DE NAS ZHES BYA BA NI DE'I 'OG TU'O, ,TSE ZHES BYA BA NI NGES PA STE, 'DIS NI ZAS KYI DUS NGES PA'O, ,DUS NGES PA NI DUS 'DI NGES PAR BZA' BAR BYA'O ZHES DUS NGES PA'O, ,DE YANG GANG YIN PA MI SHES NAS DE'I PHYIR SNGA DRO ZHES SMOS PAS 'CHAD PAR BYA BA YIN TE, DE NI SNGA DRO YANG YIN LA DUS KYI TSE YANG YIN NO ZHES BYA BAR BSDU'O, ,SNGA DRO'I MTSAN NYID NI BSNYEN GNAS GNAS PA DANG, RAB TU BYUNG BA RNAMS KYI ZAS KYI DUS PHYIR 'THOB PAR 'GYUR BAS BCOM LDAN 'DAS KYIS GCIG TU 'CHAD PAR RTOGS PAR BYA BA'I PHYIR DUS KYI TSE ZHES BYA BA SMOS SO, ,GZHAN DU NA SNGA DRO ZHES BYA BA SMOS PA NI DE GCIG TU CHAD PAR MI RTOGS TE, BCOM LDAN 'DAS KYIS DE GYI NA MDZAD KYANG SRID PAS DE'I PHYIR TSIG GSUM CHAR SMOS SO, ,SHAM THABS ZHES BYA BA NI KHYIM DU 'DUG PA DANG MTHUN PA'I GOS MNABS PA STE, DE YANG NYAN THOS RNAMS BSLAB PA DAG LA GUS PAR BYA BA BSGRUB PA'I PHYIR MDZAD DO, ,GZHAN DU NA NI BDAG MA DUL BAS GZHAN 'DUL BAR JI LTAR 'GYUR, CHOS GOS MNABS ZHES BYA BA LA CHOS GOS MNABS PA NI BGO PA'I MTSAN NYID DU BLTA BAR BYA STE, GZHAN NI SKABS MA YIN NO, ,GRONG KHYER CHEN PO ZHES BYA BA NI YUL GYI BYE BRAG STE, MNYAN YOD RNAM PAR BCAD PA'I DON TO, ,CI'I PHYIR BCOM LDAN 'DAS BSOD SNYOMS KYI PHYIR ZHUGS SHE NA, NYAN THOS RNAMS 'DOD PA CHUNG BA LA GZUD PA DANG, @207A *, ,KHYIM GYI BUD MED DANG, DBUL PO DANG, NAD PA DANG, RGAN PO LA SOGS PA LA PHAN GDAGS PA DANG, LONG BA LA SOGS PA MIG LA SOGS PA THOB PAR BYA BA DANG, NGO MTSAR RNAM PA SNA TSOGS NAR MA BSTAN PAS GZHAN DAG BCOM LDAN 'DAS LA DAD PA BSKYED PA'I PHYIR TE, DE LTAR DGOS PA DPAG TU MED PAR KHONG DU CHUD PAR BYA'O, ,ZAS KYI BYA BA BYAS ZHES BYA BA NI GANG GI ZAS LA SOGS PA ZAS KYI BYA BA BYAS SHING BSGRUBS PA DE LA DE SKAD CES BRJOD DO, ,TSANGS PA LA SOGS PA DGE BA'I RTZA BA CHUNG NGU LAS SKYES PA DAG KYANG ZAS KHAM GYIS ZA BA'I 'DOD CHAGS DANG BRAL BAS ZAS KYI BYA BA MI BYED NA, BCOM LDAN 'DAS DGE BA'I RTZA BA BSAM GYIS MI KHYAB PA LAS 'KHRUNGS PA JI GA MDZAD PAR 'GYUR RAM, 'DI LTAR YANG 'PHAGS PA CHOS YANG DAG PAR SDUD PA LAS KYANG DE BZHIN GSHEGS PA NI BSGRIBS PA DANG SKYEMS PA MI MNGA' BSHANG GCI MI MDZAD, SKU NYAM CHUNG BA MA YIN NO ZHES BSHAD DO, ,DE BDEN MOD KYI 'ON KYANG GAL TE BCOM LDAN 'DAS KYI SKU DE DON DAM PA MA YIN NA NI, DE'I TSE KLAN KA THAMS CAD KYI SKABS SU YANG 'GYUR BA ZHIG NA, GANG GI TSE 'DI NI BCOM LDAN 'DAS KYI SPRUL PA'I SKU STE, SPYOD PA RNAM PA 'DI LTA BU STON CING GDUL BA'I SEMS CAN GYI BSAM PA DANG 'TSAM PAR 'JUG PA DE'I TSE KLAN KA'I SKABS SU GA LA 'GYUR, MIR GYUR PAS BRTZON 'GRUS BRTZAMS NA YANG BLA NA MED PA'I GO 'PHANG 'DI LTA BU THOB BO ZHES GZENGS BSTOD PA'I PHYIR GDUL BA PA RNAMS LA MI'I LUS STON PAS DE LTAR ZHAL ZAS KYI TSUL STON TO, ,SBYIN PA PO DANG, SBYIN BDAG GANG LA BSOD SNYOMS YONGS SU SBYONG BA BSTAN PAS DE DAG DGA' BA BSKYED PA DANG, GANG DAG SKAL PA YOD KYANG LAS KYI SGRIB PA 'GA' ZHIG GIS YI DAGS LA SOGS PA'I NANG DU SKYES PA DAG BCOM LDAN 'DAS KYI PHYAG GI SEN MO BDUD RTZI CAN GYIS REG NA LHA'I RO BRO BA MCHOG TU 'GYUR ZHING ZAD MI SHES PA GNOD SBYIN GZI STOBS CAN LA SOGS PAS KHYER BA ZOS NA, DE DAG BDE BA MCHOG GIS SEMS TSIM PAR GYUR PA DANG, TING NGE 'DZIN @207B MCHOG KYANG 'THOB PAS BCOM LDAN 'DAS KYI ZAS KYI BYA BA NI DPAG TU MED DO, ,RNAM PA CI 'DRA BAS ZAS KYI BYA BA BYAS SHE NA, DE'I PHYIR MJUG TU ZHES BYA BA LA SOGS PA SMOS TE, THAMS CAD BLANGS NAS MJUG TU ZHAL ZAS GANG GSOL BA DE NI BSOD SNYOMS KYI ZHAL ZAS MJUG TU GSOL BA STE, DE NI NYAN THOS RNAMS SBYANGS PA'I YON TAN LA GZUD PA'I PHYIR YANG DAG PAR LEN PA SNGON DU BTANG BA YIN NO, ,GSOL ZHES BYA BA NI GSOL ZIN ZHES BYA BA'I THA TSIG GO, ,YANG NA MJUG TU ZHES BYA BA NI LAN GNYIS PA LA BLANGS PA GANG YIN PA DE LA ZAS PHYI MA ZHES BYA STE, ZAS PHYI MA DE NI ZAS MJUG KYANG YIN LA BSOD SNYOMS KYANG YIN NO ZHES BYA BAR TSIG RNAM PAR SBYAR RO, ,YANG NA PHYI DRO'I ZAS DE ZA BA GANG YIN PA'I BSOD SNYOMS DE LA DE SKAD CES BYA'O, ,DE LTA BAS NA SBYANGS PA'I YON TAN CAN YIN PA DANG, DUS MA YIN PA'I ZAS SPANGS PA'I PHYIR GSOL ZHES BYA BA NI DE GNYIS DANG BRAL LO ZHES BYA BA'I THA TSIG GO, ,BZHAG NAS ZHES BYA BA NI BZHAG STE'O, ,DE YANG BRGYA BYIN LA SOGS PA BCOM LDAN 'DAS KYI DRUNG NA BKA' NOD PA LA BRTZON PA DAG KYANG RTAG TU GNAS MOD KYI RAB TU BYUNG BA NI BDAG NYID BYED PA'O ZHES BSTAN PA'I PHYIR BCOM LDAN 'DAS NYID KYIS LHUNG BZED DANG CHOS GOS BZHAG PA MDZAD DO, ,SKAL BA CHUNG NGU G-YOG MI 'BYOR PA RNAMS KYI YID MI BDE BA SPONG BA'I PHYIR YANG NGO, ,MI GTZANG BAR SNANG BA RTAG TU RING DU SPANGS PA DANG, ZHABS PADMA LA 'JOG MOD KYI; BYA BA'I RGYUD LA SOGS PA LA MOS PA'I SEMS CAN GYI BSAM PA DANG MTHUN PA 'AM, RKANG PA RUL CAN GYIS MAL CHA DANG STAN LA MI RJI'O ZHES BSLAB PA DAG LA GUS PAR BYA BA BSTAN PA'I PHYIR ZHABS 'KHRU BAR BLTA'O, ,GDAN BSHAMS PA LA ZHES BYA BA NI LHA LA SOGS PAS BSHAMS PA'O, ,SKU DRANG POR BSRANG STE ZHES BYA BA NI HA CANG YANG MI DGU, HA CANG YANG MI DGYE BAR MDZAD CES BYA BA'I THA TSIG GO, ,CHOS STON PA'I DUS NA BCOM LDAN 'DAS SPONG BA'I SPYOD LAM GYIS CI'I PHYIR BZHUGS SHE NA, SPONG BA DAG KHO NAS CHOS 'DI BSTAN PA DANG, SHES @208A *, ,PA DANG NYAN PAR NUS KYI GZHAN DAG GIS NI MA YIN NO ZHES SPONG BA LA 'JIG RTEN NAN TAN BSKYED DU GZUD PA'I PHYIR RO, ,DRAN PA SNGON DU GZHAG CES BYA BA NI SNGON BYANG CHUB SEMS DPAR GYUR PA'I TSE, BLA NA MED PA'I TSE GO 'PHANG THOB NAS JI LTAR SANGS RGYAS KYI GDUNG MI 'CHAD PAR 'GYUR BA DE LTAR BDAG GIS BYA'O ZHES SMON LAM BTAB PA'I SMON LAM DE DRAN PA MNGON DU MDZAD CES BYA BA'I THA TSIG GO, ,SANGS RGYAS BCOM LDAN 'DAS DAG NI RTAG TU MNYAM PAR GZHAG PAS THAMS CAD DU YANG DRAN PA LA GNAS MOD KYI, DUS MA YIN PAR DRAN PA DES NI CIR YANG MI 'GYUR GYI, DUS SU SMON LAM DRAN PA NI 'BRAS BU DANG BCAS PAR 'GYUR RO, ,DUS SU DRAN PAS KYANG BCOM LDAN 'DAS RTAG TU MNYAM PAR GZHAG PA NYID DU STON PAS 'GAL BA MED DO, ,DE NAS DGE SLONG MANG PO ZHES BYA BA CI'I PHYIR SMOS SHE NA, BCOM LDAN 'DAS MNYAN YOD NA DGE SLONG GI DGE 'DUN TSAD JI SNYED DANG BZHUGS PA DE DAG THAMS CAD CHOS STON PA'I DUS NA DER MA 'DUS KYI, MANG PO GSUM YAN CHAD DER 'DUS SO ZHES BSTAN PA'I PHYIR RO, ,DE YANG YANG DAG PAR SDUD PAR BYED PAS GZHAN DAG YID CHES PA BSKYED PA'I PHYIR SMRAS SO, , 'DUS ZHES BYA BA NI NYE BA TZAM DU ZAD DO, ,'DUG CES BYA BA NI STAN LA 'DUG PA'O, ,'JIG RTEN NI PHAL CHER SPYIR GZHAG PA SNGON DU 'GRO BA CAN GYI BYE BRAG 'JOG PAS 'JIG RTEN GYI GRAGS PA DANG MTHUN PAR GNYIS KA SMOS SO, ,GZHAN DU NA NI 'DUG GO ZHES BYA BA DE TZAM KHO NAS GNYIS KA SMOS PAR 'GYUR RO, ,GLENG GZHI'I TSIG GI DON LA SOGS PA BSHAD ZIN TO, ,DA NI GLENG BSLANG BA DANG SANGS RGYAS KYI GDUNG RGYUN MI 'CHAD PAR BYA BA BRJOD PAR BYA'O, ,SHIN TU NGO MTSAR CHE BAR BSTAN PA'I PHYIR LAN GNYIS SU SMOS SO, ,BDE BAR GSHEGS PA ZHES BYA BA NI BOD PA'O, ,BDAG MED PA GNYIS KYI LAM NAS YANG DAG PAR GSHEGS SO, ,LEGS PAR GSHEGS PAS BDE BAR GSHEGS PA STE, LEGS PAR BSTOD CES BYA BA BZHIN NO, ,YANG NA NYON MONGS PA DANG SHES BYA'I SGRIB PA BAG CHAGS DANG BCAS PA MA LUS PAR SPANGS TE, GSHEGS PAS BDE BAR GSHEGS PA STE, BUM PA SHIN TU GANG BA @208B BZHIN NO, ,YANG NA PHYIR MI LDOG PAR GSHEGS PAS BDE BAR GSHEGS PA STE, RIMS NAD SHIN TU BYANG BA BZHIN NO, ,JI SNYED PAS ZHES BYA BA NI PHAN GDAGS PAR BYA BA'I BYE BRAG STE, PHAN GDAGS PA GANG JI SNYED PA DE SNYED KYIS PHAN GDAGS PA ZHES BYA BA'I THA TSIG GO, ,RGYAL PO LA SOGS PA DAG KYANG 'BANGS LA SOGS PA RTON PA DAG LA CI NUS KYIS RJES SU 'DZIN NA, BCOM LDAN 'DAS KYIS DE 'DIR NGO MTSAR BA CI CHE SNYAM DU DOGS PA LA NGO MTSAR GYI RGYUR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS ZHES BYA BA SMOS SO, ,DNGOS PO'I DE KHO NA JI LTA BA BZHIN DU GSUNGS PAS DE BZHIN GSHEGS PA'O, ,YANG NA SNGA MA DAG JI LTAR BDAG MED PA RNAM PA GNYIS KYI LAM NAS GSHEGS TE, NYON MONGS PA DANG SHES BYA'I SGRIB PA SPANGS PA RNYED PA DE LTAR, 'DIR YANG GSHEGS PAS DE BZHIN GSHEGS PA'O, ,'JIG RTEN MTHA' DAG GIS MCHOD PAR 'OS PA'I PHYIR RAM, DGRA NYON MONGS PA DAG BCOM PAR GYUR PAS DGRA BCOM PA'O, ,SHES BYA MTHA' DAG YANG DAG PAR KUN NAS THUGS SU CHUD PAS YANG DAG PAR RDZOGS PA'I SANGS RGYAS SO, ,TSIG DE DAG GIS NI BCOM LDAN 'DAS KYIS RANG BZHIN GYI DON MTHA' DAG PHUN SUM TSOGS PA YE SHES DANG SPANGS PA YONGS SU BSTAN TO, ,DES 'DI SKAD BSTAN PAR 'GYUR TE, RGYAL PO LA SOGS PA 'BANGS LA SOGS PA LA PHAN 'DOGS PA DE 'DIR NGO MTSAR MI CHE STE, DE DAG NI RNYED PA DANG BKUR STI LA SOGS PA RANG GI DON 'DOD PAS GZHAN LA PHAN 'DOGS KYI BCOM LDAN 'DAS NI DE BZHIN GSHEGS TE, DGRA BCOM ZHING YANG DAG PAR RDZOGS PA'I SANGS RGYAS NAS PHUN SUM TSOGS PA MTHA' DAG BRNYES PAS GANG PHAN 'DOGS PA DE DAG NI 'DIR NGO MTSAR YIN PAR BSTAN TO, ,BCOM LDAN 'DAS KYIS PHAN 'DOGS PA 'DI LA NI THUGS BRTZE BA CHEN PO MA GTOGS PAR PHAN 'DOGS PA'I RGYU GZHAN CI YANG MED PAS RNAM PA 'DIS NI BCOM LDAN 'DAS THUGS BRTZE BA CHEN PO KHO NAR STON TO, ,PHAN BTAGS ZHES BYA BA NI MNGON PAR RDZOGS PAR BYANG CHUB STE, BCOM LDAN 'DAS KYIS CHOS KYI 'KHOR LO BSKOR BA'I DUS NA BYANG CHUB SEMS DPA' DGE BA'I RTZA BA YONGS SU SMIN PA DAG SAR CHUD PAR MDZAD PA YIN TE, BYANG CHUB SEMS DPA' CHOS NYID LA RAB TU 'JOG TU GZHUG PA'I PHYIR RO, , @209A *, ,YONGS SU GTAD PA NI DGE BA'I RTZA BA YONGS SU MA SMIN PA LAS DANG PO PA DAG PHAN BTAGS PA DE DAG NYID LA GTAD PA STE, BYANG CHUB SEMS DPA' CHOS NYID LA RAB TU 'JOG TU GZHUG PA'I PHYIR RO, ,NGA YONGS SU MYA NGAN LAS 'DAS PAR BSTAN PA NI KHYED KYIS CI NAS DE DAG YON TAN MA THOB PA THOB PAR 'GYUR BA DANG, THOB PA DAG LAS YONGS SU NYAMS PAR MI 'GYUR BA DE LTAR GYIS SHIG ZHES BYA BA'O, ,DE LTAR PHAN BTAGS PA DANG, YONGS SU BTAGS PA GNYIS KYIS SANGS RGYAS KYI GDUNG RGYUN MI 'CHAD PAR YONGS SU BSTAN TO, ,BYANG CHUB SEMS DPA' RNAMS LA PHAN 'DOGS PA NI RNAM PA LNGAS DAM PAR RIG PAR BYA STE, DUS DANG, KHYAD PAR DANG, RGYA CHE BA DANG, BSTAN PA DANG, KHYAB PA'O, ,DE LA DUS NI TSE RABS GZHAN PA YIN PA'I PHYIR RO, ,KHYAD PAR NI PHYI ROL PA DANG, NYAN THOS DANG, RANG SANGS RGYAS KYIS PHAN 'DOGS PA DAG PAS KHYAD PAR DU 'PHAGS PA'I PHYIR RO, ,RGYA CHE BA NI PHAN 'DOGS PA DE DAG BLA NA MED PA'I PHYIR RO, ,BSTAN PA NI GTAN DU BA'I PHYIR RO, ,KHYAB PA NI PHAN 'DOGS PA DE BDAG DANG GZHAN GYI RGYUD LA PHAN 'DOGS PAR BYED PA'I PHYIR RO, ,YONGS SU GTAD PA YANG RNAM PA GSUM GYIS DAM PAR BLTA STE, GNAS DANG CHOS NYID RAB TU 'THOB PAR BYA BA DANG, BKAR GDAGS PA'O, ,GNAS JI LTA BU ZHE NA, GANG GIS DE DAG CHUD ZA BAR MI 'GYUR BA'I DGE BA'I BSHES GNYEN DAG LA YONGS SU GTAD PA'I PHYIR RO, ,CHOS NYID RAB TU THOB PAR BYA BA JI LTA BU ZHE NA, BYANG CHUB SEMS DPA' PHAN BTAGS PA DAG GZHAN LA CHOS NYID KYIS PHAN 'DOGS PA BYED DU BCUG PA'I PHYIR RO, ,BKAR GDAGS PA JI LTA BU ZHE NA, KHYED KYIS BYANG CHUB SEMS DPA' GZHAN DAG LA PHAN GDAGS PAR BYA'O ZHES BKAS GTAD PA'I PHYIR TE, MA GUS PAR NI MA YIN NO, ,GLENG BSLANG BA DANG SANGS RGYAS KYI GDUNG RGYUN MI 'CHAD PAR BYA BA'I TSIG GI DON LA SOGS PA BSHAD ZIN TO, ,SGRUB PA'I MTSAN NYID BRJOD PAR BYA STE, DE'I DBANG DU BYAS NAS, JI LTAR ZHES BYA BA SMOS SO, ,'PHAGS PA RAB 'BYOR GYIS RNAM PA DRUG GI PHYIR ZHUS TE, DOGS PA BCAD PA DANG, MOS PA BSKYED PA DANG, DON ZAB MO LA 'JUG PAR BYA BA DANG, MI LDOG PAR BYA BA DANG, MCHOG TU @209B DGA' BA BSKYED PA DANG, DAM PA'I CHOS YUN RING DU GNAS PAR BYA'O, ,DE LA SHES RAB KYI PHA ROL TU PHYIN PA 'DI JI LTAR SANGS RGYAS KYI GDUNG RGYUN MI 'CHAD PA YIN SNYAM DU DOGS PA RNAMS KYI DOGS PA BCAD PA'I PHYIR, BYANG CHUB SEMS DPA' RGYUD YONGS SU MA SMIN PA BSOD NAMS MANG BAR BSGRAGS PAS SHES RAB KYI PHA ROL TU PHYIN PA LA MOS PA BSKYED PA'I PHYIR RO, ,RGYUD YONGS SU SMIN PA RNAMS DON ZAB MO LA 'JUG PAR BYA BA'I PHYIR RO, ,YANG DAG PA MA YIN PA'I BSGRUBS PAS MNAR BA DE LEN PA DANG 'DZIN PA LA RTZOM PA RNAMS BSOD NAMS MANG PO 'DOD PAS MI LDOG PAR BYA BA'I PHYIR RO, ,PHAN GDAGS PA LHAG PA'I BSAM PA DAG PA RNAMS BDAG GIS CHOS DE RTOGS PAR MTHONG NAS MCHOG TU DGA' BA BSKYED PA'I PHYIR RO, ,MA 'ONGS PA'I DUS NA THEG PA CHEN PO'I CHOS YUN RING DU GNAS PAR BYA BA'I PHYIR RO, ,MDOR BSDU NA DOGS PA RNAMS LA YANG DAG PAR BSTAN PAR BYA BA DANG, BYANG CHUB SEMS DPA' YONGS SU MA SMIN PA BSOD NAMS 'DOD PA RNAMS YANG DAG PAR 'DZIN DU GZHUG PA DANG, LOG PAR BSGRUBS PAS MNAR BA RNAMS YANG DAG PAR GZENGS BSTOD PA DANG, BSAM PA DAG PA RNAMS RAB TU DGA' BAR BYA BA'I PHYIR RO, ,DE LA GNAS PAR BYA BA NI 'DUN PA DANG SMON LAM GNYIS KYIS SO, ,BSGRUB PAR BYA BA NI RNAL 'BYOR LA SNYOMS PAR 'JUG PAS SO, ,SEMS RAB TU GZUNG BAR BYA BA NI RNAM PAR G-YENG BA TSAR BCAD NAS SO, ,DE LA 'DUN PA NI MNGON PAR 'DOD PA'O, ,SMON LAM NI MNGON PAR 'DOD PA'I DON LA SEMS MNGON PAR 'DU BYED PA'I MTSAN NYID KYIS SEMS PA GANG YIN PA'O, ,RNAL 'BYOR LA SNYOMS PAR 'JUG PA NI RNAM PAR MI RTOG PA'I TING NGE 'DZIN GANG YIN PA'O, ,RNAM PAR G-YENG BA TSAR GCOD PA NI TING NGE 'DZIN LAS RNAM PAR G-YENGS BA LAS SEMS BLAN TE DE NYID LA 'JUG PA'O, ,DANG POS NI SBYOR BA'I LAM GNYIS PAS NI GRUB PA'I LAM GSUM PAS NI CHUD MI ZA BA'I LAM YONGS SU BSTAN TO, ,GNAS SU ZHUS PAS, BCOM LDAN 'DAS KYIS 'PHAGS PA RAB 'BYOR LA LEGS SO ZHES BYA BA BYIN NO, ,NYON LA ZHES BYA BA NI RNA BA BLAGS TE NYAN DU GZHUG PA'O, ,LEGS PAR ZHES BYA BA NI PHYIN CI MA LOG PAR 'DZIN DU GZHUG PA'O, ,RAB TU YID LA ZUNG SHIG CES BYA BA NI LEGS PAR 'DZIN @210A *, ,DU GZHUG PA'O, ,DE DAG KYANG NYAN PA'I SKYE BO SNOD KHAS PHUB PA DANG, MI GTZANG BA DANG, RDOL BA LTA BU RNAM PA GSUM SPANG BA'I PHYIR GSUNGS TE GO RIMS BZHIN NO, ,BSHAD DO ZHES BYA BA NI DE DAG NA BSHAD KYIS GZHAN DU NI MA YIN NO ZHES BYA BA STE, GZHAN DU NA SNOD KHAS SBUB PA DANG, MI GTZANG BA DANG, RDOL BDAG GI NANG DU CHAR BAB PA BZHIN DU CHOS KYI CHAR 'DI DON MED PAR 'GYUR RO ZHES BYA BA'I THA TSIG GO, ,YANG NA NGA NI CHAD PAR ZAD KYI KHYED KYIS NI NAN TU SGRUBS SHIG ZHES BYA BA'I THA TSIG GO, ,BYANG CHUB SEMS DPA' RNAMS KYI THEG PA NI BYANG CHUB SEMS DPA'I THEG PA STE, GANG GIS BYANG CHUB SEMS DPA' NGES PAR 'BYUNG BAR BYED PA'O, ,DE YANG PHA ROL TU PHYIN PA BCU DANG SA BCUS BSDUS PA STE, DE LA YANG DAG PAR ZHUGS PA NI SMON PA DANG 'JUG PA'I SEMS KYIS ZHUGS PA'O, ,BYE BRAG DE NI NYAN THOS LA SOGS PA'I BYANG CHUB BSAL BA'I PHYIR TE, BYANG CHUB LA YANG DAG PAR ZHUGS PAS ZHES SMOS NA NI BYANG CHUB GSUM YOD PAS BYANG CHUB GZHAN DU YANG GO BAR 'GYUR RO, ,NYAN ZHES BYA BA NI KHAS BLANGS SO ZHES BYA BA'I THA TSIG GO, ,SGRUB PA'I MTSAN NYID KYI TSIG GI DON LA SOGS PA BSHAD ZIN TO, ,DA NI DE'I GNAS BRJOD PAR BYA STE, DE'I GNAS DE YANG MDOR BSDUS NA RNAM PA BCO BRGYAD DE; 'DI LTA STE, SEMS BSKYED PA DANG, PHA ROL TU PHYIN PA LA SBYOR BA DANG, GZUGS KYI SKU THOB PAR 'DUN PA DANG, CHOS KYI SKU THOB PAR 'DUN PA DANG, BSGOMS PA'I KHYAD PAR 'DUN PA LA MNGON PA'I NGA RGYAL MED PA DANG, SANGS RGYAS 'BYUNG BA MNYES PAR BYA BA DANG, ZHING RNAM PAR DAG PAR SMON PA DANG, SEMS CAN YONGS SU SMIN PAR BYA BA DANG, CI'I PHYIR BSTAN BCOS LA RJES SU CHAGS PA DANG BRAL BA DANG, SEMS CAN DANG SNOD KYI 'JIG RTEN LA RIL POR 'DZIN PA'I GZHIG PAR SBYOR BA DANG, DE BZHIN GSHEGS PA LA MCHOD PA DANG RIM GRO BYA BA DANG, LUS DANG SEMS DUB NAS BRTZON 'GRUS LAS LOG PA DANG, MI RTZOM PA DANG RNYED PA DANG BKUR STI DAG DANG BRAL BA STE, LUS DANG SEMS RAB TU DUB PA BRTZON 'GRUS BRTZAMS PA LAS MI LDOG ,MA BRTZAMS PA NI MI RTZOM LA, BDAG LA GZHAN DAG GIS 'DI NI BRTZON 'GRUS DANG LDAN PA YIN NO SNYAM DU SHES PAR GYUR KYANG JI MA RUNG ZHES DAD PA'I DBANG DU BYAS @210B NAS RNYED PA DANG BKUR STI 'DOD PA YIN TE, DE'I PHYIR BYANG CHUB SEMS DPA' DE DAG THAMS CAD DANG BRAL TE SPANG BAR BYA BA DANG, SDUG BSNGAL LA JI MI SNYAM PA DANG, BSAM GTAN GYI RO MYANG BA DANG DBRAL BA DANG, MNGON PAR RTOGS PA'I DUS NA BDAG GO SNYAM PA'I RNAM PAR RTOG PA DANG BRAL BA DANG, GDAMS NGAG YONGS SU BTZAL BA DANG, MNGON PAR RTOGS PA DANG, SANGS RGYAS KYI SA YONGS SU BTZAL BA STE, GNAS RNAM PA BCO BRGYAD PO DE DAG NI BYANG CHUB SEMS DPA' GANG LA GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA'O, ,(GNAS DE DAG GIS SA GSUM BSDUS TE,) 'DI LTA STE GNAS RNAM PA BCU DRUG GIS MOS PAS SPYOD PA'I SA'O, ,MNGON PAR RTOGS PA'I GNAS GCIG PUS NI LHAG PA'I BSAM BA DAG PA'I SA'O, ,SANGS RGYAS KYI SA YONGS SU BTZAL BAS NI SANGS RGYAS KYI SA'O, ,SEMS CAN THAMS CAD YONGS SU MYA NGAN LAS 'DAS PA'I PHYIR SEMS BSKYED NAS, PHA ROL TU PHYIN PA RNAMS LA RAB TU BRTZON PA NI DE BZHIN GSHEGS PA'I GZUGS KYI SKU DANG, CHOS KYI SKU 'THOB PAR 'DUN PA BSKYED DO, ,DE NAS MNGON PA'I NGA RGYAL LA SOGS PA DANG, THA MA BDAG GO SNYAM DU RNAM PAR RTOG PA LA THUG PA'I BAR MNGON PAR RTOGS PA'I BGEGS RNAMS DANG SEMS BRAL BAR BYED DO, ,DE NAS MNGON PAR RTOGS PAR BYA BA'I PHYIR GDAMS NGAG YONGS SU 'TSAL LO, ,DE NAS MNGON PAR RTOGS PAR BYED DO, ,DE NAS GONG DU SANGS RGYAS KYI SA YONGS SU TSOL TE, DE'I PHYIR DE DAG GI GO RIMS NI DE LTA'O, ,DE LA BYANG CHUB TU SEMS BSKYED PA'I DBANG DU BYAS NAS SEMS CAN JI TZAM ZHES BYA BA GSUNGS SO, ,JI TZAM ZHES BYA BA NI TSAD DO, ,CI DE DAG LA TSAD YOD DAM SNYAM PA LA SEMS CAN DU BSDU BAR ZHES BYA BA GSUNGS SO, ,SEMS CAN GYI KHAMS TSAD MED MOD KYI, 'ON KYANG SEMS CAN ZHES BYA BA NI GANG DE'I NGO BO SNYAM PA LAS LOG PA'I SGRA'I DON LAS BRTAGS PA'I NGO BO SKAL BA 'DRA BA ZHES GRAGS PA GANG YIN PA DE NI SEMS CAN DU BSDU'O, ,DES NI MTHONG BA DANG, RNAM PAR BRTAGS PA'I DON GCIG TU BSDUS NAS DE'I NGO BOR SGRO BTAGS PA'I PHYIR GZUGS LA SOGS PA'I PHUNG PO'I BYE BRAG GIS BSDUS PA DAG STE, DE'I PHYIR DE DAG TSE DANG LDAN PA 'DRA BAR SNANG NGO, ,DE LTAR SPYIR BSTAN NAS, BYE BRAG TU BSTAN PA'I PHYIR, SGO NGA LAS SKYES PA ZHES BYA BA LA SOGS PA GSUNGS SO, , @211A *, ,BYE BRAG GI MTSAN NYID DE YANG RAB TU DBYE BA GSUM GYIS GSUNGS TE, SKYE GNAS KYI DBYE BA LAS NI SGO NGA LAS SKYES PA LA SOGS PA RNAM PA BZHI'O, ,GNAS KYI DBYE BA LAS NI GZUGS CAN DANG GZUGS CAN MA YIN PA GNAS THA DAD PA'I PHYIR TE, GZUGS CAN NI 'DOD PA DANG GZUGS NA SPYOD PA RNAMS SO, ,GZUGS CAN MA YIN PA NI GZUGS MED PA RNAMS SO, ,MTSAN MAR 'DZIN PA'I DBYE BA LAS NI, 'DU SHES CAN ZHES BYA BA LA SOGS PA STE, 'BRAS BU CHE BA'I PHYOGS GCIG DANG, SRID PA'I RTZE MOR SKYES PA'I SEMS CAN RNAMS MA GTOGS PAR THAMS CAD NI 'DU SHES CAN NO, ,'BRAS BU CHE BA'I PHYOGS GCIG 'DU SHES MED PA'O, ,'DI YANG MTSAN MAR 'DZIN PA'I DBYE BAR BYAS PA NYID DE, DE MED PAS RAB TU PHYE BAS DES MTSON PA'I PHYIR RO, ,SRID PA'I RTZE MOR SKYES PA RNAMS NI 'DU SHES MED 'DU SHES MED MIN NO, ,RAB TU DBYE BA 'DI NI BLO ZHAN PA RNAMS LA PHAN GDAGS PA'I PHYIR BYAS KYI GZHAN DAG 'PHYA BA SPANG BA'I PHYIR RAB TU MA SPROS SO, ,CHOS THAMS CAD SEMS CAN MED DO ZHES BYA BA DANG, BSHAD PA 'DI MI 'GAL BAR BSTAN PAR SEMS CAN GYI KHAMS KUN RDZOB KYI BDEN PAR SEMS CAN GYI KHAMS BSTAN PA'I PHYIR, JI TZAM ZHES BYA BA LA SOGS PA GSUNGS SO, ,GDAGS PAS ZHES BYA BA NI PHUNG PO LNGA'I BYE BRAG GI BDAG NYID DU SHES PA STE, MU STEGS CAN GYIS YONGS SU SHES PAR BRTAGS PA NI MA YIN NO ZHES BYA BA'I THA TSIG GO, ,'DIS NI SKUR BA'I MTHA' SPANGS PA YIN TE, BTAGS PAR YOD NA SKUR PA MI 'DEBS PA'I PHYIR RO, ,MI GNAS PA'I MYA NGAN LAS 'DAS PA'I DBYINGS GANG LA ZAG PA DANG BCAS PA'I PHUNG PO LHAG MA MED PA DE LA DE SKAD CES BYA'I NYAN THOS KYI YONGS SU MYA NGAN LAS 'DAS PA NI 'DIR MYA NGAN LAS 'DAS PA'I DBYINGS MA YIN TE, DE NI DMAN PA'I PHYIR RO, ,'BRAS BU GYA NOM PA YOD BZHIN DU SNYING BRTZE BDAG NYID CAN RNAMS 'BRAS BU DMAN PA DON DU GNYER BA NI RIGS PA DANG LDAN PA MA YIN NO, ,GAL TE 'BRAS BU GYA NOM PA YOD KYANG THOB PAR BYED MI NUS PAS DE LTAR DON DU GNYER RO ZHE NA, KHYOD KYI LUGS LTAR NA RIGS GSUM DANG RIGS MED PA YANG YOD PAS 'BRAS BU DMAN PA YANG THAMS CAD KYIS THOB PAR BYED MI NUS PA NYID DO, ,'ON TE BYANG CHUB SEMS DPA' RNAMS KYI RIGS @211B GNYIS 'DI 'DRA STE, GANG GI DBANG GIS NI THUGS RJE CHEN PO'I SHUGS KYIS NON PA DAG NI 'DI CI NUS SAM SNYAM PA DANG, SANGS RGYAS DANG BYANG CHUB SEMS DPA' GZHAN GYI DON MDZAD PA GZHAN DAG KYANG BZHUGS BZHIN DU 'DIR BDAG GIS DON MED PA'I SMON LAM BTAB PAS CI ZHIG BYA SNYAM PA DE LTA BU'I RNAM PAR SPYOD PA RNAMS SPANGS TE, GZHAN LA LTOS PA RGYANG BSRINGS SHING, SNYING BRTZE BA CHEN POS ZIN PA RNAMS 'GRO BA SDUG BSNGAL GYI ME 'BAR BAS NYEN PAR MTHONG NAS 'DI SNYAM DU BDAG KHO NAS BSKYAB PO ZHES SMON LAM 'DEBS TE, JI SKAD DU, DKA' 'AM MI DKA' SNYAM PA YI, ,RNAM PAR RTOG PA RNAM SPANGS NAS, ,'GRO BA 'DI NI NYAM THAG CES, ,KHYOD BDAG NYID KYIS ZHAL GYIS BZHES, ,ZHES BSHAD PA LTA BU'O ZHE NA, GAL TE DE LTA NA YANG BU SDUG PA RGYAL POR SMON PA LTAR 'THOB PAR BYA MI NUS PA'I GYA NOM PA NYID LA CI'I PHYIR SMON LAM MI GDAB, GANG GI PHYIR NA DMAN PA KHO NA DON DU GNYER BAR BYED, DE LTA BAS NA MI GNAS PA'I MYA NGAN LAS 'DAS PA NYID 'DIR PHUNG PO'I LHAG MA MED PA'I MYA NGAN LAS 'DAS PA'I DBYINGS SU RIGS TE, DE LA ZAG PA DANG BCAS PA'I PHUNG PO'I LHAG MA MED PA'I PHYIR RO, ,CI'I PHYIR MYA NGAN LAS 'DA' BAR BYA'O ZHES DE SKAD MA GSUNGS SHE NA, BSAM GTAN DANG PO LA SOGS PA BSAL BA'I PHYIR RO; ,DE NI BCOM LDAN 'DAS KYIS SA 'OG MA'I NYON MONGS PA MED PA'I PHYIR MYA NGAN LAS 'DAS PA'I RNAM GRANGS SU GSUNGS SO, ,CI'I PHYIR PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS SU ZHES MA GSUNGS SHE NA, DE NI SDUG BSNGAL GYI PHUNG PO'I LHAG MA MA SPANGS PA'I PHYIR RO, ,BYANG CHUB SEMS DPA' RNAMS KYI SEMS CAN THAMS CAD YONGS SU MYA NGAN LAS 'DA' BA'I BSAM PA NI RGYU GSUM GYIS BLTA BAR BYA STE, MI KHOM PAR SKYES PA RNAMS LA DUS GZHAN DU SDOD PA DANG, MI KHOM PA'I GNAS SKABS NI NYE BAR MTSON PA'I PHYIR SMON PAR ZAD KYI DER ZAD PA NI MA YIN TE, DE NA GNAS PA LA YONGS SU MYA NGAN LAS 'DA' BA MI SRID PA'I PHYIR RO, ,YONGS SU MA SMIN PA RNAMS YONGS SU SMIN PAR BYA BA DANG, YONGS SU SMIN PA RNAMS RNAM PAR GROL BAR BYA BA STE, DES NA DON GNYER MI NUS PA MA YIN NO, ,SEMS CAN MA LUS PA YONGS SU MYA NGAN @212A *, ,LAS 'DA' BA'I BSAM PA 'DIS NI BYANG CHUB KYI SEMS KYI RGYA CHE BA BSTAN TO, ,'DIR JI LTAR 'DUN PA SMON LAM GNYIS KYIS GNAS PAR BYA BA DE YANG BSTAN TO, ,DA NI JI LTAR RNAL 'BYOR LA SNYOMS PAR 'JUG PAS JI LTAR BSGRUB PAR BYA BA DE BSTAN PA'I PHYIR, DE LTAR ZHES BYA BA LA SOGS PA GSUNGS SO, ,DE LTAR KUN RDZOB TU SEMS CAN THAMS CAD YONGS SU MYA NGAN LAS 'DAS KYANG BYANG CHUB SEMS DPA' JI LTAR DON DAM PAR SEMS CAN GANG YANG DMIGS PAR MI 'GYUR TE, DE MED PA'I PHYIR RO ZHES BYA, DE LTAR RNAL 'BYOR LA SNYOMS PAR 'JUG PAS SO SOR BRTAG PAR BYA'O, ,LANGS NAS 'DI SNYAM DU DON DAM PAR BDAG GIS SEMS CAN GANG YANG YONGS SU MYA NGAN LAS 'DAS PAR GYUR PA MED DO SNYAM DU SEMS BSKYED PA GANG YIN PA 'DIS NI ZAB PA BSTAN LA, DON DAM PA'I BYANG CHUB KYI SEMS KYANG BSTAN TO, ,SNGA MAS NI KUN RDZOB BO, ,DA NI G-YENG BA TSAR GCOD PAS 'DIR JI LTAR SEMS RAB TU GZUNG BAR BYA BA DE BSTAN PA'I PHYIR, DE CI'I SLAD DU ZHES BYA BA SMOS SO, ,GAL TE ZHES BYA BA NI JI STE ZHES BYA BA'I DON DANG SBYAR RO, ,'O NA SU GANG ZAG LA SOGS PAR 'DU SHES 'JUG PA DE BYANG CHUB SEMS DPA' ZHES BYA BA'AM CI NA, GANG GI PHYIR SEMS CAN SMOS PA DE KHO NA MDZAD SNYAM DU SEMS SHING, YANG CI'I SLAD DU ZHES ZHUS PA DANG, CIG SHOS KYIS KYANG MI BYA'O ZHES GSUNGS SO, ,DGONGS PA NI 'DI YIN TE, BLO GROS NGAN PA DAG GI YANG DE NI PHUNG POR LAS GZHAN PA NANG NA BYA BA DANG, LONGS SPYOD BZHI PO BYED PA'I SKYES BU ZHIG YOD PAR YONGS SU BRTAGS NAS SEMS CAN DANG SROG LA SOGS PA'I SGRAR THA SNYAD 'DOGS PA DANG, GANG DAG YANG GANG ZAG BRJOD DU MI RUNG BAR 'DOD PA DE DAG GI YANG DE NI PHUNG POR GTOGS PA'I CHOS DANG MTSAN NYID MI 'DRA BAR KHAS BLANGS PA'I PHYIR SHUGS KYIS DON GZHAN PA KHO NAR KHAS BLANGS PA YIN TE, THAMS CAD KYANG BRJOD DU MI RUNG BAR THAL BAR 'GYUR BA'I PHYIR DNGOS PO NI NAM YANG BRJOD DU MI RUNG BA MI SRID DO, ,DE NI SGRUB PAR BYED PA'I TSAD MA MED PA'I PHYIR DANG, GNOD PA CAN YANG YOD PA'I PHYIR DER LTA BA'I BYANG CHUB SEMS DPA' NI PHYIN CI LOG LA MNGON PAR ZHEN PAS PHYIN CI LOG KHO NAR 'GYUR RO, ,GANG PHYIN CI LOG TU GYUR PA DE DON @212B DAM PA'I BYANG CHUB SEMS DPA' JI LTAR 'GYUR, GZHAN NA RE BDAG SGRUB PAR BYED PA'I TSAD MA YOD PA KHO NA YIN NAM, 'DI LTAR BCINGS PA DANG, THAR PA DANG, LAM DANG, 'BRAS BU 'BREL BA DANG, DRAN PA DANG, NGO SHES PA LA SOGS PA NI GZHI GCIG PA GRAGS PA DAG YIN NA, BDAG MED PAR SMRA BA KHYED KYI LUGS LTAR NA DE DAG GI GZHIR 'GRUB PAR 'GYUR BA GANG YIN PA GCIG PU NI 'GA' YANG MED NA GZHIR 'GYUR BA GANG ZHIG YIN, RNAM PAR SHES PA'I SKAD CIG MA RNAMS KYI SKAD CIG SO SO NI THA DAD PA'I PHYIR RO, ,LHA SBYIN BCINGS LA PHYIS MCHOD SBYIN GROL BAR RNAM PAR GZHAG PA NI MED DO, ,GZHAN GYIS BYAS PA'I LAS KYI 'BRAS BU GZHAN GYIS MYONG BA YANG MED DO, ,HA CANG THAL BAR 'GYUR BA DANG, BYAS PA CHUD ZA ZHING MA BYAS PA DANG PHRAD PAR THAL BAR 'GYUR BA'I PHYIR TE, 'DI LTAR BYED PA POR BRTAGS PA'I RNAM PAR SHES PA'I SKAD CIG MA GANG YIN PA DE DANG, 'BRAS BU 'BREL BA MED PA'I PHYIR BYAS PA CHUD ZA BA'I SKYON DANG, BYED PA PO MA YIN PA DE KHO NA DANG 'BRAS BU 'BREL PA'I PHYIR MA BYAS PA DANG, PHRAD PA'I SKYON DU YANG 'GYUR RO, ,DRAN PA LA SOGS PA YANG 'JIG RTEN NA GNAS THA DAD PAR MA GRAGS TE, 'O NA JI LTA ZHE NA, GNAS GCIG PA KHO NA STE, LHA SBYIN GYI SEMS KYIS MYONG BA NI MCHOD SBYIN GYI SEMS KYIS DRAN PA 'AM NGO SHES PA MED KYI, GANG GIS MYONG BA DE NYID KYIS DRAN ZHING NGO SHES SO ZHES GRAGS SO, ,DE BAS NA SKYES BU GCIG PU GNAS SKABS THAMS CAD KYI RJES SU 'GRO BA ZHIG YOD DO, ,SBYOR BA NI BCINGS PA DANG THAR PA GANG DAG YIN PA DE DAG NI GZHI GCIG PA YIN TE, DPER NA LHA SBYIN LCAGS SGROG GIS BCINGS PA DANG THAR PA BZHIN LA, RTZOD PA'I GZHIR GYUR PA BCINGS PA DANG THAR PA GNYIS KYANG BCINGS PA DANG, THAR PA YIN PAS ZHES BYA BA NI RANG BZHIN GYI GTAN TSIGS SO, ,DE BZHIN DU BYED PA PO LA GZHI GCIG PA NYID DU BSGRUB PA LA YANG SBYOR BA RTAG PAR BYA'O ZHES ZER RO, ,DE LA GAL TE 'DIR SKYES BU DANG RANG DBANG CAN DON DAM PA RTAG PA GCIG PU ZHIG SGRUB NA NI DE'I TSE DE LTA BU'I SKYES BU DANG GTAN TSIGS LHAN CIG 'BREL PAR GANG DU YANG MA GRUB PAS MA NGES PA YIN NO, ,'DU BYED THAMS CAD SKAD CIG MA YIN PA'I PHYIR LHA SBYIN LA SOGS PA @213A *, ,RTAG PA GCIG PU'I NGO BOR MA GRUB PAS DPE YANG BSGRUB PAR BYA BA MA TSANG BA YIN NO, ,DE NYID KYI PHYIR GTAN TSIGS 'GAL BA YIN TE, DE LAS BZLOG PA DANG 'BREL PA'I PHYIR RO, ,'ON TE CI'I PHYIR GZHI GCIG PA NYID TZAM DU SGRUB PA DE'I TSE GRUB PA SGRUB PA YIN TE, DES KYANG RGYUD GCIG LA YOD PAS BCINGS PA LA SOGS PA GNAS GCIG PAR 'DOD PA NYID DO, ,'DI LTAR GANG GI TSE RGYUD GANG LA MA RIG PA LA SOGS PA RGYU DANG 'BRAS BUR GYUR PA DAG RGYUN MI 'CHAD PAR RGYUN DU 'BYUNG BA DE'I TSE NA NI DE LA BCINGS PA ZHES 'DOGS, YANG DE NYID LA THOS PA LA SOGS PA'I RIM GYIS 'PHAGS PA'I LAM SKYE NAS MA RIG PA LA SOGS PA 'GAGS PAS GNAS GYUR PA LA THAR PA ZHES 'DOGS KYI, DE GNYIS DON DAM PA RTAG PA GCIG PU'I DNGOS PO'I YUL CAN DU GRUB PA NI MED DE, 'JIG RTEN PA'I BCINGS PA DANG THAR PA YANG DE DANG 'DRA BA'I PHYIR RO, ,RGYUD GANG LA DGE BA DANG MI DGE BA'I SEMS DANG NYAMS SU MYONG BA SKYES PA DE DE NYID LA DUS GZHAN NA RGYUD YONGS SU SMIN PA LA BRTEN NAS MA DU LUNG GA LA SOGS RGYA SKYEGS LA SOGS PA'I KHU BAS BSKUS PA'I RGYUD YONGS SU SMIN PA LA SOGS PA BZHIN DU BDE BA DANG, SDUG BSNGAL BA DANG, DRAN PA LA SOGS PA 'BRAS BU 'BYUNG BA SNANG BA'I PHYIR DGE BA LA SOGS PA GNAS GCIG TU GRAGS KYI BYED PA PO DANG, ZA BA PO DANG, DRAN PA PO GCIG PU NI GANG YANG MED DE, THA SNYAD BTAGS PA 'DI THAMS CAD NI RGYU DANG 'BRAS BU TZAM GYIS RAB TU PHYE BA'I PHYIR RO, ,HA CANG THAL BA YANG MA YIN TE, SA BON LA SOGS PA'I NUS PA NGES PA BZHIN DU RGYU'I NUS PA SO SOR NGES PA'I PHYIR RO, ,DE LA YANG DAG GANG GIS NA RGYU DANG 'BRAS BU'I DNGOS PO SO SOR NGES PAR 'GYUR BA DE NI GCIG PU RJES SU 'GRO BA NI GANG YANG MED DE, GNAS SKABS GZHAN DU SNANG BA'I PHYIR RO, ,SEMS CAN GYI RGYU 'DI LA YANG DE DANG 'DRA BAR 'GYUR NA, BDAG TU YONGS SU BRTAGS PA 'DIS CI ZHIG BYA, BDAG LA YANG BRTAGS TE BYED PA PO LA SOGS PA'I GNAS SKABS GANG YIN PA DE NI RGYU'O, ,ZAB MO LA SOGS PA'I GNAS SKABS GANG YIN PA DE NI 'BRAS BU'O ZHES RGYU DANG 'BRAS BU'I DNGOS PO GDON MI ZA BAR KHAS BLANG PAR BYA'O, ,DE LTA MA YIN TE GNAS SKABS DE GNYIS SU @213B SKYE BA MED PA'AM, GCIG LA GCIG LA PHAN 'DOGS PA MED PA NA NAM MKHA' DANG 'DRA BAR GYUR PAS ZA BA PO LA SOGS PA 'GRUB PAR YANG JI LTAR 'GYUR, NUS PA SO SOR NGES PAR KHAS BLANG BAR BYA STE, 'DI LTAR SO SOR NGES PA'I BDAG NYID DANG 'BREL PAS BDE BA LA SOGS PA 'BYUNG BAR 'GYUR GYI THAMS CAD LA NI MA YIN NO, ,DE BAS NA DGE BA LA SOGS PA RGYU DANG 'BRAS BUR GYUR PA JI LTAR YONGS SU SNANG BA DAG KHO NA BYED PA PO DANG ZA BA PO YIN NA BLTAR MI SNANG BA'I NGO BO BDAG YONGS SU BRTAGS PAS CI ZHIG BYA, RJES SU DPAG PAS BDAG DE MA GRUB TU CHUG KYANG, 'ON KYANG SNGAR SHES PA'I MNGON SUM GYI YUL YIN PA'I PHYIR MNGON SUM GYIS BDAG GRUB PO ZHE NA, DE YANG RIGS PA MA YIN TE, DER 'KHRUL PA'I PHYIR DANG, RNAM PAR RTOG PA DANG BCAS PA'I PHYIR DANG SHES PA MNGON SUM NYID DU MI 'GRUB PA'I PHYIR RO, ,NGAR SHES PA LA SNANG BA NA GANG GIS NA MNGON SUM DU 'GYUR BA JI LTAR NA RANG GI GRUB PA'I MTHA' LAS BRTAGS PA LTA BU BDAG GCIG PU RTAG PA KHYAB PA NI MI DMIGS SO, ,GDON MI ZA BAR DE LTAR SHES PAR BYA'O, ,DE LTAR MA YIN TE GAL TE NGAR SHES PA MNGON SUM DU GYUR NA NI DE'I TSE BDAG YUL DU GYUR PA LA RAB TU SMRA BA RNAMS RTZOD PAR MI 'GYUR TE, RNAM PAR RTOG PA DANG BCAS PAS NGAR 'DZIN PA NGES PA'I BDAG NYID CAN DU GYUR PA'I PHYIR RO, ,NGES PAS YUL DU BYAS PA LA NI SGRO 'DOGS PA MED PA'I PHYIR RO, ,DE LTA BAS NA 'DRA BA GZHAN DANG GZHAN DU 'BYUNG BAS BSLUS PA DANG, THOG MA MED PA'I DUS NAS GOMS PA'I DBANG GIS GZUGS LA SOGS PA PHUNG PO SO SOR NGES PA NYID LA GCIG PUR SGRO BTAGS NAS PHA ROL RNAM PAR SPYAD PA'I PHYIR NGA'O SNYAM DU SHES TE, SHES PA DE LA GZUGS LA SOGS PA DE DAG NYID SNANG BA'I PHYIR RO, ,GAL TE NGAR 'DZIN PA 'DI LUS KYI YUL CAN ZHIG YIN NA JI LTAR NGA'I LUS ZHES THA DAD PA TZAM 'DZIN PAR 'GYUR ZHE NA, DE NI BDAG GI DMIGS PA CAN LA YANG MTSUNGS TE, GAL TE NGAR 'DZIN PA 'DI DAG GI YUL CAN ZHIG YIN NA DE'I TSE JI LTAR NGA'I BDAG NYID CES SEMS PAR 'GYUR, CI STE DNGOS PO NYID DU THA DAD PA MED KYANG THA DAD PA GZHAN SPANGS PAS DE TZAM SHES PAR 'DOD PA'I PHYIR MCHI GU'I LUS ZHES BYA @214A *, ,BA BZHIN DU THA DAD PAR BRTAGS PAS 'DZIN PAS 'GAL BA MED DO ZHE NA, DE NI LUS KYI DMIGS PA CAN LA YANG MTSUNGS SO, ,BDAG GI YUL CAN YANG RIM GYIS 'BYUNG BA DANG 'GAL TE 'OG NAS BSHAD DO, ,NGAR 'DZIN PA KHO NA YANG BDAG MA YIN LA DE'I YUL GZUGS LA SOGS PA BDAG YIN NO ZHES BRJOD PAR YANG MI NUS TE, DE DAG DE DANG MTSAN NYID MI 'DRA BA'I PHYIR RO, ,DE DAG NI RIM NYID DU DMIGS PA'I PHYIR GCIG PU'I NGO BO 'AM RANG DBANG CAN DU MED DO, ,DE NYID KYI PHYIR, BDAG LHA NYID NI BDAG GI MTSAN NYID MIN, NYE GNAS MI 'DRA BAS NA MA YIN NO ZHES BSHAD DO, ,MING DU 'DOGS NA NI 'DOD PAS 'DI LA BRTZAD PA CI YANG MED DO, ,DE LTA BAS NA BDAG SGRUB PAR BYED PA'I TSAD MA CHUNG ZAD TZAM YANG MED DO, ,MNGON SUM DU RJES SU DPAG PA LAS MA GTOGS PA'I TSAD MA NI MED DO ZHES PHYOGS GZHAN DU DPYAD ZIN TO, ,GNOD PA CAN GYI TSAD MA YANG BSAL BA KHO NAR DMIGS TE, DE LTAR GAL TE BDAG PHUNG PO DAG LAS GZHAN MA YIN NA NI DE'I TSE PHUNG PO BZHIN DU SKAD CIG PAR 'GYUR BA'AM, YANG NA BDAG BZHIN DU PHUNG PO RTAG PA DAG TU 'GYUR TE, DE DANG THA MI DAD PA'I PHYIR RO, ,PHUNG PO BZHIN DU DU MA NYID DU THAL BAR 'GYUR BA YANG BZLOG DKA' BAR 'GYUR RO, ,DE BAS NA PHUNG PO RNAMS KHO NA LA BDAG CES MING 'DOD PA YIN TE, MING LA NI BRTZAD PA MED DO, ,'ON TE PHUNG PO BDAG DANG THA DAD PAR 'DON NA NI DE'I TSE BDE BA LA SOGS PA DANG 'BREL BA MED PAS DE ZA BA PO LA SOGS PAR MI 'GRUB PAR 'GYUR RO, ,SBYOR BA NI GANG ZHIG BDE BA DANG SDUG BSNGAL LA SOGS PA DANG 'BREL BA MED PA DE NI BYED PA PO 'AM ZA BA PO MA YIN LA, GROL BAR BYED PA'AM 'KHOR BAR BYED PA YIN PAR YANG MI RIGS TE, DPER NA MO GSHAM GYI BU BZHIN LA, BDAG KYANG BYA BA LA SOGS PA DANG 'BREL PA GANG YANG MED PAS ZHES BYA BA NI KHYAB PAR BYED PA NI MI DMIGS PA YIN NO, ,GTAN TSIGS MA GRUB PA NYID KYANG MA YIN TE, 'DI LTAR BDE BA LA SOGS PA DANG 'BREL PA ZHIG YIN NA GZHI DANG GNAS PA'I MTSAN NYID DAM, LDAN PA'I MTSAN NYID DAM, RGYU DANG 'BRAS BU'I MTSAN NYID DAM PHYOGS @214B GSUM DU 'GYUR GRANG NA, RE ZHIG PHYOGS DANG PO NI MA YIN TE, CI YANG MI BYED PA'I PHYIR RO, ,'DI LTAR 'OG TU 'GRO BA'I CHOS CHU LA SOGS PA LA 'OG TU 'GRO BA'I GEGS BYED PAS GZHIR RNAM PAR GZHAG NA, BDE BA LA SOGS PA LA NI LUS MED PAS 'OG TU 'GRO MI SRID PA'I PHYIR BDAG CI ZHIG BYED NA GZHIR 'GYUR, GNAS PAR BYED PAS KYANG GZHI MA YIN TE, GNAS PA DANG GNAS PA PO THA MI DAD PA'I PHYIR DE NYID BYED PAR 'GYUR TE, DE YANG DGAG PAR BYA'O, ,GNAS PA DANG THA DAD NA YANG DE GNAS PA PO DE LA PHAN 'DOGS PAR BYED PA MA YIN PA NYID DE, GNAS PA DON GZHAN DU GYUR PA BYED PA'I PHYIR RO, ,DE LA NI GNAS PA BSKYED PA'I MTHU YANG MED DE, THAMS CAD LA MTHU MED PAR GSAL BAR BYA BA'I PHYIR RO, ,BDAG NYID KYIS 'GYUR BA'I NGO BO NYID LA NI GNAS PAR BYED PA GANG YANG MED DE, DE NI GNAS PA'I PHYIR RO, ,DE LTA MA YIN NA DES DE GZHIG PA KHO NAR 'GYUR TE, GNAS PAR BYAS PA NI MA YIN NO, ,MI 'GYUR BA'I NGO BO NYID LA YANG GNAS PAR BYED PAS CI ZHIG BYA STE, BDAG NYID KYIS BRTAN PA'I NGO BO NYID DU GNAS PA'I PHYIR RO, ,DE LTA BAS NA CI YANG MI BYED PA'I PHYIR LDAN PA'I 'BREL PA YANG MI RUNG STE, HA CANG THAL BAR 'GYUR BA'I PHYIR RO, ,DE LTA NA NI THAMS CAD KYANG THAMS CAD KYI LDAN PA CAN GYI RGYUR 'GYUR RO, ,DON GZHAN DANG DON GZHAN DU LDAN PAR NI MI RIGS TE, LCAGS KYI THUR MA BZHIN DU THAMS CAD BDAG NYID GNAS PA'I PHYIR RO, ,GZHAN YANG GAL TE LDAN PA'I STOBS KYIS BDAG BDE BA'AM SDUG BSNGAL BAR GYUR NA NI DE'I TSE LDAN PA DE GCIG PU STE, BYE BRAG MED PA'I PHYIR BDE BA LA SOGS PA SO SOR NGES PA'I BDAG NYID DANG 'BREL PA CAN DU MI 'GYUR TE, DE'I PHYIR BDAG GCIG PU BDE BA LA SOGS PAS KYANG THAMS CAD BDE BA NYID DAM SDUG BSNGAL NYID DU MI 'GYUR RO, ,MI MTHONG BA'I STOBS KYIS NGES PA'I KHAS LEN NA NI DE KHO NAS NGES PA YIN NA LDAN PA YONGS SU BRTAGS PAS CI ZHIG BYA, DE NI GANG DU YANG MTHU MED PA'I PHYIR RO, ,'BREL PA CAN THA DAD PAS THA DAD PAR 'DOGS PA LA YANG DON DAM PAR NI DNGOS PO RNAMS KYI RANG BZHIN THA DAD PA MED NA, GANG GIS RANG BZHIN THA DAD PA @215A *, ,LA RAG LUS PA'I DON BYED PA'I THA DAD PAR 'GYUR, DE LTA BAS NA 'BREL BA 'DI NI BLO GROS NGAN PAS YONGS SU RTOGS PA KHO NA'O, ,RGYU DANG 'BRAS BUS 'BREL PA YANG MA YIN TE, BDE BA LA SOGS PA RIM GYIS 'BYUNG BAR SNANG BA'I PHYIR RO, ,RGYU MA TSANG BA MED PA CAN GYI 'BRAS BU NI RES 'GA' 'BYUNG BA'AM MI 'BYUNG BAR MI RIGS TE, BYE BRAG MED PA'I PHYIR RO, ,GZHAN DAG GIS BYE BRAG TU BYAR MI RUNG BA'AM, MTHU RAG MA LUS PA CAN GYI BDAG NI GANG GIS NA LHAN CIG BYED PA'I RGYU LA LTOS NAS RIM GYIS SKYE BAR 'GYUR BA LHAN CIG BYED PA LA LTOS PA NI MED DO,, DES NA GAL TE SDUG BSNGAL SKYED PA'I RGYU YIN PAS DE BCINGS PA YIN NA NI DE'I TSE THAMS CAD DU BCINGS NAS RNAM PAR GROL BAR MI 'GYUR TE, RANG BZHIN RNAM PA DE LTA BU YONGS SU MI GTONG BA'I PHYIR RO, ,YONGS SU GTONG NA NI RTAG PA NYID DU GA LA 'GYUR, CI STE SDUG BSNGAL MED PA'I GNAS SKABS SKYES PA'I RGYU YIN PAS GROL BA YIN NA NI DE'I TSE GROL BA NYID DU 'GYUR TE, NAM YANG BCINGS PAR MI 'GYUR NA DE'I TSE GZHI CAN GYI BCINGS PA DANG GROL BA DAG TU JI LTAR RAB TU BRTAG ,DE BZHIN DU GAL TE SEMS PA LA SOGS PA'I MTSAN NYID BYED PA'AM BSKYED NUS PAS BYED PA PO YIN NA NI DE'I TSE THAMS CAD DU BYED PA POR 'GYUR GYI ZA BA POR JI LTAR 'GYUR 'ON TE BDE BA LA SOGS PA BSKYED PA'I RGYUS ZA BA PO YIN NA NI DE'I TSE ZA BA PO NYID DU 'GYUR GYI BYED PA POR JI LTAR 'GYUR, SER SKYABS YONGS SU BRTAGS PA'I BDE BA LA SOGS PAS 'GYUR BA MED PA NAM MKHA' LTA BU YANG ZA BA POR RIGS PA DANG LDAN PA MA YIN TE HA CANG THAL BAR 'GYUR BA'I PHYIR RO, ,'GYUR NA NI RTAG PA NYID NYAMS SO, ,RGYU TZAM GYIS NI BYED PA PO DANG ZA BA POR MI 'GYUR TE, HA CANG THAL BAR 'GYUR BA'I PHYIR RO, ,DE BZHIN DU DRAN PA PO LA SOGS PA YANG DE'I GZHI CAN DU MI RUNG ZHES SBYAR BAR BYA'O,, DE LTA BAS NA BDAG MED PAR SMRA BA'I PHYOGS KHO NA LA THAR PA DANG BCINGS PA LA SOGS PA RNAM PAR GZHAG PA RIGS PA DANG LDAN TE, RNAM PAR GZHAG PA DE RGYU DANG 'BRAS BU'I BYE BRAG TZAM GYIS RAB TU PHYE BA'I PHYIR RO, ,RGYU DANG 'BRAS BU'I DNGOS PO DE YANG MI RTAG PA KHO NA LA SRID KYI RTAG PA RNAMS LA @215B NI MA YIN TE, DE DAG LA 'BRAS BU GANG LA YANG RIM GYIS BSKYED PA'I MTHU MED DE, SNGAR JI SKAD BSHAD PA BZHIN NO, ,CIG CAR YANG MA YIN TE, YANG RNAM PA DE LTA BU'I 'BRAS BU BSKYED PA'I MTHU'I NGO BO NYID RJES SU 'BRANG STE, SNGA MA BZHIN DU 'BRAS BU BSKYED PA DANG BRAL BAR MI RIGS PA'I PHYIR RO, ,RJES SU MI 'BRANG NA NI NGO BO NYID SNGA MA NYAMS PAR 'GYUR RO, ,RIM DANG CIG CAR DAG LAS MA GTOGS PA GANG GIS DON BYED PAR 'GYUR BA'I RNAM PA GZHAN NI MED DE, DE GNYIS NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,DE NYID KYI PHYIR SKAD CIG PA MA YIN PA GANG JI SNYED PA NAM MKHA' LA SOGS PA'I DNGOS PO GZHAN GYIS YONGS SU BRTAGS PA GANG YIN PA DE DAG THAMS CAD NI DON BYED PA'I NUS PA MED PA'I PHYIR MED PAR THA SNYAD GDAGS PA'I YUL YIN NO ZHES BYA BA MKHAS PA CHEN PO SANGS RGYAS PA DAG SMRA'O, ,RI BONG GI RVA LA SOGS PA LA MED PAR THA SNYAD 'DOGS PA YANG DON BYED PA'I NUS PA MED PA TZAM GYI RGYU'I PHYIR RO, ,SHUGS KYIS NA YOD PAR THA SNYAD GDAGS PA DON BYED NUS PA'I YUL NYID DE, YOD PA DANG MED PA NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,RNAM PA DE LTA BU NUS PA THAMS CAD KYIS STONG PA RI BONG GI RVA LA SOGS PA DANG BYE BRAG MED PA LA YANG DNGOS PO ZHES MING DU 'DOGS NA NI MING LA NI BRTZAD PA MED DO, ,'ON KYANG DON MED PA'I 'DOD PA RTOGS PA DANG LDAN PA DAG NI RNAM PA DE LTA BU MI DMIGS PA'I NGO BO NYID MO GSHAM GYI BU LA SOGS PA DANG BYE BRAG MED PA LA DNGOS POR THA SNYAD 'DOGS PA RIGS PA MA YIN NO ZHES SMRA'O, ,DE LTA BAS NA GTAN TSIGS MA GRUB PA MA YIN NO, ,NAM MKHA' LA SOGS PA LA YANG BYED PA POR THAL BAR 'GYUR BAS MA NGES PA YANG MA YIN NO, ,PHYOGS DANG MTHUN PA LA YOD PAS 'GAL BA YANG MA YIN NO, ,BDAG GI MTSAN NYID GZHAN YANG MED PAS DE LTA BAS NA MO GSHAM GYI BU DANG 'DRA'O, ,GANG ZAG DAG KYANG GAL TE 'JIG NA NI PHUNG PO RNAMS KHO NA'I NANG DU 'DUS PAR THAL BAR 'GYUR STE, PHUNG PO RNAMS KYIS 'DUS BYAS MTHA' DAG BSDUS PA'I PHYIR RO, ,'ON TE MI 'JIG NA DE'I TSE PHUNG POR GTOGS PA'I CHOS @216A *, ,RNAMS DANG MI 'DRA BAS DE LAS DON GZHAN PA KHO NAR 'GYUR TE, DE'I NYES PA NI BRJOD ZIN TO, ,DE LTA BAS NA BRJOD DU MI RUNG BA ZHES BYA BA DNGOS PO CUNG ZAD KYANG MED DE, DES NA CHOS THAMS CAD BDAG MED DO ZHES BYA BA BCOM LDAN 'DAS KYI SENG GE'I SGRA NI MU STEGS BYED GLANG PO CHE'I KHYU MTHA' DAG SKRAG PAR MDZAD CING BRDZI BA MED PA YIN PAS MANG DU MI DGOS SO, ,PHA ROL TU PHYIN PA LA SBYOR BA'I DBANG DU MDZAD NAS, YANG ZHES BYA BA LA SOGS PA GSUNGS SO, ,DE YANG SPYIR BTANG BA DANG DMIGS KYIS BSAL BA'I RANG BZHIN TSIG GNYIS KYI RANG BZHIN DU BLTA BAR BYA STE, BYANG CHUB SEMS DPA'I SBYIN PA SBYIN PAR NI BYA MOD KYI DNGOS PO LA GNAS PAR NI MA YIN NO ZHES BYA BA'I THA TSIG GO, ,SBYIN PA ZHES BYA BA 'DIS NI SBYIN PA RNAM PA GSUM GYI DBANG DU MDZAD NAS PHA ROL TU PHYIN PA DRUG CAR BSTAN GYI SBYIN PA 'BA' ZHIG NI MA YIN NO, ,DE LA ZANG ZING SBYIN PA NI SBYIN PA'I PHA ROL TU PHYIN PA BSTAN NO, ,MI 'JIGS PA SBYIN PAS NI TSUL KHRIMS DANG BZOD PA'I PHA ROL TU PHYIN PA'O, ,CHOS SBYIN PAS NI BRTZON 'GRUS DANG, BSAM GTAN DANG SHES RAB KYI PHA ROL TU PHYIN PA RNAMS TE, BRTZON 'GRUS MED NA CHOS BZUNG BA DANG BSTAN PA LA YONGS SU SKYO STE CHOS MI STON PAR 'GYUR RO, ,BSAM GTAN MED NA DAD PA LAS LHAG PAR BYA BA 'DOD PAS NYON MONGS PA CAN GYI STON PAR 'GYUR RO, ,SHES RAB MED NA DE NI DE LA PHYIN CI LOG TU STON PAR 'GYUR RO, ,DE BAS NA GSUM CHAR MED NA CHOS SBYIN PA 'GRUB PAR MI 'GYUR RO, ,GZHAN DAG NI BRTZON 'GRUS KUN DU 'GRO'O ZHES 'CHAD DO, ,SBYIN PA SBYIN PAR BYA'O ZHES BYA BA 'DIS NI PHA ROL TU PHYIN PA DRUG PO DAG LA 'DUN PA DANG SMON LAM GYIS JI LTAR GNAS PAR BYA BA DE BSTAN TO, ,DNGOS PO LA MI GNAS PAR ZHES BYA BA LA SOGS PAS NI 'DI LA RNAL 'BYOR SNYOMS PAR 'JUG PAS JI LTAR BSGRUB PAR BYA BA DE BSTAN TO, ,BYANG CHUB SEMS DPA' DE LTAR SBYIN PA SBYIN PAR BYA'O ZHES BYA BA LA SOGS PAS NI RNAM PAR G-YENG BA TSAR BCANG NAS JI LTAR SEMS RAB TU GZUNG BAR BYA BA DE BSTAN TO, ,DE LA DNGOS PO LA MI GNAS PAS NI PHA ROL TU PHYIN PA LA SBYOR BA'I JI LTA BA @216B BZHIN DU YOD PA BSTAN TO, ,SBYIN PAR BYA BA DANG, SBYIN PA PO DANG, LEN PA PO LA SOGS PA'I DNGOS PO LA DE KHO NAR MNGON PAR ZHEN PA DE NI GNAS PA'O ZHES BYANG CHUB SEMS DPA' DNGOS PO LA MNGON PAR ZHEN NAS PHA ROL TU PHYIN PA LA SBYOR NA LOG PAR SBYOR BAR 'GYUR TE, DON DAM PAR NA GANG LA MNGON PAR ZHEN PA MED PAR 'GYUR BA'I DNGOS PO CI YANG MED PAR PHYIN CI LOG TU MNGON PAR ZHEN PA'I PHYIR RO, ,DE SGRUB PAR BYED PA'I TSAD MA MED PA'I PHYIR DANG, GNOD PA CAN YOD PA'I PHYIR TE, 'DI LTAR GZHAN DAG GIS DON GYI DNGOS PO RNAM PAR SHES PA DANG THA DAD PA DON DAM PAR 'DOD PA DE NI RE ZHIG MNGON SUM DU MI 'GRUB STE, DON GZHAN LA SHES PAS 'DZIN PA MI RIGS PA'I PHYIR RO, ,DON LA SHES PAS 'DZIN PA RNAM PA DANG BCAS PA'AM, RNAM PA MED PA'AM, GZHAN GYI RNAM PA'AM PHYOGS GSUM ZHIG TU 'GYUR GRANG NA, RE ZHIG RNAM PA DANG BCAS PAS NI MA YIN TE; RI MO'I GDENG BA LA SOGS PA MTHONG BA'I TSE SHES PA GCIG PU DANG THA MI DAD PAS RNAM PA RNAMS KYANG GCIG PU'I NGO BOR THAL BAR 'GYUR BA'AM, SHES PA YANG RNAM PA RNAMS DANG THA MI DAD PAS RNAM PA'I NGO BO BZHIN DU DU MA'I BDAG NYID DU THAL BAR 'GYUR RO, ,DU MA NYID DU YANG RIGS PA MA YIN TE RDUL PHRA RAB GCIG TZAM 'DZIN PA'I SHES PA NYAMS SU MYONG BA MED PA'I PHYIR SHES PA GCIG MI 'GRUB PO, ,DE MA GRUB NA DU MA YANG MI 'GRUB PO, ,DU MA NI GCIG 'DUS PA'I NGO BO YIN PA'I PHYIR RO, ,SHES PA RNAMS NI LUS MED PA'I PHYIR GANG GIS RI MO'I RNAM PA NYID GZHUNG GZUGS PA'I DON DU SHES PA DU MA SKYE BAR RTOG PA LEGS PAR 'GYUR BA SHES PA YUL LA KHEBS PAR GNAS PAS YONGS SU 'DZIN PAR SKYE BA YANG MI SRID DO, ,GZHAN YANG BDAG NYID THAMS CAD DAM PHYOGS GCIG 'DRA BAR 'GYUR GRANG NA, RE ZHIG BDAG NYID THAMS CAD DU MA YIN TE, DON BZHIN DU SHES PA BEMS PO'I NGO BOR 'GYUR BA'I PHYIR RO, ,CHA SHAS KYIS KYANG MA YIN TE, GCIG PU LA CHA SHAS MED PA'I PHYIR RO, ,LDOG PA'I BYE BRAG GI CHA SHAS SU YONGS SU BRTAGS NA YANG DNGOS PO LA SOGS PA CHOS @217A *, ,'DRA BA THAMS CAD LA YOD PAS THAMS CAD KYIS THAMS CAD LA RIG PAR 'GYUR RO, ,'ON TE DE LAS SKYES PA DANG 'DRA BA GNYIS KYIS RIG PAR 'JOG NA NI DE MA THAG PA'I RKYEN DON MTHUN PA YANG 'DZIN PAR THAL BAR 'GYUR RO, ,'DRA BA YOD DU CHUG KYANG DON DAM PAR PHYI ROL GYI DON MNGON GSUM DU MI 'GRUB STE, SHES PAS SNGON PO LA SOGS PA'I RNAM PA BDAG LA YOD PA RIG PA'I PHYIR RO, ,GANG GIS DON YANG MNGON SUM DU 'GYUR BA SNGON PO LA SOGS PA'I RNAM PAR RIG PA GNYIS PA NI MED DO, ,GAL TE GANG DE'I RNAM PAR SHES PA DE NYID DON 'DZIN PA YIN NO, ,ZHE NA, BRTAGS PA'I SGO NAS NI YIN GYI DON DAM PAR DE RIG PA NI MED DE, BDAG LA YOD PA'I RNAM PA NYID RIG PA'I PHYIR RO, ,DON SHIN TU LKOG TU GYUR PA'I PHYIR RO SHES PA DE'I RNAM PA KHO NA YIN NO ZHES BYA BA DE LTA BU GA LA YOD, RGYU NI NGES PAR BDAG GI NGO BO BSKRUN PA KHO NAS SKYED PAR BYED PA NYID DU GRUB PA MED DE 'KHRUL PA SNANG BA'I PHYIR RO, ,RDUL PHRA RAB RNAMS KYI RAGS PAR SNANG BA'I SHES PA'I YUL MA YIN TE, DE DAG PHRA BA'I PHYIR RO, ,DE DAG 'DUS PA YANG MA YIN TE, DE DAG LAS DON GZHAN MA YIN PA'I PHYIR RO, ,RNAM PAR RTOG PA'I YUL YANG DNGOS PO MED PA'I PHYIR RO, ,'DUS PA'I DON GZHAN NA NI PHYOGS THA DAD PAR SNANG BA'I PHYIR DANG, BSGRIBS PA DANG MA BSGRIBS PA CHOS MI MTHUN PA DANG LDAN PA'I PHYIR GCIG PUR MI RIGS SO, ,'DUS PA DU MA YIN NA YANG RDUL PHRA RAB DE DAG NYID YIN PAR 'GYUR GYI, DE DON GZHAN PA NI MA YIN NO, ,RNAM PA MED PA ZHES BYA BA'I PHYOGS KYANG MA YIN TE, DE SNGON PO LA SOGS PA LA CI YANG MI BYED PA'I PHYIR RO, ,YOD PA TZAM GYIS RIG NA NI SHES PA THAMS CAD KYIS THAMS CAD RIG PAR 'GYUR TE, THAMS CAD LA YANG BYE BRAG MED PA'I PHYIR RO, ,DE BAS NA 'DI NI SNGON PO RIG PA YIN GYI SER PO NI MA YIN NO ZHES RNAM PAR GZHAG PAR MI 'GYUR TE, RNAM PAR GZHAG PA'I RGYU'I BYE BRAG GANG YANG MED PA'I PHYIR RO, ,BYE BRAG GCIG KHAS LEN NA NI DE NYID RNAM PA DANG BCAS PAR KHAS BLANGS PAR 'GYUR TE, @217B RTOG PA'I NGO BO TZAM DU BYE BRAG MED PA'I SHES PA'I BDAG NYID LA NI RNAM PA MA GTOGS PAR THA DAD PA GZHAN MED DO, ,GZHAN GYI RNAM PA ZHES BYA BA'I PHYOGS KYANG MA YIN TE, HA CANG THAL BAR 'GYUR BA'I PHYIR RO, ,DE LTA NA NI RNAM PA'I RNAM PAR SHES PA YANG GZUGS KYI YUL CAN DU BRTAG PAR BYA BAR 'GYUR RO, ,DE LTA BAS NA DON MNGON SUM DU 'GRUB PO, ,RJES SU DPAG PAS KYANG MA YIN TE, MNGON SUM DU MA GYUR PA'I DON DE DANG SHES PA LA SOGS PA RTAGS GANG DANG YANG LHAN CIG 'BREL PAR MA GRUB PA'I PHYIR RO, ,SHES PA 'BRAS BU DANG THA DAD PA ZHIG SPYIR RGYU TZAM DU RJES SU DPOG NA NI 'DOD PA MI 'GRUB STE, RGYU GZHAN DE MA THAG PA'I RKYEN GZHAN YANG YOD PA'I PHYIR RO, ,TSAD MA GZHAN YANG MED DO, ,DE BAS NA RE ZHIG PHYI ROL GYI DON NI MI 'GRUB PO, ,SHES PA'I BDAG NYID DON DAM PA YANG MNGON SUM DU MI 'GRUB STE GNYIS SU MED PA'I BDAG NYID SO SOR RIG PA MED PA'I PHYIR RO, ,DE LA MA YIN NA NI THAMS CAD DE KHO NA MTHONG BAR MI 'GYUR RO, ,RJES SU DPAG PAS KYANG MA YIN TE, RNAM PA DE LTA BU DANG RTAGS GANG YANG LHAN CIG 'BREL PAR MA GRUB PA'I PHYIR RO, ,GAL TE KUN NAS NYON MONGS PA DANG RNAM PAR BYANG BAR JI LTAR 'GYUR ZHE NA, MA YIN TE, KHYOD KYI LTAR NA DE GNYIS DANG DE GANG YANG 'BREL BAR MA GRUB PA'I PHYIR RO, ,DE GNYIS NI DON DAM PA PA'I DNGOS PO DANG GANG DU GANG 'BREL PAR MA GRUB PA'I PHYIR RO, ,DE LAS SKYED PA'I MTSAN NYID KYIS 'BREL PAR MA GRUB STE, DE NI THAMS CAD DU LKOG TU GYUR PA'I PHYIR RO, ,LKOG TU GYUR PA DANG 'BREL PA NI TSU ROL MTHONG BA GANG GIS KYANG GZUNG BAR MI NUS SO, ,GANG GI TSE MA RIG PA LA SOGS PA MA BRTAGS NA DGA' BA YANG KUN NAS NYON MONGS PA'I RTZA BAR 'GAL BA MED LA, MA RIG PA LA SOGS PA BRTAGS NA DGA' BA LOG NA RNAM PAR BYANG BA DE DANG MI MTHUN PA'I GNAS 'BYUNG BA'I MTSAN NYID MA BRTAGS GCIG PU NA DGA' BA YANG 'THAD PA DE'I TSE DON DAM PAR DNGOS PO MED PAS DE GNYIS KYANG MED PAR JI LTAR THAL BAR 'GYUR, GANG ZHIG DE GNYIS GCIG TU NGES PAR RGYU MED PAR KHAS LEN PA @218A *, ,DE LA THAL BA 'DI 'BYUNG GI ,KUN RDZOB TU RTEN CING 'BREL BAR 'BYUNG BAR SMRA BA LA NI MA YIN NO, ,DE LTA BAS NA DON DAM PA'I DNGOS PO RANG BZHIN BSGRUB PAR MED PA'I CHAD MA NI CUNG ZAD KYANG MED DO, ,GNOD PA CAN NI YOD PA NYID DE 'DI LTAR GANG GCIG DANG DU MA'I NGO BO NYID DANG BRAL BA DE NI DON DAM PAR NGO BO NYID MED DE, DPER NA NAM MKHA'I PADMA JI LTA BA BZHIN LA, GZHAN DAG GIS 'DOD PAS SHES PA DANG SHES BYA'I BDAG NYID DNGOS PO'I RNAM PA THAMS CAD KYANG GCIG DANG DU MA'I RANG BZHIN GYIS STONG PA ZHES BYA BA NI DON GYIS NA KHYAB PAR BYED PA MI DMIGS PA YIN TE, GCIG DANG DU MA DAG GIS NI NGO BO NYID LA KHYAB PA'I PHYIR RO, ,DE GNYIS KYANG DE LA MED DE, 'DI LTAR RE ZHIG GANG GZUGS LA SOGS PA'I SKYE MCHED PHYI ROL GYI DNGOS PO DE NI GCIG PU MA YIN TE, BSGRIBS PA DANG MA BSGRIBS PA LA SOGS PA CHOS 'GAL BA DMIGS PA'I PHYIR RO, ,CHOS 'GAL BA DANG LDAN BZHIN DU YANG GCIG PA NYID NI THAMS CAD KYANG RDZAS GCIG TU 'GYUR TE, DE'I PHYIR LHAN CIG 'BYUNG BA DANG 'JIG PAR 'GYUR RO, ,DU MA YANG MA YIN TE, 'DI LTAR DU MAR BSHIG NA RDUL PHRA RAB TU THA DAD PAR 'GYUR LA, RDUL PHRA RAB RNAMS KYANG CHA SHAS MED PA'I PHYIR PHA ROL DANG TSUL ROL NA GNAS PA NI MED DE SEMS DANG SEMS LAS BYUNG BA BZHIN NO, ,DE'I PHYIR PHYOGS LA KHYAB PAR GNAS PAR SNANG BAR YANG MI 'GYUR BA ZHIG NA 'GYUR TE, DE BAS NA PHYOGS CHA THA DAD PAR KHAS BLANG BAR BYA'O; ,DE KHAS LEN NA NI GCIG PAR JI LTAR 'GYUR, DE LTA BAS NA DE LTAR RE ZHIG PHYI ROL GYI DON GCIG DANG DU MA'I RANG BZHIN DANG BRAL BA NYID DU GRUB BO, ,SNGON PO LA SOGS PAR SNANG BA'I SHES PA YANG RI MO'I RNAM PA 'DZIN PAR SNANG BA'I PHYIR GCIG PU'I NGO BO NYID MA YIN TE, THA DAD PA'I RGYUD LA YOD PA'I RNAM PAR SHES PA'I SKAD CIG MA DU MA BZHIN NO, ,DU MA RNAM GRANGS BZHIN DU RNAM PAR SHES PA CIG CAR 'BYUNG NGO ZHES BRJOD DU YANG MI RUNG STE, CHA SHAS MED PA DANG LUS MED PA RNAMS LA NI, TSU ROL DANG PHA ROL NA GNAS PA MI RIGS PA'I PHYIR RO, ,DE LTAR GNAS PA MED NA NI, DE LTAR SNANG BAR @218B MI 'GYUR RO, ,'ON TE RNAM PAR SHES PA NI GCIG PU KHO NA YIN LA, RNAM PA BRDZUN PA RNAMS DE LA SNANG BAS SNA TSOGS KYI SKYON DU MI 'GYUR RO ZHE NA, GAL TE DE LTA NA GO BRDZUN PA DE DAG JI LTAR DE LA SNANG BAR 'GYUR, SNANG ZHES BYA BA NI GSAL BA'I BDAG NYID LA BYA STE, DE NI SHES PA'I BDAG NYID DU GTOGS PA'I CHOS YIN NA BRDZUN BA RI BONG GI RVA LA SOGS PA DANG 'DRA BAR SHIN DU MED NA GO SNANG BAR JI LTAR 'GYUR, DE LTA BAS NA GSAL BA'I BDAG NYID KYI RNAM PA RNAMS BRDZUN PA NYID DU KHAS LEN NA KHYOD KYI BDEN PAR 'GYUR BA GANG YIN PA SHES PA'I NGO BO GZHAN CI ZHIG LUS TE, RNAM PAR SHES PA YANG GSAL BA'I BDAG NYID ZHES BYA BA CI YANG YOD PA MA YIN TE, GZHAN RNAM PAR BCAD PA LA LTOS NAS BYE BRAG RNAMS KHO NA LA SPYIR THA SNYAD 'DOGS PA'I PHYIR RO, ,BYE BRAG RNAMS BRDZUN NA NI THAMS CAD KYANG BRDZUN PAR SHIN DU GSAL BAR 'GYUR TE, RNAM PAR YOD PA MA YIN PA RNAMS NI BDEN PA'I NGO BO'I SHES PA'I BDAG NYID DE LA GANG GIS NA DE LA NGES PAR SNANG BAR 'GYUR BA DE'I BDAG NYID KYI MTSAN NYID DAM, DE LAS 'BYUNG BA'I MTSAN NYID KYIS 'BREL PA YANG MED DO, ,'BREL PA MED NA NI SNANG BAR MI RIGS TE, HA CANG THAL BAR 'GYUR BA'I PHYIR RO, ,DE BAS NA GTAN TSIGS MA GRUB PA YANG MA YIN NO, ,DNGOS PO'I RNAM PA GZHAN MED PA'I PHYIR MA NGES PA YANG MA YIN NO, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,DE LTA BAS NA DNGOS PO RNAMS JI LTA JI LTAR RNAM PAR BRTAGS PA DE LTA DE LTAR 'BREL LO,, DE NYID KYI PHYIR, DNGOS RNAMS JI LTAR RNAM BRTAGS NA, ,BDEN BAR DE YI NGO BO MED, ,'DI LTAR DE DAG GCIG PU DANG, ,DU MA'I NGO BOR YOD MA YIN, ,ZHES BSHAD DO, ,BCOM LDAN 'DAS KYIS KYANG 'PHAGS PA LANG KAR GSHEGS PA LAS, JI LTAR GZUGS RNAMS ME LONG LA; ,GCIG DANG GZHAN YANG RNAM SPANGS PAR, ,SNANG YANG DE NA YOD MA YIN, ,DE LTAR DNGOS PO'I NGO BO NYID, ,BLO YIS RNAM PAR GZHIGS NA GO, ,NGO BO NYID NI GZUNG DU MED, ,DE PHYIR DE DAG BRJOD MED CING, ,NGO BO NYID KYANG MED PAR BSHAD, ,CES GSUNGS SO, ,DE BZHIN @219A *, ,DU 'PHAGS PA TING NGE 'DZIN GYI RGYAL PO'I MDO LAS KYANG, DPER NA CHU SHING RLON PA'I SDONG PO LA, ,SNYING PO 'DOD MIS RIM PAR BSHIG BYAS KYANG, ,PHYI DANG NANG NA SNYING PO YOD MIN PA, ,DE LTAR CHOS RNAMS THAMS CAD SHES PAR GYIS, ,ZHES GSUNGS SO, ,DE LTA BAS NA DNGOS PO THAMS CAD SGYU MA BZHIN DU MA BRTAGS NA DGA' BA YIN PAS DE LTAR MNGON PAR MA ZHEN PAR SBYIN PA SBYIN BAR BYA'O, ,DNGOS PO LA GNAS PAS NI MA YIN NO ZHES BYA BA'I DON 'DI 'DIR RIGS PA DANG LDAN PA YIN NO, ,DE LTAR NA SBYIN PA LA SOGS PA LA SBYOR BA JI LTA BA BZHIN DU YONG PA YONGS SU BSTAN PA YIN GYI GZHAN DU NI MA YIN NO, ,GAL TE DON DAM PAR DNGOS PO CI YANG MED PAS DNGOS PO LA GNAS PAS SBYIN PA SBYIN PAR ME BYA NA DNGOS PO MED PA LA MNGON PAR ZHEN PAS SBYIN PAR BYA BA LTA ZHIG SNYAM PA LAS, CI LA YANG MI GNAS PAR ZHES BYA BA GSUNGS SO, ,BYANG CHUB SEMS DPAS DNGOS PO MED PAR RNAM PAR RTOG PA YANG SPANG BAR BYA STE, DE NI DNGOS POR 'DZIN PA MED NA MED PA'I PHYIR RO, ,KUN RDZOB TU NI SBYIN PAR BYA BA DANG, SBYIN PA PO LA SOGS PA YOD DE, DE'I PHYIR DNGOS PO MED PA LA MNGON PAR ZHEN PA YANG MI RIGS PAR DGONGS PA'O, , GZUGS LA MI GNAS PAR ZHES BYA BA LA SOGS PAS NI BYANG CHUB SEMS DPAS GANG LA MI GNAS PAR SBYIN PA SBYIN PAR BYA BA DE NYID RGYAS PAR STON TO, ,CHOS ZHES BYA BA'I SGRAS NI CHOS KYI SKYE MCHED YONGS SU GZUNG NGO, ,SKYE MCHED 'DIS NI SPROS TE MTSON PA YIN PAS DES NA MIG LA SOGS PA NANG GI SKYE MCHED RNAMS MA SMOS SO, ,MI SKYE BA LA SOGS PAR RNAM PAR RTOG PA YANG MI BYA'O ZHES BSTAN PA'I PHYIR RAB 'BYOR CI NAS ZHES BYA BA LA SOGS PA GSUNGS TE, MTSAN MA NI DNGOS PO'I RANG GI MTSON PA STE RTAGS SO, ,DE YANG MA SKYES PA LA SOGS PA'O, ,DE LA RTOGS PA NI 'DU SHES SO, ,DE LA RNAM PAR MI RTOG PA NI DE LA MI GNAS PA'O, ,DES NI CI LA YANG MI GNAS PAR ZHES BYA BA DE BSTAN TO, ,YANG NA 'DI MTHA' DAG GIS NI 'DIS ZAB PA YANG BSTAN LA, SGRO BTAGS PA DANG SKUR BA 'DEBS PA'I MTHA' DGAG PA YANG BSTAN TO, ,DMIGS PA CAN RNAMS @219B LTA BA 'DI LA NI BSOD NAMS DANG YE SHES KYI TSOGS YONGS SU RDZOGS PAR BYA BAR RUNG BA BKAG STE, 'DI LTAR MCHOD PA DANG PHAN GDAGS PAR 'DOD PAS GANG BYIN PA DE SHIN TU DANG BA BSKYED KYI, SBYIN PAR BYA BA DANG, SBYIN PA PO DANG, LEN PA PO MI DMIGS PA LA GNAS PAS NI MA YIN NO, ,'DI LTAR MED PA'I PHYIR SBYIN PAR BYA BA LA SOGS PA MI DMIGS SAM 'ON TE YUL MED PA'I PHYIR PHYOGS DANG PO NI SUS CI YANG BYIN PA MED PAS BSOD NAMS MED PAR THAL BAR 'GYUR RO, ,SEMS CAN DAG MED PA'I PHYIR BYANG CHUB SEMS DPA' RNAMS SEMS CAN GYI DON GYI PHYIR YONGS SU NGAL BAR BYAS PA DE YANG DON MED PAR 'GYUR TE, DE LTA BAS NA MED PA KHO NA NI MA YIN NO, ,BCOM LDAN 'DAS KYIS SBYIN PAR BYA BA LA SOGS PA'I DNGOS PO GZIGS PAS YUL MA YIN NO, ,DE LTA MA YIN NA 'DOD PA RNAMS LA BCOM LDAN 'DAS KYIS SRAS LA SOGS PA JI LTAR YONGS SU BTANG BAR 'GYUR ZHES RGOL BAR BYED PA DE MTHA' DAG SEMS LA BZHAG NAS, DE CI'I SLAD DU ZHES ZHUS PA DANG LAN DU, RAB 'BYOR BYANG CHUB SEMS DPA' GANG ZHES BYA BA LA SOGS PA GSUNGS SO, ,DGONGS PA NI 'DI YIN TE, YANG DAG PA'I LTA BA LAS BYUNG BA'I SBYIN PA LA SOGS PA NI YONGS SU DAG PA'I PHYIR 'BRAS BU YID DU 'ONG BA KHYAD PAR DU 'PHAGS PA MNGON PAR 'GRUB PAR BYED PA YIN GYI, PHYIN CI LOG NAS 'BYUNG BAS NI MA YIN NO, ,LOG PAR LTA BA LAS BYUNG BA'I TSUL KHRIMS KYI YAN LAG LA SOGS PA BZHIN NO, ,SBYIN PAR BYA BA LA SOGS PA'I DNGOS PO NI JI SKAD SMOS PA'I TSUL GYIS NA GANG YANG MED PAS DER DMIGS PA NI PHYIN CI LOG KHO NA STE, SMIG RGYU LA CHUR DMIGS PA BZHIN NO, ,DE BAS NA DE LAS BYUNG BA'I PHA ROL TU PHYIN PA'I TSUL THAMS CAD NI BDAG DANG BDAG GIR PHYIN CI LOG LAS BYUNG BA'I SBYIN PA LA SOGS PA BZHIN DU RGYU RNAM PAR DAG PA MA YIN PA LAS BYUNG BAS STOBS CHUNG BA'O, ,SBYIN PAR BYA BA LA SOGS PA DMIGS PA'I RIG BYAR GYUR PA MI DMIGS PA NI YANG DAG PA'I DON GYIS YUL YIN PAS PHYIN CI MA LOG PA STE, SMIG RGYU LA CHUR DMIGS PA BZHIN NO, ,DE BAS NA RGYAS PA'I RGYU LAS BYUNG BA'I PHYIR DE LAS SBYIN PA @220A *, ,LA SOGS PA 'BRAS BU CHE BA YIN TE, SA BON GRUNG PO LAS MNGON PAR GRUB PA'I MYU GU LA SOGS PA BZHIN NO, ,DE BAS NA MI DMIGS PA LA GNAS PA'I SBYIN PA LA SOGS PA DE NI YANG DAG PA'I LTA BA LAS BYUNG BAS MKHAS PA RNAMS LA SHIN DU DANG BA BSKYED PA YIN GYI GZHAN NI MA YIN NO, ,GANG GIS NA SBYIN PA LA SOGS PA LA MI 'JUG PA'I PHYIR BSOD NAMS MED PAR 'GYUR BA SBYIN PAR BYA BA LA SOGS PA GCIG TU MED PAR 'DOD PA YANG MA YIN TE, KUN RDZOB TU YOD PAR KHAS BLANGS PA'I PHYIR RO, ,MNYAM PAR MA BZHAG PA'I GNAS SKABS NA SGYU MA LTA BUR DMIGS PA'I PHYIR THAMS CAD DU DMIGS PA MED PA YANG MA YIN NO, ,DE'I TSE NA YANG MOS PA LAS BYUNG BA'I DMIGS PAR NI RNAM PAR GZHAG GO, ,MNYAM PAR BZHAG PA'I GNAS SKABS NA NI SHIN TU DMIGS PA MED PA KHO NA STE, DE'I TSE NA NI SBYIN PA LA SOGS PAR 'JUG PAR KHAS MI LEN GYI, DANG PO SBYOR BA'I GNAS SKABS SAM, ,LANGS PA RNAMS LA BYA BAS KLAN KAR MI RUNG NGO, ,'DIS NI 'BRAS BU CHE BA'I PHYIR PHA ROL TU PHYIN PA LA SBYOR BA'I RGYA CHE BA BRJOD DO, ,KUN RDZOB TU RGYU DANG 'BRAS BU'I DNGOS PO NYE BAR STON PAS SKUR PA 'DEBS PA'I MTHA' BKAG PAR YANG GYUR TO, ,RNAM PA GSUM GYIS NA BSOD NAMS NAM MKHA' DANG MTSUNGS PA YIN TE, THAMS CAD DU SONG BA DANG, RGYA CHE BA DANG, MI ZAD PAS SO, ,'JIG RTEN PA DANG 'JIG RTEN LAS 'DAS PA'I BSOD NAMS BSKYED PAS THAMS CAD DU SONG BA STE, 'JIG RTEN PA'I BSOD NAMS NI MNYAM PAR MA GZHAG PA'I GNAS SKABS BSKYED DO, ,'JIG RTEN LAS 'DAS PA NI MNYAM PAR BZHAG PA'I GNAS SKABS SO, ,KHYAD ZHUGS PAR KHYAD PAR DU 'GRO BAS RGYA CHE BA'O, ,'KHOR BA JI SRID KYI BAR DU YONGS SU GTUGS PAR MI 'GYUR BAS MI ZAD PA'O, ,GAL TE DE MED PA'I PHYIR GZUGS LA MI GNAS PA SBYIN PA SBYIN PAR BYA NA DE'I TSE BYANG CHUB SEMS DPA' DE BZHIN GSHEGS PA'I GZUGS KYI SKU THOB PAR 'DOD PAS SBYIN PA LA SOGS PA LA JI LTAR 'JUG PAR BYA ZHES BRGAL DU DOGS NAS, RAB 'BYOR 'DI JI SNYAM DU SEMS ZHES BYA BA LA SOGS PAS GZUGS @220B KYI SKU THOB PAR 'DUN PA'I GNAS STON TE, 'DIR DON GYIS NA GZUGS KYI SKU LA DE BZHIN GSHEGS PAR MNGON PA'I NGA RGYAL GYI MTSAN NYID MI MTHUN PA'I PHYOGS SEL TO, ,MTSAN PHUN SUM TSOGS PA ZHES MTSAN MA TZAM ZHIG YONGS SU BRJOD PAS DE BZHIN GSHEGS PA'I GZUGS KYI SKU MTSAN DANG DPE BYAD BZANG POS BRGYAN PA MTHA' DAG YONGS SU STON TO, ,DE LA MTSAN RNAMS NI PHYAG DANG ZHABS LA 'KHOR LO MNGA' BA LA SOGS PA SUM CU RTZA GNYIS TE, TSIG MANGS KYIS DOGS BAS MA BRIS KYI MDO LAS JI SKAD 'BYUNG BA BZHIN DU KHONG DU CHUD PAR GYIS SHIG ,DE DAG KYANG YUL NA GNAS PA DANG, GSAL BA DANG, RDZOGS PAS PHUN SUM TSOGS PA'O, ,DPE BYAD BZANG PO BRGYAD CU DAG NI SEN MO ZANGS KYI MDOG 'DRA BA LA SOGS PA STE, MDO LAS 'BYUNG BA BZHIN DU SHES PAR GYIS SHIG ,MTSAN LA SOGS PA DE DAG KYANG SGYU MAS SPRUL PA'I SANGS RGYAS KYI MTSAN BZHIN DU BRDZUN PA'I PHYIR RO, ,DE BAS NA GZUGS KYI SKU RNAM PA DE LTA BU LA 'DUN PA DANG SMON LAM GYIS GNAS PAR BYA'O ZHES STON TO, ,'DI LTAR MTSAN DE DAG KYANG RDUL PHRA RAB BSAGS PA'I NGO BO NYID DAM, DES BRTZAMS PA YAN LAG CAN GYI GZUGS ZHIG TU GYUR GRANG NA, RE ZHIG PHYOGS DANG PO NI MA YIN TE, RDUL PHRA RAB RNAMS SNGAR BSHIG ZIN PA'I PHYIR RO, ,GNYIS PA YANG MA YIN NO, ,RTZOM PAR BYED PA MED NA DES NA BRTZAMS PA YAN LAG CAN YANG MED PA'I PHYIR DANG, SGRIB PA LA SOGS PA 'GAL BA'I CHOS SNGAR BSHAD PA DAG DMIGS PA'I PHYIR RO, ,DE'I PHYIR SMRAS PA LAS DGONGS PA GSUNGS TE, DE LA BRTAGS NAS RAB 'BYOR GYIS, DE NI MA LAGS TE ZHES GSAL TO, ,GAL TE MTSAN RNAMS BRDZUN PA NYID YIN NA 'O NA BCOM LDAN 'DAS KYIS MDO SDE DE DANG DE DAG SLAS MTSAN RNAMS GSUNGS SNYAM DU BSAMS SHING, DE CI'I SLAD DU ZHES DRIS PA DANG, DE NYID MTSAN PHUN SUM TSOGS PA MED PA'I PHYIR RO ZHES BYA BA SMRAS TE, MTSAN PHUN SUM TSOGS PA DE DON DAM PAR GSUNGS PA NI MA YIN GYI, SGYU MAS SPRUL PA'I SANGS RGYAS BZHIN DU DES BRDZUN PA'I NGO BO KHO NAR GSUNGS SO ZHES BYA BA'I THA TSIG GO, ,'PHAGS @221A *, ,PA RAB 'BYOR GYIS SMRAS PA'I DON DE NYID BCOM LDAN 'DAS KYIS BSKANG BA'I PHYIR JI TZAM DU ZHES BYA BA LA SOGS PA GSUNGS SO, ,JI TZAM DU MTSAN PHUN SUM TSOGS PA ZHES BYA BA NI DON DAM PAR NI JI TZAM DU MTSAN PHUN SUM TSOGS PAR MNGON PAR ZHEN PA DE TZAM DU LOG PAR MNGON PAR ZHEN PA YIN NO ZHES BYA BA'I THA TSIG GO, ,SNGAR JI SKAD BSTAN PA BZHIN NO, ,JI TZAM DU MTSAN PHUN SUM TSOGS PA MED PA ZHES BYA BA NI BZLOG STE BSHAD PAR KHONG DU CHUD PAR BYA'O, ,'DIS NI 'DI LA RNAL 'BYOR LA SNYOMS PAR 'JUG PAS JI LTAR BSGRUB PAR BYA BA DE BSTAN TO; ,'DI LA JI LTAR MTHA' GNYIS SPANGS NAS SEMS RAB TU GZUNG BAR BYA BA DE STON TE, DE LTAR ZHES BYA BA NI SGYU MAS SPRUL PA'I SANGS RGYAS BZHIN DU MTSAN GYIS DE BZHIN GSHEGS PA BLTA BAR BYA'O, ,'DIS NI SKUR BA 'DEBS PA'I MTHA' SEL TE, KUN RDZOB TU BCOM LDAN 'DAS KYI GZUGS KYI SKU LA SKUR PA MI 'DEBS PA'I PHYIR RO, ,MTSAN MED PA NI DON DAM PAR BLTA BAR BYA STE, MTSAN GANG YANG GRUB PA MED PA'I PHYIR RO, ,'DIS NI SGRO BTAGS PA'I MTHA' BSAL TO, ,DE BZHIN GSHEGS PA'I GZUGS KYI SKU THOB PAR BYA BA'I PHYIR SMON LAM 'DEBS PAS NI RGYA CHE BA BRJOD DO, ,DE MI DMIGS PAS NI ZAB PA'O, ,GZUGS KYI SKU THOB PAR 'DUN PA'I GNAS BSHAD ZIN TO, ,CHOS KYI SKU NI RNAM PA GNYIS TE, BSHAD PA'I CHOS KYI SKU DANG, RTOGS PA'I CHOS KYI SKU'O, ,RTOGS PA'I CHOS KYI SKU YANG RNAM PA GNYIS TE, YE SHES KYI RGYU CAN DANG, BSOD NAMS KYI RGYU CAN NO, ,DE LA MA 'ONGS PA'I SKYE BO SNYIGS MA LNGA SHAS CHE BA'I PHYIR DANG, CHOS DKON MCHOG 'DI 'DRA BA YANG 'BRAS BU SHIN TU ZAB CING RGYA CHE BA'I PHYIR BSHAD PA'I CHOS KYI SKU LA YID MI CHES SU DOGS NAS MCHIS LAGS SAM ZHES ZHUS TE, MCHIS LAGS SAM ZHES BYA BA'I TSIG NI CI SEMS CAN GANG LA LA DAG 'DI LTA BU'I MDO SDE'I CHOS BSHAD PA LA YANG DAG PAR 'DU SHES BSKYED PAR 'GYUR BA 'BYUNG BA DAG CES BYA BA'I TSIG GI DON DE DANG SBYAR RO, ,LNGA BRGYA THA MA ZHES BYA BA LA BRGYA PHRAG LNGA'I TSOGS NI LNGA BRGYA STE, BCOM LDAN 'DAS KYI BSTAN @221B PA LNGA BRGYA PHRAG LNGA'I BAR DU GNAS ZHES GRAGS PAS DE'I PHYIR THAM ZHES BYE BRAG TU MDZAD DE, DE'I TSE SNYIGS MA LNGA PO DAG NI SHAS CHE BA'I PHYIR RO, ,DAM PA'I CHOS RAB TU RNAM PAR 'JIG PA NI MOS PA DANG, KLOG PA DANG, KHA TON BYED PA DANG, LUNG NOD PA DANG, 'CHAD PA DANG, NYAN PA DANG, SEMS PA LA SOGS PA NYAMS PA'O, ,'DI LTA BU ZHES BYA BA NI DON ZAB CING RGYA CHE BA'O, ,MDO SDE'I TSIG CES BYA BA NI MDO SDE BSTAN PA'I NGAG RNAMS TE, 'DI DAG GIS DON RTOGS PAR BYED, SHES PAR BYED PA'I PHYIR RO, ,MTSAN MA TZAM YONGS SU BRJOD PA 'DI BSHAD PA'I CHOS KYI SKU MTHA' DAG YONGS SU STON TO, ,YANG NA MDO SDE'I TSIG DAG NI BRJOD PAR BYA BA'I THA TSIG GO, ,BSHAD PA 'DIR NI 'DI LTA BU ZHES BYA BA NI ZAB CING RGYA CHE BA ZHES BYA BAR SBYAR RO, ,BSHAD PA DAG LA ZHES BYA BA NI DANG PO LTAR NI BRJOD PA RNAMS LA ZHES BYA'O, ,GNYIS PA LA NI DON STON PA RNAMS LA ZHES BYA BA'I THA TSIG GO, ,DON LA PHYIN CI MA LOG PAR 'DU SHES PA NI 'DIR YANG DAG PAR 'DU SHES PA YIN GYI, SGRA JI BZHIN DU MNGON PAR ZHEN NAS 'DI YANG DAG PA'O SNYAM DU 'DU SHES PA LA MI BYA'O, ,'DIS NI DON GRUB NA YANG DAG PA MA YIN PA'I 'DU SHES SEL BAR BYED DO, ,THAMS CAD DU YANG THOGS PA MED PAR MKHYEN PA'I PHYIR 'BYUNG BAR 'GYUR BA DE DAG BCOM LDAN 'DAS KYIS MNGON SUM DANG 'DRA BAR GZIGS NAS RAB 'BYOR GYI DOGS PA DE BSAL BA'I PHYIR 'BYUNG STE ZHES GSUNGS SO, ,SEMS DPA' CHEN PO ZHES BYA BA NI DE DAG GI BYANG CHUB SEMS DPA'I YON TAN YANG DAG PAR BSTAN PA'I PHYIR GSUNGS SO, ,DE DAG KYANG BSGRUB PA JI LTA BU DANG, RGYU JI LTA BUS YANG DAG PAR BSGRUB PA DANG, DGE BA'I BSHES GNYEN GYIS YONGS SU ZIN PA JI LTA BU DANG LDAN PA DANG, YANG DAG PAR 'DU SHES PA JI LTA BUS 'DU SHES SU 'GYUR BA DE BCOM LDAN 'DAS KYIS YONGS SU STON TE, TSUL KHRIMS DANG LDAN PA YON TAN DANG LDAN PA SHES RAB DANG LDAN PA ZHES BYA BA 'DIS NI LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB DANG GO RIMS BZHIN TE, BSLAB PA GSUM BSGRUB PA DANG LDAN PAR STON TO, ,TSUL KHRIMS @222A *, ,DANG SHES RAB LOGS SHIG DU SMOS PA YON TAN NI 'DIR BSAM GTAN LAS BYUNG BA BZUNG STE, BA LANG DANG GLANG ZHES BYA BA'I TSUL DU'O, ,PHYI MA'I DUS NYON MONGS PA CAN DE LTA BU NI TSUL KHRIMS LA SOGS PA'I YON TAN DANG LDAN PA JI LTAR 'BYUNG SNYAM PA LA, RAB 'BYOR ZHES BYA BA LA SOGS PA GSUNGS SO, ,BSNYEN BKUR BYAS PA NI NA BZA' DANG ZHAL ZAS LA SOGS PAS BSNYEN BKUR BYAS PA DANG, GDUGS DANG RGYAL MTSAN DANG BA DAN LA SOGS PAS MCHOD PA'O, ,DGE BA'I RTZA BA BSKYED PA NI GDAMS NGAG DANG RJES SU BSTAN PA SPYI BOS BLANGS NAS TSUL KHRIMS LA SOGS PA YON TAN PHUN SUM TSOGS PA LA NAN TAN BYED PA'I SGO NAS BLTA BAR BYA'O, ,DE BAS KYANG DE DAG CHES DGE BA MANG DU STZOGS PAS BRJOD PA'I PHYIR, SANGS RGYAS 'BUM PHRAG DANG ZHES BYA BA SMOS TE, 'DIS NI DE DAG GI RGYU YANG DAG PAR 'GRUB PA BSTAN TO, ,DE DAG NI DE BZHIN GSHEGS PAS MKHYEN TO ZHES BYA BA NI BSAM PA DANG MING NGO, ,DE DAG NI DE BZHIN GSHEGS PAS GZIGS ZHES BYA BA NI LUS SO, ,'DIS NI DGE BA'I BSHES GNYEN GYIS YONGS SU ZIN PA STON TO, ,DE YANG YANG DAG PAR ZHUGS PA RNAMS SPRO BAR BYA BA DANG, LOG PAR ZHUGS PA RNAMS NGO TSA BSKYED PA'I PHYIR GSUNGS SO, ,DE LTA MA YIN NA BCOM LDAN 'DAS THAMS CAD MKHYEN PA'I PHYIR THAMS CAD MKHYEN TO ZHES BSTAN PA DANG BYE BRAG CI ZHIG YOD PAR BSTAN PAR 'GYUR, YANG NA DE NI DE DAG SKAL BA YOD PAR DE BSTAN PA GTZO BOR MDZAD PAR BLTA STE, SKAL BA YOD PAR MKHYEN ZHES BYA BA'I THA TSIG GO, ,DE'I PHYIR DE DAG GI BSOD NAMS KYI PHUNG PO YONGS SU SDUD PAR BSTAN PA'I PHYIR SEMS CAN DE DAG THAMS CAD NI ZHES BYA BA GSUNGS SO, ,SKYED CES BYA BA NI BSOD NAMS 'BYUNG BA'I DUS SO, ,YONGS SU SDUD CES BYA BA NI DGAG PA'I DUS NA DE'I BAG CHAGS YONGS SU 'DZIN PA'O, ,'DI MTHA' DAG GIS NI YANG DAG PA MA YIN PA'I 'DU SHES BSAL NAS YANG DAG PA'I 'DU SHES BSKYED PA LA 'DUN PA DANG SMON LAM GNYIS KYIS GNAS PAR BYA BAR BSTAN LA, GNAS 'DI'I RGYA CHE BA YONGS SU BSTAN TO, ,DE CI'I SLAD DU ZHES BYA BA DE @222B DAG SANGS RGYAS 'BUM PHRAG DU MA LA BSNYEN BKUR BYAS PAR 'GYUR BA JI LTAR SHES PAR BYED PA'I GTAN TSIGS YONGS SU ZHUS PA DANG, 'DIR BYANG CHUB SEMS DPA' SEMS DPA' CHEN PO DE DAG CES BYA BA LA SOGS PA GSUNGS SO, ,'DI NI RNAL 'BYOR LA SNYOMS PAR 'JUG PA'I JI LTAR BSGRUB PAR BYA BA DE YONGS SU BSTAN TO, ,ZAB PA YANG BRJOD DO, ,NGA'O SNYAM DU BDAG YOD PAR 'DZIN PA DE NI BDAG TU 'DU SHES PA'O, ,BDAG GI YOD PAR 'DZIN PA NI SEMS CAN DU 'DU SHES PA'O, ,BDAG DE NYID KYI TSE JI SRID GNAS PAR YONGS SU 'DZIN PA NI SROG TU 'DU SHES PA'O, ,YANG DANG YANG 'GRO BA DAG TU 'GRO BAR 'DZIN PA NI GANG ZAG TU 'DU SHES PA'O, ,GAL TE BDAG LA SOGS PA 'DU SHES MED NA NYAN THOS LA SOGS PA BZHIN DU GZUGS LA SOGS PA CHOS SU 'DU SHES YOD DAM SNYAM PA LA CHOS SU 'DU SHES PA MA YIN ZHES BYA BA GSUNGS TE, DON DAM PAR CHOS GANG YANG MED PA'I PHYIR RO SNYAM DU DGONGS PA'O, ,'O NA MED PAR 'DU SHES TE CI CHAD PAR SMRA BA RNAMS KYI LTA BU ZHIG YOD DAM SNYAM PA LA CHOS MED PAR YANG 'DU SHES MI 'JUG CES BYA BA GSUNGS SO, ,KUN RDZOB TU MA BRTAGS NA DGA' BAR CHOS RNAMS YOD PA'I PHYIR RE ZHIG KUN RDZOB KYI LAM LA GNAS PA RNAMS LA CHOS MED PAR 'DU SHES PA RIGS PA DANG LDAN PA MA YIN NO, ,DON DAM PA'I YE SHES LA GNAS PA RNAMS LA YANG MA YIN TE, DE'I TSE NA GANG ZHIG BKAG PAS CHOS MED PAR 'DU SHES 'JUG PAR 'GYUR BA CHOS GANG YANG MI DMIGS PA'I PHYIR RO, ,DE NI CHOS SU 'DZIN PA MED NA MED PA'I PHYIR RO, ,YUL MED PAR DGAG PAR NI GANG NA YANG MI SRID DO, ,DE LA DPER NA RNAM PAR RIG PA TZAM DU BDEN KYANG 'DI RNAM PAR RIG BYED TZAM NYID DO SNYAM DU RNAM PAR RTOGS NA RNAM PAR RIG PA TZAM NYID LA GNAS PA YIN PA DE BZHIN DU CHOS MED PA BDEN YANG CHOS MED PAR RTOGS NA DE LA GNAS MI SRID PAS THAMS CAD MTSUNGS SO, ,GAL TE BDAG LA SOGS PA MED NA DE DAG DER 'DU SHES MI 'JUG KYANG 'DI NI BDAG KYANG GZUGS ZHES BYA BA LA SOGS PA'I MING TZAM DU ZAD DO @223A *, ,SNYAM DU DE DAG MING LA MNGON PAR ZHEN PA'I 'DU SHES SU 'GYUR RO SNYAM PA LA 'DU SHES DANG ZHES BYA BA GSUNGS TE, MING NI GZUGS KYI PHUNG POR GTOGS PA'I PHYIR GZUGS LA SOGS PA BZHIN DU BRDZUN PA KHO NA YIN LA LDAN PA MA YIN PA YANG BTAGS PAR YOD PA'I PHYIR RO, ,DE'I PHYIR 'DU SHES PA YANG PHYIN CI LOG TU MNGON PAR ZHEN PA NYID DO ZHES DGONGS PA'O, ,GAL TE DE LTA NA DE'I GNAS SKABS NA 'DU SHES THAMS CAD DANG BRAL BAS SHI BA DANG, 'GOG PA'I SNYOMS PAR 'JUG PA'I MI BZHIN DU RNAL 'BYOR PA MED PA NYID DU 'GYUR RO SNYAM PA LA; 'DU SHES MED PA YANG 'JUG PAR MI 'GYUR ZHES BYA BA GSUNGS SO, ,DE'I TSE NA GANG GIS DE DAG RNAL 'BYOR PAR 'GYUR BA'I RNAL 'BYOR PA'I YE SHES YANG DAG PA'I KUN RDZOB KYI NGO BO NYID NI YOD DO, ,DE LAS LANGS PA NA DE LAS DAG PA 'JIG RTEN PA'I YE SHES 'BYUNG NGO,, DE LTA MA YIN NA NI DE RGYU MED PA KHO NAR 'GYUR RO, ,GAL TE RNAL 'BYOR PA'I YE SHES KUN RDZOB KYI NGO BO NYID DE SUS KHONG DU CHUD CES GTAN TSIGS DE NYID KYIS TE, CI LTAR GANG ZAG LA BDAG MED PAR RTOGS PA RANG RIG PAS RANG LA YOD PA'I GANG ZAG LA BDAG MED PAR RTOGS PA DE BZHIN DU 'DIR YANG MTSUNGS SO, ,YE SHES DANG RIG PA KUN RDZOB TU YANG KHAS MI BLANG BA YANG MA YIN NO, ,RNAL 'BYOR PAS RANG GI MTSAN NYID SO SOR MNGON DU BYAS NAS DE LA YOD PA'I BDAG MED PA'I DMIGS PA MA YIN TE, DE'I TSE 'DAS PA LA SOGS PA NI MI NYE BA DANG MTHA' YAS PA'I PHYIR RO, ,'O NA JI LTA BU ZHE NA, RANG BZHIN MA YIN PA RNAM PAR DPYAD PAS YUL DU 'GYUR BA'I CHOS THAMS CAD SPYIR BDAG MED PAR BSDUS TE RNAM PAR GZHAG PA GANG YIN PA DE LA CIG CAR DMIGS SO, ,DE DAG GI YE SHES DE YANG DON DAM PAR YUL MED PA YIN MOD KYI BDEN PA'I RMI LAM GYI SHES PA BZHIN DU MI SLU BAS TSAD MAR RNAM PAR GZHAG GO, ,SPYI DER DE'I BDAG NYID KYI NGO BO YANG 'DUS PA NYID DE DE LA DE'I DMIGS PAR BYED PA GUD NA MED DO, ,DE'I PHYIR BDAG MED PAR GNYI GA RTOGS PA LAS NA DE DAG SANGS RGYAS 'BUM PHRAG DU MA LA BSNYEN BKUR BYAS @223B PAR MNGON NO, ,SANGS RGYAS RNAMS LA BSNYEN BKUR MA BYAS PA NI MU STEGS CAN RNAMS BZHIN DU DE RTOGS MI SRID DO, ,DE NI 'KHOR BA NA 'DRIS PA MA YIN NO SNYAM DU DGONGS PA'O, ,'DIS NI RNAL 'BYOR DU SNYOMS PAR 'JUG PAS 'DI LA JI LTAR BSGRUB PAR BYA BA DANG, YANG DAG PAR 'DU SHES PA CI 'DRA BAS DE'I 'DU SHES SU 'GYUR BA DE YONGS SU BSTAN LA ZAB PA YANG YONGS SU BSTAN TO, ,BDAG LA SOGS PA MED PA'I PHYIR DE DAG BDAG LA SOGS PAR 'DU SHES PAR MA GYUR DU ZIN KYANG TSIG GI TSOGS LA SOGS PA'I BDAG NYID LEGS PAR GSUNGS PA DANG, NYES PAR BSHAD PA'I MTSAN NYID CHOS DANG CHOS MA YIN PAR 'DU SHES PA GO DE DAG LA NGES PAR 'BYUNG BA MA YIN NAM, DE LTA MA YIN TE, GAL TE BYANG CHUB SEMS DPA' DAG DER 'DU SHES PAR MI 'GYUR NA MI RIGS PAS BSKYED PA MU STEGS CAN GYI CHOS RNAMS SPANGS TE, BCOM LDAN 'DAS KYIS GSUNGS PA'I CHOS RNAMS CHUB PAR BYA BAR JI LTAR 'DUN PA BSKYED PAR BYA SNYAM DU DOGS PA LA, DE CI'I SLAD DU ZHES ZHUS PA DANG, LAN DU RAB 'BYOR GAL TE ZHES BYA BA GSUNGS SO, ,DGONGS PA NI 'DI YIN TE, GCIG DANG DU MA'I RANG BZHIN DU SO SOR BRTAGS NA GZUGS LA SOGS PA'I MTSAN NYID KYI, CHOS RNAMS MED PA JI LTA BA BZHIN DU BSHAD PA'I CHOS KYANG DE BZHIN NO, ,GANG LA CHOS SU 'DU SHES PA YOD PA DE NI BDAG LA SOGS PAR 'DU SHES PA YANG NGES PAR MA SPANGS PA YIN TE, DE'I RTZA BA CHOS SU MTSAN MAR 'DZIN PA YIN PA'I PHYIR RO, , CHOS SU MTSAN MAR 'DZIN PA DANG LDAN PA'I YID LA BYED PA NI DE KHO NA YID LA BYED PA YIN PA'I PHYIR BYAMS PA LA SOGS PA DE KHO NA YID LA BYED PA MA YIN PAS NI BDAG TU LTA BA SPONG BA MA YIN NO, ,DE NYID KYI PHYIR THEG PA NI GCIG PU STE, 'DI LTA STE THEG PA CHEN PO'O ZHES GSUNGS SO, , GZHAN YANG BYANG CHUB SEMS DPA' CHOS SU 'DU SHES PA DE NI NGES PAR MTHONG BA'I LAM MA SKYES PA YIN NA DE LTA BU GANG YIN PA DES JI LTAR BDAG LA SOGS PAR 'DU SHES PA SPONG BAR 'GYUR TE, DE NI MTHONG BA'I LAM GYIS SPANG BAR BYA BA YIN PA'I PHYIR RO, ,DE'I PHYIR DE MTHA' DAG LA BRTAGS @224A *, ,NAS; DE NYID DE DAG GI BDAG TU 'DZIN PAR 'GYUR ZHES GSUNGS SO, ,DE NI DE'I RGYU YIN PA'I PHYIR DANG, DE'I BAG LA NYAL MA SPANGS PA'I PHYIR RO SNYAM DU DGONGS PA'O, ,DE LTA MA YIN NA DE NYID RNAM PA THA DAD PA'I PHYIR JI LTAR CHOS SU 'DU SHES PA NYID BDAG TU 'DZIN PAR 'GYUR, CHOS RNAMS NI 'DIR RIGS PAS BSKYED PA'I LUNG GI MTSAN NYID DU 'DOD DO, ,DE LAS BZLOG PA NI CHOS MA YIN PA DAG GO, ,GAL TE DE LTA NA MDO DE DANG DE LAS BCOM LDAN 'DAS KYIS BYANG CHUB SEMS DPA' RNAMS LA DAM PA'I CHOS YONGS SU GZUNG BAR BSTAN PAR JI LTAR 'GYUR SNYAM PA LA BRTAGS NAS DE CI'I SLAD DU ZHES ZHUS PA DANG LAN DU, RAB 'BYOR ZHES BYA BA LA SOGS PA GSUNGS SO, ,LOG PAR GZUNG BAR MI BYA STE ZHES BYA BA NI LAM LOG PAS PHYIN CI LOG TU MNGON PAR ZHEN PA'I MTSAN NYID KYIS GZUNG BAR MI BYA STE, BDEN NO SNYAM DU MNGON PAR ZHEN PAR MI BYA BA'O ZHES BYA BA'I THA TSIG GO, ,DGONGS PA BSGRUB PA'I DON DU GZINGS LTA BUR GSUNGS PA'I MTSAN NYID GZUNG BA DGAG PA NI MA YIN NO SNYAM DU DGONGS PA'O, ,DE BAS NA ZHES BYA BA LA SOGS PAS NI DON DE NYID KYI TSIG GZHAN DANG SBYAR RO, ,GANG GI PHYIR CHOS DANG CHOS MA YIN PA THAMS CAD LA BDEN NO SNYAM DU MNGON PAR ZHEN PA DE LOG PAR MNGON PAR ZHEN PA YIN PA'I PHYIR RIGS PAS BSKYED PA LUNG GI TSOGS GANG DAG 'KHOR BA'I RGYA MTSO LAS BSGRAL BA'I PHYIR GSUNGS PA GZINGS LTA BU DE DAG KYANG PHA ROL TU PHYIN NAS MI DGOS PA'I PHYIR SPANG BAR BYA NA, MU STEGS CAN LTA BU CHOS MA YIN PA MI RIGS PAS BSKYED PA DE DAG LTA SMOS KYANG CI DGOS PA, DE DAG LA NI DGOS PA'I PHYIR BRTEN PA YANG NGAS MA GNANG NGO ZHES DE BZHIN GSHEGS PA DE SKAD GSUNGS SO, ,DE LA MA YIN TE, GAL TE CHOS DANG CHOS MA YIN PA LA SOGS PA BDEN PA'I NGO BOR GYUR NA, DE'I TSE DE LA MNGON PAR ZHEN PA DON DAM PAR YUL YIN PA'I PHYIR 'KHOR BA'I PHA ROL TU PHYIN PA RNAMS LA YANG RIGS PA'I NGO BO KHO NAR 'GYUR NA, CI'I PHYIR DE BZHIN GSHEGS PA DE DAG DE 'GOG PAR MDZAD ZHES BYA BA NI BSDUS PA'I DON YIN NO, ,DE @224B SKAD DU 'PHAGS PA DKON MCHOG ZA MA TOG GI MDO LAS KYANG, BTZUN PA RAB 'BYOR CHOS KYI RNAM GRANGS GZINGS LTA BUR SHES PA RNAMS KYIS CHOS NYID KYANG SPANG BAR BYA NA, CHOS MA YIN PA RNAMS LTA SMOS KYANG CI DGOS TE, CHOS GANG SPONG BAR BYED PA DE NI CHOS KYANG MA YIN PA YANG MA YIN NO, , ZHES BCOM LDAN 'DAS KYIS GSUNGS SO ZHES BSHAD DO, ,MDO LA SOGS PA'I CHOS KYI RNAM GRANGS GANG LA GZINGS LTA BU YOD PA DE LA DE SKAD CES BYA'O, ,CHOS RNAMS KYANG ZHES BYA BA DE NI MTSON PA STE, DES NA GZUGS LA SOGS PA DANG LAM GYI MTSAN NYID KYI CHOS RNAMS GZUNG NGO, , CHOS MA YIN PA RNAMS ZHES BYA BA YANG MTSON PA KHO NA STE, DES NI GANG DAG GRAGS PA DANG 'GAL BAR STON PA CHOS MA YIN PA'I NGO BO BDAG LA SOGS PA GZHAN DAG GIS YONGS SU BRTAGS PA DE DAG KYANG GZUNG NGO, ,YANG NA GANG BRJOD PAR BYA BA DANG BCAS PA CHOS DANG CHOS MA YIN PA DAG SMOS PA'I PHYIR THAMS CAD BSDUS PA DE NYES PA MED DO, ,'DIS NI G-YENG BA TSAR BCAD NAS 'DIR JI LTAR SEMS RAB TU GZUNG BAR BYA BA DE BSTAN TO, ,GAL TE CHOS LA SOGS PA THAMS CAD DON DAM PAR BRDZUN PA'I RANG BZHIN YIN NA DE'I TSE MNGON PAR RDZOGS PAR SANGS RGYAS NAS BCOM LDAN 'DAS KYIS CHOS THAMS CAD BSTAN TO ZHES BYA BA DE YANG BRDZUN PA NYID DU 'GYUR TE, DE'I PHYIR BYANG CHUB SEMS DPA' DE BZHIN GSHEGS PA'I YE SHES KYI RGYU CAN RTOGS PA'I CHOS KYI SKU THOB PAR BYA BA'I PHYIR 'DUN PAR MI BYA'O SNYAM PA DE LA BRTAGS NAS YE SHES KYI RGYU CAN GYI CHOS KYI SKU THOB PAR 'DUN PA BSKYED PA'I PHYIR RAB 'BYOR 'DI JI SNYAM DU SEMS ZHES BYA BA GSUNGS SO, ,'DIS NI DON GYIS NA DON DAM PAR NI BLA NA MED PA YANG DAG PAR BYANG CHUB PA LA MNGON PAR RDZOGS PAR BYANG CHUB PAR 'DZIN PA YANG MI MTHUN PA'I PHYOGS SU YONGS SU STON LA YANG DAG PA'I KUN RDZOB KYI NGO BOR NI DE BZHIN GSHEGS PA'I YE SHES KYI CHOS KYI SKU YE SHES KYI RGYU CAN THOB PAR BYA BAR 'DUN PA DANG SMON LAM GDAB PA YANG STON TO, ,BLA NA MED PA YANG DAG PAR RDZOGS PA'I BYANG CHUB CES BYA BA MTSAN MA TZAM YONGS SU BRJOD PAS NYAN THOS DANG RANG SANGS RGYAS LA SOGS PA'I RTOGS PA'I BYE @225A *, ,BRAG GIS THA DAD PA YE SHES KYI RGYU CAN RTOGS PA'I SKU YANG YONGS SU STON PAR BYED DE, NYAN THOS LA SOGS PA'I YON TAN DAG KYANG BYANG CHUB SEMS DPAS RTOGS PAR BYA BA NYID DO, ,DE LTA MA YIN NA THAMS CAD MKHYEN PA'I GO 'PHANG 'THOB PAR JI LTAR 'GYUR, KUN RDZOB KYI NGO BOR NI 'DI LTA STE, RDZOGS PA'I BYANG CHUB DANG, RDZOGS PAR SANGS RGYAS PAR BYA BA DANG, BSTAN PAR BYA BA DANG, BSTAN PA LA SOGS PA RNAM GRANGS SU THAMS CAD YOD DO, ,BCOM LDAN 'DAS KYIS DGONGS PA GANG GIS DON DAM PA LA DGONGS TE, THAMS CAD BRDZUN PA KHO NA'O ZHES GSUNGS PA DES NA, RMAS PA LAS DGONGS PA BZUNG NAS GNAS BRTAN 'PHAGS PA RAB 'BYOR GYIS, BDAG GIS BCOM LDAN 'DAS KYIS GSUNGS PA'I DON 'TSAL BA LTAR NA ZHES BYA BA GSOL TO, ,BDAG GIS 'TSAL BA LTAR ZHES BYA BA NI DGONGS PA RNAM PAR 'GREL PA'O; ,CI'I PHYIR MNGON PAR RDZOGS PAR SANGS RGYAS PA YANG MED LA, CHOS BSTAN PA YANG MED SNYAM PA LA, DE CI'I SLAD DU ZHE NA ZHES BYA BA GSOL TO, ,GZUNG DU MA MCHIS ZHES BYA BA NI DON DAM PAR RNAM PAR MI RTOG PA'I YE SHES KYI SPYOD YUL DU YANG MA YIN PA'I PHYIR TE, SNGAR JI SKAD BSHAD PA BZHIN NO, ,BRJOD DU MA MCHIS ZHES BYA BA NI SGRA'I YUL YANG MA YIN PA'I PHYIR TE, SGRA THAMS CAD KYI SPYOD YUL NI SGRO BTAGS PA SPYI TZAM YIN PA'I PHYIR LA, SPYI YANG DNGOS PO MED PA'I PHYIR RO, ,'DI GNYIS NI MNGON PAR RDZOGS PAR SANGS RGYAS PA MED PA DANG, CHOS BSTAN PA MED PA'I GTAN TSIGS SU GSUNGS PA STE GO RIMS BZHIN NO, ,GAL TE DNGOS PO THAMS CAD GZUNG DU MED CING BRJOD DU MED PA YIN DU ZIN KYANG, 'ON KYANG RANG GI MTSAN NYID 'DZIN PA'I PHYIR DON DAM PAR CHOS KYI NGO BO NYID GNAS PA KHO NA'O SNYAM PA LA, DE NI CHOS KYANG MA LAGS ZHES BYA BA GSOL TO; ,DNGOS PO THAMS CAD DON DAM PAR RANG BZHIN GYIS MYA NGAN LAS 'DAS PA'I RANG GI MTSAN NYID 'DZIN MI SRID PA'I PHYIR RO, ,GAL TE DE LTA NA GO BCOM LDAN 'DAS KYIS MED PA MNGON PAR RDZOGS PAR SANGS RGYAS PA LTA SNYAM PA LA, CHOS MA MCHIS PA YANG MA LAGS @225B ZHES BYA BA GSOL TO, ,DE NI MED PA DGAG PA'I NGO BO YIN NO, ,'DIS NI RNAL 'BYOR DU SNYOMS PAR 'JUG PA DE BSTAN TE, SGRO BTAGS DANG, SKUR BA'I MTHA' YANG BKAG GO, ,DE CI'I SLAD DU ZHES 'DIR 'THAD PA YONGS SU ZHUS PA DANG, 'DIR LAN DU 'DUS MA BYAS KYIS RAB TU PHYE BA'I PHYIR RO ZHES BYA BA SMRAS SO, ,'DUS MA BYAS NI CHOS RNAMS KYI DON DAM PA'I RANG BZHIN NO, ,DE YANG RIGS PAS DPYAD NA SKYE BA MED PA MTSAN NYID KHO NA LA GNAS TE, SNGAR JI SKAD DPYAD PA BZHIN NO, ,BCOM LDAN 'DAS KYIS SANGS RGYAS KYI YANG DAG PAR SDUD PA LAS BSHAD PA, KUN DGA' BO CHOS KYI SKYE BA MED PA DANG, 'JIG PA MED PA DANG, GNAS PA MED PA DANG, GZHAN DU 'GYUR BA MED PA GANG YIN PA DE NI 'PHAGS PA'I BDEN PA ZHES BYA'O, ,KUN DGA' BO DE BZHIN GSHEGS PAS 'DI LA DGONGS NAS 'PHAGS PA NYAN THOS RNAMS NI 'DUS MA BYAS KYIS RAB TU PHYE BA'O ZHES STON TO ZHES JI SKAD GSUNGS PA LTA BU'O, ,'DI NI DE BZHIN GSHEGS PA RNAMS BYUNG YANG RUNG MA BYUNG YANG RUNG RTAG PAR DE BZHIN DU YOD PA DANG, 'GYUR BA MED PA'I PHYIR 'DUS MA BYAS SO, ,DE RTOGS PA'I PHYIR 'PHAGS PA'I GANG ZAG RNAMS DES RAB TU PHYE BA STE, 'PHAGS PA RNAMS NI CHOS KYI DE KHO NA RTOGS PAS RAB TU PHYE BA'I PHYIR RO, ,GZHAN DE KHO NA'I NGO BOR MI RIGS PA'I PHYIR RO, ,'DUS MA BYAS DE NI MED PAR DGAG PA'I NGO BOR MED PA MA YIN TE, DE NI DNGOS PO'I RANG BZHIN GYI NGO BO YIN PA'I PHYIR RO, ,DE LTA MA GYIN NA NI 'PHAGS PA DAG GIS DNGOS PO'I RANG BZHIN MA RTOGS PAR 'GYUR, DE MA YIN PA'I NGO BO GZHAN RTOGS PA'I PHYIR RO, ,DE NI DNGOS POR 'DZIN PA MED NA MED PA'I PHYIR DNGOS POR 'DZIN PA KHO NAR THAL BAR 'GYUR RO, ,DE'I PHYIR 'PHAGS PA DGONGS PA NGES PAR 'GREL PA LA SOGS PA'I MDO LAS DE KHO NA NI DNGOS PO LAS DON GZHAN MA YIN NO ZHES GSUNGS TE, JI SKAD NYES PA BRJOD PAR THAL BAR 'GYUR RO, ,DE NI DON DAM PAR DNGOS PO'I NGO BOR YOD PA MA YIN TE, DNGOS PO'I NGO BO NYID GANG YANG MA GRUB PA'I PHYIR RO, ,DNGOS PO'I NGO BO NYID LTAR 'DUS BYAS NYID DU THAL BAR 'GYUR RO, , @226A *, ,DE'I PHYIR DE NI MED PA LAS CHOS RNAMS LA YOD PA'I PHYIR DE KHO NA MA YIN PA'I NGO BOR 'GYUR RO, ,DE NI DNGOS PO'I RANG BZHIN GYI NGO BO BZHIN DU THAMS CAD KYIS KYANG RTOGS PAR THAL BAR 'GYUR RO, ,KUN NAS NYON MONGS PA'I RGYU NYID DU THAL BAR 'GYUR BA YANG BZLOG PA DKA'O, ,DE NYID KYI PHYIR 'PHAGS PA DGONGS PA NGES PAR 'GREL PA LA SOGS PA DE DAG NYID LAS DE KHO NA'I DNGOS PO LAS DON GZHAN MA YIN NO ZHES GSUNGS SO, ,DE LTA BAS NA DON DAM PAR CHOS KYANG MA LAGS CHOS MA MCHIS PA YANG MA LAGS ZHES GSOL TO, ,'DIS NI DNGOS PO DANG, DNGOS PO MED PA DANG, YOD PA DANG, MED PA LA SOGS PA DGAG PA'I NGO BO BSTAN TO, ,'DIS NI G-YENG BA TSAR GCOD PA DE YANG BSTAN TO, ,'DI THAMS CAD KYIS NI GNAS PA 'DI'I ZAB PA NYID KYANG BSTAN TO, ,GAL TE BCOM LDAN 'DAS KYIS MNGON PAR RDZOGS PAR SANGS RGYAS PA'AM; CHOS BSTAN PA'I CHOS GANG YANG MED NA BYANG CHUB SEMS DPA' BSOD NAMS KYI RGYU CAN GYI CHOS KYI SKU THOB PAR 'DOD PAS DAM PA'I CHOS YONGS SU GZUNG BA LA JI LTAR 'JUG PAR BYA SNYAM PA LA BRTAGS NAS BSOD NAMS KYI RGYU CAN GYI CHOS KYI SKU THOB PAR 'DUN PA BSKYED PA'I PHYIR RO, ,RAB 'BYOR 'DI JI SNYAM DU SEMS ZHES BYA BA GSUNGS SO, ,DE LA RIN PO CHE SNA BDUN NI GSER DANG, DNGUL DANG, SHEL DANG, BEE d'URYA DANG, RDO'I SNYING PO DANG, SPUG DANG, MU TIG DMAR PO'O, ,'PHAGS PA DAM PA'I CHOS PADMA DKAR PO LAS BYUNG BA RNAMS SO, ,GLING BZHI LA SOGS PA STONG LA STONG GI 'JIG RTEN GYI KHAMS SO, ,DE STONG LA STONG GNYIS SO, ,DE STONG LA STONG GSUM GYI STONG CHEN PO'I 'JIG RTEN GYI KHAMS SO, ,GZHI DE LAS ZHES BYA BA NI RIN PO CHE SBYIN PA'I GZHI DE LAS BSOD NAMS 'DI 'BYUNG BA STE, DE'I RGYU LAS BYUNG ZHES BYA BA'I THA TSIG GO, ,BSOD NAMS NI SEMS PA DGE BA THAMS CAD DANG, DES BSKYED PA'I BAG CHAGS TE, DE'I PHUNG PO NI TSOGS SO, ,'BRAS BU MANG BA'I PHYIR DE YANG MANG NGO, ,MANG DU ZHES BYA BA NI BYE BRAG GO, ,MANG ZHES LAN GNYIS BRJOD PAS NI RAB TU MANG PO ZHES BSNYAD PA'O, ,GAL TE DON DAM PAR THAMS CAD MA SKYES NA, JI LTAR GZHI DE @226B LAS BSOD NAMS KYI PHUNG PO SKYES SNYAM DU SEMS PA LA DE CI'I SLAD DU ZHE NA ZHES GSOL NAS, BDAG NYID KYI DGONGS PA RIG STE, LAN DU PHUNG PO MA MCHIS PA'I SLAD DU STE ZHES BYA BA GSOL TO, ,DON DAM PAR ZHES BYA BA LHAG MA'O, ,PHUNG PO RNAMS NI BRTAGS PAR YOD PA'I PHYIR BSOD NAMS KYI PHUNG PO DNGOS POR GYUR PA MED DO, ,BSOD NAMS KYANG BAG CHAGS KYI NGO BO GNAS SKABS KYI BYE BRAG LA BRTAGS PA'O, ,SEMS DPA' YANG DNGOS PO RNAMS NI G-YO BA MED PAS MNGON PAR 'DU BYED PA'I RNAM PAS MI 'JUG PA'I PHYIR BTAGS PA'I YOD PA KHO NA'O, ,GCIG DANG DU MA'I NGO BOS SO SOR BRTAGS NA YANG BRDZUN PA'I NGO BO KHO NA'O, ,DE LTA BAS NA DON DAM PAR NI BSOD NAMS KYI PHUNG PO MED DO, ,'DIS NI RNAL 'BYOR LA SNYOMS PAR 'JUG PA YONGS SU BSTAN TO, ,SGRO BTAGS PA'I MTHA' YANG BKAG GO, ,KUN RDZOB TU NI BSOD NAMS KYI PHUNG PO GNAS PA NYID DE, DE LTA BAS NA, DE BZHIN GSHEGS PAS BSOD NAMS KYI PHUNG PO ZHES BYA'O ZHES GSUNGS SO, ,DE LTA MA YIN TE, GAL TE BSOD NAMS KYI PHUNG PO DE DON DAM PAR YOD PAR GYUR NA DON DAM PA NI TSIG GI SPYOD YUL MA YIN PA'I PHYIR DE BRJOD PAR MI 'GYUR RO, ,MA GSUNGS KYANG DE LTAR SHES PAS BRJOD PA DON MED PA NYID DU 'GYUR BA ZHIG NA GANG GI PHYIR GSUNGS PA DE'I PHYIR KUN RDZOB KHO NA ZHES BYA BAR SHES SO, ,'DIS NI SKUR PA 'DEBS PA'I MTHA' BKAG PA BSTAN TO, ,DE LTAR 'PHAGS PA RAB 'BYOR GYIS MTHA' GNYIS BKAG STE, DE'I 'OG TU 'KHOR RNAMS CHOS RGYA CHEN PO NYAN PA'I 'OS SU GYUR PA DANG, DES KYANG BSOD NAMS CHES MANG BAR BRJOD PA'I PHYIR BCOM LDAN 'DAS KYIS, RAB 'BYOR GANG GIS ZHES BYA BA LA SOGS PA BKA' STZAL TO, ,'DIS NI DE BZHIN GSHEGS PA RNAMS KYIS RTOGS PA'I CHOS KYI SKU BSOD NAMS KYI RGYU CAN DE BSHAD PA'I CHOS KYI SKU LAS NGES PAR 'BYUNG BAS RE ZHIG DE LAS, TSIG BZHI PA'I TSIGS SU BCAD PA TZAM BSTAN NA YANG DE LTAR BSOD NAMS KYI SKYE MCHED DU GYUR PA YIN NA DE BZHIN GSHEGS PA RNAMS KYIS RTOGS PA'I CHOS KYI SKU BSOD NAMS KYI RGYU CAN DE LTA SMOS KYANG CI DGOS ZHES DE SKAD STON TO, , @227A *, ,'DI NI TSIG GI DON MA MCHIS MOD KYI SHUGS KYIS RTOGS PAS DON 'DI NYES PA MED DO, ,DES NA DON DAM PAR CHOS BSTAN PA'AM, MNGON PAR RDZOGS PAR SANGS RGYAS PA YANG MED DU ZIN KYANG KUN RDZOB TU BSOD NAMS KYI SKU BSTAN PA YOD PA'I PHYIR BYANG CHUB SEMS DPA' BSOD NAMS THOB PAR BYA BA'I PHYIR 'JUG PAR BYA'O SNYAM DU DGONGS PA'O, ,BSOD NAMS KHYAD ZHUGS PAR BSTAN PA 'DIS NI 'DI'I RGYA CHE BA BSTAN TO, ,DE BSKYED PAR 'DUN PA DANG, SMON LAM 'DEBS PA YANG BSTAN TO, ,TSIGS SU BCAD PA RTZA BA DRUG PA YANG YOD PAS TSIG BZHI PA ZHES BYE BRAG TU MDZAD DO, ,TSIGS SU BCAD PA ZHES BYA BA 'DI BRTZON PA MA YIN GYI TSIG RKYANG PA LAS RTZA BA BZHI'I TSIGS SU BCAD PA'I TSIG TZAM YANG BZUNG NGO, ,BZUNG NAS ZHES BYA BA NI KHA TON TU BYAS PA'O, ,'CHAD CES BYA BA NI TSIG GO, ,YANG DAG PAR STON ZHES BYA BA NI DON TO, ,GRANGS MED CES BYA BA NI RAB TU MED PA'I PHYIR RO, ,DPAG TU MED CES BYA BA NI DPE'I YUL MA YIN PA'I PHYIR RO, ,'DIS NI DON GYIS NA BSOD NAMS MI SKYED PA MI MTHUN PA'I PHYOGS RAB TU SEL TO, ,BSOD NAMS ZHES MTSAN TZAM ZHIG BRJOD PAS NI DE BZHIN GSHEGS PA'I BSOD NAMS KYI TSOGS MTHA' DAG STON TO, ,'DI CI YID CHES PAR BYA BAR ZAD DAM, 'ON TE RIGS PAS SHES PAR BYA BA YANG YIN SNYAM DU SEMS SHING, DE CI'I SLAD DU ZHES ZHUS PA DANG, 'DIR RAB 'BYOR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BLA NA MED PA YANG DAG PAR RDZOGS PA'I BYANG CHUB NI 'DI LAS BYUNG STE ZHES RIGS PA BKA' STZAL TO, ,'DI SNYAM DU BSOD NAMS CHES ZHES BYA BA DE YANG 'BRAS BU CHE BA'I PHYIR BSOD NAMS CHE BA YIN GYI, DE LA LUS MED PA'I PHYIR RANG GI NGO BOS NI MA YIN GYI, RIN PO CHE LAS BYUNG BA'I BSOD NAMS DE NI LONGS SPYOD CHEN PO LA SOGS PA 'KHOR BA'I 'BRAS BU PHAL PA 'THOB STE, SHES RAB KYIS ZIN NA SBYIN PA LA SOGS PA BYANG CHUB CHEN PO'I 'BRAS BU 'THOB KYI DE DAG NYI TSES NI MA YIN NO, ,CHOS KYI SBYIN PAS NI DE BZHIN GSHEGS @227B PA'I GO 'PHANG DPE MED CING ZAD MI SHES PA THOB PAS CI'I PHYIR CHEN PO NYID DU MI MNGON, JI LTAR CHOS KYIS PHAN BTAGS PAR 'GYUR BA LTAR RIN PO CHE RNAMS KYIS NI GZHAN LA SHIN TU PHAN 'DOGS PAR MI 'GYUR TE, 'DI LTAR GZHAN DAG LA RAB TU BSTAN PA'I RIM GYIS CHOS 'DI LAS MYUR BA KHO NAR SANGS RGYAS NYID KYI GO 'PHANG 'THOB PAR 'GYUR GYI RIN PO CHE RNAMS LAS NI MA YIN NO, ,DE LTA BAS NA GZHAN DAG LA PHAN 'DOGS PA'I MCHOG TU GYUR PAS RIN PO CHE SBYIN PA LAS CHOS KYI SBYIN PA KHYAD PAR DU 'PHAGS SO SNYAM DU DGONGS PA YIN NO, ,'DI LAS 'BYUNG ZHES BYA BA NI YANG DAG PAR GRUB PA STE, SPYAD PA BCU RNAMS LA BRTEN NAS DE'I 'OG TU GCIG NAS GCIG TU BRGYUD DE THOB CES BYA BA'I THA TSIG GO, ,SPYAD PA BCU PO DE DAG NI YI GER 'DRI BA DANG, MCHOD PA DANG, SBYIN PA DANG, BKLAG PA DANG, MNYAN PA DANG, GZUNG BA DANG, LUNG PHOG PA DANG, KHA TON DU BYA BA DANG, BSAM PA DANG, BSGOM PA'O, ,SANGS RGYAS BCOM LDAN 'DAS RNAMS KYANG 'DI LAS SKYES SO ZHES BYA BA NI KUN RDZOB TU SANGS RGYAS RNAMS DE LA BRTEN NAS BTAGS ZHES BYA BA'I THA TSIG GO, ,DON DAM PAR NI BYANG CHUB DANG, SANGS RGYAS RNAMS THA DAD PA MED DO, ,BSOD NAMS KHYAD PAR DU 'PHAGS PAR BSTAN PA 'DIS NI DE BSKYED BAR 'DUN PA DANG, SMON LAM GYIS GNAS PAR BYA BA BSTAN PA YIN NO, ,GAL TE DON DAM PAR CHOS THAMS CAD MA SKYES PA KHO NA YIN NA DE'I TSE SANGS RGYAS KYI CHOS THAMS CAD KYANG MA SKYES PA KHO NAR 'GYUR NA JI LTAR BLA NA MED PA YANG DAG PAR RDZOGS PA'I BYANG CHUB 'DI LAS 'BYUNG, SANGS RGYAS RNAMS NI BYANG CHUB DANG THA DAD PA MED DO SNYAM DU SEMS SHING, DE CI'I SLAD DU ZHES ZHUS PA DANG, 'DIR LAN DU SANGS RGYAS KYI CHOS RNAMS ZHES BYA BA GSUNGS SO, ,SANGS RGYAS SU GDAGS PA'I RGYU CAN BLA NA MED PA YANG DAG PAR RDZOGS PA'I BYANG CHUB LA SOGS PA'I MTSAN NYID KYI CHOS RNAMS NI SANGS RGYAS KYI CHOS RNAMS SO, ,DE'I PHYIR SANGS RGYAS RNAMS NI DON DAM PAR BYANG CHUB DANG THA DAD PA MED MED KYI, DE GDAGS PA'I RGYUR GYUR PAS SANGS RGYAS RNAMS NI 'DI LAS SKYES PAR GSUNGS SO ZHES @228A *, ,DGONGS PA'O, ,DE DAG KYANG DON DAM PAR MA SKYES PA'I PHYIR SANGS RGYAS KYI CHOS RNAMS MED KYANG KUN RDZOB LA BRTEN NAS DE BZHIN GSHEGS PA RNAMS KYI BLA NA MED PA YANG DAG PAR RDZOGS PA'I BYANG CHUB NI 'DI LAS BYUNG ZHES BYA BA LA SOGS PA DE BZHIN GSHEGS PAS GSUNGS TE, DON DAM PAR NI MA YIN NO, ,DE NYID KYI PHYIR PHYOGS GZHAN DE DANG DE LAS SANGS RGYAS KYI CHOS RNAMS ZHES BYA BA'I DON DAM PAR NI BRJOD PAR MI NUS TE, DE SO SO RANG GI RIG PAR BYA BA YIN PAS BRJOD DU MED PA'I PHYIR RO SNYAM DU DGONGS PA'O, ,'DIS NI RNAL 'BYOR DU SNYOMS PAR 'JUG PA DANG, RNAM PAR G-YENG BA TSAR BCAD PA BSTAN TE, ZAB PA YANG BSTAN TO, ,'DIR LA LA DAG NA RE CHOS KYI SKU THA DAD PA MED PA'I PHYIR SKU THA DAD PA RNAM PA GSUM PO 'DI JI LTAR 'GYUR, 'ON TE CHOS KYI SKU THOB PAR 'GYUR BA DANG, CHOS KYI SKU'I RGYU MTHUN PA YIN PAS BSOD NAMS KYI RANG BZHIN DANG; BSHAD PA'I RANG BZHIN NI BRTAGS PA'I SGO NAS CHOS KYI SKU'O ZHES BYA'O ZHE NA, DE LTA NA NI GZUGS KYI SKU YANG DE 'THOB PA'I RGYU MTHUN PA'I PHYIR DANG DE 'THOB PA'I RGYU YIN PA'I PHYIR CHOS KYI SKUR 'GYUR RO ZHES ZER RO, ,DE NI BDEN PA MA YIN TE, SANGS RGYAS BCOM LDAN 'DAS RNAMS KYI CHOS KYI SKU NI YONGS SU DAG PA'I YE SHES KYI RANG BZHIN DANG, DE'I SPYI'I CHOS NYID GANG YIN PA DE LA RNAM PAR GZHAG GO, ,'DI NI 'DI'I RNAM PAR SMIN PA'I DBYE BA YANG MA YIN PA BSHAD PA DANG BSOD NAMS DAG LA BTAGS NAS 'DIR CHOS ZHES BSTAN PA YANG MA YIN NO, ,'O NA JI LTA BU ZHE NA, DNGOS PO KHO NA STE, CHOS STON TO, ,CHOS STZOGS SO ZHES BYA BA LA SOGS PA BDAG NYID KYIS DE LTAR GRAGS PA'I PHYIR RO, ,GANG YANG RANG DANG SPYI'I MTSAN NYID 'DZIN PAS CHOS RNAMS SO ZHES BSTAN PA DE NI DNGOS PO THAMS CAD DANG THUN MONG YIN PAS GZUGS KYI SKU NI DE BZHIN GSHEGS PAR MA BSTAN TE, SHES PAR BYED PA MA YIN PA'I PHYIR RO, ,BTAGS NAS BSTAN DU ZIN KYANG GZUGS KYI SKU NI CHOS KYI SKUR THAL BAR MI 'GYUR TE, DE NI BSOD NAMS KYIS RGYU MTHUN PA YIN PA'I PHYIR RO, ,DE SKAD DU, MDOR NA RGYAL BA'I CHOS SKU NI, ,YE SHES TSOGS @228B LAS BYUNG BA STE, ,SANGS RGYAS RNAMS KYI GZUGS SKU NI, ,BSOD NAMS TSOGS LAS BYUNG BA'O, ,ZHES BSHAD DO, ,DE'I PHYIR YE SHES KYI TSOGS KHO NA STE THOB PA'I RGYU YIN PA'I PHYIR GZUGS KYI SKUS NI DE 'THOB PAR 'GYUR BA MI SRID DE, DE'I GDAGS PA'I RGYU MED PAS GZUGS KYI SKU LA CHOS KYI SKU ZHES MI BYA'O, ,BSHAD PA'I SKU NI YANG DAG PA'I YE SHES KYI 'BRAS BU YIN LA, BSOD NAMS KYI SKU TSOGS KYI MTSAN NYID KYANG DE 'THOB PA'I RGYU YIN PAS BTAGS NAS CHOS KYI TSOGS ZHES BSTAN PAR RIGS PA NYID DE MANG DU NI MI DGOS SO, ,KLAN KA NGAN PA GZHAN NI SHES RAB CAN DAG GIS RIGS SAM MI RIGS 'BYED PAR 'GYUR GRANG SNYAM DU STE TSIG MANGS KYIS DOGS NAS MA BRIS SO, ,CHOS KYI SKU THOB PAR 'DUN PA'I GNAS BSHAD ZIN TO, ,'DI MAN CHAD GNAS BCU GNYIS NI MI MTHUN PA RNAM PA BCU GNYIS KYI GNYEN POR GO RIMS BZHIN DU RIG PAR BYA'O, ,MI MTHUN PA RNAM PA BCU GNYIS PO DE DAG NI MNGON PA'I NGA RGYAL DANG, MNGON PA'I NGA RGYAL MED KYANG THOS PA NYUNG BA DANG, THOS PA MANG BA YANG DMIGS PA CHUNG NGU YID LA BYED PA BSGOM PA DANG, DMIGS PA CHUNG NGU MA YIN PA YID LA BYED PA BSGOMS KYANG SEMS CAN YAL BAR 'DOR BA DANG, DE YAL BAR MI 'DOR YANG PHYI'I BSTAN BCOS LA RJES SU CHAGS TE 'JUG PA DANG, DER MI 'JUG KYANG DNGOS PO'I MTSAN MA ZIL GYIS MNAN PA LA THABS MI MKHAS PA DANG, DE LA THABS MKHAS KYANG BSOD NAMS KYI TSOGS MA BSAGS PA DANG, BSOD NAMS KYI TSOGS BSAGS KYANG LE LO DANG RNYED PA DANG BKUR STIS BSOD SNYOMS NYAMS SU MYONG BAR BYED PA DANG, DE NYAMS SU MYONG BAR MI BYED KYANG SDUG BSNGAL MI BZOD PA DANG, SDUG BSNGAL LA JI MI SNYAM YANG YE SHES KYI TSOGS MA BSAGS PA DANG, YE SHES KYI TSOGS BSAGS KYANG BDAG TU RAB TU 'DZIN PA DANG, BDAG TU RAB TU 'DZIN PA MED KYANG GDAMS NGAG DANG MI LDAN PA'O, ,DE LA BCOM LDAN 'DAS KYIS GANG ZAG DANG CHOS RNAMS LA BDAG MED PA RGYA CHER BSTAN KYANG, GANG THOG MA MED PA'I DUS NAS BDAG TU MNGON PAR ZHEN PA BRTAN POR BSAGS PA'I STOBS KYIS 'DI SNYAM DU GAL TE SU SEMS CAN @229A *, ,LA SOGS PAR 'DU SHES 'JUG PA DE BYANG CHUB SEMS DPA' ZHES MI BYA NA, DE LTA NA GO JI LTAR BCOM LDAN 'DAS KYIS 'DI SKAD DU NGA DE'I TSE DE'I DUS NA RGYAL PO DPA' BAS BYIN ZHES BYA BAR GYUR TO, NGAS KHYED RNAMS LA CHOS BSTAN PAR BYA'O ZHES BYA BA LA SOGS PAR 'GYUR, SEMS CAN LA SOGS PAR 'DU SHES PA MED PA NI DE SNYAM DU DGONGS PAR MI 'GYUR RO SNYAM PA DE MNGON PA'I NGA RGYAL GAGS SU GYUR BA DANG BRAL BA'I PHYIR GNAS LNGA PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'DI LA PHYI'I DON NI 'DI YIN TE, NGA'I NYAN THOS THA MA RGYUN DU ZHUGS PA LA SOGS PA CHOS LA BDAG MED PA RTOGS PA'I PHYIR RO MYANG BA MA THOB PA GANG DAG PHYIN PA DE DAG KYANG NGA DANG NGA YIR MNGON PAR ZHEN PA MED NA BDAG MED PA GNYI GA THUGS SU CHUD PA SGRIB PA MA LUS PAR SPANGS PA LTA SMOS KYANG CI DGOS ZHES BYA'O, ,BDE'I TSE ZHES BYA BA LA SOGS PA GANG YIN PA DE NI 'JIG RTEN GYI THA SNYAD GDAGS PA'I DON DU SHES PAR 'DOD PA LA GZHAN GYI RGYUD LA RNAM PAR BCAD PA TZAM STE, DMAG DANG NAGS TSAL LA SOGS PA'I THA SNYAD DANG MTSUNGS KYI GCIG PU DANG RTAG PAR MNGON PAR ZHEN PAS NI MA YIN NO, ,DE KHO NA'I YE SHES LA GNAS PA RNAMS KYIS NI 'JIG RTEN DANG LHAN CIG THA SNYAD BRJOD PAR MI NUS SO, ,DE BAS NA MNGON PA'I NGA RGYAL GNAS SU GYUR PA DANG BRAL BA'I PHYIR KHYED KYANG BDAG TU MNGON PAR ZHEN PAR MI BYA'O ZHES YANG DAG PAR 'DZIN DU GZHUG PA'O, , DE LA MYA NGAN LAS 'DAS PA'I GRONG KHYER CHEN POR 'GRO BA MA MTHONG BA'I LAM GYI MTSAN NYID NI RGYUN TO, ,ZHUGS NI THOB PA STE, MTHONG BAS SPANG BAR BYA BA'I NYON MONGS PA MTHA' DAG SPANGS PA NI RGYUN DU ZHUGS PA ZHES BYA'O, ,DE YANG BYED PA PO DANG LAS DANG BYED PA LA MNGON PAR ZHEN PA SPANGS PA 'DIS RKYEN NYID 'DI TZAM NYID RTOGS PA'I PHYIR BDAG MED PA RTOGS PAR STON TO, ,BDAG GI ZHES BYA BA NI BYED PA PO LA MNGON PAR ZHEN PA'O, ,'BRAS BU ZHES BYA BA NI LAS LA MNGON PAR ZHEN PA'O, ,THOB CES BYA BA NI BYED PA LA MNGON PAR ZHEN PA'O, ,'DIS NI DON GYIS NA BDAG @229B GIS THOB PO SNYAM DU MI MTHUN PA'I PHYOGS SU YONGS SU STON TO, ,RGYUN DU ZHUGS PA 'DI SNYAM DU BDAG GIS THOB PO SNYAM DU MI SEMS ZHES BYA BA MTSAN MA TZAM ZHIG YONGS SU BRJOD PAS MNGON PA'I NGA RGYAL THAMS CAD DOR BAR YONGS SU STON TO, ,DE LA 'DUN PA DANG SMON LAM GDAB PA YANG STON TO; ,'PHAGS PA RAB 'BYOR GYIS KYANG BCOM LDAN 'DAS KYI DGONGS PA NYE BAR BRJOD PAS DON DAM PAR GZHAG PA DANG, DE LA RNAL 'BYOR DU SNYOMS PAR 'JUG PA LA GZUD PA'I PHYIR BCOM LDAN 'DAS DE NI CI LA YANG ZHUGS PA MA MCHIS ZHES GSOL TO, ,CI'I PHYIR SNYAM PA LA, GZUGS LA YANG MA ZHUGS ZHES BYA BA LA SOGS PA GSOL TO, ,'DIS NI DON DAM PAR 'BRAS BU RNAM PA GNYIS KA YANG THOB PAR BYA BA MED PAR STON TO, ,'DI LTAR THOB PAR BYA BA'I NGO BO 'BRAS BU ZHIG TU 'GYUR NA 'DUS BYAS SAM 'DUS MA BYAS SU 'GYUR GRANG NA, DE LA RE ZHIG 'DUS BYAS NI MA SKYES PA KHO NA STE, MED PA'I PHYIR RI BONG GI RVA DANG 'DRA BAS THOB PAR BYA BAR MI RIGS TE MA THOB PA'I GNAS SKABS DANG BYE BRAG MED PA'I PHYIR RO, ,'DUS BYAS NI SKAD CIG PA YIN GYI SKYES MA THAG TU 'JIG STE, GNAS PA MED PA'I PHYIR GANG GIS KYANG JI LTAR YANG THOB PAR MI 'GYUR RO; ,RGYUD GANG LA BDAG MED PA'I LAM GYI MTSAN NYID KYI BYED RGYU NYE BAR GYUR PAS NYON MONGS PA 'BYUNG BA DANG SHIN TU MI MTHUN PA'I GNAS KYI MTSAN NYID 'BRAS BU BYUNG BAR GYUR PA LA DES 'BRAS BU 'THOB PO ZHES STON PA 'BA' ZHIG TU ZAD KYI DON DAM PAR NI MA YIN NO, ,'DI LTAR THOB PAR BYA BA DANG THOB PAR BYED PA'I DNGOS PO DUS THA DAD PA'AM, DUS MNYAM PA ZHIG LAS 'GYUR GRANG NA, RE ZHIG PHYOGS DANG PO NI MA YIN TE, GNYI GA GNAS DGOS PAS DUS THA DAD PA NI GCIG NYE BAR GYUR PA'I DUS NA CIG SHOS MED PAS DE GNYI GA GNAS PAR JI LTAR 'GYUR, DUS MNYAM PA LAS KYANG MA YIN TE, DE GNYI GA GRUB NAS GCIG LA GCIG PHAN 'DOGS PA MED PA'I PHYIR RO, ,PHAN 'DOGS PA MED NA NI THOB PAR BYA BA DANG THOB PAR BYED PA'I DNGOS PO NGES PAR RIGS PA MA YIN TE, HA CANG THAL BAR 'GYUR BA'I PHYIR RO, ,GCIG LA GCIG KUN NAS LDAN PA BSKYED PA'I MTSAN NYID @230A *, ,KYIS THOB PAR BYA BA DANG THOB PAR BYED PA'I MTSAN NYID DUS MNYAM PAR 'BREL PAR YANG MI RIGS TE, 'DI LTAR RE ZHIG GANG DAG LUS MED PA'I DNGOS PO DE DAG NI YUL NA MI GNAS PA NYID YIN PAS KUN NAS LDAN PA MED DO, ,DE DAG DUS MNYAM PA TZAM GYIS KYANG THOB PAR BYA BA DANG, THOB PAR BYED PA'I DNGOS POR 'GYUR BA MA YIN PA TE, HA CANG THAL BAR 'GYUR BA'I PHYIR RO, ,RGYU GCIG KHO NA LAS KYANG MA YIN TE, DE NI GNYIS KA'I THUN MONG YIN PAS, 'DI NI THOB PAR BYA BA 'DI NI THOB PAR BYED PA ZHES BYA BAR NGES PAR MED PAR 'GYUR RO, ,GANG DAG LUS YOD PA DE DAG KYANG BDAG NYID THAMS CAD KYIS KUN NAS 'BYAR NA NI GCIG TU THAL BAR 'GYUR RO, ,PHYOGS GCIG NA NI YAN LAG DANG BCAS PAR THAL BAR 'GYUR RO, ,BAR MED PAR GNAS PA LAS KYANG THOB PA MA YIN TE, DE GNYI GA DANG THUN MONG STE BYE BRAG MED PAS NGES PA MED DO, ,DE LTA BAS NA 'DI NI RTOGS PAS SGRO BTAGS PA NYID DO, ,'DIS NI BYED PA PO DANG LAS LA SOGS PA'I THA SNYAD MTHA' DAG GSAL BAR KHONG DU CHUD PAR BYA'O, ,CHOS RNAMS ZHES BYA BA NI CHOS KYI SKYE MCHED DO, ,'DIS NI 'DUS MA BYAS KYANG BSDUS TE, CHOS KYI SKYE MCHED NI RDZAS BDUN GYI BDAG NYID YIN PA'I PHYIR RO; ,LHAG MA GZUGS LA SOGS PA DANG, CHOS KYI SKYE MCHED KYI PHYOGS GCIG GIS NI 'DUS BYAS BSTAN TO, ,'DI NI MTSON PA STE, DES NA MIG LA SOGS PA YANG BZUNG BAR BYA'O, ,GANG GI PHYIR 'DI DON DAM PAR DE CI LA YANG ZHUGS PA MED LA, DE 'DI SNYAM DU BDAG GIS THOB PO SNYAM DU YANG MI SEMS PA, DE'I PHYIR YANG DAG PA'I LAM LA GNAS PAS DES NA RGYUN DU ZHUGS PA ZHES BYA'O, ,GAL TE BDAG GIS THOB PO SNYAM DU DE LTAR MNGON PAR ZHEN PAR GYUR NA, DE'I TSE CI'I PHYIR RGYUN DU ZHUGS PA ZHES MI BYA SNYAM PA LA, BCOM LDAN 'DAS GAL TE ZHES BYA BA LA SOGS PA GSOL TO; ,SU ZHIG BDAG GIS ZHES NGA'O SNYAM DU MNGON PAR ZHEN PAR 'GYUR NA DE DAG BDAG TU LTA BA SPANGS PA MA YIN NO, ,GANG BDAG TU LTA BA MA SPANGS PA DE 'PHAGS PA'I LAM MA SKYES PA'O, ,GANG 'PHAGS PA'I LAM MA SKYES PA DE SO SO'I SKYE BO YIN PAS RGYUN TU ZHUGS PAR JI LTAR 'GYUR SNYAM DU DGONGS @230B PA'O; ,'DI LTAR GANG ZHIG DE BDAG GIS ZHES MNGON PAR ZHEN PA DE NI BDAG TU LTA BA KUN TU 'BYUNG NGO, ,'DIS NI SEMS RAB TU GZUNG BA BSTAN TO, ,'DI THAMS CAD KYIS NI GNAS 'DI'I ZAB PA BRJOD DO, ,DPE SPROS TE BSTAN PAS DON 'DI NYID BSTAN PAR BYA BA'I PHYIR, LAN CIG PHYIR 'ANG BA ZHES BYA BA LA SOGS PA BKA' STZAL TO, ,'DIR YANG TSIG GI DON DANG MTSAMS SBYAR BA LA SOGS PA THAMS CAD SNGA MA BZHIN DU SBYAR BAR BYA'O, ,'DOD PA NA SPYOD PA'I NYON MONGS PA BSGOM PAS SPANG BAR BYA BA RNAM PA DRUG SPANGS PA DE NYID 'PHAGS PA LAN CIG PHYIR 'ONG BA STE, 'DOD PA'I KHAMS SU LAN CIG PHYIR 'ONG BA'I PHYIR RO, ,'DOD PA'I KHAMS NA SPYOD PA'I NYON MONGS PA BSGOM PAS SPANG PAR BYA BA MTHA' DAG SPANGS PA DE NYID PHYIR MI 'ONG BA ZHES BYA BA STE, 'DOD PA'I KHAMS SU YANG MI 'ONG BA'I PHYIR RO, ,GANG GI TSE KHAMS GSUM NA SPYOD PA'I NYON MONGS PA'I DRI MA MTHA' DAG SPANGS PAR GYUR PA DE'I TSE DE NYID 'JIG RTEN MTHA' DAG GIS MCHOD PAR 'OS PAS DGRA BCOM PA ZHES BYA'O, ,DGRA BCOM PA ZHES BGYI BA'I CHOS DE GANG YANG MA MCHIS ZHES BYA BA NI NYON MONGS PA'I SGRIB PA RNAM PA DE LTA BU SPANGS PA'I YE SHES KYI RGYUD LA DE BTAGS PA'I PHYIR LA, RGYUD KYANG BTAGS PAR YOD PA'I DON DAM PAR DE GANG YANG MED DE, DE NI SGRO BTAGS PA'I PHYIR RO SNYAM DU DGONGS PA'O, ,DA NI 'PHAGS PA RAB 'BYOR GYIS BDAG NYID DBANG YIN PAS BDAG GI TSIG GZUNG BAR 'OS PAR BYA BA'I PHYIR YON TAN KHYAD PAR CAN NYON MONGS PA MED PAR GNAS PA DANG, YON TAN THUN MONG BA DGRA BCOM PA'I SGO NAS BDAG NYID RJOD PAR BYED CING, SEMS RAB TU GZUNG BA NYID BSTAN PA'I PHYIR, BDAG CES BYA BA LA SOGS PA GSOL TO, ,NYON MONGS PA MED PA ZHES BYA BA NI TING NGE 'DZIN GYI BYE BRAG GO, ,DE YANG GNYI GA'I CHA LAS RNAM PAR GROL BA'I DGRA BCOM PA KHO NA BDAG LA DMIGS NAS GZHAN DAG NYON MONGS PA SKYE BAR MI RUNG NGO SNYAM NAS RNAL 'BYOR LA SNYOMS PAR 'JUG CING, DE LAS LANGS PA DE DAG LA DMIGS NAS GZHAN DAG NYON MONGS PA SKYE BAR MI 'GYUR BA STE, NYON MONGS PA MED PA DES GNAS PA'I NGANG TSUL CAN GANG YIN PA DE DAG LA DE SKAD CES BYA'O, ,RNAM PAR @231A *, ,DBYE BA 'DI NI DGA' BA'O, ,BDAG LA LUNG MI BSTAN LAGS SO ZHES BYA BA NI DE'I TSE BDAG TU LTA BA MA SPANGS PA'I PHYIR BDAG GIS RGYUN DU ZHUGS PA'I 'BRAS BU YANG RNYED PAR DKA' NA, GANG GNYI GA'I CHA LAS RNAM PAR GROL BA'I DGRA BCOM PAS THOB PAR BYA BA NYON MONGS PA MED PAR GNAS PA NYID LTA SMOS KYANG CI DGOS SNYAM DU DGONGS PA'O, ,JI LTAR NYON MONGS PA MED PAR GNAS PAR BYA SNYAM PA LA CI LA YANG MI GNAS PA ZHES BYA BA GSOL TO, ,BDAG GIS 'BRAS BU 'DUS BYAS SAM 'DUS MA BYAS 'GA' ZHIG THOB PO SNYAM DU DE LTAR MNGON PAR ZHEN PAS SU ZHIG MI GNAS PA DE NYID NYON MONGS PA MED PAR GNAS PA ZHES PHYOGS DAG TU GSUNGS TE, GZHAN NI MA YIN NO ZHES BYA BA'I THA TSIG GO, ,DA NI BDAG NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS NYON MONGS PA MA MCHIS PAR GNAS PA RNAMS KYI MCHOG TU LUNG BSTAN TO, ,BCOM LDAN 'DAS BDAG 'DOD CHAGS DANG BRAL BA DGRA BCOM PA LAGS KYANG ZHES BYA BA NI BDAG TU MNGON PAR ZHEN PAS MA YIN GYI, 'O NA JI LTA ZHE NA, THA SNYAD TZAM LA MNGON PAR ZHEN PAS YIN GYI, DE NI BDAG GIS SNGAR BSHAD ZIN TO, ,GAL TE DON DAM PAR THOB PAR BYA BA DANG, THOB PAR BYED PA CI YANG MED NA BCOM LDAN 'DAS BYANG CHUB SEMS DPAR GYUR PAS DE BZHIN GSHEGS PA MAR ME MDZAD LAS CHOS JI LTAR BLANGS, 'ON TE MA BLANGS NA NI DE'I TSE BDAG CAG CHOS LEN PAR 'DOD PA RNAMS KYIS DE BZHIN GSHEGS PA BYUNG BA LA CI'I PHYIR MNYES PAR BYA SNYAM DU GANG DAG DE LTAR RTOGS PAR GYUR PA DE DAG GIS THOS PA NYUNG BA GAGS SU GYUR PA DANG BRAL BA'I PHYIR GNAS DRUG PA'I DBANG DU MDZAD NAS, DE BZHIN GSHEGS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD LAS GANG BLANGS PA'I CHOS DE GANG YANG YOD SNYAM MAM ZHES BYA BA GSUNGS SO, ,RAB 'BYOR GYIS KYANG DGONGS PA SNGA MA NYID BZUNG NAS, DE NI MA MCHIS ZHES GSOL TO, ,DON DAM PAR THOB PAR BYA BA DANG THOB PAR BYED PA'I DNGOS POS CHOS GANG YANG BLANGS PA MED PA DE JI LTAR SNGAR BSHAD PA BZHIN NO, ,CHOS THAMS CAD RANG BZHIN GYIS ZHI BA'I YANG PHYIR RO, ,DE LTA MOD KYI DE BZHIN GSHEGS PA'I DBANG @231B GIS TSIG GI TSOGS SNA TSOGS PA LA SOGS PA SNANG BA'I SHES PA BYUNG BA TZAM LA BLANGS PA ZHES GDAGS TE, DES NA THOS PA YONGS SU BTZAL BAR 'BRAS BU DANG BCAS PA YIN NO, ,'DIS NI DON GYIS NA BYANG CHUB SEMS DPA' THOS PA YONGS SU TSOL BA'I DUS NA SANGS RGYAS BYANG BA MNYES PAR BYA'O, ,DE'I 'OG TU SANGS RGYAS KYI CHOS RNAMS BLANG BAR BYA'O SNYAM DU MNGON PAR ZHEN PA MI MTHUN PA'I PHYOGS SU YONGS SU STON TE, DE SPANG BA LA 'DUN PA DANG, SMON LAM GYIS GNAS PAR BYA BA YANG STON TO, ,MAR ME MDZAD LAS CHOS GANG YANG BLANGS SAM ZHES BYA BA PHYOGS TZAM ZHIG BRJOD PAS CHOS BLANG BA'I MTSAN MA THAMS CAD ZLOG PAR BYED DO, ,BLANGS PA'I CHOS DE GANG YANG MA MCHIS ZHES BYA BA 'DIS NI CHOS RNAMS KYI DON DAM PA GZUNG DU MED PAR RNAM PAR 'JOG PAR BYED CING, DE LA RNAL 'BYOR DU SNYOMS PAR 'JUG PA DANG G-YENG BA TSAR GCOD PA YANG STON TO, ,GNAS 'DI'I ZAB PA YANG BRJOD DO, , GAL TE LAS DANG BYED PA PO LA SOGS PA DON DAM PAR MED PA NYID YIN NA DE'I TSE BYANG CHUB SEMS DPA' DAG SANGS RGYAS KYI ZHING YONGS SU DAG PA BSGRUB PA'I PHYIR, JI LTAR SMON LAM GDAB SNYAM DU SEMS PA DE DAG DMIGS PA CHUNG NGU YID LA BYED PA SGOM PA GAGS SU GYUR PA DANG BRAL BA'I PHYIR GNAS BDUN PA'I DBANG DU MDZAD NAS BYANG CHUB SEMS DPA' GANG LA LA ZHES BYA BA LA SOGS PA GSUNGS SO, ,MI BDEN PA ZHES BYA BA NI BRDZUN PA'O, ,GAL TE DE LTA NA BCOM LDAN 'DAS KYIS BYANG CHUB SEMS DPA' RNAMS KYI ZHING YONGS SU DAG PA PHUN SUM TSOGS PA DE DANG DER JI LTAR GSUNGS SNYAM DU SEMS SHING, DE CI'I SLAD DU ZHES ZHUS PA DANG LAN DU, ZHING BKOD PA RNAMS ZHES BYA BA LA SOGS PA GSUNGS SO, ,ZHING MANG PO DAG NI ZHING BKOD PA RNAMS SO, ,BKOD PA DE DAG MED PAR ZHES BYA BA NI DON DAM PAR YAN LAG CAN GYI NGO BO'AM, RDUL PHRA RAB BSAGS PAR BKOD PA GANG YANG MED PA'I PHYIR RO, ,BKOD PA DE DAG NI MED PA KHO NA YIN MOD KYI, 'ON KYANG RMI LAM NA DMIGS PA'I ZHING BKOD PA BZHIN DU MA BRTAGS NA DGA' BA TZAM DU KUN RDZOB TU YOD PAR GSUNGS TE, DE NYID KYI PHYIR ZHING BKOD PA RNAMS ZHES BYA'O, ,DE LTA MA YIN NA DON DAM PA'I RANG BZHIN NI BRJOD PAR MI NUS PAS BRJOD PAR MI 'GYUR RO SNYAM DU @232A *, ,DGONGS PA'O, ,MI GNAS PA GONG DU YANG BSHAD MOD KYI, BRJED NGAS PA'I TSUL CAN DAG LA PHAN GDAGS PA'I DON DU, MJUG BSDU BA'I THABS KYIS DRAN PAR BYA BA'I PHYIR, DE LTA BAS NA ZHES BYA BA LA SOGS PA GSUNGS SO, ,'DI LTAR ZHES BYA BA NI JI SKAD SMOS PA'I RNAM PAS DNGOS PO GANG YANG GRUB PA MED PA'I PHYIR DE LA MI GNAS PAR SEMS BSKYED PAR BYA'O ZHES BYA BA'I THA TSIG GO, ,LHAG MA NI SNGA MA BZHIN NO, ,DE LA MI BDEN PAR SMRA BA'O ZHES BYA BA 'DIS NI DON GYIS NA DON DAM PAR BDAG GIS ZHING BKOD PA BSGRUB BO SNYAM DU MNGON PAR ZHEN PA MI MTHUN PA'I PHYOGS SU YONGS SU STON TE, ZHING BKOD PA RNAMS ZHES MTSAN MA TZAM ZHIG BRJOD PAS DMIGS PA CHUNG NGU YID LA BYED PA SGOM PA THAMS CAD DANG BRAL BAR YONGS SU STON TO, ,DMIGS PA CHUNG NGU YID LA BYED PA SGOM PA LA 'DUN PA DANG SMON LAM GDAB PA YANG STON TO, ,BKOD PA DE DAG MED PAR DE BZHIN GSHEGS PAS GSUNGS ZHES BYA BA 'DIS NI DON DAM PA RNAM PAR 'JOG PAS RNAL 'BYOR DU SNYOMS PAR 'JUG PA LA 'DZUD DE ZAB PA STON TO, ,DES NA ZHING BKOD PA RNAMS ZHES BYA'O ZHES BYA BA 'DIS NI SKUR BA 'DEBS PA'I MTHA' BKAG NAS RNAM PAR G-YENG BA TSAR GCOD PA STON TE, GNAS 'DI'I RGYA CHE BA YONGS SU STON TO, ,PHUNG PO RNAMS LAS SEMS CAN GUD NA MED DU ZIN KYANG THA MI DAD PA ZHIG YOD PA KHO NA MA YIN NAM GZHAN DU NA BYANG CHUB SEMS DPA' SEMS CAN YONGS SU SMIN PAR BYA BA'I PHYIR JI LTAR 'JUG SNYAM DU GANG SEMS PA DE SEMS CAN YAL BAR 'DOR BA'I MTSAN NYID GAGS SU 'GYUR BA DBRAL BA'I PHYIR GNAS BRGYAD PA'I DBANG DU MDZAD NAS 'DI LTA STE DPER NA ZHES BYA BA GSUNGS SO, ,SKYES BU ZHIG ZHES BYA BA NI LHA MA YIN GYI DBANG PO SGRA GCAN ZIN TE, DE'I LUS NI 'DOD PA'I KHAMS NA RI RAB KYI TSAD TZAM MO, ,DE CHER ZIN KYANG DON MED PAR DE'I CHEN PO STE, BCOM LDAN 'DAS KYIS CI'I PHYIR BSTAN PA'I DGONGS PA BRJOD PAR 'DOD PAS, DE CI'I SLAD DU ZHES DRIS PA DANG, DGONGS PA DE NYID BRJOD PA'I PHYIR, DNGOS PO MA MCHIS PA ZHES BYA BA SMOS SO, ,DON DAM PAR GCIG DANG DU MA'I RANG BZHIN DANG BRAL BA'I PHYIR NGO BO NYID MED PA KHO NA STE, RMI LAM DAG NA RMIS PA'I LUS @232B BZHIN DU DE NI KUN RDZOB BZHIN DU DE BZHIN GSHEGS PAS GSUNGS KYI DON DAM PAR NI MA YIN NO, ,DES NA LUS ZHES BGYI'O ZHES BYA BA NI 'DIR 'THAD PA SMRAS PA'O, ,'DI LTAR 'DI NI KUN RDZOB NYID DE DE'I PHYIR DE SKAD CES BYA'I DE LTA MA YIN NA DON DAM PAR CHOS GANG YANG GRUB PA MED PA'I PHYIR DE SKAD MI BRJOD DO ZHES DGONGS PA'O, ,RGYAL DBOG PA LA SOGS PA GANG DAG MED PA LA DNGOS POR KHAS LEN PA DE DAG DGAG PA'I PHYIR, DE DNGOS PO MA MCHIS PAS ZHES BYA BA SMOS SO, ,DNGOS PO MED PA NI DNGOS PO SPANGS TE GNAS PA'I MTSAN NYID YIN PAS JI LTAR DE DANG MI MTHUN PA'I NGO BOR MI 'GYUR, DE'I PHYIR LUS ZHES BYA'O, ,DE LTA MA YIN NA DON DAM PAR LUS GANG YANG GRUB PA MED PAS LUS ZHES BYA BA 'DIR CI ZHIG BRJOD DE DE'I PHYIR DNGOS PO MED PAR BSTAN PA 'DIS NI 'DI YONGS SU BSTAN PA YIN TE, LUS KYI TSAD RI RAB TZAM GANG YIN PA YANG GANG GI TSE DON DAM PAR NGO BO NYID MED PAS BDAG NYID KYI LUS MA YIN PA DE'I TSE JI LTAR GZHAN DAG GI LUS NGO BO NYID DANG BCAS PA'AM BDAG DANG BCAS PAR 'GYUR, 'DI LA DON GYIS NA BYANG CHUB SEMS DPA' SEMS CAN YONGS SU SMIN PAR BYA BA LA BRTZON PA DON DAM PAR SEMS CAN DU MNGON PAR ZHEN PA MI MTHUN PA'I PHYOGS SU STON TE, DE SPANG BAR BYA BA'I 'DUN PA DANG, SMON LAM GDAB PA YANG BSTAN TO, ,SKYES BU ZHIG CES BYA BA MTSAN MA TZAM ZHIG BRJOD PAS SGO NGA LAS SKYES PA LA SOGS PA LUS SO SO THA DAD PA THAMS CAD GZUNG BAR BRJOD DO, ,DE BZHIN GSHEGS PAS DE DNGOS PO MA MCHIS PA GSUNGS SO ZHES BYA BA 'DIS NI DON DAM PAR RNAM PAR 'JOG CING DE LA RNAL 'BYOR DU SNYOMS PAR 'JUG PA'I GNAS YONGS SU STON TO, ,ZAB PA YANG BRJOD DO, ,DE DNGOS PO MA MCHIS PAS ZHES BYA BA 'DIS NI G-YENG BA TSAR GCOD PA STON TO, ,DA NI CHOS KYI RNAM GRANGS 'DIS SHIN TU DON CHE BAR BRJOD PAS PHYI'I BSTAN BCOS LA MNGON PAR ZHEN PA RNAMS DE LA RJES SU CHAGS PA RNAM PAR G-YENG BA DANG DBRAL BA'I PHYIR GNAS DGU PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA GSUNGS SO, ,'DIS RNAM PA BZHIS CHOS KYI RNAM GRANGS 'DI'I KHYAD PAR YONGS SU STON TO, ,BSOD NAMS YONGS SU SDUD PA DANG, LHA LA SOGS PA RIM GRO BYED PA DANG, @233A *, ,BYA DKA' BA BYED PA, DE BZHIN GSHEGS PA LA SOGS PA DANG MTSUNGS PAR BYED PA'O, ,DE LA BSOD NAMS YONGS SU SDUD PA NI GZHI DE LAS BSOD NAMS MANG DU BSKYED CES GANG GSUNGS PA'O, ,LHA LA SOGS PAS RIM GRO BYED PA NI, SA PHYOGS DE NA MCHOD RTEN DU GYUR PA YIN ZHES GANG GSUNGS PA'O, ,BYA DKA' BA BYED PA NI DE DAG NGO MTSAR RAB DANG LDAN PAR 'GYUR RO ZHES GANG GSUNGS PA'O, ,DE BZHIN GSHEGS PA LA SOGS PA DANG MTSUNGS PAR BYED PA NI, SA PHYOGS DE NA STON PA'AM BLA MA LTA BU GANG YANG RUNG BA GNAS SO ZHES GANG GSUNGS PA'O, ,DE LA RIN PO CHE'I SBYIN PA'I BSOD NAMS BRJOD PA KHYAD PAR RNAM PA GNYIS KYIS KHYAD PAR DU 'PHAGS PAR YONGS SU BSTAN TE, DNGOS PO'I KHYAD PAR DANG ZHING GI KHYAD PAR RO, ,DNGOS PO'I KHYAD PAR DU 'PHAGS PA YANG RGYA CHE BA DANG, GYA NOM PA'O, ,DE LA RGYA CHE BA NI GZHI'I BYE BRAG GIS RAB TU MANG BA STE, 'JIG RTEN GYI KHAMS DE SNYED CIG CES GANG GSUNGS PA'O, ,GYA NOM PA NI 'JIG RTEN NA SHIN DU DKON PAR GRAGS PA STE, RIN PO CHE SNA BDUN GYIS RAB TU GANG BAR BYAS TE ZHES GSUNGS PA'O, ,ZHING NI BDAG DANG GZHAN GYI DON PHUN SUM TSOGS PA DANG LDAN PAS KHYAD PAR DU 'PHAGS PA'O, ,DE LA GZHAN GYI PHUN SUM TSOGS PA NI SPANG BAR BYA BA DANG, BLANG BAR BYA BA'I DON GZHAN DAG LA PHYIN CI MA LOG PAR STON PA'I PHYIR TE, DE BZHIN GSHEGS PAS ZHES GSUNGS PA'O, ,DE DNGOS PO'I DE KHO NA DE JI LTA BA BZHIN DU GSUNGS PAS NGES PA'I TSIG TU NA DE BZHIN DU GSUNGS PA ZHES BYA'O, ,BDAG GI DON PHUN SUM TSOGS PA NI YE SHES DANG SPANGS PA PHUN SUM TSOGS PA THA DAD PAS RNAM PA GNYIS TE, DE LA DGRA BCOM PA ZHES BYA BA 'DIS NI SPANGS PA PHUN SUM TSOGS PA BSTAN TE, NYON MONGS PA'I DGRA BCOM PAS NGES PA'I TSIG TU NA DGRA BCOM PA ZHES BYA'O, ,YANG DAG PAR RDZOGS PA'I SANGS RGYAS ZHES BYA BA 'DIS NI YE SHES PHUN SUM TSOGS PA BSTAN TO, ,DE'I PHYIR TSIG GSUM SMOS PA 'BRAS BU DANG BCAS PA YIN NO ZHES SPYIR BSDU BA'I DON TO, ,MOS PAR BYA ZHES BYA BA NA 'DOD PA STE, MOS PA BSKYED PAR BYA'O KHONG DU CHUD PAR BYA'O ZHES BYA BA NI RTOGS PAR BYA BA STE SHES RAB BSKYED DO ZHES BYA BA'I THA TSIG GO, ,'DI LA SNGA MA NI PHYI MA'I @233B 'BRAS BU'O, ,YANG NA PHYI MA NI SNGA MA'I BSHAD PA'O, ,BSHAD CES BYA BA NI SGRA'O, ,YANG DAG PAR BSTAN ZHES BYA BA NI 'DOD PA STE MOS PA BSKYED PA'I DON TO, ,GRANGS MED CES BYA BA NI GRANGS KYIS YONGS SU GCAD PAR MI NUS PA'I PHYIR RO, ,DPAG TU MED CES BYA BA NI MTHU DPAG PAR MI NUS PA'AM DPE MED PA'I PHYIR RO, ,'DON ZHES BYA BA NI BDAG NYID YI GE KHA TON DU BYED PA'O, ,STON ZHES BYA BA NI GZHAN DAG LA TSIG GI DON YANG DAG PAR STON PA'O, ,YANG NA 'DON PA NI TSIG GO, ,STON PA NI DON TO, ,MCHOD RTEN DU GYUR ZHES BYA BA NI PHYAG BYA BAR 'OS PA'O, ,MCHOD RTEN NYID MCHOD RTEN DU GYUR PA STE, DPER NA DBANG DU GYUR CES BYA BA BZHIN NO, ,'DI LTAR GANG ZAG LA BDAG MED PA TZAM GYI TSIGS SU BCAD PA BSTAN PAS KYANG MCHOD RTEN DU GYUR PA YIN NA BDAG MED PA GNYI GA BSTAN PA LTA SMOS KYANG CI DGOS SNYAM DU DGONGS PA'O, ,LEN PA ZHES BYA BA NI TSIG GO, ,'DZIN PA ZHES BYA BA NI MI BRJED PA'O, ,KLOG CES BYA BA NI GLEGS BAM DU BYAS PA'O, ,KUN CHUB BAR BYED CES BYA BA NI DON TO, 'DIS NI THOS PA LA BYUNG BA'I SHES RAB KYIS 'DZIN PAR BSTAN TO, ,BSAM PA DANG BSAM PA'I SHES RAB KYIS KYANG 'DZIN PA'I PHYIR TSUL BZHIN ZHES BYA BA GSUNGS TE, DON PHYIN CI MA LOG PAR KHONG DU CHUD CES BYA BA'I THA TSIG GO, ,KHA CIG LAS NI 'DZIN ZHES BYA BA'I TSIG GCIG PO 'BYUNG STE, DE LA 'DZIN PA NI TSIG DANG DON GNYI GAR BLTA BAR BYA'O, ,NGO MTSAR RAB CES BYA BA NI CHOS ZAB CING RGYA CHE BA RNAM PA 'DI LTA BU KHONG DU CHUD PA'I PHYIR RO, ,STON PA GNAS ZHES BYA BA NI CHOS SMRA BA STE, STON PA'I MDZAD PA MDZAD PA'I PHYIR TE, DE NYID SANGS RGYAS BCOM LDAN 'DAS MNGON SUM DU BZHUGS PA DANG 'DRA'O ZHES BYA BA'I THA TSIG GO, ,BLA MA LTA BU GANG YANG RUNG BA ZHES BYA BA NI 'PHAGS PA 'JAM PA'I DBYANGS LA SOGS PA GANG YANG RUNG BA STE, DE'I MDZAD PA BSGRUB PA'I PHYIR CHOS SMRA BA DE GNAS PAR BLTA'O, ,KHA CIG LAS NI GZHAN DANG GZHAN DAG CES TSIG GNYIS 'BYUNG STE, DE NI BLA MA LTA BU GANG YANG RUNG THAMS CAD KYI RNAM GRANGS TE, DE NA GNAS ZHES BSTAN PA'I PHYIR RO, ,'DI THAMS CAD KYIS NI GNAS 'DI'I RGYA CHE BA BSTAN TO, ,DON GYIS NA DAM PA'I CHOS YONGS SU BZUNG BA BTANG NAS PHYI'I BSTAN BCOS LA RJES SU CHAGS PA MI MTHUN PA'I @234A *, ,PHYOGS SU YONGS SU BSTAN TE, DE LA RJES SU CHAGS PA YONGS SU BTANG LA CHOS LA BRTZON PAR BYA BA LA 'DUN PA DANG, SMON LAM BTANG BA BSTAN TO, ,CHOS KYI RNAM GRANGS 'DI LAS ZHES BYA BA MTSAN MA TZAM ZHIG SMOS PAS PHYI'I BSTAN BCOS LA RJES SU CHAGS PA SPANGS TE, DAM PA'I CHOS THAMS CAD LA BRTZON PAR BYA'O ZHES YONGS SU STON TO, ,CHOS KYI RNAM GRANGS 'DI NUS PA BSAM GYIS MI KHYAB PA DANG LDAN PAS GZHAN LA PHAN GDAGS PA'I DON DU MING THOS PA TZAM GYIS KYANG SEMS CAN RNAMS KYI BSOD NAMS SKYE BAR BRJOD PA'I PHYIR 'PHAGS PA RAB 'BYOR GYIS 'DI'I MING CI LAGS ZHES ZHUS SO, ,'DI JI LTAR GZUNG BAR BGYI ZHES BYA BA 'DI NI BZUNG BAS KYANG BSOD NAMS DPAG TU MED PAR 'GYUR BAR YONGS SU STON TO, ,SHES RAB KYI PHA ROL TU PHYIN PA ZHES BYA BA NI GANG GI MING DE YIN PA DE LA DE SKAD CES BYA'O, ,'DIS SHES RAB KYANG YIN LA PHA ROL RTOGS SHING YONGS SU GCOD PAS PHA ROL TU PHYIN PA'O, ,DE NI SHES RAB KYANG YIN LA PHA ROL TU PHYIN PA YANG YIN NA ZHES BSDU BA'O, ,YANG NA SHES RAB KYI PHA ROL NI SHES RAB KYI PHA ROL TE DE 'DIS RTOGS SHING YONGS SU GCOD PAS NA DE SKAD CES BYA'O, ,DE YANG SHUGS KYIS NA DE BZHIN GSHEGS PA'I SHES RAB RNAM PA THAMS CAD KYI MCHOG DANG LDAN PA STE, SHES RAB GZHAN GYIS NA PHA ROL GZHAL BAR MI NUS SO, ,YANG NA SHES RAB KYI PHA ROL TU PHYIN PA NI SON TO ZHES BYA BA'I THA TSIG 'DI NYID DO, ,DE NI JI SKAD SMOS PA'I SHES RAB KHO NA STE, GZHAN NI DE'I PHA ROL TU 'GRO MI SRID PA'I PHYIR RO, ,'DIS SBYIN PA'I PHA ROL TU PHYIN PA LA SOGS PA YANG BSHAD PA YIN NO, ,DE BRJOD PAR 'GYUR BAS CHOS KYI RNAM GRANGS 'DI LA YANG DE SKAD CES BYA STE, ROL RNYED MA PHROGS PA LA SOGS PA SNYAN DNGAGS SBYAR BA BZHIN NO, ,DE NI BCOM LDAN 'DAS KYIS SO SO RANG GIS RIG PAR BYA BA NYID YIN PAS THUN MONG MA YIN PA'I PHYIR DANG, DE DON DAM PAR YANG MA SKYES PA'I PHYIR DE SGRAS BRJOD MI SRID DO SNYAM DU SEMS PA'I BSAM PA LAS BRTAGS NAS DE CI'I SLAD DU ZHES ZHUS PA DANG, LAN DU RAB 'BYOR DE BZHIN GSHEGS PAS SHES RAB KYI ROL TU PHYIN PA GANG GSUNGS PA DE ZHES BYA BA BKA' STZAL TO, ,DE @234B DON DAM PA SO SO RANG GIS RIG PAR BYA BA YIN PAS THUN MONG MA YIN PA'I PHYIR DANG, DON DAM PAR CHOS THAMS CAD SHIN TU MA SKYES PA'I PHYIR SGRAS BRJOD DU MI RUNG MOD KYI, 'ON KYANG RNAM PAR RTOG PA'I GZUGS BRNYAN GYI RANG GI NGO BO LA PHYI ROL TU SGRO BTAGS TE, RNAM PAR RTOG PA DE YANG RANG BZHIN GYIS 'KHRUL PA YIN PAS DES SGRO BTAGS PA'I RNAM PA DE YANG BRDZUN PA NYID DO, ,DES NA SHES RAB KYI PHA ROL TU PHYIN PA RNAM PAR RTOG PA'I GZUGS BRNYAN DU GYUR PA GANG DE BZHIN GSHEGS PAS GSUNGS SHING SGRAS GO BAR BYAS PA DE NYID PHA ROL TU PHYIN PA MED PA YIN GYI, DE BZHIN GSHEGS PA'I SHES RAB NI MA YIN TE, DE NI BDEN PA'I KUN RDZOB TU SHES BYA'I PA ROL TU SON PA'I PHYIR RO, ,DE LTA MA YIN NA BCOM LDAN 'DAS THAMS CAD MKHYEN PAR JI LTAR 'GYUR, RTOGS PAR BYED PA 'KHRUL PAS DE DANG RNAM PAR RTOG PA'I GZUGS BRNYAN DU GYUR PA THA DAD PAR KHONG DU MI CHUD PA'I PHYIR RO, ,DES SHES PA'I NGO BOR DON DAM PA'I SHES RAB DE NYID DE BZHIN GSHEGS PAS GSUNGS ZHES BYA'O, ,DES NA DE LTAR BSTAN PA LA 'GAL BA MED DO SNYAM DU DGONGS PA'O, ,YANG NA DE BZHIN GSHEGS PA'I SHES RAB GANG YIN PA RTOGS PAR BYED PA'I NGO BOR DE BZHIN GSHEGS PAS GSUNGS PA DE NYID DON DAM PAR MED PA KHO NA STE, DE DON DAM PAR NA PHA ROL TU 'GRO BA MED PA'I PHYIR RO, ,NYID CES BYA BA'I SGRA NI PHA ROL TU PHYIN PA MED CES BYA BA'I 'OG TU GZHAG PAR BLTA'O, ,'DIS NI DON DAM PAR RNAM PAR 'JOG CING DE LA RNAL 'BYOR DU SNYOMS PAR 'JUG PAS JI LTAR BSGRUB PAR BYA BA YONGS SU BSTAN TO, ,JI LTAR SHES RAB KYI PHA ROL TU PHYIN PA RNAM PAR RTOG PA'I GZUGS BRNYAN GYI RANG GI NGO BO KHO NA LA PHYI ROL TU SGRO BTAGS NAS BCOM LDAN 'DAS KYIS GSUNGS KYI, GZHAN DU NI MA YIN PA DE BZHIN CHOS THAMS CAD KYANG DE BZHIN GSHEGS PAS GSUNGS PAR BSTAN PA'I PHYIR RAB 'BYOR 'DI CI SNYAM DU SEMS ZHES BYA BA GSUNGS TE, DON DAM PAR CHOS THAMS CAD GRUB PA MED PA'I PHYIR RO, ,GRUB TU CHUD NA YANG RANG GI MTSAN NYID RNAMS NI THUN MONG MA YIN PAS BRDA GDAGS MI NUS PA'I PHYIR RO, ,SPYI'I MTSAN NYID NI BTAGS PA'I PHYIR RO, ,RANG GI MTSAN @235A *, ,NYID DANG SPYI'I MTSAN NYID LAS MA GTOGS PAR BRJOD PAR BYA BA GZHAN NI MED DE, DE GNYIS PHAN TSUN SPANGS TE GNAS PA'I MTSAN NYID YIN PA'I PHYIR RO, ,DE LTA BAS NA DON DAM PAR GANG DE BZHIN GSHEGS PAS GSUNGS PA'I CHOS DE GANG YANG MED PAR DGONGS PA'I GNAS BRTAN RAB 'BYOR GYIS BCOM LDAN 'DAS DE BZHIN GSHEGS PAS GSUNGS PA'I CHOS DE GANG YANG MA MCHIS SO ZHES GSOL TO, ,'DIS NI RNAM PAR G-YENG BA TSAR BCAD PA DANG, ZAB PA BSTAN TO, ,DE LTAR CHOS THAMS CAD LA BDAG MED PAR RGYA CHER BSTAN DU ZIN KYANG LAS DANG PO PA GANG DAG 'DI SNYAM DU JI LTAR CHOS THAMS CAD BDAG MED PAR BSGOM SNYAM SEMS PA DE DAG DNGOS PO'I MTSAN MA ZIL GYIS GNON PA LA THABS MI MKHAS PA DANG DBRAL BA'I PHYIR GNAS BCU PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'DI LA THABS RNAM PA GNYIS KYIS GCIG DANG DU MA'I RANG BZHIN DANG BRAL BAR KHONG DU CHUD PAS CHOS THAMS CAD BDAG MED PAR BSGOM PAR BYA'O ZHES STON TO, ,DE LA THABS RNAM PA GNYIS NI BSAB PAR BYA BA'I THABS DANG, SNANG BA MED PAR BYA BA'I THABS SO, ,DE LA SNA'I RDUL JI SNYED YOD PA ZHES BYA BA 'DIS NI GCIG PU'I RANG BZHIN DANG BRAL BAR KHONG DU CHUD NA BSRAB PAR BYA BA'I THABS YIN PAR STON TE, 'JIG RTEN GYI KHAMS 'DI NI GCIG PUR RIGS PA MA YIN TE, BSGRIBS PA DANG MA BSGRIBS PA LA SOGS PA GSAL BA'I CHOS DANG LDAN PA'I PHYIR RO, ,DES NA DU MAR BSHIG NA RDUL PHRA RAB BSHIG PAR KHAS BLANG BAR BYA'O,, DE'I PHYIR RDUL PHRA RAB TU BSGOM NA GCIG PU NYID DU SPONG BAR 'GYUR RO ZHES STON TO, ,BYANG CHUB SEMS DPA' PHAL CHER DMIGS PA CHUNG NGU MA YIN PA YID LA BYED PAS STONG GSUM GYI STONG CHEN PO'I 'JIG RTEN GYI KHAMS LA DMIGS PA'I PHYIR STONG GSUM GYI STONG CHEN PO ZHES SMOS SO, ,'DIS NI RGYA CHE BA YONGS SU BSTAN TE, RDUL PHRA RAB DE DAG KYANG PHYOGS CHA'I BYE BRAG GIS THA MI DAD PA'I PHYIR GRUB PA MED PA KHO NA YIN NA, JI LTAR RDUL DE MANG POR 'GYUR ZHES RGOL BA'I BSAM PA LAS BRTAGS NAS CI'I SLAD DU ZHES GSOL NAS, 'DIR LAN DU SA'I RDUL GANG LAGS PA DE ZHES BYA BA DE GSOL TO, ,SA'I RDUL @235B DE MANG PO GCIG PA NYID DU 'DZIN PA GSAL BA'I PHYIR RDUL PHRA RAB KYI NGO BOR GSUNGS PA GANG YIN PA DE NI RDUL MED PA KHO NA STE, DON DAM PAR NA SGYU MAS SPRUL PA'I NGO BO BZHIN DU RDUL PHRA RAB MED PA KHO NA LAS BLOS RAB TU BRTAGS PA'I BDAG NYID YIN PA'I PHYIR RO, ,'DIS NI GCIG PUR 'DZIN PA'I THABS TZAM DU GSUNGS PAR ZAD KYI DON DAM PAR NI MA YIN NO, ,DES NA SA'I RDUL ZHES BGYI'O ZHES BYA BA NI DE RIGS PA'I KUN RDZOB TU YOD PA'I PHYIR RO, ,DE LTA MA YIN NA DON DAM PAR DE MED PA'I PHYIR DANG, RANG GI MTSAN NYID NI BRJOD DU MI RUNG BA'I PHYIR BRJOD PAR MI 'GYUR RO SNYAM PA KHO NAR DGONGS PA'O, ,BRJOD PA'I KUN RDZOB TU DE BSTAN PAR YANG MI RIGS TE, DE'I RANG GI NGO BO NI GZHAN YANG MI SNANG BA'I PHYIR RO, ,'DIS NI DU MA'I RANG BZHIN DANG BRAL BAR KHONG DU CHUD PA'I THABS NI SNANG BA MED PAR BYA BA YIN PAR STON TO, ,'DI LTAR MJUG TU PHRA RAB RNAMS KYANG RIGS PAS SO SOR BTAGS NAS SNANG BAR BYED PAS NA, 'JIG RTEN GYI KHAMS RNAMS DU MA'I RANG BZHIN DANG BRAL BAR RTOGS PAR 'GYUR ZHING DE'I 'OG TU RANG BZHIN MED PAR KHONG DU CHUD DO, ,DE LTAR RE ZHIG SNOD KYI 'JIG RTEN GCIG DANG DU MA'I RANG BZHIN DANG BRAL BAS RANG BZHIN NI MED PA KHO NAR BRJOD NAS SEMS CAN GYI 'JIG RTEN YANG BRJOD PA'I PHYIR, 'JIG RTEN GYI KHAMS GANG LAGS PA DE ZHES BYA BA GSOL TO, ,'JIG RTEN GYI KHAMS NI 'DIR SEMS CAN GYI 'JIG RTEN LA DGONGS PA STE, GZHAN NI SNGAR BSHAD ZIN PA'I PHYIR RO, ,DE KHAMS MA MCHIS PAR ZHES BYA BA DE GCIG DANG DU MA'I RANG BZHIN DANG BRAL BA'I PHYIR RO SNYAM DU DGONGS PA STE, 'DI LTAR RE ZHIG DE LAS GZUGS KYI PHUNG PO GANG YIN PA DE NI SNOD KYI 'JIG RTEN NYID KYIS BSHAD DO, ,PHUNG PO LHAG MA BZHI NI JI LTAR GCIG DANG DU MA'I RANG BZHIN DANG MI LDAN PAR SNGAR DPYAD PA NYID DO, ,DE LTA MA YIN PAS NA CHOS THAMS CAD SGYU MA BZHIN DU DON DAM PAR RANG BZHIN MED PAR RNAL 'BYOR PA RNAMS KYIS MTHONG NGO, ,'DIS NI ZAB PA YANG BRJOD DO, ,DON GYIS NA DON DAM PAR SNOD DANG SEMS CAN GYI 'JIG RTEN LA DNGOS POR MNGON PAR ZHEN PA MI MTHUN PA'I PHYOGS SU YONGS SU BSTAN TO, ,DE SPANG BAR @236A *, ,BYA BA'I PHYIR 'DUN PA DANG, SMON LAM GDAB PA YANG BSTAN TE, STONG GSUM GYI STONG CHEN PO'I 'JIG RTEN GYI KHAMS ZHES MTSAN MA TZAM ZHIG YONGS SU BRJOD PAS DNGOS PO MTHA' DAG RANG BZHIN MED PAR BSGOM PAR YONGS SU STON TO, ,DE RDUL MA MCHIS PAR ZHES BYA BA DANG, KHAMS MA MCHIS PAR ZHES BYA BA 'DIS NI DON DAM PAR RNAM PAR 'JOG PA 'DIS NI RNAL 'BYOR DU SNYOMS PAR 'JUG PAS JI LTAR BSGRUB PAR BYA BA DE YONGS SU BSTAN TO, ,DES NA 'JIG RTEN GYI KHAMS ZHES BGYI'O ZHES BYA BA 'DIS NI SKUR PA 'DEBS PA'I MTHA' BKAG NAS G-YENG BA TSAR GCOD PA BSTAN TO, ,DA NI BYANG CHUB SEMS DPA' GANG DAG BSOD NAMS KYI TSOGS BSGRUBS PA'I SHIN TU PHAN 'DOGS PAS BCOM LDAN 'DAS LA MCHOD PA NA DE'I SKU RNAM PAR MI 'JIG PA DE DAG BSOD NAMS KYI TSOGS YONGS SU RDZOGS PAR MI 'GYUR TE, YANG DAG PA YID LA BYED PA LA MA ZHUGS PA'I PHYIR RO, ,DE BAS NA DE DAG CHOGS MA BSAGS PA DANG BRAL BA'I PHYIR GNAS BCU GCIG PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'DIR SPYIR BSDU BA'I DON NI 'DI YIN TE, DE BZHIN GSHEGS PA LA MCHOD PA DANG, RIM GRO BYED PA NA MTSAN PHUN SUM TSOGS PAS DE BZHIN GSHEGS PAR MI LTA'I, 'O NA JI LTA BU ZHE NA, DON DAM PA CHOS NYID DU ZHES BYA BA'O, ,LHAG MA'I BSHAD PA NI GZUGS KYI SKU THOB PAR 'DUN PA'I GNAS DANG 'DIR MTHUN NO, ,'DI LA TSIG ZLOS PA SNYAM DU DOGS PAR YANG MI BYA STE, SNGAR NI GZUGS KYI SKU THOB PAR 'DUN PA'I DUS NA DE RNAM PAR GZHIG PAR BSTAN, DA NI DE BZHIN GSHEGS PA LA MCHOD PA DANG RIM GRO BA PA'I DUS NA BSTAN PAS THA DAD DO, ,'DIR DON GYIS NA GZUGS KYI SKU LA DE BZHIN GSHEGS PAR MNGON PAR ZHEN PA MI MTHUN PA'I PHYOGS SU YONGS SU BSTAN TE, DE SPANG BAR BYA BA'I PHYIR 'DUN PA DANG SMON LAM GDAB PAR YANG BSTAN TO, ,MCHAN PHUN SUM TSOGS PA ZHES MTSAN MA TZAM ZHIG BRJOD PAS GZUGS KYI SKU MTHA' DAG YONGS SU BSTAN TO, ,MTSAN MA MCHIS PAR ZHES BYA BA NI DON DAM PA RNAM PAR 'JOG PA'O, ,DES NA ZHES BYA BA LA SOGS PAS NI G-YENG BA TSAR GCOD PA BSTAN TO, ,DE LTAR CHOS THAMS CAD LA BDAG MED PAR @236B RTOGS PAR BYA BA'I THABS BSTAN DU ZIN KYANG LUS DANG SROG LA CHAGS SHING RNYED PA DANG BKUR STI LA GDU BA GANG DAG LE LO DANG RNYED PA DANG BKUR STI DANG BSOD SNYOMS LA CHAGS PAR GYUR PA DE DAG DE LA CHAGS PA DANG BRAL BA'I PHYIR GNAS BCU GNYIS PA'I DBANG DU MDZAD NAS, RAB 'BYOR SKYES PA'AM BUD MED GANG GIS ZHES BYA BA LA SOGS PA GSUNGS SO, ,'DIS NI SNYING PO MED PA SDUG BSNGAL BRGYA STONG DU MA'I GNAS LUS GCIG GI PHYIR KHYED LA CHAGS NAS LUS 'DI SNYED YONGS SU BTANG BAS KYANG MI RNYED PA'I BSOD NAMS GANG YIN PA DE'I BAR CHAD BYED KYIS, LUS DANG SROG LA MI LTA BA'I SEMS KYIS BDAG NYID THAMS CAD KYIS 'DI LA BRTZON PAR BYA BA'I RIGS SO ZHES YONGS SU BSTAN TO, ,'DIS NI DON GYIS NA LE LO LA SOGS PA MI MTHUN PA'I PHYOGS SU YONGS SU BSTAN TO, ,DE SPANG PA'I PHYIR DAM PA'I CHOS YONGS SU BZUNG BA LA SOGS PA'I DON DU 'DUN PA DANG SMON LAM GDAB PA YANG STON TO, ,CHOS KYI RNAM GRANGS 'DI LAS ZHES MTSAN MA TZAM ZHIG BRJOD PAS NI THEG PA CHEN PO MTHA' DAG LA NYAN PA LA SOGS PAR MDZAD PA'O, ,BSOD NAMS CHES MANG DU ZHES BYA BA 'DIS NI RGYA CHE BA BRJOD DO, ,CHOS KYI SHUGS KYIS ZHES BYA BA NI CHOS LA DAD PA'I SHUGS KYIS ZHES BYA BA'I THA TSIG GO, ,'PHAGS PA RAB 'BYOR MCHI MA BYUNG BA DE YANG BCOM LDAN 'DAS KYI BYIN GYIS RLABS KYIS LE LO CAN GZHAN DAG THEG PA CHEN PO'I CHOS RMAD DU BYUNG BA BRJOD PAS SHIN TU DAD PA BSKYED PA'I DON DU BLTA BAR BYA'O, ,DE'I PHYIR LAG PAS MCHI MA PHYIS NAS BCOM LDAN 'DAS LA 'DI SKAD CES GSOL TO, ,CHOS KYI RNAM GRANGS 'DI DE BZHIN GSHEGS PA JI SNYED PAS GSUNGS PA NI BCOM LDAN 'DAS NGO MTSAR LAGS SO ZHES BYA BA GSOL TO, ,JI SNYED PAS ZHES BYA BA NI MI BYED PA'I BYE BRAG STE, BSHAD PAR BYA BAR 'OS PA'I RNAM PA JI SNYED KYIS BYANG CHUB SEMS DPA' RNAMS LA GSUNGS SHIG CES BYA BA'I THA TSIG GO; ,CI'I PHYIR SNYAM PA LA, BDAG GI YE SHES SKYES TSUN CHAD CES BYA BA GSOL TO, ,TSUN CHAD CES BYA BA NI 'PHAGS PA'I BDEN PA'I SPYOD YUL GYI YE SHES SKYES PA NAS BZUNG STE, DE'I BAR GYI CHOS KYI RNAM GRANGS BSOD NAMS KYI 'BRAS BU MCHOG TU JI SKAD BSTAN PA NYAN THOS DANG RANG SANGS @237A *, ,RGYAS KYI SPYOD YUL MA YIN PA 'DI LTA BU SNGON CHAD MA THOS SO ZHES BYA BA'I THA TSIG GO, ,'DIS NI RNYED DKA' BAR BRJOD DO, ,DE LTAR BSOD NAMS KHYAD ZHUGS PA DE THOS NAS BRTZON 'GRUS BRTZAMS TE 'JUG PA GANG DAG CHOS 'DI LA SGRA JI BZHIN DU 'DU SHES PAR 'GYUR BA DE DAG GI NYES PA DE YONGS SU SPANG BA'I PHYIR NGO MTSAR RAB CES BYA BA 'DI GSOL TE, BSOD NAMS RGYA CHEN PO SKYED PA SKYE BO MA RABS KYIS DAD PAR DKA' BA DE LTA BU LA MOS PA'I PHYIR DANG, GANG ZAG DANG CHOS LA BDAG MED PA SHIN TU ZAB PA LA MOS PA'I PHYIR BDAG LTA BU GANG ZAG LA BDAG MED PA TZAM RTOGS PA DAG PAS DE DE DAG NGO MTSAR RAB DANG LDAN PAR 'GYUR RO, ,YANG DAG PAR 'DU SHES ZHES BYA BA NI, DON PHYIN CI MA LOG PAR 'DU SHES PA LA BYA'I SGRA JI BZHIN DU MNGON PAR ZHEN NAS 'DI NI YANG DAG PA'O SNYAM DU 'DU SHES PA LA NI MI BYA'O, ,'DI LTAR 'DIR CHOS THAMS CAD RANG BZHIN MED PA DON DAM PA LA DGONGS NAS BSTAN GYI KUN RDZOB TU NI RANG BZHIN MED PA MA YIN PA'I PHYIR RO, ,DES NA MTHONG BA LA SOGS PA DANG 'GAL BA MA YIN NO SNYAM DU DGONGS PA'O, ,GAL TE YANG DAG PAR 'DU SHES PA YOD PA NA 'DU SHES YOD PAR BYA BA YANG DON DAM PAR YOD PAR 'GYUR TE, 'DU SHES PAR BYA BA MED NA 'DU SHES KYANG MED PAR THAL BAR 'GYUR BA'I PHYIR RO, ,DE'I PHYIR CHOS THAMS CAD DON DAM PAR RANG BZHIN MED PAR JI LTAR 'GRUB SNYAM DU SEMS PA'I KLAN KA LA BRTAGS NAS, DE CI'I SLAD DU ZHES BYA BA GSOL TE, LAN DU BCOM LDAN 'DAS YANG DAG PAR 'DU SHES PA GANG LAGS PA ZHES BYA BA GSOL TO, ,'DU SHES PAR BYA BA DANG, GANG YANG MED PA DANG, GCIG DANG DU MA'I RANG BZHIN DANG BRAL BA'I PHYIR DON DAM PAR DE NYID 'DU SHES MED PA STE, DE'I PHYIR YANG DAG PAR 'DU SHES PA DE LA YANG DAG PAR 'DU SHES PAR MI BYA'O ZHES BSTAN TO, ,GANG GI PHYIR MA BRTAGS NA DGA' BA TZAM DU YOD PA DE'I PHYIR DE YANG DAG PAR 'DU SHES ZHES DE BZHIN GSHEGS PA GSUNG NGO, ,DE LTA MA YIN NA RNAM PA THAMS CAD DU MED PA'I PHYIR GSUNG BAR MI 'GYUR RO, ,'DIS NI DON DAM PAR RNAM PAR 'JOG CING JI LTAR RNAL 'BYOR DU SNYOMS PAR 'JUG PAS BSGRUB PAR BYA BA DANG, JI LTAR RNAM PAR G-YENG BA TSAR GCAD PAR BYA BA @237B DE GNYI GA BSTAN TO, ,ZAB PA YANG BRJOD DO, ,SGRO 'DOGS PA DANG SKUR PA 'DEBS PA'I MTHA' YANG SPANGS SO, ,LE LO CAN DE DAG NYID NGO MTSAR BA BSKYED PA'I PHYIR BDAG CHOS KYI RNAM GRANGS 'DI BSHAD PA LA RTOG CING MOS PA NI BDAG LA NGO MTSAR MA LAGS KYI, BCOM LDAN 'DAS SLAD MA'I TSE SLAD MA'I DUS LNGA BRGYA PA THA MA LA SEMS CAN GANG DAG CHOS KYI RNAM GRANGS 'DI LEN PA DANG, 'DZIN PA DANG, KUN CHUB PAR BGYID PA DE DAG NI NGO MTSAR RAB DANG LDAN PAR 'GYUR LAGS SO ZHES BYA BA GSOL TO, ,'DI'I PHYIR BSDU BA'I DON 'DI YIN TE MA 'ONGS PA NA DAM PA'I CHOS RAB TU RNAM PAR 'JIG PAR 'GYUR BA'I DUS NA BYANG CHUB SEMS DPA' GANG DAG CHOS KYI RNAM GRANGS 'DI 'DZIN PAR 'GYUR LA, DE DAG GANG ZAG LA SOGS PAR 'DZIN PAR MI 'GYUR BA DE LTA BU DAG KYANG 'BYUNG BAR 'GYUR NA, KHYED CAG DAM PA'I CHOS KYI DGA' STON DANG BCAS PA'I DUS NA YANG SGRUB PA DE 'DRA BA MED PAS NA 'DI NI KHYED KYI SHIN TU NGO TSA BA'I GNAS YIN NO ZHES BYA BA'O, ,DE LA BDAG CES BYA BA NI GANG ZAG LA BDAG MED PAR RTOGS PA'O, ,'DI ZHES BYA BA NI GANG ZAG DANG CHOS LA BDAG MED PAR YONGS SU STON PA'O, ,BSHAD PA LA ZHES BYA BA NI BCOM LDAN 'DAS KYIS MNGON SUM DU GSAL BAR MDZAD PA'O, ,RTOG PA ZHES BYA BA NI DANG BA'I RNAM PA STE DANG BAR STON TO, ,MOS PA ZHES BYA BA NI YID CHES PA'I RNAM PA'O, ,SEMS CAN DE DAG CES BYA BA NI BCOM LDAN 'DAS BSKAL PA MA 'ONGS PA'I DUS NA 'BYUNG BA DAG GO, ,'DIR LEN PA LA SOGS PA'I TSIG SMOS PA GANG YIN PA DE NI SNGAR BSHAD PAR ZAD DO, ,DE NI 'DI SKAD DU BSTAN PAR 'GYUR TE, GANG ZAG LA BDAG MED PA TZAM RTOGS PA BDAG BCOM LDAN 'DAS LAS MNGON SUM DU THOS PA'I STOBS KYIS BDAG MED PA GNYIS KYI TSUL STON PAR BYED PA'I CHOS 'DI LTA BU LA DAD CING YID CHES PA TZAM DU GYUR PA GANG YIN PA DE NGO MTSAR MA YIN GYI, GANG BCOM LDAN 'DAS BSKAL PA NA 'DI LA 'DZIN PA LA SOGS PA'I RIM GYIS CHOS KYI RNAM GRANGS 'DI LTA BU RTOGS NAS KUN CHUB PAR BYED PA DE DAG NGO MTSAR RAB DANG LDAN PAR 'GYUR TE, BCOM LDAN 'DAS DANG BSKAL PA THEG PA CHEN PO SPONG BA MANG BA NA DE LA DAD PA @238A *, ,SKYES PA NI SHIN TU DKON PA'I PHYIR RO SNYAM DU DGONGS PA'O, ,'DIS NI LE LO SPANGS TE DAM PA'I CHOS GZUNG BA LA SOGS PA LA 'DUN PA DANG, SMON LAM GYIS GNAS PAR BYA BA BSTAN PA YIN NO, ,DE DAG LUNG 'BA' ZHIG DANG LDAN PAR 'GYUR BAR MA ZAD KYI RTOGS PA PHUN SUM TSOGS PAR YANG BSTAN PA'I PHYIR YANG BCOM LDAN 'DAS ZHES BYA BA GSOL TO, ,BDAG CES BYA BA LA SOGS PA SMOS PA NI MTSON PA STE, DE NA DE DAG CHOS SU 'DU SHES 'JUG PAR MI 'GYUR TE, BDAG MED PA GNYI GA CIG CAR RTOGS PA'I PHYIR RO, ,GAL TE BDAG MED PA LA SOGS PA YOD NA NI DE'I TSE NGES PAR DE 'DU SHES PA YANG 'JUG GO SNYAM DU SEMS PA LA, DE CI'I SLAD DU ZHE NA ZHES GSOL NAS, LAN DU BDAG TU 'DU SHES PA ZHES BYA BA GSOL TO, ,'DIS NI BDAG LA SOGS PA JI SKAD SMOS PA LTAR RE ZHIG ZHOG GANG 'DI NI NGA'O SNYAM DU BDAG TU 'DU SHES PA SKYE BO THAMS CAD LA GRAGS PA DE YANG BRTAGS PA'I KHUR MI BZOD PAS CI YANG MA YIN NA BDAG LA SOGS PA MYONG BA MED PA DNGOS PO YOD PAR MI 'GYUR BA LTA SMOS KYANG CI DGOS ZHES DE SKAD STON TE, 'DIS NI RNAL 'BYOR DU SNYOMS PAR 'JUG PA BSTAN TO, ,GAL TE BDAG LA SOGS PA MED DU ZIN KYANG DE DAG TU PHYIN CI LOG TU GYUR NAS, BDAG LA SOGS PAR 'DU SHES 'JUG PAR MI 'GYUR RO ZHES BYA BA CI MNGON SNYAM DU SEMS PA'I DRI BA NANG DU BRJOD PA BZHAG PA LA BRTAGS NAS, DE CI'I SLAD DU ZHES GSOL TE, LAN DU SANGS RGYAS BCOM LDAN 'DAS RNAMS NI 'DU SHES THAMS CAD DANG BRAL BA'I SLAD DU'O ZHES BYA BA GSOL TO, ,'DI LA DON NI 'DI YIN TE, DNGOS PO MA LUS PAR DE KHO NA JI LTA BA BZHIN DU THUGS SU CHUD PAS SANGS RGYAS BCOM LDAN 'DAS RNAMS ZHES BYA'O, ,DON DAM PAR 'DU SHES PAR BYA BA GANG YANG MED PAS DE DAG GANG DU YANG 'DU SHES MI 'JUG GO, ,DE LTA MA YIN NA PHYIN CI LOG TU 'GYUR RO, ,BYANG CHUB SEMS DPA' RNAMS NI SANGS RGYAS KYI RJES SU SLOB PAS 'JUG PA YIN NO, ,DE LTA MA YIN NA DE'I GO 'PHANG JI LTAR THOB PAR 'GYUR, DES NA SANGS RGYAS BCOM LDAN 'DAS RNAMS KYIS 'DU SHES THAMS CAD DANG BRAL BA LA JI LTAR BSLAB PA DE BZHIN @238B DU; BYANG CHUB SEMS DPA' RNAMS KYIS KYANG BSLAB PAR BYA'O, ,DE'I PHYIR BYANG CHUB SEMS DPA' GANG DAG DE'I RJES SU SLOB PA DE DAG BDAG LA SOGS PAR 'DU SHES MI 'JUG PAR NGES SO, ,DE DE BZHIN NO ZHES BYA BA NI 'DUL BA RNAMS NGES PA'I PHYIR BCOM LDAN 'DAS KYIS ZHAL GYIS BZHES NAS LAN GNYIS SU GSUNGS SO, ,'DI YAN CHAD NI BRTZON 'GRUS LAS LDOG PA'I DBANG DU MDZAD NAS GSUNGS SO, ,DA NI GANG ZAG CHOS ZAB MO 'DI THOS NAS YID SKRAG STE, THOG MA KHO NAR BRTZON 'GRUS MI RTZOM PA DE DAG BRTZON 'GRUS MI RTZOM PA DE DANG BRAL BA'I PHYIR SEMS CAN GANG DAG CES BYA BA LA SOGS PA GSUNGS SO, ,SKRAG NA BRTZON 'GRUS MI RTZOM STE, ,NYAN THOS KYI THEG PAR NI BCOM LDAN 'DAS KYIS 'DI NI CHOS TZAM DU ZAD DE 'DI LA GANG ZAG NI MED PA KHO NA'O ZHES BSTAN LA, THEG PA CHEN POR NI CHOS TZAM PO DE DAG YANG BRDZUN PA'O ZHES BSTAN PAS DE LA THOG MA MED PA'I DUS NA LHAN CIG SKYES PA'I BDAG TU LTA BA DANG 'BREL PA'I SNYING CAN LUS MA BSGOMS PA DAG GANG ZAG BDAG MED PA THOS NAS NGA MED DO ZHES SKRAG PAR 'GYUR TE, DE DGAG PA'I PHYIR MI SKRAG PA ZHES BYA BA GSUNGS SO, ,GANG DAG CHOS TZAM LA MNGON PAR ZHEN PA DE DAG CHOS LA BDAG MED PA BSTAN PA THOS PA'I DUS NA KUN TU SKRAG PAR 'GYUR TE, CHOS TZAM PO GANG YIN PA DE YANG MED PAS KYE MA'O BDAG NI MA RUNG NGO SNYAM DU SEMS TE, PHYOGS BCUR BLTAS KYANG SKYABS MED PAS KUN TU SKRAG PAR 'GYUR BAS DE DGAG PA'I PHYIR KUN TU MI DNGANG ZHES BYA BA GSUNGS SO, ,SEMS PA'I DUS NA GNYI GA MED PAR SBYOR MI NUS PAS KUN TU DNGANG BAR 'GYUR RO, ,BDAG CAG GIS JI LTAR BDAG MED PA GNYI GA KHONG DU CHUD PAR BYA ZHES THOG MA KHO NAR KUN TU SKRAG PAR 'GYUR BA DE DGAG PA'I PHYIR KUN TU DNGANG BAR MI 'GYUR ZHES BYA BA GSUNGS SO, ,GZHAN DAG NA RE BDAG MED PA RNAM GNYIS KHONG DU MA CHUD PAS SKRAG PA GANG YIN PA DE'I TSE CHUNG NGU DANG 'BRING DANG CHEN PO RNAMS TSIG GSUM PO DAG GIS GO RIMS BZHIN DU BSTAN TE ZHE'O, ,GZHAN DAG NA RE SKRAG PA RNAM PA GSUM NI THOS PA DANG, SEMS PA DANG, BSGOM PA'I DUS NA'O ZHE'O, ,DA NI RNYED PA DANG BKUR STI LA CHAGS PA DBRAL BA'I PHYIR DE DAG @239A *, ,NGO MTSAR RAB DANG LDAN PAR 'GYUR ZHES THOS PAR 'DOD PA LA PHAN GDAGS PA'I PHYIR BDAG NYID KYIS DRI BA SNGON DU BTANG NAS DE CI'I PHYIR ZHES BYA BA GSUNGS SO, ,PHA ROL TU PHYIN PA DAM PA 'DI NI ZHES BYA BA SMOS TE, SHES RAB KYI PHA ROL TU PHYIN PA 'DI NI BYANG CHUB DANG NYE BA'I RGYU YIN PA DANG; 'DI DANG BRAL BA'I SBYIN PA LA SOGS PA PHA ROL TU PHYIN PA MED PA'I PHYIR PHA ROL TU PHYIN PA THAMS CAD KYI MCHOG YIN NO, ,NGA NYAG GCIG GIS 'DI DAM PAR GSUNGS PA MA YIN GYI, SANGS RGYAS THAMS CAD KYIS KYANG 'DI DAM PAR GSUNGS SO ZHES BSTAN PA'I PHYIR PHA ROL TU PHYIN PA DAM PA GANG ZHES BYA BA GSUNGS SO, ,'DIS NI SANGS RGYAS GCIG GIS GSUNGS PA YANG DON PHYIN CI MA LOG PAS DE BZHIN NYID DU GZUNG NA GANG SANGS RGYAS THAMS CAD KYIS GCIG TU DGONGS PA LTA SMOS KYANG CI DGOS ZHES DE SKAD STON TO, ,DES NA DAM PA LA BDAG NYID THAMS CAD KYIS BSGRUB NA JI LTAR NGO MTSAR RAB DANG LDAN PAR MI 'GYUR, DAM PAR BSTAN PA 'DI NI NGO TSA BA'I GNAS GNYIS PA BSTAN PA YIN TE, DE LTAR CHOS 'DI MCHOG YIN NA KHYED 'DI LTAR RNYED PA DANG BKUR STI LA CHAGS TE BAG MED PAR GNAS PA DE NI SHIN TU NGO TSA BAR BYED PA'O ZHES BYA'O, ,'DIS NI SEMS RAB TU GZUNG BA BSTAN TO, ,DE LTAR NGO TSA BA'I GNAS BSHAD DU ZIN KYANG GANG DAG SDUG BSNGAL MI BZOD PAS SHIN TU BRTZON 'GRUS RTZOM PAR MI SPRO BA DE DAG SDUG BSNGAL MI BZOD PA DANG BRAL BA'I PHYIR GNAS BCU GSUM PA'I DBANG DU MDZAD NAS YANG RAB 'BYOR CES BYA BA LA SOGS PA GSUNGS SO, ,'DI LA JI LTAR BZOD PA DANG, BZOD PA DE RTAGS GANG GIS SHES PA DANG, RNAM PA GANG YIN PA DANG, DE RNAM PA JI LTA BU DANG, MI BZOD PA'I GZHI'I GNYEN PO GANG YIN PA DE GNAS 'DI STON TE, ,JI LTAR BZOD CE NA, CHOS THAMS CAD KYI RANG BZHIN MI DMIGS PA STE, DE BZHIN GSHEGS PA'I BZOD PA'I PHA ROL TU PHYIN PA GANG YIN PA DE NYID PHA ROL TU PHYIN PA MED DO ZHES GSUNGS PA GANG YIN PA STE, DON DAM PAR DU BZOD PA DANG, GANG GIS BZOD PA DANG, GANG LA BZOD PA DANG, GANG BZOD PAR BYA BA DANG, BZOD PA GANG YIN PA DE THAMS CAD MI DMIGS PAS DE PHA ROL TU PHYIN PA MED PA NYID DO, , @239B DON DAM PAR DE LTAR MA SKYES PA'I PHYIR DE PHA ROL TU 'GRO BA MED DO SNYAM DU DGONGS PA'O, ,'DIS NI BZOD PA DE NGO BO NYID KYIS SKYE BA MED PAR BSTAN TE, ZAB PA YANG BRJOD DO, ,DE LTAR CHOS THAMS CAD MI DMIGS PAR YID LA BYED PAR BYANG CHUB SEMS DPA' RNAMS BZOD PAR CI MNGON SNYAM DU SEMS SHING; DE CI'I SLAD DU ZHES SHES PAR BYED PA'I GTAN TSIGS ZHUS PA DANG, LAN DU RAB 'BYOR GANG GI TSE ZHES BYA BA LA SOGS PA GSUNGS SO, ,YAN LAG RNAMS NI LAG PA DANG RKANG PA LA SOGS PA DAG GO, NYID LAG RNAMS NI SOR MO LA SOGS PA DAG GO, ,NGA LA 'DU SHES CI YANG MED CES BYA BA NI GZHAN GYI LUS SU 'DU SHES PA DANG, MTSON CHAR 'DU SHES PA DANG, GCOD PAR 'DU SHES PA DANG, GZHAN DU 'DU SHES PA DANG ,BZOD PAR 'DU SHES PA LA SOGS PA STE, 'DIS NI CHOS THAMS CAD MI DMIGS PAR BRJOD DO, ,GAL TE 'DU SHES CI YANG MED NA RGYAL BA'I GNAS SKABS BZHIN DU SEMS PA MED PAR 'GYUR RO SNYAM PA LA, 'DU SHES MED PAR GYUR PA YANG MA YIN ZHES BYA BA GSUNGS SO, ,DE'I DUS NA RNAL 'BYOR BA'I SHES PA CHOS THAMS CAD BDAG MED PAR RTOGS PA YANG DAG PA'I KUN RDZOB KYI NGO BO NYID YOD PAR DGONGS PA'O, ,DE'I YANG CI MNGON SNYAM DU SEMS PA'I 'DRI BA LA BRTAGS NAS BDAG NYID KYIS DE CI'I PHYIR ZHE NA ZHES BYA BA BKA' STZAL NAS, LAN DU RAB 'BYOR GAL TE ZHES BYA BA GSUNGS SO, ,GNOD SEMS KYI 'DU SHES KYANG ZHES BYA BA'I DGONGS PA NI 'DI YIN TE, GANG LA BDAG TU 'DU SHES YOD PA DE LA DE TZAM GYIS NA NGES PAR BDAG LA CHAGS PA 'BYUNG NGO, , DE LTAR BDAG LA CHAGS PA DANG LDAN NA, GDON MI ZA BAR BDAG GI DANG GZHAN DU RTOG PA 'BYUNG STE, 'DI LTAR DES GANG ZHIG BDAG LA PHAN 'DOGS PAR BSDUS PA DE LA NI BDAG GIR RNAM PAR RTOG LA, GZHAN LA NI PHA ROL TU RNAM PAR RTOG GO, ,DE'I PHYIR BDAG GI DANG MTHUN PAR 'JUG GO, , DE'I PHYIR BDAG DANG BDAG GI DANG MTHUN PAR 'JUG PA LA RJES SU CHAGS PA DANG DE DANG 'GAL BA LA ZHE SDANG STE, DE DANG 'BREL PA NYES PA'I TSOGS MTHA' DAG KYANG 'BYUNG NGO, ,DE NYID KYI PHYIR, BDAG YOD GZHAN DU 'DU SHES TE, ,BDAG GZHAN BYED PAS YANG 'DZIN SDANG, ,'DI DAG DANG NI 'BREL PA @240A *, ,YIS, NYES PA THAMS CAD RAB TU 'PHEL, ZHES BSHAD DO, ,GANG LA GNOD SEMS LA SOGS PA NYES PA'I TSOGS 'BYUNG BA DE LA NGA JI LTAR BZOD PA SMRA BAR GRAGS PAR 'GYUR TE, GANG GIS NA BZOD PA'I MTHUS KA LING KA'I RGYAL PO DE'I TSE DE KHO NA SEMS CAN DMYAL BAR 'GRO BAR 'GYUR SNYAM DU DGONGS PA'O, ,'DIS NI GNOD PA BYAS PA NA 'GYUR BA MED PAS GNOD SEMS LA SOGS PA NGES PAR 'BYUNG BA RNAMS MED PA'I PHYIR BDAG LA SOGS PA'I 'DU SHES DANG BRAL BA'I RTAGS KYIS BZOD PA DE 'DRA BA DE SHES PAR BSTAN PA YIN NO, ,'DI NYID KYIS BZOD PA RNAM PA GSUM YANG BSTAN TE, 'DIR KA LING KA'I RGYAL POS ZHES BYA BA 'DIS NI GNOD PA BYED PA LA MI BZOD PA'I BZOD PA YONGS SU STON TO, ,YAN LAG DANG NYID LAG CES BYA BA 'DIS NI SDUG BSNGAL DANG DU LEN PA'I BZOD PA'O, ,DE'I TSE NGA LA ZHES BYA BA LA SOGS PAS NI CHOS LA NGES PAR RTOG PA'I BZOD PA'O, ,'DIS NI DON GYIS NA CHOS DANG GANG ZAG TU RNAM PAR RTOG PA MI MTHUN PA'I PHYOGS YONGS SU STON CING, 'DUL BA RNAMS DE SPANG BA DANG, JI SKAD SMOS PA'I BZOD PA SKYED PAR YANG DAG PAR 'DZIN DU 'JUG PA YIN TE, 'DI LTAR 'DIS NI GDUL BA'I SKYE BO DAG 'DI SNYAM DU GANG GI TSE BCOM LDAN 'DAS NYID BYANG CHUB KYI PHYIR BZOD PA MCHOG 'DI LTA BU BSGOMS PA DE NI BDAG CAG GIS 'DI CI'I PHYIR MI BSGOM STE, BYA DKA' BA'I LAS MA BYAS NA RNYED DKA' BA'I GO 'PHANG MI THOB BO SNYAM DU SEMS SO, ,DE'I PHYIR GDUL BA DE DAG DE LA SGRO BA BSKYED PA YIN NO, ,YAN LAG DANG NYING LAG RNAMS ZHES MTSAN MA TZAM ZHIG BRJOD PAS SDUG BSNGAL DANG DU LEN PA'I BZOD PA THAMS CAD YONGS SU BSTAN TO, ,DA NI BZOD PA DE RNAM PA JI LTA BU YIN PA DE BZHIN DU BSTAN PA'I PHYIR RAB 'BYOR NGAS MNGON PAR SHES TE ZHES BYA BA GSUNGS SO, ,DE YANG KA LING KA'I RGYAL POS PA'I YAN LAG DANG NYING LAG BCAD PAR GYUR PA ZHES BYA BA'I SKABS YIN TE, MNGON PAS MA GSUNGS SO, ,BZOD PA DE YANG RNAM PA GNYIS SU YONGS SU BSTAN TO, ,GZHAN GNOD PA BYED PA RGYUN TU SDUG BSNGAL BA'I YUL CAN DANG GZHAN GNOD PA BYED PA MI BZAD PA'I SDUG BSNGAL GYI YUL CAN NO, , @240B DE LA RGYUN TU SDUG BSNGAL LA SOGS PA'I YUL NI TSE RABS LNGA BRGYAR ZHES BYA BA GANG YIN PA STE, 'DIS NI 'DI'I RGYA CHE BA BRJOD DO, ,MI BZAD PA'I SDUG BSNGAL LA SOGS PA YUL NI YAN LAG DANG NYING LAG RNAMS ZHES GANG GSUNGS PA YIN NO, ,MI BZOD PA'I GZHI NI SDUG BSNGAL RNAM PA GSUM 'DI LTA STE 'KHOR BA'I SDUG BSNGAL DANG SEMS CAN LOG PAR 'JUG PA'I SDUG BSNGAL DANG, LONGS SPYOD DANG MI LDAN PA'I SDUG BSNGAL LO, ,DE LA MI BZOD PA'I GZHI DANG PO'I GNYEN POR DE LTA BAS NA ZHES BYA BA GSUNGS SO, ,'DI MTHA' DAG GIS NI MI BZOD PA SPANGS TE, BYANG CHUB LA 'DUN PA DANG SMON LAM GYIS GNAS PAR BYA'O ZHES BSTAN PA YIN TE, BYANG CHUB TU SEMS BSKYED NA SU YANG 'KHOR BA'I SDUG BSNGAL GYIS REG PAR MI 'GYUR RO SNYAM DU DGONGS PA'O, ,BRGYA LA BYANG CHUB KYI SEMS LAN 'GA' ZHIG BSKYED DU ZIN KYANG BDAG TU MNGON PAR ZHEN PA'I SGO NAS SDUG BSNGAL RNAM PA GSUM GYI 'DU SHES KYIS SKRAG NAS YANG SKYED PAR MI BYED PAS 'DU SHES THAMS CAD RNAM PAR SPANGS TE ZHES BYA BA GSUNGS TE, ,BDAG LA SOGS PAR 'DU SHES PA DANG, SDUG BSNGAL RNAM PA GSUM GYI 'DU SHES NI 'DIR 'DU SHES THAMS CAD DO, ,GZUGS LA SOGS PA MNGON PAR ZHEN PA NI NYAN THOS LA SOGS PA BZHIN DU 'KHOR BA YONGS SU BRTAGS NAS SDUG BSNGAL DES YID GDUNGS NAS BRGYA LAM NA YANG BYANG CHUB KYI SEMS MI BSKYED PAS GZUGS LA MI GNAS PAR ZHES BYA BA LA SOGS PA GSUNGS SO, ,GZUGS LA SOGS PA LA YONG BAR MNGON PAR ZHEN PA NI DE LA GNAS PA STE, 'DIR YANG SNGA MA BZHIN DU BSHAD DO, ,'DIR TSIG ZLOS PAR YANG MI 'GYUR TE, ,'DIS NI MI BZOD PA'I GZHI'I GNYEN PO BRJOD DO, ,SNGA MAS NI PHA ROL TU PHYIN PA LA SBYOR BA'O, ,'DIR GDUL BA RNAMS CHOS MED PA LA YANG MI GNAS PA ZHES BYA BA LHAG MA YIN TE, 'DIS NI MED PA LA MNGON PAR ZHEN PA DGAG GO, ,CI LA YANG MI GNAS PAR ZHES BYA BA 'DIS NI GZUGS LA SOGS PA DAG LA MING TZAM DU YOD PAR MNGON PA ZHEN PA DGAG STE, 'DIS NI RNAL 'BYOR DU SNYOMS PAR 'JUG PA BSTAN TO, ,CI GZUGS @241A *, ,LA SOGS PA YOD BZHIN DU DE LA GNAS PA LA ZHE SDANG BA'I PHYIR RAM, 'ON TE MED PA KHO NA LA LOG PAR MNGON PAR ZHEN PA YONGS SU SPANG PA'I DON DU DGAG SNYAM DU SEMS PA'I 'DRI BA LA BRTAGS NAS DE CI'I SLAD DU ZHE NA ZHES ZHUS PA DANG, LAN DU GNAS PA GANG YIN PA DE NYID MI GNAS PA'I PHYIR TE ZHES BYA BA GSUNGS SO, ,'DI LA DON NI 'DI YIN TE, KHYED KYI SEMS THOG MA MED PA'I DUS NAS GZUGS LA SOGS PA LA DNGOS POR MNGON PAR ZHEN PA'I STOBS KYIS GZUGS LA SOGS PA LA GNAS TE, BDEN PAR MNGON PAR ZHEN PA GANG YIN PA DE GZUGS LA SOGS PA DNGOS PO GANG YIN PA MED PA'I PHYIR DON DAM PAR MI GNAS PA'O, ,DE BAS NA ZHES BYA BA MJUG BSDU BA 'DIS NI 'DIR PHYOGS GNYIS PA LA GNAS PAR STON TE, SBYIN PA'I SGRAS SNGA MA BZHIN DU 'DIR YANG PHA ROL TU PHYIN PA DRUG CAR DU BZHED DO, ,MI BZOD PA'I GZHI GNYIS PA'I GNYEN POR YANG RAB 'BYOR ZHES BYA BA LA SOGS PA GSUNGS SO, ,'DI MTHA' DAG GIS CI GAL TE BYANG CHUB SEMS DPA'I SU'I DON DU PHA ROL TU PHYIN PA SHIN TU BYA DKA' BA LA SBYOR BA RTZOM PAR SPRO YANG SEMS CAN DE DAG KYANG DON DAM PAR MED LA SEMS CAN DU 'DU SHES PA YANG DON DAM PAR MED NA DE DAG JI LTAR SEMS CAN DE LTA BU DAG LOG PAR 'JUG PAS SKYO BAR 'GYUR ZHES DE SKAD YONGS SU STON TO, ,SEMS CAN DANG DER 'DU SHES PA BKAG PAS NI BDAG MED PA GNYIS KA BRJOD DO, ,SEMS CAN THAMS CAD KYI DON GYI PHYIR ZHES BYA BA 'DIS NI 'DIR RGYA CHE BA BSTAN TO, ,LHAG MA MTHA' DAG GIS ZAB PA BSTAN TO, ,DE LTAR RE ZHIG RIGS PAS BZOD PAR RIGS SO ZHES BSTAN NAS, DA NI DE BZHIN GSHEGS PA LA YID CHES PAS KYANG RIGS SO ZHES BSTAN PA'I PHYIR YANG DAG PAR GSUNGS PA ZHES BYA BA LA SOGS PA GSUNGS SO, ,DANG PO NI BSTAN PA'O, , LHAG MA NI BSHAD PA'O, ,YANG NA BDEN PA BZHI BSTAN PA'O, ,GO RIMS BZHIN DU SBYAR RO, ,YANG NA YANG DAG PA GSUNGS PA ZHES BYA BA NI BSGRUB PAR BYA BA BSTAN TO, ,DE BZHIN GSHEGS PA ZHES BYA BA NI GTAN TSIGS BSTAN PA STE, 'DI LTAR SANGS RGYAS BCOM LDAN 'DAS DAG NYON @241B MONGS PA DANG SHES BYA'I SGRIB PA SPANGS TE, DE BZHIN GSHEGS PA DE BZHIN DU 'DI YANG GSHEGS TE BYON PAS DE BZHIN GSHEGS PA'O, ,DE BAS NA YANG DAG PA PHYIN CI MA LOG PAR GSUNG BA STE, PHYIN CI LOG TU STON PA'I RGYU SGRIB PA MI MNGA' BAS RGYU MI DMIGS PAR SGRUB PO, ,'DI DE BZHIN GSHEGS PA KHO NA YIN PAR JI LTAR 'GRUB SNYAM PA DANG, BDEN PA GSUNG PA ZHES BYA BA GSUNGS SO, ,BDEN PA STE 'PHAGS PA'I BDEN PA BZHI'I MTSAN NYID GSUNG BA'I NGANG TSUL CAN GANG YIN PA STE, DES NA DE DE BZHIN GSHEGS PA ZHES BYA BAR NGES SO, ,SHIN TU SKOL BA'I DON NI RNAM PA THAMS CAD DU YANG DAG PAR STON MI SRID DE, JI SKAD DU, THABS LAS BYUNG DANG DE YI RGYU, ,LKOG GYUR DE BSHAD SHIN TU DKA', ,ZHES BSHAD PA LTA BU'O, ,'DI BDEN PA GSUNG PA BDEN PAR JI LTAR SHES SNYAM PA LA DE BZHIN NYID GSUNG PA ZHES BYA BA GSUNGS SO, ,DE DNGOS PO'I DE KHO NA PHYIN CI MA LOG PAR JI LTA BA BZHIN DU GSUNG BAS DE BZHIN NYID GSUNG PA'O, ,DE SPANG BAR BYA BA DANG BLANG BAR BYA BA'I DE KHO NA THABS BCAS PAR JI LTAR GNAS PA BZHIN DU GSUNG PA STE, DE JI LTAR BDEN PA GSUNG BAR MI 'GYUR, DE LTAR GYUR DU ZIN KYANG DES BSTAN PA'I BDEN PA BZHI PO DE BZHIN DU GNAS PAR CI MNGON SNYAM PA LA, LOG PAR GSUNG PA MA YIN NO ZHES BYA BA GSUNGS PA'O, ,GANG GI PHYIR MA LOG PA TSAD MA DANG LDAN PAR GSUNG GI TSAD MAS GNOD PA MI GSUNG BA DE'I PHYIR BDEN PA'O ZHES BYA BA'I THA TSIG GO, ,'DI MTHA' DAG GIS NI 'BRAS BU'I GTAN TSIGS KYIS BCOM LDAN 'DAS TSAD MAR BSGRUBS SO, ,DE NYID KYI PHYIR, SKYOB LAS YANG DAG BSTAN MA LUS, ,KHYAD PAR CAN GYI MKHYEN PA BSGRUB, ,CES BSHAD DO, ,DON DAM PAR DNGOS PO'I RANG BZHIN GCIG GYANG GRUB PA MED PAS, BDEN BA GCIG KYANG BSGRUB PAR DKA' NA BDEN PA BZHIR LTA GA LA 'GYUR TE, BDEN PA BZHI BRJOD PAS YANG DAG PAR GSUNG BAR 'GYUR, 'DI LTAR BCOM LDAN 'DAS KYIS PHUNG PO LNGA NI SGYU MA LTA BU'O ZHES GSUNGS NA DE'I BDAG NYID SDUG BSNGAL GYI BDEN BAR JI LTAR 'GYUR, SDUG BSNGAL YANG DON DAM PAR BRDZUN @242A *, ,BA'I PHYIR DE KUN TU 'BYUNG BDAG 'GOG PA DAG KYANG MED PA KHO NA STE, RI BONG GI RVA LA SOGS PA SHIN TU MED PA LA NI DE GNYIS MI SRID DO, ,'GOG PA MED PAS DER 'GRO BA'I LAM YANG DON DAM PAR MED PA NYID DE, BGROD PAR BYA BA MED NA 'GRO BA YANG MED DO, ,'DI SKAD DU, BYANG CHUB BZHAGS NAS BDEN PA GCIG GRUB PAR, GZIGS PA MED NA BZHIR LTA GA LA 'GYUR, ,ZHES BSTAN PA LTA BU'O, ,DE LA BRTAGS NAS GANG DAG YANG DAG PAR GSUNG BA LA SGRA JI BZHIN DU MNGON PAR ZHEN PA DE DAG GI SGRO 'DOGS PA'I MTHA' SPANG BA'I PHYIR YANG RAB 'BYOR ZHES BYA BA LA SOGS PA GSUNGS SO, ,BDEN PA YANG MED CES BYA BA NI DON DAM PAR RANG BZHIN GANG YANG GRUB PA MED PA'I PHYIR RO, ,BRDZUN PA YANG MED CES BYA BA LA, BRDZUN PA NI BDEN PA RNAM PAR GCOD PAR GNAS PAS RNAM PAR GCAD PAR BYA BA DE MED PA'I PHYIR GANG GIS DE BRDZUN PAR 'GYUR, YANG NA BDEN PA MED CES BYA BA NI JI LTAR SHES PA'I NGO BO SGYU MA BZHIN DU BRDZUN PA'I PHYIR RO, ,BRDZUN PA YANG MED CES BYA BA NI MA BRTAGS NA DGA' BTZAM DU GNAS PA'I PHYIR RO, ,MTHA' GNYIS BKAG PA 'DIS NI DBU MA'I LAM NYID DU STON TO, ,NYAN THOS RNAMS KYIS BDAG TU MNGON PAR ZHEN PA SPANG BA'I PHYIR GANG ZAG LA BDAG MED PA TZAM GYI CHA SHAS KYIS BDEN PA BZHI PO DAG BSTAN GYI, THAMS CAD KYI CHED DU MA YIN PAS 'GAL BA MED DO, ,YANG GANG LUS LA SOGS PA DMIGS SHING DE DON DU GNYER BA'I PHYIR, SBYIN PA SBYIN PAR BYED PA DANG, GANG YANG MI DMIGS PAS DON DU MI GNYER BA DE GNYIS KYI KHYAD PAR CI 'DRA SNYAM DU SEMS PA GANG YIN PA DE NI MI BZOD PA'I GZHI GSUM PA'I GNYEN PO 'DI LTA STE, ,DPER NA ZHES BYA BA LA SOGS PA GSUNGS SO, ,GANG LUS DANG SRID PA DANG LONGS SPYOD KYI BDAG NYID KYI DNGOS PO LA BDE BA KHO NAR MNGON PAR ZHEN TE, DE DON DU GNYER BA DER LHUNG BA'I SBYIN PA SBYIN PAR BYED PA DE NI SKYES BU MUN PAR ZHUGS PA BZHIN TE, MIG YOD DU ZIN KYANG DNGOS PO'I DON MI DMIGS PAS SPANG BAR BYA BA DANG BLANG BAR BYA BA'I DON MI SHES PAS, PHYIN CI LOG GI DNGOS PO SDUG BSNGAL MTHA' DAG GI GNAS SU LHUNG NGO, ,DES NA BYANG CHUB SEMS @242B DPA' LONGS SPYOD CHEN PO'I BDE BA LAS YONGS SU NYAMS PAR 'GYUR RO, ,DE DANG MI LDAN PAS NYAN THOS LA SOGS PA BZHIN DU SDUG BSNGAL GYIS NYEN PAS BYANG CHUB LAS LOG GO, ,GANG DNGOS POR MA LHUNG BAR SBYIN PA SBYIN PAR BYED DO, ,LUS LA SOGS PA'I DNGOS PO LA MI DMIGS SHING DE DON DU MI GNYER BAR SBYIN PAR MI BYED PA DE NI DPER NA SKYES BU MIG DANG LDAN PAS GZUGS SNA TSOGS DAG YOD PA'I PHYIR MTHONG LA, MTHONG NAS KYANG SPANG BAR BYA BA NI YONGS SU SPONG, BLANG BAR BYA BA NI LEN PA BZHIN NO, ,DE YANG NYI MA SHAR NA BRGYA LA MI MTHONG BAR 'GYUR RO SNYAM PA LA NYI MA SHAR NAS ZHES BYA BA GSUNGS SO, ,NYI MA SHAR DU ZIN KYANG GAL TE NA KHYIM LA SOGS PA KUN MUN PA CAN DAG NA MI MTHONG NGO SNYAM PA LA NAM LANGS TE ZHES BYA BA GSUNGS SO, ,NAM LANGS ZHES BYA BA'I SGRA NI MUN PAR BSTAN TE, DES NA MUN PA MED PA'I PHYOGS NA ZHES BYA BA'I THA TSIG GO, ,DE DAG TSOGS ZIN KYANG LONG BA GANG YIN PA DES BRGYA LAM NA YANG MI MTHONG NGO SNYAM DU DOGS NAS MIG DANG LDAN PA ZHES BYA BA GSUNGS TE, DE LTA BUR NI BYANG CHUB SEMS DPA' DNGOS POR MA LHUNG BAR BLTA BAR BYA'O, ,DE NI MA RIG PA'I MUN PA NAM LANGS SHING, YE SHES KYI NYI MA SHAR NAS SHES BYA RNAM PA SNA TSOGS YANG DAG PA JI LTA BA BZHIN DU MTHONG STE, PHYIN CI LOG GI DNGOS PO SDUG BSNGAL MTHA' DAG GI GNAS SDUG BSNGAL SPANG BAR BYA BA YANG BRDZUN PA YIN PAS YONGS SU SPONG, BDE BA MTHA' DAG GI GNAS BLA NA MED PA YANG DAG PAR RDZOGS PA'I BYANG CHUB KYI MTSAN NYID YANG DAG PA'I GO 'PHANG BLANG BAR BYA BA YANG 'DOD DE DE LA 'JUG PAR RTZOM MO, ,DES NA BYANG CHUB SEMS DPA' RNAMS LONGS SPYOD CHE BA PHUN SUM TSOGS PA RNYED NAS, BLA NA MED PA'I BDE BAS LUS BRTAN TE, BYANG CHUB LAS PHYIR MI LDOG PAR DGONGS PA'O, ,DE NYID KYI PHYIR LDOG PAR MI 'GYUR TE, SNGAR NI DMIGS PA TZAM GYIS DE LA GNAS PA ZHES BSTAN, 'DIR NI DMIGS PA SNGON DU BTANG BAS DE LA CHAGS PA'I MTSAN NYID DU LHUNG BA'O, ,DE'I PHYIR 'DIR NI LHUNG BA SMOS SO, ,SNGA MAR NI GNAS PA SMOS SO, ,'DI MTHA' DAG GIS NI SEMS @243A *, ,RAB TU GZUNG BA BSTAN TO, ,DE LTAR RNAM PA 'DIS BZOD PA LA BTZUD KYANG GANG DAG BSAM GTAN GYI RO MYONG BAR BYED CING, DE NYID LA CHAGS NAS YE SHES KYI TSOGS YONGS SU BKANG BA'I RGYU THEG PA CHEN PO'I CHOS LA MI BRTZON PA DE DAG YE SHES KYI TSOGS DANG MI LDAN PA DANG DBRAL BA'I PHYIR GNAS BCU BZHI PA'I DBANG DU MDZAD NAS RAB 'BYOR ZHES BYA BA LA SOGS PA GSUNGS SO, ,GNAS 'DIS NI BSAM GTAN GYI RO MYANG BA DANG DBRAL BA'I PHYIR, RNAM PA LNGAS DAM PA'I CHOS LA BRTZON PAR BYA BA'I YON TAN GYI KHYAD PAR YONGS SU STON TO, ,DE BZHIN GSHEGS PAS DGONGS PA DANG BSOD NAMS KHYAD PAR DU 'PHAGS PA YONGS SU SDUD PA DANG, CHOS DANG, DE SGRUB PAR BYED PA LA STON PA DANG, LHA LA SOGS PAS RIM GRO BYED PA DANG, SDIG PA YONGS SU BYANG BAR 'GYUR BA'O, ,DE LA DE BZHIN GSHEGS PAS DGONGS PA NI DE DAG DE BZHIN GSHEGS PAS MKHYEN ZHES BYA BA LA SOGS PA GSUNGS PA GANG YIN PA'O, ,LEN ZHES BYA BA LA SOGS PA'I TSIG RNAMS KYI BSHAD PA NI SNGA MA BZHIN NO, ,BCOM LDAN 'DAS NI THAMS CAD MKHYEN PA YIN PA'I PHYIR THAMS CAD MKHYEN PA DANG, GZIGS PA YIN, DE LA DE DAG LA YA MTSAN CHE BA CI YOD SNYAM PA LA BRTAGS NAS BSOD NAMS YONGS SU SDUD PA'I KHYAD PAR BSTAN PA'I PHYIR, SEMS CAN DE DAG THAMS CAD CES BYA BA GSUNGS SO, ,BSOD NAMS KYI PHUNG PO DPAG TU MED PA BSKYED PAS DE DAG SKAL BA YOD PAR MKHYEN TO ZHES BYA BA'I THA TSIG GO, ,DE'I BSOD NAMS KYI PHUNG PO'I KHYAD PAR CI ZHIG YOD PA GANG GIS NA TSAD MED PAR 'GYUR SNYAM PA LA BRTAGS NAS, BSOD NAMS KHYAD PAR DU 'PHAGS PA YONGS SU SDUD PAR BSTAN PA'I PHYIR YANG RAB 'BYOR SKYES PA'AM BUD MED GANG ZHIG ZHES BYA BA LA SOGS PA GSUNGS SO, ,NYI MA DANG, 'OD DANG, SA DANG CHU LA SOGS PA'I GNAS SKABS KYI BYE BRAG NI SNGA DRO STE, DE LTAR GYUR PA'I GNAS SKABS KYI BYE BRAG KHO NA LA DUS ZHES BRTAGS KYI BYE BRAG CAN LA SOGS PAS YONGS SU BRTAGS PA LTA BU NI MA YIN NO ZHES BSTAN PA'I PHYIR, DUS KYI SGRA DANG DE NI GZHI MTHUN PAS BYE BRAG TU BYAS SO, ,DE LTA MA YIN NA DE GCIG BU'I @243B NGO BO YIN PAS 'DI NI SNGA DRO ZHES BYA BA LA SOGS PA RNAM PAR DBYE BA MED PAR 'GYUR RO, ,GZHAN GYI BYE BRAG GIS RNAM PAR DBYE BAR KHAS LEN NA BYE BRAG DE NYID NYI MA LA SOGS PA'I GNAS KYI BYE BRAG SNGA DRO LA SOGS PAR THA SNYAD GDAGS PA'I RGYU YIN NA, CUNG ZAD KYANG MI BYED LA MTHU MA MTHONG BA'I DUS BRTAGS TE CI ZHIG BYA SNYAM DU DGONGS PA'O, ,DE BLO BUL BA DANG, MYUR BA LA SOGS PA'I RTAGS CAN DU YANG RIGS PA MA YIN TE, BLO BUL BA LA SOGS PA DE DAG DE'I RGYU LAS BYUNG DU RIM GYIS 'BYUNG BA DANG 'GAL BA'I PHYIR RO, ,DE NI SNGAR BSTAN PA NYID DO, ,GNOD PA CAN GYI TSAD MA NI BDAG SUN DBYUNG BA'I SKABS SU SNGAR BSTAN PAS MANG DU MI DGOS SO, ,DE LA RANG DGA' BAS BSKYED PA'I BRDA'I DBANG GIS SROG CHAGS LA SOGS PA'I GNAS SKABS KYI BYE BRAG RNAM PA DE LTA BU LA DUS ZHES THA SNYAD BTAGS KYI SGRA DANG DON DU 'BREL PA BRTAGS PA'I DBANG GIS NI MA YIN NO ZHES BSTAN PA'I PHYIR TSE ZHES BYA BA'I SGRAS BYE BRAG TU BYAS SO, ,GANG YANG RUNG BA ZHIG SMOS NA NI JI SKAD BSTAN PA'I 'DOD PA BSTAN PAR MI 'GYUR BAS TSIG GSUM CHAR SMOS SO, ,BRDA'I YUL YIN PA'I PHYIR, BRDA'I SGRAR SGRO BTAGS NAS GZHI MTHUN PAR BYAS SO, ,'DIR NI BSAM GTAN GYI RO MYANG BA DANG DBRAL BA'I PHYIR 'DI BRJOD LA, SNGA MA LA NI SBYIN PAR BYA BA DANG, DUS KYI RNAM PA 'DI LTA BU MA BSTAN PA'I PHYIR ZLOS PAR MI 'GYUR RO, ,DE NYID GZHI DE LAS BSOD NAMS CHES MANG DU GRANG MED DPAG TU MED PA BSKYED CES BYA BA 'DIS NI RGYA CHE BA YONGS SU STON TO, ,GRANGS DANG RDZAS DANG DUS KYI BYE BRAG KHYAD PAR DU 'PHAGS PA'I SBYIN PA LAS BYUNG BA'I BSOD NAMS ZIL GYIS GNON PA'I PHYIR RO, ,'DI LTAR GANG G'A'I KLUNG GI BYE MA SNYED CES BYA BA NI GRANGS KYI BYE BRAG BSTAN PA'O, ,LUS ZHES BYA BA NI GTING DPAG DKA' BA STE RDZAS KYI BYE BRAG GO, ,BSKAL PA BYE BA KHRAG KHRIG 'BUM PHRAG CES BYA BA NI DUS KYI BYE BRAG GO, ,BSKAL PA BYE BA DE YANG KHRAG KHRIG GO, ,DE YANG 'BUM ZHES TSIG SBYAR RO, ,DE JI LTAR SHES PAR BYA SNYAM PA LA, CHOS LA BSTOD PA'I KHYAD PAR BSTAN PA'I PHYIR YANG RAB 'BYOR ZHES BYA BA LA SOGS PA GSUNGS SO, ,CHOS KYI RNAM GRANGS 'DI NI @244A *, ,BSAM GYIS MI KHYAB CES BYA BA SHIN TU ZAB PA CHOS THAMS CAD RANG BZHIN MED PA'I MTSAN NYID, DE BZHIN GSHEGS PA RNAMS KYI SO SO RANG GIS RIG PAR BYA BA NYAN THOS LA SOGS PA GZHAN DAG GIS BSAM PAR MI NUS PA 'DIR BSTAN PA'I PHYIR RO, ,MTSUNGS PA MED CES BYA BA NI GZHAN DU NI RNAM PA 'DI LTA BU MA BSTAN PAS, 'DI DANG MTSUNGS PA'AM, KHYAD PAR DU 'PHAGS PA MED PA'I PHYIR RO, ,'DIS NI MNYAM PA DANG LHAG PA MED PA'I PHYIR, RGYU BSAM GYIS MI KHYAB PA LAS 'BRAS BU BSAM GYIS MI KHYAB PA NYID 'BYUNG NGO ZHES DE SKAD STON TO, ,JI LTAR MTSUNGS PA MED SNYAM PA LA THEG PA PHUL DU PHYIN [?] PA LA YANG DAG PAR ZHUGS PA ZHES BYA BA GSUNGS SO, ,SHIN TU PHA ROL TU PHYIN PA NI PHUL DU PHYIN PA ZHES BYA STE, NYAN THOS LA SOGS PA'I CHOS KYI RNAM GRANGS 'DI NI ZHES BYA BA LA SOGS PA GSUNGS SO, ,THEG PA MCHOG CES BYA BA NI MCHOG RNAMS KYI THEG PA YIN NAM, DE THEG PA YANG YIN LA MCHOG KYANG YIN NO ZHES TSIG RNAM PAR SBYAR TE, GANG DAG DER YANG DAG PAR ZHUGS PA DE DAG LA DE SKAD CES BYA BA'O, ,DE BZHIN DU THEG PA PHUL DU PHYIN PA LA YANG DAG PAR ZHUGS PA ZHES BYA BA YANG MTHUN TE, DE GNYIS NI RNAM GRANGS SU GTOGS PA'O,, RNAM GRANGS BSTAN PA'I DGONGS PA NI GDUL BA'I SKYE BO LA PHAN GDAGS PA STE, LA LA GANG GIS 'GYUR BA'I PHYIR RO, ,GZHAN DAG NA RE 'DI LAS GZHAN PA'I THEG PA LA LTOS NAS MCHOG GO, ,NYON MONGS PA DANG SHES BYA'I SGRIB PA THAMS CAD RNAM PAR DAG PAS PHUL DU PHYIN PA'O ZHE'O, , YANG NA MCHOG NI DAM PA'O, ,RANG SANGS RGYAS KYI THEG PA LA YANG NYAN THOS KYI THEG PA LA LTOS NAS DAM PA YOD SNYAM PA LA THEG PA PHUL DU PHYIN PA LA YANG DAG PAR ZHUGS PA ZHES BYA BA GSUNGS SO, ,SHIN TU RAB TU PHYIN PA NI PHUL DU PHYIN PA ZHES BYA BA STE, NYAN THOS LA SOGS PA'I THEG PA MANG PO DAG GI NANG NA 'DI SHIN TU RAB TU PHYIN PAS 'DIR PHUL DU PHYIN PA ZHES BYA BA'I SGRA SMOS TE, DE NI THEG PA CHEN PO NYID DO, ,NYAN THOS LA SOGS PA RNAMS NI CHOS BSTAN PA 'DI LTA BU'I SNOD MA YIN PA DE'I PHYIR BYANG CHUB SEMS DPA' RNAMS KYI CHED DU GSUNGS SO, ,DES NA CHOS KYI RNAM GRANGS @244B 'DI LA MTSUNGS PA MED CES BSGRUBS PA YIN NO, ,DE BZHIN GSHEGS PAS GSUNGS ZHES BYA BA NI GZHAN GYI YUL MA YIN PA'I PHYIR RO, ,CHOS KYI RNAM GRANGS 'DI ZHES BYA BA LA SOGS PAS NI JI SKAD BSHAD PA'I DON RNAMS RAB TU BSGRUBS NAS MJUG BSDU BAR BYED CING DE SGRUB PAR BYED PA LA BSTOD PA'I KHYAD PAR STON TO, ,GANG GI PHYIR CHOS KYI RNAM GRANGS 'DI BSAM GYIS MI KHYAB CING GZHAL DU MED PA DE'I PHYIR, DE'I RNAM PAR SMIN PA YANG BSAM GYIS MI KHYAB STE, DES NA GANG CHOS KYI RNAM GRANGS 'DI 'DZIN PA ZHES BYA BA LA SOGS PA GRUB PA YIN NO ZHES BYA BA'I THA TSIG GO, ,DPAG TU MED PA ZHES BYA BA NI BSTAN PA'O, ,LHAG MA NI BSHAD PA'O, ,DE LA BSAM GYIS MI KHYAB PA ZHES BYA BA NI BSAM PA'I YUL LAS 'DAS PA'I PHYIR, RJES SU DPAG PA MED PA'I PHYIR STON TO, ,MTSUNGS PA MED CES BYA BA NI ZLA MED PA'O, ,GZHAL DU MED CES BYA BA NI SEMS CAN THAMS CAD BSGOS KYANG GZHAL DU MI NUS PA'I PHYIR RO, ,TSAD MED CES BYA BA NI YUL CHEN PO LA SOGS PAS KYANG TSAD DU MI RUNG BAS NAM MKHA' BAS KYANG LHAG PA'I PHYIR RO, ,YANG NA 'DI DANG THAMS CAD NI RNAM GRANGS SU GTOGS PA'O, ,SEMS CAN DE DAG THAMS CAD NGA'I BYANG CHUB PHRAG PAR THOGS PA 'GYUR RO ZHES BYA BA NI BYANG CHUB KYI KHUR KHYER BAS PHRAG LA KHYAR BA DANG 'DRA'O ZHES BYA BA'I THA TSIG GO, ,'DI MTHA' DAG GIS NI BSAM GTAN GYI BDE BA'I RO MYANG BA YONGS SU BTANG STE, YE SHES KYI TSOGS BSKANG BA'I RGYU CHOS YONGS SU GZUNG BA LA SOGS PA NYID LA 'DUN PA DANG SMON LAM GYIS GNAS PAR BYA'O ZHES BSTAN PA YIN NO, ,CI'I PHYIR THEG PA MCHOG LA YANG DAG PAR ZHUGS PA RNAMS KYI PHYIR BCOM LDAN 'DAS KYIS GSUNGS KYI GZHAN DAG LA NI MA YIN NO, ,CI BCOM LDAN 'DAS LA YANG ZHE SDANG DANG 'DOD PA MNGA' 'AM SNYAM DU SEMS SHING DE CI'I SLAD DU ZHES ZHUS PA DANG, LAN DU RAB 'BYOR DMAN PA LA MOS PA ZHES BYA BA LA SOGS PA GSUNGS SO, ,'DIS NI BCOM LDAN 'DAS SEMS CAN THAMS CAD LA BU GCIG PA BZHIN DU BYAMS PA'I PHYIR ZHE SDANG DANG 'DOD PA MI MNGA' MOD KYI 'ON KYANG GANG DAG GI TSE SNOD DU GYUR PA DE DAG LA DE'I TSE STON TE GZHAN DU NI MA YIN NO, , @245A *, ,DE LTAR MA YIN NA THAMS CAD MKHYEN PAS BCOM LDAN 'DAS THAMS CAD MKHYEN PA MA YIN PA NYID DU 'GYUR RO ZHES DE SKAD STON TO, ,DMAN PA LA SOGS PA RNAMS KYIS ZHES BYA BA NI NYAN THOS DANG RANG SANGS RGYAS RNAMS KYIS SO, ,BDAG LA SOGS PAR LTA BA RNAMS KYIS ZHES BYA BA NI PHYI ROL PA RNAMS KYIS SO, ,DE NI GNAS MED CES BYA BA NI DE GO SKABS MED CES BYA BA'O, ,GANG NYAN THOS DANG RANG SANGS RGYAS RNAMS KYIS KYANG MNYAN PAR MI NUS PA DE SO SO'I SKYE BO RNAMS KYIS NUS PAR JI LTAR 'GYUR, GANG DE DAG GIS MNYAN PAR MI NUS PA DE BLANG BA DANG KUN CHUB PAR BYA BAR JI LTAR NUS TE MI SRID DO ZHES BYA BA'I THA TSIG GO, ,'DIS NI RNAL 'BYOR DU SNYOMS PAR 'JUG PA LA 'DZUD DO, ,GAL TE DE LTAR NA 'PHAGS PA RAB 'BYOR GYIS CHOS KYI RNAM GRANGS 'DI JI LTAR MNYAN PAR NUS SHE NA, BCOM LDAN 'DAS KYI BYIN GYI RLABS KYIS TE NYES PA MED DO, ,SA THAMS CAD LAS GANG DU MDO 'DI BSHAD PA'I SA PHYOGS GCIG PU BSNGAGS PAR 'GYUR RO ZHES BSTAN PAR LHA LA SOGS PA RIM GRO BYED PA'I KHYAD PAR BSTAN PA'I PHYIR YANG RAB 'BYOR ZHES BYA BA LA SOGS PA GSUNGS SO, ,SNGAR NI PHYI'I BSTAN BCOS LA RJES SU CHAGS PA DANG DBRAL BA'I PHYIR GSUNGS LA, DA NI BSAM GTAN GYI RO MYANG BA DANG DBRAL BA'I PHYIR GSUNGS PAS TSIG ZLOS PAR MI 'GYUR TE, THAMS CAD BSDUS PA'I DON BRJOD PA KHO NAS SKABS THA DAD PAR BRJOD PA'I PHYIR ZLOS PAR MI 'GYUR BAR SHES PAR BYA'O, ,MCHOD PAR 'OS PAR 'GYUR ZHES BYA BA NI GDUGS DANG, RGYAL MTSAN DANG BA DAN LA SOGS PAS SO, ,PHYAG BYA BAR 'OS PA NI 'DUD PAR BYA BA'O, ,BSKOR BA BYA BAR 'OS PA NI BSKOR BAR BYA BA'O, ,DE'I PHYIR MCHOD PAR 'OS PA LA SOGS PA'I CHOS DANG LDAN PAS MCHOD RTEN NO, ,GAL TE CHOS KYI RNAM GRANGS 'DI 'DRA BA 'DI LA RAB TU BRTZON PA DAG LAS KYANG LA LA MNAR BAR 'GYUR BAR JI LTAR SNANG SNYAM DU SEMS PA LA SDIG PA YONGS SU 'BYANG BA'I KHYAD PAR BRTEN PA'I PHYIR RAB 'BYOR RIGS KYI BU 'AM RIGS KYI BU MO GANG DAG CES BYA BA LA SOGS PA GSUNGS SO, ,MNAR BAR 'GYUR ZHES BYA BA NI SPYO BA DANG, MTSANG 'BRU BA LA SOGS PAS GNOD PAR BYED PA'O, , @245B YONGS SU MNAR BAR 'GYUR ZHES BYA BA NI GSAD PA DANG BCING BA LA SOGS PAS GNOD PAR BYED PA'O, ,BDAG NYID CHEN PO DE LTA BU DAG LA JI LTAR MNAR BAR 'GYUR SNYAM DU SEMS PA LA DE CI'I SLAD DU ZHES ZHUS PA DANG, LAN DU 'DI LTAR SEMS CAN DE DAG GI ZHES BYA BA LA SOGS PA GSUNGS SO, , TSE RABS SNGA MA'I ZHES BYA BA NI TSE RABS SNGA MA LA BYAS PA DAG GO, ,TSE 'DI NYID LA ZHES BYA BA NI DA LTAR BYUNG BA'I TSE LA'O, ,SANGS RGYAS KYI BYANG CHUB KYANG THOB PAR 'GYUR RO ZHES BYA BA NI SDIG PA YONGS SU BYANG NAS DUS GZHAN NA BSGOM PA LA BRTZON PA DAG MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR ZHES BYA BA'I THA TSIG GO, ,DE NYID GZHI DE LAS BSOD NAMS CHES MANG DU GRANGS MED DPAG TU MED PA BSKYED DO ZHES GANG GSUNGS PA DE LA, RNAM PA GANG GIS GRANGS MED DPAG TU MED PAR KHONG DU CHUD PAR BYA SNYAM MAM RAB 'BYOR NGAS MNGON PAR SHES TE ZHES BYA BA LA SOGS PA GSUNGS SO, ,'DIR NI MTHU DANG, MANG BAS GRANGS MED DPAG TU MED PAR BSTAN TE, DE LA RAB 'BYOR MNGON PAR SHES TE 'DAS PA'I DUS BSKAL PA GRANGS MED PA'I YANG CHES GRANGS MED PA NA ZHES BYA BA LA SOGS PAS NI MTHU YONGS SU BSTAN TO, ,'DI NI BSOD NAMS KYI PHUNG PO DE'I MTHU STE, BSOD NAMS KYI PHUNG PO CHES KHYAD PAR DU 'PHAGS PA MCHOG TU GYUR PA 'DI SNYED KYANG ZIL GYIS GNON PA'I PHYIR RO, ,MAR ME MDZAD NAS BZUNG STE BSKAL BA GRANGS MED PA'I PAR DU STE, BSKAL BGRANGS MED PA NI GRANGS ZAD PA'I PHYIR RO, ,MAR ME MDZAD KYI SNGA ROL GYI YANG CHES SNGA ROL NA SANGS RGYAS BYE BA KHRAG KHRIG 'BUM PHRAG BRGYAD CU RTZA BZHI GANG DAG BYUNG BA NGAS MNYES PAR BYAS TE ZHES BYA BA NI SGRUB PA'I MCHOD PAS MCHOD PA'O, ,THUGS BYUNG BAR MA BYAS ZHES BYA BA NI BAR SKABS SU YANG BSGRUB PA DE MA BTANG PA'I PHYIR RO, ,GANG YIN PA ZHES BYA BA NI BYED PA'I BYE BRAG GO, ,DES NA DON NI 'DI YIN TE, MA NYES PAR BYED PA LA SOGS PA GANG YIN PA DANG, LEN PA LA SOGS PA GANG YIN PA'I BSOD NAMS KYI PHUNG PO DAD PA LA SOGS PA DANG, DES BSKYED PA'I BAG CHAGS @246A *, ,KYI NGO BO'I PHUNG PO 'DI GNYIS LAS BSOD NAMS KYI PHUNG PO SNGA MAS BSOD NAMS KYI PHUNG PO PHYI MA 'DI'I BRGYA'I CHAR YANG MI PHOD CES BYA BA'O, ,'DI SNYED PAS KYANG NYUNG BA BSTAN PA'I PHYIR STONG GI CHA ZHES BYA BA GSUNGS SO, ,GRANGS ZHES BYA BA NI MTSUNGS PA DE DAG KHO NA LA RIGS PA STE, DPER NA GANGS CAN DANG GNYIS PA NI 'BIGS BYED DO ZHES BYA BA'I YUNGS KAR NI MA YIN PA BZHIN NO, ,CHA ZHES BYA BA NI CHA SHAS SO, ,DE YANG RIGS 'DRA BA'I NGO BO YIN TE, DPER NA RING BA RNAMS KYI CHA NI RI'I RTZE MO YIN GYI RTZVA'I RTZE MO NI MA YIN PA BZHIN NO, ,BGRANG BA ZHES BYA BA NI DE YANG MTSUNGS PA DAG KHO NA LA YIN TE, DPER NA LHUN PO YANG RI YIN LA, GANGS CAN YANG RI YIN NO ZHES BYA'I YUNGS KAR YIN ZHES MI BYA BA BZHIN NO, ,DPE ZHES BYA BA NI, DPE YANG 'DRA BA KHO NA YIN TE, DPER NA BA MEN LA BA LANG DANG 'DRA'O ZHES BYA'I SBRANG MA LA NI MI BYA BA BZHIN NO, ,CHUNG YANG YONGS SU SBYANG BA BYAS PA'I DBANG GIS NA DE'I BYA BA BYED PAR 'GYUR TE, DPER NA ZOR BA RNON POR BYAS NA RAL GRI LA BYA BA BYED PA BZHIN NO SNYAM PA LA, ZLA ZHES BYA BA GSUNGS TE, GLEB CING ZHENG CHER BYA BA'I THABS RNYED DO, ,RNON POR BYAS KYANG HA CANG CHUNG BAS MI BZOD DO ZHES BYA BA'I THA TSIG GO, ,DE NYID KYI PHYIR RGYUR YANG ZHES BYA BA SMOS TE, DE'I RGYU'I DNGOS POR YANG MI BZOD PA'O, ,'DI DAG NI THAMS CAD MKHYEN PA'I BKA' KHO NA LAS SHES PAR BYA STE, DBANG PO'I YUL LAS 'DAS PA'I DON RNAM PA 'DI LTA BU LA NI, THAMS CAD MKHYEN PA'I BKA' KHO NA TSAD MA YIN PA'I PHYIR RO, ,GZHAN YANG YONGS SU DAG BA'I DUS NA NI, DE'I TSE SEMS CAN THAMS CAD KYANG YONGS SU DAG PA YIN PAS NGO MTSAR MI CHE'I YONGS SU MA DAG PA'I DUS NA SEMS CAN DAG SKAD CIG TZAM BSAM PA YONGS SU DAG PAR GYUR PA GANG YIN PA DE NI NGO MTSAR TO, ,DE LTAR RE ZHIG MTHU'I SGO NAS DPAG TU MED PAR BSTAN TO, ,GRANGS KYIS JI LTAR GRANGS MED SNYAM PA YIN PA LA RAB 'BYOR GAL TE DE'I TSE ZHES BYA BA LA SOGS PA GSUNGS SO, ,DES NI RAB TU MANG BAR YONGS SU STON TO, ,BSOD NAMS DE BGRANG BAS KYANG SGYID LUG NAS MGO RMONGS PAR 'GYUR BA'I SEMS KYI NAD KYI BYE BRAG MYO MYO POR @246B 'GYUR RO, ,DE'I 'OG TU SMYO BA LAS BYUNG BA SEMS 'KHRUGS PAR 'GYUR RO, ,'DIS NI ZAB PA DANG RGYA CHE BA BSTAN TO, ,'DI LTAR CHOS KYI RNAM GRANGS 'DI LAS GRANGS DANG MTHUR LDAN PA'I 'BRAS BU 'DI LTA BUR 'GYUR BA JI LTAR SHES SNYAM PA LA YANG RAB 'BYOR ZHES BYA BA LA SOGS PA GSUNGS TE, THAMS CAD DU YANG 'BRAS BU NI RGYU DANG MTHUN PA KHO NAR 'GYUR RO, ,SHING N+YA GRODHA LA SOGS PA CHUNG YANG SHIN TU SNYING PO DANG LDAN BAS YAL GA DANG LO MA DANG SHING ZHES BYA BA'I 'BRAS BU CHEN POR 'GYUR BA YANG MI DMIGS SO, ,CHOS KYI RNAM GRANGS 'DI YANG LE'U NYUNG DU ZIN KYANG SHIN TU ZAB STE BSAM GYIS MI KHYAB PA'I CHOS BSTAN PA'I PHYIR BSAM GYIS MI KHYAB PO, ,DES NA BSAM GYIS MI KHYAB PA 'DI LAS RGYU DANG RKYEN MTHUN PA'I 'BRAS BU BSAM GYIS MI KHYAB PAR 'GYUR TE, RGYU RKYEN RNAMS KYI MTHU NI THAMS CAD MKHYEN PA NYID YIN PAS BSAM GYIS MI KHYAB PA'I PHYIR RO, ,'DIR RNAM PAR SMIN PA'I SGRA NI 'BRAS BU TZAM LA BYA STE, DES NA RGYU MTHUN PA'I 'BRAS BU LA SOGS PA YANG BSDU BAR 'GYUR RO, ,'DI MTHA' DAG GIS NI SEMS RAB TU GZUNG BAR BSTAN TO, ,DE LTAR BSAM GTAN GYI RO MYANG BA BSAL DU ZIN KYANG MNGON PAR RTOGS PA'I DUS DANG NYE BA NA BYANG CHUB SEMS DPA' GANG DAG BDAG NYID KHYAD PAR MTHONG NAS BDAG NI YANG DAG PAR RDZOGS PA'I BYANG CHUB KYI LAM YANG DAG PAR ZHUGS KYIS BDAG GIS SEMS CAN RNAMS YONGS SU MYA NGAN LAS BZLA BAR BYA'O SNYAM DU SEMS PA DE DAG BDAG TU 'DZIN PA DANG DBRAL ZHING MNGON PAR RTOGS PA'I DUS DE NA JI LTAR GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA DE BSTAN PA'I PHYIR GNAS BCO LNGA PA'I DBANG DU MDZAD NAS, 'PHAGS PA RAB 'BYOR GYIS BCOM LDAN 'DAS BYANG CHUB SEMS DPA'I THEG PA LA YANG DAG PAR ZHUGS PAS JI LTAR GNAS PAR BYA BA LA SOGS PA GSOL TO, ,GNAS PA LA SOGS PA GSUM BSTAN PA NI BCOM LDAN 'DAS KYIS SNGAR GSUNGS PA NYID DO, ,RAB 'BYOR GANG BYANG CHUB SEMS DPA'I THEG PA LA YANG DAG PAR ZHUGS PA ZHES BYA BA'I CHOS DE GANG YANG MED PA'I PHYIR RO ZHES BYA BA 'DIR LHAG PA 'DIS NI BDAG TU 'DZIN PA DANG BRAL BAR BYED DO, ,LHAG MA RNAMS @247A *, ,KYI BSHAD PA NI SNGA MA BZHIN NO, ,JI SKAD DU GANG ZAG DANG CHOS LA BDAG MED PA 'DI BCOM LDAN 'DAS KYIS SNGAR YANG DAG PAR RAB TU BSHAD NA, DE BSHAD ZIN BZHIN DU YANG PHYIS MNGON PAR RTOGS PA'I DUS NA BYANG CHUB SEMS DPA'I BDAG TU 'DZIN BA 'BYUNG BAR JI LTAR 'GYUR, GANG GI PHYIR DE GSAL BA'I PHYIR BSTAN ZIN PA YANG YANG STON PAR BYED, 'ON TE DE LTAR BSTAN KYANG KUN DU RMONGS PAR 'GYUR NA NI DE LTA NA GONG DU BSHAD PA THUG PA MED PAR 'GYUR RO ZHES SMRAS PA, DE LTAR BSTAN DU ZIN KYANG THOG MA MED PA'I DUS NAS SHIN TU BRTAN POR BDAG TU MNGON PAR ZHEN PA'I STOBS KYIS KHA CIG GI KUN TU RMONGS PA 'PHRAL DU MI LDOG PAS BSTAN ZIN PA'I DON KYANG YANG STON TE, YANG BSTAN PA NYID KYIS, DE'I DUS NA 'KHOR RNAMS KYI KUN TU RMONGS PA LDOG PA'I PHYIR THUG PA MED PAR MI 'GYUR RO, ,BCOM LDAN 'DAS STON PAR MDZAD PA'I 'BRAS BU GDUL BA'I SKYE BO KUN TU RMONGS PA LAS BZLOG PA STE, 'BRAS BU MED PA MA YIN NO, ,DES NA KUN TU RMONGS PA LOG NA 'BRAS BU MED PA'I PHYIR YANG MI 'JUG PAS 'DI NI GYI NA'O, ,GAL TE BYANG CHUB SEMS DPA'I THEG PA LA YANG DAG PAR ZHUGS ZHES BYA BA'I CHOS DE GANG YANG MED DU ZIN NA BCOM LDAN 'DAS KYIS JI LTAR STON PA MAR ME MDZAD LAS GDAMS NGAG BRNYES NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS 'ON TE MNGON PAR RDZOGS PAR SANGS RGYAS PA MED NA NI MNGON PAR RTOGS PAR 'DOD PAS GDAMS NGAG YONGS SU BTZAL BAR BYA MI DGOS SO SNYAM DU GANG DAG SEMS PA DE DAG GI CHED DU GDAMS NGAG DANG MI LDAN PA DANG DBRAL BA'I PHYIR GNAS BCU DRUG PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,SNGAR NI CHOS KYI SKU THOB PAR 'DUN PA'I DUS NA BSHAD PA'I CHOS 'DZIN PA BKAG ,DA NI MNGON PAR RDZOGS PA'I DUS NA MNGON PAR RDZOGS PAR SANGS RGYAS PA BKAG STE, ZLOS PA MA YIN NO, ,DON DAM PAR SHES PA DANG SHES BYA'I BDAG NYID KYI CHOS DE GANG YANG MED DE JI LTAR SNGAR DPYAD PA BZHIN NO, ,DE'I DBANG GIS BRTAGS NA DKA' BA TZAM DU THOS PA LAS BYUNG BA LA SOGS PA @247B LA SHES RAB SKYE BA'I RIM GYIS, BCOM LDAN 'DAS KYI THAMS CAD MKHYEN PA'I YE SHES RANG BYUNG YANG DAG PA'I KUN RDZOB KYIS BSDUS PA BDAG NYID KYIS 'BYUNG BAR ZAD DO, ,DE YANG GAL TE BCOM LDAN 'DAS MAR ME MDZAD KYI DBANG TZAM YIN PAR ZAD DAM ZHE NA, DE LTA YIN NA YANG BLA MOD KYI 'ON KYANG DE LA NI SANGS RGYAS THAMS CAD KYI DBANG THUN MONG STE, BCOM LDAN 'DAS MAR ME MDZAD 'BA' ZHIG GI NI MA YIN NO, ,GAL TE MNGON PAR RDZOGS PAR SANGS RGYAS PA MED NA DES JI LTAR BCOM LDAN 'DAS MNGON PAR RDZOGS PA'I BYANG CHUB TU LUNG BSTAN SNYAM PA LA, RAB 'BYOR GAL TE ZHES BYA BA LA SOGS PA GSUNGS SO, ,DGONGS PA NI 'DI YIN TE, GAL TE DON DAM PAR BCOM LDAN 'DAS KYI SO SO RANG GIS RIG PA'I CHOS JI LTA BA DE KHO NA BZHIN DU DE'I TSE MNGON PAR RDZOGS PAR SANGS RGYAS PAR GYUR TAM, GAL TE YANG BDAG GIS CHOS MNGON PAR RDZOGS PAR SANGS RGYAS BA SNYAM DU MNGON PA'I NGA RGYAL DU GYUR NA DE'I TSE MNGON PAR RDZOGS PAR SANGS RGYAS ZIN PA DANG, PHYIN CI LOG TU MNGON PAR ZHEN PA'I PHYIR DE BZHIN GSHEGS PA'I LUNG BSTAN PAR MI 'GYUR BA ZHIG NA GANG GI PHYIR, DE'I TSE NGAS MNGON PAR RDZOGS PAR SANGS RGYAS PA MED LA CHOS LA SOGS PA LA YANG MNGON PAR ZHEN PA MED PA DE NYID KYI PHYIR, DA PHYIN CI LOG TU MA GYUR PA'I PHYIR YANG DAG PA'I YE SHES KYI LAM LA GNAS PAR LUNG BSTAN TO, ,MNGON PAR RDZOGS PAR SANGS RGYAS PA'I CHOS DE GANG YANG MED CES BYA BA 'DIS NI DON GYIS NA MAR ME MDZAD LAS GDAMS NGAG BLANGS PAR RNAM PAR RTOG PA MI MTHUN PA'I PHYOGS SU YONGS SU STON CING, RNAM PAR RTOG BA DE SPANG PA'I PHYIR, 'DUN PA DANG, SMON LAM GDAB PA YANG STON TO, ,MAR ME MDZAD CES BYA BA MTSAN MA TZAM ZHIG BRJOD PAS CHOS LEN PAR RNAM PAR RTOG PA THAMS CAD ZLOG GO, ,MED DO ZHES BYA BA 'DIS NI DE'I ZAB PA YANG BRJOD DO, ,YANG DAG PAR RDZOGS PA'I BYANG CHUB KYI PHYIR GDAMS NGAG YONGS SU BTZAL BAR BSTAN PAS NI 'DI'I RGYA CHE BA BRJOD DO, ,NYAN THOS DANG RANG SANGS RGYAS KYI GDAMS NGAG LAS SHIN TU KHYAD PAR DU 'PHAGS PA'I PHYIR RO, ,GAL TE DE BZHIN GSHEGS PAS BLA NA MED PA @248A *, ,YANG DAG PAR RDZOGS BA'I BYANG CHUB MNGON PAR RDZOGS PAR SANGS RGYAS PA'I CHOS GANG YIN PA DE MED NA DE'I TSE JI LTAR DE BZHIN GSHEGS PAR 'GYUR, 'DI LTAR JI LTAR SANGS RGYAS SNGA MA DAG MNGON PAR RDZOGS PAR BYANG CHUB TU GSHEGS PA DE BZHIN DU 'DIR YANG GSHEGS SHING MNGON PAR RDZOGS PAR SANGS RGYAS PAR DE BZHIN GSHEGS PA ZHES BYA NA, MNGON PAR RDZOGS PAR SANGS RGYAS PAR BYA BA'I CHOS DE GANG YANG MED PAS DE LA JI LTAR 'GYUR SNYAM DU SEMS PA DE CI'I SLAD DU ZHES ZHUS PA DANG, LAN DU RAB 'BYOR DE BZHIN GSHEGS PA ZHES BYA BA LA SOGS PA GSUNGS SO, ,DE BZHIN NYID CES BYA BA NI CHOS RNAMS KYI RANG BZHIN MA NOR BA LA BYA STE, DE NI GZOD MA NAS ZHI BA LA SOGS PA'I NGO BO YIN NO, ,DE YANG CHOS THAMS CAD KYI THUN MONG YIN PAS YANG DAG PA ZHES BYA BA SMOS PAS BYE BRAG TU BYAS TE, YANG DAG PA NI MA NOR BA'I DON GYIS NA DE BZHIN GSHEGS PA'I YE SHES LA BYA'O, ,DE'I DE BZHIN NYID DOD DAM PAR SKYE BA MED PA'I CHOS NYID GANG YIN PA DE DE BZHIN GSHEGS PA ZHES BYA STE, JI SKAD DU, RTAG TU SKYE MED CHOS NI DE BZHIN GSHEGS, ,ZHES GSUNGS PA LTA BU STE, CHOS NYID KYANG DON DAM PAR NA CHOS CAN LAS GZHAN MA YIN PA'I PHYIR CHOS THAMS CAD DON DAM PAR SKYE BA MED PA'I CHOS NYID RTOGS PA'I NGO BO MA BRTAGS GCIG PU NA DGA' BA DON DAM PAR MA SKYES PA YANG DAG PA'I KUN RDZOB TU RAB TU BRTAGS TE YOD PA'I YE SHES KHYAD PAR DU 'PHAGS PA NYID LA DE BZHIN GSHEGS PA ZHES BYA'O ZHES BYA BA'I THA TSIG GO, ,DE YANG DON DAM PAR MA SKYES PA'I PHYIR GZUNG BA 'AM 'DZIN BA CI YANG MED PAS DON DAM PAR DES MNGON PAR RDZOGS PAR SANGS RGYAS PA'I CHOS KYANG CI YANG MED KYI, YANG DAG PA'I KUN RDZOB LA BRTEN NAS YE SHES KHYAD PAR CAN DES JI LTAR MNGON PAR RDZOGS PAR SANGS RGYAS PA DE BZHIN GSHEGS PA ZHES BYA BAR ZAD DO SNYAM DU DGONGS PA'O, ,DON DAM PA LA BRTEN NAS DE MNGON BAR RDZOGS PAR SANGS RGYAS SO ZHES DE SKAD CI'I PHYIR MI BYA SNYAM PA LA, RAB 'BYOR GANG LA LA ZHIG CES BYA BA LA SOGS PA GSUNGS SO, ,DE CI'I PHYIR ZHE NA ZHES BYA BA NI MI BDEN PA ZHES BYA BA DANG @248B SBYAR RO, ,LHAG MA NI GO SLA BAS MA BSHAD DO, ,'O NA GANG KUN RDZOB TU DE BZHIN GSHEGS PAS MNGON PAR RDZOGS PAR SANGS RGYAS SO ZHES RNAM PAR GZHAG PA DE'I DE KHO NA CI 'DRA BA ZHIG RNAM PAR GZHAG SNYAM PA LA CHOS GANG ZHES BYA BA GSUNGS TE, GANG ZHES BYA BA NI GZUGS LA SOGS PA'I MTSAN NYID KYI CHOS SO, ,DE LA BDEN PA YANG MED CES BYA BA NI JI LTAR SNANG BA'I RNAM PA SGYU MA DANG 'DRA BAR BRTAGS NA SHIN TU STOBS MA SKYES PA'I PHYIR RO, ,RI BONG GI RVA BZHIN DU SHIN TU MED PA'I PHYIR, BRDZUN PA YANG MED DE MA BRTAGS PA'I NGO BOR SGYU MA BZHIN DU SNANG BA'I PHYIR RO, ,YANG NA DON DAM PAR CHOS GANG YIN PA MI 'GRUB BAS BDEN PA YANG MED DO, ,RNAM PAR SPYAD PAR BYA BA BDEN PA GANG YANG MA GRUB PA DANG, CHOS THAMS CAD MA SKYES PA'I PHYIR BRDZUN PA YANG MED DO, ,'DIS NI SGRO 'DOGS PA DANG SKUR PA 'DEBS PA'I MTHA' BKAG NAS DBU MA'I LAM DU RNAM PAR 'JOG CING, DE LA RNAL 'BYOR DU SNYOMS PAR 'JUG PA LA 'DZUD DO, ,DE BAS NA ZHES BYA BA NI 'DI LTAR DON DAM PAR CHOS THAMS CAD MA SKYES PA'I PHYIR BDEN PA YANG MED BRDZUN PA YANG MED PAS NA'O, ,DE BZHIN GSHEGS PA YANG SKYE BA MED PA'I CHOS NYID YONGS SU DAG PAS RAB TU PHYE BA STE, DES NA SKYE BA MED PA'I CHOS NYID THUN MONG PA'I PHYIR, RTAG TU SKYE MCHED CHOS NI DE BZHIN GSHEGS, ,CHOS RNAMS KUN KYANG BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA YIS, ,'JIG RTEN DAG NA MED PA'I CHOS LA SPYOD, ,CES BYA BA LA SOGS PA CHOS THAMS CAD NI SANGS RGYAS KYI CHOS SO ZHES BYA BA DE BZHIN GSHEGS PAS GSUNGS SO, ,GAL TE CHOS 'DI DAG MA SKYES PA KHO NA YIN NA, 'O NA JI LTAR CHOS THAMS CAD CES BYA SNYAM PA LA RAB 'BYOR CHOS THAMS CAD CES BYA BA NI ZHES BYA BA LA SOGS PA GSUNGS SO, ,'DI LA DON NI 'DI YIN TE, 'DI NI DON DAM PAR YOD PA'I PHYIR THA SNYAD BTAGS PA NI MA YIN GYI, GZUGS LA SOGS PA DAG DON DAM PAR CHOS MED MOD KYI, DON DAM PA MA YIN PA MA BRTAGS PA LA BRTEN NAS GANG GI PHYIR RANG DANG SPYI'I MTSAN NYID 'DZIN PA DE'I PHYIR CHOS THAMS CAD CES BYA'O, ,DON DAM PAR NI MA YIN TE, DE LA GNAS PA THAMS CAD MTHONG YANG THA SNYAD THAMS CAD @249A *, ,MED PA'I PHYIR RO, ,'DIS NI RNAM BAR G-YENG BA TSAR GCAD PA BSTAN TO, ,GAL TE BCOM LDAN 'DAS KYI MNGON PAR RDZOGS PAR SANGS RGYAS PA'I CHOS DE GANG YANG MED NA, BYANG CHUB SEMS DPA' DAG JI LTAR GDAMS NGAG BLANG BA MNGON DU BYAS TE CHOS DANG GANG ZAG LA BDAG MED PA DE RTOGS PAR 'GYUR SNYAM PA LA BRTAGS NAS MNGON PAR RTOGS PA BSTAN PA'I PHYIR 'DI LTA STE DPER NA ZHES BYA BA LA SOGS PA GSUNGS SO, ,'DI NI YE SHES THOB PA DANG, MNGON PA'I NGA RGYAL MED PAS MNGON PAR RTOGS PA STON TE, YE SHES THOB PAS JI LTA BU ZHE NA, YE SHES RNAM PA GNYIS LA BRTEN TE RIGS YONGS SU 'DZIN PA'I YE SHES DANG, MNYAM PA NYID KYI YE SHES SO, ,DE LA YE SHES GANG THOB NAS DE BZHIN GSHEGS PA'I RIGS SU SKYES PA YIN ZHING, SANGS RGYAS KYI RIGS SU NGES PA DE NI RIGS YONGS SU 'DZIN PA'I YE SHES SO, , DE SKYES BAS LUS DANG LDAN PA'O, ,LDAN PA NI BDAG GIR BYAS PA LUS NI DE BZHIN GSHEGS PA'I SKU STE, GANG GIS DE THOB PA DE LUS DANG LDAN PA'O, ,YE SHES DE THOB PAR JI LTAR SHES SNYAM PA LA LUS CHEN PO ZHES BYA BA GSUNGS SO, ,'DIS GANG ZAG DANG CHOS LA BDAG MED PA MNYAM PA NYID KYIS MNYAM NYID KYI YE SHES THOB NAS MNGON PAR RTOGS PAR STON TE, DE'I PHYIR RIGS KYI YE SHES SO ZHES STON TO, ,MNYAM PA NYID KYI YE SHES DES SEMS CAN THAMS CAD GANG ZAG DANG CHOS LA BDAG MED PAR RTOGS NAS BDAG KHO NAR SDUD DO, ,DE NA DE SEMS CAN MTHA' DAG GI LUS BDAG TU SDUD PAS LUS CHEN PO YIN NO, ,'DI NI SGRA'I DON MA YIN PA YANG MA YIN TE, 'DI LTAR SEMS CAN THAMS CAD BDAG TU BSDUS PAS DE LUS ZHES BYA'O, ,DE DAG KYANG SHIN TU MANG BA'I PHYIR LUS CHEN PO YIN PAS SGRA'I DON MA YIN NO, ,'DIS NI GNAS 'DI'I RGYA CHE BA BRJOD DO, ,DGONGS PA NI 'DI YIN TE, BYANG CHUB SEMS DPA'I MNGON PAR RTOGS PA 'DI YANG YANG DAG PA'I KUN RDZOB LA BRTEN NAS YE SHES KHYAD BAR DU 'PHAGS PA 'BYUNG BA TZAM GYIS RAB TU PHYE BA YIN GYI, DON DAM PAR NI MNGON PAR RTOGS PAR BYED PA DANG, MNGON PAR RTOGS PAR @249B BYA BA GANG YANG MED DO ZHES BSTAN PA'I PHYIR, 'PHAGS PA RAB 'BYOR GYIS BCOM LDAN 'DAS DE BZHIN GSHEGS PAS MI LUS DANG LDAN ZHING ZHES BYA BA LA SOGS PA GSOL TO, ,'DIS NI DON GYIS NA LUS DANG LDAN ZHING LUS CHEN PO LA MNGON PAR ZHEN PA'I MI MTHUN PA'I PHYOGS SU YONGS SU STON TO, ,DE SPANG PA'I PHYIR 'DUN PA DANG SMON LAM GYIS GNAS PAR BYA BA STON TO, ,LUS DANG LDAN ZHING LUS CHEN PO ZHES MTSAN MA TZAM ZHIG YONGS SU BRJOD PAS BYANG CHUB SEMS DPA' CHOS THAMS CAD LA MNGON PAR ZHEN PA ZLOG PAR BYED DO, ,DON DAM PAR YANG RNAM PAR 'JOG CING, DE LA RNAL 'BYOR DU SNYOMS PAR 'JUG PA LA YANG 'DZUD DO, ,ZAB PA YANG BRJOD DO, ,SGRO 'DOGS PA'I MTHA' YANG SPONG NGO, ,SNGA MAS NI SKUR PA 'DEBS PA'I MTHA' BKAG GO, ,GAL TE DE BZHIN GSHEGS PAS LUS DE NYID MED PAR GSUNGS NA, DE'I TSE BYANG CHUB SEMS DPA' MNGON PAR RTOGS PA THOB PA DAG 'DI SNYAM DU BDAG GIS BYANG CHUB SEMS DPA'I MNGON PAR RTOGS PA THOB KYIS DA NI BDAG GIS SEMS CAN RNAMS DGROL BAR BYA'O SNYAM DU JI LTAR SEMS ZHES GZHAN GYI RNAM PAR RTOG PA DAM PA LA BRTAGS NAS MNGON PA'I NGA RGYAL MED PAS, MNGON PAR RTOGS PA BSTAN PA'I PHYIR BYANG CHUB SEMS DPA' GANG ZHES BYA BA GSUNGS SO, ,'DIS NI GANG 'DI SNYAM DU BDAG GIS SEMS CAN RNAMS YONGS SU MYA NGAN LAS BZLA'O, ,BDAG NI BYANG CHUB SEMS DPA'O SNYAM DU SEMS PA MNGON PA'I NGA RGYAL CAN DE YANG DAG PA'I DON DU NA BYANG CHUB SEMS DPA' MA YIN PAR STON TO, ,DE CI'I SLAD DU ZHES BYA BA NI 'DIR SHES PAR BYED PA'I GTAN TSIGS YONGS SU 'DRI BA'O, ,CHOS ZHES BYA BA NI GZUGS LA SOGS PA'I BDAG NYID DAM GANG ZAG LA SOGS PA'I BDAG NYID DO, ,'PHAGS PA RAB 'BYOR GYIS KYANG CHOS DE RIGS PAS DPYAD NA MA MTHONG BAS DE NI MA MCHIS LAGS SO ZHES BYA BA GSOL TE, ,RIGS PA DE THAMS CAD DU THUN MONG PAS BCOM LDAN 'DAS KYIS BDAG MED PA GNYI GA LA GZUD PA'I PHYIR DE BAS NA ZHES BYA BA GSUNGS SO, ,SEMS CAN MED CES BYA BA LA SOGS PA NI MTSON PA STE, RANG BZHIN MED PAR YANG BLTA @250A *, ,BAR BYA'O, ,'DIS NI RNAM PAR GYING BA TSAR GCAD PA BSTAN TO, ,MNGON PAR RTOGS PA BSHAD ZIN TO,, ,,'DI MAN CHAD NI SANGS RGYAS KYI YONGS SU BTZAL BA YIN TE, SANGS RGYAS KYI DE YANG PHUN SUM TSOGS PA BDUN GYIS YONGS SU BSDUS PA YIN TE, PHUN SUM TSOGS PA BDUN NI, ZHING YONGS SU DAG PA PHUN SUM TSOGS PA DANG, GZIGS PA BLA NA MED PA YONGS SU DAG PA PHUN SUM TSOGS PA DANG, MKHYEN PA BLA NA MED PA YONGS SU DAG PA PHUN SUM TSOGS PA DANG, BSOD NAMS KYI PHUNG PO LA MNGA' BRNYES PA PHUN SUM TSOGS PA DANG, SKU PHUN SUM TSOGS PA DANG, GSUNG PHUN SUM TSOGS PA DANG, THUGS PHUN SUM TSOGS PA'O, ,DE LA GAL TE BYANG CHUB SEMS DPA' ZHES BYA BA'I CHOS DE GANG YANG MED NA SU SANGS RGYAS KYI ZHING YONGS SU 'GRUB PAR BYA BA'I PHYIR 'BAD PAR BYED SNYAM DU DOGS PA BSAL BA'I PHYIR 'BAD PAR BYED SNYAM DU DOGS PA BSAL BA'I PHYIR SANGS RGYAS KYI ZHING YONGS SU DAG PA PHUN SUM TSOGS PA'I DBANG DU MDZAD NAS, RAB 'BYOR BYANG CHUB SEMS DPA' GANG ZHIG CES BYA BA LA SOGS PA GSUNGS SO, ,DE YANG DE BZHIN DU BRJOD PAR BYA'O ZHES BYA BA NI MNGON PA'I NGA RGYAL CAN GYI PHYIR DE BYANG CHUB SEMS DPA'O ZHES MI BYA'O ZHES BYA BA'I THA TSIG STE, GANG ZAG DANG CHOS LA BDAG MED PA MA RTOGS PAR RTOGS SO SNYAM DU MNGON PA'I NGA RGYAL BYED PA'I PHYIR RO, ,'DI LTAR DE'I NGA'O SNYAM DU MNGON PAR NGA RGYAL BYED PAS GANG ZAG LA BDAG MED PA MA RTOGS SO, ,ZHING BKOD PA RNAMS MED PAR DE LA MNGON PA'I NGA RGYAL BYED PAS CHOS LA BDAG MED PA MA RTOGS SO, ,'DIS NI ZHING BKOD PA SGYU MA LTA BUR MOS PAS BYANG CHUB SEMS DPA' JI LTAR GNAS PAR BYA BA DE BSTAN TO, ,GAL TE DON DAM PAR ZHING BKOD PA DE DAG MED DU ZIN NA, BCOM LDAN 'DAS KYIS JI LTAR GSUNGS SNYAM DU SEMS PA LA DE CI'I SLAD DU ZHES ZHUS TE, 'DI'I BSHAD PA NI SNGA MA BZHIN NO, ,'DI TSIG ZLOS PAR YANG MI 'GYUR TE, SNGA MA NI MOS PAS SPYOD PA'I SA LA GNAS PA'I BYANG CHUB SEMS DPA' BYANG CHUB SEMS DPA'I ZHING YONGS SU DAG BAR SMON PA'I GNAS SKABS NA BYANG CHUB SEMS DPA'I RNAM PAR RTOG PA SEL BA'I PHYIR RO, ,DA NI SANGS RGYAS KYI ZHING YONGS SU DAG PA BSGRUB PA'I PHYIR BYANG CHUB SEMS DPA' DAG @250B 'JUG PA NA DE LTAR MNGON PAR ZHEN PAS 'JUG GO SNYAM DU GANG DAG DE LTAR RNAM PAR RTOG PA DE DAG GI RNAM PAR RTOG PA DE BSAL BAR GSUNGS PA'I PHYIR RO, ,DE'I TSE KHA CIG GI RNAM PAR RTOG PA DE LTA BU GZHAN MI 'BYUNG BAS THUG PA MED PAR YANG MI 'GYUR RO, ,'DIS NI BYANG CHUB SEMS DPA' 'DI LA JI LTAR BSGRUB PAR BYA BA DE BSTAN TO, ,CI 'DRA BA LA BYANG CHUB SEMS DPA' ZHES BYA SNYAM PA LA, RAB 'BYOR BYANG CHUB SEMS DPA' GANG ZHIG CES BYA BA LA SOGS PA GSUNGS SO, ,CHOS RNAMS NI BDAG MED PA ZHES LAN GNYIS BRJOD PA NI BDAG MED PA RNAM PA GNYIS KYIS CHOS RNAMS BDAG MED PAR STON TO, ,BYANG CHUB SEMS DPA' SEMS DPA' ZHES LAN GNYIS BRJOD PAS NI BDAG MED PA RNAM PA GNYIS PO DE NYID RTOGS PAR STON TO, ,YANG NA DE NI BYANG CHUB SEMS DPA' ZHES BYA BA GCIG NI BZLAS PA'O, ,BYANG CHUB SEMS DPA' ZHES BRJOD DO ZHES BYA BA 'OG MA NI TSUL LO, ,DES NA JI SKAD BSTAN PAR 'GYUR ZHE NA, SU DAG GIS BSGRUB PO SNYAM DU GANG ZAG LA SOGS PAR 'DZIN PA MED PA DANG, ZHING BKOD PA RNAMS ZHES CHOS SU 'DZIN PA YANG MED PA DE DAG MED PA GNYI GA KHONG DU CHUD PA'I PHYIR BYANG CHUB SEMS DPA' ZHES BRJOD DO ZHES BSTAN PAR 'GYUR TE, 'DIS NI SEMS RAB TU GZUNG BA BSTAN TO, ,GNAS 'DI MTHA' DAG GIS NI ZAB PA BSTAN TO, ,SANGS RGYAS KYI ZHING SGYU MA LTA BU DE BSGRUB PA'I PHYIR BYANG CHUB SEMS DPA' DAG DE LA MOS PAS 'JUG PAR BSTAN PAS NI RGYA CHE BA BRJOD DO, ,GAL TE BYANG CHUB SEMS DPA' ZHES BYA BA'I CHOS DE GANG YANG MED NA DE'I TSE DE BZHIN GSHEGS PA GZIGS PA RNAM PAR DAG PA DANG, MKHYEN PA RNAM PAR DAG PA DANG LDAN PA MED PA KHO NAR 'GYUR TE, DE NI BYANG CHUB SEMS DPA' LAS SKYES PA'I DE MED NA DE JI LTAR RUNG BAR 'GYUR, RGYU MED PA NI RTAG TU YOD PA LA SOGS PA'I DON DU 'GYUR RO, ,DE BAS NA 'KHOR 'DUS PA GANG DE SNYAM DU RNAM PAR RTOG PAR 'GYUR BA DE'I CHED DU GZIGS PA DANG MKHYEN PA YONGS SU DAG PA BLA NA MED PA GNYIS KYI DBANG DU MDZAD NAS RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'PHAGS PA RAB 'BYOR GYIS KYANG @251A *, ,BCOM LDAN 'DAS KYI DGONGS PA SNGAR BZUNG NAS MNGA'O ZHES GSOL TO, ,'DIS NI DON DAM PAR BYANG CHUB SEMS DPA' ZHES BYA BA'I CHOS DE GANG YANG MED DU ZIN KYANG KUN RDZOB TU GANG BSOD NAMS DANG YE SHES KYI TSOGS YONGS SU BSKANGS NAS MKHYEN PA DANG GZIGS PA YONGS SU DAG PA'I DE BZHIN GSHEGS PAR 'GYUR BA MA BRTAGS GCIG PU NA DGA' BA PHUNG PO TZAM GYI RANG BZHIN GYI BYANG CHUB SEMS DPA'I YOD PA NYID DO, ,DE LTA MA YIN TE, GAL TE KUN RDZOB TU YANG DE MED DU ZIN NA DE'I TSE SU ZHIG DE BZHIN GSHEGS PAR 'GYUR ZHES DE SKAD STON TO, ,DE LA DE BZHIN GSHEGS PA LA SHES RAB KYI SPYAN KHO NA MNGA'O ZHES MI BYA BA NI GZIGS PA RNAM PAR DAG PA KHYAD ZHUGS PAR BSTAN PA'I PHYIR SPYAN MNGA' BAR STON TO, ,MDOR BSDUS SPYAN RNAM PA BZHI STE, GZUGS 'DZIN PA DANG, DON DAM PA'I BDEN PA 'DZIN PA DANG, KUN RDZOB KYI BDEN PA 'DZIN PA DANG, RNAM PA THAMS CAD DU SHES BYA 'DZIN PA'O, ,GZUGS 'DZIN PA YANG RNAM PA GNYIS TE, LAS KYI 'BRAS BU DANG, BSGOMS PA'I 'BRAS BU'O, ,SPYAN RNAM PA LNGA DANG GO RIMS BZHIN NO, ,DE LA YUL RIGS PA'I PHYIR DANG POR GZUGS 'DZIN PA BSTAN TO, ,DON DAM PA'I DBANG GIS KUN RDZOB SHES PA YONGS SU DAG PAR 'GYUR TE, DES NA DON DAM PA'I BDEN PA 'DZIN PA NI SNGAR BSTAN LA, KUN RDZOB KYI BDEN PA 'DZIN PA NI PHYIS BSHAD DO ZHES GO RIMS BSTAN PA'I MTSAMS SBYAR BA'O, ,GANG ZAG DANG CHOS LA BDAG MED PA'I YUL LA NI SHES RAB KYI SPYAN MNGA'O, , KUN RDZOB TU CHOS TZAM DU SNANG BA NYID DE GANG ZAG NI MA YIN NA ZHES GANG ZAG STONG STE, CHOS TZAM GYI YUL LA NI CHOS KYI SPYAN NO, ,SHES BYA THAMS CAD RNAM PA THAMS CAD DU MKHYEN PA NI SANGS RGYAS KYI SPYAN ZHES BYA STE, 'DIS NI DA LTAR MNGON SUM DU MDZAD PAR BZHUGS PA'I PHYIR YANG DAG PA'I KUN RDZOB TU SPYAN LNGA BSTAN PAS NI GANG GZIGS PA RNAM PAR DAG PA BRJOD DO, ,MKHYEN PA RNAM PAR DAG PA BRJOD PA'I PHYIR, RAB 'BYOR 'DI JI SNYAM DU ZHES BYA BA LA SOGS PA GSUNGS SO, ,DUS GSUM GYI SEMS DANG SEMS LAS BYUNG BA RNAMS NI SEMS KYI RGYUN NO,, @251B DE BAS NA DUS GSUM YUL YIN PA'I PHYIR YUL DE SHES PA NI MKHYEN PA ZHES BYA'I GZIGS PA ZHES NI MI BYA'O, ,DE YANG 'DOD CHAGS DANG BCAS PA'I SEMS DANG 'DOD CHAGS DANG DBRAL BA'I SEMS ZHES BYA BA LA SOGS PA KUN NAS NYON MONGS PA DANG, RNAM PAR BYANG BA'I NGO BO SNA TSOGS SU RIG PAR BYA'O, ,DE SNYED KYI 'JIG RTEN GYI KHAMS ZHES BYA BA NI MTSON PA STE, 'JIG RTEN GYI KHAMS MTHA' YAS PAR GTOGS PA'I SEMS CAN RNAMS KYI RGYUN YONGS SU MKHYEN PA'I PHYIR RO, ,'DI LTAR KUN RDZOB TU DE BZHIN GSHEGS PA LA SHA'I SPYAN LA SOGS PA MNGA' STE, DES NA DES BSGRUB PA'I PHYIR BYANG CHUB SEMS DPA' 'DUN PA DANG SMON LAM GYI GNAS PAR BYA BA'O, ,GZHUNG 'DIS NI PHUN SUM TSOGS PA GNYI GA YANG BSTAN PA YIN NO, ,SHA'I SPYAN LA SOGS PA YANG GCIG DANG DU MA'I RANG BZHIN GYIS DPYAD NA MI DMIGS PA NYID LA, DON GZHAN SHES PAS 'DZIN PAR YANG MI RIGS TE, JI LTAR SNGAR DPYAD PA LTA BU YIN NA DE BZHIN GSHEGS PA LA SHA'I SPYAN LA SOGS PA MNGA' BA DANG SEMS KYI RGYUN RAB TU MKHYEN PAR JI LTAR 'GYUR SNYAM DU SEMS PA'I BSAM PA LA BRTAGS NAS DE CI'I SLAD DU ZHES ZHUS PA DANG, BYANG CHUB SEMS DPA' RNAM PAR DAG PA 'DI GNYIS LA RNAL 'BYOR DU SNYOMS PAR 'JUG PAS JI LTAR BSGRUB PAR BYA BA DE BSTAN PA'I PHYIR, SEMS KYI RGYUN SEMS KYI RGYUN ZHES BYA BA LA SOGS PA GSUNGS SO, ,RGYUN MED CES BYA BA NI DON DAM PAR RO, ,RANG BZHIN MED DU ZIN KYANG KUN RDZOB LA BRTEN NAS GSUNGS TE, DE NYID KYI PHYIR SEMS KYI RGYUN ZHES BYA'O ZHES GSUNGS SO, ,DE LTA MA YIN PA DON DAM PAR NI BRJOD PA'I SPYOD YUL THAMS CAD LAS 'DAS PA'I PHYIR BRJOD PAR MI 'GYUR RO SNYAM DU DGONGS PA'O, ,SEMS KYI RGYUN ZHES SMOS PA NI MTSON PA STE, SHA'I SPYAN LA SOGS PA YANG SPYAN GYI RANG BZHIN MED PA NYID DU GSUNGS SO ZHES BRJOD PAR BYA BA'I SKABS YIN TE, MNGON SUM GSUNGS SO, ,'DI LA JI LTAR SEMS RAB TU GZUNG BAR BYA BA DE BSTAN PA'I PHYIR DE CI'I SLAD DU ZHES BYA BA DE ZHUS TE, RGYUN MED CES BYA BA DANG SBYAR RO, ,'DAS PA LA SOGS PA'I @252A *, ,SEMS NI DON DAM PAR MA SKYES PA'I PHYIR MI DMIGS KYI, YOD KYANG 'DZIN PAR MI 'THAD PAS MI DMIGS PA NI MA YIN NO, ,DE LTA NA NI SEMS KYI RGYUN MED PAR BSTAN PAR MI 'GYUR TE, MI DMIGS PA TZAM GYIS NI DNGOS PO RNAMS KYI RANG BZHIN MED PAR MI 'GYUR RO, , JI LTAR DUS GSUM GYI SEMS DON DAM PAR MED PA DE LTAR NI SNGAR YANG BSHAD DE, STON PAR YANG 'GYUR RO, ,SEMS SMOS PA NI MTSON PA STE, DES NA SHA'I MIG LA SOGS PA 'DAS PA LA SOGS PA YANG MI DMIGS PA NYID DO, ,'DI LA RGYUN MED CES BYA BA LA SOGS PA'I TSIG GIS NI ZAB PA BRJOD DO, ,LHAG MA RNAMS KYIS NI RGYA CHE BA'O, ,GAL TE DUS GSUM GYI SEMS MED NA DE'I TSE BSOD NAMS KYI PHUNG PO YANG MED PAR 'GYUR TE, DE NI SEMS LA BRTEN PA'I PHYIR RO, ,DE BAS NA DE BZHIN GSHEGS PA'I BSOD NAMS KYI PHUNG PO LA MNGA' BA PHUN SUM TSOGS PA BSGRUB PA'I PHYIR BYANG CHUB SEMS DPA' JI LTAR 'BAD PAR BYA SNYAM PA LA BRTAGS TE, BSOD NAMS KYI PHUNG PO LA MNGA' BA PHUN SUM TSOGS PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'DIS NI RIGS KYI BU 'AM RIGS KYI BU MO THA NA GANG PHYI'I DNGOS PO NI RIN PO CHE LA SOGS PA GTONG BAR BYED PA DE YANG BSOD NAMS KYI PHUNG PO CHEN PO DANG LDAN PAR 'GYUR NA, DE BZHIN GSHEGS PA BSKAL PA GRANGS MED DPAG TU MED PAR BYA DKA' BA BRGYA PHRAG DU MA GOMS PAR MDZAD PAS BSOD NAMS KYI PHUNG PO LA MNGA' BAR CI'I PHYIR MI 'GYUR ZHES DE SKAD STON TO, ,DES NA DON DAM PAR BSOD NAMS KYI PHUNG PO MED DU ZIN KYANG KUN RDZOB TU YOD PAS NA BYANG CHUB SEMS DPAS DE LA DBANG BA BSGRUB PA'I PHYIR 'DUN PA DANG, SMON LAM GYIS GNAS PAR BYA'O ZHES BSTAN TE, 'DI NI RGYA CHE BA YANG BRJOD DO, ,BSOD NAMS KYI PHUNG PO DON DAM PAR YOD PAR CI'I PHYIR RNAM PAR MI GZHAG SNYAM PA LA BRTAGS NAS BYANG CHUB SEMS DPAS 'DI LA JI LTAR BSGRUB PAR BYA BA DANG, SEMS RAB TU GZUNG BAR BYA BA DANG, GNYI GA BSTAN PA'I PHYIR, RAB 'BYOR GAL TE ZHES BYA BA LA SOGS PA GSUNGS SO, ,GAL TE ZHES BYA BA NI JI @252B STE ZHES BYA BA'I THA TSIG GO, ,DE BZHIN GSHEGS PA MI GSUNG NGO ZHES BYA BA NI DON DAM PAR BRJOD PA MI SPYOD PA'I PHYIR TE, MA BSTAN PAR YANG DE LTAR GRAGS PAR 'GYUR RO SNYAM DU DGONGS PA'O, ,JI LTAR BSOD NAMS KYI PHUNG PO DON DAM PAR MED PA DE LTAR SNGAR BSTAN ZIN TO, ,'DIS NI DE BZHIN GSHEGS PA'I BSOD NAMS KYI PHUNG PO MNGA' BA PHUN SUM TSOGS PA BSGRUB PA'I PHYIR ZHUGS PA'I BYANG CHUB SEMS DPAS DON DAM PAR DE MI DMIGS PAR RNAL 'BYOR DU SNYOMS PAR 'JUG PAS BSGRUB PAR BYA BA DANG, DON DAM PAR DE DMIGS PA LA MNGON PAR ZHEN PA SPONG PAS SEMS RAB TU GZUNG BAR BYA BA GNYI GA BSTAN TE, ZAB PA YANG BRJOD DO, ,GAL TE BSOD NAMS KYI PHUNG PO MED PA NYID YIN NA, DE'I TSE DE BZHIN GSHEGS PA RNAMS KYI SKU PHUN SUM TSOGS PA RNAM PA GNYIS PO DPE BYAD BZANG PO'I SKU PHUN SUM TSOGS PA DANG, MTSAN GYI SKU PHUN SUM TSOGS PA BSOD NAMS BLA NA MED PA LAS SKYES PAR 'DOD PA GANG YIN PA DE YANG RGYU MED PA'I PHYIR MED PAR 'GYUR RO, ,DE BAS NA DE BZHIN GSHEGS PA'I SKU PHUN SUM TSOGS PA RNAM PA GNYIS YONGS SU BSGRUB PA'I PHYIR, BYANG CHUB SEMS DPAS JI LTAR 'BAD PAR BYA SNYAM DU SEMS PA DE'I CHED DU DE BZHIN GSHEGS PA RNAMS KYI GZUGS KYI SKU PHUN SUM TSOGS PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,GZUGS KYI LUS ZHES BYA BA NI DPE BYAD BZANG PO'I SKU YIN PAR BLTA BAR BYA'O, ,MTSAN GYI SKU NI 'OG NAS 'CHAD DE BA LANG DANG GLANG ZHES BYA BA'I TSUL DU, 'DI LAS 'PHAGS PA RAB 'BYOR GYI BSAM PA NI 'DI YIN TE, JI LTAR BSOD NAMS KYI PHUNG PO DON DAM PAR PHUNG PO MED PA KHO NA YIN PA DE BZHIN DU GZUGS KYI SKU YANG MA SKYES PA KHO NA STE, DE BAS NA DON DAM PAR GZUGS KYI SKU YONGS SU GRUB PAS DE BZHIN GSHEGS PAR BLTA BAR MI BGYI LAGS SO ZHES BYA'O, ,KUN RDZOB TU NI SGYU MAS SPRUL PA'I SANGS RGYAS BZHIN DU GZUGS KYI SKU YOD PA NYID DE, DE BAS NA BSOD NAMS KYI PHUNG PO LAS BYUNG BAR RUNG BA NYID DO, ,DE BAS NA BYANG CHUB SEMS DPAS SGYU MAS SPRUL PA'I SANGS RGYAS @253A *, ,KYI GZUGS LA MOS PA DE LTA BUS DE BSGRUB PA'I PHYIR 'DUN PA DANG SMON LAM GYIS GNAS PAR BYA BA BSTAN PA YIN NO, ,'DIR TSIG ZLOS PAR YANG MI 'GYUR TE, SNGAR MOS PAS SPYOD PA'I SA NA GZUGS KYI SKU THOB PAR 'DUN PA'I DUS DANG, DE BZHIN GSHEGS PA MCHOD PA DANG RIM GRO BYA BA'I DUS NA DE LTAR MNGON PAR ZHEN PA YONGS SU SPANG BA YIN LA, DA NI LHAG PA'I BSAM PA DAG PA'I SA NA DE BZHIN GSHEGS PA'I GZUGS KYI SKU PHUN SUM TSOGS PA BSGRUB PA'I PHYIR ZHUGS PA'I BYANG CHUB SEMS DPA' GZUGS LA MNGON PAR ZHEN PA YOD DO ZHES GRAG CES 'KHOR GANG DAG GI RNAM PAR RTOG PA NGAN PA DE BSAL BAR GSUNGS PA'I PHYIR RO, ,'O NA DE BZHIN GSHEGS PA RNAMS KYI GZUGS KYI SKU JI LTAR BSTAN SNYAM DU SEMS SHING, DE CI'I SLAD DU ZHES DRIS TE, GZUGS KYI SKU YONGS SU GRUB PAS DE BZHIN GSHEGS PAR BLTA BAR MI BYA ZHES BYA BA DANG SBYAR RO, ,'DI NI GRUB PA MED DE GZUGS KYI SKU YAN LAG CAN GYI RANG BZHIN NAM, RDUL PHRA RAB BSAGS PA'I RANG BZHIN DU MA GRUB PAR JI LTAR SNGAR DPYAD PA BZHIN NO, ,'DIS NI BYANG CHUB SEMS DPAS JI LTAR BSGRUB PAR BYA BA DE BSTAN TO, ,DES NA ZHES BYA BA NI 'DI LTAR KUN RDZOB TU YOD DO, RI BONG GI RVA BZHIN DU RNAM PA THAMS CAD DU MED PA NI MA YIN PA'I PHYIR RO, ,'DIS NI SKUR PA 'DEBS PA'I MTHA' BKAG NAS JI LTAR SEMS RAB TU GZUNG BAR BYA BA DE BSTAN TO, ,GNAS 'DI THAMS CAD KYIS NI ZAB PA BSTAN TO, ,KUN RDZOB TU DE BZHIN GSHEGS PA'I GZUGS KYI SKU PHUN SUM TSOGS PA BSGRUB PA'I PHYIR BYANG CHUB SEMS DPA' RNAMS KYIS 'BAD PAR BYA BA BSTAN PAS NI RGYA CHE BA YANG BSTAN TO, ,MTSAN GYI SKU PHUN SUM TSOGS PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS TE, 'DIR BSHAD PA THAMS CAD NI SNGA MA DANG 'DRA'O, ,GAL TE GZUGS KYI SKU YONGS SU GRUB PAS DE BZHIN GSHEGS PAR BLTA BAR MI BYA NA, DE'I TSE BCOM LDAN 'DAS KYIS BSTAN PA YANG MED PAR 'GYUR TE, DE NI GZUGS KYI @253B SKUS BSDUS PA'I PHYIR RO, ,DE BAS NA BYANG CHUB SEMS DPAS DE BZHIN GSHEGS PA'I GSUNG PHUN SUM TSOGS PA BSGRUB PA'I PHYIR JI LTAR 'BAD PAR BYA SNYAM DU SEMS PA DE'I CHED DU GSUNG PHUN SUM TSOGS PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS GSUNGS SO, ,DON DAM PAR 'CHAD PA PO DANG, BSHAD PAR BYA BA DANG, BSHAD PA MED PA'I PHYIR DE BZHIN GSHEGS PA 'DI SNYAM DU NGAS CHOS BSTAN TO SNYAM DU MI DGONGS SO, ,DE LTAR MA YIN NA PHYIN CI LOG TU 'GYUR BA'I PHYIR THAMS CAD MKHYEN PAR MI 'GYUR RO, ,JI LTAR 'CHAD PA PO STE BDAG LA SOGS PA DANG, BSHAD PAR BYA BA STE PHYI NANG GI DNGOS PO DANG, BSHAD PA STE, BYED PA GZUGS SAM SGRA'I BDAG NYID MED PA DE LTAR NI SNGAR RGYAS PAR BSTAN ZIN TE, DNGOS PO MTHA' DAG LA STONG PA NYID KYIS KHYAB PAR SNGAR BSGRUBS PA'I PHYIR RO, ,KUN RDZOB TU 'CHAD PA PO DANG, BSHAD PAR BYA BA DANG, BSHAD PA MA BRTAGS NA DGA' BAS THA SNYAD 'DOGS PA 'BA' ZHIG TU ZAD KYI DON DAM PAR NI MA YIN NO, ,GAL TE DNGOS PO'I DE KHO NA NYID DE LTA BU BSTAN DU ZIN KYANG KHA CIG MGO RMONGS TE DON DAM PAR GSUM PO YOD PAR SEMS NA DE'I TSE CIR 'GYUR SNYAM PA LA, RAB 'BYOR SU ZHIG CES BYA BA LA SOGS PA GSUNGS SO, ,SKUR PA NI DON MED PAR GLENG BA'I PHYIR RO, ,JI LTAR MED PA DES GLENG BAR NUS SNYAM PA LA, LOG PAR 'DZIN PAS ZHES BYA BA GSUNGS TE, PHYIN CI LOG TU MNGON PAR ZHEN PAS LOG PAR ZIN PA'I PHYIR DE MED CES BYA BA'I THA TSIG GO, ,'DIS NI DE BZHIN GSHEGS PA'I GSUNG PHUN SUM TSOGS PA LA 'JUG PA'I BYANG CHUB SEMS DPAS BRAG CA LA SOGS PA LTA BUR SHES PAS 'JUG PAR BYA'O ZHES BYANG CHUB SEMS DPA' JI LTAR GNAS PAR BYA BA DE BSTAN TO,, GAL TE BSHAD PA LA SOGS PA GSUM PO DE MED NA GANG ZAG DANG CHOS LA BDAG MED PA LA SOGS PA STON PAR BYED PA BCOM LDAN 'DAS KYIS CHOS BSTAN PA TSIG DANG NGAG GI NGO BO SNA TSOGS 'DI JI LTAR GRAGS, DE YOD NA NI GANG DES BSTAN PAR BYA BA STE, BSHAD PAR BYA BA YANG YOD @254A *, ,PA NYID LA, GANG DE STON PAR BYED PA 'CHAD PA PO DE YANG YOD PA NYID DE SHUGS KYIS NA GSUM CHAR YOD DO SNYAM DU SEMS PA LA DE CI'I SLAD DU ZHES ZHUS PA DANG, 'DIR LAN DU CHOS BSTAN PA ZHES BYA BA GSUNGS SO, ,'DI SNYAM DU DGONGS TE, CHOS BSTAN PA DON DAM PAR YOD NA RANG GI MTSAN NYID KYI NGO BO'AM, SPYI'I MTSAN NYID KYI NGO BO ZHIG TU 'GYUR GRANG NA, RE ZHIG PHYOGS DANG PO NI MA YIN TE, RANG GI MTSAN NYID DON DAM PA THAMS CAD NI SNGAR RGYA CHE BAR GSAL BA'I PHYIR RO, ,GNYIS PA YANG MA YIN TE, RANG GI MTSAN NYID MED NA GNAS MED PAS CI YANG MED PA'I PHYIR RO, ,SPYI DNGOS POR KHAS LEN NA NI RANG GI MTSAN NYID KHO NAR 'DUS PA'I PHYIR DE GSAL BAS DE YANG GSAL BA NYID DO, ,GZHAN RNAM PAR GCAD PAS SPYI'I MTSAN NYID NI SGRO BRTAGS PA'I NGO BO ZHES RTOG NA NI CHOS BSTAN PA DON MED PAS GRUB PA SGRUB PAR GYUR TO, , DE DON DAM PAR RANG GI MTSAN NYID YOD DU CHUG NA YANG DES CHOS BSTAN PAR MI RIGS TE, SGRA GSAL BA LA SOGS PA BRTAG PA'I NGO BO LA GZHAN DAG GIS TSIG TU YONGS SU BRTAGS PA NI RIM DANG RIM MA YIN PAS DON BYED PAR 'GAL TE, NUS PA THAMS CAD DANG BRAL BAS SHES PA LA SOGS PA GANG LA YANG SBYOR BA MED DE, CI YANG MI BYED PAR JI LTAR TSIG TU 'GYUR, RANG GI MTSAN NYID MI RTAG PA YANG BRDAR 'DOGS PA'I TSE NA MTHONG BA THA SNYAD 'DOGS PA'I TSE NA RJES SU 'GRO BA MED PAS TSIG TU MI RIGS SO BRDAR 'DOGS PA YANG GZHAN THA SNYAD 'DOGS PA YANG GZHAN PAR NI MI RIGS TE, HA CANG THAL BAR 'GYUR RO, ,DE BAS NA RJES SU 'GRO BA MED PAS RANG GI MTSAN NYID KYANG BRJOD PAR MI RIGS SO, ,SPYI'I DNGOS PO YANG BRJOD PAR BYA BAR KHAS LEN NA NI DE BRJOD PAR BYA BA'I NGO BOR GYUR PAS RANG GI MTSAN NYID KYI NGO BO YIN PA'I PHYIR YUL GZHAN DU 'GRO BA MED PA NYID DO, ,GCIG PU NI YUL DANG DUS LA SOGS PA SO SO THA DAD PA GSAL BA DU MA LA KHYAB PAR YANG MI RIGS TE, 'DI LTAR BDAG NYID THAMS CAD GSAL BA GCIG LA RDZOGS NA NI DE'I TSE GCIG KHO NA LA DE'I RANG BZHIN YONGS SU BRTAGS PA GANG GIS @254B NI GZHAN LA YANG CHUB PAR 'GYUR BA GSAL BA GZHAN DANG 'BREL PA'I RANG BZHIN GZHAN NI DE LA MED DE, GCIG PU NYAMS PAR 'GYUR BA'I PHYIR RO, ,PHYOGS GCIG GIS KHYAB NA NI YAN LAG DANG BCAS PA DANG MA ZIN PA'I SKYON DU 'GYUR TE, DE LTAR GSAL BA THA DAD PA JI SNYED LA DE'I PHYOGS GCIG GIS KHYAB PAR RNAM PAR GZHAG PAR DE SNYED 'DZIN NA NI GSAL BA GCIG LA 'DZIN PA NI PHYOGS GCIG 'DZIN PAS DE LA 'DZIN PAR RUNG GRANG NA, GSAL BA THA DAD PA NA TSOD DANG YUL DANG, DUS LA SOGS PA SO SO THA DAD PA DE DAG LA GSAL BA GCIG LAS 'DZIN PA NI PHYOGS GCIG 'DZIN PAS CIG CAR 'DZIN PA MED PAS RTOG PA MED PA NYID DU 'GYUR RO, ,DE BAS NA BRJOD PAR BYA BA DANG, RJOD PA NI SGRO BTAGS PA'I RNAM PA'I NGO BO KHO NAR RIGS KYI YANG DAG PAR NI MA YIN NO, ,DE NYID KYI PHYIR BCOM LDAN 'DAS KYIS GZHAN DAG TU, MING NI GANG DANG GANG DAG GIS, ,CHOS RNAMS GANG DANG GANG BRJOD PA, ,DE LA DE NI MED PA STE, ,DE NI CHOS RNAMS CHOS NYID DO, ,ZHES GSUNGS SO, ,BSHAD PA YANG BRDZUN PAS SGO DE NAS BSHAD PAR BYA BA DANG, 'CHAD PA PO YOD PAR BSTAN PA GANG YIN PA DE YANG SGO DE NAS 'ONGS PAS GSAL BA NYID DE, DE GNYIS KA MED PAR BCOM LDAN 'DAS KYIS LOGS SHIG TU MA GSUNGS SO, ,'DIS NI BYANG CHUB SEMS DPA' JI LTAR BSGRUB PAR BYA BA DANG, SEMS RAB TU GZUNG BAR BYA BA DE BSTAN TO, ,'DI THAMS CAD KYIS NI ZAB PA BSTAN TO, ,THUGS PHUN SUM TSOGS PA NI RNAM PA THA DAD PA BDUN TE, DRAN PA NYE BAR GZHAG PA DANG, MNGON PAR RDZOGS PAR BYANG CHUB PA DANG, CHOS DON CHEN POR GDAGS PA DANG, GDAMS NGAG DON CHEN POR GDAGS PA DANG, CHOS KYI SKU YONGS SU 'DZIN PA DANG, MYA NGAN LAS 'DAS PA DANG 'KHOR BA LA MI GNAS PA DANG, BZHUGS PA YONGS SU DAG PA'O, ,DE LA DA NI CHOS ZAB MO 'DI LTA BU MA 'ONGS PA'I DUS NA LTA BA NGAN PA'I DRA BAS THIBS POR GYUR PA LA JIG 'BRAS BU DANG BCAS PAR 'GYUR SNYAM DU 'KHOR YID MI CHES TE, GANG DAG DE SNYAM DU SEMS PA DE DAG GI YID MI CHES PA BSAL BA'I PHYIR 'PHAGS PA @255A *, ,RAB 'BYOR GYIS THUGS PHUN SUM TSOGS PA LAS DRAN PA NYE BAR GZHAG PA'I DBANG DU BYAS NAS, BCOM LDAN 'DAS ZHES BYA BA LA SOGS PA GSOL TO, ,BCOM LDAN 'DAS KYIS KYANG MA 'ONGS PA'I DUS NA TSUL KHRIMS DANG LDAN PA, YON TAN DANG LDAN PA DAG 'BYUNG NGO ZHES BYA BA LA SOGS PAS SNGAR MA GSUNGS SAM, DA NI DE DAG GCIG TU YOD PA NYID DANG, MED PA NYID DU MNGON PAR ZHEN PAR MI BYA BAR BSTAN PA'I PHYIR YOD CES MA GSUNGS KYI, MTHA' GNYIS DGAG PA'I PHYIR, RAB 'BYOR DE DAG NI ZHES BYA BA LA SOGS PA GSUNGS SO, , DON DAM PAR PHUNG PO DANG GANG ZAG LA SOGS PA'I NGO BO YOD PAR MI DMIGS PA'I PHYIR SEMS CAN YANG MA YIN TE 'DI SA NI SGRA BTAGS PA'I MTHA' BKAG GO, ,MA BRTAGS NA DGA' BAR KUN TU GNAS PA'I PHYIR SEMS CAN MED PA YANG MA YIN TE 'DIS NI SKUR PA 'DEBS PA'I MTHA' BKAG GO, ,'DIS NI 'BYUNG NGO ZHES STON PAS SEMS CAN RNAMS LA BCOM LDAN 'DAS KYI DRAN PA NYE BAR GZHAG PA PHYIN CI MA LOG PA CI 'DRA STE DE STON CING BCOM LDAN 'DAS KYI DRAN PA NYE BAR GZHAG PA PHUN SUM TSOGS PA DE LA BYANG CHUB SEMS DPAS 'DUN PA DANG SMON LAM GYIS GNAS PAR BYA BA BSTAN PA YIN NO, ,DE DAG NI SEMS CAN YANG MA YIN ZHES BYA BA 'DIS NI RNAL 'BYOR DU SNYOMS PAR 'JUG PA BSTAN TO, ,GAL TE DE DAG SEMS CAN MA YIN NA DE'I TSE BCOM LDAN 'DAS KYIS MA 'ONGS PA'I DUS NA TSUL KHRIMS DANG LDAN PA, YON TAN DANG LDAN PA DE DAG 'BYUNG NGO ZHES BYA BA LA SOGS PA JI LTAR GSUNGS SNYAM DU SEMS PA LA BRTAGS NAS DE CI'I SLAD DU ZHES BYA BA ZHUS SO, ,DE DAG SEMS CAN MED PAR GSUNGS PA'I PHYIR TE ZHES BYA BA NI DON DAM PAR SEMS CAN MED PA NYID DO, ,KUN RDZOB TU RNAM PAR GNAS PA'I PHUNG PO'I NGO BO YOD PA LA BRTEN NAS DE DAG GSUNGS TE, DE BAS NA KUN RDZOB TU YOD PAS SEMS CAN RNAMS ZHES BYA'O, ,DE LTA MA YIN TE KUN RDZOB TU YANG MED NA NI GSUNG PAR MI 'GYUR RO, ,'DIS NI SEMS RAB TU BZUNG BA BSTAN TO, ,'DI THAMS CAD KYIS NI ZAB PA BRJOD DO, ,BCOM @255B LDAN 'DAS KYIS DRAN PA NYE BAR GZHAG PA SEMS CAN THAMS CAD LA THOGS PA MED PAR BSTAN PAS NI RGYA CHE BA BSTAN TO, ,GAL TE BCOM LDAN 'DAS KYIS CHOS BSTAN PA GANG YANG MED NA DE'I TSE MNGON PAR RDZOGS PAR SANGS RGYAS PAR YANG MI 'GYUR TE, DE'I PHYIR DE BZHIN GSHEGS PA'I MNGON PAR RDZOGS PAR BYANG CHUB PA BSGRUB PA'I PHYIR BYANG CHUB SEMS DPA' RNAMS KYI 'BAD PA DON MED PAR 'GYUR RO, ,JI SNYED CHOS MNGON PAR RDZOGS PAR SANGS RGYAS PAR 'DOD NA DE'I TSE BSTAN PA YANG YOD DO SNYAM DU GANG DAG SEMS PA DE DAG GI CHE DU MNGON PAR RDZOGS PAR BYANG CHUB PA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,'PHAGS PA RAB 'BYOR GYIS DGONGS PA SNGA MA BZUNG NAS DE NI MA MCHIS LAGS SO ZHES GSOL TO, ,DE 'DI SNYAMS DU SEMS TE, DON DAM PA LA DGONGS NAS BCOM LDAN 'DAS KYIS BSTAN PA BKAG GO SNYAM MO, ,JI LTAR DON DAM PAR CHOS BSTAN PA GANG YANG MED PA'I PHYIR MNGON PAR RDZOGS PAR SANGS RGYAS PA YANG MED DE DE NI SNGAR BSTAN TO, ,KUN RDZOB TU NI BCOM LDAN 'DAS KYIS CHOS BSTAN PA DANG, RDZOGS PA'I BYANG CHUB DANG, DE'I RGYU'I LAM YANG YOD PA NYID DO, ,DE BAS NA BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB YANG DAG PA'I KUN RDZOB KYI NGO BO BSGRUB PA'I PHYIR 'BAD PAR BYA STE, 'DIS NI BYANG CHUB SEMS DPA' JI LTAR GNAS PAR BYA BA DE BSTAN TO, ,SNGAR NI GDAMS NGAG YONGS SU BTZAL BA'I DUS NA MNGON PAR RDZOGS PAR BYANG CHUB LA DON DAM PA'O SNYAM DU SEMS PA'I BYANG CHUB SEMS DPA'I RNAM PAR RTOG PA DE SEL LA, DE NI SANGS RGYAS KYI SA YONGS SU BTZAL BA'I DUS NA GZHAN DAG GI RNAM PAR RTOG PA DE LTA BU SEL BAS TSIG ZLOS PA'I NYES PAR MI 'GYUR RO, ,BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB YANG DAG PA'I KUN RDZOB TU RNAM PAR GZHAG PA DE CI 'DRA BA SNYAM PA LA CUNG ZAD KYANG ZHES BYA BA LA SOGS PA GSUNGS SO, ,YE SHES GANG LA BZHUGS PA NA BCOM LDAN 'DAS KYIS RANG GI MTSAN NYID 'DZIN PA'I @256A *, ,MTSAN NYID KYI CHOS KYI RANG BZHIN PHRA MO YANG MI DMIGS SHING MA LUS PAR CHOS LA BDAG MED PAR RTOGS PA'I NGO BO DE NI BLA NA MED PA YANG DAG PAR RDZOGS PA'I BYANG CHUB PO, ,PHYI ROL PA DANG SLOB PA DANG MI SLOB PA'I SHES PA GANG DAG LAS MCHOG TU GYUR PAS BLA NA MED PA'O, , DNGOS PO MTHA' DAG GI DE KHO NA JI LTA BA BZHIN DU THUGS SU CHUD PA'I NGO BO YIN PAS YANG DAG PAR RDZOGS PA'I BYANG CHUB CES BYA'O ZHES BYA BA'I THA TSIG GO, ,DE LA CHOS RNAMS MI DMIGS PA'I GTAN TSIGS SU MED CES BYA BA GSUNGS SO, ,GANG GI PHYIR MED PA DE'I PHYIR MI DMIGS KYI YOD BZHIN DU MI DMIGS PA NI MA YIN TE, CHOS THAMS CAD YOD NA NI DE BZHIN GSHEGS PA'I YE SHES KYI DMIGS PA'I RIG BYED NYID DU 'GYUR BA'I PHYIR RO, ,'DIS NI CHOS LA BDAG MED PAR RTOGS PA'I NGO BO BSTAN TO, ,DA NI GANG ZAG LA BDAG MED PAR RTOGS PA'I NGO BO BSTAN PA'I PHYIR, YANG RAB 'BYOR ZHES BYA BA LA SOGS PA GSUNGS SO, ,CHOS DE NI MNYAM BA STE ZHES BYA BA NI DES RTOGS PA'I CHOS THAMS CAD DU GANG ZAG LA BDAG MED PAR MTSUNGS PA'I PHYIR RO, ,MI MNYAM PA GANG YANG MED CES BYA BA NI THAMS CAD DU DE PHYIN CI MA LOG PA'I PHYIR TE, BDAG TU 'DZIN PA'I RGYUD DNGOS POR MNGON PAR ZHEN PA SPANGS PA'I PHYIR RO, ,BCOM LDAN 'DAS NI BDAG TU 'DZIN PA BAG CHAGS DANG BCAS PA SPANGS BA STE, DE'I PHYIR DE NYID KYI GANG ZAG LA BDAG MED PAR RTOGS PA'I NGO BO RDZOGS PA'I BYANG CHUB NI BLA NA MED PA YANG DAG PAR RDZOGS PA'I BYANG CHUB CES BYA STE, GZHAN DAG GI NI MA YIN NO, ,TSUL GANG GIS CHOS DE MNYAM SNYAM PA LA, SEMS CAN MED PA ZHES BYA BA LA SOGS PA GSUNGS SO, ,'DI THAMS CAD KYIS NI JI LTAR RNAL 'BYOR DU SNYOMS PAR 'JUG PAS BSGRUB PAR BYA BA DE BSTAN TO, ,DE JI LTAR MNGON PAR RDZOGS PAR 'TSANG RGYA SNYAM PA LA, DGE BA'I CHOS THAMS CAD KYIS ZHES BYA BA LA SOGS PA GSUNGS TE, DE BSOD NAMS DANG YE SHES KYI TSOGS KYI BDAG NYID DGE BA'I CHOS RNAMS KYIS MNGON PAR RDZOGS PAR 'TSANG RGYA'O ZHES BYA BA'I THA TSIG GO, ,GAL TE MED PA'I PHYIR CHOS CUNG ZAD KYANG MI DMIGS NA DGE BA'I CHOS RNAMS YOD @256B PAR JI LTAR 'GYUR TE, GANG GI PHYIR DE DAG GIS MNGON PAR RDZOGS PAR 'TSANG RGYA SNYAM PA LA, DGE BA'I CHOS RNAMS ZHES BYA BA LA SOGS PA GSUNGS TE, DON DAM PAR NI CHOS RNAMS MED PA NYID DO, ,KUN RDZOB TU NI YOD PAS DGE BA'I CHOS RNAMS ZHES GSUNGS TE, DE'I PHYIR DGE BA'I CHOS RNAMS KYIS MNGON PAR RDZOGS PAR 'TSANG RGYA'O ZHES BYA BA LA NYES PA MED DO, ,'DIS NI SGRO 'DOGS PA DANG SKUR PA 'DEBS PA'I MTHA' 'DZIN PA RNAM PAR G-YENG BA SEL BAS SEMS RAB TU GZUNG BA BSTAN TO, ,GNAS 'DI THAMS CAD KYIS NI ZAB PA BSTAN TO, ,MA LUS PAS GANG ZAG DANG CHOS LA BDAG MED PAR RTOGS PA'I NGO BO YANG DAG PAR RDZOGS PA'I BYANG CHUB KYI RANG GI NGO BO YONGS SU BRJOD PAS NI RGYA CHE BA YANG BSTAN TO, ,BCOM LDAN 'DAS KYI YANG DAG PAR RDZOGS PA'I BYANG CHUB DE JI LTAR RIG PAR BYA SNYAM PA LA BRTAGS NAS CHOS DON CHEN POR GDAGS PAS DE YOD PAR BSTAN PA'I PHYIR, YANG RAB 'BYOR CES BYA BA LA SOGS PA GSUNGS SO, ,RI'I RGYAL PO RI RAB CES BYA BA NI MTSON PA STE, 'JIG RTEN GYI KHAMS MTHA' YAS PA DAG RIN PO CHES YONGS SU BKANG STE BYIN PA'I BSOD NAMS GANG YIN PA DE YANG DPER MI BZOD PA NYID DO, ,SHES RAB KYI PHA ROL TU PHYIN PA 'DI LAS ZHES BYA BA MTSAN MA TZAM YONGS SU MI BRJOD PAS THEG PA CHEN PO'I CHOS MTHA' DAG MTSON TO, ,BAR DU ZHES BYA BA'I SGRAS NI STONG GI CHA DANG, 'BUM GYI CHA DANG, DPE DANG RGYUR YANG ZHES BYA BA DE DAG SDUD DO, ,DE LTAR CHOS DON CHEN POR GDAGS PA'I RGYUS BCOM LDAN 'DAS KYI THUGS PHUN SUM TSOGS PA YANG DAG PAR RDZOGS PA'I BYANG CHUB KYI RANG BZHIN GYI BLA NA MED PAR SHES TE, YANG DAG PAR BYANG CHUB PA RNAM PA DE LTA BU MED PAR CHOS 'DI LTA BU BSHAD PAR MI NUS PA'I PHYIR RO, ,DE'I PHYIR THUGS PHUN SUM TSOGS PA DE LTA BU LA 'DUN PA DANG, SMON LAM GYIS BSGRUB PA'I PHYIR GNAS PAR BYA STE, 'DI MTHA' DAG GIS NI BYANG CHUB SEMS DPA' JI LTAR GNAS PAR BYA BA BSTAN TE, 'DI NYID KYIS RGYA CHE BA YANG BRJOD DO, ,RDZOGS PA'I BYANG CHUB DE YANG YANG DAG PA'I KUN RDZOB KYI NGO BOR BLTA BAR BYA'I DON DAM PAR NI MA YIN TE, @257A *, ,SNGAR BSHAD PA'I PHYIR RO, ,DNGOS SU MA GSUNGS KYANG SHUGS KYIS NA RNAL 'BYOR DU SNYOMS PAR 'JUG PA DANG, SEMS RAB TU GZUNG BA DANG, ZAG PA YANG BSTAN TO, ,BCOM LDAN 'DAS 'JIG RTEN LAS 'DAS PA'I YE SHES LA BZHUGS PA'I TSE NI SHIN TU MNYAM PAR GZHAG PAS SEMS CAN LA SOGS PA'I 'DU SHES KUN TU MI 'BYUNG BA DE NGO MTSAR MI CHE'I, SEMS CAN RNAMS LA LEGS PAR THAR PA'I LUNG DBOG PA'I TSE MNYAM PAR MA BZHAG PA'I DUS DAG PA 'JIG RTEN PA'I YE SHES LA BZHUGS PA NA YANG SEMS CAN LA SOGS PA'I 'DU SHES KUN TU MI 'BYUNG NGO ZHES DE STON CING GDAMS NGAG DON CHEN POR GDAGS PA'I RGYUS BCOM LDAN 'DAS KYI THUGS PHUN SUM TSOGS PA BLA NA MED PA SHES PAR 'GYUR BAR BSTAN PA'I PHYIR GDAMS NGAG DON CHEN PO GDAMS PA'I DBANG DU MDZAD NAS RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,DRIS NAS LAN LA MA BZHENGS TE, RINGS PAR BYA BA DANG LDAN PA LTAR NYID KYIS, RAB 'BYOR DE LTAR MI BLTA'O ZHES BYA BA LA SOGS PA GSUNGS SO, ,DE'I PHYIR BCOM LDAN 'DAS KYI THUGS PHUN SUM TSOGS PA'I GDAMS NGAG DON CHEN PO'I RGYU DE LTA BU LA BYANG CHUB SEMS DPAS 'DUN PA DANG SMON LAM GYIS GNAS PAR BYA BA BSTAN PA YIN NO, ,CI SEMS CAN NI YOD PA NYID YIN NA KUN NAS NYON MONGS PA'I RGYUR 'GYUR BAS DE BZHIN GSHEGS PA DE SNYAM DU MI DGONGS SAM, 'O NA TE SEMS CAN MED PA'I PHYIR RAM SNYAM DU SEMS PA'I BSAM PA LA BRTAGS NAS DE CI'I SLAD DU ZHES ZHUS PA DANG, PHUNG PO DANG GANG ZAG GI BDAG NYID KYI SEMS CAN DON DAM PAR GANG YANG MED PAS DE LTAR MI DMIGS SO ZHES BSTAN PA'I PHYIR, DE BZHIN GSHEGS PAS BKROL BA'I SEMS CAN DE GANG YANG MED PA'I PHYIR RO ZHES BYA BA GSUNGS SO, ,'DIS NI BYANG CHUB SEMS DPA' 'DI LA CI LTAR RNAL 'BYOR DU SNYOMS PAR 'JUG PAS BSGRUB PAR BYA BA DE BSTAN TO, ,MED PAR JI LTAR SHES SNYAM PA LA, RAB 'BYOR GAL TE ZHES BYA BA LA SOGS PA GSUNGS SO, ,'DI LA DGONGS PA NI 'DI YIN TE, SHES BYA JI LTA BA BZHIN DU DE BZHIN @257B GSHEGS PA'I YE SHES 'JUG GO, ,DE LTA MA YIN NA SGRIB PA MA SPANGS PAS DE BZHIN GSHEGS PAR JI LTAR 'GYUR, DE'I PHYIR GAL TE SEMS CAN YOD NA DE'I TSE DE BZHIN GSHEGS PAS DE DAG SHIN TU GZIGS PAR 'GYUR TE, BDAG MNGON SUM DU DMIGS PAS THE TSOM MI MNGA' BA'I PHYIR RO, , DE NYID DE'I BDAG TU 'DZIN PA DAM POR 'GYUR RO, ,DE'I PHYIR DE'I BDAG TU 'DZIN PA'I RGYU LAS BYUNG BA NYON MONGS PA'I DRA BA MA LUS PA'I 'CHING BA YANG BA'AM RAB TU 'GYUR BAS DE'I TSE 'DOD CHAGS LA SOGS PA'I 'CHING BA SHIN TU DAM PO'I SGRIB PA MA SPANGS PAS BCOM LDAN 'DAS DE BZHIN GSHEGS PA'I GO 'PHANG MI BRNYES BA ZHIG NA BCOM LDAN 'DAS KYIS GO 'PHANG DE BRNYES PAS DE'I PHYIR DE NI SGRIB PA MTHA' DAG SPANGS PA'O, ,SGRIB PA SPANGS PAS BDAG TU 'DZIN PA'I RI MTHA' DAG BSHIG GO, ,DE'I PHYIR SEMS CAN MED PAR MI SHES SO, ,BDAG MED DU ZIN KYANG BDAG TU 'DZIN PA STE, BDAG TU LTA BA'I MTSAN NYID YOD PA MA YIN NAM, BCOM LDAN 'DAS JI LTAR BDAG LA SOGS PAR 'DU SHES PAR MI BYA SNYAM PA LA, RAB 'BYOR BDAG TU 'DZIN PA ZHES BYA BA NI ZHES BYA BA LA SOGS PA GSUNGS SO, ,GAL TE DES BDAG LA SOGS PA'I DNGOS PO 'GA' ZHIG BZUNG NA NI DE'I TSE BCOM LDAN 'DAS SGRIB PA SPANGS PA DE'I BDAG TU 'DZIN PA KUN TU 'BYUNG BAR 'GYUR BA ZHIG NA BDAG TU GZUNG BAR BYA BA GANG YANG MED PAS 'DZIN PA MED PA NYID DU DE BZHIN GSHEGS PAS GSUNGS SO, ,'O NA JI LTA BU LA BDAG TU 'DZIN PA ZHES BYA SNYAM PA LA, DE YANG ZHES BYA BA LA SOGS PA GSUNGS SO, ,THOS PA LA SOGS PA DANG MI LDAN PA'I SPANG BAR BYA BA DANG BLANG BAR BYA BA MNGON PAR MI SHES PA'I PHYIR BYIS PA RNAMS SO, ,RTOG PA DANG MI LDAN PA'I PHYIR 'PHAGS PA RNAMS LAS THA DAD DU GYUR PAS SO SO'I SKYE BO RNAMS SO, ,SO SO'I SKYE BO RNAMS KYANG KHA CIG YANG DAG PA'I BSTAN BCOS MNYAN NAS TSUL BZHIN YID LA BYED PA LA GNAS PA CHOS LA BDAG MED PA LA MOS PA NA BDEN PAR MNGON PAR ZHEN NAS BDAG TU MI 'DZIN PA DE DAG RNAM PAR GCAD PA'I PHYIR BYIS PA SMOS SO, ,BYIS PA 'BA' ZHIG SMOS NA NI SO SO'I SKYE BO DE LTA BU PHUNG PO LA SOGS PA LA MKHAS PA @258A *, ,DAG KYANG 'PHAGS PA'I LAM MA SKYES PA'I PHYIR BYIS BDAG YIN PAS BYIS PA'I BYE BRAG BSTAN PA'I PHYIR, DE NI BDAG TU 'DZIN PA LOG PA YIN DU ZIN KYANG BYIS PAR GYUR PAS DE DAG LA BDAG TU 'DZIN PA LTA BUR SNANG STE, DES NI DE'I BSAM PA'I DBANG GIS BDAG TU 'DZIN PA ZHES DE SKAD STON TO, ,DE TZAM GYIS BDEN PAR MI 'GYUR GYI THAL BAR 'GYUR TE, BDAG MED PA LA SOGS PA'I SGRA'I SBYOR BAS KYANG BDAG LA SOGS PA BDEN PAR CI'I PHYIR MI 'DZIN, GAL TE BDAG MED NA SU LA SO SO'I SKYE BO RNAMS ZHES BYA SNYAM PA LA, BYIS PA SO SO'I SKYE BO RNAMS ZHES BYA BA LA SOGS PA GSUNGS SO, ,DON DAM PAR NI SKYE BO MED PA NYID DE KUN RDZOB LA BRTAN NAS GSUNGS PAS NYES PA MED DO, ,'DI MTHA' DAG GIS NI SGRO 'DOGS PA DANG SKUR PA 'DEBS PA'I MTHA' SEL BAS SEMS RAB TU GZUNG BA BSTAN TO, ,'DI THAMS CAD KYIS NI DNGOS SU ZAB PA NYID BRJOD DE, SEMS CAN GYI KHAMS MA LUS PA LA GDAMS NGAG DON CHEN PO GDAGS PA'I RGYUR BSTAN PA NI THUGS PHUN SUM TSOGS PA'I RGYA CHE BA YANG BSTAN TO, ,GAL TE BYIS PA SO SO'I SKYE BO RNAMS MED NA DE BZHIN GSHEGS PA MTSAN DANG DPE BYAD BZANG POS BRGYAN PA'I SKU PHUN SUM TSOGS PAR GYUR PA RNAMS GA LA YOD DE, SO SO'I SKYE BO BDAG NYID SNYING RJE'I RTZA BA LAS BYUNG BA BYANG CHUB KYI SEMS BSKYED NAS, PHA ROL TU PHYIN PA RNAMS LA SBYOR NA DE BZHIN GSHEGS PA'I SKU MTSAN LA SOGS PAS BRGYAN PA PHUN SUM TSOGS PA RNAMS SU 'GYUR NA DE DAG MED NA RTZA BA MED PAS DE BZHIN GSHEGS PA SKU PHUN SUM TSOGS PA DE LTA BU DAG TU JI LTAR 'GYUR SNYAM DU 'KHOR 'DUG PA GANG DAG RTOGS PA MI NYUNG BAR BSAGS PA GZUGS LA SOGS PA LA DNGOS POR MNGON PAR ZHEN PAS DE SNYAM DU SEMS PA DE DAG GI CHED DU CHOS KYI SKU YONGS SU GZUNG BA'I DBANG DU MDZAD NAS, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS SO, ,SNGAR NI CHOS KYI SKUR RNAM PAR GZHAG PA MA MDZAD KYI, DE NI CHOS KYI SKU RNAM PAR GZHAG PA'I PHYIR 'DI GSUNGS PAS TSIG ZLOS PA'I NYES PAR MI 'GYUR RO, ,MTSAN PHUN SUM TSOGS PA NI DON DAM PAR BRTAGS NA YAN LAG CAN @258B NAM RDUL PHRA RAB BSAGS PA'I NGO BOR 'THAD PA MED PAR RIG NAS DGONGS PA SNGA MA NYID BZUNG STE, 'PHAGS PA RAB 'BYOR GYIS DE NI MA LAGS ZHES GSOL TO, ,BCOM LDAN 'DAS KYIS 'DI NYID DU 'THAD PA GZHAN, RAB 'BYOR GAL TE ZHES BYA BA LA SOGS PA GSUNGS SO, ,GAL TE DE BZHIN GSHEGS PA MTSAN PHUN SUM TSOGS PA TZAM GYIS RAB TU PHYE BA YIN NA NI BRJOD PA'I RGYU MTSUNGS PA'I PHYIR DE'I TSE 'KHOR LOS SGYUR BA'I RGYAL PO YANG DE BZHIN GSHEGS PAR CI'I PHYIR MI 'GYUR, JI STE YUL NA GNAS PA DANG, GSAL BA DANG, RDZOGS PAS BCOM LDAN 'DAS KYI MTSAN PHUN SUM TSOGS PA BYE BRAG CAN YIN GYI, 'KHOR LOS SGYUR BA NI MA YIN TE, DES NA DE LA DE BZHIN GSHEGS PA ZHES MI BYA'O ZHE NA DE YANG MI RIGS TE, YUL NA GNAS PA LA SOGS PA'I BYE BRAG KYANG BEMS PO'I NGO BOR BYE BRAG GANG YANG MED DO, ,DES NA GAL TE DE BZHIN GSHEGS PA BEMS PO'I RANG BZHIN GYI MTSAN LA SOGS PA'I CHOS KYIS RAB TU PHYE BAR 'GYUR NA NI DE'I TSE 'KHOR LOS SGYUR BA YANG DE BZHIN GSHEGS PAR 'GYUR BA ZHIG NA MA YIN TE, DE BAS NA DE BZHIN GSHEGS PA NI DNGOS PO MA LUS PA'I RANG BZHIN JI LTA BA BZHIN DU THUGS SU CHUD PA TZAM GYIS RAB TU PHYE BAR DGONGS PA'O, ,'DIS NI DE BZHIN GSHEGS PA'I YE SHES KYI RGYU CAN SKU RNAM PA DE LTA BU LA BYANG CHUB SEMS DPAS 'DUN PA DANG SMON LAM GYIS GNAS PAR BYA BA BSTAN PA YIN NO, ,DA NI DON DAM PAR DE BZHIN GSHEGS PA'I YE SHES DE LA YANG MNGON PAR ZHEN PAR MI BYA'O ZHES BSTAN PA'I PHYIR CHOS KYI SKU RNAM PAR 'JOG CING, BYANG CHUB SEMS DPA' JI LTAR RNAL 'BYOR DU SNYOMS PAR 'JUG PAS BSGRUB PAR BYA BA DE TSIGS SU BCAD PA GNYIS KYIS STON TO, ,DE LA TSIGS SU BCAD PA GONG MAS NI JI LTAR DE BZHIN GSHEGS PAR BLTA BAR MI BYA BA DANG, SU DAG GIS MI MTHONG BA DE BSTAN TO, ,JI LTAR BLTA BAR MI BYA ZHE NA, MTHONG BA LA SOGS PAS THA SNYAD 'DOGS PA DAG TU'O, ,SU DAG GIS MI MTHONG ZHE NA, LOG PAS SPONG BAR ZHUGS PA RNAMS KYIS SO, ,GZUGS SU MTHONG ZHES BYA BA 'DIS NI GANG ZAG GZUGS LA MNGON PAR ZHEN PA, @259A *, ,DON DAM PAR MTSAN LA SOGS PAS BRGYAN PA CHOS DANG GANG ZAG GI GZUGS CAN DU MTHONG BAR THA SNYAD 'DOGS PA BSTAN TO, ,SGRAR SHES PA ZHES BYA BA NI BDAG GIS SGRA LAS DE BZHIN GSHEGS PA DE NI 'DI LTA BU 'DI 'DRA BA ZHIG GO ZHES DE LTAR SHES SO ZHES BYA BA'I THA TSIG GO, ,'DIS NI THOS PAR THA SNYAD 'DOGS PA BSTAN TO, ,THA SNYAD 'DOGS PA 'DI GNYIS NI MTSON PA STE, DES NI BYE BRAG PHYED PA DANG, RNAM PAR SHES PA YANG BSDU'O, ,SKYE BO LOG PAS SPONG BAR ZHUGS PA DE DAG NI LAM LOG PAR ZHUGS PAS NGA YANG DAG PAR MI MTHONG NGO, ,'DIS SPONG BAS NA SPONG BAR BYED PA STE LAM LA BYA'O, ,DE NI PHYIN CI LOG TU GYUR PAS LOG PA STE, DE YANG MI MTHONG BA'I RGYU YIN NO, ,'O NA SANGS RGYAS JI LTAR BLTA BAR BYA SNYAM PA LA CHOS NYID LTA ZHES BYA BA LA SOGS PA GSUNGS SO, ,CHOS RNAMS KYI RANG BZHIN GSHA' MA GANG YIN PA DE NI CHOS NYID CES BYA STE, DE YANG RIGS PA DANG LUNG GIS GRUB PA'I PHYIR GZOD MA NAS ZHI BA LA SOGS PA'I NGO BO YIN NO, ,DE NYID DE BZHIN NYID DANG, CHOS KYI DBYINGS DANG, YANG DAG PA'I MTHA' DANG, MTSAN MA MED PA DANG, DON DAM PA ZHES BYA BA LA SOGS PA'I RNAM GRANGS SU BRJOD PA'O, ,DUS THAMS CAD NA DE BZHIN DU YOD PAS DE BZHIN NYID DO, ,DE LA DMIGS NAS SANGS RGYAS KYI CHOS THAMS CAD 'BYUNG STE, DE DAG GI RGYUR GYUR PAS CHOS KYI DBYINGS SO, ,PHYIN CI MA LOG PAS YANG DAG PA STE, DE'I MTHAR GYUR PAS YANG DAG PA'I MTHA'O, ,DE LA SNGON PO LA SOGS PA DNGOS PO'I MTSAN MA THAMS CAD MED PAS MTSAN MA MED PA'O, ,YE SHES DAM PA'I SPYOD YUL YIN PAS DON DAM PA'O, ,CI'I PHYIR DE CHOS NYID DU BLTA BAR BYA SNYAM PA LA CHOS KYI SKU ZHES BYA BA GSUNGS SO, ,SKU'I SGRA NI RANG BZHIN LA BYA'O, ,DES NA DON 'DIR 'GYUR TE, GANG DAG YANG DAG PA'I YE SHES KYI RGYU CAN GYI DE BZHIN GSHEGS PAR RNAM PAR GZHAG PA DE DAG DON DAM PAR CHOS KYI RANG BZHIN TE, GANG DAG GANG GI RANG BZHIN YIN PA DE DAG DE'I NGO BOR BLTA BAR BYA STE, GZHAN LA GZHAN GYI NGO BOR BLTA BA MA YIN NO, ,GAL TE DE LTA NA CHOS NYID NI SNANG BA'I RANG BZHIN DU 'GYUR RO, ,DE LTA MA YIN NA DES @259B MTSON PA DE DAG JI LTAR MTHONG BAR NUS SNYAM PA LA BRTAGS NAS, CHOS NYID CES BYA BA LA SOGS PA GSUNGS SO, ,CI MI NUS PA'I PHYIR MI RIG GAM, 'ON TE YONGS SU SHES NA NYES PA DANG BCAS PAR 'GYUR BA'I PHYIR RAM SNYAM PA LA MI NUS ZHES BYA BA LA SOGS PA GSUNGS SO, ,CHOS CAN GYI RANG BZHIN GRUB NA NI DE'I CHOS NYID RNAM PAR SHES PAR NUS PA ZHIG NA GANG GI TSE DON DAM PAR CHOS CAN RANG GI NGO BOR GRUB PA GANG YANG MED PA DE'I TSE CHOS NYID DE RANG GI RGYUD 'BA' ZHIG RNAM PAR SHES PAR JI LTAR NUS TE, DE 'BA' ZHIG YOD PA MA YIN ZHES DGONGS PA'O, ,GAL TE DE LTA NA YANG DAG PA'I YE SHES KYI NGO BO CHOS CAN SANGS RGYAS RNAMS KYANG DON DAM PAR MA GRUB PAS MTHONG BA MED NA JI LTAR CHOS NYID DU BLTA BAR BYA ZHE NA, DE NYES PA MED DE, GANG DAG DON DAM PAR CHOS CAN THAMS CAD MI MTHONG BA DE NYID KYIS CHOS NYID MTHONG BA'O, ,CHOS NYID NI SKYE BA MED PA'I NGO BO YIN PAS DE NI DE DANG MI MTHUN PA SKYE BA 'DZIN PAS JI LTAR GZUNG, BUM PA 'DZIN PAS NI DE'I SKYE BA MED PA 'DZIN PAR MI 'GYUR RO, ,'DIS NI DE BZHIN GSHEGS PA GZUGS KYI SKUR BLTA BAR MI BYA'I CHOS KYI SKUR BA LTA BAR BYA'O ZHES DE SKAD STON TO, ,DE BZHIN GSHEGS PA MTSAN PHUN SUM TSOGS PA'I RANG BZHIN MA YIN DU ZIN KYANG, DE BZHIN GSHEGS PA'I BLA NA MED PA YANG DAG PAR RDZOGS PA'I BYANG CHUB KYI MTSAN NYID NI MTSAN PHUN SUM TSOGS PA'I RGYU LAS BYUNG BAR RIGS PA YIN TE, 'DI LTAR BYANG CHUB SEMS DPAR GYUR PA NI MTSAN MKHAN RNAMS KYIS MTSAN PHUN SUM TSOGS PAR MTHONG NAS BCOM LDAN 'DAS BLA NA MED PA YANG DAG PAR RDZOGS PA'I BYANG CHUB TU LUNG BSTAN TO SNYAM DU GANG GI DOGS PA DE SPANG BA'I PHYIR RAB 'BYOR 'DI JI SNYAM DU SEMS ZHES BYA BA SOGS PA GSUNGS SO, ,GAL TE MTSAN PHUN SUM TSOGS PA BLA NA MED YANG DAG PAR RDZOGS PA'I BYANG CHUB KYI RGYUR 'GYUR NA NI DE'I TSE 'KHOR LOS SGYUR BA YANG 'GYUR RO ZHES DGONGS PA'O, ,MTSAN MKHAN RNAMS KYIS RNAM PA DE LTA BU'I MTSAN MA ZHIG MTHONG NAS LUNG BSTAN GYI RGYU NI MA YIN TE NYES PA MED DO, ,'DIS NI SEMS RAB TU GZUNG BA BSTAN TO, ,GNAS 'DI MTHA' @260A *, ,DAG GIS NI ZAB PA NYID BSTAN TO, ,KUN RDZOB TU DE BZHIN GSHEGS PA'I YE SHES DNGOS PO MA LUS PA'I RANG BZHIN THUGS SU CHUD PA'I MTSAN NYID BSTAN PAS NI RGYA CHE BA YANG BSTAN TO, ,GAL TE DON DAM PAR CHOS THAMS CAD MED PA'I PHYIR CHOS NYID DE RNAM PAR SHES PAR MI NUS NA DE LTA NA NI KHYED CHAD PAR SMRA BAR 'GYUR RO, ,DE'I PHYIR DE BZHIN GSHEGS PA YANG MED PAS MI GNAS PA'I MYA NGAN LAS 'DAS PA YANG MI 'GRUB PO SNYAM DU GANG DOGS PA DE'I CHED DU 'KHOR BA DANG MYA NGAN LAS 'DAS PA LA MI GNAS PA'I DBANG DU MDZAD NAS, RAB 'BYOR KHYED 'DI SNYAM DU BYANG CHUB SEMS DPA'I THEG PA LA YANG DAG PAR ZHUGS PA RNAMS KYI ZHES BYA BA LA SOGS PA GSUNGS SO, ,BYUNG BA RNAM PAR BSHIG PAR BRTAGS PA YANG MED DE, CHOS NYID JI LTAR GNAS PA BZHIN DU RTOGS PA'I PHYIR RO, ,DE BAS NA, 'DI LA BSAL BYA CI YANG MED, ,GZHAG PAR BYA BA 'ANG CI YANG MED, , YANG DAG NYID LA YANG DAG LTA, ,YANG DAG MTHONG BA RNAM PAR GROL, ,ZHES BSHAD DO, ,MA 'ONGS PA'I CHOS 'BYUNG BA'I GAGS BYED PAS CHAD PAR BRTAGS PA YANG MED DE, CHOS NYID JI LTAR GNAS PA BZHIN DU BSTAN PA'I PHYIR RO, ,CHOS THAMS CAD NI MA BRTAGS NA DGA' BAR RKYEN JI LTA BA BZHIN DU SKYE BAR KHAS BLANGS PAS SANGS RGYAS BCOM LDAN 'DAS YANG DAG PA'I KUN RDZOB KYI NGO THUGS RJE CHEN PO'I DBANG GIS SPRUL PA SOGS PA LA MNGA' BRNYES PA YANG 'DUL BA JI LTA BA BZHIN DU THABS STON PAS 'KHOR BAR 'JUG PA'I RGYUN MI GCOD PAR KHAS BLANGS PA'I PHYIR 'DIS NI BCOM LDAN 'DAS MYA NGAN LAS 'DAS PA LA MI GNAS PA BSTAN TE, BCOM LDAN 'DAS KYI SKU DE LTA BU LA 'DUN PA DANG SMON LAM GYIS GNAS PAR BYA BA DE YANG BSTAN TO, ,GAL TE DE LTAR BCOM LDAN 'DAS 'KHOR BAR 'JUG PAR KHAS BLANGS PAS 'KHOR BA DE NYID DU 'GYUR BA SNYAM PA LA BRTAGS NAS 'KHOR BA LA MI GNAS PA NYID DU BSTAN PA'I PHYIR, YANG RAB 'BYOR ZHES BYA BA LA SOGS PA GSUNGS SO, ,BDAG MED PA ZHES BYA BA NI SGYU MA BZHIN DU GZHAN GYI DBANG GI PHYIR RO, ,RANG GIS BDAG GI RANG BZHIN MA YIN TE, RTAG PA NI RIM DANG RIM MA YIN PAS RGYUR 'GAL BA'I PHYIR LA, RGYU MA YIN PA NI CI YANG MI BYED PAS @260B BYIN GYIS RLOB PA POR MI SRID PA'I PHYIR RO, ,BDAG GZHAN GYIS BYIN GYIS BRLABS PA YANG MED DE, DE'I PHYIR RNAM PA GNYIS KAR CHOS THAMS CAD NI BDAG MED PA DE DAG STE, JI SKAD DU, DGE SLONG DAG BYIS PA THOS PA DANG MI LDAN PA RNAMS BDAG DANG BDAG GI ZHES 'DOGS SHING 'JUG GI 'DI LA NI BDAG DANG BDAG GI MED DE ZHES GSUNGS PA LTA BU'O, ,'DIS NI CHOS THAMS CAD LA GANG ZAG LA BDAG MED PA'I BZOD PA BSTAN TO, ,SKYE BA MED PA ZHES BYA BA 'DIS NI CHOS LA BDAG MED PA'I BZOD PA BSTAN TO, ,'DI LTAR DNGOS PO RNAMS SKYE BAR 'GYUR NA NI RGYU MED PA'AM RGYU DANG BCAS PA LAS 'GYUR GRANG, RGYU DANG BCAS PA YANG RGYU RTAG PA'AM, RGYU MI RTAG PA LAS 'GYUR BAR RNAM PAR RTOG GRANG NA, DE LA DNGOS PO RNAMS RES 'GA' SNANG BAS RNAM PAR RTOG PA DANG PO LTAR NI MI RUNG STE, LTOS PA MED PA NI THAMS CAD DU BYE BRAG MED PAS YOD PA DANG MED PA'I DUS BZHIN DU RTAG PAR YOD PA'AM MED PA ZHIG TU 'GYUR RO, ,DE BAS NA RES 'GA' BYUNG BA NYID KYI PHYIR PHYOGS GNYIS PA LTAR YANG MI RUNG STE, RTAG PA DAG GI NUS PA GROGS BYED PA GZHAN DAG GIS BYE BRAG TU BYAR MED PA NA SU LA YANG LTOS PA MED NA GANG GIS 'BRAS BU RIM GYIS SKYED PA CIG CAR MA YIN, RGYU MA TSANG PA MED PA'I 'BRAS BU NI RES 'GA' MI SNANG BA MI RIGS TE, GANG GIS NA RIM GYIS 'BYUNG BAR 'GYUR, GANG DAG NGO BO NYID DNGOS PO RNAMS KYI RGYUR SMRA BA DE DAG KYANG DON DU NA MED PA NYID KHAS BLANGS PA YIN TE, 'DI LTAR NGO BO NYID GRUB PA NI RGYUR 'GYUR GYI, MA GRUB PA NI MA YIN TE, DE NI NUS PA THAMS CAD DANG BRAL BA'I MTSAN NYID KYI PHYIR RO, ,DNGOS PO'I NGO BO NYID DE GRUB PA NA RGYU MED PA NYID KYIS GRUB PAR KHAS BLANGS PA YIN TE, DE DANG THA DAD PA GZHAN RGYU GZHAN NI MI 'DOD NA GANG GIS RGYU MED PAR MI 'GYUR, DNGOS PO NI NGO BO NYID LAS GZHAN MA YIN PAS DE 'GRUB PA NA 'GRUB STE, RGYU MED PA NYID DU 'GYUR RO, ,DE LTA MA YIN NA NI DE GRUB PA NA MA GRUB PAS DE DANG THA MI DAD PA'I NGO BOR JI LTAR 'GYUR, DE BAS NA RGYU MED PAR SMRA BA'I PHYOGS BSHIG PA GANG YIN PA DE 'DIR YANG MTSUNGS SO, ,DUS MNYAM PA DANG MI MNYAM PA LAS RGYUR 'GAL BA'I PHYIR PHYOGS GSUM PA LTAR YANG MI RUNG STE, 'DI LTAR DE RGYUR 'GYUR NA NI 'BRAS BU DANG @261A *, ,DUS MNYAM PA'AM DUS THA DAD PAR 'GYUR GRANG NA, DUS MNYAM PA LAS NI MA YIN TE, BDAG GI DE KHO NA RANG GI MA THOB PA NI NUS PA THAMS CAD KYIS STONG BAS 'BRAS BU GANG LA YANG SBYOR BA MED PA'I PHYIR RO, ,BDAG GI DE KHO NA NI DE'I RANG BZHIN LTAR 'BRAS BU YANG DE DANG DUS MNYAM PAR THOB PA'I BDAG NYID KYI NGO BO KHO NA STE, 'BRAS BU DE LA DE SBYOR BA MED DO, ,DUS THA DAD NA YANG DE DUS GZHAN GYIS CHOD NAS 'GYUR TE, DPER NA BYE BRAG TU SMRA BA RNAMS KYIS RNAM PAR SMIN PA'I RGYU LA RGYUR 'DOD PA LTA BUR 'GYUR BA'AM, MCHOD PA LAS 'GYUR TE, DPER NA MDO SDE PA DAG RGYU DANG 'BRAS BU 'JIG PA DANG SKYE BA NI SRANG MDA'I MTHON DMAN LTAR MNYAM MO ZHES ZER BA LTAR 'GYUR GRANG NA, DE LA DUS GZHAN GYIS CHOD NAS 'BRAS BU SKYE NA NI RNAM PAR ZHIG PA NYID LAS SKYES PAR KHAS BLANGS PAR 'GYUR TE, DE NI NUS PA THAMS CAD DANG BRAL BAS RNAM PAR ZHIG PA NI RGYU'I DNGOS POR MI RIGS SO, ,DE LTA MA YIN NA NI BYED PA MA YIN PA ZHIG PA'I DNGOS PO RNAM PAR ZHIG PAR JI LTAR 'GYUR, MCHOD PA'I PHYOGS KYANG GAL TE BDAG NYID THAMS CAD DANG MCHOD PA NI DE'I TSE DE NYID DU DUS MNYAM PAR 'GYUR TE, DNGOS PO CHA MED PA GNYIS BDAG NYID THAMS CAD KYIS MCHOD NA DUS GCIG TU 'GYUR BA MA GTOGS PAR 'GRO BA GZHAN MED DO, ,DE'I PHYIR JI LTAR RDUL PHRA RAB RNAMS BDAG NYID THAMS CAD KYIS CHOD NA GONG DU RDUL PHRA RAB TZAM DU 'GYUR BA DE BZHIN DU BSKAL BA YANG SKAD CIG TZAM DU 'GYUR BA ZLOG PAR DKA'O, ,PHYOGS GCIG GIS MCHOD NA NI YAN LAG DANG BCAS PAR 'GYUR RO, ,DE BAS NA DNGOS PO THAMS CAD DON DAM PAR MA SKYES PA NYID DE, MA BRTAGS NA DGA' BA BRDZUN PA NYID KYIS SKYE BA LTA BUR SNANG BAR ZAD DE, 'KHRUL PA'I SHES PA LA SNANG BA'I NGO BO DANG 'DRA'O, ,GRAGS PA TZAM NI TSAD MA MA YIN NA DNGOS PO'I RGYU DANG 'BRAS BU BA LANG RDZI YAN CHAD LA GRAGS PA'I PHYIR GZHIG PA MI RIGS SO ZHES SMRA BA GANG GIS RIGS PAR 'GYUR, GRAGS PA GZUGS LA SOGS PA NI TSAD MAS SHIGS PA'I PHYIR RO, ,DE'I PHYIR BCOM LDAN 'DAS KYIS ZLA BA'I SGRON MA'I MDO LAS, MIG LA SOGS PA'I TSAD MA RNAMS BKAG STE, ,MIG DANG RNA BA SNA YANG @261B TSAD MA MIN, ,LCE DANG LUS DANG SEMS KYANG TSAD MA MIN, ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ,'DI LTAR DBANG PO 'DI DAG CHAD MIN TE, ,NGO BO NYID KYIS BEMS PO LUNG MA BSTAN, ,DE PHYIR MYA NGAN 'DAS PA'I LAM 'DOD GANG, ,DES NI 'PHAGS PA'I LAM GYI BYA BA BYOS, ,ZHES GSUNGS SO, ,SLOB DPON DAG GIS MNGON SUM GYI MTSAN NYID GSUNGS PA GANG YIN PA DE YANG KUN RDZOB TU MNGON SUM STE, DON DAM PA LA 'JUG PAR BLTA BAR BYA'O, ,KUN RDZOB TU NI MTHUN PAR BRGAL ZHING BRTAG PA MA YIN TE, DE BAS NA DE NI KUN RDZOB TU BSTAN PA'I PHYIR BRTAG MI BZOD PA'O, ,DE BAS NA BCOM LDAN 'DAS KYIS S'A LU LJANG PA LA SOGS PA LA BDAG DANG GZHAN LAS DNGOS PO RNAMS KYI SKYE BA BKAG GO, ,DE SKAD DU, 'PHAGS PA LANG KAR GSHEGS PA LAS KYANG, BLO GROS CHEN PO YOD PA DANG MED PA LAS MI SKYE BA'I PHYIR CHOS THAMS CAD NI MA SKYES PA'O ZHES GSUNGS SO, ,SHES RAB KYI PHA ROL TU PHYIN PA CHEN PO LAS GSUNGS PA, RAB 'BYOR CHOS CUNG ZAD KYANG MA SKYES PA DE NI SKYE BA MED PA'O ZHES BYA'O, ,DE LA SHES RAB GANG YIN PA DE NI MI SKYE BA'I CHOS LA BZOD PA ZHES BYA'O, ,DE SKAD DU, DKON MCHOG 'BYUNG GNAS KYI MDO LAS KYANG, GANG LA RANG BZHIN YOD PA MA YIN TE, ,RANG BZHIN MED PAS GZHAN RKYEN JI LTAR 'GYUR, ,RANG BZHIN MED PAS GZHAN NI JI LTAR BSKYED, ,RGYU DE BDE BAR GSHEGS PAS RAB TU BSTAN, ,ZHES GSUNGS SO, ,YANG, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,CES KYANG GSUNGS SO, ,GAL TE 'DI THAMS CAD NI KUN BRTAGS PA'I NGO BO NYID KYI DBANG DU MDZAD NAS GSUNGS SO ZHE NA, MA YIN TE, NGO BO NYID THAMS CAD NI TSAD MAS BSAL ZIN PA'I PHYIR RO, ,'DIS NI DGE BA'I RTZA BA CHUNG NGU DANG LDAN PA GZHAN YANG 'KHOR BA'I SDUG BSNGAL MI MYONG NA BYANG CHUB SEMS DPA' MI SKYE BA'I CHOS LA BZOD PA THOB PA'I PHYIR YE SHES KYI SDANG BA CHEN PO SKYES PA BLA NA MED PA'I BSOD NAMS KYI PHUNG PO SKYED PA BRNYES PA LTA CI'I PHYIR 'KHOR BA'I SDUG BSNGAL MYONG BAR 'GYUR ZHES DE SKAD BSTAN PA YIN NO, ,'DI LTAR RNAM PA GNYIS KYIS 'KHOR BA NA SDUG BSNGAL MYONG BAR 'GYUR TE, LUS DANG YID MI BDE BA'I MTSAN NYID DO, ,DE LA SNGA MA NI SDIG PA'I LAS KYI 'BRAS BU'O, ,CIG SHOS NI GTI MUG LAS SKYES BA STE, LOG PAR RTOGS PA LAS SKYES PA'O, ,DE LA MI SKYE BA'I CHOS LA @262A *, ,BZOD PA THOB PAS BYANG CHUB SEMS DPA' LA NI SDUG BSNGAL GYI RGYU SDIG PA DANG, GTI MUG GNYIS KA MED DO, ,RGYU MED PAS SDUG BSNGAL GYI BAG GIS REG MI SRID DO, ,'DIS NI BYANG CHUB SEMS DPAS JI LTAR BSGRUB PAR BYA BA DE BSTAN TO, ,BSOD NAMS KYI PHUNG PO SHIN TU MANG DU BSKYED ZIN KYANG GZUGS NA SPYOD PA LA SOGS PA'I SEMS CAN RNAMS LTAR 'KHOR BA NYID DU MI 'GYUR RAM, JI LTAR BSOD NAMS KYI PHUNG PO MANG DU BSKYED PA TZAM GYIS 'KHOR BA LA MI GNAS PA NYID DU BSTAN SNYAM DU DOGS PA LA YANG RAB 'BYOR ZHES BYA BA LA SOGS PA GSUNGS SO, ,'DIS NI GANG BSOD NAMS KYI PHUNG PO BSKYED DU ZIN KYANG PHYIN CI LOG TU MNGON PAR ZHEN PAS BSOD NAMS KYI PHUNG PO YONGS SU 'DZIN PA YOD PA DE'I KUN NAS NYON MONGS PA THAMS CAD KYI RTZA BA PHYIN CI LOG MA SPANGS PAS 'GRO BA KHYAD PAR CAN THOB KYANG 'KHOR BA BAR RNAM PAR GZHAG GO, ,BYANG CHUB SEMS DPA' NI MI SKYE BA'I CHOS LA BZOD PA THOB PAS BSOD NAMS KYI PHUNG PO LA BDEN PA NYID DU MNGON PAR ZHEN PA MED DE, DES NA DE'I KUN NAS NYON MONGS PA THAMS CAD KYI RTZA BA SHIN TU RMONGS PA SPANGS PA'I PHYIR 'KHOR BA LA MI GNAS SO ZHES DE SKAD STON TO, ,GZHAN DAG GI RNAM PAR RTOG PA BSAL BA'I PHYIR 'PHAGS PA RAB 'BYOR GYIS DGONGS PA MA BZUNG BA LTAR YONGS SU GZUNG BAR MI BGYI LAGS SAM ZHES 'GAL BA BRJOD DO, ,DE'I BSAM PA NI 'DI YIN TE, BCOM LDAN 'DAS KYIS MDO DE DANG DE DAG TU NI BYANG CHUB SEMS DPA' BSOD NAMS KYI PHUNG PO YONGS SU GZUNG NGO ZHES GSUNGS, 'DIR NI YONGS GZUNG BAR MI BYA'O ZHES GSUNGS NA JI LTAR 'GAL BAR MI 'GYUR SNYAM MO, ,BCOM LDAN 'DAS KYIS KYANG DGONGS PA GANG GIS GNYI GA GSUNGS PA DE BSTAN PA'I PHYIR YONGS SU GZUNG MOD KYI ZHES BYA BA GSUNGS SO YONGS SU GZUNG ZHES GANG GSUNGS PA DE NI NYE BAR BSGRUB PA'I MTSAN NYID YONGS SU GZUNG BA'I TSUL LO, ,'DIR NI LOG PAR 'DZIN PA'I MTSAN NYID SEL TE 'GAL BA MED DO, ,LOG PAR 'DZIN PA NI LAM LOG PAR 'DZIN PA'O, ,'DIS NI RNAM PAR RTOG PA DE SPONG BAS SEMS RAB TU GZUNG BA BSTAN TO, ,YANG RAB 'BYOR RIGS KYI BU'AM RIGS KYI MO GANG GIS ZHES BYA BA NAS BRTZAMS TE RGYA CHE BA BSTAN TO, ,LHAG MA SNGA MA RNAMS KYIS NI ZAB PA BSTAN TO, ,GNAS 'DI MTHA' DAG GIS NI RTAG PA DANG CHAD PA'I @262B MTHA' BKAG NAS DBU MA'I LAM BRJOD DO, ,'KHOR BA DANG MYA NGAN LAS 'DAS PA LA MI GNAS PA BSHAD ZIN TO,, ,,BZHUGS PA YONGS SU DAG PAR BRJOD PAR BYA'O, ,DE YANG RNAM PA GSUM DU DBYE STE, SPYOD LAM GYIS BZHUGS PA DANG, SNOD DANG SEMS CAN GYI 'JIG BRTEN LA MNGA' BAS BZHUGS PA DANG, KUN NAS NYON MONGS PA MI MNGA' BAS BZHUGS PA'O, ,DE LA GAL TE SANGS RGYAS NI CHOS KYI SKUR BLTA'I GZUGS KYI SKUR MA YIN NA DE'I TSE BCOM LDAN 'DAS KYI SPYOD LAM BZHI DANG, BLTAMS PA DANG, MNGON PAR 'BYUNG BA LA SOGS PA LUNG LAS GRAGS PA DANG JI LTAR 'GAL BAR MI 'GYUR ZHES GANG DE SNYAM SEMS PA DE'I CHED DU ZHUGS PA PHUN SUM TSOGS PA SPYOD LAM GYIS BZHUGS PA'I DBANG DU MDZAD NAS, YANG RAB 'BYOR GANG LA LA ZHIG CES BYA BA LA SOGS PA GSUNGS SO, ,BZHUD DAM BYON ZHES BYA BA GNYIS KYIS NI 'CHAG PA BSTAN TO, ,LHAG MA RNAMS NI BZHENGS PA LA SOGS PA'I SPYOD LAM RNAMS DANG RIM PA BZHIN DU BSTAN TO, ,SPYOD LAM BSTAN PA NI MTSON PA TZAM STE, DES NA BLTAMS PA LA SOGS PA DAG KYANG 'DIR BSTAN PAR BLTA'O, ,GANG BCOM LDAN 'DAS KYI SPYOD LAM LA SOGS PA LUNG LAS YONGS SU BRJOD PA RNAMS YONG DAG PAR SGRA JI BZHIN DU MNGON PAR ZHEN PA DE PHYIN CI LOG TU MNGON PAR ZHEN PA'I PHYIR DE BZHIN GSHEGS PAS GSUNGS PA'I DON MI SHES SO, ,BCOM LDAN 'DAS NI GZUGS KYI SKU'I RAB TU PHYE BA MA YIN TE, DE NI YE SHES YONGS SU DAG PA'O, ,YE SHES DE LA NI LUS MED PA'I PHYIR KUN RDZOB TU YANG BZHUD PA LA SOGS PA MI SRID DO, ,'GRO BA LA SOGS PA NI GZUGS KYI PHUNG PO'I GNAS KYI BYE BRAG GIS RAB TU PHYE BA'I PHYIR DE DAG NI BCOM LDAN 'DAS KYI SPRUL PA'I SKU LA BRTEN NAS GSUNGS PA DAG STE, YE SHES KYI SKU LA BRTEN PA NI MA YIN TE, DE LA NI KUN RDZOB DANG DON DAM PAR BZHUD PA LA SOGS PA MI SRID PA'I PHYIR RO, ,DE'I PHYIR SPYOD LAM GYIS BZHUGS PA 'BYOR BA RNAM PA 'DI LTA BU LA BYANG CHUB SEMS DPA' 'DUN PA DANG SMON LAM GYIS GNAS PAR BYA BA BSTAN PA YIN NO, ,GAL TE DE BZHIN GSHEGS PA LA BZHUD PA LA SOGS PA MI MNGA' NA JI LTAR DE BZHIN GSHEGS PA ZHES BYA BA GSHEGS PAS RAB TU PHYE BA LTAR BSTAN SNYAM DU SEMS PA'I BSAM PA LA BRTAGS NAS DE CI'I PHYIR ZHE NA ZHES GSUNGS TE, @263A *, ,DE NGAS BSHAD PA'I DON MI SHES SO ZHES BYA BA DANG SBYAR RO, ,'DIR LAN DU DE BZHIN GSHEGS PA ZHES BYA BA LA SOGS PA GSUNGS SO, ,'DI SNYAM DU DGONGS TE BRJOD PA 'DI NI BZHUD PAS RAB TU PHYE BA MA YIN GYI THUGS SU CHUD PAS RAB TU PHYE BA STE 'GRO BA ZHES BYA BA NI RTOGS PA'I DON YIN PA'I PHYIR RO, ,DNGOS PO'I DE KHO NA JI LTAR GNAS PA DE BZHIN DU RTOGS TE THUGS SU CHUD PAS DE BZHIN GSHEGS PA'O, ,YANG NA SNGON GYI SANGS RGYAS RNAMS KYIS DNGOS PO'I DE KHO NA JI LTAR PHYIN CI LOG PAR THUGS SU CHUD PAR GYUR PA DE BZHIN DU 'DIS KYANG MKHYEN TE THUGS SU CHUD PAS DE BZHIN GSHEGS PA'O, ,DE YANG YANG DAG PA'I KUN RDZOB TU YE SHES KYI SKU NYID DU RIGS KYI GZHAN LA NI RTOG PA MED PA'I PHYIR RO, ,DE YANG LUS MED PA'I PHYIR KUN RDZOB TU YANG GAR YANG BZHUD PA LA SOGS PA MI SRID DO, ,DON DAM PAR NI MA SKYES PA'I PHYIR RAB TU MI SRID DO, ,DE BAS NA DE DNGOS PO'I RANG BZHIN DU THUGS SU CHUD PAS 'JIG RTEN MTHA' DAG GI GTZO BOR 'GYUR TE MCHOD PAR 'OS PAS DGRA BCOM PA ZHES BYA'O, ,YANG DAG PAR RDZOGS PAR THUGS SU CHUD PAR GYUR PAS YANG DAG PAR RDZOGS PA'I SANGS RGYAS ZHES BYA'O, ,DE LTA MA YIN NA GZUGS KYI SKU NI BEMS PO'I RANG BZHIN YIN PAS DE SKAD MI BYA'O ZHES DGONGS PA'O, ,'DIS NI RNAL 'BYOR DU SNYOMS PAR 'JUG PA DANG SEMS RAB TU GZUNG BA BSTAN TO, ,GNAS 'DI MTHA' DAG GIS NI ZAB BA BSTAN TO, ,KUN RDZOB TU DE BZHIN GSHEGS PA'I SPRUL PA'I SKU LA BRTEN PAR BZHUD PA LA SOGS PA DAG 'JIG RTEN GYI KHAMS MTHA' YAS BA RNAMS SU THOGS PA MED PAR BSTAN PAS NI RGYA CHE BA YANG BSTAN TO, ,DE BZHIN GSHEGS PA'I SPRUL BA'I GZUGS KYI SKU GANG YIN PA DANG, YID KYI RANG BZHIN GYI SKU GANG YIN PA DE YANG GCIG DANG DU MA'I RANG BZHIN DANG BRAL BAS SGYU MAS SPRUL PA'I SANGS RGYAS LTAR BRDZUN PA NYID DU BSTAN PA'I PHYIR SNOD DANG SEMS CAN GYI 'JIG RTEN RNAM PAR GZHIG PAS BZHUGS PA'I DBANG DU MDZAD NAS, YANG RAB 'BYOR ZHES BYA BA LA SOGS PA GSUNGS SO, ,SNGAR NI MOS PAS SPYOD PA'I SA NA BYANG CHUB SEMS DPA' DE RNAM PAR GZHIG PAR BSTAN LA DE NI SANGS RGYAS KYI SA LA BCOM LDAN 'DAS KYI BZHUGS PA BSTAN PAS TSIG ZLOS PAR MI 'GYUR RO, ,'DIR YANG THABS RNAM PA GNYIS KYIS GCIG DANG DU MA'I RANG BZHIN DANG BRAL BAR RTOGS PAS @263B BDAG MED PAR STON TO, ,'DI LTA STE DPER NA RDUL PHRA RAB KYI TSOGS BZHIN DU PHYE MAR BYAS NA ZHES BYA BA 'DIS NI GCIG PU'I RANG BZHIN DANG BRAL BAR RTOGS NAS BSRAB PAR BYA BA'I THABS BSTAN TE, 'DIR YANG BSHAD PA NI SNGA MA BZHIN NO, ,RDUL PHRA RAB RNAMS PHYOGS CHA THA DAD PA'I PHYIR GRUB PA MED PA MA YIN NAM, DE DAG TSOGS SU JI LTAR 'GYUR SNYAM DU SEMS PA LA DE'I SLAD DU ZHES DRIS PA DANG, LAN DU BCOM LDAN 'DAS GAL TE ZHES BYA BA SMOS SO, ,'DI SNYAM DU SEMS TE, GCIG PUR 'DZIN PA BZLOG PA'I THABS TZAM DU RDUL PHRA RAB TU RNAM PAR DBYE BAR TSOGS PA DE, BCOM LDAN 'DAS KYIS GSUNGS KYI DON DAM PAR MI GNAS PA'I MA YIN NO, ,DE LTA MA YIN NA THAMS CAD LA RDUL PHRA RAB KYI TSOGS MNGON SUM DU GRAGS PAR GYUR PAS DE'I PHYIR BCOM LDAN 'DAS KYIS RDUL PHRA RAB KYI TSOGS ZHES BKA' MI STZOL TE, MA GSUNGS KYANG DE LTAR GRAGS PA'I PHYIR RO, ,'DIS NI DE BZHIN GSHEGS PA'I GZUGS RNAM PAR GZHIG PAR BZHUGS PA DE LTA BU LA 'DUN BA DANG, SMON LAM GYIS GNAS PAR BYA BA BSTAN TO, ,GAL TE TSOGS MED NA BCOM LDAN 'DAS KYIS RDUL PHRA RAB KYI TSOGS DE MANG NGAM ZHES CI'I PHYIR BKA' STZAL SNYAM DU SEMS PA'I BSAM PA LA BRTAGS NAS DE CI'I SLAD DU ZHE NA ZHES BYA BA GSOL TO, ,DE TSOGS MA MCHIS PAR ZHES BYA BA NI RDUL PHRA RAB SHAR DANG BYANG LA SOGS PA'I PHYOGS KYI RNAM PAR DBYE BAS GNAS PA DE DAG RANG BZHIN GYIS GRUB PA MED PAS YANG DAG PAR NA TSOGS SU MI RIGS SO, ,GCIG PUR 'DZIN PA BSAL BA'I PHYIR GSUNGS PA TZAM DU ZAD DE, DE BAS NA RDUL PHRA RAB KYI TSOGS ZHES BYA'O, ,PHYOGS CHA THA DAD PA MED NA NI RDUL PHRA RAB RNAMS LA RDUL PHRA RAB GZHAN DAG GIS PHA ROL DANG TSU ROL DANG, STENG DANG 'OG DANG, PHYOGS CHA THA DAD PA NAS BSKOR BAR MI 'GYUR RO, ,DE BAS NA RGYAS PAR MI 'GYUR TE, SEMS DANG SEMS LAS BYUNG BA LA SOGS PA JI LTA BA BZHIN NO, ,CHA NYID RDUL PHRA RAB RNAMS SU 'GYUR RO ZHES BRJOD DU NI MI RIGS TE, DER YANG DPYAD PA MTHUN PA'I PHYIR RO, ,GAL TE GYUR KYANG THUGS MED DO ZHE NA, MI RUNG STE, RDUL PHRA RAB RNAMS THUG PA MED PA'I NGO BOR GYUR NA KHYOD KYIS CI ZHIG GRUB, THUG PA MED PA'I NGO BO NI DNGOS POR MI 'GRUB STE, DE BAS NA NGED KYI 'DOD PA NYID GRUB PO, ,NGED NI 'DOD RGYAL DU RDUL RNAM PA DU MA'I RANG BZHIN DU SMRA BA MA YIN NA RDUL PHRA RAB RNAMS KYI THUG PA @264A *, ,MED NA GANG GIS GRUB CES BRJOD, KHYOD KYIS RDUL PHRA RAB RNAMS CHA MED PA'I NGO BOR RNAM PAR GZHAG PA GANG YIN PA DE SHAR DANG BYANG LA SOGS PA PHYOGS THA DAD PA NA GNAS PAR KHAS BLANGS PAS PHYOGS CHA THA DAD PAR KHAS BLANGS PA YIN TE, DE BAS NA YAN LAG DANG BCAS PAR THAL BAR 'GYUR RO, ,DE BAS NA THAL BAR BSGRUB PA'I PHYIR GTAN TSIGS KYI GZHI MA GRUB PA YIN NO, ,SEMS DANG SEMS LAS BYUNG BA DAG GIS GCIG TU MA NGES PA YANG MA YIN TE, DE DAG LUS MED PAS PHYOGS NA MI GNAS PA'I PHYIR, SHAR DANG BYANG LA SOGS PA'I PHYOGS KYIS GNAS PA MED DO, ,DE BAS NA, DE NI MIG MIN GZUGS LA MIN, ,DE GNYIS BAR NA MI GNAS TE, ,DE NI GANG NA GNAS GYUR PA, ,DE NI YOD MIN MED PA MIN, ,ZHES BSTAN TE THAL BAS NI CHOG GO, ,'DIS NI DU MA'I RANG BZHIN DANG BRAL BAR KHONG DU CHUD NAS SNANG BA MED PAR BYA BA'I THABS BSTAN PAS RNAM 'BYOR DU SNYOMS PAR 'JUG PA DANG, SEMS RAB TU GZUNG BA BSTAN TO, ,RDUL PHRA RAB KYI TSOGS DE MANG BA LAGS SO ZHES BYA BA 'DIS NI RGYA CHE BA BSTAN TO, ,LHAG MAS NI ZAB PA BSTAN TO, ,DA NI SEMS CAN GYI 'JIG RTEN RNAM PAR GZHIG PAS BZHUGS PA'I DBANG DU BYAS NAS STONG GSUM GYI STONG CHEN PO'I 'JIG RTEN GYI KHAMS ZHES BYA BA GSUNGS PA DE ZHES BYA BA LA SOGS PA GSOL TO, ,SNOD KYI 'JIG RTEN NI SNGAR BSHAD ZIN PAS 'JIG RTEN GYI KHAMS NI 'DIR SEMS CAN GYI 'JIG RTEN DU 'DOD DO, ,GNYI GA LA STONG GSUM GYI STONG CHEN PO'I ZHES SMOS PA NI 'JIG RTEN GYI KHAMS MTHA' YAS PAR MTSON TO, ,DE BAS NA DE KHAMS MA MCHIS PAR DE BZHIN GSHEGS PAS GSUNGS ZHES BYA BA NI SEMS CAN GYI 'JIG RTEN PHUNG PO LNGA'I BDAG NYID DE YANG GCIG DANG DU MA'I RANG BZHIN DANG BRAL BAS SNGA MA BZHIN DU BSHAD DO, ,'DIS NI DE BZHIN GSHEGS PA'I SEMS CAN GYI 'JIG RTEN RNAM PAR GZHIG PAS BZHUGS PA DE LTA BU LA BYANG CHUB SEMS DPAS 'DUN PA DANG, SMON LAM GYIS GNAS PAR BYA BA BSTAN TO, SNANG BA MED PAR BYAS PAS NI RNAL 'BYOR DU SNYOMS PAR 'JUG PA 'DI JI LTAR BSGRUB PAR BYA BA DE YANG BSTAN TO, ,DA NI JI LTAR SEMS RAB TU GZUNG BAR BYA BA BSTAN PA'I PHYIR DE CI'I SLAD DU ZHE NA ZHES DRIS TE, DE KHAMS MA MCHIS PAR DE BZHIN GSHEGS PAS GSUNGS ZHES BYA BA DANG SBYAR RO, ,LAN DU BCOM LDAN 'DAS GAL TE ZHES BYA BA LA @264B SOGS PA SMRAS SO, ,GAL TE SEMS CAN GYI 'JIG RTEN JI LTAR GRAGS PA BZHIN DU DON DAM PAR RAGS PA GCIG PA'I NGO BOR GYUR NA NI DE'I TSE DE BZHIN GSHEGS PAS DNGOS PO'I DE KHO NA JI LTAR GNAS PA BZHIN DU THUGS SU CHUD PAS DE NYID RIL POR 'DZIN PAR 'GYUR RO, ,DE BAS NA BDAG TU 'DZIN PA'I RGYU NI PHUNG PO'I NGO BO LA RIL BOR 'DZIN BA TZAM DU ZAD PAS DE NYID DE BZHIN GSHEGS PA'I RIL POR 'DZIN PA DAM POR 'GYUR TE, DE MA SPANGS BAR DGONGS PA'O, ,DE LTA NI MA YIN TE, DE BAS NA GANG SKYE BO BYIS PA RNAMS LA PHYOGS GZHAN DU BCOM LDAN 'DAS KYIS RIL POR 'DZIN PA NI BDAG TU 'DZIN PA'I RGYUR GSUNGS PA DE DON DAM PAR 'DZIN PA MED PA NYID DE GZUNG BA RIL PO GCIG DANG DU MA'I RANG BZHIN GANG YANG MED PA'I PHYIR RO, ,SKYE BO BYIS PA RNAMS LA GRAGS PA'I NGO BOR KUN RDZOB TU GSUNGS PAR ZAD DE DES NA RIL POR 'DZIN PA ZHES BYA'O, ,BCOM LDAN 'DAS KYIS DON DE BSGRUB PA'I PHYIR RIL POR 'DZIN PA'I DON ZHES BYA BA GSUNGS SO, ,CI STON CE NA, THA SNYAD DU RIL PO 'DZIN PA ZHES BYA BA NI DON DAM PAR NI MED PAS CHOS DE NI BRJOD DU MED PA YIN ZHES BSTAN TO, ,GAL TE DE LTAR BZUNG BA RIL PO MED NA DE'I TSE DER 'DZIN PA YANG MED PAS JI LTAR THA SNYAD KYIS RIL POR 'DZIN PA ZHES BYA SNYAM PA LA BRTAGS NAS DE YANG BYIS PA SO SO'I SKYE BO RNAMS KYIS BZUNG NGO ZHES BYA BA GSUNGS SO, ,BYIS PA RNAMS NI 'KHRUL PA'I DBANG GIS MED PA LA YANG YOD PA LTAR 'DZIN PAS DE'I BSAM PA'I DBANG GI THA SNYAD BTAGS PA STE, 'GAL BA MED DO ZHES DGONGS PA'O, ,DE'I PHYIR DE DAG NI BYIS PA RNAMS ZHES BYA'I DE LTA MA YIN NA NI DNGOS PO JI LTA BA BZHIN THA SNYAD BTAGS PA'I PHYIR DE DAG BYIS PA RNAMS SU JI LTAR 'GYUR, 'DIR JI LTAR SEMS RAB TU GZUNG BAR BYA BA NI BSTAN ZIN TO, ,RGYA CHE BA DANG ZAB BA YANG 'DIR SNGA MA BZHIN DU SBYAR RO, ,'DIS NI GANG GI TSE DNGOS PO MTHA' DAG DON DAM PAR RANG BZHIN GYIS STONG PA DE'I TSE, DE BZHIN GSHEGS PA'I GZUGS KYI SKU DANG YE SHES KYI SKU DON DAM PAR RANG BZHIN DANG BSAM PAR GA LA 'GYUR TE, RTZA BA SEMS CAN MED PA'I PHYIR RO ZHES BSTAN PA YIN NO, ,DA NI RAB 'BYOR GANG LA LA ZHIG CES BYA BA LA SOGS PAS NI GNAS THAMS CAD DU RNAL 'BYOR DU SNYOMS PAR 'JUG PAR GYUR PAS THABS GANG GIS THAMS CAD DU MNYAM PAR GZHAG PAR BYA BA DE STON @265A *, ,TO; ,MTSAMS NI 'DI LTAR SBYAR TE, GAL TE RIL POR 'DZIN PA MED NA DE'I TSE RTZA BA LAS BYUNG BA 'JIG TSOGS LA LTA BA MED PA NYID YIN PAS NA BCOM LDAN 'DAS KYIS LTA BA LNGA PO DAG LAS 'JIG TSOGS LA LTA BA JI LTAR GSUNGS SNYAM PA DE'I CHED DU 'BYOR GANG LA LA ZHIG CES BYA BA LA SOGS PA GSUNGS SO, ,'DI LA JI LTAR RNAM PAR MI RTOG PAR BYA BA DANG, SU RNAM PAR MI RTOG PAR BYED PA DANG, GANG LA RNAM PAR MI RTOG PAR BYA BA DANG, GANG GIS RNAM PAR MI RTOG PAR BYED PA DANG, RNAM PAR MI RTOG PA GANG YIN PA DE BSTAN PAS RNAL 'BYOR DU SNYOMS PAR 'JUG PA'I THABS YANG DAG PAR STON TO, , DE LA RAB 'BYOR LA LA ZHIG CES BYA BA NAS BRTZAMS TE, DES NA BDAG TU LTA BA ZHES BGYI'O ZHES BYA BA'I BAR 'DIS NI JI LTAR RNAM PAR MI RTOG PAR BYA BA DE BSTAN TO, ,JI LTA ZHE NA GZHAN MU STEGS CAN RNAMS KYIS NI BDAG TU BSHAD DE, BCOM LDAN 'DAS KYIS NI GANG ZAG LA BDAG MED PAR 'JOG PAS BDAG DGAG PA'I PHYIR, BDAG TU LTA BA GSUNGS SO, ,BDAG TU LTA BA DE RNAM PAR BSHIG PAS CHOS LA BDAG MED PAR 'JOG STE, DE LTA BA MA MCHIS PAR DE BZHIN GSHEGS PAS GSUNGS ZHES GANG GSOL TO, ,GAL TE BDAG TU LTA BA DE LA BDEN PA NYID DU MI 'DZIN NA NI, DE LTAR SBYOR BA NA BYANG CHUB SEMS DPA' RNAL 'BYOR DU SNYOMS PAR 'JUG PAR 'GYUR TE, GANG GI PHYIR RNAM PAR MI RTOG PA DE'I PHYIR DE NI DER 'JUG PA'I THABS YIN NO, ,RAB 'BYOR 'DI LTAR BYANG CHUB SEMS DPA'I THEG PA LA YANG DAG PAR ZHUGS ZHES BYA BA 'DIS NI SU RNAM PAR MI RTOG PAR BYED PA DE YONGS SU STON TO, ,CHOS THAMS CAD CES BYA BA 'DIS NI GANG LA RNAM PAR MI RTOG PAR BYA BA DE BSTAN TO, ,SHES PAR BYA BLTA BAR BYA MOS PAR BYA ZHES BYA BA 'DIS NI GANG GIS RNAM PAR MI RTOG PAR BYA BA DE BRJOD DO, ,GANG GIS RNAM PAR MI RTOG PAR BYA ZHE NA SHES PA DANG, LTA BA DANG, MOS PAS SO, ,DE LA SHES PA NI THOS PA'I SHES RAB BO, ,LTA BA NI BSAMS PA'I SHES RAB STE, DE NI RTOGS PAR BYED PA'I PHYIR RO, ,MOS PA NI BSGOMS PA'I SHES RAB STE, LHAG PAR 'DOD PA NI 'DIR MOS PA'I SGRAR BRJOD PAR 'DOD PA'O, ,DE NI BSGOMS PA'I STOBS KYIS 'GRUB STE, DE BAS NA BSGOMS PA LAS BYUNG BA'I SHES RAB NI NGES PAR 'BYED @265B PA'I CHA DANG MTHUN PA'I GNAS SKABS NA MOS PA'I SGRAR GSUNGS SO, ,CI NAS CHOS SU 'DU SHES PA LA YANG MI GNAS PA DE LTAR MOS PAR BYA'O ZHES BYA BA 'DIS NI RNAM PAR MI RTOG PA GANG YIN PA DE STON TO, ,DE 'DU SHES MED PAR DE BZHIN GSHEGS PA GSUNGS ZHES BYA BA NI 'DIR GTAN TSIGS SU GSUNGS SO; ,'DU SHES PAR BYA BA GANG YANG MED PA NYID KYANG GCIG DANG DU MA'I RANG BZHIN GYIS STONG PA'I PHYIR DON DAM PAR DE 'DU SHES MED PA'O, ,DE BZHIN GSHEGS PAS KUN RDZOB LA BRTEN NAS PHYOGS GZHAN DU GSUNGS SO, ,DE YANG BRDZUN PA'I DON DU SHES SHING GNAS NA JI LTAR RNAM PAR RTOG PAR MI 'GYUR ZHES DGONGS PA'O, ,GNAS THAMS CAD DU RNAL 'BYOR DU SNYOMS PAR 'JUG PA'I THABS NI BSHAD ZIN TO,, ,,KUN NAS NYON MONGS PA MI MNGA' BA YANG RNAM PA GNYIS TE, 'CHAD PA KUN NAS NYON MONGS PA MI MNGA' BA DANG, 'KHOR BA'I KUN NAS NYON MONGS PA MI MNGA' BA'O, ,DE LA GAL TE CHOS SU 'DU SHES MED NA DE'I TSE DE BZHIN GSHEGS PA SEMS CAN RNAMS LA CHOS STON PA NA 'DU SHES DE KUN TU 'BYUNG NA, JI LTAR KUN NAS NYON MONGS PAR MI 'GYUR, THUGS RJES SEMS CAN GYI DON DU JI SRID 'KHOR GYI BAR DU BZHUGS NA CHOS SU 'DU SHES PAS JI LTAR KUN NAS NYON MONGS PAR MI 'GYUR SNYAM PA LA BRTAGS NAS THUGS PHUN SUM TSOGS PA DE NYID KYIS 'CHAD PA NA KUN NAS NYON MONGS PA MI MNGA' BA DANG, TSIGS SU BCAD PAS 'KHOR BA'I KUN NAS NYON MONGS PA MI MNGA' BA BSTAN PA'I PHYIR YANG RAB 'BYOR ZHES BYA BA LA SOGS PA GSUNGS SO, ,SNGAR SKABS GZHAN NAS 'JIG RTEN GYI KHAMS RNAMS KYI BSNGAGS PA RNAMS RAB TU BSTAN PAS NI PHAN YON BSNGAGS KYI, DA NI KUN NAS NYON MONGS PA MI MNGA' BA'I SKABS SU 'JIG RTEN GYI KHAMS MTHA' YAS PA STON PAS PHAN YON MI BRJOD DE, TSIG ZLOS PAR MI 'GYUR RO, ,'DIR YANG RIGS PA NI SNGA MA BZHIN DU BRJOD PAR BYA'O, ,BLANGS NAS ZHES BYA BA NI KHA TON DU BKLAGS PA'O, ,'DZIN TAM ZHES BYA BA NI TSIG GO, ,KLOG GAM ZHES BYA BA NI GLEGS BAM LA SOGS PA KLOG PA'O, ,KUN CHUB PAR BYED PA ZHES BYA BA NI DON 'DZIN CES BYA BA'I THA TSIG GO, ,'DIS NI GANG GI PHYIR CHOS 'DI DON CHE BA DE'I PHYIR BYANG CHUB SEMS DPAS CHOS BSTAN PA DON CHEN PO 'DI LTA BU LA 'DUN PA @266A *, ,DANG SMON LAM GYIS GDON MI ZA BAR GNAS PAR BYA BA DE YONGS SU STON TO, ,BSHAD MOD KYI JI LTAR KUN NAS NYON MONGS PAR MI 'GYUR BA DE LTAR BSHAD PA BSTAN PA'I PHYIR JI LTAR YANG DAG PAR RAB TU STON ZHE NA ZHES BYA BA LA SOGS PA GSUNGS SO, ,DGONGS PA NI 'DI YIN TE, CHOS THAMS CAD DON DAM PAR MA SKYES PA BRJOD DU MED PAR BSTAN PA BSHAD KYANG CHOS DE DAG BRJOD DU MED PA'I BDAG NYID KYIS MA BSHAD DO, ,DE NI 'DI SKAD DU, JI LTAR 'DUL BA'I SKYE BO 'DI SNYAM DU CHOS THAMS CAD BZOD MA NAS MA SKYES PAS BRJOD DU MED DE, DE BAS NA DE DAG NI GANG GIS KYANG BSTAN PAR BYA BA MA YIN SNYAM DU SEMS PA DE LTAR STON TE ZHES BSTAN PA YIN NO, ,DE LTAR NA NYON MONGS PA CAN MA YIN PAS STON PA YIN TE, PHYIN CI MA LOG PA'I DON GYI PHYIR RO, ,DE LTA MA YIN NA NI PHYIN CI LOG TU STON PAS NYON MONGS PA CAN DU 'GYUR RO, ,DE BAS NA DE BZHIN GSHEGS PA CHOS STON PA'I DUS NA DAG PA 'JIG RTEN PA'I YE SHES LA ZHUGS PA LA, CHOS SU SNANG BA'I 'DU SHES KUN TU 'BYUNG YANG DE LA YANG DAG PA KHO NAR MNGON PAR ZHEN PA MED PAS NYON MONGS PA CAN GYI SKYON DU MI 'GYUR RO, ,'DIS NI RNAL 'BYOR DU SNYOMS PAR 'JUG PA DANG, SEMS RAB TU GZUNG BA DANG ZAB PA BSTAN TO, ,SNGA MAS NI RGYA CHE BA BSTAN TO, ,DE NI SHES RAB KYI PHA ROL TU PHYIN PA'I LUS MTHA' DAG RNAM PAR 'JOG CING, TSIGS SU BCAD PAS 'KHOR BA'I KUN NAS NYON MONGS PA MI MNGA' BA BSTAN TO, ,TSIGS SU BCAD PA 'DIS NI 'DUS BYAS KYI MTSAN NYID RNAM PA BZHI YONGS SU BSTAN TE, RANG BZHIN GYI MTSAN NYID DANG, RO MYANG BA'I YUL GYI MTSAN NYID DANG, NYES DMIGS RJES SU RTOGS PA'I MTSAN NYID DANG, NGES PAR 'BYUNG BA RJES SU TOGS [*RTOGS] PA'I MTSAN NYID DO, ,DE LA PHUNG PO LNGA'I BDAG NYID DNGOS PO JI LTAR SNANG BA RTEN CING 'BREL PAR 'BYUNG BA NI, RGYU DANG RKYEN RNAMS TSOGS PAS BYAS PA'I PHYIR 'DUS BYAS ZHES BYA'O, ,DE THAMS CAD KYI RANG BZHIN NI SKAR MA LTAR BLTA BAR BYA STE, JI LTAR SKAR MA RNAMS MTSAN MO SNANG BAR 'GYUR GYI, NYIN MO MI SNANG BA BZHIN 'DUS BYAS RNAMS KYANG MA RIG PA'I NYES PA'I MUN PA YOD NA SNANG GI, YE SHES KYI NYI MA'I SNANG BA BYUNG BA NA MI SNANG BAS, SKAR MA LTA BU'I RANG BZHIN DU BLTA BAR BYA'O, ,GANG ZAG DANG CHOS LA LTA BA LA MNGON PA ZHEN PA'I RANG BZHIN GYI 'DUS BYAS NI DON MED PA SNANG BA'I RGYUS RAB RIB LTA BUR BLTA BAR BYA'O, ,RNAM PAR SHES PA'I MTSAN NYID NI @266B LAS KYI RAS DANG, SRED PA'I SNUM LA BRTEN TE 'BAR BAS MAR ME LTA BUR BLTA BAR BYA'O, ,DE LTAR DPE DE DAG GIS NI 'DUS BYAS KYI RANG BZHIN GYI MTSAN NYID YONGS SU STON TO, ,SGYU MA'I DPES NI RO MYANG BA'I YUL GYI MTSAN NYID YONGS SU BSTAN TE, NOR BA'I RNAM PAR SNANG BA'I PHYIR RO, ,DE LA NYES DMIGS RJES SU RTOGS PA'I MTSAN NYID RNAM PA GNYIS NI 'DUS BYAS KYI RANG BZHIN TE, MI RTAG PAR RJES SU RTOGS PA DANG, SDUG BSNGAL BAR RJES SU RTOGS PA'O, ,ZIL BA'I DPES NI MI RTAG PAR RJES SU RTOGS PA BSTAN TE, YUN RING DU MI GNAS PA'I PHYIR RO, ,CHU BUR GYI DPES NI SDUG BSNGAL BAR RJES SU RTOGS PA BSTAN TE, TSOR BA NI CHU'I CHU BUR LTA BU STE, TSOR BA GANG CI YANG RUNG BA DE NI 'DIR SDUG BSNGAL LO ZHES GSUNGS PA'I PHYIR RO, ,SDUG BSNGAL RNAM PA GSUM GYIS TSOR BA THAMS CAD SDUG BSNGAL DU RIG PAR BYA STE, DE LA SDUG BSNGAL GYI TSOR BA NI SDUG BSNGAL GYIS SDUG BSNGAL LO, ,GANG DAG DE DANG MTHUN PA'I 'DU BYED DE DAG KYANG DE DANG MTHUN PA NYID KYI SDUG BSNGAL LO, ,BDE BA'I TSOR BA NI 'GYUR BA'I SDUG BSNGAL GYIS SDUG BSNGAL LO, ,GANG DAG DE DANG MTHUN PA'I CHOS DE DAG KYANG DE DANG MTHUN PA NYID KYIS SDUG BSNGAL LO, ,SDUG BSNGAL YANG MA YIN BDE BA YANG MA YIN PA'I TSOR BA DANG, DE DANG MTHUN PA'I DNGOS PO DE DAG NI 'DU BYED KYI SDUG BSNGAL SKYE BA DANG 'JIG PA'I MTSAN NYID KYIS SDUG BSNGAL LO, ,DE LTAR NA 'DUS BYAS THAMS CAD SDUG BSNGAL DANG LDAN PAR BLTA'O, ,DE LA NGES PAR 'BYUNG BA RJES SU RTOGS PA'I MTSAN NYID NI GANG ZAG DANG CHOS STONG PAR RJES SU RTOGS PA'O, ,DMIGS PA DES NGES PAR 'BYUNG BAS BCOM LDAN 'DAS KYIS NGES PAR 'BYUNG BA'I DMIGS PA RNAM PA GNYIS GSUNGS SO, ,DE SKAD DU 'PHAGS PA TING NGE 'DZIN GYI RGYAL PO LAS KYANG, ,GAL TE CHOS LA BDAG MED SO SOR RTOG, ,DE DAG BRTAGS NAS GAL TE SGOM BYED PA, ,DE NI 'BRAS BU MYA NGAN 'DAS THOB RGYU, ,RGYU GZHAN GANG YIN DE NI ZHI MI 'GYUR, ,ZHES BSTAN TO, ,'DUS BYAS THAMS CAD NI BDAG MED PA RNAM PA GNYIS DANG LDAN TE, 'DI LTAR 'DAS PA DANG, DE LTAR BYUNG BA DANG, MA 'ONGS PA'I BYE BRAG GIS 'DUS BYAS NI RNAM PA GSUM MO, ,DE LA GANG DAG 'DAS PA DE DAG NI DRAN PA TZAM DU GNAS TE, RANG BZHIN MED PAS CHOS DANG GANG ZAG NYID KYIS STONG STE, BDAG GIS BYIN GYIS BRLABS PA MED DO, ,DE BAS NA RMI LAM GYI DPES NI DE DAG BDAG MED PA RNAM PA GNYIS RJES @267A *, ,SU RTOGS PA BSTAN TO, ,GLOG GI DPES NI, DE LTAR BYUNG BA RDZAS GCIG DANG DU MA'I RANG BZHIN DANG MI LDAN PAS, RANG BZHIN GZUNG DU MED PA'I PHYIR DE RJES SU RTOGS PA BSTAN TO, ,MA 'ONGS PA NI MA PHYIN PA'I BDAG NYID DE, SPRIN GYI DPES NI DE'I SA BON GNAS NGAN LEN GYIS NAM MKHA' LTA BU'I SEMS LA BSKYED PA'I PHYIR; BDAG MED PA RNAM PA GNYIS BSTAN TO, ,DE BAS 'DI MTHA' DAG GIS NI, 'DI LA BYANG CHUB SEMS DPA' RTAG TU 'DUS BYAS THAMS CAD KYIS RANG BZHIN LA DE LTAR BRTAGS PAR 'DUN PA DANG, SMON LAM GYIS GNAS PAR BYA BA YONGS SU BSTAN TO, ,NGES PAR 'BYUNG BA RJES SU RTOGS PA BSTAN PAS NI RNAL 'BYOR DU SNYOMS PAR 'JUG PA DANG, SEMS RAB TU GZUNG BA BSTAN TO, ,GNAS 'DI MTHA' DAG GIS NI ZAB PA BSTAN TO, ,TSIGS SU BCAD PA 'DIR NI 'DI YONGS SU BSTAN PA YIN TE, KUN NAS NYON MONGS PA'I RTZA BA NI PHYIN CI LOG YIN PAS 'DUS BYAS KYI RANG BZHIN LA LAN MANG DU RTOG PA DANG LDAN PA'I YID LA BYED PA CAN GZHAN YANG DE LTAR 'DU BYED LA RAB TU RTOGS PAS PHYIN CI LOG MED PA'I PHYIR, KUN NAS NYON MONGS PAR MI 'GYUR NA, DE BZHIN GSHEGS PA DNGOS PO MTHA' DAG GI RANG BZHIN JI LTA BA BZHIN DU BSGOMS PA, PHYIN CI LOG GI DRA BA MTHA' DAG DANG BRAL BA, KUN NAS NYON MONGS PAR JI LTAR 'GYUR, DE BAS NA 'DUS BYAS KYI SKYON MTHA' DAG KYANG THUGS SU CHUD PA, DE BZHIN GSHEGS PA PADMA DANG 'DRA BAR 'KHOR BA'I NYES PA'I CHUS MI GOS PA'I THUGS MNGA' BA, 'GRO BA MTHA' DAG MNGON PAR DRANG BAR THUGS DAM BCAS PA, 'BRAS BU DANG BCAS PAR MDZAD PA, THUGS RJE CHEN PO DANG LDAN PA'I THUGS CAN, DUS MED PAR 'GRO BA LA PHAN PA DANG BDE BSGRUB PA'I DGONGS PAS 'KHOR BA'I 'KHOR LO 'KHOR BA JI SRID PAR BZHUGS PAR SHES PAR BYA'O, ,JI SKAD DU, 'JIG RTEN SKYID PAR MDZAD SLAD DU, ,'KHOR DANG MYA NGAN 'DAS MI GNAS, ,ZHES BSHAD DO, ,YANG SEMS CAN THAMS CAD LA GZIGS PA'I SA LA BZHUGS PA ZHES KYANG GSUNGS SO, ,DUS GSUM BZHUGS PA'I THUB PA RNAMS SKYED PA, ,'DI LTAR BDAG GIS CI NUS BSHAD PA YI,, BSOD NAMS RGYA CHEN MKHA' 'DRA THOB PA DES, ,'JIG RTEN MUN SEL SANGS RGYAS NYID GYUR CIG ,'PHAGS PA RDO RJE GCOD PA DBU MA'I TSUL DU RGYA CHER 'GREL PA SLOB DPON KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO MANYDZU SHR'I DANG, DZI NA MI TRA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,, ,, @267B #, ,RGYA GAR SKAD DU, A'ARYA PRADZNY'A P'A RA MI T'A HRi DA YA t'I K'A, BOD SKAD DU, 'PHAGS PA SHES RAB KYI PHA ROL TU PHYIN PA'I SNYING PO'I RGYA CHER BSHAD PA, BYANG CHUB SEMS DPA' SEMS DPA' CHEN PO THUGS RJE CHEN PO DANG LDAN PA 'PHAGS PA SPYAN RAS GZIGS DBANG PHYUG LA PHYAG 'TSAL LO, ,DUS GSUM RGYAL BA BYANG CHUB SEMS DPAR BCAS, ,'GRO BA'I GNYEN GCIG KUN LA PHYAG 'TSAL NAS, ,'BUM LA SOGS PA'I DON GYI GTZO BO MCHOG, ,RGYAL BA'I YUM GYI SNYING PO BSHAD PAR BYA, ,GLENG SLONG BA DANG SKABS DANG NI, ,BSTAN PAR GTOGS PA 'DUS PA DANG, ,GLENG GZHI DRIS DANG LAN BTAB PA; ,DE NI RNAM PA BCU GCIG DANG, ,MTHUN 'GYUR RJES SU YI RANG DANG, ,RNAM PA BRGYAD DU BSDUS PA YIN, ,DE LA 'KHOR GYIS BSKUL PA DANG, YANG DAG PAR SDUD PAR BYED PAS BSTAN PAR BYA BA'I DNGOS PO MDOR BSDUS NAS, 'DI SKAD CES 'BYUNG BA LA SOGS PA DANG PO'I TSIG GSUM GYIS GLENG SLONG BAR BYED DO, ,GANG BDAG GIS THOS PA DE NI 'DI SKAD YIN TE GZHAN DU MA YIN NO, ,'DIS NI PHRI BA DANG BSKYED PA SPANG BA'I PHYIR THOS PA YANG DAG PA NYID DU DAM 'CHA'O, ,DES NI LAN CIG THOS NAS LEN CING 'DZIN PA YANG DAG PAR RAB TU STON PAR BYED PAR BRJOD DO, ,DES NA YANG DAG PAR SDUD PAR BYED PA NI SANGS RGYAS LA DGE BA'I RTZA BA BSKYED PA YONGS SU SMIN PA DGE BA'I BSHES GNYEN GYI MGON DANG BCAS PAR GYUR PA, SANGS RGYAS LA BSNYEN BKUR BYAS SHING YANG DAG PAR ZHUS PA DANG, SBYIN PA DANG TSUL KHRIMS LA SOGS PA SPYAD PA YIN PAR SHES PAR BYA'O, ,GZHAN DU NA RNAM PA 'DI LTA BU'I SHES RAB KYI PHA ROL TU PHYIN PA'I DON GYI GTZO BO NYAN PA LA SOGS PA MI SRID DO, ,DE SKAD DU MGON PO BYAMS PAS, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKYED, ,DGE BSHES MGON DANG BCAS RNAMS NI, ,'DI NYAN PA YI SNOD DU 'GYUR, ,SANGS RGYAS BSNYEN BKUR MANG DAG ZHUS, ,SBYIN DANG TSUL KHRIMS SOGS SPYAD PAS, ,LEN DANG 'DZIN PA LA SOGS PA'I, ,SNOD NYID DU NI MKHAS PAS SHES, ,ZHES GSUNGS SO, ,DE DAG KYANG GDUL BYA RNAMS KYI DANG BA DANG, MI G-YENG BA DANG, GUS PA LA SOGS PA BSKYED PA'I PHYIR RO, ,BDAG GI ZHES 'BYUNG @268A *, ,BA RNAM PAR DBYE BA GSUM PAS NI YI GE'I SGRA JI LTA BA BZHIN THOS PA NYID STON TE, DE NA THOS PA LAS BYUNG BA'I SHES PA YIN PAS RANG GI RTOGS PA'I BDAG NYID YONGS SU SPONG NGO, ,DE LTA MA YIN NA NI BDAG GIS THOS PA ZHES BYA BA RNAM PAR DBYE BA DRUG PAR 'GYUR TE, SHES PA'I DON YIN PA'I PHYIR RO, ,DA NI THOS PA'I RANG GI NGO BO BSTAN PA'I PHYIR, DUS GCIG NA ZHES 'BYUNG BA LA SOGS PA SKABS RTZOM PAR BYED DE, DUS NI STON LA SOGS PA'I DUS SO, ,GCIG NA ZHES 'BYUNG BA 'DIS NI DUS ZHES 'BYUNG BA 'DI BYE BRAG TU BYED DO, ,DE YANG BZHUGS TE ZHES 'BYUNG BA DE NYID DANG SBYAR RO, , BDUD BZHI BCOM PAR GYUR PA'I PHYIR BCOM LDAN 'DAS TE, YON TAN DANG PHRIN LAS MTHA' YAS SHING MCHOG TU GYUR PA 'GRO BA'I BLA MA MDZAD PA DANG, YON TAN GYI SGO NAS MTSAN MTHA' YAS PA ZHIG MNGAR ZIN KYANG, 'ON KYANG 'KHOR THEG PA GSUM PA BDAG DANG GZHAN GYI DON LA ZHUGS PA RNAMS KYIS CIG CAR SKYABS SU 'OS PA NYID DU BSTAN PA'I PHYIR, BCOM LDAN 'DAS KYI SGRA 'JUG PA'I RGYU MTSAN DU 'JIGS PA'I RGYU TSAR GCOD PAR BYED PA NYID DU STON TO, ,DE BAS NA BSHAD PA'I SKABS THAMS CAD DU BCOM LDAN 'DAS KYI TSIG TU BRJOD DO, ,RGYAL PO'I KHAB CES 'BYUNG BA NI YUL MA GA DH'A'I GRONG KHYER GYI BYE BRAG GO, ,DE'I PHYOGS GCIG NA BYA RGOD PHUNG PO ZHES BYA BA'I RI RTAG TU SANGS RGYAS KYI BZHUGS GNAS YOD DE DE NA BZHUGS SO, ,BYA RGOD PHUNG PO'I RI NI BCOM LDAN 'DAS BZHUGS PAS MCHOD RTEN NYID DU GYUR PA DANG ME LA SOGS PA'I 'JIG PA RNAMS KYIS KYANG GZHIG TU MED PA NYID DU SHES PAR BYA STE, BYANG CHUB SEMS DPA'I SDE SNOD LAS DE SKAD DU GSUNGS PA'I PHYIR RO, ,DE BZHIN DU 'PHAGS PA ZLA BA SGRON MA LA SOGS PA LAS KYANG, RGYAL PO'I KHAB KYI SHAR PHYOGS 'DI NYID DU, ,SANGS RGYAS BYE BA STONG RNAMS MTHONG GYUR CING, ,RGYAL BA KUN GYI DRUNG DU 'DI YIS NI, ,TING 'DZIN ZHI BA MCHOG 'DI ZHU BA BYAS, ,ZHES 'BYUNG BA LA SOGS PA DANG MTHUN PA YIN TE, RTOG PA DANG DPYOD PA LA SOGS PA'I SKYON THAMS CAD LAS RNAM PAR GROL BA'I DE BZHIN GSHEGS PA SPYOD LAM BZHI GANG YANG RUNG BAS BZHUGS PA'I PHYOGS, DE BZHIN GSHEGS PA'I DBANG GIS BYUNG BA 'JIG PA @268B RNAMS KYIS 'JIG PAR JI LTAR 'GYUR, LHA DANG 'PHAGS PA DANG TSANGS PA'I BZHUGS PA DAM PA BSAM GTAN BZHI PA DANG, STONG PA NYID DANG, SNYING RJE CHEN PO'I MTSAN NYID GTZO BO YIN PA'I PHYIR BZHUGS PA GSUM PO DE DAG GIS BZHUGS PAR GYUR TE, DE'I SGRA NI BZHUGS ZIN PA'I DON TO, , DE NA BCOM LDAN 'DAS BZHUGS PA NI CHOS YANG DAG PAR SDUD PA'I DUS NA 'DAS PA YIN NO, ,DUS GCIG NA ZHES 'BYUNG BA'I BYE BRAG GIS NI THUGS RJE CHEN PO LA GZHOL BA 'GRO BA'I BLA MA DUS GZHAN NA NI YUL GZHAN NA BZHUGS PAR STON TO, ,DE'I PHYIR BCOM LDAN 'DAS KYI RJES SU SLOB PA GZHAN RNAMS KYIS KYANG DAM PA GSUM GYIS GNAS PAR BYA'I, BYED PA GANG YANG RUNG BA DAG GIS NI MA YIN NO, ,DGE SLONG GI DGE 'DUN CHEN PO DANG ZHES 'BYUNG BA LA SOGS PA NI NYAN PAR GTOGS PA 'DUS PAR STON TE, ,DE LA NYON MONGS PA BCOM PA'I PHYIR DGE SLONG NGO, ,DE DAG MANG PO TSOGS PAS DBYER MED PA'I PHYIR DGE 'DUN NO, ,CHEN PO ZHES 'BYUNG BA NI PHAL CHE BA NYID KYIS SAM, SHES RAB DANG RDZU 'PHRUL LA SOGS PAS SO, ,DE BZHIN DU BYANG CHUB SEMS DPA' SEMS DPA' CHEN PO'I DGE 'DUN CHEN PO DANG YANG STE, 'DI LA YANG CHE BA NYID GSUM GYIS STON TO, SEMS CAN THAMS CAD KYI MCHOG TU GYUR PA SEMS CHE BA NYID DANG, SPONG BA CHE BA NYID DANG, RTOGS PA CHE BA NYID KYIS SO, ,DE DAG DANG THABS CIG STE, LHAN CIG TU ZHES BYA BA'I THA TSIG GO, ,BZHUGS PA'I BYA BA LA LHAN CIG PA NYID YIN PA'I PHYIR LHAN CIG GI DAN GYI MTSAN NYID KYIS RNAM PAR DBYE BA GSUM PA YIN NO, ,GTOGS PA 'DUS PA ZHES BYA BA 'DI LA GTOGS PA SU YIN ZHE NA, RNAM PA DE LTA BU'I CHOS NYAN PA LA SOGS PAR SNANG BA 'GRUB PAR 'GYUR BA'I DGE BA'I RTZA BA SNGON BSKYED PA YONGS SU SMIN PA NI GTOGS PA YIN TE, CHOS NYAN PA LA SOGS PA LA SKAL PA YOD DO ZHES BYA BA'I THA TSIG GO; ,RANG MTSAN MAR GRUB PAR BYA BA'I PHYIR YUL DANG DUS DANG, ,'KHOR DBANG DU BYED CING DBANG DANG BCAS PAR SMRAS NA, SMRA BA PO TSAD MA YIN PAR KHONG DU CHUD PAR 'GYUR RO ZHES CHE BA GANG DAG SMRA BA DE NI BDAG GIS KHONG DU MA CHUD DE, 'DI LTAR YUL DE DAG TU SONG ZHING DPANG RNAMS LA 'DRI NA NI DE @269A *, ,NUS PA MED PA RNAMS KYIS MDO'I DON GTAN LA DBAB PA THAG RING BAR 'GYUR RO, ,YANG JI LTAR MDO SDE 'DI BZHIN DU GANG DU 'KHOR GYI MING MA BSTAN PA DE JI LTAR DBANG ZHES BRJOD PAR BYA, 'OG MA YIN PA'I PHYIR DGE SLONG GI 'KHOR SNGAR BSTAN LA, GONG MA YIN PA'I PHYIR BYANG CHUB SEMS DPA'I 'KHOR PHYIS BSTAN TO, ,JI LTAR GANG YANG PHYOGS BCU'I 'GRO BA RNAMS DANG, SLOB PA DANG, MI SLOB PA DANG, RANG RGYAL BA RNAMS KYI BSOD NAMS LA ZHES BYA BA LA SOGS PA LTA BU STE, KHA CIG TU NI 'OG MA NAS GO RIMS BZHIN DU BKOD DO, ,KHA CIG TU NI GONG MA NAS GO RIMS BZHIN DU BKOD DE, JI LTAR SANGS RGYAS DANG BYANG CHUB SEMS DPA' ZHES BYA BA LTA BU'O, ,GZHAN DAG NI 'KHOR RTAG PA YIN PA'I PHYIR DGE SLONG GI 'KHOR SNGAR SMOS SO, ,RTAG PA MA YIN PA'I PHYIR BYANG CHUB SEMS DPA'I 'KHOR PHYIS SMOS SO ZHES PA'O, ,RTAG PA NI SNGAR BRJOD PAR BYA BA YIN LA DE LAS GZHAN NI PHYIS YIN NO ZHES BYA BA DE NI RIGS PA YOD PA MA YIN NO, ,GLENG GZHI GANG GIS BSTAN PA 'DI 'JUG PA'I GLENG GZHI DE BSHAD PA'I PHYIR, DE'I TSE ZHES BYA BA LA SOGS PA GSUNGS TE, 'KHOR RNAMS KYI DGE BA'I RTZA BA YONGS SU SMIN PAR BSTAN PA DE'I TSE, BCOM LDAN 'DAS TING NGE 'DZIN LA SNYOMS PAR 'JUG PAR MDZAD PA'I DUS DE YIN PA'I PHYIR DE'I TSE ZHES BYA STE, BCOM LDAN 'DAS NI DUS MKHYEN PA'I PHYIR RO, ,CHOS NI PHUNG PO LA SOGS PA YIN TE RANG GI MTSAN NYID 'DZIN PA NYID DU 'DOD DO, ,YONGS SU KUN DU THAMS CAD DU 'DI LA 'ANG 'DIS KHONG DU CHUD RTOGS RIG PAS NA CHOS KYI RNAM GRANGS ZHES BYA'O, ,ZAB MO NI STONG PA NYID LA SOGS PA STE, GANG DU'ANG GANG GIS SNANG BA GO RIMS BZHIN DU RANG DANG GZHAN GYI RGYUD LA LTOS PA DE NI ZAB MO SNANG BA YIN NO, ,DE SKAD DU, ZAB MO STONG PA NYID LA SOGS, ,SGRO 'DOGS PA DANG SKUR 'DEBS MTHA', ,BRAL BA DE NI ZAB MO NYID, ,CES BSTAN TE, SGRO 'DOGS PA DANG SKUR PA 'DEBS PA'I MTHA' DANG BRAL BA YANG YOD PA DANG MED PA'I MTHA' LAS 'DAS PA YIN NO, ,DE BAS NA SLOB DPON KLU SGRUB KYI ZHAL SNGA NAS, GANG BLO YOD DANG MED PA LAS, ,RNAM PAR 'DAS SHING MI GNAS PA, ,DE DAG ZAB MO @269B DMIGS MED PA'I, ,RKYEN GYI DON LAS RNAM PAR BSGOM, ,ZHES BSTAN TO, ,TING NGE 'DZIN NI SEMS RTZE GCIG PA NYID KYI MTSAN NYID DO, ,YANG DAG PAR 'JOG PA'I PHYIR DE'I BDAG NYID DU BZHUGS PA NI SNYOMS PAR ZHUGS PA'O, ,'DI LTAR SANGS RGYAS DANG BYANG CHUB SEMS DPA' RNAMS KYI MDZAD PA THAMS CAD NI GZHAN GYI DON GTZO BO YIN NO, ,DES NA BCOM LDAN 'DAS TING NGE 'DZIN 'DI LA SNYOMS PAR ZHUGS PA NI 'KHOR THAMS CAD KYI SEMS KYI RGYUD TING NGE 'DZIN GYI DON BSTAN PA DANG MTHUN PA JI LTAR RANG RANG GI RGYUD YONGS SU SMIN PAR RUNG BA SKYES PA YIN TE, DE NI DE BZHIN DU RIG PAR BYA'O, ,BCOM LDAN 'DAS KYI NYON MONGS PA MED PAR MKHYEN PA YANG 'DIR KHUNGS SU GZHAG STE, NYAN THOS RNAMS KYI NYON MONGS PA MED PA NI BDAG MTHONG NA MI RNAMS KYI NYON MONGS PA YONGS SU SPONG NGO, ,RGYAL BA RNAMS KYI NYON MONGS PA MED PA NI GRONG LA SOGS PAR DE DAG GI NYON MONGS PA RGYUN GCOD DO, ,DON 'DI NYID 'OG NAS BSTAN PA'I PHYIR, YANG DE'I TSE ZHES BYA BA LA SOGS PA GSUNGS SO, ,DE'I TSE ZHES BYA BA NI BCOM LDAN 'DAS TING NGE 'DZIN LA SNYOMS PAR ZHUGS PA DE'I TSE'O, ,YANG GI SGRA NI NGES PAR GZUNG BA'I DON TE, DES NA DE KHO NA NYID NI ZHES BYA BA'I DON TO, ,YANG NA YANG ZHES BYA BA NI BSDU BA'I PHYIR TE, SNYOMS PAR 'JUG PA'I BYA BA BSTAN PA DANG, 'OG NAS 'BYUNG BA'I RNAM PAR LTA BA'I BYA BA SDUD PAR BYED DO, ,BSHAD PA 'DI LA NI 'KHOR GYI DGE BA'I RTZA BA YONGS SU SMIN PA'I DUS KHO NA YONGS SU GZUNG BAR BYA STE, DE LTA NA NI BSDU BA 'THAD PAR 'GYUR GYI GZHAN DU NI MA YIN NO, ,'DI'I SEMS DPA' NI BYANG CHUB KYI CHED DU 'AM, BYANG CHUB SEMS NYID YIN PAS BYANG CHUB SEMS DPA'O, ,SANGS RGYAS NYID DU ZHUGS PA YIN PA'I PHYIR DBANG BSKUR BA THOBS PA RNAMS LA NGES PA'I TSIG PHYI MA NYID DU RIGS NA, BYANG CHUB 'DI YANG GANG ZHE NA, BYANG CHUB 'DI NAM MKHA'I MTSAN NYID YIN TE RTOG PA THAMS CAD SPANGS PA'I PHYIR RO, ,DE SKAD DU, RNAM PAR SNANG MDZAD MNGON PAR RDZOGS PAR BYANG CHUB PA LAS KYANG, BYANG CHUB NAM MKHA'I MTSAN NYID PA, ,RTOG PA THAMS CAD SPANGS PA YIN, ZHES GSUNGS SO, ,GANG ZHIG DE RTOGS PAR 'DOD PA DE NI BYANG CHUB SEMS DPA' STE, DE LA DE SKAD CES BYA'O, , @270A *, ,SEMS CAN THAMS CAD KYI MCHOG TU GYUR PA SEMS CHE BA NYID LA SOGS PA GSUM BSTAN PA DANG, SA CHEN POR ZHUGS PA'I PHA ROL TU PHYIN PA CHE BA NYID KYIS KYANG 'DI'I SEMS DPA' CHE BAS NA SEMS DPA' CHEN PO'O, ,DE SKAD DU SDUD PA TSIGS SU BCAD PA LAS KYANG, GTONG BA CHE DANG BLO CHE BA DANG MTHU CHE DANG, ,RGYAL BA RNAMS KYI THEG CHEN MCHOG LA ZHUGS PA DANG, ,GO CHA CHEN PO BGOS SHING BDUD KYI SGYU 'DUL BA, ,DE YI PHYIR NA SEMS DPA' CHE ZHES RAB TU BRJOD, CES GSUNGS SO, ,SDIG PA MI DGE BA'I CHOS RNAMS LAS RING DU BSRINGS TE SONG BAS NA 'PHAGS PA'O, ,GANG GIS SPYAN RAS KYIS GZIGS NA SEMS CAN RNAMS DBANG PHYUG STE, 'JIGS PA DANG SDUG BSNGAL GYI RGYU LA MI RTEN PAR DBANG DU GYUR PA'I DBANG PHYUG DE LA DE SKAD CES BYA'O, ,'DI 'PHAGS PA YANG YIN LA SPYAN RAS GZIGS DBANG PHYUG KYANG YIN PAS 'PHAGS PA SPYAN RAS GZIGS DBANG PHYUG GO, ,RNAM PA SNA TSOGS SHES PA'AM, ,SHES PA'I MCHOG YIN PAS SHES RAB BO, ,DAM PA'I DNGOS PO NI DAM PA NYID DE DAM PA KHO NA YIN NO, ,'JIG RTEN GANG LA MCHOG GZHAN MED PA NI DAM PA BSHAD DE, SHES RAB KYI DAM PA NYID NA SHES RAB KYI PHA ROL DU PHYIN PA YIN NO, ,DE BAS NA 'DI SKAD DU, RANG GI NGO BO STONG PA LA SOGS PA'I RNAM PAS SHES PA DAM PAR 'GYUR TE, SHIN DU MCHOG DANG LDAN PA GANG YIN PA DE NI SHES RAB KYI PHA ROL TU PHYIN PA NYID DO, ,DE SKAD DU, 'PHAGS PA SHES RAB KYI PHA ROL DU PHYIN PA BRGYAD STONG PA LAS, KUN DGA' BO SHES RAB GANG GIS DGE BA'I RTZA BA RNAMS BSNGO BA BLA NA MED PA YANG DAG PAR RDZOGS PA'I BYANG CHUB TU YONGS SU BSDOS NA DE DAM PA YIN NAM, KUN DGA' BOS GSOL BA, BCOM LDAN 'DAS DAM PA LAGS SO, ,BDE BAR GSHEGS PA DAM PA LAGS SO, ,BCOM LDAN 'DAS KYIS BKA' STZAL PA, DE BAS NA DAM PA YIN PA'I PHYIR PHA ROL TU PHYIN PA ZHES BYA BA'I MING 'THOB PAR 'GYUR RO ZHES GSUNGS SO, ,DE LAS GZHAN PA LA NI NGES PA'I TSIG RIGS PA MA YIN ZHING SGRA SBYAR BA YANG DKA' BA BCOM LDAN 'DAS KYI NGES PA'I TSIG DANG YANG 'GAL BAR 'GYUR RO, ,DON @270B DAM PA'I SHES RAB KYI PHA ROL TU PHYIN PA NI RNAM PA THAMS CAD RNAM PAR DAG PA'I MTSAN NYID CHOS KYI SKU YIN NO, ,DE LAS GZHAN PA NI SEMS BSKYED PA DANG, GO CHA DANG, 'JUG PA DANG, TSOGS DANG, NGES PAR 'BYUNG BA'I SGRUB PA'I MTSAN NYID RGYU'I BDAG NYID DO, ,ZAB MO'I DON NI SNGAR BSHAD ZIN TO, ,DE LA GANG GI TSE RGYU'I SHES RAB KYI PHA ROL TU PHYIN PA LA BYA NA NI YUL GYI BDUN PA YIN NO, ,GANG GI TSE 'BRAS BU LA BYA NA NI DE'I TSE RGYU MTSAN GYI BDUN PA YIN NO, ,DE LA SPYAD PA NI RNAM PA MANG STE, SO SO'I SKYE BO'I SA SBYOR BA'I LAM LA NI MOS PA'I SPYAD PA'O, ,SA GNYIS PA LA SOGS PA'I DRUG LA NI SGRUB PA'I SPYAD PA'O, ,SA BRGYAD PA LA NI NGES PA'I SPYAD PA'O, ,DE LA MOS PA'I SPYAD PA NI RNAM PA GSUM STE, RANG GI DON DANG, RANG DANG GZHAN GYI DON DANG, GZHAN GYI DON TE, RE RE LA YANG SO SOR CHUNG NGU'I CHUNG NGU LA SOGS PA'I DBYE BAS RNAM PA DGU DGU'O, ,DE LTAR MOS PA RNAM PA NYI SHU RTZA BDUN NO, ,SGRUB PA'I SPYAD PA NI LHAG PA'I TSUL KHRIMS LA SOGS PA BSLAB PA GSUM RNAM PAR DAG PA'I NGO BO YIN TE, DE LA LHAG PA'I TSUL KHRIMS KYI BSLAB PA RNAM PAR DAG PAS NI SA GNYIS PA'O, ,LHAG PA'I SEMS KYI BSLAB PA RNAM PAR DAG PAS NI SA GSUM PA'O, , LHAG PA'I SHES RAB KYI BSLAB PA RNAM PAR DAG PAS NI RNAM PA BRGYAD DE, DES NI SA LHAG MA BRGYAD BSDUS PA YIN NO, ,DE LA BYANG CHUB KYI PHYOGS DANG, 'PHAGS PA'I BDEN PA BZHI DANG, RTEN CING 'BREL PAR 'BYUNG BA DANG, RTZOL BA DANG BCAS SHING MTSAN MA MED PAR GNAS PA DANG RAB TU LDAN PA'I LHAG PA'I SHES RAB KYI BSLAB PA RNAM PAR DAG PAS NI 'OD 'PHRO BA CAN LA SOGS PAS BZHI STE, DE LTAR NA RNAM PA DRUG NI SGRUB PA'I SPYAD PA YIN NO, ,NGES PA'I SPYAD PA NI LHUN GYIS GRUB CING MTSAN MA MED PA'I LHAG PA'I SHES RAB KYI BSLAB PA RNAM PAR DAG PAS NI SA BRGYAD PA STE, JI LTAR 'DOD PAR SANGS RGYAS KYI ZHING RNAM PAR DAG PA LA SPYOD PA NGES PAS NA NGES PA'I SPYAD PA ZHES BRJOD DO, ,'DIR NI BYE BRAG MA BZUNG BA'I PHYIR SPYAD PA NYID THAMS CAD BZUNG NGO, ,SPYAD PA NI SPYOD PA STE, RJES SU SGRUB PA'O, ,YANG NA MOS PA NYID SPYAD PA YIN TE, 'DI RTZOM PA'I SA YIN @271A *, ,BA'I PHYIR RO, ,'DI NYID KYIS RAB TU DGA' BA LA SOGS PA SA BCU GCIG PO BRTZAM PA'I PHYIR RO, ,THOB PA DANG, YONGS SU GRUB PA DANG, RNAM PAR DAG PA NI DE BAS GZHAN PAS LHAG MA RNAMS KYIS RNAM PAR GZHAG GO, ,YUL DE LA 'ANG DE'I CHED DU SPYOD PA NYID LA RNAM PAR BLTA STE, BCOM LDAN 'DAS MDZAD PA'I RJES SU MTHUN PA NYID DU ZHUGS PA YIN GYI, LAS GZHAN BYED PA MED DO ZHES BYA BA'I DON TO, ,'KHOR GZHAN YANG DE BZHIN GSHEGS PA'I MDZAD PA'I RJES SU ZHUGS PA YIN MOD KYI, 'ON KYANG 'PHAGS PA SPYAN RAS GZIGS DBANG PHYUG 'CHAD PA PO YIN PA'I PHYIR DE LTA BU ZHUGS SO ZHES BSTAN TO, ,SH'A RI'I BU YANG 'DRI BA PO YIN PA'I PHYIR RO, ,RNAM PAR BLTA STE ZHES 'BYUNG BA NI RANG GI NGO BO STONG PA LA SOGS PA'I RNAM PA SNA TSOGS SU LTA BA STE, SO SOR RTOG PA'O, ,YI GE KHA CIG LAS 'DI LTAR ZHES 'BYUNG BA DE'I TSE NI 'DI LTAR ZHES BYA BA 'DIS RANG GI DNGOS PO STONG PA DANG, MTSAN NYID MED PA DANG, MA SKYES PA LA SOGS PA 'OG NAS 'BYUNG BA'I RNAM PA RNAMS KYI LTA BA KHYAD PAR CAN DU BZHED DO, ,DE NYID KYI PHYIR SNA TSOGS KYI DON BRJOD PA RNAM PAR GYI SGRAR SBYOR RO, ,RNAM PAR BLTA BAR BYA PA JI SNYED YOD PA'I DON BSTAN PA'I PHYIR, PHUNG PO LNGA PO ZHES BYA BA GSUNGS SO, ,PHUNG PO'I SGRAS SKYE MCHED DANG KHAMS KYANG MTSON PA YIN TE, MJUG SDUD PA NA DE DAG KYANG BRJOD PA'I PHYIR RO, ,YANG NA KYANG GI SGRAS PHUNG PO LNGA DANG SKYE MCHED DANG, KHAMS RNAMS LA YANG RNAM PAR LTA'O,, DE DAG KYANG NGO BO NYID KYIS STONG PA ZHES 'BYUNG BA 'DIS NI JI LTA BA BZHIN DU YOD PAR BSTAN TE, NGO BO NYID KYIS STONG PA DANG, BRAL BA DANG, BDAG MED PA ZHES BYA BA'I DON TO, ,'DI YANG MTSAN NYID MED PA DANG, MA SKYES PA LA SOGS PA MTSON PA YIN NO, ,DE NAS ZHES 'BYUNG BA NI SKABS 'DIR DE MA THAG TU'O, ,SANGS RGYAS KYI MDZAD PA'I MTHU NI SANGS RGYAS KYI MTHUS TE, BCOM LDAN 'DAS KYIS MDZAD PA'I BYIN GYI RLABS DANG MTHUS ZHES BYA BA'I THA TSIG STE, DON 'DI 'PHAGS PA SPYAN RAS GZIGS DBANG PHYUG LA DRI BA'I SPOBS PA BCOM LDAN 'DAS KYIS NYE BAR BSGRUBS @271B PA YIN NO, ,DE LTA MA YIN NA NI 'DI SH'A RI'I BU'I YUL MA YIN NO ZHES BSTAN PA YIN NO, ,NYON MONGS PA SPANGS PAS BSNGAGS PAR 'OS PA'I SGO NAS TSE DANG LDAN PA'I PHYIR TSE DANG LDAN PA'O, ,SH'A RI'I ZHES BYA BA NI SHA RA DVAD KYI RIGS SU SKYES PA'I BUD MED DO, ,DE'I BU YIN PAS SH'A RI'I BU'O,, 'DI SKAD CES 'BYUNG BA NI 'OG NAS SMOS PA'O, ,SMRAS SO ZHES 'BYUNG BA NI SMRAS PAR 'GYUR BA'O, ,BSNGAGS PAR BYA BA'I DON DU RIGS KYI BU ZHES 'BYUNG BA YIN TE, DBANG BSKUR BA THOB PA NYID KYIS SANGS RGYAS RNAMS KYI SRAS KHYAD PAR DU GYUR PA'I PHYIR 'DI NI BONG BA YIN NO, ,GANG LA LA ZHES 'BYUNG BA NI BYE BRAG MA BSTAN PA'O, ,SPYOD PAR ZHES 'BYUNG BA NI SPYOD PAR BYED PA DANG, NAN TAN GYIS YANG DAG PAR SGRUB PA'O, ,'DOD PA NI 'DI'I 'DUN PA YIN TE, DE LA DE SKAD CES BYA'O, ,YI GE KHA CIG LAS SPYAD PA BYED PAR 'DOD PA DES ZHES 'BYUNG STE, BYED PA DANG SGRUB PAR ZHES BYA BA KHYAD PAR MED PA NYID KYI DON TO, ,BSAM PA DANG, SBYOR BA DANG, MNGON DU BYA BA DANG, SGRUB PA DANG, RTOGS PA'I RNAM PA GANG GIS JI LTAR BSLAB PAR BYA, GOMS PAR BYA, DE SKAD CES 'BYUNG BA NI RNAM PA SNGA MA LA BYA'O, ,SMRAS PA DANG ZHES 'BYUNG BA NI BRJOD BA DANG ZHES BYA'O, ,RIGS KYI BU 'AM RIGS KYI BU MO ZHES 'BYUNG BA NI 'DI 'PHAGS PA RNAMS KYIS BRJOD PAR 'OS PA YIN NO, ,'AM ZHES 'BYUNG BA'I SGRA NI PHAN TSUN LTOS PA STE GNYI GA YANG YIN PAR LTA BAR BYA'O, ,DES ZHES 'BYUNG BA SPYAD PA SPYOD PAR 'DOD PAS SO, ,'DI LTAR ZHES 'BYUNG BA NI 'OG NAS 'BYUNG BA'I TSUL GYIS SO, ,RNAM PAR BLTA BAR BYA STE ZHES 'BYUNG BA NI RNAM PA SNA TSOGS SU SO SOR BRTAG PAR BYA'O, ,'DIS NI RNAM PAR RTOG PA DANG BCAS PA'I GZUGS BRNYAN LHAG MTHONG GIS DMIGS PA BRJOD DO, ,SEMS PA'I BAR MA CHAD PA NYID GCIG TU RNAM PAR MI RTOG PA'I GZUGS BRNYAN ZHI GNAS KYI DMIGS PA YANG BLTA BAR BYA'O, ,YANG DAG PAR RJES SU BLTA'O ZHES 'BYUNG BA NI PHYIN CI MA LOG PA'I PHYIR YANG DAG PAR RAM, MTSAN NYID MED PA NYID KYIS DBYER MED PA'I PHYIR MNYAM PAR RAM, CHOS THAMS CAD KYI PHYIR KUN TU RNAM PAR LTA BA DANG RJES SU MTHUN PAR LTA BA NI YANG DAG PAR RJES SU LTA BA STE, DNGOS PO'I @272A *, ,MTHA'I DMIGS PA ZHI GNAS DANG LHAG MTHONG GIS MNGON SUM DU BYED CES BYA BA'I THA TSIG GO, ,'DIS NI DNGOS PO'I MTHA'I DMIGS PA MTHONG BA'I LAM GYIS BSDUS PA'I SA DANG PO BSTAN TO, ,DE NAS GONG DU DNGOS PO'I MTHA' DANG, SNGAR BSTAN PA RNAM PA GNYIS TE, SA GNYIS PA LA SOGS PA LA NI DMIGS PA GSUM PO DE DAG YIN PAR BLTA BAR BYA'O, ,SA MTHAR PHYIN PA BCU PA DANG, DE BZHIN GSHEGS PA'I SA LA NI CHOS KYI SKU THOB PA'I PHYIR DGOS PA YONGS SU GRUB PA DE NYID DMIGS PA YIN NO, ,DE SKAD DU 'PHAGS PA DGONGS PA NGES PAR 'GREL PA LAS, DE SNGAR ZHI GNAS DANG LHAG MTHONG THOB PA'I PHYIR RNAM PAR RTOG PA DANG BCAS PA DANG, RNAM PAR MI RTOG PA'I GZUGS BRNYAN GYI DMIGS PA THOB PA YIN NO, ,DA LTAR NI MTHONG BA'I LAM THOB PA'I PHYIR DNGOS PO'I MTHA'I DMIGS PA THOB PA YIN NO, ,DES GONG NAS GONG DU BSGOM PA'I LAM DANG RAB TU LDAN PA DMIGS PA GSUM PO DE DAG NYID YID LA BYED NA MTSAN MA DANG GNAS NGAN LEN THAMS CAD BCOM PA'I PHYIR MTHAR GYIS SA GONG NAS GONG DU GSER LTA BUR SEMS RNAM PAR SBYONG ZHING BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I BAR DU DGOS PA YONGS SU GRUB PA'I DMIGS PA YANG 'THOB PO ZHES GSUNGS TE, RGYAS PAR NI DE NYID LAS RIG PAR BYA'O, ,'DIR NI DPE NYE BAR SBYAR BA TZAM ZHIG SMOS PA YIN NO, ,JI LTAR NA RANG GI DNGOS PO STONG PA LA SOGS PA'I RNAM PA'I SGO NAS PHUNG PO LA SOGS PA LA RNAM PAR LTA BA NI PHYIN CI MA LOG PA'I PHYIR YANG DAG PA DANG, MTSAN NYID MED PA NYID KYIS MTSAN NYID GCIG PA'I PHYIR MNYAM PA DANG, CHOS THAMS CAD YANG DAG PAR RJES SU MTHONG BA YIN ZHE NA, GZUGS STONG PA'O ZHES BKA' STZAL TE, SKABS YIN PA'I PHYIR RANG GI NGO BO NYID KYIS ZHES 'BYUNG BA DANG SBYAR RO, ,'DI LTAR GZUGS LA SOGS PAR SNANG BA LA DNGOS PO YIN PA DANG, BTAGS PA YIN PAR SMRA BA RNAMS RNAM PA DE GNYIS SU RTOGS PAR BYED DO, ,DE LA GZUGS LA SOGS PA SNANG BA DNGOS PO YIN PAR SMRA BA NI BYE BRAG TU SMRA BA DANG, DPYOD PA PA LA SOGS PA'O, ,DON SNANG BA BTAGS PA YIN PAR SMRA BA NI MDO SDE PA STE, DE DAG 'DI SKAD DU DON NI SNGON PO LA SOGS PA PHYI ROL @272B NA YOD PA NYID YIN LA, MYONG BA NI RNAM PAR SHES PA 'DI LA RNAM PA GANG BSGOM PA YIN NO, ,SNGON PO LA SOGS PA LA RANG GI NGO BOR RNAM PAR RTOG PA MANG PO RDUL PHRA RAB DANG, DES BRTZAMS PA CHA SHAS CAN DANG, RNAM PAR SHES PA DANG, GTZO BO DANG, SGRA'I TSANGS PA LA SOGS PA YONGS SU GYUR PA THA DAD PAR RTOG PA'I DRA BA NGAN PA DE DAG THAMS CAD NI RANG GI NGO BO BKAG PA NYID KYIS BCOM PAR 'GYUR BAS DE NYID BRJOD PAR BYA'O, ,GANG DE DAG BA LANG RDZI DANG BUD MED YAN CHAD LA GRAGS PA DNGOS SU GSAL BAR SNANG BA'I GZUGS DE NYID DRI ZA'I GRONG KHYER LTAR NGO BO NYID KYIS STONG PA YIN TE; GZUGS SNANG BA 'DI LA RANG GI NGO BO 'GA' YANG MED DO, ,DE BAS NA RANG GI NGO BO STONG PA NYID 'DI LA GZUGS SO ZHES BYA STE, 'DIS NI BYE BRAG TU SMRA BA DANG, DPYOD PA PA LA SOGS PA 'DOD PA'I GZUGS RANG GI NGO BO STONG PA NYID DU BSTAN PA YIN NO, ,MDO SDE PA RNAMS SNANG BA RNAM PAR SHES PA'I NGO BO YIN PA'I PHYIR SNGON PO LA SOGS PAR SNANG BA NI DON GYI RANG GI NGO BOS STONG PA YIN NO, ,PHYI ROL GYI DON NI YOD PA KHO NA YIN PAS STONG PA NYID LAS GZUGS GZHAN YIN NO SNYAM DU SEMS NA, DE DAG KYANG GZUGS LAS STONG PA NYID GZHAN MA YIN NO, ,STONG PA NYID LAS KYANG GZUGS GZHAN MA YIN NO ZHES 'BYUNG BA 'DIS 'GOG PAR BYED DO, ,YANG 'DI SKAD DU PHUNG PO LA SOGS PA'I RANG GI NGO BO MED PAR GA LAS SHES PAR BYA ZHE NA, 'DIR SMRAS PA, PHUNG PO DANG, SKYE MCHED DANG, KHAMS RNAMS NI RTEN CING 'BREL PAR 'BYUNG BA YIN PA'I PHYIR RGYU MED PA NYID DANG, RTAG PA NYID KYI SA PHYOGS BSAL BA YIN NO, ,RGYU LAS BYUNG BA'I PHYOGS LA YANG RTAG PA GNYIS TE, DNGOS PO SKYE BA NA RGYU DANG DUS MNYAM PA NYID DU SKYE 'AM, DUS THA DAD PA YIN, DE LA PHYOGS DANG PO LTAR NA NI RGYU DANG 'BRAS BU SNGA PHYI'I PHYOGS THAMS CAD DUS GCIG TU DMIGS PAR 'GYUR BA'I PHYIR DANG RGYU DANG 'BRAS BU GNYIS DBYER MED PA DANG, BSKAL PA YANG LO GCIG TZAM DU 'GYUR BA'I PHYIR RO, ,PHYOGS GNYIS PA LA YANG RGYU DANG 'BRAS BU GNYIS DUS GCIG TU TSOGS PA MED PA'I PHYIR NUS PA MED DE, DE BAS NA RGYU MED PA NYID DU THAL BAR 'GYUR RO, ,RGYU MED NA NI RTAG TU YOD PA'AM MED PA @273A *, ,NYID DU THAL BAR 'GYUR TE, LTOS PAR BYA BA GZHAN MED PA'I PHYIR RO, ,LTOS NA NI DNGOS PO RES 'GA' BA NYID DU 'GYUR RO, ,GSUM PA'I PHYOGS NI MI SRID DE, DUS GCIG PA DANG DUS THA DAD PA GNYIS PHAN TSUN SPANGS TE GNAS PA'I PHYIR RO, ,DE BAS NA GZUGS LA SOGS PA'I SNANG BA GANG YIN PA DE DAG SMIG RGYU'I CHU LA SOGS PA BZHIN DU RANG GI NGO BO STONG PA YIN NO, ,DE DAG LA YANG DE DANG DE LA BRTEN NAS 'BYUNG BA ZHES RTOG PA GANG YIN PA DE NI KUN RDZOB YIN NO, ,DE NYID KYI PHYIR BCOM LDAN 'DAS KYIS 'PHAGS PA RGYA CHER ROL PA LAS, SH'AKYA'I SRAS PO RTEN CING 'BREL PA'I CHOS, , RANG GI NGO BO MED PAR MTHONG NAS NI, ,NAM MKHA' LTA BU'I SEMS DANG RAB LDAN PAS, ,G-YON CAN DPUNG BCAS MTHONG BAS G-YO BA MED, CES 'BYUNG BA DANG, DKON MCHOG TA LA LA LAS KYANG, RKYEN LAS SKYES PA RANG GI DNGOS MA SKYES, ,CHOS KYI LUS NI RGYAL BA RNAMS KYI SKU, ,CHOS NYID RTAG TU GNAS PA NAM MKHA' BZHIN, ,BSTAN NA CHOS RNAMS SBYONG BA THOB PAR 'GYUR, ,ZHES GSUNGS SO, ,SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS KYANG, CHOS KYI RANG BZHIN LAS G-YO BA MED DO, ,CHOS KYI RANG BZHIN LAS MA G-YOS PA NI CHOS KYI RANG BZHIN THOB PAR 'GYUR RO, ,CHOS KYI RANG BZHIN THOB PA NI CUNG ZAD KYANG SPROS PAR MI BYED DO, ,DE CI'I PHYIR ZHE NA, RGYU DANG RKYEN GYIS BSKYED PA'I PHYIR RO, ,GANG RGYU DANG RKYEN GYIS BSKYED PA DE NI SHIN TU MA SKYES PA'O, ,GANG SHIN TU MA SKYES PA DE NI NGES PAR THOB PA YIN NO, ,GANG NGES PAR THOB PA DE NI CHOS THAMS CAD YID LA BYED PA DANG LHAN CIG GNAS BYED PA MA YIN NO ZHES 'BYUNG BA LA SOGS PA GSUNGS PA YIN NO, ,DE NYID KYI PHYIR 'PHAGS PA KLU SGRUB KYI ZHAL SNGA NAS KYANG, RTEN CING 'BREL BAR GANG 'BYUNG BA, ,RANG BZHIN GYIS NI DE MA SKYES, ,RANG BZHIN GYIS NI GANG MA SKYES, ,DE LA SKYE ZHES JI SKAD BYA, ,SHIN TU PHRA BA'I DNGOS LA YANG, ,GANG GIS SKYE BAR RNAM BRTAGS PA, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG, ,ZHES GSUNGS SO, ,RNAM GRANGS GZHAN YANG RNAM PAR BRTAGS PA'I GZUGS GZHAN GYI DBANG GI MTSAN NYID NI KUN TU BRTAGS PA'I NGO BO GZUNG BA DANG 'DZIN PA'I @273B MTSAN NYID GNYIS KYIS RTAG PA RTAG PA'I DUS DANG THER ZUG THER ZUG GI DUS SU BRAL BA STONG PA DE NI CHOS NYID KYI GZUGS TE, YONGS SU GRUB PA'I MTSAN NYID DO, ,GZHAN GYI DBANG DANG YONGS SU GRUB PA DE GNYIS KA YANG STONG PA NYID GZUGS SO ZHES 'BYUNG BA 'DI GCIG PA NYID DU STON TO, ,STONG PA NYID YONGS SU GRUB PA'I NGO BO DANG, GZUGS GZHAN GYI DBANG GI MTSAN NYID GCIG PA NYID DU NGES PAR GZUNG BA'I PHYIR, STONG PA NYID GZUGS SO ZHES BYA BA NYID SMOS PA YIN NO, ,DE LTAR GCIG PA NYID SGRUB PA'I SGO NAS BRJOD NAS DGAG PA'I SGO NAS KYANG, GZUGS LAS STONG PA NYID GZHAN MA YIN NO ZHES 'BYUNG BA LA SOGS PAS THA DAD PA NYID 'GOG PAR BYED DO, ,DE YANG MI 'GYUR BA DANG PHYIN CI MA LOG PAR YONGS SU GRUB PAS YONGS SU GRUB PA STE, RGYU DANG RKYEN 'DUS NAS NUS PAR GYUR PAS MA BYAS PA'I PHYIR 'DUS MA BYAS PA YIN NO, ,DE LAS GZHAN PA GNYIS NI MA GRUB PA'O, ,RGYUN CHAD PA MA YIN PA'I PHYIR RTAG PA STE, DE NI THUB PA CHEN PO'I CHOS KYI SKU DON DAM PAR YOD PA YIN NO, ,DE NYID GCIG KHO NA DON DAM PA BDEN PA STE, 'DI LTA STE, MA RMONGS PA'I CHOS CAN MYA NGAN LAS 'DAS PA ZHES BYA'O, ,DE LTA MA YIN NA RTZOM PA THAMS CAD DON MED PAR 'GYUR RO ZHES ZER RO ZHES GRAGS TE, DE LA BSHAD PA JI SKAD BSTAN PA'I CHOS KYI SKU'I MTSAN NYID 'DOD PA LA NI RAG NA DON DAM PAR YOD CES BYA BA DE JI LTA BU, 'DI LTAR DE MU STEGS CAN GYIS YONGS SU BRTAGS PA BDAG LA SOGS PA BZHIN DU RTAG PA YIN NAM, SKAD CIG MA YIN, CI STE PHYOGS DANG PO YIN NA NI MU STEGS CAN RIG BYED KYI MTHA' SMRA BA LA SOGS PA'I GRUB PA'I MTHA' LAS 'DI BYE BRAG CI YOD, ZLA BA SGRON MA'I TING NGE 'DZIN LAS KYANG, CHOS KUN RTAG TU RANG GI NGO POS STONG, RGYAL BA'I SRAS RNAMS DNGOS PO RNAM PAR 'JIG ,SRID PA THAMS CAD YONG YE STONG PA STE, ,NYI TSE'I STONG NYID MU STEGS CAN RNAMS KYI, ,ZHES PA YANG JI LTAR RTOGS PAR BYA; MU STEGS CAN RNAMS LA YANG JI LTAR SKYON GDAGS, 'ON TE PHYOGS GNYIS PA LTAR NA DE'I TSE SKAD CIG MA SNGA MA NI SKAD CIG MA PHYI MA'I RGYU YIN LA, DE LA YANG DUS MNYAM PA DANG, DUS THA DAD PA'I SKYON SNGAR BSTAN ZIN PAS YANG MI BRJOD DO, ,GANG YANG GCIG KHO NA DAM PA BDEN PA'O ZHES BYA BA LA SOGS @274A *, ,PA SMRAS PA 'DI YANG MYA NGAN LAS 'DAS PA MNGON PAR 'DOD PA DE DAG GZHUG PA LA LDEM POR DGONGS PA YIN TE, 'DI LTAR BLO GROS MI ZAD PA LAS, CI STE 'DUS BYAS MED NA, GANG 'GOG NA MYA NGAN LAS 'DAS PA BDEN PAR 'GYUR ZHES BYA BAS DE DAG THAMS CAD BSAL BA YIN NO, , SHES RAB KYI PHA ROL TU PHYIN PA NYI KHRI LNGA STONG PA LA SOGS PA LAS KYANG, YANG DAG PAR RDZOGS PA'I SANGS RGYAS KYANG SGYU MA LTA BU RMI LAM LTA BU'O, ,MYA NGAN LAS 'DAS PA YANG SGYU MA LTA BU RMI LAM LTA BU'O, ,CI STE MYA NGAN LAS 'DAS PA LAS CHES LHAG PA'I CHOS 'GA' ZHIG YOD NA DE YANG SGYU MA LTA BU RMI LAM LTA BU'O ZHES PA SMRA'O ZHES GSUNGS SO, ,RTZOM PA DON YOD PAR 'GYUR BA NI 'OG NAS BSTAN PAR BYA'O, ,CI STE GZUNG BA DANG 'DZIN PA DANG, RNAM PAR BRAL BA GNYIS SU MED PA'I YE SHES DON DAM PAR YOD PAR KHAS MI LEN NA JI LTAR MED PAR MI 'GYUR ZHE NA, MI 'GYUR TE, KUN RDZOB TU RTEN CING 'BREL PAR 'BYUNG BA KHAS LEN PA'I PHYIR DANG, DON DAM PAR YANG YOD PA DANG MED PA LAS 'DAS PA YANG YOD PA'I PHYIR RO, ,YOD PA NYID LAS BZLOG STE, MED PA NYID DU 'DZIN PA NI 'DI LTAR MED PAR LTA BA CHAD PA'I MTHA' YIN TE, PHA MED DO, ,MA MED DO, ,'JIG RTEN 'DI MED DO, ,'JIG RTEN PHA ROL MED DO, ,LEGS PAR BYAS PA DANG NYES PAR BYAS PA'I LAS RNAMS KYI 'BRAS BU RNAM PAR SMIN PA MED DO ZHES BYA BA DANG, BDEN PA DANG DKON MCHOG LA SOGS PA LA SKUR PA 'DEBS PA'I MTSAN NYID RNAM PA DE LTA BU'I SDIG PA CAN YIN NA, SHIN TU RNAM PAR DAG PA DBU MA'I LUGS LA LTA SKABS GA LA YOD, RIN PO CHE'I PHRENG BA LAS KYANG, SMIN RGYU LAS NI CHU'O ZHES, ,CHU YI BLO YIS DER SONG NAS, ,CI STE CHU DE MED DO ZHES, ,'DZIN PA DE NI RMONGS PA NYID, ,CES GSUNGS PA DANG, GANG LA MED PAR 'DOD PA LA, ,BYANG CHUB BRTEN PHYIR SEMS MED CING, ,KHAS LEN MED DANG SPYOD MED DANG, ,DE LA JI LTAR MED PAR SHES; ,ZHES BYA BAS KYANG LAN BTAB PO, ,JI STE YOD PA NYID BKAG PA'I PHYIR MED PA NYID DU 'GYUR RO ZHE NA, MED PA NYID DU BKAG PA'I PHYIR YOD PA NYID DU YANG CI'I PHYIR MI 'GYUR, GNYIS SU MED PA'I SHES PA DON DAM PAR YONG PAR KHAS LEN PA YANG RGYU THA DAD PAR 'JUG PA RNAMS LA DE DAG GI SHES @274B PA RNAM PAR 'DZIN NA NI JI LTAR GNYIS SU MED PA NYID YIN, 'ON TE DON DAM PAR YOD PA LA MI 'DZIN NA NI JI LTAR THAMS CAD MKHYEN PA NYID YIN, KHYED LA YANG SKYON 'DI MTSUNGS PAR 'GYUR RO ZHE NA, MI 'GYUR TE, DON DAM PAR YOD PA MI MTHONG BA NYID DE KHO NA MTHONG BA YIN LA, SMIG RGYU LA CHUR MI MTHONG BA MI SHES PA DANG LDAN PA NI MA YIN NO, ,DE SKAD DU GZUGS MA MTHONG BA NYID GZUGS MTHONG BA NYID DO ZHES BYA BA LA SOGS PA GSUNGS PA DANG, TING NGE 'DZIN GYI RGYAL PO LAS KYANG, GANG YANG MA MTHONG BA NI CHOS THAMS CAD MTHONG BA YIN NO ZHES GSUNGS SO, ,DE BZHIN DU GZUGS DANG 'DRA BAR TSOR BA LA SOGS PA NA THA MA RNAM PAR SHES PA LA THUG PA PHUNG PO DAG MDOR NA RANG GI NGO BOS STONG PA NYID DU BSTAN TO, ,DES NA 'DI LTAR RIG PAR BYA STE, TSOR BA STONG PA'O, ,STONG PA NYID TSOR BA'O, ,TSOR BA LAS STONG PA NYID GZHAN MA YIN NO, ,STONG PA NYID LAS TSOR BA GZHAN MA YIN NO, ,DE BZHIN DU 'DU SHES LA SOGS PA YANG SBYAR BAR BYA'O, ,PHUNG PO RNAMS RANG GI NGO BO STONG PA NYID DU BSTAN NAS SKYE MCHED DANG KHAMS RNAMS LA YANG BSTAN PA'I PHYIR, SH'A RI'I BU DE LTAR NA ZHES BYA BA LA SOGS PA GSUNGS SO, ,DE LTAR NA ZHES 'BYUNG BA NI PHUNG PO BZHIN DU'O, ,CHOS THAMS CAD NI SKYE MCHED DANG KHAMS RNAMS TE, RANG GI NGO BO STONG PA NYID DE ZHES 'BYUNG BA DANG SBYAR RO, ,RANG GI NGO BO STONG PA NYID LA RNAM PAR LTA BA'I RNAM PA BSTAN NAS MTSAN NYID MED PA LA RNAM PAR LTA BA'I RNAM PA BSTAN PA'I PHYIR, MTSAN NYID MED PA ZHES BYA BA GSUNGS SO, ,'DIS SAM DE MTSON PAR BYA BA YIN PAS MTSAN NYID DE, 'DI LTA STE GZUGS KYI PHUNG PO'I SPYI'I MTSAN NYID NI GZUGS SU RUNG BAS GZUGS SO, ,TSOR BA'I PHUNG PO'I SPYI'I MTSAN NYID NI MYONG BAS NA TSOR BA'O, ,RANG GI NGO BO LA BYE BRAG CI YOD CE NA, RANG DANG SPYI'I MTSAN NYID KYIS BYAS PA'I BYE BRAG YOD DO, ,RANG GI MTSAN NYID NI RANG GI NGO BO STE, SNGON PO LA SOGS PA GANG THUN MONG MA YIN PA'I NGO BO'O, ,PHUNG PO DANG KHAMS DANG SKYE MCHED KYI CHOS GANG DAG YIN PA THAMS CAD LA SPYI'I MTSAN NYID DE DAG MED PAS DE MTSAN NYID MED PAS SO, ,MTSAN NYID MED PA NYID LA SOGS PA DE DAG KYANG RANG GI NGO BOS DGAG PAS NGO BOS BSGRIM MI DGOS PAR GRUB PA YIN NO, ,CI STE CHOS THAMS @275A *, ,CAD STONG PA DANG MTSAN NYID MED PA YIN NA DE JI LTAR RANG GI RKYEN JI LTA BA BZHIN LAS SKYE ZHING RANG GI RKYEN JI LTA BA BZHIN 'GAGS PAS 'GAG CE NA, 'DI LTAR MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA ZHES BYA BA LA SOGS PA SRID PA'I YAN LAG RNAMS SKYE BA DANG; MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG CES BYA BA LA SOGS PA SRID PA'I YAN LAG RNAMS 'GAG PA DE DAG SHES RAB KYI PHA ROL TU PHYIN PA 'DI LA MED DO ZHES BSTAN PA'I PHYIR, MA SKYES PA MA 'GAGS PA ZHES BYA BA GSUNGS SO, ,GAL TE DE LTAR NA JI LTAR RGYU DANG 'BRAS BUR BCAS PA'I KUN NAS NYON MONGS PA DANG RNAM PAR BYANG BA 'PHAGS PA'I BDEN PA BZHI PO 'DI JI LTAR RUNG ZHE NA, DRI MA MED PA DRI MA DANG BRAL BA MED PA ZHES GSUNGS TE, NYON MONGS PA'I DRI MA'I RANG GI NGO BO MED PA'I PHYIR CHOS THAMS CAD DRI MA MED PA'O, ,DRI MA BSAL BA'I SGO NAS RNAM PAR BYANG BA MED PA'I PHYIR RANG BZHIN GYIS DRI MA DANG BRAL BA ZHES GSUNGS TE, CHOS THAMS CAD RANG BZHIN GYIS 'OD GSAL BA'I PHYIR RO, ,GAL TE DE LTAR NA MI G-YO BA'I SA LA MTSAN MA'I NYES PA SPANGS PA'I PHYIR LHUN GYIS GRUB PAR MTSAN MA MED PAR GNAS PAS SKYON BRI BA DANG, SNGAR JI LTAR RIGS PAR NGAN SONG BA'I NYON MONGS PA DANG KUN TU RMONGS PA LA SOGS PA SPANGS PAR JI LTAR 'GYUR ZHE NA, BRI BA MED PA ZHES BYA BA GSUNGS TE, 'DIR SKYON ZHES BLTA BAR BYA'O, ,DE BZHIN DU SA DGU PA LA SOGS PA GSUM LA GO RIMS BZHIN DU SO SO YANG DAG PAR RIG PA DANG, MNGON PAR SHES PA CHEN PO DANG, SGRIB PA MED PA'I YE SHES THOB PA'I PHYIR YON TAN RNAMS KYIS RGYAS PA NYID MED PAR BSTAN PA'I DON DU GANG BA MED PA'O ZHES BYA BA GSUNGS SO, ,'DIR YANG YON TAN GYIS ZHES BYA BA KHONG NAS DBYUNG BAR BYA STE, DKON MCHOG ZA MA TOG GI MDO LAS KYANG, DE SKAD DU GSUNGS PA'I PHYIR RO, , CI'I PHYIR RNAM PA BRGYAD KHO NA DANG GO RIMS KYANG 'DI LTAR GSUNGS SHE NA, 'DIR BSHAD PA 'DI NI SHES RAB KYI PHA ROL TU PHYIN PA'I SNYING PO YIN LA SNYING PO YANG GZHAN YAN LAG THAMS CAD LAS DAM PA GTZO BO YIN NO, ,SHES RAB KYI PHA ROL TU PHYIN PA'I GTZO BO'I DON NI STONG PA NYID LA SOGS PA RNAM PAR @275B THAR PA'I SGO GSUM YIN NO, ,DE NI RNAM PA BRGYAD PO DE DAG GIS BSDUS PA YIN LA, RNAM PA DE DAG NYID 'DIR GO RIMS YIN TE, 'DI LTAR STONG PA NYID DANG, MTSAN MA MED PA GNYIS KYIS NI STONG PA NYID KYI TING NGE 'DZIN TO, ,BAR MA BZHIS NI SKYE BA DANG 'GAG PA DANG KUN NAS NYON MONGS PA DANG RNAM PAR BYANG BA BZHI BKAG PAS MTSAN MA MED PA'I TING NGE 'DZIN YIN NO, ,THA MA GNYIS KYIS NI SMON PA'I TING NGE 'DZIN TE, 'DI LTAR SKYON SPANGS PA'I PHYIR RAM, YON TAN THOB PAR BYA BA'I CHED DU SMON PAR BYED LA DE GNYI GA BKAG PAS SMON PA MED PA NYID YIN NO, ,DA NI BSTAN PA'I RNAM PAS RNAM PAR BLTAS PA'I 'BRAS BU BSTAN PA'I PHYIR, DE LTA BAS NA DE'I TSE ZHES BYA BA LA SOGS PA GSUNGS TE, DE LTA BAS NA ZHES BYA BA NI GSUNGS PA'I RNAM PAS RNAM PAR LTA BAS NA'O, ,DE'I TSE NI DE'I DUS NA'O, ,STONG PA NYID YANG DAG PAR RJES SU MTHONG BA LA GZUGS YANG DAG PAR RJES SU BLTAR MED CES 'BYUNG BAR SBYAR TE, CHOS THAMS CAD MI MTHONG BA NYID NI STONG PA NYID MTHONG BA YIN NO, ,GZUGS MED CES 'BYUNG BA LA SOGS PA NI PHUNG PO DANG SKYE MCHED DANG KHAMS DGAG PA 'DI DAG STON TO, DE LA GZUGS MED CES 'BYUNG BA NAS THA MA RNAM PAR SHES PA MED CES 'BYUNG BA'I BAR GYIS NI PHUNG PO 'GOG PA'O; ,MIG MED CES 'BYUNG BA NAS BRTZAMS TE CHOS MED CES 'BYUNG BA 'DIS NI SKYE MCHED 'GOG GO, ,MIG GI KHAMS MED PA NAS BAR GYI SGRAS GZUGS KYI KHAMS DANG, MIG GI RNAM PAR SHES PA'I KHAMS LA SOGS PA BCO LNGA SHUGS KYIS STON TO, ,THA MA YIN PA'I PHYIR YID KYI KHAMS DANG YID KYI RNAM PAR SHES PA'I KHAMS TE, 'DI LTAR MTSAN NYID MED PA DANG, MA SKYES PA DANG MA 'GAGS PA LA SOGS PA LA YANG GZUGS MED CES BYA BA LA SOGS PA THAMS CAD LA SBYAR BAR BYA'O, ,CI STE STONG PA NYID DANG MTSAN MA MED PA LA SOGS PA LA PHUNG PO DANG KHAMS DANG SKYE MCHED MI SRID NA, 'O NA JI LTAR MA RIG PA'I RKYEN GYIS 'DU BYED RNAMS 'BYUNG BA DANG, MA RIG PA 'GAGS PAS 'DU BYED RNAMS 'GAG PAR 'GYUR, DE BZHIN DU YAN LAG BCU GNYIS RANG GI RKYEN JI LTA BA BZHIN LAS SKYE BA DANG RKYEN 'GAGS PAS KYANG 'GOG GO ZHES RNAM PAR GZHAG CE NA, BDEN TE, @276A *, ,KUN RDZOB TU YOD PA NYID YIN GYI, STONG PA NYID DANG MTSAN NYID MED PA LA SOGS PA LA NI MA YIN PA'I PHYIR, MA RIG PA MED, MA RIG PA ZAD PA MED CES GSUNGS SO, ,BAR DU ZHES BYA BA'I SGRAS 'DU BYED LA SOGS PA SHUGS KYIS BSTAN TO, ,RGA SHI MED DO, ,DE MED PAS ZAD PA MED DO, ,CI STE DON DAM PAR SRID PA'I YAN LAG DANG, DE ZAD PA MED NA 'O NA JI LTAR 'PHAGS PA RNAMS KYIS SDUG BSNGAL LA SOGS PA BDEN PA NYID DU MTHONG, 'PHAGS PA RNAMS KYIS GANG BDEN PA NYID DU MTHONG BA DE NI LOG PA NYID DU 'OS PA MA YIN NO, ,DE DAG BDEN PA NYID YIN NA NI JI LTAR SRID PA'I YAN LAG DANG DE ZAD PA MED BA YIN ZHE NA, DE'I PHYIR RANG GI NGO BO STONG PA NYID LA SOGS PA LA, SDUG BSNGAL BA DANG ZHES BYA BA LA SOGS PA GSUNGS SO, ,GANG GI TSE SDUG BSNGAL GYI RANG GI NGO BO MA SKYES PA'I PHYIR MED PA DE'I TSE DE'I RGYU KUN 'BYUNG BA YANG GA LA YOD DE, DE BAS NA DE 'GOG PA ZHES BYA BA DANG, DE 'GOG PA'I THABS SU 'GYUR BA LAM YANG CI YANG MED DO, ,MTSAN MA'I BDAG NYID KYI SKYON SPANGS PA'I PHYIR YE SHES KYANG RANG GI NGO BO DON DAM PAR GRUB PA MED DO ZHES BSTAN PA'I PHYIR, YE SHES MED DO ZHES GSUNGS SO, ,YI GE KHA CIG LAS MI SHES PA MED DO ZHES KYANG 'BYUNG STE DE'I DON NI 'DI YIN TE, GAL TE STONG PA NYID LA MTSAN MA'I KUN NAS NYON MONGS PA'I SKYON DANG BRAL BA'I PHYIR YE SHES MED NA, 'O NA MI SHES PA RMONGS PA'I MTSAN NYID YOD DO SNYAM NA, MI SHES PA MED DO ZHES GSUNGS TE, RANG GI NGO BO STONG PA NYID LA MI SHES PA 'DI GA LA SRID, DE BZHIN DU SO SO YANG DAG PAR RIG PA DANG, STOBS DANG MI 'JIGS PA LA SOGS PA'I YON TAN RNAMS DANG, DE THOB PAR BYED PA'I RANG GI NGO BO MED NA THOB PA ZHES BYA BA 'THAD PA MA YIN PAR BSTAN PA'I PHYIR, THOB PA MED DO ZHES BYA BA GSUNGS SO, ,DE LTAR THOB PA'I RNAM PAR RTOG PA BKAG NAS DE LAS BZLOG PA MA THOB PA'I RNAM PAR RTOG PA DGAG PA'I PHYIR MA THOB PA MED DO ZHES GSUNGS SO, ,'DI NI YE SHES DANG MI SHES PA DANG, THOB PA DANG MA THOB PA LAS 'DAS BA SGRO 'DOGS PA DANG, SKUR PA 'DEBS PA'I MTHA' DANG BRAL BA'I DON ZAB MO BSTAN PAR RIG PAR BYA'O, ,DE LTAR NA GONG DU BSTAN PA'I RNAM PAS 'DI LTAR SHES RAB KYI PHA ROL TU PHYIN PA LA @276B CHOS GANG YANG THOB PA MED PA DE'I PHYIR BYANG CHUB KYI CHED DU SEMS PA DANG, LHAG PAR CHAGS PA DANG, BSAM PA GANG YIN PA DE SHES RAB KYI PHA ROL TU PHYIN PA JI SKAD BSTAN PA'I MTSAN NYID SGOM PA'I LAM DANG RAB TU LDAN PA LA RTEN CING SHIN TU BRTEN NAS BRTZON 'GRUS KHYAD PAR CAN GYIS ZHUGS SHING GNAS TE'O, , BYANG CHUB LA CHOS GANG YANG YONGS SU GRUB PA MED DO, ,DE SKAD DU ZLA BA SGRON MA'I TING NGE 'DZIN LA SOGS PA LAS, BCOM LDAN 'DAS KYIS BYANG CHUB KYI RANG GI NGO BO BSTAN PA, SHIN TU PHRA BA'I CHOS KYANG YOD MA YIN, ,SHIN TU PHRA ZHES BYA BA'ANG YOD PA MIN, ,ZHES BYA BA LA SOGS PA DANG, RNAM PAR SNANG MDZAD MNGON PAR RDZOGS PAR BYANG CHUB PA LAS KYANG, GSANG BA'I BDAG PO DE NA SHIN TU PHRA BA'I CHOS KYANG YOD PA MA YIN ZHING DMIGS SU MED DE, DE NA BLA NA MED PA YANG DAG PAR RDZOGS PA'I BYANG CHUB CES BYA'O ZHES GSUNGS SO, ,CI STE SHES RAB KYI PHA ROL TU PHYIN PA DANG BLA NA MED PA YANG DAG PAR RDZOGS PA'I BYANG CHUB LA CHOS 'GA' YANG MED NA SKYON GYI MTSAN NYID KYI CHOS BSAL NAS YE SHES SU GYUR PA YANG GANG YANG MED, YON TAN GYI MTSAN NYID 'DOD PA THOB PA YANG MED CE NA CI'I PHYIR BYANG CHUB LAS BRTZAMS TE SHES RAB KYI PHA ROL TU PHYIN PA LA BRTEN NAS GNAS PA 'DI SNYAM DU SEMS TE, JI TZAM DU KHA CIG GI RE BA SNGON DU BTANG BA NI 'GA' ZHIG LA 'JUG PAR BYED DE, DE THAMS CAD NI MI 'DOD PA'I SKYON SPANGS PA'I PHYIR DANG, 'DOD PA'I YON TAN THOB PAR BYA BA'I PHYIR 'JUG GO, ,GANG DU YANG RANG GI NGO BO STONG PA YIN PA'I PHYIR CHOS THAMS CAD MI DMIGS NA DE LA SU ZHIG 'JUG, CI'I PHYIR 'JUG ,'JUG PA'I 'BRAS BU CI YIN ZHE NA, SEMS KYI SGRIB PA MED PAS ZHES BYA BA LA SOGS PA GSUNGS TE, YANG DAG PA'I DON JI LTA BA BZHIN DU YONGS SU SHES PA LA GAGS BYED PA'I PHYIR SEMS LA SGRIB PAR BYED KUN NAS KHEBS PAR BYED PA'I PHYIR SEMS KYI SGRIB PA'O, , DE DAG KYANG GANG ZAG DANG CHOS LA MNGON PAR ZHEN PA LA SOGS PA SHIN TU RMONGS PA NYI SHU RTZA GNYIS DANG DE'I GNAS NGAN LEN MI MTHUN PA'I PHYOGS BCU GCIG GO, ,GANG DAG SPANG PA'I PHYIR 'JOMS PA'I DON GYI GNYEN PO NI GO RIMS BZHIN DU RAB TU DGA' BA LA SOGS PA SA BCU GCIG STE, SA @277A *, ,LA 'JUG PA LAS JI SKAD DU, ,YAN LAG BCU GCIG RDZOGS PA YIS, ,RAB DGA' LA SOGS BCU GCIG SA, ,RMONGS GNYIS GNAS NGAN LEN GCIG STE, ,MI MTHUN PHYOGS NI THA DAD DO, ,ZHES 'BYUNG BA DANG, DE BZHIN DU DGONGS PA NGES PAR 'GREL BA LAS KYANG; DE LA SA DANG PO LA GANG ZAG DANG CHOS LA MNGON PAR ZHEN PA'I SHIN TU RMONGS PA DANG, NGAN SONG BA'I NYON MONGS PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,GNYIS PA LA NI LTUNG BA PHRA MO'I 'KHRUL PA'I SHIN TU RMONGS PA DANG, LAS KYI 'GRO BA RNAM PA SNA TSOGS LA SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,GSUM PA LA NI 'DOD PA'I 'DOD CHAGS KYI SHIN TU RMONGS PA DANG, THOS PA'I GZUNGS YONGS SU MA RDZOGS PA'I SHIN TU RMONGS PA DANG, DE'I GNAS NGAN LEN MI MTHUN BA'I PHYOGS SO, ,BZHI PA LA NI SNYOMS PAR 'JUG PA LA SRED PA'I SHIN TU RMONGS PA DANG, CHOS LA SRED PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,LNGA PA LA NI 'KHOR BA LAS SHIN TU PHYIR PHYOGS PA DANG MNGON DU PHYOGS PA YID LA BYED PA'I SHIN TU RMONGS PA DANG, MYA NGAN LAS 'DAS PA LAS PHYIR PHYOGS PA DANG, MNGON DU PHYOGS PA YID LA BYED PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DRUG PA LA NI 'DU BYED 'BYUNG BA MNGON SUM DU GYUR PA'I SHIN TU RMONGS PA DANG, MTSAN MA MANG DU 'BYUNG BA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BDUN PA LA NI MTSAN MA PHRA MO 'BYUNG BA'I SHIN TU RMONGS PA DANG, RAB TU MTSAN MA MED PA YID LA BYED PA'I THABS LA SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BRGYAD PA LA NI MTSAN MA MED PA LA BSGRIM PA'I SHIN TU RMONGS PA DANG, MTSAN MA DAG LA DBANG BA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DGU PA LA NI CHOS BSTAN PA TSAD MED PA DANG, CHOS KYI TSIG DANG YI GE TSAD MED PA DANG, GONG NAS GONG DU SHES RAB DANG SPOBS PA LA GZUNGS KYI DBANG GI SHIN TU RMONGS PA DANG, @277B SPOBS PA LA DBANG GI SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BCU PA LA NI MNGON PAR SHES PA CHEN PO'I SHIN TU RMONGS PA DANG, GSANG BA PHRA MO LA 'JUG PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SANGS RGYAS KYI SA LA NI SHES BYA THAMS CAD LA RAB TU PHRA BA'I CHAGS PA'I SHIN TU RMONGS PA DANG, THOGS PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO ZHES GSUNGS TE, DE DAG MED PA'I PHYIR SHES RAB KYI PHA ROL TU PHYIN PA LA GNAS PA LA 'JIGS PA MED DE MI SKRAG GO, ,SHES RAB KYI PHA ROL TU PHYIN PA LAS GZHAN DU GNAS PA LA NI PHYIN CI LOG LAS 'JIGS PA YIN NO ZHES BSTAN TO, ,'DI SKAD BSTAN TE, SEMS PHYIN CI LOG PA NI 'JUG PA YIN NO ZHES BYA'O, ,DE SKAD DU TSAD MA RNAM 'GREL LAS, LOG PAR SGRO 'DOGS SPANG BA'I PHYIR, ,GROL BA PO NI MED KYANG BRTZON, ,ZHES BSTAN TO, ,PHYIN CI LOG MED PA NI 'JUG PA MED DE, SA BCU PA LAS DE SKAD DU SA BRGYAD PA LA MI SKYE BA'I CHOS LA BZOD PA THOB PA NA RMI LAM NA CHUS KHYER BA RMIS PA'I SKYES BU SAD PA'I TSE CHU LAS THAR BAR BYA BA'I 'BAD PA CHEN PO LOG PA'I DPE DANG DE NYID DE'I MYA NGAN LAS 'DAS PA YIN NO ZHES BYA BA LA SOGS PA BSTAN TE, ,'DIR YANG SHES RAB KYI PHA ROL TU PHYIN PA LA GNAS PA NI PHYIN CI LOG RANG GI RMONGS PA JI LTA BA LAS 'DAS PA STE, SHIN TU SONG BA NI PHYIN CI LOG LAS 'DAS PA'O, ,MYA NGAN LAS 'DAS PA NI RNAM PAR RTOG PA 'GAGS PA'O, ,MTHAR PHYIN PA NI MTHAR THUG PA LAS TE, JI SKAD DU SA BCU PA LAS, BSGOM PAS SPANG BAR BYA BA'I RNAM PAR RTOG PA RNAM PAR SPANGS PA'I PHYIR RNAM PAR DAG PA'I MTHAR PHYIN PA YIN TE DE'I GONG NAS SPANG BAR BYA BA'I RNAM PAR RTOG PA MED PA'I PHYIR RO ZHES GSUNGS SO, ,MTHAR PHYIN PAS SAM SEMS MTHAR PHYIN PA'I BDAG NYID MYA NGAN LAS 'DAS PA 'DI YIN PAS DE LA DE SKAD CES GSUNGS SO, ,DE PHYIN CI LOG LAS 'DAS PA YANG YIN MYA NGAN LAS 'DAS PA'I MTHAR PHYIN PA YANG YIN PAS PHYIN CI LOG LAS 'DAS PAS MYA NGAN LAS 'DAS PA'I MTHAR PHYIN PA YIN TE, SHES RAB KYI PHA ROL TU PHYIN PA LA BRTEN CING GNAS PAR 'GYUR BAS DE LA BYANG @278A *, ,CHUB SEMS DPA' RNAMS 'JUG GO, ,SPONG BA CHE BA NYID 'DIS NI DE'I CHED DU 'JUG PA'I RGYU BSTAN PA YIN TE, DE'I CHED DU 'JUG PA'I PHYIR RO, ,DUS GSUM DU ZHES 'BYUNG BA LA SOGS PAS SEMS CAN THAMS CAD KYI MCHOG TU GYUR PA SEMS CHE BA NYID DANG RTOGS PA CHE BA NYID GNYIS KYI CHED DU BSTAN TO, ,DUS GSUM ZHES BYA BA NI 'DAS PA DANG MA 'ONGS PA DANG DA LTAR BYUNG BA'O, ,DE DAG NA RNAM PAR BZHUGS PA'I SANGS RGYAS THAMS CAD DE, BLO KHYAD PAR DANG LDAN PA'I PHYIR SANGS RGYAS SO, ,DE THAMS CAD KYANG YIN LA SANGS RGYAS KYANG YIN PAS SANGS RGYAS THAMS CAD DO, ,RNAM PAR SNANG MDZAD MNGON PAR RDZOGS PAR BYANG CHUB PA LAS JI SKAD DU, SA BCU DAG NI RAB BSGRUBS NAS, ,DBANG GI RNAM PA THOB PA YIN, ,STONG PA SGYU MA LTA BU'I CHOS, ,GANG GIS 'DIR NI KUN MKHYEN CING, ,SEMS CAN KUN GYI RNAM MKHYEN PA, ,SANGS RGYAS ZHES NI BRJOD PA YIN, ,ZHES GSUNGS SO, ,SHES RAB KYI PHA ROL TU PHYIN PA LA ZHES 'BYUNG BA NI DE BZHIN GSHEGS PA'I YE SHES KUN 'BYUNG BA BDEN PA'I BDAG NYID LA YIN TE, RNAM PA THAMS CAD MKHYEN PA NYID CES BRJOD PA GANG YIN PA LA BYA'O, ,SHES RAB KYI PHA ROL TU PHYIN PA LA BRTEN NAS ZHES 'BYUNG BA NI 'DI YANG DAG PAR RDZOGS PA'I BYANG CHUB LAS DUS SNGA MA'I PHYIR RO, ,RNAM PA THAMS CAD MKHYEN PA NYID 'DI NI BAR CHAD MED PA'I TING NGE 'DZIN YIN PAR BLTA BAR BYA STE, SHES RAB KYI PHA ROL TU PHYIN PA NYI KHRI LNGA STONG PA DANG, DE'I MAN NGAG MNGON PAR RTOGS PA'I RGYAN LAS JI SKAD DU, SANGS RGYAS NYID 'THOB BAR CHAD MED, ,BAR CHAD MED PA'I TING 'DZIN TE, , RNAM PA THAMS CAD MKHYEN PA YIN, ,DE YI DMIGS PA DNGOS MED DE, ,DRAN PA YANG NI BDAG POR 'DOD, ,RNAM PA 'DI NI BZHI PA NYID, ,MTSAN NYID MED PA MTSAN NYID YIN, ,ZHES GSUNGS SO, ,BLA NA MED PA ZHES 'BYUNG BA NI THOB PA DANG DMIGS PA DANG SGRUB PA RNAM PA 'DI LAS GONG NA MED PA'I PHYIR RO, ,YANG DAG PAR ZHES 'BYUNG BA NI PHYIN CI MA LOG PAR RO, ,MNYAM PAR ZHES 'BYUNG BA NI MTSAN NYID MED PA NYID KYIS MTSAN NYID GCIG PA'I PHYIR RO, ,BYANG CHUB NI RTOGS PA'O, ,MNGON PAR NI MNGON SUM MO, ,MNYAM PAR SANGS RGYAS PA NI RDZOGS PAR SANGS RGYAS @278B SO; ,DE SKAD DU SHES RAB KYI PHA ROL TU PHYIN PA NYI KHRI LNGA STONG PA LAS, BCOM LDAN 'DAS JI LTAR NA BLA NA MED PA YANG DAG PAR RDZOGS PA'I BYANG CHUB LAGS, BCOM LDAN 'DAS KYIS BKA' STZAL PA, RAB 'BYOR CHOS THAMS CAD KYI DE BZHIN NYID JI LTA BAR BLA NA MED PA YANG DAG PAR RDZOGS PA'I BYANG CHUB KYANG DE BZHIN NO, ,RAB 'BYOR GYIS GSOL PA, BCOM LDAN 'DAS JI LTAR NA CHOS THAMS CAD KYI DE BZHIN NYID BLA NA MED PA YANG DAG PAR RDZOGS PA'I BYANG CHUB LAGS, RAB 'BYOR GZUGS KYI DE BZHIN NYID NAS MYA NGAN LAS 'DAS PA'I BAR GYI DE BZHIN NYID JI LTA BAR BLA NA MED PA YANG DAG PAR RDZOGS PA'I BYANG CHUB KYANG DE BZHIN NO ZHES GSUNGS SO, ,DE LA BLA NA MED PA'I TSIG GIS NI SEMS CAN THAMS CAD KYI MCHOG TU GYUR PAS SEMS CHE BA NYID YIN NO, ,DE'I LHAG MA NI RTOGS PA CHE BA NYID YIN NO, ,SNGON BYANG CHUB SEMS DPA'I GNAS SKABS NA THUGS LA BZHAG STE CHEN PO NYID RNAM PA DE GSUM GYI CHED DU SHES RAB KYI PHA ROL TU PHYIN PA LA 'JUG PAS GSUM GYI CHED DU ZHES BRJOD DO, ,RDZOGS PA'I TSE NA NI SNGA MAS 'BRAS BU SPANGS PA PHUN SUM TSOGS PA DANG, PHYI MA GNYIS KYIS NI 'BRAS BU RTOGS PA PHUN SUM TSOGS PA BSTAN TE, JI LTAR YUL LJONGS 'GA'I CHED DU RGYAL POS MCHOD SBYIN BYED PA DANG, THA MAR YUL LJONGS THOB PA 'BRAS BU YIN PA DE BZHIN DU, SHES RAB KYI PHA ROL TU PHYIN PA LA BRTEN NAS PHYIN CI LOG DANG BRAL BA'I PHYIR DANG RTOGS PA THOB PA'I PHYIR RO, ,SHES RAB KYI PHA ROL TU PHYIN PA NYID GSANG SNGAGS SO ZHES BSTAN PA'I PHYIR, SH'A RI'I BU DE LTA BAS NA ZHES BYA BA LA SOGS PA GSUNGS SO, ,SHES RAB KYI PHA ROL TU PHYIN PA'I MTSAN NYID NI BSTAN ZIN TO, ,GSANG SNGAGS NI SHES PA YIN PA'I PHYIR DANG, SKYOB PA YIN PA'I PHYIR RO, ,DON GNYIS PO DE GNYIS TSIG PHYI MA RNAMS KYIS GSAL BAR BYED DO,, CHEN PO NI KHYAB PA DANG LDAN BA'I PHYIR RO, ,KHYAB PA YANG DUS LA KHYAB PA DANG YUL LA KHYAB PA STE, 'DI LTAR 'DI NI CHOS THAMS CAD DANG DUS THAMS CAD LAS MA LOG PAR 'JUG PA YIN NO, ,'DIS NI DBANG PHYUG LA SOGS PAS BYAS PA'I GSANG SNGAGS LAS 'DI BYE BRAG TU BSTAN PA YIN NO, ,RNAM PAR @279A *, ,SNANG MDZAD MNGON PAR RDZOGS PAR BYANG CHUB PA LAS JI SKAD DU, DUS GSUM DAG LAS SHIN TU 'DAS, ,BRTEN NAS 'BYUNG BA'I SRID PA YIN, ,MTHONG NAS MA MTHONG 'BRAS BU STE, ,YID DANG NGAG DANG LUS LA SRID, ,'BRAS BU BSKAL PA GCIG GI GRANGS, ,'JIG RTEN RNAMS KYIS YIN PAR BSHAD, ,GSANG SNGAGS 'BRAS BU BSKAL PA LAS, ,'DAS PAR RDZOGS SANGS RGYAS KYIS BSHAD, ,SANGS RGYAS DRANG SRONG CHEN PO DANG, ,RGYAL SRAS RNAMS KYI TING NGE 'DZIN, ,MTSAN MA RNAMS SPANGS DAG PA YIN, ,'JIG RTEN RNAMS KYI MTSAN MAR BCAS,, RNAM PAR SMIN PA'ANG 'DIR SMIN PA, ,LAS RNAMS KYIS NI 'BRAS BU 'THOB, ,GANG GI TSE NA GRUB PA THOB, ,DE YI TSE NA LAS RNAMS BZLOG, ,SEMS NI RANG DNGOS MED PHYIR DANG, ,'BRAS BU RGYU RNAMS SPANGS PHYIR RO, ,LAS KYI SKYE BA RNAMS LAS KYANG, ,SKYE BA NAM MKHA' LTA BU YIN, ,ZHES GSUNGS SO, ,'DI NI RIG CING SHES PA'AM 'DOD PA GRUB PA THOB PAS RIG PA'O, ,DE RIG PA YANG YIN LA CHEN MO YANG YIN PAS RIG PA CHEN MO'O, ,RIG PA CHEN MO NYID GSANG SNGAGS YIN PAS RIG PA CHEN MO'I GSANG SNGAGS SO, ,DE BAS NA BLA MA SHIN TU MCHOG TU GYUR PA 'DI LAS GZHAN MED PA'I PHYIR BLA NA MED PA'I GSANG SNGAGS SO, ,'DI DANG MNYAM PA'AM 'DRA BA YOD PA MA YIN PAS MI MNYAM PA DE NI NAM MKHA'O, ,DE DANG MNYAM PA'I PHYIR MI MNYAM PA DANG MNYAM PA'O, ,BYANG CHUB SEMS DPA'I SDE SNOD LAS KYANG, MI MNYAM PA DANG MNYAM PA'I TSIG BCOM LDAN 'DAS NYID KYIS GSUNGS SO, ,DE BZHIN GSHEGS PA'I GSANG BA BSAM GYIS MI KHYAB PA BSTAN PA LAS KYANG, CI TZAM DU NI DPE 'GA' ZHIG ,SANGS RGYAS CHOS LA BYED NA NI, ,DE NI SANGS RGYAS RJES MTHUN MIN, ,DE NI RGYAL BA SMAD PA YIN, ,SANGS RGYAS CHOS DANG MNYAM PA GANG, ,DPE NI DE LA GCIG YOD PA,, NAM MKHA'I KHAMS SU BSTAN PA YIN, ,GANG GI TSAD NI 'GA' YANG MED, ,CES BYA BA LA SOGS PA GSUNGS SO, ,NAM MKHA' DANG MNYAM PA 'DIS NI KHYAB PA DANG, THOGS PA MED PA DANG, RGYUN MA CHAD PA LA SOGS PA BLTA BAR BYA'O, ,DE DAG GIS NI SHES PA'I DON BSTAN TO, ,SKYOB PA'I @279B DON BSTAN PA'I PHYIR, ,SDUG BSNGAL THAMS CAD CES PA LA SOGS PA GSUNGS TE, 'DU BYED DANG 'GYUR BA DANG, SDUG BSNGAL GYI SDUG BSNGAL NYID LA SOGS PA MTSAN NYID KYI SDUG BSNGAL THAMS CAD RAB TU ZHI BAR BYED DE RGYUN GCOD PAR BYED PA NI SDUG BSNGAL THAMS CAD RAB TU ZHI BAR BYED PA'I GSANG SNGAGS SO, ,DE LTAR GSANG SNGAGS KYI NGES PA'I TSIG GI DON BSTAN NAS GSANG STE BRJOD PAR BYA BA NYID KYI NGES PA'I TSIG GI DON BSTAN PA'I PHYIR, BDEN TE MA LOG PA'I PHYIR ZHES BYA BA LA SOGS PA GSUNGS SO, ,BDEN PA NI DE KHO NA NYID DE YANG DAG PA JI LTA BA BZHIN YIN PA'I PHYIR RO, , YANG DAG PA JI LTA BA BZHIN GANG YIN PA DE NI PHYIN CI MA LOGS PA NYID DO, ,DE BAS NA SHES RAB KYI PHA ROL TU PHYIN PA'I SNGAGS SU RIGS SO, ,'DIS NI 'DI SKAD DU BSTAN TE, DBANG PO RTUL PO'I GANG ZAG GANG RNAM PA BSTAN PAS RNAM PAR LTA BAR MI NUS PA LA GSANG STE BSTAN PA BZHIN DE DAG GIS KYANG SHES RAB KYI PHA ROL TU PHYIN PA LA GSANG SNGAGS JI LTA BA BZHIN DU GZUNG BAR BYA BA YIN NO, ,GSANG SNGAGS NI GSANG STE BSHAD PAR BYA BA YIN NO ZHES BYA BA'I NGES PA'I TSIG NI 'DI SKAD KYI DBYINGS LA LTOS PAR BYA BA YIN NO, ,YANG NA YID LA GNAS PA NI SKYOB PAR BYED PA YIN PAS NA GSANG SNGAGS SO, ,'DI NI SHES RAB KYI PHA ROL TU PHYIN PA NI GUS PAS RGYUN MI 'CHAD PAR YID LA BYA BA YIN NO, ,RIGS PAS 'THAD PA'I PHYIR RIGS PA YIN PAS SHES PAR BYA BA NI NGES PAR GZUNG BAR BYA'O, ,DE LTAR ZHES 'BYUNG BA NI GSUNGS PA'I RNAM PA'I TSUL GYIS BSLAB PAR BYA BA YIN NO, , DE NAS ZHES 'BYUNG BA NI SKABS 'DIR BAR MCHAD PAR RO, ,TING NGE 'DZIN DE LAS 'BYUNG BA NI SNGAR BSTAN PA LAS SO, ,BZHENGS NAS ZHES 'BYUNG BA NI SEMS KYIS BTANG NAS SO, ,STON PA PO LA LEGS SO ZHES BYA BA BYIN PA DANG BSHAD PA LA YANG RJES SU MTHUN PA BYED DE, LEGS SO ZHES BYA BA BYIN PA'I RANG GI NGO BO NI RIGS KYI BU LEGS SO LEGS SO ZHES 'BYUNG BA YIN TE, DE LA LAN GNYIS SU BZLAS PA NI DGA' BA'I DON NAM DGA' CHES PA'I PHYIR RO, ,DE DE BZHIN NO ZHES 'BYUNG BA LA SOGS PAS NI BSHAD PA LA RJES SU MTHUN PAR BYED DO, ,DE DE BZHIN YIN GYI GZHAN DU MA YIN NO, , @280A *, ,DE CI'I PHYIR ZHE NA, SHES RAB KYI PHA ROL TU PHYIN PA LA BSLAB PAR BYA ZHES BYA BA LA SOGS PA GSUNGS SO, ,CI 'DRA BA ZHIG CE NA, KHYOD KYIS JI SKAD BSTAN PA DE BZHIN ZHES BYA BA GSUNGS TE, KHYOD KYIS BSTAN PA LAS MI 'GAL BAR BSLAB PAR BYA'O ZHES BYA BA'I THA TSIG GO, ,DE LTAR BCOM LDAN 'DAS KYIS 'PHAGS PA SPYAN RAS GZIGS DBANG PHYUG GIS BSTAN PA LA RANG GI RJES SU MTHUN PA BSTAN NAS, DE BZHIN GSHEGS PA GZHAN GYIS KYANG 'DI KHYOD KYIS BSTAN PA GANG YIN PA DE LA MNGON PAR DGYES SO ZHES BSTAN PA'I PHYIR, DE BZHIN GSHEGS PA RNAMS KYANG RJES SU YI RANG NGO ZHES GSUNGS SO, ,RJES SU YI RANG NGO ZHES BYA BA NI GDON MI ZA BAR BYA DGOS PA'I DON LA NGES PAR BYA BA YIN TE, DE BZHIN GSHEGS PA RNAMS NI BSHAD PA 'DI 'DRA BA LA RJES SU DGYES PA GDON MI ZA BAR MDZAD PA YIN NO, ,RJES SU MTHUN PA DANG RJES SU DGYES PA 'DI GNYIS KYIS DE BZHIN GSHEGS PA 'DI BSHAD PA LA MNGON PAR DGYES PAR 'OS PA YANG BSTAN TO, ,DE NYID KYI PHYIR, BCOM LDAN 'DAS KYIS DE SKAD CES BKA' STZAL NAS ZHES GSUNGS SO, ,DE SKAD CES 'BYUNG BA NI SH'A RI'I BUS DRIS PA NAS BRTZAMS TE, DE BZHIN GSHEGS PA RNAMS KYANG RJES SU YI RANG NGO ZHES BYA BA'I BAR DU'O, ,BKA' STZAL NAS ZHES 'BYUNG BA NI BCOM LDAN 'DAS KYIS BKA' STZAL NAS SO, ,'PHAGS PA SPYAN RAS GZIGS DBANG PHYUG 'DIR 'CHAD PAR MDZAD PA YIN MOD KYI 'ON KYANG DE BZHIN GSHEGS PA NYID KYI BKA' YIN TE, 'DI LTAR DE BZHIN GSHEGS PAS BYIN GYIS BRLABS TE, NYAN THOS LA SOGS PAS GANG 'CHAD PAR BYED PA DE DAG THAMS CAD KYANG DE BZHIN GSHEGS PA'I BKA' YIN NA, SANGS RGYAS NYID DU YANG DAG PAR ZHUGS PA 'PHAGS PA SPYAN RAS GZIGS DBANG PHYUG DANG, KUN TU BZANG PO DANG, 'JAM DPAL LA SOGS PAS BSHAD PA LTA SMOS KYANG CI DGOS, 'DI'I DON NI BDAG GIS SNGAR BSTAN ZIN TO, ,YI RANGS TE ZHES 'BYUNG BA NI STONG PHRAG BRGYA PA'I BRJOD PAR BYA BA'I DON LAS GTZO BO NYID KYI DAM PAR GYUR PA SHES RAB KYI PHA ROL TU PHYIN PA'I SNYING PO'I DON BYE BRAG TU JI LTAR RIGS BAR THOS PA DANG, BSHAD PA GANG GIS YI RANG BA DANG DGA' BA LA DE SKAD @280B CES BYA'O, ,DE YANG SH'A RI'I BU DANG 'PHAGS PA SPYAN RAS GZIGS DBANG PHYUG LA SOGS PA YIN PAR SBYAR RO, ,KHA CIG GIS BCOM LDAN 'DAS LA YANG SBYAR TE, DE'I TSE NI GDUL BYA RNAMS KYI PHA ROL TU PHYIN PA DON GYI GTZO BO JI LTA BA BZHIN DU BZUNG BA NI DGYES PA'I RGYUR BLTA BAR BYA'O, ,THAMS CAD BSDU PA'I PHYIR DANG ZHES SMOS SO, ,'DIS NI YI RANG BA DANG MNGON PAR BSTOD PA YANG BSDU BAR BYA'O, ,BYANG CHUB SEMS DPA' DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN MA THAMS CAD 'DI NA 'KHOD PAS NA THAMS CAD DANG LDAN PA'I 'KHOR ZHES BYA'O, ,LHA NI RGYAL CHEN RIS BZHI LA SOGS PA'O, ,MI NI GRAGS PAR ZAD DO, ,LHA MA YIN NI 'O MA'I MTSO BSRUBS PA LAS CHAD BYUNG BA SPANGS PA'I PHYIR RO, ,DE YANG SBYIN BYED MA'I BU DANG, SBYIN LDAN MA'I BU RNAMS YIN NO, ,DRI ZA NI LHA'I GLU LEN PA STE YUL 'KHOR SRUNG LA SOGS PA'O, ,LHA LA SOGS BA DANG LHAN CIG TU 'KHOD PA'I PHYIR LHA DANG MI DANG LHA MA YIN DANG DRI ZAR BCAS PA'I 'JIG RTEN NO, ,LHA GTZO BO YIN PA'I PHYIR THOG MAR SMOS SO, ,'JIG PAS NA 'JIG RTEN TE, PHUNG PO LNGA'I BDAG NYID YIN NO, ,BCOM LDAN 'DAS KYIS GSUNGS PA NI BSHAD PA RANG GI NGO BO'O, ,MNGON PAR BSTOD PA NI MNGON PAR DGA' BA DANG LDAN ZHING DGA' BA DANG LDAN PAS BZUNG ZHES BYA BA'I THA TSIG GO, ,SHES RAB PHA ROL PHYIN PA YI, ,SNYING PO RNAM PHYE'I BSOD NAMS GANG, ,BDAG GIS THOB DES 'JIG RTEN RNAMS, ,SHES RAB PHA ROL PHYIN BDAG SHOG ,TSANGS PA'I 'BYUNG GNAS GTZUG LAG KHANG GNAS PA'I, ,DGE SLONG DGE 'DUN RNAMS KYI ZHAL NGOR NI, ,SHES RAB PHA ROL PHYIN PA'I SNYING PO YI, ,RGYA CHER BSHAD PA DRI MA MED PAS BYAS, ,'PHAGS PA SHES RAB KYI PHA ROL TU PHYIN PA'I SNYING PO'I RGYA CHER BSHAD PA RGYA GAR GYI MKHAN PO DRI MA MED PA'I BSHES GNYEN GYIS MDZAD PA RDZOGS SO,, ,,RGYA GAR GYI MKHAN PO BI MA LA MI TRA DE NYID DANG, BOD KYI ZHU CHEN GYI LO TZ'A BA BAN DE NAM MKHA' DANG YE SHES SNYING PO LA SOGS BAS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, A'ARYA PRA DZNY'A P'A RA MI T'A HRi DA YA BY'A KHY'A, BOD SKAD DU, 'PHAGS PA SHES @281A *, ,RAB KYI PHA ROL TU PHYIN PA'I SNYING PO'I RNAM PAR BSHAD PA, BCOM LDAN 'DAS MA SHES RAB KYI PHA ROL TU PHYIN MA LA PHYAG 'TSAL LO, ,DE LA BCOM LDAN 'DAS MA SHES RAB KYI PHA ROL TU PHYIN PA'I SNYING PO'O ZHES BYA BA NI MDO'I MTSAN NYID BRJOD PAS NA BCOM LDAN 'DAS MA SHES RAB KYI PHA ROL TU PHYIN PA'I SNYING PO ZHES BYA'O, ,THOG MA KHO NAR MING MA BTAGS NA MDO GANG YIN GTOL MED PA'I PHYIR MING SMOS SO, ,MING BTAGS PA 'BA' ZHIG TU MA ZAD KYI, SHES RAB KYI PHA ROL TU PHYIN PA'I SNYING PO 'DI'I MDO THAMS CAD KYANG 'DIR MA 'DUS PA MED PAS MDO'I YANG MDO ZHES BYA'O, ,DE LA BCOM ZHES BYA BA NI BDUD BZHI BCOM PA STE, PHUNG PO'I BDUD LA SOGS PA SHES RAB KYI PHA ROL TU PHYIN PA'I DON 'DIS BDUD BTZAL DU MI RNYED CING BDUD THAMS CAD MI GNAS PA'I PHYIR BCOM PA'O, ,LDAN ZHES BYA BA NI LEGS PA DRUG DANG LDAN PA STE, MKHYEN PA'I YON TAN THAMS CAD KYANG SHES RAB KYI PHA ROL TU PHYIN PA'I BYIN GYI RLABS LAS BYUNG BAS NA LDAN PA'O, ,'DAS ZHES BYA BA NI MI GNAS PA'I MYA NGAN LAS 'DAS PA STE, SHES RAB KYI PHA ROL TU PHYIN PA'I DON GYI SEMS DANG YID DANG RNAM PAR SHES PA THAMS CAD BZLOG STE, BAG CHAGS THAMS CAD DANG BRAL BAS NA 'DAS ZHES BYA'O, ,MA ZHES BYA BA NI DUS GSUM GYI SANGS RGYAS THAMS CAD KYANG SHES RAB KYI PHA ROL TU PHYIN PA'I DON SPYAD PA LAS BYUNG, SHES RAB KYI PHA ROL TU PHYIN PA'I DON GYIS BSKYED PAS NA SHES RAB KYI PHA ROL TU PHYIN PA NI SANGS RGYAS THAMS CAD KYI YUM DU GYUR PAS NA MA ZHES BYA'O, , SHES RAB CES BYA BA NI THOS PA DANG, BSAMS PA DANG, BSGOMS PA'I SHES RAB RNAM PA GSUM GYIS YANG DAG PA JI LTA BA BZHIN DU SHES PAS NA SHES RAB CES BYA'O, ,PHA ROL TU PHYIN PA ZHES BYA BA NI SHES RAB KYIS CHOS GANG YANG RJES SU MA MTHONG BA'I PHYIR MTSAN MA DANG MTHA' GNYIS DANG SKYE SHI LAS 'DAS PA'I PHYIR PHA ROL TU PHYIN PA ZHES BYA'O, ,SNYING PO ZHES BYA BA NI SHES RAB KYI PHA ROL TU PHYIN PA STONG PHRAG BRGYA PA LA SOGS PA'I NANG NAS ZAB MO MCHOG THAMS CAD MDO NYUNG NGU 'DI'I NANG DU MA 'DUS PA MED PAS NA SNYING PO ZHES BYA'O, ,BCOM LDAN 'DAS MA SHES RAB KYI PHA @281B ROL TU PHYIN PA LA PHYAG 'TSAL LO ZHES PA NI SHES RAB KYI PHA ROL TU PHYIN PA 'BUM PA'I MDO LAS KYANG SHES RAB KYI PHA ROL TU PHYIN PA LA PHYAG 'TSAL NA, DUS GSUM GYI SANGS RGYAS THAMS CAD LA PHYAG 'TSAL BA DANG 'DRA'O ZHES 'BYUNG BA'I PHYIR BSOD NAMS KYI TSOGS BSAGS PA DANG, MCHOD PA'I PHYIR PHYAG 'TSAL BA'O, ,DA NI GZHUNG STE, SHES RAB KYI PHA ROL TU PHYIN PA 'DI LA MGO MJUG TU DON RNAM PA BDUN GYIS GSAL BAR BSHAD DE, DE YANG GANG ZHE NA, GLENG GZHI DANG, SHES RAB LA 'JUG PA DANG, STONG PA NYID KYI MTSAN NYID DANG, SHES RAB KYI SPYOD YUL DANG, SHES RAB KYI YON TAN DANG, SHES RAB KYI 'BRAS BU DANG, SHES RAB KYI GZUNGS SO, ,DE LA GLENG GZHI NI 'DI SKAD BDAG GIS THOS PA ZHES BYA BA NAS, THABS CIG TU BZHUGS TE ZHES BYA BA'I BAR DU'O, ,SHES RAB LA 'JUG PA NI PHUNG PO LNGA YANG RANG BZHIN GYIS STONG PAR BLTA'O ZHES BYA BA'I BAR DU'O, ,STONG PA NYID KYI MTSAN NYID NI THOB PA YANG MA YIN, MA THOB PA YANG MA YIN ZHES BYA BA'I BAR DU'O, ,SHES RAB KYI SPYOD YUL NI THOB PA MED PAR SHES RAB KYI PHA ROL TU PHYIN PA LA GNAS SHING SPYOD DO ZHES BYA BA'I BAR DU'O, ,SHES RAB KYI YON TAN NI MYA NGAN LAS 'DAS PA'I MTHAR PHYIN TO ZHES BYA BA'I BAR DU'O, ,SHES RAB KYI 'BRAS BU NI BYANG CHUB TU MNGON PAR RDZOGS PAR SANGS RGYAS SO ZHES BYA BA'I BAR DU'O, ,SHES RAB KYI GZUNGS NI MJUG GI SNGAGS YAN CHAD DO, ,DA NI GLENG GZHI'I DON BSHAD DE, 'DI SKAD BDAG GIS THOS PA ZHES BYA BA NI THEG PA CHEN PO'I MDO SDE THAMS CAD 'PHAGS PA 'JAM DPAL GYIS GSAN TE, BSDUS PAS NA BDAG GIS THOS PA ZHES BYA'O, ,DE LA 'DI SKAD CES BYA BA NI SHES RAB KYI SNYING PO'I RNAM GRANGS JI SNYED BRJOD PA NYID DO, ,BDAG GIS THOS PA ZHES BYA BA NI BCOM LDAN 'DAS KYI ZHABS KYI DRUNG NAS MNYAN TE, DPAL GYI MGUR NAS GSUNGS PA MNGON SUM DU RNA BA'I DBANG POS THOS PA'O, ,DUS GCIG NA ZHES BYA BA NI SHES RAB KYI SNYING PO DUS GZHAN NA BSHAD PA LA MI BYA'O, ,BCOM LDAN 'DAS KYIS RGYAL PO'I KHAB NA 'KHOR 'DI RNAMS LA LAN CIG KHO NA ZHIG BSHAD PA'I DUS LA BYA'O, ,BCOM @282A *, ,LDAN 'DAS ZHES BYA BA NI DE LA STON PA NI SU ZHIG YIN, YUL NI GANG ZHIG NA, 'KHOR NI GANG GANG YIN, 'DUS NAS DON CI ZHIG MDZAD DE, STON PA NI SANGS RGYAS BCOM LDAN 'DAS, YUL NI RGYAL PO'I KHAB KYI BYA RGOD PHUNG PO'I RI LA, 'KHOR NI DGE SLONG GI DGE 'DUN CHEN PO DANG; BYANG CHUB SEMS DPA' SEMS DPA' CHEN PO RNAMS SO, ,'DUS NAS DON CI ZHIG MDZAD CE NA, SHES RAB KYI PHA ROL TU PHYIN PA'I SNYING PO 'DI STON TO, ,DE LA TSIG GNYER BSHAD PA NI GONG MA DANG 'DRA, RGYAL PO'I KHAB BYA RGOD KYI PHUNG PO'I RI LA ZHES BYA BA NI RGYAL PO GZUGS CAN SNYING PO'I YON TAN LAS GRAGS TE, YUL LJONGS KYI GRONG KHYER SPYI'I MING DU BTAGS PA'O, ,BYA RGOD KYI PHUNG PO'I RI ZHES BYA BA NI YUL LJONGS DE RGYA CHE BAS BYA RGOD PHUNG PO'I RI STE MTHO LA BYA MANG PO 'DU BA'I PHYIR MING DU BTAGS PA'O, ,DGE SLONG GI DGE 'DUN CHEN PO ZHES BYA BA NI MTHU CHE BA DANG GRANGS MANG BA'O, , BYANG CHUB SEMS DPA'I DGE 'DUN CHEN PO ZHES PA NI THAMS CAD KYANG SHES RAB KYI PHA ROL TU PHYIN PA'I DON PHUN SUM TSOGS PA MNGON SUM DU CHUD CING GZHAN YANG SHES RAB KYI PHA ROL TU PHYIN PA LA 'JOG PA'I BYANG CHUB SEMS DPA' MANG PO'O, ,THABS CIG TU BZHUGS TE ZHES BYA BA NI BCOM LDAN 'DAS 'KHOR MANG POS BSKOR TE BZHUGS PA'O, ,'DI YAN CHAD NI GLENG GZHI'O, ,DA NI SHES RAB LA 'JUG PA'I DON GYIS BSHAD DE, DE'I TSE BCOM LDAN 'DAS CHOS KYI RNAM GRANGS ZAB MO SNANG BA ZHES BYA BA'I TING NGE 'DZIN LA SNYOMS PAR ZHUGS SO ZHES BYA BA NI, DE LA BCOM LDAN 'DAS 'KHOR DE DAG DANG, SEMS CAN THAMS CAD LA THUGS BRTZE ZHING BYIN GYIS BRLAB PA'I PHYIR SNYOMS PAR ZHUGS PA'O, ,DE LA CHOS KYI RNAM GRANGS ZAB MO SNANG BA ZHES BYA BA NI CHOS KYI GZHUNG 'DIS CHOS THAMS CAD DMIGS PA DANG MTHA' THAMS CAD LAS 'DAS PAR STON CING MKHYEN PA'I PHYIR ZAB MO SNANG BA ZHES BYA'O, ,TING NGE 'DZIN LA SNYOMS PAR ZHUGS ZHES BYA BA NI ZAB MO DE NYID LA MNYAM PAR GZHAG PA'O, ,YANG DE'I TSE BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS KYI DBANG PO SHES RAB KYI PHA ROL TU PHYIN PA ZAB MO SPYOD PA @282B 'DI NYID LA RNAM PAR RTOG CING, PHUNG PO LNGA PO DE NYID LA YANG RANG BZHIN GYIS STONG PAR BLTA'O ZHES PA LA, YANG DE'I TSE ZHES PA NI 'KHOR 'DUS PA DANG SNYOMS PAR ZHUGS PA'I DUS NA'O, ,'PHAGS PA SPYAN RAS GZIGS KYI DBANG PO RANG BZHIN GYIS STONG PAR BLTA'O ZHES PA'I BAR DU NI 'PHAGS PA SPYAN RAS GZIGS KYI DBANG PO 'KHOR DE RNAMS DANG, SEMS CAN THAMS CAD LA THUGS BRTZE BA'I PHYIR SHES RAB KYI PHA ROL TU PHYIN PA ZAB MO NYID LA RNAM PAR RTOG CING PHUNG PO DE DAG KYANG MI DMIGS PA'I RANG BZHIN STONG PA NYID LAS GZHAN DU GYUR PA GANG YANG MED DO ZHES BYA BAR DGONGS PA'O, ,PHUNG PO LNGA ZHES BYA BA NI GZUGS KYI PHUNG PO NI DBU BA'I GONG BU LTA BU'O, ,TSOR BA NI CHU BUR LTA BU'O, ,'DU SHES NI SMIG RGYU LTA BU'O, ,'DU BYED NI CHU SHING LTA BU'O, ,RNAM PAR SHES PA NI SGYU MA LTA BU'O, ,RANG BZHIN GYIS STONG PA ZHES PA NI PHUNG PO LNGA PO DE DAG RANG BZHIN GYI MTSAN NYID KYIS STONG PA NYID DE, MTHA' THAMS CAD LAS 'DAS SHING MTSAN NYID MED PA'I PHYIR STONG PA NYID DO, ,DE NAS TSE DANG LDAN PA SH'A RI'I BUS SANGS RGYAS KYI MTHUS BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS KYI DBANG PO LA 'DI SKAD CES SMRAS SO ZHES PA NI NYAN THOS CHEN PO'I NANG NA SHES RAB KYI MCHOG TU GYUR PA'I SH'A RI'I BUS DE BZHIN GSHEGS PA'I BYIN GYI RLABS KYIS 'PHAGS PA SPYAN RAS GZIGS KYI DBANG PO LA DRIS SO, ,RIGS KYI BU GANG LA LA SHES RAB KYI PHA ROL TU PHYIN PA ZAB MO SPYOD PA SPYAD PAR 'DOD PA DES JI LTAR BSLAB PAR BYA ZHES BYA BA LA; RIGS KYI BU ZHES BYA BA NI THEG PA CHEN PO'I GSUNG RAB LAS SKYES TE, DE BZHIN GSHEGS PA'I SRAS SU GYUR PA'O, ,GANG LA LA ZHES PA NI THEG PA CHEN PO LA ZHUGS PA GANG SU YANG RUNG BA'O, ,SHES RAB KYI PHA ROL TU PHYIN PA LA SPYOD PA ZHES BYA BA NI SHES RAB KYI PHA ROL TU PHYIN PA SPYOD PAS CHOS THAMS CAD KYI DE BZHIN NYID ZAB MO BRJOD DU MED PAR SPYOD PA'O, ,SPYAD PAR 'DOD PA DES JI LTAR BSLAB PAR BYA ZHES PA NI SHES RAB KYI PHA ROL TU PHYIN PA'I DON SPYAD PAR 'DOD PA DES JI LTA BU ZHIG TU SHES PAR BYA ZHING BSLAB PAR BYA ZHES DRIS PA'O, DE SKAD CES SMRAS PA DANG, BYANG @283A *, ,CHUB SEMS DPA' SEMS DPA' CHEN PO 'PHAGS PA SPYAN RAS GZIGS KYI DBANG POS TSE DANG LDAN PA SH'A RI'I BU LA 'DI SKAD CES SMRAS SO ZHES PA NI DRIS PA'I LAN SMRAS PA'O, ,SH'A RI'I BU RIGS KYI BU 'AM RIGS KYI BU MO GANG LA LA SHES RAB KYI PHA ROL TU PHYIN PA ZAB MO SPYAD PA SPYOD PAR 'DOD PA NGES 'DI LTAR BRTAG PAR BYA STE ZHES PA NI, SHES RAB KYI PHA ROL TU PHYIN PA LA SPYAD PAR 'DOD PA DES 'OG TU BSHAD PA'I DON BZHIN DU BRTAG PAR BYA'O ZHES PA'O, ,PHUNG PO LNGA PO DE DAG KYANG RANG BZHIN GYIS STONG PAR YANG DAG PAR RJES SU BLTA'O ZHES PA NI PHUNG PO LNGA PO DE DAG NI RANG BZHIN GYIS STONG PA NYID DO, ,MTSAN NYID MED PAS SNGON GYI DUS NAS MA SKYES, DA LTAR GYI DUS NA MI GNAS, MA 'ONGS PA'I DUS NA MI 'GAG STE, DUS THAMS CAD DU SKYE BA DANG, GNAS PA DANG, 'GAG PAR MA GYUR PAS MI GNAS PA'I RANG BZHIN BRJOD DU MED PAS NA STONG NYID DO, , BLTA'O ZHES PA NI YANG DAG PA JI LTA BA BZHIN DU BLTA'I, DE LAS GZHAN PA GANG DU YANG MI BLTA'O ZHES PA'O, ,'DI YAN CHAD NI SHES RAB LA 'JUG PA'O, ,DA NI STONG PA NYID KYI MTSAN NYID KYI DON GYIS BSHAD DE, GZUGS STONG PA'O, ,STONG PA NYID KYANG GZUGS SO ZHES PA LA, DE LA GZUGS SO ZHES PA NI STONG PA NYID KYI RANG BZHIN KHONG DU MA CHUD PAS 'KHRUL PA'I SEMS KYIS GZUGS SU MTHONG ZHING RTOG PA'AM, TSIG GIS THA SNYAD DU 'DOGS PA'O, ,STONG PA'O ZHES BYA BA NI GZUGS KYI RANG BZHIN STONG PA NYID YIN PAS SNGA MA 'DAS PA'I DUS NA YANG MTSAN NYID MED PAS DMIGS SU MED, DA LTAR DANG MA 'ONGS PA'I DUS NA YANG MTSAN NYID MED DE, DMIGS SU MED PAS MTHA' THAMS CAD DANG DNGOS PO THAMS CAD MI GNAS PA'I PHYIR STONG PA NYID CES BYA'O, ,STONG PA NYID KYANG GZUGS SO ZHES BYA BA NI STONG PA NYID KYANG DMIGS SU MED PA'I RANG BZHIN LA GZUGS SO ZHES TSIG GI THA SNYAD DU BTAGS LA, DE GUD NA MI GNAS PA'I PHYIR STONG PA NYID KYANG GZUGS SO, ,GZUGS LAS STONG PA NYID GZHAN MA YIN, STONG PA NYID LAS KYANG GZUGS GZHAN MA YIN NO ZHES PA NI GZUGS GANG YIN PA DE NYID BRJOD DU MED PA'I STONG PA NYID YIN @283B GYI; GZUGS SPANGS TE STONG PA NYID BTZAL DU MI RNYED PAS NA GZUGS LAS STONG PA NYID GZHAN MA YIN ZHES BYA'O, ,BRJOD DU MED PA'I STONG PA NYID GANG YIN PA DE NYID LA GZUGS SO ZHES TSIG GI THA SNYAD DU BTAGS PA GUD NA MI 'DUG CING MI RNYED PA'I PHYIR STONG PA NYID LAS KYANG GZUGS GZHAN MA YIN ZHES BYA'O, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA RNAMS STONG PA'O ZHES PA NI GZUGS LA JI LTAR BSHAD PA BZHIN DU PHUNG PO LHAG MA RNAMS KYANG DE DANG 'DRA BAR BLTA'O, ,SH'A RI'I BU DE BZHIN DU CHOS THAMS CAD KYANG STONG PA NYID DE ZHES BYA BA LA, SH'A RI'I BU ZHES PA NI MA YENGS PAR LEGS PAR NYON CIG CES BOD PA'I TSIG GO, DE BZHIN DU CHOS THAMS CAD STONG PA NYID NI PHUNG PO LNGA LA JI LTAR BSHAD PA LTAR GZHAN YANG SKYE MCHED DRUG NAS, RNAM PA THAMS CAD MKHYEN PA'I BAR DU 'JIG RTEN LAS 'DAS PA'I CHOS THAMS CAD KYANG STONG PA NYID DU SHES PAR GYIS SHIG PA'O, ,MTSAN NYID MED PA ZHES PA NI NAM MKHA' LA MTSAN NYID MED PA LTAR NYON MONGS PA'I MTSAN NYID KYANG MED RNAM PAR BYANG BA'I MTSAN NYID KYANG MED PA'O, ,MI SKYE MI 'GAG PA ZHES PA NI DA LTAR SKYES PA NI SNGON MED PA LAS PHYIS YOD PAR GYUR PA'O, ,'GAG PA NI SNGON YOD PA LAS PHYIS MED PAR GYUR PA'O, ,STONG PA NYID NI DMIGS SU MED PAS SNGON NAS MA SKYES PA'O, ,MA SKYES PAS NA PHYIS MI 'GAG PA'O, ,DRI MA MED PA DANG, DRI MA DANG BRAL BA MED PA ZHES BYA BA LA, DRI MA ZHES BYA BA NI RNAM PAR SHES PA RNAMS KYIS GZUNG 'DZIN DU SPYOD PA'O, ,STONG PA NYID NI RNAM PAR SHES PA LAS 'DAS PAS DRI MA MED PA'O, ,DRI MA DANG BRAL BA MED PA NI DRI MA MED PAS BRAL BA YANG MED PA'O, ,BRI BA MED PA GANG BA MED PA'O ZHES BYA BA LA, BRI BA ZHES BYA BA NI SEMS CAN NO, ,GANG BA ZHES BYA BA NI SANGS RGYAS SO, ,MED PA ZHES PA NI SEMS CAN DANG SANGS RGYAS BCAL DU YANG MI RNYED PAS BRI BA DANG GANG BA MED PA'O, ,DE LTAR NA STONG PA NYID NI GZUGS MA YIN ZHES BYA BA LA, GZUGS NI GZHIG PAR BYA BA'I MTSAN NYID YIN GYI, STONG PA NYID LA MTSAN NYID MED PA'I PHYIR STONG PA NYID NI GZUGS MA YIN NO, ,TSOR BA MA YIN, DE BZHIN DU TSOR BA NI MYONG BA'I @284A *, ,MTSAN NYID 'DU SHES MA YIN, 'DU SHES NI 'DZIN PA'I MTSAN NYID, 'DU BYED MA YIN, 'DU BYED NI MNGON PAR 'DU BYED PA'I MTSAN NYID, RNAM PAR SHES PA RNAMS MA YIN, RNAM PAR SHES PA NI SO SOR BYE BRAG 'DZIN PA'I MTSAN NYID YIN GYI, STONG PA NYID NI DMIGS SU MED PAS RNAM PAR SHES PA RNAMS MA YIN NO, ,RNAMS MA YIN ZHES PA NI PHUNG PO LNGA RNAMS NI ZAG PA DANG BCAS PA'I MTSAN NYID YIN GYI, STONG PA NYID NI PHUNG PO LNGA RNAMS MA YIN NO, ,MIG MA YIN, DE LA MIG NI MTHONG BA'I MTSAN NYID YIN GYI, STONG PA NYID LA MTSAN NYID MED PAS STONG PA NYID MIG MA YIN NO, ,RNA BA MA YIN, DE BZHIN DU RNA BA NI THOS PA'I MTSAN NYID DO, ,SNA MA YIN, SNA NI SNOM PA'I MTSAN NYID, LCE MA YIN, LCE NI RO MYANG BA'I MTSAN NYID, LUS MA YIN, LUS NI REG PA'I MTSAN NYID, YID MA YIN, YID NI BYE BRAG GCOD PA'I MTSAN NYID YIN GYI; STONG PA NYID NI MTSAN NYID MED PAS YID MA YIN NO, ,DE LTAR DBANG PO DRUG PO NI 'DZIN PA'I MTSAN NYID YIN GYI, STONG PA NYID NI MTSAN NYID MED PAS DBANG PO DRUG RNAMS MA YIN NO, ,GZUGS MA YIN, GZUGS NI KHA DOG DANG DBYIBS KYI MTSAN NYID YIN GYI, STONG PA NYID NI MTSAN NYID MED PAS GZUGS MA YIN NO, ,SGRA MA YIN, DE BZHIN DU SGRA NI SNYAN MI SNYAN GYI MTSAN NYID, DRI MA YIN, DRI NI SNOM PA'I MTSAN NYID, RO MA YIN, RO NI BRO BA'I MTSAN NYID, REG BYA MA YIN, REG BYA NI REG PA 'JAM RTZUB KYI MTSAN NYID, CHOS MA YIN, CHOS NI BYE BRAG GI RNAM PA'I MTSAN NYID YIN GYI, STONG PA NYID NI MTSAN NYID MED PAS CHOS MA YIN NO, ,DE LTAR NA YUL RNAMS NI DMIGS PAR BYED PA'I RKYEN GYI MTSAN NYID YIN GYI, STONG PA NYID NI MTSAN NYID MED PAS YUL RNAMS MA YIN NO, ,MIG GI KHAMS MA YIN PA NAS, YID KYI KHAMS MA YIN, YID KYI RNAM PAR SHES PA'I KHAMS KYI BAR DU YANG MA YIN NO, ,DE LA KHAMS BCO BRGYAD NI GDUG PA'I MTSAN NYID YIN GYI, STONG PA NYID NI MTSAN NYID MED PAS KHAMS BCO BRGYAD MA YIN NO, ,MA RIG PA MA YIN PA NAS RGA SHI MA YIN, MA RIG PA ZAD PA NAS RGA SHI ZAD PA'I BAR DU MA YIN NO, ,MA RIG PA NAS RGA SHI'I @284B BAR DU RTEN 'BREL BCU GNYIS NI 'KHOR BA 'DZIN PA'I MTSAN NYID YIN GYI, STONG PA NYID NI MTSAN NYID MA YIN PAS MA RIG PA NAS RGA SHI'I BAR DU MA YIN NO, ,MA RIG PA ZAD PA NAS, RGA SHI ZAD PA'I BAR DU RNAM PAR BYANG BA'I MTSAN NYID YIN GYI, STONG PA NYID NI MTSAN NYID MED PAS MA RIG PA ZAD PA NAS RGA SHI ZAD PA'I BAR DU MA YIN NO, ,SDUG BSNGAL BA DANG, KUN 'BYUNG BA DANG, 'GOG PA DANG LAM YANG MA YIN NO, ,SDUG BSNGAL NI NYON MONGS PA'I MTSAN NYID, KUN 'BYUNG BA NI NYE BAR LEN PA'I MTSAN NYID, 'GOG PA NI ZHI BA'I MTSAN NYID, LAM NI SHES PA'I MTSAN NYID YIN GYI, STONG PA NYID LA MTSAN NYID MED PA'I PHYIR STONG PA NYID BDEN PA BZHI MA YIN NO, ,YE SHES MA YIN, YE SHES NI CHOS THAMS CAD MNGON SUM DU GYUR PA'I MTSAN NYID YIN GYI, STONG PA NYID LA MTSAN NYID MED PAS YE SHES MA YIN NO, ,THOB PA MA YIN, MA THOB PA YANG MA YIN NO, ,THOB PA NI BLA NA MED PA YANG DAG PAR RDZOGS PA'I BYANG CHUB BO, , MA THOB PA NI SEMS CAN GYIS BLA NA MED PA MA THOB PA'O, ,MA YIN NO ZHES PA NI STONG PA NYID KYI MTSAN NYID LA BLA NA MED PA'I BYANG CHUB KYANG MED, SEMS CAN YANG MED PAS THOB PA YANG MA YIN, MA THOB PA YANG MA YIN NO, ,RNAM GRANGS DES NA CHOS THAMS CAD NI RANG BZHIN GYIS STONG PA NYID DE, STONG PA NYID NI DE LTA BU YIN NO ZHES BSTAN PA'I PHYIR RO, ,'DI YAN CHAD NI STONG PA NYID KYI MTSAN NYID DO, ,DA NI SHES RAB KYI SPYOD YUL GYI DON GYIS BSHAD DE, SH'A RI'I BU DE LTAR BYANG CHUB SEMS DPA' THOB PA MED PAR SHES RAB KYI PHA ROL TU PHYIN PA LA GNAS SHING SPYOD DE ZHES PA LA, MA CHUD PA LA CHUD DO SNYAM PA 'BYUNG BA'I PHYIR SHES RAB KYI PHA ROL TU PHYIN PA'I SPYOD YUL 'DI TZAM ZHIG DANG LDAN NA STONG PA NYID DU SPYOD PA'I MTSAN MAR BSHAD PA DE LTAR ZHES PA NI CHOS THAMS CAD STONG PA NYID DU GYUR PA'I PHYIR RO, ,BYANG CHUB SEMS DPA' RNAMS THOB PA MED PAR SHES RAB KYI PHA ROL TU PHYIN PA LA SPYOD CES PA NI THOG PA CHEN PO LA ZHUGS PA'I BYANG CHUB SEMS DPA' RNAMS KYIS PHUNG PO LNGA NAS THAMS CAD MKHYEN PA'I BAR DU CI YANG THOB PA MED PAR SHES SHING CHOS GANG YANG RDUL TZAM RJES SU MI MTHONG BAR SHES RAB KYI PHA ROL TU PHYIN PA LA SPYAD PAR BYA'O, ,CHOS THAMS CAD STONG PA STE, MI GNAS PA'I RANG @285A *, ,BZHIN YIN YANG DE LTAR MI SHES PA'I MA RIG PA'I 'KHRUL PA'I SEMS KYIS MUN PAR GYUR PAS SRID PA'I RGYA MTSOR 'KHOR ZHING 'KHYAM MO, ,'KHRUL PA'I SEMS DE NYID CI YIN ZHES SHES RAB RNAM GSUM GYIS BRTAGS NA, SEMS NI DMIGS SU MED PAS NYON MONGS PA YANG MI MTHONG, RNAM PAR BYANG BAR YANG MI MTHONG, PHUNG PO LNGA NAS RNAM PA THAMS CAD MKHYEN PA'I BAR DU YANG MI MTHONG NGO, ,STONG PA NYID DANG, MTSAN NYID MED PA DANG, MI SKYE BA DANG, MI 'GAG PA LA SOGS PA YANG MI MTHONG, SHES RAB NYID KYANG YANG DAG PAR RJES SU MI MTHONG, CI YANG MTHONG BA MED PA DE NI SEMS KYI NGO BO NYID MTHONG BA'O, ,DE LTAR SEMS KYI NGO BO NYID MTHONG BA DE NI BYANG CHUB MTHONG NGO, ,GANG BYANG CHUB MTHONG BA DE NI CHOS NYID KYIS SANGS RGYAS MTHONG BA'O, ,CHOS NYID KYIS SANGS RGYAS MTHONG BA DES NI BDAG NYID BLA NA MED PA'I BYANG CHUB TU MNGON PAR RDZOGS PAR SANGS RGYAS SO, ,SKABS 'DIR NI THE TSOM PAS SMRAS PA, DE LTAR CI YANG MED PA SHA STAG TU BSHAD PAS MU STEGS CAN CHAD PAR LTA BA DANG, NYAN THOS ZHI BA'I 'GOG PA'I NANG DU LTUNG BAR MI 'GYUR RAM ZHE NA, LAN DU SMRAS PA, DE LTAR MI 'GYUR TE MI DMIGS PA'I TSUL GYIS SEMS CAN GYI DON BYED CING BLA NA MED PA'I BYANG CHUB TU BSNGO BA DANG, PHA ROL TU PHYIN PA DRUG LA SOGS PA MI DMIGS PA'I TSUL GYIS SPYOD PAR BYED PAS DE LTAR SKYON DU MI 'GYUR RO, ,'DI YAN CHAD NI SHES RAB KYI SPYOD YUL LO, ,DA NI SHES RAB KYI YON TAN GYIS BSHAD DE, SEMS LA SKRAG PA MED PAS SGRIB PA MED DE; PHYIN CI LOG LAS SHIN DU 'DAS NAS MYA NGAN LAS 'DAS PA'I MTHAR PHYIN TO ZHES BYA BA LA, SHES RAB KYI PHA ROL TU PHYIN PA'I STONG PA NYID DON LA THOS PA DANG, BSAM PA DANG, BSGOM PA'I BAR DU MI SKRAG PAS, SEMS DANG, YID DANG, RNAM PAR SHES PA DANG, BAG CHAGS THAMS CAD ZLOG PAR BYED PAS NA, SEMS KYI SGRIB PA MED CES BYA'O, ,BYIS PA LTA BU'I SPYOD PA MU STEGS CAN DANG, NYAN THOS DANG, RANG SANGS RGYAS KYI SPYOD YUL LAS SHIN TU 'DAS NAS NYON MONGS PA'I SGRIB PA DANG, SHES BYA'I SGRIB PA THAMS CAD ZAD DE, MYA NGAN LAS 'DAS PA CHEN POR PHYIN TO,, @285B 'DI YAN CHAD NI SHES RAB KYI YON TAN NO, ,DA NI SHES RAB KYI 'BRAS BU'I DON GYIS BSHAD DE, DUS GSUM DU RNAM PAR GSHEGS PA'I SANGS RGYAS THAMS CAD KYANG SHES RAB KYI PHA ROL TU PHYIN PA LA GNAS NAS, BLA NA MED PA YANG DAG PAR RDZOGS PA'I SANGS RGYAS SU MNGON PAR SANGS RGYAS SO ZHES PA LA, PHYOGS BCU'I 'JIG RTEN GYI KHAMS NAS DUS GSUM DU GSHEGS PA'I SANGS RGYAS THAMS CAD KYANG SHES RAB KYI PHA ROL TU PHYIN PA ZAB MO 'DI 'DZIN, KLOG ,KHA TON BYED, SGOM, GZHAN LA STON CING SHES RAB KYI PHA ROL TU PHYIN PA LA SPYOD PAS BLA NA MED PA'I BYANG CHUB TU MNGON PAR RDZOGS PAR SANGS RGYAS SO, ,DUS GSUM GYI SANGS RGYAS THAMS CAD KYANG, SHES RAB KYI PHA ROL TU PHYIN PAS BSKYED SHES RAB KYI PHA ROL TU PHYIN PA LAS BYUNG BAS NA SHES RAB KYI PHA ROL TU PHYIN PA NI SANGS RGYAS THAMS CAD KYI YUM DU GYUR PA'O, ,'DI YAN CHAD NI SHES RAB KYI 'BRAS BU'O, ,DA NI SHES RAB KYI GZUNGS KYI DON GYIS BSHAD DE, DE LTA BAS NA SHES RAB KYI PHA ROL TU PHYIN PA'I SNGAGS NI BDEN TE MA NOR BA'O ZHES PA LA, DE LTA BAS NA ZHES BYA BA NI, GONG DU GSUNGS PA YIN PAS NA DE LTA BAS NA ZHES BYA'O, ,SHES RAB KYI PHA ROL TU PHYIN PA'I SNGAGS BDEN TE MA NOR BA ZHES BYA BA NI SHES RAB KYI PHA ROL TU PHYIN PA'I DON RIG PAR SPYOD PA NI SNGAGS ZHES BYA STE, 'JIG RTEN GYI CHOS THAMS CAD KYANG BLA NA MED PA'I BYANG CHUB KYI THEG PA CHEN POR 'GYUR ZHING, BDAG DANG GZHAN YANG BLA NA MED PA'I BYANG CHUB TU 'TSANG RGYA BAS NA BDEN TE MA NOR BA ZHES BYA'O, ,RIG PA CHEN PO'I SNGAGS ZHES BYA BA NI SHES RAB KYI PHA ROL TU PHYIN PA'I DON RIG PA'I SNGAGS NI 'DOD CHAGS ZHE SDANG TIG MUG DANG, 'KHOR BA'I SDUG BSNGAL THAMS CAD BRJOD PA MED PA'I RANG BZHIN MED PAR STON PAS NA SHES RAB KYI PHA ROL TU PHYIN PA NI RIG PA CHEN PO'I SNGAGS SO, ,BLA NA MED PA'I SNGAGS ZHES PA NI, SHES RAB KYI PHA ROL TU PHYIN PA NI BLA NA MED PA'I BYANG CHUB TU 'GRUB PAR BYED PAS NA, BLA NA MED PA'I SNGAGS SO, ,MI MNYAM PA DANG MNYAM PA'I SNGAGS ZHES PA NI, SHES RAB KYI PHA ROL TU PHYIN PA NI 'JIG RTEN PA DANG, NYAN THOS DANG, RANG SANGS RGYAS KYI SPYOD PA DANG MI MNYAM ZHING, SANGS RGYAS @286A *, ,THAMS CAD KYI YE SHES DANG MNYAM PAR BYED PAS NA MI MNYAM DANG MNYAM PA'I SNGAGS SO, ,SDUG BSNGAL THAMS CAD RAB TU ZHI BAR BYED PA'I SNGAGS SU SHES PAR BYA STE ZHES BYA BA NI SHES RAB KYI PHA ROL TU PHYIN PA 'CHANG, KLOG ,KHA TON BYED PA DANG, TSUL BZHIN DU YID LA BYED CING, GZHAN LA 'CHAD PA NI MIG NAD LA SOGS PA NAD THAMS CAD MED PAR 'GYUR ZHING, PHYOGS BCU'I SANGS RGYAS DANG, LHA KLU LA SOGS PAS SKYOB PAR BYED, SHES RAB KYI PHA ROL TU PHYIN PA SPYOD PAS NGAN 'GRO DANG 'KHOR BA'I RGYA MTSO THAMS CAD ZLOG PAR BYED PAS NA SDUG BSNGAL THAMS CAD RAB TU ZHI BAR BYED PA'I SNGAGS SO, ,SHES RAB KYI PHA ROL TU PHYIN PA'I SNGAGS SMRAS PA, TAD YA TH'A, GA TE, GA TE, PA RA GA TE, PA RA SAm GA TE, BO DHI SV'A H'A ZHES PA LA, SHES RAB KYI PHA ROL TU PHYIN PA'I SNGAGS 'DI NI ZAB MO'I MCHOG THAMS CAD KYI DON BSDUS PA RANG BZHIN GYIS GRUB PAR BYED PAS BYIN GYIS BRLABS PA'I SNGAGS SU GSUNGS PA'O, ,SH'A RI'I BU BYANG CHUB SEMS DPA' SEMS DPA' CHEN POS DE LTAR SHES RAB KYI PHA ROL TU PHYIN PA ZAB MO LA BSLAB PAR BYA'O ZHES PA NI DUS GSUM GYI SANGS RGYAS THAMS CAD KYANG SHES RAB KYI PHA ROL TU PHYIN PA SPYAD PA LAS SANGS RGYAS PAS NA THEG PA CHEN PO LA 'JUG PA'I BYANG CHUB SEMS DPA' RNAMS KYIS KYANG SHES RAB KYI PHA ROL TU PHYIN PA LA BSLAB PAR BYA'O, ,DE NAS BCOM LDAN 'DAS TING NGE 'DZIN DE LAS BZHENGS TE ZHES PA NI, BCOM LDAN 'DAS ZAB MO'I TING NGE 'DZIN LA BZHUGS PA'I MTHUS SH'A RI'I BUS DRIS TE, SPYAN RAS GZIGS KYIS BSHAD NAS DE'I DON RDZOGS PA DANG TING NGE 'DZIN LAS BZHENGS SO, ,BYANG CHUB SEMS DPA' SEMS DPA' CHEN PO SPYAN RAS GZIGS KYI DBANG PO LA LEGS SO ZHES BYA BA BYIN NAS, LEGS SO LEGS SO ZHES PA NI SHES RAB KYI PHA ROL TU PHYIN PA'I SNYING PO'I DON SMRAS PA, SANGS RGYAS THAMS CAD KYIS GSUNGS PA DANG MTHUN TE, MA NOR BA'I PHYIR LEGS SO ZHES BSTOD PA'O, ,RIGS KYI BU DE DE BZHIN NO, ,RIGS KYI BU DE DE BZHIN TE, JI LTAR KHYOD KYIS SHES RAB KYI PHA ROL TU PHYIN PA ZAB MO BSTAN PA BZHIN DU SPYAD PAR BYA STE ZHES PA NI SPYAN RAS GZIGS KYIS JI @286B SKAD SMRAS PA DE SANGS RGYAS THAMS CAD KYIS GSUNGS PA DANG MTHUN PAS NA DE BZHIN NO, ,'PHAGS PA SPYAN RAS GZIGS KYIS SHES RAB KYI PHA ROL TU PHYIN PA BSTAN PA DE BZHIN DU, THEG PA CHEN PO LA ZHUGS PA'I BYANG CHUB SEMS DPA' RNAMS KYIS KYANG SPYAD PAR BYA'O, ,DE BZHIN GSHEGS PA YANG RJES SU YI RANG NGO ZHES PA NI, SPYAN RAS GZIGS KYIS BSHAD PA LA DE BZHIN GSHEGS PA RJES SU YI RANG BAR MDZAD NA, GZHAN GYIS THE TSOM MI ZA BA LTA CI SMOS ZHES PA'O, ,BCOM LDAN 'DAS DGYES SHING DE SKAD CES BKA' STZAL NAS ZHES PA NI SHES RAB KYI PHA ROL TU PHYIN PA SMRAS PA DES 'KHOR THAMS CAD KYANG SHES RAB KYI PHA ROL TU PHYIN PA'I DON RTOGS PAR GYUR NAS, THEG PA CHEN PO LA SGRIB PA MED PA'I PHYIR DGYES SHING DE SKAD CES BKA' STZAL PA'O, ,TSE DANG LDAN PA SH'A RI'I BU DANG, BYANG CHUB SEMS DPA' SPYAN RAS GZIGS KYI DBANG PO DANG, LHA DANG, MI DANG, LHA MA YIN DANG, DRI ZAR BCAS PA'I 'KHOR THAMS CAD BCOM LDAN 'DAS KYIS GSUNGS PA LA MNGON PAR DGA'O, ,BCOM LDAN 'DAS MA SHES RAB KYI PHA ROL TU PHYIN PA'I SNYING PO'I 'GREL PA SLOB DPON DZNY'A NA MI TRAS MDZAD PA RDZOGS SO,, ,, #, ,RGYA GAR SKAD DU, BHA GA BA TI PRA DZNY'A P'A RA MI T'A HRi DA YA AARTHA PRA D'I PA N'A MA t'I K'A, BOD SKAD DU, BCOM LDAN 'DAS MA SHES RAB KYI PHA ROL TU PHYIN PA'I SNYING PO'I 'GREL PA DON GYI SGRON MA ZHES BYA BA, BCOM LDAN 'DAS MA SHES RAB KYI PHA ROL TU PHYIN MA LA PHYAG 'TSAL LO, , GZHI DRAN PA MED PA THAMS CAD MKHYEN PA'I YE SHES DANG, LAM SKYE BA MED PA LAM GYI RNAM PAR SHES PA NYID DANG, 'BRAS BU BLO LAS 'DAS PA RNAM PA THAMS CAD MKHYEN PA NYID LA PHYAG 'TSAL LO, ,GANG SHES RAB KYI PHA ROL TU PHYIN PA LA PHYAG 'TSAL BA DE NI KUN MKHYEN YE SHES LA PHYAG 'TSAL BA YIN NO, ,'DI SKAD BDAG GIS THOS PA DUS GCIG NA, AE BAm MA YA, YI GE BZHI PO 'DI NI CHOS KYI PHUNG PO BRGYAD KHRI BZHI STONG GI 'BYUNG GNAS, PHUN SUM TSOGS PA THAMS CAD KYI GZHIR GYUR PA, SEMS NYID DANG CHOS NYID KYI NGO BO GCIG LA DRAN PA DANG, DRAN PA MED PA DANG, SKYE BA @287A *, ,MED PA DANG, BLO LAS 'DAS PA CHOS BZHI PO DUS GCIG PA LAS ZAB PA DANG, SNANG BA'I TSUL RNAM PA GNYIS KYIS THOS SO, ,DE YANG ZAB PA NI THOS PA DANG BSAM PA DANG BSGOM PA LAS 'DAS PA STE, DUS GSUM DU RNAM PAR BZHUGS PA'I SANGS RGYAS RNAMS DANG, KHAMS GSUM GYI SEMS CAN MA LUS PA'I CHOS KYI DBYINGS KYI NGO BO THA MI DAD PA'I SKAD CIG MA GCIG LA MNYAM PA NYID LA GNAS PA'I TSIG BLA DGAS SO, ,SNANG BA NI DRAN PA'I RNAM PA SEMS CAN RNAMS KYI LAS LA CHAGS PA'O, ,BCOM LDAN 'DAS NI NYON MONGS PA DANG SHES BYA'I SGRIB PA MA LUS PA BCOM NAS CHOS KYI SKU LA MYA NGAN LAS 'DAS PA'O, ,RGYAL PO'I KHAB NI KUN NAS NYON YONGS PA'I GNAS RNAMS KYI KHYAD PAR DU 'PHAGS TE, CHOS MA LUS PA SGYU MA DANG RMI LAM LTA BUS 'JIG RTEN PA'I CHO 'PHRUL SNA TSOGS BSTAN PA'I PHYIR RO, ,BYA RGOD PHUNG PO'I RI NI RNAM PAR BYANG BA'I CHOS RNAMS KYI KHYAD PAR DU 'PHAGS SHING STONG PA NYID LA GNAS PA'I SKYES BU'I BYA RNAMS ZIL GYIS GNON PAS SPUNGS PA YIN NO, ,DGE SLONG GI DGE 'DUN CHEN PO DANG NI NYON MONGS PA LAS BYOL NAS RANG RANG GI 'DOD PA'I SKAM SAR GNAS PA RNAMS SO, ,BYANG CHUB SEMS DPA'I DGE 'DUN CHEN PO NI SHES PA DANG SHES BYA LA SOGS PA MNYAM PA DANG BRAL NAS THAMS CAD JI LTA BA BZHIN DU MKHYEN PA RNAMS SO, ,THABS CIG TU BZHUGS TE NI DRAN PA SNA TSOGS THABS SU SHES SHING DRAN PAS MA GOS PA SHES RAB RNAM GSUM DANG MA BRAL BA ZAB MO'I CHOS NYID KYI SNOD DU GYUR PA RNAMS DANG THABS CIG GO, , DE'I TSE BCOM LDAN 'DAS ZAB MO SNANG BA ZHES BYA BA NI ZAB PA NI DRAN PA DANG RIG PA DANG BLO'I RNAM PA GANG GIS KYANG MA GOS PA, DPE DANG BRDAS MTSON DU MED PA YIN YANG NAM MKHA' LTAR MTHA' DBUS MED PA'I CHOS NYID DO, ,SNANG BA NI DRAN PA GLO BUR BA NAM MKHA' LA NAM GZHUG CHAD KA'I SBRANG BU RGYU BA LTAR MI RTAG PA DANG 'GYUR BA CAN YANG DAG PA MA YIN PA THUGS LA DGONGS PA'I PHYIR RO, ,CHOS KYI RNAM GRANGS NI ZAB PA DANG RGYA CHE BA'O, ,ZAB PA DANG RGYA CHE BA NI GCIG LA MA 'DRES PA DPER NA MTSO DANG BA LA NAM MKHA'I GZUGS BRNYAN MTHONG BA NI DKON NO, ,NYI MA DANG ZLA BA DANG SKAR MA LA SOGS PA'I GZUGS BRNYAN MTHONG BA NI @287B SHIN TU MANG NGO, ,DE BZHIN DU ZAB PA'I CHOS DRAN PA MED PA DANG, SKYE BA MED PA DANG, BLO'I SPYOD YUL MA YIN PA LA 'DRIS SHING YID CHES PA'I SKYES BU NI SHIN TU DKON NO, ,RGYA CHE BA'I CHOS DRAN PA'I RNAM GRANGS MI 'DRA BA LA CHAGS SHING YID CHES PA NI SHIN TU MANG NGO, ,TING NGE 'DZIN LA SNYOMS PAR ZHUGS PA NI ZAB PA DANG RGYA CHE BA CHOS KYI DBYINGS SU THA MI DAD PA STE, DPER NA MTSO DANG BA LA NAM MKHA'I GZUGS BRNYAN SHAR BA NA NYI MA DANG ZLA BA DANG SKAR MA LA SOGS PA'I GZUGS BRNYAN SHAR BA NI CHU BO'I NGO BOR GCIG PA BZHIN DU, DUS GSUM DU RNAM PAR BZHUGS PA'I SANGS RGYAS RNAMS KYI THUGS KYI DGONGS PA GCIG PA YIN NO, ,YANG DE'I TSE BYANG CHUB SEMS DPA' NI SANGS RGYAS NYID KYIS DGONGS PA'I ZAB MO'I CHOS NYID LA DGONGS NAS SEMS CAN RNAMS KYI DON DU THABS KYI SNANG BA LA GNAS PAS SO, ,SEMS DPA' CHEN PO NI DUS GSUM GYI SANGS RGYAS KYI DGONGS PA LA GNAS NAS SEMS CAN GYI KHAMS DPAG TU MED PA'I DON MDZAD PAS SO, ,'PHAGS PA SPYAN RAS GZIGS DBANG PHYUG NI 'JIG RTEN DANG 'JIG RTEN LAS 'DAS PA LAS 'PHAGS NAS RNAM PAR MI RTOG PA'I YE SHES KYI SPYAN GYIS GZIGS SHING DMIGS PA MED PA'I THUGS RJE MDA' BAS SO, ,SHES RAB KYI PHA ROL TU PHYIN PA NI SHES RAB NI PHYIN CI MA LOG PA'I SHES PA'O, ,PHA ROL TU PHYIN PA NI BLO'I SPYOD YUL LAS 'DAS PA'O, ,ZAB MO SPYOD PA NYID LA LTA ZHING NI DRAN PA'I RNAM PAS MA GOS PA LAS SNA TSOGS SHAR PAS SPYOD PA MA NGES PA LA LTOS PAS SO, ,PHUNG PO LNGA PO DE DAG LA YANG NI GZUGS KYI PHUNG PO LA SOGS PA'I ZAG PA DANG BCAS PA DE DAG DANG, TSUL KHRIMS KYI PHUNG PO LA SOGS PA ZAG PA MED PA'I PHUNG PO LNGA PO DAG LA'O, ,RANG BZHIN GYIS STONG PAR RNAM PAR LTA'O NI ZAG PA DANG BCAS PA'I PHUNG PO RNAMS 'DOR BAR 'DOD PA DANG, ZAG PA MED PA'I PHUNG PO RNAMS BLANG BAR 'DOD PA RNAMS LA RANG BZHIN MA GRUB PAR BSTAN PA'I PHYIR RO, ,DE NAS SANGS RGYAS KYI MTHUS TSE DANG LDAN PA SH'A RI'I BUS NI DUS GSUM GYI SANGS RGYAS KYI DGONGS PA ZAB MOS KHAMS GSUM GYI SEMS CAN GYI DRAN PA'I SNANG BA LA BYIN GYIS BRLABS PAS SPOBS PA MTHA' YAS PA SKYES SO, ,BYANG CHUB @288A *, ,SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA NI DUS GSUM GYI SANGS RGYAS KYI DGONGS PA ZAB MO 'BA' ZHIG LA MOS PA'I GANG ZAG RNAMS KYI DON LA DGONGS NAS DRI BAR BYA'O SNYAM DU BSAM PA SKYES PA'O, ,DE LA DGONGS NAS 'DI SKAD CES SMRAS SO; ,RIGS KYI BU 'AM RIGS KYI BU MO NI THEG PA CHEN PO PA'I RIGS CAN RNAMS SO, ,DE'I NANG NAS ZAB MO'I DON SHES RAB KYI PHA ROL TU PHYIN PA LA MOS SHING DAN DU GNYER BA RNAMS SO, ,DE YANG SEMS NYID GCIG PA LA RMI LAM LTAR THA DAD DU SNANG BA NI SKYES PA DANG BUD MED DO, ,GANG LA LA NI ZAB MO'I DON LA MA MOS SHING 'JIGS PA DANG SDANG BA DANG SKRAG PAR 'GYUR BA YANG YOD DO, ,LA LAS NI ZAB MO'I CHOS THOS PA TZAM GYI DGA' ZHING MGU LA SEMS BSKYED PA TZAM GYIS BLA NA MED PA'I BYANG CHUB THOB PA YANG YOD DO, ,SHES RAB KYI PHA ROL TU PHYIN PA ZAB MO SPYOD PA SPYAD PAR 'DOD PA DES NI BDAG DANG GZHAN MI DMIGS PA'I TSUL GYIS JI LTAR BSLAB PAR BYA ZHES DRIS SO, ,DE SKAD CES SMRAS PA DANG NI DRIS PA'I LAN GDAB PAR BYA'O ZHES DGONGS PA'I THA TSIG GO, ,GANG GIS DGONGS SHE NA, BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG GIS ZAB MO'I CHOS LA JI LTA BA BZHIN DU DGONGS NA SEMS CAN RNAMS KYI DON DU TSE DANG LDAN PA SH'A RI'I BU LA 'DI SKAD CES SMRAS SO, ,SH'A RI'I BU RIGS KYI BU 'AM RIGS KYI BU MO GANG LA LA NI ZAB MO DON DU GNYER BA RNAMS KYI DED DPON DU GYUR PA SH'A RI'I BU LA DMIGS NAS MDO GZHAN PA RNAMS NI SNYING PO MED PA SPUN PA'I RNAM PA LTA BU STE, GANG LA LA NI DRANG BA'I DON GYI MDO LA MOS PA DANG, LA LA NI NGES PA'I DON GYI MDO LA MOS PA RNAMS SO, ,SHES RAB KYI PHA ROL TU PHYIN PA 'DI DUS GSUM GYI SANGS RGYAS KYI THUGS KYI SNYING PO YIN PA DANG, DE BAS KYANG ZAB MO'I DON BLO'I SPYOD YUL MA YIN PAS, ZAB MO SPYAD PA SPYOD PAR 'DOD PA DES 'DI LTAR RNAM PAR BLTA BAR BYA STE NI DON ZAB MO'I CHOS NYID LA BLOS SPYAD PAR DKA' BAS SO, ,SNANG BA'I CHOS LA SPYAD PAS NI SNYING PO'I CHOS DANG MI PHRAD DO, ,DE BAS NA DRAN PA'I SNANG BA 'DI RNAMS RNAM PAR MA BYANG GI BAR DU SHES RAB KYI PHA ROL TU PHYIN PA'I SNYING PO'I DON RTOGS @288B PAR DKA' BAS PHUNG PO LNGA PO DE DAG KYANG RANG BZHIN GYIS STONG PAR YANG DAG PAR RJES SU BLTA'O, ,'O NA PHYIN CI MA LOG PA'I ZAB MO'I CHOS NYID DANG MA PHRAD PA'I PHYI ROL PA NI BDAG TU LTA BA DANG, BDAG MED PAR LTA BA RNAMS SO, ,DE YANG BDAG TU LTA BA NI RIG PA YANG DAG PAR YOD PAR KHAS LEN PA RNAMS SO, ,BDAG MED PA LA MOS PA NI RIG PA STONG PA GNYIS SU MED PAR SMRA BA RNAMS SO, ,DE YANG GANG ZAG DANG CHOS LA BDAG MED PAR LTA BA LA BLO GOMS PAR BYA BA'I DON DU PHYI DANG NANG THAMS CAD LA RDUL PHRA RAB TU GZHIG CING BLTAS PAS BDAG MA RNYED PA LA BLO GOMS PAR BYAS NAS MNYAM PA NYID LA GZHAG PA'I DUS SU CI YANG MI DMIGS CI YANG MI RTOG PA DE LA YUN RING DU SEMS GNAS PA THOB PAR BYA BA'I YUL DU BYAS PA NA SEMS DANGS SHING NYAMS DGA' BA LA DMIGS PA NI MNYAM PAR GZHAG PA'O, ,RJES LA THOB PA'I DUS SU CHOS THAMS CAD SGYU MA LTA BU DANG, RMI LAM LTA BU DANG SMIG RGYU LTA BU DANG, SGRA BRNYAN LTA BU DANG, CHU ZLA LTA BU DANG, 'JA' TSON LTA BU DANG, DRI ZA'I GRONG KHYER LTA BU DANG, MGAL ME BSKOR BA LTA BU DANG, SKRA SHAD 'DZINGS PA LTA BU DANG, DBANG PO'I DRA BA LTA BU DANG, SPRUL PA'I RNAM PA LA DMIGS NAS YID BYUNG ZHING SNA TSOGS STONG PA NYID DANG ZUNG DU 'JUG PA LA MOS PA'I GANG ZAG RNAMS KYI DON DU GZUGS STONG PA'O, ,STONG PA NYID GZUGS SO, ,GZUGS LAS KYANG STONG PA NYID GZHAN MA YIN NO, ,STONG PA NYID LAS KYANG GZUGS GZHAN MA YIN NO ZHES GSUNGS SO, ,GZUGS KYI PHUNG PO JI LTA BA DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA RNAMS STONG PA'O, ,RNAMS ZHES BYA BAS NI RNAM PAR SHES PA'I TSOGS BRGYAD KYANG STONG PA NYID DO, ,DE'I NANG NAS KUN GZHI RNAM PAR SHES PA ZAB CING PHRA BA DE DON DU GNYER BA YOD DE DE NI LEGS PA MA YIN NO, ,'DIS CI BSTAN ZHE NA, SNANG BA SNA TSOGS DRAN PAS YUL DU BYAS PA'I SGYU MA LTA BU'I TING NGE 'DZIN DBANG PO'I MNGON SUM GYIS GTAN LA PHAB PA'I CHOS THAMS CAD ZUNG DU 'JUG PA'I DRAN PA LA BRTEN PA SO SO'I SKYE BO'I CHOS BSTAN ZIN TO, ,DA NI ZAB MO'I CHOS NYID LA BRTEN PA SO SO'I SKYE BO'I SPYOD YUL MA YIN PA DRAN PA MED PA DANG, SKYE BA MED PA @289A *, ,DANG; BLO'I SPYOD YUL LAS 'DAS PA DE NI STONG PA NYID DANG, MTSAN MA MED PA DANG, SMON PA MED PA'I TING NGE 'DZIN GSUM PO NI YID KYI MNGON SUM DANG, RANG RIG PA'I MNGON SUM DANG, RNAL 'BYOR GYI MNGON SUM GYIS STONG PA NYID RAB TU MI GNAS PA DANG, BTANG SNYOMS RAB TU MI GNAS PA DANG, RGYUN CHAD RAB TU MI GNAS PA DANG GSUM GYIS RKYEN GSUM DANG BRAL BA'I SHES RAB RNAM GSUM GYI GDAMS NGAG NI, SH'A RI'I BU DE LTA BAS NA CHOS THAMS CAD STONG PA NYID DE, DE LA NI GZUGS MED, TSOR BA MED PA NAS RGA SHI ZAD PA'I BAR DU YANG MED DO ZHES PA'I BAR GYIS STONG PA NYID KYI TING NGE 'DZIN SPRUL PA'I SKU BSTAN NO, ,MTSAN NYID MED PA, MA SKYES PA, MA 'GAGS PA, SDUG BSNGAL BA DANG, KUN 'BYUNG BA DANG, 'GOG PA DANG, LAM MED, DES NI MTSAN MA MED PA'I TING NGE 'DZIN LONGS SPYOD RDZOGS PA'I SKU BSTAN TO, ,DRI MA MED PA, DRI MA DANG BRAL BA MED PA, BRI BA MED PA, GANG BA MED PA'O, ,YE SHES MED, THOB PA MED, MA THOB PA YANG MED DO, ,DES NI SMON PA MED PA'I TING NGE 'DZIN CHOS KYI SKU BSTAN TO, ,DE GSAL BAR BYED PA NI DRAN PAS MA GOS PA YID LA MA BYAS PA STONG PA NYID DO, ,DE YANG YID LAM BYAS PA'I STONG PA NYID LA GZUGS MED, TSOR BA MED, 'DU SHES MED, 'DU BYED MED, RNAM PAR SHES PA MED DO, ,GANG LA RNAM PAR SHES PA MED PA DE LA DRAN PA MED DO, ,GANG YID LA MA BYAS PA'I STONG PA NYID LA MIG MED, RNA BA MED, SNA MED, LCE MED, LUS MED, YID MED DO, ,GANG LA YID MED PA DE LA NI YID LA BYAR MED DE, GANG DRAN PA MED CING YID LA BYAR MED PA DE NI SANGS RGYAS RJES SU DRAN PA DANG, CHOS RJES SU DRAN PA DANG, DGE 'DUN RJES SU DRAN PA'O, ,GANG DKON MCHOG GSUM RJES SU DRAN PA DE NI RJES SU DRAN PA RNAMS KYI MCHOG GO, ,GANG DRAN PA MED CING YID LA BYA BA MED PA DE NI GTONG PA RJES SU DRAN PA DANG, TSUL KHRIMS RJES SU DRAN PA DANG, LHA RJES SU DRAN PA'O, ,GZUNG BA DANG 'DZIN PA MI DMIGS PA'I TSUL GYIS GTONG BA RJES SU DRAN PA'O, ,SKYE BA DANG 'JIG PA MI DMIGS PA'I TSUL GYIS TSUL KHRIMS RJES SU DRAN PA'O, ,SKU GSUM MI DMIGS PA'I @289B TSUL GYIS LHA RJES SU DRAN PA'O, ,GANG DRAN PA MED CING YID LA BYA BA MED PA'I STONG PA NYID DE LA NI GZUGS MED, SGRA MED, DRI MED, RO MED, REG BYA MED, CHOS MED DO, ,GANG LA CHOS MED PA DE LA NI 'DUS BYAS KYI CHOS DANG 'DUS MA BYAS KYI CHOS DANG, DGE BA'I CHOS DANG, MI DGE BA'I CHOS DANG, LUNG DU BSTAN PA'I CHOS DANG, LUNG DU MA BSTAN PA'I CHOS RNAMS MED DO, ,GANG DRAN PA MED CING YID LA BYA BA MED PA'I STONG PA NYID DE LA NI MIG GI KHAMS MED, MIG GI RNAM PAR SHES PA'I KHAMS MED PA NAS, YID KYI RNAM PAR SHES PA'I KHAMS KYI BAR DU YANG MED DO, ,GANG DRAN PA MED CING YID LA BYA BA MED PA'I STONG PA NYID DE LA NI MA RIG PA MED, MA RIG PA ZAD PA YANG MED PA NAS, RGA SHI MED, RGA SHI ZAD PA'I BAR DU YANG MED DO, ,GANG SKYE BA MED PA DE LA NI RGA SHI MED DO, ,GANG 'DU BA MED PA DE LA NI 'BRAL BA MED DO, ,GANG RNYED PA MED PA DE LA STOR BA MED DO, ,GANG BYAS PA MED PA DE LA 'JIG PA MED DO, ,GANG DRAN PA MED PA DE LA BRJOD PA MED DO, ,GANG RTAG PA MED PA DE LA CHAD PA MED DO, ,'DIS NI STONG PA NYID RAB TU MI GNAS PA STONG PA NYID KYI TING NGE 'DZIN YID KYI MNGON SUM GYIS GTAN LA PHAB PA BSTAN TO, ,DA NI KUN NAS NYON MONGS PA'I CHOS RNAMS DANG, RNAM PAR BYANG BA'I CHOS RNAMS KYI BDEN PA BZHI MI GNAS PAS NA BTANG SNYOMS RAB TU MI GNAS PA'I MTSAN MA MED PA'I TING NGE 'DZIN RANG RIG PA'I MNGON SUM GYIS GTAN LA DBAB PAR BYA'O, ,DE LA BTANG SNYOMS NI MNYAM PA NYID DO, ,MNYAM PA NYID GANG YIN PA DE LA NI DUS GSUM MI DMIGS PAS SO, , DE YANG MNYAM PA NYID NI MI DMIGS PA GANG GIS KYANG MA GOS PAS MING TZAM MO, ,DE'I PHYIR MTSAN NYID MED PA NI KUN NAS NYON MONGS PA'I MTSAN NYID NI DRAN PA 'DI YIN NO, ,RNAM PAR BYANG BA'I MTSAN NYID NI DRAN PA MED PA'I DBYINGS YIN NO, ,DE GNYIS MI RGYUN DRAN PA RDUL TZAM YANG MED NA DRAN PA MED PAR 'GYUR BA LTA GA LA YOD, DRAN PA'I CHOS RNAMS KYANG MI RGYU LA DRAN PA MED PA'I CHOS RNAMS KYANG MI RGYU BAS SKYE BA MED CING 'GAG PA MED PA'O, ,DE YANG ZAB MO'I CHOS NYID MA RIG PA LAS DRAN PA'I RNAM PA NI KUN 'BYUNG PA'O, ,DE DAG MED BZHIN DU YOD PAR MTHONG BAS SDUG BSNGAL BA'O,, @290A *, ,YOD PA DANG MED PA'I CHOS GNYIS KA MED PAR MA SHES PAS NI SBYANG BYA DANG SPYOD BYED LAM GYI RNAM PA'O, ,LAM GYI RNAM PA GOMS PA LAS 'BRAS BU CHOS KYI SKU MNGON DU 'GYUR BA'I 'GOG PA THOB BYA THOB BYED KYI YUL LAS 'DAS PA YIN PAS SDUG BSNGAL BA DANG, KUN 'BYUNG BA DANG, 'GOG PA DANG, LAM MED CES GSUNGS SO, ,DE'I PHYIR SBYANG BYA DANG SPYOD BYED MA GRUB PAS NI CHOS THAMS CAD SGYU MA LTA BU DANG, RMI LAM LTA BUR GSUNGS SO, ,SBYANG BYA NI DRAN PA 'DI KHO NA'O, ,DE YANG BTAGS PAS SGYU MA DANG RMI LAM DANG 'DRA LA RANG BYUNG RANG ZHI BA YIN YANG, BDE BA DANG RIG PA DANG STONG PA NYID SNYING RJE'I SGRON MA SPAR NAS SGOM PA NI THABS KYI SNYING PO LA BRDA'I MTSAN MA TZAM DU SHES PAR BYA'O, ,DES BRDA BYAS NAS DE LAS GZHAN DRAN PA MI RGYU BA DE LA NI SHES RAB KYI RNAM PA TZAM DU SHES PAR BYA'O, ,DE GNYIS LAS GZHAN MA SKYES PA NI PHA ROL TU PHYIN PA TZAM DU SHES PAR BYA'O,, DE DAG LAS GZHAN GANG GI BLO YANG MA SHAR BA DE NI SHES RAB KYI PHA ROL TU PHYIN PA'I SNYING PO ZHES BYA'O, ,DE'I PHYIR SNYING PO'I DON GYI GDAMS NGAG NI DRAN PA MA LUS PA SGYU MA LTA BU'I DON DANG, DRAN PAS MA GOS PA STONG PA NYID KYI DON DANG, DRAN PA DANG DRAN PA MED PAS MA GOS PA MTSAN MA MED PA'I DON DANG, SKYE BA MED PAS MA GOS PA SMON PA MED PA'I DON YIN PAS SO, ,GDAMS NGAG GI RGYUN MI 'CHAD PA'I BSAM GTAN BSTAN PAS SO, ,DE LTAR GNAS PA'I BSAM GTAN NGO SHES PA'I SKYES BU RNAMS DANG, DE LTAR NGO MA SHES PA'I SKYES BU RNAMS SO, ,DPER NA CHU KHAMS GSER DANG NAM MKHA' BZHIN DU RANG BZHIN GYIS RNAM PAR DAG PA LA GLO BUR GYI DRI MAS MA GOS PA'O, ,DE LA MTSO SHIN TU DANG BA LA ZLA BA NYA BA'I TSE SPRIN DANG KHUG RNAS MA BSGRIBS PA'I GZUGS BRNYAN SHAR BA MTHONG NAS KHA CIG NI DGA' ZHING MGU NAS YID CHAGS PA SKYES SO, ,KHA CIG NI CI YANG SNYAM PA MED DO, ,DE BZHIN DU SEMS DANGS MA RANG BZHIN GYIS RNAM PAR DAG PA LA SGYU MA LTA BU'I TING NGE 'DZIN GYI RNAM PA MI 'DRA BA BYUNG BA LA SEMS DGA' ZHING MGU BAS YID CHAGS SHING 'DOD CHAGS SKYES SO, ,SEMS DANGS MA DANG PHRAD PA'I SKYES BU DAM PA RNAMS NI SGYU MA LTA BU'I TING NGE 'DZIN NYAMS SU MYONG @290B YANG CI YANG MI SEMS SO, ,DE LA GSER GYI RANG BZHIN KHA DOG SER PO DE LA KHA CIG GIS YID DU 'ONG ZHING RGYAN DANG NOR LA SOGS PA BYED DE, DE YANG G-YA' GLO BUR DU CHAGS PA DE LA MI SDUG PAR LTA ZHING ZHE SDANG SKYED DO, ,MKHAS PAS BLTAS PAS G-YA' DE GLO BUR PA YIN PAS BSAL DU BTUB SNYAM ZHING MI SDUG PAR LTA'O, ,DE BZHIN DU SEMS DANGS MA DANG MA PHRAD PA'I SKYES BU RNAMS NI MNYAM PAR BZHAG PA'I SEMS LA GCES PAR BYED CING, RJES KYI SHES PA LA MI SDUG PAR LTA ZHING RE BA DANG DOGS PA BSKYED DO, ,SEMS DANGS MA DANG PHRAD PA'I SKYES BU DAM PA RNAMS NI MNYAM PAR BZHAG PA DANG, RJES LA THOB PA'I SGYU MA LTA BU DANG RMI LAM LTA BUR SHES SHING BYAMS PA DANG SDANG BAR MI MDZAD DO, ,DE LA NAM MKHA' NI MING TZAM YOD LA DNGOS POR MED PA'O, ,DE LA YANG RKYEN GYI DBANG GIS MUN PA DKAR BA DANG GNAG PA LA SOGS PA SNA TSOGS 'BYUNG BA LA, NYIN DANG MTSAN DANG ZLA BA DANG LO DANG BSKAL PA BGRANG ZHING SA DANG NAM MKHA' DANG SHIN TU RING NGO SNYAM MO, ,MKHAS PAS BLTAS PAS SA DANG NAM MKHA'I BAR NA SKRA'I RTZE MO BRGYAR GSHAGS PA'I CHA SHAS TZAM YANG YOD PAR MA GZIGS SO, ,DE BZHIN DU SEMS DANGS MA DANG MA PHRAD PA'I SKYES BU RNAMS KYIS DKA' BA RNAM PA DU MA BSKAL PA GRANGS MED PA'I BAR DU SKYE RGA NA 'CHI'I 'DAM LAS MA THAR BAR RANG 'DOD PA'I 'BRAS BU THOB PA 'DOD DE THOB PAR DKA'O, ,ZAB MO'I CHOS NYID SEMS DANGS MA DANG PHRAD PA'I SKYES BU DAM PA RNAMS KYIS NI RTOGS NA SEMS GROL BAS SEMS CAN DANG CHOS KYI SKU'I BAR NA CI YANG YOD PAR MA GZIGS SO; ,DE BAS NA ZAB MO'I CHOS NYID DANG MA PHRAD PA'I KHAMS GSUM GYI SEMS CAN RNAMS NI GZHI DRAN PA MED PA DANG, LAM SKYE BA MED PA DANG, 'BRAS BU BLO LAS 'DAS PA, MA RIG PA LA SOGS PA RTEN CING 'BREL PAR 'BYUNG BA BCU GNYIS LAS GYUR PA NI PHUNG PO DANG KHAMS LA SOGS PA'O; ,DE LA BDAG DANG BDAG GIR BYA BA NI NYE BAR LEN PA'I PHUNG PO'O, ,MA RIG PA LAS RIG PA GLO BUR DU CHAGS PAS SDUG BSNGAL KUN GYI RGYUR 'GYUR RO, ,DE YANG SDUG BSNGAL GYI SDUG BSNGAL DANG, 'GYUR PA'I SDUG BSNGAL DANG, 'DU BYED KYI SDUG BSNGAL DU 'GYUR RO, ,SDUG @291A *, ,BSNGAL DE DAG LAS GROL BAR 'DOD PA LA LAS NI 'PHAGS PA'I LAM GYI RNAM PA LAS GOMS PA LAS 'BRAS BU MYA NGAN LAS 'DAS PA THOB PAR BYA BA'I DON DU 'GOG PA MNGON DU BYA BA LA DON DU GNYER BA YOD DO, ,DE DAG MA LUS PA SGYU MA LTA BU DANG RMI LAM LTA BUR JI LTA BA BZHIN DU RTOGS PAS NI GANG YANG MI LEN MI 'DOR BA'I TSUL GYIS 'KHOR BA'I MTSAN MA NI SDUG BSNGAL BA DANG KUN 'BYUNG BA'O, ,MYA NGAN LAS 'DAS PA'I MTSAN MA NI 'GOG PA DANG LAM MO, ,DE DAG THAMS CAD YANG DAG TU MI 'DZIN PAS BTANG SNYOMS MTSAN MA MED PA'I TING NGE 'DZIN GTAN LA PHAB PA'O, ,DA NI RGYUN CHAD RAB TU MI GNAS PA RNAL 'BYOR GYI MNGON SUM BLO'I SPYOD YUL MA YIN PA SMON PA MED PA'I TING NGE 'DZIN BSTAN PAR BYA'O, ,DE YANG SHES PA DANG SHES BYA'I DRI MA GANG YANG MA BYUNG BAS DRI MA MED, DRI MA DANG BRAL BA YANG MED DO, ,CHOS KYI SKU NI BSAM PA DANG BSGOM PA LAS 'DAS PAS RNAM PA THAMS CAD MKHYEN PA'I YE SHES KYI RLOM SEMS MED PA NI YE SHES MED DO, ,DE YANG YE SHES MED CES BYA BA NI YOD PA LA LTOS NAS MED PA MA YIN TE, YOD PA DANG MED PA LA SOGS PA LAS GROL BA MI 'GYUR BA RDO RJE LTA BU'I TING NGE 'DZIN DANG NGO BO THA MI DAD PA NI NGO BO NYID KYI SKU ZHES BYA'O, ,DE YANG DBYE BA NI SKU GSUM LHUN GYIS GRUB PAS SO, ,DGOS PA NI ZAB MO'I DON RTOGS NAS SEMS GROL BA'O, ,DGOS PA'I DGOS PA NI 'BAD PA MED PAR SEMS CAN RNAMS KYI DON 'BYUNG BA'O, ,NGES TSIG NI YE SHES MED PA CHOS KYI SKU'O, ,CHOS SKU DE YANG RGYU LAS BYUNG BA'I 'BRAS BU YANG MA YIN LA, LAS LAS BYUNG BA'I RNAM PAR SMIN PA YANG MA YIN NO, ,DE LTA BU THOB PA MED CES BYA BA NI BLO DANG SEMS DANG MING DANG RNAM PAR SHES PA'I YUL MA YIN PAS SO, ,MA THOB PA YANG MED CES BYA BA NI BLO DANG SEMS DANG YID DANG RNAM PAR SHES PA LAS 'DAS PAS MA KHYAB PA MED PA'I PHYIR RO, ,SH'A RI'I BU DE LTA BAS NA NI DE TZAM ZHIG BRJOD PAR BYA'I, MING GI TSOGS DANG TSIG GI TSOGS DANG YI GE'I TSOGS LAS 'DAS PA'I PHYIR RO, ,BYANG CHUB SEMS DPA' RNAMS NI KHAMS GSUM GYI SEMS CAN GYI NYON MONGS PA DANG LAS LAS GYUR PA'I BLO DANG SEMS DANG YID DANG RNAM PAR SHES PA'AM, SHES PA DANG SHES BYA LAS GYUR PA'I YE SHES GLO BUR BAR RTOGS @291B SHING KHONG DU CHUD PA'I BYANG CHUB SEMS DPA' RNAMS SO, ,THOB PA MED PA'I PHYIR NI SA DANG LAM MNGON DU GYUR PA RNAMS KYIS KYANG MA THOB PA'I PHYIR RO, ,SHES RAB NI RNAM PA GSUM MO, ,THOS PA'I SHES RAB NI MING DANG TSIG DANG YIG LAS BYUNG BA'O, ,BSAMS PA'I SHES RAB NI DE'I DON MA NOR BAR BSAMS PA'O, ,BSGOMS PA'I SHES RAB NI SEMS RTZE GCIG PA'O, ,PHA ROL TU PHYIN PA NI DE DAG LAS 'DAS PA'O, ,ZAB MO LA BRTEN CING GNAS TE NI THOS PA'I PHA ROL NA RNAM PAR RTOG PA GANG YANG MED PA NI DRAN PA MED PA'O, ,BSAM PA'I PHA ROL NA RNAM PAR RTOG PA GANG YANG MED PA NI SKYE BA MED PA'O, ,BSGOM PA'I PHA ROL NA RNAM PAR RTOG PA GANG YANG MED PA NI BLO'I YUL LAS 'DAS PA'O, ,DE LTA BU LA RTEN MED PA'I TSUL GYIS BRTEN CING GNAS PAS SEMS LA SGRIB PA MED PA NI SHIN TU RNAM PAR DAG PA'I DANGS MA SEMS LA LAS DANG NYON MONGS PA DANG SHES BYA'I SGRIB PAS MA GOS PAS SO, ,SKRAG PA MED DE NI ZAB MO'I CHOS NYID THOS NAS MI 'JIGS MI DNGANG SKRAG PAR MI 'GYUR BAS SO, ,PHYIN CI LOG NI ZAB MO'I CHOS NYID LA MA MOS SHING SRID PA GSUM GYI SEMS CAN DON DAM PAR NA YOD DO ZHES DRAN PA'I CHOS LA YANG DAG TU MTHONG BAS SO, ,PHYIN CI LOG LA 'KHRUL PA NI SRID PA GSUM GYI SEMS CAN RNAMS DPER NA RMI LAM GYI DUS SU SGYU MA MTHONG BA'AM, RMI LAM NA THAG PA LA SPRUL DU MTHONG BA'AM, GZHON NU MA'I RMI LAM NA BU SKYES PA DANG SHI BA MTHONG BA DE BZHIN DU KHAMS GSUM GYI SEMS CAN RNAMS KYI BDE SDUG LA SOGS PA DE 'DRA'O, ,DE YANG PHYIN CI LOG CES BYA BA NI MA NOR PA'I DON DAM PA'I BDEN PA LA NOR BAR MTHONG BA RNAMS SO, ,DPER NA GRU RGAL BA'I SKYES BU KHA CIG GIS RI 'AM BRAG G-YO ZHING 'GUL BAR MTHONG NGO, ,DE BZHIN DU DGE BA'I BSHES GNYEN GYIS YONGS SU MA ZIN PA'I GANG ZAG GIS MNOR BA'I CHOS NYID ZAB MO LA NOR PA MTHONG BA YOD DO, ,DPER NA SENG GE'I 'O MA NI SENG GE'I PHRU GUS BTUNG BAR BYA'I, GZHAN GYIS 'THUNGS NA LUS PO GAS SHING DUG TU 'GYUR RO, ,DE BZHIN DU SHES RAB KYI PHA ROL TU PHYIN PA'I DON ZAB MO NI THEG PA CHEN PO'I RIGS CAN SEMS SHIN TU RNAM PAR DAG PA LA BSTAN PAR BYA'O, ,THEG PA DMAN PA'I RIGS CAN LA BSTAN NA 'JIGS SHING SKRAG LA DNGANG BAR 'GYUR RO, ,DPER NA @292A *, ,BAD KAN CAN LA 'O MA 'THUNG DU BCUG NA NAD MI SEL BAR DUG TU 'GYUR RO, ,DPE DE BZHIN DU SNOD MA YIN PA LA ZAB MO'I CHOS NYID BSTAN PAR MI BYA'O, ,DE YANG 'O MA DE NYID ZHO DANG DAR BAR BYAS NAS BAD KAN CAN 'THUNG DU BCUG NA PHAN PAR 'GYUR RO, ,DE BZHIN DU SHES RAB KYI PHA ROL TU PHYIN PA ZAB MO'I CHOS NYID LA SBYIN PA LA SOGS PA PHA ROL TU PHYIN PA LNGA DANG BSRES NAS THEG PA DMAN PA RNAMS LA BSTAN NA PHAN PAR 'GYUR RO, ,DPER NA DMUS LONG MANG PO RANG RANG GI GRONG DANG RANG RANG GI MA DANG BRAL NAS, GRONG KHYER RAM GRONG RDAL LA SOGS PAR 'KHYAMS TE SLAR LOG NAS RANG RANG GI GRONG DANG RANG RANG GI MA DANG PHRAD KYANG NGO SHES PAR MI 'GYUR RO, ,DE BZHIN DU THEG PA DMAN PA RNAMS KYIS RNAM PA THAMS CAD MKHYEN PA'I GRONG DANG YUM SHES RAB KYI PHA ROL TU PHYIN PA'I MA DANG BRAL NAS KYANG 'KHOR BA'I GRONG LAS 'KHYAMS NAS TSUR LOG NAS RNAM PA THAMS CAD MKHYEN PA'I GRONG DANG YUM SHES RAB KYI PHA ROL TU PHYIN PA'I SNYING PO'I DON DANG PHRAD KYANG NGO SHES PAR MI 'GYUR RO, ,DE YANG THABS DANG SHES RAB DANG LDAN PA'I DGE BA'I BSHES GNYEN GYIS BSTAN PA'I DPE DANG DON GYIS DE DAG GI SNYING PO SHES PAR 'GYUR RO, ,DPER NA RIN PO CHE'I 'BYUNG GNAS NAS RIN PO CHE BLANG BAR 'DOD PA'I SKYES BU RNAMS PHYIN CI LOG GI SKYES BU ZHIG GIS BA LANG GI RKANG RJES LA RIN PO CHE'I 'BYUNG GNAS 'DI YIN NO ZER ZHING NYAN NA BAR DU CHOD PA YIN NO, ,DE BZHIN DU THEG PA CHEN PO'I RIGS CAN RNAMS KYIS SHES RAB KYI PHA ROL TU PHYIN PA'I SNYING PO'I DON BOR NAS, MDO GZHAN DANG GZHAN LA LTA ZHING YID CHES NA BAR DU CHOD PA YIN NO,, DE BAS NA RNAM PA THAMS CAD NAS THAMS CAD DU SHES RAB KYI PHA ROL TU PHYIN PA'I SNYING PO'I DON GYI GDAMS NGAG LA BRTEN PA'I SKYES BU DAM PA RNAMS KYIS SPYOD PA DANG BSGOM PA DANG LTA BA DANG 'BRAS BU'I DON BZHI LA BSDU BAR BYA'O, ,DE YANG SANGS RGYAS KYI BKA' MA NOR BA SNYING PO'I DON LA YANG DANG YANG DU LTA ZHING DE LA SEMS 'DRIS PAR BYAS PAS DRAN PA'I RNAM PA STONG PA NYID DANG DBYER MED PA NI SPYOD PA'I DON YIN NO, ,DE BAS KYANG KHYAD PAR DU 'PHAGS SHING YID LA MI BYED PA'I STONG PA NYID RGYUN DU GNAS PA DNGOS BSTAN PA NI BSGOM PA'I DON YIN NO, ,DE YANG KUN NAS NYON MONGS PA'I CHOS RNAMS DANG RNAM PAR BYANG BA'I CHOS RNAMS @292B RNAM PAR BYANG BA'I CHOS RNAMS LA YANG DAG PAR MI MTHONG BAS RANG RGYUD LAS GROL NAS SKYE BA MED CING 'GAG PA MED PA NI LTA BA'I DON YIN NO, ,DE YANG SANGS RGYAS RNAMS KYIS KYANG BSGOM BYA MA YIN LA SEMS CAN RNAMS KYIS KYANG BLOS YUL DU MA GYUR PAS SHES BYA'I DRI MA LA SOGS PA MED CING RNAM PAR MI RTOG PA'I YE SHES MED PAS THOB SHOR MED PA NI 'BRAS BU'I DON YIN NO, ,DE DAG GIS YONGS SU BSKOR BA'I SHES RAB KYI PHA ROL TU PHYIN PA'I SNYING PO'I DON 'DI NI SHIN TU GCES PAR BYA BAR 'OS PA YIN NO, ,DE'I YON TAN GYIS MYA NGAN LAS 'DAS PA'I MTHAR PHYIN TO, ,MTHAR PHYIN TO ZHES BYA BA NI SRID PA GSUM GYI MTHA' NI MYA NGAN LAS 'DAS PA GSUM YIN LA, MYA NGAN LAS 'DAS PA'I MTHA' NI BRJOD PA DANG, BSAM PA DANG BSGOM PA LAS 'DAS PA'O, ,DE'I PHRIN LAS NI DUS GSUM DU RNAM PAR BZHUGS PA'I SANGS RGYAS THAMS CAD KYANG ZHES BYA BA NI 'DAS PA'I SANGS RGYAS RNAMS KYIS KYANG ZAB MO'I CHOS 'DI LA BRTEN NAS SNANG BA SGYU MA LTA BUR GZIGS SHING SEMS CAN RNAMS MI DMIGS PA'I DON MDZAD DO, ,DA LTAR BZHUGS PA'I SANGS RGYAS RNAMS KYIS KYANG ZAB MO'I CHOS NYID LA BRTEN NAS SEMS CAN DU SNANG BA'AM DRAN PA SGYU MA LTA BUR GZIGS NAS DE LAS GROL BA'I DON DU YON TAN DANG PHRIN LAS RDZOGS PAR BYED CING RNAM PAR THAR PA'I SGO GSUM BSTAN PA YIN NO, ,MA BYON PA'I SANGS RGYAS RNAMS KYIS KYANG SHES RAB KYI PHA ROL TU PHYIN PA ZAB MO 'DI LA BRTEN NAS SEMS CAN RNAMS KYI DRAN PA'I CHOS RNAMS GLO BUR BAR GZIGS SHING DE DAG LAS GROL BA'I NGON DU BSAM DU MED PA'I TING NGE 'DZIN SEMS CAN RNAMS LA STON PAR 'GYUR RO, ,BSAM DU MED PA'I TING NGE 'DZIN GANG YIN PA DE NI SHES RAB KYI PHA ROL TU PHYIN PA'O, ,DE LA BRTEN PA RNAMS NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,MNGON PAR RDZOGS PAR 'TSANG RGYA'O, ,MNGON PAR RDZOGS PAR 'TSANG RGYA BAR 'GYUR RO, ,'O NA DBANG PO RNON PO SNGAGS KYI THEG PA CHEN PO LA MOS PA RNAMS KYI DON DU RGYUD SDE DU MA LA BRTEN PA PHYI'I SNGAGS KYIS NI ZHI BA DANG RGYAS PA LA SOGS PA BSTAN PA DANG, NANG GI SNGAGS KYIS RTZA DANG RLUNG LA SOGS PA LA BRTEN NAS LUS DANG SEMS BDE BA BSTAN PA DANG, GSANG BA'I @293A *, ,SNGAGS KYIS TING NGE 'DZIN YUN RING DU GNAS PAR BYA BA BSTAN NAS SKAD CIG GIS SAM SKYE BA GCIG GIS SAM, BAR MA DON 'AM, SKYE BA BDUN PA'I BAR NAS SANGS RGYAS PA YOD DE, SHES RAB KYI PHA ROL TU PHYIN PA'I SNYING PO'I DON GYI GDAMS NGAG 'DI MTSAN NYID KYI THEG PA YIN NAM SNGAGS KYI THEG PA YIN ZHES THE TSOM ZA NA, SEMS CAN RNAMS KYI BLO'I SNANG BA LA THA DAD DU SNANG MOD KYI ZAB MO'I CHOS NYID LA THA DAD MED DE, DE LTA BAS NA SHES RAB KYI PHA ROL TU PHYIN PA'I SNGAGS 'DI NI GSANG SNGAGS RNAMS KYI DON GYI SNYING PO YIN NO, ,DE RTOGS PAR BYED PA RIG PA CHEN PO'I SNGAGS ZHES BYA BA NI RIG PA DRAN PA SNANG BA NYAMS SU MYONG PA'O, ,CHEN PO NI NAM MKHA' DANG 'DRA LA, ZAB PA NGOS BZUNG BA NI SGYU MA LTA BU'I TING NGE 'DZIN GYI SNGAGS SO, ,BLA NA MED PA'I SNGAGS ZHES BYA BA NI DRAN PA DANG, RIG PA DANG, SNANG BA DANG, NYAMS SU MYONG BAS MA GOS PA GANG GIS KYANG MA NON PAS BLA NA MED PA'I SNGAGS NI STONG PA NYID KYI TING NGE 'DZIN GYI SNGAGS SO, ,MI MNYAM PA DANG MNYAM PA'I SNGAGS ZHES BYA BA NI MA DRAN PA YANG MA BYUNG BAS MA SKYES PA'O, ,MA SKYES PA'I PHYIR GANG DANG MNYAM PA MED PA MI MNYAM PA DANG MNYAM PA'I SNGAGS NI MTSAN MA MED PA'I TING NGE 'DZIN GYI SNGAGS SO,, SDUG BSNGAL THAMS CAD RAB TU ZHI BAR BYED PA'I SNGAGS NI SANGS RGYAS KYI THUGS KYI YE SHES KYIS KYANG BSGOM PAR MI MDZAD, RNAM PAR RTOG PA DANG MI RTOG PAR YANG MI MDZAD PAS NA SDUG BSNGAL THAMS CAD RAB TU ZHI BAR BYED PA'I SNGAGS NI SMON PA MED PA'I TING NGE 'DZIN GYI SNGAGS BZHI'I DON TO, ,DE DAG BKA' DANG LUNG THA DAD PA LA LTA ZHING BSAMS PAS KHAMS GSUM GYI SEMS CAN RNAMS KYI BDE SDUG LA LTA ZHING SKYO BA SKYE BA'AM, SANGS RGYAS DANG BYANG CHUB SEMS DPA' RNAMS KYI CHE BA'I YON TAN GYI RNAM PA THOS NAS SPRO BA SKYE BA NI KUN RDZOB KYI BDEN PA SGYU MA LTA BU MA BRTAGS KYI BAR DU NYAMS DGA' BAS NI MI BRDZUN BA ZHES BYA'O, ,DE YANG SKYO BA NI ZHE SDANG BA YIN LA, ,SPRO BA NI 'DOD CHAGS YIN TE, DE GNYIS RANG GI DRAN PA YIN PAR NGO MA SHES PAS GTI MUG YIN, DPER NA 'DOD CHAGS LA MNGON PAR DGA' BA'I SKYES BU'I DON DU RMI LAM NA BUD MED YID DU 'ONG PA'AM, SMAN GYI RNAM PAS BYAS PA'I BUD MED DAM, SHING @293B SNA TSOGS PAS BYAS PA'I BUD MED DE DAG GIS SKYES BU'I DON BYED DE, DE'I RJES LA BRTAGS SHING DPYAD PAS BUD MED DE DAG KYANG MED LA, DE LAS BYUNG BA'I NYAMS SU MYONG BA DE YANG MED DO, ,DE BZHIN DU SPRO BA'I SEMS KYANG NYAMS DGA' ZHING BDE BA LA BRTAGS PAS MI BDEN PA'O, ,DPER NA RI MO MKHAN MKHAS PA ZHIG GIS RAS LA SOGS PA'I GZHI MA ZHIG LA KHRO BO 'JIGS SU RUNG BA ZHIG BRIS PA LA RANG GIS BLTAS PAS BRED CING SHIN TU 'JIGS SO, ,SKYO BA'I SEMS KYANG DE BZHIN NO, ,DE BAS NA SKYO BA DANG SPRO BA LA YID CHES PA'I GANG ZAG RNAMS KYI DON DU RGYU 'BRAS SAM, LAS 'DAS PA LAS KYI RNAM PAR SMIN PA MI BRDZUN PAS NA ZHES GSUNGS SO, ,BDEN PA MTHONG BA'I SKYES BU DAM PA RNAMS KYI DON DU NI DON DAM PAR NA LAS KYANG MED, LAS KYI RNAM PAR SMIN PA YANG MED DO ZHES BKA' LAS GSUNGS SO, ,DE BAS NA BRGYUD PA'I GDAMS NGAG LAS DRAN PA'I CHOS RNAMS NI SGYU MA LTA BUR SNANG LA RANG BZHIN MED PA'O, ,MA DRAN PA'I CHOS RNAMS NI ZAB CING MI SNANG LA RANG BZHIN YOD PA'O, ,DE'I PHYIR DRAN PA'I CHOS SGYU MA TZAM DU DON BYED NUS LA MI BRDZUN PAS SO, ,DRAN PAS MA GOS PA ZAB MO'I CHOS NYID KYIS RNAM PAR THAR PA'I SGO GSUM BSTAN PAS NI BDEN PAR SHES PAR BYA STE, DPER NA SMIG RGYU'I CHU BO CHEN PO LAS RGAL BAR 'DOD PA'I GANG ZAG GIS MNYAN PA BOS NAS GRU DANG BCAS TE SMIG RGYU'I CHU BO CHEN PO'I 'GRAM DU 'ONGS NAS, KYE SKYES BU KHYOD KYIS CHU BO CHEN PO 'DI LAS SGROL CIG KHYOD CI DBANG BA'I RNGAN PA SBYIN NO ZHES SMRAS PAS, MNYAN PA DES 'O NA NGA LA RNGAN PA SLONG SHIG CES BYAS PAS BYIN NO, ,DE NAS MNYAN PA DES SKYES BU DE'I MIG PHYIS PAS SMIG RGYU'I CHU BO CHEN PO DE MED PAR GYUR TO, ,DE BZHIN DU LAS DANG LAS KYI RNAM PAR SMIN PA LAS GYUR PA'I 'KHOR RNAM GSUM GYI CHU BO CHEN PO LAS RGAL BAR 'DOD PA'I SKYES BU RNAMS KYIS THABS DANG, SHES RAB DANG LDAN PA'I DGE BA'I BSHES GNYEN GYI DRUNG DU SONG NAS BDAG 'KHOR BA'I SDUG BSNGAL GYI CHU BO CHEN PO LAS BSGRAL BAR ZHU, KHYED KYIS JI LTAR BKA' STZAL PA BZHIN BGYID DO ZHES BYA BA DANG, DGE BA'I BSHES GNYEN DES KYANG MDO'I LUNG DU MA DRANGS SHING SKYO BA DANG, SPRO BA SKYED PAR BYED DO, ,DE NAS SKYO BA DANG SPRO BA DE YANG RANG @294A *, ,GI SEMS DRAN PA 'DI YIN NO, ,DRAN PA 'DI LAS RGAL BAR BYED PA'I THABS JI LTA BU YOD CE NA, DE LA DRAN PA'I CHOS RNAMS THABS SU SHES SHING DRAN PAS MA GOS PA ZAB MO RNAM PA GSUM YIN PAS SO, ,DE BAS NA SHES RAB KYI PHA ROL TU PHYIN PA ZAB MO'I CHOS NYID MA RTOGS PAR DU SMIG RGYU'I CHU BO DANG 'DRA STE, DRAN PA'I CHOS RNAMS BDEN TE MI BRDZUN PAS NA'O, ,ZAB MO'I CHOS NYID DANG PHRAD NA SMIG RGYU'I CHU STOR BA DANG 'DRA STE, DRAN PAS MA GOS PA BDEN PAR SHES PAR BYA'O, ,SHES RAB KYI PHA ROL TU PHYIN PA'I SNGAGS SMRAS PA, SNGAGS NI ZHI BA DANG, RGYAS PA DANG, DBANG DANG, DRAG PO'I SNGAGS MA YIN NO, ,'O NA GANG YIN ZHE NA, SNGAGS 'DI'I DON RTOGS PA TZAM GYIS SEMS GROL BA YIN NO, ,SNGAGS 'DI'I DANG PO'I YI GE BZHI LAS BYUNG BA DANG, BAR DU YI GE BZHI'I DON GSAL BAR BSTAN PA DANG, THA MA SNGAGS KYI DON RNAM PA BZHI LA BSDUS PAS SO, ,DON BZHI PO GANG ZHE NA, SGYU MA LTA BU DANG, STONG PA NYID DANG, MTSAN MA MED PA DANG, SMON PA MED PA DANG, TAD YA TH'A ZHES BYA BA NI 'DI LTA STE, GA TE GA TE NI PHYIN TO PHYIN TO ZHES BYA BA NI DRAN PA MA LUS PA SGYU MA LTA BU LA PHYIN TO, ,P'A RA GA TE NI PHA ROL TU PHYIN TO ZHES BYA BA NI DRAN PA'I PHA ROL NA STONG PA NYID LA PHA TU PHYIN TO, ,P'A RA SAm GA TE NI PHA ROL TU YANG DAG PAR PHYIN TO ZHES BYA BAS NI SGYU MA LTA BU DANG, STONG PA NYID KYI PHA ROL NA MTSAN MA MED PA LA PHA ROL TU YANG DAG PAR PHYIN TO, ,BO DHI SV'A H'A BYANG CHUB TU GYUR CIG CES BYA BAS NI NYON MONGS PA DANG SHES BYA THAMS CAD BYANG NAS BLO LAS 'DAS PA'O, ,DE DAG GIS NI RAB TU MI GNAS PA BZHI DANG, MNGON SUM BZHI DANG, TING NGE 'DZIN BZHI GTAN LA PHAB PA'O, ,DE LTA BU'I GDAMS NGAG LA NAN TAN BYA BA'I PHYIR, SH'A RI'I BU BYANG CHUB SEMS DPA' SEMS DPA' CHEN POS DE LTAR SHES RAB KYI PHA ROL TU PHYIN PA ZAB MO LA BSLAB PAR BYA'O ZHES BYA BA NI NAN TAN GYIS SHIG CES GSUNGS PA'O, ,DE NAS BCOM LDAN 'DAS TING NGE 'DZIN DE LAS BZHENGS TE ZHES BYA BA NI ZAB MO'I TING NGE 'DZIN LAS BZHENGS PA DANG, SNYOMS PAR BZHUGS PA MI MNGA' YANG SEMS CAN RNAMS KYI SNANG BA LA MNYAM PAR GZHAG PA DANG, RJES LA SA THOB PA BSTAN PA'I PHYIR RO, ,BYANG CHUB SEMS @294B DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA NI, DUS GSUM DU RNAM PAR BZHUGS PA'I SANGS RGYAS KYI DGONGS PA SHES RAB KYI PHA ROL TU PHYIN PA ZAB MO'I DON JI LTA BA BZHIN DU DGONGS PA MA NOR BA BSTAN PAS THUGS DGYES PAS SANGS RGYAS KYI SPYAN GYIS RNAM PAR GZIGS SHING LEGS SO ZHES BYA BA BYIN TE, DE BAS KYANG ZAB MO SNANG BA ZHES BYA BA'I TING NGE 'DZIN LA DGONGS PAS LEGS SO LEGS SO LAN GNYIS SU GSUNGS SO, ,RIGS KYI BU DE DE BZHIN TE NI THEG PA CHEN PO'I RIGS SNANG BA'I CHOS NYID LA MOS PA RNAMS KYI DON DU GSUNGS SO, ,TE ZHES BYA BA NI, SNANG BA'I CHOS RNAMS KYIS SEMS MI GROL LO ZHES PA'I BRDA'O, ,RIGS KYI BU DE DE BZHIN NO ZHES BYA BA NI ZAB MO'I CHOS NYID RTOGS NA SEMS GROL BA'I BRDA YIN NO, ,JI LTAR KHYOD KYIS BSTAN PA BZHIN DU NI 'JIG RTEN PA LA JI SRID GNAS KYI BAR DU MANG BA SGYU MA LTA BU LA BRTEN DGOS PA'I PHYIR RO, , 'JIG RTEN LAS 'DAS PA BLA NA MED PA'I BYANG CHUB TU MNGON PAR SANGS RGYAS NAS SEMS CAN RNAMS KYI DON LA DGONGS NAS ZAB MO'I CHOS NYID 'BA' ZHIG LA BRTEN DGOS PA YIN NO, ,SHES RAB KYI PHA ROL TU PHYIN PA ZAB MO LA SPYAD PAR BYA STE NI RNAM PAR GROL BA'I LAM LA DON DU GNYER BA RNAMS KYIS ZAB MO 'BA' ZHIG LA BRTEN DGOS PAS YANG DANG YANG DU LAN GRANGS MANG DU GSUNGS SO, ,ZAB MO'I DON LA MOS PAR GYUR PA'I DGE PA'I BSHES GNYEN RNAMS LA NI DUS GSUM DU RNAM PAR BZHUGS PA'I DE BZHIN GSHEGS PA RNAMS KYANG RJES SU YI RANG NGO, ,BCOM LDAN 'DAS KYIS DE SKAD CES BKA' STZAL NAS, TSE DANG LDAN PA SH'A RI'I BU DANG, BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO ZHES BYA BA NI GO SLA BAS BSHAD PA MA BYAS SO, ,BCOM LDAN 'DAS MA SHES RAB KYI PHA ROL TU PHYIN PA'I SNYING PO'I 'GREL PA DON GYI SGRON MA ZHES BYA BA PAndI TA PHYAG NA RDO RJES MDZAD PA RDZOGS SO,, ,,BAL YUL YE RANG GI GRONG KHYER DU RJE BTZUN BLA MA DAM PA @295A *, ,PHYAG NA RDO RJE'I SPYAN SNGAR BOD KYI DGE BA'I BSHES GNYEN RNAMS KYIS CHOS ZHUS PA'I DUS SU, BLA MA CHOS STON PHAM BABS GNANG BA'I NYIN PAR BOD KYI DGE BA'I BSHES GNYEN RNAMS KYIS MDO BTON PA LA, BLA MA DAM PAS LO TZ'A BA LA KHONG 'DON PA DE CI YIN GSUNGS PAS, LO TZ'A BAS SHES RAB KYI PHA ROL TU PHYIN PA'I SNYING PO LAGS ZHUS PAS, 'O NA BOD DU SHES RAB KYI PHA ROL TU PHYIN PO'I SNYING PO DAR NA SANGS RGYAS KYIS LUNG BSTAN PA DE BDEN PA YIN NO, ,SNYING PO'I DON GYI GDAMS NGAG SHES SAM GSUNGS PA LA, LO TZ'A BAS MA 'TSAL ZHES LAN BTAB PA LA, 'O NA NGAS KHYED RNAMS LA GDAMS NGAG BSTAN GYIS GSUNGS NAS, SNYING PO'I DON GYI GDAMS NGAG GNANG BA ZIN RIS BRIS NAS NAN TAN BYAS PA YIN NO, ,BLA MA DAM PA'I ZHABS KYI PAD MA'I SBRANG RTZI SMYO CHU 'THUNGS NAS SU, SKYE MED BDE CHEN BUNG BA SMYON PA'I KHA LA SU ZHIG MNYAN DU YOD, GAL TE SMYON PA'I TSIG LA BDEN PA YOD SRID THUGS LA DGONGS NAS SU, MTHUN PA'I GROGS PO RNAMS KYIS MI BDEN NA YANG DON 'DI DGONGS PAR ZHU, GAL TE STONG PA THABS YIN NA, ,DE TSE SANGS RGYAS NYID MI 'GYUR, ,RGYU LAS 'BRAS BU GZHAN MED PHYIR, ,THABS NI STONG PA NYID MA YIN, ,LTA BA RNAMS LAS LOG RNAMS DANG, ,BDAG TU LTA BA TSOL RNAMS KYI, ,BDAG TU 'DZIN PA BZLOG PA'I PHYIR, ,RGYAL BA RNAMS KYIS STONG PA BSTAN, ,SRID ZHI MNYAM NYID DUS GSUM RGYAL BA'I YUM, ,'GRO BA'I BDE SGRUB THABS MKHAS STON PAR BYED, ,GZHUNG GI BDAG NYID RIN CHEN LTA BU LA, ,DAD DANG GUS PAS YANG YANG PHYAG 'TSAL LO, ,PHAN SEMS SPRO DAGS BRIS PA'I 'GREL PA 'DI, ,GANG ZAG DAM PA RNAMS KYI PHYAG TU BRGYUD PA DANG, ,BSTAN PA'I BYA BA MDZAD PA BDAG GI SMON LAM YIN, ,CHOS NYID BDEN PAS DE LTAR 'GRUB GYUR CIG ,RGYA GAR GYI MKHAN PO DE NYID DANG, SGRA BSGYUR GYI LO TZ'A BA DGE SLONG SENG GE RGYAL MTSAN GYIS ZHUS TE GTAN LA PHAB PA'O,, #, ,RGYA GAR SKAD DU, A'ARYA PRA DZNY'A P'A RA MI T'A HRi DA YA t'I K'A, BOD SKAD DU, 'PHAGS PA SHES RAB KYI PHA ROL TU PHYIN PA'I SNYING PO RGYA CHER 'GREL PA, 'JAM DPAL GZHON NUR GYUR PA DANG, @295B 'PHAGS PA SPYAN RAS GZIGS DBANG PHYUG LA PHYAG 'TSAL LO, ,MDO SDE 'DI BSHAD PA LA DON RNAM PA BCUS GSAL BAR BYA STE, SHES RAB KYI MED DANG, GLENG GZHI DANG, SNYOMS PAR 'JUG PA DANG, GLENG SLONG BA DANG, SHES RAB LA 'JUG PA DANG, SHES RAB KYI MTSAN NYID DANG, SHES RAB KYI SPYOD YUL DANG, SHES RAB KYI YON TAN DANG, SHES RAB KYI 'BRAS BU DANG, SHES RAB KYI GZUNGS SO, ,'DI NI SHES RAB KYI MING STE, MING MED NA DNGOS PO RIG PAR MI RUNG BAS DNGOS PO LA DMIGS PA'I PHYIR MING SMOS SO, ,DE BAS NA 'PHAGS PA SHES RAB KYI PHA ROL TU PHYIN PA'I SNYING PO ZHES BYA'O, , SHES PA DE LA 'DI SKAD CES BYA STE, 'JIG RTEN PA DANG, 'JIG RTEN LAS 'DAS PA DANG, BLA NA MED PA'I SHES PA'O, ,'JIG RTEN GYI SHES PA NI BSLAD PA STE, MI RTAG PA LA RTAG PA DANG, MI GTZANG BA LA GTZANG BA DANG, SDUG BSNGAL BA LA BDE BA DANG, BDAG MED PA LA BDAG TU 'DU SHES PA'O, , 'JIG RTEN LAS 'DAS PA NI NYAN THOS DANG RANG SANGS RGYAS KYIS GANG ZAG LA BDAG MED PAR SHES PA STE, 'DUS BYAS MI RTAG PA DANG, 'DUS BYAS SDUG BSNGAL BA DANG, GANG ZAG LA BDAG MED PA DANG, ZHI BA MYA NGAN LAS 'DAS PAR SHES PA'O, ,BLA NA MED PA'I SHES PA NI DE BZHIN GSHEGS PAS GANG ZAG DANG CHOS LA BDAG MED PAR MKHYEN PA STE, MTSAN MA MED PA DANG, SMON PA MED PA DANG, STONG PA NYID DU MKHYEN PA'O, ,SHES PA 'DI NI BLA NA MED PA'I SHES PA LA BYA'O, ,'PHAGS PA ZHES BYA BA NI SHES PA 'DIS MYA NGAN DANG SDUG BSNGAL LAS RING DU BRAL BA'O, ,RAB CES BYA BA NI 'JIG RTEN DANG, 'JIG RTEN LAS 'DAS PA MCHOG GI SHES RAB STE, BLA NA MED PAS SHES RAB BO, ,PHA ROL TU PHYIN PA ZHES BYA BA NI SKYE 'CHI SDUG BSNGAL NI TSUL ROL, MYA NGAN LAS 'DAS PA NI PHA ROL, SEMS CAN 'KHOR BA'I 'DOD PAS DED PA RNAMS NI BAR NA STE, SHES RAB 'DIS GRU DANG GZINGS BYAS TE MYA NGAN LAS 'DAS PA'I 'GRAM DU PHYUNG BAS PHA ROL TU PHYIN PA'O, ,SNYING PO ZHES BYA BA NI SHES RAB KYI PHA ROL TU PHYIN PA'I LE'U 'BUM PA'I MDO KUN 'DI'I NANG DU 'DUS PAS SNYING PO ZHES KYANG BYA, GCIG TU NA DE BZHIN GSHEGS PAS BSTAN PA'I NANG DU DON DAM PA SHES RAB KYI PHA ROL TU PHYIN PA 'DI NYID DU MCHOG TU @296A *, ,GSUNGS PAS SNYING PO ZHES BYA'O, ,'DI NI GLENG GZHI MA BSTAN NA GNAS GANG DU GANG DAG LA BSHAD PA MI SHES PAS GANG DU GANG DAG LA BSHAD PA'I GNAS BSTAN PAR BYA BA'I PHYIR GLENG GZHI SMOS SO, ,'DI SKAD CES BYA BA NI 'OG NAS 'BYUNG BA'I DON RNAMS LA BYA STE, 'DIS NI SGRO BTAGS PA DANG, SKUR PA SPANGS SO, ,BDAG GIS ZHES BYA BA NI MNGON SUM DU THOS PAR BSTAN TE, CHOS MNGON SUM DU THOS PAR ZAD KYI, DON RTOGS PA NI MA YIN NO ZHES BSTAN TO, ,THOS PA ZHES BYA BA NI NYAN NUS PA'I RNA BA'I DBANG PO RNAM PAR SHES PAS BZUNG NGO ZHES BYA BA'I THA TSIG GO, ,DUS GCIG NA ZHES BYA BA NI LAN CIG NA THOS PA STE, SNGA DRO'AM PHYI DRO'I DUS NA'O, ,BCOM LDAN 'DAS ZHES BYA BA NI MTHONG BA DANG BSGOM PAS SPANG BAR BYA BA'I NYON MONGS PA SPANGS PA'I PHYIR RO, ,GANG DU BSHAD CE NA, DE'I PHYIR RGYAL PO'I KHAB CES SMOS TE, GRONG KHYER GYI KHYAD PAR DE NI RGYAL PO'I KHAB CES BYA BA'I PHYIR RO, ,GRONG KHYER DE YANG SHIN TU RGYA CHE BAS GANG NA BZHUGS GTOL MED DE DE BAS NA, BYA RGOD PHUNG PO'I RI ZHES BYA BA SMOS TE, RI DE LHUN BYA RGOD KYI DBYIBS 'DRA BA'I PHYIR RO, ,NYON MONGS PA THAMS CAD BCOM PA'I PHYIR DGE SLONG NGO, ,PHYIR RGOL BA RNAMS KYIS MI PHYED PA'I PHYIR DGE 'DUN TE CHEN PO NI GRANGS DANG YON TAN CHE BA'I PHYIR RO, ,BDAG NYID BLA NA MED PA'I BYANG CHUB TU 'GOD PA'I PHYIR BYANG CHUB SEMS DPA'O, ,SEMS CAN THAMS CAD MI GNAS PA'I MYA NGAN LAS 'DAS PA'I SA LA 'JOG PA'I PHYIR SEMS DPA' CHEN PO'O, ,BZHUGS PA NI SPYOD LAM GYIS BZHUGS PAR RIG PAR BYA'O, ,DE DAG GIS NI GANG GI TSE, GANG GIS GANG DU, GANG DAG LA BSHAD PA BSTAN TE, GANG GI TSE ZHE NA, DUS GCIG GI TSE NA BSHAD DO, ,GANG GIS SHE NA BCOM LDAN 'DAS KYIS TE, DES NI STON PA PHUN SUM TSOGS PA BSTAN TO, ,GANG DU ZHE NA, RGYAL PO'I KHAB BYA RGOD PHUNG PO'I RI LA STE, 'DIS NI GNAS PHUN SUM TSOGS PA BSTON [*BSTAN] TO, ,GANG DAG CE NA, DGE SLONG DANG BYANG CHUB SEMS DPA' RNAMS LA STE, DES NI 'KHOR PHUN SUM TSOGS PA BSTAN TO, 'DI NI SNYOMS PAR 'JUG PA STE, SNYOMS PAR MA ZHUGS NA BRTAG PA'I DNGOS PO GSAL BAR MI RTOGS PAS BRTAG PA'I DNGOS PO GSAL BAR RTOGS PAR BYA BA'I PHYIR SNYOMS @296B PAR 'JUG PA SMOS SO, ,DE'I TSE ZHES BYA BA NI GANG GI TSE BCOM LDAN 'DAS RGYAL PO'I KHAB NA BZHUGS PAR GYUR BA NYID KYI TSE, TING NGE 'DZIN LA SOGS PA LA SNYOMS PAR ZHUGS PA DANG SBYAR RO, ,TING NGE 'DZIN JI SKAD CES BYA BA'I TING NGE 'DZIN LA SNYOMS PAR ZHUGS SHE NA, DE'I PHYIR CHOS KYI RNAM GRANGS ZAB MO ZHES BYA BA SMOS TE, DE LA RANG DANG SPYI'I MTSAN NYID 'DZIN PAS NA CHOS SO, ,CHOS DE DAG GI RNAM GRANGS NI CHOS KYI PHUNG PO STE PHUNG PO LNGA DANG KHAMS DANG SKYE MCHED RNAMS LA BYA'O, ,ZAB MO NI SKYE BA DANG, 'GAG PA MED PAS RANG BZHIN GYIS STONG PA NYID KYI DON LA BYA STE, TING NGE 'DZIN LA SNYOMS PAR ZHUGS NA PHUNG PO LA SOGS PA CHOS RNAMS SKYE BA DANG, 'GAG PA MED PAR RTOGS PAR 'GYUR BAS NA, TING NGE 'DZIN DE'I MING NI CHOS KYI RNAM GRANGS ZAB MO SNANG BA ZHES BYA STE, SNANG BA ZHES BYA BA NI RTOGS PA LA BYA'O, ,SNYOMS PAR ZHUGS ZHES BYA BA NI TING NGE 'DZIN LA RGYUN DU SEMS RTZE GCIG TU GZHAG CES BYA BA'I THA TSIG GO; ,'DI NI GLENG SLONG BA BSTAN PA STE, GLENG MA BSLANGS NA TSIG 'CHAL CING MI 'BREL PAR 'GYUR BAS TSIG 'BREL CING MI 'CHAL BAR BYA BA'I PHYIR GLENG SLONG BA SMOS SO, ,YANG DE'I TSE ZHES BYA BA NI GANG GI TSE BCOM LDAN 'DAS RGYAL PO'I KHAB TU SNYOMS PAR ZHUGS PA'I DUS DE NYID KYI TSE, 'PHAGS PA SPYAN RAS GZIGS KYI DBANG PO PHUNG PO LNGA RANG BZHIN GYIS STONG PAR LTA ZHES BYA BAR SBYOR RO, ,BYANG CHUB CES BYA BA NI SEMS KYI DBYINGS DE BZHIN NYID YANG DAG PA'I MTHA' LA BYA'O, ,DE THOB PAR BYA BA'I PHYIR RTZOL ZHING 'BAD PA NI BYANG CHUB SEMS DPA'O, ,SGRIB PA GNYIS RING DU SPANGS PAS 'PHAGS PA'O, ,SPYAN RAS GZIGS ZHES BYA BA LA, SNYING RJE RNAM PA GSUM LAS MI DMIGS PA'I TSUL GYI THUGS RJES SEMS CAN THAMS CAD LA GZIGS PAS NA SPYAN RAS GZIGS SO, ,SEMS CAN GYI SDUG BSNGAL BSAL BAR BYA BA LA RANG DBANG BRNYES PAS NA DBANG PO'O, ,SHES RAB CES BYA BA LA, SHES RAB LA RNAM PA GSUM TE, LNGA PHUNG GI RGYA MO GCOD PAS NA SHES RAB KYI RAL GRI'O, ,SDUG BSNGAL GYI PHUNG PO 'JOMS PAS NA SHES RAB KYI RDO RJE ZHES KYANG BYA, MA RIG PA'I MUN PA SEL BAS SHES RAB KYI SGRON MA ZHES KYANG BYA STE, MDOR NA RNAM PA THAMS CAD DU MI RTOG PA'I SHES RAB KYIS CHOS THAMS CAD STONG PAR RTOGS PA LA SHES RAB CES BYA'O, ,SHES @297A *, ,RAB DES PHA ROL TU PHYIN PAR BYED PAS NA PHA ROL TU PHYIN PA'O, ,PHA ROL TU PHYIN PA LA RNAM PA GSUM STE, 'JIG RTEN GYI PHA ROL TU PHYIN PA DANG, 'JIG RTEN LAS 'DAS PA'I PHA ROL TU PHYIN PA DANG, 'JIG RTEN LAS 'DAS PA'I DON DAM PA'I PHA ROL TU PHYIN PA'O, ,DE LA 'JIG RTEN GYI PHA ROL TU PHYIN PA NI LAM RGYUD GSUM GYI SDUG BSNGAL SPANG BA'O, ,'JIG RTEN LAS 'DAS PA'I PHA ROL TU PHYIN PA NI SKYE SHI'I 'KHOR BA SPANGS NAS, ZHI BA PHYOGS GCIG PA'I MYA NGAN LAS 'DAS PA THOB PA'O, ,'JIG RTEN LAS 'DAS PA'I DON DAM PA'I PHA ROL TU PHYIN PA NI KHAMS GSUM RMI LAM DANG 'DRA BAS MYA NGAN LAS 'DAS PA LA YANG 'DOD PA MED, SEMS CAN SGYU MA DANG 'DRA BAS SANGS RGYAS KYI 'BRAS BU LA YANG RE BA MED DE, CHOS THAMS CAD RANG BZHIN GYIS MYA NGAN LAS 'DAS PAS NA MI GNAS PA'I MYA NGAN LAS 'DAS PA THOB PA NI DON DAM PA'I PHA ROL TU PHYIN PA THOB PA'O, ,SHES RAB KYI PHA ROL TU PHYIN PA DE YANG GANG ZHE NA, DE'I PHYIR ZAB MO SPYOD PA ZHES BYA BA SMOS TE, ZAB MO NI SKYE BA DANG 'GAG PA MED PA'O, ,SPYOD PA NI DON LA BYA STE, SKYE BA DANG 'GAG PA MED PA LA SHES RAB KYI PHA ROL TU PHYIN PA ZHES BYA'O, ,RNAM PAR RTOG PA NI SKYE BA DANG 'GAG PA MED PA'I DON LA DMIGS PA'O, ,SKYE BA DANG 'GAG PA MED PA'I DON LA DMIGS PAR MA ZAD KYI, GZUGS LA SOGS PA'I PHUNG PO LNGA RNAMS LA YANG STONG PAR LTA'O, ,DE LA STONG PA RNAM PA GNYIS TE 'DUS MA BYAS NAM MKHA' STONG PA DANG DON DAM PA LA 'PHAGS PA'I YE SHES KYIS GZUNG 'DZIN DANG BRAL BA SO SO RANG GIS RIG PA STONG PA STE, PHUNG PO LNGA PO DAG LA GZUNG 'DZIN DANG BRAL BA'I STONG PAR LTA'O ZHES BYA BA'I DON TO, ,LTA BA RNAM PA GSUM STE, SO SO'I SKYE BO DANG, MU STEGS KYI LTA BA DANG, NYAN THOS DANG RANG SANGS RGYAS KYI LTA BA DANG, BYANG CHUB SEMS DPA' DANG DE BZHIN GSHEGS PA'I LTA BA'O, ,DE LA SO SO'I SKYE BO DANG MU STEGS KYIS NI PHUNG PO LNGA LA SROG DANG, BDAG DANG GANG ZAG TU LTA, NYAN THOS DANG RANG SANGS RGYAS KYIS NI PHUNG PO LNGA LA KUN 'BYUNG BA DANG SDUG BSNGAL BAR LTA, BYANG CHUB SEMS DPA' DANG DE BZHIN GSHEGS PAS NI PHUNG PO LNGA LA RANG BZHIN GYIS STONG PAR LTA ZHING GZIGS SO, ,'DI NI SHES RAB LA 'JUG PA STE, 'JUG PA'I THABS MI SHES PAS 'DRI BA'I TSIG BSTAN TE, DE YANG GANG ZHE NA, DE NAS @297B ZHES BYA BA LA SOGS PA'O, ,CI'I PHYIR 'PHAGS PA SH'A RI'I SRAS POS, BYANG CHUB SEMS DPA' GZHAN LA MA DRIS KYI, BYANG CHUB SEMS DPA' KUN TU SPYAN RAS GZIGS KYI DBANG PO LA DRIS SHE NA, DE LA 'DI SKAD CES BYA STE, SHES RAB KYI PHA ROL TU PHYIN PA 'DI BSHAD PA'I TSE, 'KHOR BRGYA STONG GRANGS MED PA TSOGS PA'I NANG NA BYANG CHUB SEMS DPA' DE NI GTZO BO YIN PAS, SANGS RGYAS KYI MTHUS 'PHAGS PA SH'A RI'I BUS BDAG DANG GZHAN GYI THE TSOM BSAL BA'I PHYIR, DE LA 'OG NAS 'BYUNG BA'I DON RNAMS DRIS SO, ,DE NAS ZHES BYA BA NI GANG DU BSHAD PA RNAMS KYI 'OG TU ZHES BYA BA'I DON TO, ,SANGS RGYAS KYI MTHUS ZHES BYA BA NI DE BZHIN GSHEGS PA RNAMS KYI BYIN GYI RLABS ZHES BYA BA'I DON TO, ,SH'A RI'I BU ZHES BYA BA LA, YUM SH'A RI KA ZHES BYA BA'I MTSAN LAS DRAS TE BTAGS PAS SH'A RI'I BU ZHES BYA'O, ,'DI SKAD CES SMRAS SO ZHES BYA BA NI 'OG NAS 'BYUNG BA'I DON RNAMS DRIS SO ZHES BYA BA'I DON TO, ,GANG LA LA ZHES BYA BA NI GANG SU YANG RUNG ZHES BYA BA'I THA TSIG GO, ,SHES RAB KYI PHA ROL TU PHYIN PA ZHES BYA BA LA, SHES RAB NI GNYIS TE, KUN RDZOB SHES PA'I SHES RAB DANG, DON DAM SHES PA'I SHES RAB BO, ,DE LA KUN RDZOB SHES PA'I SHES RAB NI CHOS THAMS CAD SGYU MA DANG SMIG RGYU DANG RMI LAM LTA BUR SHES PA'O, ,DON DAM PA SHES PA'I SHES RAB NI CHOS THAMS CAD NAM MKHA'I NGOS BZHIN DU BRJOD DU MED CING BSAM DU MED PAR SHES PA STE, SHES RAB DES MI GNAS PA'I MYA NGAN LAS 'DAS PAR PHYIN PAR BYED PAS NA SHES RAB KYI PHA ROL TU PHYIN PA ZHES BYA STE, DON DU NA SKYE BA DANG 'GAG PA MED PA'I DON ZAB MO LA SHES RAB KYI PHA ROL TU PHYIN PA ZHES BYA'O, ,SPYOD PA NI GANG ZAG STE BYANG CHUB SEMS DPA'O, ,SPYAD PA NI CHOS TE SHES RAB KYI PHA ROL TU PHYIN PA'O, ,JI LTAR BSLAB PAR BYA ZHE NA ZHES BYA BA NI MNYAN PA DANG BSAM PA DANG, BSGOM PA'I SGO NAS SHES RAB KYI PHA ROL TU PHYIN PA'I DON LA JI LTAR 'JUG PAR BYA ZHES BYA BA'I DON TO, ,RNAM PA GNYIS SU NA SPYOD PA RNAM PA BZHI LA BSLAB PAR BYA STE, SPYOD PA RNAM PA BZHI NI RNAM PAR MI RTOG PA'I YE SHES KYI DON DAM PA LA SPYOD PA DANG, NYON MONGS PA MED PAS BYANG CHUB KYI PHYOGS KYI CHOS RNAMS LA SPYOD PA DANG, ZHEN PA MED PAR SEMS CAN YONGS SU SMIN @298A *, ,PA LA SPYOD PA DANG, CHAGS PA MED PAR SANGS RGYAS KYI CHOS YONGS SU SMIN PA LA SPYOD PA'O, ,JI LTAR BSLAB PAR BYA ZHES BYA BA NI SPYOD PA DE BZHI LA JI LTAR SPYOD PAR BYA ZHES BYA BA'I THA TSIG GO, ,'DI NI SHES RAB KYI MTSAN NYID DE, MTSAN NYID MI SHES NA DON KHONG DU CHUD PAR MI NUS PAS BYANG CHUB SEMS DPA' SEMS DPA' CHEN PO ZHES BYA BA LA SOGS PA LA LAN GLAN PA'I TSIG GIS BSTAN TO, ,SH'A RI'I BU LA 'DI SKAD SMRAS SO ZHES BYA BA NI 'OG NAS 'BYUNG BA 'DI SKAD DU CES SMRAS SO ZHES BYA BA'I THA TSIG GO, ,'DI LTAR BRTAG PAR BYA ZHES BYA BA NI 'DI LTAR SHES RAB KYI PHA ROL TU PHYIN PA LA SPYAD PAR BYA ZHES BYA BA'I THA TSIG GO, ,JI LTAR BSLAB PAR BYA ZHE NA DE'I PHYIR, PHUNG PO LNGA PO DE DAG KYANG RANG BZHIN GYIS STONG PAR LTA'O ZHES BYA BA SMOS TE, PHUNG PO LNGA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA'O, ,RANG BZHIN GYIS STONG PA ZHES BYA BA LA, STONG PA LA RNAM PA LNGA STE, SNGA NAS MED PA'I STONG PA DANG, ZHIG NAS MED PA'I STONG PA DANG, SHIN TU MED PA'I STONG PA DANG, GCIG LA GCIG MED PA'I STONG PA DANG, NGO BO NYID MED PA'I STONG PA'O, ,DE LA 'O MA LA ZHO MED PA NI SNGA NAS MED PA'I STONG PA'O, ,ZHO LA 'O MA MED PA NI ZHI GNAS MED PA'I STONG PA'O, ,RI BONG GI MGO'I CHA SHAS DMA' BA LA RVA MED PA NI SHIN TU MED PA'I STONG PA'O, ,BA LANG RTA LA MED PA NI GCIG LA GCIG MED PA'I STONG PA'O, ,CHOS THAMS CAD RANG BZHIN MED PA NI NGO BO NYID MED PA'I STONG PA STE, STONG PA RNAM PA LNGA YOD PA LAS PHUNG PO LNGA PO RNAMS NI NGO BO NYID MED PA'I STONG PAS STONG PAR BRTAG PAR BYA'O ZHES PA'I DON TO, ,GZUGS STONG PA ZHES BYA BA LA, GZUGS ZHES BYA BA NI SA DANG CHU DANG ME DANG RLUNG LA BYA'O, ,STONG PA ZHES BYA BA NI DON DAM PA CHOS KYI DBYINGS STONG PA NYID KYI MTSAN NYID PAS GZUGS DE DAG STONG PA NYID DE, STONG PA NYID KYI MTSAN NYID DE NI GNYIS SU MED PA GRANGS DANG BGRANG BA LAS 'DAS PA, BDAG DANG BDAG GIR LTA BA SPANGS PA, GZUNG BA DANG 'DZIN PA DANG BRAL BA YIN PAS NA MI GNYIS PA DE BZHIN NYID KYI MTSAN NYID DO, ,CHOS SO COG KYANG STONG PA'I MTSAN NYID DU MA 'DUS PA MED PAS, SA CHU ME RLUNG BZHI YANG MTSAN NYID MED PA STE, DNGOS PO MED PA, BDAG MED PA, GTZO BO MED PA @298B STE; RDUL DU BSHIG NAS STONG PA NYID DU GYUR PA NI MA YIN GYI, NGO BO NYID KYIS STONG PA YIN PAS NA, GZUGS STONG PA ZHES BYA'O, ,GZUGS NGO BO NYID KYIS STONG PA NYID GANG YIN PA DE NYID DON DAM PA'I STONG PA DE NYID YIN TE, GZUGS NGO BO NYID KYIS STONG PA DE LAS DON DAM PA'I STONG PA GUD NA MED PAS NA STONG PA NYID KYANG GZUGS ZHES BYA STE, DON DAM PA'I STONG PA DE NYID GZUGS KYI STONG PA'I RANG BZHIN ZHES BYA BA'I THA TSIG GO, ,GZUGS KYI STONG PA DON DAM PA'I STONG PA YIN PAR CI MNGON ZHE NA, 'PHAGS PA BLO GLOS MI ZAD PAS BSTAN PA LAS KYANG, BYANG CHUB SEMS DPA' CHOS KYI DBYINGS LA 'JUG PA'I YE SHES KYI CHOS KYI DBYINGS NI SA DANG CHU DANG ME DANG RLUNG GI KHAMS YIN YANG CHOS KYI DBYINGS SRA BA DANG, RLAN PA DANG, DRO BA DANG, G-YO BA'I MTSAN NYID NI MA YIN NO, ,CHOS KYI DBYINGS DANG CHOS THAMS CAD MTSUNGS SO, ,DE CI'I PHYIR ZHE NA, STONG PA NYID DU MTSUNGS PAS NA MTSUNGS ZHES BSHAD DE, DE BAS NA GZUGS STONG PA NYID DON DAM PA'I STONG PA NYID DU RIG PAR BYA'O, ,RNAM PA GNYIS SU NA GZUGS STONG PA ZHES BYA BA LA, GZUGS RNAM PA GSUM STE, YONGS SU BRTAGS PA'I GZUGS DANG, RNAM PAR BRTAGS PA'I GZUGS DANG, CHOS NYID KYI GZUGS SO, ,DE LA BYIS BA SO SO'I SKYE BO RNAMS KYIS SA LA SOGS PA SRA BA'I MTSAN NYID DU BRTAGS PA NI YONGS SU BRTAGS PA'I GZUGS SO, ,DON DANG LDAN PA'I RNAM PAR SHES PA'I SPYOD YUL GYI GZUGS NI RNAM PAR BRTAGS PA'I GZUGS SO, ,YONGS SU BRTAGS PA'I GZUGS DANG, RNAM PAR BRTAGS PA'I GZUGS DANG BRAL BA DE BZHIN NYID KYI MTSAN NYID NI CHOS NYID KYI GZUGS TE, CHOS NYID KYI GZUGS DE LA YONGS SU BRTAGS PA'I GZUGS DANG, RNAM PAR BRTAGS PA'I GZUGS MED PAS NA GZUGS STONG PA'O ZHES BYA'O, ,CHOS NYID KYI GZUGS STONG PA NYID DE RNAM PAR BRTAGS PA'I GZUGS DANG, KUN BRTAGS KYI GZUGS LAS LOGS SHIG NA YOD PA YIN NAM SNYAM PA LA STONG PA NYID GZUGS ZHES SMOS TE, CHOS NYID KYI GZUGS STONG PA DE NYID RNAM PAR BRTAGS PA DANG, KUN BRTAGS PA'I GZUGS DANG MTSAN NYID GCIG CES BYA BA'I DON TO, ,GZUGS GANG YIN PA DE NYID STONG PA NYID DO, ,STONG PA NYID KYANG GZUGS @299A *, ,SO; ,GZUGS LAS STONG PA NYID GUD NA MED DO ZHES BYA BA LA, GZUGS KYI MTSAN NYID KYI STONG PA DANG, DON DAM PA'I STONG PA GNYIS THA MI DAD DE GCIG PAS NA GZUGS LAS STONG PA NYID GUD NA MED CES BYA STE, CIS THA MI DAD CE NA, BSNAN PA DANG, PHRI BA DANG BRAL BA DANG, MTHA' GNYIS SPANGS PA'I NGO BO NYID STONG PA'I MTSAN NYID DU THA MI DAD PA'I PHYIR RO, ,GANG GZUGS DE NYID STONG PA ZHES BYA BA LA, GZUGS KYI MTSAN NYID GANG YIN PA STONG PA NYID KYI MTSAN NYID KYANG DE YIN NO ZHES BYA BA'I THA TSIG GO, ,GANG STONG PA NYID DE GZUGS SO ZHES BYA BA NI STONG PA NYID KYI MTSAN NYID GANG YIN PA GZUGS KYI MTSAN NYID KYANG DE YIN NO ZHES BYA BA'I THA TSIG GO, ,DES NI 'DI SKAD BSTAN PA YIN TE, SEMS CAN MA RABS BYIS PAR GYUR BA RNAMS THOG MA MED PA TSUN CHAD SKYE SHI'I 'KHOR BA'I NANG NA LAM RGYUD LNGAR 'KHOR TE, PHUNG PO LNGA NI 'DRIS, KHAMS BCO BRGYAD LA NI GOMS PAS DE DAG LA CHAGS ZHING SHEN NAS DNGOS PO DANG GONG BUR 'DZIN PA LA, DE BZHIN GSHEGS PAS NGO BO NYID KYIS STONG PAR BSTAN PAS GZUGS KYI MTSAN NYID NI STONG PAR SHIGS NA, GNYEN PO STONG PA GCIG GUD NA YOD PAR 'DZIN PA NI NYAN THOS ZHI BA PHYOGS GCIG GI MYA NGAN LAS 'DAS PA LA CHAGS PA'O, ,'DI LTA STE, GANG GZUGS DE STONG PA NYID CES BYA BA NI GANG GZUGS LA CHAGS PAS 'KHOR BA'I MUR LTUNG BA DANG 'BRAL BA'I GNYEN POR GSUNGS SO, ,GANG STONG PA NYID DE GZUGS SO ZHES BYA BA NI NYAN THOS GANG ZAG LA BDAG MED PAR CHUD NAS GZUGS STONG PAR BSHIG PA'I RJES SU STONG PA'I MTSAN MA SKYES TE MYA NGAN LAS 'DAS PA'I MUR LTUNG BA'I GNYEN POR GSUNGS SO, ,GZUGS STONG PA NYID DE NI MED PAS SPONG BAR 'GYUR BA YIN NA, DE LA GZUGS LA MTSAN MAR 'DZIN PA SPANG BA'I PHYIR STONG PA NYID BSTAN NA STONG PA LA MTSAN MAR 'DZIN PA'I SEMS GCIG SKYES PAS STONG PA DANG GZUGS GNYIS RJES SU SPONG STE, MTSAN MA NI MTSAN MA GANG LA DMIGS PAS KYANG DE KHO NA RTOGS PAR BYA BA LA SGRIB BAR 'GYUR BAS STONG PA NYID LA DNGOS POR 'DZIN PA YANG MTSAN MA YIN TE, DE YANG DPER BYA NA MI MIG RAB RIB CAN CIG MGRON DU 'GRO BA LAS LAM G-YAS ROL GYI 'GRAM NA NI TSER MA @299B DANG DONG YOD, LAM G-YON ROL GYI 'GRAM NA NI DAM GROG DANG G-YANG SA YOD DE, MI MIG SKYON MED PA ZHIG GIS TSER MA DANG DONG YOD DO ZHES BYAS NA NI DAM GROG DANG G-YANG SA'I MUR LTUNG, DAM GROG DANG G-YANG SA YOD DO ZHES BYAS NA NI TSER MA DANG DONG GI MUR LTUNG BA LAS, LAM DBUS MA BDE BA NYID CI LA YANG MI THOGS PA BSTAN TE, RANG GI GNAS SU PHYIN PAR BYAS SO, ,DPE DE DANG 'DRA STE, RAB RIB CAN ZHES BYA BA NI SO SO'I SKYE BO NYON MONGS PA'I SGRIB PAS BSGRIBS PA DANG, NYAN THOS SHES BYA'I SGRIB PAS BSGRIBS PA LA BYA'O, ,TSER MA DANG DONG NI GANG ZAG GZUGS LA SOGS PA'I MTSAN MA LA CHAGS PA STE 'KHOR BA'I MUR LTUNG BA'O, ,DAM GROG DANG G-YANG SA NI NYAN THOS MYA NGAN 'DAS PA LA CHAGS PA STE STONG PA'I MUR LTUNG BA'O, ,MIG CAN GYI SKYES BU NI DE BZHIN GSHEGS PA STE, SHES RAB KYI SPYAN GSAL BAS GZUGS NGO BO NYID KYIS STONG PAR GZIGS PAS NA SKYE SHI SGYU MA DANG 'DRA BA'I PHYIR 'KHOR BA YANG MI SPONG, KHAMS GSUM RMI LAM DANG 'DRA BAS NA MYA NGAN LAS 'DAS PA'I YON TAN YANG MI TSOL TE, LAM DBU MA MTSAN MA MED PA DANG, SMON PA MED PA DANG, STONG PA NYID KYI LAM DU ZHUGS PAS NA MI GNAS PA'I MYA NGAN LAS 'DAS PA'I GNAS SU PHYIN TO, ,DE BAS NA MTSAN MAR 'DZIN PA NI G-YANG SA STE SKYON YIN NO ZHES BSTAN PA'I PHYIR YOD PA DANG, MED PA GANG YANG MTSAN MAR MI GZUNG BAR BYA'O, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA RNAMS STONG PA'O ZHES BYA BA LA DE SKAD CES BYA STE, GONG DU PHUNG PO LNGA PO STONG PAR LTA ZHES BYA BA LA, GZUGS KYI STONG PA SMOS TE, GZUGS STONG PAR BSTAN PA DANG, STONG PA DANG GZUGS THA MI DAD PAR BSTAN PA'I TSIG ZUR SMOS PA DE BSHAD PA RNAM PA GSUM DANG SBYAR BAS RNAM PA DRUG TU 'GYUR BA LA, BSHAD PA RNAM PA GSUM NI DANG POR RANG BZHIN GYIS STONG STE GCIG PAR BSHAD PA DANG, BAR DU BTAGS PA RNAM PA GSUM DANG SBYAR TE RO GCIG PAR BSHAD PA DANG, THA MAR 'KHOR BA'I SO SO SKYE BO DNGOS PO'I MTHA' LA GNAS PA DANG, NYAN THOS MYA NGAN LAS 'DAS PA STONG PA'I MTHA' LA GNAS PA DE GNYIS SPANGS TE, DBU MA'I LAM DU 'JUG PA BSGRUBS TE, GSUM PO RE RE LA YANG GZUGS STONG PA STONG PA NYID GZUGS ZHES PA PHRUGS RE RER SBYAR BA @300A *, ,DANG DRUG TU 'GYUR BA BZHIN DU PHUNG PO LNGA 'AM BZHI LA YANG TSUL 'DI BSHAD DO, ,PHAN TSUN STONG PA RNAM PA LNGAS BSHAD PA DE BZHIN DU LHAG MA TSOR BA DANG, 'DU SHES DANG 'DU BYED DANG RNAM PAR SHES PA RNAMS LA YANG PHAN TSUN STONG PA RNAM PA LNGAS BSHAD PAR BYA'O, ,CHOS DE RNAMS NI RANG GI SEMS KYI RGYUD YIN LA, SEMS NI GZUGS MED PA STONG PA NYID KYI MTSAN NYID DU BAG CHAGS RNAM PAR SMIN NAS GZUGS KYI PHUNG PO DE LA BRTEN TO, ,DE YANG DPER NA SNOD STONG PA DANG 'DRA STE SNOD LA BRTEN TO, ,SNOD DE BSHIG NA BRTEN PA'I GNAS MED DE, STONG PA CHEN PO DANG THA MI DAD DO, ,DE DANG 'DRA STE 'DI GZUGS KYI PHUNG PO STONG PAR BRTAGS PAS SEMS KYI PHUNG PO DE YANG GNAS MED DE, DON DAM PA CHOS KYI DBYINGS DANG THA MI DAD DO, ,PHUNG PO LNGA RANG BZHIN GYIS STONG PA YIN PAR CI MNGON ZHE NA, DE YANG 'PHAGS PA BLO GROS MI ZAD PAS BSTAN PA LAS BSHAD PA, GZUGS KYI PHUNG PO NI DBU BA'I GONG BU DANG 'DRA STE, GZUNG ZHING BCAD MI BZOD PA'O, ,TSOR BA'I PHUNG PO NI CHU'I CHU BUR DANG 'DRA STE, SKAD CIG LAS MI RTAG PA'O, ,'DU SHES KYI PHUNG PO NI SMIG RGYU DANG 'DRA STE, SRED PA'I SKOM PAS NI NOR PAR 'DZIN PA'I PHYIR RO, ,'DU BYED KYI PHUNG PO NI CHU SKYES KYI LDUM BU DANG 'DRA STE, BSHIG NA SNYING PO MED PA'O, ,RNAM PAR SHES PA'I PHUNG PO NI RMI LAM DANG 'DRA STE, 'KHRUL PAR 'DZIN PA'O, ,DE BAS NA PHUNG PO LNGA NI BDAG MA YIN, GANG ZAG MA YIN, SEMS CAN MA YIN, SROG MA YIN, GSO BA MA YIN, SKYES BU MA YIN, PHUNG PO LNGA'I RANG BZHIN GYIS 'DI LTA BU STE, BDAG DANG BDAG GIS STONG PA'O, ,MA SKYES PA'O, ,MA BYUNG BA'O, ,MED PA'O, ,NAM MKHA'I DBYINGS SO, ,'DUS MA BYAS SO, ,RANG BZHIN GYIS MYA NGAN LAS 'DAS PA'O ZHES BSHAD DO, ,DE LTAR PHYI ROL GYI CHEN PO BZHI STONG PAR SHES PAS GZUGS STONG PA YIN NO, ,NANG NI SEMS BZHI STONG PAR SHES PAS NI STONG PAS STONG PA ZHES BYA STE, GZUGS DANG STONG PA GCIG PA'I MTSAN MA SPANG BAS, GZUNG BA DANG 'DZIN PA GNYIS DANG BRAL BAS RNAM PAR GROL BA'I SKU ZHES BYA'O, ,'DI NI SHES RAB KYI SPYOD YUL TE, SPYOD YUL MI SHES NA BSGOM DU MI RUNG BAS RNAL 'BYOR BSGOM DU GZHUG PA'I PHYIR BSHAD DO, ,SH'A RI'I BU DE LTAR @300B ZHES BYA BA NI GONG DU BSHAD PA LTAR NA'O, ,CHOS THAMS CAD NI STONG PA NYID CES BYA BA LA, CHOS THAMS CAD CES BYA BA NI PHUNG PO LNGA LA BRTEN PA STE, DBANG PO LNGA DANG YUL DANG, KHAMS DANG, SKYE MCHED DANG, RTEN CING 'BREL PAR 'BYUNG BA LA SOGS PA LA BYA STE, PHUNG PO LNGA PO DE STONG PAR RTOGS PAS NA DE'I YAN LAG RNAMS KYANG STONG PA'I MTSAN NYID DU RIG PAR BYA'O, ,DPER NA LUS KYI GTZO BO STONG PAR RTOGS PAS NA RKANG LAG LA SOGS PA ZHAR GYIS RIG PAR BYA'O, ,MTSAN NYID MED PA ZHES BYA BA LA, CHOS THAMS CAD NI MTSAN MA DANG MTSAN MA LAS 'DAS PAS NA MTSAN NYID MED PA ZHES BYA'O, , MA SKYES PA, MA 'GAGS PA ZHES BYA BA LA, SNGA NA MED PA LAS PHYIS YOD PA NI SKYES PA ZHES BYA'O, ,SNGON YOD PA LAS PHYIS MED PAR GYUR BA NI 'GAGS PA ZHES BYA'O, ,SANGS RGYAS KYI NGO BO NYID CHOS KYI DBYINGS DON DAM PA STONG PA NYID 'DI NI THOG MA'I MTHA' MED PAS NA THA MA'I MTHA' MI RNYED DE, DE'I PHYIR MA SKYES PA DANG, MA 'GAGS PA ZHES BYA'O, ,SEMS CAN LAM RGYUD LNGA'I NANG NA 'KHOR BA'I TSE YANG, SANGS RGYAS KYI NGO BO NYID LA DRI MA CAN DU GYUR BA MED PAS RNAM PAR DAG PA ZHES BYA'O, ,BLA NA MED PA YANG DAG PAR RDZOGS PA'I BYANG CHUB TU SANGS RGYAS KYANG SANGS RGYAS KYI NGO BO NYID LAS LHAG PAR RNAM PAR DAG PA MED PAS, RNAM PAR DAG PA MED PA ZHES BYA'O, ,GROG MA DANG SBUR BU'I LUS SU GYUR KYANG SANGS RGYAS KYI NGO BO NYID LA CHUNG NGUR GYUR BA MED PAS BRI BA MED PA ZHES BYA'O, ,CHOS KYI SKUR GYUR KYANG 'PHEL BA MED PAS NA GANG BA MED PA STE, CI'I PHYIR ZHE NA, BSAM ZHING BRJOD PA LAS 'DAS TE DPAG PAS MI KHYAB PA'I PHYIR RO, ,RNAM PA GNYIS SU NA CHOS KYI DBYINGS DE LAS DANG NYON MONGS PAS MA SKYES PAS NA MA SKYES PA'O, ,MA SKYES NA 'JIG PA MED PAS NA MA 'GAGS PA'O, ,CHOS KYI DBYINGS RANG BZHIN GYIS RNAM PAR DAG PAS NA RNAM PAR DAG PA MED PA'I PHYIR RNAM PAR DAG PA MED PA'O, ,RANG BZHIN GYIS RNAM PAR DAG PA YIN YANG, GLO BUR GYI NYON MONGS PA RNAM PAR DAG PAR MI 'GYUR BA YANG MA YIN PAS NA RNAM PAR DAG PA'O, ,KUN NAS NYON MONGS PA'I PHYOGS SPANGS PAS NA CHOS KYI DBYINGS LA BRI BA MED PAS NA BRI BA MED PA'O, ,RNAM PAR BYANG BA 'PHEL BA'I DUS NA @301A *, ,CHOS KYI DBYINGS LA 'PHEL BA MED PAS NA 'PHEL BA MED PA'O, ,GONG DU PHUNG PO LNGA SO SOR PHYE STE STONG PAR BSTAN PA LAS YANG SEMS LA MTSAN MAR RTOG PA PHUNG PO LNGA STONG PA YIN NA, STONG PA LA NI DBYER MED PAS GZUGS LA SOGS PA'I MING DU YANG GDAGS PA MI RIGS SO ZHES MING LA RTOG PA'I MTSAN MA BSAL BAR BYA BA'I PHYIR, DE LTAR NA STONG PA NYID NI GZUGS MA YIN, TSOR BA MA YIN ZHES BYA BA LA SOGS PA SMOS SO, ,PHUNG PO LNGA NGO BO NYID KYIS STONG PA STE, MING DANG GDAGS PA LAS 'DAS PA DBYER MED PA'I MTSAN NYID YIN PAS, GZUGS LA SOGS PAR BTAGS PA'I MTSAN MAR YANG YOD PA MA YIN PA'I PHYIR GZUGS MA YIN, TSOR BA MA YIN ZHES BYA STE, GZUGS MED, TSOR BA MED CES BYA BA'I THA TSIG GO, ,YANG NA STONG PA NYID LA MING DU GZUGS ZHES KYANG MI BRJOD, TSOR BA ZHES KYANG MI BRJOD CES BYA BA'I THA TSIG GO, ,MIG MA YIN, RNA BA MA MIN, SNA MA YIN, LCE MA YIN, LUS MA YIN, YID MA YIN ZHES BYA BA LA, DE LA 'DI SKAD CES BYA STE, 'DI NI DBANG PO DRUG STE, DBANG PO DRUG KYANG PHUNG PO LNGA LA BRTEN PAS PHUNG PO LNGA MED NA, DBANG PO DRUG KYANG PHUNG PO LNGA LAS GZHAN MA YIN PA'I PHYIR MED PA ZHES BYA'O, ,GZUGS MA YIN, SGRA MA YIN, DRI MA YIN, RO MA YIN, REG MA YIN, CHOS MA YIN ZHES BYA BA LA, 'DI SKAD CES BYA STE, 'DI NI YUL DRUG STE, MA RIG PA'I DBANG LAS BAG CHAGS RNAM PAR SMIN TE, 'DUS BYAS KYI 'BRAS BUR GRUB PA LA BSLAD PA'I SEMS KYIS YOD PAR 'DZIN TE, DON DAM PAR NI NGO BO NYID KYIS STONG PA YIN PA'I PHYIR MED CES BYA'O, ,MIG GI KHAMS MA YIN PA NAS YID KYI KHAMS MA YIN PA ZHES BYA BA LA, 'DI SKAD CES BYA STE, 'DI NI KHAMS BCO BRGYAD DE NANG GI DBANG PO DRUG MED PAS NA RNAM PAR SHES PA DRUG GI RTEN MED PA'I PHYIR, PHYI'I YUL DRUG MED PAS NA RNAM PAR SHES PA DRUG GI GNAS MED DO, 'BA' ZHIG MI 'BYUNG BAS RNAM PAR SHES PA DRUG KYANG MED PA YIN PA'I PHYIR NA, DE'I PHYIR KHAMS BCO BRGYAD KYANG MED PA ZHES BYA'O, ,MA RIG PA MA YIN, MA RIG PA ZAD PA MA YIN, RGA SHI MA YIN, RGA SHI ZAD PA MA YIN ZHES BYA BA LA, 'DI SKAD CES BYA STE, 'DI @301B NI RANG SANGS RGYAS KYI THEG PA LA ZHUGS PA'I SPYOD YUL TE, MA RIG PA GLENGS NAS RGA SHI'I BAR DU BSTAN PA NI MDAR GSUNGS TE, MA RIG PA'I RKYEN GYIS 'DU BYED NAS, RNAM PAR SHES PA, MING DANG GZUGS, SKYE MCHED DRUG ,REG PA, TSOR BA, SRED PA, LEN PA, SRID PA, SKYE BA, RGA SHI'I BAR DU BLTA'O, ,MA RIG PA ZHES BYA BA NI BDAG TU LTA BA LAS 'BYUNG NGO, ,BDAG TU 'DZIN PA NI DNGOS PO MED PA LAS 'BYUNG STE, DE BAS NA MA RIG PA YANG DNGOS PO MED PA'O, ,DE YANG DPER NA, KHYIM MUN NAG YUN RING POR 'DUG PA LA, SGRON MA GCIG BYUNG BAS SKAD CIG TU MED PAR GYUR TE, MED PA DE'I DNGOS POR YANG MI SNANG NGO, ,'DI LTA STE, SEMS CAN THOG MA MED PA TSUN CHAD KYI MA RIG PA'I MUN PA STUG PO LA, SHES RAB KYI SGRON MAS BRTAGS PAS SKAD CIG TU MED PAR 'GYUR RO, ,MED PA DE'I DNGOS PO YANG MI SNANG NGO, ,RIG PA ZHES BYA BA YANG MA RIG PA'I ZLA LAS BTAGS PA TZAM DU ZAD DE, MA RIG PA MED PAS RIG PA'I MING YANG MI 'GRUB PAS NA MA RIG PA YANG MA YIN, MA RIG PA ZAD PA YANG MA YIN ZHES BYA'O, ,MA RIG PA'I DNGOS PO NYID MED PAS NA MA RIG PA MED PA'O, ,MED PA'I DNGOS PO LTAR MI SNANG BAS NA ZAD PA YANG MED CES BYA'O, SDUG BSNGAL BA DANG, KUN 'BYUNG BA DANG, 'GOG PA DANG LAM MA YIN ZHES BYA BA LA, 'DI SKAD CES BYA STE, 'DI NI NYAN THOS KYI THEG PA LA ZHUGS PA'I SPYOD YUL TE, BDEN PA BZHI ZHES BYA'O, ,BDEN PA LA RNAM PA GSUM STE, 'JIG RTEN DANG, 'JIG RTEN LAS 'DAS PA DANG, DON DAM PA'I 'JIG RTEN LAS 'DAS PA'I BDEN PA'O, ,DE LA 'JIG RTEN GYI BDEN PA NI PHUNG PO LNGA LA KUN 'BYUNG BA DANG, RGA SHI'I SDUG BSNGAL DU SHES PA'O, ,'JIG RTEN LAS 'DAS PA'I BDEN PA NI SDUG BSNGAL DANG, KUN 'BYUNG DANG, 'GOG PA DANG, LAM DU SHES PA'O, 'JIG RTEN LAS 'DAS PA 'PHAGS PA'I BDEN PA NI PHUNG PO LNGA LA SKYE BA MED PAR SHES PA NI, SDUG BSNGAL GYI BDEN PA SHES PA'O, ,GANG GIS SRID PA 'JOMS PA NI KUN 'BYUNG GI BDEN PA SHES PA'O, ,MA RIG PA DANG, BAG LA NYAL BA RNAMS NGO BO NYID KYIS MED PAR SHES PA NI 'GOG PA'I BDEN PA SHES PA'O, ,CHOS MNYAM PA NYID @302A *, ,DU RING BAS THAMS CAD LA SGRO MI 'DOGS PA DE NI LAM GYI BDEN PA SHES PA ZHES BYA'O, ,DE LTAR BDEN PA RNAMS KYANG DON DAM PAR NA NGO BO NYID KYIS MED PAS NA MED PA ZHES BYA'O, ,BDEN PA RNAMS NGO BO NYID KYI SA MED PAR CI MNGON ZHE NA, 'PHAGS PA BLO GROS MI ZAD PA'I MDO LAS BSHAD PA, BYANG CHUB SEMS DPA' BDEN PA LA MKHAS PA GANG ZHE NA, PHUNG PO 'DI NI SDUG BSNGAL BA STE, GANG GIS SDUG BSNGAL GYI MTSAN MA STONG PA NYID DU JI LTA BA BZHIN DU RTOGS PA DE NI SDUG BSNGAL 'PHAGS PA'I BDEN PA ZHES BYA'O, ,GANG PHUNG PO LNGA SRED PA'I RGYU DANG LTA BA'I RGYU NI KUN 'BYUNG STE, GANG GIS SRED PA'I RGYU DANG, LTA BA'I RGYU DE DAG MI LEN CING SGRO MI 'DOGS PA DE NI KUN 'BYUNG 'PHAGS PA'I BDEN PA ZHES BYA'O, ,GANG PHUNG PO SNGON GYI MTHA' YANG MI 'BYUNG, PHYI MA'I MTHAR YANG MI 'PHO, ,DA LTAR YANG MI GNAS PAR SHES PA NI 'GOG PA 'PHAGS PA'I BDEN PA ZHES BYA'O, ,GANG MI GNYIS PA'I YE SHES LA MNYAM PAR BZHAG NAS BDEN PA BZHI STONG PA NYID DU SHES PA DE NI, LAM 'PHAGS PA'I BDEN PA ZHES BSHAD DO, ,YE SHES MA YIN THOB PA MA YIN, MA THOB PA YANG MA YIN ZHES BYA BA LA, DE LA 'DI SKAD CES BYA STE, 'DI NI BYANG CHUB SEMS DPA'I THEG PA CHEN PO LA ZHUGS PA'I SPYOD YUL LO; ,DE NYON MONGS PA'I SGRIB PA DANG, SHES BYA'I SGRIB PA GNYIS SPANGS PA'I YE SHES GNYIS SU MED PA'I YE SHES ZHES BYA STE, DON DAM PAR YE SHES MA YIN PAS NA YE SHES DE MED CES BYA'O, ,THOB CES BYA BA NI SNGON MED PA LAS THOB PA'O, ,THOB PA YOD NA STONG PA YANG YOD LA, 'BRAS BU YOD NA 'JIG PAR 'GYUR BAS NA SANGS RGYAS KYI NGO BO NYID NI, SEMS CAN KUN LA MNYAM PAR GNAS PA DE NI THOG MAR YANG STONG, THA MAR YANG THOB PA MED DE, SA BCU'I RIM PA SMOS PA YANG KUN GZHI RNAM PAR SHES PA LA MA RIG PA'I BAG CHAGS RIM GYIS SPYAD PA TZAM DU ZAD DE, MA RIG PA'I BAG CHAGS BYANG NAS SANGS RGYAS KYI YE SHES ME LONG DANG 'DRA BA'I CHOS KYI DBYINGS LA NI THOB PA DANG, MA THOB PA ZHES GDAGS SU MED PAS NA THOB PA YANG MED, MA THOB PA YANG MED CES BYA'O, ,DE BAS NA SHES RAB KYI PHA ROL TU PHYIN PA BDUN BRGYA PA LAS KYANG, MTSAN MA THAMS CAD LA MI SPYOD PA DE NI SHES RAB KYI PHA ROL TU PHYIN PA LA SPYOD PA'O,, @302B CI YANG THOB PA MED PA NI BLA NA MED PA'I BYANG CHUB THOB PA'O ZHES GSUNGS SO, ,'DI NI SHES RAB KYI PHA ROL TU PHYIN PA'I YON TAN TE, RNAL 'BYOR BA BLA NA MED PA'I BYANG CHUB NI STONG PA NYID KYI RANG BZHIN YIN MOD KYI, 'ON KYANG PHA ROL TU PHYIN PA'I 'BRAS BU MED PA YANG MA YIN TE, YOD DO ZHES SPRO BA BSKYED PA'I PHYIR YON TAN BSHAD DO, ,SH'A RI'I BU DE LTA BAS NA BYANG CHUB SEMS DPA' THOB PA MED PAS SHES RAB KYI PHA ROL TU PHYIN PA LA GNAS SHING BRTEN TE ZHES BYA BA LA, 'DI SKAD CES BYA STE, DE LTA BAS NA ZHES BYA BA NI GONG DU BSHAD PA LTAR NA'O, ,THOB PA MED PA ZHES BYA BA NI BLA NA MED PA YANG DAG PAR RDZOGS PA'I BYANG CHUB KYI 'BRAS BU THOB PA MED PA'I PHYIR RO, ,SHES RAB KYI PHA ROL TU PHYIN PA LA GNAS SHING BRTEN TE ZHES BYA BA NI MTSAN MA THAMS CAD LA MI GNAS SO, ,SEMS KYI SGRIB PA MED CES BYA BA NI NANG GI BAG CHAGS DANG, PHYI'I MTSAN MA THAMS CAD SPANGS TE MED PA'I PHYIR RO, ,SKRAG PA MED PA ZHES BYA BA LA, DE LTAR SEMS KYI SGRIB PA MED PAS NA 'KHOR BA DANG NGAN SONG DU SKYE BA'I 'JIGS PA DANG, CHOS ZAB MO SKYE BA DANG 'GAG PA MED PA'I DON LA 'JIGS PA MED PA'I PHYIR RO, ,PHYIN CI LOG LAS SHIN TU 'DAS PA ZHES BYA BA LA, KUN GZHI RNAM PAR SHES PA LA MA RIG PA'I BAG CHAGS KYI PHYI ROL YUL DNGOS PO MED PA LA RNAM PA SNA TSOGS SU LTA BA NI PHYIN CI LOG CES BYA STE, DE LA GANG ZAG DANG CHOS LA BDAG MED PAR CHUD NAS NYON MONGS PA DANG, SHES BYA'I SGRIB PA SPANGS NAS PHYIN CI LOG LAS 'DAS PA'O, ,MYA NGAN LAS 'DAS PAR PHYIN ZHES BYA BA LA, MA RIG PA NI NYON MONGS PA KUN GYI GZHI STE, RTEN 'BREL YAN LAG BCU GNYIS KYI NANG NA YANG 'KHOR BA'I RGYUR 'GYUR BAS NA MTHA' NAS SDUG BSNGAL GYI PHUNG PO 'BA' ZHIG KYANG 'DUS PAR 'GYUR RO ZHES GSUNGS SO, ,MA RIG PA MED PAR SHES NA SDUG BSNGAL BA DANG, NYON MONGS PA KUN KYANG MED PAR 'GYUR RO, ,DE BAS NA MYA NGAN LAS 'DAS PAR PHYIN ZHES BYA'O, ,'DI NI SHES RAB KYI PHA ROL TU PHYIN PA'I 'BRAS BU STE, 'BRAS BU MED NA SPYAD PA YANG DON MED PA'I PHYIR 'BRAS BU BSHAD DO, ,DUS GSUM DU RNAM PAR BZHUGS PA'I SANGS RGYAS THAMS CAD SHES RAB KYI PHA ROL TU PHYIN PA LA BRTEN NAS ZHES BYA BA LA, 'DI SKAD CES BYA STE, DUS @303A *, ,'DI 'DAS PA DANG, MA 'ONGS PA DANG, DA LTAR GYI DUS THA DAD PA RNAMS SO, ,BZHUGS PA NI DUS GSUM DU GSHEGS PA RNAMS SO, ,SANGS RGYAS ZHES BYA BA NI KHAMS GSUM GYI 'KHOR BA'I BSLAD PA LAS SHES RAB KYI MIG THOB PAS SANGS RGYAS ZHES BYA STE, DON DU NA CHOS KYI SKUR GYUR NAS SHES RAB DANG, YE SHES DANG, TING NGE 'DZIN DANG, MTSAN DANG, DPE BYAD DANG, MA 'DRES PA'I CHOS LA SOGS PA STE, YON TAN GRANGS MED PA PHUN SUM TSOGS PA DE NI SANGS RGYAS ZHES BYA'O, ,SHES RAB KYI PHA ROL TU PHYIN PA LA BRTEN CES BYA BA NI MTSAN MA THAMS CAD MED PA LA GNAS PAS SO, ,DUS GSUM GYI SANGS RGYAS THAMS CAD KYANG MTSUNGS PAR SHES RAB KYI PHA ROL TU PHYIN PA LAS BYUNG BAS NA, SHES RAB KYI PHA ROL TU PHYIN PA 'DI SANGS RGYAS THAMS CAD KYI YUM ZHES BYA'O, ,BLA NA MED PA YANG DAG PAR RDZOGS PA'I BYANG CHUB TU SANGS RGYAS SO ZHES BYA BA NI, 'DI SKAD CES BYA STE, BLA NA MED PA ZHES BYA BA NI KHAMS GSUM LAS 'DAS PA'O, ,YANG DAG PAR RDZOGS PA ZHES BYA BA NI, DE BZHIN NYID MA NOR BA'I CHOS KYI MTHAR THUG PA'O, ,BYANG CHUB CES BYA BA NI DE BZHIN NYID CHOS KYI DBYINGS SO, ,SANGS RGYAS SO ZHES BYA BA NI SHES RAB KYI PHA ROL TU PHYIN PA LA RNAM PAR MI RTOG PA'I TSUL GYIS SPYAD NAS MNGON PAR SANGS RGYAS TE, 'DAS PA'I SANGS RGYAS RNAMS DANG YANG MI 'DRA BA MED PA DANG, YON TAN MTSUNGS PA LA BYA'O, ,'DI NI SHES RAB KYI GZUNGS TE, RNAM PAR MI LTUNG BAR BYA BA'I PHYIR SMOS SO, ,DE BAS NA BDEN TE MA NOR BA ZHES BYA BA LA, 'DI SKAD CES BYA STE, TSIG GIS SMRA BA MED PAS SMON PA MED PAS DE DAG GIR BDEN PA'O, ,LUS KYI SPYOD PA MED PAS MTSAN MA MED PA STE, LUS KYI BDEN PA'O, ,SEMS KYI BSAM PA MED PAS STONG PA NYID LAS YID KYI BDEN PA STE, DE LTAR 'PHAGS PA'I RNAM PAR THAR BA'I SGO GSUM DANG YANG MI 'GAL LA, SHES RAB KYI PHA ROL TU PHYIN PAS SEMS KYI MTSAN MA THAMS CAD BSAL NAS DON DAM PAR CIG CHAR 'JUG PA'I SGO RNAM PAR MI RTOG PA'I DON DANG MTHUN PAS NA BDEN TE MA NOR BA'O, ,NANG GI RNAM PAR SHES PA'I BAG CHAGS KUN SEL BAS NA SHES RAB KYI PHA ROL TU PHYIN PA'I SNGAGS SO, ,PHYI'I MTSAN @303B MA THAMS CAD NGO BO NYID KYIS SHES SHING SEL BAS RIG PA CHEN PO'I SNGAGS SO, ,PHYI NANG GNYIS KA'I MTSAN MA THAMS CAD SEL BAS BLA NA MED PA'I SNGAGS SO, ,SANGS RGYAS KYI 'BRAS BU GRUB PAR BYED PAS NA MI MNYAM PA DANG MNYAM PA'I SNGAGS SO, ,NGAN SONG THAMS CAD SPONG ZHING SEMS CAN GYI DON BYED PAS NA, SDUG BSNGAL THAMS CAD ZHI BAR BYAD PA'I SNGAGS SO, ,SHES PAR BYA STE ZHES BYA BA LA, 'DI SKAD CES BYA STE, SHES RAB KYI PHA ROL TU PHYIN PA 'DI SANGS RGYAS SU PHYIN PAR BYED PA'I RGYUR SHES PAR BYA ZHES BYA BA'I THA TSIG GO, ,SHES RAB KYI PHA ROL TU PHYIN PA'I SNGAGS SMRAS PA, TAD YA TH'A, GA TE GA TE, P'A RA GA TE, P'A RA SAm GA TE, BO DHI SV'A H'A, ,SHES RAB KYI PHA ROL TU PHYIN PA'I SNGAGS 'DI NI, 'JIG RTEN DANG 'JIG RTEN LAS 'DAS PA'I BSOD NAMS KYI RGYUR 'GYUR TE, 'JIG RTEN PA'I BSOD NAMS NI DON GYIS NYON MONGS PA DANG, BDUD DANG, BGEGS KYIS MI TSUGS SHING BSRUNG NUS PA'O, ,'JIG RTEN LAS 'DAS PA'I BSOD NAMS NI GZUNGS 'DI LA BRTEN PAS SHES RAB DANG YE SHES KYI RGYUR 'GYUR BA'O, ,DE NAS BCOM LDAN 'DAS KYIS KYANG TING NGE 'DZIN DE LAS BZHENGS TE ZHES BYA BA LA, 'DI SKAD CES BYA STE, DE BZHIN GSHEGS PA NYAG GCIG MA GTOGS PAR, SHES RAB KYI PHA ROL TU PHYIN PA'I DON BSHAD CING MNYAM PAR GZHAN GYIS MI NUS PAS, 'PHAGS PA SPYAN RAS GZIGS DBANG POS BSHAD PA DANG, SH'A RI'I BUS MNYAN PA YANG TING NGE 'DZIN DE'I BYIN RLABS YIN TE, BSHAD PA DANG, MNYAN PA'I BYA BA BYAS PAS NA TING NGE 'DZIN DE LAS BZHENGS SO, ,RGYU RNAM PAR DAG PA DANG, 'BRAS BU RNAM PAR DAG PA LA GZIGS NAS, BCOM LDAN 'DAS KYIS 'PHAGS PA SPYAN RAS GZIGS KYI DBANG PO LA LEGS SO ZHES BYA BA BYIN NO, ,SANGS RGYAS KYIS RGYU DANG 'BRAS BU RNAM PAR DAG PA LA GZIGS NAS LEGS SO ZHES BYA BA BYIN NAS, LHA DANG MI LA SOGS PA YANG, BCOM LDAN 'DAS KYIS GSUNGS PA LA MNGON PAR DGA' STE RJES SU YI RANG NGO, ,SHES RAB KYI PHA ROL TU PHYIN PA'I SNYING PO RGYA CHER 'GREL PA DON BCUS GSAL BAR BSTAN PA SLOB DPON PRA SH'A STRA SE NAS MDZAD PA RDZOGS SO,, #, ,RGYA GAR SKAD DU, PRADZNY'A P'A RA MI T'A HRi DA Y'ARTHA PA RI DZNY'A NA, BOD SKAD DU, SHES RAB @304A *, ,KYI PHA ROL TU PHYIN PA'I SNYING PO'I DON YONGS SU SHES PA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,GZHAN GYI BSHAD LA MA LTOS PA, ,RIGS PAS LAM NI DBYE BAR BYA, ,RTOG PA SNGON GTONG 'BAD PA NI, ,YI GE MKHAN GYI RJES MI 'BRANG,, SNGON GYI LO RGYUS NI 'DI LTAR THOS TE, DE LA DAM PA'I CHOS 'JUG PA'I RIM PA NI, DANG PO W'A R'A nA S'IR BDEN PA BZHI'I CHOS KYI 'KHOR LO BSKOR NAS, CHOS KYI BDAG TU 'DZIN PA ZLOG PA'I DON DU BDE BAR GSHEGS PAS RGYAL BA'I YUM MTSAN MA MED PA'I CHOS KYI 'KHOR LO BSKOR RO, ,SDUD PA POS BSDUS PA'I RIM PA NI, BCOM LDAN 'DAS MYA NGAN LAS 'DAS NAS GZHAN 'PHRUL DBANG BYED KYI GNAS SU, PHYOGS KYI GLANG PO LA SOGS PA NI PHYAG NA RDO RJE DANG, RNAM PAR GROL BA'I SDE LA SOGS PA NI, YONGS SU GTAD PA'I LE'U'I RJES SU 'BRANGS NAS 'PHAGS PA KUN DGA' BO DANG, RIN CHEN 'BYUNG GNAS ZHI BA LA SOGS PA NI, BCOM LDAN 'DAS KYIS BYIN GYIS BRLABS PA CAN 'PHAGS PA KUN DGA' BO SDUD PA POR 'DOD DE, DE LTAR RANG RANG DANG MTHUN PA'I SDUD PA POS NI BSTAN PA YANG DAG PAR BSRUNG PA'I DON DU, KLU DGA' BO DANG, NYE DGA' BO LA 'BUM PA DANG, LHA'I DBANG PO BRGYA BYIN LA NYI KHRI LNGA STONG PA DANG, 'PHAGS PA MI PHAM MGON PO LA KHRI BRGYAD STONG PA DANG, KHRI PA DANG, SDUD PA DANG, RNAM THOS SRAS LA BRGYAD STONG PA GTAD PA YIN NO, ,DE NAS 'GREL PA MDZAD PA PO RNAMS KYIS, 'GREL PA MDZAD PA'I RIM PA NI, ,GRONG KHYER SENG GE GAR GNAS PAR, ,DGE SLONG THOGS MED CES BYA BA, ,BSTAN BCOS DE NYID DON RIG PA, ,MDO SDE'I NGES DON DRANG DON RNAMS, ,RNAM PA DU MA RNAM PAR 'BYED, 'JIG RTEN RNAMS KYIS RIG PA YI, ,BDAG NYID CHED DU MNGON PAR BRJOD, ,GZHUNG RTZOM PA YI NGANG TSUL CAN, DE YI GRUB PA'I PHO NYA MO, ,SA LA YIN PAR BRJOD PA STE, ,DE YI RIG SNGAGS MTHU YIS NI, ,NGES PA DE YI BLO SKYES NAS, ,BSTAN PA RING DU GNAS BYA'I PHYIR, ,MDO SDE DE NYID DON SDUD DO, ,LO NI BRGYA DANG LNGA BCUR 'TSO, ,LUS POR NAS NI LHA YUL 'GRO, ,YUN RINGS BDE BA NYAMS SU MYONG, ,'KHOR BAR YUN RINGS 'KHOR 'KHOR NAS, ,RIM GYIS BDAG NYID CHEN @304B PO DE, ,BYANG CHUB RAB TU THOB PAR 'GYUR, ,ZHES YANG DAG PAR RDZOGS PA'I SANGS RGYAS KYIS LUNG BSTAN PA, CHOS KYI RGYUN NI TING NGE 'DZIN THOB PA 'PHAGS PA THOGS MED DGA' LDAN DU GSHEGS NAS 'PHAGS PA BYAMS PA LA GSOL BA BTAB NAS, 'PHAGS PA BYAMS PAS THUN MONG MA YIN PA'I MDO SDE DANG 'DUL BA DANG, MNGON PA'I RJES SU 'BRANGS PA'I RAB TU BYED PA'I 'GREL PA MNGON PAR RTOGS PA'I RGYAN RTOGS NAS, 'DZAM BU'I GLING PA RJES SU BZUNG BA MDZAD DO, ,YANG DUS PHYIS 'PHAGS PA KLU SGRUB KLU'I YUL DU BYON NAS 'BUM PA BLANGS TE, RANG GI LTA BA'I DBANG GIS DBU MA'I BLOS RAB TU BYED PA RNAMS KYIS DE'I 'GREL PA MDZAD DO, ,DE LTA NA YANG RGYAS PA DANG BAR MA DANG, BSDUS PA DANG SHIN TU BSDUS PA'I SHES RAB KYI PHA ROL TU PHYIN PA'I MDO RNAMS LAS, SHES RAB SNYING PO 'DI NI BLO DMAN PA'I 'KHOR GYI DBANG DU MDZAD PA'O, ,DE YANG GSUM STE, GLENG GZHI DANG, DNGOS GZHI DANG, YONGS SU 'DZIN PA'O, ,GLENG GZHI LA GNYIS TE, THUN MONG DANG, THUN MONG MA YIN PA'O, ,THUN MONG GI GLENG GZHI LA LNGA STE, SDUD PA PO SGRO 'DOGS PA SPANG BA GLENG SLONG BA DANG, DUS DANG STON PA DANG, GNAS DANG 'KHOR PHUN SUM TSOGS PA'O, ,DE LA RE ZHIG SGRO 'DOGS PA SPANG BA NI, 'DI SKAD BDAG GIS THOS PA ZHES SMOS PA STE, DE YANG YONGS SU SDUD PA MED PAR BSTAN PA MNGON DU BYED PA MI NUS PAS NA, BSDU BAR BYA BA'I TSIG LA PHYIN CI LOG PA'I SGRO 'DOGS PA NI, 'DI SKAD CES SMOS PAS DRAN PA MNGON DU BYED PA'I DON GYIS SEL TO, ,YANG SHES BZHIN MED PA NI THOS PA YANG MA THOS PA DANG, JI LTA BA BZHIN SHES NA YANG SDUD PA'I DUS NA SHES BZHIN DANG LDAN PA'I SPYOD PA MED NA PHYIN CI MA LOG PAR 'GYUR BA MA YIN ZHES, SGRO 'DOGS PA DE GNYIS NI BDAG GIS ZHES SMOS PAS LUS DANG SEMS LA SO SOR RTOG PA'I SHES BZHIN GYI DON GYIS SEL TO, ,THOS PA ZHES BYA BA NI RANG GIS YONGS SU BRTAGS PA'I BDAG NYID MA YIN PA'O, ,YANG BDAG GIS THOS PA ZHES BYA BA NI BRGYUD NAS THOS PA YANG MA YIN PA'O, ,DE LTAR DON BZHIS NI GLENG SLONG BA BSTAN TO, ,DE LTAR NA YANG 'DI NYID KYI NGAG RDZOGS PA NI DE BZHIN GSHEGS PA RNAMS KYI RJES SU YI RANG BA'O, ,'DI SKAD BDAG GIS THOS PA ZHES SBYAR @305A *, ,RO; ,DE YANG NYE BAR MTSON PA STE, 'DIR GANG DANG GANG SDUD PA POS BYAS PA'I TSE NAM RTOG PA'I TSIG GI TSOGS DE DANG DER 'BREL PAR BYA'O, ,GZHAN DU NA RIM PAS 'BREL BA NA THABS CIG TU BZHUGS PA STE ZHES BYA BA LA SOGS PA MTHONG BA'I DON YANG THOS PAR 'GYUR RO, ,DE LTA NA YANG BRGYUD PAS THOS PA ZHES BYA BAR THAL BAR 'GYUR RO, ,DE YANG 'DI NI GRAGS PA DANG 'GAL LO, ,BDAG CAG GI 'DOD PA NI GRAGS PA DANG 'GAL BA 'BA' ZHIG SPANG PAR MA ZAD DE TSIG GI BRJOD PA'I GEGS KYANG SPANGS PA YIN NO, ,YANG NA SDUD PA PO DUS SU YANG DAG PAR RDZOGS PA'I SANGS RGYAS KYIS SDUD PA'I TSIGS SU BCAD PA THOS PA NA BAR SKABS KYI SDUD PA'I TSIG KYANG SDUD PA POS BYAS PA NI MA YIN NO ZHES GDAMS NGAG GIS THAMS CAD THOS PA YIN PAS NYES PA MED DO, ,'DI NYID KYANG RIN CHEN 'BYUNG GNAS ZHI BAS BCOM LDAN 'DAS KYIS BYIN GYIS BRLABS PA CAN, 'PHAGS PA KUN DGA' BO SDUD PA PO YIN NO ZHES BRJOD DO, ,'O NA SDUD PA PO CI'I DON DU YIN ZHE NA, 'DRI BA PO TZAM DU ZAD DO, ,DUS GCIG NA ZHES BYA BA NI PHUN SUM TSOGS PA'O, ,DUS GZHAN DANG GZHAN DU MA YIN TE, GANG GI PHYIR YANG DAG PAR RDZOGS PA'I SANGS RGYAS NI GDUL BYA GZHAN LA DGONGS NAS CHOS KYI 'KHOR LO BSKOR BA NA, 'PHAGS PA SPYAN RAS GZIGS DBANG PHYUG LA SHES RAB KYI PHA ROL TU PHYIN PA'I SNYING PO 'JUG PA YIN PAS DUS MNYAM DU THOS PA PHUN SUM TSOGS PA 'GRUB PAS SO, ,GDUL BYA MA YIN PA'I DBANG DU BYAS NAS YANG DAG PAR RDZOGS PA'I SANGS RGYAS TING NGE 'DZIN LA SNYOMS PAR ZHUGS PAR SNANG LA, DON DAM PAR NI JI LTAR 'OS PAR RGYUN MI 'CHAD PAR CHOS KYI 'KHOR LO BSKOR BA'O, ,YANG NA DUS GCIG NA ZHES BYA BA NI SANGS RGYAS KYIS MI 'DUL BA'I DUS SO, ,GZHAN DU NA 'PHAGS PA SPYAN RAS GZIGS DBANG PHYUG LA STON PA'I GNAS SKABS MED PAR 'GYUR RO, ,BCOM LDAN 'DAS ZHES BYA BA NI STON PA PHUN SUM TSOGS PA'O, ,GAL TE 'DIR 'PHAGS PA SPYAN RAS GZIGS DBANG PHYUG STON PA YIN NA, JI LTAR BCOM LDAN 'DAS STON PA PHUN SUM TSOGS PAR BRJOD CE NA, SMRAS PA, BCOM LDAN 'DAS KYI MTHUS SH'A RI'I BUS ZHU BA DANG, BCOM LDAN 'DAS NYID KYIS TING @305B NGE 'DZIN LA SNYOMS PAR ZHUGS PA'I TSUL GYIS ZHUS PA DANG, LAN GYI SKABS KYANG 'BYED PAS NA 'DIR BCOM LDAN 'DAS NYID STON PA ZHES BYA BA LA SKYON CUNG ZAD KYANG MED DO, ,RDZOGS PA'I DBANG PHYUG CHOS DANG NI, ,GRAGS DANG DPAL DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO DE LA BCOM ZHES BYA, ,ZHES BYA BA'I DON GYIS 'DI LA BCOM PA YOD PAS NA BCOM LDAN NO, ,DE LA DBANG PHYUG NI GZHAN ZIL GYIS GNON PAR BYED PA STE, NYON MONGS PA DANG SHES BYA'I SGRIB PA SPANGS PA STE, GANG GI STOBS KYIS BDUD BZHI BCOM PAS DBANG THOB PA'O, ,CHOS KYANG STOBS BCU LA SOGS PA RANG BZHIN GYIS DGE BA'O, ,DE GNYI GA YANG SHIN TU RNAM PAR DAG PA CHOS KYI DBYINGS KYI YE SHES KYI RANG BZHIN NO, ,GRAGS PA NI GRAGS PA'I RGYU GZUGS KYI SKU'I YON TAN TE, ME LONG LTA BU'I YE SHES KYI RANG BZHIN NO, ,DPAL NI MNYAM PA NYID KYI YE SHES TE, CHOS THAMS CAD NI NAM MKHA'I MDZOD THOB PAS SO, ,YE SHES NI SO SOR RTOG PA'O, ,BRTZON 'GRUS NI BYA BA NAN TAN NO, ,KHA CIG NI CHOS ZHES BYA BA'I GNAS SU GZUGS BZANG ZHES BRJOD DO, ,DE NI ME LONG LTA BU'O, ,DE LTAR BYAS NA DPAL ZHES BYA BA NI CHOS STON PA'I RANG BZHIN YIN PAS BYA BA NAN TAN NO, ,RGYAL PO'I KHAB NA BYA RGOD KYI PHUNG PO'I RI ZHES BYA BA NI, GNAS PHUN SUM TSOGS PA STE, ZAS DANG KUN TU SPYOD PA NYE BAR MKHO BA THA DAD PAS 'KHOR LA LTOS NAS SPRUL PA'I SKU'I GNAS GNYIS BSTAN PA'O, ,YANG NA RGYAL PO'I KHAB ZHES BYA BA NI SPYI'I TSIG YIN PAS BYA RGOD PHUNG PO'I RI ZHES BYA BA KHYAD PAR DU BYAS PA'O, ,DNGOS PO LA NI SPRUL PA'I SKU'I RTEN CHOS KYI SKU NYID DO, ,DE LA YANG PHAN 'DOGS PA DANG, TSAR GCOD PA'I DON NI RGYAL PO'I SGRA STE, CHOS CAN GYIS CHOS MTSON PA'I PHYIR RO, ,DES NA RGYAL PO'I RIG PA'I GNAS LNGA STE, DE'I KHAB NI CHOS KYI SKU ZHES BYA BA'I DON TO, ,BYA RGOD CES BYA BA NI CHOG MI SHES PA NYE BAR MTSON PA STE, MTHA' MED PA LA 'JUG PA'O, ,PHUNG PO ZHES BYA BA NI MI ZAD PA'I DON TO, ,DES NA MTHA' MED PA'I YON TAN GYI TSOGS DANG, 'GRIB PA MED PA'I CHOS CAN ZHES GO RIMS BZHIN DU RIG PAR BYA'O, ,DE LTAR YANG CHOS KYI DBYINGS LA 'GRIB PA RAB TU MI SHES SO, , @306A *, ,GANG BAR YANG RAB TU MI SHES SO GSUNGS PA LTA BU'O, ,SA LA GNAS PA DANG, SA LA GNAS PAR BYED PA NI, RI'I SGRA NYE BAR MTSON PAS NA SA'I DBANG PHYUG CHOS KYI SKU'O, SHING LTAR NA SGRA RNAM PA GSUM GYIS NYE BAR MTSON PO'I CHOS KYI SKU NYID SPRUL PA'I GNAS YIN TE, DE NYID DU DE BZHUGS SO, ,MI 'JIGS PA DANG LDAN PA'I PHYIR KUN TU GZIGS PA DANG BRAL BAS BDE BAR 'JUG PA NI THABS CIG PA'O, ,BZHUGS SO ZHES BYA BA NI 'DAS PA'I SGRA NI JI LTAR BSTAN PA BSDUS PA RNAM PA GNYIS PA'I MI SLU BAR RIG PAR BYA'O, ,DGE SLONG GI DGE 'DUN CHEN PO ZHES BYA BA LA SOGS PA NI 'KHOR PHUN SUM TSOGS PA'O, ,DE YANG THA MA DANG, 'BRING DANG, RAB KYI DBYE PAS RIG PAR BYA'O, ,DE LA THA MA NI LHA MI ZHES BYA BA LA SOGS PAS RIG PAR BYA'O, ,'BRING NI DGE SLONG GI DGE 'DUN NO, ,RAB NI BYANG CHUB SEMS DPA'O, ,GSOL BA DANG BZHI'I LAS KYIS BSNYEN PAR RDZOGS PAS DGE SLONG ZHES BYA BA YANG 'DIR DGOS PA MED PA'I PHYIR RAM BSTAN PA'I RGYU MTSAN PA NYID KYIS RDZOGS PA'I PHYIR DGE BA SLONG BA NA DGE SLONG ZHES GZHAN LAS DGE BA'I NOR PHUN SUM TSOGS PA CHED DU GNYER BA'I DON TO, ,DGE 'DUN ZHES BYA BA NI SEMS BSKYED PAS BLA NA MED PA MCHOD PAR 'OS PA'I PHYIR TE, DE YANG BYAMS PA'I RNAM PAR THAR PA LAS, JI SKAD DU, RDO RJE RIN PO CHE 'BIGS PA NI THAMS CAD LAS KHYAD PAR 'PHAGS PA'I GSER GYI RGYAN ZIL GYIS GNON PAR BYED PA LA RDO RJE RIN PO CHE 'BIGS PA'I MING YANG MI 'DOR TE, THAMS CAD DU DBUL BA YANG SEL BAR BYED DO, ,RIGS KYI BU DE LTA BU NYID DU THAMS CAD MKHYEN PA NYID DU SEMS BSKYED PA RDO RJE RIN PO CHE NI 'JUG PA MA TSANG YANG, NYAN THOS DANG RANG SANGS RGYAS THAMS CAD KYI YON TAN GSER GYI RGYAN ZIL GYIS GNON PAR BYED PA LA, BYANG CHUB SEMS DPA'I MING YANG 'DOR BAR BYED PA MA YIN TE, 'KHOR BA'I DBUL BA YANG ZLOG PAR BYED DO ZHES 'BYUNG BA'O, ,CHEN PO'I SGRA'I KHYAD PAR GYIS NI DGE SLONG GI DGE 'DUN ZAB PA THOS PA DBANG THOB PA'I RGYU MTSAN BYANG CHUB TU SEMS BSKYED PAS SNOD DU RUNG BA ZHES BRJOD PA'O, ,BYANG CHUB NI ZAD PA MED PA DANG, SKYE BA MED PA'I YE SHES SO, ,DE LA SEMS PA NI 'DUN PA STE, SBYOR BA LA SOGS PA LA MNGON DU PHYOGS PA ZHES BRJOD DO, ,SEMS DPA' CHEN PO'I SGRAS NI PHYIR MI LDOG PA'I BYANG CHUB SEMS DPA' BSTAN TO, ,DGE @306B SLONG GI DGE 'DUN 'BRING PO YIN PA'I PHYIR, BYANG CHUB SEMS DPA'I DGE 'DUN GYI RJES SU NYE BAR BSTAN PAR 'OS PA YIN NA YANG DANG POR NYE BAR BSTAN PA NI, THEG PA LA GSAR DU ZHUGS PA'I PHYIR LTA BA YANG DAG PAR BSTAN PAR BYA BA'I DON DU RIG PAR BYA STE, BYANG CHUB SEMS DPA' NI RIGS KYI STOBS KYIS SEMS BSKYED PAR RAB TU BSTAN PAS SHIN TU NYE BAR GNAS DGOS PA MA YIN TE, MA'I THA SNYAD GRUB PA'I BU BZHIN NO, ,BYANG CHUB TU SEMS BSKYED PA CAN GYI NYAN THOS NI BTZAS MA THAG PA'I BYIS PA BZHIN SEMS BSKYED PA'I 'DUN PA SRUNG BAS BSKYED PAR BYA BA ZHES JI LTAR BSTAN PA BZHIN DU RIGS SO, ,GRANGS MA BSTAN PA NYID KYIS 'DIR 'KHOR NI GRANGS LAS 'DAS PAR RTOGS SO, ,GZHAN DU GRANGS BSTAN PAR RIGS SO, ,THUN MONG MA YIN PA'I GLENG GZHI NI GNYIS TE, ZHU BA'I SKABS DANG, ZHU BA DNGOS SO, ,ZHU BA'I SKABS LA GNYIS TE, BCOM LDAN 'DAS KYIS MDZAD PA DANG, 'PHAGS PA SPYAN RAS GZIGS DBANG PHYUG GIS MDZAD PA STE, DE LA DANG PO'I DBANG DU BYAS NAS GANG GI PHYIR BCOM LDAN 'DAS SNYOMS PAR MA ZHUGS PA NA, DE LA MA LTOS PAR GZHAN LA GSOL BA 'DEBS PA 'THAD PA MA YIN PAS SO, ,BCOM LDAN 'DAS NI RTAG TU MNYAM PAR GZHAG PA YIN PA'I PHYIR DANG, RANG BZHIN SKU NI MNYAM PA DANG, ,PHRA ZHING DE DAG 'BREL PA DANG, ,DGYES DGUR LONGS SPYOD BSTAN PA DANG, ,LONGS SPYOD RDZOGS 'BYOR RGYUR 'DOD DO, ,ZHES 'BYUNG BA BZHIN DU MI 'THAD PAS SPRUL PA'I SKU YE SHES DANG MI LDAN PA'I PHYIR, ZAB MO SNANG BA'I CHOS KYI RNAM GRANGS BSTAN PA'I RJES SU TING NGE 'DZIN LA SNYOMS PAR ZHUGS PA YIN PA MI 'THAD PA YIN NA YANG, NYID KYIS CHOS KYI 'KHOR LO 'JUG PA'I SNOD MA YIN PA'I GDUL BYA'I KHAMS NI 'PHAGS PA SPYAN RAS GZIGS DBANG PHYUG LA YID CHES PAS DE NYID KYIS BSTAN PA'I GDUL BYA YIN PAS, YANG DAG PAR RDZOGS PA'I SANGS RGYAS KYI BSTAN PA LA MI 'JUG PA NYID NI, TING NGE 'DZIN LA SNYOMS PAR ZHUGS PA'O, ,DON 'DI YANG TING NGE 'DZIN GYI SGRA NI, 'JIG RTEN LA GRAGS PA STE, DE 'DIR TING NGE 'DZIN ZHES BYA'O, ,DES NA TING NGE 'DZIN GYI SGRA NI 'DIR SPANGS PA'I TSIG GIS BSHAD PA LA 'JUG PA SPANGS PA BSTAN TO, ,YANG @307A *, ,NA TING NGE 'DZIN LA MNYAM PAR GZHAG PA NI CANG MI GSUNG BAR BZHUGS SO ZHES MTSON PAS TSIG YI BRJOD PA'I DON LA 'JUG PA'O, ,'DIR ZAB MO SNANG BA ZHES BYA BA'I DNGOS PO NI TING NGE 'DZIN GYI BRJOD BYA MA YIN ZHES RIG PAR BYA'O, ,SO SO SKYE BO DANG, NYAN THOS DANG, STONG PA NYID LA SEMS RNAM PAR G-YENGS PA'I PHYIR THEG PA LA GSAR DU ZHUGS PA'I BYANG CHUB SEMS DPAS MI RTOGS PA'I PHYIR ZAB PA DANG, MA RIG PA'I MUN PA SEL BA NYE BAR GNAS PA'I MTSAN NYID CAN YIN PA'I PHYIR SNANG BA ZHES BRJOD DO, ,CHOS KYI RNAM GRANGS ZHES BYA BA NI, BSTAN BCOS KYI MING GI RNAM GRANGS TE, DE LA CHOS NI DNGOS PO'I GNAS LUGS BRJOD BYA RJOD BYED DANG BRAL BA'O, ,DE'I RNAM GRANGS NI RJES SU BSTAN PA'I KUN RDZOB KYIS STON PAS NA BSTAN BCOS SO, ,DES NA MING GI RNAM GRANGS ZHES BYA'O, ,YANG DE'I TSE ZHES BYA BA NI, SANGS RGYAS KYI BSTAN PA NYE BAR BSDUS PAS DBANG PO'I DUS SO, ,GZHAN DU NA 'PHAGS PA SPYAN RAS GZIGS DBANG PHYUG LA NYAN PA MA GTOGS PAR BSAM PA NI 'THAD PA MA YIN NO, ,DE LA 'PHAGS PA ZHES BYA BA NI SGRIB PA GNYIS LAS RING DU SONG BA'O, ,SPYAN RAS GZIGS ZHES BYA BA NI, THUGS RJE CHEN POS SEMS CAN LA GZIGS PA'I PHYIR RO, ,DBANG PHYUG CES BYA BA NI NUS PA CHEN POS THUGS RJE'I 'BRAS BU DANG LDAN PA'I PHYIR RO, ,SHES PAS NI 'JIG RTEN PA'I DNGOS PO RTOGS PAS SO, ,RA BA NI SKAD CIG MA LA SOGS PA'I GNAS LUGS RTOGS PAS SO, ,PHA ROL NI BDEN PA GNYIS RTOGS PAS SO, ,PHYIN PA NI GONG NA MED PAS SO, ,RNAM PAR LTA ZHING ZHES BYA BA NI BSAM PA'O, , DE LTAR NA BSAM PA TZAM LA RAB TU 'JUG PA'I DAM PAS 'PHAGS PA SPYAN RAS GZIGS DBANG PHYUG GIS GSOL BA 'DEBS PA'I SKABS BYAS SO, ,GZHAN DU NA 'DI YANG SNYOMS PAR ZHUGS PA LA MNGON DU PHYOGS PAS GSOL BA 'DEBS PA'I SKABS MA YIN PAR 'GYUR RO, ,DE NYID KYI PHYIR SMOS PA, DE NAS ZHES BYA BA NI 'PHAGS PA SPYAN RAS GZIGS DBANG PHYUG GIS BSAM PA'I BDAG NYID DAL BA'I RJES SU'O, ,NI'I SGRA NI MI 'GAL BA'I BDAG NYID DU GRAGS PA'I BRJOD BYA STE, STON PA DAL BA'I TSE, ZHU BA DANG 'GAL BA MA YIN ZHES BYA BA'I DON TO, ,TSE DANG LDAN PA ZHES BYA BA NI, GZHON PA LA 'BOD PAR GRAGS @307B SO; ,BYANG CHUB SEMS DPA' SPOBS PA CHEN PO CAN SEMS CAN GYI DON LA 'BAD PA DANG, RJES SU MTHUN PA'I MDZAD PA DANG, GZHAN YANG YOD MOD KYI 'ON KYANG DE DAG MA RTOGS PAR SH'A RI'I BU KHO NA SANGS RGYAS KYI MTHUS ZHU BA LA DBANG 'BYOR BA'I BDAG GI YUL YIN TE, GANG GI PHYIR GDUL BYA'I KHAMS NI NYAN THOS LA MOS PAS DMAN PAR RTOGS PAS DES ZHUS PA DANG RJES SU MTHUN PA'I LAN GYIS RANG LA YANG PHAN PA'I RGYUR YID CHES PAS NA 'THOB PA LA RAB TU 'JUG PA, ZHU BA PO BYANG CHUB SEMS DPA' YIN NA SPOBS PA CHEN PO DANG RJES SU MTHUN PA'I LAN DU RTOGS PAS PHAN PA'I RGYU YIN YANG MOS PAR MI BYED DO, ,BCOM LDAN 'DAS KYI MTHU MA GTOGS PAR SH'A RI'I BUS KYANG SEMS CAN GYI SPYOD PA'I GTING MI DPOGS PAS DE DAG GI BSAM PA SHES NAS DE DAG YONGS SU 'DZIN PA'I DON DU 'DI RANG DGA' BAR 'BAD PAR MI BYED DE, DES NA SANGS RGYAS KYI BYIN GYI RLABS KYIS GZHAN GYI SEMS RTOGS NAS 'DI ZHU BA POR 'THAD PA'O, ,'JIG RTEN PA NI SH'A RI'I BU LA ZAB MO'I DGONGS PA GROL BA'I YID MI CHES TE, DE NYAN THOS YIN PAS BLO DMAN PAR RTOGS PA'I PHYIR RO, ,DE NAS BCOM LDAN 'DAS KYIS SH'A RI'I BU NYID STON PA POR BYIN GYIS BRLABS PA MA YIN NO, ,'JIG RTEN PAS KYANG 'PHAGS PA SPYAN RAS GZIGS DBANG PHYUG KHO NA BLO GROS CHEN PO DANG, SNYING RJE CHEN PO DANG LDAN PAS NA DMAN PA'I SHES RAB DANG RJES SU MTHUN PAR RGYAL BA'I YUM BSTAN PAR NUS SO ZHES YID CHES PA'I 'PHAGS PA SPYAN RAS GZIGS DBANG PHYUG ZHU BA'I YUL LO, ,GANG LA LA ZHES BYA BA NI TSOGS KYI LAM LA GNAS PA 'AM, SBYOR BA LA SOGS PA'I LAM LA GNAS PA'O, ,YANG NA DUS GSUM GYI ZHES RIG PAR BYA STE, KHYAD PAR MED PAR SLONG BA'I DON DU DRI ZHES BYA BA'I DON TO, ,BU DANG BU MO'I TSOGS DAG GIS SNOD DU RUNG BA'I KHYAD PAR BUD MED DANG SKYES PA'I BDAG NYID RTOGS NA YANG RIGS KYI KHYAD PAR GYI TSIG GIS NI TSOGS KYI LAM LA ZHUGS PA NYID DU BSTAN PA'I PHYIR, 'DI LTA STE RIGS NI BYANG CHUB SEMS DPA'I RIGS DE BZHIN GSHEGS PA'I SNYING PO CAN DE'I BU 'AM BU MO 'AM NI DE LAS THOS PA'I BDAG NYID DE, RIGS KYI STOBS KYIS SDUG BSNGAL LAS SKYOB PA DANG, MYA NGAN LAS 'DAS PA 'THOB @308A *, ,PAR 'DOD PA'I 'DUN PA DANG LDAN PA NI, DRAN PA NYE BAR GZHAG PA LA SOGS PA'I RIM PAS YONGS SU BSGOM PA SDUG BSNGAL LAS SKYOB PA DANG, RJES SU MTHUN PAR SDUG BSNGAL SPONG BA'I RGYU THEG PA CHEN PO'I RJES SU 'BRANGS NAS SKYABS LA 'JUG PA DANG, MYA NGAN LAS 'DAS PA THOB PAR 'DOD PA'I 'DUN PAS SHES RAB DANG SNYING RJE'I BDAG NYID BYANG CHUB TU SEMS BSKYED PA DANG, SNYING RJE BSOD NAMS KYI PHA ROL TU PHYIN PA LNGA LA GOMS PA DANG LDAN PA DANG, SHES RAB KYIS KYANG THOS PA DANG, BSAM PA LA GOMS PA LAS SU RUNG BA'I SHES RAB LA, RIGS KYI BU DANG RIGS KYI BU MO ZHES BRJOD DO, ,DE NYID KYANG SNGON DU TSOGS KYI LAM RTOGS PAR LAN BTAB PA'O, ,DE YANG DE NYID KYI 'KHOR GYI NANG NA NYE BAR GYUR BA'I GDUL BYA LA SOGS PA GTZO BOR LTOS NAS STON PA 'DI 'JUG GO, ,TSOGS MA BSAGS PA'I LAS DANG PO PA LTA BU BDE BAR GSHEGS PA'I 'KHOR GYI NANG NA GNAS PA'I DBANG THOB PA'I RIM PA MA YIN NO, ,'DI LA ZHES BYA BA NI STONG PHRAG BRGYA PA LA SOGS PA'I RIM PAS BSTAN NA YANG MA RTOGS PA LA'O, ,DE NYID KYIS KYANG ZAB MO ZHES BYA'O, ,SPYOD PA ZHES BYA BA NI, ,YI GE 'DRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD DANG KHA TON BYED PA DANG, ,DE SEMS PA DANG BSGOM PA'O, ,ZHES LUS DANG NGAG DANG YID KYI BYA BAS BSDUS PA'I CHOS SPYOD KYI SGO NAS SPYOD PAR 'DOD PA'O, ,'DIR YANG CHOS SPYOD NI YAN LAG BRGYAD KYI BSOD NAMS KYI TSOGS KYI RANG BZHIN NO, ,YE SHES KYI TSOGS KYIS RNAM PAR DAG PAR BYED PA NI BSAM PA DANG BSGOM PA NI RANG BZHIN NO ZHES SMOS PA NI, JI LTAR BSLAB PAR BYA ZHES BYA BA STE, YE SHES KYI TSOGS DANG, BSOD NAMS KYI TSOGS LAS GANG DNGOS GZHI LA, GANG NI RJES LAS THOB PA LA BSLAB PAR BYA ZHES BYA BA'I DON TO, ,'DIR YANG GTZO BOR SHES RAB KYI RJES SU 'BRANG BA NYID KYIS DANG POR LAN GDAB PAR BYA BA STE, PHYIS NI BSOD NAMS KYI TSOGS DANG RJES SU MTHUN PA ZHES BYA BA YIN PAS DE BZHIN LAN GDAB PAR BYA BA LA DNGOS GZHI NI GNYIS TE, DNGOS GZHI LA SBYOR BA DANG, RJES SU THOB PA LA SBYOR BA'O, ,DNGOS GZHI LA SBYOR BA LA YANG BDUN TE, SKABS DBYE BA DANG, SBYOR BA'I LAM DANG, MTHONG BA'I LAM DANG, @308B BSGOM PA'I LAM DANG, KHYAD PAR GYI LAM DANG, MI SLOB PA'I RDO RJE LTA BU'I TING NGE 'DZIN DANG, DE'I 'BRAS BU'O, ,DE LA SKABS NI, SH'A RI'I BU RIGS KYI BU 'AM ZHES BYA BA LA SOGS PA'O, ,SBYAR BA'I LAM NI PHUNG PO LNGA PO DE DAG CES BYA BA NAS, RNAM PAR SHES PA RNAMS STONG PA'O ZHES BYA BA'I BAR GYIS SO, , DE LA SBYOR BA'I LAM NI DROD DANG RTZE MO LA DBANG PO'I BDAG NYID DANG, BZOD PA'I DANG, CHOS MCHOG LA STOBS KYI BDAG NYID DO, ,DE LA DBANG PO NI DAD PA LA SOGS PA'I MI MTHUN PA'I PHYOGS SPONG BA'I DBANG DANG LDAN PA'I PHYIR RO, ,STOBS NI MI MTHUN PA'I PHYOGS SPANGS PAS SO, ,DE DAG NYID KYIS RIM PA BZHIN DU YUL GYI DBYE BA MED PAR GROGS KYI KHYAD PAR GYIS, MOS PA YID LA BYED PA DANG, DE KHO NA NYID YID LA BYED PA'O, ,KHA CIG NI DROD LA YANG MOS PA YID LA BYED PA DANG, DE KHO NA NYID YID LA BYED PA BRJOD PA GANG YIN PA DE NI DAD PA DANG CHOS KYI RJES SU 'BRANG BA'I GANG ZAG GI DBYE BAS SHES PAR BYA'O,, DE LA DAD PA'I RJES SU 'BRANG BA NI YID CHES PA DANG BRTAN PAS DNGOS PO LA DE DANG DE MA YIN PA LA 'JUG GO, ,CHOS KYI RJES SU 'BRANG BA NI GANG ZAG LA LTOS PA MED PAR DNGOS PO DE NYID RTOGS NAS 'JUG PA YIN PAS DE DAG GI KHYAD PAR RO, ,DE BAS NA YANG YUL GYI KHYAD PAR MED PAR MOS PA YID LA BYED PAS YUL DU BYED PA DANG, DE KHO NA NYID YID LA BYED PAS YUL DU BYED PA DE GSUNGS PA NI, GZUGS NYID STONG PA'O, ,STONG PA NYID KHO NA GZUGS SO ZHES BYA BA NI MDOR BSTAN PA'O, ,GZUGS LAS STONG PA NYID GZHAN MA YIN NO, ,STONG PA NYID LAS GZUGS GZHAN MA YIN NO ZHES BYA BA NI RGYAS PAR BSHAD PA'O, ,DE LA RE ZHIG GZUGS ZHIG PA LA STONG PA NYID DU KHAS LEN TE, DE LA LAN NI GZUGS NYID STONG PA'O, ,GZUGS LAS STONG PA NYID GZHAN MA YIN NO ZHES BYA BA STE, GZHAN DBANG GI BDAG NYID YANG DAG PA MA YIN PA'I KUN TU BRTAGS PA NI, BTAGS PA'I GNYIS KYIS RANG BZHIN GYIS STONG PA'I PHYIR RO, ,MA YIN PAR 'GAGS PA'I TSUL GYIS GNYIS KYIS STONG PA ZHES, GZUGS NYID KYI BDAG NYID DO, ,GANG YANG SMRAS PA, CHOS KYI DBYINGS NI BDAG NYID DU 'GRO BA'I GZUGS LA SOGS PAS 'GYUR BA YIN PAS, SGYU MA LTA BU ZHES DE'I LAN BTAB PA NI, STONG PA NYID KHO NA GZUGS SO, ,STONG PA NYID LAS GZUGS GZHAN MA YIN NO ZHES @309A *, ,BYA BA STE, GANG GZHAN GYI DBANG DU GYUR PA'I GZUGS DE STONG PA NYID KHO NA STE, CHOS KYI DBYINGS KYI BDAG NYID CAN NO, ,DE NI GAL TE, CHOS KYI DBYINGS LAS LHAG PAR GYUR BA RANG GI NGO BO MA DOR BA'I BDAG NYID SNGON PO LA SOGS PA YIN NA, DE'I TSE SNGON PO LA SOGS PA DES DNGOS SU DE PHAN TSUN 'GAL BAR, PHYI MA LEB KHRA BO BZHIN DE LA YOD PA YIN NA CHOS KYI DBYINGS KYANG GCIG DANG DU MA'I 'GAL BAS GNOD PAS KUN RDZOB TU 'GYUR TE, 'ON KYANG SNGON PO LA SOGS PA 'DI NI NGO BO THOB PA MA YIN NO, ,DE SMRA BA NI, STONG PA NYID LAS GZUGS GZHAN MA YIN NO ZHES BYA BA STE, GZHAN ZHES BYA BA NI SEMS KYI RANG BZHIN 'OD GSAL BAS RANG GI NGO BO MA GTOGS PA'I DNGOS PO'I TSUL CAN SNGON PO LA SOGS PA NYID KYIS ZHES BYA BA'I DON TO, ,GANG GI PHYIR RANG GI NGO BO DOR NAS DE DANG 'DRA BAR SNANG BAR 'GYUR BA YIN NA, RANG GI NGO BO DANG RJES SU 'BREL PA'I 'GAL BA NI CHOS KYI DBYINGS LA SBYOR BAR MI BYED DO, ,DE BRJOD PA NI, SHES LA SNGO SOGS SNA TSOGS PA, ,SHES PA YIN GYIS GZHAN DAG MIN, ,MTHONG NUS MA YIN DE DAG NI, ,RNAM 'BYED DON LA 'JUG PAR 'GYUR, ,ZHES 'DI YANG JI LTA BDE LTAR 'BREL PA GRUB PA CHUNG NGU'I YONGS SU SHES PA DANG, RNAM PAR NGES PA'I YONGS SU SHES PAR DPYAD PAS 'DIR RGYAS PAR MA BYAS SO, ,DES NA 'DIS NI SGRO 'DOGS PA DANG SKUR PA 'DEBS PAS DBEN PA'I STONG PA NYID KYI MTSAN NYID MNGON PAR BSTAN PAR 'GYUR RO, ,DE LA 'DI NI GZUGS LA YOD PAR SGRO 'DOGS PA GANG YIN PA DANG, YANG STONG PA NYID LA DE 'GOG PA'I BDAG NYID DU SGRO 'DOGS PA, GZUNG BA'I RNAM RTOG GI RANG BZHIN GANG YIN PA DE NI DANG POS GZUGS NYID STONG PA'O, ,GZUGS LAS STONG PA NYID GZHAN MA YIN NO ZHES BYA BAS SEL TO, ,GANG YANG GZUGS BZHIN DU CHOS KYI DBYINGS KYI KUN RDZOB TU KHAS BLANGS PAS DON DAM PAR YOD PA LA SKUR PA BTAB PA'AM, YANG NA RANG GI NGO BO LA KUN RDZOB KYI NGO BOR MI 'THAD PAS MTHAR THUG PA MED DE, MED PAR KHAS BLANGS PAS SKUR PA BTAB PA DE NI DNGOS PO'I TSUL CAN GYIS GZUGS SU 'DZIN PA'I SGRO 'DOGS PA 'JUG PA DE NI CHOS KYI DBYINGS LA GZUGS LA SOGS PA'I DNGOS PO MA @309B YIN PA 'THAD PAR BYED PA PHYI MA NI STONG PA NYID KHO NA NI GZUGS SO, ,STONG PA NYID LAS GZUGS GZHAN MA YIN ZHES BYA BAS SEL TO, ,DES NI SGRO 'DOGS PA DANG, SKUR PA 'DEBS PA'I GNYEN PO GO RIMS BZHIN DU GZUNG BA DANG 'DZIN PA'I RNAM PAR RTOG PA SPANGS PA NI BDAG NYID DROD DANG RTZE MOR MOS PA YID LA BYED PAS YUL DU BYED CING BZOD PA LA GZUNG BA'I RNAM PAR RTOG PA SPANGS PA'I BDAG NYID DANG, CHOS MCHOG LA NI 'DZIN PA'I RNAM PAR RTOG PA SPANGS PA'I BDAG NYID DE KHO NA YID LA BYED PAS YUL DU BYED PAR SHES PAR BYA'O, ,GANG GI PHYIR DBU MA PAS RANG GI RIG PA LA, DNGOS SU SNGON PO LA SOGS PAR 'DZIN PA'I SGO NAS GCIG DANG 'GAL BAS DON DAM PAR MED PAR 'THAD PAR BYAS SO, ,GZHAN DU NA RTAGS MA GRUB PAS, DE DAG GI MNGON PAR 'DOD PA MA GRUB PAR 'GYUR RO, ,DES NA DE DAG GI DON DAM PAR MED PAR 'DOD NA YANG KUN RDZOB TU 'DZIN PAR YOD PAR 'DOD PA'O, ,KHA CIG GIS KYANG KUN RDZOB NYID DU RANG RIG PA LA GZUNG BA DANG 'DZIN PA'I RNAM PA KHAS LEN TO, ,DES NI DBU MA LAS DE LTAR KUN RDZOB TU KHAS BLANGS PA'I GZUNG BA'I DNGOS PO'I SUN 'BYIN TO, ,MTHONG BA'I LAM NI SH'A RI'I BU DE LTAR ZHES BYA BA NAS GANG BA MED PA'O ZHES BYA BA'I BAR GYIS BSTAN TE, DE LA DNGOS GZHI NI ZAB MO RNAM PA BRGYAD CIG CAR RTOGS PAR SHES PAR BYA'O, ,GANG YANG BDEN PA BZHI LA DMIGS PA'I BZOD PA DANG SHES PA'I BDAG NYID SKAD CIG MA BCU DRUG LAS BZOD PA BRGYAD NI BAR CHAD MED PA'I LAM LA RJES SU 'GRO BA'I PHYIR, RNAM PAR GROL BA'I LAM GYI RJES SU 'GRO BAR SHES PA'I SKAD CIG MA NYID 'DIR RGYAS PAR BSTAN PAR RIG PAR BYA STE, 'BRAS BUS RGYU RTOGS PA'I PHYIR RO, ,DE LA YANG RIM PA GZHAN LAS MA BYUNG BA THOG MAR SHES PA GANG YIN PA DE NI CHOS SHES PA'O, ,GANG YANG CHOS SHES PA'I STOBS KYIS MTHAR PHYIN PA DE NI RJES SU SHES PA ZHES BRJOD DO,, DE LA SDUG BSNGAL GYI BDEN PA LA RANG BZHIN GYIS STONG PA NYID DU YONGS SU SHES PA NI SDUG BSNGAL LA CHOS SHES PA'O, ,DE NYID LA YANG RANG BZHIN GYIS STONG PA NYID RTOGS PA'I PHYIR MTSAN MA MED PA NYID RTOGS PA NI, SDUG BSNGAL LA RJES SU SHES PA'O, ,KUN 'BYUNG GI BDEN PA LA YANG RANG BZHIN GYIS MA @310A *, ,SKYES PA NYID DU SHES PA NI KUN 'BYUNG LA CHOS SHES PA'O, ,DE NYID LA YANG MA SKYES PA GZHAN DU MI 'THAD PAS MA 'GAGS PA RTOGS PA NI KUN 'BYUNG LA RJES SU SHES PA'O, ,'GOG PA NI BDEN PA LA RANG BZHIN GYIS DRI MA DANG MA 'BREL PA NYID DU YONGS SU SHES PA NI 'GOG PA LA CHOS SHES PA'O, ,RANG BZHIN GYIS DRI MA DANG MA 'DRES PA LA DRI MA DANG BRAL BA'I RNAM PAR DAG PA GLO BUR BA YIN PAS DRI MA DANG BRAL BA MED PA RTOGS PA NI 'GOG PA LA RJES SU SHES PA'O, ,LAM GYI BDEN PA LA, RANG BZHIN NYID KYIS SPANG BYA RNAMS GLO BUR BA YIN PAS MED PA'I PHYIR GNYEN PO'I STOBS KYIS MI MTHUN PA'I PHYOGS BRI BA MED PA NI LAM LA CHOS SHES PA'O, ,CHOS KYI DBYINGS LA MA GTOGS PA MED PA NYID KYIS BRI BA MED PA BZHIN GNYEN PO 'PHEL BA'I BDAG NYID GANG BA YANG 'THAD PA MA YIN NO ZHES BYA BA NI LAM LA RJES SU SHES PA'O, ,DES NA 'DIR BZOD PA DANG SHES PA'I SKAD CIG MA NI DNGOS PO LA SBYOR BA LA YANG GNAS LA MTHONG BA'I LAM GYI DNGOS GZHI LA BYANG CHUB KYI YAN LAG BDUN GYIS BSKOR BA'I PHYIR DRAN PA YANG DAG BYANG CHUB KYI YAN LAG GI SHES PA'I SKAD CIG MA BRGYAD YUL DU BYED PAS RJES SU THOB PA LA RIM PA 'DI SHES PAR BYA'O, ,DE LTAR MTHONG BA'I LAM BSTAN NAS BSGOM PA'I LAM NI MI MTHUN PA'I PHYOGS DANG, GNYEN PO'I PHYOGS LA BRTEN PA'I DBYE BAS SO SOR RNAM PA DGU DGU YIS RNAM PA SUM CU RTZA DRUG CAN GYI GZUNG BA DANG 'DZIN PA'I RNAM PAR RTOG PA SPONG PAR BYED DO, ,DES NA 'DIR BSGOM PA'I LAM NI, SH'A RI'I BU DE LTA BAS NA ZHES BYA BA NAS, MA THOB PA YANG MED DO ZHES BYA BA'I BAR GYIS SPANG BYA SPONG BA'I RIM PA BSTAN TO, ,DE LTA BAS NA ZHES BYA BA NI MTHONG BA'I LAM DE NYID KYIS MNGON DU BYAS PA'I DON DE NYID BSGOM PA STE, PHUNG PO LA SOGS PA'I RNAM PAR RTOG PA SUM CU RTZA DRUG SPONG PAR BYED CES BYA BA'I DON TO, ,DE LA YANG BRTAGS PA'I RTEN CAN GYI 'DZIN PA'I RNAM PAR RTOG PA LAS RE ZHIG PHUNG PO'I RNAM PAR RTOG PA'I GNYEN PO NI RNAM PAR SHES PA BRGYAD CES BYA BA'I BAR DU'O, ,SKYE MCHED KYI RNAM PAR RTOG PA'I GNYEN PO NI CHOS MED DO ZHES BYA BA'I BAR DU'O, ,KHAMS KYI RNAM PAR RTOG PA'I GNYEN PO NI YID KYI RNAM PAR SHES PA'I KHAMS @310B KYI BAR DU YANG MED DO ZHES BYA BA'I BAR DU'O, ,RTEN CING 'BREL PAR 'BYUNG BA'I GNYEN PO NI RGA SHI ZAD PA'I BAR DU YANG MED DO ZHES BYA BA'I BAR DU'O, ,RNAM PAR RTOG PA'I GNYEN PO NI LAM MED CES BYA BA'I BAR DU'O, ,MTHONG BA'I LAM GYI RNAM PAR RTOG PA'I GNYEN PO NI YE SHES MED CES BYA BA STE, CHOS DANG RJES SU SHES PA BSDUS PA ZHES BYA BA'I DON TO, ,BSGOM PA'I LAM GYI RNAM PAR RTOG PA'I GNYEN PO NI THOB PA MED CES BYA BA STE, 'DIS THOB PAR BYED PAS NA THOB PA'O, ,'JIG RTEN LAS 'DAS PA DANG, 'JIG RTEN PA'I YE SHES KYIS BSDUS PA'I BSGOM PA'I LAM MO, , KHYAD PAR GYI LAM DANG MI SLOB PA'I LAM GYI RNAM PAR RTOG PA DAG GI GNYEN PO NI, MA THOB PA YANG MED DO ZHES BYA BA STE, THOB PAR BYA BA DANG, THOB PAR BYED PA'I RTOG PA MED PA'I PHYIR MA THOB PA MED DO ZHES BYA BA'I KHYAD PAR GYI LAM DANG, MI SLOB PA'I LAM DAG BRJOD DO, ,RDZAS KYI RTEN CAN GYI 'DZIN PA'I RNAM PAR RTOG PA'I GNYEN PO NI RNAM PAR GCAD PA'I SGO NAS 'DIR STON TO, ,'ON KYANG KHYAD PAR NI BDAG RANG DBANG CAN GYI RNAM PAR RTOG PA'I GNYEN PO MA GTOGS PAR GZHAN GCIG PU DANG BYED PA PO DANG MTHONG BA PO DANG, NYON MONGS PA DANG RTEN DANG 'DOD CHAGS DANG BRAL BA'I RTEN DANG MTHONG BA DANG BSGOM PA DANG, DON BYAS PA'I RTEN CAN DU RNAM PAR RTOG PA'I GNYEN PO NI RIM PA BZHIN DU PHUNG PO LA SOGS PAS BSTAN TO, ,DE BZHIN DU YANG 'JUG PA'I RTEN CAN GYI GZUNG BA'I RNAM PAR RTOG PA'I GNYEN PO NI PHUNG PO LA SOGS PA RNAMS KYI RNAM PAR RTOG PAS BSTAN TO, ,KHYAD PAR NI STONG PA NYID DANG, PHA ROL TU PHYIN PA'I RNAM PAR RTOG PA MA TSANG BA LA, BDEN PA BZHI'I RNAM PAR RTOG PA NI LHAG PAR GYUR PA'O, ,MA THOB PA ZHES PA NI MI SLOB PA'I LAM NYID BSHAD PA'O, ,ZLOG PA'I RTEN CAN NI GZUNG BA'I RNAM PAR RTOG PA LAS MA RIG PA DANG, MING DANG GZUGS LA MNGON PAR ZHEN PA DANG, MTHA' GNYIS LA CHAGS PA'I RNAM PAR RTOG PA RNAMS NI 'DIR MA BSDUS SO, ,LHAG MA RNAMS DNGOS SU BSTAN PA NI 'DI LTA STE, PHUNG PO'I DON GYIS PHUNG PO'I RNAM PAR RTOG PA'O, ,YE SHES ZHES BYA BAS NI RNAM PAR RTOG PA'O, ,THOB PA ZHES BYA BAS NI BRTAGS PA'I DON GYIS LTOS PA MED PA'I RANG BZHIN GYIS BDAG LA SOGS @311A *, ,PA'I RNAM PAR RTOG PA BSDUS PA YIN NO, ,GZHAN RNAMS NI GNYEN PO'I SGO NAS BSDUS PA LA 'DI LTA STE, MA THOB PA ZHES BYA BA NI MI SKYE BA'I BRJOD BYAS SKYE BA MED PA'I RNAM PAR RTOG PA'O, ,MA RIG PA DANG MA RIG PA ZAD PA DANG RGA SHI DANG RGA SHI ZAD PA MED PA RNAMS KYIS NI KUN NAS NYON MONGS PA DANG, RNAM PAR BYANG BA MI SHES PA'I RNAM PAR RTOG PA'O, ,BDEN PA BZHI'I RNAM PAR RTOG PAS NI 'PHAGS PA'I LAM LA MI GNAS PA'I RNAM PAR RTOG PA'O, ,KHYAD PAR GYI LAM DANG MI SLOB PA'I LAM DANG 'BRAS BU RNAMS NI SH'A RI'I BU DE LTA BAS NA ZHES BYA BA NAS, MNGON PAR RDZOGS PAR SANGS RGYAS SO ZHES BYA BA'I BAR GYIS BSTAN TO, ,DE LTA BAS NA ZHES BYA BAS NI RNAM RTOG SUM CU RTZA DRUG SPANGS PA'O, ,THOB PA MED PA'I PHYIR ZHES BYA BA THOB PA DANG, MA THOB PA'I RNAM PAR RTOG PA 'KHOR GSUM YONGS SU DAG PA'O, ,SHES RAB KYI PHA ROL TU PHYIN PA LA BRTEN NAS ZHES BYA BA NI KHYAD PAR GYI LAM GYI TSOGS SO, ,SPYOD CING ZHES BYA BA NI KHYAD PAR GYI LAM GYI SBYOR BA'O, ,SEMS KYI DMIGS PA LA GNAS TE ZHES BYA BA NI KHYAD PAR GYI LAM GYI DNGOS GZHI'O, ,KHYAD PAR GYI LAM BSTAN NAS MI SLOB PA'I LAM BSTAN PA NI SKRAG PA MED PAS ZHES BYA BA LA SOGS PA STE, SEMS KYI DMIGS PA LA MI DMIGS PAR KHYAD PAR GYI LAM GYI DNGOS GZHI LA GNAS NAS, MI DMIGS PA BSTAN PA LA SKRAG PA NI NYON MONGS PA'I BAR CHAD BYED PA YIN PAS DE LAS BZLOG NAS SKRAG PA MED PA ZHES BYA'O, ,SKRAG PA MED PA LAS SA BCU LA SBYOR BAS NYON MONGS PA DANG SHES BYA'I PHYIN CI LOG LAS SHIN TU 'DAS NAS ZHES BYA BA NI PHYIR MI LDOG PA'I PHYIR RO, ,DUS GSUM DU RNAM PAR BZHUGS PA'I SANGS RGYAS THAMS CAD KYANG MYA NGAN LAS 'DAS PA'I MTHAR PHYIN PA SHES RAB KYI PHA ROL TU PHYIN PA LA BRTEN NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO ZHES BYA BAR 'BREL TO, ,MTHAR PHYIN PA'I RANG BZHIN DANG MI SLOB PA YIN PA'I PHYIR MYA NGAN LAS 'DAS PA DANG, SHES RAB KYI PHA ROL TU PHYIN PA LA BRTEN NAS ZHES BYA BA NI MI SLOB PA'I LAM GYI RANG BZHIN LA ZHES BYA BA'I DON TO, ,DUS GSUM DU RNAM PAR BZHUGS PA'I SANGS RGYAS THAMS CAD KYANG ZHES BYA BA @311B NI RTEN GYI GANG ZAG GO, ,'DAS PA LA MA LTOS NA LAM GZHAN YOD PAR DOGS PAR 'GYUR RO, ,DA LTAR BA MED NA MI SLU BAR 'GRUB PA MED DO, ,MA 'ONGS PA MED NA 'JUG PA'I RGYU MED PAR 'GYUR RO, ,DES NA DUS GSUM DU RNAM PAR BZHUGS PA'I ZHES BRJOD DO, ,DE LTAR NA 'DIS NI THEG PA GCIG TU GRUB PA YANG BSTAN TO, ,MI SLOB PA'I LAM BSTAN NAS 'BRAS BU BSTAN PA NI BLA NA MED PA ZHES BYA BA LA SOGS PA STE, DE LA BLA NA MED PA ZHES BYA BA NI RIG PA PA DANG, RNAM PAR GROL BA RO GCIG PA'I PHYIR RO, ,YANG DAG PAR RDZOGS PA ZHES BYA BA NI SANGS RGYAS PA LA YANG YONGS SU RDZOGS PA NI BYANG CHUB STE, YANG DAG PAR RDZOGS PA NI MA YIN NO, ,'DI NI YANG DAG PAR RDZOGS PA'I BYANG CHUB CES BYA BA NI ZAD PA MED PA DANG, SKYE BA MED PA'I YE SHES SO, ,KHA CIG NI SKRAG PA MED PAS ZHES BYA BA LA SOGS PAS NI MI SLOB PA'I LAM MO, ,MYA NGAN LAS 'DAS PA'I MTHAR PHYIN TO ZHES BYA BA NI 'BRAS BU'O, ,DUS GSUM DU RNAM PAR BZHUGS PA'I ZHES BYA BA LA SOGS PA NI LAM GCIG TU BSGRUB PA'O ZHES 'DOD DO, ,DE LTAR DNGOS GZHI JI LTAR BSLAB PAR BYA BA DE BSTAN NAS RJES SU THOB PA SBYOR BA NI DE LTA BAS NA ZHES BYA BA'I BAR DU'O, ,DE YANG BZHI STE, GDON MI ZA BAR 'JUG PA'I RGYU BSTAN PA DANG, BSOD NAMS KYI TSOGS KYI BDAG NYID BZLAS PA'I SHES RAB KYI PHA ROL TU PHYIN PA LA SPYOD PA'I SBYOR BA DANG, BZLAS PA'I SHES RAB KYI PHA ROL TU PHYIN PA'I DNGOS GZHI DANG, NYE BAR BSDU BA'O, ,DE LTA BAS NA ZHES BYA BA NI SPANGS PA DANG YE SHES PHUN SUM TSOGS PA'I RGYU YIN PAS SO, ,SHES RAB KYI PHA ROL TU PHYIN PA ZHES BYA BA NI TSOGS LAM LA DRAN PA NYE BAR GZHAG PA LA SOGS PA'I GROGS KYIS THAR PA'I CHA DANG MTHUN PA ZHES BYA BA'I DON TO, ,RIG PA CHEN PO ZHES BYA BA NI DBANG PO DANG STOBS KYI NYE BAR SPYOD PAS NGES PAR 'BYED PA'I CHA DANG MTHUN PA'O, ,BLA NA MED PA'I ZHES BYA BA NI MTHONG BA'I LAM LA GNAS PA'I DNGOS GZHI LA GANG KHONG DU CHUD PA'I CHA NYID KYIS SANGS RGYAS DANG MNYAM PAS SO, ,MI MNYAM PA DANG MNYAM PA ZHES BYA BA LA, MI MNYAM PA ZHES BYA BA NI KHYAD PAR DANG MI SLOB PA'I LAM MO, ,DE DAG DANG SGRIB PA @312A *, ,SPONG BYED DU MNYAM PA NI BSGOM PA'I LAM MO, ,SDUG BSNGAL THAMS CAD RAB TU ZHI BAR BYED PA'I ZHES BYA BA NI KHYAD PAR DANG MI SLOB PA'I LAM DAG LA GO RIMS BZHIN DU KHYAD PAR RING BA MED PA'I PHYIR DANG GTZANG BA DANG BDAG DANG RTAG PA DANG BDE BA'I PHA ROL TU PHYIN PA'I KHONG DU CHUD PA'I RGYU YIN PA'I PHYIR RO, ,MI BRDZUN PAS NA ZHES BYA BA NI SPANGS PA PHUN SUM TSOGS PAS SO, ,DE GANG ZHE NA, SHES RAB KYI PHA ROL TU PHYIN PA DANG LDAN PA'I SNGAGS SO, ,SNGAGS ZHES BYA BA NI SKYOB PA DANG YE SHES KYI DON TO, ,LAM THAMS CAD LA RANG RANG GI MI MTHUN PA'I PHYOGS SPONG PAR BYED PA'I PHYIR DANG, RANG RANG RTOG PA DANG LDAN PA'I PHYIR RO, ,'DI NI JI LTAR SHES PAR BYA BA DE BSTAN NAS GANG SHES PAR BYA BA DE BSTAN PA NI, TAD YA TH'A ZHES BYA BA STE, DON 'DI RNAMS MNGON DU BYAS NAS BZLAS PAR BYA ZHES BYA BA'I DON TO, ,'DIS NI NYAMS SU LEN PA'I RIM PA BSTAN TO, ,JI BZHIN YANG DAG MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,RGA DANG NA DANG 'CHI BA STON, ,ZHES BYA BA'I TSUL GYIS MTHONG BA'I LAM NYID LA SKYE BA SPANG PA'I PHYIR RO, ,GA TE GA TE P'A RA GA TE ZHES BYA BAS NI 'GRO BA RIGS DRUG SPANGS PA'I BDAG NYID MTHONG BA'I LAM STE, GANG GI PHYIR 'DOD CHEN PO'I 'GRO BA LAS TSOGS KYI LAM DU 'GRO BA NYID KYIS PHA ROL TU PHYIN PA'O, ,TSOGS LAM PA'I 'GRO BA LAS KYANG SBYOR BA'I LAM DU 'GRO BA NYID KYIS PHA ROL TU PHYIN PA'O, ,DE BAS NA 'GRO BA NI GA TE GA TE P'A RA GA TE ZHES BYA BA NI MTHONG BA'I LAM MO, ,P'A RA SAm ZHES BYA BAS NI BSGOM PA'I LAM LA GNAS PAS SO, ,GA TE ZHES BYA BA NI KHYAD PAR DANG MI SLOB PA'I LAM LA GNAS PA ZHES BYA BA'I DON TO, ,BO DHI ZHES BYA BA NI 'BRAS BU'O, ,AOm DANG SV'A H'A ZHES BYA BA NI BZLAS PA'I 'BRAS BU THOB PA'I DON DU BYIN GYIS BRLABS PA'I SGRA'O, ,DE LTAR DNGOS GZHI LA YE SHES KYI TSOGS NYID LA BSLAB PAR BYA BA DANG, RJES SU THOB PA LA BSOD NAMS KYI TSOGS LA ZHES BSHAD DO, ,'DIR YANG BZLAS PA'I SHES RAB KYI PHA ROL TU PHYIN PA NYE BAR MTSON PA STE, DES NA LANGS PA'I DUS SU YI GE LA SOGS PA'I BDAG NYID @312B BSOD NAMS KYI TSOGS BRGYAD PO KUN LA YANG BSLAB PAR BYA'O ZHES STON TO, ,DA NI GANG JI LTAR BSLAB PAR BYA ZHES BRJOD PA DE'I LAN NYE BAR BSDU BA SMOS PA NI, SH'A RI'I BU ZHES BYA BA NAS DE LTAR BSLAB PAR BYA'O ZHES BYA BA'I BAR GYIS SO, ,DE LTAR DNGOS GZHI GTAN LA PHAB NAS YONGS SU 'DZIN PA NI, DE NAS ZHES BYA BA NAS MNGON PAR BSTOD DO ZHES BYA BA'I BAR GYIS SO, ,DE YANG GNYIS TE, SANGS RGYAS KYIS YONGS SU 'DZIN PA DANG, 'KHOR GYIS YONGS SU 'DZIN PA'O, ,DE LA SANGS RGYAS KYIS YONGS SU 'DZIN PA'I DBANG DU BYAS TE SMOS PA NI DE NAS DE'I TSE ZHES BYA BA LA SOGS PA STE, DE NAS ZHES BYA BA NI 'PHAGS PA SPYAN RAS GZIGS DBANG PHYUG GIS BSTAN PA YONGS SU RDZOGS SO NAS DE'I TSE ZHES BYA BA NI MA 'ONGS PA'I SEMS CAN 'JUG PA'I DON DU BSTAN PA NI BKA' NYID DU BSGRUB PA'I DUS SU'O, ,DA LTAR BA'I SEMS CAN 'JUG PA'I DON DU NI MA YIN TE, DE DAG NI 'PHAGS PA SPYAN RAS GZIGS DBANG PHYUG NYID LA YID CHES PA NA DOGS PA MED PA'I PHYIR RO, ,TING NGE 'DZIN DE LAS BZHENGS NAS ZHES BYA BA NI, GZHAN LA LTOS NAS 'JUG PA'I LAS SO, ,LEGS SO LEGS SO ZHES BYA BA NI, SMRA BA PO NI DGA' BA DANG, 'JIGS LA SOGS PAS YID 'KHRUGS DANG, ,BSTOD SMAD DAG LAS BZLOG PA'I TSIG ,SMRAS KYANG NYES PA YOD MA YIN,, ZHES BYA BA'I TSUL GYIS LEGS SO LEGS SO ZLOS PA'I TSIG NI, BSTOD PA'I KHYAD PAR BSTAN PA'I 'BRAS BU CAN NO, ,MA 'ONGS PA RJES SU YI RANG BA NI BSTAN PA 'DI LA 'JUG PA'I BDAG NYID DANG, 'BRAS BU THOB PA NA LAM LA MI SLU BA'I BDAG NYID DO, ,DES NA DE BZHIN GSHEGS PA THAMS CAD KYANG RJES SU YI RANG NGO ZHES BYA'O, ,'KHOR GYIS YONGS SU 'DZIN PA LAS, 'PHAGS PA SPYAN RAS GZIGS DBANG PHYUG GIS MNGON PAR BSTOD PA NI, 'DI'I SPOBS PA NI SANGS RGYAS KYI MTHU NYID KYIS BSKYED PA'I PHYIR RO, ,LHA MI'I RJES SU LHA MA YIN LA SOGS PA SMOS PA NI BSLAB PA'I SNOD DU RUNG BA KHYAD PAR CAN DANG, DMAN PA BSTAN PA'I PHYIR RO, ,LHA LA SOGS PAS MNGON PAR BSTOD PA NI BSLAB PA LA 'JUG PAR KHAS LEN PA'I BDAG NYID DU RIG PAR BYA'O, ,BSTAN PA 'DI LA SHES RAB KYI PHA ROL TU PHYIN PA'I SNYING PO ZHES BYA BA NI, SHIN TU RGYAS PAR BSHAD PA LAS MDOR BSDUS PAS MNGON PAR RTOGS PA'I RIM PA BSTAN PA'I @313A *, ,PHYIR RO, ,MDO TSOGS BSTAN PA'I THABS KYIS NI, ,YANG DAG SPYOD PA LA 'JUG PA'I, ,MYA NGAN 'DAS PA RNAMS 'BYED PA, ,MNGON PHYOGS KHYOD LA PHYAG 'TSAL LO, ,DPAL LDAN SKYE BO DAM PA'I ZHABS, ,PADMA'I RDUL TZAM LA BRTEN NAS, ,YID DGA' BA YI DBANG GIS NI, ,BDAG GIS 'GREL PA 'DI BYAS TE, ,GZHAN LA PHAN 'DOGS BYED MIN PA, GANG YIN SKYES BU CHEN PO MIN, 'ON KYANG SKYES BU NGAN STOBS KYIS, GZHAN GYI DON DU BRTZON PA MED, YUL GYI MCHOG GYUR DBUS SU NI, ,DON DU GNYER BA 'GA' ZHIG GIS, ,MKHAS PA 'GA' ZHIG YONGS BSKOR ZHING, 'GREL PA 'DI NI BRTZAMS PA YIN, ,YUM GYI SNYING PO SMAN LTA BU'I, ,YONGS SHES SMAN PA LTA BU 'DIS, ,NYON MONGS 'JIG RTEN NAD PA YI, ,SDUG BSNGAL NAD RNAMS SEL BAR SHOG ,SHES RAB KYI PHA ROL TU PHYIN PA'I SNYING PO YONGS SU SHES PA PAndI TA SHR'I MA H'A DZA NAS MDZAD PA RDZOGS SO,, ,, RGYA GAR GYI MKHAN PO DE NYID DANG, SGRA BSGYUR GYI LO TZ'A BA DGE SLONG SENG GE RGYAL MTSAN GYIS ZHUS TE GTAN LA PHAB PA'O,, *, ,SHES RAB SNYING PO'I RNAM PAR BSHAD PA BZHUGS, #, ,SHES RAB KYI PHA ROL TU PHYIN PA LA PHYAG 'TSAL LO, ,BDE BAR GSHEGS PAS GSUNGS PA'I CHOS KYI 'KHOR LO GNYIS PA'I DON THAMS CAD BSDU NA GNYIS TE, MNGON PAR RTOGS PA'I DON DANG, SNYING PO'I DON NO, ,DE LA MDO RGYAS 'BRING GSUM GYIS NI GANG ZAG GSUM GYI DBANG DU BYAS NAS, MNGON PAR RTOGS PA GTZO BOR STON PA YIN LA, BDUN BRGYA PA LA SOGS PAS NI SNYING PO'I DON GTZO BOR STON TO, ,LAM MNGON PAR RTOGS PA YE SHES KYI DMIGS PA GTZO BOR STON PA'O, ,DE LA RGYAS 'BRING GSUM GYIS GTZO BOR MNGON RTOGS BSTAN, YANG SNYING PO'I DON SHUGS LA BSTAN, BDUN BRGYA PA LA SOGS PAS GTZOR SNYING PO'I DON BSTAN, MNGON RTOGS ZHAR LA BSTAN TO, ,'DIR YANG SNYING PO'I DON BSTAN PA YIN LA 'DI YANG BI MA LA MI TRA LTAR NA DON BRGYAD KYIS MDO 'DI'I DON MA LUS PA BSTAN PA YIN NO, ,DON BRGYAD KYANG GLENG SLONG PA DANG ZHES BYA BA LA SOGS PAS LUS RNAM PAR GZHAG PA YIN NO, ,DE LA SLOB DPON PHYOGS KYI GLANG PO LA @313B SOGS PAS MDO'I DON GZHAN DU YANG BSHAD PA YOD DE, MDO 'BYUNG BA'I RGYU DANG, MDO DNGOS SO, ,DANG PO LA GNYIS TE, GLENG SLONG BA DANG GLENG GZHI'O, ,'DI GNYIS KYI KHYAD PAR NI, TSIG 'BYUNG BA'I RKYEN DANG, MDO 'BYUNG BA'I RGYU'O, ,DE YANG SNGON BYUNG BA DANG, RJES 'JUG STE, GLENG BSLANG BA'O, , GLENG GZHI LA GNYIS TE, THUN MONG DANG KHYAD PAR GYI GLENG GZHI'O, ,'DI GNYIS KYI BYE BRAG NI MDO THAMS CAD LA THUN MONG DU YOD PA DANG, MDO 'DI LA YOD PA GZHAN LA MED PA'O, ,THUN MONG LA BZHI STE, DUS DANG STON PA DANG, GNAS DANG 'KHOR RO, ,KHYAD PAR GYI GLENG GZHI LA GNYIS TE, GTZO BO DANG 'KHOR TING NGE 'DZIN LA ZHUGS PA'O, ,DE NI BSDUS DON NO, ,DGOS PA'I DON NI SDUD PA PO RANG NYID TSAD MA'I SKYES BUR 'GYUR BAR BYA BA'I PHYIR TE, DUS DE TZAM NA STON PA 'DI LA 'KHOR 'DI RNAMS DANG GNAS 'DIR THOS SO ZHES DBANG PO DANG DAN RTAGS DANG BCAS PA'I TSIG BRJOD NA, 'O NA 'DI BSHAD PA 'DI BDEN NO ZHES SDUD PA PO LA YID CHES PAR 'GYUR TE, 'DI LTA STE, 'JIG RTEN NA YANG DBANG DANG DAN RTAGS ZHIB PAS KHO'I DE BDEN NO ZHES RTOGS PA BZHIN NO, ,DE SKAD DU YANG SLOB DPON PHYOGS KYI GLANG POS, ,DAD LDAN 'JUG PA'I YAN LAG TU, ,RANG NYID TSAD MAR RAB BSGRUB PHYIR, ,STON PA DANG NI 'KHOR DBANG PO, ,YUL DANG DUS SOGS BSTAN PA YIN, ,SDUD PAR BYED PAS 'JIG RTEN DU, ,YUL DANG DUS SOGS BSTAN PA NI, ,DPANG POR BCAS PA'I TSIG BRJOD NA, ,RANG NYID TSAD MAR 'GRO BA YIN, ,ZHES GSUNGS SO, ,'DI RNAMS KYI TSIG DON DANG TSIG RNAM PAR SBYAR BA NI GSAL LO, ,DES NA MDO THAMS CAD DE LTAR BSHAD PAR BYA BA YIN PAR BRGYAD STONG PA'I BSDUS DON NA BSTAN TO, ,LHAG MA NI MTHUN NO, ,'DIR DRI MA MED PA'I BSHES GNYEN GYIS DE BKAG STE, RANG GI LUGS GSAL BAR BYED PA LA DANG PO SUN 'BYIN TE, DE LA SKYON GNYIS TE, MI NUS PA DANG DBANG POR MI 'GYUR BA'O, , DE LA MI NUS PA NI DGOS PA DE SGRUB PAR MI NUS PA STE, DA LTA NI DAD PAS RJES SU 'BRANG BA RNAMS 'JUG PA'I YAN LAG TU RANG TSAD MA'I SKYES BUR BSGRUB PA'I PHYIR DE SMOS SO, ,DPANG PO'I DGOS PA YANG PHYIS DE LA THE TSOM ZA BA LA SOGS PA BYUNG TZAM NA, DE LA THUG PA YIN LA, DE LTAR NA RDZU 'PHRUL DANG @314A *, ,MNGON PAR SHES PA THOB PA RNAMS KYIS MDO'I DON GTAN LA 'BEBS PA MI SRID PAR 'GYUR TE, DPANG PO 'GA' ZHIG NI MYA NGAN LAS 'DAS LA, KHA CIG GZHAN NA BZHUGS PA STE, DE YANG, ZAB CING MTHA' YAS MDO SDE YI, ,DKON MCHOG THOS PA'I SRED PA YIS, ,'JIG RTEN KHAMS NI THAMS CAD DU, ,DON BYED PAR NI 'GRO PHYIR TE, ,ZHES BYA BA'I TSUL GYIS SO, ,KHA CIG NI 'DI NA BZHUGS KYANG MTHONG BA'I SKAL BA MED DO, ,'OD SRUNGS CHEN PO LA SOGS PA LTA BU'O, ,SKYON GNYIS PA DE DGOS PA DE BSGRUB PAR NUS SU CHUG KYANG DPANG PO NYID DU MI 'GYUR TE, DPANG POR 'GYUR BA LA 'DI DANG 'DI DAG STE ZHES 'KHOR RNAMS KYI MING BSTAN PAS DPANG POR 'GYUR BAR 'DOD NA, RAB 'BYOR DANG ZHES BYA BA LA SOGS PA DNGOS SU MING BSTAN PAS DE LTAR DPANG DU 'GYUR BA LA RAG NA, MDO 'DI BZHIN DU 'KHOR GYI MING MED PA DANG DPANG DU JI LTAR 'GYUR ZHES ZER RO, ,DES NA 'DI LTAR BSHAD DE, SNGON BYUNG BA'I GLENG GZHI DANG BCAS PA'I MDO BSHAD PA'I SNGON ROL DU DE'I GLENG SLONG BAR BYED PA NI 'DI SKAD BDAG GIS THOS PA'I GSUNGS PA YIN NO, ,'DIS NI DBRI BSKYUNGS MED PAR YANG DAG PAR THOS PAR BSTAN TE, DES 'KHOR RNAMS KYIS PHYIN CI MA LOG PAR BSTAN PAR SHES PAS SDUD PA PO LA LEGS PAR RNA BA GTONG PA LA SOGS PAR 'GYUR BA'I PHYIR RO, ,DA NI GANG LA BRTEN NAS MDO 'DI 'BYUNG BA'I SKABS SU GYUR PA'I GNAS SKABS DE RTZOM PA STE, DE LA 'JUG PAR BYED PA NI DUS GCIG NA BCOM LDAN 'DAS ZHES BYA BA LA SOGS PA'O, ,'O NA SKABS DE LTA BU LA BRTEN NAS BYUNG BA'I MDO'I DBANG DU BYAS PA'I GANG ZAG JI LTA BU YIN SNYAM NAS BSTAN PAR GTOGS PA 'DUS PA STE, DGE SLONG GI DGE 'DUN CHEN PO DANG ZHES BYA BA LA SOGS PA STE, CHOS NYAN PA'I SKAL PA YOD PA TSOGS PA DANG LDAN PAR GTOGS PA 'DUS PA ZHES BYA'O, ,KHYAD PAR GYI GLENG GZHI GANG ZHE NA, DE'I TSE ZHES BYA BA LA SOGS PA GTZO BO DANG 'KHOR TING NGE 'DZIN LA SNYOMS PAR ZHUGS PA GNYIS BSTAN TO, ,'O NA GLENG GZHI DE GNYIS RGYUR BYAS PA LAS RTZOM PA 'BYUNG BA'I MDO GANG ZHE NA, DRIS PA DANG LAN GNYIS KYIS STON PA NI DE NAS ZHES BYA BA NAS DE LTAR BSLAB PAR BYA BA'I BAR @314B GYIS BSTAN TO, ,'O NA DE DE BZHIN GSHEGS PAS MA GSUNGS PAR SPYAN RAS GZIGS KYIS BSHAD PA 'DI CANG YIN NAM SNYAM PA'I 'KHOR GYI LOG RTOG BZLOG PA'I PHYIR SH'AKYA THUB PA NYID KYIS MTHUN 'GYUR BYIN PA'O, ,'O NA 'DI YANG SNYIGS MA LNGA BDO BA'I DUS SU SANGS RGYAS PAS, SANGS RGYAS GZHAN PAS 'OD LA SOGS PA CHUNG BAS DE KHO NA LTAR YIN NAM MA YIN NAM SNYAM PA LA, DE BZHIN GSHEGS PA RNAMS KYANG RJES SU YI RANG NGO ZHES BYA BA DE KHO NA LTAR ZAD DO SNYAM DU DGONGS PA'O, ,'DI GNYIS NI MTHUN 'GYUR RO, ,YANG NA DE BZHIN GSHEGS PA RNAMS KYANG ZHES BYA BAS NI RJES SU YI RANG BA DANG SBYAR RO, ,DE LTAR NA MDO SDE RIN PO CHE BSHAD PA LA DGA' BA SKYES NAS RJES SU YI RANG BAR BYED PA NI BCOM LDAN 'DAS KYIS ZHES BYA BA LA SOGS PA'O, ,DE NI SPYI'I DON BSDUS PA TZAM MO, ,DE LA DRIS PA NI DE NAS ZHES BYA BA LA SOGS PA'O, ,'DI'I DON NI RTEN GYI GANG ZAG GANG LA LA 'DOD PA STE, BYE BRAG SGRUB PA DANG SEMS BSKYED PA'I BYANG CHUB SEMS DPA'O, ,JI LTAR BSLAB PAR BYA BA STE, TSOGS LAM DANG, SBYOR LAM DANG, MTHONG LAM DANG, BSGOM LAM DANG, MI SLOB PA LA'O, ,'DI LNGA YANG BSAM PA DANG, SBYOR BA DANG, MNGON DU BYA BA DANG, SGRUB PA DANG, RTOGS PA ZHES BYA BA RNAMS KYI RANG BZHIN NO, ,DE LA GDAMS NGAG NI 'DI YIN TE, RIGS DANG LDAN PA'I GANG ZAG BYANG CHUB TU SEMS BSKYED PAS LAM LNGA LA JI LTAR BSLAB PAR BYA ZHES DRIS PA'I DON TO, ,LAN NI LAM RNAM PA LNGA LA RNAM PAR PHYE NAS BSTAN PAS BCU GCIG TU 'GYUR RO, ,DE LA YANG GNYIS TE, DBANG PO RTUL PO'I DBANG DU BYAS PA DANG, RNON PO'I DBANG DU BYAS PA'O, ,DE LA DBANG PO RTUL PO NI LAM LNGA LA SLOB PA'I TSE, LAM RE RE'I DBANG DU BYAS NAS KYANG MTSAN NYID THAMS CAD YONGS SU RDZOGS PAR BSTAN PA LA LTOS PA YIN LA, DE'I DBANG DU BYAS NAS LAM LNGA LA SLOB PA'I TSUL RNAM PAR PHYE NA BCUR 'GYUR RO, ,DBANG PO RNON PO NI MGO SMOS PAS GO BA YIN LA DE'I DON DU SNGAR DON BCUR STON PA DE NYID BSDUS NAS SNGAGS KYI DON DU BSTAN PA STE, DE LTAR NA LAN BTAB PA BCU GCIG TU 'GYUR RO, ,SPYIR NA 'DI GNYIS KA YANG DBANG PO RNON PO YIN MOD KYI DE LA YANG KHYAD PAR YOD PAS GNYIS SU @315A *, ,PHYE BA YIN NO, ,'DIR DBANG PO RTUL PO LA BSTAN PA DE YANG DBANG PO RTUL PO GZHAN LA LTOS NAS GSANG SNGAGS SU 'GYUR BA YIN TE, MA GSANGS KYANG GSANGS TE BSTAN PA BZHIN DU SONG BA'I PHYIR RO, ,DE YANG GSANG BA DANG MI GSANG BA NI BLO LA YOD PA YIN GYI, DNGOS PO LA NI BSTAN PAR BYA BA LA KHYAD PAR MED LA, STON PA LA YANG DPE MKHYUD MI MNGA' BA'I PHYIR RO, ,DES NA 'DIR YANG GSANG SNGAGS KYI DON BSHAD PA DE NYID SNGA MA LA YANG GSANG STE BSTAN PA BZHIN DU 'JUG PAS GSANG SNGAGS KYI NGES TSIG DANG LDAN NO, ,DE LA DANG PO MDO LA RTEN RIGS DANG LDAN PA'I GANG ZAG GIS BYANG CHUB MCHOG TU SEMS BSKYED PA NI LAM BSKYED PA'I RTEN GYI GANG ZAG YIN PAS DE BSHAD PA NI, SH'A RI'I BU ZHES BOS NAS RIGS KYI BU 'AM RIGS KYI BU MO GANG LA LA ZHES BYA BAS RIGS DANG LDAN PA'I GANG ZAG BSTAN LA, SHES RAB KYI PHA ROL TU PHYIN PA ZAB MO ZHES BYA BA DANG, SPYAD PA SPYOD PAR 'DOD PA ZHES BYA BA GNYIS KYIS DMIGS PAR BYA BA'I YUL DANG, 'DUN PA'I MTSAN NYID KYI SEMS BSKYED PA GNYIS BSHAD DE GO RIMS BZHIN NO, ,'DIS NI DBANG PO RNO RTUL MA PHYE BAR SPYIR BSTAN PA'O, ,DBANG PO RTUL PO'I DBANG DU BYAS PA'I LAN BCU YANG 'PHAGS PA DGONGS PA NGES PAR 'GREL PA LAS DMIGS PA RNAM PA BZHI BSHAD PA DES DON GYI KHOG DBUB PAR BYA STE, RNAM PAR RTOG PA DANG BCAS PA'I GZUGS BRNYAN LHAG MTHONG GI DMIGS PA DANG, RNAM PAR MI RTOGS PA'I GZUGS BRNYAN ZHI GNAS KYI DMIGS PA DANG, DNGOS PO MTHA'I DMIGS PA DANG; DGOS PA YONGS SU GRUB PA'I DMIGS PA'O, ,'DI BZHIS TSOGS LAM DANG, SBYOR LAM DANG, MTHONG LAM DANG, MI SLOB PA'I LAM BZHI RIM BZHIN BSTAN PAR SHES PAR BYA'O, ,'DIR BSGOM LAM NI DMIGS PA SNGA MA GSUM NYID LA DMIGS PA MA GTOGS PA DMIGS PA LHAG MA GZHAN MED PAS LOGS SU MA BSTAN TE, DE SKAD DU YANG MGON PO BYAMS PAS, NGES 'BYED YAN LAG DANG MTHONG BA'I, LAM DANG BSGOM PA'I LAM NYID LA, YANG DANG YANG DU SEMS PA DANG, 'JAL DANG NGES RTOG BSGOM PA'I LAM, ,ZHES BSHAD DO, ,DE LA RNAM PAR RTOG PA DANG BCAS PA'I GZUGS BRNYAN LHAG MTHONG @315B GI DMIGS PA NI 'DI LTAR RNAM PAR BLTA BAR BYA STE ZHES BYA BAS BSTAN TO, ,'DIS NI TSOGS KYI LAM GYI GNAS SKABS NA YOD PA'I DE KHO NA NYID LA SO SOR RTOG PA'I SHES RAB BSTAN TO, ,MTHONG LAM DU NI DMIGS PA THAMS CAD MNYAM PA NYID DU RTOGS PAS DMIGS PA RNAM PA SNA TSOGS SU LTA BA MED LA, 'DIR NI STONG PA NYID LA SOGS PA RNAM PA SNA TSOGS SU DNGOS PO LA YOD PAR ZHEN CING RTOG PAR BYED PAS NA'O, ,RNAM PAR RTOG PA NI MI 'DRA BA 'AM SNA TSOGS SU RTOG PAR BYED PA'O, ,DE LTAR RTOG PA'I SHES RAB DE NYID TING NGE 'DZIN MED PAS NA LHAG MTHONG TZAM GYI RANG BZHIN YIN LA, MTHONG LAM DU SKYE BA'I MI RTOG PA'I GZUGS BRNYAN TZAM YIN PAS NA, RNAM PAR RTOG PA DANG BCAS PA'I GZUGS BRNYAN LHAG MTHONG GI DMIGS PA ZHES BYA'O, ,DES NA RNAM PAR BLTA BAR BYA STE ZHES 'BYUNG BA NI RNAM PA SNA TSOGS SU SO SOR BRTAG PAR BYA'O ZHES BSTAN PA'O, ,DRIS PA'I SKABS NAS KYANG BSHAD DO, ,DE LTAR TSOGS LAM SKYES PA LA SHES PA GZHAN GYIS BAR MCHOD PAR DROD LA SOGS PA NGES 'BYED SKYE BA YIN PAS MDO'I TSIG 'DIS NI RNAM PAR MI RTOG PA'I GZUGS BRNYAN ZHI GNAS KYI DMIGS PA YANG 'DI NYID KYIS BSHAD PA YIN NO, ,DE LA RNAM PAR MI RTOG PA NI GONG DU BSTAN PA'I THOS BSAM GYI SHES PA KHA PHYIR BLTAS NAS DMIGS PA SNA TSOGS LA RTOG PA DE LTAR MI RTOG CING GCIG TU NANG NYID DU RTOG PA BSDUS PA STE, DE NYID KYANG CHOS THAMS CAD MNYAM PA NYID DU RTOGS PA'I LHAG MTHONG MTHONG LAM DU SKYE BA DE LTA BU MED KYANG ZHI GNAS KYI RANG BZHIN YOD PAS, RNAM PAR MI RTOG PA'I GZUGS BRNYAN ZHI GNAS KYI DMIGS PA STE SNGA MA BZHIN NO, ,DE LTAR DMIGS PA GNYIS BSHAD NAS, DA NI GSUM PA DNGOS PO'I MTHA'I DMIGS PA STON TE, ,DE LA DNGOS PO NI GZUGS LA SOGS PA'O, ,DE'I MTHA' NI RANG BZHIN NAM CHOS NYID DE, DE LA DMIGS PA NI DNGOS PO'I MTHA' LA DMIGS PA'O, ,'DI NI MTHONG LAM MO, ,DE LA YANG GSUM TE, DMIGS PA DANG, DMIGS PA DE LA 'JUG PA'I RNAM PA DANG, RNAM PA DES RNAM PAR BLTAS PA'I 'BRAS BU'O, ,DE LA PHUNG PO LNGA PO DE DAG LA YANG NGO BO NYID KYIS STONG PAR YANG YANG DAG PAR RJES SU BLTA'O ZHES BYA BA NI GONG DU @316A *, ,BSTAN PA LTAR DNGOS PO DANG, MTHA' DANG, DE LA DMIGS PA GSUM BSTAN PAS MTHONG LAM GYI DMIGS PA BSTAN PA'O, ,TSIG DON NI 'GREL PA NAS GSAL LO, ,DMIGS PA DE LA RNAM PA GANG GIS ZHUGS NA YANG DAG PAR RJES SU LTA BA PHYIN CI MA LTOG PAR LTA BAR 'GYUR BA YIN ZHE NA, GZUGS STONG PA'O ZHES BYA BA LA SOGS PA'O, ,'DI LA YANG GSUM STE, RNAM PA SO SO'I MTSAN NYID DANG, GRANGS NGES PA DANG, GO RIMS NGES PA'O, ,DE LA DANG PO NI GSAL LO, ,GRANGS NGES PA NI 'DIR SNYING PO'I DON BSHAD PA YIN LA, SNYING PO'I DON GYI GTZO BO YANG RNAM PAR THAR PA'I SGO GSUM YIN NO, ,RNAM PAR THAR PA'I SGO GSUM YANG ZAB MO'I DON BRGYAD KYIS BSDUS TE, DNGOS PO RNAMS KYI NGO BO NYID STONG PA NYID DANG, RNAM PAR THAR PA'I SGO STONG PA NYID YIN LA, STONG PA DANG MTSAN MA MED PA GNYIS KYIS KYANG RANG GI NGO BOS STONG PA DANG, SPYI'I NGO BOS STONG PA GNYIS BSHAD PAS LTA BA'I DBANG DU BYAS NAS DE GNYIS SU STONG PA NYID KYI DON THAMS CAD 'DUS PA YIN PAS DE BSHAD DO, ,MTSAN NYID MED PA NI RGYU MTSAN DANG BRAL BA STE, RGYU YANG 'BRAS BU LA LTOS NAS RGYUR 'JOG PA YIN LA, DE YANG KUN NAS NYON MONGS PA RGYU 'BRAS DANG, RNAM PAR BYANG BA'I RGYU 'BRAS GNYIS SU 'DUS PA YIN PAS MA SKYES PA MA 'GAGS PA DRI MA MED PA DRI MA DANG BRAL BA MED PA STE, RIM PA BZHIN NO, ,SMON PA MED PA NI 'BRAS BU LA SMON PA'I YUL GNYIS TE, SKYON DANG BRAL BA DANG YON TAN DANG LDAN PAR SMON PA'O, ,DE GNYIS DANG BRAL BA NI SMON PA MED PA'O, ,DES NA RNAM PAR THAR PA'I SGO GSUM GYI RANG BZHIN LA, DGAG BYA BRGYAD BKAG PA'I RNAM PA YANG BRGYAD KHO NAR NGES SO, ,DE NI GRANGS NGES PA'O, ,GO RIMS NGES PA NI MDO SDE THAMS CAD DU BDE BAR GSHEGS PAS STONG PA NYID KYI RNAM PAR THAR PA SNGON LA BSTAN LA, DE NAS MTSAN MA MED PA THA MAR SMON PA MED PA'O, ,'DIR DE NYID KYIS NGES PA YIN NO, ,SANGS RGYAS KYI LTA BA DANG, SPYOD PA DANG 'BRAS BU GSUM RIM GYIS SKYE LA, DE GSUM LA ZHEN PA'I GNYEN PO GSUM RIM BZHIN DU BSTAN LA GRANGS NGES PA DE NYID KYIS GO RIMS KYANG NGES SO, ,DES NA MDO 'DI'I BSHAD BYA GTZO BO YANG ZAB PA'I DON BRGYAD PO 'DI NYID YIN NO ZHES @316B DRI MA MED PA'I BSHES GNYEN GYIS BSHAD DO, ,DA NI DMIGS PA DE LA RNAM PA 'DI BRGYAD KYI SGO NAS RNAM PAR BLTAS PA'I 'BRAS BU SHES PA'I SNANG BA JI LTA BU SKYE BA DE BSTAN PA'I PHYIR, SH'A RI'I BU DE LTA BAS NA DE'I TSE STONG PA NYID LA ZHES BYA BA LA SOGS PA STE, DE LTA BAS NA ZHES BYA BA NI JI SKAD GSUNGS PA'I RNAM PA RNAMS KYIS DMIGS PA DE LA RNAM PAR BLTAS PA NA'O, ,DE'I TSE NI DE'I DUS NA STE, RNAM PAR BLTAS PA'I DUS NA'O, ,'BRAS BU CI 'BYUNG ZHE NA, STONG PA NYID LA GZUGS MED CES BYA BA LA SOGS PA STE, STONG PA NYID MTHONG BA LA GZUGS LA SOGS PA YANG DAG PAR MI DMIGS PA'I SHES PA SKYE BA'O, ,DES NA DMIGS PA DE LA RNAM PA 'DI BRGYAD KYI SGO NAS GOMS PAR BYAS PA LA STONG PA NYID DU SNANG BA'I SHES PA 'DI 'DRA BA SKYES PA NI MTHONG BA'I LAM GYI 'BRAS BU YIN NO ZHES BSTAN PA'O, ,DE LTAR MTHONG LAM SKYES PA LA, BSGOM LAM SKYE BAS DE STON PA NI, SH'A RI'I BU DE LTA BAS NA ZHES BYA BA LA SOGS PA STE, 'GREL PA NA GSAL LO, ,DE'I RJES THOGS SU BAR CHAD MED PA'I LAM RDO RJE LTA BU'I TING NGE 'DZIN SKYE BA YIN PA LAS DE MA BSTAN PAR SANGS RGYAS KYI SA'I SPONG BA CHE BA STON PA NI BSGOM LAM GYI SGRIB PA GNYIS SPANGS PA LA SPONG BA CHE BAR 'DOD PA NA, DE NI BSGOM LAM DANG 'BREL PAR SHES PAR BYA BA'I DON DU BSGOM LAM GYI RJES LA BSTAN TO, ,DE YANG 'DIR SPONG PA NI LAN CIG YIN NO, ,DE NI SEMS LA SGRIB PA MED DE ZHES BYA BA NAS MTHAR PHYIN TO'I BAR GO SLA'O, ,BAR CHAD MED PA'I LAM BSTAN PA'I PHYIR DUS GSUM DU RNAM PAR ZHES BYA BA NAS BRTEN NAS ZHES BYA BA'I BAR RO; ,SANGS RGYAS THAMS CAD CES BYA BA LA 'DIR SANGS RGYAS NI YIN LA YANG DAG PAR RDZOGS PA'I SANGS RGYAS NI MA YIN NO ZHES 'BYUNG BA NAS, SA BCU'I KHYAD PAR GYI LAM LA GNAS PA'I BYANG CHUB SEMS DPA'O, ,DE'I LAM NA RDO RJE LTA BU'I TING NGE 'DZIN YIN PAR 'GREL PA NAS GSAL BAR BSHAD NGO, ,'DIR NI MDO LAS RTOGS PA CHE BA DANG SEMS DPA' CHE BA GNYIS GTZOR BSTAN PA'I ZHAR LA BAR MCHOD PA'I RGYU 'DI YANG ZHAR BYUNG DU BSTAN PA YIN NO, ,DE LTAR SPANGS PA'I BDAG NYID BSTAN NAS, RTOGS PA'I BDAG NYID RNAM PA GNYIS BSTAN PA'I PHYIR BLA NA MED @317A *, ,PA ZHES BYA BA LA SOGS PA LA, DE LA GNYIS TE, JI SNYED YOD PA MKHYEN PA DANG JI LTAR MKHYEN PA STE, SEMS DPA' CHE BA DANG RTOGS PA CHE BA GNYIS YIN PAS LAN GNYIS SU GZHAG PA YIN NO, ,DE LA BLA NA MED PA ZHES BYA BAS NI DMIGS PAR BYA BA'I YUL DANG, DE RJES SU SGRUB PA'I RGYU DANG, 'BRAS BU THOB PA BLA NA MED PA STE, DE GSUM GYIS NI JI SNYED MKHYEN PA'I YE SHES BSTAN PA YIN TE, DE GSUM DANG LDAN PAS SHES BYA'I DNGOS PO THAMS CAD SKYU RU RA LAG MTHIL DU BZHAG PA LTAR MKHYEN PA'O, ,YANG DAG PAR MNYAM PA'I BYANG CHUB TU MNGON PAR RDZOGS PAR SANGS RGYAS SO ZHES BYA BAS NI JI LTA BA BZHIN MKHYEN PA'I YE SHES BSTAN PA STE, 'GREL PA NAS GSAL BAR BSTAN TO, ,DE LTAR NA DBANG PO RTUL PO'I DBANG DU BYAS NAS, TSOGS LAM SBYOR LAM GNYIS LA LAN RE RE DANG, MTHONG LAM LA GSUM, BSGOM LAM LA GCIG ,BAR CHAD MED PA'I LAM LA GCIG ,SANGS RGYAS KYI SA LA GSUM STE, DE LTAR LAN BTAB PA BCUS LAM LNGA LA SLOB PA'I TSUL LEGS PAR BSHAD PA YIN NO, ,DA NI DBANG PO RNON PO'I DBANG DU BYAS NAS SHES RAB KYI PHA ROL TU PHYIN PA'I DON MDOR BSDUS NAS GSANG SNGAGS KYI DON DU BSHAD PA NI, SH'A RI'I BU DE LTA BAS NA ZHES BYA BA LA SOGS PA STE, LAM LNGA PO DE DAG SHES PA'I DON DANG SKYOB PA'I DON DANG, DE GNYIS KYI PHAN YON DANG, SNGAGS NYID KYI BSHAD PA DANG, DE NI LAN BCU GCIG PA YIN NO, ,DE NI DRI BA'I SKABS JI LTAR BSLAB PAR BYA ZHES DRIS PA'I LAN YONGS SU RDZOGS SO ZHES BSTAN PA'I PHYIR DE LTAR BSLAB PAR BYA'O ZHES BSTAN PA YIN NO; ,DGE SLONG LEGS PA'I SHES RAB KYIS, ,MAR ME MDZAD DPAL YE SHES LA, ,GSOL BTAB LEGS PAR BSHAD PA YIN, ,DE DON BDAG GIS GZHUNG DU BRIS, ,DENG SANG BOD KYI RGYAL KHAMS 'DIR, ,SNGAR GYI LUGS NGAN LA ZHEN PAS, ,DA DUNG DAM PA'I GDAMS NGAG LA, ,LEGS BSHAD YIN PAR MI SHES KYANG, , 'ON KYANG SHES RAB LDAN PA LA, ,PHAN SNYAM SNYING RJE'I BSAM PAS BRIS, ,RGYAL YUM LEGS PAR RTOGS BYED CING, ,SDANG BAS SMRA BAR MA GYUR CIG, ,RGYA GAR GYI MKHAN PO D'I PAm KA RA SHR'I DZNY'A NA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,,