@1A [DD] #, ,RGYA GAR SKAD DU, M'U LA M'A DHY'A MI Ki PRATTI PRA SAN NA PA DA N'A MA, BOD SKAD DU, DBU MA RTZA BA'I 'GREL PA TSIGS GSAL BA ZHES BYA BA, 'PHAGS PA [DD] 'JAM DPAL GZHON NUR GYUR PA LA PHYAG 'TSAL LO, ,GANG ZHIG MTHA' GNYIS GNAS LA GNAS BSAL ZHING, ,RDZOGS SANGS RGYAS BLO RGYA MTSOR SKYE BA BRNYES, ,DAM CHOS MDZOD KYI ZAB MO NYID JI LTAR, ,RJES SU RTOGS BZHIN THUGS RJES STON PAR MDZAD, ,GANG GIS LTA BA'I ME DAG GIS, ,DA DUNG PHAS RGOL GZHUNG LUGS KYI, ,BUD SHING DANG NI 'JIG RTEN GYI, , YID KYI MUN RNAMS 'JOMS PAR MDZAD, ,GANG GI GNYIS MED YE SHES GSUNG MDA'I TSOGS, ,LHA DANG BCAS PA'I GDUL BYA'I 'JIG RTEN LA, ,KHAMS GSUM DAG TU RGYAL THABS LEGS MDZAD PAS, ,SRID PA'I DGRA SDE MA LUS 'JOMS MDZAD PA'I, ,KLU SGRUB DE LA PHYAG 'TSAL NAS NI DE'I, ,TSIG LE'UR BYAS PA'I 'GREL PA SLA BA DANG, ,SDEB LEGS NGAG GIS SBYAR ZHING @2A *, ,RTOG GE YI, ,RLUNG GIS MA DKRUGS RAB TU GSAL BAR BYA, ,DE LA BDAG LAS MA YIN GZHAN LAS MIN, ,ZHES BYA BA LA SOGS PA NI 'CHAD PAR 'GYUR BA'I BSTAN BCOS SO, ,DE'I 'BREL PA DANG BRJOD PAR BYA BA DANG, DGOS PA'I DGOS PA DAG GANG YIN ZHES 'DRI NA, ,DBU MA LA 'JUG PA LAS BSTAN PA'I TSUL GYIS SEMS BSKYED PA DANG PO GNYIS SU MED PA'I YE SHES KYIS BRGYAN PA, SNYING RJE CHEN PO SNGON DU 'GRO BA, DE BZHIN GSHEGS PA'I YE SHES 'BYUNG BA'I RGYUR GYUR PA THOG MAR MDZAD NAS, MTHAR SHES RAB KYI PHA ROL TU PHYIN PA'I TSUL PHYIN CI MA LOG PA THUGS SU CHUD PAR GYUR PA'I SLOB DPON KLU SGRUB KYIS GZHAN KHONG DU CHUD PAR BYA BA'I PHYIR SNYING RJES BSTAN BCOS MDZAD DE ZHES BYA BA 'DI NI RE ZHIG BSTAN BCOS KYI 'BREL PA YIN NO, ,SLOB DPON RANG NYID 'CHAD PAR 'GYUR BA'I BSTAN BCOS MTHA' DAG GI BRJOD PAR BYA BA'I DON DGOS PA DANG BCAS PA STON ZHING, DE PHYIN CI MA LOG PAR STON PAR MDZAD PA NYID KYI SGO NAS CHE BA'I BDAG NYID BRJOD NAS DE'I NGO BO DANG THA MI DAD PAR BZHUGS PA'I BLA MA DAM PA, DE BZHIN GSHEGS PA LA BSTAN BCOS RTZOM PA'I RGYU CAN GYI PHYAG MDZAD @2B PAR BZHED PAS, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI ZHES BYA BA LA SOGS PA GSUNGS SO, ,DE LA RTEN CING 'BREL PAR 'BYUNG BA 'GAG PA MED PA LA SOGS PA KHYAD PAR BRGYAD KYIS KHYAD PAR DU BYAS PA NI, BSTAN BCOS KYI BRJOD PAR BYA BA YIN ZHING MYA NGAN LAS 'DAS PA SPROS PA THAMS CAD NYE BAR ZHI ZHING ZHI BA'I MTSAN NYID CAN NI BSTAN BCOS KYI DGOS PAR BSTAN LA, SMRA RNAMS KYI, DAM PA DE LA PHYAG 'TSAL LO, ,ZHES BYA BA 'DIS NI PHYAG 'TSAL BA BSTAN TE, DE LTAR NA 'DI NI RE ZHIG TSIGS SU BCAD PA GNYIS KYI SPYI'I DON YIN NO, ,YAN LAG GI DON YANG RNAM PAR DBYE BAR BYA STE, DE LA PRA TI NI PHRAD PA'I DON TO, ,AI TI NI 'GRO BA'I DON TO, ,L+YAB KYI MTHA' CAN PRA TI TYA'I SGRA NI PHRAD PA STE LTOS PA LA 'JUG PA YIN TE, SKAD KYI BYINGS NI NYE BAR BSGYUR BAS YONGS SU BSGYUR BA'I PHYIR RO, ,NYE BAR BSGYUR BA'I DBANG GIS NA, ,SKAD BYINGS DON NI YONGS BSGYUR TE, ,GANG G'A'I CHU NI MNGAR MOD KYI, ,RGYA MTSO CHU YIS JI BZHIN NO, ,ZHES BSHAD DO, ,SA MUD GONG NA YOD PA'I P'A TA NI 'BYUNG BA'I DON CAN YIN PAS SA MUD P'A TA'I SGRA NI 'BYUNG BA LA 'JUG GO, ,DE'I PHYIR DNGOS PO RNAMS KYI 'BYUNG BA RGYU DANG RKYEN LA LTOS PA NI RTEN CING 'BREL PAR 'BYUNG BA'I DON TO, ,GZHAN DAG PRA TI NI ZLOS PA'I DON TO, ,AI TI NI 'GRO BA STE CHAS PA DANG 'JIG PA'O, ,AI TYA NI 'GRO BAR RUNG BA DAG GO ZHES DE LTAR AI TYA'I SGRA DE LA PHAN PA'I MTHA' CAN DU BYE BRAG TU BSHAD NAS, SO SO SO SOR 'GRO ZHING 'JIG PA DANG LDAN PA RNAMS KYI 'BYUNG BA NI RTEN CING 'BREL BAR 'BYUNG BA'O ZHES BRJOD PAR BYED DO, ,DE DAG GI LTAR NA DGE SLONG DAG KHYED LA RTEN CING 'BREL PAR 'BYUNG BA BSTAN PAR BYA YIS, SUS RTEN CING 'BREL BAR 'BYUNG BA MTHONG BA DES CHOS MTHONG NGO ZHES BYA BA DE LTA BU LA SOGS PA'I YUL LA NI ZLOS PA'I DON SRID PA'I PHYIR DANG, TSIG @3A *, ,BSDU BA YOD PA'I PHYIR BYE BRAG TU BSHAD PA LEGS PAR 'GYUR NA, MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES BYA BA 'DI LTA BU LA SOGS PA'I YUL 'DIR NI MIG DANG GZUGS LA BRTEN NAS ZHES DON GYI KHYAD PAR DNGOS SU ZHAL GYIS BZHES SHING, MIG GI DBANG PO GCIG GI RGYU CAN GYI RNAM PAR SHES PA GCIG KYANG SKYE BAR BZHED PA NA BRTEN NAS ZHES BYA BA'I SGRA LA ZLOS PA'I DON NYID YOD PAR GA LA 'GYUR, PHRAD PA'I DON NI PHRAD NAS 'BYUNG BA NI RTEN CING 'BREL PAR 'BYUNG BA'O ZHES DON GYI KHYAD PAR ZHAL GYIS MA BZHES PA'I RTEN CING 'BREL PAR 'BYUNG BA'I SGRA LA YANG YOD PA YIN LA, DON GYI KHYAD PAR ZHAL GYIS BZHES PA LA YANG YOD PA YIN TE, MIG DANG GZUGS LA BRTEN NAS MIG DANG GZUGS PHRAD CING MIG DANG GZUGS LA LTOS NAS ZHES BSHAD PA'I PHYIR RO, ,AI TYA'I SGRA DE LA PHAN PA'I MTHA' CAN YIN NA NI MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES BYA BA 'DIR PRA TI TYA'I SGRA MI ZAD PAR MA YIN PA'I PHYIR DANG, TSIG BSDU BA YOD PA MA YIN PA'I PHYIR RNAM PAR DBYE BA THOS PAR 'GYUR BA YIN DANG, MIG DANG GZUG LA BRTEN PA RNAM PAR SHES PA ZHES BYA BAR 'DON PAR 'GYUR BA ZHIG NA, 'DI NI DE LTA BU YANG MA YIN PAS, L+YAB KYI MTHA' CAN MI ZAD PA KHO NAR BYE BRAG TU BSHAD PA KHAS BLANG BAR BYA'O, ,GANG ZHIG KHA CIG NA RE RTEN CING ZHES BYA BA'I NYE BAR BSGYUR BA NI ZLOS PA'I DON YIN PA'I PHYIR DANG, 'BREL PA ZHES BYA BA PHRAD PA'I DON YIN PA'I PHYIR DANG, 'BYUNG BA ZHES BYA BA'I SGRA NI SKYE BA'I DON YIN PA'I PHYIR RKYEN DE DANG DE LA BRTEN NAS 'BYUNG BA STE PHRAD NAS 'BYUNG BA'O ZHE'O, ,GZHAN DAG NA RE SO SO SO SOR 'JIG PA DANG LDAN PA RNAMS KYI 'BYUNG BA NI RTEN CING 'BREL BAR 'BYUNG BA'O ZHE'O ZHES GZHAN GYI BSHAD PA RJES SU BRJOD NAS SUN 'BYIN PAR BYED PA DE NI, RE ZHIG GZHAN GYI PHYOGS RJES SU BRJOD PA LA MI MKHAS PA NYID DO SNYAM MO, ,CI'I PHYIR ZHE NA, GANG ZHIG RTEN CING 'BREL PAR 'BYUNG BA'I SGRA PHRAD PA'I DON CAN DU 'CHAD PA DES NI RTEN CING ZHES BYA BA @3B ZLOS PA'I DON DU MA YIN ZHING 'BREL PAR ZHES BYA BA PHRAD PA'I DON DU YANG MA YIN NO, ,'O NA CI ZHE NA RTEN CING NI PHRAD PA'I DON YIN ZHING, 'BREL PAR 'GRO BA'I DON YIN LA, TSOGS PA RTEN CING 'BREL BA'I SGRA NI PHRAD PA NYID YIN PAR 'CHAD PAR BYED DO, ,DES NA DA NI PHRAD NAS 'BYUNG BA NI RTEN CING 'BREL PAR 'BYUNG BA'O ZHES DE LTAR BSHAD PAR GYUR PA'I RTEN CING 'BREL PAR 'BYUNG BA'I SGRAS GAL TE DNGOS PO SRID TSAD MA LUS PA 'DZIN PAR BRJOD PAR 'DOD PA DE'I TSE NI, RGYU DANG RKYEN GYI TSOGS PA DE DANG DE PHRAD NAS 'BYUNG BA NI RTEN CING 'BREL BAR 'BYUNG BA'O ZHES ZLOS PA DANG 'BREL PAR BYED LA, 'ON TE BYE BRAG 'DZIN PA DE'I TSE NI MIG DANG GZUGS LA BRTEN NAS ZHES ZLOS PA DANG 'BREL PA MA YIN NO, ,DE LTAR NA RE ZHIG SLOB DPON NI RJES SU BRJOD PA LA MI MKHAS SO, ,DE YANG MI RUNG STE MIG DANG GZUGS LA BRTEN NAS MIG GI RNAM PAR SHES PA 'BYUNG ZHES GSUNGS PA 'DI LA DON GNYI GA MED PA'I PHYIR RO ZHES SUN 'BYIN SMRAS PA GANG YIN PA DE YANG MI 'THAD DO, ,CI'I PHYIR ZHE NA, JI LTAR MED CES BYA BA'I RIGS PA MA BKOD PAS, DAM BCA' BA TZAM YIN PA'I PHYIR RO, ,'ON TE RNAM PAR SHES PA NI GZUGS CAN MA YIN PA'I PHYIR MIG DANG PHRAD PA YOD PA MA YIN TE, GZUGS CAN RNAMS KHO NA LA DE DANG PHRAD PA MTHONG BA'I PHYIR RO SNYAM PA'I BSAM PA 'DI YIN NA NI, DE YANG MI RIGS TE, DGE SLONG 'DI NI 'BRAS BU THOB PA YIN NO ZHES BYA BA 'DI LA PHRAD PA KHAS BLANGS PA'I PHYIR DANG, PHRAD NAS ZHES BYA BA'I SGRA YANG LTOS NAS ZHES BYA BA'I SGRA'I RNAM GRANGS YIN PA'I PHYIR DANG, RTEN CING 'BREL BAR 'BYUNG BA ZHES BYA BA'I SGRA NI, DE DANG DE RTEN GANG 'BYUNG BA, ,RANG GI DNGOS POR DE MA SKYES, ,ZHES SLOB DPON KLU SGRUB KYIS KYANG PHRAD NAS ZHES BYA BA'I DON NYID DU ZHAL GYIS BZHES PA'I PHYIR RO, ,DES NA SKYON YANG MI 'THAD DO ZHES GZHAN DAG ZER RO, ,GANG YANG 'O NA GANG YIN ZHE NA, 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA STE ZHES BYA BA RKYEN 'DI DANG LDAN PA NYID KYI DON NI RTEN CING 'BREL PAR 'BYUNG @4A *, ,BA'I DON TO ZHES RANG GI LUGS RNAM PAR GZHAG PA DE YANG 'THAD PA MA YIN TE, RTEN CING 'BREL BAR ZHES BYA BA DANG 'BYUNG BA ZHES BYA BA'I SGRA GNYIS RE RE LA DON GYI KHYAD PAR MA BRJOD PA'I PHYIR LA DE BYE BRAG TU BSHAD PA YANG BRJOD PAR 'DOD PA'I PHYIR RO, ,CI STE YANG DGON PA'I THIG LE ZHES BYA BA LA SOGS PA LTAR RTEN CING 'BREL BAR 'BYUNG BA'I SGRA NI GTING TSUGS PA'I SGRAR KHAS BLANGS NAS DE SKAD DU BRJOD DO ZHE NA, DE YANG MI 'THAD DE, RTEN CING 'BREL PAR 'BYUNG BA'I SGRA NI SLOB DPON GYIS, DE DANG DE BRTEN GANG 'BYUNG BA, ,RANG GI DNGOS POR DE MA SKYES, ,ZHES YAN LAG GI DON DANG RJES SU 'BREL PA NYID DU ZHAL GYIS BZHES PA'I PHYIR RO, ,CI STE, 'DI YOD NA NI 'DI 'BYUNG STE, ,THUNG NGU YOD NA RING PO BZHIN, ,ZHES BYA BAS 'CHAD PAR BYED PAS NI THUNG NGU DANG PHRAD CING THUNG NGU LA BRTEN TE, THUNG NGU LA LTOS NAS RING PAR 'GYUR RO ZHES DE NYID KHAS BLANGS PAR 'GYUR RO, ,DE'I PHYIR GANG ZHIG SUN 'BYIN PA DE NYID KHAS BLANGS PAR RIGS PA MA YIN NO, ,SHIN TU SPROS PAS CHOG GO, ,DE'I PHYIR DE LTAR NA 'DIR BCOM LDAN 'DAS KYIS DNGOS PO RNAMS KYI 'BYUNG BA RGYU DANG RKYEN LA LTOS PA YONGS SU GSAL BAR MDZAD PA NA, DNGOS PO RNAMS RGYU MED PA NYID DANG, RGYU GCIG PU NYID DANG, MI MTHUN PA'I RGYU LAS BYUNG BA NYID DANG, RANG DANG GZHAN DANG GNYI GAS BYAS PA NYID BKAG PAR 'GYUR LA, DE DAG BKAG PAS NI DNGOS PO KUN RDZOB PA RNAMS KYI RANG GI NGO BO KUN RDZOB PA JI LTAR GNAS PA BZHIN GSUNGS PAR 'GYUR RO, ,DA NI RTEN CING 'BREL BAR 'BYUNG BA KUN RDZOB PA DE NYID RANG BZHIN GYIS MA SKYES PA NYID KYI PHYIR 'PHAGS PA'I YE SHES LA LTOS NAS 'DI LA 'GAG PA YOD PA MA YIN PA NAS, 'DI LA DON GCIG PU YOD PA MA YIN PA ZHES BYA BA'I BAR 'GAG PA MED PA LA SOGS PA KHYAD PAR BRGYAD KYIS KHYAD PAR DU BYED DE, 'GAG PAS NA 'GAG PA STE, SKAD CIG MAR 'JIG PA LA 'GAG PA ZHES BRJOD DO, ,SKYE BAS NA SKYE BA STE BDAG NYID KYI DNGOS POR RED PA'O, ,CHAD PAS NA CHAD PA STE RGYUN CHAD PA ZHES BYA BA'I DON TO, ,RTAG PA NA THER ZUG PA STE DUS @4B THAMS CAD DU GNAS PA ZHES BYA BA'I DON TO, ,'ONG BAS NA 'ONG BA STE YUL RING PO NA GNAS PA RNAMS YUL NYE BAR 'ONG BA'O, ,'GROGS NA 'GRO BA STE, YUL NYE BA NA GNAS PA RNAMS YUL RING POR 'GRO BA'O, ,THA DAD PA'I DON NI DON THA DAD PA STE, ,DON SO SO BZHES BYA BA'I THA TSIG GO, ,DON YANG DE YIN LA GCIG KYANG DE YIN PAS NA DON GCIG STE, DON THA MI DAD CING SO SO MA YIN ZHES BYA BA'I THA TSIG GO, ,RTEN CING 'BREL BAR 'BYUNG BA LA JI LTAR 'GAG PA LA SOGS PA MED PA DE LTAR NI BSTAN BCOS MTHA' DAG GIS STON PAR 'GYUR RO, ,RTEN CING 'BREL PAR 'BYUNG BA LA KHYAD PAR MTHA' YAS PA YOD DU ZIN KYANG BRGYAD DAG GCIG KHO NA NYE BAR BKOD PA NI 'DI DAG KHO NA GTZOR RTZOD PA'I YAN LAG TU GYUR PA'I PHYIR RO, ,RTEN CING 'BREL BAR 'BYUNG BA JI LTAR GNAS PA BZHIN DU 'PHAGS PA RNAMS KYIS GZIGS NA, BRJOD BYA DANG RJOD BYED DANG, MTSAN NYID DANG MTSON BYA LA SOGS PA'I SPROS PA RNAMS RNAM PA THAMS CAD DU BZLOG PA'I PHYIR, ,'DIR SPROS PA DAG NYE BAR ZHI BAS RTEN CING 'BREL PAR 'BYUNG BA DE NYID SPROS PA NYER ZHI ZHES BYA'O, ,'DI LA SEMS DANG SEMS LAS BYUNG BA'I 'JUG PA YANG MED PA DANG, SHES PA DANG SHES BYA'I THA SNYAD LOG PA'I SGO NAS SKYE BA DANG RGA BA DANG NA BA DANG 'CHI BA LA SOGS PA'I NYE BAR 'TSE BA MA LUS PA DANG BRAL BA'I PHYIR NA ZHI PA'O, ,JI SKAD BSTAN PA'I KHYAD PAR CAN GYIS RTEN CING 'BREL BAR 'BYUNG BA NI BSTAN PAR BYA BA'I SGO NAS 'DOD PA DAM PA YIN PA'I PHYIR LAS SU BSTAN TE, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BYA BA'O, ,RTEN CING 'BREL BAR 'BYUNG BA JI SKAD BSTAN PA THUGS SU CHUD PA'I PHYIR, DE BZHIN GSHEGS PA NYAG GCIG DON PHYIN CI MA LOG PAR GSUNG BA NYID DU GZIGS SHING PHA ROL PO'I SMRA BA THAMS CAD BYIS PA RTOL THABS SMRA BA DANG 'DRA BAR THUGS @5A *, ,SU CHUD DE, DE NAS SLOB DPON SHIN TU DAD PA DANG LDAN PAR GYUR PAS SLAR YANG BCOM LDAN 'DAS LA KHYAD PAR DU MDZAD PA NI, SMRA RNAMS KYI DAM PA ZHES BYA'O, ,'DIR 'GAG PA SNGAR BKAG PA NI SKYE BA DANG 'GAG PA DAG LA SNGA PHYI'I RNAM PAR GZHAG PA MED PAR BSTAN PA'I PHYIR TE, GAL TE SKYE BA SNGAR GYUR LA, ,RGA SHI PHYI MA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES 'CHAD PAR 'GYUR RO, ,DE'I PHYIR SKYE BA NI SNGAR 'GYUR LA, RGA SHI NI PHYIS SO ZHES BYA BA'I NGES PA GANG YIN PA 'DI MED DO, ,DA NI SLOB DPON RTEN CING 'BREL PAR 'BYUNG BA 'GAG PA MED PA LA SOGS PAS KHYAD PAR DU 'PHAGS PAR GYUR PA BSTAN PAR BZHED NAS, SKYE BA BKAG PAS 'GAG PA LA SOGS PA DGAG PA SLA BAR DGONGS SHING THOG MAR SKYE BA DGAG PA RTZOM PA MDZAD DO, ,SKYE BA YANG GZHAN GYIS BRTAGS PA NA BDAG GAM GZHAN NAM GNYI GA 'AM RGYU MED PA ZHIG LAS RTOG GRANG NA, THAMS CAD DU 'THAD PA MA YIN NO SNYAM DU NGES PAR MDZAD NAS BSHAD PA, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, , SKYE BA NAM YANG YOD MA YIN, ,DE LA GANG DAG CES BYA BA'I SGRA NI RTEN PA'I TSIG STE, SU DAG CES BYA BA'I SGRA'I RNAM GRANGS SO, ,GANG NA YANG ZHES BYA BA'I SGRA NI RTEN GYI TSIG STE, 'GA' ZHIG NA YANG ZHES BYA BA'I SGRA'I RNAM GRANGS SO, ,NAM YANG ZHES BYA BA NI GZHAN YANG ZHES BYA BA'I THA TSIG GO, ,DE'I PHYIR BDAG LAS DNGOS PO GANG DAG GANG NA YANG SKYE BA NAM YANG YOD PA MA YIN NO ZHES DE LTAR SBYAR BAR BYA'O, ,DE BZHIN DU DAM BCA' BA GSUM PO LA YANG SBYAR BAR BYA'O, ,GAL TE BDAG LAS SKYE BA MA YIN PA NYID DO ZHES BYA BAR NGES PAR GZUNG BA NA, GZHAN LAS SKYE'O ZHES MI 'DOD PA NYID DU 'GYUR BA MA YIN NAM ZHE NA MA YIN TE, MED PAR DGAG PA BRJOD PAR 'DOD PA'I PHYIR DANG, GZHAN LAS SKYE BA YANG 'GOG PAR 'GYUR BA'I PHYIR RO, ,'THAD PA GANG GIS BDAG LAS SKYE BAR MI 'GYUR BA DE NI, DE LAS @5B DE NI 'BYUNG NA YON TAN 'GA' YANG YOD MA YIN, ,SKYES PAR GYUR PA SLAR YANG SKYE BAR RIGS PA 'ANG MA YIN NYID, ,CES BYA BA LA SOGS PAS DBU MA LA 'JUG PA LA SOGS PA'I SGO NAS NGES PAR BYA'O, ,SLOB DPON SANGS RGYAS BSKYANGS KYIS KYANG, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ,DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO ZHES GSUNGS SO, ,'DI LA KHA CIG GIS DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,THAL BAR 'GYUR BA'I TSIG YIN PA'I PHYIR SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR PA'I PHYIR GRUB PA'I MTHA' DANG 'GAL BAR 'GYUR RO ZHES SKYON SMRA STE, SKYON 'DI DAG THAMS CAD NI RIGS PA MA YIN PAR KHO BO CAG GIS MTHONG NGO, ,JI LTAR ZHE NA, DE LA RE ZHIG GTAN TSIGS DANG DPE MA BRJOD PA'I PHYIR DANG ZHES GANG SMRA BA DE NI MI RIGS SO, ,CI'I PHYIR ZHE NA, GANG GI PHYIR BDAG LAS ZHES BYA BA NI YOD PA RGYU NYID DANG DE NYID SKYE'O ZHES SMRAS PA YIN LA, YOD PA NI YANG SKYE BA LA DGOS PA MA MTHONG ZHING, THUG PA MED PAR YANG MTHONG LA, KHYOD KYIS SKYES PA SLAR YANG SKYE BAR MI 'DOD CING, THUG PA MED PAR YANG MI 'DOD DO, ,DE'I PHYIR KHYED CAG GI RTZOD PA NI 'THAD PA DANG BRAL BA DANG, RANG GIS KHAS BLANGS PA DANG 'GAL BA YIN NO ZHES PHA ROL PO BDAG LAS SKYE BAR 'DOD PA LA 'DRI BAR BYED PA YIN TE, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA 'DI DAG TZAM ZHIG GIS BRTZAD PA NA CI PHA ROL PO KHAS LEN PAR MI BYED DAM, 'ON TE PHA ROL PO RANG GI KHAS BLANGS PA DANG 'GAL BAS BRTZAD @6A *, ,PAS KYANG MI LDOG NA NI, DE'I TSE NGO TSA MED PA NYID KYIS GTAN TSIGS DANG DPE GNYIS KYIS KYANG LDOG PAR MI 'GYUR BA NYID DO, ,KHO BO CAG NI SMYON PA DANG LHAN CIG RTZOD PA YANG MA YIN NO, ,DE'I PHYIR SLOB DPON NI GNAS MA YIN PAR YANG RJES SU DPAG PA TSANG BAR BYED PA NA, BDAG NYID RJES SU DPAG PA LA DGA' BA NYID MNGON PAR BYED PA YIN NO, ,DBU MA PA YIN NA NI RANG GI RGYUD KYI RJES SU DPAG PAR BYA BA RIGS PA YANG MA YIN TE, PHYOGS GZHAN KHAS BLANGS PA MED PA'I PHYIR RO, ,DE SKAD DU YANG 'PHAGS PA'I LHAS, ,YOD DANG MED DANG YOD MED CES, ,PHYOGS NI GANG LA 'ANG YOD MIN PA, ,DE LA YUN NI RING PO NA'ANG, ,KLAN KA BRJOD PAR NUS MA YIN, ,ZHES BSHAD DO, ,RTZOD PA BZLOG PA LAS KYANG, ,GAL TE NGAS DAM BCAS 'GA' YOD, ,DES NA NGA LA SKYON DE YOD, ,NGA LA DAM BCA' MED PAS NA, ,NGA LA SKYON MED KHO NA YIN, ,GAL TE MNGON SUM LA SOGS PA'I, ,DON GYIS 'GA' ZHIG DMIGS NA NI, ,SGRUB PA 'ANG BZLOG PAR BYA NA DE, ,MED PHYIR NGA LA KLAN KA MED, ,CES GSUNGS SO, ,GANG GI TSE DE LTAR DBU MA PAS RANG GI RGYUD KYI RJES SU DPAG PA MI BRJOD PA NYID YIN PAR DE'I TSE, GANG LA GRANGS CAN PA DAG GIS, ,DAM BCA' BA'I DON 'DI GANG YIN, ,CI BDAG LAS ZHES BYA BA 'BRAS BU'I BDAG NYID LAS SAM, 'ON TE RGYU'I BDAG NYID LAS YIN GRANG, DE LAS CIR 'GYUR, GAL TE 'BRAS BU'I BDAG NYID LAS YIN NA NI GRUB PA LA SGRUB PA YIN LA, RGYU'I BDAG NYID LAS YIN NA NI 'GAL BA'I DON NYID DU 'GYUR TE, SKYE BA DANG LDAN PA THAMS CAD NI RGYU'I BDAG NYID DU YOD PA KHO NA SKYE BA'I PHYIR RO, ,ZHES BYA BAR GANG LA GRANGS CAN PA DAG GIS PHYIR ZLOG PAR BYED PAR 'GYUR LA, NANG GI SKYE MCHED RNAMS DAG LAS SKYE BA MED DE ZHES BYA BA'I RANG GI RGYUD KYI DAM BCA' BA LTA GA LA YOD, KHO BO CAG LA NI GANG ZHIG GRUB PA LA SGRUB PA NYID DAM, 'GAL BA'I DON NYID DU 'GYUR ZHING, ,GRUB PA LA SGRUB PA NYID GANG YIN PA DANG, 'GAL BA'I DON NYID GANG YIN PA SPANG BAR @6B BYA BA'I PHYIR 'BAD PA BYED PAR 'GYUR BA YOD PA'I PHYIR ZHES BYA BA'I GTAN TSIGS KYANG GA LA YOD, DE'I PHYIR GZHAN GYIS SMRAS PA'I NYES PAR THAL BAR MI 'GYUR BA NYID KYI PHYIR SLOB DPON SANGS RGYAS BSKYANGS KYIS DE'I LAN BRJOD PAR BYA BA MA YIN NO, ,CI STE YANG DBU MA PA RNAMS KYI LTAR NA PHYOGS DANG GTAN TSIGS DANG DPE DAG MA GRUB PAS RANG GI RGYUD KYI RJES SU DPAG PA MA BRJOD PA NYID KYI PHYIR BDAG LAS SKYE BA DGAG PA'I DAM BCA' BA'I DON SGRUB PA DANG, GNYI GA LA GRUB PA'I RJES SU DPAG PAS GZHAN GYI DAM BCA' BSAL BAR MA GYUR MOD, GZHAN GYI DAM BCA' BA LA RANG GI RJES SU DPAG PAS 'GAL BA BRJOD PAR NI BYA DGOS PAS, RANG NYID LA PHYOGS LA SOGS PA DANG GTAN TSIGS DPE'I SKYON DANG BRAL BA DAG YOD PAR BYA DGOS SO, ,DE'I PHYIR DE MA BRJOD PA'I PHYIR DANG, DE'I NYES PA MA BSAL BA'I PHYIR NYES PA DE NYID DU 'GYUR RO SNYAM NA, BSHAD PAR BYA STE, DE NI DE LTAR MA YIN NO, ,CI'I PHYIR ZHE NA, GANG GI PHYIR DON GANG ZHIG GANG GIS DAM BCAS PA DES NI RANG NYID KYIS NGES PA BZHIN DU GZHAN DAG LA NGES PA BSKYED PAR 'DOD PAS, DON 'DI'I 'THAD PA GANG GI SGO NAS KHONG DU CHUD PA'I 'THAD PA DE NYID GZHAN LA BSNYAD PAR BYA DGOS SO, ,DE'I PHYIR RANG GIS KHAS BLANGS PA'I DAM BCAS PA'I DON GYI SGRUB PAR BYED PA NI PHA ROL PO KHO NAS NYE BAR DGOD PAR BYA BA GANG YIN PA 'DI NI RE ZHIG LUGS MA YIN NO, 'DI NI GZHAN LA GTAN TSIGS KYANG MA YIN NO, ,GTAN TSIGS DANG, DPE MED PA'I PHYIR RANG GI DAM BCA' BA'I DON GYI SGRUB PAR BYED PA NI KHAS 'CHES PA'I RJES SU 'BRANGS PA 'BA' ZHIG NYE BAR BKOD PA YIN TE, DE'I PHYIR 'THAD PA DANG BRAL BA'I PHYOGS KHAS BLANGS PAS 'DI NI BDAG NYID KHO NA LA SLU BAR BYED PAS GZHAN LA NGES PA BSKYED PAR MI NUS SO, ,ZHES BYA BAR GANG RANG GI DAM BCA' BA'I DON GYI SGRUB PAR BYED PA LA NUS PA MED PA 'DI NYID 'DI'I SUN 'BYIN PA CHES GSAL PO YIN TE, 'DIR RJES SU DPAG PAS GNOD PA BRJOD PA LA DGOS PA GO CI ZHIG YOD, CI STE YANG RANG GI RJES SU DPAG PAS 'GAL BA GDON MI ZA BAR BRJOD PAR BYA BA YIN NO ZHE NA, ,DE YANG SLOB DPON @7A *, ,SANGS RGYAS BSKYANGS KYIS BRJOD PA NYID YIN NO, ,JI LTAR ZHE NA, GANG GI PHYIR DES NI 'DI SKAD DU BSHAD PA YIN TE, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG ZHES BSHAD PA'I PHYIR RO, ,DE LA DE DAG CES BYA BA 'DIS NI RANG GI BDAG NYID DU YOD PA 'DZIN PA YIN NO, ,CI'I PHYIR ZHE NA, 'DI LTAR RANG GI BDAG NYID DU YOD PA DAG LA NI YANG SKYE BA LA DGOS PA MED DO ZHES BYA BA 'DI NI MDOR BZHAG PA'I NGAG DE'I 'GREL PA'I NGAG YIN LA NGAG 'DIS NI CHOS MTHUN PA'I DPE GZHAN LA RAB TU GRAGS PA BSGRUB PAR BYA BA DANG SGRUB PAR BYED PA'I CHOS DANG LDAN PA NYE BAR GZUNG BA YIN NO, ,DE LA RANG GI BDAG NYID DU YOD PA ZHES BYA BA 'DIS NI GTAN TSIGS 'DZIN PA YIN NO, ,SKYE BA DON MED PA NYID DU 'GYUR BA'I PHYIR DANG ZHES BYA BA 'DIS NI BSGRUB PAR BYA BA'I CHOS 'DZIN PA YIN NO, ,DE LA JI LTAR SGRA MI RTAG STE, , BYAS PA MI RTAG PA'I PHYIR RO, ,BYAS PA NI MI RTAG PAR MTHONG STE, DPER NA BUM PA BZHIN NO, ,DE BZHIN DU SGRA YANG BYAS PA YIN TE, DE'I PHYIR BYAS PA NYID KYI PHYIR MI RTAG PA YIN NO ZHES 'DIR NYE BAR SBYAR BAS GSAL BAR BYAS PA'I BYAS PA GTAN TSIGS YIN PA DE BZHIN DU, 'DIR YANG DNGOS PO RNAMS BDAG LAS SKYE BA MED DE, RANG GI BDAG NYID DU YOD PA LA YANG SKYE BA DON MED PA NYID DU 'GYUR BA'I PHYIR RO, ,'DI NA JI LTAR BUM PA LA SOGS PA MDUN NA GNAS SHING GSAL BA RANG GI BDAG NYID DU YOD PA NI YANG SKYE BA LA MI LTOS PAR MTHONG BA DE BZHIN DU, 'JIM PA'I GONG BU LA SOGS PA'I GNAS SKABS NA YANG GAL TE RANG GI BDAG NYID DU YOD PA'I BUM PA LA SOGS PA YOD DO SNYAM DU SEMS NA NI DE'I TSE YANG RANG GI BDAG NYID DU YOD PA DE LA SKYE BA YOD PA MA YIN NO, ,DE LTAR NA GTAN TSIGS NYE BAR SBYAR BAS GSAL BAR BYAS PA, YANG SKYE BA DGAG PA LA MI 'KHRUL PA, RANG GI BDAG NYID DU YOD PA NYID KYIS GRANGS CAN LA RANG NYID KYIS RJES SU DPAG PAS 'GAL BA BRJOD PA MDZAD PA YIN TE, DES NA DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG ZHES CI STE RJOD PAR BYED, GTAN TSIGS DANG DPE MA BRJOD PA @7B MA YIN PA 'GA' ZHIG TU MA ZAD KYI, GZHAN GYIS SMRAS PA'I NYES PA MA BSAL BA YANG MA YIN NO, ,CI LTAR ZHE NA, GRANGS CAN PA DAG MDUN NA GNAS PA'I BUM PA MNGON PAR GSAL BA'I RANG BZHIN CAN NI YANG MNGON PAR GSAL BAR MI 'DOD CING, DE NYID 'DIR DPE NYID DU GRUB PA'I NGO BO YIN PA'I PHYIR LA, NUS PA'I NGO BOR GYUR CING MNGON PAR GSAL BA'I RANG BZHIN MA YIN PA SKYE BA BKAG PAS KHYAD PAR DU BYAS PA NI BSGRUB PAR BYA BA YIN PA NYID KYI PHYIR GRUB PA LA SGRUB PA'I PHYOGS KYI SKYON NYID DU DOGS PA 'AM, GTAN TSIGS 'GAL BA'I DON NYID DU DOGS PA GA LA YOD, DE'I PHYIR RANG GI RJES SU DPAG PAS 'GAL BA BRJOD PA NA YANG JI SKAD SMRAS PA'I NYES PA BRJOD PA MED PA'I PHYIR, GZHAN GYIS SMRAS PA'I NYES PA MA BSAL BA MED PA NYID DE, DE'I PHYIR SUN 'BYIN PA 'DI DAG NI 'BREL PA MED PA NYID DO ZHES SHES PAR BYA'O, ,BUM PA LA SOGS PA ZHES BYA BA SOGS PA'I SGRAS NI SKYE BAR 'DOD PA'I DNGOS PO MA LUS PA BSDU BAR 'DOD PA'I PHYIR SNAM BU LA SOGS PA DAG GIS MA NGES PAR 'GYUR BA YANG MA YIN NO, ,YANG NA SBYOR BA 'DI NI TSUL GZHAN YIN TE, RANG LAS SKYE BAR SMRA BA'I SKYES BU LAS THA DAD PA'I DON RNAMS NI BDAG NYID LAS SKYE BA MED DE, RANG GI BDAG NYID DU YOD PA'I PHYIR, SKYES BU BZHIN NO ZHES DPER BRJOD PA 'DI NYID DPER BRJOD PAR BYA'O, ,GAL TE YANG SKYE BA BKAG PAS MNGON PAR GSAL BAR SMRA BA LA GNOD PAR BYED PA MA YIN PA DE LTA NA YANG SKYE BA'I SGRA MNGON PAR GSAL BA LA BTAGS NAS SNGON DANG PHYI MAR MA DMIGS PA DANG DMIGS PAR CHOS MTHUN PAS SKYE BA'I SGRAS MNGON PAR GSAL BA NYID BRJOD PA'I PHYIR, 'DI BKAG PAS GNOD PAR BYED PA MA YIN NO, ,YANG JI SKAD SMRAS PA'I DON GYI RJOD PAR BYED PA MED PAR RNAM PAR DPYOD PA 'DI LTA BU 'DI JI LTAR RNYED CE NA, BSHAD PAR BYA STE, DON GYI NGAG 'DI DAG NI DON CHEN PO CAN YIN PAS JI SKAD SMRAS PA'I DON BSDUS NAS 'JUG PA YIN LA, DE DAG KYANG BSHAD NA JI SKAD SMRAS PA'I DON GYI BDAG NYID 'BYIN PAR BYED PA YIN PAS, 'DIR MA BSTAN PA CUNG ZAD KYANG MI SRID DO, ,THAL BAR 'GYUR BA BZLOG PA'I DON DANG @8A *, ,YANG PHA ROL PO NYID 'BREL PA YIN GYI, KHO BO CAG NI MA YIN TE, RANG LA DAM BCA' BA MED PA'I PHYIR RO, ,DE'I PHYIR KHO BO CAG LA GRUB PA'I MTHA' DANG 'GAL BA GA LA YOD, THAL BA LAS BZLOG PA BSGRUBS PAS PHA ROL PO LA NYES PA MANG PO CI TZAM DU 'GYUR BA DE TZAM KHO BO CAG MNGON PAR 'DOD PA KHO NA YIN PAS, GANG LAS 'DI LA GZHAN GYIS GLAGS RNYED PAR 'GYUR BA SLOB DPON KLU SGRUB KYI LUGS PHYIN CI MA LOG PA'I RJES SU 'BRANG BA SLOB DPON SANGS RGYAS BSKYANGS LA GLAGS DANG BCAS PA'I TSIG GSUNG PA NYID GA LA YOD, RANG BZHIN MED PAR SMRA BAS RANG BZHIN DANG BCAS PAR SMRA BA LA THAL BA BSGRUBS PA NA THAL BA LAS BZLOG PA'I DON CAN DU THAL BAR GA LA 'GYUR TE, SGRA RNAMS NI DBYUG PA DANG ZHAGS PA CAN BZHIN DU SMRA BA PO RANG DBANG MED PAR BYED PA MA YIN NO, ,'O NA CI ZHE NA NUS PA YOD NA SMRA BA PO'I BRJOD PAR 'DOD PA'I RJES SU BYED PA YIN NO, ,DE'I PHYIR THAL BA SGRUB PA NI PHA ROL PO'I DAM BCA' LA 'GOG PA TZAM GYI 'BRAS BU CAN YIN PA'I PHYIR THAL BA LAS ,ZLOG PA'I DON DU 'GYUR BA YOD PA MA YIN NO, ,DE LTAR YANG SLOB DPON NI, ,NAM MKHA'I MTSAN NYID SNGA ROL NA, , NAM MKHA' CUNG ZAD YOD MA YIN, ,GAL TE MTSAN LAS SNGAR GYUR NA, ,MTSAN NYID MED PAR THAL BAR 'GYUR, ,ZHES BYA BA DANG, DE BZHIN DU, GZUGS KYI RGYU NI MA GTOGS PAR, ,GZUGS NI GZUGS KYI RGYU MED PAR, ,THAL BAR 'GYUR TE DON GANG YANG, , RGYU MED PA NI GANG NA'ANG MED, ,CES BYA BA DANG, ,DE BZHIN DU, MYA NGAN 'DAS PA DNGOS PO MIN, ,RGA SHI'I MTSAN NYID THAL BAR 'GYUR, ,RGA DANG 'CHI BA MED PA YIN, ,DNGOS PO YOD PA MA YIN NO, ,ZHES BYA BA LA SOGS PAS PHAL CHER THAL BA SGRUB PA KHO NA'I SGO NAS GZHAN GYI PHYOGS SEL BAR MDZAD DO, ,CI SKYE SLOB DPON GYI NGAG RNAMS NI DON GYI NGAG YIN PA'I PHYIR DON CHEN PO NYID YIN PAS SBYOR BA DU MA'I RGYU NYID DU RTOGS NA NI, SLOB DPON SANGS RGYAS BSKYANGS KYI NGAG DAG KYANG CI'I PHYIR DE LTAR YONGS SU MI RTOG ,'ON TE SBYOR BA'I NGAG @8B RGYAS PAR RJOD PAR BYED PA GANG YIN PA 'DI NI 'GREL PA MKHAN PO RNAMS KYI LUGS YIN NO ZHE NA, DE YANG YOD PA MA YIN TE, RTZOD PA BZLOG PA'I 'GREL PA MDZAD PA NA, SLOB DPON GYIS KYANG SBYOR BA'I NGAG MA GSUNGS PA'I PHYIR RO, ,GZHAN YANG RTOG GE BA 'DIS BDAG NYID RTOG GE'I BSTAN BCOS LA SHIN TU MKHAS PA TZAM ZHIG BSTAN PAR 'DOD PAS, DBU MA PA'I LTA BA KHAS LEN BZHIN DU YANG RANG RGYUD KYI SBYOR BA'I NGAG BRJOD PA GANG YIN PA DE NI CHES SHIN TU NYES PA DU MA'I TSOGS KYI GNAS SU RTOGS TE, JI LTAR ZHE NA, DE LA RE ZHIG GANG 'DI SKAD DU 'DIR SBYOR BA'I TSIG TU 'GYUR BA NI, DON DAM PAR NA NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR DPER NA SHES PA YOD PA NYID BZHIN NO ZHES SMRAS PA YIN NO, ,'DIR DON DAM PA ZHES BYA BA'I KHYAD PAR CI'I PHYIR NYE BAR BKOD PA YIN, GAL TE 'JIG RTEN GYI KUN RDZOB TU SKYE BAR KHAS BLANGS PA DGAG PAR BYA BA MA YIN PA'I PHYIR DANG, 'GOG NA YANG KHAS BLANGS PAS GNOD PAR THAL BAR 'GYUR BA'I PHYIR RO ZHE NA, 'DI NI RIGS PA MA YIN TE, BDAG LAS SKYE BA NI KUN RDZOB TU YANG KHAS MA BLANGS PA'I PHYIR RO, ,JI SKAD DU MDO LAS SA BON GYI RGYU LAS BYUNG BA'I MYU GU DE YANG SKYE BA NA, BDAG GIS MA BYAS, GZHAN GYIS MA BYAS, GNYI GAS MA BYAS, DBANG PHYUG GIS MA BYAS, DUS KYIS MA BSGYUR, RDUL PHRA RAB LAS MA BYUNG, RANG BZHIN LAS MA BYUNG, NGO BO NYID LAS MA BYUNG, RGYU MED PA LAS MA SKYES ZHES GSUNGS PA DANG, DE BZHIN DU, SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE LTAR RTAG MIN CHAD MIN CHOS NYID DO, ,ZHES GSUNGS PA DANG, 'DI NYID LAS KYANG, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA 'ANG MA YIN TE, DE PHYIR CHAD MIN RTAG MA YIN, ,ZHES 'CHAD DO, ,GZHAN GYI LUGS LA LTOS TE KHYAD PAR DU BYAS SO ZHE NA, DE YANG RIGS PA MA YIN TE, DE DAG GI RNAM PAR GZHAG PA NI KUN RDZOB TU YANG KHAS BLANGS PA MED PA'I PHYIR RO, ,BDEN PA GNYIS PHYIN CI MA LOG PAR @9A *, ,MTHONG BA LAS NYAMS PA'I MU STEGS PA DAG JI SRID DU GNYI GA'I SGO NAS 'GOG PA DE SRID DU YON TAN NYID YIN PAR RTOGS SO, ,DE LTAR NA GZHAN GYI GZHUNG LA LTOS TE KHYAD PAR BRJOD PA YANG RIGS PA MA YIN NO, ,GANG LAS DE LA LTOS NAS KYANG KHYAD PAR 'BRAS BU DANG BCAS PAR 'GYUR BA 'JIG RTEN LAS KYANG BDAG LAS SKYE BAR MI RTOGS TE, 'JIG RTEN PAS NI BDAG DANG GZHAN LAS ZHES BYA BA DE LTA BU LA SOGS PA'I RNAM PAR SPYOD PA 'JUG PA MED PAR BYAS NAS, RGYU LAS 'BRAS BU 'BYUNG NGO ZHES BYA BA 'DI TZAM ZHIG RTOGS PA YIN NO, , SLOB DPON YANG DE LTAR RNAM PAR GZHAG PA MDZAD PA YIN TE, DE'I PHYIR RNAM PA THAMS CAD DU KHYAD PAR DON MED PA NYID DO ZHES BYA BAR NGES SO, ,GZHAN YANG GAL TE KUN RDZOB TU SKYE BA DGAG PAR 'DOD NAS KHYAD PAR 'DI 'GOD PAR BYED NA NI DE'I TSE, RANG LA GZHI MA GRUB PA'I PHYOGS KYI NYES PA'AM, GZHI MA GRUB PA'I GTAN TSIGS KYI SKYON DU 'GYUR TE, RANG GIS DON DAM PAR MIG LA SOGS PA'I SKYE MCHED RNAMS KHAS MA BLANGS PA'I PHYIR RO, ,GAL TE KUN RDZOB TU MIG LA SOGS PA YOD PA'I PHYIR NYES PA MED DO ZHE NA, 'O NA DON DAM PAR ZHES BYA BA 'DI GANG GI KHYAD PAR YIN, GAL TE MIG LA SOGS PA KUN RDZOB PA RNAMS DON DAM PAR SKYE BA 'GOG PA'I PHYIR, DON DAM PA SMOS PA NI SKYE BA 'GOG PA'I KHYAD PAR YIN NO ZHE NA, DE LTA NA NI 'ON MIG LA SOGS PA KUN RDZOB PA RNAMS DON DAM PAR SKYE BA YOD PA MA YIN TE ZHES DE SKAD BRJOD PAR BYA BAR 'GYUR NA, DE SKAD DU YANG MA SMRAS SO, ,SMRA NA YANG PHA ROL PO DAG GIS MIG LA SOGS PA RNAMS RDZAS SU YOD PA NYID DU KHAS BLANGS PA'I PHYIR DANG, BRTAGS PAR YOD PAR KHAS MA BLANGS PA'I PHYIR, GZHAN LA GZHI MA GRUB PA'I PHYOGS KYI SKYON DU 'GYUR BAS 'DI NI MI RIGS SO, ,CI STE JI LTAR SGRA MI RTAG CES BYA BA LA CHOS DANG CHOS CAN GNYIS SPYI NYID GZUNG BA YIN GYI, KHYAD PAR NI MA YIN TE, ,KHYAD PAR 'DZIN NA NI RJES SU DPAG PA DANG RJES SU DPAG PAR BYA BA'I THA SNYAD MED PAR 'GYUR RO, ,'DI LTAR GAL TE 'BYUNG BA CHEN PO BZHI LAS GYUR PA'I @9B SGRA 'DZIN NA NI DE PHA ROL PO LA MA GRUB PO, ,'ON TE NAM MKHA'I YON TAN 'DZIN NA NI DE RANG NYID SANGS RGYAS PA LA MA GRUB PA YIN NO, ,DE BZHIN DU BYE BRAG PA SGRA MI RTAG PAR DAM 'CHA' BA NA YANG, BYAS PA'I SGRA 'DZIN NA DE GZHAN LA MA GRUB PO, ,'ON TE MNGON PAR GSAL BAR BYAS PA YIN NA NI DE RANG LA MA GRUB PA YIN NO, ,DE BZHIN DU CI RIGS PAR 'JIG PA YANG GAL TE RGYU DANG BCAS PA YIN NA NI, ,DE SANGS RGYAS PA RANG LA MA GRUB PA YIN LA, 'ON TE RGYU MED PA YIN NA NI DE PHA ROL PO LA MA GRUB PA YIN NO, ,DE'I PHYIR JI LTAR 'DIR CHOS DANG CHOS CAN SPYI TZAM ZHIG 'DZIN PA DE BZHIN DU, 'DIR YANG KHYAD PAR DOR BA'I CHOS CAN TZAM ZHIG 'DZIN PAR 'GYUR RO ZHE NA, DE NI DE LTAR YANG MA YIN TE, 'DI LTAR GANG GI TSE 'DIR SKYE BA BKAG PA BSGRUB PAR BYA BA'I CHOS SU 'DOD PA'I DE'I TSE DE KHO NAR DE'I RTEN CHOS CAN PHYIN CI LOG TZAM GYIS BDAG GI DNGOS PO RNYED PA NI NYAMS PAR 'GYUR BAR 'DIS RANG NYID KYIS KHAS BLANGS PA NYID DO, ,PHYIN CI LOG DANG PHYIN CI MA LOG PA DAG NI THA DAD PA YIN NO, ,DE'I PHYIR, GANG GI TSE RAB RIB CAN GYIS SKRA SHAD LA SOGS PA LTAR PHYIN CI LOG GIS YOD PA MA YIN PA YOD PA NYID DU 'DZIN PA DE'I TSE NI YOD PAR GYUR PA'I DON CHA TZAM YANG DMIGS PAR GA LA 'GYUR, GANG GI TSE RAB RIB CAN MA YIN PAS SKRA SHAD LA SOGS PA LTAR PHYIN CI MA LOG PAS YANG DAG PA MA YIN PA SGRO MI 'DOGS PA DE'I TSE NA YANG GANG GIS NA DE'I TSE NA KUN RDZOB TU 'GYUR BA YOD PA MA YIN PAR GYUR PA'I DON CHA TZAM YANG DMIGS PA GA LA YOD, DE NYID KYI PHYIR SLOB DPON GYI ZHAL SNGA NAS KYANG, GAL TE MNGON SUM LA SOGS PA'I, ,DON GYIS 'GA' ZHIG DMIGS NA NI, ,SGRUB PAR MA BZLOG PAR BYA NA DE, ,MED PHYIR NGA LA KLAN KA MED, ,CES GSUNGS SO, ,GANG GI PHYIR DE LTAR PHYIN CI LOG PA DANG PHYIN CI MA LOG PA DAG THA DAD PA DE'I PHYIR PHYIN CI MA LOG PA'I GNAS SKABS NA PHYIN CI LOG YOD PA MA YIN PA'I PHYIR NA, GANG ZHIG CHOS CAN NYID DU 'GYUR BA MIG KUN RDZOB PA LTA GA LA YOD, DE'I PHYIR GZHI MA GRUB PA'I PHYOGS KYI SKYON DANG, GZHI MA GRUB PA'I @10A *, ,GTAN TSIGS KYI SKYON LDOG PA MED PA NYID PAS 'DI LAN MA YIN PA NYID DO, ,DPE LA YANG 'DRA BA YOD PA MA YIN NO, ,DER NI SGRA'I SPYI DANG MI RTAG PA NYID KYI SPYI KHYAD PAR BRJOD PAR MI 'DOD PA GNYI GA LA YANG YOD NA, DA BZHIN DU MIG GI SPYI NI STONG PA NYID DANG STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA, DON DAM PAR YANG MA YIN PAS DPE LA YANG 'DRA BA YOD PA MA YIN NO, ,GZHI MA GRUB PA'I PHYOGS KYI NYES PA BRJOD PA'I TSUL GANG YIN PA 'DI NYID NI, YOD PA'I PHYIR ZHES BYA BA'I GTAN TSIGS 'DI LA MA GRUB PA'I SKYON BRJOD PA LA YANG SBYAR BAR BYA'O, ,DE LTA BU DE NI 'DI LTAR YIN TE, GANG GI PHYIR JI SKAD BSNYAD PA'I DON 'DI NI RTOG GE BA 'DIS RANG NYID KYIS KHAS BLANGS PA YIN NO, ,JI LTAR ZHE NA, NANG GI SKYE MCHED RNAMS SKYED PAR BYED PA RGYU LA SOGS PA NI YOD PA 'O NA YIN TE, DE LTAR DE BZHIN GSHEGS PAS GSUNGS PA'I PHYIR RO, ,GANG DE BZHIN GSHEGS PAS JI SKAD GSUNGS PA DE NI DE BZHIN TE, DPER NA MYA NGAN LAS 'DAS PA NI ZHI BA'O ZHES BYA BA BZHIN NO ZHES BYA BA GZHAN GYIS BKOD PA'I SGRUB BYED 'DI LA, 'DIR KHYOD KYI GTAN TSIGS KYI DON DU 'DOD PA GANG YIN DE BZHIN GSHEGS PAS KUN RDZOB TU DE SKAD GSUNGS PA'I PHYIR RAM, 'ON TE DON DAM PAR GSUNGS PA'I PHYIR, GAL TE KUN RDZOB TU YIN NA NI RANG LA GTAN TSIGS KYI DON MA GRUB PA NYID DO, ,'ON TE DON DAM PAR NI, GANG TSE CHOS NI YOD PA DANG, ,MED DANG YOD MED MI 'GRUB PAS, ,DE'I TSE 'BRAS BU YOD PA DANG MED PA DANG, GNYI GA'I BDAG NYID KYI RKYEN BSAL BA'I PHYIR, JI LTAR SGRUB BYED RGYU ZHES BYA, ,DE LTA YIN NA MI RIGS SO, ,DE NI SGRUB PAR BYED PA'I RGYU MA YIN PA KHO NA'O ZHES BYA BA NI DAG GI DON TO, ,DE'I PHYIR DON DAM PAR BSGRUB PAR BYA BA DANG, SGRUB PAR BYED PA NYID MA GRUB PA'I PHYIR, GTAN TSIGS MA GRUB PA'I DON NYID DANG 'GAL BA'I DON NYID DO ZHES 'DIS SKYON 'DI SMRAS PA YIN NO, ,GANG GI PHYIR DE LTAR 'DIS RANG NYID KYI TSUL 'DIS GTAN TSIGS MA GRUB PAR KHAS BLANGS PA DE'I PHYIR, DNGOS @10B PO'I CHOS GTAN TSIGS SU BKOD PA'I RJES SU DPAG PA THAMS CAD LA GTAN TSIGS LA SOGS PAR RANG LA MA GRUB PA'I PHYIR SGRUB PAR BYED PA THAMS CAD RNAM PAR 'JIG PAR 'GYUR RO, ,'DI LTA STE, DON DAM PAR NA NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE, GZHAN YIN PA'I PHYIR DPER NA BUM PA BZHIN NO, ,YANG NA DON DAM PAR GZHAN GYIS BRJOD PAR 'DOD PA'I MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE, GZHAN YIN PA'I PHYIR, DPER NA SNA LAM LA SOGS PA BZHIN NO ZHES BYA BA 'DIR GZHAN NYID CES BYA BA LA SOGS PA RANG NYID LA MA GRUB PA YIN NO, ,JI LTAR 'DIS NANG GI SKYE MCHED RNAMS SKYES PA KHO NA YIN TE, DE DAG GI YUL DANG LDAN PA'I THA SNYAD KHYAD PAR CAN BYED PA'I PHYIR RO, ,ZHES GZHAN GYIS BRJOD PA'I GTAN TSIGS 'DI LA MA GRUB PAR BRJOD PAR 'DOD PAS, 'DI SKAD DU 'ON TE DON DAM PAR RNAL 'BYOR PA MNYAM PAR GZHAG PA'I SHES RAB KYI MIG GIS DNGOS PO RNAMS KYI YANG DAG PA JI LTA BA BZHIN NYID MTHONG BA'I SKYE BA DANG 'GRO BA LA SOGS PA DAG YOD PAR BSGRUBS NA NI, DE'I TSE DE DAG GI YUL DANG LDAN PA'I THA SNYAD KHYAD PAR CAN BYED PA'I PHYIR RO ZHES BYA BA'I GTAN TSIGS MA GRUB PA'I DON NYID DO, ,'GRO BA YANG SKYE BA BKAG PA KHO NAS BKAG PA'I PHYIR RO ZHES SMRAS PA YIN TE, DE BZHIN DU RANG GIS BYAS PA'I SGRUB PAR BYED PA LA YANG, DON DAM PAR MA SONG BA LA 'GRO BA MED DE, LAM YIN PA'I PHYIR, SONG BA'I LAM BZHIN NO, ,ZHES BYA BA'I GTAN TSIGS LAM NYID RANG NYID LAM GRUB PA'I DON NYID DU SBYAR BAR BYA LA, DON DAM PAR BRTEN PA DANG BCAS PA'I MIG NI GZUGS LA LTA BAR MI BYED DE, MIG GI DBANG PO YIN PA'I PHYIR, DPER NA DE DANG MTSUNGS PA BZHIN NO ZHES BYA BA DANG, DE BZHIN DU MIG NI GZUGS LA LTA BAR MI BYED DO, ,'BYUNG BA LAS GYUR PA NYID KYI PHYIR, DPER NA GZUGS BZHIN NO ZHES BYA BA DANG, SA NI SRA BA'I NGO BO MA YIN TE, 'BYUNG BA YIN PA'I PHYIR, DPER NA RLUNG BZHIN NO, ,ZHES BYA BA LA SOGS PA DAG TU YANG GTAN TSIGS LA SOGS @11A *, ,PA RANG NYID LA GRUB PA SBYAR BAR BYA'O, ,YOD PA'I PHYIR ZHES BYA BA'I GTAN TSIGS 'DI YANG PHA ROL PO'I LTAR NA, CI NANG GI SKYE MCHED RNAMS YOD PA'I PHYIR SHES PA YOD PA LTAR BDAG LAS MI SKYE BA ZHIG GAM, 'ON TE BUM PA LA SOGS PA BZHIN DU BDAG LAS SKYE BA ZHIG YIN ZHES MA NGES PA YIN NO, ,GAL TE BUM PA LA SOGS PA YANG BSGRUB BYAR MTSUNGS PA'I PHYIR MA NGES PA NYID MA YIN NO ZHE NA, DE NI DE LTAR MA YIN TE, DE SKAD DU MA SMRAS PA'I PHYIR RO, ,GAL TE GZHAN GYI RJES SU DPAG PA DAG LA SKYON JI SKAD DU SMRAS PA DE BZHIN DU RANG GI RJES SU DPAG PA LA YANG JI SKAD SMRAS PA'I NYES PAR THAL BAS GZHI MA GRUB PA DANG, GTAN TSIGS MA GRUB PA LA SOGS PA'I SKYON DE NYID DU 'GYUR BA MA YIN NAM, DE'I PHYIR GANG GNYI GA LA SKYON DU 'GYUR BA DES NI GCIG LA BRGAL BAR MI BYA STE, DES NA SKYON 'DI DAG THAMS CAD MI RIGS PAR 'GYUR RO ZHE NA, BRJOD PAR BYA STE, RANG GI RGYUD KYI RJES SU DPAG PA SMRA BA DAG LA NYES PA 'DIR 'GYUR GYI, KHO BO CAG NI RANG RGYUD KYI RJES SU DPAG PA MI SBYOR TE, RJES SU DPAG PA DAG NI GZHAN GYI DAM BCA' BA 'GOG PA TZAM GYI 'BRAS BU CAN YIN PA'I PHYIR RO, ,'DI LTAR GZHAN MIG LTA'O ZHES BYA BAR RTOG PA DE NI MIG LA RANG GI BDAG NYID MI LTA BA'I CHOS KYANG 'DOD LA, GZHAN LA LTA BA'I CHOS MED NA MI 'BYUNG BA NYID DU YANG KHAS BLANGS PA YIN TE, DE'I PHYIR GANG DANG GANG LA RANG GI BDAG NYID LTA BA MED PA DE DANG DE LA NI GZHAN LA LTA BA YANG YOD PA MA YIN TE, DPER NA BUM PA BZHIN NO, ,MIG LA YANG RANG GI BDAG NYID MI LTA BA YOD PA YIN TE, DE'I PHYIR GZHAN LTA BA YANG 'DI LA MED DO, ,DE'I PHYIR RANG GI BDAG NYID MI LTA BA DANG 'GAL BAR SNGON PO LA SOGS PA GZHAN LA LTA BA RANG LA GRAGS PA'I RJES SU DPAG PA DANG 'GAL BA YIN NO, ,ZHES DE LA GRUB PA'I RJES SU DPAG PAS SEL BAR BYED PA YIN NO, ,GANG GI PHYIR RJES SU DPAG PA DAG GIS 'DI TZAM ZHIG BRJOD PAR BYA BA YIN PAS, GANG LAS NYES PA MTSUNGS PAR 'GYUR BA, KHO BO CAG GI PHYOGS LA JI SKAD BSNYAD PA'I SKYON 'DUG PA GAL YONG @11B YANG CI GANG YANG RUNG BA LA GRUB PA'I RJES SU DPAG PA'I SGO NAS KYANG RJES SU DPAG PAS GNOD PA YOD DAM ZHE NA, YOD DE DE YANG RANG NYID LA GRUB PA'I GTAN TSIGS NYID KYIS YIN GYI, GZHAN LA GRUB PAS NI MA YIN TE, 'JIG RTEN NYID DU MTHONG BA'I PHYIR RO, ,'JIG RTEN NA NI RES 'GA' DBANG PO'I RGOL BA DANG PHYIR RGOL GNYIS KYI TSAD MAR BYAS PA'I TSIG GIS RGYAL BA 'AM PHAM PAR 'GYUR LA, RES 'GA' NI RANG GI TSIG KHO NAS 'GYUR GYI, GZHAN GYI TSIG GIS NI RGYAL BA 'AM PHAM PAR 'GYUR BA MA YIN NO, ,'JIG RTEN NA JI LTAR YIN PA DE BZHIN DU RIGS PA LA YANG YIN TE, 'JIG RTEN PA'I THA SNYAD KHO NA RIGS PA'I BSTAN BCOS SU SKABS SU BAB PA YIN PA'I PHYIR RO, ,DE NYID KYI PHYIR 'GA' ZHIG GIS GZHAN LA GRAGS PA'I DBANG GIS NI RJES SU DPAG PA'I GNOD PA MA YIN TE, GZHAN LA GRAGS PA NYID DGAG PAR 'DOD PA'I PHYIR RO ZHES BSHAD DO, ,GANG ZHIG GANG GNYI GA LA NGES PAR BRJOD PA DE NI SGRUB PA 'AM SUN 'BYIN PA YIN GYI, GANG YANG RUNG BA LA GRUB PA 'AM THE TSOM ZA BA SMRA BA NI MA YIN NO SNYAM DU SEMS PA DES KYANG 'JIG RTEN GYI THA SNYAD KYI RNAM PAR GZHAG PA LA BRTEN NAS RJES SU DPAG PA LA JI SKAD SMRAS PA'I TSUL 'DI NYID KHAS BLANG BAR BYA'O, , 'DI LTAR LUNG GIS GNOD PA NI GNYI GA LA GRUB PA'I LUNG KHO NA'I SGO NAS MA YIN TE, 'O NA CI ZHE NA, RANG LA GRUB PA'I SGO NAS KYANG YIN NO, ,RANG GI DON GYI RJES SU DPAG PA NI THAMS CAD DU RANG LA GRUB PA NYID BRLING BA YIN GYI, GNYI GA LA GRUB PA NI MA YIN NO, ,DE NYID KYI PHYIR RTOG GE'I MTSAN NYID BRJOD PA NI DGOS PA MED PA YIN TE, SANGS RGYAS RNAMS KYIS RANG LA JI LTAR GRAGS PA'I 'THAD PAS DE KHO NA MI SHES PA'I GDUL BYA'I SKYE BO LA PHAN BTAGS PA'I PHYIR RO, ,SHIN TU SPROS PAS CHOG GO, ,DKYUS MA NYID BSHAD PAR BYA'O, ,DNGOS PO RNAMS NI GZHAN LAS SKYE BA YANG MA YIN TE, GZHAN MED PA'I PHYIR RO, ,'DI YANG, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,ZHES BYA BA DER 'CHAD PAR 'GYUR RO, ,DE'I PHYIR GZHAN MED PA NYID KYI PHYIR GZHAN LAS KYANG SKYE BA MA YIN NO, , @12A *, ,GZHAN YANG GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, 'O NA ME LCE LAS KYANG MUN PA MTHUG PO 'BYUNG 'GYUR ZHING, ,THAMS CAD LAS KYANG THAMS CAD SKYE BAR 'GYUR TE GANG GI PHYIR, ,SKYED PAR BYED PA MA YIN MA LUS PA LA'ANG GZHAN NYID MTSUNGS, ,ZHES BYA BA LA SOGS PAS GZHAN LAS SKYE BA DGAG PA DBU MA LA 'JUG PA LAS NGES PAR BYA'O, ,SLOB DPON SANGS RGYAS BSKYANGS NI DNGOS PO RNAMS GZHAN LAS SKYE BA MED DE, THAMS CAD LAS KYANG THAMS CAD SKYE BAR 'GYUR BA'I PHYIR RO, ,ZHES RNAM PAR 'CHAD DO, ,'DI LA SLOB DPON LEGS LDAN BYED NI DES NA DE LA THAL BAR 'GYUR BA'I NGAG YIN PA'I PHYIR, BSGRUB PAR BYA BA DANG SGRUB PAR BYED PA BZLOG PAR BYAS NA, DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BA'I PHYIR PHYOGS GONG MA DANG 'GAL PAR 'GYUR RO, ,GZHAN DU NA YANG THAMS CAD LAS THAMS CAD LAS SKYE BAR 'GYUR BA'I PHYIR RO, ,DE BAS NA DE LA SGRUB PA DANG SUN 'BYIN PA NYID MED PA'I PHYIR, DE NI DON 'BREL PA MED PA YIN TE ZHES SUN 'BYIN SMRA'O, ,'DI YANG DON 'BREL PA MED PA MA YIN TE, GONG KHO NAR BSTAN ZIN PA'I PHYIR DANG GZHAN GYIS DAM BCAS PA'I DON SUN 'BYIN PAR BYED PA YIN DANG, SUN 'BYIN PA NYID KYANG YIN PA'I PHYIR 'DI NI GYI NA'O, ,DES NA SLAR YANG 'BAD PAR MI BYA'O, ,DNGOS PO RNAMS NI GNYI GA LAS SKYE BA YANG MA YIN TE, PHYOGS GNYI GA LA SMRAS PA'I NYIS PAR THAL BA'I PHYIR DANG, RE RE LA SKYED PAR BYED PA'I NUS PA MED PA'I PHYIR RO, ,GAL TE RE RES BYAS 'GYUR NA, ,SDUG BSNGAL GNYI GAS BYAS PAR 'GYUR, ,ZHES 'CHAD PAR 'GYUR RO, ,RGYU MED PA LAS KYANG MI SKYE STE, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,ZHES BYA BA LA SOGS PAS 'CHAD PAR 'GYUR BA'I SKYON DU THAL BAR 'GYUR BA'I PHYIR DANG, GAL TE RGYU YIS STONG NA 'GRO BA 'DI DAG GZUNG BYA MIN, ,JI LTAR NAM MKHA'I AUTPALA YI DRI DANG KHA DOG BZHIN, ,ZHES BYA BA LA SOGS PA'I NYES PAR THAL BAR @12B 'GYUR BA'I PHYIR RO, ,SLOB DPON SANGS RGYAS BSKYANGS NI DNGOS PO RNAMS RGYU MED PA LAS KYANG SKYE BA MED DE, RTAG TU THAMS CAD LAS THAMS CAD SKYE BAR THAL BAR 'GYUR RO ZHES 'CHAD DO, ,'DI LA YANG SLOB DPON LEGS LDAN BYED, DE LA YANG THAL BAR 'GYUR BA'I NGAG YIN PA'I PHYIR, GAL TE BSGRUB PAR BYA BA DANG SGRUB PAR BYED PA BZLOG PA GSAL BA NGAG GI DON DU MNGON PAR 'DOD NA, DE'I TSE 'DI SKAD DU, DNGOS PO RNAMS RGYU LAS SKYE BAR 'GYUR BA DANG, LAN 'GA' KHA CIG LAS KHA CIG SKYE BAR 'GYUR BA DANG, RTZOM PA 'BRAS BU DANG BCAS PA NYID DU 'GYUR BA'I PHYIR RO, ,ZHES BSTAN PAR 'GYUR NA, BSHAD PA DE NI MI RIGS TE, SNGAR SMRAS PA'I SKYON DU THAL BAR 'GYUR BA'I PHYIR RO, ,ZHES SUN 'BYIN PA SMRA'O, ,GZHAN DAG NA RE 'DI NI MI RIGS TE SNGAR LAN BTAB ZIN PA'I PHYIR RO ZHE'O, ,GANG YANG DBANG PHYUG LA SOGS PA NYE BAR BSDU PA'I PHYIR YIN NO ZHES BYA BA DE YANG RIGS PA MA YIN TE, DBANG PHYUG LA SOGS PA RNAMS NI KHAS BLANGS PA JI LTA BA BZHIN DU BDAG DANG GZHAN DANG GNYI GA'I PHYOGS DAG TU 'DU BYA'I PHYIR RO, ,DE'I PHYIR SKYE BA YOD PA MA YIN NO ZHES BYA BA 'DI BSGRUBS PA YIN LA, SKYE BA YOD PA MA YIN PAS, RTEN CING 'BREL PAR 'BYUNG BA SKYE BA MED PA LA SOGS PAS KHYAD PAR DU BYAS PA GRUB PA YIN NO, ,'DIR SMRAS PA GAL TE DE LTAR RTEN CING 'BREL PAR 'BYUNG BA SKYE BA MED PA LA SOGS PAS KHYAD PAR DU BYAS PA RNAM PAR GZHAG NA NI, 'O NA BCOM LDAN 'DAS KYIS MA RIG PA'I RKYEN GYIS 'DU BYED RNAMS SKYE BA DANG, MA RIG PA 'GAGS PAS 'DU BYED 'GAG CES BYA BA DANG, DE BZHIN DU, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,SKYE NAS 'JIG PAR 'GYUR BA STE, ,DE DAG NYE BAR ZHI BA BDE, , ZHES BYA BA DANG, DE BZHIN DU DE BZHIN GSHEGS PA RNAMS BYUNG YANG RUNG, DE BZHIN GSHEGS PA RNAMS MA BYUNG YANG RUNG, CHOS RNAMS KYI CHOS NYID 'DI NI GNAS PA KHO NA STE ZHES BYA BA DANG, SEMS CAN GNAS PAR BYED PA'I CHOS NI GCIG STE, GANG TZAS BZHI'O, , @13A *, ,'JIG RTEN SKYONG BAR BYED PA'I CHOS NI GNYIS TE, NGO TSA SHES PA DANG KHREL YOD PA'O ZHES BYA BA LA SOGS PA DANG, DE BZHIN DU 'JIG RTEN PHA ROL NAS 'DIR 'ONGS SO, ,'JIG RTEN 'DI NAS 'JIG RTEN PHA ROL DU 'GRO'O ZHES DE LTAR RTEN CING 'BREL PAR 'BYUNG BA 'GAG PA LA SOGS PAS KHYAD PAR DU BYAS PA BSTAN PA GANG YIN PA DE JI LTAR 'GAL BAR MI 'GYUR ZHE NA, GANG GI PHYIR DE LTAR RTEN CING 'BREL PAR 'BYUNG BA 'GAG PA LA SOGS PA DAG YOD PAR THOS PAR 'GYUR BA DE NYID KYI PHYIR SLOB DPON GYIS DRANG PA DANG NGES PA DANG NGES PA'I DON GYI MDO SDE'I RNAM PAR DBYE BA BSTAN PAR BYA BA'I PHYIR DBU MA'I BSTAN BCOS 'DI MDZAD PA YIN NO, ,DE LA RTEN CING 'BREL PAR 'BYUNG BA'I SKYE BA LA SOGS PA DAG BSTAN PA GANG YIN PA DE DAG NI MA RIG PA'I RAB RIB DANG BRAL BA DAG GI YE SHES ZAG PA MED PA'I YUL GYI RANG BZHIN LA LTOS NAS NI MA YIN NO, ,'O NA CI ZHE NA, MA RIG PA'I RAB RIB KYIS BLO GROS KYI MIG NYAMS PAR BYAS PA DAG GI SHES PA'I YUL LA LTOS NAS YIN NO, ,DE KHO NA NYID GZIGS PA LA LTOS NAS NI BCOM LDAN 'DAS KYIS DGE SLONG DAG 'DI NI BDEN PA DAM PA STE, 'DI LTA STE, SLU BA MED PA'I CHOS CAN MYA NGAN LAS 'DAS PA'O, ,'DU BYED THAMS CAD NI BRDZUN PA SLU BA'I CHOS CAN NO ZHES BYA BA LA SOGS PA GSUNGS SO, ,DE BZHIN DU 'DI NI DE BZHIN NYID DAM PHYIN CI MA LOG PA'I BZHIN NYID NI MED KYI, 'DI DAG NI SLU BAR BYAD PA'I CHOS CAN NO, ,'DI DAG NI BRDZUN PA SGYU MA BYIS PA 'DRID PA'O ZHES GSUNGS SO, ,DE BZHIN DU, GZUGS NI DBU BA RDOS PA 'DRA, ,TSOR BA CHU YI CHU BUR BZHIN, ,'DU SHES SMIG RGYU LTA BU STE, ,'DU BYED CHU SHING SDOD PO 'DRA, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES BYA BA DANG, DE BZHIN DU DGE SLONG BRTZON 'GRUS BRTZAMS PA DRAN PA DANG SHES BZHIN DANG LDAN PA NYIN DANG MTSAN DU CHOS LA SO SOR RTOG PAR BYED PA NA, 'DU BYED THAMS CAD NI NYE BAR ZHI PA'I GO 'PHANG ZHI BA, CHOS RNAMS BDAG MED PA NYID RTOGS PAR 'GYUR RO, , @13B ZHES BYA BA LA SOGS PA GSUNGS SO, ,DE LTA BUR BSTAN PA'I DGONGS PA MI SHES PAS, 'DIR DE KHO NA'I DON CAN GYI BSTAN PA NI GANG ZHIG YIN, DGONGS PA CAN NI 'DIR GANG ZHIG YIN SNYAM DU GANG ZHIG THE TSOM DU 'GYUR BA DANG, GANG ZHIG BLO ZHAN PA NYID KYIS DRANG BA'I DON GYI BSTAN PA LA NGES PA'I DON DU RTOGS PA DE GNYI GA'I THE TSOM DANG LOG PA'I SHES PA DAG RIGS PA DANG LUNG GNYIS KYI SGO NAS BSAL BAR BYA BA'I PHYIR, SLOB DPON GYIS 'DI BRTZAMS SO, ,DE LA BDAG LAS MA YIN ZHES BYA BA LA SOGS PAS NI RIGS PA GSUNGS PA YIN NO, ,BCOM LDAN 'DAS KYIS CHOS GANG ZHIG ,SLU BA DE NI BRDZUN ZHES GSUNGS, ,'DU BYED THAMS CAD SLU BA'I CHOS, ,DES NA DE DAG BRDZUN PA YIN, ,SNGON MTHA' SNGON NAM ZHES ZHUS TSE, ,THUB PA CHEN POS MIN ZHES GSUNGS, ,'KHOR BA THOG MA MTHA' MED DE, ,DE LA SNGON MED PHYI MA MED, ,BCOM LDAN DNGOS DANG DNGOS MED PA, ,MKHYEN PAS K'A TA YA NA YI, ,GDAMS NGAG LAS NI YOD PA DANG, ,MED PA GNYI GA 'ANG DGAG PA MDZAD, ,ZHES BYA BA LA SOGS PA LUNG GSUNGS PA YIN NO, ,'PHAGS PA BLO GROS MI ZAD PAS BSTAN PA'I MDO LAS, NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO SDE GANG DAG LAM LA 'JUG PA'I PHYIR BSTAN PA DE DAG NI DRANG BA'I DON ZHES BYA'O, ,MDO SDE GANG DAG 'BRAS BU LA 'JUG PA'I PHYIR BSTAN PA DE DAG NI NGES PA'I DON ZHES BYA'O, ,MDO SDE GANG DAG BDAG DANG, SEMS CAN DANG, SROG DANG, 'GRO BA DANG, GSO BA DANG, SKYES BU DANG, GANG ZAG DANG, SHED LAS SKYES DANG, SHED PA DAG DANG, BYED PA PO DANG, TSOR BA PO DANG, SGRA RNAM PA SNA TSOGS SU BSHAD PA DANG, BDAG PO MED PA LA BDAG PO DANG BCAS PAR BSTAN PA DE DAG NI DRANG BA'I DON ZHES BYA'O, ,MDO SDE GANG DAG STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU MI BYED PA DANG, MA SKYES PA DANG, MA BYUNG BA DANG, DNGOS PO MED @14A *, ,PA DANG, BDAG MED PA DANG, SEMS CAN MED PA DANG, SROG MED PA DANG, GANG ZAG MED PA DANG, BDAG PO MED PA NAS, RNAM PAR THAR PA'I SGO'I BAR DU BSTAN PA DE DAG NI NGES PA'I DON ZHES BYA STE, 'DI DAG NI NGES PA'I DON GYI MDO SDE LA RTON GYI, DRANG BA'I DON GYI MDO SDE LA MI RTON PA ZHES BYA'O ZHES GSUNGS PA DANG, DE BZHIN DU 'PHAGS PA TING NGE 'DZIN GYI RGYAL PO LAS KYANG, STONG PA BDE BAR GSHEGS PAS BSHAD PA LTAR, ,NGES DON MDO SDE DAG GI BYE BRAG SHES, ,GANG LAS SEMS CAN GANG ZAG SKYES BU BSTEN, ,CHOS DE THAMS CAD DRANG BA'I DON DU SHES, ,ZHES GSUNGS SO, ,DE'I PHYIR SKYE BA LA SOGS PA BSTAN PA RNAMS BRDZUN PA'I DON CAN DU BSTAN PA'I PHYIR, SLOB DPON GYIS RTEN CING 'BREL BAR 'BYUNG BA RDZAS SU STON PA BRTZAMS SO, ,GAL TE SKYE BA LA SOGS PA MI SRID PA YIN DANG, CHOS THAMS CAD BRDZUN PA NYID DU BSTAN PAR BYA BA'I PHYIR SLOB DPON GYIS 'DI BRTZAMS PA YIN NO, ,DE LTA NA NI GANG BRDZUN PA DE NI YOD PA MA YIN PAS MI DGE BA'I LAS DAG MED PAR 'GYUR LA, DE MED PAS NGAN 'GRO DAG MED PAR 'GYUR ZHING, DGE BA DANG BDE 'GRO DAG KYANG MED PAR 'GYUR RO, ,BDE 'GRO DANG NGAN 'GRO MED PA'I PHYIR 'KHOR BA YANG YOD PA MA YIN PAS, RTZOM PA THAMS CAD DON MED PA NYID DU 'GYUR BA MA YIN NAM ZHE NA BSHAD PAR BYA STE, KUN RDZOB KYI BDEN PA LA LTOS NAS 'DI BDEN PAR MNGON PAR ZHEN PA'I 'JIG RTEN PA'I GNYEN PO NYID DU KHO BO CAG GIS DNGOS PO RNAMS BRDZUN PA'I DON DU BSTAN GYI, GANG ZHIG BRDZUN PA'AM BRDZUN PA MA YIN PAR 'GYUR BA 'PHAGS PA RNAMS KYIS NI CUNG ZAD KYANG GZIGS PA MA YIN NO, ,GZHAN YANG GANG GIS CHOS THAMS CAD BRDZUN PA'I DON CAN NYID DU YONGS SU MKHYEN PA DE LA CI LAS YOD CING 'KHOR BA YOD DAM, 'DIS NI CHOS 'GA' YANG YOD PA NYID DAM MED PA NYID DU DMIGS PA YANG MA YIN NO, ,JI SKAD DU BCOM LDAN 'DAS KYIS 'PHAGS PA DON MCHOG BRTZEGS PA'I MDO LAS, 'OD SRUNGS SEMS NI KUN DU BTZAL NA MI RNYED DO, ,GONG MA RNYED @14B PA DE NI MI DMIGS PA'O, ,GANG MI DMIGS PA DE NI 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN NO, ,GANG 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN PA DE LA NI NGO BO NYID MED DO, ,GANG NGO BO NYID MED PA DE LA 'BYUNG BA MED DO, ,GANG 'BYUNG BA MED PA DE LA 'GAG PA MED DO, ,ZHES RGYA CHER GSUNGS PA LTA BU'O, ,GANG DAG PHYIN CI LOG DANG LDAN PAS CHOS RNAMS BRDZUN PA NYID DU KHONG DU MI CHUD CING, DNGOS PO RNAMS RANG BZHIN YOD PAR RTOGS NAS MNGON PAR ZHEN PA DE NI CHOS RNAMS LA 'DI BDEN PAR MNGON PAR ZHEN PA NYID KYI SGO NAS MNGON PAR ZHEN PAR GYUR DANG, LAS KYANG BYED CING 'KHOR BA NA YANG 'KHOR BAR 'GYUR LA, PHYIN CI LOG LA GNAS PAS MYA NGAN LAS 'DAS PA THOB PA'I SKAL BA CAN DU YANG MI 'GYUR RO, ,YANG CI DNGOS PO BRDZUN PA'I RANG BZHIN CAN RNAMS KYANG KUN NAS NYON MONGS PA DANG, RNAM PAR BYANG BA'I RGYUR 'GYUR RAM ZHE NA, 'GYUR TE DPER NA SGYU MA'I NA CHUNG NI DE'I RANG BZHIN MNGON PAR MI SHES PA RNAMS KYI KUN NAS NYON MONGS PA'I RGYU YIN LA, DE BZHIN GSHEGS PA'I SPRUL PA NI DGE BA'I RTZA BA BSAGS PA RNAMS KYI RNAM PAR BYANG BA'I RGYUR 'GYUR BA BZHIN NO, ,LHAG PA'I BSAM PA BSTAN PA'I MDO LAS, RIGS KYI BU 'DI LTA STE, DPER NA LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYIS SEMS DKRIS NAS 'KHOR GYIS 'JIGS SHING BAG TSA STE, STAN LAS LANGS NAS SONG STE, DE SONG NAS BUD MED PA DE NYID LA, MI SDUG PA DANG, MI GTZANG BA DANG, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYAD NA ZHES RGYAS PAR GSUNGS SO, ,'DUL BA LAS KYANG, 'KHRUL 'KHOR MKHAN GYIS BYAS PA'I 'KHRUL 'KHOR GYI NA CHUNG NI YANG DAG PAR BDEN PA'I NA CHUNG GIS STONG BZHIN DU, RI MO MKHAN GYI 'DOD PA'I 'DOD CHAGS KYI GZHIR GYUR PAR BSHAD DE, ,DPE DE BZHIN DU DNGOS PO BRDZUN PA'I RANG BZHIN CAN RNAMS KYANG BYIS PA RNAMS KYI KUN NAS NYON MONGS PA'I RGYU YIN NO, ,DE BZHIN DU 'PHAGS PA DKON MCHOG @15A *, ,BRTZEGS PA LAS KYANG, DE NAS DGE SLONG BSAM GTAN THOB PA LNGA BRGYA NI BCOM LDAN 'DAS KYIS CHOS BSTAN PA 'DI LA MI 'JUG STE, MA RTOGS MA MOS PAS STAN LAS LANGS TE DONG NGO, ,DE NAS BCOM LDAN 'DAS KYIS DGE SLONG DE DAG LAM GANG NAS DONG BA'I LAM DER DGE SLONG GNYIS SHIG SPRUL PA SPRUL TE, DE NAS DGE SLONG LNGA BRGYA PO DE DAG DGE SLONG DE GNYIS LAM GANG NAS DONG BA'I LAM DER DONG STE PHYIN PA DANG 'DI SKAD CES SMRAS SO, ,TSE DANG LDAN PA DAG GAR DONG, SPRUL PA GNYIS KYIS SMRAS PA, KHO BO CAG NI DGON PA'I GNAS SU BSAM GTAN GYI BDE BA LA REG PAR GNAS PAR BYA BAR DONG NGO, ,DE CI'I PHYIR ZHE NA, KHO BO CAG NI BCOM LDAN 'DAS KYIS CHOS BSTAN PA GANG YIN PA'ANG CHOS BSTAN PA DE LA MI 'JUG STE, MI RTOGS MI MOS SHING, SKRAG STE KUN DU DANG NGAS, KUN DU RAB TU DANG NGAS PAR GYUR NAS KHO BO CAG DGON PA'I GNAS RNAMS SU BSAM GTAN GYI BDE BA LA REG PAR GNAS PA RNAMS KYIS GNAS PAR BYA'O, ,DE NAS DGE SLONG LNGA BRGYA PO RNAMS KYIS 'DI SKAD CES SMRAS SO, ,TSE DANG LDAN PA DAG ,KHO BO CAG KYANG BCOM LDAN 'DAS KYIS CHOS BSTAN PA LA MI 'JUG STE, MA RTOGS MA MOS SHING SKRAG STE, KUN DU DANG NGAS KUN DU RAB TU DANG NGAS PAR GYUR TE, DE'I PHYIR KHO BO CAG KYANG DGON PA'I GNAS RNAMS SU BSAM GTAN GYI BDE BA LA REG PAR GNAS PA RNAMS KYIS GNAS PAR BYA'O, ,SPRUL PA DAG GIS SMRAS PA, TSE DANG LDAN PA DAG DE'I PHYIR BDAG CAG YANG DAG PAR 'GRO BAR BYA'O, ,RTZOD PAR MI BYA'O, ,RTZOD PA MED PA LHUR BYED PA DE NI DGE SBYONG GI CHOS SO, ,TSE DANG LDAN PA DAG GANG 'DI YONGS SU MYA NGAN LAS 'DAS PA ZHES BYA BA GANG, YONGS SU MYA NGAN LAS 'DA' BAR 'GYUR BA'I CHOS DE GANG, LUS 'DI LAS BDAG GAM, SEMS CAN NAM, SROG GAM, SKYE BA PO 'AM, SKYES BU'AM GANG ZAG GAM, SHED LAS SKYES SAM, SHED BU'AM, GANG YONGS SU MYA NGAN LAS 'DA' BAR 'GYUR, GANG ZAD PAS YONGS SU MYA NGAN LAS 'DA' ,DE DAG GIS SMRAS PA, 'DOD CHAGS ZAD ZHE SDANG ZAD GTI MUG ZAD PAS YONGS SU MYA NGAN LAS 'DA'O, ,SPRUL PA GNYIS @15B KYIS SMRAS PA, TSE DANG LDAN PA DAG ,'DOD CHAGS DANG ZHE SDANG DANG GTI MUG YOD PA YIN NAM, CI NAM DE ZAD PAR BYA, DE DAG GIS SMRAS PA, DE DAG NI NANG NA YANG MED PHYI ROL NA YANG MED, GNYI GA MED PAR YANG MI DMIGS TE, DE DAG NI YONGS SU MA BRTAGS PA LAS KYANG MI SKYE'O, ,SPRUL PA GNYIS KYIS SMRAS PA, TSE DANG LDAN PA DAG DE LTA BAS NA BDAG TU MA RTOG RNAM PAR MA RTOG SHIG ,TSE DANG LDAN PA DAG NAM MI RTOG RNAM PAR MI RTOG PA DE'I TSE CHAGS PAR MI 'GYUR CHAGS PA DANG BRAL BAR YANG MI 'GYUR RO, ,CHAGS PA MED CING CHAGS PA DANG BRAL BA YANG MED PA GANG YIN PA DE NI ZHI BA ZHES BYA'O, ,TSE DANG LDAN PA DAG TSUL KHRIMS NI MI 'KHOR ZHING YONGS SU MYA NGAN LAS MI 'DA'O, ,TSE DANG LDAN PA DAG TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA YANG MI 'KHOR ZHING YONGS SU MYA NGAN LAS MI 'DA'O, ,TSE DANG LDAN PA DAG ,TSES DE DAG GIS YONGS SU MYA NGAN LAS 'DA' BAR STON NA, CHOS DE DAG KYANG STONG PA DPEN PA GZUNG DU MED PA'O, ,TSE DANG LDAN PA DAG 'DI LTA STE, MYA NGAN LAS 'DAS PA'I 'DU SHES SPONGS SHIG ,'DU SHES LA YANG 'DU SHES SU MA BYED CING, ,'DU SHES LA 'DU SHES KYIS YONGS SU SHES PAR MA BYED CIG ,GANG 'DU SHES LA 'DU SHES KYIS YONGS SU SHES PA DE'I DE NI 'DU SHES LA YONGS SU BCINGS PA YIN NO, ,TSE DANG LDAN PA DAG ,KHYED 'DU SHES DANG TSOR BA 'GOG PA'I SNYOMS PAR 'JUG PA LA SNYOMS PAR ZHUGS SHIG ,TSE DANG LDAN PA DAG ,DGE SLONG 'DU SHES DANG TSOR BA 'GOG PA'I SNYOMS PAR 'JUG PA LA SNYOMS PAR ZHUGS PA LAS GONG NA BYA BA MED DO ZHES SMRA'O, ,CHOS KYI RNAM GRANGS 'DI BSHAD PA'I TSE DGE SLONG LNGA BRGYA PO DE DAG LEN PA MED PAR ZAG PA RNAMS LAS SEMS RNAM PAR GROL LO, ,DE DAG SEMS RNAM PAR GROL NAS BCOM LDAN 'DAS GAL BA DER DONG STE LHAGS PA DANG, BCOM LDAN 'DAS KYI ZHABS LA MGO BOS PHYAG 'TSAL TE, PHYOGS GCIG TU 'KHOD DO, ,DE NAS TSE DANG LDAN PA RAB 'BYOR GYIS DGE SLONG DAG LA 'DI SKAD CES @16A *, ,SMRAS SO, ,TSE DANG LDAN PA DAG GAR DONG, GANG NAS LHAGS, DE DAG GIS SMRAS PA, BTZUN PA RAB 'BYOR GANG DU YANG 'GRO BA MED PA DANG, GANG NAS KYANG 'ONG BA MED PA'I PHYIR BCOM LDAN 'DAS KYIS CHOS BSTAN TO, ,SMRAS PA TSE DANG LDAN PA DAG KHYED KYI STON PA GANG YIN, SMRAS PA GANG MA SKYES SHING YONGS SU MYA NGAN LAS MI 'DA' BA'O, ,SMRAS PA KHYED KYIS JI LTAR CHOS THOS, SMRAS PA BCINGS PA'I PHYIR YANG MA YIN, THAR PA'I PHYIR YANG MA YIN NO, ,SMRAS PA KHYED SUS BTUL, SMRAS PA SU LA LUS MED CING SEMS MED PAS SO, ,SMRAS PA KHYED JI LTAR BRTZON, ,SMRAS PA MA RIG PA SPANG BA'I PHYIR YANG MA YIN RIG PA SKYED PA'I PHYIR YANG MA YIN NO, ,SMRAS PA KHYOD JI LTAR RNAM PAR GROL, SMRAS PA SBYOR BA'I PHYIR YANG MA YIN, SPANG BA'I PHYIR YANG MA YIN NO, ,SMRAS PA KHYED SU'I NYAN THOS, SMRAS PA GANG GIS THOB PA MED CING MNGON PAR RDZOGS PAR SANGS RGYAS PA MED PA'I'O, ,SMRAS PA KHYED KYI TSANGS PA MTSUNGS PAR SPYOD PA GANG, SMRAS PA GANG KHAMS GSUM NA MI RGYU BA RNAMS SO, ,SMRAS PA TSE DANG LDAN PA DAG JI SRID CIG NA YONGS SU MYA NGAN LAS 'DA', SMRAS PA DE BZHIN GSHEGS PA'I SPRUL PA NAM YONGS SU MYA NGAN LAS 'DA' BA NA'O, ,SMRAS PA KHYOD KYIS BYA BA BYAS SAM, SMRAS PA NGAR 'DZIN PA DANG NGA YIR 'DZIN PA YONGS SU SHES PAS SO, ,SMRAS PA KHYED KYI NYON MONGS PA ZAD DAM, SMRAS PA CHOS THAMS CAD GTAN DU ZAD PA'I PHYIR RO, ,SMRAS PA KHYED KYIS BDUD BTUL LAM, SMRAS PA PHUNG PO'I BDUD MI DMIGS PA'I PHYIR RO, ,SMRAS PA KHYED KYIS STON PA LA BSNYEN BKUR BYAS SAM, SMRAS PA LUS KYIS KYANG MA BYAS, NGAG GIS KYANG MA BYAS, SEMS KYIS KYANG MA BYAS SO, ,SMRAS PA KHYOD KYIS YON GNAS KYIS SBYANGS SAM, SMRAS PA 'DZIN PA MED CING SDUD PA MED PAS SO, ,SMRAS PA KHYED 'KHOR BA LAS RGAL TAM, SMRAS PA CHAD PA MED CING RTAG PA MED PA'I PHYIR RO, ,SMRAS PA KHYED YON GNAS KYI SAR ZHUGS SAM, SMRAS PA 'DZIN PA THAMS CAD LAS RNAM PAR GROL BA'I PHYIR RO, ,SMRAS PA TSE DANG LDAN PA DAG GAR 'GRO, @16B SMRAS PA DE BZHIN GSHEGS PA'I SPRUL PA GANG DU BZHUD PAR RO, ,DE LTAR TSE DANG LDAN PA RAB 'BYOR GYIS YONGS SU DRIS TE, DGE SLONG DE DAG GIS LAN BTAB NAS 'KHOR DE'I DGE SLONG BRGYAD BRGYA NI LEN PA MED PAR ZAG PA RNAMS LAS SEMS RNAM PAR GROL LO, ,SROG CHAGS SUM KHRI NYIS STONG NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ZHES GSUNGS SO, ,DE LTAR NA DGE SLONG DE BZHIN GSHEGS PA'I SPRUL PA BRDZUN PA'I RANG BZHIN CAN GNYIS KYIS DGE SLONG LNGA BRGYA'I RNAM PAR BYANG BA'I RGYU BYAS PA YIN NO, ,'PHAGS PA RDO RJE SNYING PO LAS KYANG, 'JAM DPAL 'DI LTA STE DPER NA, GTZUB SHING DANG GTZUB GTAN LA BRTEN, MI'I LAG PA'I RTZOL BA LA BRTEN NAS DU BA 'BYUNG ZHING, ME MNGON PAR 'GRUB STE, ME DE YANG GTZUB SHING LA YANG MI GNAS GTZUB GTAN LA YANG MI GNAS, MI'I LAG PA'I RTZOL BA LA YANG MI GNAS SO, ,'JAM DPAL DE BZHIN DU MED PA LAS SKYES BU GANG ZAG RMONGS PA LA 'DOD CHAGS DANG ZHE SDANG DANG GTI MUG GI YONGS SU GDUNG BA 'ANG 'BYUNG STE, YONGS SU GDUNG BA DE YANG NANG NA YANG MI GNAS PHYI ROL NA'ANG MI GNAS, GNYI GA MED PAR YANG MI GNAS MOD KYI, 'JAM DPAL 'ON KYANG GTI MUG CES BYA'O, ,DE CI'I PHYIR GTI MUG CES BRJOD PAR BYA ZHE NA, 'JAM DPAL GTI MUG NI CHOS THAMS CAD RAB TU GROL BA STE, DES NA GTI MUG CES BYA'O ZHES BYA BA DANG, DE BZHIN DU 'JAM DPAL CHOS THAMS CAD NI SEMS CAN DMYAL BA'I SGO STE, 'DI NI GZUNGS KYI TSIG GO, ,GSOL BA BCOM LDAN 'DAS JI LTAR NA 'DI GZUNGS KYI TSIG LAGS, BKA' STZAL PA 'JAM DPAL SEMS CAN DMYAL BA DAG NI BYIS PA SO SO'I SKYE BO RNAMS KYIS YOD PA MA YIN PA LA PHYIN CI LOG GIS BSGRUBS SHING, RANG GI RNAM PAR RTOG PA LAS BYUNG BA'O, ,GSOL PA BCOM LDAN 'DAS SEMS CAN DMYAL BA DAG GANG DU YANG DAG PAR 'DU BAR 'GYUR, BCOM LDAN 'DAS KYIS BKA' STZAL PA, 'JAM DPAL SEMS CAN DMYAL BA DAG NI NAM MKHAR YANG DAG PAR 'DU BAR 'GYUR RO, ,'JAM DPAL DE JI SNYAM DU SEMS, @17A *, ,SEMS CAN DMYAL BA RANG GI RNAM PAR RTOG PA LAS BYUNG NGAM, 'ON TE NGO BO NYID LAS BYUNG, GSOL PA BCOM LDAN 'DAS BYIS PA SO SO'I SKYE BO RNAMS NI RANG GI RNAM PAR RTOG PA KHO NAS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DU 'DU SHES TE, DE DAG MA MCHIS PA LA SGRO BTAGS PA'I SLAD DU TSOR BA SDUG BSNGAL MYONG ZHING, NGAN SONG GSUM DU SDUG BSNGAL NYAMS SU MYONG BAR 'GYUR LAGS SO, ,BCOM LDAN 'DAS BDAG GIS NI JI LTAR SEMS CAN DMYAL BA MA KHUMS PA DE BZHIN DU SEMS CAN DMYAL BA'I SDUG BSNGAL YANG MA KHUMS SO, ,BCOM LDAN 'DAS 'DI LTA STE SKYES BU LA LA ZHIG GNYID KYIS LOG STE RMI LAM NA BDAG NYID SEMS CAN DMYAL BAR LTUNG BAR 'DU SHES PAR 'GYUR LA, DES DE NI LCAGS KYI BUM PA SKYES BU DU MA DANG LDAN PA KHOL BA 'BAR BAR BDAG NYID BCUG PAR YANG 'DU SHES PAR 'GYUR RO, , DES DE NA SDUG BSNGAL GYI TSOR BA DRAG CING MI BZAD LA BRNAG PAR DKA' ZHING YID DU MI 'ONG BA MYONG BAR 'GYUR RO, ,DES DE NA YID KYI GDUNG BA YONGS SU MYANG BAR 'GYUR, DE DE NA SKRAG PAR 'GYUR, DNGANGS PAR 'GYUR, KUN TU DNGANGS PAR 'GYUR RO, ,DE DE NAS SAD PAR 'GYUR ZHING RLOM PA DANG BCAS PAS KYI MA SDUG BSNGAL LO, ,KYE MA SDUG BSNGAL LO ZHES DU ZHING CHO NGES 'DEBS LA SMRE SNGAGS 'DON PAR 'GYUR LAGS SO, ,DE NAS DE LA GROGS PO DANG GNYEN DANG SNAG GI GNYEN MTSAMS RNAMS KYIS CI ZHIG GIS 'DI LTAR KHYOD SDUG BSNGAL BAR GYUR ZHES DRIS PA DANG, DE GROGS PO DANG GNYEN DANG SNAG GI GNYEN MTSAMS DE DAG LA 'DI SKAD DU NGAS NI SEMS CAN DMYAL BA'I SDUG BSNGAL NYAMS SU MYONG NGO ZHES SMRA BAR BGYID, DE BDAG GIS NI SEMS CAN DMYAL BA'I SDUG BSNGAL NYAMS SU MYONG NA, KHYED CAG CI ZHIG GIS 'DI LTAR KHYED SDUG BSNGAL BAR GYUR ZHES 'DRI PAR BYED DAM ZHES DE DAG LA CHO NGES 'DEBS PAR BGYID, SPYO BAR BGYID DO, ,DE NAS SKYES BU DE LA GROGS PO DANG GNYEN DANG SNAG GI GNYEN MTSAMS DE DAG 'DI SKAD DU, KYE SKYES BU MI 'JIGS SHIG MA 'JIGS SHIG KHYOD NI GNYID KYIS LOG PA YIN GYI, KHYOD KHYIM 'DI NAS GAR @17B YANG SONG BA MED DO ZHES SMRA BAR BGYID DO, ,DE YANG BDAG NI GNYID KYIS LOG PAR GYUR TE, YANG DAG PA MA YIN PA 'DI BDAG GIS KUN DU BRTAGS SO SNYAM DU DE LA DRAN PA SKYE BAR 'GYUR ZHING, SLAR YANG DE YID BDE BA 'THOB PAR 'GYUR LAGS SO, ,BCOM LDAN 'DAS JI LTAR SKYES BU GNYID KYIS LOG PA DE YOD PA MA YIN PA LA SGRO BTAGS NAS BDAG NYID RMI LAM DU DMYAL BAR SONG BAS 'DU SHES PAR 'GYUR BA DE BZHIN DU, BCOM LDAN 'DAS BYIS PA SO SO'I SKYE BO BDEN PA MA LAGS PA'I 'DOD CHAGS KYIS KUN NAS BCINGS PA THAMS CAD BUD MED LA MTSAN MAR RTOG PAR BGYID DO, ,DE DAG BUD MED LA MTSAN MAR BRTAGS NAS BDAG NYID DE DAG DANG LHAN CIG RTZE ZHING DGA' BAR 'DU SHES SO, ,BYIS PA SO SO'I SKYE BO DE 'DI SNYAM DU BDAG NI SKYES PA'O, ,'DI NI BUD MED DO, ,BUD MED 'DI BDAG GI'O SNYAM DU 'GYUR ZHING DE 'DUN PA'I 'DOD CHAGS KYIS KUN NAS DKRIS PA'I SEMS DES LONGS SPYOD TSOL BAR SEMS 'JUG PAR 'GYUR LAGS SO, ,DE GZHI DE LAS 'THAB PA DANG RTZOD PA DANG G-YUL 'GYED PAR BGYID CING, GDUG PA'I DBANG PO DANG LDAN PA DE LA KHON DU 'DZIN PA 'BYUNG BAR 'GYUR LAGS SO, ,RLOM PA DANG BCAS PA DE 'DU SHES PHYIN CI LOG DES 'CHI BA'I DUS BGYIS PAR GYUR NAS BDAG NYID BSKAL PA STONG PHRAG MANG POR SEMS CAN DMYAL BA DAG TU SDUG BSNGAL GYI TSOR BA MYONG BAR 'DU SHES SO, ,BCOM LDAN 'DAS JI LTAR SKYES BU DE LA GROGS PO DANG, GNYEN DANG SNAG GI GNYEN MTSAMS RNAMS KYIS 'DI SKAD DU KYE SKYES BU MA 'JIGS SHIG MA 'JIGS SHIG KHYOD NI GNYID KYIS LOG PA YIN GYI, KHYOD KHYIM 'DI NAS GAR YANG SONG BA MED DO ZHES SMRA BAR BGYID PA DE BZHIN DU, BCOM LDAN 'DAS SANGS RGYAS BCOM LDAN 'DAS RNAMS KYIS KYANG PHYIN CI LOG BZHIS PHYIN CI LOG TU GYUR PA'I SEMS CAN RNAMS LA 'DI SKAD DU CHOS BSTAN TE, 'DI LA BUD MED KYANG MED, SKYES PA YANG MED, SEMS CAN YANG MED, SREG KYANG MED, GSO BA YANG MED, GANG ZAG KYANG MED DE, CHOS 'DI DAG THAMS CAD NA LAG PA, CHOS 'DI DAG THAMS CAD NI YOD PA MA YIN PA, CHOS 'DI DAG THAMS CAD @18A *, ,NI PHYIN CI LOG GIS BSGRUBS PA, CHOS 'DI DAG THAMS CAD NI SGYU MA LTA BU, CHOS 'DI DAG THAMS CAD NI RMI LAM LTA BU, CHOS 'DI DAG THAMS CAD NI SBRUL PA LTA BU, CHOS 'DI DAG THAMS CAD NI CHU ZLA LTA BU STE ZHES RGYAS PAR 'BYUNG BA DANG, DE BZHIN DU DE DAG DE BZHIN GSHEGS PA'I CHOS BSTAN PA THOS NAS CHOS THAMS CAD 'DOD CHAGS DANG BRAL BAR KHUMS SO, ,CHOS THAMS CAD ZHE SDANG DANG BRAL BA DANG, GTI MUG DANG BRAL BA DANG, NGO BO NYID MED PA DANG SGRIB PA MED PAR KHUMS SO, ,DE DAG SEMS NAM MKHA' LA GNAS PAS 'CHI BA'I DUS BGYID PAR 'GYUR ZHING, 'CHI BA'I DUS BGYIS MA THAG TU PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' STE, BCOM LDAN 'DAS DE LTAR BDAG GIS SEMS CAN DMYAL BA KHUMS LAGS SO ZHES GSUNGS SO, ,'PHAGS PA NYE BA 'KHOR GYIS ZHUS PA LAS KYANG, SEMS DMYAL 'JIGS PA NGA YIS BSTAN BYAS TE, ,SEMS CAN STONG PHRAG DU MA SKYO BYAS KYANG, ,GANG DAG SHI 'PHOS NGAN SONG DRAG 'GRO BA'I, ,'GRO BA DE DAG NAM YANG YOD MA YIN, ,GANG DAG RAL GRI MDA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID DGA' ME TOG KHA BYE ZHING, ,GSER GYI KHANG MCHOG 'BAR BA YID 'ONG BA, ,'DI NA DE LA 'ANG BYED PA 'GA' MED DO, ,DE DAG RTOG PA'I DBANG GIS GZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED DE YANG 'BYUNG MIN TE, ,YONGS SU RTOG PA SGYU MA SMIG RGYU BZHIN, ,ZHES GSUNGS SO, ,DE'I PHYIR DE LTAR NA DNGOS PO YOD PA MA YIN PA'I RANG BZHIN CAN PHYIN CI LOG GIS BZHAG PA RNAMS NI 'KHOR BA NA BYIS PA RNAMS KYI KUN NAS NYON MONGS PA'I RGYUR 'GYUR RO ZHES BYA BAR GNAS SO, ,DNGOS PO BRDZUN PA'I RANG BZHIN CAN RNAMS JI LTAR KUN NAS NYON MONGS PA DANG, RNAM PAR BYANG BA'I RGYU NYID YIN PA DE LTAR NI RGYAS PAR DBU MA LA 'JUG PA LAS NGES PAR BYA'O, ,'DIR SMRAS PA, @18B GAL TE BDAG DANG GZHAN DANG GNYI GA DANG RGYU MED PA LAS DNGOS PO RNAMS SKYE BA YOD PA MA YIN NA, JI LTAR BCOM LDAN 'DAS KYIS MA RIG PA'I RKYEN GYIS 'DU BYED RNAMS ZHES GSUNGS, BSHAD PAR BYA STE, 'DI NI KUN RDZOB PA YIN GYI DE KHO NA NYID NI MA YIN NO, ,CI KUN RDZOB KYI RNAM PAR GZHAG PA BRJOD PAR BYA BA YIN NAM ZHE NA, RKYEN NYID 'DI PA TZAM GYIS KUN RDZOB GRUB PAR KHAS LEN GYI, PHYOGS BZHI KHAS BLANGS PA'I SGO NAS NI MA YIN TE, DNGOS PO RANG BZHIN DANG BCAS PA SMRA BAR THAL BAR 'GYUR BA'I PHYIR DANG, DE YANG RIGS PA MA YIN PA'I PHYIR RO, ,RKYEN NYID 'DI PA TZAM ZHIG KHAS BLANGS NA NI RGYU DANG 'BRAS BU GNYIS PHAN TSUN LTOS PA'I PHYIR, NGO BO NYID KYIS GRUB PA YOD PA MA YIN PAS DNGOS PO RANG BZHIN DANG BCAS PAR SMRA BAR 'GYUR BA MA YIN NO, ,DE NYID KYI PHYIR, SDUG BSNGAL RANG GIS BYAS PA DANG, ,GZHAN GYIS BYAS DANG GNYI GAS BYAS, , RGYU MED RTOG GE BA YIS 'DOD, ,KHYOD KYIS BRTAN NAS 'BYUNG BAR GSUNGS, ,ZHES GSUNGS SO, ,'DI NYID LAS KYANG, BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,GRUB PA'I RGYU NI MA MTHONG NGO, ,ZHES 'CHAD PAR 'GYUR RO, ,BCOM LDAN 'DAS KYIS KYANG DE LA CHOS KYI BRDA NI 'DI YIN TE, 'DI LTA STE 'DI YOD PAS 'DI 'BYUNG LA, 'DI SKYES PAS 'DI SKYE STE, GANG 'DI MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA ZHES BYA BA LA SOGS PA 'DI TZAM ZHIG KHO NA GSUNGS SO, ,'DIR 'GA' ZHIG DAG RGOL BAR BYED DE, DNGOS PO RNAMS SKYE BA MED DO SNYAM PA'I NGES PA 'DI TSAD MA LAS SKYES PA ZHIG GAM, 'ON TE TSAD MA MA YIN PA LAS SKYES PA ZHIG YIN GRANG, DE LA GAL TE TSAD MA LAS SKYES PAR 'DOD NA NI, TSAD MA DAG NI DU ZHIG ,MTSAN NYID NI GANG, YUL DAG NI CI ZHIG ,CI BDAG LAS SKYES PA ZHIG GAM, GZHAN NAM GNYI GA'AM RGYU MED PA LAS YIN ZHES BYA BA 'DI BRJOD PAR BYA'O, ,'ON TE TSAD MA MA YIN PA LAS SKYES PA YIN NA NI, DE NI MI RIGS TE, GZHAL BYA RTOGS PA NI TSAD MA LA RAG LAS PA'I PHYIR TE, @19A *, ,RTOGS PAR MA GYUR PA'I DON NI TSAD MA MED PAR RTOGS PAR MI NUS SO, ,TSAD MA MED PAS DON RTOGS PA YANG MED NA NI KHYOD KYI YANG DAG PA'I NGES PA 'DI GA LAS 'GYUR TE, DE'I PHYIR DNGOS PO RNAMS SKYE BA MED DO ZHES BYA BA 'DI NI RIGS PA MA YIN NO, ,YANG NA KHYED KYI DNGOS PO RNAMS SKYE BA MED DO ZHES BYA BA'I NGES PA 'DI GANG LAS GYUR PA 'DI NYID LAS NGA'I DNGOS PO THAMS CAD YOD PA YIN NO ZHES BYA BA YANG YIN LA, YANG JI LTAR KHYOD KYI DNGOS PO THAMS CAD SKYE BA MED DO ZHES BYA BA'I NGES PA 'DIR 'GYUR BA DE KHO NA LTAR NGA'I DNGOS PO THAMS CAD SKYE BAR YANG 'GYUR RO, ,CI STE KHYOD LA DNGOS PO THAMS CAD SKYE BA MED DO SNYAM PA'I NGES PA 'DI MED NA NI, DE'I TSE RANG NYID KYIS KYANG MA NGES PAS GZHAN KHONG DU CHUD PAR BYED PA MI SRID PA'I PHYIR BSTAN BCOS RTZOM PA DON MED PA NYID DU 'GYUR TE, DES NA DNGOS PO THAMS CAD BKAG PA MED PAR YOD PA YIN NO ZHE NA, BRJOD PAR BYA STE, GAL TE KHO BO CAG LA NGES PA ZHES BYA BA 'GA' ZHIG YOD PAR 'GYUR NA NI, DE TSAD MA LAS SKYES PA'AM, TSAD MA MA YIN PA LAS SKYES PA ZHIG TU 'GYUR NA, YOD PA NI MA YIN NO, ,CI'I PHYIR ZHE NA, 'DIR MA NGES PA YOD NA NI DE LA LTOS SHING DE'I GNYEN POR GYUR PA'I NGES PA YANG YOD PAR 'GYUR BA ZHIG NA, GANG GI TSE RE ZHIG KHO BO CAG LA MA NGES PA NYID YOD PA MA YIN PA DE'I TSE NI DE DANG 'GAL BA'I NGES PA YOD PAR GAL 'GYUR TE, 'BREL BA CAN GZHAN LA MA LTOS PA'I PHYIR, BONG BU'I RVA'I RING PO DANG THUNG BA NYID BZHIN NO, ,GANG GI TSE DE LTAR NGES PA MED PA DE'I TSE CI ZHIG 'GRUB PAR BYA BA'I PHYIR TSAD MA DAG YONGS SU RTOG PAR BYED, DE DAG GI GRANGS DANG MTSAN NYID DANG YUL DANG, BDAG GAM GZHAN NAM GNYI GA'AM RGYU MED PA LAS SKYE ZHES BYA BAR YANG GA LA 'GYUR TE, 'DI DAG THAMS CAD NI KHO BO CAG GIS BRJOD PAR BYA BA MA YIN PA ZHIG GO, ,GAL TE DE LTAR KHYOD LA NGES PA YOD PA MA YIN NA, KHYED CAG GI DNGOS PO RNAMS NI, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,ZHES BYA BA'I NGES PA'I RANG BZHIN GYI NGAG 'DI JI LTAR DMIGS ZHE NA, BRJOD PAR BYA STE, NGES PAR GYUR PA'I NGAG 'DI NI RANG LA GRUB PA'I 'THAD @19B PA'I SGO NAS 'JIG RTEN LA YOD KYI, 'PHAGS PA RNAMS LA NI MA YIN NO, ,CI 'PHAGS PA RNAMS LA RIGS PA MI MNGA' 'AM ZHE NA, YOD PA'AM MED PA 'DI SUS SMRAS, 'PHAGS PA RNAMS KYI DON DAM PA NI CANG MI GSUNG BA YIN TE, DE'I PHYIR GANG LA 'THAD PA DANG 'THAD PA MA YIN PA MI MNGA' BAR 'GYUR BA DE DAG LA SPROS PA MNGA' BAR GA LA 'GYUR, GAL TE 'PHAGS PA RNAMS 'THAD PA GSUNG BAR MI MDZAD NA, DA NI CI ZHIG GIS 'JIG RTEN PAS DON DAM PA KHONG DU CHUD PAR MDZAD CE NA, 'PHAGS PA RNAMS NI 'JIG RTEN GYI THA SNYAD KYIS 'THAD PA MI GSUNG GI ,'ON KYANG 'JIG RTEN KHO NA LA RAB TU GRAGS PA'I 'THAD PA GANG YIN PA DE DAG GZHAN RTOGS PAR BYA BA'I PHYIR ZHAL GYIS BZHES NAS DE NYID KYIS 'JIG RTEN KHONG DU CHUD PAR MDZAD DO, ,JI LTAR LUS LA MI GTZANG BA NYID YOD DU ZIN KYANG PHYIN CI LOG GI RJES SU SONG BA'I 'DOD CHAGS CAN RNAMS KYIS DMIGS PAR MI 'GYUR ZHING, YANG DAG PA MA YIN YANG GTZANG BA'I RNAM PAR SGRO BTAGS NAS YONGS SU NYON MONGS PAR 'GYUR RO, ,DE DAG 'DOD CHAGS DANG BRAL BAR BYA BA'I PHYIR DE BZHIN GSHEGS PA'I SPRUL PA'AM LHAS, LUS 'DI LA SKRA ZHES BYA BA LA SOGS PAS SNGAR GTZANG BA'I 'DU SHES KYIS BKAB PA'I LUS KYI SKYON RNAMS NYE BAR STON PAR BYED DO, ,DE DAG KYANG GTZANG BA'I 'DU SHES DE DANG BRAL BAS 'DOD CHAGS DANG BRAL BA THOB PAR 'GYUR BA DE BZHIN DU 'DI NA SO SO'I SKYE BO DAG KYANG MA RIG PA'I RAB RIB KYIS BLO GROS KYI MIG NYAMS PA NYID KYIS DNGOS PO RNAMS KYI RANG BZHIN PHYIN CI LOG ,'PHAGS PA RNAMS KYIS RNAM PA THAMS CAD DU MA DMIGS PA'I BDAG NYID CAN DANG, 'GA' ZHIG TU KHYAD PAR 'GA' ZHIG LHAG PAR SGRO BTAGS NAS CHOS SHIN TU NYON MONGS PAR 'GYUR TE, DE DAG DA LTAR 'PHAGS PA RNAMS KYIS BUM PA YOD PA 'JIM PA LA SOGS PA DAG LAS SKYE BA MA YIN NO ZHES KHAS BLANGS PA DE BZHIN DU SKYES PA'I SNGA ROL NAS YOD PA LA YANG SKYE BA YOD PA MA YIN TE, YOD PA'I PHYIR RO ZHES BYA BAR NGES PAR GYIS SHIG ,YANG JI LTAR ME DANG SOL BA LA SOGS PA GZHAN DU GYUR PA DAG LAS MYU GU SKYE BA YOD PA MA YIN NO ZHES @20A *, ,BYA BAR KHAS BLANGS PA DE BZHIN DU SA BON LA SOGS PA BRJOD PAR 'DOD PA DAG LAS KYANG YOD PA MA YIN NO ZHES NGES PAR GYIS SHIG ,CI STE YANG 'DI NI KHO BO CAG GIS NYAMS SU MYONG BA YIN NO SNYAM NA 'DI YANG MI RIGS TE, 'DI LTAR NYAMS SU MYONG BA NI BRDZUN PA'I DON CAN YIN TE, NYAMS SU MYONG BA YIN PA'I PHYIR RAB RIB CAN GYIS ZLA BA GNYIS NYAMS SU MYONG BA BZHIN NO, ,DE'I PHYIR NYAMS SU MYONG BA YANG BSGRUB PAR BYA BA DANG MTSUNGS PA NYID YIN PA'I PHYIR DES PHYIR BZLOG PAR RIGS PA MA YIN NO ZHES DE DAG LA GRAGS PA NYID KYIS KHONG DU CHUD PAR MDZAD PA YIN NO, ,DE'I PHYIR DNGOS PO RNAMS SKYE BA MED PA YIN NO, ,DE LTAR RE ZHIG DE'I RANG BZHIN PHYIN CI LOG LHAG PAR SGRO BTAGS PA'I GNYEN POR RAB TU BYED PA DANG PO BRTZAMS PA YIN NO, ,DE NAS KHYAD PAR 'GA' ZHIG 'GA' ZHIG TU SGRO BTAGS PA'I KHYAD PAR DE BSAL BAR BYA BA'I PHYIR RAB TU BYED PA LHAG MA BRTZAMS PA YIN TE, RTEN CING 'BREL PAR 'BYUNG BA LA 'GRO BA PO DANG, BGROD PAR BYA BA DANG 'GRO BAR BYA BA LA SOGS PA KHYAD PAR RO COG MA LUS PA YANG YOD PA MA YIN NO ZHES BSTAN PAR BYA BA'I DON DU'O, ,CI STE TSAD MA DANG GZHAL BYA'I THA SNYAD 'JIG RTEN PA 'DI NYID KHO BO CAG GI BSTAN BCOS SU BRJOD PA YIN NO SNYAM NA, 'O NA NI DE BRJOD PA'I DGOS PA BSNYAD PAR BYA DGOS SO, ,GAL TE RTOG GE PA DAG GIS MTSAN NYID PHYIN CI LOG BRJOD PAS, DE BRLAG PAR BYAS PAS KHO BO CAG GIS DE'I MTSAN NYID YANG DAG PAR BRJOD PA YIN NO ZHE NA, 'DI YANG MI RIGS TE, GAL TE 'JIG RTEN LA RTOG GE NGAN PAS MTSAN NYID PHYIN CI LOG BRJOD PAS BYAS PA'I MTSON BYA PHYIN CI LOG YOD PAR 'GYUR NA NI DE'I DON DU 'BAD PA 'BRAS BU DANG BCAS PAR 'GYUR BA ZHIG NA, DE NI DE LTAR YANG MA YIN PAS 'BAD PA 'DI DON MED PA NYID DO, ,GZHAN YANG GAL TE GZHAL BYA RTOGS PA TSAD MA LA RAG LAS PA YIN NA TSAD MA DE DAG GANG GIS YONGS SU GCOD PAR BYED CES BYA BA LA SOGS PA RTZOD PA BZLOG PA LAS BSHAD PA'I SKYON DE MA SPANGS PAS YANG DAG PA'I MTSAN NYID GSAL BAR BYED PA NYID KYANG YOD PA MA YIN NO, ,GZHAN YANG GAL TE RANG DANG SPYI'I MTSAN NYID GNYIS KYI DBANG GIS MTSAN MA GNYIS @20B SMRA NA NI, CI MTSAN NYID DE GNYIS GANG LA YOD PA'I MTSAN GZHI DE YOD DAM 'ON TE MED, GAL TE YOD NA NI DE'I TSE DE DAG LAS GZHAL BYA YOD PAS JI LTAR TSAD MA GNYIS YIN, 'ON TE MTSAN GZHI MED NA NI DE'I TSE RTEN MED PAS MTSAN NYID KYANG YOD PA MA YIN PAS JI LTAR TSAD MA GNYIS SU 'GYUR TE, MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,ZHES 'CHAD PAR 'GYUR RO, ,CI STE YANG 'DIS MTSON PAR BYED PAS NI MTSAN NYID MA YIN GYI, 'O NA CI ZHE NA, BYED PA DANG LUGS NI PHAL CHE'O ZHES BYA BAS LAS LA LYU tA BYAS NAS 'DI MTSON PAR BYA BAS NA MTSAN NYID YIN NO SNYAM NA, DE LTA NA YANG DE NYID KYIS MTSON PAR BYA BA NYID DU MI SRID PA'I PHYIR, GANG GIS DE MTSON PAR BYED PA'I BYED PA DE DANG LAS THA DAD PA YIN PA'I PHYIR NYES PA DE NYID DU 'GYUR RO, ,CI STE SHES PA BYED PA YIN PA'I PHYIR LA, DE YANG RANG GI MTSAN NYID KYI KHONGS SU 'DU BA'I PHYIR NYES PA 'DI MED DO SNYAM NA, BSHAD PAR BYA STE, RE ZHIG 'DIR JI LTAR DES DE MTSON PAR BYED PAS SA'I SRA BA DANG, TSOR BA'I MYONG BA DANG, RNAM PAR SHES PA'I YUL SO SOR RNAM PAR RIG PA LTAR BDAG NYID KYI RANG GI NGO BO GZHAN DANG THUN MONG MA YIN PA GANG YIN PA DE NI RANG GI MTSAN NYID YIN NA, RAB TU GRAGS PA DANG RJES SU 'BREL PA'I BYE BRAG TU BSHAD PA BOR NAS, LAS SU SGRUB PA KHAS LEN ZHING RNAM PAR SHES PA BYED PA'I NGO BOR RTOGS PAS NI, RANG GI MTSAN NYID KHO NA LAS NYID YIN ZHING, RANG GI MTSAN NYID GZHAN NI BYED PA'I NGO BO YIN NO ZHES BYA BA 'DI SMRAS PAR 'GYUR RO, ,DE LA GAL TE RNAM PAR SHES PA'I RANG GI MTSAN NYID BYED PA YIN NA NI, DE LA THA DAD PAR GYUR PA'I LAS SHIG YOD PAR 'GYUR DGOS PAS NYES PA DE NYID DU 'GYUR RO, ,CI STE SA LA SOGS PAR GTOGS PA'I SRA BA LA SOGS PA RNAM PAR SHES PAS RTOGS PAR BYA BA GANG YIN PA DE NI DE'I LAS YIN LA, DE YANG RANG GI MTSAN NYID LAS THA DAD PA MA YIN NO SNYAM NA, DE LTA NA NI 'ON RNAM PAR SHES PA'I RANG GI MTSAN NYID LAS MA YIN PA'I PHYIR GZHAL BYA NYID DU MI 'GYUR TE, LAS KYI RANG BZHIN GYI RANG @21A *, ,GI MTSAN NYID KHO NA GZHAL BYA YIN PA'I PHYIR RO, ,DE'I PHYIR GZHAL BYA NI RNAM PA GNYIS TE, RANG GI MTSAN NYID DANG SPYI'I MTSAN NYID DO ZHES BYA BAR, RANG GI MTSAN NYID CUNG ZAD CIG NI GZHAL BYA YIN TE, MTSON PAR BYA BAS NA ZHES DE LTAR BSNYAD PA GANG YIN PA'O, , CUNG ZAD CIG NI GZHAL BYA MA YIN TE 'DIS MTSON PAR BYED PAS NA ZHES BRJOD PA GANG YIN PA'O ZHES KHYAD PAR 'DI TZAM ZHIG BRJOD PAR BYA DGOS SO, ,CI STE DE YANG LAS SU SGRUB PA YIN NA NI, DE'I TSE DE LA BYED PA GZHAN ZHIG YOD PAR BYA DGOS LA, SHES PA GZHAN ZHIG BYED PA'I NGO BOR RTOGS NA YANG THUG PA MED PA'I SKYON DU 'GYUR RO, ,CI STE RANG RIG PA YOD DE DES NA RANG RIG PAS DES DE 'DZIN PA'I PHYIR LAS NYID YIN DANG, GZHAL BYA'I KHONGS SU 'DU BA YOD PA YIN NO SNYAM DU SEMS NA, BSHAD PAR BYA STE, DBU MA LA 'JUG PA LAS RANG RIG PA RGYAS PAR BKAG PA'I PHYIR RANG GI MTSAN NYID NI RANG GI MTSAN NYID GZHAN GYIS MTSON PAR BYED PA LA, DE YANG RANG RIG PA DES MTSON PAR BYED DO ZHES BYA BA NI RIGS PA MA YIN NO, ,GZHAN YANG SHES PA DE YANG MI SRID PA'I PHYIR RANG GI MTSAN NYID LAS THA DAD PAR MA GRUB LA, MTSAN GZHI MED NA RTEN MED PA'I MTSAN NYID 'JUG PA MED PA'I PHYIR RNAM PA THAMS CAD DU YOD PA MA YIN PAS RANG RIG PA GA LA YOD, DE SKAD DU YANG 'PHAGS PA GTZUG NA RIN PO CHES ZHUS PA LAS, DE SEMS YANG DAG PAR RJES SU MA MTHONG BAS, SEMS GANG LAS BYUNG ZHES SEMS KYI RGYUN KUN DU TSOL ZHING DE 'DI SNYAM DU SEMS TE, DMIGS PA YOD PA LAS SEMS 'BYUNG BAR 'GYUR RO SNYAM MO, ,DE YANG 'DI SNYAM DU SEMS TE, CI DMIGS PA DE YANG GZHAN LA SEMS DE YANG GZHAN NAM, 'ON TE DMIGS PA GANG YIN PA DE NYID SEMS YIN, GAL TE RE ZHIG DMIGS PA YANG GZHAN LA SEMS KYANG GZHAN NA NI SEMS DE GNYIS SU 'GYUR RO, ,'ON TE DMIGS PA GANG YIN PA DE NYID SEMS YIN NA NI, SEMS KYIS SEMS DE JI LTAR MTHONG BAR 'GYUR TE, SEMS KYIS SEMS DE MTHONG BAR MI RUNG NGO, ,'DI LTA STE DPER NA RAL GRI'I SO DE NYID KYIS RAL GRI'I SO DE NYID BCAD @21B PAR MI NUS PA DANG, SOR MO'I RTZE MO DE NYID KYIS SOR MO'I RTZE MO DE NYID LA REG PAR MI NUS PA DE BZHIN DU, SEMS DE NYID KYIS SEMS DE NYID MTHONG BAR MI NUS SO SNYAM NAS, DE 'DI LTAR TSUL BZHIN RAB TU SBYOR BA LA, GANG SEMS MI GNAS PA, CHAD PA MA YIN PA, RTAG PA MA YIN PA, THER ZUG TU MI GNAS PA, RGYU MED PA MA YIN, RKYEN DANG MI 'GAL BA DE LAS KYANG MA YIN PA, GZHAN LAS KYANG MA YIN PA, DE NYID KYANG MA YIN PA GZHAN YANG MA YIN PA'I SEMS KYI RGYUD SEMS KYI 'KHRI SHING, SEMS KYI CHOS NYID, SEMS KYI MI GNAS PA DANG, SEMS RGYU BA MED PA DANG, SEMS SNANG BA MED PA DANG, SEMS KYI RANG GI MTSAN NYID DE JI LTAR DE BZHIN NYID 'KHRUG PAR MI BYED PA DE LTAR SHES SO, ,DE LTAR MTHONG NGO, ,DE BZHIN NYID JI LTA BA DE BZHIN DU SEMS DE DAG DBEN PA NYID DU RAB TU SHES, DE BZHIN DU MTHONG BA 'DI NI RIGS KYI BU BYANG CHUB SEMS DPA'I SEMS LA SEMS KYI RJES SU LTA BA'I DRAN PA NYE BAR GZHAG PA'I SPYOD PA YONGS SU DAG PA'O ZHES GSUNGS SO, ,DE'I PHYIR DE LTAR RANG RIG PA MED LA, DE MED PAS GANG ZHIG GANG GIS MTSON PAR BYED, GZHAN YANG MTSAN NYID DE MTSAN GZHI LAS THA DAD PAR 'GYUR RAM THA MI DAD PAR 'GYUR GRANG, DE LA GAL TE RE ZHIG THA DAD PA YIN NA NI, DE'I TSE MTSAN GZHI LAS THA DAD PA'I PHYIR MTSAN NYID MA YIN PA BZHIN DU MTSAN NYID KYANG MTSAN NYID MA YIN PAR 'GYUR LA, MTSAN NYID LAS THA DAD PA'I PHYIR MTSAN GZHI YANG MTSAN GZHI MA YIN PA LTAR MTSAN GZHIR MI 'GYUR RO, ,DE BZHIN DU MTSAN NYID MTSAN GZHI LAS THA DAD PA'I PHYIR MTSAN GZHI MTSAN NYID LA LTOS PA MED PAR YANG 'GYUR TE, DE'I PHYIR DE MTSAN GZHI MA YIN TE, MTSAN NYID LA LTOS PA MED PA'I PHYIR NAM MKHA'I ME TOG BZHIN NO, ,CI STE MTSAN NYID DANG MTSAN NYID KYI GZHI DAG THA MI DAD PA NYID YIN NA NI, ,DE'I TSE MTSAN NYID LAS THA MI DAD PA'I PHYIR, MTSAN NYID KYI RANG GI BDAG NYID BZHIN DU MTSAN GZHI'I MTSAN GZHI NYID NYAMS PAR 'GYUR RO, ,MTSAN GZHI LAS THA MI DAD PA'I PHYIR MTSAN NYID KYANG MTSAN NYID KYI RANG BZHIN DU MI 'GYUR TE, MTSAN GZHI'I RANG GI BDAG NYID BZHIN NO, ,JI SKAD DU, @22A *, ,MTSAN NYID MTSAN GZHI LAS GZHAN NA, ,MTSAN GZHI DE MTSAN MED PAR 'GYUR, ,THA DAD MED NA DE DAG NI, ,MED PAR KHYOD KYIS GSAL BAR BSTAN, ,ZHES BSHAD DO, ,DE NYID DANG GZHAN NYID LAS MA GTOGS PAR MTSAN GZHI DANG MTSAN NYID 'GRUB PA'I THABS GZHAN YOD PA YANG MA YIN TE, DE SKAD DU, GANG DAG DNGOS PO GCIG PA DANG, ,DNGOS PO GZHAN PA NYID DU NI, ,'GRUB PAR 'GYUR BA YOD MIN NA, ,DE GNYIS GRUB PA JI LTAR YOD, ,CES 'CHAD PAR 'GYUR RO, ,CI STE BRJOD DU MED PA NYID DU 'GRUB PAR 'GYUR RO ZHE NA, DE NI 'DI LTAR MA YIN TE, PHAN TSUN RNAM PAR DBYE BA YONGS SU SHES PA MED PA YIN NA, BRJOD DU MED PA NYID CES BYA BAR 'GYUR NA, GANG NA RNAM PAR DBYE BA YONGS SU SHES PAR 'GYUR BA MED PA DER NI 'DI NI MTSAN NYID DO, ,'DI NI MTSAN GZHI'O ZHES KHYAD PAR DU YONGS SU GCOD PA MED PAS GNYI GA YANG MED PA NYID DE, DE'I PHYIR BRJOD DU MED PA NYID DU YANG GRUB PA MED DE, ,GZHAN YANG GAL TE SHES PA BYED PA YIN NA, YUL YONGS SU GCOD PA'I BYED PA PO GANG ZHIG YIN, BYED PA PO MED PAR BYED PA LA SOGS PA RNAMS YOD PA YANG MA YIN TE, GCOD PA'I BYA BA BZHIN NO, , CI STE DER SEMS LA BYED PA PO NYID DU RTOG NA, DE YANG RIGS PA MA YIN TE, 'DI LTAR DON TZAM LTA BA NI SEMS KYI BYA BA YIN LA DON GYI KHYAD PAR LTA BA NI SEMS LAS BYUNG BA RNAMS KYI BYA BA YIN TE, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES KHAS BLANGS PA'I PHYIR RO, ,BYED PA LA SOGS PA RNAMS NI BDAG NYID JI LTA BU'I BYA BA PHAL PA SGRUB PA'I SGO NAS, GTZO BOR GYUR PA'I BYA BA CIG BSGRUB PAR BYA BA LA YAN LAG GI NGO BOR GYUR PA LAS BYED PA LA SOGS PA NYID DU 'GYUR NA, 'DIR NI SHES PA RNAM PAR SHES PA GNYIS LA GTZO BOR GYUR PA'I BYA BA GCIG MED DO, ,'O NA CI ZHE NA, RNAM PAR SHES PA'I GTZO BOR GYUR PA'I BYA BA NI DON TZAM YONGS SU GCOD PA YIN LA, DON GYI KHYAD PAR YONGS SU GCOD PA NI SHES PA'I GTZO BOR GYUR PA'I BYA BA YIN TE, DES NA SHES PA BYED PA NYID MA YIN LA, SEMS KYANG BYED PA PO NYID MA @22B YIN NO, ,DE'I PHYIR NYES PA DE NYID DU 'GYUR RO, ,CI STE CHOS THAMS CAD BDAG MED PA ZHES BYA BA'I LUNG LAS NA, BYED PA PO RNAM PA THAMS CAD DU MED PA'I PHYIR BYA BA LA SOGS PA'I THA SNYAD NI BYED PA PO MED KYANG YOD PA NYID DO SNYAM NA, 'DI YANG YOD PA MA YIN TE, LUNG GI DON YANG DAG PAR MA BZUNG BA'I PHYIR RO, ,'DI YANG DBU MA 'JUG PA LAS BSTAN ZIN TO, ,CI STE YANG DPER NA MCHI GU'I LUS SGRA GCAN GYI MGO ZHES BYA BA LA, LUS DANG MGO LAS THA DAD PA'I KHYAD PAR MED KYANG KHYAD PAR DANG KHYAD PAR GYI GZHI'I DNGOS PO YOD PA DE BZHIN DU, RANG GI MTSAN NYID LAS THA DAD PA'I SA LA SOGS PA MED KYANG SA'I RANG GI MTSAN NYID CES BYA BAR 'GYUR RO SNYAM NA, DE NI DE LTAR MA YIN TE, MI MTSUNGS PA'I PHYIR RO, ,LUS DANG MGO'I SGRA DAG NI BLO DANG LAG PA LA SOGS PA LTAR LHAN CIG 'BYUNG BA'I DNGOS PO GZHAN LA LTOS PA DANG BCAS TE 'JUG PAS, LUS DANG MGO'I SGRA TZAM LA DMIGS PA'I BLO SKYES PA LTA ZHIG GANG GI LUS GANG GI MGO SNYAM DU LHAN CIG DPYOD PA'I DNGOS PO GZHAN LA RE BA DANG BCAS PA NYID DU 'GYUR LA, CIG SHOS KYANG KHYAD PAR GZHAN DANG 'BREL PA BSAL BAR 'DOD PAS 'JIG RTEN PA'I BRDA'I RJES SU BYED PA, KHYAD PAR MCHI GU DANG SGRA GCAN GYI SGRAS RTOGS PA PO'I RE BA SEL BAR BYED DO ZHES BYA BAR RIGS NA, 'DIR NI SRA BA LA SOGS PA LAS THA DAD PA'I SA LA SOGS PA MED PAS KHYAD PAR DANG KHYAD PAR CAN GYI DNGOS PO MI RIGS SO, ,GAL TE MU STEGS PA DAG GIS MTSAN GZHI THA DAD PAR KHAS BLANGS PA'I PHYIR DE'I NGOR KHYAD PAR BRJOD PA LA SKYON MED DO ZHE NA, DE NI DE LTAR MA YIN TE, MU STEGS PAS KUN TU BRTAGS PA'I DNGOS PO RIGS PA DANG 'GAL BA DAG NI RANG GI GZHUNG LUGS LA KHAS BLANGS PAR MI RIGS TE, TSAD MA GZHAN LA SOGS PA KHAS BLANGS PAR THAL BAR 'GYUR BA'I PHYIR RO, ,GZHAN YANG LUS KYI RTEN CAN KHYAD PAR DU BYED PA 'JIG RTEN PA'I THA SNYAD KYI YAN LAG TU GYUR PA MA BRTAGS NA GRUB PA RTEN PA PO MCHI GU DANG, MGO'I RTEN CAN BRTEN PA PO SGRA GCAN NI GANG ZAG LA SOGS PAR BRTAGS PA LTAR YOD @23A *, ,PA'I PHYIR DPE 'DI RIGS PA MA YIN NO, ,GAL TE DE TZAM ZHIG DMIGS PAS LUS DANG MGO LAS THA DAD PA'I DON GZHAN MA GRUB PA'I PHYIR DPE GRUB PA NYID DO ZHE NA, DE NI DE LTAR MA YIN TE, 'JIG RTEN PA'I THA SNYAD LA DE LTAR RNAM PAR DPYOD PA MI 'JUG PA'I PHYIR DANG, 'JIG RTEN PA'I DNGOS PO RNAMS NI MA BRTAGS PAR YOD PA'I PHYIR RO, ,JI LTAR RNAM PAR DPYAD NA GZUGS LA SOGS PA LAS THA DAD PAR BDAG MED MDO [*MOD] KYI, 'ON KYANG PHUNG PO LA BRTEN NAS 'JIG RTEN GYI KUN RDZOB TU 'DI YOD PA NYID YIN PA DE BZHIN DU, SGRA GCAN DANG MCHI GU GNYIS KYANG YIN PAS DPE GRUB PA MED DO, ,DE BZHIN DU RNAM PAR DPYAD NA SA LA SOGS PA DAG LA YANG SRA BA LA SOGS PA LAS THA DAD PA'I MTSAN GZHI MED LA, MTSAN GZHI LAS THA DAD PAR RTEN MED PA'I MTSAN NYID KYANG MED MOD KYI, DE LTA NA YANG 'DI NI KUN RDZOB TU YOD DE, DE BAS NA SLOB DPON RNAMS KYIS PHAN TSUN LTOS PA TZAM GYIS GRUB PA'I SGO NAS GRUB PAR RNAM PAR GZHAG PA MDZAD DO, ,'DI NI DE KHO NA LTAR GDON MI ZA BAR KHAS BLANG BAR BYA STE, DE LTA MA YIN NA KUN RDZOB 'THAD PA DANG LDAN PA MA YIN NAM, DES NA 'DI DE KHO NA NYID DU 'GYUR GYI KUN RDZOB TU MI 'GYUR RO, ,'THAD PAS RNAM PAR DPYAD PA NA MCHI GU LA SOGS PA DAG KHO NA MI SRID PA NI MA YIN TE, 'O NA CI ZHE NA, 'CHAD PAR 'GYUR BA'I 'THAD PAS GZUGS DANG TSOR BA LA SOGS PA RNAMS KYANG YOD PA MA YIN PAS, DE DAG KYANG MCHI GU LA SOGS PA BZHIN DU KUN RDZOB TU YOD PA YIN PA NYID DU KHAS BLANGS PAR 'GYUR NA, DE LTAR YANG MA YIN PAS, 'DI NI YOD PA MA YIN NO, ,BRTEN NAS BRTAGS PAR RNAM PAR GZHAG PA 'DI YANG DBU MA LA 'JUG PA LAS RGYAS PAR BSTAN PAS DE NYID LAS YONGS SU BTZAL BAR BYA'O, ,CI STE ZHIB MOR DPYAD PA 'DIS CI ZHIG BYA STE, KHO BO CAG TSAD MA DANG GZHAL BYA'I THA SNYAD THAMS CAD BDEN PA YIN NO ZHES NI MI SMRA'I, 'ON KYANG 'JIG RTEN LA RAB TU GRAGS PA'I TSUL 'DIS RNAM PAR 'JOG PAR BYED PAR 'GYUR RO SNYAM NA, BSHAD PAR BYA STE, DPYAD PA ZHIB MO 'JIG RTEN PA'I THA SNYAD LA BCUG PA 'DIS CI DGOS ZHES KHO BO CAG KYANG DE SKAD DU SMRA STE, KUN RDZOB @23B PHYIN CI LOG TZAM GYIS BDAG GI NGO BO YOD PAR RNYED PA, THAR PA 'DOD PA RNAMS KYI THAR PA 'DREN PAR BYED PA'I DGE BA'I RTZA BA SOG PA'I RGYUR GYUR PA 'DI NI JI SRID DE KHO NA NYID MA RTOGS PA DE SRID DU GNAS PAR 'GYUR MOD, KHYOD NI DON DAM PA DANG KUN RDZOB KYI BDEN PA LA MI MKHAS PAS LA LAR 'THAD PA BCUG NAS RIGS PA MA YIN PA LAS DE 'JIG PAR BYED PA YIN NO, ,KHO BO NI KUN RDZOB KYI BDEN PA RNAM PAR 'JOG PA LA MKHAS PA'I PHYIR, 'JIG RTEN PA'I PHYOGS NYID LA GNAS TE KUN RDZOB KYI PHYOGS GCIG BSAL BA'I PHYIR BKOD PA'I 'THAD PA GZHAN 'THAD PA GZHAN GYIS ZLOG PAR BYED CING 'JIG RTEN GYI RGAN RABS LTAR, 'JIG RTEN GYI CHOS LUGS LAS NYAMS PA KHYOD KHO NA ZLOG PAR BYED PA YIN GYI KUN RDZOB NI MA YIN NO, ,DE'I PHYIR GAL TE 'JIG RTEN PA'I THA SNYAD DU YIN NA NI, DE'I TSE MTSAN NYID BZHIN DU MTSAN GZHIR YANG GDON MI ZA BAR 'GYUR BAR BYA DGOS TE, DE'I PHYIR NYES PA DE NYID DU 'GYUR RO, ,'ON TE DON DAM PAR YIN NA NI DE'I TSE MTSAN GZHI MED PAS MTSAN NYID GNYIS KYANG MED PAS TSAD MA GNYIS SU GA LA 'GYUR, CI STE SGRA RNAMS LA BYA BA DANG BYED PA PO'I 'BREL BAR SNGON DU 'GRO BA CAN GYI BYE BRAG TU BSHAD PA DE LTA BU KHAS LEN PAR MI BYED DO ZHE NA, 'DI NI SHIN TU DKA' STE, KHYOD BYA BA DANG BYED PA PO'I 'BREL BAS RAB TU ZHUGS PA'I SGRA DE DAG KHO NAS THA SNYAD BYED CING, BYA BA DANG BYED PA PO LA SOGS PA'I SGRA'I DON YANG MI 'DOD PAS, AE MA KYI HUD KHYOD NI 'DOD PA TZAM LA RAG LAS TE 'JUG PA NYID DO, , GANG GI TSE DE LTAR GZHAL BYA GNYIS GNAS PA MED PA DE'I TSE LUNG LA SOGS PA RANG DANG SPYI'I MTSAN NYID KYI YUL CAN MA YIN PA NYID KYI SGO NAS TSAD MA GZHAN NYID MA YIN PA MA YIN NO, ,GZHAN YANG BUM PA MNGON SUM MO ZHES BYA BA DE LTA BU LA SOGS PA 'JIG RTEN PA'I THA SNYAD MA BSDUS PA'I PHYIR DANG, 'PHAGS PA MA YIN PA'I THA SNYAD KHAS BLANGS PA'I PHYIR MTSAN NYID MA KHYAB PA NYID DU 'GYUR TE, DES NA 'DI NI MI RIGS SO, ,CI STE BUM PA'I NYE BAR LEN PA SNGON PO LA SOGS PA DAG NI MNGON SUM GYI TSAD MAS YONGS SU GCAD PAR BYA BA YIN PA'I PHYIR MNGON SUM YIN TE, DE'I PHYIR JI LTAR RGYU LA 'BRAS @24A *, ,BU BTAGS PA BYAS TE, SANGS RGYAS RNAMS NI 'BYUNG BA BDE, ,ZHES BSNYAD PA DE BZHIN DU, SNGON PO LA SOGS PA MNGON SUM DU GYUR PA'I RGYU CAN GYI BUM PA YANG 'BRAS BU LA RGYUS BTAGS PA BYAS NAS MNGON SUM ZHES BYA BAR BRJOD DO SNYAM NA, RNAM PA DE LTA BU'I YUL LA NI BTAGS PA MI RIGS TE, 'BYUNG BA NI 'JIG RTEN NA BDE BA LAS THA DAD PAR DMIGS LA, DE YANG 'DUS BYAS KYI MTSAN NYID KYI RANG BZHIN YIN PA'I PHYIR DANG, DKA' BA BRGYA PHRAG DU MA'I RGYU CAN YIN PA'I PHYIR BDE BA MA YIN PA NYID DO, ,DE LA BDE BA ZHES BRJOD PA NA 'BREL PA MED PA NYID YIN PAS RNAM PA DE LTA BU'I YUL LA NYE BAR BTAGS PA RIGS NA, BUM PA MNGON SUM ZHES BYA BA 'DIR NI GANG ZHIG BRTAGS NAS MNGON SUM NYID DU 'GYUR BA BUM PA ZHES BYA BA MNGON SUM MA YIN PA LOGS SHIG TU DMIGS PA YANG MA YIN NO, ,GAL TE SNGON PO LA SOGS PA LAS THA DAD PA'I BUM PA MED PA'I PHYIR BTAGS PA'I MNGON SUM NYID DU 'GYUR RO ZHE NA, DE LTA NA YANG CHES SHIN TU BTAGS PAR MI RIGS TE, GZHI GDAGS BYA MED PA'I PHYIR RO, ,BONG BU'I RVA LA RNON PO NYE BAR 'DOGS PA NI RIGS PA MA YIN NO, ,GZHAN YANG GAL TE 'JIG RTEN GYI THA SNYAD KYI YAN LAG TU GYUR PA'I BUM PA SNGON PO LA SOGS PA LAS THA DAD PAR GYUR PA MED PA'I PHYIR, DE NYE BAR BTAGS PA PA'I MNGON SUM NYID DU RTOGS NA NI DE LTA NA NI SNGON PO LA SOGS PA YANG SA LA SOGS PA LAS THA DAD PA MED PAS SNGON PO LA SOGS PA YANG BTAGS PA PA'I MNGON SUM NYID DU RTOGS SHIG ,JI SKAD DU, JI LTAR GZUGS SOGS MA GTOGS PAR, ,BUM PA YOD PA MA YIN PA, ,DE BZHIN RLUNG LA SOGS PA NI, ,MA GTOGS GZUGS KYANG YOD MA YIN, ,ZHES BSHAD DO, ,DE'I PHYIR DE LTA BU LA SOGS PA'I 'JIG RTEN GYI THA SNYAD NI MTSAN NYID KYIS MA BSDUS PA'I PHYIR MTSAN NYID MA KHYAB PA NYID DO, ,DE KHO NA NYID GZIGS PA LA LTOS NAS NI BUM PA LA SOGS PA DANG SNGON PO LA SOGS PA RNAMS MNGON SUM NYID DU MI 'DOD DO, ,'JIG RTEN GYI KUN RDZOB TU NI BUM PA LA SOGS PA RNAMS MNGON SUM NYID DU KHAS BLANG BAR BYA BA KHO NA'O, ,JI SKAD DU BZHI BRGYA PA LAS, ,GZUGS MTHONG @24B TSE NA BUM PA NI, ,THAMS CAD KHO NA MTHONG MI 'GYUR, ,BUM PA MNGON SUM ZHES BYA 'ANG, ,DE NYID RIG PA SU ZHIG SMRA, ,RNAM PAR DPYAD PA 'DI NYID KYIS, ,BLO MCHOG LDAN PAS DRI ZHIM DANG, ,MNGAR DANG 'JAM PA THAMS CAD DAG ,SO SOR DGAG PAR BYA BA YIN, ,ZHES BSHAD DO, ,GZHAN YANG MNGON SUM GYI SGRA NI LKOG TU MA GYUR PA'I DON GYI RJOD PAR BYED PA YIN PA'I PHYIR, DBANG PO MNGON DU PHYOGS PA'I DON NI MNGON SUM YIN NO, ,'DI LA DBANG PO MNGON DU PHYOGS PAS ZHES BYA BA NAS BUM PA DANG SNGON PO LA SOGS PA LKOG TU MA GYUR PA RNAMS MNGON SUM NYID DU GRUB PAR 'GYUR LA, DE YONGS SU GCOD PAR BYED PA'I SHES PA NI RTZVA DANG SOG MA'I ME BZHIN DU MNGON SUM GYI RGYU CAN YIN PA'I PHYIR MNGON SUM NYID DU RJOD PAR BYED DO, ,GANG ZHIG DBANG PO DANG DBANG PO SO SO LA 'JUG PAS ZHES BYA BAS MNGON SUM GYI SGRA BYE BRAG TU 'CHAD PAR BYED PA, DE LTAR NA NI SHES PA NI DBANG PO'I YUL CAN MA YIN PA'I PHYIR DANG, YUL GYI YUL CAN YIN PA'I PHYIR BYE BRAG TU BSHAD PA MI RIGS PAR 'GYUR TE, YUL SO SO BA 'AM DON SO SO BA NYID CES BYA BAR NI MI 'GYUR RO, ,CI STE JI LTAR RNAM PAR SHES PA 'BYUNG BA GNYI GA LA RAG LAS PA YIN YANG RNAM PAR SHES PA RNAMS RTEN GSAL BA DANG ZHAN PA'I RJES SU BYED PA'I PHYIR DANG, DE DAG GYUR NA 'GYUR BA'I PHYIR, MIG GI RNAM PAR SHES PA ZHES RTEN NYID KYIS STON PAR 'GYUR BA DE BZHIN DU, DON DANG DON SO SO LA 'JUG MOD KYI DE LTA NA YANG DBANG PO DANG DBANG PO LA BRTEN NAS 'JUG PA'I RNAM PAR SHES PA NI RTEN GYIS BSTAN PAS MNGON SUM NYID DU 'GYUR TE, RNGA'I SGRA NAS KYI MYU GU ZHES THUN MONG MA YIN PA'I RGYUS STON PA NI MTHONG BA YIN NO SNYAM NA, 'DI NI SNGA MA DANG MI 'DRA BA YIN TE, DER NI GZUGS KYI RNAM PAR SHES PA ZHES BYA BA DE LTA BU LA SOGS PAS YUL GYI RNAM PAR SHES PA BSTAN NA, RNAM PAR SHES PA DRUG GI RNAM PAR DBYE BA MA BSTAN PAR 'GYUR TE, YID KYI RNAM PAR SHES PA NI MIG LA SOGS PA'I RNAM PAR SHES PA DANG LHAN CIG YUL GCIG LA 'DUG PA'I PHYIR RO, ,'DI LTAR SNGON PO LA SOGS PA'I RNAM PAR SHES PA DRUG LA RNAM PAR SHES PA ZHES BRJOD @25A *, ,NA NI, CI RNAM PAR SHES PA 'DI DBANG PO GZUGS CAN LAS SKYES PA ZHIG GAM, 'ON TE YID LAS BYUNG BA ZHIG CES SHES PA RE BA DANG BCAS PA YID DU 'GYUR LA, RTEN GYIS BSTAN NA NI YID KYI RNAM PAR SHES PA MIG LA SOGS PA'I RNAM PAR SHES PA'I YUL LA 'JUG PA YIN YANG PHAN TSUN DBYE BA GRUB PAR 'GYUR RO, ,'DIR NI TSAD MA'I MTSAN NYID BRJOD PAR 'DOD PAS RTOG PA DANG BRAL BA TZAM ZHIG MNGON SUM NYID DU KHAS BLANGS PAS RNAM PAR RTOG PA LAS 'DI KHYAD PAR DU MNGON PAR 'DOD PA'I PHYIR, THUN MONG MA YIN PA'I RGYUS BSTAN PA LA DGOS PA CUNG ZAD KYANG MA MTHONG NGO, ,TSAD MA'I GRANGS SU 'JUG PA GZHAL BYA'I GZHAN GYI DBANG YIN PA'I PHYIR DANG, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I TSAD MA DAG GI RANG GI NGO BO RNAM PAR 'JOG PA'I PHYIR DBANG POS BSTAN PA CUNG ZAD KYANG MI MA KHO BAS RNAM PA THAMS CAD DU YUL KHO NAS BSTAN PAR RIGS SO, ,GAL TE 'JIG RTEN NA BRJOD PAR 'DOD PA'I DON LA MNGON SUM GYI SGRA RAB TU GRAGS PA'I PHYIR DANG, DON SO SO ZHES BYA BA'I SGRA MA GRAGS PA'I PHYIR RTEN KHO NAS BYE BRAG TU BSHAD PA LA RTEN PAR BYED DO ZHE NA, BSHAD PAR BYA STE, MNGON SUM GYI SGRA 'DI 'JIG RTEN LA GRAGS PA NI YOD MOD KYI, DE JI LTAR 'JIG RTEN NA YIN PA DE LTAR NI KHO BO CAG GIS SMRAS PA NYID DO, ,'JIG RTEN PA'I DON JI LTAR GNAS PA SPANGS NAS DE BYE BRAG TU 'CHAD PAR BYED NA NI, RAB TU GRAGS PA'I SGRA YANG SPONG BAR 'GYUR RO, ,DE'I PHYIR MNGON SUM ZHES BYA BA DE LTAR MI 'GYUR RO, ,ZLOS PA'I DON MED PA'I PHYIR DBANG PO'I SKAD CIG GCIG GI RTEN CAN MIG GI RNAM PAR SHES PA GCIG MNGON SUM NYID DU YANG MI 'GYUR LA, RE RE LA MNGON SUM NYID MED NA NI MANG PO RNAMS LA YANG MI 'GYUR RO, ,RTOG PA DANG BRAL BA'I SHES PA NYID MNGON SUM NYID DU KHAS BLANGS PA'I PHYIR DANG, DES KYANG 'JIG RTEN PA'I THA SNYAD BYED PA MED PA'I PHYIR DANG, 'JIG RTEN PA'I TSAD MA DANG GZHAL BYA'I THA SNYAD BSHAD PAR 'DOD PA'I PHYIR NA MNGON SUM TSAD MAR RTOG PA NI DON MED PA NYID DU 'GYUR RO, ,MIG GI RNAM PAR SHES PA @25B DANG LDAN PAS SNGON PO SHES KYI SNGON PO'O SNYAM DU NI MA YIN NO ZHES BYA BA'I LUNG YANG MNGON SUM GYI MTSAN NYID BRJOD PA'I DON CAN GYI SKABS MA YIN PA NYID KYI PHYIR DANG, DBANG PO'I RNAM PAR SHES PA LNGA PO RNAMS BLUN PA NYID DU STON PAR BYED PA NYID YIN PA'I PHYIR, LUNG LAS KYANG RTOG PA DANG BRAL BA'I RNAM PAR SHES PA KHO NA MNGON SUM NYID MA YIN PAS 'DI NI MI RIGS SO, ,DE'I PHYIR GAL TE MTSAN GZHI 'AM RANG GI MTSAN NYID DAM SPYI'I MTSAN NYID KYANG RUNG STE, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR NA LKOG TU MA GYUR PA YIN TE, DE'I PHYIR DE'I YUL CAN GYI RNAM PAR SHES PA DANG LHAN CIG TU MNGON SUM NYID DU RNAM PAR GZHAG GO, ,ZLA BA GNYIS LA SOGS PA DAG NI RAB RIB CAN MA YIN PA'I SHES PA LA LTOS NAS MNGON SUM NYID MA YIN LA, RAB RIB CAN LA SOGS PA LA LTOS NAS NI MNGON SUM NYID KHO NA'O, , LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL BA LAS SKYES PA'I SHES PA NI RJES SU DPAG PA'O, ,DBANG PO LAS 'DAS PA'I DON MNGON SUM DU RIG CING YID CHES PAR GYUR PA DAG GI TSIG GANG YIN PA DE NI LUNG NGO, ,'DRA PA LAS NYAMS SU MYONG BA'I DON RTOGS PA NI NYE BAR 'JAL BA STE, DPER NA BA MAN NI BA LANG DANG 'DRA'O SNYAM PA LTA BU'O, ,DE'I PHYIR DE LTAR TSAD MA BZHI LAS 'JIG RTEN GYI DON RTOGS PAR RNAM PAR 'JOG PA YIN NO, ,DE DAG KYANG PHAN TSUN LTOS PAS 'GRUB PAR 'GYUR TE, TSAD MA DAG YOD NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MA DAG TU 'GYUR GYI, TSAD MA DANG GZHAL BYA GNYIS NGO BO NYID KYIS GRUB PA NI YOD PA MA YIN NO, ,DE'I PHYIR MTHONG BA JI LTA BA BZHIN DU 'JIG RTEN PA NYID YIN LA RAG STE, SPROS PAS CHOG GO, ,DKYUS MA NYID BSHAD PAR BYA'O, ,'DIR RANG GI SDE PA DAG NA RE, GANG 'DI 'DI SKAD DU DNGOS PO RNAMS BDAG LAS SKYE BA MA YIN TE, ZHES SMRAS PA DE NI RIGS TE, RANG LAS SKYE BA DON MED PA'I PHYIR RO, ,GANG YANG GNYI GA LA SKYE BA MA YIN TE ZHES SMRAS PA DE YANG RIGS TE, YAN LAG GCIG MA TSANG BA'I PHYIR RO, ,RGYU MED PA'I PHYOGS NI SHIN TU THA CHAD @26A *, ,YIN PA'I PHYIR, DE DGAG PA YANG RIGS NA, GANG 'DI SKAD DU GZHAN LAS SKYE BA YANG MA YIN TE ZHES SMRAS PA DE NI RIGS PA MA YIN TE, GANG GI PHYIR BCOM LDAN 'DAS KYIS GZHAN DU GYUR PA DAG KHO NA DNGOS PO RNAMS KYI SKYED PAR BYED PAR BSTAN PA'I PHYIR TE, RKYEN RNAM BZHI STE RGYU DANG NI, ,DMIGS PA DANG NI DE MA THAG ,BDAG PO YANG NI DE BZHIN TE, ,RKYEN LNGA PA NI YOD MA YIN, ,DE LA SGRUB PAR BYED PA NI RGYU YIN NO ZHES BYA BA'I MTSAN NYID LAS NA GANG ZHIG GANG GI SGRUB BYED SA BON GYI NGO BOR GNAS PA DE NI DE'I RGYU'I RKYEN NO, ,DMIGS PA GANG GIS SKYE BAR 'GYUR BA'I CHOS CAN BSKYED PA DE NI DE'I DMIGS PA'I RKYEN NO, ,RGYU 'GAGS MA THAG PA NI 'BRAS BU 'BYUNG BA'I RKYEN YIN TE, DPER NA SA BON 'GAGS MA THAG PA MYU GU 'BYUNG BA'I RKYEN YIN PA BZHIN NO, ,GANG ZHIG YOD PAS GANG 'BYUNG BA DE NI DE'I BDAG PO'O, ,'DI DAG NI RKYEN BZHI'O, ,GZHAN GANG DAG SNGAR SKYES PA DANG LHAN CIG SKYES PA DANG, PHYIS SKYE BA LA SOGS PA DE DAG NI 'DI RNAMS KYI KHONGS SU 'DUS PA YIN NO, ,DBANG PHYUG LA SOGS PA DAG NI RKYEN MA YIN TE, DE NYID KYI PHYIR, RKYEN LNGA PA NI YOD MA YIN, ,ZHES NGES PAR GZUNG BA YIN NO, ,DE'I PHYIR GZHAN DU GYUR PA 'DI DAG LAS DNGOS PO RNAMS SKYE BA'I PHYIR GZHAN LAS SKYE BA YOD PA YIN NO ZHES 'DZER TO, ,DE LA BSHAD PAR BYA STE, DNGOS PO RNAMS NI RKYEN GZHAN DU GYUR PA DAG LAS SKYE BA MA YIN PA NYID DE, 'DI LTAR, DNGOS PO RNAMS KYI RANG BZHIN NI, , RKYEN LA SOGS LA YOD MA YIN, ,BDAG GI DNGOS PO YOD MIN NA, ,GZHAN DNGOS YOD PA MA YIN NO, ,GAL TE 'BRAS BUR GYUR BA'I DNGOS PO RNAMS RGYU LA SOGS PA'I RKYEN GZHAN DU GYUR PA 'DUS PA'AM SO SO BA'AM 'DUS PA DANG SO SO BA DAG GAM, RGYU DANG RKYEN GYI TSOGS PA LAS GZHAN 'GA' ZHIG LA YANG RUNG STE, SKYES PA'I SNGA ROL DU YOD PAR GYUR NA NI, DE DAG LAS SKYE BAR 'GYUR BA ZHIG NA, GANG ZHIG SKYE BA'I SNGA ROL DU YOD PAR 'GYUR BA DE LTAR YANG MA YIN TE, GAL TE YOD PAR GYUR NA NI, GZUNG DU YOD PA'AM SKYE BA DON MED PAR 'GYUR RO, ,DE'I PHYIR DNGOS PO @26B RNAMS KYI RANG BZHIN NI RKYEN LA SOGS PA DAG LA YOD PA MA YIN NO, ,BDAG GI DNGOS PO YOD PA MA YIN PA NYID YIN NA GZHAN GYI DNGOS PO YOD PA MA YIN NO, ,'BYUNG BAS NA DNGOS PO STE SKYE BA'O, ,GZHAN GYI DNGOS PO NI GZHAN DAG LAS SKYE BA STE DE YOD PA MA YIN NO, ,DE'I PHYIR DNGOS PO RNAMS GZHAN DU GYUR PA DAG LAS SKYE BO ZHES BYA BA 'DI RIGS PA MA YIN NO, ,RNAM PA GCIG TU NA RGYU MED PA CAN DU THAL BAR 'GYUR BA'I PHYIR MYU GU LA SOGS PA 'BRAS BUR GYUR PA'I DNGOS PO RNAMS KYI RANG BZHIN NI, SA BON LA SOGS PA RKYEN RNAM PAR 'GYUR BA MED PA'I RANG BZHIN CAN DAG YOD PA NA YOD PA MA YIN NO, ,DE'I PHYIR RKYEN LA SOGS PA RNAMS CI LA LTOS NAS GZHAN NYID DU 'GYUR TE, BYAMS PA DANG NYER SBAS DAG NI YOD PA GNYIS KHO NA PHAN TSUN LTOS PA'I GZHAN NYID DU 'GYUR NA, SA BON DANG MYU GU GNYIS NI DE LTAR CIG CAR BA MA YIN NO, ,DE'I PHYIR 'BRAS BU RNAMS KYI BDAG GI DNGOS PO YOD PA MA YIN NA, ,SA BON LA SOGS PA RNAMS LA GZHAN GYI DNGOS PO STE GZHAN NYID YOD PA MA YIN NO, ,DE'I PHYIR GZHAN DU BSNYAD DU MED PA KHO NA'I PHYIR GZHAN LAS SKYE BA MA YIN PAS DNGOS PO RNAMS GZHAN LAS SKYE'I ZHES BYA BA 'DI NI MI RUNG NGO, ,DE'I PHYIR GZHAN GYI LUNG GI DGONGS PA MNGON PAR MA SHES PA NYID DE, DE BZHIN GSHEGS PA DAG NI RIGS PA DANG 'GAL BA'I DAG MI GSUNG LA, LUNG GI DGONGS PA YANG GONG DU NYE BAR BSTAN ZIN TO, ,DE'I PHYIR DE LTAR RKYEN DAG LAS SKYE BAR SMRA BA BKAG PA YIN DANG, BYA BA LAS SKYE BAR SMRA BA NI, MIG DANG GZUGS LA SOGS PA'I RKYEN DAG NI DNGOS SU RNAM PAR SHES PA SKYED PAR MI BYED KYI, RNAM PAR SHES PA SKYE BA'I BYA BA SGRUB PAR BYED PA'I PHYIR RKYEN ZHES BYA LA, BYA BA DES KYANG RNAM PAR SHES PA SKYED PAR BYED DE, DE'I PHYIR RNAM PAR SHES PA SKYE BA'I BYA BA RKYEN DANG LDAN PA NI RNAM PAR SHES PA SKYED PAR BYED PA YIN GYI RKYEN DAG NI MA YIN TE, DPER NA, 'BRAS CHEN GYI 'TSOD PA'I BYA BA BZHIN NO SNYAM DU SEMS SO, ,BSHAD PA, BYA BA RKYEN DANG LDAN PA MED, ,GAL TE BYA BA 'GA' ZHIG YOD PAR GYUR NA NI, DE MIG LA SOGS PA'I RKYEN DAG GIS RKYEN DANG LDAN PAS RNAM PAR SHES PA SKYED PAR @27A *, ,BYED PA ZHIG NA, YOD PA NI MA YIN NO, ,JI LTAR ZHE NA, 'DIR BYA BA 'DI 'DOD PA NA RNAM PAR SHES PA SKYES ZIN PA LA 'DOD DAM, MA SKYES PA LA 'AM SKYE BZHIN PA LA YIN GRANG NA, DE LA SKYES ZIN PA LA MI RIGS TE, BYA BA NI DNGOS PO SGRUB PAR BYED PA YIN NA, DNGOS PO GRUB PAR GYUR NA NI DE LA BYA BAS CI ZHIG DGOS TE, 'DI NI SKYES PAR GYUR PA SLAR YANG SKYE BAR 'GYUR BA RIGS PA MA YIN NYID, ,CES BYA BA LA SOGS PA DBU MA LA 'JUG PA LAS BSTAN PA YIN NO, ,MA SKYES PA LA YANG MI RIGS TE, SKYE BA 'DI NI BYED PA MED PAR RIGS PA'I NGO BO 'ANG MIN, ,ZHES BYA BA LA SOGS PA 'BYUNG BA'I PHYIR RO, ,DNGOS PO SKYE BZHIN PA LA YANG BYA BA SRID PA MA YIN TE, SKYES PA DANG MA SKYES PA LAS MA GTOGS PA'I SKYE BZHIN PA MED PA'I PHYIR RO, ,JI SKAD DU, SKYE BZHIN PA NI PHYED SKYED PHYIR, ,SKYE BZHIN PA NI SKYE BA MIN, ,YANG NA THAMS CAD SKYE BZHIN PA, ,NYID NI YIN PAR THAL BAR 'GYUR, ,ZHES GSUNGS SO, ,GANG GI PHYIR, DE LTAR DUS GSUM DU SKYE BA'I BYA BA MI SRID PA DE'I PHYIR DE NI YOD PA YANG MA YIN NO, ,DE NYID KYI PHYIR, BYA BA RKYEN DANG LDAN PA MED, ,CES GSUNGS TE, MO GSHAM GYI BU BA LANG DANG LDAN NO ZHES NI BRJOD PAR BYA BA MA YIN NO, ,'DI NI KHYAD PAR MED PAR KHYAD PAR CAN YOD MIN, ,ZHES BYA BA LA SOGS PA DBU MA LA 'JUG PA LAS BSTAN PA NYID DO, ,GAL TE DE LTA NA, 'O NA RKYEN DANG MI LDAN PAR 'GYUR RO ZHE NA, 'DI YANG RIGS PA MA YIN NO ZHES BSHAD PA NI, RKYEN DANG MI LDAN BYA BA MED, ,GANG GI TSE BYA BA RKYEN DANG LDAN PA MED PA DE'I TSE JI LTAR RKYEN DANG MI LDAN PA RGYU MED PA YOD PAR 'GYUR TE, SNAM BU SNAL MA'I RANG BZHIN DU MI RIGS PAS, 'JAG MA'I RANG BZHIN DU KHAS LEN PA NI MA YIN NO, ,DE'I PHYIR BYA BA DNGOS PO'I SKYED PAR BYED PA MA YIN NO, ,'DIR SMRAS PA, GAL TE DE LTAR BYA BA MED NA, 'O NA NI RKYEN DAG DNGOS PO RNAMS KYI SKYED PAR BYED PAR 'GYUR RO, ,BSHAD PAR BYA STE, BYA BA MI LDAN RKYEN MA YIN, GANG GI TSE BYA BA MED PA DE'I TSE, RKYEN BYA BA DANG BRAL BA DANG BYA BA DANG MI LDAN PA RGYU MED PA RNAMS JI LTAR SKYED PAR BYED PA YIN, JI STE BYA BA DANG LDAN PA DAG KHO NA SKYED PAR BYED PA YIN NO ZHE NA, @27B BSHAD PA, BYA BA LDAN YOD 'ON TE NA, ,MA YIN NO ZHES SKABS DANG SBYAR RO, ,'ON TE NA'I SGRA NI NGES PAR GZUNG BA'O, ,DE LA BYA BA MED PAR BSHAD NA, RKYEN RNAMS JI LTAR BYA BA DANG LDAN PA NYID YIN NA JI LTAR RNAM PAR SHES PA'I SKYE BA'I BYA BA LA BRJOD PA DE BZHIN DU 'TSOD PA'I BYA BA LA SOGS PA'I DNGOS PO DAG LA YANG BRJOD PAR RIG PAR BYA'O, ,DES NA BYA BA LAS KYANG DNGOS PO RNAMS SKYE BA MED PAS SKYE BA'I RJOD PAR BYED PA DON GYIS STONG PAR 'GYUR RO, ,'DIR SMRAS PA, RKYEN BYA BA DANG LDAN NO ZHES BYA BA LA SOGS PA'I RNAM PAR DPYAD PA 'DIS KHO BO CAG LA CI DGOS, GANG GI PHYIR MIG LA SOGS PA'I RKYEN DAG LA BRTEN NAS DNGOS PO RNAM PAR SHES PA LA SOGS PA RNAMS SKYE BAR 'GYUR TE, DE'I PHYIR MIG LA SOGS PA RNAMS RKYEN NYID YIN ZHING, RNAM PAR SHES PA LA SOGS PA RNAMS KYANG DE DAG LAS SKYE BA YIN NO, ,'DI YANG RIGS PA MA YIN NO ZHES BSHAD PA, 'DI DAG LA BRTEN SKYE BAS NA, ,DE PHYIR 'DI DAG RKYEN CES GRAG ,JI SRID MI SKYE DE SRID DU, ,'DI DAG RKYEN MIN JI LTAR MIN, ,GAL TE MIG LA SOGS PA'I RKYEN RNAMS LA BRTEN NAS RNAM PAR SHES PA SKYE BAS NA 'DI DAG DE'I RKYEN ZHES BRJOD NA NI, JI SRID RNAM PAR SHES PA ZHES BYA BA'I 'BRAS BU DE MI SKYE BA DE SRID DU, MIG LA SOGS PA 'DI DAG RKYEN MA YIN PA JI LTAR MA YIN TE, RKYEN MA YIN PA NYID DO SNYAM DU DGONGS PA'O, ,BYE MA DAG LAS TIL MAR BZHIN DU RKYEN MA YIN PA DAG LAS NI SKYE BA YANG MA YIN NO, ,CI STE SNGAR RKYEN MA YIN PAR GYUR PA LAS RKYEN GZHAN CI ZHIG CIG LA LTOS NAS RKYEN NYID DU 'GYUR RO ZHES BYA BAR 'DOD NA, 'DI YANG MI RUNG STE, GANG ZHIG RKYEN MA YIN PA 'DI'I RKYEN NYID DU RTOG PA, RKYEN GZHAN DE'I RKYEN NYID DE YANG RKYEN YOD NA YIN PAS 'DI LA YANG DPYAD PA DE NYID YIN NO, ,DE'I PHYIR DE NI MI RIGS SO, ,GZHAN YANG MIG LA SOGS PA 'DI DAG RNAM PAR SHES PA'I RKYEN DU RTOG PA NA, 'DI YOD PA'AM MED PA ZHIG LA RTOG GRANG NA, RNAM PA THAMS CAD DU MI RIGS SO ZHES BYA BAR BSHAD PA, MED DAM YOD PA'I DON LA YANG, ,RKYEN NI RUNG BA MA YIN TE, ,DE CI'I PHYIR ZHE NA, BSHAD PA, MED NA GANG GI RKYEN DU 'GYUR, YOD NA RKYEN GYIS CI ZHIG BYA, MED PA STE, @28A *, ,YOD PA MA YIN PA'I DON LA NI RKYEN DU JI LTAR 'GYUR, GAL TE 'BYUNG BAR 'GYUR BAS STON PAR 'GYUR RO ZHE NA, DE LTAR NI MA YIN TE, GAL TE 'BYUNG BAR 'GYUR BAS BSNYAD 'DOD NA, NUS PA MED PAR 'DI YI 'BYUNG 'GYUR NI, ,YOD MIN CES BYA BA LA SOGS PAS NYES PA BRJOD PA'I PHYIR RO, ,YOD NA STE BDOG PA SKYE BA THOB ZIN PA LA YANG RKYEN YONGS SU BRTAG PAS 'BRAS BU MED PA NYID DO, ,DE LTAR RKYEN 'DUS PA RNAMS 'BRAS BU SKYED PAR NUS PA MED PAS RKYEN NYID MA YIN PAR BSNYAD NAS, DE'I 'OG TU SO SO BA RNAMS RKYEN NYID MA YIN PAR BSTAN PAR BYA'O, , 'DIR SMRAS PA, GAL TE DE LTAR RKYEN RNAMS MI SRID MOD KYI, DE LTA NA YANG MTSAN NYID NYE BAR BSTAN PA LAS RKYEN GRUB PA YOD PA NYID DO, ,DE LA SGRUB PAR BYED PA NI RGYU'O ZHES RGYU'I RKYEN GYI MTSAN NYID BRJOD DE YOD PA MA YIN PA MO GSHAM GYI BU LA NI MTSAN NYID NYE BAR STON PA LA MI BRJOD DO, , GAL TE DE'I MTSAN NYID YOD PAR GYUR NA NI, RGYU'I RKYEN DU 'GYUR BA ZHIG NA, YOD PA NI MA YIN TE, GANG GI PHYIR, GANG TSE CHOS NI YOD PA DANG, ,MED DANG YOD MED MI 'GRUB PA, ,JI LTAR SGRUB BYED RGYU ZHES BYA, ,DE LTA YIN NA MI RIGS SO, ,DE LA SGRUB PAR BYED PA NI SKYED PAR BYED PA STE, GAL TE BSGRUB PAR BYA BA'I CHOS 'GRUB NA NI, SKYED PAR BYED PA'I RGYUS DE BSKYED PAR 'GYUR NA, 'GRUB PA YANG MA YIN TE, YOD PA DANG MED PA DANG GNYI GA LA NGO BO 'GRUB PA MED PA'I PHYIR RO, ,DE LA YOD PA NI 'GRUB PA MA YIN TE YOD PA'I PHYIR RO, ,MED PA YANG MA YIN TE YOD PA MA YIN PA'I PHYIR RO, ,YOD PA DANG MED PA YANG MA YIN TE, PHAN TSUN 'GAL BA'I DON GCIG MED PA'I PHYIR DANG, PHYOGS GNYI GA LA BRJOD PA'I SKYON DU 'GYUR BA'I PHYIR RO, ,GANG GI PHYIR DE LTAR 'BRAS BU SKYE BA MED PA DE'I PHYIR RGYU'I RKYEN YANG YOD PA MA YIN NO, ,DE'I PHYIR MTSAN NYID YOD PA'I PHYIR RGYU'I RKYEN YOD PA YIN NO ZHES SMRAS PA GANG YIN PA STE, DE LTA YIN NA MI RIGS SO, ,DA NI DMIGS PA'I RKYEN DGAG PA'I PHYIR, YOD PA'I CHOS 'DI DMIGS PA NI, ,MED PA KHO NA NYE BAR BSTAN, ,CI STE CHOS NI DMIGS MED NA, ,DMIGS PA YOD PAR GA LA 'GYUR, ,ZHES GSUNGS SO, ,'DIR DMIGS @28B PA DANG BCAS PA'I CHOS GANG DAG CE NA, SEMS DANG SEMS LAS BYUNG BA THAMS CAD DO, ,ZHES BYA BA'I LUNG LAS NA, SEMS DANG SEMS LAS BYUNG BA RNAMS GZUGS LA SOGS PA'I DMIGS PA GANG GIS CI RIGS PAR SKYED PAR BYED PA DE NI DE DAG GI DMIGS PA'I RKYEN YIN PA NA, YOD PA DAG LA BRTAG GAM, MED PA DAG LA YIN GRANG, DE LA YOD PA DAG LA NI DMIGS PA'I RKYEN DE DON MED DE, CHOS BSKYED PAR BYA BA'I PHYIR DMIGS PA YONGS SU RTOG PAR BYED NA, DE NI DMIGS PA'I SNGA ROL DU YOD PA NYID KYI PHYIR RO, ,CI STE DE LTAR CHOS RANG GI BDAG NYID DMIGS PA MED PAR RAB TU GRUB NA, 'DI NI DMIGS PA DANG LDAN PAR BRTAGS PAS CI ZHIG BYA, DE'I PHYIR YOD PA BDOG PA'I CHOS SEMS LA SOGS PA 'DI DMIGS PA MED PA KHO NA KHYED CAG GIS RANG 'DOD KYI DMIGS PA DANG BCAS PA YIN NO ZHES NYE BAR BSTAN PA 'BA' ZHIG TU ZAD KYI, 'DI LA DMIGS PA DANG 'BREL PA CUNG ZHIG YOD PA NI MA YIN NO, ,CI STE MED PA LA DMIGS PA YONGS SU RTOG PAR BYED NA, DE YANG RIGS PA MA YIN TE, CHOS 'DI DMIGS PA MED PAR NI, ,YIN PA KHO NAR NYE BAR BSTAN, ,ZHES BYA BA LA SOGS PA LA, 'DI LTAR YOD PA MA YIN PA LA NI DMIGS PA DANG 'BREL PA YOD PA MA YIN NO, ,CHOS 'DI DMIGS PA MED PA NI, YIN PA STE GYUR PA KHO NAR KHYOD KYIS NYE BAR BSTAN TE, DMIGS PA DANG BCAS PAR ZHES BYA BA NI TSIG GI LHAG MA'O, ,CI STE CHOS NI DMIGS MED NA, ,DMIGS PA YOD PAR GA LA 'GYUR, ZHES BYA BA LA, CI STE'I SGRA NI DRI BA'O, ,GA LA 'GYUR ZHES BYA BA NI GTAN TSIGS SO, ,DES NA DON NI, CI STE DE LTAR CHOS YOD PA MA YIN ZHING MI BDOG PA NI DMIGS PA MED NA, YANG DMIGS PA YOD PAR GA LA 'GYUR ZHES BYA BA 'DIR 'GYUR TE, DMIGS PAR BYED PA MED PA'I PHYIR DMIGS PA YANG MED DO ZHES BYA BAR DGONGS PA'O, ,JI LTAR SEMS DANG SEMS LAS BYUNG BA RNAMS DMIGS PA DANG BCAS PAR 'GYUR ZHE NA, MTSAN NYID 'DI NI KUN RDZOB PA YIN GYI, DON DAM PA NI MA YIN PAS NYES PA MED DO, ,DA NI MTSUNGS PA DE MA THAG PA'I RKYEN DGAG PA'I PHYIR, CHOS @29A *, ,RNAMS SKYES PA MA YIN NA, ,'GAG PA 'THAD PAR MI 'GYUR RO, ,DE PHYIR DE MA THAG MI RIGS, ,'GAGS NA RKYEN YANG GANG ZHIG YIN, ,ZHES BYA BA GSUNGS TE, DE LA TSIGS SU BCAD PA PHYED PHYI MA'I RKANG PA GO BSNOR BAR BLTA BAR BYA'O, ,YANG GI SGRA NI 'GAGS NA YANG ZHES RIM PA BZHIN DU SBYAR RO, ,DES NA 'DI SKAD DU, 'GAGS NA RKYEN YANG GANG ZHIG YIN, ,DE'I PHYIR DE MA THAG MI RIGS, ,ZHES 'DON PAR 'GYUR TE, DE SKAD DU GSUNGS PA NI TSIGS SU BCAD PA SDEB BA'I PHYIR YIN NO, ,DE LA RGYU 'GAG MA THAG PA 'BRAS BU SKYE BA'I RKYEN DU 'GYUR BA NI MTSUNGS PA DE MA THAG PA'I RKYEN GYI MTSAN NYID YIN TE, 'DI LA DPYAD PAR BYA'O, ,MYU GU LA SOGS PA 'BRAS BUR GYUR PA'I CHOS RNAMS SKYES PA MA YIN NA, RGYU SA BON LA SOGS PA'I 'GAG PA 'THAD PAR MI 'GYUR RO, ,GANG GI TSE 'DI DE LTA YIN PA DE'I TSE RGYU 'GAG PA MED PA'I PHYIR, MYU GU'I MTSUNGS PA DE MA THAG PA'I RKYEN GANG ZHIG YIN PAR 'GYUR, CI STE 'BRAS BU MA SKYES PAR YANG SA BON 'GAG PAR 'DOD NA NI, DE LTA NA SA BON 'GAGS NA STE MED PAR GYUR NA, MYU GU'I RKYEN YANG GANG ZHIG YIN LA, SA BON 'GAG PA'I RKYEN YANG GANG ZHIG YIN TE, 'DI GNYI GA RGYU MED PAR 'GYUR RO ZHES 'CHAD PA NI, 'GAGS NA RKYEN YANG GANG ZHIG YIN, ,ZHES BYA BA'O, ,YANG GI SGRA NI SKYE BA MED PA LA LTOS PA STE, DES NA MYU GU MA SKYES PAR SA BON 'GAG PAR 'DOD NA YANG GNYI GA RGYU MED PA CAN DU 'GYUR TE, DE'I PHYIR DE MA THAG MI RIGS, ,ZHES BYA'O, ,YANG NA, BDAG LAS MA YIN GZHAN LAS MIN, ,ZHES BYA BA LA SOGS PAS SKYE BA BKAG PA YIN LA, SKYE BA BKAG PA DE LA DGONGS NAS, CHOS RNAMS SKYES PA MA YIN NA, ,'GAG PA 'THAD PAR MI 'GYUR RO, ,DE PHYIR DE MA THAG MI RIGS ZHES GSUNGS SO, ,GZHAN YANG, 'GAGS NA RKYEN YANG GANG ZHIG YIN TE, 'DI LA BSHAD PA NI SNGA MA NYID SBYAR BAR BYA'O, ,DA NI BDAG PO'I RKYEN BSAL BAR BZHED NAS BSHAD PA, SA BON LA SOGS PA, DNGOS PO RANG BZHIN MED RNAMS KYI, ,YOD PA GANG PHYIR YOD MIN @29B NA, ,'DI YOD PAS NA 'DI 'BYUNG ZHES, ,BYA BA 'DI NI 'THAD MA YIN, ,'DIR GANG ZHIG YOD PAS GANG 'BYUNG BA DE NI DE'I BDAG PO YIN NO ZHES BYA BA NI BDAG PO'I RKYEN GYI MTSAN NYID YIN NA, DNGOS PO RNAMS NI RTEN CING 'BREL PAR 'BYUNG BA'I PHYIR, RANG BZHIN MED PA NA GANG ZHIG 'DI ZHES RGYU NYID DU BSNYAD PA DE GA LA YOD CING, GANG YANG 'DI ZHES 'BRAS BU NYID DU STON PA DE GA LA YOD, DE'I PHYIR MTSAN NYID LAS KYANG RKYEN GRUB PA YOD PA MA YIN NO, ,'DIR SMRAS PA, SNAL MA LA SOGS PA DAG LAS SNAM BU LA SOGS PA SKYE BAR DMIGS NAS, SNAL MA SOGS PA DAG SNAM BU LA SOGS PA'I RKYEN YIN NO, ,BSHAD PAR BYA STE, SNAM BU LA SOGS PA 'BRAS BU 'BYUNG BA NYID YOD PA MA YIN NA, RKYEN RNAMS KYI RKYEN NYID LTA 'GRUB PAR GA LA 'GYUR, JI LTAR SNAM BU LA SOGS PA 'BRAS BU 'BYUNG BA MED PA DE LTAR BSTAN PA'I PHYIR, RKYEN RNAMS SO SO 'DUS PA LAS, ,'BRAS BU DE NI MED PA NYID, ,RKYEN RNAMS LA NI GANG MED PA, ,DE NI RKYEN LAS JI LTAR SKYE, ,ZHES GSUNGS SO, ,DE LA SNAL MA DANG TSIG PA DANG THAG ZANGS DANG, SON SHING LA SOGS PA SO SO BA DAG LA SNAM BU SO SOR YOD PA MA YIN TE, DE DAG LA MA DMIGS PA'I PHYIR DANG, RGYU MANG POS 'BRAS BU MANG POR THAL BAR 'GYUR BA'I PHYIR RO, ,SNAL MA LA SOGS PA 'DUS PA DAG LA YANG SNAM BU YOD PA MA YIN TE, YAN LAG RE RE BA DAG LA MED PA'I PHYIR DANG, 'BRAS BU GCIG DUM BU SKYE BAR THAL BAR 'GYUR BA'I PHYIR RO, ,DE'I PHYIR 'BRAS BU MED PAS RKYEN DAG MED DO, ,CI STE DE NI MED PAR YANG, ,RKYEN DE DAG LAS SKYE 'GYUR NA, ,ZHES BYA BAR BSAMS PAR GYUR NA NI, RKYEN MA YIN PA DAG LA YANG, ,'BRAS BU YOD PA MA YIN PAS, ,RKYEN MA YIN PA 'JOG MA DAG LAS KYANG SNAM BU CI'I PHYIR NA SKYE BAR MI 'GYUR, DE'I PHYIR 'BRAS BU 'BYUNG BA MED DO, ,'DIR SMRAS PA, GAL TE 'BRAS BU GZHAN ZHIG YIN ZHING RKYEN YANG GZHAN YIN PAR 'GYUR NA NI, DE'I TSE CI RKYEN DAG LA 'BRAS BU YOD DAM MED CES BYA BAR BSAMS PAR GYUR NA, 'BRAS BU THA DAD PA NI MED DO, ,'O NA CI ZHE NA, RKYEN GYI RANG BZHIN KHO NA YIN NO, ,BSHAD PAR BYA STE, 'BRAS BU RKYEN GYI @30A *, ,RANG BZHIN NI, ,RKYEN RNAMS BDAG GI RANG BZHIN MIN, ,BDAG DNGOS MIN LAS 'BRAS BU GANG, ,DE NI DE LTAR RKYEN RANG BZHIN, ,GAL TE 'BRAS BU RKYEN GYI RANG BZHIN RKYEN GYI RNAM PAR 'GYUR BA YIN NO ZHES RNAM PAR 'JOG NA NI, DE MI RIGS TE, GANG GI PHYIR RKYEN RNAMS KYANG BDAG GI RANG BZHIN MA YIN TE, RKYEN MA YIN PA'I NGO BO ZHES BYA BA'I DON TO, ,SNAM BU NI SNAL MA'I RANG BZHIN CAN NO ZHES BYA BAR BRJOD NA NI, GAL TE SNAL MA DAG RANG GI NGO BOR GRUB PAR GYUR NA, SNAM BUR 'GYUR NA, DE DAG NI CHA SHAS KYI RANG BZHIN GYI RNAM PAR 'GYUR BA YIN GYI, RANG BZHIN GYIS GRUB PA NI YOD PA MA YIN NO, ,DE'I PHYIR BDAG NYID KYI RANG BZHIN MA YIN PA DE DAG LA SNAM BU ZHES BYA BA'I 'BRAS BU GANG YIN PA DE LTAR SNAL MA'I RANG BZHIN DU 'GYUR, JI SKAD DU, SNAM BU RGYU LAS 'GRUB 'GYUR ZHING, ,RGYU YANG GZHAN LAS 'GRUB 'GYUR BAS, , GANG ZHIG RANG GI 'GRUB MED PA, ,DES GZHAN BSKYED PAR JI LTAR 'GYUR, ,ZHES BSHAD DO, ,DE PHYIR RKYEN GYI RANG BZHIN MIN, ,DE'I PHYIR RKYEN GYI RANG BZHIN GYI 'BRAS BU NI YOD PA MA YIN NO, ,'O NA RKYEN MA YIN PA'I RANG BZHIN DU 'GYUR RO ZHE NA, RKYEN MIN RANG BZHIN 'BRAS BU NI, ,YOD MIN TE, GANG GI TSE SNAM BU SNAL MA'I RANG BZHIN DU YANG MED PA DE'I TSE 'GAL BA 'JOG MA'I RANG BZHIN DU JI LTAR 'GYUR, 'DIR SMRAS PA, 'BRAS BU MED DU ZAD MOD, RKYEN DANG RKYEN MA YIN PA'I NGES PA NI YOD PA YIN TE, DE LTAR YANG KHYOD KYIS GAL TE 'BRAS BU MED PA YANG RKYEN DAG LAS SKYE NA, RKYEN MA YIN PA DAG LAS KYANG CI'I PHYIR SKYE BA MA YIN ZHES SMRAS LA, SNAM BU DANG RE LDE ZHES BYA BA'I 'BRAS BU MED NA NI SNAL MA DANG 'JOG MA DAG RKYEN DANG RKYEN MA YIN PA NYID DU YANG MI RIGS TE, DES NA 'BRAS BU YANG YOD PA YIN NO, ,BSHAD PAR BYA STE, GAL TE 'BRAS BU YOD PAR GYUR NA NI, RKYEN DANG RKYEN MA YIN PA DAG TU 'GYUR RO, ,'DI LTAR 'BRAS BU YOD NA NI 'DI DAG NI 'DI'I RKYEN YIN NO, ,'DI DAG NI 'DI'I RKYEN MA YIN NO ZHES BYA BAR 'GYUR NA, DE YANG RNAM PAR DPYAD PA NA MED PA NYID DE, DE'I PHYIR 'BRAS BU MED PAS NA, ,RKYEN MIN RKYEN DU GA LA 'GYUR TE, RKYEN DANG RKYEN @30B MA YIN PAR ZHES TSIG BSDU'O, ,DE'I PHYIR DNGOS PO RNAMS SKYE BA YOD PA MA YIN NO, ,JI SKAD DU 'PHAGS PA DKON MCHOG 'BYUNG GNAS KYI MDO LAS, GANG NA'ANG STONG PA RIG PA MED PA NA, ,NAM MKHA' BAR SNANG BYA YI RJES DANG MTSUNGS, ,GANG NA'ANG NGO BO NYID 'GA' YOD MIN PA, ,DE NI NAM YANG GZHAN GYI RGYUR MI 'GYUR, ,GANG GI NGO BO NYID NI MI RNYED PA, ,RANG BZHIN MED DE JI LTAR GZHAN GYI RKYEN, ,RANG BZHIN MED PA GZHAN GYIS CI ZHIG BSKYED, ,RGYU DE BDE BAR GSHEGS PAS BSTAN PA'O, ,THAMS CAD CHOS KYANG MI G-YO BRTAN PAR GNAS, ,MI 'GYUR 'TSE BA MED CING ZHI BA STE, ,JI LTAR NAM MKHA' SHES PA MED PA BZHIN, ,DE LA MI SHES 'GRO BA RMONGS PAR 'GYUR, ,JI LTAR RI BO DAG NI MI SGUL BA, ,DE BZHIN CHOS RNAMS RTAG TU BSKYOD MI NUS, ,'CHI 'PHO MED CING SKYE BA MED PA YI, ,CHOS RNAMS DE LTAR RGYAL BAS RAB TU BSTAN, ,ZHES BYA BA LA SOGS PA DANG, DE BZHIN DU, CHOS GANG SKYE BA MED CING 'BYUNG BA MED, ,'CHI 'PHO MED CING RGA BAR MI 'GYUR BA, ,MI YI SENG GE YIS NI DER STON ZHING, ,SEMS CAN BRGYA PHRAG DAG NI DE LA BKOD, ,GANG LA NGO BO NYID NI GANG YANG MED, ,GZHAN YANG MA YIN SUS KYANG MI RNYED PA, ,NANG NAM YIN PHYI ROL DAG NA YANG, ,MI RNYED DE DAG LA NI MGON POS BKOD, ,BDE BAR GSHEGS PAS ZHI BA'I 'GRO GSUNGS KYANG, ,'GRO BA GANG YANG RNYED PAR MI 'GYUR TE, ,DE DAG 'GRO LAS GROL BAR RNAM PAR GSUNGS, ,GROL NAS SEMS CAN MANG PO GROL BAR MDZAD, ,CES GSUNGS PA LTA BU'O, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, RKYEN BRTAG PA ZHES BYA BA RAB TU BYED PA DANG PO'I 'GREL PA'O,, ,,'DIR SMRAS PA, GAL TE YANG SKYE BA BKAG PA LAS RTEN CING 'GREL PAR 'BYUNG BA'I KHYAD PAR 'GAG PA MED PA LA SOGS PA GRUB MOD KYI, DE LTAR NA YANG RTEN CING 'BREL PAR 'BYUNG BA 'GRO BA MED PA DANG 'ONG BA MED PA GRUB PAR BYA BA'I PHYIR, 'GRO BA DANG 'ONG BA'I BYA BA DGAG PAR BYA BA'I CHED DU, RAB TU GRAGS PA'I 'THAD PA GZHAN CUNG ZAD BRJOD PAR BYA DGOS SO, , @31A *, ,BRJOD PAR BYA STE, GAL TE 'GRO BA ZHES BYA BA NGES PA ZHIG YOD NA DE SONG BA'I LAM GYI RNAM PA'AM, MA SONG BA'AM BGOM PA ZHIG LA BRTAG GRANG NA, RNAM PA THAMS CAD DU RIGS PA MA YIN NO ZHES BSHAD PA, RE ZHIG SONG LA MI 'GRO STE, ,MA SONG BA LA'ANG 'GRO BA MED, ,SONG DANG MA SONG MA GTOGS PAR, ,BGOM PA SHES PAR MI 'GYUR RO, ,DE LA LAM GYI RNAM PAR 'GRO BA'I BYA BA 'GAGS PA LA NI SONG BA ZHES BYA'O, ,'GRO BA'I BYA BA MA SKYES PA LA NI MA SONG ZHES BYA LA, DA LTAR BA 'GRO BA'I BYA BAS ZIN PA LA NI SGOM PA ZHES BRJOD DO, ,DE LA SONG BA 'GRO BA'I BYA BA 'GAGS PA GANG YIN PA DE NI SGOM PA ZHES BYA BA'I SGRA 'GRO BA'I BYA BA DA LTAR BA DANG 'BREL PA BRJOD PA 'DIS BRJOD NA 'BREL PA MED PA DE'I PHYIR NA RE ZHIG SONG BA LA 'GRO'O ZHES BYA BA NI MI RIGS SO, ,RE ZHIG GI SGRAS NI DGAG PA'I RIM PA STON PA'O, ,MA SONG BA LA YANG 'GRO BA MA YIN TE, MA SONG BA NI 'GRO BA'I BYA BA MA SKYES PA MA 'ONGS PA LA BRJOD LA, 'GRO BA ZHES BYA BA NI DA LTAR BYUNG BA YIN TE, DE'I PHYIR MA 'ONGS PA DANG, DA LTAR BYUNG BA GNYIS SHIN TU THA DAD PAS, MA SONG BA LA YANG 'GRO BA ZHES BYA BA MI RIGS TE, GAL TE MA SONG BA YIN NA NI JI LTAR 'GRO BA YIN LA, 'ON TE 'GRO NA NI DE JI LTAR MA SONG BA YIN, BGOM PA LA YANG 'GRO BA MED DE, GANG GI PHYIR, SONG DANG MA SONG MA GTOGS PAR, ,BGOM PA SHES PAR MI 'GYUR RO, ,'DI NA 'GRO BA POS YUL GANG BRGAL BAR GYUR PA DE NI, DE'I SONG BA'I YUL YIN LA, GANG BRGAL BAR MA GYUR PA DE NI DE'I MA SONG BA YIN NA, SONG BA DANG MA SONG BA LAS THA DAD PAR BGOM PA ZHES BYA BA LAM GYI RNAM PA GZHAN GSUM PA NI MA MTHONG NGO, ,GANG GI PHYIR DE LTAR BGOM PA SHES PAR MI 'GYUR TE, SHES PAR MI 'GYUR BA DANG RTOGS PAR MI 'GYUR BA DE'I PHYIR BGOM PA YOD PA MA YIN NO, ,DE'I PHYIR DE 'GRO BA'I BYA BAS ZIN PA MA YIN ZHING 'GRO BA MA YIN PAS BGOM PA LA YANG 'GRO BA MED DO, ,CI STE 'GRO BZHIN PA'I 'GRO BA PO'I RKANG PAS MNAN PA'I PHYOGS GANG YIN PA DE NI BGOM PA'ANG YIN PAR 'GYUR RO SNYAM NA, DE LTAR MA @31B YIN TE, RKANG PA YANG RDUL PHRA RAB 'DUS PA YIN PA'I PHYIR SOR MO'I RTZE MO LA GNAS PA'I RDUL PHRA RAB KYI RGYAB KYI PHYOGS GANG YIN PA DE NI DE'I SONG BA'I KHONGS SU GTOGS PA YIN ZHING, RKANG BA'I RDUL PHRA RAB RTING PAR GNAS PA'I MDUN GYI PHYOGS GANG YIN PA DE NI DE'I MA SONG BA'I KHONGS SU GTOGS PA YIN ZHING, RDUL PHRA RAB LAS MA GTOGS PA'I RKANG PA YANG YOD PA MA YIN TE, DE'I PHYIR SONG BA DANG MA SONG BA LAS THA DAD PAR BGOM PA YOD PA MA YIN NO, ,DE LTAR RKANG PA LA JI LTAR RNAM PAR DPYAD PAR BYAS PA DE BZHIN DU, RDUL PHRA RAB RNAMS LA YANG SHAR NUB KYI PHYOGS KYI CHA DANG 'BREL PA'I SGO NAS RNAM PAR DPYAD PAR BYA'O, ,DE'I PHYIR DE MA THAG TU SKYE BZHIN PA'I RNAM PAR DPYAD PAS PHYED SONG BAR GYUR PA'I BGOM PA RIGS PA MA YIN NO, ,DE'I PHYIR BGOM PA LA 'GRO BA MA YIN NO ZHES BYA BAR GRUB PO, ,'DIR SMRAS PA, BGOM PA LA NI 'GRO BA YOD PA NYID DE 'DI NA, GANG NA G-YO BA DE NA 'GRO, ,DE YANG GANG PHYIR BGOM PA LA, ,G-YO BA SONG MIN MA SONG MIN, ,DE PHYIR BGOM LA 'GRO BA YOD, ,DE LA G-YO BA NI RKANG PA 'DEGS PA DANG 'JOG PA'I MTSAN NYID CAN NO, ,GANG GI PHYIR 'GRO BZHIN PA'I 'GRO BA PO'I G-YO BA YUL GANG NA YOD PA'I YUL DE NYID NA 'GRO BA YOD PA YIN LA, ,G-YO BA DE YANG SONG BA'I LAM LA YOD PA MA YIN ZHING, MA SONG BA LA YANG MA YIN TE, 'ON KYANG BGOM PA KHO NA LA YOD PA YIN NO, ,DE'I PHYIR BGOM PA KHO NA LA 'GRO BA YOD PA YIN TE, GANG ZHIG TU 'GRO BA DMIGS PA DE NI BGOM PA YIN LA, DE YANG BYA BAS ZIN PA YIN NO, ,DE'I PHYIR BGOM PA KHO NA LA 'GRO BA YOD DO, ,'DIR 'GRO BA GCIG NI SHES PA'I DON YIN LA, GZHAN NI YUL GZHAN DU PHYIN PA'I DON YIN NO ZHES BYA BA'O, ,DE LTAR BRTAGS KYANG BGOM PA LA 'GRO BA MED DO ZHES BYA BAR BSHAD PA, BGOM LA 'GRO BA YIN PAR NI, ,JI LTA BUR NA 'THAD PAR 'GYUR, ,GANG TSE 'GRO BA MED PA YI, ,BGOM PA 'THAD PA MED PHYIR RO, ,'DIR KHYED 'GRO BA'I BYA BA DANG LDAN PA NYID LAS BGOM PAR BRJOD PAR 'DOD CING, DE LA YANG 'GRO BA @32A *, ,ZHES SMRA NA, 'DIR 'GRO BA'I BYA BA NI GCIG YIN PAS, DES LAM BGOM PA BRJOD PAR 'GYUR MOD, 'GRO'O ZHES YANG BGOM PAR BYA BA DANG 'BREL PAR NI MI RIGS TE DE'I PHYIR, BGOM LA 'GRO BA YIN PAR NI, ,JI LTA BUR NI 'THAD PAR 'GYUR, ,ZHES BYA'O, ,GTAN TSIGS BSHAD PA, GANG TSE 'GRO BA MED PA YI, ,BGOM PA 'THAD PA MED PHYIR RO, ,'GRO BA MED PA NI 'GRO BA DANG BRAL BA'O, ,BGOM PA ZHES BYA BA NI 'GRO BZHIN PA ZHES BYA BA'I DON TO, ,DGOS PA NI GANG GI TSE 'GRO BA'I BYA BA GCIG NI BGOM PA ZHES BYA BA DER NYE BAR MKHO BA'I PHYIR DANG, GNYIS PA MED PA'I PHYIR LA 'GRO'O ZHES BYA BA'I BRJOD PA 'DI YANG 'GRO BA MED PAR MI 'THAD PA DE'I TSE BGOM PA LA 'GRO'O ZHES BYA BA LA NGAG GI DON YONGS SU RDZOGS PA YOD PA MA YIN NO ZHES BYA BA STE, BYA BA GNYIS PA MED PA'I PHYIR BGOM PA ZHES BYA BA 'DI TZAM ZHIG SRID KYI, 'GRO'O ZHES BYA BA NI MA YIN NO, ,CI STE 'GRO'O ZHES BYA BA DE NYID DANG, 'GRO BA'I BYA BA 'BREL PAR 'DOD NA, DE LTA YIN NA BGOM PA'I BRJOD PA LA BYA BA DANG 'BREL PA MED PAS, NGAG GI DON YONGS SU RDZOGS PA NYID MA YIN NO ZHES BSHAD PA, GANG GI BGOM PA LA 'GRO BA, , DE YI BGOM LA 'GRO MED PAR, ,THAL BAR 'GYUR TE, GANG GI PHYIR BGOM LA 'GRO BA YIN PHYIR RO, ,RGOL BA GANG GI BGOM PA LA 'GRO'O ZHES BYA BA'I PHYOGS YIN ZHING, GANG ZHIG BGOM PA'I MING CAN DU GYUR PA 'GRO BA'I BYA BAS STONG PA LA 'GRO BA'I BYA BA BRTEN PAR GYUR BAR 'DOD PA DE'I PHYOGS LA BGOM PA LA 'GRO BA MED PAR THAL BAR 'GYUR TE, DE'I BGOM PA 'GRO BA DANG BRAL BAR 'GYUR RO, ,'DI LTAR 'DI'I BGOM PA LA 'GRO BA YIN PA'I PHYIR RO, ,GANG GI PHYIR GYI SGRA NI 'DI LTAR GYI DON NO, ,'DI LTAR RGOL BA DE'I LTAR NA NI 'GRO'O ZHES BYA BA DER BYA BA NYE BAR MKHO BA'I PHYIR 'GRO BA DANG BRAL BA'I BGOM PA KHO NA LA 'GRO BA YIN TE, DE'I PHYIR BGOM PA LA 'GRO BA DANG BRAL BAR THAL BAR 'GYUR RO, ,CI STE BGOM PA DANG 'GRO'O ZHES BYA BA GNYI GA YANG BYA BA DANG 'BREL PAR 'DOD NA NI, DE LTA NA YANG, BGOM LA 'GRO BA YOD NA NI, ,'GRO BA GNYIS SU THAL 'GYUR TE, , @32B GANG GIS DE BGOM GYUR PA DANG, ,DE LA 'GRO BA GANG YIN PA'O, ,'GRO BA GANG DANG LDAN PAS LAM GYIS BGOM PA ZHES BYA BA'I BRJOD PA RNYED PAR 'GYUR PA DE NI 'GRO BA GCIG YIN NO, ,GANG GIS LAM DE BGROD PA'I GZHIR GYUR PA'I BGOM PA DE LA 'GRO BA NI GNYIS PA STE, BGOM PA LA 'GRO BA YOD NA 'GRO BA 'DI GNYIS SU THAL BAR 'GYUR RO, ,'GRO BA GNYIS YOD MOD SKYON CI YOD CE NA, ,SKYON 'DI YOD DE GANG GI PHYIR, ,'GRO BA GNYIS SU THAL 'GYUR NA, ,'GRO BA PO YANG GNYIS SU 'GYUR, ,YANG CI'I PHYIR 'GRO BA PO GNYIS SU THAL BAR 'GYUR ZHE NA, BSHAD PA, GANG PHYIR 'GRO BA MED PAR NI, ,'GRO PO 'THAD PAR MI 'GYUR PHYIR, ,GANG PHYIR BYA BA NI, GDON MI ZA BAR LAS SAM BYED PA PO YANG RUNG STE, RANG GI SGRUB PAR BYED PA LA LTOS PA YIN LA, 'GRO BA'I BYA BA 'DI YANG BYED PA PO LA GNAS PA YIN TE, DE'I PHYIR 'GRO BA PO LA LTOS PA YIN NO, ,LHA SBYIN GCIG 'GRO BA NA BYED PA PO GNYIS PA YOD PA MA YIN TE, DE'I PHYIR BYED PA PO GNYIS PA MED PA'I PHYIR BYA BA GNYIS MED DO, ,DE'I PHYIR BGOM PA LA 'GRO BA YOD DO ZHES BYA BA 'THAD PA MA YIN NO, ,CI STE GANG GI TSE LHA SBYIN 'DI 'DUG BZHIN DU SMRA BAR YANG BYED CING LTA BAR YANG BYED PA DE'I TSE BYED PA PO GCIG BYA BA DU MA DANG LDAN PAR MTHONG BA DE BZHIN DU, 'GRO BA PO GCIG LA BYA BA GNYIS YOD PAR 'GYUR RO SNYAM NAM YIN TE, GANG GI PHYIR NUS PA BYED PA PO YIN GYI RDZAS NI MA YIN LA, BYA BA THA DAD PAS DE'I SGRUB BYED NUS PA YANG THA DAD PAR GRUB PA YIN TE, 'DUG PA'I BYA BAS SMRA BA POR 'GYUR BA NI MA YIN NO, ,GAL TE RDZAS GCIG YIN NO ZHE NA, DE LTA YIN DU CHUG MOD RDZAS NI BYED PA PO MA YIN TE, 'O NA CI ZHE NA, NUS PA YIN NA DE YANG THA DAD PA KHO NA YIN NO, ,GZHAN YANG GCIG DUS GCIG TU BYA BA 'DRA BA GNYIS KYI BYED PA PO GNYIS YIN PAR YANG MA MTHONG STE, DE'I PHYIR 'GRO BA PO GCIG LA 'GRO BA GNYIS MED DO, ,'DIR SMRAS PA, GAL TE YANG DE LTAR YIN MOD KYI, 'ON KYANG LHA SBYIN 'GRO'O ZHES BRJOD PA LAS NA 'GRO BA PO LHA SBYIN LA 'GRO BA DMIGS PA YIN NO, ,DE'I PHYIR 'GRO BA NI YOD PA NYID DE, 'GRO BA'I @33A *, ,RTEN 'GRO BA PO YOD PA'I PHYIR RO, ,BRJOD PAR BYA STE, GAL TE 'GRO BA'I RTEN 'GRO BA PO YOD NA DE LTAR 'GYUR BA ZHIG NA DE NI MED DO, ,CI LTAR ZHE NA, BSHAD PA, GAL TE 'GRO BO MED 'GYUR NA, ,'GRO BA 'THAD PAR MI 'GYUR TE, ,'GRO BA MED NA 'GRO BA PO, , YOD PA NYID DU GA LA 'GYUR, ,'GRO BA PO MED PAR RTEN MED PA'I 'GRO BA MED DO ZHES BSHAD ZIN TO, ,DE'I PHYIR GAL TE 'GRO BA PO MED 'GYUR NA STE BSAL NA 'GRO BA YOD PA MA YIN LA, 'GRO BA MED NA RGYU MED PA'I, ,'GRO BA YOD PAR GA LA 'GYUR, ,DE'I PHYIR 'GRO BA MED DO, ,'DIR SMRAS PA, 'GRO BA NI YOD PA NYID DE, DE'I SGO NAS DE DANG LDAN PA BRJOD PA'I PHYIR RO, ,'DI NA 'GRO BA PO NI 'GRO BA DANG LDAN PA YIN LA, ,DE DANG LDAN PA LAS KYANG 'GRO BA YIN NO, ,GAL TE 'GRO BA MED PAR GYUR NA NI, 'GRO BA DANG MI LDAN PA'I LHA SBYIN LA 'GRO'O ZHES BRJOD PAR MI 'GYUR TE, KHAR BA MED NA KHAR BA CAN DU BRJOD PA MED PA BZHIN NO, ,BRJOD PAR BYA STE, GAL TE 'GRO'O ZHES BYA BA'I BRJOD PA 'DI NYID YOD NA, 'GRO BA YOD PAR 'GYUR NA DE NI MED DE, GANG GI PHYIR, RE ZHIG 'GRO BO MI 'GRO STE, ,'GRO BA PO MIN 'GRO BA MIN, ,'GRO PO 'GRO PO MIN LAS GZHAN, , GSUM PA GANG ZHIG 'GRO BAR 'GYUR, ,'DIR 'GRO BAR BYED PAS NA 'GRO BA PO YIN NA, DE NI RE ZHIG MI 'GRO'O, ,JI LTAR MI 'GRO BA DE LTAR NI TSIGS SU BCAD PA 'OG MA GSUM GYIS STON PAR 'GYUR RO, ,'GRO BA PO MA YIN PA YANG MI 'GRO STE, 'GRO BA PO MA YIN PA ZHES BYA BA NI GANG ZHIG 'GRO BA'I BYA BA DANG BRAL BA YIN LA, 'GRO'O ZHES BYA BA'I SGRA 'DI NI 'GRO BA'I BYA BA DANG LDAN PA LA 'JUG PA YIN TE, DE'I PHYIR 'DI GAL TE 'GRO BA PO MA YIN NA NI JI LTAR 'GRO LA, 'ON TE 'GRO NA NI 'DI 'GRO BA PO MA YIN ZHES BYA, GAL TE DE GNYIS LAS THA DAD PA ZHIG 'GRO'O ZHE NA, DE LTAR MA YIN TE, GANG ZHIG LA 'GRO'O ZHES BYA BAR RTOG PA 'GRO BA PO DANG 'GRO BA PO MA YIN PA LAS MA GTOGS PA'I GSUM PA ZHES BYA BA YANG GANG ZHIG YOD, DE'I PHYIR 'GRO BA MED DO, ,'DIR SMRAS PA, 'GRO BA PO MA YIN PA MI 'GRO LA, GNYI GA MA GTOGS PA YANG MI 'GRO STE, 'O NA CI @33B ZHE NA, 'GRO BA PO KHO NA 'GRO BA YIN NO, ,'DI YANG YOD PA MA YIN NO, ,CI'I PHYIR ZHE NA, 'DI LTAR, GANG TSE 'GRO BA MED PAR NI, ,'GRO PO 'THAD PAR MI 'GYUR NA, ,RE ZHIG 'GRO BO 'GRO'O ZHES, ,JI LTAR 'THAD PA NYID DU 'GYUR, 'GRO BA PO 'GRO'O ZHES BYA BA'I NGAG 'DIR 'GRO BA'I BYA BA NI GCIG NYID YIN LA, DES KYANG 'GRO'O ZHES BYA BAR BRJOD PAR 'GYUR ZHING, 'GRO BA PO ZHES BYA BA'I BRJOD PA LA NI 'GRO BA'I BYA BA GNYIS PA YOD PA MA YIN PAS GANG GI TSE 'GRO BA MED PAR 'GRO BA PO STE, MI 'GRO BAR 'GRO BA PO ZHES BYA BA YOD PA MA YIN PA DE'I TSE 'GRO BA PO 'GRO'O ZHES BYA BA MI RIGS SO, , 'GRO'O ZHES BYA BA NI YIN DU CHUG NA, 'GRO BA PO ZHES BYA BA 'DI MI SRID PAS, RIGS PA MA YIN NO, ,CI STE 'GRO BA DANG LDAN PA LAS 'GRO BA PO 'GRO BA DANG BCAS PA YIN NO ZHE NA, DE LTAR NA YANG 'GRO BA'I BYA BA GNYIS PA MED PA'I PHYIR 'GRO'O ZHES BRJOD PA YOD PAR MI 'GYUR RO ZHES BSHAD PA, GANG GI PHYOGS LA 'GRO BA PO, ,'GRO BA DE LA 'GRO MED PA'I, ,'GRO PO YIN PAR THAL 'GYUR TE, ,'GRO PO 'GRO BAR 'DOD PHYIR RO, ,RGOL BA GANG GI 'GRO BA DANG LDAN PA NYID LAS 'GRO BA PO YIN NO ZHES BYA BA'I PHYOGS YIN ZHING, 'GRO BA PO 'GRO BAR 'DOD PA DE LA, 'GRO BA PO'I BRJOD PA 'GRO BA DANG BCAS PAS, 'GRO BA MED PAR 'GRO BA PO 'GRO'O ZHES BYA BAR 'GYUR TE, 'GRO BA'I BYA BA GNYIS PA MED PA'I PHYIR RO, ,DE'I PHYIR 'GRO BA PO 'GRO'O ZHES BYA BA MI RIGS SO, ,'GRO BA MED PA'I 'GRO PO YIN PAR ZHES BYA BA'I NGAG 'DI'I 'GRO BA PO ZHES BYA BA'I SGRA NI 'GRO BA'I BYA BA 'DI'I DON LA 'JUG GO, ,CI STE 'GRO BA PO 'GRO'O ZHES GNYI GA YANG, 'GRO BA DANG LDAN PAR 'DOD DO ZHE NA, DE LTA NA YANG, GAL TE 'GRO PO 'GRO 'GYUR NA, ,'GRO BA GNYIS SU THAL 'GYUR TE, ,GANG GIS 'GRO POR MNGON PA DANG, ,'GRO POR GYUR NAS GANG 'GRO BA'O, ,'GRO BA GANG DANG LDAN PAS 'GRO BA PO ZHES BYA BAR MNGON ZHING BRJOD PA 'GRO BA GCIG PO DE DANG, 'GRO BA POR GYUR NAS GANG 'GRO BA STE, 'GRO BA'I BYA BA GANG ZHIG BYED PA STE, 'GRO BA GNYIS PO 'DI DAG TU THAL BAR 'GYUR RO, ,DE'I PHYIR 'GRO BA PO GNYIS SU YANG THAL BAR 'GYUR RO ZHES GONG MA BZHIN DU SKYON BRJOD @34A *, ,PAR BYA'O, ,DE'I PHYIR 'GRO'O ZHES BYA BAR BRJOD PA DON MED PAR 'GYUR RO, ,'DIR SMRAS PA, GAL TE YANG DE LTAR YIN MOD KYI, DE LTA NA YANG LHA SBYIN 'GRO'O ZHES BYA BA'I BRJOD PA YOD PA'I PHYIR 'GRO BA YOD DO, ,DE LTAR NI MA YIN TE, GANG GI PHYIR CI 'DI 'GRO BA POR GYUR PA ZHIG GAM, 'ON TE 'GRO BA PO MA YIN PA ZHIG GAM, DE GNYIS LAS THA DAD PA ZHIG 'GRO GRANG, ZHES DPYAD PA 'DI NI LHA SBYIN GYI RTEN CAN YIN LA, RNAM PA THAMS CAD DU 'THAD PA YANG MA YIN PAS 'DI NI GYI NA'O, ,'DIR SMRAS PA, 'GRO BA NI YOD PA NYID DE, ,DE'I RTZOM PA YOD PA'I PHYIR RO, ,'DI NA LHA SBYIN SDOD PA BTANG NAS 'GRO BAR RTZOM LA, RUS SBAL GYI SPU YOD PA MA YIN PA'I GOS NI RTZOM PA YANG MA YIN NO, ,BRJOD PAR BYA STE, GAL TE DE'I RTZOM PA NYID YOD NA, 'GRO BA YOD PAR 'GYUR BA ZHIG NA, DE NI MED DO, ,SONG LA 'GRO BA RTZOM MED DE, ,MA SONG BA LA'ANG 'GRO RTZOM MED, ,BGOM LA RTZOM PA YOD MIN NA, ,GANG DU 'GRO BA RTZOM PAR BYED, ,GAL TE 'GRO BA'I RTZOM PA DE YOD NA, DE'I TSE SONG BA'I LAM LA'AM, MA SONG BA'AM BGOM PA ZHIG LA RTZOM PAR 'GYUR BA ZHIG NA, DE LA SONG BA LA NI 'GRO BA'I RTZOM PA MED DE, SONG BA NI 'GRO BA'I BYA BA 'GAGS PA YIN NA, GAL TE DER 'GRO BA RTZOM NA NI DE SONG BA NYID DU MI 'GYUR TE, 'DAS PA DANG DA LTAR BA DAG NI 'GAL BA'I PHYIR RO, ,MA SONG BA LA YANG 'GRO BA'I RTZOM PA MED DE, MA 'ONGS PA DANG DE LTA BA DAG NI 'GAL BA'I PHYIR RO, ,BGOM PA LA YANG YOD PA MA YIN TE, DE MED PA'I PHYIR DANG, BYA BA GNYIS SU THAL BAR 'GYUR BA'I PHYIR DANG, ,BYED PA PO GNYIS SU THAL BAR 'GYUR BA'I PHYIR RO, ,DE'I PHYIR DE LTAR THAMS CAD DU 'GRO BA'I RTZOM PA MA GZIGS NAS, ,GANG DU 'GRO BA RTZOM PAR BYED, ,CES GSUNGS SO, ,JI LTAR 'GRO BA YOD PA MA YIN PA DE LTAR BSTAN PAR BYA BA'I PHYIR BSHAD PA, 'GRO BA RTZOM PA'I SNGA ROL NA, ,GANG DU 'GRO BA RTZOM 'GYUR BA, ,BGOM PA MED CING SONG BA MED, ,MA SONG 'GRO BA GA LA YOD, ,'DI LTAR GANG GI TSE LHA SBYIN 'DUG PAR GYUR PA DE'I TSE 'GRO BA RTZOM PA YOD PA MA YIN TE, DE LA 'GRO BA RTZOM PA'I SNGA ROL DU NI GANG DU 'GRO BA @34B RTZOM PAR 'GYUR BA BGOM PA'I LAM GYI RNAM PA YOD PA MA YIN LA, SONG BA YANG YOD PA MA YIN NO, ,DE'I PHYIR SONG BA DANG BGOM PA MED PA'I PHYIR 'DI GNYIS LA 'GRO BA'I RTZOM PA MED DO, ,CI STE GAL TE YANG 'GRO BA RTZOM PA'I SNGA ROL DU SONG BA MED CING BGOM PA MED MOD KYI, DE LTA NA YANG GANG DU 'GRO BA RTZOM PAR 'GYUR BA MA SONG BA NI YOD PA YIN TE, DER 'GRO BA RTZOM PAR 'GYUR RO SNYAM NA BRJOD PAR BYA STE, MA SONG 'GRO BA GA LA YOD, ,MA SONG BA NI 'GRO BA'I BYA BA MA SKYES SHING 'GRO BA'I BYA BA MA BRTZAMS PA YIN NA, DER 'GRO BA RTZOM MO ZHES BYA BA 'DI NI MA 'BREL PA YIN NO ZHES BSHAD PA NI, MA SONG 'GRO BA GA LA YOD, ,CES BYA BA'O, ,GAL TE YANG SONG BA DANG MA SONG BA DANG BGOM PA DAG LA 'GRO BA'I RTZOM PA MED MOD KYI, SONG BA DANG MA SONG BA DANG BGOM PA DAG NI YOD PA YIN LA, 'GRO BA MED NA NI 'DI DAG MI RUNG NGO ZHE NA, BRJOD PAR BYA STE, GAL TE 'DI DAG NYID YOD NA 'GRO BA YOD PAR 'GYUR BA ZHIG GO, ,'GRO BA'I RTZOM PA YOD NA NI, GANG DU 'GRO BA'I BYA BA 'GAGS PA DE NI SONG BA ZHES BRTAG PAR BYA LA, GANG DU DA LTA BAR GYUR PA DE NI BGOM PA YIN ZHING, GANG DU MA SKYES PA DE NI MA SONG BA YIN NO ZHES BRTAG NA, GANG GI TSE 'GRO BA'I BYA BA RTZOM PA NYID YOD PA MA YIN PA DE'I TSE, 'GRO RTZOM RNAM PA THAMS CAD DU, ,SNANG BA MED PA NYID YIN NO, ,SONG BA CI ZHIG BGOM PA CI, ,MA SONG CI ZHIG RNAM PAR BRTAG ,THAMS CAD DU 'GRO BA'I RTZAM PA NYID DMIGS PA MED NA, PHYIN CI LOG TU DUS GSUM DU RTOG PAR CI STE BYED, DE'I BRJOD PA'I RGYU 'GRO BA YANG LTA GA LA YOD, DE'I PHYIR 'DI NI RIGS PA MA YIN NO, ,'DIR SMRAS PA 'GRO BA NI YOD PA NYID DE, DE'I GNYEN PO YOD PA'I PHYIR RO, ,GANG LA GNYEN PO YOD PA DE NI YOD PA YIN TE, SNANG BA DANG MUN PA BZHIN DANG, PHA ROL DANG TSU ROL DANG THE TSOM DANG GTAN LA PHEBS PA BZHIN NO, ,'GRO BA LA YANG GNYEN PO GNAS PA YOD PA YIN NO, ,BRJOD PAR BYA STE, GAL TE DE'I GNYEN PO GNAS PA YOD NA NI 'GRO BA YOD PAR 'GYUR BA ZHIG NA DE NI MED DO, ,JI LTAR ZHE NA, 'DIR GNAS PA 'DI 'GRO BA PO'AM, 'GRO BA PO MA YIN PA'AM, DE GNYIS LAS GZHAN PA ZHIG LA BRTAGS @35A *, ,GRANG NA, RNAM PA THAMS CAD DU MI RUNG NGO ZHES BSHAD PA, RE ZHIG 'GRO PO MI SDOD DE, ,'GRO BA PO MIN SDOD PA MIN, ,'GRO PO 'GRO PO MIN LAS GZHAN, ,GSUM PA GANG ZHIG SDOD PAR 'GYUR, ,'GRO BA PO JI LTAR MI SDOD PA DE LTAR NI TSIGS SU BCAD PA PHYI MAS STON PAR 'GYUR RO, ,'GRO BA PO MA YIN PA YANG MI SDOD DE, DE NI SDOD PA NYID YIN NA, DE LA GNAS PA GZHAN GYIS DGOS PA CI ZHIG YOD, GNAS PA GCIG GIS NI 'GRO BA PO MA YIN PAR 'GYUR LA, GZHAN GYIS NI SDOD PAR 'GYUR RO ZHES GNAS PA GNYIS SU THAL BAR 'GYUR BA'I PHYIR GNAS PA PO YANG GNYIS SU THAL BAR 'GYUR BAS NYES PA SNGA MA BZHIN DU 'GYUR RO, ,'GRO BA PO DANG 'GRO BA PO MA YIN PA LAS MA GTOGS PA'I DON YANG MED DO, ,'DIR SMRAS PA, 'GRO BA PO MA YIN PA MI SDOD LA, 'GRO BA PO DANG 'GRO BA PO MA YIN PA LAS GZHAN PA YANG MI SDOD DE, 'O NA CI ZHE NA, 'GRO BA PO NYID SDOD DO, ,DE LTAR NI MA YIN TE GANG GI PHYIR, GANG TSE 'GRO BA MED PAR NI, ,'GRO PO 'THAD PAR MI 'GYUR NA, ,RE ZHIG 'GRO PO SDOD DO ZHES, ,JI LTAR 'THAD PA NYID DU 'GYUR, ,GANG GI TSE 'DI SDOD DO ZHES BRJOD PA DE'I TSE DE LA GNAS PA DANG, 'GAL BA'I 'GRO BA YOD PA MA YIN LA, 'GRO BA MED PAR YANG 'GRO BA POR BRJOD PA YOD PA MA YIN TE, DE'I PHYIR 'GRO BA PO SDOD DO ZHES BYA BA NI MI 'THAD DO, ,'DIR SMRAS PA, 'GRO BA NI YONGS SU YOD PA NYID DE LDOG PAR YOD PA'I PHYIR RO, ,'DI NA 'GRO BA LAS LDOG PA NA GNAS PA RTZOM PAR BYED NA, 'GRO BA MED NA NI DE LAS LDOG PAR MI 'GYUR RO ZHE NA, BRJOD PAR BYA STE, GAL TE DE LAS LDOG PA NYID YOD NA, 'GRO BA YOD PAR 'GYUR NA DON MED DE, 'DI LTAR, BGOM LAS LDOG PAR MI 'GYUR TE, ,SONG DANG MA SONG LAS KYANG MIN, ,DE GNYIS 'GRO BA PO SONG BA'I LAM LAS NI MI LDOG STE, 'GRO BA MED PA'I PHYIR RO, ,MA SONG BA LAS KYANG MA YIN TE, 'GRO BA MED PA NYID KYI PHYIR RO, ,BGOM PA LAS KYANG MI LDOG STE, DE MA DMIGS PA'I PHYIR DANG, 'GRO BA'I BYA BA MED PA'I PHYIR RO, ,DE'I PHYIR 'GRO BA LAS LDOG PA MED DO, ,'DIR SMRAS PA, GAL TE 'GRO BA'I 'GRAN ZLA GNAS @35B PA MED PAS 'GRO BA MED PA YIN NA, DE LTA NA 'O NA 'GRO BA GRUB PAR BYA BA'I PHYIR GNAS PA GRUB PAR BYA STE, DE GRUB PAS 'GRO BA GRUB PA YIN NO, ,DE'I PHYIR GNAS PA NI YOD PA NYID DE 'GRAN ZLA YOD PA'I PHYIR RO, ,GNAS PA'I 'GRAN ZLA NI 'GRO BA YIN LA, DE NI YOD PA YIN NO, ,DE'I PHYIR GNAS PA YANG YOD PA YIN TE, 'GRAN ZLA YOD PA'I PHYIR RO ZHE NA, 'DI YANG MI RUNG STE, 'DI LTAR, 'GRO BA DANG NI 'JUG PA DANG, ,LDOG PA YANG NI 'GRO DANG MTSUNGS, ,'DIR GNAS PA BSGRUB PA'I PHYIR BKOD PA'I 'GRO BA GANG YIN PA DE NI 'GRO BA DANG MTSUNGS TE, 'GRO BA SUN 'BYIN PA DANG 'DRA'O ZHES BYA BA'I DON TO, ,JI LTAR, RE ZHIG 'GRO PO MI SDOD DE, ,ZHES BYA BA LA SOGS PAS, 'GRO BA RAB TU BSGRUB PA'I PHYIR GTAN TSIGS NYID DU NYE BAR BKOD PA'I GNAS PA LA SUN 'BYIN PA BRJOD PA DE BZHIN DU 'DIR YANG GNAS PA BSGRUB PA'I PHYIR GTAN TSIGS NYID DU NYE BAR BKOD PA'I 'GRO BA LA YANG, RE ZHIG GNAS PO MI 'GRO STE, ,ZHES BYA BA LA SOGS PA'I TSIGS SU BCAD PA GNYIS 'DON PA GO BSNOR TE SUN 'BYIN PA BRJOD PAR BYA'O, ,DES NA 'GRO BA MED LA DE MED PAS 'GRAN ZLA GNAS PA YANG MED DO, ,DE LTAR RE ZHIG 'GRO BA NI 'GRO BA DANG 'DRA BAR GSAL BAR BYA'O, ,CI STE GNAS PA NI YOD PA NYID DE, DE'I RTZOM PA YOD PA'I PHYIR RO, ,'DIR 'GRO BA BTANG NAS GNAS PA RTZOM PAR 'GYUR LA, RTZOM PA GANG YIN PA DE YANG YOD PAR JI LTAR MI 'GYUR SNYAM NA, BRJOD PAR BYA STE, 'JUG PA YANG 'GRO BA DANG MTSUNGS PAR BRJOD PAR BYA'O, ,DE LA JI LTAR SNGAR, SONG LA 'GRO BA'I RTZOM MED DE, ,ZHES BYA BA LA SOGS PAS 'GRO BA'I RTZOM PA BKAG PA DE BZHIN DU, 'DIR YANG, GNAS LA GNAS PA'I RTZOM MED DE, ZHES BYA BA LA SOGS PAS TSIGS SU BCAD PA GSUM GO BSNOR TE GNAS PA'I 'JUG PA LA YANG 'GRO BA DANG MTSUNGS PAR BSAL BAR BYA'O, ,CI STE GNAS PA NI YOD PA NYID DE DE LAS LDOG PA YOD PA'I PHYIR RO, ,'DIR LHA SBYIN GNAS PAR GYUR NAS GNAS PA LAS LDOG PA NA 'GRO BA RTZOM PAR 'GYUR TE, GAL TE GNAS PA YOD PAR MA GYUR NA NI DE LAS LDOG PAR @36A *, ,YANG MI 'GYUR RO SNYAM NA, BRJOD PAR BYA STE, GAL TE DE'I LDOG PA YOD PAR GYUR NA NI GNAS PA YOD PAR 'GYUR NA, DE NI MED DE, GANG GI PHYIR LDOG PAR YANG NI 'GRO DANG MTSUNGS TE, GNAS PA LAS LDOG PA YANG 'GRO BA LAS LDOG PA DANG MTSUNGS PAR BSAL BAR BYA BA YIN NO, ,JI LTAR 'GRO BA 'GOG PA NA, ,BGOM LAS LDOG PAR MI 'GYUR TE, ,SONG DANG MA SONG LAS KYANG MIN, ,ZHES 'GRO BA LA SUN 'BYIN PA BRJOD PA DE BZHIN DU GNAS PA DGAG PA LA YANG, GNAS BZHIN PA LAS MI LDOG STE, ,GNAS DANG MI GNAS LAS KYANG MIN,, ZHES 'GRO BA DANG SUN 'BYIN PA 'DRA BA YIN TE, DE'I PHYIR GNAS PA MED DO, ,DE MED PAS 'GRO BA'I GNYEN PO GNAS PA YOD PAR SMRA BA RNAMS KYIS 'GRO BA GRUB PAR GA LA 'GYUR TE, DE'I PHYIR 'GRO BA RNAM PA THAMS CAD DU MED PA NYID DO, ,GZHAN YANG GAL TE 'GRO BA YOD PAR GYUR NA, DE 'GRO BA PO LAS THA DAD PAR RAM THA MI DAD PAR YOD PAR 'GYUR BA ZHIG NA, RNAM PAR DPYAD PA NA RNAM PA THAMS CAD DU YOD PA MA YIN NO ZHES BSHAD PA, 'GRO BA DE DANG 'GRO BA PO, ,DE NYID CES KYANG BYAR MI RUNG, ,'GRO BA DANG NI 'GRO BA PO, ,GZHAN NYID CES KYANG BYAR MI RUNG, ,YANG JI LTAR MI RUNG ZHE NA, ,BSHAD PA, GAL TE 'GRO BA GANG YIN PA, ,DE NYID 'GRO PO YIN 'GYUR NA, ,BYED PA PO DANG LAS NYID KYANG, ,GCIG PA NYID DU THAL BAR 'GYUR, ,'GRO BA'I BYA BA GANG YIN PA DE GAL TE 'GRO BA PO LAS THA MI DAD PAR 'GYUR NA NI, DE'I TSE BYED PA PO DANG BYA BA YANG GCIG PA NYID DU 'GYUR RO,, DE'I PHYIR 'DI NI BYA BA'O 'DI NI BYED PA PO'I ZHES BYA BA'I KHYAD PAR DU YANG MI 'GYUR NA, GCOD PA'I BYA BA DANG GCOD PA PO NI GCIG PA YANG MA YIN TE, DE'I PHYIR 'GRO BA GANG YIN PA DE NI 'GRO BA PO YIN NO ZHES BYA BAR MI RUNG NGO, ,'GRO BA DANG 'GRO BA PO GZHAN PA NYID DU YANG JI LTAR MED PA DE LTAR BSTAN PA'I PHYIR BSHAD PA, GAL TE 'GRO DANG 'GRO BA PO, ,GZHAN PA NYID DU RNAM BRTAG NA, ,'GRO PO MED PA'I 'GRO BA DANG, ,'GRO BA MED PA'I 'GRO POR 'GYUR, ,GAL TE 'GRO BA PO DANG 'GRO BA DAG GZHAN NYID DU GYUR NA NI, DE'I TSE 'GRO BA LA MA LTOS PA'I 'GRO BA POR 'GYUR ZHING, @36B BUM PA LAS SNAM BU LTAR 'GRO BA PO LA LTOS PA MED PA GZHAN DU GRUB PA'I 'GRO BA GZUNG BAR BYA BAR 'GYUR NA, BYED PA PO LAS LOGS SU GRUB PA'I 'GRO BA NI 'DZIN PA YANG MA YIN PAS, 'GRO BA LAS 'GRO BA PO GZHAN NYID YIN NO ZHES BYA BA NI MI RIGS SO ZHES BYA BA 'DI NI RAB TU BSGRUBS PA YIN NO, ,DE'I PHYIR DE LTAR, GANG DAG DNGOS PO GCIG PA DANG, ,DNGOS PO GZHAN PA NYID DU NI, ,GRUB PAR GYUR PA YOD MIN NA, ,DE GNYIS GRUB PA JI LTAR YOD, ,'GRO BA DANG 'GRO BA PO GANG DAG LA JI SKAD BSHAD PA'I TSUL GYIS GCIG GI NGO BO DANG GZHAN GYI NGO BO GRUB PAR 'GYUR BA JI LTAR YANG YOD PA MA YIN NA, DE GNYIS RNAM PA GZHAN GANG DU GRUB PAR 'GYUR, DE NYID KYI PHYIR, DE GNYIS GRUB PA JI LTAR YOD, ,CES GSUNGS TE, 'GRO BA DANG 'GRO BA PO GNYIS GRUB PA MED DE SNYAM DU DGONGS PA'O,, ,'DIR SMRAS PA, 'DI NI 'GRO BA PO LHA SBYIN 'GRO'O ZHES BYA BAR NI 'JIG RTEN DU GRAGS PA YIN NO, ,DE LA SMRA BA PO TSIG SMRA'O, ,BYED PA PO BYA BA BYED DO ZHES JI LTAR GRAGS PA DE BZHIN DU 'GRO BA GANG GIS 'GRO BA POR MNGON PA DE 'GRO'O ZHES BYA BA YANG YIN PAS, JI SKAD DU BRJOD PA'I NYES PAR MI 'GYUR RO, ,'DI YANG YOD PA MA YIN TE GANG GI PHYIR, 'GRO BA GANG GIS 'GRO POR MNGON, ,'GRO BA DE NI DE 'GRO MIN, ,'GRO BA GANG GIS LHA SBYIN 'GRO'O ZHES BYA BAR MNGON PAR GSAL BA DE NI 'GRO BA POR GYUR PA DE 'GRO BA MA YIN TE, YIN PAR MI 'GYUR BA'AM, BYED PA MA YIN NO ZHES BYA BA'I DON TO, ,'DI LTAR, GANG PHYIR 'GRO BA'I SNGA ROL MED, ,DE'I 'GRO BA'I SNGA ROL NI DE 'GRO BA'I SNGON ROL LO, ,GAL TE 'GRO BA'I SNGA ROL DU 'GRO BA PO GRUB PAR 'GYUR NA NI, DE DER 'GRO BAR 'GYUR BA ZHIG GO, ,JI LTAR ZHE NA, GANG GI PHYIR GANG ZHIG GANG DU 'GRO BAR 'GYUR, LHA SBYIN GANG ZHIG DON GZHAN DU GYUR PA'I GRONG NGAM, GRONG KHYER GANG ZHIG TU 'GRO BAR MTHONG BA YIN NA, DE BZHIN DU 'GRO BA GANG GIS 'GRO BA PO ZHES BRJOD PA DE'I SNGA ROL DU GANG ZHIG DE 'GRO BAR 'GYUR BA 'GRO BA LA MI LTOS PA'I 'GRO BA PO ZHES BYA BA NI YOD PA YANG MA YIN NO, ,CI STE 'GRO BA GANG GIS 'GRO BA PO ZHES MNGON @37A *, ,PA DE NYID NI 'DIR 'GRO BA MA YIN TE, 'O NA CI ZHE NA, DE LAS GZHAN 'GRO'O SNYAM DU SEMS NA, 'DI YANG YOD PA MA YIN TE, GANG GI PHYIR, 'GRO BA GANG GIS 'GRO POR MNGON, ,DE LAS GZHAN PA DE 'GRO MIN, ,GANG PHYIR 'GRO PO GCIG PO LA, ,'GRO BA GNYIS SU MI 'THAD DO, ,'GRO BA POR GYUR PA DE NI 'GRO BA GANG GIS 'GRO BA POR MNGON PA DE LAS GZHAN YANG 'GRO BA MA YIN TE, ,'GRO BA GNYIS SU THAL BAR 'GYUR BA'I PHYIR RO, ,'GRO BA GANG GIS 'GRO BA POR MNGON PAR GSAL BA DANG, 'GRO BA POR GYUR NAS GZHAN GANG ZHIG 'GRO'O ZHES BYA BA STE, 'GRO BA 'DI GNYIS SU THAL BAR 'GYUR NA, 'GRO BA PO GCIG LA 'GRO BA GNYIS KYANG MED PAS 'DI NI MI RIGS SO, ,'DIS NI SMRA BA PO TSIG SMRA'O ZHES PA DANG, BYED PA PO BYA BA BYED DO ZHES BYA BA YANG BSAL BA YIN NO, ,DE'I PHYIR DE LTAR, 'GRO BO YIN PAR GYUR BA NI, , 'GRO RNAMS GSUM DU 'GRO MI BYED, ,MA YIN PAR NI GYUR DE YANG, ,'GRO RNAM GSUM DU 'GRO MI BYED, ,YIN DANG MA YIN GYUR PA YANG, ,'GRO RNAM GSUM DU 'GRO MI BYED, ,DE LA 'DIR 'GRO BAR BYA BA NAS 'GRO BA ZHES BYA'O, ,DE LA 'GRO BA PO YIN PAR GYUR PA NI, GANG ZHIG 'GRO BA'I BYA BA DANG LDAN PA'O, ,'GRO BA PO MA YIN PAR GYUR PA NI 'GRO BA'I BYA BA DANG BRAL BA'O, ,YIN PA DANG MA YIN PAR GYUR PA NI GNYI GA'I NGO BO GANG YIN PA'O, ,DE BZHIN DU 'GRO BA YANG 'GRO BA'I BYA BA DANG 'BREL BA'I SGO NAS RNAM PA GSUM DU RIG PAR BYA'O, ,DE LA 'GRO BA PO YIN PAR GYUR PA NI YIN PAR GYUR PA DANG MA YIN PAR GYUR PA DANG, YIN PA DANG MA YIN PAR GYUR PA'I 'GRO BA RNAM PA GSUM DU 'GRO BAR MI BYED DE, ,'DI YANG LAS DANG BYED PA BRTAG PA LAS 'CHAD PAR 'GYUR RO, ,DE BZHIN DU 'GRO BA PO MA YIN PAR GYUR PA YANG 'GRO BA RNAM PA GSUM DU 'GRO BAR MI BYED LA, YIN PA DANG MA YIN PAR GYUR PAR YANG MI BYED DO ZHES DE NYID LAS STON PAR 'GYUR RO, ,GANG GI PHYIR DE LTAR RNAM PAR DPYAD NA, 'GRO BA PO DANG BGROD PA DANG 'GRO BA RNAMS YOD PA MA YIN PA, DE PHYIR 'GRO DANG 'GRO PO DANG, ,BGROD PAR BYA BA YOD MA YIN, ,ZHES BYA'O, , @37B JI SKAD DU, 'PHAGS PA BLO GROS MI ZAD PAS BSTAN PA'I MDO LAS, BTZUN PA SHVAR DVA TI'I BU 'ONG BA ZHES BYA BA DE NI BSDU BA'I TSIG GO ,BTZUN PA SHVAR DVA TI'I BU 'GRO BA ZHES BYA BA DE NI BSAL BA'I TSIG GO, ,GANG LA BSDU BA'I TSIG MED PA DANG, BSAL BA'I TSIG MED PA DE LA 'ONG BA YANG MED, 'GRO BA YANG MED DO, ,'ONG BA DANG 'GRO BA MED PA NI, 'PHAGS PA RNAMS KYI 'GRO BA'O ZHES GSUNGS PA LTA BU'O, ,GAL TE SA BON NYID MYU GUR 'PHO BA YIN NA NI DE SA BON NYID YIN GYI MYU GU MA YIN PA DANG, RTAG PA'I SKYON DU THAL BAR 'GYUR RO, ,'ON TE MYU GU GZHAN NAS 'ONG NA NI RGYU MED PA'I SKYON DU THAL BAR 'GYUR NA, RGYU MED PA NI SKYE BA YANG MA YIN TE, BONG BU'I RVA BZHIN NO, ,DE NYID KYI PHYIR BCOM LDAN 'DAS KYIS KYANG, SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE LTAR RTAG MIN CHAD MIN CHOS NYID DO, ,ZHES BYA BA DANG, RGYA LAS RGYA'I 'BUR NI SNANG MOD KYI, ,RGYA DE 'PHOS PAR DMIGS PA'ANG YOD MA YIN, ,DE LA DE MED GZHAN LA MA YIN TE, ,DE LTAR 'DUS BYAS RTAG MED CHAD PA MED, ,CES BYA BA DANG, ME LONG NGOS DANG 'BRU MAR SNOD RNAMS LA, ,BUD MED KHA BZHIN BRGYAN PAS BLTAS PA NA; ,BYIS PA DE NI DE LA CHAGS BSKYED NAS, ,'DOD PA TSOL BA'I PHYIR YANG SHIN TU RGYUG ,BZHIN NI DER YANG 'PHO BA MA YIN TE, ,GZUGS BRNYAN LA NI NAM YANG BZHIN MI RNYED, ,RMONGS PA DE DAG 'DOD CHAGS BSKYED PA LTAR, ,CHOS RNAMS THAMS CAD DE BZHIN SHES PAR GYIS, , ZHES GSUNGS SO, ,JI SKAD DU, 'PHAGS PA TING NGE 'DZIN GYI RGYAL PO LAS KYANG, DE TSE SDIG MED STOBS BCU LDAN PA YI, ,RGYAL BA DE NI TING NGE 'DZIN MCHOG 'DI 'CHAD, ,SRID PA'I 'GRO BA RMI LAM LTA BU STE, ,'DI LA SU YANG MI SKYE 'CHI BA MED, ,SEMS CAN MI DANG SROG KYANG MI RNYED DE, , CHOS 'DI RNAMS NI DBU BA CHU SHING 'DRA, ,SGYU MA LTA BU NAM MKHA'I GLOG 'DRA STE, ,CHU YI ZLA BA 'DRA ZHING SMIG RGYU BZHIN, ,MI 'GA' 'JIG RTEN 'DIR YANG SHI NAS NI, ,'JIG RTEN GZHAN DU 'PHO ZHING 'GRO MED KYANG, ,LAS BYAS RNAMS NI NAM YANG CHUD MI ZA, ,'KHOR BA NA YANG @38A *, ,DKAR NAG 'BRAS BU SMIN, ,RTAG PA MA YIN CHAD PAR MI 'GYUR TE, ,LAS BSAGS MED CING GNAS PA DAG KYANG MED, ,DE YANG BYAS NAS REG PAR MI 'GYUR MIN, ,GZHAN GYIS BYAS PA TSOL BAR GYUR PA'ANG MED, ,'PHO BA MED CING PHYIR YANG 'ONG BA MED, ,THAMS CAD YOD PA MA YIN MED PA'ANG MIN, ,'DI NI LHA GNAS 'JUG PA DAG PA MIN, ,SEMS CAN SPYOD PA RAB ZHI 'JUG PA MED, ,SRID GSUM RMI LAM DANG 'DRA SNYING PO MED, ,MYUR DU 'JIG CING MI RTAG SGYU MA BZHIN, ,'ONG BA MED CING 'DI NAS 'GRO BA'ANG MED, , RGYUN RNAMS RTAG TU STONG ZHING MTSAN MA MED, ,BDE GSHEGS SPYOD YUL RGYAL BA'I YON TAN NI, ,SKYE MED ZHI BA MTSAN MA MED PA'I GNAS, ,STOBS DANG GZUNGS RNAMS DANG NI STOBS BCU'I STOBS, ,'DI NI SANGS RGYAS KHYU MCHOG GYUR BA'I MCHOG ,DKAR PO'I CHOS MCHOG YON TAN BSAGS PA STE, ,YON TAN YE SHES GZUNGS DANG STOBS MCHOG DANG, ,RDZU 'PHRUL RNAM PAR 'PHRUL PAR BYA BA'I MCHOG ,MNGON SHES MCHOG LNGA THOB PA DAM PA'I TSUL, ,ZHES RGYA CHER GSUNGS PA LTA BU'O, ,DE BZHIN DU, TSE DANG LDAN PA DAG GAR DONG, GANG NAS LHAGS, DE DAG GIS SMRAS PA, BTZUN PA RAB 'BYOR GANG DU YANG 'GRO BA MED PA DANG, GANG NAS KYANG 'ONG BA MED PA'I PHYIR BCOM LDAN 'DAS KYIS CHOS BSTAN TO ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, 'GRO BA DANG 'ONG BA BRTAG PA ZHES BYA BA STE, RAB TU BYED PA GNYIS PA'I 'GREL PA'O,, ,,'DIR SMRAS PA, GAL TE YANG 'GRO BA DANG 'GRO BA PO DANG BGROD PA YOD PA MA YIN MOD KYI, DE LTA NA YANG GSUNG RAB LAS RAB TU GRUB PA LA LTOS NAS LTA BA PO DANG BLTA BAR BYA BA DANG, LTA BA LA SOGS PA RNAMS YOD PAR KHAS BLANG DGOS SO, ,DE SKAD DU YANG, CHOS MNGON PA LAS, LTA DANG NYAN DANG SNOM PA DANG, ,MYONG BAR BYED DANG REG BYED YID, ,DBANG PO DRUG STE DE DAG GI, SPYOD YUL BLTA BAR BYA LA SOGS, ,ZHES GSUNGS SO, ,DE'I PHYIR LTA BA LA SOGS PA DAG NI RANG BZHIN GYIS YOD PA YIN NO, ,YOD PA MA YIN TE, 'DIR @38B MIG NI LTA BAS NA LTA BAR BYED PA YIN LA, GZUGS NI DE'I YUL NYID YIN PAR NYE BAR BSTAN TO, ,JI LTAR LTA BA GZUGS LA MI LTA BA DE LTAR BSTAN PA'I PHYIR BSHAD PA, LTA DE RANG GI BDAG NYID NI, ,DE LA LTA BA MA YIN NYID, ,GANG ZHIG BDAG LA MI LTA BA, ,DE GZHAN DAG LA JI LTAR LTA, , DE LA LTA BA DE RANG GI BDAG NYID LA LTA BA MA YIN PA NYID DE, RANG GI BDAG NYID LA BYA BA 'GAL BA'I PHYIR RO, ,DE'I PHYIR RANG GI BDAG NYID LA MI LTA BA'I PHYIR RNA BA LA SOGS PA BZHIN DU SNGON PO LA SOGS PA LA'ANG MI LTA BAR 'GYUR RO, ,DE'I PHYIR LTA BA YOD PA MA YIN NO, ,GAL TE YANG LTA BA RANG GI BDAG NYID LA MI LTA MOD KYI, DE LTA NA YANG GZHAN LA LTA BA YIN TE ME BZHIN NO, ,'DI LTAR ME NI GZHAN GYI BDAG NYID KHO NA SREG PAR BYED KYI, RANG GI BDAG NYID NI MA YIN NO, ,DE BZHIN DU LTA BA YANG GZHAN KHO NA LA LTA'I, RANG GI BDAG NYID NI MA YIN NO ZHE NA, 'DI YANG RIGS PA MA YIN TE GANG GI PHYIR, LTA BA RAB TU BSGRUB PA'I PHYIR, ,ME YI DPES NI NUS MA YIN, ,LTA BA RAB TU BSGRUB PAR BYA BA'I PHYIR KHYOD KYIS ME'I DPE NYE BAR BKOD PA GANG YIN PA DES NI NUS PA MA YIN TE, MI CHOG PA DANG, MTHU MED PA DANG, MI RIGS SO ZHES BYA BA'I DON TO, ,GANG GI PHYIR, SONG DANG MA SONG BGOM PA YIS, ,DE NI LTAR BCAS LAN BTAB PO, ,LTA BA DANG LHAN CIG GNAS PAS NI LTAR BCAS SO, ,KHYOD KYIS LTA BA RAB TU BSGRUB PA'I PHYIR ME'I DPE BSTAN PA GANG YIN PA DE YANG DNGOS KYI DON LTA BA DANG LHAN CIG LAN BTAB PO STE SUN PHYUNG BA YIN NO, ,GANG GIS SHE NA, SONG DANG MA SONG BGOM PA YIS, ,ZHES GSUNGS TE, GANG GI PHYIR JI LTAR SONG BA LA MI 'GRO ZHING, MA SONG BA LA YANG MA YIN LA, BGOM PA LA MA YIN PA DE BZHIN DU, MES KYANG BSREGS PA LA MI SREG LA, MA BSREGS PA LA YANG MI SREG GO ZHES BYA BA LA SOGS PAS MTSUNGS PA BRJOD PAR BYA'O, ,YANG JI LTAR SONG BA DANG MA SONG BA DANG BGOM PA LA MI 'GRO BA DE BZHIN DU, RE ZHIG BLTAS LA MI LTA STE, MA BLTAS PA LA'ANG LTA BA MIN, ,BLTAS DANG MA BLTAS MA GTOGS PAR, ,LTA BZHIN SHES PAR MI 'GYUR RO, ,ZHES BYA BA LA @39A *, ,SOGS PA BRJOD PAR BYA'O, ,JI LTAR, RE ZHIG 'GRO PO MI 'GRO STE, ,ZHES BYA BA LA SOGS PA BSHAD PA DE BZHIN DU, RE ZHIG SREG PO MI SREG STE, ,ZHES BYA BA LA SOGS PA BRJOD PAR BYA ZHING, RE ZHIG LTA PO MI LTA STE, ,ZHES BYA BA LA SOGS PAS ME'I DPE DANG LHAN CIG TU SONG BA DANG MA SONG BA DANG BGOM PA DAG DANG SUN DBYUNG BA MTSUNGS PA DE'I PHYIR ME BZHIN DU LTA BA GRUB PO ZHES BYA BA MI RIGS SO, ,DE'I PHYIR LTA BA RANG GI BDAG NYID BZHIN DU GZHAN DAG LA YANG LTA BA MA YIN NO ZHES BYA BA 'DI GRUB PA MA YIN NO, ,GANG GI TSE DE LTA YIN PA DE'I TSE, GANG TSE CUNG ZAD MI LTA BA, ,LTA BAR BYED PA MA YIN NO, ,LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,GANG GI TSE DI LTAR CUNG ZAD KYANG MI LTA BAS LTA BAR BYED PA MA YIN PA DE'I TSE MI LTA BA LTA BAR BYED PA NYID MI RIGS PA'I PHYIR LTA BAS NA, LTA BAR BYED PA'O ZHES BRJOD PA MI RIGS TE, KA BA LA SOGS PA BZHIN NO, ,GAL TE YANG TSIGS SU BCAD PA SDEB PA'I NGOR LTA BAR BYED PA MA YIN NO ZHES BYA BA'I MJUG THOGS SU, LTA BYED LTA BAS YIN ZHES BYAR, ,ZHES BYA BAR 'DON MOD KYI DE LTA NA YANG 'CHAD PA'I DUS SU, ,LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,ZHES GDON PAR BYA'O, ,GZHAN YANG 'DIR LTA BAS NA LTA BAS NA LTA BAR BYED PA'O ZHES BRJOD PA NI LTA BA'I BYA BA DANG MI LTA BA'I RANG BZHIN CAN ZHIG GAM, LTA BA'I RANG BZHIN CAN MA YIN PA ZHIG 'BREL BAR RTOG GRANG, GNYI GA LTAR YANG MI RUNG NGO ZHES BSHAD PA, LTA BA LTA NYID MA YIN TE, ,LTA BA MIN PA MI LTA NYID, ,RE ZHIG LTA BA'I RANG BZHIN CAN LTA BA'I BYA BA DANG LDAN PA NI YANG LTA BAS NA ZHES BYA BA DANG 'BREL BAR MI 'THAD DE, LTA BA'I BYA BA GNYIS SU THAL BAR 'GYUR BA'I PHYIR DANG, LTA BAR BYED PA GNYIS SU THAL BAR 'GYUR PA'I PHYIR RO, ,LTA BA'I RANG BZHIN MA YIN PA YANG MI LTA STE, LTA BA'I BYA BA DANG BRAL BA'I PHYIR SOR MO'I RTZE MO BZHIN NO ZHES BYA BAR DGONGS PA'O, ,GANG GI TSE DE LTAR, LTA BA LTA NYID MA YIN TE, ,LTA BA YIN PA MIN LTA NYID, ,YIN PA DE'I TSE, LTA BAS LTA BAR BYED CES BYAR, ,DE NI JI LTAR @39B RIGS PAR 'GYUR, ,ZHES BYA BA 'DI NYID DANG SBYAR BAR BYA'O, ,KHA CIG SKYE BZHIN PAR 'GYUR BA CHOS TZAM PO 'DI NI BYA BA MED PAR SKYE BAS 'GAG KYANG YUL CUNG ZAD KYANG MI LTA STE, BYA BA MED PA'I PHYIR RO, ,DE'I PHYIR LTA BA MI LTA'O ZHES BYA BA 'DI NI GRUB PA LA SGRUB PA YIN NO SNYAM DU SEMS SO, , 'DI LA BRJOD PAR BYA STE, GAL TE THA SNYAD KYI YAN LAG TU GYUR PA'I BYA BA MED NA NI, DE'I TSE CHOS TZAM PO YANG MED PAR 'GYUR TE, BYA BA DANG BRAL PA'I PHYIR NAM MKHA'I ME TOG BZHIN NO, ,DES NA BYA BA DANG BRAL BA'I CHOS TZAM DU GO GA LA 'GYUR, DE'I PHYIR GAL TE THA SNYAD KYI BDEN PA YIN NA NI CHOS TZAM PO BZHIN DU BYA BA YANG KHAS LONG LA, ,'ON TE DE KHO NA NYID SEMS NA NI BYA BA BZHIN DU CHOS TZAM PO YANG YOD PA MA YIN NO ZHES KHAS BLANG BAR BYA'O, ,JI SKAD DU BRGYA PA LAS, BYA BA DANG LDAN RTAG PA NYID, ,KUN TU 'GRO LA BYA BA MED, ,BYA BA MED PA MED DANG MTSUNGS, ,BDAG MED LA KHYOD CIS MI DGA', ,ZHES BSHAD DO, ,DE'I PHYIR GZHAN GYI TSUL 'DI GNOD PAR BYED PA MA YIN LA, KHO BO CAG LA GRUB PA LA SGRUB PA'I SKYON DU YANG MI 'GYUR RO, ,'DIR SMRAS PA, LTA BAS NA LTA BAR BYED PA'O ZHES BYED PA PO SGRUB PA NI KHAS MI LEN GYI, 'O NA CI ZHE NA, 'DIR LTA BAR BYED PAS NA LTA BA'O ZHES BYED PA SGRUB PA YIN TE, DES NA JI SKAD SMRAS PA'I SKYON DU THAL BAR MI 'GYUR RO, ,GANG ZHIG BYED PAR GYUR BA'I LTA BA 'DIS LTA BAR BYED PA DE NI LTA BA PO YIN LA, 'DI YANG RNAM PAR SHES PA'AM BDAG YIN YANG RUNG STE YOD PA NYID DO, ,BYED PA PO YOD PA LAS KYANG LTA BA GRUB PA YIN NO, ,BRJOD PAR BYA STE, LTA BA NYID KYIS LTA BA PO'ANG, ,RNAM PAR BSHAD PAR SHES PAR BYA, ,DE LA JI LTAR, LTA DE RANG GI BDAG NYID NI, ,ZHES BYA BA LA SOGS PAS LTA BA LA SUN 'BYIN PAR BRJOD PA DE BZHIN DU LTA BA PO YANG SUN 'BYIN PA LTA BA DANG 'DRA BAR RIG PAR BYA'O, ,'DI LTA STE, LTA PO RANG GI BDAG NYID NI, ,LTA BAS LTA BA MA YIN NYID, ,GANG ZHIG BDAG LA MI LTA BA, ,DE GZHAN DAG LA JI LTAR LTA, ,ZHES BYA BA LA SOGS PAS BRJOD PAR BYA STE, DE'I PHYIR LTA BA BZHIN DU LTA BA PO YANG YOD PA MA YIN NO ZHES BYA BAR GRUB PO, ,'DIR @40A *, ,SMRAS PA, LTA BA PO NI YOD PA NYID DE, DE'I LAS DANG BYED PA YOD PA'I PHYIR, 'DIR GANG MED PA DE LA NI LAS DANG BYED PA MED DE, DPER NA MO GSHAM GYI BU BZHIN NO, ,BYED PA PO LA NI BYED PA LTA BA DANG BLTA BAR BYA BA LAS KYANG YOD PA YIN TE, DE'I PHYIR GCOD PA PO BZHIN DU LAS DANG BYED PA PO YOD PA'I PHYIR LTA BA PO YOD PA NYID DO, ,BRJOD PAR BYA STE, BLTA BAR BYA BA DANG LTA BA NI YOD PA MA YIN PA NYID DE, DE'I PHYIR LTA BA PO YOD PAR GA LA 'GYUR, BLTA BAR BYA BA DANG LTA BA NI LTA BA PO LA LTOS PA YIN LA, DE YANG NGES PAR DPYAD PA NA, ,MA SPANGS LTA PO YOD MIN TE, ,LTA BA SPANGS PAR GYUR KYANG NGO, ,'DIR LTA BA PO ZHES BYA BA 'GA' ZHIG YOD NA NI DE LTA BA LA LTOS PA DANG BCAS PA'AM, LTOS PA MED PA ZHIG TU 'GYUR GRANG, ,DE LA GAL TE LTA BA LA LTOS PA DANG BCAS PA MA SPANGS PA'I LTA BA PO 'DOD NA NI, DE'I TSE GRUB PA ZHIG GAM MA GRUB PA ZHIG LTA BA LA LTOS PAR 'GYUR BA ZHIG NA, DE LA GRUB PA'I LTA BA PO NI LTA BA LA LTOS PA MA YIN TE, GRUB PAR GYUR NAS LTA BA PO YANG LTA BA LA LTOS PAS CI ZHIG BYED, GRUB PA NI SLAR YANG BSGRUB PAR BYA BA MA YIN NO, ,CI STE MA GRUB PA'I LTA BA PO LTA BA LA LTOS SO ZHE NA, MA GRUB PA'I PHYIR MO GSHAM GYI BU BZHIN DU LTA BA LA LTOS PA MED DO, ,DE LTAR RE ZHIG MA SPANGS PA STE LTA BA LA LTOS NAS LTA BA POR GYUR PA MED PA YIN NO, ,LTA BA PO LTA BA SPANGS PAR GYUR PA YANG MI 'GRUB STE, LTA BA LA LTOS PA MED PA'I PHYIR TE SNGAR BSHAD PA YIN NO, ,DE'I PHYIR DE LTAR GANG GI TSE LTA BA SPANGS PA DANG, MA SPANGS PA'I LTA BA PO YOD PA MA YIN PA DE'I TSE, LTA BO MED NA BLTA BYA DANG, ,LTA BA DE DAG GA LA YOD, ,LTA BA PO MED NA RGYU MED PA'I BLTA BYA DANG LTA BDAG NI SRID PAS DE DAG YOD PA LAS LTA BA PO GRUB PAR GA LA 'GYUR, ,'DIR SMRAS PA, BLTA BAR BYA BA DANG LTA BA DAG NI YOD PA NYID DE, DE DAG GI 'BRAS BU YOD PA'I PHYIR RO, ,DE LA JI LTAR PHA DANG MA DAG LA, ,BRTEN NAS BU NI 'BYUNG BSHAD PA, ,DE BZHIN MIG DANG GZUGS BRTEN NAS, ,RNAM PAR SHES PA 'BYUNG BAR BSHAD, ,CES BYA BA LA, BLTA BAR BYA BA DANG LTA BA LA @40B BRTEN NAS RNAM PAR SHES PA 'BYUNG LA, GSUM 'DUS PAR GYUR PA LAS REG PA ZAG PA DANG BCAS PA 'BYUNG ZHES, REG PA DANG LHAN CIG 'BYUNG BA NI TSOR BA YIN LA, DE'I RKYEN GYIS SRID PA YIN NO, ,DE LTAR NA SRID PA'I YAN LAG BZHI PO BLTA BAR BYA BA DANG LTA BA'I RGYU CAN DAG NI YOD PA YIN TE, DE'I PHYIR, DE DAG GI 'BRAS BU YOD PA'I PHYIR BLTA BAR BYA BA DANG LTA BA GNYIS YOD DO, ,BRJOD PAR BYA STE, GAL TE RNAM PAR SHES PA LA SOGS PA BZHI PO NYID YOD NA, DE GNYIS YOD PAR 'GYUR NA YOD PA NI MA YIN TE, 'DI LTAR BLTA BYA LTA BA MED PA'I PHYIR, ,RNAM PAR SHES LA SOGS PA BZHI, ,YOD MIN, 'DIR LTA BA PO MED PAS BLTA BAR BYA BA DANG LTA BA GNYIS KYANG MED DO ZHES BSHAD ZIN TO, ,DE'I PHYIR RNAM PAR SHES PA DANG REG PA DANG TSOR BA DANG SRED PA ZHES BYA BA RNAM PAR SHES PA LA SOGS PA BZHI PO YOD PAR GA LA 'GYUR, DE'I PHYIR RNAM PAR SHES PA LA SOGS PA BZHI PO RNAMS MED DO, ,'DIR SMRAS PA, DE DAG NI YOD PA NYID DE DAG GI 'BRAS BU YOD PA'I PHYIR RO, ,'DIR SRED PA'I RKYEN GYIS LEN PA ZHES BYA BA LA SOGS PAS LEN PA DANG SRID PA DANG SKYE BA DANG RGA SHI LA SOGS PA NI RNAM PAR SHES PA LA SOGS PA BZHI LAS SKYE STE, DE'I PHYIR RNAM PAR SHES PA LA SOGS PA DAG YOD DE DE DAG GI 'BRAS BU YOD PA'I PHYIR RO, ,BRJOD PAR BYA STE, GAL TE RNAM PAR SHES PA LA SOGS PA BZHI PO YOD NA NI LEN PA LA SOGS PA DAG YOD PAR 'GYUR NA, GANG GI TSE BLTA BAR BYA BA DANG LTA BA MED PAS RNAM PAR SHES PA LA SOGS PA BZHI PO YOD PA MA YIN PA DE'I TSE, NYE BAR LEN LA SOGS, JI LTA BUR NA YOD PAR 'GYUR, ,NYE BAR LEN PA LA SOGS PA RNAMS YOD PAR MI 'GYUR RO ZHES BYA BA'I DON TO, ,DA NI DBANG PO LHAG MA RNAMS KYI RNAM PAR BSHAD PA LTA BA DANG 'DRA BAR BSGRE BAR BYA BA'I PHYIR, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,ZHES BYA BA GSUNGS SO, ,BCOM LDAN 'DAS KYIS, MIG GIS GZUGS RNAMS MI MTHONG ZHING, ,YID KYIS CHOS RNAMS MI SHES TE, ,GANG DU 'JIG RTEN MI 'JUG PA, ,'DI NI BDEN PA'I @41A *, ,MCHOG YIN NO, ,GANG DU RKYEN TSOGS PAS MTHONG BA, ,'DREN PA RAB TU STON MDZAD PA'I, ,SA DE DON DAM 'DZIN PA NI, ,NYE BAR BRTAGS PAR CHUB PAR 'GYUR, ,ZHES BYA BA DANG, DE BZHIN DU, MING DANG GZUGS LA BRTEN NAS NI, ,MIG GI RNAM SHES 'DIR SKYE YANG, , GZUGS NI MIG LA BRTEN MA YIN, ,GZUGS NI MIG LAS 'PHO BA'ANG MIN, ,BDAG MED MI SDUG CHOS 'DI DAG ,SLAR YANG BDAG DANG SDUG CES BRTAGS, ,MED LA LOG PAR BRTAGS PA STE, ,DE LAS MIG GI RNAM SHES 'BYUNG, ,RNAM SHES 'GAG DANG 'BYUNG BA LAS, ,RNAM SHES ZAD DANG 'PHEL BAR 'THONG [*'THOD?], ,'GAR YANG 'GRO 'ONG MED STONG DANG, ,SGYU 'DRAR RNAL 'BYOR PA YIS MTHONG, ,ZHES GSUNGS SO, ,DE BZHIN DU 'PHAGS PA NYE BA 'KHOR GYIS ZHUS PA LAS KYANG, MIG NI THAMS CAD LDAN NA MTHONG 'GYUR TE, ,MIG GIS GZUGS RNAMS MTHONG BA GANG YIN PA'ANG, MTSAN MO RKYEN RNAMS MED NA MTHONG MI 'GYUR, ,DE PHYIR LDAN DANG BRAL BA RNAM RTOG YIN, ,MIG NI SNANG LA BRTEN TE YID 'ONG DANG, ,YID DU MI 'ONG SNA TSOGS GZUGS MTHONG BAS, ,DE LTAR SNANG LA BRTEN TE MTHONG BAS NA, ,DE PHYIR MIG GIS NAM YANG MTHONG BA MED, ,YID DU 'ONG BA'I SGRA GRAG GANG YIN PA, ,DE YANG NAM YANG NANG DU ZHUGS PA MED, ,DER 'GRO DMIGS SU YOD PA MA YIN TE, ,RTOG PA'I DBANG GIS SGRA RNAMS 'BYUNG BA YIN, ,ZHES GSUNGS SO, ,DE BZHIN DU, GLU DANG GAR DANG ROL MO'I SGRA YANG GZUNG BYA MIN, ,RMI LAM LTA BU MI MKHAS RMONGS DANG CHAGS PA'I RGYU, ,MI MKHAS KUN DU RTOG LA ZHEN RNAMS BRLAG 'GYUR ZHING, ,SKYE BO BYIS PA NYON MONGS BRAN BZHIN BDAG GYUR TAM, ,ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, DBANG PO BRTAG PA ZHES BYA BA RAB TU BYED PA GSUM PA'I 'GREL PA'O,, ,,'DIR SMRAS PA, GAL TE DE LTAR DBANG PO RNAMS MED NA, ,PHUNG PO LNGA MA BKAG PA'I PHYIR DANG, DBANG PO RNAMS KYANG DE'I KHONGS SU 'DUS PA DE'I PHYIR DE RNAMS KYANG YOD PAR 'GYUR RO, ,BRJOD PAR BYA STE, GAL TE PHUNG PO RNAMS YOD NA DE LTAR 'GYUR BA ZHIG NA DE @41B RNAMS NI MED DO, ,DE LA GZUGS KYI PHUNG PO'I DBANG DU MDZAD NAS BSHAD PA, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,DE LA GZUGS NI 'BYUNG BA LAS GYUR PA'O, ,DE'I RGYU NI 'BYUNG BA CHEN PO BZHI'O, ,DE DAG LAS THA DAD CING GZHAN DU GYUR PA 'BYUNG BA LAS GYUR PA'I GZUGS NI BUM PA LAS SNAM BU LTAR DMIGS PAR MI 'GYUR RO, ,GZUGS ZHES BYA BA MA GTOGS PAR TE, GZUGS LAS GZHAN DU GYUR PA'I GZUGS KYI RGYU YANG DMIGS PAR MI 'GYUR RO, , DAM BCA' BA 'DI GNYIS SGRUB PAR BZHED NAS BSHAD PA, GZUGS KYI RGYU NI MA GTOGS PAR, GZUGS NA GZUGS NI RGYU MED PAR, ,THAL BAR 'GYUR TE DON GANG YANG, ,RGYU MED PA NI GANG NA'ANG MED, ,JI LTAR BUM PA LAS DON GZHAN DU GYUR PA'I SNAM BU BUM PA'I RGYU CAN MA YIN PA DE BZHIN DU, GZUGS KYI RGYU 'BYUNG BA CHEN PO LAS THA DAD PAR GYUR PA 'BYUNG BA LAS GYUR PA'I GZUGS 'DOD NA YANG 'BYUNG BA'I RGYU CAN DU MI 'GYUR TE, ,RGYU MED PA CAN DU 'GYUR NA, DON GANG ZHIG RGYU MED PA NI GANG NA YANG YOD PA MA YIN NO, ,DE'I PHYIR RGYU MED PAR THAL BAR 'GYUR BA'I PHYIR NA GZUGS KYI RGYU LAS MA GTOGS PA'I GZUGS KHAS BLANG BAR BYA BA MA YIN NO, ,DE NI GZUGS LAS MA GTOGS PAR GZUGS KYI RGYU YANG JI LTAR MED PA DE LTAR BSTAN PA'I PHYIR BSHAD PA, ,GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,GAL TE 'BRAS BU'I GZUGS MA GTOGS PA'I GZUGS KYI RGYU ZHIG YOD PAR GYUR NA NI DE'I TSE JI LTAR SNAM BU LAS THA DAD PAR GRUB PA'I 'KHAR GZHONG SNAM BU'I RGYU CAN MA YIN PA DE BZHIN DU 'BRAS BU LAS THA DAD PAR 'DOD PA'I RGYU YANG RGYU MED PAR 'GYUR RO, ,RGYU RGYU NYID DU BYA BA'I RGYU NI 'BRAS BU 'JUG PA YIN NA, ,THA DAD PAR GRUB PA NYID KYI PHYIR 'BRAS BU LA MI LTOS PA'I RGYU LAS NI 'BRAS BU 'JUG PA YOD PA MA YIN NO, ,'BRAS BU MED PA'I RGYU GANG YIN PA DE NI RGYU MED PA CAN YIN PA'I PHYIR NAM MKHA'I ME TOG LTAR MED PA NYID YIN NO ZHES BSHAD PA NI, 'BRAS BU MED @42A *, ,PA'I RGYU MED DO, ,ZHES BYA BA'O, ,GZHAN YANG GZUGS KYI RGYU 'DI 'DOD PA NA, GZUGS YOD PA NA RGYU NYID DU 'DOD DAM, MED PA NA 'DOD GRANG NA, GNYI GA LTAR YANG MI 'THAD DO ZHES BSHAD PA, GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,DE LA GZUGS YOD PA NA STE BDOG PA NA NI GZUGS KYI RGYUS DGOS PA CI ZHIG YOD, MED NA YANG STE GZUGS YOD PA MA YIN NA YANG GZUGS KYI RGYUS DGOS PA CI ZHIG YOD, YANG NA DE GANG GI RGYU YIN PAR BRTAG ,DE'I PHYIR GZUGS MED NA YANG GZUGS KYI RGYU NI 'THAD PAR MI 'GYUR RO, ,CI STE GAL TE YANG DE LTAR GZUGS KYI RGYU MI SRID MOD KYI DE LTA NA YANG 'BRAS BU'I GZUGS NI YOD LA, DE YOD PA LAS RGYU YANG YOD PAR 'GYUR RO SNYAM NA, GAL TE 'BRAS BU'I GZUGS YOD NA DE LTAR 'GYUR NA, YOD PA YANG MA YIN TE, GANG GI PHYIR, RGYU MED PA YI GZUGS DAG NI, ,'THAD PAR MI RUNG RUNG MIN NYID, ,GZUGS KYI RGYU NI JI LTAR MED PA DE LTAR BSHAD ZIN TO, ,RGYU MED NA NI 'BRAS BU'I GZUGS RGYU MED PA GA LA YOD, MI RUNG RUNG MIN NYID CES BYA BA NGES PAR GZUNG BA DANG BCAS PA'I DGAG PA GNYIS PO 'DIS NI RGYU MED PAR SMRA BA PO SHIN TU THA CHAD YIN PAR STON PAR MDZAD PA'O, ,GANG GI PHYIR, DE LTAR GZUGS RNAM PAR DPYAD PA NA RNAM PA THAMS CAD DU MED PA DE'I PHYIR RNAL 'BYOR PA DE KHO NA NYID GZIGS PAS, GZUGS KYI RNAM PAR RTOG PA NI, ,'GA' YANG RNAM PAR BRTAG MI BYA, ,THOGS PA DANG BCAS PA DANG THOGS PA MED PA DANG, BSTAN DU YOD PA DANG BSTAN DU MED PA DANG, 'DAS PA DANG MA 'ONGS PA DANG, SNGON PO DANG SER PO LA SOGS PA'I RNAM PAR RTOG PA GZUGS LA DMIGS PA 'GA' YANG BRTAG PAR MI 'OS SO ZHES BYA BA'I DON TO, ,GZHAN YANG 'DI GZUGS KYI RGYUR 'DOD PA NA, 'BRAS BU 'DRA BA 'AM MI 'DRA BA ZHIG SGRUB PAR BYED GRANG, GNYI GA LTAR YANG MI 'THAD DO ZHES BSHAD PA, 'BRAS BU RGYU DANG 'DRA BA ZHES, BYA BA 'THAD PA MA YIN TE, ,'BRAS BU RGYU DANG MI 'DRA ZHES, , @42B BYA BA'ANG 'THAD PA MA YIN NO, ,DE LA GZUGS KYI RGYU NI SRA BA DANG GSHER BA DANG DRO BA DANG G-YO BA'I NGO BO YIN LA, 'BYUNG BA LAS GYUR PA NANG GI BDAG NYID MIG LA SOGS PA NI MIG GI RNAM PAR SHES PA LA SOGS PA'I RTEN GZUGS DANG BA'I BDAG NYID CAN YIN ZHING, PHYI ROL GZUGS LA SOGS PA'I SKYE MCHED NI MIG GI RNAM PAR SHES PA LA SOGS PAS GZUNG BAR BYA BA'I MTSAN NYID CAN YIN GYI, 'BYUNG BA CHEN PO'I RANG BZHIN CAN MA YIN PA DE'I PHYIR MTSAN NYID CAN THA DAD PAS MYA NGAN LAS 'DAS PA BZHIN DU RGYU DANG 'BRAS BU GNYIS LA 'DRA BA NYID YOD PA MA YIN TE, DE'I PHYIR 'BRAS BU RGYU DANG 'DRA BA ZHES BYA BA 'THAD PA MA YIN NO, ,S'A LU'I SA BON LA SOGS PA 'DRA BAR GYUR PA RNAMS LA PHAN TSUN RGYU DANG 'BRAS BU'I DNGOS PO MA MTHONG STE, 'DI'I PHYIR YANG, 'BRAS BU RGYU DANG 'DRA BA ZHES BYA BA 'THAD PA MA YIN NO, ,'BRAS BU RGYU DANG MI 'DRA BA ZHES BYA BA YANG 'THAD PA MA YIN TE, MTSAN NYID THA DAD PA'I PHYIR MYA NGAN LAS 'DAS PA BZHIN NO ZHES BYA BAR DGONGS PA'O, ,JI LTAR GZUGS 'DI RNAM PAR DPYAD PA NA RNAM PA THAMS CAD DU MI 'THAD PA DE BZHIN DU TSOR BA LA SOGS PA YANG YIN NO ZHES BYA BAR BSGRE BA'I PHYIR BSHAD PA, TSOR DANG 'DU SHES 'DU BYED DANG, ,SEMS DANG DNGOS PO THAMS CAD KYANG, ,RNAM PA DAG NI THAMS CAD DU, ,GZUGS NYID KYI NI RIM PA MTSUNGS, ,TSOR BA LA SOGS THAMS CAD KYANG GZUGS RNAM PAR DPYAD PA DANG MTSUNGS PAR SBYAR BAR BYA'O, ,DBU MA PAS NI JI LTAR CHOS GCIG STONG PA NYID DU BSTAN PAR 'DOD PA DE BZHIN DU CHOS THAMS CAD KYANG YIN PA DE'I PHYIR, STONG PA NYID KYIS BRTZAD BYAS TSE, ,GANG ZHIG LAN 'DEBS SMRA BYED PA, ,DE YI THAMS CAD LAN BTAB MIN, ,BSGRUB PAR BYA DANG MTSUNGS PAR 'GYUR, ,DE LA BRTZAD PA NI GZHAN GYI PHYOGS SUN 'BYIN PA'O, ,STONG PA NYID RGYUR GYUR PAS GZUGS RANG BZHIN MED DO ZHES BYA BAS DE LTAR RANG BZHIN DANG BCAS PAR SMRA BA BKAG PA NA, GAL TE GZHAN LAN DU TSOR BA LA SOGS PA NI RE ZHIG YOD LA, DE BZHIN DU GZUGS KYANG YOD DO ZHES SMRA NA, DE'I DE LTA BU DE THAMS CAD NI LAN BTAB PA MA YIN TE, GANG GI PHYIR TSOR BA LA SOGS PA RNAMS KYI YOD @43A *, ,PA YANG BSGRUB BYA GZUGS KYI YOD PA DANG MTSUNGS PAR RIGS PAR BYA'O, ,JI LTAR GZUGS NI RANG GI RGYU LAS DE NYID DANG GZHAN NYID DU RNAM PAR DPYAD PA NA MED PA DE BZHIN DU, REG PA'I RKYEN GYIS TSOR BA DANG, RNAM PAR SHES PA DANG LHAN CIG 'BYUNG BA'I 'DU SHES DANG, MA RIG PA'I RKYEN GYIS 'DU BYED DANG, 'DU BYED KYI RKYEN GYIS RNAM PAR SHES PA YANG, REG PA LA SOGS PA RANG GI RGYU LAS DE NYID DANG GZHAN NYID DU RNAM PAR DPYAD NA, YOD PA MA YIN PAS 'DI DAG THAMS CAD BSGRUB PAR BYA BA DANG MTSUNGS PA YIN NO, ,JI LTAR TSOR BA LA SOGS PA DAG BSGRUB PAR BYA BA DANG MTSUNGS PA DE BZHIN DU MTSAN NYID DANG, MTSAN GZHI DANG, RGYU DANG 'BRAS BU DANG, YAN LAG DANG YAN LAG CAN LA SOGS PA DNGOS PO THAMS CAD KYANG BSGRUB PAR BYA BA GZUGS DANG MTSUNGS PA YIN NO, ,DE'I PHYIR GZHAN GYIS LAN GDAB PA LTA YOD PAR GA LA 'GYUR TE 'DI'I TSIG THAMS CAD BSGRUB PAR BYA BA DANG MTSUNGS PAR 'GYUR BAS, BSTAN BCOS SU SMRAS PA'I LAN THAMS CAD LA DBU MA PAS BSGRUB PAR BYA BA DANG MTSUNGS PA NYID BRJOD PAR BYA'O ZHES SLOB DPON SLOB PAR MDZAD DO, ,JI LTAR GZHAN GYI PHYOGS SUN 'BYIN PA LA TSUL 'DI BRJOD PA DE BZHIN DU BSHAD PA BYED PA'I TSE NA YANG YIN NO ZHES BSHAD PA, STONG PA NYID KYIS BSHAD BYAS TSE, ,GANG ZHIG SKYON 'DOGS SMRA BYED PA, ,DE YIS THAMS CAD SKYON BTAGS MIN, ,BSGRUB PAR BYA DANG MTSUNGS PAR 'GYUR, ,BSHAD PA BYED PA'I DUS SU YANG SLOB MA LTA BU GANG ZHIG RGOL BAR BYED PA DE'I TSE BRGAL BA DE YANG SNGA MA BZHIN DU BSGRUB PAR BYA BA DANG MTSUNGS PAR RIG PAR BYA'O, ,JI SKAD DU, DNGOS PO GCIG GI LTA PO GANG, ,DE NI KUN GYI LTA POR BRJOD, ,GCIG GI STONG NYID GANG YIN PA, ,DE NI KUN GYI STONG PA NYID, ,CES GSUNGS PA LTA BU'O, ,'PHAGS PA NAM MKHA' MDZOD KYI TING NGE 'DZIN GYI MDO LAS KYANG, ,CHOS GCIG GIS NI CHOS RNAMS THAMS CAD SGYU MA DANG, ,SMIG RGYU DANG 'DRA GZUNG BYAR MED CING GSOG DANG NI, ,BRDZUN ZHING THER ZUG MIN PAR RJES SU RTOGS GYUR PA, ,DE NI RING POR MI THOGS BYANG CHUB SNYING POR 'GRO, ,ZHES GSUNGS SO @43B DE BZHIN DU TING NGE 'DZIN GYI RGYAL PO'I MDO LAS KYANG, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SBYAR BYA, ,CHOS RNAMS THAMS CAD DE YI NGO BO NYID, ,RNAM PAR DAG PA NAM MKHA' LTA BU YIN, ,GCIG GIS KYANG NI THAMS CAD SHES, ,GCIG GIS KYANG NI THAMS CAD MTHONG, ,JI SNYED MANG PO BSHAD BYAS KYANG, ,DE LA DREGS PA SKYE BA MED, ,CES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, PHUNG PO BRTAG PA ZHES BYA BA RAB TU BYED PA BZHI PA'I 'GREL PA'O,, ,,'DIR SMRAS PA KHAMS RNAMS NI YOD DE, BKAG PA MA BYAS PA'I PHYIR RO, ,BCOM LDAN 'DAS KYIS KYANG, RGYAL PO CHEN PO SKYES BU GANG ZAG 'DI NI KHAMS DRUG PA'O ZHES BYA BA LA SOGS PA GSUNGS SO, ,DE'I PHYIR GSUNG RAB 'DON PA LAS NA KHAMS BZHIN DU PHUNG PO DANG SKYE MCHED KYANG YOD DO, ,BRJOD PAR BYA STE, GAL TE KHAMS RNAMS NYID YOD NA PHUNG PO DANG SKYE MCHED RNAMS YOD PAR 'GYUR NA DE DAG NI MED DO, ,JI LTAR ZHE NA BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,GAL TE MTSAN LAS SNGAR GYUR NA, ,MTSAN NYID MED PAR THAL BAR 'GYUR, ,DE LA KHAMS DRUG GSUNGS PA NI, ,SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA RNAMS SO, ,DE LA NAM MKHA'I DBANG DU BYAS NAS SUN DBYUNG BA BRJOD PAR BYA STE, 'DIR NAM MKHA'I MTSAN NYID NI SGRIB PA MED PA ZHES BYA LA, GAL TE SGRIB PA MED PA'I MTSAN NYID 'DI LAS SNGAR MTSAN GZHI NAM MKHA' YOD PAR GYUR NA, DE LA MTSAN NYID 'JUG PAR 'GYUR NA, MTSAN NYID SGRIB PA MED PA'I SNGA ROL DU NAM MKHA' YOD PA YANG MA YIN NO, ,GANG GI TSE DE LTAR, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN PA DE'I TSE GANG DU MTSAN NYID 'JUG PAR 'GYUR, DE MED NA NAM MKHA'I ME TOG LTAR NAM MKHA' MED DO ZHES BSHAD PA, GAL TE MTSAN LAS SNGAR GYUR NA, ,MTSAN NYID MED PAR THAL BAR 'GYUR, ,MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,'DIR SMRAS PA, @44A *, ,RE ZHIG MTSAN NYID 'JUG PA NI YOD LA, ,DE YANG MTSAN GZHI LA YIN PAS, ,DE YOD PAS NA MTSAN GZHI YANG YOD DO, ,'DI YANG YOD PA MA YIN TE, 'DI LTAR, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,MTSAN NYID KYI SNGA ROL NA MTSAN NYID MED PA'I DNGOS PO MED DO ZHES BSHAD ZIN TO, ,DE'I PHYIR MTSAN NYID MED PA'I DNGOS PO MED CING MI BDOG NA, DA NI MTSAN NYID GANG DU 'JUG PAR 'GYUR TE, DES NA MTSAN NYID 'JUG PA MED DO, ,GZHAN YANG, MTSAN NYID LA 'JUG PA NA MTSAN NYID DANG BCAS PA'AM, MTSAN NYID MED PA LA 'JUG PAR 'GYUR BA ZHIG NA, GNYI GA LTAR YANG MI 'THAD DO ZHES BSHAD PA, ,MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ,MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,DE LA MTSAN NYID MED PA LA NI MTSAN NYID 'JUG PA MA YIN TE, BONG BU'I RVA LA BYA BA BZHIN NO, ,MTSAN NYID DANG BCAS PA'I DNGOS PO LA YANG MTSAN NYID 'JUG PA MI 'THAD DE DGOS PA MED PA'I PHYIR RO, ,MTSAN NYID DANG LDAN PAR GRUB PA LA SLAR YANG MTSAN NYID DANG LDAN PAS BYA BA CI YOD NA, DE LTAR NA THUG PA MED PAR THAL BAR YANG 'GYUR RO, ,'DI NI NAM YANG MTSAN NYID DANG BCAS PA MA YIN PAR MI 'GYUR BAS, RTAG TU MTSAN NYID 'JUG PAR THAL BAR 'GYUR NA, DE LTAR NI 'DOD PA YANG MA YIN NO, ,DE'I PHYIR MTSAN NYID DANG BCAS PA'I DNGOS PO LA YANG MTSAN NYID 'JUG PAR 'THAD PA MA YIN TE, DGOS PA MED PA'I PHYIR RO, ,DE LA 'DI SNYAM DU MTSAN NYID DANG BCAS PA DANG MTSAN NYID MED PA GNYIS LAS GZHAN PA ZHIG LA 'JUG PAR 'DOD PAR 'GYUR RO SNYAM NA, BRJOD PAR BYA STE, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,CI'I PHYIR ZHE NA, MI SRID PA'I PHYIR RO, ,GAL TE MTSAN NYID DANG BCAS PA YIN NA NI, MTSAN NYID MED PA MA YIN NO, ,DE STE MTSAN NYID MED PA YIN NA NI MTSAN NYID DANG BCAS PA MA YIN TE, DE'I PHYIR MTSAN NYID DANG BCAS PA YANG YIN LA, MTSAN NYID MED PA YANG YIN NO ZHES BYA BA 'DI NI 'GAL BA YIN NO, 'GAL @44B BA DAG NI SRID PA YANG MA YIN NO, ,DE'I PHYIR MI SRID PAS MTSAN NYID DANG BCAS PA YANG YIN LA, MTSAN NYID MED PA YANG YIN PA LA MTSAN NYID 'JUG PA MI 'THAD DO, ,CI STE YANG GAL TE MTSAN NYID 'JUG PA MED PA DE LTAR NA YANG MTSAN GZHI YOD DO SNYAM NA, 'DI YANG YOD PA MA YIN TE, GANG GI PHYIR, MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,GANG GI TSE MTSAN NYID 'JUG PA NYID MED PA DE'I TSE JI LTAR MTSAN GZHIR 'GYUR TE, YOD PA MA YIN PA NYID DO SNYAM DU DGONGS PA'O, ,'DIR SMRAS PA, KHYOD KYIS 'JUG PA BKAG PA YIN GYI MTSAN NYID NI MA YIN TE, DE'I PHYIR MTSAN NYID YOD PAS MTSAN GZHI YANG YOD PA YIN NO, ,BRJOD PAR BYA STE, MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,ZHES BYA BA'O, ,MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO,, ZHES BSTAN PA DE'I TSE, MTSAN GZHI 'THAD PA MA YIN DANG, ,MTSAN NYID KYANG YOD PA MA YIN TE RTEN MED PA'I PHYIR RO, ,GANG GI TSE DE LTAR MTSAN NYID YOD PA MA YIN PA DE'I TSE, MTSAN NYID YOD PA'I PHYIR MTSAN GZHI YANG YOD DO ZHES GANG SMRAS PA DE MED DO, ,GANG GI PHYIR 'DI DE LTAR YIN PA, DE'I PHYIR MTSAN GZHI YOD MIN TE, ,MTSAN NYID YOD PA NYID MA YIN, ,ZHES MJUG BSDUS PA YIN NO, ,'DIR SMRAS PA, GAL TE YANG MTSAN NYID DANG MTSAN GZHI DAG MED PA DE LTA NA YANG DNGOS PO'I RANG BZHIN GYI NAM MKHA' YOD PA YIN LA, NAM MKHA' DNGOS PO'I RANG BZHIN CAN DU GYUR NA NI MTSAN GZHI 'AM MTSAN NYID DU YANG 'GYUR TE, DE'I PHYIR MTSAN GZHI DANG MTSAN NYID DAG KYANG YOD DO, ,'DI YANG MI RIGS SO ZHES BSHAD PA, ,MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,MTSAN GZHI DANG MTSAN NYID DAG JI LTAR MED PA DE LTAR NI GONG DU BSHAD ZIN TO, ,GANG GI TSE 'DI DAG MED PA DE'I TSE MTSAN GZHI DANG MTSAN NYID DANG BRAL BA'I PHYIR NAM MKHA'I ME TOG LTAR NAM MKHA' MED DO, ,GAL TE NAM MKHA' DNGOS POR GYUR PA MED NA, 'O NA DNGOS PO MED PA YOD PAR 'GYUR RO ZHE NA, 'DI YANG YOD PA MA YIN @45A *, ,TE, 'DI LTAR, DNGOS PO YOD PA MA YIN NA, ,DNGOS MED GANG GI YIN PAR 'GYUR, ,GANG GI TSE NAM MKHA' DNGOS PO MA YIN PA DE'I TSE DNGOS PO YOD PA MA YIN NA, DNGOS PO MED PA GANG GI YIN PAR BRTAG PAR BYA STE, GAL TE DNGOS PO MA GRUB NA, DNGOS PO MED PA 'GRUB MI 'GYUR, ,DNGOS PO GZHAN DU GYUR PA LA, ,DNGOS PO MED CES SKYE BO SMRA, ZHES 'CHAD PAR 'GYUR RO, ,DE'I PHYIR DNGOS PO MED PAS NAM MKHA' DNGOS PO MED PA YANG MED DO, ,NAM MKHA' DNGOS PO ZHES BYA BA NI GZUGS MED PA LA RNAM PAR GZHAG STE, ,DE'I PHYIR GAL TE GZUGS YOD NA NI DE'I TSE GZUGS MED PA LA NAM MKHA' ZHES BYA BAR 'GYUR NA, GANG GI TSE JI SKAD BSHAD PA RIGS PAS GZUGS NYID YOD PA MA YIN PA DE'I TSE GANG GI DNGOS PO MED PA NAM MKHA' 'GYUR, 'DIR DE DAG NI YONGS SU RTOGS PAR BYED PA PO YOD PA'I PHYIR, DNGOS PO DANG DNGOS PO MED PA GNYIS NI YOD PA NYID YIN LA, GANG ZHIG 'DI SKAD DU, DNGOS PO YOD PA MA YIN NA, ,DNGOS MED GANG GI YIN PAR 'GYUR, ,ZHES SMRA BA DNGOS PO DANG DNGOS PO MED PA DAG GI YONGS SU RTOG PAR BYED PA KHYOD YOD PA YANG YIN TE, DE'I PHYIR DNGOS PO DANG DNGOS PO MED PAR RTOG PAR BYED PA KHYOD YOD PAS BRTAG BYA DNGOS PO DANG DNGOS PO MED PA GNYIS KYANG YOD PA YIN NO ZHES SMRA'O, ,BRJOD PA 'DI YANG MI RUNG STE, ,GANG GI PHYIR, DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,GAL TE DE GNYIS KYI RTOG PAR BYED PA PO YOD NA NI, ,DNGOS PO DANG DNGOS PO MED PA DAG TU YANG 'GYUR NA, YOD PA YANG MA YIN NO, ,YOD NA YONGS SU RTOG PAR BYED PA GANG YIN PA DE DNGOS PO 'AM DNGOS PO MED PA ZHIG TU 'GYUR GRANG, GAL TE DNGOS PO YIN PAR 'DOD NA NI, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES 'DI'I SUN 'BYIN PA BSTAN ZIN TO, ,'ON TE, DNGOS PO MED PA YIN NA NI, ,DNGOS PO YOD PA MA YIN NA, ,DNGOS MED GANG GI YIN PAR 'GYUR, ,ZHES BYA BA DER SUN 'BYIN PA BSHAD ZIN TO, ,GANG ZHIG 'DI GNYIS KYI RTOG PAR BYED PAR 'GYUR BA, DNGOS PO MED @45B PA DANG CHOS MI MTHUN PA GSUM PA 'GA' ZHIG YOD PA YANG MA YIN TE, DE'I PHYIR DNGOS PO DANG DNGOS PO MED PA DAG GI YONGS SU RTOG PAR BYED PA MED DO, ,DE NYID KYI PHYIR, BCOM LDAN 'DAS KYIS KYANG, GANG GIS DNGOS RNAMS DNGOS MED SHES PA DE, ,NAM YANG DNGOS PO KUN LA CHAGS MI 'GYUR, ,GANG ZHIG NAM YANG DNGOS KUN CHAGS MED PA, ,DE NI TING 'DZIN MTSAN MA MED LA REG ,CES BYA BA DANG, DE BZHIN DU, GANG DAG CHOS RNAMS STONG LA SEMS BYED PA'I, ,BYIS PA DE DAG LAM NGAN ZHUGS PA YIN, ,CHOS RNAMS STONG PA YI GES BRJOD PA YIN, DE DAG YI GE MED PAR YI GES BSTAN, ,GANG DAG ZHI ZHING RAB ZHI'I CHOS SEMS PA'I, ,SEMS DPA' DE YANG NAM YANG BYUNG MA YIN, ,SPROS KUN SEMS KYI RNAM PAR RTOG YIN TE, ,DE'I PHYIR CHOS RNAMS BSAM YAS RTOGS PAR GYIS, ,ZHES BYA BA LA SOGS PA GSUNGS SO, ,DA NI JI LTAR BSTAN PA DE LTAR MJUG BSDU BA'I PHYIR, DE PHYIR NAM MKHA'I DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES BYA BA GSUNGS SO, ,NAM MKHA' JI LTA BA DE BZHIN DU KHAMS LNGA PO GZHAN GANG DAG KYANG NAM MKHA' MTSUNGS, SA LA SOGS PA'I KHAMS LNGA PO GZHAN GANG DAG LHAG MAR GYUR PA DE DAG KYANG NAM MKHA' LTAR DNGOS PO DANG DNGOS PO MED PA DANG MTSAN GZHI DANG, MTSAN NYID DANG BRAL BAR SHES PAR BYA'O ZHES BYA BA'I THA TSIG GO, ,DE'I PHYIR DNGOS PO RNAMS KYI RANG BZHIN DE LTAR RNAM PAR GNAS PA YIN DANG, MA RIG PA'I RAB RIB KYIS BLO GROS KYI MIG NYAMS PAR GYUR PA NYID KYIS 'KHOR BA THOG MA MED PA NAS DNGOS PO DANG DNGOS PO MED PA LA SOGS PA PHYIN CI LOG TU LTA BA GOMS PA RANG BZHIN MED PA PHYIN CI MA LOG PAR MTHONG BA'I LAM MYA NGAN LAS 'DAS PA DANG MTHUN PAR 'GRO BA LAS NYAMS PA, BLO CHUNG GANG DAG DNGOS RNAMS LA, ,YOD PA NYID DANG MED NYID DU, ,LTA BA DE NI BLTA BYA BA, ,NYE BAR ZHI BA ZHI MI MTHONG, ,BLO ZHAN PA NYID KYIS YOD PA NYID DANG MED PA NYID DU MNGON PAR ZHEN PA DE DAG GIS MYA NGAN LAS 'DAS PA BLTA BAR BYA BA NYE BAR ZHI ZHING ZHI BA'I MTSAN NYID RTOG PA THAMS CAD DANG BRAL BA, SHES PA @46A *, ,DANG SHES BYA LOG PA'I NGO BO DON DAM PA, STONG PA NYID KYI RANG BZHIN CAN MI MTHONG NGO, ,JI SKAD DU, RIN PO CHE'I PHRENG BA LAS, MED PA PA NI NGAN 'GROR 'GRO, ,YOD PA PA NI BDE 'GROR 'GRO, ,YANG DAG JI BZHIN YONGS SHES PHYIR, ,GNYIS LA MI BRTEN THAR PAR 'GYUR, ,ZHES BSHAD DO, ,MDO LAS KYANG BCOM LDAN 'DAS KYIS, YOD DANG MED CES BYA BA GNYI GA MTHA', ,DAG DANG MA DAG 'DI YANG MTHA' YIN NO, ,DE'I PHYIR GNYI GA'I MTHA' NI RNAM SPANGS NAS, ,MKHAS PAS DBUS LA'ANG GNAS PAR YOD MI BYED, ,YOD DANG MED CES BYA BA RTZOD PA STE, ,DAG DANG MA DAG 'DI YANG RTZOD PA YIN, ,RTZOD PAR GYUR PA SDUG BSNGAL ZHI MI 'GYUR, ,RTZOD PA MED PAR 'GYUR BA SDUG BSNGAL 'GAG ,CES GSUNGS SO, ,DE'I PHYIR 'KHOR BA'I LAM GYIS MYA NGAN LAS 'DAS PA DAM PA 'THOB PA ZHES BYA BA GANG YIN PA NI SRID PA MA YIN NO, SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, KHAMS BRTAG PA ZHES BYA BA RAB TU BYED PA LNGA PA'I 'GREL PA'O,, ,,'DIR SMRAS PA, PHUNG PO DANG KHAMS DANG SKYE MCHED RNAMS NI YOD PA NYID DE, DE'I RTEN CAN KUN NAS NYON MONGS PA DMIGS PA'I PHYIR RO, ,'DI NA GANG YOD PA MA YIN PA DE'I RTEN CAN GYI KUN NAS NYON MONGS PA NI DMIGS PA MED DE, DPER NA MO GSHAM GYI BU DANG MO GSHAM GYI BU MO'I KUN NAS NYON MONGS PA BZHIN NO, ,'DOD CHAGS LA SOGS PA'I KUN NAS NYON MONGS PA'I RGYU DAG NI YOD PA YIN TE, JI SKAD DU, BCOM LDAN 'DAS KYIS DGE SLONG DAG BYIS PA SO SO'I SKYE BO THOS PA DANG MI LDAN PA RTAG PAR LHUNG BA NI MIG GI GZUGS RNAMS MTHONG NAS YID BDE BA'I GNAS SU MNGON PAR ZHEN PAR 'GYUR RO, ,DE MNGON PAR ZHEN PAR GYUR NAS 'DOD CHAGS SKYED PAR BYED DO, ,CHAGS PAR GYUR NAS LUS DANG NGAG DANG YID KYI 'DOD CHAGS LAS BYUNG BA'I LAS MNGON PAR 'DU BYED PAR 'GYUR RO, ,ZHES RGYA CHER GSUNGS SO, ,BRJOD PAR BYA STE, GAL TE 'DOD CHAGS LA SOGS PA DAG NYID YOD NA, PHUNG PO DANG KHAMS DANG SKYE MCHED RNAMS YOD PAR 'GYUR NA, YOD PA NI MA YIN TE, 'DIR 'DOD CHAGS 'DI YONGS SU @46B BRTAGS PA NA, CHAGS PA YOD PA'AM, MED PA NA RTOG PA ZHIG NA, GNYI GA LTAR YANG MI RUNG NGO ZHES BSHAD PA, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,DE LA BRTEN NAS 'DOD CHAGS YOD, ,CHAGS YOD 'DOD CHAGS YOD PAR 'GYUR, , 'DOD CHAGS DANG, CHAGS ZHEN DANG, LHAG PAR ZHEN PA DANG, PHRAD ZHEN DANG, MNGON PAR ZHEN PA ZHES BYA BA DAG NI RNAM GRANGS SO, ,CHAGS PA NI 'DOD CHAGS KYI RTEN YIN TE, GAL TE 'DOD CHAGS KYI SNGA ROL NA, 'DOD CHAGS MED PA STE, 'DOD CHAGS DANG BRAL BA ZHIG YOD PAR GYUR NA NI, 'DOD CHAGS DANG BRAL BA'I CHAGS PA DE LA BRTEN NAS 'DOD CHAGS YOD PAR 'GYUR RO, ,DE LTA NA NI CHAGS PA YOD NA 'DOD CHAGS YOD DO ZHES BYA BA RIGS PAR 'GYUR NA, 'DOD CHAGS DANG BRAL YANG CHAGS PA YIN PAR 'GYUR PA GANG YIN PA DE LTA BU NI MED DE, DGRA BCOM PA DAG LA YANG CHAGS PA YOD PAR THAL BAR 'GYUR BA'I PHYIR RO, ,GAL TE DE LTAR CHAGS PA YOD PA NA 'DOD CHAGS MED NA, 'O NA CHAGS PA MED PA YIN NO ZHE NA, 'DI YANG RIGS PA MA YIN NO ZHES BSHAD PA, CHAGS PA YOD PAR MA GYUR NA'ANG, ,'DOD CHAGS YOD PAR GA LA 'GYUR, ,GANG GI TSE CHAGS PA YOD PA NA 'DOD CHAGS YOD PA MA YIN PA DE'I TSE, JI LTAR CHAGS PA YOD PAR MA GYUR PA NA, RTEN MED PA'I 'DOD CHAGS GRUB PAR GA LA 'GYUR TE, SHING THOG MED PAR DE'I SMIN PA NYID YOD PA NI MA YIN NO, ,'DIR SMRAS PA, GAL TE YANG KHYOD KYIS 'DOD CHAGS BKAG MOD KYI, DE LTA NA YANG CHAGS PA NI YOD PA YIN TE, MA BKAG PA'I PHYIR RO, ,CHAGS PA YANG 'DOD CHAGS MED PAR NI MI RIGS TE DE'I PHYIR 'DI YANG YOD DO, ,BRJOD PAR BYA STE, GAL TE CHAGS PA YOD NA 'DOD CHAGS YOD PAR 'GYUR BA ZHIG NA, YOD PA NI MA YIN TE,, 'DI LTAR CHAGS PA 'DI 'DOD PA NA, 'DOD CHAGS YOD PA'ANG MED PA NA RTOG GRANG NA, GNYI GA LTAR YANG 'THAD PA MA YIN NO ZHES BSHAD PA, CHAGS PA LA YANG 'DOD CHAGS NI, ,YOD DAM MED KYANG RIM PA MTSUNGS, ,DE LA GAL TE 'DOD CHAGS YOD PA NA CHAGS PA YOD PAR RTOG PAR BYED @47A *, ,NA NI, DE LTA NA YANG, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,ZHES BYA BA LA SOGS PAS CHAGS PA LA YANG BSHAD MA THAG PA 'DOD CHAGS MI 'THAD PA'I RIM PA 'DI NYID MTSUNGS SO, ,CI STE 'DOD CHAGS MED PAR CHAGS PA 'DOD NA NI, 'DI YANG MI RIGS TE, 'DI LTAR 'DOD CHAGS YOD PAR MA GYUR NA'ANG, ,CHAGS PA YOD PAR GA LA 'GYUR, ,DE'I PHYIR CHAGS PA YANG MED DO, ,'DOD CHAGS DANG CHAGS PA MED PA'I PHYIR NA PHUNG PO LA SOGS PA DAG KYANG MED DO, ,'DIR SMRAS PA, GANG LAS SKYON 'DIR 'GYUR BA 'DOD CHAGS DANG CHAGS PA DAG SNGA PHYIR 'GYUR BA NI MA YIN PA NYID DO, ,'O NA CI ZHE NA, 'DOD CHAGS DANG CHAGS PA DAG NI LHAN CIG KHO NAR 'BYUNG STE, SEMS DANG LHAN CIG 'BYUNG BA'I 'DOD CHAGS KYIS, SEMS CHAGS PAR BYAS LA, DE LA CHAGS PA YIN TE, DE'I PHYIR 'DOD CHAGS DANG CHAGS PA DAG YOD DO ZHE NA, BRJOD PAR BYA STE, DE LTA NA YANG, 'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,'DOD CHAGS DANG CHAGS PA GNYIS LHAN CIG SKYE BA YANG MI RIGS TE, GANG GI PHYIR, 'DI LTAR 'DOD CHAGS CHAGS PA DAG ,PHAN TSUN LTOS PA MED PAR 'GYUR, ,LHAN CIG 'BYUNG BA'I PHYIR BA LANG GI RVA G-YAS G-YON BZHIN NO SNYAM DU DGONGS PA'O, ,GZHAN YANG 'DOD CHAGS DANG CHAGS PA 'DI DAG LHAN CIG PA NYID DU GCIG NYID DAM, THA DAD PA ZHIG LA RTOG GRANG, DE LA GAL TE GCIG NYID LA YIN NA NI DE MI RUNG NGO, ,GANG GI PHYIR, GCIG NYID LHAN CIG NYID MED DE, YANG CI'I PHYIR MED CE NA, DE NYID DE DANG LHAN CIG MIN, ,'DI LTAR 'DOD CHAGS KYI RANG GI BDAG NYID 'DOD CHAGS LAS THA MI DAD PA NI 'DOD CHAGS DANG LHAN CIG PA YIN NO ZHES BRJOD PA MA YIN NO, DA NI THA DAD PA NYID LA YANG LHAN CIG PA NYID MED PAR BSHAD PA, CI STE THA DAD NYID MED NA, ,LHAN CIG TU NI JI LTAR 'GYUR, ,SNANG BA DANG MUN PA'AM 'KHOR BA DANG MYA NGAN LAS 'DAS PA THA DAD PAR GYUR PA DAG LA NI LHAN CIG PA NYID MA MTHONG NGO, ,GZHAN YANG, GAL TE GCIG PU LHAN @47B CIG NA, ,GROGS MED PAR YANG DER 'GYUR RO, ,GAL TE THA DAD LHAN CIG NA, ,GROGS MED PAR YANG DER 'GYUR RO, ,GAL TE GCIG NYID LA LHAN CIG PA NYID DU 'GYUR NA NI, DE'I TSE GANG DANG GANG NA GCIG NYID YOD PA DE DANG DE NA LHAN CIG PA NYID YOD DO ZHES BYA BAS GCIG PU ZHIG [?] LA YANG LHAN CIG PA NYID YOD PAR 'GYUR RO, ,THA DAD PA NYID LA LHAN CIG PA NYID 'DOD NA YANG, GANG DANG GANG NA THA DAD PA NYID YOD PA DE DANG DE NA LHAN CIG PA NYID YOD DO ZHES BYA BAS BA LANG RTA LA SOGS PA LAS THA DAD CING SO SOR GNAS PA GROGS MED PA LA YANG LHAN CIG PA NYID YANG YOD PAR 'GYUR RO, ,GZHAN YANG, GAL TE THA DAD LHAN CIG NA, ,CI GO 'DOD CHAGS CHAGS PA DAG ,THA DAD NYID DU 'GRUB 'GYUR RAM, ,DE NAS DE GNYIS LHAN CIG 'GYUR, ,GAL TE YANG 'DOD CHAGS DANG CHAGS PA DAG THA DAD PA NYID LA LHAN CIG PA NYID DU RTOG NA NI, CI 'DI GNYIS THA DAD PA NYID DU GRUB BAM, GANG LAS DE DAG LHAN CIG PA NYID DU 'GYUR BA, ,CI GO 'DOD CHAGS CHAGS PA LA MI LTOS PA'AM, CHAGS PA YANG 'DOD CHAGS LA MI LTOS PA ZHES BYA BAR GRUB BAM, 'DI LTAR THA DAD PAR GRUB PA'I BA LANG DANG RTA DAG KHO NA LA LHAN CIG PA NYID DU MTHONG BA LTA BU YIN NA, 'DOD CHAGS DANG CHAGS PA DAG NI DE LTAR THA DAD PAR GRUB PA MA YIN PAS 'DI GNYIS LA LHAN CIG PA NYID MED DO, ,CI STE YANG THA DAD PAR MA GRUB PA DAG LA LHAN CIG PA NYID MED PA'I PHYIR, GAL TE 'DOD CHAGS CHAGS PA DAG ,THA DAD NYID DU GRUB GYUR NA STE KHYOD RTOG PAR 'GYUR NA DA NI CUNG ZAD KYANG MI BYED PA'I LHAN CIG PA NYID BRTAGS PAS CI ZHIG BYA ZHES BSHAD PA, DE DAG LHAN CIG NYID DU NI, ,CI YI PHYIR NA YONGS SU RTOG ,'DOD CHAGS DANG CHAGS PA DAG GRUB PAR BYA BA'I PHYIR LHAN CIG PA NYID RTOG PAR BYED LA, DE YANG THA DAD PAR MA GRUB PA DAG LA YOD PA MA YIN PAS THA DAD PAR GRUB PAR KHAS LEN NA NI, DE LTAR GRUB PA'I PHYIR 'DI DAG GI LHAN CIG PA NYID KYIS CI ZHIG BYA, 'ON TE, THA DAD GRUB PAR MA GYUR PAS, ,DE PHYIR LHAN CIG 'DOD BYED NA STE, ,'DOD CHAGS DANG CHAGS PA DAG THA DAD PAR GRUB PA YOD PA MA YIN PA'I @48A *, ,PHYIR, GAL TE 'DI DAG LHAN CIG PA NYID DU 'DOD NA NI, DE YANG THA DAD PAR MA GRUB PA DAG LA YOD PA MA YIN PAS, LHAN CIG RAB TU BSGRUB PA'I PHYIR, ,THA DAD NYID DU YANG 'DOD DAM, ,DE LTAR YIN NA NI, GRUB PA PHAN TSUN RTEN PAR GNAS PA YIN DANG, DE GANG GRUB PAS GANG ZHIG GRUB PAR 'GYUR TE, GANG GI PHYIR, THA DAD DNGOS POR MA GRUB PAS, ,LHAN CIG DNGOS PO 'GRUB MI 'GYUR, ,THA DAD DNGOS PO GANG YOD NA, ,LHAN CIG DNGOS POR 'DOD PAR BYED, ,THA DAD PA'I DNGOS PO GANG ZHIG YOD NA, LHAN CIG PA'I DNGOS PO GRUB PAR 'GYUR BA LHAN CIG PA'I DNGOS PO LA MI LTOS PA THA DAD PA'I DNGOS PO DE NI YOD PA MA YIN PA NYID DO, ,DE'I PHYIR MI SRID PAR DGONGS NAS BSHAD PA, THA DAD DNGOS PO GANG YOD NA, ,LHAN CIG DNGOS POR 'DOD PAR BYED, ,DE'I PHYIR DE LTAR JI SKAD BSHAD PA'I RNAM PAR DPYAD PAS GZHIGS PAS 'DOD CHAGS DANG CHAGS PA GNYIS MA GRUB PA MJUG BSDU BA'I PHYIR, DE LTAR 'DOD CHAGS CHAGS PA DAG ,LHAN CIG LHAN CIG MIN MI 'GRUB, ,CES GSUNGS SO, ,JI LTAR 'DOD CHAGS DANG CHAGS PA DAG SNGA PHYIR MA GRUB LA, LHAN CIG PA NYID DU YANG MA GRUB PA DE BZHIN DU DNGOS PO THAMS CAD KYANG YIN NO ZHES BSGRE BA'I PHYIR BSHAD PA, ,'DOD CHAGS BZHIN DU CHOS RNAMS KUN, ,LHAN CIG LHAN CIG MIN MI 'GRUB, ,ZHE SDANG DANG SDANG BA DANG, GTI MUG DANG RMONGS PA RNAMS LA YANG 'DOD CHAGS DANG CHAGS PA LTAR MA GRUB PAR SBYAR BAR BYA'O, , DE NYID KYI PHYIR BCOM LDAN 'DAS KYIS, GANG 'DOD CHAGS PA DANG, GANG LA 'DOD CHAGS PA DANG, GANG GIS 'DOD CHAGS PA DANG, GANG ZHE SDANG BA DANG, GANG LA ZHE SDANG BA DANG, GANG GIS ZHE SDANG BA DANG, GANG GTI MUG PA DANG, GANG LA GTI MUG PA DANG, GANG GIS GTI MUG PAR 'GYUR BA'I CHOS DE DES YANG DAG PAR RJES SU MI MTHONG ZHING CHOS DE MI DMIGS SO, ,DES CHOS DE YANG DAG PAR RJES SU MA MTHONG ZHING MA DMIGS PAS, 'DOD CHAGS MED PA ZHE SDANG MED PA, GTI MUG MED PA SEMS PHYIN CI MA LOG PA, MNYAM PAR GZHAG PA @48B ZHES BYA'O, ,BRGAL BA PHA ROL TU PHYIN PA ZHES BYA'O, ,BDE BAR SON PA ZHES BYA'O, ,MI 'JIGS PA THOB PA ZHES BYA BA NAS ZAG PA ZAD PA ZHES BYA'O, ,NYON MONGS PA MED PA DBANG DANG LDAN PAR GYUR PA, SEMS SHIN TU RNAM PAR GROL BA, SHES RAB SHIN TU RNAM PAR GROL BA, CANG SHES PA, GLANG PO CHEN PO, BYA BA BYAS PA, BYED PA BYAS PA, KHUR BOR BA, BDAG GI DON RJES SU THOB PA, SRID PAR KUN DU SBYOR BA YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA, SEMS KYI DBANG THAMS CAD KYI DAM PA'I PHA ROL TU PHYIN PA'I DGE SBYONG ZHES BYA'O ZHES BYA BA'I BAR DU RGYA CHER GSUNGS SO, ,DE BZHIN DU, GANG DAG 'DOD CHAGS ZHE SDANG RGYAGS DANG GTI MUG GI ,NGO BO KUN RTOG GIS BSKYED LOG PAR ZHUGS SHES NAS, ,RNAM PAR RTOG PAR MI BYED CHAGS BRAL MI 'GYUR BA'I, ,SGOM PA DE DAG GNAS NI DNGOS PO THAMS CAD YIN, ,ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, ,'DOD CHAGS DANG CHAGS PA BRTAG PA ZHES BYA BA STE RAB TU PHYED PA DRUG PA'I 'GREL PA'O,, ,,'DIR SMRAS PA, PHUNG PO DANG KHAMS DANG SKYE MCHED 'DUS BYAS KYI RANG BZHIN CAN DAG NI YOD PA NYID DE, DE DAG GI 'DUS BYAS KYI MTSAN NYID SKYE BA LA SOGS PA YOD PA'I PHYIR RO, ,BCOM LDAN 'DAS KYIS KYANG DGE SLONG DAG GSUM PO 'DI NI 'DUS BYAS KYI MTSAN NYID DAG STE, 'DUS BYAS SKYE BAR YANG MNGON, 'JIG PAR YANG MNGON TE, GNAS PA LAS GZHAN DU 'GYUR BAR YANG MNGON NO ZHES GSUNGS SO, ,MED PA LA NI RI BONG GI RVA LTAR SKYE BA LA SOGS PA MTSAN NYID YOD PA MA YIN NO, ,DE'I PHYIR 'DUS BYAS KYI MTSAN NYID NYE BAR BSTAN PA LAS PHUNG PO DANG KHAMS DANG SKYE MCHED RNAMS YOD PA NYID DO, ,BRJOD PAR BYA STE, GAL TE KHYOD KYI LUGS LTAR SKYE BA LA SOGS PA'I MTSAN NYID YOD NA NI, PHUNG PO DANG KHAMS DANG SKYE MCHED 'DUS BYAS KYI RANG BZHIN CAN DAG YOD PAR 'GYUR BA ZHIG NA, YOD PA NI MA YIN NO, ,'DIR SKYE BA NI 'DUS BYAS KYI MTSAN NYID DU 'DOD PA NA, 'DUS BYAS ZHIG GAM 'DU @49A *, ,MA BYAS ZHIG DE'I MTSAN NYID DU 'DOD GRANG NA, DE LA, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,MTSAN NYID GSUM GYI TSOGS NI MTSAN NYID GSUM MO, ,GAL TE SKYE BA 'DUS BYAS SU RTOG NA NI, DES NA SKYE BA LA YANG MTSAN NYID GSUM YOD PAR THAL BAR 'GYUR TE, SKYE BA DANG GNAS PA DANG 'JIG PA'I TSOGS KYI RANG BZHIN 'DI NI 'DUS BYAS THAMS CAD LA MI 'KHRUL BA YIN PA'I PHYIR RO, ,DE'I PHYIR GZUGS LA SOGS PA BZHIN DU SKYE BAR MTSAN GZHI NYID DU 'GYUR GYI, 'DUS BYAS KYI MTSAN NYID DU NI MI 'GYUR RO, ,CI STE SKYE BA LA MTSAN NYID GSUM MI 'DOD NA NI, DE'I TSE MTSAN NYID GSUM PA DANG BRAL BA'I PHYIR DE 'DUS BYAS KYI MTSAN NYID YIN PA NYAMS PAR 'GYUR TE, NAM MKHA' BZHIN NO ZHES BSHAD PA NI, CI STE SKYE BA 'DUS MA BYAS, ,JI LTAR 'DUS BYAS MTSAN NYID YIN, ,ZHES BYA BA STE, 'DI NI 'DUS BYAS KYI MTSAN NYID MA YIN NO SNYAM DU DGONGS PA YIN NO, ,GZHAN YANG, SKYE BA LA SOGS PA 'DI DAG 'DUS BYAS KYI MTSAN NYID DU RTOG PA NA, SO SO BA STE RE RE BA ZHIG GAM, 'DUS PA STE LHAN CIG PA ZHIG MTSAN NYID DU RTOG PA ZHIG NA, GNYI GA LTAR YANG MI RUNG NGO ZHES BSHAD PA, SKYE LA SOGS GSUM SO SO YIS, ,'DUS BYAS MTSAN NYID BYA BAR NI, ,NUS MIN GCIG LA DUS GCIG TU, ,'DUS PA YANG NI JI LTAR RUNG, ,DE LA SO SO BA DAG GIS NI MTSAN NYID BYA BAR MI RIGS TE, GAL TE SKYE BA'I DUS NA GNAS PA DANG 'JIG PA MED NA, ,DE'I TSE NAM MKHA' LTAR GNAS PA DANG 'JIG PA DANG BRAL BA LA SKYE BA 'DUS BYAS KYI MTSAN NYID DU 'THAD PA MA YIN PA NYID DO, ,CI STE GNAS PA'I DUS NA SKYE BA DANG 'JIG PA DAG MED NA NI DE'I TSE DE DAG DANG BRAL BA LA GNAS PA YOD PAR 'GYUR NA, SKYE BA DANG 'JIG PA DANG BRAL BA'I DNGOS PO NI YOD PA YIN PAS, NAM MKHA'I ME TOG LTAR MED PA 'DI LA GNAS PA YOD PAR MI RIGS SO, ,GZHAN YANG GNAS PA DANG LDAN PA NI PHYIS MI RTAG PA NYID DANG YANG LDAN PAR MI 'GYUR TE, DE DANG 'GAL BA'I CHOS DANG LDAN PA'I PHYIR RO, ,CI STE SNGAR RTAG PAR GYUR PA LAS PHYIS MI RTAG PAR 'GYUR RO SNYAM NA, ,DNGOS PO GCIG @49B RTAG PA DANG MI RTAG PA DANG LDAN PAR NI MI RIGS SO, ,DE'I PHYIR SKYE BA DANG 'JIG PA DANG BRAL BA LA GNAS PA MED DO, ,DE BZHIN DU 'JIG PA'I DUS NA GNAS PA DANG SKYE BA MED NA, DE LTA NA YANG SKYE BA MED CING GNAS PA DANG BRAL BA 'DI LA 'JIG PA YANG YOD PA MA YIN TE NAM MKHA'I ME TOG BZHIN NO, ,DE LTAR NA RE ZHIG SKYE BA LA SOGS PA GSUM PO SO SO BA DAG GIS MTSAN NYID KYI BYA BA NUS PA MA YIN NO, ,NUS PA MA YIN PA NI MTHU YOD PA MA YIN NO ZHES BYA BA'I DON TO, ,DA NI 'DUS PA DAG KYANG MI RUNG NGO ZHES BSHAD PA, GCIG LA DUS GCIG TU, 'DUS PA YANG NI JI LTAR RUNG, , DNGOS PO GCIG PA DUS GCIG TU 'DOD CHAGS DANG CHAGS PA DANG BRAL BA BZHIN NAM SNANG BA DANG MUN PA LTAR PHAN TSUN 'GAL BA'I PHYIR MI RIGS SO SNYAM DU DGONGS PA YIN NO, ,SKAD CIG GANG KHO NA LA DNGOS PO SKYE BAR 'GYUR BA'I SKAD CIG DE KHO NA LA GNAS PA DANG 'JIG PA YIN NO ZHES SEMS DANG BCAS PA SU ZHIG GIS RTOGS PAR 'GYUR TE, DE'I PHYIR SKYE BA LA SOGS PA 'DUS PA RNAMS LA YANG 'DUS BYAS KYI MTSAN NYID KYI BYA BA LA MTHU YOD PA MA YIN NO, ,'DIR, GAL TE SKYE BA 'DUS BYAS NA, ,ZHES GANG BRJOD PA DE LA, GAL TE SKYE BA LA SOGS PA RNAMS LA MTSAN NYID GSUM YOD PAR 'GYUR ZHING THAL BAR 'GYUR NA, DE LAS NYES PA CIR 'GYUR LA, DE STE 'DUS MA BYAS PA YIN PA DE LTA NA YANG NYES PA CI YOD CE NA, BRJOD PAR BYA STE, SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG MED 'GYUR, ,MED NA DE DAG 'DUS BYAS MIN, ,GAL TE PHYOGS GNYI GA LA YANG NYES PA BRJOD ZIN PA NYID MA YIN NAM, DE LA ZLOS BU BRJOD PAS CI ZHIG BYA ZHE NA, NYES PA BRJOD PA BDEN MOD KYI, DE SLOB DPON GYIS GSUNGS PA NI MA YIN NO, ,'O NA CI ZHE NA, 'GREL PA MKHAN GYIS YIN NO, ,RNAM PA GCIG TU NA SNGAR DAM BCAS PA KHO NA SKYON GZHAN BRJOD PA'I SGO NAS GSAL BAR BYA BA'I PHYIR SLOB DPON GYIS SLAR GSUNGS PA YIN TE, GAL TE SKYE BA DANG GNAS PA DANG, 'JIG PA RNAMS LA SKYE BA LA SOGS PA 'DUS BYAS KYI MTSAN NYID GZHAN 'DOD NA NI, DE'I TSE DE DAG LA YANG GZHAN YIN PAS MTHA' @50A *, ,THUG PA MED PA'I SKYON DU 'GYUR RO, ,THUG PA MED PA'I SKYON DU GYUR NA YANG, GANG LA DUS PHYI MAR GZHAN DU 'GYUR BA, SNGA MA CI ZHIG YOD PAR 'GYUR, DE'I PHYIR RNAM PAR GZHAG PA MED PAS SKYE BA LA SOGS PA RNAMS MI SRID PA NYID DO SNYAM DU DGONGS PA YIN NO, , YANG NA SNGAR NI MI GTZO BO YIN PAS SKYE BA KHO NA LA SUN 'BYIN PA BRJOD LA, DA LTA NI THUN MONG DU YIN NO, ,MED NA DE DAG 'DUS BYAS MIN, ,ZHES BYA BA 'DI NI DON GO BAR ZAD DO, ,'DIR MANG POS BKUR BA DAG ,SKYE BA LA SOGS PA RNAMS LA SKYE BA LA SOGS PA DAG YOD LA, THUG PA MED PAR THAL BAR YANG MI 'GYUR TE, MTSAN NYID DANG MTHUN PA'I MTSAN NYID RNAMS PHAN TSUN SGRUB PAR BYED PA'I PHYIR RO, ,GANG GI PHYIR 'DIR, 'DUS BYAS KYI CHOS DGE BA 'AM NYON MONGS PA CAN ZHIG SKYE BA NA, BDAG NYID DANG BCO LNGA SKYE BAR 'GYUR TE, CHOS DE NYID DANG, DE'I SKYE BA DANG, LDAN PA DANG, GNAS PA DANG, RGA BA DANG, MI RTAG PA NYID DANG, GAL TE CHOS DE NYON MONGS PA CAN ZHIG YIN NA NI, DE'I LOG PA'I RNAM PAR GROL BA DANG, 'ON TE DGE BA ZHIG YIN NA NI, DE'I YANG DAG PA'I RNAM PAR GROL BA DANG, GAL TE NGES PAR 'BYUNG BA ZHIG YIN NA NI DE'I NGES PAR 'BYUNG BA NYID DANG, DE STE NGES PAR 'BYUNG BA MA YIN PA ZHIG YIN NA NI, DE'I NGES PAR 'BYUNG BA MA YIN PA NYID DE, DE LTAR NA 'DI DAG NI 'KHOR YIN NO, ,DE NAS GZHAN SKYE BA'I SKYE BA NAS, NGES PAR 'BYUNG BA MA YIN PA'I NGES PAR 'BYUNG BA MA YIN PA NYID CES BYA BA'I BAR 'DI DAG NI 'KHOR GYI 'KHOR YIN NO, ,DE DAG RTZA BA'I SKYE BA GANG YIN PA DES NI BDAG NYID MA GTOGS PA CHOS GZHAN BCU BZHI SKYED PAR BYED LA, SKYE BA'I SKYE BA'I MING CAN MTHUN PA'I MTSAN NYID DU GYUR PA'I SKYES PAS NI RTZA BA'I SKYE BA KHO NA SKYED PAR BYED DO, ,DE BZHIN DU, NGES PAR 'BYUNG BA MA YIN PA NYID KYIS NI TSES BCU BZHI NGES PAR 'BYUNG BAR MI BYED DE, DE DAG GIS MYA NGAN LAS 'DAS PA THOB PAR MI BYED DE ZHES BYA BA'I DON TO, ,NGES PAR 'BYUNG BA MA YIN PA'I NGES PAR 'BYUNG BA MA YIN PA NYID KYIS NI NGES PAR 'BYUNG BA MA YIN PA DE KHO NA NGES PAR 'BYUNG BAR MI BYED DO ZHES BYA BA'I @50B BAR DU YIN NO, ,DE'I PHYIR DE LTAR SKYE BA LA SOGS PA RNAMS KYI THUG PA MED PA SPANG BA'I PHYIR, SKYE BA'I SKYE BAS RTZA BA YI, ,SKYE BA 'BA' ZHIG SKYED PAR BYED, ,RTZA BA'I SKYE BAS SKYE BA YI, ,SKYE BA'ANG SKYED PAR BYED PA YIN, ,ZHES SMRAS SO, ,SKYE BA NI RNAM PA GNYIS TE, GCIG NI RTZA BA'I SKYE BA'O, ,GZHAN NI SKYE BA'I SKYE BA ZHES BYA BA STE, SKYE BA'I SKYE BA NI SKYE BA'I SKYE BA'O ZHES BYA BA'I PHYIR RO, ,DE LA GANG SKYE BA'I SKYE BA ZHES BYA BA'I SKYE BA DES NI RTZA BA'I SKYE BA 'BA' ZHIG GI SKYED PAR BYED PA YIN LA, DE NAS SKYE BA'I SKYE BA ZHES BYA'I SKYE BA DE NI RTZA BA'I SKYE BAS SKYED PAR BYED PA YIN NO, , DE'I PHYIR DE LTAR PHAN TSUN SGRUB PAR BYED PA'I PHYIR SKYE BA LA SOGS PA RNAMS LA MTSAN NYID GSUM PO YOD PA YIN LA, THUG PA MED PAR THAL BAR YANG MI 'GYUR RO ZHES SMRA BA'O, ,'DI LA BRJOD PAR BYA STE, GAL TE KHYOD KYI SKYE BA'I SKYES, ,RTZA BA'I SKYE BA SKYED BYED NA, ,KHYOD KYI RTZA BAS MA BSKYED DES, DE NI JI LTAR SKYED PAR BYED, ,GAL TE SKYE BA'I SKYE BAS RTZA BA'I SKYE BA SKYED PAR BYED PA YIN NO ZHES BYA BA KHYOD KYI LUGS YIN NA, DE NI RTZA BA'I SKYE BAS MA BSKYED PAR GYUR BA'I SKYE PA'I SKYE BA DES JI LTAR RTZA BA SKYED PAR BYED PA YIN, CI STE RTZA BA'I SKYES PAS BSKYED PA'I SKYE BA'I SKYE BA KHO NAS RTZA BA SKYED PAR BYED DO SNYAM DU SEMS NA, 'DI YANG YOD PA MA YIN NO ZHES BSHAD PA, GAL TE KHYOD KYI RTZA BA YIS, ,BSKYED PA DE YIS RTZA BSKYED NA, ,DES MA BSKYED PA'I RTZA BA DES, ,DE NI JI LTAR SKYED PAR BYED, ,GAL TE SKYE BA'I SKYE BA ZHES BYA BA'I SKYE BA RTZA BAS BSKYED PA DES RTZA BA SKYED BAR BYED NA, DES MA BSKYED CING YOD PA MA YIN PA'I RTZA BA'I SKYE BA DES JI LTAR SKYE BA'I SKYE BA SKYED PAR 'GYUR, DE'I PHYIR RTZA BAS BSKYED PAR MA GYUR PA'I SKYE BA'I SKYE BAS RTZA BA BSKYED PAR 'GYUR RO ZHES BYA BA MI RIGS SO, ,DE'I PHYIR PHAN TSUN SGRUB PAR BYED PA MED PA'I PHYIR THUG PA MED PAR THAL BAR DE NYID DU 'GYUR RO, ,DE'I PHYIR SKYE BA MED DO, ,'DIR SMRAS PA, RTZA BA'I SKYE BA SKYE BZHIN PA NYID KYIS SKYE BA'I SKYE BA SKYED PAR BYED LA, SKYE BA'I SKYE BA DE NYID KYIS RTZA BA'I SKYE BA SKYED PAR 'GYUR RO ZHE NA, GAL TE, DE MA SKYES PA DE YIS NI, ,DE SKYED PAR NI BYED NUS NA, , @51A *, ,KHYOD KYI SKYE BZHIN PA DE YIS, ,DE BSKYED PAR NI 'DOD LA RAG ,GAL TE RANG NYID MA SKYES PAS MA SKYES PA GZHAN BSKYED PAR NUS NA NI, RTZA BA'I SKYE BA SKYE BZHIN PA DES SKYE BA'I SKYE BA BSKYED PAR 'DOD LA RAG PA ZHIG NA, SKYE BZHIN PA ZHES BYA BA NI MA 'ONGS PA YIN LA, DE YANG MA SKYES PA YIN PAS JI LTAR GZHAN SKYED PAR 'GYUR TE, 'DI NI MI RIGS SO SNYAM DU DGONGS PA YIN NO, ,SKYE BA'I SKYE BA LA YANG DE BZHIN DU BRJOD PAR BYA'O, ,'DIR SMRAS PA, GANG LAS THUG PA MED PAR THAL BAR 'GYUR BA, SKYE BA LA NI SKYE BA GZHAN YOD PA MA YIN TE, 'O NA CI ZHE NA, JI LTAR MAR ME RANG DANG GZHAN, ,SNANG BAR BYED PA DE BZHIN DU, ,SKYE BA'ANG RANG DANG GZHAN GYI DNGOS, ,GNYI GA SKYED PAR BYED PA YIN, ,JI LTAR MAR ME SNANG BA'I RANG BZHIN YIN PA'I PHYIR, BDAG NYID DANG BUM PA SNANG BAR BYED PA DE BZHIN DU, SKYE BA YANG SKYE BA'I RANG BZHIN YIN PA'I PHYIR, BDAG NYID DANG GZHAN NYID BSKYED PAR 'GYUR RO, ,BRJOD PAR BYA STE, GAL TE MAR ME RANG DANG GZHAN GYI BDAG NYID SNANG BAR BYED NA NI, 'DI DE LTAR 'GYUR BA ZHIG NA, BYED PA YANG MA YIN TE, 'DI LTAR, MAR ME DANG NI GANG DAG NA, ,DE 'DUG PA NA MUN PA MED, ,MAR MES CI ZHIG SNANG BAR BYED, ,MUN PA SEL BAS SNANG BYED YIN, ,'DIR SNANG BAR BYED PA ZHES BYA BA NI MUN PA SEL BAS YIN NA, MUN PA GANG SEL BAR BYED PAS RANG GI BDAG NYID SNANG BAR BYED PA NYID DU 'GYUR BA, RE ZHIG MAR ME'I RANG GI BDAG NYID LA NI MUN PA YOD PA MA YIN TE, 'GAL BA'I PHYIR RO, ,MUN PA RANG GANG SEL BAR BYED BAS MAR ME LA GZHAN SNANG BAR BYED PA NYID YOD PAR 'GYUR BA, YUL GANG NA MAR ME 'DUG PA DE NA YANG MUN PA YOD PA MA YIN NO, ,DE'I PHYIR, MAR ME LA RANG DANG GZHAN GYI BDAG NYID SNANG BAR BYED PA NYID MED DO, ,GANG GI TSE DE LTAR YIN PA DE'I TSE MAR ME BZHIN DU SKYE BA LA RANG DANG GZHAN GYI BDAG NYID SKYED PAR BYED PA NYID YOD PAR 'GYUR RO ZHES BYA BA 'DI NI RIGS PA MA YIN NO, ,'DIR SMRAS PA, MAR ME DANG NI GANG DAG NA, ,DE 'DUG PA NA MUN @51B PA MED, ,CES GANG SMRAS PA DE NI MUN PA BSAL BA MED NA, DE LTAR BRJOD PAR MI RIGS PA ZHIG STE, GANG GI PHYIR, SKYE BZHIN PA'I MAR ME NYID KYIS MUN PA BSAL BA YIN TE, DE'I PHYIR MAR ME LA MUN PA MED CING, GANG NA MAR ME YOD PA DE NA YANG MUN PA MED DO ZHES BYA BAR RIGS PA YIN NO, ,GAL TE MAR MES MUN PA BSAL BAR MA BYAS PAR 'GYUR NA NI, DE'I TSE MAR ME MI 'BAR BA DE BZHIN DU 'BAR BA NA YANG, BUM PA LA SOGS PA RNAMS DMIGS PAR MI 'GYUR TE, SNGAR GYI GNAS SKABS BZHIN DU MUN PA BSAL BA MED PA'I PHYIR RO, ,DE'I PHYIR MAR ME LA MUN PA SEL BA'I MTSAN NYID CAN GYI SNANG BAR BYED PA YOD PA YIN LA, DE YANG MAR ME SKYE BZHIN PA 'DIS BYAS PA YIN NO, ,BRJOD PAR BYA STE, GANG TSE MAR ME SKYE BZHIN PA, ,MUN PA DANG NI PHRAD MED NA, ,JI LTAR MAR ME SKYE BZHIN PAS, ,MUN PA SEL BAR BYED PA YIN, , 'DIR SNANG BA DANG MUN PA GNYIS LA CIG CAR BA NYID MED PA'I PHYIR PHRAD PA MED LA, GANG GI TSE DE LTAR PHRAD PA MED PA DE'I TSE, DE NI JI LTAR DE RNAM LA GANG GIS MAR ME SKYE BZHIN PAS MUN PA SEL LO ZHES BRTAG PAR RIGS PAR 'GYUR, GANG GI PHYIR DE LTAR MAR ME SKYE BZHIN PA MUN PA DANG PHRAD PA MED LA, PHRAD PA MED PA DE'I PHYIR MAR MES CUNG ZAD KYANG SNANG BAR BYED PA MA YIN NO ZHES BYA BAR NGES PAR BYA'O, ,CI STE YE SHES KYIS MA RIG PA MA PHRAD PA KHO NA 'JOMS PA DANG, MIG GIS GZUGS MA PHRAD PA NYID MTHONG BA DANG, NOR BU KHAB LEN GYIS LCAGS MA PHRAD PA KHO NA 'DREN PAR BYED PA DE BZHIN DU MAR MES MA PHRAD PA'I MUN PA SEL BAR 'GYUR RO SNYAM DU SEMS NA, 'DI YANG SNYING PO MED DO ZHES BSHAD PA, MAR ME PHRAD PA MED PAR YANG, ,GAL TE MUN PA SEL BYED NA, ,'JIG RTEN KUN NA GNAS PA'I MUN, ,'DI NA GNAS PA DES BSAL 'GYUR, ,GAL TE MAR MES PHRAD PA MED PAR MUN PA SEL NA NI, DE LTA YIN DANG 'DI NA GNAS PA'I MAR MES 'JIG RTEN NO COG NA GNAS PA'I MUN PA SEL BAR 'GYUR TE, MA PHRAD PA'I PHYIR NYE BA NA GNAS PA BZHIN NA SNYAM DU DGONGS SO, ,TSUL 'DIS NI YE SHES @52A *, ,KYIS MA RIG PA 'JOMS SHING, MIG GIS GZUGS MTHONG LA, NOR BU KHAB LEN GYIS LCAGS 'DREN NO ZHES BYA BA DE LTA BU LA SOGS PA YANG BSGRUB PAR BYA BA DANG MTSUNGS PAR SHES PAR BYA'O, ,CI STE MA PHRAD PA YIN YANG NOR BU KHAB LEN PA LA SOGS PA RUNG BA'I YUL NA GNAS PA RNAMS KHO NAS RANG GI 'BRAS BU BYED PA NYID DU 'GYUR RO ZHE NA, DE YANG MI RUNG STE, MA PHRAD PA YIN NA NI, YUL GZHAN THAG RING BA NA GNAS PA DANG, BAR DU CHOD PA'I YUL GZHAN GNAS PA GZHAN DU MA PHRAD PA'I PHYIR NA, RUNG BA'I YUL NA GNAS PA RNAMS KYIS RUNG BA'I YUL NA GNAS PA NYID MI RIGS PAS RUNG BA'I YUL NA GNAS PA'I SGO NAS RANG GI 'BRAS BU BYED PA NYID KYANG GANG LAS 'GRUB PAR 'GYUR, GAL TE 'JIG RTEN DU MTHONG NGO ZHE NA, DE NI DE LTA MA YIN TE, JI LTAR KHYOD RTOG PAR BYED PA DE LTAR NI 'JIG RTEN DU MA MTHONG NGO, ,'DI LTAR 'JIG RTEN DU NI DE LTA BU'I YUL LA SOGS PA LA PHRAD PA DANG MA PHRAD PA'I DPYAD RA BCUG NAS, MAR ME LA SOGS PA RNAMS LA SNANG BAR BYED PA NYID LA SOGS PA RTOG PAR MI BYED DE, JI SKAD BRJOD PA'I RNAM PAR DPYAD PA MI 'JUG PAR MAR MES MUN PA SEL BA DANG MIG GIS GZUGS MTHONG BA DANG, NOR BU KHAB LEN GYIS LCAGS 'DREN NO ZHES BYA BA LA SOGS PAR 'DOD PA YIN NO, ,DE'I PHYIR KHYOD KYIS JI SKAD SMRAS PA DE LTAR 'JIG RTEN DU MA MTHONG BA NYID DO, ,YANG NA 'JIG RTEN GYIS DE LTAR MTHONG MOD, DE KHO NA RNAM PAR DPYOD PA'I DUS SU 'JIG RTEN TSAD MA MA YIN PA'I PHYIR DES GNOD PAR BYED MI NUS SO, ,DE LTAR NA RE ZHIG MA PHRAD PAR SNANG BAR BYED PA MI RIGS SO, ,YUL LA SOGS PA 'DZIN PA NI PHRAD NA, YANG MI RIGS PA NYID DE, PHRAD PA NI GCIG NYID YIN PAR 'GYUR LA, GANG GI TSE, GCIG NYID YIN PA DE'I TSE NI RANG GI NGO BO BZHIN DU MTHONG BA DANG 'DREN PA LA SOGS PA YOD PA MA YIN NO, ,GAL TE YANG 'THAD PA DANG BRAL BA NYID KYIS 'DI BRDZUN PA'I DON CAN NYID YIN PA'I PHYIR, 'JIG RTEN PA'I THA SNYAD LA PHRAD PA DANG MA PHRAD PA LA SOGS PA'I BSAM PA 'DI MI 'JUG MOD KYI, DE LTA NA YANG DON @52B DAM PAR YANG 'THAD PA DANG BRAL BA'I PHYOGS KHAS BLANGS PAR 'GYUR DU 'ONG BAS DE KHO NA NYID RNAM PAR DPYOD PA NA GZHUG PAR BYA BA YIN NO, ,SPROS PAS CHOG GO, ,GAL TE MAR ME RANG DANG GZHAN GYI BDAG NYID SNANG BAR BYED PAR RTOG NA, 'O NA NI GNYEN POR GYUR PA MUN PA LA YANG RANG DANG GZHAN GYI BDAG NYID SGRIB PAR BRTAG PAR BYA DGOS SO ZHES BSHAD PA, MAR ME RANG DANG GZHAN GYI DNGOS, ,GAL TE SNANG BAR BYED 'GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BAR THE TSOM MED, ,'GAL ZLA YIN PA'I PHYIR, MAR ME BZHIN DU MUN PA YANG RANG DANG GZHAN GYI DNGOS POR RTOGS PA'I BYA BA BYED PAR 'GYUR RO, ,DE'I PHYIR GZHAN BZHIN DU, BDAG NYID LA YANG SGRIB PAR 'GYUR RO, ,GAL TE MUN PAS BDAG NYID SGRIB PAR BYED NA NI, MUN PAS BSGRIBS PA'I PHYIR DE NYID KYANG MI DMIGS PAR 'GYUR TE, BUM PA LA SOGS PA BZHIN NO, ,DE NYID KYI PHYIR 'PHAGS PA NYE BA 'KHOR GYIS ZHUS PA LAS KYANG, SHIN TU DGA' BA'I BSTAN PA 'DI LA NI, ,KHYIM PA'I RTAGS SPANGS RAB TU BYUNG GYIS DANG, ,'BRAS BU YOD CING MCHOG TU 'GYUR GYI ZHES, ,THUGS RJE CAN GYIS DE SKAD BSTAN PA'ANG MDZAD, ,KHYIM PA'I RTAGS SPANGS RAB TU BYUNG GYUR NAS, ,'BRAS BU THAMS CAD THOB PAR GYUR YANG NI, ,CHOS KYI RANG BZHIN DAG LA GZHAL BYAS NAS, ,'BRAS BU KUN MED 'BRAS BU THOB PA'ANG MED, ,'ON KYANG 'BRAS BU THOB PA THOB 'GYUR BA, ,KYE MA'O MI MCHOG THUGS RJE LDAN PA YI, ,RGYAL BAS RIGS PA SHIN TU LEGS BSHAD CES, ,DE DAG NGO MTSAR CHE BA SKYE BAR 'GYUR, ,ZHES GSUNGS PA DANG, DE BZHIN DU 'PHAGS PA DKON MCHOG BRTZEGS PA'I MDO LAS KYANG, DPER NA KHYIM DU MI 'GA' LA LA YIS, ,YUN RING LON NAS MAR ME BUS BYAS NA, ,DE LA MUN PA BDAG GNAS RANG LON GYIS, ,'DI NAS MI 'GRO SNYAM DU SEMS PA MED, ,MAR ME BYUNG NA MUN PA MUN NAG LA, ,MED PAR MI 'GYUR BA YI NUS PA MED, ,MAR ME BRTEN NAS MUN PA MED PAR 'GYUR, ,GNYI GA STONG LA RLOM SEMS CI YANG MED, ,DE BZHIN ZAG MED 'PHAGS PA'I @53A *, ,YE SHES BRTEN, ,MI SHES NYON MONGS BSAGS PA MED PAR 'GYUR, ,YE SHES DANG NI NYON MONGS RTAG PAR YANG, ,DE DAG LAN 'GA' TZAM YANG 'GROGS PA MED, ,YE SHES MI SHES MED BYA MI SEMS KYANG, ,YE SHES BRTEN NAS MI SHES MED PAR 'GYUR, ,GNYI GA GZUNG MED NAM MKHA'I ME TOG BZHIN, ,DE BZHIN YE SHES MI SHES GNYI GA STONG, ,ZHES GSUNGS SO, ,GZHAN YANG 'DIR GAL TE SKYE BA 'DIS BDAG NYID SKYED PAR BYED NA, DE SKYES PA ZHIG GAM MA SKYES PA ZHIG GIS RANG GI BDAG NYID SKYED PAR BYED GRANG, ,GNYI GA LTAR YANG MI 'THAD DO ZHES BSHAD PA, SKYE BA 'DI NI MA SKYES PAS, ,RANG GI BDAG NYID JI LTAR BSKYED, ,CI STE SKYES PAS SKYED BYED NA, ,SKYES NA CI ZHIG BSKYED DU YOD, ,GAL TE SKYE BA MA SKYES PAS RANG GI BDAG NYID SKYED PAR BYED NA NI, NAM MKHA'I ME TOG KYANG RANG GI BDAG NYID SKYED PAR BYED PAR 'GYUR RO, ,'ON TE SKYES PAS SKYED PAR BYED NA NI, ,SKYES ZIN PA LA SKYE BA GZHAN GYIS DGOS PA CI ZHIG YOD, DE LTAR RE ZHIG SKYE BAS BDAG NYID BSKYED PA MA YIN NO, ,DA NI GZHAN YANG JI LTAR MI SKYED PA DE LTAR BSTAN PA'I PHYIR BSHAD PA, SKYES DANG MA SKYES SKYE BZHIN PA, ,CI LTA BUR YANG MI SKYED PA, ,DE NI SONG DANG MA SONG DANG, ,BGOM PAS RNAM PAR BSHAD PA YIN, ,GAL TE 'GA' ZHIG SKYE BAR 'GYUR NA NI, ,DE SKYE BAS SKYED PAR BYED PA ZHIG NA, 'GA' YANG SKYE BA NI MA YIN TE, DUS GSUM KAR YANG SKYE BA MED PA'I PHYIR RO, , 'DI YANG SNGAR SONG BA DANG MA SONG BA DANG, BGOM PAS BSHAD PA YIN NO, ,DE LA JI LTAR SONG BA LA NI 'GRO BA MA YIN TE, 'DAS PA DANG DA LTAR BDAG 'GAL BA'I PHYIR RO, ,MA SONG BA LA YANG 'GRO BA MA YIN TE, MA 'ONGS PA DANG DA LTAR BA GNYIS 'GAL BA'I PHYIR RO, ,BGOM PA LA YANG 'GRO BA MA YIN TE, SONG BA DANG MA SONG BA LAS MA GTOGS PA'I BGOM PA MI DMIGS PA'I PHYIR RO ZHES BSHAD PA DE BZHIN DU, SKYES PA NI MI SKYE STE, 'DAS PA DANG DA LTAR BA DAG 'GAL BA'I PHYIR RO, ,SKYE BA'I BYA BA 'GAGS PA LA NI SKYES PA ZHES BYA LA, SKYE BA ZHES @53B BYA BA NI BYA BA DANG DA LTAR BAS ZIN PA LA BYA STE, DE'I PHYIR SKYES PA SKYE'O ZHES BRJOD PA NA, 'DAS PA DANG DA LTAR BA GNYIS DUS GCIG PA NYID DU 'GYUR RO, ,MA SKYES PA YANG MI SKYE STE, MA 'ONGS PA DANG DA LTAR BA GNYIS 'GAL BA'I PHYIR RO, ,SKYE BZHIN PA'I DNGOS PO YANG MI SKYE STE, SKYES PA DANG MA SKYES PA LAS MA GTOGS PA'I SKYE BZHIN PA DE MED PA'I PHYIR RO, ,DE'I PHYIR SKYE BAS GZHAN SKYED PAR BYED DO ZHES BYA BA MI RIGS SO, ,'DIR SMRAS PA, SKYE BZHIN PA KHO NA SKYE'I SKYES PA DANG MA SKYES PA NI MA YIN NO, ,CI STE MA SKYES PA DANG SKYES PA LAS THA DAD PAR SKYES BZHIN PA MED PA'I PHYIR SKYE BZHIN PA SKYE BA MA YIN NO SNYAM DU SEMS NA, 'DI YANG YOD PA MA YIN TE, GANG GI PHYIR 'DIR SKYE BA'I BYA BA DANG LDAN PA LA SKYE BZHIN PA ZHES BYA BAR BRJOD DE, DE'I PHYIR SKYE BA YOD DANG SKYE BA LA BRTEN NAS SKYE BZHIN PA GRUB PA'I PHYIR SKYE BZHIN PA KHO NA SKYE LA, SKYE BZHIN PA DE YANG SKYE BAS SKYED PAR BYED DO, ,BRJOD PAR BYA STE, GANG TSE SKYE BA YOD PA NA, ,SKYE BZHIN 'DI 'BYUNG MED PA'I TSE, ,JI LTAR SKYE LA BRTEN NAS NI, ,SKYE BZHIN ZHES NI BRJOD PAR BYA, ,SKYE BA LA BRTEN NAS SKYE BZHIN PAR 'GYUR LA, DE YANG SKYE BA YIN NO ZHES GANG SMRAS PA DES NI 'DI'I SKYE BA LA BRTEN NAS SKYE BZHIN PA 'DI ZHES BYA BAR 'GYUR RO ZHES BYE BRAG TU SMRA BAR BYA DGOS NA, DE SKAD DU NI SMRAS PA YANG MA YIN NO, ,SKYE BZHIN PA DE NI SKYE BZHIN PA 'DI YIN NO ZHES BYA BAR BYE BRAG TU NGES PAR GZUNG BAR YANG MI NUS TE, MA SKYES PAS DE'I MTSAN MA MA GZUNG BA'I PHYIR RO, ,DE'I PHYIR SKYE BZHIN PA MED PA'I PHYIR SKYE BA'I BYA BA YANG MED PAS JI LTAR NA SKYE BA MED PAR DE LA BRTEN NAS SKYE BZHIN PAR 'GYUR, DE'I PHYIR SKYE BZHIN PA SKYE LA, DE YANG SKYE BAS SKYED PAR BYED DO ZHES BYA BA NI MI RIGS SO, ,'DIR SMRAS PA, AE MA KYI HUD BDAG NI GANG ZHIG DE BZHIN GSHEGS PA'I GSUNG RAB RNAM PAR 'CHAD PA'I ZOL GYIS BDAG NYID SUN 'BYIN PAR BYED PA TZAM LA MKHAS PA NYID DU MNGON PAR BYED CING DON DAM PA'I BDEN PA, DRANG SRONG MCHOG GIS GSUNGS PA, RKYEN NYID 'DI PA TZAM GYIS RTEN CING 'BREL PAR 'BYUNG BA'I MTSAN NYID CAN 'JIGS 'BYED PA MTHONG BA DANG MA MTHONG @54A *, ,BA'I DNGOS PO LA LTOS PA MED PA GTAN MED PAR SMRA BA KHYOD LA SHIN TU 'JIGS TE, 'DIR BCOM LDAN 'DAS DE BZHIN GSHEGS PAS NI 'DI LTA STE, 'DI YOD PAS 'DI 'BYUNG LA, 'DI SKYES PAS 'DI SKYE STE ZHES BYA BA LA SOGS PAS RTEN CING 'BREL PAR 'BYUNG BA PHYIN CI MA LOG PAR GSAL BAR MDZAD CING, RANG BZHIN DANG, DBANG PHYUG DANG, NGO BO NYID DANG, DUS DANG, RDUL DANG, SRED MED KYI BU LA SOGS PA BYED PA POR SMRA BA BSAL NAS, DNGOS PO RNAMS KYI DE KHO NA NYID BSTAN PAR MDZAD PA YIN LA, KHYOD KYIS NI, SKYES DANG MA SKYES SKYE BZHIN PA, ,JI LTA BUR YANG MI SKYED PA, ,ZHES BYA BA LA SOGS PAS DE SUN 'BYIN PAR BYED PA NA, DE BZHIN GSHEGS PA BSKRUN PAR MDZAD PA'I YUL RTEN CING 'BREL PAR 'BYUNG BA BSAD PAR BYAS PA YIN TE, DE'I PHYIR THAMS CAD MED PAR SMRA BA PA KHYOD DANG BRTZAD PAS CHOG GO, ,BRJOD PAR BYA STE, BDAG NI DE BZHIN GSHEGS PA BSKRUN PAR MDZAD PA'I YUL RTEN CING 'BREL PAR 'BYUNG BA NYAMS PAR BYED PA MA YIN GYI, KHYOD KYI RTEN CING 'BREL PAR 'BYUNG BA MCHOG TU ZAB PA LA MOS PA DANG BRAL BAS DE'I DON PHYIN CI LOG TU BZUNG NAS KHO BO CAG LA SMOD PAR BYED PA YIN TE, BCOM LDAN 'DAS DE BZHIN GSHEGS PAS NI 'DI LA BRTEN NAS 'DI 'BYUNG NGO ZHES DE SKAD GSUNGS PA NA, CHOS THAMS CAD RANG BZHIN MED PA NYID DU GSAL BAR BSTAN PA YIN NO, ,GANG GI PHYIR, RTEN CING 'BYUNG BA GANG YIN PA, ,DE NI NGO BO NYID KYIS ZHI, ,'DI LTAR DNGOS PO YOD PA'I RANG BZHIN CAN GANG ZHIG RANG GI BDAG NYID KYIS RANG GI RANG BZHIN NYAMS PA MED PA 'DZIN PA DE NI YOD PAR 'GYUR BA'I PHYIR GZHAN 'GA' LA YANG LTOS PA MED CING, SKYE BA YANG MED PA DE'I PHYIR NA DNGOS PO RANG BZHIN DANG BCAS PAR KHAS BLANGS PA NA RTEN CING 'BREL BAR 'BYUNG BA YOD PAR GA LA 'GYUR, DE'I PHYIR KHYOD KHO NAS RANG BZHIN DANG BCAS PA NYID DU KHAS BLANGS PA NA, RNAM PA THAMS CAD DU DNGOS PO RNAMS KYI RTEN CING 'BREL PAR 'BYUNG BA LA GNOD PA BYAS PAR 'GYUR RO, ,DE'I PHYIR SUS RTEN CING 'BREL BAR 'BYUNG BA MTHONG BA DES CHOS MTHONG @54B NGO, ,SUS CHOS MTHONG BA DES SANGS RGYAS MTHONG NGO ZHES BYA BA'I LUNG LAS NA CHOS DANG SANGS RGYAS MTHONG BA LA YANG GNOD PAR BYAS PAR 'GYUR RO, ,KHO BOS NI SA BON ZHES BYA BA'I RGYU GANG ZHIG LA BRTEN NAS MYU GU ZHES BYA BA'I 'BRAS BU GANG ZHIG 'BYUNG LA, DE GNYI GA YANG RTEN CING 'BREL PAR 'BYUNG BZHI BA RANG BZHIN DANG BRAL PAR STON PA NA, RNAM PA THAMS CAD DU BCOM LDAN 'DAS DE BZHIN GSHEGS PA RNAMS KYI YUM RTEN CING 'BREL PAR 'BYUNG BA GSAL BAR BYAS PAR 'GYUR RO, ,GANG GI PHYIR DE LTA YIN PA, DE'I PHYIR SKYE BZHIN NYID DANG NI, ,SKYE BA YANG NI ZHI BA NYID, ,CES BYA BAR GSAL BAR NGES PAR BYA'O, ,'DIR SMRAS PA, GANG TSE SKYE BA YOD PA NA, ,SKYE BZHIN 'DI 'BYUNG MED PA'I TSE, ,JI LTAR SKYE LA BRTEN NAS NI, ,SKYE BZHIN ZHES NI BRJOD PAR BYA, ,ZHES BYA BA NI RIGS PA MA YIN TE, GANG GI PHYIR SKYE BZHIN PA 'DI ZHES BYA BA DE LTA BU 'BYUNG BAR 'GYUR TE, BUM PA'I SKYE BA LA BRTEN NAS BUM PA SKYE BZHIN PAR 'GYUR LA, SKYE BZHIN PA DE YANG SKYE BAS SKYED PAR BYED DO ZHE NA, BRJOD PA 'DI YANG MI RIGS TE, GANG GI PHYIR, GAL TE DNGOS PO MA SKYES PA, ,'GA' ZHIG GANG NA YOD GYUR NA, ,DE NI SKYE 'GYUR DNGOS PO DE, ,MED NA CI ZHIG SKYE BAR 'GYUR, ,GAL TE SKYE BA'I SNGON ROL NA BUM PA ZHES BYA BA MA SKYES PA 'GA' ZHIG GANG ZHIG YOD NA NI, DE SKYE BA'I BYA BA LA BRTEN NAS SKYE BAR 'GYUR BA ZHIG NA, DE LTA BU NI CUNG ZAD KYANG SKYE BA'I SNGON ROL NA GANG NA YANG YOD PA MA YIN NO, ,BUM PA DE MED NA YANG CI ZHIG SKYE BAR 'GYUR, CI STE SKYE BA'I SNGA ROL NA BUM PA MED MOD KYI, DE LTA NA YANG SKYES PAR GYUR NAS BUM PA'I MING RNYED PAR 'GYUR TE, DE'I PHYIR 'BYUNG BAR 'GYUR BA'I MING GIS NYES PA MED DO SNYAM NA, 'DI YANG RIGS PA MA YIN TE, GAL TE SKYE BA'I BYA BA 'JUG NA NI DE'I TSE DA LTAR BAR GYUR PA'I DNGOS POS BUM PA'I BRJOD PA 'THOB PAR 'GYUR BA ZHIG NA, GANG GI TSE DNGOS PO MA 'ONGS PA DANG MA 'BREL BAS BYA BA MI 'JUG PA DE'I TSE DA LTAR BA NYID YOD PAR GA LA 'GYUR, CI STE BUM PA MA YIN PA LA BRTEN NAS BYA BA RTZOM MO ZHE NA, BUM PA MA YIN PA GANG YIN PA DE CI ZHIG YIN PAR 'OS @55A *, ,PA DE BRJOD PAR BYA DGOS TE, YOD NI SNAM BU'AM CI YANG MA YIN PA ZHIG TU 'GYUR GRANG, GAL TE SKYE BZHIN PA'I SNAM BU YIN NA NI, DE SKYES NAS BUM PAR JI LTAR 'GYUR, 'ON TE CI YANG MA YIN PA ZHIG YIN NA NI, DE'I TSE JI LTAR DE'I RTEN GYI BYA BA 'JUG PA 'AM, DE SKYES NAS BUM PAR 'GYUR TE, DE'I PHYIR 'BYUNG BAR 'GYUR BA'I RTOG PA YANG RNAM PA THAMS CAD DU MI RIGS SO, ,DE'I PHYIR SKYE BAS SKYE BZHIN PA YANG SKYED PAR MI BYED DO ZHES BYA BAR GRUB BO, ,GZHAN YANG DE LTAR SKYE BZHIN PA SKYE BAR MI RIGS SU ZIN KYANG, ,KHYOD KYI LUGS KHAS BLANGS NAS BRJOD PAR BYA STE, GAL TE SKYE BA DE YIS NI, ,SKYE BZHIN PA NI SKYED BYED NA, ,SKYE BA DE NI SKYE BA LTA, ,GANG ZHIG GIS NI SKYED PAR BYED, ,GAL TE YANG KHYOD KYI LUGS KYI SKYE BAS DNGOS PO SKYE BZHIN PA SKYED PAR BYED PA YIN NA, DA NI SKYE BA DE SKYE BA RANG NGAM GZHAN GANG GIS BSKYED PAR 'GYUR BA 'DI NI BRJOD PAR BYA DGOS SO, ,CI STE SKYE BA 'DI'I SKYED PAR BYED PA, SKYE BA GZHAN RTOG PAR 'GYUR NA NI, DE'I TSE THUG PA MED PA'I SKYON DU THAL BAR 'GYUR RO ZHES BSHAD PA NI, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,ZHES BYA BA STE, 'DI NI BSHAD ZIN TO, ,'ON TE 'DI LA SKYE BA GZHAN MA 'DOD NA NI DE LTAR YIN NA SKYE BA MED PAR YANG SKYE BA SKYE BA YIN NO ZHES BYA BA DE LTAR 'GYUR BA MA YIN NAM, DE'I PHYIR SKYE BAS BSKYED PAR BYA BA'I DNGOS PO RNAMS KYANG, SKYE BA MED PAR SKYE BAR 'GYUR TE DNGOS PO YIN PA'I PHYIR SKYE BZHIN NO ZHES BSTAN PA'I PHYIR, CI STE SKYE BA MED SKYE NA, ,THAMS CAD DE BZHIN SKYE BAR 'GYUR, ,ZHES BYA BA GSUNGS PA YIN NO, ,GZHAN YANG SKYE BAS RANG DANG GZHAN SKYED PAR BYED DO ZHES BYA BA'I PHYOGS 'DI LA DA LTAR BDAG CAG GIS SKYON BRJOD PAR BYA BA MA YIN PA NYID DE, GANG GI PHYIR PHYOGS 'DI LA SUN DBYUNG BA, RE ZHIG YOD DANG MED PA YANG, ,SKYE BAR RIGS PA MA YIN ZHING, ,YOD MED NYID KYANG MA YIN ZHES, ,GONG DU BSTAN PA NYID YIN NO, ,YOD DAM MED PA'I DON LA YANG, ,RKYEN NI RUNG BA MA YIN TE, ,ZHES BYA BA @55B DANG, GANG TSE CHOS NI YOD PA DANG, ,MED DANG YOD MED MI 'GRUB PA, ,ZHES BYA BA LA SOGS PAS SNGAR SKYE BA BKAG PA YIN NO, ,DE'I PHYIR DE LTAR SKYE BA BKAG PA YIN DANG, SKYE BAS SKYE BZHIN PA BSKYED PA DANG, RANG DANG GZHAN GYI BDAG NYID SKYED DO ZHES BYA BA'I RTOG PA 'DI 'JUG PA MED PA NYID DO, ,DE'I PHYIR SKYE BA'I SKYE BA DANG, SKYE BZHIN PA SKYE BA DANG, RANG DANG GZHAN GYI BDAG NYID SKYE BA ZHES BYA BA 'DI GA LAS 'GRUB PAR 'GYUR, GZHAN YANG 'DIR SKYE BA 'DI BRTAGS PA NA, DNGOS PO DA LTAR BA MI RTAG PA DANG RJES SU 'BREL PA 'GAG BZHIN PA'AM, 'DAS PA PA DANG MA 'ONGS PA MI RTAG PA NYID DANG BRAL BA 'GAG PA ZHIG PA MA YIN PA ZHIG LA RTOG GRANG NA, GNYI GA LTAR YANG MI 'THAD DO ZHES BSHAD PA, DNGOS PO 'GAG BZHIN NYID LA NI, ,SKYE BA 'THAD PAR MI 'GYUR RO, ,GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,DE LA DA LTAR BA 'GAG BZHIN PA LA NI SKYE BA 'THAD PA MA YIN TE YOD PA'I PHYIR RO, ,'DAS PA DANG MA 'ONGS PA 'JIG PA DANG BRAL BA, DNGOS PO'I MTSAN NYID DANG MI MTHUN PA 'GAG BZHIN MA YIN PA LA YANG NAM MKHA'I ME TOG LTAR SKYE BA YOD PA MA YIN NO, ,DE LTAR RE ZHIG DNGOS PO RNAMS LA SKYE BA MED PAR BSTAN NAS, DE'I 'OG TU GNAS PA DPYAD PAR BYA'O, ,'DIR SMRAS PA, DNGOS PO RNAMS KYI SKYE BA NI YOD PA NYID DE, DE YOD NA YOD PA'I PHYIR RO, ,SKYE BA MED PA LA NI GNAS PA YOD PA MA YIN TE, DE'I PHYIR SKYE BA YOD PAS GNAS PA YOD PA'I PHYIR GNAS PA NI SKYE BA YOD PA CAN DU 'GYUR RO, ,DE'I PHYIR SKYE BA YANG YOD DE, DE YOD NA YOD PA'I CHOS YOD PA'I PHYIR RO, ,'DIR GANG MED PAR DE YOD NA YOD PA'I CHOS YOD PA NI MA YIN TE, DPER NA NAM MKHA'I ME TOG GI DRI ZHIM PO BZHIN NO, ,BRJOD PAR BYA STE, GAL TE DE YOD NA YOD PA'I GNAS PA NYID YOD NA NI, SKYE BA YANG YOD PAR 'GYUR BA ZHIG NA YOD PA NI MA YIN TE, 'DI LTAR, DNGOS PO GNAS PA MI GNAS TE, ,DNGOS PO MI GNAS GNAS PA YIN, ,GNAS BZHIN PA YANG MI GNAS TE, ,MA SKYES GANG ZHIG GNAS PAR 'GYUR, ,DE LA @56A *, ,GNAS PA NI MI GNAS PA STE, DE LA GNAS PA BYA BA 'GAGS ZIN PA'I PHYIR RO, ,DNGOS PO MI GNAS PA YANG GNAS PA MA YIN TE GNAS PA DANG BRAL BA'I PHYIR RO, ,GNAS BZHIN PA YANG MI GNAS TE, GNAS PA GNYIS SU THAL BAR 'GYUR BA'I PHYIR DANG, GNAS PA DANG MI GNAS PA LAS THA DAD PA'I GNAS BZHIN PA MED PA'I PHYIR RO, ,GZHAN YANG MA SKYES GANG ZHIG GNAS PAR 'GYUR TE, 'DIR SKYE BA BKAG PA'I PHYIR GANG ZHIG GNAS PAR 'GYUR BA MA SKYES PA'I DNGOS PO DE GANG ZHIG YOD, DE'I PHYIR GNAS PA RNAM PA THAMS CAD DU MED DO GZHAN YANG GNAS PA 'DI 'GAG BZHIN PA'AM 'GAG BZHIN PA MA YIN PA ZHIG LA 'GYUR GRANG, GNYI GA LTAR YANG MI RIGS SO ZHES BSTAN PA'I PHYIR BSHAD PA, DNGOS PO 'GAG BZHIN PA LA NI, ,GNAS PA 'THAD PAR MI 'GYUR RO, ,GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,RE ZHIG DNGOS PO 'GAG BZHIN PA 'GAG PA LA MNGON DU PHYOGS PA LA NI 'GAL BA GNAS PA YOD PA MA YIN NO, ,GANG YANG 'GAG BZHIN PA MA YIN PA DE NI DNGOS PO NYID DU MI 'GYUR NA, DE LA GNAS PA YOD PAR GA LA 'GYUR, GZHAN YANG DNGOS PO THAMS CAD NI RGA BA DANG, 'CHI BAS SKAD CIG TZAM YANG MI GTONG BA YIN LA, GANG GI TSE 'DI DE LTA BU YIN PA DE'I TSE DNGOS PO RNAMS LA RGA BA DANG 'CHI BA DAG DANG 'GAL BA'I GNAS PA 'JUG PA'I SGO NAS GO SKABS NYID YOD PA MA YIN PA'I PHYIR RO ZHES BSTAN PA'I PHYIR BSHAD PA, DNGOS PO THAMS CAD DUS KUN DU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,GANG DAG LA GNAS PA YOD PAR 'GYUR BA RGA BA DANG 'CHI BA DANG BRAL BA'I DNGOS PO GANG ZHIG YOD, DE'I PHYIR GNAS PA MED PA NYID DO SNYAM DU DGONGS PA YIN NO, ,GZHAN YANG GNAS PA 'DI LA GNAS PA'I CHED DU GNAS PA GZHAN ZHIG RTOG GAM, RANG GIS RANG GI BDAG NYID GNAS PAR BYED GRANG NA, GNYI GA LTAR YANG RIGS PA MA YIN NO ZHES BSHAD PA, GNAS PA GNAS PA GZHAN DANG NI, ,DE NYID @56B KYIS KYANG GNAS MI RIGS, ,JI LTAR SKYE BA RANG DANG NI, ,GZHAN GYIS BSKYED PA MA YIN BZHIN, ,SKYE BA 'DI NI MA SKYES PAS, ,RANG GI BDAG NYID JI LTAR BSKYED, ,CES BYA BA LA SOGS PAS JI LTAR SKYE BAS BDAG NYID MI BSKYED PAR BSHAD PA DE LTAR, GNAS PAS KYANG BDAG NYID GNAS PAR MI BYED PAR BRJOD PAR BYA STE, GNAS PA 'DI NI MI GNAS PAS, ,RANG GI BDAG NYID JI LTAR GNAS, ,GAL TE GNAS PAS GNAS BYED NA, ,GNAS NA CI ZHIG GNAS SU YOD, ,CES SBYAR BAR BYA'O, ,YANG, GAL TE SKYE BA GZHAN ZHIG GIS, ,DE BSKYED THUG PA MED PAR 'GYUR, ,ZHES, JI SKAD DU, SKYE BA LA RNAM PAR BSHAD PA DE BZHIN DU, GAL TE GNAS PA GZHAN ZHIG GIS, ,DE GNAS THUG PA MED PAR 'GYUR, ,ZHES GNAS PA LA YANG BRJOD PAR BYA'O, ,DE LTAR GNAS PA YANG MI RIGS SO, ,DE NYID KYI PHYIR BCOM LDAN 'DAS KYIS, CHOS 'DI DAG NI MI GNAS TE, ,'DI DAG LA NI GNAS YOD MIN, ,GNAS MED GNAS PA'I SMRAS BRJOD KYANG, ,RANG GI NGO BOS RNYED MA YIN, ,'JIG RTEN MGON POS GNAS PA DANG, ,SKYE BA BSTAN PA MA YIN TE, ,DES NA DE LTA'I 'JIG RTEN MGON, , RIGS NAS TING 'DZIN SHES PAR GYIS, ,ZHES GSUNGS SO, ,DE BZHIN DU 'PHAGS PA SDUD PA TSIGS SU BCAD PA LAS KYANG, MKHA' LA RLUNG BRTEN DE LA CHU YI PHUNG PO BRTEN, ,DE LA SA CHEN 'DI BRTEN DE LA 'GRO BA BRTEN, ,ZHES BYA BA NAS, GNAS MED GNAS YIN 'DI NI RGYAL BAS GNAS PAR GSUNGS, ,ZHES BYA BA'I BAR DU RGYA CHER GSUNGS SO, ,'DIR SMRAS PA, SKYE BA DANG GNAS PA DAG NI YOD PA NYID DO, DE DANG LHAN CIG SPYOD PA'I CHOS YOD PA'I PHYIR RO, ,'DIR 'DUS BYAS RNAMS LA SKYE BA DANG GNAS PA'I MTSAN NYID DANG LHAN CIG SPYOD PA MI RTAG PA NYID YOD PA YIN TE, DE'I PHYIR SKYE BA DANG GNAS PA NYID KYANG YOD PA YIN NO, ,BRJOD PAR BYA STE, GAL TE MI RTAG PA NYID YOD NA NI, SKYE BA DANG GNAS PA DAG KYANG YOD PAR 'GYUR NA, YOD PA NI MA YIN NO, ,CI LTAR ZHE NA, 'DI LTAR, 'GAG @57A *, ,PA 'GAG PAR MI 'GYUR TE, ,MA 'GAGS PA YANG 'GAG MI 'GYUR, ,'GAG BZHIN PA YANG DE BZHIN MIN, ,MA SKYES GANG ZHIG 'GAG PAR 'GYUR, ,GAL TE MI RTAG PA ZHES BYA BA 'GA' ZHIG YOD NA NI, DE DNGOS PO 'GAGS PA 'AM MA 'GAGS PA 'AM, 'GAG BZHIN PA ZHIG LA 'GYUR BA ZHIG NA, DE LA 'GAGS PA 'GAG GO ZHES BYA BA NI MI RUNG STE, 'DAS PA DANG DA LTAR BA GNYIS 'GAL BA'I PHYIR RO, ,MA 'GAGS PA LA YANG MI RIGS TE, 'GAG PA DANG BRAL BA'I PHYIR DANG, GANG ZHIG MA 'GAGS PA NI JI LTAR 'GAG PAR 'GYUR ZHES PHAN TSUN 'GAL BA'I PHYIR RO, ,'GAG BZHIN PA YANG DE BZHIN MIN TE, 'GAG MI 'GYUR ZHES BYA BA 'DI DANG SBYAR RO, ,'GAG BZHIN PA YANG 'GAG PAR MI 'GYUR TE, 'GAG BZHIN PA MED PA'I PHYIR DANG, 'GAG PA GNYIS SU THAL BAR 'GYUR BA'I PHYIR RO, ,GANG GI PHYIR DE LTAR DUS GSUM KAR YANG 'GAG PA MI SRID PA DE'I PHYIR 'GAG PA YOD PA MA YIN PAS, DE DANG LHAN CIG RGYU BA'I SKYE BA DANG GNAS PA YOD PAR GA LA 'GYUR, GZHAN YANG SNGAR SKYE BA BKAG PA'I PHYIR BKAG PA YOD PA MA YIN PA NYID DO ZHES BSHAD PA NI, MA SKYES GANG ZHIG 'GAG PAR 'GYUR, ,ZHES BYA BA'O, ,GZHAN YANG, 'GAG PA 'DI DNGOS PO GNAS PA 'AM MI GNAS PA ZHIG LA 'GYUR GRANG NA, GNYI GA LTAR YANG MI RUNG NGO ZHES BSHAD PA, RE ZHIG DNGOS PO GNAS PA LA, ,'GAG PA 'THAD PAR MI 'GYUR RO, , 'GAG PA DANG 'GAL BA GNAS PA LA NI 'GAG PA YOD PA YIN NO, ,DNGOS PO NI GNAS PA LA YANG, 'GAG PA 'THAD PAR MI 'GYUR RO, ,DNGOS PO MI GNAS PA YOD PA MA YIN PA LA YANG 'GAG PA YOD PA MA YIN NO, ,DE'I PHYIR 'GAG PA RNAM PA THAMS CAD DU MI 'THAD DO, ,GZHAN YANG, GAL TE 'DIR 'GAG PA ZHIG TU 'GYUR NA, DE GNAS SKABS DE NYID KYIS GNAS SKABS DE NYID LA 'AM, GZHAN GYIS GZHAN LA 'GYUR BA ZHIG NA, RNAM PA THAMS CAD DU MI 'THAD DE ZHES BSTAN PA'I PHYIR BSHAD PA, GNAS SKABS DE YIS GNAS SKABS NI, ,DE NYID 'GAG PA NYID MI @57B 'GYUR, ,GNAS SKABS GZHAN GYIS GNAS SKABS NI, ,GZHAN YANG 'GAG PA NYID MI 'GYUR, ,RE ZHIG 'O MA'I GNAS SKABS DE NYID KYIS 'O MA'I GNAS SKABS DE NYID 'GAG PAR NI MI 'GYUR TE, RANG GI BDAG NYID LA BYED PA 'GAL BA'I PHYIR RO, ,GZHAN ZHO'I GNAS SKABS KYIS KYANG 'O MA'I GNAS SKABS 'GAG PAR MI 'GYUR TE, YONG NI 'O MA DANG ZHO'I GNAS SKABS GNYIS DUS GCIG TU 'GYUR NA NI, DE GNYIS GZHIG PAR BYA BA DANG 'JIG PAR BYED PA'I DNGOS POR 'GYUR BA ZHIG NA, ZHO'I GNAS SKABS NA NI 'O MA'I GNAS SKABS YOD PA MA YIN NO, ,GANG GI TSE MED PA DE'I TSE NI MED PAR 'GYUR PA GANG ZHIG 'JIG PAR BYED DE, GAL TE 'JIG PAR BYED NA NI, BONG BU'I RVA'I RNO BA NYID KYANG RNAM PAR 'JIG PAR BYED PAR 'GYUR BA ZHIG GO, ,DE'I PHYIR GNAS SKABS GZHAN GYIS KYANG GNAS SKABS GZHAN 'GAG PAR 'GYUR BA MA YIN PA NYID DO, ,'DIR SMRAS PA, GAL TE YANG GNAS SKABS DE NYID KYIS GNAS SKABS DE NYID DAM, GNAS SKABS GZHAN GYIS GNAS SKABS GZHAN 'GAG PAR MI 'GYUR MOD KYI, DE LTA NA YANG 'O MA'I GNAS SKABS LA NI RE ZHIG 'GAG PA YOD PA YIN NO, ,DE'I PHYIR SKYE BA YANG YOD PAR 'GYUR RO, ,BRJOD PAR BYA STE, KYE MA MA LA KHYOD NI BDAG NYID SHIN TU BLUN PA NYID DU MNGON PAR BYED PA YIN TE, SNGAR BSHAD PA'I TSUL GYIS, GANG TSE CHOS RNAMS THAMS CAD KYI, ,SKYE BA 'THAD PAR MI 'GYUR BA, ,BSHAD PA, DE TSE CHOS RNAMS THAMS CAD KYI, ,'GAG PA 'THAD PAR MI 'GYUR RO, ,ZHES CHES GSAL BA NYID DU BSTAN PAR 'GYUR BA MA YIN NAM, GZHAN YANG, GAL TE 'GAG PA ZHES BYA BA 'GA' ZHIG YOD NA NI, DE DNGOS PO YOD PA 'AM MED PA ZHIG LA 'GYUR GRANG, DE LA, RE ZHIG DNGOS PO YOD PA LA, ,'GAG PA 'THAD PAR MI 'GYUR RO, ,DNGOS PO YOD PA RANG BZHIN LAS MA NYAMS PA LA NI 'GAG PA MI RIGS TE, GANG GI PHYIR, GCIG NYID NA NI DNGOS PO DANG, ,DNGOS PO MED PAR 'THAD PA MED, ,DNGOS PO GANG ZHIG LA 'GAG PA ZHES BYA BA DNGOS PO MED @58A *, ,PA DE, YOD PA DE NI MED PA NYID DU 'GYUR RO, ,DE'I PHYIR DNGOS PO YOD PA LA 'GAG PA YOD PAR SMRA BA NA, DNGOS PO DANG DNGOS PO MED PA GNYIS GZHI GCIG PA NYID DU KHAS BLANGS BAR 'GYUR LA, GCIG NYID YIN NA NI GNYI GA MI RIGS TE, DA LTA GAL TE DNGOS PO YIN NA NI DE'I TSE 'GAG PA DNGOS PO MED PAS ZIN PA'I PHYIR, DNGOS POR BSNYAD PA MI RIGS SO, ,'ON TE DNGOS PO MED PA YIN NA, DE YANG 'DI LA MI RIGS TE, DNGOS PO MED PA DANG 'GAL BA DNGOS PO NYID DANG BRAL BA MA YIN PA'I PHYIR RO, ,DE'I PHYIR DNGOS PO DANG DNGOS PO MED PA DAG GCIG NYID YIN NA DNGOS PO DE DNGOS PO MA YIN ZHING, DNGOS PO MED PA YANG MA YIN NO ZHES BYA BAR RUNG NGO, ,RNAM PA GCIG TU NA GCIG NYID YIN NA PHAN TSUN 'GAL BA'I PHYIR SNANG BA DANG MUN PA LTAR, DNGOS PO YANG YIN LA DNGOS PO MED PA YANG YIN PA MI 'THAD DO ZHES BYA BA'O, ,DE'I PHYIR DE LTAR RE ZHIG DNGOS PO YOD PA LA 'GAG PA MI RIGS PA YIN NO, ,DA NI, DNGOS PO MED PAR GYUR PA LA'ANG, ,'GAG PA 'THAD PAR MI 'GYUR RO, ,DNGOS PO YOD PA MA YIN PAR GYUR PA LA'ANG 'JIG PA YOD PA MA YIN TE, YOD PA MA YIN PA'I PHYIR NAM MKHA'I ME TOG BZHIN NO, ,MGO GNYIS PA LA JI LTAR NI, ,GCAD DU MED PA DE BZHIN NO, ,MGO BO GNYIS PA MED PAR RAB TU GRAGS PA NYID DPER NYE BAR BKOD PA'I PHYIR BSHAD PA MA TSANG BA NYID DU 'GYUR BAS MED PA ZHES NYE BAR MA BKOD DO, ,DE'I PHYIR, DE LTAR DNGOS PO YOD PA DANG DNGOS PO MED PA LA 'GAG PA MED DO, ,GANG ZHIG GNYI GA LTAR YANG MED PA DE DAG NYID GZHAN GANG GIS YOD PAR 'GYUR TE, 'GAG PA MED PA NYID DO ZHES RTOGS PAR BYA'O, ,GZHAN YANG, GAL TE 'GAG PA ZHES BYA BA DNGOS PO RNAMS KYIS 'GAG PAR BYED PA YIN NO ZHES RTOG NA, DA NI CI YANG 'GAG PA GZHAN 'DOD DAM 'ON TE MA YIN, GAL TE 'DOD NA NI DE MI RIGS TE, GANG GI PHYIR, 'GAG PA RANG GI BDAG NYID KYIS, ,YOD MIN 'GAG PA GZHAN GYIS MIN, ,JI LTAR YOD PA MA YIN PA DE LTAR BSTAN PA'I PHYIR, JI LTAR SKYE BA RANG DANG NI, ,GZHAN GYIS BSKYED @58B PA MA YIN BZHIN, ,ZHES BYA BA GSUNGS SO, ,DE LA JI LTAR, SKYE BA 'DI NI MA SKYES PAS, ,RANG GI BDAG NYID JI LTAR BSKYED, ,CES BYA BA LA SOGS PAS, SKYE BAS RANG GI BDAG NYID MI BSKYED PA DE BZHIN DU 'GAG PAS KYANG RANG GI BDAG NYID 'GAG PAR MI BYED DO, ,JI LTAR ZHE NA, BRJOD PAR BYA STE, 'GAG PA 'DI NI MA 'GAGS PAS, ,RANG GI BDAG NYID JI LTAR 'GOG ,CI STE 'GAGS PAS 'GOG BYED NA, ,'GAGS NA CI ZHIG DGAG TU YOD, ,CES SKYE BA DANG MTSUNGS PAR BRJOD PAR BYA'O, ,DE LTAR NA, 'GAG PA LA RANG GI BDAG NYID KYIS 'GAG PA YOD PA MA YIN NO, ,GZHAN GYI BDAG NYID KYIS KYANG YOD PA MA YIN NO, ,JI LTAR ZHE NA, GAL TE SKYE BA GZHAN ZHIG GIS, ,ZHES BYA BA LA SOGS PA SKYE BA LA BSHAD PA DE BZHIN DU, GAL TE 'JIG PA GZHAN ZHIG GIS, ,DE 'JIG THUG PA MED PAR 'GYUR, ,CI STE 'JIG MED DE 'JIG NA, ,THAMS CAD DE BZHIN 'JIG PAR 'GYUR, ,ZHES 'GAG PA LA YANG BRJOD PAR BYA'O, ,DE'I PHYIR DE LTAR GZHAN GYI BDAG NYID KYIS KYANG 'GAG PA YOD PA MA YIN PAS 'GAG PA'I 'GAG PA MED DO, ,CI STE 'GAG PA LA NI 'GAG PA MED PA NYID DO SNYAM DU SEMS NA, DE NI MI RIGS TE, GAL TE 'GAG PA LA 'GAG PA MED NA DE'I TSE 'GAG PA DANG BRAL BA'I PHYIR, 'DUS BYAS KYI MTSAN NYID NYAMS PAR 'GYUR RO, ,DE'I PHYIR DE LTAR GAL TE 'JIG PA LA 'JIG PA BRTAGS PA DE LTA NA YANG 'JIG PA MI RIGS LA, 'ON TE MA BRTAGS PA DE LTA NA YANG MI RIGS PAS, DA NI JI LTAR GZHAN GYIS 'JIG PAR 'GYUR, CI STE DE LTAR RNAM PAR DPYAD PA YIN NA KHYOD LA YANG 'JIG PA MI RIGS TE, DE'I PHYIR GANG ZHIG GNYI GA'I SKYON YIN PA DES GCIG LA BRGAL BAR BYA BA MA YIN NO SNYAM NA, BRJOD PAR BYA STE, BDAG LA NI BRGAL BA 'DIR MI 'GYUR BA NYID DE, 'DI LTAR DNGOS PO RNAMS NI RANG NYID RANG BZHIN MED PA YIN LA, DE DAG KYANG RANG BZHIN MED PA NYID DU GYUR PA NA, MA BRTAGS PAR GRUB PA'I TSUL GYIS BYIS PA 'DI BDEN PAR MNGON PAR ZHEN PA RNAMS KYI THA SNYAD KYI LAM DU NYE BAR 'GRO BA YIN TE, KHO BO CAG GI LTAR @59A *, ,NA DE DAG LA JI SKAD DU BSHAD PA'I RNAM PAR DPYAD PA YOD PA MA YIN NO, ,'JIG RTEN PA'I DNGOS PO RNAMS NI SGYU MA DANG RMI LAM DANG DRI ZA'I GRONG KHYER LA SOGS PA LTAR 'THAD PA DANG BRAL BAR GYUR CING, MA RIG PA'I RAB RIB KYIS BLO GROS KYI MIG NYAMS PAR GYUR PA'I PHYIR 'JIG RTEN LA GRUB PAR GYUR PAS PHAN TSUN LTOS PA NYID KYIS 'GRUB PAR GYUR PA 'BA' ZHIG BYIS PA RNAMS KYIS KHAS LEN PA YIN NO, ,JI SKAD DU BRGYA PA LAS, MGAL ME'I 'KHOR LO SPRUL PA DANG, ,RMI LAM SGYU MA CHU ZLA DANG, ,KHUG RNA DANG NI BRAG CA DANG, ,SMIG RGYU SPRIN DANG SRID PA MTSUNGS, , ZHES BSHAD DO, ,DE'I PHYIR, BSKYED BYA YOD NA SKYED BYED DANG, SKYED BYED YOD NA BSKYED BYA YOD CING, 'GAG PA YOD NA DGAG BYA DANG, DGAG BYA YOD NA 'GAG PA YOD PA YIN NO, ,DE LTAR 'JIG RTEN PA'I THA SNYAD KHAS BLANGS PA'I PHYIR KHO BO CAG GI PHYOGS LA THAL BAR 'GYUR BA MTSUNGS PA NYID DU 'GYUR BAR GA LA 'OS, GANG ZHIG 'JIG PA RGYU MED PA NYID DU KHAS BLANGS NAS 'DUS BYAS RNAMS SKAD CIG MA NYID DU SMRA BA DE'I LTAR NA NAM MKHA'I ME TOG LTAR RGYU MED PAS 'JIG PA MED PA'I PHYIR DNGOS PO RNAMS SKAD CIG MA NYID DANG, 'JIG PA DANG BRAL BA RNAMS 'DUS BYAS NYID DU 'ANG 'GRUB PAR GA LA 'GYUR, DE'I PHYIR DE'I THAMS CAD MI 'GRIG PA NYID DU 'GYUR RO, ,SKYE BA'I RKYEN GYIS RGA SHI ZHES BYA BA DANG, 'DUS BYAS KYI MTSAN NYID RNAMS KYANG 'DU BYED KYI PHUNG PO'I NANG DU 'DU BAR GSUNGS PA NI, BCOM LDAN 'DAS KYIS 'JIG PA RGYU DANG BCAS PA NYID DU GSAL BAR BSTAN PA MA YIN NAM, SKYE BA TZAM LA LTOS PA'I PHYIR 'DI'I SKAD CIG MAR 'JIG PA YANG BSGRUB PAR SLA STE, DE'I PHYIR THAMS CAD LEGS PAR GNAS PAR 'GYUR RO, ,CI STE 'JIG PA ZHES BYA BA 'DI NI DNGOS PO MED PA YIN NA, GANG ZHIG DNGOS PO MED PA DE LA RGYUS CI ZHIG BYED, DE'I PHYIR 'JIG PA RGYU MED PA YIN NO SNYAM NA, DNGOS PO LA YANG RGYU MED PAR THAL BAR 'GYUR BA MA YIN NAM, 'DI LTAR DNGOS PO NI YOD PAR GYUR PA YIN LA, YOD PA GANG YIN PA DE LA NI RGYUS DGOS PA CI ZHIG YOD DE, SKYES ZIN PA LA NI YANG BSKYED DU MED DO, ,DE'I PHYIR THAMS CAD DU RGYU MED PAR @59B THAL BAR 'GYUR BAS 'DI NI MI RIGS SO, ,GZHAN YANG JI LTAR SNGAR MED PA'I PHYIR DANG, PHYIS YOD PA'I PHYIR SKYE BA RGYU DANG BCAS PA YIN PA DE BZHIN DU, 'JIG PA YANG YIN PAR 'DOD PAR BYA'O, ,'JIG PA YANG THAMS CAD KYI TSE 'GYUR BA NI MA YIN TE, SKYE BA'I SNGAR MED PA'I PHYIR DANG, PHYIS NI YOD PA'I PHYIR RO, ,GANG YANG GANG ZHIG DNGOS PO MED PA DE LA RGYUS CI ZHIG BYED CES SMRAS PA DE YANG MI RIGS TE, GANG GI PHYIR, KHO BO CAG NI 'JIG PA LA RGYUS CUNG ZAD CIG BYED PAR NI MI 'DOD KYI, 'O NA CI ZHE NA, 'ON KYANG 'JIG PA NYID BYED PA YIN NO ZHES SMRAS SO, ,GAL TE DE LTA NA BYED BZHIN PA YIN PA'I PHYIR 'JIG PA YANG DNGOS POR 'GYUR BA MA YIN NAM ZHE NA, 'DI NI 'DOD PA NYID YIN TE, 'JIG PA NI RANG GI NGO BO LA LTOS NAS DNGOS PO YIN LA, GZUGS LA SOGS PA'I CHOS LOG PA'I RANG BZHIN YIN PA'I PHYIR NA NI DNGOS PO MED PA YIN NO, ,GZHAN YANG 'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O ZHES BYA BA'I LUNG LAS NI JI LTAR 'JIG PA RGYU DANG BCAS PA MA YIN PAR 'GYUR, GZHAN YANG, GZHAN GYIS BRTAGS PA'I DNGOS PO MED PA'I DNGOS PO'I MTSAN NYID CAN STONG PA NYID DNGOS PO'I NGO BOR KHAS BLANGS PA NA JI LTAR DNGOS PO MED PA DNGOS PO NYID DU KHAS MA BLANGS PAR 'GYUR, DNGOS PO YIN PA'I PHYIR NA YANG JI LTAR STONG PA NYID 'DUS MA BYAS YIN TE, DE'I PHYIR KHAS BLANGS PA THAMS CAD NYAMS PAR 'GYUR RO, ,DE NYID KYI PHYIR, JI LTAR MYA NGAN 'DAS PA NI, ,DNGOS DANG DNGOS MED GNYIS YIN TE, ,MYA NGAN 'DAS LA 'DUS MA BYAS, ,DNGOS DANG DNGOS MED 'DUS BYAS YIN, ,ZHES 'CHAD PAR 'GYUR RO, ,SPROS PAS TSIG GO, ,DKYUS MA NYID BSHAD PAR BYA'O, ,'DIR SMRAS PA, GAL TE 'DUS BYAS KYI SKYE BA DANG GNAS PA DANG 'JIG PA DAG BKAG MOD KYI, DE LTA NA YANG KHYAD PAR GYI MTSAN NYID DANG LDAN PA'I 'DUS BYAS NI YOD PA YIN TE, 'DI LTAR SRA BA LA SOGS PA DANG, LKOG SHAL LA SOGS PA NI DE'I KHYAD PAR GYI MTSAN NYID DU NYE BAR BSTAN PA YIN NO, , @60A *, ,DE'I PHYIR 'DUS BYAS YOD PAS DE'I MTSAN NYID KYANG YOD DO, ,BRJOD PAR BYA STE, GAL TE 'DUS BYAS NYID YOD NA, ,DE LTAR 'GYUR BA ZHIG NA YOD PA NI MA YIN TE, 'DI LTAR, SKYE DANG GNAS DANG 'JIG PA DAG ,MA GRUB PHYIR NA 'DUS BYAS MED, ,GANG GI TSE JI SKAD BSHAD PA'I TSUL GYIS SKYE BA DANG GNAS PA DANG 'JIG PA DAG KHO NA BKAG PA DE'I TSE 'DUS BYAS GA LA YOD, ,DE'I PHYIR DE'I KHYAD PAR GA LA YOD, 'DIR SMRAS PA, 'DUS BYAS NI YOD PA NYID DE, DE'I GNYEN PO 'DUS MA BYAS YOD PA'I PHYIR RO, ,BRJOD PAR BYA STE, GAL TE 'DUS MA BYAS NYID YOD NA, 'DI DE LTAR 'GYUR NA, YOD PA NI MA YIN TE, GANG GI PHYIR, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, ,'DIR KHA CIG NI NAM MKHA' DANG SO SOR BRTAGS PA MA YIN PA'I 'GOG PA DANG, MYA NGAN LAS 'DAS PA RNAMS NI 'DUS MA BYAS YIN NO ZHES RTOG PAR BYED LA, GZHAN DAG NI DE BZHIN NYID KYI MTSAN NYID CAN STONG PA NYID LA 'DUS MA BYAS SU RTOG PAR BYED PA DE THAMS CAD 'DUS BYAS RAB TU MA GRUB PAR GYUR PAS YOD PA MA YIN PA NYID DO ZHES GSAL BAR BSTAN TO, ,'DIR SMRAS PA, GAL TE SKYE BA DANG GNAS PA DANG 'JIG PA YOD PA MA YIN NO ZHES NGES PAR GZUNG NA, 'O NA THUB PA YE SHES SGRIB PA MED PA MNGA' BAS, DGE SLONG DAG 'DUS BYAS NI SKYE BAR YANG MNGON, 'JIG PA DANG GNAS PA LAS GZHAN DU 'GYUR BAR YANG MNGON NO ZHES GANG GSUNGS PA DE JI LTAR RIG PAR BYA ZHE NA, BRJOD PAR BYA STE, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, ,DE BZHIN DU NI 'JIG PA GSUNGS, ,JI LTAR SGYU MA LA SOGS PA RNAMS RANG BZHIN GYIS MA SKYES PA YIN YANG, 'JIG RTEN NA SGYU MA LA SOGS PA'I SGRA'I BRJOD BYA DANG, SGYU MA LA SOGS PA'I RNAM PAR SHES PA'I RTOGS PAR BYA BAR 'GYUR BA DE BZHIN DU SKYE BA LA SOGS PA DE DAG KYANG RANG BZHIN GYIS YOD PA MA YIN YANG 'JIG RTEN LA GRAGS PA TZAM GYI SGO NAS, BCOM LDAN 'DAS KYIS BSTAN PA YIN NO, ,DE SKAD DU YANG, LPAGS RGYUS SHA RUS 'DUS LA 'DI DAG @60B GI ,CHUNG MA YIN SNYAM 'DU SHES BSKYED NAS NI, ,BYIS PA RMONGS RNAMS 'DOD CHAGS SKYED BYED CING, ,SGYU MA JI BZHIN BUD MED MI SHES SO, ,JI LTAR BU MO GZHON NU'I RMI LAM NA, ,BU PHO BYUNG ZHING SHI BA DES MTHONG NAS, ,BYUNG NAS DGA' ZHING SHI NAS MI DGA' LTAR, ,CHOS RNAMS THAMS CAD DE BZHIN SHES PAR GYIS, ,JI LTAR DRI ZA'I GRONG KHYER SMIG RGYU DANG, ,SGYU MA JI BZHIN RMI LAM CI 'DRA BAR, ,CHOS RNAMS THAMS CAD DE BZHIN SHES BYA STE, ,MTSAN MA SGOM PA NGO BO NYID KYIS STONG, ,ZHES BYA BA DANG, DE BZHIN DU, 'DUS BYAS 'DUS MA BYAS KUN DBEN PA STE, , DRANG SRONG DE DAG LA NI RNAM RTOG MED, ,'GRO BA KUN DU 'DUS MA BYAS 'THOB PAS, ,LTA BA DAG LAS KHOR MOR RNAM PAR DBEN, ,GANG DAG 'DI 'DRA'I CHOS RNAMS SHES PA NI, ,RTAG TU MA CHAGS MI GTUM MI RMONGS TE, ,DE YI SEMS NI RANG BZHIN MNYAM PAR GZHAG ,DE NI TING 'DZIN STOBS CAN STOBS DANG LDAN, ,ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, 'DUS BYAS BRTAG PA ZHES BYA BA RAB TU BYED PA BDUN PA'I 'GREL PA'O,, ,,'DIR SMRAS PA, RNAM PAR SHES PA LA SOGS PA 'DUS BYAS KYI CHOS 'DUS BYAS KYI RANG BZHIN CAN RNAMS NI YOD PA NYID DE, DE'I RGYU LAS DANG BYED PA PO YOD PA'I PHYIR RO, ,BCOM LDAN 'DAS KYIS KYANG, MA RIG PA DANG RJES SU 'BREL PA'I SKYES BU GANG ZAG 'DI NI, BSOD NAMS MNGON PAR 'DU BYA BA YANG MNGON PAR 'DU BYED DO, , BSOD NAMS MA YIN PA DANG MI G-YO BA MNGON PAR 'DU BYA YANG MNGON PAR 'DU BYED DO ZHES BYA BA LA SOGS PAS LAS KYI BYED PA PO DANG, LAS DE DANG, 'BRAS BU RNAM PAR SHES PA LA SOGS PA 'DUS BYAS KYANG NYE BAR BSTAN PA YIN NO, ,GANG LA BYED PA PO YOD PA DE NI YOD PA YIN TE, DPER NA BUM PA BZHIN NO, ,GANG ZHIG BYED PA MED PA DE LA NI BYED PA PO MED DE, DPER NA RUS SBAL GYI SBU'I GOS BZHIN NO, ,BRJOD PAR BYA STE, GAL TE DE'I SKYED PAR BYED PA LAS DANG BYED PA PO GNYIS YOD NA NI, RNAM PAR SHES PA LA SOGS PA 'DUS BYAS KYANG YOD PAR 'GYUR @61A *, ,BA ZHIG NA, DE DAG NI MED DO, ,'DI LTAR, BYED PO YOD PAR GYUR PA DE, ,LAS SU GYUR PA MI BYED DO, ,BYED PO MA YIN GYUR PA YANG, ,LAS SU MI 'GYUR MI BYED DO, ,DE LA BYED PAS NA BYED PA PO'O, ,CUNG ZAD BYED PA KHO NA LA BYED PA POR BSNYAD KYI, MI BYED PA NI MA YIN LA, BYED PA DE YANG BYED PA PO YIN PAR GYUR PA 'AM, MA YIN PAR GYUR PA'AM, YIN PA DANG MA YIN PAR GYUR PA ZHIG LA RTOG PA ZHIG GO, ,BYA BAS NA LAS DE BYED PA PO'I 'DOD PAR GYUR PA DAM PA'O, ,DE YANG RNAM PA GSUM STE, YIN PAR GYUR PA DANG, MA YIN PAR GYUR PA DANG, YIN PA DANG MA YIN PAR GYUR PA'O, ,DE LA BYED PA PO YIN PAR GYUR PA BYA BA DANG LDAN PA NI LAS SU GYUR PA STE, BYA BA DANG LDAN PA MI BYED DO ZHES BYA BA NI DAM BCA' BA GCIG GO, ,DE NAS BYED PA PO MA YIN PAR GYUR PA BYA BA DANG BRAL BA YANG LAS SU MA GYUR PA STE, BYA BA DANG BRAL BA MI BYED DO ZHES BYA BA NI DAM BCA' BA GZHAN YIN NO, ,DE LA DANG PO RAB TU SGRUB PAR BZHED NAS, BSHAD PA, YIN PAR GYUR LA BYA BA MED, ,BYED PO MED PA'I LAS SU'ANG 'GYUR, ,BYED PA POR BRJOD PA NI, BYA BA NI RGYU CAN YIN PA'I PHYIR BYED DO ZHES BYA BA'I BYA BA DANG BRAL BA DANG LDAN PA YIN PAR GYUR PA 'GA' ZHIG KHO NAS, BYED PA PO'I BRJOD PA 'THOB PAR 'GYUR TE, DE'I PHYIR BYA BA'I RGYU CAN GYI BYED PA PO'I BRJOD PA THOB PA RNAM PA DE LTA BU DE LA NI, GANG GIS LAS DE BYED PAR 'GYUR BA BYA BA GZHAN MED DO, ,GANG GI TSE, BYA BA MED PAS BYED PA PO LAS MI BYED PA DE'I TSE BYED PA PO LA LTOS PA MED CING BYED PA PO MED PA'I LAS SU 'GYUR NA, BYED PA PO MED PA'I LAS NI SRID PA YANG MA YIN TE, MO GSHAM GYI BUS BUM PA BYED PA BZHIN NO, ,DE LTAR NA RE ZHIG YIN PAR GYUR PA LA BYA BA MED PA DANG, BYED PA PO MED PA'I LAS SU YANG 'GYUR RO ZHES BYA BA'I NYES PAR THAL BAR 'GYUR BA'I PHYIR, BYED PA PO YIN PAR GYUR PA LAS MI BYED DO, ,DA NI LAS YIN PAR GYUR PA YANG BYED PA POS BYED PA MA YIN NO ZHES BSTAN PA'I PHYIR, YIN PAR GYUR PA BYA BA MED, ,LAS MED BYED PA POR YANG 'GYUR, ,ZHES GSUNGS SO, ,LAS YIN PAR GYUR PA ZHES BYA @61B BA NI BYA BA DANG LDAN PA YIN LA, BYA BA'I RGYU CAN GYI LAS KYI BRJOD PA THOB ZIN PA DE LA NI, GZOD YANG GANG GIS LAS DE BYED PAR 'GYUR BA'I BYA BA GZHAN YOD PA YANG MA YIN NO, ,DE LTA NA NI, RE ZHIG LAS YIN PAR GYUR PA LA BYA BA MED PA YIN NO, ,GANG GI TSE, BYA BA GZHAN MED PA DE'I TSE NI LAS YIN PAR GYUR PA DE BYED PA PO MI BYED PA NYID DO, ,GANG GI TSE LAS LA BYA BA GNYIS PA MED PAS MI BYED PA DE'I TSE NI LAS DE'I BYED PA PO NI LAS MED PA STE, LAS MI BDOG CING LAS DE MI BYED PA KHO NAR BYED PA POR 'GYUR NA, 'DI NI RIGS PA YANG MA YIN TE, MTSAMS MED PA'I LAS MA YIN PA LA NI, MTSAMS MED PA'I LAS KYI BYED PA PO NYID MA MTHONG NGO, ,DE LTAR BYED PA PO YIN PAR GYUR PAS LAS YIN PAR GYUR PA MI BYED DO ZHES YANG DAG PAR BSGRUBS NAS, DA NI BYED PA PO MA YIN PAR GYUR PA YANG LAS MA YIN PAR GYUR BA JI LTAR MI BYED PA DE LTAR BSTAN PA'I PHYIR BSHAD PA, GAL TE BYED POR MA GYUR NA, ,LAS SU MA GYUR BYED PA NI, ,LAS LA RGYU NI MED PAR 'GYUR, ,BYED PA PO YANG RGYU MED 'GYUR, ,LAS MA YIN PAR GYUR PA NI RGYU MED PAR 'GYUR RO, ,BYED PA PO MA YIN PAR GYUR PA NI GANG BYA BA DANG BRAL BA YIN LA, BYA BA YANG BYED PA POR BSNYAD PA'I RGYU YIN PA'I PHYIR NA, BYA BA DANG BRAL BA'I BYED PA PO YANG RGYU MED PAR 'GYUR RO, ,RGYU MED PAR SMRA BA KHAS LEN PA YIN NA YANG RGYU DANG 'BRAS BU RIL BSAL BAR 'GYUR RO ZHES BSHAD PA, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,RGYU KHAS BLANGS PAR GYUR NA NI GANG ZHIG RGYUS BSKYED PA DE NI 'BRAS BU YIN LA, DE'I SKYED PAR BYED PA GANG YIN PA DE NI RGYU YIN NO ZHES BYA BAR RIGS TE, DPER NA BUM PA'I RGYU NI 'JIM PA YIN LA, BUM PA 'BRAS BU YIN ZHING 'KHOR LO LA SOGS PA DE'I BYED RGYU YIN PA BZHIN NO, ,RGYU MED PAR SMRA BA KHAS BLANGS NA NI RGYU LA MI LTOS PA'I PHYIR, NAM MKHA'I ME TOG LTAR BUM PA MED LA, BUM PA MED NA DE'I BYED RGYU YOD PAR GA LA 'GYUR, DE LTAR NA RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,DE'I PHYIR, DE MED NA NI BYA BA DANG, ,BYED PA PO DANG BYA MI RIGS, ,DE MED NA STE, 'BRAS BU DANG RGYU MED NA CI ZHIG BYED PA @62A *, ,LA BYA BA YOD PAR 'GYUR ZHING, BYA BA GANG ZHIG LA RDZA MKHAN RANG DBANG DU GYUR PAS BYED PA PO NYID DU 'GYUR, 'JIM PA DAG KYANG DE'I BDAG NYID KYIS NYE BAR GYUR PA LAS SGRUB PAR BYED PA DAM PA NYID YIN PA'I SGO NAS BYED PAR RIGS PA MA YIN NO, ,DE LTAR NA RE ZHIG ,DE MED NA NI BYA BA DANG, ,BYED PA PO DANG BYED MI RIGS, ,ZHES BYA'O, ,DE'I PHYIR, BYA BA LA SOGS MI RIGS NA, ,CHOS DANG CHOS MIN YOD MA YIN, ,'DI LTAR LHA SBYIN SROG GCOD PA SPONG BA'I BYA BA LA RANG DBANG DU GYUR PA LAS BYED PA POR GYUR NAS, LAS BYED PAR GYUR PA'I SGO NAS SROG GCOD PA SPONG BA'I BYA BA BYED PA DE'I TSE, DE LA CHOS NYE BAR SKYE BAR 'GYUR RO, ,DE BZHIN DU DGE BA'I LAS KYI LAM DGE BA'I BYA BAS BSGRUB PAR BYA BA BCU CHAR DANG, DGE BA'I CHOS KYI RTZOM PA DKON MCHOG GSUM DANG, PHA DANG, MA DANG, DE LAS GZHAN MCHOD PAR 'OS PA MCHOD PA LA SOGS PA'I MTSAN NYID CAN DAG LA YANG SBYAR BAR BYA'O, ,DE BZHIN DU, BYA BA DANG BYED PA PO DANG BYED PA RNAMS MED NA CHOS MA YIN PA SROG GCOD PA LA SOGS PA'I MTSAN NYID CAN LA YANG MED PAR THAL BAR 'GYUR BA LAS BZLOG STE BRJOD PAR BYA'O, ,GANG GI TSE, DE LTAR CHOS DANG CHOS MA YIN PA MED PA DE'I TSE, DE'I 'BRAS BU YANG MED DO ZHES BSTAN PA'I PHYIR BSHAD PA, CHOS DANG CHOS MIN MED NA NI, ,DE LAS BYUNG BA'I 'BRAS BU MED, ,CHOS DANG CHOS MA YIN PA GNYIS MED NA NI, CHOS DANG CHOS MA YIN PAS BSKYED PA'I 'BRAS BU 'DOD PA DANG, MI 'DOD PA YANG MED PAR 'GYUR RO, ,DE'I PHYIR, 'BRAS BU MED NA THAR PA DANG, ,MTHO RIS 'GYUR BA'I LAM MI 'THAD, ,GAL TE 'JIG RTEN PA'I LAM GYI 'BRAS BU BSAM GTAN DANG GZUGS MED PA'I MTSAN NYID CAN BDE 'GRO YOD PAR GYUR NA NI DE'I TSE DE'I DON DU 'JIG RTEN PA'I LAM BSGOM PA MDZES PAR 'GYUR LA, GAL TE DE YANG 'BRAS BU MYA NGAN LAS 'DAS PA THAR PA'I MTSAN NYID CAN YOD NA YANG DE'I DON DU, 'JIG RTEN LAS 'DAS PA 'PHAGS PA'I LAM YAN LAG BRGYAD PA BSGOM PAR 'GYUR BA ZHIG NA, GANG GI TSE 'BRAS BU YOD PA MA YIN PA DE'I TSE, 'BRAS BU MED @62B NA THAR PA DANG, ,MTHO RIS 'GYUR BA'I LAM MI 'THAD, ,GZHAN YANG, DE LTAR 'BRAS BU MED NA NI, ,BYA BA DAG NI THAMS CAD KYANG, ,DON MED NYID DU THAL BAR 'GYUR, ,ZHING LAS DANG, TSONG SPOGS DANG, GLA BKOL GYI BYA BA LA SOGS PA GANG DAG 'BRAS BU'I DON DU RTZOM PA DE DAG THAMS CAD KYANG 'BRAS BU MED NA MI 'THAD DO, ,DE'I PHYIR DE LTAR, BYA BA DAG NI THAMS CAD KYANG, ,DON MED NYID DU THAL BAR 'GYUR, 'DI DAG NI DON MED PA YANG MA YIN NO, ,DE'I PHYIR NYES PA MA LUS PA'I 'BYUNG KHUNGS SU GYUR PA MTHO RIS DANG BYANG GROL LA SKUR PA 'DEBS PA, SEMS CAN DMYAL BA LA SOGS PA'I G-YANG SA CHEN PO'I RGYU MTHONG BA DANG MA MTHONG BA'I RGYU'I DNGOS PO DANG 'GAL BA YIN PA'I PHYIR, BYED PA PO YIN PAR MA GYUR PA LAS SU MA GYUR PA BYED DO ZHES BYA BA'I PHYOGS 'DI NI THA CHAD KHO NA YIN NO, ,DE'I PHYIR DE LTAR DAM BCA' BA GNYIS YANG DAG PAR BSGRUBS NAS, DE NI BYED PA PO GNYI GA'I NGO BO LAS GNYI GA'I NGO BO YANG MI BYED DO ZHES BSHAD PA, BYED PA POR GYUR MA GYUR PA, ,GYUR MA GYUR DE MI BYED DE, ,LAS YIN PA DANG MA YIN PAR GYUR PA BYA BA DANG LDAN PA DANG, BYA BA DANG MI LDAN PA GANG YIN PA DE NI BYED PA PO YIN PA DANG, MA YIN PAR GYUR PAS MI BYED DO, ,GANG GI PHYIR, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,DNGOS PO GCIG LA DUS GCIG TU BYA BA DANG LDAN PA YANG YIN LA BYA BA DANG MI LDAN PA YANG YIN PA ZHES BYA BA 'DI NI MI RIGS PA NYID DO, ,DE'I PHYIR, BYED PA PO YIN PA DANG MA YIN PAR GYUR PA YANG LAS YIN PA DANG MA YIN PAR GYUR PA MI BYED DO, ,YOD PA MA YIN PA'I PHYIR RO SNYAM DU DGONGS PA'O, ,DE LTAR PHYOGS MTHUN PA LA SKYON BRJOD NAS, PHYOGS MI MTHUN PA LA YANG BSAL BAR BZHED NAS BSHAD PA, BYED PA POR NI GYUR PA YIS, ,MA GYUR LAS NI MI BYED DE, ,MA GYUR PAS KYANG GYUR MI BYED, ,RE ZHIG BYED PA PO YIN PAR GYUR PA BYA BA DANG LDAN PAS NI LAS SU MA GYUR BA BYA BA DANG MI LDAN PA MI BYED DE, GANG GI PHYIR, 'DIR YANG SKYON DER THAL BAR 'GYUR BA'I PHYIR RO, ,YIN PAR GYUR LA BYA BA MED, ,BYED PO MED PA'I LAS SU'ANG @63A *, ,'GYUR, ,ZHES BYA BAS DE LTAR BYED PA PO YIN PAR GYUR PAS LAS MI BYED DO, ,LAS YIN PAR MA GYUR PA'ANG BYED PA MA YIN TE, LAS YIN PAR MA GYUR PA NI RGYU MED PAR 'GYUR LA, DE'I PHYIR RGYU MED NA NI 'BRAS BU DANG ZHES BYA BA LA SOGS PA'I SKYON THAMS CAD DU 'GYUR RO, ,DE'I PHYIR PHYOGS MI MTHUN PA NI SNGAR BSHAD ZIN PA'I GTAN TSIGS DAG GIS SUN PHYUNG BA'I PHYIR YANG GTAN TSIGS DGOD PAR MI BYA'O, ,BYED PA PO YIN PAR GYUR PAS LAS YIN PAR MA GYUR PA MI BYED DO ZHES BYA BA JI LTAR BSTAN PA DE BZHIN DU BSHAD ZIN PA'I 'DON PA'I RJES SU 'BRANGS NAS BYED PA PO MA YIN PAR GYUR PA BYA BA DANG MI LDAN PAS LAS YIN PAR GYUR PA MI BYED DO ZHES BYA BA YANG RNAM PAR BSHAD PAR BYA'O, ,DE LTAR RE ZHIG ,PHYOGS MI MTHUN PA LA TSIG RE RE DPYAD PA'I SGO NAS SKYON BRJOD NAS, DA NI TSIG RE RE LA TSIG GNYIS GNYIS DPYAD NAS, SKYON BRJOD PAR BZHED NAS BSHAD PA, BYED PA POR NI GYUR PA DANG, ,BCAS PA LAS NI MA GYUR DANG, ,GYUR MA GYUR PA MI BYED DE, ,GTAN TSIGS GONG DU BSTAN PHYIR RO, ,BYED PA POR GYUR PA DANG BCAS PA DE NI LAS YIN PAR MA GYUR PA DANG, YIN PAR GYUR PA DANG YIN PAR MA GYUR PA MI BYED DO, ,JI LTAR ZHE NA, GTAN TSIGS GONG DU BSTAN PA'I PHYIR RO ZHES BYA BA GSUNGS SO, ,DE LA, YIN PAR GYUR LA BYA BA MED, ,CES BYA BA LA SOGS PAS BYED PA POR GYUR PA DANG BCAS PAS NI MI BYED DO, ,LAS SU MA GYUR PA YANG MI BYED DE, LAS LA RGYU NI MED PAR 'GYUR, ,RGYU MED NA NI 'BRAS BU DANG, ,ZHES BYA BA LA SOGS PAS SKYON BSTAN ZIN PA'I PHYIR RO, ,LAS SU GYUR PA DANG MA GYUR PA YANG MI BYED DE, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,CES BSHAD PA'I PHYIR RO, ,DE LTAR RE ZHIG BYED PA PO YIN PAR GYUR PAS LAS YIN PAR MA GYUR PA DANG YIN PAR GYUR PA BYED PA MA YIN NO, ,DA NI BYED PA PO MA YIN PAR GYUR PA YANG, LAS SU GYUR PA DANG BCAS PA DANG GYUR PA DANG MA GYUR PA BYED PA MA YIN NO ZHES BSHAD PA, BYED PA POR NI MA GYUR PAS, ,LAS NI GYUR DANG BCAS PA DANG, ,MA GYUR GYUR PA MI BYED DE, ,GTAN TSIGS GONG DU BSTAN PHYIR RO, ,BYED PA PO YIN PAR MA @63B GYUR PA NI RGYU MED PAR 'GYUR LA, RGYU MED NA NI 'BRAS BU DANG ZHES BYA BA LA SOGS PAS NYES PA BSHAD ZIN PA'I PHYIR, BYED PA POR MA GYUR PA NI MI BYED PA YIN NO, ,LAS SU GYUR PA DANG BCAS PA YANG MI BYED DE, YIN PAR GYUR LA BYA BA MED, ,LAS MED BYED PA POR YANG 'GYUR, ,ZHES BYA BAR THAL BAR 'GYUR BA'I PHYIR RO, ,LAS YIN PAR GYUR PA DANG YIN PAR MA GYUR PA YANG MI BYED DE, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,CES BSHAD PA'I PHYIR RO, ,DA NI BYED PA PO YIN PAR GYUR PA DANG, YIN PAR MA GYUR PA NYID KYANG GNYI GA'I NGO BO YIN PA NA, LAS YIN PAR GYUR PA DANG MA YIN PAR GYUR PA GANG YANG RUNG BA JI LTAR MI BYED PA DE LTAR BSTAN PA'I PHYIR BSHAD PA, BYED PA POR GYUR MA GYUR NI, ,LAS SU GYUR DANG MA GYUR PA, ,MI BYED 'DI YANG GTAN TSIGS NI, ,GONG DU BSTAN PAS SHES PAR BYA, ,BYED PA PO YIN PAR GYUR PA DANG, MA YIN PAR GYUR BA NI MI BYED DE, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,CES BSHAD PA'I PHYIR RO, ,LAS SU GYUR PA YANG MI BYED DE, ,YIN PAR GYUR LA BYA BA MED, ,LAS MED BYED PA POR YANG 'GYUR, ,ZHES BYA BAR THAL BA'I PHYIR RO, ,LAS SU MA GYUR PA RGYU MED PA YANG MI BYED DE, RGYU MED NA NI 'BRAS BU DANG ZHES BYA BA LA SOGS PAS SKYON BSHAD ZIN PA'I PHYIR RO, ,DE'I PHYIR, DE LTAR PHYOGS MTHUN PA DANG PHYOGS MI MTHUN PA DAG LA BYED PA PO DANG LAS SU GRUB PA RNAM PA THAMS CAD DU RIGS PA MA YIN NO, ,DE'I PHYIR RNAM PAR SHES PA LA SOGS PA 'DUS BYAS KYI RANG BZHIN CAN DAG NI YOD PA NYID DE, DE'I RGYU LAS DANG BYED PA PO YOD PA'I PHYIR RO ZHES GANG SMRAS PA DE NI MI RIGS PA YIN NO, ,'DIR SMRAS PA, DNGOS PO RNAMS MED DO ZHES BYA BA 'DI CI KHYOD KYIS NGES PAR BZUNG BA YIN NAM ZHE NA, MA YIN TE, DNGOS PO RANG BZHIN DANG BCAS PAR SMRA BA KHYOD LA NI DNGOS PO DANG BRAL BA LAS THAMS CAD LA SKUR PA 'DEBS PA SRID KYI, KHO BO CAG GIS NI BRTEN NAS SKYES PA'I PHYIR DNGOS PO THAMS CAD KYI RANG BZHIN NYID NYE BAR MI DMIGS TE, DES NA GANG ZHIG LA SKUR PA 'DEBS PAR 'GYUR, JI SKAD @64A *, ,DU RIN PO CHE'I PHRENG BA LAS, ,SMIG RGYU LA NI 'DI CHU ZHES, ,BSAMS TE DER NI SONG BA LAS, ,GAL TE CHU DE MED DO ZHES, ,'DZIN PA DE NI BLUN PA NYID, ,DE BZHIN SMIG RGYU CHU LTA BU'I, ,'JIG RTEN YOD CE'AM MED PA ZHES, ,'DZIN PA DE NI RMONGS PA STE,, RMONGS PA YOD NA MI 'GROL LO, ,MI SHES PA LAS SNGAR BRTAGS SHING, ,PHYI NAS DE NYID DON NGES NA, ,GANG TSE DNGOS PO MI DMIGS PA, ,DE TSE DNGOS MED GA LA 'GYUR, ,ZHES GSUNGS SO, ,DE'I PHYIR DE LTAR DNGOS PO RANG BZHIN MED PA RNAMS LA JI SKAD SMRAS PA'I RNAM PA 'GRUB PA GA LA YOD, DE'I PHYIR, DNGOS PO KUN RDZOB PA SMIG RGYU'I CHU DANG MTSUNGS PA RNAMS NI 'JIG RTEN PA'I PHYIN CI LOG KHAS BLANGS NAS RKYEN DE NYID 'DI PA TZAM DU KHAS BLANGS PA KHO NAS GRUB PA YIN GYI, GZHAN GYIS NI MA YIN NO ZHES BSHAD PA, BYED PO LAS LA BRTEN BYAS SHING, , LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,GRUB PA'I RGYU NI MA MTHONG NGO, ,'DIR NI BYED CING LAS LA LTOS PA MED PA NI BYED PA PO NYID MA YIN PA'I PHYIR, BYED PA PO'I BYED PA PO NYID NI LAS LA LTOS NAS YIN ZHING, BYED PA POS BYED BZHIN PA MA YIN PA NI 'GA' YANG LAS NYID DU MI 'GYUR BAS BYED BZHIN PA NYID LAS SU BRJOD PA'I PHYIR LAS KYANG BYED PA PO DE NYID LA BRTEN NAS BYUNG BA YIN NO, ,DE LTAR LAS DANG BYED PA PO DAG PHAN TSUN LTOS PA'I GRUB PA LAS MA GTOGS PAR GRUB PA'I RGYU GZHAN NI MA MTHONG NGO, ,JI LTAR LAS DANG BYED PA PO GNYIS PHAN TSUN LTOS PA'I GRUB PA YIN PA DE BZHIN DU DNGOS PO GZHAN RNAMS KYANG YIN NO ZHES BSGRE BA'I PHYIR BSHAD PA, DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,DE BZHIN ZHES BYA BA 'DIS NI LAS DANG BYED PA PO'I THA SNYED THAL MA THAG PA STON PA'O, ,NYE BAR LEN PAS NA NYE BAR LEN PA STE, DE LTAR NA 'DIS NI NYE BAR LEN PA'I BYA BA BSTAN LA, DES KYANG RANG GI SGRUB BYED BYED PA PO DANG NYE BAR LEN PA PO DE NYE BAR BLANG BAR BYA BA LAS 'DZIN PAR BYED CING, NYE BAR BLANGS PA DANG NYE BAR LEN PA PO DE GNYIS KYANG LAS DANG BYED PA PO LTAR PHAN TSUN @64B LTOS PAS GRUB PA YIN GYI NGO BO NYID KYIS NI MA YIN NO, ,YANG CI'I PHYIR NGO BO NYID KYIS MA YIN ZHE NA, LAS DANG BYED PO BSAL PHYIR RO, ,ZHES GSUNGS TE, BSAL BA NI BZLOG PA'O, ,PHYIR RO'I SGRAS NI GTAN TSIGS 'DZIN PA'O, ,DE'I PHYIR DON NI BDAG CAG GIS GTAN TSIGS GANG DAG GIS LAS DANG BYED PA PO BSAL BAR BSHAD PA'I GTAN TSIGS DE DAG KHO NAS NYE BAR BLANG BA DANG NYE BAR LEN PA PO'ANG BKAG PAR RIG PAR BYA'O ZHES BYA BA 'DI 'THAD PAR 'GYUR RO, ,LAS DANG BYED PA PO BKAG PAS 'DI GNYIS PHAN TSUN LTOS PA'I GRUB PA YIN PAR NGES PAR BYA BA 'BA' ZHIG TU MA ZAD KYI, GZHAN YANG, BYED PA PO DANG LAS DAG GIS, ,DNGOS PO LHAG MA SHES PAR BYA STE, SHES RAB CAN GYIS ZHES BYA BA NI TSIG GI LHAG MA'O, ,SHES RAB CAN GYIS LAS DANG BYED PA PO DANG NYE BAR BLANG BA DANG NYE BAR LEN PA PO LAS THA DAD PA'I DNGOS PO GZHAN GANG DAG BSKYED BYA SKYED BYED DANG, 'GRO BA DANG 'GRO BA PO DANG, BLTA BYA DANG LTA BYED DANG, MTSAN NYID DANG MTSAN GZHI DANG, 'BYUNG BAR BYA BA DANG 'BYUNG BAR BYED PA DANG, DE BZHIN DU, YAN LAG DANG YAN LAG CAN DANG, YON TAN DANG YON TAN CAN DANG, TSAD MA DANG GZHAL BYA LA SOGS PA'I DNGOS PO MA LUS PA DE DAG LAS DANG BYED PA PO'I RNAM PAR DPYAD PAS NGO BO NYID KYIS YOD PA BKAG STE, PHAN TSUN LTOS PA'I GRUB PA NYID YIN PAR SHES PAR BYA'O, ,DE DAG RNAM PAR DPYAD PA YANG DBU MA LA 'JUG PA LAS NGES PAR BYA'O, ,GAL TE, DNGOS PO LHAG MA SHES PAR BYA, ,ZHES BYA BA 'DI NYID KYI NYE BAR BLANG BA DANG NYE BAR LEN PA PO'I DON RTOGS ZIN PA'I PHYIR YANG BKOD PA MI RIGS PA MA YIN NAM ZHE NA, 'DI NI BDEN MOD KYI, 'ON KYANG RNAM PAR DPYAD PAR BYA BA LA GTZO BOR GYUR PAR SHES PAR BYA BA'I PHYIR, NYE BAR BLANG BA DANG NYE BAR LEN PA PO LOGS SHIG TU BKOD DE, 'DI LTAR RAB TU BYED PA PHYI MA DAG TU YANG 'DI GNYIS KHO NA'I BRTAG PA PHAL CHER 'BYUNG BAR 'GYUR RO, ,DE NYID KYI PHYIR, BCOM LDAN 'DAS KYIS, SEMS DMYAL 'JIGS PA NGA YIS BSTAN BYA STE, @65A *, ,SEMS CAN STONG PHRAG DU MA SKYO BYAS KYANG, ,GANG DAG SHI 'PHOS NGAN SONG DRAG 'GRO BA'I, ,'GRO BA DE DAG NAM YANG YOD MA YIN, ,GANG DAG RAL GRI MDA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID DGA' ME TOG KHA PHYE ZHING, ,GSER GYI KHANG MCHOG 'BAR BA YID 'ONG BA, ,'DI NA DE LA 'ANG BYED PO 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED DE YANG 'BYUNG BA MIN, ,YONGS SU RTOG PA SGYU MA SMIG RGYU BZHIN, ,ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA TSIG GSAL BA LAS, LAS DANG BYED PA PO BRTAG PA ZHES BYA BA RAB TU BYED PA BRGYAD PA'I 'GREL PA'O,, ,,'DIR, DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,ZHES GANG SMRAS PA DE NI MI RIGS TE, ,'DI LTAR, LTA DANG NYEN LA SOGS PA DANG, TSOR SOGS DANG YANG DBANG BYAS PA, ,GANG GI YIN PA DE DAG GI ,SNGA ROL DE YOD KHA CIG SMRA, ,LTA BA DANG NYAN PA DANG SNOM PA DANG MYANG BA LA SOGS PA RNAMS DANG, TSOR BA DANG REG PA DANG YID LA BYED PA LA SOGS PA RNAMS NYE BAR LEN PA PO GANG GIS NYE BAR LEN PA YIN PA'I NYE BAR LEN PA PO DE NI NYE BAR LEN PA DE DAG GI SNGA ROL NA YOD DO ZHES MANG POS BKUR BA PA SMRA'O, ,CI'I PHYIR ZHE NA, GANG GI PHYIR, DNGOS PO YOD PA MA YIN NA, ,LTA BA LA SOGS JI LTAR 'GYUR, ,DE PHYIR DE DAG SNGA ROL NA, ,DNGOS PO GNAS PA DE YOD DO, ,'DI NA LHA SBYIN YOD PAR GYUR PAS NOR SOGS PAR BYED KYI, YOD PA MA YIN PA'I MO GSHAM GYI BUS NI MA YIN NO, ,DE BZHIN DU GAL TE RE ZHIG LTA BA LA SOGS PA DAG GI SNGA ROL NA GANG ZAG GNAS PAR MA GYUR NA NI, DES LTA BA LA SOGS PA NYE BAR LEN PAR BYED PAR YANG MI 'GYUR BA NYID DO, ,DE PHYIR NOR GYI SNGA ROL NA LHA SBYIN GNAS PA LTAR, LTA BA LA SOGS PA DAG GI SNGA ROL NA, GANG ZHIG 'DI'I NYE BAR LEN PAR BYED PAR @65B 'GYUR BA'I GANG ZAG DE YOD PA YIN NO ZHES 'DZER TO, ,BRJOD PAR BYA'O, ,LTA DANG NYAN LA SOGS PA DANG, ,TSOR BA LA SOGS NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,GANG ZAG CES BYA BA LTA BA LA SOGS PA'I SNGON ROL NA YOD DO ZHES RNAM PAR GZHAG PA GANG YIN PA DE GANG YANG GDAGS PAR BYA, 'DI LTAR GANG ZAG TU THA SNYAD GDAGS PA'I RGYU NI LTA BA LA SOGS PA YIN NA, DE GAL TE DE DAG LAS SNGAR RNAM PAR GNAS PAR YOD PAR RTOG NA NI, DE'I TSE BUM PA DANG SNAM BU LTAR, LTA BA LA SOGS PA LA LTOS PA MED PAR 'GYUR LA, GANG ZHIG RANG GI RGYU LA LTOS PA MED PA DE NI RGYU MED PA YIN TE, NOD LA SOGS PA LA MI LTOS PA'I NOR CAN LTAR MED PA YIN NO SNYAM DU DGONGS PA'O, ,GZHAN YANG LTA BA LA SOGS MED PA YANG, ,GAL TE DE NI GNAS GYUR NA, ,DE MED PAR YANG DE DAG NI, ,YOD PAR 'GYUR BAR THE TSOM MED, , GAL TE LTA BA LA SOGS PA DAG GI SNGON ROL NA GANG ZAG CES BYA BA ZHIG YOD PA DES LTA BA LA SOGS PA NYE BAR LEN PAR BYED DO SNYAM DU SEMS NA, DE LTA NA NI THE TSOM MED PAR LTA BA LA SOGS PA 'DI DAG KYANG GANG ZAG MED PAR YOD PAR 'GYUR RO, ,'DI LTAR NOR DANG 'BREL BA'I SNGON ROL NA LHA SBYIN NOR LAS THA DAD PAR RNAM PAR GNAS PAR GYUR NAS NOR SO SOR GRUB CING DON GZHAN DU GYUR PA SOGS PAR BYED PA DE BZHIN DU, NYE BAR LEN PA PO LA YANG NYE BAR LEN PA LTA BA LA SOGS PA RANG LAS THA DAD PAR DON GZHAN DU GYUR PA YOD PAR 'GYUR BA ZHIG GO, ,SRID PA YANG MA YIN NO ZHES GSUNGS PA NI, CI YIS GANG ZHIG GSAL BAR BYED, ,GANG GIS CI ZHIG GSAL BAR BYED, ,CI MED GANG ZHIG GA LA YOD, ,GANG MED CI ZHIG GA LA YOD, ,CES BYA BA STE, 'DI NA 'DI NI 'DI'I RGYU YIN LA, 'DI NI 'DI'I 'BRAS BU YIN NO ZHES BYA BAR SA BON ZHES BYA BA'I RGYUS MYU GU ZHES BYA BA'I 'BRAS BU GANG ZHIG MNGON PAR GSAL BAR BYED CING, 'BRAS BU DES KYANG SA BON ZHES BYA BA'I RGYU CI ZHIG MNGON PAR GSAL BAR BYED PA DE BZHIN DU GAL TE 'DI NI 'DI'I NYE BAR LEN PA PO'O ZHES BYA BAR LTA BA LA SOGS PA NYE BAR LEN PA CI ZHIG GI BDAG GANG ZHIG MNGON PAR GSAL BAR BYED @66A *, ,CING, 'DI NI 'DI'I NYE BAR LEN PA'O ZHES BYA BA BDAG GANG GIS LTA BA LA SOGS PA NYE BAR LEN PA CI ZHIG MNGON PAR GSAL BAR BYED PAR 'GYUR NA NI DE'I TSE PHAN TSUN LTOS NAS NYE BAR LEN PA DANG NYE BAR LEN PA PO DAG GRUB PAR 'GYUR NA, GANG GI TSE NYE BAR LEN PA PO MED PAR LOGS SHIG TU LTA BA LA SOGS PA KHAS LEN PA DE'I TSE NI RTEN MED PAS DE MED PA NYID YIN NO, ,DE'I PHYIR GNYI GA YANG GRUB PA MED PAS, LTA BA LA SOGS PA LAS THA DAD PAR NYE BAR LEN PA PO GNAS MA YIN NO ZHES BYA BA 'DI NI MI RIGS SO, ,'DIR SMRAS PA, LTA DANG NYAN LA SOGS PA DANG, ,ZHES BYA BA LA SOGS PA GANG SMRAS PA DE LA BRJOD PAR BYA STE, GAL TE LTA BA LA SOGS PA THAMS CAD KYI SNGA ROL NA GNAS SO ZHES BYA BAR KHAS BLANGS PAR GYUR NA NI, NYES PA 'DIR 'GYUR BA ZHIG NA, GANG GI TSE, LTA BA LA SOGS THAMS CAD KYI, ,SNGA ROL GANG ZHIG YOD PA MIN, ,'O NA CI ZHE NA, RE RE'I SNGA ROL NA YOD PA YIN NO GANG GI TSE DE LTA YIN PA DE'I TSE, LTA SOGS NANG NAS GZHAN ZHIG GIS, ,GZHAN GYI TSE NA GSAL BAR BYED, ,GANG GI TSE LTA BA PO ZHES BYA BAR LTA BAS GSAL BAR BYED PA DE'I TSE NI, NYAN PA LA SOGS PA DAG LA BRTEN NAS NYE BAR GDAGS PAR BYA BA MA YIN NO, ,DE'I PHYIR SNGAR SMRAS PA'I NYES PA'I GO SKABS MED DO ZHE NA, BRJOD PA 'DI YANG RIGS PA MA YIN TE, CI'I PHYIR ZHE NA, LTA BA LA SOGS PA DANG BRAL BA NI NYE BAR LEN PA MED PA, RGYU MED PA GSAL BYED DANG BRAL BA NI YOD PA NYID MA YIN PA'I PHYIR RO, ,LTA LA SOGS PA THAMS CAD KYI, ,SNGA ROL GAL TE YOD MIN NA STE, DE LTAR RTOG NA, DE LTA NA YANG, LTA LA SOGS PA RE RE YI, ,SNGA ROL DE NI JI LTAR YOD, ,GANG ZHIG THAMS CAD KYI SNGA ROL NA YOD PA MA YIN PA DE NI RE RE'I SNGA ROL NA YANG MA YIN TE, DPER NA SHING THAMS CAD KYI SNGA ROL NA NAGS MED PA DE'I TSE RE RE'I SNGA ROL NA YANG MED LA, ,BYE MA THAMS CAD LA TIL MAR 'BYIN PA MED LA, BYE MA RE RE LA YANG TIL MAR MED PA BZHIN NO, ,GZHAN YANG, GANG ZHIG RE RE'I SNGA ROL DU YOD PAR 'GYUR BA DE NI THAMS CAD KYI SNGA ROL NA YANG YOD PAR KHAS BLANGS PAR 'GYUR TE, RE RE MA GTOGS PAR THAMS CAD MED PA'I PHYIR RO, ,DE'I PHYIR @66B RE RE'I SNGA ROL NA YOD DO ZHES BYA BA NI MI RIGS SO, ,'DI'I PHYIR YANG MI RIGS TE, GANG GI PHYIR, LTA PO DE NYID NYAN PO DE, ,GAL TE TSOR PO'ANG DE NYID NA, ,DE'I TSE, RE RE'I SNGA ROL YOD GYUR NA, ,LTA BA PO GANG YIN PA DE NYID NYAN PA PO YIN NO ZHES BYA BAR BRJOD PAR NI RIGS PA YANG MA YIN NO, ,GAL TE YIN NA, DE'I TSE LTA BA'I BYA BA DANG BRAL BA'I NYAN PA PO YANG LTA BA PO NYID DU 'GYUR LA, NYAN PA'I BYA BA DANG BRAL BA'I LTA BA PO YANG NYAN PA POR 'GYUR NA, LTA BA'I BYA BA DANG BRAL BA YANG LTA BA POR 'GYUR ZHING, NYAN PA'I BYA BA DANG BRAL BA YANG NYAN PA POR 'GYUR RO ZHES BYA BA GANG YIN PA DE LTA BU NI MTHONG BA YANG MA YIN NO, ,DE NYID KYI PHYIR, DE NI DE LTAR MI RIGS SO ZHES BSHAD DO, ,BYA BA SO SO LA BYED PA PO THA DAD PA'I PHYIR 'DI NI DE LTAR YOD PAR GAL 'GYUR ZHES BSTAN PA'I PHYIR, DE NI DE LTAR MI RIGS SO ZHES GSUNGS SO, ,SLOB DPON SANGS RGYAS BSKYANGS NI, BDAG GCIG YIN NA NI, DBANG PO GZHAN LA 'GRO BAR THAL BAR 'GYUR TE, SKYES BU SKAR KHUNG GZHAN DU NYE BAR 'GRO BA BZHIN NO ZHES RNAM PAR 'CHAD DO, ,SLOB DPON LEGS LDAN BYED NI, THAMS CAD NA YOD PA'I BDAG LA DBANG PO GZHAN LA 'GRO BA YOD PA MA YIN PAS THAL BAR 'GYUR BA'I SKYON MI RIGS SO ZHES DE LA SUN 'BYIN PAR SMRA'O, ,'DI NI MI RIGS TE, RANG GI SDE PAS BRTAGS PA'I GANG ZAG TU SMRA BA DGAG PA'I SKABS SU BAB PA'I PHYIR DANG, DE YANG THAMS CAD NA YOD PA NYID DU KHAS MA 'CHES PA'I PHYIR RO, ,DE'I PHYIR THAL BAR 'GYUR BA'I SKYON RIGS PA NYID DO, ,'ON TE YANG JI SKAD DU BSHAD PA'I SKYON SPANG BAR 'DOD PAS, GAL TE LTA PO GZHAN NYID LA, ,NYAN PA PO GZHAN TSOR GZHAN NA STE, RTOG PAR BYED NA DE YANG MI RIGS TE, DE LTAR 'DOD PAR GYUR NA, LTA PO YOD TSE NYAN POR 'GYUR, , BDAG KYANG MANG PO NYID DU 'GYUR, ,JI LTAR BA GLANG LAS GZHAN DU GYUR PA'I RTA NI BA GLANG YOD PA'I TSE CIG CAR DU YOD PAR MI 'GYUR BA MA YIN PA DE BZHIN DU, GAL TE NYAN PA PO LTA BA PO LAS GZHAN DU GYUR NA NI, DE LTA BA PO YOD PA'I TSA NA YANG CIG CAR DU YOD PAR 'GYUR BA @67A *, ,ZHIG NA, DE LTAR NI MI 'DOD PAS GZHAN NYID YOD PA MA YIN NO, ,GZHAN YANG DE LTA YIN NA NI BDAG MANG POR 'GYUR TE, LTA BA PO DANG NYAN PA PO DANG TSOR BA PO LA SOGS PA RNAMS SO SO SO SOR GRUB PAR KHAS BLANGS PA'I PHYIR RO, ,DE'I PHYIR, GANG ZAG CES BYA BA NI LTA BA LA SOGS PA RE RE'I SNGA ROL NA YANG 'GA' ZHIG KYANG MED DO, ,'DIR SMRAS PA, BDAG NI LTA BA LA SOGS PA THAMS CAD KYI SNGA ROL NA YOD PA NYID DO, ,CI STE GAL TE DE YOD NA, DE NI GANG GIS GDAGS PAR BYA, ,SNYAM DU SEMS NA, DE LA BRJOD PAR BYA STE, 'DI LTAR LTA BA LA SOGS PA DAG GI SNGA ROL NA MING DANG GZUGS KYI GNAS SKABS NA, GANG LAS RIM GYIS MING DANG GZUGS KYI RKYEN GYIS SKYE MCHED DRUG GO ZHES LTA BA DANG NYAN PA LA SOGS PA DAG 'BYUNG PAR 'GYUR BA 'BYUNG BA CHEN PO BZHI YOD DE, DE'I PHYIR LTA BA LA SOGS PA DAG GI SNGA ROL NA, BDAG 'BYUNG BA CHEN PO BZHI'I NYE BAR LEN PA CAN YOD DO, ,DE LTA NA YANG, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, ,'BYUNG BA CHEN PO GANG DAG LAS LTA BA LA SOGS PA SKYE BA DE DAG LA'ANG, NYE BAR LEN PA 'BYUNG BA CHEN PO'I RGYU CAN 'DI YOD PA MI RIGS TE, SNGAR BSHAD PA'I GTAN TSIGS KYIS SO ZHES BYA BAR DGONGS SO, ,DE LA JI SKAD SNGAR, CI MED GANG ZHIG GA LA YOD, ,GANG MED CI ZHIG GA LA YOD, ,CES BSHAD PA DE KHO NA LTAR 'DIR YANG BRJOD PAR BYA'O, ,GAL TE NYE BAR LEN PA 'BYUNG BA CHEN PO'I SNGA ROL DU BDAG GRUB PAR GYUR NA NI, DES 'BYUNG BA CHEN PO DAG NYE BAR LEN PAR 'GYUR NA, DE LTAR YANG MA YIN TE RGYU MED PA'I PHYIR RO, ,GANG ZHIG YOD PA MA YIN PA DE NI JI LTAR 'BYUNG BA CHEN PO DAG NYE BAR LEN PAR 'GYUR, DE'I PHYIR, LTA BA'I NYE BAR LEN PA CAN LTAR 'BYUNG BA CHEN PO'I NYE BAR LEN PA CAN LA YANG SKYON BRJOD PA NYID YIN PAS SLAR YANG MA BRJOD DO, ,GANG GI PHYIR DE LTAR YIN PA DE'I PHYIR 'DI NI 'BYUNG BA DAG LA YANG YOD PA MA YIN NO, ,'DIR SMRAS PA, GAL TE YANG DE LTAR BDAG BKAG MOD KYI, 'ON KYANG LTA BA LA SOGS PA NI YOD PA NYID DE, BKAG PA MA BYAS PA'I PHYIR RO, ,BUM PA LA SOGS PA @67B BDAG GI RANG BZHIN MA YIN PA RNAMS LA NI LTA BA LA SOGS PA DANG 'BREL PA YOD PA MA YIN NO, ,DE'I PHYIR DE DAG DANG 'BREL PA CAN BDAG YOD PA KHO NA'O, ,BRJOD PAR BYA STE, GAL TE LTA BA LA SOGS PA RNAMS NYID YOD NA, BDAG KYANG YOD PAR 'GYUR NA, YOD PA NI MA YIN TE, LTA BA LA SOGS PA BDAG GANG GI NYE BAR LEN PA YIN PA DE MED DO ZHES BSTAN PA DE'I TSE, NYE BAR LEN PA PO BDAG MED NA LTA BA LA SOGS PA, NYE BAR LEN PAR GYUR PA RNAMS, ,YOD PA NYID DU GA LA 'GYUR, ,ZHES GSUNGS PA NI, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG GI YIN PA GAL TE MED, ,DE DAG KYANG NI YOD MA YIN, ,ZHES BYA BA STE, LTA BA LA SOGS PA DAG GANG GI YIN PAR RTOG PA DE GANG GI TSE MED DO ZHES BSHAD PA DE'I TSE KHO NAR LTA BA LA SOGS PA DE YANG MED DO ZHES GSAL BAR BSTAN PA MA YIN NAM, DE'I PHYIR LTA BA LA SOGS PA MED PA'I PHYIR BDAG MED DO, ,'DIR SMRAS PA, CI BDAG MED DO SNYAM DU DE LTAR KHYOD KYIS NGES SAM, DE SKAD SUS SMRAS, LTA BA LA SOGS PA MED PA'I PHYIR, BDAG KYANG MED DO ZHES THAL MA THAG TU SMRAS PA MA YIN NAM ZHE NA, DE SKAD DU KHO BO CAG GIS SMRAS MOD KYI, 'DI'I DON NI KHYOD KYIS YANG DAG PAR GTAN LA MA PHAB PA YIN NO, ,GANG GI PHYIR BDAG DNGOS PO'I RANG BZHIN CAN YOD DO ZHES BRTAGS PA YIN LA, DE YANG NGO BO NYID KYIS YOD PA MA YIN ZHING, BDAG GIS KYANG YANG DAG PA MA YIN PA'I PHYIN CI LOG GI GNYEN POR DE LA RANG BZHIN DU MNGON PAR ZHEN PA ZLOG PAR BYED PA'I TSIG SMRAS PA YIN GYI, 'DI'I DNGOS PO MED PAR BRTAGS PA NI MA YIN TE, 'DI LTAR 'DI GNYIS NI SPANG BAR BYA BA YIN TE, GANG DNGOS PO LA MNGON PAR ZHEN PA DANG, GANG YANG DNGOS NGO MED PA LA MGON PAR ZHEN PA'O, ,JI SKAD DU SLOB DPON 'PHAGS PA'I LTAS, KHYOD KYI BDAG KYANG NGA'I MIN, ,DES BDAG NGES MED DE PHYIR MED, ,DNGOS PO MI RTAG PA RNAMS LA, ,RTOG PA ZHES KYANG NYE BAR SKYE, ,ZHES GSUNGS PA LTA BU'O, ,DE NYID BSTAN PA'I PHYIR, GANG ZHIG LTA LA SOGS PA YI, ,SNGA ROL DA LTA PHYIN MED, ,DE LA YOD DO MED DO ZHES, ,RTOG @68A *, ,PA DAG NI LDOG PAR 'GYUR, ,ZHES BYA BA GSUNGS SO, ,RE ZHIG LTA BA LA SOGS PA DAG GI SNGA ROL NA NI BDAG MED DE, DE DANG BRAL BA LA YOD PA NYID MED PA'I PHYIR RO, ,LTA BA LA SOGS PA DANG LHAN CIG TU GYUR PA YANG MED DO, ,SO SO SO SOR MA GRUB PA DAG LA, LHAN CIG PA NYID MA MTHONG BA'I PHYIR DANG, RI BONG GI RVA GNYIS LTAR PHAN TSUN LTOS PA MED PA'I BDAG DANG NYE BAR BLANGS PA DAG KYANG SO SO SO SOR MA GRUB PA'I PHYIR DA LTAR YANG MED DO, ,PHYIS KYANG MED DE, 'DI LTAR GAL TE LTA BA LA SOGS PA DAG GONG DU YOD PAR 'GYUR ZHING, BDAG 'OG ROL GYI DUS SU YOD PAR 'GYUR NA NI DE'I TSE PHYIS 'BYUNG BAR 'GYUR NA, DE NI DE LTA MA YIN TE, BYED PA PO MED PA'I LAS MA GRUB PA'I PHYIR RO, ,BDAG GANG ZHIG DE LTAR YONGS SU BRTAGS PA NA LTA BA LA SOGS PA DAG GI SNGAR RAM PHYIS SAM LHAN CIG YOD PA MA YIN PA DE'I TSE, DMIGS PA MED PA'I RANG BZHIN DE LA YOD PA'AM, MED PA NYID DU SHES RAB CAN SU ZHIG RTOG PAR BYED, DE'I PHYIR NYE BAR LEN PA DANG NYE BAR LEN PA PO GNYIS LAS DANG BYED PA PO BZHIN DU PHAN TSUN LTOS PA'I GRUB PA NYID YIN GYI, ,NGO BO NYID KYIS NI MA YIN NO ZHES BYA BAR GNAS SO, ,DE NYID KYI PHYIR, BCOM LDAN 'DAS KYIS KYANG, 'PHAGS PA TING NGE 'DZIN GYI RGYAL PO'I MDO LAS, DE TSE SDIG MED STOBS BCU LDAN PA YI, ,RGYAL BA DE NI TING 'DZIN MCHOG 'DI 'CHAD, ,SRID PA'I 'GRO BA RMI LAM LTA BU STE, ,'DI LA SU YANG MI SKYO 'CHI BA MED, ,SEMS CAN MING DANG SROG KYANG MI RNYED DE, ,CHOS 'DI RNAMS NI DBU BA CHU SHING 'DRA, ,SGYU MA LTA BU NAM MKHA'I GLOG 'DRA STE, ,CHU YI ZLA BA 'DRA ZHING SMIG RGYU BZHIN, ,MI 'GA' 'JIG RTEN 'DIR YANG SHI NAS NI, ,'JIG RTEN GZHAN DU 'PHO ZHING 'GRO MED KYANG, ,LAS BYAS RNAMS NI NAM YANG CHUD MI ZA, ,'KHOR BA NA YANG DKAR NAG 'BRAS BU SMIN, ,RTAG PA MA YIN CHAD PAR MI 'GYUR TE, ,LAS BSAGS MED CING GNAS PA DAG KYANG MED, ,DE YANG BYAS NAS REG PAR MI 'GYUR MIN, ,GZHAN GYIS BYAS PA TSOR BAR 'GYUR BA'ANG MED, ,'PHO BA MED CING PHYIR YANG 'ONG BA MED, ,THAMS CAD YOD PA MA YIN MED PA'ANG MIN, ,'DI NA LTA GNAS @68B 'JUG PA DAG PA MIN, ,SEMS CAN SPYOD PAR BZHI 'JUG PA MED, ,BDE GSHEGS SPYOD YUL RGYAL BA'I YON TAN NI, ,SKYE MED ZHI BA MTSAN MA MED PA'I GNAS, ,STOBS DANG GZUNGS RNAMS DANG NI STOBS BCU'I STOBS, ,'DI NI SANGS RGYAS KHYU MCHOG DAM PA'I MCHOG ,CES RGYA CHER GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, SNGA ROL NA GNAS PA BRTAG PA ZHES BYA BA RAB TU BYED PA DGU PA'I 'GREL PA'O,, ,,'DIR SMRAS PA, NYE BAR LEN PA DANG NYE BAR LEN PA PO GNYIS NGO BO NYID KYIS GRUB PA NI MA YIN NO ZHES GANG SMRAS PA DE NI RIGS PA MA YIN TE, DNGOS PO LTOS PA DANG BCAS PA RNAMS LA YANG NGO BO NYID DANG BCAS PA NYID MTHONG BA'I PHYIR RO, ,'DI LTAR BUD SHING LA LTOS NAS ME 'BYUNG MOD KYI, ME RANG BZHIN MED PA NI MA YIN TE, TSA BA DANG SREG PAR BYED PA NYID RANG BZHIN DANG 'BRAS BU DMIGS PA'I PHYIR RO, , DE BZHIN DU ME LA LTOS NAS BUD SHING YIN MOD KYI, DE RANG BZHIN MED PA NI MA YIN TE, BSREG PAR BYA BA 'BYUNG BA CHEN PO BZHI'I RANG BZHIN NYID YIN PA'I PHYIR RO, ,DE BZHIN DU, NYE BAR LEN PA LA LTOS PA DANG BCAS PA'I NYE BAR LEN PA PO DANG, NYE BAR LEN PA PO LA LTOS PA DANG BCAS PA'I NYE BAR LEN PA YANG NGO BO NYID YOD PAR 'GYUR RO, ,DE'I PHYIR MED DANG BUD SHING BZHIN DU NYE BAR LEN PA DANG, NYE BAR LEN PA PO DE GNYIS KYANG 'BYUNG BAR 'GYUR RO, ,BRJOD PAR BYA STE, GAL TE ME DANG BUD SHING DAG NYID YOD NA DE LTAR 'GYUR NA, YOD PA NI MA YIN NO, ,'DIR GAL TE ME DANG BUD SHING DAG YOD PAR GYUR NA, DE DAG NGES PAR GCIG NYID DAM THA DAD PA NYID DU YOD PAR 'GYUR GRANG, GNYI GA LTAR YANG MI RIGS SO ZHES GSUNGS PA, BUD SHING GANG DE ME YIN NA, ,BYED PA PO DANG LAS GCIG 'GYUR, ,GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR BUD SHING BSREG PAR BYA BA SHING LA SOGS PA LAS SU GYUR PA GANG YIN PA DE'I SREG PAR BYED PA PO NI MI YIN NO, ,DE LA GAL TE BUD SHING DE NYID ME YIN NO ZHES BYA BAR RTOG NA NI DE'I TSE BYED PA PO DANG, ,LAS DAG GCIG NYID DU 'GYUR NA, DE LTAR NI MA MTHONG STE, RDZA MKHAN DANG BUM PA @69A *, ,DAG GAM, GCAD BYA DANG GCOD PA PO YANG GCIG NYID DU THAL BAR 'GYUR PA'I PHYIR LA, DE YANG KHAS MA BLANGS PA'I PHYIR RO, ,CI STE GZHAN NYID YIN NA NI, DE LTA NA YANG, GAL TE BUD SHING LAS ME GZHAN DU GYUR NA, DE'I TSE BUD SHING LA LTOS PA MED PAR MI DMIGS PAR 'GYUR RO, ,BUM PA LAS GZHAN DU GYUR PA'I SNAM BU NI DE LA LTOS PA MED PAR MTHONG BA MA YIN PA MA YIN NO, ,BUD SHING LA LTOS PA MED PA'I ME NI DE LTAR YANG MA YIN PAS, 'DI NI MI RIGS SO, ,GZHAN YANG GAL TE BUD SHING LAS ME GZHAN DU GYUR NA NI DE'I TSE, RTAG TU 'BAR BA NYID DU 'GYUR, ,'BAR BYED RGYU LAS MI 'BYUNG ZHING, ,RTZOM PA DON MED NYID DU 'GYUR, ,DE LTA YIN NA LAS KYANG MED, ,ME BUD SHING LAS THA DAD PAR GYUR PAR 'DOD PA NA RTAG TU 'BAR BA NYID DU 'GYUR ZHING, 'BAR BYED RGYU LAS MI 'BYUNG BAR 'GYUR LA, YANG RTZOM PA DON MED PAR 'GYUR ZHING, DE LTA YIN DANG, LAS KYANG MED PAR 'GYUR RO, ,DON 'DI NYID BSTAN PAR BZHED NAS, GZHAN LA LTOS PA MED PA'I PHYIR, ,'BAR BYED RGYU LAS MI 'BYUNG ZHING, ,RTAG TU 'BAR BA YIN NA NI, ,RTZOM PA DON MED NYID DU 'GYUR, ,ZHES BYA BAR GSUNGS SO, ,DE LA DES 'BAR BAR BYED PAS NA 'BAR BAR BYED DE BUD SHING NGO, ,'DI LA 'BAR BAR BYED PA RGYUR YOD PAS NA 'BAR BAR BYED PA'I RGYU LAS 'BYUNG BA'O, ,'BAR BAR BYED PA'I RGYU LAS BYUNG BA MA YIN PA NI, 'BAR BAR BYED PA'I RGYU LAS MI 'BYUNG BA'O, ,GAL TE 'BAR BAR BYED PA LAS ME GZHAN YIN PAR GYUR NA NI DE'I TSE BUD SHING LA LTOS PA MED PAR 'GYUR RO, ,GANG ZHIG GANG LAS GZHAN YIN PA DE NI LTOS PA MED DE, BUM PA DANG SNAM BU BZHIN NO, ,DE'I PHYIR GZHAN LA LTOS PA MED PA'I PHYIR 'BAR BAR BYED PA'I RGYU LAS MI 'BYUNG BAR 'GYUR RO, ,DE'I PHYIR RTAG TU 'BAR BAR BYED DO, ,'BAR BAR BYED PA LA LTOS PA DANG BCAS PA'I ME DE NI MED NA 'CHI BAR 'GYUR NA, GANG GI TSE, 'BAR BAR BYED PA LA LTOS PA MED PA DE'I TSE NI 'CHI BA'I RKYEN MA TSANG BAS RTAG TU 'BAR BA NYID DU 'GYUR RO, ,RTAG TU 'BAR BA YIN NA NI, ,MI 'CHI BAR BYA BA'I PHYIR DE NYE BAR LEN PA DANG SPAR BA LA SOGS PA'I RTZOM PA @69B DON MED PA NYID DU 'GYUR RO, ,DE LTA YIN NA ME LAS MED CING MI BDOG PA YIN BZHIN DU BYED PA POR YANG 'GYUR RO, ,LAS YOD PA MA YIN PA NI BYED PA PO NYID KYANG MA YIN TE, MO GSHAM GYI BU BZHIN NO, ,DE'I PHYIR BUD SHING LAS ME GZHAN PA NYID KYANG MI RIGS SO, ,'DIR SMRAS PA, GANG 'DI SKAD DU, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES GANG SMRAS PA DE NI MI RIGS TE, 'DIR ME DANG BUD SHING DAG GZHAN NYID YIN YANG, BUD SHING MED PAR ME YOD PA NYID MA YIN TE, GANG GI PHYIR, 'BAR BAR GYUR PA'I DON MES BSREG PAR BYA BA'I MTSAN NYID CAN NI BUD SHING YIN LA, ME YANG DE LA BRTEN NAS DMIGS KYI, SO SOR NI MA YIN NO, ,GANG GI TSE, DE LTAR ME DANG 'BREL PA LAS BUD SHING DU BRJOD PAR 'GYUR ZHING, ME YANG BUD SHING LA BRTEN NAS DMIGS KYI SO SOR MA YIN PA DE'I TSE, GAL TE SHING LAS ME GZHAN NA ZHES BYA BA LA SOGS PA'I NYES PAR THAL BA'I GO SKABS MED DO ZHE NA PHYOGS 'DI YANG MI RIGS PA NYID DU BRJOD PA'I PHYIR RO, ,DE LA GAL TE 'DI SNYAM DU, BSREG BZHIN BUD SHING YIN SEMS NA, ,GANG TSE DE TZAM DE YIN NA, ,GANG GIS BUD SHING DE SREG BYED, ,CES BYA BA GSUNGS TE; GAL TE 'BAR BA DANG LDAN PA'I DON BSREG PAR BYA BA'I MTSAN NYID CAN NI BUD SHING YIN LA, ME NI DE'I RTEN CAN YIN NO SNYAM DU SEMS NA, DE LTAR BRTAGS KYANG, MES BUD SHING BSREG GO ZHES BYA BA MI 'THAD DE, GANG GI PHYIR, GANG TSE DE TZAM DE YIN NA, ,GANG GIS BUD SHING DE SREG BYED, ,CES BYA BA 'BYUNG NGO, ,GANG TSE DE TZAM DE YIN NA, ,ZHES BYA BA NI GANG GI TSE BSREG BZHIN PA TZAM ZHIG DE YIN PA NA ZHES BYA BA'I DON TO, ,'DIR MES BUD SHING BSREG GO ZHES RTOG PA NA, BUD SHING NI 'BAR BAR GYUR PA BSREG PAR BYA BA YIN NO ZHES BYA BAR 'GYUR RO ZHE NA, 'DI LAS MA GTOGS PAR GANG GIS BUD SHING SREG PAR BYED PA'I ME GZHAN NI MA MTHONG NGO, ,DE'I PHYIR 'DI TZAM ZHIG TU GYUR PA 'DI NYE BAR DMIGS TE, 'DI LTA STE, 'BAR BAR GYUR PA'I BSREG PAR BYA BA TZAM MO, ,GANG GI TSE DE LAS THA DAD PA'I ME YOD PA MA YIN PA DE'I TSE BUD SHING DE GANG GIS @70A *, ,SREG PAR BYED, DE'I PHYIR MES BUD SHING MI BSREG STE, DE LAS MA GTOGS PA'I ME MED PA'I PHYIR RO, ,GANG GI TSE DE LTA YIN PA DE'I TSE 'BAR BAR GYUR PA 'GA' ZHIG KYANG GA LA YOD DE, DE'I PHYIR NYES PA DE NYID BZLOG TU MED DO, ,GZHAN YANG ME DANG BUD SHING DAG GZHAN NYID DU KHAS LEN NA, BSREG BZHIN PA'I BRJOD PA MED PAS, BSREG BZHIN PA BUD SHING DUG LA 'GYUR ZHING, MES BUD SHING BSREG PAR YANG GA LA 'GYUR ZHES BSTAN PA'I PHYIR, GZHAN PHYIR MI PHRAD PHRAD MED NA, ,SREG PAR MI 'GYUR MI SREG NA, ,'CHI BAR MI 'GYUR MI 'CHI NA, ,RANG RTAGS DANG YANG LDAN PAR GNAS, ,ZHES GSUNGS TE, GAL TE BUD SHING LAS ME GZHAN DU GYUR NA NI, DE GZHAN YIN PA'I PHYIR SNANG BA DANG MUN PA LTAR BUD SHING DANG PHRAD PAR MI 'GYUR RO, ,PHRAD PA MED PA'I PHYIR BSREG PAR YANG MI 'GYUR TE, BSKAL PA'I YUL NA GNAS PA BZHIN NO SNYAM DU DGONGS SO, ,DE LTAR NA BSREG BZHIN PA BUD SHING YIN NO ZHES BYA BA MI 'THAD PA NYID DO, ,DE'I PHYIR ME 'CHI BAR MI 'GYUR LA, MI 'CHI NA YANG RANG GI RTAGS DANG LDAN PA NYID DU GNAS PAR 'GYUR TE, RAB TU 'BAR ZHING ZHES BYA BA'I THA TSIG GO, ,YANG GI SGRA NI RANG GI RTAGS DANG LDAN PA KHO NAR GNAS PAR 'GYUR BA'AM, YANG NA BUD SHING LAS ME GZHAN DU GYUR PA NYID MED DO ZHES NGES PAR BZUNG BA 'AM RNAM PAR RTOG PA'I DON DU BLTA BAR BYA'O, ,YANG NA GZHAN YIN PA'I PHYIR MI PHRAD PA DANG, PHRAD PA MED NA BSREG PAR MI 'GYUR BA DANG, MI BSREG NA 'CHI BAR MI 'GYUR BA DANG, MI 'CHI NA RANG GI RTAGS DANG YANG LDAN PAR 'GYUR RO ZHES BSDU BAR BYA BA'I PHYIR RO, ,DE'I PHYIR BUD SHING LAS ME GZHAN NYID DU YANG MI RIGS SO, ,'DIR SMRAS PA, ME DANG BUD SHING DAG GZHAN YIN NA GZHAN PHYIR MI PHRAD PHRAD MED NA, ,BSREG PAR MI 'GYUR ZHES BYA BA LA SOGS PA GANG SMRAS PA DE NI MI RIGS TE, 'DI LTAR SKYES PA DANG, BUD MED DAG GZHAN NYID YIN YANG PHRAD PAR MTHONG BA YIN LA, ,ME DANG BUD SHING DAG KYANG DE BZHIN DU 'GYUR RO, ,BRJOD PAR BYA STE, JI LTAR BUD MED SKYES PA DANG, ,SKYES PA'ANG BUD MED PHRAD PA @70B BZHIN, ,GAL TE SHING LAS ME GZHAN NA, ,SHING DANG PHRAD PAR RUNG BAR 'GYUR, ,GAL TE ME DANG BUD SHING DAG SKYES PA DANG BUD MED LTAR, PHAN TSUN LTOS PA MED PAR GRUB PAR GYUR NA NI, DE DE LTAR 'GYUR BA ZHIG NA, GYUR PA NI MA YIN NO ZHES GSUNGS PA NI, GAL TE ME DANG SHING DAG NI, ,GCIG GIS GCIG NI BSAL GYUR NA, ,SHING LAS ME GZHAN NYID YIN YANG, ,SHING DANG PHRAD PAR 'DOD LA RAG ,CES BYA BA STE BUD SHING LA LTOS PA MED PAR ME YOD PAR 'GYUR ZHING, ME LA MI LTOS PAR BUD SHING YOD PAR 'GYUR PA GANG YIN PA DE LTA BU NI MI SRID DO, ,DE'I PHYIR DPE 'DI NI DON MED PA YIN TE, GZHAN NYID YIN YANG PHAN TSUN LTOS PA LA RAG LAS TE, SKYES PAR GYUR PA GANG DAG PHRAD PAR GRUB PA DE DAG NYID DPE NYE BAR DGOD PAR RIGS PAR 'GYUR NA, DE DAG KYANG YOD PA MA YIN PAS, GZHAN NYID YIN BZHIN DU PHRAD PA YOD DO ZHES BYA BA MI RIGS SO, , 'DIR SMRAS PA, GAL TE YANG ME DANG BUD SHING DAG LA SKYES PA DANG BUD MED LTAR PHAN TSUN LTOS PA MED PAR GRUB PA MED MOD KYI, DE LTA NA YANG PHAN TSUN LTOS PA NI RE ZHIG YOD PA YIN NO, ,PHAN TSUN LTOS PA DE'I PHYIR ME DANG BUD SHING DAG GI RANG GI NGO BO GRUB PA NI YOD PA YIN TE, YOD PA MA YIN PA'I MO GSHAM GYI BU DANG BU MO DAG NI PHAN TSUN LTOS PA DANG BCAS PA NYID DU MA MTHONG NGO, ,BRJOD PAR BYA STE, DE LTA NA YANG, GAL TE SHING LTOS ME YIN LA, ,GAL TE ME LTOS SHING YIN NA, ,GANG LTOS ME DANG SHING 'GYUR BA, ,DANG POR GRUB PA GANG ZHIG YIN, ,GAL TE ME 'DI NI BUD SHING 'DI'I SREG PAR BYED PA'I BYED PA PO YIN NO ZHES DE LTAR BUD SHING LA LTOS NAS MER RNAM PAR 'JOG CING, GAL TE BUD SHING 'DI NI ME 'DI'I LAS YIN NO ZHES DE LTAR ME LA LTOS TE, BUD SHING RNAM PAR 'JOG PA DE'I TSE DE GNYIS LAS SNGAR GRUB PA GANG ZHIG YIN, CI BUD SHING LA LTOS NAS MER 'GYUR RAM, 'ON TE ME LA LTOS TE BUD SHING DU 'GYUR, DE LA GAL TE BUD SHING DANG POR GRUB PO ZHES RTOG NA NI, DE NI MI RIGS TE ME LA LTOS PA MED CING BSREG BZHIN PA MA YIN PA NI BUD SHING NYID MA YIN PA'I PHYIR DANG, RTZVA LA SOGS PA THAMS CAD KYANG BUD SHING NYID DU THAL BAR 'GYUR BA'I PHYIR RO, ,CI STE DANG POR ME @71A *, ,YIN LA PHYIS BUD SHING YIN NO ZHE NA, DE YANG RIGS PA MA YIN TE, BUD SHING LAS SNGAR GRUB PA'I ME MED PA'I PHYIR DANG, RGYU MED PA NYID DU THAL BAR 'GYUR BA'I PHYIR DANG, PHYIS LTOS PA DGOS PA MED PA'I PHYIR RO, ,DE'I PHYIR 'DIR GANG LA LTOS NAS CIG SHOS 'GRUB PAR 'GYUR BA DANG POR GRUB PA GANG YANG MED DO, ,CI STE YANG SNGAR BUD SHING YIN LA PHYIS ME YIN NO SNYAM DU SEMS NA, DE LTA NA YANG, GAL TE SHING LTOS ME YIN NA, ,ME GRUB PA LA SGRUB PAR 'GYUR, ,GAL TE BUD SHING LA LTOS NAS MER 'GYUR RO ZHES RTOG NA, DE LTAR NA 'O NA ME GRUB ZIN PA LA YANG BSGRUB PAR 'GYUR TE, DNGOS PO YOD CING GRUB PA'I NGO BO CAN KHO NA LTOS PAR RIGS KYI, ,YOD PA MA YIN PA'I LHA SBYIN NI KHYIM 'GA' LA YANG LTOS PA MA YIN NO, ,GAL TE DE LTAR ME YOD PAR MA GYUR NA NI, DE BUD SHING LA LTOS PAR MI 'GYUR RO, ,DE'I PHYIR ME YOD PAR KHAS BLANG BAR BYA DGOS LA; DE'I TSE NA YANG 'DI BUD SHING LA LTOS PAS CI ZHIG BYA, GANG GI DON DU BUD SHING LA LTOS PA 'BRAS BU DANG BCAS PAR 'GYUR BA GRUB ZIN PA'I ME NI YANG BUD SHING GIS BYAR MED DO, ,DE'I PHYIR BUD SHING LA LTOS NAS MER 'GYUR RO ZHES BYA BA NI MI RIGS SO, ,GANG YANG GAL TE BUD SHING LA BRTEN NAS MER 'GYUR RO ZHES RTOG NA, DE LTA YIN NA, BUD PAR BYA BA'I SHING LA YANG, ,ME MED PAR NI 'GYUR BA YIN, ,GAL TE BUD SHING GRUB PAR MA GYUR NA NI DE LA ME MI LTOS PA NYID DE, MA GRUB PA LA LTOS PA MI RUNG BA'I PHYIR RO, ,DE'I PHYIR BUD SHING ME MED PAR GRUB PAR KHAS BLANG BAR BYA BAR 'GYUR NA DE NI DE LTA BU YANG MA YIN NO, ,DE'I PHYIR 'DI NI YOD PA MA YIN NO, ,CI STE DUS GCIG KHO NAR BUD SHING 'GRUB PAS ME 'GRUB CING, ME 'GRUB PAS KYANG BUD SHING 'GRUB PAR 'GYUR TE, DE'I PHYIR, GCIG KYANG SNGAR GRUB PAR KHAS MA BLANGS PA'I PHYIR, ,GANG LTOS ME DANG SHING 'GYUR BA, ,DANG POR GRUB PA GANG ZHIG YIN, ,ZHES SMRAS PA GANG YIN PA DE MI RIGS SO ZHES 'DOD NA, BRJOD PAR BYA STE, DE LTAR 'DOD NA NI YANG GNYI GA GRUB PA YOD PA MA YIN TE, 'DI LTAR, GAL TE DNGOS PO GANG LTOS 'GRUB, ,DE NYID LA YANG LTOS NAS NI, ,LTOS BYA GANG YIN DE 'GRUB NA, @71B GANG LA LTOS NAS GANG ZHIG 'GRUB, ,DE LA GAL TE ME ZHES BYA BA'I DNGOS PO GANG ZHIG BUD SHING ZHES BYA BA'I DNGOS PO GANG ZHIG LA LTOS NAS 'GRUB LA, BUD SHING ZHES BYA BA'I DNGOS PO BDAG NYID GRUB PAR BYA BA'I PHYIR LTOS PAR BYA BAR 'GYUR BA GANG YIN PA DE, GAL TE ME ZHES BYA BA'I DNGOS PO GANG ZHIG LA LTOS NAS 'GRUB NA, DA NI GANG LA LTOS NAS GANG ZHIG 'GRUB PAR 'GYUR BA SMROS SHIG ,GAL TE ME MED PA NA BUD SHING 'GRUB PA NYID YOD PA MA YIN PA DE'I TSE, RGYU MED PAS BUD SHING MED PA'I PHYIR DE'I RGYU CAN GYI ME 'GRUB PAR GA LA 'GYUR, DE BZHIN DU GAL TE BUD SHING ZHES BYA BA'I DNGOS PO GANG ZHIG, ME ZHES BYA BA'I DNGOS PO GANG ZHIG LA LTOS NAS 'GRUB LA, ME ZHES BYA BA'I DNGOS PO BUD SHING GI BDAG NYID 'GRUB PAR BYA BA'I PHYIR, LTOS PAR BYA BAR GRUB PA GANG YIN PA DE YANG GAL TE BUD SHING ZHES BYA BA'I DNGOS PO DE NYID LTOS NAS 'GRUB NA, DA NI GANG LA LTOS NAS GANG ZHIG 'GRUB PAR 'GYUR BA BRJOD PAR BYA DGOS SO, ,GAL TE BUD SHING MED PA NA ME 'GRUB PA NYID YOD PA MA YIN PA DE'I TSE RGYU MED PAS ME MED PA'I PHYIR DE'I RGYU CAN GYI BUD SHING YOD PAR GA LA 'GYUR, 'DI'I PHYIR YANG ME DANG BUD SHING DAG PHAN TSUN LTOS NAS GRUB PA MED DE, GRUB PA DANG MA GRUB PA DAG LTOS PA MA YIN PA'I PHYIR RO ZHES BSTAN PA'I PHYIR GSUNGS PA, DNGOS PO LTOS GRUB GANG YIN PA, ,DE MA GRUB NA JI LTAR LTOS, ,CI STE GRUB PA LTOS SHEN, ,DE NI LTOS PAR MI RIGS SO, ,ME ZHES BYA BA'I DNGOS PO BUD SHING ZHES BYA BA'I DNGOS PO LA LTOS NAS GRUB PA GANG YIN PA DE MA GRUB PA'AM GRUB PA ZHIG BUD SHING LA LTOS GRANG, GAL TE MA GRUB PA ZHIG YIN NA NI, DE'I TSE MA GRUB PA'I PHYIR, BUD SHING LA MI LTOS TE BONG BU'I RVA BZHIN NO, ,CI STE GRUB PA YIN NA NI GRUB PA'I PHYIR DE LTOS CI DGOS TE, DON MED PAR 'GYUR BA'I PHYIR GRUB ZIN PA YIN YANG BSGRUB PAR BYA BA MA YIN NO, ,DE BZHIN DU BUD SHING LA YANG BRJOD PAR BYA'O, ,DE'I PHYIR ME DANG BUD SHING DAG PHAN TSUN LTOS PAR RAM, DUS GCIG TU GRUB PA MED DO, ,GANG GI PHYIR DE LTA YIN PA DE'I PHYIR, SHING LA MA LTOS PA'I ME MED DE ZHES BYA BA'O, ,CI STE 'O NA MA LTOS PAR MER 'GYUR RO SNYAM NA, 'DI YANG MI RUNG NGO ZHES @72A *, ,GSUNGS PA NI, SHING LA MA LTOS ME YANG MED, ,CES BYA BA STE, GZHAN NYID BKAG ZIN PA'I PHYIR DANG, RGYU MED PA NYID DU THAL BAR 'GYUR BA'I PHYIR RO, ,JI LTAR BUD SHING LA LTOS PA'AM, MA LTOS PA'I ME MED PA DE BZHIN DU BUD SHING YANG YIN NO ZHES GSUNGS PA NI, ME LA LTOS PA'I SHING MED DE, ,ME LA MA LTOS SHING YANG MED, ,CES BYA BA STE, 'DI'I DON NI THAL MA THAG TU GO BAR ZAD PA NYID KYIS NA YANG MI BRJOD DO, ,'DIR SMRAS PA DPYAD PA SHIN TU PHRA MO 'DIS KHO BO CAG LA CI DGOS TE, GANG GI PHYIR KHO BO CAG NI MNGON SUM GYI BUD SHING MES BSREG BZHIN PA DMIGS PA DE'I PHYIR ME DANG BUD SHING DAG YOD DO ZHES BYA BA 'DI TZAM ZHIG SMRA'O ZHE NA, BRJOD PAR BYA STE, GAL TE MES BUD SHING BSREGS NA DE DE LTAR 'GYUR NA, ,SREG PA NI MA YIN TE 'DI LTAR GAL TE, SHING LA ME YOD NA NI DES BUD SHING SREG PAR 'GYUR NA, YOD PA NI MA YIN NO ZHES GSUNGS PA, ME NI GZHAN LAS MI 'ONG STE, ,SHING LA'ANG ME NI YOD MA YIN, ,RE ZHIG ME NI BUD SHING MA GTOGS PAR GZHAN 'GA' ZHIG LAS 'ONG BA MED DE, DE MA MTHONG BA'I PHYIR DANG, ,RGYU MED PAS BUD SHING DANG BRAL BA'I ME LA 'ONG BA MED PA'I PHYIR DANG, BUD SHING DANG BCAS PA 'ONG BA LA DGOS PA MED PA'I PHYIR DANG, DER YANG BUD SHING DANG BRGAL ZHING BRTAG PA MTSUNGS PAS THUG PA MED PAR THAL BAR 'GYUR BA'I PHYIR TE, ME NI GZHAN LAS MI 'ONG STE, ,ZHES BYA BA'O, ,DE BZHIN DU, SHING LA YANG ME YOD PA MA YIN TE, DE LA MA DMIGS PA'I PHYIR RO; ,CI STE RTZA BA DANG CHU LA SOGS PA LTAR YOD DU ZIN KYANG MNGON PAR GSAL BAR BYED PA'I RKYEN MA TSANG BAS SNGAR DMIGS PAR MA GYUR BZHIN DU PHYIS GTZUB SHING GTZUBS PA LA SOGS PA, MNGON PAR GSAL BAR BYAD PA'I RKYEN YOD PA LAS DMIGS PA YIN NO SNYAM NA, CI STE RTZA BA DANG CHU LA SOGS PA RNAMS LA MNGON PAR GSAL BAR BYED PA'I RKYEN DAG GIS CI ZHIG BYED CES 'DI NYID RE ZHIG DPYAD PAR BYA'O, ,DE LA RE ZHIG RANG GI NGO BO NI MI BYED DE YOD PAR GYUR PA'I PHYIR RO, ,MNGON PAR GSAL BAR BYED DO ZHE NA, MNGON PAR GSAL BA ZHES BYA BA 'DI CI ZHIG GSAL BA'O, ,DE LA @72B NA NI, 'O NA DE SNGAR YOD PA MA YIN PA'I PHYIR DE NYID BYED PAR 'GYUR LA, DE LTA NA RGYU LA 'BRAS BU YOD PAR SMRA BA BTANG BAR 'GYUR TE, SNGAR MNGON PAR GSAL BA MED PA'I PHYIR DANG, PHYIS YOD PA'I PHYIR RO, ,RANG GI NGO BO SKYE BA'I RKYEN LA LTOS PA MED PA'I PHYIR MNGON PAR GSAL BA RKYEN LA LTOS PA NYID DU YANG MI 'GYUR TE, NAM MKHA'I ME TOG BZHIN NO, ,GZHAN YANG MNGON PAR GSAL BA 'DI NI DNGOS PO MNGON PAR GSAL BAR GYUR PA'AM, MNGON PAR GSAL BAR MA GYUR PA 'GA' ZHIG LA RTOG PA ZHIG NA, DE LA RE ZHIG MNGON PAR GSAL BAR GYUR PA GANG YIN PA DE NI MNGON PAR GSAL BAR BYA BA MA YIN NO, ,DE LA MNGON PAR GSAL BAR BYA BA DON MED PA'I PHYIR DANG, THUG PA MED PAR THAL BAR 'GYUR BA'I PHYIR RO, ,MNGON PAR GSAL BAR MA GYUR PA YANG MNGON PAR GSAL BAR MI BYED DE, MNGON PAR GSAL BAR MA GYUR PA'I PHYIR, NAM MKHA'I ME TOG BZHIN NO, ,DE LTAR NA MNGON PAR GSAL BA YOD PA MA YIN NO, ,CI STE YANG RKYEN RNAMS KYIS YOD PAR GYUR PA RAGS PA NYID DU BYED PA YIN NO SNYAM NA, DE LTA NA YANG RAGS PA NYID SNGAR MED PAS DE NYID BYED PAR 'GYUR TE, DE'I PHYIR RAGS PA NYID DU BYAS PAS MNGON PAR GSAL BAR GA LA 'GYUR, PHRA BA NYID KYANG RGYU MED PAS MED PA'I PHYIR, CI ZHIG RAGS PAR BYAS PA LAS MNGON PAR GSAL BAR 'GYUR, DE'I PHYIR DE LTAR RNAM PA THAMS CAD DU BUD SHING LA ME MI SRID PA'I PHYIR, SHING LA'ANG ME NI YOD MA YIN, ,ZHES BYA BA'O, ,YOD PA MA YIN PA'I MES NI BUD SHING SREG PA YANG MI 'THAD PAS, 'DI NI KHYOD KYIS MI BDEN PA ZHIG MTHONG BA YIN NO, ,GZHAN YANG SONG BA DANG MA SONG BA DANG, BGOM PA DAG LA SUN 'BYIN PA SNGAR BSHAD PA JI LTA BA, DE BZHIN SHING GI LHAG MA NI, ,SONG DANG MA SONG BGOM PAS BSTAN, ,BUD SHING MES SREG BZHIN PA DMIGS SO ZHES BYA BA'I BUD SHING 'DI'I STE; BUD SHING GI SKABS KYI SUN 'BYIN LHAG MA NI, RE ZHIG BSREGS PA MI SREG STE, ,MA BSREGS PA LA'ANG SREG PA MIN, ,BSREGS DANG MA BSREGS MA GTOGS PA'I, ,BSREG BZHIN SHES PAR MI 'GYUR RO, ,ZHES BYA BA LA SOGS PAS BSTAN ZIN PA'I PHYIR 'DON PA BZLOG PA'I SGO NAS SONG BA DANG @73A *, ,MA SONG BA DANG BGOM PA'I SUN 'BYIN PA DANG MTSUNGS PAR RIG PAR BYA'O, ,GANG GI PHYIR DE LTA YIN PA DE'I PHYIR BUD SHING MES BSREG PA YOD PA MA YIN NO ZHES BYA BAR RIG PAR BYA'O, ,DA NI JI SKAD BSTAN PA'I DON GYI MJUG BSDU BA'I PHYIR, SHING NYID MO NI MA YIN TE, ,SHING LAS GZHAN LA ME YANG MED, ,ME NI SHING DANG LDAN MA YIN, ,ME LA SHING MED DER DE MED, ,CES BYA BA GSUNGS SO, ,DE LA, BUD SHING GANG DE ME YIN NA, ,BYED PA PO DANG LAS GCIG 'GYUR, ,ZHES BYA BA 'DIS ME DANG BUD SHING DAG GCIG NYID YIN PA BKAG PA'I PHYIR, SHING NYID ME NI MA YIN TE, ,ZHES BYA'O, ,GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES BYA BA LA SOGS PAS GZHAN YIN PA BKAG PA'I PHYIR, SHING LAS GZHAN LA ME YANG MED DO, ,DE NYID DANG GZHAN NYID KYI PHYOGS GNYI GA BKAG PA NYID KYIS NA DE DANG LDAN PA DANG RTEN DANG BRTEN PA'I PHYOGS DAG KYANG, DON GYIS BKAG PA'I PHYIR DE DAG KYANG MJUG BSDU BA'I PHYIR, ME NI SHING DANG LDAN MA YIN, ,ME LA SHING MED DER DE MED, ,CES BYA BA GSUNGS SO, ,DE LA ME NI SHING DANG LDAN PA MA YIN NO, ,'DI'I LAM 'DI LA BUD SHING YOD DO ZHES THA DAD PA'AM, THA MI DAD PAR BYE BRAG TU 'CHAD GRANG NA DE LA THA DAD PAR NI, DPER NA LHA SBYIN BA GLANG DANG LDAN NO ZHES BYA BA LTA BU YIN LA, THA MI DAD PAR NI LHA SBYIN BLO DANG LDAN NO, ,LHA SBYIN GZUGS DANG LDAN NO ZHES BYA BA LA SOGS PA LTA BU YIN NA, ME DANG BUD SHING DAG LA PHYOGS GNYI GA YANG BKAG PA'I PHYIR, ME SHING DANG LDAN NO ZHES BYA BA'ANG BKAG PA BYAS PA YIN NO, ,GZHAN DU GYUR BA'I 'KHAR GZHONG NI RGYA SHUG RNAMS KYI RTEN NYID DU RTOG NA, ME LA NI BUD SHING LAS GZHAN PA NYID KYANG YOD PA MA YIN PAS, ME LA SHING MED CES BYA BAR RIGS SO, ,BUD SHING LA YANG ME MED DE GZHAN NYID BKAG PA NYID KYI PHYIR RO, ,DE LTAR NA RTEN DANG BRTEN PA NYID BKAG PA YANG DON GYIS BSTAN PA NYID YIN NO, ,JI LTAR RNAM PA LNGAR RNAM PAR BRTAGS PA NA, ME YOD PA MA YIN PA DE BZHIN DU BDAG KYANG YIN NO ZHES BSGRE BA'I PHYIR, ME DANG SHING GIS BDAG DANG NI, ,NYE BAR LEN PA'I RIM PA KUN, ,BUM @73B SNAM SOGS DANG LHAN CIG TU, ,MA LUS PAR NI RNAM PAR BSHAD, ,CES GSUNGS SO, ,DE LA NYE BAR BLANG BAR BYA BAS NA, NYE BAR LEN PA STE NYE BAR LEN PA'I PHUNG PO LNGA'O, ,DE DAG LA NYE BAR BRTEN NAS BRTAGS PA, NYE BAR LEN PA PO, 'DZIN PA PO, SGRUB PAR BYED PA PO GANG YIN PA DE NI BDAG TU 'DZIN PA'I YUL YIN PA'I PHYIR 'DI LA BDAG TU NGA RGYAL BZHAG CING BSKYED PAS NA BDAG CES BYA'O, ,DE'I PHYIR, BDAG DE DANG NYE BAR LEN PA'I GRUB PA'I RIM PA DE THAMS CAD MA LUS PAR ME DANG BUD SHING DAG GIS RNAM PAR BSHAD PAR KHONG DU CHUD PAR BYA'O, ,YANG KUN DANG MA LUS PA LA KHYAD PAR CI LTA YOD CE NA, KUN SMOS PA NI THAL MA THAG PA'I PHYOGS LNGA PO SBYOR BAR BYED PA YIN TE, PHYOGS LNGA PO DE DAG THAMS CAD KYANG MA TSANG BA MED PAR ME DANG BUD SHING LTAR BDAG DANG NYE BAR LEN PA GNYIS LA YANG SBYAR BAR BYA'O, ,'DI DAG STON PA LA 'THAD PA'I TSUL SNGAR BRJOD PA GANG YIN PA DE YANG MA LUS PAS BDAG DANG NYE BAR LEN PA DAG DGAG PAR RIG PAR BYA'O, ,BDAG DANG NYE BAR LEN PA DAG DGAG PA ME DANG BUD SHING DAG DANG BDAG NYID THAMS CAD KYIS MTSUNGS PA NI 'DI GNYIS KYI SGO NAS YIN PAR RIG PAR BYA'O ZHES BSTAN PAR BYA BA'I PHYIR, RIM PA KUN, MA LUS PAR NI ZHES BSHAD DO, ,DE LA NYE BAR LEN PA GANG YIN PA DE NYID BDAG NYID YIN NO ZHES BYA BA DE LTA BU NI MI RIGS TE, BYED PA PO DANG LAS DAG GCIG NYID DU THAL BAR 'GYUR BA'I PHYIR RO, ,NYE BAR LEN PA GZHAN LA NYE BAR LEN PA PO GZHAN MA YANG MA YIN TE, BDAG PHUNG PO LAS THA DAD PAR YANG DMIGS PAR THAL BAR 'GYUR BA'I PHYIR DANG, GZHAN LA LTOS PA MED PA'I PHYIR ZHES BYA BA LA SOGS PAR THAL BAR 'GYUR BA'I PHYIR RO, ,GCIG NYID DANG GZHAN NYID BKAG PA'I PHYIR BDAG PHUNG PO DANG LDAN PA YANG MA YIN NO, ,GZHAN NYID MED PA'I PHYIR BDAG LA PHUNG PO DAG YOD PA DANG, PHUNG PO DAG LA BDAG YOD PA YANG MA YIN NO, ,GANG GI PHYIR DE LTAR RNAM PA LNGAR BDAG YOD PA NYID MA YIN PA DE'I PHYIR, LAS DANG BYED PA PO LTAR BDAG DANG NYE BAR LEN PA GNYIS PHAN TSUN LTOS PA'I GRUB PA YIN NO ZHES BYA BAR GNAS SO, ,BDAG DANG NYE BAR LEN PA DAG @74A *, ,GI RIM PA GANG YIN PA DE YANG DE GNYIS KHO NA'I MA YIN TE, 'O NA CI ZHE NA, BUM SNAM SOGS DANG LHAN CIG TU, ,ZHES GSUNGS TE, DNGOS PO MA LUS PA DAG DANG LHAN CIG TU RNAM PA THAMS CAD RNAM PAR BSHAD PAR RIG PAR BYA'O, ,BUM PA LA SOGS PA NI RGYU DANG 'BRAS BUR GYUR BA'AM, YAN LAG DANG YAN LAG CAN DU GYUR PA'AM, MTSAN NYID DANG MTSAN GZHIR GYUR PA'AM, YON TAN DANG YON TAN CAN DU GYUR PA DAG YIN TE, DE LA 'JIM PA DANG DBYU GU DANG 'KHOR LO DANG SKUD PA DANG CHU DANG RDZA MKHAN GYI LAG PA'I RTZOL BA LA SOGS PA RNAMS NI BUM PA'I RGYUR GYUR PA YIN LA, BUM PA NI 'BRAS BUR GYUR PA'O, ,DUM BU LA SOGS PA'AM, SNGON PO LA SOGS PA DAG NI YAN LAG TU GYUR PA YIN LA, BUM PA NI YAN LAG CAN YIN NO, ,LTO BA YANGS PA DANG, MCHU 'PHYANG BA DANG, KHA G-YEL BA DANG, MGUL BA RING BA NYID LA SOGS PA RNAMS NI MTSAN NYID YIN LA, BUM PA NI MTSAN GZHI'O, ,SNGO BSANGS NYID LA SOGS PA DAG NI YON TAN YIN LA, BUM PA NI YON TAN CAN YIN NO ZHES DE LTAR RNAM PAR GZHAG PA LA YANG ME DANG BUD SHING LTAR RIM PAR RNAM PAR SBYAR BAR BYA'O, ,BUM PA LA SOGS PA RNAMS DANG BDAG DANG NYE BAR LEN PA DAG RNAM PAR BSHAD PA NI DBU MA LA 'JUG PA LAS NGES PAR BYA'O, ,DE'I PHYIR DE LTAR LAS DANG BYED PA PO LTAR BDAG DANG NYE BAR LEN PA DANG BUM PA LA SOGS PA RNAMS PHAN TSUN LTOS PA'I GRUB PA YIN PAR RNAM PAR GZHAG LA DE BZHIN GSHEGS PA'I GSUNG RAB KYI DON PHYIN CI MA LOG PA YIN PAR MNGON PAR RLOM PA NYID KYIS, MU STEGS PA'I GZHUNG LUGS KYIS NYE BAR BRTAGS PA'I DON GYI RNAM PAR GZHAG PA, BDE BAR GSHEGS PA'I GSUNG RAB LAS KHONG DU CHUD PA'I DON NYID DU GCUS NAS, SHIN TU BLUN PA NYID KYIS NA, ,GANG DAG BDAG DANG DNGOS PO RNAMS, ,DE BCAS NYID DANG THA DAD PAR, ,STON PA DE DAG BSTAN DON LA, ,MKHAS SO SNYAM DU MI SEMS SO, ,DE LA DE DANG LHAN CIG TU 'JUG PAS NA DE BCAS SO, ,DE DANG BCAS PA'I DNGOS PO NYID NI DE BCAS NYID DE, THA MI DAD PA RANG GZHAN MA YIN PA DANG GCIG NYID CES BYA BA'I DON TO, , @74B GANG DAG DE BCAS NYID DER SMRA BA DE DAG NI BSTAN PA'I DON LA MKHAS PAR SLOB DPON MI DGONGS SO, ,'DI LTA STE, NYE BAR LEN PA GANG GIS BDAG TU 'DOGS PA'I NYE BAR LEN PA DE DANG DE LHAN CIG PA NYID DU YOD DE, SO SO MA YIN ZHING THA MI DAD PAR YOD PAR 'GYUR RO ZHES BYA BA'I THA TSIG YIN PA DANG, DE BZHIN DU 'JIM PA LA SOGS PA'I RGYU GANG GIS BUM PAR 'DOGS PA DE DANG DER THA MI DAD PA NYID DU YOD PA YIN GYI, SO SOR NI MA YIN PA DE LTAR GANG DAG BDAG DANG DNGOS PO RNAMS DE DANG BCAS PA NYID DU SMRA BA DE DAG NI, RTEN CING 'BREL BAR 'BYUNG BA MCHOG TU ZAB PA, RTAG PA DANG CHAD PA DANG BRAL BA, BRTEN NAS GDAGS PA'I MING CAN GYI DE KHO NA NYID MTHONG BA MA YIN NO, ,GANG DAG BDAG KYANG GZHAN LA NYE BAR LEN PA YANG GZHAN, 'BRAS BU YANG GZHAN RGYU YANG GZHAN NO ZHES BYA BA LA SOGS PAS SO SO SO SOR STON PAR BYED CING GZHAN NYID DU MTHONG BA DE DAG BSTAN PA'I DON LA MKHAS PAR SLOB DPON NI MI DGONGS SO, ,JI SKAD DU, 'GRO BA SGRA BRNYAN DANG 'DRA BAR, ,GCIG NYID GZHAN NYID DANG BRAL ZHING, ,'PHO DANG 'JIG PA DANG BRAL BAR, ,SMAD MED KHYOD KYIS THUGS SU CHUD, ,CES BSHAD PA LTA BU'O, ,DE LTAR RNAL 'BYOR PA ME DANG BUD SHING BRTAG PAS CHOS KYI DE KHO NA NYID KHONG DU CHUD PA'I LUS NI DUS MTHA'I ME DAG GAM, ,NYON MONGS PA 'DOD CHAGS DANG ZHE SDANG DANG GTI MUG GI ME DAG GIS 'TSIG PA MA YIN NO, ,JI SKAD DU, BCOM LDAN 'DAS KYIS, BSKAL PA BRGYA PHRAG MANG POR RAB BSREGS KYANG, ,NAM MKHA' SNGON CHAD NAM YANG MI 'TSIG BZHIN, ,CHOS RNAMS NAM MKHA' MTSUNGS PAR RNAM RIG PAS, ,DE NI GZHAN YANG ME NANG YONG MI 'TSIG ,GAL TE SANGS RGYAS ZHING RNAMS 'BAR GYUR LA, ,'BAR BA 'DI DAG MA LUS ZHI SHOG CES, ,TING 'DZIN GNAS NAS SMON LAM 'DI BTAB PA, ,SA RNAMS ZHIG KYANG DE LA 'GYUR BA MED, ,CES GSUNGS PA LTA BU'O, ,DE BZHIN DU, JI LTAR GTZUB SHING DANG NI GTZUB STAN DANG, ,LAG PA'I RTZOL BA 'DI GSUM 'DUS PA YI, ,RKYEN 'DI DAG LAS ME NI 'BYUNG 'GYUR ZHING, ,BYUNG STE BYA BA BYAS NAS MYUR DU 'GAG , ,DE NAS 'DI NI GANG @75A *, ,NAS 'ONGS SAM GAR, ,SONG ZHES MKHAS PA GANG ZHIG TSOL BAR BYED, ,PHYOGS DANG PHYOGS MTSAMS KUN TU BTZAL BA DANG, ,'DI YI 'GRO DANG 'ONG BA RNYED MIN BZHIN, ,PHUNG PO DAG DANG SKYE MCHED KHAMS RNAMS NI, ,NANG YANG STONG LA PHYI ROL STONG PA STE, ,THAMS CAD BDAG GIS DBEN ZHING GNAS MED LA, ,CHOS KYI MTSAN NYID NAM MKHA'I NGO BO NYID, ,CHOS KYI MTSAN NYID 'DI 'DRA 'DI DAG NI, ,MAR ME MDZAD PA MTHONG NAS KHYOD KYIS RTOGS, ,JI LTAR NYID KYIS RJES SU RTOGS PA LTAR, ,DE BZHIN LHA MIR BCAS PAS RTOGS PAR GYIS, ,LOG PA YANG DAG MA YIN BRTAGS PA YI, ,'DOD CHAGS ZHE SDANG DAG GIS 'GRO BA GDUNGS, ,THUGS RJE'I SPRIN LAS ZHI BA BSIL BA'I CHU, ,'DREN PA BDUD RTZI'I RGYUN NI RAB TU PHOB, ,CES BYA BA LA SOGS PA GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, ME DANG BUD SHING BRTAG PA ZHES BYA BA RAB TU BYED PA BCU PA'I 'GREL PA'O,, ,,'DIR SMRAS PA, BDAG NI YOD PA NYID DE, 'KHOR BA YOD PA'I PHYIR RO, ,GAL TE BDAG YOD PAR MA GYUR NA NI, 'GRO BA LNGA'I 'KHOR BAR 'GRO BA DANG 'ONG BA'I NGO BOR SKYE BA DANG 'CHI BA GCIG NAS GCIG TU BRGYUD PAS GANG ZHIG 'KHOR BAR 'GYUR, ,BCOM LDAN 'DAS KYIS KYANG, ,DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED DO, ,SEMS CAN MA RIG PA'I SGRIB PA DANG LDAN PA, ,SRED PA'I KUN TU SBYOR BA CAN, ,SRED PA'I LU GU RGYUD KYIS BCINGS PA, ,'KHOR ZHING RGYUG PA RNAMS KYI SNGON GYI MTHA' MI MNGON NO ZHES GSUNGS SO, ,GANG GI TSE BCOM LDAN 'DAS KYIS BSTAN PAS 'KHOR BA YOD PA DE'I TSE 'KHOR BA PO YANG YOD LA, ,DE LA YANG BDAG CES BYA'O, ,BRJOD PAR BYA STE, ,GAL TE 'KHOR BA NYID YOD NA, ,BDAG KYANG YOD PAR 'GYUR NA YOD PA NI MA YIN NO, , 'DI LTAR, SNGON MTHA' SNGON NAM ZHES ZHUS TSE, ,THUB PA CHEN POS MIN ZHES GSUNGS, ,'KHOR BA THOG MA MTHA' MED DE, ,DE LA SNGON MED PHYI MA MED, ,MTHA' DANG CHA DANG CHA SHAS ZHES BYA BA RNAMS NI RNAM GRANGS SO, ,SNGON GYI MTHA' NI SNGON GYI CHA ZHES BYA BA'I DON TO, ,GAL TE 'KHOR BA ZHES BYA BA 'GA' @75B ZHIG YOD NA NI, BUM PA LA SOGS PA DAG BZHIN DU DE LA NGES PAR SNGON DANG PHYI MA YANG YOD PAR GYUR NA, YOD PA NI MA YIN TE, BCOM LDAN 'DAS KYIS KYANG, DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED DO ZHES GSUNGS SO, ,GANG GI PHYIR DE LTAR 'KHOR BA THOG MA DANG THA MA MED PAR GSUNGS PA DE'I PHYIR 'KHOR BA NYID YOD PA MA YIN NO ZHES BCOM LDAN 'DAS KYIS GSAL BAR GSUNGS PA MA YIN NAM, DE'I PHYIR SNGON DANG PHYI MA'I MTHA' MA DMIGS PA'I PHYIR, 'KHOR BA MED DE MGAL ME'I 'KHOR LO BZHIN NO ZHES BYA BAR GNAS SO, ,'DIR 'DI DPYAD PAR BYA STE, GAL TE BCOM LDAN 'DAS KYIS 'KHOR BA'I SNGON DANG, PHYI MA BKAG NA, JI LTAR DGE SLONG DAG DE LTA BAS NA, 'KHOR BA ZAD PAR BYA BA'I PHYIR NAN TAN DU BYA'O SNYAM DU DE LTAR KHYED KYIS BSLAB PAR BYA'O ZHES BYA BA 'DI GSUNGS SHE NA, BRJOD PAR BYA STE, SEMS CAN MA RIG PA'I SGRIB PA DANG LDAN PA ZHES BYA BA LA SOGS PA'I KHYAD PAR NYE BAR BKOD PAS DE DAG KHO NA'I 'KHOR BA DE THOG MA DANG THA MA MED PAR RTOGS KYI, ,DE KHO NA NYID KYI YE SHES KYI RLUNG GI SHUGS KYIS MA RIG PA'I SGRIB PA'I LJON SHING DRUNGS PHYUNG BA RNAMS KYIS NI MA YIN TE, 'JIG RTEN LAS 'DAS PA'I LAM GYI MAS, NYON MONGS PA'I LJON SHING MA LUS PAR BSREGS PA DE DAG LA NI MTHA' YOD PA NYID DO ZHES SHES PAR BYA'O, ,YANG JI LTAR NA THOG MA DANG BRAL BA RNAMS LA THA MA YOD PAR BSTAN ZHE NA, PHYI ROL GYI 'BRU LA SOGS PA DAG LA THOG MA MED KYANG, ,ME LA SOGS PA DANG PHRAD PA LAS THA MA YOD PA NI MTHONG BA NYID DO, ,JI SKAD DU, 'PHAGS PA'I LHAS, JI LTAR SA BON MTHA' MTHONG ZHING, ,DE LA THOG MA YOD MIN LTAR, ,DE BZHIN RGYU NI MA TSANG PHYIR, ,SKYE BA 'ANG 'BYUNG BAR MI 'GYUR RO, ,ZHES BSHAD DO, ,THA MA BSTAN PA DE YANG SEMS CAN 'KHOR BA'I BTZON RAR BSDAMS PA RNAMS SPRO BAR BYA BA'I PHYIR, ,'JIG RTEN PA'I THA SNYAD LA GZHUG TE, 'JIG RTEN PA'I SHES PA LA LTOS NAS MDZAD PA YIN TE, DNGOS PO SEMS PA YIN NA NI, 'KHOR BA NYID MED NA DE'I PHYIR DE ZAD PA LTA GA LA YOD, 'DIR SMRAS PA, 'JIG RTEN PA'I SHES PA LA LTOS TE THA MA LTAR THOG @76A *, ,MA YANG CI STE MA GSUNGS SHE NA, BRJOD PA, RGYU MED PA'I SKYON DU THAL BAR 'GYUR BA'I PHYIR, 'JIG RTEN PA'I SHES PA LA LTOS NAS KYANG 'KHOR BA'I THOG MA MED DE, DE'I PHYIR GNYI GA LTAR YANG THOG MA MED PA NYID DO ZHES SHES PAR BYA'O, ,'DIR SMRAS PA, GAL TE YANG 'KHOR BA LA THOG MA DANG THA MA GNYIS YOD PA MA YIN MOD KYI DE LTA NA YANG MA 'GAGS PA'I PHYIR, DBUS YOD PA YIN NO, ,DE'I PHYIR 'KHOR BA YOD DE, ,DBUS YOD PA'I PHYIR RO, ,'DIR GANG YOD PA MA YIN PA DE LA NI DBUS MED DE, ,DPER NA RUS SBAL GYI SPU'I GOS BZHIN NO, ,KHYOD NI BZHAD GANG BYA BAR 'OS PA ZHIG STE, GANG LA THOG MA THA MED PA, ,DE LA DBUS NI GA LA YOD, ,MA YIN NAM, THOG MA ZHES BYA BA NI, JE DANG SNGON DANG DANG PO LA ZHES BYA'O, ,THA MA ZHES BYA BA NI MTHA' DANG MJUG DANG RGYUN CHAD PA LA BYA'O, ,'KHOR BA GANG LA THOG MA DANG THA MA BKAG PA DE LA DBUS YOD PAR GA LA 'GYUR, DE'I PHYIR 'KHOR BA NI NAM MKHA' LTAR THOG MA DANG THA MA DANG DBUS DANG BRAL BA'I PHYIR MING TZAM ZHIG TU ZAD DE, MGAL ME'I 'KHOR LO LA SOGS PA BZHIN NO SNYAM DU DGONGS PA YIN NO, ,'KHOR BA MED PA'I PHYIR, BDAG KYANG YOD PA MA YIN NO, ,GANG GI PHYIR, DE LTAR 'KHOR BA LA THOG MA DANG, THA MA DANG DBUS DAG MED PA DE NYID KYI PHYIR 'KHOR BA MED PAS, ,SKYE BA DANG, RGA SHI LA SOGS PA RNAMS LA SNGA BA DANG PHYI BA RNAMS DANG LHAN CIG PA'I RIM PA YANG YOD PA MA YIN PA NYID DO ZHES GSUNGS PA, ,DE PHYIR DE LA SNGA PHYI DANG, ,LHAN CIG RIM PA MI 'THAD DO, ,JI LTAR MI 'THAD PA DE LTAR BSTAN PA'I PHYIR, GAL TE SKYE BA SNGAR 'GYUR LA, ,RGA SHI PHYI MA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES BYA BA GSUNGS TE, GAL TE SKYE BA SNGA MAR GYUR NA NI, DE'I TSE RGA SHI DANG BRAL BAR 'GYUR NA, RGA BA LA SOGS PA DANG BRAL BA NI MI RUNG STE, 'DUS MA BYAS NYID DU THAL BAR 'GYUR BA'I PHYIR RO, ,RGA SHI DANG BRAL BA'I DNGOS PO LA SKYE BA YOD PAR RTOG PA NA, LHA SBYIN GZHAN DU MA SHI BAR 'DIR DANG POR SKYE BAR RTOGS PAR 'GYUR RO, ,DE'I PHYIR 'KHOR BA LA THOG MA YOD PAR 'GYUR ZHING, ,RGYU MED PA'I NYES PAR YANG 'GYUR RO, ,BDAG @76B 'DAS PA'I DUS NA BYUNG BAR GYUR TO ZHES DE LTAR SNGON GYI MTHA' LA RTOGS PAR YANG MI 'GYUR ZHING, SNGON BYUNG BAR MA GYUR PA LAS PHYIS 'DIR SKYE BAR YANG 'GYUR RO, ,CI STE JI LTAR AA MRA LA SOGS PA RNAMS SNGAR RGA SHI DANG 'BREL PA MED PAR YANG DANG PO KHO NAR SKYE BAR MTHONG STE, DE BZHIN DU BDAG KYANG YIN NO SNYAM NA, DE LTAR MA YIN TE, BSGRUB PAR BYA BA DANG MTSUNGS PA'I PHYIR RO, ,AA MRA LA SOGS PA RNAMS KYANG NI RANG GI SA BON 'GAGS PAR GYUR PA NA, SKYE BA'I PHYIR GZHAN DU MA ZHIG PA SKYE BA MA YIN PAS 'DI NI GONG MA DANG MTSUNGS SO, ,CI STE SA BON NI SHING LAS GZHAN NYID YIN TE, DE'I PHYIR SHING GI SKYE BA NI GZHAN DU MA ZHIG PA SNGON DU 'GRO BA CAN NYID DO SNYAM NA, DE LTAR NI MA YIN TE, RGYU DANG 'BRAS BU DAG GZHAN NYID YIN PAR MA GRUB PA'I PHYIR RO, ,DE SKAD DU YANG, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE NI GZHAN YANG MA YIN TE, ,DE PHYIR CHAD MIN RTAG MA YIN, ,ZHES 'CHAD PAR 'GYUR RO, ,DE PHYIR SA BON LAS SHING GZHAN NYID MA YIN TE, DES NA 'DI NI BSGRUB PAR BYA BA DANG MTSUNGS PA YIN NO, ,GANG GI PHYIR, GZHAN DU MA SHI BA LA 'DIR SKYE BA YOD PA YANG MA YIN PA DE'I PHYIR SKYE BA SNGA MA YIN PAR KHAS BLANG BAR MI BYA'O, ,CI STE RGA SHI SNGA LA SKYE BA 'PHYI BA YIN NA NI, DE LTA NA YANG, GAL TE SKYE BA 'PHYI 'GYUR LA, ,RGA SHI SNGA BA YIN NA NI, ,SKYE BA MED PA'I RGA SHI NI, ,RGYU MED PAR NI JI LTAR 'GYUR, ,SKYE BA'I RKYEN GYIS RGA SHI ZHES BYA BA 'BYUNG BAS NA, BCOM LDAN 'DAS KYIS RGA SHI SKYE BA'I RGYU RKYEN NYID DU GSUNGS NA, GAL TE 'DI SNGA BA YIN NA NI, DE'I TSE RGYU MED PAR 'GYUR RO, ,DE'I PHYIR 'DI NI MI RIGS SO, ,GANG LAS, BONG BA BTEG PAR GYUR PA NI, ,BTEG PA LA NI RGYU YOD KYI, ,BTEG PA LTA ZHIG RGYU LAS NI, ,GZHAN PA LTUNG BA MED PA NYID, ,CES BSHAD PA DE YANG JI LTAR BTEG PA KHO NAR LTUNG BA'I RGYU YIN GYI, GZHAN MA YIN PA DE BZHIN DU, 'DIR YANG SKYE BA KHO NA 'JIG PA'I RGYU NYID YIN PAR SMRA'I GZHAN NI MA YIN NO, ,DE'I PHYIR 'JIG PA RGYU MED PA NYID YOD PA MA YIN NO, ,'DI SKYE BA'I RGYU RKYEN NYID YIN PAS 'BYUNG BA KHO NA 'JIG PA'I RGYU YIN PA'I PHYIR NA, DE LTAR 'DUS BYAS CHOS DE @77A *, ,DAG ,RGYU DANG BCAS PAR 'BYUNG BA STE, ,SKYES NAS 'JIG PA GANG YIN PA, ,'DI NI CHOS RNAMS RANG BZHIN NO, ,ZHES BYA BA'I TSIGS SU BCAD PA 'DI YANG LEGS PAR DRANGS PAR 'GYUR RO, ,DA NI SKYE BA DANG RGA SHI DAG LHAN CIG NYID DU YANG MI 'GYUR BAR BSTAN PA'I PHYIR, SKYE BA DANG NI RGA SHI DAG ,LHAN CIG RUNG BA MA YIN TE, ,SKYE BZHIN PA NA 'CHI 'GYUR ZHING, ,GNYI GA RGYU MED CAN DU 'GYUR, ,ZHES BYA BA GSUNGS TE, GAL TE SKYE BA DANG RGA SHI DAG LHAN CIG PA NYID DU 'GYUR NA NI, DE'I TSE SKYE BZHIN PA 'CHI BAR 'GYUR NA, 'DI NI RIGS PA YANG MA YIN TE, MUN PA DANG SNANG BA LTAR PHAN TSUN 'GAL BA'I PHYIR DUS GCIG PA NYID DU RIGS PA YANG MA YIN ZHING, SKYE BZHIN PA NYID 'CHI BA ZHES BYA BA GANG YIN PA DE LTA BU NI 'JIG RTEN DU YANG MA MTHONG NGO, ,GZHAN YANG SKYE BA LA SOGS PA DAG LHAN CIG 'BYUNG BAR RTOG NA NI RGYU MED PA NYID DU 'GYUR RO, ,BA GLANG GI RVA G-YAS G-YON LHAN CIG TU GYUR PA DAG NI PHAN TSUN GYI RGYU CAN NYID DU MTHONG BA YANG MA YIN PAS, 'DI NI MI RIGS SO, ,DE'I PHYIR DE LTAR, GANG LA SNGA PHYI LHAN CIG GI, ,RIM PA DE DAG MI SRID PA'I, ,SKYE BA DE DANG RGA SHI DE, ,CI YI PHYIR NA SPRO BAR BYED, ,SKYE BA GANG DANG RGA SHI GANG LA SNGA BA DANG 'PHYI BA DANG LHAN CIG GI RIM PA DE DAG MED PA'I SKYE BA DE MA DMIGS PA NA, 'PHAGS PA RNAMS CI'I PHYIR SPRO BAR BYED, CI'I PHYIR GYI SGRA NI MI SRID PA LA BYA STE, SPRO BAR MI MDZAD PA NYID DO ZHES PA'I DON TO, ,RGA SHI DE YANG MA DMIGS NA CI'I PHYIR SPRO BAR BYED, YANG DAG PA JI LTA BA BZHIN GZIGS PA NYID KYI PHYIR RO SNYAM DU DGONGS SO, ,YANG NA DE LTAR SKYE BA LA SOGS PA DAG YOD PA MA YIN NA, BYIS PA RNAMS YOD PA MA YIN PA'I SKYE BA DE DANG, GANG ZHIG YOD PA MA YIN PA'I RGA SHI DE CI'I PHYIR SPRO BAR BYED, DE'I PHYIR BYIS PA RNAMS KYIS SPROS PA NI DNGOS PO YOD PA MA YIN PA NYID DO ZHES BYA BAR DGONGS PA'O, ,JI LTAR 'KHOR BA LA SNGON GYI MTHA' YOD PA MA YIN PA DE BZHIN DU DNGOS PO GZHAN RNAMS LA YANG YIN NO ZHES GSUNGS PA, 'KHOR BA 'BA' ZHIG SNGON GYI MTHA', ,YOD MA YIN PAR MA ZAD KYI, RGYU DANG 'BRAS BU NYID DANG NI, ,MTSAN NYID DANG NI MTSAN GZHI NYID, ,TSOR DANG TSOR PO @77B NYID DANG NI, ,DON YOD GANG DAG CI YANG RUNG, ,DNGOS RNAMS THAMS CAD NYID LA YANG, ,SNGON GYI MTHA' NI YOD MA YIN, ,DE LA GAL TE RGYU SNGA LA 'BRAS BU 'PHYI BAR GYUR NA NI, 'BRAS BU MED PA'I RGYU RGYU MED PAR 'GYUR RO, ,'ON TE 'BRAS BU SNGA LA RGYU 'PHYI NA NI, DE LTA NA YANG RGYU BAS SNGA BA'I 'BRAS BU RGYU MED PA NYID DU 'GYUR RO, ,CI STE RGYU DANG 'BRAS BU CIG CAR DU GYUR NA NI, DE LTA NA YANG GNYI GA RGYU MED PAR 'GYUR RO, ,DE BZHIN DU MTSAN NYID DANG MTSAN GZHI DAG DANG, TSOR BA DANG TSOR BA PO DAG LA YANG SBYAR BAR BYA'O, ,'KHOR BA'I RGYU BSHAD PA RGYU DANG 'BRAS BU LA SOGS PA BSHAD PAR BYA BA 'BA' ZHIG TU MA ZAD KYI, GZHAN YANG DNGOS PO GZHAN GANG DAG SHES PA DANG SHES BYA DANG, TSAD MA DANG GZHAL BYA DANG, BSGRUB BYA DANG SGRUB BYED DANG, ,YAN LAG DANG YAN LAG CAN DANG, YON TAN DANG YON TAN CAN LA SOGS PA DE DAG LA YANG SNGON GYI MTHA' MI RIGS SO ZHES BYA BAR SBYAR BAR BYA'O, ,DE NYID KYI PHYIR, ,'PHAGS PA DKON MCHOG SPRIN GYI MDO LAS, ,CHOS KYI 'KHOR LO BSKOR BA DANG, ,GZOD NAS ZHI ZHING MI SKYES PA, ,RANG GZHAN MYA NGAN 'DAS PA YI, ,CHOS RNAMS MGON PO KHYOD KYIS BSTAN, ,ZHES 'PHAGS PA BYANG CHUB SEMS DPA' CHEN PO SGRIB PA THAMS CAD RNAM PAR SEL BAS BCOM LDAN 'DAS LA BSTOD PA YIN NO, ,DE BZHIN DU, GZOD MA NAS NI STONG ZHING MA 'ONGS CHOS, ,SONG BA MED CING GNAS MED GNAS KYIS DBEN, ,SGYU MA'I RANG BZHIN RTAG TU SNYING PO MED, ,THAMS CAD DAG CING RNAM DAG NAM MKHA' BZHIN, ,RGYAL BA'I CHOS NI GANG DAG RAB STON PA, ,DER YANG MI ZAD PAS NI MI MTHONG STE, ,CHOS 'DI SNGA NAS BDAG MED SEMS CAN MED, ,DE DAG RAB TU STON KYANG MI ZAD 'GYUR, ,BTAGS PA TZAM DU BRTAGS NAS BSTAN PA YIN, ,'KHOR BA LA NI THA MA MI RNYED DE, ,GANG DAG SNGON BYUNG MTHA' NI MTSAN NYID MED; ,MA 'ONGS DUS KYANG SHES PAR BYA BA'I PHYIR, ,LAS DANG BYA BA DE LTAR ZHUGS 'GYUR TE, ,RAB DANG THA MA DAG TU 'ANG 'BYUNG BAR 'GYUR, ,CHOS RNAMS RAB TU BLUN ZHING RANG BZHIN STONG, ,THAMS CAD BDAG MED PAR YANG SHES PAR GYIS, ,ZHES BYA BA LA SOGS PA 'BYUNG NGO, @78A *, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, SNGON DANG PHYI MA'I MTHA' BRTAG PA ZHES BYA BA RAB TU BYED PA BCU GCIG PA'I 'GREL PA'O,, ,,'DIR SMRAS PA, ,BDAG NI YOD PA NYID DO, ,DE DANG 'BREL PA CAN GYI SDUG BSNGAL YOD PA'I PHYIR RO, ,'DIR NYE BAR LEN PA'I PHUNG PO LNGA LA SDUG BSNGAL ZHES BRJOD DO, ,DE YANG YOD LA, SDUG BSNGAL DE YANG 'GA' ZHIG LA 'GYUR BAR BYA DGOS TE, RTEN MED PAR NI MA YIN NO, ,DE'I PHYIR SDUG BSNGAL LA RTEN YOD PA NYID YIN LA, DE YANG BDAG YIN NO, ,BRJOD PAR BYA STE, GAL TE SDUG BSNGAL NYID YOD NA, BDAG YOD PAR 'GYUR NA YOD PA NI MA YIN NO, ,'DI LTAR DE NI YOD NA, BDAG GIS BYAS PA'AM, GZHAN GYIS BYAS PA'AM, GNYI GAS BYAS PA'AM, RGYU DANG BRAL BA ZHIG TU 'GYUR BA ZHIG NA, 'DOD PA NA YANG RNAM PA THAMS CAD DU DE BYAS PA NYID YOD PA MA YIN NO; ;ZHES BSTAN PA'I PHYIR, ,KHA CIG SDUG BSNGAL BDAG GIS BYAS, ,GZHAN GYIS BYAS DANG GNYI GAS BYAS, ,RGYU MED PA LAS 'BYUNG BAR 'DOD, ,DE NI BYA BAR MI RUNG NGO, ,ZHES BYA BA GSUNGS SO, ,DE LA RGOL BA KHA CIG GIS NI, SDUG BSNGAL BDAG GIS BYAS SO ZHES BYA BA RTOGS SO, , GZHAN PO DAG GIS NI GZHAN GYOS BYAS PA YIN LA, GZHAN DAG GIS NI GNYI GAS BYAS PA YIN ZHING 'GA' ZHIG DAG GIS NI SDUG BSNGAL RGYU MED PAR 'BYUNG BA NYID DO ZHES BYA BAR RTOGS SO, ,'DOD PAR GYUR PA'I SDUG BSNGAL DE NI RNAM PA THAMS CAD DU BYA BAR TE BSKYED PAR BYA BAR MI RUNG NGO, ,'DI NI DAM BCA' BA TZAM YIN PA DE BSGRUB PAR BYA BA'I PHYIR, ,GAL TE BDAG GIS BYAS GYUR NA, ,DE PHYIR BRTEN NAS 'BYUNG MI 'GYUR, ,GANG PHYIR PHUNG PO 'DI DAG LA, ,BRTEN NAS PHUNG PO 'DI DAG 'BYUNG, ,ZHES BYA BA GSUNGS SO, ,DE LA BDAG GIS ZHES BYA BA NI BDAG RANG GIS ZHES BYA BA'I DON TO, ,GAL TE BDAG GIS SDUG BSNGAL BYAS PAR GYUR NA NI, SDUG BSNGAL GYI RANG GI NGO BO DE NYID KYIS SDUG BSNGAL GYI RANG GI NGO BO DE NYID BYAS PAR 'GYUR RO, ,DE CI'I PHYIR RTEN CING 'BREL PAR 'BYUNG BAR MI 'GYUR RO, ,RGYU DANG RKYEN LA MI LTOS PAR 'BYUNG BAR 'GYUR RO ZHES BYA BA'I DON @78B TE; RANG GI NGO BO YOD PA'I PHYIR RO, ,YOD PA MA YIN PAS NI RANG GI NGO BO BYED PA MA YIN NO, ,'DI NI RTEN CING 'BREL BAR 'BYUNG BA YANG YIN TE, 'DI LTAR, GANG PHYIR PHUNG PO 'DI DAG LA, ,BRTEN NAS PHUNG PO DE DAG 'BYUNG BA'I PHYIR TE, GANG GI PHYIR, 'CHI BA'I DUS KYI PHUNG PO 'DI DAG LA BRTEN NAS, SKYE BA'I CHAR GTOGS PA'I PHUNG PO DE DAG 'BYUNG BA'I PHYIR RO, ,DE'I PHYIR SDUG BSNGAL BDAG GIS BYAS SO ZHES BYA BA MI RIGS SO, ,DA NI GZHAN GYIS BYAS PA YANG YOD PA MA YIN NO ZHES GSUNGS PA, GAL TE 'DI LAS DE GZHAN ZHING, ,GAL TE DE LAS 'DI GZHAN NA, ,SDUG BSNGAL GZHAN GYIS BYAS 'GYUR ZHING, ,GZHAN DE DAG GIS DE BYAS 'GYUR, ,GAL TE 'CHI BA'I DUS KYI PHUNG PO 'DI DAG LAS SKYE BA'I CHA'I PHUNG PO DE DAG GZHAN DU 'GYUR ZHING, SKYE BA'I CHAR GTOGS PA DE DAG LAS 'CHI BA'I DUS KYI PHUNG PO 'DI DAG GZHAN YIN NA NI, DE'I TSE SDUG BSNGAL GZHAN GYIS BYAS PAR 'GYUR NA, DE DAG LA NI GZHAN NYID MA MTHONG STE, RGYU DANG 'BRAS BU'I 'BREL PAR GNAS PA MED PA'I PHYIR RO, ,GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN PHYIR, ,DE PHYIR TSAD MIN RTAG MA YIN, ,ZHES 'CHAD PAR 'GYUR RO, ,DE'I PHYIR SDUG BSNGAL GZHAN GYIS BYAS PAR YANG YOD PA MA YIN NO, ,GAL TE GZHAN NYID YIN NA NI, ,DE YI TSE GZHAN NYID YIN DANG, ,GZHAN DU GYUR PA'I PHUNG PO DE DAG GIS GZHAN DU GYUR PA DE DAG BYAS SO ZHES BYA BA BRJOD PAR NUS PAR 'GYUR NA, DE NI DE LTAR YANG MA YIN NO, ,DE'I PHYIR SDUG BSNGAL GZHAN GYIS BYAS PA YANG YOD PA MA YIN NO, ,CI STE GANG GI PHYIR SDUG BSNGAL NYID KYIS SDUG BSNGAL BYAS PA DE'I PHYIR BDAG GIS BYAS SO ZHES NI MI SMRA'O, ,'O NA CI ZHE NA, GANG ZAG BDAG GIS GANG BDAG NYID KYIS BYAS PA YIN GYI, GZHAN GYIS BYAS NAS 'DI LA BYIN PA NI MA YIN TE, DE'I PHYIR SDUG BSNGAL BDAG GIS BYAS SO ZHES SMRA'O SNYAM NA, BRJOD PAR BYA STE, GAL TE GANG ZAG BDAG GIS NI, ,SDUG BSNGAL BYAS PA'I GANG ZAG STE, ,SDUG BSNGAL MA GTOGS GANG ZHIG YIN, ,GAL TE MI'I SDUG BSNGAL NYE BAR LEN PA'I PHUNG PO LNGA'I MTSAN NYID CAN 'DI GANG ZAG BDAG NYID KYIS BYAS SO ZHES BYA BAR @79A *, ,RTAG NA, GANG BDAG GIS SDUG BSNGAL DE BYAS PA'I GANG ZAG TE RTOG MOD, GAL TE RE ZHIG SDUG BSNGAL GANG GIS GANG ZAG BDAG NYID DER 'DOGS PAR BYED PA'I SDUG BSNGAL DE NYID DES BYAS PA YIN NA NI, SDUG BSNGAL DE NI 'DI YIN LA, 'DI'I BYED PA PO NI 'DI YIN NO ZHES PHYE STE BRJOD DGOS SO, ,CI STE YANG MI'I SDUG BSNGAL GYI NYE BAR LEN PA CAN GYI GANG ZAG GIS, LHA'I SDUG BSNGAL BYAS PAR GYUR NA NI, 'O NA DE GANG ZAG BDAG GIS BYAS PA MA YIN GYI, GANG ZAG GZHAN GYIS BYAS PA NYID DU 'GYUR RO, ,CI STE NYE BAR LEN PA THA DAD KYANG GANG ZAG THA MI DAD PAR 'DOD NA, 'DI YANG YOD PA MA YIN TE, NYE BAR LEN PA LAS THA DAD CING, GZHAN DU GYUR PA'I GANG ZAG BSTAN PAR MI NUS PA'I PHYIR RO, ,DE LTAR NA RE ZHIG SDUG BSNGAL GANG ZAG BDAG GIS BYAS PA MA YIN NO, ,'DIR SMRAS PA, GANG ZAG BDAG GIS SDUG BSNGAL BYAS SO ZHES DE SKAD DU SU SMRA; 'O NA CI ZHE NA, SDUG BSNGAL NI GANG ZAG GZHAN LAS 'BYUNG BA YIN NO, ,'DI LTAR MI'I GANG ZAG NI LHA'I SDUG BSNGAL LAS GZHAN NYID YIN LA, GANG GI PHYIR MI'I GANG ZAG GIS KYANG, LHA'I SDUG BSNGAL BYAS NAS LHA'I GANG ZAG LA STER BAR BYED CING, LHA'I SDUG BSNGAL DES KYANG LHA'I GANG ZAG GO ZHES 'DOGS PAR BYED PA DE'I PHYIR, GANG ZAG DE'I SDUG BSNGAL DE NI GANG ZAG GZHAN LAS 'BYUNG BA YIN NO, ,BRJOD PAR BYA STE, GAL TE GANG ZAG GZHAN LAS NI, ,SDUG BSNGAL 'BYUNG NA GZHAN ZHIG GIS, ,SDUG BSNGAL DE BYAS GANG SBYIN DE, ,SDUG BSNGAL MA GTOGS CI LTAR RUNG, ,GAL TE LHA'I SDUG BSNGAL MI'I GANG ZAG GIS BYAS LA, ,MI'I GANG ZAG DES KYANG SDUG BSNGAL DE BYAS NAS, ,GZHAN LHA'I GANG ZAG LA STER BAR BYED DO ZHES BYA BA YIN NA NI, GANG LA SBYIN PAR BYA BA'I LHA'I GANG ZAG DE, LHA'I SDUG BSNGAL LAS MA GTOGS PAR JI LTAR RUNG BAR 'GYUR, DE LTAR NA, RE ZHIG GANG ZAG GZHAN LAS 'BYUNG BA'I SDUG BSNGAL LA LEN PA PO NYID YOD PA MA YIN NO, ,DA NI GANG ZHIG SBYIN PAR BYED PA DE YANG YOD PA MA YIN NO ZHES GSUNGS PA, GAL TE GANG ZAG GZHAN SDUG BSNGAL, ,'BYUNG NA GANG GIS DE BYAS NAS, ,GZHAN LA STER BA'I GANG ZAG @79B GZHAN, ,SDUG BSNGAL MA GTOGS GANG ZHIG YIN, ,GANG GIS LHA'I SDUG BSNGAL BYAS NAS LHA'I GANG ZAG LA STER BAR BYED CING, NYE BAR LEN PA GANG GIS MI'I GANG ZAG DER GDAGS PA DE NI, MI'I NYE BAR LEN PA LAS THA DAD PA GANG ZHIG YIN PAR 'GYUR, DE'I PHYIR GANG ZAG GZHAN LAS BYUNG BA'I SDUG BSNGAL YANG YOD PA MA YIN NO, ,DE'I PHYIR, BDAG GIS BYAS PAR MA GRUB PAS, ,SDUG BSNGAL GZHAN GYIS GA LA BYAS, ,GZHAN GYIS SDUG BSNGAL GANG BYED PA, ,DE NI DE YI BDAG BYAS 'GYUR, ,GAL TE LHA'I GANG ZAG GIS SDUG BSNGAL MI'I GANG ZAG GIS BYAS PA'I PHYIR, GZHAN GYIS BYAS PA YIN NA NI, DE NI MI'I GANG ZAG GI RANG GIS BYAS PA NYID DU 'GYUR NA, DE YANG YOD PA MA YIN NO ZHES BSHAD ZIN TO, ,DE'I PHYIR, GANG GI TSE BDAG GIS BYAS PAR MA GRUB PA'I PHYIR SDUG BSNGAL DE MI'I GANG ZAG GI BDAG GIS MA BYAS PA DE'I TSE, LHA ZHES BYA BA'I GANG ZAG GZHAN GYI SDUG BSNGAL DE GZHAN GYIS BYAS PAR GA LA 'GYUR ZHES BYA BA 'DI LAS KYANG SDUG BSNGAL GZHAN GYIS BYAS PA YOD PA MA YIN NO, ,DA NI PHYOGS GNYIS CHAR RNAM PA GZHAN GYI SGO NAS KYANG YOD PA MA YIN PAR BSTAN PA'I PHYIR, RE ZHIG SDUG BSNGAL BDAG BYAS MIN, ,DE NYID KYIS NI DE MA BYAS, ,GAL TE GZHAN BDAG MA BYAS NA, ,SDUG BSNGAL GZHAN BYAS GA LA 'GYUR, ,ZHES BYA BA GSUNGS SO, ,'DI LAS KYANG SDUG BSNGAL BDAG DANG GZHAN DAG GIS BYAS PAR MI RIGS SO, ,GANG GI PHYIR RE ZHIG SDUG BSNGAL BDAG GIS BYAS PA NI MA YIN NO, ,CI'I PHYIR ZHE NA, GANG GI PHYIR DE NYID KYIS DE BYAS PA MA YIN PA'I PHYIR TE, BDAG NYID LA BYED PA 'GAL BA'I PHYIR RO, ,DE'I PHYIR, BDAG GIS BYAS PA YOD PA MA YIN NO, ,GZHAN GYIS BYAS PA YANG YOD PA MA YIN TE, GANG GI PHYIR, BYED PO ZHES BYA BAR BRTAGS PA'I GZHAN GANG YIN PA DE NYID RE ZHIG BDAG GIS MA BYAS SHING BDAG NYID KYIS MA GRUB STE, DE YANG RGYU GZHAN LA LTOS PA'I PHYIR RO, ,GANG ZHIG RANG GI BDAG NYID KYIS GRUB PA MA YIN PA DE NI YOD PA MA YIN PA'I RANG BZHIN DU GYUR PAS GZHAN BYED PAR JI LTAR 'GYUR TE, 'DI NI MI RIGS SO, ,DA NI SDUG BSNGAL GNYIS @80A *, ,KAS BYAS PA YANG YOD PA MA YIN NO ZHES GSUNGS PA, GAL TE RE RES BYAS GYUR NA, ,SDUG BSNGAL GNYI GAS BYAS PAR 'GYUR, ,GAL TE RE RES SDUG BSNGAL BYED PAR 'GYUR NA NI, DE'I TSE SDUG BSNGAL GNYI GAS BYAS PA YIN NA, DE NI RE RES BYAS PA YANG MA YIN TE, BSHAD ZIN PA'I SKYON DU 'GYUR BA'I PHYIR RO, ,RE RES SROG GCOD PA MA BYAS PAR NI GNYI GAS BYAS SO ZHES BRJOD PA MA MTHONG NGO, ,DA NI SDUG BSNGAL RGYU MED PA LAS BYUNG BA YANG JI LTAR MED PA DE LTAR BSTAN PA'I PHYIR, BDAG GIS MA BYAS GZHAN MA BYAS, ,SDUG BSNGAL RGYU MED GA LA 'GYUR, ,ZHES GSUNGS TE, GZHAN GYIS MA BYAS PA, GZHAN GYIS MA BSKYED PA 'DI LA YOD PAS NA, GZHAN GYIS MA BYAS PA'O, ,'DI LA BDAG GIS MA BYAS PA YOD PAS NA BDAG GIS MA BYAS PA'O, ,GAL TE JI SKAD BSHAD PA'I TSUL GYIS SDUG BSNGAL BDAG GIS BYAS PA MED CING, GZHAN GYIS BYAS PA YANG MED PA DE'I TSE RGYU MED PA YOD PAR GA LA 'GYUR TE, NAM MKHA'I ME TOG GI DRI ZHIM PO BZHIN NO, ,SDUG BSNGAL MED PA'I PHYIR NA DE'I RTEN DU GYUR PA'I BDAG KYANG LTA GA LA YOD, JI LTAR RNAM PA BZHIR DPYAD NA SDUG BSNGAL YOD PA MA YIN PA DE BZHIN DU, PHYI ROL GYI DNGOS PO SA BON DANG MYU GU DANG BUM PA DANG SNAM BU LA SOGS PA DAG KYANG RIG PAR BYA'O ZHES BSTAN PA'I PHYIR, SDUG BSNGAL 'BA' ZHIG RNAM PA BZHI, ,YOD MA YIN PA MA YIN GYI, ,DNGOS PO THAMS CAD DAG LA YANG, ,RNAM PA BZHI PO YOD MA YIN, ,ZHES BYA BA GSUNGS TE, THAMS CAD SNGA MA BZHIN SBYAR BAR BYA'O, ,GAL TE SDUG BSNGAL LA SOGS PA 'DI DAG LA RNAM PA BZHI PO MED NA, 'O NA DA NI 'DI DAG RNAM PA GANG GIS 'GRUB CE NA, BRJOD PAR BYA STE, GAL TE SDUG BSNGAL LA SOGS PA 'DI DAG RANG BZHIN GYIS YOD PAR GYUR NA NI, NGES PAR RNAM PA BZHI PO 'DI DAG LAS GANG YANG RUNG BA ZHIG GIS 'GRUB PAR 'GYUR BA ZHIG NA, YOD PA NI MA YIN NO, ,DE'I PHYIR SDUG BSNGAL LA SOGS PA DAG RANG BZHIN GYIS YOD PA MA YIN PAR NGES SO, ,'ON TE PHYIN CI LOG TZAM GYI BDAG NYID YOD PAR RNYED PA, SDUG BSNGAL LA SOGS PA KUN RDZOB LA RTEN CING 'BREL PAR @80B 'BYUNG BA'I RNAM PAR GZHAG PA TSOL NA NI, DE'I TSE LAS DANG BYED PA PO BRTAGS PA'I RAB TU BYED PAR BSHAD PA'I RNAM PAS JI SKAD SMRAS PA'I PHYOGS BZHI BSAL NAS RKYEN NYID 'DI PA TZAM GYI DON GYI RTEN CING 'BREL PAR 'BYUNG BA GRUB PAR KHAS BLANG BAR BYA'O, ,JI SKAD DU, SDUG BSNGAL BDAG GIS BYAS PA DANG, GZHAN GYIS BYAS DANG GNYI GAS BYAS, ,RGYU MED RTOG GE BA YIS 'DOD, ,KHYOD KYIS BRTEN NAS 'BYUNG BAR GSUNGS, ,ZHES BSHAD DO, ,BCOM LDAN 'DAS KYIS KYANG, KUN RDZOB TU NI RGYAL BAS CHOS BSHAD DE, ,'DUS BYAS 'DUS MA BYAS YIN DE LTAR LTOS, YANG DAG NYID DU BDAG DANG BDAG MED DE, ,'GRO BA KUN GYI MTSAN NYID 'DI 'DRA'O, ,DGE DANG NAG PO'I LAS RNAMS MI 'JIG STE, ,BDAG GIS BYAS PA BDAG NI MYONG BAR 'GYUR, ,LAS KYI 'BRAS BU 'PHO BAR MI 'GYUR TE, ,RGYU MED PAR YANG MYONG BAR MI 'GYUR RO, ,SRID PA THAMS CAD SGYU MA DBANG MED PA; ,GSOG DANG GSOB TU GYUR PA DBU BA BZHIN, SGYU MA SMIG RGYU LTA BUR RTAG TU STONG, ,SGRA YIS BSHAD KYANG DE DAG DBEN PA YIN, ,BRAG PHUG RI DANG GCONG RONG KLUNG RNAMS SU, ,RKYEN GYIS JI LTAR BRAG CA 'BYUNG BA LTAR, ,DE BZHIN 'DUS BYAS 'DI KUN RIG PAR GYIS, ,'GRO BA THAMS CAD SGYU MA SMIG RGYU BZHIN, ,ZHES BYA BA LA SOGS PA GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, BDAG GIS BYAS PA DANG GZHAN GYIS BYAS PA BRTAG PA ZHES BYA BA RAB TU BYED PA BCU GNYIS PA'I 'GREL PA'O,, ,,GANG GI PHYIR DE LTAR RAB TU BYED PA THAL MA THAG PA'I TSUL GYIS RNAM PAR DPYAD PA NA, DNGOS PO RNAMS LA BDAG DANG GZHAN DANG GNYI GAS BYAS PA DANG, RGYU MED PA LAS BYUNG BA NYID MED CING SKYED BAR BYED PA'I RNAM PA GZHAN YANG MED LA, MA RIG PA'I RAB RIB KYIS BLO GROS KYI MIG NYAMS PAR BYAS PA RNAMS LA DNGOS PO 'DI DAG SKYE BA'I NGO BOR YANG SNANG BA DE'I PHYIR, RANG BZHIN MED PA NYID DU GYUR PA NA SGYU MA'I RTA DANG GLANG PO CHE LA SOGS PAS, DE MI SHES PA RNAMS LTAR BYIS PA RNAMS SLU BAR BYED PA YIN NO, ,DE NYID KYI PHYIR, BLO'I SBYIN CHOS THAMS CAD KYI RANG BZHIN LKOG TU MA GYUR PA MNGA' BA, MA @81A *, ,RIG PA'I BAG CHAGS MA LUS PAR DRUNGS PHYUNG BA, SEMS CAN PHYIN CI LOG BZHIS PHYIN CI LOG TU GYUR ZHING SKYABS MED PA YONGS SU BSKYAB PAR MDZAD PA'I SLAD DU RANG BZHIN MED PA PHYIN CI MA LOG PAR NYE BAR STON PA LHUR MDZAD PA, THUGS RJE CHEN PO'I MNGA' BA'I SANGS RGYAS BCOM LDAN 'DAS KYIS CHOS GANG ZHIG ,SLU BA DE NI BRDZUN ZHES GSUNGS, ,'DU BYED THAMS CAD SLU BA'I CHOS, ,DES NA DE DAG BRDZUN PA YIN, ,MDO LAS DGE SLONG DAG 'DUS BYAS SLU BA'I CHOS CAN GANG YIN PA DE NI BRDZUN PA YIN LA, MI SLU BA'I CHOS CAN MYA NGAN LAS 'DAS PA GANG YIN PA DE NI BDEN PA DAM PA'O ZHES BYA BA DANG, DE BZHIN DU 'DI NI SLU BAR BYED PA'I CHOS CAN NO, ,'DI NI 'JIG PA'I CHOS CAN NO ZHES GSUNGS SO, ,DE'I PHYIR TSUL 'DIS GANG SU ZHING 'JIG PA'I CHOS CAN DE NI BRDZUN PA YIN NO ZHES DE SKAD DU, BCOM LDAN 'DAS DE BZHIN GSHEGS PAS GSUNGS PA DANG, 'DU BYED THAMS CAD KYANG SLU BA'I CHOS CAN YIN PAS DE'I PHYIR, 'DU BYED DE DAG SLU BA'I CHOS CAN YIN PAS BRDZUN PAR 'GYUR RO, ,DE LA SLU BA'I CHOS CAN NI 'DRID PAR BYED CING PHYIN CI LOG TU SNANG BA STE, MGAL ME'I 'KHOR LO BZHIN NO, ,DE'I RANG BZHIN MA YIN PA NYID KYIS NA 'DU BYED THAMS CAD BRDZUN PA STE, SLU BA'I CHOS CAN YIN PA'I PHYIR, SMIG RGYU'I CHU BZHIN NO, GANG ZHIG BDEN PA DE NI SLU BA'I CHOS CAN MA YIN TE, DPER NA MYA NGAN LAS 'DAS PA BZHIN NO, ,DE'I PHYIR, BSTAN PA'I RIGS PA DANG LUNG 'DI LAS, DNGOS PO RNAMS RANG BZHIN MED PAR GRUB STE, SHES RAB KYI PHA ROL TU PHYIN PA LAS CHOS THAMS CAD NI STONG PA STE, RANG BZHIN MED PA'I TSUL GYIS SO ZHES 'BYUNG BA'I PHYIR RO, ,'DIR SMRAS PA, GAL TE DE LTAR SLU BA'I CHOS CAN NYID KYIS, 'DU BYED THAMS CAD BRDZUN PA NYID DU BSTAN NA, DE LTA NA NI DNGOS PO THAMS CAD MED PAS DNGOS PO THAMS CAD LA SKUR PA 'DEBS PA'I LOG PAR LTA BA NYID DU 'GYUR RO, ,BRJOD PAR BYA STE, GANG DAG DA DUNG DU YANG KHYOD SLU BAR BYED PA SLU BA'I CHOS CAN DAG YOD PA 'DI NI BDEN NO, ,GAL TE SLU CHOS GANG YIN PA, ,DE BRDZUN DE LA CI ZHIG SLU, ,MA YIN NAM, GANG GI TSE KHO BO CAG GI SLU BA CAN GANG YIN PA DE NI BRDZUN PA'O @81B ZHES BSHAD PA DE'I TSE DE LA CI ZHIG SLU STE, DE LA CI ZHIG DNGOS PO MED PAR 'GYUR, ,GAL TE DNGOS PO 'GA' ZHIG YOD PAR GYUR NA NI, DE LA SKUR PA BTAB PAS MED PAR LTA BA'I LOG PAR LTA BAR 'GYUR NA, GANG GI TSE DNGOS PO CUNG ZAD KYANG MA MTHONG BA DE'I TSE, DER CI ZHIG SLU BAR 'GYUR TE, 'GA' YANG DNGOS PO MED PAR MI 'GYUR BAS, KHYOD KYIS GLAN KA 'DI NI MI RIGS SO, ,'DIR GAL TE DNGOS PO MED PA'I LTA BA YANG MI STON NA, LUNG 'DIS CI ZHIG STON, BRJOD PAR BYA STE, BCOM LDAN 'DAS KYIS DE GSUNGS PA, ,STONG NYID YONGS SU BSTAN PA YIN, ,BCOM LDAN 'DAS KYIS DE SKAD BSTAN PA GANG YIN PA DE NI DNGOS PO MED PAR STON PA MA YIN GYI, 'O NA CI ZHE NA, STONG PA NYID YONGS SU STON PA YIN TE, RANG BZHIN GYIS MA SKYES PA'I YONGS SU GSAL BAR BYED PA YIN NO ZHES BYA BA'I DON TO, ,JI SKAD DU MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD MIN, ,ZHES GSUNGS SO, ,'DIR LUNG GIS DNGOS PO'I RANG BZHIN GYIS MA SKYES PA YONGS SU GSAL BAR BYED PA NI MA YIN TE, 'ON TE CI ZHE NA, RANG BZHIN MED PA STE RANG BZHIN MI GNAS PA NYID DANG, 'JIG PA NYID STON PAR BYED PA YIN NO, ,'DI GANG LAS SHE NA, DNGOS RNAMS NGO BO NYID MED DE, ,GZHAN DU 'GYUR BAR SNANG PHYIR RO, ,GZHAN DU 'GYUR BA STE, YONGS SU 'GYUR BA MTHONG BA'I PHYIR RO ZHES BYA BA'I THA TSIG GO, ,'DI SKAD DU GAL TE, DNGOS PO RNAMS LA RANG BZHIN MED NA, DE'I TSE 'DI DAG GZHAN DU 'GYUR BA DMIGS PAR MI 'GYUR NA, YONGS SU 'GYUR BA NI DMIGS PA YANG YIN TE, DE'I PHYIR RANG BZHIN MI GNAS PA NYID MDO'I DON YIN PAR SHES PAR BYA'O ZHES BSTAN PAR 'GYUR RO, ,'DI'I PHYIR YANG DE NI DE LTAR YIN TE, GANG GI PHYIR, DNGOS PO NGO BO NYID MED DE, ,GANG PHYIR DNGOS RNAMS STONG PA NYID, ,'DI LTAR DNGOS PO GANG ZHIG NGO BO NYID MED PA DE NI YOD PA MA YIN TE, DNGOS PO RNAMS KYI CHOS STONG PA NYID CES BYA BA NI 'DOD PA YIN NO, ,YOD PA MA YIN PA'I MO GSHAM GYI BU LA, DE'I SNGO BSANGS NYID MI 'THAD PAS CHOS CAN MED PAS, DE LA @82A *, ,BRTEN PA'I CHOS KYANG MI 'THAD PA DE'I PHYIR DNGOS PO RNAMS RANG BZHIN YOD PA YIN NO, ,GZHAN YANG, GAL TE NGO BO NYID MED NA, GZHAN DU 'GYUR BA GANG GI YIN, ,GAL TE DNGOS PO RNAMS KYI RANG BZHIN MED NA, YONGS SU 'GYUR BA'I MTSAN NYID CAN GYI GZHAN DU 'GYUR BA GANG YIN PA DE GANG GI YIN PAR 'GYUR ZHES 'DZER TO, ,'DI LA BRJOD PAR BYA STE, DE LTAR YONGS SU BTAGS KYANG, GAL TE NGO BO NYID YOD NA, JI LTA BUR NA GZHAN DU 'GYUR, 'DIR CHOS GANG ZHIG DNGOS PO GANG LA MI 'KHRUL PA DE NA DE'I RANG BZHIN ZHES BSNYAD DE, GZHAN GYIS GEGS BYAR MED PA'I PHYIR RO, ,DE LA MI 'KHRUL PA'I ME'I TSA BA LA NI 'JIG RTEN NA RANG BZHIN ZHES BRJOD LA, TSA BA DE NYID CHU DAG LA DMIGS PA NA RKYEN GZHAN LAS BYUNG BAS BCOS MA YIN PA'I PHYIR RANG BZHIN MA YIN NO, ,GANG GI TSE, DE LTAR RANG BZHIN NI 'KHRUL PA MED PAR 'GYUR BA YIN PAR BYA DGOS PA DE'I TSE 'KHRUL PA MED PAS GZHAN DU 'GYUR BA MED DE, ME NI GRANG BAR 'GYUR BA MA YIN NO, ,DE BZHIN DU DNGOS PO RNAMS LA YANG RANG BZHIN KHAS LAN NA GZHAN DU 'GYUR BA NYID MED PAR 'GYUR NA, DE DAG NI GZHAN DU 'GYUR BA NYID DU DMIGS PA YANG YIN TE, DE'I PHYIR RANG BZHIN YOD PA MA YIN NO, ,GZHAN YANG GANG ZHIG SNANG BA LAS RANG BZHIN DANG BCAS PA NYID DU 'GYUR BA GZHAN DU GYUR PA 'DI NI DNGOS PO RNAMS LA MI SRID PA NYID DO, ,JI LTAR MI SRID PA DE LTAR BSTAN PA'I PHYIR, DE NYID LA NI GZHAN 'GYUR MED, ,GZHAN NYID LA YANG YOD MA YIN, ,GANG PHYIR GZHON NU MI RGA STE, ,GANG PHYIR RGAS PA'ANG MI RGA'O, ,ZHES BYA BA GSUNGS TE, RE ZHIG DNGOS PO SNGAR GYI GNAS SKABS NA GNAS PA DE NYID NI GZHAN DU 'GYUR BAR MI 'THAD DO, ,'DI LTAR LANG TSO'I GNAS SKABS NYID LA GNAS PA'I GZHON NU LA NI GZHAN DU 'GYUR BA YOD PA MA YIN NO, ,CI STE GNAS SKABS GZHAN THOB PA NYID LA GZHAN DU 'GYUR BA NYID RTOG NA, DE YANG MI 'THAD DE, GZHAN DU GYUR BA ZHES BYA BA NI RGAS PA'I RNAM GRANGS YIN TE, DE GAL TE GZHON NU LA MI 'DOD KYI GZHAN RGAS PA KHO NA LA 'GYUR NA NI, DE YANG MI RIGS TE, GANG GI PHYIR RGAS PA LA NI YANG RGA BA DANG, 'GREL BA DGOS PA MED PA'I PHYIR RO, ,RGAS @82B PA LA YANG RGA BA DANG 'BREL PAS CI ZHIG BYA STE, DE MED PAR YANG RGAS PA NYID YOD PAS RGAS PA RGA'O ZHES BYA BA NI MI RIGS SO, ,CI STE GZHON NU NYID GZHAN DU 'GYUR RO ZHE NA, DE NI MI RIGS TE, RGAS PA'I GNAS SKABS MA THOB PA LA GZHON NU ZHES BRJOD PA'I PHYIR DANG, GNAS SKABS GNYIS KYANG PHAN TSUN 'GAL BA'I PHYIR RO, ,GZHAN YANG, ,GAL TE DE NYID GZHAN 'GYUR NA, ,'O MA NYID NI ZHOR 'GYUR RO, ,CI STE 'O MA'I GNAS SKABS BTANG NAS, ZHO'I GNAS SKABS SU GYUR PA DE'I PHYIR 'O MA NYID ZHOR 'GYUR RO SNYAM NA, BRJOD PAR BYA STE, GAL TE PHAN TSUN 'GAL BAS 'O MA NYID ZHOR 'GYUR RO ZHES BYA BAR MI 'DOD NA NI, 'O MA LAS GZHAN GANG ZHIG NI, ,ZHO YI DNGOS PO YIN PAR 'GYUR, ,CI CHU ZHO'I DNGOS POR 'GYUR RAM, DE'I PHYIR GZHAN ZHO'I DNGOS POR 'GYUR RO ZHES BYA BA 'DI NI MA 'BREL PA YIN NO, ,DE'I PHYIR, DE LTAR GZHAN DU 'GYUR BA MED PA'I PHYIR DE SNANG BA LAS DNGOS PO RNAMS RANG BZHIN DANG BCAS PAR 'GRUB PAR GA LA 'GYUR, DE'I PHYIR 'DI NI MI RIGS SO, ,JI SKAD DU, 'PHAGS PA DKON MCHOG 'BYUNG GNAS ZHES BYA BA THEG PA CHEN PO'I MDO LAS, CHOS GANG SKYE BA MED CING 'BYUNG BA MED, ,'CHI 'PHO MED CING RGA BAR MI 'GYUR BA, ,MI YI SENG GE YIS NI DER BSTAN ZHING, ,SEMS CAN BRGYA PHRAG DAG NI DE LA BKOD, ,GANG LA'ANG NGO BO NYID NI GANG YANG MED, ,GZHAN YANG MA YIN SUS KYANG MI RNYED PA, ,NANG NA MA YIN PHYI ROL DAG NA YANG, ,MI RNYED DE DAG LA NI MGON POS BKOD, ,BDE BAR GSHEGS PAS ZHI PA'I 'GRO GSUNGS KYANG, ,'GRO BA GANG YANG RNYED PAR MI 'GYUR TE, , DE DAG 'GRO LAS GROL BAR RNAM PAR GSUNGS, ,GROL NAS SEMS CAN MANG PO GROL BAR MDZAD, ,BDAG MED PAR NI CHOS KUN STON MDZAD CING, ,SEMS CAN 'DZIN LAS 'JIG RTEN RNAM PAR GROL, ,BDAG NYID 'GRO LAS GROL ZHING 'GRO GROL BAS, ,DE BZHIN PHA ROL GSHEGS KYANG RGAL BA'ANG MED; ;DRANG SRONG CHEN PO SRID PA'I PHA ROL PHYIN, ,PHA ROL GSHEGS PA GANG YANG MI RNYED 'GYUR, ,PHA ROL YOD MA YIN ZHING TSU ROL MED, ,PHA ROL SONG NGO ZHES KYANG TSIG TU GSUNG, ,GANG GIS TSIG TU SMRA BA DE YANG MED, ,GANG SMRAS DE YI TSIG KYANG YOD MA YIN, ,GANG LA SMRA BA DE YANG RNYED MI @83A *, ,'GYUR, ,GANG GIS SHES PA DE YANG YOD MA YIN, ,LOG PAR RTOG LA CHAGS PA'I DBANG GIS SU, ,'DIR NI 'GRO BA 'DI KUN RAB TU 'KHYAMS, ,SKYES BU GANG ZHIG ZHI BA'I CHOS RIG PA, ,DES NI RANG 'BYUNG DE BZHIN GSHEGS PA MTHONG, ,CHOS MCHOG ZHI BA RNAMS KYANG RAB TU SHES, ,DGA' BA RNYED NAS SEMS CAN TSIM PAR BYED, ,NYON MONGS RGYAL NAS DE NYID RGYAL BAR 'GYUR, ,BDAG NYID RGYAL BAR GYUR ZHING GNAS PA MED, ,DE PHYIR RGYAL BA'I BYANG CHUB RAB TU MKHYEN, ,SANGS RGYAS NAS NI 'GRO BA SHES PAR BYED, ,CES BYA BA LA SOGS PA GSUNGS PA LTA BU'O, ,DNGOS PO NGO BO NYID MED PA NI YOD PA MA YIN TE, DNGOS PO RNAMS STONG PA NYID DU NI 'DOD PA YIN NO, ,DE'I PHYIR STONG PA NYID KYI RTEN DU GYUR PA DNGOS PO'I RANG BZHIN YOD DO ZHES BYA BA GANG YIN PA DE DAG MI RIGS SO ZHES GSUNGS PA, ,GAL TE STONG MIN CUNG ZAD YOD, ,STONG PA'ANG CUNG ZAD YOD PAR 'GYUR, ,MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,GAL TE STONG PA NYID CES BYA BA ZHIG 'GA' ZHIG TU YOD NA NI, DE'I TSE DE'I RTEN DNGOS PO'I RANG BZHIN YOD PAR 'GYUR NA, DE LTAR NI MA YIN NO, ,'DIR STONG PA NYID DANG BDAG MED PA NYID DAG NI CHOS THAMS CAD KYI SPYI'I MTSAN NYID YIN NO ZHES KHAS BLANGS PAS STONG PA MA YIN PA'I CHOS MED PA'I PHYIR STONG PA NYID MA YIN PA YOD PA MA YIN NO, ,GANG GI TSE STONG PA MA YIN PA'I DNGOS PO MED CING STONG PA NYID MA YIN PA YANG YOD PA MA YIN PA DE'I TSE, GNYEN PO LA LTOS PA DANG BRAL BAS NAM MKHA'I ME TOG GI PHRENG BA LTAR STONG PA NYID KYANG YOD PA MA YIN NO ZHES NGES PAR BYA'O, ,GANG GI TSE STONG PA NYID YOD PA MA YIN PA DE'I TSE DE'I RTEN DNGOS PO YANG YOD PA MA YIN NO, ,'DIR SMRAS PA, GANG BSTAN PAR BYA BA'I PHYIR SANGS RGYAS BCOM LDAN 'DAS, 'GRO BA MU STEGS PA'I SMRA BA MA RIG PA'I SMAG CHEN PO'I RJES SU SON PA LA, 'GRO BA'I SGRON ME GCIG PUR GYUR PA, BDAG MED PA NYE BAR STON PA'I ME LCE RGYUN MI CHAD PA MNGA' BA RNAMS 'BYUNG BA, RNAM PAR THAR PA'I SGO GSUM PO STONG PA NYID DANG MTSAN MA MED PA DANG SMON PA MED PA ZHES BYA BA, BCOM LDAN 'DAS KYIS GDUL BYA @83B RNAMS LA RNAM PAR GROL BAR BYA BA'I PHYIR BSTAN PA MU STEGS PA'I GZHUNG LUGS THAMS CAD DANG THUN MONG MA YIN PA DAG NI, BDE BAR GSHEGS PA'I GSUNG RAB KHO NA LA DMIGS NA, KHYOD KYIS NI DA LTAR DE BZHIN GSHEGS PA'I GSUNG RAB RNAM PAR 'CHAD PA'I RGYU THABS KYIS STONG PA NYID DE SPONG BAR BRTZAMS PA YIN PAS, MTHO RIS DANG BYANG GROL GYI LAM RGYUN GCOD PAR BYED PA KHYOD DANG BRTZAD PAS CHOG GO, ,BRJOD PAR BYA STE, AE MA KYI HUD GNAM DU PHYOGS PA LTAR SHIN TU PHYIN CI LOG TU GYUR PAS MYA NGAN LAS 'DAS PA'I GRONG KHYER DU 'GRO BA'I LAM ZHI BA DRANG PO BOR NAS, DNGOS PO LA MNGON PAR ZHAN PA'I SBRUL GYIS DKRIS PA, 'KHOR BA'I DGON PA'I LAM LAS THAR PA'I GRONG KHYER DU 'GRO BA NYID DU RTEN PA KHYOD NI DAM PA DAG GIS SMAD PAR BYA BA YIN BZHIN DU MNGON PA'I NGA RGYAL ZHEN PAS GZUNG BA'I DBANG NYID KYIS DE DAG NYID LA SMOD PAR BYED PA ZHIG STE, KVA'I NYON MONGS PA'I NAD MA LUS PAR GSO BAR MDZAD PA, SMAN PA'I RGYAL PO CHEN PO NI, ,RGYAL BA RNAMS KYI STONG PA NYID, ,LTA KUN NGES PAR 'BYUNG BAR GSUNGS, ,GANG DAG STONG PA NYID LTA BA, ,DE DAG SGRUB TU MED PAR GSUNGS, ,MA YIN NAM, 'DIR STONG PA NYID NI 'DI LTA BAR GYUR PA THAMS CAD KYI MNGON PAR ZHEN PA THAMS CAD NGES PAR 'BYUNG BA STE LOG PA GANG YIN PA DE YIN LA, LTA BAR GYUR PA RNAMS LOG PA TZAM NI DNGOS PO YANG MA YIN NO, ,GANG DAG STONG PA NYID DE LA YANG DNGOS POR MNGON PAR ZHEN PA DE DAG LA NI KHO BO CAG MI SMRA STE, DE'I PHYIR KHO BO CAG GIS NYE BAR BSTAN PA LAS RTOG PA MTHA' DAG LOGS NA THAR PAR 'GYUR BA GA LA YOD, 'DI LTAR GANG ZHIG LA KHYOD LA ZONG CI YANG MI STER RO ZHES SMRAS PA DANG, KYE BDAG LA CI YANG MED PA ZHES BYA BA'I THONG DE NYID BYIN CIG CES SMRA NA, DE ZONG MED PAR 'DZIN DU GZHUG PAR THABS GANG GIS NUS, DE BZHIN DU GANG DAG STONG PA NYID LA YANG MNGON PAR ZHEN PA DE DAG GI DE LA DNGOS POR MNGON PAR ZHEN PA DE GANG GIS 'GOG PAR 'GYUR, DE'I PHYIR SMAN PA CHEN PO LA YANG NYES PA'I 'DU SHES YOD PA'I PHYIR GSO BAR MDZAD PA'I MCHOG SMAN PA CHEN PO DE BZHIN GSHEGS PA RNAMS KYIS DE DAG BOR BA NYID @84A *, ,YIN NO, ,JI SKAD DU 'PHAGS PA DKON MCHOG BRTZEGS PA CHEN PO'I MDO LAS, GANG STONG PA NYID KYIS CHOS RNAMS STONG PAR MI BYED DE, CHOS RNAMS NYID STONG PA DANG, GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG, GANG SMON PA MED PAS CHOS RNAMS SMON PA MED PAR MI BYED DE CHOS RNAMS NYID SMON PA MED PAR GANG DAG DE LTAR SO SOR RTOG PA DE NI 'OD SRUNGS DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNGS GANG DAG STONG PA NYID DU DMIGS PAS STONG PA NYID LA RTOG PA DE DAG NI NGAS GSUNG RAB 'DI LAS NYAMS RAB TU NYAMS ZHES BSHAD DO, ,'OD SRUNGS GANG ZAG TU LTA BA RI RAB TZAM LA GNAS PA NI BLA'I, MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,DE CI'I PHYIR ZHE NA, 'OD SRUNGS LTA BAR GYUR PA THAMS CAD LAS BYUNG BA NI STONG PA NYID YIN NA, 'OD SRUNGS GANG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO, ,'OD SRUNGS 'DI LTA STE DPER NA MIN PA ZHIG YOD LA, SMAN PAS DE LA SMAN BTANG NAS SMAN DES DE'I NAD THAMS CAD BSKYOD DE SMAN LTO NA 'DUG PA DE NYID MI 'BYUNG NA, 'OD SRUNGS 'DI'I SNYAM DU SEMS, MI DE NAD DE LAS THAR BAR 'GYUR RAM GSOL PA, BCOM LDAN 'DAS DE NI MI 'GYUR LAGS TE, GANG SMAN DES NAD THAMS CAD BSKYOD NAS SMAN LTOR MCHIS PA DE NYID MA BYUNG NA, MI DE'I BRO NAD SHIN TU TSABS CHE PAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU LTA BAR GYUR PA THAMS CAD LAS 'BYUNG BA NI STONG PA NYID KHO NAR YIN NA, 'OD SRUNGS GANG DAG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO ZHES GSUNGS PA LTA BU'O, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, 'DU BYED BRTAG PA ZHES BYA BA RAB TU BYED PA BCU GSUM PA'I 'GREL PA'O,, ,,'DIR SMRAS PA, DNGOS PO'I RANG BZHIN NI YOD PA NYID DE, DE DAG GI PHRAD PA NYE BAR BSTAN PA'I PHYIR RO, ,'DIR GANG MED PA DE LA NI PHRAD PA MED DO, ,DPER NA MO GSHAM GYI BU DANG BU MO GNYIS @84B BZHIN NO, ,MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES BYA BA DANG, GSUM 'DUS PA LAS REG PA'O, ,REG PA DANG LHAN CIG 'BYUNG BA NI TSOR BA'O ZHES RGYA CHER 'BYUNG BA DANG, DE BZHIN DU TSOR BA DANG 'DU SHES ZHES BYA BA'I CHOS 'DI GNYIS NI PHRAD PA YIN GYI, MA PHRAD PA NI MA YIN NO ZHES 'DU BYED RNAMS LA NI PHRAD PAR BSTAN PA YANG YIN NO, ,DE'I PHYIR DE LTAR PHRAD PA BSTAN PA LAS NI DNGOS PO'I RANG BZHIN YOD PA NYID DO, ,BRJOD PAR BYA STE, GAL TE PHRAD PA NYID YOD PAR 'GYUR NA, 'DI DE LTAR 'GYUR BA ZHIG NA YOD PA NI MA YIN NO, ,GANG GI PHYIR, BLTA BYA LTA BA LTA BA PO, ,GSUM PO DE DAG GNYIS GNYIS DANG, ,THAMS CAD KYANG NI PHAN TSUN DU, ,PHRAD PAR 'GYUR BA YOD MA YIN, ,DE LA BLTA BYA NI GZUGS SO, ,LTA BA NI MIG GO, ,LTA BA PO NI MIG GI RNAM PAR SHES PA'O, ,GSUM PO 'DI DAG LAS RNAM PA GNYIS GNYIS PHRAD PA NI YOD PA MA YIN TE, MIG DANG GZUGS SAM, MIG DANG RNAM PAR SHES PA'AM, RNAM PAR SHES PA DANG GZUGS LA PHRAD PA YOD PA MA YIN NO, ,DE LTAR RNAM PA GNYIS GNYIS DANG PHRAD PA YOD PA MA YIN NO, ,THAMS CAD KYANG NI STE GSUM PO DE DAG CIG CAR PHRAD PA YANG YOD PA MA YIN NO, ,JI LTAR BLTA BAR BYA BA DANG LTA BA DANG LTA BA PO RNAMS GNYIS GNYIS SAM THAMS CAD DU YANG PHRAD PA MED PA, DE BZHIN 'DOD CHAGS CHAGS PA DANG, CHAGS PAR BYA BA LTA BA STE, 'DOD CHAGS DANG CHAGS PA'AM, 'DOD CHAGS DANG CHAGS PAR BYA BA LA PHRAD PA YOD PA MA YIN LA, GSUM PO DAG CIG CAR YANG PHRAD PA YOD PA MA YIN NO, ,'DI DAG JI LTAR YIN PA DE BZHIN DU, NYON MONGS PA, LHAG MA RNAMS DANG SKYE MCHED KYI, ,LHAG MA'ANG RNAM GSUM NYID KYIS SO, ,STE PHAN TSUN DU PHRAD PAR 'GYUR BA YOD PA MA YIN NO, ,RNAM PA GSUM NI RNAM GSUM MO, ,RNAM PA GSUM GYI DNGOS PO NI RNAM GSUM NYID DE, RNAM GSUM NYID NGES SO, ,NYON MONGS PA LHAG MA NI ZHE SDANG DANG GTI MUG LA SOGS PA DAG GO, ,DE DAG NI ZHE SDANG DANG ZHE SDANG BA PO DANG, SPANG BYA LA SOGS PA RNAM PA GSUM GYIS YIN LA, NYAN PA DANG, NYAN PA PO DANG, MNYAN PAR BYA BA LA SOGS PA @85A *, ,GSUM GYIS KYANG NGO, ,YANG CI'I PHYIR 'DI DAG LA PHRAD PAR YOD PA MA YIN ZHE NA, GZHAN DANG GZHAN DU PHRAD 'GYUR NA, ,GANG PHYIR BLTA BYA LA SOGS PA, ,GZHAN DE YOD PA MA YIN PA, ,DE PHYIR PHRAD PAR MI 'GYUR RO, ,ZHES GSUNGS TE, GANG PHYIR ZHES BYA BA 'DI NI GANG GI PHYIR GYI DON LA'O, ,GAL TE BLTA BAR BYA BA LA SOGS PA DAG LA PHAN TSUN DU GZHAN NYID YOD NA NI, DE'I TSE CHU DANG 'O MA GNYIS BZHIN DU PHAN TSUN PHRAD PA YOD PAR 'GYUR BA ZHIG NA, GANG GI PHYIR BLTA BAR BYA BA LA SOGS PA DAG LA GZHAN DE YOD PA MA YIN PA DE'I PHYIR, DE DAG PHRAD PAR MI 'GYUR RO, ,GZHAN YANG, BLTA BYA LA SOGS 'BA' ZHIG LA, ,GZHAN NYID MED PAR MA ZAD KYI, GANG YANG GANG DANG LHAN CIG TU, ,GZHAN PA NYID DU MI 'THAD DO, ,BLTA BAR BYA BA LA SOGS PA RGYU DANG 'BRAS BU'I DNGOS POR GNAS PA RNAMS 'BA' ZHIG LA GZHAN NYID YOD PA MA YIN PAR MA ZAD KYI, BUM PA DANG SNAM BU LA SOGS PA'I DNGOS PO THAMS CAD LA YANG YOD PA MA YIN NO ZHES NGES PAR BYA'O, ,BLTA BAR BYA BA LA SOGS PA 'DI DAG LA PHAN TSUN GZHAN NYID JI LTAR MED PA DE LTAR BSTAN PA'I PHYIR, GZHAN NI GZHAN LA BRTEN TE GZHAN, ,GZHAN MED PAR GZHAN GZHAN MI 'GYUR, ,GANG LA BRTEN TE GANG YIN PA, ,DE NI DE LAS GZHAN MI 'THAD, ,CES GSUNGS TE, 'DIR BUM PA ZHES BYA BA'I DNGOS PO SNAM BU LAS GZHAN NO ZHES BRJOD PA GANG YIN PA'I GZHAN DE NI GZHAN LA BRTEN NAS GZHAN DU 'GYUR LA, DNGOS PO GZHAN MED PAR TE GZHAN MI BDOG PAR NI GZHAN GZHAN DU MI 'GYUR RO, ,BUM PA ZHES BYA BA'I DNGOS PO GANG ZHIG SNAM BU ZHES BYA BA'I DNGOS PO GZHAN LA BRTEN NAS GZHAN YIN PAR 'GYUR BA'I BUM PA ZHES BYA BA'I DNGOS PO DE NI SNAM BU'I DNGOS PO DE LAS GZHAN DU 'GYUR BA NI MA YIN NO ZHES BYA BAR NGES PAR BYA'O, ,GANG GI PHYIR GANG LA BRTEN NAS GANG ZHIG TU 'GYUR BA DE NI DE LAS GZHAN DU MI 'GYUR TE, LTOS PA DANG BCAS PA'I PHYIR SA BON DANG MYU GU 'AM, RING PO DANG THUNG NGU BZHIN NO, ,DE SKAD DU YANG, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE NI GZHAN PA'ANG MA YIN PHYIR, , @85B DE PHYIR RTAG MIN CHAD MA YIN, ,ZHES 'TSANG PAR 'GYUR RO, ,'DIR SMRAS PA, GAL TE SNAM BU NI BUM PA LAS GZHAN YIN LA, THA DAD PAR GYUR PA'I SNAM BU DE LA LTOS NAS BUM PA GZHAN DU 'GYUR NA DE'I TSE NYES PA CI ZHIG YOD CE NA, BRJOD PAR BYA STE, GAL TE GZHAN NI GZHAN LAS GZHAN, DE TSE GZHAN MED PAR GZHAN 'GYUR, ,GZHAN MED PAR NI GZHAN 'GYUR BA, ,YOD MIN DE YI PHYIR NA MED, ,CES BYA BA STE, 'DIR GZHAN GYI SGRA GCIG NI NYE BAR BSTAN PAR BYA BA YIN LA, GZHAN NI DON GZHAN 'DZIN PA YIN ZHING, YANG GZHAN NI RAB TU GRAGS PAR GYUR PA BRJOD PA YIN PAS GZHAN GYI SGRA GSUM NYE BAR BKOD DO, ,GAL TE BUM PA ZHES BYA BA'I DNGOS PO DE GZHAN SNAM BU LAS GZHAN YIN PAR 'GYUR NA NI, BUM PA ZHES BYA BA'I DNGOS PO DE GZHAN SNAM BU MED PAR YANG GZHAN DU 'GYUR TE, DE'I TSE SNAM BU LA MA LTOS PA'I BUM PA GCIG PU GZHAN NYID DU 'GYUR RO, ,'DI LTAR GANG ZHIG GANG LAS GZHAN YIN PA DE NI DE MED PAR YANG 'GRUB STE, DPER NA BUM PA DE NYID RANG GI NGO BOR GRUB PA LAS GZHAN SNAM BU LA MI LTOS PA BZHIN NO, ,DE BZHIN DU GAL TE BUM PA'I GZHAN NYID GZHAN SNAM BU LAS YIN NA NI, DE'I TSE SNAM BU LA MA LTOS PA'I BUM PA LA YANG GZHAN NYID YIN PAR 'GYUR NA, SNAM BU LA MA LTOS PA'I BUM PA GCIG PU LA NI GZHAN NYID MA MTHONG NGO, ,DE'I PHYIR, ,GZHAN LA BRTEN NAS GZHAN DU 'GYUR RO ZHES SMRA BA NA, GANG LA LTOS NAS GANG ZHIG GZHAN YIN PA DE NI DE LAS GZHAN MA YIN NO ZHES GSAL BAR KHAS BLANGS PAR 'GYUR RO, ,'DIR SMRAS PA, GAL TE DE LTAR 'GA' ZHIG LAS GZHAN NYID 'GA' ZHIG LA YOD PA MA YIN NA, DE'I TSE GANG GI PHYIR GZHAN NI GZHAN LA BRTEN NAS GZHAN YIN PA DE'I PHYIR, DE GZHAN DU MI 'GYUR RO ZHES BYA BA 'DI NYID KYANG BRJOD PAR MI SRID PA MA YIN NAM, BRJOD PAR BYA STE, GANG GI PHYIR, DNGOS PO RNAMS KYI GZHAN NYID GRUB PA PHAN TSUN LTOS PA MA YIN PA DE NYID KYI PHYIR, 'JIG RTEN PA'I THA SNYAD LA GNAS TE GZHAN ZHES BRJOD KYI, DNGOS SU NA GZHAN NYID BRTAGS PA NA YOD PA MA YIN NO ZHES SMRA'O, ,GAL TE GZHAN NYID @86A *, ,YOD PA MA YIN YANG, 'JIG RTEN PA'I KUN RDZOB TU BUM PA SNAM BU LAS GZHAN YIN NO ZHES BRJOD NA, 'O NA NI SA BON DANG MYU GU GNYIS KYANG GZHAN NYID DU CI'I PHYIR MI SMRA ZHE NA, BRJOD PAR BYA STE, 'JIG RTEN PAS NI SA BON DANG MYU GU GNYIS BUM PA DANG, SNAM BU LTAR GZHAN NYID DU MI RTOGS PA NYID DE, BUM PA DANG SNAM BU LTAR BSKYED BYA SKYED BYED NYID MED PAR THAL BA'I PHYIR DANG, CIG CAR YOD PAR THAL BAR 'GYUR BA NYID KYI PHYIR RO, ,GZHAN YANG GANG GI PHYIR 'JIG RTEN PA NI SHING 'DI NGAS BTZUGS SO ZHES SA BON TZAM ZHIG BTZUGS NAS SA BON GYI 'BRAS BU SHING STON PAR BYED PA YIN TE, DE'I PHYIR RGYU DANG 'BRAS BUR GYUR PA RNAMS KYI GZHAN NYID NI 'JIG RTEN NA YANG YOD PA MA YIN NO ZHES BYA BAR RNAM PAR 'JOG PA YIN NO, ,'DIR SMRAS PA, GAL TE DNGOS PO GZHAN LA LTOS PA DANG BCAS PA'I GZHAN GYI BLO 'BYUNG NA NI, DE'I PHYIR DE GZHAN DU MI 'GYUR RO ZHES BYA BA'I NYES PA 'DIR 'GYUR NA, DE SKAD DU NI MI SMRA STE, 'O NA CI ZHE NA, 'DI NA GZHAN NYID CES BYA BA SPYI YANG YIN LA KHYAD PAR YANG YIN PA ZHIG YOD PA YIN LA, DE GANG LA 'DU BA'I DNGOS PO DE NI DNGOS PO GZHAN LA LTOS PA MED KYANG GZHAN ZHES RJOD PAR BYED DE, DE'I PHYIR KHO BO CAG GI PHYOGS LA SMRAS PA'I NYES PA'I GO SKABS MED DO, ,BRJOD PAR BYA STE, GAL TE GZHAN NYID YOD NA NI 'DI DE LTAR 'GYUR NA YOD PA NI MA YIN NO, ,'DIR GZHAN NYID 'DI RTOG PA NA, ,GZHAN NAM GZHAN MA YIN PA ZHIG LA RTOG GRANGS GNYI GA LTAR YANG MI 'THAD DO ZHES BSTAN PA'I PHYIR, ,GZHAN NYID GZHAN, LA YOD MA YIN, ,GZHAN MA YIN LA'ANG YOD MA YIN, ,ZHES GSUNGS SO, ,DE LA GAL TE GZHAN LA GZHAN NYID YOD DO ZHES RTOG NA NI, GZHAN NYID BRTAGS PAS CI ZHIG BYA, ,GZHAN NYID DU RTOGS PA NI GZHAN DU BRJOD PA GRUB PAR BYA BA'I PHYIR YIN NA, GZHAN DU BRJOD PA DE NI GZHAN NYID MED PAR YANG GRUB PA NYID DE, GANG GI PHYIR GZHAN DU BRJOD PA RNYED PA'I DNGOS PO GZHAN LA GZHAN NYID RTOG PA'I PHYIR RO, ,DE LTAR NA RE ZHIG GZHAN LA GZHAN NYID MI SRID DO, ,DA NI GZHAN MA YIN PA LA YANG GZHAN NYID YOD PA MA YIN TE, GANG GI PHYIR GZHAN MA YIN PA NI GCIG NYID LA BYA LA, @86B DE LA NI GZHAN NYID DANG 'GAL BA GCIG NYID YOD PA DE'I PHYIR 'GAL BAS, GZHAN MA YIN PA LA YANG GZHAN NYID YOD PA MA YIN NO, ,GANG ZHIG DE LTAR GZHAN DANG GZHAN NYID MA YIN PA LA YOD PA MA YIN ZHING, DE DAG LAS MA GTOGS PA'I DNGOS PO MED PAS DE DAG LAS MA GTOGS PA'I DNGOS PO LA YANG YOD PA MA YIN PA DE NI MED PA NYID DO, ,GANG GI PHYIR DE LTAR GZHAN NYID MED PA DE'I TSE GZHAN NYID DANG 'DU BA'I RGYU CAN BLO DANG SGRA 'JUG PA'I RGYU DNGOS PO GZHAN YANG YOD PA MA YIN NO ZHES BYA BAR GRUB BO, ,'DIR SMRAS PA, GAL TE GZHAN NYID MED PA DE LTA NA YANG GZHAN NI RE ZHIG YOD PA YIN LA, GZHAN NYID MED PAR NI GZHAN YOD PAR 'OS PA YANG MA YIN TE, DE'I PHYIR GZHAN NYID KYANG YOD PAR 'GYUR RO, ,BRJOD PAR BYA STE, GZHAN NYID YOD PA MA YIN NA, ,GZHAN NAM DE NYID YOD MA YIN, ,GANG GI TSE SNGAR GZHAN NYID NI YOD PA MA YIN NO ZHES BSTAN ZIN PA DE'I TSE GZHAN NYID MED PAR GZHAN NAM DE NYID YOD PAR GA LA 'GYUR, DE NYID CES BYA BA NI GZHAN MA YIN PA NYID CES BYA BA'I THA TSIG GO, ,DE'I PHYIR GZHAN NAM DE NYID YOD PA MA YIN NO, ,'DIR SMRAS PA, LTA BA LA SOGS PA DAG NI YOD PA NYID DE, PHRAD PA YOD PA'I PHYIR RO, ,'DIR GAL TE YANG LTA BA LA SOGS PA DAG LA GZHAN NYID MED DO ZHES BSTAN ZIN MOD KYI, DE LTA NA YANG REG PA NI GSUM 'DUS SHING TSOGS PA'O ZHES BYA BAS PHRAD PA YANG YOD PA YIN TE, DE'I PHYIR PHRAD PA YOD PAS LTA BA LA SOGS PA DAG YOD PA NYID DO, ,BRJOD PAR BYA STE, GAL TE DE DAG PHRAD PA NYID YOD NA NI DE LTAR 'GYUR NA, YOD PA NI MA YIN NO, ,JI LTAR YOD PA MA YIN PA DE LTAR BSTAN PA'I PHYIR, DE NI DE DANG PHRAD PA MED, ,GZHAN DANG GZHAN YANG PHRAD MI 'GYUR, ,ZHES GSUNGS TE, 'DIR GAL TE LTA BA LA SOGS PA DANG PHRAD PA YIN NA, DE DAG GCIG NYID DAM GZHAN NYID DU BRTAG GRANG, DE LA GCIG NYID YIN NA NI PHRAD PA MED DE, CHU LA LTOS PA MED PA'I 'O MA GCIG PU LA NI CHU DANG PHRAD PA ZHES MI BRJOD DO, ,THA DAD PA YIN NA YANG PHRAD PA MED DE, CHU LAS THA DAD DU GNAS PA'I 'O MA LA NI CHU DANG PHRAD PA ZHES MI SMRA'O, ,DE LTAR GAL TE LTA BA LA SOGS PA DAG GCIG NYID @87A *, ,YIN PA NA, PHRAD PAR RTOG NA DE NI MI 'THAD DE, MIG GCIG PU LA YANG PHRAD PA YOD PAR THAL BAR 'GYUR BA'I PHYIR RO, ,'ON TE THA DAD PA NYID YIN NA, DE LTA NA YANG MI 'THAD PA NYID DE, GZUGS LA SOGS PA LAS SO SOR GYUR PA'I MIG GCIG PU LA YANG PHRAD PA YOD PAR THAL BAR 'GYUR BA'I PHYIR RO, ,PHRAD PA MED NA NI LTA BA LA SOGS PA YANG MED DO ZHES BYA BAR GRUB BO, ,'DIR SMRAS PA, GAL TE YANG PHRAD PA YOD PA MA YIN MOD KYI, DE LTA NA YANG PHRAD BZHIN PA DANG PHRAD PA DANG, PHRAD PA PO NI YOD PA MA YIN TE, DE DAG BKAG PA MED PA'I PHYIR RO, ,PHRAD BZHIN PA DANG PHRAD PA DANG PHRAD PA PO NI PHRAD PA MED PAR YOD PA YANG MA YIN TE, DE'I PHYIR PHRAD PA YANG YOD PAR 'GYUR RO, ,BRJOD PAR BYA STE, 'DI YANG MI RIGS TE, GANG GI PHYIR GANG GI TSE PHRAD PA NYID MED DO ZHES BSTAN PA DE'I TSE PHRAD PA MED PAR PHRAD BZHIN PA LA SOGS PA YOD PAR GA LA 'GYUR, DE LA PHRAD BZHIN PA NI DA LTAR BA PHRAD PA'I BYA BA'I SGRUB BYED LAS SU GYUR PA'O, ,PHRAD PA NI PHRAD PA'I BYA BA RDZOGS PA CAN NO, ,PHRAD PA PO NI BYED PA PO BYA BA RDZOGS PAR BYA BA LA RANG DBANG DU GNAS PA'O, ,DE'I PHYIR 'DIR PHRAD PA MED PAS, PHRAD BZHIN PA LA SOGS PA MA GZIGS SHING, DE DGAG PA MJUG BSDU BA'I PHYIR, PHRAD BZHIN PA DANG PHRAD PA DANG, ,PHRAD PA PO YANG YOD MA YIN, ,ZHES GSUNGS SO, ,DE NYID KYI PHYIR, BCOM LDAN 'DAS KYIS KYANG, MIG NI LDAN NA THAMS CAD MTHONG 'GYUR TE, ,MIG GIS GZUGS RNAMS MTHONG BA GANG YIN PA'ANG, ,MTSAN MO RKYEN RNAMS MED NA MTHONG MI 'GYUR, ,DE PHYIR LDAN DANG BRAL BA RNAM RTOG YIN, ,MIG NI SNANG LA BRTEN TE YID 'ONG DANG, ,YID DU MI 'ONG SNA TSOGS GZUGS MTHONG BAS, ,DE LTAR LDAN PA BRTEN TE MTHONG BAS NA, ,DE PHYIR MIG GIS NAM YANG MTHONG BA MED, ,GANG DAG RANG BZHIN MED CHOS 'DI SHES PA; ;DPA' BO DE DAG 'JIG RTEN MYA NGAN 'DA', ,'DOD PA'I YON TAN SPYOD CING CHAGS MED CING, ,CHAGS PA RNAMS SPANGS SEMS CAN 'DUL BAR BYED, ,'DI NA SEMS CAN 'GA' MED SROG MED KYANG, ,MI DBANG RNAMS NI SEMS CAN PHAN PA MDZAD, ,SEMS CAN YOD PA MIN YANG @87B DON MDZAD PA, ,DE DAG RNAMS KYI DON NI DKA' BA CHE, ,ZHES BYA BA NAS, DE LA NAM YANG CHAGS PA YOD MA YIN, ,GANG DAG CHOS NYID 'DI LA MOS GYUR PA, ,DE DAG YID NI SRID LA CHAGS MI 'GYUR, ,ZHES BYA BA'I BAR DANG, DE BZHIN DU, GANG GIS LAM BSGOMS CHOS KUN STONG PA DANG, , BDAG MED YE SHES RAB TU BSKYED BYAS NAS, ,CHOS 'DI DAG NI RNAM PAR BSGOM 'GYUR BA, ,DE YI SPOBS PA THOGS PA MED PAR 'GYUR, ,ZHES BYA BA LA SOGS PA GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, PHRAD PA BRTAG PA ZHES BYA BA RAB TU BYED PA BCU BZHI PA'I 'GREL PA'O,, ,,'DIR SMRAS PA, DNGOS PO RNAMS KYI RANG BZHIN NI YOD PA NYID DE, DE DAG SKYED PAR BYED PA'I RGYU DANG RKYEN NYE BAR LEN PA'I PHYIR RO, ,'DIR GANG YANG YOD PA MA YIN PA DE LA NI SKYED PAR BYED PA'I RGYU DANG RKYEN NYE BAR LEN PA YOD PA MA YIN TE, DPER NA NAM MKHA'I ME TOG BZHIN NO, ,MYU GU DANG 'DU BYED LA SOGS PA RNAMS SKYED PAR BYED PA'I RGYU DANG RKYEN SA BON DANG MA RIG PA LA SOGS PA DAG NYE BAR LEN PA YANG YIN TE, DE'I PHYIR DNGOS PO'I RANG BZHIN YOD PA NYID YIN NO, ,BRJOD PAR BYA STE, GAL TE DNGOS PO 'DU BYED DANG MYU GU LA SOGS PA RNAMS LA RANG BZHIN YOD NA NI, DE'I TSE YOD PAR GYUR PA RNAMS LA RGYU DANG RKYEN DAG GIS DGOS PA CI ZHIG YOD DE, JI LTAR 'DU BYED DANG MYU GU LA SOGS PA DA LTA BAR GYUR PA RNAMS LA YANG BSKYED PAR BYA BA'I CHED DU MA RIG PA DANG, SA BON LA SOGS PA DAG NYE BAR LEN PAR MI BYED PA DE BZHIN DU GZHAN LA YANG DE BSKYED PAR BYA BA'I PHYIR BLANG BAR MI BYA BAR 'GYUR TE, DE'I RANG BZHIN YOD PAR 'GYUR BA'I PHYIR RO ZHES BSTAN PA'I PHYIR, RANG BZHIN RGYU DANG RKYEN LAS NI, ,'BYUNG BAR RIGS PA MA YIN NO, ,ZHES GSUNGS SO, ,CI STE GANG LAS DE YOD PA NYID KYIS SKYE BA DON MED PAR 'GYUR BA SKYE BA'I SNGA ROL DU NI DNGOS PO 'GA' LA YANG RANG BZHIN YOD PA MA YIN TE, 'O NA CI ZHE NA, SKYE BA'I SNGA ROL DU YOD PA MA YIN PA'I RANG BZHIN KHO NA RGYU DANG RKYEN LA BRTEN TE PHYIS 'BYUNG BAR 'GYUR RO SNYAM NA, DE LTAR 'DOD NA YANG, RGYU DANG RKYEN LAS BYUNG BA YI, ,RANG @88A *, ,BZHIN BYAS PA CAN DU 'GYUR RO, ,CI STE RGYU DANG RKYEN LAS BYUNG BAS RANG BZHIN BYAS PA NYID DU 'GYUR BA NA 'DOD PA KHO NA STE, DE'I PHYIR RANG BZHIN BYAS PA NYID DU KHAS BLANGS PA'I PHYIR, BYAS PA THAL BAR BRTZAD PA NI KHO BO CAG LA GNOD PAR BYED PA MA YIN NO SNYAM NA, 'DI YANG MI RIGS SO ZHES GSUNGS PA, RANG BZHIN BYAS PA CAN ZHES BYAR, ,JI LTA BUR NA RUNG BAR 'GYUR, ,BYAS PA YANG YIN LA, RANG BZHIN YANG YIN NO ZHES BYA BA 'DI NI PHAN TSUN 'GAL BA'I PHYIR 'BREL PA MED PA'I DON YIN NO, ,'DI LTAR 'DIR RANG GI NGO BO NI RANG BZHIN NO ZHES BYA BAR BYE BRAG TU BSHAD PA LAS NA DNGOS PO BYAS PA GANG YIN PA DE NI 'JIG RTEN NA RANG BZHIN ZHES MI BRJOD DE, DPER NA CHU'I TSA BA DANG, KE KE RU LA SOGS PA DAG NOR SGYUR MKHAN GYIS 'BAD PAS PADMA R'A GA LA SOGS PA'I DNGOS POR BYAS PA LTA BU'O, ,GANG ZHIG RANG BZHIN YIN PA DE NI MA BYAS PA YIN TE, DPER NA ME'I TSA BA NYID DAM, PADMA R'A GA LA SOGS PA RIG MA RNAMS KYI PADMA R'A GA LA SOGS PA RNAMS KYI NGO BO BZHIN TE, DE NI DNGOS PO GZHAN DANG PHRAD PAS MA BSKYED PA'I PHYIR DE DAG GI RANG BZHIN ZHES BYA'O, ,DE'I PHYIR DE LTAR RANG BZHIN NI MA BYAS PA YIN NO ZHES 'JIG RTEN GYI THA SNYAD RNAM PAR GNAS PA YIN DANG, DA NI KHO BO CAG TSA BA NYID GANG YIN PA DE YANG BYAS PA'I PHYIR MI'I RANG BZHIN MA YIN NO ZHES GZUNG BAR BYA'O ZHES SMRA'O, ,'DIR NOR BU DANG ME SPRU DANG NYI MA PHRAD PA DANG, GTZUB SHING DANG GTZUBS PA LAS BYUNG BA'I ME NI RGYU DANG RKYEN LA LTOS PA DANG BCAS PA NYID DU DMIGS LA, ME LAS GZHAN PA'I TSA BA NYID KYANG MED PA DE'I PHYIR TSA BA NYID KYANG RGYU DANG RKYEN GYIS BSKYED PA YIN TE, DE'I PHYIR BYAS PA YIN ZHING, BYAS PA YIN PA'I PHYIR NA, CHU'I TSA BA BZHIN DU RANG BZHIN MA YIN NO ZHES BYA BAR CHES GSAL BAR NGES PA YIN NO, ,GAL TE ME'I RANG BZHIN NI TSA BA NYID DO ZHES SKYE BO BA GLANG RDZI DANG BUD MED YAN CHAD LA GRAGS PA MA YIN NAM ZHE NA, CI KHO BO CAG GIS MA GRAGS SO ZHES SMRAS SAM, 'DI NI RANG BZHIN YIN PAR MI 'OS TE, RANG BZHIN GYI MTSAN NYID DANG BRAL BA'I PHYIR RO ZHES BYA BA 'DI NI KHO BO CAG SMRA'O, ,MA RIG PA'I PHYIN CI LOG GI @88B RJES SU SONG BA'I PHYIR 'JIG RTEN PAS NI DNGOS PO'I RNAM PA RANG BZHIN MED PA NYID LA RANG BZHIN DANG BCAS PA NYID DU RTOGS PA YIN NO, ,JI LTAR RAB RIB CAN RNAMS KYIS SKRA SHAD LA SOGS PA RANG BZHIN MED PA NYID LA RAB RIB KYI RKYEN GYIS RANG BZHIN NYID DU MNGON PAR ZHEN PA DE BZHIN DU BYIS PA RNAMS MA RIG PA'I RAB RIB KYIS BLO GROS KYI MIG NYAMS PA NYID KYIS DNGOS PO'I RNAM PA RANG BZHIN MED PA LA RANG BZHIN DANG BCAS PA NYID DU MNGON PAR ZHEN PAR GYUR NAS GZHAN DU MA DMIGS PA LAS THUN MONG MA YIN PA NYID KYIS ME'I RANG BZHIN GYI RANG GI MTSAN NYID NI TSA BA'O ZHES BYA BAR MNGON PAR ZHEN PA JI LTA BA BZHIN DU MTSAN NYID SMRA STE, BDAG NYID KYI MTSAN NYID NI RANG GI MTSAN NYID DO ZHES BYA BA'I PHYIR RO, ,DE RNAMS LA GRAGS PA NYID KYI SGO NAS, BCOM LDAN 'DAS KYIS KYANG CHOS MNGON PAR DE DAG GI RANG GI NGO BO KUN RDZOB PA DE RNAM PAR GZHAG PA MDZAD LA, MI RTAG PA LA SOGS PA THUN MONG PA NI SPYI'I MTSAN NYID DO ZHES BSHAD DO, ,GANG GI TSE MA RIG PA'I RAB RIB DANG BRAL BA DRI MA MED PA'I SHES RAB KYI SPYAN MNGA' BA RNAMS KYIS GZIGS PA LA LTOS NAS NI, DE'I TSE RAB RIB DANG BRAL BA DAG GIS RAB RIB CAN GYIS DMIGS PA'I SKRA SHAD MA MTHONG BA LTAR 'PHAGS PA BYIS PA'I SKYE BO'I BLOS BRTAGS PA'I RANG BZHIN MA GZIGS PA RNAMS KYIS 'DI NI DNGOS PO RNAMS KYI RANG BZHIN MA YIN NO ZHES GSAL BAR GSUNGS PAR MDZAD PA YIN TE, JI SKAD DU 'PHAGS PA LANG KAR GSHEGS PA'I MDO LAS, JI LTAR RAB RIB CAN DAG GIS, ,SKRA SHAD LOG PAR 'DZIN PA LTAR, ,DE BZHIN DNGOS POR RTOG PA 'DI, ,BYIS PAS LOG PAR RNAM PAR BRTAGS, ,RANG BZHIN MED CING RNAM RIG MED, ,KUN GZHI MED CING DNGOS MED NA, ,BYIS PA NGAN PA RTOG GE BA, ,RO DANG 'DRA BAS 'DI DAG BRTAGS, ,ZHES BYA BA DANG, DE BZHIN DU BLO GROS CHEN PO RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O ZHES GSUNGS SO ZHES RGYA CHER GSUNGS PA LTA BU'O, ,'DIR SMRAS PA, GAL TE ME LA SOGS PA'I TSA BA NYID LA SOGS PA 'DI RGYU DANG RKYEN LAS BYUNG BAS BYAS PA NYID YIN PA'I PHYIR RANG BZHIN MA YIN NO ZHES SMRA NA, DA NI @89A *, ,DE DAG GI RANG BZHIN GYI MTSAN NYID GANG YIN ZHING, RANG BZHIN DE YANG GANG ZHIG YIN PA BRJOD DGOS SO, ,BRJOD PAR BYA STE, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,'DI NI RANG GI DNGOS PO NI RANG BZHIN NO ZHES BYA BAS GANG ZHIG DNGOS PO GANG GI BDAG GI BA'I NGO BO YIN PA DE NI DE'I RANG BZHIN YIN NO ZHES BRJOD DO, ,GANG ZHIG GANG GI BDAG GI BA YIN ZHE NA, ,GANG GIS GANG MA BCOS PA'O, ,GANG ZHIG BCOS MA YIN PA DE NI DE'I BDAG GI BA MA YIN TE, DPER NA, CHU'I TSA BA NYID BZHIN NO, ,GANG ZHIG GANG LA RAG MA LAS PA DE YANG DE'I BDAG GI BA YIN TE, DPER NA, RANG GI KHOL PO DANG RANG GI NOR DAG BZHIN NO, ,GANG ZHIG GI GZHAN LA RAG LAS PA GANG YIN PA DE NI DE'I BDAG GI BA MA YIN TE, DPER NA, RE ZHIG PA'I BRNYAN POR RANG DBANG MED PA LTA BU'O, ,GANG GI PHYIR DE LTAR BCOS MA DANG RANG LA LTOS PA RANG BZHIN NYID DU MI 'DOD PA DE NYID KYI PHYIR TSA BA NYID ME'I RANG BZHIN NO ZHES BYA BA NI MI RIGS TE, RGYU DANG RKYEN LA RAG LAS PA'I PHYIR DANG, SNGAR MA BYUNG BA LAS PHYIR 'BYUNG BAS BYAS PA YIN PA'I PHYIR RO, ,GANG GI PHYIR 'DI DE LTAR YIN PA DE'I PHYIR, DUS GSUM DU YANG ME LA MI 'KHRUL PA GNYUG MA'I NGO BO MA BCOS PA, GANG ZHIG SNGAR MA BYUNG BA LAS PHYIS 'BYUNG BA MA YIN PA, GANG ZHIG CHU'I TSA BA 'AM, TSU ROL DANG PHA ROL LAM, RING PO DANG THUNG NGU LTAR RGYU DANG RKYEN LA LTOS PA DANG BCAS PAR MA GYUR PA GANG YIN PA DE RANG BZHIN YIN PAR BRJOD DO, ,CI ME'I RANG GI NGO BO DE LTA BUR GYUR PA DE YOD DAM ZHE NA, DE NI RANG GI NGO BOS YOD PA YANG MA YIN LA MED PA YANG MA YIN NO, ,DE LTA YIN MOD KYI, 'ON KYANG NYAN PA PO RNAMS KYI SKRAG PA SPANG BAR BYA BA'I PHYIR, SGRO BTAGS NAS KUN RDZOB TU DE YOD DO ZHES BYA BAR DE SMRA'O, ,JI SKAD DU BCOM LDAN 'DAS KYIS, YI GE MED PA'I CHOS LA NI, ,NYAN PA GANG YIN STON PA GANG, ,SGRO BTAGS PA LAS YI GE MED, ,DE NI NYAN ZHING STON PA 'ANG YIN, ,ZHES GSUNGS PA LTA BU'O, ,'DI NYID LAS KYANG, STONG NGO ZHES KYANG MI BRJOD DE, ,MI STONG ZHES KYANG MI BYA ZHING, ,GNYIS DANG GNYIS MIN MI BYA STE, ,GDAGS @89B PA'I DON DU BRJOD PAR BYA, ,ZHES 'CHAD PAR 'GYUR RO, ,GAL TE SGRO BTAGS PA LAS DE YOD DO ZHES BRJOD NA, DE CI 'DRA BA ZHIG YIN ZHE NA, DE'I RANG GI NGO BO NI CHOS RNAMS KYI CHOS NYID CES BYA BA GANG YIN PA DE NYID YIN NO, ,DE NAS CHOS RNAMS KYI CHOS NYID 'DI YANG GANG ZHIG YIN ZHE NA, CHOS RNAMS KYI NGO BO'O, ,NGO BO 'DI YANG GANG ZHE NA, RANG BZHIN NO, ,RANG BZHIN 'DI YANG GANG YIN, ,STONG PA NYID DO, ,STONG PA NYID 'DI YANG GANG YIN ZHE NA, RANG BZHIN MED PA'O, ,RANG BZHIN MED PA 'DI YANG GANG ZHIG YIN, DE BZHIN NYID DO, ,DE BZHIN NYID 'DI YANG GANG ZHIG CE NA, DE BZHIN NYID KYI NGO BO 'GYUR BA MED PA NYID DANG, RTAG TU GNAS PA NYID DE, RNAM PA THAMS CAD DU SKYE BA MED PA NYID NI BCOS MA MA YIN PA'I PHYIR DANG, GZHAN LA LTOS PA MED PA'I PHYIR ME LA SOGS PA RNAMS KYI RANG BZHIN YIN NO ZHES BRJOD DO, ,'DI SKAD DU BSTAN PAR 'GYUR TE, DNGOS PO'I RNAM PA MA RIG PA'I RAB RIB KYI MTHUS DMIGS PA NI MA GZIGS PA'I TSUL GYIS, BDAG NYID GANG GIS 'PHAGS PA MA RIG PA'I RAB RIB DANG BRAL BA RNAMS KYI YUL DU 'GYUR TE, NGO BO DE NYID DE DAG GI RANG BZHIN DU RNAM PAR GZHAG GO, ,RANG BZHIN DAG NI BCOS MIN DANG, GZHAN LA LTOS PA MED PA YIN, ,ZHES BYA BA 'DI NI SLOB DPON DAG GIS DE'I MTSAN NYID DU RNAM PAR GZHAG GO ZHES BYA BAR SHES PAR BYA'O, ,DNGOS PO RNAMS KYI RANG BZHIN DU GYUR PA SKYE BA MED PA DE YANG CI YANG MA YIN PA NYID KYIS DNGOS PO MED PA TZAM YIN PAS NGO BO MED PA'I PHYIR DNGOS PO'I RANG BZHIN DU YOD PA MA YIN NO ZHES SHES PAR BYA'O, , JI SKAD DU BCOM LDAN 'DAS KYIS, GANG GI DNGOS RNAMS DNGOS MED SHES PA STE, ,NANG YANG DNGOS PO KUN LA CHAGS MI 'GYUR, ,GANG ZHIG NAM YANG DNGOS KUN CHAGS MED PA, ,DE NI TING 'DZIN MTSAN MA MED LA REG ,CES GSUNGS PA LTA BU'O, ,'DIR SMRAS PA, GAL TE YANG DNGOS PO RNAMS LA RANG BZHIN YOD PA MA YIN PA DE LTA NA YANG RE ZHIG GZHAN GYI DNGOS PO NI YOD DE, DE MA BKAG PA'I PHYIR RO, ,GZHAN GYI DNGOS PO YOD NA NI RANG BZHIN YANG YOD PAR 'GYUR TE, RANG BZHIN MED PAR GZHAN GYI DNGOS PO MI 'GRUB PA'I PHYIR RO, ,BRJOD PA, RANG BZHIN MED PA MA YIN NA, ,GZHAN @90A *, ,GYI DNGOS PO GA LA YOD, ,GZHAN GYI DNGOS PO'I RANG BZHIN NI, ,GZHAN GYI DNGOS PO YIN ZHES BRJOD, ,'DIR 'JIG RTEN NA NI RANG BZHIN 'GA' ZHIG KHO NA RANG BZHIN GZHAN LA LTOS NAS GZHAN GYI DNGOS PO ZHES BRJOD DO, ,GAL TE TSA BA NYID ME'I RANG BZHIN YIN NA NI, GSHER BA'I RANG BZHIN CAN GYI TSU LA LTOS NAS GZHAN GYI DNGOS PO ZHES BRJOD PAR 'GYUR BA ZHIG NA, GANG GI TSE RNAM PAR DPYAD PA NA GANG LA YANG RANG BZHIN YOD PA MA YIN PA DE'I TSE NI GZHAN NYID YOD PAR GA LA 'GYUR, GZHAN NYID MED PAS NI RANG BZHIN YANG YOD PA MA YIN PAR GRUB PO, ,'DIR SMRAS PA; GAL TE YANG RANG BZHIN DANG GZHAN GYI DNGOS PO DAG YOD PA MA YIN PA DE LTA NA YANG DNGOS PO NI RE ZHIG YOD PA YIN TE, MA BKAG PA'I PHYIR RO, ,DNGOS PO DE YOD NA YANG RANG BZHIN NAM GZHAN GYI DNGOS PO ZHIG TU 'GYUR DGOS TE, DE'I PHYIR, RANG BZHIN DANG GZHAN GYI DNGOS PO DAG KYANG YOD PAR 'GYUR RO, ,BRJOD PA, RANG BZHIN DANG NI GZHAN DNGOS DAG ,MA GTOGS DNGOS PO GA LA YOD, ,RANG BZHIN DANG NI GZHAN DNGOS DAG ,YOD NA DNGOS PO 'GRUB PAR 'GYUR, ,'DI LTAR DNGOS PO BRTAGS PA NA, RANG BZHIN NAM GZHAN GYI DNGOS PO ZHIG YIN GRANG, DE GNYIS KYANG SNGAR BSHAD PA'I TSUL GYIS YOD PA MA YIN TE, DE'I PHYIR DE GNYIS MED PAS DNGOS PO YANG YOD PA MA YIN NO ZHES NGES PAR BYA'O, ,'DIR SMRAS PA, GAL TE YANG KHYOD KYIS DNGOS PO BKAG MOD KYI, DE LTA NA YANG DNGOS PO MED PA NI YOD PA NYID DE, MA BKAG PA'I PHYIR RO, ,DE'I PHYIR 'GAL ZLA YOD PAS, ,DNGOS PO YANG YOD PAR 'GYUR TE, DNGOS PO MED PA BZHIN NO, ,BRJOD PAR BYA STE, GAL TE DNGOS PO MED PA NYID YOD NA, DNGOS PO YANG YOD PAR 'GYUR NA, YOD PA NI MA YIN NO ZHES GSUNGS PA, GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,DNGOS PO GZHAN DU GYUR PA NI; ;DNGOS MED YIN PAR SKYE BO SMRA, ,'DI NA GAL TE DNGOS PO ZHES BYA BA 'GA' ZHIG YOD PAR GYUR NA NI, DE GZHAN DU GYUR PA LAS DNGOS PO MED PAR 'GYUR BA ZHIG STE, 'DI LTAR BUM PA LA SOGS PA DA LTAR GYI GNAS SKABS LAS NYAMS SHING, GZHAN DU GYUR PA THOB PA DAG NI 'JIG RTEN @90B NA DNGOS PO MED PA'I SGRA'I BRJOD BYAR 'GYUR BA YIN NO, ,GANG GI TSE, BUM PA LA SOGS PA 'DI DAG DNGOS PO'I NGO BO NYID DU MA GRUB PA DE'I TSE YOD PA MA YIN PA'I RANG BZHIN CAN RNAMS LA GZHAN DU 'GYUR PA NYID YOD PAR GA LA 'GYUR, DE'I PHYIR DNGOS PO MED PA YANG YOD PA MA YIN NO, ,DE'I PHYIR DE LTAR RNAM PA THAMS CAD DU RANG BZHIN DANG GZHAN GYI DNGOS PO DANG, DNGOS PO DANG DNGOS PO MED PA DAG YOD PA MA YIN PA LA, MA RIG PA'I RAB RIB KYIS BLO GROS KYI MIG NYAMS PA NYID KYIS PHYIN CI LOG TU, GANG DAG RANG BZHIN GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA, ,DE NYID MTHONG BA MA YIN NO, ,GANG DAG DE BZHIN GSHEGS PA'I GSUNG RAB PHYIN CI MA LOG BAR RNAM PAR 'CHAD PAR RLOM PA NYID KYIS, SA'I RANG BZHIN NI SRA BA'O, ,TSOR BA'I NI YUL MYONG BA'O, ,RNAM PAR SHES PA'I RANG BZHIN NI YUL SO SOR RNAM PAR RIG PA'O ZHES DE LTAR DNGOS PO RNAMS KYI RANG BZHIN SMRA BA DANG, GZUGS GZHAN LA RNAM PAR SHES PA YANG GZHAN YIN ZHING, TSOR BA YANG GZHAN NYID DO ZHES DE LTAR GZHAN GYI DNGOS PO SMRA BA DANG, RNAM PAR SHES PA LA SOGS PA DA LTAR BA'I GNAS SKABS SU GYUR PA DNGOS POR RAM, RNAM PAR SHES PA LA SOGS PA 'DAS PAR GYUR PA DNGOS PO MED PAR SMRA BA DE DAG NI RTEN CING 'BREL BAR 'BYUNG BA MCHOG TU ZAB PA'I DE KHO NA NYID SMRA BA MA YIN NO, ,GANG GI PHYIR, RANG BZHIN DANG GZHAN GYI DNGOS PO LA SOGS PA RNAMS YOD PA NYID NI JI SKAD BSHAD PA'I 'THAD PA DANG 'GAL BA YIN LA, DE BZHIN GSHEGS PA RNAMS NI DNGOS PO'I RANG BZHIN 'THAD PA DANG 'GAL BA GSUNG BA YANG MA YIN TE, RANG NYID KYI DNGOS PO MA LUS PA'I DE NYID PHYIN CI MA LOG PAR THUGS SU CHUD PA'I PHYIR RO, ,DE NYID KYI PHYIR, MKHAS PA DAG NI SANGS RGYAS BCOM LDAN 'DAS RNAMS KHO NA'I GSUNG TSAD MAR RJOD PAR BYED DE, 'THAD PA DANG BCAS PAS MI SLU BA'I PHYIR RO, ,DE NYID KYI PHYIR NYES PA MA LUS PA SPANGS PA YID CHES BA DAG LAS 'ONGS PA'I PHYIR RAM, ,KUN DU GO BAR BYED PA STE, DE KHO NA NYID KUN NAS GO BAR BYED PA'I PHYIR RAM, MNGON DU PHYOGS NAS 'GRO BA STE, @91A *, ,DE LA BRTEN NAS 'JIG RTEN PA MYA NGAN LAS 'DAS PAR 'GRO BA'I PHYIR RDZOGS PA'I SANGS RGYAS KYI GSUNG NYID LUNG DU RNAM PAR GZHAG LA, DE LAS GZHAN GYI GZHUNG LUGS RNAMS NI 'THAD PA DANG BRAL BAS TSAD MA MA YIN PA NYID DANG LUNG MA YIN PA NYID DU RNAM PAR GZHAG GO, ,GANG GI PHYIR, RANG BZHIN DANG GZHAN GYI DNGOS PO DANG, DNGOS PO DANG DNGOS PO MED PAR LTA BA 'DI DAG RIGS PA DANG BRAL BAS DE KHO NA NYID MA YIN PA DE NYID KYI PHYIR, GDUL BYA'I SKYE BO THAR PA 'DOD PA RNAMS LA, BCOM LDAN DNGOS DANG DNGOS MED PA, ,MKHYEN PAS K'A TA YAN YI, ,GDAMS NGAG LAS NI YOD PA DANG, ,MED PA GNYI GA 'ANG DGAG PAR MDZAD PA YIN NO, ,BCOM LDAN 'DAS KYIS K'A TA YAN LA GDAMS PA'I MDO LAS, K'A TA YAN GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHEN TE, DES NA SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG, SDUG BSNGAL BA DANG YID MI BDE BA DANG, 'KHRUGS PA DAG LAS YONGS SU GROL BAR MI 'GYUR, 'GRO BA LNGA'I 'KHOR BA LAS GROL BAR MI 'GYUR, 'CHI BA'I GDUNG BA'I SDUG BSNGAL LAS GROL BAR MI 'GYUR ZHES RGYA CHER GSUNGS PA YIN LA, MDO SDE 'DI YANG SDE BA THAMS CAD KYIS 'DON PA YIN NO, ,DE'I PHYIR LUNG 'DI DANG JI SKAD BSHAD PA'I RIGS PA LAS NA SHES RAB CAN GYI RANG BZHIN DANG, GZHAN GYI DNGOS PO DANG, DNGOS PO DANG DNGOS PO MED PAR LTA BA DE BZHIN GSHEGS PA'I BKA' DANG SHIN TU 'GAL BA KHAS BLANG BAR 'OS PA MA YIN TE, BCOM LDAN 'DAS KYIS BKAG PA'I PHYIR RO, ,BCOM LDAN 'DAS KYIS KHYAD PAR DU 'PHAGS PA ZHIG GIS SHE NA, DNGOS DANG DNGOS MED MKHYEN PAS TE, 'DI LA DNGOS PO DANG DNGOS PO MED PA DAG MKHYEN PA'I NGANG TSUL MNGA' BAS NA, DNGOS PO DANG DNGOS PO MED PA MKHYEN PA'O, ,DNGOS PO DANG DNGOS PO MED PA'I RANG BZHIN JI LTAR GNAS PA BZHIN PHYIN CI MA LOG PAR YONGS SU MKHYEN PA'I PHYIR, BCOM LDAN 'DAS NYID DNGOS PO DANG DNGOS PO MED PA MKHYEN PA ZHES BYA'O, ,GANG GI PHYIR BCOM LDAN 'DAS DNGOS PO DANG DNGOS PO MED PA MKHYEN PA DES YOD PA DANG MED PA NYID GNYI GA YANG DGAG @91B PA MDZAD PA DE'I PHYIR DNGOS PO DANG DNGOS PO MED PAR LTA BA DE KHO NA NYID YIN NO ZHES KHAS BLANGS PAR RIGS PA MA YIN NO, ,DE BZHIN DU, 'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI NI MTHA' GNYIS SO, ,DE GNYIS KYI DBUS GANG YIN PA DE NI DPYAD DU MED PA, BSTAN DU MED PA, RTEN MA YIN PA, SNANG BA MED PA, RNAM PAR RIG PA MED PA, GNAS PA MED PA STE, 'OD SRUNGS 'DI NI DBU MA'I LAM CHOS RNAMS LA SO SOR RTOG PA ZHES BYA'O ZHES BYA BA DANG, DE BZHIN DU, YOD DANG MED CES BYA BA GNYI GA MTHA', ,GTZANG DANG MI GTZANG 'DI YANG MTHA' YIN TE, ,DE PHYIR GNYI GA'I MTHA' NI RNAM SPANGS NAS, ,MKHAS PAS DBUS LA'ANG GNAS PAR YOD MI BYED, ,YOD DANG MED CES BYA BA RTZOD PA STE, ,GTZANG DANG MI GTZANG 'DI YANG RTZOD PA YIN, ,RTZOD PAR GYUR PA'I SDUG BSNGAL ZHI MI 'GYUR, ,RTZOD PA MED PAR GYUR PAS SDUG BSNGAL 'GAG ,CES GSUNGS SO, ,'DIR SMRAS PA, GAL TE YANG DE LTAR ME LA SOGS PA RANG BZHIN KHO NAS YOD PA NYID DU GYUR NA NYES PA CIR 'GYUR, RGYU DANG RKYEN LAS BYUNG BA YI, ,RANG BZHIN BYAS PA CAN DU 'GYUR, ,ZHES BYA BA LA SOGS PAS NYES PA BSHAD ZIN TO, ,GZHAN YANG, GAL TE ME LA SOGS PA 'DI DAG GI RANG BZHIN 'DI NYID YOD PA YIN NA NI, YOD PAR GYUR PA DE YANG GZHAN DU GYUR PA MA YIN NO ZHES BSTAN PA'I PHYIR, GAL TE RANG BZHIN GYIS YOD NA, ,DE NI MED NYID MI 'GYUR RO, ,ZHES GSUNGS TE, GAL TE 'DI NYID ME LA SOGS PA 'DI DAG GI RANG BZHIN TE RANG GI NGO BO YIN PAR GYUR NA NI, DE'I TSE RANG BZHIN GYIS YOD PA'I RANG BZHIN DE LA SLAR YANG GZHAN DU 'GYUR BA MED DE, GANG GI PHYIR, RANG BZHIN GZHAN DU 'GYUR BA NI, ,NAM YANG 'THAD PAR MI 'GYUR RO, ,GAL TE 'DI NYID ME LA SOGS PA 'DI DAG GI RANG BZHIN YIN PAR GYUR NA NI, DE'I TSE RANG BZHIN NI MI 'GYUR BA NYID YIN PA'I PHYIR NAM YANG GZHAN DU 'GYUR BAR 'THAD PA MA YIN NO, ,NAM MKHA'I MI SGRIB PA NYID NAM YANG GZHAN DU 'GYUR BA MA YIN PA DE BZHIN DU ME LA SOGS PA RANG BZHIN GYIS YOD PA DAG KYANG SLAR GZHAN DU MI 'GYUR BA ZHIG NA, DE DAG GZHAN DU 'GYUR BA RGYUN CHAD PA'I MTSAN NYID @92A *, ,CAN GYI 'JIG PA NI KHYOD KYIS DMIGS PA YANG YIN NO, ,DE'I PHYIR RNAM PAR 'GYUR BA'I CHOS CAN YIN PA'I PHYIR CHU'I TSA BA NYID LTAR 'DI 'DI DAG GI RANG BZHIN MA YIN NO ZHES SHES PAR BYA'O, ,'DIR SMRAS PA, GAL TE RANG BZHIN GYIS YOD PA LA GZHAN DU 'GYUR PA YOD PA MA YIN PA'I PHYIR DANG, GZHAN DU 'GYUR BA NYID KYANG DMIGS PA'I PHYIR DNGOS PO 'DI DAG LA RANG BZHIN YOD PA MA YIN NO ZHES BRJOD NA, DE LTA NA YANG, RANG BZHIN YOD PA MA YIN NA, ,GZHAN DU 'GYUR BA GANG GI YIN, ,DA NI NAM MKHA'I ME TOG LTAR RANG BZHIN TE RANG GI NGO BOS YOD PA MA YIN PAS GZHAN DU 'GYUR BA GANG GI YIN PAR 'GYUR, DE'I PHYIR RANG BZHIN YOD PA MA YIN PA LA GZHAN DU 'GYUR BA MA DMIGS PA'I PHYIR LA, GZHAN DU 'GYUR BA NYID KYANG MTHONG BA'I PHYIR RANG BZHIN YOD DO, ,BRJOD PAR BYA STE, GAL TE KHYOD KYI LUGS KYIS RANG BZHIN TE RANG GI NGO BOS YOD PA MA YIN PA LA GZHAN DU 'GYUR BA MED PA'I PHYIR LA, GZHAN DU 'GYUR BA YANG MTHONG BA'I PHYIR RANG BZHIN YOD DO ZHES SMRA BA YIN NA NI, DE LTA NA YANG RANG BZHIN YOD PA MA YIN NA YANG GZHAN DU 'GYUR BA JI LTAR RUNG, DA NI DA LTAR BYUNG BA LTAR RANG BZHIN TE RANG GI NGO BOS YOD PA'I PHYIR GZHAN DU 'GYUR BA GANG GI YIN PAR 'GYUR, DE'I PHYIR RANG BZHIN GYIS YOD PA LA GZHAN DU 'GYUR BA NYID YOD PA MA YIN PA'I PHYIR GZHAN DU 'GYUR BA RNAM PA THAMS CAD DU MI SRID PA NYID DO, ,DE'I PHYIR DNGOS PO RNAMS LA RANG BZHIN MED DO ZHES SHES PAR BYA'O, , GANG YANG GZHAN DU 'GYUR BA MTHONG BA'I PHYIR RANG BZHIN YOD PA MA YIN NO ZHES BSHAD PA DE YANG GZHAN LA GRAGS PA'I GZHAN DU 'GYUR BA MTHONG BA'I DBANG DU BYAS NAS BRJOD PA YIN GYI, KHO BO CAG GIS NAM YANG GANG LA YANG GZHAN DU 'GYUR BA YOD PAR KHAS MA BLANGS SO, ,DE'I PHYIR DE LTAR RANG BZHIN GTAN YOD PA MA YIN DANG, CHOS THAMS CAD YOD PA MA YIN PA'I RANG BZHIN CAN YIN PA DANG, DE DAG LA GZHAN DU 'GYUR BA YANG YOD PA MA YIN BZHIN DU, DA LTA GANG ZHIG DNGOS PO RNAMS YOD PA NYID DANG MED PA NYID DU RTOG PAR BYED DE, DE LTAR RTOG PA DE LA NI NGES PA KHO NAR, @92B YOD CES BYA BA RTAG PAR 'DZIN, ,MED CES BYA BA CHAD PAR LTA BAR THAL BAR 'GYUR RO, ,GANG GI PHYIR RTAG BA DANG CHAD PAR LTA BA 'DI YANG MTHO RIS DANG BYANG GROL GYI LAM GYI BAR DU GCOD PAR BYED PA YIN PA'I PHYIR DON MA YIN PA CHEN PO BYED PA, DE PHYIR YOD DANG MED PA LA, ,MKHAS PAS GNAS PAS MI BYA'O, ,YANG CI'I PHYIR DNGOS PO DANG DNGOS PO MED PAR LTA BA YOD NA RTAG PA DANG CHAD PAR LTA BAR THAL BAR 'GYUR ZHE NA, 'DI LTAR, GANG ZHIG RANG BZHIN GYIS YOD PA, ,DE NI MED PA YIN PAS RTAG ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,GANG ZHIG RANG BZHIN GYIS YOD PAR BRJOD PA DE NI RANG BZHIN LA LDOG PA MED PAS NAM YANG MED PA MA YIN TE, DE LTAR NA RANG BZHIN YOD PA NYID DU KHAS BLANGS PAS RTAG PAR LTA BAR 'GYUR LA, SNGON GNAS PA'I GNAS SKABS SU, DNGOS PO'I RANG BZHIN KHAS BLANGS NAS DA LTAR PHYIS DE ZHIG PAS MED DO ZHES KHAS BLANGS PAS CHAD PAR LTA BAR THAL BAR 'GYUR RO, ,GANG GI LTAR NA DNGOS PO'I RANG BZHIN NYID MI 'THAD PA DE LA NI RTAG PA DANG, CHAD PAR LTA BAR THAL BAR MI 'GYUR TE, DNGOS PO'I RANG BZHIN MA DMIGS PA'I PHYIR RO, ,GAL TE DNGOS PO RNAMS RANG BZHIN YOD PA MA YIN NO ZHES KHAS LEN PA LA DNGOS POR LTA BA MED PAS RTAG PAR LTA BA MED MOD, CHAD PAR LTA BAR THAL BAR NI NGES PAR 'GYUR BA MA YIN NAM ZHE NA, DE LTAR MED PAR LTA BAR NI MI 'GYUR RO, ,'DI LTAR GANG ZHIG SNGAR DNGOS PO'I RANG BZHIN KHAS BLANGS NAS, PHYIS DE LDOG PA LA RTEN PAR BYED PA DE NI DNGOS PO'I RANG BZHIN SNGAR DMIGS PA LA SKUR BA BTAB PAS MED PAR LTA BAR 'GYUR GYI, GANG ZHIG RAB RIB CAN GYIS DMIGS PA'I SKRA SHAD DAG LA RAB RIB MED PA LTAR GYUR CING CI YANG MA DMIGS PA DES MED DO ZHES SMRAS PA NA, CI ZHIG MED PAR SMRAS PAR 'GYUR TE, DGAG BYA MED PA'I PHYIR RO, ,PHYIN CI LOG TU GYUR PA RNAMS LOG PAR MNGON PAR ZHEN PA BZLOG PAR BYA BA'I PHYIR RAB RIB MED PA RNAMS LTAR DNGOS PO THAMS CAD YOD PA MA MA YIN NO ZHES KHO BO CAG SMRA MOD KYI, DE SKAD SMRAS PA NA, KHO BO CAG CHAD PAR LTA BAR THAL BAR 'GYUR BA NI MA YIN NO, ,JI SKAD DU MDO LAS, BCOM LDAN 'DAS @93A *, ,GANG GIS SNGAR 'DOD CHAGS DANG ZHE SDANG DANG GTI MUG DAG DNGOS POR G-YAR GYIS BLANGS NAS, PHYIS 'DOD CHAGS DANG ZHE SDANG DANG GTI MUG DAG DNGOS PO YOD PA NI MA YIN NO ZHES SMRA BA DE NI MED PA PAR YANG 'GYUR LAGS SO ZHES RGYA CHER GSUNGS PA LTA BU'O, ,GANG ZHIG GZHAN DBANG SEMS DANG SEMS LAS BYUNG BA DNGOS PO TZAM KHAS BLANGS NAS, DE LA KUN DU BRTAGS PA'I NGO BO NYID MED PAS YOD PAR LTA BA NYID SPONG ZHING GZHAN GYI DBANG GI DNGOS PO KUN NAS NYON MONGS PA DANG RNAM PAR BYANG BA'I RGYUR GYUR PA TZAM ZHIG YOD PAS NI MED PAR LTA BA NYID SPONG BAR BYED PA DE'I LTAR NA, KUN TU BRTAGS PA YOD PA MA YIN PA'I PHYIR DANG, GZHAN GYI DBANG YOD PA'I PHYIR YOD PA DANG MED PA NYID DU LTA BA GNYI GAR YANG 'GYUR BA'I PHYIR MTHA' GNYIS SPANGS PAR GA LA 'GYUR, RGYU DANG RKYEN GYIS BSKYED PA NI RANG BZHIN DANG BCAS PA NYID DU YOD PAR MI RIGS PAR BSTAN ZIN PA'I PHYIR BSHAD PA MI RIGS PA NYID DO, ,DE'I PHYIR DE LTAR DBU MA PA'I LTA BA KHO NA LA YOD PA DANG MED PA NYID DU LTA BAR THAL BA MED PA YIN GYI, RNAM PAR SHES PAR SMRA BA'I LTA BA LA SOGS PA DAG LA NI MA YIN NO ZHES SHES PAR BYA'O, ,DE NYID KYI PHYIR, RIN PO CHE'I PHRENG BA LAS, GANG ZAG PHUNG POR SMRA BA YI, ,'JIG RTEN GRANGS CAN 'UG PHRUG DANG, ,GOS MED BCAS LA GAL TE ZHIG ,YOD MED 'DAS PA SMRA NA DRIS, ,DE PHYIR SANGS RGYAS RNAMS KYI NI, ,BSTAN PA 'CHI MED YOD MED LAS, ,'DAS PA ZAB MO ZHES BSHAD PA, ,CHOS KYI KHUD PA YIN ZHES KYIS, ,ZHES GSUNGS SO, ,DON DAM PA MTHONG PA'I THABS SU GYUR PA NYID KYI PHYIR, GDUL BYA'I SKYE BO RNAM PA DE LTA BU RTOG PA'I NGOR, BCOM LDAN 'DAS KYIS THUGS RJE CHEN PO'I GZHAN GYI DBANG NYID KYIS MANG PO BKUR PA'I GANG ZAG TU SMRA BA LTAR, RNAM PAR SHES PAR SMRA BA DRANG BA'I DON NYID DU BSTAN GYI, NGES PA'I DON DU MA YIN NO ZHES SHES PAR BYA'O, ,JI SKAD DU, 'PHAGS PA TING NGE 'DZIN GYI RGYAL PO'I MDO LAS, ,STONG PA BDE BAR GSHEGS PAS BSHAD PA LTAR, ,NGES DON MDO SDE DAG GI BYE BRAG SHES, ,GANG LAS SEMS CAN GANG ZAG SKYES @93B BU BSTAN, ,CHOS DE THAMS CAD DRANG BA'I DON DU SHES, ,ZHES GSUNGS PA LTA BU'O, ,'DI NI BLO GROS MI ZAD PAS BSTAN PA'I MDO LA SOGS PA DAG LAS RGYAS PAR KHONG DU CHUD PAR BYA'O, ,DE'I PHYIR DAM PA THAR PA 'DOD PA DAG GIS JI SRID DU DNGOS PO DANG DNGOS PO MED PAR LTA BA GNYIS KYI GLAGS YOD PA DE SRID DU 'KHOR BA YIN NO ZHES RTOGS PAR BYAS NAS, LTA BA 'DI GNYIS BSAL TE, DBU MA'I LAM JI LTA BA BZHIN DU BSGOM PAR BYA'O, ,BCOM LDAN 'DAS KYIS, THAMS CAD BSAM YAS THAMS CAD 'BYUNG MIN PAS, ,DNGOS DANG DNGOS MED SHES PA RNAM PAR BSHIG ,BYIS PA GANG DAG SEMS KYI DBANG SONG BA, ,DE DAG SRID PA BYE BA BRGYAR SDUG BSNGAL, ,ZHES BYA BA DANG, DE BZHIN DU, SNGON 'DAS DUS KYI BSKAL PA BSAM YAS NA, ,MI YI GTZO BO BYUNG BA NGAS DRAN TE, ,DRANG SRONG CHEN PO GZINGS KYI DON MDZAD PA, ,MING NI DNGOS PO MED LAS BYUNG ZHES BYA, ,SKYES MA THAG TU MKHA' LA RAB TU GNAS, ,CHOS RNAMS THAMS CAD DNGOS PO MED PAR BSTAN, ,DE TSE DE DANG MTHUN PAR MTSAN BTAGS TE, SGRAS NI 'JIG RTEN KUN TU GRAGS PAR BYAS, ,LHA RNAMS THAMS CAD RAB TU SGRA 'BYIN PA, ,DNGOS PO MED CES BYA BA'I RGYAL BAR GYUR, ,SKYES MA THAG TU GOM PA BDUN BOR TE, ,RGYAL BAS CHOS RNAMS DNGOS PO MED PAR BSHAD, ,THUB PA CHES RNAMS THAMS CAD STON PA YI, ,SANGS RGYAS CHOS KYI RGYAL POR NAM GYUR TSE, RTZVA SHING GEL PA SMAN RI BRAG RNAMS LAS, ,CHOS RNAMS DNGOS PO MED CES SGRA YANG 'BYUNG, ,'JIG RTEN DE NA JI SNYED SGRA YOD PA, ,THAMS CAD DNGOS MED CI YANG MED PA ZHES, ,DE LTA BUR NI 'JIG RTEN 'DREN PA YI, ,SGRA DBYANGS RNAM PA SHIN TU 'BYUNG BAR 'GYUR, ,ZHES GSUNGS SO, ,DNGOS PO'I RANG BZHIN MI 'THAD PA YI PHYIR, ,CHOS RNAMS DNGOS PO MED CES SGRA YANG 'BYUNG, ,ZHES BYA BA LA SOGS PA MDO'I DON KHONG DU CHUD PAR BYA STE, 'JIG RTEN DE NA JI SRED SGRA YOD PA, ,THAMS CAD DNGOS MED CI YANG MED PA STE, ,ZHES BYA BA LA SOGS PA 'BYUNG BAS NA, MED PAR DGAG PA BRJOD PAR 'DOD PA'I PHYIR DNGOS PO MED PA'I DON NI RANG BZHIN MED PA'I DON YIN NO, ,SLOB DPON ZLA BA GRAGS PA'I @94A *, ,ZHAL SNGA NAS SBYAR BA'I TSIG GSAL BA LAS, RANG BZHIN BRTAG PA ZHES BYA BA RAB TU BYED PA BCO LNGA BA'I 'GREL PA'O,, ,,'DIR SMRAS PA, DNGOS PO RNAMS KYI RANG BZHIN NI YOD PA NYID DE, 'KHOR BA YOD PA'I PHYIR RO, ,'DI NA 'KHOR BAS NA 'KHOR BA STE, 'GRO BAS NA 'GRO BA GZHAN DU 'GRO BA LA 'KHOR BA ZHES BYA'O, ,GAL TE DNGOS PO RNAMS KYI RANG BZHIN YOD PA MA YIN NA, DE'I TSE SU ZHIG 'GRO BA NAS 'GRO BA GZHAN DU 'GRO ZHING 'KHOR BAR 'GYUR, MO GSHAM GYI BU'I 'DU BYED YOD PA MA YIN PA DAG NI 'KHOR BAR MA MTHONG NGO, ,DE'I PHYIR 'KHOR BA YOD PAS DNGOS PO RNAMS KYI RANG BZHIN YANG YOD PA NYID YIN NO, ,BRJOD PAR BYA STE, GAL TE 'KHOR BA NYID YOD NA DNGOS PO RNAMS KYI RANG BZHIN YANG YOD PAR 'GYUR BA ZHIG NA, YOD PA NI MA YIN NO, ,'DIR GAL TE 'KHOR BA YOD NA NI NGES PAR 'DU BYED DAG GAM SEMS CAN ZHIG DER 'GYUR GRANG, GNYI GA LTAR YANG NYES PA YOD DO ZHES GSUNGS PA, GAL TE 'DU BYED 'KHOR ZHE NA, ,DE DAG RTAG NA MI 'KHOR TE, ,MI RTAG NA YANG 'KHOR MI 'GYUR, ,SEMS CAN LA YANG RIM 'DI MTSUNGS, ,DE LA GAL TE 'DU BYED DAG 'KHOR BAR RTOG NA NI, CI RTAG PA'AM MI RTAG PA DAG CIG 'KHOR GRANG, DE LA RTAG PA DAG NI MI 'KHOR TE, BYA BA DANG BRAL BA'I PHYIR TE, BUM PA LA SOGS PA MI RTAG PA RNAMS KHO NA BYA BA DANG BCAS PAR DMIGS PA'I PHYIR RO, ,'ON TE MI RTAG PA DAG YIN NA NI, ,GANG MI RTAG PA DE DAG NI SKYES MA THAG TU 'JIG PA YIN LA; GANG DAG ZHIG BA DE DAG NI YOD PA MA YIN PAS MO GSHAM GYI BU'I 'DU BYED DAG BZHIN DU, 'GAR YANG 'PHYAN PAR GA LA 'GYUR, DE LTAR NA MI RTAG PA RNAMS KYANG 'KHOR BA MA YIN NO, ,CI STE 'DU BYED RGYU DANG 'BRAS BU GCIG NAS GCIG TU BRGYUD PAS RIM PA RGYUN MI 'CHAD CING RGYUN CHAGS SU 'JUG PA MI RTAG PAR GYUR PA DAG KHO NA 'KHOR RO SNYAM NA, 'DI YANG MI 'THAD DE, RE ZHIG 'BRAS BU SKYE BA GAR YIN PA DE LA NI 'KHOR BA YOD PA MA YIN TE, GANG NAS KYANG MI 'ONG BA'I PHYIR DANG, GAR YANG MI 'GRO BA'I PHYIR RO, ,RGYU ZHIG PAR GYUR BA GANG YIN PA DE LA YANG @94B 'KHOR BA YOD PA MA YIN TE, GANG NAS KYANG MI 'ONG PA'I PHYIR DANG, GAR YANG MI 'GRO BA'I PHYIR RO, ,'DU BYED TZAM LAS MA GTOGS PAR 'DAS PA DANG MA 'ONGS PA DAG MA GRUB PA'I PHYIR DANG, ZHIG PA DANG MA SKYES PA NYID KYIS YOD PA MA YIN PA'I YANG PHYIR RO, ,GAL TE SKAD CIG MA PHYI MA SKYES PA NA SNGA MA 'KHOR BA YIN NO ZHE NA, GAL TE SKAD CIG MA SNGA MA DANG PHYI MA GNYIS GCIG NYID DU 'GYUR NA NI, ,DE DE LTAR 'GYUR NA, GCIG NYID DU NI YOD PA MA YIN TE, RGYU DANG 'BRAS BU'I DNGOS PO YIN PA'I PHYIR, MIG DANG GZUGS DANG MIG GI RNAM PAR SHES PA DAG BZHIN NO, ,GZHAN YANG GCIG NYID YIN NA NI SKAD CIG MA SNGA MA DANG PHYI MAR BRJOD PAR BYA BA NYID DU YANG MI 'GYUR RO, ,DUS GCIG GI TSE LHA MI RNAMS GCIG SNGA MA DANG PHYI MAR 'GYUR RO ZHES BRJOD PA NI MED DE, DE BZHIN DU, 'DIR YANG GCIG YIN PA'I PHYIR SKAD CIG MA SNGA MA DANG PHYI MAR BSNYAD PA NYID DU MI 'GYUR RO, , GZHAN YANG SKAD CIG MA SNGA MA ZHIG GO ZHES BYA BAR MI 'GYUR TE, THA MI DAD PA'I PHYIR SKAD CIG MA PHYI MA BZHIN NO, ,SKAD CIG MA PHYI MA SKYES SO ZHES BYA BAR YANG MI 'GYUR TE, THA MI DAD PA'I PHYIR SKAD CIG MA SNGA MA BZHIN NO, ,CI STE GZHAN NYID YIN PA NA 'KHOR RO ZHE NA, DE LTA NA NI GZHAN SO SO'I SKYE BO 'KHOR BAR SKYE BA YOD PA'I PHYIR DGRA BCOM PA RNAMS KYANG 'KHOR BAR 'GYUR LA, MAR ME GZHAN 'BAR BA NA SHI BA'I MAR ME YANG 'BAR RO ZHES BYA BAR YANG 'GYUR RO, ,GZHAN YANG SKAD CIG MA PHYI MA SKAD CIG MA SNGA MA ZHIG PA'AM MA ZHIG PA'AM 'JIG BZHIN PA ZHIG LAS SKYE GRANG, DE LAS GAL TE ZHIG PA LAS YIN PAR 'DOD NA NI, SA BON TSIG PA LAS KYANG MYU GU SKYE BAR 'GYUR RO, ,DE'I PHYIR RGYU MED PAR 'GYUR RO, ,CI STE MA ZHIG PA LAS SO ZHE NA, DE LTA NA YANG SA BON RNAM PAR 'GYUR BA MED PAR YANG MYU GU SKYE BAR 'GYUR ZHING, RGYU DANG 'BRAS BU GNYIS KYANG DUS GCIG PAR 'GYUR LA, SKYE BA RGYU MED PAR YANG 'GYUR RO, ,GAL TE 'GAG BZHIN PA LAS SKYE'O ZHE NA, 'JIG BZHIN PA LAS KYANG SKYE BA MED DE, ZHIG PA DANG MA ZHIG PA LAS MA GTOGS PA'I 'JIG BZHIN PA MED PA'I PHYIR DANG, ZHIG PA DANG MA ZHIG PA DAG LA YANG NYES PA @95A *, ,BRJOD ZIN PA'I PHYIR RO, ,DE'I PHYIR RGYU DANG 'BRAS BU'I RNAM PAR GZHAG PA DANG, SKAD CIG MA SNGA MA DANG PHYI MA'I RNAM PAR GZHAG PA YOD PAR GA LA 'GYUR, GANG GI TSE SKAD CIG MA SNGA MA DANG PHYI MA'I RNAM PAR GZHAG PA DANG, RGYU DANG 'BRAS BU'I RNAM PAR GZHAG PA YOD PA MA YIN PA DE'I TSE RGYUN YANG YOD PA MA YIN LA, DE MED PAS 'KHOR BA YANG MED DO, ,DE'I PHYIR 'DU BYED MI RTAG PA RNAMS LA YANG 'KHOR BA YOD PA MA YIN NO, ,'DIR KHA CIG 'THAD PA DANG 'GAL BA'I PHYIR NA 'DU BYED DAG MI 'KHOR BA NI BDEN TE, 'O NA CI ZHE NA, BDAG 'KHOR RO ZHES SMRA BAR BYED DO, ,BRJOD PAR BYA STE, SEMS CAN LA YANG RIM 'DI MTSUNGS, ,GANG GI PHYIR SEMS CAN 'KHOR RO ZHES SMRA BA, CI 'DI RTAG PA'AM MI RTAG PA ZHIG 'KHOR ZHES RNAM PAR DPYAD PA NA, 'DU BYED DAG 'KHOR BAR MI 'THAD PA'I RIM PA GANG YIN PA DE SEMS CAN LA YANG MTSUNGS PAR 'GYUR BA DE'I PHYIR SEMS CAN YANG 'KHOR BA MA YIN NO, ,'DIR SMRAS PA, 'DU BYED DAG 'KHOR BAR MI 'THAD PA'I TSUL NI SEMS CAN LA YANG MTSUNGS PAR 'GYUR BAR 'OS PA MA YIN TE, GANG GI PHYIR 'DU BYED RTAG PA DANG MI RTAG PAR GYUR PA DAG KHO NA LA 'KHOR BA YOD PA MA YIN NO, ,ZHES BYA BAR SMRAS NA, BDAG NI DE LTAR RTAG PA DANG MI RTAG PAR 'GYUR BA MA YIN NO, ,'DI LTAR PHUNG PO DAG LAS DE NYID DANG GZHAN DU BRJOD DU MED PA LTAR RTAG PA DANG MI RTAG PA NYID DU YANG BRJOD DU MED PAR RNAM PAR GZHAG STE, DE'I PHYIR BDAG KHO NA 'KHOR ZHING SNGAR BSTAN PA'I NYES PAR YANG THAL BAR MI 'GYUR RO, ,BRJOD PAR BYA STE, ,GAL TE GANG ZAG 'KHOR ZHE NA, ,PHUNG PO SKYE MCHED KHAMS RNAMS LA, ,DE NI RNAM PA LNGAS BTZAL NA, ,MED NA GANG ZHIG 'KHOR BAR 'GYUR, ,GAL TE GANG ZAG CES BYA BA 'GA' ZHIG YOD NA NI DE 'KHOR BAR 'GYUR BA ZHIG NA, YOD PA NI MA YIN TE, GANG GI PHYIR PHUNG PO DANG SKYE MCHED DANG KHAMS RNAMS LA RNAM PA LNGAS BTZAL BA NA YOD PA MA YIN PA'I PHYIR RO, ,JI LTAR ZHE NA, SHING NYID ME NI MA YIN TE, ,SHING LAS GZHAN LA ME YANG MED, ,ME NI SHING DANG LDAN MA YIN, ,ME LA SHING MED DER DE MED, ,ME DANG SHING @95B GIS BDAG DANG NI, ,NYE BAR LEN PA'I RIM PA KUN, ,ZHES BYA BA DE BZHIN DU BDAG PHUNG PO DANG SKYE MCHED DANG KHAMS KYI RANG BZHIN CAN MA YIN ZHING, DE DAG LAS THA DAD PA YANG MA YIN LA, PHUNG PO DANG SKYE MCHED DANG KHAMS DANG LDAN PA YANG MA YIN ZHING, BDAG LA PHUNG PO DANG SKYE MCHED DANG KHAMS MED CING, PHUNG PO DANG SKYE MCHED DANG KHAMS LA YANG BDAG MED DO ZHES DO ZHES DE LTAR SNGAR BSHAD PA'I TSUL GYIS RNAM PA LNGAS BTZAL BA NA BDAG YOD PA MA YIN NO, ,GANG ZHIG DE LTAR PHUNG PO DANG SKYE MCHED DANG KHAMS RNAMS LA RNAM PA LNGAS BTZAL BA NA DE LTAR YOD PA MA YIN PA DE NI DE MED PAS JI LTAR 'KHOR BAR 'GYUR, DE LTAR NA BDAG LA YANG 'KHOR BA YOD PA MA YIN TE, MO GSHAM GYI BU LTAR MED PA'I PHYIR RO, ,GZHAN YANG BDAG 'DI, ,NYE BAR LEN NAS NYER LEN PAR, ,'KHOR NA SRID PA MED PAR 'GYUR, ,SRID MED NYE BAR LEN MED NA, ,DE GANG CI ZHIG 'KHOR BAR 'GYUR, ,GAL TE YOD NI NYE BAR LEN PA MED PAR YANG 'DI 'KHOR BAR RUNG BAR 'GYUR NA NI, BDAG 'KHOR BAR 'GYUR LA RAG PA ZHIG GO, ,JI LTAR DE LA NYE BAR LEN PA MED PA NYID DU THAL BAR BSTAN PA'I PHYIR, ,NYE BAR LEN NAS NYER LEN PAR, ,'KHOR NA SRID PA MED PAR 'GYUR, , ZHES BYA BA GSUNGS SO, ,'DIR MI'I NYE BAR LEN PA NAS LHA'I NYE BAR LEN PAR 'GRO BA NA, MI'I NYE BAR LEN PA BTANG NAS LHA'I NYE BAR LEN PAR 'GRO BA'AM, MA BTANG BAR YIN GRANG, ,RE ZHIG GAL TE YONGS SU BTANG NAS 'GRO'O ZHES BRJOD NA NI, DE'I TSE NYE BAR LEN PA SNGAR MA BTANG BA'I PHYIR DANG PHYI MA MA BLANGS BA'I PHYIR, DE DAG GI BAR DU SRID PA MED PAR 'GYUR RO, ,'DI LA SRID PA DANG BRAL BA YOD PAS NA SRID PA MED PA'O, ,SRID PA NI NYE BAR LEN PA'I PHUNG PO LNGA STE, DE DAG DANG BRAL BAR 'GYUR RO, ,SRID PA MED CING NYE BAR LEN PA MED PA GANG YIN PA DE NI PHUNG PO LNGA DANG BRAL BAS GDAGS PA'I NYE BAR LEN PA'I RGYU DANG BRAL BA'I PHYIR RGYU MED PAR 'GYUR LA, GANG ZHIG NYE BAR LEN PA MED CING GSAL BYED DANG BRAL BA MI GSAL BA RGYU MED PA DE NI GANG STE, DE NI CI YANG MA YIN ZHING, DE NI YOD PA MA YIN PA NYID DO ZHES BYA BA'I DON TO, ,DE MED PAS 'BYUNG BAR 'GYUR BA LHA'I @96A *, ,NYE BAR LEN PA PO MED PA YANG YOD PA MA YIN PA'I PHYIR CI ZHIG TU 'KHOR BAR 'GYUR TE, GANG DU 'KHOR BAR 'GYUR BA DE YANG YOD PA MA YIN PA NYID DO, ,YANG NA CI ZHIG CES BYA BA 'DI NI BYA BA 'KHOR BA'I KHYAD PAR YIN TE, DE'I PHYIR YOD PA MA YIN PAS 'KHOR BA'I BYA BA BYED PAR MI 'GYUR RO, ,DE LTAR NA RE ZHIG NYE BAR LEN PA SNGA MA BTANG NAS 'KHOR BAR MI RIGS PA YIN NO, ,CI STE MA BTANG BAR YIN NO ZHE NA, DE LTAR YANG RIGS PA MA YIN NO, ,CI'I PHYIR ZHE NA, GANG GI PHYIR SNGA MA MA BTANG BA'I PHYIR DANG, PHYI MA MA BZUNG BA'I PHYIR BDAG GCIG GNYIS NYID DU 'GYUR NA, 'DI NI 'DOD PA YANG MA YIN NO, ,DE'I PHYIR MA BTANG BAR 'KHOR BA YANG YOD PA MA YIN NO, ,CI STE SRID PA SNGA PHYI GNYIS KYI BAR NA SRID PA BAR MDO'I PHUNG PO YOD PAS DE DAG GIS DE NYE BAR LEN PA DANG BCAS PA'I PHYIR NYE BAR LEN PA NAS NYE BAR LEN PAR 'KHOR YANG SRID PA MED PAR THAL BAR MI 'GYUR RO ZHE NA, DE YANG MI RUNG STE, SRID PA BAR MDO'I PHUNG POR 'KHOR BA LA YANG SRID PA SNGA MA GTONG BA DANG, MI GTONG BA DAG GI SGO NAS THAL BAR 'GYUR BA MTSUNGS PA'I PHYIR RO, ,CIG CAR GTONG BA DANG LEN PAR BYED PA'I PHYIR NYES PA MED DO ZHE NA, BRJOD PAR BYA STE, CI PHYOGS GCIG GIS NYE BAR LEN PA SNGA MA GTONG ZHING PHYOGS GCIG GIS SRID PA BAR MDO'I NYE BAR LEN PAR RGYU 'AM, 'ON TE BDAG NYID THAMS CAD KYIS YIN GRANG, DE LA GAL TE CHA SHAS KYIS SO ZHES BYA BAR RTOG NA NI, ,DE'I TSE BDAG GNYIS NYID DU THAL BAR 'GYUR RO ZHES NYES PA BSHAD ZIN TO, ,CI STE BDAG NYID THAMS CAD KYIS YIN NO ZHE NA, DE LTA NA YANG KHYED CAG LA THAL BA DE NYID DU 'GYUR RO, ,KHYAD PAR NI 'DI TZAM ZHIG YOD DE, SRID PA BAR MA DOR RGYU BA NA SHIN TU NYE BAS DUS THUNG DU ZHIG TU NYE BAR LEN PA MED PAR 'GYUR BA GANG YIN PA'O, , BDAG NYID THAMS CAD KYIS GTONG BA DANG LEN PA DNGOS PO THA DAD PA'I YUL CAN DAG NI DNGOS PO GCIG LA CIG CAR MTHONG BA YANG MA YIN TE, LHA SBYIN GCIG PU KHYIM NAS KHYIM DU RGYU BA LA DUS GCIG TU BDAG NYID THAMS CAD KYIS GTONG BA DANG LEN PA'I BYA BA GNYIS YOD PA NI MA YIN NO, ,CI @96B STE RKANG PA GCIG GIS GCIG BTANG BA'I PHYIR DANG, GZHAN LEN PA'I PHYIR CIG CAR GTONG BA DANG LEN PAR RTOG GO ZHE NA, DE LTA YIN NA RKANG BA GNYIS BZHIN DU BDAG KYANG GNYIS NYID DU 'GYUR TE, CHA SHAS KYIS SNGA MA LA GNAS PA'I PHYIR DANG, CHA SHAS KYIS PHYI MA LA GNAS PA'I PHYIR CHA SHAS DU MA NYID DU THAL BAR 'GYUR RO, ,DE'I PHYIR CIG CAR YANG GTONG BA DANG LEN PA YOD PA MA YIN PAS 'DI NI LAN MA YIN PA NYID DO, ,DE'I PHYIR SRID PA BAR MA DO LEN PA LA YANG NYES PA DE NYID DU THAL BAR 'GYUR BAS RNAM PA THAMS CAD DU BDAG LA YANG 'KHOR BA YOD PA MA YIN NO, ,GANG GI TSE 'DU BYED DAG DANG BDAG 'KHOR BA YOD PA MA YIN PA DE'I TSE 'KHOR BA MED PA NYID DO ZHES BYA BAR GNAS SO, ,'DIR SMRAS PA, 'KHOR BA NI YOD PA NYID DE, 'GAL ZLA YOD PA'I PHYIR RO, ,'DIR GANG YOD PA MA YIN PA DE LA NI 'GAL ZLA YOD PA MA YIN TE, DPER NA, MO GSHAM GYI BU'I DGRA BO BZHIN NO, ,'KHOR BA'I 'GAL ZLA MYA NGAN LAS 'DAS PA NI YOD NA 'KHOR BA YOD PAR 'GYUR, DE'I PHYIR 'KHOR BA YANG YOD DO, ,BRJOD PAR BYA STE, GAL TE DE'I 'GAL ZLA MYA NGAN LAS 'DAS PA YOD NA, 'KHOR BA YOD PAR 'GYUR NA, YOD PA NI MA YIN NO ZHES GSUNGS PA, 'DU BYED MYA NGAN 'DA' BAR NI, JI LTA BUR YANG MI 'THAD DO, ,SEMS CAN MYA NGAN 'DA' BAR YANG, ,JI LTA BUR YANG 'THAD MI 'GYUR, ,GAL TE MYA NGAN LAS 'DA' BA ZHES BYA BA CUNG ZAD CIG YOD NA NI, DE RTOG PA NA 'DU BYED RTAG PA'AM MI RTAG PA DAG CIG LA RTOG GRANG, DE LA RTAG PA 'GYUR BA MED PA DAG LA NI MYA NGAN LAS 'DA' BAS CI ZHIG BYED PAR 'GYUR, MI RTAG PA YOD PA MA YIN PA RNAMS LA YANG MYA NGAN LAS 'DAS PAS CI ZHIG BYED DE, THAMS CAD SNGA MA DANG MTSUNGS SO, ,JI LTA BUR YANG ZHES BYA BA NI RNAM PA GANG GIS KYANG ZHES BYA BA'I DON TO, ,CI STE SEMS CAN LA MYA NGAN LAS 'DA' BA RTOG GO ZHE NA, DE YANG SNGA MA LTAR RTAG PA'AM MI RTAG PA LAS 'THAD PA MA YIN NO, ,CI STE RTAG PA DANG MI RTAG PA NYID DU BRJOD DU MED PA ZHIG LA RTOG GO ZHE NA DE LTA NA NI BRJOD DU MED PA'I PHYIR 'KHOR BA LTAR MYA NGAN LAS 'DAS PA NA YANG BDAG YOD DO ZHES KHAS BLANGS PAR GYUR PA @97A *, ,MA YIN NAM, GZHAN YANG BRJOD DU MED PA NI BDAG NYE BAR LEN PA DANG BCAS PA KHO NA LA RIGS NA, MYA NGAN LAS 'DAS PA NA NI NYE BAR LEN PA YOD PA MA YIN PAS 'DI LA BRJOD DU MED PA NYID GA LA YOD, YANG NA BDAG DE NYID DANG GZHAN DU BRJOD DU MED PAR 'GYUR MOD, 'ON KYANG 'DI NI MYA NGAN LAS 'DAS PA YOD DAM 'ON TE MED PA ZHIG YIN, GAL TE YOD NA NI DE'I TSE THAR BAR GYUR PA NA YANG DE YOD PAS RTAG PA NYID DU 'GYUR RO, ,'ON TE MED NA NI DE'I TSE BDAG MI RTAG PAR 'GYUR RO, ,DE'I PHYIR BDAG DE NYID DANG GZHAN NYID DU BRJOD DU MED PA LTAR RTAG PA DANG MI RTAG PA NYID DU YANG BRJOD DU MED DO ZHES BYA BAR MI 'GYUR RO, ,CI STE MYA NGAN LAS 'DAS PA NA BDAG YOD PA DANG MED PA NYID DU YANG BRJOD DU MED PAR 'DOD DO ZHE NA, DE LTA NA YANG CI 'DI DE'I TSE SHES PAR BYA BA ZHIG YIN NAM, 'ON TE MA YIN, GAL TE SHES PAR BYA BA YIN NO ZHE NA, 'ON TE 'KHOR BA LTAR MYA NGAN LAS 'DAS PA NA YANG SHES PAR BYA BA YIN PA'I PHYIR BDAG 'DI NYE BAR LEN PA MED PA MA YIN NO, ,'ON TE MI SHES NA NI DE'I TSE 'DI SHES PAR BYA BA MA YIN PA'I RANG BZHIN YIN PA'I PHYIR, NAM MKHA'I ME TOG LTAR MED PAS 'DI BRJOD DU MED PA NYID DU GA LA YOD, ,DE'I PHYIR DE LTAR MYA NGAN LAS 'DAS PA YANG YOD PA MA YIN LA, DE MED PAS 'KHOR BA YANG MED DO, ,DE NYID KYI PHYIR BCOM LDAN 'DAS MA LAS, TSE DANG LDAN PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU'O, ,TSE DANG LDAN PA RAB 'BYOR SANGS RGYAS KYI CHOS RNAMS KYANG RMI LAM LTA BU SGYU MA LTA BU'O ZHES BYA BA LA SOGS PA NAS, RIGS KYI BU GAL TE MYA NGAN LAS 'DAS PA LAS CHES LHAG PA'I CHOS GZHAN ZHIG YOD NA YANG, DE YANG SGYU MA LTA BU RMI LAM LTA BU'O ZHES NGA SMRA'O ZHES BYA BA DANG, DE BZHIN DU 'PHAGS PA TING NGE 'DZIN GYI RGYAL PO LAS KYANG, DON DAM BDEN PA RMI LAM 'DRA BA DANG, MYA NGAN 'DAS PA RMI LAM MTSUNGS PAR 'JUG ,GANG GIS MKHAS PA DE LTAR 'JUG PA YANG, ,DE NI YID KYI SDOM PA'I MCHOG TU BRJOD, CES BYA BA DANG, DE BZHIN DU, 'GOG PA'I BDEN PA RMI LAM JI BZHIN TE, ,MYA NGAN 'DAS PA'ANG RMI LAM JI BZHIN DU, ,GANG LA BYANG CHUB SEMS DPA' @97B GANG 'JUG PA, DE NI NGAG GI SDOM PA DE ZHES BYA, ,ZHES GSUNGS SO, ,'DIR SMRAS PA, GAL TE YANG KHYOD KYIS 'KHOR BA DANG MYA NGAN LAS 'DAS PA GNYIS BKAG MOD KYI, DE LTA NA YANG BCINGS PA DANG THAR PA DAG NI YOD PA YIN NO, ,YOD PA MA YIN PA'I DNGOS PO'I RANG BZHIN LA NI BCINGS PA DANG, THAR PA YOD PA MA YIN NO, ,DE'I PHYIR BCINGS PA DANG THAR PA YOD PA'I PHYIR DNGOS PO RNAMS KYI RANG BZHIN YOD PA NYID DO, ,BRJOD PAR BYA STE, GAL TE BCINGS PA DANG THAR PA GNYIS NYID YOD NA DNGOS PO RNAMS KYI RANG BZHIN YOD PAR 'GYUR NA YOD PA NI MA YIN NO, ,ZHES GSUNGS PA, SKYE 'JIG CHOS CAN 'DU BYED RNAMS, ,MI 'CHING GROL BAR MI 'GYUR TE, ,SNGA MA BZHIN DU SEMS CAN YANG, ,MI 'CHING GROL BAR MI 'GYUR RO, ,'DI NA 'DOD CHAGS LA SOGS PA NYON MONGS PA GANG DAG BCING BAR BYA BA RNAMS RANG DBANG MED PAR BYED PAS 'CHING PA'O ZHES BYA BAR BSNYAD CING, GANG DAG GIS BCINGS PAS SO SO'I SKYE BO RNAMS KHAMS GSUM LAS MI 'DA'O ZHES BYA BAR RNAM PAR 'JOG NA, 'DOD CHAGS LA SOGS PA 'CHING BA NYID DU BRTAGS PA'I BCINGS PA DE NI RE ZHIG SKYE BA DANG 'JIG PA'I CHOS CAN 'DU BYED SKAD CIG MA RNAMS LA MI SRID DE, SKYES MA THAG TU 'JIG CING BRLAG PA RNAMS NI YOD PA MA YIN PA'I PHYIR RO, ,'DOD CHAGS LA SOGS PA'I 'CHING BA RNAM PAR CHAD PA'I MTSAN NYID CAN GYI THAR PA YANG MI SRID DE, 'DU BYED MI RTAG PA RNAMS NI YOD PA MA YIN PA NYID KYI PHYIR RO, ,SNGA MA BZHIN DU ZHES BYA BA NI SNGAR BSHAD PA'I TSUL GYIS ZHES BYA BA'I DON TO, ,JI LTAR SNGAR BSHAD PA'I RNAM PAS 'DU BYED RNAMS LA BCINGS PA DANG THAR PA DAG YOD PA MA YIN PA DE LTAR, SNGA MA BZHIN DU SEMS CAN YANG MI 'CHING ZHING GROL BAR YANG MI 'GYUR RO, ,DE LTAR NA BCINGS PA DANG THAR PA YANG MED DO, ,'DIR SMRAS PA, GAL TE YANG 'DU BYED DAG DANG SEMS CAN LA BCINGS PA YOD PA MA YIN PA DE LTA NA YANG 'DOD CHAGS LA SOGS PA NYE BAR LEN PA ZHES BYA BA 'CHING BAR GYUR PA NI YOD PA YIN LA, DE YOD PAS BCINGS BA YANG YOD PAR 'GYUR RO, ,BRJOD PA, GAL TE DNGOS PO 'GA' ZHIG 'CHING NA NI, NYE BAR LEN PA 'CHING BAR YANG 'GYUR NA, 'CHING BA YANG MA @98A *, ,YIN NO, ,JI LTAR MI 'CHING BA DE LTAR BSTAN PA'I PHYIR BSHAD PA, GAL TE NYE BAR LEN 'CHING NA, ,NYE BAR LEN BCAS 'CHING MI 'GYUR, ,NYE BAR LEN MED MI 'CHING STE, ,GNAS SKABS GANG ZHIG 'CHING BAR 'GYUR, ,DE LA NYE BAR LEN BCAS NI NYE BAR LEN PA YOD PA STE, RE ZHIG DNGOS PO DE NI 'CHING BAR MI 'GYUR RO, ,GANG ZHIG NYE BAR LEN PA DANG BCAS PA DE NI BCINGS PAR GYUR PA NYID YIN NA, DE LA YANG 'CHING BA DANG 'BREL BAS CI ZHIG BYED PAR 'GYUR, GANG ZHIG NYE BAR LEN PA MED PA NYE BAR LEN PA DANG BRAL BA DE YANG MI 'CHING STE, 'CHING PA DANG BRAL BA'I PHYIR DE BZHIN GSHEGS PA BZHIN NO, ,NYE BAR LEN PA MED PA 'CHING BA DANG BRAL BA 'CHING NGO ZHES BYA BA NI PHAN TSUN 'GAL BA YIN PA'I PHYIR YANG 'DI MI RIGS SO, ,GANG ZHIG DE LTAR NGES PAR BRTAGS PA NA NYE BAR LEN PA DANG BCAS PA'AM NYE BAR LEN PA DANG BRAL BA YIN YANG RUNG STE, MI 'CHING BA DE NI DA GNAS SKABS GANG ZHIG TU GYUR PA ZHIG 'CHING BAR 'GYUR TE, GANG ZHIG 'CHING BAR 'GYUR BA DE'I GNAS SKABS GZHAN DE NI 'GA' YANG YOD PA MA YIN NO SNYAM DU DGONGS PA'O, ,GANG GI TSE DE LTAR GZHIGS PA NA 'CHING BAS CI ZHIG LTAR YANG 'CHING BAR MI BYED PA DE'I TSE 'GA' YANG 'CHING BAR MI BYED PA NYE BAR LEN PA 'DOD CHAGS LA SOGS PA 'CHING BA NYID DU GA LA 'GYUR, DE'I PHYIR BCINGS PA YANG MED DO, ,GZHAN YANG, GAL TE BCING BYA'I SNGA ROL NA, ,'CHING BA YOD NA 'CHING LA RAG ,DE YANG MED DE, 'DI NA 'CHING BA LCAGS LA SOGS PA BCING BAR BYA BA LAS THA DAD PAR LNGAR GRUB PAR GYUR PAS BCING BAR BYA BA LHA SBYIN 'CHING NGO ZHES BYA BAR MTHONG BA DE BZHIN DU BCING BAR BYA BA 'DU BYED RNAMS SAM GANG ZAG GI SNGA ROL DU 'CHING BA 'DOD CHAGS LA SOGS PA GRUB PAR GYUR NA NI SNGAR GRUB PA DES 'DU BYED RNAMS SA MA GANG ZAG 'CHING BAR 'GYUR LA RAG NA, DE NI YOD PA YANG MA YIN TE, RTEN MED PAS 'DOD CHAGS LA SOGS PA MA GRUB PA'I PHYIR DANG, SNGAR 'CHING BA GRUB PA LA PHYIS BCING BYA DANG LHAN CIG 'BREL PA DGOS PA MED PA'I PHYIR DANG, 'CHING BA LAS THA DAD PAR GRUB PA'I BCINGS PA LA YANG 'CHING BA DGOS PA MED PA'I PHYIR BCING @98B BAR BYA BA'I SNGA ROL DU 'CHING PA GRUB PA MED DO, ,DE'I PHYIR 'CHING BAS NI 'GA' YANG MI 'CHING LA, 'GA' YANG MI 'CHING BA NI 'CHING BA NYID DU MI RIGS PAS 'CHING BA YOD PA MA YIN ZHING, 'CHING PA MED PAS BCINGS PA YANG MED DO ZHES BYA BAR GRUB PO, ,GANG ZHIG 'DIR SUN 'BYIN PA 'PHROG GYUR PA, LHAG MA NI TSIGS SU BCAD PA'I 'DON PA GO BSNOR TE, SONG DANG MA SONG BGOM PAS BSTAN PAR RIG PAR BYA STE, RE ZHIG BCINGS PA MI 'CHING STE, ,MA BCINGS PA YANG 'CHING MI 'GYUR, ,BCINGS DANG MA BCINGS MA GTOGS PAR, ,'CHING BZHIN SHES PAR MI 'GYUR RO, ,ZHES BYA BA LA SOGS PAS SBYAR BAR BYA'O, ,'DIR SMRAS PA, GAL TE KHYOD KYIS 'CHING BA BKAG MOD KYI, ,DE LTA NA YANG DE BZHIN GSHEGS PA THUGS RJE CHEN PO MNGA' BA RNAMS KYIS SEMS CAN 'KHOR BA'I BTZON RAR BSDAMS PA SKYOB PA MED PA RNAMS LA TSUL KHRIMS DANG TING NGE 'DZIN DANG SHES RAB KYI BDAG NYID CAN PHUNG PO GSUM NYE BAR BSTAN PA GANG GI DON DU GSUNGS PA, THAR PA DE NI RE ZHIG YOD PA YIN LA, MA BCINGS PA LA NI THAR PA MED DE, DE'I PHYIR BCINGS PA YANG YOD DO, ,BRJOD PAR BYA STE, GAL TE THAR PA NYID YOD NA BCING BA YOD PAR GYUR NA, YOD PA NI MA YIN TE, 'DIR THAR PA 'DI RTOG PA NA, BCINGS PA'AM MA BCINGS PA ZHIG LA RTOG PA ZHIG GO, ,DE LAS CIR 'GYUR ZHE NA, GNYI GA LTAR YANG MI RIGS SO ZHES BSHAD PA, RE ZHIG BCINGS PA MI GROL TE, ,MA BCINGS PA YANG GROL MI 'GYUR, ,BCINGS PA GROL BZHIN YIN 'GYUR NA, ,BCINGS DANG GROL BA DUS GCIG 'GYUR, ,DE LA BCINGS PA LA NI THAR PA YOD PA MA YIN TE BCINGS PA'I PHYIR RO, ,CI STE BCINGS PAR GYUR PA PHYIS THABS KYIS THAR PAR 'GYUR BA'I PHYIR BCINGS PA NYID GROL BAR 'GYUR RO ZHE NA, 'O NA NI BCINGS PA GROL LO ZHES BYA BAR BRJOD PAR MI BYA STE, 'O NA CI ZHE NA, 'GRO BA GROL BAR 'GYUR RO ZHES BYA BAR 'GYUR RO, ,GAL TE DA LTAR BA DANG NYE BAS DE SKAD DU BRJOD DO ZHE NA, GAL TE RES 'GA' ZHIG NA THAR PA YOD NA NI DE'I TSE DE DANG NYE BAR YOD PAR 'GYUR NA, GANG GI TSE GNAS SKABS GANG RUNG DU YANG THAR 'DOD PA NA BCINGS PA LA THAR PA MI SRID PAS THAR PA MED PAR @99A *, ,STON PAR 'DOD PA DE'I TSE DA LTAR BA DANG NYE BA NYID GA LA YOD, DE LTAR NA RE ZHIG BCINGS PA MI GROL LO ZHES BYA BAR GNAS SO, ,DA NI MA BCINGS PA YANG GROL BAR MI 'GYUR TE, DE NI GROL BA NYID YIN NA DE LA YANG THAR PAS CI ZHIG BYED PAR 'GYUR, YANG THAR PA LA LTOS PA'I PHYIR DGRA BCOM PA GROL BAR GYUR PA RNAMS LA YANG 'CHING PA NYID YOD PAR 'GYUR TE, DE'I PHYIR DGRA BCOM PA YANG BCINGS PAR 'GYUR RO, ,DE'I PHYIR MA BCINGS PA YANG MI GROL LO, ,CI STE MA BCINGS PA LA THAR PA MI SRID PA'I PHYIR BCINGS PA NYID GROL BAR 'GYUR RO SNYAM NA, DE LTA YIN NA BCINGS PA LA GROL BZHIN PAR RTOG PA NA, BCINGS PA YIN PA'I PHYIR DANG, GROL BZHIN PA YIN PA'I PHYIR BCINGS PA DANG GROL BA DAG DUS GCIG TU 'GYUR NA, DUS GCIG TU BCINGS PA DANG GROL BA DAG 'THAD PA YANG MA YIN TE, PHAN TSUN 'GAL PA'I PHYIR SNANG BA DANG MUN PA BZHIN NO, ,DE'I PHYIR DE LTAR BCINGS PA DANG MA BCINGS PA DAG LA THAR PA YOD PA MA YIN NO, ,DE'I PHYIR THAR PA YANG MED LA, DE MED PA'I PHYIR BCINGS PA YANG MED DO ZHES BYA BAR GRUB BO, ,'DIR GAL TE DE LTAR KHYOD KYIS 'KHOR BA DANG MYA NGAN LAS 'DAS PA DAG BKAG CING, BCINGS PA DANG THAR PA DAG KYANG BKAG PAS, 'KHOR BA'I 'BROG DGON PA CHEN PO MA RIG PA'I MUN PA MTHUG PO CAN LTA BA NGAN PA SNA TSOGS PA'I 'KHRI SHING SHIN TU SRA BAS LAM DAM PAR BKAG PA, PHRA RGYAS KYI DUG GI LJON SHING RNAM PAR SMIN PA'I 'BRAS BU SKYE BA LA SOGS PA'I SDUG BSNGAL, MTHA' YAS PA SNA TSOGS PA SHIN TU YID DU MI 'ONG BA RGYA CHER STER BAS DKRIGS PA 'JIG TSOGS LA LTA BA'I RI CHEN PO RTZE MO NYI SHUS CHES MTHO BA, TE BOR BRLING BAS PHYOGS KYI NGOS KUN NAS BSKOR BA, SRED PA'I CHU KLUNG GI 'OBS CHEN PO, ,YUL GYI BDE BA LA RE BA'I DOGS SHIN TU 'DRED CING YANGS PA DANG LDAN PA RGYUN MI 'CHAD PAR 'BAB PAS BSKOR BA LAS BRGAL BAR 'DOD PA, THAR PA 'DOD PA RNAMS MCHOG TU DBUGS 'BYIN PAR BYED PA DGE BA'I CHOS LA 'DUN PA CHEN PO BDAG NA MA LEN PA MED PAR MYA NGAN LAS 'DA' BAR 'GYUR, MYA NGAN LAS 'DAS PA BDAG GIR NAM ZHIG NA 'GYUR SNYAM PA GANG @99B YIN PA DE DON MED PA KHO NAR 'GYUR ZHING DE LTAR DGE BA'I CHOS LA 'DUN PA BSKYED PA RNAMS KYI DGE BA'I BSHES GNYEN BSTEN PA DANG, SBYIN PA DANG TSUL KHRIMS DANG THOS PA DANG BSAM PA DANG, BSGOM PA LA SOGS PA'I RIM PA MYA NGAN LAS 'DAS PA 'THOB PA'I DGOS PA CAN GANG YIN PA DE YANG DON MED PAR 'GYUR RO ZHES 'DZER TO, ,BRJOD PAR BYA STE, GANG ZHIG DE LTAR DNGOS PO THAMS CAD RANG BZHIN MED DE, GZUGS BRNYAN DANG, SMIG RGYU'I CHU DANG, MGAL ME'I 'KHOR LO DANG, RMI LAM DANG, SGYU MA DANG, MIG 'PHRUL DANG MTSUNGS SHING, BDAG DANG BDAG GI BA DANG BRAL BZHIN DU, PHYIN CI LOG GI RJES SU SONG BA'I PHYIR NGA DANG NGA'I ZHES BDAG TU 'DZIN PA DANG BDAG GIR 'DZIN PA KUN DU SPYOD PA YONGS SU 'DZIN PAS, 'JIG TSOGS LA LTA BA DE NYID BSKYOD NAS, BDAG NI LEN MED MYA NGAN 'DA', ,MYANG 'DAS BDAG GIR 'GYUR RO ZHES, ,RLOM PAR BYED DE, DE LTAR GANG DAG 'DZIN DE YI, ,NYER LEN 'DZIN PA CHEN PO YIN, ,BDAG NI NYE BAR LEN PA MED CING LEN PA DANG BRAL BAR MYA NGAN LAS 'DA'O, ,MYA NGAN LAS 'DAS PA NI DE LTAR ZHUGS PAR GYUR PA BDAG GI YIN PAR 'GYUR RO ZHES DE LTAR THAR PA 'DOD PA GANG DAG 'DZIN PAR 'GYUR BA DE DAG LA NI BDAG TU 'DZIN PA DANG BDAG GIR 'DZIN PA ZHES BYA BA'I 'JIG TSOGS LA LTA BA NYE BAR LEN PA DE NYID 'DZIN PA CHEN PO YIN LA, RNAM PA DE LTA BU'I 'DZIN PA CHEN PO MNGON PAR ZHEN PA RNAMS LA NI ZHI BA YOD PA MA YIN TE, 'DZIN PA MA LUS PA SPANGS PA KHO NAS THAR PA 'THOB PA'I PHYIR RO, ,JI SRID DU BDAG DANG BDAG GI'O SNYAM DU 'DZIN PAR MTHONG BAR ZHEN PA DANG, JI SRID MYA NGAN LAS 'DAS PA ZHES BYA BA YOD DO ZHES MNGON PAR ZHEN PA DANG, JI SRID NYE BAR LEN PA BTANG BA LA SOGS PAR MNGON PAR ZHEN PA DE SRID DU NI THABS MA YIN PAS MYA NGAN LAS 'DAS PA DON DU GNYER BA RNAMS KYI RTZOM PA THAMS CAD NGES PAR DON MED PAR 'GYUR RO, ,DE'I PHYIR THAR PA 'DOD PAS 'DI DAG THAMS CAD YONGS SU GTANG BAR BYA'O, ,GANG GI PHYIR RNAM PA THAMS CAD DU DON DAM PA, ,GANG LA MYA NGAN 'DAS BSKYED MED, ,'KHOR BA BSAL BA'ANG YOD MIN PA, ,ZHES BYA BA, ,DE LA 'KHOR BA CI @100A *, ,ZHIG YIN, ,MYA NGAN 'DAS PA 'ANG CI ZHIG BRTAG ,DON DAM PA'I BDEN PA GANG LA MA DMIGS PAS MYA NGAN LAS 'DAS PA BSKYED PA STE, MYA NGAN LAS 'DAS PAR SGRO BTAGS PA MED CING, 'KHOR BA BSAL BA STE, 'KHOR BA YONGS SU ZAD PA YANG YOD PA MA YIN PA DE LA GANG ZHIG ZAD PAR BYA BA'I PHYIR BRTAGS PA 'KHOR BA CI ZHIG YIN LA, GANG THOB PAR BYA BA'I PHYIR BRTAGS PA MYA NGAN LAS 'DAS PA DE YANG GANG ZHIG YIN, YANG NA 'KHOR BA DANG MYA NGAN LAS 'DAS PA GNYI GA YANG MA DMIGS PA'I PHYIR SEMS CAN 'GA' YANG MYA NGAN LAS 'DAS PA GANG DU 'KHOR BA NAS BSAL BA STE BKRI BA DANG, MYA NGAN LAS 'DAS PA BSKYED PAR 'BAD PA DANG LDAN PAS KYANG BYA BAR MI NUS PA DE LA MYA NGAN LAS 'DAS PA'ANG CI ZHIG BRTAG STE, CUNG ZAD KYANG BRTAG PA MI RIGS SO, ,MI RTOG PA NI NGES PAR JI SKAD SMRAS PA'I 'KHOR BA'I 'BROG DGON PA LAS 'DA' ZHING, MYA NGAN LAS 'DAS PA'I GRONG KHYER DU YANG PHYIN PAR 'GYUR RO, ,DE NYID KYI PHYIR 'PHAGS PA BDUD BTUL BA'I MDO LAS, DE NAS DE'I TSE 'JAM DPAL GZHON NUR GYUR PAS JI LTAR BDUD SDIG CAN SGO MO'I THEM PA'I 'CHING BAS BCINGS PA LTAR SA STENG DU 'GYEL NAS, NGA NI 'CHING PA DAM POS BCINGS SO, ,NGA NI 'CHING BA DAM POS BCINGS SO ZHES DU ZHING CHO NGES 'DEBS PAR GYUR PA DE LTA BU'I GZUGS SU BSAMS SO, ,'JAM DPAL GYIS SMRAS PA, SDIG CAN GANG GIS KHYOD RTAG TU BCINGS SHING GZOD BCINGS PA MA YIN PA 'CHING BA CHES DAM PA, 'CHING BA 'DI LAS GZHAN PA ZHIG YOD DE, DE YANG GANG ZHE NA, 'DI LTA STE, NGA RGYAL PHYIN CI LOG GI 'CHING BA DANG, SRID PA DANG LTA BA'I 'CHING BA STE, SDIG CAN 'DI NI 'CHING BA YIN GYI, 'CHING BA 'DI LAS GZHAN BA 'CHING BA CHES DAM POR GYUR BA NI YOD PA MA YIN NO, ,KHYOD NI DES RTAG TU BCINGS PA YIN GYIS GZOD BCINGS PA NI MA YIN NO, ,GZHAN YANG SDIG CAN MI KHYOD GAL TE SLAR BKROL NA DGA' BAR 'GYUR RAM, SMRAS PA DGA' BAR 'GYUR RO, ,DE NAS LHA'I BU RAB 'THAB BRAL PA ZHIG GIS, 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL BDUD SDIG CAN THONG SHIG @100B RANG GI GNAS SU DONG LA RAG GO, ,DE NAS 'JAM DPAL GZHON NUR GYUR PAS BDUD SDIG TO CAN LA 'DI SKAD CES SMRAS SO, ,SDIG CAN GANG ZHIG BTANG BA KHYOD SUS BCINGS, SMRAS PA, 'JAM DPAL BDAG SUS BCINGS PA MI SHES SO, SMRAS PA, SDIG CAN JI LTAR KHYOD MA BCINGS PA LAS BCINGS PAR 'DU SHES PA DE BZHIN DU BYIS PA SO SO'I SKYE BO THAMS CAD MI RTAG PA LA RTAG PAR 'DU SHES PA, SDUG BSNGAL BA LA BDE BAR 'DU SHES PA, BDAG MED PA LA BDAG TU 'DU SHES PA, MI GTZANG PA LA GCANG BAR 'DU SHES PA, GZUGS MED PA LA GZUGS SU 'DU SHES PA, TSOR BA DAG MED PA DANG, 'DU SHES DAG MED PA DANG, 'DU BYED DAG MED PA DANG, RNAM PAR SHES PA MED PA LA, TSOR BA DANG 'DU SHES DANG 'DU BYED DANG RNAM PAR SHES PAR 'DU SHES PA YIN NO, ,GZHAN YANG SDIG CAN GANG KHYOD GROL BAR 'GYUR NA GANG LAS GROL BAR 'GYUR, SMRAS PA, BDAG NI GANG LAS KYANG GROL BAR MI 'GYUR RO, ,SMRAS PA, SDIG CAN DE BZHIN DU GANG DAG GROL BAR 'GYUR BA DE DAG KYANG, YANG DAG PA MA YIN PA'I 'DU SHES GANG YIN PA DE YONGS SU SHES PA MA GTOGS PAR GANG LAS KYANG GROL BAR 'GYUR BA MED DE, DE YONGS SU SHES NAS GROL BA ZHES BYA'O ZHES GSUNGS TE, LUNG 'DI LAS NA YANG DAG PA MA YIN PA'I PHYIN CI LOG TU RTOG PA TZAM GYIS 'CHING BA'I 'KHRI SHING RNAM PAR CHAD PA LA THAR PA MYA NGAN LAS 'DAS PA ZHES BYA STE, RMI LAM DU DMIGS PA'I ME 'BAR BA CHU DAG GIS BSAD PA BZHIN NO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, BCINGS PA DANG THAR PA BRTAG PA ZHES BYA BA RAB TU BYED PA BCU DRUG PA'I 'GREL PA'O,, ,,'DIR SMRAS PA, 'KHOR BA NI YOD PA NYID DE, LAS DANG 'BRAS BU 'BREL PA'I RTEN YIN PA'I PHYIR RO, ,'DI LTAR GAL TE RGYUN RNAM PAR CHAD PA MED PA'I RIM PAS SKYE BA DANG 'CHI BA GCIG NAS GCIG TU BRGYUD PA NYID KYIS RGYU DANG 'BRAS BU'I DNGOS PO 'JUG PAS 'DU BYED RNAMS SAM BDAG 'KHOR BAR GYUR NA NI, DE'I TSE LAS DANG 'BRAS BU 'BREL BAR 'GYUR NA, JI SKAD SMRAS PA'I 'KHOR BA MED NA NI, SEMS NI SKYES MA THAG TU 'JIG PA'I PHYIR DANG, LAS 'PHEN PA'I DUS NA RNAM PAR SMIN PA MED PA'I PHYIR LAS DANG 'BRAS BU'I @101A *, ,'BREL BA MED PA KHO NAR 'GYUR RO, ,'KHOR BA YOD NA NI 'DIR BYAS PA'I LAS TSE RABS GZHAN DU YANG RNAM PAR SMIN PA'I 'BRAS BU DANG 'BREL PA'I PHYIR LAS RNAMS 'BRAS BU DANG 'BREL BA MI 'GAL BAR 'GYUR RO, ,DE'I PHYIR LAS DANG 'BRAS BU 'BREL PA'I RTEN YIN PA'I PHYIR 'KHOR BA YOD PA NYID DO, ,LAS DE DAG KYANG GANG YIN ZHING, DE'I 'BRAS BU YANG GANG ZHIG YIN ZHE NA, DE DAG GI RAB TU DBYE BA BRJOD PAR 'DOD PAS 'DI SKAD DU BRJOD DO, BDAG NYID LEGS PAR SDOM PA DANG, ,GZHAN LA PHAN 'DOGS BYAMS SEMS GANG, ,DE CHOS DE NI 'DI GZHAN DU, ,'BRAS BU DAG GI SA BON YIN, ,DE LA BDAG TU NGA RGYAL BA 'DI LA GZHAG CING BSKYED PAS BDAG NYID DO, PHUNG PO LA BRTEN NAS GDAGS PA'I GANG ZAG LA BDAG CES BYA'O, ,BDAG NYID YANG DAG PAR SDOM ZHING, ,YUL DAG LA RANG DBANG MED PAR BYED CING 'DOD CHAGS LA SOGS PA'I DBANG GIS 'JUG PA ZLOG PAR BYED PAS NA BDAG NYID LEGS PAR SDOM PA'O, ,SOG CING NYE BAR SOGS LA DGE BA DANG MI DGE BA'I LAS RNAM PAR SMIN PA 'BYIN PAR NUS PA LA NGES PAR BYED PAS NA SEMS TE, SEMS DANG YID DANG RNAM PAR SHES PA ZHES BYA BA NI DE NYID KYI RNAM GRANGS DAG GO, ,DE'I PHYIR BDAG NYID LEGS PAR SDOM PA SROG GCOD PA LA SOGS PA LA 'JUG PA LAS BZLOG PA DGE BA'I SEMS DE NI NGAN 'GROR 'GRO BA LAS 'DZIN PAR BYED PAS NA CHOS ZHES BYA'O, ,CHOS KYI SGRA 'DI NI GSUNG RAB LAS GSUM DU RNAM PAR GZHAG STE, RANG GI MTSAN NYID 'DZIN PA'I DON DANG, ,'GRO BA NGAN PAR 'GRO BA LAS 'DZIN PA'I DON DANG, 'GRO BA LNGA'I 'KHOR BAR 'GRO BA LAS 'DZIN PA'I DON GYIS SO, ,DE LA ZAG PA DANG BCAS PA DANG ZAG PA MED PA THAMS CAD NI RANG GI MTSAN NYID 'DZIN PA'I DON GYIS NA CHOS ZHES BYA'O, ,DGE BA BCU LA SOGS PA'I CHOS RNAMS NI, 'JIG RTEN 'DI DANG PHA ROL DU, ,CHOS SPYOD PA NI BDE BAR NYAL, ,ZHES BYA BA DER 'GRO BA NGAN PAR 'GRO BA LAS 'DZIN PA'I DON GYIS NA CHOS ZHES BSNYAD DO, ,CHOS LA SKYABS SU MCHI'O ZHES BYA BA DER NI 'GRO BA LNGA'I 'KHOR BAR 'GRO BA LAS 'DZIN PA'I DON GYIS NA MYA NGAN LAS 'DAS PA LA CHOS ZHES BRJOD DO, ,'DIR NI 'GRO BA NGAN PAR 'GRO BA LAS 'DZIN PA'I DON @101B NYID KYIS CHOS KYI SGRAR BZHED DO, ,YANG CI BDAG NYID LEGS PAR SDOM PA'I SEMS GCIG PU ZHIG CHOS YIN NAM ZHE NA, SMRAS PA, MA YIN TE, 'O NA CI ZHE NA, GZHAN LA PHAN 'DOGS PA DANG BYAMS PA'I SEMS GANG YIN PA DE YANG CHOS YIN NO, ,GZHAN LA PHAN 'DOGS BYAMS SEMS ZHES BYA BA 'DIR RANG GI SGRA ZHIG MI MNGON PAR BYAS SHING BSTAN PAR RIG PAR BYA'O, ,DE LA GZHAN RJES SU 'DZIN PAR BYED PAS NA GZHAN LA PHAN 'DOGS PA'I SEMS TE, BSDU BA'I DNGOS PO BZHI LA ZHUGS PA DANG, 'JIGS PA LAS SKYOB PA LA SOGS PA LA ZHUGS PA'I SEMS GANG YIN PA DE YANG CHOS YIN NO, 'DZA' BSHES LAS 'BYUNG ZHING SEMS CAN RNAMS DANG 'GAL BA MED PA'I SEMS GANG YIN PA DE NI BYAMS PA'I SEMS SO, ,YANG NA BYAMS PA NI GNYEN BSHES NYID YIN TE, BDAG LA PHAN 'DOGS PA'I SEMS GANG YIN PA DE NYID BYAMS PA'I SEMS YIN NO, ,GANG ZHIG SEMS RNAM PA GSUM BSTAN PA DE NI CHOS ZHES BYA STE, BZLOG PA NI CHOS MA YIN PAR SBYAR BAR BYA'O, ,DE LTAR RAB TU DBYE BA BSTAN PA'I SEMS GANG YIN PA DE NI 'BRAS BU DAG GI SA BON YIN NO, ,RGYU GANG ZHIG 'BRAS BU 'GRUB PA LA THUN MONG MA YIN PA DE LA NI SA BON ZHES BYA STE, DPER NA S'A LU'I SA BON NI S'A LU'I MYU GU'I RGYU YIN PA LTA BU'O, ,SA LA SOGS PA THUN MONG PA GANG YIN PA DE NI SA BON MA YIN GYI, DE NI RGYU NYID YIN PAR ZAD DO, ,DE JI LTAR YIN PA DE BZHIN DU 'DIR YANG RNAM PAR SMIN PA YID DU 'ONG BA MNGON PAR 'GRUB PA LA SEMS RNAM PA GSUM SA BON YIN TE, SKYES BU'I BYED PA LA SOGS PA RNAMS NI RGYU TZAM DU ZAD DO, ,YANG DUS GANG GI TSE SA BON 'BRAS BU'I SGRUB PAR BYED PA YIN ZHE NA, 'DI GZHAN DU 'BRAS BU DAG GI ZHES BYA BA GSUNGS TE, 'DI ZHES BYA BA NI MTHONG BA'I SKYE BA LA YIN LA, GZHAN DU ZHES BYA BA NI MA MTHONG BA'I SKYE BA LA'O ZHES BYA BA'I THA TSIG GO, 'DI YANG LUNG LAS RGYUS PAR KHONG DU CHUD PAR BYA'O, ,DE LTAR RE ZHIG SEMS KYI BDAG NYID CAN GYI CHOS GCIG NYID RNAM PAR GZHAG NAS SLAR YANG BCOM LDAN 'DAS, DRANG SRONG MCHOG GI LAS RNAMS NI, ,SEMS PA DANG NI BSAMS PAR NYE RNAM PA GNYIS SU GSUNGS SO, ,DON DAM PA THUGS SU CHUD PAS NA DRANG SRONG NGO, ,DRANG @102A *, ,SRONG YANG YIN LA MCHOG KYANG YIN PAS NA DRANG SRONG MCHOG GO, ,DON DAM PA RNAM PA THAMS CAD DU THUGS SU CHUD PA'I PHYIR LA, NYAN THOS DANG RANG SANGS RGYAS DAG LAS KYANG MCHOG TU BYUNG BA YIN PA'I PHYIR NA DRANG SRONG MCHOG STE SANGS RGYAS BCOM LDAN 'DAS SO, ,DRANG SRONG MCHOG DES MDO LAS, SEMS PA'I LAS DANG BSAMS PA'I LAS SO ZHES GSUNGS SO, ,GANG ZHIG LAS RNAM GNYIS GSUNGS PA'I, ,LAS DE DAG GI BYE BRAG NI, ,RNAM PA DU MAR YONGS SU BSGRAGS, ,JI LTAR ZHE NA, ,DE LA LAS GANG SEMS PA ZHES, ,GSUNGS PA DE NI YID KYIR 'DOD, ,BSAMS PA ZHES NI GANG GSUNGS PA, ,DE NI LUS DANG NGAG GIR 'DOD, ,YID LA YOD PA NI YID KYI STE, YID KYI SGO NAS DE MTHAR THUG PAR 'GRO BA'I PHYIR DANG, LUS DANG NGAG 'JUG PA LA LTOS PA MED PA'I PHYIR YID KYI RNAM PAR SHES PA DANG MTSUNGS PAR LDAN PA'I SEMS PA KHO NA LA YID KYI LAS ZHES BRJOD DO, , DE LA ZHES BYA BA'I SGRA NI DMIGS KYIS BKAR BA'O, ,LAS GNYIS PA BSAMS PA ZHES GANG GSUNGS PA DE NI LUS DANG NGAG GI YIN PAR RIG PAR BYA STE, LUS DANG NGAG DAG GIS DE LTA DE LTAR 'JUG PAR BYA'O ZHES DE LTAR SEMS KYIS BSAMS NAS GANG ZHIG BYED PA DE NI BSAMS PA'I LAS ZHES BYA'O, ,YANG DE NI RNAM PA GNYIS TE, LUS DANG NGAG LA YOD PA'I PHYIR DANG, DE DAG GI SGO NAS MTHAR THUG PAR 'GRO BA'I PHYIR NA LUS KYI DANG NGAG GI'O, ,DE LTAR NA LUS KYI DANG NGAG GI DANG YID KYI STE, RNAM PA GSUM DU 'GYUR RO, ,LAS RNAM PA GSUM PO 'DI DAG KYANG SLAR PHYE NA RNAM PA BDUN DU 'GYUR RO, ,DE LTAR BCOM LDAN 'DAS KYIS LAS DE'I BYE BRAG RNAM PA MANG POR GSUNGS SO, ,CI LTAR ZHE NA, NGAG DANG BSKYOD DANG MI SPONG BA'I, ,RNAM RIG BYED MIN ZHES BYA GANG, ,SPONG PA'I RNAM RIG BYED MIN PA, ,GZHAN DAG KYANG NI DE BZHIN 'DOD, ,LONGS SPYOD LAS BYUNG BSOD NAMS DANG, ,BSOD NAMS MA YIN TSUL DE BZHIN, ,SEMS PA DANG NI CHOS DE BDUN, ,LAS SU MNGON PAR 'DOD PA YIN, ,DE LA NGAG NI YI GE GSAL POR BRJOD PA'O, ,BSKYOD PA NI LUS KYI G-YO BA'O, ,DE LA NGAG CES BYA BAS NI DGE BA DANG MI DGE BA'I DAG RNAM PAR RIG BYED MA YIN PA'I SPONG BA DANG, MI SPONG BA'I MTSAN NYID @102B CAN KUN NAS SLONG BAR BYED PA THAMS CAD SPYIR BZUNG STE, DE BZHIN DU DGE BA DANG MI DGE BA'I BSKYOD PA RNAM PAR RIG BYED MA YIN PA SPONG BA DANG MI SPONG BA'I MTSAN NYID CAN KUN NAS SLONG BAR BYED PA YANG SPYIR BZUNG NGO, ,JI LTAR RNAM PAR RIG BYED 'DI'I DBYE BA RNAM PA GNYIS SU 'GYUR BA DE BZHIN DU, RNAM PAR RIG BYED MA YIN PA'I YANG YIN TE, MI SPONG PA'I MTSAN NYID CAN GYI RNAM PAR RIG BYED MA YIN PA DAG DANG, SPONG PA'I MTSAN NYID CAN GYI RNAM PAR RIG BYED MA YIN PA DAG CES BYA BAR BYAS PA'I PHYIR RO, ,DE LA MI SPONG BA'I MTSAN NYID CAN GYI RNAM PAR RIG BYED MA YIN PA DAG NI 'DI LTA STE, DENG NAS BZUNG NAS BDAG GIS SEMS CAN BSAD CING CHOM RKUN BYAS LA 'TSO BAR BYA'O ZHES SDIG PA'I LAS KHAS BLANGS PA'I DUS NAS BZUNG STE, DE MI BYED PA DAG LA YANG RTAG PAR RGYUN MI 'CHAD PAR MI DGE BA'I LAS KHAS BLANGS PA'I RGYU CAN GYI RNAM PAR RIG BYED MA YIN PA DAG NYE BAR SKYE BAR 'GYUR BA DANG, RGYA'I LAS BYED PA NAS BZUNG STE NYA PA LA SOGS PA RNAMS DE MI BYED PA LA YANG RNAM PAR RIG BYED MA YIN PA DAG NYE BAR SKYE BA GANG YIN PA STE, 'DI DAG NI MI SPONG BA'I MTSAN NYID CAN ZHES BYA'O, ,'DI DAG JI LTAR YIN PA DE BZHIN DU SPONG BA'I MTSAN NYID CAN GYI RNAM PAR RIG BYED MA YIN PA DGE BA'I RANG BZHIN CAN GZHAN DAG KYANG YIN NO, ,'DI LTA STE, DENG NAS BZUNG STE SROG GCOD PA LA SOGS PA DAG SPONG NGO ZHES LUS DANG NGAG GI RNAM PAR RIG BYED YONGS SU RDZOGS PA'I DUS NAS BZUNG STE, DUS PHYIS MYOS PA LA SOGS PA'I GNAS SKABS SU YANG DGE BA BSAGS PA'I RANG BZHIN GYI RNAM PAR RIG BYED MA YIN PA DAG NYE BAR SKYE BA GANG YIN PA 'DI DAG NI SPONG BA'I MTSAN NYID CAN GYI RNAM PAR RIG BYED MA YIN PA ZHES BYA'O, ,GZUGS DANG BYA BA'I RANG BZHIN YIN DU ZIN KYANG, RNAM PAR RIG BYED BZHIN DU GZHAN LA RNAM PAR RIG PAR MI BYED PAS NA RNAM PAR RIG BYED MA YIN PA DAG GO, ,DE BZHIN DU LONGS SPYOD LAS BYUNG BA SOD NAMS TE, DGE BA ZHES BYA BA'I DON TO, ,LONGS SPYOD LAS BYUNG BA 'DI LA YOD PAS NA LONGS SPYOD LAS BYUNG BA'O, ,LONGS SPYOD NI YONGS SU BTANG BA'I DNGOS PO DGE 'DUN LA SOGS PA RNAMS KYIS NYE BAR LONGS SPYOD BA'O, ,BYUNG BA NI RJES SU @103A *, ,BYUNG BA STE, SBYIN PA PO'I RGYUD LA SKYES PA'I DGE BA'I 'PHEL BAR 'GYUR RO ZHES BYA BA'I DON TO, ,BSOD NAMS MA YIN TSUL DE BZHIN TE, LONGS SPYOD LAS BYUNG ZHES BYA BA'I DON TO, ,JI LTAR GANG DU SROG CHAGS DAG GSOD PA'I LHA KHANG LA SOGS PA BRTZIGS PA LTA BU STE, JI LTA JI LTAR LHA KHANG DER SROG CHAGS DAG GSOD PA DE LTA DE LTAR LHA KHANG LA SOGS PA DER LONGS SPYAD PA LAS BYED PA PO RNAMS KYI RGYUD LA LONGS SPYAD PA LAS BYUNG BA'I BSOD NAMS MA YIN PA SKYE BAR 'GYUR RO, ,DE LTAR NA BSOD NAMS MA YIN PA YANG TSUL DE BZHIN DU 'GYUR RO, ,YID KYI LAS KYI MTSAN NYID CAN SEMS MNGON PAR 'DU BYED PA SEMS PA ZHES BYA BA DANG STE, MDOR BSDU NA LAS RNAM PA BDUN PO 'DI DAG TU 'GYUR RO, ,DGE BA DANG MI DGE BA'I NGAG DANG BSKYOD PA GNYIS DANG, DGE BA RNAM PAR RIG BYED MA YIN PA'I MTSAN NYID CAN DANG, MI DGE BA RNAM PAR RIG BYED MA YIN PA MTSAN NYID CAN DANG, LONGS SPYOD LAS BYUNG BA'I BSOD NAMS DANG, LONGS SPYOD LAS BYUNG BA'I BSOD NAMS MA YIN PA DANG, SEMS PA ZHES BYA BA STE, CHOS DE BDUN LAS SU MNGON PAR TE LAS NYID DU GSAL ZHING LAS KYI MTSAN NYID CAN DU 'DOD PA YIN NO, ,'DI LA KHA CIG RGOL BAR BYED DE, LAS RNAM PA MANG PO ZHIG BSHAD PA GANG YIN PA DE CI RNAM PAR SMIN PA'I DUS KYI BAR DU GNAS PA ZHIG GAM, 'ON TE SKYES MA THAG TU 'JIG PA'I PHYIR, MI GNAS PA ZHIG YIN GRANG, RE ZHIG ,GAL TE SMIN PA'I DUS BAR DU, ,GNAS NA LAS DE RTAG PAR 'GYUR, ,GAL TE 'GAGS NA 'GAGS GYUR PA, ,JI LTAR 'BRAS BU BSKYED PAR 'GYUR, ,GAL TE LAS 'DI SKYES NAS RNAM PAR SMIN PA'I DUS KYI BAR DU RANG GI NGO BOS GNAS SO ZHES BYA BAR RTOG NA NI, DE'I PHYIR DE LTAR NA DE DUS 'DI TZAM GYI BAR DU RTAG PA NYID DU 'GYUR TE, 'JIG PA DANG BRAL BA'I PHYIR RO, ,PHYIS 'JIG PAR 'GYUR BA'I PHYIR RTAG PA MA YIN NO ZHE NA, DE NI DE LTAR MA YIN TE, SNGAR 'JIG PA DANG BRAL BA NI NAM MKHA' LA SOGS PA LTAR PHYIS KYANG 'JIG PA DANG 'BREL BA MED PA'I PHYIR DANG, 'JIG PA DANG BRAL BA YANG 'DUS MA BYAS NYID DU THAL BAR 'GYUR BA'I PHYIR DANG, 'DUS MA BYAS RNAMS LA NI RNAM PAR SMIN PA MA MTHONG BA'I PHYIR DANG, RNAM PAR SMIN @103B PA MED PA NYID KYIS RTAG TU GNAS PAR 'GYUR BA'I PHYIR, LAS RNAMS RTAG PA NYID DU KHAS BLANGS PA KHO NAR 'GYUR RO, ,DE LTAR NA RE ZHIG RTAG PA NYID KYI SKYON DU 'GYUR RO, ,CI STE LAS RNAMS SKYES MA THAG TU 'JIG PA NYID DU KHAS LEN NO ZHE NA, DE LTA YIN NA NI, GAL TE 'GAGS NA 'GAGS GYUR PA, ,JI LTAR 'BRAS BU BSKYED PAR 'GYUR, ,LAS MED PAR GYUR PA NI YOD PA MA YIN PA'I PHYIR 'BRAS BU SKYED PAR MI 'GYUR RO ZHES BYA BAR BSAMS PA'O, ,'DI LA SDE PA GZHAN DAG KHA CIG LAN 'DEBS PAR BYED PA NI, ,RE ZHIG KHO BO CAG LA 'DU BYED RNAMS RTAG PA NYID KYI NYES BAR NI MI 'GYUR TE, SKYES MA THAG TU 'JIG PA'I PHYIR RO, ,GANG YANG, GAL TE 'GAGS NA 'GAGS GYUR PA, ,JI LTAR 'BRAS BU BSKYED PAR 'GYUR, ,ZHES SMRAS PA DE YANG LAN BRJOD PAR BYA STE, MYU GU LA SOGS RGYUN GANG NI, ,SA BON LAS NI MNGON PAR 'BYUNG, ,DE LAS 'BRAS BU SA BON NI, , MED NA DE YANG 'BYUNG MI 'GYUR, ,'DIR SA BON NI SKAD CIG MA NYID YIN DU ZIN KYANG, RGYUN MYU GU DANG SDONG BU DANG SBUBS 'CHAS PA DANG, LO MA LA SOGS PA'I MING CAN 'BYUNG BAR 'GYUR BA'I 'BRAS BU'I KHYAD PAR RANG DANG RIGS MTHUN PA BSKYED PA'I NUS PA DANG LDAN PA KHO NA'I RGYU'I DNGOS POR GYUR NAS 'GAGS PA YIN LA, GANG YANG MYU GU LA SOGS PA'I RGYUN SA BON LAS BYUNG BA DE LAS NI RGYU CHUNG DU YIN DU ZIN KYANG RIM GYIS LHAN CIG BYED PA'I RGYU MA TSANG BA MED PAS 'BRAS BU'I TSOGS RGYA CHEN PO SKYE BAR 'GYUR RO, ,SA BON NI MED NA STE, SA BON MI BDOG PAR 'GYUR NA NI MYU GU LA SOGS PA'I RGYUN DE YANG 'BYUNG BAR MI 'GYUR RO, ,DE'I PHYIR DE LTAR DE YOD NA YOD PA NYID DANG, DE MED NA MED PA NYID KYIS NA MYU GU LA SOGS PA'I RGYUN GYI 'BRAS BU NI SA BON GYI RGYU CAN NYID YIN PAR BSTAN PAR 'GYUR RO, ,DE'I PHYIR DE LTAR, GANG PHYIR SA BON LAS RGYUN DANG, ,RGYUN LAS 'BRAS BU 'BYUNG 'GYUR ZHIG , SA BON 'BRAS BU'I SNGON 'GRO BA, ,DE PHYIR CHAD MI RTAG MA YIN, ,GAL TE SA BON MYU GU LA SOGS PA'I RGYUN GYI RKYEN DU MA GYUR PAR ME LCE DANG ME MDAG LA SOGS PA 'GAL BA'I RKYEN NYE BAS 'GAGS PAR GYUR NA NI, , DE'I TSE DE'I 'BRAS BU'I RGYU NI 'BYUNG BAR MA MTHONG BAS CHAD PAR LTAR @104A *, ,PAR 'GYUR LA, YANG GAL TE SA BON MI 'GAG CING MYU GU LA SOGS PA'I RGYUN 'BYUNG BAR 'GYUR NA NI, DE'I TSE SA BON MI 'GAG PAR KHAS BLANGS PAS RTAG PAR LTA BAR 'GYUR NA, 'DI NI DE LTAR YANG MA YIN NO, ,DE'I PHYIR SA BON CHAD PA DANG RTAG PAR THAL BAR 'GYUR BA YOD PA MA YIN NO, ,JI LTAR SA BON LA TSUL 'DI SMRAS PA DE BZHIN DU, SEMS KYI RGYUN NI GANG YIN PA, ,SEMS LAS MNGON PAR 'BYUNG BAR 'GYUR, ,DE LAS 'BRAS BU SEMS LTA ZHIG ,MED NA DE YANG 'BYUNG MI 'GYUR, ,SEMS SEMS PA DGE BA'I KHYAD PAR DANG MTSUNGS PAR LDAN PA DE LAS NI DE'I RGYU CAN SEMS KYI RGYUN GANG YIN PA 'BYUNG LA, SEMS PA DGE BAS YONGS SU BSGOS PA'I SEMS KYI RGYUN DE LAS NI LHAN CIG BYED PA'I RGYU NYE BA MA TSANG BA MED PA NA 'BRAS BU YID DU 'ONG BA SKYE BAR 'GYUR RO, ,SEMS LTA ZHIG MED NA STE, SEMS MI BDOG NA RGYUN DE YANG 'BYUNG BAR MI 'GYUR RO, ,DE'I PHYIR DE LTAR NA, GANG PHYIR SEMS LAS RGYUN DANG NI, ,RGYU LAS 'BRAS BU 'BYUNG 'GYUR ZHING, ,LAS NI 'BRAS BU'I SNGON 'GRO BA, ,DE'I PHYIR CHAD MIN RTAG MA YIN, ,GAL TE SEMS DGE BA DE DGRA BCOM PA'I SEMS THA MA LTAR, SEMS KYI RGYUN RGYU DANG 'BRAS BU GCIG NAS GCIG TU BRGYUD PA'I RIM PA RGYUN MA CHAD PA 'BYUNG BAR 'GYUR BA'I RGYU'I DNGOS POR MA GYUR PA 'GAGS NA NI, DE'I PHYIR LAS DE RGYUN CHAD PAR 'GYUR LA, CI STE YANG MA 'ONGS PA'I RGYUN GYI RGYU'I DNGOS POR GYUR NAS RANG GI NGO BO LAS MI NYAMS PAR GYUR NA NI, DE'I TSE LAS RTAG PAR 'GYUR BA ZHIG NA, DE NI DE LTAR YANG MA YIN NO, , DE'I PHYIR LAS SKAD CIG MAR KHAS BLANGS SU ZIN KYANG CHAD PA DANG RTAG PAR LTA BAR THAL BA YOD PA MA YIN NO, ,DE'I PHYIR JI SKAD BSTAN PA'I LAS KYI RAB TU DBYE BA RNAM PAR BSHAD PA 'DIR DGE BA BCU'I LAS KYI LAM YANG BSHAD PA YIN LA, DKAR PO LAS KYI LAM BCU PO'O, ,DE DAG KYANG, CHOS SGRUB PA'I THABS YIN TE, CHOS KYI 'BRAS BU 'DI GZHAN DU 'DOD PA'I YON TAN RNAM LNGA'O, DGE BA'I LAS KYI LAM BCU PO DE DAG NI CHOS SGRUB PA'I THABS YIN TE 'GRUB PA'I RGYUR GYUR PA YIN NO ZHES BYA BA'I THA TSIG GO, 'DI DAG GANG GIS SGRUB PA'I THABS NYID DU 'JOG PAR 'GYUR BA'I CHOS @104B ZHES BYA BA DGE BA'I LAS KYI LAM LAS THA DAD PA 'DI GANG ZHIG YIN ZHE NA, BRJOD PAR BYA STE, CHOS KYI SGRA NI SEMS KYI KHYAD PAR 'GA' ZHIG KHO NA BRJOD PA YIN TE, BDAG NYID LEGS PAR SDOM PA DANG, ,GZHAN LA PHAN 'DOGS BYAMS SEMS GANG, ,DE CHOS ZHES BRJOD PA'I PHYIR RO, ,RNAM PA GCIG TU NA DGE BA BCU'I LAS KYI LAM 'DI DAG YONGS SU MTHAR GTUGS PA'I NGO BO NI CHOS KYI SGRA'I BRJOD BYA YIN LA, BYED BZHIN PA'I NGO BO NI DGE BA'I LAS KYI LAM GYI SGRA'I BRJOD BYAR 'GYUR RO, ,DGE BA BCU'I LAS KYI LAM 'DI DAG NI BSHAD ZIN PA'I MTSAN NYID CAN DE 'GRUB PAR BYA BA LA RGYU NYID DU RNAM PAR GZHAG GO, ,YANG LAS KYI RNAM PAR DBYE BA'I SKABS THAL ZIN PA DER DGE BA BCU'I LAS KYI LAM DU JI LTAR 'GYUR ZHE NA, BRJOD PAR BYA STE, LUS KYI GSUM DANG, NGAG GI BZHI NI, NGAG DANG BSKYOD DANG MI SPONG PA'I, ,RNAM RIG BYED MIN ZHES BYA GANG, ,ZHES BYA BA LA SOGS PAS BSHAD PA YIN LA, YID KYI GSUM PO BRNAB SEMS MED PA DANG, GNOD SEMS MED PA DANG, YANG DAG PAR LTA BA ZHES BYA BA NI, SEMS PA DANG NI ZHES BYA BA DES RNAM PAR BSHAD PA YIN NO, ,DE LTAR NA DER DGE BA'I LAS KYI LAM DE DAG BCU CAR YANG RNAM PAR BSHAD PA YIN LA, DE DAG KYANG JI SKAD BSHAD PA'I CHOS 'GRUB PA'I RGYU 'GYUR RO, ,CHOS DE'I 'BRAS BU NI GZUGS DANG SGRA DANG DRI DANG RO DANG REG BYA'I MTSAN NYID CAN 'DOD PA'I YON TAN LNGA NYE BAR LONGS SPYOD PA'O, ,'DI ZHES BYA BA NI 'JIG RTEN 'DI ZHES BYA BA'I DON TO, ,GZHAN DU ZHES BYA BA NI MA MTHONG BAR TE 'JIG RTEN PHA ROL DU ZHES BYA BA'I THA TSIG GO, ,DE LTAR RE ZHIG KHA CIG GIS BRTZAD PA'I LAN BTAB PA YIN DANG, GZHAN DAG GIS DE LA SKYON BRJOD NAS, BRTZAD PA'I LAN GZHAN GDAB PA'I PHYIR SMRA PA, GAL TE BRTAG PA DER 'GYUR NA, ,NYES PA CHEN PO MANG POR 'GYUR, ,DE LTA BAS NA BRTAG PA STE, , 'DIR NI 'THAD PA MA YIN NO, ,GAL TE SA BON DANG MYU GU DANG CHOS MTHUN PA'I SGO NAS SEMS KYI RGYUN LA CHAD PA DANG RTAG PA'I SKYON DU THAL BA SPONG PAR 'GYUR NA NI DE'I TSE GZHAN GYI PHYOGS LA NYES PA CHEN PO STE MTHONG BA DANG MA MTHONG BA DANG 'GAL BA DANG, GRANGS MANG BA NYID KYIS MANG POR 'GYUR RO, @105A *, ,JI LTAR ZHE NA, GAL TE SA BON GYI RGYUN GYI DPES YIN NA NI S'A LU'I SA BON LAS NI S'A LU'I MYU GU LA SOGS PA'I RGYUN KHO NA 'BYUNG BAR 'GYUR GYI, RIGS MI MTHUN PA MA YIN LA S'A LU'I MYU GU LA SOGS PA'I RGYUN LAS KYANG S'A LU'I 'BRAS BU KHO NA SKYE'I, ,RIGS THA DAD PA'I PHYIR NIM PA'I 'BRAS BU MA YIN PA DE BZHIN DU, 'DIR YANG RIGS PA MTSUNGS PA'I PHYIR DGE BA'I SEMS LAS DGE BA'I SEMS KYI RGYUN KHO NAR 'GYUR GYI, RIGS MI MTHUN PA'I PHYIR MI DGE BA DANG LUNG DU MA BSTAN PA'I RGYUN NI MA YIN NO, ,DE BZHIN DU MI DGE BA DANG LUNG DU MA BSTAN PA'I SEMS YAS KYANG MI DGE BA DANG LUNG DU MA BSTAN PA'I SEMS KYI RGYUN KHO NAR 'GYUR TE, RIGS THA DAD PA'I PHYIR GZHAN MA YIN NO, ,'DOD PA DANG GZUGS DANG GZUGS MED PA NA SPYOD PA DANG, ZAG PA MED PA'I SEMS RNAMS LAS KYANG 'DRA BA'I SEMS 'DOD PA DANG, GZUGS DANG, GZUGS MED PA PA NA SPYOD PA DANG, ZAG PA MED PA'I SEMS RNAMS KHO NA 'BYUNG BAR 'GYUR GYI, RIGS MI MTHUN PA RNAMS NI MA YIN NO, ,MI'I SEMS LAS KYANG MI'I SEMS KHO NAR 'GYUR GYI, GZHAN LHA DANG DMYAL BA DANG YI DAGS DANG DUD 'GRO LA SOGS PA'I SEMS NI MA YIN NO, ,DE'I PHYIR GANG ZHIG LHA YIN PA DE NI LHA KHO NAR 'GYUR LA, GANG ZHIG MI YIN PA DE NI MI KHO NAR 'GYUR RO ZHES BYA BA LA SOGS PA GSUNGS SO, ,DE'I PHYIR LHA DANG MI MI DGE BA BYED PA RNAMS KYI 'GRO BA DANG SKYE GNAS DANG RIGS DANG BLO DANG DBANG PO DANG STOBS DANG GZUGS DANG LONGS SPYOD LA SOGS PA THA DAD PA DANG, NGAN 'GRO LTUNG BA YANG YOD PAR MI 'GYUR BA ZHIG NA, 'DI DAG THAMS CAD NI 'DOD PA YANG MA YIN NO, ,GANG GI PHYIR DE LTAR SA BON GYI RGYUN DANG CHOS MTHUN PAR RTOG NA NYES PA CHEN PO DANG MANG POR THAL BAR 'GYUR BA DE'I PHYIR BRTAG PA DE 'DIR YANG 'THAD PA MA YIN NO, ,SANGS RGYAS RNAMS DANG RANG RGYAL DANG, ,NYAN THOS RNAMS KYIS GANG GSUNGS PA'I, ,BRTAG PA GANG ZHIG 'DIR 'THAD PA, ,DE NI RAB TU BRJOD PAR BYED, ,BRTAG PA DE YANG GANG ZHIG YIN ZHE NA, ,SMRAS PA, ,DPANG RGYA JI LTA DE BZHIN CHUD, ,MI ZA LAS NI BU LON BZHIN, ,DE NI KHAMS LAS RNAM PA BZHI, ,DE YANG @105B RANG BZHIN LUNG MA BSTAN, ,'DIR DGE BA'I LAS BYAS PAR GYUR PA NI SKYES MA THAG TU 'GAGS PA YIN LA, DE 'GAGS PAS 'BRAS BU MED PAR THAL BAR 'GYUR BA YANG MA YIN TE, GANG GI PHYIR LAS DE GANG GI TSE SKYE BA DE NYID KYI TSE BYED PA PO'I RGYUD LA LAS DE'I CHUD MI ZA BA ZHES BYA BA LDAN PA MA YIN PA'I CHOS BU LON GYI DPANG RGYA 'DRA BA ZHIG SKYE BAR 'GYUR RO, ,DE'I PHYIR DE LTAR NA DPANG RGYA JI LTA BA DE BZHIN DU CHUD MI ZA BAR RIG PAR BYA LA, GANG LA CHUD MI ZA BA ZHES BYA BA'I CHOS DE BSKYED BA'I LAS DE NI BU LON BZHIN RIG PAR BYA'O, ,JI LTAR BU LON GYI DPANG RGYA BZHAG NAS NOR SPYAD KYANG NOR BDAG GI NOR CHUD ZA BAR MI 'GYUR BAR DUS GZHAN GYI TSE SKYED DANG BCAS PA'I NOR GYI PHUNG PO DANG 'BREL PA NYID DU 'GYUR BA DE BZHIN DU LAS ZHIG TU ZIN KYANG CHUD MI ZA BA ZHES BYA BA'I CHOS GZHAN GNAS PAS BYED PA PO DE'I RGYU CAN GYI 'BRAS BU DANG MNGON PAR 'BREL BA NYID DU 'GYUR RO, ,YANG JI LTAR BU LON GYI DPANG RGYAS GTONG BA PO LA NOR BKUG NAS ROR GYUR PA NI YOD DAM MED KYANG RUNG STE YANG NOR 'GUGS PAR MI NUS PA DE BZHIN DU CHUD MI ZA BA YANG RNAM PAR SMIN PA PHYUNG NAS YOD DAM MED KYANG RUNG STE DPANG RGYA ROR GYUR PA LTAR YANG BYED PA PO RNAM PAR SMIN PA DANG 'BREL PAR BYED MI NUS SO, , YANG MDO GZHAN LAS GSUNGS SHING KHO BO CAG GIS SMRAS PA'I CHUD MI ZA BA GANG YIN PA, DE NI KHAMS LAS RNAM PA BZHI STE, 'DOD PA DANG GZUGS DANG GZUGS MED PA NA SPYOD PA DANG, ZAG PA MED PA'I DBYE BA LAS SO, ,DE YANG RANG BZHIN LUNG MA BSTAN, ,CHUD MI ZA BA NI DGE BA DANG MI DGE BA NYID TU BRDA MI SPROD PA'I PHYIR LUNG DU MA BSTAN PA KHO NA YIN NO, ,GAL TE MI DGE BA'I LAS RNAMS KYI DE MI DGE BA ZHIG YIN NA NI DE'I TSE 'DOD PA'I 'DOD CHAGS DANG BRAL BA RNAMS LA MED PAR 'GYUR RO, ,GAL TE DGE BA RNAMS KYI DGE BA ZHIG YIN NA NI DGE BA'I RTZA BA CHAD PA RNAMS LA DE MED PAR 'GYUR RO, ,DE'I PHYIR DE NI RANG BZHIN GYIS LUNG DU MA BSTAN PA NYID YIN NO, ,GZHAN YANG, SPONG BA SPANG BA MA YIN TE, ,BSGOMS PAS SPANG BA NYID KYANG MIN, ,CHUD MI ZA BA DE SPONG BAS SPANG BA NI MA YIN NO, ,'PHAGS PA YANG SO SO SKYE BA'I LAS DANG LDAN PAR 'GYUR DU 'ONG BAS MTHONG BA'I @106A *, ,LAM GYIS SO SO SKYE BA'I LAS DAG KHO NA SPONG GI ,CHUD MI ZA BA NI DE'I LAS SPANGS KYANG MTHONG BA'I LAM GYIS SPONG BA MA YIN TE, 'ON KYANG DE NI BSGOM PA'I LAM GYIS KYANG SPONG BAR 'GYUR RO, ,KYANG GI SGRAS NI KHAMS LAS YANG DAG PAR 'DAS PAS KYANG SPANG BAR BYA BA YIN NO ZHES RNAM PAR RTOG PA'I DON TO, ,GANG GI PHYIR DE LTAR LAS 'JIG KYANG CHUD MI ZA BA MI 'JIG LA, LAS SPANGS KYANG SPANG BAR BYA BA MA YIN PA, DE PHYIR CHUD MI ZA BA YIS, ,LAS KYI 'BRAS BU BSKYOD PAR 'GYUR, ,YANG GAL TE CHUD MI ZA BA 'DI LAS SPONG BAS TE 'DOR BAS SPONG BAR 'GYUR LA; LAS 'PHO BA STE LAS 'JIG CING LAS GZHAN MNGON DU PHYOGS PA'I NGO BOS 'JIG PAR 'GYUR NA NYES PA CI YOD CE NA, BRJOD PA, GAL TE SPONG BAS SPANG PA DANG, ,LAS 'PHO BA YIS 'JIG 'GYUR NA, ,DE LA LAS 'JIG LA SOGS PA'I, ,SKYON RNAMS SU NI THAL BAR 'GYUR, ,GAL TE SO SO SKYE BO'I LAS BZHIN DU MTHONG PA'I LAM GYIS CHUD MI ZA BA SPONG NA NI, DE'I TSE LAS 'JIG PA KHO NAR 'GYUR LA, LAS 'JIG PA'I PHYIR 'PHAGS PA RNAMS KYI LAS KYI 'BRAS BU RNAM PAR SMIN PA YID DU 'ONG BA DANG MI 'ONG BA SNGON GYI LAS KYI RGYU CAN DU YANG MI 'GYUR RO, ,MA BYAS PA'I LAS LAS 'BRAS BU 'BYUNG BAR YANG 'GYUR RO, ,LAS DANG 'BRAS BU MED PAR LTA BA'I PHYIR LOG PAR LTA BAR YANG 'GYUR RO, ,DE LTAR CHUD MI ZA BAS SPONG BAS SPANG BAR BYA BA NYID DU KHAS LEN NA LAS 'JIG PA LA SOGS PA'I SKYON RNAMS SU THAL BAR 'GYUR RO, ,DE BZHIN DU LAS 'PHO BA LA YANG SBYAR BAR BYA'O, ,KHAMS MTSUNGS LAS NI CHA MTSUNGS DANG, ,CHA MI MTSUNGS BA THAMS CAD KYI, ,DE NI NYING MTSAMS SBYOR BA'I TSE, ,GCIG PU LON SKYE BAR 'GYUR, ,CHA MTSUNGS PA NI LAS RIGS 'DRA BA RNAMS SO, ,CHA MI MTSUNGS PA NI LAS RIGS THA DAD PA RNAMS SO; ;LAS CHA MTSUNGS PA DANG, CHA MI MTSUNGS PA DE RNAMS THAMS CAD KYI CHUD MI ZA BA NI 'DOD PA DANG, GZUGS DANG, GZUGS MED PA'I KHAMS DAG TU NYING MTSAMS SBYOR BA'I TSE LAS THAMS CAD PA SHIG NAS GCIG KHO NA SKYE BAR 'GYUR RO, , @106B DE YANG KHAMS MTSUNGS TE, KHAMS MNYAM PA RNAMS KYI DE KHO NA SKYE BAR 'GYUR GYI, MI MTSUNGS PA RNAMS KYI NI MI 'GYUR RO, ,MTHONG BA'I CHOS LA RNAM GNYIS PO, ,THAMS CAD LAS DANG LAS KYI DE, ,THA DAD PAR NI SKYE 'GYUR ZHING, ,RNAM PAR SMIN KYANG GNAS PA YIN, , CHUD MI ZA BA ZHES BYA BA'I CHOS DE NI MTHONG BA'I CHOS LA STE TSE 'DI LA ZAG PA DANG BCAS PA DANG ZAG PA MED PA'I DBYE BAS RNAM PA GNYIS TE, TSUL GNYIS PO THAMS CAD KYI STE SEMS PA DANG BSAMS PA'I LAS KYI RANG BZHIN CAN GYI LAS DANG LAS KYI CHUD MI ZA BA RE RE SKYE BAR 'GYUR RO, ,CHUD MI ZA BA DE NI RNAM PAR SMIN KYANG STE RNAM PAR SMIN PA NA GDON MI ZA BAR 'GAG PA MA YIN LA, YOD DU ZIN KYANG DPANG RGYA ROR GYUR PHA LTAR YANG 'BRAS BU 'BYIN PAR NI BYED MI NUS SO, ,DE NI 'BRAS BU 'PHO BA DANG, ,SHI BAR GYUR NA 'GAG PAR 'GYUR, ,DE YI RNAM DBYE ZAG MED DANG, ,ZAG DANG BCAS PAR SHES PAR BYA, ,DE LA 'BRAS BU 'PHO BA NA 'GAG PA NI JI SKAD DU, BSGOMS PAS SPANG BA NYID KYANG YIN, ,ZHES BSHAD PA LTA BU'O, ,SHI BAR GYUR PA NA, 'GAG PA NI JI SKAD DU, DE NI NYING MTSAMS SBYOR BA'I TSE, ,GCIG PU KHO NA SKYE BAR 'GYUR, ,ZHES BSNYAD PA LTA BU'O, ,DE YANG ZAG PA DANG BCAS PA RNAMS KYI NI ZAG PA DANG BCAS PA YIN LA, ZAG PA MED PA RNAMS KYI NI ZAG PA MED PA YIN TE, DE LTAR DE'I RNAM PAR DBYE BA SHES PAR BYA'O, ,DE'I PHYIR DA LTAR NA, STONG PA NYID DANG CHAD MED DANG, ,'KHOR BA DANG NI RTAG PA MIN, ,LAS RNAMS CHUD MI ZA BA'I CHOS, ,SANGS RGYAS KYIS NI BSTAN PA YIN, ,GANG GI PHYIR LAS NI BYAS NAS 'GAG GI RANG BZHIN GYIS GNAS PA MA YIN LA, LAS RANG BZHIN GYIS GNAS PA MA YIN PA DE'I PHYIR, STONG PA NYID DU THAL BA YIN NO, ,DE LTAR LAS MI GNAS PAS CHAD PAR LTA BAR THAL BAR 'GYUR BA YANG MA YIN TE, CHUD MI ZA BA YONGS SU BZUNG BAS LAS KYI 'BRAS BU YOD PA'I PHYIR TE, RNAM PAR SMIN PA MED NA NI LAS CHAD PAR LTA BAR 'GYUR BA ZHIG GO, ,CHUD MI ZA BA'I TSOS YOD PA'I PHYIR DANG, SA BON GYI RGYUN DANG CHOS MTHUN PA'I RTAG PA MED PA'I PHYIR 'GRO BA DANG RIGS DANG SKYE GNAS DANG, KHAMS SNA TSOGS PA'I DBYE BAS @107A *, ,PHYE BA, 'GRO LNGA'I 'KHOR BA BKRA BA YANG GRUB PA YIN NO, ,GANG GI PHYIR LAS RANG GI NGO BOS MI GNAS PAR KHAS BLANGS PAS RTAG PAR SMRA BAR THAL BA YANG MA YIN LA, CHUD MI ZA BA YOD PA'I PHYIR LAS RNAMS KYANG CHUD MI ZA BA ZHES BYA BA DE LTA BU'I CHOS 'DI MA RIG PA NYID MA LUS PA DANG BRAL BAS SAD PAR GYUR PA, SANGS RGYAS BCOM LDAN 'DAS KYIS BSTAN PA DE'I PHYIR SNGAR GZHAN GYIS, GAL TE SMIN PA'I DUS BAR DU, ,GNAS NA LAS DE RTAG PAR 'GYUR, ,GAL TE 'GAGS NA 'GAGS GYUR PA, ,JI LTAR 'BRAS BU BSKYED PAR 'GYUR, ,ZHES GANG SMRAS PA DE KHO BO CAG GI PHYOGS LA MI 'THAD DO, ,DE'I PHYIR KHO BO CAG GIS BRJOD PA'I BRTAG PA KHO NA RIGS SO ZHE'O, ,'DI LA BSHAD PAR BYA STE, GANG DAG LAS NYID KYANG MI 'THAD PA DE'I PHYIR 'BRAS BU'I RGYU CAN GYI RTZOD PA BYED PA KHYED CAG CI'I PHYIR DRI ZA'I GRONG KHYER GYI RAB 'GYEL GYIS DOGS PAS CHES YID BYUNG BAR GYUR ZHING DE SRUNG BA'I NGAL BAS TSEGS SU 'GYUR, 'DI LTAR GAL TE LAS RANG GI NGO BOS SKYE BAR 'GYUR NA NI, DE RNAM PAR MA SMIN GYI BAR DU GNAS PAR RTAG PA NYID DU 'GYUR LA, 'JIG PAS CHAD PAR 'GYUR BA ZHIG NA, GANG GI TSE RANG BZHIN GYIS STONG PAS LAS SKYE BA MED PA DE'I TSE NA GANG LAS DPYAD PA 'DIR 'GYUR BA DE LA GNAS PA DANG 'JIG PA YOD PAR GA LA 'GYUR, ,'DIR, GANG PHYIR LAS NI SKYE BA MED, ,CES SMRAS PA, SLOB DPON GYIS, 'DI LTAR RANG BZHIN MED DE'I PHYIR, ,ZHES GSUNGS TE, GANG GI PHYIR LAS RANG BZHIN MED PA DE'I PHYIR SKYE BA MED DO, ,GAL TE DE LTAR LAS RANG BZHIN MED PAS MI SKYE NA, JI LTAR BCOM LDAN 'DAS KYIS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES DE SKAD DU GSUNGS SHE NA, BRJOD PA, BCOM LDAN 'DAS KYIS DGONGS PA NI, GANG PHYIR DE NI MA SKYES PA, ,DE PHYIR CHUD ZAR MI 'GYUR RO, ,ZHES BYA BA DE LTAR YIN TE, DE'I PHYIR TSUL 'DIS NI KHO BO CAG LA GNOD PAR BYED PA MA YIN NO, ,LAS RANG BZHIN MED DO ZHES BYA BA DE NI DE LTAR YIN PAR GDON MI ZA BAR SHES PAR BYA STE, GZHAN DU NA, GAL TE LAS LA RANG BZHIN YOD, ,RTAG @107B PAR 'GYUR BAR THE TSOM MED, ,LAS NI BYAS PA MA YIN 'GYUR, ,RTAG LA BYA BA MED PHYIR RO, ,GAL TE RANG BZHIN GYIS LAS YOD PAR GYUR NA NI THE TSOM MED PAR DE RTAG PAR 'GYUR TE, RANG BZHIN LA GZHAN DU 'GYUR BA MED PA'I PHYIR RO, ,DE'I PHYIR LAS NI BYAS PA MA YIN PA NYID DU 'GYUR RO, ,CI'I PHYIR ZHE NA, GANG GI PHYIR RTAG LA BYA BA MED PHYIR RO, ,RTAG PA ZHES BYA BA NI GANG ZHIG YOD PA YIN LA, GANG YOD PA DE NI BYA BA MI 'THAD PAS RGYU LA MI LTOS SO, ,DE'I PHYIR DGE BA DANG MI DGE BA'I LAS MA BYAS PAR 'JIG RTEN LA RNAM PAR SMIN PAR 'GYUR RO, ,DE'I PHYIR, CI STE LAS NI MA BYAS NA, ,MA BYAS PA DANG PHRAD 'JIG 'GYUR, ,TSANGS SPYOD GNAS PA MA YIN PA'ANG, ,DE LA SKYON DU THAL BAR 'GYUR, ,GAL TE LAS BYAS PA MA YIN PAR GYUR NA NI DE'I TSE MA BYAS PA DANG PHRAD PA'I 'JIG PAR 'GYUR TE, GANG GI SROG GCOD PA'I LAS MA BYAS PA DE LA YANG LAS DE MA BYAS KYANG YOD PAS 'DI DE DANG 'BREL BA'I PHYIR, MA BYAS PA DANG PHRAD PA'I 'JIG PAR 'GYUR RO, ,TSANGS PAR SPYOD PA LA GNAS PA MA YIN PA YANG PHYOGS DE LA 'GYUR RO, ,CI'I PHYIR ZHE NA, TSANGS PAR SPYOD PA LA GNAS PA YONGS SU DAG PA RNAMS LA YANG MI TSANGS PAR SPYOD PA MA BYAS PAR YOD PAS THAMS CAD TSANGS PAR SPYOD PA MA YIN PA LA GNAS PA'I PHYIR 'GA' YANG MYA NGAN LAS 'DA' BAR MI 'GYUR RO, ,GZHAN YANG THA SNYAD THAMS CAD NYID DANG YANG, ,'GAL BAR 'GYUR BA THE TSOM MED, ,BSOD NAMS DANG NI SDIG BYED PA'I, ,RNAM PAR DBYE BA'ANG 'THAD MI 'GYUR, ,GANG DAG ZHING RMO BA DANG TSONG DANG BA LANG 'TSO BA LA SOGS PA'I BYA BA 'BRAS BU'I DON DU RTZOM PA DE DAG THAMS CAD KYIS MA BYAS BZHIN DU YOD PA'I PHYIR DON MED PAR 'GYUR LA, BUM PA GYIS SHIG SNAM BU THOGS SHIG BYA BA DE LTA BU LA SOGS PA'I 'JIG RTEN PA'I THA SNYAD THAMS CAD DANG YANG 'GAL BAR 'GYUR TE, BUM PA LA SOGS PA THAMS CAD YOD PA NYID KYI PHYIR RO, ,'DI NI BSOD NAMS BYED PA'O, ,'DI NI SDIG PA BYED PA'O ZHES BYA BA'I RNAM PAR DBYE BAR YANG 'GYUR RO, ,BSOD NAMS DANG SDIG PA BYED PA GNYIS PO RE RE LA YANG MA BYAS KYANG BSOD NAMS DAG YOD PA'I PHYIR RO, ,GZHAN YANG, DE NI RNAM SMIN SMIN GYUR PA, ,YANG DANG YANG DU RNAM SMIN 'GYUR, ,GAL TE @108A *, ,RANG BZHIN YOD NA NI, ,GANG PHYIR LAS GNAS DE YI PHYIR, ,LAS RNAM PAR SMIN PA RNAM PAR SMIN ZIN PAS KYANG YANG DANG YANG DU RNAM PAR SMIN PA 'BYIN PAR 'GYUR TE, RNAM PAR SMIN PA SMIN PAR MA GYUR BA'I GNAS SKABS LTAR RANG GI NGO BO LAS MA NYAMS PA'I PHYIR RO, ,DE'I PHYIR DE LTAR GAL TE LAS RANG BZHIN YOD DO SNYAM DU SEMS NA NI RANG BZHIN DANG BCAS PA NYID YIN DANG, GANG GI PHYIR LAS RNAM PAR GNAS PA YOD PA DE'I PHYIR THE TSOM MED PAR JI SKAD BSHAD PA'I NYES PA DAG TU 'GYUR RO, ,DE'I PHYIR LAS RANG BZHIN MED PA YIN NO, ,GANG GI PHYIR LAS RANG BZHIN MED PA DE'I TSE KHO BO CAG DE SKAD DU RNAM PAR 'CHAD BDAG LA RTAG PA DANG, CHAD PAR LTA BAR THAL BA'I SKYON DU MI 'GYUR RO, ,'DIR SMRAS PA, LAS NI RANG BZHIN GYIS YOD PA NYID YIN TE DE'I RGYU YOD PA'I PHYIR RO, ,'DIR GANG YOD PA MA YIN PA DE LA NI RGYU MED DE, RUS SBAL GYI SPU'I GOS BZHIN NO, ,LAS KYI RGYU NYON MONGS PA RNAMS NI YOD PA YANG YIN TE, MA RIG PA'I RKYEN GYIS 'DU BYED RNAMS SO, ,LEN PA'I RKYEN GYIS SRID PA'O ZHES 'BYUNG BA'I PHYIR RO, ,DE'I PHYIR LAS YOD PA NYID YIN NO, ,BRJOD PAR BYA STE, 'DI NI MI RIGS SO, ,CI'I PHYIR ZHE NA GANG GI PHYIR, LAS 'DI NYON MONGS BA DAG NYID LA, ,NYON MONGS DE DAG YANG DAG MIN, , GAL TE NYON MONGS YANG DAG MIN, ,LAS NI YANG DAG JI LTAR YIN, ,'DIR LAS 'DI NYON MONGS PA'I BDAG NYID STE NYON MONGS PA'I RGYU CAN YIN LA NYON MONGS PA DE DAG KYANG YANG DAG PAR YOD PA MA YIN TE, GANG DAG SDUG DANG MI SDUG DANG, PHYIN CI LOG LA RTEN 'BYUNG BA, ,DE DAG RANG BZHIN LAS MED DE, ,DE PHYIR NYON MONGS YANG DAG MED, ,CES 'CHAD PAR 'GYUR BA'I PHYIR RO, ,DE'I PHYIR DE LTAR NYON MONGS PA DE DAG YANG DAG PA MA YIN NA, DE'I TSE DE DAG GI RGYU CAN LAS GANG YIN PA DE DAG YANG DAG PAR JI LTAR 'GYUR, ,DE'I PHYIR LAS RANG BZHIN GYIS YOD PA MA YIN NO, ,'DIR SMRAS PA, LAS DANG NYON MONGS PA DAG NI YOD PA NYID DE, DE'I 'BRAS BU YOD PA'I PHYIR RO, ,'DIR LAS DANG NYON MONGS PA DAG GI 'BRAS BU LUS ZHES BYA BA DMIGS PA YIN LA, GANG GI 'BRAS BU DMIGS PA DE NI YOD PA YIN TE, YOD PA MA YIN PA NAM MKHA'I ME TOG LA SOGS PA'I 'BRAS BU NI MA @108B MTHONG BA'I PHYIR RO, ,BRJOD PAR BYA STE, GAL TE DE DAG GI 'BRAS BU LUS ZHES BYA BA YOD NA NI, LAS DANG NYON MONGS PA DAG KYANG YOD PAR 'GYUR NA, YOD PA NI MA YIN NO ZHES BSTAN PA'I PHYIR, LAS DANG NYON MONGS PA DAG NI, ,LAS RNAMS KYI NI RKYEN DU BSTAN, ,GAL TE LAS DANG NYON MONGS PA, , DE STONG LUS LA JI LTAR BRJOD, ,CES GSUNGS SO, ,JI LTAR LAS DANG NYON MONGS PA DAG STONG PA DE LTAR NI BSTAN ZIN TO, ,DE'I PHYIR GANG GI TSE LAS DANG NYON MONGS PA DAG NYID YOD PA MA YIN PA DE'I TSE DE DAG GI 'BRAS BU LUS RNAMS YOD PA MA YIN PA LA BRJOD PA CI ZHIG YOD PAR 'GYUR TE, GANG GI PHYIR DE DAG YOD PA MA YIN PA NYID DU SNGAR GRUB ZIN PA DE'I PHYIR 'DI LA BRJOD PAR BYA BA LHAG MA CUNG ZAD KYANG YOD PA MA YIN NO SNYAM DU DGONGS PA YIN NO, ,'DIR SMRAS PA, LAS NI RANG BZHIN GYIS YOD PA NYID YIN TE, DE'I 'BRAS BU ZA BA PO YOD PA'I PHYIR RO, ,GANG YOD PA MA YIN PA DE'I 'BRAS BU ZA BA PO NI YOD PA MA YIN TE, DPER NA, NAM MKHA'I AA MRA'I SHING THOG BZHIN NO, ,LAS KYI 'BRAS BU ZA BA PO NI YOD PA YIN TE, MA RIG BSGRIBS PA'I SKYE BO GANG, ,SRED LDAN DE NI ZA BA PO, ,DE YANG BYED LAS GZHAN MIN ZHING, DE NYID DE YANG MA YIN NO, ,DE LA MA RIG PA DANG MI SHES PA DANG, MUN PA DANG RMONGS PA ZHES BYA BA NI RNAM GRANGS DAG GO, ,MA RIG PAS BSGRIBS PA NI G-YOGS PA'O, ,'GRO BA LNGA'I 'KHOR BAR YANG DANG YANG DU SKYE BAS NA SKYE BA STE, SEMS CAN DANG, GANG ZAG DANG, SROG CHAGS ZHES BYA BA NI DE NYID KYI RNAM GRANGS DAG GO, ,SRED PA DANG 'DOD CHAGS DANG CHAGS PA DANG RNAM PAR CHAGS PA ZHES BYA BA'I SGRA NI RNAM GRANGS DAG GO, ,LDAN PA NI 'CHING BA'O, ,SRID PA'I 'CHING BA 'DI LA YOD PAS NA SRED LDAN TE, ,SRED PA'I 'CHING BA CAN ZHES BYA BA'I DON TO, ,JI SKAD DU MDO LAS, ,MA RIG BSGRIBS PA'I SEMS CAN DAG ,SRED PA'I KUN DU SBYOR BA CAN, ,ZHES GSUNGS SO, ,'ON KYANG SDIG PA'I LAS 'DI NI RANG GIS BYAS PA YIN LA, 'DI'I RNAM PAR SMIN PA NI RANG NYID KYIS SO SOR NYAMS SU MYONG BAR BYA BA YIN NO ZHES 'BYUNG BA LAS NA DE NI LAS KYI 'BRAS BU'I ZA BA PO'O, ,DE YANG BYED PA PO LAS GZHAN MA YIN LA, DE NYID DE YANG MA YIN TE DE @109A *, ,NYID DANG GZHAN DU BRJOD DU MED PA'I PHYIR RO, ,DE'I PHYIR 'BRAS BU ZA BA PO YOD PA'I PHYIR LAS YOD PA NYID DO ZHE NA, 'DI LA BRJOD PAR BYA STE, GAL TE LAS NYID YOD NA LAS KYI BYED PA PO DANG, 'BRAS BU ZA BA PO YANG YOD PAR 'GYUR NA, YOD PA NI MA YIN NO, ,JI LTAR ZHE NA, GANG GI PHYIR NI LAS 'DI NI, ,RKYEN LAS BYUNG BA MA YIN ZHING, ,RKYEN MIN LAS BYUNG YOD MIN PA, ,DE PHYIR BYED PA PO YANG MED, ,GAL TE LAS DANG BYED MED NA, ,LAS SKYES 'BRAS BU GA LA YOD, ,CI STE 'BRAS BU YOD MIN NA, ZA BA PO LTA GA LA YOD, ,GAL TE LAS ZHES BYA BA 'GA' ZHIG YOD NA NI, DE RKYEN LAS BYUNG BA'AM, RKYEN MA YIN PA LAS BYUNG BA ZHIG TU 'GYUR GRANG, RE ZHIG GAL TE RKYEN LAS BYUNG BAR 'DOD NA NI, DE NI MI RIGS TE, RKYEN BRTAG PAR BSHAD ZIN PA'I PHYIR RO, ,CI STE RKYEN MA YIN PA LAS BYUNG BA STE, RGYU MED PA YIN NA NI DE YANG, RGYU MED NA NI 'BRAS BU DANG, RGYU DANG ZHES BYA BA LA SOGS PAS BYED PA PO DANG LAS BRTAG PA LAS RGYAS PAR BSTAN ZIN TO, ,GANG GI PHYIR DE LTAR LAS 'DI RKYEN LAS BYUNG BA'AM, RKYEN MA YIN PA LAS BYUNG BA YOD PA MA YIN PA DE'I PHYIR, LAS 'DI'I BYED PA PO YANG YOD PA MA YIN NO, ,GANG GI TSE DE LTAR LAS DANG BYED PA PO YOD PA MA YIN PA DE'I TSE LAS LAS SKYES PA'I 'BRAS BU MED PA BA YOD PAR GA LA 'GYUR, 'BRAS BU YOD PA MA YIN NA 'BRAS BU ZA BA PO YOD PAR YANG LTA GA LA 'GYUR TE, 'DI DAG THAMS CAD NI RANG BZHIN GYIS YOD PA MA YIN PA KHO NA'O ZHES SHES PAR BYA'O, ,'DIR SMRAS PA, GAL TE DE LTAR KHYOD KYIS DNGOS PO RNAMS RANG BZHIN MED PAR RNAM PAR GZHAG NA, 'O NA NI GANG BCOM LDAN 'DAS KYIS RANG GIS BYAS PA'I LAS KYI RNAM PAR SMIN PA NI RANG NYID KYIS MYONG BAR 'GYUR BA YIN NO ZHES GSUNGS PA DE DAG THAMS CAD TSUL 'DIS BSAL BAR 'GYUR LA, LAS DANG 'BRAS BU LA SKUR BA BTAB PA'I PHYIR NA KHYOD MED PA PA GTZO BOR GYUR PA YIN NO, ,BRJOD PAR BYA STE, KHO BO CAG MED PA PA MA YIN TE, KHO BO CAG NI YOD PA DANG MED PA GNYIS SU SMRA BA BKAG NAS GNYIS MED PA'I LAM MYA NGAN LAS 'DAS PA'I GRONG KHYER DU 'GRO BA GSAL BAR BYED PA YIN NO, ,KHO BO CAG NI LAS DANG BYED PA PO DANG 'BRAS BU LA SOGS PA @109B MED DO ZHES SMRA BA YANG MA YIN TE, 'O NA CI ZHE NA, 'DI DAG RANG BZHIN MED DO ZHES RNAM PAR 'JOG PA YIN NO, ,CI STE RANG BZHIN MED PA RNAMS LA BYA BA BYED PA MI 'THAD PA'I PHYIR NYES PA PO NA 'DUG PA NYID DO SNYAM NA, DE YANG YOD PA MA YIN TE, RANG BZHIN DANG BCAS PA RNAMS KHO NA LA BYA BA MA MTHONG BA'I PHYIR DANG, RANG BZHIN MED PA RNAMS KHO NA LA BYA BA MTHONG BA'I PHYIR RO, ,'DI LTAR BUM PA LA SOGS PA RANG BZHIN MED PAR GYUR PA DAG KHO NA 'JIG RTEN NA RANG GI BYA BA BYED PAR DMIGS PA YIN NO, ,GZHAN YANG DON 'DI NI DPE CHES GSAL BA 'DI LAS NGES PAR BYA'O, ,JI LTAR STON PAS SPRUL PA NI, ,RDZU 'PHRUL PHUN TSOGS KYIS SPRUL ZHING, ,SPRUL PA DE YANG SPRUL PA NA, ,SLAR YANG GZHAN NI SPRUL PA LTAR, ,'DI LTA STE, DPER NA, STON PA SANGS RGYAS BCOM LDAN 'DAS KYIS RDZU 'PHRUL PHUN TSOGS TE, RDZU 'PHRUL GYI MTHUS SPRUL PA SPRUL LA, SPRUL PA DE YANG STE GANG SANGS RGYAS BCOM LDAN 'DAS KYIS SPRUL PA DE SLAR YANG STE PHYIS GZHAN TE SPRUL PA GZHAN PO SPRUL PA YIN NO, ,DE LA SPRUL PA GANG ZHIG SPRUL PA GZHAN SPRUL PA PO DE NI STONG ZHING RANG BZHIN MED DE, DE BZHIN GSHEGS PA'I RANG BZHIN DANG BRAL BA ZHES BYA BA'I DON TE, ,YANG GANG ZHIG SPRUL PAS SPRUL PA'I SPRUL PA GZHAN GANG YIN PA DE YANG STONG ZHING RANG BZHIN MED PA STE, DE BZHIN GSHEGS PA'I RANG BZHIN DANG BRAL BA ZHES BYA BA'I THA TSIG GO , ,JI LTAR DER RANG BZHIN MED PA RNAMS LA RANG BZHIN MED PA'I BYA BA BYED PA NYID DANG LAS DANG BYA BA BYED PA PO'I BRJOD PAR 'GYUR BA, DE BZHIN BYED PO DES LAS GANG, ,BYAS PA'ANG SPRUL PA'I RNAM PA BZHIN, ,DPER NA SPRUL PAS SPRUL GZHAN ZHIG ,SPRUL PA MDZAD PA DE BZHIN NO, ,'DIR LAS KYI BYED PA PO GANG YIN PA DE NI SPRUL PA'I RNAM PA BZHIN TE, RANG BZHIN GYIS STONG PA YIN LA, RANG BZHIN GYIS STONG PA'I BYED PA PO DES LAS GANG CUNG ZAD CIG BYED PA DE YANG RANG BZHIN GYIS STONG PA YIN TE, DPER NA, SPRUL PAS SPRUL PA GZHAN SPRUL PA DE BZHIN DU RIG PAR BYA'O, ,DE'I PHYIR DBU MA PA GNYIS SU MED PAR SMRA BA RNAMS LA LOG PAR LTA BA GA LA YOD, JI SKAD DU, GANG TSE BDE GSHEGS GTAM RNAMS STON PA NA, ,MGON PO SRANG BZHUD MI LA THUGS BRTZE'I PHYIR, ,RGYAL @110A *, ,BAS DER NI SPRUL PA RNAM SPRUL TE, ,DE DAG LA YANG SANGS RGYAS CHOS BZANG STON, ,SROG CHAGS BRGYA STONG DAG GIS DE THOS NAS, ,SANGS RGYAS YE SHES MCHOG LA SMON LAM 'DEBS, ,NAM BDAG 'DI 'DRA'I YE SHES THOB SNYAM STE, ,BSAM PA MKHYEN PAS RGYAL BAS DE LUNG STON, ,GANG GIS RGYAL BA MI DBANG SPYAN DRANGS PA, ,DE YI SBYIN PA MU MTHA' MED 'GYUR TE, ,RNYED MCHOG BSAM GYIS MI KHYAB DE RNYED CES, ,LA LA DAG NI DE LA MOS PA BSKYED, ,CES RGYAS PAR GSUNGS PA LTA BU'O, ,'DUL BA LAS KYANG, BCOM LDAN 'DAS KYIS SDIG PA CAN GYI DGE SLONG MI MTHUN PA ZHIG SPRUL LA, DE'I TSIG GIS TSUL KHRIMS DANG LDAN PA LA RNAM PAR DAG PAR KHAS 'CHES PA DANG 'GROGS PAR YANG BCAS SO ZHES 'DON TO, ,DE LA SPRUL PA'I DPES RANG BZHIN MED PAR LTA BA 'THAD PA'I NGO BO YIN PA 'BA' ZHIG TU MA ZAD KYI, GZHAN YANG DPE 'DI DAG GIS KYANG DNGOS PO RNAMS RANG BZHIN MED PAR GSAL BAR SHES PAR BYA'O ZHES BSTAN PA'I PHYIR, NYON MONGS LAS DANG LUS RNAMS DANG, ,BYED PA PO DANG 'BRAS BU DAG ,DRI ZA'I GRONG KHYER LTA BU DAG ,SMIG RGYU RMI LAM 'DRA BA YIN, ,ZHES GSUNGS SO, ,DE LA NYON MONGS PA NI 'DOD CHAGS LA SOGS PA DAG STE, SEMS CAN GYI SEMS KYI RGYUD DAG NYON MONGS PAR BYED PA'I PHYIR RO, ,LAS NI DGE BA DANG MI DGE BA DANG MI G-YO BA DAG GO , ,LUS NI KHOG PA DAG GO , ,BYED PA PO NI BDAG RNAMS SO, ,'BRAS BU NI RNAM PAR SMIN PA DANG BDAG PO DANG RGYU MTHUN PA RNAMS TE; NYON MONGS PA LA SOGS PA'I DON DE DAG NI DRI ZA'I GRONG KHYER GYI RNAM PA LA SOGS PA LTAR RANG BZHIN MED PAR RIG PAR BYA'O, ,DE'I PHYIR DNGOS PO RNAMS KYI RANG BZHIN KHAS MA BLANGS PAS DBU MA PA RNAMS KHO NA LA RTAG PA DANG CHAD PAR LTA BA GNYIS SU THAL BA MED PA YIN NO ZHES SHES PAR BYA'O, ,LAS DANG 'BRAS BU'I 'BREL PA RNAM PAR DPYOD PA DER BRTZAD PA NGAN PA LHAG MA'I BRGAL BA DANG LAN DAG NI RGYAS PAR DBU MA LA 'JUG PA LAS NGES PAR BYA'O, ,'DIR SPRUL PA'I DGE SLONG GNYIS KYIS DGE SLONG DMIGS PA BA LNGA BRGYA BTUL BA 'PHAGS PA DKON MCHOG BRTZEGS @110B PA'I MDO LAS GSUNGS PA MA TSANG BA MED PAR DPER BRJOD PAR BYA'O, ,SLOB DPON ZLA BA GRAGS PA'I ZHAL SNGA NAS KYIS SBYAR BA'I TSIG GSAL BA LAS, LAS DANG 'BRAS BU BRTAG PA ZHES BYA BA RAB TU BYED PA BCU BDUN PA'I 'GREL PA'O,, ,'DIR SMRAS PA, GAL TE NYON MONGS PA RNAMS DANG, LAS DAG DANG, LUS RNAMS DANG, BYED PA PO DAG DANG, 'BRAS BU RNAMS TE, 'DI DAG THAMS CAD DE KHO NA NYID MA YIN GYI, 'ON KYANG DRI ZA'I GRONG KHYER LA SOGS PA LTAR DE KHO NA NYID MA YIN BZHIN DU, BYIS PA RNAMS LA DE KHO NA NYID KYI RNAM PAR SNANG BA YIN NA, YANG 'DIR DE KHO NA NYID NI GANG ZHIG YIN LA, DE KHO NA NYID LA 'JUG PA YANG JI LTAR YIN, BRJOD PAR BYA STE, NANG DANG PHYI'I DNGOS PO MA DMIGS PAS NA, NANG DANG PHYI LA BDAG TU 'DZIN PA DANG BDAG GIR 'DZIN PA RNAM PA THAMS CAD DU ZAD PA 'DI NI 'DIR DE KHO NA NYID DO, ,DE KHO NA NYID LA 'JUG PA NI, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR ZHING, ,BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, ,CES BYA BA LA SOGS PAS RGYAS PAR DBU MA LA 'JUG PA LAS BTZAL BAR BYA'O, ,'DIR NI GNAS PA'I PHYOGS TZAM NYID BSHAD PAR BYA STE, 'DI NA RNAL 'BYOR PA DE KHO NA NYID LA 'JUG PAR 'DOD CING, NYON MONGS PA DANG SKYON MA LUS PA RAB TU SPONG BAR 'DOD PA NI, 'KHOR BA 'DI CI'I RTZA BA CAN YIN ZHES DE LTAR NYE BAR RTOG PAR BYED LA, DE DE LTAR NYE BAR RTOG PA NA, 'KHOR BA 'JIG TSOGS LA LTA BA'I RTZA BA CAN NYID DU MTHONG ZHING BDAG NI 'JIG TSOGS LA LTA BA DE'I DMIGS PA YIN PAR MTHONG LA BDAG MA DMIGS PAS 'JIG TSOGS LA LTA BA SPONG ZHING, DE SPANGS PAS NYON MONGS PA DANG SKYON MA LUS PA LDOG PAR MTHONG PAS, GANG ZHIG BDAG TU 'DZIN PA'I YUL BDAG CES BYA BA 'DI CI ZHIG CES CHES THOG MAR BDAG KHO NA LA NYE BAR RTOGS PAR BYA'O, ,BDAG TU 'DZIN PA'I YUL DE YANG BRTAGS PA NA PHUNG PO'I RANG BZHIN NAM, PHUNG PO LAS THA DAD PA ZHIG TU 'GYUR GRANG, DE LA RTEN DANG BRTEN PA DANG DE DANG LDAN PA'I PHYOGS RNAMS KYANG GCIG NYID DANG GZHAN NYID KYI PHYOGS KYI @111A *, ,KHONGS SU 'DUS PA'I PHYIR DANG, MDOR BSDUS NAS BRJOD PAR 'DOD PA'I PHYIR, GCIG NYID DANG GZHAN NYID KYI PHYOGS GNYIS BKAG PA NYID KYIS BDAG DGAG PAR BRTZAM PAR BZHED NA, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES BYA BA GSUNGS SO, ,YANG GZHAN DE BZHIN GSHEGS PA BRTAG PA DANG, ME DANG BUD SHING BRTAG PAR PHYOGS LNGA NYE BAR BKOD LA, 'DIR NI PHYOGS GNYIS NYID YIN PA CI'I PHYIR ZHE NA, BRJOD PAR BYA STE, GANG GI PHYIR, DE DAG TU PHYOGS LNGA BSTAN PA DE NYID KYI PHYIR, GZHAN DU BSTAN PAS YANG 'DIR MA BSTAN TE, MDOR BSDUS NAS PHYOGS GNYIS SHIG NYE BAR BKOD DE DE LA GAL TE PHUNG PO BDAG YIN NO ZHES RTOG NA NI DES NA SKYE DANG 'JIG PA CAN TE BDAG SKYE BA DANG 'JIG PA CAN DU 'GYUR TE PHUNG PO RNAMS SKYE BA DANG 'JIG PA LA BRTEN PA'I PHYIR RO, ,BDAG NI DE LTAR 'DOD PA YANG MA YIN TE NYES PA DU MAR THAL BAR 'GYUR BA'I PHYIR RO, ,'DI LTAR, MA BYUNG BA LAS BYUNG MIN TE, ,'DI LA SKYON DU THAL BAR 'GYUR, ,BDAG NI BYAS PAR 'GYUR BA DANG, ,'BYUNG BA RGYU MED CAN DU'ANG 'GYUR, ,ZHES BYA BA DANG, DE BZHIN DU, NYE BAR LEN NYID BDAG MA YIN, ,DE BYUNG BA DANG 'JIG PA YIN, ,NYE BAR BLANG BA JI LTA BUR, ,NYE BAR LEN PO YIN PAR 'GYUR, ,ZHES 'CHAD PAR 'GYUR RO, ,GZHAN YANG PHYOGS 'DI NI, ,GAL TE PHUNG PO BDAG NA DE PHYIR DE, ,MANG PAS BDAG DE DAG KYANG MANG POR 'GYUR, ,BDAG NI RDZAS SU 'GYUR ZHING DER LTA BA, ,RDZAS LA 'JUG PAS PHYIN CI LOG MI 'GYUR, ,MYA NGAN 'DAS TSE NGES PAR BDAG CHAD 'GYUR, ,MYA NGAN 'DAS SNGON SKAD CIG DAG LA NI, ,SKYE 'JIG BYED PO MED PAS 'BRAS MED NYID, ,GZHAN GYIS BSAGS LAS GZHAN GYIS ZA BAR 'GYUR, ,ZHES BYA BA LA SOGS PA DBU MA LA 'JUG PA LAS RGYAS PAR RNAM PAR DPYAD PA BYAS PA LAS KHONG DU CHUD PAR BYA STE, 'DIR NI SPROS PA RGYAS PAR MI BRTZAM MO, ,DE LTAR RE ZHIG PHUNG PO BDAG MA YIN NA, ,PHUNG PO LAS THA DAD PAR YANG MI RUNG NGO, ,GAL TE @111B PHUNG PO RNAMS LAS GZHAN PHUNG PO'I MTSAN NYID MED PAR 'GYUR, JI LTAR BA GLANG LAS GZHAN PA'I RTA BA GLANG GI MTSAN NYID CAN DU MI 'GYUR BA DE BZHIN DU, BDAG KYANG PHUNG PO LAS THA DAD PAR RTOG PA NA, PHUNG PO'I MTSAN NYID MED PAR 'GYUR RO, ,DE LA PHUNG PO DAG NI 'DUS BYAS YIN PA'I PHYIR, SKYE BA DANG GNAS PA DANG 'JIG PA'I MTSAN NYID CAN YIN NO, ,DE LA BDAG PHUNG PO'I MTSAN NYID CAN DU MA GYUR PAS SKYE BA DANG GNAS PA DANG 'JIG PA DANG LDAN PAR MI 'GYUR RO, ,GANG ZHIG DE LTA BU YIN PA DES NI YOD PA MA YIN PA'I PHYIR RAM 'DUS MA BYAS YIN PA'I PHYIR NAM MKHA'I ME TOG GAM MYA NGAN LAS 'DAS PA LTAR, BDAG TU BRJOD PA RNYED PAR MI 'GYUR LA, BDAG TU 'DZIN PA'I YUL DE NYID DU YANG MI RIGS SO, ,DE'I PHYIR BDAG PHUNG PO LAS GZHAN DU YANG RIGS PA MA YIN NO, ,RNAM PA GCIG TU NA 'DI NI DON GZHAN YIN NO, ,GAL TE BDAG PHUNG PO LAS THA DAD NA DE PHUNG PO MA YIN PA'I MTSAN NYID CAN DU 'GYUR TE, ,PHUNG PO LNGA NI GZUGS SU RUNG BA DANG, NYAMS SU MYONG BA DANG, MTSAN MAR 'DZIN PA DANG, MNGON PAR 'DU BYED PA DANG YUL SO SOR RNAM PAR RIG PA'I MTSAN NYID CAN YIN NA, BDAG NI GZUGS LAS RNAM PAR SHES PA BZHIN DU PHUNG PO DAG LAS THA DAD PAR 'DOD PA NA MTSAN NYID THA DAD PAR GRUB PAR 'GYUR LA, MTSAN NYID THA DAD PAR GRUB PA NI GZUGS LAS SEMS LTAR GZUNG BAR 'GYUR NA, 'DZIN PA YANG MA YIN NO, ,DE'I PHYIR PHUNG PO LAS THA DAD PA YANG YOD PA MA YIN NO, ,GAL TE MU STEGS PA DAG GIS BDAG PHUNG PO LAS THA DAD PAR RTOGS SHING, DE'I MTSAN NYID KYANG THA DAD PAR SMRA BA MA YIN NAM, DE'I PHYIR TSUL 'DI NI DE DAG LA GNOD PAR BYED PA MA YIN NO, ,JI LTAR MU STEGS PA DAG BDAG GI MTSAN NYID THA DAD PAR SMRA BA DE LTAR NI, ZA PO RTAG DNGOS BYED PO MIN PA'I BDAG ,YON TAN BYA MED MU STEGS RNAMS KYIS BRTAGS, , DE DBYE CUNG ZAD CUNG ZAD LA BRTEN NAS, ,MU STEGS CAN RNAMS LUGS NI THA DAD 'GYUR, ,ZHES DBU MA LA 'JUG PA LAS SMRAS PA YIN NO ZHE NA, BRJOD PAR BYA STE, MU STEGS PA DAG BDAG PHUNG PO LAS THA DAD PA DE'I MTSAN NYID SMRA BA BDEN MOD KYI, DE DAG BDAG RANG GI NGO BOS DMIGS NAS @112A *, ,DE'I MTSAN NYID SMRA BA NI MA YIN TE, 'O NA CI ZHE NA, BRTEN NAS BRTAGS PA'I DON JI LTA BA BZHIN MA RTOGS PAR SKRAG PAS BDAG MING TZAM ZHIG TU MA RTOGS SHING KUN RDZOB KYI BDEN PA LAS KYANG NYAMS TE, LOG PAR RTOG PA 'BA' ZHIG GI SGO NAS RJES SU DPAG PA LTAR SNANG BA TZAM GYIS BSLUS BAS BDAG YONGS SU RTOG PAR BYED LA, DE'I MTSAN NYID KYANG SMRA BAR BYED PA YIN TE, LAS DANG BYED PA PO BRTAG PA LA SOGS PA DAG TU BDAG DANG NYE BAR LEN PA GNYIS PHAN TSUN LTOS PA'I GRUB PA YIN PAR GSUNGS PA NA KUN RDZOB TU YANG DE DAG GI DGAG PA MDZAD PA NYID YIN NO, ,JI LTAR ME LONG BRTEN NAS SU, ,RANG BZHIN GZUGS BRNYAN SNANG MOD KYI, ,DE NI YANG DAG NYID DU NA, ,CUNG ZAD KYANG NI YOD MIN PA, ,DE BZHIN PHUNG PO RNAMS BRTEN NAS, ,NGAR 'DZIN PA NI DMIGS PAR 'GYUR, ,RANG GI BZHIN GYI GZUGS BRNYAN BZHIN, ,YANG DAG TU NA DE 'GA' 'ANG MED, ,JI LTAR ME LONG MA BRTEN PAR, ,RANG BZHIN GZUGS BRNYAN MI SNANG LTAR, ,PHUNG PO RNAMS LA MA BRTEN PAR, ,NGAR 'DZIN PA LANG DE DANG 'DRA, ,ZHES GSUNGS SO, ,DE'I PHYIR DE BSTAN PA'I PHYIR YANG 'BAD PA MI BRTZAM MO, ,BRTEN NAS BTAGS PA MA RIG PA'I PHYIN CI LOG DANG LDAN PA RNAMS BDAG TU MNGON PAR ZHEN PA'I GZHIR GYUR PA NI, PHUNG PO LNGA PO 'DI GANG GI NYE BAR LEN PA NYID DU SNANG BA 'DI CI PHUNG PO'I MTSAN NYID YOD PA ZHIG GAM, 'ON TE PHUNG PO'I MTSAN NYID MED PA ZHIG CES THAR PA 'DOD PA RNAMS KYIS RNAM PAR DPYOD PA YIN NO, ,RNAM PA THAMS CAD DU DPYAD PA NA THAR PA 'DOD PA RNAMS KYIS MA DMIGS PA DE'I PHYIR DE RNAMS LA, BDAG NYID YOD PA MA YIN NA, ,BDAG GI YOD PAR GA LA 'GYUR, ,BDAG MA DMIGS PA'I PHYIR BDAG TU GDAGS PA'I RGYU PHUNG PO LNGA PO DNGOS PO BDAG GI BA YANG SHIN TU CHES DMIGS PAR MI 'GYUR RO, , JI LTAR SHING RTA TSIG NA DE'I YAN LAG KYANG TSIG PAS MI DMIGS PA DE BZHIN DU RNAL 'BYOR BA DAG GIS GANG GI TSE BDAG GI BDAG MED PAR RTOGS PA DE NYID KYI TSE PHUNG PO'I DNGOS PO BDAG GI BA YANG BDAG MED PAR NGES PAR RTOGS PAR 'GYUR RO, ,JI SKAD DU, NGAR 'DZIN LAS BYUNG PHUNG PO RNAMS, @112B NGAR 'DZIN DE NI DON DU BRDZUN, ,GANG GI SA BON BRDZUN PA DE'I, ,SKYE BA BDEN PA GA LA ZHIG ,PHUNG PO DE LTAR MI BDEN PAR, ,MTHONG NAS NGAR 'DZIN SPONG BAR 'GYUR, ,NGAR 'DZIN PA DAG SPANGS NAS NI, ,PHYIS NI PHUNG PO 'BYUNG MI 'GYUR, ,ZHES BSHAD DO, ,JI LTAR NYI MA SO GA'I ZLA BA THA MA DANG, 'TSAM PA, NAM MKHA' SPRIN DANG BRAL BA'I DKYIL 'KHOR GYI PHYOGS GNON PAR BYED CING CUNG ZAD NUR BAR GYUR PA'I 'OD ZER ME CHES GSAL BA'I ME STAG RGYA CHEN PO DANG 'DRA BA, SA'I DKYIL 'KHOR CHES JE RTZUB TU GYUR PA GDUNG BAR BYED PA LHUR LEN PA DAG LA BRTEN ZHING SA PHYOGS CHES JI RTZUB TU GYUR PA DANG PHRAD DE, MTHONG BA PHYIN CI LOG LA LTOS NAS CHU DANG 'DRA BA'I SMIG RGYU DAG DMIGS PAS SKYE BO YUL THAG RING BA NA GNAS PA RNAMS LA SHES PA CHU SHIN TU DANG BA'I RNAM PA CAN SKYE BAR BYED KYI, DE DANG NYE BAR GYUR PA RNAMS LA MA YIN PA DE BZHIN DU, 'DIR YANG, MA RIG PA'I PHYIN CI LOG DANG LDAN PAS SO SO'I SKYE BO BDAG DANG BDAG GI BA'I DNGOS PO JI LTAR GNAS PA DE NYID MTHONG BA LAS RGYANG RING DU GNAS PA RNAMS LA, BDEN PAR SNANG BA BDAG DANG PHUNG POR SGRO BTAGS PA BRDZUN PA'I DON 'DI NYID NI DNGOS PO'I DE NYID MTHONG BA DANG NYE BAR GNAS PA RNAMS LA MI SNANG NGO, ,JI SKAD DU, THAG RING NAS NI MTHONG BA'I GZUGS, ,NYE BA RNAMS KYIS GSAL BAR MTHONG, ,SMIG RGYU GAL TE CHU YIN NO, ,NYE BA RNAMS KYIS CIS MI MTHONG, ,JI LTAR RING BA RNAMS KYIS NI, ,'JIG RTEN 'DI NI YANG DAG MTHONG, ,DE LTAR DE DANG NYE RNAMS KYIS, ,MI MTHONG MTSAN MED SMIG RGYU BZHIN, JI LTAR SMIG RGYU CHU 'DRA BA, ,CHU MIN DONG DU MA YIN PA, ,DE BZHIN PHUNG PO BDAG 'DRA BA, ,DE DAG BDAG MIN DON DU MIN, ,ZHES BSHAD DO, ,BDAG DANG BDAG GI MA DMIGS PA DE NYID KYI PHYIR DON DAM MA MTHONG BA DANG NYE BA'I RNAL 'BYOR PA NI NGES PAR, BDAG DANG BDAG GI ZHI BA'I PHYIR, ,NGAR 'DZIN NGA YIR 'DZIN MED 'GYUR, ,BDAG LA PHAN PA NI BDAG GI STE, BDAG GI BA'I PHUNG PO LNGA ZHES BYA BA'I DON TO, ,BDAG STE NGAR 'DZIN PA'I YUL DANG NGA YIR 'DZIN PA'I YUL BDAG GI BA PHUNG PO LA SOGS PA'I DNGOS PO ZHI BA STE, MA SKYES SHING MA DMIGS PA'I PHYIR RNAL 'BYOR PA @113A *, ,NGAR 'DZIN PA DANG NGA YIR 'DZIN PA MED PAR 'GYUR RO, ,GAL TE 'GA' ZHIG DE LTAR NGAR 'DZIN PA DANG NGA YIR 'DZIN PA MED PAR 'GYUR PA RNAL 'BYOR PA DE RE ZHIG YOD PA MA YIN NAM, DE YOD NA BDAG DANG PHUNG PO YANG GRUB PO ZHE NA, DE NI DE LTAR MA YIN TE, GANG GI PHYIR, NGAR 'DZIN NGA YIR 'DZIN MED GANG, DE YANG YOD PA MA YIN TE, NGAR 'DZIN NGA YIR 'DZIN MED PAR, ,GANG GIS MTHONG BAS MI MTHONG NGO, ,BDAG DANG PHUNG PO DAG RNAM PA THAMS CAD DU MI DMIGS PA'I RANG GI NGO BO YIN DANG, GANG ZHIG NGAR 'DZIN PA DANG NGA YIR 'DZIN PA MED PAR 'GYUR BA DE DAG LAS THA DAD PA'I DNGOS PO GZHAN YOD PAR GA LA 'GYUR, GANG GIS DE LTAR YOD PA MA YIN PA'I RANG GI NGO BO NGAR 'DZIN PA DANG NGA YIR 'DZIN PA MED PAR MTHONG BA DES, DE KHO NA NYID MI MTHONG NGO ZHES SHES PAR BYA'O, ,JI SKAD DU, BCOM LDAN 'DAS KYIS, NANG GI BDAG NYID STONG PAR LTOS, ,PHYI ROL GYUR PA'ANG STONG PAR LTOS, ,GANG ZHIG STONG NYID SGOM BYED PA, ,DE YANG 'GA' ZHIG KYANG YOD MIN, ,ZHES BYA BA DANG, DE BZHIN DU, GANG DAG ZHI ZHING RAB ZHI'I CHOS SEMS PA'I, ,BYIS PA DE DAG LAM NGAN ZHUGS PA YIN, ,CHOS RNAMS STONG PA YI GE MED PA YIN, ,DE DAG YI GE MED PAR YI GES BSTAN, ,GANG DAG ZHI ZHING RAB ZHI'I CHOS SEMS PA'I, ,SEMS PA DE YANG NAM YANG 'BYUNG MA YIN, ,SPROS KUN SEMS KYI RNAM PAR RTOG PA STE, ,DE PHYIR CHOS RNAMS BSAM YAS SHES PAR GYIS, ,ZHES BYA BA DANG, DE BZHIN DU, PHUNG PO'I RANG BZHIN DBEN ZHING STONG PA NYID, ,BYANG CHUB RANG BZHIN DBEN ZHING STONG PA NYID, ,GANG SPYOD DE YANG RANG BZHIN STONG PA STE, ,YE SHES LDAN PAS SHES KYI BYIS PAS MIN, ,ZHES GSUNGS SO, ,DE'I PHYIR DE LTAR, NANG DANG PHYI ROL NYID DAG LA, ,BDAG DANG BDAG GI SNYAM ZAD NA, ,NYE BAR LEN PA 'GAG 'GYUR ZHING, ,DE ZAD PAS NA SKYE BA ZAD, NYON MONGS PA THAMS CAD NI 'JIG TSOGS LA LTA BA'I RTZA BA CAN NO, ,'JIG TSOGS LA LTA BA'I KUN 'BYUNG BA CAN NO, ,'JIG TSOGS LA LTA BA'I RGYU CAN NO ZHES MDO LAS GSUNGS LA, 'JIG TSOGS LA LTA BA DE YANG BDAG DANG BDAG GI MA @113B DMIGS PAS SPONG BAR 'GYUR ZHING DE SPANGS PAS KYANG 'DOD PA NYE BAR LEN PA DANG LTA BA DANG TSUL KHRIMS DANG BRTUL ZHUGS DANG BDAG TU SMRA BA NYE BAR LEN PA ZHES BYA BA STE NYE BAR LEN PA BZHI SPONG BAR 'GYUR RO, ,NYE BAR LEN PA ZAD PAS NI YANG SRID PA'I MTSAN NYID CAN SKYE BA ZAD PAR 'GYUR RO; ;GANG GI PHYIR SKYE BA LDOG PA'I RIM PA 'DI DE LTAR RNAM PAR GZHAG PA DE'I PHYIR, LAS DANG NYON MONGS ZAD PAS THAR, ,ZHES BYA BAR GNAS SO, ,'DI LTAR NYE BAR LEN PA ZAD NA DE'I RKYEN CAN SRID PA YANG MI 'BYUNG LA, NYE BAR LEN PA DANG SRID PA 'GAGS NA SKYE BA DANG RGA SHI LA SOGS PA YOD PAR GA LA 'GYUR TE, DE LTAR NA LAS DANG NYON MONGS PA ZAD PAS THAR BAR 'GYUR RO ZHES BYA BAR GRUB PO, ,'O NA NI LAS DANG NYON MONGS PA RNAMS GANG ZAD PAS ZAD PAR 'GYUR BRJOD DGOS SO ZHE NA, BRJOD PA, LAS DANG NYON MONGS RNAM RTOG LAS, ,DE DAG SPROS LAS SPROS PA NI, , STONG PA NYID KYIS 'GAG PAR 'GYUR, BYIS PA SO SO'I SKYE BO TSUL BZHIN MA YIN PAR GZUGS LA SOGS PAR RTOG PA LA NI 'DOD CHAGS LA SOGS PA'I NYON MONGS PA SKYE BAR 'GYUR TE, 'DOD CHAGS ZHE SDANG GTI MUG RNAMS, ,KUN DU RTOG LAS 'BYUNG BAR GSUNGS, ,SDUG DANG MI SDUG PHYIN CI LOG ,BRTEN PA NYID LAS KUN DU 'BYUNG, ,ZHES 'CHAD PAR 'GYUR RO, ,MDO LAS KYANG 'DOD PA KHYOD KYI RTZA BA NI, ,SHES TE KUN TU RTOG LAS SKYE, ,KHYOD LA RTOG PAR MI 'GYUR BA, ,DE PHYIR NGA LA MI 'BYUNG NGO, ,ZHES GSUNGS SO, ,DE LTAR RE ZHIG LAS DANG NYON MONGS PA NI RNAM PAR RTOG PA LAS BYUNG LA, RNAM PAR RTOG PA DE DAG KYANG SPROS PA SNA TSOGS PA, 'KHOR BA THOG MA MED PA NAS GOMS PA, SHES PA DANG SHES BYA DANG, BRJOD BYA DANG, RJOD BYED DANG, BUM PA DANG, SNAM BU DANG, SHING RTA DANG, GZUGS DANG, TSOR BA DANG, SKYES PA DANG, BUD MED DANG, RNYED PA DANG, MA RNYED PA DANG, BDE BA DANG, SDUG BSNGAL BA DANG, GRAGS PA DANG, MA GRAGS PA DANG, BSTOD PA DANG, SMAD PA LA SOGS PA'I MTSAN NYID CAN LAS SKYE BAR 'GYUR RO, ,'JIG RTEN PA'I SPROS PA DE YANG MA LUS PAR STONG PA NYID KYIS TE, DNGOS PO @114A *, ,THAMS CAD STONG PA NYID DU LTA BAS 'GAG PAR 'GYUR RO, ,JI LTAR ZHE NA, GANG GI PHYIR DNGOS POR DMIGS PA YOD NA NI JI SKAD BSHAD PA'I SPROS PA YOD PAR 'GYUR GYI, MO GSHAM GYI BU MO MA DMIGS PAR NI CHAGS PA CAN DAG DE'I YUL CAN SPROS PA 'JUG PAR MI BYED DO, ,SPROS PA MA BCUG PAR NI DE'I YUL CAN TSUL BZHIN MA YIN PAR RNAM PAR RTOG PA 'JUG PAR MI 'GYUR RO, ,RNAM PAR RTOG PA MA BCUG PAR YANG NGA DANG NGA YI ZHES MNGON PAR ZHEN PA LAS NYON MONGS PA'I TSOGS 'JIG TSOGS LA LTA BA'I RTZA BA CAN SKYED PAR MI BYED DO, ,NYON MONGS PA'I TSOGS 'JIG TSOGS LA LTA BA'I RTZA BA CAN MA BSKYED PAR NI LAS DAG BYED PAR MI 'GYUR LA, LAS DAG MI BYED PA RNAMS NI SKYE BA DANG RGA SHI ZHES BYA BA'I 'KHOR BA NYAMS SU MYONG BAR YANG MI 'GYUR RO, ,GANG GI PHYIR DE LTAR STONG PA NYID SPROS PA MA LUS PA NYE BAR ZHI BA'I MTSAN NYID CAN LA BRTEN NAS SPROS PA DANG BRAL BAR 'GYUR ZHING SPROS PA DANG BRAL BAS KYANG RNAM PAR RTOG PA LDOG CING, RNAM PAR RTOG PA LOG PAS LAS DANG NYON MONGS PA LDOG LA, LAS DANG NYON MONGS PA LDOG PAS SKYE BA LDOG PA DE'I PHYIR, STONG PA NYID KHO NA SPROS PA THAMS CAD LOG PA'I MTSAN NYID CAN YIN PAS MYA NGAN LAS 'DAS PA ZHES BYA'O, ,JI SKAD DU BRGYA PA LAS, MDOR NA CHOS NI MI 'TSE BAR, ,DE BZHIN GSHEGS PA RNAMS KYIS GSUNGS, ,STONG NYID MYA NGAN 'DAS PA STE, ,'DIR NI DE GNYIS 'BA' ZHIG GO, ,ZHES BSHAD DO, ,SLOB DPON LEGS LDAN BYED NI NYAN THOS DANG RANG SANGS RGYAS RNAMS LA JI SKAD DU BSHAD PA'I STONG PA NYID RTOGS PA YOD PAR KHONG DU MA CHUD NAS, JI SKAD DU, 'PHAGS PA NYAN THOS 'DU BYED KYI TSOGS GZHAN DANG GZHAN SKYE BA'I SKAD CIG MA RE RE LA 'JIG PA'I DANG CAN BDAG DANG BDAG GI THA MED PA LA NGES PAR LTA BA LA YANG, BDAG CES BYA BA'I DNGOS PO MED PA'I PHYIR SKYE BA DANG 'JIG PA 'DI DAG NI CHOS TZAM DU ZAD DO ZHES BYA BAR LTA BA SKYE STE, 'DI LTAR BDAG NI NGAR 'DZIN PA'I YUL YIN PAS DE MED NA DE YANG MI 'BYUNG LA, DE MED PA KHO NA'I PHYIR 'GA' LA YANG NANG DANG PHYI ROL GYI DNGOS PO MED PAS NGA YIR 'DZIN PA MED 'THAD PA'I PHYIR, THA SNYAD KYI BRDAR @114B BYA BA MA GTOGS PAR, NGA LA NI NGAR 'DZIN PA MED CING NGA YIR 'DZIN PA MED DO ZHES BYA BAR RANG GI NGO BO NGES PA SKYE BAR MI 'GYUR NA, BYANG CHUB SEMS DPA' CHEN PO 'DU BYED SKYE BA MED PAR LTA BA RNAM PAR MI RTOG PA'I SHES RAB KYI SPYOD YUL LA GNAS PA RNAMS LA LTA SMOS KYANG CI DGOS PAS, DE'I PHYIR, NGA DANG NGA YIR 'DZIN MED GANG, ,DE YANG YOD PA MA YIN TE, ,ZHES GSUNGS SO, ,ZHES DE SKAD DU SMRA'O, ,SLOB DPON 'DI JI LTAR RNAM PA DE LTA BU'I YUL LA, SLOB DPON GYI LUGS KYI RJES SU 'JUG BA MA YIN PA DE LTAR NI DBU MA LA 'JUG PA LAS, RING DU SONG BAR DE BLO 'ANG LHAG PAR 'GYUR ZHES BYA BA DER BSTAN ZIN PAS, YANG DE SUN DBYUNG BA LA 'BAD BAR MI BYA'O, ,DE NYID KYI PHYIR BCOM LDAN 'DAS KYIS, RAB 'BYOR NYAN THOS KYI BYANG CHUB THOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O, ,RAB 'BYOR RANG SANGS RGYAS KYI BYANG CHUB THOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O, ,RAB 'BYOR BLA NA MED PA YANG DAG PAR RDZOGS PA'I BYANG CHUB THOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES RGYA CHER GSUNGS SHING, ,GZHAN YANG, GANG DAG BDE GSHEGS NYAN THOS 'GYUR BAR BYA SNYAM DANG, ,RANG SANGS RGYAS DANG DE BZHIN CHOS RGYAL 'GYUR 'DOD PA, ,BZOD PA 'DI LA MA BRTEN THOB PAR MI 'GYUR TE, ,DPER NA TSU ROL PHA ROL 'GRO NGOGS MI MTHONG BZHIN, ,ZHES GSUNGS SO, ,'DIR SMRAS PA, GAL TE DE LTAR NANG DANG PHYI'I DNGOS PO MA DMIGS PA'I PHYIR NANG DANG PHYI LA NGA DANG NGA'I SNYAM PA'I RTOG PA RNAMS MA SKYES PA DE DE KHO NA NYID YIN NO ZHES RNAM PAR GZHAG NA, 'O NA BCOM LDAN 'DAS KYIS 'DI SKAD DU, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NI, ,MKHAS PAS MTHO RIS THOB PAR 'GYUR, ,ZHES BYA BA DANG, DE BZHIN DU, GNAG DANG DKAR PO'I LAS NI 'JIG MI 'GYUR, ,BDAG GIS BYAS PA MYONG BAR 'GYUR BA YIN, ,LAS DANG 'BRAS BU 'PHO BAR 'GYUR BA'ANG MIN, ,RGYU DANG RKYEN MED PAR YANG @115A *, ,'BYUNG BA MIN, ,ZHES RGYA CHER GSUNGS PA DE DANG JI LTAR MI 'GAL, BRJOD PAR BYA STE, 'DI NA BDAG GAM SEMS CAN MED, ,CHOS 'DI DAG NI RGYU DANG BCAS, ,ZHES BYA BA DANG, DE BZHIN DU, BDAG GZUGS MA YIN, BDAG GZUGS DANG LDAN PA MA YIN, GZUGS LA BDAG MED, BDAG LA GZUGS MED, DE BZHIN DU BDAG RNAM PAR SHES PA MA YIN, BDAG RNAM PAR SHES PA DANG LDAN PA MA YIN, RNAM PAR SHES PA LA BDAG MED, BDAG LA RNAM PAR SHES PA MED CES BYA BA'I BAR DANG, DE BZHIN DU CHOS THAMS CAD NI BDAG MED PA'O ZHES BYA BA DE SKAD DU YANG, BCOM LDAN 'DAS KYIS CI'I PHYIR MA GSUNGS, DE'I PHYIR DA JI LTAR LUNG GONG MA LUNG 'DI DANG 'GAL BAR MI 'GYUR, DE'I PHYIR 'DIR BCOM LDAN 'DAS KYIS BSTAN PA'I DGONGS PA BTZAL BAR BYA'O, ,BCOM LDAN 'DAS KYIS NI SPYIR GSUNG RAB LAS, BDAG GO ZHES KYANG BTAGS GYUR CING, ,BDAG MED CES KYANG BSTAN PAR GYUR, ,SANGS RGYAS RNAMS KYIS BDAG DANG NI, ,BDAG MED 'GA' MED CES KYANG BSTAN, ,'DIR DGONGS PA NI 'DI YIN TE, 'DI NA GANG DAG LTA BA NGAN PA'I RAB RIB KYI LING TOG MTHUG BOS BLO'I MIG MA LUS PAR BKAB PAS DNGOS PO'I RNAM PA 'JIG RTEN PA'I LTA BA DRI MA MED PA'I YUL LAS MA 'DAS KYANG MA MTHONG BAR GYUR PA, THA SNYAD KYI BDEN PA LA GNAS PA KHO NA YIN BZHIN DU SA DANG CHU DANG ME DANG RLUNG ZHES BYA BA'I DE KHO NA NYID TZAM GYI RJES SU 'JUG PA LHUR LEN PA, RTZA BA DANG CHAN DANG PHABS DANG CHU DANG DROD LA SOGS PA RDZAS KYI KHYAD PAR YONGS SU SMIN PA TZAM GYI RKYEN LAS BYUNG ZHING, MYOS PA DANG BRGYAL BA LA SOGS PA'I NUS PA'I KHYAD PAR DANG LDAN PA'I CHANG DMIGS PA LTAR, BLO NUR NUR PO LA SOGS PA'I 'BYUNG BA CHEN PO YONGS SU SMIN PA TZAM LAS 'BYUNG BA NYID DU SMRA BA, SNGON GYI MTHA' DANG PHYI MA'I MTHA' LA SKUR BA 'DEBS PAR ZHUGS PA, 'JIG RTEN 'DI YANG MED LEGS PAR BYAS PA DANG NYES PAR BYAS PA'I LAS RNAMS KYI 'BRAS BU RNAM PAR SMIN PA YANG MED, SEMS CAN RDZUS TE SKYE BA YANG MED DO ZHES BYA BA @115B LA SOGS BAS 'JIG RTEN PHA ROL DANG BDAG LA SKUR BA 'DEBS PAR BYED PA, DE LA SKUR BA 'DEBS PAS 'BRAS BU KHYAD PAR DU 'PHAGS PA YID DU 'ONG BA MTHO RIS DANG BYANG GROL GYI KHYAD PAR 'PHEN PA LA RGYAB KYIS PHYOGS PA, RTAG TU RGYUN MI 'CHAD PAR MI DGE BA'I LAS MNGON PAR 'DU BYED PA LA ZHUGS PAS DMYAL PA LA SOGS PA'I G-YANG SA CHEN POR LTUNG BA LA MNGON DU PHYOGS PA DE DAG GI YANG DAG PA MA YIN PA'I LTA BA DE DAG BZLOG PAR BYA ZHING GDUL BYA DMAN PA DANG 'BRING PO DANG MCHOG RJES SU GZUNG BAR BZHED PAS GDUL BYA DMAN PA SDIG PA MI DGE BA BYED PA RNAMS MI DGE BA LAS BZLOG PAR BYA BA'I PHYIR, SANGS RGYAS BCOM LDAN 'DAS SPYOD PA BRGYAD KHRI BZHI STONG GI DBYE BAS THA DAD PA'I SEMS CAN GYI KHAMS KYI BSAM PA JI LTA BA BZHIN DU RJES SU GSHEGS PA, SEMS CAN GYI KHAMS MA LUS PA BSGRAL BAR THUGS DAM BCAS PA, SGRUB PA LHUR MDZAD PA, THABS DANG MKHYEN RAB DANG THUGS RJE CHEN PO DANG LDAN PA, 'GRO BA DU MA'I DPE ZLA MI MNGA' BA'I GNYEN, NYON MONGS PA'I NAD MA LUS PA GSO BAR MDZAD PA, SMAN PA'I RGYAL PO CHEN PO RNAMS KYIS 'GA' ZHIG TU BDAG GO ZHES KYANG BTAGS GYUR ZHING STE, BZHAG PAR GYUR TO, ,RGYU MED PAR SMRA BA DGAG PA'I 'THAD PA NI, BYED PA PO DANG LAS BRTAG PA DANG, RGYU MED LAS KYANG MIN ZHES BYA BA DES DBU MA LA 'JUG PA LAS RGYAS PAR SHES PAR BYA STE, DE DGAG PA'I PHYIR 'DIR YANG 'BAD PAR MI BYA'O, ,GANG DAG DGE BA'I LAS BYED CING MI DGE BA'I LAS LAS LOG PA, BDAG TU YANG DAG PAR LTA BA MKHREGS PA BYA SRAD BU CHES SHIN TU RING BAS BRTOD PA LTAR SHIN TU RING POR PHYIN YANG KHAMS GSUM LAS SHIN TU 'DAS NAS, MYA NGAN LAS 'DAS PA'I GRONG KHYER ZHI BAR 'GRO MI NUS PA, GDUL BYA BAR MA DE DAG 'JIG TSOGS LA LTA BAR MNGON PAR ZHEN PA LHOD PAR BYA BA'I PHYIR DANG, MYA NGAN LAS 'DAS PA LA 'DUN PA BSKYED PAR BYA BA'I PHYIR NI, SANGS RGYAS BCOM LDAN 'DAS RNAMS KYIS BDAG MED CES KYANG BSTAN PAR GYUR TO, ,GANG DAG SNGON GOMS PA'I KHYAD PAR GYIS ZAB MO'I CHOS LA LHAG PAR MOS PA @116A *, ,RJES SU 'BREL PA'I SA BON YONGS SU SMIN PAR GYUR PA THOB PA MYA NGAN LAS 'DAS PA LA NYE BAR GNAS PA BDAG LA CHAGS PA DANG BRAL BA, THUB PA'I DBANG PO'I GSUNG RAB KYI DON GYI DE KHO NA NYID MCHOG TU ZAB PA'I GTING DPOG PAR NUS PA, GDUL BYA MCHOG TU GYUR PA DE DAG LA NI LHAG PAR MOS PA'I KHYAD PAR NGES PAR BZUNG NAS, SANGS RGYAS RNAMS KYIS BDAG DANG NI, ,BDAG MED 'GA' MED CES KYANG BSTAN TE, JI LTAR BDAG TU LTA BA YANG DAG PA MA YIN PA DE BZHIN DU, DE'I GNYEN POR GYUR PA BDAG MED PAR LTA BA YANG, YANG DAG PA MA YIN PA NYID DO, ,DE LTAR NA BDAG 'GA' YANG MED LA, BDAG MED PA YANG 'GA' YANG MED DO ZHES BSTAN PA YIN NO, ,JI SKAD DU MDO LAS, 'OD SRUNGS BDAG CES BYA BA 'DI NI MTHA' GCIG GO, ,BDAG MED CES BYA BA 'DI NI MTHA' GNYIS SO, ,MTHA' DE GNYIS KYI DBUS GANG YIN PA DE NI GZUGS MED PA BSTAN DU MED PA, RTEN MED PA, SNANG BA MED PA, RNAM PAR RIG PA MED PA, GNAS MED PA STE, 'OD SRUNGS 'DI NI DBU MA'I LAM CHOS RNAMS LA YANG DAG PAR SO SOR RTOGS PA ZHES BYA'O ZHES GSUNGS SO, ,'PHAGS PA RIN PO CHE'I PHRENG BA LAS KYANG, ,DE LTAR BDAG DANG BDAG MED PA, ,YANG DAG JI BZHIN DMIGS SU MED, ,BDAG DANG BDAG MED LTA BA NI, ,DE PHYIR THUB PA CHEN POS BZLOG ,MTHONG DANG THOS SOGS THUB PA YIS, ,BDEN MIN BRDZUN PA MIN PAR GSUNGS, ,PHYOGS LAS MI MTHUN PHYOGS GYUR PAS, ,DE DAG GNYI GA DON DU MIN, ,ZHES GSUNGS SO, ,GANG GI PHYIR DE LTAR GDUL BYA'I SKYE BO DMAN PA DANG BAR MA DANG MCHOG GI BSAM PA THA DAD PA NYID KYIS BDAG DANG BDAG MED PA DANG, DE GNYI GA DGAG PA'I SGO NAS SANGS RGYAS BCOM LDAN 'DAS RNAMS KYI CHOS BSTAN PA 'JUG PA DE'I PHYIR, DBU MA PA RNAMS LA LUNG GIS GNOD PA MED DO, ,DE NYID KYI PHYIR SLOB DPON 'PHAGS PA'I LHAS, ,BSOD NAMS MIN PA DANG POR BZLOG ,BAR DU BDAG NI BZLOG PA DANG, ,PHYI NAS LTA ZHIG KUN BZLOG PA, ,GANG GIS SHES TE MKHAS PA YIN, ,ZHES BSHAD DO, , @116B DE BZHIN DU, SLOB DPON GYI ZHAL SNGA NAS KYANG, BRDA SPROD PA DAG JI LTA BUR, ,YI GE'I PHYI MO 'ANG KLOG 'JUG LTAR, ,DE BZHIN SANGS RGYAS GDUL BYA LA, ,JI TZAM BZOD PA'I CHOS STON TO, ,KHA CIG LA NI SDIG PA LAS, ,RNAM PAR BZLOG PHYIR CHOS STON TO, ,KHA CIG BSOD NAMS GRUB BYA'I PHYIR, ,KHA CIG LA NI GNYIS BRTEN PA, ,KHA CIG LA NI GNYIS MI BRTEN, ,ZAB MO KHU 'PHRIG CAN 'JIGS PA, ,STONG NYID SNYING RJE'I SNYING PO CAN, ,BYANG CHUB SGRUB PA KHA CIG LA'O, ,ZHES GSUNGS SO, ,YANG NA 'DI'I DON GZHAN YIN TE, 'DU BYED SKAD CIG RE RE LA 'JIG PA'I NGANG CAN RNAMS LA LAS DANG 'BRAS BU'I 'BREL PA MED PAR BLTAS NAS GRANGS CAN PA LA SOGS PA DAG GIS BDAG GO ZHES KYANG BTAGS GYUR ZHING, 'THAD PAS 'KHOR BA PO BDAG MA MTHONG ZHING 'JIG RTEN RGYANG PAN PA DAG GIS, JI TZAM DBANG PO'I SPYOD YUL BA, ,SKYES BU'ANG DE TZAM NYID DU ZAD, ,BZANG MO MANG THOS GANG SMRA BA, ,DE DAG SPYANG KI'I RJES DANG 'DRA, ,ZHES BYA BA LA SOGS PAS BDAG MED CES KYANG BSTAN PAR 'GYUR LA, RAB RIB CAN GYIS DMIGS PA'I SKRA SHAD DAG LA RAB RIB MED PA DAG LTAR DNGOS PO BYIS PA'I SKYE BOS BTAGS PA'I, BDAG DANG BDAG MED PA LA SOGS PA RANG GI NGO BO RNAM PA THAMS CAD DU MA GZIGS PA, BCOM LDAN 'DAS, SANGS RGYAS RNAMS KYIS BDAG DANG NI, ,BDAG MED 'GA' MED CES KYANG BSTAN, ,ZHES BYA BA'O, ,'DIR SMRAS PA, GAL TE SANGS RGYAS BCOM LDAN 'DAS RNAMS KYIS BDAG DANG BDAG MED PA GNYI GA MED PAR BSTAN NA, DE GNYIS MA BSTAN PA YIN DANG, 'O NA CI BSTAN, BRJOD PAR BYA STE, BRJOD PAR BYA BA BZLOG PA STE, SEMS KYI SPYOD YUL BZLOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,'DIR BRJOD PAR BYA BA 'GA' ZHIG YOD NA NI, DE STON PAR 'GYUR BA ZHIG NA, GANG GI TSE BRJOD PAR BYA BA LDOG CING, TSIG DAG GI YUL YOD PA MA YIN PA DE'I TSE SANGS RGYAS RNAMS KYIS CUNG ZAD KYANG MA BSTAN TO, ,YANG CI'I PHYIR BRJOD PAR BYA BA MED CE NA, SEMS KYI SPYOD YUL LDOG PAS SO @117A *, ,ZHES GSUNGS TE, SEMS KYI SPYOD YUL NI SEMS KYI SPYOD YUL LO, ,SPYOD YUL NI YUL TE, DMIGS PA ZHES BYA BA'I THA TSIG GO, ,GAL TE SEMS KYI SPYOD YUL 'GA' ZHIG YOD PAR GYUR NA NI DER RGYU MTSAN 'GA' ZHIG SGRO BTAGS NAS TSIG DAG 'JUG PAR 'GYUR NA, GANG GI TSE SEMS KYI SPYOD YUL NYID MI 'THAD PA DE'I TSE, RGYU MTSAN SGRO BTAGS NAS TSIG GAR 'JUG PAR 'GYUR, YANG CI'I PHYIR SEMS KYI SPYOD YUL MED CE NA, BSTAN PA'I PHYIR, MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES GSUNGS TE, GANG GI PHYIR MA SKYES PA DANG MA 'GAGS PA CHOS NYID DE CHOS KYI NGO BO DANG, CHOS KYI RANG BZHIN MYA NGAN LAS 'DAS PA DANG MTSUNGS PAR GZHAG PA DE'I PHYIR DE LA SEMS MI 'JUG GO, ,SEMS MI 'JUG NA RGYU MTSAN SGRO 'DOGS PAR GA LA 'GYUR LA, DE MED PA'I PHYIR TSIG DAG 'JUG PAR GA LA 'GYUR TE, DE'I PHYIR SANGS RGYAS RNAMS KYIS CUNG ZAD KYANG MA BSTAN TO ZHES BYA BAR GNAS SO, ,DE NYID KYI PHYIR, DMIGS PA THAMS CAD NYER ZHI ZHING, ,SPROS PA NYE BAR ZHI BA STE, ,SANGS RGYAS RNAMS KYIS GANG DU YANG, ,SU LA'ANG CHOS 'GA' MA BSTAN TO, ,ZHES 'CHAD PAR 'GYUR RO, ,'DI NI DE LTAR MA YIN PA'AM, ,YANG NA PHYOGS SNGA MA 'DI NI GZHAN YIN TE, SPROS PA NI, STONG PA NYID KYIS 'GAG PAR 'GYUR, ,ZHES GANG SMRAS NA, JI LTAR SPROS PA STONG PA NYID KYIS 'GAG PAR 'GYUR ZHE NA, BRJOD PA, GANG GI PHYIR, BRJOD PAR BYA BA BZLOG PA STE, ,SEMS KYI SPYOD YUL LDOG PAS SO, ,ZHES BYA BA LA SOGS PA STE, SNGA MA BZHIN DU BSHAD PAR BYA'O, ,RNAM PA GCIG TU NA 'DI SKAD DU, SNGAR NANG DANG PHYI'I DNGOS PO MA DMIGS PAS NANG DANG PHYI ROL LA NGAR 'DZIN PA DANG NGA YIR 'DZIN PA ZAD PA GANG YIN PA DE NI 'DIR DE KHO NA NYID YIN NO ZHES GANG BSHAD NA, DE CI 'DRA BA ZHIG YIN ZHING, CI DE BRJOD PA'AM SHES PAR BYA BAR NUS SAM ZHE NA, 'DI LTAR, BRJOD PAR BYA BA LDOG PA STE, ,SEMS KYI SPYOD YUL LDOG PAS SO, ,DE KHO NA NYID DE LA ZHES BYA BA NI TSIG GI LHAG MA'O, , @117B YANG RGYU CI'I PHYIR DE KHO NA NYID DE BRJOD PAR BYA BA LDOG CING SEMS KYI SPYOD YUL LDOG PAR 'GYUR ZHE NA, MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES GSUNGS TE, BSHAD PA NI SNGA MA KHO NA SBYAR BAR BYA'O, ,DE NYID KYI PHYIR MDO LAS, ZHI BA'I BLO GROS GANG GI NUB MO DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DA' BAR 'GYUR BA DE'I BAR DU DE BZHIN GSHEGS PAS THA NA YI GE 'BRU GCIG KYANG MA GSUNGS SO; ;GSUNG BAR MI 'GYUR RO ZHES GSUNGS SO, ,'KHRUL 'KHOR LAS BYAS SIL SNYAN NI, ,JI LTAR RLUNG BSKUL SGRA 'BYUNG BA, ,DE LA DKROL BYED MED MOD KYI, 'ON KYANG SGRA DAG 'BYUNG 'GYUR BA, ,DE BZHIN LEGS PAR SNGAR SBYANGS SHING, ,SEMS CAN BSAM PAS BSKUL GYUR PA, ,SANGS RGYAS GSUNG NI 'BYUNG 'GYUR YANG, ,'DI LA RTOG PA YOD MI MNGA', ,JI LTAR BRAG CA'I SGRA NANG DANG, ,PHYI ROL GNAS PA MA YIN PA, ,DE BZHIN MI YI DBANG PO'I GSUNG, ,NANG DANG PHYI ROL GNAS PA YIN, ,ZHES BYA BA LA SOGS PA 'BYUNG NGO, ,'DIR KHA CIG DBU MA PA NI MED PA PA DANG KHYAD PAR MED PA YIN TE, ,GANG GI PHYIR DGE BA DANG MI DGE BA'I LAS DANG, BYED PA PO DANG, 'BRAS BU DANG, 'JIG RTEN THAMS CAD RANG BZHIN GYIS STONG PAR SMRA BA YIN LA, ,MED PA PA DAG KYANG DE DAG MED DO ZHES SMRA BAR BYED PA YIN PA DE'I PHYIR, DBU MA PA NI MED PA PA DANG KHYAD PAR MED DO ZHES RGOL PAR BYED DO, ,DE LTAR NI MA YIN TE, DBU MA PA DAG NI RTEN CING 'BREL BAR 'BYUNG BA SMRA BA YIN LA, RTEN CING 'BREL PAR 'BYUNG BA'I PHYIR 'JIG RTEN 'DI DANG, 'JIG RTEN PHA ROL LA SOGS PA THAMS CAD RANG BZHIN MED PAR SMRA BAR BYED DO, ,MED PA PA DAG GIS NI DE LTAR RTEN CING 'BREL PAR 'BYUNG BA YIN PA'I PHYIR RANG BZHIN GYIS STONG PA NYID KYI SGO NAS 'JIG RTEN PHA ROL LA SOGS PA DNGOS PO MED PAR RTOG PA MA YIN TE, 'O NA CI ZHE NA, 'JIG RTEN 'DI'I DNGOS PO'I RNAM PA RANG BZHIN GYIS DMIGS NAS DE 'JIG RTEN PHA @118A *, ,ROL NAS 'DIR 'ONG BA DANG, 'JIG RTEN 'DI NAS 'JIG RTEN PHA ROL DU 'GRO BAR MA MTHONG NAS 'JIG RTEN 'DIR DMIGS PA'I DNGOS PO DANG 'DRA BA'I DNGOS PO GZHAN LA SKUR PA 'DEBS PAR BYED PA YIN NO, ,GAL TE DE LTA NA YANG DE DAG GIS DNGOS PO'I RANG GI NGO BOR YOD PA MA YIN PA NYID LA MED PA NYID DU RTOG PA'I PHYIR RE ZHIG LTA BA 'DI'I SGO NAS MTSUNGS PA YOD DO ZHE NA, MED DE, DBU MA PA DAG GIS NI KUN RDZOB TU YOD PAR KHAS BLANGS PA'I PHYIR LA, DE DAG GIS KHAS MA BLANGS PA'I PHYIR MI MTSUNGS PA NYID DO, ,GAL TE DNGOS PO MA GRUB PAR MTSUNGS SO ZHE NA, GAL TE YANG DNGOS PO MA GRUB PA MTSUNGS PA NYID YIN PA DE LTA NA YANG RTOGS PA PO THA DAD PAS MI MTSUNGS PA NYID DO, ,'DI LTAR DPER NA RKU BYAS PA'I MI ZHIG LA, GCIG GIS NI YANG DAG PAR MI SHES BZHIN DU DE DANG MI MDZA' BAS SBUD NAS 'DIS BRKUS SO ZHES DE LA LOG PAR SMRA BAR BYED LA, GZHAN NI DNGOS SU MTHONG NAS SUN 'BYIN PAR BYED DO, ,DE LA DNGOS PO THA DAD PA MED MOD KYANG DE LTA NA YANG, RTOGS PA PO THA DAD PAS GCIG LA NI DER BRDZUN DU SMRA'O ZHES BRJOD LA, GZHAN LA NI BDEN PAR SMRA'O ZHES BYA'O, ,GCIG LA NI YANG DAG PAR BRTAGS PA NA GRAGS PA MA YIN PA DANG KHA NA MA THO BAR 'GYUR LA, GZHAN LA NI MA YIN PA DE BZHIN DU 'DIR YANG DNGOS PO'I RANG GI NGO BO THA MI DAD KYANG DBU MA PA DNGOS PO'I RANG GI NGO BO JI LTA BA BZHIN RIG PA RNAMS KHONG DU CHUD PA DANG SMRA BA NA, MED PA PA DNGOS PO'I RANG GI NGO BO JI LTA BA BZHIN RIG PA MA YIN PA DAG DANG LHAN CIG SHES PA DANG BRJOD PA DAG MTSUNGS PAR YOD PA MA YIN NO, ,SNGON GYI SLOB DPON DAG NI JI LTAR SO SO'I SKYE BO DANG 'PHAGS PA GNYIS KYI SO SOR MA BRTAGS PA DANG SO SOR BRTAGS PA'I BTANG SNYOMS DAG BTANG SNYOMS SU MTSUNGS PA DANG, JI LTAR DMUS LONG DANG MIG DANG LDAN PA GNYIS KYIS YUL PHYOGS NGES PAR MTSUNGS KYANG KHYAD PAR CHEN PO YOD PA DE BZHIN DU MED PA PA DAG DANG, DBU MA PA RNAMS LA YANG KHYAD PAR YOD PAR 'GYUR RO ZHE'O, ,'DIR SMRAS PA, GAL TE DE LTAR, MA SKYES PA DANG MA 'GAGS PA, CHOS @118B NYID MYA NGAN 'DAS DANG MTSUNGS PA YIN LA, DE LA NGAG DANG SEMS DAG 'JUG PA YOD PA MA YIN MOD KYI, DE LTA NA YANG, DE MA BSTAN NA GDUL BYA'I SKYE BO RNAMS KYIS SHES PAR MI NUS PAS, GDUL BYA'I SKYE BO RNAMS DE LA 'JUG PAR BYA BA'I PHYIR GDON MI ZA BAR KUN RDZOB KYI BDEN PA LA LTOS NAS JI ZHIG LTAR DE BSTAN PA'I RIM PA ZHIG YOD DGOS PAS DE BRJOD PAR BYA'O, ,BRJOD PA, 'DIR SANGS RGYAS BCOM LDAN 'DAS RNAMS KYI DE KHO NA NYID KYI BDUD RTZI LA 'JUG PA'I BSTAN PA'I RIM PA NI 'DI YIN PAR SHES PAR BYA STE, GANG 'DI, THAMS CAD YANG DAG YANG DAG MIN, ,YANG DAG YANG DAG MA YIN NYID, ,YANG DAG MIN MIN YANG DAG MIN, ,DE NI SANGS RGYAS RJES BSTAN PA'O, ,ZHES BYA'O, ,DE LA, GANG ZHIG GANG GANG LA DGA' BA, ,DE YI DE DE SNGAR BSHAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,ZHES BYA BA DANG, JI LTAR KLA KLO SKAD GZHAN GYIS, ,GZUNG BAR MI NUS DE BZHIN DU, ,'JIG RTEN PA YIS MA GTOGS PA, ,'JIG RTEN GZUNG BAR NUS MA YIN, ,ZHES BYA BA DANG, DE BZHIN DU BCOM LDAN 'DAS KYIS KYANG, ,'JIG RTEN NGA DANG LHAN CIG RTZOD KYI, NGA NI 'JIG RTEN DANG MI RTZOD DE, GANG 'JIG RTEN NA YOD PAR 'DOD PA DE NI NGA YANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DO ZHES BYA BA'I LUNG LAS NA THOG MA KHO NAR RE ZHIG BCOM LDAN 'DAS KYIS GANG GIS NA DE LTAR SNOD KYI 'JIG RTEN DANG, SEMS CAN GYI 'JIG RTEN THOG MAR RLUNG GI DKYIL 'KHOR NAS SRID PA'I RTZE MO LA THUG PA, NAM MKHA'I KHAMS KYI MTHA' GTUGS PA'I SKYE BA DANG, GNAS PA DANG 'JIG PA PHYIN CI MA LOG PA RAB TU DBYE BA SNA TSOGS PA DANG BCAS PA, RGYU DANG BCAS PA, 'BRAS BU DANG BCAS PA, RO MYANG BA DANG BCAS PA, NYES DMIGS DANG BCAS PA, NYE BAR BSTAN PA, BCOM LDAN 'DAS THAMS CAD MKHYEN ZHING THAMS CAD GZIGS PA 'DI NI 'JIG RTEN GYI BYUNG TSUL MA LUS PA MKHYEN PA YIN NO SNYAM DU BDAG NYID LA 'JIG RTEN GUS PA BSKYED PAR BYA BA'I PHYIR DE'I LTA BA LA LTOS NAS, @119A *, ,GDUL BYA'I SKYE BO RANG LA GRAGS PA'I DNGOS PO RAB TU DBYE BA DANG, RANG GI NGO BO'I RNAM PAR PHYE BA THOS NAS MOS PA MNGON PAR 'DOD PA SKYES PA LA, PHUNG PO DANG KHAMS DANG SKYE MCHED LA SOGS PA MA RIG PA'I RAB RIB CAN DAG GIS BDEN PAR BRTAGS PA GANG YIN PA DE NYID BDEN NO ZHES GSUNGS SO, ,DE'I PHYIR DE LTAR GDUL BYA'I SKYE BO BCOM LDAN 'DAS LA THAMS CAD MKHYEN PA YIN NO SNYAM DU BLO SKYES PA LA DUS PHYIS, DE DAG THAMS CAD YANG DAG MIN, ,ZHES BSTAN TO, ,DE LA YANG DAG PA ZHES BYA BA NI GANG LA GZHAN DU 'GYUR BA NYID MED PA LA BYA NA, SKAD CIG RE RE LA 'JIG PA'I PHYIR 'DUS BYAS RNAMS LA NI GZHAN DU 'GYUR BA YOD PA YIN TE, DE'I PHYIR GZHAN DU 'GYUR BA YOD PAS YANG DAG PA MA YIN NO, ,'ANG GI SGRA NI DANG GI DON TE, THAMS CAD YANG DAG PA DANG YANG DAG PA MA YIN PA ZHES BSTAN PA SDUD PAR BLTA BAR BYA'O, ,KHA CIG LA NI 'DI DAG THAMS CAD, YANG DAG YANG DAG MA YIN NYID, ,CES BSTAN TO, ,DE LA BYIS PA'I SKYE BO LA LTOS NAS NI 'DI DAG THAMS CAD YANG DAG PA YIN LA, 'PHAGS PA'I YE SHES LA LTOS NAS NI 'DI DAG THAMS CAD BRDZUN PA STE, 'DI DAG GIS DE LTAR MA GZIGS PA'I PHYIR RO, , DE KHO NA NYID LTA BA LA YUN RING PO NAS GOMS PA SGRIB PA CUNG ZAD TZAM MA BKROL BA KHA CIG LA NI, DE DAG YANG DAG MIN MIN YANG DAG MIN ZHES BSTAN TE, SGRIB PA CUNG ZAD TZAM PO DE YANG SPANG BAR BYA BA'I PHYIR MO GSHAM GYI BU'I SNGO BA SANGS DANG DKAR SHAM BKAG PA LTAR DE GNYI GA YANG BKAG PA YIN NO, ,'DI NI SANGS RGYAS BCOM LDAN 'DAS KYIS RJES SU BSTAN PA STE, LAM GOL PA NAS BZLOG NAS LAM BZANG PO LA 'GOD PA NI BSTAN PA'O, ,DE LTAR MTHAR GYIS STON PA NI RJES SU STON PA'O, ,YANG NA GDUL BYA'I SKYE BO DANG 'TSAM PAR STON PA NI RJES SU STON PA'O, , SANGS RGYAS BCOM LDAN 'DAS RNAMS KYIS BSTAN PA DE DAG THAMS CAD NI DE KHO NA NYID KYI BDUD RTZI LA 'JUG PA'I THABS NYID DU RNAM PAR GNAS SO, ,DE BZHIN GSHEGS PA RNAMS NI GSUNG DE KHO NA NYID KYI BDUD RTZI LA 'JUG PA'I THABS SU MA GYUR PA MI GSUNG STE, NAD DANG RJES SU @119B MTHUN PA'I SMAN NYE BAR SOGS PA LTAR 'DUL BA'I SKYE BO RJES SU GZUNG BAR BZHED PAS JI LTAR 'TSAM PA LTAR STON PAR MDZAD PA YIN NO, ,JI SKAD DU BRGYA PA LAS, YOD DANG MED DANG YOD MED DANG, ,GNYI GA MIN ZHES KYANG BSTAN TE, ,NAD KYI DBANG GIS THAMS CAD NI, ,SMAN ZHES BYA BAR 'GYUR MIN NAM, ,ZHES BSHAD DO, ,GANG LA 'JUG PAR BYA BA'I PHYIR BSTAN PA 'DI DAG STON PA'I DE KHO NA NYID DE MTSAN NYID CI DANG LDAN PA ZHIG CE NA, BRJOD PAR BYA BA BZLOG PA STE, SEMS KYI SPYOD YUL BZLOG PAS SO, ,ZHES 'DI NI KHO BO CAG GIS BSHAD ZIN TO, ,GANG GI TSE 'DI DE LTA BU YIN PA DE'I TSE GZHAN YANG CI ZHIG DRIR YOD, ,DE LTA YIN MOD KYI, 'ON KYANG 'JIG RTEN PA'I THA SNYAD KHAS BLANGS PA LTAR THA SNYAD KYI BDEN PA'I NGOR SGRO BTAGS NAS DE'I MTSAN NYID KYANG BRJOD PAR BYA DGOS SO ZHE NA, DE BRJOD PAR BYA STE, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,DE LA 'DI LA GZHAN LAS SHES PA YOD PA MA YIN PAS NA GZHAN LAS SHES MIN TE, GZHAN GYIS BSTAN PAS RTOGS PAR BYA BA MA YIN GYI, RANG NYID KYIS RTOGS PAR BYA BA YIN NO ZHES BYA BA'I DON TO; ;JI LTAR RAB RIB CAN DAG GIS SKRA SHAD LA SOGS PA'I NGO BO PHYIN CI LOG MTHONG BA NA, RAB RIB MED PAS BSTAN DU ZIN KYANG, RAB RIB MED PA LTAR SKRA SHAD LA SOGS PA'I RANG GI NGO BO MA MTHONG BA'I TSUL GYIS RTOGS PAR BYA BA JI LTAR GNAS PA BZHIN RTOGS PAR MI NUS KYI, 'O NA CI ZHE NA, RAB RIB MED PAS BSTAN PA LAS 'DI NI PHYIN CI LOG YIN NO ZHES BYA BA 'DI TZAM ZHIG TU NI RTOGS PAR 'GYUR LA, GANG GI TSE RAB RIB SEL BA'I MIG SMAN BSKUS PAS RAB RIB MED PAR GYUR PA DE'I TSE NI SKRA SHAD LA SOGS PA'I RANG GI NGO BO DE MA RTOGS PA'I TSUL GYIS RTOGS PAR 'GYUR BA DE BZHIN DU, 'PHAGS PA RNAMS SGRO BTAGS PA'I SGO NAS DE KHO NA NYID STON MOD KYI DE LTA NA YANG DE TZAM GYIS 'PHAGS PA MA YIN PA RNAMS KYIS DE'I RANG GI NGO BO RTOGS PAR MI 'GYUR LA, GANG GI TSE STONG PA NYID PHYIN CI MA LOG PAR LTA BA MA RIG PA'I RAB RIB @120A *, ,SEL BAR BYED PA'I MIG SMAN GYIS BLO'I MIG DAG LA BSKUS PAR GYUR PA NA, DE KHO NA NYID KYI YE SHES SKYES PAR GYUR PA DE'I TSE DE KHO NA NYID DE MA RTOGS PA'I TSUL GYIS RANG NYID KYIS RTOGS PAR 'GYUR TE, DE LTAR NA DNGOS PO RNAMS KYI RANG GI NGO BO GZHAN LAS SHES PA MA YIN PA DE NI DE KHO NA NYID DO, ,DE NI ZHI BA'I RANG BZHIN TE, RAB RIB MED PAS SKRA SHAD MA MTHONG BA LTAR RANG BZHIN DANG BRAL BA YIN NO ZHES BYA BA'I DON TO, ,DE NYID KYI PHYIR DE NI SPROS PA RNAMS KYIS MA SPROS PA'O, ,SPROS PA NI NGAG STE DON RNAMS SPRO BAR BYED PA'I PHYIR RO, ,SPROS PA RNAMS KYIS MA SPROS PA NI NGAG DAG GIS MA BRJOD PA'O ZHES BYA BA'I THA TSIG GO, ,DE NI RNAM PAR RTOG PA MED PA YANG YIN TE, RNAM PAR RTOG PA NI SEMS KYI RGYU BA YIN NA, DE DANG BRAL BA'I PHYIR DE KHO NA NYID DE NI RNAM PAR RTOG PA MED PA YIN NO, ,JI SKAD DU MDO LAS, DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA, YI GE RNAMS LA LTA SMOS KYANG CI DGOS ZHES GSUNGS SO, ,DE LTAR NA RNAM PAR RTOG PA MED PA YIN NO, ,'DI LA DON THA DAD PA YOD PAS NA, ,DON THA DAD PAS TE DON SO SO BA'O, ,DON THA DAD PA MED PA NI DON THA DAD PA MIN PA STE, ,DON SO SO BA MA YIN PA ZHES BYA BA'I DON TO, ,JI SKAD DU 'PHAGS PA BDEN PA GNYIS LA 'JUG PA'I MDO LAS, LHA'I BUS SMRAS PA, 'JAM DPAL DON DAM PA'I SBYOR BA NI GANG YIN, 'JAM DPAL GYIS SMRAS PA, LHA'I BU DAG DON DAM PAR NA DE BZHIN NYID DANG CHOS KYI DBYINGS DANG, GTAN MA SKYES PA GANG DU MTSUNGS PA DER DON DAM PAR MTSAMS MED PA RNAMS KYANG MTSUNGS SO, ,MTSAMS MED PA RNAMS DON DAM PAR GANG DU MTSUNGS PA DER NI LTA BAR GYUR PA RNAMS KYANG MTSUNGS SO, ,LTA BAR GYUR PA RNAMS GANG DU MTSUNGS PA DER NI SO SO SKYE BO'I CHOS RNAMS KYANG MTSUNGS SO, ,SO SO SKYE BO'I CHOS RNAMS GANG DU MTSUNGS PA DER NI SLOB PA'I CHOS RNAMS KYANG MTSUNGS SO, ,SLOB PA'I CHOS RNAMS GANG DU MTSUNGS PA DER NI MI SLOB PA'I CHOS RNAMS KYANG MTSUNGS SO, ,MI SLOB PA'I CHOS RNAMS GANG DU MTSUNGS PA DER NI YANG DAG PAR RDZOGS @120B PA'I SANGS RGYAS KYI CHOS RNAMS KYANG MTSUNGS SO, ,YANG DAG PAR RDZOGS PA'I SANGS RGYAS KYI CHOS RNAMS GANG DU MTSUNGS PA DER NI MYA NGAN LAS 'DAS PA YANG MTSUNGS SO, ,MYA NGAN LAS 'DAS PA GANG DU MTSUNGS PA DER NI 'KHOR BA YANG MTSUNGS SO, ,DON DAM PAR 'KHOR BA GANG DU MTSUNGS PA DER NI DON DAM PAR KUN NAS NYON MONGS PA YANG MTSUNGS SO, ,DON DAM PAR KUN NAS NYON MONGS PA GANG DU MTSUNGS PA DER NI DON DAM PAR RNAM PAR BYANG BA YANG MTSUNGS SO, ,DON DAM PAR RNAM PAR BYANG BA GANG DU MTSUNGS PA DER NI CHOS THAMS CAD KYANG MTSUNGS SO, , LHA'I BU CHOS THAMS CAD MNYAM PA NYID LA YANG DAG PAR SBYOR BA'I DGE SLONG NI DON DAM PAR YANG DAG PAR SBYOR BA ZHES BYA STE, JI SKAD BRJOD PA BZHIN DU MA YIN NO, ,LHA'I BUS SMRAS PA, MNYAM PA NYID GANG DU DON DAM PAR NA RNAM PAR BYANG BA'I BAR DU MNYAM PA GANG YIN PA DER DON DAM PAR CHOS THAMS CAD KYANG MNYAM PA ZHES BYA ZHE NA, 'JAM DPAL GYIS SMRAS PA, DON DAM PAR NI CHOS THAMS CAD MA SKYES PAR MNYAM PA DANG, DON DAM PAR NA CHOS THAMS CAD MA BYUNG BAR MNYAM PA DANG, DON DAM PAR NA CHOS THAMS CAD GTAN DU MA SKYES PAR MNYAM PA DANG, DON DAM PAR NA CHOS THAMS CAD DNGOS PO MED PAR MNYAM PAS, LHA'I BU DON DAM PAR CHOS THAMS CAD MTSUNGS SO, ,DE CI'I PHYIR ZHE NA, LHA'I BU DON DAM PAR NI GTAN MA SKYES PA NYE BAR BZUNG NAS CHOS THAMS CAD LA THA DAD DU BYA BA MED DO, ,LHA'I BU 'DI LTA STE DPER NA, KHAM PA'I SNOD KYI NANG GI NAM MKHA' GANG YIN PA DANG, RIN PO CHE'I SNOD KYI NANG GI NAM MKHA' GANG YIN PA 'DI GNYIS NAM MKHA'I KHAMS NYID YIN TE, DE LA DON DAM PAR THA DAD DU BYA BA CUNG ZAD KYANG MED DO, ,LHA'I BU DE BZHIN DU DON DAM PAR GANG KUN NAS NYON MONGS PA DE GTAN MI SKYE BA NYID DO, , GANG RNAM PAR BYANG BA DE YANG DON DAM PAR GTAN MI SKYE BA NYID DO, ,DON DAM PAR NA 'KHOR BA YANG GTAN MI SKYE BA NYID DO, ,DON DAM PAR NA MYA NGAN LAS 'DAS PA'I BAR DU YANG GTAN MI SKYE BA NYID DE, DE LA DON DAM PAR NA THA DAD DU BYA BA CUNG ZAD KYANG MED DO, ,DE CI'I PHYIR ZHE NA, DON DAM @121A *, ,PAR NA CHOS THAMS CAD GTAN MI SKYE BA'I PHYIR RO ZHES GSUNGS SO, ,DE'I PHYIR DE LTAR NA DON THA DAD PA MA YIN PA NI DE KHO NA'I MTSAN NYID YIN PAR RIG PAR BYA STE, STONG PA NYID DU RO GCIG PA'I PHYIR RO, ,'DIR PHYI MA PHYI MAS BSHAD PAR YANG RIG PAR BYA'O, ,DE LTAR NA RE ZHIG 'PHAGS PA RNAMS KYI DE KHO NA NYID KYI MTSAN NYID YIN NO, ,'JIG RTEN PA'I DE KHO NA NYID KYI MTSAN NYID KYI DBANG DU BYAS NAS BRJOD PAR BYA STE, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN PHYIR, ,DE PHYIR CHAD MIN RTAG MA YIN, ,JI LTAR S'A LU'I SA BON LA BRTEN NAS S'A LU'I MYU GU 'BYUNG BA LTAR RGYU GANG LA BRTEN TE 'BRAS BU GANG ZHIG 'BYUNG BA, DE NI RE ZHIG DE NYID DO ZHES BRJOD PAR NI MI NUS SO, ,SA BON GANG YIN PA DE NI MYU GU MA YIN TE, BSKYED PAR BYA BA DANG SKYED PAR BYED PA DAG GCIG NYID DU THAL BAR 'GYUR BA'I PHYIR RO, ,DE'I PHYIR PHA DANG BU GNYIS KYANG GCIG NYID DU 'GYUR RO, ,GCIG YIN PA'I PHYIR MYU GU LTAR MYU GU'I GNAS SKABS SU SA BON 'DZIN PAR YANG 'GYUR RO, ,YANG NA SA BON LTAR MYU GU YANG 'DZIN PAR MI 'GYUR RO, ,DE LTAR NA SA BON RTAG PA NYID DU YANG 'GYUR TE, MI 'JIG PAR KHAS BLANGS PA'I PHYIR RO, ,DE'I PHYIR RTAG PAR SMRA BAR THAL BAR 'GYUR BAS NYES PA CHEN POR 'GYUR TE, LAS DANG 'BRAS BU LA SOGS PA MED PAR THAL BAR 'GYUR BA'I PHYIR RO, ,DE LTAR NA RE ZHIG SA BON GANG YIN PA DE NYID MYU GU YIN NO ZHES BYA BAR MI RIGS SO, ,DE LAS GZHAN PA YANG MA YIN NO, ,SA BON LAS MYU GU GZHAN PA NYID KYANG MA YIN TE, SA BON MED PAR YANG MYU GU SKYE BAR YANG THAL BAR 'GYUR BA'I PHYIR TE, GAL TE GZHAN NI GZHAN LAS GZHAN, ,DE TSE GZHAN MED PAR GZHAN 'GYUR, ,ZHES BYA BA LA SOGS PA 'BYUNG PA'I PHYIR RO, , MYU GU'I GNAS SKABS NA YANG SA BON RGYUN CHAD PA MED PAR THAL BAR 'GYUR LA, DE'I PHYIR 'CHOL PA'I SKYON DU 'GYUR RO, ,GANG GI PHYIR DE LTAR RGYU GANG ZHIG LA BRTEN NAS 'BRAS BU GANG ZHIG 'BYUNG BAR 'GYUR LA, RGYU DE 'BRAS BU YANG MA YIN ZHING, RGYU DE LAS 'BRAS BU DE GZHAN PA YANG MA @121B YIN PA DE'I PHYIR RGYU NI CHAD PA YANG MA YIN ZHING RTAG PA YANG MA YIN NO ZHES BYA BAR GZHAG PAR YANG NUS PA YIN NO, ,JI SKAD DU 'PHAGS PA'I LHAS, GANG PHYIR DNGOS PO 'JUG 'GYUR BA, ,DES NA CHAD PAR MI 'GYUR ZHING, ,GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO; ;ZHES BSHAD DO, ,MDO LAS KYANG, SA BON YOD NA MYU GU JI BZHIN TE, SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE PHYIR RTAG MIN CHAD MIN CHOS NYID DO, ,ZHES GSUNGS SO, ,DE'I PHYIR DE LTAR JI SKAD BSHAD PA'I TSUL GYIS, SANGS RGYAS 'JIG RTEN MGON RNAMS KYI, ,BSTAN PA BDUD RTZIR GYUR PA DE, ,DON GCIG MA YIN THA DAD MIN, ,CHAD PA MA YIN RTAG MA YIN, ,YANG DAG PAR RDZOGS PA'I SANGS RGYAS KLU CHEN PO THUGS RJE CHEN PO'I SPRIN CHEN PO'I TSOGS KYIS PHYOGS KYI DKYIL 'KHOR NAM MKHA'I KHAMS KYI MTHA' GTUGS PA BAR MTSAMS MED PAR KHEBS PAR MDZAD PA, 'GRO BA 'DOD CHAGS LA SOGS PA NYON MONGS PA'I TSOGS MNGON DU RGYU'I NYI MA'I DKYIL 'KHOR SHIN TU CHES TSA BAS GDUNGS PA'I GDUNG BA NYE BAR ZHI BA LHUR MDZAD PA, RTAG PAR RGYUN MI 'CHAD PAR JI LTAR 'TSAM PAR SPYOD PA RNAMS KYI GNYEN POR GYUR PA, DAM PA'I CHOS STON PA'I BDUD RTZI'I RGYUN DAG 'BEBS PAS JI LTAR 'OS PAR GDUL BA'I SKYE BO'I DGE BA'I RTZA BA'I LO TOG GI MYU GU SKYES PA SPEL BAS RJES SU BZUNG BAR BZHED PA, RTAG TU DAM PA'I CHOS KYI BDUD RTZI'I CHAR 'BEBS PA, 'JIG RTEN PA SKYOB PA MED PA'I SKYOB PA, MGON MED PA'I MGON, 'JIG RTEN MGON PO RNAMS KYI DAM PA'I CHOS KYI BDUD RTZI RGA BA DANG 'CHI BA GTAN GCOD PA DE NI, JI SKAD BSTAN PA'I TSUL GYIS GCIG DANG THA DAD PA NYID DANG BRAL BA DANG, CHAD PA DANG RTAG PAR SMRA BA DANG BRAL BAR SHES PAR BYA'O, , NYAN THOS KYI CHOS KYI DE KHO NA NYID BDUD RTZI 'DI LA ZHUGS PA, THOS PA DANG BSAM PA DANG SGOM PA'I RIM GYIS RAB TU ZHUGS PA RNAMS KYIS NI, TSUL KHRIMS DANG TING NGE 'DZIN DANG SHES RAB KYI PHUNG PO GSUM GYI BDUD RTZI NYE BAR SPYAD PA'I PHYIR NGES PA KHO NAR RGA SHI ZAD PA'I NGO BO @122A *, ,MYA NGAN LAS 'DAS PA 'THOB PAR 'GYUR RO, ,CI STE YANG JI ZHIG LTAR 'DIR DGE BA'I RTZA BA MA SMIN PA NYID KYIS DAM PA'I CHOS KYI BDUD RTZI 'DI THOS SU ZIN KYANG THAR PA MA THOB NA NI, DE LTA NA 'ANG DE DAG SKYE BA GZHAN DU'ANG SNGON GYI RGYU'I STOBS NYID LAS GRUB PA NGES PAR GDON MI ZA BAR 'GRUB PAR 'GYUR RO, ,JI SKAD DU BRGYA PA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA PHYI MAR 'BAD MED PAR, ,NGES PAR THOB 'GYUR LAS BZHIN NO, ,ZHES BSHAD DO, ,CI STE YANG JI ZHIG LTAR, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA STE, GYUR PA'I TSE 'PHAGS PA'I LAM STON PAR BYED PA'I RKYEN MA TSANG BAS DE KHO NA NYID KYI BDUD RTZI MA THOB PAR GYUR PA, DE LTA NA YANG SNGON TSE RABS GZHAN DU DE KHO NA NYID THOS PA'I RGYU'I STOBS KHO NA LAS 'JIG RTEN 'DI'I NYE BAR BSTAN PA LA LTOS PA DANG BRAL YANG RKYEN RNAM PAR DBEN PA RTEN PA TZAM THOB PA, RANG 'BYUNG RANG SANGS RGYAS KYI YE SHES NI, ,RTEN PA MED LAS RAB TU SKYE BA YIN NO, ,RTEN PA MED PA NI LUS DANG SEMS DAG DBEN PA'AM, DGE BA'I BSHES GNYEN YONGS SU MI TSOL BA STE, RTEN MED PA'I RGYU DE LAS SO, ,GANG GI PHYIR SANGS RGYAS MI 'BYUNG BA'I DUS SU RANG SANGS RGYAS RNAMS KYIS DE KHO NA NYID RTOGS PAR 'GYUR BA DE'I PHYIR, YANG DAG PAR RDZOGS PA'I SANGS RGYAS SMAN PA'I RGYAL POS GSUNGS PA DAM PA'I CHOS DE KHO NA NYID KYI BDUD RTZI JI SKAD DU BSHAD PA DE 'BRAS BU YOD PAR GRUB PAR SHES PAR BYA'O, ,GANG GI PHYIR 'DI DE LTAR YIN PA DE'I PHYIR, SHES RAB CAN RNAMS KYIS SROG DAG KYANG BTANG STE DE KHO NA NYID BTZAL BAR 'OS PA YIN TE, BYANG CHUB SEMS DPA' RTAG TU DUS BCOM LDAN 'DAS MA JI LTAR BTZAL BA BZHIN NO, ,JI SKAD DU, BCOM LDAN 'DAS MA YUM SHES RAB KYI PHA ROL TU PHYIN PA BRGYAD STONG PA LAS, BCOM LDAN 'DAS BYANG CHUB SEMS DPA' SEMS DPA' CHEN PO RTAG TU DUS, SHES RAB KYI PHA ROL TU PHYIN PA 'DI JI LTAR YONGS SU BTZAL BA LAGS, DE SKAD CES GSOL PA DANG, BCOM LDAN 'DAS KYIS TSE @122B DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR BYANG CHUB SEMS DPA' SEMS DPA' CHEN PO RTAG TU DUS, SNGON SHES RAB KYI PHA ROL TU PHYIN PA 'DI YONGS SU TSOL BA NA, LUS LA CHED CHER MI BYED, SROG LA MI LTA, RNYED PA DANG BKUR STI DANG TSIGS SU BCAD PA DAG LA MI GNAS PAR YONGS SU BTZAL TO, ,DE SHES RAB KYI PHA ROL TU PHYIN PA YONGS SU TSOL ZHING 'BROG DGON PA ZHIG TU PHYIN PA NA BAR SNANG LAS SGRA THOS PAR GYUR TE, RIGS KYI BU SHAR PHYOGS SU SONG SHIG DANG, SHES RAB KYI PHA ROL TU PHYIN PA THOS PAR 'GYUR GYI CI NAS LUS NGAL BA YID LA BYED PA MI SKYED PA DANG, GNYID DANG RMUGS PA YID LA BYED PA MI SKYED PA DANG, BZA' BA YID LA BYED PA MI SKYED PA DANG ZHES BYA BA NAS NANG NGAM PHYI ROL GANG LA YANG SEMS SMON PAR MA BYED CIG ,RIGS KYI BU G-YON DU MA LTA BAR SONG SHIG , G-YAS SU MA YIN, SHAR DU MA YIN, NUB TU MA YIN, BYANG DU MA YIN, STENG DU MA YIN, 'OG TU MA YIN, PHYOGS MTSAMS SU YANG MA LTA BAR SONG SHIG ,RIGS KYI BU JI LTAR BDAG LAS MA YIN 'JIG TSOGS LAS KYANG MA G-YOS PA DANG, JI LTAR GZUGS LAS KYANG MA G-YOS PA DANG, JI LTAR TSOR BA DANG, 'DU SHES DANG, 'DU BYED RNAMS DANG, JI LTAR RNAM PAR SHES PA LAS KYANG MA G-YOS PA DE LTAR SONG SHIG ,GANG 'DI LAS G-YOS PA DE NI RNAM PAR NYAMS PAR 'GYUR RO, ,CI LAS NYAMS PAR 'GYUR ZHE NA, SANGS RGYAS KYI CHOS RNAMS LAS NYAMS PAR 'GYUR RO, ,GANG SANGS RGYAS KYI CHOS RNAMS LAS NYAMS PAR GYUR PA DE NI 'KHOR BA LA SPYOD DO, ,GANG 'KHOR BA LA SPYOD PA DE NI SHES RAB KYI PHA ROL TU PHYIN PA LA MI SPYOD DE, DES SHES RAB KYI PHA ROL TU PHYIN PA RJES SU MI 'THOB PO ZHES BYA BA'I BAR NAS, CHU DE DAG MI SNANG BAR BYAS NAS KUN TU CHU BTZAL NA CHU MA RNYED DO, ,DE NAS BYANG CHUB SEMS DPA' SEMS DPA' CHEN PO RTAG TU DUS 'DI SNYAM DU SEMS TE, BDAG GI LUS PHUG LA KHRAG GIS SA PHYOGS 'DI CHAG CHAG GDAB BO, ,DE CI'I PHYIR ZHE NA, SA PHYOGS @123A *, ,'DI NI RDUL CHE STE, SA PHYOGS 'DI NAS RDUL GYI KHAMS BYUNG BAS BYANG CHUB SEMS DPA' SEMS DPA' CHEN PO CHOS 'PHAGS KYI LUS LA PHOG NA MI RUNG NA, BDAG GI LUS GDON MI ZA BAR 'JIG PA 'DIS CI ZHIG BYA, BDAG GI LUS 'DI LTA BU'I BYA BA LA 'JIG PA NI BLA'I, NUS PA MED PA'I BYA BA LA 'DOD PA'I PHYIR DANG, 'DOD PA'I GZHIS 'KHOR BDAG NA 'KHOR BA NA BDAG GI LUS BRGYA STONG MANG PO DE LTA BU'I GNAS SU ZHIG PA NI CIR YANG MA RUNG NGO SNYAM MO, ,DE NAS BYANG CHUB SEMS DPA' SEMS DPA' CHEN PO RTAG TU DUS MTSON RNON PO BLANGS TE, BDAG GI LUS KUN TU PHUG NAS RANG GI KHRAG GIS SA PHYOGS DE KHOR KHOR YUG TU CHAG CHAG BTAB PO ZHES BYA BA LA SOGS PA DANG, DE NAS BYANG CHUB SEMS DPA' SEMS DPA' CHEN PO RTAG TU DUS, BYANG CHUB SEMS DPA' SEMS DPA' CHEN PO CHOS 'PHAGS MTHONG MA THAG TU 'DI LTA STE; DPER NA DGE SLONG BSAM GTAN DANG PO LA SNYOMS PAR ZHUGS PA'I DGE SLONG RTZE GCIG TU YID LA BYED PA DE BZHIN DU BDE BA DE LTA BU THOB PO, ,DE NAS BYANG CHUB SEMS DPA' SEMS DPA' CHEN PO CHOS 'PHAGS SHES RAB KYI PHA ROL TU PHYIN PA STON PA NI 'DI LTA STE, CHOS THAMS CAD MNYAM PA NYID PAS SHES RAB KYI PHA ROL TU PHYIN PA MNYAM PA NYID DO, ,CHOS THAMS CAD DBEN PA NYID PAS SHES RAB KYI PHA ROL TU PHYIN PA DBEN PA NYID DO, ,CHOS THAMS CAD G-YO BA MED PA NYID PAS SHES RAB KYI PHA ROL TU PHYIN PA G-YO BA MED PA NYID DO, ,CHOS THAMS CAD RLOM SEMS MED PA NYID PAS SHES RAB KYI PHA ROL TU PHYIN PA RLOM SEMS MED PA NYID DO, ,CHOS THAMS CAD KHENGS PA MED PA NYID PAS SHES RAB KYI PHA ROL TU PHYIN PA KHENGS PA MED PA NYID DO, ,CHOS THAMS CAD RO GCIG PA NYID PAS SHES RAB KYI PHA ROL TU PHYIN PA RO GCIG PA NYID DO, ,CHOS THAMS CAD MU MED PA NYID PAS SHES RAB KYI PHA ROL TU PHYIN PA MU MED PA NYID DO, ,CHOS THAMS CAD SKYE BA MED PA NYID PAS SHES RAB KYI PHA ROL TU PHYIN PA SKYE BA MED PA NYID DO, ,CHOS THAMS CAD 'GAG PA MED PA NYID LAS SHES RAB KYI PHA ROL TU PHYIN PA 'GAG PA MED PA NYID DO, , @123B NAM MKHA' MU MED PA NYID PAS SHES RAB KYI PHA ROL TU PHYIN PA MU MED PA NYID DO ZHES BYA BA'I BAR DANG, CHOS THAMS CAD MA 'DRES PA NYID PAS SHES RAB KYI PHA ROL TU PHYIN PA MA 'DRES PA NYID DO, ,CHOS THAMS CAD DMIGS SU MED PA NYID PAS SHES RAB KYI PHA ROL TU PHYIN PA DMIGS SU MED PA NYID DO, ,CHOS THAMS CAD RNAM PAR 'JIG PA MNYAM PA NYID PAS SHES RAB KYI PHA ROL TU PHYIN PA RNAM PAR 'JIG PA MNYAM PA NYID DO, ,CHOS THAMS CAD BYED PA MED PA NYID PAS SHES RAB KYI PHA ROL TU PHYIN PA BYED PA MED PA NYID DO, ,CHOS THAMS CAD BSAM GYIS MI KHYAB PA NYID PAS SHES RAB KYI PHA ROL TU PHYIN PA BSAM GYIS MI KHYAB PA NYID DU RIG PAR BYA'O ZHES BYA BA'I BAR DU GSUNGS PA LTA BU'O, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, BDAG BRTAG PA ZHES BYA BA RAB TU BYED PA BCO BRGYAD PA'I 'GREL PA'O,, ,,'DIR SMRAS PA; DNGOS PO RNAMS KYI RANG BZHIN NI YOD PA NYID DE, DE DUS GSUM DU GDAGS PA'I RGYU YIN PA'I PHYIR RO, ,'DIR DUS GSUM PO 'DAS PA DANG MA 'ONGS PA DANG DA LTAR BYUNG BA DAG NI BCOM LDAN 'DAS KYIS BSTAN LA, DE DAG KYANG DNGOS PO'I RTEN CAN YIN TE, GANG GI PHYIR DNGOS PO'I RANG BZHIN SKYES NAS 'GAGS PA LA NI 'DAS PA ZHES BSNYAD LA, SKYES LA MA 'GAGS PA NI DA LTAR BA YIN ZHING, BDAG GI DNGOS PO MA RNYED PA NI MA 'ONGS PA YIN NO, ,DE LTAR NA DNGOS PO'I RANG BZHIN GYI RGYU CAN DUS GSUM LTAR NA, DE DAG KYANG YOD PA YIN TE, DE'I PHYIR DE'I RGYU DNGOS PO'I RANG BZHIN YANG YOD DO, ,BRJOD PAR BYA STE, GAL TE DUS GSUM NYID YOD NA, ,DUS GSUM DU GDAGS PA'I RGYU DNGOS PO'I RANG BZHIN YANG YOD PAR 'GYUR NA, YOD PA NI MA YIN NO, ,JI LTAR YOD PA MA YIN PA DE LTAR BSTAN PA'I PHYIR, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR ZHES GSUNGS TE, 'DIR GAL TE RE ZHIG DA LTAR DANG MA 'ONGS PA'I DUS DAG YOD NA, DE DAG 'DAS PA'I DUS LA LTOS PA'AM MA LTOS PA YOD PAR 'GYUR GRANG, DE @124A *, ,LA GAL TE 'DAS PA LA LTOS NAS GRUB NA NI, DE'I TSE NGES PAR DAG 'DAS PA'I DUS NA YOD PAR 'GYUR TE, GANG GI PHYIR GANG ZHIG GANG NA YOD PA MA YIN PA DE NI DE LA LTOS PA MA YIN TE, DPER NA RANG GI BU MO MO GSHAM DANG, RANG GI ME TOG NAM MKHA' DANG RANG GI TI LA MAR BYE MA DAG LA MI LTOS PA BZHIN NO, ,GAL TE SGRON MA'I RANG GI NGO BO LA MUN PA MED KYANG 'GAL ZLA NYID DU LTOS PA YIN NO ZHE NA, DE NI DE LTA MA YIN TE, DE YANG BSGRUB PAR BYA BA DANG MTSUNGS PA'I PHYIR RO, ,DE'I PHYIR 'DIR GAL TE LTOS PA GRUB PAR BYA BA'I PHYIR DA LTAR DANG MA 'ONGS PA'I DUS DAG 'DAS PA'I DUS NA YOD PAR 'DOD NA NI, DE LTAR NA, 'DAS PA'I DUS NA YOD PA'I PHYIR 'DAS PA'I DUS KYI RANG GI BDAG NYID LTAR, DE DAG KYANG 'DAS PA'I DUS NYID DU 'GYUR RO, ,DE'I PHYIR 'DAS PAR YANG MI 'GYUR TE, GANG GI PHYIR DA LTAR LAS 'DAS PA NI 'DAS PA YIN LA, MA THOB PA NI MA 'ONGS PA YIN NO ZHES BYA BA YIN NA, GANG GI TSE DA LTAR DANG MA 'ONGS PA DAG YOD PA MA YIN PA NYID DU GYUR PA DE'I TSE GANG ZHIG 'DAS PA NYID DU 'GYUR BA GA LA YOD, DE'I PHYIR 'DAS PAR YANG MI 'GYUR RO, ,CI STE JI SKAD DU BSHAD PA'I SKYON SPANG BAR 'DOD NA, DA LTAR BYUNG DANG MA 'ONGS PA, ,GAL TE DE NA MED GYUR NA, ,DA LTAR BYUNG DANG MA 'ONGS PA, ,JI LTAR DE LA LTOS PAR 'GYUR, ,GAL TE DA LTAR BA DANG MA 'ONGS PA'I DUS DE DAG 'DAS PA'I DUS DE NA MED PAR RTOG NA, DE LTA NA YANG DE NA YOD PA MA YIN PAS, NAM MKHA'I AUTPALA LTAR LTOS PA YOD PA MA YIN NO, ,CI STE YANG DUS SMRA BA RNAMS KYI LTAR NA DUS YOD PA NYID YIN NA, DE LA LTOS PAS DGOS PA CI YOD SNYAM NA, BRJOD PA DE LTA NA YANG, 'DAS PA LA NI MA LTOS PAR, DE GNYIS GRUB PA YOD MA YIN, DE PHYIR DA LTAR BYUNG BA DANG, ,MA 'ONGS DUS KYANG YOD MA YIN, DA LTAR BYUNG BA DANG MA 'ONGS PA DAG YOD PA MA YIN TE, 'DAS PA LA MI LTAS PA'I PHYIR BONG BU'I RVA BZHIN NO, ,GANG GI PHYIR DE LTA YIN PA DE'I PHYIR DA LTAR BYUNG BA DANG MA 'ONGS PA'I DUS YOD PA MA YIN NO ZHES SHES PAR BYA'O, ,DE LTAR NA JI LTAR 'DAS PA LA @124B LTOS PA'AM MA LTOS PA YANG RUNG STE, DA LTAR BYUNG BA DANG MA 'ONGS PA DAG GRUB PA YOD PA MA YIN PA DE BZHIN DU, DA LTAR BYUNG BA LA LTOS SAM MA LTOS KYANG RUNG STE, 'DAS PA DANG MA 'ONGS PA DAG GAM, MA 'ONGS PA LA LTOS SAM MA LTOS KYANG RUNG STE, 'DAS PA DANG DA LTAR BYUNG BA DAG MA GRUB PAR SHES PA NA, DA LTAR BYUNG BA DANG MA 'ONGS PA DAG 'DAS PA LA LTOS SAM MA LTOS KYANG RUNG STE MA GRUB PA'I RIM PA'I TSUL 'DI NYID DANG SUN DBYUNG BA MTSUNGS PAR BSGRE BA'I PHYIR, RIM PA'I TSUL NI 'DI NYID KYI, ,LHAG MA GNYIS PO BSNOR BA DANG, ,MCHOG DANG THA MA 'BRING LA SOGS, ,GCIG LA SOGS PA'ANG SHES PAR BYA, ,ZHES GSUNGS SO, ,JI LTAR ZHE NA, 'DAS PA DANG NI MA 'ONGS PA, ,GAL TE DA LTAR BYUNG LTOS NA, ,'DAS PA DANG NI MA 'ONGS PA, ,DA LTAR BYUNG DUS YOD PAR 'GYUR, ,'DIS PA DANG NI MA 'ONGS DUS, ,GAL TE DE NI MED GYUR NA, ,'DAS PA DANG NI MA 'ONGS DUS, ,JI LTAR DE LA LTOS PAR GYUR, ,DA LTAR LA NI MA LTOS PAR, ,DE GNYIS GRUB PA YOD MA YIN, ,DE YI PHYIR NA 'DAS PA DANG, ,MA 'ONGS DUS KYANG YOD MA YIN, ,ZHES BYA STE, RE ZHIG 'DI NI DUS BSNOR BA GCIG YIN NO; ;'DAS DANG DA LTAR BYUNG BA NI, ,GAL TE MA 'ONGS LTOS GYUR NA, ,'DAS PA DANG NI DA LTAR BYUNG, ,MA 'ONGS DUS NA YOD PAR 'GYUR, ,'DAS DANG DA LTAR BYUNG BA NI, ,GAL TE DE NA MED GYUR NA, ,'DAS PA DANG NI DA LTAR BYUNG, ,JI LTAR DE LA LTOS PAR 'GYUR, ,MA 'ONGS PA LA MA LTOS PAR, ,DE GNYIS GRUB PA YOD MA YIN, ,DE YI PHYIR NA 'DAS PA DANG, ,DA LTAR DUS KYANG YOD MA YIN, ,ZHES BYA BA 'DI NI DUS BSNOR BA GNYIS PA STE, ,DE LTAR DUS BSNOR BA GNYIS KHONG DU CHUD PAR BYA'O, ,GANG GI PHYIR RNAM PAR DPYAD PA NA, ,DUS GSUM MED PA DE'I PHYIR DUS YOD PA MA YIN LA, ,DUS MED PAS DNGOS PO'I RANG BZHIN YANG YOD PA MA YIN NO ZHES BYA BAR GRUB BO, ,JI LTAR DUS GSUM PO 'DI RNAM PAR DPYAD PA DE BZHIN DU, MCHOG DANG THA MA 'BRING LA SOGS, ,GCIG LA SOGS PA'ANG SHES PAR BYA STE, MCHOG DANG THA MA @125A *, ,'BRING LA SOGS, ,ZHES BYA BA LA SOGS PA'I SGRAS NI, DGE BA DANG MI DGE BA DANG LUNG DU MA BSTAN PA RNAMS DANG, SKYE BA DANG GNAS PA DANG MI RTAG PA RNAMS DANG, SNGON GYI MTHA' DANG DBUS KYI MTHA' DANG PHYI MA'I MTHA' RNAMS DANG, 'DOD PA DANG GZUGS DANG GZUGS MED PA'I KHAMS DAG DANG, SLOB PA DANG MI SLOB PA DANG, SLOB PA YANG MA YIN MI SLOB PA YANG MA YIN PA LA SOGS PA DNGOS PO GSUM DANG 'BREL PAR GNAS PA JI SNYED CIG YOD PA DE DAG THAMS CAD BSDU'O, ,GCIG LA SOGS PA'ANG ZHES BYA BA'I SOGS PA'I SGRA 'DIS NI GNYIS PA DANG MANG PO DAG SDUD DO, ,MCHOG LA SOGS PA DAG DANG, ,GCIG LA SOGS PA DE RNAMS NI, ,DUS GSUM RNAM PAR BSHAD PAS BSHAD PAR RIG PAR BYA'O, ,'DIR SMRAS PA, DUS NI YOD PA NYID DE, TSAD DANG LDAN PA NYID KYI PHYIR RO, ,'DIR GANG MED PA DE LA NI TSAD DANG LDAN PA NYID YOD PA MA YIN TE, DPER NA RI BONG GI RVA BZHIN NO, ,DUS LA NI SKAD CIG DANG, THANG CIG DANG, YUD TZAM DANG, NYIN MO DANG, MTSAN MO DANG, NYIN MTSAN DANG, ZLA BA PHYED PA DANG, ZLA BA DANG, NYI MA NUR BA DANG, LO LA SOGS PA'I DBYE BAS TSAD DANG LDAN PA NYID YOD PA YANG YIN TE, DE'I PHYIR TSAD DANG LDAN PA NYID KYI PHYIR DUS YOD PA NYID DO, ,BRJOD PAR BYA STE, GAL TE DUS ZHES BYA BA 'GA' ZHIG YOD NA NI, DE TSAD DANG LDAN PA NYID DU YANG 'GYUR NA, YOD PA NI MA YIN TE, ,GANG GI PHYIR, MI GNAS DUS NI 'DZIN MI BYED, ,GANG ZHIG GZUNG BAR BYA BA'I DUS, ,GNAS PA YOD PA MA YIN PAS, ,MA BZUNG DUS NI JI LTAR GDAGS, ,GAL TE 'DI NA DUS ZHES BYA BA SKAD CIG MA LA SOGS PA LA THA DAD PA GNAS PA 'GA' ZHIG YOD NA NI DE SKAD CIG LA SOGS PA DAG GI SGO NAS TSAD DANG LDAN PAR 'DZIN PA ZHIG NA, DUS ZHES BYA BA GANG ZHIG SKAD CIG MA LA SOGS PA DAG GI SGO NAS 'DZIN PA THER ZUG PAR GNAS PA NI YOD PA YANG MA YIN NO, ,DE'I PHYIR DE LTAR NA MI GNAS DUS NI 'DZIN MI BYED DE, MI GNAS PA'I PHYIR 'DZIN PAR MI 'GYUR RO ZHES BYA BA'I DON TO, , @125B CI STE YANG DUS RTAG PAR GNAS PA'I RANG BZHIN CAN KHO NA YOD PA YIN LA, DE SKAD CIG LA SOGS PA DAG GIS MNGON PAR GSAL BAR BYED PA YIN TE, DE SKAD DU YANG, DUS KYIS 'BYUNG BA SMIN PAR BYED, ,DUS KYIS SKYE DGU SDUD PAR BYED, ,DUS KYIS GNYID LOG SAD PAR BYED, ,DUS LAS 'DA' BAR SHIN TU DKA', ,ZHES 'BYUNG BA DE LTA BU'I MTSAN NYID CAN GNAS PA'I RANG BZHIN GANG YIN PA DE NI YOD PA YIN NO SNYAM NA, BRJOD PAR BYA STE, DE LTAR NA YANG GANG ZHIG SKAD CIG LA SOGS PA DAG GIS MNGON PAR GSAL ZHING GZUNG BA DUS GNAS PA YOD PA MA YIN NO, ,YANG CI'I PHYIR DUS GNAS PA YOD PA MA YIN NO ZHE NA, SKAD CIG LA SOGS PA LAS THA DAD PAR MA BZUNG BA'I PHYIR RO, ,GZHAN YANG DUS 'DI 'DUS BYAS KYI RANG BZHIN DU GYUR PA ZHIG GAM, 'DUS MA BYAS KYI RANG BZHIN DU GYUR PA ZHIG YOD PAR RTOG GRANG NA, GNYI GA YANG, SKYE DANG GNAS DANG 'JIG PA DAG ,MA GRUB PHYIR NA 'DUS BYAS MED, ,'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, ,CES BYA BA DES 'DUS BYAS BRTAG PAR BKAG ZIN TO, ,DE'I PHYIR DE LTAR NA GANG ZHIG GZUNG BAR BYA BA DUS GNAS PA YOD PA MA YIN NO, , DUS GANG ZHIG DE LTAR MI GNAS SHING YOD PA MA YIN PA'I PHYIR GZUNG BA MA YIN PA DE NI MA BZUNG BA YIN DANG JI LTAR SKAD CIG LA SOGS PA DAG GIS GDAGS PAR NUS ZHES GSUNGS PA NI, MA BZUNG DUS NI JI LTAR GDAGS, ,ZHES BYA BA'O, ,DE'I PHYIR DUS MED PA NYID DO, , 'DIR SMRAS PA, DUS ZHES BYA BA GZUGS LA SOGS PA LAS THA DAD PA'I RANG BZHIN DU GRUB PA RTAG PA 'GA' ZHIG MED PA NI BDEN TE, 'O NA CI ZHE NA, 'DU BYED GZUGS LA SOGS PA DAG LA BRTEN NA BRTAGS PA'I DUS NI SKAD CIG LA SOGS PA'I SGRAS BRJOD PAR BYA BAR 'GYUR TE; DE'I PHYIR NYES PA MED DO, ,BRJOD PAR BYA STE, DE LTA NA YANG, GAL TE DUS NI DNGOS BRTEN TE, ,DNGOS MED DUS NI GA LA YOD, ,GAL TE DE LTAR DNGOS PO LA BRTEN NAS DUS SU 'GYUR RO ZHES RNAM PAR 'JOG NA'O, ,GANG GI TSE DNGOS PO NYID YOD PA MA YIN PA DE'I TSE NGES PAR DE'I RGYU @126A *, ,CAN GYI DUS KYANG YOD PA MA YIN NO ZHES BSTAN PA'I PHYIR, DNGOS PO 'GA' YANG YOD MIN NA, ,ZHES GSUNGS TE, GONG DU RGYAS PAR BSTAN PA'I PHYIR DANG, DGAG PA 'CHAD PAR 'GYUR BA'I YANG PHYIR RO, ,GANG GI TSE DE LTAR DNGOS PO 'GA' YANG YOD PA MA YIN PA DE'I TSE, DUS LTA YOD PAR GA LA 'GYUR, DUS MED PAS DE'I TSAD DU GYUR PA DUS KYI BYE BRAG SKAD CIG LA SOGS PA YANG MED DO, ,DE'I PHYIR TSAD DANG LDAN PA NYID KYIS DUS GRUB PAR GA LA 'GYUR TE, DE'I PHYIR DNGOS PO RNAMS KYI RANG BZHIN YOD PA MA YIN PA NYID DO, , BCOM LDAN 'DAS KYIS KYANG 'PHAGS PA GLANG PO'I RTZAL GYI MDO LAS, GAL TE CHOS RNAMS RANG BZHIN 'GA' YOD NA, ,RGYAL BA NYAN THOS BCAS PAS DE MKHYEN 'GYUR, ,THER ZUG CHOS RNAMS MYA NGAN 'DAS MI 'GYUR, ,MKHAS RNAMS NAM YANG SPYOD PA MED MI 'GYUR, ,ZHES GSUNGS LA, DE BZHIN DU, CHOS NI STONG PHRAG BRGYA DAG BSTAN GYUR NAS, ,SANGS RGYAS 'BUM PHRAG GANG DAG 'DAS GYUR KYANG, ,CHOS DANG YI GE DAG LA ZAD MED DE, ,SKYE BA YOD MIN DES NA ZAD PA MED, ,CES BYA BA DANG, DE BZHIN DU, ,DE BZHIN GSHEGS PA 'BYUNG BA'I DUS KYI TSE, ,BYAMS PA ZHES BYA'I RGYAL BA 'BYUNG 'GYUR ZHING, ,SA 'DI GSER GYIS BDAL BA 'BYUNG 'GYUR BA, ,DE TSE DE YI 'BYUNG DE GA LA YOD, ,CES BYA BA LA SOGS PA GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, DUS BRTAG PA ZHES BYA BA RAB TU BYED PA BCU DGU PA'I 'GREL PA'O,, ,,'DIR SMRAS PA, DUS NI YOD PA NYID DE, 'BRAS BU 'BYUNG BA LA LHAN CIG BYED PA'I RKYEN YIN PA'I PHYIR RO, ,GANG MED PA DE NI LHAN CIG BYED PA'I NGO BO MA YIN TE MO GSHAM GYI BU BZHIN NO, ,DE'I PHYIR DUS NI YOD PA NYID DE, LHAN CIG BYED PA'I RKYEN YIN PA'I PHYIR RO, ,'DI NA MYU GU GANG ZHIG SA BON DANG SA DANG CHU DANG ME DANG RLUNG DANG NAM MKHA' DANG DUS ZHES BYA BA RGYU DANG RKYEN TSOGS PA LA BRTEN NAS SKYE BA NI, SA BON LA SOGS PA'I RGYU DANG RKYEN TSOGS PA YOD KYANG DUS KYI KHYAD PAR NYE BAS MI @126B SKYE BA YIN NO, ,PHYI ROL DAG LA JI LTA BA DE BZHIN DU NANG GI BDAG NYID LA YANG YIN TE, BCOM LDAN 'DAS KYIS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES JI SKAD DU GSUNGS PA LTA BU'O, ,GANG GI PHYIR DE LTAR DUS DE LA LTOS PA YOD PA DE'I PHYIR GANG ZHIG MYU GU LA SOGS PA BYUNG BA LA LHAN CIG BYED PA'I RKYEN DU 'GYUR BA DUS ZHES BYA BA DE YOD PA YIN NO, ,BRJOD PAR BYA STE, GAL TE MYU GU LA SOGS PA 'BRAS BU 'BYUNG BA NYID YOD NA NI, DUS LHAN CIG BYED PA'I RGYU NYID DU 'GYUR BA ZHIG NA, YOD PA NI MA YIN NO, ,JI LTAR ZHE NA, 'DIR SA BON LA SOGS PA RGYU DANG RKYEN GYI TSOGS PA LAS MYU GU LA SOGS PA 'BRAS BU SKYE BAR RTOG PA NA, 'BRAS BU TSOGS PA LA RNAM PAR GNAS PA ZHIG GAM, MI GNAS PA ZHIG DE LAS SKYE BAR RTOG GRANG, DE LAS CIR 'GYUR ZHE NA, GAL TE RNAM PAR GNAS PA ZHIG LA RTOG NA NI, DE NI MI RUNG NGO ZHES BSTAN PA'I PHYIR, ,GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR ZHING, ,TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,ZHES GSUNGS TE; GAL TE RGYU DANG RKYEN GYI TSOGS PA LAS 'BRAS BU YOD NA NI, DE LTA NA GANG ZHIG TSOGS PA LA YOD PA DE JI LTAR DES BSKYED PAR 'GYUR TE, KHAR GZHONG NA YOD PA'I ZHO NI KHAR GZHONG GIS BSKYED PA MA YIN NO, ,GZHAN YANG GANG YOD PA DE NI GRUB ZIN PA'I PHYIR, GRUB ZIN PA'I BUM PA MDUN NA GNAS PA LTAR YANG SKYE BA LA LTOS PA MED PA YIN NO, ,GAL TE MNGON PAR GSAL BA'AM RAGS PAR BYED PA YIN NO ZHE NA, MA YIN TE, PHYOGS 'DI LA GONG DU LAN BTAB ZIN PA'I PHYIR RO, ,ME NI GZHAN LAS MI 'ONG STE, ,SHING LA'ANG ME NI YOD MA YIN, , DE BZHIN ZHES BYA BA DER LAN BRJOD ZIN TO, ,CI STE TSOGS PA LA 'BRAS BU MED DO ZHES RTOG NA, DE YANG MI 'THAD DO ZHES BSTAN PA'I PHYIR, GAL TE RGYU DANG RKYEN RNAMS KYI, ,TSOGS PA NYID LAS SKYE 'GYUR ZHING, ,TSOGS LA 'BRAS BU MED NA NI, ,JI LTAR TSOGS PA NYID LAS @127A *, ,SKYE; ,ZHES GSUNGS TE, GAL TE RGYU DANG RKYEN RNAMS KYI TSOGS PA LA 'BRAS BU DE MED NA NI, 'O NA JI LTAR RGYU DANG RKYEN TSOGS PAS 'BRAS BU BSKYED DE, DE NA YOD PA MA YIN PA'I PHYIR BYE MA DAG GI TIL MAR BZHIN NO, ,DE NYID KYI PHYIR MI SRID PAS, ,TSOGS LA 'BRAS BU MED NA NI, ,JI LTAR TSOGS PA NYID LAS SKYE, ,ZHES GSUNGS TE, 'BRAS BU DE TSOGS PA NYID LAS MI SKYE BA NYID DO SNYAM DU DGONGS PA YIN NO, ,GZHAN YANG, GAL TE RGYU DANG RKYEN RNAMS KYI, ,TSOGS LA 'BRAS BU YOD NA NI, ,TSOGS LA GZUNG DU YOD RIGS NA, ,TSOGS PA NYID LA GZUNG DU MED, ,GANG ZHIG GANG NA YOD PA DE NI DER GZUNG DU YOD DE, ,DPER NA KHAR GZHONG GI ZHO BZHIN LA, GANG ZHIG GANG NA YOD PA MA YIN PA DE NI DER GZUNG DU YOD PA MA YIN TE, DPER NA BYE MA DAG LA 'BRU MAR LTA BU'O, ,CI STE DNGOS PO RNAMS YOD KYANG, SHIN TU PHRA BA DANG, SHIN TU NYE BA DANG, SHIN TU RING BA DANG, DBANG PO LA RNYOG PA CHAGS PA DANG, DBANG PO LA GNOD PA BYAS BA DANG, LUS CAN GYI RDZAS KYIS CHOD PA DANG, LUS MI SNANG BAR 'GYUR BA DANG, YID LA MA BZUNG BA'I PHYIR PHRA RAB DANG, MIG LA GNAS PA'I MIG SMAN GYI THUR MA DANG, NYI MA'I 'GROS DANG, RAB RIB CAN GYI SKRA RE RE DANG, LONG BA DANG 'ON PA LA SOGS PA'I GZUGS DANG, SGRA LA SOGS PA DANG, RTZIG PA LA SOGS PAS BAR DU BCAD PA'I BUM PA DANG, GRUB PA DANG LHA DANG SHA ZA LA SOGS PA'I LUS DANG, YUL GZHAN YID LA BYED PA DANG BCAS PA'I YUL GZHAN LTAR GZUNG DU MED PA YIN NO ZHE NA, 'ON GANG GIS NA 'DI DAG YOD BZHIN DU MI DMIGS PAR 'GYUR BA, MA BZUNG BA 'DI DAG YOD PA NYID LA RTAG CING YOD, RJES SU DPAG PA DANG, NYE BAR 'JAL BA DANG, LUNG RNAMS KYIS 'DZIN PA'I PHYIR DE DAG YOD PA NYID DO ZHE NA, 'O NA DE DAG MA DMIGS SO, ,ZHES BRJOD PAR MI BYA STE, RJES SU DPAG PA LA SOGS PA DAG GIS DMIGS PA'I PHYIR RO, ,GAL TE DBANG PO GZUGS CAN GYIS GZUNG BAR BYA BA DE GANG YIN PA DE YOD KYANG BYED PA DAG GIS MA BZUNG BA YIN NO ZHE NA, BRJOD PA, CI KHO BO CAG GIS YOD BZHIN PAR GYUR PA DBANG PO GZUGS CAN DAG GIS GZUNG DU MED DO ZHES DE @127B SKAD DU SMRAS SAM, 'O NA CI ZHE NA, KHO BO CAG NI, TSOGS LA GZUNG DU YOD RIGS NA, ,ZHES SPYIR SMRA'O, ,CI STE YANG GANG ZHIG GANG NA MED PA DE NI DE LAS SKYE BA MA YIN TE, BYE MA DAG LAS 'BRU MAR BZHIN NO, ,'BRAS BU NI TSOGS PA LAS SKYE BA YANG YIN TE, DE'I PHYIR TSOGS PA LA 'BRAS BU YOD PA NYID NI RJES SU DPAG PA LAS YIN NO SNYAM DU SEMS NA, BRJOD PA, GANG ZHIG GANG NA YOD PA DE NI DE LAS SKYE BA MA YIN TE, DPER NA KHAR GZHONG LAS ZHO MI SKYE BA BZHIN NO ZHES RJES SU DPAG PA 'DI LAS DE YOD PAR MI RIGS PA'I PHYIR TSOGS PA 'BRAS BU MED PA NYID DO ZHES CI STE MI GZUNG, CI STE YANG PHYOGS GNYI GA YANG RJES SU DPAG PA DANG 'GAL BA'I PHYIR NA JI LTAR YOD PA NYID MI RIGS PA DE BZHIN DU MED PA NYID KYANG MI RIGS SO SNYAM NA, BRJOD PAR BYA STE, KHO BO CAG NI 'DI MED PAR SGRUB PA MA YIN GYI, 'O NA CI ZHE NA, 'DI GZHAN GYIS YOD PA NYID DU YONGS SU BRTAGS PA 'GOG PA YIN NO, ,DE BZHIN DU KHO BO CAG NI 'DI YOD PA NYID DU SGRUB PA MA YIN TE, 'O NA CI ZHE NA, 'DI GZHAN GYIS MED PA NYID DU BRTAGS PA SEL BA YIN TE, MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,BRGYA BA LAS KYANG, 'BRAS BU YOD NYID GANG 'DOD DANG, ,'BRAS BU MED NYID GANG 'DOD LA, ,KHYIM GYI DON DU KA BA LA, ,SOGS PA'I RGYAN NI DON MED 'GYUR, ,ZHES BSHAD DO, ,DE'I PHYIR DE LTAR NA TSOGS PA LAS 'BRAS BU SKYE BA MA YIN TE, YOD PA NI GZUNG DU YOD PAR THAL BAR 'GYUR BA'I PHYIR RO ZHES BYA BAR RNAM PAR GZHAG PA YIN NO, ,CI STE TSOGS PA LA 'BRAS BU MED PA NYID DO SNYAM DU SEMS NA DE LTA NA YANG, GAL TE RGYU DANG RKYEN RNAMS KYI, ,TSOGS LA 'BRAS BU MED NA NI, ,RGYU RNAMS DANG NI RKYEN DAG KYANG, ,RGYU RKYEN MA YIN MTSUNGS PAR 'GYUR, ,JI LTAR ME DANG SOL BA LA SOGS PA DAG LA MYU GU MED PA'I PHYIR NA, DE DAG DE'I RGYUR MI 'GYUR BA DE BZHIN DU; SA BON LA SOGS PA BRJOD PAR 'DOD PA RNAMS KYANG RGYU DANG RKYEN NYID DU MI 'GYUR TE, DE DAG LA MYU GU MED PA'I PHYIR RO, ,RGYU DANG RKYEN MA YIN PA DAG LAS NI 'BRAS BU 'BYUNG BAR RIGS PA YANG MA YIN TE, DE'I PHYIR 'BRAS BU 'BYUNG BA MED DO, ,'DIR SMRAS PA, GANG LAS CI TSOGS PA @128A *, ,LAS 'BRAS BU YOD DAM 'ON TE MED CES BYA BA'I BSAM PA 'DIR 'GYUR BA, TSOGS PA LA NI 'BRAS BU BSKYED PA'I NUS PA MED DO, ,'O NA CI ZHE NA, RGYU LA 'BRAS BU BSKYED PA'I NUS PA YOD LA, TSOGS PAS NI RGYU LA PHAN 'DOGS PA TZAM ZHIG BYED PA YIN NO, ,RGYU DE NI 'BRAS BU BSKYED PAR BYA BA'I PHYIR RGYU BYIN NAS 'GAG PAR 'GYUR LA, RGYU DES PHAN BTAGS PA'I 'BRAS BU YANG SKYE BA YIN NO, ,BRJOD PAR BYA STE, 'BRAS BU MA SKYES PA'I RGYU LA NI PHAN 'DOGS PA YOD PA MA YIN LA, MA SKYES PA LA NI MO GSHAM GYI BU LTAR SUS KYANG CUNG ZAD TZAM YANG BYED PAR MI NUS PAS RTOG PA 'DI NI MI RIGS SO, ,GZHAN YANG, GAL TE RGYUS NI 'BRAS BU LA, ,RGYU BYIN NAS NI 'GAG 'GYUR NA, ,GANG BYIN PA DANG GANG 'GAG PA'I, ,RGYU YI BDAG NYID GNYIS SU 'GYUR, ,GAL TE RGYU DES 'BRAS BU SKYED PA'I PHYIR RGYU DE BYED RGYU BYIN NAS 'GAG PAR 'GYUR RO ZHES RTOG NA NI, DE LTA NA RGYU'I BDAG NYID GANG BYIN PA DANG GANG 'GAG PA DE GNYIS SU 'GYUR NA, DE NI RIGS PA YANG MA YIN TE, PHYED RTAG PAR THAL BAR 'GYUR BA'I PHYIR DANG, PHYED MI RTAG PAR 'GYUR BA'I PHYIR RO, ,RTAG PA DANG MI RTAG PA PHAN TSUN 'GAL BA DAG KYANG GCIG LA MED PA'I PHYIR RO, , CI STE RGYU'I BDAG NYID GNYIS SU THAL BA SPANG BAR BYA BA'I DON DU 'BRAS BU SKYED PAR BYED PA'I PHYIR CUNG ZAD KYANG MA BYIN PAR BDAG NYID THAMS CAD KYI RGYU'I 'GAG PAR 'DOD NA NI, DE LTA NA YANG, GAL TE RGYUS NI 'BRAS BU LA, ,RGYU MA BYIN PAR 'GAG 'GYUR NA, ,RGYU 'GAGS NAS NI SKYES PA YI, ,'BRAS BU DE NI RGYU MED 'GYUR, ,GAL TE 'BRAS BU LA CUNG ZAD KYANG MA BYIN PAR BDAG NYID THAMS CAD KYIS RGYU 'GAGS NA NI, DE LTAR RGYU DE 'GAGS NAS SKYES PA'I 'BRAS BU GANG YIN PA DE RGYU MED PA KHO NAR 'GYUR NA, RGYU MED PA NI YOD PA MA YIN PAS RTOG PA 'DI NI MI RIGS SO, , 'DIR SMRAS PA, GAL TE 'BRAS BU RGYU LAS SKYE BAS NYES PA 'DIR 'GYUR NA NI, ,DE LTAR NA TSOGS PA DANG LHAN CIG SKYES PA KHO NA 'BRAS BU SKYED PAR BYED PA YIN PAR 'GYUR TE, DPER NA SGRON MA 'OD KYIS SKYED PAR BYED PA YIN PA BZHIN NO, ,RTOG PA 'DI YANG 'THAD PA MA YIN NO ZHES BSTAN PA'I @128B PHYIR; GAL TE TSOGS DANG LHAN CIG TU, ,'BRAS BU YANG NI SKYE 'GYUR NA, ,SKYED PAR BYED DANG BSKYED BYA GANG, ,DUS GCIG PAR NI THAL BAR 'GYUR, ZHES GSUNGS TE, BA GLANG GI RVA G-YAS G-YON DUS GCIG PA DAG NI BSKYED PAR BYA BA DANG SKYED PAR BYED PA NYID DU YANG MA MTHONG BAS, 'DI NI MI RIGS SO, ,'DIR KHA CIG NA RE, DNGOS PO RNAMS MA BYUNG BA LAS SKYE BA NI MED DE, GLO BUR BAR THAL BAR 'GYUR BA'I PHYIR RO, ,DE'I PHYIR 'BRAS BU DE NI RGYU DANG RKYEN GYIS TSOGS PA'I SNGA ROL MA 'ONGS PA'I GNAS SKABS NA GNAS PA YIN LA, RGYU DANG RKYEN GYI TSOGS PAS NI DE DA LTAR BA'I GNAS SKABS SU BSKYED PA YIN GYI, RDZAS NI GNAS PA NYID DO ZHES ZER RO, ,DE DAG LA BRJOD PA NI, GAL TE TSOGS PA'I SNGA ROL DU, ,'BRAS BU SKYES PAR GYUR NA NI, ,RGYU DANG RKYEN RNAMS MED PA YI, ,'BRAS BU RGYU MED 'BYUNG BAR 'GYUR, ,ZHES BYA BA STE, GAL TE TSOGS PA'I SNGA ROL NA 'BRAS BU RANG GI NGO BOS YOD PAR GYUR NA NI, DE RGYU DANG RKYEN LA LTOS PA MED PAR 'GYUR LA, DE'I PHYIR RGYU MED PAR 'BYUNG BAR 'GYUR NA, DNGOS PO RGYU MED PAR 'BYUNG BA DAG NI YOD PA NYID KYANG MA YIN TE BONG BU'I RVA LA SOGS PA RNAMS KYANG YOD PAR THAL BAR 'GYUR BA'I PHYIR RO, ,SNGAR GRUB ZIN PA LA YANG RGYU DANG RKYEN LA LTOS PAS DGOS PA MED PA'I PHYIR YANG 'DI RIGS PA MA YIN NO, ,YANG GZHAN DAG NI, 'BRAS BU NI RGYU KHO NAS SKYED PAR BYED KYI, TSOGS PAS NI MA YIN LA, BSHAD ZIN PA'I NYES PAR THAL BA YANG MA YIN TE, 'DI LTAR GANG LAS CI RGYUS 'BRAS BU LA RGYU BYIN NAS 'GAG PAR 'GYUR RAM, 'ON TE MA BYIN PAR YIN ZHES RNAM PAR DPYOD PAR 'GYUR BA, RGYU YANG GZHAN LA 'BRAS BU YANG GZHAN PA NI MA YIN GYI, 'ON KYANG RGYU NYID 'GAGS NAS 'BRAS BU'I BDAG NYID DU RNAM PAR GNAS PA YIN NO ZHES 'DZER TO, ,DE LTA NA YANG, ,LA TE RGYU 'GAGS 'BRAS BU NA, ,RGYU NI KUN DU 'PHO BAR 'GYUR, ,SNGON SKYES PA YI RGYU YANG NI, ,YANG SKYE BAR NI THAL BAR 'GYUR, ,GAL TE RGYU 'GAGS PA NA 'BRAS BU SKYE LA 'BRAS BU DE YANG RGYU'I BDAG NYID CAN KHO NA YIN NO ZHES RTOG NA, DE LTA YIN NA NI, RGYU NI @129A *, ,KUN DU 'PHO BAR 'GYUR TE, ZLOS GAR MKHAN CHA BYAD GZHAN BTANG NAS CHA BYAD GZHAN LEN PA LTAR RGYU 'PHO BA TZAM ZHIG TU 'GYUR GYI, 'BRAS BU SNGA NA MED PA SKYE BA NI MA YIN NO, ,DE'I PHYIR RGYU RTAG PA NYID DU 'GYUR NA, RTAG PA DAG NI YOD PA NYID KYANG MA YIN NO, ,JI SKAD DU BRGYA PA LAS, GANG ZHIG GANG NA NAM GYI TSE 'ANG, ,MA BSTEN PAR NI YOD NYID MED, ,DES NA NAM YANG GANG ZHIG TU, ,RTAG PA 'GA' YANG YOD MA YIN, ,ZHES BSHAD DO, ,GZHAN YANG RTOG PA 'DI LA NI, SNGON SKYES PA'I RGYU YANG SKYE BAR 'GYUR NA, SKYES PA NI SLAR YANG SKYE BAR MI RIGS TE, DGOS PA MED PA'I PHYIR DANG, THUG PHA MED PAR THAL BAR 'GYUR BA'I PHYIR RO, ,CI STE BDAG NYID GANG GIS YOD PA'I BDAG NYID DE SKYE BA NI MA YIN GYI, BDAG NYID GANG GIS YOD PA MA YIN PA DE KHO NA SKYE BA YIN NO SNYAM NA, 'DI YANG MI RUNG STE, RGYU'I RANG GI NGO BO RGYU'I RANG BZHIN MA SPANGS PA LA 'BRAS BU YIN NO ZHES BYA BAR MING TZAM ZHIG THA DAD PA YIN PA'I PHYIR DANG, GNAS SKABS THA DAD NA YANG RDZAS THA MI DAD PAR SGRUB PAR MI NUS PA'I PHYIR DANG, 'BRAS BU'I GNAS SKABS NA RGYU'I RANG BZHIN YONGS SU SPANGS PA NI 'BRAS BU'I SGRAS BRJOD PAR BYA BA YIN PA'I PHYIR NA RGYU 'BRAS BU'I BDAG NYID DU GNAS SO ZHES BYA BA 'DI NI GYI NA'O, ,GZHAN YANG, GAL TE RGYUS 'BRAS BU SKYED PAR BYED NA, DE 'GAGS PA'AM MA 'GAGS PA ZHIG GIS SKYED PAR BYED, 'BRAS BU YANG SKYES PA'AM MA SKYES PA ZHIG BSKYED GRANG NA, GNYI GA LTAR YANG MI 'THAD DO ZHES BSTAN PA'I PHYIR, 'GAGS PA NUB PAR GYUR PA ZHIG ,'BRAS BU SKYES PA JI LTAR SKYED, ,'BRAS BU DANG NI 'BREL PA'I RGYU, ,GNAS PAS KYANG NI JI LTAR SKYED, ,CES GSUNGS TE, GAL TE RE ZHIG 'GAGS PA NUB CING ZHIG PAR GYUR PA'I RGYUS 'BRAS BU SKYES PA STE YOD CING BDOG PA BSKYED DO ZHES BYA BAR RTOG NA NI DE NI MI 'THAD DO, ,CI'I PHYIR ZHE NA, JI LTAR 'GAGS PA YOD PA MA YIN PA'I RGYUS 'BRAS BU SKYED PAR BYED PAR 'GYUR, GAL TE 'BRAS BU SKYED NA NI MO GSHAM GYI BUS KYANG BU SKYED PAR 'GYUR RO, ,'BRAS BU YOD CING BDOG PA YANG SKYE BA LA LTOS @129B PA MED PA YANG RGYUS JI LTAR BSKYED PAR 'GYUR, CI STE YANG NUS PA MED PA'I PHYIR 'GAGS PAS NI MI BSKYED DE, 'O NA CI ZHE NA, RGYU GNAS PA KHO NAS 'BRAS BU BSKYED PAR 'GYUR RO SNYAM NA, BRJOD PA, 'BRAS BU DANG NI 'BREL PA'I RGYU, ,GNAS PAS KYANG NI JI LTAR BSKYED, ,'BRAS BU YOD PA DANG 'BREL PA STE YANG DAG PAR 'BREL PA'I RGYU 'GYUR BA MED PA'I RANG BZHIN CAN GNAS PAS KYANG JI LTAR BSKYED PAR 'GYUR, 'DIR, RGYU NI RNAM PAR 'GYUR BA NA, ,GZHAN GYI RGYU RU 'GYUR BA YIN, ,ZHES BYA BA'I RGYU RGYU'I DNGOS POR RTOGS BZHIN PA NI GDON MI ZA BAR RNAM PAR 'GYUR BA YIN DGOS LA, GANG ZHIG RNAM PAR MI 'GYUR BA DE NI RGYU'I MTSAN NYID DANG LDAN PA MA YIN PAS 'BRAS BU DANG 'BREL PAS JI LTAR BSKYED PAR 'GYUR TE, 'BRAS BU YOD PA NYID KYI PHYIR RO, ,'ON TE 'BRAS BU YOD PA YANG BSKYED PAR MI NUS PA'I PHYIR 'BRAS BU DANG MA 'BREL ZHING, YANG DAG PAR 'BREL PA MED PA'I RGYU KHO NAS 'BRAS BU BSKYED PAR 'GYUR RO SNYAM NA, 'DI YANG MI RIGS SO ZHES GSUNGS PA NI, CI STE RGYU 'BRAS MA 'BREL NA, ,'BRAS BU GANG ZHIG SKYED PAR BYED, ,CES BYA STE, GAL TE RGYU 'BRAS BU DANG MA 'BREL PAR 'DOD NA, DA NI 'BRAS BU GANG ZHIG SKYED PAR BYED DE, MA 'BREL PA'I PHYIR 'BRAS BU'O COG SKYED PAR BYED PA'AM YANG NA CUNG ZAD KYANG SKYED PAR BYED PAR MI 'GYUR TE, 'BREL PA MED PA'I PHYIR RO ZHES BYA BAR DGONGS PA'O, ,GZHAN YANG, 'DIR GAL TE RGYUS 'BRAS BU SKYED PAR BYED NA, DES 'BRAS BU DE MTHONG NAS SAM MA MTHONG BAR SKYED PAR BYED GRANG NA, GNYI GA LTAR NA YANG MI RUNG NGO ZHES GSUNGS PA NI, RGYUS NI MTHONG DANG MA MTHONG BAR, ,'BRAS BU SKYED PAR MI BYED DO, ,ZHES BYA BA'O, ,DE LA GAL TE MTHONG NAS SKYED PAR BYED DO ZHES RTOG NA, DE NI MI RIGS TE, GANG GI PHYIR YOD PA KHO NA MTHONG BAR NUS KYI, YOD PA MA YIN PA NI MA YIN NO, ,YOD PA YIN NO ZHE NA NI, DE BSKYED PAR BYA BA MA YIN TE, YOD PA'I PHYIR RO, ,DE LTAR NA RE ZHIG RGYUS 'BRAS BU MTHONG NAS SKYED PAR MI BYED DO, ,MA MTHONG BAR YANG SKYED PAR MI BYED DE, 'BRAS BU THAMS CAD KYI SKYED PAR BYED PA NYID DU THAL @130A *, ,BAR 'GYUR BA'I PHYIR RO, ,CI STE MTHONG BA 'DI GO CI ZHIG YIN ZHE NA, BRJOD PAR BYA STE, MTHONG BA NI DMIGS PA'O ZHES BYA BA 'DI NI 'JIG RTEN DU GRAGS PA YIN NO, ,GAL TE DBANG PO MED PAS SA BON LA SOGS PA DAG LA 'DI MI SRID PA MA YIN NAM ZHE NA, SRID DAM MI SRID KYANG RUNG STE, KHO BO CAG LA NI BRGAL ZHING BRTAG PAR NI MI BYA STE, 'O NA SU LA ZHE NA, SKYE BAR SMRA BA DE LA'O, ,DE LA GAL TE SKYE BAR SMRA BA PO MTHONG NAS SKYED PAR BYED DO ZHES SMRA NA, SA BON LA SOGS PAS MTHONG NGO ZHES BYA BA GANG YIN PA 'DI NI 'JIG RTEN DU MA MTHONG NGO ZHES DE LA BRJOD PAR BYA'O; ;DE'I PHYIR RTOG PA 'DI MI RIGS SO, ,CI STE MA MTHONG BAR ZHES RTOG PAR BYED NA, DE LTA NA YANG GANG MA MTHONG BA GANG CUNG ZAD CIG YOD PA DE THAMS CAD SKYED PAR BYED PAR 'GYUR NA, BSKYED PA YANG MA YIN NO, ,DE'I PHYIR MA MTHONG BAR YANG SKYED PAR BYED PA MA YIN NO, ,KHO BO CAG NI MI 'DOD PA BSGRUBS PAS GZHAN GYIS BRTAGS PA 'GOG PAR BYED PA YIN TE, SKYES BU LA SOGS PA RGYUR SMRA BA 'GRO BA BLO SNGON DU GTONG BA'I BYED PA PO CAN DU KHAS LEN PA RNAMS DANG, GCER BU PA SA BON LA SOGS PA DBANG PO GCIG PAR RTOGS PA RNAMS LA NI THAL BAR 'GYUR BA LDOG PA MA YIN TE, DE'I PHYIR NYES PA MED DO, ,GZHAN YANG GAL TE RGYU DANG 'BRAS BU LA PHAN TSUN TSOGS PA'I MTSAN NYID KYI PHRAD PA YOD NA NI DE'I TSE DE GNYIS BSKYED BYA SKYED BYED KYI DNGOS POR 'GYUR TE, GANG GI PHYIR PHAN TSUN PHRAD PA MED PAR SNANG BA DANG MUN PA DAG GAM, 'KHOR BA DANG MYA NGAN LAS 'DAS PA DAG LA NI BSKYED BYA SKYED BYED KYI DNGOS PO MA MTHONG NGO, ,DE'I PHYIR RGYU DANG 'BRAS BU GNYIS BSKYED PAR BYA BA DANG SKYED PAR BYED PA'I DNGOS POR 'DOD PA NA, GZHAN GYIS PHRAD PA GDON MI ZA BAR KHAS BLANG DGOS NA, DE YANG RNAM PAR DPYAD PA NA DUS GSUM CHAR DU YANG YOD PA MA YIN TE, 'DI'I PHYIR YANG RGYUS 'BRAS BU BSKYED PA MA YIN NO, ,JI LTAR PHRAD PA YOD PA MA YIN PA DE LTAR BSTAN PA'I PHYIR, 'BRAS BU 'DAS PA RGYU 'DAS DANG, ,MA SKYES PA DANG SKYES PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,ZHES GSUNGS SO, ,RE ZHIG @130B 'BRAS BU 'DAS PA NI RGYU 'DAS PA DANG, LHAN CIG PHRAD PA NAM YANG STE GZHAR YANG YOD PA MA YIN TE, DUS GNYI GA YANG 'DAS PA NYID KYIS YOD PA MA YIN PA'I PHYIR RO, ,'BRAS BU 'DAS PA NI RGYU MA SKYES PA DANG YANG PHRAD PA NAM YANG YOD PA MA YIN TE, ZHIG PA DANG MA SKYES PA NYID KYIS GNYI GA YANG YOD PA MA YIN PA'I PHYIR DANG DUS THA DAD PA'I PHYIR RO, ,'BRAS BU 'DAS PA YANG RGYU SKYES PA DA LTAR BA DANG YANG PHRAD PA YOD PA MA YIN TE DUS THA DAD PA'I PHYIR DANG, 'BRAS BU ZHIG PA NI YOD PA MA YIN PA'I PHYIR MO GSHAM GYI BU DANG LHA SBYIN BZHIN NO SNYAM DU DGONGS PA'O, ,JI LTAR 'BRAS BU 'DI RGYU 'DAS PA DANG MA 'ONGS PA DANG DA LTAR BA DANG LHAN CIG PHRAD PA NAM YANG YOD PA MA YIN PA DE BZHIN DU, 'BRAS BU DA LTAR BA RGYU DUS GSUM PA DANG LHAN CIG PHRAD PA YOD PA MA YIN NO ZHES BSTAN PA'I PHYIR, 'BRAS BU SKYES PA RGYU MA SKYES, ,'DAS PA DANG NI SKYES PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,ZHES BYA BA GSUNGS PA LA, 'BRAS BU SKYES PA NI RGYU MA SKYES PA 'DAS PA DANG LHAN CIG PHRAD PA YOD PA MA YIN TE, DUS THA DAD PA'I PHYIR RO, ,'BRAS BU DA LTAR BA NI RGYU DA LTAR BA DANG YANG LHAN CIG PHRAD PA YOD PA MA YIN TE, RGYU DANG 'BRAS BU DAG CIG CAR MED PA'I PHYIR DANG, YOD ZIN PA LA PHRAD PA DON MED PA'I PHYIR RO, ,YOD PA PHAN TSUN LTOS PA MED PA DAG LA NI YANG PHRAD PAS DGOS PA CI ZHIG YOD DE, DE'I PHYIR PHRAD PA MED DO, ,DA NI JI LTAR 'BRAS BU MA 'ONGS PA YANG RGYU 'DAS PA DANG MA 'ONGS PA DANG DA LTAR BYUNG BA DANG LHAN CIG PHRAD PA YOD PA MA YIN PA DE LTAR BSTAN PA'I PHYIR, 'BRAS BU MA SKYES RGYU SKYES DANG, ,MA SKYES PA DANG 'DAS PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,ZHES BYA BA GSUNGS TE, 'BRAS BU MA SKYES PA NI MED PA YIN LA, DE NI RGYU DUS THA DAD PA DANG DA LTAR BA DANG 'DAS PA DANG LHAN CIG PHRAD PA YOD PA MA YIN TE, DUS THA DAD PA'I PHYIR RO, ,RGYU MA 'ONGS PA DANG YANG LHAN CIG PHRAD PA YOD PA MA YIN TE, GNYI GA YANG MED PA'I PHYIR RO, ,GANG GI TSE DE LTAR RNAM PA THAMS CAD DU RGYU DANG 'BRAS BU GNYIS PHRAD PA YOD PA MA YIN PA DE'I TSE, PHRAD PA YOD PA MA YIN NA, , @131A *, ,RGYUS NI 'BRAS BU JI LTAR BSKYED, ,PHRAD PA YOD PA MA YIN PA'I PHYIR RGYUS 'BRAS BU MI BSKYED PA NYID DE, MO GSHAM GYI BU BZHIN NO SNYAM DU DGONGS PA'O, ,CI STE YANG PHRAD PA YOD PA NYID YIN DANG, RGYUS 'BRAS BU BSKYED DO SNYAM NA, DE YANG MI RIGS TE, DUS GSUM CHAR DU YANG PHRAD PA MA DMIGS PA'I PHYIR RO, ,CI STE YANG RGYU DANG 'BRAS BU GNYIS CI ZHIG LTAR PHRAD PAR RTOG NA, DE LTA NA YANG, PHRAD PA YOD PA YIN NA YANG, RGYUS NI 'BRAS BU JI LTAR BSKYED DE, 'BRAS BU LHAN CIG PA YANG SKYE BA DON MED PA'I PHYIR DANG, LHAN CIG MA YIN PA RNAMS KYANG PHRAD PAR MI RIGS PA'I PHYIR RO ZHES BYA BAR DGONGS PA'O, ,GZHAN YANG, ,GAL TE 'BRAS BUS STONG PA'I RGYUS, ,JI LTAR 'BRAS BU SKYED PAR BYED, ,GAL TE 'BRAS BUS MI STONG RGYUS, ,JI LTAR 'BRAS BU SKYED PAR BYED, , RGYU GANG ZHIG 'BRAS BU SKYED PAR BYED PAR 'DOD PA DE DES STONG PA ZHIG GAM MI STONG PA ZHIG GIS 'BRAS BU SKYED PAR BYED GRANG, DE LA 'BRAS BUS STONG ZHING BRAL BA'I RGYUS NI 'BRAS BU SKYED PAR MI BYED DE, RGYU MA YIN PA LTAR 'BRAS BUS STONG PA'I PHYIR RO, ,'BRAS BUS MI STONG PA'I RGYUS KYANG 'BRAS BU SKYED PAR MI BYED DE, YOD PA'I PHYIR BU YOD PA'I LHA SBYIN BZHIN NO, ,DE LTAR NA, RE ZHIG 'BRAS BUS STONG PA'AM MI STONG PA'I RGYUS 'BRAS BU SKYED PAR BYED PA MA YIN NO, ,'BRAS BU GANG ZHIG SKYE BA DE YANG MI STONG PA'AM STONG PA ZHIG BSKYED GRANG, ,DE LA, 'BRAS BU MI STONG SKYE MI 'GYUR, ,MI STONG 'GAG PAR MI 'GYUR RO, ,MI STONG DE NI MA 'GAGS DANG, ,MA SKYES PAR YANG 'GYUR BA YIN, ,'BRAS BU MI STONG PA NI RTEN CING 'BREL PAR MA BYUNG ZHING RANG BZHIN GYIS RNAM PAR GNAS PA YIN LA, 'BRAS BU RNAM PAR GNAS PA DE LTA BU DE NI SKYE BAR MI 'GYUR ZHING, RANG BZHIN LA LDOG PA MED PAS 'GAG PAR MI 'GYUR RO, ,DE'I PHYIR DE MI STONG PAR 'DOD PA NA MI SKYE BA DANG MI 'GAG PAR GYUR NA, DE LTAR NI 'DOD PA MA YIN NO, ,DE'I PHYIR 'BRAS BU DE MI STONG PA MA YIN TE, SKYE BA DANG 'GAG PAR KHAS BLANGS PA'I PHYIR RO, ,DA NI 'BRAS BU STONG PA DE YANG @131B YOD PA MA YIN TE, SKYE BA DANG 'GAG PA MED PA NYID DU THAL BAR 'GYUR BA'I PHYIR RO ZHES BSTAN PA'I PHYIR, ,STONG PA JI LTAR SKYE 'GYUR ZHING, ,STONG PA JI LTAR 'GAG PAR 'GYUR, ,STONG PA DE YANG MA 'GAGS DANG, ,MA SKYES PAR YANG THAL BAR 'GYUR, ,ZHES BYA BA GSUNGS TE, DE LA STONG PA NI GANG RANG BZHIN GYIS MED PA LA BRJOD LA, GANG RANG BZHIN GYIS MED PA DE NI JI LTAR SKYE BA'AM 'GAG PAR 'GYUR TE; NAM MKHA' LA SOGS PA RANG BZHIN GYIS MED PA LA NI SKYE BA'AM 'JIG PA MA MTHONG NGO, ,DE'I PHYIR 'BRAS BU DE STONG PAR 'DOD PA NA YANG MA SKYES PA DANG MA 'GAGS PAR THAL BAR 'GYUR RO, ,GZHAN YANG, GAL TE RGYU GANG ZHIG 'BRAS BU SKYED PAR BYED PA NA, ,DE 'BRAS BU LAS THA DAD PA'AM, ,THA MI DAD PA ZHIG GIS BSKYED GRANG NA, GNYI GA LTAR YANG MI 'THAD DO, ,ZHES GSUNGS PA NI, ,RGYU DANG 'BRAS BU GCIG NYID DU, ,NAM YANG 'THAD PAR MI 'GYUR RO, ,RGYU DANG 'BRAS BU GZHAN NYID DU, ,NAM YANG 'THAD PAR MI 'GYUR RO, ,ZHES BYA BA'O, ,'DI NI DAM BCA' BA TZAM ZHIG YIN TE, JI LTAR GRUB CE NA, BSTAN PA'I PHYIR, RGYU DANG 'BRAS BU GCIG NYID NA, ,BSKYED BYA SKYED BYED GCIG TU 'GYUR, ,RGYU DANG 'BRAS BU GZHAN NYID NA, ,RGYU DANG RGYU MIN MTSUNGS PAR 'GYUR, ,ZHES GSUNGS TE, GAL TE RGYU DANG 'BRAS BU GCIG NYID YIN NA NI, DE'I TSE BSKYED PAR BYA BA DANG SKYED PAR BYED PA GNYIS GCIG PA NYID DU KHAS BLANGS PAR 'GYUR NA, DE GNYIS NI GCIG PA NYID KYANG MA YIN TE PHA DANG BU DANG MIG DANG MIG GI RNAM PAR SHES PA DAG KYANG GCIG TU THAL BAR 'GYUR BA'I PHYIR RO, ,DE LTA NA RE ZHIG RGYU DANG 'BRAS BU LA GCIG NYID YOD PA MA YIN NO, ,DA NI GZHAN NYID KYANG YOD PA MA YIN TE, CI'I PHYIR ZHE NA, GAL TE RGYU DANG 'BRAS BU GZHAN NYID YIN NA NI, DE'I TSE GZHAN LA LTOS PA MED PA'I PHYIR 'BRAS BU RGYU LA LTOS PA MED PA NYID DU 'GYUR NA; DE NI DE LTAR YANG MA YIN TE, DE'I PHYIR RGYU DANG 'BRAS BU LA GZHAN NYID KYANG YOD PA MA YIN NO, ,GANG DAG LA DE LTAR RNAM PAR DPYAD PA NA, DE NYID DANG GZHAN NYID YOD PA MA YIN PA DE DAG NI NAM YANG BSKYED PAR BYA BA DANG SKYED PAR BYED PA'I DNGOS PO MA YIN TE, DE'I PHYIR RGYUS 'BRAS BU @132A *, ,BSKYED PA MA YIN NO, ,GZHAN YANG GAL TE RGYUS 'BRAS BU SKYED PAR BYED NA, DES 'BRAS BU DE NGO BO NYID KYIS YOD PA'AM, MED PA ZHIG BSKYED, DE LAS CIR 'GYUR ZHE NA, GNYI GA LTAR YANG MI RIGS SO ZHES GSUNGS PA NI 'BRAS BU NGO BO NYID YOD NA RGYUS NI CI ZHIG BSKYED PAR 'GYUR, 'BRAS BU NGO BO NYID MED NA, ,RGYUS NI CI ZHIG BSKYED PAR 'GYUR, ,ZHES BYA BA'O, ,DE LA 'BRAS BU GANG ZHIG NGO BO NYID KYIS YOD PA RANG BZHIN GYIS BDOG PA DE NI YANG MI SKYE STE, YOD PA'I PHYIR BUM PA YOD PA BZHIN NO, ,'BRAS BU NGO BO NYID KYIS MED PA GANG YIN PA DE YANG RGYUS BSKYED PA MA YIN TE, NGO BO NYID KYIS YOD PA MA YIN PA'I PHYIR BONG BU'I RVA BZHIN NO, ,GAL TE GZUGS BRNYAN GYIS MA NGES PA NYID DO ZHE NA, MA NGES PA NYID DU 'GYUR MOD, DNGOS PO RNAMS RANG BZHIN MED PAR NI GRUB BO, ,DE'I PHYIR RANG BZHIN DU SMRA BA BTANG BAR 'GYUR ZHING, KHO BO CAG SMRA BA'I RJES SU SMRA BA NYID DU 'GYUR RO, ,DNGOS PO RANG BZHIN DANG BCAS PA 'GA' YANG MED PAS 'GAL ZLA MED PA'I PHYIR DNGOS PO RANG BZHIN MED PA YANG MED DE, DE'I PHYIR MA NGES PA NYID DU GA LA 'GYUR, 'DI LTAR KHO BO CAG GI LTAR NA NI GZUGS BRNYAN RANG BZHIN DANG BCAS PA MA YIN ZHING, RANG BZHIN MED PA YANG MA YIN TE, CHOS CAN MED NA DE'I CHOS DAG KYANG MED PA'I PHYIR RO, ,'PHAGS PA RNAMS KYIS NI GZUGS BRNYAN ZHES BYA BA CUNG ZAD CIG RANG BZHIN DANG RANG BZHIN MED PAR GZIGS PA MA YIN NO, ,DE LA SNGAR NI, 'BRAS BU MI STONG SKYE MI 'GYUR, ZHES BYA BA LA SOGS PA TSIGS SU BCAD PA GNYIS KYIS DNGOS SU 'BRAS BU SKYE BA'I BYED PA PO NYID YIN PA BKAG PA YIN LA, DE LTA NI RGYUS 'BRAS BU SKYE BA'I BYA BA'I RAB TU SBYOR BAR BYED PA PO NYID YIN PA BKAG PA YIN NO ZHES BYA BA 'DI NI GONG MA LAS 'DI'I KHYAD PAR YIN NO ZHES BYA BAR SHES PAR BYA'O, 'DIR SMRAS PA, GAL TE YANG RGYU 'BRAS BU SKYE BA'I BYA BA'I RAB TU SBYOR BAR BYED PA NYID YIN PA BKAG MOD KYI, DE LTA NA YANG RE ZHIG RGYU NI RANG BZHIN GYIS YOD PA YIN LA, 'BRAS BU MED NA NI RGYU'I RGYU NYID KYANG MI 'GRUB STE, DE'I PHYIR 'BRAS BU YANG YOD PAR 'GYUR RO, ,BRJOD PAR BYA STE, GAL @132B TE 'DI SKYED PAR BYED PA MA YIN BZHIN DU RGYU NYID YIN PAR 'GYUR NA NI RGYUR GYUR PA ZHIG NA, SKYED PAR BYED PA MA YIN NA, RGYU NYID 'THAD PAR MI 'GYUR RO, ,CI STE DE LTAR RGYU'I RGYU NYID YOD PA MA YIN MOD KYI, DE LTA NA YANG 'BRAS BU NI RE ZHIG YOD PA YIN LA, RGYU MED PAR NI 'BRAS BU RIGS PA YANG MA YIN TE, DE'I PHYIR 'BRAS BU YOD PAS RGYU YANG YOD PAR 'GYUR RO SNYAM NA, BRJOD PAR BYA STE, GANG GI TSE SKYED PAR MI BYED PA LA RGYU'I RGYU NYID YOD PA MA YIN PAR BSHAD PA, DE'I TSE, ,RGYU NYID 'THAD PA YOD MIN NA, ,'BRAS BU GANG GI YIN PAR 'GYUR, DE'I PHYIR 'BRAS BU YANG MED DO, ,'DIR SMRAS PA, RGYU 'BA' ZHIG 'BRAS BU SKYE BA'I BYA BA'I RAB TU SBYOR BAR BYED PA NYID MA YIN GYI, 'O NA CI ZHE NA, RGYU DANG RKYEN TSOGS PAS 'BRAS BU SKYED DO ZHE NA, DE NI MI RIGS TE, NYES PA BRJOD ZIN PA'I PHYIR RO, ,GZHAN YANG RGYU DANG RKYEN GYI TSOGS PA 'DI GAL TE 'BRAS BU SKYED PAR BYED PAR RTOG NA, CI STE BDAG NYID KYIS BDAG NYID SKYED PAR BYED PA ZHIG GAM, 'ON TE MA YIN PA ZHIG YIN GRANG, GAL TE SKYED PAR BYED PA ZHIG YIN NO ZHES RTOG NA NI DE MI RUNG STE, BDAG GI DNGOS PO MA RNYED PA NI RAB TU SBYOR BAR BYED PA NYID DU MA MTHONG BA DE'I PHYIR GDON MI ZA BAR TSOGS PAS BDAG GI DNGOS PO RNYED PAR 'GYUR DGOS NA, BDAG GI DNGOS PO RNYED PA NI YANG BDAG NYID BSKYED PA LA RAB TU SBYOR BAR BYED PA NYID DU MI RIGS TE, DE'I PHYIR TSOGS PAS RANG GI BDAG NYID MI SKYED LA, GANG ZHIG BDAG NYID MI SKYED PA DES NI JI LTAR 'BRAS BU SKYED PAR NUS ZHES BSTAN PA'I PHYIR, RGYU RNAMS DANG NI RKYEN DAG GIS, ,TSOGS PA GANG YIN DE YI NI, ,BDAG GIS BDAG NYID MI SKYED NA, ,'BRAS BU JI LTAR SKYED PAR BYED, ,DE PHYIR TSOGS PAS BYAS PA MED, ,CES GSUNGS TE, RGYU RNAMS DANG RKYEN DAG GI TSOGS PA GANG YIN PA DE RE ZHIG BDAG GIS BDAG NYID MI SKYED DE, BDAG NYID LA BYED PA 'GAL BA'I PHYIR DANG, BDAG NYID SKYE BA DON MED PA'I PHYIR RO, ,GANG ZHIG RE ZHIG BDAG NYID MI SKYED PA DES 'BRAS BU JI LTAR SKYED PAR BYED DE, MO GSHAM GYI BU BDAG NYID SKYED PAR MI NUS PAS BU SKYED PAR BYED DO ZHES BYA BAR MI RIGS SO, ,DE LTAR TSOGS PA YANG RANG @133A *, ,GI BDAG NYID SKYED PAR BYED PA MA YIN PAR 'BRAS BU BSKYED PA MI RIGS TE, DE'I PHYIR TSOGS PAS BYAS PA'I 'BRAS BU MED DO, ,CI STE YANG GAL TE TSOGS PAS BYAS PA'I 'BRAS BU MED NA, DE LTA NA 'O NA TSOGS PA MA YIN PAS BYAS PA YOD DO SNYAM NA, BRJOD PA, TSOGS MIN BYAS PA'I 'BRAS BU MED, ,GANG GI TSE TSOGS PAS BYAS PA'I 'BRAS BU YOD PA MA YIN PA DE'I TSE JI LTAR TSOGS PA MA YIN PAS BYAS PA SHIN TU 'GAL BA YOD PAR GA LA 'GYUR TE, TSOGS PA MA YIN PAS BYAS PA'I 'BRAS BU YANG YOD PA MA YIN NO, ,CI STE YANG 'BRAS BU MED MOD KYI, DE LTA NA YANG RE ZHIG RGYU DANG RKYEN GYI TSOGS PA NI YOD PA YIN LA, 'BRAS BU MED PAR NI RGYU DANG RKYEN GYI TSOGS PA SRID PA YANG MA YIN TE, DE'I PHYIR 'BRAS BU YANG YOD PAR 'GYUR RO SNYAM NA, BRJOD PAR BYA STE, GAL TE 'BRAS BU NYID YOD NA, RGYU DANG RKYEN GYI TSOGS PA YANG YOD PAR 'GYUR NA, GANG GI TSE JI SKAD BSHAD PA'I RIGS PAS 'BRAS BU NYID YOD PA MA YIN PA DE'I TSE, 'BRAS BU YOD PA MA YIN NA, ,RKYEN GYI TSOGS PA GA LA YOD, ,'BRAS BU MED PA NYID YIN NA RGYU MTSAN MED PAS RKYEN GYI TSOGS PA DAG KYANG YOD PA MA YIN NO SNYAM DU DGONGS PA YIN NO, ,'PHAGS PA RGYA CHER ROL PA'I MDO LAS KYANG, ,MCHU DANG LKOG MA RKAN LA BRTEN NAS NI, ,LCE BSGYUR BA LAS YI GE'I SGRA 'BYUNG YANG, ,LKOG MAR BRTEN NAS MA YIN RKAN LAS MIN, ,RE RE LA NI YI GE DMIGS SU MED, ,TSOGS PA DE LA BRTEN NAS NGAG DE NI, , YID KYI BLO YI DBANG GIS 'BYUNG MOD KYI, ,YID DANG NGAG NI MI SNANG GZUGS MED DE, ,NANG DANG PHYI ROL DAG NA'ANG DMIGS SU MED, ,MKHAS PAS NGAG SKAD SGRA DANG DBYANGS RNAMS KYI, ,SKYE DANG 'JIG LA RNAM PAR BRTAGS BYAS NA, ,DE TSE NGAG KUN BRAG CA LTA BU DANG, ,SKAD CIG PA DANG SNYING PO MED PAR MTHONG, ,ZHES GSUNGS PA DANG, DE BZHIN DU 'PHAGS PA NYE BA 'KHOR GYIS ZHUS PA LAS KYANG, BCOM LDAN 'DAS KYIS, SHIN TU DGA' BA'I BSTAN PA 'DI LA NI, ,KHYIM PA'I RTAGS SPANGS RAB TU BYUNG GYIS [*GIS?] LA, ,'BRAS BU YOD PA'I MCHOG TU 'GYUR @133B GYIS ZHES, ,THUGS RJE CAN GYIS DE SKAD BSTAN PA'ANG MDZAD, ,KHYIM PA'I RTAGS SPANGS RAB TU BYUNG GYUR NAS, ,'BRAS BU THAMS CAD THOB PAR GYUR YANG NI, ,CHOS KYI RANG BZHIN DAG LA GZHAL BYAS NA, ,'BRAS BU KUN MED 'BRAS BU THOB PA'ANG MED, ,'ON KYANG 'BRAS BU THOB PA THOB 'GYUR BA, ,KYE MA MI MCHOG THUGS RJE LDAN PA YIS, ,RGYAL BAS RIGS PA SHIN TU LEGS BSHAD CES, ,DE DAG NGO MTSAR CHE BA SKYE BAR 'GYUR, ,ZHES GSUNGS PA DANG, DE BZHIN DU 'PHAGS PA SHES RAB KYI PHA ROL TU PHYIN PA LAS KYANG, KOO SHI KA BYANG CHUB SEMS DPA' SEMS DPA' CHEN PO GO CHA CHEN PO BGOS PA DES, GZUGS LA GNAS PAR MI BYA'O, ,TSOR BA LA MA YIN, 'DU SHES LA MA YIN, 'DU BYED RNAMS LA MA YIN, RNAM PAR SHES PA LA GNAS PAR MI BYA'O, ,RGYUN DU ZHUGS PA'I 'BRAS BU LA MA YIN, LAN CIG PHYIR 'ONG BA'I 'BRAS BU LA MA YIN, PHYIR MI 'ONG BA'I 'BRAS BU LA MA YIN, ,DGRA BCOM PA NYID KYI 'BRAS BU LA MA YIN, RANG SANGS RGYAS NYID LA MA YIN, YANG DAG PAR RDZOGS PA'I SANGS RGYAS NYID LA GNAS PAR MI BYA'O ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, TSOGS PA BRTAG PA ZHES BYA BA RAB TU BYED PA NYID SHU PA'I 'GREL BA'O,, ,,'DIR SMRAS PA, DUS NI RANG BZHIN GYIS YOD PA NYID DE, 'BYUNG BA DANG 'JIG PA'I RGYU YIN PA'I PHYIR RO, ,'DI NA MYU GU LA SOGS PA DAG DUS 'GA' ZHIG LA LTOS NAS NI 'BYUNG ZHING SKYE BAR 'GYUR LA; DUS KYI KHYAD PAR 'GA' ZHIG LA LTOS NAS NI 'JIG CING RNAM PAR 'JIG PAR 'GYUR GYI, RGYU DANG RKYEN GYI TSOGS PA YOD KYANG THAMS CAD KYI TSE NI MA YIN NO, ,DE'I PHYIR DUS YOD PA NYID DE, 'BYUNG BA DANG 'JIG PA'I RGYU YIN PA'I PHYIR RO, ,BRJOD PAR BYA STE, GAL TE 'BYUNG BA DANG 'JIG PA DAG NYID YOD NA NI, ,DUS 'BYUNG BA DANG 'JIG PA'I RGYU NYID DU 'GYUR NA, YOD PA NI MA YIN NO, ,JI LTAR MED LA DE LTAR BSTAN PA'I PHYIR, ,'JIG PA 'BYUNG BA MED PAR RAM, ,LHAN CIG YOD PA NYID MA YIN, ,'BYUNG BA 'JIG PA MED PAR RAM, , @134A *, ,LHAN CIG YOD PA NYID MA YIN, ,ZHES GSUNGS TE, 'DIR GAL TE 'BYUNG BA DANG 'JIG PA DAG YOD PAR GYUR NA, PHAN TSUN MED PAR YOD PA'AM, LHAN CIG YOD PAR 'GYUR BA ZHIG NA, RNAM PAR DPYAD PA NA GNYI GA LTAR YANG YOD PA MA YIN NO, ,JI LTAR ZHE NA, DE LA 'JIG PA RNAM PAR 'JIG PA JI LTAR 'BYUNG BA STE SKYE BA MED PAR YOD PA MA YIN PA DE LTAR BSTAN PA'I PHYIR, 'JIG PA 'BYUNG BA MED PAR NI, JI LTA BUR NA YOD PAR 'GYUR, ,SKYE BA MED PAR 'CHI BAR 'GYUR, ,'JIG PA 'BYUNG BA MED PAR MED, ,CES GSUNGS TE, 'JIG PA RNAM PAR 'JIG PA NI 'BYUNG BA MED PAR JI LTA BUR NA YOD PAR 'GYUR, JI LTA BUR NA ZHES BYA BA 'DIS NI GTAN MI SRID PAR GRAGS PA STON PAR BYED PA'O, ,JI LTA BUR NA YOD PAR 'GYUR TE, DE NI YOD PA MA YIN NO ZHES BYA BAR DGONGS PA YIN NO, ,YANG GAL TE 'BYUNG BA MED PAR 'JIG PA YOD PAR 'GYUR NA NYES PA CIR 'GYUR ZHE NA, BRJOD PA, SKYE BA MED PAR 'CHI BAR 'GYUR TE, MA SKYES PA 'CHI BAR 'GYUR NA, MA SKYES PAR NI 'CHI BAR YANG MA MTHONG NGO, ,DE'I PHYIR 'JIG PA 'BYUNG BA MED PAR YOD PAR MI 'OS SO, ,'DIR TSIGS SU BCAD PA'I PHYED GONG MAS NI DAM BCAS PA YIN LA, RKANG PA BAR MAS NI THAL BA BSGRUBS PA YIN ZHING, THAMS NI MJUG BSDUS PA YIN NO ZHES BYA BAR SHES PAR BYA'O, ,DE LTAR RE ZHIG 'BYUNG BA MED PAR 'JIG PAR MI RIGS SO ZHES BSTAN NAS, DE NI 'JIG PA 'BYUNG BA DANG LHAN CIG TU YANG JI LTAR YOD PA MA YIN PA DE LTAR BSTAN PA'I PHYIR, ,'JIG PA 'BYUNG DANG LHAN CIG TU, ,JI LTAR YOD PA NYID DU 'GYUR, ,'CHI BA SKYE DANG DUS GCIG TU, ,YOD PA NYID NI MA YIN NO, ,ZHES GSUNGS TE, GAL TE 'JIG PA 'BYUNG BA DANG LHAN CIG TU STE DUS GCIG TU CIG CAR YOD PAR 'GYUR NA NI, DE LTAR NA 'CHI BA DANG SKYE BA DUS GCIG PAR 'GYUR NA, PHAN TSUN 'GAL BA DE GNYIS NI SNANG BA DANG MUN PA LTAR DUS GCIG GI TSE YANG YOD PA MA YIN NO, ,DE'I PHYIR 'JIG PA NI 'BYUNG BA DANG LHAN CIG TU YANG GRUB PA YOD PA MA YIN NO @134B ZHES BYA BAR GNAS SO, ,GANG GI TSE DE LTAR 'JIG PA 'BYUNG BA MED PAR RAM, LHAN CIG TU YANG GRUB PA YOD PA MA YIN PA DE BZHIN DU 'BYUNG BA YANG 'JIG PA MED PAR RAM, LHAN CIG TU GRUB PA YOD PA MA YIN NO ZHES BSTAN PA'I PHYIR, 'BYUNG BA 'JIG PA MED PAR NI, , JI LTAR YOD PA NYID DU 'GYUR, ,DNGOS PO RNAMS LA MI RTAG NYID, ,NAM YANG MED PA MA YIN NO, ,ZHES GSUNGS SO, ,'BYUNG BA NI 'JIG PA MED PAR MI RIGS PA NYID DE, GANG GI PHYIR DNGOS PO 'BYUNG BA'I CHOS CAN SKYE BA'I CHOS CAN RNAMS LA MI RTAG PA NYID NAM YANG MED PA MA YIN GYI, 'O NA CI ZHE NA, THAMS CAD KYI TSE YOD PA YIN TE, DNGOS PO THAMS CAD DUS KUN DU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,ZHES BSHAD DO, ,GANG GI TSE DE LTAR DNGOS PO THAMS CAD RTAG TU MI RTAG PA DANG RJES SU 'BREL PA DE'I TSE GANG 'JIG PA DANG BRAL BAR GYUR BA'I, GNAS SKABS DE 'GA' YANG YOD PAR GA LA 'GYUR, DE'I PHYIR 'JIG PA MED PAR 'BYUNG BA SRID PA YOD PA MA YIN NO, ,DE LTAR NA RE ZHIG 'BYUNG BA 'JIG PA MED PAR YOD PA MA YIN NO; ;'DI DAG GI DPYAD PA LHAG MA NI 'DUS BYAS BRTAG PAR DPYAD ZIN PA'I PHYIR YANG RNAM PAR MI DPYAD DO, ,GANG ZHIG 'JIG PA NI RGYU DANG BCAS PA YIN TE, 'DUS BYAS KYI MTSAN NYID YIN PA'I PHYIR SKYE BA BZHIN NO ZHES SGRUB BYED BKOD PA RJES SU BRJOD NAS, THA MA'I SEMS DANG SEMS LAS BYUNG BA'I MTSAN NYID DAG GIS MA NGES PAR SMRA BA DES NI MI RIGS PA SMRAS PA YIN TE, DE'I 'JIG PA YANG SKYE BA'I RKYEN CAN YIN PA NYID KYIS RGYU DANG BCAS PA'I PHYIR DANG, BSGRUB PAR BYA BA DANG MTSUNGS PA'I PHYIR NA, MA NGES PA NYID MED PA'I PHYIR RO, ,GANG YANG DNGOS PO'I BDAG NYID KYI NGO BO NYID NI MA BYUNG BA LAS BYUNG BA SKYE BA ZHES BYA STE, DE'I PHYIR RDZAS SU YOD PA RNAMS NI SKYE BAR GRUB PA'I PHYIR THA SNYAD DU YANG DPE MED PA YIN NO ZHES BSTAN PA DE YANG MI RIGS TE, GZUGS BRNYAN LA SOGS PA RDZAS SU @135A *, ,MED PA RNAMS RGYU DANG BCAS PA NYID DU KHAS BLANGS PA'I PHYIR RO, ,SLOB DPON GYI ZHAL SNGA NAS JI SKAD DU, ,GANG DAG RGYU LAS 'BYUNG 'GYUR ZHING, ,GANG DAG DE MED PAS MED PA, ,DE DAG GZUGS BRNYAN DANG MTSUNGS PAR, ,GSAL BA JI LTA BUR ME BZHED, ,CES GSUNGS SO, ,DE'I PHYIR THA SNYAD DU DPE MA GRUB PA GA LA YOD, GAL TE YANG GANG DNGOS PO LAS DE NYID DANG GZHAN NYID DU BRJOD PAR MI NUS PA DE NI KUN RDZOB TU YANG YOD PA MA YIN NO ZHES SMRA NA NI, SNGON PO LA SOGS PA YANG YOD PA MA YIN NO ZHES BRJOD PAR BYA STE, JI SKAD DU, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LTA GA LA YOD, ,DE'I PHYIR MING TZAM NYID KYANG YIN, ,ZHES GSUNGS SO, ,GZHAN YANG GANG GI GNAS SKABS KYI KHYAD PAR SKYE BAR 'GYUR BA, DBU MA PA RNAMS LA NI DNGOS PO'I RANG GI NGO BO YOD PAR GA LA 'GYUR, ,DE'I PHYIR DPE MA GRUB PAR BRJOD PA NI MI RIGS PA NYID DO, ,GANG YANG 'JIG PA NI RGYU DANG BCAS PA MA YIN TE, 'JIG PA DANG MI LDAN PA NYID KYI PHYIR DPER NA 'DUS MA BYAS BZHIN NO ZHES SMRA STE, DE SKAD SMRA BA DE LA NI GTAN TSIGS 'DIS 'GAL BA CHEN PO 'DREN PA YIN NO, ,JI LTAR GTAN TSIGS 'DIS 'JIG PA LA RGYU MED PAR SGRUB PAR BYED PA DE LTAR 'DUS BYAS KYI MTSAN NYID MA YIN PA YANG SGRUB PAR BYED DO, ,DE BZHIN DU 'DU BYED KYI PHUNG POS BSDUS PA DANG, RTEN CING 'BREL PAR 'BYUNG BA'I YAN LAG GIS BSDUS PA LA SOGS PA THAMS CAD KYANG 'GAL BAR BYED PAS 'DI NI MI RIGS SO, ,DE BZHIN DU RNAM PAR SHES PA NI YUL GYI RANG GI NGO BO YONGS SU GCOD PAR BYED PA MA YIN TE, RNAM PAR SHES PA DANG MI LDAN PA'I PHYIR 'DUS MA BYAS BZHIN NO ZHES BYA BA LA SOGS PAS THAMS CAD BKAG PA'I PHYIR 'DI LA MI 'DOD PA CHEN PO GRUB PAR 'GYUR BAS 'DI GZUNG BAR MI BYA'O, ,DA NI JI LTAR 'BYUNG BA 'JIG PA DANG LHAN CIG GRUB PA YOD PA MA YIN PA DE LTAR BSTAN PA'I PHYIR, 'BYUNG BA 'JIG DANG @135B LHAN CIG TU, ,JI LTAR YOD PA NYID DU 'GYUR, ,SKYE BA 'CHI DANG DUS GCIG TU, ,YOD PA NYID NI MA YIN NO, ,ZHES GSUNGS TE, GAL TE 'BYUNG BA 'JIG PA DANG LHAN CIG YOD PAR GYUR NA NI, DE'I TSE SKYE BA DANG 'CHI BDAG DUS GCIG PA NYID DU 'GYUR NA SRID PA YANG MA YIN NO, ,DE'I PHYIR 'BYUNG BA DANG 'JIG PA DAG LHAN CIG PA NYID DU GRUB PA YANG YOD PA MA YIN NO, ,CI STE SKYE BA DANG 'CHI BA DAG LHAN CIG GI NGO BO 'AM THA DAD PA'I NGO BOR GRUB PA YOD PA MA YIN PA DE LTA NA YANG 'BYUNG BA DANG 'JIG PA DAG YOD DE, BRJOD PAR BYA BA YIN PA'I PHYIR RNAM PAR SHES PA BZHIN NO SNYAM NA, BRJOD PAR BYA STE, GAL TE BRJOD PAR BYA BA NYID KYIS DE DAG GRUB PAR 'DOD NA NI, MO GSHAM GYI BU YANG 'DOD PAR BYA'O, ,GZHAN YANG, GANG DAG PHAN TSUN LHAN CIG GAM, PHAN TSUN LHAN CIG MA YIN PAR, ,GRUB PA YOD PA MA YIN PA, ,DE DAG GRUB PA JI LTAR YOD, ,GANG LAS 'BYUNG BA DANG 'JIG PA DAG 'GRUB PAR 'GYUR BA LHAN CIG PA NYID DANG LHAN CIG PA NYID MA YIN PA LAS MA GTOGS PA PHYOGS GZHAN NI MED DO, ,BRJOD DU MED PA NYID DU GRUB PAR 'GYUR RO SNYAM NA, BRJOD DU MED PA ZHES BYA BA 'DI CI ZHIG GAL TE 'DRES PAR GYUR PA YIN NA DE NI MI 'THAD DE, SO SOR MA GRUB PA DAG LA 'DRES PAR GYUR PA MED PA'I PHYIR RO, ,BRJOD DU MED PA NI NGES PAR GZUNG DU MED PA'I RANG BZHIN NYID YIN NO ZHE NA, DE LTA NA NI NGES PAR GZUNG DU MED PA'I RANG GI NGO BO YIN PA'I PHYIR MO GSHAM GYI BU'I SNGO BA SANGS DANG DKAR SHAM NYID LA SOGS PA LTAR 'BYUNG BA DANG 'JIG PA DAG YOD PA MA YIN NO ZHES BYA BAR 'GYUR RO, ,GANG GI TSE DE LTAR 'BYUNG BA DANG 'JIG PA DAG YOD PA MA YIN PA DE'I TSE DE DAG GI RGYU DUS KYANG MED DO ZHES BYA BAR GRUB PO; ;GZHAN YANG 'DI NA 'BYUNG BA DANG 'JIG PA DE DAG RTOG PA NA DNGOS PO ZAD PA'I CHOS CAN NAM, MA ZAD PA'I CHOS CAN ZHIG LA RTOG GRANG NA, GNYI GA LTAR YANG MI 'THAD DO ZHES BYA BAR BSTAN PA'I PHYIR, ZAD LA 'BYUNG BA YOD MA YIN, ,MA ZAD PA LA'ANG 'BYUNG BA @136A *, ,MED, ,ZAD LA 'JIG PA YOD MA YIN, ,MA ZAD PA LA'ANG 'JIG PA MED, ,CES BYA BA GSUNGS SO, ,DE LA ZAD PA STE DNGOS PO ZAD PA'I CHOS CAN LA NI 'GAL BA'I CHOS YOD PAS 'BYUNG BA RIGS PA MA YIN NO, ,DNGOS PO'I MTSAN NYID DANG MI LDAN PA'I PHYIR MA ZAD PA LA YANG 'BYUNG BA RIGS PA MA YIN TE, ,BOD BU'I RVA BZHIN NO, ,DE BZHIN DU, ZAD PA LA 'JIG PA YOD PA MA YIN TE ZAD PA'I CHOS CAN NI MED PA YIN TE, DE LA RTEN MED PA'I PHYIR 'JIG PA MI RIGS SO, ,DE BZHIN DU MA ZAD PA LA'ANG 'JIG PA MED DE, MA ZAD PA'I CHOS CAN GYI DNGOS PO NI DNGOS PO'I MTSAN NYID DANG MI MTHUN PA YIN NA, YOD PA MA YIN PA DE LA 'JIG PA YOD PAR GA LA 'GYUR, 'BYUNG BA DANG 'JIG PA GANG DAG DNGOS PO ZAD PA DANG, MA ZAD PA'I CHOS CAN LA MI SRID PA DE DAG NI, YOD PA MA YIN PA NYID DE, DE'I PHYIR 'BYUNG BA DANG, 'JIG PA DAG MED DO, ,'DIR SMRAS PA, DNGOS PO RNAMS KYI 'BYUNG BA DANG, 'JIG PA NI YOD PA NYID DE, DE DAG GI RTEN CHOS CAN YOD PA'I PHYIR RO, ,'DIR 'BYUNG BA DANG, 'JIG PA DAG NI DNGOS PO LA BRTEN PA YIN LA, DNGOS PO DE YANG RE ZHIG YOD PA YIN NO, ,DE YOD PAS DE LA BRTEN PA'I CHOS DAG KYANG YOD PAR 'GYUR RO, ,BRJOD PAR BYA STE, GAL TE DNGOS PO YOD NA NI, ,DNGOS PO LA BRTEN PA'I CHOS DE GNYIS YOD PAR 'GYUR NA, GANG GI TSE DNGOS PO YOD PA MA YIN PA DE'I TSE, ,DNGOS PO YOD PA MA YIN PAR, ,'BYUNG DANG 'JIG PA YOD MA YIN, ,YANG CI'I PHYIR DNGOS PO YOD PA MA YIN ZHE NA, 'DI LTAR, 'BYUNG DANG 'JIG PA MED PAR NI, ,DNGOS PO YOD PA MA YIN NO, ,'BYUNG BA DANG 'JIG PA DAG NI DNGOS PO'I MTSAN NYID DU GYUR BA YIN NA, DE DAG NI BKAG PA YIN NO; ;GANG GI TSE BKAG PA DE'I TSE DNGOS PO'I MTSAN NYID 'BYUNG BA DANG 'JIG PA MED PAR DNGOS PO'I MTSAN NYID DANG MI MTHUN PA YOD PAR GA LA 'GYUR, DNGOS PO MED NA NI 'BYUNG BA DANG, 'JIG PA DAG KYANG YOD PA MA YIN NO, ,GZHAN DAG NI 'BYUNG BA DANG 'JIG @136B PA DAG YOD PA YIN TE, DNGOS PO'I CHOS YOD PA'I PHYIR RO, ,'DIR GANG YOD PA MA YIN PA DE LA NI DNGOS PO'I CHOS MED DE, DPER NA SBAL PA'I RAL PA BZHIN NO, ,'BYUNG BA DANG 'JIG PA GNYIS NI DNGOS PO'I CHOS KYANG YIN NO, ,DE'I PHYIR DE DAG YOD DO ZHE NA, 'DI LA BRJOD PAR BYA STE, GAL TE 'GA' ZHIG LA DON DAM PAR 'BYUNG BA DANG 'JIG PA DAG YOD NA NI, DE DNGOS PO ZHES BYA BAR BRJOD PAR RIGS PAR 'GYUR NA, DE DAG NI MED DE, DE'I PHYIR, 'BYUNG DANG 'JIG PA MED NA NI, ,DNGOS PO YOD PA MA YIN NO STE, DNGOS PO NI 'BYUNG BA DANG 'JIG PA YOD NA YOD PA NYID YIN PA'I PHYIR RO SNYAM DU DGONGS PA'O, ,DE MED NA NI GTAN TSIGS MA GRUB PA'I DON NYID YIN NO, ,DE BZHIN DU, DNGOS PO YOD PA MA YIN PAR, ,'BYUNG DANG 'JIG PA YOD MA YIN TE, RTEN MED PAS BRTEN PA MA GRUB PO ZHES BYA BAR DGONGS PA YIN NO ZHES PHYED GANG MA PHYED 'OG MAR BYAS NAS RNAM PAR 'CHAD DO, ,GZHAN YANG 'DIR 'BYUNG BA DANG 'JIG PA DE DAG RTOG PA NA DNGOS PO STONG PA'AM, MI STONG PA LA RTOG GRANG NA, ,GNYI GA LTAR YANG MI 'THAD DO, ,ZHES BSTAN PA'I PHYIR RO, ,STONG LA 'BYUNG DANG 'JIG PA DAG , 'THAD PA NYID NI MA YIN NO, ,ZHES BYA BA GSUNGS TE, RTEN MED PA'I PHYIR NAM MKHA'I RI MO BZHIN NO SNYAM DU DGONGS PA YIN NO, ,DE BZHIN DU, MI STONG LA YANG 'BYUNG 'JIG DAG ,'THAD PA NYID NI MA YIN NO, ,MI STONG PA LA YOD PA'I RANG BZHIN CAN YIN PA'I PHYIR, RTEN MED PAS 'BYUNG BA DANG 'JIG PA 'BRAD PA YIN NO, ,GZHAN YANG, GAL TE 'BYUNG BA DANG 'JIG PA DAG YOD NA, DE DAG GCIG NYID DAM GZHAN NYID DU YOD PA ZHIG NA, GNYI GA LTAR YANG MI 'THAD DO ZHES GSUNGS PA NI, 'BYUNG BA DANG NI 'JIG PA DAG ,GCIG PA NYID NI MI 'THAD DO; ;SNANG BA DANG MUN PA LTAR PHAN TSUN 'GAL BA DAG NI GCIG NYID DU MI 'THAD PA'I PHYIR RO, ,'BYUNG BA DANG NI 'JIG PA DAG ,GZHAN NYID DU YANG MI 'THAD DO, ,GNYI GA PHAN TSUN MI 'KHRUL PA'I PHYIR RO, ,'BYUNG BA DANG BRAL BA LA NI 'JIG PA MI RIGS LA, 'JIG PA @137A *, ,DANG BRAL BA LA NI 'BYUNG BA MA MTHONG STE, DE LTAR NA GNYI GA PHAN TSUN MI 'KHRUL BA'I PHYIR RO, ,'BYUNG BA DANG NI 'JIG PA DAG ,GZHAN NYID DU YANG MI 'THAD DO, ,CI STE ZHIB MOR BRTAGS PA 'DIS CI ZHIG BYA, ,GANG GI PHYIR SKYE BO BA GLANG RDZI DANG BUD MED YAN CHAD KYIS 'BYUNG BA DANG 'JIG PA MTHONG BA DE'I PHYIR 'BYUNG BA DANG 'JIG PA DAG YOD PA YIN TE, YOD PA MA YIN PA'I MO GSHAM GYI BU NI BLTA BAR MI NUS SO SNYAM NA, GAL TE DE LTAR, 'BYUNG BA DANG NI 'JIG PA DAG ,MTHONG NGO SNYAM DU KHYOD SEMS NA, ,'DI NI MA NGES PA YIN TE, GANG DANG GANG 'JIG RTEN PAS MTHONG BA DE DANG DE YOD PA NYID NI MA YIN NO, ,'DI LTAR SKYE BO BA GLANG RDZI DANG BUD MED YAN CHAD KYIS YOD PA MA YIN YANG, DRI ZA'I GRONG KHYER DANG, SGYU MA DANG, RMI LAM DANG, MGAL ME'I 'KHOR LO DANG, SMIG RGYU'I CHU LA SOGS PA MTHONG ZHING, DBANG PO LA GNOD PAR GYUR PA LAS RAB RIB CAN GYI SKRA SHAD DANG, SBRANG MA DANG SBRANG BU MCHU RING SA DAG MTHONG BA YIN TE, DE BZHIN DU 'BYUNG BA DANG 'JIG PA DAG KYANG MED BZHIN DU MI SHES PA'I GTI MUG GI RAB RIB CAN GYI BLO'I MIG LDONGS PAR BYAS PAS MTHONG BA YIN NO ZHES BSHAD PA, 'BYUNG BA DANG NI 'JIG PA DAG ,GTI MUG NYID KYIS MTHONG BA YIN, ,ZHES BYA BA'O, ,CI STE 'BYUNG BA DANG 'JIG PA DAG YOD PA MA YIN PA'I RANG GI NGO BO CAN 'DI DAG GTI MUG KHO NAS MTHONG BA YIN NO ZHES BYA BA 'DI DE LTAR CIS NGES SHE NA, 'DI NI DE LTAR RIGS PAS NGES PA YIN NO, ,'DIR RIGS PA GANG YIN ZHE NA, 'DIR GAL TE DNGOS PO ZHES BYA BA 'GA' ZHIG YOD NA NI, DE NGES PAR DNGOS PO'AM DNGOS PO MED PA LAS SKYE BA ZHIG YIN, DE BZHIN DU GAL TE DNGOS PO MED PA ZHES BYA BA 'GA' ZHIG YOD NA NI, DE YANG DNGOS PO'AM DNGOS PO MED PA LAS SKYE BA ZHIG YIN GRANG NA, GNYIS CHAR GNYI GA LTAR YANG YOD PA MA YIN NO ZHES GSUNGS PA, DNGOS PO DNGOS LAS MI SKYE STE, ,DNGOS PO DNGOS MED LAS MI SKYE, ,DNGOS MED DNGOS MED MI SKYE STE, ,DNGOS MED DNGOS LAS MI SKYE'O, ,RE ZHIG @137B DNGOS PO STE YANG DAG PAR 'BYUNG BA ZHES BYA BA NI DNGOS PO STE YANG DAG PAR 'BYUNG BA LAS SKYE BA YOD PA MA YIN TE, RGYU DANG 'BRAS BU GNYIS DUS GCIG PA MED PA'I PHYIR DANG, SKYE BA RNYED ZIN PA'I SKYE BA LA YANG SKYE BA DON MED PA'I PHYIR RO, ,DNGOS PO NI DNGOS PO MED PA LAS KYANG MI SKYE'O, ,CI'I PHYIR ZHE NA, DNGOS PO MED PA ZHES BYA BA NI 'JIG CING RNAM PAR 'JIG PA YIN LA, DE YANG DNGOS PO DANG 'GAL BA YIN TE, DNGOS PO DANG 'GAL BA DE'I PHYIR DE LAS DNGOS PO JI LTAR 'BYUNG BAR 'GYUR, GAL TE 'GYUR NA NI MO GSHAM GYI BU MO LAS KYANG BU SKYE BAR 'GYUR RO, ,DE'I PHYIR DNGOS PO NI DNGOS PO MED PA LAS KYANG 'BYUNG BA MA YIN NO, ,DA NI DNGOS PO MED PA YANG DNGOS PO MED PA LAS MI 'BYUNG STE, DNGOS PO MED PA NI DNGOS PO LOG PA'I RANG BZHIN CAN YIN TE, DE'I PHYIR DE LA 'BRAS BU SKYED PA'I NUS PA GA LA YOD, GAL TE YOD NA NI MYA NGAN LAS 'DAS PA LA YANG 'BRAS BU SKYED PA'I MTHU YOD PAR 'GYUR RO, ,GAL TE DNGOS PO MED PA LAS DNGOS PO MED PA 'BYUNG BAR 'GYUR NA NI, DE'I TSE MO GSHAM GYI BU MO LAS KYANG BU SKYE BAR 'GYUR NA, DE NI DE LTAR YANG MA YIN TE, DE'I PHYIR DNGOS PO MED PA NI, DNGOS PO MED PA LAS KYANG 'BYUNG BA MA YIN NO, ,DA NI DNGOS PO MED PA DNGOS PO LAS KYANG MI 'BYUNG STE, DNGOS PO MED PA NI DNGOS PO DANG 'GAL BA YIN NA, DE JI LTAR DNGOS PO LAS 'BYUNG BAR 'GYUR, GAL TE 'GYUR NA NI SGRON MA LAS KYANG MUN PA 'BYUNG BAR 'GYUR RO, ,GANG GI PHYIR DE LTAR RNAM PAR DPYAD NA 'BYUNG BA DANG 'JIG PA DAG YOD PA MA YIN PA DE'I PHYIR GTI MUG NYID KYIS MTHONG PA YIN NO ZHES BYA BAR SHES PAR BYA'O, ,RNAM PA GCIG TU NA PHYOGS SNGA MA 'DI GZHAN YIN NO, ,'DI LTAR 'DIR GAL TE 'BYUNG BA DANG 'JIG PA DAG YOD NA NI, DE DAG DNGOS PO LA BRTEN PA'AM, DNGOS PO MED PA LA BRTEN PAR 'GYUR BA ZHIG NA, DNGOS PO DANG DNGOS PO MED PA DE GNYIS NI RNAM PAR DPYAD PA NA, THAMS CAD DU YOD PA MA YIN TE DE'I PHYIR RTEN MED PAS @138A *, ,'BYUNG BA DANG 'JIG PA DGAG LA YOD, DE'I PHYIR, 'BYUNG BA DANG NI 'JIG PA DAG ,GTI MUG NYID KYIS MTHONG MA YIN, ,ZHES BYA BAR SHES PAR BYA'O, ,DNGOS PO DANG DNGOS PO MED PA GNYIS JI LTAR YOD PA MA YIN PA DE LTAR BSTAN PA'I PHYIR, DNGOS PO DNGOS LAS MI SKYE STE, ,DNGOS PO DNGOS MED LAS MI SKYE, ,DNGOS MED DNGOS MED MI SKYE STE, ,DNGOS MED DNGOS LAS MI SKYE'O, ,ZHES GSUNGS TE, 'DI'I DON NI GONG MA BZHIN NO, ,GZHAN YANG GAL TE DNGOS PO ZHES BYA BA 'GA' ZHIG YOD NA NI, DE SKYE ZHING ZANG PA DANG LDAN PAS 'BYUNG BA DANG 'JIG PAR 'GYUR NA, DNGOS PO 'GA' YANG YOD PA MA YIN TE, BONG BU'I RVA LTAR RANG BZHIN GYIS MA SKYES PA'I PHYIR RO, ,MA SKYES PA NYID MA GRUB PO ZHE NA, MA GRUB PA MA YIN TE, 'DI LTAR, DNGOS PO BDAG LAS MI SKYE STE, ,GZHAN LAS SKYE BA NYID MA YIN, ,BDAG DANG GZHAN LAS SKYE BA NA, ,YOD MIN JI LTAR SKYE BAR 'GYUR, ,'DI NI RAB TU BYED PA DANG POR RNAM PAR BSHAD ZIN PA'I PHYIR YANG MI BSHAD DO, ,GANG GI PHYIR DE LTAR JI SKAD BSHAD PA'I RNAM PA DAG GIS SKYE BA YOD PA MA YIN PA DE'I PHYIR DE JI LTAR SKYE BAR 'GYUR TE, JI LTAR YANG SKYE BAR MI 'GYUR BA NYID DO SNYAM DU DGONGS PA YIN NO, ,DNGOS PO SKYE BA RNAM PA THAMS CAD DU YOD PA MA YIN NO ZHES BYA BA 'DI NI DE LTAR GDON MI ZA BAR KHAS BLANG BAR BYA'O, ,DE LTA MA YIN NA NI, DNGOS PO YOD PAR KHAS BLANGS NA, ,RTAG DANG CHAD PAR LTA BAR NI, ,THAL BAR 'GYUR TE, GANG GI PHYIR, DNGOS PO DE NI, RTAG DANG MI RTAG 'GYUR PHYIR RO, ,GANG ZHIG DNGOS PO'I RNAM PAR GZHAG PA JI SKAD BSHAD PA LAS 'DAS NAS DNGOS POR LTA BA KHAS LEN PA DE NI GDON MI ZA BAR GSUNG RAB DANG SHIN TU 'GAL BA RTAG PA DANG CHAD PAR LTA BAR 'GYUR RO, ,CI'I PHYIR ZHE NA, GANG GI PHYIR DNGOS PO DE BRTAGS PA NA RTAG PA'AM MI RTAG PA ZHIG TU 'GYUR GRANG, GAL TE RTAG PA YIN NA NI DE'I TSE NGES PAR RTAG PAR SMRA BAR 'GYUR LA, 'ON TE MI RTAG PA YIN NA NI DE'I TSE NGES BAR CHAD PAR SMRA BAR 'GYUR RO, ,'DIR @138B SMRAS PA, DNGOS PO YOD PAR KHAS BLANGS KYANG, ,CHAD PAR MI 'GYUR RTAG MI 'GYUR, ,CI'I PHYIR ZHE NA, GANG GI PHYIR, 'BRAS BU RGYU YI 'BYUNG 'JIG GI ,RGYUN DE SRID PA YIN PHYIR RO, ,RGYU DANG 'BRAS BU'I 'BYUNG BA DANG 'JIG PA'I RGYUN GANG YIN PA DE NI KHO BO CAG GI SRID PA STE 'KHOR BA YIN NO, ,DE LA GAL TE RGYU 'GAGS SHING DE'I RGYU CAN GYI 'BRAS BU MI SKYE NA NI, DE'I TSE CHAD PAR 'GYUR LA, GAL TE RGYU MI 'GAG CING RANG GI NGO BOS GNAS NA NI, DE'I TSE RTAG PAR THAL BAR YANG 'GYUR NA DE NI DE LTAR YANG MA YIN NO, ,DE'I PHYIR DNGOS PO KHAS BLANGS SU ZIN KYANG RTAG PA DANG CHAD PAR LTA BAR THAL BA YOD PA MA YIN NO, ,'DU BYED RNAMS KYI 'BYUNG BA DANG, 'JIG PA'I RGYUN RGYU DANG 'BRAS BU RNAM PAR MA CHAD PAR RIM PAR 'BYUNG BA GANG YIN PA DE NYID 'KHOR BA YIN TE, DE'I PHYIR KHO BO CAG LA NYES PA 'DI YOD PA MA YIN NO, ,BRJOD PAR BYA STE, GAL TE 'BRAS RGYU'I 'BYUNG 'JIG GI ,RGYUN DE SRID PA YIN GYUR NA, ,DE LTA NA YANG, ,'JIG LA YANG SKYE MED PA'I PHYIR, ,RGYU NI CHAD PAR THAL BAR 'GYUR, ,MA YIN NAM, GANG RGYU'I SKAD CIG MA 'BRAS BU BSKYED PAR BYA BA LA RGYUR GYUR NAS 'GAG PA, RGYU'I SKAD CIG MA 'JIG PA DANG LDAN PA DE YANG MI SKYE BA'I PHYIR CHAD PAR LTA BAR 'GYUR RO, ,KHYOD LA SKYON 'DIR JI LTAR MI 'GYUR ZHE NA, DNGOS PO KHAS LEN PA LA NYES PA 'DIR 'GYUR GYI, NGAS NI DNGOS PO KHAS MA BLANGS TE, CHOS THAMS CAD SKYE BA MED PA'I PHYIR RO, ,GANG DU, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN PHYIR, ,DE PHYIR CHAD MIN RTAG MA YIN, ,ZHES BSHAD PA DER YANG KHO BOS TSUL 'DIS DNGOS PO RNAMS RANG BZHIN MED PAR BSTAN PA YIN TE, DE LTA MA YIN TE, DNGOS PO RANG GI NGO BO YOD NA NI SA BON DANG MYU GU DAG GZHAN NYID DU JI LTAR MI 'GYUR, DE'I PHYIR THAL BA 'DI KHO BO CAG LA GNOD PAR BYED PA MA YIN NO, ,DE LTAR RE ZHIG DNGOS PO YOD PAR KHAS LEN NA RGYU YANG SKYE BA MED PA'I PHYIR CHAD PAR LTA BAR THAL BAR 'GYUR BA BRJOD NAS, DA NI @139A *, ,RTAG PA'I NYES PAR THAL BAR BRJOD PA'I PHYIR, DNGOS PO NGO BO NYID YOD NA, ,DNGOS MED 'GYUR BAR MI RIGS SO, ,ZHES BYA BA SMOS TE, GAL TE RGYU RANG BZHIN GYIS YOD PAR GYUR NA NI, DE PHYIS YOD PA MA YIN PAR MI 'GYUR TE, RANG BZHIN LA LDOG PA MED PA'I PHYIR RO, ,DE'I PHYIR RTAG PAR LTA BAR THAL BA SON 'DUG GO, ,GZHAN YANG, MYA NGAN 'DAS PA'I DUS NA CHAD, ,SRID RGYUN RAB TU ZHI PHYIR RO, ,GAL TE YANG RGYU DANG 'BRAS BU DAG GI 'BYUNG BA DANG 'JIG PA'I RGYUN 'JUG PAS RTAG PA DANG CHAD PAR LTA BAR THAL BA SPONG BAR BYED MOD KYI, DE LTA NA YANG GANG DU RGYUN DE YANG 'BYUNG BAR MI 'GYUR BA MYA NGAN LAS 'DAS PA DER NI NGES PAR CHAD PAR LTA BAR 'GYUR NA, BCOM LDAN 'DAS KYIS NI CHAD PAR LTA BA SPANG BAR BYA BA GSUNGS SO, ,RNAM PA DE LTA BU NI CHAD PAR LTA BA YIN PAR MI 'GYUR RO ZHE NA, KHYOD LA GZHAN YANG CI'I PHYIR YIN PAR 'GYUR TE, MYA NGAN LAS 'DAS PA'I DUS SU DNGOS PO RNAM PAR CHAD PA LA DMIGS PA LTAR, DNGOS PO RNAM PAR CHAD PA LA DMIGS PA'I PHYIR RO SNYAM DU BSAMS PA'O, ,GANG YANG, 'BRAS BU RGYU YI 'BYUNG 'JIG GI , RGYUN DE SRID PA YIN PHYIR RO, ,ZHES SMRAS PA DE YANG MI 'THAD DE, JI LTAR ZHE NA, 'DIR SRID PA THA MA NI LDOG PA'I MTSAN NYID CAN YIN LA, DANG PO NI 'GRO BA NYID MTSAMS SBYOR BA'I MTSAN NYID CAN NO, ,DE LA SRID PA THA MA 'GAG BZHIN PA NI RGYU NYID DU GNAS PA YIN LA, SKYE BA'I MTSAN NYID CAN SRID PA DANG PO NI 'BRAS BU'I NGO BOR GNAS PA YIN TE, SRID PA DE GNYIS LA 'KHOR BA ZHES MING DU BTAGS PA YIN NO, ,'DIR 'DI DPYAD PAR BYA BA STE, GANG LAS RGYU DANG 'BRAS BU'I RGYUN GYIS 'KHOR BAR 'GYUR BA, SRID PA DANG PO 'BRAS BU'I NGO BO NYID DU RNAM PAR GNAS PA GANG YIN PA DE CI SRID PA THA MA 'GAGS PA'AM, 'ON TE MA 'GAGS PA'AM DE STE 'GAG BZHIN PA NA SKYE GRANG, RNAM PAR DPYAD NA RNAM PA THAMS CAD DU YOD PA MA YIN NO ZHES BSTAN PA'I PHYIR, THA MA 'GAGS PAR GYUR PA NA, ,SRID PA DANG PO RIGS MI 'GYUR, ,THA MA 'GAGS @139B PAR MA GYUR TSE, ,SRID PA DANG PO RIGS MI 'GYUR, ,ZHES GSUNGS SO, ,DE LA GAL TE SRID PA THA MA 'GAGS PA NI SRID PA DANG PO SKYE'O ZHES RTOG NA NI, DE'I TSE RGYU MED PAR 'GYUR ZHING, SA BON TSIG PA LAS KYANG MYU GU SKYE BAR 'GYUR NA, DE NI 'DOD PA YANG MA YIN NO, ,DE'I PHYIR THA MA 'GAGS PA NA SRID PA DANG PO MI RIGS SO, DA NI SRID PA THA MA MA 'GAGS PA NA YANG SRID PA DANG PO RIGS PAR MI 'GYUR TE, GAL TE 'GYUR NA NI RGYU MED PA DANG, SEMS CAN GCIG LA NGO BO GNYIS YOD PA DANG, SNGON MED PA'I SEMS CAN 'BYUNG BA DANG, SNGA MA RTAG PA NYID DANG, SA BON MA ZHIG PA LA MYU GU SKYE BAR 'GYUR NA, DE DAG NI DE LTAR YANG MA YIN NO, ,DE'I PHYIR, THA MA 'GAGS PAR MA GYUR TSE, ,SRID PA DANG PO RIGS MI 'GYUR RO, ,DA NI SRID PA THA MA 'GAG BZHIN PA NA YANG JI LTAR SRID PA DANG PO MI 'THAD PA DE LTAR BSTAN PA'I PHYIR, GAL TE THA MA 'GAG BZHIN NA, ,DANG PO SKYE BAR 'GYUR NA NI, ,'GAG BZHIN PA NI GCIG 'GYUR ZHING, ,SKYE BZHIN PA YANG GZHAN DU 'GYUR, ,ZHES GSUNGS SO, ,DE LA 'GAG BZHIN PA NI DA LTAR BA STE, DA LTAR BA'I RKYEN GYI MTHA' CAN GYIS BRJOD PAR BYA BA YIN PA'I PHYIR RO, ,SKYE BAR 'GYUR BA ZHES BYA BAS KYANG DA LTAR BA NYID BRJOD DE, DA LTAR BA'I SGRA'I BRJOD BYA YIN PA'I PHYIR RO, ,YANG NA 'GAG BZHIN PA NI 'GAG PA'I BYA BA BYED PA PO YIN LA, SKYE BAR 'GYUR BA GANG YIN PA DE YANG SKYE BA'I BYA BA BYED PA PO YIN TE, DE DAG DUS GCIG PAR 'DOD PA NA CIG CAR DU YOD PAR 'GYUR RO, ,DE'I PHYIR 'GAG BZHIN PA NI SRID PA GCIG TU 'GYUR ZHING, SKYE BZHIN PA YANG GZHAN DU 'GYUR BAS, SRID PA GNYIS DUS GCIG PA NYID DU 'GYUR NA, GCIG LA CIG CAR GNYIS YOD PA YANG MA YIN PAS 'DI NI MI RIGS SO, ,DE'I PHYIR DE LTAR JI SKAD BSHAD PA'I RNAM PAR DPYAD PA'I TSUL GYIS, GAL TE 'GAG BZHIN SKYE BZHIN DAG ,LHAN CIG TU YANG RIGS MIN NA, ,PHUNG PO GANG LA 'CHI 'GYUR PA, ,DE LA SKYE BA'ANG 'BYUNG 'GYUR RAM, ,'ANG GI SGRA NI BSDU BA'I DON DU STE, DE DAG SO SO SO SOR 'JOG PAR BYED PA'I @140A *, ,PHYIR RO, ,GANG GI TSE DE LTAR JI SKAD BSHAD PA'I TSUL GYIS THA MA 'GAGS PA NA SRID PA DANG PO 'BYUNG BA MA YIN ZHING, THA MA MA 'GAGS PAR SRID PA DANG PO 'BYUNG BA MA YIN LA, SRID PA THA MA DANG LHAN CIG STE DUS GCIG TU YANG SRID PA DANG PO 'BYUNG BA MA YIN NA, DA NI, PHUNG PO GANG LA 'CHI 'GYUR BA, ,DE LA SKYE BA'ANG 'BYUNG 'GYUR RAM, ,PHUNG PO GANG DAG LA GNAS PA 'CHI BAR 'GYUR BA DE DAG NYID LA SKYE BA ZHES BYA BA 'DI NI SHIN TU 'GAL BA YIN NO, ,'DI LTAR 'CHI BZHIN PA NI SKYE BAR MA MTHONG NGO, ,DE'I PHYIR, DE LTAR DUS GSUM DAG TU YANG, ,SRID PA'I RGYUN NI MI RIGS NA, ,GANG GI PHYIR SRID PA THA MA 'GAGS PA DANG MA 'GAGS PA DANG, 'GAG BZHIN PA NI SRID PA DANG PO YOD PA MA YIN PA DE'I PHYIR, DUS GSUM CHAR DU YANG SRID PA'I RGYUN YOD PA MA YIN NO, ,DUS GSUM DAG TU GANG MED PA, ,DE NI JI LTAR SRID PA'I RGYUN, ,GANG ZHIG DUS GSUM DAG TU YOD PA MA YIN PA DE BDAG NYID GZHAN GYIS YOD PAR GA LA 'GYUR, DE'I PHYIR RNAM PA THAMS CAD DU SRID PA'I RGYUN YOD PA MA YIN NO, ,DE'I PHYIR, 'BRAS BU RGYU YI 'BYUNG 'JIG GI ,RGYU DE SRID PA YIN PHYIR RO, ,ZHES GANG SMRAS PA DE NI MI RIGS PA SMRAS PA YIN NO, ,DE'I PHYIR DNGOS PO YOD PAR KHAS LEN NA RTAG PA DANG CHAD PAR LTA BAR THAL BA DE NYID BZLOG PAR DKA' BA YIN NO, ,DE'I PHYIR DNGOS PO RNAMS SKYE BA MED DO ZHES BYA BAR GRUB PO, ,BCOM LDAN 'DAS KYIS KYANG, SRID GSUM RMI LAM DANG 'DRA SNYING PO MED, ,MYUR DU 'JIG CING MI RTAG SGYU MA BZHIN, ,'ONG BA MED CING 'DI NAS 'GRO BA'ANG MED, ,RGYUN RNAMS RTAG TU STONG ZHING MTSAN MA MED, ,CES BYA BA DANG, DE BZHIN DU, SKYE BA DANG NI 'CHI 'GYUR YANG, ,SKYE BA MED CING 'CHI MED PAR, ,GANG GIS SHES PAR GYUR BA YIN, ,TING 'DZIN 'DI NI RNYED MI DKA', ,ZHES GSUNGS PA DANG, DE BZHIN DU, GANG DAG BSAM YAS CHOS RNAMS 'DI SHES PA, ,MI RNAMS DE DAG RTAG TU BDE BA YIN, ,CHOS DANG CHOS MIN RNAM RTOG MED PA STE, ,THAMS CAD SEMS KYI SPROS PAS PHYE BA YIN, ,THAMS @140B CAD BSAM YAS THAMS CAD 'BYUNG MIN PAS, ,DNGOS DANG DNGOS MED SHES PA RNAM PAR BSHIG ,BYIS PA GANG DAG SEMS KYI DBANG SONG BA, ,DE DAG SRID PA BYE BA BRGYAR SDUG BSNGAL, ,ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, 'BYUNG BA DANG 'JIG PA BRTAG PA ZHES BYA BA RAB TU BYED PA NYI SHU RTZA GCIG PA'I 'GREL PA'O,, ,,'DIR SMRAS PA, SRID PA'I RGYUN NI YOD PA NYID DE, DE BZHIN GSHEGS PA YOD PA'I PHYIR RO, ,'DI NA BCOM LDAN 'DAS BSKAL PA GRANGS MED PA GSUM MAM BDUN DU BAR CHAD MED PA'I TSUL GYIS BRTZON PA, BSOD NAMS BYA BA RTZOM PA PHUL DU DBYUNG DU MED PA, 'GRO BA LA PHAN PA 'BYUNG BA'I BYA BA GCIG PU'I MTSAN NYID CAN RNAM PA SNA TSOGS PA DE DANG DE DAG GIS 'GRO BA, BU GCIG PA PHANGS PA BAS KYANG CHES LHAG PA MA LUS PA RJES SU 'DZIN PA LHUR MDZAD PA, THUGS RJE CHEN PO'I GZHAN GYI DBANG DU GYUR PA, 'KHRUNGS PA'I GNAS DE DANG DER SA DANG CHU DANG ME DANG RLUNG DANG, SMAN GYI LJON SHING THUN MONG BA LTAR BDAG NYID KYANG 'GRO BA RNAMS KYI RANG GI 'DOD PAS LONGS SPYAD PAR BYA BAR GYUR PAR MDZAD PAS DUS RING MO ZHIG GIS THAMS CAD MKHYEN PA'I GO 'PHANG BRNYES PA YIN LA, THAMS CAD MKHYEN PA'I YE SHES BRNYES PA BCOM LDAN 'DAS DE NYID CHOS RNAMS KYI DE KHO NA NYID JI LTAR GNAS PA DE LTAR MA LUS PAR MKHYEN ZHING THUGS SU CHUD PA NYID KYIS NA DE BZHIN GSHEGS PA ZHES BRJOD DO, ,DE'I PHYIR GAL TE SRID PA'I RGYUN MED NA NI, DE'I TSE DE BZHIN GSHEGS PA YANG YOD PAR MI 'GYUR TE, SKYE BA GCIG GIS NI DE BZHIN GSHEGS PA NYID BRNYES PAR MI DPYOD DO, ,DE'I PHYIR SRID PA'I RGYUN YOD PA NYID DE, DE BZHIN GSHEGS PA YOD PA'I PHYIR RO ZHES SMRA'O, BRJOD PAR BYA STE, GANG GI MI SHES PA SHIN TU CHEN PO 'THAS PA'I SNANG BA RNAM PA SNA TSOGS PA DE LTA BU DAG GIS BZLOG TU ZIN KYANG SHIN TU YUN RING POR GOMS PAS DA RUNG YANG MI ZLOG CING MI 'JIG PA, KHYOD KYIS MI SHES PA SHIN TU CHEN PO 'DI NYID SRID PA'I RGYUN RNAM PAR @141A *, ,CHAD PA MED PAR 'JUG PA DANG, CHES RING BAR GO BAR BYED PA YIN NO, ,GAL TE 'DIR DE BZHIN GSHEGS PA ZHES BYA BA 'GA' ZHIG RANG BZHIN GYIS YOD NA NI, DE'I TSE DUS RING POS MNGON PAR GRUB PA'I PHYIR SRID PA'I RGYUN YOD PAR 'GYUR NA, DE BZHIN GSHEGS PA ZHES BYA BA 'GA' ZHIG DNGOS PO'I RANG BZHIN DU DMIGS PA YANG MA YIN TE, KHYOD KYI MA RIG PA'I RAB RIB CHEN POS BLO GROS KYI MIG NYAMS PA NYID KYIS ZLA BA GNYIS LA SOGS PA LTAR LOG PAR DE BZHIN GSHEGS PA ZHES BYA BAR DMIGS PA 'BA' ZHIG TU ZAD DO, ,GANG GI TSE DE LTAR DE BZHIN GSHEGS PA NYID RANG BZHIN GYIS YOD PA MA YIN PA DE'I TSE DE'I SRID PA'I RGYUN YOD PAR GA LA 'GYUR, JI LTAR DE BZHIN GSHEGS PA RANG BZHIN GYIS MED PA DE LTAR BSTAN PA'I PHYIR, PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN, ,DE BZHIN GSHEGS PA GANG ZHIG YIN, ,ZHES BYA BA GSUNGS TE, GAL TE DE BZHIN GSHEGS PA ZHES BYA BA DNGOS PO 'GA' ZHIG YOD NA NI, DE PHUNG PO'I RANG BZHIN TE, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA PHUNG PO LNGA'I RANG BZHIN NAM, TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA ZHES BYA BA'I PHUNG PO LNGA'I RANG BZHIN NAM, DE GNYIS LAS THA DAD PAR 'GYUR BA ZHIG NA; SNGA MA'I PHUNG PO LNGA PO NYID, SEMS CAN DU GDAGS PA'I RGYU YIN PAS RNAM PAR DPYAD PA 'DIR BZUNG GI ,PHYI MA DAG NI MA YIN TE, 'DI DAG KHYAB PAR BYED PA MA YIN PA'I PHYIR DANG, SNGA MA'I KHONGS SU 'DUS PA'I PHYIR RO, ,GAL TE PHUNG PO LNGA LAS THA DAD PA YIN NA NI, DE BZHIN GSHEGS PA DE LA PHUNG PO YOD PA'AM, PHUNG PO DE DAG LA DE YOD PA'AM, LHA SBYIN NOR DANG LDAN PA LTAR DE BZHIN GSHEGS PA DE PHUNG PO DANG LDAN PAR 'GYUR GRANG NA, RNAM PA THAMS CAD DU DPYAD PA NA YOD PA MA YIN NO, ,JI LTAR ZHE NA, DE LA RE ZHIG PHUNG PO NYID NI DE BZHIN @141B GSHEGS PA MA YIN TE, CI'I PHYIR ZHE NA, BUD SHING GANG DE ME YIN NA, ,BYED PA PO DANG LAS GCIG 'GYUR, ,ZHES BSHAD PA DANG, NYER LEN GANG DE SANGS RGYAS NA, ,BYED PA PO DANG LAS GCIG 'GYUR, ,ZHES BYA BA 'DIR YANG SBYAR BAR BYA LA, DE BZHIN DU, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES BSHAD PA DANG, GAL TE PHUNG PO SANGS RGYAS NA, ,SKYE DANG 'JIG PA CAN DU 'GYUR, ,ZHES 'DIR YANG SBYAR BAR BYA'O, ,DE LTAR NA RE ZHIG PHUNG PO DE BZHIN GSHEGS PA MA YIN NO, ,DA NI DE BZHIN GSHEGS PA LA PHUNG PO DAG LAS GZHAN PA YANG MA YIN TE, CI'I PHYIR ZHE NA, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES BYA BA DANG, DE BZHIN DU, GZHAN LA LTOS PA MED PA'I PHYIR, ,'BAR BAR BYED RGYU LAS MI 'BYUNG, ,RTZOM PA DON MED NYID DU 'GYUR, , DE LTA YIN NA LAS KYANG MED, ,CES BSHAD PA DE BZHIN DU, 'DIR YANG, GAL TE NYER LEN SANGS RGYAS GZHAN, ,NYER LEN MED PAR 'BYUNG BAR 'GYUR, ,ZHES BYA BA DANG, DE BZHIN DU, GZHAN LA LTOS PA MED PA'I PHYIR, ,NYE BAR LEN RGYU LAS MI 'BYUNG, ,RTZOM PA DON MED NYID DU 'GYUR, ,DE LTA YIN NA LAS KYANG MED, ,CES BYA BAR SBYAR BAR BYA'O, ,DE BZHIN DU, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES BYA BAR YANG SBYAR BAR BYA'O, ,PHUNG PO LA SOGS PA DAG DANG, DE BZHIN GSHEGS PA LA GZHAN NYID MED PA'I PHYIR NA, DE BZHIN GSHEGS PA LA PHUNG PO DAG YOD PA MI 'THAD CING, PHUNG PO DAG LA DE BZHIN GSHEGS PA YOD PA ZHES BYA BA YANG 'THAD PA MA YIN NO, ,PHYOGS GNYIS KYI RNAM PAR BSHAD PA 'DI NI, 'DIR BDAG PHUNG PO LA MED PHUNG 'DI DAG ,BDAG LA YOD PA MA YIN GANG GI PHYIR, ,GZHAN NYID YOD NA RTOG PA 'DIR 'GYUR NA, ,GZHAN NYID DE MED DE PHYIR 'DI RTOG GO, ,ZHES DBU MA LA 'JUG PA LAS BSHAD PA YIN NO, ,DE BZHIN GSHEGS PA PHUNG PO DANG LDAN PA YANG JI LTAR MA YIN PA DE LTAR NI, BDAG 'DOD GZUGS LDAN @142A *, ,MA YIN GANG GI PHYIR, ,BDAG MED DE PHYIR LDAN DON DANG 'BREL MIN, ,THA DAD PHYUGS LDAN THA MI DAD GZUGS LDAN, ,DE NYID GZHAN DU BDAG MED DNGOS MED PHYIR, ,ZHES DE NYID DU BSHAD ZIN TO, ,DNGOS SUN PHYOGS LNGA PO DE DAG DE NYID DANG GZHAN NYID KYI PHYOGS NYID KYI NANG DU 'DUS MOD KYI, 'JIG TSOGS LA LTA BA'I 'JUG PA LA LTOS NAS PHYOGS LNGA PO SLOB DPON GYIS GSUNGS SO ZHES SHES PAR BYA'O, ,DE BZHIN GSHEGS PA GANG ZHIG DE LTAR PHUNG PO DAG LA RNAM PA LNGAS DPYAD PA NA YOD PA MA YIN PA DE BDAG NYID GANG GIS YOD PAR 'GYUR TE, DE'I PHYIR DE BZHIN GSHEGS PA RNAM PA THAMS CAD DU YOD PA MA YIN PAR GZIGS SHING, SLOB DPON GYIS, DE BZHIN GSHEGS PA GANG ZHIG YIN, ,ZHES GSUNGS TE, DE NI 'GA' YANG MED DO ZHES BYA BAR DGONGS SO, ,DE BZHIN GSHEGS PA MED PA'I PHYIR NA SRID PA'I RGYUN YANG MED DO ZHES BYA BAR GRUB PO, ,'DIR KHA CIG NA RE, JI SKAD BSHAD PA'I NYES PAR THAL BAR 'GYUR BAS DE PHUNG PO DE BZHIN GSHEGS PA YIN NO ZHES KYANG MI SMRA LA, PHUNG PO LAS THA DAD PAR YANG MA YIN ZHING, RI GANGS CAN LA SHING GI TSOGS LTAR DE BZHIN GSHEGS PA LA PHUNG PO DAG YOD PAR YANG MI SMRA LA, NAGS KHROD NA SENG GE LTAR PHUNG PO DAG LA DE BZHIN GSHEGS PA YOD PA YANG MA YIN ZHING, 'KHOR LOS SGYUR BA'I RGYAL PO MTSAN DANG LDAN PA LTAR, DE BZHIN GSHEGS PA PHUNG PO DANG LDAN PAR YANG MI SMRA STE, GCIG NYID DANG GZHAN NYID KHAS BLANGS PA NYID KYI PHYIR RO, ,'O NA CI ZHE NA, PHUNG PO LA BRTEN NAS DE BZHIN GSHEGS PA DE NYID DANG GZHAN NYID DU BRJOD DU MED PA ZHIG RNAM PAR 'JOG PA YIN TE, DE'I PHYIR TSUL 'DI NI KHO BO CAG LA GNOD PAR BYED PA MA YIN NO ZHES SMRA'I, ,'DI LA BRJOD PAR BYA STE, ,GAL TE SANGS RGYAS PHUNG PO LA, ,BRTEN NAS RANG BZHIN LAS YOD MIN, ,RANG BZHIN LAS NI GANG MED PA, ,DE GZHAN DNGOS LAS GA LA YOD, ,GAL TE SANGS RGYAS BCOM LDAN 'DAS DE NYID DANG GZHAN NYID DU BRJOD PA MED PA @142B ZHIG PHUNG PO LA BRTEN NAS 'DOGS NA, 'O NA NI PHUNG PO LA BRTEN NAS BRTAGS PA'I GZUGS BRNYAN LTAR RANG BZHIN GYIS YOD PA MA YIN PA ZHES BYA BAR 'GYUR RO, ,GANG ZHIG DE LTAR RANG BZHIN LAS TE RANG GI NGO BOS MED CING, RANG BZHIN LAS YOD PA MA YIN PA DE JI LTAR PHUNG PO LA BRTEN NAS GZHAN GYI DNGOS PO LAS YOD PAR 'GYUR, YOD PA MA YIN PA'I RANG GI NGO BO CAN GYI MO GSHAM GYI BU NI, GZHAN GYI DNGOS PO LA LTOS NAS YOD PAR MI RIGS SO, ,CI STE JI LTAR GZUGS BRNYAN RANG BZHIN LAS YOD PA MA YIN YANG, BZHIN DANG ME LONG LA SOGS PA GZHAN GYI DNGOS PO LA LTOS NAS YOD PAR 'GYUR BA DE BZHIN DU, DE BZHIN GSHEGS PA RANG BZHIN LAS YOD PA MA YIN YANG PHUNG PO LA BRTEN NAS GZHAN GYI DNGOS PO LAS YOD PAR 'GYUR RO SNYAM NA, DE LTA NA YANG, GANG ZHIG GZHAN GYI DNGOS BRTEN NAS, ,DE BDAG NYID DU MI 'THAD DO, , GANG ZHIG BDAG NYID MED PA DE, ,JI LTAR DE BZHIN GSHEGS PAR 'GYUR, ,GAL TE GZUGS BRNYAN LTAR GZHAN GYI DNGOS PO LA BRTEN NAS DE BZHIN GSHEGS PAR 'DOD NA NI, DE LTA NA DE BZHIN GSHEGS PA DE GZUGS BRNYAN LTAR BDAG NYID CES BYA BAR MI 'THAD CING, RANG BZHIN ZHES BYA BAR MI RIGS TE, BDAG NYID KYI SGRA 'DI NI RANG BZHIN GYI RNAM GRANGS YIN NO, ,GANG ZHIG GZUGS BRNYAN LTAR BDAG NYID MED CING RANG BZHIN MED PA DE JI LTAR DE BZHIN GSHEGS PAR 'GYUR TE, PHYIN CI MA LOG PA'I LAM NAS GSHEGS PAR JI LTAR 'GYUR ZHES BYA BAR DGONGS PA'O, ,GZHAN YANG, GAL TE 'DI NI DE BZHIN GSHEGS PA LA RANG BZHIN 'GA' ZHIG YOD NA NI, DE'I TSE DE'I RANG BZHIN LA LTOS NAS PHUNG PO'I RANG BZHIN GZHAN GYI DNGOS POR 'GYUR LA, GZHAN GYI DNGOS PO DE LA BRTEN NAS DE BZHIN GSHEGS PAR 'GYUR BA ZHIG NA, GANG GI TSE DE BZHIN GSHEGS PA LA RANG BZHIN NYID YOD PA MA YIN PA DE'I TSE PHUNG PO RNAMS GZHAN NYID DU GA LA 'GYUR ZHES BSTAN PA'I PHYIR GSUNGS PA, GAL TE RANG BZHIN YOD MIN NA, ,GZHAN DNGOS YOD PAR JI LTAR 'GYUR, ,GANG GI TSE DE LTAR RANG BZHIN DANG GZHAN GYI DNGOS PO @143A *, ,DAG MED PA DE'I TSE, RANG BZHIN DANG NI GZHAN DNGOS DAG ,MA GTOGS DE BZHIN GSHEGS DE GANG, ,DNGOS PO YIN NA RANG BZHIN GZHAN GYI DNGOS POR 'GYUR GYI, ,GANG ZHIG DE BZHIN GSHEGS PA ZHES BYA BAR RNAM PAR GZHAG PA DE GNYIS LAS MA GTOGS PA'I DNGOS PO GZHAN DE GANG ZHIG YOD, DE'I PHYIR DE BZHIN GSHEGS PA RANG BZHIN GYIS MED DO, ,GZHAN YANG, GAL TE PHUNG PO MA BRTEN PAR, ,DE BZHIN GSHEGS PA 'GA' YOD NA, ,DE NI DA GDOD BRTEN 'GYUR ZHING, ,BRTEN NAS DE LAS 'GYUR LA RAG ,GAL TE DE BZHIN GSHEGS PA PHUNG PO DAG LAS DE NYID DANG GZHAN NYID DU BRJOD DU MED PA ZHIG PHUNG PO DAG LA BRTEN NAS 'DOGS SO SNYAM DU SEMS NA NI, DE LA GAL TE PHUNG PO RNAMS LA MA BRTEN PAR TE MA BZUNG BAR SNGAR DE BZHIN GSHEGS PA ZHES BYA BA 'GA' ZHIG YOD CING PHUNG PO LA BRTEN NAS GYUR PA DE'I TSE RIGS TE, 'DI LTAR SNGAR NOR LAS THA DAD PAR GRUB PA'I LHA SBYIN NI NOR LEN PAR BYED PA YIN NO, ,DE BZHIN DU GAL TE PHUNG PO LA MA BRTEN PAR DE BZHIN GSHEGS PA 'GA' ZHIG YOD NA NI, DE DA GZOD PHUNG PO DAG LA BRTEN PAR 'GYUR ZHING, PHUNG PO DE DAG LA BRTEN NAS 'GYUR LA RAG NA, RNAM PA THAMS CAD DU DPYAD PA NA, PHUNG PO RNAMS LA MA BRTEN PAR, DE BZHIN GSHEGS PA 'GA' YANG MED DE RGYU MED PA NYID DU THAL BAR 'GYUR BA'I PHYIR RO, ,GANG ZHIG MA BRTEN YOD MIN NA, ,DE NI JI LTAR NYER LEN 'GYUR, ,YOD PA MA YIN PA'I PHYIR RO SNYAM DU DGONGS PA YIN NO, ,GANG GI TSE DE LTAR PHUNG PO CUNG ZAD KYANG MI LEN PA DE'I TSE, PHUNG PO LA BRTEN NAS DE BZHIN GSHEGS PAR 'GYUR RO ZHES BYA BAR MI 'THAD DO, ,GANG GI TSE DE BZHIN GSHEGS PA DE NYE BAR LEN PA'I SNGA ROL DU MED PAS CUNG ZAD KYANG MI LEN PA DE'I TSE SUS KYANG NYE BAR MA BLANGS PAS DE'I NYE BAR LEN PA YANG NYE BAR LEN PA NYID DU 'GYUR BA MA YIN NO ZHES BSTAN PA'I PHYIR, NYE BAR BLANGS PA MA YIN PAR, ,NYE BAR LEN PAR CIS MI 'GYUR, ,ZHES BYA BA GSUNGS SO, ,GANG GI TSE DE LTAR SUS KYANG MA BLANGS BA'I PHYIR NYE BAR LEN PA NYE BAR @143B LEN PAR MI 'GYUR BA DE'I TSE NYE BAR LEN PA MED PAS NYE BAR LEN PA PO 'GA' YANG YOD PA MA YIN NO ZHES BSTAN PA'I PHYIR, ,NYE BAR LEN PA MED PA YI, ,DE BZHIN GSHEGS PA CI YANG MED, ,CES BYA BA GSUNGS SO, ,DE'I PHYIR DE LTAR, JI SKAD BSHAD PA'I TSUL GYIS, RNAM PA LNGAS NI BTZAL BYAS NAS, ,GANG ZHIG DE NYID GZHAN NYID DU, ,MED PA'I DE BZHIN GSHEGS PA DE, ,NYE BAR LEN PAR JI LTAR GDAGS, ,DE BZHIN GSHEGS PA GANG ZHIG DPYAD CING BTZAL BAR BYAS PA NA, GANG ZHIG PHUNG PO DAG LAS DE NYID DE GCIG TU MED CING, PHUNG PO DAG LAS GZHAN NYID DU STE THA DAD PA NYID DU MED LA, GANG ZHIG DE NYID DANG GZHAN NYID DU MED PAS RTEN DANG BRTEN PA DANG DE DANG LDAN PA'I PHYOGS RNAM PA LNGAS BTZAL BA NA MED CING GTAN YOD PA MA YIN PA'I DE BZHIN GSHEGS PA DE NYE BAR LEN PAS JI LTAR GDAGS PAR NUS, DE'I PHYIR YANG DE BZHIN GSHEGS PA RANG BZHIN GYIS MED DO, ,RNAM PAR DPYAD PA 'DIS DE BZHIN GSHEGS PA KHO NA MED PA 'BA' ZHIG TU MA ZAD KYI, 'ON KYANG, GANG ZHIG NYE BAR BLANGS PA DE, ,DE NI RANG BZHIN LAS YOD MIN, ,GANG ZHIG NYE BAR BLANGS PA GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA PHUNG PO LNGA PO DE YANG RANG BZHIN GYIS YOD PA MA YIN TE, RTEN CING 'BREL PAR 'BYUNG BA'I PHYIR DANG, PHUNG PO BRTAG PAR RGYAS PAR BGAG PA'I PHYIR RO, ,CI STE YANG NYE BAR BLANG BA'I RANG BZHIN LAS YOD PA MA YIN PA DE LTA NA YANG, RGYU DANG RKYEN GYI BDAG NYID CAN GZHAN GYI DNGOS PO LAS YOD PAR 'GYUR RO SNYAM NA, DE YANG MI 'THAD DO ZHES BSTAN PA'I PHYIR, BDAG GI DNGOS LAS GANG MED PA, ,DE GZHAN DNGOS LAS YOD RE SKAN, ,ZHES GSUNGS TE, MO GSHAM GYI BU BDAG GI DNGOS PO LAS YOD PA MA YIN PA DE NI GZHAN GYI DNGOS POS GDAGS PAR NUS PA MA YIN NO, ,DE'I PHYIR NYE BAR BLANGS PA YANG MED DO, ,RNAM PA GCIG TU NA, GANG ZHIG NYE BAR BLANGS PA DE, ,DE NI RANG BZHIN LAS YOD MIN TE, NYE BAR LEN PA PO LA LTOS PA'I PHYIR @144A *, ,DANG, NYE BAR LEN PA PO LA MA LTOS PA LA NYE BAR BLANG BA NYID MED PA'I PHYIR RANG GI NGO BOS GRUB PA'I NYE BAR BLANG BA YOD PA MA YIN NO, ,CI STE GAL TE NYE BAR BLANG BA NYE BAR LEN PA PO LA MA LTOS PA'I RANG BZHIN GYIS GRUB PA YOD PA MA YIN NA, 'O NA NI DE LTA NA NYE BAR LEN PA PO LA LTOS PA DANG BCAS PA NYID DU 'GYUR RO ZHE NA, DE LTA NA YANG, BDAG GI DNGOS LAS GANG MED PA, ,DE GZHAN DNGOS LAS YOD RE SKAN, ,NYE BAR BLANG BA GANG ZHIG BDAG GI DNGOS PO LAS MA GRUB CING YOD PA MA YIN PA'I RANG BZHIN DE NYE BAR LEN PA PO GZHAN GYI DNGOS PO LAS YOD PAR JI LTAR 'GYUR, DE'I PHYIR NYE BAR BLANG BA YANG MED DO ZHES BYA BA'O, ,DA NI JI LTAR RAB TU BSGRUBS PA'I DON NYID NYE BAR BSTAN PA'I PHYIR, DE LTAR NYER BLANGS NYER LEN PO, ,RNAM PA KUN GYIS STONG PA YIN, ,ZHES GSUNGS TE, RNAM PA THAMS CAD KYIS DPYAD PA NA, NYE BAR BLANGS PA STONG PA STE RANG BZHIN MED CING NYE BAR LEN PA PO STONG ZHING RANG BZHIN DANG BRAL BA YIN NO, ,DA NI NYE BAR BLANGS PA DE, ,STONG PAS DE BZHIN GSHEGS STONG PA, ,JI LTA BUR NA 'THAD PAR 'GYUR, ,YOD PA MA YIN PA'I NYE BAR BLANGS PAS YOD PA MA YIN PA'I DE BZHIN GSHEGS PA 'DOGS SO ZHES BYA BA GANG YIN PA DE NI SRID PA MA YIN NO, ,DE'I PHYIR PHUNG PO DAG LA BRTEN NAS DE BZHIN GSHEGS PA 'DOGS SO ZHES BYA BA NI 'THAD PA MA YIN NO, ,'DIR SMRAS PA, AE MA MA LA KHO BO CAG GI RE THAG BCAD DO, ,'DI LTAR GANG KHO BO CAG NI GZEGS ZAN DANG RKANG MIG DANG, PHYOGS KYI GOS CAN DANG, RGYAL DPOG PA LA SOGS PA RANG GI RNAM PAR RTOG PAS BRTAGS PA'I LTA BA NGAN PA'I LCUG MA SHIN TU SRIN TE'I DRA BAS GTUMS PA, MYA NGAN LAS 'DAS PA'I GRONG KHYER DU 'GRO BA'I LAM PHYIN CI MA LOG PA LAS NYAMS PA, 'KHOR BA'I 'BROG DGON PA'I LAM SHIN TU BGROD PAR DKA' BAS MA BRGAL PA, MTHO RIS DANG BYANG GROL GYI LAM PHYIN CI MA LOG PAR BSTAN PAR MNGON PAR RLOM PA DAG LA DGA' BA SPANGS NAS, DE BZHIN GSHEGS PA'I NYI MA GZHAN MU STEGS PA'I GZHUNG LUGS KYI MUN PA MA LUS PAR SEL BAR MDZAD PA, MTHO RIS DANG BYANG GROL @144B DANG MTHUN PA'I LAM PHYIN CI MA LOG PAR STON PAR MDZAD PA, DAM PA'I CHOS STON PA'I 'OD ZER SHIN TU GSAL BAS PHYOGS KYI NGOS MA LUS PAR KHYAB PAR MDZAD PA, GDUL BYA RNAM PA SNA TSOGS PA'I BLO'I PADMA'I TSOGS KHA 'BYED PA LHUR MDZAD PA, DNGOS PO'I DE KHO NA NYID KYI DON JI LTAR GNAS PA BZHIN BSTAN PA'I SNOD DU GYUR PA RNAMS KYI DRI MA MED PA'I MIG GCIG PUR GYUR PA, 'GRO BA MTHA' DAG GI ZLA MED PA'I SKYABS SU GYUR PA, STOBS BCU DANG MI 'JIGS PA DANG, SANGS RGYAS KYI CHOS MA 'DRES PA'I DKYIL 'KHOR DRI MA MED PA MNGA' BA LA SKYABS SU SONG ZHING THAR PA DON DU GNYER BA YIN NA, DA LTA NI, DE LTAR NYER BLANG NYER LEN PO, ,RNAM PA KUN GYIS STONG PA YIN, STONG PAS DE BZHIN GSHEGS STONG PA, JI LTA BUR NA 'DOGS PAR 'GYUR, ,ZHES BYA BA LA SOGS PAS DE BZHIN GSHEGS PA RANG BZHIN GYIS MED PAR SMRAS PAS KHO BO CAG GI THAR PA'I RE THAG BCAD PA YIN NO, ,DE PHYIR DE BZHIN GSHEGS PA'I RTZI SMAN CHEN PO'I LJON SHING RTZAD NAS 'DON PA KHYOD DANG BRTZAD PAS CHOG GO, ,BRJOD PAR BYA STE, 'DIR KHYOD LTA BU'I SKYE BO LA KHO BO CAG GI RE THAG CHAD PA YIN NO, ,'DI LTAR GANG KHYOD NI THAR PA 'DOD PAS GZHAN MU STEGS PA'I GZHUNG LUGS DAG DOR NAS PHYIN CI MA LOG PAR STON PA PO BCOM LDAN 'DAS DE BZHIN GSHEGS PA LA SKYABS SU SONG YANG BDAG MED PA'I SENG GE'I SGRA MCHOG TU ZAB PA MU STEGS CAN GYI SMRA BA THAMS CAD DANG THUN MONG MA YIN PA MI BZOD PA NA, RANG GI LHAG PAR MOS PAS BKREN PA NYID KYIS LAM LTA BA NGAN PA SNA TSOGS PA'I SBRUL GYIS DKRUGS PA, SKYE BO PHYIN CI LOG TU GYUR PAS RJES SU BGROD PA, 'KHOR BA'I 'BROG DGON PA MI ZAD PA DANG RJES SU MTHUN PA DE NYID NAS SONG BA YIN NO, ,DE BZHIN GSHEGS PA NI NAM YANG BDAG DANG PHUNG PO RNAMS YOD PA NYID DU MI GSUNG NGO, ,JI SKAD DU, TSE DANG LDAN PA RAB 'BYOR SANGS RGYAS KYANG SGYU MA LTA BU RMI LAM LTA BU'O, ,TSE DANG LDAN PA 'BYOR SANGS RGYAS KYI CHOS RNAMS KYANG SGYU MA LTA BU RMI LAM LTA BU'O ZHES GSUNGS SO, ,KHO BO CAG NI GANG LAS KHO BO CAG @145A *, ,LA DE SKAD DU SKUR PA BTAB PAS BYAS PA'I NYE SA PAR 'GYUR BA RNAM PA THAMS CAD DU DE BZHIN GSHEGS PA SPROS PA MED PA DAG NYID DU MI SMRA'O, ,GZHAN YANG DE BZHIN GSHEGS PA RANG BZHIN MED PAR STON ZHING PHYIN CI MA LOG PA'I DON BRJOD PAR 'DOD PAS NI; STONG NGO ZHES KYANG MI BRJOD DE, ,MI STONG ZHES KYANG MI BYA ZHING, ,GNYIS DANG GNYIS MIN MI BYA STE, ,'DI DAG THAMS CAD BRJOD PAR BYA BA MA YIN MOD KYI, 'ON KYANG MA BRJOD NA RTOGS PA PO RNAMS KYIS JI LTA BA BZHIN DU GNAS PA'I RANG BZHIN RTOGS PAR MI NUS TE, DE'I PHYIR KHO BO CAG THA SNYAD KYI BDEN PA LA GNAS NAS THA SNYAD KYI DON DU GDUL BYA'I SKYE BO'I NGOR LTAG PAR SGRO BTAGS NAS STONG PA ZHES KYANG SMRA LA MI STONG PA ZHES BYA BA DANG, STONG PA YANG YIN LA MI STONG PA YANG YIN ZHES BYA BA DANG, STONG PA YANG MA YIN LA MI STONG PA YANG MA YIN PA ZHES KYANG SMRA'O, ,DE NYID KYI PHYIR, GDAGS PA'I DON DU BRJOD PAR BYA, ,ZHES GSUNGS TE, BCOM LDAN 'DAS KYIS DGONGS PA GANG GIS STONG PA NYID LA SOGS PA BSTAN PA DE NI BDAG BRTAGS PA LAS KHONG DU CHUD PAR BYA'O, ,JI SKAD DU MDO LAS, KHYOD KYIS 'GRO 'DI SGYU MA LTA BU DANG, ,ZLOS GAR LTA DANG RMI LAM LTA BU DANG, ,BDAG MED SEMS CAN MED CING SROG 'GRO MED, ,CHOS RNAMS SMIG RGYU CHU ZLA LTA BUR MKHYEN, ,STONG PA ZHI BA SKYE BA MED PA'I TSUL, ,MI SHES PAS NA 'GRO BA 'KHYAM 'GYUR BA, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'DZUD PAR MDZAD, ,CES BYA BA LA SOGS PA GSUNGS SO, ,RTOGS PA 'DI DAG THAMS CAD NI DE BZHIN GSHEGS PA SPROS PA MED BA LA MNGA' BA YIN NO, DE BZHIN GSHEGS PA LA STONG PA NYID LA SOGS PA BZHI PO MI MNGA' BA 'BA' ZHIG TU MA ZAD KYI, GZHAN YANG, RTAG DANG MI RTAG LA SOGS BZHI, ,ZHI BA 'DI LA GA LA YOD, ,MTHA' DANG MTHA' MED LA SOGS BZHI, ,ZHI BA 'DI LA GA LA YOD, ,'DIR, BCOM LDAN 'DAS KYIS LUNG DU MA BSTAN PA'I DNGOS PO BCU BZHI BSTAN PA YIN NO, , @145B 'DI LTA STE, 'JIG RTEN RTAG GO, ,'JIG RTEN MI RTAG GO, ,'JIG RTEN RTAG KYANG RTAG LA MI RTAG KYANG MI RTAG GO, ,'JIG RTEN RTAG PA YANG MA YIN MI RTAG PA YANG MA YIN ZHES BYA BA NI BZHI TSAN DANG PO'O, ,'JIG RTEN MTHA' DANG LDAN PA DANG, 'JIG RTEN MTHA' DANG MI LDAN PA DANG, 'JIG RTEN MTHA' DANG LDAN PA YANG YIN LA MTHA' DANG MI LDAN PA YANG YIN, 'JIG RTEN MTHA' DANG LDAN PA YANG MA YIN MTHA' DANG MI LDAN PA YANG MA YIN ZHES BYA BA NI GNYIS PA'O, ,DE BZHIN GSHEGS PA GRONGS PHAN CHAD YOD DO, ,DE BZHIN GSHEGS PA GRONGS PHAN CHAD MED DO, ,DE BZHIN GSHEGS PA GRONGS PHAN CHAD YOD PA YANG YIN LA MED PA YANG YIN NO, ,DE BZHIN GSHEGS PA GRONGS PHAN CHAD YOD PA YANG MA YIN MED PA YANG MA YIN ZHES BYA BA NI GSUM PA'O, ,LUS DE SROG YIN, SROG DE LUS YIN, SROG KYANG GZHAN LA LUS KYANG GZHAN YIN ZHES BYA BA STE, DNGOS PO BCU BZHI PO 'DI DAG NI BRDA SPROD PAR BYA BA MA YIN PAS LUNG DU MA BSTAN PA'I DNGOS PO ZHES BYA'O, ,DE LA JI SKAD BSHAD PA'I TSUL GYIS STONG PA NYID LA SOGS PA BZHI PO DE BZHIN GSHEGS PA RANG BZHIN GYIS ZHI ZHING NGO BO NYID KYIS STONG PA LA JI LTAR MI MNGA' BA DE BZHIN DU, RTAG PA DANG MI RTAG PA LA SOGS PA BZHI YANG DE LA MI MNGA'O, ,MI MNGA' BA NYID KYI PHYIR MO GSHAM BU'I SNGO BSANGS DANG DKAR SHAM NYID LTAR 'JIG RTEN LA BZHI PO DAG KYANG BCOM LDAN 'DAS KYIS LUNG DU MA BSTAN PA YIN NO; ;BZHI PO 'DI DAG DE BZHIN GSHEGS PA LA JI LTAR MI MNGA' BA DE BZHIN DU MTHA' YOD PA DANG MTHA' MED PA LA SOGS PA YANG DE BZHIN GSHEGS PA LA MI MNGA'O, ,DA NI DE BZHIN GSHEGS PA GRONGS PHAN CHAD YOD DO ZHES BYA BA LA SOGS PA'I RTOG PA BZHI PO YANG 'JUG PA YOD PA MA YIN PAR BSTAN PA'I PHYIR, GANG GIS DE BZHIN GSHEGS YOD CES, ,'DZIN PA STUG POS GZUNG GYUR PA, ,DE NI MYA NGAN 'DAS PA LA, ,MED CES RNAM RTOG RTOG PAR BYED, ,CES GSUNGS TE, GANG GIS MNGON PAR ZHEN PA CHEN POS DE BZHIN @146A *, ,GSHEGS PA YOD DO ZHES BYA BAR 'DZIN PA CHEN POS STUG POS BZUNG ZHING YONGS SU RTOG PA BSKYED PA DE NI NGES PAR DE BZHIN GSHEGS PA YONGS SU MYA NGAN LAS 'DAS PA LA, DE BZHIN GSHEGS PA GRONGS PHAN CHAD DE GRONGS NAS DUS PHYIS MED CING DE BZHIN GSHEGS PA RGYUN CHAD LA DE BZHIN GSHEGS PA MI BDOG PA YIN NO ZHES RTOG PAR BYED DO, ,DE LTAR RTOG PA DE LA NI LTA BAR BYAS PAR 'GYUR RO, ,GANG GI LTAR NA RANG BZHIN GYIS STONG PA'I PHYIR GNAS SKABS 'GA' YANG DE BZHIN GSHEGS PA YOD PA NYID MA YIN PA DE'I PHYOGS LA NI; RANG BZHIN GYIS NI STONG DE LA, ,SANGS RGYAS MYA NGAN 'DAS NAS NI, ,YOD DO ZHE 'AM MED DO ZHES, ,BSAM PA 'THAD PA NYID MI 'GYUR, ,NAM MKHA' LA RI MO'I GZUGS RTOG PA LTAR RTOGS PA YOD PA MA YIN NO ZHES BYA BAR DGONGS PA'O, ,DE'I PHYIR DE LTAR DE BZHIN GSHEGS PA RANG BZHIN GYIS ZHI ZHING, RANG BZHIN MED PA SPROS PA THAMS CAD LAS 'DAS PA LAS BLO ZHAN PA NYID KYIS RTAG PA DANG MI RTAG PA LA SOGS PA STE, RTAG PA DANG MI RTAG PA DANG, YOD PA DANG MED PA DANG, STONG PA DANG MI STONG PA DANG, THAMS CAD MKHYEN PA DANG, THAMS CAD MI MKHYEN PA LA SOGS PAR RTOG PA DANG, GANG DAG SANGS RGYAS SPROS 'DAS SHING, ,ZAD PA MED LA SPROS BYED PA, ,SPROS PAS NYAMS PA DE KUN GYIS, ,DE BZHIN GSHEGS PA MTHONG MI 'GYUR, ,SPROS PA MI DNGOS PO'I RGYU CAN YIN NA, DE BZHIN GSHEGS PA DNGOS PO MED PA LA SPROS PA RNAMS 'JUG PA GA LA YOD DE, DE'I PHYIR DE BZHIN GSHEGS PA SPROS PA LAS 'DAS PA YIN NO, ,SKYE BA MED PA'I RANG BZHIN YIN PAS RANG BZHIN GZHAN DU MI 'GRO BA'I PHYIR ZAD PA MED PA'O, ,GANG DAG RNAM PAR RTOG PA LOG PA DE RANG GIS BRTAGS PA'I DRI MAS SEMS DRI MA CAN DU BYAS PAS YANG DAG PA MA YIN PA'I KUN TU RTOG PA'I KHYAD PAR RNAM PA SNA TSOGS PA DAG GIS DE BZHIN GSHEGS PA SANGS RGYAS BCOM LDAN 'DAS RNAM PA DE LTA BU DA SPROS PAR BYED PA DE DAG LA NI RANG GI SPROS PA DAG GIS NYAMS PAR GYUR PAS, DE BZHIN GSHEGS @146B PA'I YON TAN PHUN SUM TSOGS PA LKOG TU GYUR PAR GNAS PAR 'GYUR RO, ,DE'I PHYIR RO DANG 'DRA BA DE DAG GIS GSUNG RAB 'DI LA DE BZHIN GSHEGS PA MTHONG BAR MI 'GYUR TE, DMUS LONG GIS NYI MA BZHIN NO, ,DE NYID KYI PHYIR BCOM LDAN 'DAS KYIS, ,GANG DAG NGA LA GZUGS SU MTHONG, ,GANG DAG NGA LA SGRAR SHES PA, ,LOG PAR SPONG BAR ZHUGS PA STE, ,SKYE BO DE DAG NGA MI MTHONG, ,SANGS RGYAS RNAMS NI CHOS NYID BLTA, ,'DREN PA RNAMS NI CHOS KYI SKU, ,CHOS NYID SHES BYA MA YIN TE, ,DE NI SHES PAR NUS MA YIN, ,ZHES GSUNGS SO; ;DE'I PHYIR DE BZHIN GSHEGS PA BRTAG PA 'DIR SEMS CAN GYI 'JIG RTEN BRTAG PA BYAS PA YIN NO, ,SEMS CAN GYI 'JIG RTEN 'DI JI LTAR RANG BZHIN MED PA DE LTAR, ,SNOD KYI 'JIG RTEN YANG RANG BZHIN MED PA YIN NO ZHES BSGRE BA'I PHYIR, DE BZHIN GSHEGS PA'I RANG BZHIN GANG, ,DE NI 'GRO 'DI'I RANG BZHIN YIN, ,DE BZHIN GSHEGS PA RANG BZHIN MED, ,'GRO BA 'DI YIS RANG BZHIN MED, ,CES BYA BA GSUNGS TE, 'GRO BA JI LTAR RANG BZHIN MED PA YIN PA DE LTAR NI RKYEN BRTAGS PA LA SOGS PA DAG GIS BSTAN TO, ,DE NYID KYI PHYIR MDO LAS, RTAG TU SKYE MED CHOS NI DE BZHIN GSHEGS, ,CHOS RNAMS KUN KYANG BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA RNAMS, ,'JIG RTEN NA NI MED PA'I CHOS LA SPYOD, ,DE BZHIN GSHEGS PA ZAG PA MED PA YI, ,DGE BA'I CHOS KYI GZUGS BRNYAN LTA BU YIN, ,'DI NI DE BZHIN DANG DE GSHEGS PA MED, ,'JIG RTEN THAMS CAD KYIS NI GZUGS BRNYAN MTHONG, ,ZHES GSUNGS SO, ,BCOM LDAN 'DAS MA LAS KYANG, ,DE NAS LHA'I BU DE DAG GIS GNAS BRTAN TSE DANG LDAN PA RAB 'BYOR LA 'DI SKAD CES SMRAS SO, ,'PHAGS PA RAB 'BYOR CI SEMS CAN DE DAG SGYU MA LTA BU YIN GYI SGYU MA MA YIN NAM, DE SKAD CES SMRAS PA DANG, TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LTA'I BU DAG SEMS CAN DE DAG NI SGYU MA LTA BU'O, ,LHA'I BU DAG SEMS CAN DE @147A *, ,DAG NI RMI LAM LTA BU STE, LHA'I BU DAG DE LTAR NA SGYU MA DANG SEMS CAN DE DAG NI GNYIS SU MED DE GNYIS SU BYAR MED DO, ,DE LTAR NA RMI LAM DANG SEMS CAN DE DAG NI GNYIS SU MED DE GNYIS SU BYAR MED DO, ,LHA'I BU DAG CHOS THAMS CAD KYANG SGYU MA LTA BU RMI LAM LTA BU'O, ,RGYUN DU ZHUGS PA YANG SGYU MA LTA BU RMI LAM LTA BU'O, ,RGYUN DU ZHUGS PA'I 'BRAS BU YANG RMI LAM LTA BU SGYU MA LTA BU'O, ,DE BZHIN DU LAN CIG PHYIR 'ONG BA DANG, LAN CIG PHYIR MI 'ONG BA'I 'BRAS BU DANG, PHYIR MI 'ONG BA DANG, PHYIR MI 'ONG BA'I 'BRAS BU DANG, DGRA BCOM PA YANG SGYU MA LTA BU RMI LAM LTA BU'O, ,DGRA BCOM PA'I 'BRAS BU YANG SGYU MA LTA BU RMI LAM LTA BU'O, ,RANG SANGS RGYAS KYANG SGYU MA LTA BU RMI LAM LTA BU'O, ,RANG SANGS RGYAS NYID KYANG SGYU MA LTA BU RMI LAM LTA BU'O, ,YANG DAG PAR RDZOGS PA'I SANGS RGYAS KYANG SGYU MA LTA BU RMI LAM LTA BU'O, ,YANG DAG PAR RDZOGS PA'I SANGS RGYAS NYID KYANG SGYU MA LTA BU RMI LAM LTA BU'O, ,DE NAS LHA'I BU DE DAG GIS GNAS BRTAN TSE DANG LDAN PA RAB 'BYOR LA 'DI SKAD CES SMRAS SO, ,'PHAGS PA RAB 'BYOR YANG DAG PAR RDZOGS PA'I SANGS RGYAS KYANG SGYU MA LTA BU RMI LAM LTA BU'O ZHES SMRA'AM, YANG DAG PAR RDZOGS PA'I SANGS RGYAS NYID KYANG SGYU MA LTA BU RMI LAM LTA BU'O ZHES SMRA 'AM, RAB 'BYOR GYIS SMRAS PA, LHA'I BU DAG MYA NGAN LAS 'DAS PA YANG SGYU MA LTA BU RMI LAM LTA BUR SMRA NA, CHOS GZHAN LTA CI SMOS, LHA'I BU DAG GIS SMRAS PA; 'PHAGS PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU ZHES SMRA 'AM, RAB 'BYOR GYIS SMRAS PA, LHA'I BU DAG KHO BO NI GAL TE MYA NGAN LAS 'DAS PA BAS CHES KHYAD PAR DU 'PHAGS PA'I CHOS GZHAN 'GA' ZHIG YOD NA YANG, DE YANG BDAG SGYU MA LTA BU RMI LAM LTA BU'O ZHES SMRA'O, ,DE LTAR NA RMI LAM DANG MYA NGAN LAS 'DAS PA 'DI DAG NI GNYIS SU MED DE GNYIS SU BYAR MED DO ZHES GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, ,DE BZHIN GSHEGS PA BRTAG PA ZHES BYA BA RAB TU BYED PA @147B NYI SHU GNYIS PA'I 'GREL PA'O,, ,,'DIR SMRAS PA, ,SRID PA'I RGYUN NI YOD PA NYID DE, DE'I RGYU YOD PA'I PHYIR RO, ,'DI NA NYON MONGS PA RNAMS LAS NI LAS 'BYUNG ZHING, LAS DANG NYON MONGS PA'I RGYU CAN SKYE BA DANG 'CHI BA GCIG NAS GCIG TU BRGYUD PA YANG NYE BAR ZHI NGA SKYE BAR 'BYUNG LA,, DE YANG SRID PA'I RGYU NYID DU RTOG GO, ,RGYUN DU BSNYAD DO, ,DE'I GTZO BO'I RGYU NI NYON MONGS PA RNAMS YIN TE, NYON MONGS PA SPANGS PA DAG LA DE MED PA'I PHYIR RO, ,NYON MONGS PA 'DOD CHAGS LA SOGS PA DE RNAMS NI YOD PA YIN TE, DE'I PHYIR 'BRAS BUR 'GYUR BA SRID PA'I RGYUN YANG YOD PAR 'GYUR RO, ,BRJOD PAR BYA STE, GAL TE DE'I RGYUR GYUR PA NYON MONGS PA DAG YOD NA NI, SRID PA'I RGYUN YANG YOD PAR 'GYUR NA, YOD PA NI MA YIN NO, ,JI LTAR ZHE NA, 'DIR SANGS RGYAS BCOM LDAN 'DAS RNAMS KYIS, 'DOD CHAGS ZHE SDANG GTI MUG RNAMS, ,KUN TU RTOG LAS 'BYUNG BAR GSUNGS, ,SDUG DANG MI SDUG PHYIN CI LOG ,BRTEN PA NYID LAS KUN DU 'BYUNG, ,KUN TU RTOG PA NI RTOG PA'O, ,KUN TU RTOG PA LAS 'BYUNG BAS NA KUN TU RTOG PA LAS 'BYUNG BA'O, ,'DOD PA KHYOD KYI RTZA BA NI, ,SHES TE KUN TU RTOG LAS SKYE, ,ZHES TSIGS SU BCAD DE 'BYUNG BA'I PHYIR, ,'DOD CHAGS ZHE SDANG GTI MUG RNAMS, ,KUN TU RTOG LAS 'BYUNG BAR GSUNGS SO, ,'DI DAG KHO NA NYE BAR BZUNG BAS NI, NYON MONGS PA GZHAN RNAMS 'DI DAG GI RGYU CAN YIN PAS GTZO BOR GYUR PA'I PHYIR RO, ,NYON MONGS PA GSUM PO DE DAG NI, SDUG DANG MI SDUG PHYIN CI LOG ,BRTEN PA NYID LAS KUN TU 'BYUNG STE, DE LA YUL SDUG PA'I RNAM PA LA BRTEN NAS NI 'DOD CHAGS 'BYUNG LA, MI SDUG PA LA BRTEN NAS ZHE SDANG 'BYUNG NGO, ,PHYIN CI LOG LA BRTEN NAS NI GTI MUG 'BYUNG NGO, ,KUN TU RTOG PA NI DE DAG GSUM CHAR YANG BSKYED PAR BYA BA LA RGYU THUN MONG PA YIN NO, ,YANG JI LTAR GTI MUG KUN TU RTOG PA LAS 'BYUNG ZHE NA, BRJOD PAR BYA STE BCOM LDAN 'DAS KYIS RTEN CING 'BREL PAR 'BYUNG BA LAS DGE SLONG DAG MA RIG PA NI RGYU DANG BCAS PA GZHI DANG BCAS PA RKYEN DANG BCAS PA'O, ,DGE SLONG DAG MA RIG PA'I RGYU GANG @148A *, ,ZHE NA, TSUL BZHIN MA YIN PA'I YID LA BYED PA'O ZHES BYA BA DANG, DE BZHIN DU YID LA BYED PA RNYOG PA CAN NI GTI MUG LAS SKYE BA YIN NO ZHES GSUNGS SO, ,DE'I PHYIR MA RIG PA DANG KUN TU RTOG PA LAS 'BYUNG BAR 'GYUR RO, ,DE'I PHYIR, ,GANG DAG SDUG DANG MI SDUG DANG, ,PHYIN CI LOG LA BRTEN 'BYUNG BA, ,DE DAG RANG BZHIN LAS MED DE, ,DE PHYIR NYON MONGS YANG DAG MED, ,GAL TE 'DOD CHAGS LA SOGS PA NYON MONGS PA RNAMS RANG BZHIN GYIS GRUB PA YIN NA NI, ,RANG BZHIN NI BCOS MA MA YIN PA'I PHYIR DANG, ,GZHAN LA LTOS PA MED PA'I PHYIR, ,DE RNAMS SDUG PA DANG MI SDUG PA DANG PHYIN CI LOG LA BRTEN NAS MI 'BYUNG BA ZHIG NA, SDUG PA DANG MI SDUG PA DANG PHYIN CI LOG LA BRTEN NAS 'BYUNG BA YANG YIN TE, DE'I PHYIR DE DAG RANG BZHIN MED PA NYID YIN GYI, YANG DAG PAR YOD PA NI MA YIN TE, DON DAM PAR RANG BZHIN GYIS YOD PA MA YIN NO ZHES BYA BA'I DON TO, ,GZHAN YANG, BDAG GI YOD NYID MED NYID NI, ,JI LTA BUR YANG 'GRUB PA MED, ,DE MED NYON MONGS RNAMS KYI NI, ,YOD NYID MED NYID JI LTAR 'GRUB, ,BDAG GI YOD PA NYID DANG MED PA NYID DAG JI LTAR YOD PA MA YIN PA DE LTAR NI RGYAS PAR BSHAD ZIN TO, ,DE'I PHYIR DE LA BRTEN PA'I CHOS KYI YOD PA NYID DANG MED PA NYID YOD PAR GA LA 'GYUR, CI STE GAL TE BDAG GI YOD PA NYID DANG MED PA NYID MED PA DE'I TSE GANG LAS DE RNAMS KYI YOD PA NYID DANG MED PA NYID DAG MED PAR 'GYUR BA, 'DIR NYON MONGS PA RNAMS LAS CI ZHIG 'BYUNG SNYAM NA, BRJOD PA, NYON MONGS 'DI DAG GANG GI YIN, ,DE YANG 'GRUB PA YOD PA YIN, ,'GA' MED PA NI GANG GI YANG, ,NYON MONGS PA DAG YOD MA YIN, ,'DIR NYON MONGS PA 'DI DAG RTZIG NGOS KYI RI MO DANG 'BRAS BU SMIN PA NYID BZHIN DU BSKYED BAR BYA BA BRTEN PA LA LTOS PA YIN NO, ,DE'I PHYIR 'DI DAG GANG ZHIG GI YIN PAR 'GYUR GYI RTEN 'GA' ZHIG MED PAR NI MA YIN NO, ,RTEN DE YANG BRTAGS PA NA BDAG GAM SEMS SHIG YIN PA ZHIG NA, DE DAG GI RTEN DE NI SNGAR BKAG ZIN PA'I PHYIR YOD PA MA YIN NO,, @148B RTEN DE 'GA' YANG MED PAR NI GANG GI NYON MONGS PA YIN PAR 'GYUR, DE MED PA NYID KYI PHYIR GANG GI PHYIR YANG MA YIN NO ZHES BSHAD PA, 'GA' MED PAR NI GANG GI YANG, ,NYON MONGS PA DAG YOD MA YIN, ,'DIR NYON MONGS PA RNAMS KYI RTEN SNGAR GRUB PA NI 'GA' YANG KHAS MI LEN LA; GANG ZHIG RTEN NYID DU RNAM PAR GZHAG PA BDAG CES BYA BA 'GA' YANG YOD PA MA YIN TE, RGYU MED PA'I PHYIR NAM MKHA'I AA MRA'I SHING BZHIN NO, ,'O NA CI ZHE NA, NYON MONGS PA CAN GYI SEMS LA BRTEN NAS NYON MONGS PA RNAMS SKYE BAR 'GYUR LA, SEMS DE YANG NYON MONGS PA RNAMS DANG LHAN CIG SKYE'O ZHES ZER RO, ,'DI YANG MI RIGS SO ZHES BSHAD PA, RANG LUS LTA ZHING NYON MONGS RNAMS, ,NYON MONGS CAN LA RNAM LNGAR MED, ,RANG LUS LTA ZHIG NYON MONGS CAN, ,NYON MONGS PA LA RNAM LNGAR MED, ,RANG LUS ZHES BYA BA NI GZUGS LA SOGS PA'I MTSAN NYID KYI TSOGS SO, ,RANG GI LUS LA LTA BA NI RANG LUS LTA STE, BDAG DANG BDAG GI BA'I RNAM PAR 'DZIN PAR ZHUGS SO, ,JI LTAR 'DI, PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN, ,ZHES BYA BA 'DIS RNAM PA LNGAR DPYAD PA NA, ,RANG GI LUS LA YOD PA MA YIN PA DE BZHIN DU NYON MONGS PA RNAMS KYANG RNAM PA LNGAR DPYAD PA NA NYON MONGS PA CAN LA YOD PA MA YIN NO, ,DE LA NYON MONGS PAR BYED PAS NI NYON MONGS PA RNAMS SO, ,NYON MONGS PAR BYA BAS NA NYON MONGS PA CAN NO, ,DE LA NYON MONGS PA CAN GANG YIN PA DE NYID NYON MONGS PA RNAMS YIN NO ZHES BYA BAR NI MI RIGS TE, SREG PA PO DANG BSREG PAR BYA BA DAG KYANG GCIG NYID DU THAL BA'I PHYIR RO, ,NYON MONGS PA CAN YANG GZHAN LA NYON MONGS RNAMS KYANG GZHAN YIN NO ZHES BYA BAR YANG MI RIGS TE, GZHAN LA LTOS PA MED PA'I PHYIR NYON MONGS PA RNAMS NYON MONGS PA CAN GYI RGYU LAS MA BYUNG BAR THAL BAR 'GYUR BA'I PHYIR RO, ,DE NYID DANG GZHAN NYID MED PA DE NYID KYI PHYIR, ,RTEN DANG BRTEN PA DANG DE DANG LDAN PA'I PHYOGS RNAMS MED PAS NYON MONGS PA RNAMS LA @149A *, ,NYON MONGS PA CAN MED LA, NYON MONGS PA CAN LA NYON MONGS PA RNAMS MED CING, NYON MONGS PA CAN NYON MONGS PA RNAMS DANG LDAN PA YANG MA YIN NO, ,DE LTAR NA RNAM PA LNGAS DPYAD PA NA, NYON MONGS PA RNAMS NYON MONGS PA CAN LA YOD PA MA YIN NO; ;JI LTAR NYON MONGS PA CAN GYI RGYU CAN NYON MONGS PA RNAMS YOD PA MA YIN PA DE BZHIN DU, NYON MONGS PA'I RGYU CAN GYI NYON MONGS PA CAN YANG RNAM PA LNGAS DPYAD PA NA NYON MONGS PA RNAMS LA YOD PA MA YIN NO, ,'DI LTAR NYON MONGS PA RNAMS NYID NYON MONGS PA CAN NI MA YIN TE, BYED PA PO DANG LAS DAG GCIG PA NYID DU THAL BA'I PHYIR RO, ,NYON MONGS PA RNAMS KYANG GZHAN LA, NYON MONGS PA CAN GZHAN PA YANG MA YIN TE, LTOS PA MED PA NYID DU THAL BAR 'GYUR BA'I PHYIR RO, ,NYON MONGS PA CAN LA NYON MONGS PA RNAMS MED LA, NYON MONGS PA RNAMS LA NYON MONGS PA CAN MED CING, NYON MONGS PA RNAMS NYON MONGS PA CAN DANG LDAN PA YANG MA YIN NO, ,DE LTAR NA RANG GI LUS LA LTA BA BZHIN DU NYON MONGS PA CAN YANG NYON MONGS PA RNAMS LA RNAM PA LNGAR YOD PA MA YIN NO, ,GANG GI PHYIR DE LTA YIN PA DE'I PHYIR NYON MONGS PA DANG NYON MONGS PA CAN DAG PHAN TSUN LTOS NAS GRUB PA YANG YOD PA MA YIN NO, ,'DIR SMRAS PA, GAL TE YANG KHYOD KYIS NYON MONGS PA RNAMS BKAG MOD KYI, ,DE LTA NA YANG NYON MONGS PA'I RGYU SDUG PA DANG MI SDUG PA DANG PHYIN CI LOG DAG NI RE ZHIG YOD PA YIN NO, ,DE YOD PAS NYON MONGS PA RNAMS KYANG YOD PAR 'GYUR RO, ,BRJOD PAR BYA STE, GAL TE SDUG PA DANG MI SDUG PA DANG PHYIN CI LOG DAG NYID YOD NA, NYON MONGS PA RNAMS YOD PAR 'GYUR NA, GANG GI PHYIR, SDUG DANG MI SDUG PHYIN CI LOG ,DE DAG KYANG RANG BZHIN LAS NI YOD MIN NA STE, RTEN CING 'BREL PAR 'BYUNG BA'I PHYIR DANG, DGAG PA CHAD PAR 'GYUR BA'I PHYIR RO, ,GANG GI TSE DE LTAR RANG BZHIN GYIS YOD PA MA YIN PA DE'I TSE, SDUG DANG MI SDUG PHYIN CI LOG ,BRTEN NAS NYON MONGS GANG DAG YIN, ,DE'I RGYU SDUG PA DANG MI SDUG PA DANG PHYIN @149B CI LOG RNAMS MED PAS NYON MONGS PA RNAMS YOD PA MA YIN PA NYID DO SNYAM DU DGONGS PA'O, ,'DIR SMRAS PA, NYON MONGS PA RNAMS NI YOD PA NYID DE, ,DE DAG GI DMIGS PA YOD PA'I PHYIR RO, ,'DIR YANG GANG MED PA DE LA NI DMIGS PA YOD PA MA YIN TE, DPER NA MO GSHAM GYI BU BZHIN NO, ,GZUGS DANG, SGRA DANG DRI DANG RO DANG REG DANG CHOS ZHES BYA BA DMIGS PA RNAM PA DRUG NI YOD PA YIN TE, DE'I PHYIR DMIGS PA YOD PAS NYON MONGS PA RNAMS YOD PA NYID DU BRJOD PAR BYA STE KHYED CAG GIS, GZUGS SGRA RO DANG REG PA DANG, ,DRI DANG CHOS DAG RNAM DRUG NI, ,BZHI STE 'DOD CHAGS ZHE SDANG DANG, ,GTI MUG GIS NI YIN PAR BRTAGS PA GANG YIN PA DE NI YOD DO, ,DE LA DE LAS SKYE BA'I PHYIR 'DOD CHAGS LA SOGS PA 'DIR GNAS PAS BZHI STE DMIGS PA'O, ,DMIGS PA DE YANG GZUGS DANG SGRA DANG DRI DANG RO DANG REG BYA DANG CHOS ZHES BYA BA DANG DRUG TU 'GYUR TE, YONGS SU GCOD PAR BYED PA DBANG PO DRUG PHAN TSUN THA DAD PA'I PHYIR RO, ,DE LA 'DI NI 'DI NA'O, ,PHA GI NI PHA GI NA'O ZHES NGES PAR BRTAG TU RUNG BA'I PHYIR DANG, ,GZUGS SU RUNG BAS NA GZUGS SO, ,'DIS DON SGROGS SHING STON PAR BYED PAS NA SGRA'O, ,BRNGUB CING BSNAM PAR BYA BAS NI DRI DAG STE, GANG DU PHYIN PA DE LAS GZHAN DU MI 'GRO BA'I PHYIR RO, ,BRO ZHING RO MYANG BAR BYA BAS NA RO'O, ,REG PAR BYA BAS NA REG PA'O, ,RANG GI MTSAN NYID 'DZIN PA'I PHYIR RAM, CHOS KYI MCHOG MYA NGAN LAS 'DAS PA 'DZIN PAS NA CHOS SO, ,RNAM PA DRUG PO DE DAG GZHI YIN NO, ,GANG GI ZHE NA, 'DOD CHAGS DANG ZHE SDANG DANG GTI MUG GI'O, ,DE LA 'GAL BAS NA 'DOD CHAGS TE, CHAGS PA DANG LHAG PAR ZHEN PA'O, ,YANG NA 'DIS SEMS DGA' BAR BYED PAS NA 'DOD CHAGS SO, ,SUN 'BYIN PAS NA ZHE SDANG STE, KUN NAS MNAR SEMS PA'O, ,YANG NA 'DIS SEMS SUN 'BYIN PAR BYED PAS NA ZHE SDANG NGO, ,GTI MUG PAS NA GTI MUG STE, KUN NAS GTI MUG PA'O, ,YANG NA 'DIS SEMS GTI MUG TU BYED PAS NI GTI MUG GO, ,DE'I PHYIR GZUGS LA SOGS PA @150A *, ,RNAM PA DRUG NI NYON MONGS PA 'DI DAG GI GZHI STE, DMIGS PA YIN NO, ,DE LA GZUGS LA SOGS PA DAG LA SDUG PA'I RNAM PAR SGRO BTAGS PAS NI 'DOD CHAGS SKYE'O, ,MI SDUG PA'I RNAM PAR SGRO BTAGS PAS NI ZHE SDANG NGO, ,RTAG PA DANG BDAG LA LOG PAR SGRO BTAGS PAS NI GTI MUG SKYE BAR 'GYUR RO, ,RNAM PA DRUG PO 'DI DAG GZHIR BTAGS PA BDEN MOD KYI, ,'ON KYANG RAB RIB CAN DAG GIS YOD PA MA YIN PA'I SKRA SHAD LA SOGS PA LTAR, ,DE DAG YOD PA MA YIN PA'I RANG BZHIN DU GYUR BA ZHIG KHYOD KYIS 'DOD CHAGS LA SOGS PA RNAMS KYI DMIGS PAR YONGS SU BTAGS PA YIN NO ZHES BSTAN PA'I PHYIR, GZUGS SGRA RO DANG REG PA DANG, ,DRI DANG CHOS DAG 'BA' ZHIG STE, ,ZHES GSUNGS SO, ,'BA' ZHIG STE ZHES BYA BA NI BTAGS PA TZAM ZHIG TU ZAD DE, RANG BZHIN MED DO ZHES BYA BA'I THA TSIG GO, ,GAL TE RANG BZHIN MED NA, 'O NA JI LTAR DMIGS PA YIN ZHE NA, ,BRJOD PAR BYA STE, ,DMIGS PA DE DAG NI, ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,GANG GI TSE DE DAG DRI ZA'I GRONG KHYER LA SOGS PA LTAR PHYIN CI LOG LAS DMIGS PA 'BA' ZHIG TU ZAD PA DE'I TSE, SGYU MA'I SKYES BU LTA BU DANG, ,GZUGS BRNYAN 'DRA BA DE DAG LA, ,SDUG PA DANG NI MI SDUG PA, ,'BYUNG BAR YANG NI GA LA 'GYUR, ,'DIS NI RTEN LOG PA LAS BYUNG BA DANG SDUG PA DANG MI SDUG PA'I MTSAN MA DAG KYANG BRDZUN PA NYID DU 'GYUR RO, , JI SKAD DU, ,NGAR 'DZIN LAS BYUNG PHUNG PO RNAMS, ,NGAR 'DZIN DE NI DON DU BRDZUN, ,GANG GI SA BON BRDZUN PA DE'I, ,SKYE BA BDEN PA GA LA ZHIG ,CES GSUNGS SO, ,RTEN LOG PA NYID YIN PAS SDUG PA DANG MI SDUG PA'I MTSAN MA DAG BRDZUN PA 'BA' ZHIG TU MA ZAD KYI 'ON KYANG 'THAD PA 'DIS KYANG 'DI GNYIS BRDZUN PA NYID YIN NO ZHES BSTAN PA'I PHYIR, GANG LA BRTEN NAS SDUG PA ZHES, ,GDAGS PAR BYA BA MI SDUG PA, ,SDUG LA MA LTOS YOD MIN PAS, ,DE PHYIR SDUG PA 'THAD MA YIN, ,ZHES GSUNGS TE, 'DI NA GAL TE SDUG PA @150B ZHES BYA BA 'GA' ZHIG YOD NA NI, SDUG PA DANG 'BREL PA CAN GZHAN LA LTOS PA DANG BCAS PA'I PHYIR NGES PAR RING THUNG NGAM PHA ROL DANG TSU ROL LTAR MI SDUG PA LA LTOS PAR 'GYUR NA, MI SDUG PA GANG LA BRTEN ZHING MI SDUG PA GANG LA LTOS NAS SDUG PA ZHES GDAGS PAR BYA ZHING RNAM PAR GZHAG PAR BYA BA LTOS PAR BYA BA MI SDUG PA DE YANG, SDUG PA MED PAR YOD PA MA YIN ZHING, SDUG PA LA MA LTOS PAR MI SDUG PA YOD PA MA YIN TE, SDUG PA LA LTOS PA MED PAR MI SDUG PA MED PA YIN NO ZHES BYA BA'I DON TO, ,GANG LA'I SGRAS NI MJUG THOGS KYI MI SDUG PA GZUNG NGO; ;GDAGS PAR BYA BA ZHES BYA BA NI GONG GI SDUG PA DANG SBYAR RO, ,GANG GI PHYIR DE LTAR NA SDUG PAR GDAGS PA LA, MI SDUG PA ZHES BYA BAR LTOS PAR BYA BA DNGOS PO 'BREL BA CAN GZHAN YOD PA MA YIN PA DE'I PHYIR SDUG PA 'THAD MA YIN, THUNG NGU MED PAS RING PO 'AM, ,PHA ROL MED PAS TSU ROL MI 'THAD PA BZHIN NO ZHES DGONGS PA YIN NO, ,DA NI MI SDUG PA NI JI LTAR YOD PA MA YIN PA DE LTAR BSTAN PA'I PHYIR, GANG LA BRTEN NAS MI SDUG PAR, ,GDAGS PAR BYA BA SDUG PA NI, ,MI SDUG MA LTOS YOD MIN PAS, ,DE PHYIR MI SDUG 'THAD MA YIN, ,ZHES GSUNGS TE, ,GAL TE MI SDUG PA ZHES BYA BA 'GA' ZHIG YOD NA NI, ,MI SDUG PA DNGOS PO 'BREL PA CAN GZHAN LA LTOS PA'I PHYIR DE NGES PAR RING THUNG NGAM PHA ROL DANG TSU ROL LTAR SDUG PA LA LTOS PAR 'GYUR NA, SDUG PA GANG LA BRTEN ZHING SDUG PA GANG LA LTOS NAS MI SDUG PA ZHES GDAGS PAR BYA ZHING, RNAM PAR GZHAG PAR BYA BA LTOS PAR BYA BA SDUG PA DE YANG MI SDUG PA MED PAR YOD PA MA YIN ZHING, ,MI SDUG PA LA MA LTOS PAR SDUG PAR YOD PA MA YIN TE, MI SDUG PA LA LTOS PA MED PAR, SDUG PA MED PA YIN NO ZHES BYA BA'I DON TO, ,'DI YANG GANG LA'I SGRAS NI MJUG THOGS KYI SDUG PA GZUNG NGO, ,GDAGS PAR BYA BA ZHES BYA BA NI GONG GI MI SDUG PA DANG SBYAR RO, ,GANG GI PHYIR DE LTAR NA MI SDUG PAR GDAGS PA LA SDUG PA ZHES BYA BA LTOS PAR BYA BA DNGOS PO 'BREL PA CAN GZHAN YOD PA MA YIN PA, DE'I PHYIR MI SDUG 'THAD MA YIN, ,ZHES BYA'O, ,GANG GI PHYIR DE LTAR @151A *, ,SDUG PA DANG MI SDUG PA DAG YOD PA MA YIN PA DE'I PHYIR, SDUG PA YOD PA MA YIN NA, ,'DOD CHAGS YOD PAR GA LA 'GYUR, ,MI SDUG YOD PA MA YIN NA, ,ZHE SDANG 'BYUNG BAR GA LA 'GYUR, ,SDUG PA DANG MI SDUG PA'I MTSAN MA MED NA RGYU MED PA'I PHYIR SDUG PA DANG MI SDUG PA'I MTSAN MA'I RGYU CAN GYI 'DOD CHAGS DANG ZHE SDANG DAG KYANG YOD PA MA YIN NO ZHES BYA BAR DGONGS PA'O, ,DE'I PHYIR DE LTAR SDUG PA DANG MI SDUG PA'I MTSAN MA MED PAS 'DOD CHAGS DANG ZHE SDANG GNYIS MED PAR BSTAN NAS, DA NI PHYIN CI LOG MED PAR BSTAN PA'I SGO NAS GTI MUG KYANG MED PAR BSTAN PA'I PHYIR, GAL TE MI RTAG RTAG PA ZHES, ,DE LTAR 'DZIN PA LOG YIN NA, ,STONG LA MI RTAG YOD MIN PAS, ,'DZIN PA JI LTAR LOG MA YIN, ,ZHES GSUNGS TE, 'DIR PHYIN CI LOG NI BZHIR BRJOD DO, ,'DI LTA STE PHUNG PO LNGA PO SKAD CIG RE RE LA 'JIG CING MI RTAG PA LA RTAG GO SNYAM DU 'DZIN PA GANG YIN PA DE NI PHYIN CI LOG YIN NO, ,DE BZHIN DU, MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR GANG ZHIG MI RTAG PA, ,DE NI THAMS CAD SDUG BSNGAL 'GYUR, ,ZHES BYA BA'I TSUL 'DIS MI RTAG PA GANG YIN PA DE NI SDUG BSNGAL BA YIN LA, 'DU BYED THAMS CAD KYANG MI RTAG PA YIN TE, DE'I PHYIR PHUNG PO LNGA PO SDUG BSNGAL GYI BDAG NYID CAN LA, BDE BA'O SNYAM DU LOG PAR 'DZIN PA GANG YIN PA DE NI PHYIN CI LOG GZHAN YIN NO, ,DE BZHIN DU, KHU KHRAG PHRAD PA'I SA BON CAN, ,BSHAD DANG GCI BAS BSKYED GYUR ZHING, ,MI GTZANG RANG BZHIN SHES BZHIN DU, ,'DOD PA GANG GIS DE LA CHAGS, ,ZHES BYA BA DE LTAR RTAG TU LUS 'DI BDAG NYID THAMS CAD DU MI GTZANG BA YIN BZHIN DU RMONGS PAS DE LA GTZANG BA NYID DU 'DZIN PA GANG YIN PA DE NI PHYIN CI LOG YIN NO, ,DE BZHIN DU PHUNG PO LNGA PO BDAG GI MTSAN NYID DANG MI MTHUN PA MI RTAG PA'I PHYIR DANG, ,SKYE ZHING 'JIG PA'I CHOS CAN YIN PA'I PHYIR, BDAG MED CING BDAG GI RANG BZHIN GYIS STONG BZHIN DU, DE LA RTAG TU 'DZIN PA DE NI BDAG MED PA LA BDAG TU MNGON PAR ZHEN PA'I PHYIN CI LOG YIN NO, ,DE LTAR NA PHYIN CI LOG BZHI PO DE DAG NI GTI MUG GI RGYUR GYUR PA YIN @151B NO; ;DA NI 'DIR 'DI DPYAD PAR BYA STE, GAL TE PHUNG PO RTAG PA NYID KYIS STONG PA DAG LA RTAG PAR 'DZIN PA LOG PA STE, PHYIN CI LOG YIN NO ZHES DE LTAR RNAM PAR 'JOG NA, PHUNG PO RANG BZHIN GYIS STONG PA LA MI RTAG PA YANG MED PA MA YIN NAM, DE'I PHYIR, STONG LA MI RTAG YOD MIN PAS, ,'DZIN PA JI LTAR LOG PA YIN, ,'DI LTAR PHYIN CI MA LOG PA'I MI RTAG PA NYID LA LTOS NAS RTAG PA PHYIN CI LOG YIN NO ZHES BYA BAR GZHAG PA YIN NA, GANG GI TSE STONG PA LA MI RTAG PA NYID YOD PA MA YIN PA DE'I TSE MI RTAG PA NYID MED PAS DE DANG 'GAL BA'I RTAG PA NYID PHYIN CI LOG TU GA LA 'GYUR, DE'I PHYIR PHYIN CI LOG MED DO, ,JI LTAR RANG BZHIN DANG BRAL ZHING RANG BZHIN GYIS MA SKYES PA'I STONG PA LA MI RTAG PA NYID MED PA DE BZHIN DU SDUG BSNGAL PA YANG MED CING MI GTZANG BA YANG MED LA BDAG MED PA YANG YOD PA MA YIN NO, ,GANG GI TSE RANG BZHIN GYIS STONG PAS SDUG BSNGAL LA SOGS PA MED PA DE'I TSE DE DAG GI MI MTHUN PA'I PHYOGS SU GYUR PA'I RTAG PA DANG BDE BA DANG GTZANG BA DANG BDAG KYANG PHYIN CI LOG TU LTA GA LA 'GYUR, ,DE'I PHYIR PHYIN CI LOG RANG BZHIN GYIS MED DO, ,DE MED PA'I PHYIR NA MA RIG PA YOD PAR GA LA 'GYUR TE, RGYU MED PA'I PHYIR RO, ,JI SKAD DU BCOM LDAN 'DAS KYIS, MA RIG PA DANG MA RIG RKYEN BYUNG GANG, ,NAM YOD YOD PAR 'GYUR BA MA YIN TE, ,MA RIG PA DE 'JIG RTEN YOD MIN PA, ,DE YI PHYIR NA NGAS 'DI MA RIG GSUNGS, ,ZHES BYA BA DANG, DE BZHIN DU, BCOM LDAN 'DAS JI LTAR NA GTI MUG GZUNGS KYI TSIG LAGS, BCOM LDAN 'DAS KYIS BKA' STZAL PA, 'JAM DPAL GTI MUG NI RAB TU GROL BA STE, DES NA GTI MUG CES BYA'O ZHES BYA BA LA SOGS PA GSUNGS SO, ,GZHAN YANG GAL TE YANG DAG PA MA YIN PA NYID KYI PHYIR, MI RTAG PA LA RTAG GO ZHES BYA BA DE LTAR 'DZIN PA PHYIN CI LOG YIN NO ZHES BYA BAR RNAM PAR 'JOG NA, DE LTA NA DNGOS PO RANG BZHIN GYIS YOD PA MA YIN PA LA MI RTAG PA'O SNYAM DU 'DZIN PA YANG YOD PA MA YIN PAS 'DI YANG CI'I PHYIR PHYIN CI LOG MA YIN PAR RNAM PAR GZHAG CES BSTAN PA'I PHYIR, GAL TE MI RTAG RTAG GO @152A *, ,ZHES, ,DE LTAR 'DZIN PA LOG YIN NA, ,STONG LA MI RTAG PA'O ZHES, ,'DZIN PA'ANG JI LTAR LOG MA YIN, ,ZHES GSUNGS TE, GANG GI TSE RTAG PA NYID DANG MI RTAG PA NYID GNYI GA YANG PHYIN CI LOG YIN PA DE'I TSE, ,GANG GI TSE PHYIN CI MA LOG PAR 'GYUR BA, , DE DAG LAS THA DAD PA GSUM LAS GZHAN YOD PA MA YIN LA, ,GANG GI TSE PHYIN CI MA LOG PA YOD PA MA YIN PA DE'I TSE CI LA LTOS NAS PHYIN CI LOG TU 'GYUR, DE'I PHYIR RIGS PA 'DIS KYANG PHYIN CI LOG YOD PA MA YIN NO, ,DE MED PA'I PHYIR MA RIG PA MED DO, ,JI LTAR MI RTAG PA LA RTAG PA'O ZHES BYA BAR 'DZIN PA 'DI PHYIN CI LOG TU MI 'GYUR BA DE BZHIN DU PHYIN CI LOG LHAG MA YOD PA MA YIN PA LA YANG SBYAR BAR BYA'O, ,DE NYID KYI PHYIR BCOM LDAN 'DAS KYIS 'PHAGS PA LHAG PA'I BSAM PA BRTAN PAS ZHUS PA LAS, BCOM LDAN 'DAS KYIS BKA' STZAL PA, RIGS KYI BU GANG LAM GYI NGES PAR 'BYUNG BA YONGS SU TSOL BA DE NI DE BZHIN TE, RIGS KYI BU DE BZHIN GSHEGS PAS NI CHAGS PAR 'GYUR PA'I CHOS RNAMS SPANGS PAS 'DOD CHAGS SPANGS PAR MA GSUNGS SO, ,DE BZHIN DU ZHE SDANG BAR 'GYUR BA DANG, GTI MUG PAR 'GYUR PA'I CHOS RNAMS SPANGS NAS DE BZHIN GSHEGS PAS ZHE SDANG DANG GTI MUG SPANG BAR MA GSUNGS SO, ,DE CI'I PHYIR ZHE NA, RIGS KYI BU DE BZHIN GSHEGS PAS NI CHOS GANG YANG DOR BAR BYA BA'AM THOB PAR BYA BA'I PHYIR CHOS MI STON TO, ,YONGS SU SHES PAR BYA BA DANG, YONGS SU SPANG BAR BYA BA DANG, BSGOM PAR BYA BA DANG, MNGON SUM DU BYA BA DANG, MNGON PAR RTOGS PAR BYA BA DANG, 'KHOR BA LAS BSKYOD PAR BYA BA DANG, MYA NGAN LAS 'DAS PAR 'GRO BAR BYA BA DANG, BSAL BAR BYA BA DANG, GZHAG PAR BYA BA DANG, DBYE BAR BYA BA'I PHYIR CHOS MI STON TO, ,RIGS KYI BU GNYIS SU DBYE BA NI DE BZHIN GSHEGS PA RNAMS KYI CHOS NYID MA YIN NO, ,GNYIS LA SPYOD PA GANG YIN PA DE DAG NI YANG DAG PA LA ZHUGS PA MA YIN NO, ,RIGS KYI BU GNYIS GANG ZHE NA, BDAG GIS 'DOD CHAGS SPANG BAR BYA'O SNYAM PA 'DI NI GNYIS SO, ,BDAG GIS ZHE SDANG SPANG PAR BYA'O @152B SNYAM PA 'DI NI GNYIS SO, ,BDAG GIS GTI MUG SPANG BAR BYA'O SNYAM PA 'DI NI GNYIS SO, ,DE LTAR SBYOR BA GANG YIN PA DE DAG NI YANG DAG PA LA ZHUGS PA MA YIN TE, DE DAG NI LOG PAR ZHUGS PA RIG PAR BYA'O, ,RIGS KYI BU 'DI LTA STE, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYI SEMS BSKYED DE, DE 'DOD CHAGS KYIS SEMS DKRIS NAS 'KHOR GYIS 'JIGS NAS BAG TSA STE, STAN LAS LANGS NAS SONG STE DE SONG NAS BUD MED DE NYID LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG BDAG MED PAR YID LA BYED NA, RIGS KYI BU DE JI SNYAM DU SEMS, MI DE YANG DAG PAR ZHUGS PA YIN NAM, 'ON TE LOG PAR ZHUGS PA YIN, GSOL PA, BCOM LDAN 'DAS GANG BUD MED MA MCHIS PA LA MI SDUG PAR YID LA BGYID CING, MI RTAG PA DANG, SDUG BSNGAL PA DANG, STONG PA DANG BDAG MED PAR YID LA BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU 'DI NA DGE SLONG DANG DGE SLONG MA DANG DGE BSNYEN DANG DGE BSNYEN MA KHA CIG MA SKYES SHING MA BYUNG BA'I CHOS RNAMS LA MI SDUG PAR YID LA BYED CING MI RTAG PA DANG SDUG BSNGAL BA DANG, STONG PA DANG BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ,NGA NI MI BLUN PO DE DAG LAM SGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O, ,RIGS KYI BU 'DI LTA STE, DPER NA MI LA LA ZHIG GNYID LOG PA'I RMI LAM DU BDAG GI KHYIM DU RGYAL PO'I BTZUN MO 'ONG BA MTHONG NAS DE DANG LHAN CIG NYAL BAR BYED DE, DRAN PA NYAMS PA'I PHYIR BDAG NYID NI SAD DO SNYAM DU DE LTAR SEMS NAS, RGYAL POS MA TSOR GRANG, DES BDAG BSAD DU 'ONG NGO SNYAM NAS 'JIGS SHING SKRAG STE BROS NA, 'DI JI SNYAM DU SEMS, CI MI DE 'JIGS SHING SKRAG STE BROS PAS RGYAL PO'I BTZUN MO'I 'JIGS PA DE LAS THAR BAR 'GYUR RAM, GSOL PA BCOM LDAN 'DAS DE NI DE LTAR MA LAGS SO, , @153A *, ,DE CI'I SLAD DU ZHE NA, BCOM LDAN 'DAS 'DI LTAR MI DES BUD MED MA MCHIS PAR BUD MED KYI 'DU SHES BSKYED DE YANG DAG PA MA LAGS PAR KUN BRTAGS PA'I SLAD DU'O, ,BCOM LDAN 'DAS KYIS BKA' STZAL PA, RIGS KYI BU 'DI NA DGE SLONG DANG DGE SLONG MA DANG DGE BSNYEN DANG DGE BSNYEN MA KHA CIG 'DOD CHAGS MED PA LA 'DOD CHAGS KYI 'DU SHES BSKYED NAS, 'DOD CHAGS KYI 'JIGS PAS SKRAG STE 'DOD CHAGS LAS NGES PAR 'BYUNG BA YONGS SU TSOL BA DANG, DE BZHIN DU ZHE SDANG MED PAR ZHE SDANG GI 'DU SHES BSKYED GTI MUG MED PAR GTI MUG GI 'DU SHES BSKYED NAS GTI MUG GI 'JIGS PAS SKRAG STE, GTI MUG LAS NGES PAR 'BYUNG BA YONGS SU TSOL BA RNAMS KYANG DE DANG 'DRA BAR BLTA BAR BYA'O, ,DA NI MI BLUN PO DE DAG LA LAM SGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O, , RIGS KYI BU 'DI LTA STE DPER NA MI DES MED BZHIN DU SGRO BTAGS PAS 'JIGS PA MED PA LA 'JIGS PA'I 'DU SHES BSKYED PA DE BZHIN DU, RIGS KYI BU BYIS PA SO SO'I SKYE BO RNAMS NI 'DOD CHAGS KYI MTHA' MA SHES NAS 'DOD CHAGS KYI YOD PA'I MTHA'I 'JIGS PAS SKRAG STE, 'DOD CHAGS KYI MTHA' LAS NGES PAR 'BYUNG BA TSOL LO, ,ZHE SDANG GI MTHA' CI YANG MED PA'I MTHA' MA SHES NAS ZHE SDANG GI MTHA'I 'JIGS PAS SKRAG CING CI YANG MED PA'I MTHA' LA NGES PAR 'BYUNG BAR YONGS SU TSOL LO, ,GTI MUG GI MTHA' STONG PA NYID KYI MTHA' MA SHES NAS GTI MUG GI MTHA'I 'JIGS PAS SKRAG STE, STONG PA NYID KYI MTHA' LAS NGES PAR 'BYUNG BA YONGS SU TSOL BAR BYED DO, ,DA NI MI BLUN PO DE DAG LA LAM SGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O ZHES RGYA CHER GSUNGS SO, , 'DIR SMRAS PA, GAL TE YANG RTAG PA'O ZHES BYA BA DE LTAR 'DZIN PA'I PHYIN CI LOG YOD PA MA YIN PA DE LTAR NA YANG RE ZHIG 'DZIN PA DE NI YOD PA MA YIN NO, ,'DZIN PA ZHES BYA BA NI 'DZIN PA STE, DNGOS PO BYA BA'I RANG BZHIN CAN YIN NO, ,DE LA YANG GDON MI ZA BAR SGRUB BYED RTAG @153B PA NYID LA SOGS PA BYED PA YOD PAR 'GYUR DGOS LA, BDAG GAM SEMS CAN KYANG RUNG STE BYED PA PO YANG YOD DGOS SHING, GZUGS LA SOGS PA'I YUL LAS KYANG YOD DGOS SO, ,DNGOS PO BYA BA DANG BYED PA DANG, BYED PA PO DANG LAS RNAMS GRUB PA YIN NA NI THAMS CAD GRUB PAS KHO BO CAG GI 'DOD PA GRUB BO, ,BRJOD PAR BYA STE, KHYOD KYI REG PA 'DI NI BRDZUN PA YIN TE, JI SKAD BSHAD PA'I TSUL GYIS, ,GANG GIS 'DZIN DANG 'DZIN GANG DANG, 'DZIN PA PO DANG GANG GZUNG BA, ,THAMS CAD NYE BAR ZHI BA STE, ,DE PHYIR 'DZIN PA YOD MA YIN, ,'DIR 'DZIN PA PO 'GA' ZHIG RTAG PA NYID LA SOGS PA'I KHYAD PAR BYED PAR 'GYUR BA GANG ZHIG GZUGS DANG SGRA LA SOGS PA'I DNGOS PO LAS SU GYUR PA CUNG ZAD CIG 'DZIN PAR BYED PA DE JI LTAR YOD PA MA YIN PA DE LTAR NI SNGAR BSTAN ZIN TO, ,JI LTAR ZHE NA, JI LTAR RTAG PA NYID LA SOGS PA'I BYED PA PO YOD PA MA YIN PA DE LTAR NI, GAL TE MI RTAG RTAG PA ZHES, ,DE LTAR 'DZIN PA LOG YIN NA, ,ZHES BYA BA LA SOGS PAS BSTAN LA, ,JI LTAR 'DZIN PA PO MED PA DE LTAR NI, ,BDAG GI YOD NYID MED NYID NI, ,JI LTA BUR YANG GRUB PA MED, ,CES BYA BA 'DIS BSTAN PA YIN ZHING, GANG GZUNG BAR BYA BA DE YANG JI LTAR MED PA DE LTAR NI, GZUGS SGRA RO DANG REG PA DANG, ,DRI DANG CHOS DAG 'BA' ZHIG STE, ,ZHES BYA BAS BSTAN PA YIN NO, ,GANG GI TSE DE LTAR BYED PA PO DANG BYED PA DANG LAS DAG MA GRUB PA DE'I TSE GO RGYU MED PA'I 'DZIN PA YOD PAR GA LA 'GYUR, ,DE'I PHYIR, GANG GIS 'DZIN DANG 'DZIN GANG DANG, ,'DZIN PA PO DANG GANG GZUNG BA, ,THAMS CAD NYE BAR ZHI BA STE, ,RANG BZHIN GYIS MA SKYES PA'I PHYIR THAMS CAD MYA NGAN LAS 'DAS PA YIN NO ZHES BYA BA'I DON TO, ,GANG GI PHYIR 'DI DE LTAR YIN PA, DE PHYIR 'DZIN PA YOD PA MA YIN NO, ,RNAM PA GCIG TU NA GANG GI PHYIR RKYEN BRTAG PA LA SOGS PA'I RAB TU BYED PA RNAMS KYI BYED PA DANG DNGOS PO DANG BYED PA PO DANG LAS THAMS CAD RNAM PA THAMS CAD DU MA SKYES PAR BSTAN PA DE'I PHYIR, 'DI DAG THAMS CAD NYE BAR ZHI BA YIN TE, DE'I PHYIR 'DZIN PA YOD PA MA YIN NO ZHES BYA BA'O, ,'DIR @154A *, ,SMRAS PA, PHYIN CI LOG DAG NI YOD PA NYID DE, PHYIN CI LOG DANG LDAN PA YOD PA'I PHYIR RO, ,'DI NA PHYIN CI LOG DANG LDAN PA'I LHA SBYIN YOD PA MA YIN LA, PHYIN CI LOG DAG MED PAR NI PHYIN CI LOG DANG LDAN PA SRID PA MA YIN NO, ,DE'I PHYIR PHYIN CI LOG YOD PA MA YIN NO, ,BRJOD PAR BYA STE, 'DIR BYED PA DANG BYED PA PO DANG LAS RNAMS NI MED PAS 'DZIN PA NYID RNAM PAR THAMS CAD DU YOD PA MA YIN NO ZHES NI KHO BO CAG GIS BSHAD ZIN TO, ,DE'I PHYIR, LOG PA'AM YANG DAG NYID DU NI, ,'DZIN PA YOD PA MA YIN NA, ,GANG LA PHYIN CI LOG YOD CING; ;GANG LA PHYIN CI MA LOG YOD, ,'GA' ZHIG CUNG ZAD KYANG LOG PA'AM YANG DAG PAR MI 'DZIN PA LA PHYIN CI LOG NYID DANG, PHYIN CI MA LOG PA NYID CES BYA BA GA LA YOD, DE'I PHYIR PHYIN CI LOG DAG MED DO, ,GZHAN YANG PHYIN CI LOG 'DI DAG 'GA' ZHIG LA 'DOD NA NI, PHYIN CI LOG TU GYUR PA ZHIG LA BRTAG GAM, PHYIN CI LOG TU MA GYUR BA ZHIG GAM, PHYIN CI LOG TU 'GYUR BZHIN PA ZHIG LA BRTAG GRANG NA, RNAM PA THAMS CAD DU 'THAD PA MA YIN NO ZHES BSTAN PA'I PHYIR, PHYIN CI LOG TU 'GYUR PA LA, ,PHYIN CI LOG DAG MI SRID DE, ,PHYIN CI LOG TU MA GYUR LA, ,PHYIN CI LOG DAG MI SRID DO, ,PHYIN CI LOG TU 'GYUR BZHIN LA'ANG, ,PHYIN CI LOG DAG MI SRID DO, ,GANG LA PHYIN CI LOG SRID PA, ,BDAG NYID KYIS NI RNAM PAR DPYOD, ,CES BYA BA GSUNGS SO, ,DE LA, RE ZHIG PHYIN CI LOG TU GYUR PA LA, ,PHYIN CI LOG DAG MI SRID DO, ,CI'I PHYIR ZHE NA, 'DI LTAR, GANG ZHIG PHYIN CI LOG TU GYUR PA DE NI PHYIN CI LOG TU GYUR ZIN PA NYID YIN NA, DE LA YANG PHYIN CI LOG DANG 'BREL PAS CI ZHIG BYA STE, DGOS PA MED PA'I PHYIR RO, ,PHYIN CI LOG TU GYUR PA LA YANG PHYIN CI LOG DAG MI RIGS TE, MI SHES PA'I GNYID DANG BRAL BAS BLO GROS KYI SPYAN RGYAS PA SANGS RGYAS RNAMS LA YANG PHYIN CI LOG YOD PAR THAL BAR 'GYUR PA'I PHYIR RO, ,DE BZHIN DU PHYIN CI LOG TU 'GYUR BZHIN PA LA YANG PHYIN CI LOG DAG YOD PA MA YIN TE, PHYIN CI LOG PAR 'GYUR BZHIN PA MED PA'I PHYIR TE, GANG @154B ZHIG PHYIN CI LOG TU GYUR BA DANG, PHYIN CI LOG TU MA GYUR PA LAS MA GTOGS PA PHYIN CI LOG BZHIN PA ZHES BYA BA'I DNGOS PO GZHAN PO DE GANG ZHIG YOD PAR 'GYUR, PHYIN CI LOG TU 'GYUR BZHIN PA NI PHYED PHYIN CI LOG PA YIN NO ZHE NA, PHYED PHYIN CI LOG PA ZHES BYA BA NI GANG ZHIG CUNG ZAD CIG PHYIN CI LOG TU GYUR CING, CUNG ZAD CIG PHYIN CI LOG TU MA GYUR PA YIN NA, DE LA 'DI'I CUNG ZAD CIG PHYIN CI LOG TU GYUR PA GANG YIN PA DE LA NI PHYIN CI LOG GIS PHYIN CI LOG TU BYED PA MA YIN TE, PHYIN CI LOG TU GYUR ZIN PA'I PHYIR RO, ,'DI'I CUNG ZAD CIG PHYIN CI LOG TU MA GYUR PA GANG YIN PA DE YANG PHYIN CI LOG GIS PHYIN CI LOG TU BYED PA MA YIN TE, PHYIN CI LOG TU MA GYUR PA'I PHYIR RO, ,DE'I PHYIR PHYIN CI LOG TU GYUR BZHIN PA 'GA' ZHIG LA YANG PHYIN CI LOG DAG SRID PA MA YIN NO, ,PHYIN CI LOG TU GYUR PA DANG, PHYIN CI LOG TU MA GYUR PA DANG, PHYIN CI LOG TU 'GYUR BZHIN PA GANG DAG LA DE LTA MI SRID LA MI SRID PAS DA GANG DAG LA PHYIN CI LOG DAG SRID CES BDAG NYID GZU POR GYUR PAS SHES RAB KYIS RNAM PAR DPYOD CIG ,DE'I PHYIR DE LTAR NA RTEN MED PAS KYANG PHYIN CI LOG DAG YOD PA MA YIN NO, ,GZHAN YANG, PHYIN CI LOG RNAMS MA SKYES NA, ,JI LTA BUR NA YOD PAR 'GYUR, ,PHYIN CI LOG RNAMS SKYE MED NA, ,PHYIN CI LOG CAN GA LA YOD, ,DE LA, DNGOS PO BDAG LAS MI SKYE STE, ,GZHAN LAS SKYES PA NYID MA YIN, ,BDAG DANG GZHAN LAS KYANG MIN NA, ,PHYIN CI LOG CAN GA LA YOD, ,PHYIN CI LOG DANG LDAN PA GA LA YOD CES BYA BA'I THA TSIG GO, ,DE'I PHYIR PHYIN CI LOG DAG NI YOD PA NYID DE, PHYIN CI LOG DANG LDAN PA YOD PA'I PHYIR RO ZHES GANG SMRAS PA DE MI RIGS SO, ,CI STE YANG PHYIN CI LOG BZHI PO CUNG ZAD CIG YOD PA NYID DU KHAS LEN NA, DE LTA NA YANG, PHYIN CI LOG NYID DU GZHAG PAR MI NUS SO, ,CI'I PHYIR ZHE NA, 'DI LTAR, GAL TE BDAG DANG GTZANG BA DANG, ,RTAG DANG BDE BA YOD NA NI, ,BDAG DANG GTZANG DANG RTAG PA DANG, ,BDE BA PHYIN CI LOG MA YIN, ,GAL TE BDAG DANG GTZANG BA DANG RTAG PA DANG BDE BA DE DAG PHYIN CI LOG YIN NO ZHES BYA BAR RNAM PAR 'JOG @155A *, ,NA NI, CI DE DAG YOD DAM 'ON TE MED, ,GAL TE YOD NA NI 'O NA PHYIN CI LOG MA YIN TE, YOD PA'I PHYIR BDAG MED PA LA SOGS PA BZHIN NO, ,CI STE MED NA NI DE'I TSE DE DAG MED PA'I PHYIR PHYIN CI LOG NYID YOD PA MA YIN PA 'BA' ZHIG TU MA ZAD KYI, 'GAL ZLA PHYIN CI LOG MED PA'I PHYIR BDAG MED PA LA SOGS PA PHYIN CI LOG PA RNAMS KYANG YOD PA MA YIN NO ZHES BSTAN PA'I PHYIR, GAL TE BDAG DANG GTZANG BA DANG, ,RTAG DANG BDE BA MED NA NI, ,BDAG MED MI GTZANG MI RTAG DANG, ,SDUG BSNGAL YOD PA MA YIN NO, ,ZHES GSUNGS TE, GAL TE YOD PA MA YIN PA PHYIN CI LOG NYID DU MI SRID PAS BDAG DANG GTZANG BA DANG RTAG PA DANG BDE BA MED DO SNYAM DU SEMS NA, DE LTA YIN NA 'O NA BDAG LA SOGS PA RNAMS YOD PA MA YIN PA'I PHYIR GANG BDAG MED PA LA SOGS PA PHYIN CI MA LOG PA NYID DU GZUNG BA DE YANG DOR BAR BYA STE, DGAG BYA MED NA BKAG PA MED PA'I PHYIR RO, ,GANG GI TSE DE LTAR BDAG MED PA LA SOGS PA YOD PA MA YIN PA DE'I TSE DE YANG RANG GI NGO BOS GRUB PA MED PA'I PHYIR BDAG LA SOGS PA LTAR JI LTAR PHYIN CI LOG TU MI 'GYUR, DE'I PHYIR THAR PA 'DOD PA RNAMS PHYIN CI LOG DE DAG BRGYAD CHAR YANG SPANG BAR BYA'O, ,PHYIN CI LOG RNAM PAR DPYOD PA 'DI DAG JI SKAD DU BSHAD PA 'DI NI MA RIG PA LA SOGS PA SPANG BA'I RGYU NYID YIN PAS DON CHEN PO CAN NYID YIN PAR BSTAN PA'I PHYIR, DE LTAR PHYIN CI LOG 'GAGS PAS, ,MA RIG PA NI 'GAG PAR 'GYUR, ,MA RIG 'GAGS PAR GYUR NA NI, ,'DU BYED LA SOGS 'GAG PAR 'GYUR, ,ZHES GSUNGS TE, GANG GI TSE RNAL 'BYOR PA DES JI SKAD BSHAD PA'I RIGS PAS PHYIN CI LOG MA DMIGS PA DE'I TSE, DE LTAR PHYIN CI LOG MA DMIGS PAS DE'I RGYU CAN GYI MA RIG PA 'GAG PAR 'GYUR RO, ,DE 'GAGS PAS MA RIG PA'I RGYU CAN 'DU BYED LA SOGS PA RGA SHI'I MTHAR THUG PA'I CHOS RNAMS 'GAG PAR 'GYUR TE, MA RIG PA NI NYON MONGS PA'I TSOGS MTHA' DAG DANG, SKYE BA LA SOGS PA SDUG BSNGAL GYI RGYUR 'GYUR BA'I PHYIR RO, ,JI LTAR LUS KYI DBANG PO'I RGYU CAN DBANG PO GZUGS CAN THAMS CAD NI LUS @155B KYI DBANG PO 'GAGS PA NA 'GAG PAR 'GYUR BA DE BZHIN DU, 'DU BYED LA SOGS PA MA RIG PA'I RGYU CAN SRID PA'I YAN LAG 'BYUNG BA RNAMS NI NGES PAR MA RIG PA 'GAGS PA NA 'GAG PAR 'GYUR RO ZHES BSTAN PA'I PHYIR, MA RIG 'GAGS PAR GYUR NA NI, ,'DU BYED LA SOGS 'GAG PAR 'GYUR, ,ZHES GSUNGS PA YIN NO, ,'DIR SMRAS PA, GAL TE PHYIN CI LOG 'GAGS PAS MA RIG PA 'GAG NA, 'O NA NI GANG ZHIG DE LTAR PHYIN CI LOG 'GAGS PAS 'GAG PAR 'GYUR BA, MA RIG PA YOD PA YIN TE, NAM MKHA'I AA MRA'I LCUG MA YOD PA MA YIN PA SPANG BA'I THABS TSOL BA NI YOD PA MA YIN NO, ,DE'I PHYIR MA RIG PA YOD PA YIN TE, DE 'GAG PA'I THABS TSOL BA YOD PA'I PHYIR RO, ,DE'I PHYIR 'DOD CHAGS LA SOGS PA'I NYON MONGS PA DE'I RGYU CAN RNAMS YOD PA YIN LA, ,NYON MONGS PA YOD PA'I PHYIR SRID PA'I RGYUN YANG YOD PA NYID DO, ,BRJOD PAR BYA STE, KYE MA GANG ZHIG DAM PA GZHAN GYI DON 'BYUNG BA LA CI LA YANG RAG MA LAS PAR CHES PA RNAMS THABS DANG SHES RAB KYI STOBS KYIS NYON MONGS PA'I DUG GI LJON SHING CHEN PO BDAG NYID THAMS CAD DU SDUG BSNGAL SHIN TU STOBS PA MA LUS PA DRUNGS 'BYIN PAR MDZAD PA LA, STOBS 'DEBS PAR MI GNAS PA 'BA' ZHIG TU MA ZAD KYI 'ON KYANG DE DRUNGS 'BYIN PAR MDZAD PA RNAMS DANG SHIN TU 'GAL BAR GNAS SHING GZU LUMS KYI NYON MONGS PA'I DUG GI LJON SHING CHEN PO DE 'DZUGS PA LA CHES SHIN TU GUS PA NI, PHA ROL PO DON MA YIN PA LA MKHAS PA SHIN TU CHEN PO NYID YIN NO, ,GZHAN YANG GAL TE NYON MONGS PA MA RIG PA LA SOGS PA RNAMS SPONG BA YOD NA NI, DE SPONG BA'I THABS TSOL BAR 'GYUR NA, DE DAG SPONG BA NI YOD PA MA YIN NO, ,CI'I PHYIR ZHE NA, 'DI NA GAL TE YOD NA NI, DE'I TSE RANG GI NGO BOS YOD PA RNAMS LA 'AM, ,YOD PA MA YIN PA RNAMS LA YOD PAR 'GYUR BA ZHIG GO, ,DE LAS CIR 'GYUR ZHE NA, GAL TE NYON MONGS PA RANG BZHIN NGO BOS YOD PAR GYUR BA RNAMS SPONG BAR 'DOD NA NI, DE MI 'THAD DO, ,CI'I PHYIR ZHE NA, @156A *, ,'DI LTAR, GAL TE LA LA'I NYON MONGS PA, ,GANG DAG RANG BZHIN GYIS YOD NA, ,JI LTA BUR NA SPANG BAR 'GYUR, ,YOD PA SU ZHIG SPONG BAR BYED, ,DNGOS PO RANG GI NGO BOS YOD PA RNAMS KYI RANG BZHIN NI BZLOG PAR MI NUS TE, SA LA SOGS PA RNAMS KYI RANG BZHIN SRA BA LA SOGS PA RNAMS NI LDOG PA MA YIN NO, ,DE BZHIN DU GAL TE LA LA STE GANG ZAG GI GANG DAG STE MA RIG PA LA SOGS PA'I NYON MONGS PA 'DI DAG KYANG RANG BZHIN GYIS YOD NA NI JI LTA BUR NA SPONG BAR 'GYUR TE, ,GANG GIS KYANG SPONG BAR MI 'GYUR BA NYID DO; ;YANG CI'I PHYIR DE DAG NI SPONG ZHE NA, YOD PA SU ZHIG SPONG BAR BYED, CES GSUNGS TE, RANG BZHIN BZLOG PAR MI NUS PA'I PHYIR, NAM MKHA'I MI SGRIB PA NYID BZLOG TU MED PA BZHIN NO SNYAM DU DGONGS PA YIN NO, ,CI STE RANG BZHIN GYIS MED PA ZHIG YIN NA ZHES BYA BAR RTOG NA, DE LTAR NA YANG SPONG BA YOD PA MA YIN PA NYID DO ZHES GSUNGS PA, GAL TE LA LA'I NYON MONGS PA, ,GANG DAG RANG BZHIN GYIS MED PA, ,JI LTA BUR NA SPONG BAR 'GYUR, ,MED PA SU ZHIG SPONG BAR BYED, ,NYON MONGS PA RANG BZHIN GYIS MED PA STE MI BDOG PA RNAMS KYANG SPANG BAR MI NUS PA NYID DO, ,ME'I GRANG BA YOD PA MA YIN PA NI BZLOG PAR NUS PA MA YIN NO, ,DE BZHIN DU NYON MONGS PA 'DI DAG KYANG SU LA YANG GANG DAG KYANG RANG BZHIN GYIS MED PAS, DE DAG SUS SPONG BAR BYED DE SUS KYANG SPONG BAR BYED PA MA YIN NO, ,DE'I PHYIR DE LTAR PHYOGS GNYI GA LTAR YANG SPONG BA YOD PA MA YIN PAS NYON MONGS PA RNAMS SPONG BA MED DO, ,SPONG BA MED PA'I PHYIR NA NYON MONGS PA SPONG BA'I THABS TSOL BA LTA YOD PAR GA LA 'GYUR, DE'I PHYIR JI SKAD DU, MA RIG PA LA SOGS PA RNAMS NI YOD PA NYID DE, ,DE SPONG BA'I THABS TSOL BA YOD PA'I PHYIR RO ZHES GANG SMRAS PA DE MI 'THAD DO, ,JI SKAD DU, 'PHAGS PA TING NGE 'DZIN GYI RGYAL PO LAS KYANG, GZUGS KYIS KYANG NI BYANG CHUB BSTAN, ,BYANG CHUB KYIS KYANG GZUGS BSTAN TE, ,MI MTSUNGS PA YI SGRA RNAMS KYIS, ,CHOS KYI BLA MA RAB TU BSTAN, , @156B SGRA YIS GZUGS KYI BLA MA STE, ,NGO BO NYID KYIS ZAB PA DAG ,GZUGS DANG BYANG CHUB MNYAM PA STE, ,THA DAD BYA BA DE MI RNYED, ,MYA NGAN 'DAS PA ZAB PAR YANG, ,SGRA YIS RAB TU BSTAN PA LTAR, ,MYA NGAN 'DAS PA DE MI RNYED, ,DE YI SGRA YANG MI RNYED DO, ,SGRA DANG MYA NGAN 'DAS PA NI, ,GNYI GA'ANG RNYED PAR MI 'GYUR TE, ,DE BZHIN STONG PA'I CHOS RNAMS LA, ,MYA NGAN 'DAS PA RAB TU BSTAN, ,MYA NGAN 'DAS DANG 'DA' BA NI, ,MYA NGAN 'DAS PA MI RNYED DE, ,'DI NI CHOS RNAMS 'JUG PA MED, ,PHYIS NI CI 'DRA DE BZHIN SNGON, ,CHOS RNAMS THAMS CAD RANG BZHIN GYIS, ,MYA NGAN 'DAS DANG MTSUNGS MNYAM PAR, ,SANGS RGYAS BSTAN LA BRTZON PA YI, ,'BYUNG BA DE DAG RNAMS KYIS RIG ,CES GSUNGS PA DANG, DE BZHIN DU, YE SHES KYIS NI PHUNG PO STONG NYID MKHYEN, ,MKHYEN NAS NYON MONGS RNAMS DANG MI 'GROGS TE; ;BRJOD PA TZAM GYI SGO NAS BRJOD BYA ZHING, ,MYA NGAN 'DAS BZHIN 'JIG RTEN 'DIR DPYAD BYA, ,ZHES BYA BA GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, PHYIN CI LOG BRTAG PA ZHES BYA BA RAB TU BYED PA NYI SHU RTZA GSUM PA'I 'GREL PA'O,, ,,'DIR, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYED LA MED PAR THAL BAR 'GYUR, ,GAL TE RIGS PAS MI 'THAD PA'I PHYIR PHYI DANG NANG GI DNGOS PO'I RNAM PA 'DI DAG THAMS CAD STONG PA NYID DO ZHES SGRUB NA, DE LTA NA KHYOD LA NYES PA CHEN PO DANG MANG POR 'GYUR BA MA YIN NAM, JI LTAR ZHE NA, GAL TE 'DI DAG THAMS CAD STONG PA NYID YIN NA DE'I TSE GANG STONG PA DE NI MED PA YIN LA, GANG MED PA DE NI YOD PA MA YIN PA'I PHYIR MO GSHAM GYI BU BZHIN DU SKYE BA MED CING 'GAG PA MED PAS DNGOS PO GANG YANG 'BYUNG BA MED CING 'JIG PA MED PAR 'GYUR RO, ,DE MED PAS 'PHAGS PA'I BDEN PA BZHI PO RNAMS STONG PAR SMRA BA KHYOD LA MED PAR THAL BAR 'GYUR RO, ,JI LTAR ZHE NA, 'DI LTAR, 'DI NA NYE BAR LEN PA'I PHUNG PO LNGA PO SNGAR GYI RGYUS BSKYED CING RTEN CING @157A *, ,'BREL BAR 'BYUNG BA NI, SDUG BSNGAL GYI SDUG BSNGAL NYID DANG, 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID KYIS MI MTHUN PAR GYUR PA'I PHYIR GNOD PA'I BDAG NYID CAN NYID KYIS NA SDUG BSNGAL ZHES BYA'O, ,SDUG BSNGAL DE YANG PHYIN CI LOG SPANGS PAS 'PHAGS PA RNAMS KHO NAS SDUG BSNGAL LO SNYAM DU SHES KYI, PHYIN CI LOG DANG RJES SU 'BREL PA'I PHYIR DANG, JI LTAR MTHONG BA BZHIN DNGOS PO'I RANG BZHIN RNAM PAR 'JOG PA'I PHYIR 'PHAGS PA MA YIN PA DAG GIS NI MA YIN NO, ,DE LTAR DNGOS PO DE DAG GIS DNGOS PO DE DAG NYID DER DMIGS PA'I PHYIR RIMS LA SOGS PA'I NAD KYIS BTAB PAS DBANG PO PHYIN CI LOG TU GYUR PA BU RAM MNGAR BA'I RANG BZHIN YANG KHA BA NYID DU DMIGS PA RNAMS LA DE DAG GI SHES PA LA LTOS NAS KHA BA NYID DU BDEN GYI, MNGAR BA NYID DU NI MA YIN PA DE BZHIN DU 'DIR YANG NYE BAR LEN PA'I PHUNG PO LNGA SDUG BSNGAL GYI RANG BZHIN YIN MOD KYI, DE LTA NA YANG GANG DAG GIS 'DI DAG SDUG BSNGAL GYI BDAG NYID DU MTHONG BA DE DAG NYID LA DE DAG SDUG BSNGAL YIN PAR BZHAG GI, ,PHYIN CI LOG DANG RJES SU 'BREL BAS RNAM PA GZHAN DU DMIGS PA RNAMS LA NI MA YIN NO, ,DE'I PHYIR 'PHAGS PA RNAMS KHO NA LA DE SDUG BSNGAL GYI BDAG NYID DU BDEN PA DE'I PHYIR SDUG BSNGAL 'PHAGS PA'I BDEN PA ZHES BYA'O, ,GAL TE 'PHAGS PA MA YIN PA RNAMS KYIS KYANG TSOR BA SDUG BSNGAL LA SDUG BSNGAL LO ZHES BYA BAR YONGS SU GCOD PA NYID MA YIN NAM; DE'I PHYIR JI LTAR SDUG BSNGAL 'PHAGS PA RNAMS KHO NA LA BDEN PA YIN ZHE NA, TSOR BA SDUG BSNGAL NYID 'BA' ZHIG SDUG BSNGAL GYI BDEN PA MA YIN TE, 'O NA CI ZHE NA, NYE BAR LEN PA'I PHUNG PO LNGA CHAR YIN NO, ,DE'I PHYIR 'PHAGS PA RNAMS KHO NA LA DE BDEN PA'I PHYIR 'PHAGS PA'I BDEN PA'O ZHES RNAM PAR GZHAG STE, JI SKAD DU, LAG MTHIL SPU NYAG GCIG 'DUG PA, ,MI RNAMS KYIS NI MI RTOGS LA, ,DE NYID MIG TU SONG NA YANG, ,MI BDE BA DANG GNOD BSKYED LTAR, ,BYIS PA LAG MTHIL 'DRA BA YIS, ,'DU BYED SDUG BSNGAL @157B SPU MI RTOGS, ,'PHAGS PA MIG DANG 'DRA BAS NI, ,DE YIS SHIN TU YID KYANG 'BYUNG, ,ZHES BSHAD DO, ,DE'I PHYIR SDUG BSNGAL DE NI 'PHAGS PA RNAMS KHO NA LA BDEN PAS SDUG BSNGAL 'PHAGS PA'I BDEN PA'O ZHES RNAM PAR GZHAG GO, ,NAM ZHIG GI TSE NA 'DI SDUG BSNGAL 'PHAGS PA'I BDEN PAR RIGS SHE NA, GANG GI TSE 'DUS BYAS RNAMS LA 'BYUNG BA DANG 'JIG PA YOD PA YIN NA, GANG GI TSE STONG PA'I PHYIR CUNG ZAD KYANG SKYE BA MED CING CUNG ZAD KYANG 'GAG PA MED PA DE'I TSE NI SDUG BSNGAL YOD PA MA YIN NO, ,SDUG BSNGAL MED PA NA YANG KUN 'BYUNG GI BDEN PA YOD PAR GA LA 'GYUR, 'DI LTAR RGYU GANG LAS SDUG BSNGAL KUN 'BYUNG ZHING SKYE BA SRED PA DANG LAS DANG NYON MONGS PA'I MTSAN NYID CAN GYI RGYU DE LA NI KUN 'BYUNG ZHES BYA NA, GANG GI TSE 'BRAS BUR GYUR PA SDUG BSNGAL GYI BDEN PA YOD PA MA YIN PA DE'I TSE 'BRAS BU DANG BRAL BA RGYU NYID DU MI 'THAD PA'I PHYIR KUN 'BYUNG YANG MED DO, ,SDUG BSNGAL DANG BRAL ZHING YID MI SKYE BA LA NI 'GOG PA ZHES BYA NA, GANG GI TSE SDUG BSNGAL NYID MED PA DE'I TSE GANG GANG GIS 'GOG PAR 'GYUR, DE'I PHYIR SDUG BSNGAL 'GOG PA YANG MED DO, ,DE'I PHYIR SDUG BSNGAL MED NA 'GOG PA'I BDEN PA YANG MED DO, ,SDUG BSNGAL 'GOG PA MED NA YANG SDUG BSNGAL 'GOG PAR 'GRO BA'I LAM 'PHAGS PA'I LAM YAN LAG BRGYAD KYANG YOD PAR GA LA 'GYUR, DE'I PHYIR LAM GYI BDEN PA YANG MED DO, ,DE'I PHYIR DE LTAR DNGOS PO RNAMS STONG PAR SMRA BAR KHYOD LA 'PHAGS PA'I BDEN PA BZHI PO DAG MED PAR THAL BAR 'GYUR RO, ,DE LAS NYES PA CIR 'GYUR ZHE NA, BRJOD PAR BYA STE, 'PHAGS PA'I BDEN PA BZHI MED PAS, ,YONGS SU SHES DANG SPANG BA DANG, ,SGOM DANG MNGON DU BYA BA DAG ,'THAD PAR 'GYUR BA MA YIN NO, ,'PHAGS PA'I BDEN PA BZHI PO RNAMS MED PAR THAL BA YIN DANG, MI RTAG PA LA SOGS PA NI RNAM PA DAG GIS SDUG BSNGAL GYI BDEN PA YONGS SU SHES PA DE DANG, SDUG BSNGAL KUN 'BYUNG GI BDEN PA SPANG BA DANG, SDUG BSNGAL 'GOG PAR 'GRO BA'I LAM SGOM PA DANG, ,SDUG BSNGAL 'GOG PA MNGON DU BYA BA STE MNGON SUM @158A *, ,DU BYA BA MI 'THAD DO, ,GAL TE SDUG BSNGAL LA SOGS PA 'PHAGS PA'I BDEN PA RNAMS MED PAS YONGS SU SHES PA LA SOGS PA MED PA DE'I TSE, NYES PA CI YOD CE NA, BRJOD PAR BYA STE, DE DAG YOD PA MA YIN PAS, ,'BRAS BU BZHI YANG YOD MA YIN, ,'BRAS BU MED NA 'BRAS GNAS MED, ,ZHUGS PA DAG KYANG YOD MA YIN, ,GAL TE SKYES BU GANG ZAG BRGYAD, ,DE DAG MED NA DGE 'DUN MED, ,'PHAGS PA'I BDEN PA RNAMS MED PHYIR, ,DAM PA'I CHOS KYANG YOD MA YIN, ,CHOS DANG DGE 'DUN YOD MIN NA; ;SANGS RGYAS JI LTAR YOD PAR 'GYUR, ,GANG GI TSE DE LTAR SDUG BSNGAL YONGS SU SHES PA LA SOGS PA MED PA DE'I TSE, DE MED PAS RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU DANG, BZHI YANG 'THAD PA MA YIN NO, ,JI LTAR ZHE NA, 'DIR NYON MONGS PA RNAMS KYI SPANGS PA BSDOMS PAS NI, 'BRAS BU'I MING 'THOB STE, 'DI LTA STE, KUN TU SBYOR BA GSUM SPANGS PAS SKAD CIG MA BCU DRUG PA LAM LA RJES SU SHES PA LA SOGS PA NYON MONGS PA'I SPANGS PA GANG YOD PA DE NI RGYUN DU ZHUGS PA'I 'BRAS BU'O, ,'DOD PA NA SPYOD PA'I NYON MONGS PA BSGOM PAS SPANG BAR BYA BA RNAMS KYI CHEN PO DANG 'BRING DANG CHUNG NGU'I RNAM PA RNAMS LA YANG RE RE ZHING CHEN PO DANG 'BRING DANG CHUNG NGU'I DBYE BAS PHYE BA NA RNAM PA DGUR 'GYUR RO, ,DE LA 'DOD PA NA SPYOD PA'I RNAM PA DRUG PA ZAD PAS RNAM PAR GROL PA'I LAM LA SPANGS PA GANG YOD PA DE NI LAN CIG PHYIR 'ONG BA'I 'BRAS BU'O, ,'DOD PA NA SPYOD PA'I NYON MONGS PA DE DAG GI NYON MONGS PA RNAM PA DGU PA ZAD PAS RNAM PAR GROL BA'I LAM LA SPANGS BA GANG ZHIG YOD PA DE NI PHYIR MI 'ONG BA'I 'BRAS BU'O, ,GZUGS DANG GZUGS MED PA NA SPYOD PA'I NYON MONGS PA BSGOM PAS SPANG PAR BYA BA, SA DANG SA LA RNAM PA DGU'I DBYE BAS PHYE BA RNAMS LAS 'DU SHES MED 'DU SHES MED 'DU SHES MED MIN SKYE MCHED KYIS PA'I NYON MONGS PA RNAM PA DGU ZAD PAR ZAD PAS RNAM PAR GROL BA'I LAM LA SPANGS PA GANG ZHIG YOD PA DE NI DGRA BCOM PA'I 'BRAS BU ZHES @158B BYA STE, 'DI DAG NI 'BRAS BU BZHI'O, ,'DI DAG JI LTAR RIGS SHE NA, GAL TE SDUG BSNGAL YONGS SU SHES PA YOD CING KUN 'BYUNG SPANG BA DANG, 'GOG PA MNGON SUM DU BYA BA DANG LAM SGOM PA YOD PAR 'GYUR BA YIN NA, GANG GI TSE SDUG BSNGAL LA SOGS PA 'PHAGS PA'I BDEN PA RNAMS MED PAS SDUG BSNGAL YONGS SU SHES PA LA SOGS PA MED PA DE'I TSE NI 'BRAS BU BZHI PO DE DAG YOD PA MA YIN NO, ,'BRAS BU BZHI PO DE DAG MED NA DE DAG LA GNAS PA'I 'PHAGS PA'I GANG ZAG 'BRAS BU LA GNAS PA BZHI PO GANG DAG YIN PA DE DAG KYANG YOD PA MA YIN NO, ,DE NYID KYI PHYIR NA 'PHAGS PA'I GANG ZAG ZHUGS PA BZHI PO DAG KYANG YOD PA MA YIN NO, ,'DIR SKAD CIG MA BCU DRUG PA LAM LA RJES SU SHES PA'I SNGA ROL GYI SHES PA DANG, BZOD PA'I SKAD CIG MA BCVA LNGA GANG DAG YIN PA 'DI LTA STE, KHAMS GSUM GYI SDUG BSNGAL MNGON PAR RTOGS PA DE'I TSE SDUG BSNGAL LA DMIGS PA'I BZOD PA DANG, SHES PA'I SKAD CIG MA BZHIR 'GYUR RO, ,DE LA KHAMS GSUM GYI SDUG BSNGAL MNGON PAR RTOGS PA'I DUS KYI BZOD PA DANG SHES PA'I SKAD CIG MA BZHI GANG ZHE NA, 'DI LTA STE, 'DOD PA NA SPYOD PA'I SDUG BSNGAL MTHONG BAS SPANG BAR BYA BA 'JIG TSOGS DANG MTHAR 'DZIN PA DANG LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA ZHES BYA BA PHRA RGYAS BCU'I GNYEN POR GYUR CING, MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PAR SKYES PA, 'DOD PA NA SPYOD PA'I SDUG BSNGAL GYI BDEN PA LA DMIGS PA BAR CHAD MED PA'I LAM GYI MTSAN NYID CAN, SDUG BSNGAL LA CHOS SHES PA'I BZOD PA'I SKAD CIG MA NI GCIG GO, ,DMIGS PA DANG RNAM PA DE KHO NA DANG LDAN PA RNAM PAR GROL BA'I LAM GYI MTSAN NYID CAN SDUG BSNGAL LA CHOS SHES PA'I SKAD CIG MA NI GNYIS PA'O, ,DE BZHIN DU GZUGS DANG GZUGS MED PA NA SPYOD PA'I SDUG BSNGAL LA DMIGS PA, KHONG KHRO @159A *, ,MA GTOGS PA BSHAD MA THAG PA'I PHRA RGYAS BCO BRGYAD KYI GNYEN POR GYUR CING, SDUG BSNGAL LA SOGS PA'I RNAM PAR SKYES PA BAR CHAD MED PA'I LAM GYI MTSAN NYID CAN, SDUG BSNGAL LA RJES SU SHES PA'I BZOD PA'I SKAD CIG MA NI GSUM PA'O, , DMIGS PA DANG RNAM PA DE KHO NA DANG LDAN PA'I RNAM PAR GROL BA'I LAM GYI MTSAN NYID CAN, SDUG BSNGAL LA RJES SU SHES PA'I BZOD PA'I SKAD CIG MA NI BZHI PA'O, ,KHAMS GSUM NA SPYOD PA'I SDUG BSNGAL GYI BDEN PA MNGON PAR RTOGS PA DANG, BZOD PA DANG SHES PA'I SKAD CIG MA BZHI PO DE DAG JI LTA BA DE BZHIN DU, 'DOD PA NA SPYOD PA'I KUN 'BYUNG MTHONG BAS SPANG PAR BYA BA LOG PAR LTA BA DANG, LTA BA MCHOG TU 'DZIN PA DANG, THE TSOM DANG, 'DOD CHAGS DANG, KHONG KHRO DANG, NGA RGYAL DANG, MA RIG PA ZHES BYA BA PHRA RGYAS BDUN GYI GNYEN POR GYUR CING, RGYU DANG KUN 'BYUNG BA DANG RAB TU SKYES BA DANG RKYEN GYIS RNAM PAR SKYES PA DANG, 'DOD PA NA SPYOD PA'I KUN 'BYUNG GI BDEN PA LA DMIGS PA BAR CHAD MED PA'I LAM GYI MTSAN NYID CAN KUN 'BYUNG LA CHOS SHES PA'I BZOD PA'I SKAD CIG MA NI GCIG GO, ,DMIGS PA DANG RNAM PA DE KHO NA DANG LDAN PA RNAM PAR GROL BA'I LAM GYI MTSAN NYID CAN KUN 'BYUNG LA CHOS SHES PA'I SKAD CIG MA NI GNYIS PA'O, ,DE BZHIN DU GZUGS DANG GZUGS MED PA NA SPYOD PA'I KUN 'BYUNG GI BDEN PA LA DMIGS PA KHONG KHRO BA MA GTOGS PA BSHAD MA THAG PA'I PHRA RGYAS BCU GNYIS KYI GNYEN POR GYUR CING, KUN 'BYUNG GI BDEN PA'I RNAM PAR SKYES PA, BAR CHAD MED PA'I LAM GYI MTSAN NYID CAN KUN 'BYUNG LA RJES SU SHES PA'I BZOD PA'I SKAD CIG MA NI GSUM PA'O, ,DMIGS PA DANG RNAM PA DE KHO NA DANG LDAN PA RNAM PAR GROL BA'I LAM GYI MTSAN NYID CAN KUN 'BYUNG LA RJES SU SHES PA'I SKAD CIG MA NI BZHI PA STE, DE DAG NI KHAMS GSUM NA SPYOD PA'I SDUG BSNGAL KUN 'BYUNG GI BDEN PA MNGON PAR RTOGS PA'I SKAD CIG MA BZHI YIN NO, ,KHAMS GSUM GYI SDUG BSNGAL KUN 'BYUNG GI BDEN PA MNGON PAR RTOGS PA'I SKAD CIG MA BZHI PO 'DI DAG ,JI LTAR @159B YIN PA DE BZHIN DU 'DOD PA NA SPYOD PA'I SDUG BSNGAL 'GOG PA MTHONG BAS SPANG BAR BYA BA KUN 'BYUNG LA BSHAD PA PHRA RGYAS BDUN GYI GNYEN POR GYUR ZHING 'GOG PA DANG, ZHI BA DANG GYA NOM PA DANG NGES PAR 'BYUNG BA'I RNAM PAR SKYES PA, 'DOD PA NA SPYOD PA'I SDUG BSNGAL 'GOG PA LA DMIGS PA BAR CHAD MED PA'I LAM GYI MTSAN NYID CAN 'GOG PA LA CHOS SHES PA'I BZOD PA'I SKAD CIG MA NI GCIG GO, ,DMIGS PA DANG RNAM PA DE KHO NA DANG LDAN PA RNAM PAR GROL BA'I LAM GYI MTSAN NYID CAN, SDUG BSNGAL 'GOG PA LA CHOS SHES PA'I SKAD CIG MA NI GNYIS PA'O, ,RNAM PA DE DANG DE DAG NYID KYIS GZUGS DANG GZUGS MED PA NA SPYOD PA'I SDUG BSNGAL 'GOG PA'I BDEN PA LA DMIGS PA KHONG KHRO MA GTOGS PA PHRA RGYAS BCU GNYIS KYI GNYEN POR GYUR BA BAR CHAD MED PA'I LAM GYI MTSAN NYID CAN, GZUGS DANG GZUGS MED PA NA SPYOD PA'I SDUG BSNGAL 'GOG PA LA RJES SU SHES PA'I BZOD PA'I SKAD CIG MA NI GSUM PA'O, ,DMIGS PA DANG RNAM PA DE KHO NA DANG LDAN PA, RNAM PAR GROL BA'I LAM GYI MTSAN NYID CAN, GZUGS DANG GZUGS MED PA NA SPYOD PA'I SDUG BSNGAL 'GOG PA LA RJES SU SHES PA'I SKAD CIG MA NI BZHI PA'O, ,DE DAG NI KHAMS GSUM GYI SDUG BSNGAL 'GOG PA'I BDEN PA MNGON PAR RTOGS PA'I SKAD CIG MA BZHI'O, ,KHAMS GSUM NA SPYOD PA'I SDUG BSNGAL 'GOG PA'I BDEN PA MNGON PAR RTOGS PA'I SKAD CIG MA BZHI PO 'DI DAG JI LTAR YIN PA DE BZHIN DU 'DOD PA NA SPYOD PA'I SDUG BSNGAL 'GOG PAR 'GRO BA'I LAM MTHONG PAS SPANG BAR BYA BA 'GOG PA LA BSHAD PA DAG LA, BRGYAD PA TSUL KHRIMS DANG BRTUL ZHUGS MCHOG TU 'DZIN PA BSNAN TE, PHRA RGYAS BRGYAD KYI GNYEN POR GYUR CING LAM DANG RIGS PA DANG SGRUB PA DANG, NGES PAR 'BYIN PA'I RNAM PAR SKYES PA, 'DOD PA NA SPYOD PA'I SDUG BSNGAL 'GOG PAR 'GRO BA'I LAM LA DMIGS PA, BAR CHAD MED PA'I LAM GYI MTSAN NYID CAN, LAM LA CHOS SHES PA'I BZOD PA'I SKAD CIG MA NI GCIG GO, ,DMIGS PA DANG RNAM PA DE KHO NA DANG LDAN PA, RNAM PAR @160A *, ,GROL BA'I LAM GYI MTSAN NYID CAN, LAM LA CHOS SHES PA'I SKAD CIG MA NI GNYIS PA'O, ,RNAM PA DE DAG NYID KYIS GZUGS DANG GZUGS MED PA NA SPYOD PA'I SDUG BSNGAL 'GOG PAR 'GRO BA'I LAM LA DMIGS PA, KHONG KHRO MA GTOGS PA PHRA RGYAS BCU BZHI'I GNYEN POR GYUR PA, BAR CHAD MED PA'I LAM GYI MTSAN NYID CAN, LAM LA RJES SU SHES PA'I BZOD PA'I SKAD CIG MA NI GSUM PA STE, SKAD CIG MA BCO LNGA PO DE DAG NI, MTHONG BA'I LAM ZHES BYA BAR GYUR TO, ,DE DAG LA RNAM PAR GNAS PA'I 'PHAGS PA NI RGYUN ZHUGS PA'I 'BRAS BU MNGON SUM DU BYA BA'I PHYIR, ZHUGS PAR ZHES BYA BA LA, BCU DRUG PA LAM LA RJES SU SHES PA LA GNAS PA DE DAG RGYUN DU ZHUGS PA ZHES BYA'O, ,PHRA RGYAS BRGYAD CU RTZA BRGYAD PO DE DAG NI, SGOM PA LA LTOS PA MED PAR BDEN PA RNAMS MTHONG BA TZAM GYIS SPONG BA'I PHYIR, MTHONG BAS SPANG BA ZHES BYA BAR BRJOD DO, ,GANG DAG BDEN PA'I RNAM PA JI LTAR MTHONG BA BZHIN, PHYIS BSGOM PAS SPONG BAR 'GYUR BA DE DAG NI BSGOM PAS SPANG BAR BYA BA STE, DE DAG NI PHRA RGYAS BCUR 'GYUR TE, 'DOD PA NA SPYOD PA'I 'DOD CHAGS DANG, KHONG KHRO BA DANG, NGA RGYAL DANG, MA RIG PA DAG DANG, GZUGS NA SPYOD PA KHONG KHRO SPANGS PA GSUM PO DE DAG NYID DANG, GZUGS MED PA NA SPYOD PA GSUM PO DE DAG NYID DE BCUR 'GYUR RO, ,DE DAG NI JI SKAD BSHAD PA'I TSUL GYIS SA DANG SA LAS RNAM PA DGUR PHYE BA YIN TE, 'DOD PA'I KHAMS DANG, BSAM GTAN BZHI DANG, GZUGS MED PA BZHI DE DAG TU'O, ,NYON MONGS PA'I RNAM PA RE RE SPANG BAR BYA BA'I PHYIR, BAR CHAD MED PA DANG, RNAM PAR GROL BA'I DBYE BAS SHES PA'I SKAD CIG MA GNYIS GNYIS NYON MONGS PA'I SKAD CIG LAS BZLOG NAS RNAM PAR GZHAG GO, ,'DI LTAR NYON MONGS PA'I RNAM PA CHEN PO'I CHEN PO NI, BAR CHAD MED PA DANG RNAM PAR GROL BA'I LAM CHUNG NGU'I CHUNG NGU DAG GIS SPONG BA NAS NYON MONGS PA'I RNAM PA CHUNG NGU'I CHUNG NGU NI SHES PA'I SKAD CIG MA CHEN PO'I CHEN PO'I BAR DAG GIS SPONG STE, DRI MA RAGS PA NI @160B 'BAD PA CHUNG DUS BSGRUB PAR BYA LA, PHRA MO NI 'BAD PA CHEN POS BSGRUB PAR BYA BA YIN TE, KHRUS MKHAN GOS 'KHRU BA DANG CHOS MTSUNGS PAR SHES PAR BYA'O, ,DE LA MTHONG BA'I LAM GYI 'OG ROL DU, 'PHAGS PA 'DOD PA NA SPYOD PA'I NYON MONGS PA NA BSGOM PAS SPANG BAR BYA BA RNAM PA DRUG PO'I GNYEN PO, RNAM PAR GROL BA'I LAM ZHES BYA BA'I YE SHES KYI SKAD CIG MA'I SNGA ROL GYI SHES PA'I SKAD CIG LA GNAS PA NI, LAN CIG PHYIR 'ONG BA'I 'BRAS BU LA ZHUGS PA ZHES BYA STE, 'JIG RTEN 'DIR LAN CIG PHYIR 'ONGS NAS YONGS SU MYA NGAN LAS 'DA' BAS NA, LAN CIG PHYIR 'ONG BA ZHES BRJOD LA, DE'I 'BRAS BU'I DON DU ZHUGS SHING SBYOR BA LA GNAS PA NI LAN CIG PHYIR 'ONG BA'I 'BRAS BU LA ZHUGS PA ZHES BYA'O, ,SKAD CIG MA DRUG PA LA NI LAN CIG PHYIR 'ONG BA'O, ,SKAD CIG MA DRUG PA'I 'OG ROL DU 'PHAGS PA NYON MONGS PA DGU PA SPONG BA RNAM PAR GROL BA'I LAM GYI YE SHES KYI SKAD CIG GI SNGA ROL GYI YE SHES KYI SKAD CIG LA GNAS PA NI, PHYIR MI 'ONG BA'I 'BRAS BU LA ZHUGS PA ZHES BYA STE, 'JIG RTEN 'DIR PHYIR MI 'ONG BAR DE NYID DU YONGS SU MYA NGAN LAS 'DA' BAS PHYIR MI 'ONG BA ZHES BRJOD LA DE'I 'BRAS BU'I DON DU ZHUGS SHING SBYOR BA LA GNAS PA NI, PHYIR MI 'ONG BA'I 'BRAS BU LA ZHUGS PA ZHES BYA'O, ,SKAD CIG MA DGU PA LA NI PHYIR MI 'ONG BA ZHES BYA'O, ,SKAD CIG MA DGU PA'I 'OG ROL TU 'PHAGS PA RNAM PAR GROL BA'I LAM ZHES BYA BA'I YE SHES KYI SNGA ROL GYI SKAD CIG SRID PA'I RTZE MO'I NYON MONGS PA DGU'I GNYEN PO LA GNAS PA NI DGRA BCOM PA'I 'BRAS BU LA ZHUGS PA ZHES BYA STE, LHA DANG MI DANG LHA MA YIN DU BCAS PA'I 'JIG RTEN GYIS MCHOD PAR 'OS PAS DGRA BCOM PA ZHES BRJOD LA, DE'I 'BRAS BU'I DON DU ZHUGS SHING SBYOR BA LA GNAS PA NI, DGRA BCOM PA'I 'BRAS BU LA ZHUGS PA ZHES BYA'O, ,SRID PA'I RTZE MO'I NYON MONGS PA RNAM PA DGU PA SPANGS PA LAS RNAM PAR GROL BA'I LAM DGU PA LA GNAS PA NI, DGRA BCOM PA ZHES BYA'O, ,ZHUGS PA'I GANG ZAG BZHI DANG 'BRAS BU LA GNAS @161A *, ,PA BZHI ZHES BYA BA GANG ZAG SKYES BU CHEN PO BRGYAD PO YON GNAS SU 'OS PA DAM PA DE DAG NI, BCOM LDAN 'DAS KYIS DGE 'DUN YIN NO ZHES GSUNGS TE, JI SKAD DU, DE LA BRGYA BYIN LHA YI RGYAL, ,DBANG BSGYUR GYIS NI ZHUS PA DANG, ,SROG CHAGS ZHING PA RGYAL 'GYUR ZHING, ,DAD LDAN BSOD NAMS DAG 'DOD PA, ,RDZAS LAS BYUNG BA'I BSOD NAMS NI, ,RTAG TU BYED PA RNAMS KYIS ZHING, ,GANG LA PHUL NA 'BRAS CHE BA, ,BZANG PO RAB TU BSHAD BYA STE, ,RIG DANG ZHABS SU LDAN PA YIS, ,SBYIN GNAS GYUR ZHING DGE 'DUN CHE; ;ZHUGS PA RNAM PA BZHI DANG NI, ,'BRAS LA GNAS PA BZHI RNAMS SO, ,ZHES GSUNGS SO, ,DE'I PHYIR GAL TE 'PHAGS PA'I BDEN PA BZHI DANG, DE DAG YONGS SU SHES PA LA SOGS PA MED NA DE'I TSE BDEN PA MTHONG BA MED PAS 'BRAS BU RNAMS MTHONG BA'I PHYIR ZHUGS PA DANG, 'BRAS BU LA GNAS PA'I GANG ZAG RNAMS MED PAS NA, DGE 'DUN YOD PA MA YIN NO, ,DE LA RTOGS PA'I CHOS KYI CHOS MNGON SUM DU GYUR PA NYID KYIS BDUD THAMS CAD KYIS KYANG, BCOM LDAN 'DAS LAS MI PHYED PAS DGE 'DUN YIN TE, DE YOD PAR MI 'GYUR RO, ,GAL TE 'PHAGS PA'I BDEN PA RNAMS MED PA'I PHYIR, SKYES BU GANG ZAG BRGYAD PO DE DAG NYID MED NA, 'PHAGS PA DAM PA RNAMS KYI CHOS SU GYUR PA DAM PA'I CHOS KYANG YOD PA MA YIN NO, ,DE LA 'GOG PA'I BDEN PA NI 'BRAS BU'I CHOS SO, ,LAM GYI BDEN PA NI 'BRAS BU LA 'JUG PA'I CHOS TE 'DI NI RE ZHIG RTOGS PA'I CHOS YIN NO, ,DE LA GSAL BAR BYED PA BSTAN PA NI, LUNG GI CHOS YIN NA 'PHAGS PA'I BDEN PA RNAMS MED NA NI, 'DI DAG THAMS CAD YOD PA MA YIN NO, ,'PHAGS PA'I BDEN RNAMS MED PA'I PHYIR, DAM PA'I CHOS KYANG YOD MA YIN, ,CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ,GAL TE JI SKAD BSHAD PA'I CHOS YOD NA NI, CHOS DANG RJES SU MTHUN PA'I CHOS KYI NAN TAN GYIS CHOS THAMS CAD RNAM PA THAMS CAD DU MNGON PAR RDZOGS PAR THUGS SU @161B CHUD PA'I PHYIR, SANGS RGYAS YOD DO ZHES BYA BAR RIGS PAR 'GYUR ZHING, GAL TE DGE 'DUN YOD NA NI DE'I TSE DE'I NYE BAR BSTAN PA DE DAG GIS YE SHES KYI TSOGS BSAGS SHING DE LA DBUL BA DANG, RIM GRO DANG SKYABS SU 'GRO BA LA SOGS PA DAG GIS BSOD NAMS KYI TSOGS BSAGS PA NA, RIM GYIS SANGS RGYAS SU 'GYUR RO, ,YANG NA DGE 'DUN MED NA RGYUN DU ZHUGS PA'I 'BRAS BU LA ZHUGS PA LA SOGS PA RNAMS MED DO, ,ZHUGS PA LA SOGS PA RNAMS MA THOB PAR NI SANGS RGYAS NYID THOB PA MA YIN TE, BCOM LDAN 'DAS KYIS KYANG SNGON GDON MI ZA BAR 'BRAS BU 'GA' ZHIG LA ZHUGS PAR 'GYUR RO, ,'BRAS BU DE LA ZHUGS PAS, BCOM LDAN 'DAS DGE 'DUN GYI KHONGS SU GTOGS PA YIN NO, ,DGE 'DUN MED NA NI NGES PAR SANGS RGYAS BCOM LDAN 'DAS YOD PA MA YIN NO, ,YANG NA BCOM LDAN 'DAS KYANG MI SLOB PA'I KHONGS SU GTOGS PA'I DGE 'DUN GYI KHONGS SU 'DU BA NYID YIN NA, DE LTA YIN DANG KHA CIG NA RE, SANGS RGYAS BCOM LDAN 'DAS LA SOGS PA DGE SLONG GI DGE 'DUN ZHES BRJOD PA'I PHYIR, BCOM LDAN 'DAS DGE 'DUN GYI KHONGS SU 'DU BA NYID DO ZHES SMRAS TE, DE DAG GI LUGS LTAR NA, CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ,ZHES BYA BA DE CHOS GSAL BA YIN NO, ,BAR MA 'DON PAR BYED PA DAG NI, GZHI CHEN PO LAS SA'I RNAM PAR GZHAG PA BSTAN PA LAS, BYANG CHUB SEMS DPA' SA DANG PO LA GNAS PA MTHONG BA'I LAM SKYES PA YIN PAR SMRAS PA NA, DGE 'DUN GYI KHONGS SU GTOGS PAR RJOD PAR BYED DO ZHES BYA'O, ,DE LTA NA NI, DGE 'DUN YOD PA MA YIN NA, ,BYANG CHUB SEMS DPA' YANG MED PAS, ,SANGS RGYAS JI LTAR YOD PAR 'GYUR, , ZHES BYA BA 'DI GSAL BA KHO NA YIN NO, ,DE'I PHYIR, DE SKAD STONG PA NYID SMRA NA, ,DKON MCHOG GSUM LA GNOD PA NI, ,BYED CING STE, STONG PA NYID KYI DON DE SKAD SMRA NA, RNYED PAR DKA' BA'I PHYIR DANG, RES 'GA' ZHIG NA 'BYUNG BA'I PHYIR DANG, BSOD NAMS CHUNG BA RNAMS KYIS @162A *, ,DE DANG MI PHRAD PA'I PHYIR DANG, RIN THANG CHE BA'I PHYIR NA, DKON MCHOG GSUM PO SANGS RGYAS DANG CHOS DANG DGE 'DUN ZHES BYA BA DAG LA YANG GNOD PA BYED PA YIN NO, ,GZHAN YANG 'BRAS BU YOD PA DANG, ,CHOS MA YIN PA CHOS NYID DANG, ,'JIG RTEN PA YI THA SNYAD NI, ,KUN LA GNOD PA BYED PA YIN, ,STONG PA NYID SMRA NA ZHES BYA BA DE DANG SBYAR RO, ,GAL TE 'DI DAG THAMS CAD STONG ZHING GANG GI TSE 'DI DAG THAMS CAD MED NA, DE'I TSE THAMS CAD KYI NANG DU 'DUS PA'I PHYIR, CHOS DANG CHOS MA YIN PA GNYIS PO DE DAG GI RGYU CAN 'BRAS BU 'DOD PA DANG, MI 'DOD PA DANG BCAS PA MED PAR 'GYUR LA, 'JIG RTEN PA'I THA SNYAD KYIS SHIG ,'CHOS SHIG ,ZO SHIG ,'DUG SHIG ,SONG SHIG ,SHOG SHIG CES BYA BA DE LTA BU LA SOGS PA 'DI DAG THAMS CAD KYANG THAMS CAD KYI KHONGS SU 'DUS PA'I PHYIR DANG, CHOS THAMS CAD KYANG STONG PA NYID YIN PA'I PHYIR MI RIGS PA NYID DO, ,DE'I PHYIR DE SKAD BSTAN PA'I TSUL 'DI NI MI LEGS SO ZHES 'DZER TO, ,DE LA BSHAD PA KHYOD KYIS NI, ,STONG NYID DGONGS DANG STONG NYID DANG, ,STONG NYID DON NI MA RTOGS PAS, ,DE PHYIR DE LTAR GNOD PA YIN, ,KHYOD NI RANG GI RNAM PAR RTOG PA KHO NAS MED PA NYID NI STONG PA NYID KYI DON YIN NO ZHES DE LTAR DON PHYIN CI LOG TU SGRO BTAGS NAS, ,GAL TE 'DI DAG KUN STONG NA, ,'BYUNG BA MED CING 'JIG PA MED, ,CES BYA BA LA SOGS PAS KLAN KA SMRA ZHING, ,KHO BO CAG LA CHER YID BYUNG BAR GYUR PA NI, SHIN TU GNOD PA YIN TE, YANG DAG PA MA YIN PA'I KUN DU RTOG PA RNAM PA SNA TSOGS PA DAG GIS NYAMS PA YIN NO ZHES BYA BA'I THA TSIG GO , ,KHYOD KYIS YONGS SU BZUNG BA GANG YIN PA 'DI NI KHO BO CAG GIS BSTAN BCOS 'DIR STONG PA NYID KYI DON DU MA SMRAS LA, KHYOD KYIS NI STONG PA NYID KYI DON MA SHES PAS STONG PA NYID KYANG MI SHES SHING, STONG PA NYID KYI DGOS PA GANG YIN PA DE YANG MI SHES PA YIN NO, ,DE'I PHYIR DNGOS PO'I RANG GI NGO BO JI LTAR GNAS PA'I DON MA SHES PAS KHYOD KYIS KHO BO CAG @162B GIS BSHAD PA DANG MA 'BREL ZHING MI RIGS PA RNAM PA MANG PO 'DI SMRAS PA YIN NO, ,DE NAS STONG PA NYID KYI DGOS PA CI ZHE NA, 'DI NI, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES BDAG BRTAG PAR BSHAD ZIN TO, ,DE'I PHYIR SPROS PA MA LUS PA NYE BAR ZHI BAR BYA BA'I PHYIR STONG PA NYID NYE BAR STON PA YIN TE, DE'I PHYIR STONG PA NYID KYI DGOS PA NI SPROS PA THAMS CAD NYE BAR ZHI BA YIN NA, KHYOD KYIS NI STONG PA NYID KYI DON MED PA YIN PAR RTOG CING SPROS PA'I DRA BA KHO NA SPEL BAR BYED PA NA, STONG PA NYID KYI DGOS PA MA RTOGS PA YIN NO, ,DE NAS STONG PA NYID GANG YIN ZHE NA, DE YANG, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES DE NYID DU BSHAD ZIN TO, ,DE'I PHYIR STONG PA NYID SPROS PA THAMS CAD LOG PA'I RANG BZHIN LA MED PA NYID DU GA LA YOD, DE'I PHYIR KHYOD KYIS STONG PA NYID KYANG MI SHES PA YIN NO, ,DON GANG NYE BAR BZUNG NAS STONG PA NYID KYI SGRA 'JUG PA DE YANG, RTEN CING 'BREL BAR 'BYUNG BA GANG, ,DE NYID STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES 'DI NYID DU STON PAR 'GYUR TE, BCOM LDAN 'DAS KYIS KYANG, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD MIN, ,ZHES TSIGS SU BCAD DE GSUNGS PA'I PHYIR RO, ,DE LTAR NA RTEN CING 'BREL PAR 'BYUNG BA'I SGRA'I DON GANG YIN PA DE NYID STONG PA NYID KYI SGRA'I DON YIN GYI DNGOS PO MED PA'I SGRA'I DON GANG YIN PA DE NI STONG PA NYID KYI SGRA'I DON MA YIN NO, ,KHYOD NI DNGOS PO MED PA'I SGRA'I DON STONG PA NYID KYI SGRA'I DON DU SGRO BTAGS NAS, KHO BO CAG LA KLAN KA TSOL BA YIN NO, ,DE'I PHYIR STONG PA NYID KYI SGRA'I DON YANG MI SHES PA YIN NO, ,MI SHES @163A *, ,BZHIN DU KLAN KA TSOL BA NI NGES PAR KHYOD NYID LA GNOD PA YIN NO, ,KHO BO CAG LA JI SKAD SMRAS PA'I KLAN KA TSOL BA DE SU ZHIG CE NA, GANG ZHIG BCOM LDAN 'DAS KYI GSUNG RAB LAS, BSTAN PA BDEN PA GNYIS KYIS RNAM PAR DBYE BA PHYIN CI MA LOG PAR MA SHES PAR GZHUNG TZAM 'BA' ZHIG 'DON PA LHUR LEN PA'O, ,DE'I PHYIR SLOB DPON GYIS GZHAN GYI GSUNG RAB KYI DON LOG PAR RTOG PA BZLOG PAR BYA BA'I PHYIR, RE ZHIG BCOM LDAN 'DAS KYI GSUNG RAB LAS BSTAN PA'I BDEN PA GNYIS KYIS PHYIN CI MA LOG PAR RNAM PAR GZHAG PA'I DBANG DU MDZAD NAS, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES GSUNGS SO, ,'DI NI SANGS RGYAS BCOM LDAN 'DAS RNAMS KYIS CHOS BSTAN PA NI, BDEN PA GNYIS LA BRTEN NAS 'JUG GO , ,BDEN PA GNYIS GANG ZHE NA, 'JIG RTEN KUN RDZOB KYI BDEN PA DANG, ,DON DAM PA'I BDEN PA'O, ,DE LA, 'JIG RTEN PHUNG POR RAB GRAGS PA, ,DE LA 'JIG RTEN NGES PAR BRTEN, ,ZHES 'BYUNG BA LAS NA PHUNG PO LA BRTEN NAS BRTAGS PA'I GANG ZAG LA 'JIG RTEN ZHES BRJOD DO, ,KUN NAS SGRIB PAS NA KUN RDZOB STE, MI SHES PA NI DNGOS PO'I DE KHO NA NYID LA KUN NAS 'GEGS PAR BYED PA'I PHYIR KUN RDZOB CES BYA'O, ,YANG NA PHAN TSUN BRTEN PAS NA KUN RDZOB STE, PHAN TSUN BRTEN PA NYID KYIS NA ZHES BYA BA'I DON TO, ,YANG NA KUN RDZOB NI BRDA STE, 'JIG RTEN GYI THA SNYAD CES BYA BA'I THA TSIG GO , ,DE YANG BRJOD PA DANG, BRJOD BYA DANG, SHES PA DANG SHES BYA LA SOGS PA'I MTSAN NYID CAN NO, ,'JIG RTEN GYI KUN RDZOB NI 'JIG RTEN GYI KUN RDZOB BO ZHES 'JIG RTEN KUN RDZOB CES GANG LAS DE LTAR KHYAD PAR DU BYED PA 'JIG RTEN MA YIN PA'I KUN RDZOB KYANG YOD DAM ZHE NA, 'DI NI DNGOS PO JI LTAR GNAS PA RJES SU BRJOD PA YIN GYI, 'DIR DPYAD PA DE MI 'JUG GO , ,RNAM PA GCIG TU NA, RAB RIB DANG LING TOG SNGON PO DANG, MIG @163B SER LA SOGS PAS DBANG PO NYAMS PAS MTHONG BA PHYIN CI LOG LA GNAS PA DE DAG NI 'JIG RTEN MA YIN TE, DE DAG GI KUN RDZOB GANG YIN PA DE NI, 'JIG RTEN KUN RDZOB BDEN PA MA YIN PAS, ,'JIG RTEN KUN RDZOB BDEN PA DANG, ,ZHES DE LAS KHYAD PAR DU BYAS SO, ,'DI YANG DBU MA LA 'JUG PA LAS RGYAS PAR BSHAD PAS DE LAS KHONG DU CHUD PAR BYA'O, ,'JIG RTEN GYI KUN RDZOB TU BDEN PA NI, ,'JIG RTEN KUN RDZOB BDEN PA STE, ,BRJOD BYA DANG, RJOD BYED DANG, SHES PA DANG, SHES BYA LA SOGS PA'I THA SNYAD MA LUS PA 'DI DAG THAMS CAD NI, 'JIG RTEN GYI KUN RDZOB KYI BDEN PA ZHES BYA'O, ,DON DAM PA LA NI 'DI DAG YOD PA MA YIN TE, DER NI BRJOD PAR BYA BA BZLOG PA STE, SEMS KYI SPYOD YUL BZLOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS PA YIN PA DE'I PHYIR DON DAM PA DE LA TSIG GAM SHES PA 'JUG PA GA LA YOD, ,DON DAM PA DE NI GZHAN LAS SHES PA MA YIN ZHING ZHI BA DANG, 'PHAGS PA RNAMS KYIS SO SO RANG GIS RIG PAR BYA BA DANG, SPROS PA THAMS CAD LAS 'DAS PA YIN GYI, DE NI BSTAN PAR BYA BA MA YIN ZHING, SHES PA YANG MA YIN TE, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES SNGAR BSHAD ZIN TO, ,DON YANG DE YIN LA DAM PA YANG DE YIN PAS NA DON DAM PA'O, ,DE NYID BDEN PA YIN PAS DON DAM PA'I BDEN PA'O, ,BDEN PA 'DI GNYIS KYI RNAM PAR DBYE BA NI, RGYAS PAR DBU MA LA 'JUG PA LAS SHES PAR BYA'O, ,SANGS RGYAS BCOM LDAN 'DAS RNAMS KYIS CHOS BSTAN PA NI, ,BDEN PA GNYIS PO 'DI LA BRTEN NAS 'JUG PA YIN NO, ,BSTAN PA'I TSUL DE LTAR RNAM PAR GNAS PA YIN DANG, GANG DAG BDEN PA GNYIS KYIS NI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I 'DI NYID RNAM MI SHES, ,ZHES BYA'O, ,'DIR SMRAS PA, GAL TE DON DAM PA SPROS PA DANG BRAL BA'I RANG BZHIN @164A *, ,YIN NA, 'O NA DE NYID YIN LA RAG MOD, PHUNG PO DANG, KHAMS DANG, SKYE MCHED DANG, 'PHAGS PA'I BDEN PA DANG, RTEN CING 'BREL BAR 'BYUNG BA LA SOGS PA STON PA DON DAM PA MA YIN PA GZHAN 'DIS CI ZHIG DGOS, DE NYID MA YIN PA NI YONGS SU SPANG BAR BYA BA YIN NA, GANG YONGS SU SPANG BAR BYA BA YIN PA BSTAN PA DES CI ZHIG BYA, BRJOD PAR BYA STE, DE NI DE LTAR BDEN MOD KYI, 'ON KYANG BRJOD PAR BYA BA DANG, RJOD PAR BYED PA DANG, SHES PA DANG, SHES BYA LA SOGS PA'I MTSAN NYID CAN 'JIG RTEN PA'I DON DAM PA KHAS MA BLANGS PAR DON DAM PA BSTAN PAR MI NUS LA, MA BSTAN NA YANG RTOGS PAR MI NUS SHING, DON DAM PA MA RTOGS PAR YANG MYA NGAN LAS 'DAS PA'I GRONG KHYER DU PHYIN PAR MI NUS SO ZHES BSTAN PA'I PHYIR, THA SNYAD LA NI MA BRTEN PAR, ,DAM PA'I DON NI BSTAN MI NUS, ,DAM PA'I DON NI MA RTOGS PAR, ,MYA NGAN 'DAS PA 'THOB MI 'GYUR, ,ZHES GSUNGS TE, DE'I PHYIR MYA NGAN LAS 'DAS PA THOB PA'I THABS YIN PA'I PHYIR, CHU 'DOD PAS SNOD LTAR THOG MAR GDON MI ZA BAR KUN RDZOB JI LTAR GNAS PA KHAS BLANG BAR BYA'O, , DE'I PHYIR DE LTAR, GANG ZHIG KUN RDZOB DANG, DON DAM PA'I BDEN PA'I MTSAN NYID CAN BDEN PA GNYIS KYIS RNAM PAR GZHAG PA MA BYAS PAR STONG PA NYID SMRA BAR BYED PA'I GANG ZAG RNAM PA DE LTA BU NI, STONG PA NYID LA LTA NYES NA, ,SHES RAB CHUNG RNAMS PHUNG BAR BYED, ,JI LTAR SBRUL LA BZUNG NYES DANG, ,RIG SNGAGS NYES PAR BSGRUB PA BZHIN, ,RNAL 'BYOR PA KUN RDZOB KYI BDEN PA MI SHES PA TZAM GYIS BSKYED PA RANG BZHIN MED PAR RTOGS NAS DE'I STONG PA NYID DO, ,DON DAM PA'I MTSAN NYID RTOGS PA NI MTHA' GNYIS SU LHUNG BAR MI 'GYUR TE, GANG ZHIG DA LTA MED PAR GYUR PA DE'I TSE NA, CI ZHIG YOD PAR 'GYUR ZHES DE LTAR SNGAR DNGOS PO'I RANG BZHIN MA DMIGS PAS PHYIS KYANG MED PA NYID DU MI RTOGS LA, 'JIG RTEN GYI KUN RDZOB GZUGS BRNYAN DANG 'DRA BA LA GNOD PA MA BYAS PAS, LAS DANG LAS KYI @164B 'BRAS BU DANG CHOS DANG CHOS MA YIN PA LA YANG GNOD PA LA MA YIN NO, ,DON DAM PA DNGOS PO NYID DU SGRO 'DOGS PAR BYED PA YANG MA YIN TE, DNGOS PO RANG BZHIN DANG BCAS PA MA YIN PA RNAMS KHO NA LA LAS KYI 'BRAS BU LA SOGS PA MTHONG BA'I PHYIR DANG, DNGOS PO RANG BZHIN DANG BCAS PA YOD PA MA YIN PA'I PHYIR DANG, DNGOS PO RANG BZHIN DANG BCAS PAR SMRA BA RNAMS KYI LTAR YANG, LAS DANG LAS KYI 'BRAS BU MA MTHONG BA DANG, RTEN CING 'BREL BAR 'BYUNG BA LA SOGS PA THAMS CAD MA MTHONG BA'I PHYIR RO, ,GANG GIS DE LTAR BDEN PA GNYIS KYI RNAM BAR DBYE BA MA MTHONG BAR 'DU BYED RNAMS STONG PA NYID DU MTHONG BA DES NI STONG PA NYID MTHONG BAS 'DU BYED RNAMS YOD PA MA YIN PA NYID DU RTOG PAR BYED LA, YANG NA STONG PA NYID 'GA' ZHIG DNGOS POR BRTAGS NAS, DE'I RTEN GYI CHED DU DNGOS PO'I RANG BZHIN YANG RTOG PAR BYED DE, DE NI GNYI GA LTAR YANG STONG PA NYID LA LTA NYES PAS NGES PAR PHUNG BAR BYED PA YIN NO, ,JI LTAR ZHE NA, RE ZHIG ,GAL TE THAMS CAD STONG PA STE, ,THAMS CAD YOD PA MA YIN NO, ,ZHES RTOG NA NI DE'I TSE, 'DI LOG PAR LTA BAR 'GYUR TE, JI SKAD DU, CHOS 'DI LOG PAR BZUNG GYUR NA, ,MI MKHAS RNAMS NI CHUD KYANG ZA, ,'DI LTAR MED PAR LTA BA YI, ,MI GTZANG DER NI BYING BAR 'GYUR, ,ZHES BSHAD DO, ,CI STE YANG THAMS CAD LA SKUR PA 'DEBS PAR MI 'DOD NA NI DE'I TSE, JI LTAR DNGOS PO 'DI NGAG DMIGS SU ZIN KYANG STONG PA NYID DU JI LTAR 'GYUR TE, DE'I PHYIR RANG BZHIN MED PA'I DON NI STONG PA NYID KYI DON MA YIN NO ZHES 'DI NGES PAR STONG PA NYID SPONG BAR 'GYUR TE, DE LTAR SPANGS NAS CHOS KYIS PHONGS PAR 'GYUR BA'I LAS KYIS NGES PAR NGAN 'GROR 'GRO BAR 'GYUR RO, ,JI SKAD DU RIN PO CHE'I PHRENG BA LAS, GZHAN YANG 'DI NI LOG BZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNG BDAG NYID CAN, ,MNAR MED PAR NI SPYI TSUGS 'GRO, ,ZHES BSHAD DO, ,DE LTAR NA RE ZHIG STONG PA NYID LA DNGOS PO MED PAR BZUNG BAS NA, 'DZIN PA PO PHUNG BAR BYED PA YIN @165A *, ,NO; ;CI STE BCOM LDAN 'DAS RNAMS KYI STONG PA NYID DANG, DE'I RTEN 'DU BYED RNAMS YOD PA NYID DU RTOG PAR BYED PA DE LTA NA YANG MYA NGAN LAS 'DAS PAR 'GRO BA'I LAM LA LOG PAR ZHUGS PA'I PHYIR, STONG PA NYID BSTAN PA 'BRAS BU MED PA NYID DU 'GYUR RO; ;DE'I PHYIR DE LTAR NA STONG PA NYID DNGOS PO'I NGO BOR GZUNG BA NA YANG 'DZIN PA PO PHUNG BAR BYED DO, ,GAL TE PHAN 'DOGS PA GANG YIN PA DE RNAM PA GZHAN DU GZUNG NA, PHAN 'DOGS PAR MA GYUR MOD, GNOD PAR BYED PAR NI JI LTAR 'GYUR TE, 'BRU DAG GO RIMS LAS NYAMS PAR BTAB PA NA, 'DEBS PA PO BRLAG PAR BYED PA NI MA YIN NO ZHE NA, DE'I PHYIR SLOB DPON GYIS BRJOD PAR BZHED PA'I DON STON PA'I DPE GSUNGS PA NI, JI LTAR SBRUL LA BZUNG NYES DANG, ,RIG SNGAGS NYES PAR BSGRUBS PA BZHIN, ,ZHES BYA BA STE, JI LTAR SBRUL SMAN DANG SNGAGS KYI STOBS KYIS MAN NGAG JI LTA BA BZHIN BZUNG NA NOR GYI PHUNG PO CHEN PO 'GUGS PAR BYED LA, JI LTAR NYE BAR BSTAN PA BOR NAS 'DZIN NA NI 'DZIN PA PO NYID PHUNG BAR BYED PA YIN NO, ,YANG JI LTAR MAN NGAG JI LTA BA BZHIN RAB TU BSGRUBS BA'I RIG SNGAGS KYIS NI SGRUB PA PO LA PHAN 'DOGS PAR BYED LA, MAN NGAG LAS NYAMS PAR BSGRUBS NA NI SGRUB PA PO NYID BRLAG PAR BYED PA YIN NO, ,DE BZHIN DU 'DIR YANG NYE BAR BSTAN PA JI LTA BA BZHIN DU STONG PA NYID BZUNG NA NI, 'DZIN PA PO MYA NGAN LAS 'DAS PA'I BDE BA MCHOG LA SBYOR BAR BYED LA, JI LTAR NYE BAR BSTAN PAR SPANGS NAS BZUNG NA NI, NGES PAR JI SKAD BSHAD PA'I TSUL GYIS 'DZIN PA PO NYID PHUNG BAR BYED PA YIN NO, ,GANG GI PHYIR DE LTAR STONG PA NYID LA BZUNG NYES PAS 'DZIN PA PO PHUNG BAR BYED LA, SHES RAB ZHAN PA DAG GIS KYANG YANG DAG PAR 'DZIN PAR MI NUS PA, DE PHYIR ZHAN PAS CHOS 'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ,GANG GI PHYIR PHYIN CI LOG TU BZUNG BAS, ,STONG @165B PA NYID KYI MTSAN NYID KYI CHOS 'DIS SHES RAB CHUNG BA STE, SEMS CAN SPOBS PA CHUNG BA PHUNG BAR BYED PA DE NYID KYI PHYIR, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS, SEMS CAN THAMS CAD KYI KHAMS DANG CHOS SHIN TU ZAB PA LA GZIGS TE, ZHAN PA DAG GIS CHOS 'DI'I DON RTOGS PAR DKA' BAR MKHYEN PAR GYUR NAS THUB PA BCOM LDAN 'DAS KYI THUGS CHOS STON PA LAS LOG PAR GYUR PA YIN NO, ,JI SKAD DU, MDO LAS, DE NAS BCOM LDAN 'DAS MNGON PAR RDZOGS PAR SANGS RGYAS NAS RING POR MA LON PAR 'DI SNYAM DU DGONGS TE, NGAS CHOS ZAB MO ZAB PAR SNANG BA BRTAG PAR BYA BA MA YIN ZHING, RTOG GE'I SPYOD YUL MA YIN PA, ZHIB MO MKHAS SHING MDZANGS PAR RIG PAR BYA BA THUGS SU CHUD DE, DE GAL TE NGAS GZHAN DAG LA BSTAN NA, GZHAN GYIS NGA'I DE RTOGS PAR MI 'GYUR, DES NGA LA GNOD PAR 'GYUR ZHING ZHUM PAR 'GYUR, THUGS MI SPRO BAR 'GYUR BAS GANG BDAG NYID GCIG PU DGON PA RAB TU DBEN PA MTHONG BA'I CHOS LA, BDE BA LA REG PAR GNAS PAR RAB TU THOB PAS GNAS PAR BYA'O ZHES BYA BA RGYAS PAR GSUNGS PA LTA BU'O, ,DE'I PHYIR DE LTAR BDEN PA GNYIS PHYIN CI MA LOG PAR RNAM PAR GNAS PA MA SHES PAR, SKYON DU THAL BAR 'GYUR BA NI, ,STONG LA 'THAD PA MA YIN PAS, ,KHYED NI STONG NYID SPONG BYED PA, ,GANG DE NGA LA MI 'THAD DO, ,GANG GI PHYIR KHYOD KYIS KHO BO CAG LA GAL TE 'DI DAG KUN STONG LA, ,'BYUNG BA MED CING 'JIG PA MED, ,CES BYA BA LA SOGS PAS SKYON CHEN POR THAL BAR NYE BAR BKOD PA GANG YIN PA DE NI, BDEN PA GNYIS KYI RNAM PAR GZHAG PA MNGON PAR MA SHES PAS, STONG PA NYID DANG, STONG PA NYID KYI DON DANG, STONG PA NYID KYI DGOS PA JI LTA BA BZHIN KHONG DU MA CHUD PAS BKOD PA YIN PAS, KHO BO CAG GI STONG PA LA STE, STONG PA NYID DU SMRA BA LA DE'I 'THAD PA MA YIN NO, ,GANG GI PHYIR MI 'THAD PA DE'I PHYIR KHYOD STONG PA NYID LA NYE BAR THAL BAR BRJOD CING, STONG PA NYID SPONG BAR BYED PA STE, 'DOR @166A *, ,ZHING SEL LA ZLOG PAR BYED PA GANG YIN PA'I SPONG BA DE NGED CAG LA MI 'THAD DO, ,'DI LTAR KHYED KYIS NI DNGOS PO MED PA'I DON STONG PA NYID KYI DON DU SGRO BTAGS NAS THAL BA BRJOD PA YIN NA, KHO BO CAG NI STONG PA NYID KYI DON DNGOS PO MED PA'I DON DU MI 'CHAD CING, 'O NA CI ZHE NA, RTEN CING 'BREL PAR 'BYUNG BA'I DON TO, ,DE'I PHYIR STONG PA NYID DU LTA BA LA SUN 'BYIN PA 'DI MI RIGS SO, ,KHO BO CAG GI PHYOGS LA JI SKAD SMRAS PA'I SKYON DU THAL BA MI 'JUG PA 'BA' ZHIG TU MA ZAD KYI, 'ON KYANG BDEN PA LA SOGS PA RNAM PAR GZHAG PA THAMS CAD CHES SHIN TU 'THAD PA YIN NO ZHES BSTAN PA'I PHYIR GSUNGS PA, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,GANG LA STONG NYID MI RUNG BA, ,DE LA THAMS CAD MI RUNG 'GYUR, ,GANG LA DNGOS PO THAMS CAD RANG BZHIN GYIS STONG PA NYID 'DI RUNG BA DE LA JI SKAD SMRAS PA DE DAG THAMS CAD RUNG BAR 'GYUR RO, ,JI LTAR ZHE NA, GANG GI PHYIR KHO BO CAG NI RTEN CING 'BREL PAR 'BYUNG BA LA STONG PA NYID CES SMRA STE, DE'I PHYIR, GANG LA STONG PA NYID 'DI RUNG BA DE LA RTEN CING 'BREL PAR 'BYUNG BA RUNG LA, GANG LA RTEN CING 'BREL PAR 'BYUNG BA RUNG BA DE LA 'PHAGS PA'I BDEN PA BZHI RNAMS RUNG BAR 'GYUR RO, ,JI LTAR ZHE NA, GANG GI PHYIR RTEN CING 'BREL PAR 'BYUNG BA NYID SDUG BSNGAL DU 'GYUR GYI, RTEN CING 'BREL PAR MI 'BYUNG BA NI MA YIN NO, ,DE NI RANG BZHIN MED PAS STONG PAR 'GYUR RO; ;SDUG BSNGAL YOD NA NI SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM RUNG BAR 'GYUR RO, ,DE'I PHYIR SDUG BSNGAL YONGS SU SHES PA DANG, KUN 'BYUNG SPANG BA DANG, 'GOG PA MNGON DU BYA BA DANG, LAM BSGOM PAR YANG RUNG NGO, ,SDUG BSNGAL LA SOGS PA'I BDEN PA YONGS SU SHES PA LA SOGS PA YOD NA NI 'BRAS BU RNAMS RUNG BAR 'GYUR RO, ,'BRAS BU RNAMS YOD NA 'BRAS BU LA GNAS PA DAG RUNG NGO, ,'BRAS BU LA GNAS PA DAG YOD NA NI @166B ZHUGS PA DAG KYANG RUNG BAR 'GYUR RO, ,'BRAS BU LA GNAS PA DANG ZHUGS PA DAG YOD NA NI DGE 'DUN RUNG NGO, ,'PHAGS PA'I BDEN PA RNAMS YOD NA, DAM PA'I CHOS KYANG RUNG BAR 'GYUR RO, ,DAM PA'I CHOS DANG DGE 'DUN YOD NA NI SANGS RGYAS KYANG RUNG BAR 'GYUR RO,, DE'I PHYIR DKON MCHOG GSUM YANG RUNG BAR 'GYUR RO, ,'JIG RTEN PA DANG 'JIG RTEN LAS 'DAS PA'I CHOS THAMS CAD KHYAD PAR DU RTOGS PA THAMS CAD KYANG RUNG LA, CHOS DANG CHOS MA YIN PA DAG DANG, DE'I 'BRAS BU DANG, 'JIG RTEN PA'I THA SNYAD DAG KYANG RUNG BAR 'GYUR RO; ;DE'I PHYIR DE LTAR NA, GANG LA STONG PA NYID RUNG BA DE LA THAMS CAD RUNG BAR 'GYUR RO, ,GANG LA STONG PA NYID MI RUNG BA DE LA NI RTEN CING 'BREL PAR 'BYUNG BA NYID MED PAS, THAMS CAD MI RUNG BAR 'GYUR RO, ,JI LTAR MI RUNG BA DE LTAR NI RGYAS PAR STON PAR 'GYUR RO; ;DE'I PHYIR DE LTAR KHO BO CAG GI PHYOGS CHOS YONGS SU DAG CING, RNAM PAR GZHAG PA THAMS CAD DANG MI 'GAL BAR RNAM PAR GNAS PA YIN PA DANG, RANG GI PHYOGS RAGS PA SHIN TU NYES PA'I SKYON DANG BRAL BAR DE DAG DANG 'GAL BA LA SHIN TU BLUN PAS, YON TAN DANG SKYON JI LTAR GNAS PA DAG MA MTHONG BA, KHYOD NI RANG GI SKYON RNAMS NI, ,NGA LA YONGS SU SGYUR BYED PA, ,RTA LA MNGON PAR ZHON BZHIN DU, ,RTA NYID BRJED PAR GYUR PA BZHIN, ,JI LTAR 'GA' ZHIG RTA GANG LA ZHON PA DE NYID BRJED NAS DE PHROGS PA'I NYES PAS GZHAN LA KLAN KA TSOL BA DE BZHIN DU, KHYOD KYANG STONG PA NYID RTEN CING 'BREL PAR 'BYUNG BA'I MTSAN NYID CAN GYI RTA LA ZHON PA KHO NA YIN BZHIN DU, SHIN TU RNAM PAR G-YENGS PAS DE MA DMIGS PAS KHO BO CAG LA YONGS SU RTZOD PA YIN NO, ,GANG DAG MI DMIGS PAS STONG PA NYID DU SMRAS PA KHO NA LA KLAN KA TSOL BA, GZHAN GYI SKYON DE DAG KYANG GANG ZHE NA, DE DAG RGYAS PAR BSTAN PA'I PHYIR, ,GAL TE DNGOS RNAMS RANG BZHIN LA, ,YOD PAR RJES SU LTA BYED NA, ,DE LTA YOD NA DNGOS PO RNAMS, ,RGYU RKYEN MED PAR KHYOD LTA'O, ,ZHES GSUNGS TE, GAL TE KHYOD @167A *, ,DNGOS PO RNAMS RANG BZHIN GYIS YOD PAR LTA BAR BYED NA, DE'I TSE RANG BZHIN NI RGYU DANG RKYEN LA MI LTOS PA'I PHYIR, DNGOS PO RNAMS RGYU RKYEN MED PA STE, RGYU DANG RKYEN YOD PA MA YIN ZHING, RGYU MED PAR KHYOD LTA BA MA YIN NO, ,RGYU MED PAR LTA BA KHAS LEN PA MA YIN NA YANG, 'BRAS BU DANG NI RGYU NYID DANG, ,BYED PA PO DANG BYED DANG BYA, ,SKYE BA DANG NI 'GAG PA DANG, ,'BRAS BU LA YANG GNOD PA BYED PA YIN NO, ,JI LTAR ZHE NA, GAL TE BUM PA RANG BZHIN GYIS YOD DO ZHES RTOGS NA NI, DE'I TSE RANG BZHIN GYIS YOD PA DE LA 'JIM PA LA SOGS PA RGYU DANG RKYEN DAG GIS CI DGOS TE, DE'I PHYIR DE DAG MED LA, BUM PA ZHES BYA BA'I 'BRAS BU RGYU MED PA YANG 'THAD PA MA YIN NO, ,DE MED NA NI BYED PA PO RDZA MKHAN DANG, BYED PA PO 'KHOR LO LA SOGS PA DANG, BUM PA BYED PA'I BYA BA YANG MED DO, ,DE DAG MED PAS SKYE BA DANG 'GAG PA DAG KYANG MED LA, SKYE BA DANG 'GAG PA DAG YOD PA MA YIN NA, 'BRAS BU YANG YOD PAR GA LA 'GYUR, DE'I PHYIR DNGOS PO RANG BZHIN DANG BCAS PAR KHAS LEN NA, 'BRAS BU LA SOGS PA DE DAG THAMS CAD LA GNOD PA BYED PA YIN NO, ,DE'I PHYIR DE LTAR DNGOS PO RANG BZHIN DANG BCAS PAR KHAS LEN NA, KHYOD LA THAMS CAD MI RUNG BA YIN NO, ,KHO BO CAG STONG PA NYID DU SMRAS PA RNAMS LA 'DI DAG THAMS CAD 'THAD PA MA YIN NO, ,CI'I PHYIR ZHE NA, 'DI LTAR KHO BO CAG GIS NI, ,RTEN CING 'BREL PAR 'BYUNG BA GANG, , DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,RTEN CING 'BREL PAR 'BYUNG BA STE, ,RGYU DANG RKYEN DAG LA LTOS NAS, ,MYU GU DANG RNAM PAR SHES PA LA SOGS PA RNAMS 'BYUNG BA GANG YIN PA DE NI, RANG BZHIN GYIS MA SKYES PA YIN NA; GANG RANG BZHIN GYIS MA SKYES PA DE NI STONG PA NYID YIN TE, JI SKAD DU, BCOM LDAN 'DAS KYIS, GANG ZHIG RKYEN LAS SKYES PA DE MA SKYES, ,DE LAS SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE @167B BAG YOD YIN, ,ZHES GSUNGS PA DANG, JI SKAD DU 'PHAGS PA LANG KAR GSHEGS PA LAS, BLO GROS CHEN PO RANG BZHIN GYIS MA SKYES PA LA DGONGS NAS, NGAS CHOS THAMS CAD SKYE BA MED PAR GSUNGS SO ZHES RGYAS PAR GSUNGS PA DANG, DE BZHIN DU 'PHAGS PA BRGYA LNGA BCU PA LAS KYANG, CHOS THAMS CAD STONG PA STE RANG BZHIN MED PA'I TSUL GYIS SO ZHES GSUNGS PA LTA BU'O, ,STONG PA NYID GANG YIN PA DE NI BRTEN NAS GDAGS PA STE, STONG PA NYID DE NYID NI BRTEN NAS GDAGS PA ZHES BYA BAR RNAM PAR GZHAG GO, ,'KHOR LO LA SOGS PA SHING RTA'I YAN LAG LA BRTEN NAS SHING RTAR 'DOGS LA, DE'I RANG GI YAN LAG LA BRTEN NAS BTAGS PA GANG YIN PA DE NI, RANG BZHIN GYIS MA SKYES PA YIN LA, GANG RANG BZHIN GYIS MA SKYES PA DE NI STONG PA NYID YIN ZHING, RANG BZHIN GYIS MA SKYES PA'I MTSAN NYID CAN GYI STONG PA NYID DE NYID NI DBU MA'I LAM YIN ZHES BYA BAR RNAM PAR GZHAG STE, 'DI LTAR GANG ZHIG RANG BZHIN GYIS MA SKYES PA DE LA NI, YOD PA NYID MED LA, RANG BZHIN GYIS MA SKYES PA LA 'JIG PA MED PAS MED PA NYID MED PA DE'I PHYIR, YOD PA DANG MED PA'I MTHA' GNYIS DANG BRAL BA DE'I PHYIR, RANG BZHIN GYIS MA SKYES PA'I MTSAN NYID CAN GYI STONG PA NYID DE NYID NI DBU MA'I LAM STE, DBU MA'I SHUL ZHES BYA'O, ,DE'I PHYIR DE LTAR NA STONG PA NYID DANG, BRTEN NAS GDAGS PA DANG, DBU MA'I LAM ZHES BYA BA 'DI DAG NI RTEN CING 'BREL PAR 'BYUNG BA NYID KYI MING GI BYE BRAG YIN NO, ,RNAM PAR DPYAD NA NI RNAM PA THAMS CAD DU, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN LA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,GANG ZHIG RTEN CING 'BREL PAR 'BYUNG BA MA YIN PA'I CHOS DE NI YOD PA MA YIN TE, JI SKAD DU BRGYA PA LAS, GANG ZHIG GANG NA NAM GYI TSE 'ANG, ,MA BRTEN PAR NI YOD NYID MED, ,DES NA NAM YANG 'GA' ZHIG TU, ,RTAG PA 'GA' YANG YOD MA YIN, ,NAM MKHA' LA SOGS RTAG GO ZHES, ,SO SO'I SKYE BO @168A *, ,DAG GIS RTOGS, ,MKHAS PA RNAMS KYIS DE DAG LA, ,'JIG RTEN PAS KYANG DON MA MTHONG, ,ZHES BSHAD DO, ,BCOM LDAN 'DAS KYIS KYANG, MKHAS PAS RTEN 'BYUNG CHOS RNAMS RTOGS 'GYUR TE, ,MTHAR LTA BA LA BRTEN PAR YOD MI BYED, ,RGYU DANG BCAS SHING RKYEN BCAS CHOS SHES KYI, ,RGYU MED RKYEN MED CHOS NYID YOD MA YIN, ,ZHES GSUNGS SO, ,DE LTAR RTEN CING 'BREL PAR 'BYUNG BA MA YIN PA'I CHOS 'GA' YANG YOD PA MA YIN LA RTEN CING 'BREL PAR 'BYUNG BA YANG STONG PA YIN PA DE'I PHYIR STONG BA MA YIN PA'I CHOS 'GA' YANG YOD PA MA YIN NO, ,GANG GI PHYIR 'DI DE LTAR YIN PA DE'I PHYIR, KHO BO CAG GI LTAR NA CHOS THAMS CAD STONG PA YIN ZHING, GZHAN GYIS SMRAS PA'I SKYON DU THAL BAR 'GYUR BA YANG MA YIN NO, ,DNGOS PO RANG BZHIN DANG BCAS PAR SMRA BA KHYOD KYI LTAR NA NI, GAL TE 'DI KUN MI STONG NA, 'BYUNG BA MED CING 'JIG PA MED PA YIN NO, ,'BYUNG BA DANG 'JIG PA MED NA DE'I TSE NGES PAR, 'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR RO, ,CI'I PHYIR ZHE NA, GANG GI PHYIR, RTEN CING 'BREL 'BYUNG MA YIN NA, ,SDUG BSNGAL YOD PAR GA LA 'GYUR, ,MI RTAG SDUG BSNGAL GSUNGS PA DE, ,RANG BZHIN NYID LA YOD MA YIN, ,GANG ZHIG RANG BZHIN DANG BCAS PA DE NI BRTEN NAS 'BYUNG BA MA YIN ZHING, GANG ZHIG RTEN CING 'BREL PAR 'BYUNG BA MA YIN PA DE NI MI RTAG PA MA YIN TE NAM MKHA'I ME TOG NI MI RTAG PA MA YIN NO, ,SDUG BSNGAL YANG MI RTAG PA YIN PAR NI, GANG MI RTAG PA DE NI SDUG BSNGAL LO ZHES BCOM LDAN 'DAS KYIS GSUNGS SO, ,DE BZHIN DU BRGYA PA LAS KYANG, MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR GANG ZHIG MI RTAG PA, ,DE NI THAMS CAD SDUG BSNGAL 'GYUR, ,ZHES BSHAD DO, ,MI RTAG PA DE YANG RANG BZHIN NYID LA STE, RANG BZHIN DANG BCAS PA NYID DU KHAS LEN NA DNGOS PO RNAMS LA YOD PA MA YIN NO, ,DE LTAR NA RE ZHIG DNGOS PO RNAMS RANG BZHIN DANG BCAS PA NYID YIN NA, @168B SDUG BSNGAL MI RUNG BA YIN NO, ,SDUG BSNGAL NYID MI RUNG BA 'BA' ZHIG TU MA ZAD KYI, RANG BZHIN DANG BCAS PAR KHAS BLANGS NA, KUN 'BYUNG BA YANG MI RUNG NGO ZHES BSTAN PA'I PHYIR, RANG BZHIN LAS NI YOD YIN NA, CI ZHIG KUN DU 'BYUNG BAR 'GYUR, ,DE PHYIR STONG NYID GNOD BYED LA, ,KUN 'BYUNG YOD PA MA YIN NO, ,ZHES GSUNGS TE, 'DIR 'DI LAS SDUG BSNGAL KUN 'BYUNG BAS NA, SDUG BSNGAL GYI RGYU LAS KUN 'BYUNG ZHES BYA'O, ,DE'I PHYIR SDUG BSNGAL STONG PA NYID LA GNOD PA BYED CING, SDUG BSNGAL RANG BZHIN DANG BCAS PAR KHAS LEN PA DE'I LTAR NA, DE YANG SKYE BA DON MED PA'I PHYIR, DE'I RGYU RTOG PA DON MED PA NYID DO, ,DE LTAR NA STONG PA NYID LA GNOD PA BYED PA KHYOD LA KUN 'BYUNG YANG MI RUNG NGO, ,SDUG BSNGAL RANG BZHIN GYIS YOD PA NYID DU KHAS LEN PA LA, SDUG BSNGAL 'GOG PA YANG MI RUNG NGO ZHES BSTAN PA'I PHYIR, SDUG BSNGAL RANG BZHIN GYIS YOD LA, ,'GOG PA YOD PA MA YIN NO, ,RANG BZHIN NYID NI YONGS GNAS PHYIR, ,'GOG LA GNOD PA BYED PA YIN, ,ZHES GSUNGS TE, GAL TE SDUG BSNGAL RANG BZHIN GYIS YOD NA, DE'I TSE RANG BZHIN LA LDOG PA MED PA'I PHYIR 'GOG PA GA LA YOD, DE LTAR NA RANG BZHIN YONGS SU GNAS PA'I PHYIR, RANG BZHIN YONGS SU BZUNG NAS PHYIR LDOG PAR BYED PA NI, SDUG BSNGAL 'GOG PA LA YANG GNOD PAR BYED PA YIN NO, ,DA NI DNGOS PO RANG BZHIN DANG BCAS PAR SMRA BA LA, 'PHAGS PA'I LAM YANG JI LTAR MI 'THAD PA DE LTAR BSTAN PA'I PHYIR, LAM LA RANG BZHIN YOD NA NI, ,SGOM PA 'THAD PAR MI 'GYUR RO, ,CI STE LAM DE BSGOM BYA NA, ,KHYED KYI RANG BZHIN YOD MA YIN, ,GAL TE DNGOS PO RNAMS RANG BZHIN YOD PAR GYUR NA NI, DE'I TSE LAM YANG RANG BZHIN DANG BCAS PA NYID YIN PA'I PHYIR MA BSGOMS PA NYID DU DE YOD PAS, DE LA YANG BSGOMS PAS CI ZHIG BYA, DE LTAR NA RANG BZHIN YOD NA LAM SGOM PA MI 'THAD DO, ,CI STE KHYOD LAM DE SGOM PAR KHAS LEN NA, DE LTAR NA 'O NA KHYOD KYI 'PHAGS PA'I LAM RANG BZHIN DANG @169A *, ,BCAS PA NYID DU MI 'GYUR TE, BYA BA YIN PA NYID KYI PHYIR RO SNYAM DU DGONGS PA YIN NO, ,GZHAN YANG SDUG BSNGAL 'GOG PA THOB PAR BYA BA'I PHYIR DANG, KUN 'BYUNG BA SPANG BAR BYA BA'I PHYIR LAM SGOM PAR 'DOD PA ZHIG NA, DNGOS PO RANG BZHIN DANG BCAS PAR SMRA BA LTAR NA NI, SNGAR BSHAD PA'I TSUL GYIS, GANG TSE SDUG BSNGAL KUN 'BYUNG DANG, ,'GOG PA YOD PA MA YIN NA, ,LAM GYI SDUG BSNGAL 'GOG PA NI, ,GANG ZHIG 'THOB PAR 'GYUR BAR 'DOD, ,LAM BSGOMS PAS 'GOG PA GANG ZHIG 'THOB PAR 'GYUR BA SDUG BSNGAL 'GOG PA DE NI YOD PA MA YIN NO, ,DE'I PHYIR DE LTAR NA, 'PHAGS PA'I LAM YANG MI 'THAD DO, ,DE LTAR NA DNGOS PO RANG BZHIN DANG BCAS PAR SMRA BA LA 'PHAGS PA'I BDEN PA BZHI PO RNAMS MED PAR 'GYUR RO, ,DA NI GZHAN LA SDUG BSNGAL LA SOGS PA SHES PA LA SOGS PA YANG JI SKAD MI SRID PA DE LTAR BSTAN PA'I PHYIR, ,GAL TE RANG BZHIN NYID KYIS NI, ,YONGS SU SHES PA MA YIN NA, ,DE NI JI LTAR YONGS SHES 'GYUR, ,RANG BZHIN GNAS PA MA YIN NAM, ,ZHES GSUNGS TE, GAL TE SDUG BSNGAL SNGAR YONGS SU MA SHES PA'I RANG BZHIN DU GYUR PA LAS, DE PHYIS YONGS SU SHES PA YIN NO ZHES RTOGS NA, DE NI MI RIGS SO, ,CI'I PHYIR ZHE NA, 'DI LTAR RANG BZHIN GNAS PA MA YIN NAM STE, RANG BZHIN GANG YIN PA DE NI, 'JIG RTEN NA YANG DAG PAR GNAS SHING ME'I TSA BA LTAR GZHAN DU MI 'GYUR BA YIN NO; ;GANG GI TSE RANG BZHIN LA GZHAN DU 'GYUR BA NYID YOD PA MA YIN PA DE'I TSE, SDUG BSNGAL SNGAR YONGS SU SHES PA MA YIN PA'I RANG BZHIN NI PHYIS KYANG YONGS SU SHES PAR MI 'THAD DO, ,DE'I PHYIR SDUG BSNGAL YONGS SU SHES PA YANG MI SRID DO, ,GANG GI TSE SDUG BSNGAL YONGS SU SHES PA YOD PA MA YIN PA DE'I TSE, ,DE BZHIN DU NI KHYOD NYID KYI, ,SPANG DANG MNGON DU BYA BA DANG, ,SGOM DANG 'BRAS BU BZHI DAG KYANG, ,YONGS SHES BZHIN DU MI RUNG NGO, ,SDUG BSNGAL YONGS SU SHES PA MI SRID PA DE BZHIN DU GANG KUN 'BYUNG BA SPANG BA DANG, 'GOG PA MNGON @169B DU BYA STE SPANG BA DANG MNGON DU BYA BA STE GNYIS DANG, GANG YANG LAM SGOM PA 'DI DANG DE RNAMS MI RUNG NGO, ,KUN 'BYUNG BA RANG BZHIN GYIS MA SPANGS PA'I RANG BZHIN NI, PHYIS KYANG SPANG BAR MI 'THAD DO, ,LDOG PA MED PA'I PHYIR RO, ,DE BZHIN DU MNGON DU BYA BA DANG, SGOM PA GNYIS LA YANG SBYAR BAR BYA'O, ,DNGOS PO RANG BZHIN DANG BCAS PAR SMRA NA, YONGS SU SHES PA LA SOGS PA MI RUNG BA 'BA' ZHIG TU MA ZAD KYI, 'ON KYANG 'BRAS BU BZHI DAG KYANG, ,YONGS SU SHES PA BZHIN DU MI RUNG NGO, ,JI LTAR SDUG BSNGAL RANG BZHIN GYIS YONGS SU SHES PA MA YIN PA YONGS SU SHES PAR MI RUNG BA DE BZHIN DU, RGYUN DU ZHUGS PA'I 'BRAS BU SNGAR RANG BZHIN GYIS YOD PA MA YIN PA YANG PHYIS YOD PAR MI SRID DO, ,RGYUN DU ZHUGS PA'I 'BRAS BU JI LTA BA DE BZHIN DU, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU RNAMS MI SRID PA YANG KHONG DU CHUD PAR BYA'O, ,YONGS SU SHES PA BZHIN DU 'BRAS BU DE DAG MI RUNG BA, 'BA' ZHIG TU MA ZAD DE'O NA CI ZHE NA, DE DAG 'THOB PA YANG MI RUNG NGO ZHES BSTAN PA'I PHYIR, RANG BZHIN YONGS SU 'DZIN PA YIS, ,'BRAS BU RANG BZHIN NYID KYI NI, ,THOB PA YIN PA GANG YIN DES, ,JI LTAR THOB PAR NUS PAR 'GYUR, ,ZHES BYA BA GSUNGS TE, RANG BZHIN DU SMRA BA KHAS LEN PAS, SNGAR THOB PA MA YIN PA'I RANG BZHIN DU GYUR PA RNAMS PHYIS KYANG THOB PA MI 'THAD DE, RANG BZHIN LDOG PA MED PA'I PHYIR RO, ,DE'I PHYIR, 'BRAS BU MED NA 'BRAS GNAS MED, ,ZHUGS PA DAG KYANG YOD MA YIN, ,GAL TE SKYES BU GANG ZAG BRGYAD, ,DE DAG MED NA DGE 'DUN MED, ,'PHAGS PA'I BDEN RNAMS MED PA'I PHYIR, DAM PA'I CHOS KYANG YOD MA YIN, ,CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ,ZHES BYA STE, TSIGS SU BCAD PA 'DI GNYIS KYI DON NI GONG MA BZHIN DU RIG PAR BYA'O, ,GZHAN YANG RANG BZHIN DU SMRA BA KHAS LEN NA, KHYED KYIS SANGS RGYAS BYANG CHUB LA, ,MA BRTEN PAR YANG THAL BAR 'GYUR, ,KHYED KYIS @170A *, ,BYANG CHUB SANGS RGYAS LA, ,MA BRTEN PAR YANG THAL BAR 'GYUR, ,GAL TE SANGS RGYAS ZHES BYA BA DNGOS PO 'GA' ZHIG RANG BZHIN GYIS YOD PAR GYUR NA NI BYANG CHUB STE, THAMS CAD MKHYEN PA'I YE SHES LA MA BRTEN PAR TE, MA LTOS PAR YANG 'GYUR TE; RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BA'I PHYIR RO, ,DE BZHIN DU BYANG CHUB KYANG SANGS RGYAS MED PAR 'GYUR TE, SANGS RGYAS LA MA LTOS PAR YANG RTEN MED PA'I BYANG CHUB TU 'GYUR TE, RANG BZHIN GYIS GRUB PA'I PHYIR RO, , GZHAN YANG, KHYOD KYI RANG BZHIN NYID KYIS NI, ,SANGS RGYAS MIN PA GANG YIN DES, ,BYANG CHUB SPYOD LA BYANG CHUB PHYIR, ,BTZAL KYANG BYANG CHUB 'THOB MI 'GYUR, ,'DIR SANGS RGYAS NYID KYANG SNGA ROL DU SANGS RGYAS MA YIN PA'I RANG BZHIN GYIS GANG ZAG GIS BYANG CHUB SEMS DPA'I SPYOD PA SPYAD CING BYANG CHUB KYI DON DU BTZAL KYANG BYANG CHUB THOB PAR MI 'GYUR PA NYID DE, SANGS RGYAS MA YIN PA'I RANG BZHIN BZLOG PAR MI RUNG BA'I PHYIR RO, ,GZHAN YANG, 'GA' YANG CHOS DANG CHOS MIN PA, ,NAM YANG BYED PAR MI 'GYUR TE, ,MI STONG PA LA CI ZHES BYA, ,RANG BZHIN LA NI BYA BA MED, ,RANG BZHIN DU SMRA BA KHAS LEN NA, CHOS DANG CHOS MA YIN PA DAG BYED PAR MI 'THAD DO, ,STONG PA MA YIN PA LA BYA BA CI ZHIG YOD DE, YOD PA'I PHYIR STONG PA MA YIN PA'I RANG BZHIN LA NI BYA BA 'THAD PA MA YIN NO, ,GZHAN YANG, CHOS DANG CHOS MIN MED PAR YANG, ,'BRAS BU KHYED LA YOD PAR 'GYUR, ,CHOS DANG CHOS MIN RGYUS BYUNG BA'I, ,'BRAS BU KHYOD LA YOD MA YIN, YID DU 'ONG BA DANG YID DU MI 'ONG BA'I 'BRAS BU CHOS DANG CHOS MA YIN PA'I RGYU CAN GANG YIN PA DE, GAL TE RANG BZHIN GYIS YOD NA NI, CHOS DANG CHOS MA YIN PA DAG MED PAR YANG DE KHYOD LA YOD PAR 'GYUR RO, ,GANG GI TSE CHOS DANG CHOS MA YIN PA DAG MED PAR KHYOD LA 'BRAS BU YOD NA DE'I TSE, CHOS DANG CHOS MA YIN PA DAG LAS SKYES PA'I 'BRAS BU KHYOD LA YOD PA MA YIN TE, CHOS DANG @170B CHOS MA YIN PA LA SOGS PA DON MED PAR 'GYUR BAS, CHOS DANG CHOS MA YIN PA'I RGYUS 'BYUNG BA'I 'BRAS BU KHYOD LA YOD PA MA YIN NO ZHES BSHAD PA YIN NO, ,CI STE CHOS DANG CHOS MA YIN PA'I RGYUS 'BYUNG BA'I 'BRAS BU YOD PA MA YIN NO ZHES RTOG NA, 'O NA 'BRAS BU DE MI STONG PA MA YIN NO ZHES BSTAN PA'I PHYIR, CHOS DANG CHOS MIN RGYUS 'BYUNG BA'I, ,'BRAS BU GAL TE KHYOD LA YOD, ,CHOS DANG CHOS MIN LAS BYUNG BA'I, ,'BRAS BU CI PHYIR STONG MA YIN, ,ZHES GSUNGS PA DANG, 'DI NI STONG PA YIN TE, RTEN CING 'BREL BAR 'BYUNG BA'I PHYIR GZUGS BRNYAN BZHIN NO SNYAM DU DGONGS PA YIN NO, ,GZHAN YANG SONG SHIG ,BYOS SHIG TSOS SHIG ,LTOS SHIG 'DUG SHIG ,CES BYA BA LA SOGS PA 'JIG RTEN PA'I THA SNYAD RTEN CING 'BREL BAR 'BYUNG BA DE DAG GAL TE KHYOD RANG BZHIN DANG BCAS PAR 'DOD NA, DE'I TSE KHYOD KYIS RTEN CING 'BREL BAR 'BYUNG BA LA GNOD PA BYAS PA YIN LA, DE LA GNOD PA BYAS PAS 'JIG RTEN PA'I THA SNYAD DO COG LA GNOD PA YIN NO ZHES BSTAN PA'I PHYIR, RTEN CING 'BREL BAR 'BYUNG BA YI, ,STONG PA NYID LA GNOD BYED GANG, ,'JIG RTEN PA YI THA SNYAD NI, ,KUN LA'ANG GNOD PA BYED PA YIN, ZHES GSUNGS PA LA, GANG GI SGRA NI BYA BA'I KHYAD PAR TE, GNOD BYED CES BYA BA 'DI DANG SBYAR RO, ,GZHAN YANG, STONG PA NYID LA GNOD BYED NA, ,BYA BA CI YANG MED 'GYUR ZHING, ,RTZOM PA MED PA'I BYA BAR 'GYUR, , MI BYED PA YANG BYED PAR 'GYUR, ,GAL TE DNGOS PO RNAMS STONG PA NYID MA YIN ZHING RANG BZHIN DANG BCAS PA NYID DU GYUR NA, DE'I TSE RANG BZHIN NI YOD PA MA YIN PA'I PHYIR, ,SUS KYANG BYA BA CI YANG MED PAR 'GYUR TE, NAM MKHA'I MI SGRIB PA NI SUS KYANG BYED PA MA YIN PA BZHIN NO, ,BYED BZHIN PA MA YIN PA YANG BYA BAR 'GYUR LA, BYA BA MI BYED PA YANG BYED PA POR 'GYUR NA, DE DAG NI DE LTAR YANG MA YIN TE, DE'I PHYIR DNGOS PO RNAMS MI STONG PA MA YIN NO, ,GZHAN YANG, RANG BZHIN YOD NA 'GRO BA RNAMS, ,MA SKYES PA @171A *, ,DANG MA 'GAGS DANG, ,THER ZUG TU NI GNAS 'GYUR ZHING, ,GNAS SKABS SNA TSOGS BRAL BAR 'GYUR, ,GAL TE DNGOS PO RNAMS RANG BZHIN DANG BCAS PAR GYUR NA, DE'I TSE, RANG BZHIN BCOS MA MA YIN PA'I PHYIR DANG, LDOG PA MED PA'I PHYIR 'GRO BA 'DI DAG THAMS CAD SKYE BA MED PA DANG 'GAG PA MED PAR 'GYUR RO, ,SKYE BA MED PA DANG 'GAG PA MED PA NYID KYI PHYIR NA, 'GRO BA THER ZUG TU GNAS PAR 'GYUR RO, ,RGYU DANG RKYEN LA MI LTOS PAS NA, STONG PA MA YIN PAR SMRA BA RNAMS LA, 'GRO BA RTEN CING 'BREL PAR MI 'BYUNG ZHING GNAS SKABS SNA TSOGS PA DANG BRAL PAR 'GYUR RO, ,JI SKAD DU, BCOM LDAN 'DAS KYIS, MI STONG CUNG ZHIG YOD NA RGYAL BA YIS, ,'GA' YANG LUNG STON MI GSUNG 'GYUR MED PAR, ,RANG RANG DNGOS LA THER ZUG GNAS DE LA, ,'PHEL BA MED CING YONGS SU NYAMS PA MED, ,CES GSUNGS PA DANG, DE BZHIN DU 'PHAGS PA GLANG PO RTZAL LAS KYANG, GAL TE CHOS RNAMS RANG BZHIN 'GA' YOD NA, ,RGYAL BA NYAN THOS BCAS PAS DE MKHYEN 'GYUR, ,THER ZUG CHOS RNAMS MYA NGAN 'DA' MI 'GYUR, ,MKHAS RNAMS NAM YANG SPROS PA MED MI 'GYUR, ,ZHES GSUNGS PA LTA BU'O, ,DNGOS PO RANG BZHIN DANG BCAS PAR KHAS LEN NA 'JIG RTEN PA'I THA SNYAD DAG MI 'THAD PA 'BA' ZHIG TU MA ZAD KYI, 'O NA CI ZHE NA, 'JIG RTEN LAS 'DAS PA DAG KYANG YIN NO ZHES BSTAN PA'I PHYIR, GAL TE STONG PA YOD MIN NA, ,MA THOB THOB PAR BYA BA DANG, ,SDUG BSNGAL MTHAR BYED LAS DANG NI, ,NYON MONGS THAMS CAD SPONG BA'ANG MED, ,CES GSUNGS TE, GAL TE STONG PA YOD PA MA YIN ZHING, 'DI DAG THAMS CAD RANG BZHIN DANG BCAS PAR 'GYUR NA, DE'I TSE GANG MA THOB PA DE NI MI THOB PA KHO NA YIN PAS, 'BRAS BU MA THOB PA 'THOB PAR MI 'GYUR RO, ,DE BZHIN DU SNGAR SDUG BSNGAL MTHAR BYAD PAR MA GYUR PAS DE LTAR YANG MA 'GYUR RO, ,SNGAR NYON MONGS PA THAMS CAD SPANGS PAR MA GYUR PAS PHYIS KYANG SPONG PAR MI 'GYUR RO, ,DE LTAR NA GANG GE PHYIR @171B DNGOS PO RANG BZHIN DANG BCAS PAR SMRA BAR KHAS BLANGS PAR GYUR NA, THAMS CAD MI RUNG BA DE'I PHYIR, GANG GIS RTEN CING 'BREL PAR 'BYUNG, ,MTHONG BA DE NI SDUG BSNGAL DANG, ,KUN 'BYUNG DANG NI 'GOG PA DANG, ,LAM NYID DE DAG MTHONG BA YIN, ,GANG GIS STONG PA NYID RTEN CING 'BREL BAR 'BYUNG BA'I MTSAN NYID CAN YANG DAG PAR 'BYUNG BA DES NI, 'PHAGS PA'I BDEN PA BZHI PO RNAMS DE KHO NA NYID DU YANG DAG PA JI LTA BA BZHIN MTHONG BA YIN NO, ,JI SKAD DU 'PHAGS PA CHOS THAMS CAD 'JUG PA MED PAR BSTAN PA'I MDO LAS, 'JAM DPAL GANG GIS CHOS THAMS CAD SKYE BA MED PAR MTHONG BA DES NI SDUG BSNGAL YONGS SU SHES PA YIN NO, ,GANG GIS CHOS THAMS CAD MED PA NYID DU MTHONG BA DES NI KUN 'BYUNG BA SPANGS PA YIN NO, ,GANG GIS CHOS THAMS CAD SHIN TU MYA NGAN LAS 'DAS BAR MTHONG BA DES NI 'GOG PA MNGON DU BYAS PA YIN NO, ,'JAM DPAL GANG GIS CHOS THAMS CAD DNGOS PO MED PAR MTHONG BA DES NI LAM BSGOMS PA YIN NO ZHES BYA BA RGYA CHER GSUNGS PA LTA BU'O, ,'PHAGS PA BSAM GTAN PA'I DPE MKHYUD KYI MDO LAS KYANG, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL 'PHAGS PA'I BDEN PA RNAMS YANG DAG PA JI LTA BA BZHIN MA MTHONG BAS, SEMS CAN PHYIN CI LOG PA ZHES SEMS PHYIN CI LOG TU GYUR PA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS GANG LA NYE BAR DMIGS PAS SEMS CAN RNAMS 'KHOR BA LAS 'DAS PAR MI 'GYUR BA BSTAN DU GSOL, BCOM LDAN 'DAS KYIS BKA' STZAL PA; 'JAM DPAL BDAG DANG BDAG GI BAR DMIGS PAS SEMS CAN RNAMS 'KHOR BA LAS MI 'DA'O, ,DE CI'I PHYIR ZHE NA, 'JAM DPAL BDAG DANG GZHAN DU YANG DAG PAR MTHONG BA GANG YIN PA DE NI LAS MNGON PAR 'DU BYED PAR 'GYUR RO, ,'JAM DPAL BYIS PA SO SO'I @172A *, ,SKYE BO THOS PA DANG MI LDAN PA NI CHOS THAMS CAD SHIN TU MYA NGAN LAS 'DAS PAR MI SHES PAS BDAG DANG GZHAN DU DMIGS PAR BYED DO, ,DMIGS NAS MNGON PAR ZHEN PAR 'GYUR RO, ,MNGON PAR ZHEN PAS CHAGS PAR 'GYUR RO, ,SDANG BAR 'GYUR RO, ,RMONGS PAR 'GYUR RO, ,DE CHAGS PA DANG SDANG BA DANG RMONGS PAR GYUR PAS, LUS DANG NGAG DANG YID KYI LAS RNAM PA GSUM MNGON PAR 'DU BYED DO, ,DE YOD PA MA YIN PA LA SGRO 'DOGS PAS BDAG NI CHAGS SO, ,BDAG NI SDANG NGO, ,BDAG NI RMONGS SO SNYAM DU RNAM PAR RTOG PAR BYED DO, ,DE DE BZHIN GSHEGS PA'I BSTAN PA LA RAB TU BYUNG NAS 'DI SNYAM DU SEMS TE, BDAG NI TSUL KHRIMS DANG LDAN PA'O, ,BDAG NI TSANGS PAR SPYOD PA'O, ,BDAG NI 'KHOR BA LAS YANG DAG PAR 'DA' BAR 'GYUR RO, ,BDAG GIS MYA NGAN LAS 'DAS PA THOB PAR 'GYUR RO, ,BDAG NI SDUG BSNGAL RNAMS LAS THAR BAR 'GYUR RO SNYAM DU RTOG PAR BYED CING, DE CHOS 'DI DAG NI DGE BA'O, ,CHOS 'DI DAG NI MI DGE BA'O, ,CHOS 'DI DAG NI SPANG BAR BYA BA'O, ,CHOS 'DI DAG NI MNGON DU BYA BA'O, ,SDUG BSNGAL YONGS SU SHES PAR BYA'O, ,KUN 'BYUNG SPANG BAR BYA'O, ,'GOG PA MNGON DU BYA'O, , LAM BSGOM PAR BYA'O SNYAM DU RTOG GO, ,DE NAS DE GANG ZHIG 'DU BYED THAMS CAD LAS 'BYOL PAR 'GYUR RO, ,'DU BYED THAMS CAD NI MI RTAG PA'O, ,'DU BYED THAMS CAD NI KUN TU 'BAR BA'O SNYAM DU RTOG PAR BYED DO, ,DE LTAR RTOG PA DE LA SKYO BA DANG LHAN CIG TU GYUR PA YID LA BYED PA MTSAN MA MED PA SNGON DU 'GRO BA SKYE BAR 'GYUR RO, ,DE 'DI SNYAM DU CHOS 'DI DAG YONGS SU SHES PA GANG YIN PA DE NI SDUG BSNGAL YONGS SU SHES PA'O SNYAM DU SEMS SO, ,DE 'DI SNYAM DU GANG BDAG GIS KUN 'BYUNG SPANG BAR BYA'O SNYAM DU SEMS PAR 'GYUR ZHING, CHOS 'DI DAG GIS NYEN PAR 'GYUR, CHES NGO TSA BAR 'GYUR, MI DGA' BAR 'GYUR, SMOD PAR 'GYUR, SKRAG CING DNGANG LA KUN TU DNGANG BAR 'GYUR RO, ,DE 'DI SNYAM DU GANG CHOS 'DI DAG GIS NYEN PO DE NI CHOS 'DI DAG MNGON DU BYAS PA YIN ZHING, 'DI NI KUN 'BYUNG SPANG BA'O @172B SNYAM DU SEMS PAR 'GYUR RO, ,DE 'DI SNYAM DU 'GOG PA MNGON DU BYA'O SNYAM DU SEMS TE, DE GNYIS SU BRTAGS NAS 'GOG PA MNGON DU SHES PA YIN NO, ,DE 'DI SNYAM DU 'GOG PA MNGON DU BYAS PA DE NI 'DI YIN NO SNYAM DU SEMS SO, ,DE 'DI SNYAM DU GANG BDAG GIS LAM SGOM MO SNYAM DU SEMS SHING, DE GCIG PU DBEN PAR SONG NAS CHOS DE DAG YID LA BYED PA NA ZHI GNAS 'THOB PAR 'GYUR RO, ,SKYO BA DANG LHAN CIG TU GYUR PA'I YID LA BYED PA DE DE LA ZHI GNAS SKYE BAR 'GYUR RO, ,DE CHOS THAMS CAD LA SEMS PHYIR 'BYUNG BAR 'GYUR TE, PHYIR 'DREN ZHING PHYIR LDOG PAR 'GYUR RO, ,DE DAG GIS NYEN PAR 'GYUR, CHES NGO TSA BAR 'GYUR, MNGON PAR MI DGA' BA'I SEMS SKYE BAR 'GYUR RO, ,DE 'DI SNYAM DU BDAG SDUG BSNGAL THAMS CAD LAS GROL BAR 'GYUR TE, YANG PHYIS BYA BA CI YANG MED CING BDAG NI DGRA BCOM PAR GYUR TO ZHES BYA BAR BDAG NYID SHES SO, ,DE 'CHI BA'I DUS BYED PA'I TSE BDAG NYID SKYE BAR MTHONG BAS, DE SANGS RGYAS KYI BYANG CHUB LA THE TSOM DANG SOM NYI ZA BAR 'GYUR RO, ,DE SOM NYIR LHUNG STE 'CHI BA'I DUS BYAS NAS DMYAL BA CHEN PO DAG TU LHUNG BAR 'GYUR RO, ,DE CI'I PHYIR ZHE NA, JI LTAR SKYE BA MED PA'I CHOS RNAMS LA BRTAGS NAS, DE BZHIN GSHEGS PA LA SOM NYI DANG YID GNYIS SKYED PAR BYED PA'I PHYIR RO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS 'PHAGS PA'I BDEN PA BZHI PO RNAMS LA JI LTAR 'KHUMS PAR BGYI, BCOM LDAN 'DAS KYIS BKA' STZAL PA, 'JAM DPAL GANG GIS CHOS THAMS CAD MA SKYES PAR MTHONG BA DES NI, SDUG BSNGAL YONGS SU SHES PA YIN NO, ,GANG GIS CHOS THAMS CAD 'BYUNG BA MED PAR MTHONG BA DES NI KUN 'BYUNG BA SPANGS PA YIN NO, ,GANG GIS CHOS THAMS CAD GTAN MYA NGAN LAS 'DAS PAR MTHONG BA DES NI 'GOG PA MNGON DU BYAS PA YIN NO, ,GANG GIS CHOS THAMS CAD SHIN TU MA SKYES PAR MTHONG BA DES NI LAM BSGOMS PA YIN NO, ,'JAM DPAL GANG GIS DE LTAR @173A *, ,'PHAGS PA'I BDEN PA BZHI PO MTHONG BA DES NI CHOS 'DI DAG NI DGE BA'O, ,CHOS 'DI DAG NI MI DGE BA'O, ,CHOS 'DI DAG NI SPANG BAR BYA'O, ,CHOS 'DI DAG NI MNGON DU BYA'O, ,SDUG BSNGAL YONGS SU SHES PAR BYA, KUN 'BYUNG SPANG BAR BYA, 'GOG PA MNGON DU BYA, LAM BSGOM PAR BYA'O ZHES MI RTOG RNAM PAR RTOG PAR MI BYED DE, 'DI LTAR GANG BRTAG PAR BYA BA'I CHOS DE DES MA MTHONG BA'I PHYIR RO, ,BYIS PA SO SO'I SKYE BO RNAMS NI CHOS DE DAG LA RTOG PA NA CHAGS PAR 'GYUR RO, ,SDANG BAR 'GYUR RO, ,RMONGS PAR 'GYUR RO, ,DE CHOS 'GA' YANG MI LEN MI 'DOR DE LTAR MI LEN MI 'DOR BA DE NI, KHAMS GSUM LA SEMS CHAGS PAR MI 'GYUR RO, ,KHAMS GSUM THAMS CAD MA SKYES PA DANG, SGYU MA LTA BU DANG, RMI LAM LTA BU DANG, BRAG CA LTA BUR MTHONG NGO, ,CHOS THAMS CAD DE LTA BU'I RANG BZHIN CAN DU MTHONG BAS SEMS CAN THAMS CAD LA RJES SU CHAGS PA DANG, KHONG KHRO BA DANG BRAL BAR 'GYUR RO, ,DE CI'I PHYIR ZHE NA, 'DI LTAR DES GANG LA RJES SU CHAGS PA DANG, KHONG KHRO BAR 'GYUR BA'I CHOS DE MA DMIGS PA'I PHYIR RO, ,DES SEMS NAM MKHA' DANG MNYAM PAS SANGS RGYAS KYANG YANG DAG PAR RJES SU MI MTHONG, CHOS KYANG YANG DAG PAR RJES SU MI MTHONG, DGE 'DUN YANG YANG DAG PAR RJES SU MI MTHONG ZHING, CHOS THAMS CAD STONG PA'O ZHES BYA BAR MTHONG BAS CHOS GANG LA YANG SOM NYI SKYED PAR MI BYED DO, ,SOM NYI MED PAS NYE BAR LEN PA MED PAR 'GYUR RO, ,NYE BAR LEN PA MED PAS NYE BAR LEN PA MED PAR YONGS SU MYA NGAN LAS 'DA'O ZHES RGYA CHER GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIGS GSAL BA LAS, 'PHAGS PA'I BDEN PA BRTAG PA ZHES BYA BA RAB TU BYED PA NYI SHU BZHI PA'I 'GREL PA'O,, ,,'DIR SMRAS PA, GAL TE 'DI DAG KUN STONG NA, ,'BYUNG BA MED CING 'JIG PA MED, ,GANG ZHIG SPANG DANG 'GOG PA LAS, ,MYA NGAN 'DA' BAR 'GYUR BAR 'DOD, ,'DI NA BCOM LDAN 'DAS @173B KYIS GANG ZAG CHANGS PAR SPYOD PA BSTEN ZHING, DE BZHIN GSHEGS PA'I BSTAN PA LA ZHUGS PA CHOS RJES SU MTHUN PA'I CHOS KYI NAN TAN DANG LDAN PA RNAMS LA, MYA NGAN LAS 'DAS PA RNAM PA GNYIS SU GSUNGS TE, PHUNG PO LHAG MA DANG BCAS PA DANG, PHUNG PO LHAG MA MED PA'O, , DE LA MA RIG PA DANG 'DOD CHAGS LA SOGS PA NYON MONGS PA'I TSOGS MA LUS PAR SPANGS PA LAS PHUNG PO LHAG MA DANG BCAS PA'I MYA NGAN LAS 'DAS PAR 'DOD DO, ,DE LA 'DI LA BDAG LA CHAGS PA BSTEN PAS NA PHUNG PO STE, BDAG TU GDAGS PA'I RGYU NYE BAR LEN PA'I PHUNG PO LNGA LA PHUNG PO'I SGRAS BRJOD DO, ,LHAG MA LUS PAS NA LHAG MA'O, ,PHUNG PO NYID LHAG MA YIN PAS NA PHUNG PO LHAG MA'O, ,PHUNG PO LHAG MA DANG LHAN CIG GNAS PAS NA PHUNG PO LHAG MA DANG BCAS PA'O, ,DE CI YIN ZHE NA, MYA NGAN LAS 'DAS PA'O, ,DE YANG CHOM RKUN GYI TSOGS MA LUS PAR BSAD DE GRANG TZAM 'DUG PA DANG CHOS MTHUN PAR 'JIG TSOGS LA LTA BA LA SOGS PA NYON MONGS PA'I CHOM RKUN DANG BRAL BA PHUNG PO TZAM 'BA' ZHIG LUS PA STE, DE NI PHUNG PO LHAG MA DANG BCAS PA'I MYA NGAN LAS 'DAS PA'O, ,CHOM RKUN GYI TSOGS MA LUS PAR BSAD DE GRONG TZAM PO YANG ZHIG PA DANG CHOS MTSUNGS PAR MYA NGAN LAS 'DAS PA GANG LA PHUNG PO TZAM YANG YOD PA MA YIN PA DE NI PHUNG PO LHAG MA MED PA'I MYA NGAN LAS 'DAS PA STE, 'DI PHUNG PO'I LHAG MA DANG BRAL BA'I PHYIR RO, ,DE NYID KYI DBANG DU MDZAD NAS, GANG NA LUS ZHIG 'DU SHES 'GAGS, ,TSOR BA THAMS CAD BRAL GYUR ZHING, ,'DU BYED NYE BAR ZHI BA DANG, ,RNAM PAR SHES PA NUB GYUR PA, ,ZHES BYA BA DANG, DE BZHIN DU, MA ZHUM BA YI LUS KYIS NI, ,TSOR BA DANG DU LEN PA NA, ,DE YI SEMS NI RNAM PAR GROL, ,MAR ME SHI BAR GYUR PA BZHIN, , ZHES BSHAD DO, ,DE'I PHYIR PHUNG PO LHAG MA MED PA'I MYA NGAN LAS 'DAS PA DE NI PHUNG PO 'GAGS PA LAS 'THOB BO, ,MYA NGAN LAS 'DAS PA RNAM PA GNYIS PO DE JI LTAR RUNG BAR 'GYUR ZHE NA, GAL TE NYON MONGS PA RNAMS DANG PHUNG PO RNAMS 'GAGS PAR GYUR PA YIN NA, GANG @174A *, ,GI TSE 'DI DAG THAMS CAD STONG PA YIN ZHING, CUNG ZAD KYANG SKYE BA MED LA CUNG ZAD KYANG 'GAG PA YANG MED PA DE'I TSE, GANG DAG 'GAGS PA LAS MYA NGAN LAS 'DA' BAR 'GYUR BA NYON MONGS PA'ANG PHUNG PO RNAMS YOD PAR GAL 'GYUR, DE'I PHYIR DNGOS PO RNAMS KYI RANG BZHIN YOD PA NYID DO ZHES 'DZER TO, ,BRJOD PAR BYA STE, DE LTAR RANG BZHIN KHAS LEN NA YANG, GAL TE 'DI KUN MI STONG NA, ,'BYUNG BA MED CING 'JIG PA MED, ,GANG ZHIG SPONG DANG 'GAGS PA LAS, ,MYA NGAN 'DAS PAR 'GYUR BAR 'DOD, ,GANG LAS DE DAG LOG PAS MYA NGAN LAS 'DA' BAR 'GYUR BA, NYON MONGS PA RNAMS DANG PHUNG PO RANG BZHIN GYIS RNAM PAR GNAS PA LDOG PAR GA LA 'GYUR TE, RANG BZHIN LA LDOG PA MED PA'I PHYIR RO, ,DE'I PHYIR RANG BZHIN DANG BCAS PAR SMRA BA LA MYA NGAN LAS 'DAS PA MI 'THAD PA NYID DO, ,GANG LAS DE DAG LA NYES PA 'DIR 'GYUR BA, STONG PA NYID DU SMRA BA RNAMS KYIS NI MYA NGAN LAS 'DAS PA NYON MONGS PA LDOG PA'I MTSAN NYID CAN NAM PHUNG PO LDOG PA'I MTSAN NYID CAN 'DOD PA MA YIN NO, ,DE'I PHYIR STONG PA NYID DU SMRA BA RNAMS LA KLAN KA 'DIR MI 'GYUR BA NYID DO, ,GAL TE STONG PA NYID DU SMRA BA RNAMS MYA NGAN LAS 'DAS PA PHUNG PO RNAMS SAM, NYON MONGS PA RNAMS LOG PA'I MTSAN NYID CAN MI 'DOD NA, MTSAN NYID GANG DANG LDAN PA ZHIG 'DOD CE NA, BRJOD PA, SPANGS PA MED PA 'THOB MED PA, ,CHAD PA MED PA RTAG MED PA, ,'GAG PA MED PA SKYE MED PA; ,DE NI MYA NGAN 'DAS PAR BRJOD, ,GANG ZHIG 'DOD CHAGS LA SOGS PA LTAR SPANGS PA MED CING, DGE SBYONG GI 'BRAS BU LTAR 'THOB PA MED PA, PHUNG PO LA SOGS PA LTAR CHAD PA YANG MED LA, GANG YANG MI STONG PA LTAR RTAG PA MA YIN PA, RANG BZHIN GYI 'GAG PA MED PA SKYE BA MED PA SPROS PA THAMS CAD NYE BAR ZHI BA'I MTSAN NYID CAN DE NI MYA NGAN LAS 'DAS PAR BSHAD DO, ,DE'I PHYIR RNAM PA DE LTA BU DE LA NYON MONGS PA GANG DAG SPANGS PAS DE MYA NGAN LAS 'DA' BAR 'GYUR BA, NYON MONGS PAR RTOG PA GA LA YOD CING, PHUNG PO GANG DAG @174B 'GAGS PAS DE 'THOB BAR 'GYUR BA PHUNG POR RTOG PA YANG GA LA YOD, JI SRID DU RTOG PA 'DI DAG 'BYUNG BA DE SRID DU MYA NGAN LAS 'DAS PA THOB PA YOD PA MA YIN TE, SPROS PA THAMS CAD ZAD PA NYID LAS DE 'THOB PA'I PHYIR RO, ,CI STE MYA NGAN LAS 'DAS PA LA NYON MONGS PA RNAMS MED CING PHUNG PO RNAMS KYANG MED MOD KYI, DE LTA NA YANG MYA NGAN LAS 'DAS PA'I SNGA ROL NA YOD PA YIN NO, ,DE'I PHYIR DE DAG 'GAGS PA NI SPROS PA ZAD PA LAS MYA NGAN LAS 'DAS PA YIN PAR 'GYUR RO SNYAM NA, BRJOD PA, 'DZIN PA 'DI NI DOR BAR BYA'O, ,GANG GI PHYIR MYA NGAN LAS 'DAS PA'I SNGA ROL NA RANG BZHIN GYIS YOD PA RNAMS NI YANG DNGOS PO MED PAR BYA BAR MI NUS TE, DE'I PHYIR MYA NGAN LAS 'DAS PA 'DOD PAS RTOG PA 'DI DOR BAR BYA'O, ,MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN TE, ,DE GNYIS KHYAD PAR CUNG ZAD NI, ,SHIN TU PHRA BA'ANG YOD MA YIN, ,ZHES 'CHAD PAR 'GYUR RO, ,BCOM LDAN 'DAS KYIS KYANG, ,MYA NGAN 'DAS LA CHOS RNAMS YOD NYID MED, ,CHOS GANG DER MED DE DAG GZHAR YANG MED, ,YOD DANG MED CES RTOG PA DANG LDAN ZHING, ,DE LTAR SPYOD RNAMS SDUG BSNGAL NYER MI ZHI, ,ZHES GSUNGS PA YIN PAS SO, ,TSIGS SU BCAD PA 'DI'I DON NI 'DI YIN TE, MYA NGAN LAS 'DAS PA STE PHUNG PO LHAG MA MED PA'I MYA NGAN LAS 'DAS PA'I DBYINGS NA'O, ,CHOS RNAMS NI NYON MONGS PA DANG LAS DANG SKYE BA'I MTSAN NYID CAN RNAMS SAM PHUNG PO RNAMS TE, RNAM PA THAMS CAD DU BRAL PA'I PHYIR YOD PA NYID MED DO, ,'DI NI RGOL BA THAMS CAD KYI 'DOD PA YIN NO, ,MAR ME GTANG BAS MUN PAR THAG PA LA SBRUL DU DMIGS PA LTAR CHOS GANG DAG MYA NGAN LAS 'DAS PA 'DI LA YOD PA MA YIN PA DE DAG NI GZHAR YANG MED DO, ,NYON MONGS PA DANG LAS DANG SKYE BA'I MTSAN NYID CAN GYI CHOS DE DAG NI 'KHOR BA'I GNAS SKABS KYI DUS 'GA' ZHIG NA YANG DE KHO NA NYID DU YOD PA MA YIN NO, ,'DI LTAR MUN PA'I GNAS SKABS NA THAG PA LA SBRUL RANG GI NGO BOS YOD PA NI MA YIN TE, YOD PAR GYUR PA'I SBRUL LTAR MUN PA DANG SNANG BAR YANG 'DZIN PAR @175A *, ,'GYUR BA'I PHYIR RO, ,'O NA JI LTAR 'KHOR BA YIN ZHE NA, BRJOD PA, RAB RIB CAN RNAMS LA SKRA SHAD DANG SBRANG BU MCHU RINGS LA SOGS PA SNANG BA LTAR DNGOS PO YOD PA MI YIN PA'I RANG BZHIN CAN DAG KYANG BYIS PA BDAG DANG BDAG GI BAR YANG DAG PA MA YIN PA'I PHYIR CI LOG GI GDON GYIS BZUNG BA RNAMS BDEN BAR SNANG BA YIN NO ZHES GSUNGS PA NI, YOD DANG MED CES RTOG PA DANG LDAN ZHING, ,DE LTAR SPYOD RNAMS SDUG BSNGAL NYER MI ZHI, ,ZHES BYA'O, ,YOD DO ZHES DNGOS PO YOD PAR RTOG PA DANG LDAN PA RGYAL DPOG PA DANG, GZEGS ZAN DANG SER SKYA LA SOGS PA BYE BRAG TU SMRA BA RNAMS LA THUG PA RNAMS DANG, MED CES RTOG PA DANG LDAN PA MED PA PA RNAMS DANG, DE DAG LAS GZHAN 'DU BYED 'DAS PA DANG MA 'ONGS PA DANG, RNAM PAR RIG BYED MA YIN PA DANG, MI LDAN PA'I 'DU BYED MED PAR SMRA ZHING DE LAS GZHAN YOD PAR SMRA BA RNAMS DANG, KUN DU BRTAGS PA'I NGO BO NYID MED PAR SMRA ZHING, GZHAN GYI DBANG DANG YONGS SU GRUB PA'I NGO BO NYID YOD PAR SMRA BA RNAMS TE, DE LTAR YOD PA DANG MED PAR SMRA BA RNAMS KYI SDUG BSNGAL TE 'KHOR BA ZHI BAR MI 'GYUR RO ZHES BYA'O, ,DE BZHIN DU, JI LTAR DOGS PA'I 'DU SHES KYIS NI DUG LANGS PA, ,DUG DE KHONG DU SONG BA MED KYANG BRGYAL BAR 'GYUR, ,DE BZHIN BYIS PA BDAG DANG BDAG GIR KHAS LEN PA, ,BDAG DER 'DU SHES YANG DAG MIN RTAG SKYE ZHING 'CHI, ,ZHES KYANG GSUNGS SO, ,DE'I PHYIR DE LTA BAS NA, ,MYA NGAN LAS 'DAS PA LA 'GA' YANG SPANGS PA MED LA, 'GA' YANG 'GAG PA MED DO ZHES SHES PAR BYA'O, ,DE'I PHYIR RTOG PA THAMS CAD ZAD PA NYID MYA NGAN LAS 'DAS PA YIN NO, ,JI SKAD DU 'PHAGS PA RIN PO CHE'I PHRENG BA LAS KYANG, MYA NGAN 'DAS PA DNGOS MED PA'ANG, ,MIN NA DE DNGOS GAL YIN, ,DNGOS DANG DNGOS PO MED 'DZIN PA, ,ZAD PA MYA NGAN 'DAS ZHES BYA, ,ZHES BSHAD DO, GANG DAG MYA NGAN LAS 'DAS PA KUN DU RTOG PA THAMS CAD NYE BAR ZHI BA'I NGO BO MA RTOGS SHING, MYA NGAN LAS 'DAS PA DNGOS PO DANG DNGOS PO MED PA DANG DE GNYI GA DANG, GNYI @175B GAM YIN PA'I NGO BOR YONGS SU RTOG PAR BYED PA, DE DAG LA BRJOD PA, RE ZHIG MYA NGAN 'DAS DNGOS MIN, ,RGA SHI'I MTSAN NYID THAL BAR 'GYUR, ,RGA DANG 'CHI BA MED PA YI, ,DNGOS PO YOD PA MA YIN NO, ,DE LA MYA NGAN LAS 'DAS PA DNGOS POR MNGON PAR ZHEN PA KHA CIG NI 'DI SKAD DU, 'DIR MYA NGAN LAS 'DAS PA NI NYON MONGS PA DANG LAS DANG SKYE BA'I RGYUN 'JUG PA NGES PAR 'GOG PAR 'GYUR BA, CHU'I RGYUN 'GOG PA'I CHU LON DANG 'DRA BA'I DON DNGOS PO'I BDAG NYID CAN YIN TE, YOD PA MA YIN PA'I RANG BZHIN GYI CHOS NI DE LTAR 'BRAS BU BYED PAR YANG MA MTHONG NGO, , GAL TE 'DI DGA' BA'I 'DOD CHAGS DANG LHAN CIG TU 'GYUR PA'I SRID PA ZAD CING 'DOD CHAGS DANG BRAL BA 'GOG PA GANG YIN PA DE NI MYA NGAN LAS 'DAS PA'O ZHES GSUNGS PA MA YIN NAM, ZAD PA TZAM NI DNGOS PO YIN PAR 'OS PA YANG MA YIN NO, ,DE BZHIN DU, MAR ME SHI BAR GYUR PA LTAR, ,DE YI SEMS NI RNAM PAR THAR, ,ZHES GSUNGS TE, MAR ME SHI BA NI DNGOS PO YIN NO ZHES BYA BAR YANG MI 'THAD DO ZHE NA, SMRAS PA, SRED PA ZAD PA NI SRED PA ZAD PA'O ZHES DE LTAR NI SHES PAR MI BYA'O, ,'O NA CI ZHE NA, MYA NGAN LAS 'DAS PA ZHES BYA BA'I CHOS DE YOD NA SRED PA ZAD PAR 'GYUR BA DE NI SRED PA ZAD PA'O ZHES BYA BAR RIG PAR BYA'O, ,MAR ME NI DPE TZAM DU ZAD DO, ,DER YANG GANG YOD NA SEMS THAR PAR 'GYUR BA YIN NO ZHES BYA BAR RIG PAR BYA'O ZHES SMRA'O, ,DE LTAR MYA NGAN LAS 'DAS PA DNGOS PO RNAM PAR GNAS PA YIN DANG, RE ZHIG MYA NGAN 'DAS DNGOS MIN, ,ZHES SLOB DPON NGES PAR RTOG PAR MDZAD DO, ,DE CI'I PHYIR ZHE NA, GANG GI PHYIR, RGA SHI'I MTSAN NYID THAL BAR 'GYUR TE, DNGOS PO NI RGA SHI'I MTSAN NYID LA MI 'KHRUL PA'I PHYIR RO, ,DE'I PHYIR DE MYA NGAN LAS 'DAS PA NYID DU YANG MI 'GYUR TE, RGA SHI'I MTSAN NYID CAN YIN PA'I PHYIR, RNAM PAR SHES PA LA SOGS PA BZHIN NO ZHES BYA BAR DGONGS PA YIN NO, ,RGA SHI'I MTSAN NYID LA MI 'KHRUL BA DE NYID BSAL BAR BYA BA'I PHYIR, RGA DANG 'CHI BA MED PA @176A *, ,YI, ,DNGOS PO YOD PA MA YIN NO, ,ZHES BSHAD DE, RGA SHI DANG BRAL BA GANG YIN PA DE NI DNGOS PO NYID MA YIN TE, RGA SHI DANG BRAL BA'I PHYIR NAM MKHA'I ME TOG BZHIN NO, ,GZHAN YANG, GAL TE MYA NGAN 'DAS DNGOS NA, ,MYA NGAN 'DAS PA 'DUS BYAS 'GYUR, , DNGOS PO 'DUS BYAS MA YIN PA, ,'GA' YANG GANG NA'ANG YOD MA YIN, ,GAL TE MYA NGAN LAS 'DAS PA DNGOS PO YIN NA NI DE'I TSE MYA NGAN LAS 'DAS PA DE 'DUS BYAS SU 'GYUR TE, DNGOS PO YIN PA'I PHYIR RNAM PAR SHES PA BZHIN NO, ,GANG 'DUS BYAS MA YIN PA DE NI DNGOS POR MI 'GYUR TE, DPER NA BONG BU'I RVA BZHIN NO, ,LDOG PA BSHAD PA'I PHYIR, ,DNGOS PO 'DUS BYAS MA YIN PA, ,'GA' YANG GANG NA'ANG YOD MA YIN, ,ZHES BYA BA GSUNGS TE, 'GA' YANG ZHES BYA BA NI BRTEN PA STE, NANG NGAM PHYI'I BDAG NYID DO ZHES BYA BA'I DON TO, ,GANG NA'ANG ZHES BYA BA NI RTEN TE, YUL LAM DUS SAM GRUB PA'I MTHAR RO, ,GZHAN YANG, GAL TE MYA NGAN 'DAS DNGOS NA, ,JI LTAR MYANG 'DAS DE BRTEN MIN, ,DNGOS PO BRTEN NAS MA YIN PA, ,'GA' YANG YOD PA MA YIN NO, ,GAL TE KHYOD KYI LUGS KYIS MYA NGAN LAS 'DAS PA DNGOS PO YIN NA NI, DE BRTEN NAS YIN PAR 'GYUR TE, RANG GI RGYU'I TSOGS PA LA BRTEN NAS YIN NO ZHES BYA BA'I DON TO, ,DE LTAR BRTEN NAS MYA NGAN LAS 'DAS PA 'DOD PA YANG MA YIN TE, 'O NA CI ZHE NA DE NI MA BRTEN PAR RO, ,GAL TE MYA NGAN LAS 'DAS PA DNGOS PO YIN NA, JI LTAR MYA NGAN LAS 'DAS PA DE BRTEN NAS MA YIN PAR 'GYUR TE, MI BRTEN PA YIN PAR MI 'GYUR BA NYID DE, DNGOS PO YIN PA'I PHYIR RNAM PAR SHES PA LA SOGS PA BZHIN NO, ,LDOG PA BSHAD PA NI, DNGOS PO BRTEN NAS MA YIN PA, ,'GA' YANG YOD PA MA YIN NO, ,ZHES BYA BA'O, ,'DIR SMRAS PA, JI SKAD BSHAD BA'I NYES PAR THAL BAR 'GYUR PA'I PHYIR, MYA NGAN LAS 'DAS PA DNGOS PO MA YIN PA DE NI BDEN TE, 'O NA CI ZHE NA, NYON MONGS PA DANG SKYE BA LOG PA'I PHYIR, MYA NGAN LAS 'DAS PA DNGOS PO MED PA KHO NA YIN NO, BRJOD PA, 'DI YANG MI RIGS TE, GANG GI PHYIR, GAL TE @176B MYA NGAN 'DAS DNGOS MIN, ,DNGOS MED JI LTAR RUNG BAR 'GYUR, ,GANG LA MYA NGAN 'DAS DNGOS MIN, ,DE LA DNGOS MED YOD MA YIN, ,GAL TE MYA NGAN LAS 'DAS PA DNGOS POR MI 'DOD CING MYA NGAN LAS 'DAS PA DNGOS PO'O SNYAM DU MI 'DOD NA, DE'I TSE MYA NGAN LAS 'DAS PA DNGOS PO MED PAR JI LTAR RUNG BAR 'GYUR TE, DNGOS PO MED PAR YANG RUNG BAR MI 'GYUR BA NYID DO SNYAM DU DGONGS PA YIN NO, ,CI'I PHYIR ZHE NA, GANG GI PHYIR, GANG LA MYA NGAN 'DAS DNGOS MIN, ,DE LA DNGOS MED YOD MA YIN, ZHES GSUNGS TE, 'DIR DNGOS PO'I RANG BZHIN BTANG NAS GZHAN DU GYUR PA LA DNGOS PO MED PA ZHES BSNYAD NA, BSTAN ZIN PA'I NYES PAS PHYOGS GANG LA MYA NGAN LAS 'DAS PA DNGOS PO MA YIN PA'I PHYOGS DE LA MYA NGAN LAS 'DAS PA DNGOS PO MA YIN PA'I PHYOGS DE LA MYA NGAN LAS 'DAS PA DNGOS PO MED PA YANG MA YIN TE, DNGOS PO'I RANG BZHIN DU MA GRUB PA'I NGO BO LA DNGOS PO MED PA'I NGO BO NYID MI 'THAD PA'I PHYIR RO SNYAM DU DGONGS PA YIN NO, ,GAL TE MYA NGAN LAS 'DAS PA NI NYON MONGS PA DANG SKYE BA MED PA YIN NO ZHE NA, DE LTA NA 'O NA NYON MONGS PA DANG SKYE BA'I MI RTAG PA NYID MYA NGAN LAS 'DAS PA YIN PAR 'GYUR TE, GANG GI PHYIR NYON MONGS PA DANG SKYE BA MED PA NI MI RTAG PA NYID YIN GYI GZHAN NI MA YIN TE, DE'I PHYIR MI RTAG PA NYID MYA NGAN LAS 'DAS PA YIN PAR 'GYUR NA, DE NI 'DOD PA YANG MA YIN TE, SGRIB PA MED PAR THAL BAR 'GYUR PA'I PHYIR RO, ,DE'I PHYIR 'DI NI MI RIGS SO, ,GZHAN YANG, GAL TE MYA NGAN 'DAS DNGOS MIN, ,JI LTAR MYANG 'DAS DE BRTEN MIN, ,GANG ZHIG BRTEN NAS MA YIN PA'I, ,DNGOS MED YOD PA MA YIN NO, ,DE LA MI RTAG PA NYID DNGOS PO MED PA NYID YIN ZHING DNGOS PO LA BRTEN NAS 'DOGS PA MA YIN TE, BONG BU'I RVA LA SOGS PA RNAMS LA MI RTAG PA NYID MA DMIGS PA'I PHYIR RO, ,MTSAN NYID LA BRTEN NAS MTSAN GZHI 'JUG LA, MTSAN GZHI LA BRTEN NAS MTSAN NYID 'JUG PA DE'I PHYIR MTSAN NYID DANG, MTSAN GZHI 'JUG PA PHAN TSUN LTOS PAS MTSAN GZHI'I DNGOS PO LA MA LTOS PAR MI RTAG PA NYID YOD PA RAG LA 'GYUR, DE'I PHYIR DNGOS PO MED PA YANG BRTEN @177A *, ,NAS 'DOGS PA YIN NO, ,DE'I PHYIR GAL TE MYA NGAN LAS 'DAS PA DNGOS PO MED PA 'GA' ZHIG YIN NA NI, JI LTAR MYA NGAN LAS 'DAS PA DE BRTEN NAS MA YIN PAR 'GYUR, DE NI BRTEN NAS KHO NA YIN TE, DNGOS PO MED PA YIN PA'I PHYIR 'JIG PA BZHIN NO, , DE NYID GSAL BAR BYA BA'I PHYIR, GANG ZHIG BRTEN NAS MA YIN PA'I, ,DNGOS MED YOD PA MA YIN NO, ,ZHES BSHAD DO, ,GAL TE MA BRTEN PAR DNGOS PO MED PA YOD PA MA YIN NA, 'O NA DA CI LA BRTEN NAS MO GSHAM GYI BU LA SOGS PA DAG DNGOS PO MED PAR 'GYUR ZHE NA, MO GSHAM GYI BU LA SOGS PA DNGOS PO MED PA YIN NO ZHES DE SKAD SUS SMRAS, 'DI LTAR, GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,DNGOS PO GZHAN DU GYUR PA NI, ,DNGOS MED YIN PAR SKYE BO SMRA, ,ZHES SNGAR BSHAD ZIN TO, ,DE'I PHYIR MO GSHAM GYI BU LA SOGS PA RNAMS DNGOS PO MED PA NYID MA YIN NO, ,YANG GANG DU, NAM MKHA'I RI BONG RA DAG DANG, ,MO GSHAM GYI NI BU DAG KYANG, ,MED BZHIN TSIG TU BRJOD PA LTAR, ,DNGOS LA RTOG PA'ANG DE BZHIN NO, ,ZHES GSUNGS PA DER YANG, DNGOS POR RTOG PA BKAG PA TZAM ZHIG YIN GYI, DNGOS PO MED PAR RTOG PA NI MA YIN TE, DNGOS PO NYID MA GRUB PA'I PHYIR RO ZHES SHES PAR BYA'O, ,MO GSHAM GYI BU ZHES BYA BA 'DI NI SGRA TZAM ZHIG TU ZAD KYI, DON GANG ZHIG DNGOS PO 'AM DNGOS PO MED PA NYID DU 'GYUR BA 'DI'I DON MA DMIGS SO, ,DE'I PHYIR DMIGS PA MED PA'I RANG BZHIN LA DNGOS PO DANG DNGOS PO MED PAR BRTAGS PAR GA LA RIGS, DE'I PHYIR MO GSHAM GYI BU DNGOS PO MED PA MA YIN NO ZHES SHES PAR BYA'O, ,DE'I PHYIR, GANG ZHIG BRTEN NAS MA YIN PA'I, ,DNGOS MED YOD PA MA YIN NO, ,ZHES BYA BA 'DI NI GNAS SO, ,'DIR GAL TE MYA NGAN LAS 'DAS PA DNGOS PO MA YIN ZHING DNGOS PO MED PA YANG MA YIN NO, 'O NA MYA NGAN LAS 'DAS PA GANG YIN ZHES ZER NA, BRJOD PA, 'DIR BCOM LDAN 'DAS DE BZHIN GSHEGS PA RNAMS KYIS, ,'ONG BA DANG NI 'GRO BA'I DNGOS, ,BRTEN TAM RGYUR BYAS GANG YIN PA, ,DE NI BRTEN MIN RGYUR @177B BYAS MIN, ,MYA NGAN 'DAS PA YIN PAR BSTAN, ,DE LA 'ONG BA DANG 'GRO BA'I DNGOS PO NI 'ONG BA DANG 'GRO BA'I DNGOS PO STE, SKYE BA DANG 'CHI BA GCIG NAS GCIG TU BRGYUD PA ZHES BYA BA'I THA TSIG GO , ,'ONG BA DANG 'GRO BA'I DNGOS PO DE YANG RES 'GA' RGYU DANG RKYEN GYI TSOGS PA LA BRTEN NAS YOD DO ZHES BYA BAR 'DOGS TE RING PO DANG THUNG NGU BZHIN NO, ,RES 'GA' NI RGYUR BYAS NAS 'DOGS TE MAR ME'I 'OD BZHIN NO, ,GAL TE 'DIR RGYUR BYAS NAS 'DOGS SAM, BRTEN NAS SKYE'O ZHES RNAM PAR 'JOG KYANG RUNG STE, RNAM PA THAMS CAD DU SKYE BA DANG 'CHI BA'I RGYUN DE MA BRTEN PA'AM RGYUR BYAS PA MA YIN PAR MI 'JUG PA GANG YIN PA DE MYA NGAN LAS 'DAS PA YIN PAR RNAM PAR GZHAG GO , ,MI 'JUG PA TZAM NI DNGOS PO 'AM DNGOS PO MED PA YIN NO ZHES BYA BAR BRTAG PAR YANG MI NUS TE, DE LTAR NA MYA NGAN LAS 'DAS PA NI DNGOS PO DANG DNGOS PO MED PA YANG MA YIN NO, , YANG NA 'DU BYED 'KHOR BA YIN NO ZHES BYA BA GANG DAG GI PHYOGS YIN PA DE DAG GI LTAR NA RTEN CING BRTEN NAS SKYE BA DANG 'JIG PA GANG YIN PA DE BRTEN PA MA YIN PAR MI 'JUG PA LA MYA NGAN LAS 'DAS PA ZHES BYA BAR BRJOD PA 'AM, GANG DAG GI LTAR NA GANG ZAG 'KHOR BA YIN PA DE DAG GI RTAG PA DANG MI RTAG PA NYID DU BRJOD DU MED PA DE'I 'ONG BA DANG 'GRO BA'I DNGOS PO MED PAR NYE BAR LEN PA DE DANG DE LA BRTEN NAS GANG YIN PA DE NI RGYUR BYAS NAS 'JUG PA YIN LA, RGYUR BYAS SHING RGYUR BYAS NAS 'JUG PA DE NYID DA LTAR RGYUR BYAS PA MA YIN PAR MI 'JUG PA NI MYA NGAN LAS 'DAS PA ZHES BYA BAR BSNYAD DO, ,'DU BYED RNAMS DANG GANG ZAG GI MI 'JUG PA TZAM NI DNGOS PO 'AM DNGOS PO MED PA YIN NO ZHES BYA BAR BRTAG PAR NUS PA YANG MA YIN NO, ,DE'I PHYIR YANG MYA NGAN LAS 'DAS PA DNGOS PO DANG DNGOS PO MED PAR MI RIGS SO ZHES BYA BA'O, ,GZHAN YANG, 'BYUNG BA DANG NI 'JIG PA DAG, ,SLANG BAR STON PAS BKA' STZAL TO, ,DE PHYIR MYA NGAN 'DAS PA NI, ,DNGOS MIN DNGOS MED MIN PAR RIGS, ,DE LA MDO LAS DGE SLONG DAG GANG DAG 'BYUNG BA'AM 'JIG PAS SRID PA LAS NGES PAR 'BYUNG BA TSOL BA DE NI DE DAG GI YONGS @178A *, ,SU MI SHES PA CHEN PO YIN NO ZHES GSUNGS SO, ,'BYUNG BA'I SRED PA DANG 'JIG PA'I SRED PA DE NI GNYI GA YANG YONGS SU SPANG BAR BYA BA YIN NA, MYA NGAN LAS 'DAS PA NI DE LTAR BCOM LDAN 'DAS KYIS SPANG BAR BYA BA MA GSUNGS TE, 'O NA CI ZHE NA, SPANG BAR BYA BA MA YIN PAR RO, ,DE'I PHYIR GAL TE MYA NGAN LAS 'DAS PA DNGOS PO'I RANG BZHIN CAN NAM, DNGOS PO MED PA'I RANG BZHIN DU GYUR NA NI, DE YANG SPANG BAR BYA BA KHO NAR 'GYUR NA, SPANG BAR BYA BA YANG MA YIN TE, DE'I PHYIR MYA NGAN LAS 'DAS PA DNGOS PO MA YIN ZHING DNGOS PO MED PA YANG MA YIN PAR MI RIGS SO, ,GANG DAG GI LTAR NA NYON MONGS PA DANG SKYE BA GNYIS DE LA MED PAS, MYA NGAN LAS 'DAS PA DNGOS PO MED PA'I RANG BZHIN YIN LA, RANG NYID DNGOS PO'I NGO BO YIN PAS DNGOS PO'I RANG BZHIN YIN NO ZHES GNYIS KA'I RANG BZHIN YIN PA DE DAG GI , GNYI GA'I RANG BZHIN CAN GYI MYA NGAN LAS 'DAS PA YANG MI 'THAD DO ZHES BSTAN PA'I PHYIR GSUNGS PA, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,DNGOS DANG DNGOS PO MED PA DAG ,THAR PAR 'GYUR NA DE MI RIGS, ,GAL TE MYA NGAN LAS 'DAS PA DNGOS PO DANG DNGOS PO MED PA GNYI GA'I RANG BZHIN DU GYUR NA NI, ,DE'I TSE DNGOS PO DANG DNGOS PO MED PAR THAR PAR 'GYUR RO, ,DE'I PHYIR 'DU BYED RNAMS KYI BDAG NYID 'THOB PA DANG, DE DANG BRAL BA GANG YIN PA DE NYID THAR PAR 'GYUR NA, 'DU BYED DAG NI THAR BA ZHES BYA BAR RIGS PA YANG MA YIN NO, ,DE NYID KYI PHYIR, DE MI RIGS SO ZHES BSHAD DO, ,GZHAN YANG, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,MYA NGAN 'DAS PA MA BRTEN MIN, ,DE GNYIS BRTEN NAS YIN PHYIR RO, ,GAL TE MYA NGAN LAS 'DAS PA DNGOS PO DANG DNGOS PO MED PA'I RANG BZHIN YIN NA NI, DE'I TSE RGYU DANG RKYEN GYI TSOGS PA LA BRTEN CING LTOS NAS YIN GYI, MA BRTEN PAR NI MA YIN NO, ,CI'I PHYIR ZHE NA, GANG GI PHYIR, DE GNYIS BRTEN NAS YIN PHYIR RO STE, DNGOS PO LA BRTEN NAS DNGOS PO MED PA YIN ZHING, DNGOS PO MED PA LA BRTEN NAS @178B DNGOS PO YOD PA'I PHYIR, DNGOS PO DANG DNGOS PO MED PA DE GNYI GA BRTEN NAS YIN GYI MA BRTEN PAR NI MA YIN NO, ,MYA NGAN LAS 'DAS PA DNGOS PO DANG DNGOS PO MED PA'I RANG BZHIN YIN PA'I PHYIR DE LTAR 'GYUR BA ZHIG NA, DE NI DE LTAR YANG MA YIN TE, DE'I PHYIR 'DI NI MI RIGS SO, , GZHAN YANG, JI LTAR MYA NGAN 'DAS PA NI, ,DNGOS DANG DNGOS MED GNYIS YIN TE, ,MYA NGAN 'DAS PA 'DUS MA BYAS, ,DNGOS DANG DNGOS MED 'DUS BYAS YIN, ,DNGOS PO NI RANG GI RGYU DANG RKYEN GYI TSOGS PA LAS BYUNG BA'I PHYIR 'DUS BYAS YIN LA, DNGOS PO MED PA YANG DNGOS PO LA BRTEN NAS 'BYUNG BA'I PHYIR DANG, SKYE BA'I RKYEN GYIS RGA SHI ZHES 'BYUNG BA'I PHYIR 'DUS BYAS YIN NO, ,DE'I PHYIR GAL TE MYA NGAN LAS 'DAS PA DNGOS PO DANG DNGOS PO MED PA'I RANG BZHIN YIN NA NI, ,DE'I TSE DE 'DUS MA BYAS YIN GYI, 'DUS BYAS NYID DU 'GYUR NA, ,'DUS BYAS SU NI 'DOD PA YANG MA YIN NO, , DE'I PHYIR MYA NGAN LAS 'DAS PA DNGOS PO DANG DNGOS PO MED PAR MI RIGS SO, ,CI STE YANG MYA NGAN LAS 'DAS PA NI DNGOS PO DANG DNGOS PO MED PA'I RANG BZHIN MA YIN TE, 'O NA CI ZHE NA, MYA NGAN LAS 'DAS PA LA DNGOS PO DANG DNGOS PO MED PA DE DAG YOD PA MA YIN NO SNYAM NA, DE YANG MI RIGS SO; ,GANG LAS SHE NA, GANG GI PHYIR, ,JI LTAR MYA NGAN 'DAS PA LA, ,DNGOS DANG DNGOS MED GNYIS YOD DE, ,DNGOS DANG DNGOS PO MED PA PHAN TSUN 'GAL BA DAG KYANG MYA NGAN LAS 'DAS PA GCIG LA YOD PA MA YIN TE, DE'I PHYIR, JI LTAR MYA NGAN 'DAS PA LA, ,DNGOS DANG DNGOS MED GNYIS YOD DE, ,YOD PA MA YIN PA NYID DE SNYAM DU DGONGS PA YIN NO, ,JI LTA BUR ZHE NA, DE GNYIS GCIG LA YOD MIN TE, ,SNANG BA DANG NI MUN PA BZHIN, ,JI LTAR KHYIM GCIG TU DUS GCIG GI TSE, PHAN TSUN 'GAL BAS, SNANG BA DANG MUN PA DAG YOD PA MA YIN PA DE BZHIN DU DE GNYIS KYANG MYA NGAN LAS 'DAS PA LA YOD PA MA YIN NO, ,DA NI MYA NGAN LAS 'DAS PA DNGOS PO MA YIN ZHING DNGOS PO MED PA YANG MA YIN PA YANG JI LTAR MI RIGS PA DE LTAR BSTAN PA'I PHYIR, DNGOS MIN DNGOS PO MED MIN PA, ,MYA NGAN 'DAS PAR GANG STON PA, ,DNGOS PO MED DANG DNGOS @179A *, ,PO DAG ,GRUB NA DE NI 'GRUB PAR 'GYUR, ,ZHES GSUNGS TE, GAL TE DNGOS PO ZHES BYA BA 'BA' ZHIG YOD NA NI, DE'I TSE DE BKAG PA'I SGO NAS MYA NGAN LAS 'DAS PA DNGOS PO MA YIN PA ZHES BYA BA'I RTOG PA 'DIR 'GYUR LA, GAL TE DNGOS PO MED PA 'GA' ZHIG YOD NA NI, DE'I TSE DE BKAG PAS MYA NGAN LAS 'DAS PA DNGOS PO MED PA MA YIN PAR 'GYUR BA ZHIG NA, GANG GI TSE DNGOS PO DANG DNGOS PO MED PA DAG NYID YOD PA MA YIN PA DE'I TSE DE DAG BKAG PA YANG YOD PA MA YIN NO, ,DE'I PHYIR MYA NGAN LAS 'DAS PA DNGOS PO MA YIN ZHING, DNGOS PO MED PA YANG MA YIN NO SNYAM DU RTOG PA GANG YIN PA DE YANG MI 'THAD PAS 'DI NI RIGS PA MA YIN NO, ,GZHAN YANG, GAL TE MYA NGAN 'DAS PA NI, ,DNGOS MIN DNGOS PO MED MIN NA, ,DNGOS MIN DNGOS PO MED MIN ZHES, ,GANG ZHIG GIS NI DE MNGON BYED, ,GAL TE MYA NGAN LAS 'DAS PA DNGOS PO MA YIN ZHING DNGOS PO MED PA YANG MA YIN PA'I RANG BZHIN DU YOD DO ZHES RTOG NA, DA NI GANG ZHIG GIS RNAM PA DE LTA BUR GYUR PA MYA NGAN LAS 'DAS PA GNYI GA'I NGO BO MA YIN PA DE YOD DO ZHES BYA BAR MNGON PAR BYED DE, 'DZIN PA'AM GSAL BAR BYED, CI MYA NGAN LAS 'DAS PA DE LA RNAM PA DE LTA BU'I RTOGS PA PO 'GA' ZHIG YOD DAM 'ON TE MED, GAL TE YOD NA NI DE LTAR NA MYA NGAN LAS 'DAS PAR YANG BDAG YOD PAR 'GYUR NA, 'DOD PA NI MA YIN TE, NYE BAR LEN PA MED PAR BDAG YOD PA NYID MA YIN PA'I PHYIR RO, ,CI STE MED NA NI DE'I TSE RNAM PA DE LTA BU'I MYA NGAN LAS 'DAS PA DE YOD PAR GANG GIS GCOD PAR BYED, GAL TE 'KHOR BA NA GNAS PAS YONGS SU GCOD PAR BYED DO ZHE NA, 'KHOR BA NA GNAS PAS YONGS SU GCOD PAR BYED NA DE CI RNAM PAR SHES PAS GCOD PAR BYED DAM, 'ON TE YE SHES KYIS YIN GRANG NA, GAL TE RNAM PAR SHES PAS YIN PAR RTOG NA, DE NI MI RIGS SO, ,CI'I PHYIR ZHE NA, 'DI LTAR RNAM PAR SHES PA 'DI NI MTSAN MA LA DMIGS PA YIN NO, MYA NGAN LAS 'DAS PA LA NI MTSAN MA CUNG ZAD KYANG YOD PA MA YIN TE, DE'I PHYIR RE ZHIG DE NI RNAM PAR SHES PAS DMIGS PAR BYED PA MA YIN NO, ,YE SHES KYIS KYANG SPYOD PAR BYED PA @179B MA YIN TE, YE SHES KYIS NI STONG PA NYID LA DMIGS PAR 'GYUR DGOS LA DE YANG MA SKYES PA'I RANG BZHIN NYID YIN PAS, JI LTAR YOD PA MA YIN PA'I RANG BZHIN DES MYA NGAN LAS 'DAS PA DNGOS PO MA YIN ZHING, DNGOS PO MED PA MA YIN PA ZHES BYA BAR 'DZIN PAR BYED, YE SHES NI SPROS PA THAMS CAD LAS 'DAS PA'I RANG BZHIN YIN PA'I PHYIR RO, ,DE'I PHYIR MYA NGAN LAS 'DAS PA NI GANG GIS KYANG DNGOS PO MA YIN ZHING, DNGOS PO MED PA MA YIN NO ZHES BYA BAR MNGON PAR MI BYED LA, MNGON PAR MA BYAS SHING GSAL BAR MA BYAS LA, MA BZUNG BA DE NI DE LTAR YOD DO ZHES BYA BAR MI RIGS SO, ,JI LTAR MYA NGAN LAS 'DAS PA LA RTOG PA BZHI PO 'DI DAG RNAM PA THAMS CAD DU MI SRID PA DE BZHIN DU, MYA NGAN LAS 'DAS PA THUGS SU CHUD PA PO DE BZHIN GSHEGS PA LA YANG RTOG PA 'DI DAG SRID PA MA YIN ZHES BSTAN PA'I PHYIR, BCOM LDAN MYA NGAN 'DAS GYUR NAS, ,YOD PAR MI MNGON DE BZHIN DU, ,MED DO ZHE 'AM GNYI GA 'AM, ,GNYIS MIN ZHES KYANG MI MNGON NO, ,ZHES GSUNGS TE, 'DI LTAR, ,GANG GIS 'DZIN STUG BZUNG GYUR PA, ,DE NI MYA NGAN 'DAS PA LA, ,DE BZHIN GSHEGS PA YOD CE 'AM, ,MED CES RNAM RTOG RTOG PAR BYED, ,CES GONG DU BSHAD ZIN TO, ,DE LTAR NA RE ZHIG DE BZHIN GSHEGS PA MYA NGAN LAS 'DAS PHAN CHAD YOD PA'AM MED DO ZHES BYA BAR MI MNGON NO, ,'DI GNYIS MED PAS GNYI GA'O ZHES BYA BAR YANG MI MNGON NO, ,GNYI GA MED PA NYID KYIS NA GNYI GA MA YIN PA ZHES BYA BAR YANG MI MNGON ZHING MI 'DZIN PA YIN NO, ,BCOM LDAN 'DAS MYA NGAN LAS 'DAS NAS, RNAM PA BZHIR MI MNGON PA 'BA' ZHIG TU MA ZAD KYI, GZHAN YANG, BCOM LDAN BZHUGS PAR GYUR NA YANG, ,YOD PAR MI MNGON DE BZHIN DU, ,MED DO ZHE 'AM GNYI GA DANG, ,GNYIS MIN ZHES KYANG MI MNGON NO, ,JI LTAR MI MNGON PA DE LTAR NI DE BZHIN GSHEGS PA BRTAG PAR BSTAN ZIN PA NYID DO, ,DE NYID KYI PHYIR, 'KHOR BA MYA NGAN 'DAS PA LAS, ,KHYAD PAR CUNG ZAD YOD MA YIN, ,MYA NGAN 'DAS PA'ANG 'KHOR BA LAS, ,KHYAD PAR CUNG ZAD YOD MA YIN, ,GANG GI PHYIR @180A *, ,BCOM LDAN 'DAS ZHUGS PA NA YANG YOD DO ZHES BYA BA LA SOGS PA MI MNGON LA, MYA NGAN LAS 'DAS PA NA YANG YOD DO ZHES BYA BA LA SOGS PAR MI MNGON PA DE NYID KYI PHYIR 'KHOR BA DANG MYA NGAN LAS 'DAS PA GNYIS LA PHAN TSUN KHYAD PAR 'GA' YANG YOD PA MA YIN TE, RNAM PAR DPYAD NA RANG BZHIN MTSUNGS PA'I PHYIR RO, ,GANG YANG BCOM LDAN 'DAS KYIS 'DI SKAD DU, DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED DO ZHES GSUNGS PA DE YANG 'DI NYID KYI PHYIR 'THAD PA YIN TO, 'KHOR BA DANG MYA NGAN LAS 'DAS PA GNYIS LA KHYAD PAR MED PA'I PHYIR RO, ,'DI LTAR, MYANG 'DAS MTHA' DAG GANG YIN PA, ,DE NI 'KHOR BA'I MTHA' YIN TE, ,DE GNYIS KHYAD PAR CUNG ZAD NI, ,SHIN TU PHRA BA'ANG YOD MA YIN, ,MYA NGAN LAS 'DAS PA DANG 'KHOR BA LA KHYAD PAR MED PA'I PHYIR, SNGON DANG PHYI MA'I MTHAR RTOG PA YOD PA MA YIN PA 'BA' ZHIG TU MA ZAD KYI, GANG 'DAS PHAN CHAD MTHA' SOGS DANG, ,RTAG LA SOGS PAR LTA BA DAG ,MYA NGAN 'DAS DANG PHYI MTHA' DANG, ,SNGON GYI MTHA' LA BRTEN PA YIN, ,DE DAG KYANG DE NYID KYI PHYIR MI 'THAD PA YIN TE, 'KHOR BA DANG MYA NGAN LAS 'DAS PA DE GNYIS KA YANG RANG BZHIN GYIS ZHI BA NYID DU RO GCIG PA'I PHYIR RO, ,DE LA 'DAS PHAN CHAD CES BYA BA'I NYE BAR MTSON PA 'DIS NI LTA BA BZHIN BZUNG NGO, ,'DI LTA STE, DE BZHIN GSHEGS PA GRONGS PHAN CHAD PA YOD PA DANG, DE BZHIN GSHEGS PA GRONGS PHAN CHAD MED PA DANG, DE BZHIN GSHEGS PA GRONGS PHAN CHAD YOD KYANG YOD LA MED KYANG MED PA DANG, DE BZHIN GSHEGS PA GRONGS PHAN CHAD YOD PA YANG MA YIN MED PA YANG MA YIN NO ZHES BYA BA STE, LTA BA BZHI PO 'DI DAG NI MYA NGAN LAS 'DAS PA LA MCHOG TU 'DZIN PAR ZHUGS SO, ,MTHA' LA SOGS PA YANG LTA BA BZHI'O, ,'DI LTA STE, 'JIG RTEN MTHA' DANG LDAN NO, ,'JIG RTEN MTHA' DANG MI LDAN NO, ,'JIG RTEN MTHA' DANG LDAN PA YANG YIN LA MTHA' DANG MI LDAN PA YANG YIN NO, ,MTHA' DANG LDAN PA YANG MA YIN LA MTHA' DANG MI LDAN PA YANG MA YIN NO ZHES BYA BA STE, LTA @180B BA BZHI PO 'DI DAG NI PHYI MA'I MTHA' LA BRTEN TE 'JUG PA YIN NO, ,DE LA BDAG DANG 'JIG RTEN LA MA 'ONGS PA'I SKYE BA MA MTHONG BAS 'JIG RTEN MTHA' DANG LDAN NO ZHES DE LTAR NA RTOG PA NA, PHYI MA'I MTHA' LA BRTEN NAS 'JUG PAR 'GYUR RO, ,DE BZHIN DU MA 'ONGS PA'I SKYE BA MTHONG BAS 'JIG RTEN MTHA' DANG MI LDAN NO ZHES 'JUG CING, MTHONG BA DANG MA MTHONG BAS NI GNYI GAR RTOGS PAR 'GYUR LA, GNYI GA BKAG PAS NI MTHA' DANG LDAN PA YANG MA YIN MTHA' DANG MI LDAN PA YANG MA YIN NO ZHES BYA BAR RTOGS PAR 'GYUR RO, ,'JIG RTEN RTAG GO , ,'JIG RTEN MI RTAG GO , ,'JIG RTEN RTAG KYANG RTAG LA MI RTAG KYANG MI RTAG GO , ,RTAG PA YANG MA YIN MI RTAG PA YANG MA YIN NO ZHES BYA BA LTA BA BZHI PO 'DI DAG NI SNGON GYI MTHA' LA BRTEN NAS 'BYUNG BA YIN NO, ,DE LA BDAG DANG 'JIG RTEN LAS 'DAS PAR SKYES PA MTHONG BAS 'JIG RTEN RTAG GO SNYAM DU RTOGS PAR 'GYUR LA, MA MTHONG BAS NI MI RTAG GO SNYAM DU RTOGS PAR 'GYUR RO, ,MTHONG BA DANG MA MTHONG BAS NI RTAG KYANG RTAG LA MI RTAG KYANG MI RTAG GO SNYAM DU RTOGS PAR 'GYUR LA, MTHONG BA YANG MA YIN MA MTHONG BA YANG MA YIN PAS NI RTAG PA YANG MA YIN MI RTAG PA YANG MA YIN NO SNYAM DU RTOGS PAR 'GYUR RO, ,LTA BA 'DI DAG JI LTAR RUNG BAR 'GYUR ZHE NA, GAL TE DNGOS PO GANG ZHIG LA RANG BZHIN 'GA' ZHIG YOD NA NI, DE LA DNGOS PO DANG DNGOS PO MED PAR BRTAGS PAS LTA BA 'DI DAG YOD PAR 'GYUR BA ZHIG NA, GANG GI TSE 'KHOR BA DANG MYA NGAN LAS 'DAS PA GNYIS LA KHYAD PAR MED PAR BSTAN PA DE'I TSE, DNGOS PO THAMS CAD STONG PA LA, ,MTHA' YOD CI ZHIG MTHA' MED CI, ,MTHA' DANG MTHA' MED CI ZHIG YIN, ,MTHA' DANG MTHA' MED MIN PA CI, ,DE NYID CI ZHIG GZHAN CI YIN, ,RTAG PA CI ZHIG MI RTAG CI, ,RTAG DANG MI RTAG GNYI GA CI, , GNYI GA YIN PA'ANG CI ZHIG YIN, ,LUNG DU MA BSTAN PA'I DNGOS PO BCU BZHI PO 'DI DAG KYANG DNGOS PO'I RANG GI NGO BO MED NA MI RIGS PA NYID DO, ,GANG ZHIG DNGOS PO'I RANG GI NGO BO SGRO BTAGS TE, DE DANG BRAL BA DANG MA BRAL BA LAS LTA BA 'DI DAG BSKYED NAS, MNGON PAR ZHEN PA DE'I MNGON @181A *, ,PAR ZHEN PA 'DIS MYA NGAN LAS 'DAS PA'I GRONG KHYER DU 'GRO BA'I LAM 'GOG CING, 'KHOR BA'I SDUG BSNGAL DAG LA SBYOR BAR BYED PA YIN NO ZHES SHES PAR BYA'O, ,'DIR SMRAS PA, GAL TE DE LTAR KHYOD KYIS MYA NGAN LAS 'DAS PA YANG BKAG NA, DE LTAR YIN NA, BCOM LDAN 'DAS SEMS CAN GYI PHUNG PO SPYOD PA MTHA' YAS PA'I RJES SU 'JUG PA, 'GRO BA'I BSAM PA'I RANG BZHIN PHYIN CI MA LOG PAR THUGS SU CHUD PA, THUGS RJE CHEN PO'I GZHAN DBANG DU GYUR PAS, 'JIG RTEN GYI MYA NGAN LAS 'DAS PA THOB PAR MDZAD PA'I SLAD DU, SPYOD PA'I GNYEN POR RJES SU MTHUN PA'I CHOS BSTAN PA GANG YIN PA DE DON MED PAR 'GYUR RO, ,BRJOD PAR BYA STE, GAL TE CHOS ZHES BYA BA 'GA' ZHIG GAM, CHOS DE'I NYAN PA PO'I SEMS CAN 'GA' ZHIG GAM, SANGS RGYAS BCOM LDAN 'DAS ZHES BYA BA STON PA PO 'GA' ZHIG YOD NA NI DE'I TSE 'DI DE LTAR 'GYUR NA, GANG GI TSE, DMIGS PA THAMS CAD NYER ZHI ZHING, SPROS PA NYER ZHI ZHI BA STE, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,MA GSUNGS PA DE'I TSE KHO BO CAG LA JI SKAD SMRAS PA'I NYES PAR THAL BAR GAL 'GYUR, 'DIR SPROS PA STE MTSAN MA RNAMS GANG NYE BAR ZHI BA STE, MI 'JUG PA GANG YIN PA DE MYA NGAN LAS 'DAS PA YIN LA, NYE BAR ZHI BA DE NYID NI NYE BAR ZHI BA STE RANG BZHIN GYIS NYE BAR ZHI BA'I PHYIR RO, ,YANG NA TSIG MI 'JUG PAS SPROS PA NYER ZHI YIN LA, SEMS MI 'JUG PAS ZHI BA'O, ,YANG NA NYON MONGS PA RNAMS MI 'BYUNG BAS SPROS PA NYER ZHI YIN LA SKYE BA MI 'BYUNG PAS ZHI BA'O, ,YANG NA NYON MONGS PA SPANGS PAS SPROS PA NYER ZHI YIN LA, BAG CHAGS MA LUS PAR SPANGS PAS ZHI BA'O, ,YANG NA SHES BYA MA DMIGS PAS SPROS PA NYER ZHI YIN LA, SHES PA MA DMIGS PAS ZHI BA'O, ,GANG GI TSE DE LTAR SANGS RGYAS BCOM LDAN 'DAS RNAMS NAM MKHA' LA DANG PA'I RGYAL PO DAG RANG GI GSHOG PA BRDABS PA'I RLUNG LA GNAS PA'AM, NAM MKHA' CI YANG MA YIN PA NYID KYI PHYIR RLUNG NAM MKHA' LA GNAS PA LTAR, MYA NGAN LAS 'DAS PA SPROS PA THAMS CAD @181B NYE PAR ZHI ZHING, ZHI BA'I NGO BO LA MI GNAS PA'I TSUL GYIS GNAS PA, DE'I TSE MTSAN MA THAMS CAD NYE BAR MA DMIGS PA'I PHYIR, GANG DU YANG RUNG STE LHA YUL LAM MI YUL DAG TU, LHA'AM MI SU LA YANG KUN NAS NYON MONGS PA'AM RNAM PAR BYANG BA'I CHOS 'GA' YANG MA BSTAN TO ZHES BYA BAR SHES PAR BYA'O, ,JI SKAD DU, 'PHAGS PA DE BZHIN GSHEGS PA'I GSANG BA'I MDO LAS, ZHI BA'I BLO GROS GANG GI NUB MO DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DAS PAR 'GYUR BA DE'I BAR DU, DE BZHIN GSHEGS PAS THA NA YI GE 'BRUG GCIG KYANG MA GSUNGS SO, ,GSUNG BAR MI 'GYUR RO ZHES GSUNGS SO, ,DE BZHIN DU, THAMS CAD TSIG MED YI GE MED, ,GDOD NAS ZHI ZHING DRI MED STONG, , CHOS RNAMS DE LTAR SUS SHES PA, ,DE NI GZHON NU SANGS RGYAS BRJOD, ,CES GSUNGS SO, ,GAL TE DE LTAR SANGS RGYAS KYIS GANG DU YANG SU LA YANG CHOS 'GA' MA BSTAN NA, 'O NA JI LTAR GSUNG RAB KYI THA SNYAD SHIN TU SNA TSOGS PA DE DAG MNGON PAR 'GYUR ZHE NA, BRJOD PAR BYA STE, BCOM LDAN 'DAS 'DIS KHO BO CAG LA CHOS 'DI DAG BSTAN TO ZHES BYA BA 'DI NI, LUS CAN MA RIG PA'I GNYID DANG LDAN ZHING RMI LAM RMI BZHIN PA RNAMS KYI RANG GI RNAM PAR RTOG PA LAS BYUNG BA YIN NO, ,JI SKAD DU, BCOM LDAN 'DAS KYIS, DE BZHIN GSHEGS PA ZAG PA MED PA YIN, ,DGE BA'I CHOS KYI GZUGS BRNYAN LTA BU YIN, ,DE BZHIN NYID DANG DE BZHIN GSHEGS PA MED, ,'JIG RTEN THAMS CAD KYI NI GZUGS BRNYAN MTHONG, ,ZHES GSUNGS PA LTA BU'O, ,DE BZHIN DU 'DI NI DE BZHIN GSHEGS PA'I GSANG BA BSTAN PA'I LE'U LAS RGYA CHER BSTAN PA YIN TE, DE'I PHYIR MYA NGAN LAS 'DAS PA'I SLAD DU CHOS BSTAN PA MED PAS CHOS BSTAN PA YOD PA'I PHYIR, MYA NGAN LAS 'DAS PA YOD PA NYID DU GA LA 'GYUR, ,DE'I PHYIR MYA NGAN LAS 'DAS PA YANG MED DO ZHES BYA BA GRUB PO, ,BCOM LDAN 'DAS KYIS KYANG, MYA NGAN 'DAS @182A *, ,MED MYANG 'DAS SU, 'JIG RTEN MGON GYIS BSTAN PA STE, ,NAM MKHA' MDUD PA BOR BA NI, ,NAM MKHA' NYID KYIS BKROL BA YIN, ,ZHES GSUNGS PA YIN NO, ,DE BZHIN DU, BCOM LDAN 'DAS GANG DAG CHOS 'GA' ZHIG SKYE BA'AM 'GAG PAR 'TSAL BA DE DAG LA NI SANGS RGYAS 'BYUNG BA MA LAGS SO, ,BCOM LDAN 'DAS GANG DAG 'KHOR BA DNGOS POR 'TSAL BA DE DAG NI, 'KHOR BA LAS 'DA' BA MA LAGS SO, ,DE CI'I SLAD DU ZHE NA, BCOM LDAN 'DAS MYA NGAN LAS 'DAS PA ZHES BGYI BA NI, GANG MTSAN MA THAMS CAD RAB TU ZHI BA, RNAM PAR RTOG PA THAMS CAD 'GAGS PA LAGS NA, BCOM LDAN 'DAS SKYES BU BLUN PO LEGS PAR GSUNGS PA'I CHOS 'DUL BA LA RAB TU BYUNG NAS, MU STEGS KYI LTA BAR LHUNG BA DE DAG NI, 'DI LTA STE, TIL LAS TIL MAR DANG, 'O MA LAS MAR GSAR LTAR MYA NGAN LAS 'DAS PA DNGOS PO LAS TSOL BAR BGYID DO, ,BCOM LDAN 'DAS GANG DAG CHOS THAMS CAD SHIN TU MYA NGAN LAS 'DAS PA LA, MYA NGAN LAS 'DAS PA 'TSOL BA MNGON PA'I NGA RGYAL CAN DE DAG NI, MU STEGS CAN YIN NO ZHES KHO BO GLENG STE, BCOM LDAN 'DAS RNAL 'BYOR SPYOD PA YANG DAG PAR ZHUGS PA NI, CHOS GANG YANG SKYE BA'AM 'GAG PAR MI BGYID LA, CHOS GANG YANG 'THOB PA DANG, MNGON PAR RTOGS PAR MI 'TSAL LO ZHES RGYA CHER GSUNGS SO, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, MYA NGAN LAS 'DAS PA BRTAG PA ZHES BYA BA RAB TU BYED PA NYI SHU RTZA LNGA PA'I 'GREL BA'O,, ,,'DIR, RTEN CING 'BREL BAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES GANG BSHAD NA GANG ZHIG STONG PA NYID CES BYA BAR BRJOD PA RTEN CING 'BREL BAR 'BYUNG BA DE GANG YIN ZHES SMRA'O, ,RNAM PA GCIG TU NA, GANG 'DI SKAD DU, GANG GI RTEN CING 'BREL BAR 'BYUNG, ,MTHONG BA DES NI SDUG BSNGAL DANG, ,KUN 'BYUNG DANG NI 'GOG PA DANG, ,LAM NYID DE DAG MTHONG BA YIN, ,ZHES BSHAD PA, RTEN CING 'BREL BAR 'BYUNG BA DE GO GANG YIN ZHE'O, ,DE'I PHYIR @182B DE'I YAN LAG GI RAB TU DBYE BA BRJOD PAR BZHED NAS 'DI SKAD DU, MA RIG BSGRIBS PAS YANG SRID PHYIR, ,'DU BYED RNAM PA GSUM PO DAG ,MNGON PAR 'DU BYED GANG YIN PA'I, ,LAS DE DAG GIS 'GRO BAR 'GRO, ,ZHES GSUNGS SO, ,DE LA MA RIG PA NI MI SHES PA STE, MUN PA DANG YANG DAG PA JI LTA BA LA SGRIB PAR BYED PA'O, ,MA RIG PA DES BSGRIBS SHING BKAB PA'I GANG ZAG GIS YANG SRID PA'I PHYIR TE YANG SRID PA'I DON DANG, YANG SRID PA 'BYUNG BAR BYA BA'I PHYIR GANG DGE BA LA SOGS PA'I SEMS PA DAG MNGON PAR 'DU BYED CING SKYED PAR BYED DO, ,'DU BYED DE DAG NI YANG SRID PA MNGON PAR 'DU BYED PAS 'DU BYED DO, ,DE DAG KYANG RNAM PA GSUM STE, DGE BA DANG MI DGE BA DANG MI G-YO BA'O, ,YANG NA LUS KYI DANG NGAG GI DANG YID KYI'O, ,GANG ZAG MA RIG PAS BSGRIBS PAS LAS KYI MTSAN NYID CAN 'DU BYED RNAM PA GSUM BYED LA, MNGON PAR 'DU BYED PAS 'DU BYED LAS TE LAS KYI MING CAN DE DAG GIS NI DE'I RGYUS BYUNG BA 'GRO BAR 'GRO BAR 'GYUR RO, ,DE NAS DE'I, 'DU BYED RKYEN CAN RNAM PAR SHES, ,'GRO BA RNAMS SU 'JUG PAR 'GYUR, ,GANG ZAG 'DU BYED BYAS SHING BSAGS PA DE'I RNAM PAR SHES PA 'DU BYED KYI RGYU CAN 'KHOR BA DON MA YIN PA'I SA BON DU GYUR PA NI 'GRO BA 'DU BYED DANG MTHUN PAR LHA LA SOGS PA RNAMS SU 'JUG PA STE RAB TU 'JUG CING SKYE BAR 'GYUR RO, ,DE NAS DUS PHYIS, RNAM PAR SHES PA ZHUGS GYUR NA, ,MING DANG GZUGS NI CHAGS PAR 'GYUR,, DE LAS DANG NYON MONGS PAS BSGOS PAS SKYE BA'I GNAS DE DANG DER BKRI BAS NA MING YIN PA'AM, YANG NA DON DAG LA MING GI DBANG GIS RGYUG PAS NA MING STE, GZUGS CAN MA YIN PA'I PHUNG PO BZHI LA MING ZHES BSNYAD DO, ,GZHIG TU RUNG PAS NA GZUGS TE GNOD PAR BYAR RUNG ZHES BYA BA'I THA TSIG GO, ,GZUGS 'DI DANG SNGAR GYI MING GNYIS PO 'DI DAG BSDOMS TE MING DANG GZUGS ZHES RNAM PAR GZHAG GO, ,DE LA GZUGS DANG GZUGS BRNYAN GYI TSUL GYIS THA MA 'CHI BA'I PHUNG PO RNAMS 'GAGS PA NA SKAD CIG MA GCIG KHO NA LA SRANG MA BA'I MTHON @183A *, ,DMAN GYI TSUL DU SKYE BA'I CHA'I PHUNG PO RNAMS LAS KYIS JI LTAR 'PHANGS BA LTAR SKYE BAR 'GYUR RO, ,DE'I PHYIR DE LTAR MA'I MNGAL DU RNAM PAR SHES PA BRGYAL BAR GYUR NA, RNAM PAR SHES PA'I RKYEN CAN GYI MING DANG GZUGS CHAGS PAR 'GYUR TE, RED CING 'BRU BAR 'GYUR RO ZHES BYA BA'I DON TO, ,GAL TE 'GRO BAR RNAM PAR SHES PA BRGYAL BAR MI 'GYUR NA NI DE'I TSE MING DANG GZUGS 'BYUNG BAR MI 'GYUR TE, DGA' BO RNAM PAR SHES PA DE GAL TE MA'I MNGAL DU ZHUGS PAR MA GYUR NA NI, DE'I TSE NUR NUR PO DE NUR NUR PO NYID DU 'GRUB PAR MI 'GYUR RO ZHES 'BYUNG BA'I PHYIR RO, ,DE'I PHYIR DE LTAR NA, MING DANG GZUGS NI CHAGS GYUR NA, ,SKYE MCHED DRUG NI 'BYUNG BAR 'GYUR, ,SDUG BSNGAL 'BYUNG BA LA SKYED PAR BYED PA NYID DU GYUR PA'I PHYIR, ,SKYE BA'I SGO'I DNGOS PO NYID KYIS NA MIG DANG RNA BA DANG SNA DANG LCE DANG LUS DANG YID CES BYA BA SKYE MCHED DRUG PO MING DANG GZUGS KYI RGYU CAN SKYE BAR 'GYUR RO, ,DES MIG GIS GZUGS RNAMS MTHONG NAS YID BDE BA'I GNAS SU MNGON PAR ZHEN PAR 'GYUR RO ZHES BYA BA LA SOGS PAS NA, SKYE MCHED DRUG NI SDUG BSNGAL 'BYUNG BA'I SKYE BA'I SGO NYID YIN NO DE'I PHYIR DE LTAR SKYE MCHED DRUG 'BYUNG BA YIN DANG, DUS PHYIS, SKYE MCHED DRUG LA BRTEN NAS NI, ,REG PA YANG DAG 'BYUNG BAR 'GYUR, ,REG PA 'DI YANG GANG ZHIG YIN ZHING, JI LTAR SKYE BAR 'GYUR ZHE NA, BSTAN PA'I PHYIR, MIG DANG GZUGS DANG DRAN BYED LA, ,BRTEN NAS SKYE BA KHO NA STE, ,DE LTAR MIG GZUGS BRTEN NAS NI, ,RNAM PAR SHES PA SKYE BAR 'GYUR, ,MIG DANG GZUGS DANG RNAM PAR SHES, ,GSUM PO 'DUS PA GANG YIN PA, ,DE NI REG PA'O, ,ZHES GSUNGS SO, ,DE LA MIG DANG GZUGS DAG DANG DRAN BYED DE, YID LA BYED PA YUL LA SOGS PA DANG MI MTHUN PA RNAM PAR SHES PA'I SA BON DU GYUR PA MTSUNGS PA DE MA THAG PA'I RKYEN LA BRTEN NAS MIG GI RNAM PAR SHES PA SKYE BA YIN NO, ,DE LA MIG DANG GZUGS KYI SKYE MCHED NI GZUGS SO, ,DRAN BYED PHUNG PO BZHI'I MTSAN NYID CAN NI MING STE, DE'I PHYIR @183B GSUM PO 'DI LA BRTEN NAS SKYE BA'I MIG GI RNAM PAR SHES PA DE NI MING DANG GZUGS LA BRTEN NAS SKYE BA YIN NO, ,DE'I PHYIR DBANG PO DANG YUL DANG RNAM PAR SHES PA GSUM PO 'DI DAG 'DUS PA GANG YIN PA STE, LHAN CIG SKYE ZHING PHAN TSUN PHAN 'DOGS PAS 'DRA BAR ZHUGS PA GANG YIN PA DE NI REG PA'I MTSAN NYID KYI REG PA'O, ,DE NAS DUS PHYIS, REG DE LAS, TSOR BA KUN DU 'BYUNG BAR 'GYUR, ,YUL YID DU 'ONG BA DANG YID DU MI 'ONG BA DANG GNYI GA LAS BZLOG PA NYAMS SU MYONG BA YUL GYI MYONG BA RIG PAS NA, TSOR BA YIN PA NI TSOR BA ZHES BYA STE, BDE BA DANG SDUG BSNGAL DANG, BDE BA YANG MA YIN SDUG BSNGAL BA YANG MA YIN PA'O, ,GZUGS DANG RNAM PAR SHES PA DANG, MIG DANG GSUM PO 'DI DAG 'DUS PA'I MTSAN NYID CAN REG PA LA BRTEN NAS TSOR BA YIN PAR JI SKAD DU BSHAD PA DE BZHIN DU, DBANG PO DANG YUL DANG RNAM PAR SHES PA LHAG MA DAG GSUM 'DUS PA'I MTSAN NYID KYI REG PA'I RGYU CAN GYI TSOR BA YANG BSHAD PAR RIG PAR BYA'O, ,DE NAS DUS PHYIS, TSOR BA'I RKYEN GYIS SRED PA STE, ,KUN DU 'BYUNG BAR 'GYUR ZHES BSNYEGS SO, ,SRED PA GANG LA TSOR BA'I RKYEN YOD PA DE NI TSO BA'I RKYEN GYIS SO, ,SRED PA DE YANG CI'I YUL CAN ZHIG YIN ZHE NA, TSOR BA'I YUL CAN NYID DO, ,CI'I PHYIR ZHE NA, GANG GI PHYIR SRED PA CAN DE, ,TSOR BA'I DON DU SRED PAR 'GYUR, ,TSOR BA'I CHED DU MNGON PAR 'DOD PA SKYED DO ZHES BYA BA'I DON TO, ,JI LTAR ZHE NA, RE ZHIG GAL TE DE LA TSOR BA BDE BA SKYES NA NI DE YANG DANG YANG DU DE DANG MI 'BRAL BAR BYA BA'I PHYIR SRED PAR 'GYUR RO, ,CI STE SDUG BSNGAL SKYES NA NI DE'I TSE DE DANG BRAL BAR BYA BA'I PHYIR SRED PAR 'GYUR RO, ,'ON TE BDE BA YANG MA YIN SDUG BSNGAL BA YANG MA YIN PA SKYES NA NI, DE MI NYAMS PAR BYA BA'I PHYIR SRID PAR 'GYUR TE, DE LTAR NA TSOR BA'I DON DU SRED PAR 'GYUR RO, ,DE DE LTAR, SRED PAR 'GYUR NA NYE BAR LEN, ,RNAM PA BZHI BO NYER LEN 'GYUR, ,DE LTAR TSOR BA DAG LA MNGON PAR ZHE NA ZHING CHAGS PA DE NI SRED PA'I RKYEN CAN LAS 'PHEL BA'I RGYU 'DOD PA DANG, LTA BA DANG @184A *, ,TSUL KHRIMS DANG BRTUL ZHUGS DANG BDAG TU SMRA BA ZHES BYA BA RNAM PA BZHI PO YONGS SU 'DZIN PAR 'GYUR TE, DE NI DE'I SRID PA'I RKYEN GYIS LEN PA YIN NO, ,DE NAS DUS PHYIS, NYER LEN YOD NA LEN PA PO'I, ,SRID PA RAB TU 'BYUNG BAR 'GYUR, ,GAL TE NYE BAR LEN MED NA, ,GROL BAR 'GYUR TE SRID MI 'GYUR, ,SRID PA DE YANG PHUNG PO LNGA, ,NYE BAR LEN PA JI SKAD DU BSHAD PA RNAM PA BZHI'I LEN PA PO STE, 'DZIN PA PO SKYED PAR BYED PA'O, ,NYE BAR LEN PA PO DE'I NYE BAR LEN PA'I RKYEN GYIS SRID PA SKYES PAR 'GYUR RO, ,CI'I PHYIR ZHE NA, GANG GI PHYIR GAL TE NYE BAR LEN PA PO GANG GIS TSOR BA LA SRED PA MA SKYED CING, SO SOR RTOG PA'I STOBS KYIS SRED PA BDAG GIR MA BYAS PAR LEN PA RNAM PA BZHI PO SPANGS NAS GNYIS SU MED PA'I YE SHES DRI MA MED PA MNGON DU BYAS PA LAS NYE BAR LEN PA MED PAR GYUR NA NI, DE GROL BAR 'GYUR ZHING DE'I TSE DE'I SRID PA YOD PAR MI 'GYUR RO, ,SRED PA DE YANG GANG ZHIG CE NA, SRID PA DE YANG PHUNG PO LNGA STE, GANG ZHIG NYE BAR LEN PA LAS RAB TU 'BYUNG BA DE NI PHUNG PO LNGA'I RANG BZHIN DU RIG PAR BYA'O, ,LUS DANG NGAG DANG YID KYI LAS RNAM PA GSUM CHAR YANG 'DI LAS MA 'ONGS PA'I PHUNG PO LNGA 'BYUNG BAS NA SRID PA ZHES BYA BAR BSNYAD DO, ,DE LA LUS DANG NGAG GI LAS NI GZUGS KYI PHUNG PO'I RANG BZHIN YIN LA, YID KYI LAS NI PHUNG PO LNGA'I RANG BZHIN YIN TE, DE LTAR NA SRID PA DE PHUNG PO LNGA YIN NO ZHES SHES PAR BYA'O, ,SRID PA DE LAS SKYE BA 'BYUNG STE, MA 'ONGS PA'I PHUNG PO 'BYUNG BA NI SKYE BA YIN LA, DE YANG SRID PA LAS RAB TU 'BYUNG NGO, ,DE NAS DUS PHYIS, ,RGA SHI DANG NI MYA NGAN DANG, ,SMRE SNGAGS 'DON BCAS SDUG BSNGAL DANG, YID MI BDE DANG 'KHRUG PA RNAMS, ,DE DAG SKYE LAS RAB TU 'BYUNG, SKYE BA'I RGYU CAN RGA SHI LA SOGS PA DE DAG 'BYUNG BAR 'GYUR RO, ,DE DAG GI BSHAD PA NI MDO JI LTA BA BZHIN RIG PAR BYA STE, DE LA RGA BA NI PHUNG PO YONGS SU SMIN PA'O, ,'CHI BA NI RGAS PA'I PHUNG PO 'JIG PA'O, ,MYA NGAN NI 'GRO ZHING 'CHI BZHIN PA'I KUN DU RMONGS PA'I MNGON @184B PAR CHAGS PA DANG BCAS PA'I SNYING GI GDUNG BA'O, ,SMRE SNGAGS 'DON PA NI MYA NGAN GYIS KUN NAS BSLANG PA'I NGAG GI BRJOD PA'O, ,SDUG BSNGAL NI DBANG PO LNGA LA GNOD BA'O, ,YID MI BDE BA NI YID DU MI 'ONG BA 'BAB PA'O, ,'KHRUG PA NI SDUG BSNGAL BA DANG YID MI BDE BA MANG PO 'BYUNG BA'O ZHES BYA'O, ,DE'I PHYIR DE LTAR JI SKAD BSHAD PA'I TSUL GYIS, ,DA LTAR SDUG BSNGAL PHUNG PO NI, ,'BA' ZHIG PO 'DI 'BYUNG BAR 'GYUR, ,DE LTAR ZHES BYA BA NI RGYU DANG RKYEN TZAM GYI STOBS KYIS ZHES BYA BA'I DON TO, ,SDUG BSNGAL PHUNG PO NI ZHES BYA BA NI SDUG BSNGAL GYI TSOGS DANG KHYU STE, SDUG BSNGAL SPUNGS PA ZHES BYA BA'I THA TSIG GO, ,'BA' ZHIG PA ZHES BYA BA NI BDAG DANG BDAG GI BA'I RANG BZHIN DANG BRAL BA ZHES BYA BA'I DON DANG, BYIS PA'I SKYE BOS BRTAGS PA TZAM SDUG BSNGAL GYI BDAG NYID BDE BA DANG MA 'DRES BZHES BYA BA'I THA TSIG GO, ,GANG GI PHYIR DE LTAR MA RIG PA LA SOGS PA LAS SRID PA'I YAN LAG RNAMS 'BYUNG BA DE'I PHYIR, 'KHOR BA'I RTZA BA 'DU BYED DE, ,DE PHYIR MKHAS RNAMS 'DU MI BYED, ,DE PHYIR MI MKHAS BYED PO YIN, ,MKHAS PAS DE NYID MTHONG PHYIR RO, ,DE LA 'KHOR BA RNAM PAR SHES PA LA SOGS PA 'JUG PA'I MTSAN NYID CAN GYI RTZA BA STE, RGYU'I GTZO BO NI 'DU BYED RNAMS YIN TE, DE'I PHYIR MI MKHAS PA NI 'KHOR BA'I RTZA BA 'DU BYED RNAMS 'DU BYED DE, DGE SLONG DAG MA RIG PA DANG RJES SU 'BREL BAR SKYES BU GANG ZAG NI BSOD RNAMS MNGON PAR 'DU BYA BA YANG MNGON PAR 'DU BYED DO, ,BSOD NAMS MA YIN PA MNGON PAR 'DU BYA BA YANG MNGON PAR 'DU BYED DO, ,MI G-YO BA MNGON PAR 'DU BYA BA YANG MNGON PAR 'DU BYED DO ZHES BCOM LDAN 'DAS KYIS GSUNGS PA'I PHYIR RO, ,GANG GI PHYIR DE LTAR NA; MI MKHAS PA BYED PA PO YIN PA DE'I PHYIR, MA RIG PA DANG LDAN PA'I GANG ZAG KHO NA 'DU BYED RNAMS KYI BYED PA POR 'GYUR GYI, MKHAS PA DE NYID MTHONG BA MA RIG PA SPANGS PA DE NI MA YIN NO, ,CI'I PHYIR ZHE NA, DE NYID MTHONG PHYIR RO STE DE NYID MTHONG NA NI DNGOS PO @185A *, ,THAMS CAD MI DMIGS PAS GANG LA DMIGS NAS LAS BYED PAR 'GYUR BA DE, CUNG ZAD KYANG YOD PA MA YIN NO, ,DE'I PHYIR DE NYID MTHONG BA'I PHYIR MKHAS PA BYED PA PO MA YIN NO, ,GANG GI PHYIR DE LTAR MA RIG PA YOD NA 'DU BYED RNAMS 'BYUNG LA MED NA MI 'BYUNG BA DE'I PHYIR, MA RIG 'GAGS PAR GYUR NA NI, ,'DU BYED RNAMS KUN 'BYUNG MI 'GYUR TE, ,RGYU MA TSANG BA'I PHYIR RO, ,MA RIG PA DE GANG LAS 'GAG PAR 'GYUR ZHE NA, MA RIG 'GAGS PAR GYUR NA NI, ,SHES PAS DE NYID BSGOMS PAS SO, ,RTEN CING 'BREL BAR 'BYUNG BA DE NYID PHYIN CI MA LOG PA JI LTA BA BZHIN BSGOMS PAS MA RIG PA RAB TU SPONG BAR 'GYUR RO, ,'DI LTAR GANG GIS RTEN CING 'BREL BAR 'BYUNG BA YANG DAG PAR MTHONG BA DES NI DNGOS PO PHRA MO'I YANG RANG GI NGO BO DMIGS PA MA YIN TE, GZUGS BRNYAN LTAR DNGOS PO RNAMS RANG BZHIN GYIS STONG PA NYID DU 'JUG PAR 'GYUR RO, ,DE DE LTAR DNGOS PO THAMS CAD RANG BZHIN GYIS STONG PA NYID DU ZHUGS PAS CHOS CUNG ZAD KYANG DMIGS PAR MI 'GYUR RO, ,DE MA DMIGS PAS 'GAR YANG MI RMONGS SO, ,MA RMONGS PAS LAS MI BYED DO, ,DE LTAR NA RTEN CING 'BREL BAR 'BYUNG BA BSGOMS PAS DE KHO NA NYID LA 'JUG PAR 'GYUR LA, DE NYID MTHONG BA'I RNAL 'BYOR PA'I MA RIG PA NGES PAR SPONG BAR 'GYUR RO, ,MA RIG PA SPANGS PAS 'DU BYED 'GAG PAR 'GYUR RO, ,DE LTAR MA RIG PA 'GAGS PAS 'DU BYED RNAMS JI LTAR 'GAG PA DE BZHIN DU, DE DANG DE NI 'GAGS GYUR PAS, ,DE DANG DE NI MNGON MI 'BYUNG, ,SDUG BSNGAL PHUNG PO 'BA' ZHIG PO, ,DE NI DE LTAR YANG DAG 'GAG , ,YAN LAG SNGA MA SNGA MA 'GAGS PAS YAN LAG PHYI MA PHYI MA 'GAG PAR 'GYUR RO ZHES SHES PAR BYA'O, ,RIM PA 'DIS NI RNAL 'BYOR BA'I SDUG BSNGAL GYI PHUNG PO SDUG BSNGAL GYI TSOGS BDAG DANG BDAG GI BA LA SOGS PA YANG DAG PA MA YIN PAR LTA BA DANG BRAL BA, BYED PA PO DANG TSOR BA PO DANG BRAL BA RANG BZHIN GYIS STONG PA SLAR MI 'BYUNG BAS YANG DAG PAR 'GAG PAR 'GYUR RO, ,JI @185B SKAD DU 'PHAGS PA S'A LU LJANG PA'I MDO LAS, DE BZHIN DU NANG GI RTEN CING 'BREL BAR 'BYUNG BA GNYIS KYI PHYIR 'BYUNG STE, GNYIS GANG ZHE NA, 'DI LTA STE, RGYU DANG 'BREL BA DANG RKYEN DANG 'BREL PA'O, ,DE LA NANG GI RTEN CING 'BREL BAR 'BYUNG BA RGYU DANG 'BREL BAR 'BYUNG BA GANG ZHE NA, GANG 'DI MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG MYA NGAN DANG SMRE SNGAGS 'DON PA DANG, SDUG BSNGAL BA DANG YID MI BDE BA DANG, 'KHRUG PA RNAMS 'BYUNG STE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'BYUNG BAR 'GYUR RO, ,GAL TE MA RIG PA MA BYUNG NA 'DU BYED RNAMS KYANG MI MNGON PA ZHIG GO, ,DE BZHIN DU SKYE BA MA BYUNG DU ZIN NA RGA SHI'I BAR DU MI MNGON PA ZHIG NA, 'ON KYANG MA RIG PA YOD PA LAS 'DU BYED RNAMS MNGON PAR 'GRUB PAR 'GYUR BA NAS, DE BZHIN DU SKYE BA YOD PA LAS RGA SHI'I BAR DU MNGON PAR 'GRUB PAR 'GYUR RO, ,DE LA YANG MA RIG PA YANG 'DI SNYAM DU BDAG GIS 'DU BYED RNAMS MNGON PAR SGRUB PO SNYAM DU MI SEMS SO, ,'DU BYED RNAMS KYANG 'DI SNYAM DU BDAG CAG NI MA RIG PAS MNGON PAR SGRUB PO SNYAM DU MI SEMS PA NAS DE BZHIN DU SKYE BA YANG 'DI SNYAM DU BDAG GIS RGA SHI MNGON PAR SGRUB PO SNYAM DU MI SEMS SHING, RGA SHI YANG 'DI SNYAM DU BDAG NI SKYE BAS MNGON PAR BSGRUBS SO SNYAM DU MI SEMS PA'I BAR DU STE, 'ON KYANG MA RIG PA YOD PA LAS 'DU BYED RNAMS MNGON PAR SGRUB PA'I 'BYUNG BAR 'GYUR BA NAS, DE BZHIN DU SKYE BA YOD PA LAS RGA SHI'I BAR DU MNGON PAR SGRUB CING 'BYUNG BAR 'GYUR TE, DE LTAR NA NANG GI RTEN CING 'BREL BAR 'BYUNG BA RGYU DANG 'BREL BAR BLTA'O, ,NANG GI RTEN CING 'BREL BAR 'BYUNG BA RKYEN DANG @186A *, ,'BREL BAR JI LTAR BA LTA ZHE NA, KHAMS DRUG 'DUS PA'I PHYIR TE, KHAMS DRUG PO GANG DAG 'DUS PA YIN ZHE NA, 'DI LTA STE, SA DANG CHU DANG ME DANG RLUNG DANG NAM MKHA' DANG, RNAM PAR SHES PA'I KHAMS 'DUS PA LAS NANG GI RTEN CING 'BREL BAR 'BYUNG BA RKYEN DANG 'BREL BAR BLTA'O, ,DE LA NANG GI RTEN CING 'BREL BAR 'BYUNG BA'I SA'I KHAMS GANG ZHE NA, GANG 'DI 'DUS NAS LUS KYI SRA BA'I DNGOS PO MNGON PAR GRUB PAR BYED PA 'DI NI SA'I KHAMS ZHES BYA'O, ,GANG LUS SDUD PA'I BYA BA BYED PA 'DI NI CHU'I KHAMS ZHES BYA'O, , GANG LUS KYI ZOS PA DANG 'THUNGS PA DANG 'CHOS PA DANG MYANGS PA RNAMS 'JU BAR BYED PA 'DI NI ME'I KHAMS ZHES BYA'O, ,GANG LUS KYI DBUGS PHYI NANG DU RGYU BA'I BYA BA BYED PA DE NI RLUNG GI KHAMS ZHES BYA'O, ,GANG LUS KYI NANG SBUBS YOD PAR BYED PA 'DI NI NAM MKHA'I KHAMS ZHES BYA'O, ,GANG MDUNG KHYIM GYI TSUL DU MING DANG GZUGS MNGON PAR 'GRUB PAR BYED PA RNAM PAR SHES PA'I TSOGS LNGA 'DUS PA DANG, ZAG PA DANG BCAS PA'I YID KYI RNAM PAR SHES PA 'DI NI RNAM PAR SHES PA'I KHAMS ZHES BYA'O, ,RKYEN DE DAG MED PAR LUS SKYE BAR MI 'GYUR GYI, NANG GI SA'I KHAMS TSANG ZHING, DE BZHIN DU SA DANG CHU DANG ME DANG RLUNG DANG NAM MKHA' DANG RNAM PAR SHES PA'I KHAMS RNAMS KYANG TSANG BAR GYUR LA, THAMS CAD 'DUS PA DE LAS LUS MNGON PAR 'GRUB PAR 'GYUR RO, ,DE LA SA'I KHAMS KYANG 'DI SNYAM DU BDAG GIS 'DUS NAS LUS KYI SRA BA'I DNGOS PO MNGON PAR SGRUB PO SNYAM DU MI SEMS SO, ,CHU'I KHAMS KYANG 'DI SNYAM DU BDAG GIS LUS KYI SDUD PA'I BYA BA BYA'O SNYAM DU MI DMIGS SO, ,ME'I KHAMS KYANG 'DI SNYAM DU BDAG GIS LUS KYI ZOS PA DANG 'THUNGS PA DANG 'CHOS PA DANG MYANGS BA RNAMS 'JU BAR BYA'O SNYAM DU MI SEMS SO, ,RLUNG GI KHAMS KYANG 'DI SNYAM DU BDAG GIS LUS KYI DBUGS PHYI NANG DU RGYU BA'I BYA BA BYA'O SNYAM DU MI SEMS SO, ,NAM MKHA'I KHAMS KYANG 'DI SNYAM DU BDAG GIS LUS KYI NANG SBUBS YOD PAR BYA'O SNYAM DU MI SEMS SO, ,RNAM PAR @186B SHES PA'I KHAMS KYANG 'DI SNYAM DU BDAG GIS LUS KYI MING DANG GZUGS MNGON PAR SGRUB PO SNYAM DU MI SEMS SO, ,LUS KYANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS MOD KYI, 'ON KYANG RKYEN 'DI DAG YOD NA LUS SKYE BAR 'GYUR RO, ,DE LA SA'I KHAMS NI BDAG MA YIN SEMS CAN MA YIN SROG MA YIN SKYE BA PO MA YIN SHED LAS SKYES PA MA YIN, SHED BU MA YIN, BUD MED MA YIN, SKYES PA MA YIN, MA NING MA YIN, NGA'I MA YIN, BDAG GI MA YIN TE, GZHAN SU'I YANG MA YIN NO, ,DE BZHIN DU CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS KYANG BDAG MA YIN, SEMS CAN MA YIN, SROG MA YIN, SKYE BA PO MA YIN, SHED LAS SKYES MA YIN, SHED BU MA YIN, BUD MED MA YIN, SKYES PA MA YIN, MA NING MA YIN, NGA MA YIN, BDAG GI MA YIN, GZHAN SU'I YANG MA YIN NO, ,DE LA MA RIG PA GANG ZHE NA, KHAMS DRUG PO 'DI DAG NYID LA GANG GCIG PUR 'DU SHES PA DANG, RIL POR 'DU SHES PA DANG, RTAG PAR 'DU SHES PA DANG, BRTAN PAR 'DU SHES PA DANG, THER ZUG TU 'DU SHES PA DANG, BDE BAR 'DU SHES PA DANG, BDAG TU 'DU SHES PA DANG, SEMS CAN DU 'DU SHES PA DANG, SROG TU 'DU SHES PA DANG, SKYE BA PO DANG, GSO BA DANG, SKYES BU DANG, GANG ZAG TU 'DU SHES PA DANG, SHED LAS SKYES PA DANG, SHED BUR 'DU SHES PA DANG, NGA ZHES BYA BA DANG, BDAG GO ZHES BYA BAR 'DU SHES PA STE, 'DI LTA BU LA SOGS PA MI SHES PA RNAM PA SNA TSOGS PA 'DI NI MA RIG PA ZHES BYA'O, ,DE LTAR MA RIG PA YOD PAS YUL RNAMS LA 'DOD CHAGS DANG ZHE SDANG DANG GTI MUG 'JUG STE, DE LA YUL RNAMS LA 'DOD CHAGS DANG ZHE SDANG DANG GTI MUG GANG YIN PA 'DI NI MA RIG PA'I RKYEN GYIS 'DU BYED RNAMS ZHES BYA'O, ,DNGOS PO SO SOR RNAM PAR RIG PA NI RNAM PAR SHES PA'O, ,RNAM PAR SHES PA DANG LHAN CIG 'BYUNG BA GZUGS CAN MA YIN PA NYE BAR LEN PA'I PHUNG @187A *, ,PO BZHI PO DE DAG NI MING YIN LA, 'BYUNG BA CHEN PO BZHI DANG, DE DAG RGYUR BYAS PA NI GZUGS TE, MING DE DANG GZUGS DE GCIG TU BSDUS PA DE NI MING DANG GZUGS SO, ,MING DANG GZUGS LA BRTEN PA'I DBANG PO RNAMS NI SKYE MCHED DRUG GO, ,GSUM 'DUS PA NI REG PA'O, ,REG PA MYONG BA NI TSOR BA'O, ,TSOR BA LA ZHEN PA NI SRED PA'O, ,SRED PA'I 'PHEL BA NI LEN PA'O, ,LEN PA LAS SKYES PA YANG SRID PA SKYED PA'I LAS NI SRID PA'O, ,RGYU DE LAS PHUNG PO BYUNG BA NI SKYE BA'O, ,SKYES NAS PHUNG PO SMIN PA NI RGA BA'O, ,RGAS NAS PHUNG PO 'JIG PA NI 'CHI BA'O, ,'CHI ZHING MYOS TE MNGON PAR CHAGS PA DANG BCAS PA'I NANG GI YONGS SU GDUNG BA NI MYA NGAN NO, ,MYA NGAN LAS BYUNG BA'I TSIG TU SMRA BA NI SMRE SNGAGS 'DON PA'O, ,RNAM PAR SHES PA'I TSOGS LNGA DANG MTSUNGS PAR LDAN PA'I YID MI BDE BA MYONG BA NI SDUG BSNGAL LO, , YID DANG MTSUNGS PAR LDAN PA'I YID KYI SDUG BSNGAL NI YID MI BDE BA'O, ,GZHAN YANG 'DI LTA BU LA SOGS PA NYE BA'I NYON MONGS PA GANG YIN PA DE DAG NI 'KHRUG PA ZHES BYA'O, ,DE LA MUN PA CHEN PO'I PHYIR MA RIG PA'O, ,MNGON PAR 'DU BYED PA'I PHYIR 'DU BYED RNAMS SO, ,RNAM PAR RIG PA'I PHYIR RNAM PAR SHES PA'O, ,PHAN TSUN BRTEN PA'I PHYIR MING DANG GZUGS SO, ,SKYE BA'I SGO'I PHYIR SKYE MCHED DRUG GO, ,REG PA'I PHYIR REG PA'O, ,MYONG BA'I PHYIR TSOR BA'O, ,SKOM PA'I PHYIR SRED PA'O, ,NYE BAR LEN PA'I PHYIR LEN PA'O, ,YANG SRID PA SKYED PA'I PHYIR SRID PA'O, ,PHUNG PO 'BYUNG BA'I PHYIR SKYE BA'O, ,PHUNG PO SMIN PA'I PHYIR RGA BA'O, ,'JIG PA'I PHYIR 'CHI BA'O, ,MYA NGAN BYED PA'I PHYIR MYA NGAN NO, ,TSIG GIS SMRA BA'I PHYIR SMRE SNGAGS 'DON PA'O, ,LUS LA GNOD PA'I PHYIR SDUG BSNGAL LO, ,SEMS LA GNOD PA'I PHYIR YID MI BDE BA'O, ,NYON MONGS PA'I PHYIR 'KHRUG PA'O, ,YANG NA DE KHO NA NYID MI RTOGS SHING LOG PAR SHES TE MI SHES PA NI MA RIG PA'O, ,DE LTAR MA RIG PA YOD NA 'DU BYED RNAM PA GSUM MNGON PAR 'GRUB STE, BSOD NAMS SU NYE BAR 'GRO BA DANG, BSOD NAMS MA YIN PAR NYE BAR 'GRO BA DANG, @187B MI G-YO BAR NYE BAR 'GRO BA'O, ,DE LA BSOD NAMS SU NYE BAR 'GRO BA'I 'DU BYED RNAMS LAS BSOD NAMS SU NYE BAR 'GRO BA'I RNAM PAR SHES PA NYID DU 'GYUR BA DANG, BSOD NAMS MA YIN PAR NYE BAR 'GRO BA'I 'DU BYED RNAMS LAS BSOD NAMS MA YIN PAR NYE BAR 'GRO BA'I RNAM PAR SHES PA NYID DU 'GYUR BA DANG, MI G-YO BAR NYE BAR 'GRO BA'I 'DU BYED RNAMS LAS MI G-YO BAR NYE BAR 'GRO BA'I RNAM PAR SHES PA NYID DU 'GYUR BA 'DI NI RNAM PAR SHES PA ZHES BYA'O, ,RNAM PAR SHES PA'I RKYEN GYIS MING DANG GZUGS ZHES BYA BA LA, TSOR BA LA SOGS PA GZUGS CAN MA YIN PA'I PHUNG PO BZHI NI SRID PA DE DANG DE RA GZHOL BAS NA MING YIN NO, ,GZUGS KYI PHUNG PO DANG, LHAN CIG TU MING DANG GZUGS ZHES BYA BA YIN PAS NA MING DANG GZUGS ZHES BYA BA YIN NO, ,MING DANG GZUGS RNAM PAR 'PHEL BAS SKYE MCHED DRUG GI SGO NAS BYA BA BYED PA RNAMS 'BYUNG STE, DE NI MING DANG GZUGS KYI RKYEN GYIS SKYE MCHED DRUG CES BYA'O, ,SKYE MCHED DRUG PO DAG LAS REG PA'I TSOGS DRUG 'BYUNG STE, DE NI SKYE MCHED DRUG GI RKYEN GYIS REG PA'I ZHES BYA'O, ,JI LTA BUR REG PA 'BYUNG BA DE LTA BUR TSOR BA 'BYUNG STE, DE NI REG PA'I RKYEN GYIS TSOR BA ZHES BYA'O, ,TSOR BA'I BYE BRAG DE DAG MYANG BA DANG MNGON PAR DGA' BA DANG, LHAG PAR ZHEN PA DANG, LHAG PAR ZHEN NAS 'JUG PA DE NI TSOR BA'I RKYEN GYIS SRED PA ZHES BYA'O, ,MYONG BA DANG MNGON PAR DGA' BA DANG, LHAG PAR ZHEN PA DANG, LHAG PAR ZHEN NAS 'DUG PA LAS BDAG SDUG PA'I NGO BO DANG, BDE BA'I NGO BO DANG BRAL BAR MA GYUR CIG SNYAM DU MI GTONG BAR PHYIR ZHING SMON PA 'DI NI SRED PA'I RKYEN GYIS LEN PA ZHES BYA STE, DNGOS PO GANG LA SRED PA DANG BCAS PA'I DNGOS PO DE BSAG CING SGRUB PA'I PHYIR NYE BAR LEN PA LEN ZHING, DE DANG DE LA SMON PA'O, ,DE LTAR SMON ZHING YANG SRID PA BSKYED PA'I LAS LUS DANG NGAG DANG YID KYIS KUN NAS SLONG BA DE NI LEN PA'I RKYEN GYIS SRID PA ZHES BYA'O, ,LAS DE LAS SKYES PA'I PHUNG PO RNAMS MNGON PAR 'GRUB PA GANG YIN PA DE NI SRID PA'I RKYEN GYIS SKYE BA ZHES BYA'O, ,SKYE BA MNGON @188A *, ,PAR 'GRUB PA'I PHUNG PO RNAMS KYI 'PHEL BA YONGS SU SMIN PA DANG, 'JIG PAR 'GYUR BA DE NI SKYE BA'I RKYEN GYIS RGA SHI ZHES BYA'O, ,DE LTAR RTEN CING 'BREL BAR 'BYUNG BA'I YAN LAG BCU GNYIS PO 'DI DAG NI, RGYU GZHAN DANG GZHAN LAS BYUNG BA, RKYEN GZHAN DANG GZHAN LAS BYUNG BA, RTAG PA MA YIN MI RTAG PA MA YIN, 'DUS BYAS MA YIN 'DUS MA BYAS MA YIN, RGYU MED PA MA YIN RKYEN MED PA MA YIN, MYONG BA PO YOD PA MA YIN, ZAD PA'I CHOS MA YIN, 'JIG PA'I CHOS MA YIN, 'GOG PA'I CHOS MA YIN TE, THOG MA MED PA'I DUS NAS ZHUGS PA RGYUN MA CHAD PAR KLUNG GI RGYUN BZHIN DU RJES SU ZHUGS PA'O, ,RTEN CING 'BREL BAR 'BYUNG BA'I YAN LAG BCU GNYIS PO DE DAG NI RGYU GZHAN DANG GZHAN LAS BYUNG BA, RKYEN GZHAN DANG GZHAN LAS BYUNG BA, RTAG PA MA YIN MI RTAG PA MA YIN, 'DUS BYAS MA YIN 'DUS MA BYAS MA YIN, RGYU MED PA MA YIN RKYEN MED PA MA YIN, MYONG BA YOD PA MA YIN ZAD PA'I CHOS MA YIN, 'JIG PA'I CHOS MA YIN, 'GOG PA'I CHOS MA YIN TE, THOG MA MED PA'I DUS NAS ZHUGS PA, RGYUN MA CHAD PAR KLUNG GI RGYUN BZHIN DU RJES SU ZHUGS MOD KYI, 'ON KYANG YAN LAG BZHI PO 'DI DAG NI RTEN CING 'BREL BAR 'BYUNG BA'I YAN LAG BCU GNYIS PO DE DAG BSDU BAR BYA BA'I PHYIR RGYUR 'GYUR RO, ,BZHI PO GANG ZHE NA, 'DI LTA STE, MA RIG PA DANG SRED PA DANG, ,LAS DANG RNAM PAR SHES PA'O, ,DE LA RNAM PAR SHES PA NI SA BON GYI RANG BZHIN NYID KYI RGYU BYED DO, ,LAS NI ZHING GI RANG BZHIN GYI RGYU BYED DO, ,MA RIG PA DANG, SRED PA NI NYON MONGS PA'I RANG BZHIN GYI RGYU BYED DO, ,LAS DANG NYON MONGS PA DAG GIS NI SA BON RNAM PAR SHES PA BSKYED DO, ,DE LA LAS NI SA BON RNAM PAR SHES PA'I ZHING GI BYA BA BYED DO, ,SRID PAS NI SA BON RNAM PAR SHES PA BRLAN PA'I BYA BA BYED DO, ,MA RIG PAS NI SA BON RNAM PAR SHES PA 'DEBS TE, RKYEN 'DI DAG MED NA SA BON RNAM PAR SHES PA MNGON PAR 'GRUB PAR MI 'GYUR RO, ,DE LA LAS KYANG 'DI SNYAM DU BDAG GIS SA BON @188B RNAM PAR SHES PA'I ZHING GI BYA BA BYA'O SNYAM DU MI SEMS SO, ,SRED PA YANG 'DI SNYAM DU BDAG GIS SA BON RNAM PAR SHES PA BRLAN PAR BYA'O SNYAM DU MI SEMS SO, ,MA RIG PA YANG 'DI SNYAM DU BDAG GIS SA BON RNAM PAR SHES PA GDAB PO SNYAM DU MI SEMS SO, ,SA BON RNAM PAR SHES PA YANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS SO, ,'ON KYANG SA BON RNAM PAR SHES PA LAS KYI ZHING LA BRTEN PA, SRED BA'I RLAN GYIS BRLAN PA MA RIG PAS LEGS PAR BTAB PA LAS SKYE BA NA, SKYE BA'I GNAS DE DANG DER NYING MTSAMS SBYOR BA NI MA'I MNGAL DU MING DANG GZUGS KYI MYU GU MNGON PAR 'GRUB STE, MING DANG GZUGS KYI MYU GU DE YANG BDAG GIS MA BYAS GZHAN GYIS MA BYAS, GNYI GAS MA BYAS, DBANG PHYUG GIS MA BYAS, DUS KYIS MA BSGYUR, RANG BZHIN LAS MA BYUNG, RGYU GCIG LA RAG LAS PA MA YIN, RGYU MED PA LAS KYANG MA SKYES TE, 'ON KYANG PHA DANG MA PHRAD PA DANG ZLA MTSAN DANG LDAN PA DANG RKYEN GZHAN YANG 'TSOGS NA BDAG PO MED PA'I CHOS BDAG GI MED PA 'DZIN PA MED PA NAM MKHA' DANG MTSUNGS PA, SGYU MA'I MTSAN NYID KYI RANG BZHIN DAG LA RGYU DANG RKYEN RNAMS MA TSANG BA MED PA'I PHYIR, SKYE BA'I GNAS DE DANG DER NYING MTSAMS SBYOR BA NA MA'I MNGAL DU RO MYANG BA DANG LDAN PA'I SA BON RNAM PAR SHES PA MING DANG GZUGS KYI MYU GU MNGON PAR SGRUB PO, ,'DI LTA STE, MIG GI RNAM PAR SHES PA NI RGYU LNGA LAS 'BYUNG STE, LNGA GANG ZHE NA, 'DI LTA STE, MIG LA BRTEN PA DANG, GZUGS DANG, SNANG BA DANG, NAM MKHA' DANG, DE BSKYED PA'I YID LA BYED PA LA YANG BRTEN NAS MIG GI RNAM PAR SHES PA 'BYUNG NGO, ,DE LA MIG NI MIG GI RNAM PAR SHES PA'I RTEN GYI BYA BA BYED DO, ,GZUGS NI MIG GI RNAM PAR SHES PA'I DMIGS PA'I BYA BA BYED DO, ,SNANG BA NI MNGON PA'I BYA BA BYED DO, ,NAM MKHA' NI MI SGRIB PA'I BYA BA BYED DO, ,DE SKYED PA'I YID LA BYED PA NI BSAM PA'I BYA BA BYED DO, ,RKYEN DE DAG MED NA MIG GI RNAM PAR SHES PA 'BYUNG BAR MI 'GYUR GYI, GANG GI TSE @189A *, ,MIG GI NANG GI SKYE MCHED MIG MA TSANG BAR MA GYUR LA, DE BZHIN DU GZUGS DANG, SNANG BA DANG, NAM MKHA' DANG, DE SKYED PA'I YID LA BYED PA DAG MA TSANG BAR MI 'GYUR TE, THAMS CAD 'DUS PA DE LAS MIG GI RNAM PAR SHES PA 'BYUNG BAR 'GYUR RO, ,, DE LA MIG NI 'DI SNYAM DU BDAG GIS MIG GI RNAM PAR SHES PA'I RTEN GYI BYA BA BYA'O SNYAM DU MI SEMS SO, ,GZUGS KYANG 'DI SNYAM DU BDAG GIS MIG GI RNAM PAR SHES PA'I DMIGS PA'I BYA BA BYA'O SNYAM DU MI SEMS SO, ,SNANG BA YANG 'DI SNYAM DU BDAG GIS MIG GI RNAM PAR SHES PA'I MNGON PA'I BYA BA BYA'O SNYAM DU MI SEMS SO, ,NAM MKHA' YANG 'DI SNYAM DU BDAG GIS MIG GI RNAM PAR SHES PA'I MI SGRIB PA'I BYA BA BYA'O SNYAM DU MI SEMS SO, ,DE SKYED PA'I YID LA BYED PA YANG 'DI SNYAM DU BDAG GIS MIG GI RNAM PAR SHES PA'I SEMS PA'I BYA BA BYA'O SNYAM DU MI SEMS SO, ,MIG GI RNAM PAR SHES PA YANG 'DI SNYAM DU, ,BDAG NI RKYEN 'DI DAG GIS SKYED DO SNYAM DU MI SEMS TE, 'ON KYANG RKYEN 'DI DAG YOD PA LAS MIG GIS RNAM PAR SHES PA SKYE BAR 'GYUR RO, ,DE BZHIN DU DBANG PO LHAG MA DANG BCAS PA RNAMS LA YANG CI RIGS SU SBYAR RO, ,DE LA CHOS GANG YANG 'JIG RTEN 'DI NAS 'JIG RTEN PHA ROL DU MI 'PHO MOD KYI RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PA YANG YOD DO, ,'DI LTA STE, DPER NA RAB TU PHYIS PA'I ME LONG GI DKYIL 'KHOR LA BZHIN GYI GZUGS BRNYAN SNANG BA YANG BZHIN ME LONG GI DKYIL 'KHOR DU MA 'PHOS MOD KYI, RGYU DANG RKYEN MA TSANG BA MED PA'I PHYIR BZHIN DU MNGON PA YANG YOD DO, ,DE BZHIN DU 'DI NAS KYANG SU YANG SHI 'PHOS PA MED LA, GZHAN DU YANG MA SKYES TE, RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PA YANG MED DO, ,'DI LTA STE, DPER NA ZLA BA'I DKYIL 'KHOR NI DPAG TSAD BZHI KHRI'I STENG NAS 'GRO STE, 'ON KYANG SNOD CHUNG NGU CHUS GANG BAR ZLA BA'I DKYIL 'KHOR GYI GZUGS BRNYAN SNANG BA YANG, ZLA BA'I DKYIL 'KHOR NI GNAS DE NAS MA @189B 'PHOS TE, SNOD CHUNG NGU CHUS GANG BA'I NANG DU SON PA YANG MED MOD KYI, RGYU DANG RKYEN RNAMS MA TSANG BA MED PA'I PHYIR, ZLA BA'I DKYIL 'KHOR DU MNGON PA YANG YOD DO, ,DE BZHIN DU 'DI NAS KYANG SU YANG SHI 'PHOS PA MED LA, GZHAN DU MA SKYES MOD KYI, RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PAR YANG YOD DO, ,'DI LTA STE, DPER NA ME DE RGYU DANG RKYEN MA TSANG NA MI 'BAR GYI, RGYU DANG RKYEN TSOGS PA LAS 'BAR RO, ,DE BZHIN DU CHOS RNAMS NI BDAG PO MED PA'I CHOS BDAG GI MED PA 'DZIN PA MED PA NAM MKHA' DANG MTSUNGS PA, SGYU BA'I MTSAN NYID KYI RANG BZHIN DAG LA RGYU DANG RKYEN RNAMS MA TSANG BA MED PA'I PHYIR RO, ,SKYE BA'I GNAS DE DANG DER NYID MTSAMS SBYOR BA NA MA'I MNGAL DU SA BON RNAM PAR SHES PA LAS DANG NYON MONGS PA RNAMS KYIS BSKYED PA'I MING DANG GZUGS KYI MYU GU MNGON PAR GRUB STE, DE LA NANG GI RTEN CING 'BREL PAR 'BYUNG BA LNGAR BLTA BAR BYA STE, LNGA GANG ZHE NA, RTAG PAR MA YIN PA DANG, CHAD PAR MA YIN PA DANG, 'PHO BAR MA YIN PA DANG, RGYU CHUNG NGU LAS 'BRAS BU CHEN PO 'BYUNG BA DANG, DE DANG 'DRA BA'I RGYUD DU'O, ,JI LTAR RTAG PAR MA YIN ZHE NA, GANG GI PHYIR THA MA 'CHI BA'I PHUNG PO RNAMS KYANG GZHAN LA, SKYE BA'I CHAR GTOGS PA'I PHUNG PO RNAMS KYANG GZHAN TE, THA MA 'CHI BA'I PHUNG PO GANG YIN PA DE NYID SKYE BA'I CHAR GTOGS PA RNAMS MA YIN GYIS, THA MA 'CHI BA'I PHUNG PO RNAMS KYANG 'GAGS LA DE NYID KYI TSE SKYE BA'I CHAR GTOGS PA'I PHUNG PO RNAMS 'BYUNG BAS DE'I PHYIR RTAG PAR MA YIN NO, ,JI LTAR CHAD PAR MA YIN ZHE NA, THA MA 'CHI BA'I DUS KYI PHUNG PO RNAMS SNGON 'GAGS PA LAS SKYE BA'I CHAR GTOGS PA'I PHUNG PO RNAMS 'BYUNG BA MA YIN LA, MA 'GAGS PA LAS KYANG MA YIN GYI, THA MA 'CHI BA'I PHUNG PO RNAMS KYANG 'GAGS LA, DE NYID KYI TSE SKYE BA'I CHAR GTOGS PA'I PHUNG PO RNAMS SRANG MDA'I MTHON DMAN BZHIN 'BYUNG BAR 'GYUR TE, DE'I PHYIR CHAD PAR YANG MA YIN NO, ,JI LTAR 'PHO BA MA YIN ZHE NA, SEMS CAN RIGS MI 'DRA BA @190A *, ,RNAMS SKAL BA MNYAM PA'I SKYE BAR SKYE BA MNGON PAR 'GRUB PAR MI BYED PA'O, ,DE'I PHYIR 'PHO BAR YANG MA YIN NO, ,JI LTAR RGYU CHUNG NGU LAS 'BRAS BU CHEN PO 'BYUNG ZHE NA, LAS CHUNG NGU BYAS PA LAS 'BRAS BU CHEN PO RNAM PAR SMIN PA MYONG STE, DE'I PHYIR RGYU CHUNG NGU LAS 'BRAS BU CHEN POR 'BYUNG BA YIN NO, ,JI LTAR MYONG BAR 'GYUR PA'I LAS BYAS PA DE LTAR MYONG PAR 'GYUR BA'I RNAM PAR SMIN PA MYONG BA DE'I PHYIR, DE DANG 'DRA BA'I RGYUD DU'O ZHES BYA BAR RGYA CHER GSUNGS PA LTA BU'O, ,SLOB DPON ZLA BA GRAGS PA'I ZHAL SNGA NAS SBYAR BA'I TSIG GSAL BA LAS, SRID PA'I YAN LAG BCU GNYIS BRTAG PA ZHES BYA BA RAB TU BYED PA NYI SHU DRUG PA'I 'GREL PA'O,, ,,GANG GIS DE LTA BU'I RTEN CING 'BREL PAR 'BYUNG BA JI LTA BUR GYUR PA YANG DAG PAR MTHONG BA DE NI SNGON GYI MTHA' LA RTEN PAR MI BYED, PHYI MA'I MTHA' LA RTEN PAR MI BYED DO ZHES MDO LAS 'DON PA YIN NA, DE LA SNGON GYI MTHA' LA RTEN PA NI GANG ZHIG YIN ZHING, PHYI MA'I MTHA' YANG GANG ZHIG YIN LA, JI LTAR NA RTEN PAR MI BYED PA YIN ZHE NA, DE DAG BSTAN PA'I PHYIR 'DI BRJOD DO, ,DE LA DA LTAR GYI BDAG GI DNGOS PO LA LTOS TE 'DAS PA'I DUS DAG LA SNGON GYI MTHA' ZHES BYA STE, SKYE BA GCIG NAS GCIG TU BRGYUD PA'I CHA SNGA MA NI SNGON GYI MTHA'O, ,DE LA RTEN PAR MI BYED PA NI LTA BA'I RNAM PA DAG GIS DMIGS PAR MI BYED PA RTEN CING 'BREL PAR 'BYUNG BA'I DE NYID JI LTAR GNAS PA BZHIN MTHONG BA'I PHYIR RNAM PA GZHAN DU GNAS PA'I DNGOS PO LA RNAM PA GZHAN DU MNGON PAR ZHEN PAR MI BYED PA'O, ,DE LA LTA BA BRGYAD NI SNGON GYI MTHA' LA DMIGS NAS RNAM PA GZHAN DU 'JUG STE, 'DI LTA STE, 'DAS DUS BYUNG MA BYUNG ZHES DANG, ,'JIG RTEN RTAG PA LA SOGS PAR, ,LTA BA GANG YIN DE DAG NI, ,SNGON GYI MTHA' LA BRTEN PA YIN, ,DE LA ZHES KYI SGRA NI SOGS PA'I DON LA'O, ,YANG NA LTA BA GNYIS NYE BAR BKOD PA NI NYE BAR MTSON PA'I DON DU YIN NO, ,LTA BA 'DI DAG NI BZHI STE, 'DI LTA STE, CI BDAG 'DAS PA'I DUS NA BYUNG BA ZHIG GAM, MA BYUNG BA ZHIG GAM, BYUNG YANG @190B BYUNG LA MA BYUNG YANG MA BYUNG BA ZHIG GAM, BYUNG BA YANG MA YIN LA MA BYUNG BA YANG MA YIN PA ZHIG CES BYA BA LTA BA BZHI PO 'DI DAG NI SNGON GYI MTHA' LA BRTEN PA YIN NO, ,GZHAN YANG BZHI STE ZHES SNGAR ZHAR LA BSHAD LA, 'JIG RTEN RTAG PA LA SOGS PAR, ,LTA BA GANG YIN DE DAG KYANG, ,SNGON GYI MTHA' LA BRTEN PA MA YIN NO, ,DE LA LTA BA BZHI TSAN GONG MA LA MJUG THOGS KYI LTA BA BZHI TSAN LA THA DAD PA CHER MED MOD KYI, DE LTA NA YANG KHYAD PAR CUNG ZAD TZAM LA BRTEN NAS LOGS SHIG TU NYE BAR BKOD DE, DE YANG PHYI NAS BSHAD PAR BYA'O, ,DE LA 'JIG RTEN RTAG GO ZHES BYA BA 'DI NI 'DAS PA'I DUS NA BYUNG BA ZHIG GAM ZHES BYA BA 'DI LAS THA DAD PA CHER MED DO, ,RNAM PA GCIG TU NA KHYAD PAR NI 'DI YIN TE, 'JIG RTEN RTAG GO ZHES BYA BA'I LTA BA BZHI PO GANG YIN PA DE NI SPYIR SNGON GYI MTHA' LA BRTEN PA YIN LA, 'DAS PA'I DUS NA BYUNG BA ZHIG GAM ZHES BYA BA 'DI NI BDAG KHO NA LA SNGON GYI MTHA' BZUNG NAS ZHUGS PA YIN GYI, PHYIR NI MA YIN NO ZHES BYA BA'O, ,DE BZHIN DU LTA BA GZHAN DAG LA YANG KHYAD PAR BRJOD PAR BYA'O, ,DE LTAR NA RE ZHIG LTA BA BRGYAD PO DE DAG NI SNGON GYI MTHA' LA BRTEN PA YIN NO,, SNGON GYI MTHA' DE NI DE LA DMIGS PAR BYED PA'I LTA BA DAG DANG LHAN CIG BSHAD ZIN TO, ,DA NI PHYI MA'I MTHA' BRJOD PAR BYA STE, DE LA DA LTAR BA'I BDAG GI DNGOS PO LA LTOS NAS 'BYUNG BAR 'GYUR BA'I LUS LA PHYI MA'I MTHA' ZHES BYA STE, SKYE BA GCIG NAS GCIG TU BRGYUD PA'I CHA PHYI MA NI PHYI MA'I MTHA'O, ,DE LA RTEN PAR MI BYED PA NI LTA BA'I RNAM PA DAG GI DMIGS PAR MI BYED PA STE, RTEN CING 'BREL PAR 'BYUNG BA'I DE NYID JI LTAR GNAS PA LTAR MTHONG BA'I PHYIR RNAM PA GZHAN DU GNAS PA'I DNGOS PO LA RNAM PA GZHAN DU MNGON PAR ZHEN PAR MI BYED PA'O, ,DE LA LTA BA BRGYAD NI PHYI MA'I MTHA' LA DMIGS PA NAS RNAM PA GZHAN DU 'JUG STE, 'DI LTA STE, MA 'ONGS DUS GZHAN 'BYUNG 'GYUR DANG, ,MI 'BYUNG 'JIG RTEN MTHA' SOGS PAR, ,LTA BA GANG YIN DE DAG NI, ,PHYI MA'I MTHA' LA BRTEN PA YIN, ,'DIR YANG @191A *, ,LTA BA GNYIS NYE BAR BKOD PA NI NYE BAR MTSON PA'I DON DU YIN NO, ,LTA BA 'DI DAG NI BZHI STE, 'DI LTA STE, CI BDAG MA 'ONGS PA'I DUS NA 'BYUNG BAR 'GYUR BA ZHIG GAM MI 'BYUNG BAR 'GYUR BA ZHIG GAM, 'BYUNG YANG 'BYUNG LA MI 'BYUNG YANG MI 'BYUNG BAR 'GYUR BA ZHIG GAM, MA 'ONGS PA'I DUS NA 'BYUNG BA YANG MA YIN MI 'BYUNG BA YANG MA YIN PA ZHIG CES BYA BA LTA BA BZHI PO 'DI DAG NI PHYI MA'I MTHA' LA BRTEN PA YIN NO, ,CI LTA BA BZHI PO DE DAG KHO NA ZHIG PHYI MA'I MTHA' LA BRTEN TAM ZHE NA, BSHAD PA, MA YIN NO, ,'O NA CI ZHE NA, 'JIG RTEN MTHA' LA SOGS PAR LTA BA PHYI MA'I MTHA' LA BRTEN PA GZHAN BZHI YANG YOD PA YIN NO, ,DE LA MTHA' YOD PA LA SOGS PA LTA BA BZHI NI SPYIR PHYI MA'I MTHA' LA BRTEN NAS 'JUG PA YIN LA, CI BDAG MA 'ONGS PA'I DUS NA 'BYUNG BAR 'GYUR BA ZHIG GAM ZHES BYA BA DE DAG NI BDAG KHO NA LA PHYI MA'I MTHA' LA BRTEN NAS ZHUGS PA YIN TE, DE NI LNGA BA BZHI TSAN GNYIS KYI KHYAD PAR YIN PAR KHONG DU CHUD PAR BYA'O, ,DE LA RE ZHIG SNGON GYI MTHA' LA DMIGS PA'I LTA BA BZHI TSAN DANG PO JI LTAR MI SRID PA DE LTAR BSTAN PA'I PHYIR, 'DAS PA'I DUS NA BYUNG GYUR ZHE, ,BYA BA DE NI MI 'THAD DO, ,SNGON TSE RNAMS SU GANG BYUNG BA, ,DE NYID 'DI NI MA YIN NO, ,ZHES BYA BA GSUNGS SO, ,DE LA GAL TE 'DAS PA'I TSE RABS RNAMS SU GANG BYUNG BA DE NYID DA LTAR YOD PAR GYUR NA NI DE'I TSE 'DI 'DAS PA'I DUS NA BDAG BYUNG BA ZHIG GAM ZHES BYA BAR BZUNG BAR RIGS PA ZHIG NA, DE NI DE LTAR SRID PA YANG MA YIN TE, RTAG PAR THAL BAR 'GYUR BA'I PHYIR RO, ,RTAG PA NI 'KHOR BAR MI RIGS PA'I PHYIR TE, 'GRO BA GCIG LA GNAS PA YANG 'GRO BA SNA TSOGS KYIS BZUNG BA NYID DU THAL BAR 'GYUR BA'I PHYIR RO, ,'DIR GAL TE SNGAR DMYAL BA LA SOGS PA'I 'GRO BAR GYUR NAS DA LTA MI DAG TU SKYES PAS BDAG KHO NA DMYAL BA LA SOGS PAR GYUR TO ZHES DE LTAR RTOG PAR BYED NA DE NI DE LTAR MI RIGS TE, JI LTAR NA, MI YIN BZHIN DU DMYAL BA LA SOGS PA YANG YIN PAR 'GYUR, 'O NA GANG MDO LAS 'DI SKAD DU NGA NYID DE'I TSE DE'I DUS NA 'KHOR LOS SGYUR BA'I RGYAL PO MANG POS BKUR @191B BA ZHES BYA BAR GYUR TO ZHES 'DON PA DE JI LTAR RIG PAR BYA ZHE NA, BKA' 'DI NI GZHAN NYID YIN PA 'GOG PA LHUR BYED PA YIN GYI GCIG NYID DU STON PAR BYED PA NI MA YIN NO ZHES SHES PAR BYA'O, ,DE NYID KYI PHYIR DE'I TSE DE'I DUS NA DE GZHAN NA MA YIN NO ZHES 'DON PA YIN NO, ,GAL TE DE NYID 'DI YIN NO, ,ZHES SNGAR GYI DANG DA LTAR BA GCIG NYID DU 'GYUR NA NYES PA CIR 'GYUR ZHE NA, RTAG PA NYID DU 'GYUR RO ZHES DE LA NYES PA BSHAD ZIN TO, ,DE LTA MOD KYI GZHAN YANG BRJOD PAR BYA STE, DE NYID BDAG TU 'GYUR SNYAM NA, ,NYE BAR LEN PA THA DAD 'GYUR, ,GAL TE SNGON GYI DE NYID DA LTAR GYI BDAG 'DIR 'BYUNG NA NI DE'I TSE SNGAR GYI GNAS SKABS LTAR NYE BAR LEN PA PO THA DAD PA MED PA'I PHYIR PHUNG PO LNGA'I MTSAN NYID KYI NYE BAR LEN PA THA DAD PAR MI 'GYUR BA ZHIG NA, BDAG GI NYE BAR LEN PA NI DE LTAR THA DAD PA MED PA MA YIN TE, 'O NA CI ZHE NA, NYE BAR LEN PA NI THA DAD PA KHO NA STE, NYE BAR LEN PA'I RGYU THA DAD PA'I PHYIR DANG, DUS THA DAD PA'I PHYIR RO, ,DE'I PHYIR NYE BAR LEN PA THA DAD PA'I PHYIR DE NYID BDAG 'DI YIN NO ZHES MI RIGS SO, ,CI STE NYE BAR LEN PA LA THA DAD PA YOD MOD BDAG NI GCIG NYID YIN TE, DE'I PHYIR BDAG LA THA DAD PA MED PA'I PHYIR 'DAS PA'I DUS NA BYUNG BA ZHIG GAM ZHES BYA BA DER YANG 'BYUNG BA NYID DO SNYAM NA, BRJOD PA, NYE BAR LEN PA MA GTOGS PAR, ,KHYOD KYI BDAG NI GANG ZHIG YIN, ,GAL TE NYE BAR LEN PA GZHAN LA BDAG KYANG GZHAN YIN NA NI DE'I TSE NYE BAR LEN PA THA DAD KYANG BDAG LA THA DAD PA MED PAS DE DE LTAR 'GYUR NA, 'DI NI BDAG GO, ,'DI NI BDAG GI NYE BAR LEN PA'O ZHES DE DAG NI THA DAD PAR BSTAN PAR MI NUS TE, NYE BAR LEN PA LAS THA DAD PA'I RANG BZHIN YIN PA NYID KYIS BDAG RGYU MED PAR THAL PA'I PHYIR DANG, SO SOR GZUNG DU YOD PAR THAL BAR 'GYUR BA'I PHYIR RO, ,GANG GI TSE DE LTAR NYE BAR LEN PA MA GTOGS PAR BDAG BSTAN PAR MI NUS PA DE'I TSE, NYE BAR LEN PA THA DAD KYANG BDAG LA THA DAD MED DO ZHES BRTAG PAR MI NUS SO, ,CI STE YANG NYE BAR LEN PA MA GTOGS PAR BDAG YOD PA MA YIN PA BDEN MOD @192A *, ,KYI; 'ON KYANG NYE BAR LEN PA NYID BDAG TU BRTAG GO ZHES KHA CIG RTOG PAR BYED NA, DE YANG RIGS PA MA YIN NO ZHES BSTAN PA'I PHYIR, NYE BAR LEN PA MA GTOGS PA'I, ,BDAG YOD MA YIN BYAS PA'I TSE, ,NYE BAR LEN NYID BDAG YIN NA, ,KHYOD KYI BDAG NI MED PA YIN, ,ZHES GSUNGS SO, ,RE ZHIG NYE BAR LEN PA NYID BDAG JI LTAR MA YIN PA DE LTAR BSTAN PA'I PHYIR GSUNGS PA, ,NYE BAR LEN NYID BDAG MA YIN, ,DE 'BYUNG BA DANG 'JIG PA YIN, ,NYE BAR BLANG BA JI LTA BUR, ,NYE BAR LEN PO YIN PAR 'GYUR, ,DE LA NYE BAR LEN PA'I PHUNG PO LNGA ZHES BYA BA NYE BAR LEN PA GANG YIN PA DE NI SKAD CIG RE RE LA 'BYUNG BA DANG 'JIG PA YIN LA, BDAG NI DE LTAR SKAD CIG RE RE LA 'BYUNG BA DANG 'JIG PA MA YIN NO, ,BDAG NI PHUNG PO DAG LAS DE NYID DANG GZHAN NYID LA SOGS PA DANG, RTAG PA DANG MI RTAG PA NYID DU YANG BRJOD PAR MI NUS TE, NYES PA DU MAR THAL BAR 'GYUR BA'I PHYIR RO, ,BDAG RTAG PA NYID YIN PAS NI RTAG PAR SMRA BAR 'GYUR LA, MI RTAG PA NYID YIN PAS NI CHAD PAR SMRA BAR THAL BAR 'GYUR TE, RTAG PA DANG CHAD PA ZHES BYA BA 'DI NI GNYI GA YANG DON MA YI PA CHEN PO BYED PA YIN PAS KHAS BLANG BAR MI BYA'O, ,DE'I PHYIR RE ZHIG NYE BAR LEN PA DE NYID BDAG YIN NO ZHES BYA BAR MI RIGS SO, ,GZHAN YANG NYE BAR BLANG BA JI LTA BUR, ,NYE BAR LEN PA YIN PAR 'GYUR TE, ,'DIR NYE BAR BLANG BAR BYA BA YIN PAS NI NYE BAR BLANG BA STE LAS YIN LA, DE LA NI GDON MI ZA BAR NYE BAR LEN PA PO NYE BAR SOGS PA PO YOD PAR 'GYUR DGOS SO, ,NYE BAR LEN PA DE GAL TE BDAG NYID YIN PAR 'DOD NA NI, DE'I TSE NYE BAR BLANG BA NYID NYE BAR LEN PA PO YIN PAR 'GYUR RO, ,DE'I PHYIR LAS DANG BYED PA PO DAG GCIG YIN PAS GCOD PA PO DANG GCAD PAR BYA BA DANG, BUM PA DANG RDZA MKHAN DANG, ME DANG BUD SHING LA SOGS PA RNAMS KYANG GCIG NYID DU 'GYUR NA, DE NI MTHONG BA'AM RIGS PA'ANG MA YIN NO ZHES BSTAN PA'I PHYIR, NYE BAR BLANG BA JI LTA BUR, ,NYE BAR LEN PO YIN PAR 'GYUR, ,ZHES BSHAD DE, PHYOGS DE NI GTAN MI SRID PA NYID DO, , @192B ZHES BYA BAR DGONGS PA YIN NO, ,'DIR NYE BAR LEN PA TZAM YANG BDAG YIN PAR MI RIGS PA NI BDEN MOD KYI 'ON KYANG NYE BAR LEN PA PO NYE BAR LEN PA LAS THA DAD PA NYID YIN PAR 'GYUR RO ZHES ZER RO, ,'DI YANG MI RUNG STE, GANG GI PHYIR, BDAG NI NYE BAR LEN PA LAS, ,GZHAN DU 'THAD PA NYID MA YIN, ,GAL TE GZHAN NA LEN MED PAR, ,GZUNG YOD RIGS NA GZUNG DU MED, ,GAL TE NYE BAR LEN PA LAS BDAG THA DAD PA YIN NA NI BUM PA LAS SNAM BU LTAR DE NYE BAR LEN PA LAS THA DAD PAR GZUNG DU YOD PAR 'GYUR NA, DE LTAR GZUNG DU NI MED DO, ,DE'I PHYIR NYE BAR LEN PA LAS THA DAD PAR NYE BAR LEN PA PO YANG YOD PA MA YIN TE, NAM MKHA'I ME TOG LTAR NYE BAR LEN PA LAS THA DAD PAR GZUNG DU MED PA'I PHYIR RO SNYAM DU DGONGS PA YIN NO, ,DA NI JI SKAD BSTAN PA'I DON GYI MJUG BSDU BA'I PHYIR, ,DE LTAR LEN LAS GZHAN MA YIN,, DE NI NYER LEN NYID KYANG MIN, ,BDAG NI NYE BAR LEN MED MIN, ,ZHES BYA BA GSUNGS SO, ,CI STE NYE BAR BLANG BA DANG NYE BAR LEN PA PO GCIG TU THAL BAR 'GYUR BA'I PHYIR DANG, 'BYUNG BA DANG 'JIG PA NYID DU THAL BAR 'GYUR BA'I PHYIR BDAG NYE BAR LEN PA'I RANG BZHIN CAN MA YIN LA, NYE BAR LEN PA LA MA LTOS PAR THA DAD PAR GZUNG DU YOD PAR THAL BAR 'GYUR BA'I PHYIR GZHAN PA YANG MA YIN ZHING, NYE BAR LEN PA LA MA LTOS PAR GZUNG DU YOD PAR THAL BAR 'GYUR PA'I PHYIR NYE BAR LEN PA MED PA YANG MA YIN NA, DE LTA NA 'O NA BDAG MED DO ZHES BYA BA YIN LA RAG GO SNYAM NA, BRJOD PA, MED PA NYID DU 'ANG DE MA NGES, ,GANG ZHIG PHUNG PO LA BRTEN NAS GDAGS PA MED DO ZHES BYA BAR JI LTAR 'GYUR, YOD PA MA YIN PA'I MO GSHAM GYI BU NI PHUNG PO DAG LA BRTEN NAS 'DOGS PA MA YIN NO, ,NYE BAR LEN PA YOD PA BZHIN DU NYE BAR LEN PA PO MED DO ZHES BYA BAR JI LTAR RIGS PAR 'GYUR TE, DE'I PHYIR DE NI MED PA NYID DU YANG MI RIGS SO, ,DE'I PHYIR BDAG MED DO SNYAM PA'I NGES PA 'DI YANG MI 'THAD DO, ,BDAG DE'I RNAM PAR GZHAG PA NI RGYAS PAR DBU MA LA 'JUG PA LAS @193A *, ,NGES PAR BYA'O, ,'DIR YANG SNGAR SKABS SKABS DAG TU RNAM PAR GZHAG PA BYAS ZIN PA'I PHYIR YANG 'DIR DE RNAM PAR GZHAG PA'I 'BAD PA MI BYA'O, ,DE LTAR NA RE ZHIG 'DAS PA'I DUS NA BYUNG BAR GYUR BA ZHIG GAM ZHES BYA BA DE MI 'THAD DO, ,DA NI 'DAS PA'I DUS NA MA BYUNG BA ZHIG GAM ZHES BYA BA DE YANG JI LTAR MI 'THAD PA DE LTAR BSTAN PA'I PHYIR GSUNGS PA, 'DAS PA'I DUS NA MA BYUNG ZHES, ,BYA BA DE YANG MI 'THAD DO, ,SNGON TSE RNAMS SU GANG BYUNG LA, ,DE LAS 'DI GZHAN MA YIN NO, ,GAL TE DA LTAR GYI 'DI SNGON GYI BDAG LAS GZHAN NYID YIN NA NI DE'I TSE 'DAS PA'I DUS NA MA BYUNG BA ZHIG GAM ZHES BYA BAR 'GYUR BA ZHIG NA, DE NI DE LTAR SRID PA YANG MA YIN NO, ,DE'I PHYIR 'DAS PA'I DUS NA MA BYUNG ZHES BYA BA DE YANG MI 'THAD DO, ,GAL TE 'DI SNGON GYI BDAG LAS GZHAN NYID DU GYUR NA NYES PA CI YOD CE NA, BRJOD PA, GAL TE 'DI NI GZHAN 'GYUR NA, ,DE MED PAR YANG 'BYUNG BAR 'GYUR, ,DE BZHIN DE NI GNAS 'GYUR ZHING, ,DER MA SHI BAR SKYE BAR 'GYUR, ,GAL TE DA LTAR GYI BDAG 'DI SNGAR GYI BDAG LAS GZHAN YIN NA NI DE'I TSE SNGAR GYI BDAG DE MED PAR DE SPANGS NAS KYANG DE LA LTOS PA MED CING DE'I RGYU CAN MA YIN PAR 'BYUNG BAR 'GYUR RO, ,GZHAN YANG, DE BZHIN DE NI GNAS 'GYUR ZHING STE, DE LA GAL TE 'DI SNGAR GYI BDAG LAS GZHAN NYID YIN NA NI, DE'I TSE GZHAN NYID YIN PA'I PHYIR BUM PA BYAS PA'I TSE SNAM BU MI 'JIG PA LTAR BDAG PHYI MA SKYES PA NA YANG SNGAR GYI BDAG MI 'GAG PAR 'GYUR RO, ,MA 'GAGS PA NYID KYI PHYIR NA SNGAR LHA DANG MI LA SOGS PAR SKYE BA GANG DANG GANG DU SKYES PA DE SNGAR GYI KHA DOG DANG DBYIBS LA SOGS PA GANG DU DMIGS PA'I RNAM PA DE NYID KYIS DE BZHIN DU DE DER GNAS PAR 'GYUR ZHING, SNGAR MA SHI BA KHO NAR 'DIR SKYE BAR 'GYUR NA, MIR 'GYUR BA 'DI'I SNGAR GYI LHA LA SOGS PA'I BDAG DE BZHIN DU GNAS PAR 'GYUR BA ZHES BYA BA GANG YIN PA 'DI NI YOD PA MA YIN NO, ,DE'I PHYIR 'DAS PA'I DUS NA MA BYUNG BA ZHIG GAM ZHES BYA BA 'DI NI 'THAD PA MA @193B YIN NO, ,'DIR SMRAS PA, GAL TE 'DI NI GZHAN 'GYUR NA, ,DE MED PAR YANG 'BYUNG BAR 'GYUR, ,ZHES BRJOD NA, GAL TE SNGAR GYI BDAG MED PA 'DI 'DIR 'BYUNG BAR 'GYUR NA NYES PA CIR 'GYUR, DE LA NYES PA MANG POR 'GYUR RO, ,JI LTAR ZHE NA, GANG GI PHYIR DE LTAR YIN NA; ,CHAD DANG LAS RNAMS CHUD ZA DANG, ,GZHAN GYIS BYAS PA'I LAS RNAMS KYI, ,GZHAN GYIS SO SOR MYONG BA DANG, ,DE LA SOGS PAR THAL BAR 'GYUR, ,GAL TE BDAG 'DI SNGAR GYI BDAG MED PAR 'BYUNG BAR 'GYUR NA NI, DE'I TSE SNGAR GYI BDAG DE DER ZHIG PA'I PHYIR DANG, 'DIR GZHAN ZHIG KHO NA SKYES PA'I PHYIR SNGAR GYI BDAG CHAD PAR 'GYUR RO, ,BDAG DE CHAD NA NI LAS KYI 'BRAS BU MJUG THOGS PA RNAMS RTEN CHAD PAS RNAM PAR CHAD PA'I PHYIR DANG, ZAB PO YANG MED PA'I PHYIR 'BRAS BU CHUD ZA BA KHO NAR 'GYUR RO, ,CI STE SNGAR GYI BDAG GIS BYAS PA'I LAS KYI 'BRAS BU BDAG PHYI MAS YONGS SU LONGS SPYOD PAR RTOG NA, DE LTA NA YANG GZHAN GYIS BYAS PA'I LAS KYI 'BRAS BU GZHAN GYIS LONGS SPYOD PAR 'GYUR RO, ,DE'I PHYIR, CI STE LAS NI MA BYAS NA, ,MA BYAS PA DANG PHRAD 'JIGS 'GYUR, ,ZHES BYA BA DE LTA BU LA SOGS PA'I MI 'DOD PAR 'GYUR RO, ,GZHAN YANG GAL TE BDAG 'DI NI SNGAR GYI BDAG LAS GZHAN DU GYUR PA 'DIR SKYES PA YIN NA NI, DE'I TSE SNGAR MA BYUNG BA LAS PHYIS 'BYUNG BA ZHES BYA BAR 'GYUR NA, DE NI RIGS PA YANG MA YIN NO ZHES BSTAN PA'I PHYIR, MA BYUNG BA LAS BYUNG MIN TE, ,'DI LA SKYON DU THAL BAR 'GYUR, ,BDAG NI BYAS PAR 'GYUR BA DANG, ,'BYUNG BA'ANG RGYU MED CAN DU 'GYUR, ,ZHES GSUNGS TE, GAL TE BDAG SNGAR MA BYUNG BA LAS PHYIS 'BYUNG BAR 'GYUR NA NI DE'I TSE BDAG NI BYAS PAR 'GYUR NA, BDAG NI BYAS PAR 'DOD PA YANG MA YIN TE, MI RTAG PA NYID DU THAL BAR 'GYUR BA'I PHYIR RO, ,DE SGRUB PAR BYED PA DE LAS THA DAD PA'I BYED PA PO MED PA'I PHYIR BDAG GI BYAS PA NYID DU RIGS PAR GA LA 'GYUR, BDAG BYAS PAR RTOG NA NI 'KHOR BA THOG MA DANG LDAN PA DANG, SNGA NA @194A *, ,MED PA'I SEMS CAN 'BYUNG BAR YANG 'GYUR NA, DE NI DE LTAR YANG MA YIN TE, DE'I PHYIR BDAG BYAS PA YANG MA YIN NO, ,GZHAN YANG, 'BYUNG BA'ANG RGYU MED CAN DU 'GYUR, ,BDAG MA BYUNG BA LAS BYUNG NA RGYU MED CAN KHO NAR 'GYUR TE, SNGAR BDAG MED PAS BYED PA PO MED PA NI RGYU MED PA CAN DU 'GYUR RO, ,'ANG GI SGRA NI RNAM PAR RTOG PA STE, BDAG NI BYAS PAR 'GYUR BA'AM, YANG NA 'DAS PA'I DUS NA MA BYUNG BA ZHIG GAM ZHES BYA BA 'DI NI KHAS MI BLANG NGO ZHES BYA BA DANG, BDAG 'BYUNG BA RGYU MED PA CAN DU 'GYUR BA'AM, YANG NA 'DAS PA'I DUS NA MA BYUNG BA ZHIG GAM ZHES BYA BA DE MI 'THAD DO ZHES BYA BA 'DI KHAS BLANG BAR BYA'O ZHES BYA BA'O, ,DA NI JI SKAD BSTAN PA'I DON DE NYID MJUG BSDU BA'I PHYIR, DE LTAR BDAG BYUNG BDAG MA BYUNG, ,GNYI GA GNYI GA MA YIN PAR, ,'DAS LA LTA BA GANG YIN PA, ,DE NI 'THAD PA MA YIN NO, ,ZHES GSUNGS TE, DE LTAR JI SKAD BSTAN PA'I TSUL DU 'DAS PA'I DUS NA BYUNG BA ZHIG GAM ZHES BYA BAR LTA BA GANG YIN PA DANG, 'DAS PA'I DUS NA MA BYUNG BA ZHIG GAM ZHES BYA BA LTA BA GANG YIN PA DE 'THAD PA MA YIN PA NYID DO, ,DE GNYIS MED PA'I PHYIR NA GNYI GA YANG MI 'THAD DO, ,CI'I PHYIR ZHE NA, 'DI LTAR, DE GNYIS 'DUS PA LA GNYI GA ZHES BYA BAR BRTAG PAR BYA NA, RE RE SO SO SO SOR MED PAS DE DAG 'DUS PA GA LA YOD DE, DE'I PHYIR GNYI GA YANG YOD PA MA YIN NO, ,GNYI GA MED PA'I PHYIR NA DE DAG BKAG PA'I SGO NAS GNYIS KA MA YIN PA YANG YOD PAR GA LA 'GYUR, DE'I PHYIR BYUNG BA YANG MA YIN MA BYUNG BA YANG MA YIN PA ZHIG GAM ZHES BYA BA DE YANG 'THAD PA MA YIN NO, ,DE'I PHYIR DE LTAR SNGON GYI MTHA' LA BRTEN PA'I LTA BA BZHI MI SRID PAR BSTAN NAS, DA NI PHYI MA'I MTHA' LA BRTEN PA DGAG PA GSUNGS PA, MA 'ONGS DUS GZHAN 'BYUNG 'GYUR DANG, ,'BYUNG BAR MI 'GYUR ZHES BYA BAR, ,LTA BA GANG YIN DE DAG NI, ,'DAS PA'I DUS DANG MTSUNGS PA YIN, ,JI LTAR 'DAS PA'I DUS LA LTA BA BZHI BKAG PA DE LTAR MA 'ONGS PA'I DUS LA BKAG PA BZHI YANG BSHAD ZIN PA'I 'DON @194B PA GO BSNOR BAS DGAG PAR BYA'O, ,'DI LTA STE, MA 'ONGS DUS NA 'BYUNG 'GYUR ZHES, ,BYA BA DE NI MI 'THAD DO, ,MA 'ONGS TSE LA GANG 'BYUNG LA, ,DE NYID 'DI NI MA YIN NO, ,ZHES BYA BA LA SOGS PAS GCIG NYID DGAG PA'I SGO NAS THAMS CAD MTSUNGS PAR SBYAR BAR BYA'O, ,DE BZHIN DU; MA 'ONGS DUS NA MI 'BYUNG ZHES, ,BYA BA DE YANG MI 'THAD DO, ,MA 'ONGS TSE LA GANG 'BYUNG BA, ,DE LAS 'DI GZHAN MA YIN NO, ,ZHES BYA BA LA SOGS PAS TSIGS SU BCAD PA SNGA MA'I 'DON PA BSNOR TE GZHAN NYID DGAG PA LA YANG MTSUNGS PAR SBYAR BAR BYA'O, ,DA NI RTAG PA LA SOGS PAR LTA BA SNGON GYI MTHA' LA BRTEN PA BZHI YANG DGAG PA'I PHYIR, GAL TE LHA DE MI DE NA, ,DE LTA NA NI RTAG PAR 'GYUR, ,LHA NI MA SKYES NYID 'GYUR TE, ,RTAG LA SKYE BA MED PHYIR RO, ,ZHES GSUNGS TE, 'DI NA MI'I 'GRO BAR GNAS PA KHA CIG DGE BA'I LAS BYAS NAS LHA'I 'GRO BAR 'GRO BAR 'GYUR RO, ,DE LA GAL TE LHA DE NYID MI DE NYID YIN NO ZHES DE LTAR GNYI GA GCIG NYID DU 'GYUR NA NI, DE'I TSE RTAG PAR 'GYUR NA, GANG LHA NYID MI YIN PA ZHES BYA BA 'DI NI DE LTAR YANG MA YIN NO, ,DE'I PHYIR RTAG PA MED DO, ,GZHAN YANG RTAG PAR SMRA BA YIN NA, LHA NI MA SKYES NYID 'GYUR TE, CI'I PHYIR ZHE NA, GANG GI PHYIR, RTAG PA SKYE BA MED PHYIR RO, ,ZHES GSUNGS TE, RTAG PA GANG YIN PA DE NI YOD PA YIN PA'I PHYIR SKYE BA MED PA NYID DO, ,DE'I PHYIR LHA NI MA SKYES PA NYID DU 'GYUR NA, LHA MA SKYES PAR NI RIGS PA YANG MA YIN NO, ,DE LTAR RE ZHIG RTAG PA MI RIGS SO, ,DA NI MI RTAG PA YANG JI LTAR MI SRID PA DE LTAR BSTAN PA'I PHYIR GSUNGS PA, GAL TE LHA LAS MI GZHAN NA, ,DE LTAR NA NI MI RTAG 'GYUR, ,GAL TE LHA MI GZHAN YIN NA, ,RGYUD NI 'THAD PAR MI 'GYUR RO, ,GAL TE LHA LAS MI GZHAN YIN NA NI DE'I TSE AA MRA'I SHING NIM PA'I RGYUR MA YIN PA DE BZHIN DU LHA YANG MI'I RGYUD GCIG TU GTOGS PAR MI 'GYUR RO, ,DE'I PHYIR SNGAR GYI 'JIG PAS MI RTAG PA NYID DU 'GYUR BA ZHIG GO, ,CI STE LHA LAS MI GZHAN YIN NA NI DE'I TSE RGYUD RJES SU 'JUG PAR MI 'GYUR BA ZHIG @195A *, ,NA, LHA NI MI DANG RGYUD GCIG TU GTOGS PA YIN NO ZHES RGYUD RJES SU 'JUG PA 'DI NI YOD PA YIN NO, ,DE'I PHYIR RGYU MED PAR THAL BAR 'GYUR BA'I PHYIR NA, LHA LAS MI GZHAN MA YIN NO, ,GANG GI PHYIR DE LTAR YIN PA DE'I PHYIR MI RTAG PA YANG YOD PA MA YIN NO, ,DA NI RTAG PA YANG YIN LA MI RTAG PA YANG YIN PA DGAG PAR BYA BA'I PHYIR, GAL TE PHYOGS GCIG LHA YIN LA, ,PHYOGS GCIG MI NI YIN GYUR NA, ,RTAG DANG MI RTAG 'GYUR BA YIN, ,DE YANG RIGS PA MA YIN NO, ,ZHES GSUNGS TE, GAL TE MI 'DI CHA SHAS KYIS MI NYID BTANG LA, MI BTANG NAS CHA SHAS KYIS LHA'I LUS LEN NA NI, DE'I TSE PHYOGS GCIG ZHIG PAS MI RTAG PAR 'GYUR LA, PHYOGS GCIG GNAS PAS RTAG PAR 'GYUR BA ZHIG NA, GANG GI PHYIR, PHYOGS GCIG LHA'I 'GRO BAS YANG DAG PAR BSDUS SHING, PHYOGS GCIG MI YIN PAR 'GYUR BA DE NI RIGS PA MA YIN NO, ,DE'I PHYIR RTAG PA DANG MI RTAG PA GNYI GA YIN PA 'DI NI 'THAD PA MA YIN NO, ,DA NI RTAG PA YANG MA YIN MI RTAG PA YANG MA YIN PAR LTA BA DGAG PA GSUNGS PA, GAL TE RTAG DANG MI RTAG PA, , GNYI GA GRUB PAR 'GYUR NA NI, ,RTAG PA MA YIN MI RTAG MIN, ,GRUB PAR 'GYUR BAR 'DOD LA RAG ,GAL TE RTAG PA CUNG ZAD CIG YOD NA NI DE PHYIS MI RTAG PAR MTHONG BA LAS RTAG PA MA YIN PA ZHES BYA BAR 'GYUR LA, DE BZHIN DU GAL TE MI RTAG PA CUNG ZAD CIG YOD NA NI DE'I TSE DE PHYIS RTAG PAR 'GYUR BA LAS MI RTAG PA MA YIN PAR 'GYUR BA ZHIG NA, GANG GI TSE RTAG PA DANG MI RTAG PA NYID MA GRUB PA DE'I TSE, DE DAG BKAG PA'I SGO NAS RTAG PA YANG MA YIN MI RTAG PA YANG MA YIN PA GA LA YOD, DE'I PHYIR DE YANG MI RIGS SO, ,CI STE 'KHOR BA'I RGYUN THOG MA MED PA NAS SKYE BA DANG 'CHI BA GCIG NAS GCIG TU BRGYUD PAR 'JUG PA'I RIM PA RNAM PAR CHAD PA MED PAR DMIGS NAS, GANG ZHIG DE LTAR THOG MA DANG MI LDAN PA'I 'KHOR BAR YONGS SU 'KHYAMS SHING DA RUNG DU YANG DMIGS PA @195B DNGOS PO RTAG PA DE NI 'GA' ZHIG YOD PA YIN NO ZHES BDAG RTAG PA GZHAN BRTAG PAR BYA'O SNYAM NA, DE YANG MI 'THAD DO, ,DE CI'I PHYIR ZHE NA, 'DI LTAR, GAL TE GANG ZHIG GANG NAS GAR, ,'ONGS SHING GANG DU'ANG 'GRO 'GYUR NA, ,DE PHYIR 'KHOR BA THOG MED PA, , 'GYUR NA DE NI YOD MA YIN, ,GAL TE BDAG GAM 'DU BYED RNAMS 'GYUR BA GZHAN GANG NAS GAR 'GRO STE 'GRO BA GZHAN DU 'ONG BAR 'GYUR ZHING, 'GRO BA GZHAN DE NAS SLAR YANG GANG DU 'GRO BAR 'GYUR NA NI DE'I TSE 'KHOR BA THOG MA MED PAR 'GYUR BA ZHIG NA, GANG ZHIG GANG NAS GAR 'ONG BA NI YOD PA MA YIN TE, RTAG PA DANG MI RTAG PA 'ONG BAR 'ANG MI 'THAD PA'I PHYIR RO, ,GANG ZHIG 'DI NAS YANG GANG ZHIG TU 'GRO BA YANG YOD PA MA YIN TE, RTAG PA'AM MI RTAG PA 'GRO BAR MI 'THAD PA'I PHYIR RO, ,GANG GI TSE DE YOD PA MA YIN PA DE'I TSE, SKYE BA DANG 'CHI BA GCIG NAS GCIG TU BRGYUD NAS YUN SHIN TU RING BA NYID KYIS THOG MA MA DMIGS PA LAS 'KHOR BA THOG MA MED PAR GA LA 'GYUR, 'KHOR BA PO MED PA'I PHYIR NA 'KHOR BA THOG MA DANG MI LDAN PA'AM, THOG MA DANG LDAN PAR GA LA 'GYUR, , GANG GI TSE MI 'GYUR BA DE'I TSE GANG ZHIG DE LTAR THOG MA DANG MI LDAN PA'I 'KHOR BAR YONGS SU 'KHYAMS ZHING DA DUNG DU YANG DMIGS PA'I DNGOS PO RTAG PA DE NI 'GA' ZHIG YOD PA YIN NO ZHES GANG SMRAS PA DE RIGS PA MA YIN NO, ,GANG GI PHYIR DE LTAR JI SKAD BSHAD PA'I TSUL GYIS, GAL TE RTAG PA 'GA' MED NA, ,MI RTAG GANG ZHIG YIN PAR 'GYUR, ,RTAG PA DANG NI MI RTAG DANG, ,DE GNYIS BSAL BAR 'GYUR BA'O, ,GANG GI TSE DE LTAR DNGOS PO RTAG PA NYID YOD PA MA YIN PA DE'I TSE GANG ZHIG RTAG PAS MI RTAG PAR 'GYUR, RTAG PA DANG MI RTAG PA MA DMIGS PAS NA GNYIS KA DANG GNYIS KA MA YIN PA DE YANG GA LA YOD, DE'I PHYIR DE LTAR NA RTAG PA LA SOGS PAR LTA BA BZHI SNGON GYI MTHA' LA SRID PA MA YIN NO, ,DA NI MTHA' DANG LDAN PA DANG MTHA' DANG MI LDAN PA LA SOGS PA BZHI YANG PHYI MA'I MTHA' LA @196A *, ,JI LTAR MI SRID PA DE LTAR BSTAN PA'I PHYIR GSUNGS PA, GAL TE 'JIG RTEN MTHA' YOD NA, ,'JIG RTEN PHA ROL JI LTAR 'GYUR, ,GAL TE 'JIG RTEN MTHA' MED NA, ,'JIG RTEN PHA ROL JI LTAR 'GYUR, ,GAL TE 'JIG RTEN MTHA' YOD PA STE ZHIG NAS PHYIS MED PAR 'GYUR NA NI DE'I TSE 'JIG RTEN PHA ROL MED PAR 'GYUR NA, 'JIG RTEN PHA ROL NI YOD PA YANG YIN TE, DE'I PHYIR 'JIG RTEN MTHA' YOD CES BYA BA 'THAD PA MA YIN NO, ,CI STE YANG 'JIG RTEN MTHA' MED PAR 'GYUR NA NI, DE'I TSE YANG 'JIG RTEN PHA ROL JI LTAR 'GYUR TE; 'JIG RTEN PHA ROL MED PAR 'GYUR RO SNYAM DU DGONGS SO, ,'JIG RTEN PHA ROL NI MED PA YANG MA YIN TE, DE'I PHYIR 'JIG RTEN PHA ROL YOD PAS 'JIG RTEN MTHA' MED PAR YANG MI 'GYUR RO, ,DA NI 'JIG RTEN MTHA' YOD PA NYID DANG MTHA' MED PA NYID 'DI GNYI GA YANG JI LTAR 'JIG RTEN LA MI SRID PA DE LTAR BSTAN PA'I PHYIR, GANG PHYIR PHUNG PO RNAMS KYI RGYUN, ,'DI NI MAR ME'I 'OD DANG MTSUNGS, ,DE PHYIR MTHA' YOD NYID DANG NI, ,MTHA' MED NYID KYANG MI RIGS SO, ,ZHES GSUNGS TE, GANG GI PHYIR PHUNG PO RNAMS KYI RGYUN RGYU DANG 'BRAS BU'I DNGOS PO SNGA PHYI 'BREL ZHING BAR MTSAMS MED PAS, RIM PA RNAM PAR CHAD PA MED PAR 'JUG PA SKAD CIG RE RE LA 'JIG PA 'DI NI MAR ME DANG 'DRA BAR 'JUG PA YIN TE, DE'I PHYIR RGYU DANG 'BRAS BU'I 'JUG PA MTHONG BAS MTHA' YOD PA NYID DANG MTHA' MED PA NYID KYANG MI RIGS SO, ,JI LTAR ZHE NA, GAL TE SNGA MA 'JIG 'GYUR ZHING, ,PHUNG PO 'DI LA BRTEN BYAS NAS, ,PHUNG PO DE NI MI 'BYUNG NA, ,DES NA 'JIG RTEN MTHA' YOD 'GYUR, ,GAL TE SNGA MA MI'I PHUNG PO 'JIG CING, DE LA BRTEN NAS LTA'I 'GRO BAR SKYE BAS BSDUS PA PHYI MA MI 'BYUNG NA, DE'I TSE TIL MAR DANG SNYING PO ZAD PAS 'GAGS PA'I MAR ME LTAR 'JIG RTEN MTHA' YOD PAR 'GYUR NA, LUS PHYI MA MI 'BYUNG BA'I PHYIR NA MTHA' YOD PA NYID MA YIN NO, ,GAL TE SNGA MA MI 'JIG CING, ,PHUNG PO 'DI LA BRTEN BYAS NAS, ,PHUNG PO DE NI MI 'BYUNG NA, ,DES NA 'JIG @196B RTEN MTHA' MED 'GYUR, ,CI STE PHUNG PO SNGA MA 'JIG PAR MI 'GYUR ZHING, DE LA BRTEN NAS PHUNG PO 'BRAS BUR 'GYUR BA PHYI MA MI 'BYUNG NA, DE'I TSE RANG GI NGO BO LAS MA NYAMS PA'I PHYIR 'JIG RTEN MTHA' MED PA STE, MI 'JIG PAR 'GYUR BZHIG NA, GANG GI TSE PHUNG PO SNGA MA RNAMS 'GAG CING DE'I RGYU CAN PHUNG PO PHYI MA RNAMS SKYES PA DE'I TSE SNGA MA RNAMS MI GNAS PAS 'KHOR BA MTHA' MED PA NYID DU GA LA 'GYUR, DA NI GSUM PA GNYIS KA'I PHYOGS MED PAR BSTAN PA'I PHYIR, GAL TE PHYOGS GCIG MTHA' YOD LA, ,PHYOGS GCIG MTHA' NI MED GYUR NA, ,'JIG RTEN MTHA' YOD MTHA' MED 'GYUR, , DE YANG RIGS PA MA YIN NO, ,ZHES GSUNGS TE, GAL TE 'GA' ZHIG GI PHYOGS GCIG 'JIG PAR 'GYUR LA, PHYOGS GCIG 'GRO BA GZHAN DU 'GRO BAR 'GYUR NA NI, DE'I TSE 'JIG RTEN 'DI'I MTHA' YOD PA YANG YIN LA, MTHA' MED PA YANG YIN PAR 'GYUR NA, GANG ZHIG PHYOGS GCIG 'JIG CING PHYOGS GCIG MI 'JIG PA ZHES BYA BA 'DI NI DE LTAR YOD PA YANG MA YIN NO, ,DE'I PHYIR 'JIG RTEN MTHA' YOD PA YANG YIN LA, MTHA' MED PA YANG YIN ZHES BYA BA 'DI NI MI RIGS SO, ,YANG CI'I PHYIR PHYOGS GCIG 'JIG LA PHYOGS GCIG GNAS PAR MA RIGS SHE NA, DE BSTAN PA'I PHYIR, JI LTA BUR NA NYER LEN PO, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR MI 'JIG 'GYUR, ,DE LTAR DE NI MI RIGS SO, ,ZHES GSUNGS TE, 'DIR PHYOGS GCIG 'JIG CING PHYOGS GCIG GNAS PAR RTOG PA NA, GAL TE NYE BAR LEN PA PO LA PHYOGS GCIG 'JIG CING PHYOGS GCIG GNAS PAR RTOG GAM, YANG NA NYE BAR LEN PA LA YIN GRANG, ,DE LA RE ZHIG NYE BAR LEN PA PO LA PHYOGS GCIG 'JIG CING PHYOGS GCIG GNAS PAR RTOG NA NI DE NI MI RIGS SO, ,DE CI'I PHYIR ZHE NA, GANG GI PHYIR DE, JI LTA BUR NA NYER LEN PO, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR 'JIG MI 'GYUR, ,'DIR GANG GI PHYOGS GCIG RNAM PAR 'JIG LA, PHYOGS GCIG RNAM PAR 'JIG PAR MI 'GYUR BAR RTOG PAR 'GYUR BA 'THAD PA NI 'GA' YANG YOD PA MA YIN NO, ,DE NYID KYI PHYIR NA 'THAD PA 'GA' YANG MA GZIGS SHING, @197A *, ,SLOB DPON GYIS DE LTAR DE NI MI RIGS SO ZHES GSUNGS SO, ,YANG NA NYE BAR LEN PA PO ZHES BYA BA NI BDAG YIN LA, DE LA PHUNG PO DAG LA RNAM PA LNGAS BTZAL BA NI YOD PA MA YIN LA, GANG ZHIG YOD PA MA YIN PA DE JI LTAR PHYOGS GCIG 'JIG CING, PHYOGS GCIG MI 'JIG PAR 'GYUR, DE NYID KYI PHYIR, DE LTAR DE NI MI RIGS SO ZHES GSUNGS SO, ,RNAM PA GCIG TU NA, GAL TE NYE BAR LEN PA PO PHYOGS GCIG 'JIG LA, ,PHYOGS GCIG MI 'JIG NA DE'I TSE NYE BAR LEN PA PO GCIG ,CHA GCIG GIS LHA NYID DU 'GYUR ZHING, CHA GCIG GIS MIR 'GYUR NA, DE NI 'DOD PA YANG MA YIN NO ZHES GSUNGS PA, DE LTAR DE NI MI RIGS SO ZHES BYA BA'O, ,DE LTAR NA RE ZHIG NYE BAR LEN PA PO MTHA' YOD PA YANG YIN LA, MTHA' MED PA YANG YIN PA NI MI RIGS SO, ,DA NI NYE BAR BLANG BA LA YANG JI LTAR YOD PA MA YIN PA DE LTAR BSTAN PA'I PHYIR, JI LTA BUR NA NYER BLANG BA, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR 'JIG MI 'GYUR, ,DE LTAR DE YANG MI RIGS SO, ,ZHES GSUNGS TE, 'DI YANG NYE BAR LEN PA PO LTAR RNAM PAR BSHAD PAR BYA'O, ,DE'I PHYIR DE LTAR GNYIS KA LTAR YOD PA MA YIN PAR BSTAN NAS, DA NI GNYIS KA MA YIN PA YANG JI LTAR YOD PA MA YIN PA DE LTAR BSTAN PA'I PHYIR, GAL TE MTHA' YOD MTHA' MED PA, ,GNYI GA GRUB PAR GYUR NA NI, ,MTHA' YOD MA YIN MTHA' MED MIN, ,GRUB PAR 'GYUR BAR 'DOD LA RAG ,CES GSUNGS TE, DGAG PAR BYA BAR YOD PA MA YIN PAS BKAG PA YANG MED DE, DE'I PHYIR MTHA' YOD PA DANG MTHA' MED PA GNYIS KA YANG MA GRUB PAR, GANG ZHIG BKAG NAS 'JIG RTEN MTHA' YOD PA YANG MA YIN, MTHA' MED PA YANG MA YIN ZHES BYA BAR LTA YOD PAR GA LA 'GYUR, DE LTAR NA RE ZHIG NYE BAR LEN PA PO DANG NYE BAR LEN PA KUN RDZOB PA GZUGS BRNYAN LTA BU'I RNAM PA CAN ZHAL GYIS BZHES NAS KYANG, RTAG PA LA SOGS PAR LTA BA MI SRID PAR BSTAN NAS, DA NI RNAM PA THAMS CAD DU DNGOS PO'I RANG BZHIN MA DMIGS PAS MO GSHAM GYI BU'I SNGO BSANGS DANG DKAR SHAM NYID LTAR RTAG PA LA SOGS PAR LTA BA RNAMS MI SRID PAR @197B BSTAN PAR BZHED NAS, YANG NA DNGOS PO THAMS CAD DAG ,STONG PHYIR RTAG LA SOGS LTA BA, ,GANG DAG GANG DU GANG LAS NI, ,CI LAS KUN DU 'BYUNG BAR 'GYUR, ,ZHES GSUNGS TE, 'DIR DNGOS PO THAMS CAD NI RTEN CING 'BREL BAR 'BYUNG BA'I PHYIR, STONG PA NYID YIN PAR BSTAN BCOS MTHA' DAG GIS BSTAN TO, ,DE'I PHYIR DNGOS PO THAMS CAD STONG PA NYID YIN PA GANG DAG SU ZHIG GIS 'DZIN PAR 'GYUR ZHING, GANG LAS KHO BO CAG DE DAG DGAG PA RTZOM PAR 'GYUR BA, RTAG PA LA SOGS PAR LTA BA, DNGOS PO THAMS CAD LAS PHYI ROL DU GYUR PA DE DAG GANG ZHIG YOD PAR 'GYUR, DE BZHIN DU GANG DU LTA BA DE DAG 'BYUNG ZHING LTA BA DE DAG GANG DU BZLOG PAR BYA BA GANG ZHIG DMIGS PA RTAG PA LA SOGS PA DNGOS PO THAMS CAD KYI KHONGS SU MA CHUD PA DE DAG GANG ZHIG YOD, GANG LA LTA BA DE DAG SKYE BAR 'GYUR ZHING, GANG ZHIG KHO BO CAG GIS LTA BA DE DAG LAS BZLOG PAR BYA BA DNGOS PO 'AM GANG ZAG GI DNGOS PO THAMS CAD LA PHYI ROL DU GYUR PA DE YANG GANG ZHIG YOD, RGYU MTSAN GANG LAS RTAG PA LA SOGS PAR LTA BA SKYES PAS NA, BZLOG PAR BYA BA LTA BA RNAMS SKYE PA'I RGYU DMIGS PA'I RGYU MTSAN DNGOS PO THAMS CAD LAS PHYI ROL DU GYUR PA, DE YANG GANG ZHIG YOD DE, DON THAMS CAD DNGOS PO THAMS CAD KYI KHONGS SU GTOGS PA'I PHYIR, STONG PA NYID YIN LA STONG PA NYID YIN PA'I PHYIR DON DE DAG THAMS CAD MI DMIGS PAS, LTA BA, GANG DAG GANG DU GANG LA NI, ,CI LAS KUN DU 'BYUNG BAR 'GYUR TE, GANG DAG KYANG MA YIN LA, GANG DU YANG MA YIN ZHING, GANG LA YANG MA YIN LA, RGYU GANG LAS KYANG 'BYUNG BA MA YIN NO ZHES BYA BA'I THA TSIG GO, ,DE DAG YOD PA MA YIN NA NI RTAG PA NYID 'THAD PA MA YIN TE, DE'I PHYIR LTA BA DE DAG NI MI RIGS PA NYID DO, ,JI SKAD DU MDO LAS GANG LA LA ZHIG GIS YANG DAG PA'I SHES RAB KYIS, DE LTAR RTEN CING 'BREL PAR 'BYUNG BA YANG DAG PA JI LTA BA BZHIN DU RTAG PAR RGYUN DU SROG MED PA DANG JI LTA BU NYID DANG MA NOR BA NYID DANG MA SKYES PA DANG MA BYUNG BA DANG, MA BYAS PA DANG, 'DUS MA BYAS PA DANG, THOGS PA MED PA DANG, SGRIB @198A *, ,PA MED PA DANG, ZHI BA DANG 'JIG PA MED PA DANG MI 'PHROGS PA DANG ZAD PA MED PA DANG, RNAM PAR ZHI BA MA YIN PA'I RANG BZHIN DU MTHONG BA DANG, MED PA DANG GSOG DANG GSOG DANG SNYING PO MED PA DANG, NAD DANG 'BRAS DANG ZUG RNGU DANG, SDIG PA DANG MI RTAG PA DANG SDUG BSNGAL BA DANG, STONG PA DANG, BDAG MED PAR YANG DAG PAR RJES SU MTHONG BA DE NI CI BDAG 'DAS PA'I DUS NA BYUNG BA ZHIG GAM, 'ON TE 'DAS PA'I DUS NA MA BYUNG BA ZHIG GAM, BDAG 'DAS PA'I DUS NA CIR GYUR PA ZHIG ,BDAG 'DAS PA'I DUS NA JI LTA BUR GYUR PA ZHIG SNYAM DU SNGON GYI MTHA' LA RTEN PAR MI BYED DO, ,CI BDAG MA 'ONGS PA'I DUS NA 'BYUNG BAR 'GYUR RAM, 'ON TE MA 'ONGS PA'I DUS NA 'BYUNG BAR MI 'GYUR, MA 'ONGS PA'I DUS NA CIR 'GYUR, MA 'ONGS PA'I DUS NA JI LTA BU ZHIG TU 'GYUR SNYAM DU PHYI MA'I MTHA' LA RTEN PAR MI BYED DO, ,'DI CI ZHIG ,'DI JI LTA BU ZHIG ,CI ZHIG ,CIR 'GYUR, SEMS CAN 'DI DAG GANG NAS 'ONGS, ,DE 'DI NAS SHI 'PHOS NAS GANG DU 'GRO BAR 'GYUR ZHES DE LTAR BYUNG BA LA YANG RTEN PAR MI BYED DO, ,'JIG RTEN NA DGE SBYONG DANG BRAM ZE DAG GI LTA BAR SONG BA GANG DAG YOD PA 'DI LTA STE, BDAG TU SMRA BA DANG LDAN PA'AM, SEMS CAN DU SMRA BA DANG LDAN PA'AM, SROG TU SMRA BA DANG LDAN PA'AM, GANG ZAG TU SMRA BA DANG LDAN PA'AM, DGE MTSAN DANG BKRA SHIS SU SMRA BA DANG LDAN PA DAG KYANG RUNG STE, LHAG PAR G-YO BA DANG BRAL BAR G-YO BA DE DAG ,DE'I TSE NA DES SPANG BAR 'GYUR TE, YONGS SU SHES NAS, RTZA BA NAS BCAD DE TA LA'I MGO BZHIN MI SNANG BA'I RANG BZHIN DU, PHYIS MI SKYE MI 'GAG PA'I CHOS CAN DU 'GYUR RO, ,DE NAS TSE DANG LDAN PA SH'A RI'I BU, BYANG CHUB SEMS DPA' SEMS DPA' CHEN PO BYAMS PAS BSHAD PA LA MNGON PAR BSTOD CING RJES SU YI RANG STE, STAN LAS LANGS TE DONG NGO ZHES GSUNGS PA LTA BU'O, ,DE'I PHYIR DE LTAR, ,GANG GIS THUGS BRTZE NYER BZUNG NAS, ,LTA BA THAMS CAD SPANG BA'I PHYIR, ,DAM PA'I CHOS NI @198B BSTAN MDZAD PA, ,GOO TA MA DE LA PHYAG 'TSAL LO, ,DE LA 'KHOR BA DANG MYA NGAN LAS 'DAS PA SPANG BA DANG 'THAB PA'I DMIGS PA'I G-YANG SA LAS 'DZIN PAS NA CHOS SO, ,'PHAGS PA DAM PA RNAMS KYI CHOS NI DAM PA'I CHOS TE, 'KHOR BA'I SDUG BSNGAL MTHA' DAG ZAD PAR BYED PA NYID KYIS BSNGAGS PAR 'OS PA'I PHYIR RO, ,YANG NA CHOS BZANG PO NI DAM PA'I CHOS TE, DAM PA'I CHOS RTEN CING 'BREL PAR 'BYUNG BA ZHES BYA BA 'GAG PA MED PA, SKYE BA MED PA, RTAG PA MED PA, CHAD PA MED PA, 'ONG BA MED PA, 'GRO BA MED PA DON THA DAD PA MA YIN PA, DON GCIG PA MA YIN PA, SPROS PA NYE BAR ZHI ZHING ZHI BA, GANG GIS 'GRO BA RNAMS LA THUGS BRTZE BA NYE BAR BZUNG NAS TE, RNYED PA DANG BKUR STI BZHED PA DANG, LAN DU PHAN 'DOGS PA BZHED PAS MA YIN GYI, THUGS RJE CHEN PO KHO NA LA BRTEN NAS, LTA BA THAMS CAD SPANG BA'I PHYIR BSTAN PAR 'GYUR BA, STON PA BLA NA MED PA ZLA MED PA DE LA PHYAG 'TSAL LO, ,MTSAN CI ZHIG CE NA, GOO TA MA STE, DRANG SRONG GOO TA MA'I RIGS SU 'KHRUNGS ZHES BYA BA'I THA TSIG GO, ,SLOB DPON ZLA BA GRAGS PA'I ZHAL SNGA NAS SBYAR BA TSIG GSAL BA LAS, LTA BA BRTAG PA ZHES BYA BA RAB TU BYED PA'I NYI SHU RTZA BDUN PA'I 'GREL PA'O,, ,,SANGS RGYAS RNAMS KYI MDO SDE LA SOGS BDEN PA GNYIS BRTEN BSTAN PA RNAM PA DGU, ,'JIG RTEN RNAMS KYI SPYOD NGOR RGYA CHER GANG ZHIG 'DIR NI YANG DAG BSGRAGS GYUR PA, ,DER NI 'DOD CHAGS BSAL BAR BYA PHYIR GSUNGS PAS ZHE SDANG ZAD PAR BYED MI 'GYUR, ,ZHE SDANG BSAL BAR BYA PHYIR GSUNGS PAS KYANG NI 'DOD CHAGS ZAD PAR BYED 'GYUR MIN, ,GANG PHYIR NGA RGYAL SOGS ZAD BYA PHYIR GSUNGS PA DES KYANG DRI MA GZHAN MI 'JOMS, ,DE PHYIR DE NI CHOS KHYAB MA YIN GSUNG DE DAG DANG DE DAG DON CHEN MIN, ,GTI MUG ZAD PAR BYA PHYIR GSUNGS PA GANG YIN DES NI NYON MONGS MA LUS 'JOMS, ,NYON MONGS @199A *, ,MTHA' DAG GTI MUG LA NI YANG DAG BRTEN PAR RGYAL BA RNAMS KYIS BSHAD, ,GANG PHYIR RTEN 'BYUNG GTI MUG DE ZAD BYED PAR MTHONG STE DE NI DE NYID YIN, ,DE NYID BDE BAR GSHEGS PA RNAMS KYIS DBU MA'I LAM DU YANG DAG BSGRAGS PAR GYUR, ,DE NI THUB PA'I CHOS KYI RANG BZHIN SKUR 'DOD DE NI STONG PA NYID DU BRJOD, ,SANGS RGYAS RNAMS KYI THUGS YIN DE NI RIGS PA CHEN PO YIN NO ZHES KYANG BSGRAGS, GANG PHYIR YON TAN KUN GYI 'BYUNG GNAS 'DI NI SANGS RGYAS RNAMS KYIS BSTAN GYUR PA, ,DE PHYIR DE'I GTAM SHIN TU RGYAS PAR THUGS RJES BRLAN PA'I THUGS MNGA' ZHING, ,SANGS RGYAS RNAMS KYI SRAS PO BLO BZANG KLU SGRUB DE YI GSUNG RAB JI LTA BAR, ,GNAS PA BZHIN DU MKHYEN NAS GUS PAS BSTAN BCOS DBU MAR GTZO BO'I NGO BOR BSTAN, ,SKYE BO GANG GIS RGYAL PA'I BSTAN PA ZAB MO MA RTOGS PA DES RTOGS PHYIR DANG, ,GANG DAG THUB PA'I DBANG PO'I GSUNG LAS GZHAN DU DE NYID BSTAN PAR 'DOD PA DANG, ,BLO GROS NGAN PA GZHAN GANG GSUNG RAB RNAM PA GZHAN DU 'CHAD PAR BYED GYUR PA, DE DAG KYANG NI BZLOG PAR BYA PHYIR MTHA' GNYIS SEL BA'I BSTAN BCOS 'DI MDZAD DO, ,KLU SGRUB SGRA GCAN 'DZIN NI BZANG PO'I ZHAL SNGA NAS BCOS LHAS KYANG GSUNG RJES SU, ,'BRANGS PA SA DE YI TSUL LUGS DUS NI YUN RING ZHIG TU GSAL BAR BSTAN PAR MDZAD, ,DE YI SLOB MA BSTAN BCOS DE LA RNAM PAR 'BYED PAS RNAM NGES BLO LDAN PA, ,RNAMS KYIS KYANG NI MU STEGS MA LUS PHAM BYAS THUB MCHOG BSTAN PA YUN RING BSHAD, ,DBU NI DON DU GNYER BA 'ONGS LA THUGS RJES DBU NI BCAD DE STZAL MDZAD NAS, ,BDE BA CAN DU RGYAL BA'I SRAS PO KLU SGRUB GSHEGS PAR GYUR PA DES MDZAD PA'I, ,GZHUNG RNAMS DANG NI DE YI SLOB MA'I TSOGS DE DAG KYANG DUS MANG ZHIG NA NYAMS PAR GYUR, ,DE NYID NYI MA NUB PAS DENG SANG GZHUNG LUGS GSAL PO DE NI GANG NA'ANG MED, ,DE LTAR 'JIG RTEN PHAL CHER RTOG PAS SBYAR BA'I DON TZAM LA NI MKHAS GYUR LA,, @199B DAM PA'I LAM LAS RING ZHING RTOG GE'I CHANG 'THUNGS PA YIS MYOS PA DANG, ,SANGS RGYAS GZHUNG LUGS THAMS CAD MKHYEN PAS GSUNGS PA'I DE NYID BRAL ZHING 'KHRUGS PA'I TSE, ,GANG ZHIG SKAD CIG TZAM YANG YID GNYIS BSAL NAS STONG NYID RTOGS DE SKAL BAR LDAN, ,DNGOS PO'I 'CHING BAS NYER SBYAR BSTAN BCOS ZHAGS PAS DKRIS SHING 'JIGS PAS BCAD BYAS NAS, ,DNGOS PO'I RA BAR MCHONGS TE 'GRO BA'I RI DAGS MKHAS GANG DE NI CHEN PO STE, ,DE LTOS BRTZAMS PAS BDAG LA YON TAN 'DI MED DENG SANG MI MKHAS GANG YIN PA, ,DE CHED KHO NAR DE LAS GZHAN PA'I BSTAN BCOS 'JOMS PA'I 'GREL 'DI BDAG GIS BYAS, ,MDO SDE KUN LAS BTUS DANG GTAM BYA RIN CHEN PHRENG DANG YANG DAG BSTOD PA DANG, ,'BAD PAS SHIN TU YUN RING 'PHAGS PA'I BSTAN BCOS LAS BSTAN TSIG LER BYAS DE DANG, ,RIGS PA DRUG CU ZHES BYA RNAM PAR 'THAG BCAS STONG NYID BDUN CU PA DE DANG, ,GANG YANG RTZOD PA RNAM PAR BZLOG PA BKOD PA DE DAG KYANG NI MTHONG GYUR ZHING, ,BRGYA PA LA SOGS DE DAG DANG NI DE BZHIN MDO SDE ZAB MO RNAM MANG DANG, ,SANGS RGYAS BSKYANGS KYIS MDZAD PA'I 'GREL PA MTHONG NAS LEGS LDAN BYED KYIS LEGS BSHAD GANG, ,GCIG NAS GCIG TU BRGYUD LAS 'ONGS DANG BDAG GIS RNAM PAR PHYE LAS RNYED PA GANG, ,DE DAG BSDAMS TE BLO CHEN LDAN RNAMS MGU BAR BYA PHYIR YANG DAG BSTAN PA YIN, ,DPYOD PA'I DKYIL 'KHOR DANG LDAN RTOG GE 'JOMS BYED BLO GSAL RNAMS LA TSIG GI NI, ,'OD ZER DAG GIS 'DI NA GNAS DON YANG DAG MA DKRUGS DNGOS SU GSAL BYED CING, ,'GREL PA CHA GSAL 'DI YANG BYED PA'I ZLA BA GRAGS LDAN 'DI DENG SHAR BA YIS, ,'JIG RTEN RNAMS KYI YID GNYIS MUN PA STUG PO DAG DANG LHAN CIG SEL BA YIN, ,LUNG DANG RIGS PA LA BRTEN 'GREL PA BSDEBS LEGS MA DKRUGS TSIG DANG LDAN PA 'DI, ,BLO BZANG DAD LDAN RNAMS LA NGES PAR BSGRUB PAR BYA PHYIR GUS PAR BYAS NAS NA, ,BDAG GIS @200A *, ,BSOD NAMS STONG PA NYID LTAR YANGS PAR GYUR PA GANG ZHIG BSAGS PA DES, ,'JIG RTEN MA LUS LHA TSOGS SPANGS NAS SPROS KUN CHAD PA'I GO 'PHANG BGROD PAR SHOG ,STON PA GOO TA MA DANG NI DE'I CHOS LA ZHUGS RDZOGS PA'I SANGS RGYAS MTHA' DAG DANG, RGYAL BA'I SRAS PO'I TSOGS DANG DE DAG GIS GSUNGS CHOS LA PHYAG 'TSAL NAS, ,SANGS RGYAS GSUNG MTHA' YAS LA BLTA PHYIR LUS CAN RNAMS KYI MIG GYUR DBU MA NI, ,GANG GI THUGS RJE'I SGO NAS MDZAD PA'I KLU SGRUB DE LA BDAG NI PHYAG 'TSAL LO, ,BSTAN BCOS DBU MA RTZA BA'I 'GREL PA TSIG GSAL BA ZHES BYA BA, SLOB DPON ZLA BA GRAGS PA THEG PA MCHOG LA THUGS GZHOL BA, MI 'PHROGS PA'I MKHYEN RAB DANG THUGS RJE MNGA' BA, RI MOR BRIS PA'I BA DRUS LAS 'O MA BZHOS PAS BDEN PAR ZHEN PA BZLOG PAR MDZAD PAS SBYAR BA YONGS SU RDZOGS SO,, ,,GSUNG RAB RGYA MTSO BSRUBS BYUNG DE NYID BDUD RTZI'I SNOD, ,SHES RAB CES BYA SNANG BYED TSIG GSAL RIN CHEN SGRON, ,BSGYUR LAS DGE BA GANG BSAGS DE YIS NYI MA GRAGS, ,LTA THIBS SPANGS TE SPROS BRAL MKHA' LA 'GRO BAR SHOG ,KHA CHE'I GRONG KHYER DPE MED KYI DBUS, ,RIN CHEN SBAS PA'I GTZUG LAG KHANG GI 'DEBS SU, RGYA GAR GYI MKHAN PO RTOG GE BA CHEN PO, MA H'A SU MA TI'I ZHAL SNGA NAS DANG, BOD KYI LO TZ'A BA PA TSA BA NYI MA GRAGS KYIS KHA CHE'I DPE DANG MTHUN PA LTAR BSGYUR, PHYIS RA SA RA MO CHE'I GTZUG LAG KHANG DU KHA CHE'I MKHAN PO KA nA KA BA RA MA DANG, BOD KYI LO TZ'A BA DE NYID KYIS NYI 'OG SHAR PHYOGS KYI DPE DANG GTUGS SHING LEGS PAR BCOS TE GTAN LA PHAB PA'O,, ,,KHUNGS RNAMS JI LTAR GRAGS BZHIN PHRIS, ,PHYIN CHANG SKAD GNYIS 'BYUNG SRID NA, ,'GREL PA SGRA DON BZHIN BSGYUR LA, ,GZU BOR BYOS LA DPYAD PAR RIGS,, ,, @200B [blank page] @201A *, ,DBU MA LA 'JUG PA ZHES BYA BA BZHUGS SO, , @201B *, ,RGYA GAR SKAD DU, MA DHY'A MA KA AA BA T'A RA N'A MA, BOD SKAD DU, DBU MA LA 'JUG PA ZHES BYA BA, 'JAM DPAL GZHON NUR GYUR PA LA PHYAG 'CHAL LO, ,NYAN THOS SANGS RGYAS 'BRING RNAMS THUB DBANG SKYES, ,SANGS RGYAS BYANG CHUB SEMS DPA' LAS 'KHRUNGS SHING, ,SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,GANG PHYIR BRTZE NYID RGYAL BA'I LO THOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR PA, ,DE PHYIR BDAG GIS THOG MAR SNYING RJE BSTOD PAR BGYI, ,DANG POR NGA ZHES BDAG LA ZHEN GYUR ZHING [*CING?], ,BDAG GI [*GIS?] 'DI ZHES DNGOS LA CHAGS BSKYED PA, ,ZO CHUN 'PHYAN LTAR RANG DBANG MED PA YI, ,'GRO LA SNYING RJER GYUR GANG DE LA 'DUD, ,'GRO BA G-YO BA'I CHU YI NANG GI ZLA BA LTAR, ,G-YO DANG RANG BZHIN NYID KYIS STONG PAR MTHONG BA YI, ,RGYAL BA'I SRAS PO 'DI YI SEMS GANG 'GRO BA RNAMS, ,RNAM PAR GROL BAR BYA PHYIR SNYING RJE'I DBANG GYUR ZHING, ,KUN TU BZANG PO'I SMON PAS RAB BSNGOS DGA' BA LA, ,RAB TU GNAS PA DE NI DANG PO ZHES BYA'O, ,DE NAS BZUNG STE DE NI THOB PAR GYUR PA YIS, ,BYANG CHUB SEMS DPA' ZHES BYA'I SGRA NYID KYIS BSNYAD DO, ,'DI NI DE BZHIN GSHEGS PA RNAMS KYI RIGS SU'ANG SKYES PA STE, ,'DI NI KUN TU SBYOR BA GSUM PO THAMS CAD SPANGS PA YIN, ,BYANG CHUB SEMS DPA' DE NI DGA' BA MCHOG TU GYUR 'CHANG ZHING, ,'JIG RTEN KHAMS BRGYA KUN NAS G-YO BAR NUS PAR GYUR PA'ANG YIN, ,SA NAS SAR GNON BYED CING GONG MAR RAB TU 'GRO BAR 'GYUR, ,DE TSE 'DI YI NGAN 'GRO'I LAM RNAMS MTHA' DAG 'GAG PAR 'GYUR, ,DE TSE 'DI YI SO SO SKYE BO'I SA RNAMS THAMS CAD ZAD, ,'DI NI 'PHAGS PA BRGYAD PA JI LTA DE LTAR NYE BAR BSTAN, ,RDZOGS PA'I BYANG CHUB SEMS LTA DANG PO LA GNAS KYANG, ,THUB DBANG GSUNG SKYES DANG BCAS @202A *, ,RANG SANGS RGYAS RNAMS NI, ,BSOD NAMS DAG GI DBANG GIS PHAM BYAS RNAM PAR 'PHEL, ,DE NI RING DU SONG BAR BLO YANG LHAG PAR 'GYUR, ,DE TSE DE LA RDZOGS SANGS BYANG CHUB RGYU, ,DANG PO SBYIN PA NYID NI LHAG PAR 'GYUR, ,RANG SHA STER LA'ANG GUS PAR BYAS PA YIS, ,SNANG DU MI RUNG DPOG PA'I RGYUR YANG 'GYUR, ,SKYE BO 'DI KUN BDE BA MNGON 'DOD CING, ,MI RNAMS BDE BA'ANG LONGS SPYOD MED MIN LA, ,LONGS SPYOD KYANG NI SBYIN LAS 'BYUNG MKHYEN NAS, ,THUB PAS DANG POR SBYIN PA'I GTAM MDZAD DO,, SNYING RJE DMAN ZHING SHIN TU RTZUB SEMS CAN, ,RANG DON LHUR LEN NYID DU 'GYUR BA GANG, ,DE DAG GI YANG 'DOD PA'I LONGS SPYOD RNAMS, ,SDUG BSNGAL NYER ZHI'I RGYUR GYUR SBYIN LAS 'BYUNG, ,'DI YANG SBYIN PA'I SKABS KYIS NAM ZHIG TSE, ,'PHAGS PA'I SKYE BO DANG 'PHRAD MYUR DU 'THOB, ,DE NAS SRID RGYUN YANG DAG BCAD BYAS TE, ,DE YI RGYU CAN ZHI BAR 'GRO BAR 'GYUR, ,'GRO LA PHAN PAR DAM BCAS YID CAN RNAMS, ,SBYIN PAS RING POR MI THOGS DGA' BA 'THOB, ,GANG PHYIR BRTZE BDAG BRTZE BDAG MA YIN PA, , DE PHYIR SBYIN PA'I GTAM NYID GTZO BO YIN, ,JI LTAR BYIN ZHIG CES SGRA THOS BSAMS LAS, ,RGYAS SRAS BDE 'BYUNG DE LTAR THUB RNAMS LA, ,ZHI BAR ZHUGS PAS BDE BA BYED MIN NA, ,THAMS CAD BTANG BAS LTA ZHIG SMOS CI DGOS, ,LUS BCAD STER ZHING BDAG GI SDUG BSNGAL GYIS, ,GZHAN DAG RNAMS KYI DMYAL BA LA SOGS PA'I, ,SDUG BSNGAL RANG RIG NYID DU MTHONG NAS NI, ,DE BCAD BYA PHYIR MYUR DU BRTZON 'GRUS RTZOM, ,SBYIN PA SBYIN BYA LEN PO GTONG POS STONG, ,'JIG RTEN 'DAS PA'I PHA ROL PHYIN ZHES BYA, ,GSUM PO DAG LA CHAGS SKYES GYUR PAS DE, ,'JIG RTEN PA YI PHA ROL PHYIN CES BSTAN, ,DE LTAR RGYAL BA'I SRAS KYI YID LA RAB GNAS SHING, ,DAM PA'I RTEN LA 'OD CHAGS MDZES PA RNYED GYUR PA'I, ,DGA' BA 'DI NI NOR BU CHU SHEL JI BZHIN DU, ,MUN PA STUG PO THAMS CAD RNAM PAR @202B BSAL NAS RGYAL, ,DBU MA LA 'JUG PA LAS, ,SEMS BSKYED PA DANG PO'O, ,DE TSUL PHUN TSOGS YON TAN DAG LDAN PHYIR, ,RMI LAM DU YANG 'CHAL KHRIMS DRI MA SPANGS, ,LUS NGAG YID KYI RGYU BA DAG GYUR PAS, ,DAM PA'I LAS LAM BCU CHAR SOG PAR BYED; ,DGE BA'I LAM 'DI LTA ZHIG BCU CHAR YANG, ,DE LA KLAGS TE SHIN TU DAG PAR 'GYUR, ,STON KA'I ZLA LTAR RTAG TU RNAM DAG DE, ,ZHI 'OD CHAGS PAR DE DAG GIS RNAM MDZES, ,GAL TE DE NI KHRIMS DAG RANG BZHIN LTA, ,DE PHYIR DE NI TSUL KHRIMS DAG MI 'GYUR, ,DE PHYIR DE NI RTAG TU GSUM CHAR LA'ANG, ,GNYIS BLO'I RGYU BA YANG DAG BRAL BAR 'GYUR, ,SBYIN PAS LONGS SPYOD DAG NI 'GRO NGAN NA'ANG, ,SKYE BO TSUL KHRIMS RKANG PA NYAMS LA 'BYUNG, ,BSKYED BCAS DNGOS 'DU YONGS SU ZAD PAS NA, ,PHYIN CHAD DE LA LONGS SPYOD 'BYUNG MI 'GYUR, ,GANG TSE RANG DBANG 'JUG CING MTHUN GNAS PA, ,GAL TE 'DI BDAG 'DZIN PAR MI BYED NA, ,G-YANG SAR LHUNG BAS GZHAN DBANG 'JUG 'GYUR BA, ,DE LAS PHYI NAS GANG GIS SLONG BAR 'GYUR, ,DE PHYIR RGYAL BAS SBYIN PA'I GTAM MDZAD NAS; ,TSUL KHRIMS RJES 'GRO'I GTAM NYID MDZAD PA YIN, ,YON TAN TSUL KHRIMS ZHING DU RNAM 'PHEL NA, ,'BRAS BU NYER SPYOD CHAD PA MED PAR 'GYUR, ,SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG, ,MNGON MTHO'I RGYU NI TSUL KHRIMS LAS GZHAN MED, ,JI LTAR RGYA MTSO RO DANG LHAN CIG DANG, ,BKRA SHIS RNA NAG MA DANG LHAN CIG BZHIN, ,DE LTAR TSUL KHRIMS DBANG BYAS BDAG NYID CHE, ,DE 'CHAL BA DANG LHAN CIG GNAS MI 'DOD, , GANG GIS GANG ZHIG GANG LA SPONG BYED PA, ,GSUM DU DMIGS PA YOD NA TSUL KHRIMS DE, ,'JIG RTEN PA YI PHA ROL PHYIN ZHES BSHAD, ,GSUM LA CHAGS PAS STONG DE 'JIG RTEN 'DAS, ,RGYAL SRAS ZLA BA LAS BYUNG SRID MIN SRID PA YI, ,DPAL GYUR DRI MA DANG @203A *, ,BRAL DRI MA MED 'DI YANG, ,STON KHA'I DUS KYI ZLA BA'I 'OD NI JI BZHIN DU, ,'GRO BA'I YID KYI GDUNG BA SEL BAR BYED PA YIN, ,DBU MA LA 'JUG PA LAS, SEMS BSKYED PA GNYIS PA'O,, ,SHES BYA'I BUD SHING MA LUS SREG PA'I ME'I, , 'OD 'BYUNG PHYIR NA SA NI GSUM PA 'DI, ,'OD BYED PA STE BDE GSHEGS SRAS PO LA, ,DE TSE NYI LTAR ZANGS 'DRA'I SNANG BA 'BYUNG, ,GAL TE GNAS MIN 'KHRUG PA 'GA' YIS DE'I, ,LUS LAS SHA NI RUS BCAS YUN RING DU, ,SRANG RE RE NAS BCAD PAR GYUR KYANG DE'I, BZOD PA GCOD PAR BYED LA LHAG PAR SKYE, ,BDAG MED MTHONG BA'I BYANG CHUB SEMS DPA' LA, ,GANG ZHIG GANG GIS GANG TSE JI LTAR GCOD, ,GANG PHYIR CHOS KYANG DE YIS GZUGS BRNYAN LTAR, ,MTHONG BA DES KYANG DE YIS BZOD PAR 'GYUR, ,GNOD PA BYAS PAS GAL TE DER BKON NA, ,DE LA BKON PAS BYAS ZIN LDOG GAM CI, ,DE PHYIR DER BKON NGES PAR 'DIR DON MED, ,'JIG RTEN PHA ROL DANG NI 'GAL BAR 'GYUR, ,SNGON BYAS PA YI MI DGE'I LAS KYI 'BRAS BU GANG, ,ZAD PAR BYED PAR BRJOD PAR 'DOD BA DE NYID KO, ,GZHAN LA GNOD PA DANG NI KHRO BAS SDUG BSNGAL PHYIR, ,SA BON NYID DU JI LTA BUR NA 'KHRID PAR BYED, ,GANG PHYIR RGYAL SRAS RNAMS LA KHROS PA YIS, ,SBYIN DANG KHRIMS BYUNG DGE BA BSKAL PA BRGYAR, ,BSAGS PA SKAD CIG GIS 'JOMS DE YI PHYIR, , MI BZOD LAS GZHAN SDIG PA YOD MA YIN, ,MI SDUG GZUGS SU BYED CING DAM PA MIN PAR BKRI ,TSUL DANG TSUL MIN SHES PA'I RNAM DPYOD 'PHROG BYED CING, ,MI BZOD PA YIS MYUR DU NGAN 'GROR SKYUR BAR BYED, ,BZOD PAS BSHAD ZIN DANG 'GAL YON TAN RNAMS BYED DO, ,BZOD PAS MDZES SHING SKYE BO DAM PA LA, ,PHANGS DANG LUGS DANG LUGS MIN SHES PA LA, ,MKHAS PAR 'GYUR ZHING DE YI 'OG TU NI, ,LHA MI'I SKYE DANG SDIG PA ZAD PAR 'GYUR, ,SO SO'I SKYE BO DANG NI RGYAL SRAS KYIS, KHRO DANG BZOD PA'I SKYON @203B YON RIG BYAS TE, ,MI BZOD SPANGS NAS 'PHAGS PA'I SKYE BO YIS, ,BSNGAGS PA'I BZOD PA RTAG TU MYUR BSTEN BYA, ,RDZOGS SANGS RGYAS KYI BYANG CHUB PHYIR BSNGOS KYANG, ,GSUM DMIGS YOD NA DE NI 'JIG RTEN PA'O, ,DMIGS PA MED NA DE NYID SANGS RGYAS KYIS, ,'JIG RTEN 'DAS PA'I PHA ROL PHYIN ZHES BSTAN, ,SA DER RGYAL SRAS BSAM GTAN MNGON SHES DANG, ,'DOD CHAGS ZHE SDANG YONGS SU ZAD PAR 'GYUR, ,DES KYANG RTAG TU 'JIG RTEN PA YI NI, ,'DOD PA'I 'DOD CHAGS 'JOMS PAR NUS PAR 'GYUR, ,SBYIN SOGS CHOS GSUM DE DAG PHAL MO CHER, ,BDE BAR GSHEGS PAS KHYIM PA RNAMS LA BSNGAGS, ,BSOD NAMS ZHES BYA'I TSOGS KYANG DE DAG NYID, ,SANGS RGYAS GZUGS KYI BDAG NYID SKU YI RGYU, ,RGYAL BA'I SRAS PO NYI MA LA GNAS 'OD BYED 'DI, ,RANG GTOGS MUN RNAMS DANG PO YANG DAG BSAL BYAS NAS, ,'GRO BA'I MUN PA RNAM PAR 'JOMS PAR MNGON PAR 'DOD, ,SA 'DIR SHIN TU RNO BAR GYUR KYANG KHRO MI 'GYUR, ,DBU MA LA 'JUG PA LAS, ,SEMS BSKYED PA GSUM PA'O,, ,,YON TAN MA LUS BRTZON 'GRUS RJES 'GRO ZHING, ,BSOD NAMS BLO GROS TSOGS NI GNYIS KYI RGYU, ,BRTZON 'GRUS GANG DU 'BAR BAR GYUR PA YI, ,SA DE BZHI PA 'OD NI 'PHRO BA'O, ,DER NI BDER GSHEGS SRAS LA RDZOGS PA YI, ,BYANG CHUB PHYOGS LHAG BSGOMS PA LAS SKYES PA'I, ,SNANG BA ZANGS KYI 'OD PAS LHAG 'BYUNG ZHING, ,RANG DU LTA BA DANG 'BREL YONGS SU ZAD, ,DBU MA LA 'JUG PA LAS, ,SEMS BSKYED PA BZHI PA'O,, ,,BDAG NYID CHE DE BDUD RNAMS KUN GYIS KYANG, , SBYANG DKA'I SA LA PHAM PAR NUS MA YIN, ,BSAM GTAN LHAG CING BLO BZANG BDEN RANG BZHIN, ,ZHIB MO RTOGS LA'ANG SHIN TU MKHAS PA 'THOB, ,DBU MA LA 'JUG PA LAS, SEMS BSKYED PA LNGA PA'O,, ,,MNGON DU PHYOGS PAR MNYAM BZHAG SEMS @204A *, ,GNAS TE, ,RDZOGS PA'I SANGS RGYAS CHOS LA MNGON PHYOGS SHING, ,'JIG RTEN 'BYUNG BA'I DE NYID MTHONG BA DE, ,SHES RAB GNAS PAS 'GOG PA THOB PAR 'GYUR, ,JI LTAR LONG BA'I TSOGS KUN BDE BLAG TU, ,MIG LDAN SKYES BU GCIG GIS 'DOD PA YI; ,YUL DU 'KHRID PA DE BZHIN 'DIR YANG BLOS, ,MIG NYAMS YON TAN BLANGS TE RGYAL NYID 'GRO JI LTAR DE YIS CHES ZAB CHOS RTOGS PA, ,LUNG DANG GZHAN YANG RIGS PAS YIN PAS NA, ,DE LTAR 'PHAGS PA KLU SGRUB GZHUNG LUGS LAS, ,JI STAR GNAS PA'I LUGS BZHIN BRJOD PAR BYA, ,SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,RAB TU DGA' BA LAS BYUNG MCHI MAS MIG BRLAN ZHING, ,LUS KYI BA SPU LDANG BAR 'GYUR BA GANG YIN PA, ,DE LA RDZOGS PA'I SANGS RGYAS BLO YIS SA BON YOD, ,DE NYID NYE BAR BSTAN PA'I SNOD NI DE YIN TE, ,DE LA DAM PA'I DON GYI BDEN PA BSTAN PAR BYA, ,DE LA DE YI RJES SU 'GRO BA'I YON TAN 'BYUNG, ,RTAG TU TSUL KHRIMS YANG DAG BLANGS NAS GNAS PAR 'GYUR, ,SBYIN PA GTONG BAR 'GYUR ZHING SNYING RJE STEN PAR BYED, ,BZOD PA SGOM BYED DE YI DGE BA BYANG CHUB TU, ,'GRO BA DGROL BAR BYA PHYIR YONGS SU BSNGO BYED CING, ,RDZOGS PA'I BYANG CHUB SEMS DPA' RNAMS LA GUS PAR BYED, ,ZAB CING RGYA CHE'I TSUL LA MKHAS PA'I SKYE BOS NI, ,RIM GYIS RAB TU DGA' BA'I SA NI 'THOB 'GYUR BAS, ,DE NI DON DU GNYER BAS LAM 'DI MNYAN PAR GYIS, ,DE NYID DE LAS 'BYUNG MIN GZHAN DAG LAS LTA GA LA ZHIG ,GNYI GA LAS KYANG MA YIN RGYU MED PAR NI GA LA YOD, ,DE NI DE LAS 'BYUNG NA YON TAN 'GA' YANG YOD MA YIN, , SKYES PAR GYUR PA SLAR YANG SKYE BAR RIGS PA'ANG MA YIN NYID, ,SKYES ZIN SLAR YANG SKYE BAR YONGS SU RTOG PAR 'GYUR NA NI, ,MYU GU LA SOGS RNAMS KYI SKYE BA 'DIR RNYED MI 'GYUR ZHING, ,SA BON SRID MTHAR THUG PAR RAB TU SKYE BA NYID DU 'GYUR, ,JI LTAR DE NYID KYIS DE @204B RNAM PAR 'JIG PAR BYED PAR 'GYUR, ,BYED RGYU SA BON GYI LAS THA DAD MYU GU'I DBYIBS DANG NI, ,KHA DOG RO NUS SMIN PA'I THA DAD KHYOD LA MED PAR 'GYUR, ,GAL TE SNGAR GYI BDAG GIS DNGOS PO BSAL NAS DE LAS GZHAN, ,NGO BOR 'GYUR NA DE TSE DE YI DE NYID JI LTAR 'GYUR, , GAL TE KHYOD KYI SA BON MYU GU 'DIR GZHAN MA YIN NA, ,SA BON BZHIN DU MYU GU ZHES BYA DE GZUNG MED PA'AM, ,YANG NA DE DAG GCIG PAS JI LTAR MYU GU 'DI BZHIN DU, ,DE YANG GZUNG DU YOD 'GYUR DE PHYIR 'DI NI KHAS MI BLANG, ,GANG PHYIR RGYU ZHIG NA YANG DE YI 'BRAS BU MTHONG BA'I PHYIR, ,DE DAG GCIG PA YIN ZHES 'JIG RTEN GYIS KYANG KHAS MA LEN, ,DE PHYIR DNGOS PO BDAG LAS 'BYUNG ZHES RAB TU BRTAGS PA 'DI, ,DE NYID DANG NI 'JIG RTEN DU YANG RIGS PA MA YIN NO, ,BDAG LAS SKYE BAR 'DOD NA BSKYED PAR BYA DANG SKYED BYED DANG, , LAS DANG BYED PA PO YANG GCIG NYID 'GYUR NA DE DAG NI, ,GCIG NYID MA YIN PAS NA BDAG LAS SKYE BAR KHAS BLANG PAR, ,BYA MIN RGYA CHER BSHAD PA'I NYES PAR THAL BAR 'GYUR PHYIR RO, ,GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,'O NA ME LCE LAS KYANG MUN PA 'THUG PO 'BYUNG 'GYUR ZHING, ,THAMS CAD LAS KYANG THAMS CAD SKYE BAR 'GYUR TE GANG GI PHYIR, ,SKYED PAR BYED PA MA YIN MA LUS LA YANG GZHAN NYID MTSUNGS, ,RAB TU BYA BAR NUS PA DE PHYIR 'BRAS BUR DES BRJOD CING, ,GANG ZHIG DE SKYED NUS PA DE NI GZHAN NA'ANG RGYU YIN LA, ,RGYUD GCIG GTOGS DANG SKYED PAR BYED LAS SKYE BA DE YI PHYIR, ,S'A LU'I MYU GU NAS LA SOGS LAS DE LTA MIN ZHE NA, ,JI LTAR NAS DANG GE SAR DANG NI KENG SHU KA LA SOGS, ,S'A LU'I MYU GU'I SKYED PAR BYED PAR 'DOD MIN NUS LDAN MIN, ,RGYUD GCIG KHONGS SU GTOGS MIN 'DRA BA MA YIN NYID DE BZHIN, ,S'A LU'I SA BON YANG NI DE YI MIN TE GZHAN NYID PHYIR, ,MYU GU SA BON DANG NI DUS MNYAM YOD PA MA YIN TE, ,GZHAN NYID MED PAR LA BON GZHAN PA NYID DU GA LA 'GYUR, ,DES NA MYU GU SA BON LAS SKYE 'GRUB PAR @205A *, ,'GYUR MIN PAS, ,GZHAN LAS SKYE BA YIN ZHES BYA BA'I PHYOGS 'DI GTANG BAR BYOS, ,JI LTAR SRANG GI MDA' GNYIS MTHO BA DANG NI DMA' BA DAG ,DUS MNYAM MA YIN PAR NA MIN PAR MTHONG BA DE BZHIN DU, ,BSKYED PAR BYA DANG SKYED BYED DAG GI SKYE 'GAG 'GYUR ZHE NA, ,GAL TE GCIG TSE YIN NA 'DIR DUS GCIG MED DE YANG MIN, ,GAL TE SKYE BZHIN PA DE SKYE LA PHYOGS PAS YOD MIN ZHING, ,'GAG BZHIN PA NI YOD KYANG 'JIG LA PHYOGS PAR 'DOD GYUR PA, ,DE TSE 'DI NI JI LTA BUR NA SRANG DANG MTSUNGS PA YIN, ,SKYE BA 'DI NI BYED PO MED PAR RIGS PA'I NGO BO'ANG MIN, ,GAL TE MIG GI BLO LA RANG GI SKYE BYED DUS GCIG PA, ,MIG LA SOGS DANG LHAN CIG 'BYUNG BA 'DU SHES LA SOGS LAS, ,GZHAN NYID YOD NA YOD LA 'BYUNG BAS DGOS PA CI ZHIG YOD, ,CI STE DE MED CE NA 'DI LA NYES PA BSHAD ZIN TO, ,SKYED PAR 'BYED PA BSKYED BYA GZHAN SKYED PA DE RGYU YIN NA, ,YOD PA'AM 'ON TE MED DANG GNYI GA GNYIS BRAL ZHIG SKYED GRANG, ,YOD NA SKYED BYED CI DGOS MED LA'ANG DES NI CI ZHIG BYA, ,GNYIS NYID LA DES CI BYA GNYIS DANG BRAL LA'ANG DES CI BYA, ,GANG GIS RANG LHA LA GNAS 'JIG RTEN TSAD MAR 'DOD PAS NA, ,'DIR NI RIGS PA SMRAS PA NYID KYIS LTA KO CI ZHIG BYA, ,GZHAN LAS GZHAN 'BYUNG BA YANG 'JIG RTEN PA YIS RTOGS 'GYUR TE, ,DES NA GZHAN LAS SKYE YOD 'DIR NI RIGS PA CI ZHIG DGOS, ,DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG DE DE NYID DE, ,MTHONG BA BRDZUN PA KUN RDZOB BDEN PAR GSUNGS, ,MTHONG BA BRDZUN PA'ANG RNAM PA GNYIS 'DOD DE, ,DBANG PO GSAL DANG DBANG PO SKYON LDAN NO, ,SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS LOG PAR 'DOD, ,GNOD PA MED PA'I DBANG PO DRUG RNAMS KYIS, ,GZUNG BA GANG ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG, @205B ,MI SHES GNYID KYIS RAB BSKYOD MU STEGS CAN, ,RNAMS KYIS BDAG NYID JI BZHIN BRTAGS PA DANG, ,SGYU MA SMIG RGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, ,MIG NI RAB RIB CAN GYIS DMIGS PA YIS, ,RAB RIB MED SHES LA GNOD MIN JI LTAR, ,DE BZHIN DRI MED YE SHES SPANGS PA'I BLOS, ,DRI MED BLO LA GNOD PA YOD MA YIN, ,GTI MUG RANG BZHIN SGRIB PHYIR KUN RDZOB STE, ,DES GANG BCOS MA BDEN PAR SNANG DE NI, ,KUN RDZOB BDEN ZHES THUB PA DES GSUNGS TE, ,BCOS MAR GYUR PA'I DNGOS NI KUN RDZOB TU'O, ,RAB RIB MTHU YIS SKRA SHAD LA SOGS PA'I, ,NGO BO LOG PA GANG ZHIG RNAM BRTAGS PA, ,DE NYID BDAG NYID GANG DU MIG DAG PAS, ,MTHONG DE DE NYID DE BZHIN 'DIR SHES KYIS, ,GAL TE 'JIG RTEN TSAD MA YIN NA NI, ,'JIG RTEN DE NYID MTHONG BAS 'PHAGS GZHAN GYIS, ,CI DGOS 'PHAGS PA'I LAM GYIS CI ZHIG BYA, ,BLUN PO TSAD MAR RIGS PA'ANG MA YIN NO, ,RNAM KUN 'JIG RTEN TSAD MIN DE YI PHYIR, ,DE NYID SKABS SU 'JIG RTEN GNOD PA MED, ,'JIG RTEN DON NI 'JIG RTEN GRAGS NYID KYIS, , GAL TE SEL NA 'JIG RTEN GYIS GNOD 'GYUR, ,GANG PHYIR 'JIG RTEN SA BON TZAM BTAB NAS, ,BDAG GIS BU 'DI SKYED CES SMRA BYED CING, SHING YANG BTZUGS SO SNYAM DU RTOG DES NA, ,GZHAN LAS SKYE BA 'JIG RTEN LAS KYANG MED, ,GANG PHYIR MYU GU SA BON LAS GZHAN MIN; ,DE PHYIR MYUG TSE SA BON ZHIG PA MED, ,GANG PHYIR GCIG NYID YOD MIN DE PHYIR YANG, ,MYUG TSE SA BON YOD CES BRJOD MI BYA, ,GAL TE RANG GI MTSAN NYID BRTEN 'GYUR NA, ,DE LA SKUR BAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, ,DE NI RIGS MIN DE PHYIR DNGOS YOD MIN, ,GANG PHYIR DNGOS PO 'DI DAG RNAM DPYAD NA, ,DE NYID BDAG CAN DNGOS LAS TSU ROL TU, ,GNAS RNYED MA YIN DE PHYIR 'JIG RTEN GYI, ,THA SNYAD BDEN LA RNAM PAR DPYAD MI BYA, ,DE NYID SKABS SU RIGS PA GANG ZHIG GIS, , @206A *, ,BDAG DANG GZHAN LAS SKYE BA RIGS MIN PA'I, ,RIGS DES THA SNYAD DU YANG RIGS MIN PAS, ,KHYOD KYI SKYE BA GANG GIS YIN PAR 'GYUR, ,DNGOS PO STONG PA GZUGS BRNYAN LA SOGS PA, ,TSOGS LA LTOS RNAMS MA GRAGS PA YANG MIN, ,JI LTAR DER NI GZUGS BRNYAN SOGS STONG LAS, ,SHES PA DE YI RNAM PA SKYE 'GYUR LTAR, ,DE BZHIN DNGOS PO THAMS CAD STONG NA YANG, ,STONG NYID DAG LAS RAB TU SKYE BAR 'GYUR, ,BDEN PA GNYIS SU'ANG RANG BZHIN MED PA'I PHYIR, ,DE DAG RTAG PA MA YIN CHAD PA'ANG MIN, ,GANG PHYIR RANG BZHIN GYIS DE MI 'GAG PA, ,DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RING LON LAS KYANG, ,'BRAS BU YANG DAG 'BYUNG BAR RIG PAR GYIS, ,RMI LAM DMIGS PA'I YUL DAG MTHONG NAS NI, ,SAD KYANG BLUN LA CHAGS PA SKYE 'GYUR BA, ,DE BZHIN 'GAGS SHING RANG BZHIN YOD MIN PA'I, ,LAS LAS KYANG NI 'BRAS BU YOD PA YIN, ,JI LTAR YUL NI YOD NYID MIN MTSUNGS KYANG, ,RAB RIB CAN GYIS SKRA SHAD RNAM PAR NI, ,MTHONG GI DNGOS GZHAN RNAM PAR MA YIN LTAR, ,DE BZHIN SMIN LAS SLAR SMIN MIN SHES KYIS, ,DE PHYIR RNAM SMIN MI DGE NAG PO'I LAS, ,RNAM SMIN DGE NYID DGE LAS YIN MTHONG ZHING, ,DGE MI DGE MED BLO CAN THAR 'GYUR TE, ,LAS 'BRAS RNAMS LA SEMS PA'ANG DGAG PA MDZAD, ,KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA 'DI NI DA LTAR CHES ZAB DON, ,RIG PAR MI 'GYUR DANG YIN DE LA'O, ,'JIG TSOGS LTAR DANG BRAL YANG SANGS RGYAS KYIS, ,JI LTAR NGA DANG NGA YI BSTAN PA LTAR, ,DE BZHIN DNGOS RNAMS RANG BZHIN MED MOD KYI, ,YOD CES DRANG DON NYID DU BSTAN PA YIN, ,GZUNG BA MED PAR 'DZIN PA MA MTHONG ZHING, ,SRID GSUM RNAM SHES TZAM DU RAB RTOGS PAS, ,SHES RAB LA GNAS BYANG CHUB SEMS DPA' DES, ,RNAM SHES TZAM DU DE NYID RTOGS PAR 'GYUR, ,JI LTAR RLUNG GIS @206B BSKUL BAS RGYA MTSO NI, ,CHE LAS CHU RLABS 'BYUNG BA DE BZHIN DU, ,KUN GYI SA BON KUN GZHI ZHES BYA LAS, ,RANG GI NUS PAS RNAM SHES TZAM ZHIG 'BYUNG, ,DE PHYIR GZHAN GYI DBANG GI NGO BO GANG, ,DNGOS PO BTAGS PAR YOD PA'I RGYUR 'GYUR ZHING, ,PHYI ROL GZUNG BA MED PAR 'BYUNG 'GYUR LA, ,YOD DANG SPROS KUN YUL MIN RANG BZHIN YOD, ,PHYI ROL MED SEMS DPE NI GANG DU YOD, ,RMI LAM JI BZHIN ZHE NA DE BSAM BYA, ,GANG TSE NGA LA RMI LAM NA YANG SEMS, ,YOD MIN DE TSE KHYOD KYI DPE YOD MIN, ,GAL TE SAD TSE RMI LAM DRAN LAS YID, ,YOD NA PHYI ROL YUL YANG DE BZHIN 'GYUR, ,JI LTAR KHYOD KYI NGAS MTHONG SNYAM DRAN PA, ,DE 'DRA PHYI ROL LA YANG YOD PA YIN, ,GAL TE GNYID NANG MIG BLO MI SRID PAS, ,YOD MIN YID KYI SHES PA KHO NA YOD, ,DE YI RNAM PA PHYI ROL NYID DU ZHEN, , RMI LAM JI LTA DE BZHIN 'DIR 'DOD NA, ,JI LTAR KHYOD KYI PHYI YUL RMI LAM DU, ,MA SKYES DE BZHIN YID KYANG SKYES MA YIN, ,MIG DANG MIG GI YUL DANG DES SKYED SEMS, ,GSUM PO THAMS CAD KYANG NI BRDZUN PA YIN, ,RNA SOGS LHAG MA GSUM PO'ANG SKYE BA MED, ,RMI LAM JI LTA DE BZHIN SAD 'DIR YANG, ,DNGOS RNAMS BRDZUN YIN SEMS DE YOD MA YIN, ,SPYOD YUL MED CING DBANG PO RNAMS KYANG MED, ,'DI NA JI LTAR SAD BZHIN JI SRID DU, ,MI SAD DE SRID DE LA GSUM PO YOD, ,SAD PAR GYUR NA GSUM CHAR YOD MIN LTAR, , GTI MUG GNYID ZAD LAS DE DE BZHIN NO, ,DBANG PO RAB RIB BCAS PA BLO GANG GIS, ,RAB RIB MTHU LAS SKRA RNAMS GANG MTHONG BA, ,DE BLO LA LTOS GNYIS CHAR BDEN PA STE, ,DON GSAL MTHONG LA GNYIS KA'ANG BRDZUN PA YIN, ,GAL TE SHES BYA MED PAR BLO YOD NA, ,SKRA DE'I YUL DANG MIG NI RJES 'BREL PA'I, ,RAB RIB MED LA'ANG SKRA SHAD BLOR 'GYUR NA, ,DE LTA MA YIN DE PHYIR DE YOD MIN, ,GANG PHYIR MTHONG BA DAG LA BLO NUS NI, ,SMIN MED DE PHYIR DE LA BLO MI 'GYUR, ,SHES BYA YOD DNGOS BRAL BAS MIN ZHE NA, ,NUS DE MED @207A *, ,PAS 'DI NI 'GRUB MA YIN, ,SKYES LA NUS PA SRID PA YOD MA YIN, ,MA SKYES NGO BO LA YANG NUS YOD MIN, ,KHYAD PAR MED PAR KHYAD PAR CAN YOD MIN, ,MO GSHAM BU LA'ANG DE NI YOD PAR THAL, ,GAL TE 'BYUNG BAR 'GYUR BAS BSNYAD 'DOD NA, , NUS PA MED PAR 'DI YI 'BYUNG 'GYUR MED, ,PHAN TSUN DON LA BRTEN PA'I 'GRUB PA NI, ,GRUB MIN NYID CES DAM PA RNAMS KYIS GSUNGS, ,GAL TE 'GAGS PA'I NUS SMIN LAS 'GYUR NA, ,GZHAN GYI NUS PA LAS GZHAN 'BYUNG BAR 'GYUR, ,RGYUN CAN RNAMS DER PHAN TSUN THA DAD YOD, ,DE PHYIR THAMS CAD KUN LAS 'BYUNG BAR 'GYUR, ,GAL TE DER NI RGYUN CAN THA DAD KYI, ,DE DAG LA RGYUN THA DAD MED DE'I PHYIR, ,NYES MED CE NA 'DI NI BSGRUB BYA ZHIG ,THA MI DAD RGYUN SKABS MI RIGS PHYIR RO, ,BYAMS PA NYER SBAS LA BRTEN CHOS RNAMS NI; GZHAN NYID PHYIR NA RGYUD GCIG GTOGS MIN TE, ,GANG DAG RANG MTSAN NYID KYIS SO SO BA, ,DE DAG RGYUD GCIG GTOGS PA RIGS MA YIN, ,MIG BLO SKYE BA RANG NUS GANG ZHIG LAS, ,DE MA THAG TU KUN NAS SKYE 'GYUR ZHING, ,RANG GI RNAM SHES RTEN GYI NUS DE LA,, ,DBANG PO GZUGS CAN MIG GCES BYA BAR RTOGS, ,'DI NA DBANG PO LAS BYUNG RNAM PAR RIG ,PHYI GZUNG MED PAR RANG GI SA BON LAS, ,SNGO SOGS SNANG NYID 'BYUNG BAR MA RTOGS NAS, ,SKYE BOS PHYI ROL BZUNG BAR SEMS KHAS LEN, ,RMI LAM NA NI GZUGS DON GZHAN MED PAR, ,RANG NUS SMIN LAS DE YI RNAM CAN SEMS, ,'BYUNG BA JI LTA DE BZHIN SAD LA'ANG 'DIR, ,PHYIR ROL MED PAR YID NI YOD CE NA, ,JI LTAR MIG MED PAR NI RMI LAM DU, ,SNGO SOGS SNANG BA'I YID SEMS 'BYUNG DE LTAR, ,MIG DBANG MED PAR RANG GI SA BON NI, , SMIN LAS LONG BA LA 'DIR CIS MI SKYE, ,GAL TE KHYOD LTAR RMI LAM DRUG PA YI, ,NUS PA SMIN YOD SAD PAR MED GYUR NA, ,DRUG PA'I NUS SMIN JI LTA 'DIR MED PA, ,DE LTAR RMI TSE MED CES CIS MI RIGS, ,JI LTAR MIG MED 'DI YI RGYU MIN LTAR, ,RMI LAM DU YANG GNYID NI @207B RGYU MA YIN, ,DE PHYIR RMI LAM DU YANG DE DNGOS MIG ,BRDZUN PA'I YUL CAN RTOGS PA'I RGYUR KHAS BLANG, ,'DI YIS LAN NI GANG DANG GANG BTAB PA, ,DE DANG DE NI DAM BCA' MTSUNGS MTHONG BAS, ,RTZOD 'DI SEL BYED SANGS RGYAS RNAMS KYIS NI, ,'GAR YANG DNGOS PO YOD CES MA BSTAN TO, ,RNAL 'BYOR PA YIS BLA MA'I MAN NGAG LAS, ,KENG RUS KYIS GANG SA GZHI MTHONG BA GANG, ,DER YANG GSUM CHAR SKYE BA MED PAR MTHONG, ,LOG PA YID LA BYED PA BSTAN PHYIR RO, ,KHYOD KYI DBANG BLO'I YUL RNAMS JI LTA BA, ,DE LTAR MI SDUG YID KYI YANG 'GYUR NA, ,DE BZHIN YUL DER BLO GTAD CIG SHOS KYIS, ,RTOGS 'BYUNG [*'GYUR?] DE NI BRDZUN PAR YANG MI 'GYUR, ,RAB RIB DANG LDAN DBANG PO CAN MTSUNGS LA, ,CHU 'BAB RLUNG [*KLUNG?] LA YI DAGS [*DVAGS] RNAG BLO YANG, ,MDOR NA JI LTAR SHES BYA MED DE BZHIN, ,BLO YANG MED CES DON 'DI SHES PAR GYIS, ,GAL TE GZUNG MED 'DZIN PA NYID BRAL ZHING, ,GNYIS KYIS STONG PA'I GZHAN DBANG DNGOS YOD NA, ,'DI YI YOD PA GANG GIS SHES PAR 'GYUR, ,MA BZUNG BAR YANG YOD CES BYAR MI RUNG, ,DE NYID KYIS DE MYONG BAR 'GRUB MA YIN, ,GAL TE PHYI DUS DRAN PA LAS 'GRUB NA, ,MA GRUB BSGRUB PAR BYA PHYIR BRJOD PA YI, ,MA GRUB 'DI NI SGRUB PAR BYED PA MIN, ,RANG RIG PA NI GRUB LA RAG MOD KYI, ,DE LTA'ANG DRAN PA'I DRAN PA RIGS MIN TE, ,GZHAN PHYIR MA SHES RGYUD LA SKYES PA BZHIN, ,GTAN TSIGS 'DIS NI KHYAD PAR DAG KYANG 'JOMS, ,GANG PHYIR GANG GIS YUL MYONG GYUR DE LAS, ,DRAN PA 'DI GZHAN NGA LA YOD MIN PA, ,DE PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN, ,DE PHYIR RANG RIG YOD PA MA YIN NA, , KHYOD KYI GZHAN DBANG GANG GIS 'DZIN PAR 'GYUR, ,BYED PO LAS DANG BYA BA GCIG MIN PAS, ,DE NYID KYIS DE 'DZIN PAR RIGS MA YIN, ,GAL TE SKYE BA MED CING MA SHES PA'I, ,BDAG CAN GZHAN DBANG NGO BO'I DNGOS YOD NA, ,GANG GIS NA 'DI YOD PA MI RIGS PA, , @208A *, ,GZHAN LA MO GSHAM BUS GNOD CI ZHIG BSKYAL, ,GANG TSE GZHAN DBANG CUNG ZAD YOD MIN NA, ,KUN RDZOB PA YI RGYUR NI GANG ZHIG 'GYUR, ,GZHAN GYI LTAR NA RDZAS LA CHAGS PA YIS, ,'JIG RTEN GRAGS PA'I RNAM BZHAG KUN KYANG BRLAG ,SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA 'GRUB YOD MIN, ,THA SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PAS LAM NGAN ZHUGS, ,JI LTAR KHYOD KYIS GZHAN DBANG DNGOS 'DOD LTAR, ,KUN RDZOB KYANG NI BDAG GIS KHAS MA BLANGS, ,'BRAS PHYIR 'DI DAG MED KYANG YOD DO ZHES, ,'JIG RTEN NGOR BYAS BDAG NI SMRA BAR BYED, , JI LTAR PHUNG PO SPANGS NAS ZHIR ZHUGS PA, ,DGRA BCOM RNAMS LA YOD PA MIN DE LTAR, ,'JIG RTEN LA YANG MED NA DE BZHIN 'DI, ,'JIG RTEN LAS KYANG YOD CES BDAG MI SMRA, ,GAL TE KHYOD LA 'JIG RTEN MI GNOD NA, ,'JIG RTEN NYID LTOS 'DI NI DGAG PAR GYIS, , KHYOD DANG 'JIG RTEN 'DIR NI RTZOD KYIS DANG, ,PHYI NAS STOBS LDAN BDAG GIS BRTEN PAR BYA, ,MNGON GYUR MNGON PHYOGS BYANG CHUB SEMS DPA' YIS, ,SRID GSUM RNAM SHES TZAM DU GANG RTOGS PA, ,RTAG BDAG BYED PO BKAG PA RTOGS PHYIR DES, ,BYED PA PO NI SEMS TZAM YIN PAR RTOGS, ,DE PHYIR BLO LDAN BLO NI 'PHEL BYA'I PHYIR, ,LANG KAR GSHEGS MDO DE LAS KUN MKHYEN GYIS, ,MU STEGS SPO MTHON RI 'JOMS NGAG RANG BZHIN, ,RDO RJE 'DI NI DGONGS PA BCAD PHYIR GSUNGS, ,JI BZHIN RANG GI BSTAN BCOS DE DE LAS, ,MU STEGS RNAMS KYIS GANG ZAG SOGS DE DAG, ,SMRAS PA DE DAG BYED POR MA GZIGS NAS, ,RGYAL BAS SEMS TZAM 'JIG RTEN BYED POR GSUNGS, ,DE NYID RGYAS LA SANGS RGYAS BSNYAD JI BZHIN, ,DE BZHIN SEMS TZAM GTZOR GYUR 'JIG RTEN LA, ,MDO LAS SEMS TZAM ZHES @208B GSUNGS GZUGS NI 'DIR, ,'GOG PA DE LTAR MDO YI DON MA YIN, ,GAL TE 'DI DAG SEMS TZAM ZHES MKHYEN NAS, ,DE LAS GZUGS NYID DGAG PAR MDZAD NA NI, ,SLAR YANG DE LAS BDAG NYID CHEN POS SEMS, ,GTI MUG LAS LAS SKYES PAR CI PHYIR GSUNGS, ,SEMS NYID KYIS NI SEMS CAN 'JIG RTEN DANG, ,SNOD KYI 'JIG RTEN SHIN TU SNA TSOGS 'GOD, ,'GRO BA MA LUS LAS LAS SKYES PAR GSUNGS, ,SEMS SPANGS NAS NI LAS KYANG YOD MA YIN, ,GAL TE GZUGS YOD MOD KYI DE LA NI, ,SEMS BZHIN BYED PA PO NYID YOD MA YIN, ,DES NA SEMS LAS GZHAN PA'I BYED PA PO, ,BZLOG GI GZUGS NI BKAG PA MA YIN NO, ,'JIG RTEN PA YI DE NYID LA GNAS LA, ,PHUNG PO 'JIG RTEN GRAGS TE LNGA CHAR YOD, ,DE NYID YE SHES 'CHAR BAR 'DOD PA NA, ,RNAL 'BYOR PA LA DE LNGA 'BYUNG MI 'GYUR, ,GZUGS MED NA NI SEMS YOD MA 'DZIN ZHIG [*CIG?] ,SEMS YOD 'DI NA'ANG GZUGS MED MA 'DZIN ZHIG [*CIG?] ,DE DAG SHES RAB TSUL MDOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, ,BDEN GNYIS RIM PA 'DI DAG BSHIG NAS KYANG, ,KHYOD KYI RDZAS NI BKAG PAS 'GRUB MI 'GYUR, ,DE PHYIR DE LTA'I RIM PAS DNGOS GDOD NAS, ,DE NYID MA SKYES 'JIG RTEN SKYES RIG BYA, ,MDO SDE GANG LAS PHYI ROL SNANG YOD MIN, ,SEMS NI SNA TSOGS SNANG NGO ZHES GSUNGS PA, ,GZUGS LA SHIN TU CHAGS GANG DE DAG LA, ,GZUGS BZLOG PA STE DE YANG DRANG DON NYID, ,'DI NI STON PAS DRANG DON NYID GSUNGS SHING, ,'DI NI DRANG DON NYID DU RIGS PAS 'THAD, ,RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, ,SHES BYA MED NA SHES PA BSAL BA NI, ,BDE BLAG RNYED CES SANGS RGYAS RNAMS KYIS GSUNGS, ,SHES BYA MED NA SHES PA BKAG 'GRUB PAS, ,DANG POR SHES BYA DGAG PA MDZAD PA YIN, ,DE LTAR LUNG GI LO RGYUS SHES BYAS TE, ,MDO GANG DE NYID MA YIN BSHAD DON CAN, ,DRANG DON GSUNGS PA'ANG RTOGS NAS @209A *, ,DRANG BYA ZHING, ,STONG NYID DON CAN NGES DON SHES PAR GYIS, ,GNYIS LAS SKYE BA'ANG RIGS PA'I NGO BO MA YIN GANG GI PHYIR, ,BSHAD ZIN NYES PA DE DAG THOG TU 'BAB PA YIN PHYIR RO, ,'DI NI 'JIG RTEN LAS MIN DE NYID DU YANG 'DOD MIN TE, ,GANG PHYIR RE RE LAS NI SKYE BA 'GRUB PA YOD MA YIN, ,GAL TE RGYU MED KHO NAR SKYE BAR LTA ZHIG 'GYUR NA NI, ,DE TSO MTHA' DAG RTAG TU THAMS CAD LAS KYANG SKYE 'GYUR ZHING, ,'BRAS 'BYUNG CHED DU 'JIG RTEN 'DI YI SA BON LA SOGS NI, ,BRGYA PHRAG DAG GI SGO NAS SDUD PAR BYED PAR YANG MI 'GYUR, , GAL TE 'GRO BA RGYU YIS STONG PAR GYUR NA NAM MKHA' YI, ,AUTPALA YI DRI MDOG JI BZHIN GZUNG DU MED NYID NA, ,SHIN TU CHES BKRA'I 'JIG RTEN 'DZIN PA'ANG [*YIN PA] DE YI PHYIR, ,RANG GI BLO BZHIN 'JIG RTEN RGYU LAS YIN PAR SHES PAR GYIS, ,'BYUNG BA DE DAG BDAG NYID GANG ZHIG GIS NI KHYOD KYI BLO'I, ,YUL DU 'GYUR BA DE YI BDAG NYID CAN NI MA YIN NA, ,GANG LA YID KYI MUN PA 'THUG PO 'DI NYID DU YOD PA, ,DES NI JI LTAR 'JIG RTEN PHA ROL YANG DAG RTOGS PAR 'GYUR, ,'JIG RTEN PHA ROL 'GOG PAR BYED PA'I DUS SU BDAG NYID NI, ,SHES BYA'I RANG BZHIN PHYIN CI LOG TU LTA BAR RTOGS BYA STE, ,DE YI LTA BA'I RNAM PA'I RTEN MTSUNGS LUS DANG LDAN NYID PHYIR, ,GANG TSE 'BYUNG BA'I BDAG NYID YOD NYID KHAS LEN DE TSE BZHIN, ,'BYUNG BA DE DAG JI LTAR YOD MIN DE LTAR BSHAD ZIN TE, ,GANG GI PHYIR NA GONG DU RANG GZHAN LAS DANG GNYIS KA LAS, ,SKYE DANG RGYU MED THUN MONG DU NI BKAG ZIN DE YI PHYIR, ,MA BSHAD 'BYUNG BA 'DI DAG LTA ZHIG YOD PA MA YIN NO, ,GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,GANG GIS SPRIN TSOGS DANG MTSUNGS GTI MUG STUG PO 'JIG RTEN LA, ,YOD PA DES NA YUL RNAMS LOG PA DAG TU SNANG BAR 'GYUR, ,JI LTAR RAB RIB MTHU YIS 'GA' ZHIG SKRA SHAD ZLA GNYIS DANG, ,RMA BYA'I MDONGS DANG SBRANG MA LA SOGS LOG PAR 'DZIN BYED PA, ,DE BZHIN DU NI GTI @209B MUG SKYON GYI DBANG GIS MI MKHAS PAS, ,'DUS BYAS LTA ZHIG SNA TSOGS BLO GROS KYIS NI RTOGS PAR 'GYUR, ,GAL TE GTI MUG BRTEN NAS LAS 'BYUNG GTI MUG MED PAR DE, ,MI 'BYUNG ZHES BYAR MI MKHAS KHO NAS RTOGS PAR GOR MA CHAG, ,BLO BZANG NYI MAS MUN PA STUG PO RNAM PAR BSAL BA YI, ,MKHAS PA DAG NI STONG NYID KHONG DU CHUD CING GROL BAR 'GYUR, ,GAL TE DNGOS RNAMS DE NYID DU MED NA, ,THA SNYAD DU YANG MO GSHAM BU JI BZHIN, ,DE DAG MED PA NYID 'GYUR DE YI PHYIR, ,DE DAG RANG BZHIN GYIS NI YOD PA NYID, ,GANG DAG RAB RIB CAN SOGS YUL 'GYUR BA, ,SKRA SHAD LA SOGS DE DAG MA SKYES PAS, ,RE ZHIG DE DAG NYID LA BRTZAD BYA STE, ,PHYI NAS MA RIG RAB RIB RJES 'BREL LA'O, ,GAL TE RMI LAM DRI ZA'I GRONG KHYER BCAS, ,SMIG RGYU'I CHU DANG MIG 'PHRUL GZUGS BRNYAN SOGS, ,SKYE MED MTHONG NA YOD NYID MIN MTSUNGS KYANG, ,KHYOD LA JI LTAR DER 'GYUR DE MI RIGS, ,DE NYID DU 'DI JI LTAR SKYE MED KYANG, ,MO GSHAM BU LTAR GANG PHYIR 'JIG RTEN GYI, ,MTHONG BA'I YUL DU MI 'GYUR MA YIN PA, ,DE YI PHYIR NA SMRA 'DI MA NGES PA'O, ,MO GSHAM BU LA RANG GI BDAG NYID KYIS, ,SKYE BA DE NYID DU MED 'JIG RTEN DU'ANG, ,YOD MIN DE BZHIN DNGOS 'DI KUN NGO BO, ,NYID KYIS 'JIG RTEN DE NYID DU MA SKYES, ,DE PHYIR 'DI LTAR STON PAS CHOS RNAMS KUN, ,GDOD NAS ZHI ZHING SKYE BRAL RANG BZHIN GYIS, ,YONGS SU MYA NGAN 'DAS PA GSUNGS GYUR PA, ,DE PHYIR RTAG TU SKYE BA YOD MA YIN, ,BUM SOGS 'DI DAG DE NYID DU MED CING, ,'JIG RTEN RAB TU GRAGS PAR YOD CI BZHIN, ,DE BZHIN DNGOS PO THAMS CAD 'BYUNG [*'GYUR?] BAS NA, ,MO GSHAM BU DANG MTSUNGS PAR THAL MI 'GYUR, ,GANG PHYIR RGYU MED PA DANG DBANG PHYUG GI ,RGYU LA SOGS DANG BDAG GZHAN GNYIS KA LAS, ,DNGOS RNAMS SKYE BAR 'GYUR BA MA YIN PA, ,DE PHYIR BRTEN NAS RAB TU SKYE BAR 'GYUR, ,GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DE PHYIR RTEN 'BYUNG RIGS PA 'DI YIS NI, , @210A *, ,LTA NGAN DRA BA MTHA' DAG GCOD PAR BYED, ,RTOG RNAMS DNGOS PO YOD NA 'GYUR BA STE, ,DNGOS PO JI LTAR MED PAR YONGS DPYAD ZIN, ,DNGOS PO MED PAR 'DI RNAMS MI 'BYUNG DPER, ,BUD SHING MED PAR ME YOD MIN DE BZHIN, ,SO SO'I SKYE BO RNAMS NI RTOG PAS BCINGS, ,MI RTOG RNAL 'BYOR PA NI GROL 'GYUR BAS, ,RTOG RNAMS LOG PAR GYUR PA GANG YIN DE, ,RNAM PAR DPYOD PA'I 'BRAS BUR MKHAS RNAMS GSUNG, ,BSTAN BCOS LAS DPYAD RTZOD LA CHAGS PA'I PHYIR, ,MA MDZAD RNAM GROL PHYIR NI DE NYID BSTAN, ,GAL TE DE NYID RNAM PAR BSHAD PA NA, ,GZHAN GZHUNG 'JIG PAR 'GYUR NA NYES PA MED, ,RANG GI LTA LA CHAGS DANG DE BZHIN DU, ,GZHAN GYI LTA LA 'KHRUG GANG RTOG PA NYID, ,DE PHYIR 'DOD CHAGS KHONG KHRO RNAM BSAL TE, ,RNAM DPYOD PA NI MYUR DU GROL BAR 'GYUR, ,NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR ZHING, ,BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, ,ZA PO RTAG DNGOS BYED PO MIN PA'I BDAG ,YON TAN BYA MED MU STEGS RNAMS KYIS BRTAGS, ,DE'I DBYE CUNG ZAD CUNG ZAD LA BRTEN NAS, ,MU STEGS CAN RNAMS LUGS NI THA DAD 'GYUR, ,MO GSHAM BU LTAR SKYE BA DANG BRAL PHYIR, ,DE LTAR GYUR PA'I BDAG NI YOD MIN ZHING, ,'DI NI DAR 'DZIN RTEN DU'ANG MI RIGS LA, ,'DI NI KUN RDZOB TU YANG YOD MI 'DOD, ,GANG PHYIR BSTAN BCOS BSTAN BCOS LAS DE'I KHYAD, ,MU STEGS RNAMS KYIS GANG BSTAN DE KUN LA, ,RANG GRAGS MA SKYES GTAN TSIGS KYIS GNOD PA, ,DE PHYIR DE KHYAD KUN KYANG YOD MA YIN, ,DE PHYIR PHUNG PO LAS GZHAN BDAG MED DE, ,PHUNG PO MA GTOGS DE 'DZIN MA GRUB PHYIR, ,'JIG RTEN NGAR 'DZIN BLO YI RTEN DU YANG, ,MI 'DOD DE RIG MIN PA'ANG BDAG LTA'I PHYIR, ,GANG DAG DUD 'GRO BSKAL MANG BRKYAL GYUR PA, ,DES KYANG MA SKYES RTAG 'DI MA MTHONG LA, ,NGAR 'DZIN DE DAG LA YANG 'JUG MTHONG STE, ,DES NA PHUNG PO @210B LAS GZHAN BDAG 'GA' MED, ,PHUNG PO LAS GZHAN BDAG GRUB MED PA'I PHYIR, ,BDAG LTA'I DMIGS PA PHUNG PO KHO NA'O, ,KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD, ,GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG BAR 'GYUR, ,BDAG NI RDZAS SU 'GYUR ZHING DER LTA BA, ,RDZAS LA 'JUG PAS PHYIN CI LOG MI 'GYUR, ,MYA NGAN 'DAS TSE NGES PAR BDAG CHAD 'GYUR, ,MYA NGAN 'DAS SNGON SKAD CIG DAG LA NI, ,SKYE 'JIG BYED PO MED PAS DE 'BRAS MED, ,GZHAN GYIS BSAGS LA GZHAN GYIS ZA BAR 'GYUR, ,DE NYID DU RGYUD YOD NA SKYON MED NA, ,SNGAR RNAM DPYAD TSE RGYUD LA NYES BSHAD ZIN, ,DE PHYIR PHUNG PO DANG SEMS BDAG MI RIGS, ,'JIG RTEN MTHA' LDAN LA SOGS MED PHYIR RO, ,KHYOD KYI RNAL 'BYOR BDAG MED MTHONG BA LA, ,DE TSE NGES PAR DNGOS RNAMS MED PAR 'GYUR, ,RTAG BDAG SPANGS NA DE TSE DE YI PHYIR, ,KHYOD KYI SEMS SAM PHUNG PO BDAG MI 'GYUR, ,KHYOD KYI RNAL 'BYOR BDAG MED MTHONG BA YIS, ,GZUGS SOGS DE NYID RTOGS PAR MI 'GYUR ZHING, ,GZUGS LA DMIGS NAS 'JUG PHYIR 'DOD CHAGS SOGS, ,SKYE 'GYUR DE YI NGO BO RTOGS MED PHYIR, ,GANG PHYIR STON PAS PHUNG PO BDAG GO ZHES, ,GSUNGS PA DE PHYIR PHUNG PO BDAG 'DOD NA, ,DE NI PHUNG LAS GZHAN BDAG 'GOG PA STE, ,GZUGS BDAG MIN SOGS MDO GZHAN GSUNGS PHYIR RO, ,GANG PHYIR GZUGS TSOR BDAG MIN PA 'DU SHES KYANG, ,MA YIN 'DU BYED RNAMS MIN RNAM SHES KYANG, ,MIN PAR MDO GZHAN LAS GSUNGS DE YI PHYIR, ,MDOR BSTAN PHUNG PO BDAG CES BZHED MA YIN, ,PHUNG PO BDAG CES BRJOD TSE PHUNG RNAMS KYI, ,TSOGS PA YIN GYI PHUNG PO'I NGO BO MIN, , MGON MIN 'DUL BA'AM DBANG PO NYID KYANG MIN, ,DE MED PHYIR DE TSOGS PA MA YIN NO, ,DE TSE DE YI YAN LAG TSOGS GNAS RNAMS, ,SHING RTA NYID 'GYUR SHING RTA DANG BDAG MTSUNGS, ,MDO LAS PHUNG PO BRTEN NAS YIN GSUNGS PA, ,DE PHYIR PHUNG PO 'DUS TZAM BDAG MA YIN,, @211A *, ,DBYIBS SHE NA DE GZUGS CAN LA YOD PHYIR, ,KHYOD LA DE DAG NYID BDAG CES 'GYUR GYI, ,SEMS SOGS TSOGS NI BDAG NYID 'GYUR MIN TE, ,GANG PHYIR DE DAG LA DBYIBS YOD MA YIN, ,LEN PO RANG NYER LEN GCIG RIGS DNGOS MIN, ,DE LTA NA LAS BYED PO GCIG NYID 'GYUR, ,BYED PO MED LAS YOD SNYAM BLO YIN NA, ,MA YIN GANG PHYIR BYED PO MED LAS MED, ,GANG PHYIR THUB PAS BDAG DE SA CHU ME, ,RLUNG DANG RNAM SHES NAM MKHA' ZHES BYA BA, ,KHAMS DRUG DANG NI MIG SOGS REG PA YI, ,RTEN DRUG DAG LA BRTEN NAS NYER BRTEN ZHING, ,SEMS DANG SEMS BYUNG CHOS RNAMS NYER BZUNG NAS, ,DES GSUNGS DE PHYIR DE NI DE RNAMS DANG, ,DE NYID MA YIN TSOGS TZAM NYID MIN TE, ,DE PHYIR NGAR 'DZIN BLO DE RNAMS LA MIN, ,BDAG MED RTOGS TSE RTAG PA'I BDAG SPONG ZHING, ,'DI NI NGAR 'DZIN RTEN DU'ANG MI 'DOD PA, ,DE PHYIR BDAG MED SHES PAS BDAG LTA BA, ,DPYIS KYANG 'BYIN ZHES SMRA BA SHIN TU MTSAR, ,RANG KHYIM RTZIG PHUG SBRUL GNAS MTHONG BZHIN DU, ,'DI NA GLANG CHEN MED CES DOGS BSAL TE, ,SBRUL GYI 'JIGS PA'ANG SPONG BAR BYED PA NI; ,KYE MA GZHAN GYI GNAM POR 'GYUR NYID DO, ,PHUNG POR BDAG YOD MA YIN BDAG LA YANG, ,PHUNG PO DE RNAMS YOD MIN GANG PHYIR 'DIR, ,GZHAN NYID YOD NA RTOG PA 'DIR 'GYUR NA, ,GZHAN NYID DE MED DE PHYIR 'DI RTOG PA'O, ,BDAG NI GZUGS LDAN MI 'DOD GANG PHYIR BDAG, ,YOD MIN DE PHYIR LDAN DON SBYOR BA MED, ,GZHAN NA GNAG LDAN GZHAN MIN GZUGS LDAN NA, ,BDAG NI GZUGS LAS DE NYID GZHAN NYID MED, ,GZUGS BDAG MA YIN BDAG NI GZUGS LDAN MIN, ,GZUGS LA BDAG MED BDAG LA'ANG GZUGS YOD MIN, ,DE LTAR RNAM BZHIR PHUNG KUN SHES BYA STE, ,DE DAG BDAG TU LTA BA NYI SHUR 'DOD, ,LTA RI BDAG MED RTOGS PA'I RDO RJE YIS, ,BCOM BDAG GANG DANG LHAN CIG 'JIG 'GYUR PA, ,'JIG TSOGS LTA RI LHUN STUG LA GNAS PA, ,RTZE MO MTHO BAR GYUR PA @211B 'DI DAG GO, ,KHA CIG DE NYID GZHAN NYID RTAG MI RTAG, ,LA SOGS BRJOD MED GANG ZAG RDZAS YOD 'DOD, ,RNAM SHES DRUG GI SHES BYAR DE 'DOD CING, ,DE NI NGAR 'DZIN GZHIR YANG 'DOD PA YIN, ,GANG PHYIR GZUGS LAS SEMS BRJOD MED MI RTOGS, ,DNGOS YOD BRJOD MED RTOGS PA MA YIN NYID, ,GAL TE BDAG 'GA' DNGOS POR GRUB GYUR NA, ,SEMS LTAR GRUB DNGOS BRJOD DU MED MI 'GYUR, ,GANG PHYIR KHYOD BUM DNGOS POR MA GRUB PA'I, ,NGO BO GZUGS SOGS LAS BRJOD MED 'GYUR BAS, ,BDAG GANG PHUNG PO LAS BRJOD MED 'GYUR TE, ,RANG GIS YOD PAR GRUB PAR RTOGS MI BYA, ,KHYOD KYI RNAM SHES RANG BDAG LAS GZHAN NI, ,MI 'DOD GZUGS SOGS LAS GZHAN DNGOS 'DOD CING, ,DNGOS LA RNAM PA DE GNYIS MTHONG 'GYUR BA, ,DE PHYIR BDAG MED DNGOS CHOS DANG BRAL PHYIR, , DE PHYIR NGAR 'DZIN RTEN NI DNGOS PO MIN, ,PHUNG LAS GZHAN MIN PHUNG PO'I NGO BO MIN, ,PHUNG PO RTEN MIN 'DI NI DE LDAN MIN, ,'DI NI PHUNG PO RNAMS BRTEN 'GRUB PAR 'GYUR, ,SHING RTA RANG YAN LAG LAS GZHAN 'DOD MIN, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, ,GAL TE TSOGS TZAM SHING RTAR 'GYUR NA NI, ,SIL BUR GNAS LA SHING RTA NYID YOD 'GYUR, ,GANG PHYIR YAN LAG CAN MED YAN LAG DAG, ,MED PAS DBYIBS TZAM SHING RTAR RIGS PA'ANG MIN, , KHYOD DBYIBS YAN LAG RE RE SNGAR YOD GYUR, ,JI BZHIN SHING RTAR GTOGS LA'ANG DE BZHIN NO, ,BYE BAR GYUR PA DE DAG LA JI LTAR, ,DE LTAR YANG NI SHING RTA YOD MA YIN, ,DA LTA GAL TE SHING RTA NYID DUS 'DIR, ,'PHANG LO SOGS LA DBYIBS THA DAD YOD NA, ,'DI GZUNG 'GYUR NA DE YANG YOD MIN TE, ,DE PHYIR DBYIBS TZAM SHING RTAR YOD MA YIN, ,GANG PHYIR KHYOD KYI TSOGS PA CANG MED PAS, ,DBYIBS DE YAN LAG TSOGS KYI MA YIN NA, ,GANG ZHIG CI YANG MA YIN DE BRTEN NAS, ,'DIR NI DBYIBS SU LTA ZHIG JI LTAR 'GYUR, ,KHYOD KYI 'DI NI JI LTAR 'DOD DE @212A *, ,LTAR; ,MI BDEN PA YI RGYU LA BRTEN BYAS NAS, ,'BRAS BU'I RNAM PA MI BDEN RANG BZHIN CAN, ,THAMS CAD KYANG NI SKYE BAR SHES PAR GYIS, ,'DIS NI GZUGS SOGS DE LTAR GNAS RNAMS LA, ,BUM BLO ZHES BYA'ANG RIGS PA MA YIN NYID, ,SKYE BA MED PAS GZUGS SOGS KYANG YOD MIN, ,DE YI PHYIR YANG DE DAG DBYIBS MI RIGS, ,DE NI DE NYID DU 'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,RNAM DPYAD MED PAR 'JIG RTEN NYID LAS 'DIR, ,RANG GI YAN LAG BRTEN NAS 'DOGS PA YIN; ,DE NYID YAN LAG CAN DE CHA SHAS CAN, ,SHING RTA DE NYID BYED PO ZHES 'GROR BSNYAD, ,SKYE BO RNAMS LA LEN PO NYID DU 'GRUB, ,'JIG RTEN GRAGS PA'I KUN RDZOB MA BRLAG CIG, ,RNAM BDUN GYIS MED GANG DE JI LTA BUR, ,YOD CES RNAL 'BYOR PAS 'DI'I YOD MI RNYED, ,DES DE NYID LA'ANG BDE BLAG 'JUG 'GYUR BAS, ,'DIR DE'I GRUB PA DE BZHIN 'DOD PAR BYA, ,SHING RTA YOD NYID MIN [?] NA DE YI TSE, ,YAN LAG CAN MED DE'I YAN LAG KYANG MED, ,SHING RTA TSIG NA YAN LAG MED DPE BZHIN, ,BLO MES YAN LAG CAN BSREGS YAN LAG GO, ,DE BZHIN 'JIG RTEN GRAGS PAS PHUNG PO DANG, ,KHAMS DANG DE BZHIN SKYE MCHED DRUG BRTEN NAS, ,BDAG KYANG NYE BAR LEN PA NYID DU 'DOD, ,NYER LEN LAS YIN 'DI NI BYED PO'ANG YIN, ,DNGOS YOD MIN PHYIR 'DI NI BRTAN MIN ZHING, ,MI BRTAN NYID MIN 'DI NI SKYE 'JIG MIN, ,'DI LA RTAG PA NYID LA SOGS PA YANG, ,YOD MIN DE NYID DANG NI GZHAN NYID MIN, ,GANG PHYIR RTAG TU 'GRO RNAMS NGAR 'DZIN BLO, ,RAB TU 'BYUNG ZHING DE YI GANG YIN DER, ,NGA YIR 'DZIN BLO 'BYUNG BA'I BDAG DE NI, ,MA BRTAGS GRAGS PAR GTI MUG LAS YIN NO, ,GANG PHYIR BYED PO MED CAN LAS MED PA, ,DE PHYIR BDAG GI BDAG MED PAR YOD MIN, ,DE PHYIR BDAG DANG BDAG GI STONG LTA ZHING, ,RNAL 'BYOR PA DE RNAM PAR GROL BAR 'GYUR, ,BUM PA SNAM BU RE LDE DMAG DANG NAGS TSAL PHRENG BA LJON SHING DANG ,, @212B KHANG KHYIM SHING RTA PHRAN DANG 'GRON GNAS LA SOGS DNGOS RNAMS GANG DAG DANG, ,DE BZHIN GANG DAG SGO NAS SKYE 'DIS BSNYAD PA DE RNAMS RTOGS BYA STE, ,GANG PHYIR THUB DBANG DE NI 'JIG RTEN LHAN CIG RTZOD MI MDZAD PHYIR RO, ,YAN LAG YON TAN 'DOD CHAGS MTSAN NYID DANG NI BUD SHING LA SOGS DANG, ,YON TAN CAN YAN LAG CAN CHAGS DANG MTSAN GZHI ME LA SOGS DON DAG, ,DE RNAMS SHING RTA'I RNAM DPYAD BYAS PAS RNAM BDUN YOD PA MA YIN ZHING, ,DE LAS GZHAN DU GYUR PAR 'JIG RTEN GRAGS PA'I SGO NAS YOD PA YIN, ,GAL TE RGYU YIS BSKYED PAR BYA SKYED DE LTA NA DE RGYU YIN ZHING, ,GAL TE 'BRAS BU MI SKYED NA NI DE MED RGYU MED CAN DU 'GYUR, ,'BRAS BU YANG NI RGYU YOD GYUR NA SKYE BAR 'GYUR BA DE YI PHYIR, ,GANG LAS GANG ZHIG 'GYUR BA GANG ZHIG LAS SNGAR GANG ZHIG 'GYUR BA SMROS, ,GAL TE KHYOD KYI RGYU YIS PHRAD NAS 'BRAS SKYED BYED NA DE YI TSE, ,DE DAG NUS PA GCIG PAS SKYED BYED 'BRAS BU THA DAD MED 'GYUR ZHING, ,SO SOR NA NI RGYU 'DI RGYU MIN RNAMS DANG KHYAD PAR MED 'GYUR LA, ,GNYIS PO 'DI DAG SPANGS NAS RTOG PA GZHAN YANG YOD PAR 'GYUR MA YIN, ,CI STE KHYOD KYI RGYU YIS 'BRAS BU SKYED PAR MI BYED DE PHYIR 'BRAS, ,ZHES BYA YOD MIN 'BRAS BRAL RGYU NI RGYU MED CAN 'GYUR YOD PA'ANG MIN, ,GANG PHYIR 'DI DAG GNYIS CHAR YANG NI SGYU MA DANG 'DRA DE YI PHYIR, ,BDAG LA SKYON DU MI 'GYUR 'JIG RTEN PA YI DNGOS PO RNAMS KYANG YOD, ,SUN 'BYIN 'DIS SUN DBYUNG BYA PHRAD NAS 'BYIN NAM MA PHRAD PAR, ,YIN ZHES NYES PA 'DIR NI KHYOD LA'ANG 'GYUR BA MA YIN NAM, ,GANG TSE DE SKAD SMRA ZHING RANG PHYOGS KHO NA RNAM 'JOMS PA, ,DE TSE KHYOD KYIS SUN DBYUNG SUN NI 'BYIN PAR NUS MA YIN, ,GANG PHYIR RANG GI TSIG LA'ANG THAL BA MTSUNGS PA'I LTAG CHOD KYIS, ,RIGS PA MED PAR DNGOS MTHA' DAG LA SKUR 'DEBS DE YI PHYIR, ,KHYOD NI SKYE BO DAM PAS BZHED MI 'GYUR ZHING GANG GI PHYIR, ,KHYOD LA RANG PHYOGS MED PAS SUN CI PHYIN DU RGOL BA'ANG YIN, ,SUN 'BYIN PAS SUN DBYUNG BYA MA PHRAD SUN NI 'BYIN BYED DAM, ,'ON TE @213A *, ,PHRAD NAS YIN ZHES SMRAS ZIN NYES PA 'DIR GANG LA, ,NGES PAR PHYOGS YOD DE LA 'GYUR GYI BDAG LA PHYOGS 'DI NI, ,YOD PA MIN PAS THAL BAR 'GYUR BA 'DI NI SRID MA YIN, ,JI LTAR KHYOD KYIS NYI MA'I DKYIL 'KHOR LA YOD KHYAD PAR RNAMS, ,GZUGS BRNYAN LA YANG GZAS BZUNG LA SOGS RNAMS TSE MTHONG 'GYUR LA, ,NYI MA DANG NI GZUGS BRNYAN RNAM PAR PHRAD DANG MA PHRAD PAR, ,MI RIGS MOD KYI BRTEN NAS THA SNYAD TZAM ZHIG 'BYUNG 'GYUR ZHING, ,MI BDEN BZHIN DU'ANG RANG GI BYAD BZHIN MDZES PAR BSGRUB BYA'I PHYIR, ,DE NI YOD PA JI LTAR DE BZHIN 'DIR YANG SHES RAB GDOD, ,SBYANG PAR BYA LA NUS PA MTHONG BAR 'GYUR BA'I GTAN TSIGS NI, ,'THAD PA DANG BRAL LAS KYANG BSGRUB BYA RTOGS ZHES SHES PAR BYA, ,GAL TE RANG GI BSGRUB BYA GO BYED GTAN TSIGS DNGOS GRUB DANG, ,DNGOS SU GO BYA NYID 'GYUR BSGRUB BYA'I NGO BO'ANG YOD GYUR NA, ,PHRAD PA LA SOGS RIGS PA NYE BAR SBYOR BAR 'GYUR ZHIG NA, ,DE YANG YOD PA MIN PAS KHYED KYI YI CHAD 'BA' ZHIG YIN, ,DNGOS RNAMS MTHA' DAG DNGOS PO MED PAR RTOGS SU GZHUG PAR NI, ,NUS PAR CHES SLA JI LTA DE LTAR RANG BZHIN GZHAN DAG LA, ,KHONG DU CHUD PAR BDE BLAG TU NI NUS PA MA YIN NO, ,RTOG GE NGAN PA'I DRA BAS 'JIG RTEN CI STE 'DIR RTZOL BYED, ,SUN 'BYIN LHAG MA GONG DU BSTAN PA YANG NI SHES BYAS NAS, ,PHRAD PA LA SOGS PHYOGS KYI LAN GYI CHED DU 'DIR GTANG BYA, ,SUN CI PHYIN DU RGOL BA PO YANG JI LTAR YOD MIN PA, ,DE SKAD SNGAR BSHAD LHAG MA PHYOGS 'DI NYID KYIS RTOGS PAR BYA, ,BDAG MED 'DI NI 'GRO BA RNAMS DGROL PHYIR, ,CHOS DANG GANG ZAG DBYE BA RNAM GNYIS GSUNGS, ,DE LTAR STON PAS SLAR YANG 'DI NYID NI, ,GDUL BYA RNAMS LA PHYE STE RNAM MANG GSUNGS, ,SPROS DANG BCAS PAR STONG PA NYID, ,BCU DRUG BSHAD NAS MDOR BSDUS TE, ,SLAR YANG BZHIR BSHAD DE DAG NI, ,THEG CHEN DU YANG BZHED PA YIN, ,GANG PHYIR DE YI RANG BZHIN DE, ,YIN PHYIR MIG NI MIG GIS STONG, ,DE BZHIN RNA BA SNA DANG LCE, ,LUS @213B DANG YID KYIS BSNYAD PAR BYA, ,THER ZUG GNAS PA MA YIN DANG, ,'JIG PA MA YIN NYID KYI PHYIR, ,MIG LA SOGS PA DRUG PA YI, ,RANG BZHIN MED NYID GANG YIN PA, ,DE NI NANG STONG NYID DU 'DOD, ,GANG PHYIR DE YI RANG BZHIN DE, ,YIN PHYIR GZUGS NI GZUGS KYIS STONG; ,SGRA DANG DRI RO REG BYA DANG, ,CHOS RNAMS NYID KYANG DE BZHIN NO, ,GZUGS SOGS RANG BZHIN MED PA NYID, ,PHYI ROL STONG PA NYID DU 'DOD, ,GNYIS CHAR RANG BZHIN MED NYID NI, ,PHYI NANG STONG PA NYID YIN NO, ,CHOS RNAMS RANG BZHIN MED PA NYID, ,MKHAS PAS STONG PA NYID CES BSNYAD, ,STONG NYID DE YANG STONG NYID KYI, ,NGO BOS STONG PAR 'DOD PA YIN, ,STONG NYID CES BYA'I STONG NYID GANG, ,STONG NYID STONG NYID DU 'DOD DE, ,STONG NYID DNGOS PO'I BLO CAN GYI, ,'DZIN PA BZLOG PHYIR GSUNGS PA YIN, ,SEMS CAN SNOD KYI 'JIG RTEN NI, ,MA LUS KHYAB BYED NYID PHYIR DANG, ,TSAD MED DPE YIS MU MTHA' NI, ,MED PHYIR PHYOGS RNAMS CHEN PO NYID, ,'DI DAG BCU CHAR PHYOGS RNAMS KYIS, ,STONG PA NYID NI GANG YIN DE, ,CHEN PO STONG PA NYID YIN DE, ,CHEN POR 'DZIN PA BZLOG PHYIR GSUNGS,, DE NI DGOS PA MCHOG YIN PAS, ,DON DAM MYA NGAN 'DAS PA YIN, ,DE NI DE YIS STONG NYID GANG, ,DE NI DON DAM STONG NYID DE, ,MYANG 'DAS DNGOS PO'I BLO CAN GYI, ,'DZIN PA BZLOG PAR BYA BA'I PHYIR, ,DON DAM MKHYEN PAS DON DAM PA, ,STONG PA NYID NI BSTAN PAR MDZAD, RKYEN LAS BYUNG PHYIR KHAMS GSUM PO, ,'DUS BYAS YIN PAR NGES PAR BSNYAD, ,DE NI DE YIS STONG NYID GANG, ,DE NI 'DUS BYAS STONG NYID GSUNGS, ,GANG LA SKYE GNAS MI RTAG NYID, ,DE DAG MED PA 'DUS MA BYAS, ,DE NI DE YIS STONG NYID GANG, ,DE NI 'DUS MA BYAS STONG NYID, ,GANG LA MTHA' NI YOD MIN PA, ,DE NI MTHA' LAS 'DAS PAR BRJOD, ,DE DE KHO NAS STONG PA NYID, ,MTHA' LAS 'DAS PA STONG NYID BSNYAD, ,THOG MA DANG PO THA MA MTHA', ,DE DAG MED PAS 'KHOR BA NI, ,THOG MA THA MA MED PAR BRJOD, ,'GRO 'ONG BRAL PHYIR RMI @214A *, ,LAM LTA'I, ,SRID 'DI DE YIS DBEN NYID GANG, ,DE NI THOG MA DANG THA MA, ,MED PA STONG PA NYID DO ZHES, ,BSTAN BCOS LAS NI NGES PAR BSNYAD, ,DOR BA CES [*ZHES?] BYA 'THOR BA DANG, ,'BOR BA LA NI NGES PAR BRJOD, ,DOR MED GTONG PA MED PA STE, ,'GA' YANG DOR MED GANG YIN PA'O, ,DOR BA MED PA DE NYID KYIS, ,DE NYID STONG PA NYID GANG YIN, ,DE DE'I PHYIR NA DOR MED PA, ,STONG PA NYID CES BYA BAR BRJOD, ,'DUS BYAS LA SOGS NGO BO NYID, ,GANG PHYIR SLOB MA RANG SANGS RGYAS, ,RGYAL SRAS DE BZHIN GSHEGS RNAMS KYIS,, MA MDZAD DE'I PHYIR 'DUS BYAS LA, ,SOGS PA RNAMS KYI NGO BO NYID, ,RANG BZHIN NYID DU BSNYAD PA STE, ,DE NYID KYIS DE STONG NYID GANG, ,DE NI RANG BZHIN STONG PA NYID, ,KHAMS BCO BRGYAD DANG RE DRUG DANG, ,DE LAS BYUNG BA'I TSOR DRUG DANG, ,GZUGS CAN GZUGS CAN MIN DE BZHIN, ,'DUS BYAS 'DUS MA BYAS CHOS RNAMS, ,CHOS DE DAG NI THAMS CAD KYI, ,DE DAG GIS DBEN STONG NYID GANG, ,GZUGS RUNG LA SOGS DNGOS MED GANG, ,DE NI RANG MTSAN STONG PA NYID, ,GZUGS NI GZUGS RUNG MTSAN NYID CAN, ,TSOR BA MYONG BA'I BDAG NYID CAN, ,'DU SHES MTSAN MAR 'DZIN PA STE, ,'DU BYED MNGON PAR 'DU BYED PA'O, ,YUL LA SO SOR RNAM RIG PA, ,RNAM SHES RANG GI MTSAN NYID DO, ,PHUNG PO SDUG BSNGAL RANG MTSAN NYID, ,KHAMS KYI BDAG NYID SBRUL GDUG 'DOD, ,SKYE MCHED RNAMS NI SANGS RGYAS KYIS, ,SKYE BA'I SGOR GYUR NYID DU GSUNGS, ,RTEN CING 'BREL BAR 'GYUR BA GANG, ,DE NI 'DU 'PHROD MTSAN NYID DO [*DE?], ,GTONG BA SBYIN PA'I PHA ROL PHYIN, ,TSUL KHRIMS GDUNG MED MTSAN NYID BZOD, ,KHRO MED MTSAN NYID BRTZON 'GRUS KYI, ,KHA NA MA THO MED NYID DO, ,BSAM GTAN SDUD PA'I MTSAN NYID CAN, ,SHES RAB CHAGS MED MTSAN NYID DE, ,PHA ROL PHYIN PA DRUG RNAMS KYI, ,MTSAN NYID 'DI DAG YIN PAR BRJOD, ,BSAM GTAN RNAMS DANG TSAD MED DANG, ,DE BZHIN GZHAN GANG GZUGS MED PA, ,DE DAG YANG DAG @214B MKHYEN PA YIS, ,MI 'KHRUG MTSAN NYID CAN DU GSUNGS, ,BYANG CHUB PHYOGS CHOS SUM CU BDUN, ,NGES PAR 'BYUNG BYED RANG MTSAN NYID, ,STONG PA NYID KYI MTSAN NYID NI, ,DMIGS PA MED PAS RNAM DBEN NYID, ,MTSAN MA MED PA ZHI NYID DE, ,GSUM PA'I MTSAN NYID SDUG BSNGAL DANG, ,GTI MUG MED RNAM THAR RNAMS KYI, ,MTSAN NYID RNAM PAR GROL BYED PA'O, ,STOBS RNAMS SHIN TU RNAM PAR NI, ,GTAN LA 'BEBS PA'I RANG BZHIN GSUNGS, ,SKYOB PA'I MI 'JIGS PA RNAMS NI, ,SHIN TU BRTAN PA'I NGO BO YIN, , SO SOR YANG DAG RIG RNAMS NI, ,SPOBS SOGS TSAD MED MTSAN NYID CAN, ,'GRO LA PHAN PA NYER SGRUB PA, ,BYAMS PA CHEN PO ZHES BYA'O, ,SDUG BSNGAL CAN RNAMS YONGS SKYOB PA, ,THUGS RJE CHEN PO'O DGA' BA NI, ,RAB DGA'I MTSAN NYID BTANG SNYOMS NI, ,MA 'DRES MTSAN NYID CAN ZHES BYA, ,SANGS RGYAS CHOS NI MA 'DRES PA, ,BCU DANG BRGYAD DU GANG 'DOD DAG, ,GANG PHYIR STON DES MI 'PHROGS PA, ,DE PHYIR MI 'PHROGS RANG MTSAN NYID, ,RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, ,GZHAN NI NYI TSE BA NYID KYIS, ,MNGON SUM ZHES BYAR MI 'DOD DO, ,GANG ZHIG 'DUS BYAS MTSAN NYID DANG, ,'DUS MA BYAS PA'I MTSAN NYID GANG, ,RE RE KHO NAS STONG PA NYID, ,DE NI RANG MTSAN STONG PA NYID, ,DA LTA BA 'DI MI GNAS SHING, ,'DAS DANG MA 'ONGS YOD MA YIN, ,GANG DU DE DAG MI DMIGS PA, ,DE LA MI DMIGS PA ZHES BRJOD, ,MI DMIGS PA DE RANG NGO BO, ,DE YIS DBEN PA NYID GANG DE, ,THER ZUG GNAS MIN 'JIG MIN PAS, ,MI DMIGS ZHES BYA'I STONG NYID DO, ,RKYEN LAS BYUNG PHYIR DNGOS RNAMS LA, ,'DUS PA PA YI NGO BO MED, , 'DUS PA PA NI DE NYID KYIS, ,STONG NYID DNGOS MED STONG NYID DO, ,DNGOS PO'I SGRAS NI MDOR BSDUS NA, ,PHUNG PO LNGA RNAMS BRJOD PA YIN, ,DE RNAMS DE YIS STONG NYID GANG, ,DE DNGOS STONG PA NYID DU BSHAD, ,MDOR BSDUS NA NI DNGOS MED PA, ,'DUS MA BYAS CHOS RNAMS LA BRJOD, ,DE NYID @215A *, ,DNGOS MED DES STONG NYID, ,DNGOS PO MED PA STONG NYID DO, ,RANG BZHIN NGO BO NYID MED NI, ,RANG BZHIN ZHES BYA'I STONG NYID DE, ,'DI LTAR RANG BZHIN MA BYAS PAS, ,RANG BZHIN ZHES NI BYA BAR BSNYAD, ,SANGS RGYAS RNAMS NI 'BYUNG BA'AM, ,MA BYUNG YANG RUNG DNGOS SU NI, ,DNGOS PO KUN GYI STONG PA NYID, ,GZHAN GYI DNGOS POR RAB TU BSGRAGS, ,YANG DAG MTHA' DANG DE BZHIN NYID, ,DE BZHIN DNGOS PO'I STONG NYID DO, ,SHES RAB PHA ROL PHYIN TSUL LAS, ,DE DAG DE SKAD RAB TU BSGRAGS, ,DE LTAR BLO GROS ZER GYIS SNANG BA GSAL BYAS PA, ,RANG GI LAG NA GNAS PA'I SKYU RU RA BZHIN DU, ,SRID GSUM 'DI DAG MA LUS GDOD NAS SKYE MED PAR, ,RTOGS TE THA SNYAD BDEN PA'I STOBS KYIS 'GOG PAR 'GRO, ,RTAG TU 'GOG PAR GTOGS PA'I BSAM GTAN YIN MOD KYI, , 'GRO BA MGON MED PA LA SNYING RJE'ANG SKYED PAR BYED, ,DE GONG BDE GSHEGS GSUNG SKYES SANGS RGYAS 'BRING BCAS NI, ,MA LUS PA RNAMS BLO YIS PHAM PAR BYED PA'ANG YIN, ,KUN RDZOB DE NYID GSHOG YANGS DKAR PO RGYAS GYUR PA, ,NGANG PA'I RGYAL PO DE NI SKYE BO'I NGANG PA YIS, ,MDUN DU BDAR NAS DGE BA'I RLUNG GI SHUGS STOBS KYIS, ,RGYAL BA'I YON TAN RGYA MTSO'I PHA ROL MCHOG TU 'GRO, ,DBU MA LA 'JUG PA LAS SEMS BSKYED PA DRUG PA'O,, ,,RING DU SONG 'DIR 'DI NI SKAD CIG DANG, ,SKAD CIG LA NI 'GOG PAR 'JUG 'BYUNG ZHING, ,THABS KYI PHA ROL PHYIN LEGS 'BAR BA'ANG 'THOB, ,DBU MA LA 'JUG PA LAS, ,SEMS BSKYED PA BDUN PA'O,, ,,YANG YANG SNGAR DGE LAS LHAG THOB BYA'I PHYIR, ,GANG DU PHYIR MI LDOG PA NYID 'GYUR BA, ,MI G-YO DE LA BDAG NYID CHE DE 'JUG ,'DI YI SMON LAM SHIN TU DAG 'GYUR ZHING, ,RGYAL BA RNAMS KYIS 'GOG LAS SLONG BAR MDZAD, ,CHAGS PA MED PA'I BLO NI SKYON RNAMS DAG DANG LHAN CIG MI GNAS PHYIR, ,SA BRGYAD PA LA DRI MA DE DAG RTZA BCAS NYE BAR ZHI 'GYUR ZHING, ,NYON MONGS ZAD CING SA GSUM BLA MAR GYUR KYANG SANGS RGYAS RNAMS KYI NI, ,'BYOR PA MKHA' LTAR MTHA' BRAL MA LUS @215B 'THOB PAR NUS MA YIN, ,'KHOR BA 'GAGS KYANG DBANG RNAMS BCU PO THOB PAR 'GYUR ZHING DE DAG GIS, ,SRID PA'I 'GRO BAR RANG GI BDAG NYID SNA TSOGS STON PAR BYED PAR 'GYUR, ,DBU MA LA 'JUG PA LAS, ,SEMS BSKYED PA BRGYAD PA'O,, ,,DGU PA LA NI DE'I STOBS LTA ZHIG MTHA' DAG RDZOGS PAR DAG 'GYUR ZHING, ,DE BZHIN YANG DAG RIG CHOS RANG GI YON TAN YONGS SU DAG PA'ANG 'THOB, ,DBU MA LA 'JUG PA LAS, ,SEMS BSKYED PA DGU PA'O,, ,BCU PA'I SA LA DE YIS KUN NAS SANGS RGYAS RNAMS LAS DBANG BSKUR BA, ,DAM PA 'THOB CING YE SHES LHAG PAR MCHOG TU BYUNG BAR GYUR PA'ANG YIN, ,CHAR SPRIN RNAMS LAS CHU CHAR 'BAB PA JI LTAR DE BZHIN 'GRO RNAMS KYI, ,DGE BA'I LO TOG CHED DU RGYAL SRAS LAS KYANG LHUN GRUB CHOS CHAR 'BAB, ,DBU MA LA 'JUG PA LAS; ,SEMS BSKYED PA BCU PA'O,, ,,DE TSE 'DIS NI SANGS RGYAS BRGYA MTHONG ZHING, ,DE DAG BYIN GYI BRLABS KYANG 'DI YIS RTOGS, ,DE NYID TSE NA BSKAL PA BRGYAR GNAS SHING, ,SNGON DANG PHYI MA'I MTHAR YANG YANG DAG 'JUG ,BLO LDAN TING 'DZIN BRGYA PHRAG SNYOMS PAR 'JUG CING GTONG BYED DE, ,'JIG RTEN KHAMS BRGYA 'DI YIS KUN NAS G-YO ZHING SNANG BAR NUS, ,DE BZHIN RDZU 'PHRUL GYIS DE SEMS CAN BRGYA PHRAG SMIN BYED CING, ,BRGYA PHRAG GRANGS DANG RJES 'BREL ZHING DAG TU YANG 'GRO BAR 'GYUR, ,DES NI CHOS KYI SGO RNAMS YANG DAG 'BYED BYED THUB DBANG SRAS, ,RANG GI LUS LA LUS RNAMS KUN NAS STON PAR BYED PA'ANG YIN, ,RANG GI 'KHOR DANG BCAS PAS MDZES 'BYOR LUS NI RE RE ZHING , ,RGYAL BA'I SRAS PO BRGYA PHRAG DAG DANG RJES SU 'BREL PA'ANG STON, ,BLO LDAN RAB TU DGA' BAR GNAS PAS YON TAN DE DAG NI; ,THOB PAR GYUR NAS DE BZHIN KHO NAR DRI MA MED GNAS PAS, ,DE DAG STONG NI YANG DAG 'THOB PAR 'GYUR TE SA LNGA PO, ,'DI DAG RNAMS LA BYANG CHUB SEMS DPA' YIS NI 'BUM PHRAG DANG, ,BYE BA PHRAG BRGYA 'THOB CING DE YIS BYE BA STONG 'GYUR 'THOB, ,DE NAS BYE BA BRGYA PHRAG STONG @216A *, ,'GYUR YANG 'THOB BYE BA PHRAG ,KHRAG KHRIG PHRAG BRGYAR RDZOGS PAR BSGRUB DANG SLAR YANG STONG PHRAG TU, ,YANG DAG PAR NI BSGYUR BA MTHA' DAG RAB TU 'THOB PAR 'GYUR, ,MI G-YO'I SAR GNAS RNAM RTOG MED PA DES, ,STONG GSUM BRGYA PHRAG STONG BSDOMS 'JIG RTEN NA, ,RDUL TSAD JI SNYED YOD PA DE RNAMS DANG, ,GRANGS MNYAM YON TAN DAG NI 'THOB PAR 'GYUR, ,LEGS PA'I BLO GROS SA LA GNAS PA YI, ,BYANG CHUB SEMS DES SNGAR BSTAN YON TAN DAG ,GRANGS MED BRGYA PHRAG STONG DU YANG DAG PAR, ,BSDOMS PA PHRAG BCU'I RDUL TSAD THOB PAR 'GYUR, ,RE ZHIG BCU PA 'DIR DE'I YON TAN DAG, ,NGAG GI SPYOD YUL LAS CHES 'DAS 'GYUR ZHING, ,NGAG GI SPYOD YUL MA YIN BSDOMS RNAMS NI, ,RDUL DAG JI SNYED YOD PA DE SNYED 'GYUR, ,BA SPU'I KHUNG BUR BYANG CHUB SEMS RNAMS DANG, , LHAN CIG RDZOGS SANGS RGYAS SKU BGRANG 'DAS DANG, ,DE BZHIN LHA DANG LHA MIN MI DAG KYANG, ,SKAD CIG SKAD CIG LA NI STON PAR NUS, ,GANG PHYIR NAM MKHA' 'DRI MA MED LA ZLA SNANG GSAL BAR GYUR BA'I PHYIR, ,SNGON TSE STOBS BCU BSKYED PA'I SA LA KHYOD KYIS SLAR YANG 'BAD GYUR ZHING, ,'OG MIN DU NI GANG GI DON DU 'BAD GYUR GO 'PHANG MCHOG ZHI BA, ,YON TAN MTHA' DAG MTHAR THUG MTSUNGS PA MED DE KHYOD KYIS BRNYES, ,JI LTAR SNOD KYI DBYE BAS MKHA' LA DBYE BA MED DE LTAR, ,DNGOS BYAS DBYE BA 'GA' YANG DE NYID LA MED DE YI PHYIR, ,RO MNYAM NYID DU YANG DAG THUGS SU CHUD PAR MDZAD GYUR NA, ,MKHYEN BZANG KHYOD KYIS SKAD CIG GIS NI SHES BYA THUGS SU CHUD, ,GANG TSE ZHI BA DE NYID YIN NA DE LA BLO GROS 'JUG MI 'GYUR, ,BLO MA ZHUGS PAR SHES BYA'I YUL CAN NGES PAR RIGS PA'ANG MA YIN LA, ,KUN NAS SHES MED PA NI SHES PAR JI LTAR 'GYUR TE 'GAL BAR 'GYUR, ,MKHYEN PO MED PAR KHYED KYIS GZHAN LA 'DI LTA'O ZHES SU ZHIG STON, ,GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE RNAMS STEN LAS DE YIS DE NYID RTOGS PA LTA BU STE, ,JI LTAR SEMS NI GANG GI RNAM PA CAN @216B DU 'GYUR BA DE YIS YUL, ,DE YONGS SHES PA DE BZHIN THA SNYAD [*NYE BAR] BRTEN NAS RIG PA YIN, ,DE YI LONGS SPYOD RDZOGS SKU BSOD NAMS KYIS, ,ZIN DANG SPRUL PA MKHA' GZHAN LAS DE'I MTHUS, ,SGRA GANG CHOS KYI DE NYID STON 'BYUNG BA, ,DE LAS 'JIG RTEN GYIS KYANG DE NYID RIG , JI LTAR RDZA MKHAN STOBS CHEN LDAN PAS 'DIR, ,YUN RING CHES 'BAD PAS BSKOR 'KHOR LO NI, ,DE'I RTZOL DE LTAR SKYES PA MED BZHIN DU'ANG, ,'KHOR ZHING BUM PA LA SOGS RGYUR MTHONG LTAR, ,DE BZHIN DA LTA SKYES RTZOL MED BZHIN DU, ,CHOS KYI BDAG CAN SKU NYID LA BZHUGS DE'I; ,'JUG PA SKYE BO'I DGE DANG SMON LAM GYI, ,KHYAD PAR GYIS 'PHANGS LAS CHES BSAM MI KHYAB, ,SHES BYA'I BUD SHING SKAM PO MA LUS PA, ,BSREGS PAS ZHI DE RGYAL RNAMS CHOS SKU STE, ,DE TSE SKYE BA MED CING 'GAG PA MED, ,SEMS 'GAGS PAS DE SKU YIS MNGON SUM MDZAD, ,ZHI SKU DPAG BSAM SHING LTAR GSAL GYUR ZHING, ,YID BZHIN NOR BU JI BZHIN RNAM MI RTOG ,'GRO GROL BAR DU 'JIG RTEN 'BYOR SLAD RTAG ,'DI NI SPROS DANG BRAL LA SNANG BAR 'GYUR, ,THUB DBANG DUS GCIG KHO NAR DE'I RGYU MTHUN,, GZUGS SKU GCIG LA RANG GI SKYE GNAS SKABS, ,SNGAR 'GAGS GSAL DANG MA 'CHOL BYUNG TSUL NI, ,MA LUS KYIS BKRA MTHA' DAG STON PAR MDZAD, ,SANGS RGYAS ZHING JI 'DRAR THUB DBANG DE DANG, ,DE DAG SKU SPYOD MTHU STOBS JI 'DRA DANG, ,NYAN THOS DGE 'DUN JI SNYED JI LTA DANG, ,BYANG CHUB SEMS RNAMS DER GZUGS JI 'DRA DANG, ,JI 'DRA'I CHOS DANG DER BDAG JI 'DRA DANG, ,CHOS THOS SPYOD PA GANG LA SPYAD PA DANG, ,SBYIN GANG JI TZAM DE DAG LA PHUL BA, ,DE NI MA LUS SKU GCIG LA STON MDZAD, ,DE BZHIN TSUL KHRIMS BZOD BRTZON TING 'DZIN DANG, ,SHES RAB SPYOD TSE SNGAR GYI GNAS SKABS GANG, ,MA TSANG MED DE DAG NYID SPYOD PA KUN, ,SKU YI BA SPU'I KHUNG BUR 'ANG [?] GSAL BAR STON, ,SANGS RGYAS GANG DAG 'DAS DANG 'BYUNG 'GYUR GANG, ,GANG DAG DA LTAR NAM MKHA'I MTHAR THUG PAR, ,GDANGS @217A *, ,MTHON CHOS STON SDUG BSNGAL GYIS BZUNG BA'I, ,'GRO DBUGS 'BYIN ZHING 'JIG RTEN BZHUGS PA DANG, ,DANG PO'I THUGS BZUNG BYANG CHUB SNYING PO'I BAR, ,DE DAG SPYOD KUN DNGOS RNAMS MIG 'PHRUL GYI, ,RANG BZHIN MKHYEN NAS BDAG BZHIN BA SPU YI, ,KHUNG BUR DUS GCIG LA NI GSAL BAR STON, ,DE BZHIN DUS GSUM BYANG CHUB SEMS DPA' DANG, ,RANG RGYAL 'PHAGS PA NYAN THOS MA LUS KYI, ,SPYOD DANG DE LHAG SKYE BO'I GNAS SKABS NI, ,THAMS CAD BA SPU'I KHUNG BUR GCIG TSE STON, ,DAG PA 'DI NI BZHED PA 'JUG PA YIS, ,RDUL GCIG YUL LA MKHA' GTUGS 'JIG RTEN DANG, ,'JIG RTEN MTHA' YAS PHYOGS KHYAB RDUL STON MOD, ,RDUL RAGS MI 'GYUR 'JIG RTEN PHRA MI 'GYUR, ,RNAM RTOG MI MNGA' KHYOD KYIS SRID MTHA'I BAR, ,SKAD CIG DE RE RE LA SPYOD SNA TSOGS, ,JI SNYED STON PA DE SNYED 'DZAM BU GLING, ,MA LUS RDUL GANG DE SNYED LA GRANGS MED, ,GNAS DANG GNAS MIN MKHYEN STOBS DANG, ,DE BZHIN LAS RNAM SMIN BLO DANG, ,MOS PA SNA TSOGS THUGS CHUD DANG, ,SNA TSOGS KHAMS NI MKHYEN STOBS DANG, ,DE BZHIN DBANG MCHOG MCHOG MA YIN, ,MKHYEN DANG THAMS CAD DU 'GRO DANG, ,BSAM GTAN RNAM THAR TING 'DZIN DANG, ,SNYOMS PAR 'JUG SOGS BLO STOBS DANG, ,SNGON GNAS DRAN PA MKHYEN PA DANG, ,DE BZHIN 'CHI 'PHO SKYE BLO DANG, ,ZAG RNAMS ZAD PA MKHYEN STOBS TE, ,STOBS NI BCU PO 'DI DAG GO, ,RGYU GANG ZHIG LAS GANG ZHIG NGES PAR SKYE 'GYUR BA, ,DE NI DE YI GNAS SU DE MKHYEN RNAMS KYIS GSUNGS, ,BSHAD PA LAS BZLOG GNAS MIN SHES BYA MTHA' YAS PA, ,MKHYEN PA THOGS PA SPANGS PA DE NI STOBS SU BSHAD, ,'DOD DANG MI 'DOD DE LAS BZLOG DANG ZAD DNGOS KYI, ,LAS DANG DE YI RNAM SMIN SHIN TU SNA TSOGS LA'ANG, ,MKHYEN PA NUS MTHU THOGS MED SO SOR 'JUG 'GYUR BA, ,DUS GSUM SHES BYA KHYAB MDZAD DE NI STOBS SU 'DOD, ,'DOD @217B CHAGS SOGS KYIS 'BYUNG BA'I STOBS KYIS 'DOD PA NI, ,SHIN TU SNA TSOGS DMAN 'BRING GANG YANG KHYAD 'PHAGS 'DOD, ,DE LAS GZHAN RNAMS KYIS G-YOGS MOS LA MKHYEN PA NI, ,DUS GSUM 'GRO BA MA LUS KHYAB PA STOBS SHES BYA, ,SANGS RGYAS KHAMS KYI RNAM PAR DBYE LA MKHAS RNAMS KYIS, ,MIG SOGS RNAMS KYI RANG BZHIN GANG DE KHAMS SU GSUNGS, ,RDZOGS PA'I SANGS RGYAS RNAMS KYI MKHYEN PA MTHA' YAS SHING, ,RNAM KUN KHAMS KYI KHYAD PAR LA 'JUG STOBS SU 'DOD, ,KUN TU RTOG SOGS CHES RNO NYID NI MCHOG BZHED LA, ,'BRING GNAS SKABS DANG RTUL NYID MCHOG MIN PAR BSHAD DANG, ,MIG LA SOGS DANG PHAN TSUN SGRUB NUS CHUD PA LA, ,RNAM PA THAMS CAD MKHYEN PA CHAGS MED STOBS SU GSUNGS, ,LAM 'GA' RGYAL BA NYID DANG 'GA' ZHIG RANG RGYAL GYI; ,BYANG CHUB DANG NI NYAN THOS BYANG CHUB YI DAGS DANG, ,DUD 'GRO LHA MI RNAMS DANG DMYAL BA SOGS 'GRO BA, ,DE LA MKHYEN PA CHAGS MED MTHA' YAS STOBS SU 'DOD, ,'JIG RTEN MTHA' YAS RNAL 'BYOR BYE BRAG LA THA DAD, ,BSAM GTAN RNAM THAR BRGYAD GANG ZHI GNAS GANG DAG DANG, ,SNYOMS 'JUG KHYAD PAR GANG DAG GCIG PAR BRGYAD GYUR PA, ,DE LA MKHYEN PA THOGS MED 'DI NI STOBS SU BSHAD, ,JI SRID GTI MUG DE SRID SRID GNAS 'DAS BDAG DANG, ,SEMS CAN GZHAN RE RE YI SRID PA SEMS CAN NI, ,JI SNYED DE SNYED MTHA' YAS GZHIR BCAS YUL PHYOGS DANG, ,BCAS RNAMS LA BLO GANG DANG GANG YIN STOBS SU BSHAD, ,SEMS CAN RNAMS KYI SEMS CAN RE RE'I 'CHI 'PHO DANG, ,SKYE GANG 'JIG RTEN LA GNAS NAM MKHA' MTHAR THUG DANG, ,BKRA MANG DE LA MKHYEN PA DUS DER 'JUG PA YIS, ,MA CHAGS RNAM KUN YONGS DAG MTHA' YAS STOBS SU 'DOD, ,RNAM KUN MKHYEN PA'I STOBS KYIS MYUR DU RGYAL RNAMS KYI, ,NYON MONGS DAG NI BAG CHAGS DANG BCAS 'JIG 'GYUR DANG, ,SLOB MA LA SOGS NYON MONGS BLO YIS 'GOG PA GANG, ,DE LA MKHYEN @218A *, ,PA CHAGS MED MTHA' YAS STOBS SU 'DOD, ,NAM MKHA' MED PAS 'DAB CHAGS LDOG PAR MI 'GYUR GYI, ,'DI NI RANG MTHU ZAD PAS LDOG PAR 'GYUR DE BZHIN, ,SLOB MA DANG BCAS SANGS RGYAS SRAS RNAMS SANGS RGYAS KYI, , YON TAN MKHA' LTAR MTHA' YAS MA BRJOD LDOG PAR 'GYUR, ,DE PHYIR BDAG 'DRAS KHYOD YON 'DI DAG CI, ,SHES PA DANG NI BRJOD PAR NUS 'GYUR RAM, ,'ON KYANG DE DAG 'PHAGS PA KLU SGRUB KYIS, ,BSHAD PHYIR DOGS SPANGS CUNG ZHIG TZAM ZHIG SMRAS, , ZAB MO STONG PA NYID YIN TE, ,YON TAN GZHAN RNAMS RGYA CHE BA'O, ,ZAB DANG RGYA CHE'I TSUL SHES PAS, ,YON TAN 'DI DAG 'THOB PAR 'GYUR, ,SLAR YANG MI G-YO SKU MNGA' KHYOD KYIS SRID GSUM BYON NAS SPRUL RNAMS KYIS, ,GSHEGS PA DANG NI BLTAM [*BLTAMS] DANG BYANG CHUB ZHI BA'I 'KHOR LO'ANG STON PAR MDZAD, ,DE LTAR KHYOD KYIS 'JIG RTEN G-YO BAG SPYOD CAN RE BA'I ZHAGS PA NI, ,MANG POS BCINGS PA MA LUS THUGS RJES MYA NGAN 'DAS PAR BKRI BAR MDZAD, ,GANG PHYIR 'DI NA DE NYID SHES LAS DRI MA MTHA' DAG SEL BA NI, ,LHUR BYED GZHAN MED CHOS RNAMS DE NYID RNAM 'GYUR DBYE LA'ANG BSTEN MIN ZHING, ,DE NYID YUL CAN BLO GROS 'DI YANG THA DAD 'GYUR BA MA YIN LA, ,DE YI PHYIR NA KHYOD KYIS 'GRO LA THEG PA MI MNYAM DBYER MED BSTAN, ,GANG PHYIR 'GRO LA NYES PA SKYED BYED SNYIGS MA 'DI DAG YOD GYUR PA, ,DE PHYIR 'JIG RTEN SANGS RGYAS SPYOD YUL GTING ZAB LA 'JUG MI 'GYUR ZHING, ,BDE GSHEGS GANG PHYIR KHYOD LA MKHYEN RAB THUGS RJE THABS DANG LHAN CIG PA, ,MNGA' DANG GANG PHYIR BDAG GIS SEMS CAN DGROL ZHES KHYOD KYIS ZHAL BZHES TE, ,DE PHYIR MKHAS PA RIN PO CHE YI GLING DU CHAS PA'I SKYE TSOGS KYI, ,NGAL BA NYER SEL GRONG KHYER YID 'ONG BAR DU RNAM PAR BKOD PA LTAR, ,KHYOD KYIS THEG PA 'DI NI SLOB MA NYE BAR ZHI BA'I TSUL LA YID, ,SBYAR ZHING RNAM PAR @218B DBEN LA'ANG BLO SBYANGS RNAMS LA LOGS SU GSUNGS, ,BDE BAR GSHEGS PA MA LUS PHYOGS SHING SANGS RGYAS YUL DAG NA, ,PHRA RAB RDUL GYI RDUL RNAMS BDOG PAR GYUR PA JI SNYED PA, ,BYANG CHUB MCHOG RAB DAM PAR GSHEGS PA'I SKAL BA DE SNYED DE; ,'ON KYANG KHYOD KYI GSANG BA 'DI NI BSNYAD BGYI MA LAGS SO, ,RGYAL BA JI SRID 'JIG RTEN MTHA' DAG MCHOG TU RAB ZHI BAR, ,'GRO BA MIN ZHING NAM MKHA' RNAM 'JIG 'GYUR MIN DE SRID DU, ,SHES RAB YUM GYIS BSKYED PA KHYOD LA THUGS BRTZE MA MA YIS, , TSUL LUGS BYED PAS RAB TU ZHI BAR 'GYUR BA GANG LA MNGA', ,GTI MUG SKYON GYIS 'JIG RTEN KHA ZAS DUG BCAS ZA BA YI, ,SKYE BO NYID KYI NANG MI DE LA KHYOD BRTZE JI LTA BA, ,DE LTAR DUG ZOS NYEN PA'I BU LA MA YI SDUG BSNGAL MIN, ,DES NA MGON PO MCHOG TU RAB ZHIR GSHEGS PAR 'GYUR MA LAGS, ,GANG GI PHYIR NA MI MKHAS DNGOS DANG DNGOS MED PAR ZHEN PA YI BLO CAN GYIS, ,SKYE DANG 'JIG GNAS SKABS DANG SDUG DANG MI SDUG BRAL PHRAD KYIS BSKYED SDUG BSNGAL DANG, ,SDIG CAN 'GRO BA 'THOB PA DE PHYIR 'JIG RTEN THUGS BRTZE'I YUL DU RAB DONG BAS, ,BCOM LDAN THUGS RJES KHYOD THUGS ZHI LAS BZLOG PAS KHYOD LA MYA NGAN 'DAS MI MNGA', ,LUGS 'DI DGE SLONG ZLA GRAGS KYIS, ,DBU MA'I BSTAN BCOS LAS BTUS NAS, ,LUNG JI BZHIN DANG MAN NGAG NI, ,JI LTA BA BZHIN BRJOD PA YIN, ,'DI LAS GZHAN NA CHOS 'DI NI, ,JI LTAR MED PA DE BZHIN DU, ,'DIR 'BYUNG LUGS KYANG GZHAN NA NI, ,MED CES MKHAS RNAMS NGES PAR MDZOD, ,KLU SGRUB BLO MTSO SHIN TU RGYA CHE'I KHA DOG GIS 'JIGS PAS, ,SKYE BOS LUGS BZANG GANG DAG RGYANG RING SPANGS PAS DE YI TSIG ,LE'UR BYAS PA'I KHA 'BUS KU MU TA KHA PHYE BA'I CHUS, ,DA LTA ZLA BA GRAGS PA RE RNAMS RAB TU SKONG BAR BYED, ,DE NYID BSHAD ZIN ZAB MO 'JIGS RUNG 'DI NI @219A *, ,SNGON GOMS NYID LAS SKYE BO YIS, ,NGES PAR RTOGS 'GYUR 'DI NI GSAN RGYA CHE YANG GZHAN GYIS THUGS SU CHUD MI 'GYUR, ,DE PHYIR TSUL LUGS RANG BLOS SBYAR BA 'DI DAG MTHONG NAS BDAG TU BRJOD PA YI, ,GZHUNG LUGS RNAMS LTAR GZHAN LUGS BZHED GZHUNG 'DI LAS GZHAN LA DGA' BLO DOR BAR BYA, ,SLOB DPON KLU SGRUB LUGS BZANG BSNYAD LAS BDAG GIS BSOD RNAMS PHYOGS KYI MTHAR, ,KHYAB CING YID MKHA' NYON MONGS KYIS SNGOR STON KA'I RGYU SKAR STAR DKAR BA'AM, ,SEMS KYI SBRUL LA GDENGS KA'I NOR BU DANG 'DRA GANG ZHIG THOB PA DES, ,'JIG RTEN MA LUS DE NYID RTOGS NAS MYUR DU BDE GSHEGS SAR BGROD SHOG, ,DBU MA LA 'JUG PA ZAB PA DANG RGYA CHE BA'I TSUL GSAL BAR BYED PA SLOB DPON ZLA BA GRAGS PA THEG PA MCHOG LA THUGS GZHOL BA, ,MI PHROGS PA'I MKHYEN RAB DANG THUGS RJE MNGA' BA, ,RI MOR BRIS PA'I BA DRUS LAS 'O MA BZHOS PAS BDEN PAR ZHEN PA BZLOG PAR MDZAD PAS SBYAR BA RDZOGS SO,, ,, KHA CHE'I YUL GYI GRONG KHYER DPE MED KYI DBUS, ,RIN CHEN SBAS PA'I GTZUG LAG KHANG DU, ,KHA CHE'I RGYAL PO DPAL 'PHAGS PA LHA'I SKU RING LA, ,RGYA GAR GYI MKHAN PO TI LA KA DANG, ,BOD KYI LO TZTSA BA BANDE PA TSAB NYI MA GRAGS KYIS KHA CHE'I DPE DANG MTHUN PAR BSGYUR, ,PHYIS RA SA RA MO CHER RGYA GAR GYI MKHAN PO KA NA KA WARMA DANG, ,LO TZTSA BA DE NYID KYIS NYI 'OG SHAR PHYOGS PA'I DPE DANG GTUGS SHING LEGS PAR BCOS TE GTAN LA PHAB PA'O,, 'DIR 'GREL PA'I MDZAD BYANG DANG, ,'GYUR BYANG BYANG GI STENG NAS THUN MONG BA RNAMS BKOD PA NI, ,RTZA BA LOGS SU BSGYUR BA DANG 'GREL PA'I NANG GI RTZA BA DE GNYIS SBYAR NAS ZHUS DAG DBANG DU BYAS PA YIN NO,, @219B [blank page] @220A [blank page] @220B #, ,RGYA GAR SKAD DU , M'A DHY'A MA KA AA BA T'A RA BH'A shU N'A MA, BOD SKAD DU, ,DBU MA LA 'JUG PA'I BSHAD PA ZHES BYA BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,DBU MA'I BSTAN BCOS LA 'JUG PAR BYA BA'I PHYIR, DBU MA LA 'JUG PA RTZOM PAR 'DOD PAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAMS PAS KYANG THOG MAR, BCOM LDAN 'DAS SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO, SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA MA LUS PA YONGS SU SKYOB PA'I MTSAN NYID CAN LA BSTOD PAR 'OS PA NYID DU BSTAN PA'I PHYIR, NYAN THOS SANGS RGYAS 'BRING RNAMS THUB DBANG SKYES, ,SANGS RGYAS BYANG CHUB SEMS DPA' LAS 'KHRUNGS SHING, ,SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,ZHES BYA BA LA SOGS PA TSIGS SU BCAD PA GNYIS SMOS SO, ,DE LA GONG NA MED PA'I CHOS KYI DBANG PHYUG PHUN SUM TSOGS PA MNGA' BAS, NYAN THOS DANG RANG SANGS RGYAS DANG BYANG CHUB SEMS DPA' RNAMS PAS KYANG DBANG PHYUG DAM PA PHUN SUM TSOGS PA NYID DANG, NYAN THOS LA SOGS PA RNAMS DE'I BKAS MNGA' BSGYUR BA'I PHYIR, SANGS RGYAS BCOM LDAN 'DAS RNAMS LA THUB DBANG ZHES BYA'O, ,DE RNAMS LAS NYAN THOS LA SOGS PA DAG SKYES PA NI DE DAG LAS BSKRUN PA'O, ,JI LTAR ZHE NA, SANGS RGYAS RNAMS BYUNG BAR GYUR PA NA RTEN CING 'BREL PAR 'BYUNG BA PHYIN CI MA LOG PA STON PA LA 'JUG PA'I PHYIR LA, DE NYAN PA DANG SEMS PA DANG SGOM PA'I RIM PA LAS KYANG LHAG PAR MOS PA JI LTA BA BZHIN NYAN THOS LA SOGS PA RNAMS YONGS SU RDZOGS PAR 'GYUR BA'I PHYIR RO, ,GAL TE YANG KHA CIG GIS RTEN CING 'BREL PAR 'BYUNG BA NYE BAR BSTAN PA NYAN PA KHO NA LAS DON DAM PA RTOGS PA LA MKHAS SU ZIN KYANG MTHONG BA'I SKYE BA KHO NA LA MYA NGAN LAS 'DAS PA THOB PAR MI 'GYUR MOD KYI, DE LTA NA YANG NYE BAR STON PA'I SGRUB PA PO DAG GIS LAS RNAM PAR SMIN PAR NGES PA'I 'BRAS BU LTAR TSE RABS GZHAN DU MNGON PAR 'DOD PA'I 'BRAS BU YONGS @221A *, ,SU SMIN PA GOR MA CHAG THOB PAR 'GYUR RO, ,JI SKAD DU 'PHAGS PA LHAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA GZHAN DU 'BAD MED PAR, ,NGES PAR THOB 'GYUR LAS BZHIN NO, ,ZHES BSHAD DO, ,DE NYID KYI PHYIR DBU MA LAS KYANG, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,RTEN PA MED PAR RAB TU 'BYUNG, ,ZHES GSUNGS SO, ,DE LA YANG DAG PA'I GDAMS NGAG GI 'BRAS BU THOB PAR BYED PAS NA NYAN THOS DAG STE, 'DI LTAR BYA BA BYAS SO, ,'DI LAS SRID PA GZHAN MI SHES SO ZHES BYA BA LA SOGS PA 'BYUNG BA YIN NO, ,YANG NA 'BRAS BU'I MCHOG GAM BLA NA MED PA YANG DAG PAR RDZOGS PA'I SANGS RGYAS KYI LAM DE BZHIN GSHEGS PA RNAMS LAS THOS NAS DE DON DU GNYER BA RNAMS LA SGROGS PAR BYED PAS NA NYAN THOS DAG STE, DAM PA'I CHOS PADMA DKAR PO'I MDO LAS, MGON PO DE RING BDAG CAG NYAN THOS GYUR, ,BYANG CHUB DAM PA YANG DAG BSGRAGS PAR BGYI, ,BYANG CHUB PA YI SGRA YANG RAB TU BRJOD, ,DE BAS BDAG CAG NYAN THOS MI ZAD 'DRA, ,ZHES JI SKAD GSUNGS PA LTA BU'O, ,BYANG CHUB SEMS DPA' RNAMS KYANG DE LTA YIN MOD KYI, DE LTA NA YANG SGROGS PAR BYED PA NYID YIN GYI RJES SU MTHUN PA TZAM YANG MI SGRUB PA GANG YIN PA DE DAG NYAN THOS YIN PAS BYANG CHUB SEMS DPA' RNAMS LA THAL BAR MI 'GYUR RO, ,SANGS RGYAS KYI SGRA 'DI SANGS RGYAS KYI DE NYID NYAN THOS DANG RANG SANGS RGYAS DANG BLA NA MED PA YANG DAG PAR RDZOGS PA'I SANGS RGYAS GSUM CAR LA YANG 'JUG STE, DES NA SANGS RGYAS KYI SGRAS RANG SANGS RGYAS DAG BSNYAD DO, ,DE DAG NI BSOD NAMS DANG YE SHES GONG DU 'PHEL BA'I KHYAD PAR GYIS NYAN THOS RNAMS LAS KHYAD PAR DU 'PHAGS PA'I PHYIR DANG, BSOD NAMS DANG YE SHES KYI TSOGS DANG THUGS RJE CHEN PO DANG, RNAM PA THAMS CAD MKHYEN PA LA SOGS PA MED PAS YANG DAG PAR RDZOGS PA'I SANGS RGYAS RNAMS PAS DMAN PA'I PHYIR NA 'BRING NGO, ,DE NYID KYI PHYIR DE DAG NI NYE BAR MA BSTAN PAR YE SHES 'BYUNG ZHING BDAG NYID GCIG PU'I PHYIR RANG NYID SANGS @221B RGYAS PAS RANG SANGS RGYAS SO, ,JI SKAD BSHAD PA'I TSUL GYIS NYAN THOS DANG RANG SANGS RGYAS DE DAG NI DE BZHIN GSHEGS PAS CHOS BSTAN PA LAS NGES PAR BYUNG BA NYID KYI PHYIR THUB DBANG LAS SKYES SO, ,YANG THUB PA'I DBANG PO DE RNAMS GANG LAS BLTAMS SHE NA, SANGS RGYAS BYANG CHUB SEMS DPA' LAS 'KHRUNGS SHING, ,ZHES BYA BA SMOS SO, ,GAL TE BYANG CHUB SEMS DPA' RNAMS KYANG DE BZHIN GSHEGS PAS NYE BAR BSTAN PA LAS SKYES PAR GYUR BAS RGYAL PA'I SMRAS ZHES BRJOD PA MA YIN NAM, DE'I PHYIR JI LTAR SANGS RGYAS BCOM LDAN 'DAS RNAMS BYANG CHUB SEMS DPA' LAS 'KHRUNGS SHE NA, 'DI NI BDEN MOD KYI 'ON KYANG RGYU GNYIS KYIS BYANG CHUB SEMS DPA' DAG SANGS RGYAS BCOM LDAN 'DAS RNAMS KYI RGYUR 'GYUR TE, GNAS SKABS KYI KHYAD PAR DANG, YANG DAG PAR 'DZIN DU 'JUG PA LAS SO, ,DE LA GNAS SKABS KYI KHYAD PAR LAS NI DE BZHIN GSHEGS PA'I GNAS SKABS NI BYANG CHUB SEMS DPA'I GNAS SKABS KYI RGYU CAN YIN PA NYID KYI PHYIR RO, ,YANG DAG PAR 'DZIN DU 'JUG PA LAS NI JI LTAR 'PHAGS PA 'JAM DPAL BYANG CHUB SEMS DPAR GYUR PA NYID KYIS BCOM LDAN 'DAS SH'AKYA THUB PA DANG, DE LAS GZHAN PA'I DE BZHIN GSHEGS PA RNAMS CHES THOG MA KHO NAR BYANG CHUB KYI SEMS YANG DAG PAR 'DZIN DU BCUG PAR 'DOD PA YIN NO, ,DE'I PHYIR DE LTAR 'BRAS BU MTHAR THUG PA DE'I RGYU GTZO BOR GYUR PA LA LTOS NAS DE BZHIN GSHEGS PA RNAMS BYANG CHUB SEMS DPA' LAS 'KHRUNGS PAR BSTAN TO, ,DE NYID KYI PHYIR RGYU PHUN SUM TSOGS PA CHES BRLING BA YIN PA'I PHYIR LA, RGYU LA MCHOD PA BRJOD PAS KYANG 'BRAS BU LA MCHOD PA DON GYIS 'PHANGS PAR DGONGS TE, SANGS RGYAS BCOM LDAN 'DAS DE DAG GIS SMAN GYI LJON SHING CHEN PO 'BRAS BU NGES PA DPAG DU MED PA STER BA, MYU GU LA SOGS MTHO ZHING LO MA 'JAM PA'I GNAS SKABS SU GYUR PA LTAR BSGRIMS TE YONGS SU BSKYANG BAR BYA BA NYID DU BSTAN PAR BYA ZHING, DUS DER NYE BAR GYUR CING THEG PA GSUM LA BKOD PA'I SEMS CAN GYI PHUNG PO THEG PA CHEN PO NYID LA NGES PAR SBYAR BAR BYA BA'I PHYIR BYANG CHUB SEMS DPA' @222A *, ,RNAMS LA BSNGAGS PA MDZAD PA YIN NO, ,JI SKAD DU 'PHAGS PA DKON MCHOG BRTZEGS PA'I MDO LAS, 'OD SRUNGS 'DI LTA STE DPER NA ZLA BA TSES PA LA PHYAG 'TSAL BA LTAR NYA BA LA NI MA YIN NO, ,'OD SRUNGS DE BZHIN DU GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA'I, DE BZHIN GSHEGS PA RNAMS LA NI DE LTA MA YIN NO, ,DE CI'I PHYIR ZHE NA, BYANG CHUB SEMS DPA' RNAMS LAS NI DE BZHIN GSHEGS PA RNAMS BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD BYUNG NGO ZHES GSUNGS PA LTA BU'O, ,DE'I PHYIR DE LTAR NA RIGS PA DANG LUNG DAG GIS DE BZHIN GSHEGS PA RNAMS BYANG CHUB SEMS DPA' LAS 'KHRUNGS PA YIN NO ZHES BYA BA 'DI BSGRUBS PA YIN NO, ,YANG BYANG CHUB SEMS DPA' DE DAG CI'I PHYIR RGYU CAN ZHIG YIN ZHE NA, SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,ZHES BYA BA SMOS SO, ,DE LA SNYING RJE NI BRTZE BA STE, 'DI NYID DU 'CHAD PAR 'GYUR BA'I RNAM PA DANG RANG GI NGO BO CAN NO, ,GNYIS SU MED PA'I BLO NI, DNGOS PO DANG DNGOS PO MED PA LA SOGS PA MTHA' GNYIS DANG BRAL BA'I SHES RAB PO, ,BYANG CHUB KYI SEMS NI 'PHAGS PA CHOS KUN 'GRO BA'I MDO LAS, BYANG CHUB SEMS DPAS BYANG CHUB KYI SEMS LAS CHOS THAMS CAD KHONG DU CHUD PAR BGYI'O, ,CHOS THAMS CAD NI CHOS KYI DBYINGS DANG MNYAM PA'O, ,GLO BUR DU BYUNG BA MI GNAS PA CHOS THAMS CAD NI SHES PAR BGYI BA TZAM DANG, SHES PA POS STONG PA'I PHYIR YONGS SU SHES PAR BGYI BA TZAM DU BAS NA CHOS NYID 'DI LTA BU 'DI SEMS CAN RNAMS KYIS KHONG DU CHUD PAR BYA'O SNYAM NAS, BYANG CHUB SEMS DPA' LA SEMS GANG SKYES PA 'DI NI BYANG CHUB SEMS DPA'I BYANG CHUB KYI SEMS ZHES BGYI'O, ,SEMS CAN THAMS CAD LA PHAN PA DANG BDE BA'I SEMS DANG, BLA NA MED PA'I SEMS DANG, BYAMS PAS MNYEN PA'I SEMS DANG, SNYING RJES MI ZLOG PA'I SEMS DANG, DGA' BAS 'GYOD PA MA MCHIS PA'I SEMS DANG, BTANG SNYOMS KYIS DRI MA MA MCHIS PA'I SEMS DANG, @222B STONG PA NYID KYIS MI 'GYUR BA'I SEMS DANG, MTSAN MA MA MCHIS PAS SGRIB PA MA MCHIS PA'I SEMS DANG, SMON PA MA MCHIS PAS MI GNAS PA'I SEMS ZHES JI SKAD BSTAN PA BZHIN NO, ,BYANG CHUB SEMS DPA' RNAMS KYI GTZO BO'I RGYU NI SNYING RJE DANG, GNYIS SU MED PA'I SHES RAB DANG, BYANG CHUB KYI SEMS ZHES BYA BA CHOS GSUM PO 'DI DAG YIN NO, ,JI SKAD DU RIN PO CHE'I PHRENG BA LAS, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,PHYOGS MTHA' GTUGS PA'I SNYING RJE DANG, ,GNYIS LA MI BRTEN YE SHES LAGS, ,ZHES GSUNGS SO, ,BYANG CHUB KYI SEMS DANG GNYIS SU MED PA'I YE SHES GNYIS KYI RTZA BA YANG SNYING RJE YIN PA'I PHYIR NA SNYING RJE GTZO BO NYID DU BSTAN PAR 'DOD PAS, GANG PHYIR BRTZE NYID RGYAL BA'I LO THOG PHUN TSOGS 'DI YI, ,SA BON DANG NI SPEL LA CHUR 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR PA, ,DE PHYIR BDAG GIS THOG MAR SNYING RJE BSTOD PAR BGYI, ,ZHES BYA BA SMOS SO, ,JI LTAR PHYI ROL GYI 'BRU LA SOGS PA PHUN SUM TSOGS PA LA, THOG MA DANG BAR DANG THA MA RNAMS SU SA BON DANG CHU DANG SMIN PA RNAMS GTZO BO NYID DU GYUR PAS NYE BAR MKHO BA NYID YIN PA DE BZHIN DU, SNYING RJE KHO NA DUS GSUM CAR DU YANG RGYAL BA'I LO THOG PHUN SUM TSOGS PA LA NYE BAR MKHO BA NYID DU STON PA YIN NO, ,'DI LTAR SNYING RJE CAN NI GZHAN GYI SDUG BSNGAL GYIS SDUG BSNGAL BA NYID KYIS SEMS CAN SDUG BSNGAL BAR GYUR PA MA LUS PA YONGS SU BSKYAB PAR BYA BA'I PHYIR, GDON MI ZA BAR BDAG GIS 'JIG RTEN 'DI MTHA' DAG SDUG BSNGAL NAS BTON TE, SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS SKYED PAR BYED DO, ,DAM BCA' BA 'DI YANG GNYIS SU MED PA'I YE SHES SPANGS PAS SGRUB PAR MI NUS PAS GNYIS SU MED PA'I YE SHES LA YANG NGES PA KHO NAR 'JUG STE, DE'I PHYIR SANGS RGYAS KYI CHOS THAMS CAD KYI SA BON NI SNYING RJE NYID YIN NO, ,JI SKAD DU RIN PO CHE'I PHRENG BA LAS, THEG PA CHEN PO GANG ZHIG LAS, ,SNYING RJE SNGON BTANG SPYOD PA KUN, ,YE SHES DRI MA MED BSHAD PA, SEMS YOD SU ZHIG DE LA SMOD, ,CES GSUNGS SO, ,BYANG @223A *, ,CHUB KYI SEMS BSKYED DU ZIN KYANG, GAL TE DUS PHYIS SNYING RJE'I CHUS YANG DANG YANG DU BCUS PAR MA GYUR NA, 'BRAS BU'I TSOGS YANGS PA MA BSAGS PA 'DI NGES PAR NYAN THOS DANG RANG SANGS RGYAS KYIS YONGS SU MYA NGAN LAS 'DAS PAS MYA NGAN LAS 'DA' BAR 'GYUR RO, , 'BRAS BU MTHA' YAS PA'I GNAS SKABS THOB TU ZIN KYANG GAL TE DUS PHYIS SNYING RJE'I YONGS SU SMIN PA DANG BRAL BAR GYUR NA NI 'DI DUS RING POR NYE BAR LONGS SPYOD PAR MI 'GYUR LA, 'PHAGS PA'I 'BRAS BU'I TSOGS CHEN PO RIM PA GCIG NAS GCIG TU BRGYUD PA RNAM PA BAR MA CHAD PA YUN RING POR MNGON PAR 'PHEL BAR YANG MI 'GYUR RO, ,DA NI DMIGS PA'I BYE BRAG LA 'JUG PA'I SGO NAS KYANG SNYING RJE'I RANG GI NGO BO'I KHYAD PAR MNGON PAR GSAL BAR BYAS TE DE NYID LA PHYAG 'TSAL BA BRTZAM PAR 'DOD PAS, DANG POR NGA ZHES BDAG LA ZHEN GYUR ZHING, ,BDAG GI 'DI ZHES DNGOS LA CHAGS BSKYED PA, , THO CHUN 'PHYAN LTAR RANG DBANG MED PA YI, ,'GRO LA SNYING RJER GYUR GANG DE LA 'DUD, ,CES BYA BA SMOS SO, ,'JIG RTEN 'DI NI BDAG GIR MNGON PAR ZHEN PA'I SNGA ROL NYID DU NGAR 'DZIN PAS YOD PA MA YIN PA'I BDAG YOD DO SNYAM DU NYE BAR BRTAGS NAS 'DI NYID DU BDEN PAR MNGON PAR ZHEN CING, , 'DI NI BDAG GI'O SNYAM DU NGAR 'DZIN PA'I YUL LAS GZHAN PA'I DNGOS PO'I RNAM PA MA LUS PA LA MNGON PAR ZHEN PA YIN NO, ,BDAG DANG BDAG GIR MNGON PAR ZHEN PA'I 'JIG RTEN 'DI NI LAS DANG NYON MONGS PA'I THAG PAS CHES DAM DU BSDAMS PA, 'KHRUL 'KHOR BSKOR MKHAN RNAM PAR SHES PA'I BSKYOD PA LA RAG LAS PAR 'JUG PA, 'KHOR BA'I KHRON PA CHEN PO SRID PA'I RTZE MO NAS MNAR MED PA LA THUG PA ZAB LA BAR MED PAR 'PHYAN PA, RANG GI RANG NYID KYIS THUR DU 'GRO BAR 'JUG PA 'BAD PAS CI ZHIG LTAR DRANG BAR BYA BA MI SHES PA LA SOGS PA NYON MONGS PA DANG LAS DANG SKYE BA'I KUN NAS NYON MONGS PA GSUM YOD KYANG SNGA MA DANG PHYI MA DANG BAR GYI RIM PA NGES PAR MI ZIN PA, NYI MA RE RE ZHING SDUG BSNGAL GYI SDUG BSNGAL DANG, 'GYUR BA'I SDUG BSNGAL NYID DAG GIS GCOG PA'I PHYIR ZO CHUN KHYUD MO'I GNAS SKABS LAS MA 'DAS PAR GNAS PA ZHIG STE, GANG GI @223B PHYIR BYANG CHUB SEMS DPA' DE'I SDUG BSNGAL GYIS SDUG BSNGAL BA DE LA SHIN TU SNYING RJES DMIGS NAS BSKYAB PAR SPRO BA DE'I PHYIR CHES THOG MA KHO NAR BCOM LDAN 'DAS MA SNYING RJE CHEN PO LA RAB TU PHYAG 'TSAL LO, ,'DI NI BYANG CHUB SEMS DPA' RNAMS KYI SNYING RJE SEMS CAN LA DMIGS PA'O, , CHOS LA DMIGS PA DANG DMIGS PA MED PA'I SNYING RJE YANG DMIGS PA'I SGO NAS GSAL BAR BYA BA'I PHYIR, 'GRO BA G-YO BA'I CHU YI NANG GI ZLA BA LTAR, ,G-YO DANG RANG BZHIN NYID KYIS STONG PAR MTHONG BA YIS, ,ZHES BYA BA SMOS TE, SNYING RJER GYUR GANG DE LA 'DUD, ,CES BYA BA DE DANG SBYAR BAR BYA'O, , 'DI LTAR CHU SHIN TU DANGS PA RLUNG TE POR DRAG PO MA YIN PAS CHA SHAS BRLABS PAS KHYAB PA'I NANG DU ZLA BA'I GZUGS BRNYAN SNGAR DMIGS PA'I RTEN GYI YUL DANG, LHAN CIG 'JIG PA DE DAG GI DNGOS PO MNGON SUM DU DMIGS PA LTA BU SHAR BA NA, DAM PA DAG GIS GNYIS PO 'DI RANG GI BDAG NYID GSAL BAR BYED PA LTAR GNAS PAR MTHONG STE, 'DI LTA STE, SKAD CIG RE RE LA MI RTAG PA NYID DANG, RANG BZHIN GYIS STONG PA NYID DO, ,DE BZHIN DU BYANG CHUB SEMS DPA' SNYING RJE'I GZHAN GYI DBANG DU GYUR PA RNAMS KYIS KYANG SEMS CAN 'JIG TSOGS LA LTA BA'I MTSOR MA RIG PA'I CHOS KYI BDUD RTZI'I PHUL DU BYUNG BA 'BYUNG BA'I RGYU, PHYIN CI LOG RTOG PA MTHA' DAG PA'I MTSAN NYID, 'GRO BA YONGS KYI MA RIG PA'I CHU SNGON PO RGYA CHEN BA TSUL BZHIN MA YIN PA'I RNAM PAR RTOG PA'I RLUNG GIS RAB TU BSKYOD PA'I NANG NA GNAS PA RANG GI LAS KYI GZUGS BRNYAN LTA BUR MDUN NA GNAS PA RNAMS SKAD CIG RE RE LA MI RTAG PA'I SDUG BSNGAL THOG TU 'BAB PA DANG, RANG BZHIN GYIS STONG PAR MTHONG BA NA, DE DAG GI MI RTAG PA NYID KYI SDUG BSNGAL LA 'JOMS PA LTA BUR GYUR PA, DAM PA'I CHOS KYI BDUD RTZI'I PHUL DU BYUNG BA 'BYUNG BA'I RGYU, PHYIN CI LOG GI RTOG PA MTHA' DAG 'OG MA'I MTSAN NYID, 'GRO BA YONGS KYI GNYEN NYID KYI RANG BZHIN DU GYUR PA SANGS RGYAS NYID YANG DAG PAR THOB PAR 'DOD PA YIN NO, ,DE DAG GI SNYING RJE SEMS CAN LA DMIGS PA DANG, CHOS LA DMIGS PA DANG, DMIGS PA MED PA GANG YIN PA DE RNAMS LA RAB TU BTUD NAS, BYANG @224A *, ,CHUB SEMS DPA' RNAMS KYI BYANG CHUB KYI SEMS KYI DBYE BA RNAM PA BCU BRJOD PAR 'DOD PAS JE BYANG CHUB KYI SEMS DANG PO'I DBANG DU BYAS NAS, RGYAL BA'I SRAS PO 'DI YI SEMS GANG 'GRO BA RNAMS, ,RNAM PAR GROL BAR BYA PHYIR SNYING RJE'I DBANG GYUR ZHING, ,KUN TU BZANG PO'I SMON LAM RAB BSNGOS DGA' BA LA, ,RAB TU GNAS PA DE NI DANG PO ZHES BYA'O, ,ZHES BYA BA SMOS SO, ,BYANG CHUB SEMS DPA' RNAMS KYI ZAG PA MED PA'I YE SHES SNYING RJE LA SOGS PAS YONGS SU ZIN PA NYID CHAR RNAM PAR PHYE BA NAS ZHES BYA BA'I MING 'THOB STE, YON TAN GYI RTEN DU GYUR PA'I PHYIR RO, ,DE YANG GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG, SBYIN PA LA SOGS PA'I PHA ROL TU PHYIN PA KLAGS PA DANG, RNAM PAR SMIN PA 'PHEL BA'I BYE BRAG GIS SA RAB TU DGA' BA LA SOGS PA'I RNAM PAR DBYE BAS DBYE BA RNAM PA BCUR GZHAG GI ,'DI LA RANG GI NGO BO'I KHYAD PAR GYIS BYAS PA'I DBYE BA NI YOD PA MA YIN NO, ,JI SKAD DU, JI LTAR BAR SNANG BYA RJES MKHAS RNAMS KYI, ,BRJOD PAR NUS MA YIN ZHING MI MTHONG BA, ,DE LTAR RGYAL BA'I SRAS KYI SA KUN KYANG, ,BRJOD MI NUS NA MNYAN PAR GA LA NUS, ,ZHES GSUNGS SO, ,DE LA BYANG CHUB SEMS DPA'I SA RAB TU DGA' BA NI, BYANG CHUB SEMS DPA' RNAMS KYI SEMS BSKYED PA DANG PO YIN LA MTHAR CHOS KYI SPRIN NI SEMS BSKYED PA BCU PA'O, ,DE LA BYANG CHUB SEMS DPA' JI SKAD BSHAD PA'I TSUL GYIS 'GRO BA RANG BZHIN MED PAR MTHONG BA SNYING RJE'I KHYAD PAR NYID DU NYE BAR GZUNG BA'I SEMS GANG SNYING RJE'I GZHAN GYI DBANG DU GYUR CING, BYANG CHUB SEMS DPA' KUN TU BZANG PO'I SMON LAM GYIS YONGS SU BSNGOS PA RAB TU DGA' BA ZHES BYA BA'I MING CAN GNYIS SU MED PA'I YE SHES DE'I RGYU CAN GYI 'BRAS BUS NYE BAR MTSON PA DE LA NI, DANG PO ZHES BYA BAR BRJOD DO, , DE LA SMON LAM CHEN PO BCU LA SOGS PA SMON LAM 'BUM PHRAG BCU PO GANG DAG BYANG CHUB SEMS DPA' SEMS DANG PO BSKYED PAS 'DEBS PA DE DAG NI BYANG CHUB SEMS DPA' KUN TU BZANG PO'I SMON LAM GYI NANG DU 'DUS PA YIN TE, SMON LAM MA LUS PA NYE BAR BSDU BAR BYA BA'I PHYIR @224B KUN TU BZANG PO'I SMON LAM KHYAD PAR BKOD PA YIN NO, ,DE LA JI LTAR NYAN THOS KYI THEG PAR ZHUGS PA DANG, 'BRAS BU'I LAM LA GNAS PA'I DBYE BAS NYAN THOS KYIS BRGYAD RNAM PAR 'JOG BDE BZHIN DU, THEG PA CHEN POR YANG BYANG CHUB SEMS DPA' RNAMS KYI BYANG CHUB SEMS DPA'I SA BCU YIN NO, ,YANG JI LTAR NYAN THOS NGES PAR 'BYED PA'I CHA DANG MTHUN PA'I GNAS SKABS SKYED PA NI, 'BRAS BU DANG PO LA ZHUGS PA'I GNAS SKABS YIN PAR MI 'DOD PA DE BZHIN DU, 'BYUNG BAR 'GYUR BA'I BYANG CHUB SEMS DPA' YANG YIN TE, DKON MCHOG SPRIN GYI MDO LAS, MOS PA CHEN PO'I YANG CHEN POS SPYOD PA'I CHOS NYID KYI SA DANG PO DE MA THAG TU THOB PAR GNAS PA 'DI NI BYANG CHUB SEMS DPA'I BYANG CHUB KYI SEMS MA BSKYED PA'I SA'O ZHES JI SKAD GSUNGS PA LTA BU'O, ,MOS PAS SPYOD PA'I SKAD CIG DE LA GNAS PA YANG, RIGS KYI BU 'DI LTA STE DPER NA 'KHOR LOS SGYUR BA'I RGYAL PO NI MI'I MDOG LAS NI 'DAS LA, LHA'I MDOG NI MA THOB PA YIN TE, DE BZHIN DU BYANG CHUB SEMS DPA' YANG 'JIG RTEN PA DANG NYAN THOS DANG RANG SANGS RGYAS KYIS THAMS CAD LAS NI SHIN TU 'DAS LA, DON DAM PA'I BYANG CHUB SEMS DPA'I SA NI THOB PA YIN NO ZHES DE NYID LAS RNAM PAR BSHAD DO, ,YANG GANG GI TSE 'DI RAB TU DGA' BA ZHES BYA BA'I SA DANG PO LA ZHUGS PAR GYUR PA, DE NAS BZUNG STE DE NI DE THOB GYUR PA YIS, ,BYANG CHUB SEMS DPA' ZHES BYA'I SGRA NYID KYIS BSNYAD DO, ,SEMS DE THOB PA NI RNAM PA THAMS CAD DU SO SO'I SKYE BO'I SA LAS 'DAS PA'I GNAS SKABS SU BYANG CHUB SEMS DPA'I SGRA KHO NAS BRJOD PAR BYA BA YIN GYI, RNAM PA GZHAN GYIS NI MA YIN TE, DE'I TSE DE 'PHAGS PA YIN PA'I PHYIR RO, JI SKAD DU BCOM LDAN 'DAS MA NYIS STONG LNGA BRGYA PA LAS, BYANG CHUB SEMS DPA' ZHES BYA BA NI RJES SU RTOGS PA'I SEMS DPA'I TSIG [*CHAG?] BLA DAGS TE; GANG GIS CHOS THAMS CAD RJES SU RTOGS SHING SHES PA'O, ,JI LTAR SHES SHE NA, MA BYUNG BA DANG YANG DAG PAR MA BYUNG BA DANG LOG PA DANG DE DAG JI LTAR BYIS PA SO SO'I SKYE BO'I BRTAGS PA DE LTA MA YIN PA DANG, JI LTAR BYIS PA SO SO'I SKYE BOS RNYED PA DE LTA MA YIN PA STE, DE'I PHYIR BYANG @225A *, ,CHUB SEMS DPA' ZHES BYA'O, ,DE CI'I PHYIR ZHE NA, BYANG CHUB NI RNAM PAR MA BRTAGS PA'O, ,BYANG CHUB NI MA BSGRUBS PA'O, ,BYANG CHUB NI DMIGS PA MED PA'O, ,RAB KYI RTZAL GYIS RNAM PAR GNON PA, DE BZHIN GSHEGS PAS NI BYANG CHUB BRNYES PA MED DE, CHOS THAMS CAD MA RNYED PA'I PHYIR RO, ,CHOS THAMS CAD MA DMIGS PA'I PHYIR BYANG CHUB CES BYA STE, DE LTA BU NI SANGS RGYAS KYI BYANG CHUB CES BYA'I, JI SKAD BRJOD PA NI MA YIN NO, ,RAB KYI RTZAL GYIS RNAM PAR GNON PA, GANG DAG BYANG CHUB TU SEMS BSKYED CING SEMS 'DI BYANG CHUB TU SEMS BSKYED PAR BYA'O, ,GANG DU BDAG CAG GIS SEMS BSKYED PAR BYA BA'I BYANG CHUB DE NI YOD DO ZHES BYANG CHUB TU RLOM SEMS SU BYED PA DE DAG NI BYANG CHUB SEMS DPA' ZHES MI BYA'O, ,DE DAG NI SKYE BAR SEMS DPA' ZHES BYA'O, ,DE CI'I PHYIR ZHE NA, 'DI LTAR SKYE BA LA MNGON PAR ZHE NA, SEMS SU MNGON PAR ZHE NA, BYANG CHUB TU MNGON PAR ZHE NA, ZHES BYA BA LA SOGS PA GSUNGS PA LTA BU'O, ,YANG BYANG CHUB NI MTSAN NYID MED PA STE, MTSAN NYID KYI RANG BZHIN DANG BRAL BA'O, ,GANG GIS 'DI LTAR RJES SU RTOGS PA DE NI BYANG CHUB CES BYA'I, YANG JI SKAD BRJOD PA NI MA YIN NO, ,RAB KYI RTZAL GYIS RNAM PAR GNON PA CHOS DE RNAMS RTOGS PA'I PHYIR BYANG CHUB SEMS DPA' ZHES BYA'O, ,RAB KYI RTZAL GYIS RNAM PAR GNON PA GANG LA LA ZHIG CHOS 'DI MA SHES SHING RJES SU MA RTOGS BZHIN DU BDAG NYID LA BYANG CHUB SEMS DPA' BYANG CHUB SEMS DPA'O SNYAM DU SHES PA DE NI BYANG CHUB SEMS DPA'I SA LAS RING BA YIN ZHING, DE NI BYANG CHUB SEMS DPA'I CHOS RNAMS LAS RING BA YIN NO, ,DE BZHIN DU DE NI BYANG CHUB SEMS DPA'I MING GIS LHA DANG MI DANG LHA MA YIN GYI 'JIG RTEN BSLU BA YIN NO, ,RAB KYI RTZAL GYIS RNAM PAR GNON PA 'DI TSIG TZAM GYIS BYANG CHUB SEMS DPAR 'GYUR NA NI; DE BAS NA SEMS CAN THAMS CAD KYANG BYANG CHUB SEMS DPAR 'GYUR NA, RAB KYI RTZAL GYIS RNAM PAR GNON PA 'DI NI GANG GI LAS TZAM MA YIN TE, 'DI LTA STE, BYANG CHUB SEMS DPA'I SA'O ZHES BYA BA LA SOGS PA GSUNGS PA YIN NO, ,JI SKAD DU BSHAD PA'I BYANG CHUB KYI SEMS THOB @225B PA NI GNAS SKABS DER BYANG CHUB SEMS DPA'I SGRA KHO NAS BRJOD PA 'BA' ZHIG TU MA ZAD KYI, GZHAN YANG, 'DI NI DE BZHIN GSHEGS PA RNAMS KYI RIGS SU'ANG SKYES PA STE, 'DI YI KUN DU SBYOR BA GSUM PO THAMS CAD SPANGS PAR GYUR, ,BYANG CHUB SEMS DPA' DE NI DGA' BA MCHOG TU GYUR 'CHANG ZHING, ,'JIG RTEN KHAMS BRGYA KUN NAS G-YO BAR NUS PAR GYUR PA'ANG YIN, ,SO SO'I SKYE BO DANG, NYAN THOS DANG RANG SANGS RGYAS KYIS THAMS CAD LAS 'DAS PA'I PHYIR DANG, DE BZHIN GSHEGS PA'I SA KUN DU 'OD CES BYA BA'I RJES SU 'GRO BA'I LAM SKYES PA'I PHYIR NA BYANG CHUB SEMS DPA' DE DE BZHIN GSHEGS PA'I RIGS SU SKYES PA YIN NO, ,DE'I TSE GANG ZAG GI BDAG MED PA MNGON SUM DU MTHONG BAS 'DI NI 'JIG TSOGS LA LTA BA DANG THE TSOM DANG TSUL KHRIMS DANG BRTUL ZHUGS MCHOG TU 'DZIN PA ZHES BYA BA KUN DU SBYOR BA GSUM DANG YANG BRAL BA YIN TE, SLAR MI SKYE BA'I PHYIR RO, ,DE KHO NA NYID MA MTHONG BA NI BDAG TU SGRO BTAGS PA LAS 'JIG TSOGS SU LTA BAR 'GYUR ZHING, DE BZHIN DU THE TSOM GYIS DE LAM GZHAN DU 'ANG 'GRO BA SRID PA ZHIG NA GZHAN NI MA YIN NO, ,NGES PA LA ZHUGS PAS DE'I RGYU CAN GYI YON TAN THOB PA DANG, SA'I MI MTHUN PA'I PHYOGS KYI SKYON DANG BRAL BAS THUN MONG MA YIN PA'I DGA' BA'I KHYAD PAR SKYES PAS RAB TU DGA' BA MANG BA NYID KYI PHYIR NA BYANG CHUB SEMS DPA' DE NI DGA' BA MCHOG TU GYUR PA SREL BA YANG YIN NO, ,RAB TU DGA' BA KHYAD PAR 'PHAGS PA YOD PA'I PHYIR NA SA 'DIS NI RAB TU DGA' BA ZHES BYA BA'I MING YANG RNYED PAR 'GYUR RO, ,'JIG RTEN GYI KHAMS BRGYA BSKYOD PAR YANG NUS SO, ,SA NAS SAR GNON BYED CING GONG BAR RAB TU 'GRO BAR 'GYUR, ,DE TSE 'DI YI NGAN 'GRO'I LAM RNAMS MTHA' DAG 'GAGS PAR GYUR, ,DE TSE 'DI YI SO SO'I SKYE BO'I SA RNAMS THAMS CAD ZAD, , 'DI NI 'PHAGS PA BRGYAD PA JI LTA DE LTAR NYE BAR BSTAN, ,ZHES BYA BA LA 'DI NI JI LTAR KHONG DU CHUD PA'I CHOS LA GOMS PA'I PHYIR DANG, SA GNYIS PA LA SOGS PA LA GNON PA LA SPO BA CHE BA'I PHYIR SA NAS SAR GNON PA NA GONG DU RAB TU 'GRO BAR 'GYUR RO, ,MDOR NA JI LTAR 'PHAGS @226A *, ,PA RGYUN DU ZHUGS PA LA RANG DANG RJES SU MTHUN PA'I 'PHAGS PA'I CHOS RTOGS PA LAS SKYON DANG BRAL ZHING, YON TAN 'BYUNG BAR GYUR PA DE BZHIN DU BYANG CHUB SEMS DPA' 'DI LA YANG SA RTOGS PA LAS RANG DANG 'TSAM PA'I YON TAN 'BYUNG BA DANG, SKYON ZAD PAR RGYUN DU ZHUGS PA'I DPE'I SGO NAS YONGS SU GSAL BAR BYAS PA YIN NO, ,BYANG CHUB SEMS DPA' 'DI, RDZOGS PA'I BYANG CHUB SEMS LTA DANG PO LA GNAS KYANG, ,THUB DBANG GSUNG SKYES DANG BCAS RANG SANGS RGYAS RNAMS NI, ,BSOD NAMS DAG GI DBANG GIS PHAM BYAS RNAM PAR 'PHEL, ,ZHES BYA BA GANG YIN PA 'DI NI KHYAD PAR GZHAN YIN TE, JI SKAD DU 'PHAGS PA BYAMS PA'I RNAM PAR THAR PA LAS, RIGS KYI BU 'DI LTA STE, DPER NA RGYAL PO'I BU SKYES NAS RING POR MA LON PA RGYAL PO'I MTSAN DANG LDAN PA NI BLON PO'I TSOGS RGAN PO GTZO BOR GYUR PA THAMS CAD KYANG RIGS KYI BDAG NYID CHE BA'I DBANG GIS ZIL GYIS GNON TO, ,DE BZHIN DU BYANG CHUB SEMS DPA' LAS DANG PO PA BYANG CHUB TU SEMS BSKYED NAS RING PO MA LON PA, DE BZHIN GSHEGS PA CHOS KYI RGYAL PO'I RIGS SU SKYES PAS KYANG BYANG CHUB KYI SEMS DANG, SNYING RJE'I DBANG GIS NYAN THOS DANG RANG SANGS RGYAS YUN RING DU TSANGS PAR SPYAD PA RNAMS ZIL GYIS GNON TO, ,RIGS KYI BU 'DI LTA STE, DPER NA NAM MKHA' LDING GI DBANG PO CHEN PO'I PHRU GU SKYES NAS RING PO MA LON PA'I GSHOG PA'I RLUNG GI SHUGS DANG, MIG YONGS SU DAG PA'I YON TAN GANG YIN PA DE NI DE LAS GZHAN PA'I BYA'I TSOGS MA LUS PA RGAS PAR GYUR PA THAMS CAD LA YOD PA MA YIN NO, ,DE BZHIN DU BYANG CHUB SEMS DPA' BYANG CHUB TU SEMS DANG PO BSKYED PA, DE BZHIN GSHEGS PA NAM MKHA' LDING GI DBANG PO CHEN PO'I RIGS KYI RGYUD DU YANG DAG PAR BYUNG BA NAM MKHA' LDING GI DBANG PO CHEN PO'I PHRU GU THAMS CAD MKHYEN PA NYID DU SEMS BSKYED PA'I GSHOG PA'I STOBS KYIS PHA ROL GNON PA DANG, LHAG PA'I BSAM PA YONGS SU DAG PA'I MIG GI YON TAN GANG YIN PA DE NI BSKAL PA BRGYA STONG DU NGES PAR 'BYUNG BA'I NYAN THOS DANG, RANG SANGS RGYAS THAMS CAD LA YOD PA MA YIN NO ZHES PA LA @226B SOGS PA GSUNGS PA LTA BU'O, ,DE NI RING DU SONG BAR BLO YANG LHAG PAR 'GYUR, ,'PHAGS PA SA BCU PA LAS KYANG, KYE RGYAL BA'I SRAS DAG 'DI LTA STE, DPER NA RGYAL PO'I RIGS SU SKYES PA'I RGYAL PO'I BU RGYAL PO'I MTSAN DANG LDAN PA NI SKYES PA TZAM GYIS RGYAL PO'I BYIN GYIS BLON PO'I CHOGS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, ,NAM DE NAR SON PAR GYUR PA DE'I TSE RANG GI BLO'I STOBS BSKYED PAS BLON PO'I BYA BA THAMS CAD LAS SHIN TU 'DAS PA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD BAS NI MA YIN NO, ,BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI RANG GI YUL SHES PA'I CHE BA LA GNAS PAS NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO ZHES JI SKAD GSUNGS PA LTA BU'O, ,DE'I PHYIR DE LTAR NA RING DU SONG BA KHO NA NAS BZUNG NAS NI BYANG CHUB SEMS DPAS RANG GI BLO'I STOBS BSKYED PAS KYANG NYAN THOS DANG RANG SANGS RGYAS DAG ZIL GYIS GNON PAR 'GYUR GYI, SA 'OG MA RNAMS SU NI MA YIN NO ZHES BYA BAR SHES PAR BYA'O, ,LUNG 'DI LAS NI NYAN THOS DANG RANG SANGS RGYAS RNAMS LA YANG CHOS THAMS CAD RANG BZHIN MED PAR SHES PA YANG YOD DO ZHES BYA BAR GSAL BAR NGES TE, DE LTAR MA YIN NA DNGOS PO RANG BZHIN MED PAR YONGS SU SHES PA DANG BRAL BA'I PHYIR, ,'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED PA'I BYANG CHUB SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO, ,GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR GANG ZAG GI BDAG MED PAR RTOGS PAR YANG MI 'GYUR TE, BDAG TU GDAGS PA'I RGYU PHUNG PO LA DMIGS PA'I PHYIR @227A *, ,RO; ,JI SKAD DU RIN PO CHE'I PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN NYID, ,NGAR 'DZIN YOD NA YANG LAS TE, ,DE LAS YANG NI SKYE BA YI, ,LAM GSUM THOG MTHA' DBUS MED PA, ,'KHOR BA'I DKYIL 'KHOR MGAL ME YI, DKYIL 'KHOR LTA BU PHAN TSUN GYI, ,RGYU CAN 'DI NI 'KHOR BAR 'GYUR, ,DE NI RANG GZHAN GNYIS KA DANG, ,DUS GSUM NYID DU 'ANG MA THOB PHYIR, ,NGAR 'DZIN PA NI ZAD PAR 'GYUR, ,DE NAS LAS DANG SKYE BA DANG, ,ZHES GSUNGS SO, ,YANG JI LTAR MIG NI 'KHRUL PA YIS, MGAL ME'I 'KHOR LO 'DZIN BYED PA, ,DE BZHIN DBANG PO RNAMS KYIS NI, ,DE LTA'I YUL DAG 'DZIN PAR BYED, ,DBANG PO DANG NI DBANG DON RNAMS, ,'BYUNG BA LNGA YI RANG BZHIN 'DOD, ,'BYUNG BA SO SOR DON MED PAS, ,'DI DAG DON DU DON MED DO, ,'BYUNG RNAMS SO SOR THA DAD NA, ,BUD SHING MED PA'I MER THAL 'GYUR, ,'DUS NA MTSAN NYID MED 'GYUR TE, ,LHAG MA LA YANG DE LTAR NGES, ,DE LTAR 'BYUNG RNAMS RNAM GNYIS SU'ANG, ,DON MED PAS NA 'DUS DON MED, ,'DUS PA DON MED NYID KYI PHYIR, GZUGS KYANG DON DU DON MED DO, ,RNAM SHES TSOR DANG 'DU SHES DANG, ,'DU BYED RNAMS KYANG THAMS CAD DU, ,SO SOR BDAG NYID DON MED PHYIR, ,DAM PA'I DON DU DON MED DO, ,JI LTAR SDUG BSNGAL PHYIR BCOS LA, ,DON DU BDE BAR NGA RGYAL BYED, ,DE BZHIN BDE 'JOMS BYUNG BA LA, ,SDUG BSNGAL DU YANG NGA RGYAL BYED, ,DE LTAR NGO BO NYID MED PHYIR, ,BDE DANG PHRAD PA'I SRED PA DANG,, SDUG BSNGAL BRAL BA'I SRED PA SPONG, ,DE PHYIR DE LTAR MTHONG BA GROL, ,GANG GIS MTHONG BAR 'GYUR ZHE NA, ,THA SNYAD DU NI SEMS LA BRJOD, ,SEMS 'BYUNG MED PAR SEMS MED DE, ,DON MED PHYIR NA YOD MI 'DOD, ,DE LTAR YANG DAG JI BZHIN DU, 'GRO BA'I DON MED SHES NAS NI, ,RGYU MED PA YI ME BZHIN DU, ,GNAS MED LEN MED MYA NGAN 'DA', ,ZHES GSUNGS SO, ,CI STE BYANG CHUB SEMS DPA' RNAMS KHO NAS DE LTAR RANG BZHIN MED PAR MTHONG BA YIN NO ZHE NA, DE YANG YOD PA MA YIN TE, NYAN THOS DANG RANG SANGS RGYAS RNAMS KYI DBANG DU BYAS NAS DE SKAD DU, @227B GSUNGS BA'I PHYIR RO, ,'DI JI LTAR SHES SHE NA, BRJOD PAR BYA STE, MJUG THOGS KHO NAR BYANG CHUB SEMS DPA' RNAMS KYI DBANG DU MDZAD NAS, DE LTAR BYANG CHUB SEMS DPAS KYANG, ,MTHONG NAS BYANG CHUB NGAS PAR 'DOD, ,'ON KYANG DE NI SNYING RJE YIS, ,BYANG CHUB BAR DU SRID MTSAMS SBYOR, ,ZHES BYA BA LA SOGS PA GSUNGS PA'I PHYIR RO, ,NYAN THOS LA BSTAN PA'I MDO DAG LAS KYANG, NYAN THOS RNAMS KYI NYON MONGS PA'I SGRIB PA SPANG BAR BYA BA'I PHYIR, GZUGS NI DBU BRDOS PA 'DRA, ,TSOR BA CHU YI CHU BUR BZHIN, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ,ZHES BYA BA LA SOGS PAS DBU BRDOS PA DANG, CHU YI CHU BUR DANG, SMIG RGYU'I CHU DANG, ,CHU SHING GI PHUNG PO DANG SGYU MA LA SOGS PA'I DPE DAG GIS 'DU BYED RNAMS NGES PAR DPYAD PA YIN NO,, DON 'DI NYID STON PAR MDZAD PA NI, SLOB DPON GYI ZHAL SNGA NAS KYIS, THEG PA CHE LAS SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE DON DU NI, ,GCIG PA DE PHYIR BZOD PAR GYIS, ,ZHES BYA BA DANG, DE BZHIN DU, BCOM LDAN DNGOS DANG DNGOS MED PA, ,MKHYEN PAS K'A T'A YA NA YI, ,GDAMS NGAG LAS NI YOD PA DANG, ,MED PA GNYIS KA GDAGS PA MDZAD, ,CES GSUNGS SO, ,GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA DE'I TSE THEG PA CHEN PO BSTAN PA DON MED PAR 'GYUR RO SNYAM DU SEMS PA DE'I LUGS DE YANG 'DI LTAR RIGS PA DANG LUNG DANG 'GAL BAR RTOGS SO, ,THEG PA CHEN PO BSTAN PAS NI CHOS LA BDAG MED PA TZAM 'BA' ZHIG STON PAR BYED PA MA YIN GYI, ,'O NA CI ZHE NA, BYANG CHUB SEMS DPA' RNAMS KYI SA DANG PHA ROL TU PHYIN PA DANG, SMON LAM DANG SNYING RJE CHEN PO LA SOGS PA DANG YONGS SU BSNGO BA DANG TSOGS GNYIS DANG BSAM GYIS MI KHYAB PA'I CHOS NYID KYANG YIN NO, ,JI SKAD DU RIN PO CHE'I PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS @228A *, ,DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYIS GZUNG, ,ZHES GSUNGS SO, ,CHOS KYI BDAG MED PA GSAL BAR BYA BA'I PHYIR THEG PA CHEN PO BSTAN PA YANG RIGS PA NYID DE, RGYAS PAR BSTAN PA BRJOD PAR 'DOD PA'I PHYIR RO, ,NYAN THOS KYI THEG PA LAS NI CHOS KYI BDAG MED PA MDOR MTSON PA TZAM ZHIG TU ZAD DO, ,JI SKAD DU SLOB DPON GYI ZHAL SNGA NAS KYIS, MTSAN MA MED PA MA RTOGS PAR, ,KHYOD KYIS THAR PA MED PAR GSUNGS, , DE PHYIR KHYOD KYIS THEG CHEN LAS, ,DE NI TSANG PAR BSTAN PA LAGS, ,ZHES GSUNGS SO, ,ZHAR LA 'ONGS PAS CHOG GO, ,DE NYID KYI PHYIR BLO MA DKRUGS PA RNAMS KYIS RANG NYID KYI DON GYI DE KHO NA NYID KHONG DU CHUD PAR NUS PAS DKYUS MA NYID BRJOD PAR BYA'O, ,DE TSE DE LA RDZOGS SANGS BYANG CHUB RGYUR, ,DANG PO SBYIN PA NYID NI LHAG PAR 'GYUR, ,BYANG CHUB SEMS DPA' SA RAB TU DGA' BA THOB PA DE LA, SBYIN PA DANG TSUL KHRIMS DANG BZOD PA DANG BRTZON 'GRUS DANG BSAM GTAN DANG SHES RAB DANG, THABS DANG SMON LAM DANG, STOBS DANG YE SHES ZHES BYA BA BCU PO DAG LAS SBYIN PA'I PHA ROL TU PHYIN PA KHO NAS CHES LHAG PAR YOD PAR 'GYUR TE, DE LAS GZHAN RNAMS MED PA NI MA YIN NO, ,SBYIN PA DE YANG RNAM PA THAMS CAD MKHYEN PA NYID KYI RGYU DANG PO YIN NO, ,RANG SHA STER LA'ANG GUS PAR BYAS PA YI, ,SNANG DU MI RUNG DPOG PA'I RGYUR YANG GYUR, ,DE'I TSE BYANG CHUB SEMS DPA' DE'I YON TAN SNANG RUNG MA YIN PAS RTOGS PA LA SOGS PA GANG DAG YIN PA DE DAG KYANG PHYI DANG NANG GI BDAG NYID KYI DNGOS PO STONG PA'I KHYAD PAR GYI RJES SU DPAG PA NYID LAS GSAL BAR DPOG PAR BYED PA YIN TE, DU BA LA SOGS PA LAS ME LA SOGS PA DAG BZHIN NO, ,JI LTAR BYANG CHUB SEMS DPA' RNAMS KYI SBYIN PA SANGS RGYAS NYID KYI RGYU DANG PO DANG, MNGON SUM MA YIN PA'I YON TAN NGES PA'I RTAGS YIN PA DE BZHIN DU, SO SO'I SKYE BO DANG NYAN THOS DANG RANG SANGS RGYAS RNAMS KYI YANG SDUG BSNGAL PHYIR BCOS PA DANG, GTAN DU @228B BA'I BDE BA THOB PA'I RGYU YIN NO ZHES BSTAN PAR 'DOD PAS, SKYE BO 'DI KUN BDE BA MNGON 'DOD CING, ,MI RNAMS BDE BA 'ANG LONGS SPYOD MED MIN LA, ,LONGS SPYOD KYANG NI SBYIN LAS 'BYUNG MKHYEN NAS, ,THUB PAS DANG POR SBYIN PA'I GTAM MDZAD DO, ,ZHES BYA BA SMOS PA LA, BKRES PA DANG SKOM PA DANG NAD DANG GRANG BA LA SOGS PA'I GNYEN PO, ,SDUG BSNGAL PHYIR BCOS PA TZAM SRID PA'I BDE BA 'BYUNG BA'I RGYU 'CHING BA PHYIN CI LOG TZAM GYIS BDAG NYID KYI RGYUN NYE BAR BRTAGS PAS, NYE BAR 'TSE BA BSAL BA BDE BA'I BDAG NYID MA YIN PA NYID LA 'JIG RTEN SHIN TU CHES MNGON PAR ZHEN LA; DE LTA BU'I BDE BA MNGON PAR 'DOD PA DE'I BDE BA SDUG BSNGAL PHYIR BCOS PA TZAM GYI RANG BZHIN GANG YIN PA DE NI, MNGON PAR 'DOD PA'I YUL LONGS SPYOD SDUG BSNGAL GYI GNYEN POR GYUR PA, PHYIN CI LOG GI BDAG NYID CAN LONGS SPYAD PA MED PAR SKYE BAR MA DMIGS SO, ,SDUG BSNGAL PHYIR BCOS PA'I RGYUR GYUR PA'I YUL DE DAG KYANG SBYIN PA LAS BYUNG BA'I BSOD NAMS BYA BA'I DNGOS PO MA BSAGS PA RNAMS LA MI 'BYUNG NGO SNYAM DU MKHYEN NAS, BCOM LDAN 'DAS 'GRO BA MA LUS PA'I BSAM PA'I RANG BZHIN MKHYEN PAS TSUL KHRIMS LA SOGS PA'I GTAM RNAMS PAS CHES THOG MAR SBYIN PA'I GTAM NYID MDZAD DO, ,DA NI STONG PA PO'I SEMS CAN TSUL DANG MI MTHUN PA YIN DU ZIN KYANG, RANG GI BYA BA DANG RJES SU MTHUN PAS SBYIN PA'I BDAG NYID CHEN PO BRJOD PAR BYA BA'I PHYIR, SNYING RJE DMAN ZHING SHIN TU RTZUB SEMS CAN, ,RANG DON LHUR LEN NYID DU GYUR PA GANG, ,DE DAG GI YANG 'DOD PA'I LONGS SPYOD RNAMS, ,SDUG BSNGAL NYER ZHI'I RGYUR GYUR SBYIN LAS BYUNG, ZHES BYA BA SMOS TE, GANG DAG TSONG PA BZHIN DU NOR CHES NYUNG DU BTANG BA LAS 'BRAS BU NOR GYI PHUNG PO CHES YANGS PA 'DOD PA DON DU GNYER BA BAS KYANG LHAG PAR DON DU GNYER BAR GYUR CING SBYIN PAR 'DOD PAR GUS KYI, BDE BAR GSHEGS PA'I SRAS RNAMS LTAR SNYING RJE'I GZHAN GYI DBANG GIS SBYIN PA'I 'BRAS BU DON DU MI GNYER BA KHO NAR SBYIN PAR 'DOD PA'I DGA' STON MNGON PAR 'PHEL BAR MI BYED PA DE DAG LA YANG, SBYIN PA'I SKYON 'DZIN PA LA RGYAB KYIS PHYOGS @229A *, ,PA YON TAN TZAM 'DZIN PA LA G-YER BAG THOB PA DES, LONGS SPYOD PHUL DU BYUNG BA PHUN SUM TSOGS PA'I SGO NAS LUS KYI SDUG BSNGAL YID DU MI 'ONG BA BKRES PA DANG SKOM PA LA SOGS PA 'JOMS PAR BYED PAS SDUG BSNGAL NYE BAR ZHI BA'I RGYUR 'GYUR RO, ,GANG ZHIG SNYING RJE DANG BRAL BAS RANG GI SDUG BSNGAL PHYIR BCOS PA LA LTOS PA NYID KYIS SBYIN PAR 'DOD PAR GUS PA 'DI YANG, 'DI YANG SBYIN PA'I SKABS KYIS NAM ZHIG TSE, ,'PHAGS PA'I SKYE BA DANG PHRAD MYUR DU 'THOB, ,DE NAS SRID RGYUN YANG DAG BCAD BYAS TE, ,DE YI RGYU CAN ZHI BAR 'GRO BAR 'GYUR, ,ZHES BYA BA SMRAS SO, ,SBYIN BDAG GTONG BA PO'I THAD DU DAM PA DAG GIS BGROD PA YIN NO ZHES 'BYUNG BA'I PHYIR, SBYIN PA LA LHAG PAR MOS PA NI, SBYIN PA'I SKABS KYIS 'PHAGS PA'I SKYE BA DANG PHRAD PAS DES NYE BAR BSTON [*STON?] PA LAS 'KHOR BA LA YON TAN MED PAR RIG CING, 'PHAGS PA'I LAM DRI MA MED PA MNGON DU BYAS PAS SDUG BSNGAL NYE BAR ZHI BA'I MA RIG PA SPANGS NAS, 'KHOR BA'I RGYUN SKYE BA DANG 'CHI BA GCIG NAS GCIG TU BRGYUD PA THOG MA MED PA'I DUS NAS 'JUG PA DOR TE, NYAN THOS DANG RANG SANGS RGYAS KYI THEG PAS YONGS SU MYA NGAN LAS 'DA' BAR 'GYUR RO, , DE LTA NA RE ZHIG BYANG CHUB SEMS DPA' MA YIN PA RNAMS KYI SBYIN PA 'KHOR BA DANG MYA NGAN LAS 'DAS PA'I BDE BA THOB PA'I RGYU YIN NO, ,'GRO BA PHAN PAR DAM BCAS YID CAN RNAMS, ,SBYIN PAS RING POR MI THOGS DGA' BA THOB, ,BYANG CHUB SEMS DPA' MA YIN PA RNAMS NI SBYIN PA DANG DUS MNYAM DU JI SKAD BSHAD PA'I SBYIN PA'I 'BRAS BU NGES PAR LONGS SPYOD PA MA YIN TE, DES NA DE RNAMS NI SBYIN PA'I 'BRAS BU MNGON SUM PA MA YIN PA NYID KYI PHYIR SBYIN PA LA MI 'JUG PA YANG SRID NA, BYANG CHUB SEMS DPA' RNAMS NI SBYIN PA DANG DUS MNYAM PA KHO NAR DON DU GNYER BA'I YANG YONGS SU TSIM PAR BYAS PA LAS, MNGON PAR 'DOD PA'I SBYIN PA'I 'BRAS BU PHUN SUM TSOGS PA MCHOG TU DGA' BA 'CHANG ZHING, DE NYID DU SBYIN PA'I 'BRAS BU NYE BAR LONGS SPYOD DO, ,DE'I PHYIR DUS THAMS CAD KYI TSE SBYIN PA LA DGA' BAR 'GYUR RO, ,DE'I PHYIR DE LTAR JI @229B SKAD BSHAD PA'I TSUL GYIS, GANG PHYIR BRTZE BDAG BRTZE BDAG MA YIN PA, ,THAMS CAD KYI MNGON PAR MTHO BA DANG NGES PAR LEGS PA'I RGYU SBYIN PA YIN PA, DE PHYIR SBYIN PA'I GTAM NYID RTZA BA YIN, ,GANG LAS DE RNAMS DUS RTAG TU SBYIN PA LA GUS PAR 'GYUR BA, DON DU GNYER BA RNAMS LONGS SPYOD KYIS RNAM PAR 'GED PA'I SGO NAS YID TSIM PAR BYED PA NA, BYANG CHUB SEMS DPA' RNAMS LA DGA' BA'I KHYAD PAR SKYE BA KO CI 'DRA BA ZHIG CE NA, BRJOD PAR BYA STE, JI LTAR BYIN CIG CES SGRA THOS BSAMS LAS, RGYAL SRAS BDE 'BYUNG DE LTAR THUB RNAMS LA, ,ZHI BA ZHUGS PAS BDE BA BYIN MIN NA, ,THAMS CAD BTANG BAS LTA ZHIG SMOS CI DGOS, ,RE ZHIG DON DU GNYER BA RNAMS KYIS BYIN CIG CES BYA BA'I SGRA THOS PA NYID SEMS PAR BYED PA NA, BYANG CHUB SEMS DPA' RNAMS LA 'DI DAG NI BDAG LA SLONG BA ZHIG GO SNYAM DU RTOGS NAS YANG NAS YANG DU BDE BA 'BYUNG BA GANG YIN PA DE NYID JE MYA NGAN LAS 'DAS PA'I BDE BA BAS KYANG PHUL DU BYUNG BA DANG BCAS PA YIN NA, PHYI DANG NANG GI DNGOS PO BTANG BAS, DON DU GNYER BA'I SKYE BO TSIM PAR BYED PA RNAMS KYI LTA CI SMOS, YANG CI GANG LAS DE SKAD BRJOD PA PHYI DANG NANG GI DNGOS PO GTONG BA'I BYANG CHUB SEMS DPA' RNAMS LA LUS KYI SDUG BSNGAL YANG MI 'BYUNG NGAM ZHE NA, BSHAD PA, BDAG NYID CHEN PO RNAMS LA NI SEMS MED PA RNAMS BCAD PA LTAR LUS KYI SDUG BSNGAL 'BYUNG BA MI SRID PA NYID DE, 'PHAGS PA NAM MKHA' MDZOD KYI TING NGE 'DZIN LAS, 'DI LTA STE, DPER NA SHING S'A LA CHEN PO'I TSAL ZHIG YOD LA, DER 'GA' ZHIG 'ONGS NAS S'A LA GCIG BCAD PA NA, DER SHING S'A LA LHAG MA DE RNAMS 'DI SNYAM DU 'DI NI BCAD PA'O, ,BDAG CAG NI MA BCAD PA'O SNYAM DU MI SEMS SHING, DE DAG LA RJES SU CHAGS PA DANG KHONG KHRO BA MED DO, ,RTOG PA DANG; RNAM PAR RTOG PA MED DO, ,BYANG CHUB SEMS DPA'I BZOD PA DE LTA BU GANG YIN PA DE NI BZOD PA YONGS SU DAG PA MCHOG NAM MKHA' DANG MNYAM PA YIN NO ZHES JI SKAD GSUNGS PA LTA BU'O, ,RIN PO CHE'I PHRENG BA LAS KYANG, DE LA LUS KYI SDUG BSNGAL MED, ,YID KYI SDUG BSNGAL @230A *, ,GA LA YOD, ,DE NI SNYING RJES 'JIG RTEN SDUG ,DE NYID KYIS NI YUN RING GNAS, ,ZHES GSUNGS SO, ,YANG CHAGS PA MED PA'I GNAS SKABS MA THOB PA GANG ZHIG LA LUS GNAS PA DANG 'GAL BA'I YUL YANG DAG PAR BABS PAS LUS KYI SDUG BSNGAL GDON MI ZA BAR 'BYUNG BA DE'I TSE DE YANG SEMS CAN GYI DON BYA BA DAG LA CHES LHAG PAR 'JUG PA'I RGYU NYID DU GNAS PA YIN NO ZHES BSHAD PA NI, LUS BCAD STER ZHING BDAG GI SDUG BSNGAL GYIS, ,GZHAN DAG RNAMS KYI DMYAL BA LA SOGS PA'I, ,SDUG BSNGAL RANG RIG NYID DU MTHONG NAS DE, ,DE GCAD BYA PHYIR MYUR DU BRTZON 'GRUS RTZOM, ,ZHES BYA BA STE, BYANG CHUB SEMS DPA' NI SDUG BSNGAL CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN LA SOGS PA'I 'GRO BA MI BZAD PAR CHUD PA BAR MTSAMS MED PAR SDUG BSNGAL CHES DRAG PAS LUS 'JOMS PA, RANG GI LUS GCOD PA'I SDUG BSNGAL BAS STONG 'GYUR BAS KYANG CHES LHAG PAR 'PHEL BA'I SDUG BSNGAL BA SRAN DU MED PA DANG LDAN PA DAG LA RANG GI SDUG BSNGAL MYONG BA NYID DU LTA BA NA RANG GI LUS GCOD PA'I SDUG BSNGAL LA, RTZIS MED PAR BYAS NAS SEMS CAN RNAMS KYI DMYAL BA LA SOGS PA'I SDUG BSNGAL GCOD PAR BYA BA'I PHYIR CHES MYUR DU BRTZON 'GRUS RTZOM MO, ,JI SKAD BSHAD PA'I SBYIN PA LA PHA ROL TU PHYIN PA'I RNAM PAR DBYE BA BSTAN PA'I PHYIR, SBYIN PA SBYIN BYA LEN PO GTONG POS STONG, ,'JIG RTEN 'DAS PA'I PHA ROL PHYIN ZHES BYA, ,ZHES BYA BA SMOS TE, DE LA PHA ROL ZHES BYA BA NI GANG 'KHOR BA'I RGYA MTSO'I PHAR 'GRAM DANG NGOGS TE, ,NYON MONGS PA DANG SHES BYA'I SGRIB PA MA LUS PA SPANGS PA'I RANG BZHIN MNGA' BA'I SANGS RGYAS NYID DO, ,PHA ROL DU SON PA NI PHA ROL TU PHYIN PA'O ZHES BYA STE, TSIG PHYI MA YOD NA MI MNGON PAR MI BYA'O ZHES BYA BA'I MTSAN NYID 'DIS LAS KYI RNAM PAR DBYE BA MI MNGON PAR MA BYAS PAS GZUGS SU 'GYUR BA'AM, PREshO DA RA LA SOGS PA YIN PA'I PHYIR PHYI MA'I MTHA' CAN NYID DU GZHAG GO, ,SHES RAB BZUNG NAS BYE BRAG TU BSHAD PA YIN TE, SBYIN PA LA SOGS PA RNAMS NI PHA ROL TU PHYIN PA DANG 'DRA BAS PHA ROL TU PHYIN PA YIN NO, ,YONGS SU BSNGO BA'I KHYAD PAR @230B GYIS PHA ROL TU 'GRO BA LA NGES PAR GZHAG NAS NI SBYIN PAS PHA ROL TU PHYIN PA'I MING RNYED PAR 'GYUR RO, ,TSUL KHRIMS LA SOGS PA 'CHAD PAR 'GYUR BA DAG KYANG DE BZHIN DU RIG PAR BYA'O, ,PHA ROL TU PHYIN PA ZHES BYA BA'I SBYIN PA 'DI YANG SBYIN PAR BYA BA DANG, LEN PA PO DANG, SBYIN PA POR DMIGS PAR BYA BA DANG BRAL BAR GYUR NA, 'JIG RTEN LAS 'DAS PA'I PHA ROL TU PHYIN PA YIN NO, ,ZHES BCOM LDAN 'DAS MA SHES RAB KYI PHA ROL TU PHYIN PA LAS GSUNGS TE, MI DMIGS PA NI 'JIG RTEN LAS 'DAS PA'I PHYIR LA, DMIGS PA NI THA SNYAD KYI BDEN PAS BSDUS PA NYID KYI PHYIR 'JIG RTEN PA NYID YIN PA'I PHYIR RO, ,DE NI BYANG CHUB SEMS DPA'I GNAS SKABS MA THOB PA DAG GIS SHES PAR MI NUS SO, ,GZHAN YANG, GSUM PO DAG LA CHAGS SKYES GYUR PAS DE, ,'JIG RTEN PA YI PHA ROL PHYIN ZHES BSTAN, ,SBYIN PA DE NYID GSUM DU DMIGS PA YOD NA 'JIG RTEN PA'I PHA ROL TU PHYIN PA ZHES BYA BAR BSNYAD DO, ,DA NI JI SKAD BRJOD PA'I SA ZHES BYA BA SHES PA'I KHYAD PAR GYI PHUL DU BYUNG BA'I YON TAN RJES SU BRJOD PA'I SGO NAS BSTAN PA'I PHYIR, DE LTAR RGYAL BA'I SRAS KYI YID LA RAB GNAS SHING, ,DAM PA'I RTEN LA 'OD CHAGS MDZES PA RNYED GYUR PA'I, ,DGA' BA 'DI NI NOR BU CHU SHEL JI BZHIN DU, ,MUN PA STUG PO THAMS CAD RNAM PAR BSAL NAS RGYAL, ,ZHES BYA BA SMOS SO, ,DE LTAR GYI SGRA NI JI SKAD BSHAD PA'I RNAM PA BSTAN PAR BYA BA'I PHYIR RO, ,DGA' BA ZHES BYA BA NI SA'I MING YANG DAG PAR SGROGS PA'O, ,RGYAL ZHES BYA BA NI MI MTHUN PA'I PHYOGS PHAM PAR BYAS NAS GNAS SO ZHES BYA BA'I DON TO, ,DE NI SHES PA'I RANG BZHIN YIN PA NYID KYIS RGYAL BA'I SRAS KYI YID LA GNAS PA'I PHYIR MTHON POR GNAS PA YIN TE, SA RAB TU DGA' BA NI JI SKAD BSHAD PA'I TSUL GYIS MUN PA STUG PO THAMS CAD KYANG RNAM PAR BSAL TE RGYAL BAR 'GYUR RO, ,JI SKAD BSHAD PA'I DON NYID DPES GSAL BAR BYA BA'I PHYIR SMRAS PA NI, NOR BU CHU SHEL JI BZHIN DU ZHES BYA BA'O, ,DBU MA LA 'JUG PA'I BSHAD PA LAS RAB TU DGA' BA ZHES BYA BA SEMS BSKYED PA DANG PO'O, ,BYANG CHUB SEMS DPA'I SEMS BSKYED PA DANG PO @231A *, ,BSHAD ZIN TO,, ,,DA NI GNYIS PA'I DBANG DU BYAS NAS, DE TSUL PHUN TSOGS YON TAN DAG LDAN PHYIR, ,RMI LAM DU YANG 'CHAL KHRIMS DRI MA SPANGS, ,ZHES BYA BA SMOS TE, SA ZHES BYA BA SHES PA'I KHYAD PAR THAMS CAD NI RANG BZHIN GCIG PA NYID KYI PHYIR, DE MED NA MI 'BYUNG BA'I YON TAN TSUL KHRIMS KYI PHA ROL TU PHYIN PA LA SOGS PA PHUL DU BYUNG BA NYID LAS SEMS BSKYED PA GNYIS PA LA SOGS PA'I KHYAD PAR STON PAR BYED DO, ,DE LA NYON MONGS PA DANG DU MI LEN PA'I PHYIR DANG, SDIG PA MI 'BYUNG BA'I PHYIR SEMS YID LA GCAGS PA'I ME ZHI BAS BSIL BA NYID KYI PHYIR RAM, BDE BA'I RGYU YIN PA NYID KYIS DAM PA DAG GIS BSTEN PAR BYA BA NYID KYI PHYIR NA TSUL KHRIMS TE DE YANG SPONG BA BDUN GYI MTSAN NYID CAN NO, ,CHOS GSUM PO MA CHAGS PA DANG ZHE SDANG MED PA DANG YANG DAG PA'I LTA BA NI DE DAG KUN NAS SLONG BAR BYED PA YIN TE, DE'I PHYIR KUN NAS SLONG BAR BYED PA DANG BCAS PA'I TSUL KHRIMS KYI DBANG DU BYAS NAS LAS KYI LAM BCUR RNAM PAR BSHAD DO, ,TSUL KHRIMS PHUN SUM TSOGS PA NI TSUL KHRIMS RAB TU GYUR PA'O, ,YON TAN RNAM PAR DAG PA NI YON TAN DAG PA STE, TSUL KHRIMS PHUN SUM TSOGS PA YONGS SU DAG PA ZHES BYA BAR TSIG RNAM PAR SBYAR RO, ,RANG GI YON TAN YONGS SU DAG PA NYID KYI PHYIR TSUL KHRIMS NYID KHYAD PAR DU 'PHAGS PA YIN NO, ,DE DANG LDAN PA'I PHYIR BYANG CHUB SEMS DPA' DE NI RMI LAM GYI GNAS SKABS SU YANG TSUL KHRIMS 'CHAL BA'I DRI MA DAG GIS MI GOS PA'O, ,YANG JI LTAR NA DE DE LTAR TSUL KHRIMS PHUN SUM TSOGS PAS YON TAN YONGS SU DAG PAR 'GYUR ZHE NA, 'DI LTAR BYANG CHUB SEMS DPA' BYANG CHUB SEMS DPA'I SA GNYIS PA LA RAB TU GNAS PA 'DI NI, LUS NGAG YID KYI RGYU BA DAG GYUR PAS, ,DAM PA'I LAS LAM BCU CHAR SOGS PAR BYED, JI SKAD DU BYANG CHUB SEMS DPA'I SA GNYIS PA LAS, KYE RGYAL BA'I SRAS DAG BYANG CHUB SEMS DPA'I SA DRI MA MED PA LA GNAS PA'I BYANG CHUB SEMS DPA' NI RANG BZHIN GYIS SROG GCOD PA SPANGS PA YIN TE, DBYIG PA SPANGS, MTSON CHA SPANGS, 'KHON DU 'DZIN PA SPANGS NAS, 'JEM @231B PA DANG LDAN ZHING SNYING RJE LA ZHUGS PAS, DE SROG CHAGS 'BYUNG PO THAMS CAD LA PHAN PA DANG, BDE BA DANG, SNYING BRTZE BA DANG, BYAMS PA'I SEMS DANG LDAN TE, DE KUN TU RTOG PA TZAM GYIS KYANG, SROG CHAGS LA RNAM PAR 'TSE BAR MI BYED NA, SEMS CAN GZHAN LA SEMS CAN DU 'DU SHES SHING CHED DU BSAMS TE, LUS KYI MTHO 'TSAMS PA CHEN PO BYA BA LTA CI SMOS, MA BYIN PAR LEN PA SPANGS PA YANG YIN TE, BDAG GI LONGS SPYOD KYIS CHOG SHES SHING SNYING BRTZE BA DANG LDAN TE, GZHAN GYI LONGS SPYOD LA BAG BYED PAS DE GZHAN GYIS YONGS SU BZUNG BA'I DNGOS PO DAG LA GZHAN GYIS BZUNG BAR 'DU SHES SHING, RKU SEMS NYE BAR GZHAG STE THA NA {RTZVA} DANG LO MA TZAM YANG MA BYIN PAR MI LEN NA, 'TSO BA'I YO BYAD GZHAN DAG LTA CI SMOS, 'DOD PA LA LOG PAR G-YEM PA SPANGS PA YANG YIN TE, BDAG GI CHUNG MAS CHOG SHES SHING, GZHAN GYI CHUNG MA LA 'DOD PA MED PAS, DE GZHAN GYIS BZUNG BA'I BUD MED GZHAN GYI CHUNG MA DANG, RUS DANG, MTSAN DANG, CHOS KYIS BSRUNGS PA RNAMS LA CHAGS SEMS KYANG MI BSKYED NA, YAN LAG MA YIN PA'I RNAM PAR RIG BYED DAM, GNYIS KYI DBANG PO GNYIS SPROD PA LTA CI SMOS, BRDZUN DU SMRA BA SPANGS PA YANG YIN TE, BDEN PAR SMRA ZHING YANG DAG PAR SMRA LA, DUS SU SMRA STE, JI SKAD SMRAS PA DE BZHIN BYED PA'O, ,DE THA NA RMI LAM NA YANG LTA BA DANG BZOD PA DANG 'DOD PA DANG RAB TU RTOG PA BSGYUR TE, BSLU BA'I BSAM PAS BRDZUN GYI TSIG MI SMRA NA, CHED DU BSAMS TE SMRA BA LTA CI SMOS, PHRA MA'I TSIG SPANGS BA YIN TE, SEMS CAN RNAMS LA DBYEN MI BYED CING, RNAM PAR MI 'TSE BA LA ZHUGS PAS, DES DE DAG DBYE BA'I PHYIR TSU GI LAS THOS NAS PHA GIR SNYOD PA MA YIN TE, DE DAG DBYE BA'I PHYIR THA GI LAS THOS NAS TSU GIR SNYOD PA MA YIN TE, 'DUM PA RNAMS MI 'BYED CING, BYE BA RNAMS LA YANG MI GNON TE, MI 'DUM PA LA DGA' ZHING MI 'DUM PA LA MOS PA MA YIN PAS, ,BDEN NAM BRDZUN YANG MI 'DUM PAR BYA BA'I TSIG MI SMRA'O, ,TSIG RTZUB MO SPANGS PA YIN TE, ZHER 'DEBS PA DANG, BRLANG PA DANG, GZHAN @232A *, ,LA GNOD PA DANG, GZHAN GYI MTSANG 'BRU BA DANG, GRONG MI'I TSIG DANG, MA RABS KYI TSIG NGOR BRJOD PA DANG, DOR BRJOD PAR GZHOL BA DANG, BRDZUN DANG RNAR MI SNYAN PA DANG, KHRO ZHING GSHE BA LAS BYUNG BA DANG, MI SNYAN PA DANG, YID DU MI 'ONG BAS SNYING NA BAR BYED PA DANG, YID GDUNG BAR BYED PA DANG, RANG GI SEMS KYI RGYUD DANG, GZHAN GYI SEMS KYI RGYUD MA RUNGS PAR BYED PA'I TSIG RNAM PA DE LTA BU SPANGS TE, GANG 'DI MNYEN PA DANG, 'JAM PA DANG, YID DU 'ONG BA DANG, BRDZUN DU MA YIN PA DANG, RNAR SNYAN PA DANG, SNYING DU SDUG PA DANG, GRONG KHYER BA DANG, SKYE BO MANG PO'I SNYING DU SDUG PA DANG, SKYE BO MANG PO'I YID DU 'ONG BA DANG, YID DGA' BAR BYED PA DANG, YID TSIM PAR BYED PA DANG, RANG GI SEMS KYI RGYUD DANG, GZHAN GYI SEMS KYI RGYUD DANG BAR BYED PA'I TSIG RNAM PA DE LTA BU DAG BRJOD DO, ,TSIG 'KHYAL PA SPANG PA YIN TE, LAN LEGS PAR GLON PA'I TSIG DANG, DUS SU SMRA BA DANG, YANG DAG PAR SMRA BA DANG, DON SMRA BA DANG, CHOS SMRA BA DANG, RIGS PAR SMRA BA DANG, PHUL BAR SMRA BA DANG, BZOD PA DANG LDAN PA DANG, DUS DANG RMED DANG BCAS PA'I TSIG SMRA BA YIN TE, DE THA NA BZHAD GAD DU BYA BA'I YONGS SU SPANG BAR BYA BA YANG YONGS SU SPONG NA, TSIG GIS RNAM PAR G-YENG BA LTA CI SMOS, BRNAB SEMS MED PA YANG YIN TE, DE GZHAN GYI NOR DANG, GZHAN GYI 'DOD PA DANG, GZHAN GYI RDZAS DANG, YO BYAD GZHAN GYIS YONGS SU BZUNG BA LA, BRNAB SEMS MI BSKYED LA, CHAGS PAR MI BYED LA, MI SMON TE, CHAGS PA'I SEMS MI BSKYED DO, ,GNOD SEMS MED PA YANG YIN TE, SEMS CAN THAMS CAD LA BYAMS PA'I SEMS DANG, PHAN PA'I SEMS DANG, SNYING RJE'I SEMS DANG, BDE BA'I SEMS DANG, 'JAM PA'I SEMS DANG, SKYE BO THAMS CAD LA PHAN GDAGS PA'I SEMS DANG LDAN PAS KHRONG KHRO BA DANG, 'KHON DU 'DZIN PA DANG, THA BA DANG, DRI MA DANG, GNOD SEMS DANG, KHONG KHRO BA SNGON DU 'GRO BA GANG DAG YIN PA DE DAG SPANGS TE, BYAMS PA DANG LDAN PA GANG DAG YIN PA DE DAG RTOG PA YIN NO, ,LOG PAR LTA BA SPANGS PA YANG YIN TE, @232B YANG DAG PAR LTA BAR GYUR LA YANG DAG PA'I LAM LA GNAS SHING, DGE MTSAN DANG BKRA SHIS RNAM PA SNA TSOGS DANG, TSUL KHRIMS NGAN PA'I LTA BA CAN DANG BRAL BA YIN TE, LTA BA DRANG ZHING G-YO MED LA SGYU MED PAS, SANGS RGYAS DANG, CHOS DANG DGE 'DUN LA BSAM PA NGES PA YIN NO ZHES BYA BA LA SOGS PA GSUNGS PA LTA BU'O, ,DE LA DGE BA'I LAS KYI LAM DANG PO GSUM NI LUS KYIS RDZOGS PAR BYED DO, ,BAR GYI BZHI NI NGAG GIS SO, ,THA MA GSUM NI YID KYIS SO, ,DE LTAR NA DGE BA'I LAS LAM BCU CHAR YANG SOG PAR BYED PA YIN NO, ,YANG CI LAS KYI LAM 'DI RNAMS SEMS DANG PO BSKYED PA'I BYANG CHUB SEMS DPAS MI SOG GAM ZHE NA, DES KYANG SOG MOD KYI 'ON KYANG, DGE BA'I LAM 'DI LTA ZHIG BCU CHAR YANG, ,DE LA KLAGS TE SHIN TU DAG PAR 'GYUR, ,DE LTAR BYANG CHUB SEMS DPA' SEMS DANG PO BSKYED PA LA NI MA YIN NO, ,STON KA'I ZLA LTAR RTAG TU RNAM DAG STE, ,ZHI 'OD CHAGS PAR DE DAG GIS RNAM MDZES, ,ZHI BA NI DBANG PO BSDAMS PA'O, ,'OD CHAGS PA NI LHAM MER GSAL BA'I LUS CAN NYID DO, ,DE LTAR TSUL KHRIMS YONGS SU DAG PA YIN YANG, GAL TE DE NI KHRIMS DAG RANG BZHIN LTA, ,DE PHYIR DE NI TSUL KHRIMS DAG MI 'GYUR, ,JI SKAD DU, 'PHAGS PA DKON MCHOG BRTZEGS PA'I MDO LAS, 'OD SRUNGS 'DI LA DGE SLONG KHA CIG TSUL KHRIMS DANG LDAN PA YIN TE, SO SOR THAR BA'I SDOM PAS BSDAMS SHING GNAS, CHO GA DANG SPYOD YUL PHUN SUM TSOGS PA KHA NA MA THO BA PHRA RAB RNAMS LA YANG 'JIG PAR LTA BA, YANG DAG PAR BLANGS TE BSLAB PA'I GZHI RNAMS LA SLOB CING LUS DANG NGAG DANG YID KYI LAS YONGS SU DAG PA DANG LDAN PAR GYUR PAS 'TSO BA YONGS SU DAG KYANG BDAG TU SMRA BA YIN TE, 'OD SRUNGS DE NI TSUL KHRIMS 'CHAL BA, TSUL KHRIMS DANG LDAN PA LTAR BCOS PA DANG PO ZHES BYA BA NAS, 'OD SRUNGS GZHAN YANG 'DI LA DGE SLONG KHA CIG SBYANGS PA'I YON TAN BCU GNYIS YANG DAG PAR BLANGS KYANG, DMIGS PAR LTA BA YIN TE, NGAR 'DZIN PA DANG NGA YIR 'DZIN PA LA GNAS PA DE NI, 'OD SRUNGS TSUL KHRIMS 'CHAL PA TSUL KHRIMS DANG LDAN @233A *, ,PA LTAR BCOS PA BZHI PA STE, ZHES BYA BA'I BAR DU GSUNGS SO, ,DE PHYIR DE NI RTAG TU GSUM CHAR LA'ANG, ,GNYIS BLO'I RGYU BA YANG DAG BRAL BAR 'GYUR, ,SEMS CAN GANG DAG LA SPONG BAR BYED PA DANG GANG ZHIG BYED PA DANG GANG GIS BYED PA DE GSUM CAR LA'ANG DNGOS PO DANG DNGOS PO MED PA LA SOGS PA GNYIS KYI BLO DANG BRAL BAR 'GYUR RO, ,DE LTAR RE ZHIG BYANG CHUB SEMS DPA' RNAMS TSUL KHRIMS PHUN SUM TSOGS PA DANG LDAN PAR BRJOD NAS, DE'I 'OG TU SPYIR DE LAS GZHAN PA RNAMS KYI TSUL KHRIMS PHUN SUM TSOGS PA YANG SBYIN PA LA SOGS PA DAG LAS KYANG SHIN TU CHE BA NYID DANG, YON TAN PHUN SUM TSOGS PA THAMS CAD KYI RTEN NYID DU GYUR BAR BSTAN PA'I PHYIR, SBYIN PAS LONGS SPYOD DAG NI 'GRO NGAN NA 'ANG, ,SKYE BO TSUL KHRIMS RKANG PA NYAMS LA 'BYUNG, ,ZHES BYA BA SMOS TE, SBYIN PA GANG KHO NA LAS SBYIN BDAG TSUL KHRIMS DANG LDAN PAR GYUR PA DE LA, LHA DANG MI DAG GI NANG DU KHYAD PAR DU 'PHAGS PA'I LONGS SPYOD PHUN SUM TSOGS PA 'BYUNG BA DE NYID TSUL KHRIMS KYI RKANG PA DANG BRAL BA LAS NGAN 'GRO'I 'GRO BAR LTUNG BA NYI TSE BA'I SEMS CAN DMYAL BA DANG BA LANG DANG, RTA DANG, GLANG PO CHE DANG, SPRE'U DANG, KLU LA SOGS PA DANG, YI DAGS RDZU 'PHRUL CHEN PO CAN LA SOGS PA RNAMS SU SKYES PA DE LA LONGS SPYOD PHUN SUM TSOGS PA SNA TSOGS 'BYUNG BA KHO NAR 'GYUR TE, DE'I PHYIR, BSKYED BCAS DNGOS 'DU YONGS SU ZAD PAS NA, ,PHYIN CHAD DE LA LONGS SPYOD 'BYUNG MI 'GYUR, , GANG ZHIG SA BON TSES NYUNG DU BTAB NAS 'BRAS BU RGYA CHEN PO 'BYUNG BA RNYED CING SLAR YANG 'BRAS BU'I CHED DU DE BAS KYANG CHES MANG PO'I SA BON 'DEBS PAR BYED PA DE LA NI 'BRAS BU'I TSOGS CHEN PO DUS JI LTA BA BZHIN DU NYE BAR 'PHEL BAS RIM PA RNAM PAR CHAD PA MED PA YONG SRID KYI, BYAS PA CHUNG GSON PA'I TSUL CAN GANG ZHIG BLUN PA NYID KYIS SNGAR GYI SA BON TZAM YANG NYE BAR LONGS SPYOD PA DE LA NI SKYED DANG LHAN CIG TU DNGOS PO 'DU BA YANG ZAD PA'I PHYIR, 'BYUNG BAR 'GYUR BA'I 'BRAS BU PHUN SUM TSOGS PA SKYE BA LTA GA LA YOD, DE BZHIN DU TSUL KHRIMS DANG BRAL BA'I PHYIR @233B GNAS MA YIN PAR LONGS SPYOD NYE BAR LONGS SPYOD PA LA YANG SHIN TU BLUN PAS SNGA NA MED PA'I 'PHEN PA DANG BRAL BA'I PHYIR DANG, SNGAR 'PHANGS PA MA LUS PAR NYE BAR LONGS SPYOD PA'I PHYIR PHYIS LONGS SPYOD DAG 'BYUNG BA MI SRID PAR 'GYUR RO, ,TSUL KHRIMS KYI RKANG PA DANG BRAL BA 'DI'I LONGS SPYOD 'BYUNG BA RDZOGS PA SHIN TU RNYED PAR DKA' BA 'GA' ZHIG TU MA ZAD KYI, NGAN 'GROR SONG BAS NGAN 'GRO LAS LDANG BA YANG SHIN TU RNYED PAR DKA'O ZHES BYA BAR BSTAN PA'I PHYIR, GANG TSE RANG DBANG 'JUG CING MTHUN GNAS PAS, ,GAL TE 'DI BDAG 'DZIN PAR MI BYED NA, ,G-YANG SAR LTUNG BAS GZHAN DBANG 'JUG 'GYUR BA, ,DE LA PHYI NAS GANG GIS SLONG BAR 'GYUR, ,ZHES BYA BA SMOS TE, GAL TE 'DI DE'I TSE, DPA' BO MTHUN PA'I YUL NA GNAS PA'I 'CHING BA LAS GROL BA LTAR 'DOD PAS GZHAN LA RAG MA LAS PAR 'JUG CING, LHA DANG MI LA SOGS PA'I 'GRO BAR GNAS PA NA, BDAG NYID 'DZIN PAR MI BYED NA, DPA' BO BCINGS NAS RI SUL CHES CHEN POR BSKYUR BA LTAR, NGAN 'GROR SONG BA DE PHYI NAS GANG GIS 'DON PAR 'GYUR, DES NA GNOD PAR BYA BA'I PHYIR NGAN 'GRO KHO NAR NGES PAR 'GYUR RO, ,DE NYID KYI PHYIR DE NAS GAL TE MI RNAMS KYI NANG DU SKYES NA YANG RNAM PAR SMIN PA GNYIS MNGON PAR SGRUB STE ZHES GSUNGS SO, ,GANG GI PHYIR DE LTAR TSUL KHRIMS 'CHAL BA NYES BA'I TSOGS SHIN TU MANG PO'I GNAS SU GYUR PA, DE PHYIR RGYAL BAS SBYIN PA'I GTAM MDZAD NAS, ,TSUL KHRIMS RJES 'GRO'I GTAM NYID MDZAD PA YIN, , DE NYID KYI PHYIR SDIG PA'I CHOS MTHA' DAG PHAM PAR MDZAD PA'I RGYAL BAS SBYIN PA LA SOGS PA'I YON TAN CHUD MI ZA BAR BYA BA'I PHYIR, SBYIN PA'I GTAM GYI DUS KYI MJUG THOGS SU TSUL KHRIMS KYI GTAM KHO NA MDZAD DO, ,GANG GI PHYIR, YON TAN TSUL KHRIMS ZHING DU RNAM 'PHEL NA, , 'BRAS BU NYER SPYOD CHAD PA MED PAR 'GYUR, ,YON TAN THAMS CAD KYI RTEN DU GYUR PA'I PHYIR, TSUL KHRIMS NYID KYI ZHING NGO, ,DER SBYIN PA LA SOGS PA'I YON TAN RNAMS RNAM PAR 'PHEL BA NA, RGYU DANG 'BRAS BU BRGYUD PA GONG NAS GONG DU RIM PA RNAM PAR MA CHAD PA'I SGO NAS 'BRAS BU'I @234A *, ,TSOGS NYE BAR 'PHEL ZHING, DUS RING POR NYE BAR LONGS SPYAD PAR NUS KYI, GZHAN DU NI MA YIN NO, ,DE'I PHYIR TSUL 'DIS, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG,, MNGON MTHO'I RGYU NI TSUL KHRIMS LAS GZHAN MED, ,JI SKAD DU MI DGE BA BCU'I LAS KYI LAM 'DI DAG BSTEN PA DANG, MANG DU BYAS PA'I SHAS CHE BAS NI SEMS CAN DMYAL BA'I RGYUR 'GYUR RO, ,'BRING GIS NI DUD 'GRO'I SKYE GNAS KYI RGYUR 'GYUR RO, ,CHUNG DUS NI GSHIN RJE'I 'JIG RTEN GYI RGYUR 'GYUR RO, ,DE LA SROG GCOD PAS NI SEMS CAN DMYAL BAR KHRID DO, ,DUD 'GRO'I SKYE GNAS SU KHRID DO, ,GSHIN RJE'I 'JIG RTEN DU KHRID DO, ,DE NAS GAL TE MI RNAMS KYI NANG DU SKYES NA YANG RNAM PAR SMIN PA GNYIS MNGON PAR SGRUB STE, TSE THUNG BA DANG, NAD MANG BAR 'GYUR RO, , MA BYIN PAR LEN PAS NI SEMS CAN DMYAL BAR KHRID DO ZHES BYA BA NAS LONGS SPYOD CHUNG BA DANG, THUN MONG GI LONGS SPYOD DU 'GYUR BA'O ZHES BYA BA'I BAR DANG, 'DOD PAS LOG PAR G-YEM PAS NI SEMS CAN DMYAL BAR KHRID DO ZHES BYA BA NAS, 'KHOR G-YOG BRTAN DU MI RUNG BA DANG, DGRA ZLA DANG BCAS PA'I CHUNG MAR 'GYUR BA'O ZHES BYA BA'I BAR DANG, BRDZUN DU SMRA BAS NI SEMS CAN DMYAL BAR KHRID DO ZHES BYA BA NAS, SKUR PA MANG BA DANG, GZHAN GYIS BSLU BAR 'GYUR BA'O ZHES BYA BA'I BAR DANG, PHRA MAS NI SEMS CAN DMYAL BAR KHRID DO ZHES BYA BA NAS, 'KHOR G-YOG MI 'DUM BA DANG, 'KHOR G-YOG NGAN PAR 'GYUR RO ZHES BYA BA'I BAR DANG, TSIG RTZUB MOS NI SEMS CAN DMYAL BAR KHRID DO ZHES BYA BA NAS, YID DU MI 'ONG BA THOS PA DANG 'THAB MO'I CHIG TU 'GYUR BA'O ZHES BYA BA'I BAR DANG TSIG 'KHYAL PAS NI SEMS CAN DMYAL BAR KHRID DO ZHES BYA BA NAS, GZUNG BAR 'OS PA'I TSIG MA YIN PA DANG, MA NGES PA'I SPOBS PAR 'GYUR PA'O ZHES BYA BA'I BAR DANG, BRNAB SEMS KYIS NI SEMS CAN DMYAL BAR KHRID DO ZHES BYA BA NAS, CHOG MI SHES PA DANG, 'DOD PA CHE BAR 'GYUR RO ZHES BYA BA'I BAR DANG, GNOD SEMS @234B KYIS NI SEMS CAN DMYAL BAR KHRID DO ZHES BYA BA NAS, PHAN PA MI TSOL BA DANG, GZHAN GYIS GNOD PA BYAS PAR 'GYUR RO ZHES BYA BA'I BAR DANG, LOG PAR LTA BAS NI SEMS CAN DMYAL BAR KHRID DO, ,DUD 'GRO'I SKYE GNAS SU KHRID DO, ,GSHIN RJE'I 'JIG RTEN DU KHRID DO, ,DE NAS GAL TE MI RNAMS KYI NANG DU SKYES NA YANG, RNAM PAR SMIN PA GNYIS MNGON PAR SGRUB STE, LTA BA NGAN PAR LTUNG BA DANG, G-YO SGYU CAN DU 'GYUR RO, ,DE LTAR MI DGE BA BCU'I LAS KYI LAM 'DI DAG NI SDUG BSNGAL GYI PHUNG PO CHEN PO TSAD MED PA SDUD PAR 'GYUR GYIS, DGE BA BCU'I LAS KYI LAM YANG DAG PAR BLANGS PA'I RGYUS NI LHA DANG MIR SKYE BA LA SOGS PA SRID PA'I RTZE MO'I BAR DU SKYE BA YOD PAR 'GYUR RO, ,DE'I GONG DU DGE BA BCU'I LAS KYI LAM 'DI DAG NYI TSE BA'I SEMS DANG, KHAMS GSUM PAS SKRAG PA'I YID DANG, SNYING RJE CHEN PO MED PA DANG, GZHAN LAS THOS PA'I RJES SU 'GRO STE SGRA'I RJES SU 'BRANG BAR SHES RAB KYI RNAM PAS YONGS SU BSGOMS NA, NYAN THOS KYI THEG PA YONGS SU 'GRUB PAR BYED DO, ,DE'I GONG DU GZHAN GYI DRING MI 'JOG PA DANG, RANG MNGON PAR RDZOGS PAR 'TSANG RGYA BA DANG, SNYING RJE CHEN PO DANG, THABS MA KHAS PA MED BA DANG; RKYEN NYID 'DI PA ZAB MO KHONG DU CHUD PAS YONGS SU SBYANGS NA, RANG SANGS RGYAS KYI THEG PA 'GRUB PAR BYED DO, ,DE'I GONG DU SHIN TU RGYA CHE ZHING TSAD MED PA'I SNYING BRTZE BA DANG, SNYING RJE DANG LDAN PA DANG, THABS LA MKHAS PAS BSDUS PA DANG, SMON LAM CHEN PO SHIN TU BTAB PA DANG; SEMS CAN THAMS CAD YONGS SU MI GTONG BA DANG, SANGS RGYAS KYI YE SHES SHIN TU RGYAS PA LA DMIGS PAS YONGS SU SBYANGS NA, BYANG CHUB SEMS DPA'I SA YONGS SU DAG PA DANG, PHA ROL TU PHYIN PA YONGS SU DAG PA'I SPYOD PA RGYA CHEN PO 'GRUB PAR BYED DO ZHES RGYA CHER GSUNGS PA LTA BU'O, ,DE'I PHYIR TSUL 'DIS DGE BA BCU'I LAS KYI LAM DE DAG MA GTOGS PAR SO SO'I SKYE BO DANG, NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI CI RIGS PAR MNGON PAR MTHO BA'I 'KHOR BA'I BDE BA DANG, NGES PAR LEGS PA @235A *, ,BDE BA YANG MA YIN SDUG BSNGAL BA YANG MA YIN PA'I RANG BZHIN THAR PA'I MTSAN NYID CAN THOB PA'I THABS GZHAN YOD PA MA YIN NO ZHES BYA BAR GSAL BAR BSTAN PAR 'GYUR RO, ,GANG SEMS BSKYED PA GNYIS PA'I BYANG CHUB SEMS DPA' DE NI, JI LTAR RGYA MTSO RO DANG LHAN CIG DANG, ,BKRA SHIS SNA NAG MA DANG LHAN CIG BZHIN, ,DE LTAR TSUL KHRIMS DBANG BYAS BDAG NYID CHE, ,DE 'CHAL BA DANG LHAN CIG GNAS MI 'DOD DO, ,SNA NAG MA ZHES BYA BA NI, BKRA MI SHIS PA'I RNAM GRANGS SO, ,JI SKAD BSHAD PA'I TSUL KHRIMS LA PHA ROL TU PHYIN PA'I RNAM PAR DBYE BA BSHAD PA NI, GANG GIS GANG ZHIG GANG LA SPONG BYED PA, ,GSUM DU DMIGS PA YOD NA TSUL KHRIMS DE, ,'JIG RTEN PA YI PHA ROL PHYIN ZHES BSHAD, ,TSUL KHRIMS DE NI GSUM DU DMIGS PA YOD NA 'JIG RTEN PA'I PHA ROL TU PHYIN PA'O ZHES BSTAN TO, ,GSUM LA CHAGS PAS STONG DE 'JIG RTEN 'DAS, ,TSUL KHRIMS DE NYID JI SKAD BSHAD PA'I GSUM POR DMIGS PA MED NA NI 'JIG RTEN LAS 'DAS PA'I PHA ROL TU PHYIN PA'O ZHES BSHAD DO, ,JI SKAD BSHAD PA'I SA'I YON TAN RJES SU BRJOD PA'I SGO NAS TSUL KHRIMS KYI PHA ROL TU PHYIN PA'I SKABS YONGS SU RDZOGS PAR 'CHAD PA NI, RGYAL SRAS ZLA BA LAS BYUNG SRID MI SRID PA YI, ,DPAL GYUR DRI MA DANG BRAL DRI MA MED 'DI YANG, ,STON KA'I DUS KYI ZLA BA'I 'OD NI JI BZHIN DU, ,'GRO BA'I YID KYI GDUNG BA SEL BAR BYED PA YIN, ,ZHES BYA BA'O, ,DRI MA MED PA ZHES BYA BA NI, DGE BA BCU'I LAS KYI LAM GYIS DRI MA MED PA'I PHYIR TE, BYANG CHUB SEMS DPA'I SA GNYIS PA'I DON DANG MTHUN PA'I MING NGO, ,JI LTAR STON KI'I ZLA BA'I 'OD DRI MA DANG BRAL BA SKYE BO'I GDUNG BA SEL BAR BYED PA DE BZHIN DU RGYAL BA'I SRAS KYI ZLA BA LAS BYUNG BA'I DRI MA MED PA 'DI YANG 'CHAL PA'I TSUL KHRIMS KYIS BSKYED PA'I YID KYI GDUNG BA SEL BAR BYED PA YIN NO, ,'DI NI 'KHOR PA'I KHONGS SU MA GTOGS PAS SRID PA MA YIN YANG SRID PA'I DPAL TE, YON TAN PHUN SUM TSOGS PA THAMS CAD DE'I RJES SU 'GRO BA'I PHYIR DANG, GLING BZHI'I DBANG PHYUG PHUN SUM TSOGS PA'I RGYU @235B YIN PA'I PHYIR RO, ,DBU MA LA 'JUG PA'I BSHAD PA LAS SEMS BSKYED PA GNYIS PA'O,, ,,DA NI SEMS BSKYED PA GSUM PA'I DBANG DU BYAS NAS, ,SHES BYA'I BUD SHING MA LUS SREG PA'I ME, ,'OD 'BYUNG PHYIR NA SA NI GSUM PA 'DI, ,'OD BYED PA STE ZHES BYA BA SMOS SO, ,'OD BYED PA STE ZHES BYA BA NI BYANG CHUB SEMS DPA'I SA GSUM PA'I MING NGO, ,YANG 'DI CI'I PHYIR 'OD BYED PA YIN ZHE NA, DON DANG MTHUN PA NYID STON PAR BYED DO, ,DE'I TSE SHES BYA'I BUD SHING MA LUS PA SREG PA'I YE SHES KYI ME ZHI BA'I BDAG NYID CAN GYI 'OD 'BYUNG BA'I PHYIR SA 'DI LA 'OD BYED PA ZHES BSHAD DO; ,SEMS GSUM PA BSKYED PA'I, BDE GSHEGS SRAS DE LA, DE TSE NYI LTAR ZANGS 'DRA'I SNANG BA 'BYUNG, ,JI LTAR NYI MA SHAR BA'I GNAS SKABS KYI SNGA ROL DU ZANGS LTA BU'I SNANG BA 'BYUNG BA LTAR, DE BZHIN DU BYANG CHUB SEMS DPA' LA YANG DER YE SHES KYI SNANG BA 'BYUNG NGO, ,YE SHES KYI SNANG BA DE LTA BU RNYED PA'I BYANG CHUB SEMS DPA' DE LA, BZOD PA'I PHA ROL TU PHYIN PA LHAG PA NYID DU BSTAN PA'I PHYIR, ,GAL TE GNAS MIN 'KHRUGS BA 'GA' YIS DE'I, ,LUS LAS SHA NI RUS BCAS YUN RING DU, ,SRANG RE RES NAS BCAD PAR GYUR KYANG DE'I, ,BZOD PA GCOD PAR BYED LA LHAG PAR SKYE, ,ZHES BYA BA SMOS SO, ,BYANG CHUB SEMS DPA' NI GZHAN GYI SEMS RJES SU BSRUNG BA NYID KYI PHYIR DANG, DE LTA BU'I YE SHES YOD PA'I PHYIR, GANG GIS GZHAN DAG GI MNAR SEMS KYI GZHI DUS GSUM GYI DON MA YIN PA DOGS PA CAN DU 'GYUR BDE LTA BU'I RANG BZHIN GYI LUS DANG NGAG DANG YID 'JUG PAR MNGON DU BYED PA MA YIN TE, DE'I PHYIR NA, GAL TE GNAS MIN 'KHRUGS PA 'GA' YIS DE'I, ,ZHES KHYAD PAR DU BYAS SO, ,GAL TE RNAM PA DE LTA BU'I SEMS CAN GYIS BYANG CHUB SEMS DPA' DE'I LUS LAS SHA RUS PA DANG BCAS PA SRANG RE RE NAS SDOD CING SDOD CING YUN RING POR GCOD KYANG, RNAM PA DE LTA BU'I GCOD PAR BYED PA PO LA SEMS KHONG NAS 'KHRUGS PA NYID DU MI 'GYUR BA 'BA' ZHIG TU MA ZAD KYI, SDIG PA'I LAS DE'I RKYEN CAN DMYAL BA'I SDUG BSNGAL LA SOGS PA LA LHAG BAR DMIGS PA'I BYANG CHUB SEMS DPA' LA CHES LHAG PAR BZOD PA @236A *, ,NYID SKYE BAR 'GYUR RO, ,GZHAN YANG, BDAG MED MTHONG BA'I BYANG CHUB SEMS DPA' LA, ,GANG ZHIG GANG GIS GANG TSE JI LTAR GCOD, ,GANG PHYIR CHOS KYANG DE YI GZUGS BRNYAN LTAR, ,MTHONG BA DES NA DE YIS BZOD PAR 'GYUR, ,SDIG PA'I LAS DE'I RKYEN CAN DMYAL BA LA SOGS PA'I SDUG BSNGAL LA LHAG PAR DMIGS NAS CHES LHAG PAR BZOD PAR 'GYUR PA 'BA' ZHIG TU MA ZAD KYI, GANG GI PHYIR DES CHOS RNAMS KYANG GZUGS BRNYAN DANG 'DRA BAR MTHONG ZHING, BDAG DANG BDAG GI BA'I 'DU BYED DANG BRAL BA 'DI'I PHYIR YANG CHES SHIN TU BZOD PA NYID DO, ,KYANG GI SGRAS NI BZOD PA'I RGYU BSDU BAR BYA BA'I PHYIR RO, ,BZOD PA 'DI BYANG CHUB SEMS DPA' RNAMS KYI 'TSAM PA'I CHOS YIN PA 'BA' ZHIG TU MA ZAD KYI, DE LAS GZHAN PA RNAMS KYI YON TAN MTHA' DAG BSRUNG BA'I RGYU YANG YIN PAS MI BZOD PA DANG LDAN PA LTAR KHRO BA LAS LDOG PAR RIG PAR 'CHAD PA NI, GNOD PA BYAS PAS GAL TE DER BKON NA, DE LA BKON PAS BYAS ZIN LDOG GAM CI, ,DE PHYIR DE BKON NGES PAR 'DIR DON MED, ,'JIG RTEN PHA ROL YANG NI 'GAL BAR 'GYUR, ,ZHES BYA BA STE, GAL TE RE ZHIG KHONG 'KHRUGS PA'I SKABS STER BA 'DI GNOD PA BYAS PA GZHAN LA KHRO NA DE'I TSE GNOD PA BYAS ZIN PA BZLOG TU MED PA'I PHYIR, DE LA DMIGS PA'I ZHE 'KHAM [?] PA DON MED PA NYID DO, RGYU BYAS ZIN PA'I PHYIR RO, ,'DI'I BKON PA DANG LTA DGOS PA MED PA 'BA' ZHIG TU MA ZAD KYI, 'JIG RTEN PHA ROL DANG YANG 'GAL BAR 'GYUR TE; KHONG KHRO BA SKYES PA YIN DANG RNAM PAR SMIN PA YID DU MI 'ONG BA 'PHEN PA'I PHYIR RO, ,GANG ZHIG RANG GIS NYES PAR SPYAD PA BYAS BA'I 'BRAS BU'I KHYAD PAR NYE BAR SPYOD PA BZHIN DU GTI MUG PAS GZHAN GYIS BDAG LA GNOD PA DE BYAS SO SNYAM DU RTOG PA DE LA NI GNOD PA BYED PA LA KHRO BA NYE BAR SKYE LA; LAN DU GNOD PA BSKYAL BAS DE'I GNOD PA PHAM PAR 'DOD PA GANG YIN PA DE YANG BZLOG PAR BYA BA'I PHYIR BSHAD PA, SNGON BYAS PA'I MI DGE BA'I LAS KYI 'BRAS BU GANG, ,ZAD PAR BYED PAR BRJOD PAR 'DOD PA DE NYID KO, ,GZHAN LA GNOD PA DANG NI KHRO BAS SDUG BSNGAL PHYIR, , @236B SA BON NYID DU JI LTA BUR NA KHRID PAR BYED, ,GANG ZHIG MTSON CHA RNON PO'I SO BABS PAS, ,DE LA LUS LA GNOD PA'I SDUG BSNGAL CHES CHE BA SGRA DAG GIS NYE BAR BSGRUBS PA DE NI, 'BRAS BU 'BYUNG BA THA MA SROG GCOD PA'I LAS SNGON BYAS PA SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN LA SOGS PA'I RNAM PAR SMIN PA'I 'BRAS BU DRAG PA NYAMS SU MYONG BAR GYUR CING, RGYU DANG 'BRAS BU NYON MONGS PA LHAG MAR LUS PA CAN RNAMS KYI 'BRAS BU YID DU MI 'ONG BA MA LUS PA LDOG PA'I RGYU GANG YIN PA STE, DE JI LTAR SLAR YANG RNAM PAR 'GYUR PAS SMAN GYI BTUNG BA THA MA KHONG NA YOD PA'I NAD GSO BA'I RGYU LTAR KHONG NAS 'KHRUG PA DANG, GZHAN LA GNOD PA DAG GIS 'BRAS BU YID DU MI 'ONG BA 'DAS ZIN PA BAS KYANG CHES LHAG PAR GNOD PAR BYED PA'I 'BRAS BU 'BYUNG BA'I RGYU NYID DU BKRI BAR 'GYUR, DE'I PHYIR DES SMAN PA NAD GSO BAR BYED PA'I RGYUR GYUR PA GTZAGS CHA RNON PO'I LAS BYED PA LA BYA BA LTAR, 'BRAS BU SDUG BSNGAL 'BYUNG BA'I RGYU LA CHES SHIN TU BZOD PAR RIGS SO, ,MI BZOD PA NI JI SKAD BSHAD PA'I TSUL GYIS RNAM PAR SMIN PA YID DU MI 'ONG BA SPANGS PA 'PHEN PA'I RGYU YIN PA 'BA' ZHIG TU MA ZAD KYI, YUN RING DU BSAGS PA'I BSOD NAMS KYI TSOGS ZAD PA'I RGYU YANG YIN NO ZHES BSTAN PA'I PHYIR, GANG PHYIR RGYAL SRAS RNAMS LA KHRO BA YIS, ,SBYIN DANG KHRIMS 'BYUNG DGE BA BSKAL PA BRGYAR, ,BSAGS PA SKAD CIG GIS 'JOMS DE YI PHYIR, ,MI BZOD LAS GZHAN SDIG PA YOD MA YIN, ,ZHES BYA BA SMOS TE, GAL TE BYANG CHUB SEMS DPA' BDAG NYID CHEN PO DES GANG ZAG GI KHYAD PAR DU NGES PA DANG BRAL BA'I PHYIR LA, NGES PA YIN DU ZIN KYANG NYON MONGS PA GOMS PA LA RAG LAS NAS 'JUG PA NYID KYI PHYIR BYANG CHUB TU SEMS BSKYED PA RNAMS LA BDEN PAR GYUR PA DANG, BDEN PAR 'GYUR PA MA YIN PA'I NYES PA LHAG PAR SGRO BTAGS NAS KHYOD KHRO BA'I BSAM PA SKAD CIG TZAM ZHIG BSKYED NA YANG, DE TZAM GYIS KYANG BSKAL PA BRGYAR BSAGS PA'I BSOD NAMS KYI TSOGS SNGAR BSTAN PA'I SBYIN PA DANG, TSUL KHRIMS KYI PHA ROL TU PHYIN PA GOMS PA LAS BSKYED PA @237A *, ,'JOMS PAR 'GYUR NA, BYANG CHUB SEMS DPA' MA YIN PAS BYANG CHUB SEMS DPA' RNAMS LA BSKYED PA LTA CI SMOS TE, DE'I PHYIR RGYA MTSO CHEN PO'I CHU'I TSAD SRANG GRANGS KYIS NGES PAR MI NUS PA LTAR, DER RNAM PAR SMIN PA'I MTSAMS NGES PAR MI NUS SO, ,DE'I PHYIR DE LTAR NA 'BRAS BU YID DU MI 'ONG BA 'PHEN PA DANG, DGE BA LA GNOD PA BYED PA'I SDIG PA NI MI BZOD PA LAS GZHAN MCHOG TU GYUR PA YOD PA MA YIN NO, ,DE SKAD DU YANG, 'JAM DPAL KHONG KHRO BA KHONG KHRO BA ZHES BYA BA NI, BSKAL PA BRGYAR BSAGS PA'I DGE BA NYE BAR 'JOMS PAR BYED PA DE'I PHYIR KHONG KHRO BA KHONG KHRO BA ZHES BYA'O ZHES GSUNGS SO, ,GZHAN YANG MI BZOD PA GZHAN LA GNOD PAR BYED MI NUS PA RNAMS KYIS NI BDAG NYID KHO NA 'JOMS PAR BYED LA, NUS PA SNYING RJE MED PA RNAMS KYIS NI BDAG DANG GZHAN 'JOMS PAR BYED PA 'DI NI SKYES BA NYID KYIS, MI SDUG GZUGS SU BYED CING DAM PA MIN PAR DKRI, ,TSUL DANG TSUL MIN SHES PA'I RNAM DPYOD 'PHROG BYED CING, ,DUS PHYIS RIGS MTHUN PA BTANG NAS, MI BZOD PA YIS MYUR DU NGAN 'GROR SGYUR BAR BYED, GAL TE MI BZOD PA'I SKYON DE DAG YIN NA DE DANG 'GAL BA BZOD PA'I YON TAN CI YIN ZHE NA, BSHAD PA, BZOD PAS BSHAD ZIN DANG 'GAL YON TAN RNAMS BYED DO, ,BZOD PAS MDZES SHING SKYE BO DAM PA LA, ,PHANGS DANG LUGS DANG LUGS MIN SHES PA LA, ,MKHAS PAR GYUR ZHING DE YI 'OG TU NI, ,LHA MI'I SKYE DANG SDIG PA ZAD PAR 'GYUR, ,MI BZOD PA LA SKYON GANG DAG BSTAN PA DE DAG DANG 'GAL BA'I YON TAN DE DAG BZOD PA LA RIG PAR BYA'O, ,DE'I PHYIR DE LTAR, SO SO'I SKYE BO DANG NI RGYAL SRAS KYIS, ,KHRO DANG BZOD PA'I SKYON YON RIG BYAS TE, ,MI BZOD SPANGS NAS 'PHAGS PA'I SKYE BO YIS, ,BSNGAGS PA'I BZOD PA RTAG TU MYUR BSNYEN BYA, ,KHRO BA DANG BZOD PA NI KHRO BA DANG BZOD PA'O, ,SKYON DANG YON TAN NI SKYON DANG YON TAN TE, KHRO BA DANG BZOD PA DAG GI SKYON DANG YON TAN GNYIS ZHES BYA BA'I TSIG RNAM PAR SBYAR RO, ,KHRO BA'I SKYON NI JI SKAD BSHAD PA DANG BZLOG PA'I SGO NAS BZOD PA'I YON TAN KHONG DU CHUD @237B PAR BYAS TE, MI BZOD PA SPANGS NAS DUS THAMS CAD DU BZOD PA KHO NA BSTEN PAR BYA BA YIN NO, ,DE NI BZOD PA LA PHA ROL TU PHYIN PA'I RNAM PAR DBYE BA BSTAN PA'I PHYIR, RDZOGS SANGS RGYAS KYI BYANG CHUB PHYIR BSNGOS KYANG, ,GSUM DMIGS YOD NA DE NI 'JIG RTEN PA'O, ,SANGS RGYAS NYID DU YONGS SU BSNGOS SU ZIN KYANG, GANG BZOD PA DANG, GANG GIS BZOD PA DANG, SEMS CAN GANG DAG LA BZOD PA GSUM PO 'DI LA DMIGS PA YOD NA, BZOD PA DE NI 'JIG RTEN PA'I BZOD PA'I PHA ROL TU PHYIN PA ZHES BYA'O, ,DMIGS PA MED NA DE NYID SANGS RGYAS KYIS, ,'JIG RTEN 'DAS PA'I PHA ROL PHYIN ZHES BSTAN, ,SA DE LA BYANG CHUB SEMS DPA'I BZOD PA'I PHA ROL TU PHYIN PA RNAM PAR DAG PAR JI LTAR 'GYUR BA DE BZHIN DU, SA DER RGYAL SRAS BSAM GTAN MNGON SHES DANG, ,'DOD CHAGS ZHE SDANG YONGS SU ZAD PAR GYUR, ,DES KYANG RTAG TU 'JIG RTEN PA YI NI, ,'DOD PA'I 'DOD CHAGS 'JOMS PAR NUS PAR 'GYUR, ,BSAM GTAN ZHES BYA BA'I BSAM GTAN GYI SGRA NI NYE BAR MTSON PA'I DON TE, SNYOMS PAR 'JUG PA DANG TSAD MED PA RNAMS KYANG 'DZIN PA YIN NO, ,JI SKAD DU BYANG CHUB SEMS DPA'I SA GSUM PA LAS GSUNGS PA BZHIN TE, BYANG CHUB SEMS DPA'I SA 'OD BYED PA 'DI LA GNAS PA'I BYANG CHUB SEMS DPA' DE NI, 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS PA DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN BSAM GTAN DANG PO BSGRUBS TE GNAS SO, ,DE RTOG PA DANG DPYOD PA DANG BRAL ZHING NANG YONGS SU DANG STE, SEMS KYI RGYUD GCIG TU GYUR PAS RTOG PA MED PA DPYOD PA MED PA TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA BSGRUBS TE GNAS SO, ,DE DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG SHES BZHIN CAN YIN TE, BDE BA LUS KYIS MYONG LA 'PHAGS PA RNAMS KYIS GANG DE DRAN PA DANG LDAN PA BDE BA LA GNAS PA BTANG SNYOMS PA'O ZHES BRJOD PA STE, DGA' BA MED PA'I BSAM GTAN GSUM BSGRUBS TE GNAS SO, ,DE BDE BA YANG SPANGS TE SNGA NAS @238A *, ,SDUG BSNGAL YANG SPANGS SHING YID BDE BA DANG YID MI BDE BA YANG NUB PAS, BDE BA YANG MA YIN SDUG BSNGAL BA YANG MA YIN PA BTANG SNYOMS DANG DRAN PA YONGS SU DAG PA BSAM GTAN BZHI PA BSGRUBS TE GNAS SO ZHES BYA BA DE DAG NI BSAM GTAN BZHI PA'O, ,GZUGS MED PA'I SNYOMS PAR 'JUG PA BZHI NI, 'DI LTA STE, DE RNAM PA THAMS CAD DU GZUGS KYI 'DU SHES LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING, SNA TSOGS KYI 'DU SHES YID LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED BSGRUBS TE GNAS SO, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED BSGRUBS TE GNAS SO, ,DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED BSGRUBS TE GNAS SO, ,DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS TE, 'DU SHES MED 'DU SHES MED PA YANG MA YIN NO SNYAM STE 'DU SHES MED 'DU SHES MED MIN SKYE MCHED BSGRUBS TE GNAS SO ZHES BYA STE, 'DI DAG NI GZUGS MED PA'I SNYOMS PAR 'JUG PA BZHI'O, ,TSAD MED PA BZHI NI 'DI LTA STE, BYAMS PA DANG LDAN PA'I SEMS YANGS BA RGYA CHEN POR GYUR PA, MI GNYIS PA, TSAD MED PA, 'KHON MED PA, 'GRAN ZLA MED PA, SGRIB PA MED PA, GNOD PA MED PA THAMS CAD DU KHYAB PAS CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA THAMS CAD DANG LDAN PA'I 'JIG RTEN KHYAB PAR BYAS NAS BSGRUBS TE GNAS SO, ,DE BZHIN DU SNYING RJE DANG LDAN PA DANG, DGA' BA DANG LDAN PA DANG, BTANG SNYOMS DANG LDAN PA'I SEMS YONGS PA ZHES BYA BA NI SNGA MA BZHIN NO, ,MNGON PAR SHES PA LNGA NI 'DI LTA STE, DE RDZU 'PHRUL BYA BA RNAM PA DU MA MYONG BAR BYED DES YANG G-YO BAR BYED DO, ,GCIG TU GYUR NAS MANG POR 'GYUR RO, ,MANG POR GYUR NAS GCIG TU 'GYUR RO, ,SNANG BAR 'GYUR ZHING @238B MI SNANG BAR 'GYUR RO, ,RTZIG PA LA YANG THAD KAR 'GRO, ,RA BA LA YANG THAD KAR 'GRO, RI LA YANG MI THOGS PAR THAD KAR 'GRO STE DPER NA NAM MKHA' LA BYA BA BZHIN NO, ,NAM MKHA' LA YANG SKYIL MO KRUNG GIS 'GRO STE DPER NA 'DAB CHAGS BYA BZHIN NO, SA LA YANG STENG DU 'BYUNG BA DANG BYI'U 'DZUL BYED DE, DPER NA CHU LA BYA BA BZHIN NO, ,CHU LA YANG MI NUB PAR 'GRO STE, DPER NA SA LA BYA BA BZHIN NO, ,DU BA 'THUL BAR YANG BYED 'BAR BAR YANG BYED DE, DPER NA ME'I PHUNG PO CHEN PO BZHIN NO, ,BDAG GI LUS LA CHU'I RGYUN CHEN PO 'BYIN TE, DPER NA, SPRIN CHEN PO BZHIN NO, ,CHU'I RGYUN DE DAG GIS KYANG STONG GSUM GYI STONG CHEN PO'I 'JIG RTEN GYI KHAMS 'DI KUN TU 'BAR ZHING RAB TU 'BAR LA, KUN TU RAB TU MCHED CING 'BAR TE ME LCE GCIG TU GYUR PA ZHI BAR BYED DO, ,ZLA BA DANG NYI MA 'DI LTAR RDZU 'PHRUL CHE BA 'DI LTAR MTHU CHE BA 'DI GNYIS LA YANG LAG PAS 'DZIN ZHING KUN DU NYUG PAR BYED DO, ,TSANGS PA'I 'JIG RTEN GYI BAR DU YANG LUS KYIS DBANG BSGYUR RO ZHES BYA BA 'DI NI RDZU 'PHRUL GYI MNGON PAR SHES PA'O, ,DE LHA'I RNA BA'I KHAMS RNAM PAR DAG PA MI LAS 'DAS PAS LHA DANG MI GNYIS KA'I SGRA YANG THOS SO, ,PHRA BA DANG RGYA CHE BA DANG GANG DAG RING YANG RUNG NYE YANG RUNG; THA NA SBRANG BU DANG, SHA SBRANG DANG, BUNG BA DANG, SRIN BU RNAMS KYI SGRA YANG THOS SO, ,'DI NI LHA'I RNA BA'I MNGON PAR SHES PA'O, ,DE SEMS CAN GZHAN DAG DANG GANG ZAG GZHAN RNAMS KYI SEMS DANG SEMS KYI YANG DAG PA JI LTA BA BZHIN DU RAB TU SHES TE, 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS SU YANG DAG PA JI LTA BA BZHIN DU RAB TU SHES SO, ,'DOD CHAGS DANG BRAL BA'I SEMS LA YANG 'DOD CHAGS DANG BRAL BA'I SEMS SU YANG DAG PA JI LTA BA BZHIN DU RAB TU SHES SO, ,DE BZHIN DU ZHE SDANG DANG BCAS PA DANG ZHE SDANG DANG BRAL BA DANG, GTI MUG DANG BCAS PA DANG GTI MUG DANG BRAL BA DANG, NYON MONGS PA DANG BCAS PA DANG NYON MONGS PA MED PA DANG, CHUNG BA DANG YANGS PA DANG, CHEN POR GYUR PA DANG TSAD MED PA DANG, BSDUS PA DANG RGYAS PA DANG MNYAM PAR BZHAG PA DANG MNYAM PAR MA BZHAG PA @239A *, ,DANG, RNAM PAR GROL BA DANG RNAM PAR MA GROL BA DANG, SKYON CAN DANG SKYON MED PA DANG, SEMS RAGS PA LA YANG SEMS RAGS PA'O ZHES YANG DAG PA JI LTA BA BZHIN DU RAB TU SHES SO, ,SEMS RAGS PA MA YIN PA LA YANG SEMS RAGS PA MA YIN PA'O ZHES YANG DAG PA JI LTA BA BZHIN DU RAB TU SHES SO, ,DE LTAR NA SEMS CAN GZHAN DAG DANG GANG ZAG GZHAN RNAMS KYI SEMS SEMS KYIS YANG DAG PA JI LTA BA BZHIN DU RAB TU SHES SO ZHES BYA BA 'DI NI GZHAN GYI SEMS SHES PA'I MNGON PAR SHES PA'O, ,DE SNGON GYI GNAS RNAM PA DU MA RJES SU DRAN TE, TSE RABS GCIG KYANG RJES SU DRAN NO, ,TSE RABS GNYIS DANG, GSUM DANG, BZHI DANG LNGA DANG, BCU DANG, NYI SHU DANG, SUM CU DANG, BZHI BCU DANG, LNGA BCU DANG, BRGYA DANG STONG YANG RJES SU DRAN NO, ,TSE RABS BRGYA PHRAG DU MA DANG TSE RABS STONG PHRAG DU MA DANG, TSE RABS 'BUM PHRAG DU MA DANG, TSE RABS BYE BA 'BUM PHRAG DU MA DANG, TSE RABS BYE BA KHRAG KHRIG 'BUM PHRAG DU MA DANG, 'JIG PA'I BSKAL PA DANG, 'CHAGS PA'I BSKAL PA DANG, 'JIG PA DANG, 'CHAGS PA'I BSKAL PA DU MA YANG RJES SU DRAN NO, ,BSKAL PA BRGYA YANG RJES SU DRAN NO, ,BSKAL PA STONG YANG RJES SU DRAN NO, ,BSKAL PA 'BUM DANG, BSKAL PA BYE BA DANG, BSKAL PA BYE BA PHRAG BRGYA DANG, BSKAL PA BYE BA PHRAG STONG DANG, BSKAL PA BYE BA PHRAG 'BUM NAS BSKAL PA BYE BA KHRAG KHRIG 'BUM PHRAG DU MA'I BAR DU RJES SU DRAN NO, ,CHE GE MO ZHIG NA BDAG MING NI 'DI ZHES BYA BAR GYUR, RUS NI 'DI ZHES BYA, RIGS NI 'DI ZHES BYA, ZAS NI 'DI LTA BU ZHIG ZA ZA, TSE NI 'DI TZAM ZHIG THUB, YUN NI 'DI SRID CIG GNAS GNAS, BDE BA DANG SDUG BSNGAL NI 'DI LTA BU ZHIG MYONG NGO, ,BDAG DE NAS SHI 'PHOS NAS CHE GE MO ZHIG TU SKYES SO, ,DE NAS SHI 'PHOS NAS 'DIR SKYES SO ZHES RNAM PA DANG BCAS DAN RTAGS DANG BCAS RGYU MTSAN DANG BCAS PAR SNGON GYI GNAS RNAM PA DU MA RJES SU DRAN NO, ,DE NI SNGON GYI GNAS RJES SU DRAN PA'I MNGON PAR SHES PA'O, ,DES LHA'I MIG RNAM PAR DAG PA MI LAS 'DAS PAS SEMS CAN 'CHI 'PHO BA DANG SKYE BA DANG MDOG SDUG PA DANG @239B MDOG MI SDUG PA DANG BDE BAR SONG BA DANG NGAN PAR SONG BA DANG, BZANG PO DANG NGAN PA RNAMS MTHONG NGO, ,LAS JI LTA BA BZHIN DU NYE BAR 'GRO BA'I SEMS CAN RNAMS YANG DAG PA JI LTA BA BZHIN DU RAB TU SHES SO, ,KYE MA SEMS CAN 'DI DAG NI LUS KYI NYES PAR SPYOD PA DANG LDAN PA, NGAG GI NYES PAR SPYOD PA DANG LDAN PA, YID KYI NYES PAR SPYOD PA DANG LDAN PA, 'PHAGS PA RNAMS LA SKUR BA 'DEBS PAR SPYOD PA LOG PAR LTA BA CAN DAG STE, LOG PAR LTA BA'I LAS YANG DAG PAR BLANGS PA'I RGYUS LUS ZHIG STE SHI BA'I 'OG TU NGAN SONG NGAN 'GRO RNAM PAR LTUNG BA SEMS CAN DMYAL BA RNAMS SU SKYE'O ZHES BYA BA DANG, KYE MA SEMS CAN 'DI DAG NI LUS KYI LEGS PAR SPYOD PA DANG LDAN PA, NGAG GI LEGS PAR SPYOD PA DANG LDAN PA, YID KYI LEGS PAR SPYOD PA DANG LDAN PA, 'PHAGS PA RNAMS LA SKUR BA MI 'DEBS PA YANG DAG PAR LTA BA CAN DAG STE, YANG DAG PAR LTA BA'I LAS YANG DAG PAR BLANGS PA'I RGYUS LUS ZHIG STE SHI BA'I 'OG TU BDE 'GRO MTHO RIS KYI 'JIG RTEN DU LHA RNAMS KYI NANG DU SKYE'O ZHES BYA BAR RAB TU SHES TE, DE LTAR NA LHA'I MIG RNAM PAR DAG PA MI LAS 'DAS PAS SEMS CAN 'CHI 'PHO BA DANG SKYE BA DANG MDOG SDUG PA DANG MDOG MI SDUG PA DANG ZHES BYA BA NAS THAMS CAD RNAM PA DANG BCAS DAN RTAGS DANG BCAS, RGYU MTSAN DANG BCAS PAR MTHONG STE, LAS JI LTA BA BZHIN DU NYE BAR 'GRO BA'I SEMS CAN DAG BYANG RAB TU SHES SO, ,DE BSAM GTAN DANG RNAM PAR THAR PA DANG TING NGE 'DZIN DANG, SNYOMS PAR 'JUG PA 'DI DAG LA SNYOMS PAR 'JUG CING RNAM PAR LDANG YANG, GANG DAG BYANG CHUB KYI YAN LAG YONGS SU RDZOGS PAR 'GYUR BAR MTHONG BA DER CHED DU BSAMS TE SMRON [?] LAM BTAB PA'I DBANG GIS SKYES PA MA GTOGS PAR DE DAG GI DBANG GIS MI SKYE'O, ,DE CI'I PHYIR ZHE NA, 'DI LTAR BYANG CHUB SEMS DPA' DE THABS MKHAS PAS MNGON PAR BSGRUBS PA'I SEMS KYI RGYUD DANG LDAN PA'I PHYIR RO ZHES BYA BA'I BAR DU 'GYUR RO, ,DE LTAR NAS 'DIR BYANG CHUB SEMS DPA' LAS BSAM GTAN DANG MNGON PAR SHES PA 'BYUNG BAR 'GYUR RO, ,CI LTAR RTAG TU 'JIG RTEN GYI 'DOD CHAGS DANG ZHE SDANG YONGS SU ZAD PAR 'GYUR @240A *, ,ZHE NA; DANG GI SGRAS NI MA SMOS PA BSDU BAR BYA BA'I PHYIR TE DE'I GTI MUG KYANG YONGS SU ZAD PAR 'GYUR RO, ,CI LTAR ZHE NA, 'DI YANG MDO JI LTA BA BZHIN TE, JI SKAD DU DES CHOS THAMS CAD RKYEN LA RTON PA NYID YIN PAS 'PHO BA MED PA NYID DANG, RNAM PAR 'JIG PA MED PA NYID DU RTOGS PAS DE BAS KYANG SHAS CHER 'DOD PA'I 'CHING BA THAMS CAD BSRABS PAR 'GYUR RO, ,GZUGS KYI 'CHING BA THAMS CAD DANG SRID PA'I 'CHING BA DANG MA RIG PA'I 'CHING BA BSRABS PAR 'GYUR RO, ,DE'I LTA BAR GYUR BA'I 'CHING BA RNAMS NI SNGA NAS SPANGS PA YIN NO, , BYANG CHUB SEMS DPA'I SA 'OD BYED PA 'DI LA GNAS PA BYANG CHUB SEMS DPA' DE NI BSKAL PA BRGYA PHRAG DU MA DANG BSKAL PA STONG PHRAG DU MA DANG, BSKAL PA 'BUM PHRAG DU MA DANG, BSKAL PA BYE BA PHRAG DU MA NAS BSKAL PA KHRAG KHRIG 'BUM PHRAG DU MAR LOG PA'I 'DOD CHAGS 'GRIB PAR BYA BA MA YIN PA SPONG BAR 'GYUR RO, ,LOG PA'I ZHE SDANG 'GRIB PAR BYA BA MA YIN PA SPONG BAR 'GYUR RO, ,LOG PA'I GTI MUG 'GRIB PAR BYA BA MA YIN PA SPONG BAR 'GYUR RO ZHES GSUNGS PA LTA BU'O, ,DE LTAR NA DE'I 'DOD CHAGS DANG ZHE SDANG DANG GTI MUG YONGS SU ZAD PAR 'GYUR RO, , DE CI LTAR RTAG TU 'JIG RTEN GYI 'DOD PA'I 'DOD CHAGS 'JOMS PAR NUS PAR 'GYUR ZHE NA, JI SKAD DU KYE RGYAL BA'I SRAS DAG 'DI NI BYANG CHUB SEMS DPA'I SA GSUM PA 'OD BYED PA ZHES BYA BA MDOR BSTAN PA'O, ,DE LA GNAS PA'I BYANG CHUB SEMS DPA' NI PHAL CHER LHA'I RGYAL PO LHA'I BDAG PO DBANG POR GYUR TE, SEMS CAN RNAMS KYI 'DOD PA LA 'DOD CHAGS RNAM PAR BZLOG PA'I THABS BSGRUB PA LA BYANG BA DANG, GTZO BO YIN ZHING SEMS CAN RNAMS 'DOD PA'I 'DAM NAS 'DON PA LA MKHAS PA YIN NO ZHES GSUNGS PA LTA BU'O, ,DE LTAR RGYAL BA'I SRAS PO DE NI 'JIG RTEN GYI 'DOD PA'I 'DOD CHAGS 'JOMS PAR NUS PAR 'GYUR RO, ,DE LTAR NA BYANG CHUB SEMS DPA' 'DIS BYANG CHUB SEMS DPA'I SA GSUM PAR, BZOD PA'I PHA ROL TU PHYIN PA RNAM PAR DAG PA DANG BSAM GTAN DANG TSAD MED PA DANG SNYOMS PAR 'JUG PA DANG MNGON PAR @240B SHES PA DANG 'DOD CHAGS LA SOGS PA YONGS SU ZAD PA GDON MI ZA BAR THOB PAR 'GYUR RO ZHES BSTAN NAS, DA NI BZOD PA'I PHA ROL TU PHYIN PA LA THUG PA PHA ROL TU PHYIN PA GSUM GYI RTEN GYI KHYAD PAR DANG TSOGS KYI RANG BZHIN DANG 'BRAS BU YONGS SU GRUB PA RNAM PAR GZHAG PA GSAL BAR BYA BA'I PHYIR BSHAD PA, SBYIN SOGS CHOS GSUM DE DAG PHAL MO CHER, ,BDE BAR GSHEGS PAS KHYIM PA RNAMS LA BSNGAGS, ,BSOD NAMS ZHES BYA'I TSOGS KYANG DE DAG NYID, ,SANGS RGYAS GZUGS KYI BDAG NYID SKU YI RGYU, ,BYANG CHUB SEMS DPA' RNAMS KHO NA JI SKAD BSHAD PA'I SBYIN PA LA SOGS PA'I RTEN YIN MOD KYI, DE LTA NA YANG KHYIM PA DANG RAB TU BYUNG BA'I DBYE BAS DE RNAMS LA GNYIS SRID PA LA LTOS NAS DE SKAD DU BRJOD DO, ,DE LA KHYIM PA RNAMS LA NI PHAL CHER SBYIN PA LA SOGS PA'I CHOS GSUM PO DE DAG SGRUB PAR SLA LA, RAB TU BYUNG BA RNAMS LA NI BRTZON 'GRUS DANG BSAM GTAN DANG SHES RAB YIN TE CIG SHOS DAG LA GCIG MI SRID PA NI MA YIN NO, ,SANGS RGYAS NYID KYI RGYU'I TSOGS NI GNYIS YIN TE, GANG 'DI BSOD NAMS KYI TSOGS DANG YE SHES KYI TSOGS SO, ,DE LA BSOD NAMS KYI TSOGS NI PHA ROL TU PHYIN PA GSUM PO DE DAG NYID YIN LA YE SHES KYI TSOGS NI BSAM GTAN DANG SHES RAB BO, ,BRTZON 'GRUS NI GNYIS KA'I RGYUN YIN NO ZHES BYA BAR RNAM PAR GZHAG GO , ,DE LA BSOD NAMS KYI TSOGS GANG YIN PA DE NI RDZOGS PA'I SANGS RGYAS BCOM LDAN 'DAS RNAMS KYI GZUGS KYI SKU BSOD NAMS BRGYA'I MTSAN NYID CAN RMAD DU BYUNG ZHING BSAM GYIS MI KHYAB PA'I GZUGS SNA TSOGS DANG LDAN PA'I RGYU YIN NO, ,CHOS KYI BDAG NYID CAN GYI SKU SKYE BA MED PA'I MTSAN NYID CAN GYI RGYU NI YE SHES KYI TSOGS YIN NO, ,DA NI RTEN LA SOGS PA'I CHE BA'I BDAG NYID KYIS BDAG NYID CHE BAR BRJOD NAS BYANG CHUB SEMS DPA'I SA GSUM PA'I SKABS RDZOGS PAR BSHAD PA, RGYAL BA'I SRAS PO NYI MA LA GNAS 'OD BYED 'DI, ,RANG GTOGS MUN RNAMS DANG PO YANG DAG BSAL BYAS NAS, ,'GRO BA'I MUN PA RNAM PAR 'JOMS PAR MNGON PAR 'DOD, ,SA 'OD BYED PA BDE BAR @241A *, ,GSHEGS PA'I SRAS KYI NYI MA LA GNAS PA 'DI NI RANG GI RTEN LA YOD PA'I MI SHES PA BDAG NYID 'BYUNG BA'I GEGS SU GYUR PA NI SKYE BZHIN PA'I GNAS SKABS NYID DU BSAL NAS, RNAM PA DE LTA BU NYE BAR BSTAN PA LAS DE LAS GZHAN PA RNAMS KYIS GSUM PA 'BYUNG BA'I GEGS BYED PA'I MUN PA 'JOMS PAR 'DOD PA YIN NO, ,BYANG CHUB SEMS DPA' DE NI, SA 'DIR SHIN TU RNO BAR GYUR KYANG KHRO MI 'GYUR, ,DE NI NYES PA'I MUN PA YON TAN 'JOMS PAR BYED PA BCOM PAS NYI MA LTAR CHES RNO BAR 'JUG TU ZIN KYANG SKYON DANG LDAN PA'I SKYE BO LA 'KHRUG PAR MI 'GYUR TE, BZOD PA LA CHES LHAG PAR GOMS PA'I PHYIR DANG SNYING RJES RGYUD SNUM PAR BYAS PA'I PHYIR RO, ,DBU MA LA 'JUG PA'I BSHAD PA LAS, SEMS BSKYED PA GSUM PA'O,, ,,DA NI SBYIN PA DANG TSUL KHRIMS DANG BZOD PA'I PHA ROL TU PHYIN PA RNAMS PAS BRTZON 'GRUS KYI PHA ROL TU PHYIN PA LHAG PAR BSTAN PA'I SGO NAS SEMS BSKYED PA BZHI PA'I DBANG DU BYAS TE BSHAD PA, YON TAN MA LUS BRTZON 'GRUS RJES 'GRO ZHING, ,BSOD NAMS BLO GROS TSOGS NI GNYIS KYI RGYU, ,BRTZON 'GRUS GANG DU 'BAR BAR 'GYUR BA YI, ,SA DE BZHI PA 'OD NI 'PHRO BA'O, ,DGE BA'I LAS LA SPRO BA DANG MI LDAN PA LA NI RNAM PA THAMS CAD DU SBYIN PA LA SOGS PA DAG LA 'JUG PA MED PAS YON TAN THAMS CAD 'BYUNG BA MI SRID LA, SNGAR NYE BAR BKOD PA'I YON TAN BSAGS PA SPROS PA DANG LDAN PA LA NI THOB PA DANG MA THOB PA 'PHEL BA DANG THOB PA SRID PAS YON TAN YIN NO COG GI RGYU NI BRTZON 'GRUS NYID YIN NO, ,TSOGS GNYIS KYI RGYU NYID DU NI GONG DU BSHAD ZIN TO, ,BRTZON 'GRUS DE RANG GI YON TAN YONGS SU DAG PA'I SGO NAS SA GANG ZHIG TU LHAG PAR 'BAR BA 'CHANG BA DE NI BYANG CHUB SEMS DPA'I SA BZHI PA 'OD 'PHRO BA ZHES BYA BA YIN NO, ,YANG CI'I PHYIR 'OD 'PHRO BA ZHES BRJOD CE NA, MING 'JUG PA'I RGYU MTSAN BSTAN PA'I PHYIR, ,DER NI BDE GSHEGS SRAS LA RDZOGS PA YI, ,BYANG CHUB PHYOGS LHAG BSGOMS PA LAS SKYES PA'I, ,SNANG BA ZANGS KYI 'OD PAS LHAG 'BYUNG ZHES, ,ZHES @241B BYA BA SMOS TE, 'DI LTAR SA 'DIR BYANG CHUB SEMS DPA' LA BYANG CHUB KYI PHYOGS KYI CHOS SUM CU RTZA BDUN BSGOMS PA LAS SNGAR BSHAD PA'I ZANGS KYI SNANG BA PAS LHAG PA'I SNANG BA 'BYUNG BAR 'GYUR TE, DE'I PHYIR YANG DAG PA'I YE SHES KYI ME'I 'OD 'BYUNG BAS BYANG CHUB SEMS DPA'I SA DE LA 'OD 'PHRO BA ZHES BYA BA'O, ,DE LA BYANG CHUB KYI PHYOGS KYI CHOS SUM CU RTZA BDUN NI 'DI LTA STE, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA ZHES BYA'O, ,DE LA DRAN PA NYE BAR GZHAG PA BZHI NI, KYE RGYAL BA'I SRAS DAG BYANG CHUB SEMS DPA'I SA 'OD 'PHRO BA CAN 'DI LA GNAS PA'I BYANG CHUB SEMS DPA' NI BRTUN PA CAN DANG SHES BZHIN DANG DRAN PA DANG LDAN PAR GYUR NAS, 'JIG RTEN LA BRNAB SEMS DANG YID MI BDE BA NYID RNAM PAR SPONGS TE, NANG GI LUS LA LUS KYI RJES SU LTA ZHING GNAS SO, ,BRTUN PA CAN DANG, SHES BZHIN DANG DRAN PA DANG LDAN PAR GYUR NAS 'JIG RTEN NA BRNAB SEMS DANG YID MI BDE BA NYID RNAM PAR SPANGS TE, PHYI'I LUS LA LUS KYI RJES SU LTA ZHING GNAS SO, ,NANG DANG PHYI'I LUS LA LUS KYI RJES SU LTA ZHING GNAS SO ZHES BYA BA NI SNGA MA BZHIN NO, ,DE BZHIN DU BRTUN PA CAN DANG SHES BZHIN DANG DRAN PA DANG LDAN PAR GYUR NAS, NANG GI TSOR BA RNAMS DANG, PHYI'I TSOR BA RNAMS DANG, NANG DANG PHYI'I TSOR BA RNAMS DANG, SNGA MA BZHIN DU NANG GI SEMS DANG, PHYI'I SEMS DANG, NANG DANG PHYI'I SEMS LA GNAS SO ZHES BYA BA DANG, NANG GI CHOS RNAMS DANG, PHYI'I CHOS RNAMS DANG, NANG DANG PHYI'I CHOS RNAMS LA GNAS SO ZHES BYA BA RGYAS PAR GSUNGS PA LTA BU'O, ,YANG DAG PAR SPONG BA BZHI NI 'DI LTA STE, DE SDIG PA MI DGE BA'I CHOS MA SKYES PA RNAMS MI BSKYED PA'I PHYIR 'DUN PA BSKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,SDIG PA MI DGE BA'I CHOS SKYES PA RNAMS SPONG BA'I @242A *, ,PHYIR ZHES BYA BA NI SNGA MA BZHIN NO, ,DGE BA'I CHOS MA SKYES PA RNAMS BSKYED PA'I PHYIR ZHES BYA BA NI SNGA MA BZHIN NO, ,DGE BA'I CHOS SKYES PA RNAMS GNAS PA DANG MI NYAMS PA DANG RGYAS PAR 'GYUR BA DANG, PHYIR ZHING 'BYUNG BA DANG RAB TU RDZOGS PAR BYA BA'I PHYIR 'DUN PA BSKYED DO, ,'BAD DO ZHES BYA BA NI SNGA MA BZHIN NO, ,RDZU 'PHRUL GYI RKANG PA BZHI NI 'DI LTA STE, 'DUN PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA RNAM PAR SPONG BAS YONGS SU BSGYUR BA SGOM MO, ,DE BZHIN DU BRTZON 'GRUS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, SEMS KYI TING NGE 'DZIN SPANG BA'I 'DU BYED DANG LDAN PA'I RDZU 'PHRUL GYI RKANG PA DANG, DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA ZHES BYA BA YANG SNGA MA BZHIN NO, DBANG PO LNGA NI 'DI LTA STE, DAD PA'I DBANG PO DBEN PA LA GNAS PA ZHES BYA BA DANG, DE BZHIN DU BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO DBEN PA LA GNAS PA DANG, 'DOD CHAGS DANG BRAL BA LA GNAS PA ZHES BYA BA LA SOGS PA'O, ,STOBS LNGA NI DE DAG NYID MI MTHUN PA'I PHYOGS PHAM PAR BYAS PA RNAMS YIN TE SNGA MA BZHIN NO, ,BYANG CHUB KYI YAN LAG BDUN NI 'DI LTA STE, DE DRAN PA YANG DAG BYANG CHUB KYI YAN LAG DBEN PA LA GNAS PA ZHES BYA BA LA SOGS PA STE, DE BZHIN DU CHOS RAB TU RNAM PAR 'BYED PA BYANG CHUB KYI YAN LAG DANG, DE BZHIN DU BRTZON 'GRUS YANG DAG BYANG CHUB KYI YAN LAG DANG, DGA' BA YANG DAG BYANG CHUB KYI YAN LAG DANG, SHIN TU SBYANGS PA YANG DAG BYANG CHUB KYI YAN LAG DANG, TING NGE 'DZIN YANG DAG BYANG CHUB KYI YAN LAG DANG, BTANG SNYOMS YANG DAG BYANG CHUB KYI YAN LAG DBEN PA LA GNAS PA ZHES BYA BA SNGA MA BZHIN NO, ,'PHAGS PA'I LAM YAN LAG BRGYAD PA NI 'DI LTA STE, YANG DAG PA'I LTA BA DBEN PA LA @242B GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA RNAM PAR SPONG BAS YONGS SU BSGYUR BA SGOM MO, ,YANG DAG PA'I RTOG PA YANG SNGA MA BZHIN NO, ,YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN DBEN PA LA GNAS PA ZHES BYA BA YANG SNGA MA BZHIN NO, ,SA 'DI LA BYANG CHUB KYI PHYOGS SGOM PA 'BYUNG BA 'BA' ZHIG TU MA ZAD KYI, RANG DU LTA BA DANG 'BREL YONGS SU ZAD, ,SA 'DIR DE'I RANG DU LTA BA ZAD PAR YANG 'GYUR TE, JI SKAD DU, KYE RGYAL BA'I SRAS DAG BYANG CHUB SEMS DPA'I SA 'OD 'PHRO BA CAN 'DI LA GNAS PA'I BYANG CHUB SEMS DPA' DE 'JIG TSOGS LA LTA BA SNGON DU 'GRO BA'I BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, PHUNG PO DANG, KHAMS DANG, SKYE MCHED LA MNGON PAR ZHEN PAS KUN NAS BSLANG BA'I LHAG PAR G-YO BA DANG BRAL BA RNAMS DANG, RNAM PAR BRTAGS PA RNAMS DANG, RNAM PAR DPYAD PA RNAMS DANG, BRTAN PAR 'DZIN PA RNAMS DANG, BDAG GIR 'DZIN PA RNAMS DANG, NOR DU 'DZIN PA RNAMS DANG, 'JIG RTEN GYI GNAS RNAMS GANG YIN PA DE DAG THAMS CAD DANG DE BRAL BA YIN NO ZHES GSUNGS PA LTA BU'O, ,DBU MA LA 'JUG PA'I BSHAD PA LAS 'OD 'PHRO BA ZHES BYA BA SEMS BSKYED PA BZHI PA'O,, ,, DA NI SEMS BSKYED PA LNGA PA'I DBANG DU BYAS NAS, BDAG NYID CHE DE BDUD RNAMS KUN GYIS KYANG, ,SBYANG DKA'I SA LA PHAM PAR NUS MA YIN, ,BYANG CHUB SEMS DPA'I SA LNGA PA LA GNAS PA'I BYANG CHUB SEMS DPA' NI 'JIG RTEN GYI KHAMS THAMS CAD NA GNAS PA'I LHA'I BU'I BDUD RNAMS KYIS KYANG PHAM PAR BYA BAR MI NUS NA, DE DAG LAS GZHAN BDUD KYI BKA' NYAN LA SOGS PA RNAMS KYIS LTA CI SMOS SO, ,DE NYID KYI PHYIR SA 'DI'I MING SBYANG DKA' BA ZHES BYA'O, ,BYANG CHUB SEMS DPA' NI, BSAM GTAN LHAG CING BLO BZANG BDEN RANG BZHIN, , @243A *, ,ZHIB MO RTOGS LA'ANG SHIN TU MKHAS PA THOB PA YIN PAR RIG PAR BYA'O, ,DE LA PHA ROL TU PHYIN PA BCU LAS BSAM GTAN GYI PHA ROL TU PHYIN PA NYID CHES LHAG PAR 'GYUR RO, ,BLO BZANG ZHES BYA BA NI 'PHAGS PA RNAMS SO, ,DE DAG GI BDEN PA RNAMS NI BLO BZANG BDEN PA STE, 'PHAGS PA'I BDEN PA RNAMS ZHES BYA BA'I DON TO, ,RANG BZHIN NI RANG GI NGO BO'O, ,SHES PA ZHIB MOS KHONG DU CHUD PAR BYA BA'I RANG BZHIN NI RANG BZHIN ZHIB MO STE, DE NI BLO GROS BZANG PO'I BDEN PA RNAMS KYI RANG GI NGO BO PHRA MO SHES PA LA CHER MKHAS PAR 'GYUR RO, ,DE LA 'PHAGS PA'I BDEN PA BZHI NI SDUG BSNGAL DANG, KUN 'BYUNG DANG 'GOG PA DANG LAM ZHES BYA BA RNAMS SO, ,GAL TE BCOM LDAN 'DAS KYIS BDEN PA NI GNYIS KHO NAR BSTAN TE, 'DI LTA STE, KUN RDZOB KYI BDEN PA DANG, DON DAM PA'I BDEN PA'O, ,JI SKAD DU, YAB SRAS MJAL BA'I MDO LAS, 'JIG RTEN MKHYEN PAS GZHAN LAS MA GSAN PAR, ,BDEN PA 'DI GNYIS NYID KYIS BSTAN PAR MDZAD, ,GANG ZHIG KUN RDZOB DE BZHIN DON DAM STE, ,BDEN PA GSUM PA 'GA' YANG MA MCHIS SO, ,ZHES GSUNGS SO, ,DBU MA LAS KYANG, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES BSHAD DO, ,DE'I PHYIR BDEN PA GNYIS LAS THA DAD PAR 'PHAGS PA'I BDEN PA BZHI PO GZHAN GA LA YOD CE NA, BSHAD PA; GAL TE YANG DE LTA YIN MOD KYI, DE LTA NA YANG BLANG BAR BYA BA YANG SPANG BAR BYA BA DAG RE RE'I RGYU DANG 'BRAS BU'I DNGOS PO BSTAN PAR BYA BA'I PHYIR, 'DIR 'PHAGS PA'I BDEN PA BZHI BSNYAD DO, ,DE LA SPANG BAR BYA BA'I PHYOGS NI KUN NAS NYON MONGS PA'O, ,DE'I 'BRAS BU NI SDUG BSNGAL GYI BDEN PA'O, ,RGYU NI KUN 'BYUNG GI BDEN PA'O, ,BLANG BAR BYA BA'I PHYOGS NI RNAM PAR BYANG BA YIN LA, DE'I 'BRAS BU NI 'GOG PA'I BDEN PA'O, ,DE THOB PA'I RGYU NI LAM GYI BDEN PA'O, ,DE LA SDUG BSNGAL DANG KUN 'BYUNG DANG LAM GYI BDEN PA NI KUN RDZOB KYI BDEN PA'I KHONGS SU @243B GTOGS SO, ,'GOG PA'I BDEN PA NI DON DAM PA'I BDEN PA'I RANG GI NGO BO'O, ,DE BZHIN DU BDEN PA GZHAN GANG CUNG ZAD CIG YOD PA DE YANG CI RIGS PAR BDEN PA GNYIS KYI KHONGS SU GTOGS PA KHO NAR NGES PAR BYA'O, ,YANG CI BDEN PA BZHI LAS THA DAD PA'I BDEN PA GZHAN YANG YOD DAM ZHE NA, BSHAD PA YOD DE, JI SKAD DU BYANG CHUB SEMS DPA'I SA LNGA PA LAS, 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,DE KUN RDZOB KYI BDEN PA LA MKHAS PA YIN, DON DAM PA'I BDEN PA LA MKHAS PA YIN, MTSAN NYID KYI BDEN PA LA MKHAS PA YIN, RNAM PAR DBYE BA'I BDEN PA LA MKHAS PA YIN, PHYE STE RTOGS PA'I BDEN PA LA MKHAS PA YIN, DNGOS PO'I BDEN PA LA MKHAS PA YIN, RAB TU SKYE BA'I BDEN PA LA MKHAS PA YIN, ZAD PA DANG MI SKYE BA SHES PA'I BDEN PA LA MKHAS PA YIN, LAM SHES PA LA 'JUG PA'I BDEN PA LA MKHAS PA YIN, BYANG CHUB SEMS DPA'I SA'I GO RIMS THAMS CAD KYI MTSAMS SBYAR BA SGRUB PA NAS DE BZHIN GSHEGS PA'I YE SHES YANG DAG PAR 'BYUNG BA'I BAR GYI BDEN PA LA MKHAS PA YIN TE, DE LA SEMS CAN GZHAN DAG GI BSAM PA SHES PA JI LTA BA BZHIN DU TSIM PAR BYED PAS KUN RDZOB KYI BDEN PA RAB TU SHES SO, ,BGROD PA GCIG PU LA YANG DAG PAR GZHOL BAS DON DAM PA'I BDEN PA RAB TU SHES SO, ,RANG DANG SPYI'I MTSAN NYID RTOGS PAS MTSAN NYID KYI BDEN PA RAB TU SHES SO, ,CHOS RNAM PAR DBYE BA RNAM PAR GZHAG PA RTOGS PA RNAM PAR DBYE BA'I BDEN PA RAB TU SHES SO, ,PHUNG PO KHAMS DANG SKYE MCHED KYI RNAM PAR GZHAG PA RJES SU RTOGS PAS PHYE STE RTOGS PA'I BDEN PA RAB TU SHES SO, ,LUS DANG SEMS LA GNOD PA NYAMS SU 'BAB PAS DNGOS PO'I BDEN PA RAB TU SHES SO, ,'GRO BAR NYING MTSAMS SBYOR BA RTOGS PAS RAB TU SKYE @244A *, ,BA'I BDEN PA RAB TU SHES SO, ,RIMS NAD KYIS YONGS SU GDUNG BA THAMS CAD SHIN TU ZHI BAS ZAD PA DANG MI SKYE BA SHES PA'I BDEN PA RAB TU SHES SO, ,MI GNYIS PA MNGON PAR BSGRUBS PAS LAM SHES PA LA 'JUG PA'I BDEN PA RAB TU SHES SO, ,RNAM PA THAMS CAD MNGON PAR RDZOGS PAR KHONG DU CHUD PAS BYANG CHUB SEMS DPA'I SA'I GO RIMS THAMS CAD KYI MTSAMS SBYOR BA SGRUB PA NAS DE BZHIN GSHEGS PA'I YE SHES YANG DAG PAR 'BYUNG BA'I BAR GYI BDEN PA RAB TU SHES TE ZHES GSUNGS PA LTA BU'O, ,DBU MA LA 'JUG PA'I BSHAD PA LAS, SBYANG DKA' BA ZHES BYA BA SEMS BSKYED PA LNGA PA'O,, ,,DA NI SEMS BSKYED PA DRUG PA'I DBANG DU BYAS NAS BSHAD PA, MNGON DU PHYOGS PA MNYAM GZHAG SEMS GNAS TE, ,RDZOGS PA'I SANGS RGYAS CHOS LA MNGON PHYOGS SHING, ,'DI RTEN 'BYUNG BA'I DE NYID MTHONG BA DE, ,SHES RAB GNAS PAS 'GOG PA THOB PAR 'GYUR, ,BYANG CHUB SEMS DPA'I SA LNGA PAR BSAM GTAN GYI PHA ROL TU PHYIN PA YONGS SU DAG PA THOB PAS SA DRUG PAR MNYAM PAR GZHAG PAR SEMS LA GNAS SHING RTEN CING 'BREL PAR 'BYUNG BA ZAB MO'I DE NYID MTHONG BA'I BYANG CHUB SEMS DPA' NI SHES RAB KYI PHA ROL TU PHYIN PA YONGS SU DAG PAS 'GOG PA THOB PAR 'GYUR GYI SNGA ROL DU NI MA YIN TE, SHES RAB LHAG PAR GYUR PA MED PA'I PHYIR TE, SBYIN PA LA SOGS PA PHA ROL TU PHYIN PA PHUL DU BYUNG BA DANG LDAN PAS NI 'GOG PA THOB PAR MI NUS SO, ,GZUGS BRNYAN DANG 'DRA BA'I CHOS NYID KHONG DU CHUD PA'I PHYIR DANG, BYANG CHUB SEMS DPA' RNAMS KYIS BYANG CHUB SEMS DPA'I SA LNGA PAR LAM GYI BDEN PA LA DMIGS PA'I PHYIR DANG, RDZOGS PA'I SANGS RGYAS KYI CHOS LA MNGON DU PHYOGS PA'I PHYIR NA SA 'DI LA MNGON DU GYUR BA ZHES BYA'O, ,DA NI DE LAS GZHAN PA'I YON TAN GYI TSOGS RNAMS SHES RAB KYI PHA ROL TU PHYIN PA LA RAG LAS PA NYID DU BSTAN PA'I PHYIR BSHAD PA, JI LTAR LONG BA'I TSOGS KUN BDE BLAG TU, ,MIG LDAN SKYES BU GCIG GIS 'DOD PA YI, ,YUL DU KHRID PA DE BZHIN @244B 'DIR YANG BLOS, ,MIG NYAMS YON TAN BLANGS TE RGYAL NYID 'GRO, ,JI LTAR SKYES BU MIG DANG LDAN PA GCIG GIS LONG BA'I TSOGS MTHA' DAG MNGON PAR 'GRO BAR 'DOD PA'I YUL DU BDE BLAG TU KHRID PAR BYED PA DE BZHIN DU, SHES RAB KYI PHA ROL TU PHYIN PAS KYANG DE LAS GZHAN PA'I PHA ROL TU PHYIN PA'I YON TAN RNAMS BLANGS NAS BDE BAR GSHEGS PA'I SA KUN TU 'OD CES BYA BAR 'JOG PAR 'GYUR TE, YANG DAG PA'I LAM DANG LAM MA YIN PA MTHONG BA'I RANG BZHIN NYID YIN PA'I PHYIR RO, ,'DIR SMRAS PA, 'DI RTEN 'BYUNG BA'I DE NYID MTHONG BA DE, ,SHES RAB GNAS PAS 'GOG PA THOB PAR 'GYUR, ,ZHES DE SKAD DU GANG SMRAS NA, CI LTAR BYANG CHUB SEMS DPA' CHOS RTEN CING 'BREL PAR 'BYUNG BA MTHONG BA NA, 'DI LA BRTEN NAS 'BYUNG BA'I DE KHO NA NYID MTHONG BAR 'GYUR ZHE NA, BSHAD PA, DE'I RANG GI NGO BO NI MI RIG PA'I LING THOG MTHUG POS BLO'I MIG MA LUS PAR G-YOGS PA BDAG CAG GI YUL DU NYE BAR 'GRO BA MA YIN GYI, DRUG PA LA SOGS PA SA GONG MA LA GNAS PA'I BYANG CHUB SEMS DPA' RNAMS KYI YUL DU NI 'GYUR ZHE NA, DE'I PHYIR DE LA KHO BO CAG LA DRI BAR BYA BA MA YIN GYI GANG DAG STONG PA NYID PHYIN CI MA LOG PAR MTHONG BA'I MIG SMAN MA RIG PA'I RAB RIB KYI LING THOG 'JOMS PAS BSKUS PA BLO'I SBYIN MA RIG PA'I RAB RIB KYI LING THOG DANG BRAL BA DRI MA MED PA MNGA' BA BYANG CHUB SEMS DPA' DANG SANGS RGYAS BCOM LDAN 'DAS DE DAG NYID LA RMAD PAR BYA'O, ,GAL TE 'PHAGS PA'I SHES RAB KYI PHA ROL TU PHYIN PA DANG 'PHAGS PA SA BCU PA LA SOGS PA MDO SDE GANG DAG 'DON PA DE DAG LAS 'PHAGS PA SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA' JI LTAR RTEN CING 'BREL PAR 'BYUNG BA'I DE NYID MTHONG BA ZHES BYA BA GSUNGS PA YIN NAM; DE'I PHYIR LUNG GI RJES SU 'BRANGS NAS BSHAD PAR RIGS SO ZHE NA, 'DI YANG YOD PA MA YIN TE, LUNG GI DGONGS PA NGES PAR DKA' BA'I PHYIR BDAG CAG 'DRA BAS LUNG LAS KYANG DE KHO NA NYID BSTAN PAR MI NUS SO, ,RANG DBANG NYID KYI DBANG DU BYAS NAS DE SKAD DU BRJOD @245A *, ,KYI; BSTAN BCOS TSAD MAR GYUR PA'I SKYES BUS BYAS SHING LUNG PHYIN CI MA LOG PAR 'CHAD PA MTHONG BA LAS LUNG GI DGONGS PA NGES PAS NI, JI LTAR DE YIS CHOS ZAB CHOS RTOGS PA, ,LUNG DANG GZHAN YANG RIGS PAS YIN PAS NA, ,DE LTAR 'PHAGS PA KLU SGRUB GZHUNG LUGS LAS, JI LTAR GNAS PA'I LUGS BZHIN BRJOD PAR BYA, ,SHES RAB KYI PHA ROL TU PHYIN PA LA SPYOD PA'I BYANG CHUB SEMS DPAS CHOS RNAMS KYIS BDAG NYID JI LTA BA NYID JI LTAR MTHONG BA DE LTAR, 'PHAGS PA KLU SGRUB KYIS LUNG PHYIN CI MA LOG PAR MKHYEN NAS DBU MA'I BSTAN BCOS LAS RIGS PA DANG LUNG DAG GIS CHOS RNAMS KYI BDAG NYID YANG DAG PA JI LTA BA NYID RANG BZHIN MED PA MTSAN NYID CAN CHES GSAL BAR BSTAN TO, ,DE'I PHYIR JI LTAR 'PHAGS PA KLU SGRUB KYI ZHAL SNGA NAS RIGS PA DANG LUNG DAG GIS CHOS RNAMS KYI DE NYID BSTAN PA DE KHO NA LTAR, BDAG GIS DES NYE BAR BSTAN PA'I LUGS JI LTAR GNAS PA BZHIN DU BRJOD PAR BYA'O, ,CI STE RE ZHIG 'PHAGS PA KLU SGRUB DE NYID LA LUNG PHYIN CI MA LOG PAR NGES PA CI LTAR YOD CE NA, LUNG LAS SHES TE, JI LTAR 'PHAGS PA LANG KAR GSHEGS PA LAS, LHO PHYOGS BE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSTAN NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS PA DANG, YANG 'PHAGS PA SPRIN CHEN PO STONG PHRAG BCU GNYIS PA LAS KYANG, KUN DGA' BO LI TZTSA B'I GZHON NU SEMS CAN THAMS CAD KYIS MTHONG NA DGA' BA ZHES BYA BA 'DI NI NGA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'I BSTAN PA RGYAS PAR RAB TU BSTAN TE, MTHAR GYIS RAB TU DANG BA'I 'OD CES BYA BA'I 'JIG RTEN GYI KHAMS SU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES 'BYUNG GNAS 'OD CES BYA BAR 'GYUR RO ZHES GSUNGS SO, ,DE'I PHYIR 'DIS LUNG PHYIN CI MA LOG PAR NGES PAR GRUB BO, ,RTEN CING 'BREL PAR @245B 'BYUNG BA YANG DAG PA JI LTA BA BZHIN STON PA'I 'BRAS BU CAN GYI BSTAN BCOS DE YANG SNGAR GOMS PAS RGYUD LA STON PA NYID KYI SA BON BZHAG PA RNAMS KHO NA LA BSTAN PAR BYA'I GZHAN DAG LA NI MA YIN TE, DE DAG STONG PA NYID NYAN PAR GYUR DU ZIN KYANG DE LA LOG PAR ZHUGS PA'I BSAM PA DANG LDAN PA NYID KYIS DON MA YIN PA CHEN PO DANG LDAN PA'I PHYIR RO, ,'DI LTAR RES 'GA' NI MI MKHAS PAS STONG PA NYID SPANGS NAS NGAN 'GROR 'GRO BAR 'GYUR RO, ,RES 'GA' NI STONG PA NYID KYI DON NI MED PA YIN NO ZHES DE LTAR PHYIN CI LOG TU NGES PAR BZUNG STA, DNGOS PO THAMS CAD LA SKUR PA 'DEBS PA LOG PAR LTA BA SKYED NAS 'PHEL BAR BYED DO, ,DE'I PHYIR STON PA POS LHAG PAR MOS PA'I KHYAD PAR NGES PAR BYAS TE, NYAN PA PO RNAMS LA STONG PA NYID KYI LTA BA BSHAD PAR BYA'O, ,YANG CI LTAR 'DI LA STONG PA NYID BSTAN PAR 'OS SO, ,'DI LA STONG PA NYID NYE BAR BSTAN PAR BYA'O ZHES NGES PAR DKA' BA NGES PAR NUS SHE NA, DE NI PHYI ROL GYI MTSAN MA RNAMS KYIS NGES PAR NUS PAS DE'I RGYU MTSAN NYE BAR BSTAN PA'I PHYIR BSHAD PA, SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,RAB TU DGA' BA LAS BYUNG MCHI MAS MIG BRLAN ZHING, ,LUS KYI BA SPU LDANG BAR GYUR PA GANG YIN PA, ,DE LA RDZOGS PA'I SANGS RGYAS BLO YI SA BON YOD, ,DE NYID NYE BAR BSTAN PA'I SNOD NI DE YIN TE, ,DE LA 'CHAD PAR 'GYUR BA'I MTSAN NYID CAN, ,DAM PA'I DON GYI BDEN PA BSTAN PAR BYA, ,DE LTA BUR GYUR PA'I NYAN PA PO LA DE KHO NA NYID STON PA PO'I 'BAD PA 'BRAS BU MED PAR MI 'GYUR RO, ,DE CI'I PHYIR ZHE NA, 'DI LTAR, DE LA DE YI RJES SU 'GRO BA'I YON TAN 'BYUNG, ,NYAN PA PO DE LA STONG PA NYID DU 'DZIN PA'I PHYIN CI LOG SHES BSKYED PA'I DON MA YIN PA DANG LDAN PAR MI 'GYUR BA 'BA' ZHIG TU MA ZAD KYI, STONG PA NYID KYI LTA BA NYAN PA'I RGYU CAN YON TAN RNAMS KYANG 'BYUNG BAR 'GYUR RO, ,CI LTAR ZHE NA, DE STONG PA NYID KYI LTA BA NYAN PA LA GTER RNYED PA DANG 'DRA BAR SEMS SHING DE MI NYAMS PAR BYA BA'I PHYIR, RTAG TU TSUL KHRIMS YANG DAG BLANGS NAS GNAS PAR 'GYUR, ,SBYIN @246A *, ,PA GTONG BAR 'GYUR ZHING SNYING RJE STEN PAR BYED, ,BZOD PA SGOM BYED DE YI DGE BA BYANG CHUB TU, ,'GRO BA DGROL BAR BYA PHYIR YONGS SU SDO BYED CING, ,RDZOGS PA'I BYANG CHUB SEMS DPA' RNAMS LA GUS PAR BYED, ,DE LA BDAG TSUL KHRIMS 'CHAL BA'I RKYEN GYIS NGAN 'GROR LTUNG NA STONG PA NYID KYI LTA BA RGYUN CHAD PAR 'GYUR DU 'ONG NGO SNYAM DU RIG NAS RTAG TU TSUL KHRIMS YANG DAG PAR BLANGS NAS GNAS SO, ,BDAG TSUL KHRIMS KYIS BDE 'GROR SKYES KYANG DBUL POR GYUR NA ZAS DANG SMAN DANG CHOS GOS LA SOGS PA 'TSO BA'I YO BYAD TSOL BA LHUR BYED PAS STONG PA NYID NYAN PA RGYUN CHAD PAR 'GYUR DU 'ONG NGO SNYAM ZHING SBYIN PA GTONG BAR BYED DO, ,STONG PA NYID KYI LTA BA SNYING RJES YONGS SU ZIN PA NI SANGS RGYAS NYID 'DREN PAR BYED PA YIN GYI GZHAN DU NI MA YIN NO ZHES SNYING RJE STEN PAR BYED DO, ,KHRO BAS NI NGAN SONG DU 'GRO ZHING KHA DOG NGAN PA THOB PAR BYED PAS DE'I RKYEN GYIS 'PHAGS PA RNAMS MNYES PAR BYED PAR MI 'GYUR RO SNYAM STE BZOD PA SGOM PAR BYED DO, ,THAMS CAD MKHYEN PA NYID DU YONGS SU MA BSDOS PA'I TSUL KHRIMS LA SOGS PA DAG NI SANGS RGYAS NYID THOB PA'I RGYU DANG 'BRAS BU DPAG TU MED PA, RNAM PAR TSANG PA MED PAR 'BYUNG BAR MI 'GYUR BAS, DGE BA'I RTZA BA DE YANG 'GRO BA DGROL BA'I PHYIR BYANG CHUB TU RAB TU SNGO BAR BYED DO, ,BYANG CHUB SEMS DPA' MA GTOGS PAR GZHAN DAG GIS RTEN CING 'BREL PAR 'BYUNG BA'I BDAG NYID JI LTA BA NYID NYE BAR BSTAN PAR MI NUS SO SNYAM DU BSAMS NAS, RDZOGS PA'I BYANG CHUB SEMS DPA' RNAMS LA GUS PAR BYED DO, ,DE LTAR YUN RING POR BAR CHAD MED PAR DGE BA'I TSOGS GDON MI ZA BAR BSAGS PAR GYUR NAS, ZAB CING RGYA CHE'I TSUL LA MKHAS PA'I SKYE BOS NI, ,RIM GYIS RAB TU DGA' BA'I SA NI THOB 'GYUR BAS, ,DE NI DON DU GNYER BAS LAM 'DI MNYAN PAR GYIS, ,SA RAB TU DGA' BA DON DU GNYER BAS ZHES BYA BA'I THA TSIG GO, ,'DI ZHES BYA BA NI 'CHAD PAR 'GYUR BA'I MTSAN NYID CAN NO, ,DE LA CHOS RNAMS KYI YANG DAG PA JI LTA BA NYID BSTAN PA LA 'DI NI RE ZHIG LUNG YIN TE, JI SKAD DU 'PHAGS @246B PAS BCU PA LAS, KYE RGYAL BA'I SRAS DAG BYANG CHUB SEMS DPA' SA LNGA PA LA LAM SHIN TU YONGS SU RDZOGS PA'I BYANG CHUB SEMS DPA' DE BYANG CHUB SEMS DPA'I SA DRUG PA LA 'JUG STE, DE CHOS MNYAM PA NYID BCUS 'JUG GO, ,BCU GANG ZHE NA 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MNYAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG PA DANG, SPROS PA MED PA DANG, BLANG BA MED PA DANG, DOR BA MED PAR MNYAM PA NYID DANG, CHOS THAMS CAD SGYU MA DANG RMI LAM DANG MIG YOR DANG BRAG CA DANG CHU ZLA DANG GZUGS BRNYAN DANG SPRUL PA LTA BUR MNYAM PA NYID DANG, CHOS THAMS CAD DNGOS PO DANG DNGOS PO MED PA GNYIS SU MED PAR MNYAM PA NYID DO, ,DE CHOS THAMS CAD KYI RANG BZHIN DE LTAR RAB TU RTOGS PA NA RNO ZHING RJES SU MTHUN PA'I BZOD PAS BYANG CHUB SEMS DPA'I SA DRUG PA MNGON DU GYUR PA RJES SU THOB STE ZHES GSUNGS PA LTA BU'O, ,DE'I PHYIR 'DIR CHOS SKYE BA DANG MNYAM PA NYID KHO NA RIGS PAS BSTAN PA NYID KYIS CHOS MNYAM PA NYID GZHAN BSTAN PA SLA BAR DGONGS TE, SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,RNAM YANG ZHES BYA BA NI GZHAR YANG ZHES BYA BA'I DON TO, ,GANG NA YANG ZHES BYA BA'I SGRA 'GAR YANG GI SGRA'I RNAM GRANGS RTEN GYI TSIG GIS NI YUL DANG DUS DANG GRUB PA'I MTHA' BSHAD DO, ,GANG DAG GI SGRA BRTEN PA'I TSIG NI PHYI DANG NANG GI DNGOS PO BRJOD PA'O, ,DES NA PHYI DANG NANG GI DNGOS PO RNAMS NI YUL DANG DUS DANG GRUB PA'I MTHA' 'GAR YANG BDAG LAS SKYE BA SRID PA MA YIN NO ZHES 'DI LTAR SBYAR BAR BYA'O, ,'DIR MA YIN ZHES BYA BA 'DI YOD PA NYID KYI SGRUB BYED RANG LAS SKYE BA DANG SPREL GYI YOD PA DANG NI MA YIN TE, DE DGAG PA DON GYIS GRUB PA'I PHYIR RO, ,DE BZHIN DU DAM BCA' BA @247A *, ,GSUM CAR LA YANG SBYAR BAR BYA'O, ,DAM BCA' BA BZHI PO DE RJES SU BRJOD NAS RIGS PAS SGRUB PA'I PHYIR BSHAD PA, DE NYID DE LAS BYUNG MIN GZHAN DAG LAS LTA GAL ZHIG ,GNYIS KA LAS KYANG MA YIN RGYU MED PAR NI GA LA YOD, ,BDAG LAS SKYES PA MA YIN TE ZHES BYA BA'I DON GANG YIN PA DE NYID DE LAS 'BYUNG MIN ZHES BYA BA YIN TE, DE BZHIN DU LHAG MA LA YANG SBYAR BAR BYA'O, ,YANG 'DI GANG LAS NGES SHE NA 'DI LTAR, ,DE NI DE LAS BYUNG NA YON TAN 'GA' YANG YOD MA YIN, ,SKYES PAR GYUR PA SLAR YANG SKYE BA RIGS PA'ANG MA YIN NYID; ,DE NI ZHES BYA BA NI SKYE BZHIN PA SKYE BA'I BYA BA'I BYED PA PO STE MYU GU ZHES BYA BA'I DON TO, ,DE LAS ZHES BYA BA NI SKYE BZHIN PA DE NYID KYI BDAG GI NGO BO LAS ZHES BYA BA'I DON TO, ,DE'I PHYIR MYU GU'I RANG GI BDAG NYID DE NYID LAS MYU GU'I RANG GI BDAG NYID DE NYID 'BYUNG BA MA YIN NO ZHES BYA BA 'DI NI 'DIR DAM BCA' BA'I DON YIN NO, ,CI'I PHYIR ZHE NA, GANG GI PHYIR BDAG NYID YOD PA THOB PA DE NYID MYU GU'I RANG GI BDAG NYID YOD BZHIN PA DE NYID LAS 'BYUNG BA LA YON TAN LHAG PA 'GA' YANG YOD PA MA YIN TE, YOD PA NYID SNGAR THOB ZIN PA'I PHYIR RO, ,BDAG LAS SKYE BA'I PHYOGS 'DI NI RIGS PA DANG 'GAL BA YANG YIN NO ZHES BSHAD PA NI, SKYES PAR GYUR PA SLAR YANG SKYE BA RIGS PA'ANG MA YIN NYID, ,CES BYA'O, ,'DI NA DAM BCA' BA TZAM ZHIG TU ZAD PAS RIGS PA'I DBANG DU BYAS NAS, SKYES ZIN SLAR YANG SKYE BAR YONGS SU RTOG PAR 'GYUR NA NI, ,MYU GU LA SOGS RNAMS KYI SKYE BA 'DIR RNYED MI 'GYUR ZHING, ,ZHES BYA BA SMOS TE, SKYES ZIN PA'I SA BON YANG SKYE BAR 'DOD NA NI, GANG GI 'DI YANG SKYE BA BKAG NAS MYU GU SKYE BAR RTOG PAR BYED PAR 'GYUR BA SLAR YANG DE SKYE BA LA GEGS CI ZHIG YOD, DE'I PHYIR MYU GU DANG SDONG BU DANG SBUBS 'CHA' BA LA SOGS PA RNAMS GTAN MI SKYE BAR 'GYUR RO, ,GZHAN YANG, SA BON SID MTHAR THUG PAR RAB TU SKYE BA NYID DU 'GYUR TE, JI SKAD DU BSHAD PA'I RGYU NYID KYI PHYIR RO, ,CI STE MYU GU SKYE BA LA PHAN 'DOGS PA'I RKYEN CHU DANG DUS LA SOGS PA RNAMS NI SA BON RNAM PAR 'GYUR BAR BYED CING MYU @247B GU SKYED PAR BYED LA, MYU GU DE YANG BYED PA PO DANG LHAN CIG GNAS PAR 'GAL BA NYID KYI PHYIR SA BON 'JIG PAR BYED CING 'BYUNG BA YIN TE, DE'I PHYIR JI SKAD SMRAS PA'I NYES PA'I SKABS MED CING, SA BON DANG MYU GU DAG GZHAN MA YIN PA NYID KYI PHYIR BDAG LAS MI SKYE BA YANG MA YIN NO SNYAM NA, 'DI YANG MI RUNG STE, GANG GI PHYIR, JI LTAR DE NYID KYIS DE RNAM PAR 'JIG PAR BYED PAR 'GYUR, SA BON DANG MYU GU DAG GZHAN MA YIN PA NYID KYI PHYIR, MYU GUS KYANG 'DI 'JIG PAR BYED PAR MI RIGS TE, RANG GI BDAG NYID BZHIN NO SNYAM DU BSAMS PA'O, ,GZHAN YANG, BYED RGYU SA BON GYI LAS THA DAD MYU GU'I DBYIBS DANG NI, ,KHA DOG RO NUS SMIN PA'I THA DAD KHYOD LA MED PAR 'GYUR, ,DE LA DBYIBS NI RING PO DANG ZLUM PO LA SOGS PA'O, ,KHA DOG NI SER PO LA SOGS PA'O, ,RO NI MNGAR BA LA SOGS PA'O, ,NUS PA NI MTHU'I KHYAD PAR NUS MTHU'I BYE BRAG STE, DPER NA GZHANG 'BRUM GYI SMAN LUS DANG NYE BA TZAM GYIS GZHANG 'BRUM SEL BA DANG, RTZI SMAN LA SOGS PA RNAMS BCANGS PA TZAM GYIS NAM MKHA' LA 'GRO BA LTA BU'O, ,RNAM PAR SMIN PA NI RDZAS KYI KHYAD PAR YONGS SU 'GYUR BAS THOB PAR BYA BA STE, DPER NA PI PI LING LA SOGS PA RNAMS MNGAR PO NYID DU 'GYUR BA LTA BU'O, ,GAL TE SA BON DANG MYU GU DAG GZHAN MA YIN PA NYID YIN NA NI SA BON GYI RANG GI BDAG NYID LA YOD PA LTAR, MYU GU LA YANG DBYIBS LA SOGS PA THA MI DAD PAR DMIGS PAR 'GYUR BA ZHIG NA, DMIGS PA YANG MA YIN PA DE'I PHYIR, SGOG SKYA LA SOGS PA'I SA BON DAG LAS CHU SHING LA SOGS PA'I MYU GU RNAMS LTAR GZHAN MA YIN PA NYID DU MI RIGS SO, ,CI STE SA BON GYI GNAS SKABS BTANG NAS GNAS SKABS GZHAN 'THOB PAS SA BON NYID MYU GUR 'GYUR BA YIN NO SNYAM NA, DE LTAR NA YANG, GAL TE SNGAR GYI BDAG GI DNGOS PO BSAL NAS DE LAS GZHAN, ,NGO BOR 'GYUR NA DE TSE DE YI DE NYID JI LTAR 'GYUR, ,DE'I DNGOS PO NI DE NYID DE GZHAN MA YIN PA NYID CES BYA BA'I DON TO, ,RTOG PA 'DI LAS MYU GU'I GZHAN MA YIN PA NYID SRID PA MA YIN PAS 'DI'I GZHAN MA YIN PA NYID SNYAM PA YIN @248A *, ,NO; ,CI STE SA BON DANG MYU GU DAG DBYIBS LA SOGS PA THA DAD KYANG RDZAS THA MI DAD DO SNYAM NA, DE LTA MA YIN TE, DBYIBS LA SOGS PA MA BZUNG NA DE DAG GI RDZAS MA BZUNG BA'I PHYIR RO, ,GZHAN YANG, GAL TE KHYOD KYI SA BON MYU GU 'DIR GZHAN MA YIN NA, ,SA BON BZHIN DU MYU GU ZHES BYA DE BZUNG MED PA'AM, ,YANG NA DE DAG GCIG PAS JI LTAR MYU GU 'DI BZHIN DU, ,DE YANG GZUNG DU YOD 'GYUR DE PHYIR 'DI NI KHAS MI BLANG, ,JI LTAR MYU GU'I GNAS SKABS SA BON GYI BDAG NYID RANG GI NGO BOS GZUNG DU MED PA DE BZHIN DU, SA BON LAS GZHAN MA YIN PA NYID KYI PHYIR SA BON GYI RANG GI BDAG NYID LTAR MYU GU'I RANG GI BDAG NYID KYANG GZUNG DU YOD PAR MI 'GYUR RO, ,YANG NA JI LTAR MYU GU GZUNG DU YOD PA DE BZHIN DU MYU GU'I RANG GI BDAG NYID LTAR SA BON YANG GZUNG DU YOD PAR 'GYUR TE, MYU GU LA SOGS PA LAS GZHAN MA YIN PA NYID KYI PHYIR RO, ,NYES PAR THAL BAR 'GYUR BA YONGS SU SPANG BAR 'DOD PAS NI SA BON DANG MYU GU DAG GZHAN MA YIN PA NYID DU KHAS BLANG BAR BYA BA YANG MA YIN NO, ,DE'I PHYIR DE LTAR DE NYID RTOGS PAR 'DOD PA'I LUGS GZHAN DU BRTAG PA'I BDAG LAS SKYE BA BZLOG NAS LUGS GZHAN DU BLO MA SBYANGS PA'I 'JIG RTEN GYI THA SNYAD DU YANG RTOG PA 'DI MI 'THAD DO ZHES BSTAN PA'I PHYIR BSHAD PA, GANG GI RGYU ZHIG NA YANG DE YI 'BRAS BU MTHONG BA'I PHYIR, ,DE DAG GCIG PA YIN ZHES 'JIG RTEN GYIS KYANG KHAS MI LEN, ,'DI LTAR RGYU SA BON ZHES BYA BA 'GAGS ZIN KYANG 'BRAS BU MYU GU ZHES BYA BA MTHONG BA DE'I PHYIR, 'JIG RTEN GYIS KYANG SA BON MYU GU DAG GZHAN MA YIN PA NYID DU MI MTHONG STE, GCIG NYID YIN NA NI RGYU BZHIN DU 'BRAS BU YANG MTHONG PAR MI 'GYUR BA ZHIG NA MTHONG BA YANG YIN TE, DE'I PHYIR DE DAG GZHAN MA YIN PA NYID MA YIN NO, ,GANG GI PHYIR PHYOGS GNYI GA LTAR YANG BDAG LAS SKYE BA RIGS PA DANG 'GAL BA, ,DE PHYIR DNGOS PO BDAG LAS 'BYUNG ZHES RAB TU BRTAGS PA 'DI, ,DE NYID DANG NI 'JIG RTEN DU YANG RIGS PA MA YIN NO, ,DE NYID KYI PHYIR SLOB DPON GYIS KHYAD PAR DU MA MDZAD PAR, BDAG LAS MA YIN ZHES @248B SPYIR SKYE BA BKAG PA YIN NO, ,GANG ZHIG DNGOS PO RNAMS NI DON DAM PAR BDAG LAS SKYES PA MA YIN TE, YOD PA'I PHYIR SEMS CAN BZHIN NO ZHES KHYAD PAR DU BYED PA DE'I DON DAM PAR ZHES BYA BA'I KHYAD PAR DON MED DO ZHES BSAM PAR BYA'O, ,GZHAN YANG, BDAG LAS SKYE BAR 'DOD NA BSKYED PAR BYA DANG SKYED BYED DANG, ,LAS DANG BYED PA PO YANG GCIG NYID 'GYUR NA DE DAG NI, ,GCIG NYID MA YIN PAS NA BDAG LAS SKYE BAR KHAS BLANG BAR, ,BYA MIN RGYA CHER BSHAD PA'I NYES PAR THAL BAR 'GYUR PHYIR RO, ,JI SKAD DU, RGYU DANG 'BRAS BU GCIG NYID DU, ,NAM YANG 'THAD PAR MI 'GYUR RO, ,RGYU DANG 'BRAS BU GCIG NYID NA, ,SKYE DANG BSKYED PA GCIG TU 'GYUR, ,ZHES GSUNGS SO, ,GCIG PA NYID NI YOD PA MA YIN TE, PHA DANG BU DAG GAM MIG DANG RNAM PAR SHES PA DAG KYANG GCIG NYID DU THAL BAR 'GYUR BA'I PHYIR RO, ,DE NYID KYI PHYIR, GAL TE SHING DE ME YIN NA; ,BYED PA PO DANG LAS GCIG 'GYUR, ,ZHES GSUNGS SO, ,DE'I PHYIR DE LTA BU LA SOGS PA'I SKYON DU THAL BAR 'GYUR BA'I 'JIGS PA LAS NA, BDEN PA GNYIS PHYIN CI MA LOG PAR RTOGS PAR 'DOD PAS DNGOS PO RNAMS BDAG LAS SKYE BAR KHAS BLANG BAR MI BYA'O, ,'DIR DNGOS PO RNAMS BDAG LAS 'BYUNG BAR MI 'GYUR TE ZHES BYA BA 'DI NGES PA YIN LA PHYOGS 'DI NI RIGS PA NYID KYANG YIN NA, GANG 'DI SKAD DU, GZHAN DAG LAS LTA GA LA ZHIG ,CES SMRAS PA DE NI MI RIGS SO, ,'DI LTAR GZHAN DU GYUR PA'I RKYEN BZHI PO RGYU DANG DMIGS PA DANG DE MA THAG PA DANG DE BZHIN DU BDAG PO STE, RKYEN RNAMS DNGOS PO RNAMS KYI SKYED PAR BYED PA'O ZHES BYA BA'I GSUNG RAB LA LTOS NAS MI 'DOD BZHIN DU YANG GZHAN LAS SKYE BAR KHAS BLANG BAR BYA'O, ,DE LA KHA CIG NA RE, RGYU'I RKYEN NI BYED RGYU MA GTOGS PA'I RGYU LNGA'O, ,DE LA DMIGS PAR BYAS NA DMIGS PA STE, CI RIGS PAR RNAM PAR SHES PA DRUG GI DMIGS PA CHOS THAMS CAD NI DMIGS PA'I RKYEN NO, ,PHUNG PO LHAG MA MED PAR MYA NGAN LAS 'DAS PAR 'JUG PA'I SEMS LAS GZHAN PA'I SEMS DANG SEMS LAS BYUNG BA RNAMS NI DE MA THAG PA'I RKYEN NO, ,BYED RGYU NI BDAG PO'I RKYEN YIN NO ZHE'O, , @249A *, ,GZHAN DAG NA RE, SGRUB PAR BYED PA NI RGYU YIN NO ZHES BYA BA'I MTSAN NYID LAS GANG ZHIG GANG GI SKYED PAR BYED PA SA BON GYI NGO BOR GNAS PA DE NI DE'I RGYU'I RKYEN YIN LA, SKYES BU RGAN PO LDANG BA LTAR SEMS DANG SEMS LAS BYUNG BA RGYU LAS SKYES BZHIN PA RNAMS RTEN BAR BA DANG 'DRA BA'I DMIGS PA GANG GIS BSKYED PAR 'GYUR BA DE NI DMIGS PA'I RKYEN TE, SKYE BZHIN PA'I CHOS KYI RTEN YIN NO ZHES BYA BA'I DON TO, ,RGYU 'GAGS MA THAG PA NI 'BRAS BU SKYE BA'I RKYEN YIN TE, DPER NA SA BON 'GAGS MA THAG PA MYU GU'I MTSUNGS PA DE MA THAG PA'I RKYEN MA YIN PA LTA BU'O, ,GANG ZHIG YOD NA GANG 'BYUNG BA DE NI DE'I BDAG PO'I RKYEN YIN NO ZHE'O, ,YANG RKYEN GZHAN GANG DAG LHAN CIG SKYES PA DANG PHYI NAS SKYES PA LA SOGS PA DE DAG KYANG 'DI RNAMS KYI NANG DU 'DUS PA YIN NO, ,DBANG PHYUG LA SOGS PA DAG NI RKYEN MA YIN TE DE'I PHYIR, RKYEN LNGA PA NI YOD MA YIN, ,ZHES NGES PAR 'DZIN PAR BYED DO ZHES SMRA'O, ,'DI NI GZHAG PAR NUS PA MA YIN TE, RIGS PA DANG LUNG DANG 'GAL BA'I PHYIR RO, ,DE LA RIGS PA'I DBANG DU BYAS NAS BRJOD PA, GZHAN LA BRTEN NAS GAL TE GNAS ZHIG 'BYUNG BAR 'GYUR NA NI, ,'O NA ME LCE BAS KYANG MUN PA MTHUG PO 'BYUNG 'GYUR ZHING STE GZHAN NYID YIN PA'I PHYIR RO, ,DE NI MTHONG BA'AM RIG PA YANG MA YIN TE, DE'I PHYIR 'DI NI YOD PA MA YIN NO, ,DE NYID KYI PHYIR, RGYU DANG 'BRAS BU GZHAN NYID DU, ,NAM YANG 'THAD PAR MI 'GYUR RO, ,RGYU DANG 'BRAS BU GZHAN NYID NA, RGYU DANG RGYU MIN MTSUNGS PAR 'GYUR, ,ZHES GSUNGS SO, ,GZHAN YANG, THAMS CAD LAS KYANG THAMS CAD SKYE BAR 'GYUR TE, RGYUR GYUR PA DANG RGYU MA YIN PAR GYUR PA THAMS CAD LAS KYANG DNGOS PO 'BRAS BUR GYUR PA DANG 'BRAS BUR MA GYUR PA THAMS CAD SKYE BAR 'GYUR RO, ,CI'I PHYIR ZHE NA, GANG GI PHYIR, SKYED PAR BYED PA MA YIN MA LUS PA YANG GZHAN NYID MTSUNGS, ,JI LTAR SKYED PAR BYED PA'I S'A LU SA BON RANG GI 'BRAS BU S'A LU'I MYU GU LAS GZHAN NYID YIN PA DE BZHIN DU, SKYED PAR BYED PA MA YIN PA ME DANG SOL BA DANG NAS KYI SA BON LA SOGS PA YANG @249B YIN NO, ,JI LTAR S'A LU'I SA BON GZHAN DU GYUR PA LAS SVA LU'I MYU GU SKYE BA DE BZHIN DU, ME DANG SOL BA DANG NAS KYI SA BON LA SOGS PA DAG LAS KYANG 'GYUR RO, ,YANG JI LTAR S'A LU'I MYU GU'I GZHAN DU GYUR PA S'A LU'I SA BON LAS 'BYUNG BA DE BZHIN DU BUM PA DANG SNAM BU LA SOGS PA RNAMS KYANG 'GYUR BA ZHIG NA, DE NI MTHONG BA YANG MA YIN TE, DE'I PHYIR 'DI YANG YOD PA MA YIN NO, ,'DIR SMRAS PA, RGYU DANG 'BRAS BU GNYIS LA GZHAN NYID KYANG YOD LA THAMS CAD LAS THAMS CAD 'BYUNG BAR THAL BA YANG MA YIN TE, NGES PA MTHONG BA'I PHYIR RO, ,'DIR NGES PA NI 'DI YIN TE, GANG GI PHYIR, RAB TU BYA BAR NUS PA DE'I PHYIR 'BRAS BUR NGES BRJOD CING, ,GANG ZHIG DES BSKYED NUS PA DE NI GZHAN NA'ANG RGYU YIN LA, ,RGYUD GCIG GTOGS DANG SKYED PAR BYED LAS SKYE BA DE YI PHYIR, ,S'A LU'I MYU GU NAS LA SOGS LAS DE LTA MIN ZHE NA, ,'DIR 'BRAS BU ZHES BYA BA NI, ,NUS PA'I DON LA KRI TYA'I RKYEN CAN TE, GANG ZHIG GANG GIS BYA BAR NUS PA DE NYID DE'I 'BRAS BU YIN LA, GANG ZHIG 'BRAS BU 'DI BSKYED PAR NUS PA DE NI GZHAN YIN DU ZIN KYANG RGYU YIN TE, DES NA GZHAN NYID KHYAD PAR CAN KHO NAS RGYU DANG 'BRAS BU'I DNGOS PO DNGOS PO YIN GYI, GZHAN NYID KYI SPYIS NI MA YIN NO, ,RGYUD GCIG TU GTOGS PA DANG SKYED PAR BYED PA DE LAS KYANG SKYE BA YIN GYI RGYUD THA DAD PAR GTOGS PA NAS KYI SA BON LA SOGS PA'AM, RGYUD GCIG TU GTOGS KYANG SKYED PAR BYED PA MA YIN PA SKAD CIG MA PHYI MA LAS KYANG SKAD CIG MA SNGA MA MA YIN PAS THAMS CAD LAS THAMS CAD 'BYUNG BAR THAL BAR MI 'GYUR RO ZHE NA, 'DI NI MI RUNG STE, 'DI LTAR GANG S'A LU'I MYU GU'I RGYU NI S'A LU'I SA BON KHO NA YIN GYI GZHAN MA YIN LA, S'A LU'I SA BON GYI 'BRAS BU NI S'A LU'I MYU GU KHO NA YIN GYI GZHAN MA YIN NO ZHES BYA BA'I NGES PA GANG YIN PA 'DI KO GANG LAS YIN ZHES RE ZHIG 'DI NYID RGYU DANG 'BRAS BU SMRA BA 'DI LA 'DRI BAR BYA'O, ,SMRAS PA, NGES PA MTHONG BA'I PHYIR RO ZHE NA, YANG CI'I PHYIR DE LTAR NGES PA MTHONG ZHES BRGAL ZHING BRTAGS PA NA, GANG GI PHYIR NGES PA MTHONG BA DE'I PHYIR NGES PA MTHONG NGO @250A *, ,ZHES BYA BA DE TZAM ZHIG SMRA BA 'DIS NI NGES PA'I RGYU MA BSTAN PAR BSHAD ZIN PA'I NYES PA CUNG ZAD KYANG SPANG PAR MI NUS SO, ,GZHAN YANG GZHAN NYID THUN MONG PA KHYAD PAR DU YONGS SU MA BCAD PA SHIN TU GRAGS PA 'DI NYID 'DI'I JI LTA BA BZHIN 'DOD PA LA GNOD BYED DU YOD PA YIN NO ZHES BSTAN PA'I PHYIR BSHAD PA, JI LTAR NAS DANG GE SAR DANG NI KING SHU KA LA SOGS, ,S'A LU'I MYU GU SKYED PAR BYED PAR 'DOD MIN NUS LDAN MIN, ,RGYUD GCIG KHONGS SU GTOGS MIN 'DRA BA MA YIN NYID DE BZHIN, ,S'A LU'I SA BON YANG NI DE YI MIN TE GZHAN NYID PHYIR, ,JI LTAR NAS DANG GE SAR DANG KING SHU KA LA SOGS PA RNAMS GZHAN YIN PA'I PHYIR S'A LU'I MYU GU SKYED PAR BYED PAR MI 'DOD CING, S'A LU'I MYU GU BSKYED PA'I NUS PA DANG LDAN PA MA YIN PA DANG RGYUD GCIG TU GTOGS PA MA YIN PA DANG 'DRA BA MA YIN PA DE BZHIN DU, ,S'A LU'I SA BON YANG DE LA JI SKAD BSHAD PA'I KHYAD PAR GYIS KHYAD PAR CAN DU 'GYUR BA MA YIN TE, GZHAN NYID YIN PA'I PHYIR RO, ,DE LTAR RE ZHIG GZHAN LA GRAGS PA'I GZHAN NYID GRUB GRUB LTAR RJES SU BRJOD NAS SUN 'BYIN BYAS PA YIN NO, ,DA NI RGYU DANG 'BRAS BU DAG GI GZHAN NYID MI SRID PAR BSHAD PA, ,MYU GU SA BON DANG NI DUS MNYAM YOD PA MA YIN TE, ,GZHAN NYID MED PAR SA BON GZHAN PA NYID DU GA LA 'GYUR, ,DES NA MYU GU SA BON LAS SKYE 'GRUB PAR 'GYUR MIN NAS, ,GZHAN LAS SKYE BA YIN ZHES BYA BA'I PHYOGS 'DI GTANG BAR BYOS, ,'DI NA BYAMS PA DANG NYER SBAS YOD BZHIN PA DAG KHO NA PHAN TSUN LTOS NAS GZHAN NYID DU MTHONG GI ,SA BON DANG MYU GU DAG NI DE LTAR CIG CAR DMIGS PA YANG MA YIN TE, SA BON RNAM PAR MA GYUR PAR MYU GU MED PA'I PHYIR RO, ,GANG GI TSE DE LTAR SA BON DANG DUS MNYAM DU MYU GU YOD PA MA YIN PA DE'I PHYIR SA BON LA MYU GU LAS GZHAN NYID YOD PA MA YIN LA, GZHAN NYID MED NA GZHAN LAS MYU GU SKYE'O ZHES BYA BA 'DI YOD PA MA YIN NO, ,DE'I PHYIR GZHAN LAS SKYE'O ZHES BYA BA'I PHYOGS 'DI GTANG BAR BYA'O, ,DON 'DI NI, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN, ,BDAG GI DNGOS PO YOD MIN NA, ,GZHAN @250B GYI DNGOS PO GA LA YOD, ,CES BSHAD PA YIN NO, ,'DIR RKYEN LA SOGS LA ZHES BYA BA NI RGYU 'AM RKYEN DAG GAM, RGYU DANG RKYEN GYI TSOGS PA'AM DE LAS GZHAN YANG RUNG STE, RANG BZHIN RNAM PAR MA GYUR PA NA 'BRAS BU RNAMS KYI RANG BZHIN YOD PA MA YIN PA KHO NA STE MA SKYES PA'I PHYIR RO, ,DE MED NA RKYEN LA SOGS PA RNAMS LA GZHAN NYID YOD PA MA YIN NO, ,GANG YOD PAS NA YOD PA'I MTSAN NYID DO ZHES BYA BA 'DI NI BDUN PA YIN NO, ,GANG GI TSE GZHI YIN PA DE'I TSE NA 'BRAS BU RNAMS KYI RANG BZHIN RKYEN LA SOGS PA DAG LA 'KHAR GZHONG DANG RGYA SHUG LTAR YOD PA MA YIN NO ZHES BYA BA'I DON TO, ,GANG ZHIG GANG NA MED PA DE NI DE LAS SKYES PA MA YIN TE, DPER NA BYE MA DAG LA TIL MAR BZHIN TE, CI STE DE NI MED PAR YANG, ,RKYEN DE DAG LAS SKYE 'GYUR NA, ,RKYEN MA YIN PA DAG LAS KYANG, ,CI YI PHYIR NA SKYED MI 'GYUR, ,ZHES JI SKAD GSUNGS PA YIN NO, ,DE'I PHYIR RTEN GYI PHYOGS 'DI NI SLOB DPON NYID KYIS TSIGS SU BCAD PA SBYAR BA KHO NAS CHES LEGS PAR RNAM PAR PHYE BAS NYE BAR MA BKOD DO, ,'DIR SMRAS PA, MYU GU SA BON DANG NI DUS MNYAM YOD PA MA YIN TE, ,ZHES GANG SMRAS PA DE NI RIGS PA MA YIN TE, ,JI LTAR SRANG MDA'I MTHON DMAN DAG DUS GCIG NYID DU MTHONG BA DE BZHIN DU SA BON 'GAG BZHIN PA NA MYU GU SKYE BAR 'GYUR RO, ,'DI LTAR GANG KHO NA'I TSE SA BON 'GAG PA DE'I TSE KHO NAR DUS GCIG NYID DU MYU GU SKYE BA YIN TE, DE'I PHYIR SA BON 'GAG PA DANG MYU GU SKYE BA GNYIS DUS GCIG PA'I PHYIR SA BON DANG MYU GU DAG KYANG DUS MNYAM PAR 'GYUR LA, DE'I PHYIR GZHAN NYID YIN NO ZHES BSTAN PA'I PHYIR SMRAS PA NI, JI LTAR SRANG GI MDA' GNYIS MTHO BA DANG DMA' BA DAG ,DUS MNYAM MA YIN PAR NI MIN PAR MTHONG BA DE BZHIN DU, ,BSKYED PAR BYA DANG SKYED BYED DAG GI SKYE 'GAG 'GYUR ZHE NA, , ZHES BYA BA STE DE'I PHYIR NYES PA MED DO ZHE NA, DE LTA NA YANG, GAL TE GCIG TSE YIN NA 'DIR DUS GCIG MED DE YOD MIN, ,GAL TE SRANG GI DPES BSKYED PAR BYA BA DANG, SKYED PAR BYED PA GNYIS KYI SKYE BA DANG 'JIG PA DUS GCIG TU RTOG NA DE MI RUNG NGO, ,DE CI'I PHYIR ZHE NA, GAL TE YANG @251A *, ,SRANG GI DPER MTHO DMAN DUS GCIG PA NYID YIN MOD KYI, DE LTA NA YANG DPE LAS BYUNG BA'I DON DNGOS PO LA DUS GCIG PA NYID MED PAS 'DI MI RIGS SO, ,JI LTAR YOD PA MA YIN PA DE LTAR BSTAN PA'I PHYIR BSHAD PA, GAL TE SKYE BZHIN PA DE SKYE LA PHYOGS PAS YOD MIN ZHING, ,'GAG BZHIN PA NI YOD KYANG 'JIG LA PHYOGS PAR 'DOD GYUR PA, ,DE TSE 'DI NI JI LTA BUR NA SRANG DANG MTSUNGS PA YIN, ,DE LA SKYE BZHIN PA ZHES BYA BA NI SKYE BA LA MNGON DU PHYOGS PAS MA 'ONGS PA YIN LA 'GAG BZHIN PA ZHES BYA BA NI 'GAG PA LA MNGON DU PHYOGS PA'I PHYIR DA LTAR BA YIN TE, DE'I PHYIR YOD PA MA YIN PA NYID MA SKYES PA'I PHYIR SKYE BA YIN LA YOD PA NYID DA LTAR BA YIN PAS 'GAG PA YIN NO, ,GANG GI TSE 'DI DE LTAR YIN PA DE'I TSE JI LTAR SRANG DANG MTSUNGS PAR 'GYUR, SRANG MDA' GNYIS LA NI DA LTAR BA YIN PA'I PHYIR, MTHON DMAN GYI BYA BA DAG DUS GCIG PA NYID YOD KYI SA BON DANG MYU GU DA LTAR BA DANG MA 'ONGS PA DAG LA NI DUS GCIG MED PAS 'DI NI SRANG DANG MTSUNGS PA MA YIN NO, CI STE CHOS DAG DUS GCIG PA NYID MED MOD KYI, ,DE LTA NA YANG DE'I BYA BA DAG LA DUS GCIG PA NYID YOD DO SNYAM NA DE YANG MI RUNG STE, DE DAG GI BYA BA CHOS LAS THA DAD PAR KHAS MA BLANGS PA'I PHYIR RO, ,GZHAN YANG SKYE BA 'DI NI BYED PO MED PAR RIGS PA'I NGO BO'ANG MIN, ,SKYE BA'I BYA BA GANG YIN PA DE'I BYED PA PO MYU GU NI MA 'ONGS PA YIN PA'I PHYIR YOD PA MA YIN PA NYID DO, ,DE MED NA YANG RTEN MED PAR 'DI YOD PA MA YIN PA LA YOD PA MA YIN PA NI 'GAG PA DANG DUS GCIG PAR CI LTAR 'GYUR TE, DE'I PHYIR BYA BA BDAG DUS GCIG PA NYID DU MI RIGS PA KHO NA'O, ,GAL TE DNGOS PO MA SKYES PA, ,'GA' ZHIG GANG NA YOD GYUR NA, ,DE NI SKYE 'GYUR DNGOS PO DE, ,MED NA CI ZHIG SKYE BAR 'GYUR, ,ZHES GSUNGS SO, ,'DI'I DON NI 'DI YIN TE, MYU GU ZHES BYA BA'I DNGOS PO MA SKYES PA 'GA' ZHIG SKYE BA'I SNGA ROL DU 'GA' ZHIG NA YOD PAR GYUR NA NI SKYE BAR 'GYUR BA ZHIG NA, SKYE BA'I SNGA ROL DU NI 'GA' YANG 'GA' ZHIG NA YOD PAR GZHAG PAR MI NUS TE, ,MA SKYES PA'I PHYIR RO, ,DE'I PHYIR SKYE BA'I BYA BA'I RTEN DNGOS PO SKYE BA'I SNGA ROL DU MED @251B NA STE MI BDOG NA CI ZHIG SKYE BAR 'GYUR ZHES BYA BA'O, ,DE ZHES BYA BA'I SGRA DNGOS PO'I KHYAD PAR YIN PAS GZHI MTHUN NO, ,DNGOS PO ZHES BYA BA NI BDUN PA'O, ,MED NA ZHES BYA BA YANG DNGOS PO'I KHYAD PAR RO, ,CI ZHIG GI SGRA NI SKYE BAR 'GYUR ZHES BYA BA 'DI DANG SBYAR BAR BYA STE, DNGOS PO DE MED NA CI ZHIG SKYE BAR 'GYUR TE CUNG ZAD KYANG SKYE BAR MI 'GYUR RO ZHES BYA BA'I DON TO, ,GAL TE SRANG MDA'I MTHON DMAN GYI TSUL GYIS SKAD CIG GANG KHO NA LA SA BON 'GAG PA DE NYID LA MYU GU SKYE'O ZHES 'PHAGS PA S'A LU LJANG PA'I MDO LAS SRANG GI DPE 'DI NYE BAR BKOD PA MA YIN NAM ZHE NA, NYE BAR BKOD PA NI BDEN MOD KYI, DE GZHAN LAS SKYE BAR BSTAN PA'I PHYIR MA YIN ZHING, RANG GI MTSAN NYID KYI SKYE BA BSTAN PA'I PHYIR YANG MA YIN NO, ,'O NA CI ZHE NA, CIG CAR DU BRTEN NAS 'BYUNG BA MA BRTAGS PAR GRUB PA SGYU MA LTA BU YONGS SU GSAL BAR BYA BA'I PHYIR TE, JI SKAD DU, SA BON ZHIG DANG MA ZHIG LAS, ,MYU GU 'BYUNG BA MA YIN PA, ,KHYOD KYIS SKYE BA THAMS CAD NI, ,SGYU MA 'BYUNG BA BZHIN DU GSUNGS, ,ZHES BSHAD DO, ,'DIR SMRAS PA, SA BON DANG MYU GU DAG CIG CAR BA NYID MED PAS GZHAN NYID MED PA'I PHYIR SKYE BA MI RIGS NA, GANG DU CIG CAR BA NYID YOD PA DER GZHAN NYID YOD PAS SKYE BA YOD PAR 'GYUR TE, DPER NA MIG GI RNAM PAR SHES PA DANG DE DANG LHAN CIG 'BYUNG BA TSOR LA SOGS PA RNAMS LTA BU'O, ,MIG DANG GZUGS LA SOGS PA DAG DANG TSOR BA LA SOGS PA LHAN CIG 'BYUNG BA RNAMS DUS MNYAM KHO NAR MIG GI RNAM PAR SHES PA SKYED PAR BYED PA DE BZHIN DU, MIG LA SOGS PA DAG DANG SEMS KYANG DUS MNYAM KHO NAR TSOR BA LA SOGS PA RNAMS KYI RKYEN NYID DU 'GYUR RO ZHES SMRA'O, ,DE NI YOD PA MA YIN TE, CI'I PHYIR ZHE NA, GAL TE MIG GI BLO LA RANG GI SKYED BYED DUS GCIG PA, ,MIG LA SOGS DANG LHAN CIG 'BYUNG BA 'DU SHES LA SOGS LAS, ,GZHAN NYID YOD NA YOD LA 'BYUNG BAS DGOS PA CI ZHIG YOD, ,CI STE DE MED CE NA 'DI LA NYES PA BSHAD ZIN TO, ,GAL TE MIG LA SOGS PA RNAMS DANG 'DU SHES LA SOGS PA DUS MNYAM PA RNAMS MIG GI BLO DE LTAR BA'I RKYEN NYID DU 'DOD NA DE'I TSE YOD PA @252A *, ,NI DE LA LTOS PA'I GZHAN NYID DU 'GYUR MOD KYI YOD PA LA 'BYUNG BAS DGOS PA CUNG ZAD KYANG MED PAS SKYE BA MED DO, ,CI STE SKYE BA MED PA YONGS SU SPANG BAR 'DOD NAS DE YOD PA NYID DU KHAS MI LEN NA NI, DE'I TSE YANG YOD PA MA YIN PA'I BLO LAS MIG LA SOGS PA RNAMS GZHAN NYID MA YIN NO ZHES NYES PA BSHAD ZIN PA KHO NA'O, ,DE'I PHYIR DE LTAR GZHAN LAS SKYE BAR 'DOD PA NA GZHAN NYID SRID KYANG SKYE BA MI SRID LA DE MI SRID PA'I PHYIR GNYI GA MI SRID CING, SKYE BA SRID KYANG GZHAN NYID MI SRID PA DE MI SRID PA'I PHYIR GNYIS KA YANG MI SRID PAS RNAM PA THAMS CAD DU PHYI ROL GYI DON YOD PA MA YIN PA'I PHYIR, PHYI ROL GYI DON GYI STONG PAS, SONG SONG NAS SGRA TZAM 'BA' ZHIG LUS PAR 'GYUR TE, DE'I PHYIR RTOGS PA 'DI NI MI RUNG NGO, ,DA NI RGYU DANG 'BRAS BU GNYIS LAS RGYU LA LTOS PA'I DUS YOD PA MA YIN PAR BSTAN PA'I PHYIR BSHAD PA, SKYED PAR BYED PA BSKYED BYA GZHAN BSKYED PA DE RGYU YIN NA, , YOD PA 'AM 'ON TE MED DANG GNYI GA'I GNYIS BRAL ZHIG BSKYED GRANG, ,YOD NA SKYED BYED CI DGOS MED LA'ANG DES NI CI ZHIG BYA, ,GNYIS NYID LA DES CI BYA GNYIS DANG BRAL LA'ANG DES CI BYA, ,ZHES BYA BA NI, RE ZHIG SKYED PAR BYED PA'I RGYU BSKYED BYA YOD PAR 'GYUR BA'I SKYED BYED NI MA YIN TE, SKYES PAR GYUR PA SLAR YOD SKYE BAR RIGS PA'ANG MA YIN NYID, ,CES BYA BA LA SOGS PAS NYES PA BSHAD ZIN PA NYID KYI PHYIR RO, ,DE'I PHYIR DE LA RKYEN DAG GIS DGOS PA CUNG ZAD KYANG MED DO, ,BSKYED PAR BYA BA YOD PA MA YIN PAR GYUR PA LA YANG SKYED PAR BYED PA DE DAG GIS CI ZHIG BYA STE, BONG BU'I RVA LTAR MED PA'I PHYIR RO, ,JI SKAD DU, 'BRAS BU YOD PAR GANG 'DOD DANG, ,'BRAS BU MED PAR GANG 'DOD LA, ,KHYIM GYI DON DU KA BA SOGS, ,BRGYAN PA'I DON YANG MED PAR 'GYUR, ,ZHES BSHAD DO, ,DBU MA LAS KYANG, 'BRAS BU NGO BO NYID YOD NA, ,RGYUS NI CI ZHIG SKYED PAR BYED, ,'BRAS BU NGO BO NYID MED NA, ,RGYUS NI CI ZHIG SKYED PAR BYED, ,SKYE BA YOD PA MA YIN NA, ,RGYU NYID 'THAD PAR MI 'GYUR RO, ,RGYU NYID 'THAD PA YOD MIN NA, ,'BRAS BU GANG GI YIN PAR 'GYUR, ,ZHES GSUNGS SO, ,GNYIS NYID YIN PAR DE LA RKYEN RNAMS KYIS CI ZHIG @252B BYA STE, BSHAD ZIN PA'I NYES PAR THAL BAR 'GYUR BA'I PHYIR RO, ,GNYIS KYI DNGOS PO ZHIG GNYIS NYID YIN ZHING GNYIS NYID LA YOD PA NI GNYIS NYID DO, ,YOD PA DANG MED PA'I NGO BO CAN NYID NI DUS GCIG GI TSE GCIG LA SRID PA YANG MA YIN PAS, DE'I RANG BZHIN CAN GYI DNGOS PO NI YOD PA MA YIN LA, YOD PA MA YIN PA NYID KYI PHYIR DE LA SKYED PAR BYED PA'I RKYEN DAG GIS CI ZHIG BYA, JI SKAD DU BSTAN BCOS LAS, ,MYA NGAN 'DAS PA DNGOS PO DANG, ,DNGOS MED GNYIS KAR JI LTAR 'GYUR, ,DE GNYIS GCIG LA YOD MIN TE, ,SNANG BA DANG NI MUN PA BZHIN, , ZHES BYA BA DANG, DE BZHIN DU, BYED PA POR GYUR MA GYUR DANG, ,GYUR MA GYUR DE MI BYED DO, ,YIN DANG MA YIN GYUR CIG LA, ,PHAN TSUN 'GAL BAS GA LA ZHIG ,CES GSUNGS SO, ,GNYI GA DANG BRAL BA YOD PA YANG MA YIN MED PA YANG MA YIN PA'I 'BRAS BU GANG YIN PA GNYIS KA DANG BRAL BA DE LA YANG RKYEN DE DAG GIS CI ZHIG BYA STE, YOD PA DANG MED PA'I NGO BO SPANGS PA'I 'BRAS BU YOD PA MA YIN PA'I PHYIR RO, ,YOD PA DANG MED PA NYID MI SRID NA YOD PA YANG MA YIN MED PA YANG MA YIN ZHES DE DAG BKAG PAS CUNG ZAD KYANG KHYAD PAR DU MI 'GYUR RO, ,GANG GI TSE 'DI GNYI GA MA GRUB PA DE'I TSE YOD PA YANG MA YIN MED PA YANG MA YIN PA MI SRID PA NYID DO, ,JI SKAD DU, DNGOS MIN DNGOS PO MED MIN PA, ,MYA NGAN 'DAS PAR GANG STON PA, ,DNGOS MED PA DANG DNGOS PO DAG, ,GRUB NA DE NI 'GRUB PAR 'GYUR, ,ZHES GSUNGS SO, ,GAL TE SKYE BAR RAB TU GRUB PAR BYA BA'I PHYIR RIGS PA GANG DANG GANG SMRAS PA DE DANG DE NI BUD SHING SKAM PO MAR GYIS BRAN PA LTAR, KHYOD KYI BLO'I MES MA LUS PAR BSREGS PAS, KHYOD KYI SHES RAB KYI MES SPOR BA LHUR BYED PA'I RIGS PA'I BUD SHING BSKUL BAS CHOG GO, ,GAL TE RIGS PA NYE BAR MA BSTAN PAR BRJOD PAR 'DOD PA'I DON GRUB PAR MI 'GYUR BA MA YIN NAM ZHE NA, DE NI YOD PA MA YIN NO, ,DON GANG ZHIG 'JIG RTEN NYID LAS, GRUB PA DER NI RIGS PAS CI YANG BYA BAS MED DE, 'JIG RTEN GYI MTHONG BA NI SHIN TU STOBS DANG LDAN PA'I PHYIR RO ZHES SMRAS PA, @253A *, ,GANG GIS RANG LTA LA GNAS 'JIG RTEN TSAD MAR 'DOD PAS NA, ,'DIR NI RIGS PA SMRAS PA NYID KYIS LTA KO CI ZHIG BYA, ,GZHAN LAS GZHAN 'BYUNG BA YANG 'JIG RTEN PA YIS RTOGS 'GYUR TE, ,DES NA GZHAN LAS SKYE YOD 'DIR NI RIGS PAS CI ZHIG DGOS, ,'JIG RTEN PA NI THAMS CAD RANG GI LTA BA KHO NA LA GNAS PA NA SHIN TU STOBS DANG LDAN PA YIN ZHING GZHAN KHO NA LAS SKYE BAR LTA BA YANG YIN LA, ,RIGS PA NYES PAR 'GOD PA YANG DNGOS PO MNGON SUM MA YIN PA KHO NA LA NI 'OS KYI MNGON SUM LA NI MA YIN TE, DE'I PHYIR 'THAD PA MED PAR YANG DNGOS PO RNAMS GZHAN LAS SKYE BA YOD PA KHO NA'O ZHE NA, GANG ZHIG BSTAN BCOS KYI DON PHYIN CI MA LOG PAR MA RTOGS SHING THOG MA MED PA'I 'KHOR BAR DNGOS PO'I BAG CHAGS GZHAG PA YONGS SU SMIN PA, DNGOS PO LA MNGON PAR ZHEN PA'I MDZA' BO DANG BRAL BAR THOS PA MI BZOD PAS 'JIG RTEN GYIS GNOD PA'I RDOL THABS LA BRTEN PA 'DI NI, 'JIG RTEN GYI BYUNG TSUL SHIN TU MANG ZHING RGYA CHE BA MA BSHAD PAR 'JIG RTEN GYI GNOD PA'I BLA RDOL LAS BZLOG PAR MI NUS PAS, 'JIG RTEN GYI GNOD PA'I YUL KHYAD PAR CAN BSTAN PAR BYA BA'I PHYIR, RE ZHIG BDEN PA GNYIS KYI RNAM PAR GZHAG PA'I DBANG DU BYAS NAS BSHAD PA, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG YIN DE NYID DE, ,MTHONG BA BRDZUN PA KUN RDZOB BDEN PAR GSUNGS, ,'DI NA BDEN PA GNYIS KYI RANG GI NGO BO PHYIN CI MA LOG PAR MKHYEN PA SANGS RGYAS BCOM LDAN 'DAS RNAMS KYIS, 'DU BYED DANG MYU GU LA SOGS PA NANG DANG PHYI ROL GYI DNGOS PO THAMS CAD KYI RANG GI NGO BO RNAM PA GNYIS NYE BAR BSTAN TE, 'DI LTA STE, KUN RDZOB DANG DON DAM PA'O, ,DE LA DON DAM PA NI YANG DAG PAR GZIGS PA RNAMS KYI YE SHES KYI KHYAD PAR GYI YUL NYID KYIS BDAG GI NGO BO RNYED PA YIN GYI, RANG GI BDAG NYID KYIS GRUB PA NI MA YIN TE, 'DI NI NGO BO GCIG YIN NO, ,GZHAN NI SO SO'I SKYE BO'I MA RIG PA'I RAB RIB KYI LING THOG GIS BLO'I MIG MA LUS PAR KHEBS PA RNAMS KYI MTHONG BA BRDZUN PA'I STOBS LAS BDAG GI @253B YOD PA RNYED PA YIN TE, BYIS PA RNAMS KYI MTHONG BA'I YUL DU 'GYUR PA JI LTA BA DE LTA BU'I RANG BZHIN DU RANG GI NGO BOS GRUB PA NI MA YIN NO, ,DE'I PHYIR DNGOS PO THAMS CAD RANG BZHIN DE GNYIS 'DZIN PA YIN NO, ,RANG BZHIN DE GNYIS LAS KYANG MTHONG BA YANG DAG PA'I YUL GANG YIN PA DE NI DE NYID DE, DE NI DON DAM PA'I BDEN PA'O ZHES BYA BA'I DON TO, ,DE'I RANG GI NGO BO NI BSHAD PAR BYA'O, ,MTHONG BA BRDZUN PA'I YUL GANG YIN PA DE NI KUN RDZOB KYI BDEN PA'O, ,DE'I PHYIR DE LTAR BDEN PA GNYIS RNAM PAR GZHAG NAS, MTHONG BA BRDZUN PA RNAMS LA MTHONG BA YANG DAG PA DANG BRDZUN PA NYID LAS GNYIS NYID YOD PAS DES GZUNG BAR BYA BA'I DON DANG, SHES PA GNYIS NYID BSTAN PAR BYA BA'I PHYIR BSHAD PA, MTHONG BA BRDZUN PA'ANG RNAM PA GNYIS 'DOD DE, DBANG PO GSAL DANG DBANG PO SKYON LDAN NO, ,SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS LOG PAR 'DOD, ,DE LA DBANG PO GSAL BA CAN NI RAB RIB DANG BRAL ZHING MIG SER LA SOGS PAS NYAMS PAR MA BYAS PA DANG, RNAM PA DE LTA BU'I PHYI ROL GYI YUL PHYIN CI MA LOG PAR 'DZIN PA RNAMS SO, ,SKYON DANG LDAN PA'I DBANG PO CAN RNAMS NI DE LAS BZLOG PA DAG GO, ,DE LA DBANG PO LEGS PAR GYUR PA RNAMS KYI SHES PA LA LTOS NAS SKYON DANG LDAN PA'I DBANG PO CAN RNAMS KYI SHES PA GANG YIN PA DE LOG PAR SHES PAR 'DOD DO, ,JI LTAR 'DI DAG GI SHES PA PHYIN CI LOG PA DANG PHYIN CI MA LOG PA NYID KYI SGO NAS RNAM PA GNYIS YIN PA DE BZHIN DU, YUL YANG YIN NO ZHES BSTAN PA'I PHYIR BSHAD PA, GNOD PA MED PA'I DBANG PO DRUG RNAMS KYIS, ,BZUNG BA GANG ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR GZHAG ,DE LA RAB RIB DANG MIG SER LA SOGS PA DAG DANG DA DUR ZOS PA LA SOGS PA RNAMS NI DBANG PO LA GNOD PA'I RKYAN NANG NA YOD PA YIN NO, ,TIL MAR DANG CHU DANG ME LONG DANG BRAG PHUG LA SOGS PA NAS BRJOD PA'I SGRA LA SOGS PA RNAMS DANG, NYI MA'I 'OD ZER YUL DANG DUS KHYAD PAR CAN DANG NYE BAR GYUR PA LA SOGS PA RNAMS NI DBANG PO @254A *, ,LA GNOD PA'I RKYEN PHYI ROL NA YOD PA YIN TE, DE DAG NI DBANG PO LA GNOD PAR BYED PA NANG NA YOD PA DAG MED PAR, GZUGS BRNYAN DANG BRAG CA DANG SMIG RGYU LA CHU LA SOGS PAR 'DZIN PA'I RGYUR 'GYUR RO, ,DE BZHIN DU MIG 'KHRUL MKHAN LA SOGS PAR RAB TU SBYAR BA'I SNGAGS DANG SMAN LA SOGS PA DAG KYANG SHES PAR BYA'O, ,YID KYI GNOD PAR BYED PA NI DE DAG DANG YANG DAG PA MA YIN PAS BYAS PA'I GRUB PA'I MTHA' LA SOGS PA DAG DANG, RJES SU DPAG PA LTAR SNANG BDAG STE, RMI LAM LA SOGS PA RNAMS KYI RNAM PAR GZHAG PA NI 'CHAD PAR 'GYUR RO, ,DE'I PHYIR DE LTAR 'JIG RTEN GYIS DBANG PO LA GNOD PA'I RKYEN JI SKAD DU BSHAD PA MED PAR DBANG PO DRUG CAR GYIS GZUNG BAR BYA BA'I DON RTOGS PA DE NI 'JIG RTEN NYID LAS BDEN PA YIN GYI 'PHAGS PA LA LTOS NAS NI MA YIN NO, ,GZUGS BRNYAN LA SOGS PA GANG ZHIG DBANG PO RNAMS LA GNOD PA YOD PA NA YUL GYI NGO BO NYID DU SNANG BA DE NI 'JIG RTEN NYID LA LTOS NAS LOG PA YIN NO, ,DA NI BSHAD ZIN PA'I DON NYID DPER BRJOD PA'I TSUL GYIS NYE BAR BSTAN PA'I PHYIR BSHAD PA, MI SHES GNYID KYIS RAB BSKYOD MU STEGS CAN, ,RNAMS KYI BDAG NYID JI BZHIN BRTAGS PA DANG, ,SGYU MA SMIG RGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, ,MU STEGS CAN 'DI DAG NI DE KHO NA NYID LA 'JUG PAR 'DOD PAS SKYE BO MA BYANG BA GNAG RDZI DANG BUD MED LA SOGS PA YAN CAD LA GRAGS PA'I DNGOS PO SKYE BA DANG 'JIG PA LA SOGS PA PHYIN CI MA LOG PAR YANG DAG PAR NGES PAR MA BZUNG BAR, PHUL DU BYUNG BAR 'GRO BAR 'DOD PAS SHING LA 'DZEGS PAS YAL GA SNGA MA BTANG NAS YAL GA PHYI MA MA BZUNG BA LTAR LHUNG BA CHEN POS LTA BA NGAN PA'I RI'I SU LA DAG TU LTUNG BAR 'GYUR ZHING, BDEN PA GNYIS MTHONG BA DANG BRAL BA'I 'BRAS BU MI THOB PAR 'GYUR RO, ,DE'I PHYIR 'DI DAG GIS GANG BRTAGS PA YON TAN GSUM LA SOGS PA DE DAG NI 'JIG RTEN GYI KUN RDZOB TU YANG YOD PA MA YIN PA NYID DO, ,DE'I PHYIR 'DIR, MIG NI RAB RIB CAN GYI DMIGS PA YIS, ,RAB RIB MED SHES LA GNOD @254B MIN JI LTAR, ,DE BZHIN DRI MED YE SHES SPANGS PA'I BLOS, ,DRI MED BLO LA GNOD PA YOD MA YIN, ,GZHAN LAS SKYE BA DGAG PA BSHAD PA GANG YIN PA DE NI 'JIG RTEN PA'I LTA BA KHO NA LA GNAS NAS NI MA YIN NO, ,'O NA CI ZHE NA, 'PHAGS PA RNAMS KYI GZIGS PA KHAS BLANGS NAS YIN NO, ,GANG GI TSE SKYE BA DGAG PA 'DI KHYAD PAR DU YIN PA DE'I TSE JI LTAR RAB RIB CAN RNAMS KYI SGRA LA SOGS PA'I NGO BO LA DMIGS PAS RAB RIB MED PA'I SHES PA LA MI GNOD PA DE BZHIN DU, ZAG PA MED PA'I YE SHES DANG BRAL BA SO SO'I SKYE BO RNAMS KYI SHES PAS KYANG GZIGS PA ZAG PA MED PA LA GNOD PA MA YIN PAS RNAM PA DE LTA BU YUL LA 'JIG RTEN GYIS GNOD PA MA YIN NO, ,DE'I PHYIR DE LTAR PHA ROL PO NI DAM PA DAG GIS BZHAD GAD DU BYA BAR 'OS PA NYID DU 'GYUR RO, ,DE'I PHYIR 'DIS NI BDEN PA GNYIS YIN PA DANG, KUN RDZOB DANG DON DAM PA'I DBYE BAS DNGOS PO RNAMS KYI NGO BO GNYIS SU BRJOD PA YIN NO, ,DE LA 'JIG RTEN GYI KUN RDZOB KYI BDEN PA BSTAN PAR BYA BA'I PHYIR BSHAD PA, GTI MUG RANG BZHIN SGRIB PHYIR KUN RDZOB STE, ,DES GANG BCOS MA BDEN PAR SNANG DE NI, ,KUN RDZOB BDEN ZHES THUB PA DES GSUNGS TE, ,BCOS MAR GYUR PA'I DNGOS NI KUN RDZOB TU'O,, DE LA 'DIS SEMS CAN RNAMS JI LTAR GNAS PA'I DNGOS PO LTA BA LA RMONGS PAR BYED PAS NA GTI MUG STE, MA RIG PA DNGOS PO'I RANG GI NGO BO YOD PA MA YIN PA SGRO 'DOGS PAR BYED PA RANG BZHIN MTHONG BA LA SGRIB PA'I BDAG NYID CAN NI KUN RDZOB BO, ,KUN RDZOB DES GANG ZHIG BDEN PAR SNANG ZHING RANG BZHIN MED BZHIN DU RANG BZHIN DU SO SOR SNANG BA DE NI 'JIG RTEN PHYIN CI LOG TU GYUR PA'I KUN RDZOB TU BDEN PAS 'JIG RTEN GYI KUN RDZOB KYI BDEN PA STE, DE NI BCOS MA RTEN CING 'BREL BAR 'BYUNG NGO, ,BRTEN NAS 'BYUNG BA GZUGS BRNYAN DANG BRAG CA LA SOGS PA CUNG ZAD CIG NI BRDZUN YANG MA RIG PA DANG LDAN PA RNAMS LA SNANG LA, SNGON PO LA SOGS PA GZUGS DANG SEMS DANG TSOR BA LA SOGS PA CUNG ZAD CIG NI BDEN PAR SNANG STE, RANG BZHIN NI MA RIG PA DANG LDAN PA RNAMS LA RNAM PA THAMS CAD DU MI SNANG NGO, ,DE'I PHYIR DE DANG GANG ZHIG KUN RDZOB TU YANG BRDZUN PA KUN RDZOB @255A *, ,KYI BDEN PA MA YIN NO, ,DE LTAR NA RE ZHIG SRID PA'I YAN LAG GIS YONGS SU BSDUS PA NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR GZHAG GO, ,DE LA NYAN THOS DANG RANG SANGS RGYAS DANG BYANG CHUB SEMS DPA' NYON MONGS BA CAN GYIS GZIGS PA SPANGS PA, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOS MA'I RANG BZHIN GYI BDEN PA MA YIN TE, BDEN PAR MNGON PAR RLOM PA MED PA'I PHYIR RO, ,BYIS PA RNAMS LA NI SLU BAR BYED PA YIN LA, DE LAS GZHAN PA RNAMS LA NI SGYU MA LA SOGS PA LTAR RTEN CING 'BREL PAR 'BYUNG BA NYID KYIS KUN RDZOB TZAM DU 'GYUR RO, ,DE YANG SHES BYA'I SGRIB PA'I MTSAN NYID CAN MA RIG PA TZAM KUN DU SPYOD PA'I PHYIR, SNANG BA DANG BCAS PA'I SPYOD YUL CAN GYI 'PHAGS PA RNAMS LA SNANG GI, ,SNANG BA MED PA'I SPYOD YUL MNGA' BA RNAMS LA NI MA YIN NO, ,SANGS RGYAS RNAMS LA NI CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I PHYIR, SEMS DANG SEMS LAS BYUNG BA'I RGYU BA GTAN LOG PAR 'DOD PA YIN NO, ,DE LTAR NA RE ZHIG BCOM LDAN 'DAS DES KUN RDZOB KYI BDEN PA DANG KUN RDZOB TZAM DU GSUNGS PA YIN NO, , DE LA SO SO'I SKYE BO RNAMS KYI DON DAM PA GANG YIN PA DE NYID 'PHAGS PA SNANG BA DANG BCAS PA'I SPYOD YUL CAN RNAMS KYI KUN RDZOB TZAM YIN LA, DE'I RANG BZHIN STONG PA NYID GANG YIN PA DE NI DE RNAMS KYI DON DAM PA'O, ,SANGS RGYAS RNAMS KYI DON DAM PA NI RANG BZHIN NYID YIN ZHING, DE YANG SLU BA MED PA NYID KYIS DON DAM PA'I BDEN PA YIN LA, DE NI DE RNAMS KYI SO SO RANG GIS RIG PAR BYA BA YIN NO, ,KUN RDZOB KYI BDEN PA NI SLU BAR BYED PA NYID KYI PHYIR DON DAM PA'I BDEN PA MA YIN NO, ,DE'I PHYIR DE LTAR KUN RDZOB KYI BDEN PA BSTAN NAS, DON DAM PA'I BDEN PA BSTAN PAR 'DOD PAS DE NI BRJOD DU MED PA'I PHYIR DANG SHES PA'I PHYIR YUL MA YIN PA NYID KYI PHYIR DNGOS SU BSTAN PAR MI NUS PAS, NYAN PAR 'DOD PA SEMS LA RANG GIS MYONG BA NYID DU DE'I RANG BZHIN GSAL BAR BYA BA'I PHYIR DPE BSHAD PA, RAB RIB MTHU YIS SKRA SHAD LA SOGS PA'I, ,NGO BO LOG @255B PA GANG ZHIG RNAM BRTAGS PA, ,DE NYID BDAG NYID GANG DU MIG DAG PAS, ,MTHONG DE DE NYID DE BZHIN 'DIR SHES KYIS, ,RAB RIB KYI MTHUS RAB RIB CAN GYIS RANG GI LA GA NA THOGS PA'I BSE RU LA SOGS SNOD KYI NANG NA SKRA SHAD LA SOGS PA'I TSOGS YONGS SU 'GYUR BZHIN PAR MTHONG BA DES BSAL PAR 'DOD NAS SNOD DE LA YANG DANG YANG DU SGRE ZLOG BYED PA'I TSEGS THOB PAR RIG STE, 'DI CI BYED PA ZHIG SNYAM NAS RAB RIB MED PAS DE'I GAN DU PHYIN NAS SKRA SHAD LA YUL GYI YUL DER MIG GTAD KYANG SKRA SHAD KYI RNAM PA DE DAG MA DMIGS SHING, SKRA SHAD DE'I RTEN CAN DNGOS PO DANG DNGOS PO MED PA DANG SKRA SHAD DANG SKRA SHAD MA YIN PA DANG MTHON KA LA SOGS PA'I KHYAD PAR DAG TU RTOG PAR BYED PA YANG MA YIN NO, ,YANG GANG GI TSE RAB RIB CAN RAB RIB MED PA LA SKRA SHAD MTHONG NGO ZHES RANG GIS BSAM PA STON PAR BYED PA DE'I TSE DE'I RNAM PAR RTOG PA BSAL BAR 'DOD PAS RAB RIB CAN GYI DMIGS PA'I NGOR BYAS NAS 'DI NA SKRA SHAD DAG YOD PA MA YIN NO ZHES DGAG PA LHUR BYED PA'I TSIG SMRA MOD KYI, SMRA BA PO 'DI LA DE LA SKUR PA 'DEBS PA YOD PA MA YIN NO, ,SKRA SHAD DAG GI DE KHO NA NYID NI GANG ZHIG RAB RIB MED PAS MTHONG BA DE YIN GYI CIG SHOS NI MA YIN NO, ,DE BZHIN DU MA RIG PA'I RAB RIB KYIS GNOD PA BYAS PAS DE KHO NA NYID MA MTHONG BA DAG GIS PHUNG PO DANG KHAMS DANG SKYE MCHED LA SOGS PA'I RANG GI NGO BO DMIGS PA GANG YIN PA DE NI DE DAG GI NGO BO KUN RDZOB PA'O, ,GAL TE PHUNG PO LA SOGS PA DE DAG NYID MA RIG PA'I BAG CHAGS DANG BRAL BA SANGS RGYAS BCOM LDAN 'DAS RNAMS KYI RAB RIB CAN MA YIN PAS SKRA SHAD MTHONG BA'I TSUL DU RANG BZHIN GANG GIS GZIGS PA DE NI DE DAG GI DON DAM PA'I BDEN PA'O, ,GAL TE RNAM PA DE LTA BU'I RANG BZHIN NI MTHONG BA MED PA NYID MA YIN NAM DE'I PHYIR JI LTAR DE DAG GIS GZIGS SHE NA, BDEN MOD KYI 'ON KYANG DE MA GZIGS PA'I TSUL GYIS DE DAG GIS GZIGS SO ZHES BRJOD JI SKAD DU 'PHAGS PA BDEN PA GNYIS LA 'JUG PA LAS, LHA'I BU GAL TE DON DAM PAR NA DON DAM PA'I BDEN PA LUS DANG NGAG DANG YID KYI YUL GYI RANG BZHIN DU 'GYUR NA NI, DE DON DAM PA'I BDEN PA ZHES BYA BA'I GRANGS @256A *, ,SU MI 'GRO STE KUN RDZOB KYI BDEN PA NYID DU 'GYUR RO, ,'ON KYANG LHA'I BU DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA, BYE BRAG MED PA, MA SKYES PA, MA 'GAGS PA, SMRA BAR BYA BA DANG, SMRA BA DANG, SHES PAR BYA BA DANG, SHES PA DANG BRAL BA'O, ,LHA'I BU DON DAM PA'I BDEN PA NI RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES KYI YUL GYI BAR LAS 'DAS PA YIN TE, JI LTAR DON DAM PA'I BDEN PA'O ZHES BRJOD PA LTAR NI MA YIN NO, ,CHOS THAMS CAD NI BRDZUN TE SLU BA'I CHOS SO, ,LHA'I BU DON DAM PA'I BDEN PA NI BSTAN PAR MI NUS SO, ,DE CI'I PHYIR ZHE NA, GANG GIS STON PA DANG, CI STON PA DANG, GANG LA STON PA'I CHOS DE DAG THAMS CAD NI DON DAM PAR RAB TU MA SKYES PA'O, ,RAB TU MA SKYES PA'I CHOS RNAMS KYIS NI RAB TU MA SKYES PA'I CHOS RNAMS BSHAD PAR MI NUS SO ZHES RGYA CHER GSUNGS PA LTA BU'O, ,DE'I PHYIR DE KHO NA NYID LA DE'I YUL CAN DNGOS PO DANG DNGOS PO MED PA DANG, RANG GI DNGOS PO DANG GZHAN GYI DNGOS PO DANG, BDEN PA DANG BDEN PA MA YIN PA DANG, RTAG PA DANG CHAD PA DANG, RTAG PA DANG MI RTAG PA DANG, BDE BA DANG SDUG BSNGAL BA DANG, GTZANG BA DANG MI GTZANG BA DANG, BDAG DANG BDAG MED PA DANG, STONG BA DANG MI STONG PA DANG, MTSAN NYID DANG MTSAN GZHI DANG, GCIG NYID DANG GZHAN NYID DANG, SKYE BA DANG 'GAG PA LA SOGS PA'I KHYAD PAR DAG SRID PA MA YIN TE, DE'I RANG GI NGO BO MA DMIGS PA'I PHYIR RO, ,DE'I PHYIR DE LTAR NA DE KHO NA NYID BSAM PA LA 'PHAGS PA RNAMS KHO NA TSAD MA YIN GYI 'PHAGS PA MA YIN PA DAG NI MA YIN NO, ,CI STE 'JIG RTEN GYI GNOD PA BRJOD PAR 'DOD PAS DE KHO NA NYID RNAM PAR DPYOD PA LA 'JIG RTEN GYI MTHONG BA YANG TSAD MA NYID DU KHAS LEN NA DE LTA YIN DANG, GAL TE 'JIG RTEN TSAD MA YIN NA NI, ,'JIG RTEN DE NYID MTHONG BAS 'PHAGS GZHAN GYIS, ,CI DGOS 'PHAGS PA'I LAM GYIS CI ZHIG BYA, ,BLUN PO TSAD MAR RIGS PA'ANG MA YIN NO, ,'JIG RTEN TSAD MA NYID DU KHAS BLANGS PA YIN PA DANG, DE NYID DE KHO NA NYID MTHONG BA YIN PA'I @256B PHYIR MA RIG PA SPANGS PA YIN PAR KHAS BLANG BAR BYA DGOS NA, GANG GI PHYIR BLUN PO NI TSAD MAR RIGS PA YANG MA YIN NO, ,GANG LA GANG GI YUL CAN GYI MI SHES PA YOD PA DE NI DE LA TSAD MA NYID MA YIN PAR MTHONG STE, DPER NA NOR BU RIN PO CHE LA SOGS PA BRTAGS PA LA DE MI SHES PA RNAMS LTA BU'O, ,MIG LA SOGS PA DAG KHO NAS DE KHO NA NYID NGES PA'I PHYIR, 'PHAGS PA'I LAM KHONG DU CHUD PAR BYA BA'I PHYIR, TSUL KHRIMS DANG, THOS BA DANG, BSAM PA DANG, BSGOM PA LA SOGS PA'I BSGRIM PA 'BRAS BU DANG BCAS PA MA YIN PAR YANG 'GYUR BA ZHIG NA DE NI DE LTAR YANG MA YIN NO, ,DE'I PHYIR, RNAM KUN 'JIG RTEN TSAD MIN DE YI PHYIR, ,DE NYID SKABS SU 'JIG RTEN GNOD PA MED, ,JI SKAD BSHAD PA'I TSUL 'DI LAS NA DE KHO NA NYID KYI SKABS SU 'JIG RTEN RNAM PA THAMS CAD DU TSAD MA MA YIN ZHING, DE KHO NA NYID KYI SKABS SU 'JIG RTEN GYIS GNOD PA YANG MA YIN NO, ,'O NA CI LTAR 'JIG RTEN GYIS GNOD PAR 'GYUR ZHE NA, BSHAD PA, 'JIG RTEN DON NI 'JIG RTEN GRAGS NYID KYIS, ,GAL TE SEL NA 'JIG RTEN KYIS GNOD 'GYUR, ,DPER NA KHA CIG GIS NGA'I RDZAS PHROGS SO ZHES SMRAS PA DANG, CIG SHOS KYIS DE LA BRGAL ZHING BRTAGS PA, RDZAS DE CI ZHIG YIN, DES BUM PA'O ZHES SMRAS PA LA, BUM PA NI RDZAS MA YIN TE, GZHAL BYA YIN PA'I PHYIR RMI LAM GYI BUM PA BZHIN NO ZHES DE DES SUN 'BYIN PAR BYED PA DE LTA BU LA SOGS PA'I YUL LA 'JIG RTEN PA'I DON 'JIG RTEN PA'I GRAGS PA NYID KYIS SEL BAR BYED PA LA 'JIG RTEN GYIS GNOD PAR 'GYUR GYI, GANG GI TSE 'PHAGS PA'I GZIGS PA LA GNAS TE, SKYE BO MKHAS PA TSAD MAR BYED PA DE'I TSE NI 'JIG RTEN GYI GNOD PA YOD PA MA YIN NO, ,MKHAS PAS PHYOGS 'DIS GZHAN YANG DPYAD PAR BYA'O, ,DE LTAR 'JIG RTEN GYI GRAGS PAS GZHAN LAS SKYE BA KHAS BLANGS NAS KYANG 'JIG RTEN GYI GNOD PA YONGS SU SPANGS TE, DA NI 'JIG RTEN LA YANG GZHAN LAS SKYE BA YOD PA MA YIN PAS DE'I LTA BA LA GNAS NAS KYANG GZHAN LAS SKYES PA DGAG PAR 'DOD PA LA 'JIG RTEN GYI GNOD PA YOD PA MA YIN NO ZHES BSTAN PA'I PHYIR BSHAD @257A *, ,PA; GANG PHYIR 'JIG RTEN SA BON TZAM BTAB NAS, ,BDAG GIS BU 'DI BSKYED CES SMRA BYED CING, ,SHING YANG BTZUGS SO SNYAM DU RTOGS DES NA, ,GZHAN LAS SKYE BA 'JIG RTEN LAS KYANG MED, ,PHO'I DBANG POS MNGON PAR GSAL BAR BYAS PA 'GA' ZHIG NYE BAR STON PA NA BU 'DI BDAG GIS BSKYED DO ZHES SMRA BAR BYED DO, ,'DI RNAMS DE LTA BU ZHIG RANG GI LUS LAS BTON NAS DE'I MA'I KHONG DU 'DZUD PA NI MA YIN TE, 'O NA CI ZHE NA, DE'I SA BON DU GYUR PA MI GTZANG BA TZAM ZHIG GO, ,GANG GI PHYIR 'DI DE'I RGYU BLUGS NAS RANG GI BU GTONG BAR BYED PA DE'I PHYIR SA BON DANG BU GNYIS GZHAN NYID MA YIN NO ZHES BYA BAR 'JIG RTEN DU GSAL BAR NGES PA YIN NO, ,GZHAN NYID YIN NA NI GANG ZAG GZHAN LTAR DE YANG NYE BAR STON PAR BYED PAR MI 'GYUR RO, ,DE BZHIN DU SA BON DANG LJON SHING DAG LA YANG SBYAR BAR BYA'O, ,DE'I PHYIR DE LTAR JI SKAD BSHAD PA'I TSUL LA RTEN CING 'BREL PAR 'BYUNG BRTAG PA DANG CHAD PA MED PAR GRUB PA'I SGO NAS YON TAN BSTAN PA'I PHYIR BSHAD PA, GANG PHYIR MYU GU SA BON LAS GZHAN MIN, ,DE PHYIR MYUG TSE SA BON ZHIG PA MED, ,GANG PHYIR GCIG NYID YOD MIN DE PHYIR YANG, ,MYUG TSE SA BON YOD CES BRJOD MI BYA, ,GAL TE MYU GU SA BON LAS GZHAN NYID YIN NA NI, THE TSOM MED PAR MYU GU YOD BZHIN DU YANG SA BON RGYUN CHAD PAR 'GYUR TE, GANG GI PHYIR BA MEN YOD PAS BA LANG SHI BAR GYUR KYANG RGYUN MA CHAD PA NI MA YIN LA, SO SO'I SKYE BO YOD PAS 'PHAGS PA RNAMS MYA NGAN LAS 'DAS PA YANG MA YIN NO, ,GZHAN NYID MED PA'I PHYIR MYU GU'I RANG GI BDAG NYID LTAR SA BON CHAD PAR MA YIN TE, DE LTAR NA CHAD PA SPANGS PA YIN NO, ,GCIG NYID MED PAS SA BON GANG YIN PA DE NYID MYU GU MA YIN PAS SA BON MI 'JIG LA BKAG PA'I PHYIR RTAG PA YANG BKAG PAR 'GYUR RO, ,JI SKAD DU, SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE LTAR RTAG MIN CHAD MIN CHOS NYID DO, ,ZHES GSUNGS PA LTA BU'O, ,SA BON YOD NA ZHES BYA BA NI SA BON YOD PAR 'GYUR BA @257B NA ZHES BYA BA'I DON TO, ,SA BON GYI RGYU CAN MYU GU YANG 'BYUNG BA NI SA BON LAS GZHAN NYID DU MI RUNG NGO ZHE NA, GSUNGS PA, SA BON GANG YIN MYU GU DE NYID MIN, ,YANG CI'I PHYIR SA BON DE NYID MYU GU DER MI 'GYUR ZHE NA, DE'I PHYIR, DE LAS GZHAN MIN DE YANG MA YIN TE, ,ZHES BYA BA GSUNGS SO, , GANG GI PHYIR DE NYID DANG GZHAN NYID GNYI GA'I PHYOGS MI SRID PA DE'I PHYIR, DE LAS GZHAN DANG GZHAN MA YIN PA NYID MI RIGS SO, ,DE LTAR PHYOGS GNYIS CHAR YANG BKAG PA NA RTAG PA DANG CHAD PA MED PA'I CHOS NYID DU YONGS SU GSAL BAR BYAS PAR 'GYUR RO, ,'DIR DON GYI DE KHO NA NYID NI SA BON DANG MYU GU GNYIS LA RANG BZHIN 'GA' ZHIG YOD PAR GYUR NA NI, ,DE GNYIS GCIG PA'AM GZHAN PA NYID DU'ANG 'GYUR BA ZHIG NA, GANG GI PHYIR TSE DE DAG LA RANG BZHIN NYID YOD PA MA YIN PA DE'I TSE RMI LAM DU DMIGS PA'I SA BON DANG MYU GU DAG LTAR GCIG PA NYID DAM GZHAN NYID DU GA LA 'GYUR ZHES BYA BA 'DI YIN PAR RIG PAR BYA'O, ,DON 'DI NYID, 'DU BYED RNAMS NI MA RIG RKYEN CAN TE, ,'DU BYED DE DAG DE NYID DU YOD MIN, ,'DU BYED MA RIG PA GNYIS STONG PA STE, ,RANG BZHIN GYIS NI G-YO BA DANG BRAL BA'O, ,ZHES BYA BAS BSHAD PA, BSTAN BCOS LAS KYANG, GANG LA BRTEN TE GANG 'BYUNG BA, ,DE NI RE ZHIG DE NYID MIN, ,DE LAS GZHAN PA'ANG MA YIN PA, ,DE PHYIR RTAG MIN CHAD PA'ANG MIN, ,ZHES GSUNGS SO, ,JI LTAR RANG BZHIN GYIS 'GA' YANG SKYE BA MED DO ZHES BYA BA 'DI NI GDON MI ZA BAR KHAS BLANG BAR BYA DGOS SO, ,DE LTAR MA YIN TE, GAL TE RANG GI MTSAN NYID BRTEN GYUR NA, ,DE LA SKUR PAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, ,DE NI RIGS MIN DE PHYIR DNGOS YOD MIN, ,GAL TE GZUGS DANG TSOR BA LA SOGS PA DNGOS PO RNAMS KYANG RANG GI MTSAN NYID DE RANG GI NGO BO DANG RANG BZHIN RGYU DANG RKYEN DAG GIS BSKYED NA NI, DE GANG GI TSE NA RNAL 'BYOR PA 'DIS DNGOS PO RNAMS RANG BZHIN GYIS STONG PAR MTHONG ZHING CHOS THAMS CAD RANG BZHIN MED PAR RTOGS PA DE'I TSE NGES PAR JI LTAR SKYES PA'I RANG BZHIN LA SKUR BA BTAB BAS STONG PA NYID RTOGS PAR 'GYUR TE, DE'I PHYIR JI LTAR THO @258A *, ,BA LA SOGS PA DAG BUM PA LA SOGS PA RNAMS KYI 'JIG PA'I RGYU YIN PA DE BZHIN DU, STONG PA NYID KYANG DNGOS PO'I RANG BZHIN LA SKUR PA'I RGYUR 'GYUR BA ZHIG NA DE NI RUNG BA YANG MA YIN TE, DE'I PHYIR DNGOS PO RNAMS KYI RANG GI MTSAN NYID NI THAMS CAD KYI TSE SKYE BAR KHAS BLANG BAR MI BYA'O, ,JI SKAD DU, 'PHAGS PA DKON MCHOG BRTZEGS PA'I MDO LAS, 'OD SRUNGS GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI, GANG STONG PA NYID KYIS CHOS RNAMS STONG PAR MI BYED DE, CHOS RNAMS NYID STONG PA DANG, GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG, GANG SMON PA MED PAS CHOS RNAMS SMON PA MED PAR MI BYED DE, CHOS RNAMS NYID SMON PA MED PA DANG, GANG MNGON PAR 'DU BYA BA MED PAS CHOS RNAMS MNGON BAR 'DU BYED PA MED PAR MI BYED DE, CHOS RNAMS NYID MNGON PAR 'DU BYED PA MED PA DANG, GANG MA SKYES PAS CHOS RNAMS SKYES PA NYID DU MI BYED DE, CHOS RNAMS NYID MA SKYES PA DANG, GANG MA BYUNG BAS CHOS RNAMS MA BYUNG BAR MI BYED DE, CHOS RNAMS NYID MA BYUNG BA DANG ZHES RGYA CHER GSUNGS PA LTA BU'O, ,GANG ZHIG GZHAN GYI DBANG GI NGO BO KHAS BLANGS NAS DE LA BRTEN PA'I STONG PA NYID GZUNG BA DANG 'DZIN PA MED PA'I MTSAN NYID CAN MI RTAG PA NYID LA SOGS PA LTAR DE NYID DANG GZHAN NYID DU BRJOD PAR BYA BA MA YIN PAR SEMS PA DE'I LTAR NA, STONG PA NYID KHO NAS CHOS THAMS CAD STONG PA YIN GYI, RANG BZHIN NYID KYIS NI MA YIN NO ZHES BYA BAR 'GYUR RO, ,BZHI BRGYA PA LAS, STONG MIN STONG LDAN MTHONG MIN TE, ,MYANG 'DAS BDAG GIR GYUR CIG CES, ,LOG LTAS MYA NGAN MI 'DA' BAR, ,DE BZHIN GSHEGS PA RNAMS KYIS GSUNGS, ,ZHES BSHAD LA, BSTAN BCOS LAS KYANG, STONG NYID LTA BA THAMS CAD NI, ,NGES PAR 'BYIN PAR RGYAL BAS GSUNGS, ,GANG DAG STONG PA NYID LTA BA, ,DE DAG SGRUB TU MED PAR GSUNGS, ,ZHES GSUNGS SO, 'DIR SMRAS PA, ,DON DAM PAR SKYE BA MED PAS BDAG DANG GZHAN LAS SKYES PA BDAG LA RAG MOD, GZUGS DANG TSOR BA LA SOGS PA @258B GANG DAG MNGON SUM DANG RJES SU DPAG PA DAG GIS DMIGS PA DE DAG GI RANG BZHIN NI GDON MI ZA BAR GZHAN LAS SKYE BAR 'GYUR RO, ,CI STE DE LTAR MI 'DOD NA NI BDEN PA GNYIS CI STE BRJOD DE, BDEN PA GCIG KHO NAR 'GYUR RO, ,DE'I PHYIR GZHAN LAS SKYE BA MED PA NYID DO, ,'DI LA BSHAD PAR BYA STE, 'DI BDEN MOD KYI DON DAM PAR NA BDEN PA GNYIS YOD PA MA YIN TE, DGE SLONG DAG BDEN PA DAM PA 'DI NI GCIG STE, 'DI LTA STE, MI SLU BA'I CHOS CAN MYA NGAN LAS 'DAS PA'O, ,'DU BYED THAMS CAD NI BRDZUN PA SLU BA'I CHOS CAN NO ZHES 'BYUNG BA'I PHYIR RO, ,DE'I PHYIR KUN RDZOB KYI BDEN PA GANG YIN PA DE NI DON DAM PA'I BDEN PA LA 'JUG PAR BYA BA'I THABS YIN PA'I PHYIR, BDAG DANG GZHAN DAG LAS SKYE BA MA DPYAD PAR 'JIG RTEN PA'I LUGS KYIS KHAS LEN PAR BYED PA YIN NO, ,'DI LTA STE, GANG PHYIR DNGOS PO 'DI DAG RNAM DPYAD NA, ,DE NYID BDAG CAN DNGOS LAS TSU ROL DU, ,GNAS RNYED MA YIN DE PHYIR 'JIG RTEN GYI, ,THA SNYAD BDEN LA RNAM PAR DPYAD MI BYA, ,'DI LTAR GZUGS DANG TSOR BA LA SOGS PA 'DI DAG NI CI BDAG LAS SKYE BA ZHIG GAM, CIG GZHAN LAS SKYE BA ZHIG CES BYA BA DE LTA BU LA SOGS PA RNAM PAR DPYAD PA NA, DON DAM PAR MA SKYES PA DANG MA 'GAGS PA'I PHYIR RANG BZHIN CAN LAS TSU ROL TE GZHAN DU GYUR BA'I CHA SKYE BA LA SOGS PA CAN LA GNAS BA MA YIN TE, DE'I PHYIR BDAG DANG GZHAN LAS ZHES BYA BA DE LTA BU LA SOGS PA'I RNAM PAR DPYOD PA 'JUG PA MED PAR BYAS TE, 'JIG RTEN PAS YONGS SU MTHONG BA 'DI YOD NA 'DI 'BYUNG NGO ZHES BYA BA 'DI TZAM ZHIG GZHAN LA RAG LAS PA'I 'JUG PA'I SGO NAS KHAS BLANG BAR BYA STE, 'PHAGS PA LTAS, JI LTAR KLA KLO SKAD GZHAN GYIS, ,GZUNG BAR MI NUS DE BZHIN DU, ,'JIG RTEN PA YI MA RTOGS PAR, ,'JIG RTEN GZUNG BAR NUS MA YIN, ,ZHES JI SKAD DU BSHAD PA LTA BU'O, ,BSTAN BCOS LAS KYANG, ,THA SNYAD LA NI MA BRTEN PAR, ,DAM PA'I DON NI RTOGS MI 'GYUR, ,DAM PA'I DON NI MA RTOGS BAR, ,MYA NGAN 'DAS PA THOB MI 'GYUR, ,ZHES GSUNGS SO, ,RNAM PAR DPYAD PA BYAS NA NI 'JIG RTEN PA'I THA SNYAD NYAMS PAR @259A *, ,'GYUR TE, JI SKAD DU MDO LAS, DPER NA SHING DANG RGYUD LA BRTEN BYAS LA, ,LAG PA RTZOL BA BYAS PA GSUM TSOGS NA, ,SGROG BYED PI WANG GLING BU LA SOGS LAS, ,DE DAG LAS SKYES SGRA YANG 'BYUNG BAR 'GYUR, ,DE NAS MKHAS PA LA LAS BRTAG BYAS TE, ,DE NI GANG NAS 'ONGS LA GAR SONG ZHES, ,PHYOGS DANG PHYOGS MTSAMS KUN DU BRTAG BYAS NA, ,SGRA YI 'ONG BA 'AM 'GRO BA RNYED MI 'GYUR, ,DE LTAR RGYU DAG DANG NI RKYEN DAG LAS, ,'DU BYED GYUR BA THAMS CAD 'BYUNG BA STE, ,YANG DAG MTHONG BA'I RNAL 'BYOR PA YIS NI, ,'DU BYED STONG PA G-YO BA MED PAR MTHONG, ,PHUNG PO DAG DANG SKYE MCHED KHAMS RNAMS NI, ,NANG YANG STONG LA PHYI ROL STONG PA STE, ,SEMS CAN BDAG GIS STONG ZHING GNAS MED LA, ,CHOS KYI MTSAN NYID NAM MKHA'I NGO BO NYID, ,CES RGYA CHER GSUNGS PA LTA BU'O, ,CI STE YANG DE LTAR DNGOS PO LA MNGON PAR ZHEN PA'I BDOG PA THAMS CAD KUN NAS GCOD PA NA BRED SHA THON PA THA SNYAD KYI BDEN PA LA MNGON PAR ZHEN PA 'DI GANG ZHIG KUN NAS NYON MONGS PA DANG RNAM PAR BYANG BA'I RGYUR GYUR PA RDZAS KYI BDAG NYID 'GA' ZHIG SKYE BAR 'GYUR BAR BYA DGOS SO ZHES SMRA NA, DE LTA NA YANG DE SKAD DU SMRA BA LA TSIG TZAM ZHIG LHAG MA LUS PAR 'GYUR RO, ,CI'I PHYIR ZHE NA, DE NYID SKABS SU RIGS PA GANG ZHIG GIS, ,BDAG DANG GZHAN LAS SKYE BA RIGS MIN PA'I, ,RIGS DES THA SNYAD DU YANG RIGS MIN PAS, ,KHYOD KYI SKYE BA GANG GIS YIN PAR 'GYUR, ,JI LTAR DON DAM PA'I SKABS SU JI SKAD BSHAD PA'I RIGS PAS BDAG DANG GZHAN LAS SKYE BA MI RUNG BA DE BZHIN DU THA SNYAD DU YANG, DE NYID KYIS SKYE BAR MI RIGS PAS KHYOD KYI DNGOS PO RNAMS KYI SKYE BA GANG GIS 'GRUB PAR 'GYUR, DE'I PHYIR RANG GI MTSAN NYID KYI SKYE BA NI BDEN PA GNYIS CHAR DU YANG YOD PA MA YIN NO ZHES MI 'DOD PA ZHIN DU YANG GDON MI ZA BAR KHAS BLANG BAR BYA'O, ,GANG DAG BDAG LAS MA YIN ZHES BYA BA LA SOGS PAS NI SLOB DPON KLU SGRUB KYI ZHAL SNGA NAS KYIS BRTAGS PA'I NGO BO NYID KHO NA BKAG PA YIN GYI, GZHAN GYI DBANG GI NGO BO NI MA YIN NO SNYAM DU SEMS PA DE DAG GI 'DOD PA 'DI @259B YANG GTAN TSIGS MED PAR MI GRUB PAS, DE SKAD DU SMRA BA DE DAG NI BRGAL ZHING BRTAG PAR BYA BA KHO NA YIN NO, ,'O NA NI GAL TE BDEN PA GNYIS CHAR DU YANG RANG GI MTSAN NYID KYI SKYE BA YOD PA MA YIN PA DE'I PHYIR CI LTAR NA DE DAG GI RANG GI NGO BO 'JIG RTEN DU DMIGS PAR 'GYUR ZHE NA, BSHAD PA; DNGOS PO STONG PA GZUGS BRNYAN LA SOGS PA, ,TSOGS LA LTOS RNAMS MA GRAGS PA YANG MIN, ,JI LTAR DER NI GZUGS BRNYAN SOGS STONG LAS, ,SHES PA DE YI RNAM PAR SKYE 'GYUR LTAR, ,DE BZHIN DNGOS PO THAMS CAD STONG NA YANG, ,STONG NYID DAG LAS RAB TU SKYE BAR 'GYUR, ,DNGOS PO THAMS CAD NI RGYU DANG 'BRAS BU THA DAD PA MED PAR GNAS PA YIN LA, GZUGS BRNYAN RANG BZHIN MED PA'I RGYU DANG 'BRAS BU'I RNAM PAR GZHAG PA YANG SHES BZHIN DU MKHAS PA SU ZHIG GZUGS DANG TSOR BA LA SOGS PA RGYU DANG 'BRAS BU LAS THA DAD PA MED PAR GNAS PA RNAMS YOD PA TZAM ZHIG TU DMIGS PAS RANG BZHIN DANG BCAS PAR NGES PAR BYED, DE'I PHYIR YOD PAR DMIGS KYANG RANG BZHIN GYIS SKYE BA MED DO, ,JI SKAD DU, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ,ZHES GSUNGS SO, ,DE NYID KYI PHYIR, BDEN PA GNYIS SU 'ANG RANG BZHIN MED PA'I PHYIR, ,DE DAG RTAG PA MA YIN CHAD PA'ANG MIN, ,GANG GI PHYIR DE LTAR DNGOS PO RNAMS GZUGS BRNYAN GYI RNAM PA LTAR RANG BZHIN GYIS STONG PA DE NYID KYI PHYIR, DON DAM PA DANG KUN RDZOB KYI BDEN PA GNYIS CHAR DU YANG RANG BZHIN TE NGO BO NYID MED PA'I PHYIR RTAG PA DANG CHAD PA MED PA NYID DO, ,JI SKAD DU BSTAN BCOS LAS, GANG ZHIG NGO BO NYID YOD PA, ,DE NI MED PA MIN PAS RTAG, ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,ZHES BYA BA DANG, DE BZHIN DU, DNGOS PO YOD PAR KHAS BLANGS NA, ,RTAG DANG CHAD PAR LTA BAR NI, ,THAL BAR 'GYUR TE DNGOS DE NI, ,RTAG DANG MI RTAG 'GYUR PHYIR RO, ,ZHES BYA BA LA SOGS PA GSUNGS PA LTA BU'O, ,DE BZHIN DU, JI LTAR STON PAS SPRUL PA NI, ,RDZU 'PHRUL PHUN TSOGS KYIS SPRUL ZHING, ,SPRUL PA DE YANG @260A *, ,SPRUL PA NA, ,SLAR YANG GZHAN NI SPRUL PA LTAR, ,DE BZHIN BYED PO DE LAS GANG, ,BYAS PA'ANG SPRUL PA'I RNAM PA BZHIN, ,DPER NA SPRUL PAS SPRUL GZHAN ZHIG, ,SPRUL PA MDZAD PA DE BZHIN NO, ,NYON MONGS LAS DANG LUS RNAMS DANG, ,BYED PA PO DANG 'BRAS BU DAG ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,ZHES SPRUL BA'I DPES RANG BZHIN MED PA LAS RANG BZHIN MED PA RNAMS SKYE BAR BSTAN TO, ,DE PHYIR DE LTAR BDEN PA GNYIS KAR YANG RANG BZHIN MED PAS RTAG PA DANG CHAD PAR LTA BA RGYANG RING DU SPANGS PA 'GA' ZHIG TU MA ZAD KYI, LAS RNAMS 'GAGS NAS YUN RING DU LON YANG LAS RNAMS KYI 'BRAS BU DANG 'BREL PA NI KUN GZHI'I RNAM PAR SHES PA'I RGYUN DANG CHUD MI ZA BA DANG THOB PA LA SOGS PAR YANG YONGS SU RTOG PA MED PAR YANG 'THAD PA YIN NO, ,JI LTAR ZHE NA, GANG PHYIR RANG BZHIN GYIS DE MI 'GAG PA,, DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RING LON LAS KYANG, ,'BRAS BU YANG DAG 'BYUNG BAR RIG PAR GYIS, ,GANG GI LTAR NA LAS 'GAGS PA DE NI 'GAGS ZIN PA'I LAS DE LAS 'BRAS BU JI LTAR 'BYUNG BAR 'GYUR ZHES BRTZAD PA'I LAN DU, 'GAGS ZIN PA'I LAS KYI NUS PA GZHAG PAR BYA BA'I PHYIR KUN GZHI'I RNAM PAR SHES PA'AM, BU LON GYI DBANG RGYA DANG 'DRA BA'I CHOS GZHAN CHUD MI ZA BA'AM, THOS PA'AM, LAS KYI BAG CHAGS KYIS BSGOS PA'I RNAM PAR SHES PA'I RGYUN RTOGS PAR BYED DO, ,GANG GI LTAR NA LAS RANG GI BDAG NYID KYIS MA SKYES PA DE'I LTAR NA NI DE 'GAG PA YOD PA MA YIN ZHING, MA ZHIG PA LAS 'BRAS BU 'BYUNG BA MI SRID PA YANG MA YIN PAS, LAS RNAMS MI 'JIG PAS LAS DANG 'BRAS BU'I 'BREL PA CHES SHIN TU 'CHAD PAR 'GYUR RO, ,JI SKAD DU, BSTAN BCOS LAS, GANG PHYIR LAS NI SKYE BA MED, ,'DI LTAR RANG BZHIN MED DE'I PHYIR, ,GANG PHYIR DE NI MA SKYES PA, ,DE PHYIR CHUD ZAR MI 'GYUR RO, ,ZHES GSUNGS PA LTA BU'O, ,MDO LAS KYANG, MI YI TSE TSAD LO BRGYA STE, ,DE SRID 'TSO ZHES BRJOD MOD KYI, ,LO LA PHUNG POR SPUNGS PA MED, ,SGRUB PA DE YANG DE DANG @260B MTSUNGS, ,ZAD PA MED CES GANG SMRAS DANG, ,LAS ZAD CES NI GANG SMRAS PA, ,STONG PA'I TSUL DU ZAD PA MED, ,THA SNYAD TSUL DU ZAD PAR BSTAN, ,ZHES 'BYUNG NGO, ,JI SKAD BSNYAD BA'I DON NYID DPE'I SGO NAS BSHAD PA, ,RMI LAM DMIGS PA'I YUL DAG MTHONG NAS NI, ,SAD KYANG BLUN LA CHAGS PA SKYE 'GYUR BA, ,DE BZHIN 'GAGS SHING RANG BZHIN YOD MIN PA'I, ,LAS LAS KYANG NI 'BRAS BU YOD PA YIN, ,JI SKAD DU, SRID PA 'PHO BA'I MDO LAS, RGYAL PO CHEN PO 'DI LTA STE, DPER NA MI ZHIG NYAL BA'I RMI LAM NA YUL GYI BUD MED BZANG MO DANG LHAN CIG SPYOD PA RMIS LA, DE NYAL BA LAS SAD NAS YUL GYI BUD MED BZANG MO DRAN NA, RGYAL PO CHEN PO 'DI CI SNYAM DU SEMS, GANG RMI LAM GYI YUL GYI BUD MED BZANG MO DANG LHAN CIG SPYOD PA RMIS LA, DE NYAL BA LAS SAD NAS YUL GYI BUD MED BZANG MO DE DRAN BA'I MI DE MKHAS PA'I RANG BZHIN CAN YIN NAM, GSOL BA, BCOM LDAN 'DAS DE NI MA LAGS TE, DE CI'I SLAD DU ZHE NA, BCOM LDAN 'DAS RMI LAM GYI BUD MED BZANG MO YANG MA MCHIS SHING MI DMIGS LAGS NA, DE DANG YONGS SU SPYOD PA LTA GA LA MCHIS TE, 'DI LTAR MI DE NI PHONGS SHING DUB BA'I SKAL BA CAN DU 'GYUR LAGS SO, ,BCOM LDAN 'DAS KYIS BKA' STZAL PA, RGYAL PO CHEN PO DE BZHIN DU BYIS PA SO SO'I SKYE BO THOS PA DANG MI LDAN PA YANG MIG GIS GZUGS RNAMS MTHONG NAS YID BDE BAR GYUR PA'I GZUGS RNAMS LA MNGON PAR ZHEN TE, MNGON PAR ZHEN PAR GYUR NAS CHAGS PA SKYED PAR BYED DO, ,CHAGS NAS 'DOD CHAGS LAS BYUNG BA DANG, ZHE SDANG LAS BYUNG BA DANG, GTI MUG LAS BYUNG BA'I LAS LUS DANG NGAG DANG YID KYIS MNGON PAR 'DU BYED DO, ,LAS DE MNGON PAR 'DU BYAS PAR GYUR NAS 'GAG GO, ,'GAGS PA NA SHAR PHYOGS SU BRTEN TE GNAS PA MA YIN PA NAS PHYOGS MTSAMS RNAMS SUM YIN NO ZHES BYA BA'I BAR DANG, DUS GZHAN JI TZAM ZHIG NA 'CHI BA'I DUS DANG NYE BAR GNAS PA'I TSE DE DANG SKAL PA 'DRA BA'I LAS ZAD NAS RNAM PAR SHES PA THA MA 'GAG PA'I TSE, 'DI LTA STE, DPER NA NYAL @261A *, ,NYAL BA LAS SAD PA'I MI'I YUL GYI BUD MED BZANG MO LTA BUR YID LAS DE NYID LA MNGON DU PHYOGS PAR 'GYUR RO, ,RGYAL PO CHEN PO DE LTAR RNAM PAR SHES PA THA MA 'GAG CING SKYE BA'I CHAR GTOGS PA'I RNAM PAR SHES PA DANG PO YANG NA NI LHA DAG GI NANG DU ZHES BYA BA NAS YANG NA NI YI {DVAGS} RNAMS SU 'BYUNG BAR 'GYUR RO ZHES BYA BA'I BAR DANG, RGYAL PO CHEN PO RNAM PAR SHES PA DANG PO DE 'GAGS MA THAG TU GANG LA RNAM PAR SMIN PA MYONG BAR 'GYUR BAR MNGON PA DE DANG SKAL BA 'DRA BA'I SEMS KYI RGYUN 'BYUNG NGO, ,RGYAL PO CHEN PO DE LA CHOS GANG YANG 'JIG RTEN 'DI NAS 'JIG RTEN PHA ROL TU 'PHO BA YANG MED LA 'CHI 'PHO BA DANG SKYE BAR MNGON PA YANG YOD DE, RGYAL PO CHEN PO DE LA GANG RNAM PAR SHES PA THAM 'GAG PA DE NI 'CHI 'PHO BA ZHES BYA, GANG RNAM PAR SHES PA DANG PO 'BYUNG BA DE NI SKYE BA ZHES BYA'O, ,RGYAL PO CHEN PO RNAM PAR SHES PA THA MA 'GAG PA'I TSE YANG GANG DU YANG MI 'GRO'O, ,RNAM PAR SHES PA DANG PO SKYE BA'I CHAR GTOGS PA 'BYUNG BA'I CHA YANG GANG NAS KYANG MI 'ONG NGO, ,DE CI'I PHYIR ZHE NA, RANG BZHIN GYIS DBEN PA'I PHYIR RO, ,RGYAL PO CHEN PO DE LA RNAM PAR SHES PA THA MA NI RNAM PAR SHES PA THA MAS STONG NGO, ,'CHI 'PHO BA NI 'CHI 'PHO BAS STONG NGO, ,LAS NI LAS KYIS STONG NGO, ,RNAM PAR SHES PA DANG PO NI RNAM PAR SHES PA DANG POS STONG NGO, ,SKYE BA NI SKYE BAS STONG LA LAS RNAMS CHUD MI ZA BAR YANG MNGON NO ZHES BYA BA GSUNGS PA LTA BU'O, ,CI STE GAL TE RANG BZHIN GYIS MA SKYES PA LA ZAD PA MED PAS RNAM PAR SMIN PAR 'DOD NA, DE LTA YIN DANG, JI LTAR MA 'GAGS PA'I PHYIR RNAM PAR SMIN PA 'BYUNG BA DE BZHIN DU, RNAM PAR SMIN PAR BYAS ZIN PA LAS KYANG RNAM PAR SMIN PA YIN PA DANG, DE LA LAS ZAD PA MED PA'I PHYIR, RNAM PAR SMIN ZIN PA LAS KYANG YANG RNAM PAR SMIN PAR 'GYUR PA'I PHYIR THUG PA MED PA'I SKYON DU 'GYUR RO SNYAM NA, DE NI YOD PA MA YIN TE, ,JI LTAR YUL NI YOD NYID MIN MTSUNGS KYANG, ,RAB RIB CAN GYIS SKRA SHAD RNAM PAR NI, ,MTHONG GI DE DNGOS PO GZHAN RNAMS MA YIN LTAR, ,DE BZHIN SMIN LAS SLAR SMIN MIN SHES KYI, ,DPER NA YUL YOD PA MA @261B YIN PAR 'DRA BZHIN DU RAB RIB CAN GYIS YOD PA MA YIN PA'I SKRA SHAD LA SOGS PA'I NGO BO MTHONG GI ,DE LAS GZHAN PA'I DNGOS PO'I RNAM PA BONG BU'I {RVA} DANG MO GSHAM GYI BU LA SOGS PA DAG NI MA YIN PA DE BZHIN DU, LAS KYI RANG BZHIN MA 'GAGS PAR MTSUNGS BZHIN DU RNAM PAR SMIN PA LA NGES PAR 'GYUR RO, ,DPE 'DIS LAS RNAMS MA NGES PA MA YIN PA 'BA' ZHIG TU MA ZAD KYI RNAM PAR SMIN PA YANG NGES PA YIN NO ZHES BSHAD PA, DE'I PHYIR RNAM SMIN MI DGE NAG PO'I LAS, ,RNAM SMIN DGE NYID DGE LAS YIN MTHONG ZHING, ,DGE MI DGE MED BLO CAN MTHAR 'GYUR TE; ,LAS 'BRAS RNAMS LA SEMS PA DGAG PA MDZAD, ,GAL TE YANG DGE BA DANG MI DGE BA'I LAS GNYIS RANG BZHIN MED PA YIN MOD KYI, DE LTA NA YANG SKRA SHAD LA SOGS PA'I MTHONG BA NGES PA DE NYID KYI PHYIR NA, RNAM PAR SMIN PA YID DU 'ONG BA NI MI DGE BA LAS MA YIN LA, YID DU MI 'ONG BA NI DGE BA LAS MA YIN NO, ,DGE BA DANG MI DGE BA'I LAS MI DMIGS PAS NI THAR PAR 'GYUR RO, ,DE NYID KYI PHYIR BCOM LDAN 'DAS KYIS SO SO'I SKYE BO SHIN TU NGES PAR DPYOD PAR BYED PA RNAMS LA, LAS DANG 'BRAS BU LA SKUR BA BTAB PA LAS KUN RDZOB 'JIG PAR 'GYUR DU 'ONG NGO SNYAM STE, LAS RNAMS KYI 'BRAS BU RNAM PAR SMIN BA NI BSAM GYIS MI KHYAB PO ZHES LAS DANG 'BRAS BU LA BRTEN PA'I SEMS PA DGAG PA MDZAD DO, ,GAL TE DE LTAR LAS RNAMS KYI 'BRAS BU 'BREL BA RNAM PAR GZHAG NA, 'O NA 'PHAGS PA LANG KAR GSHEGS PA LA SOGS PA RNAMS LAS KUN GZHI'I RNAM PAR SHES PA CHOS MTHA' YAS PA'I NUS PA'I KHYAD PAR GYI GZHI SA BON THAMS CAD RBA RLABS RNAMS LA RGYA MTSO LTAR DNGOS PO THAMS CAD SKYE BA'I RGYUR GSUNGS PA GANG YIN PA DE CI RNAM PA THAMS CAD DU SKYE BA MED PA ZHIG GAM ZHE NA, DE LTAR NI MA YIN TE, DE SKAD DU NYE BAR BSTAN PAS GDUL BA RNAMS LA DE YOD PA NYID DU BSTAN PA'I PHYIR RO, ,DNGOS PO THAMS CAD KYI RANG BZHIN RJES SU ZHUGS PA'I PHYIR STONG PA NYID KHO NA KUN GZHI'I RNAM PAR SHES PA'I SGRAS BSTAN PAR RIG PAR BYA'O, ,KUN GZHI'I RNAM PAR SHES PA 'BA' ZHIG YOD PAR MA ZAD KYI GANG ZAG KYANG @262A *, ,YOD DA, DES 'DUL BA'I SKYE BO LA DE YOD PA NYID DU BSTAN PAS RJES SU 'DZIN PA'I PHYIR RO, ,JI SKAD DU DGE SLONG DAG PHUNG PO LNGA NI KHUR RO, ,KHUR KHUR BA NI GANG ZAG GO ZHES GSUNGS PA LTA BU'O, ,KHA CIG LA NI PHUNG PO TZAM ZHIG BSTAN PA MDZAD DE, SEMS ZHES BYA BA 'AM YID CES BYA BA'AM, RNAM PAR SHES PA ZHES BYA BA DE NI DUS RING POR DAD PA DANG TSUL KHRIMS LA SOGS PAS YONGS SU BSGOS SHING GANG DU 'GRO BA NI PHYI MA LA MTHO RIS SU 'GRO BAR 'GYUR RO ZHES GANG BSHAD PA YIN NO, ,'DI DAG THAMS CAD NI DGONGS PA'I DBANG GIS GSUNGS PA YIN NO, ,'DIR DGONGS PA GANG ZHIG YIN ZHE NA, BRJOD PAR BYA STE, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA 'DI NI DE LTAR CHOS ZAB DON, ,RIG PAR MI 'GYUR GANG YIN DE LA'O, ,GDUL BYA GANG DAG YUN RING POR MU STEGS KYI LTA BA LA GOMS PAR BYAS PAS CHOS NYID ZAB MO LA 'JUG PAR MI NUS SHING BDAG MED DO 'BYUNG BAR MI 'GYUR RO ZHES JI SKAD BSTAN PA'I CHOS NYID THOS NAS SKRAG PA THOG MA KHO NAR STON PA'I NYE BAR BSTAN PA LA G-YANG SA DANG 'DRA BAR SEMS PA DE DAG DE LA RGYAB KYIS PHYOGS PAS DON CHEN PO BSGRUB PAR MI 'GYUR RO, ,CHOS THOG MAR KUN GZHI'I RNAM PAR SHES PA LA SOGS PA BSTAN PAS NI MU STEGS KYI LUGS BSAL NAS DE DAG GI DON CHEN PO 'DREN PAR 'GYUR ZHING, PHYI NAS GSUNG RAB KYI DON PHYIN CI MA LOG PAR RIG PA RNAMS RANG NYID KYIS DE DAG SPONG BAR 'GYUR BAS YON TAN KHO NA 'BYUNG GI SKYON NI MA YIN NO, ,JI SKAD DU 'PHAGS PA LHAS, GANG ZHIG GANG GANG LA DGA' BA, DE YI DE DE SNGAR DPYAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,ZHES BSHAD DO, ,GZHUG PAR BYA BA'I PHYIR DANG POR KUN GZHI'I RNAM PAR SHES PA LA SOGS PA BSTAN PA 'BA' ZHIG TU MA ZAD KYI, 'ON KYANG, 'JIG TSOGS LTA DANG BRAL YANG SANGS RGYAS KYIS, ,JI LTAR NGA DANG NGA YI BSTAN PA LTAR, ,DE BZHIN DNGOS RNAMS RANG BZHIN MED MOD KYI, ,YOD CES DRANG DON NYID DU BSTAN PA YIN, ,'JIG TSOGS LA LTA BA MTHA' DAG SPANGS PAS NGAR 'DZIN PA DANG @262B NGA YIR 'DZIN PA SPANGS SU ZIN KYANG, NGA DANG NGA'I ZHES BSNYAD PA'I 'JIG RTEN GYIS KHONG DU CHUD PAR BYA BA'I THABS YIN PA'I PHYIR, BCOM LDAN 'DAS KYIS NGA DANG NGA'I ZHES BYA BA DE LTA BU JI SKAD BSTAN PA DE BZHIN DU, DNGOS PO RNAMS RANG BZHIN YOD PA MA YIN YANG DE YOD PA NYID DU NYE BAR BSTAN PA 'JIG RTEN GYIS KHONG DU CHUD PA'I THABS YIN PA'I PHYIR, YOD PA NYID DU BSTAN PA MDZAD DO, ,JI SKAD DU SHAR GYI RI BO'I SDE DANG MTHUN PA'I TSIGS SU BCAD PA DAG LAS, GAL TE 'JIG RTEN RNAM 'DREN RNAMS, ,'JIG RTEN MTHUN PAR MI 'JUG NA, ,SANGS RGYAS CHOS NYID GANG YIN DANG, ,SANGS RGYAS SUS KYANG SHES MI 'GYUR, ,PHUNG PO DAG DANG KHAMS RNAMS DANG, ,SKYE MCHED RANG BZHIN GCIG BZHED LA, ,KHAMS GSUM PO DAG STON MDZAD PA, ,'DI NI 'JIG RTEN MTHUN 'JUG YIN, ,MING MED PA YI CHOS KYI RNAMS, ,BSAM DU MED PA'I MING DAG GIS, ,SEMS CAN RNAMS LA YONGS BRJOD PA, ,'DI NI 'JIG RTEN MTHUN 'JUG YIN, ,DNGOS MED NYE BAR STON MDZAD CING, ,SANGS RGYAS RANG BZHIN LA BZHUGS PAS, ,DNGOS MED 'GA' YANG 'DIR MED PA, ,'DI NI 'JIG RTEN MTHUN 'JUG YIN, ,DON DANG DON MED MI GZIGS LA, , 'GOG PA DANG NI DAM PA'I DON, ,SMRA BA RNAMS KYI MCHOG GSUNGS PA, ,'DI NI 'JIG RTEN MTHUN 'JUG YIN, ,ZHIG PA MED CING SKYE MED LA, ,CHOS KYI DBYINGS DANG MNYAM GYUR KYANG, ,BSREG PA'I BSKAL PA BRJOD MDZAD PA, ,'DI NI 'JIG RTEN MTHUN 'JUG YIN, ,DUS GSUM DAG TU SEMS CAN GYI, ,RANG BZHIN DMIGS PA MA YIN LA, ,SEMS CAN KHAMS KYANG STON MDZAD PA, ,'DI NI 'JIG RTEN MTHUN 'JUG YIN, ,ZHES RGYA CHER GSUNGS PA LTA BU'O, ,DE'I PHYIR DE LTAR RNAM PAR SHES PA SMRA BA PA DBU MA PA'I LUGS JI SKAD BSTAN PA MI BZOD CING, RANG GI RNAM PAR RTOG PAS SBYAR BA'I LUGS BRJOD PA'I SGO NAS, DON DAG 'JOG PAR BYED PA RNAMS KYIS JI SKAD BSHAD PA'I LUGS BSAL BA'I PHYIR SMRAS PA, GZUNG BA MED PAS 'DZIN PA MA MTHONG ZHING, ,SRID GSUM RNAM SHES TZAM DU RAB RTOGS PAS, ,SHES RAB LA GNAS @263A *, ,BYANG CHUB SEMS DPA' DES, ,RNAM SHES TZAM DU DE NYID RTOGS PAR 'GYUR, ,GNAS ZHES BYA BA'I SGRA 'DI NI BZHUGS PA LA 'JUG GO, ,SHES RAB LA GNAS PA NI SHES RAB LA GNAS TE, DE 'DI LA YOD PAS SHES RAB LA GNAS TE, SHES RAB SGOM PAR BYED PA LA BYA'O, ,BYANG CHUB SEMS DPA' DES ZHES BYA BA NI MNGON DU PHYOGS PA LA RAB TU GNAS PA'O, ,GANG GIS DE KHO NA NYID PHYIN CI MA LOG PA DANG LHAG PAR SGRO MA BTAGS PAR RTOGS PA DANG MTHONG BA DANG KHONG DU CHUD PA DE NI DE NYID RTOGS PA STE, RNAM PAR SHES PA TZAM DU DE KHO NA NYID RTOGS PAR 'GYUR ZHES TSIG RNAM PAR SBYAR RO, ,GZUGS MED PAS SEMS DANG SEMS LAS BYUNG BA RNAMS KYANG RTEN CING 'BREL PAR 'BYUNG BA'I DNGOS PO TZAM DU RTOGS PA'I PHYIR, RNAM PAR SHES PA TZAM DU DE KHO NA NYID RTOGS PA ZHES BYA'O, ,YANG JI LTAR 'DIS RNAM PAR SHES PA TZAM DU DE KHO NA NYID RTOGS PAR 'GYUR ZHE NA, DE'I PHYIR 'DI LTAR, GZUNG BA MED PAS 'DZIN PA MA MTHONG ZHING, ,SRID GSUM RNAM SHES TZAM DU RAB RTOGS PAS, ,ZHES BYA BA SMRAS TE, GANG GI PHYIR BYANG CHUB SEMS DPA' 'DIS 'CHAD PAR 'GYUR BA'I RIGS PAS SEMS LA GZUNG BA YOD PA MA YIN PA NYID KYIS 'DZIN PA NYID KYANG MA MTHONG ZHING, KHAMS GSUM PO 'DI NI RNAM PAR SHES PA TZAM MO ZHES YUN RING POR GOMS PAR BYED LA, DE GOMS PAR BYAS PA LAS KYANG BRJOD DU MED PA'I DNGOS PO TZAM ZHIG RANG RIG PAS MTHONG STE, DE'I PHYIR RIM PA 'DIS RNAM PAR SHES PA TZAM DU DE KHO NA NYID RTOGS PAR 'GYUR RO, ,GAL TE 'DI DAG RNAM PAR SHES PA TZAM NYID YIN NA, 'O NA 'DIR JI LTAR PHYI ROL GYI DON MED PAR DE'I RNAM PA CAN GYI RNAM PAR SHES PA TZAM SKYE BAR 'GYUR ZHE NA, SMRAS PA, JI LTAR RLUNG GIS BSKUL BAS RGYA MTSO NI, ,CHE LAS CHU RLABS 'BYUNG BA DE BZHIN DU, ,KUN GYI SA BON KUN GZHI ZHES BYA LAS, ,RANG GI NUS PAS RNAM SHES TZAM ZHIG 'BYUNG, ,JI LTAR RGYA MTSO CHU RLABS KYI RTEN DU GYUR PA'I CHU'I YAN LAG RLUNG GIS KUN NAS BSKYOD PA LAS, RLUNG TZAM GYIS RKYEN NYE BAR LHAGS PAS GNYID LOG PA LTA BU'I RBA RLABS @263B RNAMS 'GRAN PA'I SGO NAS BDAG GI LUS RNYED PA LTAR KUN NAS YONGS SU RGYUG PAR RTOGS PA DE BZHIN DU 'DIR YANG RNAM PAR SHES PA GCIG NAS GCIG TU BRGYUD PA THOG MA MED PA'I DUS NAS ZHUGS PA, GZUNG BA DANG 'DZIN PAR MNGON PAR ZHEN PA'I BAG CHAGS YONGS SU SMIN PA LAS BDAG NYID KYIS DNGOS PO YOD PA THOB PAR 'GAG BZHIN PAS, KUN GZHI'I RNAM PAR SHES PA LA GANG BAG CHAGS KYI KHYAD PAR RANG GI RNAM PA DANG RJES SU 'BREL BA'I RNAM PAR SHES PA GZHAN SKYE BA'I RGYUR GYUR PA GZHAG PA RIM GYIS RANG YONGS SU SMIN PA'I RKYEN LHAGS PAS YONGS SU SMIN PA THOB PA DE LAS GANG YONGS SU MA DAG PA GZHAN GYI DBANG TZAM ZHIG NYE BAR BSKYED PA DE NYID LA BYIS PA RNAMS GZUNG BA DANG 'DZIN PA'I RNAM PAR RTOG PA KUN TU RTOG PAR BYED KYI, RNAM PAR SHES PA LAS THA DAD PAR GYUR PA'I GZUNG BA NI CUNG ZAD KYANG YOD PA MA YIN NO, ,DPER NA DBANG PHYUG LA SOGS PA RGYUR SMRA BA RNAMS, BA NI BA SGRA RNAMS KYI RGYU, ,CHU SHEL CHU RNAMS KYI BZHIN DANG, ,BLAG SHA YAL GA RNAMS KYI LTAR, ,DE NI LUS CAN KUN GYI RGYU, ,ZHES DBANG PHYUG LA SOGS PA 'GRO BA'I BYED PA PO NYID DU SMRA BAR BYED PA DE BZHIN DU, KUN GZHI'I RNAM PAR SHES PA SMRA BA RNAMS KYANG KUN GZHI'I RNAM PAR SHES PA DNGOS PO MTHA' DAG GI DMIGS PA'I SA BON GYI RTEN NYID KYIS SA BON THAMS CAD PA SMRA BAR BYED DO, ,GANG DBANG PHYUG RTAG LA KUN GZHI'I RNAM PAR SHES PA NI MI RTAG GO ZHES BYA BA 'DI NI KHYAD PAR RO, ,GANG GI PHYIR GSUNG RAB KYI RNAM PAR GZHAG PA NI 'DI YIN PAR GRAGS PA, DE PHYIR GZHAN GYI DBANG GI NGO BO GANG, ,DNGOS PO BRTAG PAR YOD PA'I RGYUR GYUR ZHING, ,PHYI ROL GZUNG BA MED PAR 'BYUNG 'GYUR LA, ,YOD DANG SPROS KUN YUL MIN RANG BZHIN YOD, ,GZHAN GYI DBANG GI NGO BO 'DI NI GDON MI ZA BAR KHAS BLANG BAR BYA STE, GANG GI PHYIR DE NI RTOG PA'I DRA BA MA LUS PA'I GZHIR 'DOD PA'I PHYIR RO, ,SBRUL DU 'KHRUL PA THAG PA'I RGYU MTSAN CAN NI DE LA MA LTOS PAR MI RIGS LA, BUM PAR 'KHRUL PA SA LA SOGS PA'I RGYU MTSAN CAN NI SA LA SOGS PA LA MA LTOS PAR NAM MKHA'I KHAMS SU 'BYUNG BAR @264A *, ,MI 'GYUR BA DE BZHIN DU, 'DIR YANG PHYI ROL GYI DON MED NA SNGON PO LA SOGS PA'I RTOG PA CI'I RGYU MTSAN CAN ZHIG TU 'GYUR, DE'I PHYIR GDON MI ZA BAR RTOG PA'I RGYU GZHAN GYI DBANG GI NGO BO KHAS BLANG BAR BYA STE, KUN NAS NYON MONGS PA DANG RNAM PAR BYANG BA'I RGYU YIN PA'I PHYIR RO, ,DE LTAR NA GANG GI PHYIR GANG LA GANG MED PA DE NI DES STONG PAR YANG DAG PAR RJES SU MTHONG LA, GANG ZHIG 'DIR LHAG MAR LUS PAR GYUR PA DE 'DI NA BDEN PAR YOD PA YIN NO ZHES YANG DAG PA JI LTA BA BZHIN DU RAB TU SHES PA 'DI NI STONG PA NYID LA PHYIN CI MA LOG PAR 'JUG PA'O ZHES BYA BA LA SOGS PAS STONG PA NYID KYANG LEGS PAR GZUNG BAR 'GYUR RO, ,DE NI SPROS PA THAMS CAD KYI YUL MA YIN PA'I RANG BZHIN CAN YANG YIN TE, MNGON PAR BRJOD PA NI BTAGS PA'I RNAM PA 'DZIN PA'I PHYIR TE, JI SRID MNGON PAR BRJOD PA YOD PA DE SRID DU DNGOS PO BRJOD PA MA YIN NO, ,DE'I PHYIR MDOR BSDU NA, 'DIR GZHAN GYI DBANG GI NGO BO LA GSUM RNAM PAR GZHAG PAR 'GYUR TE, SHES BYA MED PAR RANG GI BAG CHAGS KHO NA LAS 'BYUNG BA DANG YOD PA NYID DANG SPROS PA'O, ,GCIG GI YUL MA YIN PA NYID DO, ,GDAGS PAR YOD PA'I DNGOS PO'I RGYU NYID NI YOD PA NYID LAS GRUB PA'I PHYIR DE NI GSUM PO LAS THA MI DAD DO ZHE'O, ,'DI LA BSHAD PAR BYA STE, PHYI ROL MED SEMS DPER NA GANG DU YOD, ,CES 'DI NYID YANG DAG PAR DPYAD PAR BYA'O, ,SMRAS PA, RMI LAM JI BZHIN ZHE NA, KHANG MIG SHIN TU CHUNG NGU'I NANG DU NYAL SHING GNYID KYIS LOG PAS KHANG PA'I NANG DU GLANG PO CHE MYOS PA'I KHYU RMIS PA NI JI ZHIG LTAR YANG YOD PA MA YIN TE, DE'I PHYIR PHYI ROL GYI YUL MED BZHIN DU GDON MI ZA BAR RNAM PAR SHES PA 'DI KHAS BLANG BAR BYA'O, ,'DI YANG SNYING PO MED PA NYID DU BSTAN PA'I PHYIR BSHAD PA; DE BSAM BYA, YANG DE CI ZHIG CE NA, BSHAD PA, GANG TSE NGA LA RMI LAM NA YANG SEMS, ,YOD MIN DE TSE KHYOD KYI DPE YOD MIN, ,GANG BAN GLANG MYOS PA'I KHYU'I RNAM PA CAN GYI SHES PA DE NI YUL LTAR KHO BO CAG LA YOD PA MA YIN TE, MA SKYES PA'I PHYIR RO, ,RNAM PAR @264B SHES PA MED NA YANG GNYIG LA GRUB PA'I DPE YOD PA MA YIN PAS PHYI ROL MED PAR RNAM PAR SHES PA YOD PA MA YIN NO, ,CI STE RMI LAM NA RNAM PAR SHES PA NOR BA MED NA DE'I TSE SAD PAS RMI LAM GYI NYAMS SU MYONG BA DRAN PAR MI 'GYUR RO SNYAM NA 'DI YANG MI RUNG STE, 'DI LTAR, GAL TE SAD TSE RMI LAM DRAN LAS YID, ,YOD NA PHYI ROL YUL YANG DE BZHIN 'GYUR, ,CI'I PHYIR ZHE NA, JI LTAR KHYOD KYIS NGAS MTHONG SNYAM DRAN PA, ,DE 'DRA PHYI ROL LA YANG YOD PA YIN, ,JI LTAR RMI LAM GYI NYAMS SU MYONG BA DRAN PA LAS YID YOD PA NYID YIN PA DE BZHIN DU, YUL GYI NYAMS SU MYONG BA DRAN PA YANG YOD PAS YUL YANG YOD BA'AM, YANG NA RNAM PAR SHES PA YANG YOD PA MA YIN NO ZHES NGES PAR BYA'O, ,'DIR SMRAS PA, GAL TE GLANG PO CHE LA SOGS PA'I GZUGS RMI LAM NA YOD NA DE GZUNG BAR BYA BA'I PHYIR MIG GI RNAM PAR SHES PA YANG YOD PAR 'GYUR BA ZHIG NA, DE NI YOD PA YANG MA YIN TE, GNYID KYIS DKRUGS BAS RNAM PAR SHES PA LNGA'I TSOGS MI SRID BA'I PHYIR RO, ,'DI LTAR, GAL TE GNYID NANG MIG BLO MI SRID PAS, ,YOD MIN YID KYI SHES PA KHO NA YOD, ,DE YI RNAM PA PHYI ROL NYID DU ZHE NA, ,RMI LAM JI BZHIN DE BZHIN 'DIR 'DOD NA, ,STE RMI LAM DU MIG GI RNAM PAR SHES PA RNAM PA THAMS CAD DU YOD PA MA YIN TE, DE MED PAS GLANG PO CHE LA SOGS PA'I GZUGS MIG GI SKYE MCHED KYIS GZUNG BAR BYA BA DE YOD PA MA YIN LA YID KYI RNAM PAR SHES PA NI YOD PA YIN NO, ,DE'I PHYIR PHYI ROL GYI GZUGS MED PA KHO NA YIN ZHING RNAM PAR SHES PA'I RNAM PA PHYI ROL NYID DU MNGON PAR ZHEN PA NI BZLOG TU MED DO, ,JI LTAR RMI LAM DU PHYI ROL MED PAR RNAM PAR SHES PA TZAM 'BYUNG BA DE BZHIN DU 'DIR YANG 'GYUR RO ZHE NA, DE LTAR MA YIN TE, RMI LAM DU YID KYI RNAM PAR SHES PA 'BYUNG BA MI SRID PA'I PHYIR RO, ,'DI LTAR, JI LTAR KHYOD KYI PHYI YUL RMI LAM DU, ,MA SKYES DE BZHIN YID KYANG SKYES MA YIN, ,DE'I PHYIR, MIG DANG MIG GI YUL DANG DES BSKYED SEMS, ,GSUM PO THAMS CAD KYANG NI BRDZUN PA YIN, ,JI LTAR GZUGS MTHONG BA NI MIG @265A *, ,DANG GZUGS DANG YID DE GSUM PO NYE BAR GYUR PA DE BZHIN DU, RMI LAM DU YANG YUL YONGS SU GCOD PA NA GSUM 'DUS PAR DMIGS PA YIN NO, ,JI LTAR DER MIG DANG GZUGS GNYIS MED PA DE BZHIN DU, MIG GI RNAM PAR SHES PA YANG YOD PA MA YIN NO, , GSUM PO 'DI DAG JI LTA BA DE BZHIN DU, RNA SOGS GSUM PO LHAG MA'ANG SKYE BA MED, ,RNA SOGS ZHES BYA BA'I SOGS PA'I SGRAS NI SGRA DANG RNA BA'I SHES PA NAS YID DANG CHOS KYI KHAMS DANG YID KYI RNAM PAR SHES PA'I BAR BSDU'O, ,DE'I PHYIR RMI LAM DU GSUM PO 'DI DAG THAMS CAD BRDZUN BA DE'I PHYIR RMI LAM NA YID KYI RNAM PAR SHES PA YOD DO ZHES BYA BA DE MI RIGS SO, ,GANG ZHIG CHOS KYI SKYE MCHED DU GTOGS PA'I GZUGS YID KYI RNAM PAR SHES PAS GZUNG BAR BYA BA ZHIG RMI LAM NA YOD DE, DE'I PHYIR RNAM PAR SHES PA NI YUL MED PAR 'GAR YANG YOD PA MA YIN NO SNYAM DU SEMS PA DE YANG RIGS PA MA YIN PA NYID DE, RMI LAM NA RNAM PA THAMS CAD DU GSUM PO MI SRID PA'I PHYIR RO, ,CI STE GZHAN GYI GZHUNG LUGS GSAL BAR BYA BA'I PHYIR DE LTAR KHAS LEN NA NI, DE'I TSE RMI LAM GYI DPE DON MED PA NYID DU 'GYUR TE, DE BRDZUN PA MA YIN PA'I DON CAN YIN PA NYID KYIS DPE LAS BYUNG BA DNGOS KYI DON BRDZUN PA'I DON CAN NYID DU BSTAN PA MI SRID PA'I PHYIR RO, ,GANG GI PHYIR RMI LAM NA GSUM CAR YANG MI BDEN PA DE'I PHYIR RAB TU GRUB PA'I SGO NAS MA GRUB PA BSGRUB PA'I PHYIR SAD PA'I TSE NA YANG CHOS THAMS CAD RANG BZHIN MED PA NYID DU BSGRUB PAR 'GYUR RO ZHES BSHAD PA, RMI LAM JI LTAR DE BZHIN SAD 'DIR YANG, ,DNGOS RNAMS BRDZUN YIN SEMS DE YOD MA YIN, ,SPYOD YUL MED CING DBANG PO RNAMS KYANG MED, ,JI LTAR RMI LAM DU YUL DANG DBANG PO DANG RNAM PAR SHES PA RNAMS BRDZUN PA DE BZHIN DU SAD PA NA YANG YIN NO ZHES SHES PAR BYA'O, ,DE'I PHYIR, JI LTAR SGYU MA'I SEMS CAN DMIGS PA LTAR, ,SNANG YANG DE NYID DU NA YANG DAG MIN, ,SGYU MA LTA BU RMI LAM DANG 'DRA BA, ,DE LTA'I CHOS NI BDE BAR GSHEGS PAS BSTAN, ,ZHES BYA BA DANG, @265B DE BZHIN DU, SRID PA'I 'GRO BA RMI LAM LTA BU STE, ,'DI LA SU YANG MI SKYE 'CHI BA MED, ,SEMS CAN MING DANG SROG KYANG MI RNYED DE, ,CHOS 'DI RNAMS NI LBU BA CHU SHING 'DRA, ,ZHES BYA BA LA SOGS PA YANG LEGS PAR BSHAD PAR 'GYUR RO, ,DE'I PHYIR SAD PA'I SHES PA LA LTOS NAS GSUM CHAR YANG MA SKYES PAR BSHAD LA, RMI LAM NA RMI LAM RMI BZHIN PA'I SHES PA LA LTOS NAS NI, 'DI NA JI LTAR SAD BZHIN JI SRID DU, ,MA SAD DE SRID DE LA GSUM PO YOD, ,JI LTAR MI SHES PA'I GNYID YOD KYANG DE LAS THA DAD PA'I GNYI DANG BRAL BAS SAD PA 'GA' ZHIG LA RANG GI BDAG NYID KYIS MA SKYES KYANG MA RIG PA'I GNYID KYIS RMI LAM RMI BZHIN PAS DMIGS PAR GSUM CHAR YANG YOD PA DE BZHIN DU, GNYID DANG MA BRAL BA RMI LAM GYI GNAS SKABS LAS MA LANGS PA RNAMS LA YANG DE LTA BU'I RANG BZHIN CAN GSUM CHAR YANG YOD DO; ,SAD PAR GYUR NA GSUM CHAR YOD MIN LTAR, ,GTI MUG GNYID SAD LAS DE DE BZHIN NO, ,JI LTAR GNYID ZAD PAS SAD PAR GYUR PA RMI LAM DU DMIGS PA GSUM PO YOD PA MA YIN PA DE BZHIN DU, MA RIG PA'I GNYID MA LUS PAR DRUNGS PHYUNG BA CHOS KYI DBYINGS MNGON SUM DU MDZAD PA RNAMS LA YANG GSUM CHAR YOD PA MA YIN PAS, PHYI ROL MED PAR RNAM PAR SHES PA YOD PA MA YIN NO, ,'O NA RAB RIB CAN GYIS YOD PA MA YIN PA'I SKRA SHAD LA SOGS PA DMIGS PA'I PHYIR PHYI ROL MED KYANG RNAM PAR SHES PA YOD PA YIN NO ZHE NA, DE YANG MI 'THAD DE, CI'I PHYIR ZHE NA, DBANG PO RAB RIB BCAS PAS BLO GANG GIS, ,RAB RIB MTHU LAS SKRA RNAMS GANG MTHONG BA, ,DE BLO LA LTOS GNYIS CHAR BDEN PA STE, ,DON GSAL MTHONG LA GNYI GA 'ANG BRDZUN PA YIN, ,RMI LAM KHO NA LTAR BLTA BAR BYA'O, ,RAB RIB CAN GYIS MTHONG BA LA LTOS NAS SKRA SHAD KYI RNAM PA YANG YOD PA YIN LA, RAB RIB MED PA'I MTHONG BA LA LTOS NAS GNYI GA YANG MA SKYES PA NYID DO, YUL MED PAR SHES PA NGES PAR DKA' BA'I PHYIR RO, ,'DI NI GDON MI ZA BAR 'DOD PAR BYA DGOS TE, DE LTAR MA YIN TE, @266A *, ,GAL TE SHES BYA MED PAR BLO YOD NA, ,SKRA DE'I YUL DANG MIG NI RJES 'BREL BA'I, ,RAB RIB MED LA'ANG SKRA SHAD BLOR 'GYUR NA, ,DE LTA MA YIN DE PHYIR DE YOD MIN, ,GAL TE RAB RIB CAN LA SKRA SHAD DAG MED PAR SKRA SHAD KYI RNAM PA CAN GYI SHES PA SKYE NA YUL GANG DU RAB RIB CAN GYIS SKRA SHAD DAG MTHONG BA DER MIG GTAD PA'I RAB RIB MED PA LA YANG DE DANG 'DRA BAR SKRA SHAD KYI BLO YOD PAR 'GYUR TE, YUL MED PAR MTSUNGS PA'I PHYIR RO, ,DE'I PHYIR YUL MED PAR RNAM PAR SHES PA SKYE'O ZHES BYA BA DE NI MI RIGS SO, 'DIR GAL TE YUL GYI YOD PA NYID RNAM PAR SHES PA SKYE BA'I RGYU YIN NA NI 'DI DE LTAR 'GYUR BA ZHIG GO , ,'O NA CI ZHE NA, RNAM PAR SHES PA'I BAG CHAGS SNGAR GZHAG PA DE SMIN PA DANG MA SMIN PA DAG RNAM PAR SHES PA SKYE BA DANG MI SKYE BA DAG GI RGYU YIN TE, DE'I PHYIR GANG LA SGRA'I RNAM PA CAN GYI SHES PA GZHAN GYIS GZHAG PA'I BAG CHAGS YONGS SU SMIN PA YOD PA DE KHO NA LA DE'I RNAM PA CAN GYI SHES PA 'BYUNG GI GZHAN LA NI MA YIN NO, ,ZHES SMRA'O, ,'DI YANG MI RUNG NGO ZHES BSHAD PA ,GANG PHYIR MTHONG BA DAG LA BLO NUS NI, ,SMIN MED DE LTAR DE LA BLO MI 'BYUNG, ,SHES BYA YOD DNGOS BRAL BAS MIN ZHE NA, ,NUS DE MED PAS 'DI NI 'GRUB MA YIN, ,SHES BYA YOD PA'I DNGOS PO DANG BRAL BA NI SHES BYA YOD PA MA YIN PA ZHES BYA BA'I DON TO, ,GAL TE NUS PA ZHES BYA BA 'BA' ZHIG YOD NA NI, ,DE'I TSE SMIN PA DANG MA SMIN PA DAG LA RNAM PAR SHES PA 'BYUNG BA DANG MI 'BYUNG BA DAG TU 'GYUR BA ZHIG GO , ,DE'I PHYIR 'DI MI 'GRUB BO, ,YANG JI LTAR NA NUS PA YOD PA MA YIN ZHE NA, BSHAD PA, SKYES LA NUS PA SRID PA YOD MA YIN, ,MA SKYES NGO BO LA YANG NUS YOD MIN, ,'DIR NUS PA 'DI YONGS SU RTOG PA NA RNAM PAR SHES PA DA LTAR BA'I 'BREL BA CAN ZHIG GAM, RNAM PAR SHES PA 'DAS PA DANG MA 'ONGS BA'I 'BREL BA CAN ZHIG TU 'GYUR GRANG, DE LA RE ZHIG RNAM PAR SHES PA SKYES BA LA NUS PA SRID PA MA YIN TE, GANG GI TSE NUS PA'I ZHES DRUG @266B PA YIN PA DE'I TSE NI RNAM PAR SHES PA 'BRAS BU'I NGO BOR GYUR PA NI RGYU NYID DU YANG YOD DO ZHES BYA BAR RIGS PA MA YIN NO, ,GAL TE YIN NA NI 'BRAS BU RGYU MED PA CAN DU 'GYUR ZHING MYU GU SKYES PA NA YANG SA BON MI 'JIG PAR 'GYUR RO, ,DE'I PHYIR SKYES PA'I RNAM PAR SHES PA LA NUS PA MI SRID DO, GANG GI TSE NUS PA LAS ZHES LNGA PA YIN PA DE'I TSE NI RNAM PAR SHES PA SKYES PA NUS PA LAS 'BYUNG BAR MI RIGS TE, YOD PA'I PHYIR ZHES SNGAR BSHAD ZIN TO, ,DE LTAR NA RE ZHIG SKYES PA LA NUS PA SRID PA YOD PA MA YIN NO, ,MA SKYES PA'I RANG BZHIN CAN GYI RNAM PAR SHES PA LA YANG NUS PA YOD PA MA YIN TE, GANG GI PHYIR, KHYAD PAR MED PAR KHYAD PAR CAN YOD MIN, ,MO GSHAM BU LA'ANG DE NI YOD PAR THAL, ,KHYAD PAR MED PAR KHYAD PAR DU BYA BA YOD PA MA YIN PA NYID DO, ,CI LTAR ZHE NA, RNAM PAR SHES PA'I NUS PA ZHES RNAM PAR SHES PA NI NUS PA'I KHYAD PAR YIN LA, NUS PA NI KHYAD PAR GYI GZHI YIN NO, ,GANG MA SKYES PA DE NI RNAM PAR SHES PA'AM, RNAM PAR SHES PA MA YIN ZHES BYA BAR DGAG PA DANG SGRUB PA'I NGO BOS BSTAN PAR MI NUS SO, ,GANG GI TSE DE LTAR YIN PA DE'I TSE 'DI NI 'DI'I NUS PA'O ZHES BYA BAR GANG GI NUS PA KHYAD PAR DU BYED PAR 'GYUR, GANG GI TSE DE LTAR KHYAD PAR YOD PA MA YIN PA DE'I TSE 'DI NI 'DI LAS 'BYUNG NGO ZHES KHYAD PAR DU MA SMRAS PA 'DIS NI CUNG ZAD KYANG BSTAN PAR MI 'GYUR RO, ,YANG GAL TE MA SKYES PA LA NUS PA 'DOD NA, MO GSHAM GYI BU LA YANG 'DOD PAR BYA DGOS TE, DE'I PHYIR MA SKYES PA LA NUS PA YOD PA MA YIN NO, ,CI STE RNAM PAR SHES PA GANG ZHIG NUS PA LAS SKYE BAR 'GYUR BA'I RNAM PAR SHES PA 'BYUNG BAR 'GYUR BA DE SNYING LA BSAMS NAS RNAM PAR SHES PA 'DI'I NUS PA 'DI YIN ZHING 'DI LAS 'DI 'BYUNG BAR 'GYUR RO ZHES DE LTAR KHYAD PAR DANG KHYAD PAR GYI GZHI'I DNGOS PO 'GRUB PAR 'GYUR TE, JI SKAD DU 'JIG RTEN NA 'BRAS CHAN TSOS SHIG ,SNA LA MA 'DI LA RAS YU GO THOGS SHIG CES SMRAS LA, BSTAN BCOS LAS KYANG, MNGAL DU 'JUG PA GSUM DAG STE, , @267A *, ,'KHOR LOS SGYUR DANG RANG 'BYUNG GNYIS, ,ZHES BSHAD DO SNYAM NA, DE YANG SNYING PO MED PA NYID DU BRJOD PA'I PHYIR BSHAD PA, GAL TE 'BYUNG BAR 'GYUR BAS BSNYAD 'DOD NA, ,NUS PA MED PA 'DI YI 'BYUNG 'GYUR MED, ,RES 'GA' GANG ZHIG TU 'GYUR NA NI DE 'BYUNG BAR 'GYUR GYI, RTAG TU 'BYUNG BA MA YIN PAR NGES PA MO GSHAM GYI BU LA SOGS PA 'AM NAM MKHA' LA SOGS PA NI MI 'GYUR RO, ,DE'I PHYIR 'DIR GAL TE NUS PA YOD PAR 'GYUR NA NI, RNAM PAR SHES PA 'BYUNG BAR 'GYUR BA NYID DU 'GYUR BA ZHIG NA, GANG GI TSE RNAM PAR SHES PA MA 'ONGS PA YOD PA MA YIN PA NYID KYIS NUS PA MED PA NYID YIN PA DE'I TSE, MO GSHAM GYI BU LA SOGS PA BZHIN DU NUS PA MED PAR DE'I 'BYUNG BAR 'GYUR BA NYID YOD PA MA YIN NO, ,'DIS NI 'BRAS CHAN LA SOGS PA DAG KYANG BSHAD PA YIN NO, ,GZHAN YANG RNAM PAR SHES PA DANG NUS PA PHAN TSUN LTOS NAS 'GYUR LA RAG MOD, DE LTA NA YANG GZHAN GYI DBANG GI NGO BO YOD PA NYID MA YIN TE, 'DI LTAR, PHAN TSUN DON LA BRTEN PA'I GRUB PA NI, ,GRUB MIN NYID CES DAM PA RNAMS KYIS GSUNGS, ,RNAM PAR SHES PA YOD NA NI DE'I NUS PA YIN LA, DE LAS RNAM PAR SHES PA 'BYUNG BA YIN NO ZHES DE LTAR PHAN TSUN GYI DON LA BRTEN PAR 'GYUR RO, ,DE LTAR 'GYUR MOD CE NA, RNAM PAR SHES PA RANG BZHIN GYIS YOD PA MA YIN NO ZHES BYA BAR 'GYUR RO, ,DPER NA RING PO YOD NA THUNG NGUR 'GYUR LA THUNG DU YOD NA RING POR 'GYUR ZHING, PHA ROL YOD NA TSU ROL DU 'GYUR LA TSU ROL YOD NA PHA ROL TU 'GYUR BA LTAR BTAGS PAR 'GYUR GYI DE DAG LA GRUB PA RANG BZHIN PA MED DO, ,DE LTA YIN NA NI KHO BO CAG GI SMRA BA'I RJES SU 'BRANG BA NYID DU 'GYUR RO, ,JI SKAD DU, BZHI BRGYA PA LAS, 'BRAS BU MED PAR RGYU YI NI, ,RGYU NYID YOD PA MA YIN PA, ,DE YI PHYIR NA 'BRAS BU KUN, ,RGYU NYID DU NI THAL BAR 'GYUR, ,ZHES BSHAD LA, BSTAN BCOS LAS KYANG, GAL TE DNGOS PO GANG LTOS 'GRUB, ,DE NYID LA YANG LTOS NAS NI, ,LTOS BYA GANG YIN DE 'GRUB NA, ,GANG @267B LA LTOS NAS GANG ZHES 'GRUB, ,CES GSUNGS SO, ,'DI'I DON NI 'DI YIN TE, GAL TE DNGOS PO RNAM PAR SHES PA LA SOGS PA GANG ZHIG NUS PA'I KHYAD PAR LA LTOS NAS 'GRUB PA DE NYID LA YANG LTOS NAS RNAM PAR SHES PAS BDAG NYID 'GRUB PAR BYA BA'I PHYIR, LTOS PAR BYA BA DNGOS PO NUS PA'I KHYAD PAR GANG YIN PA DE 'GRUB NA, DE NI GNYI GA 'GRUB PAR BYA BA GANG LA LTOS NAS GANG ZHIG 'GRUB PAR 'GYUR BA BRJOD PAR BYA DGOS SO, ,GZHAN YANG, DNGOS PO LTOS 'GRUB GANG YIN PA, ,DE MA GRUB NA CI LTAR LTOS, ,CI STE 'GRUB PA LTOS SHE NA, , DE NI LTOS PAR MI RIGS SO, ,ZHES GSUNGS SO, ,'DI'I DON YANG 'DI YIN TE, GAL TE RNAM PAR SHES PA NUS PA LA LTOS NAS 'GRUB NA, DE GRUB PA'AM MA GRUB PA ZHIG NUS PA LA LTOS GRANG, GAL TE MA GRUB PA YIN NA NI, ,MA GRUB PA'I PHYIR BONG BU'I RVA LTAR NUS PA LA MI LTOS SO, ,'ON TE GRUB PA LA LTOS NA NI, GRUB PA'I PHYIR DE LTOS PAR MI RUNG NGO, ,DE LTAR PHAN TSUN DON LA BRTEN PA'I GRUB PA NI GRUB PA MIN ZHES MKHYEN RAB MNGA' BA RNAMS KYIS GSUNGS SO, ,DE'I PHYIR DE LTAR MA 'ONGS PA LA YANG NUS PA YOD PA MA YIN NO, ,DA NI 'DAS PA LA YANG NUS PA YOD PA MA YIN NO ZHES BSTAN PA'I PHYIR BSHAD PA, GAL TE 'GAGS PA'I NUS MIN LAS 'GYUR NA, ,GZHAN GYI NUS PA LAS GZHAN 'BYUNG BAR 'GYUR, ,GAL TE SKYES NAS 'GAGS BZHIN PA'I RNAM PAR SHES PAS 'BRAS BU'I DON DU KUN GZHI'I RNAM PAR SHES PA LA NUS PA'I KHYAD PAR GZHAG PA RNAM PAR SHES PA 'GAGS PA'I NUS PA SMIN PA GANG YIN PA DE LAS 'BYUNG BAR 'GYUR BA'I RNAM PAR SHES PA 'BYUNG NA NI DE'I TSE GZHAN GYI NUS PA LAS GZHAN 'BYUNG BAR 'GYUR RO, ,CI'I PHYIR ZHE NA, ,GANG GI PHYIR, RGYUN CAN RNAMS DER PHAN TSUN THA DAD YOD, ,TA NU NI RGYAS PA LA'O ZHES BYA BA 'DI'I LTAR NA, BRGYUD PAS NA RGYUN TE CHU KLUNG GI RGYUN LTAR RGYUN CHAGS PA RGYUN LUGS RGYU DANG 'BRAS BU 'BREL BAR 'JUG PA NA SKYE BA DANG 'CHI BA BRGYUD PAS BAR MED PAR RIM PA RNAM PAR MA CHAD PAR GNAS PA 'DU BYED KYI SKAD CIG DUS GSUM @268A *, ,PA'I NYE BAR LEN PA CAN LA BYA LA, DE RGYUN GYI CHA SHAS RDZAS KYI SKAD CIG RNAMS LA YOD PAS NA RGYUN GYI YAN LAG RDZAS KYI SKAD CIG RNAMS LA RGYUN CAN ZHES BRJOD DO, ,DE DAG PHAN TSUN TE GZHAN DANG GZHAN DU THA DAD CING GZHAN NYID DU GZHAN GYIS KHAS BLANGS PA YIN NO, , DE'I PHYIR 'BRAS BU'I SKAD CIG BAG CHAGS KYI RGYU CAN DUS PHYIS 'BYUNG BA LA RGYU'I SKAD CIG BAG CHAGS 'JOG PAR BYED PA LAS GZHAN NYID YOD PA YIN TE, DE LTAR NA GZHAN GYI NUS PA LAS GZHAN 'BYUNG BAR 'GYUR RO, ,CI STE 'DOD PA'I PHYIR 'DI SKYON MA YIN NO SNYAM NA, DE LTAR NI MA YIN TE, DE LTAR 'DOD NA, THAMS CAD THAMS CAD LAS SKYE BAR 'GYUR RO ZHES BSHAD PA NI, DE PHYIR THAMS CAD KUN LAS 'BYUNG BAR 'GYUR, ,ZHES BYA BA STE, 'DI NI GZHAN LAS SKYE BA 'GOG PA BSHAD ZIN PAS SLAR YANG MI BRJOD DO, ,'DIR SMRAS PA, GAL TE DER NI RGYUN CAN THA DAD KYI, ,DE DAG LA RGYUN THA DAD MED DE'I PHYIR, ,NYES MED CE NA, GAL TE YANG DER RDZAS KYI SKAD CIG RGYUN CAN RNAMS LA PHAN TSUN GZHAN NYID YOD MOD KYI DE LTA NA YANG RGYUN 'DI NI GCIG PA KHO NA YIN PAS THAMS CAD THAMS CAD LAS SKYE BAR THAL BAR MI 'GYUR RO ZHE NA, GAL TE DE LTAR YIN NA DE'I TSE NYES PA MED PAR 'GYUR BA ZHIG NA, 'DI NYID MA GRUB PAS NA, 'DI NI BSGRUB BYA ZHIG GO, ,CI'I PHYIR ZHE NA, THA MI DAD RGYUN SKABS MI RIGS PHYIR RO, ,SKABS NI GO SKABS SO, ,BDAG GI DNGOS PO PHAN TSUN THA DAD PA RNAMS NI RGYUN THA MI DAD PA'I RTEN NYID DU YOD PAR MI 'OS TE, GZHAN YIN PA'I PHYIR GZHAN BZHIN NO ZHES BSTAN PA'I PHYIR BSHAD PA, BYAMS PA NYER SBAS LA BRTEN CHOS RNAMS NI, ,GZHAN NYID PHYIR NA RGYUD GCIG GTOGS MIN TE, ,GANG DAG RANG MTSAN NYID KYIS SO SO BA, ,DE DAG RGYUD GCIG GTOGS PAR RIGS MA YIN, ,DE BZHIN DU 'DIR YANG RGYUD GCIG PA NYID RIGS PA DANG LDAN PA MA YIN NO SNYAM DU BSAMS PA'O, ,DE LA NUS PA SMIN PA YOD PA DANG YOD PA MA YIN PA DAG GIS RNAM PAR SHES PA YOD PA DANG MED PA DAG YIN GYI, SHES BYA YOD PA DANG MED PAS @268B NI MA YIN NO ZHES GANG SMRAS PA DE NI NUS PA MI SRID PAR BRJOD PAS TSUL 'DIS BSAL BA YIN TE, DE'I PHYIR SHES BYA MED PAS RNAM PAR SHES PA MED PA YIN NO, ,ZHES BYA BA 'DI NI GNAS PA YIN NO, ,DE SKAD BSTAN PA YIN DANG, SLAR YANG RNAM PAR SHES PAR SMRA BAS RANG GI LUGS BRJOD PA LHUR BYAS PA NYID KYIS MNGON PAR 'DOD PA'I DON GRUB PAR BSAMS SHING SMRAS PA, MIG BLO'I SKYE BA RANG NUS GANG ZHIG LAS, ,DE MA THAG TU KUN NAS SKYE 'GYUR ZHING, ,RANG GI RNAM SHES RTEN GYI NUS DE LA, ,DBANG PO GZUGS CAN MIG CES BYA BAR RTOGS, ,MIG GI RNAM PAR SHES PA'I BAG CHAGS GANG ZHIG KUN GZHI'I RNAM PAR SHES PA LA RNAM PAR SHES PA GZHAN GYIS 'JOG BZHIN PA NA GZHAG PA YIN LA, DE YONGS SU SMIN PA LAS DUS PHYIS DE'I RNAM PA'I RJES SU BYED PA'I RNAM PAR SHES PA SKYE BAR 'GYUR ZHING, RNAM PAR SHES PA DE NUS PA'I SKAD CIG BAR MED PAR GANG ZHIG LAS SKYE BA'I NUS PA'I SKAD CIG BAR MED PA RTEN DU GYUR PA DE LA GTI MUG GIS 'JIG RTEN NA DBANG PO GZUGS CAN MIG YIN NO SNYAM DU RTOGS KYI, RNAM PAR SHES PA LAS THA DAD PA'I MIG GI DBANG PO NI YOD PA MA YIN NO, ,DE BZHIN DU DBANG PO GZHAN YANG NGES PAR BYA'O, ,DE'I PHYIR DE LTAR RNAM PAR SHES PA LAS THA DAD PA'I MIG GI DBANG PO MED PAR BSTAN NAS, GZUGS KYANG RNAM PAR SHES PA LAS THA MI DAD PAR GNAS PA NYID DU BSTAN PA'I PHYIR SMRAS PA, 'DI NA DBANG PO LAS BYUNG RNAM PAR RIG ,PHYI GZUNG MED PAR RANG GI SA BON LAS, ,SNGO SOGS SNANG NYID 'BYUNG BAR MA RTOGS NAS, ,SKYE BOS PHYI ROL GZUNG BAR SEMS KHAS LEN, ,JI LTAR BAN DHU DZI PA KA DANG KING SHU KA LA SOGS PA DAG DMAR PO'I RNAM PA CAN DU SKYE BA NA, NOR BU DAG BZHIN DU PHYI ROL GYI NYE BAR BSGRUB PA'I TSON LA MI LTOS KYI, 'ON KYANG MYU GU LA SOGS PA'I RGYUN RANG GI SA BON GYIS 'PHANGS PA'I NUS PA DANG RJES SU 'BREL PA LAS RNAM PA KHYAD PAR CAN NYID DU SKYE BAR DMIGS PA DE BZHIN DU, SNGON PO LA SOGS PA PHYI ROL GYI @269A *, ,GZUGS MED PAR RNAM PAR SHES PA SNGON PO LA SOGS PAR SNANG BA 'BYUNG BA YIN LA, DE'I SNGON PO LA SOGS PAR SNANG BA NYID GANG YIN PA DE LA 'JIG RTEN GYI PHYI ROL GYI YUL GYI NGO BOR MNGON PAR ZHEN TE, DPER NA MTSO CHU SHIN TU DANGS PAS YONGS SU GANG BA'I DOGS KYI MTHAR SKYES PA'I SHING GI YAL GA LA BTAGS PA'I PAD MA RA GA'I GZUGS BRNYAN CHU NANG NA YOD PA RIN PO CHE'I RNAM PAR SNANG BA CHU'I NANG NA PHYI ROL LTA BUR DMIGS MOD KYI, DE DE'I NANG NA YOD PA NI MA YIN PA DE BZHIN DU RNAM PAR SHES PA LA YANG SBYAR BAR BYA'O, ,DE LTAR NA RNAM PAR SHES PA LAS PHYI ROL GYI DON YOD PA MA YIN NO, ,RNAM PA GCIG TU NA, RMI LAM NA NI GZUGS DON GZHAN MED PAR, ,RANG NUS SMIN LAS DE YI RNAM CAN SEMS, ,'BYUNG BA JI LTAR DE BZHIN SAD LA'ANG 'DIR, ,PHYI ROL MED PAR YID NI YOD CE NA, ,DE NI DE LTAR MA YIN NO, ,CI'I PHYIR ZHE NA, JI LTAR MIG MED PAR NI RMI LAM DU, ,SNGO SOGS SNANG BA'I YID SEMS 'BYUNG DE LTAR, ,DMIGS DBANG MED PAR RANG GI SA BON NI, ,SMIN LAS LONG BA LA 'DIR CIS MI SKYE, ,GAL TE 'DIR JI LTAR SAD PA'I GNAS SKABS SU GYUR PA MIG GIS GZUGS RNAMS LTA BA LAS MIG GI RNAM PAR SHES PA CHES GSAL BA DE BZHIN DU, RMI LAM DU YANG MIG MED PAR RANG GI BAG CHAGS SMIN PA LAS YID KYI RNAM PAR SHES PA NYID MIG GI RNAM PAR SHES PA NYID MIG GI RNAM PAR SHES PA'I RNAM PA DANG RJES SU MTHUN PAR SKYE NA, SAD PA'I GNAS SKABS KYI LONG BA LA YANG GNAG GIS NA 'DIS MA LONG PA LTAR MTHONG BAR 'GYUR BA RANG GI BAG CHAGS YONGS SU SMIN PA LAS RNAM PA DE LTA BU CI'I PHYIR 'BYUNG BAR MI 'GYUR TE, ,GNYI GA YANG MIG MED PAR MTSUNGS PA'I PHYIR RO, ,CI STE RNAM PA DE LTA BU'I YID KYI RNAM PAR SHES PA'I RGYU NI MIG MED PA MA YIN GYI, 'O NA CI ZHE NA, RNAM PA DE LTA BU'I YID KYI RNAM PAR SHES PA'I NUS PA SMIN PA YIN NO, ,DE'I PHYIR GANG NUS PA YONGS SU SMIN PA YOD PA DE RNAM PA DE LTA BU'I YID KYI RNAM PAR SHES PA 'BYUNG BA YIN LA, DE YANG GNYID KYI RKYEN GYIS RMI LAM KHO NA NA YOD PA YIN GYI SAD PA NI MA YIN NO SNYAM NA, DE YANG MI RIGS SO, ,CI'I PHYIR ZHE NA, @269B GAL TE KHYOD LTAR RMI LAM DRUG PA YI, ,NUS PA SMIN YOD SAD PAR MED 'GYUR NA, ,DRUG PA'I NUS SMIN JI LTAR 'DIR MED PA, ,DE LTAR RMI TSE MED CES CIS MI RIGS, ,DRUG PA ZHES BYA BA NI YID KYI RNAM PAR SHES PA ZHES BYA BA'I DON TO, ,GAL TE TSIG GI TSUL TZAM KHO NAS RMI LAM DU RNAM PA DE LTA BU'I YID KYI RNAM PAR SHES PA'I NUS PA SMIN PAR 'DOD KYI, ,SAD PA LA MA YIN NA NGED CAG GI TSIG GIS KYANG 'DI NI JI LTAR SAD PA LA RNAM PA DE LTA BU'I RNAM PAR SHES PA'I NUS PA SMIN PA, YOD PA MA YIN PA DE BZHIN DU RMI LAM NA YANG MED DO ZHES 'DOD PAR BYA DGOS SO, ,JI LTAR MIG MED 'DI YI RGYU MIN LTAR, RMI LAM DU YANG GNYID NI RGYU MA YIN PAR BRJOD PAR NUS SO, ,RMI LAM MTHONG BA NI SAD PA'I GNAS SKABS KYI LONG BA LTAR RNAM PAR SHES PA DE'I RTEN DBANG PO BYED PA DANG BRAL BA'I PHYIR, RNAM PAR SHES PA MIG GI DBANG PO NUS PA'I MING CAN LA BRTEN PA'I RNAM PA'I RJES SU BYED PA, YID KYI RNAM PAR SHES PA'I NUS PA SMIN PA'I YONGS SU 'GYUR BA YID KYI RNAM PAR SHES PA CAN MA YIN NO, ,DE'I PHYIR DE LTAR MIG MED PAS SAD PA'I LONG BA 'DI LA RGYU MA YIN PA JI LTA BA DE BZHIN DU, GNYID KYANG RMI LAM DU RNAM PAR SHES PA'I BAG CHAGS YONGS SU SMIN PA'I RGYU MA YIN NO, ,GANG GI PHYIR DE LTAR YIN LA, DE PHYIR RMI LAM DU YANG DE DNGOS MIG ,BRDZUN PA'I YUL CAN RTOGS PA'I RGYUR KHAS BLANG, ,DE'I PHYIR RMI LAM DU YANG RNAM PA DE LTA BU'I YUL GYI SHES PA RNAM PA DE LTA BU DANG, MIG GI RNAM PAR SHES PA'I RTEN DU GYUR BA RNAM PA DE LTA BU KHAS BLANG BAR BYA'O, ,DE'I PHYIR DE LTAR NA, 'DI YIS LAN NI GANG DANG GANG BTAB PA, ,DE DANG DE NI DAM BCA' MTSUNGS MTHONG BAS, ,RTZOD 'DI SEL BYED, SAD PA'I GNAS SKABS KYI GSUM PO 'DI RANG BZHIN GYIS STONG PA YIN TE, DMIGS PA'I PHYIR RMI LAM YIN NO ZHES BSTAN PA YIN DANG, PHA ROL PO GANG ZHIG SAD PA'I RNAM PAR SHES PA NI DON GYIS STONG PA YIN TE, RNAM PAR SHES PA YIN PA'I PHYIR RMI LAM GYI RNAM PAR SHES PA BZHIN NO ZHES BYA BA DANG, SAD PA'I GNAS SKABS SU DMIGS PA'I YUL NI BRDZUN PA'I RANG BZHIN CAN YIN @270A *, ,TE; YUL YIN PA'I PHYIR RMI LAM GYI YUL BZHIN NO ZHES BYA BA DANG, DE BZHIN DU KUN NAS NYON MONGS PA DANG RNAM PAR BYANG BA DAG NI GZHAN GYI DBANG MED NA YOD PA MA YIN TE, RTEN MED PA'I PHYIR RUS SBAL GYI SPU'I GOS BZHIN NO ZHES SMRA'O, ,DE BZHIN DU RAB RIB KYI DPE DAG GIS KYANG BRJOD PAR BYA'O, ,DE LTA BU LA SOGS PA'I SGO NAS RNAM PAR SHES PAR SMRA BA 'DIS LAN GANG DANG GANG BTAB PA DE DANG DE NI MKHAS PA DBU MA PAS DAM BCA' BA DANG MTSUNGS PAR MTHONG NA RTZOD PA 'DI STE, RNAM PAR SHES PAR SMRA BA ZLOG PAR BYED DO, ,DE BZHIN DU LUNG GIS GNOD PA LA SOGS PA'I NYES PA YANG SRID PA MA YIN TE, GANG GI PHYIR, SANGS RGYAS RNAMS KYIS NI, 'GAR YANG DNGOS PO YOD CES MA BSTAN TO, ,JI SKAD DU, SRID PA GSUM NI BTAGS PA TZAM, ,NGO BO NYID KYIS DNGOS PO MED, ,BTAGS PA DNGOS PO'I NGO BOR NI, ,RTOG GE BA DAG RTOG PAR 'GYUR, ,RANG BZHIN MED CING RNAM RIG MED, ,KUN GZHI MED CING DNGOS MED NA, ,BYIS PA NGAN PA RTOG GE BA, ,RO DANG 'DRA BAS 'DI DAG BRTAGS, ,ZHES GSUNGS SO, ,GCIG LA GCIG MED PA'I STONG PA NYID KYIS DNGOS PO MED PA NYID DU YANG RIGS PA MA YIN TE, BLO GROS CHEN PO GCIG LA GCIG MED PA'I STONG PA NYID NI STONG PA NYID THAMS CAD KYI THA SHAL YIN NO ZHES LUNG LAS 'BYUNG BA'I PHYIR RO, ,BA LANG RTA MA YIN PA'I PHYIR YOD PA MA YIN NO ZHES BYA BAR BRJOD PA NI RIGS PA YANG MA YIN TE, RANG GI BDAG NYID KYIS YOD PA'I PHYIR RO ZHES BYA BA LA SOGS PA BRJOD PAR BYA'O, ,DE BZHIN DU BCOM LDAN 'DAS DE DAG DBANG PO LA 'JUG PAS CHOS KYI DBYINGS LA 'JUG PA NI DBANG PO NYI SHU RTZA GNYIS TE MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO DANG, YID KYI DBANG PO DANG, MO'I DBANG PO DANG, PHO'I DBANG PO DANG, SROG GI DBANG PO DANG, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO DANG, @270B DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO DANG, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, KUN SHES PA DANG LDAN PA'I DBANG PO STE, DE LA MIG GI DBANG PO NI DUS GSUM DU YANG MI DMIGS SO, ,GANG DUS GSUM DU MI DMIGS PA DE NI MIG GI DBANG PO MA LAGS SO, ,GANG MIG GI DBANG PO MA LAGS PA DE DE'I THA SNYAD JI LTAR 'TSAL BAR BGYI, 'DI LTA STE DPER NA, CHANG PA STONG PA NI BRDZUN PA YANG DAG PA MA LAGS PA MA MCHIS PA STE, 'DI LTAR MING DU GDAGS PAR BAS KYI, DON DAM PAR NI STONG PA MI DMIGS, CHAD PA YANG MI DMIGS SO, ,DE BZHIN DU MIG GI DBANG PO YANG CHAD PA STONG PA LTAR BRDZUN ZHING MA MCHIS LA YANG DAG PA MA LAGS PA STE, LOG PAR BSLU BA'I CHOS CAN BYIS PA 'DRID PA MA MCHIS PA YANG DAG PA MA LAGS PA, 'DI LTAR MING DU GDAGS PAR BAS KYI, DON DAM PAR NI MIG DANG DBANG PO MI DMIGS SO, ,DE NI BCOM LDAN 'DAS KYI SA THAMS CAD MKHYEN PA'I YE SHES BRNYES NAS CI TZAM DU PHYIN CI LOG LA GNAS PA'I SEMS CAN RNAMS GZUNG PA'I SLAD DU MIG GI DBANG PO ZHES BTAGS KYI DON DAM PAR NI MA LAGS SO, ,DBANG PO NI RANG BZHIN DANG BRAL ZHING DBANG PO NYID KYIS STONG PA STE, DE LA MIG NI MIG NYID DU MCHIS PA MA LAGS LA, DBANG PO NI DBANG PO NYID DU MCHIS PA MA LAGS SO, ,DE CI'I SLAD DU ZHE NA, MIG NI MIG GI RANG BZHIN DANG BRAL BA LAGS TE, CHOS GANG LA RANG BZHIN MCHIS PA MA LAGS PA DE NI DNGOS PO MA LAGS SO, ,GANG DNGOS PO MA LAGS PA DE NI YONGS SU MA GRUB PA'O, ,DE NI MA SKYES PA DANG MA 'GAGS PA'O, ,DE NI 'DAS PA DANG MA 'ONGS PA ZHES GDAGS PAR BGYI BA MA LAGS SO ZHES BYA BA LA SOGS PA DANG, BCOM LDAN 'DAS 'DI LTA STE DPER NA MI ZHAG GI RMI LAM NA DGOD PA DANG DGA' BA DANG RTZE BA DAG NYAL NYAL BA LAS SAD DE RJES SU DRAN LA DE DRAN YANG RNYED PAR MI 'GYUR RO, ,DE CI'I SLAD DU @271A *, ,ZHE NA, RMI LAM NA YANG DES DE DAG MA RNYED NA NYAL BA LAS SAD PA'I TSE LTA SMOS KYANG CI 'TSAL TE 'DI'I GNAS MA MCHIS SO, ,DE BZHIN DU DBANG PO RNAMS NI RMI LAM LTA BU STE, DE BZHIN DU CHOS THAMS CAD KYANG NGO BO NYID KYIS DMIGS SU MA MCHIS PA STE, DE'I SLAD DU DE DAG NI BRJOD DU MA MCHIS PA ZHES BGYI STE ZHES 'BYUNG NGO, ,DE LTAR NA PHUNG PO DANG, ,KHAMS DANG, SKYE MCHED DANG, RTEN CING 'BREL PAR 'BYUNG BA LA SOGS PA DAG DBANG PO LTAR RNAM PAR BSHAD PA YIN NO, ,DES NA DE DAG LA RANG BZHIN KO GA LA YOD, DE'I PHYIR STON PA'I GSUNG RAB KYI DGONGS PA MA DPYOD PA DAG GIS SHES RAB KYI RTZAL MED PAR SBYAR BA RNAM PAR SHES PAR SMRA BA 'DI BSAL BAR BYA BA KHO NA YIN NO, ,'DIR SMRAS PA, ,GAL TE YUL MED PAR RNAM PAR SHES PA YOD PA MA YIN NA, 'O NA GANG BLA MA'I MAN NGAG LAS RNAL 'BYOR PA RNAMS KYIS SA GZHI KENG RUS KYIS YONGS SU GANG BAR MTHONG BA DE CI LTAR BSHAD PA, RNAL 'BYOR PA YIS BLA MA'I MAN NGAG LAS, ,KENG RUS KYIS GANG SA GZHI MTHONG BA GANG, ,DER YANG GSUM CHAR SKYE BA MED PAR MTHONG, ,STE YUL DANG DBANG PO DANG RNAM PAR SHES PA'O,, DE CI'I PHYIR ZHE NA, TING NGE 'DZIN DE NI, LOG PA YID LA BYED PAR BSTAN PHYIR RO, ,'DI NI DE KHO NA NYID MA YIN PA YID LA BYED PA'O ZHES 'BYUNG BA'I PHYIR RO, ,'DI NI GDON MI ZA BAR DE LTAR KHAS BLANG BAR BYA'O, ,DE LTA MA YIN TE, KHYOD KYI DBANG BLO'I YUL RNAMS JI LTA BA, DE LTAR MI SDUG YID KYI YANG 'GYUR NA, ,DE BZHIN YUL DER BLO GTAD CIG SHOS KYIS, ,RTOGS 'GYUR DE NI BRDZUN PAR YANG MI 'GYUR, ,JI LTAR KHYOD KYIS ZLOS GAR GYI LTAD MO LA SOGS PA LTA BA NA, YUL DER MIG GTAD PA RNAMS LAS JI LTAR GCIG LA MIG GI RNAM PAR SHES PA DE'I RNAM PA CAN SKYE BA DE BZHIN DU GZHAN DAG LA YANG YIN PA DE BZHIN DU, RNAL 'BYOR PA LTAR RNAL 'BYOR PA MA YIN PA KENG RUS LA SOGS PA'I YUL LA LTA BA RNAMS LA YANG DE'I RNAM PA CAN GYI SHES PA SKYE BAR 'GYUR TE, SNGON PO LA SOGS PA'I RNAM PAR SHES PA BZHIN NO, , @271B TING NGE 'DZIN 'DI DE KHO NA NYID MA YIN PA YANG LA BYED PAR YID MI 'GYUR RO, ,DE BZHIN DU, RAB RIB DANG LDAN DBANG PO CAN MTSUNGS PA, ,CHU 'BAB KLUNG LA YI DGAS RNAG BLO YANG, ,SHES PAR BYA'O, ,RAB RIB MTHU LAS SKRA RNAMS GANG MTHONG BA, ,ZHES GANG BSHAD PA DE DANG MTSUNGS PA DE LTA BU'I RIGS CAN GZHAN YANG RIG PAR BYA STE SPROS PAS CHOG GO, ,MDOR NA JI LTAR SHES BYA MED DE BZHIN, ,BLO YANG MED CES DON 'DI SHES PAR GYIS, ,SHES BYA RANG BZHIN MED PA JI LTA BA DE BZHIN DU SHES BYA'I RNAM PA CAN GYI BLO YANG RANG GI BDAG NYID KYIS MA SKYES PAR RIG PAR BYA'O, ,JI SKAD DU, MA SHES PA NI SHES BYA MIN, ,DE MED RNAM PAR SHES MED PA, ,DE PHYIR SHES DANG SHES BYA DAG ,RANG BZHIN MED PAR KHYOD KYIS GSUNGS, ,ZHES BYA BA DANG, DE BZHIN DU, RNAM SHES SGYU MA DANG MTSUNGS PAR, ,NYI MA'I GNYEN GYIS GSUNGS PA YIN; ,DE YI DMIGS PA'ANG DE BZHIN TE, ,NGES PAR SGYU MA'I DNGOS DANG 'DRA, ,ZHES GSUNGS SO, ,DE'I PHYIR RNAM PAR SHES PA RDZAS SU SMRA BA'I BRJED BYED KYI GDON GYIS GZUNG BA PHYI ROL GYI YUL LA SKUR BA 'DEBS PA 'DI NI CI NAS, BDAG NYID G-YANG SAR LHUNG BAR BYED PAR MI 'GYUR BAR DAM PA SNYING RJE SPYOD PA RNAMS KYIS LUNG DANG RIGS PA'I GSANG SNGAGS BZANG PO BTAB PAS TSABS CHER MNAN TE GZUNG BAR BYA'O, ,DE'I PHYIR DE LTAR PHYI ROL MED PAR RNAM PAR SHES PA MI SRID PAR BSTAN NAS DNGOS PO TZAM ZHIG TU YOD PA NYID DGAG PAR BYA BA'I PHYIR BSHAD LA, GAL TE GZUNG MED 'DZIN PA NYID BRAL ZHING, ,GNYIS KYIS STONG PA'I GZHAN DBANG DNGOS YOD NA, ,'DI NI YOD PAR GANG GIS SHES PAR 'GYUR, ,MA BZUNG BAR YANG YOD CES BYAR MI RUNG, ,GAL TE GZUNG BA DANG 'DZIN PA ZHES BYA BA GNYIS KYIS STONG PA GZHAN GYI DBANG YOD NA DE'I YOD PA DE KHYOD KYIS SHES PA GANG GIS DMIGS, DE NYID KYIS DE 'DZIN PAR NI MI 'THAD DE, RANG GI BDAG NYID LA BYED PAR 'GAL BA'I PHYIR RO, ,'DI LTAR RAL GRI'I SO DE NYID KYIS DE NYID MI GCOD LA, SOR MO'I RTZE MO DE NYID KYIS DE NYID LA MI REG CING, , @272A *, ,LEGS PAR BSLABS PA'I G-YER ZHING YANG GZOR CAN GYIS KYANG RANG GI PHRAG PA LA ZHON PAR MI NUS SHING, MES RANG GI BDAG NYID MI SREG LA, MIG GIS RANG GI BDAG NYID LA LTA BA MA YIN NO, ,DE NI SHES PA GZHAN GYIS 'DZIN PA YANG MA YIN TE, RANG GI GRUB PA'I MTHA' DANG 'GAL BA'I PHYIR TE, GAL TE RNAM PAR RIG PA GZHAN ZHIG RNAM PAR RIG PA'I YUL YIN NA RNAM PAR RIG PA TZAM NYID NYAMS PAR 'GYUR RO ZHES 'BYUNG BA'I PHYIR RO, ,DE'I PHYIR DE LTAR DE'I 'DZIN PA RNAM PA THAMS CAD DU YOD PA MA YIN LA MA BZUNG BA LA NI YOD PA NYID MED DO, ,'DIR SMRAS PA, GAL TE YANG GZHAN GZHAN GYIS 'DZIN PA YOD PA NI MA YIN MOD KYI, DE LTA NA YANG RANG RIG PA NI YOD PA YIN NO, ,DE'I PHYIR RANG RIG PA KHO NAS DE 'DZIN PA'I PHYIR YOD PA NYID DU 'GYUR RO ZHE NA, DE YANG YOD PA MA YIN PAR BSHAD PA, DE NYID KYIS DE MYONG BAR GRUB MA YIN, DE NYID KYIS DE 'DZIN TO ZHES BYA BA 'DI NI MA GRUB BO, ,'DIR KHA CIG GIS MDO SDE PA'I PHYOGS KHAS BLANGS NAS RANG RIG PA RAB TU SGRUB PA'I PHYIR, JI LTAR ME NI SKYES PA NYID NA RANG GI BDAG NYID DANG BUM PA LA SOGS PA DAG GNYIS SU MI 'JUG PAR CIG CAR GSAL BAR BYED LA, SPRAS KYANG RANG GI BDAG NYID DANG DON STON PAR BYED PA DE BZHIN DU, RNAM PAR SHES PA YANG NYE BAR SKYE BA NYID NA GNYIS SU MI 'JUG PAR RANG GI BDAG NYID DANG, YUL SO SOR YANG DAG PAR RIG PAR BYED PA YIN NO, ,DE'I PHYIR RANG RIG PA ZHES BYA BA YOD PA KHO NA YIN NO, ,GANG ZHIG MI 'DOD PA DES KYANG GDON MI ZA BAR RANG RIG PA KHAS BLANG BAR BYA DGOS TE, GZHAN DU MA MTHONG NGO ZHES DUS PHYIS 'BYUNG BA'I DRAN PAS YUL DRAN PA NYID DANG, NGAS MTHONG NGO SNYAM DU YUL GYI NYAMS SU MYONG BA DRAN PAR MI 'GYUR RO, ,DE CI'I PHYIR ZHE NA, DRAN PA NI NYAMS SU MYONG BA'I YUL CAN YIN NA SHES PA YANG NYAMS SU MA MYONG BAS DRAN PA YOD PAR MI 'GYUR RO, ,RANG RIG PA MED PA'I PHYIR NA RE ZHIG DE NYID KYIS DE NYAMS SU MYONG BA YOD PA MA YIN NO, ,SHES PA GZHAN GYIS KYANG DE MYONG BAR MI RIGS TE, CI'I PHYIR ZHE NA, SHES PA GZHAN @272B GYIS NYAMS SU MYONG NA THUG PA MED PAR THAL BAR 'GYUR RO, ,'DI LTAR SNGON PO YONGS SU GCOD PAR BYED PA'I SHES PA GCIG DE'I MJUG THOGS SU 'BYUNG BA'I RNAM PAR SHES PAS GCOD PAR KHAS LEN NA, ,SNGON PO'I SHES PA'I SHES PA DE LA YANG MYONG BA PO GZHAN YOD PAR BYA DGOS SHING, DE LA YANG GZHAN ZHIG 'GYUR DGOS PAS THUG PA MED PA'I SKYON DU THAL LO, ,SHES PAS YUL GZHAN YONGS SU MI GCOD PAR YANG 'GYUR TE, RNAM PAR SHES PA'I RGYUN LUGS MTHA' DAG SHES PA GZHAN GYI YUL CAN YIN PA'I PHYIR DANG, SEMS CAN RNAMS RNAMS PAR SHES PA'I RGYUD GCIG YIN PA'I PHYIR RO, ,RNAM PAR SHES PA AUTPALA'I 'DAB MA BRGYA 'BIGS PA LTAR RIM GYIS 'BYUNG BA RNAMS 'JUG PA MYUR BAS CIG CAR DU 'JUG PA LTA BUR MNGON PA YIN NO, ,DE'I PHYIR THUG PA MED PA'I SKYON YONGS SU SPANG BAR BYA BA'I PHYIR GDON MI ZA BAR RANG RIG PA KHAS BLANGS PAR BYA DGOS SO, ,DE LTAR NA NI NGAS MTHONG NGO SNYAM DU GNYI GA'I YUL CAN GYI DRAN PA DUS PHYIS 'BYUNG BA YANG 'GRUB STE, SHES PA'I RANG BZHIN RANG RIG PA MA RTOGS PAR NI DE'I YUL CAN GYI DRAN PA DE MI RIGS SO, ,DE'I PHYIR NGAS MTHONG NGO SNYAM DU DUS PHYIS DRAN PA'I SHES PA SKYES PA LAS GANG LAS DUS PHYIS GNYI GA'I YUL CAN GYI DRAN PA SKYE BA NYAMS SU MYONG BA'I SHES PA'I RANG GI BDAG NYID DANG YUL GYI BDAG NYID MYONG ZHING SKYES PAR DPOG PAR BYED DO, ,DE'I PHYIR DUS PHYIS KYI DRAN PA LAS RANG NYAMS SU MYONG BA GRUB PA YIN LA, RANG NYAMS SU MYONG BA YOD NA GZHAN GYI DBANG YOD PA NYID YIN PAS DE LA 'DI NI YOD PAR GANG GIS SHES PAR 'GYUR ZHES GANG SMRAS PA LA, 'DI NYE BAR BSTAN PA YIN NO ZHES SMRAS PA DE YANG RIGS PA MA YIN NO ZHES BSTAN PA'I PHYIR BSHAD PA, DE NYID KYIS DE MYONG BAR GRUB MA YIN, , GAL TE PHYI DUS DRAN PA LAS GRUB NA, ,MA GRUB BSGRUB PAR BYA PHYIR BRJOD PA YI, ,MA GRUB 'DI NI SGRUB PAR BYED PA MIN, ,DE LA GAL TE RE ZHIG RDZAS SGRUB PAR BYED PA YIN PA'I DBANG DU BYAS NAS DE SKAD DU SMRA NA NI, DE'I TSE BDAG DANG GZHAN LAS SKYE BA MED PA'I PHYIR RNAM PA THAMS @273A *, ,CAD DU DRAN PA MI SRID PAS JI LTAR MA GRUB PA'I DRAN PAS MA GRUB PA'I RANG RIG PA 'GRUB PAR 'GYUR, 'ON TE 'JIG RTEN GYI THA SNYAD KYI DBANG DU YIN NA DE LTA NA YANG RANG RIG PA'I RGYU CAN GYIS DRAN PA MI SRID PA NYID DO, ,DE CI'I PHYIR ZHE NA, GAL TE 'DIR ME BZHIN DU SHES PA 'GA' ZHIG GIS RANG RIG PA 'GRUB PAR 'GYUR NA NI DE YOD PAS DU BAS ME LTAR DUS PHYIS 'BYUNG BA'I DRAN PA'I SGO NAS YOD PA NYID DU NGES PAR 'GYUR BA ZHIG NA, RANG RIG PA DE NI DA RUNG DU YANG MA GRUB PAS, RANG RIG PA'I RGYU CAN RANG RIG PA MED PAR MI 'BYUNG BA'I DRAN PA GA LA YOD, 'DI LTAR CHU TZAM MTHONG BA LAS NOR BU CHU SHEL LAM ME TZAM MTHONG BA LAS NOR BU ME SHEL YOD PA NYID NI MA YIN TE, DE DAG MED PAR YANG CHAR LA SOGS PA DANG GTZUB SHING GTZUBS PA LA SOGS PA LAS CHU DANG ME DAG 'BYUNG BA'I PHYIR TE, DE BZHIN DU 'DIR YANG RANG RIG PA MED PAR DRAN PA JI LTAR 'BYUNG BA DE LTAR STON PAR 'GYUR RO, ,DE'I PHYIR RANG RIG PA'I RGYU CAN GYI DRAN PA NI DE MED PAR MED PAS, MA GRUB BSGRUB PAR BYA PHYIR TE, ,RANG RIG PA BSGRUB PAR BYA BA'I PHYIR DRAN PA'I TSIG BRJOD PA'I MA GRUB PA 'DI SGRUB PA'I DGOS PA CAN DU MA GRUB STE, SGRA MI RTAG PA LA MIG GIS GZUNG BYA NYID BZHIN NO SNYAM DU BSAM PA YIN NO, ,JI STE DE LTAR RNAM PAR DPYOD PA BTANG NAS KYANG, RANG RIG PA NI GRUB LA RAG MOD KYI, ,DE LTA'ANG DRAN PA'I DRAN PA RIGS MIN TE, ,GZHAN PHYIR MA SHES RGYUD LA SKYES PA BZHIN, GTAN TSIGS 'DIS NI KHYAD PAR DAG KYANG 'JOMS, , GAL TE YANG SHES PAS RANG GI BDAG NYID DANG YUL RIG PAR BYED MOD KYI, DE LTA NA YANG DRAN PA'I SHES PAS DE DAG DRAN PA NI MI RIGS TE, DRAN PA'I SHES PA NI YUL NYAMS SU MYONG BA'I SHES PA LAS GZHAN NYID DU KHAS BLANGS PA'I PHYIR RO, ,'DI LTAR BYAMS PA'I SHES PA'I RANG RIG PA DANG YUL MYONG BA NI SNGAR NYAMS SU MA MYONG BAS NYER SBAS KYI SHES PAS DRAN PA MA YIN PA DE BZHIN DU MA SHES PA'I RGYUD LAS SHES PA LTAR GZHAN YIN PA'I PHYIR NA RANG GI RGYUD DU GTOGS PA'I RNAM PAR SHES PA DUS PHYIS 'BYUNG BAS KYANG SHES PA DANG DON DAG NYAMS SU MA @273B MYONG BA'I PHYIR DRAN PAR MI 'GYUR RO, ,CI STE RGYUD GCIG TU GTOGS PA RNAMS LA RGYU DANG 'BRAS BU'I DNGOS PO GNAS PA'I PHYIR, DRAN PA YOD PAR 'GYUR RO SNYAM DU SEMS NA, DE YANG YOD PA MA YIN TE, GANG GI PHYIR GTAN TSIGS 'DIS NI KHYAD PAR DAG KYANG 'JOMS, GZHAN YIN PA'I PHYIR ZHES BYA BA'I GTAN TSIGS GANG YIN PA 'DIS NI RGYUD GCIG TU GTOGS PA NYID DANG, RGYU DANG 'BRAS BU'I DNGOS PO LA SOGS PA'I KHYAD PAR THAMS CAD NYE BAR 'JOMS PAR BYED DO, ,DRAN PA'I SHES PA'I SKAD CIG NYAMS SU MYONG BA'I DUS PHYIS 'BYUNG BA NI GZHAN YIN PA'I PHYIR, RGYUD GZHAN GYI SHES PA BZHIN DU NYAMS SU MYONG BA'I SHES PA DANG, RGYUD GCIG TU GTOGS PA MA YIN LA, RGYU DANG 'BRAS BU'I DNGOS PO GNAS PA YANG MA YIN NO ZHES BYA BA LA SOGS PA GZHAN YIN PA'I PHYIR ZHES BYA BA'I GTAN TSIGS 'DI NYID KYIS RGYA CHER DGAG PAR BYA BA YIN NO, ,KHYOD KYI LTAR NA JI LTAR ZHE NA, BRJOD PAR BYA STE, GANG PHYIR GANG GIS YUL MYONG 'GYUR DE LAS, ,DRAN PA 'DI GZHAN NGA LA YOD MIN PA, ,DE PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN, ,GANG GIS YUL MYONG BA DE YUL NYAMS SU MYONG BA'I SHES PA DE LAS DRAN PA'I SHES PA GZHAN NYID DU JI LTAR MED PA DE LTAR NA SNGAR BSHAD ZIN TO, ,GANG GI PHYIR DRAN PA GZHAN NYID YOD PA MA YIN PA DE'I PHYIR, GANG NYAMS SU MYONG BAS MYONG BA DE DRAN PA'I SHES PAS MYONG BA MA YIN PA MA YIN PAS DRAN PA YUL DANG LDAN PAR 'BYUNG LA, NYAMS SU MYONG BA'I SHES PAS YONGS SU GCOD PA GANG YIN PA DE DRAN PAS YONGS SU MA BCAD PA MA YIN PAS BDAG GIS MTHONG NGO ZHES BYA BAR 'GYUR RO, ,'DI YANG 'JIG RTEN TSUL LUGS YIN GYI SHIN TU DPYAD PAR BYA BA NI MA YIN TE, BRDZUN PA'I DON CAN NYID KYIS 'JIG RTEN GYI THA SNYAD YIN PA'I PHYIR RO, ,GANG GI PHYIR DE LTA YIN PA, DE'I PHYIR RANG RIG YOD PA MA YIN NA, ,KHYOD KYIS GZHAN DBANG GANG GIS 'DZIN PAR 'GYUR, ,BYED PO LAS DANG BYA BA GCIG MIN PAS, ,DE NYID KYIS DE 'DZIN PAR RIGS MA YIN, ,BDAG RIG @274A *, ,PAR BYED DO ZHES RIG PAR BYA BZHIN PA'I BDAG NYID LAS KYI DNGOS POR 'GYUR LA RIG PAR BYA BA DE NYID KYANG BYED PA PO YIN ZHING DE'I BYA BA YANG THA MI DAD PA NYID YIN PAS BYED PA PO DANG LAS DANG BYA BA GCIG TU THAL BAR 'GYUR NA, 'DI DAG GCIG PA NYID DU NI MA MTHONG NGO, ,'DI LTAR GCOD PA PO DANG SHING DANG GCOD PA'I BYA BA GCIG PA NI MA YIN NO, ,'DI LAS KYANG RANG RIG PA YOD PA MA YIN PAS DE NYID KYIS DE 'DZIN PA MA YIN NO, ,'PHAGS PA LANG KAR GSHEGS PA LAS KYANG, JI LTAR RAL GYI RANG GI SO, ,GCOD PAR MI BYED SOR MO NI,, RANG LA RAG PAR MI BYED LTAR, ,RANG RIG SEMS KYANG DE BZHIN NO, ,ZHES GSUNGS SO, ,DE'I PHYIR DE LTAR RANG RIG PA MED PA'I PHYIR, GAL TE SKYE BA MED CING MA SHES PA'I, ,BDAG CAN GZHAN DBANG NGO BO'I DNGOS YOD NA, ,GANG GIS NA 'DI YOD PAR MI RIG PA, ,GZHAN LA MO GSHAM BU GNOD JI ZHIG BYA, ,GZHAN GYI DBANG BDAG DANG GZHAN LAS MI SKYE BA NI GONG DU CIR BSTAN PA YIN LA, DE LTA NI MA SHES PA'I BDAG NYID CAN NYID DU YANG BSTAN PA YIN NO, ,DE'I PHYIR DE LTAR GAL TE SKYE BA MED CING MA SHES PA'I BDAG NYID CAN GZHAN GYI DBANG GI NGO BO YOD DO ZHES BYA BAR KHAS LEN NA, GANG LAS GZHAN GYI DBANG DANG MTSUNGS PA'I CHOS CAN YIN DU ZIN KYANG 'DI YOD PA NYID DU 'DOD PAR MI 'GYUR BA, KHYOD LA MO GSHAM GYI BUS GNOD PA CI ZHIG BYAS TE, MO GSHAM GYI BU ZHES BYA BA SPROS PA THAMS CAD LAS 'DAS SHING 'PHAGS PA'I YE SHES KYI SPYOD YUL DU GYUR PA BRJOD DU MED PA'I RANG BZHIN CAN CI ZHIG YOD DO ZHES 'DI YANG YOD PA NYID DU 'DOD PAR GYIS SHIG GANG YANG DNGOS PO BTAGS PAR YOD PA'I RGYUR GYUR CING ZHES SMRAS PA DE YANG GZHAN GYI DBANG YOD PA NYID YIN NA, RIGS PA ZHIG NA, GANG TSE GZHAN DBANG CUNG ZAD YOD MIN NA, ,KUN RDZOB PA YI RGYUR NI GANG ZHIG 'GYUR, ,KUN RDZOB PA RNAMS LA RGYU CUNG ZAD KYANG MED DO SNYAM DU BSAMS PA'O, ,DE'I PHYIR 'DI LA 'JIG RTEN GYI THA SNYAD KYI RGYU GANG YIN PA DE RANG NYID KYI YOD PA MA YIN PAS KYE MA KYI HUD, GZHAN GYI LTAR NA @274B RDZAS LA CHAGS PA YIS, ,'JIG RTEN GRAGS PA'I RNAM GZHAG KUN KYANG BRLAG ,SHES RAB MED PAS RDZAS SHAS TZAM LA CHAGS PA'I SGO NAS GZHAN GYI DBANG GI BUM PA SO MA BTANG BAR CHU DANG 'DRA BA BLUGS NAS RANG GE BLO GROS KYI TSUL NGAN PA'I PHYIR 'JIG RTEN PA'I RNAM PAR GZHAG PA 'JIG RTEN KHO NA LAS GRUB PA 'DUG SHIG ,SONG SHIG BYOS SHIG TSOS SHIG CES BYA BA DE LTA BU LA SOGS PA DANG, DE BZHIN DU GZUGS DANG TSOR BA LA SOGS PA GANG YIN PA DE DAG THAMS CAD 'JIG PAR RTOGS TE, DE'I PHYIR 'DI LA RGUD PA NYID 'BA' ZHIG SRID PAR 'GYUR GYI; MNGON PAR MTHO BA NI MA YIN NO, ,DE'I PHYIR DE LTAR SLOB DPON PHYIN CI LOG LAS RANG GI RNAM PAR RTOG PAS SBYAR BA'I LUGS KYI LAM KHO NAR ZHUGS PA, SLOB DPON KLU SGRUB ZHABS KYI LAM LAS NI, ,PHYI ROL GYUR PA ZHI BA'I THABS MED DO, ,CI'I PHYIR ZHE NA, 'DI LTAR DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA GRUB YOD MIN, ,YANG CI'I PHYIR BDEN PA GNYIS LAS YONGS SU NYAMS PAS THAR PA MI GRUB CE NA, BSHAD PA, THA SNYAD BDEN PA THABS SU GYUR PA DANG, ,DON DAM BDEN PA THABS 'BYUNG GYUR PA DE, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PAS LAM NGAN ZHUGS, ,JI SKAD DU, 'PHAGS PA DE KHO NA NYID NGES PAR BSTAN PA'I TING NGE 'DZIN LAS, 'JIG RTEN MKHYEN PAS GZHAN LA MA GSAN PAR, ,BDEN PA 'DI GNYIS NYID KYIS BSTAN PAR MDZAD, ,GANG ZHIG KUN RDZOB DE BZHIN DON DAM STE, ,BDEN PA GSUM PA GANG YANG MA MCHIS SO, ,GANG GIS BDE BAR GSHEGS LA 'GRO BA RNAMS, ,BDE BA'I DON DU DAD PA SKYE 'GYUR BA, ,RGYAL BAS 'GRO BA RNAMS KYI DON SLAD DU, ,'JIG RTEN PHAN PHYIR KUN RDZOB DE BSTAN TO, SEMS CAN TSOGS KYI 'GRO DRUG GANG BSTAN PA, ,SEMS CAN DMYAL DANG DUD 'GRO YI DAGS DANG, ,LHA MIN RIS DANG MI DANG LHA YI RNAMS, ,MI YI SENG GES KUN RDZOB BTAGS PA MDZAD, ,RIGS DMA' DE BZHIN MTHO BA'I RIGS RNAMS DANG, ,PHYUG PO'I KHYIM DANG DBUL @275A *, ,PA'I KHYIM RNAMS DANG, ,BRAN GYI TSOGS DANG DE BZHIN G-YOG GI TSOGS, ,BUD MED TSOGS DANG SKYES PA MA NING DANG, ,'GRO BA'I KHYAD PAR JI SNYED GANG YANG RUNG, ,MTSUNGS MED KHYOD KYIS 'JIG RTEN BSTAN MDZAD PA, ,KUN RDZOB BDEN PAR MKHAS PAS THUGS CHUD NAS, ,'JIG RTEN PHAN PAS MI LA DE BSTAN TO, ,'DI LA DGA' BA'I 'GRO BA 'KHOR BA NA, ,'GRO BA'I CHOS BRGYAD LA NI 'JUG 'GYUR TE, ,THOB DANG MA THOB SNYAN DANG MI SNYAN DANG, ,BSTOD DANG SMAD DANG BDE DANG SDUG BSNGAL LO, ,THOB PA RNYED NA DE LA CHAGS PA SKYED, ,MA THOB GYUR NA DES KYANG 'KHRUG PAR 'GYUR, ,GANG GZHAN MA BSTAN TSUL 'DIS SHES PAR BYA, ,NAD RNAMS BRGYAD KYIS DE RGYUN GNOD PAR 'GYUR, ,KUN RDZOB DE LA DON DAM SU SMRA BA, ,DE DAG NOR BA'I BLO LDAN SHES PAR BYA, ,MI SDUG SDUG DANG SDUG BSNGAL BDE BA DANG, ,BDAG MED RANG BZHIN BDAG TU SMRA BA DANG, ,MI RTAG CHOS LA RTAG CES SMRA BGYID CING, ,DE LTAR DGA' STE MTSAN MAR GANG GNAS PA, ,DE DAG BDE GSHEGS GSUNG NI THOS GYUR NAS, ,'JIGS SHING JI BZHIN MI RTOGS SPONG BAR BGYID, ,DE DAG BDE GSHEGS GSUNG NI SPANGS GYUR NAS, ,SEMS CAN DMYAL BAR SDUG BSNGAL MI BZAD MYONG, ,DE DAG TSUL MIN BDE BA TSOL BGYID KYANG, ,SDUG BSNGAL BRGYA DAG BYIS PAS MYONG BAR 'GYUR, ,'JIG RTEN PHAN PA'I BSTAN PA SU ZHIG GIS, ,MA LOG BLO YIS RNAM PAR RTOGS MYUR NA, SPRUL GYI PAGS PA RNYING LTAR RAB SPANGS TE, ,SRID PA KUN LAS 'DAS NAS ZHI BAR 'GYUR, ,CHOS 'DI THAMS CAD RANG BZHIN 'BYIN PA STE, ,STONG PA MTSAN MA MED PA DON DAM ZHES, ,GANG GIS THOS NAS DGA' BA SKYE 'GYUR PA, ,DE DAG BLA MED BYANG CHUB THOB PAR 'GYUR, RGYAL BA KHYOD KYIS PHUNG PO DBEN PAR GZIGS, ,KHAMS DANG SKYE MCHED RNAMS KYANG DE BZHIN TE, ,DBANG PO'I GRONG NI MTSAN MAS DBEN PA DAG ,KUN KYANG THUB PA KHYOD KYIS JI BZHIN GZIGS, ,ZHES GSUNGS PA LTA BU'O, ,DE'I PHYIR DE LTAR KUN RDZOB DANG DON DAM PA'I BDEN @275B PAS DBEN PA RNAMS LA THAR PA LTA GA LA YOD, DE'I PHYIR RNAM PAR SHES PAR SMRA BA DE DAG NI RNAM PAR RTOG PA LOG PA DAG GIS LAM GOL BAR ZHUGS PA KHO NA'O, ,'DIR THA SNYAD KYI BDEN PA BSTAN PA NI THABS SU GYUR PA STE, JI SKAD DU, YI GE MED PA'I CHOS LA NI, ,NYAN PA GANG DANG STON PA GANG, ,'GYUR BA MED LA SGRO BTAGS PAS, ,'ON KYANG NYAN ZHING STON PA YIN, ,ZHES GSUNGS SO, ,THA SNYAD KYI BDEN PA KHO NA LA GNAS TE DON DAM PA STON PA YIN LA, DON DAM PA BSTAN PA KHONG DU CHUD PA LAS KYANG DON DAM PA 'THOB STE, JI SKAD DU BSTAN BCOS LAS, THA SNYAD LA NI MA BRTEN PAR, ,DAM PA'I DON NI BSTAN MI 'GYUR, ,DAM PA'I DON LA MA BRTEN PAR, ,MYA NGAN 'DAS PA THOB MI 'GYUR, ,ZHES GSUNGS SO, ,DE LA DON DAM PA BSTAN PA NI THABS LAS BYUNG BAR GYUR ZHING 'BRAS BUR GYUR PA STE, THABS LAS BYUNG BA DANG 'BRAS BU DANG THOB PAR BYA BA DANG RTOGS PAR BYA BA ZHES BYA BA'I DON TO, ,'DIR SMRAS PA, GAL TE KHYOD KYIS DE SKAD DU KHO BO CAG LA SHIN TU LTOS PA MED PAR SMRA NA, DA NI NGED CAG KYANG KHYOD LA BZOD PA MI BYED DE, GAL TE BDAG NYID GZHAN GYI PHYOGS SUN 'BYIN PA TZAM LA MKHAS PAR MNGON PAR BYED CING 'THAD PAS MI RIGS PA'I PHYIR GZHAN GYI DBANG GI NGO BO SEL BAR BYED NA, 'O NA DA NI JI SKAD SMRAS PA'I 'THAD PA KHO NAS MI RIGS PA'I PHYIR KHYOD LA GRAGS PA'I KUN RDZOB SEL BAR BYED PA YIN NO ZHE NA, GAL TE KHYOD THOG MA MED PA'I DUS NAS DKA' BA BRGYA PHRAG GIS BSAGS PA'I NOR GYI TSOGS 'PHROG PA PO MDZA' BO'I ZOL GYIS DUG DANG BCAS PA'I KHA ZAS BYIN NAS SLAR PHROGS PA BZHIN DU LAN DU GNOD PA BYAS PAS RANGS PAR GYUR NA 'GYUR LA RAG STE, KHO BO CAG NI MNGON PAR MTHO ZHING DGE BA NYID DU 'GYUR RO, ,'DI LTAR, JI LTAR KHYOD KYIS GZHAN DBANG DNGOS 'DOD LTAR, ,KUN RDZOB KYANG NI BDAG GIS KHAS MA BLANGS, ,'BRAS PHYIR 'DI DAG MED KYANG YOD DO ZHES, ,'JIG RTEN NGOR BYAS BDAG NI SMRA BAR BYED, ,JI LTAR KHYOD KYIS RANG DBANG DU GNAS NAS, , @276A *, ,RANG GI GZHUNG LUGS KYIS GZHAN GYI DBANG GI NGO BO 'PHAGS PA'I YE SHES KYIS THUGS SU CHUD PAR BYA BA ZHIG SMRA BA DE LTAR NI KHO BOS KUN RDZOB MA YIN TE, 'O NA CI ZHE NA, YOD PA MA YIN YANG 'JIG RTEN KHO NA LA GRAGS PAR GYUR PAS YOD DO ZHES 'JIG RTEN GYI NGO KHO NAR BRJOD PA YIN TE, DE RJES SU BRJOD PA NI DE LDOG PA'I THABS YIN PA'I PHYIR RO, ,JI SKAD DU, BCOM LDAN 'DAS KYIS 'JIG RTEN NGA DANG LHAN CIG RTZOD KYI, NGA NI 'JIG RTEN DANG MI RTZOD DE, GANG 'JIG RTEN NA YOD PAR 'DOD PA DE NI NGAS KYANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DO ZHES GSUNGS PA LTA BU'O, ,CI STE KUN RDZOB 'DI, JI LTAR PHUNG PO SPANGS NAS ZHIR ZHUGS PAS, ,DGRA BCOM RNAMS LA YOD PA MIN DE LTAR, ,'JIG RTEN LA YANG MED NA DE BZHIN 'DI, ,'JIG RTEN LAS KYANG YOD CES BDAG MI SMRA, ,JI LTAR DGRA BCOM PA PHUNG PO LHAG MA MED PA'I MYA NGAN LAS 'DAS PA'I DBYINGS SU ZHUGS PA RNAMS LA BDAG NYID THAMS CAD DU KUN RDZOB YOD PA MA YIN PA DE BZHIN DU, GAL TE 'JIG RTEN PA LA YANG YOD PAR MI 'GYUR NA NI DE BZHIN DU DGRA BCOM PA'I PHUNG PO LA SOGS PA BZHIN DU 'DI DAG YOD DO ZHES 'JIG RTEN LA LTOS NAS KYANG KHO BO MI SMRA STE, DE'I PHYIR GZHAN LA RAG LAS PA NYID KYI SGO NAS BDAG GIS KUN RDZOB KHAS BLANGS KYI RANG DBANG DU NI MA YIN NO, ,KHAS KYANG 'JIG RTEN KHO NAS BLANGS PA YIN TE, DE'I PHYIR GANG GIS KHAS BLANGS PA DE KHO NA LA LTOS NAS SEL BA NA BSAL BAR 'OS PA YIN TE, GZHAN LA LTOS NAS NI MA YIN NO ZHES BSHAD PA, GAL TE KHYOD LA 'JIG RTEN MI GNOD NA, ,'JIG RTEN NYID LTOS 'DI NI DGAG PAR GYIS, ,KHYOD DANG 'JIG RTEN 'DIR NI RTZOD KYIS DANG, ,PHYI NAS STOBS LDAN BDAG GIS BSTEN PAR BYA, ,KHO BO CAG NI 'JIG RTEN GYI KUN RDZOB BZLOG PAR BYA BA'I PHYIR SHIN TU TSE GAS CHE BAR GNAS PAR 'GYUR GYI KHYOD KYIS 'JIG RTEN GYI KUN RDZOB SOL CIG ,GAL TE KHYOD LA 'JIG RTEN GYIS GNOD PAR MI 'GYUR NA NGAS KYANG KHYOD LA STONGS GDAB PAR BYA'O, ,'JIG RTEN GYIS NI GNOD PA YANG YIN TE, DE'I @276B PHYIR BTANG SNYOMS NYID LA BRTEN PA BYA'O, ,KHYOD DANG 'JIG RTEN 'DIR NI RTZOD KYIS DANG, ,DE LA GAL TE KHYOD RGYAL NA NI DE'I PHYIR 'DI KHO BO CAG 'DOD PA NYID YOD PAS KHYOD LA BRTEN PAR BYA'O, ,'ON TE KHYOD 'JIG RTEN GYIS PHAM PAR BYAS NA NI DE'I TSE SHIN TU STOBS DANG LDAN PA'I 'JIG RTEN NYID LA BDAG NYID BRTEN PAR BYA'O, ,'DIR SMRAS PA GAL TE 'THAD PA DANG BRAL YANG 'JIG RTEN GYI GNOD PAS 'JIGS NAS KHYOD KYIS KUN RDZOB KHAS BLANGS NA NI, LUNG GI GNOD PAS 'JIGS PAS SEMS TZAM NYID DU YANG KHAS BLANG BAR BYA DGOS TE, JI SKAD DU, DE 'DI SNYAM DU SEMS TE, 'DI LTAR KHAMS GSUM PO 'DI NI SEMS TZAM STE ZHES GSUNGS PA LTA BU'O, ,BRJOD PAR BYA STE, BDE BAR GSHEGS PA'I GSUNG GI NOR BU AAN NGA RNYIL LAS SBYAR BA'I MDO SDE'I SA GZHI BSTAR BA LA, DE'I RANG BZHIN GYI KHYAD PAR MA ZIN PAR BYAS NAS RNAM PAR SHES PA DNGOS POR SMRA BA'I CHU'I RNAM PAR YONGS SU 'GYUR BAR 'KHRUL PA KHYOD NI RNAM PAR SHES PA DNGOS POR SMRA BA'I CHU TZAM ZHIG BCU BAR 'DOD PAS, RANG GI BLO GROS KYI SA'I BUM PA SO MA BTANG BA BSHAL ZHING BSNYUGS NAS DUM BU RNAM PA BRGYAR KLOG PA NA, BDAG NYID DE'I RANG BZHIN SHES PA RNAMS KYIS BZHAD GAD DU BYA BA NYID DU 'GYUR BAR BYED PA YIN NO, ,MDO'I DGONGS PA 'DI NI JI LTAR KHYOD KYI BLO LA SNANG BA DE LTAR MA YIN NO, ,YANG 'DIR MDO'I DON CI YIN ZHE NA, DE'I PHYIR BSHAD PA, MNGON GYUR MNGON PHYOGS BYANG CHUB SEMS DPA' YIS, ,SRID GSUM RNAM SHES TZAM DU GANG RTOGS PA, ,RTAG BDAG BYED PO BKAG PA RTOGS PHYIR DES, ,BYED PA PO NI SEMS TZAM YIN PAR RTOGS, ,GANG GI PHYIR MDO DE NYID LAS LUGS SU BYUNG BA'I RNAM PAR RTEN CING 'BREL BAR 'BYUNG BA LA RAB TU RTOG GO, ,DE LTAR NA SDUG BSNGAL GYI PHUNG PO SDUG BSNGAL GYI LJON PA BYED PA PO DANG TSOR BA PO MED PA 'BA' ZHIG PO 'DI MNGON PAR 'GRUB PAR 'GYUR RO SNYAM MO, ,DE 'DI SNYAM DU SEMS TE, BYED PA PO LA MNGON PAR ZHEN PAS LAS RNAMS YOD PAR GYUR TO, ,GANG NA BYED PA PO MED PA DE NA DON DAM PAR LAS KYANG MI DMIGS SO SNYAM @277A *, ,MO, ,DE 'DI SNYAM DU SEMS TE, 'DI LTAR KHAMS GSUM PO 'DI NI SEMS TZAM STE, SRID PA'I YAN LAG BCU GNYIS GANG DAG DE BZHIN GSHEGS PAS RAB TU PHYE STE BKA' STZAL PA DE DAG THAMS CAD KYANG SEMS GCIG LA BRTEN PA DAG GO ZHES RGYA CHER GSUNGS SO, , DE'I PHYIR DE LTAR BDAG RTAG PA BYED PA PO BKAG NAS KUN RDZOB TU SEMS TZAM ZHIG KHO NA BYED PA PO MTHONG ZHING KHAMS GSUM RNAM PAR SHES PA TZAM DU RTOGS PA YIN NO, ,BYANG CHUB NI THAMS CAD MKHYEN PA'I YE SHES SO, ,DER SEMS PA STE SEMS SHING MNO BA DE LA YOD PAS BYANG CHUB SEMS DPA' 'AM, YANG NA BYANG CHUB TU NGES PAR YOD PA NYID DE BDOG PA NYID DE LA YOD PAS BYANG CHUB SEMS DPA' YIN PA'AM, BYANG CHUB TU NGES PA'I SEMS CAN GANG ZAG NI BYANG CHUB SEMS DPA' STE, BAR GYI TSIG MI MNGON PAR BYAS PA'I TSIG BSDU BA'O, ,RTOGS PA NI KHONG DU CHUD PA ZHES BYA BA'I DON TO, ,MNGON PHYOGS ZHES BYA BA NI CHOS KYI DBYINGS LA MNGON DU PHYOGS PA'O, ,MNGON GYUR ZHES BYA BA NI SA DRUG PAR ZHES BYA BA'I DON TE DE LTAR YAN LAG GI DON YIN NO, ,DE'I PHYIR DE LTAR MDO'I DON BSHAD NAS, ,DON 'DI NYID MDO GZHAN GYIS KYANG BSTAN PA'I PHYIR BSHAD PA, DE PHYIR BLO LDAN BLO NI 'PHEL BYA'I PHYIR, ,LANG KAR GSHEGS MOD DE LAS KUN MKHYEN GYIS, ,MU STEGS SPO MTHON RI 'JOMS DAG RANG BZHIN, ,RDO RJE 'DI NI DGONGS PA BCAD PHYIR GSUNGS, ,'DI NI ZHES BYA BA 'DIS BSTAN PA'I TSIGS SU BCAD PA 'DON PA NI, ,GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG, ,GTZO PO DBANG PHYUG BYED PO RNAMS, ,SEMS TZAM DU NI NGAS BSHAD DO, ,ZHES BYA BA STE, ,TSIGS SU BCAD PA 'DI NI 'PHAGS PA LANG KAR GSHEGS PA LAS 'DON PA YIN NO, ,'DI'I DON DGROL BA'I PHYIR BSHAD PA; JI BZHIN RANG GI BSTAN BCOS DE DE LAS, ,MU STEGS RNAMS KYIS GANG ZAG SOGS DE DAG ,SMRAS PA DE DAG BYED POR MA GZIGS NAS, ,RGYAL BAS SEMS TZAM 'JIG RTEN BYED POR GSUNGS, ,MU STEGS RNAMS KYIS ZHES BYA BA NI PHAL CHER BSTAN PA STE CHOS 'DI PA DAG @277B GIS KYANG GANG ZAG LA SOGS PA DAG BRTAGS PA KHO NA YIN NO, ,RNAM PA GCIG TU NA DE DAG KYANG CHOS 'DI PA MA YIN TE, MU STEGS LTAR BSTAN PA'I DON PHYIN CI MA LOG PAR KHONG DU MA CHUD PA'I PHYIR RO, ,DE'I PHYIR NGES PAR BSTEN PA 'DI NI KUN LA KHYAB PAR BYED PA KHO NA'O, ,JI SKAD DU, GANG ZAG PHUNG POR SMRA BA YI, ,'JIG RTEN GRANGS CAN 'UG PHRUG DANG, ,GOS MED BCAS LA GAL TE ZHIG ,YOD MED 'DAS PA SMRA NA DRIS, ,DE PHYIR SANGS RGYAS RNAMS KYI NI, ,BSTAN PA 'CHI MED YOD MED LAS, ,'DAS PA ZAB MO ZHES BSTAN PA, ,CHOS KYI KHUD PA YIN ZHES KYIS, ,ZHES GSUNGS SO, ,PHUNG PO LA SOGS PAR MNGON PAR ZHEN PA DE DAG NI PHYI ROL PA NYID DU RIG PAR BYA'O, ,JI LTAR RANG GI ZHES BYA BA NI RANG RANG GI GRUB PA'I MTHAR ZHES BYA BA'I DON TO, ,DE NYID KYI PHYIR MU STEGS PA RNAMS KYIS PHUNG PO LA SOGS PA DAG KYANG BYED PA PO NYID DU 'DOD PA NYE BAR MTSON PA YIN TE, 'KHOR BA 'DI NI THOG MA MED PAS 'DIR RTOG PA CI ZHIG MA BYUNG BAR GYUR CING CI ZHIG MI 'BYUNG BAR 'GYUR, 'DI LTAR DA LTA NYID DU YANG SPONG BA DKAR PO LA SOGS PA DAG LA PHUNG PO LA SOGS PA STON PAR SNANG BA NYID DO, ,BCOM LDAN 'DAS KYIS NI GANG ZAG LA SOGS PA 'DI DAG BYED PA PO NYID DU MA GZIGS PA NA SEMS TZAM KHO NA 'JIG RTEN GYI BYED PA PO NYID DU BSTAN TO ZHES BYA BA NI MDO'I DON YIN NO, ,DE LTAR NA RE ZHIG BYED PA PO GZHAN BKAG PAS DON BYAS ZIN PA'I PHYIR TZAM GYI SGRAS SHES BYA 'GOG PAR MI NUS PAR BRJOD NAS, RNAM PA GZHAN DU BSHAD PA LAS KYANG PHYI ROL 'GOG PA MI SRID PAR BSTAN PA'I PHYIR BSHAD PA, DE NYID RGYAS LA SANGS RGYAS BSNYAD JI BZHIN, ,DE BZHIN SEMS TZAM GTZOR GYUR 'JIG RTEN LA, ,MDO LAS SEMS TZAM ZHES GSUNGS GZUGS NI 'DIR, ,'GOG PA DE LTAR MDO YI DON MA YIN, ,JI LTAR DE KHO NA NYID LA RGYAS PA LA SANGS RGYAS ZHES TSIG SNGA MA MI MNGON PAR BYAS NAS KYANG RNAM PAR BSHAD PA YOD PA DE BZHIN DU, SEMS TZAM GTZO BOR GYUR PA LA YANG GZHAN GTZO BO YIN PA BKAG NAS KHAMS GSUM NA SEMS TZAM MO ZHES BYA BAR SHES PAR BYA'O, ,DE'I PHYIR 'DIS NI GZUGS @278A *, ,LA SOGS PA RNAMS GTZO BO NYID YIN PA SEL BAR STON PA YIN GYI, SEMS TZAM ZHIG KHO NA YOD KYI GZUGS NI MED DO ZHES YOD PA NYID 'GOG PA NI MA YIN NO, ,MDO'I DON 'DI NI JI SKAD KHO BO CAG GIS BSHAD PA DE BZHIN DU GDON MI ZA BAR 'DOD PAR BYA'O, ,KHYOD KYI LUGS LTAR, GAL TE 'DI DAG SEMS TZAM ZHES MKHYEN NAS, ,DE LAS GZUGS NYID DGAG PAR MDZAD NA NI, ,SLAR YANG DE LAS BDAG NYID CHEN POS SEMS, ,GTI MUG LAS LAS SKYES PAR CI PHYIR GSUNGS, ,'PHAGS PA SA BCU PO DE NYID LAS, RNAM PAR SHES PA MA RIG PA DANG 'DU BYED KYI RGYU CAN DU GSUNGS KYI RANG GI MTSAN NYID KYIS GRUB PA NI MA YIN NO, ,GAL TE RNAM PAR SHES PA RANG GI BDAG NYID KYIS GRUB PAR GYUR NA NI DE MA RIG PA'AM 'DU BYED LA MI LTOS PAR 'GYUR BA ZHIG NA LTOS PA YANG YIN NO, ,DE'I PHYIR RNAM PA THAMS CAD DU RNAM PAR SHES PA RANG BZHIN GYIS YOD PA MA YIN PA KHO NA STE, RAB RIB CAN GYIS DMIGS PA'I SKRA SHAD LA SOGS PA LTAR PHYIN CI LOG GI RKYEN YOD NA YOD PA'I PHYIR LA, DE KHO NA LTAR PHYIN CI LOG GI RKYEN MED NA MED PA'I PHYIR RO SNYAM DU BSAMS PA'O, ,JI SKAD DU, DE LTAR BYANG CHUB SEMS DPA' LUGS SU 'BYUNG BA'I RNAM PAR RTEN CING 'BREL PAR 'BYUNG BA LA RAB TU RTOG GO, ,DE 'DI SNYAM DU SEMS TE, BDEN PA RNAMS MI SHES PA NI DON DAM PAR MA RIG PA'O, ,MA RIG PAS BYAS PA'I LAS KYI RNAM PAR SMIN PA NI 'DU BYED RNAMS SO, ,'DU BYED LA BRTEN PA'I SEMS DANG PO NI RNAM PAR SHES PA'O, ,RNAM PAR SHES PA DANG LHAN CIG SKYES PA LEN PA'I PHUNG PO BZHI NI MING DANG GZUGS SO, ,MING DANG GZUGS RNAM PAR 'PHEL BA NI SKYE MCHED DRUG GO, ,DBANG PO DANG YUL DANG RNAM PAR SHES PA GSUM PHRAD PAS ZAG PA DANG BCAS PA NI REG PA'O, ,REG PA DANG LHAN CIG SKYES PA NI TSOR BA'O, ,TSOR BA LA CHAGS PA NI SRED PA'O, ,SRED PA RNAM PAR 'PHEL BA NI LEN PA'O, ,LEN PA LAS BYUNG BA'I LAS ZAG PA DANG BCAS PA NI SRID PA'O, ,LAS KYI RGYU MTHUN PA NI SKYE BA STE PHUNG PO RNAMS 'BYUNG BA'O, ,PHUNG PO YONGS SU SMIN PA NI RGA BA'O, RGAS PA'I @278B PHUNG PO 'JIG PA NI 'CHI BA'O, ,'CHI ZHING 'BRAL BA'I TSE MYOS SHING CHAGS PA DANG BCAS PAS SEMS YONGS SU GDUNG BA NI MYA NGAN NO, ,MYA NGAN LAS BYUNG BA'I TSIG TU BRJOD PA NI SMRE SNGAGS 'DON PA'O, ,DBANG PO LNGA'I NYAMS SU BAB PA NI SDUG BSNGAL LO, ,YID KYI LTA BA NYAMS SU BAB PA NI YID MI BDE BA'O, ,SDUG BSNGAL DANG YID MI BDE BA MANG PO 'BYUNG BA NI 'KHRUG PA STE, ,DE LTAR NA SDUG BSNGAL GYI PHUNG PO SDUG BSNGAL GYI LJON PA BYED PA PO DANG TSOR BA PO MED PA 'DI MNGON PAR 'GRUB PAR 'GYUR RO SNYAM MO, ,DE LA MA RIG PA NI BYA BA GNYIS SU NYE BAR GNAS PA YIN TE, SEMS CAN RNAMS KYANG DMIGS PA LA KUN DU RMONGS PAR BYED PA DANG, 'DU BYED MNGON PAR 'GRUB PA'I RGYU YANG 'BYIN PA'O, ,'DU BYED RNAMS KYANG BYA BA GNYIS SU NYE BAR GNAS PA YIN TE, MA 'ONGS PA'I RNAM PAR SMIN PA YANG MNGON PAR 'GRUB PAR BYED PA DANG, RNAM PAR SHES PA MNGON PAR 'GRUB PA'I RGYU YANG 'BYIN PA'O, ,RNAM PAR SHES PA YANG BYA BA GNYIS SU NYE BAR GNAS PA YIN TE, SRID PA'I NYID MTSAMS SBYOR BAR YANG BYED PA DANG, MING DANG GZUGS MNGON PAR 'GRUB PA'I RGYU YANG 'BYIN PA'O, ,MING DANG GZUGS KYANG BYA BA GNYIS SU NYE BAR GNAS PA YIN TE, PHAN TSUN RTEN PAR YANG BYED PA DANG, SKYE MCHED DRUG MNGON PAR 'GRUB PA'I RGYU YANG 'BYIN PA'O, ,SKYE MCHED DRUG KYANG BYA BA GNYIS SU NYE BAR GNAS PA YIN TE, RANG GI YUL RNAM PAR PHYE BA YANG STON PA DANG, REG PA MNGON PAR 'GRUB PA'I RGYU YANG 'BYIN PA'O, ,REG PA YANG BYA BA GNYIS SU NYE BAR GNAS PA YIN TE, DMIGS PA LA REG PAR YANG BYED PA DANG, TSOR BA MNGON PAR 'GRUB PA'I RGYU YANG 'BYIN PA'O, ,TSOR BA YANG BYA BA GNYIS SU NYE BAR GNAS PA YIN TE, YID DU 'ONG BA DANG YID DU MI 'ONG BA DANG GNYI GA LAS RNAM PAR GROL BAS MYONG BAR YANG BYED PA DANG, SRID PA MNGON PAR 'GRUB PA'I RGYU YANG 'BYIN PA'O, ,SRID PA YANG BYA BA GNYIS SU NYE BAR GNAS PA YIN TE, CHAGS PAR 'GYUR BA'I DNGOS PO LA KUN TU CHAGS PAR YANG BYED PA DANG, LEN PA MNGON PAR 'GRUB PA'I RGYU YANG 'BYIN PA'O, ,LEN PA YANG BYA BA GNYIS SU NYE BAR GNAS PA YIN TE, @279A *, ,GONG MA LTA BU DANG, SRID PA MNGON PAR 'GRUB PA'I RGYU YANG 'BYIN PA'O, ,SRID PA YANG BYA BA GNYIS SU NYE BAR GNAS PA YIN TE, SRID PA'I RGYU GZHAN GNAS PAR BYED PA DANG, SKYE BA MNGON PAR 'GRUB PA'I RGYU YANG 'BYIN PA'O, ,SKYE BA YANG BYA BA GNYIS SU NYE BAR GNAS PA YIN TE, GONG MA LTA BU DANG, RGA BA MNGON PAR 'GRUB PA'I RGYU YANG 'BYIN PA'O, ,RGA BA YANG BYA BA GNYIS SU NYE BAR GNAS PA YIN TE, DBANG PO YONGS SU 'GYUR BAR YANG BYED PA DANG, 'CHI BA DANG PHRAD PA MNGON PAR 'GRUB PA'I RGYU YANG 'BYIN PA'O, ,JI SRID DU 'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O ZHES BYA BA'I BAR DU GSUNGS PA LTA BU STE, DE LTA BU LA SOGS PAS RNAM PAR SHES PA MA RIG PA DANG, 'DU BYED KYI RGYU CAN DU BSTAN PA YIN NO, ,DE LTAR RE ZHIG PHYIN CI LOG GI RKYEN YOD PAS RNAM PAR SHES PA YOD PAR GSAL BAR BYAS MOD KYI, DE MED PAS DE YANG MED PA JI LTAR ZHE NA, MA RIG PA 'GAGS PAS 'DU BYED RNAMS 'GAG GO ZHES BYA BA NI RKYEN MA RIG PA MED PAS 'DU BYED RNAMS NYE BAR ZHI ZHING RTON PA MED PA'O, ,'DU BYED 'GAGS PAS RNAM PAR SHES PA 'GAG GO ZHES BYA BA NI RKYEN 'DU BYED MED PA RNAM PAR SHES PA NYE BAR ZHI ZHING RTON PA MED PA'O ZHES RGYAS PAR GSUNGS NAS, DE 'DI SNYAM DU SEMS TE, 'DU BA LAS NI 'DUS BYAS 'BYUNG NGO, ,BRAL BA LAS NI 'DUS BYAS MI 'BYUNG NGO, ,TSOGS PA LAS NI 'DUS BYAS 'BYUNG NGO, ,MA TSOGS PA LAS NI MI 'BYUNG NGO, ,DE LTAS BDAG GIS 'DUS BYAS NYES PA MANG PO'I SKYON CHAGS PA DE LTA BU 'DI SHES PAR BYAS LA 'DU BA 'DI DANG TSOGS PA 'DI'I RGYUN GCAD PAR YANG BYA ZHING SEMS CAN YONGS SU SMIN PAR BYA BA'I PHYIR 'DU PHYED RNAMS SHIN TU ZHI BA THOB PAR NI MI BYA'O SNYAM MO, ,KYE RGYAL BA'I SRAS DAG DE DE LTAR 'DU BYED DU GYUR BA NYES PA MANG PO'I SKYON CHAGS SHING NGO BO NYID MED PA DANG, MA SKYES PA MA 'GAGS PAR SO SOR RTOG PA NA ZHES RGYAS PAR GSUNGS TE, DE'I PHYIR DE LTAR NA SEMS DANG BCAS PA SU ZHIG DE NYID LAS @279B GSUNGS PA'I LUNG MTHONG NAS RNAM PAR SHES PA RDZAS SU YOD PAR RTOG PAR BYED DE, YONGS SU RTOG PAR BYED PA DE NI LTA BAS BYAS PA NYID DU 'GYUR RO, ,DE'I PHYIR SEMS TZAM DU GSUNGS PA NI SEMS TZAM ZHIG KHO NA GTZO BOR GYUR PA NYID DU YONGS SU GSAL BAR BYA BA'I PHYIR YIN GYI, LUNG 'DI GZUGS MED PA GSAL BAR BYED PA NI RNAM PA THAMS CAD DU MA YIN NO, ,SEMS KYI GTZO BO DE NYID BSTAN PA'I PHYIR BSHAD PA, ,SEMS NYID KYIS NI SEMS CAN 'JIG RTEN DANG, ,SNOD KYI 'JIG RTEN SHIN TU SNA TSOGS 'GOD, ,'GRO BA MA LUS LAS LAS SKYES PAR GSUNGS, , SEMS SPANGS NAS NI LAS KYANG YOD MA YIN, ,DE LA SEMS CAN GYI 'JIG RTEN NI SEMS CAN RANG GI LAS DANG NYON MONGS PAS BDAG GI DNGOS PO RNYED PA RNAMS SO, ,SNOD KYI 'JIG RTEN NI DE DAG KHO NA'I THUN MONG GI LAS KYIS BSKYED PA'I RLUNG GI DKYIL 'KHOR LA SOGS PA'I 'OG MIN GYI GZHAL YAS KHANG GI MTHAR THUG PA DAG GO, ,DE LA RMA BYA LA SOGS PA RNAMS KYI MDONGS LA SOGS PA SNA TSOGS PA GANG YIN PA DE NI RMA BYA LA SOGS PA KHO NA'I LAS THUN MONG MA YIN PAS BSKYED PA'O, ,PADMA LA SOGS PA SNA TSOGS PA NI SEMS CAN THAMS CAD KYI LAS THUN MONG BAS BSKYED PA YIN TE, DE BZHIN DU GZHAN YANG SHES PAR BYA'O, ,JI SKAD DU, SEMS CAN LAS KYI DBANG GIS RI, ,NAG PO DUS SU SKYES TE DPER, ,SEMS DMYAL MTHO RIS 'JIG RTEN DU, ,MTSON DANG RIN CHEN SHING BZHIN NO, ,ZHES GSUNGS SO, ,GANG GI PHYIR DE LTAR NA 'GRO BA MA LUS PA LAS LAS SKYES SHING LAS KYANG SEMS LA BRTEN PA YIN TE, SEMS DANG BCAS PA KHO NA LA SOGS PA'I PHYIR LA, SEMS MED NA LAS MED PA'I PHYIR RO, ,DE'I PHYIR 'GRO BA RAB TU 'JUG PA LA, SEMS NYID GTZO BO'I RGYU YIN GYI GZHAN NI MA YIN PAS MDO LAS SEMS TZAM ZHIG KHO NA GTZO BOR GZHAG GI GZUGS NI MA YIN NO, ,CI'I PHYIR ZHE NA, GAL TE GZUGS YOD MOD KYI DE LA NI, ,SEMS BZHIN BYED PA PO NYID YOD MA YIN, ,GZUGS NI BEMS PO YIN NO SNYAM DU BSAMS PA'O, ,DES NA SEMS LAS GZHAN PA'I BYED PA PO, , @280A *, ,BZLOG GI GZUGS NI BKAG PA MA YIN NO, ,'DI NA KHA CIG DAG GIS NI GTZO BO LA SOGS PA RNAMS BYED PA PO NYID DU 'DOD LA, KHA CIG GIS NI SEMS LA 'DOD KYI, GZUGS BYED PA PO NYID MA YIN PA LA NI RTZOD PA MED DO, ,DE'I PHYIR GTZO BO LA SOGS PA BYED PA PO NYID DU DOGS PAR BYAS PA DE'I MTSAN NYID MED PA KHO NA BSAL BA'I PHYIR, BYED PA PO NYID DU NUS PAR MTHONG BA'I SEMS TZAM ZHIG BYED PA POR BRJOD PA NA GTZO BO LA SOGS PA BYED PA PO NYID YIN PA BSAL NAS RTZOD PA'I GNAS KYI YUL GNON NO ZHES BYA BAR RIGS TE, ,YUL GCIG LA DBANG BYED PAR 'DOD PA'I RGYAL PO GNYIS KYI NANG NAS DGRA ZLA GCIG BTON NAS RANG GI YUL 'THOB CING GNYI GA LA NYE BAR MKHO BA'I PHYIR SKYE BO PHAL PA LA GNOD PA MED PA LTAR DE BZHIN DU, 'DIR YANG GNYI GA LA NYE BAR MKHO BA'I PHYIR GZUGS LA RTAG TU GNOD PA MED PAS GZUGS YOD PA KHO NA YIN NO ZHES BYA BAR NGES PAR BYA'O, ,DE'I PHYIR DE LTAR JI SKAD BSTAN PA'I TSUL GYIS, 'JIG RTEN PA YI DE NYID LA GNAS LA, ,PHUNG PO 'JIG RTEN GRANGS TE LNGA CHAR YOD, ,DE NYID YE SHES 'CHAR BAR 'DOD PA NA, ,RNAL 'BYOR PA LA DE LNGA 'BYUNG MI 'GYUR, ,GANG GI PHYIR DE LTA YIN PA DE'I PHYIR, ,GZUGS MED NA NI SEMS YOD MA 'DZIN CIG ,SEMS YOD NYID NA'ANG GZUGS MED MA 'DZIN CIG ,GANG GI TSE 'THAD PAS GZUGS MED PAR RTOGS NA NI, DE'I TSE GNYI GA'I YOD PA 'THAD PA DANG BRAL BA'I PHYIR SEMS MED PAR YANG RTOGS PAR BYA DGOS LA, YANG GANG GI TSE SEMS YOD PA NYID DU RTOGS NA NI DE'I TSE GZUGS KYANG RTOGS PAR BYA DGOS TE, GNYI GA YANG 'JIG RTEN LA GRAGS PA'I PHYIR RO, ,LUNG LAS KYANG DE LTAR RTOGS PAR BYA STE, 'DI LTAR, DE DAG SHES RAB TSUL MDOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, GZUGS LA SOGS PA'I PHUNG PO DE DAG NI CHOS MNGON PA LAS RANG DANG SPYI'I MTSAN NYID LA SOGS PA'I RAB TU DBYE BA'I SGO NAS LNGA CHAR YANG MTSUNGS PAR GSUNGS LA, SHES RAB KYI PHA ROL TU PHYIN PA LAS NI LNGA TSAR YANG MTSUNGS PAR @280B BKAG PA YIN TE, RAB 'BYOR GZUGS NI RANG BZHIN GYIS STONG NGO ZHES BYA BA NAS RNAM PAR SHES PA NI ZHES BYA BA'I BAR DU GSUNGS PA'I PHYIR RO, ,DE PHYIR DE LTAR LUNG DANG RIGS PAS GRUB PA YI, ,BDEN GNYIS RIM PA 'DI DAG BSHIG NAS KYANG, ,KHYOD KYI RDZAS NI BKAG PAS 'GRUB MI 'GYUR, ,GZUGS MED PAR RNAM PAR SHES PA TZAM ZHIG 'DOD PAS NI KUN RDZOB DANG DON DAM PA DAG GI RIM PA JI SKAD DU SMRAS PA BSHIG PAR 'GYUR LA, DE LTAR BDEN PA DAG GI RIM PA DE DAG BSHIG NAS KYANG KHYOD KYI RDZAS NI 'GRUB PAR MI 'GYUR RO, ,CI'I PHYIR ZHE NA, GANG GI PHYIR SNGAR RDZAS BKAG PA DE'I PHYIR KHYOD KYI NGAL BA DON MED PA NYID DU 'GYUR RO, ,DE PHYIR DE LTA'I RIM PAS DNGOS GDOD NAS, ,DE NYID MA SKYES 'JIG RTEN SKYES RIG BYA, ,'DIR SMRAS PA, GAL TE YANG MDO'I DON 'DI DE LTAR BSHAD MOD KYI, DE LTAR NA YANG LUNG GZHAN LAS SEMS TZAM YOD PA NYID DU NGES TE, JI SKAD DU, PHYIR ROL SNANG BA YOD MED DE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ,ZHES GSUNGS SO, ,DE LA LUS NI MIG LA SOGS PA'I SKYE MCHED RNAMS SO, ,LONGS SPYOD NI GZUGS LA SOGS PA'I YUL RNAMS SO, ,GNAS NI SNOD KYI 'JIG RTEN NO, ,SEMS LAS LOGS SHIG NA PHYI ROL YOD PA MA YIN PA'I PHYIR, ,RNAM PAR SHES PA TZAM ZHIG KHO NA LUS DANG LONGS SPYOD DANG GNAS SU SNANG BA SKYE BA NA YUL GYI DNGOS POR GNAS PA LUS LA SOGS PA RNAM PAR SHES PA LAS THA DAD PAR PHYI ROL LTA BUR MNGON PAR YIN NO, ,DE'I PHYIR KHAMS GSUM PO NI SEMS TZAM YIN NO ZHE NA, MDO 'DI YANG DGONGS PA CAN NYID DU BRJOD PA'I PHYIR BSHAD PA, MDO SDE GANG LAS PHYI ROL SNANG YOD MIN, ,SEMS NI SNA TSOGS SNANG NGO ZHES GSUNGS PA, ,DE'I DGONGS PA NI 'DI YIN TE, GZUGS LA SHIN TU CHAGS GANG DE DAG LA, ,GZUGS BZLOG PA STE DE YANG DRANG DON NYID, ,DE LA 'DI NI DRANG BA'I DON YIN TE, ,GANG DAG GZUGS LA SHIN TU RE BA DANG BCAS PA DE'I RKYEN CAN GYI RJES SU CHAGS PA DANG KHONG KHRO BA DANG NGA RGYAL LA SOGS PA RNAMS KYIS 'JUG PA RANG DBANG MED @281A *, ,PAR BYAS PAR 'GYUR ZHING, DE LA MNGON PAR ZHEN PAS DE DAG SDIG PA CHEN PO DANG SBYAR BA LA BSOD NAMS DANG YE SHES KYI TSOGS BSAGS PA LAS NYAMS BAR 'GYUR BA DE DAG LA BCOM LDAN 'DAS KYIS GZUGS KYI RKYEN CAN GYI NYON MONGS PA GZHOM PA'I PHYIR CHAGS PA CAN DAG LA PHYI ROL GYI YUL LA CHAGS PA 'JOMS PA'I KENG RUS LTAR, DE LTA BUR GYUR PA MA YIN YANG DE LTA BU NYID DU SEMS TZAM NYID DU BSTAN PA YIN NO ZHES BYA BAR SHES PAR BYA'O, ,YANG LUNG 'DI DRANG BA'I DON YIN GYI NGES PA'I DON NI MA YIN NO ZHES BYA BA DE LTAR GANG LAS NGES SHE NA, LUNG DANG RIGS PA LAS SO, ,DE NYID STON PAR BYED PA NI, 'DI NI STON PAS DRANG DON NYID GSUNGS SHING, ,'DI NI DRANG DON NYID DU RIGS PAS 'THAD, ,CES BYA BA'O, ,MDO 'DI DRANG BA'I DON YIN PA 'BA' ZHIG TU MA ZAD KYI GZHAN YANG, RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, ,RNAM PA DE LTA BU'I MDO SDE GANG YIN ZHE NA, JI SKAD DU DGONGS PA NGES PAR 'GREL BA'I MDO LAS, BRTAGS PA DANG GZHAN GYI DBANG DANG YONGS SU GRUB PA ZHES BYA BA RANG BZHIN GSUM BSTAN PA LAS, BRTAGS PA MED PA NYID DANG, GZHAN GYI DBANG YOD PA NYID DANG, DE BZHIN DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN LTAR 'BAB, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,ZHES BYA BA LA SOGS PA STE 'DI, JI LTAR NAD PA NAD PA LA, ,SMAN PAS SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES BYA BA'I LUNG 'DIS DRANG BA'I DON NYID DU GSAL BAR BYED DO, ,DE BZHIN DU BCOM LDAN 'DAS KYIS MDO BRJOD PA LAS DE BZHIN GSHEGS PA'I SNYING PO GSUNGS PA DE BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DE, BCOM LDAN 'DAS KYIS RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR PHUNG PO DANG @281B KHAMS DANG SKYE MCHED KYI GOS KYIS YONGS SU DKRIS PA, 'DOD CHAGS DANG ZHE SDANG DANG GTI MUG GIS ZIL GYIS GNON PA, YONGS SU RTOG PA'I DRI MAS DRI MA CAN DU GYUR PA, RTAG PA BRTAN PA THER ZUG PAR MI BRJOD NA, ,BCOM LDAN 'DAS DE BZHIN GSHEGS PAS DE BZHIN GSHEGS PA'I SNYING POR SMRA BA 'DI NI MU STEGS BYED KYI BDAG TU SMRA BA DANG JI LTAR 'DRA BA MA LAGS, BCOM LDAN 'DAS MU STEGS BYED RNAMS KYANG RTAG PA BYED PA PO MA YIN PA YON TAN MED PA KHYAB PA MI 'JIG PA'O ZHES BDAG TU SMRA BA STON PAR BYED DO, ,BCOM LDAN 'DAS KYIS BKA' STZAL PA, BLO GROS CHEN PO NGA'I DE BZHIN GSHEGS PA'I SNYING PO BSTAN PA NI MU STEGS CAN GYI BDAG TU SMRA BA DANG MTSUNGS PA MA YIN TE, BLO GROS CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, STONG PA NYID DANG, YANG DAG PA'I MTHA' DANG, MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING POR BSTAN PA BYAS NAS, BYIS PA RNAMS BDAG MED PAS 'JIGS PAR 'GYUR BA'I GNAS RNAM PAR SPANG BAR BYA BA'I DON DU DE BZHIN GSHEGS PA'I SNYING PO'I SGO BSTAN PA RNAM PAR MI RTOG PA'I GNAS SNANG BA MED PA'I SPYOD YUL STON TE, BLO GROS CHEN PO MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG LA MNGON PAR ZHEN PAR MI BYA'O, ,BLO GROS CHEN PO DPER NA RDZA MKHAN NI 'DZIM PA'I RDUL GYI PHUNG PO GCIG LAS LAG PA DANG BZO DANG, LAG GZUNGS DANG CHU DANG SRAD BU DANG NAN TAN DANG LDAN PA LAS SNOD RNAM PA SNA TSOGS BYED DO, ,BLO GROS CHEN PO DE BZHIN DU, DE BZHIN GSHEGS PA RNAMS KYANG CHOS LA BDAG MED PA RNAM PAR RTOG PA'I MTSAN NYID THAMS CAD RNAM PAR LOG PA DE NYID SHES RAB DANG THABS LA MKHAS PA DANG LDAN PA RNAM PA SNA TSOGS KYIS DE BZHIN GSHEGS PA'I SNYING PO BSTAN PA'AM BDAG MED PAR BSTAN PAS KYANG RUNG STE, ,RDZA MKHAN BZHIN DU TSIG DANG YI GE'I RNAM GRANGS RNAM PA SNA TSOGS KYIS STON TO, ,DE LTAR DE'I PHYIR BLO GROS CHEN PO DE BZHIN GSHEGS @282A *, ,PA'I SNYING PO BSTAN PA NI MU STEGS BYED KYI BDAG TU SMRA BA'I BSTAN PA DANG MI 'DRA'O, ,BLO GROS CHEN PO DE LTAR DE BZHIN GSHEGS PA RNAMS KYIS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, YANG DAG PA'I BDAG TU RNAM PAR RTOG PA'I LTA BAR RNAM PAR LHUNG BA'I BSAM PA CAN DAG RNAM PAR THAR PA GSUM GYI SPYOD YUL LA GNAS PA'I BSAM PA DANG LDAN ZHING MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR JI LTAR 'GYUR ZHES TE ZHES BYA BA DANG, YANG DE NYID LAS BLO GROS CHEN PO STONG PA NYID DANG MI SKYE BA DANG MI GNYIS PA DANG RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU CHUD PA 'DI ZHES BSTAN TO, ,DE'I PHYIR DE LTAR NA RNAM PA DE LTA BU'I MDO SDE RNAM PAR SHES PAR SMRA BA RNAMS KYIS NGES PA'I DON NYID DU KHAS BLANGS PA THAMS CAD DRANG BA'I DON NYID YIN PAR LUNG 'DIS MNGON PAR GSAL PAR BYAS NAS, RIGS PAS DRANG BA'I DON NYID DU GSAL BAR BYA BA'I PHYIR BSHAD PA, SHES BYA MED NA SHES PA GSAL BA NI, ,BDE BLAG RNYED CES SANGS RGYAS RNAMS KYIS GSUNGS, ,SHES BYA MED NA SHES PA BKAG 'GRUB PAS, ,DANG PO SHES BYA DGAG PA MDZAD PA YIN, ,SANGS RGYAS BCOM LDAN 'DAS RNAMS KYIS NI GDUL BYA RNAMS RIM GYIS RANG BZHIN MED PA LA 'DZUD PAR MDZAD DO, ,DE LA BSOD NAMS BYAS PA RNAMS CHOS NYID LA BDE BLAG TU 'JUG PA'I PHYIR CHOS NYID LA 'JUG PA'I THABS YIN PAS JI LTAR THOG MAR SBYIN PA LA SOGS PA'I GTAM SBYOR BAR MDZAD PA DE BZHIN DU, SHES BYA BKAG PA YANG BDAG MED PAR KHONG DU CHUD PA'I THABS YIN PA'I PHYIR BCOM LDAN 'DAS RNAMS KYIS SNGAR SHES BYA DGAG PA KHO NA GSUNGS TE, SHES BYA'I BDAG MED PAR RIG PA RNAMS SHES PA'I BDAG MED PA LA BDE BLAG TU 'JUG PA'I PHYIR RO, ,SHES BYA RANG BZHIN MED PAR RIG PA RNAMS KYIS SHES PA RANG BZHIN MED PAR RES 'GA' RANG NYID KHO NAS RTOGS PAR 'GYUR LA RES 'GA' NI CUNG ZAD CIG NYE BAR BSTAN PA TZAM GYIS 'GYUR BAR SHES BYA DGAG PA @282B NYID SNGAR GSUNGS SO, ,SHES RAB CAN DAG GIS GZHAN YANG DE BZHIN DU BRTAG PAR BYA'O ZHES BSHAD PA, DE LTAR LUNG GI LO RGYUS SHES BYAS TE, ,MDO GANG DE NYID MA YIN BSHAD DON CAN, ,DRANG DON GSUNGS PA'ANG RTOGS NAS DRANG BYA ZHING, ,STONG NYID DON CAN NGES DON SHES PAR GYIS, ,MDO SDE GANG DAG SKYE BA MED PA LA SOGS PAS KHYAD PAR DU BYAS PA'I RTEN CING 'BREL PAR 'BYUNG BA DNGOS SU GSAL BAR BYED PA MA YIN PA DE DAG NI JI LTAR RANG BZHIN MED PA LA 'JUG PA'I RGYUR 'GYUR BA DE LTAR BSHAD PAR BYA STE, JI SKAD DU, 'BYUNG RNAMS MIG BZUNG MA YIN NA, ,DE 'BYUNG MIG BZUNG JI LTAR ZHES, ,GZUGS LA DE SKAD GSUNGS PA NA, ,KHYOD KYIS GZUGS KYI 'DZIN PA BZLOG, ,CES GSUNGS LA, MDO LAS KYANG, MI RTAG DON NI MED DON ZHES GSUNGS SO, ,STONG NYID DON CAN NGES DON YANG SHES PAR GYIS TE, JI SKAD DU, STONG PA BDE BAR GSHEGS PAS BSHAD PA LTAR, ,NGES DON MDO SDE DAG GI BYE BRAG SHES, ,GANG LA SEMS CAN GANG ZAG SKYES BU BSTAN, ,CHOS DE THAMS CAD DRANG BA'I DON DU SHES, ,ZHES BYA BA DANG, ,DE BZHIN DU; 'JIG RTEN KHAMS NI STONG PHRAG TU, ,NGA YIS MDO RNAMS GANG GSUNGS PA, ,YI GE THA DAD DON GCIG STE, ,YONGS SU BSGRAG PAR NUS MA YIN, ,DNGOS PO GCIG NI BSAM BYAS NAS, ,DE DAG THAMS CAD BSGOMS 'GYUR TE, ,SANGS RGYAS KUN GYI CHOS MANG PO, ,JI SNYED RAB TU BSTAN PA RNAMS, ,CHOS RNAMS KUN GYI BDAG MED YIN, ,MI GANG DON LA MKHAS RNAMS KYIS, , GNAS 'DI LA NI BSLAB BYAS NA, ,SANGS RGYAS CHOS RNAMS RNYED MI DKA', ,ZHES GSUNGS SO, ,DE BZHIN DU 'PHAGS PA BLO GROS MI ZAD PA LA SOGS PA'I MDO SDE DAG LAS RGYA CHER BSTAN PA YANG RTOGS PAR BYA'O, ,PHYOGS TZAM ZHIG NI BRJOD PAR BYA STE, ,DPER NA SBRUL NI THAG PAS BSDOMS PA RTEN CING 'BREL BAR 'BYUNG BA LA BRTAGS PA YIN TE, DE DE LA YOD PA MA YIN PA'I PHYIR RO, ,DE SBRUL DNGOS PO LA NI YONGS SU GRUB PA YIN TE, KUN DU MA BRTAGS PA'I PHYIR RO, ,DE BZHIN DU RANG BZHIN YANG GZHAN GYI DBANG BYAS PA CAN LA NI KUN TU BRTAGS PA YIN TE, RANG BZHIN @283A *, ,DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BAS NGO BO NYID NI BYAS PA CAN MA YIN NO, ,BZUNG BZHIN PA'I RTEN CING 'BREL BAR 'BYUNG BA BYAS PA CAN GZUGS BRNYAN DANG 'DRA BA LA BRTAGS PA GANG YIN PA DE NI SANGS RGYAS KYI SPYOD YUL LA NI DNGOS YIN TE, KUN TU MA BRTAGS PA'I PHYIR TE, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS DE NYID THUGS SU CHUD PA'I PHYIR SANGS RGYAS ZHES BRJOD DO, ,DE'I PHYIR DE LTAR BRTAGS PA DANG GZHAN GYI DBANG DANG YONGS SU GRUB PA ZHES BYA BA NGO BO NYID GSUM RNAM PAR GZHAG PA RTOGS PAR BYAS NAS MDO'I DGONGS PA RNAM PAR BSHAD PAR BYA'O, ,GZUNG BA DANG 'DZIN PA GNYIS NI GZHAN GYI DBANG LAS MA GTOGS PAR DNGOS PO MED PA'I PHYIR NA, GZHAN GYI DBANG LA DE GNYIS KUN DU BRTAGS PA NYID BSAM PAR BYAS TE, SPROS PAS CHOG GO, ,DKYUS MA NYID BSHAD PAR BYA'O, ,DE'I PHYIR DE LTAR GZHAN LAS KYANG SKYE BA BSAL NAS, DA NI GNYI GA LAS SKYE BA BSAL BAR 'DOD PAS BSHAD PA; GNYIS LAS SKYE BA'ANG RIGS PA'I NGO BO MA YIN GANG GI PHYIR, ,BSHAD ZIN NYES PA DE DAG THOG TU 'BAB PA YIN PHYIR RO, ,DE LA TSIG GAL GNYIS SU SMRA BA RNAMS NI SKYE BA BDAG LAS KYANG 'GYUR ZHING GZHAN LAS KYANG 'GYUR BAS GNYI GA LAS SKYE BAR SEMS SO, ,DE LA 'JI BA'I GONG BU DANG DBYU GU DANG 'KHOR LO DANG, SKUD PA DANG CHU DANG RDZA MKHAN LA SOGS PA DAG LAS BUM PA 'BYUNG BAR 'DOD PA NA, GANG GI PHYIR 'JI BA DANG BUM PA GNYIS GZHAN NYID MA YIN PAS BUM PA 'JI BA'I BDAG NYID DU YOD PA KHO NA SKYE BA DE'I PHYIR BDAG LAS KYANG SKYE LA, GANG GI PHYIR RDZA MKHAN GYI BYA BA LA SOGS PA GZHAN DU GYUR PA DAG 'DI'I SKYED PAR BYED PA YIN PA DE'I PHYIR, GZHAN LAS KYANG SKYE'O SNYAM DU BDAG DANG GZHAN LAS SKYE BAR SEMS SO, ,PHYI ROL GYI BDAG LA JI LTA BA DE BZHIN DU NANG GI RNAMS LA YANG BDAG DANG GZHAN LAS 'GYUR RO, ,DE LA SROG DANG SROG MA YIN PA DANG, BSOD NAMS DANG SDIG PA DANG, ZAG PA DANG SDOM PA LA SOGS PA TSIG GI DON DGU NI DE NYID DAG GO ZHES TSIG GI DON GYI RNAM PAR GZHAG PA BYAS NAS GANG GI PHYIR BYAMS @283B PA TSE RABS GZHAN DU YANG SROG GI BDAG NYID DU YOD PA KHO NAS SKYE BA 'DI LEN PA DE'I PHYIR BDAG LAS SKYE BA YIN TE, BYAMS PA DANG SROG GNYIS GZHAN NYID MA YIN PA'I PHYIR RO, ,SROG NI 'GRO BA DANG LDAN PA'I PHYIR NA GZHAN GYI LHA LA SOGS PA'I 'GRO BAR RGYU BAR YANG 'DOD PA YIN NO, ,GANG GI PHYIR PHA DANG MA DANG CHOS DANG CHOS MA YIN PA DANG ZAG PA LA SOGS PA GZHAN DU GYUR PA DAG LAS SKYE BA DE'I PHYIR GZHAN LAS KYANG SKYE BA YIN TE, DE'I PHYIR BDAG LAS SKYE BA MA YIN ZHING GZHAN LAS SKYE BA YANG MA YIN TE ZHES BYA BA 'DI KHO BO CAG LA GNOD PAR BYED PA MA YIN TE, BDAG KHO NA LAS SKYE BAR KHAS MA BLANGS PA'I PHYIR DANG GZHAN KHO NA LAS SKYE BAR KHAS MA BLANGS PA'I PHYIR RO ZHE'O, ,RTZOD PA 'DI YANG, MI RIGS PA NYID DU BSHAD PA, GNYIS LAS SKYE BA'ANG RIGS PA'I NGO BO MA YIN TE, CI'I PHYIR ZHE NA, GANG GI PHYIR, BSHAD ZIN NYES PA DE DAG THOG TU 'BAB PA YIN PHYIR RO, ,GANG GI PHYIR PHYOGS GNYI GA DAG LA SKYON GANG DAG BSTAN PA DE DAG GNYI GA'I PHYOGS 'DI LA YANG 'BAB PA DE'I PHYIR GNYI GA LAS KYANG SKYE BA SRID PA MA YIN NO, ,GANG GI PHYIR BUM PA 'JI BA'I BDAG NYID DU YOD PA DE'I PHYIR SKYE BA MA YIN TE, YOD PA'I PHYIR RO, ,JI SKAD DU, DE NI DE LAS 'BYUNG NA YON TAN 'GA' YANG YOD MA YIN, ,SKYES PAR GYUR PA SLAR YANG SKYE BAR RIGS PA'ANG MA YIN NYID, ,CES BYA BA LA SOGS PA BSHAD PA YIN NO, ,DE BZHIN DU SROG GI BDAG NYID KHO NAR GNAS PA'I PHYIR BYAMS PA LA YANG SKYE BA YOD PA MA YIN NO ZHES BYA BAR RIG PAR BYA'O, ,GANG GI PHYIR BUM PA CHU DANG SKUD PA DANG 'KHOR LO LA SOGS PA'I BDAG NYID DU RNAM PAR GNAS PA MA YIN PA DE'I PHYIR DE DAG LAS SKYE BA MA YIN TE, JI SKAD DU, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,'O NA ME LCE LAS KYANG MUN PA MTHUG PO 'BYUNG 'GYUR ZHING, ,THAMS CAD LAS KYANG THAMS CAD SKYE BAR 'GYUR TE GANG GI PHYIR, ,SKYED PAR BYED PA MA YIN MA LUS LA YANG GZHAN NYID MTSUNGS, ,ZHES BYA BA LA SOGS PA BSHAD ZIN TO, ,PHA DANG MA LA SOGS GZHAN DU GYUR PA DAG LAS BYAMS PA SKYE BA LA YANG DE BZHIN DU BRJOD PAR BYA'O, ,DE LAS JI LTAR GONG DU BDAG DANG GZHAN LAS SKYE BA 'JIG RTEN GYI @284A *, ,KUN RDZOB DANG DON DAM PAR YANG MI RIGS SO ZHES BSTAN PA DE BZHIN DU, TSIG GAL GNYIS SU SMRA BA LA YANG JI SKAD DU BSHAD PA'I RIGS PAS MI SRID DO ZHES GONG DU BSTAN PA MJUG BSDU BA'I PHYIR, 'DI NI 'JIG RTEN LAS MIN DE NYID DU YANG 'DOD MIN TE, ,ZHES BYA BA SMOS SO, , SNGAR BSHAD PA'I RIGS PA KHO NAS GNYI GA'I PHYOGS LA YANG GNYI GA LAS SKYE BA MI RIGS PA 'BA' ZHIG TU MA ZAD KYI 'DIR BSHAD PAS KYANG YIN NO ZHES BSTAN PA'I PHYIR BSHAD PA, GANG PHYIR RE RE LAS NI SKYE BA 'GRUB PA YOD MA YIN, ,DPER NA TIL GCIG GIS 'BRU MAR 'BYIN NUS PAS, MANG PO RNAMS KYIS KYANG 'GYUR LA, NUS PA MA MTHONG BA'I BYE MA RNAMS KYIS NI MA YIN PA LTAR RE RES BSKYED PAR 'GYUR NA NI, DE LTA BU'I RANG BZHIN CAN MANG PO RNAMS KYIS KYANG 'GYUR BA ZHIG GO, ,DE'I PHYIR GNYI GA LAS SKYE BA YANG RIGS PA MA YIN NO, ,'DIR NGO BO NYID SMRA BA NI, GAL TE SKYE BA RGYU LAS YIN NA NI RGYU DE 'BRAS BU'I BDAG NYID DU GYUR PA DANG, GZHAN DU GYUR PA DANG, GNYI GAR GYUR PA ZHIG TU 'GYUR BAS NYES PA DE DAG TU 'GYUR BA ZHIG NA, BDAG GIS NI RGYU KHAS MA BLANGS PAS BSHAD ZIN PA'I NYES PA'I GO SKABS MED DO, ,DE'I PHYIR DNGOS PO RNAMS KYI SKYE BA NI NGO BO NYID LAS 'BYUNG BA KHO NA YIN TE, 'DI LTAR PAD MA'I CHU BA DANG DE'I 'DAB MA RNAMS KYI RTZUB PA DANG DE'I 'JAM SHA DAG 'GA' ZHIG GIS BSGRIMS TE BYED PAR MA MTHONG LA, DE'I 'DAB MA DANG ZE'U 'BRU DANG LTE BA RNAMS KYI KHA DOG DANG DBYIBS SNA TSOGS PA DAG KYANG BYED PAR MTHONG BA MA YIN NO, ,DE BZHIN DU PA NAS DANG BAL PO SE'U LA SOGS PA'I SNA TSOGS PA YANG YIN NO, ,PHYI ROL DAG LA JI LTAR YIN PA DE BZHIN DU RMA BYA DANG BYA TI TI RI DANG, BYA GAG LA SOGS PA NANG GI BDAG NYID CAN DAG LA YANG 'GA' ZHIG GIS 'BAD PAS BZUNG NAS KHO DOG DANG DBYIBS LA SOGS PA 'GOD PAR MA DMIGS PA NYID DO, ,DE'I PHYIR DNGOS PO RNAMS KYI SKYE BA NI NGO BO NYID LAS 'BYUNG BA KHO NA'O ZHES SMRA'O, ,'DI LA BSHAD PAR BYA STE, GAL TE RGYU MED KHO NAR SKYE BAR LTA ZHIG 'GYUR NA NI, ,DE TSE MTHA' DAG RTAG TU THAMS CAD LAS KYANG SKYE 'GYUR ZHING, ,'BRAS 'BYUNG CHED DU 'JIG RTEN 'DI YIS SA BON LA @284B SOGS NI, ,BRGYA PHRAG DAG GI SGO NAS SDUD PAR BYED PAR YANG MI 'GYUR, ,GAL TE DNGOS PO RNAMS KYI SKYE BA GLO BUR BAR 'GYUR NA NI JI LTAR PA NA SA'I SHING DE'I SHING THOG GI RGYU MA YIN PA DE BZHIN DU, NIM PA DANG AA MRA LA SOGS PA DNGOS PO THAMS CAD KYANG DE'I RGYU MA YIN PAS DE DAG LAS KYANG SKYE BAR 'GYUR TE, RGYU MA YIN PA NYID DU 'DRA BA'I PHYIR RO, ,YANG JI LTAR SHING THOG PA NA SA DE'I SHING RGYU MA YIN PA LAS SKYE BA DE BZHIN DU KHAMS GSUM LAS KYANG 'GYUR RO, ,YANG GANG ZHIG AA MRA DANG LA KU TZA LA SOGS PA RNAMS KYI SMIN PA LAS SKYES BA'I SKYE BA DUS TSIGS LA LTOS SHING RES 'GA' MNGON PA DE YANG DE DAG LA RTAG TU KHO NAR YOD PAR 'GYUR TE, DUS TSIGS KYI LTOS PA LA MI LTOS PA'I PHYIR RO, ,DE BZHIN DU RMA BYA RMA BYA'I MDONGS KYI TSOGS KYI RGYU MA YIN PAS BYA ROG LA YANG MDONGS KYI TSOGS YOD PAR 'GYUR LA, RMA BYA LA YANG DUS THAMS CAD KYI TSE STE MNGAL GYI GNAS SKABS NA YANG NE TSO'I SGRO YANG YOD PAR 'GYUR RO, ,DE LTAR 'GRO BA'O COG RTAG TU SKYE BAR 'GYUR NA DE NI YOD PA YANG MA YIN PAS NGO BO NYID DU SMRA BA MI RIGS SO, ,DE LTAR RIGS PA DANG 'GAL BA BRJOD NAS, MTHONG BA DANG 'GAL BA BRJOD PA'I PHYIR BSHAD PA, 'BRAS 'BYUNG CHED DU 'JIG RTEN 'DI YIS SA BON LA SOGS NI, BRGYA PHRAG DAG GI SGO NAS SDUD PAR BYED PAR YANG MI 'GYUR BA ZHIG NA BYED PA YANG YIN PA DE'I PHYIR SKYE BA NGO BO NYID LAS BYUNG BA MA YIN NO, ,GZHAN YANG, GAL TE 'GRO BA RGYU YIS STONG BAR GYUR NA NAM MKHA' YI, ,AUTPALA YI DRI MDOG JI BZHIN GZUNG DU MED NYID NA; ,SHAN TU CHES BKRA'I 'JIG RTEN 'DZIN PA'ANG YIN DE'I PHYIR, ,RANG GI BLO BZHIN 'JIG RTEN RGYU LAS YIN PAR SHES PAR GYIS, ,GAL TE 'GRO BA RGYUS STONG BAR GYUR NA NI NAM MKHA'I AUTPALA'I DRI DANG KHA DOG BZHIN DU 'DZIN PA'I LAM DU MI 'GYUR BA NYID NA 'GYUR BA YANG YIN TE, DE'I PHYIR RANG GI BLO LTAR 'GRO BA MTHA' DAG RGYU KHO NA LAS SKYE'O ZHES BYA BAR RIG PAR GYIS SHIG ,KHYOD KYI LTAR NA NI SNGON PO'I RNAM PA CAN GYI BLO YUL SNGON PO GSAL NAS NYE BAR SKYE BA MA YIN TE, SNGON PO'I RNAM PA CAN GYI BLO NI SNGON PO KHO NA LAS YIN GYI NGO BO NYID LAS MA YIN PAS NGO BO NYID SMRA BA NI MI RIGS SO, , @285A *, ,SEMS PA 'BYUNG BA LAS GYUR PA DAG NI RGYU DMIGS PA BZHIN PA LA NI BSNYON PAR MI NUS TE, MTHONG BA'I PHYIR DANG, JI SKAD BSHAD PA'I SKYON DU THAL BAR 'GYUR BA'I PHYIR TE, RGYU DANG 'BRAS BU'I DNGOS PO 'JIG RTEN LA GRAGS PA 'DI NI YOD PA NYID DO, ,DE NYID NI BZHI KHO NA STE, 'GRO BA SNA TSOGS PA MTHA' DAG GI RGYUR GYUR PA SA DANG CHU DANG ME DANG RLUNG ZHES BYA BA RNAMS SO, ,DE RNAMS KYI YONGS SU SMIN PA'I KHYAD PAR LAS PAD MA DANG BAL PO SE'U LA SOGS PA DAG DANG, RMA BYA DANG BYA GAG GI TSOGS PA DAG GI SNA TSOGS PA JI LTAR MTHONG BZHIN PA 'THAD PA 'GA' ZHIG TU MA ZAD KYI, BLO DNGOS PO'I DE KHO NA NYID SNA TSOGS YONGS SU GCOD PA POR GYUR PA YANG DE KHO NA LAS SKYE BA YIN NO, ,DE LA JI LTAR CHANG DAG LAS 'BYUNG BA'I BYE BRAG PHRAD PA YONGS SU 'GYUR BA'I KHYAD PAR LAS SROG CHAGS RNAMS KYI MYOS PA DANG BRGYAL BA'I RGYU MYOS PAR 'GYUR BA'I NUS PA SKYE BA DE BZHIN DU, NUR NUR PO LA SOGS PA'I 'BYUNG BA CHEN PO'I KHYAD PAR CAN YONGS SU SMIN PA LAS BLO DAG SKYE ZHING, DE DAG DNGOS PO MTHA' DAG YONGS SU GCOD PAR BYED PA'I BAR DU YANG 'GYUR RO, ,DE'I PHYIR PHYI ROL DANG NANG GI DNGOS PO RNAMS NI 'JIG RTEN 'DI'I RGYU LAS 'BYUNG BA KHO NA YIN GYI, GANG DU BYAS PA'I LAS KYI RNAM PAR SMIN PA 'DIR RAM, 'DIR BYAS PA'I RNAM PAR SMIN PA 'JIG RTEN GZHAN DU 'BYUNG BA 'JIG RTEN PHA ROL DAG YOD PA NYID NI MA YIN NO SNYAM DU SEMS SO, ,MDZES MA LEGS PAR SPYOD CING BZA' BAR GYIS, ,LUS MCHOG 'DAS GANG DE KHYOD LA MI 'BYUNG, ,LUS 'DI TSOGS PAR GYUR PA TZAM ZHIG STE, ,'JIGS MA SONG BA LDOG PAR MI 'GYUR RO, ,ZHES SMOS TE, 'DI NI BU MO LA MNGON PAR BGROD PAR 'DOD CING BU MOS 'JIG RTEN PHA ROL MED PAR RTOGS PAR 'DOD NAS SMRAS PA YIN NO, ,'DI LA BRJOD PAR BYA STE, KHYOD KYI 'JIG RTEN PHA ROL YOD PA MA YIN NO SNYAM PA'I NGES PA 'DI GA LAS YIN, MNGON SUM MA YIN PA NYID KYI PHYIR RE ZHE NA, KHYOD KYI 'JIG RTEN PHA ROL MNGON SUM MA YIN PA NYID CI MNGON SUM ZHIG GAM 'ON TE MNGON SUM MA YIN PA ZHIG YIN GRANG, MNGON SUM MO ZHE NA 'JIG RTEN PHA ROL MNGON SUM DU GYUR PA NYID MED PA @285B MNGON SUM YIN PAS DNGOS PO MED PA YANG MNGON SUM NYID DU 'GYUR RO, ,DE'I PHYIR DNGOS PO MED PA YANG KHYOD LA DNGOS POR 'GYUR TE, MNGON SUM YIN PA'I PHYIR DNGOS PO BZHIN NO, ,DE'I PHYIR DNGOS PO MED PA ZHES BYA BA 'GA' YANG MED PAS ZLA PO MED PA'I PHYIR DNGOS PO YANG MED PAR 'GYUR RO, DNGOS PO DANG DNGOS PO MED PA MED NA YANG 'BYUNG BA RNAMS KYI YOD PA NYID DANG, 'JIG RTEN PHA ROL MED PA NYID NYAMS PAR 'GYUR RO, ,CI STE MNGON SUM MA YIN NA NI RE ZHIG MNGON SUM MA YIN PA DE NYID MNGON SUM MA YIN PA'I PHYIR MA BZUNG BAS, CI LTAR MA BZUNG BA DE'I SGO NAS 'JIG RTEN PHA ROL MED PAR RJES SU DPOG PAR 'GYUR, CI STE RJES SU DPAG PAS BZUNG BA YIN NO ZHE NA, RJES SU DPAG PA LAS RAB TU GRUB PAS KYANG DON SGRUB PA YIN NA 'DI NI, JI TZAM DBANG PO'I SPYOD YUL BAS, ,SKYES BU DE TZAM KHO NAR ZAD, ,BZANG MO MANG THOS GANG SMRA BA, ,DE NI SPYANG KI'I RJES DANG 'DRA, ,ZHES KHYOD KYIS KHAS BLANGS PA YANG YIN NO, ,DE'I PHYIR 'DIR THAMS CAD LA SKUR PA 'DEBS PAR BYED PA NA, SEMS PA YOD PA 'BYUNG BA LAS GYUR PA PA LA SUN 'BYIN PA BSHAD ZIN PA'I LAM GYI RJES SU 'BRANGS TE THAMS CAD DU SUN 'BYIN PA BRJOD PAR BYA'O, ,GZHAN YANG JI LTAR RAB RIB CAN ZLA BA GNYIS LA SOGS PA'I NGO BO YOD PA MA YIN PA YOD DO SNYAM DU 'DZIN PA'I MTHONG BA SKRA SHAD DANG SBRANG MA LA SOGS PA YANG DAG PA MA YIN PA'I YUL CAN DU RNAM PA DE LTA BU GZHAN YANG MI BDEN PA KHO NA YIN PA DE BZHIN DU KHYOD KYI 'JIG RTEN PHA ROL LA SOGS PA MED PAR SHES PA GZHAN YANG MTHONG BA'I DNGOS PO PHYIN CI LOG TU RTOGS PA'I SGO NAS PHYIN CI LOG NYID YIN NO ZHES BSTAN PA'I PHYIR BSHAD PA, 'BYUNG BA DE DAG BDAG NYID GANG ZHIG GIS NI KHYOD KYI BLO'I, ,YUL DU 'GYUR BA DE YI BDAG NYID CAN NI MA YIN NA, ,GANG LA YID KYI MUN PA MTHUG PO 'DI NYID DU YOD PA, ,DES NA JI LTAR 'JIG RTEN PHA ROL YANG DAG RTOGS PAR 'GYUR, ,SA LA SOGS PA DE KHO NA NYID BZHI PO GANG DAG SMRAS PA DE DAG NI JI LTAR KHYOD KYI SHES PA'I YUL NYID DU 'GYUR BA'I BDAG NYID DER YOD PA MA YIN NO, ,GANG GI TSE DE LTAR KHYOD 'JIG RTEN 'DI NYID LA PHYIN CI LOG TU MTHONG BA YIN PA DE'I TSE, 'JIG RTEN @286A *, ,PHA ROL TE POR PHRA BA LHA'I MIG GI SHES PA'I SPYOD YUL DU GYUR PA JI LTAR RTOGS PAR 'GYUR TE MI SRID PA NYID DO, ,GZHAN YANG, 'JIG RTEN PHA ROL 'GOG PAR BYED PA'I DUS SU BDAG NYID NI, ,SHES BYA'I RANG BZHIN PHYIN CI LOG TU LTA BAR RTOGS BYA STE, ,DE YI LTA BA'I RNAM PA'I RTEN MTSUNGS LUS DANG LDAN NYID PHYIR, ,GANG TSE 'BYUNG BA'I BDAG NYID YOD NYID KHAS LEN DE TSE BZHIN, ,MTSUNGS PA NI MNYAM PA STE 'DRA BZHES BYA BA'I DON TO, ,RTEN NI GNAS PA'I RGYU'O, ,LUS NI KHOG PA'O, ,DE'I LTA BA'I RNAM PA NI 'JIG RTEN PHA ROL LA SKUR PA 'DEBS PA DE'I LTA BA'I RNAM PA'O, ,RTEN YANG DE YIN LA MTSUNGS PA YANG DE YIN PAS ZHES KHYAD PAR GYI TSIG BSDU BA'O, ,RTEN DU MTSUNGS PA NYID LUS YIN PAS NA DE'I LTA BA'I RNAM PA'I RTEN DU MTSUNGS PA'I LUS ZHES TSIG RNAM PAR SBYAR RO, ,DE 'DI LA YOD PAS NA MA TUB [?] KYI RKYEN NO, ,DE'I DNGOS PO NI, DE YI LTA BA'I RNAM PA'I RTEN MTSUNGS LUS DANG LDAN NYID PHYIR, ,ZHES BYA BA STE GTAN TSIGS SO, ,RTEN DE NI JI SRID SEMS PA 'BYUNG BA LAS GYUR PA'I 'JIG RTEN PHA ROL YOD PA NYID DU LTA BA'AM, THE TSOM GYI RTEN NYID DU MA GYUR PA DE SRID DU LOG PAR LTA BA 'JIG RTEN PHA ROL LA SKUR PA 'DEBS PA'I RTEN DU MTSUNGS PA NYID DU 'GYUR BAS 'BYUNG BA'I BDAG NYID YOD PA NYID DU RTOGS PA NA YANG 'JIG RTEN RGYANG 'PHEN PA LA DE'I LTA BA'I RNAM PA'I RTEN DU MTSUNGS PA'I LUS DANG LDAN PA NYID YOD PA YIN TE, 'DI LTAR DE'I GNAS SKABS NI GNYIS TE GCIG NI 'BYUNG BA'I RANG BZHIN KHONG DU CHUD PA'I GNAS SKABS SO, ,GZHAN NI 'JIG RTEN GZHAN LA SKUR PA 'DEBS PA'I GNAS SKABS SO, ,DE LA GCIG NI PHYOGS SU BYAS PA NYID KYIS NA GZHAN DPE NYID DU BSTAN PA'I PHYIR, GANG TSE 'BYUNG BA'I BDAG NYID YOD NYID KHAS LEN DE TSE BZHIN, ,ZHES BYA BA SMOS TE, GNAS SKABS DER YANG DE'I LTA BA'I RNAM PA'I RTEN DU MTSUNGS PA'I LUS DANG LDAN PA NYID DANG SHES BYA'I RANG BZHIN PHYIN CI LOG TU LTA BA YOD PA YIN NO, ,CI STE 'BYUNG BA'I BDAG NYID YOD PA NYID RTOGS PA'I GNAS SKABS NA YANG BDAG PHYIN CI MA LOG PA MTHONG BA YIN PA'I PHYIR DPE BSGRUB BYAS STONG PA NYID YIN NO SNYAM NA, DE YANG YOD PA MA YIN TE, MA SKYES PA NYID KYIS YOD MA YIN PA'I RANG BZHIN CAN @286B GYI 'BYUNG BA DAG LA SKYE BA DANG YOD PA NYID DU RTOGS PAS PHYIN CI LOG TU LTA BA NYID GRUB PA'I PHYIR RO, ,'BYUNG BA DAG MA SKYES PA NYID DE KHO NA BSGRUB PAR BYA DGOS SO ZHE NA, MA YIN TE BSGRUBS ZIN PA'I PHYIR RO ZHES BSHAD PA STE, 'BYUNG BA DE DAG JI LTAR YOD MIN DE LTAR BSHAD ZIN TO, ,GANG GI PHYIR NA GONG DU RANG GZHAN LAS DANG GNYI GA LAS, ,SKYE DANG RGYU MED THUN MONG DU NI BKAG ZIN DE YI PHYIR, ,MA BSHAD 'BYUNG BA 'DI DAG LTA ZHIG YOD PA MA YIN NO, ,DNGOS PO RNAMS THUN MONG DU RANG DANG GZHAN DANG GNYI GA DANG RGYU MED PA LAS SKYE BA 'GOG PAR BYED PA NA, 'BYUNG BA DANG SKYE BA YANG BDAG GIS PHYIR BKAG PA KHO NA LAS SKYE BA MED PA'I PHYIR, ,'BYUNG BA DAG LA RANG BZHIN YOD PA MA YIN PAS DPE GRUB PA NYID DO, ,DE BZHIN DU THAMS CAD MKHYEN PA LA SKUR PA 'DEBS PA DANG, DNGOS PO YOD PA NYID DU SMRA BA DANG, DNGOS PO MED PA NYID DU SMRA BA DANG, DBANG PHYUG DANG DUS DANG RDUL DANG RANG BZHIN DANG NGO BO NYID SMRA BA RNAMS DANG, DE DAG LAS GZHAN PA RNAMS LA YANG RANG RANG GI JI LTA BA YIN PA SMRA BA NA RTOGS PA PHYIN CI LOG NYID SBYAR BAR BYA'O, ,'DI LTA STE, RDZOGS PA'I SANGS RGYAS 'GOG PAR BYED PA'I DUS SU BDAG NYID NI, ,SHES BYA'I RANG BZHIN PHYIN CI LOG TU LTA BAR RTOGS BYA STE, ,DE YI LTA BA'I RNAM PA'I RTEN MTSUNGS LUS DANG LDAN NYID PHYIR, ,GANG TSE 'BYUNG BA'I BDAG NYID YOD NYID KHAS LEN DE TSE BZHIN, ,ZHES BYA BA LA SOGS PA SBYAR BAR BYA STE, YOD PA DANG MED PA NYID DU LTA BA THAMS CAD DGAG PAR 'DOD PA'I PHYIR RO, ,KHO BO CAG LA NI GNAS SKABS 'GAR YANG MI 'DOD PA THOB PA YOD PA MA YIN TE, DE'I PHYIR MKHAS PAS YONGS SU BSGYUR LA TSIGS SU BCAD PA 'DI NYID KYIS GZHAN GYIS YONGS SU BRTAGS PA'I PHYOGS SNGA MA MA LUS PA BSAL BAR NGES PAR BYA STE, RTOG PA'I DRA BA MA LUS PAR BKAG PAR DON DAM PA'I YE SHES GRUB PAR MNGON PAR 'DOD PA'I PHYIR RO, ,CI STE KHYOD LA YANG THAL BAR 'GYUR BA 'DI TZAM MTSUNGS SO SNYAM NA, DE YANG YOD PA MA YIN TE, KHO BO CAG PHYIN CI MA LOG PAR SGRUB PA LA DPE MED PA'I PHYIR RO, ,'JIG RTEN GZHAN RTOGS YOD PA NYID DU RTOGS PA'I DUS SU BDAG ,SHES BYA'I RANG @287A *, ,BZHIN DAM PA'I DON NI LTA BAR RTOGS BYA STE, ,BDAG GI LTA BA'I RNAM PA'I RTEN MTSUNGS LUS DANG LDAN NYID PHYIR, ,GANG GI TSE NI BDAG MED RTOGS PAR KHAS LEN DE TSE BZHIN, ,ZHES BYA BAR BRJOD PAR NUS PA YANG YIN NO, ,DE BZHIN DU, 'DI NA THAMS CAD MKHYEN PA YOD CES RTOGS PA'I DUS SU BDAG ,SHES BYA'I RANG BZHIN DAM PA'I DON NI LTA BAR RTOGS BYA STE, ,GTAN TSIGS DANG DPE DAG NI DE GNYIS KHO NA'O, ,DE BZHIN DU DNGOS PO THAMS CAD NGES PA LA YANG SBYAR BAR BYA'O, ,DE'I PHYIR TSUL 'DIS NI, DE NYID DE LAS 'BYUNG MIN GZHAN DAG LAS LTA GA LA ZHIG, ,GNYI GA LAS KYANG MA YIN RGYU MED PAR NI GA LA YOD, ,CES GANG DAM BCAS PAR GYUR PA DE RAB TU BSGRUBS PA YIN NO, ,'DIR SMRAS PA, GAL TE DNGOS PO RNAMS BDAG DANG GZHAN DANG GNYI GA DANG RGYU MED PA LAS MI SKYEN, 'O NA JI LTAR SKYE, BSHAD PA GAL TE DNGOS PO RNAMS LA RANG BZHIN 'GA' ZHIG YOD NA NI SKYE BA'I RNAM PAR RTOG PA GZHAN MI SRID PA'I PHYIR, THE TSOM MED PAR DE BDAG GAM GZHAN NAM GNYI GA'AM RGYU MED PA ZHIG LAS SKYE BA'AM DMIGS PAR 'GYUR BA ZHIG GO, ,GANG DAG DBANG PHYUG LA SOGS PA DAG LAS DNGOS PO RNAMS SKYE BAR MNGON PAR 'DOD PA DE DAG GI LTAR NA YANG DBANG PHYUG LA SOGS PA DE DAG BDAG TU GYUR PA'AM, GZHAN DU GYUR PA'AM, GNYI GAR GYUR PA ZHIG TU 'GYUR PAS DBANG PHYUG LA SOGS PA RGYUR SMRA BA DAG KYANG BSHAD ZIN PA'I SKYON LAS MI 'DA' STE, DE'I PHYIR SKYED PAR BYED PA'I RGYU'I RNAM PAR RTOG PA GZHAN LNGA PA YOD PA MA YIN NO, ,DE'I PHYIR GZHAN MED PA'I PHYIR LA RNAM PAR RTOG PA BZHIS SKYE BA BKAG PA'I PHYIR DNGOS PO RNAMS KYI RANG BZHIN SKYE BA MED DO ZHES BSTAN PA'I PHYIR, GANG GI PHYIR NA BDAG DANG GZHAN DANG GNYI GA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES BYA BA SMRAS SO, ,'DIR SMRAS PA, GAL TE DNGOS PO RNAMS KYI RANG BZHIN SKYE BA MED PA NYID YIN NA, 'O NA MA SKYES PA SNGON PO LA SOGS PA RNAMS CI LTAR BZUNG, BSHAD PA SNGON PO LA SOGS PA RNAMS KYI RANG BZHIN NI JI LTAR YANG 'GA' @287B ZHIG GI YUL NYID DU 'GYUR BA MA YIN PAS SNGON PO LA SOGS PA RNAMS KYI RANG BZHIN NI BZUNG BA MA YIN NO, ,GAL TE DE LTAR NA NI 'O NA GANG ZHIG YANG DANG YANG DU YUL GYI NGO BO NYID DU MDUN NA SNANG BAR MTHONG BA DE CI ZHIG TU 'GYUR BAR 'OS SHE NA, BSHAD PA 'DI NI PHYIN CI LOG NYID KYIS NA RANG BZHIN MA YIN TE, MA RIG PA DANG BCAS PA RNAMS KHO NA BDAG NYID DER DMIGS PA'I PHYIR LA MA RIG PA DANG BRAL BA RNAMS KYIS NI MA DMIGS PA'I PHYIR RO ZHES BSTAN PA'I PHYIR BSHAD PA, GANG PHYIR SPRIN TSOGS DANG MTSUNGS GTI MUG STUG PO 'JIG RTEN LA, ,YOD PA DES NA YUL RNAMS LOG PA DAG TU SNANG BAR 'GYUR, ,SPRIN TSOGS NI CHAR SPRIN GYI TSOGS SO, ,GANG GI PHYIR SPRIN GYI TSOGS DANG 'DRA BA'I GTI MUG STUG PO SNGON PO LA SOGS PA'I RANG BZHIN MTHONG BA G-YOGS NAS GNAS PA DE'I PHYIR BYIS PA RNAMS LA SNGON PO LA SOGS PA'I RANG BZHIN MTHONG BA YOD PA MA YIN TE, RANG GI NGO BO PHYIN CI LOG TU MNGON PAR ZHEN PA'I GNAS SU GYUR PA 'DI NI BYIS PA BDEN PAR MNGON PAR ZHEN PA RNAMS LA SNANG BA YIN NO, ,'DIR SMRAS PA GTI MUG GIS BKAB PA'I PHYIR RNAM PA THAMS CAD DU DE KHO NA NYID MI MTHONG BAR NI 'GYUR LA RAG NA, PHYIN CI LOG TU MTHONG BA GA LAS SHE NA, DE LTA BUR GYUR PA MA YIN PA RNAMS MA RIG PA'I DBANG GIS DE LTA BU'I BDAG NYID DU SNANG NGO ZHES BYA BA 'DI NYID PHYI ROL GYI DPE'I SGO NAS BSTAN PA'I PHYIR, JI LTAR RAB RIB MTHU YIS 'GA' ZHIG SKRA SHAD ZLA GNYIS DANG, ,RMA BYA'I MDONGS DANG SBRANG MA LA SOGS LOG PAR 'DZIN BYED PA, ,ZHES BYA BA SMOS TE, JI LTAR RAB RIB KYI MTHUS RAB RIB CAN GYIS SKRA SHAD LA SOGS PA RNAMS MA SKYES PA'I RANG BZHIN YIN DU ZIN KYANG DNGOS PO NYID DU 'DZIN PAR BYED PA, DE BZHIN DU NI GTI MUG SKYON GYI DBANG GIS MI MKHAS PAS, ,'DUS BYAS LTA ZHIG SNA TSOGS BLO GROS KYIS NI RTOGS PAR 'GYUR, ,'DI NI MA RIG PA'I SKYON GYIS 'DU BYED RNAMS ZHES BYA BA DANG, DE BZHIN DU MA RIG PA DANG RJES SU 'BREL PA'I GANG ZAG 'DI NI BSOD NAMS MNGON PAR 'DU BYA BA DANG, BSOD NAMS MA YIN PA MNGON PAR 'DU BYA BA DANG, ,MI G-YO BA MNGON PAR 'DU BYA BA @288A *, ,YANG MNGON PAR 'DU BYED DO ZHES BYA BA DANG, DE BZHIN DU MA RIG PA 'GAGS PAS 'DU BYED 'GAG CES BCOM LDAN 'DAS KYIS GSUNGS PA YIN NO, ,DE'I PHYIR TSUL 'DIS, GAL TE GTI MUG BRTEN NAS LAS BYUNG GTI MUG MED PAR DE, ,MI 'BYUNG ZHES BYAR MI MKHAS KHO NAS RTOGS PAR GOR MA CHAG ,BLO BZANGS NYI MAS MUN PA STUG PO RNAM PAR BSAL BA BZHIN, ,MKHAS PA DAG NI STONG NYID KHONG DU CHUD CING GROL BAR 'GYUR, ,SHES RAB CAN NI MA RIG PA'I RKYEN GYIS 'DU BYED DO ZHES BYA BA MTHONG BA NA 'DU BYED RNAMS RANG BZHIN MED PAR KHONG DU CHUD PAR 'GYUR BA 'BA' ZHIG TU MA ZAD KYI, DE RTOGS PA LAS MA RIG PA SPANGS SHING 'DU BYED DAG KYANG NYE BAR MI LEN TE, DE NYE BAR LEN PA'I RGYU SPANGS PA'I PHYIR RO, ,DE'I PHYIR 'KHOR BA LAS RNAM PAR GROL BAR 'GYUR RO, ,'DIR SMRAS PA, GAL TE DE LTAR GZUGS LA SOGS PA RNAMS LA DON DAM PAR RANG BZHIN 'GA' YANG MED NA, 'O NA MO GSHAM GYI BU BZHIN DU DON DAM PAR YOD PA MA YIN PA'I PHYIR, DE DAG GI RANG BZHIN KUN RDZOB TU YANG YOD PAR MI 'GYUR BA ZHIG NA, GZUGS LA SOGS PA RNAMS KYI RANG BZHIN NI KUN RDZOB TU YOD PA YANG YIN NO, ,DE'I PHYIR DE DAG GI YOD PA NYID NI DON DAM PAR YANG YOD PA KHO NA'O ZHES SMRAS PA, GAL TE DNGOS RNAMS DE NYID DU MED NA, ,THA SNYAD DU YANG MO GSHAM BU JI BZHIN, ,DE DAG MED PA NYID 'GYUR DE YI PHYIR, ,DE DAG RANG BZHIN GYIS NI YOD PA NYID, ,'DI LA BRJOD PAR BYA STE, GANG DAG RAB RIB CAN SOGS YUL GYUR PA; ,SKRA SHAD LA SOGS DE DAG MA SKYES PAS, ,RE ZHIG DE DAG NYID LA BRTZAD BYA STE, ,PHYI NAS MA RIG RAB RIB RJES 'BREL LA'O, ,DE CI'I PHYIR KHYOD CAG GIS YOD PA MA YIN PA'I YUL SKRA SHAD LA SOGS PA DAG MTHONG LA MO GSHAM GYI BU NI MA YIN ZHES RE ZHIG GANG DAG RAB RIB LA SOGS PAS MIG NYAMS PAR BYAS PA DE DAG KHO NA LA BRTZAD PAR BYA LA, PHYIS NI CI'I PHYIR MA SKYES PA'I RANG BZHIN CAN GZUGS LA SOGS PA DAG MTHONG LA MO GSHAM GYI BU NI MA YIN ZHES MA RIG PA'I RAB RIB KYIS BLO'I MIG BSGRIBS PA RNAMS LA BRGAL ZHING BRTAG PAR BYA DGOS SO, ,KHO BO @288B CAG LA NI 'DI BRGAL ZHING BRTAG PA MA YIN TE, 'DI LTAR KHO BO CAG NI RNAL 'BYOR PA RNAMS KYIS DNGOS PO DE DAG 'DI LTAR GZIGS SHING GZHAN GANG DAG RNAL 'BYOR PA'I YE SHES THOB PAR 'DOD PA DE DAG GIS KYANG CHOS KYI RANG BZHIN DE SKAD BSHAD PA LA LHAG PAR MOS PAR BYA'O, ,ZHES LUNG JI LTA BA BZHIN DU RNAL 'BYOR PA'I YE SHES KYIS THUGS SU CHUD PA'I SGO NAS DNGOS PO RANG BZHIN MED PAR 'CHAD PAR BZHUGS PA YIN GYI, RANG GI SHES PA LA LTOS NAS NI MA YIN TE, KHO BO CAG NI MA RIG PA'I RAB RIB KYIS BLO'I MIG BSGRIBS PA YIN PA'I PHYIR RO, ,JI SKAD DU, PHUNG PO RANG BZHIN DBEN ZHING STONG PA NYID, ,BYANG CHUB RANG BZHIN DPEN ZHING STONG PA NYID, ,GANG SPYOD DE YANG RANG BZHIN STONG PA STE, ,YE SHES LDAN PAS SHES KYI BYIS PAS MIN, ,YE SHES RANG BZHIN STONG PAR RIG 'GYUR TE, ,SHES BYA'I RANG BZHIN STONG PAR RIG GYUR NAS, ,SHES PA PO DANG 'DRA BAR RTOGS GYUR NA, ,BYANG CHUB LAM LA DE DAG SPYOD CES BYA, ,ZHES GSUNGS PA LTA BU'O, ,DE'I PHYIR 'DI NI RNAL 'BYOR PA RNAMS LA BRGAL ZHING BRTAG PA MA YIN TE, DE DAG GIS NI KUN RDZOB TU YANG CHOS 'GA' ZHIG GI RANG BZHIN MA GZIGS LA, DON DAM PAR YANG MA YIN NO, ,RAB RIB CAN LA BRGAL ZHING BRTAG PA LTAR PHAR 'DUG CIG, ,RE ZHIG 'DI NI KHYOD NYID LA CHER BRGAL ZHING BRTAG PAR BYA BA YIN NO ZHES BSHAD PA, GAL TE RMI LAM DRI ZA'I GRONG KHYER BCAS, ,SMIG RGYU'I CHU DANG MIG 'PHRUL GZUGS BRNYAN SOGS, ,SKYE MED MTHONG NA YOD NYID MIN MTSUNGS KYANG, ,KHYOD LA JI LTAR DER 'GYUR DE MI RIGS, ,DPER NA RMI LAM DU DMIGS PA DANG, MO GSHAM GYI BU YOD PA MA YIN PA NYID DU 'DRA YANG RMI LAM MTHONG LA MO GSHAM GYI BU MA YIN PAR 'GYUR, DE BZHIN DU DRI ZA'I GRONG KHYER LA YANG NGO, ,SMIG RGYU'I CHU ZHES BYA BA NI SMIG RGYU LA CHU ZHES BYA BA'I DON NO, ,DE BZHIN DU MIG 'PHRUL LA YANG NGO, ,GZUGS BRNYAN LA SOGS ZHES BYA BA'I SOGS PA'I SGRAS NI BRAG CA ,DANG SPRUL PA LA SOGS PA DAG YONGS SU BZUNG NGO, ,DPER NA RANG BZHIN GYIS STONG PA YIN DU ZIN KYANG, DE DAG MTHONG GI MO GSHAM GYI BU NI MA YIN NO @289A *, ,DE'I PHYIR JE BDAG NYID LA BRGAL ZHING BRTAG PA GYIS DANG, DE NAS PHYIS NGA LA BRGAL ZHING BRTAG PAR 'GYUR RO, ,DE NYID DU 'DI JI LTAR SKYE MED KYANG, ,MO GSHAM BU LTAR GANG PHYIR 'JIG RTEN GYI, ,MTHONG BA'I YUL DU MI 'GYUR MA YIN NA, ,DE YI PHYIR NA SMRAS 'DI MA NGES PA'O, ,ZHES BRJOD PAR NUS PA YANG YIN NO, ,JI SKAD DU BCOM LDAN 'DAS KYIS, 'GRO BA DAG NI RMI 'DRAR BSHAD, ,DE NYID DU NI RNAM MA BZHAG, ,RMI LAM GANG LA 'ANG DNGOS PO MED, ,LOG PA'I BLO CAN MNGON PAR ZHEN, ,DRI ZA'I GRONG KHYER JI LTAR SNAR GYUR KYANG, ,GRONG KHYER PHYOGS BCUR YOD MIN GZHAN NA 'ANG MED, ,GRONG KHYER MING TZAM ZHIG GIS RAB TU BZHAG ,DE BZHIN BDE BAR GSHEGS PAS 'GRO 'DI GZIGS, ,CHU YI 'DU SHES CAN GYIS NI, ,MTHONG YANG SMIG RGYU LA CHU MED, ,DE BZHIN YONGS SU RTOGS PAS BKRUS, ,SDUG PA MIN PAR SDUG PAR RTOG, ,ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ,ZHES GSUNGS PA'I LUNG LAS NA GZUGS LA SOGS PA RNAMS RANG BZHIN GYIS MA SKYES PA YIN BZHIN DU 'JIG RTEN GYIS 'DZIN PA'I YUL NYID DU 'GYUR LA, ,MO GSHAM GYI BU NI MA YIN PAS 'DI NI KHYOD LA RANG NYID LAS MA NGES PA YIN NO, KHO BO CAG LA NI 'DI BRTZAD DU MED PA NYID DE 'DI LTAR KHO BO CAG GIS NI GZUGS LA SOGS PA RNAMS KUN RDZOB TU RANG BZHIN GYIS SKYE BAR KHAS BLANGS NAS DON DAM PAR 'GOG PA MA YIN NO, ,CI'I PHYIR ZHE NA, JI LTAR MO GSHAM BU LA RANG GI BDAG NYID KYIS, ,SKYE BA DE NYID DU MED 'JIG RTEN GZHAN DU'ANG, ,YOD MIN DE BZHIN DNGOS 'DI KUN NGO BO, ,NYID KYI 'JIG RTEN DE NYID DU MA SKYES, ,GANG GI PHYIR DE LTA YIN PA, DE PHYIR 'DI LTAR STON BAS CHOS RNAMS KUN, ,GDOD NAS ZHI ZHING SKYE BRAL RANG BZHIN GYIS, ,YONGS SU MYA NGAN 'DAS PA GSUNGS GYUR PA, ,DE PHYIR RTAG TU SKYE BA YOD MA YIN, ,GANG GI PHYIR DE LTA BU'I LUNG YOD PA DE'I PHYIR RTAG TU SKYE BA YOD PA MA YIN NO, ,LUNG BRJOD PA NI, CHOS KYI 'KHOR LO BSKOR BA NI, ,GDOD NAS ZHI ZHING MA SKYES @289B PA; ,RANG BZHIN MYA NGAN 'DAS PA YI, ,CHOS RNAMS MGON PO KHYOD KYIS STON, ,ZHES BYA BA'O, ,DE YANG YE SHES ZHI BA'I YUL YIN PA'I PHYIR CHOS THAMS CAD ZHI BA'O, ,YANG CI'I PHYIR YE SHES ZHI BA'I YUL YIN ZHE NA, MA SKYES PA ZHES BYA BA SMOS TE, MA SKYES PA'I PHYIR RO ZHES BYA BA'I DON TO, ,GANG GI PHYIR MA SKYES PA DE'I PHYIR YE SHES ZHI BA'I YUL LO, ,YANG CI'I PHYIR MA SKYES SHE NA, GANG GI PHYIR RANG BZHIN MYA NGAN 'DAS PA ZHES BYA BA SMOS TE, GAL TE 'GA' ZHIG LA RANG BZHIN TE NGO BO NYID YOD NA DE SKYE BAR 'GYUR BA ZHIG NA, RANG BZHIN DE YANG YOD PA MA YIN PAS CI ZHIG SKYE BAR 'GYUR, 'DIS NI DUS THAMS CAD DU MA SKYES PAR STON PA YIN TE, SNGAR MA BYUNG BA LAS PHYIS 'BYUNG BA MA YIN ZHING PHYIS 'BYUNG NAS KYANG YANG 'GYUR BA NI MA YIN TE, 'O NA CI ZHE NA, RANG BZHIN NYID KYIS YONGS SU MYA NGAN LAS 'DAS PA'O, ,GDOD NAS ZHES BYA BA SMOS PAS NI DE DAG RNAL 'BYOR PA'I YE SHES KYI GNAS SKABS KHO NAR MA SKYES PA NI MA YIN TE, 'O NA CI ZHE NA, DE'I GONG ROL 'JIG RTEN PA'I THA SNYAD KYI GNAS SKABS SU YANG CHOS DE DAG RANG GI BDAG NYID KYIS MA SKYES PA'O ZHES BYA BA 'DI STON PAR BYED DO, ,GDOD KYI SGRA NI DANG PO'I SGRA'I RNAM GRANGS TE, 'JIG RTEN GYI THA SNYAD KYI GNAS SKABS BRJOD DO ZHES BYA BAR SHES PAR BYA'O, ,DE LTAR CHOS KYI 'KHOR LO BSKOR BA'I DUS SU CHOS RNAMS KHYOD KYIS BSTAN TO ZHES YON TAN PHUL DU BYUNG BA BRJOD PA'I SGO NAS BCOM LDAN 'DAS LA BYANG CHUB SEMS DPA' 'PHAGS PA SGRIB PA THAMS CAD RNAM PAR SEL BAS BSTOD PA YIN NO, ,RANG GI SDE PA RNAMS KYIS 'DI NI BRGAL BA MA YIN PA NYID DE, DE CI'I PHYIR ZHE NA, GANG GI PHYIR DE DAG GIS KHAS BLANGS PA, BUM SOGS 'DI DAG DE NYID DU MED CING, ,'JIG RTEN RAB TU GRAGS PAR YOD JI BZHIN, ,DE BZHIN DNGOS PO THAMS CAD 'GYUR BAS NA,, MO GSHAM BU DANG MTSUNGS PAR THAL MI 'GYUR, ,CI STE GAL TE GDAGS PA'I RTEN SA DANG, CHU DANG, ME DANG, RLUNG DANG, GZUGS DANG DRI DANG RO DANG REG BYA LA SOGS PA RNAMS YOD PA DE'I PHYIR BUM PAR BRTAGS PA NI RGYU DANG BCAS PA ZHES BYA BAR RIGS NA, GANG GI LTAR NAS @290A *, ,THAMS CAD BRTAGS PA TZAM KHO NA YIN GYI BRTAGS PA'I RTEN RDZAS CI YANG MED PA DE LA NI MO GSHAM GYI BU DANG 'DRA BAR THAL BA ZLOG PA MED PA NYID DO SNYAM NA, DE YANG MI RIGS TE, BRTAGS PA'I RTEN RDZAS SGRUB PAR MI NUS PA'I PHYIR RO, ,JI SKAD DU, GZUGS LA SOGS PA MA GTOGS PAR, ,JI LTAR BUM PA YOD MIN LTAR, ,DE BZHIN RLUNG SOGS MA GTOGS PAR, ,GZUGS KYANG YOD PA MA YIN NO, ,ZHES BYA BA DANG, DE BZHIN DU, SA CHU ME DANG RLUNG RNAMS NI, ,RE RE NGO BO NYID DU MED, ,GANG GSUM MED PAR RE RE MED, ,GCIG MED PAR YANG GSUM MED DO, ,GAL TE GSUM MED RE RE MED, ,GCIG MED PAR YANG GSUM MED NA, ,SO SO RANG YOD PA YIN TE, ,CI LTAR 'DUS PA SKYE BAR 'GYUR, ,ZHES BYA BA LA SOGS PA GSUNGS SO, ,JI LTAR RTAG PA LAS MI RTAG PA SKYE BAR MI 'DOD PA DE BZHIN DU RDZAS SU YOD PA LAS KYANG RDZAS SU MED PAR SKYE BAR MI RIGS TE, JI SKAD DU, DNGOS PO RTAG PA LAS BYUNG BA, ,MI RTAG PAR NI JI LTAR 'GYUR, ,RGYU 'BRAS MTSAN NYID MI MTHUN PA, ,NAM YANG MTHONG BA MA YIN NO, ,ZHES GSUNGS SO, ,DE'I PHYIR DE LTAR DPER NA BRTAGS PAR YOD PA BZHIN LA SOGS PA'I TSOGS PA LA BRTEN NAS ME LONG LA GZUGS BRNYAN BRTAGS PA TZAM DMIGS PA DANG, BRTAGS PAR YOD PA KA BA LA SOGS PA LA BRTEN NAS KHYIM DU BRTAGS PA DANG, DE BZHIN DU SHING GI RTEN CAN NAGS BRTAGS PA DANG, JI LTAR RMI LAM NA MA SKYES PA'I RANG BZHIN CAN GYI SA BON LAS MA SKYES PA'I RANG BZHIN CAN GYI MYU GU SKYE BAR DMIGS PA DE BZHIN DU, DNGOS PO BRTAGS PAR YOD PA THAMS CAD KYI BRTAGS PA YANG DNGOS PO BRTAGS PA YOD PA'I RTEN CAN DU RIGS TE, JI SKAD DU, JI LTAR STON PAS SPRUL PA NI, ,ZHES BYA BA LA SOGS PA NAS, ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,ZHES BYA BA'I BAR DU GSUNGS SO, ,DE'I PHYIR 'DI BRGAL BA MA YIN NO, ,'DIR SMRAS PA, GAL TE KHYOD KYIS BDAG DANG GZHAN DANG GNYI GA DANG RGYU MED PA LAS SKYE BA PHYOGS GNYI GAR YANG BKAG NAS, MA RIG PA DANG 'DU BYED DANG SA BON LA SOGS PA DAG LAS RNAM @290B PAR SHES PA DANG MYU GU LA SOGS PA KUN RDZOB TU SKYE BA DE CI LTAR NGES PAR BYA, DE BRJOD PAR BYA STE, GANG PHYIR RGYU MED PA DANG DBANG PHYUG GI ,RGYU LA SOGS DANG BDAG GZHAN GNYI GA LAS, ,DNGOS RNAMS SKYE BAR 'GYUR BA MA YIN PA, ,DE PHYIR BRTEN NAS RAB TU SKYE BAR 'GYUR, ,GANG GI PHYIR JI SKAD BSHAD PA'I TSUL GYIS DNGOS PO RNAMS KYI SKYE BA NGO BO NYID LAS BYUNG BA YOD PA MA YIN LA DBANG PHYUG DANG DUS DANG RDUL DANG RANG BZHIN DANG SKYES BU DANG SRED MED KYI BU LA SOGS PA RNAMS LAS KYANG MA YIN ZHING, BDAG DANG GZHAN DANG GNYIS KA LAS SKYE BA YANG MA YIN PA DE'I PHYIR, 'DI LA BRTEN NAS 'DI 'BYUNG BA ZHIG STE, DE TZAM ZHIG LA 'JIG RTEN GYI THA SNYAD MI BCAD PA'I DON DU BRTEN TO, ,JI SKAD DU BCOM LDAN 'DAS KYIS DE LA CHOS KYI BRDA NI 'DI YIN TE, 'DI LTA STE, 'DI YOD NA 'DI 'BYUNG, 'DI SKYES PAS 'DI SKYE STE, GANG 'DI MA RIG PA'I RKYEN GYIS 'DU BYED RNAMS ZHES BYA BA LA SOGS PA GSUNGS SO, ,DE BZHIN DU, 'DI YOD PAS NA 'DI 'BYUNG DPER, ,RING PO YOD NA THUNG DU BZHIN, ,'DI SKYES PAS NA 'DI SKYE DPER, ,MAR ME 'BYUNG BAS 'OD BZHIN NO, ,ZHES BYA BA DANG, BSTAN BCOS LAS KYANG, BYED PO LAS LA BRTEN BYAS SHING, , LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,GRUB PA'I RGYU NI MA MTHONG NGO, ,DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,BYED PA PO DANG LAS DAG GIS, ,DNGOS PO LHAG MA SHES PAR BYA, ,ZHES BYA BA 'DI TZAM ZHIG KHO NA GSUNGS SO, ,DE LTAR RKYEN NYID 'DI PA TZAM GYI RTEN CING 'BREL PAR 'BYUNG BA BSHAD PA NA, RGYU MED PA LAS SKYE BA LA SOGS PA'I RTOG PA 'DI DAG MI SRID PA 'GA' ZHIG TU MA ZAD KYI, RTAG PA DANG CHAD PA DANG RTAG PA DANG MI RTAG PA DANG DNGOS PO DANG DNGOS PO MED PA GNYIS LA SOGS PA RTOG PA GZHAN DAG KYANG MI SRID PA NYID DO ZHES BSTAN PA'I PHYIR BSHAD PA, GANG PHYIR DNGOS PO BRTEN NAS RAB 'BYUNG BAS, ,RTOGS PA NYID DAG BRTAG PAR MI NUS PA, ,DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, ,GANG GI PHYIR 'DI LA BRTEN NAS 'DI 'BYUNG NGO ZHES BYA BA'I RIGS PAS 'DI TZAM ZHIG @291A *, ,GIS DNGOS PO KUN RDZOB PA RNAMS KYIS BDAG GI DNGOS PO YOD PA 'THOB KYI GZHAN DU MA YIN PA DE'I PHYIR RTEN CING 'BREL PAR 'BYUNG BA RKYEN NYID 'DI PA TZAM GYI RIGS PA 'DIS JI SKAD BSHAD PA'I LTA BA NGAN PA'I DRA BA MTHA' DAG GCOD PA YIN NO, ,'DI LTAR RKYEN NYID 'DI PA TZAM ZHIG RTEN CING 'BREL PAR 'BYUNG BA'I DON DU RNAM PAR 'JOG PAS NI DNGOS PO 'GA' YANG RANG BZHIN KHAS MI BLANGS TE, 'DI SKAD DU, DE DANG DE RTEN GANG 'BYUNG BA, ,RANG GI NGO BOR DE MA SKYES, ,RANG GI NGO BOR MA SKYES GANG, ,DES NI SKYES ZHES JI SKAD BYA, ,ZHES BYA BA DANG, DE BZHIN DU, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DE NI RGYUR BCAS GDAGS PA STE, ,DE NYID DBU MA'I LAM YIN NO, ,ZHES GSUNGS SO, ,MDO SDE LAS KYANG, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ,ZHES GSUNGS SO, ,GANG GI TSE DE LTAR RANG BZHIN KHAS MA BLANGS PA DE'I TSE RANG BZHIN MED PA NA JI SKAD BSHAD PA RNAMS GANG ZHIG TU 'BYUNG BAR 'GYUR, GAL TE RANG BZHIN 'GA' ZHIG YOD NA NI, ,DE'I TSE SKYE BA 'ANG NGO BO NYID LAS 'BYUNG BAR 'GYUR BA 'AM; BDAG DANG GZHAN DANG GNYI GA DANG DBANG PHYUG LA SOGS PA DAG LAS 'GYUR ZHING, SKYES ZIN PA GNAS PAS RTAG PA DANG, 'JIG PAS CHAD PA LA SOGS PA RTOG PA 'BYUNG BA SRID PA ZHIG NA, RNAM PA GZHAN DU NI MA YIN NO ZHES BSTAN PA'I PHYIR BSHAD PA, RTOG RNAMS DNGOS PO YID NA 'GYUR BA STE, ,DNGOS PO JI LTAR MED PAR YONGS DPYAD ZIN, ,DNGOS PO MED PAR 'DI RNAMS MI 'BYUNG DPER, ,BUD SHING MED PAR ME YOD MIN DE BZHIN, ,GANG GI PHYIR JI SKAD BSHAD PA'I RIGS PAS DNGOS PO SRID PA RNAM PA THAMS CAD DU YOD PA MA YIN PA DE NYID KYI PHYIR, RNAL 'BYOR PA 'PHAGS PA'I LAM MNGON DU MDZAD PAR GYUR PAS MA GZIGS PA'I TSUL GYIS DE KHO NA NYID GZIGS PA DAG GIS CHOS GANG LA YANG DNGOS PO RDUL TZAM YANG MI DMIGS SHING, GZUGS DANG TSOR BA DANG DGE BA DANG MI DGE BA DANG DNGOS PO DANG DNGOS PO MED PA LA SOGS PA'I RTOG PA 'DU BYED THOG @291B MA MED PA NAS GOMS PA RNAMS KYANG DE DAG LAS LOG PAR 'GYUR TE, DPER NA MIG SMAN BSKUS PAS SKRA SHAD LA SOGS PAR RTOG PA LOG PA NYID RAB RIB CAN LA 'BRAS BUR 'GYUR GYI SKRA SHAD LA SOGS PA RANG BZHIN GZHAN GYI YUL NYID DU 'GYUR BA NI MA YIN PA BZHIN NO, ,DE'I PHYIR, SO SO'I SKYE BO RNAMS NI RTOG PAS BCINGS, ,MI RTOG RNAL 'BYOR PA NI GROL 'GYUR BAS, ,RTOG RNAMS LOG PAR GYUR PA GANG YIN TE, ,RNAM PAR DPYOD PA'I 'BRAS BUR MKHAS RNAMS GSUNG, ,GANG GI PHYIR SO SO'I SKYE BO CHOS NYID 'DI DE LTAR MI SHES PA RNAMS RTOG PA KHO NAS BCINGS PA DE'I PHYIR, CHOS NYID 'DI DE LTAR THUGS SU CHUD PA NA 'PHAGS PA RNAMS RNAM PAR GROL BAR 'GYUR TE, DE'I PHYIR RTOG PA MA LUS PA BKAG PA NYID SLOB DPON GYIS DBU MA'I BSTAN BCOS LAS BSHAD PA'I RNAM PAR DPYOD PA'I 'BRAS BUR RNAM PAR GZHAG GO, ,JI SKAD DU, DNGOS PO RANG BZHIN GYIS YOD NA, , STONG MTHONG YON TAN CI ZHIG YOD, ,RTOG PAS MTHONG BA 'CHING BA STE, ,DE NYID 'DIR NI 'GOG PA YIN, ,ZHES GSUNGS SO, ,DE NYID KYI PHYIR, BSTAN BCOS LAS DPYAD RTZOD LA CHAGS PA'I PHYIR, ,MA MDZAD RNAM GRO LA PHYIR NI DE NYID BSTAN, ,DE NYID KYI PHYIR SLON DPON GYIS DBU MA'I BSTAN BCOS LAS RNAM PAR DPYAD PA SHIN TU CHER MDZAD PA GANG YIN PA DE NI RTZOD LA CHAGS PA STE, GZHAN ZIL GYIS MNAN PAR 'DOD PAS MA MDZAD DO ZHES BYA BAR SHES PAR BYA STE, RNAM PAR DPYOD PHA MDZAD PA NA DBU MA'I BSTAN BCOS LAS DE KHO NA NYID BSTAN PA NI, SEMS CAN GYIS DE KHO NA NYID 'DI LTA DU PHYIN CI MA LOG PAR RTOGS NAS THAR PA THOB PAR GYUR NA CI MA RUNG ZHES SKYE BO RNAMS RNAM PAR GROL BAR BYA BA'I PHYIR YIN NO, ,GAL TE KHYOD KYIS RGOL BA JI LTAR BRTAGS PA THAMS CAD BKOD CING BKOD CING BSTAN BCOS LAS BKOG PA MA YIN NAM DE'I PHYIR BSTAN BCOS KYI 'JUG PA NI RTZOD PA'I PHYIR YIN PAS RTOG PA LDOG PA TZAM ZHIG KHO NA 'BRAS BUR CI LTAR RNAM PAR GZHAG CE NA, BRJOD PAR BYA STE, RNAM PAR DPYAD PA 'DI NI RTZOD PA'I PHYIR MDZAD PA MA YIN MOD KYI, 'ON KYANG DE KHO NA NYID NYE BAR BSTAN PA NA RANG BZHIN GYIS STOBS CHUNG BAS GZHAN GYI GZHUNG LUGS RNAMS BDAG NYID THEN MI @292A *, ,'DZUGS SHING, SNANG BA NYE BA NA MUN PA LTAR RANG NYID 'JIG BAR 'GYUR BA DES NA KHO BO CAG LA SKYON MED PA NYID DO ZHES BSHAD PA, GAL TA DE NYID RNAM PAR BSHAD PA NA, ,GZHAN GZHUNG 'JIG PAR 'GYUR NA NYES PA MED, ,JI SKAD DU, CHOS 'DI DE BZHIN GSHEGS RNAMS KYIS, ,RTZOD PA MDZAD PHYIR GSUNGS MA YIN, ,'ON KYANG ME YIS BUD SHING LTAR, ,'DI YIS PHAS KYI RGOL BA SREG, ,CES GSUNGS SO, ,GAL TE DE LTA MA YIN TE, ,RTZOD PA'I PHYIR CHOS NYE BAR BSTAN PAR GYUR NA NI, ,DE'I TSE THE TSOM MED PAR GZHAN GYI PHYOGS SKYON DANG LDAN PA LA SDANG ZHING RIGS PA DANG LDAN PA'I RANG GI PHYOGS LA RJES SU CHAGS PAR 'GYUR BAS RTOG PA LDOG PA NYID MI SRID DO, ,CI'I PHYIR ZHEN, ,'DI LTAR RANG GI LTA LA CHAGS DANG DE BZHIN DU, ,GZHAN GYI LTA LA 'KHRUG GANG RTOG PA NYID, ,DE'I PHYIR RTOG PA MA LOG PAS BCINGS PA NYID DU 'GYUR GYI, THAR PA NI MA YIN NO, ,GANG GI TSE CHOS 'DI RTZOD PA'I PHYIR BSTAN PA MA YIN PA DE'I TSE, DE'I PHYIR 'DOD CHAGS KHONG KHRO RNAM BSAL TE, ,RNAM DPYOD PA NA MYUR DU GROL BAR 'GYUR, ,JI SKAD DU, RTZOD MED CHE BA'I BDAG NYID CAN, ,DE DAG LA NI PHYOGS MED DO, ,GANG RNAMS LA NI PHYOGS MED PA; ,DE LA GZHAN PHYOGS GA LA YOD, ,CES BYA BA DANG DE BZHIN DU, RANG GI PHYOGS LA CHAGS YOD CING, ,GZHAN PHYOGS LA KHYOD MI DGA' NA, ,MYA NGAN 'DAS PAR MI 'GRO STE, ,GNYIS SPYOD ZHI BAR YONG MI 'GYUR, ,ZHES GSUNGS SO, ,MDO SDE LAS KYANG, GANG ZHIG CHOS 'DI THOS NAS CHAGS BYED CING, ,CHOS MA YIN PA THOS NAS KHONG KHRO BYED, ,NGA RGYAL RGYAGS PAS BCOM PAS LOG PA STE, ,NGA RGYAL DBANG GIS SDUG BSNGAL RJES SU MYONG, ,ZHES GSUNGS SO, ,DE'I PHYIR DE LTAR LUNG DANG RIGS PA DAG GIS CHOS KYI BDAG MED PA BSTAN NAS DE'I 'OG TU GANG ZAG GI BDAG MED PA BSTAN PA'I PHYIR BSHAD PA, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR ZHING, ,BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, ,DE LA 'JIG TSOGS LA LTA BA NI NGA DANG NGA'I SNYAM PA DE @292B LTA BU'I RNAM PAR ZHUGS PA SHES RAB NYON MONGS PA CAN NO, ,DE LAS BYUNG BAS NA 'JIG TSOGS LA LTA BA LAS BYUNG BA'O, ,DE DAG KYANG GANG DAG CIG CE NA, ,NYON MONGS PA RNAMS DANG SKYON RNAMS SO, ,DE LA NYON MONGS PA RNAMS NI 'DOD CHAGS LA SOGS PA RNAMS SO, ,SKYON RNAMS NI SKYE BA DANG RGA BA DANG NA BA DANG 'CHI BA DANG MYA NGAN LA SOGS PA DAG GO, ,DE DAG NI MA LUS PAR 'JIG TSOGS LA LTA BA LAS BYUNG STE, NYON MONGS PA THAMS CAD NI MDO LAS, 'JIG TSOGS LA LTA BA'I RTZA BA CAN 'JIG TSOGS LA LTA BA'I RGYU CAN, 'JIG TSOGS LA LTA BA'I KUN 'BYUNG BA CAN DAG GO ZHES 'JIG TSOGS LA LTA BA'I RGYU CAN NYID DU GSUNGS LA 'JIG TSOGS LA LTA BA MA SPANGS PA RNAMS LA 'DU BYED MNGON PAR 'GRUB PA'I PHYIR DANG, SKYE BA LA SOGS PA'I SDUG BSNGAL 'BYUNG BA'I PHYIR NA, MA LUS PA'I 'JIG TSOGS LA LTA PA'I RGYU CAN YIN NO, ,DE'I DMIGS PA NI BDAG KHO NA YIN TE, NGAR 'DZIN PA NI BDAG GI YUL CAN YIN PA'I PHYIR RO, ,DE LA NYON MONGS PA DANG SKYON MA LUS PA YONGS SU SPONG BAR 'DOD PAS 'JIG TSOGS LA LTA BA KHO NA SPANG BAR BYA BA YIN LA, DE YANG BDAG GIS BDAG MED PA NYID KHONG DU CHUD PA LAS SPONG PAR 'GYUR BAS THOG MAR RNAL 'BYOR PAS BDAG KHO NA 'GOG PAR BYED DO, ,DE BKAG PA LAS 'JIG TSOGS LA LTA BA YANG SPANGS PAR GYUR NA NYON MONGS PA DANG, SKYON MA LUS PAR LDOG PAS NA BDAG RNAM PAR DPYAD PA NA THAR PA SGRUB PA'I THABS YIN TE, DE'I PHYIR GANG ZHIG 'JIG TSOGS LA LTA PA'I DMIGS PAR GYUR PA BDAG CES BYA BA 'DI CI ZHIG CES RNAL 'BYOR PA JE THOG MAR BDAG KHO NA RNAM PAR DPYOD PAR BYED DO, ,'JIG TSOGS LA LTA BA'I DMIGS PA BDAG DE CI ZHIG CES DE NYID MI SHES SO ZHE NA, DE LA RE ZHIG ,ZA PO RTAG DNGOS BYED PO MIN PA'I BDAG ,YON TAN BYA MED MU STEGS RNAMS KYIS BRTAGS, , DED BYE CUNG ZAD CUNG ZAD LA BRTEN NAS, ,MU STEGS CAN RNAMS LUGS NI THA DAD 'GYUR, ,DE LA GRANGS CAN PA DAG NI, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM 'GYUR ZHING, ,BCU DRUG PO NI RNAM PAR 'GYUR BA STE, ,SKYES BU RANG BZHIN MA @293A *, ,YIN RNAM 'GYUR MIN, ,ZHES SMRA BAR BYED DO, ,DE LA RAB TU BYED PAS NA RANG BZHIN NO, ,GNAS SKABS GANG ZHIG TU RAB TU BYED CE NA, SKYES BU'I 'DOD PA MTHONG BA'I DUS SU'O, ,GANG GI TSE SKYES BU LA SGRA LA SOGS PA'I YUL NYE BAR LONGS SPYOD PA'I RNAM PA CAN GYI 'DOD PA SKYES PA DE'I TSE SKYES BU'I 'DOD PA YONGS SU SHES PA'I RANG BZHIN DANG SKYES BU SBYOR ZHING DE NAS SGRA LA SOGS PA 'BYIN PAR BYED DO, ,DE LA TSUL NI 'DI YIN TE, RANG BZHIN LAS NI CHEN PO'O, ,DE LAS NGA RGYAL LO, ,DE LAS BCU DRUG PO'I TSOGS SO, ,BCU DRUG PO DE LAS KYANG 'BYUNG BA LNGA NI LNGA LAS TE SGRA LA SOGS PA DAG LAS 'BYUNG BA LNGA 'BYUNG NGO ZHES BYA BA 'DI NI RIM PA YIN NO, ,RNAM PAR 'GYUR MIN LA ZHES BYA BA NI GANG GI PHYIR RAB TU BYED PA KHO NA YIN GYI, CHEN PO LA SOGS PA LTAR RNAM PAR 'GYUR BA YANG NI MA YIN NO, ,CHEN PO LA SOGS PA DE DAG NI RAB TU BYED PA YANG YIN LA RNAM PAR 'GYUR BA YANG YIN TE, DE'I PHYIR CHEN PO LA SOGS PA BDUN RANG BZHIN RNAM 'GYUR ZHING ZHES BYA BA SMRAS TE CHEN PO LA SOGS PA DAG KYANG RANG GI RNAM PAR 'GYUR BA LA LTOS NAS RANG BZHIN YIN LA, RANG BZHIN LA LTOS NAS RNAM PAR 'GYUR BA YIN NO, ,BLO'I DBANG PO LA SOGS PA BCU DRUG PO NI RNAM PAR 'GYUR BA KHO NA STE, DE'I PHYIR BCU DRUG PO NI RNAM PAR 'GYUR BA STE ZHES BYA BA SMRAS SO, ,NI'I SGRA NI RNAM PAR 'GYUR BA KHO NA STE ZHES NGES PAR BZUNG BA'I DON DU'O, ,SKYES BU NI RAB TU BYED PA YANG MA YIN LA RNAM PAR 'GYUR BA YANG MA YIN NO ZHES SMRA BA NI, SKYES BU RANG BZHIN MA YIN RNAM 'GYUR MIN, , ZHES BYA BA'O, ,RIM PA 'DIS RNAM PAR 'GYUR BA'I TSOGS THAMS CAD SKYES PAS 'DOD PA SKYES PA'I SKYES BU NYE BAR ZA BA POR JI LTAR 'GYUR BA BRJOD PAR BYA STE, RNA BA LA SOGS PA'I BLO'I DBANG PO YID KYIS BYIN GYIS BRLABS PA DAG GIS YONGS SU BZUNG BA'I YUL SGRA LA SOGS PA DAG LA BLOS ZHEN PAR BYED LA DE NAS BLOS ZHEN PAR BYAS PA'I DON LA SKYES BU SEMS PAR BYED DE, DE LTAR SKYES BU SEMS PA YOD PA'I RANG GI NGO BO YIN PA'I PHYIR, BDAG YUL DAG NYE BAR LONGS SPYOD DO ZHES BRJOD DO, ,DE LTAR 'DOD PAS YUL NYE BAR LONGS SPYOD CING, GANG GI TSE CHAGS @293B PA CHUNG BA NYID KYIS SKYES BU YUL DAG LA CHAGS PA DANG BRAL BAR GYUR PA DE'I TSE RIM GYIS BSAM GTAN BSGOMS SHING LHA'I SHES PA YANG DAG PAR BLANGS PAS LHA'I MIG GI SGO NAS RANG BZHIN LA LTA BAR BYED LA DES BLTAS PA DANG DE GZHAN GYI BUD MED LTAR NGO TSA BAR GYUR PAS BDAG LA MI KHRO ZHING BRAL BAR 'GYUR RO, ,RNAM PAR 'GYUR BA'I TSOGS THAMS CAD KYANG SKYE BA'I RIM PA LAS BZLOG PA'I SGO NAS DE NYID DU RAB TU ZHI BA'I PHYIR MI GSAL BA'I NGO BOR GYUR PA DE'I TSE SKYES BU NYAG GCIG GNAS TE DE'I PHYIR GROL BA ZHES BYA'O, ,DE NI RNAM PAR 'GYUR BA ZHAR ZIN KYANG ZHA BAR MI 'GYUR BA NYID KYIS RTAG TU YAN GAR BA'I NGO BOR GNAS PA'I PHYIR RTAG PA ZHES BYA BA'O, ,RANG BZHIN NYID BYED PA PO YIN ZHING RNAM PAR 'GYUR BA RNAMS LAS KYANG KHA CIG BYED PA PO YIN PA'I PHYIR LA, BDAG NI BYA BA LA SNYOM LAS CAN NYID DU GYUR PA'I PHYIR NA BYED PA PO MA YIN PA NYID CES BRJOD DO, ,NYE BAR LONGS SPYOD PA PO NYID NI JI SKAD SMRAS PA'I TSUL GYIS BSTAN ZIN PA NYID DO, ,RDUL DANG MUN PA DANG SNYING STOBS KYI RANG BZHIN MED PA'I PHYIR NA YON TAN MED PA NYID DO, ,KHYAB PAR BYED PA NYID MA YIN PA'I PHYIR NI BYA BA MED PA NYID DE, DE LTA BU NI SKYES BU'I KHYAD PAR DAG GO, ,DE LA RANG BZHIN NYID BYED PA PO YIN ZHING RNAM PAR 'GYUR BA RNAMS LAS KYANG KHA CIG BYED PA PO YIN PA'I PHYIR LA ZHES GANG SMRAS NA, RNAM PAR 'GYUR BA GANG DAG GCIG NI BYED PA PO NYID YIN LA GANG DAG GCIG NI BYED PA PO NYID MA YIN ZHE NA, 'DI LA BYE BRAG TU BSHAD PAR BYA BA'I PHYIR CUNG ZAD CIG BRJOD PAR BYA STE, DE LA RDUL DANG MUN PA DANG SNYING STOBS GSUM NI YON TAN GSUM MO, ,DE LA RDUL NI G-YO BA DANG 'JUG PA'I BDAG NYID CAN NO, ,MUN PA NI LCI BA DANG G-YOGS PA'I BDAG NYID CAN NO, ,SNYING STOBS NI YANG BA DANG RAB TU GSAL BA'I BDAG NYID CAN NO, ,BDE BA DANG SDUG BSNGAL BA DANG GTI MUG CES BYA BA NI 'DI DAG KHO NA'I RNAM GRANGS SO, ,'DI DAG CHA MNYAM PA'I GNAS SKABS NI GTZO BO STE, 'DIR YON TAN DAG GTZO BOR GYUR CING RAB TU ZHI BAR GYUR PA'I PHYIR RO, ,DE DAG RNAM PAR MI 'GYUR BA'I GNAS SKABS NI RANG BZHIN CAN NO, ,RANG BZHIN LAS CHEN PO STE CHEN PO ZHES @294A *, ,BYA BA NI BLO'I RNAM GRANGS SO, ,CHEN PO LAS NI NGA RGYAL LO, ,DE NI RNAM PA GSUM STE, RNAM PAR 'GYUR BA DANG, SNYING STOBS CAN DANG, MUN PA CAN NO, ,DE LA RNAM PAR 'GYUR BA'I NGA RGYAL LAS NI DE TZAM LNGA STE, GZUGS DANG SGRA DANG DRI DANG RO DANG REG PA DAG GO; ,DE TZAM DAG LAS NI 'BYUNG BA RNAMS TE, SA DANG CHU DANG ME DANG RLUNG DANG NAM MKHA' ZHES BYA BA DAG GO, ,SNYING STOBS CAN GYI NGA RGYAL LAS NI LAS KYI DBANG PO LNGA PO DAG DANG LAG PA DANG, RKANG PA DANG, RKUB DANG, MDOMS DANG, BLO'I DBANG PO LNGA PO MIG DANG, RNA BA DANG, SNA DANG, LCE DANG, PAGS PA DANG, GNYI GA'I BDAG NYID CAN GYI YID DE DE LTAR NA BCU GCIG GO, ,MUN PA CAN GYI NGA RGYAL NI NGA RGYAL GNYI GA'I 'JUG PAR BYED PA'O, ,DE LA CHEN PO DANG NGA RGYAL DANG DE TZAM LNGA NI RANG BZHIN DANG RNAM PAR 'GYUR BA NYID YIN ZHING DBANG PO BCU DANG YID DANG 'BYUNG BA CHEN PO RNAMS NI RNAM PAR 'GYUR BA NYID KHO NA YIN LA, RANG BZHIN NI RNAM PAR MI 'GYUR BA KHO NA YIN NO ZHES BYA BA NI GZHUNG LUGS SO, ,JI LTAR GRANGS CAN PA DAG GIS DE LTAR KHAS BLANGS PA DE BZHIN DU, DE'I DBYE BA CUNG ZAD CUNG ZAD LA BRTEN NAS MU STEGS CAN RNAMS KYI LUGS THA DAD PAR 'GYUR TE, 'DI LTA STE BYE BRAG PA RNAMS NI, BLO DANG, BDE BA DANG, SDUG BSNGAL DANG, 'DOD PA DANG, SDANG BA DANG, 'BAD PA DANG, CHOS DANG, CHOS MA YIN PA DANG, BYA BA'I SHUGS TE, BDAG GI YON TAN DGU SMRA BAR BYED DO, ,DE LA BLO NI YUL 'DZIN PA'O, ,BDE BA NI 'DOD PA'I YUL NYAMS SU MYONG BA'O, ,SDUG BSNGAL NI DE LAS BZLOG PA'O, ,'DOD PA NI 'DOD PAR 'GYUR BA'I DNGOS PO LA RE BA 'CHA' BA'O, ,SDANG BA NI MI 'DOD PA'I YUL LA RGYAB KYIS PHYOGS PA NYID DO, ,'BAD PA NI DON BSGRUB PAR BYA BA LA DE'I MTHAR THUG PAR SEMS KYI MKHAS PA NYID DO; ,GANG LAS MNGON PAR MTHO BA DANG NGES PAR LEGS PA 'GRUB PA DE NI CHOS SO, ,DE LAS BZLOG PA NI CHOS MA YIN PA'O, ,SHES PA LAS SKYES SHING SHES PA'I RGYUR GYUR PA NYID NI 'DU BYA BA'I SHUGS SO, ,BDAG GI YON TAN DGU PO DE DAG JI SRID DU BDAG LA 'DU SHING YOD PA DE SRID @294B DU DE DAG GIS SBYAR BA'I DGE BA DANG MI DGE BA'I LAS BSGRUB PA'I PHYIR 'KHOR BAR 'GYUR LA, GANG GI TSE SKYES BU YANG DAG PAR RTOGS PA'I SHES PAS BLO LA SOGS PA'I YON TAN RNAMS RTZA BA DANG BCAS PAR GCOD PA DE'I TSE RANG GI BDAG NYID LA GNAS SHING THAR PAR 'GYUR RO, ,BDAG DE YANG RTAG PA DANG, BYED PA PO DANG, ZA BA PO DANG, YON TAN DANG BCAS PA DANG, 'KHYAB [?] PA'I PHYIR NA BYA BA MED PAR YANG SMRA'O, ,KHA CIG DAG NI BSKUM PA DANG, BRKYANG BA NYID KYIS BYA BA DANG BCAS PAR KHAS LEN TO, ,RIG BYED DU SMRA BA DAG NI BUM PA LA SOGS PA'I NAM MKHA' LTAR LUS THA DAD PAS GCIG SNA TSOGS PA NYID DO ZHES BYA BA LA SOGS PAR KHAS LEN TO, ,DE LTAR BDAG GI KHYAD PAR CUNG ZAD CUNG ZAD LA BRTEN NAS MU STEGS CAN RNAMS KYI LUGS PHAN TSUN THA DAD PAR 'GYUR RO, ,MU STEGS CAN RNAMS KYI GZHUNG LUGS RE RE LAS BDAG GANG ZHIG SMRAS PA DE NI, , MO GSHAM BU LTAR SKYE BA DANG BRAL PHYIR, ,DE LTAR GYUR PA'I BDAG NI YOD MIN ZHING, ,'DI NI NGAR 'DZIN RTEN DU 'ANG MI RIGS LA, ,'DI NI KUN RDZOB TU YANG YOD MI 'DOD, ,RANG NYID KYI RDZES SU DPAG PA DANG 'GAL BA'I PHYIR, JI SKAD SMRAS PA'I BDAG NI YOD PA MA YIN PA NYID DE, MA SKYES PA'I PHYIR TE MO GSHAM GYI BU BZHIN NO, ,'DI NI NGAR 'DZIN PA'I YUL DU YANG MI RUNG STE, MA SKYES PA NYID KYI PHYIR RO, ,'DI NI DE KHO NA NYID DU YOD PA NYID DANG, NGAR 'DZIN PA'I YUL NYID DU MI RIGS PA 'BA' ZHIG TU MA ZAD KYI, KUN RDZOB TU YANG 'DI GNYIS CHAR YANG YOD PA MA YIN NO ZHES SHES PAR BYA'O, ,'DI YOD PA NYID DANG NGAR 'DZIN PA'I RTEN NYID DU, MI RIGS PAR MA ZAD KYI GZHAN YANG, GANG PHYIR BSTAN BCOS BSTAN BCOS LAS DE'I KHYAD, ,MU STEGS RNAMS KYIS GANG BSTAN DE KUN LA, ,RANG GRAGS MA SKYES GTAN TSIGS KYIS GNOD PA, ,DE PHYIR DE KHYAD KUN KYANG YOD MA YIN, ,DE LA GRANGS CAN PA'I GZHUNG LAS NI BDAG GI KHYAD PAR RTAG PA DANG BYED PA PO MA YIN PA DANG ZA BA PO DANG YON TAN MED PAR DANG BYA BA MED PAR 'DOD DO, ,DE LA BDAG RTAG PA MA YIN ZHING BYED PA PO MA YIN PA YANG MA YIN PA NAS BYA BA MED PA'I BAR DU YANG MA YIN TE, RANG NYID @295A *, ,KYIS MA SKYES PA'I PHYIR MO GSHAM GYI BU BZHIN NO, ,DE BZHIN DU BDAG NI RTAG PA YANG MA YIN ZHING BYED PA PO YANG MA YIN TE ZHES BYA BA DE LTA BU LA SOGS PA YIN TE, RANG NYID KYIS MA SKYES PA'I PHYIR RO, ,ZHES BYE BRAG PA'I GZHUNG LA YANG BRJOD PAR BYA'O, , PHYOGS 'DIS NI BDAG TU SMRA BA THAMS CAD DU MA SKYES PA NYID KYI GTAN TSIGS DANG, MO GSHAM GYI BU'I DPES DE'I RANG GI NGO BO DANG KHYAD PAR GSAL BAR RIG PAR BYA'O, ,DE'I PHYIR DE LTAR NA, DE PHYIR PHUNG PO LAS GZHAN BDAG MED DE, ,DE'I PHYIR PHUNG PO LAS THA DAD PAR BDAG YOD PA MA YIN TE, DE DAG MA GTOGS PAR BDAG MA BZUNG BA'I PHYIR RO, ,GAL TE PHUNG PO LAS THA DAD PAR YOD NA NI, DE'I TSE SO SOR GRUB PAR BZUNG BAR 'GYUR BA ZHIG NA DE LTAR NI MA YIN PAS, ,DE'I PHYIR PHUNG PO LAS GZHAN BDAG MED DE, ,PHUNG PO MA GTOGS DE 'DZIN MA GRUB PHYIR, ,JI SKAD DU, ,BDAG NI NYE BAR LEN PA LAS, ,GZHAN DU 'THAD PA NYID MA YIN, ,GAL TE GZHAN NA LEN MED PAR, ,BZUNG YOD RIGS NA BZUNG DU MED, ,CES BYA BA DANG, DE BZHIN DU, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, , ZHES GSUNGS SO, ,PHUNG PO LAS THA DAD PA'I BDAG YOD PA NYID MA YIN PA 'BA' ZHIG TU MA ZAD KYI, GZHAN YANG, 'JIG RTEN NGAR 'DZIN BLO YI RTEN DU YANG, ,MI 'DOD DE RIGS MIN PA'ANG BDAG LTA'I PHYIR, ,GANG DAG BDAG DE'I RNAM PA DE LTA BUR MI 'DZIN PA DE DAG KYANG MNGON PAR ZHEN PA'I KHYAD PAR LAS BDAG DANG BDAG GI ZHES BDAG TU LTA BAR 'GYUR TE, DE'I PHYIR BDAG 'DI PHUNG PO LAS THA DAD PAR NGAR 'DZIN PA'I RTEN DU MI RIGS SO, ,CI STE GANG DAG DA LTA RTAG PAR DANG MA SKYES PA LA SOGS PAS KHYAD PAR DU GYUR PA DE MI SHES PA DE DAG LA YANG SNGAR GOMS PA'I DBANG GIS DE'I YUL CAN NGAR 'DZIN PA'I LTA BA YOD PAR 'GYUR RO SNYAM NA, DE YANG YOD PA MA YIN TE, KHA CIG DAG KHO NA LA DE DAG GI BSTAN BCOS LA GOMS PAR BYAS PA LAS BDAG TU LTA BA YOD PA MA YIN NO, ,GANG DAG LA SNGAR GOMS PA MED PA DE DAG LA YANG 'DIR NGAR @295B 'DZIN PA 'JUG PA MTHONG STE, 'DI LTA STE, GANG DAG DUD 'GROR BSKAL MANG SKYES GYUR PA, ,NGES KYANG MA SKYES RTAG 'DI MA MTHONG LA, ,NGAR 'DZIN DE DAG LA YANG 'JUG MTHONG STE, ,DES NA PHUNG PO LAS GZHAN BDAG 'GA' MED, ,SEMS CAN GANG DAG BSKAL PA GRANGS SU ZIN GYI 'OD RUNG DU YANG DUD 'GRO'I SKYE GNAS LAS BZLOG PAR MI 'GYUR BA DE DAG GIS KYANG RNAM PA DE LTA BU'I BDAG MA DMIGS SO, ,KYANG GI SGRAS NI DMYAL BA LA SOGS PAR SKYES PA RNAMS SDUD PA'O, ,RNAM PA DE LTA BU'I BDAG MA DMIGS PA DE DAG LA YANG NGAR 'DZIN PA 'JUG PAR MTHONG NAS SHES RAB CAN SU ZHIG BDAG RNAM PA DE LTA BU'I NGAR 'DZIN PA'I RTEN DU ZHEN PAR PHYED, DE'I PHYIR PHUNG PO LAS THA DAD PA'I BDAG MED DO, ,'DIR RANG GI SDE PA DAG NA RE, PHUNG PO LAS GZHAN BDAG GRUB MED PA'I PHYIR, ,BDAG LTA'I DMIGS PA PHUNG PO KHO NA'O, ,GANG GI PHYIR JI SKAD BSHAD PA'I RIGS PAS PHUNG PO LAS THA DAD PA'I BDAG MA GRUB PA DE'I PHYIR, PHUNG PO DAG LAS GZHAN PA'I BDAG GRUB PA MED PA'I PHYIR, 'JIG TSOGS LA LTA BA'I DMIGS PA NI PHUNG PO DAG KHO NA YIN NO, ,DE'I PHYIR BDAG NI PHUNG PO TZAM KHO NA YIN NO ZHES ZER RO, ,PHYOGS 'DI NI RANG GI SDE PA 'PHAGS PA MANG POS BKUR BA PA RNAMS KYI YIN NO, ,DE LAS KYANG, KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD, ,KHA CIG DAG NI GZUGS DANG TSOR BA DANG 'DU SHES DANG 'DU BYED DANG RNAM PAR SHES PA ZHES BYA BA PHUNG PO LNGA CHAR YANG 'JIG TSOGS LA LTA BA'I DMIGS PAR 'DOD CING BDAG TU MNGON PAR ZHEN PA 'DI YANG DE LA YIN NO ZHES SMRA STE, JI SKAD DU, BCOM LDAN 'DAS KYIS DGE SLONG DAG DGE SBYONG NGAM BRAM ZE GANG SU DAG CIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO LNGA PO 'DI DAG KHO NA LA YANG DAG PAR RJES SU LTA'O ZHES GSUNGS PA LTA BU'O, ,DE NYID KYI PHYIR DE DAG LA KHYOD CAG GI LTA BA 'DI NI 'JIG PA'I BDAG NYID CAN GYI TSOGS PA LA YIN GYI, BDAG GAM BDAG GI BA LA NI MA YIN NO ZHES GSAL BAR MDZAD PA'I SLAD DU BDAG DANG BDAG GI BA'I RNAM PAR ZHUGS @296A *, ,BA'I LTA BA LA 'JIG TSOGS LA LTA BAR GSUNGS SO ZHES SMRAS SO, ,GZHAN DAG NI SEMS LA BDAG GO ZHES 'DOD DE, ,BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR THUL BAS NI, ,MKHAS PAS MTHO RIS THOB PAR 'GYUR, ,ZHES TSIGS SU BCAD PA LAS, ,SEMS NYID LA BDAG GI SGRAR GSUNGS SO, ,'DI GANG LAS SHE NA, PHUNG PO LAS THA DAD PA'I BDAG MED PA'I PHYIR DANG, MDO GZHAN DAG LAS KYANG SEMS 'DUL BAR GSUNGS PA'I PHYIR TE, SEMS 'DUL BA NI LEGS PA STE, ,SEMS THUL BAS NI BDE BA 'DREN, ,ZHES BYA BA DE LAS SO, ,DE'I PHYIR NGAR 'DZIN PA'I GZHI SEMS LA BDAG CES GDAGS SO ZHE'O, ,'DI LA LAN BRJOD PAR BYA STE, GAL TE PHUNG PO BDAG NA DE PHYIR TE, ,MANG BAS BDAG DE DAG KYANG MANG POR 'GYUR, ,BDAG NI RDZAS SU 'GYUR ZHING DER LTA BA, ,RDZAS LA 'JUG PAS PHYIN CI LOG MI 'GYUR, ,DE LA PHUNG PO RNAMS BDAG YIN NO ZHES BYA BA'I PHYOGS GANG GI YIN PA DE'I LTAR NA PHUNG PO RNAMS MANG BA'I PHYIR BDAG KYANG MANG POR 'GYUR RO, ,GANG GI LTAR NA SEMS BDAG YIN PA DE'I LTAR NA YANG MIG LA SOGS PA'I RNAM PAR SHES PA'I DBYE BAS SAM, SKAD CIG RE RE LA RNAM PAR SHES PA SKYE BA DANG 'GAG PAS MANG BA'I PHYIR BDAG KYANG MANG POR 'GYUR RO, ,YANG NA JI LTAR RIGS PA BZHIN DU SKYON BRJOD PAR BYA'O, ,DE LTAR NYES PA 'DI PHUNG PO DANG RNAM PAR SHES PA BDAG TU SMRA BA LA BRJOD PAR BYA ZHING, 'CHAD PAR 'GYUR BA'I NYES PA GZHAN YANG 'DI LA 'BAB PA KHO NA YIN PAS PHYOGS GNYI GA LA YANG BRJOD PAR BYA'O, ,'JIG RTEN SKYE BA NA GANG ZAG NYAG GCIG SKYE'O ZHES BYA BA'I LUNG LAS NA, BDAG NI MANG BA DAG TU 'DOD PA YANG MA YIN NO, ,BDAG NI RDZAS SU 'GYUR ZHING STE, GZUGS LA SOGS PA'I RDZAS 'DAS PA LA SOGS PA'I DBYE BA THA DAD PAR GYUR PA RNAMS KHO NA LA PHUNG PO NYID DU BRJOD PA'I PHYIR DANG, DE RNAMS KHO NA LA BDAG TU BSNYAD PA'I PHYIR BDAG RDZAS SU YOD PAR 'GYUR NA, DGE SLONG DAG LNGA PO 'DI RNAMS NI MING TZAM THA SNYAD TZAM BTAGS PA TZAM STE, GANG 'DI LTA STE, 'DAS PA'I DUS DANG MA 'ONGS PA'I @296B DUS DANG, NAM MKHA' DANG MYA NGAN LAS 'DAS PA DANG, GANG ZAG GO ZHES BYA BA DANG, DE BZHIN DU, JI LTAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES BYA BA 'DI LAS NA 'DOD PA YANG MA YIN NO, ,DE'I PHYIR BDAG RDZAS SU YOD PAR THAL BAR 'GYUR BA'I PHYIR NA PHUNG PO RNAMS BDAG MA YIN NO, ,GZHAN YANG 'JIG TSOGS LA LTA BA RDZAS KYI YUL CAN MA YIN PA'I PHYIR NA, SNGON PO DANG SER PO LA SOGS PA'I SHES PA LTAR PHYIN CI LOG NYID DU MI 'GYUR RO, ,DE'I PHYIR 'JIG TSOGS LA LTA BA KUN TU 'BYUNG BA SPANGS PAR MI 'GYUR BA'AM, SNGON PO DANG SER PO LA SOGS PA TZAM LA DMIGS PA'I MIG GI SHES PA LTAR DE LA DMIGS PA'I BDUN PA'I 'DOD CHAGS SPANGS PA KHO NAS SPONG BAR 'GYUR RO, ,GZHAN YANG, MYA NGAN 'DAS TSE NGES PAR BDAG CHAD 'GYUR, ,MYA NGAN 'DAS SNGON SKAD CIG DAG LA NI, ,SKYE 'JIG BYED PO MED PAS DE 'BRAS MED, ,GZHAN GYIS BSAGS LAS GZHAN GYIS ZA BAR 'GYUR, ,GAL TE BDAG PHUNG PO'I RANG BZHIN CAN YIN NA MYA NGAN LAS 'DAS PA'I TSE PHUNG PO LNGA CHAR YANG RGYUN 'CHAD PAS BDAG CHAD PAR 'GYUR RO,, DE'I PHYIR CHAD PA'I MTHAR 'DZIN PAS MTHAR LTE BAR THAL BAR 'GYUR TE, GANG GI PHYIR KHYED CAG GI NI BDAG DANG BDAG GI BA'I RNAM PA CAN 'JIG TSOGS LA LTA BAS BDAG NYID DU GANG BZUNG BA DE NYID LA RTAG PA DANG CHAD PAR 'DZIN PAS MTHAR 'DZIN PAR LTA BAR RNAM PAR GZHAG PA'I PHYIR RO, ,DE'I PHYIR BDAG NI MYA NGAN LAS 'DAS PA'I DUS SU YANG RGYUN CHAD PAR KHAS BLANG BAR MI BYA STE MTHAR 'DZIN PAR LTA BAR THAL BAR 'GYUR BA'I PHYIR RO, ,DE'I PHYIR BDAG NI PHUNG PO'I BDAG NYID CAN MA YIN NO, ,MYA NGAN LAS 'DAS PAR ZHUGS PA'I SNGA ROL GYI SKAD CIG DAG TU JI LTAR PHUNG PO RNAMS SKAD CIG RE RE LA SKYE ZHING 'JIG PA DE BZHIN DU, BDAG KYANG SKYE ZHING 'JIG PA CAN DU 'GYUR TE, BDAG PHUNG PO'I RANG BZHIN CAN YIN PA'I PHYIR RO, ,DE'I PHYIR JI LTAR NGA'I LUS 'DI BYUNG BAR GYUR TO ZHES BYA BA MA YIN PA DE BZHIN DU DE'I TSE DE'I DUS NA, NGA RGYAL PO NGA LA @297A *, ,NU ZHES BYA BAR GYUR TO ZHES BYA BA 'DI YANG GSUNG BAR MI 'GYUR TE, DE'I TSE BDAG KYANG LUS LTAR ZHIG PA'I PHYIR DANG, 'DIR GZHAN NYID SKYE BAR KHAS BLANGS PA'I PHYIR RO, ,BSTAN BCOS LAS KYANG, NYE BAR LEN NYID BDAG MA YIN, ,DE DAG 'BYUNG DANG 'JIG PA YIN, ,NYE BAR BLANG BA JI LTA BUR, ,NYE BAR LEN PO YIN PAR 'GYUR, ,ZHES BYA BA DANG, DE BZHIN DU, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES GSUNGS SO, ,SKYE BA DANG 'JIG PA NYID YOD NA YANG BYED PA PO BDAG MED PAS DE'I 'BRAS BU MED PA NYID DU 'GYUR TE, GAL TE LAS GANG GIS BYAS PA DE MI RTAG PA NYID DU 'GYUR NA, DE'I TSE BYED PA PO MED PAS LAS LA YANG RTEN MED PA'I PHYIR MED PAS LAS RNAMS 'BRAS BU DANG 'BREL PA MED PA NYID DU 'GYUR RO, ,GAL TE SKAD CIG SNGA MAS BYAS PA'I LAS KYI 'BRAS BU SKAD CIG PHYI MA RNAMS SU NYE BAR LONGS SPYOD NA, DE'I TSE GZHAN GYIS BSAGS PA'I LAS KYI RNAM PAR SMIN PA GZHAN GYIS LONGS SPYOD PA'I PHYIR, GZHAN GYIS BSAGS PA'I LAS GZHAN GYIS ZA BAR 'GYUR RO, ,DE'I PHYIR BYAS PA CHUD ZOS PA DANG MA BYAS PA DANG PHRAD PAR 'GYUR RO, ,BSTAN BCOS LAS KYANG, GAL TE 'DI NI GZHAN GYUR NA, ,DE MED PAR YANG 'BYUNG BAR 'GYUR, ,DE BZHIN DU NI GNAS 'GYUR ZHING, ,DER MA SHI BAR SKYE BAR 'GYUR, ,CHAD DANG LAS RNAMS CHUD ZA DANG, ,GZHAN GYIS BYAS PA'I LAS RNAMS NI, ,GZHAN GYIS SO SOR MYONG BA DANG, ,DE LA SOGS PA THAL BAR 'GYUR, ,ZHES GSUNGS SO, ,DE'I PHYIR PHUNG PO RNAMS BDAG YIN NO ZHES BYA BAR MI RIGS SO, ,'DIR SMRAS PA, GAL TE YANG SKAD CIG SNGA PHYI DAG GZHAN YIN MOD KYI, DE LTA NA YANG, RGYUD 'DI GCIG KHO NA YIN PAS KHO BO CAG LA NYES PA 'DI MED DO, ,BRJOD PAR BYA STE, DE NYID DU RGYUD YOD NA SKYON MED DE, ,SNGAR RNAMS DPYAD TSE RGYUD LA NYES BSHAD ZIN, ,BYAMS PA NYER SBAS LA BRTEN CHOS RNAMS NI, ,ZHES BYA BA DER NGO, ,GAL TE LHA LAS MI GZHAN NA, ,DE LTA NA NI MI RTAG 'GYUR, ,GAL TE LHA MI GZHAN YIN NA, ,RGYUD NI 'THAD PAR MI 'GYUR RO, ,ZHES GSUNGS PA'ANG YIN NO, ,DE'I @297B PHYIR DE LTAR PHAN TSUN MTSAN NYID THA DAD PA RNAMS LA RGYUD GCIG TU GTOGS PA NYID MI RIGS PA KHO NA YIN PAS THAL BAR 'GYUR BA LDOG PA MED DO, ,DE'I PHYIR PHUNG PO RNAMS BDAG NYID MA YIN ZHING SEMS KYANG MA YIN NO ZHES BSTAN PA'I PHYIR BSHAD PA, DE'I PHYIR PHUNG PO DANG SEMS BDAG MI RIGS, JI SKAD DU BSHAD PA'I NYES PAR THAL BAR 'GYUR BA LAS PHUNG PO RNAMS DANG SEMS BDAG TU MI 'THAD PA 'BA' ZHIG TU MA ZAD KYI, 'DI LAS KYANG STE, 'JIG RTEN MTHA' LDAN LA SOGS MED PHYIR RO, ,GANG GI PHYIR 'JIG RTEN MTHA' DANG LDAN PA NYID LA SOGS PA MED PAR 'DON PA DE'I PHYIR PHUNG PO RNAMS DANG SEMS DAG YIN NO ZHES BYA BAR MI RIGS SO, ,'DI NI LUNG DU MA BSTAN PA'I DNGOS PO BCU BZHI NI SDE PA THAMS CAD KYIS 'DON PA YIN TE, 'DI LTA STE, 'JIG RTEN RTAG GO ZHES BYA BA DANG, 'JIG RTEN MI RTAG GO ZHES BYA BA DANG, RTAG KYANG RTAG LA MI RTAG KYANG MI RTAG GO ZHES BYA BA DANG, RTAG PA YANG MA YIN MI RTAG PA YANG MA YIN NO ZHES BYA BA LA SOGS PA'O, ,'DI DAG NI BRDA SPRAD PAR BYA BA MA YIN NO ZHES BCOM LDAN 'DAS KYIS GSUNG PA'I PHYIR LUNG DU MA BSTAN PA'I DNGOS POR RNAM PAR GZHAG GO, ,DE LTAR BKAG PA DANG, DGE SLONG ZHIG GAL TE 'JIG RTEN RTAG GO ZHES BYA BAR 'DZIN NA, SHAR GYI RI BO'I SDE PA'I GZHUNG LAS, 'JIG RTEN RTAG GO ZHES BYA BA DE LTA BU'I LTA BA CAN DE LA YANG BSKRAD PA'I LAS BYA'O, ,'JIG RTEN MI RTAG GO ZHES BYA BA DE LTA BU'I LTA BA CAN DE LA YANG BSKRAD PA'I LAS BYA'O, ,'JIG RTEN RTAG KYANG RTAG LA MI RTAG KYANG MI RTAG GO ZHES BYA BA DE LTA BU'I LTA BA CAN DE LA YANG BSKRAD PA'I LAS BYA'O, ,'JIG RTEN RTAG PA YANG MA YIN MI RTAG PA YANG MA YIN ZHES BYA BA DE LTA BU'I LTA BA CAN DE LA YANG BSKRAD PA'I LAS BYA'O ZHES BYA BA DE DANG MI 'GROGS PA NYID DU BSHAD DO, ,DE LTAR LUNG DU MA BSTAN PA'I DNGOS PO BCU BZHI CHAR BRJOD PAR BYA'O, ,DE'I PHYIR GAL TE 'JIG RTEN GYI SGRAS PHUNG PO RNAMS 'DZIN NA, DE'I TSE PHUNG PO RNAMS SKYE BA DANG 'JIG PA NYID KYIS MI RTAG PA'I PHYIR 'JIG RTEN MI RTAG PA NYID CES BYA BAR YANG LUNG DU BSTAN PAR 'GYUR LA, MYA NGAN LAS 'DAS @298A *, ,PA'I 'OG ROL DU PHUNG PO RNAMS MED PAS 'JIG RTEN MTHA' DANG LDAN NO ZHES BYA BAR LUNG BSTAN PAR YANG 'GYUR RO, ,DE BZHIN DU DE BZHIN GSHEGS PA GRONGS PHAN CHAD YOD PA MA YIN NO ZHES BYA BAR YANG LUNG BSTAN PAR 'GYUR RO, ,DE'I PHYIR 'JIG RTEN MTHA' DANG LDAN PA LA SOGS BKAG PA'I PHYIR PHUNG PO RNAMS KHO NA BDAG YIN NO ZHES BYA BAR MI RIGS SO, ,GZHAN YANG, KHYOD KYI RNAL 'BYOR BDAG MED MTHONG BA LA, ,DE TSE NGES PAR DNGOS RNAMS MED PAR 'GYUR, ,GAL TE PHUNG PO RNAMS SAM SEMS BDAG YIN NA, GANG GI TSE RNAL 'BYOR PA 'DIS BDEN PA MTHONG BA'I DUS SU CHOS THAMS CAD NI BDAG MED PA'O ZHES BDAG MED PA'I RNAM PAR SDUG BSNGAL GYI BDEN PA MTHONG BA DE'I TSE PHUNG PO MED PAR MTHONG BA BDAG MED PAR MTHONG BAR 'GYUR NA, DE LTAR NI 'DOD PA YANG MA YIN TE, DE'I PHYIR PHUNG PO RNAMS BDAG MA YIN NO, ,CI STE GANG GI TSE LAS DANG 'BRAS BU 'BREL BA'I DUS SU BDAG GI SGRA SBYOR BA DE'I TSE BDAG GZHAN MI SRID PA'I PHYIR, PHUNG PO RNAMS KHO NA LA 'JUG PA GANG GI TSE BDAG MED PAR MTHONG BA DE'I TSE NI GZHAN GYIS KUN BRTAGS PA NANG GI BYED PA'I SKYES BU NYID LA 'JUG STE, DE'I PHYIR BDAG MED PAR MTHONG BA'I DUS SU YANG NANG GI BYED PA'I SKYES BU DANG BRAL BA 'DU BYED TZAM MTHONG BA LA DNGOS PO RNAMS MED PAR MTHONG BAR THAL BAR MI 'GYUR RO SNYAM NA, BRJOD PAR BYA STE, RTAG BDAG SPONG NA DE TSE DE YI PHYIR, ,KHYOD KYIS SEMS SAM PHUNG PO BDAG MI 'GYUR, ,GAL TE YANG DNGOS PO RNAMS MED PAR MTHONG BAR THAL BAR 'GYUR BAS 'JIGS NAS, BDAG GI SGRAS BDAG RTAG PA NYID YONGS SU 'DZIN ZHING PHUNG PO RNAMS SAM SEMS BDAG TU MI 'DOD NA, DE LTA NA NI 'O NA PHYOGS NYAMS PAR 'GYUR RO, ,CI STE RNAM PA DE LTA BU'I YUL LA 'DI 'JUG PAR MI 'DOD DE, DE'I PHYIR SKYON MED DO SNYAM NA, 'DI YANG YOD PA MA YIN TE, 'DIR NI NANG GI BYED PA'I SKYES BU BDAG YIN LA GZHAN DU NI PHUNG PO RNAMS YIN NO ZHES 'DOD DGUR SPYOD PA RIGS PA MED PAR 'DI KO GA LAS RNYED PA YIN, MI SRID PA'I PHYIR RO ZHE NA, PHUNG PO RNAMS LA YANG 'DI 'JUG PA SRID PA YOD PA MA @298B YIN NO ZHES BSTAN ZIN TO, ,DE'I PHYIR GAL TE CHOS THAMS CAD NI BDAG MED PA'O ZHES BYA BA 'DIR BDAG GI SGRA PHUNG PO RNAMS LA 'JUG PAR MI 'DOD NA GZHAN DU YANG MI 'DOD PAR BYA DGOS SO, ,CI STE GZHAN DU PHUNG PO LA 'JUG PAR 'DOD NA NI DE 'DIR YONG 'DOD PAR BYA DGOS SO, , GZHAN YANG, KHYOD KYI RNAL 'BYOR BDAG MED MTHONG BA YI, ,GZUGS SOGS DE NYID RTOGS PAR MI 'GYUR ZHING, ,GZUGS LA DMIGS NAS 'JUG PHYIR 'DOD CHAGS SOGS, ,SKYE 'GYUR DE YI NGO BO RTOGS MED PHYIR, ,ZE'U 'BRU LA KHU BYUG YOD CES TE DE TZAM GYIS NI ZE 'BRU'I MNGAR PO NYID MA MYANGS PAR SUS KYANG DE'I MNGAR PO NYID DMIGS PA MA YIN LA DE LA KHU BYUG MED CES TE RO MYANGS BZHIN DU YANG MNGAR BA NYID MA DMIGS PA MA YIN ZHING DER GTOGS PA'I MNGON PAR ZHEN PA SPONG BA YANG MA YIN NO, ,DE BZHIN DU 'DIR YANG GAL TE RNAL 'BYOR BAS GZUGS LA SOGS PA'I CHOS RNAMS RTAG PA'I BDAG DANG BRAL BA DE LTAR MTHONG NA, DE'I TSE DE'I RANG BZHIN YONGS SU MA SHES PAS DE LA CI ZHIG 'BYUNG BAR 'GYUR, YANG NA GZUGS LA SOGS PA RNAMS KYI RANG GI NGO BO DMIGS PAS DE LA DMIGS PA'I 'DOD CHAGS LA SOGS PA SPONG NA YANG BDAG GI DNGOS PO MED PA LA CI ZHIG 'BYUNG BAR 'GYUR TE, GANG GIS NA DE MED PAR YONGS SU SHES PA LAS DE YUL DAG LA CHAGS PA LA SOGS PA RNAMS SPONGS BAR 'GYUR BA 'GA' YANG NANG GI BYED PA'I SKYES BU 'DE BAR GYUR CIG ,CES BDE BA MYONG BAR 'GYUR BA'I YUL BSTEN PAR MI BYED LA, DE SDUG BSNGAL BAR DOGS PAS MI 'DOD PA'I YUL DANG PHRAD PA SPONG BAR YANG MI BYED DO, ,DE'I PHYIR GZUGS LA DMIGS NAS 'JUG PA'I PHYIR NA 'DOD CHAGS LA SOGS PA RNAMS SKYE BAR 'GYUR TE, DE'I RANG GI NGO BO YONGS SU SHES PA 'DOD CHAGS LA SOGS PA SPONG PA'I RGYU MED PA'I PHYIR TE, PHYIR ROL PA BZHIN NO SNYAM DU BSAMS PA'O, ,CI STE KHO BO CAG LUNG TSAD MAR BYED PA LA RTOG GE'I TSAD MAS GNOD PA MA YIN LA LUNG GIS KYANG PHUNG PO RNAMS KHO NA BDAG NYID DU STON PAR BYED DE, JI SKAD DU, DGE SLONG DAG DGE SBYONG NGAM BRAM ZE @299A *, ,GANG SU DAG CIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO LNGA PO 'DI DAG KHO NA LA YANG DAG PAR RJES SU BLTA'O ZHES GSUNGS PA LTA BU STE, DE BZHIN DU 'DIR YANG YIN NO SNYAM NA, GANG PHYIR STON PAS PHUNG PO BDAG GO ZHES, , GSUNGS PA DE PHYIR PHUNG PO BDAG 'DOD NA, ,DE NI PHUNG PO LAS GZHAN BDAG 'GOG STE, ,GZUGS BDAG MIN SOGS MDO GZHAN GSUNGS PHYIR RO, ,MO 'DIS NI GANG LAS PHUNG PO RNAMS BDAG CES BYA BAR YID CHES PAR 'GYUR BA PHUNG PO RNAMS BDAG NYID DU GSAL BAR BYED PA MA YIN PA NYID DE, 'O NA CI ZHE NA, BCOM LDAN 'DAS KYI DGONGS PA NI PHUNG PO LAS THA DAD PA'I BDAG 'GA' YANG YOD PA MA YIN NO ZHES BYA BA STE, KUN RDZOB KYI BDEN PA LA LTOS NAS MU STEGS CAN GYI GZHUNG DGAG PAR BYA BA'I PHYIR DANG KUN RDZOB KYI BDEN PA PHYIN CI MA LOG PAR GSAL BAR BYA BA'I PHYIR RO, ,YANG 'DI NI PHUNG RNAMS LAS GZHAN PA'I BDAG 'GOG PA YIN NO ZHES BYA BA 'DI DE LTAR GA LAS NGES SHE NA, MDO GZHAN LAS GZUGS LA SOGS PA RNAMS KYANG BDAG NYID YIN PA BKAG PA'I PHYIR RO, ,CI LTAR ZHE NA, GANG PHYIR GZUGS TSOR BDAG MIN 'DU SHES KYANG, MA YIN 'DU BYED RNAMS MIN RNAM SHES KYANG, ,MIN PAR MDO GZHAN LAS GSUNGS DE YI PHYIR, ,MDOR BSTAN PHUNG PO BDAG CES BZHED MA YIN, ,DE'I PHYIR NYE BAR LEN PA'I PHUNG PO LNGA PO 'DI DAG KHO NA LA BDAG GO SNYAM DU YANG DAG PAR RJES SU BLTA'O ZHES BYA BA'I MDO 'DI LAS PHUNG PO LAS THA DAD PA'I BDAG BKAG PA KHO NAR NGES SO, ,GANG LAS GZUGS LA SOGS PA RNAMS KYANG BDAG NYID YIN PA BKAG PA DE LAS NI BRTEN NAS GDAGS PA'I BDAG 'JIG TSOGS LA LTA BA'I YUL PHUNG PO'I NYE BAR LEN PA CAN BKAG GO ZHES BYA BAR RIG PAR BYA STE, DE KHO NA NYID SEMS PA'I SKABS SU BAB PA'I PHYIR RO, ,GANG GI PHYIR NYE BAR LEN PA PO MA DMIGS NA DE'I NYE BAR LEN PA YANG YOD PA MA YIN NO ZHES GZUGS LA SOGS BDAG LA YANG 'DOD CHAGS DANG BRAL BAR 'THAD PA NYID DO, ,GANG GI PHYIR MDO GZHAN LAS DE SKAD DU GSUNGS PA DE'I PHYIR, SNGAR GYI MDOR BSTAN PHUNG PO BDAG @299B CES BZHED MA YIN, ,GZHAN YANG MDO SDE BSTAN PA 'DI NI SGRUB PA'I TSUL DU NGES KYANG PHUNG PO RNAMS BDAG YIN PA NYID DU STON PAR NUS PA MA YIN NO, ,CI'I PHYIR ZHE NA, 'DI LTAR, PHUNG PO BDAG CES BRJOD TSE PHUNG RNAMS KYI, ,TSOGS PA YIN GYI PHUNG PO'I NGO BO MIN, ,DPER NA SHING RNAMS NI NAGS TSAL LO ZHES BRJOD PA NA SHING GI TSOGS PA NAGS TSAL YIN GYI, SHING RE RE DAG LA YANG NAGS SU THAL BAR 'GYUR BA'I PHYIR, SHING GI NGO BO NI MA YIN PA DE BZHIN DU, PHUNG PO TSOGS PA NYID BDAG TU 'GYUR RO, ,DE'I PHYIR TSOGS PA NI CI YANG MA YIN PA NYID KYI PHYIR, MGON MIN 'DUL BA 'AM DBANG PO NYID KYANG MIN, ,DE MED PHYIR DE TSOGS PA MA YIN NO, ,GANG BCOM LDAN 'DAS KYIS JI SKAD DU, BDAG NYID BDAG GI MGON YIN TE, ,BDAG NYID BDAG GI DGRA YANG YIN, ,LEGS DANG NGAN PA BYAS PA LA, ,BDAG NYID BDAG GI DBANG PO YIN, ,ZHES BYA BA DE LAS MGON NYID DANG DBANG PO NYID DU GSUNGS LA, BDAG NYID LEGS PAR DUL BAS NI, ,MKHAS PAS MTHO RIS THOB PAR 'GYUR, ,ZHES BYA BA 'DI LAS 'DUL BAR GSUNGS NAS, TSOGS PA TZAM PO RDZAS SU YOD PA MA YIN PA NYID NI MGON NYID DANG 'DUL BA'AM DBANG PO NYID DU RIGS PA YANG MA YIN NO, ,DE'I PHYIR TSOGS PA BDAG MA YIN NO, ,JI STE TSOGS PA CAN LAS THA DAD DU MED PA'I PHYIR 'BRAS BU NI TSOGS PA CAN RNAMS KYI YIN PAR RTOGS PAR 'GYUR RO, ,DE'I PHYIR MGON NYID DANG 'DUL BA DANG DBANG PO NYID RIGS PAR 'GYUR RO SNYAM NA, 'DIR YANG YOD PA MA YIN TE, 'DI LA NYES PA BSHAD ZIN PA'I PHYIR RO, ,GZHAN YANG, DE TSE DE YI YAN LAG TSOGS GNAS RNAMS, ,SHING RTA NYID 'GYUR SHING RTA DANG BDAG MTSUNGS, ,MDO LAS KYANG, BDAG CES BYA BA BDUD KYI SEMS, ,KHYOD NI LTA BAR GYUR PA YIN, ,'DU BYED PHUNG PO 'DI STONG STE, ,'DI LA SEMS CAN YOD MA YIN, ,JI LTAR YAN LAG TSOGS RNAMS LA, ,BRTEN NAS SHING RTA BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES GSUNGS SO, DE LTAR NA, MDO LAS @300A *, ,PHUNG PO BRTEN NAS YIN GSUNGS PA, ,DE PHYIR PHUNG PO 'DUS TZAM BDAG MA YIN, ,GANG ZHIG LA BRTEN NAS GANG BTAGS PA DE NI BTAGS PA NYE BAR LEN PA'I YAN LAG TSOGS PA TZAM MA YIN TE, BRTEN NAS BTAGS PA'I PHYIR 'BYUNG BA LAS GYUR PA BZHIN NO, , JI LTAR 'BYUNG BA DAG RGYUR BYAS NAS 'BYUNG BA LAS GYUR PA SNGON PO LA SOGS PA DANG MIG LA SOGS PA BTAGS MOD KYI, DE GNYIS 'BYUNG BA 'DUS PA TZAM NYID NI MA YIN NO, ,DE BZHIN DU BDAG PHUNG PO RGYUR BYAS NAS BTAGS PA'I RANG BZHIN CAN YANG PHUNG PO TSOGS PA TZAM YIN PAR MI RUNG NGO; ,BUM PA LA SOGS PA RNAMS KYI MA NGES PA NYID DO ZHE NA, DE YANG YOD PA MA YIN TE, BUM PA LA SOGS PA RNAMS KYANG GZUGS LA SOGS PA TSOGS PA TZAM NYID YIN PAR MA GRUB PA'I PHYIR DANG, BRGAL ZHING BRTAGS PA MTSUNGS PA'I PHYIR RO, ,CI STE 'PHANG LO LA SOGS PA TSOGS PA TZAM NYID NI SHING RTA MA YIN TE, 'O NA CI ZHE NA, GANG GI TSE 'PHANG LO LA SOGS PA RNAMS DBYIBS KHYAD PAR CAN DANG LDAN PAR GYUR PA DE'I TSE SHING RTA'I MING RNYED PAR 'GYUR RO, ,DE BZHIN DU GZUGS LA SOGS PA RNAMS KYI BKOD PA TZAM BDAG YIN NO SNYAM NA, DE YANG YOD PA MA YIN NO, ,CI'I PHYIR ZHE NA, DBYIBS SHE NA, DE GZUGS CAN LA YOD PHYIR, KHYOD LA DE DAG NYID BDAG CIS 'GYUR GYI, ,SEMS SOGS TSOGS NI BDAG NYID 'GYUR MIN TE, ,CI'I PHYIR ZHE NA, GANG PHYIR DE DAG LA DBYIBS YOD MA YIN, GZUGS CAN MA YIN PA'I PHYIR RO SNYAM DU BSAMS PA'O, ,GZHAN YANG, LEN PO RANG NYER LEN GCIG RIGS DNGOS MIN, ,CI'I PHYIR ZHE NA, DE LTAR NA LAS BYED PO GCIG NYID 'GYUR, 'DIR NYE BAR LEN PAR BYED PAS NA LEN PO STE BYED PA PO YIN LA NYE BAR BLANGS PA NA NYE BAR LEN PA STE LAS SO, ,'DIR NYE BAR LEN PA PO NI BDAG YIN LA, NYE BAR LEN PA NI PHUNG PO LNGA RNAMS YIN NO, ,DE LA GAL TE GZUGS LA SOGS PA TSOGS PA TZAM ZHIG BDAG YIN NA NI DE'I TSE BYED PA PO DANG LAS GCIG TU 'GYUR NA, 'DI NI 'DOD PA YANG MA YIN TE, 'BYUNG BA DANG RGYUR BYAS PA'I GZUGS DAG DANG BUM @300B PA DANG RDZA MKHAN DAG KYANG GCIG NYID DU THAL BAR 'GYUR BA'I PHYIR RO, ,JI SKAD DU, BUD SHING GANG DE ME YIN NA, ,BYED PA PO DANG LAS GCIG 'GYUR, ,ZHES BYA BA DANG, ME DANG SHING GIS BDAG DANG NI, ,NYE BAR BLANG BA'I RIM PA KUN, ,BUM SNAM SOGS DANG LHAN CIG TU, , MA LUS PAR NI RNAM PAR BSHAD, ,CES GSUNGS SO, ,'DIR JI LTAR ME DANG BUD SHING DAG GCIG NYID DU MI 'DOD PA DE BZHIN DU, BDAG DANG NYE BAR LEN PA DAG LA YANG MI 'DOD PAR BYA DGOS SO, ,CI STE GANG ZHIG BYED PA PO NYID DU 'GYUR BA NYE BAR LEN PA PO NI 'GA' YANG YOD PA MA YIN PA NYID DE, 'DI NI NYE BAR LEN PA 'DUS PA TZAM ZHIG TU ZAD DO SNYAM DU SEMS NA, DE YANG MI RIGS PA NYID DU BSHAD PA, BYED PO MED LAS YOD SNYAM BLO YIN NA, ,MA YIN GANG PHYIR BYED PO MED LAS MED, ,DE NI DE LTAR MA YIN TE, GAL TE BYED PA PO MI 'DOD NA RGYU MED PA'I LAS KYANG 'DOD PAR MI BYA'O, ,BSTAN BCOS LAS KYANG, DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,BYED PA PO DANG LAS DAG GIS, ,DNGOS PO LHAG MA SHES PAR BYA, ,ZHES GSUNGS SO, ,'DIR DNGOS PO LA L'A tA'I RKYEN BYAS NAS NYE BAR LEN PAS NA NYE BAR LEN PA PO ZHES BYA BA YIN LA, DNGOS PO YANG SGRUB PAR BYED PA MED PAR 'BYUNG BA MA YIN PAS, RANG GI SGRUB PAR BYED PA NYE BAR BLANG BA DANG NYE BAR LEN PA PO NYE BAR 'JOG PA YIN NA, NYE BAR LEN PA'I SBRAS NI KRi TA DANG L'A tA NI PHAL CHER RO ZHES BYA BAS LAS LA L'A tA'I RKYEN BYAS NAS NYE BAR BLANG BAR BYA BA LAS KYANG BRJOD PA NYID DO, ,DE'I PHYIR JI LTAR BYED PA PO LA BRTEN NAS LAS SU GDAGS PAR BYA LA, LAS LA BRTEN NAS KYANG BYED PA PO YIN PA DE BZHIN DU NYE BAR BLANG BA LA BRTEN NAS NYE BAR LEN PA POR GDAGS PAR BYA LA, NYE BAR LEN PA PO DE NYID LA BRTEN NAS NYE BAR BLANG BA YIN NO, ,YANG DE LTAR LAN PAS GZHAN MA YIN, ,DE NI NYER LEN NYID KYANG MIN, ,BDAG NI NYE BAR LEN MED MIN, ,MED PA NYID DU'ANG DE MA NGES, ,ZHES GSUNGS SO, ,DE'I PHYIR DE LTAR BYED PA PO MED PA NA LAS KYANG YOD PA MA YIN NO ZHES SHES PAR @301A *, ,BYA'O, ,YANG GANG LAS BYED PA PO NI MA DMIGS KYI LAS KYANG YOD LA RNAM PAR SMIN PA YANG YOD DO ZHES BRJOD PA DE LAS NI BYED PA PO RANG BZHIN DU GYUR PA BKAG PAR SHES PAR BYA'I, BRTEN NAS GDAGS PAR BYA BA THA SNYAD KYI YAN LAG TU GYUR PA YANG BKAG GO ZHES BYA BA NI SHES PAR MI BYA'O, ,DE SKAD DU YANG, MA RIG PA DANG RJES SU 'BREL PA'I GANG ZAG 'DI NI BSOD NAMS MNGON PAR 'DU BYA BA YANG MNGON PAR 'DU BYED DO ZHES RGYA CHER GSUNGS SO, ,GZHAN YANG, GANG PHYIR THUB PAS BDAG DE SA CHU ME, ,RLUNG DANG RNAM SHES NAM MKHA' ZHES BYA BA, ,KHAMS DRUG DANG NI MIG SOGS REG PA YI, ,RTEN DRUG DAG LA BRTEN NAS NYER BSTAN ZHING, ,SEMS DANG SEMS BYUNG CHOS RNAMS NYER BZUNG NAS, ,DES GSUNGS DE PHYIR DE NI DE RNAMS DANG, ,DE NYID MA YIN TSOGS PA TZAM NYID DE, ,DE PHYIR NGAR 'DZIN BLO DE RNAMS LA MIN, , MDO SDE LAS, RGYAL PO CHEN PO SKYES BU GANG ZAG DE NI KHAMS DRUG DANG, REG PA'I SKYE MCHED DRUG DANG, YID KYI NYE BAR RGYU BA BCO BRGYAD DO ZHES GSUNGS SO, ,DE LA KHAMS DRUG NI SA DANG CHU DANG ME DANG RLUNG DANG RNAM PAR SHES PA DANG NAM MKHA' STE, DE DAG LA BRTEN NAS BDAG TU BTAGS SO, ,MIG LA SOGS PA REG PA'I RTEN DRUG NI MIG GI 'DUS TE REG PA'I SKYE MCHED NAS YID KYI 'DUS TE REG PA'I SKYE MCHED KYI BAR DU STE, DE DAG LA BRTEN NAS BDAG TU BTAGS SO, ,YID KYI NYE BAR RGYU BA BCO BRGYAD NI, GZUGS DANG SGRA DANG DRI DANG RO DANG REG BYA DANG CHOS LA DMIGS PA'I YID BDE BA'I NYE BAR RGYU BA DRUG DANG, DE BZHIN DU YID MI BDE BA'I NYE BAR RGYU BA DANG, DE BZHIN DU BTANG SNYOMS KYI NYE BAR RGYU BA STE, DE DAG LA BRTEN PA DANG, SEMS DANG SEMS LAS BYUNG BA'I CHOS RNAMS NYE BAR BZUNG NAS BDAG TU GDAGS SO, ,GANG GI PHYIR KHAMS LA SOGS PA DE RNAMS KYI SGO NAS BDAG TU GDAGS SO ZHES BYA BAR GSUNGS PA DE'I PHYIR DE RNAMS DANG DE NYID MA YIN TE, GZHAN MA YIN PA NYID MA YIN NO ZHES BYA BA'I DON TO, ,DE TSOGS PA TZAM NYID DU YANG RIGS PA MA YIN NO, ,GANG GI PHYIR JI SKAD BSHAD PA'I @301B CHOS DE RNAMS BDAG NYID DU MI RUNG BA DE'I PHYIR NA CHOS DE RNAMS LA NGAR 'DZIN PA'I BLO MI RIGS SO, ,GANG GI TSE DE LTAR PHUNG PO RNAMS NGAR 'DZIN PA'I YUL YANG MA YIN LA, PHUNG PO LAS THA DAD PA YANG YOD PA MA YIN PA DE'I PHYIR, NGAR 'DZIN PA'I YUL NYID YOD PA MA YIN PAS, RNAL 'BYOR PAS BDAG MA DMIGS PA LAS BDAG GI BA YANG SNYING PO DANG LDAN PA MA YIN PA NYID DU YONGS SU SHES SHING, 'DUS BYAS MTHA' DAG BSAL NAS NYE BAR LEN PA MED PAR MYA NGAN LAS 'DA' BAR 'GYUR TE, DE'I PHYIR RNAM PAR DPYOD PA 'DI CHES MDZES SO, ,DAR 'DZIN PA'I YUL NI PHUNG PO RNAMS DANG SEMS YIN NO ZHES BYA BA GANG GI PHYOGS YIN PA DE'I LTAR NA JI SRID DU PHUNG PO RNAMS 'BYUNG BA DE SRID DU NGAR 'DZIN PA 'JUG PAR 'GYUR TE, BDAG TU 'DZIN PA'I GZHI DNGOS PO YOD PA'I PHYIR RO ZHES BSHAD PA, BDAG MED RTOGS TSE RTAG PA'I BDAG SPONG ZHING, , 'DI NI NGAR 'DZIN RTEN DU 'ANG MI 'DOD PA, ,DE'I PHYIR BDAG MED SHES PAS BDAG LTA BA, ,CIS KYANG 'BYIN ZHES SMRA BA SHIN TU MTSAR, ,GAL TE BDAG RTAG PA DANG NGAR 'DZIN PA'I YUL YIN NA NI, DE MED PAS NGAR 'DZIN PA SPONG BAR 'GYUR BA ZHIG NA, NGAR 'DZIN PA'I YUL NA NI GZHAN YIN ZHING GZHAN DNGOS PO MED PAR MTHONG BA LAS NGAR 'DZIN PA LDOG GO ZHES BYA BA NI KYE MA MA LA KHYOD KYIS MDZES SO, ,PHAN TSUN 'BREL PA MED PA'I DON 'DI NYID DPE'I SGO NAS GSAL BAR BYA BA'I PHYIR BSHAD PA, RANG KHYIM RTZIG PHUG SBRUL GNAS MTHONG BZHIN DU, ,'DI NI GLANG CHEN MED CES DOGS BSAL TE, ,SBRUL GYI 'JIGS PA'ANG SPONG BAR BYED PA NI, ,KYE MA GZHAN GYI GNAS POR GYUR NYID DO, ,GANG ZHIG 'JIGS PA'I RKYEN NYER ZIN KYANG DE LA YOD PA'I 'JIGS PA NA MTHONG ZHING PHYIR 'CHOS PAR MI BYED PA SPONG BA NYID KYIS BDAG NYID 'JIGS PA MED PA NYID DU MNGON PAR BYED PA DE NI PHEBS PA RNYED PA NYID KYIS NA SBRUL GYIS 'DZIN PAR 'GYUR RO, ,GANG GI PHYIR GLANG PO CHE MED PAS NI DE'I SBRUL GYI 'JIGS PA SEL BAR MI NUS SO, ,DE BZHIN DU PHUNG PO DAG DANG RNAM PAR SHES PA DAG TU SMRA BA 'DI'I LTAR NA YANG, RTAG PA'I BDAG MED PAS PHUNG PO'I @302A *, ,YUL CAN GYI NGAR 'DZIN PA BSAL BAR MI NUS TE, DE'I PHYIR NGES PAR 'DI'I 'KHOR BA PA NYID NYAMS PAR MI 'GYUR RO, ,DE'I PHYIR DE LTAR BDAG NI PHUNG PO'I RANG BZHIN CAN MA YIN LA, PHUNG PO RNAMS LAS GZHAN PA YANG MA YIN NO ZHES BYA BA DE LTA BU'I PHYOGS GNYIS YANG DAG PAR BSGRUBS NAS BDAG GI YOD PA NYID NI RTEN DANG BRTEN PA NYID DU YANG MED PAR BRJOD PA'I PHYIR BSHAD PA, PHUNG PO BDAG YOD MA YIN BDAG LA YANG, ,PHUNG PO DE RNAMS YOD MIN GANG PHYIR 'DIR, ,GZHAN NYID YOD NA RTOG PA 'DIR 'GYUR NA, ,GZHAN NYID DE MED DE PHYIR 'DI RTOGS PA'O, ,GZHAN NYID YOD NA NI RTEN DANG BRTEN PA'I DNGOS POR RIGS PAR 'GYUR TE, DPER NA 'KHAR GZHONG NA ZHO YOD DO ZHES BYA BA LTA BU'O, ,'KHAR GZHONG DANG ZHO GNYIS NI 'JIG RTEN NA GZHAN NYID YIN PA NA RTEN DANG BRTEN PA'I DNGOS PO MTHONG NGO, ,PHUNG PO RNAMS NI DE LTAR BDAG LAS THA DAD PA MA YIN LA BDAG KYANG PHUNG PO RNAMS LAS THA DAD PA MA YIN PAS DE GNYIS LA RTEN DANG BRTEN PA'I DNGOS PO YOD PA MA YIN NO, ,PHUNG PO DANG LDAN PA NYID KYANG BDAG LA JI LTAR YOD PA MA YIN PA DE LTAR BSTAN PA'I PHYIR BSHAD PA, BDAG NI GZUGS LDAN MI 'DOD GANG PHYIR BDAG ,YOD MIN DE PHYIR LDAN DON SBYOR BA MED, ,GZHAN NI GNAG LDAN GZHAN MIN GZUGS LDAN NA, ,BDAG NI GZUGS LAS DE NYID GZHAN NYID MED, ,BDAG PHUNG PO RNAMS DE NYID DANG GZHAN NYID YIN PA NI SNGAR BKAG ZIN LA, LDAN PA'I SKYON YANG LHA SBYIN GZUGS DANG LDAN NO ZHES BYA BA DE NI THA MI DAD PA NYID LA DMIGS LA, BA LANG DANG LDAN NO ZHES BYA BA NI THA DAD PA YIN NA, DE NYID DANG GZHAN NYID DE DAG NI GZUGS BDAG LA YOD PA MA YIN PAS BDAG GZUGS DANG LDAN NO ZHES BYA BA 'DI YANG MI SRID DO, ,DA NI BKAG ZIN PA'I PHYOGS RNAMS BSDAMS TE BSTAN PAS 'JIG TSOGS LA LTA BA DMIGS PA DANG RNAM PA LOG PA LA 'JUG PAR GRANGS KYI SGO NAS BSTAN PA'I PHYIR BSHAD PA, GZUGS BDAG MA YIN BDAG NI GZUGS LDAN MIN, ,GZUGS LA BDAG MED BDAG LA'ANG GZUGS YOD MIN, ,DE LTAR RNAM @302B BZHIR PHUNG KUN SHES BYA STE, ,DE DAG BDAG TU LTA BA NYI SHUR 'DOD, ,PHUNG PO LNGA PO BDAG DANG BRAL BDAG LA 'JIG TSOGS LA LTA BAS RNAM PA BZHI'I SGO NAS BDAG NYID DU BZUNG BA NA 'JIG TSOGS LA LTA BA'I CHA NYI SHUR 'GYUR RO, ,GAL TE RNAM PAR DPYAD PA RNAM PA LNGA LA SKABS SU BAB LA, BSTAN BCOS LAS KYANG, PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN, ,DE BZHIN GSHEGS PA GANG ZHIG YIN, ,ZHES GSUNGS PA MA YIN NAM, DE'I PHYIR 'DI CHA LNGAR 'GYUR NA, CHA NYI SHUR JI SKAD BRJOD CE NA, 'JIG TSOGS LA LTA BA'I CHA DE DAG NI MDO SDE LAS RNAM PAR GZHAG LA DES KYANG PHUNG PO RNAMS MA BZUNG BAR BDAG TU MNGON PAR ZHEN PAR MI NUS PAS RNAM PA BZHI'I SGO NAS PHUNG PO RNAMS LA DMIGS SHING 'JUG GO, ,'DI LTAR PHUNG PO MA GTOGS PAR NI 'GA' LA YANG BDAG TU MNGON PAR ZHEN PA MED PAS 'JIG TSOGS LA LTA BA'I RNAM PA LNGA PA MI SRID DO, ,DE'I PHYIR 'JIG TSOGS LA LTA BA NI CHA NYI SHU KHO NA'O, ,BSTAN BCOS LAS LNGA PA GZHAN PA NYID KYI PHYOGS SU GSUNGS PA NI MU STEGS PA'I LUGS DGAG PA'I PHYIR RO ZHES BYA BAR SHES PAR BYA'O, , DE LA 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON DU BYAS SO ZHES GANG LUNG LAS GSUNGS PA NI, LTA RI BDAG MED RTOGS PA'I RDO RJE YIS, ,BCOM BDAG GANG DANG LHAN CIG 'JIG 'GYUR BA, ,'JIG TSOGS LTA RI LHUN SDUG LA GNAS PA'I, ,RTZE MO MTHO BAR GYUR PA 'DI DAG GO, ,'JIG TSOGS LA LTA BA'I RI BO 'PHAGS PA'I YE SHES KYI RDO RJE MA BABS PAS NYIN RE BZHIN NYON MONGS PA'I BRAG RDO 'PHEL BA, 'KHOR BA THOG MA MED PA NAS BYUNG BA, DPANGS KHAMS GSUM DU MTHO BA, PHYOGS KYI NGOS MA LUS PAR KHYAB PA, MA RIG PA'I GSER GYI SA GZHI LAS 'THON PA, BDAG MED PA KHONG DU CHUD PA'I RDO RJES BSHIG PA NA, RTZE MO CHES MTHO BA GANG DAG DANG LHAN CIG 'JIG PAR 'GYUR BA DE DAG NI RTZE MO YIN PAR SHES PAR BYA'O, ,DA NI 'PHAGS PA @303A *, ,MANG POS BKUR BA DAG GIS BRTAGS PA'I GANG ZAG RDZAS SU YOD PAR SMRA BA BSAL BA'I PHYIR BSHAD PA, ,KHA CIG DE NYID GZHAN NYID RTAG MI RTAG ,LA SOGS BRJOD MED GANG ZAG RDZAS YOD 'DOD, ,RNAM SHES DRUG GI SHES BYAR DE 'DOD CING, ,DE NI NGAR 'DZIN GZHIR YANG 'DOD PA YIN, ,DE LA RE ZHIG PHUNG PO MA GTOGS DE 'DZIN MA GRUB PHYIR, ,GANG ZAG PHUNG PO DAG LAS GZHAN DU NI MI 'GYUR RO, ,PHUNG PO'I RANG BZHIN CAN YANG MA YIN TE, SKYE BA DANG 'JIG PA DANG LDAN PA NYID DU THAL BAR 'GYUR BA'I PHYIR RO, ,DE'I PHYIR DE LTAR NA PHUNG PO DAG LAS DE NYID DANG GZHAN NYID DU BRJOD DU MED DO, ,JI LTAR DE NYID DANG GZHAN NYID DU MA YIN PA DE BZHIN DU RTAG PA DANG MI RTAG PA NYID DU YANG BRJOD DU MED DO, ,RNAM PAR SHES PA DRUG GIS SHES PA YANG YIN NO, ,GANG ZAG DE NI RDZAS SU YOD PA NYID DU YANG RIGS TE, DE LA BYED PA PO NYID DANG ZA BA PO NYID DU BRJOD PA'I PHYIR DANG 'KHOR BA DANG MYA NGAN LAS 'DAS PA DANG, BCINGS PA DANG THAR PA DANG 'BREL PA CAN NYID YIN PA'I PHYIR RO, ,DE NI BDAG TU 'DZIN PA'I YUL NYID DU YANG 'DOD DO, ,SMRA BA 'DI YANG MI RIGS PA NYID DU BSHAD PA, GANG PHYIR GZUGS LAS SEMS BRJOD MED MI RTOGS, ,DNGOS YOD BRJOD MED RTOGS PA MA YIN NYID, ,GAL TE BDAG 'GA' DNGOS POR GRUB 'GYUR NA, ,SEMS LTAR GRUB DNGOS BRJOD DU MED MI 'GYUR, ,DE'I PHYIR TSIGS SU BCAD PA 'DIS, BRJOD DU MED PA LA RDZAS SU YOD PA NYID MI SRID PAR BSTAN NAS, BTAGS PAR YOD PA NYID DU BSTAN PA'I PHYIR BSHAD PA, GANG PHYIR KHYOD BUM DNGOS POR MA GRUB PA'I, ,NGO BO GZUGS SOGS LAS BRJOD MED 'GYUR BAS, ,BDAG GANG PHUNG PO LAS BRJOD MED 'GYUR TE, ,RANG GIS YOD PAR GRUB PAR RTOGS MI BYA, ,BUM PA GZUGS LA SOGS PA DAG LAS DE NYID DANG GZHAN NYID DU BRJOD DU MED CING BTAGS PAR YOD PAR 'DOD PA DE BZHIN DU, BDAG KYANG BUM PA LTAR BTAGS PAR YOD PAR 'GYUR RO SNYAM DU BSAMS PA'O, ,DE'I PHYIR DE LTAR TSIGS SU BCAD PA GNYIS KYIS DGAG PA DANG SGRUB PA NYE BAR BSTAN NAS, @303B DA NI DE NYID DANG GZHAN NYID DAG DNGOS PO'I RTEN NYID DU BRJOD NAS DNGOS PO'I CHOS KYI RTEN CAN MA YIN PA NYID KYIS BDAG 'GOG PAR RTZOM PA, KHYOD KYI RNAM SHES RANG BDAG LAS GZHAN NI, ,MIN 'DOD GZUGS SOGS LAS GZHAN DNGOS 'DOD CING, ,DNGOS LA RNAM PA DE GNYIS MTHONG GYUR PA, ,DE PHYIR BDAG MED DNGOS CHOS DANG BRAL PHYIR, ,GAL TE KHYOD KYI LTAR BDAG RDZAS SU YOD PAR GYUR NA NI DE GDON MI ZA BAR RNAM PAR SHES PA LTAR RANG GI BDAG NYID LAS GZHAN MA YIN PAR 'GYUR ZHING GZUGS LA SOGS PA DAG LAS THA DAD PA'I NGO BO ZHIG TU 'GYUR NA, 'DI NI YOD PA YANG MA YIN NO, ,DE'I PHYIR DNGOS PO'I CHOS DAG GI RTEN CAN MA YIN PA NYID KYI PHYIR BUM PA LTAR BDAG YOD PA MA YIN NO, ,GANG GI PHYIR DE LTAR RNAM PAR DPYAD PA NA GANG ZAG RDZAS SU YOD PA NYID DU MI RIGS PA, DE PHYIR NGAR 'DZIN RTEN NI DNGOS POS MIN, ,PHUNG LAS GZHAN MIN PHUNG PO'I NGO BO MIN, ,PHUNG PO RTEN MIN 'DI NI DE LDAN MIN, ,NGAR 'DZIN PA'I YUL NI NGES PAR GZHIG PA NA RDZAS SU YOD PAR MI RIGS SHING, PHUNG PO LAS THA DAD PAR YANG MI RUNG LA, PHUNG PO'I RANG BZHIN CAN YANG MA YIN ZHING, PHUNG PO RNAMS KYI RTEN YANG MA YIN NO, ,YANG NA 'DI LA RTEN PHUNG PO YOD PAS NA PHUNG PO LA RTEN ZHES BYA BA STE, RTEN DANG BRTEN PA'I PHYOGS GNYI GA GSAL BAR BYA BA'I PHYIR TSIG BSDU BA GNYI GA LA BRTEN TO, ,BDAG NI PHUNG PO DANG LDAN PAR YANG MI RIGS SO, ,DE'I PHYIR BDAG BTAGS PA'AM, MA DMIGS PAR 'DOD PAS KYANG RUNG STE, JI SKAD SMRAS PA'I RNAM PA DAG GIS BDAG KHAS BLANG BAR MI BYA'O ZHES BSHAD PA NI, 'DI NI PHUNG PO RNAMS RTEN GRUB PAR 'GYUR, ,ZHES BYA BA'O, ,JI LTAR 'DI LA BRTEN NAS 'DI 'BYUNG ZHES BYA BA 'DI TZAM ZHIG KUN RDZOB KYI BDEN PA'I RNAM PAR GZHAG PA MA CHAD PAR BYA BA'I PHYIR KHAS LEN GYI RGYU MED LA SOGS PA DAG LAS SKYE BA MA YIN PA DE BZHIN DU, 'DIR YANG BRTEN NAS GDAGS PA LA YANG DAG PAR BRTEN PA NA JI SKAD BSHAD PA'I SKYON DANG LDAN PA'I RNAM PA BSAL NAS PHUNG PO RNAMS LA BRTEN NAS GDAGS PA ZHES BYA 'DI TZAM ZHIG @304A *, ,'JIG RTEN GYI THA SNYAD RNAM PAR GNAS PAR BYA BA'I PHYIR KHAS BLANG BAR BYA STE, BDAG TU THA SNYAD BTAGS PA MTHONG BA'I PHYIR RO, ,BDAG BTAGS PA TZAM DU GRUB PAR BYA BA'I DON DU JI SKAD BSHAD PA'I DON NYID GSAL BAR BYA BA'I PHYIR PHYI ROL GYI DPE STON ZHING BSHAD PA, SHING RTA RANG YAN LAG LAS GZHAN 'DOD MIN, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, ,DE'I PHYIR 'DIR DE NYID KYI PHYOGS DANG GZHAN NYID KYI PHYOGS DANG, RTEN GYI PHYOGS DANG BRTEN PA'I PHYOGS DANG, DE DANG LDAN PA'I PHYOGS TE PHYOGS LNGA PO DAG NI SNGAR BSTAN ZIN PA NYID DO, ,TSOGS PA'I PHYOGS DANG DBYIBS KYI PHYOGS GNYIS NI BSGRUB PAR BYA DGOS PAS DE DAG STON PA BRTZAM PAR BYA STE, GAL TE TSOGS TZAM SHING RTAR 'GYUR NA NI, ,SIL BUR GNAS LA SHING RTA NYID YOD GYUR, ,'DI NI SNGAR BSHAD DU ZIN KYANG SLAR YANG NYE BAR BKOD DE SKYON GZHAN BRJOD PA'I SGO NAS GSAL BAR BYA BA'I PHYIR RO, ,DE NYID KYI PHYIR, GANG PHYIR YAN LAG CAN MED YAN LAG DAG, ,MED PAS DBYIBS TZAM SHING RTAR RIGS PA'ANG MIN, ,ZHES BYA BA SMOS SO, , GANG GI PHYIR YAN LAG CAN MED NA YAN LAG DAG YOD PA MA YIN PA'I PHYIR YAN LAG DAG MED PA NYID DO, ,DE'I PHYIR GANG DAG GI TSOGS PA ZHIG SHING RTAR GYUR, 'ANG GI SGRA NI BSDU BA'I DON TE, DBYIBS TZAM YANG SHING RTAR MI RIGS LA TSOGS PA TZAM PO'ANG MI RIGS SO ZHES SHES PAR BYA BA'I PHYIR RO, ,GA LAS SHE NA, GANG GI PHYIR YAN LAG CAN MED NA YAN LAG DAG MED PAS SO, ,DE'I PHYIR DBYIBS TZAM ZHIG SHING RTAR MI RUNG NGO, ,YAN LAG CAN MED PA NYID DU NI DE DAG GI RANG NYID KYIS KHAS BLANGS PA YIN NO, ,GZHAN YANG GAL TE DBYIBS TZAM ZHIG SHING RTAR 'DOD NA DBYIBS DE YAN LAG DAG GI'AM, TSOGS PA'I YIN PAR RTOG GRANG, DE LA YAN LAG GI DBYIBS KYI KHYAD PAR YIN PAR 'DOD NA YANG SNGAR GYI DBYIBS KYI KHYAD PAR MA BTANG BA DAG GI'AM, SNGAR GYI DBYIBS KYI KHYAD PAR BTANG BA DAG GI YIN PAR 'GYUR GRAR NA, @304B DE LA GAL TE GONG MA SHOS 'DOD NA NI DE MI RIGS SO, ,CI'I PHYIR ZHE NA, KHYOD DBYIBS YAN LAG RE RE SNGAR YOD GYUR, ,JI BZHIN SHING RTAR GTOGS LA'ANG DE BZHIN NA, ,BYE BAR GYUR PA DE DAG LA JI LTAR, ,DA LTA YANG NI SHING RTA YOD MA YIN, ,GAL TE SHING RTA'I GNAS SKABS KYI GONG ROL NA 'PHONG LO LA SOGS PA'I DBYIBS KYI KHYAD PAR JI LTAR YOD PAR GYUR PA DE KHO NA LTAR SHING RTA NYID KYI DUS SU'ANG 'PHANG LO LA SOGS PA RNAMS KYI DBYIBS KYI KHYAD PAR YIN NA NI DE'I TSE YAN LAG BYE BAR GYUR PA DAG LA MED PA LTAR SHING RTA NYID KYI DUS NA'ANG SHING RTA YOD PA MA YIN PAR NGES PAR BYA STE, DE'I YAN LAG GI DBYIBS THA MI DAD PA'I PHYIR RO, ,CI STE PHYOGS GNYIS PA STE DBYIBS GZHAN KHO NA SHING RTA ZHES BYA BAR 'GYUR NA, DE LTA NA YANG, DA LTA GAL TE SHING RTA NYID DUS 'DIR, ,'PHANG LO SOGS LA DBYIBS THA DAD YOD NA, ,'DI GZUNG 'GYUR NA DE YANG YOD MIN TE, ,DE PHYIR DBYIBS TZAM SHING RTAR YOD MA YIN, ,GAL TE 'PHANG LO DANG SROG SHING DANG GZER BU LA SOGS PA SHING RTA'I YAN LAG RNAMS KYI DBYIBS KYI KHYAD PAR SO SOR LHAM PA DANG, RING BA DANG ZLUM PO LA SOGS PA GANG ZHIG SNGAR YOD PAR GYUR PA DE LAS DE DAG GI DBYIBS KYI KHYAD PAR GZHAN ZHIG KHO NA SHING RTA NYID KYI DUS SU SKYE BAR 'GYUR NA NI, DE BZUNG DU YOD PAR 'GYUR NA BZUNG BA YANG MA YIN NO, ,JI LTAR RTZIBS DANG MU KHYUD DANG LTE BA LA SOGS PA'I KHYAD PAR DU GYUR PA'I DBYIBS CAN 'PHANG LO LA NI SHING RTA'I GNAS SKABS NA RANG GI DBYIBS GZHAN DU GYUR PA NYID MA MTHONG NGO, ,DE BZHIN DU SROG SHING LA SOGS PA DE DAG GI LHAM PA NYID LA SOGS PA YANG GZHAN NYID DU 'GYUR BA MA YIN NO, ,DE PHYIR YAN LAG RNAMS KYI DBYIBS SHING RTA'O ZHES BYA BA MI RIGS SO, ,CI STE 'PHANG LO LA SOGS PA TSOGS PA RNAMS KYI DBYIBS KYI KHYAD PAR SHING RTA YIN NO SNYAM NA, DE YANG MI RIGS SO ZHES BSHAD PA, GANG PHYIR KHYOD KYI TSOGS PA CANG MED PAS, ,DBYIBS DE YAN LAG TSOGS KYI MA YIN NA, ,GANG ZHIG CI YANG MA YIN DE BRTEN NAS, ,'DIR NI DBYIBS SU LTA ZHIG CI LTAR 'GYUR, ,GAL TE TSOGS PA ZHES BYA BA DNGOS PO CUNG ZAD CIG YOD NA NI DE'I RTEN CAN DBYIBS @305A *, ,SU GDAGS PAR 'GYUR NA, YAN LAG TSOGS LA ZHES BYA BA NI CUNG ZAD KYANG YOD PA MA YIN NO, ,GANG ZHIG CUNG ZAD KYANG YOD PA MA YIN PA DE'I RTEN CAN GYI DBYIBS SU GDAGS PAR YANG JI LTAR 'GYUR TE BTAGS PA NI RDZAS KYI RTEN CAN KHO NAR KHAS BLANGS PA'I PHYIR RO; ,CI STE MI BDEN DU ZIN KYANG TSOGS PA LA BRTEN NAS MI BDEN PA'I DBYIBS SU 'GYUR RO ZHES BYA BAR 'DOD NA DE LTA YIN DANG, KHYOD KYI 'DI NI JI LTAR 'DOD DE LTAR, ,MI BDEN PA YI RGYU LA BRTEN BYAS NAS, ,'BRAS BU'I RNAM PA MI BDEN RANG BZHIN CAN, ,THAMS CAD KYANG NI SKYE BAR SHES PAR GYIS, ,MA RIG PA MI BDEN PA LA BRTEN NAS 'DU BYED MI BDEN PA'I RANG BZHIN CAN KHO NA SKYE LA, MI BDEN PA'I RANG BZHIN CAN GYI SA BON LA BRTEN NAS MYU GU MI BDEN PA'I RANG BZHIN CAN SKYE BA DE BZHIN DU RGYU DANG 'BRAS BU'I NGO BO MI BDEN PA'I RANG BZHIN CAN MA LUS PA YANG RTOGS PAR BYA STE, 'BAD RTZOL BRGYA PHRAG DAG GIS KYANG GANG GIS SHA DAG ZA BAR MI NUS PA'I DNGOS PO GRIB MA'I RI DAGS LTA BU LA MNGON PAR ZHEN PA DON MED PA 'DIS CI ZHIG BYA STE, 'DIS NI GZUGS SOGS DE LTAR GNAS RNAMS LA, ,BUM BLO ZHES BYA 'ANG RIGS PA MA YIN NYID, ,DE LA KHA CIG NA RE GZUGS LA SOGS PA DE LTAR GNAS PA RNAMS LA BUM PA LA SOGS PA'I BLOR 'GYUR RO ZHES SMRA BA DE YANG SHING RTA'I DPE 'DIS BSAL BA YIN NO, ,GZHAN YANG, SKYE BA MED PAS GZUGS SOGS KYANG YOD MIN, ,DE YI PHYIR YANG DE DAG DBYIBS MI RIGS, ,JI LTAR GZUGS LA SOGS PA RNAMS LA SKYE BA YOD PA MA YIN PA DE LTAR NI SNGAR BSHAD ZIN TO, ,DE'I PHYIR SKYE BA MED PA'I PHYIR GZUGS LA SOGS PA DAG YOD PA MA YIN NO, ,JI LTAR YOD PA MA YIN PA RNAMS BUM PA LA SOGS PA DAG GDAGS PA'I RGYU MTSAN NYID DU RIGS PAR 'GYUR, DE'I PHYIR RDZAS KYI NYE BAR LEN PA CAN DU 'DOD PA BUM PA LA SOGS PA DAG MI RIGS PAS, BUM PA LA SOGS PA DAG GZUGS LA SOGS PA'I DBYIBS KYI KHYAD PAR GYI BDAG NYID CAN MA YIN NO, ,'DIR SMRAS PA, GAL TE 'O NA SHING RTA 'DI JI SKAD BSHAD PA'I TSUL DU RNAM PA BDUN GYIS BTZAL BA NA YOD PA MA YIN @305B PA DE'I TSE SHING RTA MED PAS GANG ZHIG SHING RTAS 'JIG RTEN NA THA SNYAD 'DOGS PA DE RGYUN CHAD PAR 'GYUR NA, SHING RTA 'ON CIG, ,SHING RTA NYOS SHIG, ,SHING RTA CHOS SHIG CES BYA BA LA SOGS PA MTHONG BA YANG YIN NO, ,DE'I PHYIR 'JIG RTEN LA GRAGS PA'I PHYIR NA, SHING RTA LA SOGS PA DAG NI YOD PA NYID DO, ,BRJOD PAR BYA STE, NYES PA 'DI NI KHYOD KHO NA LA 'GYUR TE, 'DI LTAR SNGAR BSHAD PA'I TSUL DU RNAM PA BDUN GYIS BTZAL BA NA SHING RTA MI 'THAD CING KHYOD KYIS KYANG RNAM PAR DPYAD NAS DNGOS PO GRUB PAR RNAM PAR 'JOG PAR BYED LA, GRUB PA'I THABS GZHAN YANG KHAS MA BLANGS PA DE'I PHYIR NA SHING RTA 'O NA CIG CES BYA BA DE LTA BU LA SOGS PA'I 'JIG RTEN PA'I THA SNYAD KHYOD LA CI LTAR GRUB PAR 'GYUR, KHO BO CAG LA NI NYES PA 'DI MED DE, GANG GI PHYIR, DE NI DE NYID DU'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,RNAM DPYAD MED PAR 'JIG RTEN NYID LAS 'DIS, ,RANG GI YAN LAG BRTEN NAS 'DOGS PA YIN, ,SHING RTA RANG YAN LAG LAS GZHAN 'DOD MIN, ,ZHES BYA BA LA SOGS PA'I TSUL 'DI DE RNAM PA BDUN DU BTZAL BA NA, DON DAM PA DANG KUN RDZOB TU SHING RTA 'GRUB PAR MI 'GYUR MOD KYI, DE LTA NA YANG 'DI NI RNAM PAR DPYAD PA SPANGS TE, SNGON PO LA SOGS PA DANG TSOR BA LA SOGS PA LTAR 'JIG RTEN NYID LAS 'PHANG LO LA SOGS PA YAN LAG RNAMS LA BRTEN NAS 'DOGS PA YIN NO, ,DE'I PHYIR RTEN CING 'BREL PAR 'BYUNG BA RKYEN NYID 'DI PA TZAM KHAS BLANGS PA LTAR BRTEN NAS BRTAGS PA KHAS BLANGS PA'I PHYIR KHO BO CAG GI PHYOGS LA 'JIG RTEN GYI THA SNYAD CHAD PAR THAL BAR MI 'GYUR LA, PHA ROL POS KYANG 'DI NYID KHAS BLANG BAR 'OS PA YIN NO, ,PHYOGS 'DIR 'JIG RTEN LA GRAGS PA'I SGO NAS SHING RTAS THA SNYAD 'DOGS PA CHES GSAL BAR GRUB PA 'BA' ZHIG TU MA ZAD KYI, 'DI'I MING GI KHYAD PAR GANG DAG YIN PA DE DAG KYANG RNAM PAR DPYAD PA MED PAR 'JIG RTEN LA GRAGS PA'I SGO NAS KHAS BLANG BAR BYA'O, ,'DI LTA STE, ,DE NYID YAN LAG CAN TE CHA SHAS CAN, ,SHING RTA DE NYID BYED PO ZHES 'GROR BSNYAD, ,SKYE BO @306A *, ,RNAMS LA LEN PO NYID DU 'ANG GRUB, ,DE LA SHING RTA NI 'PHANG LO LA SOGS PA RANG GI YAN LAG LA LTOS NAS YAN LAG CAN NYID DU 'GYUR RO, ,'PHANG LO LA SOGS PA CHA SHAS LA LTOS NAS NI CHA SHAS CAN NYID DO, ,'PHANG LO LA SOGS PA NYE BAR BLANG BA NYE BAR LEN PA'I BYA BA LA LTOS NAS NI BYED PA PO NYID DO, ,RANG GI NYE BAR LEN PA LA LTOS NAS NI NYE BAR LEN PA PO NYID DO, ,GANG 'GA' ZHIG GSUNG RAB KYI DON PHYIN CI LOG TU RTOGS PAS YAN LAG TSOGS PA TZAM ZHIG YOD KYI YAN LAG CAN NI RNAM PA THAMS CAD DU YOD PA MA YIN TE, DE LAS THA DAD PAR MA DMIGS PA'I PHYIR RO, ,DE BZHIN DU CHA SHAS TZAM ZHIG YOD KYI CHA SHAS CAN NI MED DO, ,LAS 'BA' ZHIG KHO NA YOD KYI BYED PA PO NI MED DO, ,NYE BAR LEN PA LAS THA DAD PAR MA DMIGS PA'I PHYIR NYE BAR LEN PA KHO NA YOD KYI NYE BAR LEN PA PO NI MED DO ZHES DE LTA BUR RNAM PAR GNAS PA NI 'JIG RTEN GYI KUN RDZOB PHYIN CI LOG TU SMRA BA DE'I LTAR NA GTAN TSIGS DE NYID KYIS YAN LAG LA SOGS PA TZAM YANG MED PAR THAL BAR 'GYUR BAS, 'JIG RTEN GRAGS PA'I KUN RDZOB MA BRLAG CIG ,CES 'DI NI BZLOG PAR BYA BA KHO NA'O, ,GANG GI PHYIR 'JIG RTEN GYI KUN RDZOB 'DI DE LTAR RNAM PAR DPYAD PA NA YOD PAR MI 'GYUR ZHING MA BRTAGS PAR GRAGS PAS YOD PA DE NYID KYI PHYIR RNAL 'BYOR PAS RIM PA 'DI NYID KYIS 'DI LA RNAM PAR DPYOD PA NA CHES MYUR BA KHO NAR DE KHO NA NYID KYI GTING DPOGS PAR 'GYUR RO, ,CI LTAR ZHE NA, RNAM BDUN GYIS MED GANG DE JI LTA BUR, ,YOD CES RNAL 'BYOR PAS 'DI'I YOD MI RNYED, ,DES DE NYID LA'ANG BDE BLAG 'JUG 'GYUR BAS, ,'DIR DE'I GRUB PA DE BZHIN 'DOD PAR BYA, ,NYE BAR RTOGS PA'I RNAL 'BYOR PA LA GAL TE SHING RTA ZHES BYA BA'I DNGOS PO RANG BZHIN GYIS GRUB PA 'GA' ZHIG YOD PAR 'GYUR NA NI THE TSOM MED PAR DE RNAM PA BDUN LAS RNAM PA GANG YANG RUNG BA ZHIG GI BDAG NYID YOD PA RNYED PAR 'GYUR BA ZHIG NA, RNYED PA YANG MA YIN NO, ,DE'I PHYIR SHING RTA ZHES BYA BA NI MA RIG PA'I LING THOG GIS NYAMS PAR BYAS PA DAG KHO NAS BRTAGS PA YIN GYI, RANG BZHIN GYIS GRUB PA NI YOD PA MA YIN NO SNYAM DU DE @306B LTAR DES PA SKYE BAR 'GYUR ZHING DE KHO NA NYID LA YANG RNAL 'BYOR PA BDE BLAG TU 'JUG PAR 'GYUR RO, ,'ANG GI SGRAS NI KUN RDZOB NYAMS PAR YANG MI 'GYUR BA STE, DE'I PHYIR 'DI NI MA BRTAGS PAR GRAGS PAR GRUB PAR 'DOD PAR BYA'O, ,MKHAS PA DAG GIS PHYOGS 'DI NI SKYON MED CING PHAN YON DANG BCAS PA'O SNYAM DU BSAMS TE GDON MI ZA BAR KHAS BLANG BAR BYA'O, ,'DIR SMRAS PA RNAL 'BYOR PAS SHING RTA MI DMIGS LA RAG MOD DE'I YAN LAG TSOGS PA TZAM ZHIG DMIGS PA NI YOD PA MA YIN NO, ,BSHAD PAR BYA STE, GANG ZHIG SNAM BU TSIG NA THAL BA LA SNAL MA TSOL BA KHYOD NI BZHAD GANG DU BYA BA ZHIG STE, SHING RTA YOD NYID MIN NA DE YI TSE, ,YAN LAG CAN MED DE'I YAN LAG KYANG MED, ,GAL TE SHING RTA ZHIG NA DE'I 'PHANG LO LA SOGS PA TSOGS PA DMIGS PA NYID MA YIN NAM, DE'I PHYIR YAN LAG CAN MED PAR YAN LAG DAG KYANG MED DO ZHES CI STE BRJOD CI NA; DE NI DE LTAR MA YIN TE, RTOG PA PO SHING RTA DANG 'BREL PAR RIG PA KHO NAS 'PHANG LO LA SOGS PA 'DI DAG NI SHING RTA YIN NO SNYAM DU RTOGS KYI GZHAN GYIS NI MA YIN TE, DES NI RANG GI CHA SHAS LA LTOS NAS 'PHANG LO LA SOGS PA DAG KHO NA YAN LAG CAN NYID DU RTOGS PAR 'GYUR RO,, 'PHANG LO LA SOGS PA RNAMS SHING RTA DANG 'BREL PA YANG RGYANG RING DU SPANGS PA KHO NA YIN PAS DE'I TSE DE DAG SHING RTA'I YAN LAG TU MI RTOGS SO, ,GZHAN YANG DON 'DI NI DPE 'DI LAS SHES PAR BYA STE, SHING RTA TSIG NA YAN LAG MED DPE BZHIN, ,BLO MES YAN LAG CAN SREG YAN LAG GO, ,DPER NA SHING RTA YAN LAG CAN MES TSIG NA DE'I YAN LAG DAG KYANG NGES PAR TSIG PAR 'GYUR BA DE BZHIN DU RNAM PAR DPYOD PA'I GTZUB SHING GTZUBS PA LAS BYUNG BA BLO'I ME MI DMIGS PA'I SREG PAR BYED PA CAN GYIS SHING RTA LUS PA MED PAR BSREGS PAS NA SHES RAB KYI ME'I BUD SHING DU GYUR PA YAN LAG DAG GIS KYANG BDAG NYID ZUG TSUGS PAR MI BYED DE NGES PAR BSREGS PA'I PHYIR RO, ,JI LTAR KUN RDZOB KYI BDEN PA MI GCAD PAR BYA BA'I PHYIR DANG, RNAL 'BYOR PA RNAMS DE KHO NA NYID LA BDE BLAG TU 'JUG PAR BYA BA'I PHYIR SHING RTA RNAM PAR DPYAD PA'I TSUL LA BSAMS @307A *, ,TE BRTEN NAS GDAGS PA RNAM PAR GZHAG PA, DE BZHIN 'JIG RTEN GRAGS PAS PHUNG PO DANG, ,KHAMS DANG DE BZHIN SKYE MCHED DRUG BRTEN NAS, ,BDAG KYANG NYE BAR LEN PO NYID DU 'DOD, ,JI LTAR 'PHANG LO LA SOGS PA DAG LA BRTEN NAS SHING RTAR 'DOGS SHING DER 'PHANG LO LA SOGS PA DAG NYE BAR LEN PA YIN LA SHING RTA NYE PAR LEN PA PO MIN PA DE BZHIN DU, BDAG KYANG KUN RDZOB KYI BDEN PAR 'JIG RTEN GYI THA SNYAD KUN TU MI GCAD PAR BYA BA'I PHYIR SHING RTA LTAR NYE BAR LEN PA POR 'DOD PA YIN NO, ,PHUNG PO LNGA DANG KHAMS DRUG DANG SKYE MCHED DRUG NI BDAG DE'I NYE BAR LEN PA STE, PHUNG PO LA SOGS PA RNAMS LA BRTEN NAS BDAG TU BTAGS PA'I PHYIR RO, ,JI LTAR 'PHANG LO LA SOGS PA DAG SHING RTA'I NYE BAR LEN PA YIN PA DE BZHIN DU PHUNG PO LA SOGS PA RNAMS KYANG BDAG GI NYE BAR LEN PA'O ZHES BYA'O, ,JI LTAR NYE BAR LEN PA DANG NYE BAR LEN PA PO'I RNAM PAR GZHAG PA 'DI 'JIG RTEN GYI THA SNYAD DU RNAM PAR GZHAG PA DE BZHIN DU 'DI'I LAS DANG BYED PA PO'I RNAM PAR GZHAG PA YANG SHING RTA LTAR KHAS BLANG BAR BYA'O ZHES BSHAD PA, NYER LEN LAS YIN 'DI NI BYED PA PO YANG YIN, ,NYE BAR LEN PA ZHES BYA BA PHUNG PO LA SOGS PA DAG NI LAS NYID DANG BDAG NI BYED PA PO ZHES BYA BAR RNAM PAR GZHAG GO, ,BRTEN NAS GDAGS PA LA YANG DAG PAR BRTEN PA NA BDAG RNAM PA THAMS CAD DU BRTAN PA DANG MI BRTAN PA LA SOGS PA'I RTOGS PA'I RTEN MA YIN PA NYID PAS RTAG PA DANG MI RTAG PA LA SOGS PA'I RTOG PA ZLOG PA SLA BAR 'GYUR RO ZHES BSHAD PA, DNGOS YOD MIN PHYIR 'DI NI BRTAN MIN ZHING, ,MI BRTAN NYID MIN 'DI NI SKYE 'JIG MIN, ,'DI LA RTAG PA NYID LA SOGS PA YANG, ,YOD MIN DE NYID DANG NI GZHAN NYID MED, ,PHUNG PO DAG LA BRTEN NAS GDAGS PA'I BDAG 'DI NI BRTEN PA NYID KYANG MA YIN ZHING MI BRTAN PA NYID KYANG MA YIN NO, ,DE LA GAL TE BDAG MI BRTAN PA YIN NA NI DE'I TSE, NYE BAR LEN NYID BDAG MA YIN, ,DE DAG 'BYUNG DANG 'JIG PA YIN, ,NYE BAR BLANGS PA CI LTA BUR, ,NYE BAR LEN PO YIN PAR 'GYUR, ,ZHES BYA BA DANG, DE BZHIN DU, MA BYUNG BA LAS 'BYUNG MIN TE, ,'DI LA SKYON DU @307B THAL BAR 'GYUR, ,BDAG NI BYAS PAR 'GYUR PA'AM, ,'BYUNG BA'ANG RGYU MED CAN DU 'GYUR, ,ZHES BYA BA'ANG BSTAN BCOS DANG 'GAL BAR 'GYUR RO, ,DE NYID KYI PHYIR, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR NA SKYE ZHING 'JIG PA CAN DU 'DOD PA'ANG MA YIN TE, DE'I PHYIR PHUNG PO BDAG MA YIN NO ZHES BYA BA'I THAL BAR 'GYUR BA 'DI YANG 'THAD PAR 'GYUR RO, ,DE'I PHYIR 'DI NI MI BRTAN PA NYID DU YANG MI 'THAD DO, ,DE BZHIN DU BRTAN PAR YANG MI 'THAD DE, JI SKAD DU, 'DAS PA'I DUS NI BYUNG GYUR ZHES, ,BYA BA 'DI NI MI 'THAD DO, ,SNGON TSE RNAMS SU GANG BYUNG BA, ,DE NYID DE NI MA YIN NO, ,DE NYID BDAG TU 'GYUR SNYAM NA, ,NYE BAR LEN PA THA DAD 'GYUR, ,NYE BAR LEN LAS MA GTOGS PAR, ,KHYOD KYI BDAG NI GANG ZHIG YIN, ,ZHES GSUNGS SO, ,SKYE DANG 'JIG PA CAN DU 'GYUR, ,ZHES BYA BA'I THAL BAR 'GYUR BA 'DI NYID LAS NA 'DI NI SKYE 'JIG MIN ZHES BYA BA'I KHYAD PAR GNYIS SLOB DPON GYI BZHED PA YIN NO, ,'DI LA RTAG PA NYID LA SOGS PA'ANG YOD PA MIN TE, JI SKAD DU SLOB DPON GYIS DE BZHIN GSHEGS PA BRTAGS PA'I THABS KYIS BDAG YONGS SU RTOGS PAR MDZAD PA NA, RTAG DANG MI RTAG LA SOGS BZHI, ,ZHI BA 'DI LA GA LA YOD, ,MTHA' DANG MTHA' MED LA SOGS BZHI, ,ZHI BA 'DI LA GA LA YOD, ,GANG GIS DE BZHIN GSHEGS YOD CES, ,'DZIN PA STUG PO BZUNG GYUR PA, ,DE NI MYA NGAN 'DAS PA LA, ,MED CES RNAM RTOG RTOG PAR BYED,, RANG BZHIN GYIS NI STONG DE LA, ,SANGS RGYAS MYA NGAN 'DAS NAS NI, ,YOD DO ZHE'AM MED DO ZHES, ,BSAM PA 'THAD PA NYID MI 'GYUR, ,ZHES GSUNGS PA LTA BU'O, ,'DI NI PHUNG PO DAG LAS DE NYID DANG, ,GZHAN NYID DU YOD PA YANG MA YIN TE, JI SKAD DU, GAL TE PHUNG PO BDAG YIN NA,, SKYE DANG 'JIG PA CAN DU 'GYUR, ,GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES BYA BA DANG DE BZHIN DU, ,SHING NYID ME NI MA YIN TE, ,ZHES BYA BA LA SOGS PA GSUNGS SO, ,YANG CI'I PHYIR MI BRTAN PA LA SOGS PA'I RTOG PA 'DI RNAMS @308A *, ,BDAG LA MI RUNG ZHE NA, DNGOS YOD MIN PHYIR ZHES BYA BA SMOS TE, GAL TE BDAG DNGOS PO'I RANG BZHIN CAN 'GA' ZHIG YOD NA NI DE LA MI BRTAN PA LA SOGS PA'I RTOG PA RNAMS YOD PAR 'GYUR BA ZHIG NA, BDAG NI 'GA' YANG MED DE, DE MED PA KHO NA'I PHYIR RO, ,JI SKAD DU MDO LAS, MI BZAD PA YI CHOS BZHI NI, ,'JIG RTEN MGON GYIS BSTAN PA STE, ,SEMS CAN NAM MKHA' BYANG CHUB SEMS, ,DE BZHIN SANGS RGYAS CHOS RNAMS SO, ,GAL TE DE DAG RDZAS YOD NA, ,DE DAG YONGS SU ZAD 'GYUR GRANG, , MED PA DE DAG MI ZAD DE, ,DE PHYIR DE DAG ZAD MED GSUNGS, ,ZHES GSUNGS SO, ,GANG ZHIG RNAM PA BDUN GYIS BTZAL NA, RTAG PA DANG MI RTAG PA NYID DU MI SRID CING GANG ZHIG GI MED PA NYID MA MTHONG ZHING MA RIG PA'I DBANG GIS YOD PA NYID DU ZHEN PAR BYAS NAS 'JIG TSOGS, LA LTA BAS 'DI NI BDAG GO SNYAM DU MNGON PAR ZHEN PA RNAMS 'KHOR BAR 'GYUR LA, GANG LA RTAG TU 'GRO RNAMS NGAR 'DZIN BLO, ,RAB TU 'BYUNG ZHING DE YI GANG YIN DER, ,NGA YI 'DZIN BLO 'BYUNG BA'I BDAG DE NI, ,MA BRTAGS GRAGS PAR GTI MUG LAS YIN NO, ,GANG ZHIG YONGS SU TSOL BA NI MU STEGS PA DE'I RIGS PAS MI 'THAD PAS DE'I RANG BZHIN LA PHYIN CI LOG TU GYUR PA THAMS CAD PHUNG PO LAS THA DAD PAR ZHEN ZHING, RANG GI SDE PA RNAMS KYIS KYANG PHUNG PO LAS THA DAD PAR BDAG MED DO SNYAM DU 'KHRUL PAS PHUNG PO TZAM NYID BDAG TU KHAS BLANGS PA, DE BZHIN GSHEGS PAS NYE BAR BSTAN PA PHYIN CI MA LOG PAR KHONG DU CHUD PA RNAMS NI YOD PA MA YIN PA NYID DO SNYAM DU RIG PAR BYAS NAS LAN BRGYAR YONGS SU GROL BAR 'GYUR BA DE NI BDAG YIN ZHING, 'GRO BA MI DANG YI DVAGS DANG DUD 'GRO LA SOGS PA'I 'GRO BAR GNAS PA MI SHES PA DANG RJES SU 'BREL PA MTHA' DAG LA RTAG TU GANG ZHIG LA NGAR 'DZIN PA'I BLO 'BYUNG BA DE DAG YIN PAR RIG PAR BYA LA, GANG DU 'DI DBANG BYED PA NYID DAM 'BREL PA 'GA' ZHIG TU 'GYUR BA 'DI GDAGS PA'I RKYEN MIG LA SOGS PA NANG GI BDAG @308B NYID CAN DANG, PHYI ROL GANG YIN PA DER BDAG GIR 'DZIN PA'I BLO 'BYUNG BA BDAG DE NI SHES PA LAS GRUB PA YIN GYI RANG GI NGO BOS GRUB PA NI MA YIN NO, ,GANG GI PHYIR 'DI YOD PA MA YIN MOD KYI 'ON KYANG GTI MUG LAS THA SNYAD 'DOGS PA DE NYID KYI PHYIR, RNAL 'BYOR PA DAG GIS RNAM PA THAMS CAD DU MI DMIGS LA, DE MA DMIGS NA YANG MIG LA SOGS PA DE'I NYE BAR LEN PA RNAMS MI 'BYUNG BAR 'GYUR RO, ,'DI LTAR RNAL 'BYOR PAS NI DNGOS PO 'GA' LA YANG RANG GI NGO BO DMIGS PA MED DE, DE'I PHYIR 'KHOR BA LAS RNAM PAR GROL BAR 'GYUR RO, ,JI SKAD DU, NANG DANG PHYI ROL NYID DAG LA, ,BDAG DANG BDAG GI SNYAM ZAD NA, ,NYE BAR LEN PA 'GAG 'GYUR ZHING, ,DE ZAD PAS NA SKYE BA ZAD, ,CES GSUNGS SO, ,YANG JI LTAR NA BDAG MED NA BDAG GI BA YANG MED CE NA, BSTAN PA'I PHYIR BSHAD PA, ,GANG PHYIR BYED PO MED CAN LAS MED PA, ,DE PHYIR BDAG GI BDAG MED PAR YOD MIN, ,DE PHYIR BDAG DANG BDAG GI STONG LTA ZHING, ,RNAL 'BYOR PA DE RNAM PAR GROL PAR 'GYUR, ,JI LTAR RDZA MKHAN MED PAR BUM PA YANG MI SRID PA DE BZHIN DU BDAG MED PAR BDAG GI BA YANG MA YIN NO, ,DE'I PHYIR BDAG DANG BDAG GI NYE BAR MA DMIGS PAS 'KHOR BA MA GZIGS PA NA RNAL 'BYOR PA GROL BAR 'GYUR RO, ,GZUGS LA SOGS PA MA DMIGS NA NI DE LA DER GTOGS PA'I 'DOD CHAGS LA SOGS PA RNAMS MI 'BYUNG BAS, NYAN THOS DANG RANG SANGS RGYAS RNAMS LEN PA MED PAR MYA NGAN LAS 'DA' BAR RNAM PAR GZHAG LA, BYANG CHUB SEMS DPA' RNAMS NI BDAG MED PAR MTHONG DU ZIN KYANG SNYING RJE'I GZHAN GYI DBANG GIS BYANG CHUB KYI BAR DU SRED PA'I RGYUN 'DZIN PAR BYED PAS MKHAS PAS JI SKAD BSHAD PA'I BDAG MED PA YONGS SU BTZAL BAR BYA'O, ,JI LTAR BDAG DANG DE'I NYE BAR LEN PA GDAGS PA SHING RTA'I RNAM PAR DPYAD PA DANG MTSUNGS PA DE BZHIN DU, DNGOS PO GZHAN RNAMS KYI'ANG YIN NO ZHES BSGRE BA'I PHYIR, BUM PA SNAM BU RE LDE DMAG DANG NAGS TSAL PHRENG BA LJON SHING DANG, ,KHANG KHYIM SHING RTA PHRAN DANG 'GRON GNAS LA SOGS DNGOS RNAMS GANG DAG DANG, @309A *, ,ZHES BYA BA SMOS TE, DE RNAMS SHING RTA'I RNAM DPYAD BYAS PAS RNAM BDUN YOD MIN ZHING, ,DE LAS GZHAN DU GYUR PAR 'JIG RTEN GRAGS PA'I SGO NAS YOD PA YIN, ,ZHES BYA BA 'DI DANG SBYAR RO, ,GANG YANG DE LTA BU'I RIGS CAN GYI DNGOS PO GZHAN, DE BZHIN GANG DAG SGO NAS SKYE 'DIS BSNYAD PA DE RNAMS RTOGS BYA STE, MA BRTAGS PAR GRAGS PA KHO NAR RO, ,CI'I PHYIR ZHE NA, GANG PHYIR THUB DBANG DE NI 'JIG RTEN LHAN CIG RTZOD MI MDZAD PHYIR RO, ,'JIG RTEN NGA DANG LHAN CIG RTZOD KYI NGA NI 'JIG RTEN DANG MI RTZOD DO ZHES BYA BA'I LUNG LAS NA 'JIG RTEN GYI GRAGS PA LA GNOD PAR MI BYA'O, ,YANG 'JIG RTEN DNGOS PO GANG DAG GIS JI LTAR THA SNYAD 'DOGS SHE NA, DE BSTAN PA'I PHYIR BSHAD PA, YON TAN YAN LAG 'DOD CHAGS MTSAN NYID DANG NI BUD SHING LA SOGS DANG, ,YON TAN CAN YAN LAG CAN CHAGS DANG MTSAN GZHI ME LA SOGS DON DAG ,DE RNAMS SHING RTA'I RNAM DPYAD BYAS PAS RNAM BDUN YOD PA MA YIN ZHING, ,DE LAS GZHAN DU GYUR PAR 'JIG RTEN GRAGS PA'I SGO NAS YOD PA YIN, ,JI LTAR BUM PA YAN LAG CAN YIN LA GYO MO LA SOGS PA DE DAG DE'I YAN LAG YIN ZHING, BUM PA YON TAN CAN YIN LA ME RIS SNGO BSANGS LA SOGS PA DAG 'DI'I YON TAN YIN ZHING, BUM PA MTSAN GZHI YIN LA LTO SMAD LDIR BA DANG MCHU 'PHYANG BA DANG MGRIN PA RING BA NYID LA SOGS PA DAG DE'I MTSAN NYID YIN PA DE BZHIN DU, SNAM BU LA SOGS PA RNAMS LA YANG SBYAR BAR BYA'O, ,'DOD CHAGS NI LHAG PAR ZHEN PA'O, ,CHAGS PA NI 'DOD CHAGS KYI RTEN NO, ,ME NI SREG PAR BYED PA'O, ,BUD SHING NI BSREG BYA'O, ,DE LA YAN LAG RGYUR BYAS NAS YAN LAG CAN DU GDAGS LA YAN LAG CAN LA LTOS NAS YAN LAG DAG 'DOGS PAS SHING RTA'I DPE DANG MTSUNGS TE, BUD SHING LA LTOS NAS ME YIN LA DE LA LTOS NAS BUD SHING YIN PA'I BAR DU'O, ,'DI NI 'JIG RTEN GYI THA SNYAD YIN GYI 'DI LA DPYAD NA MI GZHUG GO , ,YAN LAG LA SOGS PA RNAMS PHAN TSUN LTOS PA'I GRUB PA YIN PA 'BA' ZHIG TU MA ZAD KYI, RGYU DANG 'BRAS BU GNYIS KYANG PHAN TSUN @309B LTOS PA YIN NO ZHES BSHAD PA, GANG GI PHYIR, GAL TE RGYU YIS BSKYED PAR BYA BSKYED DE LTA NA DE RGYU YIN ZHING, ,GAL TE 'BRAS BU MI BSKYED NA NI DE MED RGYU MED CAN DU 'GYUR, ,'BRAS BU YANG NI RGYU YOD GYUR NA SKYE BAR 'GYUR BA DE YI PHYIR, ,RGYU DANG 'BRAS BU 'DI GNYIS KYANG DE LAS GZHAN YOD NA CIG SHOS YOD PA NYID YIN NO ZHES SHES PAR BYA'O, ,RGYU DANG 'BRAS BU DAG RANG BZHIN GYIS YOD PA NYID NI MA YIN NO, ,CI STE KHYED DE GNYIS RANG GI NGO BOS GRUB PAR SEMS NA KYE, ,GANG LAS GANG ZHIG 'GYUR BA GANG ZHIG LAS SNGAR GANG ZHIG 'GYUR DE SMOS, ,CI RGYU 'AM 'BRAS BU SNGAR GRUB PA GANG LAS RGYU 'AM 'BRAS BU SKYE BAR 'GYUR BA DE GNYIS LAS DANG PO RGYU 'AM 'ON TE 'BRAS BU ZHIG TU 'GYUR, DE'I PHYIR RGYU DANG 'BRAS BUR GDAGS PA YANG SHING RTA LTAR RGYUR BYAS NAS YIN PAR RIG PAR BYA'I RANG BZHIN LAS GYUR PA NI MA YIN NO, ,GZHAN YANG GAL TE RGYUS 'BRAS BU RANG BZHIN GYIS SKYED PAR BYED NA PHRAD NAS SAM MA PRAD PAR SKYED PAR BYED GRANG, DE LA RE ZHIG ,GAL TE KHYOD KYI RGYU YIS PHRAD NAS 'BRAS SKYED BYED NA DE YI TSE, ,DE DAG NUS PA GCIG PAS SKYED BYED 'BRAS BU THA DAD MED GYUR ZHING, ,SO SOR NA NI RGYU 'DI RGYU MIN RNAMS DANG KHYAD PAR MED 'GYUR LA, ,GNYIS PO 'DI DAG SPANGS NAS RTOG PA GZHAN YANG YOD PAR 'GYUR MA YIN, ,DE LA GAL TE RGYUS 'BRAS BU PHRAD NAS SKYED PAR BYED NA DE'I TSE, ,PHRAD PA YIN DANG KLUNG DANG RGYA MTSO'I CHU PHRAD PA THA DAD MED PA LTAR CIG YIN PAS 'DI NI RGYU'O, ,'DI NI 'BRAS BU'O ZHES KHYAD PAR MED PA'I PHYIR, ,GANG ZHIG GANG GIS BSKYED PAR 'GYUR, ,CI STE MA PHRAD PAR SKYED PAR BYED NA NI, ,DE'I TSE JI LTAR MA PHRAD PAR 'BRAS BU MA YIN PA GZHAN MI SKYED PA DE BZHIN DU MA PHRAD PAR 'BRAS BU YANG BSKYED PAR MI 'GYUR RO, ,'ON TE MA PHRAD BZHIN DU SKYED PAR BYED NA NI RIL BSKYED PAR 'GYUR RO, ,RGYU DANG 'BRAS BU RANG BZHIN DU SMRA BA LA BSKYED BYA SKYED PAR BYED PA LA PHRAD PA DANG MA PHRAD PA DAG LAS MA GTOGS PA'I RTOGS PA GSUM PA GZHAN YANG SRID PA MA YIN PAS, ,RANG BZHIN GYIS GRUB PA'I RGYUS 'BRAS BU SKYED PAR MI BYED PA KHO NA'O, ,DE'I PHYIR, CI STE KHYOD @310A *, ,KYI RGYU YIS 'BRAS BU SKYED PAR MI BYED DE PHYIR 'BRAS, ,SHES BYA YOD MIN, GANG GI TSE RGYUS 'BRAS BU MI SKYED PA DE'I TSE 'BRAS BU MED PAS, 'BRAS BRAL RGYU NI RGYU MED CAN 'GYUR YOD PA'ANG MIN, ,RGYU RGYU NYID DU BYA BA LA NI 'BRAS BU 'BYUNG BA RGYU YIN NA, ,GAL TE 'BRAS BU MED PAR YANG RGYU NYID DU 'GYUR NA NI, DE'I TSE RGYU'I RGYU NYID RGYU MED PA CAN DU 'GYUR NA 'DI NI 'DOD PA YANG MA YIN TE, DE'I PHYIR RGYU DANG 'BRAS BU GNYIS RANG BZHIN GYIS YOD PA MA YIN NO, ,KHYOD KYI CI LTAR ZHE NA, GANG PHYIR 'DI DAG GNYIS CHAR YANG NI SGYU MA DANG 'DRA DE YI PHYIR, ,BDAG LA SKYON DU MI 'GYUR 'JIG RTEN PA YI DNGOS PO RNAMS KYANG YOD, ,GANG GI LTAR NA RANG GI MTSAN NYID BSKYED PAR BYA BA NYID DANG SKYED PAR BYED PA NYID YIN PA DE LA RNAM PAR DPYAD PA 'DIR 'GYUR GYI, GANG GI LTAR NA DNGOS PO RNAMS LOG PAR KUN BRTAGS PAS BSKYED PA NYID KYIS SGYU MA LTAR MA SKYES PA'I RANG BZHIN YIN ZHING RANG BZHIN MED KYANG RAB RIB CAN GYI DMIGS PA'I SKRA SHAD LA SOGS PA LTAR RNAM PAR RTOG PA'I YUL DU 'GYUR BA DE LA NI BSAM DU MED PA NYID DE, DE'I PHYIR BDAG LA JI SKAD BSHAD PA'I SKYON GYI SKABS YOD PA MA YIN ZHING, 'JIG RTEN PA'I DNGOS PO MA BRTAGS PAR GRUB PA RNAMS KYANG YOD PA YIN PAS THAMS CAD 'GRUB BO, ,'DIR KHA CIG LAN DU 'DI SKAD DU CI RGYUS 'BRAS BU PHRAD NAS SKYED PAR BYED DAM, 'ON TE MA PHRAD PAR YIN ZHES GANG SMRAS PAS 'DIR KHYOD LA YANG BRGAL ZHING BRTAG PA MTSUNGS SO, ,CI LTAR ZHE NA, SUN 'BYIN 'DIS SUN DBYUNG BYA PHRAD NAS 'BYIN NAM MA PHRAD PAR, ,YIN ZHES NYES PA 'DI NI KHYOD LA 'ANG 'GYUR BA MA YIN NAM, ,GAL TE SUN 'BYIN PAS SUN DBYUNG BYA PHRAD NAS SUN 'BYIN PAR BYED NA NI DE'I TSE NYES PA DE NYID DU 'GYUR RO, ,'ON TE MA PHRAD PAR YIN NA DE LTA NA YANG DE NYID DU 'GYUR RO, ,GNYIS PO 'DI DAG SPANGS NAS RTOGS PA GZHAN YANG YOD PAR 'GYUR BA MA YIN, GANG GI TSE DE LTAR KHYOD KYI SUN 'BYIN PA LA SUN DBYUNG BYA SUN 'BYIN PA'I NUS PA YOD PA MA YIN PA DE'I TSE KHYOD KYI SUN 'BYIN PA NYID SUN PHYUNG BA YIN PAS SHUGS KYIS RGYU DANG 'BRAS BU'I DNGOS PO YANG GRUB PA NYID DO ZHES BSTAN PA'I @310B PHYIR SMRAS PA, GANG TSE DE SKAD SMRA ZHING RANG PHYOGS KHO NA RNAMS 'JOMS PA, ,DE TSE KHYOD KYI SUN DBYUNG SUN NI 'BYIN PAR NUS MA YIN, ,GZHAN YANG, GANG PHYIR RANG GI TSIG LA 'ANG THAL BA MTSUNGS PA'I LTAG CHOD KYI, ,RIGS PA MED PAR DNGOS MTHA' DAG LA SKUR 'DEBS DE YI PHYIR, , KHYOD NI SKYE BO DAM PAS BZHED MI 'GYUR ZHING GANG GI PHYIR, ,KHYOD LA RANG PHYOGS MED PAS SUN CI PHYIN DU RGOL BA'ANG YIN, DE LA RANG GI TSIG LA 'ANG THAL BAR 'GYUR BAR MTSUNGS PA NYID NI SMRAS ZIN TO, ,RIGS PA MED PAR DNGOS MTHA' DAG LA SKUR 'DEBS ZHES BYA BA 'DI BSHAD PAR BYA'O, ,GANG MA PHRAD PAR MTSUNGS PAS SKYED PAR BYED PA MA YIN PA NYID DO, ,ZHES BYA BA 'DI LA RIGS PA CI ZHIG YOD, 'DI LTAR KHAB LEN GYIS MA PHRAD PA NYID DU RUNG BA'I YUL NA GNAS PA'I LCAGS 'DREN PAR BYED KYI THAMS CAD NI MA YIN NO, ,DE BZHIN DU MIG GIS MA PHRAD PA KHO NAR RUNG BA'I YUL NA GNAS PA'I GZUGS MTHONG GI ,RIL NI MA YIN PA DE BZHIN DU RGYUS KYANG MA PHRAD PAR BSKYED DU ZIN KYANG MA PHRAD PA THAMS CAD SKYED PAR MI 'GYUR GYI, 'BRAS BU RUNG BA KHO NA SKYED PAR 'GYUR RO, ,GANG GI PHYIR DE LTAR RIGS PA MED PAR DNGOS PO'O COG LA SKUR BA 'DEBS PA DE'I PHYIR KHYOD SKYE BO DAM PAS BZHED PAR MI 'GYUR RO, ,GZHAN YANG KHYOD NI SUN CI PHYIN DU RGOL BA PA NYID DU YANG 'GYUR TE, RANG GI PHYOGS BZHAG PA DANG BRAL ZHING GZHAN GYI PHYOGS SEL BA TZAM LA ZHUGS PA'I RGOL BA NI SUN CI PHYIN DU RGOL BA PA ZHES BYA BA'O, ,KHYOD LA NI RANG GI PHYOGS 'GA' ZHIG YOD PA YANG MA YIN TE, KHYOD KYI RNAM PAR DPYAD PA NI GZHAN GYI PHYOGS SEL BA NYID YIN PA'I PHYIR RO ZHES SMRAS SO, ,'DI LA BRJOD PAR BYA STE, SUN 'BYIN PAS SUN DBYUNG BYA MA PHRAD GSUM NI 'BYIN BYED DAM, ,'ON TE PHRAD NAS YIN ZHES SMRAS ZIN NYES PA 'DIR GANG LA; ,NGES PAR PHYOGS YOD DE LA 'GYUR GYI BDAG LA PHYOGS 'DI NI, ,YOD PA MIN PAS THAL BAR 'GYUR BA 'DI NI SRID MA YIN, ,DE LA RANG GI TSIG LA'ANG THAL BA MTSUNGS PA'I LTAG CHOD KYIS, ,ZHES GANG SMRAS PA NI KHO BO CAG GI PHYOGS LA MTSUNGS PAR THAL BAR MI 'GYUR TE, GANG GI @311A *, ,PHYIR KHO BO CAG GI PHYOGS LA NI SUN 'BYIN PAS SUN DBYUNG BAR BYA BA PHRAD NAS KYANG SUN 'BYIN PAR MI BYED PA NYID LA SUN 'BYIN PAS SUN DBYUNG BAR BYA BA MA PHRAD PAR YANG SUN 'BYIN PAR MI BYED DE, SUN 'BYIN PA DANG SUN DBYUNG BYA GNYI GA RANG BZHIN GYIS MA GRUB PA'I PHYIR RO; ,DE'I PHYIR PHRAD PA DANG MA PHRAD PA'I BSAM PA MI BYED DO, ,JI SKAD DU, TSE DANG LDAN PA RAB 'BYOR CI SKYES PA'I CHOS KYIS MA SKYES PA'I THOB PA 'THOB PAR 'GYUR RAM, 'ON TE MA SKYES PA'I CHOS KYIS MA SKYES PA'I THOB PA 'THOB PAR 'GYUR, RAB 'BYOR GYIS SMRAS PA, TSE DANG LDAN PA SH'A RI'I BU KHO BO NI SKYES PA'I CHOS KYIS MA SKYES PA'I THOB PA 'THOB PAR MI 'DOD LA, MA SKYES PAS KYANG MA SKYES PA'I THOB PA 'THOB PAR MI 'DOD DO, ,SH'A RI'I BUS SMRAS PA, TSE DANG LDAN PA RAB 'BYOR YANG CI THOB PA MED CING MNGON PAR RTOGS PA MED DAM, RAB 'BYOR GYIS SMRAS PA, TSE DANG LDAN PA SH'A RI'I BU THOB PA YANG YOD MNGON PAR RTOGS PA YANG YOD MOD KYI, GNYIS KYI TSUL GYIS NI MA YIN NO, ,TSE DANG LDAN PA SH'A RI'I BU THOB PA DANG MNGON PAR RTOGS PA NI 'JIG RTEN GYI THA SNYAD DU YIN LA, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, BYANG CHUB SEMS DPA' YANG 'JIG RTEN GYI THA SNYAD DU YIN GYI DON DAM PAR NI THOB PA MED CING MNGON PAR RTOGS PA MED DO ZHES RGYA CHER GSUNGS PA LTA BU'O, ,'DIR JI LTAR GNYIS SU THAL BAR 'GYUR BA'I PHYIR SKYES PA'AM MA SKYES PA'I CHOS KYIS THOB PA 'THOB PA BKAG CING GNYIS KYANG DNGOS PO MED PA LA MI RIGS PA'I PHYIR, MA BRTAGS PAR 'JIG RTEN GYI THA SNYAD DU THOB PAR KHAS BLANGS PA DE BZHIN DU, SUN DBYUNG BAR BYA BA DANG SUN 'BYIN PA DAG KYANG PHRAD PA'AM MA PHRAD PAR MA YIN MOD KYI, 'ON KYANG THA SNYAD DU SUN 'BYIN PAS SUN DBYUNG BA SUN 'BYIN PAR BYED DO ZHES SHES PAR BYA'O, ,GZHAN YANG, JI LTAR KHYOD KYIS NYI MA'I DKYIL 'KHOR LA YOD KHYAD PAR RNAMS, ,GZUGS BRNYAN LA YANG GZAS GZUNG LA SOGS RNAM 'TSE MTHONG 'GYUR LA, ,NYI MA DANG NI GZUGS BRNYAN RNAM PA PHRAD DANG MA PHRAD PAR, ,MI RIGS MOD KYI BRTEN @311B NAS THA SNYAD TZAM ZHIG 'BYUNG 'GYUR ZHING, ,MI BDEN BZHIN DU'ANG RANG GI BYAD BZHIN MDZES PAR BSGRUB BYA'I PHYIR, ,DE NI YOD PA JI LTAR DE BZHIN 'DIR YANG SHES RAB GDONG, ,SBYANG BAR BYA LA NUS PA MTHONG BAR GYUR PA'I GTAN TSIGS NI, ,'THAD PA DANG BRAL LAS KYANG BSGRUB BYA RTOGS ZHES SHES PAR BYA, ,JI LTAR GZUGS BRNYAN ZHES BYA BA CUNG ZAD KYANG YOD PA MA YIN PA'I PHYIR NA, NYI MA'I DKYIL 'KHOR DANG PHRAD PA'AM MA PHRAD PAR SKYE ZHES BYA BA'I RTOGS PA RNAM PA THAMS CAD DU MI SRID MOD KYI, 'ON KYANG RKYEN GZUGS NYE BA LAS GZUGS BRNYAN DU DMIGS PA NA RTOGS PAR 'DOD PA'I DON NGES PAR BYED PA DE BZHIN DU, RANG BZHIN GYIS STONG PA'I SUN 'BYIN PAS SUN DBYUNG BYA SUN 'BYIN PA DANG, RANG BZHIN GYIS STONG ZHING 'THAD PA DANG BRAL BA'I GTAN TSIGS KYIS BSGRUB PAR BYA BA BSGRUB PA YIN LA, GNYIS SU THAL BAR YANG MI 'GYUR BAS RANG GI TSIG LA'ANG THAL BAR MTSUNGS PAR MI RIGS SO ZHES SHES PAR BYA'O, ,SHES RAB NYID GDONG YIN PAS SHES RAB GDONG NGO, ,DE SBYANG BA NI MA RIG PA SPANGS PAS YONGS SU DAG PA NYID DO, ,DE LA NUS PA MTHONG BAR GYUR PA'I ZHES BYA BA NI DER NUS MTHU CAN DU MTHONG BA ZHES BYA BA'I DON TO, ,GANG GI PHYIR BTAGS PAR YOD PA RNAMS LA GNYIS SU SMRA BA 'DI MI RIGS PA DE NYID KYI PHYIR, GNYIS LA BRTEN NAS SUN 'BYIN PA DANG LAN SMRA BAS DBU MA PA LA RNAM PA THAMS CAD DU GLAGS MI RNYED DO, ,JI SKAD DU 'PHAGS PA'I LHAS, YOD DANG MED DANG YOD MED CES, ,GANG LA PHYOGS NI YOD MIN PA, ,DE LA YUN NI RING PO LA'ANG, ,KLAN KA BRJOD PAR NUS MA YIN, ,ZHES BYA BA DANG, DE BZHIN DU, STONG PA NYID KYIS BRTZAD BYAS TE, ,GANG ZHIG LAN 'DEBS SMRA BYED PA, ,DE YIS THAMS CAD LAN BTAB MIN, ,BSGRUB PAR BYA DANG MTSUNGS PAR 'GYUR, ,ZHES BYA BA GSUNGS SO, ,'DIS NI SKYED PAR BYED PA'I RGYU YANG RNAM PAR BSHAD PAR BYA'O, ,DE LA KHA CIG DBU MA PA'I BSTAN BCOS 'DIR SKYED PAR BYED PA'I RGYU'I SKABS SU BAB PA YIN GYI GSAL BAR BYED PA NI MA YIN LA, PHRAD PA DANG MA PHRAD PA'I BRGAL BA YANG GSAL BAR BYED PA'I RGYU LA YIN GYI SKYED PAR BYED PA LA NI MA YIN PAS KHO BO CAG GI TSIG RNAMS LA @312A *, ,LTAG CHOD KYI SKABS MED PA NYID DO ZHES GANG SMRA BAR BYED PA DE'I 'DI NI LAN MA YIN TE, GANG GI PHYIR GLAGS DANG BCAS PA'I DNGOS PO BRJOD NA PHA ROL PO MI BZOD PA NYID YIN LA, SKYED PAR BYED PA LTAR GSAL BAR BYED PA LA YANG GLAGS YOD PA YIN PAS DE'I LAN MI RIGS PA NYID DO, ,GZHAN YANG 'DIS BSTAN BCOS SU DAM BCAS PA'I DON SGRUB PA'I PHYIR YONGS SU BZUNG BA'I SGRUB BYED KYI SUN 'BYIN PA RNAMS LA LTAG CHOD 'GOD PAR BYED PA'I LAN SMRA BAR BYED PA DE'I PHYIR, 'DI NI GZHAN GYIS SUN DBYUNG BAR BYA BA KHO NA YIN PAS KHO BO CAG GIS BTAB PA'I LAN KHO NA CHES MDZES SO, ,GZHAN YANG, GAL TE RANG GI BSGRUB BYA GO BYED GTAN TSIGS DNGOS GRUB DANG, ,DNGOS SU GO BYA NYID 'GYUR BSGRUB BYA'I NGO BO'ANG YOD 'GYUR NA, ,PHRAD PA LA SOGS RIGS PA NYE BAR SBYOR BAR 'GYUR ZHIG NA, ,DE YANG YOD PA MIN PAS KHYOD KYI YI CHAD 'BA' ZHIG YIN, , YONGS SU DAG PA'I PHYOGS KYI SKYON YONGS SU MA DAG PA'I PHYOGS KYI STENG DU 'GOD PA KHYOD NI KHO BO CAG LA DON MED PAR YID 'BYUNG BA KHO NA YIN PAR RTOGS TE, DPER NA RAB RIB CAN GYIS DMIGS PA'I SKRA SHAD LA SOGS PA RNAMS KYI GCIG NYID DANG, MANG PO NYID DANG, RING PO NYID DANG, ZLUM PO NYID DANG, NAG PO LA SOGS PA'I PHYOGS SUN 'BYIN PAS, RAB RIB MED PA RNAMS LA MI GNOD PA DE BZHIN DU, RANG BZHIN MED PA'I RGYU DANG 'BRAS BU RNAM PAR DPYOD PA NA, KHYOD KYIS GNYIS YONGS SU BZUNG NAS SUN 'BYIN PA BKOD PAS KYANG MI GNOD DO, ,DE NYID KYI PHYIR GANG DAG MIG DANG KHAB LEN LA SOGS PA MA PHRAD PAR RANG GI BYA BA BYED PAR RNAM PAR GZHAG PA DPE DE DAG KYANG BKAG PAR RIG PAR BYA STE, DE DAG LA YANG THAL BAR 'GYUR BA MTSUNGS PA'I PHYIR RO, ,GANG ZHIG KHYOD RANG BZHIN MED PA NYID KYI LAM DRANG PO BTANG NAS RTOG GE NGAN PA'I LAM SHIN TU 'KHYOG PA, RANG GI RNAM PAR RTOG PA'I BZO BO NGAN PAS SBYAR BA, YANG DAG PA'I LAM 'GEGS PAR BYED PAR SPRO BA, TE POR TSEGS CHE BA 'DIS KHYOD LA CI ZHIG BYA, GZHAN YANG, DNGOS RNAMS MTHA' DAG DNGOS PO MED PAR RTOGS SU GZHUG PAR NI, ,NUS PA CHES SLA JI LTA @312B DE LTAR RANG BZHIN GZHAN DAG LA, KHONG DU CHUD PAR BDE BLAG TU NI NUS PA MA YIN NO, ,RTOG GE NGAN PA'I DRA BAS 'JIG RTEN CI STE 'DIR GCOL BYED, ,JI LTAR RMI LAM DANG SGYU MA LA SOGS PA RANG GI PHYOGS LA GRUB PA'I DPE RNAMS KHO NAS, 'JIG RTEN GYI DNGOS PO RANG BZHIN MED PA NYID DU RTOGS SU GZHUG PAR NUS PA DE LTAR, 'GA' ZHIG DNGOS PO RNAMS RANG BZHIN DANG BCAS PAR 'DZIN DU GZHUG PAR NUS PAR SLA BA MA YIN TE, GNYI GA LA GRAGS PA'I DPE MED PA'I PHYIR RO, ,DE LTAR YIN DANG, ,KHO BOS RTZOD PA THAMS CAD BZLOG PA YIN LA LAN YANG SUS KYANG BRJOD PAR NUS PA MA YIN NO, ,DE'I PHYIR 'JIG RTEN LA DON MA YIN PA BYA BA'I PHYIR, SU ZHIG GIS SBED CING KHYOD 'JIG RTEN NYON MONGS DAR GYI SRIN BU LTAR RANG GI RTOG PA'I SBUBS KYIS GTUMS PA'I STENG DU RTOG GE NGAN PA'I SRAD BUS BRES PA'I RGYU SHIN TU BSRAN TE MA KUN NAS 'DZUGS PAR CI STE BYED, RTZOD PA 'DI NI DOR BAR BYA DGOS TE, DNGOS PO GZUGS BRNYAN DANG 'DRA BAS DE DAG THAMS CAD LA RANG GI MTSAN NYID MED CING SPYI'I MTSAN NYID KYANG MED LA MNGON SUM MAM RJES SU DPAG PA'ANG CI ZHIG YOD, 'DI NI MNGON SUM GCIG NYID KHO NAR ZAD DE GANG THAMS CAD MKHYEN PA'I YE SHES SO, ,GZHAN YANG; SUN 'BYIN LHAG MA GONG DU BSTAN PA YANG NI SHES BYAS NAS, ,PHRAD PA LA SOGS PHYOGS KYI LAN GYI CHED DU 'DI GTANG BYA, ,SUN CI PHYIN DU RGOL BA PO YANG JI LTAR YOD MIN PA, ,DE SKAD SNGAR BSHAD LHAG MA PHYOGS 'DI NYID KYIS RTOGS PAR BYA, ,RTEN CING 'BREL BAR 'BYUNG BA RNAM PAR GZHAG PA DANG BRTEN NAS GDAGS PA RNAM PAR GZHAG PA GZHAN GYI PHYOGS LA SUN 'BYIN PA GANG BSHAD PA DE NYID LAS SUN 'BYIN PA LHAG MA SHES PAR BYAS NAS, CI RGYUS 'BRAS BU PHRAD NAS SKYED PAR BYED DAM, 'ON TE MA PHRAD PAR ZHES BYA BA'I SUN 'BYIN PA'I LAN GYI DON DU GANG GIS SMRAS PA DE LA SUN 'BYIN GTANG BAR BYA'O, ,BSTAN BCOS LAS NI RTOG PA LDOG PA NYID BRJOD PAR 'DOD PA YIN LA, DE YANG KHO BO CAG GIS BSTAN ZIN PA'I PHYIR BSTAN BCOS LAS SUN CI PHYIN DU RGOL BA NYID GA LA YOD, 'DIR BDAG GIS GZHAN GYI PHYOGS BSAL BAR @313A *, ,BYAS PA YANG MA YIN TE, BSAL BAR BYA BA'I DNGOS PO MED PA NYID KYI PHYIR RO, ,DE'I PHYIR SUN CI PHYIN DU RGOL BA PA NYID GA LA YOD, GANG GIS NA MTSAN NYID BYAS PA 'DI YANG DAG PA'I MTSAN NYID DU 'GYUR BA SUS RANG GI PHYOGS GZHAG CING GZHAN GYI PHYOGS BZLOG PA STE; DE'I PHYIR SUN CI PHYIN DU RGOL BA'I MTSAN NYID 'DI NI RNAM PA THAMS CAD DU MI RIGS SO, ,DE LTA BU LA SOGS PA SUN 'BYIN LHAG MA NI PHYOGS 'DI NYID KYIS RTOGS PAR BYA'O, ,DE LA DE NYID DE LAS 'BYUNG MIN ZHES BYA BA NAS BRTZAMS TE, RNAM DPYOD PA NA MYUR DU GROL BAR 'GYUR, ,ZHES BYA BA'I BAR 'DIS NI CHOS KYI BDAG MED PA MNGON PAR GSAL BAR BYAS SO, ,NYON MONGS SKYON RNAMS MA LUS 'JIG TSOGS LA, ,LTA LAS 'BYUNG BAR ZHES BYA BA LA SOGS PA NAS 'DI YAN CHAD KYIS NI GANG ZAG GI BDAG MED PA GSAL BAR BYAS SO, ,DE'I PHYIR 'DI STON ZHING STONG PA NYID KYI RAB TU DBYE BA BRJOD PAR 'DOD NAS BSHAD, BDAG MED 'DI NI 'GRO BA RNAM DGROL PHYIR, ,CHOS DANG GANG ZAG DBYE BAS RNAM GNYIS GSUNGS, ,BDAG MED PA 'DI NI MDOR BSDUS NAS RNAM PA GNYIS SU GSUNGS TE, CHOS KYI BDAG MED PA DANG GANG ZAG GI BDAG MED PA'O, ,YANG CI'I PHYIR BDAG MED PA RNAM PA GNYIS NYE BAR BSTAN ZHE NA, BSHAD PA, 'GRO BA RNAM DGROL PHYIR TE, BDAG MED PA RNAM PA GNYIS PO 'DI NI BCOM LDAN 'DAS KYIS 'GRO BA RNAM PAR DGROL BAR BYA BA'I DON DU NYE BAR BSTAN TO, ,DE LA GANG ZAG GI BDAG MED PA NI RANG SANGS RGYAS RNAMS DANG, NYAN THOS RNAMS RNAM PAR DGROL BAR BYA BA'I PHYIR BSTAN LA BYANG CHUB SEMS DPA' RNAMS RNAM PA THAMS CAD MKHYEN PA NYID THOB PAS RNAM PAR DGROL BAR BYA BA'I PHYIR NI GNYI GA BSTAN TO, ,NYAN THOS DANG RANG SANGS RGYAS RNAMS KYIS KYANG RTEN CING 'BREL PAR 'BYUNG BA RKYEN NYID 'DI PA TZAM MTHONG MOD KYI; DE LTA NA YANG DE DAG LA CHOS KYI BDAG MED PA YONGS SU RDZOGS PAR SGOM PA MED DE, KHAMS GSUM NA SPYOD PA'I NYON MONGS PA SPONG BA'I THABS TZAM ZHIG NI YOD DO, ,DE DAG LA GANG ZAG GI BDAG MED PA MA LUS PAR SGOM PA NI YOD PAR RNAM PAR GZHAG GO, ,DE LTAR STON PAS SLAR @313B YANG 'DI NYID NI, ,GDUL BA RNAMS LA PHYE STE RNAM MANG GSUNGS, ,BDAG MED PA RNAM PA GNYIS PO 'DI NI SLAR BCOM LDAN 'DAS KYIS GDUL BA'I BSAM PA SNA TSOGS PA NYID KYIS MANG POR BSTAN TO, ,DE LA, SPROS DANG BCAS PAR STONG PA NYID, ,BCU DRUG BSHAD NAS MDOR BSDUS TE, , SLAR YANG BZHIR BSHAD DE DAG NI, ,THEG CHEN DU YANG BZHED PA YIN, ,JI SKAD DU, RAB 'BYOR GZHAN YANG BYANG CHUB SEMS DPA'I THEG PA CHEN PO NI 'DI LTA STE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID DANG, DNGOS PO MED PA'I NGO BO NYID STONG PA NYID DO, ,ZHES GSUNGS SO, ,DE SKAD DU STONG PA NYID BCU DRUG BSTAN NAS, RAB 'BYOR GZHAN YANG DNGOS PO NI DNGOS POS STONG NGO, ,DNGOS PO MED PA NI DNGOS PO MED PAS STONG NGO, , RANG BZHIN NI RANG BZHIN GYIS STONG NGO, ,GZHAN GYI DNGOS PO NI GZHAN GYI DNGOS POS STONG NGO ZHES SLAR YANG STONG PA NYID BZHI BSTAN TE, STONG PA NYID 'DI RNAMS NI THEG PA CHEN PO ZHES BYA'O, ,STONG PA NYID DAM STONG PA NYID MA YIN PA NI CUNG ZAD KYANG YOD PA MA YIN TE, RNAM PA DE LTA BUS GDUL BYA'I SKYE BO'I DBANG GIS GZUGS LA SOGS PA LTAR KUN RDZOB TU BSNYAD PAR ZAD DO, ,JI SKAD DU BSTAN BCOS LAS, GAL TE STONG MIN CUNG ZAD YOD, ,STONG PA CUNG ZAD YOD PAR 'GYUR, ,MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,STONG NGO ZHES KYANG MI BRJOD DE, ,MI STONG ZHES KYANG MI BYA ZHING, ,GNYIS DANG GNYIS MIN MI BYA STE, ,GDAGS PA'I DON DU BRJOD PAR BYA, ,ZHES GSUNGS SO, ,DE LA NANG STONG PA NYID KYI DBANG DU BYAS NAS BSHAD PA, GANG PHYIR DE YI RANG BZHIN DE, ,YIN PHYIR MIG NI MIG GIS STONG, ,DE BZHIN RNA BA SNA DANG LCE, ,LUS DANG @314A *, ,YID KYANG BSNYAD PAR BYA, ,THER ZUG GNAS PA MA YIN DANG, ,'JIG PA MA YIN NYID KYI PHYIR, ,MIG LA SOGS PA DRUG PO YI, ,RANG BZHIN MED NYID GANG YIN PA, ,DE NI NANG STONG NYID DU 'DOD, ,JI SKAD DU, DE LA GANG DAG NANG STONG PA NYID DU 'GYUR BA NA NANG GI CHOS RNAMS GANG DAG YIN ZHE NA, NANG GI CHOS RNAMS ZHES BYA BA NI, MIG DANG RNA BA DANG SNA DANG LCE DANG LUS DANG YID DE, DE LA THER ZUG TU GNAS PA MA YIN PA DANG, 'JIG PA MA YIN PA NYID KYI PHYIR, MIG NI MIG GIS STONG STE, DE CI'I PHYIR ZHE NA, DE'I RANG BZHIN DE YIN PA'I PHYIR RO ZHES RGYA CHER GSUNGS PA LTA BU'O, ,DE LA THER ZUG TU GNAS PA MA YIN PA NYID NI RANG BZHIN MI 'DOR BA LA BYA'O, ,DE YANG DUS CUNG ZAD CIG GNAS NAS LDOG PAR YANG 'GYUR BAS 'JIG PA MA YIN PA NYID KYI PHYIR ZHES GSUNGS SO, ,'DI SKAD BSTAN PAR 'GYUR TE, DNGOS PO GANG ZHIG RANG BZHIN DANG BCAS PA NYID DE NI GOR MA CHAG PAR THER ZUG PA MA YIN PA DANG MI LDOG PA ZHIG TU 'GYUR DGOS SO, ,JI SKAD DU, RANG BZHIN RGYU DANG RKYEN DAG LAS, ,'BYUNG BAR RIGS PA MA YIN NO, ,RGYU DANG RKYEN LAS BYUNG BA YIN, ,RANG BZHIN BYAS PA CAN DU GYUR, ,RANG BZHIN BYAS PA YIN NO ZHES, ,JI LTA BUR NA RUNG BAR 'GYUR, ,RANG BZHIN NYID NI BCOS MIN DANG, ,GZHAN LA LTOS PA MED PA YIN, ,ZHES GSUNGS SO, ,YANG CI GANG ZHIG SLOB DPON GYIS BSTAN BCOS LAS KHYAD PAR DU MDZAD PA RNAM PA DE LTA BA'I RANG BZHIN SLOB DPON GYIS ZHAL GYIS BZHES PA ZHIG YOD DAM ZHE NA, GANG GI DBANG DU MDZAD NAS BCOM LDAN 'DAS KYIS DE BZHIN GSHEGS PA RNAMS BYANG YANG RUNG, MA BYUNG YANG RUNG CHOS RNAMS KYI CHOS NYID 'DI NI GNAS PA NYID DO ZHES RGYAS PAR GSUNGS PA CHOS NYID CES BYA BA NI YOD DO, ,CHOS NYID CES BYA BA 'DI YANG CI ZHIG ,MIG LA SOGS PA 'DI DAG GI RANG BZHIN NO, ,DE DAG GI RANG BZHIN YANG GANG ZHIG CE NA, 'DI DAG NI BCOS MA MA YIN PA DANG GZHAN LA LTOS PA MED PA GANG YIN PA STE, MA RIG PA'I RAB RIB DANG BRAL BA'I SHES PAS RTOGS PAR BYA BA'I RANG GI NGO BO'O, ,CI DE YOD DAM MED DO ZHES DE SKAD DU SMRA, GAL TE DE MED NA NI @314B CI'I DON DU BYANG CHUB SEMS DPA' RNAMS PHA ROL TU PHYIN PA'I LAM SGOM PAR 'GYUR TE, GANG GI PHYIR CHOS NYID DE RTOGS PAR BYA BA'I PHYIR, BYANG CHUB SEMS DPA' RNAMS DE LTAR DKA' BA BRGYA PHRAG RTZOM PA YIN NO, ,JI SKAD DU, RIGS KYI BU DON DAM PA NI SKYE BA MED PA DANG, 'GAG PA MED PA DANG, 'JIG PA MED PA DANG, 'ONG BA MED PA DANG, 'GRO BA MED PA DANG, YI GE RNAMS KYIS BRJOD PAR BYA BA MA YIN PA DANG, YI GE RNAMS KYIS RAB TU BSNYAD DU MED CING SPROS PAS RTOGS PA MA YIN TE, RIGS KYI BU DON DAM PA NI BRJOD DU MED CING ZHI BA 'PHAGS PA RNAMS KYIS SO SO RANG GIS RIGS PAR BYA'O, ,RIGS KYI BU DON DAM PA NI DE BZHIN GSHEGS PA RNAMS BYUNG YANG RUNG MA BYUNG YANG RUNG STE, GANG GI DON DU BYANG CHUB SEMS DPA' RNAMS SKRA DANG KHA SPU DAG BREGS NAS GOS NGUR SMRIG BGOS TE, YANG DAG PAR DAD PAS KHYIM NAS, KHYIM MED PAR RAB TU BYUNG ZHING, RAB TU BYUNG NAS KYANG CHOS DE NYID THOB PAR BYA BA'I PHYIR, SKRA'AM GOS LA ME SHOR BA LTAR BRTZON 'GRUS RTZOM ZHING GNAS PA RNAM PAR 'JIG PA MED PA'O, ,RIGS KYI BU GAL TE DON DAM PA YOD PAR MA GYUR NA NI TSANGS PAR SPYOD PA MED PAR 'GYUR ZHING DE BZHIN GSHEGS PA RNAMS BYUNG BA DON MED PAR 'GYUR RO, ,GANG GI PHYIR DON DAM PAR DE YOD PA DE'I PHYIR BYANG CHUB SEMS DPA' RNAMS LA DON DAM PA LA MKHAS PA ZHES BYA'O ZHES GSUNGS PA LTA BU'O, ,'DIR SMRAS PA, KYE MA MA LA GANG ZHIG DNGOS PO CUNG ZAD KYANG MI 'DOD CING, GLO BUR DU BCOS MA MA YIN PA DANG, GZHAN LA LTOS PA MED PA'I RANG BZHIN YANG 'DOD PA KHYOD NI PHAN TSUN 'GAL BA'I DON BRJOD PA ZHIG GO, ,BRJOD PAR BYA STE, KHYOD KYIS BSTAN BCOS KYI DGONGS PA MA RIG PA ZHIG STE, 'DI'I DGONGS PA NI, GAL TE MIG LA SOGS PA RNAMS KYIS RANG GI NGO BO RTEN CING 'BREL PAR 'BYUNG BA BYIS PA'I SKYE BOS GZUNG BAR BYA BA GANG YIN PA DE NYID DE RNAMS KYI RANG BZHIN YIN NA NI, ,RANG BZHIN DE PHYIN CI LOG TU GYUR PAS KYANG RTOGS PA'I PHYIR, TSANGS PAR SPYOD PA DON MED PAR 'GYUR NA, GANG GI PHYIR 'DI NYID RANG BZHIN MA @315A *, ,YIN PA DE'I PHYIR, DE'I LTA BA'I DON DU TSANGS PAR SPYOD PA DON DANG BCAS PAR 'GYUR RO, ,DE YANG BDAG GIS KUN RDZOB KYI BDEN PA LA LTOS NAS BCOS MA MA YIN PA NYID DANG, GZHAN LA MI LTOS PA NYID DU BRJOD DO, ,GANG ZHIG BYIS PA'I SKYE BOS BLTA BAR BYA BA MA YIN PA DE NYID NI RANG BZHIN DU RIGS LA, DE TZAM GYIS DON DAM PA DNGOS PO MA YIN ZHING DNGOS PO MED PA YANG MA YIN TE, DE NI RANG BZHIN GYIS ZHI BA NYID KYI PHYIR RO ZHES BYA BA 'DI YIN NO, ,RANG BZHIN 'DI NI SLOB DPON GYIS ZHAL GYIS BZHES PA 'BA' ZHIG TU MA ZAD KYI, GZHAN YANG DON 'DI KHAS LEN DU GZHUG PAR NUS PAS RANG BZHIN 'DI NI GNYI GA LA GRUB PA NYID DU YANG RNAM PAR GZHAG GO, ,GANG DAG ME LA SOGS PA'I RANG BZHIN TSA BA LA SOGS PA YIN PAR SMRA BA DE DAG GI LTAR NA NI, RNAM PA THAMS CAD DU MI RUNG STE, RTEN CING 'BREL PAR 'BYUNG BA NYID KYIS BCOS MA NYID YIN PA'I PHYIR DANG; LTOS PA DANG BCAS PA'I PHYIR RO, ,YOD PA NYID KYI PHYIR DE LA BCOS MA NYID MED PA DANG, GZHAN LA LTOS PA NYID MED PA YOD DO ZHES BYA BAR BRJOD PAR YANG MI RIGS TE, DE LA ZHES BYA BA 'DIS MCHOG TU 'DZIN PA'I DNGOS PO MED PA'I PHYIR LA, KUN RDZOB TU RNAM PA DE LTA BU'I DON BSTAN PA'I PHYIR TE, RGYA CHEN POS CHOG GO, ,DKYUS MA NYID RNAM PAR BSHAD PAR BYA'O, ,DE LA MIG LA SOGS PA RNAMS MIG LA SOGS PA RNAMS NYID KYIS STONG PA NYID DU SMRAS PAS NI RANG BZHIN STONG PA NYID YONGS SU GSAL BAR BYAS PA YIN GYI, MIG NI NANG GI BYED PA DANG BRAL BA'I PHYIR STONG ZHING GZUNG BA DANG 'DZIN PA'I BDAG NYID KYIS STONG NGO ZHES GCIG LA GCIG MED PA'I STONG PA NYID NI MA YIN NO, ,DE LA PHYI STONG PA NYID NI, GANG PHYIR DE YI RANG BZHIN DE, ,YIN PHYIR GZUGS NI GZUGS KYIS STONG, ,SGRA DANG DRI RO REG BYA DANG, ,CHOS RNAMS NYID KYANG DE BZHIN NO, , GZUGS SOGS RANG BZHIN MED PA NYID, ,PHYI ROL STONG PA NYID DU 'DOD, ,JI SKAD DU, DE LA PHYI STONG PA NYID GANG ZHE NA, ,PHYI'I CHOS RNAMS ZHES BYA BA NI GZUGS LA SOGS PA'O, ,DE LA THER ZUG TU GNAS PA MA YIN PA DANG 'JIG PA MA YIN PA NYID KYI PHYIR, GZUGS NI GZUGS KYIS @315B STONG STE, DE'I RANG BZHIN DE YIN PA'I PHYIR RO ZHES GSUNGS TE SNGA MA BZHIN NO, ,GNYIS CHAR RANG BZHIN MED NYID NI, ,PHYI NANG STONG PA NYID YIN NO, ,JI SKAD DU PHYI DANG NANG GI CHOS RNAMS PHYI DANG NANG GI CHOS RNAMS KYI RANG BZHIN MED PA NYID NI PHYI DANG NANG GI STONG PA NYID DO ZHES GSUNGS TE SNGA MA BZHIN NO, , CHOS RNAMS RANG BZHIN MED PA NYID, ,MKHAS PAS STONG PA NYID CES BSNYAD, ,STONG NYID DE YANG STONG NYID KYI, ,NGO BOS STONG PAR 'DOD PA YIN, ,STONG NYID CES BYA'I STONG NYID GANG, ,STONG NYID STONG NYID DU 'DOD DE, ,STONG NYID DNGOS PO'I BLO CAN GYI, ,'DZIN PA ZLOG PHYIR GSUNGS PA YIN, ,JI SKAD DU, DE LA STONG PA NYID GANG ZHE NA, ,CHOS RNAMS KYI STONG PA NYID GANG YIN PA'I STONG PA NYID DES STONG PA NYID STONG PA 'DI NI STONG PA NYID STONG PA NYID CES BYA'O ZHES GSUNGS SO, ,GANG DAG STONG PA NYID LA YANG DNGOS POR MNGON PAR ZHEN PA DE DAG GI STONG PA NYID LA DNGOS POR 'DZIN PA BZLOG PA'I DON DU NYE BAR BSTAN TE, JI SKAD DU, KUN RTOG THAMS CAD GZHOM PA'I PHYIR, ,STONG NYID BDUD RTZI BSTAN PAR MDZAD, ,GANG LA DE LA'ANG 'DZIN YOD PA, ,DE NI KHYOD KYIS SMAD PAR MDZAD, ,CES GSUNGS SO, ,SEMS CAN SNOD KYI 'JIG RTEN NI, ,MA LUS KHYAB BYED NYID PHYIR DANG, ,TSAD MED DPE YI MU MTHA' NI, ,MED PHYIR PHYOGS RNAMS CHEN PO NYID, ,PHYOGS LAS LOGS SHIG TU SEMS CAN GYI 'JIG RTEN MED CING SNOD KYI 'JIG RTEN MED PAS 'GRO BA MA LUS PA LA KHYAB PAR BYED PA NYID KYIS PHYOGS RNAMS CHEN PO NYID DO, ,GANG GI PHYIR BYAMS PA LA SOGS PA SGOM PA NI PHYOGS YONGS SU BCAD NAS SGOM PAS NA, PHYOGS RNAMS TSAD MED PA'I DPE CAN DU GNAS PA DE'I PHYIR MU MED PAS KYANG CHEN PO NYID DO, ,'DI DAG BCU CHAR PHYOGS RNAMS KYIS, ,STONG PA NYID NI GANG YIN TE, ,CHEN PO STONG PA NYID YIN TE, ,CHEN POR 'DZIN PA BZLOG PHYIR GSUNGS, ,JI SKAD DU; CHEN PO STONG PA NYID GANG ZHE NA, SHAR PHYOGS NI SHAR PHYOGS KYIS STONG NGO ZHES RGYA CHER GSUNGS PA LTA BU'O, ,CHEN PO STONG PA NYID DE NI GANG DAG PHYOGS TSAD MED DO SNYAM DU PHYOGS RNAMS LA CHEN POR 'DZIN PA DE DAG GI 'DZIN PA DE BZLOG PA'I PHYIR BSTAN TE, 'DI LTAR BYE BRAG PA @316A *, ,DAG GIS PHYOGS RNAMS RDZAS NYID DU RTOGS SO, ,DE NI DGOS PA MCHOG YIN PAS, ,DON DAM MYA NGAN 'DAS PA YIN, ,DE NI DE YIS STONG NYID GANG, ,DE NI DON DAM STONG NYID DE, ,MYA NGAN 'DAS DNGOS BLO CAN GYI, ,'DZIN PA BZLOG PAR BYA BA'I PHYIR, ,DON DAM MKHYEN PAS DON DAM PA, ,STONG PA NYID NI BSTAN PA MDZAD, ,JI SKAD DU, DE LA DON DAM PA STONG PA NYID GANG ZHE NA, DON DAM PA ZHES BYA BA NI MYA NGAN LAS 'DAS PA STE, THER ZUG TU GNAS PA MA YIN PA DANG, 'JIG PA MA YIN PA NYID KYI PHYIR, MYA NGAN LAS 'DAS PA NI MYA NGAN LAS 'DAS PAS STONG STE, ZHES RGYA CHER 'BYUNG NGO, ,DE YANG MYA NGAN LAS 'DAS PA LA DNGOS POR MNGON PAR ZHEN PA RNAMS KYI DNGOS POR 'DZIN PA BZLOG PAR BYA BA'I PHYIR GSUNGS SO, ,DON GYI SGRA NI DGOS PA'I TSIG GAM SHES BYA'I TSIG GO, ,RKYEN LAS BYUNG PHYIR KHAMS GSUM PO, ,'DUS BYAS YIN PAR NGES PAR BSNYAD, ,DE NI DE YIS STONG NYID GANG, ,DE NI 'DUS BYAS STONG NYID GSUNGS, ,JI SKAD DU, DE LA 'DUS BYAS STONG PA NYID GANG ZHE NA, 'DUS BYAS ZHES BYA BA NI KHAMS GSUM MO, ,DE LA 'DOD PA'I KHAMS NI 'DOD PA'I KHAMS KYIS STONG STE ZHES RGYA CHER GSUNGS PA LTA BU'O, ,GANG LA SKYE GNAS MI RTAG NYID, ,DE DAG MED PA 'DUS MA BYAS, ,DE NI DE YIS STONG NYID GANG, ,DE NI 'DUS MA BYAS STONG NYID, ,DE YIS ZHES BYA BA NI 'DUS MA BYAS KYIS ZHES BYA BA'I DON TO, ,JI SKAD DU, DE LA 'DUS MA BYAS STONG PA NYID GANG ZHE NA, 'DUS MA BYAS ZHES BYA BA NI, GANG LA SKYE BA MED PA DANG, 'GAG PA MED PA DANG, 'JIG PA MED PA DANG, GNAS PA LAS GZHAN DU 'GYUR BA NYID MED PA'O, ,DE LA 'DUS MA BYAS NI 'DUS MA BYAS KYIS STONG STE ZHES GSUNGS PA LTA BU STE SNGA MA BZHIN NO, ,GANG LA MTHA' NI YOD MIN PA, ,DE NI MTHA' LAS 'DAS PAR BRJOD, , DE DE KHO NAS STONG PA NYID, ,MTHA' LAS 'DAS PA STONG NYID BSNYAD, ,JI SKAD DU, DE LA MTHA' LAS 'DAS PA STONG PA NYID GANG ZHE NA, MTHA' ZHES BYA BA NI RTAG PA'I MTHA' DANG CHAD PA'I MTHA' STE, GANG LA MTHA' YOD PA MA YIN PA DE NI MTHA' LAS 'DAS PA'O, ,MTHA' LAS 'DAS PA NI @316B MTHA' LAS 'DAS PAS STONG STE ZHES RGYA CHER GSUNGS PA LTA BU'O, ,THOG MA DANG PO THA MA MTHA', ,DE DAG MED PAS 'KHOR BA NI, ,THOG MA THA MA MED PAR BRJOD, ,'GRO 'ONG BRAL ZHING RMI LAM LTA'I, ,SRID 'DI DE YIS DBEN NYID GANG, ,DE NI THOG MA DANG THA MA MED PA STONG PA NYID DO ZHES BSTAN BCOS LAS NI NGES PAR BSNYAD, ,JI SKAD DU, DE LA THOG MA DANG THA MA MED PA STONG PA NYID GANG ZHE NA, GANG LA THOG MA DANG THA MA MI DMIGS PA DE LA DBUS MED CING, GANG LA THOG MA DANG THA MA DBUS MA DMIGS PA DE LA 'ONG BA DANG 'GRO BA MED DO, ,DE LA THER ZUG TU GNAS PA MA YIN PA DANG, 'JIG PA MA YIN PA NYID KYI PHYIR, THOG MA DANG THA MA DANG DBUS RNAMS NI THOG MA DANG THA MA DANG DBUS RNAMS KYIS STONG STE ZHES BYA BA LA SOGS PA GSUNGS PA LTA BU'O, ,THOG MA ZHES BYA BA NI DANG PO LA BYA'O, ,THA MA ZHES BYA BA NI MTHA'O, ,DOR BA ZHES BYA 'THOR BA DANG, ,'BOR BA LA NI NGES PAR BRJOD, ,DOR MED STONG PA MED PA STE, ,'GA' YANG 'BOR MED GANG YIN PA'O, ,DOR BA MED PA DE NYID KYIS, ,DE NYID STONG PA NYID GANG YIN, ,DE DE'I PHYIR NA DOR MED PA, ,STONG PA NYID CES BYA BAR BRJOD, ,JI SKAD DU, DE LA DOR BA MED PA STONG PA NYID GANG ZHE NA, DOR BA NI 'THOR BA DANG 'BOR BA DANG GTONG BA'O, ,DE LA DOR BA MED PA NI DOR BA MED PAS STONG STE ZHES RGYA CHER GSUNGS PA LTA BU'O, ,DOR BA NI GTONG PA YIN LA DOR BA MED PA NI GANG LA 'GA' YANG GTONG PA MED PA'O ZHES BYA BA'I DON TO, ,'DUS BYAS LA SOGS NGO BO NYID, ,GANG PHYIR SLOB MA RANG SANGS RGYAS, ,RGYAL SRAS DE BZHIN GSHEGS RNAMS KYIS, ,MA MDZAD DE PHYIR 'DUS BYAS LA, ,SOGS PA RNAMS KYI NGO BO NYID, ,RANG BZHIN NYID DU BSNYAD PA STE, ,DE NYID KYIS DE STONG NYID GANG, ,DE NI RANG BZHIN STONG PA NYID, ,JI SKAD DU, DE LA RANG BZHIN STONG PA NYID GANG ZHE NA, GANG CHOS RNAMS KYI RANG BZHIN MA BYAS SHING MNGON PAR 'DUS MA BYAS PA STE, DE NI NYAN THOS RNAMS KYIS MA BYAS ZHES RGYA CHER GSUNGS PA LTA BU'O, ,KHAMS BCO BRGYAD DANG REG DRUG DANG, ,DE LAS DBYUNG BA'I TSOR BA DRUG , ,GZUGS CAN GZUGS CAN MIN DE BZHIN, ,'DUS BYAS 'DU @317A *, ,MA BYAS CHOS RNAMS, ,CHOS DE DAG NI THAMS CAD KYI, ,DE DAG GIS DBEN STONG NYID GANG, ,YIN PA 'DI NI CHOS THAMS CAD STONG PA NYID DO, ,JI SKAD DU, DE LA CHOS THAMS CAD STONG PA NYID GANG ZHE NA, CHOS THAMS CAD CES BYA BA NI 'DUS BYAS RNAMS DANG, 'DUS MA BYAS RNAMS DANG ZHES BYA BA LA SOGS PA GSUNGS PA LTA BU'O, ,DE LA KHAMS BCO BRGYAD NI, NANG GI SKYE MCHED DRUG DANG, PHYI'I DRUG DANG RNAM PAR SHES PA'I TSOGS DRUG GO, ,REG PA DRUG NI MIG GI 'DUS TE REG PA NAS YID KYI 'DUS TE REG PA ZHES BYA BA'I BAR RO, ,REG PA'I RGYU CAN GYI TSOR BA YANG DRUG GO, ,DE LA CHOS THAMS CAD NI CHOS THAMS CAD KYIS STONG NGO, ,GZUGS RUNG LA SOGS DNGOS MED GANG, ,DE NI RANG MTSAN STONG PA NYID, ,YANG GZUGS LA SOGS PA RNAMS KYI RANG GI MTSAN NYID CI YIN ZHE NA, RGYAS PAR BSTAN PA'I PHYIR BSHAD PA, GZUGS NI GZUGS RUNG MTSAN NYID CAN, ,TSOR BA MYONG BA'I BDAG NYID CAN, ,'DU SHES MTSAN MAR 'DZIN PA STE, ,'DU BYED MNGON PAR 'DU BYED PA'O, ,YUL LA SO SOR RNAM RIG PA, ,RNAM SHES RANG GI MTSAN NYID DE, ,PHUNG PO SDUG BSNGAL RANG MTSAN NYID, ,KHAMS KYI BDAG NYID SBRUL GDUG 'DOD, ,'DZIN PAR CHOS MTHUN PA'I SGO NAS KHAMS RNAMS NI SBRUL GDUG PA'I MTSAN NYID CAN NO ZHES BYA BA'I DON TO, ,SKYE MCHED RNAMS NI SANGS RGYAS KYIS, ,SKYE BA'I SGOR GYUR NYID DU GSUNGS TE SDUG BSNGAL 'BYUNG ZHING SKYE BA'I SGOR GYUR PA NYID KYI PHYIR RO, , RTEN CING 'BREL PAR 'BYUNG BA GANG, ,DE NI 'DU 'PHROD MTSAN NYID DO, ,RTEN CING 'BREL PAR 'BYUNG BA NI 'DU 'PHROD KYI MTSAN NYID CAN, RTEN CING 'BREL PAR 'BYUNG BA 'DU 'PHROD KYIS RAB TU PHYE BA NYID KYI PHYIR RO, ,GTONG BA SBYIN PA'I PHA ROL PHYIN, ,TSUL KHRIMS GDUNG MED MTSAN NYID BZOD, ,KHRO MED MTSAN NYID BRTZON 'GRUS KYI, ,KHA NA MA THO MED NYID DO, ,BRTZON 'GRUS NI DGE BA YONGS SU 'DZIN PA'I MTSAN NYID CAN YIN PA'I PHYIR RO, ,BSAM GTAN SDUD PA'I MTSAN NYID CAN TE, DGE BA'I CHOS THAMS CAD SDUD PAR BYED PA NYID KYI PHYIR RO, ,SHES RAB @317B CHAGS MED MTSAN NYID DO, ,MYA NGAN LAS 'DAS PAR BGROD PA'I PHYIR 'GA' LA YANG CHAGS PA MED PA'I PHYIR RO, ,PHA ROL PHYIN PA DRUG RNAMS KYI, ,MTSAN NYID 'DI DAG YIN PAR BRJOD, ,BSAM GTAN RNAMS DANG TSAD MED DANG, ,DE BZHIN GZHAN GANG GZUGS MED PA, ,DE DAG YANG DAG MKHYEN PA YIS, ,MI 'KHRUGS MTSAN NYID CAN DU GSUNGS, ,DE DAG NI BCOM LDAN 'DAS KYIS KHRO BA MED PA'I MTSAN NYID CAN DU GSUNGS TE, DE DAG KHONG KHRO BA SPANGS PAS 'THOB PA'I PHYIR RO, ,BYANG CHUB PHYOGS NI SUM CU BDUN, ,NGES PAR 'BYUNG BYED RANG MTSAN NYID, , NGES PAR 'BYUNG BA NI NGES PAR 'BYUNG BA STE THAR PA'O ZHES BYA BA'I DON TO, ,'KHOR BA LAS 'DA' BA'I RGYU YIN PA'I PHYIR NGES PAR 'BYUNG BAR BYED PAR NUS PAS NGES PAR 'BYUNG BAR BYED PA STE, THAR PA THOB PAR BYED PA'I MTSAN NYID CAN NO ZHES BYA BA'I DON TO, ,BSAM GTAN LA SOGS PA DAG NI SNGAR BSHAD ZIN TO, ,STONG PA NYID KYI MTSAN NYID NI, ,DMIGS PA MED PAS RNAM DBEN NYID, ,DNGOS PO MA DMIGS PAS RNAM PAR RTOG PA'I DRI MAS NYE BAR MA SPAGS PA'I PHYIR NA, RNAM PAR THAR PA'I SGO STONG PA NYID NI RNAM PAR DBEN PA'I MTSAN NYID CAN NO, ,MTSAN MA MED PA ZHI NYID DE, ,GSUM PA'I MTSAN NYID SDUG BSNGAL DANG GTI MUG MED, RNAM PAR THAR PA'I SGO MTSAN MA MED PA NI, MTSAN MA MA DMIGS PA'I SGO NAS ZHI BA'I MTSAN NYID CAN NO, ,GSUM PA'I ZHES BYA BA NI RNAM PAR THAR PA'I SGO SMON PA MED PA ZHES BYA BA'I DON TO, ,RNAM PAR THAR PA'I SGO SMON PA MED PA 'DI NI SDUG BSNGAL DANG GTI MUG MED PA'I MTSAN NYID CAN TE, 'DU BYED SDUG BSNGAL GYI BDAG NYID CAN RNAMS LA YANG DAG PAR RJES SU LTA ZHING SHES RAB KYIS 'DU BYED KYI RANG BZHIN LA LTA BA NA SMON PAR MI BYED PA'I PHYIR NA, RNAM PAR THAR PA'I SGO GSUM PA NI SDUG BSNGAL DANG GTI MUG MED PA'I MTSAN NYID CAN NO, ,RNAM THAR RNAMS KYIS MTSAN NYID RNAM PAR GROL BYED PA'O, ,RNAM PAR THAR PA BRGYAD NI 'DI LTA STE, GZUGS CAN GZUGS RNAMS LA LTA BA NI RNAM PAR THAR PA DANG PO'O, ,NANG GZUGS SU 'DU SHES PAS PHYI ROL GYI @318A *, ,GZUGS RNAMS LA LTA BA ZHES BYA BA NI GNYIS PA'O, ,SDUG PA'I RNAM PAR THAR PA BSAM GTAN BZHI PA'I BDAG NYID CAN NI GSUM PA'O, ,GZUGS MED PA BZHI NI JI SKAD BSHAD PA BZHIN NO, ,'DU SHES DANG, TSOR BA 'GOG PA NI BRGYAD PA STE, RNAM PAR THAR PA 'DI DAG NI SNYOMS PAR 'JUG PA'I SGRIB PA LAS GROL BAR BYED PA'I PHYIR, RNAM PAR GROL BAR BYED PA'I MTSAN NYID CAN NO, ,STOBS RNAMS SHIN TU RNAM PAR NI, ,GTAN LA 'BEBS PA'I RANG BZHIN GSUNGS, ,'CHAD PAR 'GYUR BA'I STOBS BCU NI SHIN TU GTAN LA 'BEBS PA'I MTSAN NYID CAN DU RIG PAR BYA STE, SHIN TU RNAM PAR GTAN LA 'BEBS PA NYID KYIS THOGS PA MED PA'I MTSAN NYID YIN PA'I PHYIR NA STOBS RNAMS ZHES BYA'O, ,SKYOB PA'I MI 'JIGS PA RNAMS NI, ,SHIN TU BRTAN PA'I NGO BO YIN, ,MI 'JIGS PA NI BZHI YIN TE, ,'DI LTA STE, NGA YANG DAG PAR RDZOGS PAR SANGS RGYAS SO ZHES DAM BCAS NA, KYE MA DE LA CHOS 'DI RNAMS MNGON PAR RDZOGS PAR SANGS MA RGYAS SO ZHES DGE SBYONG NGAM, BRAM ZE'AM, LHA'AM, BDUD DAM, TSANGS PA'AM SU YANG RUNG STE, 'JIG RTEN NA CHOS DANG MTHUN PAR BDAG LA RGOL LO SNYAM PA'I RGYU YANG DAG PAR RJES SU MI MTHONG STE ZHES RGYAS PAR 'BYUNG ZHING, KYE MA DE ZAG PA ZAD DO ZHES DAM BCAS NA, KYE MA DE LA ZAG PA DE RNAMS ZAD PAR MA GYUR TO ZHES BYA BAR BDAG LA DGE SBYONG NGAM ZHES BYA BA LA SOGS PA 'BYUNG NGO, ,NGAS GANG BAR DU GCOD PA'I CHOS SU BSTAN PA DE DAG BSTEN NA BAR DU GCOD PA'I CHOS SU MI 'GYUR BA DE LTA BU'I GNAS MED DO ZHES BYA BA NI SNGA MA BZHIN NO, ,GANG YANG NGAS LAM 'PHAGS PA'I NGES PAR 'BYIN PA DE BYED PA'I SDUG BSNGAL YANG DAG PAR ZAD PAR 'GYUR BAR NGES PAR 'BYUNG BA BSTAN PA DE DAG LA NAN TAN BYAS NA, SDUG BSNGAL YANG DAG PAR ZAD PAR 'GYUR BAR NGES PAR MI 'BYUNG NGO ZHES BYA BA DE LTA BU'I GNAS MED DE ZHES BYA BA RGYAS PAR 'BYUNG NGO, ,'DI DAG NI SHIN TU BRTAN PA'I MTSAN NYID CAN TE SUS KYANG GZHAN DU 'GYUR BAR BYA BAR MI NUS PA'I PHYIR RO, ,SO SO @318B YANG DAG RIG RNAMS NI, ,SPOBS SOGS CHAD MED MTSAN NYID CAN, ,SO SO YANG DAG PAR RIG PA RNAMS NI, 'CHANG PAR 'GYUR BA RNAMS TE DE DAG NI CHAD PA MED PA'I MTSAN NYID CAN NO, ,'GRO LA PHAN PA NYER SGRUB PA, ,BYAMS PA CHEN PO ZHES BYA'O, ,BYAMS PA CHEN PO NI PHAN PA NYE BAR SGRUB PA'I MTSAN NYID CAN NO, ,SDUG BSNGAL CAN RNAMS YONGS SKYOB PA'I, ,THUGS RJE CHEN PO'O, ,THUGS RJE CHEN PO NI, SEMS CAN SDUG BSNGAL BAR GYUR PA YONGS SU SKYOB PA'I MTSAN NYID CAN NO, ,DGA' BA NI RAB DGA'I MTSAN NYID DGA' BA CHEN PO NI, RAB TU DGA' BA NYID KYI MTSAN NYID CAN NO, ,BTANG SNYOMS NI, MA 'DRES MTSAN NYID CAN ZHES BYA BA, BTANG SNYOMS CHEN PO NI, RJES SU CHAGS PA DANG, KHONG KHRO BA LA SOGS PA DANG BRAL BA'I PHYIR MA 'DRES PA'I MTSAN NYID CAN NO, ,SANGS RGYAS CHOS NI MA 'DRES PA, ,BCU DANG BRGYAD DU GANG 'DOD DAG, ,GANG PHYIR STON DES MI 'PHROGS PA, ,DE PHYIR MI 'PHROGS RANG MTSAN NYID, ,DE LA SANGS RGYAS KYI CHOS MA 'DRES PA NI BCO BRGYAD DE, 'DI LTA STE, RAB 'BYOR GANG GI NAM LA DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS BA DAG DANG, GANG GI NAM LA LEN PA MI MNGA' BAR MYA NGAN LAS 'DAS PAR 'GYUR BA DE'I BAR DU DE BZHIN GSHEGS PA LA 'KHRUL PA MI MNGA'O, ,CA CO MI MNGA'O, ,BSNYEL BA MI MNGA'O, ,THUGS MNYAM PAR MA BZHAG PA MI MNGA'O, ,DE BZHIN DU THA DAD PA'I 'DU SHES DANG, SO SOR MA BRTAGS PA'I BTANG SNYOMS DANG, 'DUN PA NYAMS PA DANG, BRTZON 'GRUS NYAMS PA DANG, DRAN PA NYAMS PA DANG, TING NGE 'DZIN NYAMS PA DANG, SHES RAB NYAMS PA DANG, RNAM PAR GROL BA NYAMS PA MI MNGA'O, ,LUS KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG, NGAG GI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG, YID KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG, 'DAS PA'I DUS LA MA CHAGS MA THOGS PA'I YE SHES GZIGS PA 'JUG, ,MA 'ONGS PA DANG DA LTAR @319A *, ,BYUNG BA LA YANG DE LTAR BRJOD PAR BYA'O, ,DE LTA BU'I SANGS RGYAS KYI CHOS MA 'DRES PA BCO BRGYAD GANG DAG YIN PA DE DAG NI MI 'PHROGS PA'I MTSAN NYID CAN TE, 'KHRUL PA LA SOGS PA MI MNGA' BAS GLAGS MED PA NYID KYIS THUB PAR MI NUS PA NYID KYI PHYIR RO, ,'DI DAG GIS BSHAD PA NI 'PHAGS PA GZUNGS KYI DBANG PHYUG RGYAL POS ZHUS PA LAS RIG PAR BYA'O, ,RIGS KYI BU GZHAN YANG GANG GI PHYIR DE'I LUS 'KHRUL PAS BYIS PA'AM MKHAS PAS KYANG RUNG STE, CHOS DANG MTHUN PAR RTZOD PAR 'GYUR BA'I 'KHRUL PA DE BZHIN GSHEGS PA LA MED DO, ,DE CI'I PHYIR ZHE NA, SANGS RGYAS BCOM LDAN 'DAS RNAMS NI LUS KYI LAS 'KHRUL PA MED PA DANG LDAN PA STE, KUN TU LTA BA DANG RNAM PAR LTA BA DANG BSKUM PA DANG SMYONG BA DANG, CHOS GOS SBYAR MA DANG, THAD PA DANG, LHUNG BZED DANG, CHOS GOS THOGS PAS, SPYOD LAM MDZES PAR SPYOD LAM BZHI YOD PA DANG, GRONG DANG GRONG KHYER DANG GRONG RDAL DU 'JUG PA DANG 'BYUNG BA NA RKANG MTHIL SA LA MI REG STE, 'KHOR LO RTZIBS STONG PA SA LAS 'BYUNG ZHING DRI YID DU 'ONG BA'I PADMA MNGON PAR 'BYUNG STE, DE LA DE BZHIN GSHEGS PA'I RKANG PA 'JOG GO, ,DE LA GANG BYOL SONG GI SKYE GNAS SU SONG BA'I SEMS CAN GANG DAG DE BZHIN GSHEGS PA'I RKANG PA LA REG PA DE DAG ZHAG BDUN RAB TU BDE BA DANG LDAN PAR 'GYUR RO, ,SHI 'PHOS NAS KYANG LHA DAG GI NANG DU SKYE BAR 'GYUR RO, ,DE BZHIN GSHEGS PA'I SKU LA CHOS GOS SOR BZHI TZAM GYIS MI REG MOD KYI, RDZI RLUNG YUG PA'I RLUNG GIS KYANG BZLOG PAR MI NUS SO, ,LUS KYI 'OD KYIS MNAR MED PA'I BAR GYI SEMS CAN BDE BAR BYED DE, DE'I PHYIR DE BZHIN GSHEGS PA'I LUS LA 'KHRUL PA MED CES BYA'O, ,BYIS PA'AM MKHAS PA DAG KYANG RUNG STE, CHOS DANG MTHUN PAR RTZOD PAR 'GYUR BA'I NGAG GI 'KHRUL PA DE BZHIN GSHEGS PA LA MED DO, ,DE CI'I PHYIR ZHE NA, RIGS KYI BU DE BZHIN GSHEGS PA NI DUS SU SMRA BA, TSIG TU SMRA BA, YANG DAG PAR SMRA BA, JI SKAD SMRAS PA DE BZHIN BYED PA'O, ,SHIN TU NGES PA'I TSIG DANG LDAN PA'O, ,SEMS CAN THAMS CAD TSIM PAR BYED PA'I @319B TSIG DANG LDAN PA'O, ,MI ZLOS PA'I TSIG DANG LDAN PA'O, ,DON DANG TSIG 'BRUS BRGYAN PA'I TSIG DANG LDAN PA'O, ,SKAD CIG BRJOD PAS SEMS CAN THAMS CAD KYI BSAM PA TSIM PAR BYED PA STE, DE'I PHYIR DE BZHIN GSHEGS PA'I NGAG 'KHRUL PA MED CES BYA'O, ,GANG GI PHYIR DE'I SEMS 'KHRUL PAS BYIS PA'AM MKHAS PAS KYANG RUNG STE, CHOS DANG MTHUN PAR RTZOD PAR 'GYUR BA'I SEMS 'KHRUL PA DE BZHIN GSHEGS PA LA MED DO, ,DE CI'I PHYIR ZHE NA, 'DI LTAR MNYAM PAR GZHAG PA'I GNAS MI 'DOR ZHING SANGS RGYAS KYI BYA BA THAMS CAD BYED KYANG SEMS DER MI GTONG ZHING CHOS THAMS CAD LA CHAGS PA MED PA'I YE SHES MTHONG BA 'JUG STE, DE'I PHYIR DE BZHIN GSHEGS PA'I SEMS LA 'KHRUL PA MED CES BYA'O, ,JI LTAR DE'I SEMS 'KHRUL PA MED PA DE BZHIN DU 'KHRUL PA THAMS CAD SPANGS PA'I PHYIR SEMS CAN RNAMS LA CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS BCO LNGA PA'O, ,'DI SANGS RGYAS KYI CHOS MA 'DRES PA NI DANG PO'O, ,RIGS KYI BU GZHAN YANG DE'I CA CO GANG LAS BDUD DAM BDUD KYI RIS KYI LHA 'AM GZHAN MU STEGS CAN DAG GIS GLAGS RNYED PAR 'GYUR BA'I CA CO DE BZHIN GSHEGS PA LA MED DO, ,DE CI'I PHYIR ZHE NA, DE BZHIN GSHEGS PA LA CA CO'AM RJES SU CA CO MED DO, ,DE CI'I PHYIR ZHE NA, DE BZHIN GSHEGS PA NI RJES SU CHAGS PA DANG KHONG KHRO BA DANG BRAL BA, SEMS CAN THAMS CAD KYIS BKUR STI BYAS KYANG MTHO BAR MI SEMS, SEMS CAN THAMS CAD KYIS BKUR STI MA BYAS KYANG SRO SHI BAR MI 'GYUR RO, ,GANG GI PHYIR DE 'GYOD PAS RJES SU CA CO 'BYUNG BAR 'GYUR BAR BYA DKA' BA'I BYA BA'AM, MTHAR MA PHYIN PA CUNG ZAD KYANG DE BZHIN GSHEGS PA LA MED DO, ,DE BZHIN GSHEGS PA NI 'JIG RTEN GANG DANG YANG RTZOD PA MA YIN TE, DE'I PHYIR DE BZHIN GSHEGS PA LA CA CO MED DO, ,DE BZHIN GSHEGS PA NI NYON MONGS PA MED PA LA GNAS PA STE, NGA'I BA MED PA YONGS SU 'DZIN PA MED PA, LEN PA MED PA MDUD PA THAMS CAD DANG BRAL BA STE, DE'I PHYIR DE BZHIN GSHEGS PA LA CA CO MED DO, ,JI LTAR DE LA CA CO MED PA DE BZHIN @320A *, ,DU SEMS CAN THAMS CAD KYI CA CO THAMS CAD SPANG BA'I PHYIR CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS BCU DRUG PA'O, ,'DI SANGS RGYAS KYI CHOS MA 'DRES PA NI GNYIS PA'O, ,RIGS KYI BU GZHAN YANG BSNYEL BA GANG GIS CHOS GANG LA YANG RMONGS PAR 'GYUR BA'I BSNYEL BA DE BZHIN GSHEGS PA LA MED DO, ,DE CI'I PHYIR ZHE NA, DE BZHIN GSHEGS PA NI BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA THAMS CAD LA BSNYEL BA MED DO, ,DE BZHIN GSHEGS PA NI SEMS CAN THAMS CAD KYI SEMS KYI SPYOD PA DANG G-YO BA LA RNAM PAR LTA ZHING SO SO CI RIGS PAR CHOS STON PA LA BSNYEL BA MED DO, ,DE BZHIN GSHEGS PA NI DON DANG CHOS DANG NGES PA'I TSIG DANG SPOBS BA SO SO YANG DAG PAR RIG PA RNAMS LA BSNYEL BA MED DO, ,DE BZHIN GSHEGS PA NI 'DAS PA DANG MA 'ONGS PA DANG DA LTAR BYUNG BA LA CHAGS PA MED PA'I YE SHES MTHONG BA LA BSNYEL BA MED DO, ,DE BZHIN GSHEGS PA JI LTAR BDAG LA BSNYEL BA MED PA DE LTAR SEMS CAN THAMS CAD BRJED PAR MI 'GYUR BAR CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS BCU BDUN PA'O, ,'DI SANGS RGYAS KYI CHOS MA 'DRES PA NI GSUM PA'O, ,RIGS KYI BU GZHAN YANG DE BZHIN GSHEGS PA LA SEMS MNYAM PAR MA BZHAG PA MED DO, DE BZHIN GSHEGS PA NI 'CHAG GAM ZHES BYA BA RGYAS PAR 'BYUNG STE, RTAG TU MNYAM PAR BZHAG PA'I TING NGE 'DZIN ZAB MO'I MCHOG THOB PA SGRIB PA MED PA'I BSAM GTAN LA BSAM GTAN BYED PA STE, DE BZHIN GSHEGS PA'I BYIN GYI RLABS MA GTOGS PAR SEMS CAN GYI RIS NA SEMS CAN GANG MNYAM PAR BZHAG KYANG RUNG MNYAM PAR MA BZHAG KYANG RUNG STE, SU YANG DE BZHIN GSHEGS PA'I SEMS LA BLTA BAR NUS PA MED DO, ,DE BZHIN GSHEGS PA JI LTAR RTAG TU MNYAM PAR BZHAG PA DE LTAR SEMS CAN RNAMS LA CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS BCO BRGYAD PA'O, ,'DI SANGS RGYAS KYI CHOS MA 'DRES PA NI BZHI PA'O, ,RIGS KYI BU GZHAN YANG THA DAD PA'I 'DU SHES GANG GIS SEMS MI MNYAM PAR GNAS @320B PAR 'GYUR PA'I THA DAD PA'I 'DU SHES DE BZHIN GSHEGS PA LA MED DO, ,DE CI'I PHYIR ZHE NA, NAM MKHA' BZHIN DU ZHING MI ZAD PA'I PHYIR, DE BZHIN GSHEGS PA ZHING RNAMS LA THA DAD PA'I 'DU SHES MED DO, ,RANG BZHIN GYIS BDAG MED PA'I PHYIR, DE BZHIN GSHEGS PA SEMS CAN RNAMS LA'ANG THA DAD PA'I 'DU SHES PA MED DO, ,CHOS KYI DBYINGS 'DRES PA MED CING MNYAM PA NYID DU SHES PA'I PHYIR, DE BZHIN GSHEGS PA SANGS RGYAS RNAMS LA THA DAD PA'I 'DU SHES MED DO, ,'DOD CHAGS DANG BRAL BA'I CHOS NYID KYI PHYIR, DE BZHIN GSHEGS PA CHOS RNAMS LA THA DAD PA'I 'DU SHES MED DO, , DE BZHIN GSHEGS PA NI TSUL KHRIMS DANG LDAN PA RNAMS LA RJES SU CHAGS PA MED, NGANG TSUL NGAN PA CAN RNAMS LA KHONG KHRO BA MED, PHAN BTAGS PA RNAMS LA LAN DU PHAN 'DOGS PA MED, GNOD PA BYAS PA RNAMS LA LAN DU GNOD PA BYED PA MED, GDUL BAR 'OS PA RNAMS LA RI MOR MA YIN, LOG PAR NGES PA RNAMS LA SMOD PA MA YIN GYI, DE BZHIN GSHEGS PA NI CHOS THAMS CAD LA MNYAM PA NYID DU GNAS PA STE, DE'I PHYIR ZHES BYA BA LA SOGS PA 'BYUNG STE, 'DI SANGS RGYAS KYI CHOS MA 'DRES PA NI LNGA PA'O, ,RIGS KYI BU GZHAN YANG DE BZHIN GSHEGS PA LA SO SOR MA BRTAGS PA'I BTANG SNYOMS MED DO, ,DE CI'I PHYIR ZHE NA, DE BZHIN GSHEGS PA'I BTANG SNYOMS NI LAM BSGOMS PA YIN GYI LAM MA BSGOMS PA MA YIN TE, DE BZHIN DU DE BZHIN GSHEGS PA'I BTANG SNYOMS NI SHES RAB BSGOMS PA YIN GYI MA BSGOMS PA YANG MA YIN NO, ,DE BZHIN GSHEGS PA'I BTANG SNYOMS NI YE SHES DANG LDAN PA YIN PA DANG, 'JIG RTEN LAS 'DAS PA YIN GYI 'JIG RTEN PAR LTUNG BA MA YIN NO ZHES BYA BA NAS, DE BZHIN GSHEGS PA NI BTANG SNYOMS CHEN PO DE LTA BU PHUN SUM TSOGS PA, SEMS CAN RNAMS LA BTANG SNYOMS DE LTA BU YONGS SU RDZOGS PAR BYA BA'I PHYIR CHOS STON TE, 'DI NI DE BZHIN GSHEGS PA'I LAS NYI SHU PA'O ZHES BYA BA'I BAR DU 'BYUNG STE, 'DI SANGS RGYAS KYI CHOS MA 'DRES PA NI DRUG PA'O, ,RIGS KYI BU GZHAN YANG DE BZHIN GSHEGS PA'I 'DUN PA NYAMS PA MED PA'O, , @321A *, ,DE LA 'DUN PA GANG ZHE NA, 'DI LTA STE, DGE BA'I CHOS LA 'DUN PA'O, ,DE YANG GANG ZHE NA, BYAMS PA CHEN PO LA DE BZHIN GSHEGS PA'I 'DUN PA NYAMS PA MED DO, ,DE BZHIN DU SNYING RJE CHEN PO DANG, CHOS STON PA DANG, SEMS CAN 'DUL BA DANG, SEMS CAN YONGS SU SMIN PAR BYA BA DANG, RAB TU DBEN PA DANG, SEMS CAN BYANG CHUB YANG DAG PAR 'DZIN DU BCUG PA LA 'DUN PA NYAMS PA MED DO, ,DKON MCHOG GSUM GYI RIGS RGYUN MI GCOD PA LA 'DUN PA NYAMS PA MED DO, ,DE BZHIN GSHEGS PA NI 'DUN PAS 'GRO BA MA YIN GYI, DE BZHIN GSHEGS PA'I 'DUN PA NI YE SHES SNGON DU 'GRO BA NYID DE DE'I PHYIR ZHES BYA BA RGYAS PAR 'BYUNG STE, 'DI SANGS RGYAS KYI CHOS MA 'DRES PA NI BDUN PA'O, ,RIGS KYI BU GZHAN YANG DE BZHIN GSHEGS PA'I BRTZON 'GRUS NYAMS PA MED DO, ,DE LA DE BZHIN GSHEGS PA'I BRTZON 'GRUS NI 'DI YIN TE, 'DI LTA STE, 'DUL BA'I SEMS CAN RNAMS YAL BAR MI 'DOR BA'I BRTZON 'GRUS DANG, CHOS NYAN PA RNAMS LA BRNYAS PA MED PA'I BRTZON 'GRUS SO, ,GAL TE DE BZHIN GSHEGS PAS CHOS KYI SNOD CHOS NYAN PA GANG BSKAL BAR YANG CHOS NYAN PAS SKYO BAR MI 'GYUR BA RNYED NA DE BZHIN GSHEGS PA YANG CHOS STON ZHING KHA ZAS DANG BRAL BA'I RGYUD DU GYUR KYANG BSKAL BAR YANG MI LDANG NGO, ,DE BZHIN GSHEGS PA NI SEMS CAN LA LTA BAS THA NA GANG NA SANGS RGYAS KYIS 'DUL BA'I SEMS CAN GCIG GI PHYIR YANG SANGS RGYAS KYI ZHING GANG G'A'I KLUNG GI BYE MA SNYID 'DA' ZHING 'GRO STE, DE BZHIN GSHEGS PA'I LUS NGAL BA'AM, NGAG NGAL BA'AM SEMS NGAL BA MED DO, ,DE BZHIN GSHEGS PA NI SEMS SHIN TU SBYANGS PA BRTZON 'GRUS BRTZAMS PA BRTZON 'GRUS KYI BSNGAGS PA SMRA BA STE, YANG DAG PAR SBYOR BA'I BRTZON 'GRUS GANG GIS SEMS CAN RNAMS 'PHAGS PA'I RNAM PAR GROL BA THOB PAR 'GYUR BA'I BRTZON 'GRUS DE SEMS CAN RNAMS LA BSNGAGS PA BYED DE ZHES BYA BA LA SOGS PA 'BYUNG STE, 'DI SANGS RGYAS KYI CHOS MA 'DRES PA NI BRGYAD PA'O, ,RIGS KYI BU GZHAN YANG DE BZHIN @321B GSHEGS PA'I DRAN PA NI YONG YE NYAMS PA MED DO, ,DE CI'I PHYIR ZHE NA, DE BZHIN GSHEGS PA LA BSNYEL BA MED DO, ,RIGS KYI BU DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS MA THAG TU 'DAS PA DANG, MA 'ONGS PA DANG, DA LTAR BYUNG BA'I SEMS CAN RNAMS KYI SEMS KYI RGYUD LA RNAM PAR BLTAS KYANG DE BZHIN GSHEGS PA LA BSNYEL BA SHIN TU MED DO, ,SEMS CAN GYI SPYOD PA JI LTA BA BZHIN DU SHES KYANG DE LA DE BZHIN GSHEGS PAS YE SHES GTONG BA YANG MED DO, ,DE BZHIN GSHEGS PAS NI PHUNG PO GSUM DU RNAM PAR DGOD PA DANG, SEMS CAN GYI DBANG PO LA 'JUG PA DANG, SEMS CAN GYI BSAM PA LA 'JUG PA DANG, SEMS CAN GYI SPYOD PA LA RNAM PAR LTA BAS DRAN PA NYAMS PA MED DE, DE BZHIN GSHEGS PA NI DRAN PAR BYAS SAM BSAMS SAM RNAM PAR BRTAGS TE, SEMS CAN RNAMS LA CHOS STON PA MED DO, ,STON KYANG NYAMS PA MED DO, ,DE CI'I PHYIR ZHE NA, DE BZHIN GSHEGS PA'I DRAN PA NI JI LTAR YANG NYAMS PA MED DO, ,DE JI LTAR BDAG CES BYA BA RGYAS PAR 'BYUNG STE, 'DI SANGS RGYAS KYI CHOS MA 'DRES PA NI DGU PA'O, ,RIGS KYI BU GZHAN YANG DE BZHIN GSHEGS PA'I TING NGE 'DZIN NYAMS PA MED DO, ,DE BZHIN GSHEGS PA'I TING NGE 'DZIN GANG YIN PA DE NI CHOS THAMS CAD MNYAM PA NYID DANG MI MNYAM PA MA YIN PA DANG, JI LTA BA BZHIN NO, ,CI'I PHYIR DE BZHIN GSHEGS PA'I TING NGE 'DZIN NYAMS PAR MI 'GYUR ZHE NA, DE BZHIN NYID GANG DANG MNYAM PA DE DANG TING NGE 'DZIN MNYAM MO, ,TING NGE 'DZIN GANG DANG MNYAM PA DE DANG DE BZHIN GSHEGS PA MNYAM PA STE, DE'I PHYIR MNYAM PAR GZHAG PA ZHES BYA BA NAS, KHAMS GSUM CHAR LA YANG MI GNAS PA'I PHYIR NYAMS PA MED DE, DE'I PHYIR DE BZHIN GSHEGS PA'I TING NGE 'DZIN NYAMS PA MED CES BYA'O, ,DE BZHIN GSHEGS PA SEMS CAN THAMS CAD KYANG TING NGE 'DZIN THOB PAR BYA BA'I PHYIR ZHES BYA BA LA SOGS PA'I BAR DU 'BYUNG STE, 'DI SANGS RGYAS KYI CHOS MA 'DRES PA NI BCU PA'O, ,RIGS KYI BU GZHAN YANG DE BZHIN @322A *, ,GSHEGS PA'I SHES RAB NYAMS PA MED DO, ,SHES RAB GANG ZHE NA, GANG CHOS THAMS CAD RAB TU SHES PA STE GZHAN GYI DRING MI 'JOG PA'I SHES PA'O, ,SEMS CAN GZHAN DAG DANG, GANG ZAG GZHAN RNAMS LA CHOS YANG DAG PAR STON PA'I SHES PA'O, ,SO SO YANG DAG PAR RIG PA LA MKHAS PAS TSIG RAB TU DBYE BA SHES PA'O, ,TSIG GCIG LA 'JUG PAS BSKAL PA BRGYA STONG DU GNAS SHING STON PA SHES PA'O, ,JI LTAR DRIS PA BZHIN DU THE TSOM GCOD PA'I SHES PA'O, ,THAMS CAD DU CHAGS PA MED PA'I SHES PA'O, ,THEG PA GSUM RNAM PAR DGOD PAR BSTAN PA SHES PA'O, ,SEMS CAN GYI SEMS KYI SPYOD PA BRGYAD KHRI BZHI STONG DU YONGS SU SHES PA'I SHES PA'O, ,CHOS KYI PHUNG PO BRGYAD KHRI BZHI STONG SO SO CI RIGS PAR STON PA SHES PA'O, ,'DI NI DE BZHIN GSHEGS PA'I SHES RAB MTHA' YAS PA THUG PA MED PA ZAD PA MED PA TSAD MED PA BSTAN PA'O, ,JI LTAR DE BZHIN GSHEGS PA LA NYAMS PA MED PA DE LTAR SEMS CAN THAMS CAD KYANG SHES RAB MI ZAD PAR BYA BA'I PHYIR CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS NYI SHU RTZA LNGA PA'O, ,'DI SANGS RGYAS KYI CHOS MA 'DRES PA NI BCU GCIG PA'O, ,RIGS KYI BU GZHAN YANG DE BZHIN GSHEGS PA'I RNAM PAR GROL BA NYAMS PA MED DO, ,DE LA RNAM PAR GROL BA STE, NYAN THOS RNAMS KYI RNAM PAR GROL BA NI SGRA'I RJES SU 'GRO BA'O, ,RANG SANGS RGYAS RNAMS KYI RNAM PAR GROL BA NI RKYEN KHONG DU CHUD PA'O, ,SANGS RGYAS RNAMS KYI RNAM PAR GROL BA NI CHAGS PA DANG 'DZIN PA THAMS CAD DANG BRAL BAS RNAM PAR GROL BA ZHES BYA STE, SNGON GYI MTHA' YANG MA BCINGS, PHYI MA'I MTHAR YANG MI 'PHO, DE LTAR BYUNG BA LA YANG MI GNAS SO, ,MIG DANG GZUGS LA GNYIS SU 'DZIN PA LAS RNAM PAR GROL BA'O, ,RNA BA LA SOGS PA YID DANG CHOS LA GNYIS SU 'DZIN PA LAS RNAM PAR GROL BA STE, 'DZIN PAR MNGON PAR ZHEN PA'I GNAS LAS RNAM PAR GROL BA'O, ,SEMS RANG BZHIN GYIS 'OD GSAL BA DE BZHIN DU SHES PA STE, DE'I PHYIR SEMS KYI SKAD @322B CIG [?] GCIG DANG LDAN PA'I SHES RAB KYIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS ZHES BYA'O ZHES BYA BA NAS CHOS STON TO ZHES BYA BA'I BAR DU 'BYUNG STE, 'DI SANGS RGYAS KYI CHOS MA 'DRES PA NI BCU GNYIS PA'O, ,RIGS KYI BU GZHAN YANG LUS KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG NGO, ,DE BZHIN GSHEGS PA'I LUS KYI LAS DE DANG LDAN PAS LTA BAS KYANG SEMS CAN RNAMS 'DUL, SMRA BA DANG CANG MI SMRA BA DANG ZA BA DANG SPYOD LAM DANG MTSAN DAG GIS KYANG SEMS CAN RNAMS 'DUL ZHES RGYAS PAR 'BYUNG ZHING SANGS RGYAS BCOM LDAN 'DAS RNAMS KYI SPYOD LAM GANG SEMS CAN 'DUL BAR MI 'GYUR BA DE GANG YANG MED DO ZHES BYA BA RGYAS PAR 'BYUNG STE, 'DI SANGS RGYAS KYI CHOS MA 'DRES PA NI BCU GSUM PA'O, ,RIGS KYI BU GZHAN YANG DE BZHIN GSHEGS PA'I NGAG GI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG BA'O, ,DE CI'I PHYIR ZHE NA, DE BZHIN GSHEGS PA NI 'BRAS BU YOD PA'I CHOS STON PA'O, ,CHAD PAR LUNG STON PA'O, ,SHIN TU NGES PA'I TSIG SMRA BA'O, ,DE BZHIN GSHEGS PA'I NGAG DE YANG KUN SHES PAR BYED PA'O, ,RNAM PAR SHES PAR BYED PA'O, ,MI MTHO BA'O, ,MI DMA' BA'O, ,MI G-YO BA'O, ,LDAB LDIB CAN MA YIN PA'O ZHES BYA BA LA SOGS PA NAS NAM MKHA'I TSAD NI RJES SU 'GRO BA'O, ,RNAM PA'I MCHOG THAMS CAD DANG LDAN PA'O ZHES BYA BA'I BAR YAN LAG DRUG CU DANG LDAN PAR BRJOD PAR BYA ZHING, RIGS KYI BU DE BZHIN GSHEGS PA'I NGAG NI DE LTA BU STE, DE'I PHYIR ZHES BYA BA LA SOGS PA 'BYUNG STE, ,'DI SANGS RGYAS KYI CHOS MA 'DRES PA NI BCU BZHI PA'O, ,GZHAN YANG DE BZHIN GSHEGS PA'I YID KYI LAS THAMS CAD YE SHES SNGON DU 'GRO ZHING YE SHES KYI RJES SU 'BRANG BA'O, ,DE CI'I PHYIR ZHE NA, DE BZHIN GSHEGS PA NI SEMS KYIS BRJOD PAR BYA BA MA YIN, YID KYIS MA YIN, RNAM PAR SHES PAS MA YIN GYI, YE SHES KYIS RAB TU PHYE BA STE, YE SHES KYI BDAG POR GYUR PA'O, ,DE BZHIN GSHEGS PA'I YE SHES DE NI SEMS CAN THAMS CAD KYI SEMS KYI RJES SU SONG @323A *, ,BA'O ZHES BYA BA NAS CHOS THAMS CAD LA NGES PAR BSAMS PA'O, ,LAM GYI YAN LAG SHIN TU BSGOMS PA'O, ,TING NGE 'DZIN THAMS CAD LA GZHAN GYI DRING MI 'JOG PA'O, ,DMIGS PA LAS SHIN TU 'DAS PA'O, ,RKYEN LAS SKYE BA DANG BRAL BA'O, ,SRID PA GSUM BSAL BA'O, ,BDUD KYI LAS THAMS CAD LAS RNAM PAR GROL BA'O ZHES BYA BA'I BAR DANG, CHOS KYI DBYINGS DANG DBYER MED PA STE DE BZHIN GSHEGS PA'I YID KYI LAS YE SHES SNGON DU 'GRO BA NI DE LTA BU'O, ,'DI NI DE BZHIN GSHEGS PA'I DE BZHIN GSHEGS PA'I LAS NYI SHU RTZA DGU PA'O ZHES BYA BA'I BAR DU 'BYUNG STE, 'DI SANGS RGYAS KYI CHOS MA 'DRES PA NI BCO LNGA PA'O, ,GZHAN YANG 'DAS PA'I DUS LA YE SHES MTHONG BA CHAGS PA MED CING THOGS PA MED PAR 'JUG GO, ,'DAS PA'I DUS KYI SANGS RGYAS KYI ZHING BYUNG BA DANG ZHIG PA JI SNYED PA DE DAG THAMS CAD BGRANG BA'I TSUL GYIS RAB TU SHES SO, ,DE DAG NA RTZVA DANG SHING GEL BA DANG, SMAN DANG NAGS TSAL DU GYUR PA DE DAG THAMS CAD KYANG RAB TU SHES SO, ,DE DAG NA SEMS CAN GYI TSOGS SEMS CAN DU BTAGS PAR GYUR PA JI SNYED PA DANG, SANGS RGYAS 'BYUNG BA JI SNYED PA DANG; SANGS RGYAS RE RES CHOS BSTAN ZHING BRJOD PA JI SNYED PA DANG, JI SNYED CIG NYAN THOS KYI THEG PA LA BTUL BA DANG, JI SNYED CIG THEG PA CHEN PO LA BTUL BA DE DAG THAMS CAD RAB TU SHES SO ZHES BYA BA RGYAS PAR 'BYUNG ZHING SEMS KYI RGYUD KYANG RAB TU SHES SO, ,SEMS GANG GI 'OG TU SEMS GANG BYUNG BA DE THAMS CAD KYANG BGRANG BA'I TSUL GYIS RAB TU SHES TE, DE YANG MNGON SUM GYI SHES PA DANG RJES SU 'GRO BA'I SHES PAS SO, ,DE YANG DE BZHIN GSHEGS PA'I SEMS KYI RGYUD 'DAS PA BTANG BA RNAMS KYANG DMIGS SO, ,DE BZHIN GSHEGS PA NI YE SHES DE LTA BU DANG LDAN PAS SEMS CAN RNAMS LA PHYAD PAR CHOS STON TO ZHES BYA BA LA SOGS PA 'BYUNG STE, 'DI SANGS RGYAS KYI CHOS MA 'DRES PA NI BCU DRUG PA'O, ,RIGS KYI BU GZHAN YANG MA 'ONGS PA'I DUS LA DE BZHIN GSHEGS PA'I YE SHES MTHONG BA CHAGS PA MED CING THOGS PA MED PAR 'JUG @323B GO; ,SEMS CAN NAM CHOS SAM ZHING GANG DAG CIG MA 'ONGS PA NA 'BYUNG BAR 'GYUR BA'AM 'JIG PAR 'GYUR BA DE DAG THAMS CAD DE BZHIN GSHEGS PAS RAB TU SHES SO ZHES BYA BA RGYAS PAR 'BYUNG ZHING, MA 'ONGS PA'I SEMS KYI RGYUD BSKAL PAR 'GYUR BA MA YIN PAR MA 'ONGS PA LA LTA BAS SEMS CAN RNAMS LA CHOS STON TO ZHES BYA BA 'BYUNG STE, 'DI SANGS RGYAS KYI CHOS MA 'DRES PA NI BCU BDUN PA'O, ,RIGS KYI BU GZHAN YANG DA LTAR BYUNG BA'I DUS LA DE BZHIN GSHEGS PA'I YE SHES MTHONG BA CHAGS PA MED CING THOGS PA MED PAR 'JUG GO, ,DE BZHIN GSHEGS PAS PHYOGS BCU DAG NA DA LTAR BYUNG BA'I SANGS RGYAS KYI ZHING THAMS CAD BGRANG BA'I TSUL GYIS RAB TU SHES SO, ,DA LTAR BYUNG BA'I SANGS RGYAS THAMS CAD RAB TU SHES SO, ,DE BZHIN DU BYANG CHUB SEMS DPA' THAMS CAD DANG, NYAN THOS DANG RANG SANGS RGYAS THAMS CAD NAS DNGOS PO THAMS CAD DANG, SA'I KHAMS RDUL PHRA RAB KYI RDUL GYI CHAR BRLAGS PA THAMS CAD KYI BAR DU BGRANG BA'I TSUL GYIS RAB TU SHES SHING, ,DE BZHIN DU CHU'I KHAMS SGRA'I RTZE MOS BLANGS PA BGRANG BA'I TSUL DANG, ME'I KHAMS KYI SKYE BA DANG 'GAG PA BGRANG BA'I TSUL DANG, RLUNG GI KHAMS THAMS CAD GZUGS SU GYUR PA LA BAB PA'I TSUL DANG, NAM MKHA'I KHAMS THAMS CAD SKRA'I RTZE MOS RGYAS PAR DGANG PA'I TSUL GYI BAR GYIS RAB TU SHES SO, ,DE BZHIN DU SEMS CAN DMYAL BA LA SOGS PA'I 'GRO BAR SKYES PA'I SEMS CAN GYI KHAMS DANG, DE BZHIN DU DA LTAR BYUNG BA'I LHA'I SEMS CAN GYI KHAMS KYANG RAB TU SHES SO ZHES RGYA CHER SBYAR BAR BYA ZHING, DE BZHIN GSHEGS PA LA NI GNYIS KYI RJES SU 'BRANG BA'I RNAM PAR SHES PA MED CING GNYIS SU MED PA LA GZUD PA'I PHYIR SEMS CAN RNAMS LA CHOS KYANG STON TE, 'DI NI DE BZHIN GSHEGS PA'I DE BZHIN GSHEGS PA'I LAS SUM CU RTZA GNYIS PA'O ZHES BYA BA 'BYUNG STE, 'DI SANGS RGYAS KYI CHOS MA 'DRES PA NI BCO BRGYAD PA'O, ,RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, ,GZHAN @324A *, ,NI NYI TSE BA NYID KYIS, ,MNGON SUM ZHES BYAR MI 'DOD DO, ,GANG ZHIG 'DUS BYAS MTSAN NYID DANG, ,'DUS MA BYAS KYI MTSAN NYID GANG, ,DE DE KHO NAS STONG PA NYID, ,DE NI RANG MTSAN STONG PA NYID, ,RANG GI MTSAN NYID STONG PA NYID BSHAD ZIN TO, ,DA LTAR BA 'DI MI GNAS SHING, ,'DAS DANG MA 'ONGS YOD MA YIN, ,GANG DU DE DAG MI DMIGS PA, ,DE LA MI DMIGS PA ZHES BRJOD, ,MI DMIGS PA DE RANG NGO BO, ,DE YIS DBEN PA NYID GANG DE, ,THER ZUG GNAS MIN 'JIG MIN PAS, ,MI DMIGS ZHES BYA'I STONG NYID DO, ,'DAS PA DANG MA 'ONGS PA GNYIS ZHIG PA DANG MA SKYES PA'I PHYIR LA, DA LTAR BA MI GNAS PA'I PHYIR DUS GSUM CHAR YANG MED DO, ,DE LA MI DMIGS PA ZHES BYA BA NI GANG DU DUS GSUM MI DMIGS PA'O, ,JI SKAD DU, DE LA THER ZUG TU GNAS PA MA YIN PA DANG, 'JIG PA MA YIN PA NYID KYI PHYIR MI DMIGS PA NI MI DMIGS PAS STONG NGO, ,DE CI'I PHYIR ZHE NA, DE'I RANG BZHIN DE YIN PA'I PHYIR TE, 'DI NI MI DMIGS PA STONG PA NYID CES BYA'O ZHES GSUNGS SO, ,RKYEN LAS BYUNG PHYIR DNGOS RNAMS LA, ,'DUS PA PA YI NGO BO MED, ,'DUS PA PA NI DE NYID KYIS, ,STONG NYID DNGOS MED STONG NYID DO, ,'DUS PA PA NI 'DUS PA LAS BYUNG BA'O, ,RGYU DANG RKYEN LAS BYUNG BA'I PHYIR NA 'DUS PA PA YOD PA MA YIN NO, ,NGO BO NYID NI DNGOS PO MED PA NYID YIN LA, DE'I STONG PA NYID NI DNGOS PO MED PA'I NGO BO NYID STONG PA NYID DO, ,STONG PA NYID BCU DRUG PO DE DAG SPROS PA DANG BCAS PAR BSHAD DO, ,GANG GZHAN BZHI PO DE DAG BRJOD PAR BYA STE, DNGOS PO'I SGRAS NI MDOR BSDUS NA, ,PHUNG PO LNGA RNAMS BRJOD PA YIN, ,DE RNAMS DE YIS STONG NYID GANG, ,DE DNGOS STONG PA NYID DU BSHAD, ,DNGOS PO ZHES BYA BA NI PHUNG PO LNGA'O, ,DNGOS PO NI DNGOS POS STONG ZHES BYA BA NI GONG MA BZHIN TE 'DI NI DNGOS PO STONG PA NYID CES BYA'O, ,MDOR BSDUS NA NI DNGOS MED PA, ,'DUS MA BYAS CHOS RNAMS LA BRJOD, ,DE NI DNGOS MED DES STONG NYID, ,DNGOS PO MED PA STONG NYID DO, ,DNGOS PO MED PA ZHES BYA BA NI 'DUS MA BYAS KYI CHOS RNAMS @324B TE NAM MKHA' DANG MYA NGAN LAS 'DAS PA LA SOGS PA DAG GO, ,DE LA DNGOS PO MED PA NI DNGOS PO MED PAS STONG STE, 'DI NI DNGOS PO MED PA STONG PA NYID CES BYA'O, ,RANG BZHIN NGO BO NYID MED NI, ,RANG BZHIN ZHES BYA'I STONG NYID DE, ,'DI LTAR RANG BZHIN MA BYAS PAS, ,RANG BZHIN ZHES NI BYA BAR BSNYAD, ,RANG BZHIN ZHES BYA BA NI RANG BZHIN LA BYA STE, NYAN THOS LA SOGS PA RNAMS KYIS MA BYAS PA'I PHYIR RO, ,RANG BZHIN NI RANG BZHIN GYIS STONG STE, 'DI NI RANG BZHIN STONG PA NYID CES BYA'O, ,SANGS RGYAS RNAMS NI BYUNG BA'AM, ,MA BYUNG YANG RUNG DNGOS SU NI, ,DNGOS PO KUN GYI STONG PA NYID, ,GZHAN GYI DNGOS POR RAB TU BSGRAGS, ,YANG DAG MTHA' DANG DE BZHIN NYID, ,DE BZHIN DNGOS PO'I STONG NYID DO, ,GZHAN GYI DNGOS PO NI MCHOG TU BYUNG BA'I DE KHO NA NYID DO, ,DE'I MCHOG TU BYUNG BA NYID NI RTAG TU YOD PA NYID DO, ,RNAM PA GCIG TU NA GZHAN GYI DNGOS PO NI YE SHES PHUL DU BYUNG BAS RTOGS PAR BYA BA'I DNGOS PO STE, DE NI DE NYID KYIS STONG NGO, ,YANG NA PHA ROL NA YOD PA NI GZHAN GYI DNGOS PO'O, ,'KHOR BA LAS 'DAS PA'I PHYIR GZHAN GYI DNGOS PO ZHES BYA BA NI YANG DAG PA'I MTHA' STE, RNAM PAR 'GYUR BA MED PAS DON DE BZHIN NYID STONG PA NYID KYI MTSAN NYID CAN GYI STONG PA NYID NI GZHAN GYI DNGOS PO STONG PA NYID DO, ,SHES RAB PHA ROL PHYIN TSUL LAS, ,DE DAG DE SKAD RAB TU BSGRAGS, ,DA NI SHES RAB KYI PHA ROL TU PHYIN PA LA LHAG PAR MOS PA'I BYANG CHUB SEMS DPA' RNAMS KYI THUN MONG MA YIN PA'I YON TAN PHUL DU BYUNG BA BRJOD PA'I SGO NAS SHES RAB KYI SKABS YONGS SU RDZOGS PAR BYA BA'I PHYIR BSHAD PA, DE LTAR BLO GROS ZER GYIS SNANG BA GSAL BYAS PA, ,RANG GI LAG NA GNAS PA'I SKYU RU RA BZHIN DU, ,SRID GSUM 'DI DAG MA LUS GDOD NAS SKYE MED PAR, ,RTOGS DE THA SNYAD BDEN PA'I STOBS KYIS 'GOG PAR 'GRO, ,DE LTAR GYI SGRA NI JI SKAD BSHAD PA'I RNAM PAR DPYAD PA NYE BAR STON PA'I DON DU'O, ,JI SKAD BSHAD PA'I RNAM PAR DPYAD PA LAS BYUNG BA'I BLO GROS KYI 'OD ZER @325A *, ,GYIS DE KHO NA NYID MTHONG BA LA GEGS BYED PA'I MUN PA 'JOMS PA'I SNANG BA GSAL BAR BYAS PA GANG LA YOD PA'I BYANG CHUB SEMS DPA' DE LA DE SKAD CES BYA'O, ,DE NI KUN RDZOB KYI BDEN PA'I STOBS KYIS 'GOG PA LA SNYOMS PAR 'JUG PAR 'GYUR RO, , 'GOG PA'I NGO BOS 'GRO BA YONGS SU SKYOB PA'I BSAM PA YONGS SU 'DOR BA YANG MA YIN NO ZHES BSHAD PA, RTAG TU 'GOG PAR RTOGS PA'I BSAM LDAN YIN MOD KYI, ,'GRO BA MGON MED PA LA SNYING RJE'ANG SKYED PAR BYED, ,'DI'I SBYOR BA NI 'KHOR BAR GTOGS PA YIN LA; LHAG PA'I BSAM PA NI MYA NGAN LAS 'DAS PAR GTOGS PA YIN PAS 'GRO BA MGON MED PA LA 'DI'I SNYING RJE CHES SHIN TU RNAM PAR 'PHEL BAR 'GYUR RO, ,DE GONG BDE GSHEGS GSUNG SKYES SANGS RGYAS 'BRING BCAS NI, ,MA LUS PA RNAMS BLO YIS PHAM PAR BYED PA'ANG YIN; ,SANGS RGYAS BAR MA RNAMS DANG LHAN CIG TU GYUR PA NI SANGS RGYAS 'BRING BCAS SO, ,DE DAG SU YIN ZHE NA, BDE BAR GSHEGS PA'I GSUNG LAS SKYES PA RNAMS TE NYAN THOS RNAMS SO ZHES BYA BA'I DON TO, ,DE DAG THAMS CAD KYANG BYANG CHUB SEMS DPA'I SA DRUG PA DE'I GONG ROL BDUN PA LA SOGS PAR SHES RAB KYIS PHAM PAR BYED DO, ,KUN RDZOB DE NYID GSHOG YANGS DKAR PO RGYAS GYUR PA, ,NGANG PA'I RGYAL PO DE NI SKYE BO'I NGANG PA YIS, ,MDUN DU BDAR NAS DGE BA'I RLUNG GI SHUGS STOBS KYIS, ,RGYAL BA'I YON TAN RGYA MTSO'I PHA ROL MCHOG TU 'GRO, ,DE'I KUN RDZOB KYI YON TAN RNAMS KYANG CHES LHAG PAR RAB TU 'BAR BAR 'GYUR RO, ,GANG GIS NA 'DI SKYE BO'I NGANG PA PHUL DU BYUNG BA BSKYED PA RNAMS DANG LHAN CIG RGYAL BA'I YON TAN GYI RGYA MTSO CHEN PO'I PHA ROL TU 'GRO BAR 'GYUR BA BDEN PA GNYIS PO DE NI 'DI'I GSHOG PA YANGS PA GNYIS YIN NO, ,SEMS BSKYED PA DRUG PA BSHAD ZIN TO, ,DBU MA LA 'JUG PA'I BSHAD PA LAS SEMS BSKYED PA DRUG PA'O,, ,,DA NI SEMS BSKYED PA BDUN PA'I DBANG DU BYAS NAS BSHAD PA, RANG DU SONG BA 'DIR NI SKAD CIG DANG, ,SKAD @325B CIG LA NI 'GOG PAR 'JUG 'GYUR ZHING, ,THABS KYI PHA ROL PHYIN LEGS 'BAR BA THOB, ,'GOG PA LA SNYOMS PAR 'JUG PA NI YANG DAG PA'I MTHA' LA SNYOMS PAR 'JUG PA YIN PAS, DE BZHIN NYID LA 'GOG PA ZHES BRJOD DE 'DIR SPROS PA THAMS CAD 'GAG PAR 'GYUR BA'I PHYIR RO; ,SA BDUN PA RING DU SONG BA 'DIR NI SA DRUG PA THOB PA'I 'GOG PA DE LA BYANG CHUB SEMS DPA' SKAD CIG DANG SKAD CIG LA SNYOMS PAR 'JUG PAR 'GYUR TE, JI SKAD DU, KYE RGYAL BA'I SRAS DAG BYANG CHUB SEMS DPA'I SA DRUG PA YAN CHAD BYANG CHUB SEMS DPA'I 'GOG PA LA SNYOMS PAR 'JUG STE, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI SEMS KYI SKAD CIG DANG SEMS KYI SKAD CIG LA YANG 'GOG PA LA SNYOMS PAR 'JUG CING LDANG STE, 'GOG PA MNGON SUM DU BYAS ZHES NI MI BYA'O ZHES RGYAS PAR GSUNGS SO; ,'DI'I THABS LA MKHAS PA'I PHA ROL TU PHYIN PA CHES YONGS SU DAG PAR YANG 'GYUR RO, ,SHES RAB NYID RNAM PA KHYAD PAR DU ZHUGS PA LA THABS DANG SMON LAM DANG STOBS DANG YE SHES ZHES SHES PAR BYA STE, RAB TU RNAM PAR 'BYED PA'I GNAS SKABS KHO NAR SHES RAB LA SHES RAB KYI PHA ROL TU PHYIN PA ZHES BRJOD KYI GZHAN DU NI MA YIN NO, ,DBU MA LA 'JUG PA'I BSHAD PA LAS SEMS BSKYED PA BDUN PA'O,, ,,DA NI SEMS BSKYED PA BRGYAD PA'I DBANG DU BYAS NAS BSHAD PA, YANG YANG SNGAR DGE LAS LHAG THOB BYA'I PHYIR, ,GANG DU PHYIR MI LDOG PA NYID 'GYUR BA, ,MI G-YO DE LA BDAG NYID CHE DE 'JUG ,BYANG CHUB SEMS DPA' DE NI YANG DANG YANG DU SNGAR GYI DGE BA LAS LHAG PA THOB PAR BYA BA'I CHED DU GANG DU DE PHYIR MI LDOG PAR 'GYUR BA BYANG CHUB SEMS DPA'I SA BRGYAD PA MI G-YO BA LA 'JUG PAR 'GYUR RO, ,DE LA YANG DANG YANG DU SNGAR GYI DGE BA LAS LHAG PA THOB PA NI, JI SKAD DU, KYE RGYAL BA'I SRAS DAG 'DI LTA STE DPER NA, RGYA MTSO CHEN POR 'GRO BA'I GRU BO CHE NI RGYA MTSO CHEN PO LA MA THUG GI BAR DU CHED DU BSKYOD CING 'GRO BAR BYA BA YIN TE, GANG GI TSE RGYA MTSO CHEN PO LA PHYIN MA THAG TU RLUNG @326A *, ,GI DKYIL 'KHOR GYIS BSKYOD NAS CHED DU 'BAD MI DGOS PAR 'GRO STE, DES RGYA MTSO CHEN PO LA NYIN GCIG GIS CI CHOD PA DE NI SNGON CHAD DU BSKYOD CING 'GRO BAS LO BRGYAR YANG DE SRID DU TSAD MED PAR PHYIN PAR MI NUS SO, ,KYE RGYAL BA'I SRAS DAG DE BZHIN DU, BYANG CHUB SEMS DPA' DGE BA'I RTZA BA'I TSOGS SHIN TU BSAGS PA THEG PA CHEN PO YANG DAG PAR BSGRUBS PA YANG, BYANG CHUB SEMS DPA'I SPYOD PA'I RGYA MTSOR PHYIN NAS LHUN GYIS GRUB PA'I YE SHES KYIS YUD TZAM CIG LA THAMS CAD MKHYEN PA'I YE SHES CI TZAM GNON PA DE NI SNGON GYI CHED DU BYA BA'I LAS KYIS BSKAL PA 'BUM DU YANG DE SNYED DU DPAG TU MED PA GNON PAR MI NUS SO ZHES GSUNGS PA LTA BU'O, ,'DI YI SMON LAM SHIN TU DAG 'GYUR ZHING, ,RGYAL BA RNAMS KYIS 'GOG LAS SLONG BAR MDZAD, ,'DIS SEMS DANG PO BSKYED PAR GYUR PA NA SMON LAM CHEN PO BCU LA SOGS PA SMON LAM 'BUM PHRAG GRANGS MED PA PHRAG BCU GANG DAG MNGON PAR BTAB PA DE DAG 'DI LA YONGS SU DAG PAR 'GYUR BAS 'DI'I SMON LAM GYI PHA ROL TU PHYIN PA CHES LHAG PAR 'GYUR RO, ,BYANG CHUB SEMS DPA' RNAMS KYIS MI G-YO BA 'DI NI GZHON NU'I SAR RNAM PAR GZHAG STE, DBU PAR NI RGYAL TSAB THOB LA, BCU PAR NI 'KHOR LOS SGYUR BA LTAR RGYAL BA RNAMS KYIS DBANG BSKUR RO, ,BYANG CHUB SEMS DPA'I SA MI G-YO BAR 'GOG PA LA SNYOMS PAR ZHUGS PAR GYUR PA NA, SANGS RGYAS BCOM LDAN 'DAS RNAMS KYIS 'GOG PA LAS SLONG BAR YANG MDZAD DO, ,JI SKAD DU, KYE RGYAL BA'I SRAS DAG DE LTAR BYANG CHUB SEMS DPA'I MI G-YO BA 'DI LA GNAS PA'I BYANG CHUB SEMS DPA' SNGON GYI SMON LAM GYI STOBS BSKYED PA DANG, CHOS KYI SGO'I RGYUN DE LA GNAS PA DE LA SANGS RGYAS BCOM LDAN 'DAS RNAMS DE BZHIN GSHEGS PA'I YE SHES NYE BAR BSGRUB PAR MDZAD DO, ,DE LA 'DI SKAD CES KYANG BKA' STZAL TE, RIGS KYI BU LEGS SO LEGS SO, ,SANGS RGYAS KYI CHOS RJES SU RTOGS PAR BYA BA LA 'DI NI DON DAM PA'I BZOD PA YANG YIN NA, 'ON KYANG RIGS KYI BU GANG NGED KYI STOBS BCU DANG MI @326B 'JIGS PA BZHI LA SOGS PA SANGS RGYAS KYI CHOS MA 'DRES PA PHUN SUM TSOGS PA DE KHYOD LA MED KYI, SANGS RGYAS KYI CHOS PHUN SUM TSOGS PA DE YONGS SU BTZAL BA'I PHYIR SBYOR BA BYOS SHIG ,BRTZON 'GRUS RTZOMS SHIG ,BZOD PA'I SGO 'DI NYID KYANG MA DOR ZHIG ,RIGS KYI BU KHYOD KYIS DE LTAR ZHIG BA'I RNAM PAR THAR PA LA GNAS PA THOB KYANG BYIS PA SO SO'I SKYE BO MA ZHIG PAR RAB TU MA ZHI PA NYON MONGS PA SNA TSOGS KUN TU 'BYUNG BAR GYUR PA RNAM PAR RTOG PA RNAM PA SNA TSOGS KYIS YID G-YEN SPYO BA 'DI DAG LA SOMS SHIG ,GZHAN YANG RIGS KYI BU SNGON GYI SMON LAM DANG ZHES RGYA CHER 'BYUNG BA NAS, GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE LA THAMS CAD MKHYEN PA'I YE SHES MNGON PAR SGRUB PA'I SGO RNAMS SU GZHUG PA MDZAD DU ZIN NA, DE DE NYID KYI TSE YONGS SU MYA NGAN LAS 'DA' BAR 'GYUR TE ZHES BYA BA LA SOGS PA'I BAR DU GSUNGS PA LTA BU'O, ,GANG GI PHYIR 'DI DE LTAR 'GOG PA LAS SLONG BA DE NYID KYI PHYIR 'DI'I CHAGS PA MED PA'I BLO NI SKYON RNAMS NGAG DANG LHAN CIG MI GNAS PHYIR, ,SA BRGYAD PA LA DRI MA DE DAG RTZAR BCAS NYE BAR ZHI 'GYUR ZHING, ,NYON MONGS ZAD CING KHAMS GSUM BLA MAR GYUR KYANG SANGS RGYAS RNAMS KYI NI, ,'BYOR PA MKHA' LTAR MKHA' BRAL MA LUS THOB PAR NUS MA YIN, ,RNAM PAR MI RTOG PA'I YE SHES KYI NYI MA SHAR BAS MUN PA LTAR NYON MONGS PAR SNGAR BYUNG BA 'KHOR BAR SKYE BA'I RGYUR GYUR PA KHAMS GSUM SPYOD PA GANG YIN PA DE DAG THAMS CAD KYANG RTZA BA DANG BCAS PAR ZHI BA KHO NAR 'GYUR LA, DE DE SPANGS PAS SA GSUM GYI BLA MA NYID DU GYUR DU ZIN KYANG BYANG CHUB SEMS DPA' 'DIS GNAS SKABS DER SANGS RGYAS BCOM LDAN 'DAS RNAMS KYI 'BYOR PA THOB PAR MI NUS TE, DE THOB PAR BYA BA'I PHYIR 'DIS BSGRIM PAR BYA DGOS SO, ,DE DE NYID KYI TSE YONGS SU MYA NGAN LAS 'DA' BAR 'GYUR TE ZHES 'BYUNG BA'I PHYIR, 'DI KHAMS GSUM LAS 'DOD CHAGS DANG BRAL BA NYID SRID PA YIN TE, 'DOD CHAGS DANG MA BRAL BA LA MYA NGAN LAS 'DAS PA THOB PA SRID PA MED PA'I PHYIR, GAL TE 'DIS DER @327A *, ,KHAMS GSUM LAS 'DOD CHAGS DANG BRAL BAR GYUR NA, DE'I TSE 'KHOR BA 'GAGS PAS JI LTAR 'DI SANGS RGYAS KYI CHOS MA LUS PA YONGS SU RDZOGS PAR 'GYUR ZHE NA, BSHAD PA, 'KHOR BA 'GAGS KYANG DBANG RNAMS BCU PO THOB PAR GYUR ZHING DE DAG GIS, , SRID PA'I 'GRO BAR RANG GI BDAG NYID SNA TSOGS STON PAR BYED PAR 'GYUR, ,'DIR 'KHOR BA NI 'GAGS MOD KYI DE LTA NA YANG 'DI LA DBANG BCU PO DE DAG NYE BAR SKYE LA, DE DAG GIS 'DIS YID KYI RANG BZHIN GYI LUS KYI SOG NAS BDAG NYID KYI DNGOS PO SNA TSOGS PA STON PAR BYED DO; ,DE'I PHYIR 'DI'I TSOGS MA LUS PAR YONGS SU RDZOGS PAR MI 'GAL LO, ,DE LA DBANG BCU NI, JI SKAD DU, ,BSKAL PA BRJOD DU MED PA'I YANG BRJOD DU MED PAR TSE TSAD BYIN GYIS RLOB PAS TSE LA DBANG BA 'THOB PO, ,TING NGE 'DZIN NGES PAR SEMS PA DPAG TU MED PA'I YE SHES KYIS 'JUG PAS SEMS LA DBANG BA 'THOB BO, ,'JIG RTEN GYI KHAMS THAMS CAD RGYAN BKOD PA DU MAS RAB TU BRGYAN PA'I BYIN GYI RLABS KUN TU STON PAS YO BYAD LA DBANG 'THOB BO, ,LAS KYI RNAM PAR SMIN PA SBYIN GYI RLABS KYIS DUS JI LTA BA BZHIN DU STON PAS LAS LA DBANG BA 'THOB PO; ,'JIG RTEN GYI KHAMS THAMS CAD DU SKYE BA KUN TU STON PAS SKYE BA LA DBANG BA 'THOB BO, ,SANGS RGYAS KYI ZHING DANG, DUS GANG DU CI DGA' BAR MNGON PAR RDZOGS PAR BYANG CHUB PA KUN TU STON PAS SMON LAM LA DBANG BA 'THOB BO, ,'JIG RTEN GYI KHAMS THAMS CAD SANGS RGYAS KYIS RAB TU GANG BA KUN TU STON PAS MOS PA LA DBANG BA 'THOB BO, ,SANGS RGYAS KYI ZHING THAMS CAD DU RDZU 'PHRUL GYI RNAM PAR 'PHRUL PA KUN TU STON PAS RDZU 'PHRUL LA DBANG PO 'THOB BO, ,DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA DANG, MTSAN DANG DPE BYAD BZANG PO DANG, MNGON PAR RDZOGS PAR BYANG CHUB PA KUN TU STON PAS YE SHES LA DBANG BA 'THOB BO, ,MTHA' DANG DBUS MED PA'I CHOS KYI SGO SNANG BA KUN TU STON PAS CHOS LA DBANG 'THOB BO ZHES RGYAS PAR GSUNGS PA LTA BU'O, ,SEMS @327B BSKYED PA BRGYAD PA BSHAD ZIN TO, ,DBU MA LA 'JUG PA'I BSHAD PA LAS SEMS BSKYED PA BRGYAD PA'O,, ,,DA NI SEMS BSKYED PA DGU PA LA NI DE'I STOBS LTA ZHIG MTHA' DAG RDZOGS PAR DAG 'GYUR ZHING, ,DE BZHIN YANG DAG RIG CHOS RANG GI YON TAN YONGS SU DAG PA'ANG 'THOB, ,BYANG CHUB SEMS DPA'I SA DGU PAR NI BYANG CHUB SEMS DPA'I STOBS KYI PHA ROL TU PHYIN PA CHOS YONGS SU DAG PAR 'GYUR ZHING SO SO YANG DAG PAR RIG PA RANG GI YON TAN YONGS SU DAG PA BZHI YANG 'THOB STE, CHOS SO SO YANG DAG PAR RIG PA DANG; DON SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'O, ,DE LA CHOS SO YANG DAG PAR RIG PAS NI CHOS THAMS CAD KYI RANG GI MTSAN NYID RAB TU SHES SO, ,DON SO SO YANG DAG PAR RIGS PAS NI CHOS THAMS CAD KYI RNAM PAR DBYE BAR RAB TU SHES SO, ,NGES PA'I TSIG SO SO YANG DAG PAR RIG PAS NI CHOS RNAMS MA 'DRES PAR STON PA RAB TU SHES SO, ,SPOBS PA SO SO YANG DAG PAR RIG PAS NI CHOS RNAMS KYI MTHUN PA'I RGYU RGYUN CHAD PA MED PA NYID DU RAB TU SHES SO, ,SEMS BSKYED PA DGU PA BSHAD ZIN TO, ,DBU MA LA 'JUG PA'I BSHAD PA LAS SEMS BSKYED PA DGU PA'O,, ,,DA NI SEMS BSKYED PA BCU PA'I DBANG DU BYAS NAS BSHAD PA, BCU PA'I SA LA DE YIS KUN NAS SANGS RGYAS RNAMS LAS DBANG BSKUR BA, ,DAM PA THOB CING YE SHES LHAG PAR MCHOG TU 'BYUNG BAR 'GYUR BA'ANG YIN, ,CHAR SPRIN RNAMS LAS CHU CAR 'BAB PA JI LTAR DE BZHIN 'GRO RNAMS KYI, ,DGE BA'I LO THOG CHED DU RGYAL SRAS LAS KYANG LHUN GRUB CHOS CHAR 'BAB, ,BYANG CHUB SEMS DPA'I SA BCU PA LA GNAS PA'I BYANG CHUB SEMS DPA' LA NI SANGS RGYAS BCOM LDAN 'DAS RNAMS KYIS DBANG BSKUR TE, JI SKAD DE LA TING NGE 'DZIN GRANGS MED PA 'BUM PHRAG BCU JI SNYED PA'I THA MA LA BYANG CHUB SEMS DPA'I TING NGE 'DZIN THAMS CAD MKHYEN PA'I YE SHES DANG KHYAD PAR MED PAR DBANG BSKUR BA DANG LDAN PA ZHES BYA BA MNGON @328A *, ,DU 'GYUR TE, MNGON DU GYUR MA THAG TU STONG GSUM 'BUM PHRAG BCU'I GTOS DANG MNYAM PA'I RIN PO CHE CHEN PO'I PADMA RIN PO CHE RNAM PA THAMS CAD KYI MCHOG DANG LDAN PAS SPRAS PA ZHES BYA BA NAS RGYAS PAR STONG GSUM 'BUM PHRAG BCUR TSANG BA'I RDUL PHRA RAB KYI RDUL SNYED KYI PADMA'I 'KHOR DANG LDAN PA 'BYUNG BAR 'GYUR TE, BYANG CHUB SEMS DPA' DE'I LUS KYANG DE DANG 'TSAM ZHING DE'I RKYEN DU 'BAB PAR GNAS SO, ,DE TING NGE 'DZIN DE THOB MA THAG TU PADMA DE LA 'DUG PAR KUN TU SNANG NGO, ,DE DE LA 'DUG PA DANG SANGS RGYAS BCOM LDAN 'DAS SANGS RGYAS KYI ZHING KUN NAS GDAN 'DZOM PA RNAMS KYI MDZOD SPU NAS 'OD ZER DAG PHYUNG NAS, BYANG CHUB SEMS DPA' DE LA DBANG BSKUR BAR MDZAD DO ZHES BYA BA'I BAR DU GSUNGS PA LTA BU'O, ,'DI'I YE SHES KYI PHA ROL TU PHYIN PA CHES YONGS SU DAG PAR YANG 'GYUR LA, SPRIN CHEN PO LTAR 'JIG RTEN GYI DGE BA'I LO THOG MNGON PAR SPEL BA'I PHYIR, ,LHUN GYIS GRUB PAR DAM PA'I CHOS KYI CHAR YANG MNGON PAR 'BEBS SO, ,SEMS BSKYED PA BCU PA BSHAD ZIN TO, ,DBU MA LA 'JUG PA'I BSHAD PA LAS SEMS BSKYED PA BCU PA'O,, ,,DA NI SEMS BSKYED PA DANG PO NAS BRTZAMS TE DE DAG GIS YON TAN GYI GRANGS THOB PA'I DBANG DU BYAS NAS BSHAD PA, DE'I TSE 'DIS NI SANGS RGYAS BRGYA MTHONG ZHING, ,DE DAG BYIN GYI RLABS KYANG 'DI YIS RTOGS, ,DE NYID TSE NA BSKAL BRGYAR GNAS SHING, ,SNGON DANG PHYI MA'I MTHAR YANG YANG DAG 'JUG ,BLO LDAN TING 'DZIN BRGYA PHRAG SNYOMS PAR 'JUG CING GTONG BYED DE, 'JIG RTEN KHAMS BRGYA 'DI YIS KUN NAS G-YO ZHING SNANG BAR NUS, ,DE BZHIN RDZU 'PHRUL GYIS DE SEMS CAN BRGYA PHRAG SMIN BYED CING, ,BRGYA PHRAG GRANGS DANG RJES 'BREL ZHING DAG TU YANG 'GRO BAR 'GYUR, ,DES NI CHOS KYI SGO RNAMS YANG DAG 'BYED BYED THUB DBANG SRAS, ,RANG GI LUS LA LUS RNAMS KUN NAS STON PAR BYED PA'ANG YIN, ,RANG GI 'KHOR DANG BCAS PAS MDZES 'BYOR LUS NI RE RE ZHING, ,RGYAL BA'I SRAS PO BRGYA PHRAG DAG @328B DANG RJES SU 'BREL PA'ANG STON, ,JI SKAD DU, RAB TU BYUNG NAS KYANG SKAD CIG THANG CIG YUL TZAM CIG LA TING NGE 'DZIN BRGYA RAB TU 'THOB CING DE DAG LA SNYOMS PAR 'JUG PA YANG 'JUG PA DANG, SANGS RGYAS BRGYA MTHONG BA DANG, DE DAG GI BYIN GYI RLABS KYANG YANG DAG PAR SHES PA DANG, 'JIG RTEN GYI KHAMS BRGYA G-YO BAR BYED PA DANG, ZHING BRGYAR YANG 'GRO BA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA YONGS SU SMIN PAR BYED PA DANG, BSKAL PA BRGYAR YANG GNAS PAR BYED PA DANG, BSKAL PA BRGYA LA SNGON DANG PHYI MA'I MTHAR 'JUG PA DANG, CHOS KYI SGO BRGYA RNAM PAR 'BYED PA DANG, LUS BRGYA KUN TU STON PA DANG, LUS RE RE YANG 'KHOR BYANG CHU SEMS DPA' BRGYA BRGYA DANG LDAN PAR KUN TU STON PA'O ZHES GSUNGS PA LTA BU 'O, ,BLO LDAN RAB TU DGA' BAR GNAS PAS YON TAN DE DAG NI; ,THOB PAR GYUR NAS DE BZHIN KHO NAR DRI MA MED GNAS PAS, ,DE DAG STONG NI YAN DAG THOB PAR 'GYUR BA STE, ,SEMS DANG PO BSKYED PA'I BYANG CHUB SEMS DPA' 'DIS YON TAN GRANGS BRGYA DANG RJES SU 'BREL PA GANG DAG THOB PA DE DAG KHO NA SEMS GNYIS PA BSKYED PA'I BYANG CHUB SEMS DPAS STON 'THOB PAR 'GYUR RO ZHES RGYA CHER 'BRANG BAR BYA'O, ,YON TAN DE DAG NYID SEMS BSKYED PA GSUM PA LA SOGS PAS LNGA PA'O, ,'DI DAG RNAMS LA BYANG CHUB SEMS DPA' YIS NI 'BUM PHRAG DANG, ,BYE BA PHRAG BRGYA 'THOB CING DE YIS BYE BA STONG 'GYUR 'THOB, ,DE NAS BYE BA BRGYA PHRAG STONG 'GYUR YANG 'THOB BYE BA PHRAG ,KHRAG KHRIG PHRA BRGYAR RDZOGS PAR SGYUR DANG SLAR YANG STONG PHRAG TU, ,YANG DAG PAR NI SGYUR BA MTHA' DAG RAB TU 'THOB PAR 'GYUR, ,DE LA SEMS GSUM PA BSKYED PA'I BYANG CHUB SEMS DPAS NI JI SKAD BSHAD PA'I YON TAN RNAMS 'BUM 'THOB PO, ,SEMS BZHI PA BSKYED PA'I BYANG CHUB SEMS DPAS NI BYE BA PHRAG BRGYA 'THOB BO, ,SEMS LNGA PA BSKYED PA'I BYANG CHUB SEMS DPAS NI BYE BA PHRAG STONG 'THOB PO, ,SEMS DRUG PA BSKYED PA'I BYANG CHUB SEMS DPAS NI BYE BA @329A *, ,'BUM 'THOB BO, ,SEMS BDUN PA BSKYED PA'I BYANG CHUB SEMS DPAS NI YON TAN DE DAG NYID BYE BA KHRAG KHRIG PHRAG 'BUM 'THOB PAR SHES PAR BYA'O, ,DE YAN CHAD NI YON TAN DAG LA GRANGS KYIS YONGS SU BGRANG BAR MI SRID PAS, RDUL PHRA RAB RNAMS KYIS YONGS SU BGRANG BAR BSHAD PA, MI G-YO'I SAR GNAS RNAM RTOG MED PA DES, ,STONG GSUM BRGYA PHRAG STONG BSDOMS 'JIG RTEN NA, ,RDUL TSAD JI SNYED YOD PA DE RNAMS DANG, ,GRANGS MNYAM YON TAN DAG NI 'THOB PAR 'GYUR, ,BYANG CHUB SEMS DPA' SEMS BRGYAD PA BSKYED PAS NI JI SKAD DU BSTAN PA'I YON TAN DAG STONG GSUM GYI 'JIG RTEN GYI KHAMS 'BUM GYI RDUL PHRA RAB KYI RDUL SNYED 'THOB BO, ,LEGS PA'I BLO GROS SA LA GNAS PA YI, ,BYANG CHUB SEMS DES SNGAR BSTAN YON TAN DAG ,GRANGS MED BRGYA PHRAG STONG DU YANG DAG PAR; ,BSDOMS PA PHRAG BCU'I RDUL TSAD THOB PAR 'GYUR, ,SEMS DGU PA BSKYED PA'I BYANG CHUB SEMS DPAS NI SNGAR BSTAN PA'I YON TAN DAG STONG GSUM GYI 'JIG RTEN GYI KHAMS GRANGS MED PA 'BUM PHRAG BCU'I RDUL PHRA RAB KYI RDUL DANG MNYAM PA 'THOB PO, ,RE ZHIG BCU PA 'DIR DE'I YON TAN DAG ,NGAG GI SPYOD YUL LAS CHES 'DAS GYUR ZHING, ,NGAG GI SPYOD YUL MA YIN BSDOMS RNAMS NA, ,RDUL DAG JI SNYED YOD PA DE SNYED 'GYUR, ,BYANG CHUB SEMS DPA' SEMS BCU PA BSKYED PAS NI YON TAN JI SKAD DU BSTAN PA DAG SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI RDUL SNYED 'THOB PAR 'GYUR RO, ,RE ZHIG BCU PA 'DIR DE'I ZHES BYA BA'I RE ZHIG GI SGRA 'DIS NI DE TZAM KHO NAR ZAD PA NI MA YIN NO ZHES YON TAN BRJOD PAR BYA BA LA GO RIMS STON PAR BYED DO, ,GZHAN YANG BYANG CHUB SEMS DPA' 'DIS NI, ,BA SPU'I KHUNG BUR BYANG CHUB SEMS RNAMS DANG, ,LHAN CIG RDZOGS SANGS RGYAS SKU BGRANG 'DAS DANG, ,DE BZHIN LHA DANG LHA MIN MI DAG KYANG, ,SKAD CIG SKAD CIG LA NI STON PAR NUS, ,BYANG CHUB SEMS DPA' SEMS BCU PA @329B BSKYED PA 'DIS NI RTOG PA KUN NAS RGYU BA MED PAR RANG GIS LUS KYI BA SPU'I BU GA RE RER SANGS RGYAS BCOM LDAN 'DAS BGRANG BA LAS 'DAS PA RE RE ZHING BYANG CHUB SEMS DPA' GZHAL GYIS MI LANG BA'I 'KHOR MNGA' BDAG SKAD CIG SKAD CIG LA RNAM PA GZHAN DANG GZHAN DU 'ANG STON BAR NUS LA, DE DAG LAS GZHAN 'GRO BA LNGA'I 'KHOR BA MI LA SOGS PA'I DBYE BAS THA DAD PAS YANG MA 'DRES PAR BA SPU'I KHUNG BU RE RER SKAD CIG RE RE LA STON PAR NUS SO, ,KYANG GI SGRA NI MA SMOS PA BSDU BA'I DON DU STE, BRGYA BYIN DANG, TSANGS PA DANG, 'JIG RTEN SKYONG BA DANG, MI'I RGYAL PO DANG, NYAN THOS DANG, RANG SANGS RGYAS DANG, DE BZHIN GSHEGS PAS GDUL BA'I SEMS CAN RNAMS LA BRGYA BYIN LA SOGS PA'I GZUGS BZUNG NAS LHUN GYIS GRUB PAR CHOS STON PAR NUS SO ZHES BYA BA LA SOGS PA'I BAR GYI DON SDUD PA'O, ,YON TAN GYI KHYAD PAR RNAMS RGYAS PAR NI MDO NYID LAS BCAL BAR BYA'O, ,BYANG CHUB SEMS DPA'I SA'I YON TAN BSTAN PA BSHAD ZIN TO, ,DE'I 'OG TU SANGS RGYAS KYI SA'I YON TAN CUNG ZAD TZAM CIG BRJOD PAR 'DOD PAS BSTOD PA SGRUB PA'I SGO NAS SANGS RGYAS BCOM LDAN 'DAS KYI DBANG DU BYAS TE BSHAD PA, GANG PHYIR NAM MKHA' DRI MA MED LA ZLA SNANG GSAL BAR 'GYUR BA'I PHYIR, ,SNGON TSE STOBS BCU BSKYED PA'I SA LA KHYOD KYIS SLAR YANG 'BAD GYUR ZHING, ,'OG MIN DU NI GANG GI DON DU 'BAD GYUR GO 'PHANG MCHOG ZHI BA, ,YON TAN MTHA' DAG MTHAR THUG MTSUNGS PA MED DE KHYOD KYIS BRNYES, ,DPER NA ZLA BAS NAM MKHA'I DRI MA MED PA KHO NA LA 'GRO BA MA LUS PA GSAL BAR NUS PA DE BZHIN DU, BCOM LDAN 'DAS SANGS RGYAS KYI CHOS RNAMS THOB PA LA GEGS BYED PA'I MUN PA SBYONG BA NYID DU MDZAD PA, THUGS BSKYED PA BCU PA BRNYES PAS RANG NYID SANGS RGYAS KYI CHOS BRNYES NUS PAR MKHYEN NAS DUS PHYIS SANGS RGYAS KYI SA LA 'BAD PA BRTZAMS PAR GYUR LA, GANG GI DON DU 'BAD PA 'DI BRTZAMS PA BLA NA MED PA'I YE SHES DE YANG BCOM LDAN 'DAS KYIS 'OG MIN GYI GNAS KHO NAR BRNYES PAR GYUR TO, ,DE NI YON TAN MTHA' DAG @330A *, ,GI MTHAR THUG PA STE YON TAN MTHA' DAG 'DIR MTHAR THUG CING PHUL DU BYUNG BA'I PHYIR RO, ,DE NI MTSUNGS PA MED PA YANG YIN TE, DE DANG 'DRA BA MED PA'I PHYIR DANG GONG NA MED PA'I PHYIR RO, ,DER MNGON PAR RDZOGS PAR 'TSANG RGYA BA NA BCOM LDAN 'DAS KYIS SKAD CIG GCIG KHO NA LA THAMS CAD MKHYEN PA'I YE SHES BRNYES SO ZHES BYA BA 'DI BSTAN PA'I PHYIR BSHAD PA, JI LTAR SNOD KYI DBYE BAS MKHA' LA DBYE BA MED DE LTAR, ,DNGOS BYAS DBYE BA 'GA' YANG DE NYID LA MED DE YI PHYIR, ,RO MNYAM NYID DU YANG DAG THUGS SU CHUD PAR MDZAD GYUR NAS, , MKHYEN BZANGS KHYOD KYIS SKAD CIG GIS NI SHES BYA THUGS SU CHUD, ,DPER NA BUM PA DANG 'KHAR GZHONG LA SOGS PA THA DAD KYANG SGRIB PA MED PA NYID DU MTSUNGS PA'I PHYIR DER RTOGS PA'I NAM MKHA' LA THA DAD PA MED PA DE BZHIN DU, GZUGS DANG TSOR BA LA SOGS PA'I DNGOS PO THA DAD KYANG DER GTOGS PA'I DE KHO NA NYID SKYE BA MED PA'I MTSAN NYID CAN LA THA DAD PA MED PAS DE KHO NA NYID NI RO GCIG PA KHO NAR SHES PAR BYA'O, ,DE YANG MKHYEN PA'I SKAD CIG GCIG KHO NAS THUGS SU CHUD PAS BCOM LDAN 'DAS KYIS MKHYEN PA'I SKAD CIG GCIG KHO NAS THAMS CAD MKHYEN PA'I YE SHES BRNYES SO, ,'DIR SMRAS PA, GANG TSE ZHI BA DE NYID YIN NA DE LA BLO GROS 'JUG MI 'GYUR, ,BLO MA ZHUGS PAR SHES BYA'I YUL CAN NGES PAR RIGS PA'ANG MA YIN LA, ,KUN NAS SHES MED PA NI SHES PAR JI LTAR 'GYUR TE 'GAL BAR 'GYUR, ,MKHYEN PO MED PAR KHYED KYIS GZHAN LA 'DI LTA'O ZHES SU ZHIG STON, ,SKYE BA MED PA NI GZUGS LA SOGS PA RNAMS KYI DE KHO NA NYID DO ZHES RNAM PAR 'JOG CING DE YANG SHES PA YIN NO ZHES 'JOG PA NA, GANG GI TSE ZHI BA DE KHO NA NYID YIN NO ZHES RNAM PAR GZHAG PA DE NYID KYI TSE DE LA RNAM PA THAMS CAD BLO MI 'JUG PAR KHAS BLANG DGOS TE, 'DI LTAR DE KHO NA NYID SKYE BA MED PA'I RANG BZHIN CAN LA BLO 'JUG PA NA CI'I RNAM PA CAN ZHIG TU 'BYUNG BAR 'GYUR TE, DE'I PHYIR RNAM PA MED PAS DE KHO NA NYID LA BLO MI 'JUG PA NYID DO, ,BLO MI 'JUG NA NI, 'O NA SHES BYA'I YUL CAN GYI @330B NGES PA YANG MI RIGS PAS DE'I PHYIR 'DI YONGS SU SHES PAR 'GYUR BAR JI LTAR 'OS, YONGS SU SHES PA MED PA NYID DE KHO NA NYID YONGS SU SHES PA'O ZHES BYA BAR YANG MI RIGS SO, ,CI'I PHYIR ZHE NA, SMRAS PA, KUN NAS SHES PA MED PA NI SHES PAR JI LTAR 'GYUR TE 'GAL BAR 'GYUR, KUN NAS MI SHES PA NYID SHES PA YIN NO ZHES BYA BA 'DI NI PHAN TSUN 'GAL BA ZHIG STE, GAL TE KUN NAS MI SHES PA YIN NA JI LTAR SHES PA YIN, SEMS SKYE BA MED NA YANG MKHYEN PA PO MED PAR 'DI LTA BU'I MTSAN NYID CAN GYI DE KHO NA NYID NGAS THUGS SU CHUD DO ZHES KHYED CAG GI GZHAN DAG LA SU ZHIG GIS RTOGS PAR BYED, DE'I PHYIR 'DI MI RIGS SO, ,'DI LA BRJOD PAR BYA STE, GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE RNAMS BSTEN LAS DE YIS DE NYID RTOGS PA LTA BU STE, ,JI LTAR SEMS NI GANG GI RNAM PA CAN DU 'GYUR BA DE YIS YUL, ,DE YONGS SHES PA DE BZHIN THA SNYAD NYE BAR BSTEN NAS RIG PA YIN, ,'DI NA DE'I RNAM PA'I RJES SU BYED PA NYID 'DZIN PA NA RNAM PAR SHES PAS YUL RIG GO ZHES BRJOD DO, ,DPER NA RNAM PAR SHES PA SNGON PO'I RNAM PAR BSREL BA NYE BAR SKYE BA NA SNGON PO SHES SO ZHES BRJOD PA DE BZHIN DU, SHES PA DE KHO NA NYID KYI RNAM PA'I RJES SU BYED PA SKYE BA NA DE KHO NA NYID SHES SO ZHES NYE BAR GDAGS SO, ,SHES PA DE'I RNAM PA'I RJES SU BYED PA NYID BSTAN PA'I PHYIR, GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE RNAMS BSTEN LAS DE YIS DE NYID RTOGS PA LTA BU STE, ,ZHES BYA BA SMOS TE, DE'I RNAM PA BSTEN PA'I SGO NAS RNAM PAR GZHAG GO, ,JI LTAR SEMS NI GANG GI RNAM PA ZHES BYA BA LA SOGS PAS NI RAB TU GRAGS PAR GYUR PA'I DPE SMOS TE DE YANG RNAM PAR BSHAD ZIN TO, ,DE'I PHYIR BTAGS PA LAS DE KHO NA NYID RTOGS SO ZHES RNAM PAR GZHAG GI ,DNGOS SU NA 'GA' ZHIG 'GA' ZHIG GIS SHES PA NI MA YIN TE, SHES PA DANG SHES BYA GNYI GA YANG MA SKYES PA NYID KYI PHYIR RO, ,GANG YANG MKHYEN PO MED PAR KHYED KYIS GZHAN LA 'DI LTA BU'O ZHES SU ZHIG STON ZHES @331A *, ,SMRAS PA DE LA YANG BRJOD PAR BYA STE, SHES PA 'DI SKYE BA MED PA DE KHO NA YIN PA BDEN MOD KYI 'JIG RTEN NA DE NYID STON PA MI SRID PA YANG MA YIN NO, ,JI LTAR ZHE NA, BRJOD PAR BYA STE, DE YI LONGS SPYOD RDZOGS SKU BSOD NAMS KYIS, ,ZIN DANG SPRUL PA MKHA' GZHAN LAS DE'I MTHUS, ,SGRA GANG CHOS KYI DE NYID STON 'BYUNG BA, ,DE LAS 'JIG RTEN GYIS KYANG DE NYID RIG ,DE BZHIN GSHEGS PA RNAMS NI GZUGS KYI SKU GANG LA BZHUGS NAS CHOS KYI DBYINGS MNGON SUM DU MDZAD PA'I SKU BSOD NAMS BRGYAS ZIN PA, BSAM GYIS MI KHYAB CING SNA TSOGS PA'I SKU MNGA' BA DE NI NGO BO DE DANG DER BYANG CHUB SEMS DPA' RNAMS KYI CHOS KYI LONGS SPYOD KYI RGYU NYID DU YONGS SU 'GYUR BA YIN TE, GANG LAS DA DUNG DU YANG 'JAM DPAL SKYE BA MED CING 'GAG PA MED PA ZHES BYA BA 'DI NI DE BZHIN GSHEGS PA'I TSIG BLA DAGS SO ZHES BYA BA DE LTA BU LA SOGS PA GSUNG RAB KYI THA SNYAD SNA TSOGS PA DAG RTOGS PAR 'GYUR BA, BSOD NAMS BRGYA LAS BSKRUN PA DE BZHIN GSHEGS PA'I BYIN GYI RLABS KYI SGRA GANG ZHIG 'BYUNG BA DE LAS 'JIG RTEN RNAM PA DE LTA BU'I CHOS NYE BAR STON PA'I SNOD DU GYUR PAS DE KHO NA NYID PHYIN CI MA LOG PAR NGES PAR 'GYUR RO, ,BSOD NAMS KYIS 'DUS BYAS PA'I SKU LAS 'BYUNG BA LTA ZHOG GI DE'I BYIN GYI RLABS KYIS SPRUL PA DAG LAS CHOS KYI DE KHO NA NYID GSAL BAR BYED PA'I SGRA GANG ZHIG 'BYUNG BA DE LAS KYANG 'JIG RTEN GYIS DE KHO NA NYID NGES BAR 'GYUR RO, ,SPRUL PA DAG LAS 'BYUNG BA 'BA' ZHIG TU MA ZAD KYI GZHAN YANG DE'I MTHUS SEMS DANG SEMS LAS BYUNG BA 'JUG PA MED DU ZIN KYANG, NAM MKHA' DAG GZHAN RTZVA DANG SHING DANG RTZIG PA DANG BRAG LA SOGS PA LAS DE'I MTHUS SGRA GANG ZHIG 'BYUNG BA DE LAS KYANG 'JIG RTEN GYIS DE NYID RIG PA YIN NO, ,YANG JI LTAR SEMS DANG SEMS LAS BYUNG BA MED PA'I RANG BZHIN CAN RNAM PAR RTOG PA MED PA NI BYA BA DA LTAR BA MI SRID KYANG JI SKAD BSHAD PA'I BYA BA 'BYUNG BA'I RGYU NYID DU 'GYUR ZHE NA, DE BSTAN PA'I PHYIR PHYI ROL GYI DPE NYE BAR BKOD PA, JI @331B LTAR RDZA MKHAN STOBS CHEN LDAN PAS 'DIR, ,YUN RINGS 'BAD PAS CHES BSKOR 'KHOR LO NI, ,DE RTZOL DA LTA SKYES PA MED BZHIN DU 'ANG, ,'KHOR ZHING BUM PA LA SOGS RGYUR MTHONG LTAR, ,DE BZHIN DA LTA SKYES RTZOL MED BZHIN DU, ,CHOS KYI BDAG CAN SKU NYID LA BZHUGS DE'I, ,'JUG PA SKYE BO'I DGE DANG SMON LAM GYI, ,KHYAD PAR GYIS 'PHANGS LAS CHES BSAM MI KHYAB, ,DE LA GANG GIS NA RTOG PA MED PAR GYUR DU ZIN KYANG GDUL BA'I BYA BA JI LTAR 'TSAM PA LTAR 'JUG PAS SEMS CAN GYI KHAMS MTHA' YAS PA'I DON BYED PAR 'GYUR BA; JI LTAR SANGS RGYAS BCOM LDAN 'DAS 'DI DAG DA LTAR RNAM PAR RTOG PA MI MNGA' ZHING, YID BZHIN GYI NOR BU DANG DPAG BSAM GYI SHING DANG 'DRA BAR JI LTAR 'TSAM PAR SEMS CAN GYI DON SGRUB PA LHUR MDZAD CING CHOS KYI DBYINGS LAS SKAD CIG KYANG MI BSKYOD LA, SEMS CAN 'DUL BA'I DUS LAS KYANG MI 'DA' BA DE BZHIN DU BDAG KYANG GYUR CIG CES BYANG CHUB SEMS DPA' SNGAR SMON LAM GANG BTAB PA'I SMON LAM DE'I SHUGS DANG, GDUL BA RNAMS KYI RNAM PA DE LTA BU'I CHOS NYAN PAR 'GYUR BA'I LAS YONGS SU SMIN PA LAS BYA BA'I KHYAD PAR DE 'DRA BA DAG MNGON PA YIN NO, ,DE LTAR NA DA LTAR SKYES PA'I 'BAD RTZOL MED PAR DE KHO NA NYID NYE BAR STON PA DANG, SEMS CAN GYI DON BYA BA YANG 'GRUB PO ZHES BYA BA SHES PAR BYA'O, ,DA NI CHOS KYI SKU'I DBANG DU BYAS NAS BSHAD PA, SHES BYA'I BUD SHING SKAM PO MA LUS PA, ,BSREGS PAS ZHI STE RGYAL RNAMS CHOS SKU STE, ,DE'I TSE SKYE BA MED CING 'GAG PA MED, ,SEMS 'GAG PA DE SKU YIS MNGON SUM MDZAD, ,YE SHES KYI RANG BZHIN CAN GYI SKU SHES BYA'I BUD SHING SKAM PO MA LUS PA BSREGS PA LA SHES BYA SKYE BA MED PAS SKYE BA MED PA DANG LDAN PAR GYUR PA GANG YIN PA 'DI NI SANGS RGYAS RNAMS KYI CHOS KYI SKU'O, ,'DI NYID KYI DBANG DU MDZAD NAS, ,SANGS RGYAS RNAMS NI CHOS NYID LTA, ,'DREN PA RNAMS NI CHOS KYI SKU, ,CHOS NYID SHES BYA'ANG MA YIN TE, ,DE NI SHES PAR NUS MA YIN, ,ZHES GSUNGS SO, ,CHOS KYI SKU 'DI NI, DE'I TSE @332A *, ,SKYE BA MED CING 'GAG PA MED PA STE, 'DI NYID KYI DBANG DU MDZAD NAS 'JAM DPAL SKYE BA MED CING 'GAG PA MED PA ZHES BYA BA 'DI NI DE BZHIN GSHEGS PA'I TSIG BLA DAGS SO ZHES GSUNGS SO, ,DE LTA NA YE SHES KYI YUL DE KHO NA NYID LA RNAM PA THAMS CAD DU DE'I YUL CAN SEMS DANG SEMS LAS BYUNG BA RNAMS MI 'JUG PAS SKU KHO NAS MNGON SUM DU MDZAD PAR KUN RDZOB TU RNAM PAR GZHAG GO, ,'DI NI, ZHI SKU DPAG BSAM SHING LTAR GSAL GYUR CING, ,YID BZHIN NOR BU JI BZHIN RNAM MI RTOG ,'GRO GROL BAR DU 'JIG RTEN 'BYOR SLAD RTAG ,'DI NI SPROS DANG BRAL LA SNANG BAR 'GYUR, ,SKU GANG GIS DE KHO NA NYID 'DI MNGON SUM DU MDZAD PAR BSHAD PA DE NI ZHI BA'I RANG BZHIN CAN DU 'DOD DE, SEMS DANG SEMS LAS BYUNG BA DANG BRAL BA'I PHYIR RO, ,ZHI BA'I RANG BZHIN CAN YIN YANG SEMS CAN GYI DON MDZAD PAR SPYOD PA GSAL BAR BYED PA NI, DPAG BSAM SHING LTAR GSAL GYUR CING, ,YID BZHIN NOR BU JI BZHIN RNAM MI RTOG ,CES BYA BA STE, 'DI RNAM PAR MI RTOG PA NYID YIN DU ZIN KYANG DPAG BSAM GYI SHING DANG YID BZHIN GYI NOR BU LTAR JI LTAR MNGON PAR 'DOD PA'I DON 'GRUB PA'I RGYU NYID DO ZHES BYA BA'I DON TO, ,SKU 'DI NI 'KHOR BA JI SRID PAR 'JIG RTEN GYI 'BYOR BA'I SLAD DU GNAS PA YANG YIN NO, ,RTAG CES BYA BA 'DIS NI YUN RING POR GNAS PA NYID DU MTSON TO, ,DE'I PHYIR 'JIG RTEN JI SRID PA DANG NAM MKHA' JI SRID PA DE SRID DU SANGS RGYAS RNAMS TSUL 'DIS SEMS CAN GYI DON KHO NA MDZAD CING RNAM PAR BZHUGS SO ZHES BYA BAR SHES PAR BYA'O, ,BSOD NAMS BRGYA'I MTSAN GYIS BRGYAN PA'I SKU 'DI NI BYANG CHUB SEMS DPA' SPROS PA DANG BRAL BA RANG GI BSOD NAMS DANG YE SHES KYI TSOGS LAS SHES RAB DRI MA MED PA'I ME LONG THOB PA RNAMS KHO NA LA YOD PA NYID DU SNANG GI SPROS PA DANG BCAS PA RNAMS LA NI MA YIN NO, ,CHOS KYI SKU LAS BYUNG BA'AM GZUGS KYI SKU'I MTHU LAS BYUNG BA YIN YANG RUNG STE, JI SKAD BSHAD PA'I SKU LAS GZHAN DU GYUR PA RGYU MTHUN PA'I SKU GANG DAG @332B SEMS CAN 'DUL BA'I RGYUS BYUNG BA DE DAG LA YANG MTHU'I KHYAD PAR BSAM GYIS MI KHYAB PA MNGA' BAR BRJOD PA'I PHYIR BSHAD PA, THUB DBANG DUS GCIG KHO NAR DE'I RGYU MTHUN, ,GZUGS SKU GCIG LA RANG GI SKYE GNAS SKABS, ,SNGAR 'GAGS GSAL DANG MA 'CHOL BYUNG TSUL NI, ,MA LUS KYIS BKRA MTHA' DAG STON PAR MDZAD, ,THAMS CAD MKHYEN PA'I YE SHES KYI GNAS SKABS KYI SNGA ROL 'KHOR BA THOG MA MED PA RANG NYID KYI SKYE BA'I GNAS SKABS 'GAGS ZIN PA BYUNG MTHA' DAG MA LUS PAR BSTAN PA'I PHYIR GSAL BA DANG MA 'CHOL BAR DE PHAN TSUN MA 'DRES PAR BYUNG TSUL DU MAS BKRA BAR GYUR PA DE DAG THAMS CAD CIG CAR KHO NAR ME LONG GI DKYIL 'KHOR SHIN TU YONGS SU DAG PA LA BZHIN GYI GZUGS BRNYAN LTAR RGYU MTHUN PA'I SKU GCIG NYID LA LHUN GYIS GRUB PAR STON PAR MDZAD DO, ,'DI BYANG CHUB SEMS DPA'I SPYOD PA SPYAD PA'I BYUNG TSUL GANG DANG GANG DU JI LTAR GANG GI DON DU BYUNG BA DE DAG THAMS CAD LHUN GYIS GRUB PAR SKU GCIG KHO NA LA STON PAR SPYOD PAR BRJOD PA'I PHYIR BSHAD PA, SANGS RGYAS ZHING CI 'DRA DER THUB DBANG DANG, ,DE DAG SKU SPYOD MTHU STOBS CI 'DRA DANG, ,NYAN THOS DGE 'DUN JI SNYED JI LTA DANG, ,BYANG CHUB SEMS RNAMS DER GZUGS CI 'DRA DANG, ,CI 'DRA'I CHOS DANG DE BDAG CI 'DRA DANG, ,CHOS THOS SPYOD PA GANG LA SPYAD PA DANG, ,SBYIN GANG JI TZAM DE DAG LA PHUL BA, ,DE NI MA LUS SKU GCIG LA STON MDZAD,, BCOM LDAN 'DAS KYI SNGON SBYIN PA'I PHA ROL TU PHYIN PA LA SPYOD PA NA, SANGS RGYAS BCOM LDAN 'DAS GANG RNAMS LA BSNYEN BKUR MDZAD PA DANG, SANGS RGYAS KYI ZHING BEE d'URYA DANG, PADMA R'A GA DANG, AANDA RNYIL DANG, SHEL LA SOGS PA'I RANG BZHIN CAN, RIN PO CHE'I LJON SHING LA SOGS PAS MDZES PAR BYAS PA CHU DANG ZHENG DANG KUN NAS ZLUM PA DANG BCAS PA DE LA BRTAN PA'I SEMS CAN GYI KHYAD PAR GYIS NYE BAR MDZES PA CI 'DRA BA ZHIG NA, SANGS RGYAS BCOM LDAN 'DAS DAG BLTAMS PA LA SOGS PA STON PAR MDZAD PA DE MA LUS PAR SKU GCIG @333A *, ,LA STON PAR MDZAD DO, ,SANGS RGYAS BCOM LDAN 'DAS DE DAG GI SKU DANG SPYOD PA DAG GI MTHU PHUL DU BYUNG BA GANG YIN PA DANG, DE DAG GI NYAN THOS KYI DGE 'DUN 'DUS PAR GYUR PA JI SNYED PA'AM JI LTA DANG STE, CHOS KYI RJES SU MTHUN PA'I CHOS KYI NAN TAN RNAM PA GANG GIS NYAN THOS KYI DGE 'DUN DER GYUR PA DANG, SANGS RGYAS BCOM LDAN 'DAS DE DAG GI SANGS RGYAS KYI ZHING NA BYANG CHUB SEMS DPA' MTSAN DANG DPE BYAD KYIS LUS SPRAS PA, DBYIBS DANG LDAN PA CHOS GOS DANG ZAS DANG GNAS LA SOGS PA YONGS SU LONGS SPYOD PA NYE BAR LONGS SPYOD PA DANG LDAN PA CI 'DRA BA DE DAG YOD PAR GYUR PA DANG, CI 'DRA BA'I CHOS DANG STE THEG PA GCIG DANG GSUM GYI RTEN CAN BSTAN PA DE DAG THAMS CAD SKU GCIG LA STON PAR MDZAD DO, ,DE BDAG CI 'DRA DANG STE BRAM ZE LA SOGS PA'I RIGS SU SKYES PA GZUGS DANG BLO DANG LDAN PA, KHYIM PA DANG RAB TU BYUNG BAR GYUR PA DANG, CHOS THOS NAS LHAG MA DANG BCAS PA DANG LHAG MA MED PA'I BSLAB PA KHAS BLANGS TE SPYOD PA GANG LA SPYAD PA DANG, SBYIN PA GANG CI TZAM DE DAG LA PHUL BA STE SANGS RGYAS BCOM LDAN 'DAS NYAN THOS DANG BYANG CHUB SEMS DPA'I DGE 'DUN DANG BCAS PA DE DAG LA BZA' BA LA SOGS PA DANG, CHOS GOS DANG RIN PO CHE'I RGYAN LA SOGS PA GANG PHUL BA DANG, JI TZAM STE DUS JI TZAM DANG TSAD JI TZAM PHUL BA DE MA LUS PAR SKU GCIG LA STON PAR MDZAD DO, ,SBYIN PA'I PHA ROL TU PHYIN PA LA SPYOD PA'I BYUNG MTHA' 'DI JI LTAR STON PA, ,DE BZHIN TSUL KHRIMS BZOD BRTZON TING 'DZIN DANG, ,SHES RAB SPYOD TSE SNGAR GYI GNAS SKABS GANG, ,MA TSANG MED DE DAG ,MA LUS SKU GCIG LA STON MDZAD CES GONG MA DANG SBYAR RO, ,SKU GCIG LA CIG CAR GNAS SKABS THAMS CAD STON PA LTA ZHOG GI 'ON KYANG, NYID SPYOD PA KUN, SKU YI BA SPU'I KHUNG BU'ANG GSAL BAR STON, ,BDAG NYID KYI SPYOD PA KHO NA STON PAR MDZAD PA 'BA' ZHIG TU MA ZAD KYI, GZHAN YANG, SANGS RGYAS GANG DAG 'DAS DANG 'BYUNG 'GYUR GANG, ,GANG DAG DA LTAR NAM MKHA'I MTHAR THUG PAR, ,GDANGS MTHON CHOS STON SDUG BSNGAL GYIS BZUNG BA'I,, @333B 'GRO DBUGS 'BYIN ZHING 'JIG RTEN BZHUGS PA DANG, ,DANG PO'I THUGS BZUNG BYANG CHUB SNYING PO'I BAR, ,DE DAG SPYOD KUN DNGOS RNAMS MIG 'PHRUL GYIS, ,RANG BZHIN MKHYEN NAS BDAG BZHIN BA SPU YI, ,KHUNG BUR DUS GCIG LA NI GSAL BAR STON, ,RE SHIG MIG 'PHRUL GYI TSUL SHES PA THA MAL PA DAG KYANG SNGAGS KYI MTHU RNAM PA DE LTA BU TZAM ZHIG GIS RANG GI LUS LA DNGOS PO'I RNAM PA SNA TSOGS PA GNAS PAR STON NUS NA, CI 'GRO BA'I DBANG PHYUG SANGS RGYAS BCOM LDAN 'DAS RNAMS DANG, BYANG CHUB SEMS DPA' RNAMS KYIS DNGOS PO'I RANG BZHIN MIG 'PHRUL GYI RANG BZHIN RNAM PA DE LTA BU DANG THA MI DAD PA MKHYEN NAS MI SPYOD PAR 'GYUR RAM, DE'I PHYIR, ,MKHAS PA GANG ZHIG MA RTOGS PA'AM SOM NYI ZA BAR 'GYUR, ,DE'I PHYIR MKHAS PAS DPE 'DI'I SGO NAS GSAL BAR 'DI LA LHAG PAR MOS PAR BYA'O, ,JI LTAR NYID KYI SPYOD PA DANG DE BZHIN GSHEGS PA GZHAN GYI SPYOD PA DAG DUS GCIG TU RANG NYID KYI BA SPU'I KHUNG BUR STON PAR MDZAD PA, DE BZHIN DUS GSUM BYANG CHUB SEMS DPA' DANG, ,RANG RGYAL 'PHAGS PA NYAN THOS MA LUS KYI, ,SPYOD DANG DE LHAG SKYE BO'I GNAS SKABS NI, ,THAMS CAD BA SPU'I KHUNG BUR GCIG TSE STON, ,SKU PHUN SUM TSOGS PA BRJOD NAS RNAM PAR RTOG PA MI MNGA' BAR ZIN KYANG BZHED PA LA MNGA' BSGYUR BA NYID PHUN SUM TSOGS PAR BSTAN PA'I PHYIR BSHAD PA, DAG PA 'DI NI BZHED PAR 'JUG PA YIS, ,RDUL GCIG YUL LA MKHA' GTUGS 'JIG RTEN DANG, , 'JIG RTEN MTHA' YAS PHYOGS KHYAB RDUL STON MOD, ,RDUL RAGS MI 'GYUR 'JIG RTEN PHRA MI 'GYUR, ,SANGS RGYAS BCOM LDAN 'DAS RNAMS KYIS NI BZHED PA'I SGO NAS NAM MKHA'I MTHAS GTUGS PA'I 'JIG RTEN RDUL PHRA RAB GCIG GI YUL LA STON PAR BYED DE, 'JIG RTEN PHRA BAR YANG MI 'GYUR ZHING RDUL PHRA RAB RAGS PAR YANG MI 'GYUR LA, BZHED PA NYID KYIS RANG GI NGO BO JI LTAR GNAS PA YANG DE LTAR YANG DAG PAR STON TO, ,'JIG RTEN MTHA' YAS PHYOGS KHYAB RDUL YANG STON TE, SANGS RGYAS BCOM LDAN 'DAS RNAMS NI BZHED PA TZAM GYIS MTHA' YAS PHYOGS TE 'JIG RTEN MA LUS PA'I @334A *, ,'JIG RTEN RDUL PHRA RAB GCIG GIS KHYAB PAR YANG STON PAR MDZAD DO, ,DE BZHIN DU, RNAM RTOG MI MNGA' KHYOD KYIS SRID MTHA'I BAR, ,SKAD CIG DE RE RE LA SPYOD SNA TSOGS, ,JI SNYED STON PA DE SNYED 'DZAM BU'I GLING, ,MA LUS RDUL GANG DE DAG LA GRANGS MED, ,RNAM PAR RTOG PA MI MNGA' BA KHYOD 'KHOR BA'I BAR DU SKAD CIG DANG SKAD CIG LA SPYOD PA SNA TSOGS STON PA'I TSAD GANG YIN PA'I TSAD DE'I GRANGS NI 'DZAM BU'I GLING MA LUS PA NA RDUL PHRA RAB JI SNYED YOD PA DE DAG LA YOD PA MA YIN NO ZHES 'DI NI THUN MONG MA YIN PA'I YON TAN PHUL DU BYUNG BAR BRJOD PA'I SGO NAS BCOM LDAN 'DAS LA BSTOD PA YIN NO, ,SANGS RGYAS KYI SA NI STOBS BCUS RAB TU PHYE BA YIN PA'I PHYIR DE'I RNAM PAR DBYE BA CHA TZAM ZHIG BSTAN PA'I PHYIR BSHAD PA, GNAS DANG GNAS MIN MKHYEN STOBS DANG, ,DE BZHIN LAS RNAM SMIN BLO DANG, ,MOS PA SNA TSOGS THUGS CHUD DANG, ,SNA TSOGS KHAMS NI MKHYEN STOBS DANG, ,DE BZHIN DBANG MCHOG MCHOG MA YIN, ,MKHYEN DANG THAMS CAD DU 'GRO DANG, ,BSAM GTAN RNAM THAR TING 'DZIN DANG, ,SNYOMS PAR 'JUG SOGS MKHYEN STOBS DANG, ,SNGON GNAS DRAN PA MKHYEN PA DANG, ,DE BZHIN 'CHI 'PHO SKYE BLO DANG, , ZAG RNAMS ZAD PA MKHYEN STOBS TE, ,STOBS NI BCU PO 'DI DAG GO, ,DE LA GNAS DANG GNAS MA YIN PA MKHYEN PA'I STOBS KYI DBANG DU BYAS NAS BSHAD PA, RGYU GANG ZHIG LAS GANG ZHIG NGES PAR SKYE 'GYUR BA, ,DE NI DE YI GNAS SU DE MKHYEN RNAMS KYIS GSUNGS, ,BSHAD PA LAS BZLOG GNAS MIN SHES BYA MTHA' YAS PA, ,MKHYEN PA THOGS PA SPANGS PA DE NI STOBS SU BSHAD, ,RGYU GANG ZHIG LAS GANG ZHIG CES BYA BA 'DI NI NYE BAR MTSON PA STE, DE'I PHYIR RGYU GANG LAS GANG ZHIG SKYE BA 'DI LTA STE, ,MI DGE BA DAG LAS RNAM PAR SMIN PA YID DU MI 'ONG BA DANG, GANG LAS GANG ZHIG 'THOB PA 'DI LTA STE, ,'PHAGS PA'I LAM LAS MYA NGAN LAS 'DAS PA ZHES BYA BA DE LTA BU LA SOGS PA SDUD PA 'THAD PAR 'GYUR RO, ,RGYU GANG LAS GANG ZHIG NGES PAR SKYE BA CAN DE'I GNAS TE 'DIR GNAS PA NA ZHES BYA BAS GNAS KYI SGRAS BTAGS PA'I TSUL GYIS RGYU @334B BRJOD DO, ,BSHAD ZIN PA DANG 'GAL BA NI GNAS MA YIN PAR 'GYUR RO, ,GANG ZHIG LAS GANG MI 'BYUNG BA DE NI DE'I GNAS MA YIN TE, DPER NA DGE BA DAG LAS 'BRAS BU YID DU MI 'ONG BA MI 'BYUNG BA DANG, MTHONG BA'I LAM THOB PA LA SRID PA BRGYAD PA MNGON PAR 'GRUB PA MI 'BYUNG BA BZHIN NO, ,DE'I PHYIR MKHYEN PA MI MTHUN PA'I PHYOGS DANG BRAL BA 'DI NI SANGS RGYAS BCOM LDAN 'DAS KYI STOBS SU RNAM PAR GZHAG STE, JI SKAD DU 'PHAGS PA GZUNGS KYI DBANG PHYUG RGYAL POS ZHUS PA'I MDO LAS, RIGS KYI BU 'DI LA DE BZHIN GSHEGS PAS DE BZHIN GSHEGS PA'I YE SHES BLA NA MED PAS GNAS PA LA YANG GNAS SU YANG DAG PA JI LTA BA BZHIN DU RAB TU SHES SO, ,GNAS MA YIN PA LA YANG GNAS MA YIN PAR YANG DAG PA JI LTA BA BZHIN DU RAB TU SHES SO, ,RIGS KYI BU DE LA GNAS NI GANG GNAS MA YIN PA NI GANG ZHE NA, RIGS KYI BU 'DI NI GNAS MA YIN ZHING GO SKABS MED DE, GANG LUS KYIS NYES PAR SPYAD PA DANG, NGAG GIS NYES PAR SPYAD PA DANG, YID KYIS NYES PAR SPYAD PA'I RNAM PAR SMIN PA 'DOD PA DANG SDUG PA DANG DGA' BA DANG YID DU 'ONG BAR 'GYUR BA 'DI NI GNAS MED DO, ,'DI NI GNAS YIN ZHING GO SKABS YOD PA STE, GANG LUS KYIS LEGS PAR SPYAD PA DANG, NGAG GIS LEGS PAR SPYAD PA DANG, YID KYIS LEGS PAR SPYAD PA'I RNAM PAR SMIN PA 'DOD PA DANG, SDUG PA DANG, DGA' BA DANG, YID DU 'ONG BAR 'GYUR BA 'DI NA GNAS YIN NO, ,RIGS KYI BU 'DI NI GNAS MA YIN ZHING GO SKABS MED DE, GANG SER SNAS LONGS SPYOD CHEN PO MNGON PAR 'GRUB PA DANG, NGANG TSUL NGAN PAS LHA DANG MIR SKYE BA DANG, GNOD SEMS KYIS MDZES PAR 'GYUR BA DANG, LE LOS MNGON PAR RTOGS PA 'THOB PA DANG, SEMS G-YENGS PAS SKYON MED PA LA 'JUG PA DANG, 'CHAL BA'I SHES RAB KYIS BAG CHAGS KYI MTSAMS SBYOR BA THAMS CAD KUN TU 'JOMS PAR 'GYUR BA DANG, MTSAMS MED PA BYED PAS SEMS GNAS PAR 'GYUR BA DANG, DMIGS PA CAN GYIS RJES SU MTHUN PA'I BZOD PA THOB PAR 'GYUR BA DANG, 'GYOD PA LA RAB TU GNAS PA'I SEMS SHIN @335A *, ,TU SBYANG BAR 'GYUR BA 'DI NI GNAS MED DO, ,GNAS MA YIN ZHING GO SKABS MED DO, ,GANG BUD MED KYI LUS DE NYID KYIS 'KHOR LOS SGYUR BA'I RGYAL PO'AM, BRGYA BYIN NAM TSANGS PA'AM ZHES BYA BA LA SOGS PA DANG, 'DI NI GNAS YIN ZHING GO SKABS YOD PA STE, SBYIN PAS LONGS SPYOD CHEN PO MNGON PAR 'GRUB PA DANG ZHES THAMS CAD BZLOG NAS SBYAR BAR BYA ZHING, 'DI NI DE BZHIN GSHEGS PA'I DE BZHIN GSHEGS PA'I LAS DANG PO'O ZHES GSUNGS PA LTA BU'O, ,DA NI LAS DANG RNAM PAR SMIN PA MKHYEN PA'I STOBS KYI DBANG DU BYAS TE BSHAD PA, 'DOD DANG MI 'DOD DE LAS BZLOG DANG ZAD DNGOS KYI, ,LAS DANG DE YI RNAM SMIN SHIN TU SNA TSOGS LA'ANG, ,MKHYEN PA NUS MTHU THOGS MED SO SOR 'DUG 'GYUR LA, ,DUS GSUM SHES BYA KHYAB MDZAD DE NI STOBS SU 'DOD, LAS YID DU 'ONG BA DANG, LAS YID DU MI 'ONG BA DANG, YID DU 'ONG BA DANG, YID DU MI 'ONG BA'I LAS DANG, ZAD PA'I RGYU ZAG PA MED PA DANG RNAM PA GSUM PO DE'I RNAM PAR SMIN PA LAS LTAR SHIN TU SNA TSOGS PA DUS GSUM GYIS BSDUS PA 'JIG RTEN MA LUS PA KHYAB PA LA YANG RANG GI NGO BO DANG RAB TU DBYE BA LA SOGS PA THAMS CAD YONGS SU MKHYEN PAS SHES BYA MA LUS PA KHYAB PAR MDZAD PA'I MKHYEN PA SHES BYA 'GAR YANG THOGS PA MI MNGA' BA GANG YIN PA DE NI, BCOM LDAN 'DAS KYIS LAS DANG RNAM PAR SMIN PA MKHYEN PA'I STOBS SU RNAM PAR GZHAG STE, JI SKAD DU, GZHAN YANG DE BZHIN GSHEGS PAS 'DAS PA DANG, MA 'ONGS PA DANG, DA LTAR BYUNG BA'I LAS RNAMS DANG LAS YANG DAG PAR BLANGS PA RNAMS GNAS DANG RGYU DANG, DNGOS PO DANG, RNAM PAR SMIN PA LA MKHAS PA YANG DAG PA JI LTA BA BZHIN DU RAB TU SHES SO, ,JI LTAR RAB TU SHES SHE NA, RIGS KYI BU 'DI LA 'DAS PA'I LAS YANG DAG PAR BLANGS PA GANG DAG PA'I RGYU LAS BYUNG BA MI DGE BA DANG BRAL PA GANG MA 'ONGS PA'I DUS NA, DGE BA'I RGYU 'BYIN PA DE DE BZHIN GSHEGS PAS RAB TU SHES SO, ,LAS YANG DAG PAR BLANGS PA GANG MI DGE BA'I RGYU LAS BYUNG BA DGE BA DANG BRAL BA GANG MA 'ONGS PA'I @335B DUS NA MI DGE BA'I RGYU 'BYIN PA DE YANG DE BZHIN GSHEGS PAS RAB TU SHES SO, ,DE BZHIN DU LAS YANG DAG PAR BLANGS PA GANG MA 'ONGS PA'I DUS NA NYAMS PA'I CHA DANG MTHUN PAR 'GYUR BA DANG, GANG KHYAD PAR GYI CHA DANG MTHUN PAR 'GYUR BA DE YANG RAB TU SHES SO, ,DE BZHIN DU DA LTAR BYUNG BA'I DUS NA NYAMS PA'I CHA DANG MTHUN LA, MA 'ONGS PA'I DUS NA KHYAD PAR GYI CHA DANG MTHUN PAR 'GYUR BA DANG, DA LTAR BYUNG BA'I DUS NA KHYAD PAR GYI CHA DANG MTHUN LA, MA 'ONGS PA'I DUS NA NYAMS PA'I CHA DANG MTHUN PAR 'GYUR BA DE YANG RAB TU SHES SO, ,DE BZHIN DU RE RE ZHING PHYOGS MTHUN PA LA YANG RAB TU SHES PAR BYA'O, ,DE BZHIN DU LAS YANG DAG PAR BLANGS PA GANG 'DAS PA NA SBYOR BA CHUNG LA DE MA 'ONGS PA'I DUS NA RGYA CHE ZHING SBYOR BA RGYA CHE BAR 'GYUR BA DANG, DE BZHIN DU RTZOM PA CHUNG LA KHYAD PAR CHEN POR 'GYUR BA DANG, RTZOM PA CHEN POR 'GYUR LA KHYAD PAR DU 'GYUR BA CHUNG BA DANG, LAS YANG DAG PAR BLANGS PA GANG NYAN THOS NYID KYI RGYU 'BYIN PA DANG, GANG RANG SANGS RGYAS NYID DANG, GANG SANGS RGYAS KYI BYANG CHUB KYI RGYU 'BYIN PA DE YANG DE BZHIN GSHEGS PAS RAB TU SHES SO, ,DE BZHIN DU LAS YANG DAG PAR BLANGS PA GANG DE LTAR BYUNG BA NA SDUG BSNGAL LA MA 'ONGS PA NA RNAM PAR SMIN PA BDE BAR 'GYUR BA DANG, DA LTAR BYUNG BA NA BDE LA MA 'ONGS PA NA RNAM PAR SMIN PA SDUG BSNGAL BAR 'GYUR BA DE YANG DE BZHIN GSHEGS PAS RAB TU SHES SO, ,DE LTAR NA 'DAS PA DANG, MA 'ONGS PA DANG, DA LTAR BYUNG BA'I SEMS CAN RNAMS KYI LAS GANG YIN PA DANG RGYU GANG YIN PA DANG, RNAM PAR SMIN PA GANG YIN PA DE BZHIN GSHEGS PAS DE KHO NA DANG GZHAN MA YIN PA LA BRTEN PAR YANG DAG PA JI LTA BA BZHIN DU RAB TU SHES SO, ,SHES NAS KYANG DE BZHIN NYID DU CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS GNYIS PA'O ZHES GSUNGS PA LTA BU'O, ,DA NI MOS PA SNA TSOGS MKHYEN PA'I STOBS KYI DBANG DU BYAS NAS BSHAD PA, 'DOD CHAGS SOGS KYI 'BYUNG BA'I STOBS KYIS 'DOD PA NI, ,SHIN TU SNA TSOGS DMAN 'BRING GANG YANG KHYAD 'PHAGS 'DOD, ,DE LAS GZHAN RNAMS @336A *, ,KYIS G-YOGS MOS LA'ANG MKHYEN PA NI, ,DUS GSUM 'GRO BA MA LUS KHYAB PA STOBS SHES BYA, ,'DIR 'DOD CHAGS KYI SGRA NI NYON MONGS PA'I NYE BAR MTSON PA YIN PA'I PHYIR ZHE SDANG LA SOGS PA RNAMS KYANG 'DZIN PAR BYED DO, ,SOGS PA'I SGRAS NI DAD PA LA SOGS PA DGE BA'I CHOS YONGS SU BSDU BAR BYA BA'I PHYIR RO, ,'BYUNG BA'I SGRAS NI 'DOD CHAGS LA SOGS PA RNAMS KYI SA BON SMOS TE, 'DI LAS 'DOD CHAGS LA SOGS PA 'BYUNG BAS NA ZHES BYA BA'I PHYIR RO, ,DE'I PHYIR DE LTAR NA 'DOD CHAGS LA SOGS PA DANG, DAD PA LA SOGS PA'I SA BON GYIS YONGS SU BZUNG BA'I BSAM PA NI LHAG PAR MOS PA DANG, LHAG PAR BSAM PA DANG 'DOD PA DANG MOS PA ZHES BYA BAR BRJOD LA, MOS PA DE LAS GZHAN PA'I CHOS KUN TU SPYOD PAS BSGRIBS PA DE LA YANG RANG GI NGO BO'I KHYAD PAR YONGS SU GCOD PAR MDZAD PA RNAM PA THAMS CAD MKHYEN PA NYID GANG 'BYUNG BA DE NI SANGS RGYAS BCOM LDAN 'DAS RNAMS KYI MOS PA SNA TSOGS MKHYEN PA'I STOBS SU RNAM PAR GZHAG STE, JI SKAD DU, RIGS KYI BU GZHAN YANG DE BZHIN GSHEGS PAS SEMS CAN GZHAN DAG DANG, GANG ZAG GZHAN RNAMS KYI MOS PA DU MA DANG, MOS PA SNA TSOGS YANG DAG PA JI LTA BA BZHIN DU RAB TU SHES SO, ,RIGS KYI BU DE BZHIN GSHEGS PA JI LTAR SEMS CAN GZHAN DAG DANG GANG ZAG GZHAN RNAMS KYI MOS PA DU MA DANG MOS PA SNA TSOGS YANG DAG PA JI LTA BA BZHIN DU RAB TU SHES SHE NA, GANG ZAG GANG 'DOD CHAGS LA GNAS LA ZHE SDANG LA MOS PA DANG, GANG ZAG GANG ZHE SDANG LA GNAS LA 'DOD CHAGS LA MOS PA DANG, GANG ZAG GANG GTI MUG LA GNAS LA 'DOD CHAGS DANG, ZHE SDANG DANG, GTI MUG LA MOS PA DE YANG DE BZHIN GSHEGS PAS RAB TU SHES SO, ,GANG ZAG GANG DGE BA LA GNAS LA MI DGE BA LA MOS PA DE YANG DE BZHIN GSHEGS PAS RAB TU SHES SO, ,GANG ZAG GANG DAG SBYOR BA CHUNG BA BSAM PA RGYA CHEN PO LA MOS PA DANG, GANG DAG SBYOR BA RGYA CHE LA BSAM PA CHUNG NGU LA MOS PA DE DAG KYANG DE BZHIN GSHEGS PAS RAB TU SHES SO, , @336B MOS PA GANG GIS SBYOR BA CHUNG LA KHYAD PAR LA GNAS PAR 'GYUR BA DANG, SBYOR BA KHYAD PAR DU 'PHAGS LA CHUNG NGU LA GNAS PAR 'GYUR BA DANG, YANG DAG PA NYID DU NGES LA LOG PA NYID DU NGES PA'I KHAMS LA 'JOG PAR 'GYUR BA DANG, LOG PA NYID DU NGES LA YANG DAG PA NYID DU NGES PA'I KHAMS LA 'JOG PAR 'GYUR BA DANG, MA NGES LA YANG DAG PA NYID DU NGES PA'I KHAMS LA 'JOG PAR 'GYUR BA DANG, MOS PA GANG GIS 'DOD PA'I KHAMS LAS SHIN TU 'DA' BAR 'GYUR BA DANG, GANG GIS GZUGS KYI KHAMS DANG, GANG GIS GZUGS MED PA'I KHAMS DANG, GANG GIS KHAMS GSUM PA LAS SHIN TU 'DA' BAR 'GYUR BA DE YANG DE BZHIN GSHEGS PAS RAB TU SHES SO, ,SHES NAS KYANG DE BZHIN DU CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS GSUM PA'O ZHES GSUNGS PA LTA BU'O, ,DA NI KHAMS SNA TSOGS PA MKHYEN PA'I STOBS KYI DBANG DU BYAS NAS BSHAD PA, SANGS RGYAS KHAMS KYIS RNAM PAR DBYE LA MKHAS RNAMS KYIS, ,MIG SOGS DAG GI RANG BZHIN GANG DE KHAMS SU GSUNGS, ,RDZOGS PA'I SANGS RGYAS RNAMS KYI MKHYEN PA MTHA' YAS SHING, ,RNAM KUN KHAMS KYI KHYAD PAR LA 'JUG STOBS SU 'DOD, ,RANG BZHIN DANG NGO BO DANG STONG PA NYID CES BYA BA NI RNAM GRANGS DAG GO, ,SANGS RGYAS KHAMS MTHA' DAG GI RAB TU DBYE BA LA MKHAS PA RNAMS KYI MKHYEN PA GANG ZHIG MIG LA SOGS PA'I KHAMS KYI RANG BZHIN GANG NANG STONG PA NYID LA SOGS PA'I MTSAN NYID CAN RAB TU DBYE BA DU MAR GYUR PA DE LA THOGS PA MI MNGA' BA DE NI KHAMS SNA TSOGS MKHYEN PA'I STOBS SU RNAM PAR GZHAG STE, JI SKAD DU, RIGS KYI BU GZHAN YANG DE BZHIN GSHEGS PAS MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS RAB TU SHES SO; ,NANG STONG PA NYID DANG, PHYI STONG PA NYID DANG, PHYI NANG STONG PA NYID RAB TU SHES SO, ,DE BZHIN DU KHAMS BCO BRGYAD CHAR YANG STONG PA NYID GSUM GSUM DANG SBYAR BAR BYA'O, ,SA LA SOGS PA'I KHAMS KYANG RAB TU SHES SO, ,JI LTAR RAB TU SHES SHE NA, NAM MKHA'I KHAMS JI LTA BA @337A *, ,DE BZHIN DU RAB TU SHES SO, ,DE BZHIN DU 'DOD PA DANG, GZUGS DANG, GZUGS MED PA'I KHAMS DAG YONGS SU BRTAGS PA LAS YANG DAG PAR BYUNG BAR RAB TU SHES SO, ,'DUS BYAS KYI KHAMS NI MNGON PAR 'DU BYA BA'I MTSAN NYID DU'O, ,'DUS MA BYAS KYI KHAMS KYANG MNGON PAR 'DU BYA BA MED PA'I MTSAN NYID DU'O, ,KUN NAS NYON MONGS PA'I KHAMS NI GLO BUR GYI NYON MONGS PA'I MTSAN NYID DU'O, ,RNAM PAR BYANG BA'I KHAMS NI RANG BZHIN GYIS 'OD GSAL BA'I MTSAN NYID DU'O, ,'KHOR BA'I KHAMS NI TSUL BZHIN MA YIN PA'I MA RIG PA'I MTSAN NYID DU'O, ,MYA NGAN LAS 'DAS PA'I DBYINGS NI TSUL BZHIN RIG PA'I MTSAN NYID DU'O, ,DE LTAR NA 'JIG RTEN GNAS PA'I KHAMS GANG YIN PA DANG, ,RAB TU GNAS PA'I KHAMS GANG YIN PA DANG, RJES SU KHRID PA'I KHAMS GANG YIN PA DANG, THOGS PA'I KHAMS GANG YIN PA DANG, BSAM PA'I KHAMS GANG YIN PA DANG, BRTEN PA'I KHAMS GANG YIN PA DE DE BZHIN GSHEGS PAS YANG DAG PA JI LTA BA BZHIN DU RAB TU SHES SO, ,SHES NAS KYANG DE BZHIN DU CHOS STON TE, 'DI NI DE BZHIN GSHEGS PA'I DE BZHIN GSHEGS PA'I LAS BZHI PA'O ZHES GSUNGS PA LTA BU'O, ,DA NI DBANG PO MCHOG DANG MCHOG MA YIN PA MKHYEN PA'I STOBS KYI DBANG DU BYAS NAS BSHAD PA, KUN TU RTOG SOGS CHES RNO NYID NI MCHOG BZHED LA, ,'BRING GNAS SKABS DANG RDUL NYID MCHOG MIN PAR BSHAD DANG, ,MIG LA SOGS DANG PHAN TSUN SGRUB NUS CHUB PA LA, ,RNAM PA THAMS CAD MKHYEN PA CHAGS MED STOBS SU GSUNGS, ,KUN TU RTOG PA NI YANG DAG PA MA YIN PA LHAG PAR SGRO 'DOGS PA'O, ,KUN TU RTOG PA NI DBANG PO NYID YIN TE, 'DOD CHAGS LA SOGS PA SKYED PA LA MNGA' BDAG NYID DU GNAS PA'I PHYIR RO, SOGS PA'I SGRAS NI DAD PA LA SOGS PA DGE BA'I RGYU CAN RNAMS SDUD PAR RTOGS PAR BYA'O, ,DE'I PHYIR MCHOG GI SGRAS NI PHUL DU BYUNG BA BRJOD DE, CHUNG NGU DANG 'BRING GI GNAS SKABS NI MCHOG MA YIN PA'I SGRAS BRJOD DO, ,MIG SOGS ZHES BYA BA 'DIS NI MIG LA SOGS PA'I DBANG PO NYI SHU @337B RTZA GNYIS 'DZIN TO, ,DE'I PHYIR 'DIR DBANG PO'I RANG GI NGO BO THUGS SU CHUD PA DANG, PHAN TSUN 'BRAS BU SGRUB PAR NUS PA'I RANG GI NGO BO THUGS SU CHUD PA LA MKHYEN PA GANG ZHIG THOGS PA MI MNGA' BA 'DI NI DBANG PO MCHOG DANG MCHOG MA YIN PA MKHYEN PA'I STOBS SU RNAM PAR GZHAG STE; JI SKAD DU, RIGS KYI BU GZHAN YANG DE BZHIN GSHEGS PAS SEMS CAN GZHAN DAG DANG, GANG ZAG GZHAN RNAMS KYI DBANG PO'I RIM PA YANG DAG PA JI LTA BA BZHIN DU RAB TU SHES SO, ,RIGS KYI BU DE BZHIN GSHEGS PAS JI LTAR SEMS CAN GZHAN DAG DANG, GANG ZAG GZHAN RNAMS KYI DBANG PO'I RIM PA YANG DAG PA JI LTA BA BZHIN DU SHES SHE NA, RIGS KYI BU 'DI LA DE BZHIN GSHEGS PAS SEMS CAN DBANG PO RTUL PO RNAMS KYANG SEMS CAN DBANG PO RTUL POR YANG DAG PA JI LTA BA BZHIN DU RAB TU SHES SO, ,DE BZHIN DU DBANG PO 'BRING YANG RAB TU SHES SO, ,DBANG PO RNON PO YANG RAB TU SHES SO, ,YONGS SU RTOG PA'I DBANG PO CI 'DRA BAS MTHAR SONG BA'I 'DOD CHAGS SKYE BA DANG, MTHAR SONG BA'I ZHE SDANG DANG, MTHAR SONG BA'I GTI MUG SKYE BA DE YANG DE BZHIN GSHEGS PAS RAB TU SHES SO, ,MTHAR SONG BA ZHES BYA BA NI RAB TU GYUR PA'O, ,YONGS SU RTOG PA'I DBANG PO CI 'DRA BAS 'DOD CHAGS DANG ZHE SDANG DANG GTI MUG BCOS MA SKYE BA DE YANG DE BZHIN GSHEGS PAS RAB TU SHES SO, ,YONGS SU RTOG PA'I DBANG PO GANG GIS SNREL ZHI'I 'DOD CHAGS DANG, ZHE SDANG DANG, GTI MUG SKYE BA DANG, YONGS SU RTOG PA'I DBANG PO GANG GIS TSAR BCAD PA'I 'DOD CHAGS DANG, ZHE SDANG DANG GTI MUG SKYE BA DE YANG DE BZHIN GSHEGS PAS RAB TU SHES SO, ,DBANG PO GANG DAG DGE BA'I RGYU LAS BYUNG BA DANG, DBANG PO GANG DAG NGES PAR 'BYUNG BA'I RGYU LAS BYUNG BA DE DAG THAMS CAD KYANG DE BZHIN GSHEGS PAS RAB TU SHES SO, ,GZHAN YANG DE BZHIN GSHEGS PAS MIG GI DBANG PO RAB TU SHES PA NAS KUN SHES PA DANG LDAN PA'I DBANG PO'I BAR RAB TU SHES SO, ,DBANG PO GANG MIG GI DBANG PO'I RGYU LAS BYUNG BA RNA BA'I DBANG PO 'JIG @338A *, ,PA DE YANG DE BZHIN GSHEGS PAS RAB TU SHES SO, ,DE BZHIN DU RNA BA'I DBANG PO LA SOGS PA RNAMS KYANG RIG PAR BYA'O, ,SEMS CAN GANG SBYIN PA'I DBANG PO CAN YIN LA, DE YANG TSUL KHRIMS LA SBYOR BA DE LA DE BZHIN GSHEGS PA DBANG PO MCHOG DANG MCHOG MA YIN PA SHES PAS SBYIN PA'I GTAM BYED DO, ,DE BZHIN DU TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI DBANG PO CAN YIN LA, DE YANG SBYIN PA LA SOGS PA DE LA SBYOR BA DE LA DE LTAR TSUL KHRIMS LA SOGS PA'I GTAM BYED DO, ,DE BZHIN DU GANG NYAN THOS KYI THEG PA'I DBANG PO CAN YIN LA, DE YANG RANG SANGS RGYAS KYI THEG PA LA SBYOR BA ZHES BYA BA LA SOGS PA SBYAR RO, ,RIGS KYI BU DE LTAR NA DE BZHIN GSHEGS PAS SEMS CAN THAMS CAD KYI DBANG PO YONGS SU SMIN PA RNAMS NI DBANG PO YONGS SU SMIN PA RNAMS SO ZHES BYA BAR YANG DAG PA JI LTA BA BZHIN DU RAB TU SHES SO, ,YONGS SU MA SMIN PA RNAMS KYANG YONGS SU MA SMIN PA RNAMS SO ZHES BYA BAR YANG DAG PA JI LTA BA BZHIN DU RAB TU SHES SO, ,NGES PAR 'BYUNG BA MA YIN PA RNAMS NI NGES PAR 'BYUNG BA MA YIN PA RNAMS SO ZHES BYA BAR YANG DAG PA JI LTA BA BZHIN DU RAB TU SHES SO, ,NGES PAR 'BYUNG BA DANG BCAS PA RNAMS KYANG NGES PAR 'BYUNG BA DANG BCAS PA RNAMS SO ZHES YANG DAG PA JI LTA BA BZHIN DU RAB TU SHES SO, ,SEMS CAN GYI DBANG PO'I RNAM PA GANG YIN PA DANG, SBYOR BA GANG YIN PA DANG, GSUM PA GANG YIN PA DANG, GANG GI RGYU LAS BYUNG BA DANG, RKYEN GANG YIN PA DANG, DMIGS PA GANG YIN PA DANG, MTHAR THUG PA GANG YIN PA DANG, MTHA' GANG YIN PA DE DAG THAMS CAD DE BZHIN GSHEGS PAS YANG DAG PA JI LTA BA BZHIN DU RAB TU SHES SO, ,'DI NI DE BZHIN GSHEGS PA'I DE BZHIN GSHEGS PA'I LAS LNGA PA'O ZHES GSUNGS PA LTA BU'O, ,DE NI THAMS CAD DU 'GRO BA'I LAM MKHYEN PA'I STOBS KYI DBANG DU BYAS NAS BSHAD PA, LAM 'GA' RGYAL BA NYID DANG 'GA' ZHIG RANG RGYAL GYI, ,BYANG CHUB DANG NI NYAN THOS BYANG CHUB YI DAGS DANG, ,DUD 'GRO LHA MI RNAMS DANG DMYAL LA @338B SOGS 'GRO BA, ,DE LA MKHYEN PA CHAGS MED MTHA' YAS STOBS SU 'DOD, ,DE LA LAM GYI SGRAS NI LAM SHUL BRJOD DO, ,LAM GANG LA LAM THAMS CAD DU 'GRO BA'I NGANG TSUL YOD PA DE NI THAMS CAD DU 'GRO BA'I LAM MO, ,LAM 'GA' ZHIG NI SANGS RGYAS NYID DU 'DOD DO, ,LA LA NI RANG RGYAL BA'I BYANG CHUB TU'O, ,LA LA NI NYAN THOS KYI BYANG CHUB TU'O, ,LA LA NI LHA DAG TU YIN PA NAS DMYAL BA DAG TU YIN PA'I BAR RO, ,SOGS PA'I SGRA NI RNAM PA SNA TSOGS BSTAN PAR MTSON PA'I DON TO, ,DE LA DE BZHIN GSHEGS PAS LAM GANG ZHIG GANG DU 'GRO BA'I LAM DE NI DER 'GRO BA YIN NO ZHES YANG DAG PA JI LTA BA BZHIN DU RAB TU MKHYEN TO, ,DE'I PHYIR BCOM LDAN 'DAS KYI MKHYEN PA LAM THAMS CAD KYI YUL CAN THOGS PA MI MNGA' BA 'DI NI THAMS CAD DU 'GRO BA'I LAM MKHYEN PA'I STOBS SU RNAM PAR GZHAG STE, JI SKAD DU, RIGS KYI BU GZHAN YANG DE BZHIN GSHEGS PAS KUN TU 'GRO BA'I LAM SHES PA YANG DAG PA JI LTA BA BZHIN DU RAB TU SHES SO, ,JI LTAR RAB TU SHES SHE NA, YANG DAG PA NYID DU NGES PA'I SEMS CAN GYI KHAMS KYANG YANG DAG PA JI LTA BA BZHIN DU RAB TU SHES SO, ,MA NGES PA DANG LOG PA NYID DU NGES PA'I SEMS CAN GYI KHAMS KYANG RAB TU SHES SO, ,NGES PA DANG BCAS PA'I SEMS CAN GYI KHAMS NI 'DI LTAR RAB TU SHES SO, ,SEMS CAN GANG DAG RGYU'I STOBS CAN SNGON GYI SBYOR BA PHUN SUM TSOGS PA, ZUR TZAM GYIS GO BA DBANG PO RNON PO'I SEMS CAN DE DAG LA DE BZHIN GSHEGS PAS CHOS BSTAN KYANG RUNG, MA BSTAN KYANG RUNG STE, RNAM PAR GROL BA'I SKAL BA YOD PA DE DAG DE BZHIN GSHEGS PAS SNGON GYI RGYU DANG STOBS SHES NAS CHOS STON TO, ,MA NGES PA'I SEMS CAN GYI KHAMS KYANG 'DI LTAR SHES TE, GANG DAG RKYEN GYI STOBS CAN YONGS SU SMIN PAR BYA BA'I MTSAN NYID CAN GYI SEMS CAN DE DAG GAL TE MTHUN PAR 'DOMS SHING RJES SU STON PA DANG PHRAD NA RNAM PAR GROL BAR 'GYUR GYI, MA PHRAD NA RNAM PAR GROL BAR MI 'GYUR BA DE DAG LA YANG DE BZHIN GSHEGS PAS DE LTA DE LTAR RGYU DANG RKYEN DANG LDAN PA'I GTAM YANG DAG PAR GSUNGS TE, @339A *, ,GANG GI PHYIR DE BZHIN GSHEGS PA LAS DE LTA BU'I CHOS THOS NAS TSUL BZHIN DU RAB TU SBYOR BAS 'BRAS BU THOB PAR 'GYUR BA DE DAG GI DON DU SANGS RGYAS BCOM LDAN 'DAS RNAMS 'BYUNG NGO, ,LOG PA NYID DU NGES PA'I SEMS CAN GYI KHAMS 'DI LTAR RAB TU SHES SO, , YONGS SU SBYANG BA MA BYAS PA, KHO RE CHUNG BA, BLUN PA SNOD DU MA GYUR PA'I SEMS CAN DE DAG LA DE BZHIN GSHEGS PAS CHOS BSTAN KYANG RUNG MA BSTAN KYANG RUNG STE, SEMS CAN DE DAG RNAM PAR GROL BA'I SKAL BA MED PAS DE DAG DE BZHIN GSHEGS PAS SNOD MA YIN PAR RIG NAS BTANG SNYOMS SU 'JOG STE, DE DAG GI CHED DU BYANG CHUB SEMS DPA' RNAMS GO CHA GYON TO, ,GZHAN YANG DE BZHIN GSHEGS PAS 'DOD CHAGS KYI LAM RNAM PA GSUM RAB TU SHES TE, GSUM GANG ZHE NA, 'DOD CHAGS KYI LAM GANG SDUG PA'I RNAM PA LAS SKYE BA YANG YOD, 'DOD CHAGS KYI LAM GANG RJES SU CHAGS PA'I RNAM PA LAS SKYE BA YANG YOD, 'DOD CHAGS KYI LAM GANG SNGON GYI BAG LA NYAL GYI RGYU LAS SKYE BA YANG YOD DO, ,ZHE SDANG GI LAM RNAM PA GSUM YANG RAB TU SHES TE, ZHE SDANG GI LAM GANG KHONG KHRO BA'I RGYU LAS SKYE BA YANG YOD, ZHE SDANG GI LAM GANG BSAM PA YONGS SU MA RDZOGS PA LAS SKYE BA YANG YOD, ZHE SDANG GI LAM GANG SNGON GYI BAG LA NYAL LAS SKYE BA YANG YOD DO, ,GTI MUG GI LAM RNAM PA GSUM CHAR YANG RAB TU SHES TE, GTI MUG GI LAM GANG MA RIG PA'I RGYU LAS SKYE BA YANG YOD, GTI MUG GI LAM GANG 'JIG TSOGS LA LTA BA'I RGYU LAS SKYE BA YANG YOD, GTI MUG GI LAM GANG THE TSOM GYI RGYU LAS SKYE BA YANG YOD DE, DE DAG KYANG DE BZHIN GSHEGS PAS RAB TU SHES SO ZHES BYA BA RGYAS PAR 'BYUNG ZHING, DE LTAR SEMS CAN THAMS CAD KYI 'JUG PA'I RGYU LAS BYUNG BA DANG, LDOG PA'I RGYU LAS BYUNG BA'I LAM GANG JI SNYED PA DE DAG THAMS CAD DU DE BZHIN GSHEGS PA'I YE SHES MTHONG BA THOGS PA MED PAR 'JUG STE, 'DI NI DE BZHIN GSHEGS PA'I DE BZHIN GSHEGS PA'I LAS DRUG PA'O ZHES GSUNGS PA LTA BU'O, ,DA NI BSAM GTAN DANG, RNAM PAR THAR PA DANG TING @339B NGE 'DZIN DANG, SNYOMS PAR 'JUG PA DANG, KUN NAS NYON MONGS PA DANG, RNAM PAR BYANG BA'I LDANG BA MKHYEN PA'I STOBS KYI DBANG DU BYAS NAS BSHAD PA, 'JIG RTEN MTHA' YAS RNAL 'BYOR BYE BRAG LA THA DAD, ,BSAM GTAN RNAM THAR BRGYAD GANG ZHI GNAS GANG DAG DANG, ,SNYOMS 'JUG KHYAD PAR GANG DAG GCIG DANG BRGYAD GYUR PA, ,DE LA MKHYEN PA THOGS MED 'DI NI STOBS SU BSHAD, ,DE LA 'JIG RTEN MTHA' YAS PA NA, RNAL 'BYOR PA'I KHYAD PAR GYIS RAB TU DBYE BA MTHA' YAS PAR GYUR PA BSAM GTAN DAG NI BZHI'O, ,RNAM PAR THAR PA NI BRGYAD DO; ,ZHI GNAS NI TING NGE 'DZIN DAG STE, DGE BA LA SEMS RTZE GCIG PA'I MTSAN NYID CAN NO, ,MTHAR GYIS GNAS PA'I SNYOMS PAR 'JUG PA DAG NI DGU STE, BSAM GTAN BZHI DANG, GZUGS MED PA BZHI DANG, 'DU SHES DANG, TSOR BA 'GOG PA'O, ,KUN NAS NYON MONGS PA'I RGYU NI MA RIG PA DANG, TSUL BZHIN MA YIN PA'I YID LA BYED PA LA SOGS PA DAG GO , ,RNAM PAR BYANG BA'I RGYU NI GZHAN LAS RJES SU MTHUN PA'I SGRA DANG SO SO RANG GI TSUL BZHIN YID LA BYED PA STE, DE LTA BU LA SOGS PA DAG GO , ,DE'I PHYIR RNAM 'BYOR PA'I DBYE BAS SO SOR RAB TU DBYE BA MTHA' YAS PAR GYUR PA BSAM GTAN LA SOGS PA DE LA MKHYEN PA GANG ZHIG THOGS PA MI MNGA' BA DE NI BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA DANG, KUN NAS NYON MONGS PA DANG, RNAM PAR BYANG BA'I LDANG BA MKHYEN PA'I STOBS SU RNAM PAR BZHAG STE, JI SKAD DU, RIGS KYI BU GZHAN YANG DE BZHIN GSHEGS PAS BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA DANG, KUN NAS NYON MONGS PA DANG, RNAM PAR BYANG BA'I LDANG BA SHES PA THAMS CAD YANG DAG PA JI LTA BA BZHIN DU RAB TU SHES SO, ,JI LTAR RAB TU SHES SHE NA, SEMS CAN RNAMS KYI KUN NAS NYON MONGS PA SKYE BA'I RGYU GANG YIN PA DANG, RKYEN GANG YIN PA DE DE BZHIN GSHEGS PAS RAB TU SHES SO, ,SEMS CAN RNAMS KYI RNAM PAR DAG PAR @340A *, ,'GYUR BA'I RGYU GANG YIN PA DANG, RKYEN GANG YIN PA DE YANG DE BZHIN GSHEGS PAS RAB TU SHES SO, ,DE LA RGYU NI GANG, RKYEN NI GANG ZHE NA, SEMS CAN RNAMS KYI KUN NAS NYON MONGS PA'I RGYU NI TSUL BZHIN MA YIN PA YID LA BYED PA'O, ,SEMS CAN RNAMS KYI KUN NAS NYON MONGS PA'I RKYEN NI MA RIG PA'O, ,MA RIG PA NI RGYU'O, ,'DU BYED RNAMS NI RKYEN TO, ,'DU BYED NI RGYU'O, ,RNAM PAR SHES PA NI RKYEN TO ZHES BYA BA NAS, NYON MONGS PA RNAMS NI RGYU'O, ,LAS RNAMS NI RKYEN TO, ,LTA BA NI RGYU'O, ,SRED PA NI RKYEN TO, ,BAG LA NYAL BA NI RGYU'O, ,KUN NAS LDANG BA NI RKYEN TE ZHES BYA BA'I BAR DANG, DE LA SEMS CAN RNAMS KYI RNAM PAR BYANG BA'I RGYU NI GANG RKYEN NI GANG ZHE NA, RGYU GNYIS DANG RKYEN GNYIS SO, ,GNYIS GANG ZHE NA, GZHAN LAS RJES SU MTHUN PA'I SGRA DANG, SO SO RANG GI TSUL BZHIN YID LA BYED PA'O, , GZHAN YANG GNYIS TE, ZHI GNAS LA RTZE GCIG PA DANG, LHAG MTHONG LA MKHAS PA'O ZHES RGYAS PAR 'BYUNG ZHING, 'DI NI SEMS CAN RNAMS KYI RNAM PAR DAG PA'I RGYU'O, ,'DI NI RKYEN TE DE YANG DE BZHIN GSHEGS PAS RAB TU SHES SO, ,DE BZHIN DU RIGS KYI BU DE BZHIN GSHEGS PA NI YE SHES DANG LDAN PAS 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DBEN PA, RNAM PAR RTOG PA DANG BCAS PA RNAM PAR DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO LA SNYOMS PAR ZHUGS TE 'GOG PA LAS LDANG NGO, ,'GOG PA LA SNYOMS PAR ZHUGS TE BSAM GTAN DANG PO LAS LDANG NGO, ,RNAM PAR THAR PA BRGYAD LA LUGS DANG MTHUN PAR YANG SNYOMS PAR 'JUG GO , ,LUGS DANG MI MTHUN PA DANG, SNREL ZHIR YANG NGO, ,TING NGE 'DZIN NI SNYOMS PAR 'JUG PAR STON, SNYOMS PAR 'JUG PA NI TING NGE 'DZIN DU STON KYANG DE BZHIN GSHEGS PA'I TING NGE 'DZIN LA 'DRES PA GANG YANG MED CING, DE BZHIN GSHEGS PA LA NI DMIGS PAS TING NGE 'DZIN LA SNYOMS PAR 'JUG PAR BYA BA MED DO, ,DE BZHIN GSHEGS PA'I TING NGE 'DZIN GCIG GIS TING NGE 'DZIN @340B THAMS CAD MNGON PAR 'GRUB STE, DE BZHIN GSHEGS PA NI TING NGE 'DZIN GCIG LAS MA LANGS PAR TING NGE 'DZIN THAMS CAD LA SNYOMS PAR 'JUG KYANG DE BZHIN GSHEGS PA LA SEMS GCIG NAS GCIG TU 'JUG PA MED, DE BZHIN GSHEGS PA LA SEMS MNYAM PAR MA BZHAG PA MI DMIGS SO, ,DE BZHIN GSHEGS PA'I TING NGE 'DZIN NI SUS KYANG BLTA BAR MI NUS TE, NYAN THOS KYI TING NGE 'DZIN NI RANG SANGS RGYAS KYI TING NGE 'DZIN GYIS ZIL GYIS GNON TO, ,RANG SANGS RGYAS KYI TING NGE 'DZIN NI BYANG CHUB SEMS DPA'I TING NGE 'DZIN GYIS ZIL GYIS GNON TO; ,BYANG CHUB SEMS DPA'I TING NGE 'DZIN NI DE BZHIN GSHEGS PA'I TING NGE 'DZIN GYIS ZIL GYIS GNON TO, ,DE BZHIN GSHEGS PA'I TING NGE 'DZIN NI ZIL GYIS MI GNON PA STE, 'DI LA DE BZHIN GSHEGS PA'I YE SHES NI ZIL GYIS MI GNON PAR 'JUG PA'O, ,GDAMS PA DANG RJES SU BSTAN PA GANG DANG GANG GIS NYAN THOS RNAMS TING NGE 'DZIN BSKYED PA DE YANG DE BZHIN GSHEGS PAS RAB TU SHES SO, ,GANG GIS RANG SANGS RGYAS RNAMS DANG, GANG GIS BYANG CHUB SEMS DPA' RNAMS KYIS TING NGE 'DZIN BSKYED PA DE YANG DE BZHIN GSHEGS PAS RAB TU SHES SO, ,SHES NAS KYANG DE BZHIN DU 'DOMS SHING DE BZHIN DU RJES SU STON TE, 'DI NI DE BZHIN GSHEGS PA'I DE BZHIN GSHEGS PA'I LAS BDUN PA'O ZHES GSUNGS PA LTA BU'O, ,DA NI SNGON GYI GNAS RJES SU DRAN PA MKHYEN PA'I STOBS KYI DBANG DU BYAS NAS BSHAD PA, JI SRID GTI MUG DE SRID SRID GNAS 'DAS BDAG DANG, ,SEMS CAN GZHAN RE RE YI SRID PA SEMS CAN NI, ,JI SNYED DE SNYED MTHA' YAS GZHIR BCAS YUL PHYOGS DANG, ,BCAS RNAMS LA BLO GANG DANG GANG YIN STOBS SU BSHAD, ,JI SRID GTI MUG CES BYA BA 'DIS NI SKYE BA GCIG NAS GCIG TU BRGYUD PA THOG MA MED PA SNGON GYI GNAS RJES SU DRAN PA MKHYEN PA'I YUL NYID DU BSHAD DO, ,SEMS CAN JI SNYED CES BYA BA 'DIS NI SEMS CAN GYI KHAMS MU MTHA' MED PA BSDU BAR BRJOD DO, ,GZHIR BCAS SMOS PAS NI RGYU DANG BCAS PA NYID KYI SGO NAS DE BSDU BA @341A *, ,BSHAD DO, ,GA GE MO ZHIG NAS BDAG KHA DOG NI 'DI 'DRA BAR GYUR, RNAM PA NI 'DI LTA BUR GYUR ZHES BYA BA LA SOGS PA NI MDO JI LTA BA BZHIN NO, ,DE LA KHA DOG NI 'DI 'DRA BAR GYUR ZHES BYA BAR RJES SU DRAN PAS NI RNAM PA DANG BCAS PAR RJES SU DRAN PAR 'GYUR RO, ,CHE GE MO ZHIG NA BDAG GNAS NAS DE NAS SHI 'PHOS NAS GA GE MO ZHIG TU SKYES, DE NAS SHI 'PHOS NAS 'DIR SKYES SO ZHES BYA BAR DRAN PAS NI YUL PHYOGS DANG BCAS PAR RJES SU DRAN PAR 'GYUR RO, ,LHAG MA NI RGYU DANG BCAS PAR RJES SU DRAN PA'O, ,DE LTAR SNGON GYI SRID PA GZHI DANG BCAS PA DANG, YUL PHYOGS DANG BCAS PA DANG, RNAM PA DANG BCAS PA SANGS RGYAS BCOM LDAN 'DAS KYI MKHYEN PA GANG ZHIG THOGS PA MI MNGA' BA NI SNGON GYI GNAS RJES SU DRAN PA MKHYEN PA'I STOBS YIN NO, ,STOBS 'DIS NI SANGS RGYAS BCOM LDAN 'DAS RNAMS SEMS DANG SEMS LAS BYUNG BA'I RGYU BA 'DAS PA DAG MA LUS PAR JI LTA BA BZHIN THUGS SU CHUD DE, SKAL BA DANG LDAN PA DANG, SKAL BA DANG MI LDAN PA'I TSUL MKHYEN PA NYID KYIS CHOS 'BRAS BU YOD PA STON PAR MDZAD PA YIN NO ZHES BYA BAR RNAM PAR GZHAG STE, JI SKAD DU, DE SEMS CAN DE'I SNGON GYI GNAS RJES SU DRAN NO, ,SNGON GYI RGYU JI LTA BU DANG, RGYU GANG GIS SEMS CAN GANG KUN TU BYUNG BA DE'I SNGON GYI RGYU DE BZHIN GSHEGS PAS RAB TU SHES TE SHES NAS KYANG DE BZHIN DU CHOS STON TO, ,SEMS CAN THAMS CAD KYI SEMS KYI RGYU BA 'DAS PA YANG DE BZHIN GSHEGS PAS RAB TU SHES SO, ,SEMS GANG GIS DMIGS PA CAN GYI 'OG TU SEMS GANG GIS DMIGS PA CAN SKYE BA DANG, DMIGS PA GANG GIS SKYE BA DANG, DMIGS PA GANG DANG BRAL BA NA 'GAG PA DE YANG DE BZHIN GSHEGS PAS RAB TU SHES SO, ,DE LTAR JI TZAM DU SEMS CAN GCIG GI SEMS GCIG NAS GCIG TU BRGYUD DE 'JUG PA DE LTA BU ZHIG GI 'OG TU SEMS 'DI LTA BU ZHIG BYUNG LA, DE'I 'OG TU YANG 'DI LTA BU ZHIG BYUNG BA DE BSKAL PA GANG G'A'I KLUNG GI BYE MA SNYED DU YANG TSIG TU BSTAN PAS BSTAN PAR DKA'O, ,DE BZHIN DU SEMS @341B CAN THAMS CAD KYI YANG DE LTA BU SO SOR SEMS GCIG NAS GCIG TU BRGYUD PA DE BZHIN GSHEGS PAS RAB TU SHES SO, ,YONGS SU BRTAG PA NYE BAR BZUNG STE PHYI MA'I MUR THUG PAR BSTAN KYANG DE'I YE SHES MTHAR THUG PAR MI 'GYUR RO, ,DE BZHIN GSHEGS PA'I SNGON GYI GNAS RJES SU DRAN PA SHES PA 'DI NI BSAM GYIS MI KHYAB CING MTSUNGS PA MED LA, TSAD MED DE, DE'I MTHA' NI BSTAN PAR SLA BA MA YIN NO, ,SANGS RGYAS KHYU MCHOG TU GYUR PAS DE BZHIN GSHEGS PAS SEMS CAN DE DAG LA, KYE SEMS CAN GANG DAG DGE BA'I RTZA BA SANGS RGYAS LA BSKRUN PA'AM, NYAN THOS LA BSKRUN PA'AM, RANG SANGS RGYAS LA BSKRUN BA DE LTA BU DRAN PAR GYIS SHIG CES DRAN PAR BYED DO, ,'DI LTA STE, SANGS RGYAS KYI MTHUS SEMS CAN DE DAG GIS KYANG DRAN PAR 'GYUR RO, ,DE BZHIN GSHEGS PAS DE DAG LA DGE BA'I RTZA BA LA DMIGS PA DE DANG DES CI NAS THEG PAS RNAM PAR GROL BA LAS PHYIR MI LDOG PAR 'GYUR BA DE LTA DE LTAR CHOS STON TO, ,'DI NI DE BZHIN GSHEGS PA'I DE BZHIN GSHEGS PA'I LAS BRGYAD PA'O ZHES GSUNGS PA LTA BU'O, ,DA NI 'CHI 'PHO BA DANG SKYE BA MKHYEN PA'I STOBS KYI DBANG DU BYAS NAS BSHAD PA, SEMS CAN RNAMS KYI SEMS CAN RE RE'I 'CHI 'PHO DANG, ,SKYE GANG 'JIG RTEN LA GNAS NAM MKHA'I MTHAR THUG DANG, ,BKRA MANG DE LA MKHYEN PA DUS DER 'JUG PA YIS, ,MA CHAGS RNAM KUN YONGS DAG MTHA' YAS STOBS SU 'DOD, ,'CHI 'PHO BA NI PHUNG PO 'JIG PA'O, ,SKYE BA NI PHUNG PO'I NYING MTSAMS SBYOR BA'O, ,'JIG RTEN MA LUS PA'I 'CHI 'PHO BA DANG SKYE BA NAM MKHA'I KHAMS KYI MTHAS GTUGS PA, LAS SHIN TU SNA TSOGS PA'I BZOS SBYAR BA GANG DAG YIN PA DE DAG BCOM LDAN 'DAS KYIS SKAD CIG GCIG KHO NA LA LHUN GYIS GRUB PAR YANG DAG PA JI LTA BA BZHIN DU MKHYEN LA, DE'I YE SHES YUL 'GA' LA YANG CHAGS PA MI MNGA' STE, RNAM PA THAMS CAD YONGS SU DAG PAS THOGS PA MI MNGA' BA 'DI NI BCOM LDAN 'DAS KYI 'CHI 'PHO BA DANG SKYE BA MKHYEN PA'I STOBS SU RNAM PAR GZHAG GO, ,BCOM LDAN 'DAS KYIS SEMS CAN RNAMS KYI @342A *, ,'CHI 'PHO DANG SKYE BA MKHYEN PA 'BA' ZHIG TU MA ZAD KYI, 'ON KYANG LHA'I SPYAN GYIS 'CHAGS PA DANG 'JIG PA LA SOGS PA SNA TSOGS PA MANG PO THAMS CAD KYANG MA TSANG BA MED PAR RAB TU MKHYEN TO ZHES BYA BAR RNAM PAR GZHAG STE, JI SKAD DU, DE LA DE BZHIN GSHEGS PA'I LHA'I MIG NI 'DI YIN TE, MIG DES PHYOGS BCU'I 'JIG RTEN GYI CHOS KYI DBYINGS KYIS KLAS PA NAM MKHA'I KHAMS KYI MTHAS GTUGS PA, TSAD MED GRANGS MED PA BGRANG BA LAS SHIN TU 'DAS PA'I SANGS RGYAS KYI ZHING DE DAG NA ZHING DU SNANG BA GANG LA LA SEMS CAN GYI RJES SU BZUNG BA 'JIG PA DANG 'CHAGS PA DE DAG MTHONG NGO, ,GANG LA LA SEMS CAN DU SNANG BA 'CHI 'PHO BA DANG SKYE BA DANG BDE 'GRO DANG NGAN 'GRO DANG LAS JI LTA BA BZHIN DU NYE BAR 'GRO BA DE DAG THAMS CAD MTHONG NGO, ,GANG LA LA BYANG CHUB SEMS DPAR SNANG BA 'CHI 'PHO BA DANG MNGAL DU 'JUG PA DANG 'BYUNG BA DE DAG THAMS CAD MTHONG NGO, ,GANG LA LA SANGS RGYAS SU SNANG BA MNGON PAR RDZOGS PAR 'TSANG RGYA BA CHOS KYI 'KHOR LO BSKOR BA TSE'I 'DU BYED 'DOR BA YONGS SU MYA NGAN LAS 'DA' BA DE DAG THAMS CAD MTHONG NGO, ,GANG LA LA NYAN THOS SU SNANG BA RNAM PAR GROL BA YONGS SU MYA NGAN LAS 'DA' BA DE DAG THAMS CAD MTHONG NGO, ,GANG LA LA RANG SANGS RGYAS SU SNANG BA RDZU 'PHRUL STON PA YON SBYONG BA DE DAG THAMS CAD MTHONG NGO, ,SEMS CAN GANG DAG SNANG BAR GYUR PA DAG DANG GANG DAG PHYI ROL GYI MNGON PAR SHES PA LNGA PO RNAMS KYI MIG LAM DU BYUNG BA DANG, NYAN THOS RNAMS KYI MA YIN PA DANG, RANG SANGS RGYAS RNAMS KYI MA YIN PA DANG, BYANG CHUB SEMS DPA' DAG GI MA YIN PA DE DAG KYANG DE BZHIN GSHEGS PA'I LHA'I MIG LA SNANG BAR 'GYUR RO, ,YANG SHING RTA'I 'PHANG LO TZAM GYI PHYOGS NA SNANG BAR MA GYUR BA'I SEMS CAN GANG DAG DE BZHIN GSHEGS PA LA SNANG BAR GYUR PA DE DAG NI CHES MANG GI ,STONG GSUM GYI STONG CHEN PO'I 'JIG RTEN GYI KHAMS KYI LHA DANG MI RNAMS NI DE LTA MA YIN NO, ,DE BZHIN DU SNANG BAR MA GYUR PA'I SEMS CAN GYI KHAMS TSAD MED DO, ,DE LTAR SANGS RGYAS KYIS 'DUL @342B BA'I SEMS CAN GANG YIN ZHES DE BZHIN GSHEGS PA'I LHA'I MIG GIS SANGS RGYAS KYI ZHING THAMS CAD DU SEMS CAN GYI KHAMS LA RNAM PAR BLTA'O, ,SANGS RGYAS KYIS 'DUL BA'I SEMS CAN GYI RIS JI SNYED PA DE DAG GI MDUN DU DE SNYED KYI DE BZHIN GSHEGS PA BZHUGS SHING SEMS CAN DE DAG 'DUL YANG DE MA YIN PA'I SEMS CAN GZHAN GYIS MI SHES TE, 'DI NI DE BZHIN GSHEGS PA'I LAS DGU PA'O ZHES GSUNGS PA LTA BU'O, ,DA NI ZAG PA ZAD PA MKHYEN PA'I STOBS KYI DBANG DU BYAS NAS BSHAD PA, RNAM KUN MKHYEN PA'I STOBS KYIS MYUR DU RGYAL RNAMS KYI, ,NYON MONGS DANG NI BAG CHAGS DANG BCAS 'JIG 'GYUR DANG, ,SLOB MA LA SOGS NYON MONGS BLO YIS 'GOG PA YANG, ,DE LA MKHYEN PA CHAGS MED MTHA' YAS STOBS SU 'DOD, ,DE LA NYON MONGS PA DAG NI MA RIG PA DANG 'DOD CHAGS LA SOGS PA DAG STE, 'JIG RTEN KHAMS GSUM PA NYON MONGS PAR BYED PA'I PHYIR RO, ,GANG GIS SEMS KYI RGYUD 'BAG PAR BYED CING SGO BAR BYED LA RJES SU BGROD PAR BYED PA DE NI BAG CHAGS TE NYON MONGS PA'I MUR THUG PA DANG GOMS PA DANG RTZA BA DANG BAG CHAGS ZHES BYA BA NI RNAM GRANGS DAG GO, ,DE NI ZAG PA MED PA'I LAM GYIS NYON MONGS PA SPANGS SU ZIN KYANG NYAN THOS DANG RANG SANGS RGYAS THAMS CAD KYIS SPANG BAR MI NUS TE, TIL MAR DANG ME TOG LA SOGS PA BSAL DU ZIN KYANG BUM PA DANG SNAM BU LA SOGS PA RNAMS LA DE DAG DANG PHRAD PAS YON TAN PHRA MO DMIGS PA BZHIN NO, ,'DI LTAR NYON MONGS PA SPANGS KYANG BAG CHAGS YOD PAS DGRA BCOM PA SNGON DU SPRE'UR GYUR PA MCHONG ZHING MCHONG ZHING 'GRO BA DANG SNGON BRAM ZER GYUR PA'I DMANGS MOR BRJOD PA'I KUN TU SPYOD PA BCOM LDAN 'DAS KYIS BZLOG TU ZIN KYANG MA LOG PA DMIGS PA YIN NO, ,DE LA MA RIG PA'I BAG CHAGS NI SHES BYA YONGS SU DPYOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS DANG NGAG GI 'JUG PA RNAM PA DE LTA BU'I RGYU YANG YIN TE, MA RIG PA DANG 'DOD CHAGS LA SOGS PA'I BAG CHAGS DE YANG RNAM PA THAMS CAD MKHYEN PA DANG SANGS RGYAS KHO NA LA LDOG @343A *, ,PAR 'GYUR GYI GZHAN DAG LA NI MA YIN NO, ,DE'I PHYIR NYON MONGS PA'I BAG CHAGS LHAG MA LUS PAR SPANGS PA DANG, BAG CHAGS KYI MTSAMS SBYOR BA'I NYON MONGS PA SPANGS PA DE LA SANGS RGYAS RNAMS KYI MKHYEN PA GANG ZHIG THAMS CAD DU THOGS PA MI MNGA' BA DE NI ZAG PA ZAD PA MKHYEN PA'I STOBS SU RNAM PAR GZHAG STE, JI SKAD DU, RIGS KYI BU GZHAN YANG DE BZHIN GSHEGS PAS ZAG PA THAMS CAD ZAD PAS BDAG GI SKYE BA NI ZAD, TSANGS PAR SPYOD PA NI BSTEN, BYA BA NI BYAS TE 'DI LAS SRID PA GZHAN MI SHES SO ZHES TE, ZAG PA MED PA SEMS RNAM PAR GROL BA SHES RAB RNAM PAR GROL BA RANG GI MNGON PAR SHES PA MNGON SUM DU BYAS NAS DE NYE BAR BSGRUBS TE GNAS SO, ,DE BZHIN GSHEGS PA'I ZAG PA ZAD PA SHES PA DE NI RNAM PAR DAG PA DRI MA MED PA YONGS SU DAG PA 'OD GSAL BA BAG CHAGS KYI MTSAMS SBYOR BA THAMS CAD YANG YANG DAG PAR BCOM PA'O, ,NYON THOS RNAMS KYI ZAG PA ZAD PA NI TSAD YOD PA BAG CHAGS YANG DAG PAR MA BCOM PA'O, ,RANG SANGS RGYAS RNAMS KYI ZAG PA ZAD PA NI TSAD YOD PA SNYING RJE CHEN PO DANG BRAL BA SPOBS PA DANG BRAL BA'O, ,DE BZHIN GSHEGS PA'I ZAG PA ZAD PA NI RNAM PA'I MCHOG THAMS CAD DANG LDAN PA BAG CHAGS KYI MTSAMS SBYOR BA THAMS CAD YANG DAG PAR BCOM PA, THUGS RJE CHEN POS KUN TU BZUNG BA MI 'JIGS PA DANG SPOBS PA DANG MA BRAL BA, 'JIG RTEN THAMS CAD KYIS ZIL GYIS MI GNON PA STE SEMS KYI SKAD CIG GCIG DANG LDAN PA'O, ,DE CI'I PHYIR ZHE NA, DE BZHIN GSHEGS PA LA LAS KYI BAG CHAGS MED, NYON MONGS PA'I BAG CHAGS MED, SPYOD LAM 'KHRUL PA'I BAG CHAGS MED DO, ,'DI LTA STE, DPER NA NAM MKHA' RANG BZHIN GYIS YONGS SU DAG PAS RDUL DANG DU BA DANG LHAN CIG MI GNAS PA DE BZHIN DU, ,DE BZHIN GSHEGS PA'I ZAG PA ZAD PA SHES PA YANG LAS DANG NYON MONGS PA'I BAG CHAGS THAMS CAD DANG LHAN CIG MI GNAS PA'O, ,DE ZAG PA ZAD PA DE LTA BU LA RAB TU GNAS MA THAG TU ZAG PA DANG BCAS PA NYE BAR LEN PA DANG BCAS PA'I SEMS CAN @343B RNAMS LA ZAG PA ZAD PAR BYA BA DANG NYE BAR LEN PA SPANG BA'I PHYIR CHOS STON TO, ,KYE MA SEMS CAN YANG DAG PA MA YIN PA YONGS SU RTOG PA LAS BYUNG BA DAG KHYED ZAG PA DANG NYE BAR LEN PA DE DAG LA YANG DAG PA JI LTA BA BZHIN DU SO SOR RTOGS SHIG CES DE DAG LA DE BZHIN GSHEGS PAS CI NAS KYANG ZAG PA RNAMS YANG DAG PA MA YIN PAR YANG DAG PA JI LTA BA BZHIN RAB TU SHES PAR 'GYUR BA DANG, RAB TU SHES NAS CHOS GANG YANG NYE BAR MI LEN PAS YONGS SU MYA NGAN LAS 'DA' BAR 'GYUR BA DE LTA DE LTAR NYE BAR BKOD PA'I DPE RNAMS KYIS CHOS STON TO, ,RIGS KYI BU 'DI NI DE BZHIN GSHEGS PA'I DE BZHIN GSHEGS PA'I LAS BCU PA'O ZHES GSUNGS PA LTA BU'O, ,DE LTAR GANG DAG RNAM PA THAMS CAD DU YONGS SU RDZOGS PA NYID LAS DE BZHIN GSHEGS PA'I YE SHES KYI YUL BSAM GYIS MI KHYAB PA MNGA' BA, DE DAG LAS GZHAN PA'I YON TAN MTHA' DAG DANG LDAN PA, CHOS KYI SKU DANG THA MI DAD PAR BZHUGS PA, YON TAN RGYAS PA RE RE ZHING DPE NAM MKHA' GCIG PUS NYE BAR GZHAL BA MNGA' BA RNAMS, 'GRO BA 'DOD PA DANG SRID PA DANG LTA BA DANG, MA RIG PA ZHES BYA BA CHU BO CHEN PO BZHI'I NANG DU CHUD PA MGON MED PA'I MGON DU GYUR PA SANGS RGYAS BCOM LDAN 'DAS RNAMS KYI STOBS BCU PO 'DI DAG NI SANGS RGYAS KYI SA KUN TU 'OD DU RNAM PA THAMS CAD DU YONGS SU DAG PAR 'GYUR RO, ,RGYA BSKYED PAS CHOG GO, ,SANGS RGYAS BCOM LDAN 'DAS RNAMS KYI GZUGS KYI SKU'I BA SPU'I BU GA RE RE DANG, SKYES BU CHEN PO'I MTSAN DANG, DPE BYAD DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA YON TAN GYI KHYAD PAR YONGS SU GCOD PA NI SANGS RGYAS KHO NAS SPYOD LA, GAL TE GSUNGS NA NI RANG NYID KYI YE SHES KYI YUL DU GYUR PAS BSKAL PA GRANGS MED PA BSAM GYIS MI KHYAB PAR SKU TSE'I TSAD BYIN GYIS BRLABS SHING PHRIN LAS GZHAN MI MNGA' BAR SKYEN PA SKYEN PAR GSUNGS PA DE LTA NA YANG YON TAN DAG YONGS SU RDZOGS PAR MI 'GYUR NA, BYANG CHUB SEMS DPAS LTA CI SMOS TE RANG SANGS RGYAS DANG NYAN THOS RNAMS KYIS SANGS RGYAS KYI YON TAN MTHAR @344A *, ,PHYIN PAR SHES PA'AM BRJOD PAR NUS PAR 'GYUR BA LTA SMOS KYANG CI DGOS, DON 'DI NYID DPE'I SGO NAS BSHAD PA, NAM MKHA' MED PAS 'DAB CHAGS LDOG PAR MI 'GYUR GYI, ,'DIR NI RANG MTHU ZAD PAS LDOG PAR 'GYUR DE BZHIN, ,SLOB MA DANG BCAS SANGS RGYAS SRAS RNAMS SANGS RGYAS KYI, ,YON TAN MKHA' LTAR MTHA' YAS MA BRJOD LDOG PAR 'GYUR, ,'DI LTAR NAM MKHA' LDING 'DAB GSHOG YANGS PA'I RLUNG GI SHUGS KYIS PHA ROL GNON PA THOB PA YANG NAM MKHA' YONGS SU ZAD PAS NAM MKHA' LA LDOG PA MA YIN GYI 'ON KYANG RANG GI STOBS DANG PHA ROL GNON PA DANG BRAL BAS YIN PA DE BZHIN DU, RE ZHIG BYANG CHUB SEMS DPA' GANG DAG SA BCU PA LA RAB TU GNAS PA RNAM PAR THAR PA BSAM GYIS MI KHYAB PA BRNYES PA DE DAG KYANG, DE BZHIN GSHEGS PA'I YON TAN BRJOD PAR MI NUS PAS YON TAN NAM MKHA' LTAR MU MTHA' MED PA DAG LAS LDOG GI YON TAN YONGS SU RDZOGS PAS NI MA YIN TE, RANG GI BLO'I STOBS YONGS SU NYAMS PAS LDOG PAR GNAS NA, RANG SANGS RGYAS SAM NYAN THOS RNAMS KYIS YON TAN MTHAR THUG PA RTOGS PAR 'GYUR BA LTA CI SMOS, GANG GI TSE SANGS RGYAS KYI YON TAN YONGS SU SHES PA'AM BRJOD PA LA DE DAG GI LO RABS 'DI YIN PA DE'I PHYIR KHO BO CAG LTA BU MA RIG PA'I RAB RIB KYIS LDONGS PA, YANG DAG PA JI LTA BA BZHIN SHIN TU LKOG TU GYUR PA RNAMS LA, DE BZHIN GSHEGS PA'I YON TAN BRJOD PAR BYA BA LA GO SKABS YOD PAR GA LA 'GYUR TE, DE'I PHYIR 'DI NI GNAS MA YIN PA KHO NA'O ZHES BSHAD PA, DE'I PHYIR BDAG 'DRAS KHYOD YON 'DI DAG CI, ,SHES PA DANG NI BRJED PAR NUS 'GYUR RAM, ,'ON KYANG DE DAG 'PHAGS PA KLU SGRUB KYIS, ,BSHAD PHYIR DOGS SPONGS CUNG ZAD TZAM ZHIG SMRAS, ,DE LTAR BDAG LA DE BZHIN GSHEGS PA'I YON TAN SHAS TZAM ZHIG YONGS SU SHES PA YANG MED MOD KYI, DE LTA NA YANG BDAG GIS TSAM TSOM MED PAR YON TAN PHYOGS GCIG GI CHA TZAM ZHIG GLENGS PA NI GZHAN LA BRTEN NAS YIN NO, ,DE NYID SMRAS PA NI, 'PHAGS PA KLU SGRUB KYIS BSHAD PHYIR ZHES BYA'O, ,MDOR BSDU NA @344B BSTAN BCOS 'DI LAS SANGS RGYAS KYI YON TAN ZAB PA STE CHOS NYID DANG RGYA CHE BA NYE BAR BSTAN TO, ,DE LA, ZAB MO STONG PA NYID YIN TE, ,YON TAN GZHAN RNAMS RGYA CHE BA'O, ,ZAB DANG RGYA CHE'I TSUL SHES PAS, ,YON TAN 'DI DAG THOB PAR 'GYUR, ,DA NI SPRUL PA'I SKU NYAN THOS DANG RANG SANGS RGYAS DANG SANGS RGYAS DANG BYANG CHUB SEMS DPA' THAMS CAD KYI DON THUN MONG BA DANG THABS THUN MONG BA 'BYUNG BA SO SO'I SKYE BO RNAMS KYI DON YANG CI RIGS PAR 'BYUNG LA, BDE 'GRO LA SOGS PA'I SGRUB BYED DU GYUR PA LHUN GYIS GRUB PAR NGES PAR 'BYUNG BA'I DBANG DU BYAS NAS BSHAD PA, SLAR YANG MI G-YO'I SKU MNGA' KHYOD KYIS SRID GSUM BYON NAS SPRUL RNAMS KYIS, ,GSHEGS PA DANG NI BLTAMS DANG BYANG CHUB ZHI BA'I 'KHOR LO'ANG STON PAR MDZAD, ,DE LTAR KHYOD KYIS 'JIG RTEN G-YO BAG SPYOD CAN RE RE'I ZHAGS PA NI, ,MANG POS BCINGS PA MA LUS THUGS RJES MYA NGAN 'DAS PAR BKRI BAR MDZAD, ,BCOM LDAN 'DAS NI KHAMS GSUM LAS 'DAS SU ZIN KYANG SPRUL PA'I SKU RNAMS KYIS YAB DANG YUM DANG SRAS LA SOGS PA DANG 'BREL PAR STON ZHING 'JIG RTEN DANG RJES SU BSTUN TE, KHAMS GSUM DU GSHEGS NAS JI LTAR 'TSAM PA'I CHOS BSTAN PA 'JUG PA'I SGO NAS SEMS CAN GYI KHAMS DANG SPYOD PA RNAM PA SNA TSOGS CAN MYA NGAN LAS 'DAS PA LA 'GOD PAR MDZAD DO, ,THUGS RJES TE GRAGS PA DANG PHAN LAN LA SOGS PA BZHED PAS NI MA YIN NO, ,DE'I PHYIR DE LTAR DE BZHIN GSHEGS PA'I SKU'I RNAM PAR GZHAG PA BYAS NAS THEG PA GCIG LA THEG PA GSUM BSTAN PA DGONGS PA CAN NYID DU BSHAD PA, GANG PHYIR 'DI NI DE NYID SHES LAS DRI MA MTHA' DAG SEL BA NI, ,LHUR BYED GZHAN MED CHOS RNAMS DE NYID RNAM 'GYUR DBYE BA'ANG BSTEN MIN ZHING, ,DE NYID YUL CAN BLO GROS 'DI YANG THA DAD 'GYUR PA MA YIN PA, ,DE YI PHYIR NA KHYOD KYIS 'GRO LA THEG PA MI MNYAM DBYER MED BSTAN, ,GANG ZHIG DE KHO NA NYID MI SHES PA DES NI NYON MONGS PA RNAMS MA LUS PAR SPANG BAR MI NUS LA DNGOS PO MA LUS PA LA YOD PA'I DE KHO NA NYID SKYE BA MED PA'I RANG BZHIN CAN YANG THA DAD PA MED PAR SNGAR BSTAN ZIN TO, , @345A *, ,MTHONG BA THA DAD KYANG DE LA DBYE BA MED PAS DE KHO NA NYID 'DI RNAM PAR MI 'GYUR BA NYID YIN LA, GANG GI PHYIR DBYE BA DANG RNAM PAR 'GYUR BA NYID MED PA DE'I PHYIR DE KHO NA NYID KYI YUL CAN YE SHES KYANG RANG BZHIN GCIG YIN NO, ,'DI LTAR YE SHES KYI RANG BZHIN DU MA NYID YIN NA NI YE SHES KYIS DE KHO NA NYID RTOGS PAR MI 'GYUR TE, RANG BZHIN JI LTAR GNAS PA BZHIN MA RTOGS PA'I PHYIR RO, ,GANG GI PHYIR DE LTAR DE KHO NA NYID GCIG NYID YIN PAS, ,DE KHO NA NYID YUL CAN YE SHES THA MI DAD PA DE'I PHYIR THEG PA GCIG KHO NA BAS THEG PA GSUM YOD PA MA YIN TE, ,'OD SRUNGS CHOS THAMS CAD MNYAM PA NYID DU RTOGS NA MYA NGAN LAS 'DAS PA YIN LA DE YANG GCIG NYID YIN GYI GNYIS DANG GSUM NI MA YIN NO ZHES 'BYUNG BA'I PHYIR RO, ,THEG PA CHEN PO ZHES BYA BA LA CHEN PO ZHES BYA BA NI SANGS RGYAS BCOM LDAN 'DAS RNAMS TE, MA RIG PA MA LUS PA SPANGS PAS SGRIB PA DANG BRAL BA'I YE SHES MNGA' BA'I PHYIR RO, ,DE RNAMS KYI THEG PA NI THEG PA CHEN PO STE, PRE shO DA RA LA SOGS PA YIN PA'I PHYIR YI GE TA AA NYID DU 'GYUR RO, ,YANG NA THEG PA YANG DE YIN LA CHEN PO YANG YIN PAS THEG PA CHEN PO STE, SANGS RGYAS KYI YE SHES BSAM GYIS MI KHYAB PA MNGA' BA RNAMS DE LA BZHUGS PA'I PHYIR RAM, DNGOS PO'I RAB TU DBYE BA MTHA' YAS PA'I YUL CAN YIN PA'I PHYIR RAM MI SHES PA MA LUS PA SPANGS PA'I PHYIR NA, THEG PA YANG DE YIN LA CHEN PO YANG YIN PAS THEG PA CHEN PO'O, ,GAL TE MYA NGAN LAS 'DAS PA GCIG KHO NA YIN NA JI LTAR NYAN THOS DANG RANG SANGS RGYAS KYI THEG PAS KYANG YONGS SU MYA NGAN LAS 'DA' BAR BSTAN ZHE NA, BSTAN PA 'DI DGONGS PA CAN NYID DU BSHAD PA, ,GANG PHYIR 'GRO LA NYES PA SKYED BYED SNYIGS MA 'DI DAG YOD GYUR PA, ,DE PHYIR 'JIG RTEN SANGS RGYAS SPYOD YUL GTING ZAB LA 'JUG MI 'GYUR ZHING, ,BDE GSHEGS GANG PHYIR KHYOD LA MKHYEN RAB THUGS RJE'I THABS DANG LHAN CIG PA, ,MNGA' DANG GANG PHYIR BDAG GI SEMS CAN DGROL ZHES KHYOD KYIS ZHAL BZHES TE, ,LUS DANG SEMS DAG LAS SU MI RUNG BA NYID DU SGRUB PAR BYED PAS NA SNYIGS MA LNGA BSTAN @345B TE; SEMS CAN DANG, BSKAL PA DANG, NYON MONGS PA DANG, LTA BA DANG, TSE'I SNYIGS MA RNAMS SO, ,GANG GI PHYIR NYON MONGS PA RNAMS 'JUG PA SHAS CHE BA'I RGYUR GYUR PA DE DAG NI LHAG PAR MOS PA KHYAD PAR DU 'PHAGS PA 'JOMS PAR BYED PA YIN PA'I PHYIR, DE BZHIN GSHEGS PA'I YE SHES BLA NA MED PA LA 'DOD PA YANG 'GOG PAR BYED PA YIN TE, DE'I PHYIR SANGS RGYAS KYI YE SHES ZAB BAS GTING DPAG DKA' BA LA 'JIG RTEN 'JUG PAR MI 'GYUR LA, BCOM LDAN 'DAS KYANG 'GRO BA RNAMS SNOD MA YIN PA 'DI TZAM GYIS DE DAG RNAM PAR DGROL BAR BYA BA LA G-YEL BA BSTEN PAR MI MDZAD DE, GANG GI PHYIR BCOM LDAN 'DAS LA MKHYEN RAB THUGS RJE'I THABS DANG LHAN CIG TU GYUR PA MNGA' BA DANG, GANG GI PHYIR BDAG GIS SEMS CAN RNAMS DGROL BAR BYA'O ZHES BCOM LDAN 'DAS KYIS SNGAR SMON LAM STZAL BA DE'I PHYIR DE DAG RNAM PAR GROL BA LA SNYOM LAS LA BRTEN PAR MI MDZAD CING DE'I RNAM PAR GROL BA'I THABS TSUL BAR MDZAD DE ZHAL GYIS 'CHES PA RNAM PA GZHAN GYI SGO NAS GDON MI ZA BAR BSGRUB PAR BYA BA DGOS PA'I PHYIR RO, ,GANG GI PHYIR 'GRO BA RNAMS THEG PA CHEN PO LA 'JUG PA LA GEGS BYED PA'I RKYEN MANG PO 'DI DAG YOD CING 'JIG RTEN RNAMS KYANG GDON MI ZA BAR MYA NGAN LAS 'DAS PA LA 'GOD PAR BYA DGOS PA, DE PHYIR MKHAS PAS RIN PO CHE YI GLING DU CHAS PA'I SKYE TSOGS KYI, ,NGAL BA NYER SEL GRONG KHYER YID 'ONG BAR DU RNAM PAR BKOD PA LTAR, ,KHYOD KYI THEG PA 'DI NI SLOB MA NYE BAR ZHI BA'I TSUL LA YID, ,SBYAR BAR MDZAD CING RNAM PAR DBEN LA BLO SBYANGS RNAMS LA SOGS SU GSUNGS, ,DPE 'DI NI 'PHAGS PA DAM PA'I CHOS PAD MA DKAR PO LAS NGES PAR BYA'O, ,BSDUS PA'I DON NI 'DI YIN TE, JI LTAR BSTI BA'I PHYIR DED DPON DES RIN PO CHE'I GLING DU MA PHYIN PA'I BAR DU GRONG KHYER MNGON PAR SBRUL PA DE BZHIN DU, BCOM LDAN 'DAS KYIS KYANG THABS KYI SGO NAS THEG PA CHEN PO'I TSU ROL DU DE THOB PA'I THABS SU GYUR ZHING ZHI BA'I BDE BA'I RTEN DU GYUR PA THEG PA GNYIS PO NYAN THOS DANG RANG SANGS RGYAS KYI THEG PA GSUNGS PA YIN NO, ,DE LA 'KHOR @346A *, ,BA'I NYON MONGS PA SPANGS PA THOB PA RNAMS LA NI PHYI NAS THEG PA CHEN PO KHO NA NYE BAR BSTAN LA, DE RNAMS KYIS KYANG SANGS RGYAS RNAMS LTAR TSOGS YONGS SU RDZOGS PAR BYAS NAS GDON MI ZA BAR THAMS CAD MKHYEN PA'I YE SHES THOB PAR BYA DGOS SO, ,THEG PA GCIG BSTAN PA 'DI YANG MDO KUN LAS BTUS PA LA SOGS PA DAG LAS NGES PAR BYA'O, ,DA NI BCOM LDAN 'DAS MNGON PAR BYANG CHUB PA'I DUS DANG, BZHUGS PA'I DUS KYI DBANG DU BYAS NAS BSHAD PA, BDE BAR GSHEGS PA MA LUS PHYOGS SHING SANGS RGYAS YUL DAG NA, ,PHRA RAB RDUL GYI RDUL RNAMS BDOG PAR GYUR PA JI SNYED PA, ,BYANG CHUB MCHOG RAB DAM PAR GSHEGS PA'I SKAL BA DE SNYED DE, ,'ON KYANG KHYOD KYI GSANG BA 'DI NI BSNYAD BGYI MA LAGS SO, ,SANGS RGYAS BCOM LDAN 'DAS RNAMS NI SPRUL PA'I SKU'I SGO NAS BLTAMS PA DANG MYA NGAN LAS 'DA' BA NYE BAR STON MOD KYI, BCOM LDAN 'DAS SPRUL BA'I SKU 'BYUNG BA'I RGYU GANG YIN PA DE'I MNGON PAR RDZOGS PAR BYANG CHUB PA'I DUS JI TZAM YIN PA DE'I TSAD BRJOD PAR BYA STE, BCOM LDAN 'DAS KYIS MNGON PAR RDZOGS PAR BYANG CHUB PA'I SKAL BA DAG NI 'JIG RTEN GYI KHAMS DE BZHIN BSHEGS PA'I YE SHES KYI YUL DU GYUR PA JI SNYED PA DE NA RDUL PHRA RAB KYI RDUL DAG JI SNYED YOD PA DE SNYED DO, ,'DI NI SNGON DGE BA'I RTZA BA MA BSAGS PA RNAMS KYIS LHAG PAR MOS PAR BYA BAR DKA' BA'I PHYIR NA BSNYAD PAR BYA BA MA YIN TE, 'GA' ZHIG TU DE LA LHAG PAR MOS PAR BYED PA RNAMS LA BSOD NAMS GZHAL DU MED PA BSAGS PAR BYA BA'I PHYIR BSHAD DO, ,DE LTAR RE ZHIG MNGON PAR RDZOGS PAR BYANG CHUB PA'I DUS BRJOD NAS, DE'I 'OG TU BZHUGS PA'I DUS KYI DBANG DU BYAS NAS BSHAD PA, RGYAL BA JI SRID 'JIG RTEN MTHA' DAG MCHOG TU RAB ZHI BAR, ,'GRO BA MIN ZHING NAM MKHA' RNAM 'JIG 'GYUR MIN DE SRID DU, ,SHES RAB YUM GYIS BSKYED PA DE LA THUGS BRTZE MA MA YI, ,TSUL LUGS BYED PAS RAB TU ZHI BAR 'GYUR BA GA LA MNGA', ,BCOM LDAN 'DAS NI YUM SHES RAB KYI PHA ROL TU PHYIN MAS BSKRUN NAS SNYING RJE MA MA LA GTAD BAS BCOM LDAN 'DAS KYI MA @346B 'ONGS BA'I SKU TSE'I TSAD NI JI SRID 'JIG RTEN MTHA' DAG SANGS RGYAS NYID DU 'GYUR BA MA YIN PA DANG, JI SRID NAM MKHA' BRLAG PAR MI 'GYUR BA DE SRID YIN PAR RIG PAR BYA'O, ,GANG GIS SEMS CAN THAMS CAD KYI DON BSGRUB PAR BYA BA'I PHYIR DUS MU MTHA' MED PAR 'DI DAG GSO BAR BYED PA SANGS RGYAS RNAMS KYI THUGS RJE CI 'DRA BA ZHIG CE NA, BSHAD PA, GTI MUG SKYON GYIS 'JIG RTEN KHA ZAS DUG BCAS ZA BA YI, ,SKYE BO NYID KYI NANG MI DE LA KHYOD BRTZE JI LTA BA, ,DE LTAR DUG ZOS NYEN PA'I BU LA MA YIS SDUG BSNGAL MIN, ,DES NA MGON PO MCHOG TU RAB ZHIR GSHEGS PAR 'GYUR MA LAGS, ,'JIG RTEN KHA ZAS KYI SGRAS NI 'DOD PA'I YON TAN LNGA BRJOD DO, ,DE DAG KYANG 'DI NYID DU MNGON PAR ZHEN PAS ZOS NA DUG DANG BCAS PAR 'GYUR TE, SDUG BSNGAL RGYA CHEN PO'I RGYU YIN PA'I PHYIR RO, ,DE DAG LA 'DI NYID DU BDEN PAR MNGON PAR ZHEN PA YANG GTI MUG GI SKYON LAS SKYE BAR 'GYUR RO, ,DE LA JI LTAR BCOM LDAN 'DAS LA SKYE BO 'KHOR BA PA 'JIG RTEN GYI KHA ZAS DUG DANG BCAS PA ZA BA LA BRTZE BA 'KHRUNGS PA DE LTAR MA LA BU GCIG PA PHANGS PA DE LAS GZHAN PA'I DUG DANG 'DRES PA'I KHA ZAS ZA BA LA GDUNG BA SKYE BA MA YIN TE, DE'I PHYIR SNYING RJES BTZAS PA LA YONGS SU MYA NGAN LAS 'DA' BA KOG LA MNGA', THUGS RJES MYA NGAN LAS 'DA' BA'I THUGS LAS BZLOG PA'I PHYIR NA, BCOM LDAN 'DAS 'JIG RTEN SDUG BSNGAL RNAM PA SNA TSOGS NYAMS SU 'BAB PA'I GZHIR GYUR BA'I RJES SU GZIGS PA LA YONGS SU MYA NGAN LAS 'DA' BA MI MNGA'O ZHES BSTAN PA'I PHYIR BSHAD PA, GANG GI PHYIR NA MI MKHAS DNGOS DANG DNGOS PO MED PAR ZHEN PA'I BLO CAN GYIS, ,SKYE DANG 'JIG GNAS SKABS DANG SDUG DANG MI SDUG BRAL PHRAD KYIS BSKYED SDUG BSNGAL DANG, ,SDIG CAN 'GRO BA THOB PA DE PHYIR 'JIG RTEN THUGS BRTZE'I YUL DU RAB DONG BAS, ,BCOM LDAN THUGS RJES KHYOD THUGS ZHI LAS BZLOG PAS KHYOD LA MYA NGAN 'DA' MI MNGA', ,DE LA GANG GI PHYIR MI MKHAS PA DNGOS PO LA MNGON PAR ZHEN PA'I BLO CAN LAS DANG 'BRAS BU LA YID CHES PA YOD PAS LHA DANG MI DAG TU SKYE BA YOD PAR LTA BA PAS NI SKYE BA @347A *, ,DANG 'CHI BA'I SDUG BSNGAL NGES PAR THOB CING, YUL SDUG PA DANG BRAL BA'I SDUG BSNGAL DANG YUL MI SDUG PA DANG PHRAD PA'I SDUG BSNGAL YANG MYONG BAR 'GYUR RO, ,DNGOS PO MED PAR MNGON PAR ZHEN PA'I BLO CAN LOG PAR LTA BA DANG LDAN PAS NI SDIG TO CAN GYI 'GRO BA DMYAL BA LA SOGS PA DAG DANG, GONG DU BSHAD PA'I SDUG BSNGAL YANG 'THOB PA DE'I PHYIR SANGS RGYAS BCOM LDAN 'DAS KYI THUGS RJE NI SKYE BO SDUG BSNGAL BA LA DMIGS NAS THUGS MYA NGAN 'DAS PA LAS BZLOG STE GNAS SO, ,LUGS 'DI DGE SLONG ZLA GRAGS KYIS, ,DBU MA'I BSTAN BCOS LAS BTUS NAS, ,LUNG JI BZHIN DANG MAN NGAG NI, ,JI LTA BA BZHIN BRJOD PA YIN, ,'DI LAS GZHAN NA CHOS 'DI NI, ,JI LTAR MED PA DE BZHIN DU, ,'DIR 'BYUNG LUGS KYANG GZHAN NA NI, ,MED CES MKHAS RNAMS NGES PAR MDZOD, ,JI LTAR DBU MA'I BSTAN BCOS MA GTOGS PAR BSTAN BCOS GZHAN LAS STONG PA NYID CES BYA BA'I CHOS 'DI PHYIN CI MA LOG PAR MI BRJOD PA DE BZHIN DU, KHO BO CAG GIS 'DIR LUGS GANG ZHIG BRGAL LAN DANG BCAS PAR BSNYAD PA'I LUGS 'DI NAS 'BYUNG BA DE YANG STONG PA NYID KYI CHOS LTAR BSTAN BCOS GZHAN NA MED DO ZHES MKHAS PA RNAMS KYIS NGES PAR MDZAD DU GSOL LO, ,DE'I PHYIR KHA CIG GIS MDO SDE PA RNAMS KYI LUGS GANG ZHIG DON DAM PAR SMRAS PA DE NYID DBU MA PA RNAMS KYIS KUN RDZOB TU 'DOD DO ZHES SMRAS PA GANG YIN PA DE NI DBU MA'I BSTAN BCOS KYI DON GYI DE KHO NA NYID MNGON PAR MI SHES PA KHO NAS SMRAS PA YIN NO ZHES SHES PAR BYA'O, ,YANG GANG DAG BYE BRAG TU SMRA BA RNAMS KYIS GANG DON DAM PAR SMRAS PA DE DBU MA PA RNAMS KYIS KUN RDZOB TU YIN NO SNYAM DU SEMS PA DE DAG GIS KYANG BSTAN BCOS KYI DON GYI DE NYID YONGS SU MA SHES PA DE KHO NA STE, 'DI LTAR 'JIG RTEN LAS 'DAS PA'I CHOS NI 'JIG RTEN PA'I CHOS DANG CHOS MTSUNGS PAR MI RIGS PA'I PHYIR TE, LUGS 'DI NI THUN MONG MA YIN NO ZHES MKHAS PA RNAMS KYIS NGES PAR BYA'O, ,DE NYID KYI PHYIR SLOB DPON GYI THUGS DGONGS MI SHES SHING DON GYI DE KHO NA NYID NGES PAR ZIN PA MED PAR YI GE TZAM NGES PAS 'JIGS PAR @347B 'GYUR BA RNAMS KYIS 'JIG RTEN LAS 'DAS PA'I CHOS 'DI YONGS SU SPANGS PAS DE'I PHYIR BSTAN BCOS KYI DON GYI DE KHO NA NYID PHYIN CI MA LOG PAR BSTAN PAR BYA BA'I PHYIR, DBU MA'I BSTAN BCOS LA 'JUG PA 'DI SBYAR BA YIN NO ZHES BSHAD PA, KLU SGRUB BLO MTSO SHIN TU RGYA CHE'I KHA DOG GIS 'JIGS PAS, ,SKYE BOS LUGS BZANGS GANG DAG RGYANG RING SPANGS PAS DE YI TSIG ,LE'UR BYAS PA'I KHA 'DUS KU MU TA KHA BYE BA'I CHUS, ,DA LTA ZLA BA GRAGS PA RE RNAMS RAB TU SKONG BAR BYED, ,GAL TE GNAS BRTAN DBYIG GNYEN DANG, PHYOGS KYI GLANG PO DANG, CHOS SKYONG LA SOGS PA BSTAN BCOS RNAMS KYI MDZAD PA PO BYON ZIN PAR GYUR PA DE DAG GIS KYANG YI GE TZAM THOS PAS 'JIGS TE, RTEN CING 'BREL PAR 'BYUNG BA'I DON PHYIN CI MA LOG PAR STON PA 'DI YONGS SU SPANGS SAM ZHE NA, DE SKAD DU SMRA'O, ,YANG 'DI JI LTAR RTOGS PAR BYA ZHE NA, BSHAD PAR BYA STE, DE NYID BSHAD ZIN ZAB MO 'JIGS RUNG 'DI NI SNGON GOMS NYID LAS SKYE BO YIS, ,NGES PAR RTOGS 'BYUNG 'DI NI GSAN RGYA CHE YANG GZHAN GYIS THUGS SU CHUD MI 'GYUR, ,DE PHYIR TSUL LUGS RANG BLOS SBYAR BA DE DAG MTHONG NAS BDAG TU BRJOD PA YI, GZHUNG LUGS RNAMS LTAR GZHAN LUGS BZHED GZHUNG 'DI LAS GZHAN LA DGA' BLO DOR BAR BYA, ,JI LTAR MU STEGS CAN SNGON SEMS KYI RGYUD LA STONG PA NYID LA LHAG PAR MOS PA'I BAG CHAGS MA BZHAG PA RNAMS KYI KHAMS GSUM PO 'DOD PA DANG, GZUGS DANG, GZUGS MED PA'I NYON MONGS PA SPANGS SHING GRUB PA'I MTHA' GZHAN NYE BAR SBYOR NUS PAR MTHONG DU ZIN KYANG THUB PA'I DBANG PO'I DON DAM PA NYE BAR STON PA LA LHAG PAR MOS PAR MI NUS PA DE BZHIN DU, DE DAG GIS KYANG MANG DU GSAN PA RNAM PA DE LTA BU MNGAR ZIN KYANG STONG PA NYID LA LHAG PAR MOS PA'I SA BON DANG BRAL BAS STONG PA NYID THUGS SU CHUD PAR MI SPYOD DO ZHES BYA BAR SHES PAR BYA'O, ,'DI LTAR DENG SANG NYID NA'ANG TSE RABS GZHAN DU STONG PA NYID LA LHAG PAR MOS PA'I BAG CHAGS GZHAG PA KHA CIG GIS RGYU'I STOBS KHO NA LAS STONG PA NYID KYI GTING RTOGS PAR SNANG LA RGYU'I STOBS KHO NA LAS MU STEGS KYI GZHUNG LUGS RNAMS LA @348A *, ,'DI BDEN PAR MTHONG BA RNAM PAR NYAMS PA RNAMS KYIS KYANG STONG PA NYID KYI GTING DPOGS PAR MTHONG NGO, ,DE'I PHYIR DBU MA'I GZHUNG LUGS LAS, GZHAN PA'I GZHUNG LA TSUL LUGS RANG GI BLOS SBYAR BA DE DAG BLTAS NAS KYANG BDAG GSAL BAR BYED PA'I GZHUNG LUGS RNAMS LA BYA BA LTAR DGA' BA'I BLO GROS DOR BAR BYA STE, LUGS GZHAN PO'ANG GI BLOS SBYAR BA LA YA MTSAN PAR RTOGS PAR MI BYA'I, RANG GI STONG PA NYID KYI LTA BA LA LHAG PAR MOS PA KHO NA LA YA MTSAN RTOGS PAR BYA'O, ,SLOB DPON KLU SGRUB LUGS BZANGS BSNYAD LAS BDAG GI BSOD NAMS PHYOGS KYI MTHAR, ,KHYAB CING YID MKHA' NYON MONGS KYIS SNGON STON KA'I RGYU SKAR LTAR DKAR BA'AM, ,SEMS KYI SPRUL LA GDENGS KA'I NOR BU DANG 'DRA GANG ZHIG THOB PA DES, ,'JIG RTEN MA LUS DE NYID RTOGS NAS MYUR DU BDE GSHEGS SAR BGROD SHOG ,DBU MA LA 'JUG PA'I BSHAD PA ZAB PA DANG RGYA CHE BA'I TSUL GSAL BAR BYED PA, SLOB DPON ZLA BA'I GRAGS PA THEG PA MCHOG LA THUGS GZHOL BA, MI 'PHROGS PA'I MKHYEN RAB DANG THUGS RJE MNGA' BA, RI MOR BRIS PA'I BA DRUS MA LAS 'O MA BZHOS PAS BDEN PAR ZHEN PA BZLOG PAR MDZAD PAS SBYAR BA RDZOGS SO,, ,,KHUNGS RNAMS PHAL CHER MDO BZHIN BRIS, ,PHYIN CHAD SKAD GNYIS 'BYUNG SRID NA, ,RTZA 'GREL SGRA DON BZHIN BSGYUR LA, ,GZU BOR BYOS LA DPYAD PAR GYIS, ,KHA CHE'I YUL GYI GRONG KHYER DPE MED KYI DBUS RIN CHEN SBAS PA'I GTZUG LAG KHANG DU, KHA CHE'I RGYAL PO DPAL 'PHAGS PA LHA'I SKU RING LA, RGYA GAR GYI MKHAN PA TI LA KA KA LA SHA DANG, BOD KYI LO TZTSA BA PA TSA PA NYI MA GRAGS KYIS KHA CHE'I DPE DANG MTHUN PA LTAR BSGYUR, PHYIS RA SAR MO CHER RGYA GAR GYI MKHAN PO KA NA KA WA RMA DANG, BOD KYI LO TZTSA BA DE NYID KYIS NYI 'OG SHAR PHYOGS PA'I DPE DANG GTUGS SHING LEGS PAR BCOS TE GTAN LA PHAB PA'O,, ,,GZHUNG 'DI'I TSAD NI BAM PO BCU GCIG DANG BAM PO SUM GNYIS SO,, ,, @348B #, ,RGYA GAR SKAD DU, MA DHYA MI KA AA BA T'A RA PRADZNY'A N'A MA, BOD SKAD DU, DBU MA SHES RAB LA 'JUG PA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,DBU MA SHES RAB LA 'JUG PA'I DON NI BDAG GIS BSHAD PAR BYA STE, DGAG BSGRUB GNYIS KA DGAG 'BA' ZHIG ,DNGOS LA DGAG SGRUB GANG YANG MED, ,DE LTA BU NI GOMS BYAS NA, ,PHUN SUM TSOGS PA THOB PAR 'GYUR, ,MI DGE BCU NI SPANGS NAS NI, ,DGE BA BCU NI DANG DU BLANG, ,DNGOS POR ZHEN PA BKAG NAS NI, ,RANG LA BSGRUB TU CUNG ZAD MED, ,SLONG BA'I DNGOS PO 'DI YANG NI, ,YANG DAG PA YI RANG BZHIN MED, ,DU MA DANG NI GCIG BRAL PHYIR, ,SGYU MA'I GLANG PO JI BZHIN NO, ,CHA SHAS SNA TSOGS GNAS PA NA, ,RDUL PHRAN GCIG PU NYID MA YIN, ,DE NYID MED PAS DU MA GANG, ,PHAN TSUN SPANGS TE GNAS PAS NA, ,GZHAN GYI DNGOS PO GA LA YOD, ,DE NYID MED PAS DE BSAGS PA'I, ,RAGS PA'I GZUGS DANG RDZAS SOGS GANG, , RNAM PA SNA TSOGS SNANG BA DANG, ,SHES PA THA NI MI DAD PAS, ,SHES PA DU MA NYID DU 'GYUR, ,RNAM PA BRDZUN PA NYID KYIS NA, ,SHES PA DE YANG BRDZUN PAR 'GYUR, ,DE LTA MIN NA BDEN NYID 'GYUR, ,DE NYID PHYIR NA SEMS BYUNG GANG, ,GCIG DANG DU MA SPANGS PA YI, ,DNGOS PO GANG YANG MI GNAS TE, ,PHAN TSUN SPANGS TE GNAS PHYIR RO, ,MNGON SUM LA SOGS 'GAL ZHE NA, ,MA YIN MA BRTAGS NYAMS DGA' BA, ,DE NI BDAG GIS BKAG PA MED, ,THA SNYAD TZAM ZHIG BSGRUB PA'I PHYIR, , DAM BCA' GTAN TSIGS NYID MA YIN, ,YE NAS SKYE MED RANG NYID LA, ,DGAG BYA MED LA BSGRUB BYA MED, ,MYA NGAN 'DAS DANG MA 'DAS PA, ,SKYE MED NGANG DU KHYAD PAR MED, ,SKYE MED NYID KYANG MA YIN TE, ,SKYE BA'I DNGOS PO MED PHYIR RO, ,KUN RDZOB MED LA @349A *, ,DON DAM MED, ,SANGS RGYAS MED LA SEMS CAN MED, ,LTA BA MED CING SGOM PA MED, ,'BRAS BU MED CING SPYOD PA MED, ,DE YI DON NI BSGOM BYA STE, ,RTOG MED BLO NI RANG ZHIR GZHAG ,NGOS GZUNG MED CING YENGS PA MED; ,MTSAN MA MED CING GSAL BAR BSGOM, ,LANGS LA DNGOS POR SNANG BA KUN, ,SGYU MA TZAM DU SHES BYAS NAS, ,SNGOM PA RNAM GSUM 'BAD PAS BSRUNG, ,YAN LAG BDUN PA LA SOGS BYA, ,SNYING RJE PHAN SEMS CHE BAR BYA, ,YUL LA CHAGS PA SPANG BYA ZHING, ,'GRON PO'I TSUL GYIS GNAS PAR BYA, ,SEMS CAN MA DAD SPANGS NAS NI, ,BDAG NYID DGON PAR GNAS PAR BYA, ,DE YI 'BRAS BU SANGS RGYAS KYI, ,'BRAS BU CHEN PO THOB PA STE, ,CHOS KYI SKU DANG LONGS SPYOD RDZOGS, , SPRUL PA'I SKU RU GNAS PA YIS, ,SEMS CAN THAMS CAD SGROL PAR BYED, ,DE PHYIR 'BAD PA THAMS CAD KYIS, ,DNGOS PO LTA BA THAG BCAD DE, ,BAR DU SGOM PAS NYAMS SU BLANG, ,THA MAR 'BRAS BU THOB PAR 'GYUR, ,DE BAS 'BAD DE BRTZON PAR BYA; ,DE LTAR BDAG GIS BSHAD 'DI LA, ,PHYOGS 'DZIN PA YI SEMS BOR LA, ,RIGS PA YIS NI DPYAD PAR BYA, ,CHOS LA SKUR PA GDAB MI BYA, ,G-YENG BA THAMS CAD SPANGS NAS NI, ,BSGRUB PA LA NI BRTZON PAR BYA, ,BDAG GIS 'DI BYAS BSOD NAMS KYIS, ,SEMS CAN THAMS CAD GROL GYUR CIG ,DBU MA SHES RAB LA 'JUG PA ZHES BYA BA, SLOB DPON CHEN PO ZLA BA GRAGS PAS MDZAD PA RDZOGS SO,, ,,PAndI TA DE NYID DANG LO TZTSA BA 'GOS KHUG PA LHA BTZAS KYIS BSGYUR PA'O,, ,,