@1A [DD] #, ,RGYA GAR SKAD DU, YUKTI shAshthI KA BRi TTI, BOD SKAD DU, RIGS PA DRUG CU PA'I 'GREL PA, 'JAM DPAL YE SHES SEMS DPA' LA PHYAG 'TSAL LO, ,[DD] RGYAL BA'I RIGS PA'I LAM GYI RJES 'BRANG BA, ,MTHA' GNYIS SEL BA'I RIGS PA DRUG CU PA, ,GANG GIS MDZAD PA DE LA PHYAG 'TSAL TE, ,BDAG GIS DBU MA'I TSUL GYIS DE RNAMS DBYE, ,DE LA SLOB DPON 'DI NI RTEN CING 'BREL PAR 'BYUNG BA JI LTAR GNAS PA BZHIN DU DE KHO NA GZIGS PAS DGYES PA'I KHYAD PAR BRNYES PA STE, DE RTOGS PA NI DAD PA MCHOG GI GNAS YIN PAR MKHYEN NAS RTEN CING 'BREL PAR 'BYUNG BA MTHONG BA LAS 'JIG RTEN DANG 'JIG RTEN LAS 'DAS PA'I DGE BA'I TSOGS MA LUS PAR 'BYUNG BA DANG 'PHAGS PA'I GANG ZAG MA LUS PAR 'BYUNG BA DANG, SANGS RGYAS BCOM LDAN 'DAS YE SHES SGRIB PA MED PA DANG LDAN PA RNAMS KYI RNAM PA THAMS CAD DU DE KHO NA NYID MNGON PAR RDZOGS PAR BYANG CHUB PA YANG @2A *, ,GZIGS NAS RTEN CING 'BREL PAR 'BYUNG BA RANG BZHIN GYIS MA SKYES PA'I PHYIR SKYE BA DANG 'JIG PA DANG YOD PA DANG MED PA'I MTHAR, RTOG PA'I DRI MAS MA GOS PA RTEN CING 'BREL PAR 'BYUNG BA NGO BO NYID KYIS STONG PA YIN PAR CHE BA NYID KYIS BRJOD NAS RTEN CING 'BREL BAR 'BYUNG BA 'CHAD PAR BZHED DE, DE STON PA'I DE BZHIN GSHEGS PA RTEN CING 'BREL PAR 'BYUNG BA'I NGO BO NYID DANG THA MI DAD PAR GYUR PA LA, GUS PA SKYES NAS DE LA PHYAG 'TSAL BA RTZOM MO, ,GANG DAG SKYE DANG 'JIG PA DAG ,'DI YI TSUL GYIS RAB SPANGS PA, ,RTEN CING 'BYUNG BA GSUNGS PA YI, ,THUB DBANG DE LA PHYAG 'TSAL LO, ,ZHES PHYAG 'TSAL BA BRTZAM MO, ,CI'I PHYIR STONG PA NYID BDUN CU PA DANG, RTZOD PA BZLOG PA LAS SLOB DPON GYIS BSTOD PA MA BRJOD PA DBU MA 'DI LAS BRJOD CE NA, SMRAS PA, STONG PA NYID BDUN CU PA DANG RTZOD PA BZLOG PA GNYIS DBU MA LAS 'PHROS PA STE, RANG GI RGYUD GUD NA MED PAS LOGS SHIG TU BSTOD PA MA BRJOD DE, 'DI LTAR RTZOD PA BZLOG PA NI, ,DNGOS PO RNAMS KYI RANG BZHIN NI, ,RKYEN LA SOGS PA MED PA STE, ,RANG GI DNGOS PO YOD MIN TE, , @2B GZHAN GYI DNGOS PO YOD RE SKAN, ,RTZOD PA BZLOG PA NI DE LA BRGAL BA DANG LAN BTAB PAR GYUR BA'I PHYIR DE LAS 'PHROS PA YIN PAR MNGON NO, ,JI LTAR SGYU MA RMI LAM BZHIN, ,DRI ZA'I GRONG KHYER CI 'DRA BA, ,DE BZHIN SKYE DANG DE BZHIN GNAS, ,DE BZHIN DU NI 'JIG PAR BSHAD, ,STONG PA NYID BDUN CU PA NI DE LA BRGAL BA DANG LAN BTAB PAR GYUR PA'I PHYIR DE LAS 'PHROS PA YIN PAR MNGON NO, ,RIGS PA DRUG CU PA 'DI NI DBU MA BZHIN DU 'DIR YANG GTZO BOR RTEN CING 'BREL PAR 'BYUNG BA DPYAD PA LAS BRTZAMS TE, BYAS PA'I PHYIR DBU MA LAS 'PHROS PA LTA BU NI MA YIN NO, ,DE LA NGO BO NYID DANG DBANG PHYUG LA SOGS PAR SMRA BA NGO BO NYID DANG DBANG PHYUG DANG RANG BZHIN DANG SKYES BU DANG DUS DANG SRED MED KYI BU LA SOGS PA LAS 'GRO BA RNAMS KYI SKYE BA DANG 'JIG PA LA SOGS PA KHAS LEN PA DAG THAMS CAD BTANG BAS MYA NGAN LAS 'DAS PA'I GRONG KHYER DU 'GRO 'DOD KYANG BDEN PA GNYIS PHYIN CI LOG PAR MTHONG BA LAS NYAMS PAS PHYIR PHYOGS PA BZHIN DU 'KHOR BA RNAM PAR CHAD PA'I MTSAN NYID MYA NGAN LAS 'DAS PA'I GRONG KHYER DU YUN RING MOR YANG 'GRO MI NUS SO, ,RTEN CING 'BREL PAR 'BYUNG BA BSTAN PA RKYEN NYID 'DI BTZAM 'DI NI BDEN PA GNYIS PHYIN CI MA LOG PAR MTHONG BA'I RGYUR GYUR PA'I PHYIR 'PHAGS PA'I SKYE BO THAMS CAD GSHEGS SHING RJES SU GSHEGS PA DANG PO ZLA MED PA, 'DUS BYAS THAMS CAD YONGS SU SPANGS PA, MYA NGAN LAS 'DAS PA'I GRONG KHYER DU GCIG TU GZHOL BAR 'GYUR BA'I CHEN PO'O, ,DE BAS NA DE STON PAS BSOD NAMS DANG YE SHES KYI TSOGS MA LUS PA'I DBANG PHYUG PHUN SUM TSOGS PA STON PA BLA NA MED PA NI NYAN THOS DANG RANG SANGS RGYAS THUB PA RNAMS KYI GTZO BO YIN PAS THUB PA'I DBANG POR DGA' BA MA YIN TE; RTEN CING 'BREL BAR 'BYUNG BA STON PAR GYUR PA NYID KYI PHYIR THUB PA'I DBANG PO YIN PAR RTOGS NAS, RTEN CING 'BREL 'BYUNG GSUNG BA YI, ,THUB DBANG DE LA PHYAG 'TSAL LO, ,ZHES BYA BA SMOS SO, ,RTEN CING 'BREL PAR 'BYUNG BA NI DBANG PO MA YIN PA MI 'BYUNG NGO, ,RTEN @3A *, ,CING 'BREL PAR 'BYUNG BA GSUNG BA NI THUB PA'I DBANG POR 'GYUR BA'I PHYIR RGYU'O, ,THUB PA'I DBANG POR GYUR PA YANG RTEN CING 'BREL PAR 'BYUNG BA GSUNG BA'I RGYU STE, GZHAN RTEN CING 'BREL BAR 'BYUNG BA 'CHAD NUS PA MED PA'I PHYIR RO, ,NYAN THOS DANG RANG SANGS RGYAS DANG BYANG CHUB SEMS DPA' RNAMS KYANG THUB PA'I DBANG POS BSTAN PA NYID KYI PHYIR DE 'CHAD NUS SO, ,GAL TE GCIG LA GCIG LTOS PA'I PHYIR GNYI GA MI 'GRUB BO ZHE NA, SMRAS PA 'DI LTA STE GCIG LA GCIG LTOS PA GZHAN NGO BO NYID KYIS MI SKYE MI 'GAG CES BYA BA GANG YIN PA DE RTEN CING 'BREL PAR 'BYUNG BA STE, DE NYID STONG PA NYID DU SMRA BA RNAMS 'DOD DO, ,RTEN CING 'BREL PAR 'BYUNG BA GSUNG BA 'BA' ZHIG GI PHYIR DE THUB PA'I DBANG POR GYUR PA MA YIN GYI, DNGOS PO RNAMS GCIG LA GCIG LTOS PA'I GRUB PA'I TSUL GSUNG BA NA DNGOS PO RNAMS KYI SKYE BA DANG 'JIG PA BKAG PA'I PHYIR RO, ,GANG GIS ZHES BYA BA NI RGYU STE, DES KYANG GNYIS SU MED PA STON PA'I PHYIR STON PA BLA NA MED PA THUB PA'I DBANG PO MTHONG NAS, THUB DBANG DE LA PHYAG 'TSAL LO, ,ZHES BYA BA SMOS SO, ,YANG NA THUB PA'I DBANG PO GANG GIS RTEN CING 'BREL PAR 'BYUNG BA GSUNG BA NA, RTEN CING 'BREL PAR 'BYUNG BA'I TSUL 'DI NYID DO, ,RIM PA 'DIS DNGOS PO RNAMS KYI SKYE BA DANG 'JIG PA BKAG PAS THUB DBANG DE LA PHYAG 'TSAL LO, ,YANG NA GANG GIS ZHES BYA BA NI RGYU KHO NA STE, GANG GI PHYIR THUB PA'I DBANG PO DES DNGOS PO RNAMS KYI RTEN CING 'BREL PAR 'BYUNG BA STON PA NA RANG BZHIN GYIS DNGOS PO RNAMS KYI SKYE BA DANG 'JIG PA BKAG PAS THUB DBANG DE LA PHYAG 'TSAL LO, ,'JIG RTEN RNAMS LA SHIN TU PHAN 'DOGS PA'I PHYIR ZHES BYA BA'I THA TSIG GO, ,YANG NA 'OG NAS 'BYUNG BA THUB PA'I DBANG PO'I GSUNG RAB LA BRTEN TE, RANG GI SEMS LA BKOD PA GRUB PAR MTHONG NAS, GANG DAG SKYE DANG 'JIG PA DANG, ,'DI YI TSUL GYIS RAB SPANGS PA, ,ZHES BYA BA SMOS TE, RTEN CING 'BREL PAR 'BYUNG BA YI, ,DE'I PHYIR THUB DBANG DE LA PHYAG 'TSAL LO, ,ZHES BYA'O, ,'DIR @3B SMRAS PA, KHYOD KYI TSIG GI LUGS 'DI NI SNGON MA BYUNG BA STE, RTEN CING 'BREL PAR 'BYUNG BA SMRA BA NI SKYE BA DANG 'GAG PA MED PAR STON PA MI RUNG STE, KHYOD KYI BU SKYES SO ZHES SMRA NA KHYOD KYI BU MA SKYES SO ZHES SMRAS PA MA YIN PAR 'GYUR BA DE BZHIN DU 'DI YANG MI RIGS SO, ,BSHAD PA GAL TE MA RIG PA'I RAB RIB KYIS BLO GROS KYI MIG NYAMS PA DANG SBYAR TE, RTEN CING 'BREL PAR 'BYUNG BA'I SGRA LA RANG BZHIN GYIS MI SKYE BA DANG MI 'GAG PA'I TSIG TU MI 'GYUR BAR BRTAG NA NI NYES PA CI YANG MED KYI RTOGS SHIG BYIS PA NGO BO NYID DU MNGON PAR ZHEN PA RNAMS NI GZUGS BRNYAN LA BYIS PA LTA BUR DNGOS PO RNAMS KYI RANG BZHIN MED PA NYID YOD BZHIN DU YANG RTOGS PAR MI NUS KYI, MKHAS PA RNAMS NI GZUGS BRNYAN LA MKHAS PA LTA BUR DNGOS PO RNAMS KYI NGO BO NYID MED PAR GSAL BAR KHONG DU CHUD PAR NUS SO ZHES BSTAN PA'I PHYIR, GANG BLO YOD DANG MED PA LAS, ,RNAM PAR 'DAS SHING MI GNAS PA, ,DE DAG ZAB MO DMIGS MED PA'I, ,RKYEN GYI DON LA RNAM PAR BSGOM, ,ZHES BYA BA SMOS SO, ,GANG DAG 'DAS PA'I SRID PA NA STONG PA NYID LA GOMS PA DE DAG RTEN CING 'BREL PAR 'BYUNG BA RTOGS SHING STONG PA NYID MTHONG BA'I SA BON YOD PA'I PHYIR MTHU CHE BA YIN TE, DA LTAR GYI DUS NA SKYES PA'I GOMS PA MTSAR PO CHE MED KYANG SKYE BO BYIS PA'I BLO'I SPYOD YUL MA YIN PA YOD PA DANG MED PA'I MTHAR RTOG PAS RNYOG PA'I DRI MAS MA SBAGS PA RTEN CING 'BREL PAR 'BYUNG BA ZAB MO 'PHAGS PA SHA' RI'I BU LA SOGS PAS KHONG DU CHUD PAR DMIGS TE, JI LTAR 'JIG RTEN LAS DANG NYON MONGS RGYUR BYAS BYED RGYU LDAN 'BYUNG BA, ,LAS DANG NYON MONGS PA DAG LDOG RGYU DE YANG 'DREN PAS RAB TU GSUNGS, ,GANG NA SKYE DANG RGA DANG RGUD PA'I SDUG BSNGAL NGES PAR MI GNAS PA, ,THAR PA MCHOG DE SMRA BA'I KHYU MCHOG DE YIS RANG GIS MKHYEN DE GSUNGS, ,TSIGS SU BCAD PA DE 'PHAGS PA SHA' RI'I BUS THOS PA TZAM GYIS DE KHO NA RTOGS SHING 'BYUNG STE, DE BAS NA DE LTAR SNGON GOMS PA'I MTHU NYID KYIS DE DAG GI BLO YOD PA DANG MED PAR MTHONG BA LAS 'DAS SO, , @4A *, ,MTHA' GNYIS DE LAS LHAG PA'I DBUS MED PA'I PHYIR DE LA YANG GNAS PA MED PAS MI GNAS SO, ,SKYE BO BYIS PA RNAMS LA 'JIGS PAR BYED PA DANG, DE DAG 'JUG MI NUS PA'I PHYIR ZAB PA'O, ,RANG BZHIN GYIS MI SKYE BAS YOD PA DANG MED PA'I MTHA' DANG DBUS YONGS SU BRTAG PA'I YUL DU DMIGS PAR MI NUS PA'I PHYIR DMIGS SU MED DO, ,'PHAGS PA DE DAG KYANG RKYEN GYI DON LA RNAM PAR SGOM ZHES BYA BA NI YE SHES MNGON SUM DU BYED CES BYA BA'I THA TSIG GO, ,'PHAGS PA MA YIN PA SHIN TU PHYIN CI LOG PA DAG GIS NI RTEN CING 'BREL PAR 'BYUNG BA'I DON DE LTAR RTOGS PAR MI NUS TE, RTEN CING 'BREL PAR 'BYUNG BA'I SGRA NYID KYIS RANG BZHIN GYIS SKYE BAR MNGON PAR ZHEN PAS STONG PA NYID DU SMRA BA LA PHYIR RGOL BA DANG DE BSTAN PA'I RIGS PA BTZAL BA LA BRTZON PA'I PHYIR 'DIR SMRAS PA, 'THAD PA GANG GIS RTEN CING 'BREL PAR 'BYUNG BA DMIGS SHING YOD PA YANG MED PAR BRTAG NUS PA GANG GI PHYIR 'PHAGS PA DAG YOD PA DANG MED PAR RTOGS PA LAS 'DAS PA'I BLOS RTEN CING 'BREL PAR 'BYUNG BA ZAB MO LA RNAM PAR SGOM PA JI TZAM DU DNGOS PO DMIGS SU YOD PA DAG MED PAR MI RUNG NGO, ,GAL TE MED DU ZIN NA DE'I TSE BONG BU'I {RVA} BZHIN DU DE YANG DMIGS PAR MI 'GYUR RO, ,'JIG RTEN PHA ROL NAS 'DIR 'ONGS PA DANG, 'JIG RTEN 'DI NAS 'JIG RTEN PHA ROL DU 'GRO BAR BSTAN PA LAS DANG 'BRAS BU 'BREL PAR 'BYUNG STE 'KHOR BA'I RGYUD MI 'CHAD PAR BSTAN PA'I PHYIR RTEN CING 'BREL PAR 'BYUNG BA YAN LAG BCU GNYIS TSE RABS GSUM DU BSHAD PA YANG MI RUNG BAR 'GYUR RO, ,CHOS MNGON PA LAS PHUNG PO DANG SKYE MCHED DANG, KHAMS RNAMS KYI RANG DANG SPYI'I MTSAN NYID BSHAD PA YANG MI RUNG BAR 'GYUR RO, ,DE DAG THAMS CAD JI LTAR BSHAD PA BZHIN DU 'DUG STE YOD NA RUNG BAS DE'I PHYIR RTEN CING 'GREL PAR 'BYUNG BA 'DI YOD PA'O, ,BSHAD PA, GAL TE KHYOD KYIS, NYES PA THAMS CAD 'BYUNG BA'I GNAS, ,MED PA RNAM PAR BZLOG ZIN GYIS, ,DE DAG DGAG PAR SGRUB PA'I KHO BO NYON @4B MONGS PA YANG KHYOD KYIS BKAG PAS NA KHYOD KYIS BYAS TE BSTANGS SO, ,YANG BDAG GIS, RIGS PA GANG GIS YOD PA YANG, ,BZLOG PAR BYA BA MA NYAN PAR GYIS, ,RTEN CING 'BREL PAR 'BYUNG BA'I SKABS YIN PAR RTEN CING 'BREL PAR 'BYUNG BA YIN PAR SHES PAR BYA'O; ,YANG NA MED PA CAN LAS DANG 'BRAS BUR 'BREL PA LA SKUR PA 'DEBS PAS MED PAR LTA BA KHAS BLANGS PA GANG YIN PA DE 'JIG RTEN PA DANG 'JIG RTEN LAS 'DAS PA'I DGE BA'I RTZA BA MA LUS PA SUN 'BYIN PAR GYUR PAS NYES PA THAMS CAD 'BYUNG BA'I RGYUR GYUR PA DANG, MI DGE BA'I CHOS THAMS CAD STZOGS PA'I RGYUR GYUR PA'I PHYIR NYES PA THAMS CAD KYI 'BYUNG GNAS TE, RTEN CING 'BREL PAR 'BYUNG BA TSE RABS GSUM PA DANG, SEMS CAN THAMS CAD KYI SPYI'I LAS KYIS BSKYED PA SNOD KYI 'JIG RTEN SNA TSOGS RNAM PAR GZHOG PA NA, DE'I CHOS MNGON PA LAS RNAM PAR BZLOG GO, ,DE BAS NA DE LTAR PHA ROL DAG LA GSAL BA'I PHYIR DE YANG RIGS PA MI BSHAD DO, ,YOD PA BZLOG PA NI DGE SLONG DAG 'DI LTA STE, MI SLU BA'I CHOS CAN MYA NGAN LAS 'DAS PA 'DI NI BDEN PA'I MCHOG GCIG PU'O, ,'DU BYED THAMS CAD SNOD KYI 'JIG RTEN MI BRDZUN PA BSLU BA'I CHOS CAN NO, ,KYE MA 'DU BYED RNAMS MI RTAG ,CES BYA BA LA SOGS PA BSHAD PA NA, BCOM LDAN 'DAS KYIS GSUNGS SO, ,DE LTA MOD KYI DE PHYIR ZHING BTUD DE GZHUNG GCIG TU MA GSUNGS LA, BYIS PA DAG YUN RING PO NAS YOD PAR LTA BA LA GOMS PAS DE'I PHYIR THUB PA'I DBANG PO'I GSUNG RAB DE DANG DE DAG LAS BSHAD PA'I GSUNG RAB LAS BTUS TE, RAB TU BYED PA 'DIR BSDUS PA NYID KYIS, ,RIGS PA GANG GIS YOD PA YANG, ,BZLOG PAR BYA BA MNYAN PAR GYIS, ,RIGS PA DE DAG GANG ZHE NA, DE BSTAN PA'I PHYIR, JI LTAR BYIS PAS RNAM BRTAGS BZHIN, ,DNGOS PO DE STE BDEN GYUR NA, ,DE DAG DNGOS MED RNAM THAR DU, ,GANG PHYIR MI 'DOD RGYU DE CI, ,ZHES BYA BA SMOS SO, ,BCOM LDAN 'DAS KYIS DE DON SO SO YANG DAG PAR RIG PA DANG, CHOS SO SO YANG @5A *, ,DAG PAR RIG PA LAS MCHOG TU DGA' BA SKYE'O, ,RAB TU DGA' BA LAS BDE BA SKYE'O, ,YID BDE BA LAS LUS SHIN TU SBYANGS PAR 'GYUR RO, ,LUS SHIN TU SBYANGS PA LAS BDE BA MYONG BAR 'GYUR RO, ,BDE BA LAS SEMS RTZE GCIG TU 'GYUR RO,, SEMS RTZE GCIG PA LAS YANG DAG PA JI LTA BA BZHIN DU RAB TU SHES PAR 'GYUR RO, ,YANG DAG PA JI LTA BA BZHIN DU RAB TU MTHONG BAR 'GYUR RO, ,YANG DAG PA JI LTA BA BZHIN RAB TU SHES, YANG DAG PA JI LTA BA BZHIN RAB TU MTHONG NA YID 'BYUNG BAR 'GYUR RO, ,YID BYUNG NA MI CHAGS PAR 'GYUR RO, ,MA CHAGS NA RNAM PAR GROL BAR 'GYUR TE, DE LTAR NA YANG DAG PA JI LTA BA BZHIN DU RAB TU MTHONG NAS SEMS RNAM PAR GROL BAR RNAM PAR GZHAG GO, ,GAL TE DON DAM PA MA RTOGS PA DAG GIS SNGON PO LA SOGS PA'I DON DE DAG YONGS SU GCOD PA'I RANG GI NGO BO GANG YIN PA DE NYID KYIS PHYIN CI MA LOG PAR GYUR NA NI DE'I TSE DE JI LTAR SNANG BA'I DNGOS PO'I NGO BO NYID KYI DE KHO NA MTHONG BA'I PHYIR DGRA BCOM PA DAG BZHIN DU DE DAG DNGOS PO MED PA'I MI SKYE BAS LEN PA MED PA'I YONGS SU MYA NGAN LAS 'DAS PAS THAR BAR 'GYUR TE, JI LTAR GANG NA LUS KYANG ZHIG PA DANG, 'DU SHES 'GAGS SHING TSOR BRAL BA, ,'DU BYED SBYOR BA KUN SUN 'BYIN, ,RNAM PAR SHES PA NUB GYUR PA, ,ZHES GSUNGS PA DANG, DE BZHIN DU, MA ZHUM PA YI LUS KYIS NI, ,TSOR BA DANG DU LEN PA NA, ,DE YI SEMS KYI RNAM PAR THAR, ,MYA NGAN 'DAS PA MAR ME BZHIN, ,ZHES 'BYUNG BA LTA BU'O, ,DE LTAR BYIS PA RNAMS KYANG YANG DAG PA MTHONG BA'I PHYIR DGRA BCOM PA BZHIN DU DE DAG THAMS CAD BTANG BAS MYA NGAN LAS 'DAS PAR 'DOD PAR GYIS SHIG ,'ON TE DE DAG DGRA BCOM PA BZHIN DU THAMS CAD MED PAS RNAM PAR GROL BAR MI 'DOD NA, BYIS PA MA RIG PA PHYIN CI LOG PA DAG GANG LA JI LTAR RTOG PA DE BZHIN DU NGES PAR MI 'GYUR TE, DE BAS NA DE DAG GI YOD PAR LTA BA NI DE KHO NA MTHONG BAR MI 'GYUR RO, ,DE'I PHYIR BCOM LDAN 'DAS KYIS, MIG DANG RNA BA SNA YANG TSAD MA MIN, ,LCE DANG LUS DANG SEMS @5B KYANG TSAD MA MIN, ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ,'DI LTAR DBANG PO 'DI DAG TSAD MIN TE, ,NGO BO NYID KYI BEMS PO LUNG MA BSTAN, ,DE PHYIR MYA NGAN 'DAS PA'I LAM 'DOD GANG, ,DES NI 'PHAGS PA'I LAM GYI BYA BA BYOS; ,ZHES GSUNGS SO, ,DE SKAD DU 'DI DAG 'DU BYED LOG PAS BRTAGS PA STE, ,YANG DAG MIN LA YANG DAG YOD LA MED, ,MA BYUNG BA DANG MA SKYES CHOS RNAMS LA, ,YANG DAG NYID DANG 'BYUNG BA LOG PAR BRTAGS, ,SHE'O, ,DE DAG JI LTAR YANG DAG PAR MTHONG BA MA YIN ZHE NA, YANG DE NYID LAS, GANG TSE 'DUS BYAS 'DUS MA BYAS, ,YANG DAG YANG DAG MA YIN DANG, ,RAB 'BRING THA MA'I CHOS RNAMS LA, ,RNAM PA KUN TU SPYOD PA MED, ,BRTAN PA BUD MED CES MI SPYOD, ,SKYES PA ZHES KYANG MI RTOG STE, ,CHOS SO COG NI MA SKYES PHYIR; ,BTZAL BAR BYAS KYANG MA MTHONG NGO, ,CHOS 'DI THAMS CAD MED PA STE, ,SKYE BA MED CING 'BYUNG BA'ANG MED, ,RTAG TU STONG PA BYED MED GNAS, ,'DI NI MKHAS PA'I SPYOD YUL YIN, ,ZHES GSUNGS SO, ,DE LTAR MTHONG BA NI KHO NA MTHONG BA STE, ,DE YANG BYIS PA RNAMS LA MED DO, ,DE'I PHYIR DE KHO NA MTHONG BA MA YIN PAS DE DAG RNAM PAR THAR PAR MI GZHAG GO, ,GANG GI PHYIR DE LTAR MED PAR LTA BA DE NYES PA THAMS CAD KYI 'BYUNG GNAS TE, NGAN PAR 'GRO BA'I 'BRAS BU DANG MI BDE BA MYONG BA'I 'BRAS BU YANG YIN PA LTAR, YOD PAR LTA BA YANG SKYE BO BYIS PA RNAMS DANG 'DRIS PA BDE 'GRO'I 'BRAS BU DANG, TSE RABS THAMS CAD BDE BA MYONG BA'I 'BRAS BU STE, ,DE LTA BAS NA LTA BA GNYIS 'KHOR BA'I 'BRAS BU YIN PAS RIGS PA DANG 'GAL LO, ,YOD PAS RNAM PAR MI GROL TE, ,MED PAS SRID PA 'DI LAS MIN, ,GANG GI PHYIR NI GTZANG BAS MI GTZANG BA BKRU BAR MI 'GYUR BA DE'I PHYIR 'KHOR BA'I MI GTZANG BA 'BYUNG BAR 'GYUR BA'I RGYU LTA BA 'DI GNYIS KYIS SRID PA LAS 'DA' BA'I MTSAN NYID RNAM PAR GROL BA THOB PAR MI NUS SO, ,GAL TE DE LTAR YOD PA DANG MED PAR LTA BA NI PHUNG PO KHAMS DANG SKYE MCHED LAS RNAM PAR GROL BAR MI 'GYUR NA, @6A *, ,RNAL 'BYOR PA DAG LTA BA GANG GIS RNAM PAR GROL BAR 'GYUR ZHE NA, DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, ,ZHES BYA BA SMOS PA YIN TE, DNGOS PO LAM BRTEN PAR DNGOS PO MED PAR MI 'GRUB, ,DNGOS PO DANG DNGOS PO MED PAR GNYIS KA RANG GI NGO BOR GRUB PA MED PAR GNAS SO, ,DE GNYIS DNGOS PO MED PAR YONGS SU SHES PA DNGOS PO DANG DNGOS PO MED PA'I RANG GI NGO BO LA SOGS YONGS SU MI RTOG PA'I RANG BZHIN GANG YIN PA DE NI DE LTAR DNGOS PO DANG DNGOS PO MED PA PHYIN CI MA LOG PAR YONGS SU SHES PA STE, DE LTAR YONGS SU SHES PA DES BDAG NYID CHEN PO RNAMS KYIS RNAM PAR GZHAG GO, ,DE'I PHYIR DE DAG SKYE BO BYIS PA RNAMS LAS SHIN TU 'DAS PA DMIGS PA MED PA'I YE SHES LA GNAS PAS DE DAG NYID CHE BA'I PHYIR BDAG NYID CHEN PO ZHES BYA STE, 'PHAGS PA ZHES BRJOD DO, ,DNGOS PO DANG DNGOS PO MED PA'I MTSAN MA LA RTOG PA LAS BYUNG BA'I 'DOD CHAGS LA SOGS PA NI KHAMS GSUM LAS MI 'DA' BA'I RGYUR GYUR PAS BYIS PA RNAMS NI 'CHING BA STE, DES BYIS PA DAG 'JUG PA LA RANG DBANG MED PAR BYAS NAS 'GRO BA LNGAR 'KHOR BA NA 'KHOR RO, ,DNGOS PO DANG DNGOS PO MED PA MI DMIGS PA NI DE'I MTSAN MA RTOG PA MED PA'I PHYIR MI SKYE BAS NGES PAR 'DOD CHAGS LA SOGS PA'I RGYUN CHAD DO, ,DE DAG RGYUN CHAD PAS RNAM PAR GROL BAR 'GYUR BAS NA, 'DI NYID RNAM PAR GROL BA'I THABS SU RIGS, ,'DIR SMRAS PA, DNGOS PO DANG DNGOS PO MED PA DAG NI YOD DO, ,GAL TE DE DAG MED DU ZIN NA DE'I TSE KHYOD KYI 'KHOR BA DANG MYA NGAN LAS 'DAS PA YANG MED PAR 'GYUR RO, ,'KHOR BA NI NYE BAR LEN PA'I PHUNG PO LNGA'I RANG GI NGO BO YIN PAS DNGOS PO'I NGO BO STE, NYE BAR LEN PA'I PHUNG PO LNGA PO DE DAG NYID LAS NYON MONGS PAS 'PHANGS NAS, 'GRO BA RNAMS SU 'GRO BA NAS 'GRO BA GZHAN DU 'GRO BA'I PHYIR, 'KHOR BA ZHES BYA BAS NA DE YANG YOD DO, ,DE YOD PAS NA DNGOS PO YOD PA NYID DO, ,MYA NGAN LAS 'DAS PA THAR PA NI 'KHOR BA ZAD PA'I RANG BZHIN TE, SDUG BSNGAL @6B PHYIS MI SKYE BAS DE'I DNGOS PO MED PA'O, ,DE BAS NA 'KHOR BA MED PA'I DNGOS PO MYA NGAN LAS 'DAS PA YANG SRID DE YOD DO, ,BSHAD PA GAL TE 'KHOR BA DANG MYA NGAN LAS 'DAS PA DE GNYIS YOD NA NI DNGOS PO DANG DNGOS PO MED PA GNYIS KYANG YOD PAR 'GYUR BA ZHIG NA, DE GNYIS NI MED DO, ,'O NA DE GNYIS YOD CES BCOM LDAN 'DAS KYIS MA GSUNGS SAM, 'DI LTAR 'KHOR BA YONGS SU ZAD PAR BYA BA DANG, MYA NGAN LAS 'DAS PA THOB PAR BYA BA'I PHYIR YANG CHOS BSTAN TO, ,GAL TE DE DAG MED NA DE'I TSE SANGS RGYAS BCOM LDAN 'DAS RNAMS KYI CHOS BSTAN PA YANG DON MED PAR 'GYUR BA ZHIG NA DON MED PA NI MA YIN NO, ,DE BAS NA 'KHOR BA DANG MYA NGAN LAS 'DAS PA YOD PAS DNGOS PO DANG DNGOS PO MED PA GNYIS KYANG GRUB PO, ,BSHAD PA 'KHOR BA DANG MYA NGAN LAS 'DAS PA GNYIS SU BSHAD, SMRAS PA 'PHAGS PA RNAMS LA'O; ,GAL TE 'PHAGS PA RNAMS LA NI, GAL TE 'PHAGS PAR GYUR ZIN PA RNAMS LA DE BSHAD PAR SEMS NA NI DE DAG DE BSHAD PA GANG GIS 'PHAGS PA RNAMS SU 'GYUR, DE LTAR NA 'O NA NI 'PHAGS PAR 'GYUR BA'I PHYIR DE BSTAN TO, ,GAL TE DE LTA NA DE THOS PA DANG SEMS PA LA SOGS PA'I RIM GYIS 'PHAGS PAR 'GYUR BAS 'DI NI 'PHAGS PA MA YIN PA RNAMS KYI CHED DU GYUR TO, ,'PHAGS PA MA YIN PA DE DAG NI THOG MA MED PA CAN GYI 'KHOR BA NA DNGOS POR LTA BA LA GOMS PAS DE'I GNYEN POR 'KHOR BA LDOG PA'I MTSAN NYID CHOS SHIN TU BZANG PO MYA NGAN LAS 'DAS PA MA BSTAN NA, DNGOS POR CHAGS PA LAS BZLOG PAR MI NUS SO, ,'JIG RTEN NI BDE BA RGYA CHEN PO DANG LDAN PAR 'DOD PAS DE LA DE NYE BAR BSTAN NA BDE BA LAS KYANG BZLOG PAR NUS NA, RAB TU SDUG BSNGAL LA SOGS PA LTA SMOS KYANG CI DGOS TE, DE BAS NA MYA NGAN LAS 'DAS PA DE BSTAN TE, DE SKYE BO BYIS PA RNAMS KYI CHED DU GYUR PA NYID YIN PAR BSTAN PA'I PHYIR, YANG DAG MA MTHONG 'JIG RTEN DANG, ,MYA NGAN 'DAS PAR RLOM SEMS TE, ,ZHES SMOS SO, ,DE KHO NA MI MTHONG BA NI 'KHOR BA ZHES BRJOD PA, 'JIG RTEN @7A *, ,DANG DE LDOG PA ZHES BRJOD PA MYA NGAN LAS 'DAS PA 'DI GNYIS LA MI MTHUN PA'I PHYOGS DANG GNYEN PO'I DNGOS POR GNAS SHING GCIG NI BLANG GCIG NI DOR BAR SEMS, ,DE DE'I PHYIR TE SKYE BO 'KHOR BA LA RGYAB KYIS LTA BAR 'GYUR ZHING DE LDOG PA LA MOS PA SKYES PA DAG LA RTEN CING 'BREL PAR 'BYUNG BA BSTAN PAS SPANG BAR BYA BA'I SKYE BA MED PA BDE BAR RTOGS PAR NUS SO, ,DNGOS PO SKYE BA MED PAR RTOGS NA DNGOS PO MED PA LA CI ZHIG GI DNGOS PO MED PA MYA NGAN LAS 'DAS PAR BRTAG CES MYA NGAN LAS 'DAS PA LA MNGON BAR CHAGS PA YANG BDE BAR SPONG NUS SO, ,DE LTAR DE KHO NA NYID MTHONG LA ZHUGS NAS 'PHAGS PAR GYUR PA DE NI, YANG DAG MTHONG BAS 'JIG RTEN DANG, ,MYA NGAN 'DAS PAR RLOM SEMS MED, ,'PHAGS PA NGO BO NYID MI DMIGS PA'I CHOS RTOGS PAS RAB TU PHYE BA RNAMS NI DE GNYI GA MI DMIGS SHING MI RTOG GO ZHES BYA BAR DGONGS SO, ,DE BAS NA BYIS PA'I SKYE BO'I RTOG PA'I DBANG DU 'KHOR BA DANG MYA NGAN LAS 'DAS PA GNYIS YOD DO ZHES BSTAN PAS DNGOS PO DANG DNGOS PO MED PA GNYIS YOD DO ZHES GANG SMRAS PA DE RIGS PA MA YIN NO, ,GAL TE 'KHOR BA DANG MYA NGAN LAS 'DAS PA GNYIS 'PHAGS PA LA BSTAN PA MA YIN NA, 'PHAGS PA'I BDEN PA BZHI PO DE DAG BSTAN PA DE JI LTAR RUNG BAR 'GYUR, GAL TE 'DI DAG 'PHAGS PA RNAMS LA BDEN PA YIN NA NI DE'I TSE 'PHAGS PA'I BDEN PA RNAMS ZHES BYAR RUNG NGO, , GAL TE DE DAG 'PHAGS PA MA YIN PA DANG SBYAR NA NI DE'I TSE 'PHAGS PA'I BDEN PA ZHES BYAR MI RUNG NGO, ,GAL TE DE LTA NA 'PHAGS PA'I THA SNYAD BRGYAD KYANG JI LTAR RUNG BAR 'GYUR, DE DAG NI 'PHAGS PA NYID KYI MA YIN GYI, THA SNYAD DE DAG ZAG PA DANG BCAS PAS 'JIG RTEN GYI YIN NO; ,DE BAS NA 'JIG RTEN GYI DNGOS PO LA YANG GANG JI LTAR GNAS PA BZHIN DU RANG GI NGO BO LAS MI BSGYUR BAR RNAM PAR GZHAG PA DE YANG 'PHAGS PA ZHES BRJOD DU RUNG NGO, ,YANG NA 'PHAGS PAR 'GYUR BA'I BDEN PA RNAMS NI 'PHAGS PA'I BDEN PA RNAMS SO, ,GANG LA DMIGS @7B PA YOD PA YANG DMIGS PA DE NI RNAM PA GNYIS TE, DE LA PHYIN CI LOG DANG PHYIN CI MA LOG PA'O, ,DE LA PHYIN CI LOG NI BDE BA LA SOGS PAR 'DZIN PA STE, KUN RDZOB TU YANG DE'I BDAG NYID DU DNGOS PO RNAM PAR MI GNAS PA'I PHYIR RO, ,PHYIN CI MA LOG PA NI SDUG BSNGAL BA LA SOGS PA STE, DNGOS PO KUN RDZOB TU YANG DE'I BDAG NYID DU DNGOS PO RNAM PAR MI GNAS PA'I PHYIR RO, ,PHYIN CI MA LOG PA NI SDUG BSNGAL BA LA SOGS PA STE, DNGOS PO KUN RDZOB TU DE'I BDAG NYID DU YOD PA'I PHYIR RO, ,DE TZAM ZHIG DANG SBYAR NAS 'PHAGS PA'I THA SNYAD CES BYA BA BZHIN DU 'PHAGS PA'I BDEN PA RNAMS ZHES BYA'O, ,CI MYA NGAN LAS 'DAS PA YANG KUN RDZOB KYI BDEN PA YIN NAM, DE DE BZHIN TE, 'KHOR BAR YONGS SU RTOG PA YOD NA MYA NGAN LAS 'DAS PAR YONGS SU RTOG STE, DE GNYI GA YANG 'JIG RTEN GYI THA SNYAD YIN PA'I PHYIR RO, ,DE BAS NA BCOM LDAN 'DAS MA LAS GSUNGS PA, TSE DANG LDAN PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU'O ZHES SMRA'AM, SH'A RI'I BU MYA NGAN LAS 'DAS PA BAS CHES LHAG PA'I CHOS SHIG YOD NA YANG SGYU MA LTA BU'O ZHES KHO BO SMRA'O ZHES 'BYUNG NGO, , GAL TE DE 'KHOR BAR RTOG PA LA LTOS PA MA YIN NA DE SGYU MA LTA BUR MI 'GYUR RO, ,DE BAS NA MYA NGAN LAS 'DAS PA YANG KUN RDZOB KYI BDEN PAR YONGS SU BRTAGS PA YIN NO, ,GAL TE DE LTAR NA MYA NGAN LAS 'DAS PA DON DAM PA'I BDEN PA'O ZHES JI SKAD DU BSHAD, DE'I BDAG NYID DU 'JIG RTEN LA MI SLU BA'I PHYIR 'JIG RTEN GYI THA SNYAD KYIS DON DAM PA'I BDEN PA ZHES BSHAD DO, ,SLU BA 'DUS BYAS GANG YIN PA DE NI DON DAM PA'I BDEN PA MA YIN NO, ,BDEN PA GSUM NI 'DUS BYAS KYI MTSAN NYID DE NGO BO NYID YOD PAR SNANG BAS BYIS PA RNAMS LA SLU BA'I PHYIR KUN RDZOB KYI BDEN PAR RNAM PAR GZHAG GO, ,'O NA BCOM LDAN 'DAS KYIS DGE SLONG DAG 'DI LTA STE, MI SLU BA'I CHOS CAN MYA NGAN LAS 'DAS PA 'DI NI BDEN PA'I MCHOG GCIG PU'O ZHES GSUNGS PA DE JI LTA BU, JI LTAR 'DUS BYAS LOG PAR SNANG BAS BYIS PA RNAMS LA SLU BA DE BZHIN DU MYA NGAN @8A *, ,LAS 'DAS PA NI DE LTA MA YIN TE, RTAG PAR SKYE BA MED PA'I RANG GI NGO BOR GNAS PA'I PHYIR DE NI BYIS PA RNAMS LA 'DUS BYAS LTAR SKYE BA'I NGO BOR NAM YANG MI SNANG NGO, ,DE BAS NA MYA NGAN LAS 'DAS PA NI RTAG TU MYA NGAN LAS 'DAS PA NYID DU GNAS PAS 'JIG RTEN GYI THA SNYAD KYIS DON DAM PA'I BDEN PA ZHES BSHAD DO, ,'PHAGS PA DON DAM PA GZIGS PA LA GNAS PA RNAMS NI 'KHOR BA'AM MYA NGAN LAS 'DAS PA MI DMIGS TE DE'I PHYIR YANG DAG MTHONG BA 'JIG RTEN DANG MYA NGAN LAS 'DAS PAR RLOM SEMS MED CES BYA BA GRUB PO, , CI'I PHYIR 'PHAGS PA DON DAM PA GZIGS PA LA GNAS PA DAG 'KHOR BA'AM DON DAM PA DMIGS PAR MI 'GYUR ZHE NA, 'DI LTAR, SRID PA DANG NI MYA NGAN 'DAS, ,DE GNYIS YOD PA MA YIN NO, ,SRID PA NI NYE BAR LEN PA'I PHUNG PO LNGA RNAMS TE, DE DAG KYANG RTEN CING 'BREL PAR 'BYUNG BA'I PHYIR GZUGS BRNYAN BZHIN DU NGO BO NYID KYIS MED PA'O, ,DE DAG MED NA DE'I DNGOS PO MED PA YANG SHIN TU MED PA'I PHYIR DE GNYIS YOD PA MA YIN NO ZHES BSHAD DO, ,MED PA MTHONG BA NI DE KHO NA MTHONG BA MA YIN TE RAB RIB CAN LA SOGS PAS KYANG DE KHO NA MTHONG BAR THAL BAR 'GYUR BA'I PHYIR RO, ,'PHAGS PA RNAMS NI DE KHO NA GZIGS PA YIN TE, MED PA'I RANG GI NGO BO GZIGS PAS MI 'OS SO, ,GAL TE MYA NGAN LAS 'DAS PA CI YANG MED PA ZHIG YIN NA, 'PHAGS PA RNAMS MYA NGAN LAS 'DAS PA THOB BO ZHES RNAM PAR GZHAG PA DE JI LTA BU ZHE NA, SRID PA YONGS SU SHES PA NI, ,MYA NGAN 'DAS ZHES BRJOD PA YIN, ,ZHES BYA BA SMOS SO, ,SRID PA DE NYID KYI NGO BO NYID SKYE BA MED PA YONGS SU MI SHES PA'I TSUL GYIS YONGS SU SHES PA GANG YIN PA DE NYID MTSAN MA THAMS CAD RAB TU ZHI BA'I NGO BO YIN PAS THA SNYAD KYI BDEN PA DANG SBYAR NAS MYA NGAN LAS 'DAS PA ZHES BYA BA RANG GI NGO BOR GRUB PA NI GANG YANG MED PAR SHES PAR BYA'O, ,JI LTAR MI RTAG PA NYID DNGOS PO MED PA'I NGO BO RANG BZHIN GYIS YONGS SU GRUB PA MED PA DE DNGOS PO LA MA LTOS PAR NGO BO NYID KYIS YONGS SU GRUB PAR RNAM PAR @8B GZHAG MI NUS PA DE BZHIN DU MKHAS PA YANG SGYU MA BYAS PA LTA BU'I DNGOS PO LA MA LTOS PAR MYA NGAN LAS 'DAS PA ZHES BYA BA RANG BZHIN GYIS GRUB PA GANG YANG YONGS SU BRTAG PAR MI NUS SO ZHES BSTAN PA'I PHYIR, DANG PO SKYES PA ZHIG PA LA, ,JI LTAR 'GOG PA BRTAG PA BZHIN, , DE BZHIN SGYU MA BYAS PA LTAR, ,MKHAS PA DAG GIS 'GOG PAR DGONGS, ,ZHES BYA BA SMOS SO, ,JI LTAR DNGOS PO SKYES PA'I MI RTAG PA NYID DE MED PAR GYUR BAS RNAM PAR GZHAG PAS RANG GI NGO BOR GRUB PA MED DO, ,YOD PA ZHIG YIN NA NI DNGOS PO LA MI LTOS PAR RANG GI NGO BO MTHONG BAR 'GYUR RO, ,DE BZHIN DU 'PHAGS PA YANG 'GOG PA ZHES BYA BA RANG GI NGO BOR GRUB PA GANG YANG MI DMIGS TE, SHES RAB KYIS RNAM PAR DPYAD NA, SGYU MA BYAS PA'I GLANG PO CHE LTAR NGO BO NYID MED PA RANG BZHIN GYIS MA SKYES PA GANG YIN PA DE MYA NGAN LAS 'DAS PA'O, , DE YANG SGYU MA BYAS PA LTA BU ZHES BYA BA DE NYID LA BRTEN NAS MYA NGAN LAS 'DAS PAR RNAM PAR GZHAG PA NA, 'JIG RTEN GYI THA SNYAD KYIS MI RTAG PA NYID RNAM PAR 'JOG GO, ,DES NA 'KHOR BA DANG MYA NGAN LAS 'DAS PA ZHES BYA BA NGO BO NYID MED PAR GRUB PO, ,DE LTAR NA DNGOS PO'I NGO BO NYID YONGS SU SHES NAS MI DMIGS PA GANG YIN PA DE NYID MYA NGAN LAS 'DAS PAR GDON MI ZA BAR SHES PAR BYA'O, ,DE BZHIN DU NA, RNAM PAR 'JIG PAS 'GOG 'GYUR GYI, ,'DUS BYAS SHES PAS MA YIN NO, ,DE NI SU LA MNGON SUM 'GYUR, ,ZHIG CES PA DE JI LTA BU, GAL TE SGYU MA BYAS PA BZHIN DU CHOS THAMS CAD MI DMIGS PA'I DUS NA SKYE BA MED PA GANG YIN PA DE MYA NGAN LAS 'DAS PA MA YIN GYI, GZUGS LA SOGS PA'I RANG GI NGO BO'I MTSAN NYID DNGOS PO'I RANG BZHIN RGYU RKYEN LAS DANG NYON MONGS PA DANG MI LDAN PAS PHYIS MI SKYE BA GANG YIN PA NI MYA NGAN LAS 'DAS PA SNYAM DU SEMS NA GAL TE DE LTAR GYUR NA DNGOS PO'I RANG GI NGO BO'I MTSAN NYID ZHIG NAS RGYUN CHAD PA'I TSUL GYIS MYA NGAN LAS 'DAS PAR GYUR TE, 'DUS BYAS YONGS SU SHES PAS NI MA YIN PAR 'GYUR RO, ,GAL TE 'DI NYID 'DOD PA YIN PAS NA NYES PA @9A *, ,MED DO ZHEN YANG 'DI 'THAD PA MA YIN TE, 'DI LTAR DE KHO NA MTHONG BAS 'GOG PA MNGON SUM DU BYA DGOS NA 'GOG PA DE LTA BU DE NI PHUNG PO MA 'GAGS PA'I TSE NI MED PA, 'GAGS NAS NI SU YANG MED NA 'GOG PA DE SU LA MNGON SUM DU 'GYUR, PHUNG PO'I RGYUN YOD PA'I DUS NA NI DE KHO NA MTHONG BA'I DUS GANG ZAG 'PHAGS PA SH'A RI'I BU LA SOGS PA YOD PAS 'GOG PA DE MNGON SUM ZHES BYA BA DE RIGS SO, ,GAL TE DE'I TSE DES CI MTHONG NA DE'I TSE CI ZHIG DE LA MNGON SUM DU 'GYUR, BSHAD PA, MA MTHONG DU ZIN KYANG RNAM PAR SHES PAS DE'I RNAM PAR RIG PAS MNGON SUM DU ZHES GDAGS SO, ,GZHAN DAG GIS KYANG YUL RANG GI MTSAN NYID KYI RNAM PA DANG MTHUN PAS SNGON PO LA SOGS PAR SNANG BA'I RNAM PAR SHES PA GZHAN YANG MNGON SUM DU BSTAN TO, ,'DI LA YANG DE DANG MTHUN PA YOD PAS DE MNGON SUM ZHES BYA BA DE 'GAL BA MED DO, ,SDUG BSNGAL 'GOG PA MNGON SUM DU 'GYUR ZHES BYA BAR DNGOS PO'I RANG GI MTSAN NYID NI MNGON SUM GYI YUL YIN PAR KHAS BLANGS PAS DNGOS PO MED PA NI MNGON SUM GYI SHES PAS RIG PAR MI RUNG STE, SDUG BSNGAL 'GOG PA NI MNGON SUM DU MI 'DOD NA 'GOG PA SHES PAS 'GOG PA'I BDEN PAS JI LTAR MNGON SUM DU BYA, SDUG BSNGAL MI SKYE TZAM YANG DNGOS PO'I NGO BOR MI RUNG NGO, ,GANG SDUG BSNGAL MI SKYE TZAM 'GOG PA YIN PAR MI 'DOD KYANG SDUG BSNGAL MI SKYE TZAM LAS DON GZHAN DU GYUR PA'I 'GOG PA RANG GI NGO BOS GRUB PA BSTAN PAR MI NUS SO, ,'GOG PA SHES PA ZAG PA MED PA NI MNGON SUM DU 'DOD NA, DE YANG DE LTAR GYUR PAS DE NI MNGON SUM DU MI 'GYUR RO, ,GAL TE 'GOG PA SHES PA MNGON SUM DU GYUR NA NI DE'I TSE DES YONGS SU BCAD PA'I 'GOG PA YANG 'GAGS PAS MNGON SUM NYID DU KHYOD KYI GZHUNG LTAR NA KO BUM PA SHES PA MNGON SUM DU MI 'DOD NA SNGON PO LA SOGS PA LTAR BUM PA MNGON SUM DU MI RUNG BA DE BZHIN DU 'GOG PA YANG MI 'GYUR RO, ,RNAL 'BYOR PA RNAMS KYI BLA MAS BSTAN PA LAS SKYES PA RNAM PAR RTOG PA DANG MA 'DRES PA @9B GCIG TU YUL SGRO BTAGS PA MED PA DON TZAM MTHONG BA GANG YIN PA DE YANG 'GAG PA LA MI SRID DO, ,RANG GI MTSAN NYID DNGOS POR YOD PA GANG YIN PA DE NYID SPYI'I MTSAN NYID KYIS GOMS PAR BYAS NA NI RIM GYIS BSGOMS PA LAS BYUNG BA'I YE SHES SKYE ZHES GRAGS TE, RNAM PAR MI RTOG PA'I YE SHES DE'I GZUNG BA'I DNGOS PO GANG YIN PA DE YANG SGRO BTAGS PA MED PA'I NGO BO YIN PAS NA RANG GI MTSAN NYID KHO NA'O, ,'DI LTAR MI RTAG PA NYID KHONG DU CHUD NA THOG MA DANG THA MA'I PHYOGS KYIS STONG PA DNGOS PO TZAM KHONG DU CHUD DO, ,DE BAS NA DE YANG YUL GYI RANG GI MTSAN NYID YIN PAS SNGON PO LA SOGS PA TZAM LA DMIGS PA'I RNAM PAR SHES PA BZHIN DU MNGON SUM NYID DO ZHE NA, 'ON KYANG DPYOD NA RANG DANG SPYI'I MTSAN NYID THA DAD PAR KHAS BLANGS PAS SPYI'I MTSAN NYID KYI RNAM PA LA SGOM PA'I SBYOR BA GRUB PA'I NGO BO'I YUL RANG GI MTSAN NYID DU MI 'THAD DE, HA CANG THAL BAR 'GYUR BA'I PHYIR DE'I TSIG DE 'BREL PA MED DO, ,DE LTAR YIN GYIS KYANG 'GOG PA LA NI SDUG BSNGAL LDOG PA'I NGO BO'I DNGOS PO'I BAG TZAM YANG MED PAS 'GOG PA SHES PA'I MNGON SUM DU GA LA 'GYUR TE, DE LTA BAS NA GSUNG RAB LAS SDUG BSNGAL MI SKYE BAR SHES PA NI MNGON SUM MO ZHES 'BYUNG BAS SKYE BA MED PA'I NGO BO DE LA SHES PAS SKYES PAR BYED MI SRID DE, GDON MI ZA BAR SKYE BA MED PA'I TSUL DU BYED PAR 'GYUR RO, ,DE LTAR NA GAL TE DMIGS PA BZHIN DU SHES PA YANG SKYE BA MED PA'I NGO BO YIN NA NI SHES PA DE DMIGS PA JI LTA BA BZHIN PAS ZHUGS PAR RUNG NGO, ,'JIG RTEN NA YANG RNAM PA DE LTA BUS MNGON SUM ZHES BRJOD DO, ,'DI LTAR MGRON PO ZHIG GIS RANG GI MDUN LOGS NA YUL CHU RAB TU DANGS PA CHEN POS GANG BA 'DRA BA ZHIG RGYANG RING PO NAS MTHONG BA DANG, DE RGAL BAR 'DOD LA NYAMS KYIS MI NUS SHING SKRAG PAS YUL NAS 'ONGS PA'I ZHING PA ZHIG LA CHU 'DI JI TZAM ZHES SMRAS PA DANG, DES DE LA 'DI NA CHU GA LA YOD CHU 'DRA 'DI NI SMIG RGYU'O, ,DE STE NGA'I TSIG LA YID MI CHES NA DER SONG LA LTOS SHIG DANG NGA'I TSIG NI MNGON SUM DU 'GYUR RO ZHES SMRAS PA NA, DE CHU MED PA @10A *, ,BSTAN PAS RANG GI TSIG KYANG MGRON PO LA MNGON SUM DU 'GYUR RO ZHES SMRAS PA DE BZHIN DU MED PA DANG MI DMIGS PA YANG 'JIG RTEN MNGON SUM ZHES THA SNYAD 'DOGS TE DE'I PHYIR 'JIG RTEN GYI KUN RDZOB KYI BDEN PAS MI DMIGS PA'I SHES PA LA MNGON SUM ZHES BYA BA 'GAL BA MED DO, ,SHES PA BYED PAR GYUR PA GANG GIS DNGOS PO GANG GI DON JI LTA BA BZHIN DU YONGS SU GCOD PA DE DE'I MNGON SUM ZHES BYA BAS NA LUNG DE RIGS PA YIN NO, ,DE LA PHUNG PO'I RGYUN CHAD PA'I NGO BO LA NI GANG YANG MED NA 'GOG PA DE SU LA MNGON SUM DU 'GYUR RO, ,GANG SKYE BA ZAD DO TSANGS PAR SPYOD PAR BSNYEN TO, ,BYA BA BYAS SO, ,'DI LAS SRID PA GZHAN MI SHES SO ZHES BYA BA 'DI LA SKYE BA ZAD PA'I SHES PA GANG YIN PA DE YANG MI RUNG STE, DNGOS PO 'GA' ZHIG SKYE BA MED NA DNGOS PO ZAD DO ZHIG GO, ,YANG MI SKYE'O ZHES BYA BAR YANG 'GYUR NA, JI SRID DU DE'I RGYU DANG RKYEN GYIS 'PHANGS PA'I PHUNG PO'I RGYUN 'BYUNG BA DE SRID DU DE LA SKYE BA YOD PAS NA DE ZAD PAR KHONG DU CHUD PAR MI NUS SO, ,'DI LAS SRID PA GZHAN MI SHES SO ZHES BYA BA'I TSIG LAS DRANGS TE, GAL TE MA 'ONGS PA'I SKYE BA MA MTHONG BAS DE SKAD CES BYA'O ZHE NA, YANG DE LTA YIN DU ZIN NA DE'I DUS NA DE'I, GAL TE PHUNG PO MA 'GAGS NA, ,NYON MONGS ZAD KYANG 'DAS MI 'GYUR, ,MDO LAS NI PHUNG PO 'GAGS NA MYA NGAN LAS 'DAS PA ZHES GSUNGS TE, SDUG BSNGAL 'DI MA LUS PAR SPANGS PA RAB TU BTANG BA BYANG BAR GYUR BA ZAD PA 'DOD CHAGS DANG BRAL BA 'GOG PA NYE BAR ZHI BA NUB PA SDUG BSNGAL GZHAN GYIS MTSAMS MI SBYOR ZHING PHYIS MI SKYE BA GANG YIN PA DE NYID ZHI BA, DE NYID GYA NOM PA STE, 'DI LTA STE, PHUNG PO THAMS CAD RAB TU BTUNG BA SRID PA ZAD PA 'DOD CHAGS DANG BRAL BA 'GOG PA MYA NGAN LAS 'DAS PA'O ZHES 'BYUNG BA YIN TE, DE LA MDO SDE LAS SDUG BSNGAL 'DI ZHES BYA BA'I TSIG GIS NI DA LTAR NYID KYI SDUG BSNGAL DBANG DU BYAS TE, MA LUS PAR SPANGS PA NAS NUS PAR GYUR PA'I BAR DU GSUNGS SO, ,MA 'ONGS PA'I SDUG BSNGAL GYI DBANG DU BYAS TE, SDUG BSNGAL @10B GZHAN GYIS MTSAMS MI SBYOR ZHES BYA BA NAS MYA NGAN LAS 'DAS PA ZAD DO ZHES BYA BA'I TSIG NI DA LTAR NYID KYI MI SKYE BAR BSTAN PA'O, ,'DI LAS SRID PA GZHAN MI SHES SO ZHES BYA BA'I TSIG NI MA 'ONGS PA'I SDUG BSNGAL DANG SBYAR BAR NGES SO, ,DA LTAR GYI DUS NA YANG DE'I PHUNG PO DE DGAG PA MED NA NI DE MYA NGAN LAS 'DAS PA YANG MI MTHONG, GAL TE SDUG BSNGAL GYI NGO BO NYID SKYE BA MED PA MTHONG BA DE'I TSE NA SKYE BA DE MI DMIGS PAS SDUG BSNGAL ZAD PA NYID DU 'GYUR NA, GZHAN DE DAG NI DE LTAR MI 'DOD PAS DE'I TSE MYA NGAN LAS 'DAS PAR MI 'GYUR RO, ,CI STE BCOM LDAN 'DAS KYIS MYA NGAN LAS 'DAS PA NI GNYIS SU GSUNGS TE PHUNG PO'I LHAG MA DANG BCAS PA DANG, PHUNG PO'I LHAG MA MED PA YIN TE DE'I PHUNG PO'I LHAG MA DANG BCAS PA NI PHUNG PO TZAM DU ZAD DO, ,NYON MONGS PA'I 'CHING BA LAS GROL BA YIN, PHUNG PO LHAG MA MED PA NI PHUNG PO'I RGYUN CHAD PA'I MTSAN NYID YIN PAS PHUNG PO DANG BCAS PA'I MYA NGAN LAS 'DAS PA LA 'DOD CHAGS LA SOGS PA'I 'CHING BA SPANGS KYANG MYA NGAN LAS 'DAS PAR MI 'DOD DO SNYAM DU SEMS NA NI 'O NA MDO SDE LAS RJES BZLAS ZHES BYA BA'I MDO SDE 'DI NI, SH'A RI'I BU YIS MYA NGAN 'DAS, ,MNGON SUM BYAS NAS BSHAD PA YIN, ,ZHES 'BYUNG BA JI LTAR BSHAD, DE NI NYON MONGS PA MED PA MNGON SUM DU BYA BA'I DBANG DU BYAS NAS GSUNGS PAR NGES KYI PHUNG PO DANG BRAL BA NI MA YIN NO ZHES BYA BA NA YANG GAL TE DE LTA YIN DU ZIN NA GANG SDUG BSNGAL 'DI MA LUS PAR SPANGS SHING RAB TU BTANG ZHES BYA BA LA SOGS PA 'DI DAG BSHAD PAR MI 'GYUR GYI, GAL TE NYON MONGS PA DE DAG MA LUS PAR SPANGS PA NAS NUB PAR 'GYUR ZHES BYA BA'I BAR DU DE SKAD GSUNGS PA'I RIGS SO, ,SDUG BSNGAL ZHES SMOS PA NI NYE BAR LEN PA'I PHUNG PO LNGA RNAMS BSDUS PAR MNGON TE, 'DIR SDUG BSNGAL DANG KUN 'BYUNG BA DANG, 'JIG RTEN ZHES BYA BA LA SOGS PA NI NYE BAR LEN PA'I PHUNG PO LNGA RNAMS KYI RNAM GRANGS SU GZHAG PA'O, ,GAL TE DE SKAD BYUNG DU ZIN KYANG, SPYIR SMOS PA'I SGRA PHYOGS GCIG LA BYA BA'ANG @11A *, ,YOD DE, 'DI LTAR NYON MONGS PA RNAMS NYID LA SDUG BSNGAL ZHES BYA'O ZHES ZER NA YANG CI'I DON DANG SBYAR DU RUNG BA MED NA NI DE DE LTAR 'GYUR BA ZHIG NA NAM NYE BAR LEN PA'I PHUNG PO LNGA RNAMS KYI NGO BO NYID SKYE BA MED PAR MTHONG BA SRID PA DE NA SPYI'I SGRA PHYOGS GCIG LA 'JUG CES BYAR MI RUNG NGO, ,DE STE YANG PHUNG PO LA MNGON PAR ZHEN PA MI GTONG LA DON 'DI KHAS MI LEN NA DE LTA NA YANG DE'I NYON MONGS PA SKYE BA MED PA'I MTSAN NYID KYANG MYA NGAN LAS 'DAS PAR MI 'GYUR RO, ,GAL TE DE'I TSE SDUG BSNGAL SKYE BA MED PA'I NGO BO MYA NGAN LAS 'DAS PAR MI 'DOD NA DE'I TSE 'DOD CHAGS LA SOGS PA'I BCING BA BCAD PAS NYON MONGS PA MED PAR GYUR KYANG DE'I TSE 'JIG TSOGS LA LTA BA LA SOGS PA'I RGYU YOD PAR DMIGS PA DANG, DE LA DMIGS PAS 'DOD CHAGS LA SOGS PA BSKYED PA'I PHYIR DES RNAM PAR GROL BA GANG YIN PA DE YANG 'THOB PAR MI 'GYUR TE, DE BAS NA DE'I DUS NA GROL PAR KHAS BLANG DU MI RUNG NGO, ,PHUNG PO RNAMS, GANG TSE DE YI DE 'GAGS PA, ,DE YI TSE NA GROL BAR 'GYUR, ,ZHES BYAR MI RUNG NGO, ,PHUNG PO DMIGS PAS RGYU DE LAS BYUNG BA NYON MONGS PA RGYUN MI 'CHAD PA'I PHYIR DE'I PHUNG PO RNAMS 'GAG PA DE YANG MI SRID DO, ,NYON MONGS PA RNAMS KYANG YOD LA, RGYU DE LAS BYUNG BA'I LAS KYIS 'PHANGS PA YANG YOD NA, RGYU NYON MONGS PA DANG LAS LAS BYUNG BA'I SKYE BA'I RGYUN MTHAR THUG PA MED PAR 'GYUR BA'I PHYIR DE'I PHUNG PO RNAM PAR CHAD PA'I MTSAN NYID THAR PA MI SRID DO, ,DE BAS NA SKYE BA ZAD DO ZHES PA MA 'ONGS PA'I PHUNG PO DANG SBYAR BA'I SHES PA DE YANG MI SRID PAS NI GCES PA DE JI LTA BU ZHES BYA BA SMOS SO, ,DE'I PHYIR DE DE LTAR JI SKAD SMRAS PA RIGS PAS NGO BO NYID YOD PAR SMRA BA LA RNAM PAR GROL BA YE MI SRID PAR BSTAN NAS STONG PA NYID DU SMRA BA LA RNAM PAR GROL BA SRID PA BSTAN PA'I PHYIR, MA RIG RKYEN GYIS BYUNG BA LA, ,YANG DAG SHES PAS RNAM BRTAGS NA, ,SKYE BA DANG NI 'GAG PA'ANG RUNG, ,GANG YANG DMIGS PAR MI 'GYUR RO, ,ZHES BYA BA SMOS SO, ,MA RIG PA YI @11B RKYEN GYIS BYUNG, ,ZHES BYA BA LA MA RIG PA NI 'DU BYED DANG RNAM PAR SHES PA LA SOGS PA'I DON GYIS MNGON SUM DANG GCIG NAS GCIG TU BRGYUD PA'I RKYEN TO, ,MA RIG PA'I RKYEN LAS BYUNG BA 'DU BYED LA SOGS PA'I DON GAL TE RANG GI MTSAN NYID DU GRUB PAR GYUR NA DE RANG GI MTSAN NYID DU GRUB PA'I PHYIR MA RIG PA LA MI LTOS SO, ,RANG GI MTSAN NYID DU GRUB PA BUM PA LA SOGS PA NI RANG GI NGO BO LA SGRIB PA MUN PA MED NA SHIN TU GSAL BAR DMIGS SO, ,RKYEN GYI BYE BRAG DAG DANG LDAN PAS RAB RIB CAN GYIS YONGS SU BRTAGS PA SKRA LA SOGS PA'I DNGOS POR SHES PA NI JI LTAR JI LTAR RANG GI NGO BO MED PAR 'GYUR TE, RNAM PAR BYANG BA'I MIG CAN DAG LA NI SNANG BAR MI 'GYUR RO, ,DE LTAR RNAM PAR BRTAGS PA'I MTSAN NYID DU GRUB PA NI SGRA YANG DAG PA LA SOGS PA BZHIN DU YOD PAR GZHAG MI NUS SO, ,DE BZHIN DU 'DU BYED LA SOGS PA 'DI DAG KYANG GAL TE RANG GI MTSAN NYID DU GRUB PAR GYUR NA DE'I TSE BDEN PA'I DON GTAN LA PHAB PA LAS SKYES PA 'PHAGS PA YANG DAG PA'I YE SHES CAN RNAMS KYIS KYANG RANG GI MTSAN NYID GZHI TU MI RUNG BA GZIGS PAS BUM PA LA SOGS PA SNANG BA DANG BCAS PA BZHIN DU DMIGS SHING YUL DU 'GYUR BA'I RIGS NA MA RIG PA 'GAGS PAS 'DU BYED 'GAG GO ZHES BYA BA'I TSIG GIS DE LTAR YANG MI 'GYUR RO, ,DE'I PHYIR YANG DAG PA'I YE SHES SHAR BA NA RAB RIB CAN GYIS DMIGS PA'I SKRA LA SOGS PA 'DI DAG LTAR RANG GI MTSAN NYID MI SNANG BAS RANG GI MTSAN NYID YOD PA GZHAG MI NUS SO, ,NAM ZHIG 'DI LTAR MA RIG PA'I RKYEN LAS BYUNG BA 'DU BYED LA SOGS PA LA RAB RIB MED PA CAN RNAMS LTAR YANG DAG PA'I YE SHES KYIS BRTAGS NA DE RAB RIB CAN GYIS DMIGS PA'I SKRA LA SOGS PA BZHIN DU YANG DAG PA'I YE SHES KYI DUS NA 'DU BYED LA SOGS PA'I SKYE BA 'GAG PA GANG YANG NGES PAR MI DMIGS SO, ,RTEN CING 'BREL PAR 'BYUNG BA GANG YIN PA 'DI YI SKYE BA DANG 'GAG PA MI DMIGS PA'I YE SHES KYI DUS NA, MTHONG BA'I CHOS LA MYA NGAN 'DAS, ,BYA BA BYAS PA'ANG DE NYID DO, ,TSE 'DI NYID @12A *, ,LA RNAL 'BYOR BA DE'I CHOS THAMS CAD MI DMIGS PA'I YE SHES KYI DUS GANG YIN PA DE NYID MTHONG BA'I CHOS LA MYA NGAN LAS 'DAS PA'O, ,BYA BA BYAS PA NYID KHO NA BYA BA BYAS PA NYID CES BYA'O, ,SKYE BA DANG 'GAG PA MI DMIGS PA'I YE SHES KYI DUS GANG YIN PA DE NYID MTHONG BA'I CHOS LA MYA NGAN LAS 'DAS PA DANG BYA BA BYAS PA ZHES BYA BAR SHES PAR BYA STE, LUNG DAG LAS DGE SLONG MTHONG BA'I CHOS LA MYA NGAN LAS 'DAS PA ZHES GSUNGS PA DANG 'PHAGS PA SH'A RI'I BUS MYA NGAN LAS 'DAS PA MNGON SUM DU BYAS TE; MDO 'DI BSHAD DO ZHES 'BYUNG BA NYID DE'I MTHONG BA'I CHOS LA MYA NGAN LAS 'DAS PA YIN PAR BLTA'O, SKYE BA ZAD DO, ,TSANGS PAR SPYOD PA BSNYEN TO, ,BYA BA BYAS SO, ,'DI LAS SRID PA GZHAN MI SHES SO ZHES GANG GSUNGS PA DE YANG BYA BA BYAS PA 'DI NYID YIN PAR RIG PAR BYA STE, DE NI RTEN CING 'BREL BAR 'BYUNG BA'I SKYE BA MED PA'O, ,CI STE ZHES PA 'DI RTEN CING 'BREL PAR 'BYUNG BA'I SKYE BA DANG 'GAG PA MI DMIGS PA'I MTSAN NYID DE KHO NA BOR TE, DMIGS PA'I DNGOS PO RANG GI MTSAN NYID KYI NGO BO ZHIG YOD PAR YONGS SU RTOG NA DNGOS PO RNAMS NI PHAN TSUN THA DAD PA'I RANG GI NGO BO YIN PAS DE NGES PAR DES BYE BRAG TU YONGS SU GCAD DGOS PAR 'GYUR TE, NGO BO GZHAN YONGS SU SHES PAS DNGOS PO'I NGO BO GZHAN YONGS SU GCAD PAR MI NUS SO, ,SNGON PO'I NGO BO SHES PAS SER PO YONGS SU GCOD MI NUS PA DE BZHIN DU 'DI LA YANG, CHOS SHES DE YI 'OG TU NI, ,'DI LA BYE BRAG DBYE YOD NA, ,SHIN TU PHRA BA'I DNGOS LA YANG, ,GANG GIS SKYE BAR RNAM BRTAGS PA, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG, ,DE LA CHOS ZHES BYA BA'I SGRA NI MYA NGAN LAS 'DAS PA LA BYA'O, ,DE YANG RTEN CING 'BREL PAR 'BYUNG BA'I NGO BO NYID LAS GZHAN MA YIN TE, MDO SDE LAS KYANG SUS RTEN CING 'BREL BAR 'BYUNG BA MTHONG BA DES CHOS MTHONG NGO ZHES JI SKAD 'BYUNG BA YIN NO, ,RTEN CING 'BREL PAR 'BYUNG BA DE DANG MYA NGAN LAS 'DAS PA THA MI DAD @12B PA'I RANG BZHIN GYUR PAR YONGS SU GCOD PA'I SHES PA GANG YIN PA DE CHOS SHES PA'O, ,CHOS SHES PAS RTEN CING 'BREL PAR 'BYUNG BA'I DON KHONG DU CHUD PAR BYA STE, DE YANG BSTAN BCOS LAS, GANG DANG DANG DAG RTEN 'BYUNG BA, ,DE DAG NGO BO NYID KYIS ZHI, ,DE LTA BAS NA SKYE BA DANG, , SKYES PA NYID NI ZHI BA'O, ,ZHES 'BYUNG BA YIN NO, ,'DI LA SKYES PAR GYUR PA DANG, ,SKYE BA NGO BO NYID KYIS SKYE BA MED PA GANG YIN PA RTEN CING 'BREL BAR 'BYUNG BA'I DON DU GSUNGS SO, ,SDUG BSNGAL YANG RTEN CING 'BREL PAR 'BYUNG BA YIN PAS RANG BZHIN GYIS MA SKYES PA'O, , GANG GIS NGO BO NYID KYIS SKYE BA MED PA DE NYID MYA NGAN LAS 'DAS PA STE, GNYI GA YANG MA SKYES PA'I PHYIR RO, ,'DI LTAR YANG 'KHOR BA LAS NI MYA NGAN 'DAS, ,BYE BRAG DBYE BA CUNG ZAD MED, ,MYA NGAN 'DAS LAS 'KHOR BA YANG, ,BYE BRAG DBYE BA CI YANG MED, ,MYA NGAN 'DAS KYI MTHA' 'DI NI, ,'KHOR BA'I MTHA' YANG DE YIN TE, ,DE GNYIS LA NI CUNG ZAD KYANG, ,BYE BRAG SHIN TU PHRA BA'ANG MED, ,CES BYA BA BSTAN PA YIN NO, ,MTHA' ZHES BYA BA'I SGRA NI MCHOG TU BYUNG BA'O, ,MCHOG TU BYUNG BA ZHES BYA BA NI PHUL DU PHYIN PA ZHES BYA STE, BYIS PA'I SKYE BO RNAMS KYI SPYOD YUL DU GYUR PA'I MTHA'I RANG BZHIN NI GNYI GA YANG MA SKYES PA'I PHYIR NGO BO NYID KYIS SKYE BA MED PAS 'KHOR BA DANG MYA NGAN LAS 'DAS PA GNYIS GCIG GO, ,DE BAS NA MYA NGAN LAS 'DAS PA DANG KHYAD PAR MED PA'I PHYIR RTEN CING 'BREL BAR 'BYUNG BA LA YANG CHOS ZHES BYA STE, DE MTHONG BAS MYA NGAN LAS 'DAS PA YANG MTHONG BAS NA SUS RTEN CING 'BREL PAR 'BYUNG BA MTHONG BA DES CHOS MTHONG NGO, ,CHOS KYI NGO BO NYID DANG SANGS RGYAS BCOM LDAN 'DAS THA MI DAD PAS NA MTHONG BAS SANGS RGYAS MTHONG BA YIN NO, ,DE LTAR RTEN CING 'BREL BAR 'BYUNG BA'I SKYE BA MED PA LA DMIGS PA'I CHOS SHES PAS RTEN BDEN PA GSUM RTEN CING 'BREL BAR 'BYUNG BA NGO BO NYID KYIS MA SKYES LA, MYA NGAN LAS 'DAS PA YANG DE'I NGO BO NYID YIN PAR MTHONG BAS MNGON BAR RTOGS PA GCIG TU ZAD DO, ,DE LA RTEN CING 'BREL BAR 'BYUNG BA LA DMIGS PA'I @13A *, ,CHOS SHES PA SDUG BSNGAL GYI SKYE BA MED PA DANG 'GAG PA MED PA YONGS SU GCOD PA GANG YIN PA'I BDAG NYID DE SDUG BSNGAL YONGS SU SHES SO, ,LAS DANG NYON MONGS PA'I SKYE BA DANG 'GAG PA MED PA YONGS SU GCOD PA GANG YIN PA DE NI KUN 'BYUNG BA SHES PA'O, ,RTEN CING 'BREL BAR 'BYUNG BA'I SKYE BA MED PA DANG 'GAG PA MED PA YONGS SU GCOD PA MA YIN PA 'DI NI 'GOG PA SHES PA'O, ,LAM GYI BDEN PA YANG RTEN CING 'BREL PAR 'BYUNG BA YIN PAS NGO BO NYID KYIS SKYE BA MED PA DANG 'GAG PA MED PA YONGS SU GCOD PA GANG YIN PA DE NI LAM SHES PA'O, ,DE LTAR NA CHOS SHES PAS SKAD CIG GCIG LA RTEN CING 'BREL BAR 'BYUNG BA MTHONG BAS SNGON MA MTHONG BA'I BLTA BAR BYA BA GZHAN MI SRID DO, ,GAL TE DE LTAR NA MTHONG BA'I LAM SKAD CIG MA BCO LNGAR JI LTAR GZHAG, ,SDE PA KHA CIG NI MTHONG BA'I LAM SKAD CIG MA BCO LNGAR MI 'DOD KYI, MNGON PAR RTOGS PA GCIG TU ZAD PAR 'DOD DO, ,DE DAG GI 'DOD PA DANG BSHAD PA 'DI MI 'GAL LO, ,GANG DAG SKAD CIG MA BCO LNGAR 'DOD PA DE DAG GI LTAR YANG DE LTA BUS GDUL BA'I SKYE BO LA DE BSTAN PAS PHAN GDAGS PA'I PHYIR SHES PA NGO BO GCIG LA CHAR PHYE STE, CHA BCO LNGAR RNAM PAR GZHAG GO, ,GAL TE DE LTAR NA LAM SGOM PA RNAM PA BCU DRUG PA DE CI LTA BUR THAR PAR 'DOD PA RNAMS LAM RNAMS PA GZHAN DAG GIS DE KHO NA SHES PA LA 'JUG PA GOMS PAR BYA BA'I PHYIR 'DI YAN YONGS SU BRTAGS NAS RNAM PAR GZHAG PA NYID DE, DE KHO NA NI NGO BO GCIG BUR ZAD DO, ,CI STE KHYAD PAR DU DBYE BA'I RNAM PA DNGOS PO GZHAN SHES PA GZHAN GYIS GZUNG BA ZHIG YOD NA NI, DE'I TSE RNAM PA YONGS SU MA BCAD PA YONGS SU BCAD DGOS PAR 'GYUR TE, CHOS SHES PA DE'I 'OG TU BYE BRAG TU YONGS SU GCAD PAR BYA BA BYE BRAG DBYE BA ZHIG YOD NA NI DE'I DMIGS PA GZHAN DU BRTAGS PAS NGES DE'I NGO BO BYE BRAG TU YONGS SU GCAD DGOS PAS MI MKHAS PA SUS DNGOS PO SHIN TU PHRA BA LA RANG GI NGO BOR SKYE BAR RNAM PAR BRTAGS PAS KYANG RTEN @13B CING 'BREL BAR 'BYUNG BA'I DON NGO BO NYID KYIS SKYE BA MED CING RO GCIG PA'I DON MI SHES PA YIN NA RAGS PA SA LA SOGS PA LTA CI SMOS, DE LTAR RTEN CING 'BREL BAR 'BYUNG BA'I DON DE MTSAN NYID GCIG TU MTHONG STE, RIM GYIS GOMS PAR BYAS NAS MA RIG PA MA LUS PAR 'GAGS TE, RTEN CING 'BREL PAR 'BYUNG BA'I NGO BO NYID LA DMIGS PA'I SHES PA LA GNAS PA NI MTHONG BA'I CHOS LA MYA NGAN LAS 'DAS PA DANG BYA BA BYAS PA ZHES BYA BAR RNAM PAR GZHAG STE GZHAN DU MA YIN NO, ,CI STE KHYOD KYI GZHUNG LTAR NA, NYON MONGS ZAD PA'I DGE SLONG GI ,'KHO BA GAL TE RNAM BZLOG NA, ,RDZOGS PA'I SANGS RGYAS RNAMS KYIS KYANG, ,CI PHYIR DE YI RTZOM MI BZAD, ,GAL TE YE SHES KYIS NYON MONGS PA BZLOG NA LAS LDOG STE, RGYU DANG RKYEN DU MI LDAN PA'I PHYIR THOG MA MED PA NAS 'KHOR BAR 'JUG PA DANG SKYE BA DANG 'CHI BA GCIG NAS GCIG TU BRGYUD BA RANG GI MTSAN NYID KYIS GRUB PA'I NGO BO GZUGS LA SOGS PA'I RGYUN LDOG NA DE LTA NA NI DE RTZOM PA RDZOGS PA'I SANGS RGYAS RNAMS KYIS MA GSUNGS PA NI GTAN TSIGS 'DI LTA BU ZHIG GIS BCOM LDAN 'DAS KYIS RTZOM PA MA GSUNGS SO, ,ZHES 'DI LA KHYOD KYI PHUNG PO'I RGYUN DE'I RTZOM PA THA MA BZHIN DU BRJOD DGOS PAR 'GYUR RO, ,MI MKHYEN TE MA GSUNGS SAM GZHAN ZHIG GI PHYIR MA GSUNGS ZHES BYA, 'DI LA BCOM LDAN 'DAS NI THAMS CAD MKHYEN PAR KHAS LEN PA'I PHYIR MI MKHYEN NI MI SRID DO, GZHAN ZHIG GI PHYIR MA GSUNGS ZHES BYA BA NI DE YANG MI RIGS SO, ,ZO CHUN BRGYUD MO'I 'KHRUL 'KHOR LTAR THOG MA MED PA'I PHYIR MA GSUNGS ZHES BYAR NI GAL TE DE LTAR NA ZO CHUN BRGYUD MO'I 'KHRUL 'KHOR LTAR THOG MA MED PA DE BZHIN DU DE'I THA MA YANG MED PAR 'GYUR TE, 'KHOR LO LA SOGS PA'I DPE LA YANG DE SKAD CES BRJOD PAR BYA'O, ,ZAD PAR 'GYUR RO ZHES BSHAD PAS THA MA YOD PA SKAD BYA NA NI DE'I PHYIR SANGS RGYAS BCOM LDAN 'DAS LA MI MKHYEN PA YOD PAR 'GYUR TE, MI MKHYEN MI SRID PAS RTZOM PA YANG BSTAN DGOS SO, ,MA BSTAN NA YANG RIGS PA 'DI DANG SBYANG NA MED DU MI RUNG STE @14A *, ,DA BAS NA, RTZOMS YOD NA NGES PAR YOD, ,LTA BAR GYUR PA YONGS SU 'DZIN, ,RTZOM PA YOD PAR BRTAG NA NI, ,'KHOR BA THOG MA CAN DU 'GYUR RO, ,THOG MA YOD PA CAN DU GYUR NA NI RGYU MED PAR SMRA BA KHAS BLANGS PAS LOG PAR LTA BA NYID DU 'GYUR RO, ,RTEN CING 'BREL PAR 'BYUNG BA SMRA BA LA NI NYES PA 'DI MED DO, ,SU DNGOS PO RNAMS RTEN CING 'BREL PAR 'BYUNG BA'I 'DOD PA DE NI DE DAG NGO BO NYID KYIS MA SKYES PAR 'DOD PAS DE DAG GI THOG MA'AM THA MA MED PAS YONGS SU BRTAG PA MI NUS PAR BSTAN PA'I PHYIR, RTEN CING 'BREL PAR GANG 'BYUNG BA, ,DE LA SNGON DANG THA MA CI, ,ZHES BYA BA SMOS TE GDON MI ZA BAR 'DI NYID KHAS BLANGS DGOS SO, ,GZHAN DU NA NI 'KHOR BA THOG MA CAN DU 'GYUR BAR YANG MA ZAD DE, NGO BO NYID KYIS SKYES PA NA GZHAN DU 'GYUR MI SRID PAS RTAG PA KHO NAR GYUR PAR BSTAN PA'I PHYIR, SNGON SKYES PA NI JI LTA BUR, ,PHYI NAS RAB TU LDOG PAR 'GYUR, ,ZHES BYA BA SMOS SO, ,NGO BO NYID MI 'GYUR BAS RTAG GO ZHES BYA BA'I THA TSIG GO, ,DNGOS PO SKYE BA DE'I RANG BZHIN MED PA LAS 'BYUNG BA KHAS LEN NA NI, RTZOM PA YOD NA NGES PAR YANG, ,LTA BAR GYUR PA YONGS SU 'DZIN, MED PA LAS DNGOS PO RNAMS RKYEN MI RGYU MED PA KHO NA LAS SKYE BAR 'GYUR RO, ,DE BAS NA RGYU MED PAR LTA BA DE YANG DE BZHIN DU YOD LA DE YANG 'BREL NA NI CHAD PAR LTA BA'I SKYON DU YANG 'GYUR RO, ,NAM ZHIG 'DI LA RTEN CING 'BREL PAR GANG 'BYUNG BA, ,DE LA SNGON DANG THA MA CI, ,NGO BO NYID KYIS MA SKYES PA'I PHYIR TE, 'DI LTAR RTEN CING 'BREL BAR 'BYUNG BAS 'DI NI NGO BO NYID KYIS MA SKYES PA'O, ,DES NA THE TSOM MED PAR, SNGON DANG PHYI MA'I MTHA' SPANGS PAS, ,'GRO BA SGYU MA BZHIN DU SNANG, ,JI LTAR SGYU MA MKHAN GYIS SGYU MA SGRUB PA'I SNGAGS KYI SBYOR BA LAS GLANG PO CHE DANG RTA DANG MI LA SOGS PA BYUNG BA RNAMS NGO BO NYID KYIS MA SKYES NA GLANGS PO CHE LA SOGS PAR SNANG STE, DE DAG LA GLANG PO CHE YANG DAG PA LA SOGS PA LTAR SNGON DANG THA MA'I RTOG PA MI 'BYUNG BA DE BZHIN DU GLANG PO CHE YANG DAG PA LA SOGS PAR 'DOD PA RNAMS KYANG RTEN CING @14B 'BREL PAR 'BYUNG BAS SNGON DANG PHYI MA'I MTHAR BRTAG PA MI RIGS TE DE LTAR NA, SNGON DANG PHYI MA'I MTHA' SPANGS PA, ,'GRO BA SGYUM BZHIN DU SNANG, ,SKYES NAS SKAD CIG KYANG MI SDOD PAR 'GRO BAS 'GRO BAR BYA'O, ,SLU BA'I BDAG NYID PAS SGYU MA STE, DE'I NGO BO NYID LA RMONGS PA RNAMS LA LOG PAR SNANG BAS SLU PA YIN NO, ,DE'I SLU BA NYID BSTAN PA'I PHYIR, ,GANG TSE SGYU MA BYUNG ZHE'AM, ,GANG GI TSE NA 'JIG 'GYUR ZHES, ,SGYU MA SHES PA DER MI RMONGS, ,SGYU MA MI SHES YONGS SU SKOM, ,ZHES BYA BA SMOS SO, ,JI LTAR SGYU MA MKHAN GYI SNGAGS KYI RKYEN LAS BYUNG BA'I BUD MED NA CHUNG SGYU THABS RNAMS LEGS PAR BSLABS PA LTA BU DBYIBS DANG SPYOD LAM SHIN TU MDZES PA TSUL SHIN TU MDZES SHING GZHOGS STEGS LA MKHAS PA PHUN SUM TSOGS PA YID 'PHROG PA DAG NI DE'I NGO BO NYID LA MI MKHAS PA 'DOD PA LA ZHEN PA RNAMS LAN CHUNG YANG DAG PA BZHIN DU MCHOG TU DGA' BA'I GNAS SU 'GYUR TE, DE LA JI LTAR MI MKHAS PA DAG RNAM PAR RTOG PA LTAR RANG BZHIN MED DE DE'I NGO BO NYID LA MKHAS PA SGYU MA MKHAN NI SGYU MA YANG DAG PA MA YIN PAR SNANG BA KHONG DU CHUD PAS DE LTAR YANG RMONGS PA'I SEMS MI 'BYUNG NGO, ,DE BZHIN DU 'DIR YANG SGYU MA MKHAN LTA BU'I RNAL 'BYOR PA MKHAS PA RNAMS KYIS, SRID PA SMIG RGYU SGYU 'DRA BAR, ,BLO YIS MTHONG BAR GYUR NA NI, ,SNGON GYI MTHA' 'AM PHYI MA'I MTHAR, ,LTA BAS YONGS SU BSLAD MI 'GYUR, ,RNAL 'BYOR PAS SRID PA 'DUS BYAS MA LUS PA SGYU MA DANG SMIG RGYU BA LTA BUR BLO YANG DAG PA'I BSAM PA SO SO RANG GI SHES RAB KYIS MTHONG NA DON DAM PA'I NGO BO NYID DU GANG YANG MI DMIGS PAS DNGOS PO'I RANG BZHIN GANG YIN PA DE LA SNGON GYI MTHA' 'AM, PHYI MA'I MTHAR YONGS SU BSLAD PAR MI 'GYUR TE, BLO PHYIN CI LOG PAR MI 'GYUR RO, ,DE BAS NA 'PHAGS PA'I SKYE BOR THAMS CAD GSHEGS SHING RJES SU GSHEGS PA NGO BO NYID MED PA'I LAM 'DI BOR NAS BDAG NI SGYU MA'I BUD MED LA MI MKHAS PA DAG BZHIN DU, GANG DAG GIS NI 'DUS BYAS LA, ,SKYE DANG 'GAG PAR RNAM BRTAG PA, ,DE DAG RTEN 'BYUNG @15A *, ,'KHOR LO YI, ,'GRO BA SHIN TU MI SHES SO, ,RANG GI MTSAN NYID SKYE, ,RANG GI MTSAN NYID 'GAG GO ZHES DE LTAR GANG DAG RANG GI MTSAN NYID SKYE ZHING 'GAG PA'I TSUL KYIS 'DUS BYAS KYI SKYE BA DANG 'GAG PA YONGS SU BRTAGS PA DAG GIS NI RTEN CING 'BREL PAR 'BYUNG BA'I 'KHOR LO LA THOG MA DANG DBUS DANG, THA MA DANG BRAL BA MA GAL ME BSKOR BA LTA BU'I 'GRO BA 'JUG PA SHIN TU MI SHES TE, 'DUS BYAS RANG BZHIN YOD PA SKYE ZHING 'JIG MI SRID PA LA SKYE BA DANG 'JIG PA RTOG PAS DE DAG GIS RTEN CING 'BREL PAR 'BYUNG BA'I 'KHOR LO KHONG DU CHUD CES BYA'O, ,RANG GI MTSAN NYID DU SKYE BAR KHAS BLANGS NA CI'I PHYIR RTEN CING 'BREL PAR 'BYUNG BA'I DON KHONG DU CHUD PA MA YIN ZHES ZER BA DE LA, DE DANG DE BRTEN GANG BYUNG BA, ,RANG BZHIN DU NI DE MA SKYES, ,RANG BZHIN DU NI GANG MA SKYES, ,DE NI SKYES ZHES JI SKAD PA, , ZHES BYA BA SMOS SO, ,DE DANG DE BRTEN ZHES BYA BA NI DE DANG DE LA LTOS ZHES BYA BA'I THA TSIG GO, ,DE DANG DE ZHES BYA BA SPYIR BSNYAG PA THAMS CAD BSDU BA'I PHYIR TSIG 'DIS NANG GI MA RIG PA LA SOGS PA DANG PHYI'I RLUNG GI DKYIL 'KHOR LA SOGS PA MA LUS PA DAG 'DU BYED LA SOGS PA DANG CHU'I DKYIL 'KHOR LA SOGS PA SKYE BA LA RGYU'I DNGOS POR GNAS PAR GYUR TE, RGYU DE DANG DE LA BRTEN NAS GANG SKYE BA DE GAL TE RANG GI NGO BOS GRUB PA ZHIG YIN NA NI DE YOD PAR GYUR PAS GRUB PA'I NGO BO'I DUS BZHIN DU SKYE BA'I RGYAL MI LTOS PAR 'GYUR RO, ,CI STE SKYE BA DE SNGON RANG GI NGO BO MED NA NI SKYES PA DE YANG GZUGS BRNYAN BZHIN DU NGO BO NYID KYIS YOD PA MA YIN PAR MNGON PAS, ,DE DANG DE BRTEN GANG BYUNG BA, ,RANG BZHIN DU NI DE MA SKYES, ,ZHES BYA BA SMOS SO, ,CI SKYE BA NGO BO NYID KYIS MED KYANG BLA STE THA SNYAD DU GZUGS SKYES SO, ,TSOR BA SKYES SO ZHES BYA BAS SKYE BA YOD DO SNYAM DU SEMS NA NI KYE MA LAM LOG PAR SONG DU GDON MI ZA'O, ,MKHAS PAS NI GZU BO LTA BU'I BLOS RNAM PAR DPYAD PA'I RIGS PA SNYAM, RANG BZHIN DU NI GANG MA SKYES, ,DE NI SKYES ZHES JI SKAD BYA, ,SA'I RANG GI MTSAN NYID NI PHRA BA STE, GAL TE DE RANG GI MTSAN NYID DU @15B MA SKYES PAR SEMS NA DE GSHER BA'I MTSAN NYID DU SKYES SA ZHES BRTAG TU NI MI RUNG NA, DE GZHAN GANG CI ZHIG TU SKYE BAR BRTAG ,DE BAS NA BDAG DANG GZHAN LAS SKYE MI SRID PAS SKYE BA MED GRUB BO, ,DE LTAR RTEN CING 'BREL PAR 'BYUNG BA LA SKYE BA MI SRID PA CI BSTAN NAS, DA NI 'GAG PA MI SRID PAR BSTAN PAR BZHED NAS, RGYU ZAD PA YIS ZHI BA NI, ,ZAD CES BYA BAR MNGON PA STE, ,RANG BZHIN DU NI GANG MA ZAD, ,DE LA ZAD CES JI SKAD BRJOD, ,CES BYA BA SMOS SO, ,SKYES PA'I DNGOS PO SKYE BA YOD NA 'JIG LA DNGOS PO'I GNAS PA YANG RKYEN GYI KHAN LAS TE GNAS PA'I RKYEN MED NA 'JIG PAR 'GYUR BAS DE LTAR NA 'JIG RTEN NA RGYU ZAD NAS ZHI BA DANG MYA NGAN LAS 'DAS PA GANG YIN PA DE NYID ZHI BA ZHES BYA BAR DMIGS TE, GANG YANG GNAS PA'I RKYEN MED NA ZAD PAR 'GYUR BA DE GNAS PA'I RKYEN MED PA LA RAG LAS PAS RANG GI NGO BOR GRUB PA MED PAR KHONG DU CHUD NAS, RANG BZHIN GYIS NI GANG MA ZAD, ,DE LA ZAD CES JI SKAD BRJOD, ,CES BYA BA SMOS SO, ,GAL TE RANG BZHIN GYIS ZAD PA ZHIG YOD NA NI DE RKYEN LA LTOS PAR MI 'GYUR RO, ,DE RGYU YONGS SU ZAD PA LAS MA YIN PAR 'GYUR RO, ,DE'I PHYIR LAS DANG NYON MONGS PA'I DNGOS PO MED PAR MA GYUR KYANG MYA NGAN LAS 'DAS PAR 'GYUR TE, DE BAS NA 'BAD MI DGOS PAR THAR BAR 'GYUR RO, ,MAR DANG RAS YONGS SU MA ZAD PAR MAR ME 'CHI BAR 'GYUR BA'I RIGS NA DE YANG DE LTA MA YIN PAS RANG GI NGO BOR GRUB PA'I 'GAG PA MED DO, ,CI STE MAR DANG RAS YONGS SU ZAD PA NI MAR ME'I 'CHI BA'I RGYU MA YIN TE, JI LTA ZHE NA, MAR DANG RAS LHAN CIG TU 'GAGS LA MAR ME'I SKAD CIG MA THA MA DE'I RIGS KYI MAR ME SKAD CIG MA MA 'ONGS PA'I LHAN CIG BYED PA'I RGYU MED PAS SKYE BA'I YAN LAG GI DNGOS PO MA 'GRUB PA 'GAGS SO [?] 'GAGS SO, ,MA 'ONGS PA YANG SKYE BA'I RKYEN MED PAS MA SKYES TE, DE LTA BAS NA MA 'ONGS PA'I RKYEN MED PAS 'DI LA SKYE BA MED CES BYA'O, ,SNYAM DU SEMS NA YANG DE LTAR MA 'ONGS PA'I RKYEN MED PA MI SKYE BA'I RGYUR 'GYUR NA NI GAL TE RKYEN MED PAR MA GYUR @16A *, ,NA GDON MI ZA BAR SKYE BAR 'GYUR RO, ,DE LTAR NA MI SKYE BA YANG RGYU NYID DU KHAS BLANGS PA YIN NO DE LTAR KHAS LEN NA RGYU ZAD NAS ZHI BA GANG YIN PA DE ZAD PA ZHES BYA BAR KHAS BLANGS PA YIN NO, ,GANG DAG DNGOS PO RNAMS KYI 'GAG PA RGYU MED PA YIN PAR 'DZIN PA DE DAG GI 'GAG PA DE DNGOS PO LA BRTEN PAR MI 'GYUR TE, NAM MKHA'I ME TOG LA SOGS PA BZHIN DU RGYU MED PA'I PHYIR RO, ,GAL TE DNGOS PO MED PA'I PHYIR RDZA MA LA SOGS PA YANG RTEN CING 'BREL PAR 'BYUNG BA MA YIN NA DE DAG KYANG DNGOS PO LA BRTEN PAS DE BAS NA DE DAG GCIG TU NGES PA MED DO ZHE NA YANG, 'JIG RTEN NA RGYU DANG BCAS PA GRAGS PAS DE DAG LTAR MA YIN NO, ,YANG NA DE DAG KYANG 'GAG PA BZHIN DU DNGOS PO LA BRTEN PA MED PA'I SKYON DU 'GYUR RO, ,GAL TE MED PA LA RGYU ZHES JI SKAD DU BYA ZHE NA, YOD PA LAS YANG RGYU ZHES JI SKAD DU BYA; SA BON YOD PA'I DUS NYID NA, ,MYU GU'I RGYU'I DNGOS POR NI SHES PAR MI RUNG STE, MED PAR 'GYUR BA'I TSE RGYUR 'GYUR RO, ,DPER NA MED PAR 'GYUR BA'I RNAM PAR SHES PA NYID RNAM PAR SHES PA GZHAN GYI DE MA THAG PA'I RKYEN DU KHAS BLANGS PA LTA BU STE, RNAM PAR SHES PA DE YOD PA'I DUS NA RNAM PAR SHES PA GZHAN GYI RGYU YIN NO ZHES NI BRJOD PAR MI NUS SO, ,RNAM PAR SHES PA GNYIS CIG CAR DU MI 'BYUNG BA'I PHYIR RO, ,YOD PA DANG MED PA GNYIS KYI GNAS BRTOGS PA'I RNAM PAR SHES PA GZHAN NI MI SRID DO, ,LA LA RGYU 'GAGS MA THAG PA NI 'BRAS BU SKYE BA'I RKYEN YIN NO ZHES BYA BAR MI RIGS SO ZER BA YANG YOD, DE BAS NA MED PA YANG RGYUR SRID PAS MED PA RGYUR MI RUNG NGO ZHES BYA BAR MI RIGS SO, ,GAL TE RIGS PAS RNAM PAR DPYAD NA RGYUR MI SRID DO ZHE NA YANG DE NI DE LTA MA YIN TE, 'JIG RTEN GYI DNGOS PO RNAMS NI RNAM PAR BRTAG CING KHAS BLANG PAR MI BYA STE, 'JIG RTEN JI LTA BA BZHIN DU'O, ,'JIG RTEN NA YANG MED PA LA RGYU ZHES BYA BAR YOD DE, 'DI LTAR CHU MED PAS 'BRU MA RUNG BAR 'GYUR RO, ,ZAN MED PAS NGA'I BU SHI'O, ,ZHES DE SKAD DU CHU DANG ZAN MED PAS 'BRU DANG BU MA RUNG BAR BYAS SO ZHES ZER RO, ,'JIG @16B RTEN PA'I THA SNYAD THAMS CAD LA 'THAD PA MED PAS, 'JIG RTEN NA GRAGS PA'I DON RNAMS KYANG 'JIG RTEN NA GRAGS PAS RNAM PAR GZHAG PAR BYA STE, 'THAD PAS NI MA YIN NO, ,CHU LA SOGS PA MED PA NI 'JIG PA'I RGYU ZHES BYA BA YOD DE, DE BAS NA, RGYU ZAD PA YIS ZHI BA NI, ZED CES BYA BAR MNGON BA STE, ,ZHES BYA BA GRUB PO, ,RGYU ZAD PA NYID NYE BAR BZUNG NAS ZAD PA ZHES BYA BAR RNAM PAR GZHAG STE, ZAD PA DE NI RGYU ZAD PA'I SNGA ROL GYI GNAS NA MI SRID LA ZAD NAS YOD PAS RANG GIS GRUB PA'I NGO BO NYID MED DO, ,GANG RANG BZHIN GYIS MA ZAD DE RGYU LA MI LTOS PAR NGO BO NYID KYIS ZAD PA YANG MA YIN PA DE DAG GZHAN GYI NGO BO GANG GIS ZAD CES BYA BAR RNAM PAR GZHAG ,ZAD PA MA YIN PA'I NGO BO'I CHOS NI ZAD PA'I NGO BO NYID MI MTHUN PAS ZAD PA'I NGO BOR RNAM PAR GZHAG PAR MI NUS SO, ,GANG GI PHYIR DE LTAR SKYE BA DANG 'GAG PA 'DI RANG GI DNGOS POS KYANG SRID PA MA YIN LA, GZHAN GYI DNGOS POS KYANG MA YIN PA DE'I PHYIR RNAL 'BYOR PAS RTEN CING 'BREL PAR 'BYUNG BA JI LTA BA BZHIN DU MTHONG STE 'THAD PAS RNAM PAR DPYAD NA, DE LTAR GANG YANG SKYE BA MED, ,GANG YANG 'GAG PAR MI 'GYUR RO,, ,,BAM PO GNYIS PA'O; ,GAL TE DE LTAR SKYE BA DANG 'JIG PA GNYIS MI SRID NA BCOM LDAN 'DAS KYIS, KYE MA 'DU BYED RTAG PA MED, ,SKYE ZHING 'JIG PA'I CHOS CAN YIN, ,SKYES NAS 'GAG PAR 'GYUR BA STE, ,DE DAG NYE BAR ZHI BA BDE, ,ZHES DE SKAD GSUNGS PA JI LTA BU, GAL TE SKYE BA DANG 'JIG PA GNYIS MED DU ZIN NA DE'I TSE SKYE BA DANG 'JIG PA'I LAM MYA NGAN LAS 'DAS PAR 'GRO BA'I MAN NGAG BSTAN PAR MI 'GYUR BA ZHIG NA, BSTAN PAS DE BAS NA, SKYE BA DANG 'JIG PA GNYIS YOD DO ZHE NA YANG BCOM LDAN 'DAS KYIS DE SKAD GSUM GSUNGS MOD KYI, DE GNYIS RANG GI NGO BOR GRUB PA LA LTOS NAS GSUNGS PA NI MA YIN NO, ,DE MED KYANG 'JIG RTEN 'DI RTEN CING 'BREL PAR 'BYUNG BAS SBYOR BA MDZAD DE, SKYE BA DANG NI 'JIG PA'I LAM, ,DGOS PA'I DON DU BSTAN PA'O, ,DE BSTAN PA'I SGO NAS DGOS PA 'BA' ZHIG SGRUB DGOS @17A *, ,PAS BCOM LDAN 'DAS KYIS SKYE BA DANG 'JIG PA'I LAM BSTAN TO, ,SKYE BA DANG 'JIG PA'I LAM GYIS BSTAN PA'I DGOS PA GANG ZHE NA, DE BSTAN PA'I PHYIR, SKYE BA SHES PAS 'JIG PA SHAS, ,'JIG PA SHES BAS MI RTAG SHES, ,MI RTAG NYID LA 'JUG SHES BAS, ,DES NI CHOS KYANG RTOGS PAR 'GYUR, ,ZHES BYA BA SMOS SO, ,'DU BYED RNAMS LA CHAGS PA NI MYA NGAN LAS 'DAS PA'I GRONG KHYER DU 'GRO BA'I LAM BSGRIBS SHING 'DUG PAS BCOM LDAN 'DAS KYIS DE'I GNYEN POR RE ZHIG SKYE BA DANG 'JIG PA'I LAM BSHAD DO, ,JI LTA ZHE NA, 'DI LTAR SKYE BA SHES PAS 'JIG PA SHES ZHES BYA BA STE, SKYE BA 'JIG PA'I RTZA BAR GYUR PA'I PHYIR RO, ,'JIG PA SHES PA LA 'JIG PA DANG MI RTAG PA GNYIS DON GCIG TU KHONG DU CHUD PA'O, ,SA GSUM GYI MI RTAG PA NYID KYI ME RAB TU 'BAR BA'I NANG DU 'DUG PA KHYIM RAB TU 'BAR BAR CHUD PA BZHIN DU GDON MI ZA BAR DE LAS 'DA' BAR 'DOD NA RTEN CING 'BREL PAR 'BYUNG BA'I CHOS NYID NGES PAR 'BYIN BA 'GYUR PA MA SKYES PA MA 'GAGS PA KHONG DU CHUD NA DES MCHOG TU ZAB PA MYA NGAN LAS 'DAS PA ZHES BYA BA'I CHOS KHONG DU CHUD DO, ,DE'I PHYIR DE LTAR BLO MCHOG DANG LDAN PA'I RIM GYIS SKYE BA DANG 'JIG PA'I RJES SU 'BRANGS NAS, GANG DAG RTEN CING 'BREL PAR 'BYUNG, ,SKYE DANG 'JIG PA RNAMS SPANGS PA, ,SHES PAR GYUR PA DE DAG NI, ,LTA GYUR SRID PA'I RGYA MTSO RGAL, ,SKYE BA MED BAS DNGOS POR LTA BA MED, ,'JIG PA MED PAS CHAD PAR LTA BA MED DO, ,SKYE BA DANG 'JIG PA MED NA RANG GI MTSAN NYID MED PAS RTAG PAR LTA BA MI 'BYUNG NGO, ,DE LTAR RTEN CING 'BREL PAR 'BYUNG BA'I SKYE BA DANG 'JIG PA MI DMIGS NA LTA PAR GYUR PA'I SRID PA'I RGYA MTSO LAS RGAL BA YIN NO, ,LTA BAR GYUR PA NYID SRID PA'I RGYA MTSO'O, ,LTA BA'I CHU BO NYID LTA BAR GYUR BA'I SRID PA'I RGYA MTSO YIN NO, ,STONG PA NYID LA BRTZON PA DAG NI STONG PA NYID MTHONG BA'I GRU CHEN POS GDON MI ZA BAR DE LAS RGAL BAR 'GYUR RO, ,GANG DAG STONG PA NYID DU LTA BAS @17B 'JIG PA DE DAG NI RTEN CING 'BREL PAR 'BYUNG BA SKYE BA DANG 'JIG PA'I MTHA' GNYIS SU LTUNG BA DANG BRAL BAR KHONG DU CHUD PAR MI NUS TE DE DAG GDON MI ZA BAR, SO SO'I SKYE BO DNGOS BDAG CAN, ,YOD DANG MED PAR PHYIN CI LOG ,NYES PAS NYON MONGS DBANG GYUR BA, , RANG GI SEMS KYIS BSLUS PAR 'GYUR, LAS JI LTAR BA DANG NYON MONGS PA JI LTA BA BZHIN DU SO SOR SKYE BAS SO SO'I SKYE BO'O, ,GANG DNGOS PO RNAMS LA BDAG NYID DU GNAS PAR 'DZIN PA DE DAG DNGOS BDAG GAM, DNGOS PO LA BDAG TU 'DZIN PA GANG YIN PA DE DAG DNGOS BDAG CAN TE, BDAG TU 'DZIN PAS DE LA DMIGS PA'I PHYIR RO, ,YANG NA NI DNGOS PO LA MNGON PO LA MNGON PAR ZHEN PAS DNGOS BDAG CAN TE, DE DAG DNGOS PO DANG DNGOS PO MED PA LA PHYIN CI LOG PA'I NYES PA RANG GIS YONGS SU RTOG PAS BSKYED PAS NYON MONGS PA RNAMS KYI DBANG DU 'GYUR RO, ,DE DAG DNGOS PO YID DU 'ONG BA'I GNAS SU GYUR PA LA NI RJES SU CHAGS PAR 'GYUR, DE MED PA LA NI KHONG KHRO BAR 'GYUR RO ZHES BYA BA LA SOGS PA DANG SBYAR RO, ,NYON MONGS PA'I DBANG DU GYUR PAS 'JUG STE, GANG DGE BA DANG MI DGE BA'I LAS NYE BAR LEN PA YOD NA 'KHOR BAS DE LTAR SO SO'I SKYE BO DNGOS PO LA MNGON PAR ZHEN PA RNAMS RANG GI SEMS KYIS BSLUS SO, ,DNGOS PO LA MNGON PAR ZHEN PA RANG GI SEMS KYIS YONGS SU BRTAGS PA DANG, DNGOS PO'I RANG GI NGO BO RANG BZHIN GYIS GRUB PA MED PA'I PHYIR DNGOS PO RNAMS KYI DE BZHIN NYID MTHONG BA BSGRIBS TE PHYIN CI LOG TU SGRO BTAGS PAS RANG GI SEMS KYIS BSLUS TE BRID CES BYA BA'I THA TSIG GO, ,SU DAG DGE BA'I BSHES GNYEN GYIS STONG PA NYID BSTAN PA LA G-YANG SA LTA BUR MI SEMS SHING, 'DI NI CHOS RNAMS KYI DON DAM PA, 'DI NI MYA NGAN LAS 'DAS PA'I GRONG KHYER DU 'GRO BA YIN PAR SHES PA SLU BA'I SEMS LA SLU BA NYID DU YANG DAG PAR RTOGS NAS SKAD CIG TZAM YANG YID MI RTON PA DE DAG NI NGES PAR 'PHAGS PAR GYUR PAR BLTA STE, DNGOS LA MKHAS PA RNAMS KYIS NI, @18A *, ,DNGOS PO MI RTAG SLU BA'I CHOS, ,GSOG DANG STONG BA BDAG MED PA, ,RNAM PAR DBEN PAR RAB TU MTHONG, ,BYUNG BAS DNGOS PO ZHES BYA STE, ,DNGOS PO ZHES BYA BA'I SGRA NI 'DUS PA LA BYA'O, DNGOS PO DE YANG SKAD CIG RE RE LA 'JIG PA'I NGANG CAN YIN PAS MI RTAG PA'O, ,DNGOS PO'I RANG BZHIN JI NGO BO NYID MED PA YIN NA GANG GI PHYIR BYIS PA RNAMS LA NGO BO NYID YOD PAR SNANG BA DE'I PHYIR SGYU MA LA SOGS PA BZHIN DU SLU BAS NA DNGOS PO DE NYID SLU BA'I CHOS SO, ,RING DU GNAS PA'I MTHU MED LA RANG BZHIN GYIS NYAM CHUNG BAS GSOG GO, ,NGO BO NYID MED PA'I PHYIR STONG PA'O, ,BDAG GIS STONG PA'I PHYIR BDAG MED PA STE, MI RTAG PA LA SOGS PAS DNGOS PO'I RANG GI NGO BO BSNYAD DO, ,DE BAS NA DNGOS PO 'DI DE LTAR MTHONG BAS MKHAS PA DE DAG GIS DBEN PAR MTHONG NGO, ,DBEN ZHES BYA BA NI STONG PA'O, ,DE LTAR NA DBEN PA MTHUN PA'I PHYIR SKYE BA MED PA'I DGON PA RNAMS LA DBEN PA ZHES BYA STE, DE BZHIN DU 'DIR YANG RNAL 'BYOR PAS DNGOS PO DBEN PAR MTHONG ZHES BYA BA NI STONG PAR MTHONG BA'I BAR LA BYA'O, ,DE DAG DNGOS PO NYID SKUR TE DBEN PAR MTHONG BA MA YIN GYI, DNGOS PO STONG PAR GYUR PA LA STONG PAR MTHONG NGO, ,STONG PA NYID BSTAN PA'I PHYIR MI RTAG PA LA SOGS PA BYE BRAG RNAMS SMOS SO, ,YANG NA DBEN PA NI DRI MA MED PA YIN NA 'DI LTAR SO SO'I SKYE BO RNAMS PHYIN CI LOG TU GYUR BA RANG BZHIN GYIS YONGS SU DAG PA'I DNGOS PO YANG RANG GI RTOG PA'I 'DRI MAS SBAGS PA'I PHYIR PHYIN CI LOG TU KHONG DU CHUD KYI 'PHAGS PA RNAMS NI DE LTA MA YIN TE, DE DAG NI MED PA LA SGRO MI 'DOGS PAR DBEN PAR DRI MA MED PA NYID DU GZIGS SO, ,YANG NA 'PHAGS PA RNAMS DE KHO NA'I YE SHES LAS BZHENGS NAS DNGOS PO LA GZIGS NA DBEN PAR GZIGS SO ZHES BYA BA'I THA TSIG GO, ,'PHAGS PA MDZAD PA MTHAR PHYIN PA NYI TSES 'DI LTAR GZIGS PAR YANG MA ZAD DE, SLOB DPON YANG RANG GI SHES PA LA BRTEN NAS, RIGS PA DANG BCAS PA'I CHOS NYID RAB RTOGS PAS CHOS NYID LA GCES @18B PAR 'DZIN PA YANG DAG PAR SKYES TE, RANG GIS RIGS PA STON PA NA, ,GNAS MED DMIGS PA YOD MA YIN, ,RTZA BA MED CING GNAS PA MED, ,MA RIGS RGYU LAS SHIN TU BYUNG, ,THOG MA DBUS MTHA' RNAM PAR SPANGS, ,CHU SHING BZHIN DU SNYING PO MED, ,DRI ZA'I GRONG KHYER 'DRA BA STE, ,RMONGS PA'I GRONG KHYER MI BZAD PA, ,'GRO BA SGYU MA BZHIN DU SNANG, ,ZHES BYA BA SMOS SO, ,'DI LA BRTEN BSAG NAS TE, LO TOG RNAMS KYI RGYUR GYUR PA, ,SA GZHI BZHIN DU GZHI BYED PA'O, ,'DI'I GNAS MED PAS GNAS MED PA'O, ,BRTEN PAR BYA BAS DMIGS PA STE, LDANG MI NUS PA RNAMS LDANG BAR BYED PA'I 'KHOR BA BZHIN NO, ,'DI'I DMIGS PA YOD PA MA YIN NO, ,RTZA BA NI RGYU'I GTZO BO STE DE YANG DE LAS 'BYUNG BA RNAMS KYI SKYE BA DANG, 'DAS PA DANG 'PHEL BA'I RGYU STE, DPER NA, SHING RNAMS KYI RTZA BA LTA BU'O, ,GNAS PA YOD PA MA YIN PAS GNAS PA MED PA'O, ,GNAS PA DANG DMIGS PA DANG SKYE BA'I RGYU DANG GNAS PA MED PA 'DIS 'GRO BA MA GRUB PA NYID DU BRJOD DO, ,DE DAG NI DNGOS PO RNAMS 'GRUB PA'I RGYU YIN NA DE DAG KYANG 'GRO BA MED PAS, DE'I PHYIR 'GRO BA NI LOG PA'O, ,DE LA GNAS NI SKYE MCHED DRUG GO, ,DMIGS PA NI CHOS THAMS CAD DE MTHUN MTHUN DU SBYAR RO, ,RTZA BA NI SA BON GYI CHOS KYI TSUL GYIS RGYU'I RKYEN TO, ,'DIS GNAS PAR BYED PAS GNAS PA STE, DES SKYES PA GNAS PA'I PHYIR RO, ,DE DAG THAMS CAD NI RTEN CING 'BREL BAR 'BYUNG BAS NGO BO NYID MED DE, ,DE DANG DE BRTEN GANG BYUNG BA, ,RANG GI DNGOS POR DE MA SKYES, ,ZHES GONG DU BSTAN PA YIN NO, ,DE'I PHYIR GNAS LA SOGS PA DANG BRAL BA'I 'GRO BA NI YOD PAR MI RUNG NGO, ,GAL TE DE LTAR 'GRO BA MED NA JI LTAR DE'I RANG GI NGO BO RNAM PA SNA TSOGS SU DMIGS ZHE NA; 'PHAGS PA RNAMS NI 'GRO BA RNAM PA SNA TSOGS SU MI DMIGS TE, DE DAG LA 'GRO BA STONG PA NYID DU RO GCIG PAS STONG PA NYID LA RNAM PA SNA TSOGS YOD PA MA YIN NO, ,DE BAS NA BYIS PA MA RIG PA'I GNYID KYIS LOG PA PHYIN CI LOG TU GYUR PA DAG NI MA SAD DE RMI LAM RMI @19A *, ,PA BZHIN DU SNA TSOGS SU DMIGS PAR BSTAN PA'I PHYIR, MA RIG RGYU LAS SHIN BYUNG, ,ZHES BYA BA SMOS TE, NGO BO NYID KYIS GRUB PA MED PA DANG, MA RIG PA YOD PAS 'GRO BA NGO BO NYID KYIS MA GRUB STE, MA RIG PA'I SA BON GYI RGYU LAS GYUR PA NGES SO; ,JI LTAR NGO BO NYID KYIS GRUB PA MED PA DE LTAR BSTAN PA'I PHYIR, THOG MA DBUS MTHA' RNAM PAR SPANGS, ,ZHES BYA BA STON TE SKYE BA DANG GNAS PA DANG 'JIG PA DANG BRAL BA ZHES BYA BA'I THA TSIG GO, ,'DI'I PHYIR YANG MA RIG PA'I SA BON LAS BYUNG BA STE, 'DI LTAR CHU SHING BZHIN DU SNYING PO MED PA'O, ,GAL TE MA RIG PA'I SA BON LAS BYUNG BA MA YIN NA, DE'I TSE BRTAGS NA SNYING PO DMIGS PAR 'GYUR BA'I RIGS NA 'DUS BYAS NI BRTAGS NA CHU SHING GI PHUNG PO BZHIN DU SNYING PO MED DO, ,GANG SNYING PO MED KYANG SNYING PO CAN DU SNANG BA DE GTI MUG GI MTHU LAS BYUNG BA STE; DE LTAR NA 'GRO BA NI MA RIG PA'I SA BON LAS BYUNG BA'O, ,'DI'I PHYIR YANG MA RIG PA'I SA BON LAS BYUNG BA STE, 'DI LTAR DRI ZA'I GRONG KHYER LTA BU YIN PA'I PHYIR TE, 'DI LTAR DRI ZA'I GRONG KHYER YANG DAG PA BZHIN DU SNANG YANG BRTAGS NA DE BZHIN MA YIN PAS GRONG KHYER YANG DAG PA MA YIN NO, ,GANG GI PHYIR DE LTAR BRTAGS NAM RIG PA'I SA BON GYI RGYU LAS BYUNG BA'I 'GRO BA NGO BO NYID KYIS MA GRUB PA DE'I PHYIR ;'DI NI NGES PAR RMONGS PA'I GRONG KHYER MI BZAD PA, 'GRO BA SGYU MA BZHIN DU SNANG, ,GNOD PAR BYED PA BZLOG PAR DKA' BA DANG, MUN PAS BSGRIBS PAS RANG GI NGO BO RTOGS PAR DKA' BA'I PHYIR, 'GRO BA MI BZAD PA ZHES BYA BA STE, MA RUNGS PA DANG DBUGS 'BYIN PA MED PA'I GNAS DANG 'JIGS PAR BYED CES BYA BA'I THA TSIG GO, ,DE'I PHYIR 'DI NI PHYIN CI MA LOG PA RNAMS KYIS SGYU MA BZHIN DU GZIGS SO, ,BYIS PA RNAMS KYI RMONGS PA'I GRONG KHYER GANG YIN PA DE 'PHAGS PA RNAMS KYIS SGYU MA BZHIN DU GZIGS TE, MA RIG PA'I MUN PAR DANG [?] PHYIR RO, ,'DI'I PHYIR YANG DANG LTAR 'GRO BA DE DNGOS PO MED DE 'DI LTAR, TSANGS PA LA SOGS 'JIG RTEN 'DI, ,BDEN PAR RAB TU GANG BRJOD PA, ,'PHAGS PA @19B DE YANG BRDZUN ZHES GSUNGS, ,DE LAS GZHAN NA CI ZHIG LUS, ,SGYU MA LTA BUR MA GYUR PA GANG YANG YOD DAM ZHES BYA BA TSIG GI LHAG MA'O, ,DBANG PO YUL LAS 'DAS PA'I DON YONGS SU GCOD PA NI 'JIG RTEN NA TSANGS PA NI TSAD MA'O, ,DE LTAR TSAD MAR GYUR PA DE LA DNGOS PO RNAMS KYI RANG GI NGO BO BDEN PAR SNANG BA GANG YIN PA DE YANG 'PHAGS PA RNAMS LA BRDZUN NO ZHES BCOM LDAN 'DAS KYIS MYA NGAN LAS 'DAS BA NYID BDEN PA GCIG PU'O, ,ZHES BSTAN PA NI GSUNGS TE, 'DUS BYAS NI BRDZUN BSLU BA'I CHOS CAN YIN NA GZHAN DAG LA SNANG BA GANG YIN PA DE BRDZUN PAR CI'I PHYIR MI 'GYUR, GANG LA BRDZUN PA NYID DU THE TSOM MED PA DE LAS GZHAN CI ZHIG LUS ZHES BYA BA NI SGYU MA LTA BUR MA GYUR PA GANG YANG MED CES BYA BA'I THA TSIG GO, ,'DI NI GDON MI ZA BAR KHAS BLANGS BAR BYA'O, ,GZHAN DU NA GAL TE TSANGS PA LA SOGS PA DANG; 'PHAGS PA RNAMS 'JIG RTEN 'DI LA LTA BA MTSUNGS PAR GYUR NA NI DE'I TSE 'PHAGS PA RNAMS DANG 'PHAGS PA MA YIN PA RNAMS MTSUNGS PA NYID DU 'GYUR RO, ,DE DAG MTSUNGS PAR MI SRID PAR BSTAN PA'I PHYIR, 'JIG RTEN MA RIG LDONGS GYUR PA, ,SRID PA'I RGYUN GYI RJES 'BRANG DANG, ,MKHAS PA SRED DANG BRAL BA YI, ,DGE BA RNAMS LHAG LA MNYAM, ,ZHES BYA SMOS TE MA RIG PA'I LING TOG GIS KHEBS NAS, BLO'I MIG LDONGS PAR GYUR BA TSANGS PA LA SOGS PA 'GRO BA MA LUS PA YANG DAG PAR MTHONG BA DANG BRAL BA'I PHYIR; RANG DBANG MED PAR 'GRO BA THOG MA MED PA'I 'KHOR BAS 'KHOR BAR 'PHANGS PAS GRUB PA HA SHUGS KYIS SGRUB 'KHOR BSTAN BU'I 'KHOR BA'I 'KHOR LO CHU KLUNG CHEN POR PHYIN CI LOG GI RLUNG GIS DKRUGS TE, 'KHRUGS PAS DGE BA'I PHYOGS KYI GRU CHAG PA DGE BA'I LAS KYI RNAM PAR SMIN PA'I 'BRAS BU MTHAR THUG PA'O LTONG CAN SRED PA'I RGYUN GYI RJES SU 'GRO BA SO SO'I SKYE BO DANG, MKHAS PA SHES RAB KYIS DAG PA BLO'I MING CAN DAM PA'I CHOS BDUD RTZI'I KHU BA'I RGYUN GYI BTUNG BAS NGOMS PA GCIG TU CHOS KYI NGANG TSUL CAN GYI DGE BA RNAMS DANG, @20A *, ,GONG DU SMOS PA'I 'JIG RTEN DU MTSUNGS PAR BRTAG TU GAL RUNG STE, SNANG BA DANG, MUN PA DANG, 'KHOR BA DANG, MYA NGAN LAS 'DAS PA MTSUNGS PAR BRTAG PA NI MI RIGS SO, ,DE BAS NA TSANGS PA LA SOGS PA'I 'JIG RTEN 'KHOR BA'I RJES SU MTHUN PAR 'GRO BA 'DI NI BDEN PA GANG YIN PA DE NI GDON MI ZA BAR 'PHAGS PA RNAMS LA BRDZUN PA YIN NO, ,GANG GI PHYIR DE DE LTAR 'PHAGS PA RNAMS KYIS 'DI SKAD CES, ,RMONGS PA'I GRONG KHYER MI BZAD PA, ,'GRO BA SGYU MA BZHIN DU SNANG, ,ZHES SMOS PA GANG YIN PA DE LA MKHAS PA RNAMS DOGS PA SPANGS TE MOS PAR BYA'O, ,'DIR SMRAS PA, GAL TE 'GRO BA SGYU MA BZHIN DU RANG BZHIN GYIS STONG NA 'DI LA BCOM LDAN 'DAS KYIS DE KHO NA GANG YIN PA DE MI BSTAN PAR PHUNG PO DANG KHAMS DANG SKYE MCHED YOD DO ZHES BSTAN PA BDEN PA MA YIN PA 'DIS CI ZHIG BYA, BSHAD PA, BDEN PA NYID NI BSTAN GYI BRDZUN PA NI MA YIN NO ZHES BYA BA 'DI GA LAS 'ONGS, ,'JIG RTEN BDEN YANG MI DGOS NA NI KHA CIG MI BSTAN TO, ,BRDZUN YANG DGOS PA YOD NA NI LA LA BSTAN DGOS TE 'DI LA NI DON DAM PA LA 'JUG PA'I THABS SU DGOS PA YOD PAS PHUNG PO DANG KHAMS LA SOGS PA BDEN PA MA YIN YANG YOD DO, ,ZHES THOG MA NYID DU BSTAN PA'I DBANG DU BYAS KYI, DE KHO NA YANG DAG PA STONG PA NYID NI MA YIN TE, DE LA THOG MAR BSTAN NA DON MED PAR 'GYUR BA'I PHYIR RO, ,MTHA' GNYIS KYI G-YANG SA MED PA'I CHOS 'DI SKYE BO BLO GROS MA BYANG BA LA THOG MA NYID DU BSTAN MI BZOD DE, DE BAS 'GRO BA'I DON SGRUB PA LA MKHAS PA THABS LA KHONG BZO BAS, DE NYID CHU LA LA THOG MAR NI, ,THAMS CAD YOD CES BRJOD PAR BYA, ,DON RNAMS RTOGS SHING CHAGS PA NAS, ,DE YI 'OG TU DBEN PA'O, ,SKYE BO BLO GROS MA BYANG BA DAG THOG MA KHO NA STONG PA NYID DU LTA BA LA BTZUD NA SHIN TU MGO RMONGS PAR 'GYUR TE, DE BAS NA 'PHAGS PA RNAMS STONG PA NYID THOG MA KHO NAR MI STON TE, DNGOS PO LA CHAGS PA DANG LDAN PA DNGOS PO'I NGO BO @20B NYID RAB TU DBYE BA LA DGA' BA RNAMS KYI 'DOD PA'I DON YANG DAG PAR BRJOD PAS BDAG LA GCES PAR 'DZIN PAR BYA BA'I PHYIR DE KHO NA TSOL BA LA THOG MAR THAMS CAD YOD DO ZHES BRJOD PAR BYA'O, ,DE'I DNGOS PO NI DE NYID DO, ,BRJOD PAR 'DOD PA'I DON SPYI'I DNGOS PO DANG 'BREL PA CAN DE'I ZHES BYA BA 'DI DANG SBYAR RO, ,DNGOS PO NI RANG GI NGO BO STE, GANG GI RANG GI NGO BO GANG YIN PA DE NI DE'I DNGOS PO STE, DE KHO NA'O, ,RANG GI NGO BO'O, ,NGO BO NYID DO, ,DE BZHIN NYID DO, ,GZHAN MA YIN PA NYID DO ZHES BYA BA'I THA TSIG GO, ,DE KHO NA TSOL BA'I NGANG TSUL CAN YIN PAS NA DE KHO NA TSOL BA'O, ,DE KHO NA TSOL BAR 'DOD PA DE LA BLA MA PHAN PAR 'DOD PAS JI SKAD BRJOD PAR BYA ZHE NA, THAMS CAD YOD DO ZHES BRJOD PAR BYA'O, ,BRAM ZE THAMS CAD CES BYA BA NI PHUNG PO LNGA DANG, SKYE MCHED BCU GNYIS DANG, KHAMS BCO BRGYAD KYI BAR DAG GO ZHES GSUNGS SO; ,DE'I SHES PA DANG SBYAR TE PHUNG PO LA SOGS PA DE DANG 'DI YOD PAR BRJOD PAR BYA'O, ,PHUNG PO LA SOGS PA DE DAG KYANG NYE BAR BZUNG STE DE DANG 'DI'I YOD PA GANG YIN PA DE NYE BAR BZUNG NAS RING PO DANG, THUNG DU BZHIN DU'AM, MAR ME'I 'ONG BZHIN DU BSTAN TE GYUR BA DE LAS GZHAN DU MA YIN TE, DE LTAR NA NYE BAR BZUNG BA'AM BRTEN PAR ZAD DO, ,DON RTOGS ZHES BYA BA JI LTA BU ZHE NA, 'BRAS BU RNAMS KYI MTHA' MED PA'I PHYIR DANG, 'BRAS BU RE RE'I RKYEN KYANG DU MA YOD PA'I PHYIR DANG, RKYEN RE RE LA YANG BRTAGS NA THOG MA MED PA'I 'KHOR BA BZHIN DU RGYU'I TSOGS PA GCIG NAS GCIG TU BRGYUD PA'I MTHA' MI MTHONG BA'I PHYIR 'BRAS BU'I RTZOM PA LA 'JIG PAR LTA BAS RGYU'I TSOGS PA GCIG BRGYUD PAS BSGRUBS PA'I 'BRAS BU RKYEN DU MA LAS BYUNG BA GRUB MA THAG TU 'JIG PAR RTOGS SHING, SKYE BA MI SHIN TU 'BAD PAS BSGRUB PAR BYA BA YIN LA, SHIN TU 'BAD PAS BSGRUBS PA 'JIG PA NI 'BAD PA MED PAR YANG 'BYUNG BAR RTOGS NAS 'DUS BYAS KYI CHOS NYID LA SGYID LUG PA, BYIS PA SKYE BO'I SPYOD PA LA MNGON PAR MI BSTOD PA, ,SKYE BA LA MNGON PAR MI DGA' BA, 'JIG PA LA MI 'PHROD PAR 'DZIN PA, 'KHOR @21A *, ,BRNAMS LA CHAGS PA 'DOR BAR 'DOD PA, 'KHOR BA SPONG BAR 'DOD PA, BDAG LA CHAGS PA LTOD PAR GYUR PAS DE LTAR DON KHONG DU CHUD PA LA DE'I 'OG TU DBEN PA NI RIGS KYI SNGA ROL DU NI MA YIN NO, ,DE LTAR BYAS NA SLOB DPON GYIS STANG BA NYID BSTAN PA YANG 'BRAS BU MED PAR MI 'GYUR, SLOB MA RNAMS KYANG SPONG BA DANG, PHYIN CI LOG TU 'DZIN PAS LOG PAR LTUNG BAR MI 'GYUR RO, ,DE LTAR MA BYAS NA KUN RDZOB DANG DON DAM PA'I BDEN PA GNYIS RNAM PAR GNAS PA DANG, MI MTHUN PAR GYUR PA'I PHYIR STONG PA NYID BSTAN PAS LOG PAR LTUNG BAR 'GYUR RO, ,DE LTAR GYUR NA MI DGE BA SPANG MI NUS SO, ,MI MKHAS PA'I BLO CAN DAG 'GRO BA 'DI'I STONG BA'O, ,SNYAM DU 'DZIN ZHING 'DI NI STONG PA NYID NA 'DIS CI ZHIG BYA ZHES NGES PAR BSGRUB PAR BYA BA'I DGE BA'I LAS LA MI SGRO BAR 'GYUR TE, DE BAS NA 'DI YANG SGRO GSHOG MA SKYES PA'I BYA RANG GI TSANG BOR NAS 'PHUR BA BZHIN DU BRLAG PAR 'GYUR TE, 'DI LTAR SO SO RANG GIS RTOGS PA DANG BRAL BA'I PHYIR, RNAM PAR DBEN DON MI SHES LA, ,THOS PA CAM LA 'JUG BYED CING, ,GANG RNAMS BSOD NAMS MI BYED PA, ,SKYES BU THA SHAL DE DAG BRLAG ,'JIG RTEN PA NYID KYI DON DAM PA LA GNAS TE PHYIN CI MA LOG PA RNAM PAR BYANG BA'I PHYOGS PHUN SUM TSOGS SHING STONG PA NYID KYI DE KHO NA SO SO RANG GIS RTOGS PA NA BSOD NAMS DANG BSOD NAMS MA YIN PA MI BYA BA NI RIGS SO, ,GANG DAG STONG PA NYID SO SO RANG GIS RTOGS PA MED PAR STONG PA NYID KYI SGRA THOS PA TZAM GYIS BYA BA BYAS PA RNAMS KYI SPYOD PA LTAR RJES SU 'CHOS PA NI MI DGE BA'I LAS NYID LA ZHUGS PA YIN GYI, DGE BA LA NI MA YIN TE, DE DAG GDON MI ZA BAR SGRO GSHOG RDZOGS PA'I BYA'I TSUL BYI'U PHRUG SGRO GSHOG MA SKYES PAS BYA BA BZHIN DU NYON MONGS PA'I MTHAR 'GYUR RO, ,CHU THOS PA TZAM GYIS SKOM PA MI PHYED LA, ZAS THOS PHA TZAM GYIS KYANG BKRES PA MI PHYED DE, DE BSTAN NA DE DAG PHYED PA BZHIN DU 'DI RTOGS NAS SKYES BU THA SHAL DE DAG BRLAG GO ZHES BRJOD DO, ,GCIG TU MI DGE BA @21B LA 'JUG PAS DE DAG NI SKYES BU THA SHAL LO, ,DE LTAR DE'I NYES PA YONGS SU SPANG BAR BZHED NAS, BCOM LDAN 'DAS KYIS NYAN PA RNAMS LA KUN RDZOB KYI BDEN PA LAS YONGS SU MA NYAMS PA'I DON RE ZHIG THOG MA NYID DU; LUS KYI 'BRAS BU YOD PA DANG, ,'GRO BA RNAMS KYANG SHIN TU BRJOD, ,SEMS CAN RNAMS GANG LA GNAS NAS LAS RNAMS BYED CING DE'I 'BRAS BU YANG ZA BA'I 'GRO BA LNGA BCOM LDAN 'DAS KYIS GSUNGS SO, ,DE'I 'OG TU DE DAG GI 'DE BDEN NO SNYAM DU MNGON PAR ZHEN PA MCHOG TU 'DZIN PA LUS KYI MDUD PA 'DI'I GNYEN POR, DE YI RANG BZHIN YONGS SHES DANG, ,SKYE BA MED PA DAG KYANG BSTAN, ,'GRO BA LA SOGS PA YANG RTEN CING 'BREL PAR 'BYUNG BA YIN PAS NGO BO NYID KYIS MA SKYES PA'O, ,DE'I RANG BZHIN YONGS SU SHES PA LAM DANG 'GRO BA LA SOGS PA RNAMS KYI SKYE BA MED PA LAM GYI YE SHES THOB PAR BYA BA YANG BSTAN TO, ,DE BAS NA 'DI LTAR GNYI GA'I BDAG NYID BSTAN PA RNAM PAR GZHAG PA 'DI LA DGOS PA'I CHED DU BSTAN PA NI GANG DON GYI CHED DU BSTAN PA NI GANG ZHE NA, 'DI LA DPYAD NA GTAN LA DBAB TU RUNG STE, DGOS PA'I DBANG DU RGYAL BA RNAMS, ,NGA DANG NGA YI ZHES GSUNGS LTAR, ,PHUNG PO KHAMS DANG SKYE MCHED RNAMS, ,DE BZHIN DGOS PA'I DBANG GIS GSUNGS, ,SANGS RGYAS BCOM LDAN 'DAS NI NGA DANG NGA YIR 'DZIN PA SPANGS PA YIN, YANG BRJOD PAR BZHED PA'I DON KYI SGO NAS BSTAN PA'I PHYIR 'JIG RTEN GYI CHOD DU NGA DANG DANG BA'I ZHES GSUNGS PA DE BZHIN DU DGOS PA'I DBANG GIS PHUNG PO DANG SKYE MCHED DANG KHAMS RNAMS GSUNGS TE, DE'I RNAM PAR DBYE BA BSTAN PA MED PAR 'JIG RTEN DE KHO NA LA ZHUGS PA'I THABS MED PA'I PHYIR RO, ,JI LTAR DGOS PA'I DBANG DU PHUNG PO DANG, SKYE MCHED DANG, KHAMS RNAMS BSHAD KYI DE KHO NA'I DON DU NI MA YIN PAR 'DI JI LTAR SHES PAR NUS PA 'DI NI 'THAD PA DANG LUNG GIS NGES PAR RUNG STE, DE LA RE ZHIG 'THAD PA'I DBANG DU BYAS NAS, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM @22A *, ,BRTAGS MA YIN NAM, ,ZHES BYA BA SMOS SO, ,RNAM PAR SHES PAS DMIGS PA GANG GI RNAM PA 'DZIN CING SKYE BA'I DMIGS PA DE, RNAM PAR SHES PA LA RNAM PA NYE BAR BSGRUBS PA'I RANG GI DNGOS PO THOB NAS DNGOS PO'I DON GYI NGO BO NYID KYIS 'BYUNG BA CHEN PO LA SOGS PAR YONGS SU BRTAGS SO, ,RNAM PAR SHES PA LA 'GA' ZHIG GI RNAM PAR MA BZHAG PA LA NI 'JIG RTEN GYIS YOD PA NYID DU RNAM PAR GZHAG MI NUS TE, MO GSHAM GYI BU LA SOGS PA YANG YOD PAR THAL BAR 'GYUR BA'I PHYIR RO, ,DE BAS NA 'BYUNG BA DANG 'BYUNG BA LAS GYUR PA DANG, SEMS DANG SEMS LAS BYUNG BA DANG, SEMS DANG LDAN PA MA YIN PA RNAMS NI RNAM PAR SHES PA'I RNAM PA'I RGYU CAN YIN PA'I PHYIR 'BYUNG BA CHEN PO LA SOGS PA GANG DANG GANG BSHAD PA CI YANG RUNG BA DE DAG THAMS CAD NI RNAM PAR SHES PAR YANG DAG PAR 'DU ZHING KHONGS SU CHUD DO, ,GANG GI TSE RNAL 'BYOR PAS YOD PA MED PA YIN PA'I DON SGRO 'DOGS PA'I RNAM PAR SHES PA'I TSANGS PA DE BRDZUN PA SLU BA'I CHOS CAN DU MTHONG ZHING RANG BZHIN GYIS SKYE BA MED PAR MTHONG BA DE'I TSE NGES PAR DE SHES TE, JI LTAR GNAS PA'I SEMS RANG GI NGO BOS SKYE BA MED PAR SHES PAS DES BSKYED PA 'BYUNG BA CHEN PO LA SOGS PA MA LUS PA DAG KYANG GZUGS 'GAGS NA GZUGS BRNYAN 'GAGS PE BZHIN DU 'BRAL BAR 'GYUR NA, DE LTA BU GANG YIN PA DE GZUGS BRNYAN BZHIN DU LOG PAR RNAM PAR BRTAGS PA NYID MA YIN NAM, DE'I PHYIR DE LTAR PHUNG PO LA SOGS PA DE DAG NI RNAM PAR SHES PA'I RGYUS YOD PA NYID DE MED NA YOD PAS NGO BO NYID DU GRUB PA MED PA KHO NA YIN PA LA NGAR 'DZIN PA DANG NGA YIR 'DZIN PA'I MNGON PA'I NGA RGYAL CAN GYI DBANG DU BSTAN PAR NGES SO, ,RE ZHIG DE LTAR RIGS PAS PHUNG PO LA SOGS PA DGOS PA'I DBANG DU BSTAN PAR SHES PAR BYAS NAS, ,DA NI LUNG GIS PHUNG PO LA SOGS PA BRDZUN PA NYID DU BSTAN PAS DGOS PA'I CHED DU BRJOD PAR BSTAN PA'I PHYIR, MYA NGAN 'DAS PA BDEN GCIG PU, ,RGYAL BA RNAMS KYIS RNAMS @22B GSUNGS PA, ,DE'I TSE LHAG MA LOG PA ZHES, ,MKHAS PA SU ZHIG RTOGS MI BYED, ,CES BYA BA SMOS SO, ,BCOM LDAN 'DAS KYIS DGE SLONG DAG 'DI LTA STE, MI SLU BA'I CHOS CAN MYA NGAN LAS 'DAS PA 'DI NI BDEN PA'I MCHOG GCIG TU'O ZHES GSUNGS TE LUNG 'DIS DON GYIS NA SHES RAB CAN SU ZHIG PHUNG PO LA SOGS PA BRDZUN PA'I DON KHONG DU CHUD PAR MI 'GYUR, ,GANG GI PHYIR PHUNG PO DANG, SKYE MCHED DANG, KHAMS DE DAG RNAM PA DE LTAR RIGS PA DANG, LUNG GIS RNAM PAR DPYAD NA NGO BO NYID KYIS GRUB PA MED PA DE'I PHYIR NGES PAR, JI SRID YID KYIS RNAM G-YO BA, ,DE SRID BDUD KYI SPYOD YUL TE, ,'PHAGS PA'I SHES RAB KYI DBANG PO'I SROG GI BAR CHAD BYED PAS BDUD DE DE YANG KHAMS GSUM GYIS CHEN PO PA PHYIN CI LOG BZHI'I BLON PO CHEN PO DANG LDAN PA 'DOD CHAGS LA SOGS PA NYON MONGS PA'I 'KHOR GYIS RTAG TU 'KHOR BA, 'PHAGS PA MA YIN PA SKYE BO MTHA' DAG GIS SMA MA [?] PHAB PA, SPYOD PA BZANG PO MA YIN PA ZHUGS PA'I RJES SU SONG BA, 'KHOR BA PA'I SEMS CAN MA LUS PA 'PHEL BAR BYED PA MA RIG PA ZHES BYA BA YIN TE TSUL BZHIN MA YIN PAS DNGOS PO LA RNAM PAR RTOG NA MA RIG PA'I YUL LAS MI 'DA' BA NYID DU MNGON NO, ,GANG GI TSE DE BDUD KYI SPYOD YUL YIN PA DE'I TSE DE SKYE BA MED NA YID 'JUG PA MI 'BYUNG BA'I PHYIR BDUD KYI YUL NYID MED PAR 'GYUR BAS, DE LTA YIN NA 'DI LA YANG, ,NYES PA MED PAR CIS MI 'THAD, ,'DI ZHES BYA BA NI DE'I NGO BO NYID SKYE BA MED PA YONGS SU SHES PA YIN PAR STON TE, DE'I DBANG DU BYAS PA'I PHYIR NYE BAR GYUR PAS NYE BA MNGON SUM GYI TSIG 'DIS 'DI LA ZHES BYA BA BSTAN TO, ,'DI'I PHYIR YANG NGO BO NYID SKYE BA MED PA YONGS SU SHES PA NA NGO BO NYID YONGS SU SHES PA NI MA YIN NO, ,DE'I PHYIN CI LOG YOD NA NI YOD LA MED NA NI MED PA'I PHYIR RO; ,DE LTAR BSTAN PA'I PHYIR, MA RIG RKYEN GYIS 'JIG RTEN ZHES, ,'DI LTAR RDZOGS PA'I SANGS RGYAS GSUNG, ,DE'I PHYIR 'JIG RTEN 'DI DAG KYANG, ,RNAM PAR RTOG PA CIS MI 'THAD, ,CES BYA BA SMOS SO, ,GANG GI RKYEN MA RIG PA YIN PA DE MA RIG PA'I PHYIR @23A *, ,LAS BYUNG BA STE 'JIG RTEN NO, ,'JIG RTEN NI NYE BAR LEN PA'I PHUNG PO LNGA RNAMS SO, ,DE LA MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA ZHES BYA BA LA SOGS PA 'DIS 'DI LTAR BCOM LDAN 'DAS KYIS 'JIG RTEN 'DI'I RKYEN NI MA RIG PA'O ZHES BSTAN PA DE'I PHYIR, RANG GI NGO BO GRUB PA MED, ,RANG GI NGO BO GRUB PA RDZAS LA SOGS PA'I RKYEN NI MUN PA MA YIN NO, ,DE BAS NA MA RIG PA RKYEN DU GYUR PA'I PHYIR, 'JIG RTEN RNAM PAR RTOG PA CI'I PHYIR 'THAD DE, 'JIG RTEN RNAM PAR RTOG PA TZAM DU 'THAD PA NYID DO ZHES BYA BAR DGONGS SO, ,RNAM PAR RTOG PA NI RNAM PAR RTOG PA'O, ,RNAM PAR RTOG PA TZAM DU ZAD PAS NA RNAM PAR RTOG PA STE, RNAM PAR RTOG PA TZAM DU ZAD DO ZHES BYA BA'I THA TSIG GO, ,RANG GI NGO BO GRUB PA MED PAS MUN KHUNG NA ME'I TSUL DU YONGS SU RTOG PA 'BYUNG BA LTAR 'JIG RTEN YANG RNAM PAR RTOG PA TZAM DU RNAM PAR GZHAG GO, ,DE LTAR PHYIN CI LOG YOD NA 'JIG RTEN YOD PAR CI BSTAN NAS, DA NI PHYIN CI LOG MED NA MED PAR BSTAN PA'I PHYIR, MA RIG 'GAGS PAR GYUR NA NI, ,GANG RNAMS 'GAG PAR 'GYUR BA RNAMS, , DE DAG MI SHES KUN BRTAGS PAR, ,CI YI PHYIR NA GSAL MI 'GYUR, ,ZHES BYA BA SMOS SO, ,SNANG BA BYUNG NA MUN KHUNG NA ME'I TSUL DU SNANG BA MI DMIGS PA BZHIN DU RIG PA BYUNG NA, GANG LOG PA DE NGES PAR MI SHES PAS YONGS SU BRTAGS PA'I PHYIR NGO BO NYID DU GRUB PA MED PAR GNAS SO, ,'DI'I PHYIR YANG 'JIG RTEN DNGOS PO MED DE, GZUGS BRNYAN BZHIN DU RGYU DANG RKYEN LAS BYUNG BA'I PHYIR RO, ,DE NYID BSTAN PA'I PHYIR, RGYU YOD PA LAS GANG BYUNG ZHING, ,RKYEN MED PAR NI GNAS PA MED, ,RKYEN MED PHYIR YANG 'JIG 'GYUR BA, , DE NI YOD PAR JI LTAR SHES, ,ZHES BYA BA SMOS SO, ,GAL TE 'JIG RTEN NGO BO NYID DU GRUB NA NI DE'I TSE RANG BZHIN GYI NGO BOR GRUB PA YOD PAS RGYU DANG RKYEN LA LTOS TE 'BYUNG BAR MI 'GYUR ZHING, RGYU DANG BCAS LAS 'BYUNG BAR YANG MI 'GYUR TE, NGO BO NYID NI BYAS PA MED PA'I @23B PHYIR RO, ,GNAS PA YANG RKYEN LA RAG LAS PAR MI 'GYUR RO, ,NGO BO NYID KYIS GRUB PA YOD NA GZHAN DU 'GYUR MI SRID DE, 'DI LTAR GZHAN DU 'GYUR BA SPANG BA'I PHYIR GNAS PA'I RKYEN BTZAL BA NI RIGS BAR 'GYUR RO, ,GANG GNAS PA'I RKYEN LA RAG LAS PA DE GZUGS BRNYAN BZHIN DU NGO BO NYID MED PAR GRUB PA YANG RIGS SO, ,GANG NGO BO NYID DU GRUB PA DE NI RANG BZHIN GYIS MI 'GYUR BAS GNAS PA'I RKYEN MED KYANG LDOG PA MI RIGS SO, ,GANG GNAS PA'I RKYEN MED NA LDOG PA DE NI GZUGS BRNYAN BZHIN DU NGO BO NYID KYIS GRUB PA MED PAR 'OS SO; ,GANG DE LTAR NGO BO NYID KYIS GRUB PA MED PA DE GZHAN GYIS JI LTAR YOD PAR KHONG DU CHUD PA'I RGYU MED PAS DE YOD PA NYID DU MI RIGS SO ZHES BYA BAR DGONGS SO, ,MU STEGS CAN RTEN CING 'BREL BAR 'BYUNG BA MI SMRA BA RNAMS KYI DNGOS PO RNAMS LA NGO BO NYID YOD PAR MNGON PAR ZHEN PA GANG YIN PA DE NI RANG GI GRUB PA'I MTHA' LAS BYUNG BA DANG MI 'GAL BAS, GAL TE YOD PAR SMRA BA RNAMS, ,DNGOS LA ZHEN PAR GNAS PA NI, ,LAM DE NYID LA GNAS PA STE, ,DE LA NGO MTSAR CUNG ZAD MED, ,GRANGS CAN GYIS RANG GI GRUB PA'I MTHA' LAS YON TAN SNYING STOBS DANG, RDUL DANG MUN PA GSUM RTAG PAR LOBS LA, BYE BRAG PAS KYANG RANG GI GRUB PA'I MTHA' LAS SA DANG, CHU DANG ME DANG RLUNG GI RDUL PHRA RAB YAN LAG CAN MA LUS PA'I DNGOS PO RTZOM PA RTAG PA NYID DU LOBS NAS RTAG PA'I DNGOS POR SMRA BA'I PHYIR GAL TE DNGOS PO LA ZHEN PAR GNAS PA DANG NGO BO NYID BZUNG NAS GNAS PA DE LA NI BLO MCHOG DANG LDAN PA DAG NGO MTSAR DU 'DZIN PA CUNG ZAD KYANG MED DE YA MTSAN DU BYA BA CUNG ZAD KYANG MED PA YIN NO, ,DE CI'I PHYIR ZHE NA, 'DI LTAR MI SRID PA'I DNGOS PO LA BRTEN PA NI 'JIG RTEN NA NGO MTSAR GYI RGYU YIN NO, ,SRID PA'I DNGOS PO LA BRTEN PA NI DE LTA MA YIN TE, DE RIGS PA'I PHYIR RO, ,RANG GI GRUB PA'I MTHA' LAS YOD PAR BSTAN PA STON ZHING KHONG DU CHUD PA LA NI NGO MTSAR GYI RGYU MED PAS NGO MTSAR CUNG ZAD KYANG MED PAR RIGS SO, ,BYE BRAG TU @24A *, ,SMRA BA DANG, MDO SDE PA DANG, RNAM PAR SHES PA TZAM DU SMRA BA GRUB PAS MTHA' LAS YOD PA MI SRID PA YONGS SU STON PA NI BLO MCHOG DANG LDAN PA DAG LA MCHOG TU NGO MTSAR BSKYED PA YIN NO, ,DE DAG LA, SANGS RGYAS LAM LA BRTEN NAS NI, , THAMS CAD MI RTAG SMRA BA RNAMS, ,RTZOD PA YIS NI DNGOS PO LA, ,CHAGS GNAS GANG YIN DE SMAD DO, ,RTEN CING 'BREL BAR 'BYUNG BA NI SANGS RGYAS PA'I LAM YIN TE, DE LA BRTEN NAS 'DU BYED DE DAG THAMS CAD RTEN CING 'BREL BAR 'BYUNG BA'I PHYIR MI RTAG PA'O, ,ZHES DE SKAD KHAS LEN KYANG DNGOS PO RNAMS KYI RANG GI NGO BO GRUB PAR STON PAR 'DOD PA DE STONG PA NYID DU SMRA BA LA RTZOD PAR BYED CING DE MI SRID PA'I DNGOS PO LA BRTEN PA NI NGO MTSAR CHE BAS DE RMAD DU GYUR PA'O, ,NGO MTSAR CHE BA DE YANG 'JIG RTEN NA YA MTSAN DU GYUR PAS RMAD DU BYUNG BA ZHES BYA'O, , DE LTAR THAMS CAD KYANG MI RTAG PAR SMRA BA LA RTEN CING 'BREL BAR 'BYUNG BA'I LAM KHAS LEN PAR GYUR KYANG DNGOS PO'I NGO BO NYID STON CING RLOM PAR GNAS PA NI RTA DMU RGOD BONG BU'I SPYOD PA LTAR BCOS PA BZHIN DU MKHAS PA DAG LA RAB TU NGO MTSAR DU 'GYUR RO, ,PHYAG BYA BAR 'OS PA MA YIN PA LA PHYAG 'TSAL LO ZHES BYA BA'I TSIG BZHIN DU RMAD DU BYUNG BA'I SGRA BSTOD PA'I TSIG 'DI YANG BSTING BA YIN NO, ,RTEN CING 'BREL BAR 'BYUNG BA KHAS LEN PA SANGS RGYAS PA'I LAM LA BRTEN PA DAG ,DE NI 'DI ZHES GANG DAG LA, ,BRTAGS NA RAB TU MI DMIGS NA, , BDEN PA DE NI 'DI'O ZHES, ,RTZOD PAS MKHAS PA SU ZHIG SMRA, ,'DI LTAR GZUGS DANG TSOR BA DANG, RNAM PAR SHES PA DANG, 'DUS BYAS GZHAN THAMS CAD RTEN CING 'BREL BAR 'BYUNG BA'I PHYIR NGO BO NYID KYIS MA SKYES PA'O, ,GANG NGO BO NYID KYIS MA SKYES PA DE'I MTSAN MA DMIGS SU MED PA'I PHYIR GZUGS DE NI 'DI'O, ,TSOR BA DE NI 'DI'O, ,RNAM PAR SHES PA DE NI 'DI'O, ,'DUS BYAS GZHAN DE NI 'DI'O ZHES BLO LA RNAM PA THAMS CAD DU MI SNANG STE, DE LTAR GANG GIS KYANG BYE BRAG TU MI SNANG BA GANG YIN PA DE NI 'DI'O ZHES GZHAN LA BSTAN @24B PAR MI NUS SO, ,GANG BSTAN PAR MI NUS PA DE LA SHES RAB CAN DAG RTZOD PA SMRA BA NI MI RIGS SO, ,RTZOD PA ZHES BYA BA NI GANG LA BDAG GI PHYOGS SGRUB PA DANG, GZHAN GYI PHYOGS GZHIG PA'O, ,DE LTAR DNGOS PO GANG YANG MI DMIGS NA RANG GIS KHAS BLANGS PA DNGOS PO BDEN PA GANG YIN PA DE NI 'DI'O ZHES BSTAN PAR BYA BA DE CUNG ZAD KYANG YOD PAR GAL 'GYUR, GZHAN GYIS KHAS BLANGS PA'I DNGOS PO BRDZUN PA GANG YIN PA DE NI 'DI'O ZHES BSTAN PAR BYA BA DE YANG CUNG ZAD KYANG YOD PAR GA LA 'GYUR, DE LTAR RTEN CING 'GREL PAR 'BYUNG BA'I DON RANG BZHIN GYIS SKYE BA MED PA'I DON DU KHONG DU MA CHUD PA SHIN TU PHYIN CI LOG TU GYUR PA DAG GIS, MA BRTAN PAR NI GANG DAG GIS, ,BDAG GAM 'JIG RTEN MNGON CHAGS PA, ,RTAG DANG MI RTAG SOGS LTA BAS, ,KYE MA DE DAG 'PHROGS PA YIN, ,GANG DAG PHUNG PO LNGA GZUGS BRNYAN LTA BU RANG BZHIN MED PA LA BRTEN NAS BDAG TU MI 'DOGS KYI, SEMS RANG GI MTSAN NYID DU GRUB PA LA BDAG GO ZHES RNAM PAR 'JOG PA DE DAG GDON MI ZA BAR LTA BA'I CHU BO CHEN POS MYA NGAN LAS 'DAS PA'I LAM LAS DED CING KHYER BAR 'GYUR RO, ,JI LTA ZHE NA, DE LA SEMS NGO BO NYID DU GRUB PAR 'DOD NA YANG NA NI RTAG PAR 'GYUR, YANG NA NI MI RTAG PAR 'GYUR RO, ,GAL TE RTAG PAR 'GYUR NA DE'I TSE THER ZUG TU SMRA BA YIN NO, ,'ON TE MI RTAG NA DE'I TSE CHAD PAR SMRA BA YIN TE, BYUNG NAS MED PAR GYUR PA NI CHAD PAR LTA BA YIN NO, ,DE LTAR DE DAG KYE MA LTA BAS 'PHROGS PA YIN NO, ,KYE MA ZHES BYA BA'I SGRA NI SMRE SNGAGS 'DON PA' MA NGES PAR RIG PAR BYA'O, ,DE LTAR 'JIG RTEN ZHES BYA BA PHUNG PO LNGA PO RANG GI MTSAN NYID KYIS GRUB PAR 'DOD NA YANG MTHUN PAR SKYON DU 'GYUR BAR SBYAR RO, ,YANG NA 'DI NI DON SGZHAN TE, GRANGS CAN LA SOGS PA GANG DAG MA BRTEN PAR BDAG RTAG PA DANG, NGO BO NYID KYIS GRUB PA DANG, RTEN CING 'BREL BAR 'BYUNG BA MA YIN PA DANG, 'JIG RTEN YANG RANG BZHIN GYI BDAG NYID DANG, RANG BZHIN YANG 'GYUR BA MED PA'I PHYIR NGO BO NYID KYIS GRUB PAR ZHEN LA 'GYUR BA'I TSOGS NI @25A *, ,LDOG PAR 'DOD DO, ,GZHAN DAG NI GZHAN DU 'DOD, KYE MA DE DAG NI GDON MI ZA BAR RTAG PA DANG MI RTAG PA LA SOGS PA'I LTA BA RNAMS KYIS 'PHROGS PAR 'GYUR RO, ,RANG GI SDE PA GANG DAG PHUNG PO LNGA DANG BDAG BRTEN PAR KHAS LEN KYANG RDZAS SU YOD PA NYID DU ZHUGS PA DANG GANG DAG MA RIG PA DANG 'DU BYED LA SOGS PA RGYU DANG RKYEN TSOGS PA LAS BYUNG BA YIN YANG RNAM PAR SHES PA LA SOGS PA RDZAS SU YOD PA NYID DU BRJOD PA DE DAG KYANG DE BZHIN DU LTA BA LOG PAR ZHUGS PA YIN PAR BSTAN PA'I PHYIR, GANG DAG BRTEN NAS DNGOS PO RNAMS, ,YANG DAG NYID DU 'GRUB 'DOD PA, ,DE DAG LA YANG RTAG STZOGS KYI, ,SKYON DE JI LTAR 'BYUNG MI 'GYUR, ,ZHES BYA BA SMOS SO, ,JI LTAR BDAG DANG CHOS KYI NGO BO NYID KYI DON YOD PA DANG, MED PAR KHAS BLANGS PA LA RTAG PA DANG, CHAD PA'I SKYON DU 'GYUR BA DANG MTSUNGS PA'I PHYIR RO, ,JI SKAD SMOS PA'I LTA BA DAG BSAL NAS RTEN CING 'BREL BAR 'BYUNG BA JI LTAR GNAS PA'I DON KHONG DU CHUD NA, GANG DAG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROGS, ,GAL TE GZUGS LA SOGS PA NGO BO NYID KYIS MED PA YIN NA, DE DAG NGO BO NYID KYIS MED PAS NGO BO NYID GZHAN DU 'GYUR MI SRID DE, NGO BO NYID KYIS MED PA NI PHYIS YOD PAR MI RUNG NGO, ,RGYU DANG RKYEN YOD DU ZIN KYANG GANG YANG SKYE MI SRID PA DANG RGYU DANG RKYEN RNAMS KYANG DE LTA BU'I RANG BZHIN YIN PAS MI SRID PA'I PHYIR RTEN CING 'BREL BAR 'BYUNG BA DANG 'GAL BAR 'GYUR RO, ,'ON TE NYES PA DE YONGS SU SPANG BAR 'DOD DE, NGO BO NYID KYIS YOD PAR KHAS LEN NA YANG DE'I TSE DE LTAR BYUNG BA BZHIN DU RGYU DANG RKYEN RNAMS KYIS KYANG 'BYUNG BAR MI 'GYUR TE, RGYU DANG RKYEN RNAMS KYANG DGOS PA MED PAS YOD PAR MI 'GYUR RO, ,DE LTA NA YANG RTEN CING 'BREL BAR 'BYUNG BA DANG 'GAL BAR 'GYUR RO, ,RTEN CING 'BREL BAR 'BYUNG BA DANG 'GAL NA RNAM PAR GZHAG PA THAMS CAD ZHIG @25B PAR 'GYUR RO, ,BONG BU'I RVA LA SOGS PA BZHIN DU 'GRO BA YANG MI DMIGS PAR 'GYUR RO, ,DE BAS NA KHAMS DANG 'GRO BA DANG, SKYE GNAS DANG, RIGS DANG, RUS DANG, CHO RIGS DANG, KHA DOG DANG, GZUGS DANG, STOBS DANG, BLO DANG, DBANG PO SO SO THA DAD PA'I 'GRO BA DANG, 'GRO BA MA LUS PA'I RTEN PHYI ROL GYI RLUNG GI DKYIL 'KHOR LA SOGS PA DANG, GSER DANG, DNGUL DANG, AANDA RNYIL DANG, SHEL DANG; PADMA R'A GA LA SOGS PA DANG, KU MU DA DANG, PADMA DANG, SHING DANG, RI DANG, SMAN DANG, BUM PA DANG, SHING RTA LA SOGS PA DMIGS SU MED PA SNA TSOGS KYANG MED PA NYID DU 'GYUR RO, ,DE DMIGS SU YOD BZHIN DU MED PAR KHAS BLANG BA NI MI RIGS SO, ,DE BAS NA GANG BRTEN TE 'BYUNG BA'I NGO BO NYID KYIS YOD PA DANG MED PA SPANGS PA STE, RKYEN 'DI TZAM GYIS GRUB PAS GZUGS BRNYAN BZHIN DU DE NGO BO NYID KYIS GRUB PA MED PAR KHAS BLANG BAR BYA STE, JI LTAR 'PHAGS PA LHAS, 'BRAS BU YOD PAR GANG 'DOD DANG, ,'BRAS BU MED PAR GANG 'DOD LA, ,KA BA LA SOGS KHYIM DON DU, ,BRGYAN PA'I DON KYANG MED PAR 'GYUR, ,ZHES SMOS PA LTA BU'O, ,DE LTAR RTAG PA DANG CHAD PA SPANGS NAS RTEN CING 'BREL PAR 'BYUNG BA GZUGS BRNYAN LTA BU BLO PHYIN CI LOG GI SPYOD YUL DU GYUR PA DANG 'GAL BA MED PAS JI SKAD SMOS PA'I 'GRO BA SNA TSOGS MI SRID PA MA YIN NO, ,'PHAGS PA RNAMS KYANG PHYIN CI LOG SPANGS TE, BRDZUN DU SGRO MI 'DOGS PAS RNAM PAR GROL BA MI SRID PA MA YIN NO; ,GANG GI PHYIR RTEN CING 'BREL PAR 'BYUNG BA 'DI LTAR NGO BO NYID KYIS SKYE BA MED PA DE'I PHYIR RIGS PA 'DRIS DNGOS PO RNAMS LA GANG DAG BRTEN NAS DNGOS PO RNAMS CHU'I ZLA BA LTA BUR NI 'DOD PA DE DAG RANG GI NGO BOR GRUB PA MED PAS GZUGS BRNYAN BZHIN DU RANG GI NGO BO NYID KYI BDEN PA YANG MA YIN BRDZUN PA YANG MA YIN PAR 'DOD DE, 'DI LTAR BSAM PA 'DI NI DNGOS POR GYUR BA LA BRTEN PA STE, RTEN CING 'BREL BAR 'BYUNG BA NI DNGOS PO YOD PA MA YIN LA, GZUGS BRNYAN LTA BUR GYUR PA DE'I PHYIR DE YANG DAG PA MA YIN NO, ,YANG DAG PAR YOD GZHAN DU 'GYUR @26A *, ,MI SRID PAR THAL BAR 'GYUR RO, ,'JIG RTEN YANG DAG PA DANG 'DRA BAR SNANG BAS LOG PA YANG MA YIN NO, ,YANG DAG PA MA YIN PA ZHES BYA BA YANG LA LA LA BSTAN PA DANG DGOS PA 'GRUB PA'I PHYIR RO, ,GANG GI PHYIR YANG DAG PA MA YIN PA DE'I PHYIR RTAG PAR SMRA BA MA YIN NO, ,GANG GI YANG DAG PA MA YIN PA YANG MA YIN PA DE'I PHYIR CHAD PAR SMRA BA 'AM LOG PAR SMRA BA MA YIN NO, ,DE LTAR GZUGS BRNYAN BZHIN DU RTEN CING 'BREL BAR 'BYUNG BA RANG BZHIN MED PAR KHONG DU CHUD NA GDON MI ZA BAR TSUL BZHIN MA YIN PAR RNAM PA'I RLUNG GIS DKRUGS TE 'KHRUGS PAR GYUR PA'I RBA RLABS CHEN PO PA RTAG PA DANG MI RTAG PA LA SOGS PA'I LTA BA'I CHU BO LAS RTEN CING 'BREL BAR 'BYUNG BA SHES PA'I GRUS BRGAL NAS MYA NGAN LAS 'DAS PA'I SKYED MOS TSAL GYI THANG SANGS RGYAS KYI CHOS MA 'DRES PA'I SHING GI TSAL GYIS MDZES PAR BYAS PA; BYANG CHUB KYI YAN LAG GI RIN PO CHE SNA TSOGS YID 'PHROG PA YOD PA, STOBS BCU DANG LDAN PAS DRI MA MED PA, ZAD PA DANG MI SKYE BA SHES PAS DBEN PAR BDE BAR PHYIN TE, GZHAN DAG LA YANG DE'I RJES SU 'GRO BA RTEN CING 'BREL BAR 'BYUNG BA'I GTAM GSANG BSTOD DE STON PAS BSGO BA DE BSGRUB PA LA BRTZON PA 'KHOR BA'I RGYA MTSO CHEN PO'I NANG NA 'DUG PA RTAG PA LA SOGS PA'I LTA BA'I CHU BO RNAMS KYIS MGO RMONGS PA DE DAG NGES PAR SGROL LO, ,GANG DAG RTEN CING 'BREL PAR 'BYUNG BA'I CHOS NYID 'DI KHONG DU MA CHUD DE, DNGOS PO RNAMS KYI RANG GI MTSAN NYID YONGS SU RTOG PA DE DAG NI GDON MI ZA BAR DNGOS POR KHAS LEN YOD NA NI, 'DOD CHAGS ZHE SDANG 'BYUNG BA YI, ,LTA BA MI BZAD MA RUNGS 'DZIN, ,DE LAS BYUNG BA'I RTZOD PAR 'GYUR, ,DE LA 'DOD CHAGS NI RANG GI PHYOGS LA MNGON PAR ZHEN PA'I MTSAN NYID DO, , ZHE SDANG NI GZHAN GYI PHYOGS LA RGYAB KYIS BLTAS PA'I MTSAN NYID DO, ,'DOD CHAGS DANG ZHE SDANG GANG LAS 'BYUNG BA DE 'DOD CHAGS DANG ZHE SDANG 'BYUNG BA'O, ,RNAM PAR SMIN PA SHIN TU MI BDE BA DANG SHIN TU BZOD PAR DKA' BA'I PHYIR MI BZOD PA'O, ,SEMS KYI RGYUD @26B LA GNOD PA SKYED PAR BYED PA DANG, 'DA' BAR DKA' BA'I PHYIR MA RUNGS PA STE, DE YANG GANG ZHE NA, LTA BA YONGS SU 'DZIN PA'O, ,LTA BA LA GNAS PA 'DI LTA BU 'DI YANG DNGOS POR LEN PA LAS SKYE'O, ,LTA BA YONGS SU 'DZIN PA YOD NA RANG GIS KHAS BLANGS PA'I DON BSTAN PAR 'DOD PA DANG; GZHAN GYIS KHAS BLANGS PA ZHIG 'DOD PA'I PHYIR LTA BA KHAS LEN PA LAS BYUNG BA'I RTZOD PA DNGOS PO LA MNGON PAR ZHEN PA'I RTZA BA LAS BYUNG BA GZHAN DAG KYANG 'BYUNG NGO, ,GANG GI PHYIR DE DE LTAR GYUR BA'I PHYIR, DE NI LTA BA KUN GYI RGYU, ,DE MED NYON MONGS MI SKYE STE, DE BAS DE NI YONGS SHES NA, ,LTA DANG NYON MONGS YONGS SU 'BYANG, ,DNGOS POR KHAS LEN PA YOD NA DE NI SNGON GYI MTHA' DANG PHYI MA'I MTHA' DANG DBUS YONGS SU RTOG PAS DE LA DMIGS PA LTA BAR GYUR PA RNAMS SU LTUNG BA YOD PAS NA DNGOS POR 'DZIN PA DE LTA BAR GYUR PA THAMS CAD KYI RGYU YIN NO, ,LTA BAR GYUR PA YOD NA RGYU DE LAS BYUNG BA'I NYON MONGS PA 'BYUNG STE, RANG GI LTA BA LA 'DOD CHAGS 'BYUNG BA DANG, DES NGA RGYAL DU 'GYUR BA DANG, GZHAN GYI LTA BA LA ZHE SDANG 'BYUNG BA'I PHYIR DANG, THAMS CAD DU GTI MUG 'BYUNG BAS LTA BAR GYUR PA LAS NYON MONGS PA RNAMS 'BYUNG NGO, ,GANG GI PHYIR DE LTAR LTA BA DANG, NYON MONGS PA THAMS CAD DNGOS POR DMIGS PA'I RGYU LAS BYUNG BA DE'I PHYIR DNGOS PO DE YONGS SU SHES TE, DNGOS PO'I RANG GI NGO BO JI LTA BA BZHIN DU KHONG DU CHUD NA DMIGS PA MED PAS LTA BA RNAMS LDOG GO; ,DE LOG NA NYON MONGS PA RNAMS SPONG NGO, ,GAL TE 'DI SNYAM DU, GANG GIS DE SHES 'GYUR ZHE NA, ,RTEN CING 'BYUNG BA MTHONG BA STE, ,RTEN CING SKYES PA MA SKYES SHES, ,YANG DAG MKHYEN PA MCHOG GIS GSUNGS, ,RTEN CING 'BREL BAR 'BYUNG BA MTHONG NAS DNGOS PO RNAMS LA NGO BO NYID DU DMIGS PAR MI 'GYUR, GANG BRTEN NAS SKYES PA DE NI GZUGS BRNYAN BZHIN DU NGO BO NYID KYIS MA SKYES PA'I PHYIR RO, ,BRTEN NAS BYUNG BA GANG YIN PA DE NI BYUNG BA NYID DU NGES TE, DE LA MA BYUNG ZHES BYA BA'I SGRAR JI SKAD DU GDAGS, GAL TE MA SKYES PA ZHES BYA BA NA NI DE @27A *, ,BRTEN NAS SKYES PA ZHES BYAR MI RUNG STE, DE BAS NA NANG 'GAL BA'I PHYIR DE RIGS PA MA YIN NO ZHES ZER NA, KYE MA KYI HUD RNA BA DANG SNYING MED PAS KYANG BDAG LA KLAN KA BTZAL BA GANG YIN PA DE NI BDAG MA RUNGS PA ZHES BAB BO, ,GANG BRTEN NAS SKYES PA DE GZUGS BRNYAN BZHIN DU NGO BO NYID KYIS SKYES PA MA YIN NO ZHES KHO BOS GANG GI TSE SMRAS PA DE'I TSE DE LA KLAN KA BTZAL BA'I SKABS GA LA YOD, BRTEN NAS 'BYUNG BA'I RNAM PA GANG GI GZUGS BRNYAN DMIGS PA DE'I BRDZUN PAR GYUR PA DMIGS PA KHO BO MA SKYES PA'O ZHES SMRA'I; BDAG NYID GANG GIS DE'I BYUNG BA MED PA RNAM PAR GZHAG PA DE NYID KYIS DE'I SKYE BA MED PAR BRJOD DO, ,BDAG NYID GANG GIS DE'I SKYE BA MED PAR RNAM PAR GZHAG CE NA, YANG DAG PAR 'DOD PA'I NGO BO NYID KYIS 'DOD KYI, BRDZUN PA'I NGO BOS NI MA YIN TE, DE NI NGO BO DES RTEN CING 'BREL BAR 'BYUNG BA KHAS BLANGS PA'I PHYIR RO, ,DE'I PHYIR DE LTAR SKYE BA DANG MI SKYE BA 'DI GNYIS YUL MA YIN PA'I PHYIR GCIG GI YUL DU GA LA 'GYUR, GAL TE RTEN CING 'BREL BAR 'BYUNG BA JI LTAR DMIGS PA DE LA SKYE BA MED PA ZHES MI STON GYI, NGO BO NYID LA SKYE BA MED PA ZHES STON NA 'DI LA KHYOD KYIS DE SKAD SMRAS PA LTA BU SNGON MA THOS PA CI ZHIG BSTAN PAR 'GYUR, KHO BO NI SNGON MA THOS PA CUNG ZAD KYANG MI STON TE, NGED KYI BSTAN BCOS NI JI LTAR GNAS PA'I CHOS NYID BSTAN PA CHED CHE BAR BYA BA YIN NA JI LTAR GNAS PA'I CHOS NYID DE LA YANG PHYIN CI LOG GI RJES SU 'BRANG BA 'DRON PO PHYOGS BSLAD PA LTA BU DAG RNAM PA GZHAN DU YONGS SU RTOG GO, ,RTEN CING 'BREL BAR 'BYUNG BA NGO BO NYID KYIS MA SKYES PA STE, PHYIN CI LOG PA'I BDAG NYID DU MA BYUNG BA YIN NA SO SO'I SKYE BO DAG DE LA NGO BO NYID KYIS SKYE BAR YONGS SU RTOG STE, DE LA MNGON PAR ZHEN NAS KUN NAS NYON MONGS SO, ,KUN NAS NYON MONGS DE SPANG PA'I PHYIR NYAN THOS DANG, RANG SANGS RGYAS DANG BYANG CHUB SEMS DPA' YANG DAG PAR RIG PA RNAMS KYI MCHOG SANGS RGYAS BCOM LDAN 'DAS KYIS GSUNGS PA, BRTEN NAS SKYES PA MA @27B SKYES SHE'O, ,SGYU MA MKHAN NI SGYU MA'I NA CHUNG YANG DAG PA SNYAM DU MNGON PAR ZHEN NAS KUN NAS NYON MONGS PAR MI 'GYUR GYI, NA CHUNG YANG DAG PA SNYAM DU MNGON PA'I NGA RGYAL CAN PHYIN CI LOG TU GYUR BA DE LA NI KUN NAS NYON MONGS PA 'BYUNG NGO, ,DE BZHIN DU 'DI LA YANG BRTEN NAS BYUNG BA NGO BO NYID KYIS MA SKYES SO ZHES BCOM LDAN 'DAS GSUNGS PAS DNGOS PO RNAMS LA NGO BO NYID DU MNGON PAR ZHEN PA BZLOG PA YIN NO, ,'DI LTAR, LOG PA'I SHES PAS ZIL GNON PA, ,BDEN PA MIN LA BDEN 'DZIN PA'I, ,YONGS SU 'DZIN DANG RTZOD SOGS KYI, , RIM PA CHAGS LAS SHIN TU BYUNG, ,DE LTA BAS NA DNGOS PO BDEN PA MA YIN PA BDEN PAR 'DU SHES PA DE BZLOG PA'I PHYIR BCOM LDAN 'DAS KYIS RTEN CING 'BREL BAR 'BYUNG BA BSTAN TO, ,RTEN CING 'BREL BAR 'BYUNG BA NI SLU BA'I PHYIR BDEN PA MA YIN NO, ,DE BDEN PA MA YIN PAR RTOGS NA DNGOS PO LA CHAGS PA LDOG GO, ,DNGOS PO LA CHAGS PA LOG NA DNGOS PO YONGS SU 'DZIN PA LDOG GO, ,YONGS SU 'DZIN PA NI BDAG GIR BYED PA STE, DE NI DE LTAR LDOG GO, ,DE LOG LA 'DOD PA LA CHAGS PAR GYUR PA DANG, LTA BA LA CHAGS PAR 'GYUR BA'I RTZOD PA YANG LDOG GO, ,RTZOD PA LOG NA 'THAB PA LA SOGS PA YANG LDOG GO, ,DE BAS NA DNGOS PO BRTEN NAS GRUB PA GANG YANG MI DMIGS NA GDON MI ZA BAR, RTZOD MED CHE BA'I BDAG NYID CAN, ,DE DAG LA NI PHYOGS MED DO, ,RANG GI PHYOGS KHAS LEN PA YOD NA NI DE'I TSE DE GZUGS PA'I PHYIR GZHAN RNAMS DANG RTZOD PAR GYUR NA DE DAG LA NI DE LTA BU YANG MED PAS DE BAS NA RTZOD MED CHE BA'I BDAG NYID CAN NO, ,GAL TE DE DAG LA RANG GI PHYOGS MED DU ZIN KYANG GZHAN GYI PHYOGS GZHIG PA MED MI SRID DE, DE BAS NA GZHAN GYI PHYOGS YOD DANG, ,BDAG GI PHYOGS KYANG MED DU MI RUNG NGO, ,PHYOGS SHIG YOD NA NI BDAG GI PHYOGS SAM GZHAN GYI PHYOGS MED PAR YANG 'GYUR NA, GANG GI TSE PHYOGS YE MED DE'I TSE, GANG RNAMS LA NI PHYOGS MED PA, ,DE LA GZHAN PHYOGS GA LA YOD, ,GANG GI TSE DE LTAR DNGOS PO MED PAR BDAG DANG @28A *, ,GZHAN GYI PHYOGS MED PA DE'I TSE DE LTAR MTHONG BA RNAMS KYI NYON MONGS PA RNAMS NGES PAR 'GAG PAR 'GYUR RO, ,JI LTA ZHE NA, DE DAG 'DI LTAR, GANG YANG RUNG BA'I GNAS RNYED NAS, ,NYON MONGS SBRUL GDUG G-YON CAN GYIS, , ZIN PAR 'GYUR RO GANG GI SEMS, ,GNAS MED DE DAG ZIN MI 'GYUR, ,'DOD CHAGS LA SOGS PA NI RANG BZHIN GYIS 'DU BYED KYI NAGS THIBS BO NA RGYU BA DGE BA'I PHYOGS KYI SROG GI BAR CHAD BYED PA LTA BA LA SOGS PA'I MIG GI DBANG PO'I PHUG TU GNAS BCAS PA YUL GYI RLUNG LA YID CHAGS PA YUN RING PO NAS RJES SU 'BRANG BA'O, ,G-YON CAN NI GYA GYU LTAR 'GRO BA STE, ,'DZIN PA LA BRTZON PAS DE DAG NI SBRUL LO, ,GNAS BRTEN PAR BYA BA RGYU 'GA' ZHIG RNYED NAS 'GA' ZHIG LA 'DZIN TO, ,GANG DAG DNGOS PO THAMS CAD DU MI DMIGS PAS NYON MONGS PA'I SBRUL GYIS GNAS PA'I RGYU MA LUS PAR BSREGS SHING DRAN PA DANG SHES BZHIN GYI DBANG PO'I PHUG RNAMS BKAG PA DE DAG NYON MONGS PA'I SBRUL GYIS ZIN PAR 'GYUR BA'I GNAS MED PAR BYAS PAS GANG DAG GI SEMS LA GNAS PA MED PA NI ZIN PAR 'GYUR TE, DNGOS POR DMIGS PA MED NA SEMS KYI PHYOGS YONGS SU MI 'DZIN PA'I PHYIR RO, ,DE'I PHYIR DE LTAR GANG DAG GIS SEMS LA DMIGS PA MED PA DE DAG NYON MONGS PA'I SBRUL GDUG PA G-YON CAN GYIS KYANG TSUGS SHING ZIN PAR MI 'GYUR RO, ,GANG DAG GZUGS LA SOGS PA'I RANG BZHIN DMIGS KYANG NYON MONGS PA RNAMS SPANG DU RUNG BAR 'DOD PA DE DAG LA NI NYON MONGS PA RNAMS SPANG BAR 'GYUR BA MED DO ZHES BSTAN PA'I PHYIR, GNAS DANG BCAS PA'I SEMS YOD LA, ,NYON MONGS DUG CHEN CIS MI 'BYUNG, ,ZHES BYA BA SMOS SO, ,DNGOS POR DMIGS NA NI 'DOD CHAGS LA SOGS PA NYON MONGS PA RNAMS KYI 'BYUNG BA GDON MI ZA BAR MI ZLOG STE 'BYUNG NGO, ,JI LTA ZHE NA, GAL TE DNGOS PO DE YID DANG MTHUN PAR GNAS NA NI DE'I TSE DE LA RJES SU CHAGS PA BZLOG PAR DKA' BAR 'GYUR RO, , @28B CI STE MI MTHUN NA YANG DE'I TSE DE LA KHONG KHRO BA DANG, TSIG PA ZA BA BZLOG DKA' BAR 'GYUR RO, ,'ON TE RTOG PA DE GNYIS KA BSTZAL KYANG DE'I TSE RANG GI NGO BO LA SGRO 'DOGS SHING DMIGS PA LAS BYUNG BA BTANG SNYOMS SU 'GYUR BA'I YUL LA MA RIG PA'I BAG LA NYAL BA BZLOG DKA' BAR 'GYUR RO, ,THA MAL BAR 'DUG PA'I GNAS NA KUN TU 'BYUNG BA'I MA RIG PA'I BAG LA NYAL 'KHOR BA'I SDUG BSNGAL 'BYUNG BA DANG MTHUN PA GNOD PA'I BDAG NYID NYON MONGS PA'I SBRUL 'BYUNG BAR DMIGS NAS, GANG TSE THA MAL 'DUG PA YANG, ,NYON MONGS SBRUL GYIS ZIN PAR 'GYUR, ,ZHES BYA BA SMOS SO, ,GANG GI TSE GTI MUG DE RTAG TU 'BYUNG BAR GYUR BA DE NI KUN TU RMONGS PA DE KHO NA MTHONG BA BSGRIBS PA'I SO SO'I SKYE BO DAG GTI MUG GI MTHUS GRUB PA'I DNGOS PO'I RANG GI MTSAN NYID LA GDON MI ZA BAR, ,BYIS PA BDEN PAR 'DU SHES PAS, , GZUGS BRNYAN LA NI CHAGS PA BZHIN, ,DE LTAR 'JIG RTEN RMONGS PA'I PHYIR, ,YUL GYI GZEB LA THOGS PAR 'GYUR, ,JI LTAR BYIS PA 'JIG RTEN GYI THA SNYAD MI SHES PA RANG BZHIN GYIS RNAM PAR SHES PA BLUN PA DAG GZUGS BRNYAN DMIGS PA NA DE LA DNGOS PO YOD PAR 'DZIN ZHING CHAGS PAR 'GYUR TE CI YANG BYED CING DE DANG RTZE BA DE BZHIN DU BYIS PA MA RIG PA DANG LDAN PA GTI MUG GI MTHUS SKYES PA LA, DNGOS PO YOD PA YANG DAG PAR RTZOD PA LA MNGON PAR ZHEN PA LUS DANG NGAG YID KYIS 'JUG PAS, DE DANG DE LA MNGON PAR ZHEN PAS, RJES SU CHAGS PA DANG, KHONG KHRO BA DANG, NGA RGYAL LA SOGS PAS RANG DBANG MED PAR 'JUG PA BYIS PA BZHIN DU CI DANG CI YANG BYED CING 'KHOR BA'I GZEB LA THOGS PA 'KHOR BA'I NGO BO NYID MI SHES PA DAG MI 'PHAGS PA RNAMS LA SNYING BRTZE BA'I YUL DU SNANG NGO, ,SHES RAB KYI DRAG PA'I SPYAN DANG LDAN PA 'PHAGS PA DAG NI NGO BO NYID YANG DAG PA JI LTA BA BZHIN DU GZIGS PAS, DNGOS PO GZUGS BRNYAN LTA BUR NI, ,YE SHES MIG GIS RAB MTHONG NA, ,BDAG NYID CHEN PO DE DAG NI, ,YUL GYI 'DAM LA MI CHAGS SO, ,CHAGS PA MED NA DNGOS PO RNAMS LA @29A *, ,DE'I BDAG NYID DU CHAGS SHING 'JUG PA MED PAS YUL GYI 'DAM LA CHAGS PAR MI 'GYUR TE, 'PHAGS PA RNAMS NI GZUGS BRNYAN LA BLO BYANG BA DANG 'DRA ZHING ZHES BYA BA'I THA TSIG GO, ,DE'I PHYIR DE LTAR SHIN TU BYIS PA'I BLO CAN DAG NI GZUGS BRNYAN LA BYIS PA BZHIN DU GDON MI ZA BAR, ,BYIS PA RNAMS NI GZUGS LA CHAGS, ,BAR MA DAG NI 'DOD CHAGS BRAL, ,GZUGS KYI RANG BZHIN SHES PA YI, ,BLO MCHOG DAG NI RNAM PAR GROL, ,DE LA BYIS PA'I MTSAN NYID DANG LDAN PA NI BYIS PA STE, DE YANG NYES PAR SEMS PA SEMS PA DANG, NYES PAR SMRA BA SMRA BA DANG, NYES PAR BYED PA'I LAS BYED PA'O, ,DE LA NYES PAR SEMS PA SEMS PA NI GANG DAG LUS MI GTZANG BA DANG SKAD CIG CING 'JIG PA'I DANG CAN LA GTZANG BA DANG, MI 'JIG PA'I DANG CAN DU SEMS PA'O, ,NYES PAR SMRA BA SMRA BA ZHES BYA BA NI BSNGAGS PAR MI 'OS PA RTAG TU PHAN GDAGS DGOS PA SDUG BSNGAL GYI BDAG NYID CAN GYI LUS LA MING DANG TSIG DANG YI GE'I TSOGS SNA TSOGS KYIS BSNGAGS PA BRJOD PA'O, ,NYES PAR BYED PA'I LAS BYED PA ZHES BYA BA NI MI DGE BA'I RNAM PAR SMIN PA SDUG BSNGAL DU 'GYUR BA'I LAS RTZOM PA'O, ,DE LTAR BYIS PA DE DAG MI GTZANG BZHIN DU GZUGS LA CHAGS SO, ,BAR MA NI GANG DAG MI GTZANG BA LA JI LTAR GNAS PA BZHIN DU SMOD CING GZUGS LA SDUG BSNGAL BRGYA PHRAG DU MA BSTZAGS PAR MTHONG STE, GZUGS LA 'DOD CHAGS DANG BRAL BAR GYUR NAS BSAM GTAN DANG GZUGS MED PA'I SNYOMS PAR 'JUG PA 'THOB STE, 'DOD PA'I KHAMS LAS SHIN TU 'DAS PA DE DAG NI BAR MA'O, ,GANG DAG GZUGS KYANG NGO BO NYID KYIS MED DE, GZUGS BRNYAN BZHIN DU KHONG DU CHUD PA DE DAG NI GZUGS LA SOGS PA'I RNAM PAR RTOG PA RNAMS LAS GDON MI ZA BAR, GZUGS KYI RANG BZHIN SHES PA YIS, ,BLO MCHOG RNAMS NI RNAM PAR GROL, ,DON DE NYID RNAM PAR DBYE BA BSTAN PA'I PHYIR, SDUG CHES PA LA CHAGS PAR 'GYUR, ,DE LAS LDOG PAS 'DOD @29B CHAGS BRAL, ,SGYU MA'I SKYES BU LTAR DBEN PAR, ,MTHONG BAS MYA NGAN 'DAS PAR 'GYUR, ,ZHES BYA BA SMOS SO, ,SGYU MA'I SKYES BU BZHIN DU 'GRO BA DBEN ZHING STONG STE, MYA NGAN LAS 'DAS PA MTHONG NAS GANG DAG MYA NGAN LAS 'DAS PAR GYUR PA DE DAG NI BLO'I MCHOG DANG LDAN PA STE; DE DAG KYANG NYAN THOS DANG RANG SANGS RGYAS DANG BCOM LDAN 'DAS SU SHES PAR BYA'O, ,BAR MA DAG NI 'JIG RTEN PA RNAMS TE, 'DOD PA'I 'DOD CHAGS DANG BRAL BA'O, ,BYIS PA RNAMS NI 'DOD PA LA CHAGS PAR SHES PAR BYA'O, ,SGYU MA'I SKYES BU BZHIN DU 'GRO BA DBEN PAR MTHONG NAS MYA NGAN LAS 'DAS PA JI LTAR 'GYUR ZHE NA, LOG PA'I SHES PAS MNGON GDUNG BA'I, ,NYON MONGS SKYON RNAMS GANG YIN TE, ,DNGOS DANG DNGOS MED RNAM RTOG PA, ,DON SHES GYUR LA MI 'BYUNG NGO, ,ZHES BYA BA SMOS SO, ,GANG GIS 'GRO BA SGYU MA BZHIN DU DMIGS PA DES DNGOS PO DANG DNGOS PO MED PA'I RANG GI MTSAN NYID NGO BOR MI DMIGS PAS DNGOS PO DANG DNGOS PO MED PAR YONGS SU SHES TE, DE GNYIS LA YONGS SU MI RTOG PA'I PHYIR RNAM PAR MI RTOG PA YIN NO, ,DNGOS PO DANG DNGOS PO MED PA RNAMS RNAM PAR BSHIG PA DON SHES PA DE LA 'DOD CHAGS LA SOGS PA NYON MONGS PA GANG YIN PA DE DAG GDON MI ZA BAR 'KHOR BA'I RGYUR MI 'GYUR RO, ,NYON MONGS PA DE DAG NI LOG PA'I SHES PAS MNGON PAR GDUNG BA RNAMS LA 'BYUNG NGO, ,MNGON DU GDUNG BA'I DANG TSUL CAN NI MNGON BAR GDUNG BA CAN NO, ,LOG PA'I SHES PAS MNGON PAR GDUNG BAS LOG PA'I SHES PAS MNGON PAR GDUNG BA'O, ,PHYIN CI LOG PA DAG YUL LA DMIGS PA RNYED NAS NYON MONGS PA RNAMS KYIS GDUNG BAR BYED DE, ,DON RTOGS PA LA NI DE DAG MED PAS GDON MI ZA BAR MYA NGAN LAS 'DA'O, ,BYIS PA RNAMS NI PHYIN CI LOG TU GYUR PAS MYA NGAN LAS 'DAS PAR MI 'THAD DO, ,DE DAG NI 'DOD CHAGS DANG BRAL BA'I GNAS LA YONGS SU RTOG PAS JI LTAR DMIGS PA'I YUL LA CHAGS PA DANG, MI CHAGS PA YOD PAR 'GYUR, 'PHAGS PA DAG NI 'KHOR BA 'DI LA, @30A *, ,GNAS YOD NA NI 'DOD CHAGS DANG, ,'DOD CHAGS BRAL BA DMIGS 'GYUR NA, ,GNAS MED BDAG NYID CHEN PO RNAMS, ,CHAGS PA MED CING CHAGS BRAL MIN, ,GANG LA CHAGS PA DE YANG DMIGS LA GANG LA MI CHAGS PA DE YANG DMIGS NA NI CHAGS PA DANG MI CHAGS PA GNYIS SU RUNG NGO, ,DNGOS PO LA RANG GI NGO BOR SGRO MI 'DOGS NA 'DOD CHAGS DANG BRAL BA DAG MI 'BYUNG NGO, ,'PHAGS PA RNAMS NI DNGOS PO'I RANG GI NGO BO MI DMIGS PAS DE BAS NA DE DAG GNAS MED DE, DMIGS PA MED PAS NGES PAR MYA NGAN [?] LAS 'DA'O, ,DE'I PHYIR DE LTAR RNAM PAR DPYAD NA, GANG DAG RNAM PAR DBEN PA LA, ,G-YO BA'I YID KYANG MI G-YO STE, ,NYON MONGS SPRUL GYIS DKRUGS PA YI, ,MI BZAD SRID PA'I RGYA MTSO RGAL, ,RANG BZHIN GYIS RGOD PA'I PHYIR SEMS SPRE'U LTA BU DBEN PA 'GRO BA STONG PA ZHES DMIGS PA 'DI LA GANG DAG BSTAN PAR GNAS PA DAG NI SRID PA'I RGYA MTSO NYON MONGS PA'I SPRUL GYIS GANG BA DMIGS PA RGAL BA'O, ,DA NI RAB TU BYED PA'I DGE BA YONGS SU BSNGO BA'I PHYIR, DGE BA 'DI YIS SKYE BO KUN, ,BSOD NAMS YE SHES TSOGS BSAGS TE, ,BSOD NAMS YE SHES LAS BYUNG BA, ,DAM PA GNYIS NI THOB PAR SHOG ,CES BYA BA SMOS SO, ,SHES RAB MA GTOGS PA DANG SHES RAB KYI RGYU MA GTOGS PA SEMS CAN GYI KHAMS MTHA' DAG YONGS SU SHES PAR BYA BA'I PHYIR BSGRUBS PA DGE BA DPAG TU MED PA THAMS CAD NI BSOD NAMS KYI TSOGS SHES PA BSTAN TE, SHES RAB DANG SHES RAB KYI RGYU SANGS RGYAS SU 'GRUB PAR YONGS SU BSNGO BA THAMS CAD NI YE SHES KYI TSOGS SO, ,SKYE BO THAMS CAD KYIS TSOGS DE GNYIS BSAGS TE NYE BAR BSGRUBS NAS BSOD NAMS YE SHES LAS BYUNG BA'I DAM PA BLA NA MED PA THOB PAR SHOG SHIG ,BYUNG BA NI SKYES PA'O, ,BSOD NAMS DANG YE SHES LAS BYUNG BA DE DAG NI BSOD NAMS DANG YE SHES LAS BYUNG BA STE, DE GNYIS GANG ZHE NA, GZUGS KYI SKU DANG CHOS KYI SKU'O, ,DGE BA @30B 'DIS DE GNYIS THOB PAR SHOG SHIG ,KLU YI RKYEN YIN 'JIGS DANG BCAS PAS YONGS SPANGS PA, ,RIGS PA'I KU MU DA 'DI KHA 'BYED ZLA BA NI, ,NYES PA'I 'BYUNG GNAS RAB RIB RNAM PA RAB BCOM NAS, ,BLO GROS MI LDAN SKYE BO RNAMS LA GRAGS PAS MDZES, , CHOS NYID DANG NI MI 'GAL GANG 'JUG PA, ,DON DE GAL TE JI SKAD CES BRJOD KYANG, ,DE LA NYES ZHES SANGS RGYAS MI GSUNG PHYIR, ,BDAG GIS YANG DAG RTOGS LA DOGS PA MED, ,DE PHYIR BDAG GIS 'DZEM SPANGS GUS BYAS TE, ,RIGS PA DRUG CU PA 'DI RNAM PAR PHYI, ,RNAM PAR PHYE BA'I BSOD NAMS GANG YIN 'DIS, ,'GRO BA MA LAS THUB DBANG MYUR GYUR CIG ,RIGS PA DRUG CU PA'I 'GREL PA 'DI NI SLOB DPON ZLA BA GRAGS PA ZHES BYA BA THAG PA CHEN PO DBU MA'I SLOB DPON YUL SA MA TA NAS SKYES PA, MU STEGS CAN RTOG GE NGAN PAR SMRA BA'I TSOGS THAMS CAD KYI MUN PA MANG PO RNAM PAR 'JOMS PA, DE BZHIN GSHEGS PA BKA' MTHA' GNYIS RNAM PAR SPANGS PA'I NAM MKHA'I DKYIL THOS PA DANG BSAM PA LAS BYUNG BA'I YE SHES KYIS SNANG BAR GYUR NA, GNAS PA YANG DAG PA MA YIN PA'I PHYIN CI LOG RNAM PA SNA TSOGS KYI TSA BAS GDUNGS PA'I 'GRO BA MTHA' DAG BSIL BAR MDZAD PA'I ZLA BA 'OD ZER DRI MA MED PA DPAG TU MED PAR GRAGS PA YIN TE, DES MDZAD PA'I RIGS PA DRUG CU PA'I 'GREL PA RDZOGS SO,, ,, RGYA GAR GYI MKHAN PO DZI NA MI TRA DANG, D'A NA SH'I LA DANG, SH'I LEN DRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, #, ,RGYA GAR SKAD DU, BO DHI SA TVA YO GA TZA RA TZA TU SH'A [?] KA t'I K'A, BOD SKAD DU, BYANG CHUB SEMS DPA'I RNAL 'BYOR SPYOD PA BZHI BRGYA PA'I RGYA CHER 'GREL PA, 'PHAGS PA 'JAM DPAL GZHON NU GYUR PA LA PHYAG 'TSAL LO, ,'DIR SLOB DPON 'PHAGS PA LHAS NYE BAR SBYAR BA BYANG CHUB SEMS DPA'I RNAL 'BYOR SPYOD PA BZHI BRGYA PA'I @31A *, ,BSTAN BCOS KYI RAB TU BYED PA BCU DRUG GI TSIG LE'UR BYAS PA'I DON 'GREL PA GCIG GIS RNAM PAR DBYE BAR 'DOD PAS DE'I SPYI DON NYE BAR BSTAN PA'I PHYIR BSHAD PA, GANG LAS 'JIG RTEN PA'I DNGOS PO JI LTAR GNAS PA BZHIN, ,RNAM PAR PHYE NAS RIM GYIS DON DAM STON GYUR BA, ,DE LA RAB TU BYED PA DANG PO BZHIS NI 'JIG RTEN PA'I DNGOS PO JI LTAR GNAS PA YONGS SU GSAL BAR BYA STE, 'DI LTAR GZUGS LA SOGS PA PHUNG PO LNGA PO DAG NI RGYU DANG RKYEN LA RAG LAS TE SKYE BA YIN LA DE DAG KYANG SKYE BA DANG LDAN PA NYID KYI PHYIR NA MI RTAG PA'O, , GANG DAG MI RTAG PA DE DAG GDON MI ZA BAR MI RTAG PA NYID KYIS GNOD PA'I BDAG NYID CAN YIN PA'I PHYIR SDUG BSNGAL BA'O, ,GANG DAG SDUG BSNGAL BA DE DAG NI RTAG TU SKYO BA SKYED PAR BYED PA NYID KYI PHYIR MI GTZANG BA'O, ,GANG DAG MI GTZANG BA DE DAG NI DOR BAR BYA BA NYID KYIS BDAG TU 'DZIN PA DANG BDAG GIR 'DZIN PAS YONGS SU GZUNG BAR MI 'OS PA NYID KYIS PHYIR BDAG MED PA'O, ,DE'I PHYIR 'JIG RTEN PA'I DNGOS PO DE LTA BU 'DI PHYIN CI LOG LAS RNAM PA GZHAN DU SNANG BAS GDON MI ZA BAR 'DI SPANG BAR BYA BA NYID DU MNGON PAR GSAL BAR BYAS NAS SANGS RGYAS NYID BLANG BAR BYA BA NYID YIN NO, ,DE NI BYANG CHUB SEMS DPA'I SPYOD PA YANG DAG PAR BSTAN PAS 'THOB PA'I PHYIR LNGA PAS NI BYANG CHUB SEMS DPA'I SPYOD PA BSTAN TO, ,NYON MONGS PAS ZIL GYIS MNAN PA NI BYANG CHUB SEMS DPA'I SPYOD PA'I BAR DU GCOD PAR BYED PA YIN PAS NA DRUG PAS NYON MONGS PA DPYAD DO, ,BDUN PAS NI YUL RNAMS NYON MONGS PA RNAMS SKYE BA DANG GNAS PA DANG 'PHEL BA'I RGYU YIN PAS YUL DPYAD DO, ,YUL DE DAG KYANG SEMS CAN CHOS KYI RANG BZHIN MA RTOGS SHING YUL RNAMS LA TSUL BZHIN MA YIN PA'I YID LA BYED PA DANG LDAN PA RNAMS LA NYON MONGS PA SKYE BA'I RGYU YIN PAS BSTAN BCOS 'DI LAS DON DAM PA BSTAN PA DE LA CHOS KYI RANG BZHIN RNAM PAR BSHAD PA NYAN PAR 'DOD PA'I SLOB MA'I SEMS KYI RGYUD LAS SU RUNG BAR BYA BA'I PHYIR, BRGYAD PA YONGS SU SBYONG BA'I RAB TU BYED @31B PA'O; ,DE'I 'OG TU RAB TU BYED PA BRGYAD KYIS CHOS RNAMS KYI RANG BZHIN MED PA NYID BSTAN TO ZHES BYA BA NI BSTAN BCOS BZHI BRGYA PA'I BSDUS PA'I DON TO, ,DE 'DI DA LTA'I SNYAN DANG GAS MKHAN GYIS RNAM GNYIS BYAS, ,BSTAN BCOS BZHI BRGYA PA DE NI DA LTA'I SNYAN DANG GAS [?] MKHAN BTZUN PA CHOS SKYONG GIS JI LTAR BKOD PA PHYE NAS RNAM PA GNYIS SU BYAS TE, GCIG NI CHOS BSTAN PA BRGYA PA NYID DU'O, ,GZHAN NI RTZOD PA BRGYA PA NYID DU'O, ,DA NI BDAG GIS GCIG TU DE RNAMS DBYE BAR BYA, ,DA NI BSTAN BCOS BZHI BRGYA PA DE GCIG TU BYAS NAS BDAG GIS RNAM PAR DBYE BAR BYA'O, ,DE LTAR BYAS DANG BKOD PA SNGA MA YANG YONGS SU BSKYANGS PAR 'GYUR LA, DES PHAN GDAGS PAR BYA BA RNAMS LA PHAN BTAGS PAR YANG 'GYUR TE, BSTAN BCOS KYI DON BRJOD PAR 'DOD PA MTHA' DAG BLANGS PAS RANG DANG GZHAN GYI DON YANG DAG PAR 'GRUB PA'I PHYIR RO, ,GANG GI PHYIR NA SLOB DPON 'PHAGS PA LHA 'DI NI, SLOB DPON KLU SGRUB SLOB MAR GNANG BAR 'DOD GYUR PA, ,DE'I PHYIR 'DI YI DE NYID LUGS LAS LUGS GZHAN MIN, ,'DI LTAR SLOB DPON 'PHAGS PA LHA NI SINGGA LA'I GLING DU 'KHRUNGS PA SINGGA LA'I GLING GI RGYAL PO'I SRAS ZHIG STE MTHAR RGYAL TSAB BOR NAS DE NYID DU RAB TU 'BYUNG ZHING, DE NAS LHO PHYOGS KYI RGYUD DU LTAR 'ONGS TE SLOB DPON KLU SGRUB KYI NYE GNAS NYID DU 'GYUR ZHING, DE'I LUGS KYI RJES SU 'JUG PAR GYUR PA DE NYID KYI PHYIR NA BSTAN BCOS BZHI BRGYA PA 'DI'I DE KHO NA NYID GANG YIN PA DE NI DBU MA'I BSTAN BCOS LAS BSHAD PA'I DE KHO NA NYID LAS MTSAN NYID THA DAD PA CAN MA YIN NO, ,GANG ZHIG MTSAN NYID SO SOR BYAS NAS SMRA BAR BYED PA DE'I GZHUNG LUGS SO SOR SMRA BA SHIN TU BAB COL YIN TE, DE'I CHOS NYID LA LOG PAR RTOG PA'I PHYIR RO, ,BSTAN BCOS BZHI BRGYA PA 'DI NI, ,BZHI SGRA MI MNGON BYAS PA DANG, ,RTOG RNAMS SEL BAR BYED PA'I PHYIR, ,BRGYA PA ZHES BYAR BRJOD PA STE, ,'DZIN PA'I CHOS PHYIR BSTAN BCOS SO, ,DANG PO'I SGRA MI MNGON PAR BYAS PA'I @32A *, ,PHYIR DANG; RTOG PA RNAMS SEL BAR BYED PA'I PHYIR BRGYA BA YIN LA, 'DZIN PA RNAM PA SNA TSOGS PA 'CHOS PA'I PHYIR NA DE NYID BSTAN BCOS TE, BZHI YANG DE DAG YIN LA TSIGS SU BCAD PA BRGYA YANG YIN NO, ,DE LA MI RTAG PA NYID NI SKYO BA DANG RJES SU MTHUN PA'I PHYIR DANG, DE RTOGS PAS SDUG BSNGAL LA SOGS PA RNAMS KHONG DU CHUD PAR SLA BA NYID KYI PHYIR NA DNGOS PO JI LTAR GNAS PA BZHIN YONGS SU GSAL BAR BYA BA'I PHYIR RE ZHIG MI RTAG PA NYID BSTAN PA'I PHYIR BSHAD PA, GANG LA 'JIG RTEN GSUM MNGA' BDAG , RANG NYID 'CHI BDAG BYED PO MED, ,YOD DES RNAL BZHIN GNYID LOG NA, ,DE LAS MA RUNGS GZHAN CI YOD, ,SANGS RGYAS BCOM LDAN 'DAS LA BRTEN NAS BSTAN BCOS BZHI BRGYA PA 'DI LA GUS PA BSKYED PAR BYA BA'I PHYIR, GDON MI ZA BA KHO NAR BSTAN BCOS KYI RTZOM PAR STON PA LA MCHOD PA BSGRUB PAR BYA DGOS SO ZHE NA, BDEN MOD KYI 'ON KYANG SNGON GYI SLOB DPON RNAMS NI SLOB DPON KLU SGRUB KYI ZHAL SNGA NAS KYIS, GANG GIS RTEN CING 'BREL BAR 'BYUNG, ,'GAGS PA MED PA SKYE MED PA, ,ZHES BYA BA LA SOGS PAS BSTAN BCOS DBU MA'I RTZA BA LAS THOG MAR BCOM LDAN 'DAS LA BSTOD PA BRJOD PAR MDZAD LA, BSTAN BCOS 'DI YANG BSTAN BCOS DE'I KHONGS SU GTOGS PA NYID KYI PHYIR RJE BTZUN SANGS RGYAS BCOM LDAN 'DAS LA LOGS SU BSTOD PA BRJOD PA NYE BAR MA BKOD DO ZHE'O, ,'DIR RAB TU BYED PA BRGYAD KYI TSIG LE'UR BYAS PA DAG RE RE LA SLOB DPON CHOS KYI 'BANGS KYIS SBYAR BA'I DPE RNAMS 'DON PA DE DAG DANG LHAN CIG RNAM PAR BSHAD PAR BYA'O, ,DE LA PHUNG PO LNGA RGYUR BYAS NAS GDAGS PA'I GANG ZAG NI SKYE BA'I GNAS DE DANG DER 'JIG CING RAB TU 'JIG PAS 'JIG RTEN NO; ,'JIG RTEN GSUM NYID 'JIG RTEN GSUM STE, ,RANG GI DON LA shAN BYAS PA'I PHYIR RO, ,DE DAG KYANG KHAMS GSUM PO 'DOD PA DANG GZUGS DANG GZUGS MED PA ZHES BYA BA DAG GAM, GANG KLU'I 'JIG RTEN DANG, MI DANG LHA'I 'JIG RTEN ZHES BYA @32B BA DAG GO, ,DE'I PHYIR 'CHI BDAG NI JI LTAR 'DOD PA BZHIN BYA BA LA MNGA' BTZAN PA'I PHYIR NA 'JIG RTEN GSUM PO 'DI'I MNGA' BDAG GO, ,DE LA SANGS RGYAS BCOM LDAN 'DAS 'CHI BDAG GI BDUD PHAM PAR MDZAD PA LA 'CHI BDAG GI BSNYENGS PA MI MNGA' ZHING, DES BSTAN PA LAS SKYES PA 'JIG RTEN LAS 'DAS PA'I LAM GYI 'OD KYIS SEMS KYI RGYUD SBYANG BAR BYAS SHING, NGES PAR 'BYUNG BA'I RGA SHI YONGS SU ZAD PA RNAMS LA YANG 'CHI BDAG GI 'JIGS PA MED MOD KYI, GANG ZHIG 'PHANGS PA'I LAM RGYUD LA MA SKYES SHING, DNGOS PO RNAMS LA 'DI NYID DU BDEN PAR MNGON PAR ZHEN PAS KHAMS GSUM GYI 'CHING BA LAS YONGS SU MA GROL BA DE NI 'CHI BDAG DON PO CAN YIN PA NYID KYI PHYIR GANG LA ZHES BYA BA STE, RNAM PA DE LTA BU'I GANG ZAG GANG LA 'JIG RTEN GSUM GYI YANG BDAG PO RANG NYID 'CHI BDAG GI RGYAL PO GZHAN GYIS RAB TU MA SBYAR BA DANG, GZHAN RAB TU SBYOR BA PO MA YIN PA NYID KYIS NA RANG NYID KYIS CHAD PA GCOD PAR BYED PA, SKYES BU'I BYED PA GZHAN DAG GIS SLAR BZLOG TU MED PA, RAL GRI RNON PO GDENGS PA LTAR SROG GCOD PAR BYA BA'I PHYIR ZHUGS PA YOD PA, GSON PA DE LA RAG LAS PA DES 'CHI LTAS KYIS ZIN PA LTAR RAM SKRA'AM GOS LA ME SHOR BA LTAR BYAS TE BAG YOD PAR SPYOD PAS DE PHYIR BCO BA DAG LA BRTZON PAR BYA DGOS TE, BYA BA BYAS PA LTAR 'CHOS SHING BRTZON PAR MI BYED PAR RNAL MA BZHIN GNYID LOG NA NI, DE LAS MA RUNGS GZHAN CI YOD DE, JI SKAD BSHAD PA'I GANG ZAG BAG MED PA DANG LDAN PA 'DI LAS CHES MCHOG TU MA RUNGS PA GZHAN YOD PA MA YIN TE, GANG ZHIG 'CHI BDAG GI CHAD PA'I DKYIL NA GNAS BZHIN DU RNAL MA BZHIN DU GNYID LOG CING DE'I PHYIR BCO BA'I CHO GAR 'PHAGS PA'I LAM MA BSKYED PA LA GUS PAR MI BYED PA DE NYID MA RUNGS PA YIN NO, ,DE'I PHYIR DE LTAR NA CHAD PA DRUG PA MED PA CAN GYI 'CHI BDAG GI SPYOD YUL DU GNAS PAS NI GOR MA CHAG PAR BAG YOD PA DANG LDAN PAR BYA DGOS TE, MAR ME 'DEGS PAS RAB TU BGYON [?] @33A *, ,PAR BYAS PA'I RGYAL PO DANG, 'JIGS PA DANG BCAS PA'I GRONG DU BSDAD PA'I MI BZHIN NO, ,RGYAL POS RI MO CHER YONGS SU GZUNG BA'I BLON PO 'GA' ZHIG GIS MAR ME 'DZIN PA RNAMS MA GTOGS PA RGYAL PO SLAS DANG 'KHOR DANG BCAS PA RANG GI KHYIM DU SPYAN DRANGS NAS RI MO CHER RIM GRO BYAS PA DANG, SEMS MGU BAR MA BYAS PA DE RNAMS KYI THABS KYIS CI NAS BLON PO GSOD PAR 'GYUR BA DE LTAR RGYAL PO LOG PAR 'DZIN DU BCUG LA DES KYANG RANG GI RGUD PA PHYIR LDOG PA'I PHYIR GUS PA DANG LDAN PAS JI LTAR DE LA GNOD PAR MI 'GYUR BA DE LTAR NAN TAN DU BYAS PAR GRAG STE, DE BZHIN DU GZHAN DAG GIS KYANG BAG YOD PA LA GNAS TE, JI LTAR 'CHI BDAG GI RGYAL PO GNOD PAR BYED PAR MI 'GYUR BA DE LTAR BSGOM PAR BYA'O, ,YANG SKYES BU ZHIG LAM BZANG PO NOR NAS 'BROG DGON PA ZHIG TU PHYIN PAR 'GYUR ZHING, DE'I RJES THOGS SU BAG MED PAS 'JIGS PA SHIN TU CHE BA'I GRONG ZHIG TU YID BRTAN PAR BYAS TE BCOM ZHING SHI BAR GYUR PA DE BZHIN DU KHAMS GSUM GYI GRONG 'CHI BDAG GI CHAD PA NYE BAR BAG MED PA DANG LDAN PA GANG ZHIG SDOD PA DE NI NGES PAR 'CHI BDAG GIS 'JOMS PAR 'GYUR RO, ,DE'I PHYIR BDAG NYID SHES PAS RTAG TU BAG YOD PA KHO NAR BYA DGOS TE, BAG YOD BDUD RTZI'I GNAS TE BAG MED PA, ,'CHI BA'I GNAS SU ZHES BSHAD DO, ,'DIR SMRAS PA, GAL TE YANG 'JIG RTEN GSUM GYI MTHA' BDAG 'CHI BDAG YOD MOD KYI, DE LTAR YIN NA YANG DE BAS CHES SNGAR DE ZLOG PAR BYED PA PO BYA BA GSON PA YOD PA YIN TE, DE YOD PA LAS NA DE'I BAR DU 'CHI BDAG LA MI 'JIGS TE, SKYES PA TZAM LA 'CHI BA MI SRID PA'I PHYIR RO, ,BSHAD PAR BYA STE, GSON PA LA NI 'CHI BDAG GI 'JIGS PA PHYIR LDOG PAR BYED PA PO NYID YOD PA MA YIN TE, DE YANG 'CHI BA'I DON DU YIN PA NYID KYI PHYIR RO, ,'DI LTAR, 'CHI BAR BYA PHYIR SKYES GYUR CING, ,GZHAN DBANG 'GRO BA'I NGANG CAN LA, ,'CHI BA BYA BA LTAR SNANG STE, ,GSON PA BYA BA MIN LTAR RO, ,RGA SHI @33B SKYE BA'I RKYEN CAN YIN PA NYID KYI PHYIR SKYES PA KHO NA 'CHI BA'I MA SKYES PA NI MA YIN PAS, 'CHI BA'I CHED DU DANG PO SKYE BA 'BYUNG BA DE LTAR NA, 'CHI BAR BYA PHYIR SKYE 'GYUR ZHING, ,'CHI BDAG DANG SPYOD PA'I RGYU RGA BA DANG NA BA DANG RGUD PA LA SOGS PA'I RKYEN LA RAG LAS PA NYID KYI PHYIR RANG DBANG MED CING 'CHI BA'I LAM NA GNAS PA'O, ,RGA BA LA SOGS PA SKYES BU GSHED MA DANG 'DRA BA RNAMS KYIS MYUR DU 'CHI BDAG GI THAD DU BKRI BAR BYA BA NYID KYI PHYIR NA 'GRO BA'I NGANG CAN NO, ,DE'I PHYIR GSAD PAR BYA BA'I MGO BO GCOD PA LTAR MTHAR YANG 'CHI BAS THOG MA DANG BAR DANG THA MA RNAMS SU DE'I DON KHO NAR ZHUGS PA NYID KYI PHYIR SKYE BO DE LA 'CHI BA BYA BA LTAR MTHONG GI GSON PA NI MA YIN TE, DE'I DON DU ZHUGS PAR MTHONG BA'I PHYIR RO, ,DE'I PHYIR THOG MAR YANG GSON PA LA RE BAS BDAG NYID BSLU BAR MI BYA'O ZHES BYA BA NI YANG DAG PAR BSKUL BA'O, , 'DIR MI'I DPA' BO'I THOG MA'I MTSAN MO NI, ,GANG NAS 'JIG RTEN MNGAL NA GNAS 'GYUR BA, ,DE NAS BRTZAMS TE DE NI NYIN RE ZHING, ,'GROS BSHOL MED PAR 'CHI BDAG DRUNG DU 'GRO, ,ZHES BSHAD DE, ZHAG BGRANGS BA'I RGYAL PO'I PHO NYA DANG, RNGA MO LA ZHON PA'I KUN TU RGYU MO DANG, GSHED BYED MO BSLANG BA BZHIN NO, ,DPER NA RGYAL PO SHIN TU GTUM PO MA RUNGS PA SNYING RJE MED PAS YONGS SU BGRANGS BA'I ZHAG LA 'ONG BAR BYA BA'I PHYIR MNGAGS PA'I PHO NYA'I BYA BA NI 'ONG BA KHO NA YIN GYI 'DUG PA MA YIN PA DE BZHIN DU, SKYES PA'I BYA BA YANG 'CHI BA NYID YIN GYI GSON PA NI MA YIN TE, SKAD CIG SKAD CIG LA GSON PA 'GAG PA'I PHYIR RO, ,YANG DPER NA KUN TU RGYU MO ZHIG KHYIM DU 'JUG PAR BYA'O SNYAM STE KHYIM SGO NA 'DUG PA'I RNGA MO LA 'GOM PAR ZHUGS PA DANG, RNGA MO DES 'DI NI RKYEN BU ZHIG GO SNYAM DU SHES TE LANGS NAS CHAS SHING, DE YANG DE'I DBANG DU GYUR PA DE BZHIN DU SKYE BA THAMS CAD 'CHI BA'I GZHAN GYI DBANG STE, 'CHI BA LA RAG LAS ZHES BYA BA'I DON TO, ,YANG JI LTAR GZHAN GSAD PAR BYA BA'I PHYIR GSHED BYED BSLANG BA DANG, GZHAN GSOD PAR MA NUS PAS SLONG BA PO DE NYID BSAD KYI GZHAN NI MA @34A *, ,YIN PA DE BZHIN DU SKYES PA GNAS PAR BYA BAR MI NUS PA'I PHYIR 'CHI BA NYID BYA BA YIN GYI GSON PA NI MA YIN TE, GSON PA NI SLONG BA PO GSOD PAR BYED PA LTAR BLTA BAR BYA'O, ,'DIR 'CHI BA PHYIR ZLOG PAR BYED PA GSON PA NI YOD PA NYID DE, LAS KYI 'PHEN PA JI LTA BA BZHIN TE YOD PA'I PHYIR RO, ,'DI LTAR DENG SANG NA MI RNAMS TSE LO BRGYA PA YIN LA, BDAG GI DANG PO LO BCU DRUG NI 'DAS LA, BRGYAD CU RTZA BZHI NI MA 'ONGS PA YIN TE, DE'I PHYIR BDAG GIS DUS CUNG ZAD CIG YUL GYI BDE BA NYAMS SU MYONG BAR BYAS TE PHYIS 'CHI BDAG BZLOG PA'I PHYIR 'BAD PAR BYA'O, ,DE'I PHYIR GSON PO'I DUS RING PO NYID DU MTHONG BA'I PHYIR GSON PA'I RE BA RIGS PA MA YIN NO ZHES SMRA'O, ,'DI YANG MI RIGS PA SMRAS PA NYID DU BRJOD PA'I PHYIR, KHYOD KYIS 'DAS DUS THUNG DU LTAR, ,MTHONG ZHING MA 'ONGS GZHAN DU NA; ,KHYOD MNYAM MI MNYAM LTAR SEMS DE, ,GSAL BAR 'JIGS PA'I 'O DOD 'DRA, ,ZHES BYA BA SMOS SO, ,GANG LAS KHYOD KYIS CHES NYUNG BA NYID DU NGES PAR BZUNG NAS YID BAG MED PAR SPYOD PA LA NYE BAR SBYOR BA 'DAS PA'I DUS GANG YIN PA DE NI MA 'ONGS PA DANG 'DRA'O,, JI LTAR TSE LA NGES PA MED PA'I PHYIR, MA 'ONGS PA'I DUS THUNG BA'AM RING BA NYID DU YONGS SU GCAD PAR MI NUS PA DE BZHIN DU 'DAS PA YANG THUNG BA'AM RING BA NYID DU YONGS SU BCAD PAR MI NUS TE, DE THUNG BA DANG RING BA NYID NI MA 'ONGS PA'I THUNG BA DANG RING BA NYID LA LTOS PA'I PHYIR RO, , DE'I PHYIR DE LTAR NA THUNG BA DANG RING BA NYID DU YONGS SU GCAD PAR MI NUS PAS 'DAS PA DANG MA 'ONGS PA'I DUS DAG MNYAM PAR RNAM PAR GNAS PA LA, GANG 'DAS PA KHO NA THUNG GI MA 'ONGS PA NI MA YIN NO ZHES MI MNYAM PAR MTHONG BA DANG LDAN PA KHYOD KYI BSAM PA DE NI GSAL BAR 'CHI BA'I 'JIGS PA KHO NA STON PA YIN TE, 'JIGS PA'I SGRA BZHIN NO, ,DE'I PHYIR MA 'ONGS PA RING BA NYID DU YONGS SU BRTAGS PA LAS YID BRTAN PAR MI RIGS TE, 'DIS 'CHI BDAG GI 'JIGS PA DANG BRAL BAR BYA BA'I PHYIR BRTZON PAR GYUR PAR RIGS TE, 'JIG TSOGS @34B LA LTA BA'I BRAM ZE DANG, 'JIGS NAS BSTAN PA'I NGA RO 'DON PA BZHIN NO, ,GRONG GI KHANG MIG 'GA' ZHIG TU DON MTHUN BYED PA RDAL GCIG GIS MTSAN MO BSDAD NAS PHYOGS DANG, PHYOGS SU BSHAD PA BTANG STE NANG PAR SNGA BA NYID DU DONG BAR GYUR TO, ,DE DAG GI NANG NAS BRAM ZE KHA CIG GNYID KYIS BOR BA LA KHANG PA DE SKYONG BA ZHIG GIS 'ONGS TE BLANGS NAS BLUN PO SMAD PA'I GNAS DAG JI SRID MA BSTUN GYI BAR DU LA MAR BSHAD BA SOL CIG CES SMRAS PA DANG, DE NAS DE DAG RANG RANG GIS BSHANG BA BTANG BA SEL GYI, GZHAN GYI NI MA YIN NO ZHES SMRAS PAR GRAG STE, BRAM ZE DE DAG NI MI GTZANG BA YANG BDAG GIR 'DZIN PAR ZHUGS PAS 'JIG TSOGS LA LTA BA'I BRAM ZE ZHES BYA'O, ,JI LTAR 'JIG TSOGS LA LTA BA'I BRAM ZE DE DAG BRTAG PAR BYA'O ZHES THABS KYIS BSHAD BA SEL DU BCUG LA, JI LTAR DE DAG BSHANG BA MI GTZANG BAR MTSUNGS KYANG 'DI NI BDAG GI YIN GYI 'DI NI MA YIN NO ZHES MI MNYAM PAR LTA BA DE BZHIN DU, 'DAS PA DANG MA 'ONGS PA DAG THUNG BA DANG RING BA NYID DU YONGS SU GCAD DU MED PAR MNYAM DU ZIN KYANG SEMS CAN RNAMS KYI THUNG BA ZAD LA RING BA LUS SO SNYAM DU MI MNYAM PAR MTHONG NGO, ,YANG DPER NA LAM 'JIGS PA DANG BCAS PAR ZHUGS PA ZHIG RKUN PO'I TSOGS NYE BAR GNAS PAS 'JIGS BZHIN DU YANG MI 'JIGS PA SKAD DU SMRAS SHING, DES 'JIGS PA YIN NO ZHES BYA BAR SHES PAR BYED PA KHO NA YIN PA DE BZHIN DU TSE CUNG ZAD CIG NI SONG NGO, ,MANG PO NI LUS SO ZHES 'CHI BA'I 'JIGS PAS SKRAG PAR SMRA STE, DE TZAM GYIS DE DAG DBUGS PHYUNG BAR NI MI 'GYUR RO, ,GANG ZHIG MA 'ONGS PA LA RING PO NYID DU BRTAG PAR MI RIGS MOD KYI, DE LTA NA YANG 'CHI BA 'DI NI SEMS CAN THAMS CAD KYI THUN MONG YIN PAS DE LAS SKRAG PA MI 'BYUNG NGO ZHES SMRA BA DE LAS BRTZAD PAR BYA STE, GZHAN DAG LA'ANG SPYI THUN PHYIR, ,KHYOD LA 'CHI BA'I 'JIGS MED NA, ,GCIG LA GNOD GANG DE PHRAG DOG ,SGO NAS SDUG BSNGAL BSKYED 'GYUR RAM, ,GAL TE THUN MONG MA YIN PA'I @35A *, ,GNOD PAS GZHAN LA MI GNOD PA NYID KYIS PHUN SUM TSOGS PA, MI BZOD PA'I RTEN PHRAG DOG DE LA LTOS NAS 'JOMS SHING, RANG GI NGO BO NYE BAR LHAGS PA LAS MA YIN NA NI DE'I TSE 'DI YID BRTAN PA'I GNAS SU 'GYUR BA ZHIG NA, 'DI NI DE LTAR YANG MA YIN TE, GNOD PA DE'I RANG GI NGO BO NYID TSANG BA YIN NO, ,'DI LTAR MES BSREGS PA'I SDUG BSNGAL NI GZHAN LA PHRAG DOG PA LA LTOS TE BSREG BYA 'JOMS PA MA YIN GYI, 'ON KYANG GANG PHRAG DOG MED PAR 'JOMS PA, YUL YANG DAG PAR LHAGS PA DE NYID RNAM PA DE LTA BU YIN PA DE BZHIN DU 'CHI BA'I SDUG BSNGAL 'DI YANG YIN PAS THUN MONG BA NYID YID BRTAN PA'I RGYU MA YIN NO, ,KHA CIG TU PHRAG DOG GIS BYAS PA'I SDUG BSNGAL BLA LHAG SRID KYI, PHRAG DOG GI DNGOS PO YUL YANG DAG PAR LHAGS PAS GNOD PA'I SDUG BSNGAL GYI RGYU MA YIN NO, ,DE'I PHYIR SKRAG PA'I GNAS SU MKHAS PA'I SKRAG PA NYID RIGS PA'I NGO BO YIN TE, GRONG PA'I DBYA DBUL BA DANG CHOM RKUN GYI DED DPON GSAD BYA BZHIN NO, ,JI LTAR GRONG PA RNAMS DBYA DBUL BA'I DUS SU THOG MAR GANG GZUNG BA DE SDUG BSNGAL BAR 'GYUR LA; THAMS CAD GZUNG BA'I TSE NA NI MA YIN LA DE BZHIN DU 'CHI BA NI MA YIN TE, DE NI PHRAG DOG MED PAS SDUG BSNGAL GYI RGYU NYID YIN PA'I PHYIR RO, ,YANG JI LTAR RGYAL PO CHOM RKUN GYI DED DPON GSAD PAR BYA BA SANG GSAD PAR BYA DGOS ZHES BKA' LUNG STZAL PA DANG, DE YANG PHRAG DOG GIS SDUG BSNGAL BAR 'GYUR LA, THAMS CAD LA BKA' STZAL NA NI MA YIN ZHING, DE DAG GSAD PA DE PHAN PAR 'GYUR BA YANG MA YIN PA DE BZHIN DU, THAMS CAD KYI THUN MONG YIN NO SNYAM DU BSAMS NAS KYIS PA SO SO'I SKYE BO RNAMS 'CHI BA LA MI 'JIGS SHING; 'GA' ZHIG 'CHI BAS 'GA' ZHIG LA PHAN 'DOGS PAR YANG MI 'GYUR RO, ,GANG GIS GSO DPYAD DANG BCUD KYIS LEN NYE BAR SPYAD PA DAG GIS DUS RE ZHIG RGA BA DANG NA BA'I GNOD BA NYE BAR LHAGS PA'I SDUG BSNGAL BZLOG STE, DES BYAS PA'I SKYES BU'I BYED PAS 'CHI BA LA @35B YANG MI 'JIGS PA DE SKYO BA BSKYED PA'I PHYIR BSHAD PA, NAD BCO RGA PA GSO BYA DES, ,DE DAG LA KHYOD MI 'JIGS MOD, ,CHAD PA PHYI MA BCOR MED PAS, ,KHYOD CHES GSAL BAR DE LA 'JIGS, ,NAD BCOS SU YOD PA'I PHYIR DANG, RGA BA GSOR YOD PA'I PHYIR DE GNYIS LA KHYOD MI 'JIGS LA RAG MOD, 'CHI BA LA NI DE LTAR BZLOG PA PO MI SRID PAS KHYOD LA DE LA 'JIGS PA YOD PAR CHES GSAL LO, ,CHAD PA PHYI MA DE NI BCOS SU MED PA ZHIG STE, SROG MTHAR BYED PA'I 'CHI BDAG CES BYA BA BCOS SU MED PA DE LA GDON MI ZA BAR 'JIGS PAR BYA DGOS PAS RGA BA DANG NA BA'I BCOS KA TZAM LA RE BA'I SGO NAS KHYOD BDAG NYID SLU BAR MI RIGS TE, BLON PO RENGS PA BZHIN DANG, KHRUS MKHAN DANG RGYAL PO'I NA BZA' BZHIN NO, ,DPER NA RGYAL PO 'GA' ZHIG LA BLON PO RENGS SHING, DES DE BZUNG BA'I PHYIR DMAG MNGAGS PA DANG DES DE 'BUL GYIS BCOS PAR GYUR LA, DE NAS GZHAN BTANG BA DANG, DE YANG KHO NA LTAR BCOS PAR GYUR TO, ,DE NAS RANG NYID GSHEGS PA DANG, DES BCOS SU MED PAR GYUR PA DE BZHIN DU, RGA BA DANG NA BA DANG 'CHI BA DAG SHES PAR BYA'O, ,YANG JI LTAR KHRUS MKHAN ZHIG KHYIM KHOL GYI BRAM ZE RNAMS KYI GOS DAG CHUD GSAN NAS THABS KYIS BSTUN PAR BYED KYI, GANG GI TSE RGYAL PO'I NA BZA' CHUD GSAN PA DE'I TSE NA SLAR BSTUN PAR MI NUS SO, ,DE LTAR RGYAL PO NA BZA' BRLAG PA DANG SLOB DPON KHA CIG DAG RGYAL PO MTHAR 'GRO ZHON CHAD PAR BYED DE, DE'I NA BZA' CHUD GSAN NAS SLAR BSKYAL BAR MI NUS PAS, LUGS MTHUN KHYAB 'JUG LA DGYES LHO PHYOGS RGYA MTSO'I BU MO GNAG KHRUS 'GRAM DKRIGS SHING, ,GANG G'A'I DO ZLA GO DA WA RI'I KLUNG ZHES RNAM PAR GRAGS PAR GYUR BA GANG, ,DE LA DA LTA SPRIN DUS BYOL DU ZIN KYANG KHYOD KYI GLANG CHEN DBANG MYOS PA'I, ,MCHE BA'I GTUN SHING GIS DKRUGS BSLANG BA'I RDUL RNAMS KYIS CHAB DANGS PA YONGS MA MCHIS, ,ZHES ZHU GSOL BYAS PAR GRAG GO, ,'CHI BDAG NI DE LTAR ZHU BAS BCOS SU YOD PA @36A *, ,MA YIN TE, DE NI MA RIG PA'I DGRA BO ZHE SDANG DRAG PHO 'BYUNG BA CAN DANG 'DRA BAR GDON MI ZA BAR DE LA YID DBYUNG BAR BYA'O, ,CI STE NGES PAR 'CHI BA ZHES BYA BA SO SO'I SKYE BO RNAMS KYIS SKYES BU'I MTHUS NGES PAR LDOG TU MED PA 'DI NI YOD MOD KYI, DE NI DA LTAR NGES PAR ZIN PA'I PHYIR 'JIGS PA 'DREN PAR BYED PA MA YIN NO SNYAM NA, DE YANG YOD PA MA YIN TE, 'DI LTAR, GSAD PAR BYA BA'I PHYUGS RNAMS LTAR, ,'CHI BA KUN GYI THUN MONG ZHING, ,GZHAN YANG 'CHI BA SNANG 'GYUR NA, ,KHYOD LA 'CHI BA DAG 'JIGS CIS MED, ,GAL TE 'CHI BA 'DI THUN MONG MA YIN PA DANG, MI SNANG BAR 'GYUR NA NI DE DE SKAD BRJOD PAR RIGS PA ZHIG NA, GANG GI PHYIR GANG 'CHI BAR RTOGS PAR MI 'GYUR BA 'DI NI SHIN TU BYINGS CHE BA MA YIN TE, DU MA ZHIG NI SHI ZIN ZHING 'CHI BZHIN PAR RTOGS SO, , DE NI DE KHO NA LA YOD PA YANG MA YIN TE, GANG GI PHYIR 'CHI BA THAMS CAD KYI SPYI THUN YIN PAR RTOGS PA'I PHYIR RO, ,DPER NA GSAD PAR BYA BA'I PHYUGS RNAMS KYI 'CHI BA NI THAMS CAD LA THUN MONG BA YIN LA, GCIG GIS CIG SHOS 'CHI BA DMIGS PA YANG YIN NO, ,DE BZHIN DU MI RNAMS KYI YANG YIN PAS RGYU GANG GIS KHYOD LA 'CHI BA'I 'JIGS PA MED PAR 'GYUR, RGYU GNYIS KYIS 'CHI BA'I 'JIGS PA MI SRID DE, DE MA DMIGS PA DANG DE LAS 'DAS PA YIN PA ZHIG NA, GNYIS PO 'DI NI KHYOD LA MI SRID DE, 'CHI BDAG GDOL BA GSON PA'I LAM BKAG NAS MDUN NA GNAS PA DE'I PHYIR BAG MED PAS CI ZHIG BYA, BAG MED PAS PHYUGS DANG MTSUNGS PA NYID DU 'GYUR TE, BSROGS PA'I PHYUGS BZHIN NO, ,JI LTAR BSHA' RI'I PHYUGS RNAMS 'CHI BAR MTSUNGS BZHIN DU, GANG GI TSE SHAN PAS PHYUGS GCIG GSAD PA'I PHYIR KHRID PAR GYUR PA DE'I TSE GZHAN DAG SO GSOD PAR GNAS PAR 'GYUR BA DE BZHIN DU, BSROGS PA'I PHYUGS LTAR 'CHI BA THAMS CAD LA THUN MONG DU YOD BZHIN DU GANG GI TSE GCIG 'CHI BA DE'I TSE BYIS PA GZHAN RNAMS RNAL DU GNAS PAR 'GYUR RO, ,GANG @36B DAG GAL TE 'CHI BA MNGON SUM DU DMIGS MOD KYIS, DE LTA NA YANG DE'I DUS MA NGES PAS DE LA GCIG TU 'JIGS PA MA YIN NO, ,'DI LTAR STON BRGYA'AM STONG NA 'CHI'O ZHES NGES PAR MI ZIN TE, DE'I PHYIR SHIN TU GUS PAS CI ZHIG BYA SNYAM DU SEMS PA DE YANG YOD PA MA YIN TE, 'DI LTAR, DUS LA NGES PA MED PA'I PHYIR, ,BDAG RTAG SNYAM DU SEMS NA NI, ,NAM ZHIG DUS NA 'CHI BDAG GIS, ,KHYOD LA GNOD PA BYED PAR 'GYUR, ,'DIR DUS 'DI ZHES BYA BA NA 'CHI BAR 'GYUR RO ZHES BYA BA'I NGES PA MED PAS BDAG THER ZUG PA YIN NO SNYAM DU SEMS NA, 'CHI BA'I DUS LA NGES PA MED PA NYID KYIS 'JIGS PAR BYA DGOS BZHIN DU DE NYID KYIS MI 'JIGS SO ZHES BYA BA 'DI NI CHER BLUN PA NYID DE, 'DIR DED DAM DENG SONG ZHES BYA BA DE LTA BU LA SOGS PA'I DUS GANG YANG RUNG BA ZHIG NA GDON MI ZA BAR 'CHI BA'I CHOS CAN KHYOD LA 'CHI BDAG NYE BAR LHAGS NAS GNOD PA BYED PAR 'GYUR TE, DE NAS RANG NYAMS KYIS SHES PAR 'GYUR RO, ,DE'I PHYIR GSON PA'I DUS RING BAR RE BA BRGYA STONG GI BDAG NYID CAN DE DOR NAS, 'CHI BA'I 'DU SHES MNGON DU BYAS LA BAG YOD PAR BYA BAR RIGS TE, SRIN PO BA GA'I ZA RES LA 'GRO BA BZHIN NO, ,JI LTAR GANG ZAG GI YUL LA, SRIN PO BA GA'I BZA' BA'I CHED DU GANG LA RES 'ONG BA DE NYID 'GRO BA DE BZHIN DU SKYE BO THAMS CAD 'CHI BAR 'GYUR RO, ,'DIR 'CHI BA NGES MOD KYI, ,DE LTA NA YANG DPA' BO THOB PAR BYA BA RNYED PA DANG BKUR STI DANG SNYAN PA SGRUB PA LHUR LEN ZHING, G-YUL NGO MTSON CHA RNON PO BABS PAS NYAM NGA BAR GYUR PAR YANG SDUG BSNGAL MED PA RNAMS NI, RANG GI BRTAN PA'I GDENG GIS GZHAN GNOD PAR BYED DE, DE'I PHYIR 'CHI BA'I 'JIGS PA NI SNGAR MA KHO NA LA MI DGA' BA SKYED PAR BYED PA YIN GYI, DPA' BO LA NI MA YIN NO ZHES ZER BA BZLOG PA'I PHYIR BSHAD PA, MA 'ONGS PA YI DON LTA ZHING, ,GSON PA ZAD PA MA YIN NA, ,BDAG NYID 'TSONG LA BDAG NYID NI, ,LDAN ZHES MKHAS PA SU ZHIG SMRA, ,'DIR KHYOD SRED PAS TSE @37A *, ,'DI'I MA 'ONGS PA'I DON RNAMS GCIG TU THOB PAR BYA BA NYID DU LTA'I, GANG GI CHED DU DON THOB PAR BYED PA DON NYE BAR LONGS SPYOD PA'I RTEN DU GYUR PA'I GSON PA DE ZAD PA LA NI MA YIN NO, ,DE'I PHYIR DE LTAR NA RANG GI SROG 'TSONG BAR BYA BAS MA 'ONGS PA'I DON RNAMS DON DU GNYER ZHING BDAG 'TSONG BA KHYOD LA BDAG GI RIG GO ZHES MKHAS PA SU ZHIG SMRA STE, SU YANG MA YIN GYI, RMONGS PA KHO NA SMRA BAR BYED DO, ,DE'I PHYIR RANG GI SROG DANG BRAL BA KHO NA LA SO SOR BRTAG PAR BYA'I, RNYED PA DANG BKUR STI LA SOGS PA RNAMS NI MA YIN TE; TSONG PA'I BU DANG, PHAS BTZONGS PA'I BU BZHIN NO, ,TSONG PA'I BU ZHIG LA CHAGS 'BREL MANG BA LA, DES KYANG PHAR CHAGS PA KHO NAR BLTAS KYI TSUR 'BREL PA NI MA YIN PAS CHAGS PA'I RJES SU MTHUN PAR DGOD SKYO BYAS NAS DE PHONGS PAR GYUR TO, ,YANG BRAM ZE ZHIG LA BU GSUM YOD PAR GYUR LA, DES MU GE'I DUS SU KHYIM THAB LA YU'U BU GCIG BTZONG NGO ZHES SMRAS PA DANG, DE RGYAL BU ZHIG GIS THOS PAR GYUR CING, DES 'ONGS NAS BSLANGS PAR GYUR TO, ,DE NAS PHAS BU THU BO BZUNG LA, MAS THA CHUNGS BZUNG NGO, ,DE NAS 'BRING POS RGYAL BU LA, ,THU BO PHA YIS BTZONG BYA MIN, ,THA CHUNGS MA YIS MA YIN PAS, ,'BRING PO BTZONGS PAR GYUR SNYAM GYIS, ,RGYAL BU KHO BO BKRI BAR MDZOD, ,CES SMRAS SO, ,JI LTAR DRANG SRONG PHRU GU 'BRING PO DES RANG GIS RANG BTZONGS PA DE BZHIN DU GLA PA DE DAG KYANG BDAG BTZONGS NAS BDAG SROL BAR BYED DO, ,'DIR SMRAS PA, GAL TE NOR GYI DON DU SROG GTONG BA SMAD PA YIN NA, 'O NA RANG GI SROG BSRUNG BAR BYA BA'I PHYIR SDIG PA DAG LA YANG SPYAD PAR 'OS SO BRJOD PAR BYA STE, BDAG NYID GTA' MAR GZHAG BYA STE, ,SDIG LAS CI YI PHYIR NA BYED, ,NGES PAR KHYOD NI MKHAS RNAMS LTAR, ,BDAG LA 'DOD CHAGS BRAL BAR ZAD, ,'DIR JI LTAR CHANG LA DGA' BA KHA CIG CHANG KHONG DU RANG NYID KYI BAR YANG GTAR BCUG NAS MYOS PAR GYUR BA'I KHU BA KHO NA 'THUNG GI ,BDAG NYID @37B KYI MA 'ONGS PA'I SDUG BSNGAL BKREN PA LAS GYUR PA'AM, GZHAN GYI DBANG LAS GYUR PA LA MI LTA BA DE BZHIN DU KHYOD KYANG CI'I PHYIR 'DI PA'I YUL SMIG RGYU LTA BU LA CHAGS PA'I SGO NAS DMYAL BA LA SOGS PA'I SDUG BSNGAL DRAG PO LA RTZIS MED PAR BYAS TE DER BDAG NYID GTAR BZHAG NAS SDIG PA'I LAS BYED PAR 'GYUR, 'DI NI JI LTAR DGRA BCOM PA RNAMS RGYU MED PAS BDAG LA CHAGS PA DANG BRAL BA DE BZHIN DU KHYOD KYANG YIN NO SNYAM MO, ,DE NI RIGS PA YANG MA YIN TE, DE'I PHYIR BDAG LEGS SU 'DOD PAS SDIG PA MI BYA STE, SMAD 'TSONG MAS G-YON CAN BTZONGS PA DANG, CHANG GIS MYOS PA BZUNG BA BZHIN NO, ,G-YON CAN KHA CIG GIS SMAD 'TSONG DANG LHAN CIG RTZE 'JO BYAS PAR GYUR LA, DER SNGAR BSAGS PA'I NOR GYI PHUNG PO ZAD PAS DE LA CI YANG MA BYIN PAR GYUR TO, ,NAM ZHIG NA DE LAS DE'I BU GNYIS SKYES PAR GYUR LA, DE DANG HA CANG MI RING BA ZHIG NA TSONG DPON 'GRON PO ZHIG GI KHYIM YOD PAR GYUR TO, ,DE NAS DES G-YON CAN LA, YU BU GNYIS LA BU GZHAN DAG KYANG SKYE BAR 'GYUR GYIS, BGOD SKYO'I PHYIR TSONG PA GZHAN DAG 'GRON PO'I LAG TU BYIS PA GNYIS BTZONG BAR BYA'O ZHES SMRAS PA DANG, DES KYANG DE LTAR BYAS PAR GYUR TO, ,DE NAS TSONG PA RANG GI YUL DU CHAS PA DANG, SMAD 'TSONG MAS G-YON CAN LA NGAS SONG STE TSONG PA 'GRON PO'I KHYIM DU GTE'U MAR BSDAD KYI KHYOD KYIS BYIS PA GNYIS PA LONG LA CHUNG SHOS LA KHRUS GYIS LA ZAR CHUG CIG CES SMRAS PA DANG, G-YON CAN GYIS NGA 'GRON PO'I KHYIM DU GTE'U MAR BSDAD KYI KHYOD KYIS BYIS PA GNYIS KHUG LA THA CHUNGS KHRUS BYED DU CHUG CIG ZAR CHUG CES SMRAS PA DANG, DE BZHIN DU BYA'O ZHES TE, DES BYIS PA GNYIS KHRID NAS SA PHYOGS LKUG PA ZHIG TU BSDAD PAS NYI MA GNYIS PA LA TSONG PA 'GRON POS G-YON CAN DE BCINGS NAS RANG GI YUL DU SONG BA DE BZHIN DU SKYE BO BYIS PA RANG GIS RANG GTAR PA ZHAG NAS SDIG PA'I LAS RNAMS BYED DE, DE'I RNAM @38A *, ,PAR SMIN PA NI DE KHO NAS NYAMS SU MYONG BAR BYA BA YIN NO, ,YANG MI NOR MED PA 'GA' ZHIG GIS CHANG KHANG DU PHYIN TE, RIN SBYIN PAR BYA YIS ZHES TE CHANG MANG PO 'THUNGS LA, DE YANG YOD PAR MA GYUR PA DANG, DES DE BZUNG NAS CO DRIS PAR GYUR TO, GANG ZHIG RING DU GSON DU RE BAS MTHONG BA'I CHOS KHO NA LA RANG GIS RANG BTZONGS NAS SDIG PA'I LAS BYA BA LA 'JUG PAS 'JIG RTEN PHYI MA'I RNAM PAR SMIN PA SDUG BSNGAL BA'I CHED DU BDAG NYID GTAR 'JOG PA DE LA SLAR BRTZAD PAR BYA STE, SU LA'ANG GSON PA ZHES BYA BA, ,SEMS KYI SKAD CIG LAS GZHAN MED, ,SKYE BOS DE NGES MI RIG PA, ,DES NA BDAG NYID SHES PA DKON, ,DMIGS PA LAS MYUR DU 'PHO BA NYID KYI PHYIR NA SEMS KYI SKAD CIG MAR 'JIG PA RTOGS PAR HA CANG YANG MI DKA' STE, 'DI LTAR YI GE AA LA SOGS PA'I YIG 'BRU RNAMS CHES SKYEN PAR BRJOD PA NA, YIG 'BRU RE RE ZHING DUS DANG RNAM PA THA DAD PAS DE LA DMIGS PA'I SEMS DANG DUS DANG RNAM PA THA DAD PA RTOGS LA, DUS DANG RNAM PA THA DAD PA LAS KYANG SEMS SKAD CIG MA NYID DU GRUB PO, ,SKAD CIG CES BYA BA NI DUS 'GRIB BA'I MTHAR THUG PAR GYUR PA LA BYA LA, SKYES BU STOBS DANG LDAN PAS SE GOL GTOGS PA TZAM GYIS SKAD CIG MA DRUG CU RTZA LNGA 'DA' STE, RNAM PA DE LTA BU'I SKAD CIG GIS RNAM PAR SHES PA SKAD CIG MA YIN NO, ,JI LTAR RNAM PAR SHES PA SKAD CIG MA YIN PA DE BZHIN DU 'DU BYED THAMS CAD KYANG SEMS LTAR SKAD CIG MA YIN TE, 'DU BYED THAMS CAD SKYES MA THAG TU 'JIG PA LA GEGS MED PA'I PHYIR DANG, MI RTAG PA NYID KYANG SKYES PA TZAM LA LTOS PA NYID KYI PHYIR RO, ,DE LTAR NA SEMS CAN SU LA YANG SKAD CIG LAS LHAG PA'I GSON PA YOD PA MA YIN NO, ,DE'I PHYIR 'DUS BYAS THAMS CAD KYI CHOS NYID DE LTAR RNAM PAR GNAS PA NA KHA CIG DAG YUN RING DU GSON PA RE BAS SHIN TU YUN RING POR YUL LONGS SPYAD PAR BYA BA'I @38B PHYIR SDIG PA'I BYA BA KHAS BLANGS NAS YUL NYE BAR SOGS PA GANG YIN PA DE NI MI RIGS SO, ,GAL TE MI RIGS NA 'JIG RTEN CI STE SPYOD CE NA, BRJOD PAR BYA STE, GANG GI PHYIR 'DU BYED KYI RGYUN BYE BRAG CHES MANG POS THA DAD PAR MA GYUR PA DE NYID 'DI'O, ,DE NYID BDAG GO ZHES 'DRA BAS BLO PHROGS PAS GCIG NYID DU LHAG PAR SGRO BTAGS NAS SKYE BO SKAD CIG MAR MA NGES SHING GSAL BAR MI RIGS PAS SPYOD DO, ,DE NYID KYI PHYIR 'JIG RTEN NA BDAG GI RANG BZHIN SHES PA RNYED PAR DKA'O, ,GANG ZHIG BDAG GI RANG BZHIN SHES PA DE NI PHYIN CI LOG GI RGYU MA TSANG BAS SDIG PA'I LAS LA MI 'JUG PAR SPROS NA, 'JIG RTEN 'DI NI PHAL CHER SDIG PA'I BYA BA LA GZHOL BAR 'JIG RTEN NA BDAG SHES PA DKON PA NYID DO, ,DE'I PHYIR MKHAS PA BDAG GI RANG BZHIN SO SOR BRTAG PA LA RTAG TU CHOS GUS BAS 'BAD PAR NUS SO, ,CHU KLUNG DU LHUNG BA'I GOS TSOL BA BZHIN DANG, LHA'I BU 'GRO GYOGS BZHIN TE, JI LTAR MI MKHAS PA 'GA' ZHIG GOS CHU KLUNG DU LHUNG BA YUN RING DU LON BZHIN DU YANG SA DE NYID DU TSOL BA DE BZHIN DU BDAG NYID MI SHES PA YANG NA TSOD 'DAS SU ZIN KYANG BDAG NYID BYIS PA KHO NAR BLTA'O, ,YANG DPER NA LHA'I BU 'GRO GYOGS DAG GI 'GROS NI SA BLA BA'AM BAR SNANG LA SPYOD PA'I LHA YANG RUNG STE SUS KYANG THUB PAR MI NUS TE, DE BZHIN DU SKAD CIG MAR 'JIG PA'I GSON PA LAS CHES CHUNG BA'I DUS 'GA' YANG YOD PA MA YIN NO, ,'DIR SMRAS PA, GSON PA SKAD CIG MA YIN MOD KYI, DE LTA NA YANG RGYUN MI 'CHAD PAS TSE RING BA NYID KYI PHYIR NA DE LA MNGON PAR ZHEN PA RIGS PA NYID DO ZHE NA, BSHAD PAR BYA STE, KHYOD NYID GSON PA LA DGA' ZHING, ,RGAN NYID LA KHYOD MI DGA' NA, ,AE MA KHYOD SPYOD SKYE BO NI, ,'DRA LA DAM PA LTA BUR 'GYUR, ,'DI NI JI LTAR NA KHYOD NYAMS PA MED PAR YUN RING DU GSON PA LA DGA' BA DE LTAR KHYOD TSE RING PO MED NA MI 'BYUNG BA, GNYER MA DANG MGO SKYE BA DANG 'GROL BA'I RGAN PO NYID LA NI @39A *, ,DGA' BA MA YIN TE, DE'I PHYIR KYE MA KHYOD KYI SPYOD LOG 'DI NI DAM PA MA YIN YANG KHYOD DANG 'DRA BA'I BYIS PA'I SKYE BO KHO NA LA DAM PA LTAR RAB TU 'JUG PA NYID YIN GYI, GZHAN LA NI MA YIN NO, ,DE'I PHYIR RGA BA LA RNAM PAR SDANG BAS RGYUN DAG LA MNGON PAR ZHEN PAR MI BYA STE, SKYED MOS TSAL DU ZHUGS PA'I RGAN PO LA GZHON NUS BZHAD GAD BYAS PA BZHIN NO, ,MI RGAN PO 'GA' ZHIG SKYED MOS TSAL DU ZHUGS PA LA GZHON NU RNAMS KYIS RGAD PO KHYOD GZUGS NGAN NO ZHES BZHAD GANG DU BYED CING DE RNAMS KYIS YUN RING DU GSON PAR 'DOD PA YANG YIN TE, DE'I PHYIR DE RNAMS KYI SPYOD PA NI RMONGS PA'I SKYE BO 'DRA BA KHO NA LA DAM PA LTAR 'GYUR RO, ,DE'I PHYIR DE LTAR NA BDAG NYID KYI SDUG BSNGAL RIG PAS GZHAN 'CHI BA NA GZHAN DAG KYANG 'DI LTA BU'I CHOS CAN NO ZHES SKYO BA DANG LDAN PAR BYA DGOS SO, ,GANG ZHIG RGA SHI NI MI 'DOD PA YIN MOD KYI, DE LTA NA YANG DE GNYIS JI LTAR BU LA YOD PAR MYA NGAN GYI RGYUR 'GYUR BA DE LTAR RANG LA YOD PA MA YIN NO SNYAM DU SEMS PA DE LA BRJOD PAR BYA STE, KHYOD RANG 'CHI LA MYA NGAN NA, ,BU SOGS RNAMS PHYIR CI STE YIN, ,RANG NYID SPYO BYA SMRA BO NI, ,JI LTA BUR NA SMAD MI 'GYUR, ,'CHI BA 'CHI BA'I CHOS CAN TE, ,BDAG NYID 'CHI BA'I CHOS CAN NYID DU GYUR PA DES NI BYA BA MA BYAS PA NYID KYI PHYIR RANG KHO NA LA MYA NGAN BYA BAR 'OS PA NA, BU LA SOGS PA'I DON DU MYA NGAN BYA BAR MI RIGS SO, , RANG NYID 'CHI BDAG LAS 'DAS PAS NI GZHAN LA 'CHI BDAG BABS PA LA SEMS NAD BYA BAR RIGS NA, GANG ZHIG SKYON MTSUNGS PA NYID KYIS SPYO BAR BYA BAR GYUR CING GZHAN DAG LA DE SMRA BA POR 'GYUR BA DE NI SMAD PAR 'OS PAR JI LTAR MI 'GYUR TE, DE LTA YIN DANG, KHYOD BDAG NYID KYI MYA NGAN BYA BAR 'OS PA NYID LAS MI LTOS PAR BU LA SOGS PA DAG KHO NA LANGS MYA NGAN BYA BAR 'OS SO ZHES SMRA BA NA RGYU GANG GIS DAM PA RNAMS KYIS SMAD PA NYID DU MI 'GYUR, DE'I PHYIR GZHAN DAG LA YANG 'CHI BDAG BABS PA NGES PAR ZIN PAR BYAS TE, @39B CHES SHIN TU YID DBYUNG BAR BYA'I, MYA NGAN LHUR LEN PAS RTAG TU DGE BA'I PHYOGS RGYUN CHAD PAR NI MI BYA STE, BRAM ZE'I BRAN RTAGS MTSAN BTAB PA BZHIN NO, ,JI LTAR BRAM ZE'I 'BANGS RMA BYA'I MDONGS SGROS MGO LA MDONGS RIS BTAB PA ZHIG 'JIG RTEN KHO NA BRAN NYID DU SBYOR BAR BYED KYI, BDAG NYID LA NI NGA 'BANGS YIN NO ZHES BYA BAR MI RTOGS PA DE BZHIN DU 'JIG RTEN YANG RANG NYID KYI 'CHI BA'I CHOS CAN BRJOD PAR BYAS NAS BU LA SOGS PA DUS BYAS PAR GYUR PA RNAMS LA MYA NGAN BYED DO, ,CI STE YANG BDAG NI 'CHI BA'I CHOS CAN YIN NO ZHES BDAG NYID LA MYA NGAN BYA BAR 'OS MOD KYI, DE LTA NA YANG BU NYID DU YONGS SU GZUNG BA'I MA DRIS PAR 'JIG RTEN PHA ROL TU 'GRO BA NI SDUG BSNGAL GYI PHYIR YIN NO SNYAM NA, 'DI YANG MI RIGS SO ZHES BSTAN PA'I PHYIR BSHAD PA, GANG TSE 'GA' ZHIG MA BCOL BAR, , RANG NYID BUR GYUR DE YI TSE, ,DE 'GRO DRI BA MA BYAS PA, ,RIGS PAR MI 'GYUR MA YIN NO, ,KHYOD KYI MYA NGAN 'DI NI GNAS MA YIN PA ZHIG LA STE, GANG GI TSE SEMS CAN 'GA' ZHIG 'JIG RTEN PHA ROL NAS 'DIR 'ONG BAR GSOL BA MA BTAB PAR RANG NYID BU NYID DU GYUR PA DE'I TSE DE LTAR NGA RGYAL DU SPYOD CING 'JIG RTEN PHA ROL TU 'GRO 'DOD PA DE'I SKAL BA MA BGOS PA NYID DU 'GRO BA YANG MI RIGS PA MA YIN NO, ,GSOL BA MA BTAB PAR 'ONGS PA'I MA DRIS PAR 'GRO BA LA NI MI RIGS PA 'GA' YANG MED DE, RIGS PAR SPYOD PA DE LA MYA NGAN BYA BAR MI RIGS TE, GLO BUR DU 'ONGS PA'I BUD MED DE BZHIN NO, ,BUD MED ZHIG GLO BUR 'ONGS NAS SKYED MOS TSAL NA GNAS PA 'GA' ZHIG LA CHUNG MA NYID DU KHAS BLANGS LA, GANG NAS 'ONGS PA YANG MI SHES SO, ,DUS PHYIS DE DE KHO NA LTAR SLAR YANG SONG BAR GYUR LA, DE DE'I RGYUS MYA NGAN BYED PAR GYUR TO, ,GZHAN GYIS DE GANG NAS 'ONGS PA KHYOD KYIS SHES SAM ZHES SMRAS PA DANG, DES MI SHES SO ZHES SO, ,SMRAS PA, GANG NAS 'ONGS PA JI LTAR MI SHES PA DE BZHIN DU DE'I 'GRO BA YANG YIN TE DE LA MYA NGAN CI STE BYED CE'O, ,DE BZHIN DU BLUN PO @40A *, ,RNAMS GANG ZHIG GANG NAS 'ONGS BA'AM GAR 'GRO GTOL MED BZHIN DU BU SHI BA LA MYA NGAN BYED DO, ,YANG NA DE MA DRIS PAR 'GRO BA MA YIN TE, GANG GI PHYIR DES YIG 'BRU MED PAR 'DZA' BSHES DANG NYE 'BREL LA SKAL BGOS MOD KYI KHYOD NI, GTI MUG PHYIR NA BU YI NI, ,RNAM PAR RTOG PA MED PAR ZAD, ,DE'I PHYIR DE'I RNAM PAS BSTAN PA'I 'GRO BA MA RTOGS PAS NI RANG GI MI SHES PA LA MYA NGAN BYA'I BU LA NI MA YIN NO, ,YANG GANG GIS NA MDZA' BSHES RNAMS LA SKAL BGOS PA, DE'I RNAM PA GANG YIN ZHE NA, BSHAD PA, 'DI YI 'GRO BA SPRO BA NYID, ,RGA BAS STON PAR BYED PAR 'GYUR, ,DE NI SKAD CIG GCIG NAS GCIG TU 'BREL BA YONGS SU 'GYUR BAS 'KHOGS BZHIN PA NA BYES 'GRON YUN RING PO 'JIG PAR RTOGS PAR BYAS SO, ,DE'I PHYIR MYA NGAN YONGS SU BTANG STE GTI MUG DANG BRAL BA NYID LA BSGRIM PAR BYA BAR NUS TE, BU GCIG PA KHUR LA CHAS PA BZHIN NO, ,BU GCIG PA 'GA' ZHIG GI BU KHUR GYI PHYIR MNGON PAR CHAS LA, DE'I PHA NYID KYIS DE 'GRO BA'I RJES SU MTHUN PAR BYAS SHING 'GRO BAR ZHUGS PA LA CHO NGES 'DEBS PAR BRTZAMS TE, DE BZHIN DU 'JIG RTEN YANG BU BSKYED PA'I PHYIR RANG NYID 'BAD PA BYED LA, BSKYED PA'I 'BRAS BU DANG PHRAD NA MYA NGAN BYED DO, ,'DIR SMRAS PA, GAL TE YANG RGA BAS 'DI'I 'GRO BA LA SPRO BA NYID STON PAR BYED MOD KYI DE LTA NA YANG BU LA CHER CHAGS PA NYID PHA'I MYA NGAN RGYUR 'GYUR RO, ,BSHAD PAR BYA STE, JI LTAR PHA LA BU SDUG PA, ,DE LTAR DE LA SKYE MA YIN, ,BU LA PHA LTAR PHA LA BU DGA' BA MA YIN TE, 'DI LTAR BU TSA RNAMS NI DKA' BA BRGYA PHRAG GIS BSKYED BZHIN DU BYAS PA SHES PA NYID KYI DNGOS PO LHOD PA'I PHYIR DANG, BDAG GI BU LA SRED PA SHAS CHE BA NYID KYI PHYIR SNGAR MA MTHONG BAR GZHAN LTAR PHA CIG CAR YAL BAR DOR NAS RANG DGAR SPYOD PA NYID DU 'GYUR RO, ,GANG GI PHYIR DE LTAR NA JI LTAR 'JIG RTEN SRED PAS BU LA SOGS PA 'OG MA DAG TU LHUNG BA DE LTAR SRED PAS BU LA SOGS PA RNAMS GONG DU PHA LA 'DZEG PA MI SRID PA'I PHYIR NA SRED PA JI LTA BA BZHIN @40B LAS 'PHEN PA'I PHYIR CHAGS PAS KHRID PA'I SEMS KYI RGYUD CHU LTAR THUR DU 'BAB PA NYID DO ZHES BSTAN PA'I PHYIR, 'JIG RTEN 'DI NI 'OG TU 'GRO, ,DE PHYIR MTHO RIS KYANG RNYED DKA', ,SRED PA'I DBANG DU GYUR PA'I 'JIG RTEN GYIS NI GYEN LA 'GRO BA'I RGYU THOB PAR DKA' BA NYID KYI PHYIR NA, RE ZHIG MTHO RIS KYANG RNYED PAR DKA' NA, THAR PA NI LTA CI SMOS, DE'I PHYIR BLA MA LA GUS PA'I CHAGS PA LHUR BLANG BAR BYA'O, ,BU LA SOGS PA PHA LA NYES PA BYED PA RNAMS LA NI NGAN 'GROR GZHOL BAS MYA NGAN BYA BAR RIGS KYI DUS BYAS PA RNAMS LA NI MA YIN NO; ,SHING KUN CHUD ZOS PA DANG, DRIL BU'I SKAD BZHIN NO, ,TSONG PA RNAMS KYI 'BYUNG KHUNG NAS SHING KUN NYUNG ZAD CIG JI LTA JI LTAR DRANGS PA DE LTA DE LTAR BRLAG PA NA THAMS CAD BRLAG PAR 'GYUR BA DANG, DRIL BU'I SKAD RIM GYIS GTAN MED PAR 'GYUR BA DE BZHIN DU BYAS PA CHUD GZON PA NYID LA SOGS PA'I SPYOD PA NGAN PA RNAMS KYIS CHOS BSHIG PAS MTHO RIS KYANG RNYED PAR DKA' BAR 'GYUR NA, THAR PA LTA SMOS KYANG CI DGOS, GZHAN YANG MYA NGAN GYIS GNOD PAR GYUR PA 'DI LA RE ZHIG 'DI NYID BRGAL ZHING BRTAG PAR BYA STE, CI KHYOD KYI CHAGS PAS RJES SU MI MTHUN PA'I BU LA'AM, 'ON TE RJES SU MTHUN PA LA YIN GRANG, ,DE LA GANG TSE RJES SU MI MTHUN PA, ,'GA' YANG SDUG CES BYA YOD MIN, ,GANG GI TSE GANG ZHIG GANG GI RJES SU MTHUN PAR MI 'GYUR BA DE'I TSE DE DE LA SDUG PA MA YIN TE, DE'I PHYIR RJES SU MI MTHUN PA LA CHAGS SO ZHES BYA BA MI SRID DO, ,CI STE RJES SU MTHUN PA KHO NA LA CHAGS PAR 'GYUR RO SNYAM NA 'GYUR LA RAG MOD, DE LTA NA YANG, DE TSE CHAGS PA TSONG DANG NI, ,'DRA BA 'BA' ZHIG SKYE BAR 'GYUR, ,'BA' ZHIG NI RGYU DANG BCAS PA GCIG PU NYID DO, , GAL TE 'DI NGA'I NGOR 'JUG GO ZHES BYA BAS CHAGS PA BSKYED NA NI, DE'I PHYIR DE'I RJES SU 'JUG PA LA LAN DU PHAN GDAGS PA'I PHYIR CHAGS PAR BYED PA NA LAG RJE LUG RJE DAG GIS TSONG RJES SU BSGRUB PAR 'GYUR GYI CHAGS PA NI MA YIN TE, DE'I PHYIR BU'I MYA NGAN GYIS CI BYA, @41A *, ,BU SHI BA LAS LANGS PA'I RGYAL PO'I MYA NGAN BSAL BA BZHIN NO, ,RGYAL PO 'GA' ZHIG LA BU SHIN TU SDUG PA ZHIG YOD LA DE DUS BYAS PAR GYUR PA DANG, BLON PO RNAMS KYIS RENGS SO ZHES SNYAN DU ZHUS SHING GSAN NAS KYANG MCHOG TU BKYON PAS 'KHRUGS TE, DE GSAD PA'I PHYIR ZHUGS SO, ,DE NAS SHI'O ZHES ZHUS PA DANG, DE LAS DGYES SHING KUN NAS DGA' BA'I RNGA BO CHE YANG BRDUNGS SO, ,DE LTAR NA 'JIG RTEN LA RJES SU MTHUN PA SDUG PAR 'GYUR GYI GZHAN NI MA YIN NO, ,'DIR SMRAS PA, CHAGS PA'I 'BREL PA NI LTOS PA YIN NO ZHES BYA BA DE NI MA YIN TE, BU LA PHA'I CHAGS PA BSTAN PA NYID DU YOD PA'I PHYIR RO, ,BSHAD PAR BYA STE, BRAL BAS BSKYED PA'I SDUG BSNGAL NI, ,MI RNAMS SNYING NAS MYUR LDOG STE, ,CHAGS LA'ANG SDUG BSNGAL BRAL BA YIS, ,MTSON PA'I MI BRTAN PA NYID LTOS, ,CHAGS PA LA NI BRTAN PA NYID YOD PA MA YIN TE, YUN MI RING BA KHO NAR BRAL BA LAS SKYES PA'I SDUG BSNGAL LDOG PAR MTHONG BA'I PHYIR RO, ,'DI LTAR BU SHI BAS BSKYED PA'I MYA NGAN CHEN PO YANG BYA BA DANG 'JIGS PA'I BYA BA GZHAN GYI DBANG GIS YUN MI RING BA NYID DU MI RNAMS KYI SNYING NAS LDOG PA YIN NO, ,GAL TE CHAGS PA'I 'CHING BA LHOD PA NYID DU MI 'GYUR NA NI DE'I TSE DES BSKYED PA'I SDUG BSNGAL LDOG PAR MI 'GYUR BA ZHIG NA, DE LDOG PA NI MTHONG BA YANG YIN TE, DE'I PHYIR CHAGS PA LA YANG BRTAN PA NYID YOD PA MA YIN PAS DES BSKYED PA'I MYA NGAN GYIS BDAG NYID GDUNG BAR MI BYA STE, DGA' CAN CHUR LHUNG BA'I BU'I LAS BZHIN NO, ,RGYAL PO 'GA' ZHIG CHU'I STENG NAS 'GRO BA NA MI MA YIN PA RNAMS KYIS GRU BZUNG BA DANG, DE'I BLON PO DGA' CAN ZHES BYA BA ZHIG YOD PA DES LHA BSKYANG BAR MDZAD 'TSAL LO ZHES BU RNAMS RGYAL PO LA BCOL NAS CHU KLUNG DU MCHONGS LA, NGA KHYER LA RGYAL PO THONG SHIG CES MI MA YIN PA RNAMS LA GSOL BA YANG BTAB STE, DE YANG BTANG BAR GYUR TO, ,BU RNAMS DE SHI BA THOS NAS SHIN TU KHO NA SDUG BSNGAL @41B BAR GYUR LA, GANG GI TSE RGYAL POS LONGS SPYOD RNAMS KYIS YANG DAG PAR 'GYED PAR MDZAD PAR GYUR PA DE'I TSE PHA DANG BRAL BA'I SDUG BSNGAL DANG BRAL BAR GYUR CING PHA SHI BA LA YON TAN GYI RGYUR BTAGS PAR GYUR TO, ,DE'I PHYIR DE LTAR NA MYA NGAN YANG GTAN DU BA MA YIN PA DANG MA NGES PA YIN NO, ,'DIR GAL TE YANG CHAGS PA'I 'CHING BA LHOD PA NYID KYI PHYIR DE DANG BRAL BAS BSKYED PA'I MYA NGAN GYIS BDAG NYID GZIR BAR BYA BA MA YIN MOD KYI, DE LTA NA YANG 'JIG RTEN SHES PAS DE'I 'JUG PA DANG BSTUN TE, LUS SKYUR BA DANG, RANG GI LUS LA RDEG PA DANG, SKRA 'BAL BA LA SOGS PAS BDAG NYID GZIR BAR BYA DGOS SO ZHES SMRA'O, ,BSHAD PAR BYA STE, GNOD PAS GZIR BA BYAS ZIN KYANG, ,YON TAN MED SNYAM SHES BZHIN DU, ,KHYOD BDAG NYID LA PHYIR 'CHOS 'GYUR, ,DE YANG BDAG LA MI RIGS SO, ,'DIR KHYOD KYIS KYANG 'JIG RTEN DANG MTHUN PAR 'JUG PAS BYAS PA'I GNOD PAS GZIR BAR BYAS SU ZIN KYANG DE LA YON TAN 'GA' YANG YOD PA MA YIN PAR SHES MOD KYI, DE LTA NA BDAG GZIR BAR BYED PA NYID DO, ,DE'I PHYIR DE LTAR NA KHYOD KYIS BDAG NYID LA PHYIR 'CHOS 'JUG PA 'DIS GZIR BA THOB PAR BYED NA DE YANG BDAG NYID LA MI RUNG NGO, ,PHYIR 'CHOS NI RANG GI DON BSGRUB PAR BYA BA'I DON DU CHOS MA YIN PA LHUR BYAS TE GZHAN NGO MTSAR BSKYED PAR BYA BA'I PHYIR SBYAR BAR BYA BA YIN NA, DE NYID NI BDAG LA RAB TU SBYAR BAR MI RIGS SO; ,DE'I PHYIR GZHAN GYI RJES SU 'JUG PAS BYAS PA'I SDUG BSNGAL GYIS BDAG NYID SKYO BAR MI BYA'O, ,BLUN PO G-YON CAN RNAMS KYIS BRTEN PA'I LAM 'DI LA MKHAS PA RNAMS KYIS DPYAD PAR MI BYA STE, DE'I PHYIR RANG DBANG DU GYUR PA NYID DU BYA DGOS PAS [?] NGAN LA SKABS SBYIN PAR MI BYA'O, ,LCE BA PA STON PA MO BZHIN NO, ,GANG GI TSE BUD MED 'GA' ZHIG BUD MED LA LA ZHIG LA LCE BA PA BSLAB PAR BYA'O SNYAM STE BDAG NYID GSOD PAR BYED CING SLOB DPON NYID DU SNYEMS PAR BYED LA, GANG ZHIG DE LTAR BYED PA DE 'CHI BA NYID DU YANG @42A *, ,SHES MOD KYI DE LTA NA YANG BYED PAR 'GYUR TE, DE BZHIN DU MYA NGAN GYIS NYEN PA RNAMS KYANG DE LA YON TAN 'GA' YANG MED DO ZHES BYA BAR SHES BZHIN DU YANG BDAG NYID LA RDEG PAR BYED DO, ,'DIR SMRAS PA, GAL TE GZIR BA LA YON TAN CI YANG MED MOD KYI DE LTA NA YANG SDUG PA DANG 'BREL PA THOB PAR 'DOD PAS NI DE MED NA MI 'BYUNG BA'I GZIR BA'I CHA YANG YONGS SU SPANG DU MED PA NYID DO, ,BSHAD PAR BYA STE, SDUG BSNGAL RNAM PAR 'GED LTA BUR, ,'JIG RTEN 'DI NA YONGS SU 'KHYAM, ,SDUG BSNGAL GYUR PA'I SKYE BO LA, ,SDUG BSNGAL 'GED PAS CI ZHIG BYA, ,'JIG RTEN 'DI THAMS CAD NI LAS DANG NYON MONGS PA RNAMS KYIS 'GRO BA DE DANG DE DAG TU KHRID PA NA, SKYE BA DANG RGA BA DANG NA BA DANG 'CHI BA LA SOGS PA'I SDUG BSNGAL GYI BDAG NYID CAN GYI SDUG BSNGAL LAS MI 'DA' LA, DE LTAR 'KHOR BA'I SDUG BSNGAL GYI SGO NAS RANG NYID SDUG BSNGAL GYIS NYEN PA'I 'JIG RTEN DE LA, SKYE BO GZHAN SRED PA DANG MA BRAL BA 'DI 'GRO BA GZHAN DE DANG DER YANG DANG YANG DU BU DANG BU MO DANG, NYE DU'I DNGOS POR GYUR NAS SLAR 'GRO BA NA PHA DANG MA DANG NYE DUNG GYUR PA'I SEMS CAN GYI TSOGS LA RMA LA BA TSVA BTAB PA LTAR BDAG NYID DANG BRAL BAS BSKYED PA'I SDUG BSNGAL 'GED PA LTAR BYED CING YONGS SU 'PHYIN PAR 'GYUR RO, ,DE'I PHYIR RANG BZHIN GYIS SDUG BSNGAL BAR GYUR PA'I SKYE BO 'DI LA SLAR YANG BRAL BA'I SDUG BSNGAL RNAM PAR BSGOS PA YONGS SU BZUNG BAS DGOS PA CI YOD, 'DI LTAR GAL TE SKYE BO 'DI SDUG BSNGAL MED PA DANG, SDUG BSNGAL DON DU GNYER BA ZHIG YIN NA NI DE'I TSE 'DI LA SDUG BSNGAL GYIS RNAM PAR 'GED PA RIGS PA ZHIG NA, 'DI NI DE LTAR YANG MA YIN PAS SDUG BSNGAL RNAM PAR 'GED PA LA DGOS PA CUNG ZAD KYANG MED DO, ,DE'I PHYIR SEMS DANG BCAS PA SU ZHIG DON MA YIN PA BYED PA'I SKYE BO RNAM PA DE LTA BU LA PHRAD PAR BYAS NAS DE LOG PAS MYA NGAN BYED PAR 'GYUR, DE'I PHYIR DE LTAR NA 'KHOR BA DANG @42B 'BREL PAS SKYE BA LA SOGS PA'I SDUG BSNGAL GYI GNOD PA RIG PAR BYAS NAS GZHAN DAG SDUG BSNGAL LAS BZLOG PAR 'DOD PA'I MKHAS PAS NI BDAG DANG GZHAN GYI DON MA YIN PA'I RGYU YIN PA'I PHYIR 'KHOR BA KHO NA DOR BAR BYA'I, MYA NGAN GYI KHANG PAR ZHUGS NAS DGE BA'I PHYOGS YONGS SU NYAMS PAR NI MI BYA'O, ,SPUN GNYIS PHA DANG MA'I 'CHI BA GO BAR BYED PA BZHIN NO, ,SPUN GNYIS LAS GCIG GI GAN DU MA DUS BYAS PAR GYUR LA GZHAN GYI GAN DU PHA DUS BYAS PAR GYUR TO, ,DE GNYIS CHAR YANG PHAN TSUN GO BAR BYA BA'I PHYIR PHRAD PAR GYUR TO, ,DE LA GCIG GIS MTHONG NAS KYI HUD AA ZA ZHES NGU LA GNYIS PA SHOS KYANG KYI HUD AO PO ZHES NGU'O, ,DE BZHIN DU 'JIG RTEN YANG SDUG BSNGAL BAR GYUR PA RNAMS LA SDUG BSNGAL 'GED PAR BYED DO, ,'DIR SMRAS PA, SDUG BSNGAL GYI RGYU YIN PA NYID KYI PHYIR, BRAL BA MI DGA' BA YIN MOD KYI, DE LTA NA YANG BDE BA'I RGYU YIN PA NYID KYI PHYIR 'DU BA LA DGA' BA YIN NO, ,BRJOD PAR BYA STE, GANG GI 'DU BA DGA' YIN DE'I, ,BRAL BA JI LTAR DGA' MA YIN, ,'DU BA DANG NI BRAL BA DAG ,LHAN CIG RGYU BAR SNANG MIN NAM, ,GANG GI TSE KHYOD DAM GZHAN GYI YANG RUNG STE, YID DU 'ONG BA RNAMS DANG 'DU BA DGA' BA YIN PA DE'I DE RNAMS DANG BRAL BA DGA' BA JI LTAR MA YIN, RGYUD GANG KHO NA LA 'DU BA YOD PA DE NYID LA GDON MI ZA BAR 'BYUNG BA'I BRAL BA YANG YIN PAS 'DU BA DANG BRAL BA GNYI GA YANG LHAN CIG SPYOD PAR SNANG NGO DE'I PHYIR 'DU BA 'DOD PAS BRAL BA LA DGA' BA YANG BYA DGOS SO, ,DE'I PHYIR BDE BA RGYU YIN YANG MTHA' NGAN PA NYID KYI PHYIR DE GNYI GA DANG BRAL BA'I RNAM PAR GROL BA MNGON SUM NYID DU BYA'O, ,BKRA SHIS MA DANG RNA NAG MA 'JUG PA DANG, KHA ZAS DUG DANG BCAS PA DANG MCHIL BA'I ZAS BZHIN NO, ,KHA CIG GIS NGA LA BKRA SHIS YOD PAR GYUR CIG CES LHA MNYES PAR BYAS PA DANG, DES DAM PA THOB PAR GYUR TO, ,DE KHYIM DU ZHUGS PA'I KHYIM DU MTSAN MO BKRA SHIS MA DANG DE'I PHYI BZHIN 'JUG @43A *, ,BA'I RNA NAG MO YANG ZHUGS PAR GYUR TO, ,DES BKRA SHIS MA LA 'DI SU YIN ZHES DRIS PA DANG, DES RNA NAG MO'O ZHES SMRAS SO, ,DES SMRAS PA BDAG GIS 'DI'I PHYIR DAM PA THOB PA MA YIN NO, ,DES SMRAS PA GANG NA NGA YOD PA DER 'DI YANG GDON MI ZA BAR YOD DO ZHE'O, ,DE BZHIN DU GANG NA 'DU BA YOD PA DE NA BRAL BA YANG YIN NO, ,GANG DAG SDUG PA RNAMS DANG 'GROGS PA TZAM ZHIG KHO NA MNGON PAR 'DOD KYI BRAL BA NI MA YIN PA DE DAG GI DE NI YID SMON TZAM ZHIG TU 'GYUR RO, ,KHA ZAS DUG DANG BCAS PA ZA BA LA MTHAR GDON MI ZA BAR 'CHI BA 'AM 'CHI BA LA THUG PA'I SDUG BSNGAL DU 'GYUR BA DE BZHIN DU, 'DU BA'I BDE BA THAMS CAD BRAL BA'I SDUG BSNGAL DANG RJES SU 'BREL PA NYID DO, ,GANG ZHIG MCHIL PA'I ZAS BZA' BAR 'DOD PA DE LA NI GDON MI ZA BAR MCHIL BAS PHUG STE DRANGS PA YANG YOD DO, ,'DIR GAL TE BRAL BA MTHAR NGES MOD KYI, DE LTA NA YANG THOG MAR 'GROGS PA YUN RING BA NYID KYI PHYIR NA DE LA BRTZIS SU BYA BA MA YIN NO ZHES SMRA'O, ,'DAS LA THOG MA YOD MIN LA, ,MA 'ONGS THA MA YOD MIN NA, ,CIS NA KHYOD KYIS 'DU MTHONG ZHING, ,RING POR GYUR KYANG BRAL BA MIN, 'KHOR BA 'DI NI MA RIG PA DANG LDAN PA'I GANG ZAG GI 'DAS PA'I DUS LA THOG MA MI SRID CING, DE THAMS CAD KYANG BRAL BAS RAB TU PHYE BA YIN NO, ,MA RIG PA DANG LDAN PA NYID KYI MA 'ONGS PA LA YANG THA MA MED LA, DE YANG MA THOB PA'I PHYIR NA, ,DE'I BDAG NYID CAN KHO NA'O, ,DE'I PHYIR SKYE BA DANG RGA BA DANG NA BA DANG 'CHI BA'I 'KHOR BA'I RGYA MTSO CHEN PO THOG MA DANG THA MA MED PA 'DIR LHUNG BA'I DON DANG 'GROGS PA GANG YIN PA DE NI SKAD CIG MA YIN TE, 'DU BYED THAMS CAD SKAD CIG RE RER 'JIG PA'I NGANG CAN NYID KYI PHYIR RO, ,DE'I PHYIR DE LTAR NA CI'I PHYIR KHYOD KYIS 'DAS PA DANG MA 'ONGS PAS BSDUS PA'I BRAL BA RING DU ZIN KYANG MA MTHONG ZHIN [?], RING PO MA YIN PA YANG 'DU BA 'BA' ZHIG KHO NA RING PO NYID DU MTHONG NGO, ,DE'I PHYIR 'DI MI RIGS SO, ,DE'I PHYIR DE LTAR SKAD CIG MAR @43B 'JIG PA SHIN TU PHRA BA NYID KYI PHYIR 'DU BA MTHONG BA YOD NA BRAL BA MTHONG BAS NI RTAG TU SKYO BA DANG LDAN PAR BYA DGOS SO, ,CHUNG MA GZHAN GYIS PHROGS PAS SDUG BSNGAL BA BZHIN NO, ,MI 'GA' ZHIG YUL GZHAN DU SONG BAR GYUR LA, BYES LA GNAS PA DE'I CHUNG MA GZHAN GYIS BDAG GIR BYAS SO, ,'ONGS TE GRONG DE'I 'DABS NA GNAS PAS THOS PAR GYUR CING, THOS NAS KYANG G-YON CAN GYI KHYIM DU SONG STE DUS DER SKYES PA'I BRAL BA'I SDUG BSNGAL GYIS SDUG BSNGAL BAR GYUR GYI, DUS SNGAR BYUNG BA'I BRAL BAS NI MA YIN NO, ,DE'I DON DU RTZOD PAR YANG ZHUGS SO, ,DE BZHIN DU 'JIG RTEN YANG 'DAS PA DANG MA 'ONGS PA'I DON DAG LA MYA NGAN MI BYED PAR DE'I DUS KYI BRAL BA'I SGO NAS DE DANG DE LA MYA NGAN BYED DO, ,'DIR SMRAS PA, GAL TE BRAL BA RING MOD KYI, ,DE LTA NA YANG DUS TSIGS PHUN SUM TSOGS PAS SEMS KHRID PA'I PHYIR DE LA RTZIS GDAB MED DO, ,BRJOD PAR BYA STE, SKAD CIG LA SOGS DUS DE RNAMS, ,NGES PAR DGRA DANG 'DRA 'GYUR TE, ,DES NA DGRAR GYUR DE DAG LA, ,RNAM KUN KHYOD 'DOD CHAGS MI BYA, ,GANG GI PHYIR 'DI NA DGUN DANG DGUN CHUNG DANG DPYID LA SOGS PA'I DUS RNAMS SKAD CIG DANG THANG CIG DANG YUD TZAM GYI RIM PA MNGON PAR 'PHEL BAS DGRA LTAR KHYOD KYI GSON PA'I SKAD CIG ZAD PAR BYED CING NGES PAR GNAS PAR GYUR TE, DE'I PHYIR DE LTAR SROG 'PHROG PAR BYED PA'I DUS DE DAG LA KHYOD CHAGS PAR MI BYA STE, MDZA' BSHES KYI SGO NAS GNAS PA'I DGRA BO YONGS SU SHES PA LTAR BAG YOD PAR SPYOD PAS DE YONGS SU SHES PA LA MKHAS PAR BYA STE, BRAN MO RGAN MO SDUG BSNGAL DANG RJES SU 'BREL PA BZHIN NO, ,JI LTAR SKAD CIG LA SOGS PA'I DUS RNAMS 'GRO BA NA LAS MI NUS PA DANG RJE DPON DAG GIS BRNYAS PA'I NYES PA LAS BRAN MO RGAN MO LA SDUG BSNGAL 'KHOR MOR 'BYUNG MOD KYI, DE LTA NA YANG 'DI DE DAG LA CHAGS PA KHO NA YIN GYI, DE DE DAG LA MYA NGAN MI BYED PA DE BZHIN DU 'JIG RTEN YANG SKAD CIG LA SOGS PA'I DUS RNAMS LA CHAGS PA YIN TE, TSA BA'I DUS NA TSANG PAS @44A *, ,GNOD PA NA DGUN CHUNG MNGON PAR 'DOD DO, ,DE BZHIN DU GZHAN GYI SGO NAS GZHAN YIN TE, DE LA GANG NAS KYANG BDE BA YOD PA MA YIN NO, ,DE'I PHYIR DE LTAR NA 'DU BYED KYI CHOS NYID 'DI DAG MNGON SUM DU GNAS PA LTAR RJES SU SEMS SHING YID SKYO BAR GYUR BAS RJES SU MTHUN PAR SPYAD PAR RIGS SO, ,DE YANG CI'I RIGS SHE NA, 'DI DAG THAMS CAD NGES PAR BOR NAS KHYIM NAS KHYIM MED PAR RAB TU BYUNG STE GNAS PAR RO, ,GAL TE 'DI RIGS PAR BDEN MOD KYI NUS PA NI MA YIN NO, ,GNYEN 'DUN GYI SKYE BO DANG BRAL BA NI DKA' STE, DE JI LTAR BYED PAR NUS, DE'I PHYIR DES BYAS PA'I SKRAG PA LAS KHO BOS NAGS SU 'JUG PAR BYA BA'I PHYIR 'GRO BAR YANG MI BYA'O ZHE NA, BRJOD PAR BYA STE, BLO NGAN BRAL BA'I 'JIGS PA YIS, ,KHYIM NAS NGES PAR MI 'BYUNG NA, ,MKHAS PA SU ZHIG NGES PAR NI; ,BYA DGOS CHAD PAS BYED PAR 'GYUR, ,BLO GROS NGAN PA KHYOD GNYEN GYI SKYE BO DANG BRAL BA NI DKA' SNYAM STE, DE'I 'JIGS PAS KHYIM NAS MI 'BYUNG NA, DE NI NAM DU YANG RUNG STE 'CHI BDAG GI DBANG GIS GDON MI ZA STE, DE'I PHYIR BYA DGOS PA KHO NA'O, ,DE LTAR GDON MI ZA BAR BYA DGOS PA'I NGES PAR 'BYUNG BA NI DKA' THUB BSGRUB PAR BYA BA'I PHYIR RANG NYID KYIS MA BYAS PAR, 'CHI BDAG GI CHAD PA 'GA' ZHIG GI SGO NAS SHES RAB CAN SU ZHIG BYED, DE'I PHYIR THABS SNGON DU GTANG STE BDAG DANG BDAG GI BA YONGS SU GTONG BA'I NGANG TSUL CAN DU BYA'O, ,GZIR ZHING GRONG PA DPYA 'BUL BA BZHIN NO, ,DPER NA GRONG PA RNAMS SDUG BSNGAL CHEN PO NYAMS SU MYONG NAS PHYIS NGES PAR DBUL BAR BYA BA'I PHYIR MTHA' DAG 'BUL GYI GZHAN DU NI MA YIN PA DE BZHIN MI MKHAS PA RNAMS NGES PAR GTANG BAR BYA DGOS PA'I GNYEN GYI SKYE BO 'CHI BDAG GIS GTONG DU 'JUG GI ,BDAG NYID KYIS NI MI GTONG NGO, ,'DIR SMRAS PA, GAL TE YANG RTZA LAG NI GDON MI ZA BAR GTANG BAR BYA BA YIN MOD KYI DE LTA NA YANG BU BSKYED DE, LANG TSO RDZOGS PA NA BAG MA BLANGS PA DE LA KHYIM GYI KHUR BSKUR NAS BGYI TSAL YONGS SU RDZOGS PAR @44B BYA STE NGES PAR 'GRO BAR BYA'O, ,BSHAD PAR BYA STE, KHYOD 'DI BYAS NAS BSAL BAR NI, ,NAGS SU BGROD BYA SNYAM SEMS NA, ,GANG ZHIG BYAS KYANG GTANG BYA BA, ,DE BYAS YON TAN CI ZHIG YOD, ,GAL TE BDAG GIS GDON MI ZA BAR NAGS SU 'GRO BAR BYA BA YIN MOD GYI 'ON KYANG BYA BA'I 'PHRO CUNG ZAD CIG YOD PAS DE BYAS LA 'GRO BAR BYA'O SNYAM DU SEMS NA, GAL TE DE 'DI GANG BYED PA DANG, GANG GI DON DU BYED PA DE GNYI GA BYAS NAS KYANG GAL TE SLAR YONGS SU GTANG BAR BYA BA YIN NA 'O NA NI DE LTA NA BYAS PA LA YON TAN CI ZHIG YOD DE, DE BAS NA 'DI NI BYA BA MA YIN PA NYID DO, ,DE'I PHYIR DE LA LTOS NAS DUS 'DA' BAR MI RIGS PAS BYA BA DANG BYA BA MA YIN PAR RNAM PAR DPYOD PA LA MKHAS PAR BYA STE, MI GTZANG BA'I NANG DU LHUNG BA'I SHING THOG AA MRA BLANGS TE 'DOR BA DANG, 'GRON PO RDO BDAR BA BZHIN NO, ,'GA' ZHIG GIS SHING THOG AA MRA MI GTZANG BA'I NANG DU LHUNG BA BLANGS PAS DE LA GZHAN GYIS 'DIS CI BYED CES DRIS PA DANG, DES BKRUS LA DOR BAR BYA'O ZHES SMRAS PA LTA BU STE DE BZHIN DU GAL TE YUL RNAMS GTANG BAR BYA BA YIN NA NI DE DAG YONGS SU BRTZAL BAS CI BYA, YANG JI LTAR 'GRON PO 'GA' ZHIG GIS 'GRO BA POR NAS RDO BGAR BAR BRTZAMS SO, ,DE LA CI BYED CES DRIS PA DANG, DE NYID BDAR BAR BYED PAR GYUR CING, DON MTHUN SONG BA NA DE RDO DE LHAM PAR MA SBYANGS PAR TSUL MA YIN PAS NYON MONGS PA'I BAR DU GYUR PA DE BZHIN DU 'KHOR BA'I 'GRON PO RNAMS KYI KHYIM GYI BYA BA DAG SHES PAR BYA'O, ,'DIR GAL TE YANG DON DU NA NAGS SU 'GRO BA GTZO BO YIN MOD KYI, DE LTA NA YANG BDAG DANG BDAG GI BA LA CHAGS PA DANG LDAN PA LA DE LAS 'JIGS PA 'BYUNG NGO ZHES SMRA'O, ,BRJOD PAR BYA STE, BDAG NI 'CHI'O SNYAM SEMS PA, ,GANG LA NGES PAR YOD 'GYUR BA, ,DE NI CHAGS PA YONGS BTANG PHYIR, ,'CHI BDAG LA YANG GA LA 'JIGS, ,'DIR SHES RAB DANG LDAN PA GANG LA LA ZHIG LA, LUNG GI RJES SU 'BRANGS TE BDAG NI 'CHI BA'I CHOS CAN NO SNYAM DU SEMS PA NGES PAR YOD PA DE LA NI, 'DU 'DZI YONGS SU SPANGS NAS @45A *, ,BSRUNG BAR BYA BA NYID DU YONGS SU GZUNG BA'I SROG LA YANG SRED PA'I CHAGS PA YONGS SU BTANG BA'I PHYIR RE ZHIG 'CHI BDAG LA YANG 'JIGS PA YOD PA MA YIN NA, NAGS SU 'GRO BA'AM BU DANG BRAL BA LA 'JIGS PAR LTA GA LA 'GYUR, DE'I PHYIR 'CHI BA RJES SU DRAN PA BSGOM PA LA BRTZON PAR BYA STE, DUG MED PAR BYA BA'I PHYIR SOR GDUB 'JUG PA DANG, KHA ZAS DUG DANG BCAS PA YONGS SU 'DOR BA BZHIN NO, ,JI LTAR DUG MED PAR BYA BA'I PHYIR LAG PA LA SOR GDUB 'JUG PA LTAR DE BZHIN DU MKHAS PA RNAMS KYIS NYON MONGS PA'I DUG GZHOM PAR BYA BA'I PHYIR MI RTAG PA'I 'DU SHES 'JUG GO, ,YANG JI LTAR KHA ZAS DUG DANG BCAS PA YONGS SU DOR BAS DGE SHIS SU 'GYUR BA DE BZHIN DU CHAGS PA THAMS CAD YONGS SU BTANG BAS NGES PAR LEGS PAR 'GYUR RO, ,SLOB DPON 'PHAGS PA LHA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS, RTAG PAR PHYIN CI LOG SPANG BA'I THABS BSTAN PA STE, RAB TU BYED PA DANG PO'I 'GREL PA'O,, ,,RE ZHIG RAB TU BYED PA DANG POS MI RTAG PA LA RTAG GO SNYAM DU PHYIN CI LOG PA SPANG BA'I THABS BSHAD ZIN TO, ,DA NI SDUG BSNGAL LA BDE'O SNYAM DU PHYIN CI LOG PA SPANG BA'I THABS KYI DBANG DU BYAS TE BSHAD PA, LUS NI DGRA LTAR MTHONG MOD KYI, ,DE LTA NA YANG DO BSRUNG BYA, ,KHRIMS LDAN YUN RING 'TSO BA NI, ,DE LAS BSOD NAMS CHEN PO BYED, ,GANG GI PHYIR LUS LA NANG GI BDAG NYID LAS GYUR PA KHAMS MA SNYOMS PA'I RGYU CAN NAD BZHI BRGYA RTZA BZHI DANG PHYI ROL LAS GYUR PA DBYIG PA DANG BONG BA DANG, MTSON DANG, GRANG BA DANG, TSA BA DANG, SHA SBRANG DANG, SBRANG BU MCHU RINGS DANG, SDIG SPRUL LA SOGS PAS REG PA'I RGYU CAN GYI SDUG BSNGAL DAG 'BYUNG STE, DE'I PHYIR SDUG BSNGAL DU MA 'BYUNG PA'I PHYIR DANG, GLAGS SU BSMUN PA'I PHYIR DANG BRTEN PAR DKA' BA'I PHYIR NA 'PHAGS PA JI LTAR GNAS PA'I RANG GI NGO BO SO SOR RTOG PAR MDZAD PA RNAMS KYIS LUS NI DGRA LTAR MTHONG NGO, ,GAL TE 'O NA NI DE LTAR NA DE BSKYANG BAR BYA BA MA YIN TE, DGRA'I PHYOGS SU BSLAN PA'I PHYIR @45B RO ZHE NA, DE LTAR YIN MOD KYI, DE LTA NA YANG DE BSRUNG BAR BYA STE, DGOS PA DANG BCAS PA NYID KYI PHYIR RO, ,DGOS PA DE YANG CI ZHIG CE NA, LUS LA BRTEN NAS DGE BA'I RTZA BA'I TSOGS THAMS CAD NYE BAR SOGS PA'O, ,'DI LTAR LUS 'DI YOD NA NI GANG GI TSE YUN RING DU 'TSO BA DANG TSUL KHRIMS DANG LDAN PAR 'GYUR BA DE'I TSE NA BSOD NAMS CHEN PO BYED KYI LUS MED NA NI MA YIN TE, DE'I PHYIR RE ZHIG BSRUNG BAR BYA BA NYID DU 'GYUR RO, ,RNAM PA GCIG TU NA, THAL MA THAG PA'I MI RTAG PA NYID KYI GTAM GYIS SEMS SKYO ZHING, LUS DON MA YIN PA 'DREN PA 'DIS CI ZHIG BYA ZHES DE LA BRNYAS PA THOB PAR 'GYUR BA DE LA BRNYAS PA YONGS SU SPANG BA'I PHYIR, LUS NI DGRA LTAR ZHES BYA BA LA SOGS PA SMOS TE, BSHAD PA DE NYID SBYAR BAR BYA'O, ,'CHI BA GCIG GIS SBREL BA'I TSONG DPON GYI BU RKUN PO 'TSO BA BZHIN NO, ,JI LTAR NGA 'CHAGS PA LA SOGS PAR 'GRO BA LA NGA LA GROGS MI BYED PAR 'GYUR DU 'ONG NGO ZHES TSONG DPON GYI BU RKUN PO 'CHING BA GCIG GIS SBREL PA, BTZON DU GYUR KYANG SKYONG BAR BYED PA DE BZHIN DU MTHO RIS DANG THAR PA THOB PA'I RGYU LUS YONGS SU SKYONG BA LA YANG BSOD NAMS DANG YE SHES KYI TSOGS YONGS SU RDZOGS PAR BYA BA'I PHYIR YIN PAR BLTA BAR BYA'O, ,'DIR, JI LTAR BDAG DON 'CHING BA NI, ,GCIG SBREL RKUN PO BSRUNG BA LTAR, ,DE BZHIN MKHAS PAS LUS YIN TE, ,TSUL KHRIMS LA SOGS PA SPEL PHYIR RO, ,ZHES BYA BAR 'GYUR RO; ,SMRAS PA GAL TE LUS BSAD BAR BYAS PA YIN NA NI, DE'I PHYIR DE LA SNYING NYE BAR BYA DGOS SO, ,BRJOD PAR BYA STE, MI RNAMS SDUG BSNGAL LUS NYID LAS, ,SKYE ZHING BDE BA GZHAN LAS NA, ,SDUG BSNGAL KUN GYI SNOD GYUR PA, ,KHOG PA LA KHYOD CI STE GUS, ,'DI LTAR GANG GI LUS LA BKRES PA DANG SKOM PA LA SOGS PA'I SDUG BSNGAL GANG CUNG ZAD CIG 'BYUNG BA DE NI LUS KHO NA LAS YIN GYI, GZHAN LAS MA YIN LA, LUS LA BDE BA GANG CHUNG ZAD CIG 'BYUNG BA DE NI GZHAN KHO NA KHO NA LAS YIN GYI LUS LAS NI MA YIN NO, ,DE'I PHYIR @46A *, ,LUS SDUG BSNGAL THAMS CAD KYI SNOD 'DI LA GUS PAR MI BYA STE, JI LTAR GSON PA DANG, DGE BA 'PHEL BAR 'GYUR ZHING NYES PA 'BYUNG BAR MI 'GYUR BAR RAN PA TZAM GYIS DE BTZA' BAR BYA'O, ,DGON PA'I SHA ZA MO LA CHAGS PA BZHIN NO, ,MI DGON PAR ZHUGS PA 'GA' ZHIG GI MDUN NA SHA ZA MO ZHIG BUD MED KYI GZUGS GZUGS BZANG BAR STON PA MNGON PAR SPRUL NAS BDAG NYID GYA ZHING MGON MED PAR STON ZHING GNAS PAR GYUR BA DANG DE DES SHING RTA LA BSKYON NO, ,DE NAS RING PO MA LON PAR DE 'GRO BA'I MDUN NA SHA ZA MCHOG TU MI SDUG PA ZHIG GNAS PAR GYUR TO, ,DES DER LA GRI RNON POS DKYIL DU BCAD PA DANG, DE NAS GNYIS SU GYUR TO, ,DES DE GNYIS KYANG BCAD PAS BZHIR GYUR TO, ,DE LTAR DE NYIS 'GYUR DU 'PHEL BAR GYUR TO, ,DE NAS MI DE'I GNA' BSHES LHA ZHIG GIS NAM MKHA' LAS BUD MED GANG SHING RTA LA ZHON PA 'DI NYID GSAD PAR BYA STE, 'DI BSAD NA SHA ZA MO THAMS CAD BSAD PAR 'GYUR RO ZHES TSIG SMRAS SO, ,DES KYANG DE KHO NA LTAR BYAS SO, ,DE LTAR SDUG BSNGAL BA DANG MI RTAG PAR BLTAS PAS LUS LA LHAG PAR CHAGS PA BTANG STE, LUS MI 'BYUNG BAR BYA BA'I PHYIR NAN TAN BYA STE, DE MED PAS SDUG BSNGAL THAMS CAD MED PAR 'GYUR RO, ,'DIR SMRAS PA, GAL TE YANG MI RNAMS KYI SDUG BSNGAL LUS KHO NA LAS BYUNG MOD KYI, DE LTA NA YANG DE'I PHYIR BCOR YOD DE, 'DI LTAR BDE BA RGYA CHEN PO MYONG BAR BYA BA ZAS DANG SKOM DANG MAL CHA DANG STAN DANG BZHON PA LA SOGS PA'I YUL YONGS SU LONGS SPYAD PA SHIN TU SNA TSOGS PA RNAMS NI JI LTAR NYE BAR LHAGS PA'I SDUG BSNGAL 'JOMS PA'I RGYU YIN PA 'BA' ZHIG TU MA ZAD KYI, 'ON KYANG BDE BA CHEN PO 'BYUNG BA'I RGYU YANG YIN NO, ,DE'I PHYIR SDUG BSNGAL CHES CHUNG BA NYID YIN PA'I PHYIR DANG, BDE BA PHAL CHE BA NYID KYI PHYIR SDUG BSNGAL LA GCIG TU 'JIGS PAR MI RIGS SO ZHE'O, ,BSHAD PAR BYA STE, SDUG BSNGAL LA NI 'JIGS PAR BYA DGOS PA KHO NA STE, 'DI LTAR, GANG TSE BDE BA SDUG BSNGAL LTAR, , @46B SHAS CHER MI LA MI 'BYUNG NA, ,DE LTAR SDUG BSNGAL CHEN PO DE, ,CHUNG NGO SNYAM DU SEMS BYED DAM, ,LUS LA SDUG BSNGAL 'BYUNG BA NA DRAG PA DANG CHER 'BYUNG GI ,BDE BA NI DE LTA MA YIN NO, ,'DI NI 'JIG RTEN LA RAB TU GRAGS PA YIN TE, 'DI LTA STE, LHA SBYIN GDING BA 'JAM PO BTING BA'I MAL CHA LA NYAL LAM 'DUG KYANG RUNG STE, GZUGS DANG SGRA DANG DRI DANG RO DANG REG PA YID DU 'ONG BA DAG GIS YONGS SU BRTEN PA NA RANG GI BDAG NYID LA BDE BAS PHAN GDAGS SU ZIN KYANG GANG GI TSE SBRANG BU MCHU RINGS MCHU KHAB RTZE LTAR RNO BAS PHUG PAR GYUR PA DE'I TSE, BDE BA DE DAG THAMS CAD LA RTZIS MED PAR GLO BUR DU SDANG ZHING SDUG BSNGAL GYIS SKYO BAR 'GYUR RO, ,DE BZHIN DU GANG ZHIG BDE BA PHUL DU 'BYUNG BAR 'GYUR BA BDE BAS NI, GANG LA CHAGS PAS RUS PA YANG 'GAS SHING SNYING YANG 'DRAL BAR 'GYUR BA BU PHANGS PAR SHI BA LA SOGS PA'I GNAS SKABS SU DE 'DRA BA'I SDUG BSNGAL 'BYUNG BA DE'I BCU DRUG GI CHAR YANG MI PHOD DO, ,DE'I PHYIR SDUG BSNGAL CHEN POS ZIL GYIS MNAN PA'I BDE BA YOD DU ZIN KYANG SKYOB PAR MI BYED DO, ,GAL TE BDE BA SHIN TU CHE BA ZHIG YOD PAR 'GYUR NA NI DE SDUG BSNGAL GYIS ZIL GYIS GNON PAR MI 'GYUR TE, 'DI LTAR CHUNG NGUS NI CHEN PO ZIL GYIS GNON PA MA YIN NO, ,DE LA LUS LA BDE BA CHE LA SDUG BSNGAL CHUNG NGO ZHES GANG 'DOD PA DE NI MA YIN NO, ,'DIR, GANG ZHIG STOBS KYIS SHIN TU CHE GZHAN YANG, ,ZIL GYIS GNON DE CHUNG NGU MA YIN LA, ,GZHAN GYI STOBS KYIS ZIL GYIS GNON PA GANG, ,DE NI CHEN PO YIN ZHES BSNYAD MI BYA, ,ZHES BYA BAR 'GYUR RO, ,DE'I PHYIR DE LTAR NA PHYI ROL GYI RKYEN NYE BAR LHAGS PA'I SDUG BSNGAL DAG GIS KYANG SDUG BSNGAL BAR GYUR PA'I LUS NI SDUG BSNGAL CHES CHUNG BA NYID LAS BDE BA YANG YIN NO ZHES MI BYA STE, SGRA SGROGS SI TA 'PHROG PA BZHIN NO, ,JI LTAR SDUG BSNGAL CHEN POS SI TA 'PHROG PAR BYAS MOD KYI, DE LA BDE BA NI CHUNG DU YANG YOD PA MA YIN PA LTAR, DE BZHIN DU SDUG BSNGAL GYI CHU BO'I 'DAM DU BYING BA'I @47A *, ,'KHOR BA LA YANG BDE BAR SEMS SO, ,SDUG BSNGAL GYIS ZIL GYIS MNAN PA DANG, CHUNG DU NYID YIN PA DE NYID KYI PHYIR, 'JIG RTEN BDE LA MNGON PHYOGS SHING, ,BDER 'GYUR DAG KYANG RNYED DKA' STE, ,BDE BA 'DOD CING SDUG BSNGAL DANG MI MTHUN PA'I SKYE PO NI SDUG BSNGAL LAS 'BROS MOD KYI, DE LTA NA YANG SDUG BSNGAL DANG RO GCIG PA'I LUS LA BDE BA BSGRUB PAR MI NUS PA NYID KYI PHYIR, JI LTA JI LTAR 'JIG RTEN BDE BA MNGON BAR 'DOD PA DE LTA DE LTAR 'DI LA BDE BA THAG RING BAR 'GYUR ZHING SDUG BSNGAL KHO NA MNGON DU 'GYUR TE, BDE BA'I RE BAS SDUG BSNGAL GYI RGYU NYE BAR SOGS PA'I PHYIR RO, ,DE'I PHYIR BDE BA DANG LDAN PA DAG SHIN TU DKON NO, ,GANG GI PHYIR 'DI DE LTA YIN LA, DES NA SKYE BO 'JIG 'DI LA, ,SDUG BSNGAL RJES SU SNYEGS PA 'DRA, ,SKYES BU'I GRIB MA RJES SU 'BRANG BA LTAR SDUG BSNGAL LAS BROS SU ZIN KYANG SKYE BO LA SDUG BSNGAL RJES SU 'BRANG STE, RANG BZHIN NI SPANG BAR MI NUS SO, ,KHRON PAR YIB PA LA GLANG PO CHE BZHIN TE, 'GA' ZHIG GLANG PO CHE MYOS TSABS CHE BA LCAGS KYU MED PAS JI LTA JI LTAR BDAS PA DANG KHRON PAR GAB PAR BYED CING KHRON PA'I PHYED DU PHYIN NAS BDAG THAR BAR SEMS TE, DE NI GLANG PO CHE MYOS PAS RJES SU BSDAMS PA KHO NAR 'GYUR BA DE BZHIN DU RTAG TU SDUG BSNGAL DANG RJES SU 'BREL BA'I 'JIG RTEN YANG GTI MUG GIS BDE BA'I 'DU SHES DANG LDAN PAR 'GYUR RO, ,'DIR, 'DI NA PHONGS PAR GYUR PA'I SKYES BU NI, ,BDE BAS GZHAN BZHIN SKAD CIG LA YONGS 'DOR, ,'CHI BZHIN PAR NI GYUR BA'I SEMS CAN LA'ANG, ,SDUG BSNGAL GRIB MA BZHIN DU RJES SU 'BRANG, ,ZHES 'BYUNG BAR 'GYUR RO, ,'DI'I PHYIR YANG 'DI DE LTA YIN TE, GANG GI PHYIR, SDUG BSNGAL 'DOD PAS RNYED 'GYUR GYI, ,'DOD PAS BDE BA GA LA YIN, ,SDUG BSNGAL NI RTAG TU NYE BA'I PHYIR DANG, MI NYE BA YANG SHIN TU 'BAD PAS BSGRUB PAR BYA BA MA YIN PA NYID KYI PHYIR 'DOD BZHIN PA NA DE RNYED KYI, BDE BA NI 'DOD PAS RNYED PA MA YIN TE, SDUG BSNGAL GYI BDAG NYID CAN GYI LUS LA DE SHIN TU DKON PA'I PHYIR TE, NYIN MTSAN LA GRANG BA @47B BZHIN NO, ,'JIG RTEN 'DI RTAG TU NYE BAR GNAS PA'I SDUG BSNGAL LA MI 'JIGS SHING SDUG BSNGAL YANG MI DGE BA'I LAS LAS YIN LA, BDE BA SHAS TZAM LA RE BA'I 'JIG RTEN YANG SDUG BSNGAL GYI 'BRAS BU CAN GYI LAS LA SHIN TU CHES 'JUG STE, DE'I PHYIR DE LDOG PA'I PHYIR BSHAD PA, KHYOD CIS DKON PA LA GUS SHING, ,MOD LA CI STE KHYOD MI 'JIGS, ,'DIR SDUG BSNGAL GANG GI TSE DANG, CI 'DRA BA DANG, JI TZAM ZHIG RANG DBANG DU 'DOD PAS RNYED PA DE LTAR NI BDE BA MA YIN TE, DE NI GZHAN LA RAG LAS PA NYID KYI PHYIR 'DOD PAS MI THOB NA, 'JIG RTEN NI CHAGS PAS RNYED PAR DKA' ZHING GZHAN LA RAG LAS PA'I BDE BA LA GUS KYI, BLUN PAS RNYED BAR SLA ZHING RANG DBANG DU GYUR BA'I SDUG BSNGAL LA 'JIGS PAR MI 'GYUR RO, ,JI LTAR BDE BA DKON YANG 'DOD BAR BYA BA YIN PAS DON DU GNYER BA DE LTAR YID DBYUNG BAR BYA BA'I SDUG BSNGAL MOD PA LA CI STE YID MI 'BYUNG STE, THAMS CAD DU RANG BZHIN DANG MTSAM PA'I NAN TAN RIGS SO, ,DE'I PHYIR 'DIS MI DGE BA SPANG BAR RIGS SO, ,DE'I PHYIR DE LTAR NA RANG DBANG DU GYUR PA NYID KYI PHYIR SDUG BSNGAL KHO NA 'JIG RTEN GYI BDAG GI BA YIN GYI BDE BA NI MA YIN TE, MDZOD 'BUGS PA BZHIN NO, ,JI LTAR RGYAL PO'I MDZOD BRTOL BA LAS RANG 'DOD KYIS SDUG BSNGAL 'THOB PA DE LTAR BDE BA NI MA YIN NO, ,'DIR 'JIG RTEN 'DI NI MI SHES PA, ,'DRIS KYANG SDUG BSNGAL LA MI 'JIGS, ,'DOD PAS BDE BA'ANG MNGON 'DOD DE, ,BDE NYID RNYED PAR DKA' PHYIR RO, ,ZHES BYA BAR 'GYUR RO, ,YANG NA SDUG BSNGAL GYI YAN LAG NYID KYI PHYIR BDE BA YANG SKYE BAR BYA BA YIN PAS DE YANG BTANG BAR RIGS SO, ,YANG JI LTAR NA DE'I YAN LAG NYID YIN ZHE NA, 'DI LTAR, BDE BAR GYUR PA'I LUS PO NI, , SDUG BSNGAL SNOD DU 'GYUR BA STE, ,BDE BA DANG LDAN PA RNAMS KYI LUS BDE BA MYONG BAR BYA BA'I YUL CAN, RTAG TU LONGS SPYOD KYIS SHIN TU GZHON SHA CAN DU GYUR PA DAG NI SDUG BSNGAL CHES CHUNG NGUS REG KYANG 'BAR BAR GYUR PA'I ME LCES LO MA SAR PA DAG LTAR ROD NYAMS PAR @48A *, ,'GYUR GYI GNAS SKABS DE THAMS CAD LA SRON PA'I PHA DANG MA RNAMS NI MI 'GYUR TE, DE'I PHYIR BDE BA PHUL DU BYUNG BA NI SDUG BSNGAL 'PHEL BA'I RGYU YIN NO, ,GANG GIS 'DI DE LTA YIN PAS, DES LUS LA GUS DANG DGRA LA GUS, ,DE DAG GNYIS NI MTSUNGS BAR SNANG, ,SDUG BSNGAL BSGRUB PA LA LUS DANG DGRA BO LA BYE BRAG 'GA' YANG MED DE, DE'I PHYIR DE GNYIS BRTEN PA NA DE DAG KYANG MTSUNGS PAR 'GYUR TE, SDUG BSNGAL GYI RGYU SDUD PAR GNYIS CHAR YANG 'DRA BA'I PHYIR TE, SHING RTA LA NYAL BA BZHIN NO, ,JI LTAR MI 'GA' ZHIG SO GA'I DUS KYI NYI MA'I GUNG LA SHING RTA'I STENG DU BDE BAR GNYID KYIS LOG PA RGYAL PO 'GA' ZHIG GIS 'DOD RGYAL DU MTHONG BAR GYUR TO, ,DES DE SNYING RJES PHYIS JI LTAR MAL CHA LA 'DUG PA NA YUNGS KAR GYI 'BRU GCIG GIS REG PAS KYANG GNYID MI RNYED PA DE LTAR BDE BA'I 'TSOG CHAS DAG GIS YONGS SU BSKYANGS PA DE BZHIN DU LUS JI LTA JI LTAR BDE BA'I YO BYAD DAG GIS NYE BAR BSTEN PA DE LTAR SDUG BSNGAL GYI SNOD DU 'GYUR RO, ,GZHAN YANG LUS NI BDE BAR 'GYUR BAR BYA BAR MI NUS PA NYID KYI PHYIR DE LAS BZLOG PA'I RANG BZHIN CAN NYID DU RTOGS TE, 'DI LTAR, LUS NI SHIN TU 'GOR BAS KYANG; ,BDE BA'I BDAG TU MI 'GYUR TE, ,RANG BZHIN GZHAN GYIS ZIL GNON ZHES, ,BYA BA RIGS PA MA YIN NO, ,LUS NI BDE BA'I LONGS SPYOD KYI RGYU YUL DE DANG DE DAG GIS NYE BAR BSTEN KYANG BDE BA'I BDAG TU MI 'GYUR TE, SDUG BSNGAL GYI RANG BZHIN YIN PA'I PHYIR RO, ,JI LTAR SRA BA'I RANG BZHIN CAN ZHA NYE DANG RO NYE DANG GSER DANG DNGUL RNAMS ME DANG PHRAD PAS ZHU BA NYID DU 'GYUR MOD KYI, DE LTA NA YANG SRA BA'I RANG BZHIN NYID KYI PHYIR NA ZHU BA NYID DE RNAMS KYI BDAG GI BA MA YIN PA DE BZHIN DU SDUG BSNGAL GYI RANG BZHIN YIN PA'I PHYIR BDAG GI BA MA YIN BA'I BDE BAS LUS KYI BDAG NYID YUN RING POS KYANG BYA BAR MI NUS TE, DE'I PHYIR LUS NI SDUG BSNGAL GYI RANG BZHIN CAN NYID DE, KHU BYUG GI PHRU GU BZHIN NO, ,JI LTAR KHU BYUG GI PHRU GU BYA ROG GIS CHER BSKYED BZHIN DU KHU BYUG KHO NA'I YIN PAR 'GYUR GYI BYA ROG GI NI MA YIN BDE BZHIN DU LUS BDE @48B BA MA YIN NO, ,'DIR 'GYUR TE, RMONGS MUN SDUG BSNGAL BDAG NYID LUS, ,BDE BA'I BDAG GIR BYED DAM CI, ,NAM YANG CHER YUN RING BAS KYANG, ,LCAGS NAG GSER DU 'GYUR BA MIN, ,'DI SNYAM DU SDUG BSNGAL YOD DU ZIN KYANG MA TSOR BA NI DON MA YIN PA'I GNAS MA YIN TE, 'DI LTAR, KHA CIG DAG NI SKYES PA NAS BRTZAMS TE 'CHI BA LA THUG PA'I BAR DU GCIG TU BDE BA DANG LDAN PAR SNANG LA SEMS CAN MCHOG TU GYUR PA GZHI CHEN PO LA RE BA BZHAG PA RNAMS KYIS KYANG DE LA G-YENGS PAS TSOR BAR MI 'GYUR TE, DE'I PHYIR DE LTAR LUS SDUG BSNGAL GYI BDAG NYID CAN MA YIN NO SNYAM NA BRJOD PAR BYA STE, MCHOG LA YID KYI SDUG BSNGAL TE, THA MAL RNAMS LA LUS SKYES SO, ,SDUG BSNGAL GNYIS KYIS 'JIG RTEN 'DI, ,NYIN RE NYIN RE 'JOMS PAR BYED, ,SDUG BSNGAL NI RNAM PA GNYIS TE, LUS KYI DANG YID KYI'O, ,DE LA MCHOG TU GYUR PA GANG DAG LONGS SPYOD CHE ZHING RIGS DANG LDAN LA 'DOD PA RLABS CHE BA DE DAG LA NI MNGON PAR 'DOD PA'I GZHI CHEN PO THOB PAR DKA' BA'I PHYIR, ,PHRAG DOG PHAL CHE BAS 'DOD PA MI RNYED PA LAS SKYES PA YID KYI SDUG BSNGAL LDOG PA MED LA, YANG SEMS CAN THA SHAL RIGS DMA' ZHING BZA' BA DANG, MAL CHA DANG GNAS DANG GOS DMAN PA GANG DAG YIN PA DE DAG NI LUS KYI SDUG BSNGAL GYIS BCOM PA NYID KYIS NA SU LA YANG BDE BA'I GO SKABS GA LA YOD, DE'I PHYIR DE LTAR NA 'JIG RTEN 'DI DAG THAMS CAD SDUG BSNGAL GNYIS KYIS NYIN RE NYIN RE ZHING 'JOMS PAR 'GYUR RO, ,DE'I PHYIR RANG BZHIN GYIS BDE BAR GYUR PA NI 'DIR 'GA' YANG YOD PA MA YIN TE, GLANG PO CHE LA BSKYON PA MTHONG NAS DBANG BYED BRNYAS SKRAN LANGS PA DANG YONGS SU DGA' BA BZHIN NO, ,RGYAL PO 'GA' ZHIG GIS CHOGS SHIG CES 'GA' ZHIG GLANG PO CHE GDUL DKA' BA LA BSKYON LA DES KYANG GLANG PO CHE YANG DAG PAR BSKYAL BAR GYUR TO, ,DE NAS RGYAL PO MGU NAS RI MOR BYAS SO, ,MI DE'I BYA DGA' MTHONG NAS GLANG PO CHE'I DBANG BYED BA'I MI SDUG BSNGAL BAR GYUR TO, ,DE NAS 'JIGS PAS DE LA @49A *, ,YID MI BDE BA SKYES PAR GYUR TO, ,YANG MI GNYIS PA DMAN PA ZHIG RGYAL PO DES CHOGS SHIG CES GLANG PO CHE DE LA BSKYON PA DANG DES MA NUS PAR GYUR TE, RGYAL POS DE LUS KYI CHAD PA DANG SBYAR LA, DBANG BYED LA YANG YONGS SU DGA' BA SKYES PAR GYUR TO; ,DE LA GCIG LA YID KYI SDUG BSNGAL YOD PAR GYUR LA, GNYIS PA LA LUS KYI'O, ,DE BZHIN DU CHEN PO RNAMS LA NI KHYAD DU BSAD PA LAS YID KYI SDUG BSNGAL 'BYUNG LA, DMAN PA RNAMS LA NI BRDEGS PA LAS LUS KYI'O, ,'DIR, SDUG BSNGAL GNYIS BCOM 'JIG RTEN NI, ,RANG BZHIN SDUG BSNGAL NYEN MTHONG NAS, ,DE NI BDE ZHES SNYING RJE YI, ,BDAG CAN SKYES BU SU ZHIG SMRA, ,ZHES BYA BAR 'GYUR RO, ,'DIR SMRAS PA, SDUG BSNGAL GNYIS NI YOD MOD KYI, ,DE LTA NA YANG BDE BA CHEN PO NYID KYIS ZIL GYIS MNAN PAS MI SHES SO, ,BSHAD PAR BYA STE, BDE BA LA NI CHEN PO NYID GA LA YOD DE, SDUG BSNGAL GYI DBANG DU GYUR PA'I CHOS RTOG PA ZHES BYA BA LA YANG RAG LAS TE 'JUG PA'I PHYIR RO, ,'DI LTAR, BDE BA RTOG PA'I DBANG GYUR ZHING, ,RTOG PA SDUG BSNGAL DBANG GYUR PA, ,DE PHYIR KUN NA SDUG BSNGAL LAS, ,SHIN TU STOBS LDAN CI YANG MED, ,GANG GI TSE SKYES BU 'DI BDAG NI GTONG BA PO'O, ,BDAG NI PHYUG PO'O, ,BDAG NI DBANG PO'I YUL YID DU 'ONG BA DANG YID DU MI 'ONG BA DAG NYE BAR LONGS SPYOD PA'O ZHES DE LTAR RTOG PAR BYED PA DE'I TSE, DE LTAR YONGS SU RTOG PAR BYED PA 'DI LA YID KYI BDE BA 'BYUNG LA, BDE BA 'BYOR DU ZIN KYANG GZHAN GYIS GNOD PAR DOGS PA RNAMS LA LONGS SPYOD RGYUN CHAD PA'I RTOG PAS PHYIS YID KYI BDE BA DE LDOG PAR 'GYUR TE, DE LTAR NA BDE BA 'BYUNG BA DANG 'GAG PA DAG NI RTOG PA LA RAG LAS PA NYID KYI PHYIR BDE BA RTOG PA'I DBANG DU GYUR PA YIN NO, ,SDUG BSNGAL NI DE LTA MA YIN TE, GANG ZHIG SDUG BSNGAL GYI GNOD PA'I MTHU 'GOG PAR BYED PA'I RTOG PA NI 'GA' YANG YOD PA MA YIN NO, ,DE'I PHYIR SDUG BSNGAL NI BDE BA LTAR RTOG PA'I DBANG DU GYUR PA MA YIN NO, ,YANG YUL YID DU 'ONG BA LONGS SPYOD PA'I BDE BA GANG YIN PA DANG BDE BA 'BYUNG BA DANG RJES SU MTHUN PA'I RTOG PA GANG @49B YIN PA DE GNYIS CHAR YANG SDUG BSNGAL NYE BAR SKYES PAS 'JOMS PAR 'GYUR TE, 'DI LTAR DBANG BO'I YUL NYE BAR LONGS SPYOD KYANG 'DI SDUG BSNGAL GANG YANG RUNG BA ZHIG GIS ZIL GYIS MNAN PA NA BDE BA DE THAMS CAD RTOG PA DANG LHAN CIG BTANG NAS SDUG BSNGAL KHO NA SO SOR MYONG BAR 'GYUR GYI BDE BA NI MA YIN NO, ,DE'I PHYIR DE LTAR NA BDE BA'I RTOG PA SDUG BSNGAL LA RAG LAS PA'I PHYIR SDUG BSNGAL KHO NA CHER STOBS DANG LDAN PA YIN GYI BDE BA NI MA YIN TE, CHUN MA'I BU BKUR BAS SDUG BSNGAL BAR GYUR PA NYID BZHIN NO, ,CHEN CHUN GNYIS LAS GCIG NI BU SHI BA ZHIG YIN LA, GNYIS PA NI BU DANG BCAS PA ZHIG GO, ,DE LA GANG BU SHI BA DE CHUN MA'I BU BKUR ZHING BRGYAN PA MTHONG NAS SHIN TU DU BAR GYUR TO, ,DE LA SHI ZIN PA LA YANG CI'I PHYIR DU ZHES DRIS PA DANG, DES SMRAS PA, KHO MO DE LA MI NGU'I, ,'ON KYANG GANG CHUN MA'I BU GSON PA 'DI LA KHO MO DU'O, ,DE DUS PHYIS CHUN MA'I BU NA BA NA GRONG GZHAN ZHIG TU SONG NGO, ,NYI MA KHA CIG LON NAS GRONG DE'I 'DABS SU BSNYEN PA DANG, DE NAS RO GCIG STON PAR GYUR TO, ,DES 'DI LTAR CHUN MA'I BU DE SHI'O SNYAM DU YONGS SU BRTAGS SO, ,DE LTAR YONGS SU BRTAGS NAS DE LA SHIN TU YID BDE BA SKYES LA, SDIG PAS YAN LAG GI CHA BRDUNGS PA DANG, DE'I PHYIR DE LA RTOG PA'I DBANG GIS YID BDE BA SKYES PA DUG GI SDUG BSNGAL GYIS ZIL GYIS MNAN TE, DE'I PHYIR GANG NA YANG SDUG BSNGAL LAS CHES STOBS CHE BA GZHAN CUNG ZAD KYANG YOD PA MA YIN NO, , 'DI LTAR, GANG PHYIR PHYIN LOG LAS SKYES PA, ,DE PHYIR BDE BA SHIN TU DKON, ,SDUG BSNGAL YANG DAG LAS SKYES PA, ,DE PHYIR DE CHES STOBS DANG LDAN, ,ZHES BSHAD DO, ,'DIR SMRAS PA, GAL TE YANG BDE BA SHIN TU RNYED PAR DKA' MOD KYI, DE LTAR YANG GNOD PA MI BYED PA'I PHYIR DE LUS KYI BDAG GI BA YIN LA, SDUG BSNGAL NI MANG YANG GNOD PA BYED PA'I PHYIR GZHAN NYID DU 'GYUR RO, ,BSHAD PAR BYA STE, JI LTA JI LTAR DUS 'GRO BA, ,DE LTA DE LTAR SDUG BSNGAL 'PHEL, ,DE PHYIR BDE BA LUS 'DI YI, ,GZHAN PA LTA BUR SNANG BAR 'GYUR, ,LUS GANG GI BYIS PA @50A *, ,DANG GZHON NU DANG DAR LA BAB PA DANG, RGAN PO NYID DAG NI JI LTA JI LTAR DUS 'PHEL BA DE LTA DE LTAR SDUG BSNGAL MNGON PAR 'PHEL BAR MTHONG GI BDE BA NI MA YIN NO, ,GANG GI PHYIR BDE BA NI DE LTAR RNAM PAR 'PHEL BA'I LUS KYI RGYAB NAS RGYAB NAS DBYER LA, SDUG BSNGAL NI MDUN NAS MDUN NAS NYE BAR 'DU BA'I PHYIR SDUG BSNGAL KHO NA LUS 'DI'I BDAG GI BA YIN PAR SNANG LA, BDE BA NI GZHAN DU GYUR PA STE, LAM RING POR 'GRO BA BZHIN NO, ,JI LTAR LAM RING POR 'GRO BA LA NYIN RE NYIN RE ZHING NGAL BA'I SDUG BSNGAL DANG LAM RGYAGS ZAD PA'I SDUG BSNGAL CHES DRAG PO 'BYUNG BA DE BZHIN DU, BYIS PA SO SO'I SKYE BO THAMS CAD KYANG JI LTA JI LTAR SHIN TU YUN RING POR 'TSO BA DE LTA DE LTAR RGA BA'I SDUG BSNGAL 'THOB CING 'CHI BA LA YANG NYE BAR 'GYUR RO, ,'DIR, GANG PHYIR CHAGS PA LTAR SDUG BSNGAL, ,'DI YI MDUN DU MDUN DU 'GRO, ,GZHAN BZHIN LUS KYI BDE BA NI, ,'DIR BA DE PHYIR GZHAN DU 'GYUR, ,ZHES BSHAD DO, ,'DIR SMRAS PA, GANG GI PHYIR GAL TE YANG LUS 'DI LA SDUG BSNGAL RANG BZHIN GYIS YOD MOD KYI DE LTA NA YANG BDE BA'I RGYUS BCOR YOD PA DE'I PHYIR BDAG GI LUS LA SKYO BAR MI BYA'O, ,BSHAD PAR BYA STE, SDUG BSNGAL GYI NI RGYU MANG PO, ,NAD RNAMS DANG GZHAN SNANG 'GYUR BA, ,DE SNYED DU NI MI RNAMS LA, ,BDE BA'I RGYU DAG SNANG MA YIN, ,'DI NA LUS LA SDUG BSNGAL GYI RGYU NANG GI BDAG NYID LAS GYUR PA KHAMS MA SNYOMS PA'I RGYU CAN NAD RNAMS DANG; GZHAN GRANG BA LA SOGS PA'I PHYI ROL GYI RGYU LAS BYUNG BA REG PA YID DU MI 'ONG BA CAN RNAMS JI SNYED YOD PA DE SNYED KYI BDE BA'I RGYU NANG DANG PHYI ROL GYI RGYU CAN DAG NI LUS 'DI LA MI SNANG NGO, ,GANG GI PHYIR LUS LA BDE BA'I RGYU DAG NYUNG LA, SDUG BSNGAL GYI RGYU DAG MANG BA DE'I PHYIR BDE BA'I RGYU YOD PA'I PHYIR SDUG BSNGAL LA SKYO BAR BYA BA MA YIN NO ZHES BYA BA DE MA YIN TE RGYAL PO'I BU MO LA RANG NYID KYI KHYIM THAB DON DU GNYER BA DANG, RNAM THOS KYI BU'I BU MOS NGA LAS NU BZHIN NO, ,GANG DAG RANG NYID KYI KHYIM THAB LAS RGYAL PO'I BU MO DON DU GNYER BA DE BAS [?] NI SDUG BSNGAL DANG 'BREL @50B BAR 'GYUR RO, ,DE NI GCIG KHO NA BDE BA'I RGYUR 'GYUR GYI, THAMS CAD MA YIN LA, MANG PO ZHIG KYANG DON DU GNYER BAR BYED KYI, THOB PA YANG MA YIN TE, DE'I PHYIR SDUG BSNGAL DANG LDAN PAR 'GYUR RO, ,DE BZHIN DU SEMS CAN RNAMS LA SDUG BSNGAL GYI RGYU DAG MANG LA, BDE BA'I RGYU DAG NI NYUNG NGO, ,DE BZHIN DU RNAM THOS KYI BU'I BU MO 'PHROGS PAS NGA LAS NU LA SDUG BSNGAL GYI RGYU DAG DU MA YOD PAR 'GYUR LA, BDE BA'I RGYU DAG DE LTA MA YIN PA LTA BU STE, GNYIS CHAR STOBS DANG LDAN PA'I PHYIR RO, ,'DIR BSHAD PA, LUS BDE CHU YI THIGS 'DRA ZHING, SDUG BSNGAL RGYA MTSO'I CHU BZHIN DU, ,SHES NAS MKHAS PA JI LTA BUR, ,DE LA BDE BA YOD PAR SEMS, ,'DIR SMRAS PA, GAL TE BDE BA ZHES BYA BA YOD PAR MI 'GYUR NA NI, 'DI LA 'PHEL BAR MI SNANG BAR 'GYUR BA DE LTA ZHIG NA, GANG GI PHYIR BDE BA LA 'PHEL BA SNANG BA DE'I PHYIR BDE BA YOD DO, ,BSHAD PAR BYA STE, 'PHEL BZHIN PA YI BDE BA LA, ,JI LTAR LDOG PA MTHONG 'GYUR BA, ,DE LTAR SDUG BSNGAL 'PHEL BZHIN PA, ,BZLOG PA YOD PA MA YIN NO, ,BDE BA JI LTA JI LTAR 'PHEL BAR 'GYUR BA NI DE LTA DE LTAR 'PHEL BZHIN PA DE LAS BZLOG PAR MTHONG NGO, ,GAL TE RANG BZHIN GYIS BDE BAR 'GYUR NA NI DE LAS BZLOG PA YOD PAR MI 'GYUR BA ZHIG NA, BDE BA 'PHEL BZHIN PA LA NI DE LTAR BZLOG PA YOD KYI, SDUG BSNGAL NI MA YIN TE, 'DI LTAR BDE BA NI MNGON PAR 'PHEL BA NA YUN RING POS SMAD PA DANG MNOG CHUNG BAR 'GYUR LA, SDUG BSNGAL MNGON PAR 'PHEL BA NI CHES LHAG PAR GDUNG BAS RTZUB CING, LUS DANG SEMS CHES SHIN TU NYE BAR 'JOMS PAR 'GYUR RO, ,DE'I PHYIR DE LTAR NA 'PHEL BA LA BZLOG PA MED PA'I PHYIR LUS SDUG BSNGAL GYI RANG BZHIN YIN GYI RANG BZHIN GYIS NI BDE BA MED DE NGA LAS NU LHUNG BA BZHIN NO, ,JI LTAR BRGYA BYIN GYI STAN BYED 'DOD PAS 'OG TU LHUNG BA'I PHYIR NGA LAS NU'I BDE BA GZHAL DU MED PAR 'PHEL BZHIN PA LA YANG BZLOG PA MTHONG BA DE LTAR SDUG BSNGAL LA MA YIN NO, ,'DIR BSHAD PA, GAL TE BDE DE RANG BZHIN GYIS, ,YOD NA BZLOG LAS SDUG MI 'GYUR, ,GANG PHYIR BZLOG @51A *, ,'GYUR DE YI PHYIR, ,'DI LA RANG BZHIN YOD MA YIN, ,BDE BA RANG GI NGO BOS NYAM CHUNG BA NYID YIN PA 'BA' ZHIG TU MA ZAD KYI, 'ON KYANG RKYEN NYAM CHUNG BA NYID KYANG YIN TE, 'DI LTAR, RKYEN DANG LHAN CIG BDE BA LA, ,BZLOG PA MTHONG GI SDUG BSNGAL LA, ,RKYEN RNAMS NYID DANG LHAN CIG TU, ,BZLOG PA YOD PA MA YIN NO, ,BDE BA'I RGYU DRO BA DANG BSIL BA'I REG PA LA SOGS PA RNAMS NI BSTEN PA NA MTHAR SDUG BSNGAL RGYU NYID DU RNAM PAR 'GYUR GYI SDUG BSNGAL GYI RGYU RNAMS NI YUN RING BOS BSTEN PA NA ZHE SDANG DRAG POS MIG DMAR POR GYUR PA'I MI SRUN PA RNAMS LTAR CHES BSRING BA MED PAR 'JUG PA LA SPYOD DO, ,DE'I PHYIR RGYU STOBS CHE BA NYID KYI PHYIR SDUG BSNGAL NI CHES STOBS DANG LDAN PA YIN NO, ,DE'I PHYIR DE LTAR NA SDUG BSNGAL CHES STOBS DANG LDAN PAS YANG DAG PAR MNAN PA'I PHYIR LUS SDUG BSNGAL GYI RANG BZHIN KHO NA YIN PAS BDE BA MED DE, RGYAL PO MYA NGAN MED KYI BTZON RA NYAMS DGA' BZHIN NO, ,RGYAL PO MYA NGAN MED LA BTZON RA NYAMS DGA' ZHES BYA BA ZHIG YOD PAR GYUR GYI, DER THOG MAR ZHUGS PA GANG ZHIG RANG 'DOD KYIS SPYOD LAM BZHI LAS GANG YANG RUNG BA ZHIG GIS GNAS PA NI DE BDE BA MTHONG BAR GYUR PA YIN LA, DE BDE BA'I RKYEN DE YOD KYANG PHYIS SDUG BSNGAL BAR GYUR TE, DE BZHIN DU RKYEN DAG YOD BZHIN DU BDE BA KHO NA BZLOG PAR 'GYUR GYI, SDUG BSNGAL NI MA YIN NO, ,'DIR SMRAS PA, GAL TE BDE BA MED NA NI, ,LHA SBYIN BDE BA DANG LDAN NO, ,ZHES BYA BA'I BRJOD PAR MI 'GYUR BA ZHIG NA, BRJOD PA 'DI NI YOD PA YANG YIN TE, DE'I PHYIR BDE BA YOD DO, ,BSHAD PAR BYA STE, KHYOD 'CHI BZHIN LA DUS SONG ZHING, ,'GRO BA DANG NI 'GRO 'GYUR NA, , 'CHI BZHIN PA NI BDE 'GYUR ZHES, ,RNAM PA KUN TU 'ANG RIGS MA YIN, SKAD CIG RE RE LA 'JIG PA'I NGANG CAN YIN PA'I PHYIR 'DU BYED RNAMS SKAD CIG DANG SKAD CIG LA 'CHI BA YIN LA, DE YANG DUS GSUM LA MI 'KHRUL BA YIN PAS 'CHI BZHIN PA LA KHYOD KYI DUS SONG ZHING @51B 'GRO BAR 'GYUR RO, ,DE'I PHYIR DE LTAR NA DUS GSUM LA KHYAB PA'I 'CHI BAS 'CHI BZHIN PA NA BDE BA DANG LDAN PAR 'GYUR RO ZHES RNAM PA THAMS CAD DU MI RIGS SO, ,DE'I PHYIR BDE BA DANG LDAN NO ZHES BYA BA'I BRJOD PA LAS BDE BA YOD DO ZHES BYA BA MI RUNG STE, BRAN NGAN PA NA LE SHAM ZA BA DANG; CHANG 'THUNG BA BZHIN NO, ,'BANGS GZHON NU ZHIG GIS KHYIM BDAG 'GA' ZHIG GI MCHIL LHAM BRLAG GO, ,DE NAS NI KHRI'U'O, ,DE NAS NI RTA'O, ,DE 'KHAMS NAS DE NA LE SHAM GYI MDZOD DU BCUG GO, ,DER BCUG NAS KYANG NA LE SHAM ZA BA DANG, CHANG 'THUNG BA LA GOMS PAR BYAS SO, ,DES DE NAS KHYIM BDAG DE STONG PHRAG DANG PHRAL LO, ,DE NAS STONG PHRAG GNYIS DANG NGO, ,DE NAS DE LA DES GANG KHYOD BYA BA MA YIN PA BYED KYANG NGAS SLAR BSKYANGS BZHIN DU YANG NAS YANG DU GNOD PA BYED PA, KHYOD NI BYAS PA CHUD GZON PA DANG BYAS PA MI SHES PA ZHIG GO ZHES BRJOD PA DANG, DES GANG KHYOD YANG NAS YANG DU NYES PA BYAS KYANG NGA LA YID RTON PAR 'GYUR BA KHYOD NYID BYAS PA CHUD GSON CING BYAS PA MI SHES PA ZHIG GO ZHES SMRAS TE, DE BZHIN DU BYIS PA RNAMS KYANG NUR NUR PO LA SOGS PA NAS 'CHI BZHIN DU KHO BO CAG NI BDE'O ZHES SMRA'O; ,'DIR BSHAD PA, GANG ZHIG YANG DANG YANG DU 'CHI DE BDE MIN ZHING, ,GANG NAS RTAG TU NAD GZHI YOD DE RNAL MA MIN, ,GANG DU RGUD PA MDUN NA RTAG DE 'BYOR MIN LA, ,GANG ZHIG TSUL MA YIN PAS BSAGS DE NOR MA YIN, ,DUS THAMS CAD 'KHRUL PA MED PA'I 'CHI BDAG GIS BZUNG BA LA BDE BA CHA TZAM GYI YANG GLAGS MED PA 'BA' ZHIG TU MA ZAD KYI, GZHAN YANG DE LAS GZHAN PA SDUG BSNGAL GYI RGYU BAR MED PAR LHAGS PA LAS PHAL CHE BA NYID KYI PHYIR YANG SDUG BSNGAL LA BDE BA'I 'DU SHES MI RIGS SO, ,'DI LTAR, LUS CAN RNAMS LA BKRES SOGS KYIS, ,GNOD PA RTAG TU YOD 'GYUR NA, ,GNOD BZHIN PA NI BDE'O ZHES, ,RNAM PA KUN TU'ANG RIGS MA YIN, ,SDUG BSNGAL GYI RGYU LUS LA GNOD PAR BYED PA BKRES PA DANG, SKOM PA DANG, GRANG BA DANG, TSA BA DANG, NAD LA SOGS @52A *, ,PA RTAG TU NYE BA DE RNAMS KYIS, BAR MTSAMS MED PAR 'KHOR MOR GNOD PA JI LTAR BDE BAR 'GYUR TE, MNA' MKHYIM GYI TSIS DON DU GNYER BA BZHIN NO, ,MNA' MA KHA CIG GIS KHYIM GYI DBANG DON DU GNYER BAR GYUR TO, ,DE SGYUG MOS DE DANG DE LA NGES PAR SBYAR BA DANG DE NAS GANG SNGAR CHAS BDAR LHUR BYED PAR GYUR PA ZHIG BYA BA BYAS PA DANG MA BYAS PA DAG LA MCHOG TU SDUG BSNGAL BAR GYUR TE, DE BZHIN DU 'JIG RTEN YANG BKRES PA DANG, SKOM PA LA SOGS PA'I SDUG BSNGAL BCO BA'I RGYUR ZAS DANG SKOM LA SOGS PA TSOL BAS RTAG TU SDUG BSNGAL TE, BDE BA'I BLO NI PHYIN CI LOG LAS YIN NO, ,'DIR BSHAD PA, RGYAL PO'I SKYES BU RNAMS KYIS RKUN PO LTAR, ,SDUG BSNGAL RNAMS KYIS RTAG TU LUS 'JOMS NA, ,DE 'DIR DAM PA RNAMS KYIS BDE'O ZHES, ,BYA BAR JI LTA BUR NA RIGS PAR 'GYUR, ,'DIR SMRAS PA, GAL TE YANG BDE BA RANG BZHIN GYIS MED MOD KYI, DE LTA NA YANG BDE BA NI TSOGS PA'I SGO NAS YOD DO, ,BSHAD PAR BYA STE, NUS PA MED PAS 'BYUNG KUN LA, ,TSOGS PA ZHES BYA SKYE 'GYUR TE, ,'GAL BA RNAMS LA BDE'O ZHES, ,RNAM PA KUN TU MI RIGS SO, ,'DIR BDE BA DANG SDUG BSNGAL DAG NI LUS LA RAG LAS PA YIN LA, LUS DE YANG SA LA SOGS PA 'BYUNG BA CHEN PO TSOGS PA LAS 'BYUNG NGO, ,'BYUNG BA CHEN PO YANG RE RE LA LUS MNGON PAR SGRUB PA'I NUS PA MED PAS 'TSOGS PAR 'GYUR RO, , 'DI LTAR GAL TE NUR NUR PO'I GNAS SKABS NA SA MED PAR GYUR NA NI DE'I TSE 'BYUNG BA GSUM 'DZIN PAR MI 'GYUR TE, DE'I PHYIR NUR NUR PO'I 'OG TU LHUNG BAR 'GYUR BA ZHIG NA, SA'I KHAMS KYIS NI BZUNG BA YANG YIN NO, ,GAL TE CHU'I KHAMS MED NA NI DE'I TSE GONG BU'I NGO BOR MI 'GYUR BA ZHIG NA, CHU'I KHAMS KYIS BSDUS PAS NA GONG BU'I NGO BOR 'GYUR GYI BYE MA LTAR RDUL PHRA RAB RE RE NAS MTHOR BA'I NGO BOR MI 'GYUR RO, ,GAL TE MI'I KHAMS MED PAR GYUR NA NI, DE'I TSE NUR NUR BO 'DRUL BAR 'GYUR BA ZHIG NA, ME'I KHAMS KYIS SKAM @52B PAS NA DE 'DRUL BAR YANG MI 'GYUR RO, ,GAL TE RLUNG GI KHAMS MED PAR GYUR NA NI NUR NUR PO DE 'PHEL BA DANG, RGYAS PA DANG YANGS PA NYID DU MI 'GYUR BA ZHIG NA, RLUNG GI KHAMS KYIS 'PHEL BAR 'GYUR BA YANG YIN NO, ,DE LTAR NA RE RE MED PAR GZHAN RNAMS LA LUS MNGON PAR SGRUB PA'I NUS PA MED PA'I PHYIR 'BYUNG BA THAMS CAD 'TSOGS PAR 'GYUR RO, ,'BYUNG BA CHEN PO DE DAG NI PHAN TSUN GNOD PAR ZHUGS PA YANG YIN TE, 'DI LTAR, SA'I KHAMS NI RLUNG GI KHAMS KYI 'GROS SDUG PAR BYA BA'I PHYIR ZHUGS LA, RLUNG GI KHAMS KYANG SA'I KHAMS RNAM PAR 'THOR BA LA MNGON PAR BRTZON NO, ,CHU'I KHAMS NI ME'I KHAMS LA GNOD PAR BYA BA'I PHYIR YIN LA, ME'I KHAMS KYANG CHU'I KHAMS BSKAM PAR BYA BA'I PHYIR RAB TU ZHUGS SO, ,DE LTAR NA 'BYUNG BA CHEN PO 'DI RNAMS NI PHAN TSUN 'GAL BA YIN LA, 'GAL BA RNAMS KYANG LUS GCIG LA SDUG BSNGAL 'BYUNG BA'I RGYU NYID YIN PA'I PHYIR, BDE BA'I GO SKABS MED PAS LUS NI SDUG BSNGAL GYI BDAG NYID CAN KHO NA ZHIG STE, THAG PA GCIG GIS BCINGS PA'I SROG CHAGS DRUG DANG, CHUNG MA BZHIS BSDUS PA'I SDUG BSNGAL BAR GYUR PA BZHIN NO, ,JI LTAR PHAN TSUN 'GAL ZHING SPYOD YUL THA DAD PA THAG PA GCIG LA BTAGS PA RTA DANG, CE SPYANG DANG, SBRUL DANG, 'DAB CHAGS DANG, RI {DVAGS} DANG, CHU SRIN BYIS PA GSOD RNAMS LA TSOGS PA YOD KYANG 'GAL BAS JI LTAR BDE BA MED PA DE DANG 'DRA'O, ,'DIR BSHAD PA, 'GAL BA KHANG PA GCIG GNAS RNAMS, ,BDE BAR MI 'GYUR JI 'DRA BA, ,DE 'DRA TSOGS KYANG 'GAL BA YI, ,'BYUNG BA RNAMS LA'ANG BDE YOD MIN, ,JI LTAR CHUNG MA PHAN TSUN MI MTHUN PA BZHI LAS DER GCIG NI RTAG TU KHENGS PA ZHIG GO, ,GZHAN ZHIG NI RTAG TU DU BA ZHIG GO, ,GZHAN NI RTAG TU KHRO BA ZHIG GO; ,BZHI PA NI RTAG TU SMYO BA ZHIG STE, DE DAG BDAG POS SBYAR BA LAS LUS RIM GRO BYA BA LA 'PHROD PAR MI NUS SHING, PHAN TSUN MI MTHUN PAS RIM GRO YANG DAG PAR YANG MI BYED PA DE BZHIN DU LAS DANG YANG DAG PAR LDAN PAS KHAMS BZHI LA DAD PA GA LA YOD, ,'DIR SMRAS PA, @53A *, ,'BYUNG BA CHEN PO RNAMS PHAN TSUN 'GAL MOD KYI, DE LTA NA YANG DE'I PHYIR BCO BA YOD DE DE LAS BDE BAR 'GYUR RO, ,'DI NI MI RIGS TE GANG GI PHYIR, ,GRANG SOGS RNAMS LA PHYIR 'TSO BA, ,RTAG TU YOD PA MA YIN NA, ,BRLAG BZHIN PA NI BDE'O ZHES, ,RNAM PA KUN TU RIGS MA YIN, ,'DIR SKYES BU 'DI GRANG BA'I TSE GRANG BA'I 'JIGS PA LAS 'BROS PA NA DE'I GNYEN PO, DRO BA'I NUS PA CAN BGO BA DANG GDING BA LA SOGS PA RNAMS BSTEN LA, TSA BA'I TSE NI GNYEN PO BSIL BA'I NUS PA CAN TZAN DAN DANG PU SHEL TZE DANG, PRI YANG KU LA SOGS PA RNAMS TE, DE BZHIN DU RGYAS PAR RO, ,GANG ZHIG GRANG BA LA SOGS PAS NYAMS PA DE NI 'JIGS PA DES BCOM BZHIN PA NA DE'I 'JIGS PA SPANG BAR BYA BA'I PHYIR GNYEN PO KUN NAS BRTEN GYI, BDE BA'I PHYIR MA YIN NO, GAL TE DE RNAMS RANG BZHIN GYIS BDE BA'I RGYUR 'GYUR NA NI, THAMS CAD KYI TSE YANG BDE BA DAG BSKYED PAR 'GYUR BA ZHIG NA DE LTAR YANG MA YIN TE, DE'I PHYIR KHYOD SDUG BSNGAL GYI GNYEN PO LA BDE BA'I BLOR 'GYUR TA RE, ZHAGS PA DANG DBYUG PA CAN GYIS BDAS [?] PA'I RKUN PO'I TSOGS BZHIN NO, ,JI LTAR ZHAGS PA DANG DBYUG PA CAN STOBS DANG LDAN PAS BDAS PA'I RKUN PO'I TSOGS BDAG BSRUNG BAR BYA BA'I DON DU DE DANG, DER RGYUG PA NA BDE BAR MA GYUR PA DE BZHIN DU, 'JIG RTEN SDUG BSNGAL GYIS GTZES PA YANG SDUG BSNGAL GYI GNYEN PO DRO BA LA SOGS PA DE DANG DE LA, RGYUG PA NA BDE BA DANG LDAN PA MA YIN NO, ,'DIR BSHAD PA, RKUN PO 'BROS LTAR RTAG 'JIGS SHING, ,GRANG SOGS SDUG BSNGAL LA 'JIGS PAS, ,DE DANG DER NI RGYUG PA YI, ,'JIG RTEN 'DI LTA GA LA BDE, , 'DIR SMRAS PA, GANG GI PHYIR 'JIG RTEN NA LHA SBYIN BDE BAR NYAL LO, ,'DUG GO, ,'GRE'O ZHES BYA BA'I THA SNYAD 'DIR 'GYUR PA DE'I PHYIR NA BDE BA'I THA SNYAD YOD PA LAS BDE BA YOD DO, ,BSHAD PAR BYA STE, 'BAD RTZOL MED PA SPYOD PA ZHES, ,BYA 'GA' 'DAS STENG YOD MIN @53B NA; ,LAS BYED BDE BA YIN NO ZHES, ,RNAM PA KUN TU 'ANG MI RIGS SO, ,SA STENG NA 'BAD PA MED PAR NYAL BA LA SOGS PA'I SPYOD PA YOD PAR MA MTHONG LA, GANG GI TSE 'DI NYAM CHUNG BAR 'GYUR ZHING 'BAD RTZOL MED LA RANG GI LAG PA YANG 'DEGS PAR MI NUS PA DE'I TSE GZHAN GYIS 'DEGS SHING, GANG GI TSE NA NUS PA DE'I TSE NI NYAL BA DANG BRKYANG BA DANG BSKUM PA LA SOGS PA'I SPYOD PA DAG LA SDUG BSNGAL BAR MI SHES PA DES NA DE RNAMS BDE BAR RTOG PAR BYED DO, ,GANG GI PHYIR 'DI NYIN RE ZHING LANGS SHING LANGS TE LUS 'TSO BAR BYA BA'I DON DU LAS RNAM PA DU MA DAG BYED KYI; BDE BA'I PHYIR MA YIN PA DE'I PHYIR LAS BYED PA BDE BA MA YIN TE, MKHAN PO LNGAS YONGS SU NYON MONGS PA'I RGYAL PO'I BU BZHIN NO, ,JI LTAR BRDA SPROD PA DANG, GTAN TSIGS DANG, NOR GYI BSTAN BCOS DANG, 'PHONG DANG SA 'DZIN BSLAB PA'I PHYIR MKHAN PO LNGA DANG RJES SU 'BREL BA'I RGYAL PO'I SRAS RTAG TU SDUG PA KHO NA STE, GAL TE GCIG GIS BTANG NA NI GNYIS PAS 'DZIN PA DE BZHIN DU BYIS PA SO SO'I SKYE BO RNAMS KYANG RKUN PO GSHED MA PHUNG PO LNGA DANG RJES SU 'BREL BA'I LAS BYED PA'I PHYIR RTAG TU SDUG PA YIN NO, , 'DIR BSHAD PA, LUS 'TSO'I DON DU BYA BA LA, ,RTAG TU 'BAD PAR RAB ZHUGS SHING, ,LAS BYED LTA BUR LUS 'BANGS LA, ,BDE BA DE KO GA LA YOD, ,'DIR SMRAS PA, GANG GI PHYIR 'JIG RTEN GYI DBANG PO'I DON GYI BDE BA'I PHYIR, SDUG BSNGAL DE DANG DE DAG NYAMS SU MYONG BAR 'GYUR BA DE'I PHYIR YANG BDE BA YOD DO, ,BSHAD PAR BYA STE, 'DI DANG GZHAN DU BDAG NYID NI, ,RTAG TU SDIG LAS BSRUNG BAR BYA, ,NGAN 'GRO YOD NA BDE'O ZHES, ,RNAM PA KUN TU RIGS MA YIN, ,GANG GI PHYIR YUL LA BRKAM PA'I SEMS CAN RNAMS NI DBANG PO'I DON GYI BDE BA'I PHYIR SDIG PA'I LAS DAG BYED CING, 'DI DANG 'PHOS PAR DE'I RGYU CAN GSOD PA DANG, BCING BA DANG, BSDAM PA DANG, BRDEG PA LA SOGS PA'I SDUG BSNGAL MYONG BAR 'GYUR RO SNYAM DU BSAMS TE MKHAS PA BDAG BDE BAR 'DOD PAS 'JIG RTEN 'DI DANG @54A *, ,PHA ROL TU SDIG PA'I RGYU CAN GYI SDUG BSNGAL LAS RTAG TU BDAG BSRUNG BAR BYA DGOS PA DE'I PHYIR BDAG NYID LA NGAN 'GRO YOD BZHIN DU 'GA' YANG BDE'O ZHES BYA BAR RNAM PA THAMS CAD DU MI RIGS TE, MA TSOR BAR 'JUG PA'I DGRA BZHIN NO, ,JI LTAR 'DI NI SU ZHIG GAM GANG NA ZHES YONGS SU MI SHES PAR 'JUG PA'I DGRA LAS RTAG TU 'JIGS PA 'BYUNG BA LTAR, DE BZHIN GANG DU'AM NAM 'GRO BAR BYA BA MI SHES PAS SDIG PA DANG DMYAL BA LA SOGS PA DAG LAS BDAG NYID RTAG TU BSRUNG BAR BYA'O, ,'DIR BSHAD PA, GANG PHYIR 'JIG RTEN 'DI 'JIGS DANG, ,DE BZHIN 'JIG RTEN PHA ROL GYI, ,'JIGS PAS BDAG RTAG BSRUNG BYA STE, ,DE LA BDE BA GA LA YOD, ,'DIR SKYES BU BDE BA DON DU GNYER BA RNAMS RKANG PA GNYIS KYIS 'GRO BA LA SDUG BSNGAL DMIGS NAS RTA DANG GLANG PO DANG SHING RTA'I BZHON PA DAG LA ZHON PAR BYED DO, ,GAL TE DE NA BDE BA MED NA NI DE DAG DE LA MI ZHON PA ZHIG STE, DE'I PHYIR YANG BDE BA YOD DO ZHES SMRA'O, ,BSHAD PAR BYA STE, BZHON PA SOGS LA MI RNAMS KYI, ,BDE BA RTAG TU YOD MIN TE, ,DANG POR GANG LA RTZOM MED PA, ,DE LA MTHAR 'PHEL GA LA YOD, ,BZHON PA LA SOGS PA RNAMS LA NI BDE BA YOD PA MA YIN NO, ,GAL TE DE RNAMS LA BDE BA YOD NA NI MTHAR SDUG BSNGAL BAR MI 'GYUR BA ZHIG NA, GANG LA MTHAR SDUG BSNGAL DMIGS PA DE LA THOG MA KHO NAR SDUG BSNGAL RTZOM PA YOD PAR 'GYUR RO, ,GAL TE DANG PO KHO NAR SDUG BSNGAL DE PHRA BA'I NGO BOS YOD PAR MA GYUR NA NI PHYIS DE 'PHEL BA YANG SDUG BSNGAL BAR MI 'GYUR BA ZHIG GO, ,GANG GI PHYIR THOG MA DANG THA MAR SDUG BSNGAL KHO NAR 'BYUNG GI BDE BA NI MA YIN PA DE'I PHYIR, BZHON PA LA SOGS PA RNAMS LA BDE BA YOD PA MA YIN TE, BLUN PO KHUR SKYA PHYED KYIS 'GRANGS PA BZHIN NO, ,JI LTAR SKYES BU BLUN PO ZHIG THA MA'I KHUR SKYA PHYED 'PHRO BKRES PA SEL BA'I RGYUR SEMS PA DE BZHIN DU MI MKHAS PA RNAMS BZHON PA LA SOGS PA LA STE, BZHON PA DANG, BZA' BA DANG, BTUNG BA DANG, NYAL BA LA SOGS PA'I SPYOD @54B LAM DAG LA PHYIS SDUG BSNGAL BAR SEMS SO, ,'DIR BSHAD PA, BZHON PA SOGS LA RANG BZHIN GYIS, ,GAL TE CUNG ZAD BDE YOD NA, ,MTHAR DE SDUG BSNGAL MI 'GYUR TE, ,RANG BZHIN RNAM PAR 'JIG MI 'GYUR, ,'DIR SMRAS PA, SDUG BSNGAL PHYIR BCOS PA'I RGYU CAN GYI BDE BA NI YOD DE, GAL TE DE MED PAR GYUR NA NI SDUG BSNGAL PHYIR 'CHOS PA MI BYED PA ZHIG NA BYED PA YANG YIN TE, DE'I PHYIR YANG BDE BA YOD DO, ,BSHAD PAR BYA STE, GSER GYI SNOD DU SKYUGS PA NA, ,JI LTAR 'GA' ZHIG DGAR 'GYUR LA, ,DE BZHIN SDUG BSNGAL PHYIR BCOS TE, ,BDE'O SNYAM DU SEMS PAR BYED, ,JI LTAR PHYUG PO 'GA' ZHIG LUS KYI PHYIR 'CHOS PAR BYED PA NA GSER GYI SNOD DU SKYUG CING, DER SKYUGS PA NA BRAN MO SA'I GYO MOR SKYUGS PA MTHONG NAS BDAG NYID DBANG THANG PHUN SUM TSOGS PA LA DGA' ZHING MNGON PAR RLOM PA BSKYED NAS BDAG NI PHYUG PO'I BDE BA DANG LDAN PA'O ZHES BDAG TU 'DZIN PA SKYED PAR BYED LA, GSER GYI SNOD DAM GYO MOR SKYUG PAR BYED PA DE GNYIS KYI SKYUG PA'I SDUG BSNGAL NI BDE BA YOD PA MA YIN PA DE BZHIN DU SO SO'I SKYE BO THOS PA DANG MI LDAN PA DE YANG PHYIN CI LOG PA LAS SDUG BSNGAL PHYIR BCOS PA DE DANG DE LA BDE'O SNYAM DU SEMS TE, RTA SPANGS KYIS SNUN PA ZED PA BZHIN NO, ,JI LTAR 'GA' ZHIG RTA SPANGS SNUN PA'I SDUG BSNGAL NYE BAR ZHI BAR BYED PA YIN NO SNYAM DU BSAMS NAS CHAGS PAS SNUN PA ZED PA DE BZHIN DU, MI MKHAS PA RNAMS SDUG BSNGAL PHYIR BCOS PA LA BDE BAR 'DU SHES SO, ,'DIR SMRAS PA, DPER NA KHU RU PHRAG PA GCIG NAS PHRAG PA GNYIS PAR KHUR SPO ZHING DES 'DI LA BDE BA'I BLOR 'GYUR BA LTA BU STE, GAL TE DER BDE BAR MA GYUR NA NI DER MI SPO BA ZHIG GO, ,DE'I PHYIR YANG BDE BA YOD DO, ,BSHAD PAR BYA STE, RTZOM PAS SKYES PA LDOG 'GYUR NA, ,SDUG BSNGAL RTZOM LA'ANG BDE CI YOD, ,DE PHYIR THUB PAS SKYE 'JIG DAG ,SDUG BSNGAL YIN ZHES GSUNGS PA SNYAM, ,BDE BA 'DOD PA YONGS SU SKYO BA BSKYED PA'I YUL HA CANG BSTEN PAS SDUG BSNGAL CHEN PO BYUNG BA @55A *, ,CAN NI, DE LDOG PA'I SRED PAS BDE BA MYONG BAR BYA BA'I YUL LONGS SPYOD PAR RTZOM LA, DER YANG 'DI LA MTHAR SDUG BSNGAL CHEN PO SKYE BAS RTZOM PA'I DUS NA YANG SDUG BSNGAL CHUNG NGU SKYES PAR RTOGS SO, ,SDUG BSNGAL CHUNG NGU SKYES PA DE YANG SNGAR GYI G-YER PO LDOG PA'I RGYU YIN PAS SDUG BSNGAL CHUNG NGU RTZOM PA NA, SNGAR GYI SDUG BSNGAL SKYES PA LDOG PAR 'GYUR RO, ,SKYES PA'I SGRA NI 'PHEL BA'I RAB TU BRJOD PA'O, ,DE'I PHYIR NGAG GI DON NI SDUG BSNGAL CHUNG NGU SKYES PAS SDUG BSNGAL CHEN PO 'JIGS PAR 'GYUR RO ZHES BYA BA'O, ,SKYE BA DANG 'GAG PA'I GNAS SKABS GNYI GAR YANG BDE BA MI SRID PAR BSHAD PA NI, SDUG BSNGAL RTZOM LA'ANG BDE CI YOD, ,CES BYA BA STE, SDUG BSNGAL RTZOM PA NI BDE BA CI YANG MED DO, ,'ANG GI SGRA NI SDUG BSNGAL 'GAG PA NA YANG BDE BA CI ZHIG YOD DE SDUG BSNGAL TZAM ZHIG KHO NA SKYE ZHING 'GAG PA'I PHYIR GNAS SKABS GNYI GAR YANG RANG BZHIN GYIS BDE BA YOD PA MA YIN PA KHO NA'O, ,BDE BAR RTOG PA NI PHYIN CI LOG TSAD MAR BYAS NAS 'GYUR RO, ,'DIS KHU RU PA'I DPE YANG RNAM PAR BSHAD PA YIN NO, ,GANG GI PHYIR DE LTAR RNAM PAR DPYAD PA NA BDE BA CUNG ZAD KYANG YOD PA MA YIN PA'I RGYU DE NYID KYI PHYIR SANGS RGYAS BCOM LDAN 'DAS KYIS K'A TY'A'I BU SKYE BA NA YANG SDUG BSNGAL KHO NA SKYE'O, ,'GAG PA NA YANG SDUG BSNGAL KHO NA 'GAG GO ZHES GSUNGS PAR SEMS SO, ,'DIR BSHAD PA, BYIS PA SDUG BSNGAL RTZOM DE LA, ,BDE'O SNYAM DU MNGON PAR RLOM, ,GAL TE DE DE LTAR BDE NA, ,DE SDUG BSNGAL BAR MI 'GYUR NYID, ,SPA'I SHUN PA'I 'CHING BAS BSDAMS PA BZHIN NO, ,JI LTAR SPA'I SHUN PAS BKYIGS PA CHAR DANG NYI MA DAG GIS 'JOMS PA DE BZHIN DU, SDUG BSNGAL BCO BA BSDUS PA LAS SDUG BSNGAL GZHAN RTZOM PAS SDUG BSNGAL SNGA MA LDOG GO, ,'DIR SMRAS PA, GAL TE YANG SDUG BSNGAL RANG BZHIN GYIS YOD MOD KYI, DE LTA NA YANG BDE BAS BYIBS PAS MI MNGON NO, ,BSHAD PAR BYA STE, SO SO'I SKYE BOS SDUG @55B BSNGAL NI, ,BDE BAS G-YOGS LTAR MI MTHONG NA, ,GANG GIS SDUG BSNGAL SGRIB 'GYUR BA, ,BDE BA ZHES BYA CI YANG MED, ,RGYU CIS BYIS PA SO SO'I SKYE BO 'DI RNAMS KYIS SDUG BSNGAL DE MI MTHONG, GAL TE BDE BA ZHES BYA BA RANG BZHIN GYIS GRUB PA CUNG ZAD YOD NA NI, DE'I TSE DES G-YOGS PA'I SDUG BSNGAL MI SNANG NGO ZHES BYA BAR BRJOD PAR RIGS PAR 'GYUR BA ZHIG NA, GANG GI PHYIR YONGS SU BRTAGS PA NA BDE BA ZHES BYA BA CUNG ZAD KYANG YOD PA MA YIN PA DE'I TSE JI LTAR YOD PA MA YIN PA DES SDUG BSNGAL SGRIB PAR 'GYUR, DE'I PHYIR BDE BAS SDUG BSNGAL BSGRIBS SO ZHES BYA BAR MI RIGS TE, KHRON PA'I PHYED DU LHUNG BA SBRANG RTZI MYANGS PAS RTON PA DANG, GLANG PO CHE'I ROR ZHUGS PA'I BYA ROG CHU BO CHEN POS BDAS PA BZHIN NO, ,JI LTAR 'BROG TU GLANG PO CHES BDAS PAS KHRON PA RNYING PAR LHUNG ZHING LAM PHYED DU RTZVA D'UR BA'I RTZA BA BYI BAS ZA BZHIN PA LA 'JUS PAS THOGS PA 'OG NAS SBRUL CHEN PO AARDZA KA RAS BSNYEGS PA NGOS NAS LTO 'PHYE CHEN POS BSNYEGS PA, STENG NAS SBRANG RTZI'I THIGS PA BABS PA MYANGS PAS RTON PA ZHIG BDAG NYID BDE BAR SHES PA DE BZHIN DU, BYIS PA'I SKYE BO 'KHOR BA'I DGON PAR 'CHI BA'I GLANG CHEN GYIS BDAS PAS RGA BA'I KHRON PAR LHUNG ZHING MI'I LAM PHYED DU, DGE BA BCU'I LAS KYI LAM GYI RTZVA D'UR BA'I RTZA BA LA 'JUS PAS THOGS PA, 'OG NAS NGAN SONG GI SBRUL CHEN PO AARDZA KA RAS BSNYAGS PA, NGOS NAS MI DGE BA'I RTOG PA'I NYON MONGS PA'I LTO 'PHYES MNGON PAR BSNYAGS PA, TSE'I RTZVA D'UR BA'I RNAM PAR SMIN PA'I BYI BAS ZA BZHIN PA YUL YID DU 'ONG BA LA, 'DUN PA'I 'DOD CHAGS KYI SBRANG RTZI'I THIGS PA LHUNG BA RO MYANGS PAS SEMS RTON PA YANG BDAG NYID BDE BAR SEMS KYI BDE BA NI CUNG ZAD KYANG YOD PA MA YIN NO, ,YANG JI LTAR BYA ROG ZHIG GLANG PO CHE'I THED DU ZHUGS PA DANG, LHAS CHAR PHAB PAS THED DE CHU BO CHEN POS G-YENGS SHING, DE YANG DE NYID DU SHI BAR GYUR LA, MNOG CHUNG BA DANG NYES DMIGS CHE BA DE BZHIN DU BYIS PA SO SO'I SKYE BO YUL GYI BDE BA'I RO MYANG BA'I THED DU ZHUGS SHING, DE'I NYES DMIGS MA MTHONG @56A *, ,BA RNAMS KYANG 'KHOR BA'I RGYA MTSO CHEN POR 'CHI BAR 'GYUR RO, ,'DIR BSHAD PA, GANG PHYIR RANG BZHIN GYIS GANG DER, ,'GYUR NA DE SDUG BSNGAL 'GEBS NA, ,DE RANG BZHIN GYIS GANG MED PA, ,DE YIS SDUG BSNGAL JI LTAR SGRIB, ,'DIR SMRAS PA, GAL TE SDUG BSNGAL RANG BZHIN GYIS GRUB NA 'DIR NYE BAR BSTAN PAS DGOS PA CI ZHIG YOD DE, NYI TSAN DRO'O ZHES SMRA BA'I NYE BAR STON PA NI MDZES PA MA YIN NO, ,BSHAD PAR BYA STE, KHYOD SDUG CHAGS BRAL MED DO ZHES, ,SO SO'I SKYE BO BSTAN BYA DES, ,NGES PAR DE BZHIN GSHEGS RNAMS KYI, ,GTI MUG KUN GYI THA MAR GSUNGS, ,'DIR BSTAN PAR MI BYA BA NI MA YIN TE, GANG GI PHYIR LUS 'DI SDUG BSNGAL GYI RANG BZHIN YIN YANG GTI MUG GIS SO SO'I SKYE BOS DE'I RANG BZHIN YANG DAG PA JI LTA BA BZHIN MI RTOG PA DE'I PHYIR, KHYOD LA LUS SDUG BSNGAL GYI RANG BZHIN CAN LA 'DOD CHAGS DANG BRAL BA YOD PA MA YIN NO ZHES NYE BAR BSTAN PAR BYA DGOS SO, ,GANG GI PHYIR 'DI DE NYID LA GNAS BZHIN DU YANG DE NYID MI MTHONG BA DE'I PHYIR BCOM LDAN 'DAS KYIS 'DI SKAD DU, CHE ZHE 'DI NI SGRIB PA RNAMS KYI MCHOG STE, GANG 'DI MA RIG PA'I SGRIB PA'O ZHES GSUNGS SO, ,BONG MJUG NAS 'DZIN PA BZLOG PA BZHIN NO, ,GLA BRAN KHA CIG GIS GLA BLANGS TE LAS PHYED BYAS NAS BOR BAR GYUR TO, ,DE LA MAS GANG 'DZIN PA DE LEGS PAR 'DZIN PAR BYOS SHIG CES SMRAS PA DANG, DES NAM ZHIG GI TSE BONG MJUG NAS BZUNG LA, DES BRDEGS SU ZIN KYANG, THAMS CAD LA LEGS PAR GZUNG BAR BYA'O ZHES MI GTONG BAR GYUR TO, ,DE BZHIN DU BCOM LDAN 'DAS KYANG SDUG BSNGAL LAS YID BYUNG BAR GYIS SHIG CES SKYE BO GTI MUG GIS GZUNG BA LA SLOB PAR MDZAD DO, ,'DIR SMRAS PA, GAL TE DE LTAR LUS MI RTAG PA YIN MOD KYI, DE LTA NA YANG 'DI LA BDE BA YOD PA NYID DO, ,BSHAD PAR BYA STE, MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR MI RTAG GANG YIN DE, ,THAMS CAD SDUG BSNGAL ZHES BYAR 'GYUR, ,GDON @56B MI ZA BAR MI RTAG PAS GNOD PAR BYA BZHIN PA'I DNGOS PO MI RTAG PA LA NI GNOD PAR 'GYUR LA, GANG LA GNOD PA YOD PA DE YANG BDE BA MA YIN TE, DE'I PHYIR GANG CUNG ZAD MI RTAG PA DE THAMS CAD KHO NA SDUG BSNGAL BAR 'GYUR TE, SDUG BSNGAL NI GNOD PA'I MTSAN NYID CAN YIN PA'I PHYIR TE, LAN TSVA'I BYUNG KHUNGS SU LHUNG BA BZHIN NO, ,JI LTAR LAN TSVA'I BYUNG KHUNGS SU GANG LHUNG BA DE THAMS CAD LAN TSVA CAN DU 'GYUR BA DE BZHIN DU GANG MI RTAG PA DE THAMS CAD SDUG BSNGAL BA KHO NA YIN PAS 'DU BYED RNAMS NI SDUG BSNGAL GYI BDAG NYID CAN KHO NA'O, ,'DIR 'GYUR TE, GANG PHYIR 'DUS BYAS GANG DE KUN, ,MI RTAG NYID KYIS 'DIR GNOD PA, ,DE PHYIR BYAS PA THAMS CAD NI, ,SDUG BSNGAL 'BA' ZHIG KHO NAR 'GYUR, ,SKYE BA DANG RGA BA DANG NA BA DANG, 'CHI BA LA SOGS PA'I 'KHOR BA'I DGON PA SEL BAR MKHAS PA'I THABS 'DOD CHAGS DANG BRAL BA SKYED PAR BYED PA, RAB TU BYED PA 'DIS NI SLOB DPON 'PHAGS PA LHA'I ZHAL SNGA NAS KYI KHAMS GSUM GYI SRID PAR SKYE BA NAM MKHA' LTAR MTHA' YAS PA DAG LA GDUL BYA'I SKYE BO SKYO BAR BYA BA'I PHYIR DANG, BLA NA MED PA YANG DAG PAR RDZOGS PA'I BYANG CHUB KYI SEMS SNYING RJE CHEN PO'I RGYU CAN, GNYIS SU MED PA'I YE SHES NYID KYIS SBYANGS PA LA RAB TU DGOD PAR BYA BA'I PHYIR DON JI LTA BA BZHIN BCOM LDAN 'DAS KYI GSUNG NYID NYE BAR SBYAR BA YIN TE, SKYE BA SDUG BSNGAL LO, ,RGA BA SDUG BSNGAL LO, ,SDUG PA DANG BRAL BA SDUG BSNGAL LO, ,MI SDUG PA DANG PHRAD PA SDUG BSNGAL LO, ,GANG 'DOD PA BTZAL TE MA RNYED PA YANG SDUG BSNGAL LO, ,MDOR NA NYE BAR LEN PA'I PHUNG PO LNGA SDUG BSNGAL LO ZHES BYA BA DANG, DE BZHIN DU DGE SLONG DAG DE NI SKAD CIG MA YANG YIN NO ZHES BYA BA DANG, DE BZHIN DU STON PAS CHOS MNGON PA'I BSTAN BCOS LAS KYANG NYE BAR LEN PA'I PHUNG PO LNGA SDUG BSNGAL LO ZHES GSUNGS TE, SDUG BSNGAL KUN 'BYUNG 'JIG RTEN DANG, ,LTA GNAS SRID PA'ANG DE DAG YIN, ,ZHES BYA BA DANG, SDUG BSNGAL NYID GSUM LDAN PA'I PHYIR, ,CI'I RIGS MA LUS SDUG BSNGAL LO, ,ZHES BYA BA @57A *, ,DANG; YID 'ONG YID DU MI 'ONG DANG, ,DE LAS GZHAN ZAG MED RNAMS NYID, ,CES BYA BAS SO, ,DE LTAR NA 'KHOR BA'I NYES DMIGS BSHAD PAS, YID SKRAG CING GROL BAR 'DOD PA RNAMS THEG PA CHEN PO LA NGES PAR SBYAR BA'I DON DU BCOM LDAN 'DAS KYIS DGE SLONG DAG YUN RING MOR 'KHOR BAR 'KHOR BA RNAMS LA, GANG PHA'AM, MA'AM, BU'AM, BU MO'AM, NYE DU'AM, SNAG GI GNYEN MTSAMS GANG YANG RUNG BA'I GNAS DANG 'DRA BAR MI SMRA BA NI SEMS CAN GYI RIS NA SEMS CAN 'GA' YANG YOD PA MA YIN NO ZHES GSUNGS LA, BYANG CHUB SEMS DPA' RNAMS KYANG BCOM LDAN 'DAS KYI GSUNG RIG PAR BYAS NAS 'KHOR BA'I RGYA MTSO SDUG BSNGAL DANG RO GCIG PA, SKYE BA DANG RGA BA DANG NA BA DANG, 'CHI BA LA SOGS PA'I CHU SRIN DANG CHU SRIN DZA SHA DANG, CHU GLANG DANG, CHU SRIN KUm BHI RA'I 'BYUNG GNAS, DMYAL BA DANG YI DAGS DANG DUD 'GRO DANG, GSHIN RJE'I 'JIG RTEN DU SKYE BA'I KLONG 'KHOR RNGA BO CHE'I SBUBS 'DRA BA BRGYA PHRAG GCIG GIS DKRUGS PA LAS, 'KHOR BA BRGYUD PA THOG MA MED PA NAS PHA DANG MA LA SOGS PA'I RTZA LAG TU GYUR PA'I 'GRO BA GYA ZHING MGON MED PA MTHA' DAG THEG PA CHEN PO'I TSUL GYI GZINGS KYIS BSGRAL BAR BYA BA'I PHYIR MCHOD PAR BZOD PA YIN TE, 'DI LTAR, LA LA'I SLOB MAR 'GYUR BA STE, ,LA LA YI NI BLA MAR 'GYUR, ,THABS RIG SNA TSOGS THABS RNAMS KYIS, ,MA RTOGS SEMS CAN RTOGS PAR BYED, ,CES BYA BA LA SOGS PA 'DI NYID LAS 'CHAD PA RGYAS PAR BRJOD PAR BYA'O, ,BYANG CHUB SEMS DPA' NI KHAMS GSUM PO 'DOD PA DANG GZUGS DANG GZUGS MED PA'I SRID PA BRGYA PHRAG MTHA' YAS PAR BDE BA SKYED PAR BYED PA'I LAS BSAM GTAN DANG TING NGE 'DZIN DANG 'TSAM PA, DGE LEGS YANGS SHING DRI MA MED PA'I TSOGS LA MKHAS PA DE DANG DE BYED CING, SEMS LA CAN MTHA' DAG LA BDE BA BSKYED PA'I CHED DU MTHO RIS DANG BYANG GROL GYI DPAL PHUN SUM TSOGS PA'I PHYIR, 'GRO BA MA LUS PA RNAMS LA YONGS @57B SU SNGO BAR BYED LA, 'KHOR BA'O COG GI SDUG BSNGAL MA LUS PA LA SKYO ZHING GROL BAR 'DOD PAS 'DI DAG GI SDUG BSNGAL THAMS CAD ZAD PAR BYA BA'I PHYIR, NYIN MTSAN PHYAD PAR SBYOR BAR YANG 'GYUR TE, JI SKAD DU 'PHAGS PA RIN PO CHE'I PHRENG BA LAS, DE LTAR BYANG CHUB SEMS DPAS KYANG, ,MTHONG NAS BYANG CHUB NGES PAR 'DOD, ,'ON KYANG DE NI SNYING RJE YIS, ,BYANG CHUB BAR DU SRID MTSAMS SBYOR, ,ZHES BYA BA DANG, DE LA LUS KYI SDUG BSNGAL MED, ,YID KYI SDUG BSNGAL GA LA YOD, ,DE NI SNYING RJES 'JIG RTEN SDUG ,DE NYID KYIS NI YUN RING GNAS, ,ZHES GSUNGS PA LTA BU'O, ,DE BZHIN DU 'PHAGS PA TING NGE 'DZIN GYI RGYAL PO'I MDO LAS KYANG, YE SHES KYIS NI PHUNG PO STONG PAR SHES, ,SHES NAS NYON MONGS RNAMS DANG NGA MI 'GROGS, ,THA SNYAD TZAM GYIS RNAM PAR SPYOD BYED CING, ,'JIG RTEN 'DI NA MYA NGAN 'DAS PAR GNAS, ,ZHES 'BYUNG NGO, ,DE'I PHYIR KHAMS GSUM MTHA' DAG GI SKYE BA DANG, 'CHI BA'I SDUG BSNGAL GYI GTAM GYIS GDUL BA'I SKYE BO RNAMS 'KHOR BA'I BTZON RA'I TSOGS LA SKYO BAR BYA BA'I PHYIR, SKYE BA LA SOGS PA'I SDUG BSNGAL CAN LA SLOB DPON 'PHAGS PA LHA'I ZHAL SNGA NAS KYIS, MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR MI RTAG GANG YIN DE, ,THAMS CAD SDUG BSNGAL ZHES BYAR 'GYUR, ,ZHES BYA BA DANG, BDE BA RTOG PA'I DBANG GYUR CING, ,RTOG PA SDUG BSNGAL DBANG GYUR PA, ,DE PHYIR KUN LA SDUG BSNGAL LAS, ,SHIN TU STOBS LDAN CI YANG MED, ,CES BYA BA LA SOGS PA BSHAD PA YIN NO, ,DE'I PHYIR LHA DANG, MI DANG, LHA MA YIN DANG, MI'AM CI DANG, LTO 'PHYE DANG, GRUB PA DANG, RIG PA 'DZIN PA LA SOGS PA'I GNAS KYI 'GRO BA DAG ,DE DAG GI RTOGS PA TSAD MA NYID LAS BYIS PA SO SO'I SKYE BO MA RIG PA'I MUN PAS BLO'I MIG LDONGS PAR BYAS PA RNAMS LA RANG BZHIN DANG BCAS PA DANG BRAL ZHING BDEN PA MA YIN PA'I PHYIN CI LOG TZAM GYIS YOD PAR BSGRUB PA'I BDE BA DANG, YID BDE BA YOD PA MA YIN PA'I RANG GI NGO BO CAN YOD PA NYID @58A *, ,DE; RMI LAM GYI GNAS SKABS NA MNGON PAR 'DOD PA'I YUL NYE BAR LONGS SPYAD PA'I BDE BA DANG YID BDE BA BZHIN NO, ,DE'I PHYIR KHAMS GSUM 'DI NA BDE BA LA SOGS PA'I DNGOS PO RDZAS SU YOD PA RNAMS 'BYUNG BAR LTA GA LA 'GYUR TE, JI SKAD DU, GANG GI LTAR NA RDZAS SKYE BA, ,DE LA CHAD LTA SOGS 'GYUR ZHING, ,'JIG RTEN MTHA' DANG LDAN PA DANG, MTHA' MI LDAN PA'ANG DE LA 'GAL, ,ZHES BSHAD DO, ,GAL TE RDZAS DE SKYES MA THAG TU 'JIG PA ZHIG YIN NA NI DE'I TSE CHAD PAR 'GYUR TE, SA BON MES TSIG PA LAS MYU GU DAG 'BYUNG BA ZHES BYA BA LA SOGS PA BZHIN NO, ,DE'I PHYIR RGYU DANG RKYEN LAS SKYES PA'I DNGOS PO NANG DANG PHYI ROL GYI DBYE BAS THA DAD CING DNGOS PO YOD PA'I NGO BOS STONG PA RDZAS SU YOD PA MA YIN PA, RNAM RTOG LOG PA'I DRA BA'I PHRENG BA'I 'JO BAG GIS DGA' BAR BYA BA RNAMS 'BYUNG BAR NGES PAR BYA'O, ,MGAL ME'I 'KHOR LO SPRUL PA DANG, ,RMI LAM SGYU MA CHU ZLA DANG, ,KHUG RNA NANG GI BRAG CA DANG, ,SMIG RGYU SPRIN DANG SRID PA MTSUNGS, ,ZHES BYA BA'I LUNG LAS NA, ,GANG GIS NA SLOB DPON DBYIG GNYEN GYIS 'DI SKAD DU RE ZHIG BDE BA LA SKUR BA 'DEBS PA DE LA 'DI DRI BAR BYAS TE ZHES BYA BA LA SOGS PA GSUNG BA, SLOB DPON 'PHAGS PA LHA'I ZHAL SNGA NAS DE LA DNGOS PO RANG BZHIN DU GSUNGS PA NYID GA LA YOD, DE'I PHYIR YOD PA DANG MED PA'I DNGOS POR 'DZIN PA SEL BAR ZHUGS PA GNYIS SU MED PA'I CHOS LA LHAG PAR MOS PA DANG BRAL BA, RDZAS SU YOD PA'I RANG BZHIN SMRA BA 'DI DAG NI SHIN TU BAB COL YIN TE GNYIS SU MED PA'I BLO'I CHOS NYID MCHOG TU ZAB PA DANG RGYA CHE BA LA LOG PAR RTOGS PA'I PHYIR RO, ,DE NYID KYI PHYIR, DBANG PO YIS NI DMIGS GYUR PA, ,'DAS PA'I YUL GYI RNAM PA LA, ,YID KYIS DMIGS NAS RTOGS PAS NA, ,BDE'O SNYAM DU RLOM PAR BYED, ,CES GSUNGS SO, ,RNAM PAR RTOG PA LOG PA TZAM LAS 'BYUNG BA'I PHYIR DANG, SKYES MA THAG TU 'JIG PA'I PHYIR BDE BA SDUG BSNGAL NYID DO ZHES BYA BAR RIG NAS GDUL BA RNAMS SDUG BSNGAL MA LUS PA'I 'BYUNG GNAS KHAMS GSUM PO MTHA' @58B DAG LA CHAGS PA DANG BRAL BAR 'GYUR RO, ,'DIR SLOB DPON KLU SGRUB ZHABS KYI LAM LAS NI, PHYI ROL GYUR PA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA GRUB YOD MIN, ,THA SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA DANG, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PAS LAM NGAN ZHUGS, ,ZHES BSHAD DO, ,CI STE DBANG PO LNGA'I DMIGS PA'I YUL GYI RJES SU BYED PA TSOR BA YID DU MI 'ONG BA MI 'DOD PA GANG YIN PA DE SDUG BSNGAL TE, GNOD PAR BYED PA YIN NA; 'O NA NI GANG GNOD PAR BYED PA MA YIN PA, DBANG PO GZUGS CAN GYI 'BYUNG BA CHEN PO RGYAS PAR BYED PA'I BDE BA RANG BZHIN DANG BCAS PA DANG, YID LAS BYUNG BA'I BDE BA RDZAS SU GRUB BO SNYAM DU 'DOD NA, 'DI NI KHYED CAG GI 'DOD PA TZAM ZHIG TU 'GYUR TE, 'DI LTAR DNGOS PO GANG ZHIG RANG GI BDAG NYID KYIS YOD PA DE NI SKYE BA MA YIN TE, YANG SKYE BA DON MED PAR THAL BAR 'GYUR BA'I PHYIR TE, MDUN NA GNAS PA'I BUM PA DANG SNAM BU DANG ZLOS GAR BZHIN NO, ,CI STE YOD PA NYID SKYE NA NI, NAM YANG MI SKYE BAR MI 'GYUR BAS BDE BA KHO NA SKYE BAR 'GYUR GYI, DE'I MJUG THOGS SU GZHAN SEMS LAS BYUNG BA SDUG BSNGAL LA SOGS PA NI MA YIN PA ZHIG NA, 'DI NI MTHONG BA'AM 'DOD PA YANG MA YIN NO, ,TSOR BA SDUG BSNGAL LA BRTEN NAS TSOR BA BDE BA 'BYUNG BAR YANG MI 'GYUR TE, DE NI RANG GI MTSAN NYID KHO NAS YOD PA'I PHYIR RO, ,GAL TE BDE BA SDUG BSNGAL LAS GZHAN DU 'GYUR NA NI SDUG BSNGAL DE LA MA BRTEN PAR 'GYUR ZHING, KHYOD KYI LUGS KYIS BDE BAR YANG 'GYUR BA ZHIG NA, MA BRTEN PAR DNGOS PO 'GAR YANG MI 'GYUR TE, GANG ZHIG GANG NA NAM GYI TSE'ANG, , MA BRTEN PAR NI YOD NYID MED, ,DES NA NAM YANG GANG ZHIG TU, ,RTAG PA 'GA' YANG YOD MA YIN, ,ZHES BYA BA'I LUNG LAS DANG, ,BCOM LDAN 'DAS KYIS KLU'I RGYAL PO MA DROS PA'I GNAS SU GSHEGS PA'I MDO LAS, MKHAS PAS RTEN 'BYUNG CHOS RNAMS RTOGS 'GYUR ZHIG , @59A *, ,MTHAR LTA BA LA RTEN PAR BYED PA'ANG MIN, ,RGYU DANG RKYEN DANG BCAS PA'I CHOS SHES SHING, ,RGYU RKYEN MED PA'I CHOS NYID YOD MA YIN, ,ZHES BYA BA LA SOGS PA GSUNGS PA'I PHYIR RO, CI STE MYU GU DANG 'DU BYED LA SOGS PA'I DNGOS PO GANG MA RIG PA DANG SA BON LA SOGS PA RGYU DANG RKYEN GYI TSOGS PA LA BRTEN NAS 'GYUR NA, CI STE BDEN PAR YOD PA CAN ZHIG GAM, 'ON TE DNGOS PO YOD PA MA YIN PAR BDEN PA CAN ZHIG 'GYUR GRANG, DE LA MYU GU DANG 'DU BYED LA SOGS PA YOD PA LA SA BON DANG MA RIG PA LA SOGS PAS DGOS PA CI ZHIG YOD DE, DE RANG GI NGO BOS YOD PA'I RANG BZHIN NYID YIN PA'I PHYIR RO, ,'ON TE YOD PA MA YIN PA'I RANG BZHIN YIN NA NI MO GSHAM GYI BU LTAR 'DI RTAG TU 'BYUNG BAR MI 'GYUR BA ZHIG NA, MYU GU DANG 'DU BYED LA SOGS PA'I DNGOS PO NI RMI LAM DANG, SGYU MA DANG CHU ZLA LA SOGS PA LTAR YOD PA DANG MED PA'I RTOG PA 'JOMS SHING, RANG GI RGYU DANG RKYEN GYI TSOGS PA LA BRTEN NAS 'BYUNG BA YANG YIN NO, ,JI SRID DU SEMS LA YID KYI TSOR BA BDE BA YOD PA DE SRID DU TSOR BA SDUG BSNGAL GYI SKABS MED LA, YANG NA BDE BA'O, ,SEMS KYI SKAD CIG GCIG LA TSOR BA GNYIS CIG CAR SRID PA NI MA YIN TE, THE TSOM DANG GTAN LA PHEBS PA'I SEMS BZHIN DANG 'DOD CHAGS DANG BRAL BA BZHIN DANG, 'CHI BA'I SRID PA DANG SKYE BA'I SRID PA BZHIN DANG, SNANG BA DANG, MUN PA BZHIN PHAN TSUN 'GAL BA'I PHYIR RO, ,CI STE TSOR BA SDUG BSNGAL 'GAG PA DANG DUS MNYAM PA KHO NAR TSOR BA BDE BA SKYE NA, DE DAG GI SKYE BA DANG 'GAG PA GNYIS SKAD CIG GCIG LA SRID PAR 'GYUR NA, SKYE BA DANG 'GAG PA PHAN TSUN 'GAL BA 'DI GNYIS NI LHAN CIG 'BYUNG BAR RIGS PA YANG MA YIN TE, BDE 'GRO DANG NGAN 'GRO'I DON MTHA' DAG 'BYUNG BA'I TSE BRLAG PAS SANGS RGYAS PA RNAMS LA, RGYU MED PA'I NYES PA'I DUG TU THAL BAR 'GYUR BA'I PHYIR RO, ,DE NYID KYI PHYIR, SA BON 'GAGS DANG MA 'GAGS LAS, ,MYU GU 'BYUNG BA MA YIN TE, ,KHYOD KYIS SKYE BA THAMS CAD NI, ,SGYU MA SKYE BA BZHIN DU GSUNGS, ,ZHES @59B BYA BA DANG, KUN LA MI RTAG SMRA BA RNAMS, ,SANGS RGYAS LAM LA GNAS NAS SU, ,DNGOS PO DPYAD DE RTZOD PA YIS, ,GNAS PA GANG YIN DE RMAD DO, ,'DI 'AM DE'O ZHES GANG DU, ,RNAM PAR DPYAD NA MI DMIGS NA, ,RTZOD PA 'DI DANG DE BDEN ZHES, ,MKHAS PA SU ZHIG SMRA BAR 'GYUR, , ZHES BSHAD DO, ,GAL TE TSOR BA BDE BA RANG GI BDAG NYID KYIS RDZAS SU YOD PA ZHIG SDUG BSNGAL LA BRTEN NAS 'GYUR NA NI, DE LTA NA 'O NA DE YOD PA NYID KYI PHYIR BDE BAR 'DZIN PA PHYIN CI LOG TU MI 'GYUR RO, ,PHYIN CI LOG CES BYA BA NI DNGOS PO RNAM PA GZHAN DU GNAS PA LA DNGOS PO GZHAN DU 'DZIN PA STE, DPER NA GTI MUG GI DRA BAS BLO GROS KYI MIG G-YOGS PA'I 'JIG RTEN 'KHOR BA'I BTZON RA'I GRONG KHYER GYI KHANG PA LA CHAGS SHING, GTZANG BAR MNGON PAR RLOM PA'I MUN PA MTHUG PO'I DRA BAS BLO GROS KYI MIG BSGRIBS PAS NA, NA CHUNG MA'I LUS MI GTZANG BA RNAM PA DU MA'I 'BYUNG GNAS RNAM PAR BSAL TE, 'DI NI MNGON PAR DGA' BAR BYA ZHING, MIG DANG YID DU 'THAD PA ZHIG GO SNYAM DU RTOGS NAS RANG GI RNAM PAR RTOG PA BDEN PA'I RNAM PAS MNGON PAR DGA' BAR BYED PA BZHIN NO, ,DE'I PHYIR RNAL 'BYOR PA RNAMS LA GTZANG BA PHYIN CI LOG TU 'GYUR RO, , DE NYID KYI PHYIR, BUD MED CHAGS PA PHAL CHER NI, ,BUD MED GZUGS GTZANG SEMS LAS BYUNG, ,BUD MED LUS LA DON DU NI, ,GTZANG BA CUNG ZAD YOD MA YIN, ,KHA NI KHA CHU RUL BA DANG, ,SO RKYAG MI GTZANG SNOD YIN TE, ,SNA NI RNAG SNABS SNA CHU'I SNOD, ,MIG GNYIS MIG RDUL MCHI MA'I SNOD, ,LTO BA'I KHONG NI BSHANG GCI DANG, ,GLO BA MCHIN PA'I SNOD YIN PAR, ,RMONGS PAS BUD MED MA MTHONG BAS, ,DE YI LUS LA CHAGS PAR BYED, ,LUS YUL SHIN TU DRI NGA BA, ,CHAGS BRAL RGYU NI GANG YIN PA, ,DE LA'ANG 'JIG RTEN CHES CHAGS NA, ,GANG GIS 'DOD CHAGS BRAL BAR DKRI, ,GZUGS BZANG BA DANG GZUGS NGAN NAM, ,RGAN NAM YANG NA GZHON YANG RUNG, ,BUD MED GZUGS KUN MI GTZANG NA, ,KHYOD CHAGS KHYAD PAR GA LA SKYES, ,GAL TE MI GTZANG KHA DOG BZANG, ,SHIN TU GSAR LA DBYIBS LEGS @60A *, ,KYANG; ,DE LA CHAGS PAR MI 'OS LTAR, ,BUD MED GZUGS LA'ANG DE DE BZHIN, ,ZHES BSHAD DO, ,DE LTA BU LA SOGS PA 'BYUNG BA LAS NA BUD MED KYI LUS MI GTZANG BA'I RANG BZHIN YIN LA, DE LA BYIS PA SO SO'I SKYE BO BLO'I MIG YANG DAG PA MA YIN PAR PHYIN CI LOG TU GYUR PAS, GTZANG BA NYID DU LHAG PAR SGRO BTAGS NAS YUL GYI BDE BA NYAMS SU MYONG STE, DE LAS GTZANG BAR PHYIN CI LOG TU 'GYUR RO, ,RGYU GTZANG BA MED PA DE NYID KYI PHYIR NA, RGYU MED PA LAS 'JUG RNAMS KYIS, ,LDOG PA RGYU LAS GA LA ZHIG , ,CES BYA BA 'PHAGS PA LHA'I GSUNG BDEN PA MA YIN PAR PHYIN CI LOG PA NYID BSAL BAR SNANG STE, NYI MA SPRIN DANG BRAL ZHING NUB PAR MA GYUR PA BZHIN NO, ,RNAL 'BYOR PA RNAMS KYIS RTAG PAR LTA BA PHYIN CI LOG BSAL NAS MI RTAG PA NYID BSGOM PA GOMS PA'I BAG CHAGS GOMS PAR BYED DO, ,JI LTAR GNOD PAR BYED PA YID DU MI 'ONG BA SDUG BSNGAL YIN NA, 'O NA NI GANG DBANG PO'I 'BYUNG BA CHEN PO RGYAS PAR BYED PA RANG BZHIN GYIS BDE BAR GRUB BO ZHES BYA BAR 'DOD PA DE BZHIN DU RTAG PAR LTA BA DON MED PA CAN MTHONG BA DANG, MA MTHONG BA'I 'BRAS BU YID DU 'ONG BA LA SMYON PA RTAG TU DON YOD PA MA YIN PA BRGYA PHRAG GI 'BYUNG GNAS SU GYUR PA PHYIN CI LOG YIN NO SNYAM DU RIG PAR BYAS NAS MI RTAG PAR LTA BA DE YANG RTAG PAR LTA BA LTAR PHYIN CI LOG TU 'GYUR TE, DE'I GNYEN POR GYUR PA NYID KYI PHYIR GTZANG BAR LTA BA BZHIN NO, ,MA RIG LDONGS PA'I BLO CAN RNAMS, ,NANG GI BDAG TU GANG 'DOD PA, ,RNAM SHES DOR BA MU STEGS KYI, ,RMONGS BYED DE NI GANG DU SONG, ,GANG TSE NAD BDAG BUD MED MIN, ,SKYES MIN MA NING MA YIN PA, ,DE TSE MI SHES 'BA' ZHIG LAS, ,KHYOD BDAG PHO'O SNYAM DU SEMS, ,REG DANG MI LDAN DNGOS PO LAS; ,BSKUL BA ZHES BYA MI SKYE STE, ,DE PHYIR LUS KYI G-YO BA LA, ,SROG NI BYED PA POR MI 'GYUR, ,ZHES BYA BA LA SOGS PAS MU STEGS BYED KYIS BRTAGS PA'I BDAG YOD PHA MA YIN PA NYID DO, ,RGYU MED PA'I PHYIR DANG NAM MKHA'I ME TOG BZHIN DANG, BYA REG DANG, @60B CHU SKYAR DANG, NI TZO DANG, SPYANG KI'I MGO'I NOR BU BZHIN NO, ,DE LTAR NA NANG GI BDAG BDEN PAR YOD PA MA YIN PA LA YOD PA NYID DU MTHONG BA GANG YIN PA DE NI, YOD PA MA YIN PA'I DNGOS PO YOD CING RTAG PA NYID DU SGRO BTAGS PAS PHYIN CI LOG STE, DE NI 'KHOR BA'I BTZON RA'I 'CHING BA YIN NO, ,DE'I GNYEN POR RTAG PAR LTA BA PHYIN CI LOG GI GNYEN POR GYUR PA BDAG MED PA LTA BA SGOM PA YIN LA, GANG SDUG BSNGAL GYI 'GAL ZLAR GRUB PA BDE BA'I DNGOS PO RANG BZHIN PHYIN CI LOG TU MI 'GYUR BA BDAG MED PAR LTA BA, YOD PA MA YIN PA'I BDAG TU LTA BA PHYIN CI LOG GI GNYEN POR GRUB BO, ,DE'I PHYIR PHYIN CI LOG BZHI'I TSOGS BSAL BA GRUB PA'I PHYIR, DNGOS PO'I NGO BO BDEN PAR SMRA BA RNAMS LA BDAG LA SOGS PAR LTA BA PHYIN CI LOG BZHI LTAR PHYIN CI LOG KHO NAR 'GYUR NA, 'DI NI KHYED CAG GIS 'DOD PA'AM MTHONG BA YANG MA YIN NO, ,DE'I PHYIR 'JIG RTEN PA DANG 'JIG RTEN LAS 'DAS PA'I GSUNG RAB MTHA' DAG LA MKHAS PA'I BLO GROS MNGA' BA SLOB DPON 'PHAGS PA LHA'I ZHAL SNGA NAS LA 'GAR YANG BDE BA LA SKUR BA 'DEBS PA NYID DU CUNG ZAD KYANG MA RTOGS KYI, KHYED CAG DNGOS PO RANG BZHIN DU SMRA BA RNAMS KHO NA BDE BA LA SKUR BA 'DEBS PA NYID DU CHES GSAL BAR RTOGS TE, GSUNG RAB JI LTA BA BZHIN NGES PAR MA ZIN PA'I PHYIR LA, DRANG BA DANG NGES PA'I DON GYI MDO SDE RNAMS KYI RANG GI NGO BO JI LTA BA BZHIN DU MA NGES PA'I PHYIR RO, ,YANG DGE SLONG DAG 'DAS PA'I GZUGS YOD PAR MA GYUR NA NI 'PHAGS PA NYAN THOS THOS PA DANG LDAN PA DANG 'DAS PA'I GZUGS LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR 'DAS PA'I GZUGS YOD PA DE'I PHYIR, 'PHAGS PA NYAN THOS 'DAS PA'I GZUGS LA MNGON PAR MI DGA'O,, DGE SLONG DAG MA 'ONGS PA'I GZUGS YOD PAR MA GYUR NA NI 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR MA 'ONGS PA'I GZUGS YOD PA DE'I PHYIR 'PHAGS PA NYAN THOS MA 'ONGS @61A *, ,PA'I GZUGS LA MNGON PAR MI DGA'O, ,DGE SLONG DAG 'DAS PA'I TSOR BA YOD PAR MA GYUR NA NI 'PHAGS PA NYAN THOS THOS PA DANG LDAN PA 'DAS PA'I TSOR BA LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR 'DAS PA'I TSOR BA YOD PA DE'I PHYIR 'PHAGS PA NYAN THOS 'DAS PA'I TSOR BA LA MNGON PAR MI DGA'O, ,DGE SLONG DAG MA 'ONGS PA'I TSOR BA YOD PAR MA GYUR NA NI, 'PHAGS PA NYAN THOS THOS PA DANG LDAN PA MA 'ONGS PA'I TSOR BA LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR MA 'ONGS PA'I TSOR BA YOD PA DE'I PHYIR 'PHAGS PA NYAN THOS MA 'ONGS PA'I TSOR BA LA MNGON PAR MI DGA'O, ,DE BZHIN DU JI SRID DU DGE SLONG DAG 'DAS PA'I RNAM PAR SHES PA YOD PAR MA GYUR NA NI 'PHAGS PA NYAN THOS THOS PA DANG LDAN PAS 'DAS PA'I RNAM PAR SHES PA LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR 'DAS PA'I RNAM PAR SHES PA YOD PA DE'I PHYIR 'PHAGS PA NYAN THOS 'DAS PA'I RNAM PAR SHES PA LA MNGON PAR MI DGA'O, ,DGE SLONG DAG MA 'ONGS PA'I RNAM PAR SHES PA YOD PAR MA GYUR NA NI 'PHAGS PA NYAN THOS THOS PA DANG LDAN PA MA 'ONGS PA'I RNAM PAR SHES PA LA MNGON PAR MI DGA' BAR MI 'GYUR BA ZHIG NA, DGE SLONG DAG GANG GI PHYIR MA 'ONGS PA'I RNAM PAR SHES PA YOD PA DE'I PHYIR 'PHAGS PA NYAN THOS MA 'ONGS PA'I RNAM PAR SHES PA LA MNGON PAR MI DGA'O ZHES BYA BA'I BAR GYIS SANGS RGYAS BCOM LDAN 'DAS THUGS RJE CHEN PO'I THABS BRGYA PHRAG MNGA' BA RNAMS KYIS 'DAS PA DANG MA 'ONGS PA LA SOGS PA YOD PA NYID DU BSTAN PA NI BYIS PA'I 'JIG RTEN GYI RTOG PA'I NGOR RAB TU 'JUG PA KHO NA STE, GDUL BYA'I SKYE BO LA SMAN 'DOGS PAR MDZAD PA LA MKHAS PA NYID KYI PHYIR RO, ,DE'I PHYIR DE LTAR NA BCOM LDAN 'DAS KYIS PHUNG PO LNGA RDZAS DANG LDAN PA KHO NA LUNG DANG MDO GZHAN DAG LAS NYE BAR BSTAN TO, ,GAL TE 'DAS PA DANG MA 'ONGS PA'I DNGOS PO RANG BZHIN GYIS YOD NA NI DE DA LTAR BA NYID DU 'GYUR TE, YOD @61B PA'I PHYIR MDUN NA GNAS PA'I BUM PA DANG SNAM BU DANG RE LDE DANG COD PAN LA SOGS PA BZHIN NO, ,CI STE DE 'DAS PA'I NGO BOR YOD NA NI, DE NI RTAG PA'AM 'ON TE MI RTAG PA ZHIG YIN, RE ZHIG RTAG PA NI MI 'DOD DE, MU STEGS BYED KYI LTA BAR THAL BAR 'GYUR BA'I PHYIR LA; RTEN CING 'BREL PAR 'BYUNG BA MA YIN PA NYID KYIS BONG BU'I RVA LA SOGS PA BZHIN YOD PA MA YIN PA'I PHYIR RO, ,MNGON PAR GSAL BAR SMRA BA RNAMS LA YANG SKYON RNAM PA GNYIS THOG TU 'BAB PA'I PHYIR RO, ,CI STE DE MI RTAG PA NYID DU YOD NA NI DE MI RIGS SO,, GANG LAS SHE NA, 'GAG PA DANG YOD PA DAG 'DAS PA DANG MA 'ONGS PA'I DUS GNYIS SU THAL BAR 'GYUR BA'I PHYIR RO, ,'DAS PA DANG DA LTAR BYUNG BA 'DI GNYIS NI DUS GCIG TU DNGOS PO GCIG LA SRID PA YANG MA YIN TE, 'JIG PA DANG SKYE BA 'DI DAG PHAN TSUN 'GAL BA'I PHYIR RO, ,YID GCIG LA THE TSOM DANG GTAN LA PHEBS PA DAG GAM 'CHI BA'I SRID PA DANG, SKYE BA'I SRID PA DAG CIG CAR 'BYUNG BAR NI KHYED CAG GIS MI 'DOD DO, ,SKAD CIG LA SA BON DANG MYU GU GNYIS SRID PA NI MED DE, RGYU MED PA CAN GYI NYES PAR THAL BAR 'GYUR BA'I PHYIR RO; ,'JIG RTEN NA S'A LU DANG TIL DANG NAS DANG GRO LA SOGS PA'I SA BON LA SOGS PA RNAMS SDUD PAR YANG MI 'GYUR RO, ,JI SKAD DU, 'BRAS 'BYUNG CHED DU 'JIG RTEN 'DI YIS SA BON LA SOGS NI, ,BRGYA PHRAG DAG GI SGO NAS SDUD PAR BYED PAR YANG MI 'GYUR, ,ZHES BSHAD DO, RGYU MED PAR SMRA BA SHIN TU THA CHAD 'DI RGYANG BSRINGS TE YONGS SU SPANG BAR BYA'O, ,DE BZHIN DU BCOM LDAN 'DAS KYIS MDO SDE GZHAN LAS DGE SLONG DAG LNGA PO 'DI DAG NI MING TZAM KHAS 'CHES PA TZAM, THA SNYAD TZAM STE, 'DI LTA STE, 'DAS PA'I DUS DANG, MA 'ONGS PA'I DUS DANG, NAM MKHA' DANG MYA NGAN LAS 'DAS PA DANG, GANG ZAG GO ZHES 'DAS PA DANG MA 'ONGS PA LA SOGS PA'I DNGOS PO NANG DANG PHYI ROL DU GYUR PA THAMS CAD 'JIG RTEN GYI THA SNYAD TZAM NYID DU GSUNGS SO, ,DE BZHIN DU BCOM LDAN 'DAS KYIS MDO GZHAN LAS GZUGS @62A *, ,NI DBU BA RDOS PA 'DRA, ,TSOR BA CHU YI CHU BUR BZHIN, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ,DE LTAR CHOS RNAMS RTOG PA YI, ,DGE SLONG BRTZON 'GRUS BRTZAMS LDAN ZHING, ,NYIN NAM GAL TE MTSAN MO'ANG RUNG, ,SHES BZHIN SO SOR DRAN LDAN PA, ,'DU BYED NYER ZHI ZHI BA YI, ,GO 'PHANG ZHI BA RTOGS PAR 'GYUR, ,ZHES GSUNGS SO, ,DE BZHIN DU 'PHAGS PA TING NGE 'DZIN GYI RGYAL PO LAS, JI LTAR DBU BA MANG PO RDOS PA DAG ,CHU BOS KHYER BA SKYES BU DES MTHONG STE, ,DE LA BRTAGS NA SNYING PO YOD MI SNANG, ,CHOS RNAMS THAMS CAD DE BZHIN SHES PAR GYIS, ,JI LTAR CHAR PA THIGS CHEN BAB PA NA, ,CHU YI CHU BUR DAG NI THA DAD 'BYUNG, ,BYUNG NAS ZHIG STE CHU YI CHU BUR MED, CHOS RNAMS THAMS CAD DE BZHIN SHES PAR GYIS, ,JI LTAR SO GA'I NYI MA PHYED DUS NA, ,SKYES BU SGOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR MTHONG, ,CHOS RNAMS THAMS CAD DE BZHIN SHES PAR GYIS, ,SMIG RGYU LA YANG CHU NI YOD MED NA, , SEMS CAN RMONGS PA DE LA 'THUNG 'DOD DE, ,MI BDEN CHU NI BTUNG BAR YONG MI NUS, ,CHOS RNAMS THAMS CAD DE BZHIN SHES PAR GYIS, ,JI LTAR CHU SHING RLON PA'I SDONG PO LA, ,SNYING PO 'DOD PHYIR SKYES BUS DE GSHEGS KYANG, ,NANG DANG PHYI ROL KUN NA SNYING PO MED, ,CHOS RNAMS THAMS CAD DE BZHIN SHES PAR GYIS, ,SGYU MA BYED PA DAG GIS GZUGS SPRUL TE, ,RTA DANG GLANG PO SHING RTA SNA TSOGS BYAS, ,DE LA JI LTAR SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ,ZHES 'BYUNG NGO, ,DE'I PHYIR DNGOS PO BDEN PA'I NGO BOR SMRA BA LA, RTAG PA DANG BDE BA DANG GTZANG BA DANG BDAG TU LTA BA'I PHYIN CI LOG LTAR MI RTAG PA DANG SDUG BSNGAL BA DANG MI GTZANG BA DANG BDAG MED PAR LTA BA LA PHYIN CI LOG TU 'GYUR NA, 'DI NI 'DOD PA YANG MA YIN NO, ,DE'I PHYIR DNGOS PO YOD PAR SMRA BA KHAS @62B BLANGS NAS, RE ZHIG BDE BA LA SKUR BA 'DEBS PAR BYED PA 'DI LA 'DRI BAR BYA STE, SDUG BSNGAL DE CI ZHIG ,GANG GNOD PAR BYED PA'O ZHE NA, GNOD PAR BYED PA MA YIN PA BDE BA ZHES BYA BAR 'GRUB BO ZHES BYA BA LA SOGS PA GANG SMRAS PA DE NI MI RIGS TE, RANG GIS KHAS BLANGS PA DANG 'GAL BA'I PHYIR RO, ,CI STE BYIS PA'I 'JIG RTEN GYI RTOGS PA DANG BSTUN PA'I DBANG GIS BCOM LDAN 'DAS KYIS GSUNGS PA DE KHO NA LTAR SLOB DPON 'DIS KYANG GSUNGS PA YIN NO ZHE NA, 'O NA NI DE LTA NA YANG, GANG GIS NA 'DI SLOB DPON 'PHAGS PA LHA LA MA RANGS PA'I TSIG 'DI SMRA BA, SLOB DPON LA DRANG BA DANG NGES PA'I DON GYI MDO SDE RNAMS JI LTA BA BZHIN MA RTOGS PA YONGS SU BSAL BAR BYAS PAR MI 'GYUR RO, ,DE'I PHYIR BYIS PA'I SKYE BO MA RIG PA'I RAB RIB KYIS BLO GROS KYI MIG NYAMS PAR BYAS PA RNAMS KYI RTOGS PA'I DBANG GIS, SANGS RGYAS BCOM LDAN 'DAS THUGS RJE CHEN PO'I THABS KYI TSUL LA MKHAS PA RNAMS KYIS PHYIN CI LOG BZHI PO RTAG PA DANG BDE BA DANG GTZANG BA DANG, BDAG TU LTA BA RNAMS KYI GNYEN POR MI RTAG PA DANG MI BDE BA DANG, MI GTZANG BA DANG, BDAG MED PAR LTA BA 'KHOR BA'I RGYA MTSO LAS SGROL BA'I THABS SU GYUR PA GSUNGS PA YIN NO, ,SLOB DPON 'PHAGS PA LHA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS, BDE BAR PHYIN CI LOG SPANG BA'I THABS BSTAN PA STE, RAB TU BYED PA GNYIS PA'I 'GREL PA'O,, ,,DA NI GTZANG BAR PHYIN CI LOG SPANG BA'I THABS KYI DBANG DU BYAS NAS BRJOD PAR BYA STE, 'DIR SMRAS PA, GAL TE YANG DE LTAR 'DU BYED RNAMS SDUG BSNGAL GYI BDAG NYID CAN YIN MOD KYI, DE LTA NA YANG YUL YID DU 'ONG BA LA LONGS SPYOD PA'I ROS TSIM PAS BDE BAR GYUR PA DE'I PHYIR YUL RNAMS NYE BAR BSTEN PAR BYA'O, ,BSHAD PAR BYA STE, YUN NI SHIN TU RING POS KYANG, ,YUL LA MU THUG YOD MIN TE, ,SMAN PA NGAN LTAR KHYED LUS LA, ,NGAL BA 'BRAS BU MED PA 'BYUNG, ,YUL GYI BDE BA'I LONGS SPYOD LA BRKAM PA'I YID CAN GANG ZHIG ,NA TSOD DANG PO LA YUL NYE BAR LONGS @63A *, ,SPYOD PAR BYAS LA, BAR DU NOR BSAG CING THA MAR CHOS BSTEN NO ZHES 'DI SNYAM DU SEMS PA DE LA BRJOD PAR BYA STE, GAL TE YUL RNAMS TSAD NYUNG ZAD CIG TU 'GYUR NA NI, NA TSOD DANG POR 'DI RNAMS ZAD PAR THOB PAR BYAS NAS BDE BA SRID PA ZHIG NA, DUS YUN RING POR NYE BAR BSTEN PAS KYANG 'DI RNAMS YONGS SU CHAD PAR SGRUB PAR MI BYED DO, ,YONGS SU CHAD PA MED NA NI GANG ZHIG 'DI RNAMS NYE BAR LONGS SPYOD PA NYID KYIS MTHAR BYED PAR 'DOD PAS, DE'I NGAL BA NI SMAN PA NGAN PA NAD KYI MTSAN NYID MNGON PAR MI SHES PA'I PHYIR NAD BCO BA DAG LA NUS PA MED PA'I LUS KYI GSO DPYAD KYI, 'BAD PA MTHAR MA PHYIN PAS TSEGS TZAM GYI 'BRAS BU CAN DU 'GYUR BA JI LTA BA DE BZHIN DU 'BRAS BU MED PAR 'GYUR RO, ,GZIG LPAGS BSKON PA'I SPRE'U BZHIN NO, ,JI LTAR GZIG LPAGS G-YOGS PA'I SPRE'U RTAG TU SPRE'U RNAMS KYI SKYO BA BSKYED PA'I RGYUR GYUR CING SKYO BAR BYA BA DE LA DUS NGES PA YOD PA MA YIN ZHING RNAM PAR GZHAG PA MED PA DE BZHIN DU, YUL NYE BAR LONGS SPYOD PA DAG LA YANG 'DI TZAM GYIS TSIM PAR 'GYUR RO SNYAM DU MU THUG PA YOD PA MA YIN NO,, 'DIR BSHAD PA, GSHER BA GSHER BAS MI SKEMS SHING, ,TSA BA TSA BAS NYAMS MIN LTAR, ,DE BZHIN 'DOD PA NYER SPYAD PAS, ,'DOD PA'I RE BA SPONG MI BYED, ,'DIR SMRAS PA, JI LTAR CHU DAG GIS NGOMS PA LA SKOM PA YOD PA MA YIN PA DE BZHIN DU, 'DOD PA DAG GIS TSIM PA LA 'DOD PA DAG LA SRED PAR MI 'GYUR RO, ,BSHAD PAR BYA STE, STEN PAR BYED PA 'GA' ZHIG LA, ,SA SRED LDOG PA MED JI BZHIN, ,BSTEN BZHIN PA YI MI RNAMS LA, ,'DOD RE 'PHEL BA'ANG DE BZHIN NO, ,JI LTAR SA ZA BA BSTEN PA LAS SA'I SRED PA 'PHEL BA KHO NAR 'GYUR BA DE BZHIN DU, 'DOD PA NYE BAR LONGS SPYOD CING 'DOD PA DAG BSTEN PA RNAMS LA YANG 'DOD PA'I RE BA 'PHEL BA NYID DU 'GYUR BAS 'DOD PA'I SRED PA MTHAR DBYUNG BAR BYA BAR MI NUS SO, ,'DI LTAR 'DOD PA DAG NYE BAR BSTEN PAS NI JI LTAR GONG DU MNGON PAR BRTZON PA POS CHA @63B RKYEN SBYOR BA DANG, NYE BAR LONGS SPYOD PA LAS MKHAS PA 'THOB CING, RIGS MTSUNGS PA'I RKYEN GYIS GSOS BTAB PA'I 'DOD CHAGS STOBS DANG LDAN PA SKYED PAR YANG BYED DO, ,DE'I PHYIR DE LTAR SKAD CIG RE RE ZHING NYE BAR 'PHEL BA'I SHUGS CAN 'DOD PA'I SRED PA'I CHU KLUNG GIS G-YENGS PA'I MI LA TSIM PA LTA GA LA YOD DE, GNYID LA SOGS PA'I 'PHEL BA BZHIN DANG, SKOM PAS NYEN PA'I RI DAGS BZHIN NO, ,JI LTAR GNYID DANG LE LO DANG 'KHRIG PA RNAMS JI LTA JI LTAR BSTEN PA DE LTA DE LTAR 'PHEL BA BZHIN DU NYON MONGS PA RNAMS KYANG YIN NO, ,YANG JI LTAR RI DAGS SKOM PAR GYUR PA RNAMS SA SKAM PO CHES RTZUB PA SPRIN DANG BRAL BA'I NYI MA'I GUNG GI NYI MA'I 'OD KYIS YONGS SU GDUNGS SHING, CHU LTAR GYUR PA SMIG RGYU'I KLUNG LTA BU CAN MTHONG NAS CHUR 'DU SHES SHING RAB TU RGYUG LA, SKOM PA SEL BA YANG MI THOB PA DE BZHIN DU 'DOD PA SMIG RGYU DANG 'DRA BA DAG MA SHES TE, DE'I RANG BZHIN LA MNGON PAR ZHEN PA GANG DAG YUL RNAMS DON DU GNYER BAR BYED PA DE DAG LA NYON MONGS PA LDOG PA LTA YOD PAR GA LA 'GYUR TE, YUL NYE BAR LONGS SPYOD PAS TSIM PA YOD PA LAS NYON MONGS PA'I GDUNG BA LDOG PA'I PHYIR RO, ,'DIR BSHAD PA, BUD SHING DAG GI ME LCE DANG, ,CHU 'BOG PA YI KLUNG JI BZHIN, ,DE BZHIN 'DOD PA NYER SPYAD PAS, ,MI RNAMS 'DOD PA'I RE BA 'PHEL, ,'DIR SMRAS PA, RE ZHIG NYE BAR BSTAN PA 'DIS SKYE BO BUD MED THUN MONG BA LAS BZLOG PAR NUS KYI, GANG DAG GZUGS BZANG ZHING REG PA DANG LDAN PA, YAN LAG THAMS CAD DGA' BAR BYA BA, SNYING DANG MIG TU SDUG PA, SNYING NAS CHAGS PA'I MIG RAS KYIS BLTAS PA DAG GIS ME DANG PHRAD PAS MAR SAR LTAR CHAGS PA CAN RNAMS KYI SNYING DAG 'JU BAR BYED PA YONGS SU LONGS SPYOD PA THUN MONG MA YIN PA CAN DE DAG LAS BDAG GIS YID BZLOG PAR JI LTAR NUS, DE LA YANG CHAGS PA BZLOG PA'I PHYIR BSHAD PA, BUD MED KUN LA 'KHRIG PA LA, ,THA DAD CUNG ZAD YOD MIN ZHING, ,GZUGS GZHAN GYI YANG LONGS SPYOD NA, ,KHYOD LA MO MCHOG GIS CI BYED,, @64A *, ,RTAGS PA 'DI BDEN PA MA YIN PA'I DON GYI RTOGS PA KHO NAS YUL MCHOG TU BYUNG BA NYID DU SGRO BTAGS SHING, BDAG NYID DMA' BAR BYAS NAS YONGS SU SKYO BAR BYED PA 'BA' ZHIG TU ZAD DE, 'DI NI 'THAD PA 'DIS YUL DMA' BAR BYAS TE DE LA CHAGS PA BRAL BA NYID KYIS BDAG KHO NA BSTOD PAR RIGS SO, ,RE ZHIG BUD MED THAMS CAD KYI MI GTZANG BA'I PHYOGS, DBANG PO'I RDUL PHRA RAB 'DUS PA'I BDAG NYID CAN, RANG GI NGANG GIS DRI NGA ZHING, RTAG TU 'DZAG PA MI GTZANG BA'I LUS KYI GRONG KHYER GYI MI GTZANG BA'I STOR KHUNG DU GYUR PA, BSHAD KHANG LTAR SKYE BO MANG POS BLUGS PA'I MI GTZANG BA NOD PA LHUR BYED PA BSHANG DONG LTAR MUN NAG GI MI GTZANG BA DRI TSABS CHER NGA BA'I SRIN BU'I TSOGS 'KHRIG CHAGS PA, BSHAD PHUNG CUNG ZAD RAD CING GAS PA LTAR NANG MYAGS SHING, MYAGS PA DES BDAS PA'I PAGS PA TZAM GYIS PHYI GTUMS PA, SNGON GYI LAS KYIS THOB CING BCOR MED PA, ,LUS KYI SBUBS KYI RMA THA CHAD SHIN TU CHEN PO, ,DE'I RANG BZHIN YONGS SU RTOG PA SNAM NGAS DANG LDAN PA RNAMS KYI 'DOD CHAGS DANG BRAL BA'I RGYU'I TSOGS CHEN PO GNYIS MED PA DE LA RANG GI SEMS PHYIN CI LOG LAS MA GTOGS PAR 'KHRIG PA'I REG PA THA DAD PA NYID MI SRID LA, DE DAG GI GZUGS GANG YIN PA DE YANG LTA BA'I DBANG PO'I YUL YIN PA NYID KYI PHYIR, MIG DANG LDAN PA GZUGS DE SPYOD YUL DU GYUR PAR GNAS PA THAMS CAD KYI LONGS SPYOD THUNG MONG BA NYID YIN PA'I PHYIR LA, THA NA KHYI DANG BYA ROG LA SOGS PA RNAMS KYI YANG NYE BAR LONGS SPYAD PAR BYA BA YIN PA NYID KYIS NA, DNGOS PO THUN MONG BA LA MNGON PAR ZHEN PA BSKYED PAR MI RIGS TE, BUD MED KYI KHOG PA LA BRKAM PA KHYOD LA DA LTA BUD MED MCHOG GI YON TAN LHAG PA, CI ZHIG BSKYED PA SMROS SHIG SHIG ,DE'I PHYIR BUD MED MCHOG DAG LA MNGON PAR ZHEN PA DOR BAR BYA STE, BUD MED GZUGS NGAN PA DANG, GZHAN GYI BUD MED KYI BLOS MUN KHUNG DU RANG GI CHUNG MA DANG DUS BTAB STE PHRAD PA BZHIN NO, ,BUD MED GZUGS NGAN PA 'GA' ZHIG LA KHYIM THAB KYIS KHYOD GZUGS NGAN @64B NO ZHES SPYOS LA, DES KYANG RJE BO LA GZUGS NGAN NAM GZUGS BZANG YANG RUNG STE 'KHRIG PA BSTEN PA LA 'DIR KHYAD PAR 'GA' YANG MED DO ZHES ZHUS KYANG DES RTOGS PAR MA GYUR TO, ,DE NAS DES SNOD SNA TSOGS DAG TU SRAN TSOD BZHAG NAS ZAS KYI DUS SU SKYES BU DE LA DRANGS PA DANG; DES 'DI CI ZHIG CES SMRAS SO, ,DES SMRAS PA 'DI NI SRAN TSOD DE, 'ON KYANG SNOD LTA BAR 'OS PA DAG TU GZHAG PA YIN NO, ,DES 'DI LA KHYAD PAR CI ZHIG YOD CES SMRAS PA DANG, DES 'KHRIG PA LA YANG NGES PAR 'DI NYID YIN NO ZHES SMRAS SO, ,YANG SKYES BU 'GA' ZHIG GZHAN GYI BUD MED MTHONG NAS NAM ZHIG NA 'DI DANG PHRAD PAR 'GYUR ZHES BRKAM PAR GYUR LA, DER GROGS BSHES ZHIG GIS GANG ZHIG DON DU GNYER BA DE NI 'DI YIN GYI, 'ON KYANG KHYOD KYIS DE LA CI YANG SMRA BAR MI BYA STE, DE NI NGO TSA DANG LDAN PA RIGS KYI MNA' MA ZHIG GO ZHES DE LA MUN KHUNG DU RANG GI CHUNG MA DANG SPRAD PA DANG, DE YANG SHIN TU DGA' ZHING RNAM PA 'DI LTA BU'I BUD MED NI MED DO ZHES SMRA'O, ,AE MA GANG GIS 'GRO 'DI SNA TSOGS CHER, ,BSGRIBS SHING RMI 'DRA'I REG DES RNAM BLTAS LA, ,CHAGS RMONGS 'DI DAG GZHAN DU RGYUG GYUR PA, ,'DI NI MUN PA'I RANG BZHIN DRA BA CHE, ,BUD MED MCHOG NI BLUN PO'I 'DOD CHAGS KYI RGYU YANG MA YIN PA NYID DE, 'DI LTAR, GANG LA GANG YID 'ONG 'GYUR BA, ,DE NI DE YIS 'TSENGS PAR RLOM, ,KHYI SOGS RNAMS LA'ANG THUN MONG BAS, ,BLO GROS NGAN PA KHYOD CIS CHAGS, ,GANG ZHIG GZUGS NGAN YANG GANG LA YID DU 'ONG BAR 'GYUR BA DES DE BDAG NYID 'TSENGS PAR SEMS SO, ,GAL TE 'DOD PAR 'OS PA NYID 'DOD CHAGS KYI RGYU YIN NA NI DE DANG THAMS CAD KYANG THAMS CAD KYI TSE DE LA CHAGS PAR 'GYUR BA ZHIG NA, 'DI NI DE LTAR YANG MA YIN NO, ,DE'I PHYIR YANG 'DOD CHAGS KYI RGYU NI 'DOD PAR BYA BAR 'OS PA NYID MA YIN GYI, ,CHAGS PA KHO NA RGYU YIN NO, ,CHAGS PA YANG RGYU MED PAR KHYI DANG BONG BU DANG RNGA MO DANG PHAG PA LA SOGS PA RNAMS LA YANG, RANG RANG GI MO DAG LA YOD PA NYID DE, DE'I PHYI @65A *, ,CHAGS PA THUN MONG BA KHO NA'O, ,DE'I PHYIR MKHAS PAS RGYU GANG GIS KYANG DER 'DOD CHAGS PAR MI BYA STE, GNOD SBYIN RANG GI CHUNG MA LA SDUG PA PHYOGS SU LHUNG BA BZHIN NO, ,GNOD SBYIN GNYIS RANG GI CHUNG MA LA SDUG PA PHYOGS SU LHUNG BAR GYUR LA, DE GNYIS KYANG RTZOD PA NA GANG GI CHUNG MA BLTA NA SDUG CES DGE SLONG GI GAN DU SON PA DANG, DES GANG ZHIG GANG SDUG PAR GYUR PA DE'I DE NI BLTA NA SDUG PA YIN NO ZHES SMRAS SO, ,'DIR GAL TE GTI MUG 'DOD CHAGS RGYU YIN TE, ,GZUGS NI 'DOD CHAGS RGYU MA YIN, ,KUN KYANG DE LA CHAGS 'GYUR BAS, ,DE PHYIR 'DOD CHAGS KYI RGYU MIN, ,ZHES BSHAD DO, ,'DIR SMRAS PA, BU MO YAN LAG THAMS CAD YID 'PHROG PA NI RNYED PAR DKA' STE, SU ZHIG DE RNYED PA NGO MTSAR BA LTAR RTZI BA NA DE LA KUN TU CHAGS PAR MI BYED CE'O, ,BSHAD PAR BYA STE, KHYOD LA YAN LAG KUN MDZES MO, ,GAL TE SNGAR KUN THUN MONG NA, ,DE NYID KHYOD LA NGO MTSAR LTAR, ,JI LTAR YANG NI 'GYUR BA MIN, ,BU MO RNAMS NI KHYO'I DON DU YIN LA, KHYOD LA YANG NGES PA MED PAS THAMS CAD LA SRID PAR BYA DGOS SO, ,DE'I PHYIR GANG 'DI 'DI LAS CHAGS PAR 'GYUR BA DNGOS PO THUN MONG BA RNYED PA LA NGO MTSAR CI YOD, DE'I PHYIR LAM PO CHEN YOD PA'I ZONG DANG 'DRA BA RNYED PAS YA MTSAN PAR MI RIGS TE, BAD SA'I RGYAL POS DBANG POS BYIN RNYED PA BZHIN NO, ,BAD SA'I RGYAL PO 'CHAR BYED CES BYA BAS BUD MED THUN MONG BA DBANG POS BYIN RNYED NAS NGO MTSAR THOB PAR GYUR LA,, DE YANG THAMS CAD KYI THUN MONG DU GYUR PA ZHIG YIN PA DE BZHIN DU, BUD MED GZHON NU MAR GNAS PA NI THAMS CAD KYIS DON DU GNYER BAR BYA BA YIN PA'I PHYIR RIL GYIS THUN MONG BAR 'GYUR LA, PHYIS GCIG KHO NA'I YIN PAR 'GYUR RO, , 'DIR BSHAD PA, LAM CHEN ZONG LHA'I BUD MED NI, ,RI BA'I RIN GYIS 'DIR RNYED NAS, ,DE RNYED PA LA MKHAS PAS 'DIR, ,NGO MTSAR SNYAM DU MI BYA'O, ,'DIR SMRAS PA, GANG GI PHYIR CHAGS PA SKYE BA NI YON TAN SNGON DU 'GRO BA CAN YIN PAR 'JIG RTEN NA MTHONG STE, @65B DE'I PHYIR BUD MED YON TAN DANG LDAN PA LA CHAGS PAR MI RIGS SO, ,BSHAD PAR BYA STE, YON TAN LDAN PA SDUG PA DANG, ,BZLOG PA LA NI BZLOG MTHONG NA, ,RNAM PAR GNAS MED SNGA MA'AM, ,CIG SHOS LAS NI GANG ZHIG BDEN, ,GAL TE YON TAN DANG LDAN PA LA 'DOD CHAGS SHING, BZLOG PA LA ZHE SDANG NA, 'O NA DE'I SKYON DANG YON TAN 'CHOL BA'I PHYIR, BUD MED MCHOG 'DOD CHAGS KYI RGYU MA YIN LA, YON TAN DANG SKYON DAG KYANG DES PAS YUL GCIG LA YANG RIM GYIS GNYIS CHAR YANG YANG DAG PAR 'BYUNG NGO, ,DE'I PHYIR DE LTAR NA YON TAN DANG SKYON GNYIS NGAS PAR MI GNAS PAS DE DAG LA RAG LAS PA NYID KYIS, RNAM PAR GNAS PA MED PA KO, ,SNGA MA YON TAN DANG LDAN PA NYID DANG, DUS PHYIS 'BYUNG BA'I SKYON DANG LDAN PA LTA GANG ZHIG BDEN PAR 'GYUR, GAL TE YON TAN DANG LDAN PA NYID BDEN NA NI, DE NYID LA SKYON MTHONG BAS DE MI BDEN PA YIN NAM, CI STE SKYON DANG LDAN PA NYID BDEN NA, DE LTA NA YANG DE NYID LAS YON TAN MTHONG BAS DE BDEN PA MA YIN NO, ,DE'I PHYIR GANG RUNG ZHIG LA YANG BDEN PA'I DON NYID MED PA'I PHYIR 'DOD CHAGS DANG ZHE SDANG GNYI GA YANG MI 'JUG PAR RIGS SO, ,DE'I PHYIR YON TAN DANG LDAN PA LA 'DI'I 'DOD CHAGS MI RIGS TE, 'CHAG TU 'GRO BA DANG, BSHAD KHANG MTHONG BA BZHIN NO, ,JI LTAR KHA ZAS LEGS PAR 'DUS BYAS PA NI YONGS SU LONGS SPYOD PA NA DGA' BAR 'GYUR LA, GANG GI TSE DE'I SKYON GYIS 'CHAG TU 'GRO BA STE 'CHAG KHANG DU 'JUG PA DE'I TSE MI DGA' BA DANG; YANG JI LTAR BZLOG TU ZIN KYANG GROGS BSHES KYI KHYIM GYI BSHAD KHANG BLTA BAR 'DOD CING, GANG GI TSE MTHONG BA DE'I TSE DE NYID LA YON TAN MTHONG BA'I PHYIR DANG, YON TAN MA YIN PA MTHONG BA'I PHYIR SHIN TU CHAGS PA DANG BRAL BAR 'GYUR BA DE BZHIN DU BUD MED KYI RANG BZHIN MTHONG BAS 'DOD CHAGS DANG BRAL BAR 'GYUR RO, ,'DIR 'GYUR TE, GAL TE YON TAN LDAN NYID PHYIR, ,DNGOS PO LA LAR CHAGS 'GYUR NA, ,BLUN PO YON TAN 'BYOR PA DE, ,SPANGS NAS GZHAN LA CHAGS MI 'GYUR, ,'DIR SMRAS PA, YON TAN MED PA RNAMS LA NI RJES SU MI MTHUN PAS @66A *, ,'DOD CHAGS PAR MI 'GYUR GYI, RJES SU MTHUN PA'I PHYIR YON TAN DANG LDAN PA RNAMS LA NI 'DOD CHAGS SO, ,BSHAD PAR BYA STE, BLUN PO'I 'DOD CHAGS YON TAN DANG, ,LDAN PA 'BA' ZHIG LA MI SKYE, ,RGYU MED PA LA 'JUG RNAMS KYI, ,LDOG PA RGYU LAS GA LA ZHIG ,'DIR SEMS CAN GANG DAG 'DOD CHAGS KYIS KUN TU RMONGS SHING 'DOD PAS ZIL GYIS MNAN PA NGO TSA DANG, KHREL DANG BRAL BA DE DAG GI 'DOD CHAGS NI YON TAN DANG LDAN PA RNAMS KHO NA LA 'GYUR BA 'BA' ZHIG TU MA ZAD KYI, DE DAG GI 'DOD CHAGS NI THAMS CAD LA YANG STE, YON TAN MED PA DANG YON TAN DANG LDAN PA RNAMS LA ME LTAR KHYAD PAR MED PAR MNGON PAR 'BYUNG STE, GTI MUG PHAL CHE BAS RGYU YONGS SU 'DZIN PA DANG BRAL BA'I PHYIR RO, ,RGYU DANG BCAS PAR 'BYUNG NA NI RGYU GZHAN GYIS BZLOG PA'I PHYIR BZLOG PA YOD PAR BYA BAR NUS KYI, BLUN PO RGYU MED PA LAS 'JUG PA RNAMS KYI LDOG PA NI RGYU SNGON DU 'GRO BA CAN DU YOD PAR BYA BAR MI NUS SO, ,RGYU SNGON DU 'GRO BA CAN MA YIN PAR 'JUG NA NI GZUGS MI GTZANG BA LA YON TAN DANG LDAN PA GA LA YOD DE, DE'I PHYIR BUD MED DAG LA 'DOD CHAGS PA YON TAN DANG LDAN PA'I RGYU CAN DU MI RIGS SO, ,BRAM ZE MA NING DU BA BZHIN NO, ,BRAM ZE'I MA NING 'GA' ZHIG DE LTAR MA BYED PAR DKA' THUB KYI NAGS TSAL DU DONG SHIG CES BU RNAMS KYIS BZLOG PAR GYUR PA DANG, DE DU BAR ZHUGS SO, ,DE RNAMS KYIS DRIS PA, CI BRAL BA'I SDUG BSNGAL KYIS DU 'AM, DES SMRAS PA, KHO BO NI 'BRAL BA'I SDUG BSNGAL GYIS MI DU 'I, 'ON KYANG GANG KHYED CAG GI BDE BA 'DI MI TSOR BA DE LTAR KHO BO DU'O, ,DE RNAMS KYIS DRIS PA, LAS 'DI LA YON TAN CI YOD, DES DU PA KHO NAR GYUR GYI, SMRA BAR NI MI 'GYUR TE, DU BA LAS BZLOG PA MI NUS PA DE BZHIN DU BLUN PAS GANG DAG GI 'DOD CHAGS YON TAN GYIS MA BYAS PA DE DAG NI GSO DKA'O, ,'DIR 'GYUR TE, SKYON DANG YON TAN MA DPYAD PAR, ,MI GANG BUD MED LA RMONGS PA, ,DE DAG BRGYA PHRAG BCU YIS KYANG, ,BUD MED @66B RNAMS LAS BZLOG MI NUS, ,'DIR SMRAS PA, BUD MED NI SKYES PA SHI YANG PHYI BZHIN LCE BA KYI, SKYES PA NI BUD MED LA DE LTA MA YIN NO, ,DE LTAR CHAGS PA DANG RJES SU 'BREL BA'I BUD MED DAG JI LTAR MI BSTEN, BSHAD PAR BYA STE, JI SRID GZHAN SHES MA GYUR PA, ,DE SRID DE NI KHYOD LA 'DUG ,NAD NGAN DANG MTSUNGS BUD MED NI, ,RTAG TU RKYEN LAS BSRUNG BAR BYA, ,BUD MED NI JI SRID DU RKYEN 'GA' ZHIG DANG BRAL BA LAS SKYES PA GZHAN GYIS RO MA MYANGS PA DE SRID DU KHYOD LA SNYING NYE ZHING KHYOD DANG MTHUN GYI, GANG GI TSE SKYES BU GZHAN GYIS RO MYANGS PAR GYUR PA DE'I TSE NI 'DI GCIG LA MNGON BAR MI DGA' STE, DE'I PHYIR NAD NGAN PA LTAR GDON MI ZA BAR BSRUNG BAR BYA DGOS PA'I BUD MED RNAMS LA YID BRTAN PAR MI BYA STE, 'KHRUG PA'I RKYEN NYE BAR GYUR NA RNAM PAR 'GYUR BA LA BRTEN PA'I PHYIR RO, ,'DI LTAR ZAB CING NGES PAR DKA' BA'I BYUNG TSUL ZOL DU MA DANG LDAN PA CAN GYI BUD MED RNAMS NI RTAG TU SKYES PA MTHONG BAR 'DOD DO, ,DE'I PHYIR NGES PAR 'GA' YANG GANG LA YANG MI CHAGS PAS MKHAS PAS BUD MED RNAMS LA YID BRTAN PAR MI BYA STE, SNGAR MI 'DOD PA'I BRAM ZE MO LOG PAR BSGRUBS PA BZHIN NO, ,SKYES BU ZHIG GIS BRAM ZE MO 'GA' ZHIG DON DU GNYER BA DANG, DES BDAG PO LA SKYES BU ZHIG BDAG GI GAN DU 'ONG GIS, BDAG NI DE LA 'JIGS PA DANG BCAS TE, GANG GI TSE 'JUG PAR 'GYUR BA DE'I TSE KHYOD LA BRAD SPRAD KYIS ZHES SMRAS SO, ,DE SKAD SMRAS NAS GNAS PA LA GANG GI TSE ZHUGS SHING LOG PAR GYUR PA DE'I TSE DE LA CHAGS SHING, RJE BO DE LA SKYES BU DE 'ONGS SO ZHES KYANG MI SMRA BA DE BZHIN DU, BUD MED RNAMS NI RTAG TU BSRUNG BAR BYA BA ZHIG STE, DE DAG LA SU ZHIG YID RTON PAR 'GYUR, 'DIR BSHAD PA, GANG PHYIR BUD MED BSRUNG BYAS KYANG, ,RANG GI 'DOD PAS 'GROR 'GYUR BA, ,DE PHYIR YON TAN RJE BO LA, ,GSHIN PA'I BUD MED SHIN TU DKON, ,'DIR SMRAS PA, LANG TSO LA BAB PAS NA TSOD DANG PO LA 'DOD PA NYE BAR BSTAN PAR BSTAN LA, NYE BAR BSTEN PA JI LTA BA BZHIN GNAS PA RNAMS NI BYA BA MA YIN PAR BYED PAR YANG MI 'GYUR @67A *, ,RO; ,BSHAD PAR BYA STE, SEMS DANG BCAS PA SU DAG KHYI LTAR BUD MED KYI LUS MI GTZANG BA LA MNGON PAR ZHEN LA GZHAN YANG DER 'DZUD CING, 'JIG RTEN LA DON MA YIN PA BYED PA RNAMS KYI TSIG LA TSAD MAR BYED PAR 'GYUR, 'DI LTAR 'DOD CHAGS KYI CHANG 'THUNGS PAS SMYOS PA NGO TSA SHES PA DANG KHREL YOD PA DANG BRAL BA BAG MED PA SPYOD CING DGE BA'I PHYOGS MTHA' DAG BCOM PA, BUD MED KYI SKYE BO'I BSGO BA BZHIN BYED PA 'DI DAR MA'I GNAS SKABS SU SPYOD PA RJES SU GDUD BAR BYED PA GANG SPYAD CING, DAR MA RANG GIS BYAS PA DANG; DE NI RGAN PO MI 'DOD NA, ,GANG GI TSE 'DI DBANG PO YONGS SU SMIN CING KHAMS YONGS SU NYAMS PA NA 'DOD CHAGS BRAL BA MA YIN YANG SHES RAB KYIS RANG GI 'DAS PA'I SPYOD PA RNAM PAR 'BYED PA DE'I TSE RANG GIS SPYAD PA'I SDUG BSNGAL DE NGES PAR BSAMS NAS RJES SU GDUNG BAR 'GYUR RO, ,DE LTA YIN DANG, JI LTA BUR NA GROL BA RNAMS, ,DE LA SHIN TU GDUNG MI 'GYUR, ,GANG DU DE KHO NA NYID MA MTHONG ZHING SKAD CIG LA NYON MONGS PA'I SDUG BSNGAL LOG PA'I SPYOD PA YANG, YONGS SU DGA' BA'I RGYUR MI 'GYUR BA DER NYON MONGS PA'I 'CHING BA MTHA' DAG GRO LA ZHING, RAB TU DANG LA RING PO GZIGS PA RNAMS KYIS MNGAL DANG SMAD PA DANG DKA' BA RNAMS PA RGYA PHRAG STONG DAM RGYUN MI 'CHAD PAR JI LTAR MI 'GYUR, DRI MA RNAMS KYIS BRNYOGS PA'I SPYOD PA DE NI DE LTAR 'DRES PA ZHIG GO, ,MNA' MA RTABS TE GYOS PO'I SKE LA BE'U BRTOD PA BZHIN NO, ,RIGS KYI MNA' MA 'GA' ZHIG DUS STON LA BAB PA NA DGA' STON NYAMS SU MYONG BAR BYA'O SNYAM STE RINGS PA RINGS PAR KHYIM NAS 'BYUNG BAR GYUR PAS BE'U YANG PHYIR BYUNG BAR GYUR PA DANG, DES DE GYOS PO'I SKE LA BTAGS SO, ,DE LA 'DI CI PHYED CES DRIS PA DANG MTHONG STE, DE TE BOR NGO TSA BAR GYUR PA DE BZHIN DU RE ZHIG 'DOD PA DE RNAMS MI BZAD PA NYID DU MA SHES NAS LANG TSO'I TSE GANG BYAS PA DE LA RGAN PO MI DGA' NA, GANG DAG GIS DNGOS PO'I DE NYID YONGS SU SHES PAR BYAS PA DE DAG GIS DE LA SPYOD PA @67B CHES GDUNG BAR JI LTAR MI 'GYUR TE, SMOS CI DGOS, 'DI NI CHES SMAD PAR BYA BA NYID DO ZHES BYA BA'I DON TO, ,'DIR BSHAD PA, RMONGS LA 'BYUNG POS BRLABS GYUR PAS, ,'DOD PA'I DBANG GIS GANG BYAS PA, ,DE NI NA TSOD YONGS GYUR LAS, ,YID GDUNG DKA' BA SKYED PAR BYED; ,'DIR SMRAS PA, BDE BA 'DI NI 'DOD PA'I KHAMS NA MCHOG YIN TE, GANG BUD MED KYI BDE BA'O, ,DE'I RGYU NI BUD MED YIN TE, DE'I PHYIR DE'I DON DU GDON MI ZA BAR BUD MED YONGS SU GZUNG BAR BYA'O, ,BSHAD PAR BYA STE, MA CHAGS PA LA BDE MED CING, ,DE YANG BLUN MIN LA MED NA, ,GANG YID RTAG TU PHYIR PHYOGS PA, ,DE YI BDE BA CI 'DRA ZHIG ,'DIR 'DOD PA'I KHAMS KYI BUD MED KYI BDE BA GANG YIN PA DE NI MA CHAGS PA MED LA, GANG GI TSE CHAGS PAR GYUR PA DE'I TSE NI CHAGS PAS CHAGS PAR BYA BA'I DON DNGOS PO LA DE'I RANG BZHIN DU 'GYUR ZHING, 'DOD CHAGS KYANG DNGOS PO MA YIN PA DNGOS POR BYAS NAS 'JUG PAS GTI MUG MED PAR MI 'BYUNG NGO, ,GANG GTI MUG GIS YUL GYI RANG GI NGO BO MI RIG CING, RANG GI RNAM PAR RTOG PAS BLO PHROGS PA, 'KHRUL 'KHOR GYI MI LTAR KUN TU RMONGS PAR BYAS PA'I YUL GYI RANG GI NGO BO LA SEMS GTAD DE, DE LAS GZHAN DU SEMS G-YENGS PAS NI YANG DAG PA JI LTA BA 'GA' YANG MI SHES TE, MI SHES PA DES NI BDE BA SO SO YANG DAG PAR RIG PAR MI 'GYUR RO, ,BDE BA SO SOR YANG DAG PAR RIG PA MED NA YANG PHYIN CI LOG GI RTOG PA TZAM NYID LAS MA GTOGS PA 'DI LA BDE BA CUNG ZAD KYANG MI 'BYUNG NGO, ,DE LA BUD MED KYI BDE BA BSKYED PA'I PHYIR GDON MI ZA BAR BUD MED YONGS SU GZUNG BAR BYA'O ZHES GANG SMRAS PA DE NI MA YIN TE, BYIS PA RGYAL PO'I BTZUN MO 'DOD PA DANG, THAG PA BZHIN NO, ,PHYIS PA 'GA' ZHIG RGYAL PO'I BTZUN MO MTHONG LA, DE MTHONG NAS DE LA 'DOD CHAGS KYI SEMS CHER SKYES TE, DE'I BRAN MO ZHIG BYA DGOS YANG DAG PAR BSKANGS NAS BDAG DANG LHA LHAN CIG SPROD PAR NUS SAM ZHES SMRAS SO, ,DES SMRAS PA NUS SO, DE NAS DES DON DE RGYAL PO'I BTZUN MO DE LA ZHUS PA DANG, DES RGYAL @68A *, ,PO'I PHO BRANG 'KHOR NI SHIN TU BSRUNGS PAS TE, 'ON KYANG GANG GI TSE YANG BTZUN MO'I RGYU BAR 'GYUR BA DE'I TSE DE'I DON 'DI NUS PAR 'GYUR GYIS ZHES SMRAS SO, ,DE NAS BRAN MO DES DON DE BYIS PA DE LA GLENGS PAS DES BUD MED KYI CHED DU LO KHYUD KOR GYI MTHAR THUG PAR DRI DANG, BDUG SPOS DANG, ME TOG DANG, ME TOG PHRENG DANG, TAM PO LA DANG, PHYE MA LA SOGS PA BTZAL BAR GYUR LA, BTZUN MO RGYU BA NYE BAR GNAS PA NA BYIS PAS SANG RGYAL PO'I BTZUN MO DANG BDAG LHAN CIG PHRAD PAR 'GYUR RO ZHES RANG GI BAR KHANG LEGS PAR 'DUS BYAS SO, ,DE'I NYIN MO BYIS PA DE'I MKHAN PO DAG GI BA LANG BRLAG PAS DE DE'I DON DU MA DGOS SO, ,DE SONG BA DANG RGYAL PO'I BTZUN MO BYIS PA DE'I KHANG BAR PHYIN TE, SLAR LOG STE SONG NGO, ,JI LTAR BYIS PA LO KHYUD KOR DU YID PHYIR GYUR PA DE LA SDUG BSNGAL MCHOG MNGON PAR 'BYUNG BA DE BZHIN DU 'DOD CHAGS KYIS YID PHYI ROL TU GYUR BA'I MI RNAMS BDE BA THOB PA GA LA YOD, YANG THAG BA ZHIG RGYAL PO'I BTZUN MO DANG 'DZOL TE, 'DOD CHAGS KYIS SMYOS PAR GYUR NAS, KVA'I KHYOD KYIS LHA MTHONG NGAM, KVA'I 'ONGS SAM, KVA'I NGA 'DRI 'AM ZHES RE RE LA 'DRI BAR GYUR TO, ,'DIR BSHAD PA, CHAGS RMONGS GANG ZHIG BUD MED KYI, ,BDE BAR MUN PAS MIG PHROGS PAS, ,DE NA GNAS PA MI MTHONG STE, 'KHRUG PA'I CHU LA GZUGS BRNYAN 'DRA, ,GZHAN YANG, GAL TE BUD MED KYI BDE BA LA BUD MED DANG PHRAD PAS 'BYUNG LA, BUD MED MED PAR MI 'BYUNG BAS DE'I DON DU KHYOD BUD MED YONGS SU 'DZIN PAR BYED NA, CI'I PHYIR, KHYOD LA GUS BZHIN RTAG PAR NI, ,MO DANG LHAN CIG PHRAD PA MED, ,JI LTAR KHYOD KYI BUD MED LONGS SPYOD PA'I GUS PA CHUNG NGU DANG 'BRING DANG CHEN PO'I RIM PAR 'PHEL BAS NYIN MTSAN DU RGYUN MI 'CHAD PAR 'PHEL BA DE LTAR LONGS SPYOD KYANG CI STE MI 'PHEL, DE'I PHYIR CI'I DON DU YID TZAM LONGS SPYOD PAS YONGS SU DUB PA'I CHAGS PA CAN RNAMS CHAGS BRAL LTAR BUD MED DAG YONGS SU GTONG BAR BYED, DE'I PHYIR GUS PA LTAR BUD MED LONGS SPYOD PAR MI NUS @68B PA 'DI DAG GI ,'DI NGA'I GZHAN GYI MA YIN ZHES, ,YONGS 'DZIN 'DI KO CI ZHIG YIN, ,LONGS SPYOD KYI PHYIR NA CHUNG MA YONGS SU SDUD PA GANG YIN PA DE MI RIGS TE, DE LONGS SPYOD PA LA NUS PA MED PA'I PHYIR RO, ,'DI BYED NA YANG SER SNA MED PA'I SGO NAS BYA BAR RIGS KYI, YONGS SU 'DZIN PA 'DI NI BDAG GI YIN GYI, GZHAN GYI MA YIN NO ZHES DE LTAR RANG LAS GZHAN PA'I SKYES BUS SPYOD PA BKAG PA NI MI RIGS PA NYID DO, ,BDAG LA PHAN 'DOGS PA'I CHED DU YONGS SU 'DZIN PA'I G-YENGS PA LA SKYO BA BZOD KYI, GANG ZHIG BDAG LA PHAN 'DOGS PA'I CHED DU MA YIN PA DE GZHAN DAG LA MA GYUR CIG CES BYA BA 'DI NI YONGS SU 'DZIN PA MA YIN GYI, GTI MUG GI RNAM PAR 'GYUR BA ZHIG STE, BRAM ZE ME DROD NYAMS PAS ZAN YONGS SU 'DZIN PA DANG, RGYAL PO BUD MED MANG PO CAN LA GTAM BYA BA DANG, LONG BAS MI MTHONG BA BZHIN NO; ,BRAM ZE 'GA' ZHIG ME DROD ZHAN PAS ZA BAR MI NUS PAR 'GYUR ZHING, DE LA KHA ZAS MANG ZHING GYA NOM PA GRUB PAR GYUR LA, CUNG ZAD KYANG GANG LA YANG SBYIN PAR MI 'DOD CING, CHER LEN PAR YANG 'GYUR BA DANG, YANG JI LTAR RGYAL PO 'GA' ZHIG LA PHO BRANG 'KHOR GYI NANG NA BUD MED BRGYA PHRAG DU MA YOD PA LA, RGYAL PO DE DE DAG DANG BYA BA YANG MI BYED CING, GZHAN LA YANG MI STER BAR GYUR TO, ,NAM ZHIG NA RGYAL PO DE LA DGE SLONG ZHIG GIS CI BUD MED THAMS CAD KYIS BYA BA BYED DAM ZHES DRIS PA DANG, DES SMRAS PA MA YIN NO, ,DE NAS DGE SLONG DES DE DAG GTANG BAR BYA BA'I PHYIR RGYAL PO DE LA CHOS DANG LDAN PA'I GTAM BYAS PA LAS BTANG BAR YANG GYUR TO, ,SKYES BU LONG BA ZHIG MIG MED PA'I PHYIR GZUGS KYI CHED DU BUD MED DAG LA GUS PA DANG LDAN PAR YANG MI 'GYUR LA, DE LTA NA YANG BUD MED 'DI DAG NI BDAG KHO NA'I YIN GYI GZHAN GYI NI MA YIN NO ZHES YONGS SU 'DZIN PAR BYED DO, ,'DIR BSHAD PA, SKYE BOS GANG LA BYA YOD PA, ,DE DE GAL TE MI BYED NA, ,DE YONGS 'DZIN PAS CI DGOS TE, ,YONGS 'DZIN RMONGS PA MA YIN NAM, ,'DIR SMRAS PA, 'JIG RTEN NA NI 'DOD CHAGS LA BDE BA @69A *, ,ZHES BRJOD LA, DE NI BUD MED DANG SBYOR BA MED PAR MI 'BYUNG BA DE'I PHYIR DGOS PA'I DON DU GDON MI ZA BAR BUD MED DAG 'DOD PAR BYA'O, ,BSHAD PAR BYA STE, GAL TE 'DOD CHAGS BDE YIN NA, ,BUD MED DAG GIS DGOS MED 'GYUR, ,BDE BA DOR BYA ZHES BYA BAR, ,JI LTAR YANG NI MA MTHONG NGO, ,GAL TE 'DOD CHAGS BDE BA YIN NA NI, ,'DIR BUD MED DAG GIS DGOS PA MED PAR 'GYUR TE, BDE BA ZHES BYA BA NI SKYON MED PA'I PHYIR NAM YANG DOR BAR BYA BAR MI 'DOD DO, ,GANG GI PHYIR 'DOD CHAGS NI DUG LTAR 'GAL ZLA'I DUG BUD MED KYIS SLAR 'JOMS PAR BYED PA DE'I PHYIR, 'DOD CHAGS BDE BA YIN NO ZHES BYA BAR MI RIGS TE, BRU BA TSA BAS ZAS YONGS SU DOR BA BZHIN NO, ,RIGS KYI BU MCHOG TU BKREN BA 'GA' ZHIG BRU BA TSA BAS GNOD PAR GYUR TE, MTSAN MO KHYIM 'GA' ZHIG TU ZHUGS LA, DES DER SNOD 'GA' ZHIG TU THAL BA MTHONG ZHING, GZHAN DU CHU MTHONG NGO, ,DES PHYIR 'DU SHES NAS THAL BA DE SBRUS TE ZOS SHING, BRU BA TSA BA DANG BRAL BA DANG THAL BA'O SNYAM DU SHES PAR GYUR TO, ,DE DE NYID KYIS SKYO BAR GYUR NAS ZAS YOD KYANG BOR NAS PHYIR BYUNG NGO, ,KHYIM BDAG GIS 'DI CI YIN ZHES KYANG DRIS LA, DES KYANG SMRAS SO, ,DE NAS DES RDZAS MANG PO LA BKOD LA, RMAG PA NYID DU YANG NGO, ,DE BZHIN DU GAL TE 'DOD CHAGS BDE BA YIN NA 'DI DOR BAR MI 'GYUR BA ZHIG GO, ,'DIR BSHAD PA, GANG PHYIR DUG LTA'I 'DOD CHAGS KYI, ,ZLA RAL DUG MTSUNGS BUD MED RNAMS, ,DE LTAR PHOS BSTEN BYA DE'I PHYIR, ,DE LA BDE BA GA LA YOD, ,'DIR SMRAS PA, SBYOR BAS BDE BA 'BYUNG LA, DE'I RGYU NI BUD MED YIN PA DE'I PHYIR YANG BDE BA BUD MED LAS SKYES PA YIN NO, ,BSHAD PAR BYA STE, BUD MED LHAN CIG SBYOR NA YANG, ,BDE BA GZHAN LAS SKYE 'GYUR NA, ,DE RGYU MDZA' MO NYID YIN ZHES, ,BLUN PO MIN PA SU ZHIG 'DZIN, ,'DIR SKYES BU RNAMS BUD MED DANG LHAN CIG PHRAD PAR 'GYUR MOD KYI, DE LTA NA YANG BUD MED DANG SBYOR BA TZAM DER BDE BA'I RGYU MA YIN NO, ,'DI LTAR 'DOD CHAGS DANG BRAL BA @69B MA YIN YANG BSLAB PA LA GUS PAR BYED PA KHA CIG DAG 'DOD PA PO MA YIN BZHIN DU BUD MED DAG GIS BTZAN THABS KYIS YONGS SU LONGS SPYOD LA, DE DAG LA MDZA' MO BDE BA'I RGYUR YANG MI 'GYUR RO, ,GAL TE BUD MED DANG SBYOR BA BDE BA'I RGYUR 'GYUR NA DE'I TSE 'DOD PA DANG BCAS PA DANG 'DOD PA MED PA THAMS CAD MES TSIG PA'I SDUG BSNGAL LTAR KHYAD PAR MED PAR 'GYUR BA ZHIG NA, DE LTAR NI SRID PA YANG MA YIN NO, ,DE'I PHYIR SKYES BU TSUL BZHIN MA YIN PA YID LA BYED PA DANG LDAN PA, MI GTZANG BA LA GTZANG BAR 'DU SHES SHING SDUG BSNGAL BA LA BDE BAR 'DU SHES PA RNAMS KHO NA LA PHYIN CI LOG DANG DBANG PO GNYIS SBYOR BA LA BRTEN NAS BDE BA 'BYUNG BA NA, RKYEN DU MA NYE BA LAS BYUNG STE, SBYOR BA'I BDE BA KUN TU RTOG PA LOG PAS BSKYED PA DE'I RGYU BUD MED KHO NA YIN GYI GZHAN MA YIN NO ZHES BLUN PO MA YIN PA SU ZHIG STE MKHAS PA SU ZHIG 'DZIN PAR 'GYUR, BLUN PO KHO NA 'DZIN PAR 'GYUR RO, ,BYIS PA RANG GI KHYIM THAB KYI LAS BYED DU BCUG PAS MGU BA BZHIN NO, ,BYIS PA 'GA' ZHIG LA RANG GI KHYIM THABS KYIS KHRUS BYA YIS CHU 'ON CIG CES SMRAS LA, DES KYANG BLANGS PAR GYUR TO, ,DE BZHIN DU SHING LEN PA DANG, CHU SRO BA DANG, MA NYE BA DANG, SNUM GYI DRIL PHYIS KYIS RIM GRO DAG BYED DU BCUG CING, DES NI PHYOGS MA YIN PA MA NYE BA TZAM ZHIG BYAS LA, DE YANG DE TZAM GYIS YONGS SU MGU STE, DE BZHIN DU 'DOD PA'I BDAG NYID CAN RNAMS BDAG NYID KYIS NGAL BA LA RTZIS MED PAR BYAS NAS BDE BA BUD MED LA YOD PA KHO NAR RLOM MO, ,'DIR BSHAD PA, GANG PHYIR RGYU RKYEN TSOGS PA LAS, ,BDE BA 'BYUNG BA DE YI PHYIR, ,DE YI RGYU NI GCIG MIN PAR, ,DE NYID RIGS RNAMS KYIS SHES BYA, ,'DIR SMRAS PA, ,GAL TE DE LTAR RGYU DU MAS 'DOD PA SNANG NA, CI'I PHYIR CHAGS PA CAN YANG DANG YANG DU 'DOD PA DAG BSTEN, GANG GI PHYIR 'DOD PA DAG BSTEN PA'I PHYIR NA 'DI NGES PAR 'DOD PA LAS SKYES PA'I BDE BAS BDE BA DANG LDAN PAR 'GYUR RO, ,BSHAD PAR BYA STE, NGES PAR, MDZE PO 'PHRUG BZHIN 'DOD CHAGS KYIS, ,LDONGS PAS 'DOD @70A *, ,PA'I SKYON MI MTHONG, ,JI LTAR G-YAN PA TSABS CHEN POS THEBS PA'I MDZE PO 'PHRUG PA NA, DE DANG NYE BA'I SDUG BSNGAL GYIS NAD PAR GYUR PA NYID KYI PHYIR G-YAN PA'I SKYON TE, ME DPAL GYI NYES PA DANG PAGS PA SHUS PA DANG, KHRAG DANG CHU SER 'DZAG PA'I NYES PA MI MTHONG BAR YANG DANG YANG DU 'PHRUG PAR BYED KYI, DE LAS MI LDOG LA, DE LA SKYON DU LTA BAR YANG MI 'GYUR BA DE BZHIN DU 'DOD CHAGS CAN YANG 'DOD PA'I G-YAN PAS ZIL GYIS MNAN PAS 'DOD PA DAG LA SKYON DU MI MTHONG ZHING, YANG DANG YANG DU 'DOD PA'I BDE BA NYE BAR LONGS SPYOD KYI, DE LAS LDOG PA YANG MA YIN LA, 'DOD PA DAG LA MI GTZANG BA'I SKYON DU LTA BAR YANG MI 'GYUR RO, ,GANG GI PHYIR 'DI DE LTAR YIN PA DE'I PHYIR, ,CHAGS BRAL RNAMS LA MDZE PO LTAR, ,CHAGS CAN SDUG BSNGAL LDAN PAR SNANG, ,GANG GI PHYIR 'DOD CHAGS KYI G-YAN BA'I SKYON LAS GROL BA'I 'PHAGS PA 'DOD CHAGS DANG BRAL ZHING, 'DOD PA DAG LAS CHAGS PA DANG BRAL BA GANG DAG YIN PA DE DAG LA 'DOD CHAGS CAN RNAMS MDZE CAN LTAR SDUG BSNGAL BAR GYUR PA SNANG BA DE'I PHYIR NAM YANG CHAGS PA CAN BDE BAR GYUR PA YIN NO ZHES BYA BAR MI RUNG STE, RGYAN PO LA SOGS PA BSTEN PA BZHIN NO, ,JI LTAR RGYAN PO DANG CHANG DANG 'PHRUG PA RNAMS RDZAS DANG LUS ZAD PA'I RGYUR YANG DAG PAR GNAS PA DE BZHIN DU BUD MED DANG GNYIS SPROD PA'I 'DOD PA BSTEN PA YANG MA YIN NO, ,'DIR BSHAD PA, KHYI PHAG MI GTZANG LA JI BZHIN, ,DE BZHIN 'DOD BDE MI GTZANG DU, ,CHAGS CAN BYING BAR MTHONG 'GYUR NAS, ,DE LA GTZANG SPRA CAN SU DGA', ,'DIR SMRAS PA, 'DOD PA DAG LA MI GTZANG BA NYID YOD MOD KYI, ,DE LTA NA YANG GANG DER 'DOD CHAGS LAS SPYOD PA RNAM PA DU MAR 'GYUR BA DE NI BDE BA YIN NO, ,BSHAD PAR BYA STE, MGON MED BKRES PAS NYEN RNAMS LA, ,MU GER BYA BA GANG 'BYUNG BA, ,DE NI BUD MED PHRAD PA'I TSE, ,CHAGS CAN KUN GYIS G-YO BA YIN, ,JI LTAR MU GE TSE BA'I DUS NA BKRES PA DANG SKOM PA'I SDUG BSNGAL GYIS MNGON BAR BCOM @70B ZHING DBUL BA, GNYEN GYI SKYE BO YONGS SU ZAD CING MGON MED PA LA ZAS RNYED PAR DKA' BA, NOR CAN DAG LA CHES PHONGS PA'I LUS KYI BYA BA DANG, DAG TU SMRA BA DANG, PHYUG PO SHIN TU BRTZE BA MED PA DAG GIS LAN BRGYAR BRNYAS SU ZIN KYANG 'DI DAG BDAG CAG LA PHYIS CUNG ZAD STER BAR 'GYUR RO SNYAM DU SLAR RE BA RNAMS LA BRNYAS PA'I GNAS DE MI GTONG BA NA NYON MONGS PA'I G-YO BA CI 'DRA BA MTHONG BA DE 'DRA BA'I G-YO BA NI CHAGS PA CAN BUD MED DANG SBYOR BA MNGON BAR 'DOD PA, SKYE BO NA CHUNG DANG BA LHUR BYED PA, ,DE'I RKYEN CAN MGOR RTING PAS BRDIG PA DANG, MCHIL THOR DANG, THA LA LCAG BTAB BA'I BRNYAS CHOS RNAM PA DU MA SRON ZHING, NGA RGYAL DANG BRAL BA 'DOD PA NYE BAR LONGS SPYOD PA'I RE BAS LDONGS PA RNAMS LA YANG MTHONG NGO, ,GANG GI PHYIR 'DI DE LTA YIN PA DE'I PHYIR BUD MED DANG PHRAD NA CHAGS PA LA SPYOD PA GANG DU 'GYUR BA DE NI BDE BA YIN NO ZHES BYA BA MI 'THAD DE, BTZON RAR CHUD PA BA LANG GI LCI BA'I KHU BA DON DU GNYER BA BZHIN NO, ,DPER NA BTZON RAR CHUD PA 'GA' ZHIG LCI BA'I CHU MNGON BAR 'DOD PA DE BZHIN DU 'DOD CHAGS CAN THAMS CAD STOD RA'I TSIG DAG GIS BUD MED RNAMS LA 'DOD PA'I LONGS SPYOD DON DU GNYER BAR BYED DO, ,'DIR BSHAD PA, BUD MED PHRAD TSE TSUL GANG DANG, ,CHAGS CAN RNAMS KYI SPYOD DE DAG ,THOS PAR GYUR NAS CHAGS BRAL RNAMS, ,'DI NA 'DZEM PAR BYED PAR 'GYUR, ,'DIR SMRAS PA, GANG GI PHYIR 'DI NI BDE BA LA KUN TU CHAGS PAS BUD MED DAG LA 'DZIN PA 'BYUNG LA, DE'I CHED DU GZHAN DAG LA PHRAG DOG PA DE'I PHYIR BUD MED KYI BDE BA YOD DO, ,BSHAD PAR BYA STE, DREGS PA YIS NI KHA CIG LA, ,BSHANG KHANG LA YANG CHAGS SKYE ZHING, ,BUD MED LA LA LA CHAGS PA, ,'GA' ZHIG 'GA' LA PHRAG DOG BYED; ,PHYUG PO DBANG 'BYOR PA 'GA' ZHIG DREGS PAS BSHANG KHANG RTUG PA'I SNOD LA YANG CHAGS PAR 'GYUR LA, DE'I CHED DU GZHAN DAG LA PHRAG KYANG DOG GO, ,GANG GI PHYIR BUD MED DAG LA KUN TU CHAGS PAR 'GYUR BA KHO NA DANG, PHRAG DOG PA 'BA' ZHIG TU @71A *, ,MA ZAD KYI, 'ON KYANG BSHANG KHANG LA YANG YIN PA DE'I PHYIR YANG BUD MED DAG LA 'DOD CHAGS PA'I PHYIR DANG PHRAG DOG YOD PA'I PHYIR BDE BA YOD DO ZHES BYA BA DE YANG MA YIN TE, SKAM PO RTZE MO'I BRAN MO LA CHU GRANG GI PHROG BZHIN NO, ,RGYAL PO SKAM PO RTZE MO DBANG PHYUG GI DREGS PAS DREGS PA 'GA' ZHIG KHYOD DANG NGA'I KHYAD PAR GANG YIN PAR 'GYUR ZHES PHRAG DOG GI SER SNAS BRAN MO LA BTUNG BA'I DON DU CHU YANG MA GNANG NGO, ,DE'I PHYIR DE LTAR 'DOD CHAGS NI YON TAN DANG LDAN PA DAG KHO NA LA YIN PAR MA ZAD KYI, DREGS PAS YON TAN MED PA RNAMS LA YANG 'GYUR RO, ,'DIR BSHAD PAR BYA STE, GANG GI PHYIR NA BUD MED DANG, ,BSHANG KHANG MI GTZANG GNOD NYID DE, ,DE PHYIR DE NYID SHES PA YIS, ,DE LA 'KHREN PAR MI BYA'O, ,'DIR SMRAS PA, BTZOG PAR RTOG PA NA GANG LA BDE BA YOD PA DE DE LA CHAGS PAR RIGS PA NYID DO, ,BSHAD PAR BYA STE, MI GTZANG BA LA GTI MUG NI, ,'BYUNG BA KHRO BA 'BYUNG RIGS KYI, ,RNAM PA KUN TU 'DOD CHAGS NI, ,'BYUNG BAR RIGS PA MA YIN NO, ,'GA' ZHIG LA MI GTZANG BA RDZIS PAS GTI MUG DANG KHRO BA DAG 'BYUNG BAR RIGS TE, DE MUN PAS BSGRIBS PAS LTA BA DANG BRAL BA'I PHYIR MA MTHONG BA LA GTI MUG 'BYUNG BA SRID CING, DRI NGA BA NYID KYIS NA GNOD PA NYE BA'I PHYIR KHRO BA 'BYUNG BA YANG SRID KYI, RJES SU MI MTHUN PA'I PHYIR 'DOD CHAGS 'BYUNG BA NI MI RIGS PA DE LTAR BUD MED KYI LUS MI GTZANG BA LA YANG PHYIR BCO BAS BKAG PA'I PHYIR GTI MUG DANG DRI NGA BA NYID KYIS KHRO BA YANG 'BYUNG BAR RIGS KYI, 'DOD CHAGS 'BYUNG BAR NI RNAM PA THAMS CAD DU MI RIGS TE, MI GTZANG BA'I RANG BZHIN YIN PA'I PHYIR RO, ,DE LA GANG BDE BA YOD PAS CHAGS PAR RIGS SO ZHES 'DOD PA DE MA YIN NO, ,MTSAN MOR MI GTZANG BA MNAN PA BZHIN NO, ,'GA' ZHIG GIS MTSAN MOR RKANG PA GNYIS KYIS MI GTZANG BA MNAN PAR GYUR LA, DES DE MTHONG NAS DE 'KHRUGS PAR GYUR CING, PHYIS CHAGS PAR GYUR TO, ,DE LA GZHAN GYIS KHYOD KYIS CI'I PHYIR MI GTZANG BA MNAN ZHES DRIS PA DANG, @71B DES MUN PAS BSGRIBS PA'I PHYIR RO ZHES SMRAS SO, ,DE NAS KHYOD CI STE 'KHRUGS, ,SMRAS PA, RJES SU MI MTHUN PA'I PHYIR RO, ,DE NA GANG DU RGYU MED PAS KHYOD CI'I PHYIR CHAGS PAR 'GYUR ZHES BYA BA 'DIR CI ZHIG SMRA BAR BYED, DE LTAR NA LUS MI GTZANG BA LA KHRO BA DANG GTI MUG GNYIS 'BYUNG BAR RIGS KYI, 'DOD CHAGS NI RNAM PA THAMS CAD DU MA YIN NO, ,'DIR BSHAD PA, DE NI LTA BAR CI NAS KYANG, ,RIGS MIN SNAM PAR GA LA ZHIG ,DE LA CHAGS PAR 'GYUR ZHES PA, ,AE MA 'JIG RTEN MUN CHEN YIN, ,'DIR SMRAS PA, LUS NI MI GTZANG BA YIN MOD KYI, DE LTA NA YANG 'JIG RTEN NA SKYON CAN MA YIN PA'I PHYIR SMAD PAR BYA BA MA YIN PA NYID DO, ,DE SKAD DU YANG, BZHIN LAS BRAM ZE RNAMS GTZANG ZHES, ,BUD MED RNAMS NI KUN LAS GTZANG, ,ZHES SMRA'O, ,MI RNAMS MA RTOGS MI GTZANG BA'I, ,SNOD MI SMAD PAR 'BYUNG 'GYUR NA, ,GANG LAS MI GTZANG 'BYUNG 'GYUR BA, ,DE NI SMAD PAR CIS MI SEMS, ,LUS MI GTZANG BA LAS BYUNG NAS SUN PHYUNG BA'I SNOD RNAMS KYANG MCHOG TU SKYON DU BRTZI BAR 'GYUR NA, GANG LAS BAR MED PAR MI GTZANG BA'I PHUNG PO 'THON PA DE GTZANG NGO SNYAM DU SEMS RNAL DU GNAS PA RNAMS KYIS JI LTAR RTOGS, ,DE'I PHYIR BUD MED KYI LUS SMAD PAR BYA BA MA YIN NO ZHES BYA BAR MI RUNG NGO, ,BUD MED CHOL ZANGS THOGS PA MTHONG BA BZHIN NO, ,PHYUG PO 'GA' ZHIG LA CHOL ZANGS 'DZIN PA'I BUD MED MCHOG TU MDZES PA ZHIG YOD PA LA, DE SKYES BU 'DOD PA DANG LDAN PA RNAMS KYIS DON DU GNYER ZHING BSTEN PAR GYUR TO, ,DE NAS NAM ZHIG DE CHOL ZANGS KYIS SKYUGS PA BLANGS NAS PHYIR BYUNG BA DANG, DE RNAMS KYIS KYANG MTHONG BAR GYUR LA, DE RNAMS SKYON DU BGRANG ZHING SNA BUG BKAB NAS RDONG BAR GYUR TE, MI GTZANG BA DE NI LUS LAS BYUNG BA KHO NA YIN NO, ,DE BZHIN DU BYIS PA RNAMS RANG GI LUS LA GNAS PA'I MI GTZANG BA SKYON DU MI LTA ZHING, LUS LAS LHUNG BA MI GTZANG BAR RLOM MO, ,'DIR BSHAD PA, CHAGS RMONGS DE YI RANG BZHIN PHYIR, ,TSANGS PAR SPYOD PA'I STOBS PHYIR YANG, ,DE SUN DBYUNG MIN ZHES BLUN PO, , @72A *, ,MKHAS PA'I NGA RGYAL CAN RNAMS SMRA, ,'DIR SMRAS PA, GANG LAS DER SKYES BU GTZANG BAR CHAGS PAR 'GYUR BA, BUD MED KYI LUS LA GTZANG BA NYID YOD DE, DE'I PHYIR YANG BUD MED 'GONG BAR BYA BA MA YIN NO, ,BSHAD PAR BYA STE, DNGOS PO GTZANG BA THAMS CAD KYI, ,THA MA GANG DU DMIGS 'GYUR BA, ,DE LA GTZANG BAR YOD DO ZHES, ,BLO LDAN MI NI GANG ZHIG SMRA, ,ME TOG DANG, DRI DANG, GOS DANG RGYAN LA SOGS PA DNGOS PO GTZANG BA THAMS CAD LUS DANG PHRAD PA NYID KYIS MI GTZANG BA NYID DU 'GYUR LA, GANG LA REG PAS AA KA RU DANG, GLA RTZI DANG, GUR KUM DANG, TZANDAN DANG, GOS LA SOGS PA'I DNGOS PO GTZANG BA RNAMS LA DE LTAR THA MA DMIGS PA DE LA GTZANG BA NYID YOD DO ZHES BYA BAR MI 'THAD DO, ,GANG GI PHYIR BLO DANG LDAN PA DAG DE LA SMOD PAR BYED PA DE'I PHYIR, BUD MED KYI LUS DE LA GTZANG BA NYID YOD DO ZHES BYA BA MA YIN TE, DE BZHIN DU SKYES PA'I LUS LA YANG MI GTZANG BA NYID MTSUNGS PAR BSAM PAR BYA'O, ,GANG G'A'I CHU RGYA MTSOR 'BAB PA BZHIN NO, ,DPER NA GANG G'A'I CHU RGYA MTSOR PHYIN PA NI RGYA MTSO'I CHU BZHIN LAN TSVA CAN DU 'GYUR BA LTAR, DE BZHIN DU BZA' BA DANG BGO BA LA SOGS PA RDZAS GTZANG BA THAMS CAD KYANG LUS DANG PHRAD PA LAS LUS LTAR MI GTZANG BAR 'GYUR RO, ,'DIR BSHAD PA, PADMA KHA DOG LDAN ZHING DRI BSUNG LDAN, ,GTZANG BAR GYUR KYANG GZHAN GYIS BSNAMS PA YIS, ,SKYE BO DE LA MI GTZANG BAR 'GYUR BA, ,DE YI PHYIR NA LUS NI MI GTZANG 'GYUR, ,'DIR SMRAS PA, 'DI NA GANG ZHIG GTZANG BA NYID DU DREGS PAR 'GYUR RO, ,GAL TE LUS GTZANG BA NYID DU MI 'GYUR NA NI DE'I TSE DREGS PAR MI 'GYUR BA ZHIG NA, 'GYUR BA YANG YIN TE, DE'I PHYIR YANG LUS LA GTZANG BA NYID YOD DO, ,BSHAD PAR BYA STE, GANG ZHIG BSHANG KHANG NANG 'DUG CING, ,DE MED PAR NI MI GNAS PA, ,MI GTZANG BA YI SRIN DE LA, ,RMONGS PAS DREGS PA SKYE BAR ZAD, ,SKYE BZHIN PA GANG ZHIG DANG PO MA'I MNGAL DU PHO BA DANG LONG KA GNYIS KYI BAR 'CHAG KHANG DANG @72B 'DRA BAR BSDAD CING, BSHANG BA'I KHANG KHRUS GNAS PAR BYAS PA MI GTZANG BA'I SRIN BU DANG 'DRA BA DE NI 'DIR GTI MUG KHO NA LAS BDAG GTZANG NGO SNYAM DU DRAGS PAR 'GYUR BA 'BA' ZHIG TU ZAD DE, BYI PHO RKYAG KHRON DU BCUG PA BZHIN NO, ,PHYUG PHRUG GZHAN GYI CHUNG MAL 'PHYIN PA 'GA' ZHIG GIS GZHAN GYI KHYIM DU PHYIN PA DANG, DE GZUNG NAS BSHANG BA'I KHRON PAR BSKYUR RO, ,DE DER BSHANG BA DES SROG BTZAS TE NAM ZHIG CHAR CHEN PO BAB PAS BSHANG BA'I KHRON PA'I NGOS ZHIG PAR GYUR CING, DE NAS DE BYUNG BAR GYUR LA, ,GNYEN GYI SKYE BOS KHRID NAS KHYIM DU BCUG STE, SMAN PA MKHAS PA BKU GNAS NYI MA KHA CIG GI SNGA MA KHO'I STOBS DANG KHA DOG GI TSOGS LA BKOD DE, DE DUS GZHAN ZHIG NA LUS BKRUS SHING NYE BAR BYUGS TE, LAM PO CHE'I DKYIL DU SON PA LA MI DBUL PO ZHIG GIS 'DOD RGYAL DU GOS YUGS KYIS REG PA DANG; DES DREGS PAS SPOS TE SMAD PA'I GNAS SO, ,KHYOD KYI GOS THA MAL PA 'DIS BDAG MI GTZANG BAR BYAS SO ZHES 'DI LA SPYOS PAR GYUR TO, ,DE BZHIN DU BYIS PA'I SKYE BO MI GTZANG BAS LTO BA BKANG BA YANG ZLA BA DGU 'AM ZLA BA BCUR MA'I MNGAL DU MI GTZANG BAS GNAS PAR BYAS NAS MI GTZANG BA'I SGO NAS BYUNG STE MI GTZANG BA'I SRIN BUR GYUR NAS RMONGS PAS SLAR YANG LONGS SPYOD DANG, GTZANG SGRA DANG, GZUGS DANG STOBS LA SOGS PA RNAMS KYI SGO NAS DREGS PA BSKYED DO, ,'DIR BSHAD PA, SUN DBYUNG MIN ZHES SMRAS NA YANG, ,LUS 'DIR GTZANG BA YOD MIN TE, ,DE LTA'I SA BON GNAS ZAS DANG, ,DRI NGA BA DAG ZAG PHYIR RO, ,'DIR SMRAS PA, GAL TE LUS LA GTZANG BA NYID YOD PAR MA GYUR NA NI, MI GTZANG BA SPONG BAR BYED PAR MI 'GYUR BA ZHIG NA, GANG GI PHYIR MI GTZANG BA YONGS SU SPONG BAR YANG BYED DE DE'I PHYIR YANG GTZANG BA NYID YOD DO, ,BSHAD PAR BYA STE, THABS GANG GIS KYANG LUS KYI NI, ,NANG PHUGS GTZANG BAR MI 'GYUR NA, ,KHYOD NI NANG LA 'BAD BYED PA, ,DE LTAR PHYI ROL LA MA YIN, ,CHU'I BSANG GTOR DANG, KHRUS DANG, BYUG PA DANG, GSANG SNGAGS KYIS @73A *, ,BSANG BA LA SOGS PA RNAMS DUS SHIN TU RING POR BSTEN KYANG LUS KYI NANG BKRU BAR MI NUS SO, ,DE'I PHYIR NANG NAS 'DZAG PA'I MI GTZANG BAS SUN DBYUNG BA'I LUS LA GTZANG BA LTA GA LA YOD, GZHAN YANG GNAS GANG NGAG GI NANG NAS MI GTZANG 'BYIN PAR BYED PA DE DAG NYID LA 'DI NYE BAR LONGS SPYOD PA'I RE BA 'CHA' STE, DE LA NI KHRUS LA SOGS PA RNAMS KYI BYA SA MED DO, ,DE'I PHYIR DE LTAR NA MI GTZANG BA'I RANG BZHIN GYI LUS LA GTZANG BA NYID GA LA YOD DE, GRONG BA'I MDZA' BSHES 'CHAG KHANG GI SLAR BSKOS PA MTHONG BA DANG, CE SPYANG GI PA LA SHA'I ME TOG BZHIN NO, ,GRONG PA 'GA' ZHIG GI MDZA' BSHES ZHIG RGYAL POS 'CHAG KHANG GI SLAR BYAS LA, MDZA' BSHES DES DE NAM ZHIG NA SKYANG NUL DANG BDUG SPOS LA SOGS PA DAG GIS 'CHAG KHANG LA GTZANG SBRA BYED PA MTHONG BAS, DE LA DES BGAD NAS 'DI NAM GTZANG BAR 'GYUR ZHES SMRAS PA, DE BZHIN DU MI MKHAS PA RNAMS BZA' BA DANG BTUNG BA DRI ZHIM PO DAG GIS KHONG NAS LUS LA GTZANG SBRA BYED PA 'DOD PA YANG MKHAS PA RNAMS KYIS BZHAD GAD DU BYED DO, ,YANG RTZE SPYANG GNYIS SHING PA LA SHA'I 'OG NA GNAS PAR GYUR PA DANG, DE LA GCIG NI ME TOG LHUNG BAR GYUR PA LA GNAS NAS 'DI DAG THAMS CAD KYANG GOR MA CHAG PAR RNAM PA DE LTA BU YIN NO SNYAM STE JI LTAR 'DOD PA BZHIN DU SON PAR GYUR TO, ,GNYIS PA NI PA LA SHA'I ME TOG LHUNG BA GANG YIN PA DE NI SHA MA YIN GYI, GANG PA LA SHA LA GNAS PA DE NI SHA YIN NO ZHES DE SNYAM DU 'GYUR RO, ,DE BZHIN DU MI MKHAS PA RNAMS KYANG GANG LUS LA BYUNG BA DE NI MI GTZANG GI GANG GNAS PA DE NI GTZANG NGO SNYAM DU RLOM MO, ,'DIR BSHAD PA, GANG PHYIR LUS 'DI MNGAL NAS NI, ,BZUNG STE MI GTZANG RANG BZHIN NYID, ,DE PHYIR GTZANG BAR BYA BA NI; ,MI NUS MI GTZANG JI BZHIN NO, ,'DIR SMRAS PA, GANG GI PHYIR BUD MED KYI LUS GCIN CAN YIN YANG DRANG SRONG BUD MED KYI BDE BA'I LONGS SPYOD 'DOD PA DKA' THUB CHEN PO CAN RNAMS KYIS KYANG YONGS SU MI SPONG STE, DE'I PHYIR BUD MED DAG SPANGS BAR BYA BA MA YIN NO, , @73B BSHAD PAR BYA STE, GAL TE MDZE CAN BZHIN DE LTAR, ,GCIN CAN KUN LA MTSUNGS MIN NA, ,MDZE CAN JI BZHIN GCIN CAN TE, ,DE LTAR MI KUN GYIS SPONG 'GYUR, ,GAL TE CHU DRI NGA BA 'DZAG PA 'DI THUN MONG MA YIN PA NYID DU 'GYUR NA NI, JI LTAR CHU SER ZAGS PA MYAGS PAS LUS RNAM PAR MYAGS SHING, ,BRNYOGS LA RUL BA NYID KYI PHYIR NA MDZE CAN GTZANG SBRA 'DOD PA RNAMS KYIS SPONG BA DE BZHIN DU MI GTZANG BA ZAG PA'I LUS KYANG YONGS SU SPONG BAR 'GYUR BA ZHIG NA, THUN MONG NYID YIN NA GANG GIS GANG SPONG BAR BYED, 'DI LTAR SDUG BSNGAL THUN MONG BA NI DE'I RGYUS SMOD PA NA MDZES PAR MI 'GYUR RO, ,GAL TE DE LTAR GCIN CAN THUN MONG BA NYID YIN PA DE BZHIN DU MDZE YANG YIN PAR GYUR NA NI DE'I TSE, JI LTAR GCIN CAN MI SPANG BA DE BZHIN DU MDZE CAN YANG MI SPONG BAR 'GYUR BA ZHIG NA, THUN MONG MA YIN PA 'GYUR BA NYID KYI PHYIR, MDZE CAN NI SPONG GI ,GCIN CAN NI MA YIN TE, THUN MONG BA NYID KYI PHYIR RO, ,GAL TE GCIN CAN YANG SKYON MED PAR 'GYUR NA NI, CI'I PHYIR MI THAMS CAD DE LTA DE LTAR MTSUNGS PAR 'GYUR TE, GANG GI PHYIR 'BRU MAR GYI SNOD DU SBRANG MA LTAR LA LA DAG DER BYING GI LA LA DAG NI LCAGS KYI THU LUM 'BAR BA LA SBRANG BU DAG BZHIN DU DE'I SKYON MTHONG BA'I PHYIR, DE LA YID 'BYUNG BAR 'GYUR TE, DE'I PHYIR DE LA MTHONG BA MI MTHUN PAS DRANG SRONG RNAMS KYIS YONGS SU MI SPONG NGO, ,DE'I PHYIR BUD MED KYI LUS SPANG BAR BYA BA MA YIN NO ZHES BYA BA DE MA YIN TE, SMYO CHU'I CHU YONGS SU SPONG BA DANG SKE LBA CAN GYI YUL DU PHYIN PA'I MI BZHIN NO, ,RGYAL PO 'GA' ZHIG LA LTAS MKHAN RNAMS KYIS CHAR 'BAB PAR 'GYUR LA, GANG ZHIG CHU DES BYA BA BYED PAR 'GYUR BA DE NI SMYON PAR 'GRO BAR 'GYUR RO ZHES ZHUS PA DANG, DE NAS RGYAL PO DES RANG GI DON DU KHRON PA G-YOGS LA CHAR DE YANG 'BAB PAR GYUR TO, ,DE NAS YUL MI DE CHU DES BYA BA BYAS NAS SMYO BAR GYUR KYANG RANG BZHIN GCIG NYID KYI PHYIR NA BDAG NYID KHO NA RNAL MAR GNAS LA RGYAL PO SMYON BAR SEMS PAR GYUR TO, ,DE NAS RGYAL POS DON DE MKHYEN NAS NGA LA SMYON PA'O, @74A *, ,ZHES BTAGS TE, BZHAD GANG DU BYED PA'AM BRLAG PAR BYED PAR 'GYUR DU 'ONG GIS SNYAM STE CHU DE NYID SPYAD PAR GYUR TO, ,DE BZHIN DU GAL TE GCIG KHO NA GCIN CAN YIN NA NI DE MDZE CAN BZHIN YONGS SU SPONG BAR 'GYUR BA ZHIG NA, GANG GI TSE THAMS CAD KHO NA GCIN CAN YIN PA DE'I TSE DE RNAMS LAS GANG DU GTZANG BAR 'DU SHES PAR 'GYUR LA, YANG YUL LA LAR SKYE BO THAMS CAD SKE LBA BAS CHAGS SHING MCHOG TU GZUGS NGAN PAR GYUR LA, DAR GZHAN MDZES PA ZHIG SON PA DANG, 'DI NI MCHOG TU GZUGS NGAN ZHING, YAN LAG MTSANG BA ZHIG GO ZHES DE DAG GIS DE SPANGS SO, ,'DIR BSHAD PA, GAL TE SKYON MED PA YIN NA, ,'JIG RTEN KUN KYANG DER CHAGS NA, ,GANG PHYIR SKYON NI YOD PA'I PHYIR, ,DAM PA RNAMS KYIS DE SPONG 'GYUR, ,'DIR SMRAS PA, GANG ZHIG LANG TSOL BAB PAR GYUR TE BUD MED NA CHUNG 'TSOG CHAS THAMS CAD DANG LDAN PA DGA' BAS NYE BAR LONGS MI SPYOD PA DE GSON PA'I 'JIG RTEN NA MCHOG TU BSLUS PAR 'GYUR TE, 'DI LTAR DRI ZHIM PO'I NGAD KYIS BSGOS PAS DE'I MI GTZANG BA DE SEL BAR 'GYUR TE, DE'I PHYIR GTZANG BA BSTEN PA RNAMS LA NYES PA MED DO, ,BSHAD PAR BYA STE, YAN LAG NYAMS PA 'GA' ZHIG NI, ,SNA YI TSAB MAS DGA' 'GYUR LTAR, ,MI GTZANG PHYIR 'CHOS ME TOG LA, ,STZOGS LA 'DOD CHAGS DE BZHIN 'DOD, ,JI LTAR SNA RDUM 'GA' ZHIG BCOS MA'I SNA BSPEL BA NA BDAG NYID YAN LAG TSANG BAR RLOM ZHING MGU BAR YANG 'GYUR TE, DE NI BYIS PA'I RANG BZHIN CAN NYID KYIS NA LUS KYI SNA BRNYAN GANG GIS NGO TSA BAR BYA DGOS PA DE NYID KYIS DGA' BA SKYED PAR BYED PA DE BZHIN DU, BYIS PA'I SKYE BO 'DOD PA DAG LA RANG BZHIN GYIS BRKAM PA'I RANG BZHIN CAN YANG RMONGS PAS LUS KYI RANG BZHIN MA MTHONG BA NA MI GTZANG BA'I PHYIR 'CHOS PA ME TOG DRI ZHIM PO DANG, DRI DANG RGYAN LA SOGS PA DAG LA KUN TU 'DOD CHAGS PAR 'GYUR ZHING, PHYIR BZLOG PA DES BDAG DANG GZHAN GTZANG BAR SEMS SO, ,ME TOG LA SOGS PA DAG BSREL YANG SGOG PA LA BYA BA LTAR 'DI LA DRI PHUL DU BYUNG BA GTING TSUGS SU BSGO BAR @74B NI MI NUS TE, BYI LA'I SNAL MAR GYIS BYUGS PAS RO MYANGS PA DANG GSER SNA MTHONG BAS DGA' BA BZHIN NO, ,JI LTAR BYI LA'I SNAL MAR GYIS BSKUS NAS KHA ZAS SKYE BO'I CHANG BU BYIN PAS DE DE SNUM DANG LDAN PAR SEMS PA DANG, YANG JI LTAR SNA DANG BRAL BA ZHIG GSER GYI SNA BRNYAN BYAS NAS DE MTHONG STE DGA' BA SKYED PAR BYED PA DE BZHIN DU, BYIS PA RNAMS KYANG ME TOG DANG DRI LA SOGS PA DAG GIS BCO BA BYAS NAS 'DOD CHAGS SKYED PAR BYED DO, ,'DIR BSHAD PA, RMA DANG 'DRA BA'I LUS PO YI, ,RMA SKUD GYUR PA DRI DANG NI, ,ME TOG PHRENG DANG GOS SOGS LA; ,RMONGS PAS SKYE BO KUN TU CHAGS, ,'DIR SMRAS PA, 'DOD CHAGS KYI RGYU ME TOG DANG DRI LA SOGS PA DAG YOD DE, GAL TE YOD PAR MA GYUR NA NI DE DAG GIS SKYE BO 'DOD PA DAG LA CHAGS PAR MI 'GYUR RO, ,BSHAD PAR BYA STE, GANG DU 'DOD CHAGS BRAL SKYE BA, ,DES GTZANG ZHES BYAR MI RIGS LA, ,NGES PAR 'DOD CHAGS RGYUR GYUR PA'I, ,DNGOS DE'ANG GANG NA'ANG YOD MA YIN, ,DNGOS PO RANG BZHIN GYIS GTZANG BA ZHES BYA BA NI CUNG ZAD KYANG MED DO, ,DE LA RE ZHIG MTHONG BA MA NYAMS PA RNAMS NI MI GTZANG BA ZAG PAS MI SDUG PAR MTHONG BA'I LUS LA LTA BA NA 'DOD CHAGS DANG BRAL BAR 'GYUR RO, ,DE'I PHYIR DE LA 'DOD CHAGS DANG BRAL BA'I RGYU YIN PA'I PHYIR NA BSHAD PA'I [?] TSOGS LTAR LUS GTZANG BA NYID DU MI 'THAD DO, ,ME TOG DANG DRI LA SOGS PA DAG KYANG NGES PAR 'DOD CHAGS KYI RGYU NYID DU MI 'THAD DE, DE LA YANG 'DOD CHAGS DANG BRAL BA SRID PA'I PHYIR RO, ,'DI LTAR 'DOD PA LA 'DOD CHAGS DANG BRAL BA THOB PA RNAMS DE DAG LA YANG 'DOD CHAGS DANG BRAL BAR 'GYUR RO, ,GZHAN YANG GANG ZHIG NGES PAR 'DOD CHAGS KYI RGYUR 'GYUR BA, GTZANG BA ZHES BYA BA CUNG ZAD CIG RANG BZHIN GYIS YOD PA NI MA YIN TE, 'DI LTAR ME TOG DANG DRI LA SOGS PA GTZANG BA NYID BSNYAD PAR YONGS SU SPYAD PA RNAMS LA YANG GZHAN DU 'GYUR BA LAS RJES SU MI MTHUN PA NYID 'BYUNG NGO, ,GAL TE DE RNAMS RANG BZHIN GYIS GTZANG BA NYID DU 'GYUR NA NI DE'I TSE RNAM PA GZHAN DU 'GYUR @75A *, ,BAR MI 'GYUR TE, RANG BZHIN LA LDOG PA MED PA'I PHYIR RO, ,DE'I PHYIR DE RNAMS LA RANG BZHIN GYIS GTZANG BA NYID MED DO, ,GAL TE ME TOG DANG DRI LA SOGS PA'I DNGOS PO RNAMS NGES PAR 'DOD CHAGS KYI RGYUR 'GYUR NA NI, THAMS CAD KYANG THAMS CAD KYI TSE DE LA 'DOD CHAGS BSKYED PAR 'GYUR BA ZHIG NA, 'DI NI DE LTAR YANG MA YIN PAS ME TOG LA SOGS PA RNAMS 'DOD CHAGS KYI RGYUR MI RUNG STE, GCIG GIS 'DOD PA DANG MI 'DOD PA DANG BAR MAR MTHONG BA BZHIN NO, ,TSONG PA 'GA' ZHIG BU MO SKYES PA'I TSE 'GRON LA SONG LA, DE YANG DUS GZHAN ZHIG NA 'ONGS PAR 'GYUR ZHING DE'I BU MO DE YANG LANG TSOL BAB PA NA GRONG KHYER DE'I PHYIR ROL DU SKYED MOS TSAL DU BU MO RNAMS DANG LHAN CIG RTZE BAR GYUR TO, ,DE MTHONG NAS DE LA 'DOD CHAGS DRAG PO SKYES LA, GANG GI TSE GZHAN LAS 'DI NI KHYOD KYI BU MO YIN NO ZHES THOS PA DE'I TSE 'DOD CHAGS DANG BRAL BA BZHIN DU, GANG NGES PAR 'DOD CHAGS KYI RGYUR 'GYUR BA'I DNGOS PO NI 'GA' YANG MED LA, GANG DU 'DOD CHAGS DANG BRAL BA SKYE BA DE NI MI GTZANG BA'O ZHES BYA BAR KHONG DU CHUD PAR BYA'O, ,'DIR BSHAD PA, GANG PHYIR DE NYID LA CHAGS SHING, , DE NYID LA NI CHAGS BRAL BA, ,DE YI PHYIR NA 'DOD CHAGS RGYU, ,NGES PAR GRUB PA YOD MA YIN, ,DE'I PHYIR DE LTAR NA LUS MI GTZANG BA YIN LA, JI LTAR SDUG BSNGAL BA DANG MI RTAG PA YIN PA DE NI GONG DU BSHAD ZIN CING BDAG MED PA NYID NI STON PAR 'GYUR TE, 'DI DAG NI PHYIN CI MA LOG PA BZHI YIN NO, ,'DI BSAM PAR BYA STE, PHYIN CI MA LOG PA BZHI PO 'DI DAG DNGOS PO GCIG LA SRID DAM, 'ON TE MA YIN, BSHAD PAR BYA STE, MDOR NA MI RTAG MI GTZANG DANG, ,SDUG BSNGAL BA DANG BDAG MED CES, ,BYA BA BZHI PO THAMS CAD NI, ,GCIG NYID LA NI SRID PAR 'GYUR, ,GANG 'DUS BYAS PA RTEN CING 'BREL PAR 'BYUNG BA DE NI MI RTAG STE, SKAD CIG MA NYID KYI PHYIR RO, ,GANG MI RTAG PA DE NI MI GTZANG BA STE SKYO BA BSKYED PA NYID KYI PHYIR RO, ,GANG MI GTZANG BA DE NI SDUG BSNGAL TE GNOD PA BYED PA'I PHYIR @75B RO; ,GANG SDUG BSNGAL BA DE YANG BDAG MED PA STE, RANG DBANG MA YIN PA NYID KYI PHYIR RO, ,DE'I PHYIR DE LTAR MDOR BSDU NA DNGOS PO GCIG KHO NA LA PHYIN CI MA LOG PA BZHI CHAR YANG SRID PAR 'GYUR RO, ,'DI DAG NI YOD DU ZIN KYANG BYIS PA PHYIN CI LOG PAR GYUR PA RNAMS KYIS YONGS SU MI GCOD LA, DNGOS PO RNAMS LA DE DAG LAS BZLOG PA NYID DU YONGS SU RTOG GO, ,DE'I PHYIR SHES RAB CAN GYIS DNGOS PO RNAMS LA MI RTAG PA NYID LA SOGS PA JI LTAR GNAS PA BZHIN RTOGS PAR BYAS NAS, RANG BZHIN RTOGS PA LA SEMS YANG DAG PAR SPRO BAR 'OS TE, SHA ZA MO'I RANG BZHIN MTHONG BAS 'JIGS PA BZHIN NO, ,SKYES BU 'GA' ZHIG LA SHA ZA MO ZHIG CHUNG MA'I GZUGS KYIS RNAM PAR GNAS LA, DE LA CHUNG MA LTAR NYE BAR SPYOD DO, ,GANG GI TSE NA DES DE'I RANG BZHIN SDUG BSNGAL BSKYED PA DANG, MI SDUG PA NYID DANG, BSGO BA BZHIN MI BYED PA NYID DANG, GTAN DU PA MA YIN PA NYID DU MTHONG BA DE'I TSE NA 'DI NI BDAG GI CHUNG MA MA YIN GYI, 'DI NI SHA ZA MO'I SNYAM DU 'JIGS PAR 'GYUR ZHING, DE'I TSE 'DOD CHAGS DANG BRAL BAR 'GYUR BA DE BZHIN DU SHES RAB CAN RNAMS 'DUS BYAS KYI RANG BZHIN MTHONG BA NYID KYI PHYIR 'DOD CHAGS DANG BRAL BAR 'GYUR RO, ,'DIR, 'DUS BYAS GANG DE RTAG MIN LA, ,MI RTAG GANG DE GTZANG MIN ZHING, ,MI GTZANG GANG DE SDUG BSNGAL TE, ,SDUG BSNGAL GANG DE BDAG MED DO, ,ZHES BSHAD DO, ,GANG PHYIR PHYIN CI LOG BZHI YANG,, 'DUS BYAS GCIG LA'ANG SRID 'GYUR BA, ,DE PHYIR NYON MONGS THAMS CAD NI, ,DNGOS PO MED PA PAR 'GYUR RO, ,ZHES BYA BA'O, ,SLOB DPON 'PHAGS PA LHA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS MI GTZANG BA BSAM PA ZHES BYA BA GTZANG BAR PHYIN CI LOG PA SPONG BA'I THABS BSTAN PA STE, RAB TU BYED PA GSUM PA'I 'GREL PA'O,, ,,'DIR SMRAS PA, PHYIN CI LOG GSUM GYI SPONG BA'I THABS BSHAD ZIN GYIS, DA NI BZHI PA SPONG BA'I THABS BRJOD PAR BYA'O, ,BSHAD PAR BYA STE, @76A *, ,BDAG GAM BDAG GI SNYAM DREGS PA, ,SRID PAR DAM PA SU LA 'GYUR, ,GANG PHYIR LUS CAN THAMS CAD LA, ,YUL RNAMS THAMS CAD MTSUNGS PHYIR RO, ,NGAR 'DZIN PA DANG NGA YIR 'DZIN PA DAG NI RGYAL PO LA KLAGS TE, GNAS PAS DE GNYIS BKAG PA'I SGO NAS PHAL CHER RGYAL PO KHO NA LA RJES SU STON TO, ,DE LA BDAG TU 'DZIN PA NI NGA NI MNGA' BDAG GO ZHES BDAG NYID LA BSTOD PA'I KHYAD PAR YONGS SU RTOGS PA LAS SKYE LA, BDAG GIR 'DZIN PA NI YUL 'DI DAG NI BDAG GI'O ZHES BDAG GIR BYAS PA'I DON DBANG DU GYUR PA NYID DU BRTAGS PA LAS SKYE'O, ,DREGS PA NI DREGS CHOS NYID DE RGYAGS PA ZHES BYA BA'I DON TO, ,SRID PA NI LAS DANG NYON MONGS PA LA RAG LAS PA, SKYE BA DANG 'CHI BA BRGYUD PAS 'GRO BA LNGAR YONGS SU 'PHYEN PA'I 'KHOR BA STE, DE NA GNAS PA'I MKHAS PA SU LA YANG NGAR 'DZIN PA DANG NGA YIR 'DZIN PA DAG GIS DREGS PA 'BYUNG BAR 'GYUR, GAL TE 'GA' ZHIG LA 'GA' ZHIG TU THUN MONG MA YIN PA'I DBANG PO NYID YOD NA NI, DE'I TSE BDAG NI YUL THAMS CAD KYI BDAG PO YIN LA YUL DE DAG THAMS CAD KYANG BDAG GI'O SNYAM DU MTHONG BA'I PHYIR, 'DI'I DE LA DMIGS PA'I DREGS PA RIGS PAR 'GYUR BA ZHIG NA, 'DI NI BYIS PA 'KHOR BAR YONGS SU GTOGS PA LA SRID PA YANG MA YIN NO, ,'DI LTAR GZUGS LA SOGS PA YUL THAMS CAD NI SEMS CAN THAMS CAD KYI SPYI MTHUN GYI LAS KYIS BSKYED BA ZHIG GO, ,DE'I PHYIR NAGS TSAL DANG KHANG KHYIM LA SOGS PA THUN MONG BA RNAMS LTAR SEMS CAN THAMS CAD KYI SPYI MTHUN GYI LONGS SPYOD DAG LA BDAG TU 'DZIN PA DANG BDAG GIR 'DZIN PA YONGS SU BZUNG NAS DREGS PAR MI RIGS TE, RGYAL PO'I ZLOS GAR MKHAN BZHIN NO, ,JI LTAR RGYAL PO'I ZLOS GAR MKHAN YUD TZAM GYIS RGYAL POR 'GYUR ZHING, YUD TZAM GYIS BLON PO DANG BRAM ZE DANG, KHYIM BDAG DANG, BRAN DU 'GYUR BA DE BZHIN DU RGYAL PO YANG MI BRTAN PA YIN TE, 'GRO BA LNGA'I LTAD SAR ZLOS GAR BYED PA'I PHYIR RO, ,'DIR 'GYUR TE, @76B DBANG NGAM LONGS SPYOD PHUN TSOGS PA, ,GANG PHYIR BSOD NAMS KYIS THOB PA, ,DE PHYIR 'JIG RTEN LAS BDAG PAS, ,DAM PAS DREGS PAR MI RIGS SO, ,'DIR SMRAS PA, GANG GI PHYIR RTZOM PA THAMS CAD NI RGYAL PO LA DBANG DU BYAS PA YIN TE, DE'I PHYIR DE LAS DE DBANG DU BYA BA'I RGYU CAN GYI DREGS PA RIGS SO, ,BSHAD PAR BYA STE, TSOGS BRAN DRUG CHAS BSTABS GYUR PA, ,KHYOD KYI DREGS PA CI ZHIG YIN, ,GANG DAM DE RU BYA BA NI, ,DBANG DU BYAS LA RAG LAS 'GYUR, ,BSKAL PA DANG PO'I 'JIG RTEN MA BYIN PAR LEN PAR GYUR PA NA, 'DI BDAG CAG BSRUNG BA'I PHYIR YONGS SU SPYOD NA CI MA RUNG SNYAM STE, ZHING BSRUNG BA'I DON DU SKYE BO MANG POS SKYES BU STOBS DANG LDAN PA ZHIG GIS 'BRU'I DRUG CHA'I GLAS GLAS PAR 'GYUR TE, DE LTAR DE LA YANG DAG PAR BSRUNG BA'I LAS KYIS SKYE DGU DGA' BAR BYED PA'I PHYIR RGYAL PO ZHES BSNYAD DO, ,DE NAS BZUNG NAS RGYAL PO THAMS CAD DRUG CHA'I GLAS SKYE DGU SKYONG BAR BYED DE, DE'I PHYIR YANG DRUG CHAS BSTABS PA'I RGYAL POS 'JIG RTEN GYI BYA BA NI NGA LA RAG LAS SO ZHES BYAS TE DREGS PAR BYA BAR MI RIGS SO, ,RJE DPON GYIS BRAN LAS 'GA' ZHIG LA DBANG DU BYAS NA YANG RJE DPON GYI LAS CUNG ZAD CIG DE LA RAG LAS PAR 'GYUR MOD KYI, 'BANGS DES BDAG LA RAG LAS SO ZHES RJE DPON LA DREGS PAR BYA BAR MI RIGS SO, ,DE'I PHYIR GAL TE GCIG LA RAG LAS SU ZIN KYANG 'DIS RANG DBANG SGRUB PAR MI 'OS NA, KYE SA BDAG SKYE BO PHAL PO CHE LA RAG LAS PA CI SMOS, DE'I PHYIR 'DI'I DREGS PA RNAM PA THAMS CAD MI RIGS TE DGON PA'I SA MKHAN BZHIN NO, ,DPER NA RGYAL PO 'GA' ZHIG PHYOGS LAS RNAM PAR RGYAL BAR BYA BA'I PHYIR CHAS PA DANG RANG GIS BSKOS PA'I SA MKHAN GDOL BA ZHIG GIS 'BROG DGON PA CHEN PO ZHIG 'DAS PAR BYAS PAR GYUR LA, RGYAL PO DE YANG DPUNG GI TSOGS DANG BCAS PAR DE LA RAG LAS PAR 'GYUR MOD KYI, DES DE'I RGYUS RGYAL PO DPUNG GI TSOGS DANG BCAS PA BDAG LA RAG LAS SO ZHES RGYAGS PAR BYA BAR MI BZOD PA DE BZHIN DU, RGYAL POS KYANG SKYE DAG @77A *, ,NGA LA RAG LAS SO ZHES RGYAGS PAR MI BYA'O, ,'DIR BSHAD PA, BYA BA KUN LA DBANG BA YIS, ,GAL TE MI BDAG DREGS 'OS NA, ,DRUG CHAS GLAS PA NYID KYI PHYIR, ,DREGS PAR MI RIGS MA YIN NAM, ,'DIR SMRAS PA, GANG GI PHYIR RGYAL PO RJE BO DANG GTONG BA PO YIN PA DE'I PHYIR YANG RGYAL PO LA DREGS PA RIGS PA NYID DE, NOR DANG CHA RKYEN RNAMS GTONG BA DANG SDUD PA DAG LA DBANG 'BYOR PA'I PHYIR RO, ,BSHAD PAR BYA STE, JI LTAR GSO BYA 'THOB THOB NAS, ,RJE BO GTANG BAR SEMS DE BZHIN, ,RJE BO SBYIN BYA BYIN BYAS NAS, ,BDAG NI GTONG BA PO SNYAM RLOM, ,JI LTAR RGYAL PO'I GSO BYA'I TSOGS RANG GI ZHA 'BRING LAS 'BYUNG BA GDON MI ZA BAR 'THOB PAR BYA BA SBYIN BYA LO PHOGS SAM ZLA PHOGS THOB NAS, BDAG NYID LA DMA' BA'I SEMS DANG, RGYAL PO LA MTHO BA'I SEMS BSKYED DE RJE BO NI GTONG BA PO ZHIG GO SNYAM DU SEMS PA DE BZHIN DU, RGYAL PO YANG GSO BYA'I TSOGS LA GDON MI ZA BAR SBYIN PAR BYA BA'I GLA RNGAN BYIN NAS BDAG NI GTONG BA PO'O SNYAM DU RLOM MO, ,DE LA JI LTAR GSO BYA'I TSOGS RGYAL PO LA BRTEN PA'I SKYES BU'I BYED PA LAS SKYES PA'I NOR 'THOB BYA THOB NAS KYANG SEMS 'PHANG DMA' BA NYID DU 'GYUR GYI, RGYAL PO LA DREGS PA MI BYED PA DE BZHIN DU RGYAL POS KYANG GDON MI ZA BAR SBYIN PAR BYA BA'I DON BYIN TE DREGS PA BYA BAR MI 'OS TE, KHOL PO GLA 'THOB PAR BYA BA BZHIN NO, ,JI LTAR KHOL PO GLA GDON MI ZA BAR SBYIN PAR BYA DGOS LA 'DIR GTONG BA POS DREGS PAR BYA BAR MI 'OS SHING, KHOL POS KYANG MA YIN PA DE BZHIN DU, RGYAL POS KYANG NOR SDUD PA'AM GTONG BA NA DREGS PA BYA BAR MI 'OS SO, ,'DIR 'GYUR TE, GAL TE G-YOG LA GLA BYIN TE, ,RGYAL POS DREGS PA RIGS NA NI, ,NOR 'DOD TSONG PA RNAMS LA YANG, ,DE LTAR RIGS PA MA YIN NAM, ,DER SMRAS PA, 'DOD DGUR YUL GYI BDE BA NYE BAR LONGS SPYOD PA RTAG TU NYE BA'I PHYIR RGYAL PO NGAR 'DZIN PAR 'GYUR LA, DE'I RGYU CAN GYIS RGYAGS PAR YANG GDON MI ZA BAR 'GYUR RO, ,BSHAD PAR BYA STE, GZHAN RNAMS KYI NI SDUG BSNGAL GNAS, ,KHYOD LA PHYIN CI LOG @77B TU DRAN; ,GZHAN GYI LAS KYIS 'TSO KHYOD KYI, ,DGA' BA GANG GIS BSKYED PAR 'GYUR, ,BUD MED CHANG DANG RGYAN PO LA SOGS PA LA BYA BA LTAR YUL DAG LA SHIN TU CHAGS PA NI DBANG PO THUL BA RNAMS KYIS SDUG BSNGAL GYI GNAS SU BSHAD DE, DBANG PO MA THUL BA'I PHYIR RO, ,DE'I PHYIR DBANG PHYUG 'DI RGUD PA DU MA'I RGYU YIN PA NYID KYI PHYIR SDUG BSNGAL GYI GNAS YIN BZHIN DU, GAL TE KHYOD LA MNGON PAR MTHO BA'I GNAS SU 'GYUR NA NI MA RIG PAS 'BRAS BU BSGRUB PAR GYUR TO, ,GZHAN YANG YUL LA CHAGS PA RNAMS DGA' BAR BYA BA'I PHYIR YUL NYE BAR BSTEN PAR SMRA NA, SKYE BO PHAL PO CHE BSRUNG BA'I DBANG DU BYAS PA'I SDUG BSNGAL BAR MTSAMS MED PAR GZHAN GYI LAS BYED CING, DE'I 'BRAS BUS NYE BAR 'TSO BA NYID KYIS NYON MONGS PA'I DGA' BA GO GANG ZHIG YIN TE, RKUN PO CHAD PAS GCOD PAR BYED PA BZHIN NO, ,DPER NA RKUN PO LA CHAD PA GCOD PAR BYED PA LAS DMAN PA DES DGA' BAR MI 'OS PA DE BZHIN DU RGYAL PO YIN NO, ,BSHAD PAR BYA STE, ZHEN PAS GANG GIS 'JIG RTEN NA, ,RIGS DANG LDAN LA 'DZEM 'BYUNG BA, ,DE YIS GANG LA DREGS YIN NO, ,DE 'DZEM GZHAN LAS 'GYUR BA MIN, ,'DIR SMRAS PA, RGYAL PO NI 'JIG RTEN GYI BSRUNG BA PO YIN TE, DES NA BSRUNG BA PO NYID KYIS 'DI GDON MI ZA BAR RGYAGS PAR 'GYUR RO, ,DE MED NA NI TSUL LUGS KYIS RJES SU MI 'JUG PA NA SKYE DGU RNAMS BRLAG PAR 'GYUR RO, ,BRJOD PAR BYA STE, 'JIG RTEN GYI NI SRUNG PO DANG, ,BSRUNG BYAR SA BDAG SNANG 'GYUR NA, ,CI STE GCIG GI DREGS YOD CING, ,CI STE GZHAN GYI DREGS BRAL MIN, ,GAL TE 'JIG RTEN GYI BSRUNG BA BDAG LA RAG LAS SO SNYAM DU SEMS TE RGYAL PO RGYAGS PAR 'GYUR NA, BDAG BSRUNG BA 'JIG RTEN LA RAG LAS PA NYID KYI PHYIR BDAG NYID BSRUNG BYAR RTOGS TE RGYAGS PA DANG BRAL BAR YANG CI STE MI 'GYUR, 'JIG RTEN GYIS MA BSRUNGS PA'I RGYAL POS NI 'JIG RTEN BSKYANG BAR MI NUS TE, KHYO SHUG DANG NAGS DANG SENG GI BZHIN NO, ,SKYES BU 'GA' ZHIG GIS CHUNG MA LA BDAG GIS NI SDUG BSNGAL @78A *, ,NI BRGYA PHRAG NYAMS SU MYONG LA, KHYOD NI TSEGS MED PAR KHYIM NA BDE BAR 'DUG GO ZHES SMRAS PAR GYUR LA, DES KYANG RE ZHIG NYIN ZHAG GCIG KHYIM GYI ZHAL TA GYIS DANG DE NAS SHES PAR 'GYUR GYIS ZHES SMRAS PA, DES DE BZHIN DU BYAS PAR GYUR CING, DE SKYO BAR YANG GYUR TO, ,JI LTAR KHYO SHUG GCIG GIS GCIG LA BSRUNG BA DE BZHIN DU RGYAL POS SKYE DGU RNAMS BSRUNGS LA, SKYE DGU RNAMS KYIS KYANG RGYAL PO YIN NO, ,DE BZHIN DU SENG GES NAGS YIN LA, NAGS TSAL GYIS SENG GE YIN NO, ,'DIR BSHAD PA, MI SHES GANG ZHIG NGA RGYAL GYI, ,GNYEN PO SPANGS NAS NGA RGYAL NYID, ,'DZIN PA DE YI NGA RGYAL NI, ,THABS 'GA' YIS KYANG GZHOM MI NUS, ,'DIR SMRAS PA, GANG GI TSE RGYAL PO SKYE DGU RNAMS BU LTAR SO SOR SKYONG BAR BYED PA DE'I TSE DE RNAM PAR RGYAL BA YIN, RIGS LA BRTEN PA BSOD NAMS KYI LAS CAN GANG DAG YIN PA DE DAG GI BSOD NAMS KYI DRUG CHA'I 'PHROG PA POR 'GYUR TE, DE'I PHYIR RANG DANG GZHAN LA SOGS PA'I DGE BA'I PHUN SUM TSOGS PA 'BYOR PA CAN 'DI'I RGYAGS PA NI RIGS SO, ,BSHAD PAR BYA STE, RIGS KUN NANG NAS RANG LAS LA, ,DGA' BAS 'TSO RNAMS RNYED PAR DKA', ,GAL TE KHYOD LA MI DGAR 'GYUR, ,DES NA KHYOD LA 'GRO BZANG DKON, ,DENG SANG NA SNYIGS MA LNGA PO DAG 'JUG PA SHAS CHE BAR GYUR PAS RIGS LA BRTEN PA THAMS CAD RANG RANG GI LAS DAG LA DGA' BA RNYED PAR DKA' ZHING, PHAL CHER MI BRTAN PAR SNANG NGO, ,GAL TE KHYOD DE DAG GI BSOD NAMS KYI DRUG CHA'I 'PHROG PA PO YIN NA DE BZHIN DU SDIG PA'I YANG YIN PAR 'GYUR RO, ,DE LTA YIN DANG RIGS LA BRTEN PA NYON MONGS PAS ZIL GYIS MNAN PAS, LHOD PAR 'GYUR ZHING SDIG PA'I GROGS PO DANG RJES SU MTHUN PA RNAMS LA BSOD NAMS MA YIN PA PHAL CHE BAS KHYOD LA 'GRO BA BZANG PO DKON PAR 'GYUR RO, ,'DI LTAR RE ZHIG RANG GI SDIG PA RNAMS KHO NAS KYANG RGYAL PO RNAMS LA BDE 'GRO MI SRID NA, KYE SKYE 'GRO MTHA' DAG GI SDIG PAS SMOS KYANG CI DGOS, , @78B DE'I PHYIR BLO 'CHAL BA RNAMS PHUNG BAR 'GYUR TE, MDZE CAN 'O MA DANG NYA ZA BAR MNGON PAR 'DOD PA BZHIN NO, ,JI LTAR MDZE CAN PHYIN CI LOG LA GNAS PA'I PHYIR RANG GI NANG PHYIR BCO BA'I RGYU SMAN DAG MI BSTEN PA 'BA' ZHIG TU MA ZAD KYI, 'ON KYANG 'O MA DANG NYA ZA BAR BYED PA DE BZHIN DU, RGYAL PO YANG RANG NYID KYIS MI DGE BA MANG PO SOGS PA 'BA' ZHIG TU MA ZAD KYI, 'ON KYANG RIGS LA BRTEN PA RNAMS KYI NYES PAR SPYAD PA DANG YANG BDAG NYID SBYOR BAR BYED DE, BAG MED PA'I GNAS LA GNAS PA'I PHYIR RO, ,'DIR 'GYUR TE, GAL TE RGYAL POS LAS RNAMS KYI, , DRUG CHA NGES PAR 'DIR 'DZIN NA, ,'JIG RTEN BSOD NAMS MIN MANG BAS, ,DE YIS BDE 'GRO RNYED PAR DKA', ,'DIR SMRAS PA, GANG GI PHYIR RGYAL PO 'JIG RTEN GYI MGON DANG RANG DBANG YIN PA DE'I PHYIR, 'DI'I NGA RGYAL RIGS PA'I NGO BO YIN NO, ,BSHAD PAR BYA STE, GZHAN GYIS BSKUL TE BYED PA GANG, ,DE NI SA STENG BLUN ZHES BYA, ,KHYOD DANG MTSUNGS PA'I GZHAN DBANG GZHAN, ,'GA' YANG YOD PA MA YIN NO, ,GANG ZHIG PHA ROL POS BSKUL BA BYAS TE, CUNG ZAD CIG BYED PA'AM RTOG PAR BYED PAR 'GYUR GYI, RANG DBANG GIS MA YIN PA DE LA NI 'JIG RTEN NA BLUN PO ZHES BYA'O, ,'DI NA RGYAL PO JI LTA BA DE LTAR GZHAN GYI DBANG DU GYUR PA GZHAN 'GA' ZHIG YOD PA YANG MA YIN TE, DE NI GROGS DU MAS BSKUL BA NA MI BRTEN PA'I NGO BOR 'GYUR ZHING, PHAL CHER GZHAN LA RAG LAS PA'I NGO BO NYID DU GNAS PA LA BRTEN TO, ,'DI NI BYA BA'AM BYA BA MA YIN PA GANG CI BYED PA DE GZHAN GYIS BSKUL BA NYID NA BYED DO, ,GANG GI PHYIR GZHAN LA RAG LAS PAR GNAS PA'I PHYIR 'JIG RTEN NA RGYAL PO KHO NA MCHOG TU BLUN ZHING GZHAN GYI DBANG DU GYUR PA DE'I PHYIR, DE'I NGA RGYAL MI RIGS PA'I NGO BO YIN TE, KHYI DANG SPRE'U SBAD PA BZHIN NO, ,JI LTAR KHYI DANG SPRE'U BZUNG BA DANG BTANG BA LA GZHAN GYI BSGO BA NYAN PA DE BZHIN DU RGYAL PO YANG GZHAN LA RAG LAS PA YIN TE, BYA MA RTA'I MIG CAN NYID KYI PHYIR RO, ,'DIR BSHAD PA, GANG PHYIR RGYAL PO GROGS BSKUL TE, @79A *, ,BYA DANG BYA MIN BYED 'GYUR BA, ,DE'I PHYIR 'DI NI RGYAL PO NYID, ,GZHAN DBANG BLUN DANG GTI MUG PA'O, ,'DIR SMRAS PA, GANG GI PHYIR 'JIG RTEN THAMS CAD KYI BSRUNG BA RGYAL PO LA RAG LAS PA DE'I PHYIR YANG NGA RGYAL RIGS SO, ,BSHAD PAR BYA STE, BSRUNG BA NGA LA RAG LAS ZHES, ,'JIG RTEN LAS NI GLA LEN ZHING, ,RANG NYID KYIS KYANG SDIG BYED NA, ,DE MTSUNGS BRTZE MED SU ZHIG YIN, ,GAL TE BSRUNG BA NGA LA RAG LAS SO SNYAM DU BYAS NAS RGYAL PO 'JIG RTEN LAS GLA LEN NA NI, DES DAM PA'I TSUL LUGS KYI RJES SU ZHUGS SHING SKYE BO PHONGS PA SO SOR BSKYANG BA LHUR BLANG BAR BYA DGOS TE, DE LTA NA NI DES KHAS BLANGS PA RJES SU BSGRUBS PAR 'GYUR RO, ,'DI NI DE LTAR RJES SU BYED PA YANG MA YIN TE, 'DI LTAR 'DI NI GLA RNGAN STER BAR MI NUS PA DAG DANG, SDIG TO CAN DAG LA BSAD PA DANG BCING BA [?] DANG BRDEG PA DANG, BSDIGS PA DANG BSKRAD PA LA SOGS PA'I BYA BA DANG, SROG DANG BDOG PA THAMS CAD 'PHROG PA'I SGO NAS BSRI BA MED PAR RAB TU 'JUG PAR 'GYUR RO, ,DE'I PHYIR KHREL MED PA 'DIS BSRUNG BA'I 'BRAS BU 'JIG RTEN LAS GLA LEN ZHING, BSRUNG BA'I 'BRAS BU'I CHED DU RANG NYID SDIG TO'I LAS BYED PAS BRTZE BA MED PA 'JIG RTEN NA DE LAS GZHAN SU ZHIG YOD, SDIG PA'I LAS LA 'JUG PA LA MKHAS PA'I PHYIR, DE NYID KHO NA BRTZE BA MED PA NYID YIN NO ZHES BYA BAR DGONGS PA STE, SHAN PA'I SMAN PA BZHIN NO, ,SHAN PA 'GA' ZHIG RUS PA BRDUNGS PA NA MIG GI NANG DU RUS PA'I 'DZEL MA ZHIG ZHUGS TE, DE SMAN PA'I GAN DU SONG BAR GYUR LA, SMAN PA DES BSKU BYUG GIS NAD ZHI BAR BYAS KYI ZUG RNGU NI MA PHYUNG NGO, ,DE NAS DE YANG NAS YANG DU RAB TU 'JUG PA DANG, SMAN PA DE YANG MIG 'KHRUG PA ZHI BAR BYED KYI ZUG RNGU MI 'BYIN LA, NAD PA DE LA NOR MANG PO YANG GCOD DO, ,SMAN PA DE GRONG GZHAN ZHIG TU SONG BA DANG, SMAN PA DE'I BUS MIG GI ZUG RNGU 'BYIN PAR BYAS PAR GYUR TO, ,SMAN PA DE JI LTA BA DE BZHIN DU RGYAL PO YANG YIN TE, 'JIG RTEN LAS NOR MANG PO YANG GCOD LA, @79B THAMS CAD KYI THAMS CAD DU 'JIG RTAN GYI BYA BA YANG MI BYED DO, ,'DIR BSHAD PA, GLA LA BRKAM PAS DU BA DANG, ,SHIN TU GDUG GZHAN 'TSOG BYED GANG, ,DE LAS GZHAN PA 'JIG RTEN NA, ,SHIN TU BRTZE MED MI SU YOD, ,'DIR SMRAS PA, RGYAL POS SDIG PA'I BDAG NYID CAN DAG LA BRTZE BA MI BYA STE, GAL TE SDIG PA'I BDAG NYID CAN DAG LA CHAD PA GCOD PAR MI BYED NA, DE'I TSE 'JIG RTEN 'DI THAMS CAD NYAMS PAR 'GYUR RO, ,DE'I PHYIR 'JIG RTEN BSRUNG BA'I PHYIR SDIG TO'I BDAG NYID CAN DAG GDON MI ZA BAR TSAR GA CAD PAR BYA DGOS SO, , BSHAD PAR BYA STE, SKYE BO SDIG TO BYED RNAMS LA, ,GAL TE BRTZE BA BYA MIN NA, ,BYIS PA SO SO'I SKYE BO NI, ,THAMS CAD BSRUNG BYAR MI 'GYUR RO, ,GAL TE 'DI MI DGE BA BYED PA YIN PAS BRTZE BA'I SNOD MA YIN NA, DA NI GANG ZHIG BRTZE BA'I SNOD DU 'GYUR, DE'I PHYIR BRTZE BA'I SNOD MA YIN PA NYID KYI PHYIR NA, BYIS PA SO SO'I SKYE BO THAMS CAD KYANG 'DIS BSRUNG BAR BYA BAR MI 'GYUR RO, ,DE LA BYIS PA ZHES BYA BA NI GANG BYIS PA'I MTSAN NYID DANG LDAN PA YIN LA, SO SO'I SKYE BO NI 'PHAGS PA'I LAM MA SKYES PA STE, MI DGE BA'I LAS BYED PA NYID KYIS NA DE GNYIS KYI KHYAD PAR DU 'PHAGS PA RNAMS LA BYIS PA SO SO'I SKYE BO ZHES BYA'O, ,BRTZE BA CAN DAG NI GANG LAS DE DAG GIS DE RNAMS YONGS SU SKYONG BAR 'GYUR BA GANG DAG LA BRTZE BA YOD PAS TE, 'DI LTAR DE'I BRTZE BA NI GZHAN DAG GI DON MA YIN PA 'GOG PA'I BSAM PA YIN LA, DE'I YONGS SU SKYONG BA NI BRTZE BAS DE SGRUB PA'O, ,DE'I PHYIR JI LTAR 'DI BRTZE BA MED PAR DE'I 'BRAS BU SRUNG BAR BYED PAR 'GYUR, MI BSRUNG BAR GLA LEN NA YANG GSAL BAR CHOM RKUN DU MA GRAGS PA'I CHOM RKUN GRONG DANG GRONG KHYER NA GNAS PAR 'GYUR RO, ,LUS DANG NOR BSRUNG BA BZHIN NO, ,GAL TE RGYAL POS SDIG PA'I LAS CAN DAG LA BRTZE BAR BYA BA MA YIN NA, THAMS CAD DON MA YIN PAR 'GYUR BA'I PHYIR RANG GI LUS DANG NOR YANG BSRUNG BAR BYA BAR MI 'GYUR BA ZHIG NA, 'ON KYANG BSRUNG BA YANG YIN TE, DE BZHIN DU, SDIG PA BYED PA THAMS CAD KYANG RJES SU BRTZE BAR @80A *, ,BYA BAR 'GYUR RO, ,'DIR BSHAD PA, GANG DAG RANG CHOS KYIS BSRUNGS PA, ,DE DAG RGYAL POS BSRUNG BYA MIN, ,GAL TE TSUL 'CHAL BSRUNG BYAS NA, ,DE PHYIR DE YIS BSRUNG BAR 'GYUR, ,'DIR SMRAS PA, SKYE DGU BSKYANG BAR BYA BA'I PHYIR GDUG PA CAN RNAMS LA CHAD PAS GCOD PA NA RGYAL PO LA SDIG PAR MI 'GYUR TE, DAM PA DAG LA PHAN 'DOGS PAR ZHUGS PA'I PHYIR RO, ,BSHAD PAR BYA STE, BDAG NYID DGA' BA BSKYED PA YI, ,RGYU NI GANG DU YOD MIN 'GYUR, ,LUNG LA SOGS PA'I RGYU RNAMS KYIS, ,BSOD NAMS MIN LA'ANG 'JIG YOD MIN; ,BDAG DGA' BA BSKYED PA'I RGYU ZHES BYA BA NI GANG NA YANG MED PA MA YIN TE, NYA PA DANG PHAG GSOD PA LA SOGS PA SDIG PA'I LAS LA DGA' BA'I BDAG NYID CAN RNAMS KYANG, SROG CHAGS GSOD PA 'DI NI KHO BO CAG GI RIGS BRGYUD LAS 'ONGS PA ZHIG STE, 'DI NI SKYE DGU'I BDAG POS 'TSO BA YONGS SU BRTAGS PA YIN LA, 'DI LA CHOS MA YIN PA 'GA' YANG MED DO ZHES 'DI SNYAM DU 'GYUR RO, ,DE LTAR BDAG CAG YONGS SU MGU BA'I RGYU DAG TU 'GYUR LA, DE DAG GI BSOD NAMS MA YIN PA LA NI 'JIG PA YOD PA MA YIN TE DE BZHIN DU RGYAL PO'I YANG YIN NO, ,'DI LTAR BDAG NYID LA SDIG PA PHAL CHE BAR BLTA ZHING NGAN 'GRO DAG TU DE'I RNAM PAR SMIN PA MTHONG BA NA DE'I SNYING MYA NGAN GYI MES BCOM ZHING RNAM PA BRGYAR CHER 'GAS PAR 'GYUR LA, DE YONGS SU SPANG BA'I PHYIR 'DI DAM PA MA YIN PA'I LTA BA'I DPYAD PA DRI MA CAN DAG GIS BDAG NYID DBUGS 'BYIN PAR BYED MOD KYI, DE LA BSOD NAMS MA YIN PA 'JIG PA NI MA YIN NO, ,'DI LTAR JI LTAR KHYAD PAR DU 'PHAGS PA RNAMS LA DGE LEGS SU BYA BA'I PHYIR, PHAN PA'I BSAM PA YIN PA DE BZHIN DU TSAR GCAD PAR BYA BA'I PHYIR GDUG PA CAN RNAMS LA MI PHAN PA'I BSAM PA YANG YIN PAS SA LA SPYOD PA BRTZE BA DANG BRAL BA MA RUNGS PA'I SEMS DANG LDAN ZHING GZHAN DAG LA SRIN PO DAG DANG KHYAD PAR MED PA RNAMS LA DER MNGON PAR MTHO BA'I GO SKABS GA LA YOD, CHAD PAS LUGS BYED PA PO RGYAL PO RNAMS DANG, CHOS MA YIN PA 'DON PA @80B LA SOGS PA RNAMS NI SDOM PA MA YIN PA CAN NO ZHES LUNG GIS KYANG DE RNAMS GNOD PA DANG BCAS PA NYID DU STON PAR BYED LA, RGYAL PO RNAMS NI SDOM PA MA YIN PA DANG LDAN PA STE, GZHAN LA GNOD PAR ZHUGS PA NYID KYI PHYIR TE, GSHED MA BZHIN NO ZHES RJES SU DPAG PA YANG YOD DO, ,DE NI RNAL 'BYOR PA LAS KYI RNAM PAR SMIN PA LA MNGON SUM GYI SPYAN DANG LDAN PA RNAMS KYI MNGON SUM YANG YIN TE, DE'I PHYIR LUNG DANG RJES SU DPAG PA DANG NYE BAR 'JAL BA DANG, MNGON SUM DAG GIS BSOD NAMS MA YIN PA DE YOD PAS RGYAL PO RNAMS LA SDIG PA'I LAS DAG YOD PA NYID DO, ,MA ZHU BA ZHU BAR BYAS TE ZA BA PO BZHIN NO, ,SKYES BU 'GA' ZHIG MA ZHU BAR NGAS ZHU'O SNYAM DU BDAG NYID DGA' BAS BDAG BZA' 'AM ZHES BRAM ZE DAG LA DRIS PA DANG, DE DAG GIS ZO ZHIG CES SMRAS SHING DE BZHIN DU CHU 'THUNG ZHING GNYID LOG GAM ZHES BYA BA THAMS CAD DRIS PA DE DAG GIS GNANG LA, DES KYANG THAMS CAD BYAS TE SDUG BSNGAL DANG PHRAD PAR GYUR TO, ,SMAN PAS SMRAS PA, KHYOD KYIS DE LTAR CI'I PHYIR BYAS PAR GYUR, DES SMRAS PA, BDAG GIS MA DRIS PAR NI CI YANG MA BYAS SO ZHE'O, ,JI LTAR SKYES BU 'DI GZHAN DAG LA DRIS NAS BDAG DGA' BAR BYA BA'I PHYIR MI 'PHROD PA SPYOD PA NA NAD DKYIL CHEN POS ZIN PA DE BZHIN DU RGYAL PO RNAMS KYANG, BDAG NYID DGA' BAR BSKYED PA'I RGYU DAG GIS BDAG NYID DGA' BAR BYAS NAS SDIG PA'I LAS DAG BYED LA, DE'I PHYIR SEMS CAN DMYAL BA DAG TU DE'I RGYU CAN GYI SDUG BSNGAL CHEN PO SGRUB PAR BYED DO, ,BSTAN BCOS TSAD MAR BYAS KYANG, SDIG PA BYED PA 'DI RNAMS KYI 'BRAS BU YID DU MI 'ONG BA NI CHOS MA YIN PA LAS 'GYUR RO ZHE'O, ,'DIR BSHAD PA, LUNG GI DBANG GIS 'TSE BYED PA'I, ,RGYAL LA SDIG PA MED NA NI, ,'KHOR BA SGROL BAR BYED RNAMS LA, ,CI PHYIR DE LTAR CHOS YOD MIN, ,'DIR SMRAS PA, 'JIG RTEN YANG DAG PAR YONGS SU SKYONG BA GANG YIN PA DE NYID MTHO RIS KYI DON DU SA BDAG RNAMS KYI CHOS YIN PA DE'I PHYIR CHOS GZHAN GYIS DGOS PA MED DO, ,BSHAD PAR BYA STE, YANG DAG SRUNG BYED CES BYA BA, , @81A *, ,GAL TE SA BDAG CHOS YIN NA, ,NYON MONGS BZO MKHAN RNAMS LA YANG, ,CI STE CHOS SU 'GYUR MA YIN, ,JI LTAR GLA PA JI LTA BA BZHIN PHAN 'DOGS KYANG SHING MKHAN DANG LCAGS MGAR LA SOGS PA RNAMS LA PHAN BTAGS PA DE'I RGYU CAN GYI CHOS SU MI 'GYUR BA DE BZHIN DU YANG DAG PAR SRUNG BAR BYED KYANG DRUG CHAS GLAS PA'I RGYAL PO RNAMS LA YANG CHOS SU MI 'GYUR TE, KHA CHE BA'I SGO BAR BYED PA DANG, ,GO MTSON RDUNG BAR BYED PA BZHIN NO, ,JI LTAR KHA CHE BA RNAMS GRONG KHYER SRUNG BAR BYED PA'I LAS 'OBS LA SOGS PA DAG BYED CING DE DAG GIS YUL MI BSRUNG BAR YANG 'GYUR MOD KYI, DE RNAMS LA RGYU DES BSOD NAMS YOD PA MA YIN PA DE BZHIN DU RGYAL PO RNAMS LA YANG YIN NO, ,YANG DPER NA GO MTSON RDUNG BA RNAMS MI BSRUNG BAR BYA BA'I PHYIR GO MTSON DAG RDUNG BAR BYED MOD KYI, DE RNAMS LA DE'I RGYU CAN GYI BSOD NAMS NI YOD PA MA YIN PA DE BZHIN DU RGYAL PO RNAMS LA YANG YIN NO, ,'DIR BSHAD PA, GAL TE SKYONG BAS RGYAL PO LA, ,CHOS 'GYUR GZHAN GYIS MA YIN NA, ,YANG DAG LAS BYED GYUR PA YI, ,BZO BO RNAMS LA'ANG CHOS SU 'GYUR, ,'DIR SMRAS PA, GANG GI PHYIR 'DI NA 'JIG RTEN THAMS CAD KYANG RGYAL PO LA RAG LAS TE, DE'I PHYIR THAMS CAD KYIS RGYAL PO SMAD PAR BYA BA MA YIN NO, ,BSHAD PAR BYA STE, 'JIG RTEN SA BDAG RAG LAS KYI, ,SA BDAG DE NI SMAD DE DPER, ,DAM PAS 'JIG RTEN KUN GYI MA, ,SRID PA YI NI SRED PA BZHIN, ,GAL TE YANG KHYIM NA GNAS PA DANG RAB TU BYUNG BA DANG BCAS PA 'JIG RTEN THAMS CAD BYA'O COG BYA BA LA RGYAL PO LA RAG LAS MOD KYI, DE LTA NA YANG DE NI NGAN PAR BRTZI BA ZHIG KHO NA'O, ,DPER NA SRED PA DANG BCAS PA RNAMS LA SKYE BA MTHONG BA'I PHYIR LA, SRED PA DANG BRAL BA RNAMS LA MA MTHONG BA'I PHYIR SRID PA'I SRED PA 'KHOR BAR 'GRO BA SKYED PAR BYED PA NA MA YIN MOD KYI, DE LTA NA YANG 'KHOR BA'I BTZON RAR 'GRO BA MTHA' DAG SDOM PAR BYED PA 'KHOR BA'I RGYU YIN PA'I PHYIR, DAM PA GZIGS PA PHYIN CI MA LOG PA MNGA' BA NYID KYIS SMAD PA NYID DU 'GYUR BA DE BZHIN @81B DU; RGYAL PO YANG STE, GAL TE YANG 'JIG RTEN THAMS CAD KYI PHAR GYUR PA YIN MOD KYI, DE LTA NA YANG DE NI LAS SHIN TU DRAG PO DANG NGAN 'GRO'I 'BRAS BU MANG PO CAN LA NGES PAR SBYAR BA'I PHYIR SMAD PA KHO NA STE, DGON PO'I TSONG PA BZHIN NO, ,JI LTAR 'BROG DGON PAR DON MTHUN GYI TSOGS BSRUNG BA LA SOGS PA CHA RKYEN SGRUB PAR BYED PA'I PHYIR TSONG PA LA RAG LAS PAR 'GYUR LA, DE NI RIN THANG CHES CHE BAS STER BA'I PHYIR SMAD PA YIN GYI, DON MTHUN PA RNAMS NI SMAD PA MA YIN PA DE BZHIN DU, 'JIG RTEN YANG BSRUNG BA LA SOGS PAS PHAN 'DOGS PA'I PHYIR SA BDAG LA RAG LAS MOD KYI, DE LTA NA YANG SA BDAG NI SMAD PA YIN TE, RANG GI DON SGRUB PA LHUR BYED PA NYID KYI PHYIR RO, ,'DIR BSHAD PA, YON TAN LA GNAS RGYAL PO NI, ,GAL TE 'JIG RTEN PHAN GYUR MOD, ,DE LTA'ANG GNAS KYI NYES PA YIS, , DAM PAS SMAD 'GYUR RLUNG JI BZHIN, ,'DIR SMRAS PA, GANG GI PHYIR RGYAL PO BLO PHUN SUM TSOGS SHING BRTZE BA DANG LDAN PA NI 'JIG RTEN YANG DAG PAR YONGS SU SKYONG BAR BYED PA STE, DE'I PHYIR 'DI LA CHOS SU 'GYUR RO, ,BSHAD PAR BYA STE, BLUN MIN RGYAL SRID MI 'THOB PA, , BLUN LA BRTZE BA YOD MIN NA, ,SRUNG PO YIN YANG MI'I BDAG ,BRTZE BA MED LA CHOS MI GNAS, ,RGYAL THABS ZHES BYA BA NI RGYAGS PA DANG BAG MED PA THAMS CAD KYI GZHIR GYUR PA STE, 'DIS DBANG PHYUG NYID TZAM LA CHAGS PAS RANG DANG GZHAN GYI SKYE BO LA PHAN 'DOGS PAR BYED PA'I LAM BOR NAS THOB PA NA BLUN PO MA YIN NO ZHES BYA BAR SRID PAR JI LTAR NUS, 'DI LTAR 'JIG RTEN GYI BYA BA LA G-YENGS PA LA YID GTAD PA GSAL BA 'DIS LONG BA LTAR BDAG DANG LONGS SPYOD DAG GI MI RTAG PA YE RJES SU 'BREL BZHIN DU MI MTHONG ZHING, YID GTAD PA MED PA LAS TSUL KHRIMS LA 'GRO BAS DGA' BAR BYA BA NYID KYANG THAMS CAD DU MTHONG BA DANG MA MTHONG BA'I 'BRAS BU YID DU 'ONG BA PHUN SUM TSOGS PA NYE BAR MA BCOM PAR BYAS TE MA MTHONG LA, DE LAS BZLOG PA'I SKYON GYI TSOGS YON TAN DU YANG RTOGS PA NA 'DI CHES BLUN PO KHO NA YIN PAS BLUN PO @82A *, ,KHO NAS RGYAL SRID 'THOB BO, ,BLUN POR GYUR PA'I RGYAL PO LA NI BRTZE BA NI MI GNAS TE, NGA RGYAL KLAGS PA'I PHYIR RO, ,MI'I BDAG PO BRTZE BA MED PA LA NI CHOS YOD PA YANG MA YIN TE, 'TSE BA ZAL CHE BA'I PHYIR RO, ,DE LA RGYAL PO BLO DANG LDAN PA ZHIG BRTZE BA DANG LDAN PA LA CHOS YOD DO ZHES BYA BA 'DOD PA GANG YIN PA DE NI MA YIN NO, ,GANG ZHIG GLA BLANGS BZHIN DU YANG 'GRO BA SKYONG BAR MI BYED PA DE NI, ZHAG RE ZHING RKUN PO NYID YIN GYI RGYAL PO MA YIN TE, RGYAL PO BRTZE BA MED PA DRAG POS BYIN GYI BLON PO BZHIN NO, , RGYAL PO DRAG POS BYIN GYI BLON PO ZHIG GIS CHAD PAS PHOG PA'I MI GSER 'JAL BAR BYED DU GZHUG PAR MA NUS PAR GYUR PAS, KHYOD JI LTAR MI NUS ZHES DE LA RGYAL PO DE KHROS PAR GYUR PA DANG, DE LA GROGS BSHES TSAN DE ZHIG YOD PAR GYUR PAS DE LA DES BZLAS SO, ,DES SMRAS PA, 'JAL DU GZHUG GIS ZHES SMRAS SO, ,DE NAS DES JI LTAR 'JAL BAR BYED PAR 'GYUR BAR GZIR BA DRAG PO BRTZAMS LA RGYAL PO DES KYANG TSAN DE NYID BLON POR GZHAG GO , ,DES KYANG RGYAL PO MNYES PAR BYA BAR 'DOD PAS SDIG PA'I LAS CHEN PO BYAS TE, MTHAR DES GANG GI TSE MTSON CHAS GSOD MA NUS PA DE'I TSE GNAS THAMS CAD MES BSREGS SHING DER SROG CHAGS 'BUM PHRAG MANG PO GSAD PAR GYUR LA, RGYAL PO DES KYANG DE LA RJES SU YI RANG PAR BYAS SO, ,DE'I PHYIR DE LTAR NA GANG NA BLUN PO NYID YOD PA DE NA BRTZE BA YOD PA MA YIN LA, GANG NA BRTZE BA MED PA DER YANG BSOD NAMS DANG PHRAD PA LTA GA LA YOD, RGYAL PO RNAMS LA YANG 'DI DAG THAMS CAD YOD DE DE'I PHYIR SRUNG BAR BYED PA PO YIN YANG 'DI DAG LA CHOS YOD PA MA YIN NO, ,'DIR BSHAD PA, GANG PHYIR BRTZE BA'I BDAG CAN RNAMS, ,CHOS RTZA 'TSE MED YIN SMRA BA, ,DE YI PHYIR NA MI BDAG NI, ,BRTZE BA MED LA CHOS YOD MIN, ,'DIR SMRAS PA, DRANG SRONG GIS BYAS PA'I RGYAL RIGS KYI CHOS KYIS 'TSE BA BYAS KYANG RGYAL PO LA CHOS MA YIN PA MED DO, ,BSHAD PAR BYA STE, DRANG @82B SRONG RNAMS KYI SPYOD PA KUN, ,MKHAS PAS BYED PA MA YIN TE, ,GANG GI PHYIR NA DE DAG LA'ANG, ,DMAN 'BRING KHYAD 'PHAGS YOD PHYIR RO, ,MKHAS PA NI DRANG SRONG RNAMS KYI SPYOD PA THAMS CAD BYED PA MA YIN TE, GANG GI PHYIR DE DAG LA YANG DMAN PA DANG 'BRING DANG KHYAD PAR DU 'PHAGS PA NYID YOD PA'I PHYIR RO, ,'DIR MKHAS PAS NI DRANG SRONG RNAMS KYI LUS DANG NGAG DANG YID DAG GI G-YO BA THAMS CAD KHO NA BYA BA MA YIN TE, 'DI LTAR DRANG SRONG DE DAG LA YANG DMAN PA DANG 'GRING DANG KHYAD PAR DU 'PHAGS PA NYID YOD PA'I PHYIR RO, ,DE LA GANG GI BSTAN BCOS LAS 'TSE BA BYED PA'I DBANG GIS CHOS SU BSHAD PA DE NI DMAN PA'O, ,GANG ZHIG 'GYUR RAM MI 'GYUR SNYAM DU THE TSOM ZA BA DE NI 'BRING NGO, ,GANG ZHIG 'TSE BA NI CHOS MA YIN PA KHO NA'O ZHES BYA BAR 'DOD PA DE NI KHYAD PAR DU 'PHAGS PA'O, ,DE'I PHYIR DRANG SRONG PHYI ROL PA THAMS CAD KYI BSTAN BCOS NI TSAD MA MA YIN NO, ,DE LA GANG DRANG SRONG GIS BYAS PA'I RGYAL RIGS KYI CHOS KYI 'TSE BA BYAS KYANG, RGYAL PO LA CHOS MA YIN PA MED DO ZHES 'DOD PA DE NI MA YIN NO, ,SNA TSOGS SGRA DANG GNAS 'JOG DANG, ,DZA MAD DAG NI 'BU BZHIN TE, ,SNA TSOGS SGRA DANG GNAS 'JOG DANG, ,DZA MAD DAG NI 'BU RNAMS LA, ,RKU BA DANG BZA' BAR BYA BA MA YIN PA ZA BA DANG, BGROD PAR BYA BA MA YIN PA LA BGROD PA DANG, SROG GCOD PA LA SOGS PA GRAGS PA'I PHYIR RO, ,DE LA SNA TSOGS SGRAS 'JA'U DANG BZA' BAR BYA BA MA YIN PA ZA BAR GRAGS TE, KHYI 'TSED DAG LAS KHYI SHA 'PHROG PAR 'DOD NAS DES, ,GSON PAS SDIG PA'I LAS NI RGAL NUS TE, ,BDAG CAG KHYAD PAR LAS 'DI CHAD PA ZHIG, ,KHO BO SHI NAS SDIG PA 'DI RGAL BAR, ,MI NUS DE PHYIR KHYI SHA 'DI BZA'O, ,ZHES SMRAS SO, ,GNAS 'JOG GDOL BA MO DBANG MO PHRENG BA CAN LA LOG PAR ZHUGS SHING, DE NAS BU DAG SKYES SO ZHES BYA BAR YANG THOS SHING GRAG GO , ,DZA MAD DAG NA'I BUS KYANG BE'U PHROGS PAS KHROS NAS KRI TA BIRYA'I BU SRID SGRUB KYI LAG PA STONG LHUNG BAR BYAS TE, NGUL ZHING BZOD DANG LDAN PAR @83A *, ,GYUR KYANG GSHIS NGAN SKYE BO RNAMS KYIS DE DANG DE'I, ,NYES RMA DAG GIS NAN GYIS DRANG SRONG GI YID BRTAN BRAL KHO NA BCAS BYED 'GYUR TE, ,BA BE'U KHYER BAS 'JO BA'I DUS KYI 'BU SGRA DAG GIS SHIN TU NYES BRAL BA'I, ,RA MA'I DGRA STA'I SO LA MI YI BDAG PO RNAMS ZHUGS GANG YIN DES BYAS SO, ,ZHES DE SKAD DU YANG SMRAS SO, ,DE BZHIN DU MAS SBAD NAS DE NYID KYIS LAN NYI SHU RTZA GCIG TU SA STENGS RGYAL RIGS MED PAR BYAS SO, ,DE LA MAS 'DI SKAD SMRAS PAR GRAG STE, RNAM BRGYAR DKA' THUB CAN DRANG 'JAM PA'AM, ,GANG RUNG BLA STE PA ROL PO RNAMS KYI, ,G-YUL NGOR KHYOD KYIS 'GROS TSOM MED PA'I RGYU, ,GCIG LA'ANG LTOS PA BYAS PAR MA GYUR NA, ,GNOD PAR 'GYUR DANG MNYAM PA'I LAS KYIS SU, ,NUS LDAN MI NI TSIM PAR MI 'GYUR GYI, ,DPA' BO KLAGS TE GNOD BYOS DGRA BO NI, ,SDANG RNAMS RTZA BA MA LUS 'DON PAR GYIS, ,ZHES BYA BA'O, ,DE NAS DE G-YUL SPROD PAR 'DOD PAS 'ONGS PA'I GZHU KLOD PA'I SGRA THOS PAR GYUR TE, DZA MED DAG NA'I BU YI GZHU YI SGRA, ,RGYAL PO RNAMS KYI PHO BRANG 'JOMS 'JOMS LTAR, ,RA BA'I RTZE LAS 'DAS PAR GYUR PA YIS, ,BTZON BYAS BU NI SKRA NAS BZUNG LTAR GYUR, ,ZHES BYA BA'O, ,'DIR BSHAD PA, SKYES BU GANG GIS DON BYAS NAS, ,NGES PAR NGAN 'GROR 'GRO 'GYUR BA'I, ,BSTAN BCOS DE NI BDAG DON LA, ,MKHAS PAS TSAD MAR BYA BA MIN, ,'DIR SMRAS PA, GANG GI PHYIR RGYAL PO GNA' RABS RNAMS KYIS BSTAN BCOS KYI DON TSAD MAR BYAS NAS, 'BYOR PAR 'GYUR BA'I SA YANG DAG PAR BSKYANGS PA DE'I PHYIR YANG BSTAN BCOS TSAD MA YIN NO, ,BSHAD PAR BYA STE, SNGAR GYI SA BDAG DGE RNAMS KYIS, ,'JIG RTEN BU LTAR BSKYANGS PA DE, ,RTZOD DUS CHOS LA BRTEN RNAMS KYIS, ,DENG SONG RI DAGS DGON PAR BYAS, ,RTZOD PA'I DUS KYI SNGA ROL DU 'KHRUNGS PA'I SA BDAG 'KHOR LOS SGYUR BA LA SOGS PA DGE BA STE RIGS PA DANG MI RIGS PA YONGS SU DPYOD PA, DGE BA BCU'I LAS KYI LAM LA RAB TU GNAS SHING, BU GCIG PA SDUG PA LTAR 'GRO BA LA DGA' BA DANG, @83B RJES SU 'BREL BA RNAMS KYIS NI CHOS DANG MTHUN PA'I BSTAN BCOS TSAD MAR BYAS SHING, CHOS MA YIN PA DANG MTHUN PA YONGS SU SPANGS TE, 'JIG RTEN YONGS SU BSKYANGS NA, DA LTAR NI RTZOD PA'I DUS SU SKYES PA'I RGYAL PO RANG GI SEMS KYI BDAG NYID NGAN PA'I GZHAN GYI DBANG DU GYUR PA NOR TZAM GTZO BOR GYUR PA SNYING RJE MED PA RNAMS KYIS CHOS MA YIN PA DANG RJES SU MTHUN PA'I BSTAN BCOS TSAD MAR BYAS SHING, CHOS DANG MTHUN PA BOR NAS JI LTAR RI DAGS KYI DGON PAR GYUR PA DE LTAR 'JIG RTEN STONG PAR BYAS TE, DE'I PHYIR YANG CHOS MA YIN PA DANG LDAN PA'I BSTAN BCOS TSAD MA MA YIN NO, ,KLA KLO BU RAM GYI SHING YONGS SU RDZOGS PAR MA SKYES PA 'TSIR BA BZHIN NO, ,KLA KLO'I RKUN PO GANG ZHIG GTI MUG PAS BUR SHING YONGS SU RDZOGS PAR MA SKYES PA 'TSIR BAR BYED PA DE NI DON MA YIN PA KHO NA BYED KYI DON NI MA YIN PA DE BZHIN DU, GAL TE RGYAL PO YANG BSKYANG BAR BYA BA MI SKYONG NA DE LA 'DI'I DON MED CING PHA ROL GYI DON MED DE, BSOD NAMS MA YIN PA MANG PO BYED PA'I PHYIR RO, ,'DIR BSHAD PA, GANG LAS RANG GZHAN YUL 'KHOR LA, ,RNAM PAR DBYE BA MA BYAS PA'I, ,SKYE DGU BDER 'GYUR BSTAN BCOS DE, ,MKHAS PA RNAMS KYIS BSTI STANG BYAS, ,'DIR SMRAS PA, 'DIR RGYAL PO GLAGS DAG LA BAB NA DGRA LA SNUN PA LA CHOS MA YIN PA MED DE, BSTAN BCOS LAS MTHONG BA'I PHYIR RO, ,BSHAD PAR BYA STE, GLAGS SU SNUN PA'I RGYAL PO LA, ,GAL TE SDIG PA YOD MIN NA, ,RKUN PO GZHAN RNAMS LA'ANG DE, ,DANG PO NYID DU YOD MA YIN, ,GAL TE DGRA BO DAG GAM GZHAN MA DAG LA'ANG RUNG STE, GLAGS DAG LA BAB PA NA SNUN PA'I RGYAL PO LA SDIG PA YOD PA MA YIN NA, RKUN PO RGYAL PO LAS GZHAN PA'I RKUN PO NOR BSRUNG BA RNAMS LA YANG GLAGS CUNG ZAD CIG RNYED NAS, GZHAN GYI NOR 'PHROGS PA RNAMS LA YANG GLAGS SU SNUN PA NYID KYIS THOG MAR SDIG PAR MI 'GYUR BA BYA DGOS TE, DE RNAMS GLAGS SU SNUN PA NYID DU THU BOR GYUR PA'I PHYIR RO, ,RGYAL PO LA NI PHYIS TE, 'DI NI DE LTAR YANG MA YIN NO, ,DE'I PHYIR RGYAL PO GLAGS @84A *, ,DAG TU SNUN PA LA SDIG PA YOD PA MA YIN NO ZHES BYA BAR GANG 'DOD PA DE NI MA YIN NO, ,RGYAL BU MA PHAM SDE BZHIN NO, ,RGYAL PO 'GA' ZHIG GIS GANG BLUN PO ZHIG LA GANG GI TSE NGA 'CHI BAR GYUR PA DE'I TSE NGA'I SPUN ZLA RGYAL BU GZHON NU MA PHAM SDE RGYAL SRID LA DBANG BSKUR CIG CES SMRAS PAR GYUR LA, DE NAS BLON PO DES RGYAL PO DE SHI BA DANG GLAGS SU SNUN TE RGYAL PO GZHON NU DE GSAD CING BDAG NYID KYIS RGYAL SRID DE BZUNG NGO, ,SDIG PA SPYOD PA'O ZHES DE LA 'JIG RTEN DU GRAGS PA MA YIN PA RAB TU GNAS SHING, PHA ROL DU YANG BSOD NAMS MA YIN PAS NGAN 'GROR LHUNG BAR 'GYUR RO, ,DE BZHIN DU GLAGS SU SNUN PA'I RGYAL PO RNAMS LA YANG JI LTAR GRAGS PA MA YIN PA DANG SDIG PAR MI 'GYUR, 'DIR BSHAD PA, NAG PO'I LAS GANG DES BYAS PA, ,DE LAS 'BRAS DKAR MI 'BYUNG STE, ,RUL BA'I SHING GI SA BON LAS; ,TZAM PA'I SHING GI MYUG MI 'BYUNG, ,'DIR SMRAS PA, G-YUL NGOR DGRA BO DAG PHAM PAR BYAS TE, RANG GI DPA' BO'I RNAM PAR GNON PAS BSAGS PA'I NOR PHUN SUM TSOGS PA MTHONG BA NA RGYAL PO YONGS SU DGA' BAR 'GYUR LA, CI STE 'DI G-YUL NGOR SHI BAR GYUR NA NI, DE'I TSE 'DIS G-YUL DU BDAG NI YONGS SU DOR BAS GDON MI ZA BAR MTHO RIS SU 'GRO STE, BSAD NA MTHO RIS THOB PA 'AM, ,PHAB STE SA BDAG SPYOD 'GYUR GYIS, ,DE YI PHYIR NA KON TI'I BU, ,'GYED LA NGES BYAS LANGS PAR BYOS, ,ZHES KYANG SMRA'O, ,BSHAD PAR BYA STE, CHANG SOGS DAG LA BDOG PA KUN, ,YONGS GTONG MCHOD PA MA YIN NA, ,G-YUL NGOR BDAG KYANG YANG GTONG BA, ,MCHOD PA SNYAM DU SEMS SAM CI, ,CHANG DANG RGYAN PO DANG BUD MED SMAD 'TSONG RNAMS LA BDOG PA KUN GSAL BAR GTONG BA RNAMS NI BSOD NAMS LA GTONG BA MA YIN ZHING, SKYE BO DAM PA'I THUGS MNYES PAR BYED PA YANG MA YIN TE, GTONG PA DE CHAGS PA DANG RJES SU 'BREL BA'I PHYIR RO, ,DE BZHIN DU G-YUL NGOR BDAG NYID DNGOS PO YONGS SU GTONG BA YANG MCHOD PAR BYA BA MA YIN PA NYID DE, DE NI BSOD NAMS MA YIN PA'I GNAS YIN PA'I PHYIR RO, , @84B 'DI LTAR G-YUL 'GYED PA NA RNGAM PA DANG BCAS PAR RGYUG CING, BRTZE BA DANG BRAL BAS MI GZHAN LA BRTZE BA MED PA'I BSAM PA CAN, GSAD PA'I PHYIR GZHAN GYI MGO LA MIG GTAD PA MTSON 'PHYAR BZHIN PA ZHIG DGRA PHA ROL POS BSAD PA LA MTHO RIS SU 'GRO BA SRID PAR JI LTAR RIGS, DE LA G-YUL NGOR SHI BA GDON MI ZA BAR MTHO RIS SU 'GRO'O ZHES KHYOD 'DOD PA GANG YIN PA DE NI MA YIN NO, ,GNAG RDZI MOS GYOS PO LA LUS STOB PA BZHIN NO, ,GNAG RDZI MO 'GA' ZHIG GIS KHYO 'GRON LA SONG BA DANG, GYOS PO LA CHES KHYAD DU BSAD PAR GYUR TO, ,DE NAS GNAG RDZI RGAN PO DES DE 'ONGS PA NA DON DE GO BAR BYAS SHING, GAL TE KHYOD KYI CHUNG MA PHYIS YANG BDAG CAG LA KHYAD GSOD BYED NA NI KHYOD KYI KHYIM DU MI 'DUG GO ZHES KYANG SMRAS SO, ,DE NI BUD MED BLA MAR MI BYED CING PHA LA SNYING NYE BA ZHIG STE, DES DE LA SBYOS NAS YANG NGA'I PHA LA YANG KHYAD GSOD BYED NA NI KHYOD BDAG GI KHYIM DU BSDAD DU MED KYIS, 'DI'I BYA BAR DKA' BA YANG GYIS LA SBYIN PAR DKA' BA YANG 'DI LA BYIN CIG CES SMRAS LA, DES KYANG DE KHO NA LTAR KHAS 'CHES SO, ,DE NAS YANG KHYO 'GRON LA SONG BA DANG, DES LDOG CING LDOG CING GYOS PO LA GUS PA DAM PAS SRID ZHU BYAS PAR GYUR LA, KHRUS DANG, BSKU BYUG DANG, PHRENG BA SBYIN PA DANG, ZAS DANG, SKOM DANG, BZA' BA GYA NOM PAS NYIN PAR RIM GRO BYAS SHING MTSAN MO CHU DRON POS DE'I RKANG PA BKRUS SHING, TIL MAR BSKUS NAS RANG GI GOS PHUD DE SGREN MOR SBYOR BA NGAN PA BYED PA'I TSUL GYIS DE'I MAL DU NYAL BAR BRTZAMS SO, ,GNAG RJE RGAD POS SMRAS PA, KVA'I SDIG CAN MA 'DIS CI ZHIG BRTZAMS, GNAG RDZI MOS SMRAS PA, BDAG LA KHYOS KHYOD KYIS 'DI LA BYA DKA' BA YANG GYIS LA SBYIN PAR DKA' BA YANG BYIN CIG CES SMRAS KYIS, 'DI LAS CES BYA DKA' [?] BA DANG, SBYIN PAR DKA' BA'I LAS SBYIN DKA' BA YANG MED DO, ,GNAG RDZI RGAD POS SMRAS PA, BDAG DBYUNG BA'I PHYIR THABS BSHAMS KYIS DGA' BAR SDOD CIG PHYIN CHAD KHYIM 'DIR MI 'DUG GO ZHES SMRAS TE PHYIR BYUNG BAR GYUR TO, ,DE'I BU DE 'ONGS PAR DE PHA MA MTHONG STE CHUNG MA LA DE GAR SONG ZHES @85A *, ,DRIS PAS, DES RJE BO BDAG LA MA TSANG BA CI YANG MED KYI, BDAG GIS MCHOG TU GUS PAS DE LA SNYING NYE BA DANG, NAM ZLA LA BA SOD PA'I KHRUS DANG BYUG PA DANG BZA' BA LA SOGS PAS ZHABS 'BRING BYAS LA, JO BOS JI SKAD BKA' STZAL PA LTAR BYA DKA' BA YANG BYAS LA, SBYIN PAR DKA' BA YANG BYIN MOD KYI, DE LTAR BYAS KYANG BDAG NAN GYIS BOR NAS SONG NGO ZHES SMRAS SO, ,KHYOD KYIS CI BYAS ZHES DRIS PAS YANG BYUNG TSUL SNGA MA BSHAD DO, ,DE NAS PHA LA GUS PAS DES DE BSKRAD DE KHYIM NAS PHYUNG LA, PHA LA SNGO BSRING BYAS NAS RANG GI KHYIM DU BCUG GO, ,JI LTAR CHUNG MA NGAN PA GNAG RDZI MO 'DI'I LUS GYOS PO LA SBYIN PA BYIN PA MCHOD PA MA YIN PA DE BZHIN DU, RGYAL PO NGAN PA SEMS CAN RNAMS KYI G-YUL NGOR SROG GTONG BA YANG MCHOD PA MA YIN NO, ,'JIG RTEN DU YANG SKYON CAN YIN PA'I PHYIR CHANG LA SOGS PA DAG LA BDOG PA THAMS CAD GTONG BA MCHOD PA MA YIN NO, ,'DIR BSHAD PA, GAL TE G-YUL NGOR SHI BA NI, ,LHUN PO'I RTZE MOR NGES 'GRO NA, ,SKU TSE SHI BA RNAMS KYANG NI, ,DE LTAR 'GRO BAR CIS MI 'GYUR, ,'DIR SMRAS PA, 'DI NA RGYAL PO 'JIG RTEN THAMS CAD KYI MGON NYID BYED PA GANG YIN PA DE NYID DE'I DGA' BA'I RGYU TSAR PHYIN PA YIN NO, ,BSHAD PAR BYA STE, RGYAL PO 'JIG RTEN MGON KHYOD LA, ,MGON 'GA' YOD PA MA YIN NA, ,MGON MED DE YIS BDAG NYID NI, ,MA BTANG SU ZHIG DGA' BAR 'GYUR, ,'DIR RGYAL PO NI 'JIG RTEN THAMS CAD KYI MGON YIN TE 'DI LTAR 'JIG RTEN NI DE'I RJES SU BSTAN PAS RANG GI SROG DANG, NOR BSRUNG BA'I DON DU MI RIGS PA SPANGS NAS RIGS PA'I LAS LA 'JUG GO, ,RGYAL PO LA NI RANG DGAR SPYOD PA NYID KYI PHYIR NA RJES SU STON PA PO MGON 'GA' YANG YOD PA MA YIN LA, MGON MED PA ZHES BYA BA YANG MCHOG TU RGUD PA RNAMS KYI GZHI YIN TE, RANG YAN DU 'GYUR ZHING RJES SU 'CHOS PA PO DANG BRAL BA LA RIGS PAR RO GCIG PA'I 'JUG PA GA LA YOD, DE'I PHYIR 'DI GYA RGUD KYI BAR NA GNAS PA NA GAL TE BDAG NYID YONGS SU BTANG BAR GYUR PA MA YIN NA NI DE'I TSE MGON @85B NYID DES DGA' BAR MI 'GYUR RO, ,DE'I PHYIR 'JIG RTEN GYI MGON NYID NI 'DI'I DGA' BA'I RGYUR MI RUNG NGO, ,DE'I PHYIR BAG MED PA'I GNAS NA GNAS PA NYID KYI PHYIR SKYO BA NYID MCHOG TU BTUS PAR 'GYUR GYI, YONGS SU MGU BA NI MA YIN NO, ,DGE 'DUN GYI GNAS BRTAN SO SO'I SKYE BO LA PHYAG 'TSAL BA BZHIN NO, ,JI LTAR DGE 'DUN GYI GNAS BRTAN SO SO'I SKYE BO MGON MED PA ZHIG PHYAG LA SOGS PAS DGA' BAR 'GYUR BA DE BZHIN DU, RGYAL PO MGON MED PA YANG RAB TU 'DUD PA DANG BKUR STI LA SOGS PAS DGA' BAR 'GYUR RO, , 'DIR BSHAD PA, MKHAS GANG GSON PA'I 'JIG RTEN NA, ,DNGOS PO 'DI LAS SLAR YANG NI, ,'BYUNG BAS GZHAN LA TSOL BA YIS, ,MGON MED DNGOS POS DGA' BAR 'GYUR, ,'DIR SMRAS PA, GANG GI PHYIR CHAD PA ZHAN PA'I RGYAL PO LA GRAGS PAR MI 'GYUR LA, RGYAL PO CHAD PA DRAG PO CAN LA NI SHI YANG GRAGS PA RJES SU 'JUG PA YANG YIN TE, DE'I PHYIR RGYAL POS CHAD PA DRAG PO CAN DU BYA DGOS SO, ,BSHAD PAR BYA STE, RGYAL PO SHI BAR GYUR PA LA'ANG, ,GRAGS PAS YON TAN DGA' MI 'BYUNG, ,KHYOD YOD MED DANG KHYI 'TSED LA, ,GRAGS PA CHEN PO CI STE MED, ,GAL TE SHI BAR GYUR KYANG RGYAL PO LA GRAGS PA'I SGO NAS YON TAN GYI KHYAD PAR 'GA' ZHIG 'BYUNG BAR 'GYUR NA NI, RGYAL POS CHAD PA DRAG PO CAN DU BYA BAR RIGS PA ZHIG NA, GRAGS PA'I SGO NAS DE LA YON TAN GYI KHYAD PAR 'GA' ZHIG YOD PA YANG MA YIN TE, GRAGS PAS NI DE'I SDIG PA DE RNAM PAR SEL BA MA YIN NO, ,CI STE BDAG GI GRAGS PA 'JIG RTEN JI SRID GNAS PA DE SRID DU BDAG RNAM PAR LHUNG BA MED PA'I CHOS CAN DU 'GYUR BAS GRAGS PAS YON TAN DU 'GYUR RO SNYAM NA, BSHAD PAR BYA STE, BRTZE BA MED PA DANG, RKU BA [?] LA SOGS PA YON TAN MED PA'I TSOGS RNAM PA SNA TSOGS PA YANG KHYOD LA CI STE MED, GANG GI PHYIR KHYOD LA YON TAN MED PA CHER YOD PA DE'I PHYIR DE'I RGYU CAN GYI GRAGS PA CHEN POS NGES PAR SDIG PA BSAGS PA LAS, KHYOD NGAN 'GROR LTUNG BA'I MTHAR PHYIR PA GCIG PUR BYED PAR 'GYUR RO, ,GAL TE GRAGS PAS KHA NA MA @86A *, ,THO BA'I DRI MA 'KHRU BAR BYED NA NI DE'I TSE KHYI 'TSED DAG LA YANG KHYI RNAMS LA BRJID DANG LDAN PA NYID KYIS GRAGS PA CHEN PO YOD PAS KHYI 'TSED DAG LA YANG 'KHRU BAR BYED PAR 'GYUR BA ZHIG NA, 'DI NI DE LTAR YANG MA YIN PAS GRAGS PAS DGOS PA CI YANG MED DE; DE'I PHYIR BDAG LEGS SU 'DOD PA'I RGYAL POS CHAD PA DRAG PO CAN MA YIN PAR BYA DGOS SO, ,BU MO LCEBS PA BZHIN NO, ,PHYUG PO'I BU MO ZHIG SHI STE, 'BYOR BA CHEN POS PHYIR 'BYIN PAR GYUR TO, ,BU MO GZHAN ZHIG GIS MTHONG LA MTHONG NAS KYANG BDAG LA YANG 'DI LTA BU'I 'BYOR BAR 'GYUR RO SNYAM STE, BDAG NYID 'GEG THAG LA DBYANGS TE SROG DANG BRAL BA NYID DU GYUR PA DE BZHIN DU, RGYAL PO YANG RGYAL PO DE SHI BAR GYUR KYANG DE LTAR RJES SU BSTAN PA 'BAR BAR GYUR TO ZHES GRAGS PA'I CHED DU SDIG PA BYED DO, ,'DIR BSHAD PA, GAL TE MA RUNGS RGYAL SHI LA, , GRAGS PAS YON TAN 'GYUR NA NI, ,RKUN PO MA RUNGS PA LA YANG, ,CI PHYIR DE LTAR 'GYUR MA YIN, ,'DIR SMRAS PA, RIGS DANG LDAN PA'I RGYAL PO GANG YIN PA DE NYID RGYAL THABS LA 'OS KYI GZHAN NI MA YIN TE, DE'I PHYIR 'DI'I RGYAGS PA RIGS SO, ,BSHAD PAR BYA STE, GANG TSE KUN GYI DBANG PHYUG NYID, ,BSOD NAMS KYIS BSKYED DE YI TSE, ,'DI NI DBANG PHYUG BRTEN MIN ZHES, ,BRJOD PAR RNYED PA MA YIN NO, ,GANG DANG GANG LA LONGS SPYOD YANG DAG PAR 'GRUB PAR 'GYUR BA'I LAS BSOD NAMS ZHES BYA BA YOD PA, DE DANG DE LA DBANG PHYUG NYID PHUN SUM TSOGS PAR 'GYUR LA; LAS DE YANG GCIG LA NGES PA MA YIN NO, ,GANG GI TSE SEMS CAN 'DI NI DBANG PHYUG NYID LA BRTEN PA MA YIN NO ZHES BRJOD PAR MI NUS NA DE'I TSE 'DI LA 'DIS RGYAGS PA BSKYED PAR MI RIGS TE, BZO SLOB PA BZHIN NO, ,JI LTAR BZO SLOB PA 'JIG RTEN THAMS CAD KYI THUN MONG STE, GANG 'GA' ZHIG 'DOD PA DE THAMS CAD SLOB PA DE BZHIN DU BSOD NAMS DAG BYAS NA RGYAL SRID 'THOB BO, ,'DIR BSHAD PA, GANG TSE LAS BDAG 'JIG RTEN NA, ,RANG BYAS 'BRAS BU LA SPYOD PA, ,DE TSE MI DBANG BDE THOB PAS, ,DE LA PHRAG DOG MI BYA'O, ,'DIR SMRAS PA, GANG GI PHYIR @86B RGYAL SRID YONGS SU SKYONG BA'I CHOS NI RGYAL RIGS KHO NA LA BSHAD KYI, GZHAN RIGS GSUM LA NI MA YIN TE, DE'I PHYIR RIGS DANG LDAN PA'I RGYAL RIGS KHO NAS RGYAL SRID BYA DGOS TE, GZHAN DAG GIS NI MA YIN NO, ,DE'I PHYIR 'DI'I RGYAGS PA RIGS PA NYID DO, ,BSHAD PAR BYA STE, 'TSO BA'I THABS SO COG LA'ANG, ,'JIG RTEN NA NI RIGS ZHES BSNYAD, ,DES NA SEMS CAN THAMS CAD LA, ,RIGS LAS DBYE BA YOD MA YIN, ,'DI DAG NI 'TSO BA'I THABS SHIG STE, 'DI LTA STE, RGYAL RIGS LA SOGS PA'I RIGS DAG GO, ,'DI LTAR BSKAL PA DANG POR NI SEMS CAN THAMS CAD PHYI ROL GYI RKYEN SA BON LA MI LTOS PAR SKYE BA NYID KYI PHYIR RDZUS TE SKYE ZHING, YID TZAM LAS SKYES PA'I PHYIR YID LAS BYUNG BA RANG GI 'OD CAN, RDZU 'PHRUL DANG LDAN PA, NAM MKHA' LA 'GRO BA DGA' BA ZA ZHING DGA' BA'I CHOS CAN PHO DANG MO'I DBANG PO DANG BRAL BA STE, DE'I PHYIR 'DI DAG THAMS CAD RDZUS TE SKYE BA'I SKYE GNAS LAS BYUNG BA NYID KYI PHYIR RIGS LAS THA DAD PA NYID MI SRID DO, ,DE'I DUS PHYIS NI KHAM GYI ZAS LA ZHUGS SHING ZAS CHES RAGS PA LA GOMS PAR BYED PA NA, DE'I RGYU MTHUN PA DBYUNG BAR BYA BA'I PHYIR GCIN DANG PHYI SA'I LAM BYUNG BA, PHAN TSUN PHO DANG MO'I DBANG POS BYAS PA'I DBYIBS THA DAD PA LTA BA NA, TSE SNGA MAR GOMS PA'I DBANG GIS 'DOD PA'I 'DOD CHAGS SKYE BA RNAMS LA PHAN TSUN LOG PAR ZHUGS PAS MNGAL NAS SKYE BA'I SKYE GNAS BYUNG BAR GYUR TO, ,DE NAS 'JIG RTEN DU SOG 'JOG GI SKYON GYIS MA BYIN PAR LEN PA LA SOGS PA LA ZHUGS PAS RANG GI 'TSO BA'I BYA BA'I KHYAD PAR KHAS BLANGS PA LAS RIGS THA DAD PAR GYUR TO, ,'DI LTAR, SKYE BO'I TSOGS PHAL PO CHES ZHING BSRUNG BA'I PHYIR MI SBUS LA BAB PA ZHIG BSGOS PA DANG, LAS DE KHAS BLANGS PAS DE LA RGYAL RIGS ZHES BYA BAR GRAGS SO, , THUL BAR 'DOD PA GANG DAG DKA' THUB BSGRUB PAR BYA BA'I PHYIR, GRONG LAS YID PHYIR PHYOGS PAR GYUR PA DE DAG LA NI BRAM ZE ZHES BYA BAR GRAGS SO, ,RGYAL PO BKA' BZHIN BYED PA RNAMS NI RJE'U RIGS SO, ,RMO BA LA SOGS PA LAS NGAN PA LA SBYAR BA RNAMS NI DMANGS RIGS TE, @87A *, ,DE DAG LA YANG LAS KYI KHYAD PAR GYI NANG TSAN THA DAD PA LAS SKYES PA LA SOGS PA'I RIGS THA DAD PAR GYUR TO, ,DE LTA NA 'TSO BA'I THABS SO COG LA YANG, ,'JIG RTEN NA NI RIGS ZHES BRJOD, ,GANG GI PHYIR 'DI DE LTA YIN PA DE'I PHYIR SEMS CAN RNAMS LA RIGS KYIS BYAS PA'I DBYE BA YOD PA MA YIN NO, ,DE'I PHYIR KHYAD PAR MED PAS RIGS RGYAGS PA'I RGYUR MI RIGS TE, BUM PA SAR PA'I RNAM GRANGS BZHIN NO, ,JI LTAR BUM PA SAR PA RNAM GRANGS KYIS JI LTAR 'DOD PA BZHIN BYED DE, 'DOD PA'I SGO NAS 'BRU MAR GYI BUM PA DANG MAR GYI BUM PA'I BAR DU 'GYUR RO, ,BUM PA JI LTA BA DE BZHIN DU BSKAL PA DANG POR LAS GANG BYED PA DE LA RIGS ZHES BRJOD DO, ,'DIR BSHAD PA, RIGS NGAN NAM RIGS LDAN YANG SLA, ,LAS GANG GIS NI 'TSO 'GYUR BA, ,DE NAS BZUNG STE DE DE YI, ,RIGS SU DUS KYIS 'GYUR BA'O; ,'DIR SMRAS PA, GANG GI PHYIR RUS BZHI PO BRAM ZE'I RIGS DANG, RGYAL RIGS DANG, RJE'U'I RIGS DANG, DMANGS RIGS DAG RNAM PAR GNAS TE, RUS RNAM PAR GNAS PA DE'I PHYIR SEMS CAN RNAMS LA RIGS THA DAD PA ZHES BYA BA YOD DO, ,BSHAD PAR BYA STE, 'DAS DUS SHIN TU RING BA DANG, ,MI MO RNAMS YID G-YO BA STE, ,DE PHYIR RGYAL RIGS ZHES BYA BA, ,RIGS LAS 'GA' YANG YOD MA YIN, ,'DI NA PHA DANG MA DAG CING SKYES SHING SKYES PA LA RIGS BRGYUD CES BYA BAR BSNYAD NA DE NI RNYED PAR DKA' STE, BUD MED RNAMS LA 'KHRUL PA MTHONG BA'I PHYIR RO, ,DE LA 'DAS PA'I DUS RING BA NYID KYI PHYIR LA, BUD MED RNAMS KYI YID KYANG G-YO BAG CAN YIN PA'I PHYIR DE RNAMS LA RUS GZHAN DANG PHRAD PA LA BU TSA DAG SKYE STE, DE'I PHYIR RIGS YANG DAG PAR SUN PHYUNG BAR 'GYUR RO, ,DE'I PHYIR G-YEM MA RNAMS KYIS RIGS SUN PHYUNG BA RNAMS KYI RIGS KYIS BYAS PA'I RIGS BRGYUD KYI NGA RGYAL MI RIGS SO, ,DE'I PHYIR DE LTAR NA RGYAL RIGS ZHES BYA BA RIGS LAS YOD PA MA YIN NO, ,DENG SONG GI RGYAL PO DAG NI PHAL CHER DMANGS RIGS KYI SKYE GNAS CAN TE, DE DAG GI RGYAGS PA YANG MI RIGS SO, ,MDZES [?] NA @87B DA'I BUS RIL BA SPYI BLUGS BCOL BA DANG, RGYAS PA BZHIN NO, ,JI SKAD DU 'JIG RTEN 'JIG BZHIN PA NA MAR KAN DA'I BU YONGS SU 'KHYAM PA NA, KHYIM RJE BA DANG SPYI BLUGS RJE BAR GRAGS TE, DES BRAM ZE ZHIG GI KHYIM DU GSER GYI SPYI BLUGS ZHIG GTAMS LA, DES DUS YUN RING PO ZHIG NA KHYIM DER 'ONGS TE, BRAM ZE'I KHYIM 'DI NA SU YOD CES DRIS SO, ,DE DAG GIS SMRAS PA, 'DI NI BRAM ZE'I KHYIM MA YIN GYI 'DI NI RGYAL RIGS KYI KHYIM ZHIG GO, ,MAR KAN DA'I BUS SMRAS PA, GTAMS PA ZHIG YOD DE, BRAM ZE 'BA' ZHIG GIS GSER GYI SPYI BLUGS BZHAG GO, ,DE DAG GIS GSER GYI NI MED KYI, 'ON KYANG DNGUL GYI RANG BZHIN CAN ZHIG YOD DO ZHES SMRAS SO, ,DE DE DAG GI LAG TU DE GTAMS TE SLAR YANG DUS YUN RING PO ZHIG NA 'ONGS LA, RJE'U'I RIGS KYI KHYIM DU GYUR LA, SPYI BLUGS ZANGS KYI RANG BZHIN CAN DU'O, ,SLAR YANG DE DAG GI LAG TU BCOL NAS DUS GZHAN ZHIG NA 'ONGS BA DANG DE DMANGS RIGS KYI KHYIM DU GYUR LA, SPYI BLUGS KYANG LCAGS KYI RANG BZHIN CAN GYI BAR DU GYUR PAR GRAG GO, ,JI LTAR GSER GYI SPYI BLUGS 'DI DUS GZHAN DU GNAS SKABS DE DANG DER GYUR LA, KHYIM DE YANG GNAS SKABS THA DAD PAS THA DAD PAR GYUR PA DE BZHIN DU 'JIG RTEN GYI RIGS RJE BA YANG YIN NO, ,DE'I PHYIR RGYAL RIGS ZHES BYA BA'I RIGS LAS 'GA' YANG YOD PA MA YIN NO, ,RGYAS PA YANG SPOS LDAN DU RTZIB LOGS SKYES KYIS SNGA DRO KHUG RNA DKRIGS NAS NYA PA'I BU MO LAS BSKYED PAR GRAG STE, DE NI GLING DU SKYES PAS GLING SKYES ZHES KYANG BYA LA, RIG BYED LA CHAGS PAS RGYAS PA ZHES BYA'O, ,'DIR BSHAD PA, DUS LA MTHA' MED NYID PHYIR DANG, ,BUD MED TSOGS NI G-YO PHYIR TE, ,DE YI PHYIR NA MKHAS PAS 'DIR, ,RIGS KYI NGA RGYAL BYA MIN NYID, ,'DIR SMRAS PA, GAL TE RIGS KYIS RGYAL RIGS SU MI 'GYUR NA, DE'I TSE SKYE DGU SKYONG BA'I LAS KYIS RGYAL RIGS SU 'GYUR RO, ,BSHAD PAR BYA STE, GAL TE LAS KYIS DMANGS RIGS KYANG, ,RGYAL RIGS ZHES BYAR 'GYUR NA NI, ,LAS KYIS DMANGS KYANG BRAM ZER NI, ,GANG GIS 'GYUR BA MIN PAR SEMS, , @88A *, ,GAL TE DE LTA RGYAL RIGS MA YIN PA YANG RGYAL RIGS KYI LAS BYED PA NA RGYAL RIGS SU 'GYUR NA, DMANGS RIGS KYANG BRAM ZE'I LAS BYED CING LEN PA DANG 'DON PA NA BRAM ZER 'GYUR RO, ,DE LTA YIN NA YANG GZHAN YANG GZHAN GYI LAS LA SPYOD PA NA DE NYID DU 'GYUR RO, ,DE LA LAS KYIS RGYAL RIGS SU 'GYUR RO ZHES BYA BAR GANG 'DOD PA DE MA YIN TE, GRU PHA ROL DU 'GRO BA BZHIN NO, ,JI LTAR GRU PHA ROL DU 'GRO BA DANG 'ONG BAR 'GYUR LA, DER KLUNG GI 'GRAM GNYIS NA 'DUG PA DANG GRU PHA ROL TU SONG NGO ZHES SMRA MOD KYI, RANG LAS GRUB PA'I PHA ROL NI CI YANG YOD PA MA YIN PA DE BZHIN DU BRAM ZE'AM RGYAL RIGS KYANG MA GRUB BO, ,GAL TE DMANGS RIGS LAS KYIS RGYAL RIGS SU 'GYUR NA NI, DE BZHIN DU BRAM ZE YANG LAS KYIS DMANGS RIGS SU 'GYUR TE, RGYA SKYEGS DANG NI LAN TSVA DANG, ,SHA YIS 'PHRAL DU NYAMS PAR BYED, ,'O MA 'TSONG BA'I BRAM ZE GANG, ,NYI MA GSUM GYIS DMANGS RIGS 'GYUR, ,ZHES BYA BA LA SOGS PA SMRAS PA YANG YIN NO, ,'DIR BSHAD PA, GAL TE LAS KYIS RUS 'GYUR NA, ,DE LA RIGS NI RGYU MA YIN, ,DE DAG GNYIS LAS KYANG MIN TE, ,GANG PHYIR RIGS SNGAR SUN PHYUNG ZIN, ,'DIR SMRAS PA, GANG GI PHYIR RGYAL SRID KYI DBANG PHYUG CHEN POS SKYE BO PHAL PO CHE LA DUS LA BAB PAR DBANG PHYUG BGED PAR BYA BAR NUS PA DE'I PHYIR, RGYAL POS CHE SA PHYUG PAR 'DOD PAR BYA DGOS SO, ,BSHAD PAR BYA STE, RGYAL PO SDIG LA DBANG PHYUG LTAR, ,BGED PA YOD PA MA YIN NA, ,GZHAN GYI DON DU MKHAS PA NI, ,SU ZHIG PHYI MAR 'JOMS PAR BYED, ,RGYAL POS DUS RING POR BSAGS PA'I DBANG PHYUG CHEN PO SKYE BO PHAL PO CHE LA BGED PAR NUS PA BDEN MOD KYI, DE NI SKYE BO PHAL PO CHE GZIR BA MED PAR SGRUB PAR MI NUS SHING, SKYE BO PHAL PO CHE GZIR BAS KYANG NGES PAR SDIG PA CHEN POR 'GYUR LA, SDIG PA CHEN PO LAS KYANG PHYI MAR BDAG NYID LA SDUG BSNGAL CHEN POR 'GYUR DGOS SO, ,JI LTAR DBANG PHYUG BGED PA DE LTAR DE'I CHED DU KHA NA MA THO BA BSAGS PA BGED PAR BYA BAR MI NUS TE, 'ON KYANG GCIG PU KHO NAS SDUG @88B BSNGAL DE NYAMS SU MYONG BAR BYA DGOS SO, ,DE'I PHYIR MKHAS PA SU ZHIG GZHAN LA PHAN GDAGS PA CHUNG NGU'I DON DU NOR BGED PAR BYA'O ZHES DON MA YIN PA MI CHUNG BA STOB PA LA MKHAS PA'I KHA NA MA THO BA THUN MONG MA YIN PA NYE BAR SOGS SHING PHYI MAR BDAG NYID 'JOMS PAR BYED PAR 'GYUR, DE'I PHYIR 'DI NI NGO TSA BA'I GNAS YIN GYI DREGS PA'I NI MA YIN NO, ,MA HE'I MCHOD SBYIN LTA BU DANG, ,SHAN PA'I BU BZHIN NO, ,JI LTAR MA HE'I MCHOD SBYIN BYA BA'I PHYIR GCIG GIS GSOD CING MANG PO RNAMS KYIS ZA BAR 'GYUR LA, SDIG PA DE YANG GSOD PA PO DE KHO NA LA 'GYUR BA DE BZHIN DU, RGYAL PO RGYAL SRID KYI PHYIR SDIG PA'I LAS BYED CING, LONGS SPYOD NI MANG PO ZHIG GIS LONGS SPYOD LA, DES BYAS PA'I SDIG PA NGAN 'GROR 'BRAS BU SHIN TU MI BZAD PA CAN NI RGYAL PO DE NYID LA 'GYUR RO, ,YANG JI LTAR SHAN PA'I BU ZHIG SDIG PA LA 'JIGS PAS RI DAGS LA SOGS PA RNAMS GSOD PAR MI BYED PAS, DE LA GNYEN 'DAB KYIS KHYOD SOD CIG, ,DER GANG CHOS MA YIN PAR 'GYUR BA DE NI 'O SKOL THAMS CAD LA THUN MONG NYID DU 'GYUR RO ZHES SMRAS PA DANG, DES THABS KYIS BDAG GI MGO LA TSOR BA'I SDUG BSNGAL CHEN PO ZHIG YOD KYIS DE BGOS SHIG CES SMRAS SO, , DE DAG GIS SMRAS PA MI NUS SO, ,DES SMRAS PA, DE'I PHYIR JI LTAR NGAN 'GRO'I TSOR BA SDUG BSNGAL THUN MONG NYID DU 'GYUR, 'DIR BSHAD PA, GZHAN DU BDE BA 'DOD PA'I MIS, ,'JIG RTEN 'DI RU MA SMAD CING, ,PHA ROL DU YANG BDE BA NI, ,'DREN PA GANG YIN DE BYA'O, ,'DIR SMRAS PA, 'DI NA DBANG PHYUG CHEN PO LA GNAS PA'I RGYAL POS GDON MI ZA BAR RLOM PA CHEN PO NYID DU 'GYUR BAR BYA DGOS SO, ,BSHAD PAR BYA STE, DBANG PHYUG GIS BSKYED NGA RGYAL NI, ,MNYAM DANG KHYAD PAR 'PHAGS PA YI, ,PHA ROL NUS LDAN BLTA BYA STE, ,DAM PA'I SNYING LA MI GNAS SO, , BDAG NYID LA GZHAN PAS MCHOG TU BYUNG BA MTHONG BA NA NGA RGYAL DU 'GYUR NA, DE NI GZHAN LA BLTAS PAS MI GNAS PA'I PHYIR MKHAS PA RNAMS RLOM PAR MI 'GYUR RO, ,DE'I PHYIR 'GRO BA LA PHAN PA BSKYED PAR 'DOD PAS NGA RGYAL SPANGS TE, BLA MA DAG LTA BU 'AM, RJE BO BZHIN @89A *, ,DU GZHAN LA KHYAD DU GSAD PAR MI BYA'O, ,DE'I PHYIR DE LTAR BYED PA NA DE DAG PHUN SUM TSOGS PA THAMS CAD KYI SNOD DU 'GYUR TE, 'GRO BA RANGS PA MGU BAR BYED PAR ZHUGS PA NYID KYI PHYIR RO, ,NOR 'DZIN GYI CHUNG MA BZHIN NO, ,BRAM ZE NOR 'DZIN ZHES BYA BA LA CHUNG MAS BDAG DANG GZUGS MNYAM PA'I BUD MED NI SA STENGS NA 'GA' YANG MED MOD KYI, KHYOD NI NGA LA 'TSAM PA'I GOS DANG RGYAN GYIS RJED PAR MI BYED DO ZHES SMRAS SO, ,DES DE THABS KYIS RGYAL PO DRAG PO ZHES BYA BA'I BTZUN MO'I 'KHOR DU BCUG GO, ,DER RIM GRO MA MTHONG NAS DE'I GZUGS KYI DRAGS PA DE NYAMS PAR GYUR TE, RGYAL PO'I BTZUN MO LTA CI SMOS, ,DE BZHIN DU RGYAL POS KYANG BDAG DANG MNYAM PA DANG, KHYAD PAR DU 'PHAGS PA MTHONG NAS RGYAGS PA DANG, BDAG TU 'DZIN PA YONGS SU DOR BAR RIGS SO, ,'DIR BSHAD PA, RE ZHIG RGYAL POS RGYAL DMAN LA, ,NGA RGYAL BYA BAR MI RIGS NA, ,MNYAM DANG PHUL BYUNG MI BDAG LA, ,NGA RGYAL GO SKABS GA LA YOD, ,SLOB DPON 'PHAGS PA LHA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS, BDAG TU 'DZIN PA SPANG BA'I THABS SGOM PA BSTAN PA ZHES BYA BA STE, RAB TU BYED PA BZHI PA'I 'GREL PA'O,, ,,'DIR SMRAS PA, YANG LEGS PAR BSHAD PA'I RIN PO CHE'I KHYAD PAR 'JIG RTEN PA'I DON GYI DE KHO NA NYID JI LTAR GNAS PA STON PAR BYED PA 'DOD CHAGS DANG BRAL BA'I RGYU 'DI DAG GANG LAS RNYED, BSHAD PAR BYA STE, SANGS RGYAS BCOM LDAN 'DAS RNAMS LAS SO, ,SANGS RGYAS BCOM LDAN 'DAS DE RNAMS KYANG CI 'DRA BA ZHIG CE NA, THUGS RJE CHEN POS NON PAS 'GRO BA MA LUS PA'I DON SGRUB PA RNAM PA THAMS CAD DU BSAM GYIS MI KHYAB PA LHUR MDZAD PA RNAMS SO, , 'DI LTAR, SANGS RGYAS RNAMS KYI G-YO BA NI, ,RGYU MED 'GA' YANG YOD MIN TE, ,DBUGS KYANG SEMS CAN RNAMS LA NI, ,SMAN SLAD KHO NAR YANG DAG 'BYUNG, ,'DI LTAR SANGS RGYAS BCOM LDAN 'DAS RNAMS NI 'GRO BA THAMS CAD RJES SU GZUNG BA'I DGONGS PAS 'PHANGS @89B PA'I PHRIN LAS KYI SPRUL PA NYID KYI PHYIR RKYEN JI LTA BA BZHIN 'BRAS BU 'BYIN ZHING 'GRO BA LA DMAN PA SGRUB PA 'BYUNG BA LA, MKHAS PA'I G-YO BA DAG GIS 'GRO BA KHAMS GSUM PO NAM MKHA'I MTHAR THUG PA NA GNAS PA MTHA' DAG LA SMAN 'DOGS PAR MDZAD DO, ,SKU YONGS SU BSKYOD PA'I MTSAN NYID CAN GYI G-YO BA GANG ZHIG SEMS CAN MA LUS PA SMAN MI 'DOGS PA DE NI 'GA' YANG MNGA' BA MA YIN TE, JI SKAD DU 'PHAGS PA TING NGE 'DZIN GYI RGYAL PO LAS, 'OD ZER BRGYA STONG DPAG TU MED PA DAG ,CHOS KYI RGYAL PO'I ZHABS KYI MTHIL NAS BYUNG, , SEMS CAN DMYAL BA THAMS CAD BSIL BAR GYUR, ,SDUG BSNGAL MED PAR BYAS NAS BDE BA MYONG, ,DER NI STOBS BCU LDAN PAS CHOS BSHAD PAS, ,LHA DANG MI YI MIG KYANG RNAM PAR DAG ,SROG CHAGS BRGYA STONG DPAG TU MED PA RNAMS, ,THAMS CAD SANGS RGYAS YE SHES NGES PAR GYUR, ,ZHES BYA BA LA SOGS PA DANG, DE BZHIN DU, RGYAL BAS SGO YI THEM STENG ZHABS BZHAG STE, ,DMUS LONG GYUR PA'I MI GANG CI YOD DANG, ,RNA BAS MI THOS MGON MED BSOD NAMS CHUNG, ,DE DAG THAMS CAD MIG DANG RNA BA THOB, ,RGYAL BAS SGO YI THEM STENG ZHABS BZHAG TSE, ,GSHIN RJE'I YUL GYI YI DAGS GANG YOD PA, ,SHIN TU SDUG BSNGAL NGAR SNABS MCHIL MA ZA, ,THAMS CAD 'OD KYIS REG PAS BDE BAR GYUR, ,ZHES RGYAS PAR GSUNGS PA LTA BU'O, ,RE ZHIG G-YO BA LTAR ZHOG SHIG ,SKUL BAR BYED PA'I SEMS PA'I KHYAD PAR CAN GYI 'PHEN PA LA MI LTOS PAR RANG GI NGANG GIS 'BYUNG ZHING, BLTAMS PA NAS BZUNG STE MYA NGAN LAS 'DAS PA'I BAR DU NYIN MTSAN DU RJES SU 'JUG PA'I DBUGS GANG YIN PA DE YANG SKYE BA DANG LDAN PA 'DI DAG LA SMAN PA'I SLAD DU RAB TU 'JUG PA KHO NA'O, ,'DI LTAR SANGS RGYAS BCOM LDAN 'DAS RNAMS KYI DBUGS DAG NI BYUNG NAS SEMS CAN DMYAL BA'I SNOD RNAMS KYI STENG DU SPRIN NAG PO CHEN PO'I DUD PA'I MIG SMAN GYI PHUNG PO CHEN PO DANG 'DRA ZHING, SEMS CAN DMYAL BA'I SKYE BO'I YID 'PHROG PA, DMYAL BA'I SNOD KYI DKYIL 'KHOR MA LUS PAR KHEBS PA, @90A *, ,'BRUG SGRA CHES SNYAN ZHING GSAL BAR MTSAMS MED PA DAG GIS, SEMS CAN DMYAL BA'I ME LCE'I PHRENG BAS KUN NAS BSKOR BA'I SEMS CAN DMYAL BA RNAMS TSIM PAR BYED PA, CHAR GYI TSOGS SHIN TU RO ZHIM ZHING BSIL BA DAG GIS SEMS CAN DMYAL BA'I ME'I PHUNG PO 'JIL BAR BYED PA DAG TU YONGS SU 'GYUR BA YIN LA, DE'I RKYEN GYIS DE SDUG BSNGAL BA'I SEMS CAN DMYAL BA KHO BO CAG LA GANG GI MTHUS 'DI NYE BAR LHAGS SNYAM DU SNYING LA SPYOD PAR GYUR CING, MDUN DU DE BZHIN GSHEGS PA'I GZUGS KYI SKU BSAM GYIS MI KHYAB PA MTHONG BAS SEMS CAN GYI RGYUD RANGS PA, SANGS RGYAS BCOM LDAN 'DAS LA MNGON PAR DAD PA'I RGYUS MI DGE BA'I LAS KYI PHUNG PO MA LUS PA BSRABS SHING DE'I RGYU DAD PA NYID KYI THAR PA'I CHA DANG MTHUN PA'I DGE BA YANG DAG PAR 'PHANGS PA RNAMS LA GTAN DU PHAN 'DOGS PA'I PHYIR NA, DBUGS KYANG SEMS CAN RNAMS LA NI, ,SMAN SLAD KHO NAR YANG DAG 'BYUNG, ,DE BZHIN DU GZHAN 'CHAGS PA DANG BZHENGS PA DANG BZHUD PA DANG GZIMS PA'I SPYOD LAM DAG LA YANG LUNG JI LTA BA BZHIN SBYAR BAR BYA'O, ,DE'I PHYIR DE LTAR NA BLO GROS DANG LDAN PA 'KHOR BA'I SKYON NGES SHING DE ZAD PAR BYA BA'I PHYIR BRTZON PAS RNAM PA THAMS CAD DU JI SKAD BSNYAD PA'I LEGS PAR BSHAD PA RIN PO CHE'I RTEN SA GSUM GYI BLA MA, SANGS RGYAS BCOM LDAN 'DAS SRID PA GSUM GYI SKYE BO YONGS LA BU GCIG PA SDUG PA LTAR, 'O BYAMS PA LHAG PAR NYE BAR BSNAMS PA LA DAD PA SNGON DU BTANG STE YID GTAD PAR 'OS SO, ,RTZIB LOGS SKYES KYI DGE SLONG BZHIN NO, ,RTZIB LOGS SKYES KYI RIGS SU GTOGS PA'I DGE SLONG 'GA' ZHIG YOD LA DE 'KHRUL 'KHOR GYI SLOB DPON ZHIG BDAG GIS KHYOD LA BSOD SNYOMS SBYIN GYI, KHYOD KYIS BDAG GI KHYIM DU DBYAR BYA DGOS SO ZHES MGRON DU GNYER BAR GYUR CING, DE'I KHANG BZANGS KYI 'OG NAS 'KHRUL 'KHOR GYI BYA BA BYA BA'I PHYIR 'KHRUL 'KHOR DAG MANG DU YOD PAR YANG GYUR TO, ,DE NAS DES DGE SLONG DE 'DI JI LTAR 'DOD PA DE LTAR SDOD CIG CES KHANG BZANGS KHO NAR @90B BZHAG GO , ,DBYAR GYI DUS SONG BA DANG BRDZANG BA'I PHYIR DE LA CHOS GOS KYI RIN BYIN TE LAS KYI GLA BYIN PAR GYUR TO, ,DGE SLONG GIS BDAG GIS KHYOD KYI LAS CI YANG MA BYAS PAR CI'I PHYIR GLA BLANG BAR BYA ZHES SMRAS PA DANG, DE KHYOD KYIS YUD TZAM YANG KHYIM 'DIR LAS MED PAR SPYOD LAM GANG GIS KYANG MA BSDAD DO, ,ZHES SMRA ZHING, DE LA 'KHRUL 'KHOR DANG DE SGRUB PA'I KHE YANG STON PAR BYED PAR GYUR TO, ,JI LTAR DGE SLONG DE LA DE'I 'KHRUL 'KHOR BSKOR BAS GANG ZHIG DE LAM KHO BA'I PHYIR BYUNG BA MA YIN PA'I SPYOD LAM 'GA' YANG MED PA DE BZHIN DU SANGS RGYAS BCOM LDAN 'DAS LA YANG SKU DANG GSUNG DANG THUGS KYI SPYOD PA 'GA' ZHIG 'GRO BA THAMS CAD LA DON CHUNG DU MA YIN PA'AM, DON MA YIN PA SEL BAR MI 'GYUR BA 'GA' YANG MI MNGA'O, ,BSHAD PA, THUGS RJE CHES DRANGS RNAM DAG MKHYEN MNGA' BA'I, ,THUB LA RANG DON SKU GSUNG THUGS 'JUG PA, , MI MNGA' DON MED PA YANG MA YIN TE, ,GZHAN DGE NYID KYI PHYIR NI 'JUG PAR 'GYUR, ,DE LA NYE BAR BSNYEN PA RNAMS NI 'CHI BA'I 'JIGS PA LA THUG PA SDUG BSNGAL THAMS CAD LAS 'DA' BAR 'GYUR RO, ,'DI LTAR, 'JIG RTEN KUN LA 'CHI BDAG SGRA, ,JI LTAR 'JIGS PA BSKYED 'GYUR PA; ,DE BZHIN KUN MKHYEN SGRA 'DI NI, ,'CHI BDAG LA YANG 'JIGS PA BSKYED, ,GANG GI PHYIR DE BZHIN GSHEGS PA'I LAM LA YANG DAG PAR RJES SU SGRUB PA POR GYUR PA RNAMS DE'I YUL GYI MTSAMS LAS 'DA' ZHING, DE BZHIN GSHEGS PA'I MTSAN THOS PA LAS DE LTAR RJES SU SGRUB PA'I SA BON DGE BA'I RTZA BA RNAMS KYANG BSKRUN PAR BYED PA'I PHYIR TE, BCOM LDAN 'DAS KYIS GANG DAG NGA'I MTSAN THOS PAR GYUR PA DE DAG THAMS CAD KYANG THEG PA GSUM LAS THEG PA GANG YANG RUNG BA ZHIG GIS YONGS SU MYA NGAN LAS 'DA' BAR 'GYUR RO ZHES JI SKAD GSUNGS PA LTA BU'O, , BTZON BTANG BAS DBANG DU BYAS PA BZHIN NO, ,RGYAL PO 'GA' ZHIG GIS BU SKYES PA DANG BTZON RIL GYIS DONG SPRUGS PAR DRIL BSGRAGS PAR GYUR LA, SGRA DES KYANG 'JIG RTEN THAMS CAD DGA' BAR 'GYUR RO, ,DER BTZON LA DBANG DU BYAS PA NI BTZON GTONG BA'I SGRA THOS NAS 'JIGS @91A *, ,SHING RIMS NAD KYIS THEBS PA BZHIN DU, DE BZHIN GSHEGS PA BYUNG NA BDUD MA GTOGS PA'I SEMS CAN THAMS CAD DGA' BAR 'GYUR RO, ,SANGS RGYAS ZHES BYA'I SGRA 'DI NYID, ,GANG DAG RNA BAR GRAG 'GYUR BA, ,THAMS CAD RNAM PAR THAR BYA'I PHYIR, ,DE NYID RGYU RU 'GYUR BA'O, ,DE NAS SANGS RGYAS ZHES BYA BA 'DI CI ZHIG ,GANG DAG GIS CHOS THAMS CAD JI LTA BA BZHIN DU THUGS SU CHUD PA'O, ,CHOS THAMS CAD KYI DE KHO NA NYID MNGON PAR RDZOGS PAR BYANG CHUB PAS SHES BYA THAMS CAD LA BLO KHA BYE BAS RNAM PAR RGYAS PA PA LA SANGS RGYAS ZHES BYA STE, DPER NA PADMA RGYAS PA BZHIN NO, ,YANG NA NYID KYIS THUGS SU CHUD CING LHA DANG MIS MA RTOGS PA RNAMS RTOGS PAR MDZAD PAS NA SANGS RGYAS YIN PA'AM, MA RIG PA'I GNYID MA LUS PA DANG BRAL BAS RNAM PAR SAD PAS NA SANGS RGYAS TE, SKYES BU GNYID SAD PA BZHIN NO, ,YANG NA DE KHO NA NYID THUGS SU CHUD PAS SANGS RGYAS SO, ,DE NYID NI BCOM LDAN 'DAS TE, BDUD BZHI BCOM PA'I PHYIR RAM, CHEN PO RNAM PA DRUG NYID LA MNGA' BAS DBANG PHYUG LA SOGS PA'I YON TAN DANG LDAN PA'I PHYIR RAM, SKAL PA PHUN SUM TSOGS PA NYID KYI PHYIR RO, ,THUGS THAMS CAD LA THOGS PA MI MNGA' BA NYID KYI PHYIR NI THAMS CAD MKHYEN PA NYID CES BYA'O, ,GAL TE LUNG DU MA BSTAN PA'I DNGOS PO BRDA MI SPROD PA'I PHYIR 'DI THAMS CAD MKHYEN PA MA YIN PA NYID DU 'GYUR BA MA YIN NAM, 'DI LTAR 'JIG RTEN RTAG CES BYA BA LA SOGS PA'I DRI BA BCU BZHI DE BZHIN GSHEGS PA LA DRIS PA NA CANG MI GSUNG BAR GYUR TO ZHE NA, BSHAD PAR BYA STE, DE LTAR THAMS CAD MKHYEN PA MA YIN PA NYID DU MI 'GRUB STE, GANG GI PHYIR, THUB LA MDZAD DANG MDZAD MIN DANG, ,GSUNG BYA GSUNG BYA MIN MNGA' BA; ,DES NA KUN MKHYEN KUN MKHYEN NI, ,MIN ZHES BYA LA RGYU CI YOD, ,DE LA MDZAD PA NI MDZAD PAR 'OS PA YIN TE, MDZAD MIN NI MDZAD PAR MI 'OS PA STE, 'DI GNYI GA YANG THUB PA LA MNGA'O, ,DE LA MDZAD PA NI SEMS CAN RNAMS BDE 'GRO DANG THAR PA'I RGYU LA NGES PAR @91B SBYAR BA YIN LA, MDZAD MIN NI GZHAN DAG LA GNOD PA'O, ,GSUNG BAR BYA BA DANG GSUNG BAR BYA BA MA YIN PA YANG MNGA' STE, GSUNG BYA NI GZHAN LA PHAN PAR SGRUB PAR BYED PA'I BKA'O, ,GSUNG BYA MA YIN PA NI GNOD PA SGRUB PAR BYED PA'O, ,'DI YANG THUB PA LA MNGA'O, ,MDZAD BYA DANG MDZAD BYA MA YIN PA DANG, GSUNG BAR BYA BA DANG GSUNG BAR BYA BA MA YIN PA 'DI SUS YONGS SU GCOD PAR NUS SHE NA, GANG GI YE SHES SPYOD PA MTHA' YAS PA'I DBYE BAS PHYE BA'I SEMS CAN GYI PHUNG PO LA THOGS PA MI MNGA' BAR JI LTA BA BZHIN 'JUG PAS SO, ,DE NI RNAM PA DE LTA BU'I YE SHES DANG LDAN PAS MDZAD PA MDZAD PA NYID DU YANG DAG PA JI LTA BA BZHIN RAB TU MKHYEN LA, MDZAD PA MA YIN PA NI MDZAD PA MA YIN PAR RO, ,GSUNG BAR BYA BA YANG GSUNG BAR BYA BAR YANG DAG PA JI LTA BA BZHIN DU RAB TU MKHYEN LA, GSUNG BAR BYA BA MA YIN PA YANG GSUNG BAR BYA BA MA YIN PAR RO, ,DE'I PHYIR DE LTAR YANG DAG PA JI LTA BA BZHIN GZIGS PA DE'I SEMS CAN RNAMS JI LTAR 'DOD PA BZHIN BDE 'GRO DANG THAR PA'I RGYU LA 'GOD PA DON YOD PAR 'GYUR RO, ,DE MNGON PAR MI SHES PA NI MA SHES PA DANG PHYIN CI LOG TU SHES PA DANG, THE TSOM GYI SHES PA DAG GIS 'DOD PA'I DON SGRUB PAR MI BYED DO, ,DE'I PHYIR GSUNG BAR BYA BA MA YIN PA'I DON BKA' MA STZAL PA NYID LAS 'DI THAMS CAD MKHYEN PA MA YIN PA NYID DU NGES PAR MI NUS SO, ,DON ZAB MOR GYUR PA DRI BA NI JI LTA'AM DE LTA YANG RUNG STE, DRI BAR BYA BA LA 'DRI NA, DRI BAR BYA BAR GYUR PAS DRI BA PO'I NYAMS DANG NYAMS MED PA SHES PAR BYA STE DRI BA'I LAN GDAB PAR BYA'O, ,BCOM LDAN 'DAS KYIS NI DRI BA PO'I DON ZAB MO KHONG DU CHUD PA'I MTHU MED PA LAS DRI BA'I DON RTOGS PAR MI NUS PA NYID GZIGS PA YANG YIN TE, DE LA NI LUNG DU MA BSTAN PA KHO NA MDZES SO, ,ZAB MO'I CHOS LA LHAG PAR MOS PA LA NI LUNG STON PA YANG YIN TE, DE LA DES PHAN 'DOGS PA NYID KYI PHYIR RO, ,GANG SKYE BO SNOD DU MA GYUR PA LA ZAB MO'I CHOS MI GSUNG BA 'DI NYID NI THAMS CAD MKHYEN PA NYID KYI RGYU YIN TE, DE NYID KYI PHYIR KHA CIG @92A *, ,GIS; DUS DANG BSAMS PA MKHYEN KHYOD KYIS, ,LA LAR DRIS KYANG MI GSUNG LA, ,NYER BYON NAS KYANG GSUNG MDZAD CING, ,GZHAN DU BKUG NAS GSUNG BAR MDZAD, ,CES BSHAD DO, ,THAMS CAD MKHYEN PA NYID LA RGYUR GYUR PA GANG YIN PA DE NYID BLO BLUN PA LA DE'I THAMS CAD MKHYEN PA MA YIN PA'I RGYUR 'GYUR BAS, RMONGS PAS MA BYAS PA CI ZHIG YOD, ,RGYAL BU BSNYENGS BRAL DANG KHRON PA 'GUGS PA BZHIN NO, ,JI LTAR RGYAL PO GZUGS CAN SNYING PO'I BU RGYAL BU GZHON NU BSNYENGS BRAL GYIS GCER BU PAS SBAD NAS BCOM LDAN 'DAS 'DAS LA DE BZHIN GSHEGS PA GANG GIS GZHAN DAG KHRO BAR 'GYUR SDANG BAR 'GYUR 'KHRUG PAR 'GYUR ZHING, KHRO BA'AM ZHE SDANG NGAM NGA RGYAL LAM GTI MUG GIS YID MI CHES PAR BYED PAR 'GYUR BA, GZHAN LA MI SNYEN PA DANG MI 'DOD PA DANG MI MDZES PA DANG YID DU MI 'ONG BAR 'GYUR BA'I TSIG GANG YIN PA DE GSUNG NGAM ZHES ZHUS PA DANG, DE LA BCOM LDAN 'DAS KYIS 'DI LA NI MGO GCIG TU MA YIN TE, GANG PHAN PA BYED PA DE NI RES 'GA' GSUNG NGO ZHES RGYA CHER GSUNGS SO, ,GAL TE THAMS CAD MKHYEN PA GSUNG BAR BYA BA MA YIN PA MI GSUNG NA, DE'I PHYIR JI LTAR LHA SBYIN LAS BRTZAMS TE, DE'I TSE GOS DU MA CAN GYI BU MCHIL ZAN LA CI ZHES BYA BA LA SOGS PA 'DI GSUNGS PAR 'GYUR ZHE NA, BSHAD PAR BYA STE, 'DI DE LTAR YIN MOD KYI, 'ON KYANG DGONGS PA BTZAL BAR BYA DGOS SO, ,'DI NI GZHAN LA DON MA YIN PA SGRUB PAR BYED PA'I GSUNG MA YIN TE, DE LTAR MI DGONGS PA'I PHYIR RO, ,GAL TE MI SNYAN PA THOS PAS SDUG BSNGAL NYE BAR SGRUB PA TZAM GYI DGONGS PA KHO NAS DE SKAD GSUNGS PAR GYUR NA NI DE LTA YIN PA ZHIG NA, 'DI NI DGONGS PA DES GSUNGS PA MA YIN GYI, 'ON KYANG SDIG PA LA 'JUG PA BSKYUNG BA'I PHYIR GSUNGS SO, ,'DI LTAR GAL TE MTHONG BA'I DUG DRAG PO SPRO BA'I SBRUL DAG LTAR 'GRO BA'I DGE BA'I PHYOGS ZAD PA LA MKHAS SHING, MNGON PAR RLOM PAS 'GYING TSUL DRAG PO BSTAN PA 'GRO BA YANG DAG PA'I LAM LAS SKRAG PAR BYED PA @92B 'KHOR BA'I 'BROG DGON PA CHEN PO MU MTHA' MED PA STON PAR BYED PA DAG LA DE SKAD MA GSUNGS NA NI DE'I TSE, DE DAG GI KHA NA LAS PA'I 'JIG RTEN PHUNG BAR 'GYUR LA, GANG GI TSE GZHAN LA SMAN PA'I MDZAD PA LA 'BAB PA THUGS RJE MNGA' BA RNAMS KYIS CHOS DANG MTHUN PA'I RGOL BAS ZHUM PAR MDZAD PA DE'I TSE NA SHIN TU SMAN BTAGS PAR 'GYUR RO, ,DE'I PHYIR DE LTAR NA SMAN GDAGS PA'I DGONGS PAS KUN NAS SLONG BA NYID KYI PHYIR DE DON MA YIN PA 'DREN PA'I GSUNG MA YIN NO, ,RGYAL PO 'GA' ZHIG BRAM ZE NOR 'BYOR PA ZHIG CHAD PAS GCAD PAR 'DOD PAS, KHYOD KYI KHYIM NA KHRON PA LEGS MO ZHIG 'DUG PAS DE NGED CAG LA DGOS KYIS, DE MYUR DU THONG SHIG ,DE LTA MA YIN NA KHYOD LA CHAD PAR 'GYUR RO ZHES SMRAS PA DANG, DE NAS BRAM ZE DE'I BU MO ZHIG GIS, NOR GYIS NOR RNAMS 'GUGS BYED CING, ,GLANG PO CHES KYANG GLANG CHEN TE, ,RGYAL DBANG KHRON PA MNGAG 'TSAL LO, ,DE NAS KHRON PA 'ONG BAR 'GYUR, ,ZHES GSOL TO, ,JI LTAR THABS 'DIS KHRON PA BTANG BAR MI NUS PAR BYAS PAS CHAD PA DANG BRAL BAR BYAS PA DE BZHIN DU SANGS RGYAS BCOM LDAN 'DAS RNAMS KYANG THABS MKHAS PAS 'GRO BA'I DON MA YIN PA BSAL BA'I PHYIR RES 'GA' MI SNYAN PA'I GSUNG YANG BKA' STZOL BAR MDZAD LA, DER KHA NA MA THOB YANG MI MNGA' STE, 'GRO BA LA SMAN PA'I DGONGS PA NYID KYI PHYIR RO, ,'DI'I PHYIR YANG 'DI NI DE LTAR YIN TE, SEMS MA RTOGS PAR 'GRO SOGS LA, ,GANG PHYIR BSOD NAMS LA SOGS PA, ,MA MTHONG DE PHYIR LAS KUN LA, ,YID NI DON POR BSGRUB PAR BYA, ,SEMS JI LTA BA MA RTOGS PAR 'GRO BA DANG 'ONG BA DANG LANGS PA DANG 'CHAG PA DANG, SMRA BA DANG SBYIN SREG LA SOGS PA'I BYA BA DAG LA RANG GI BSOD NAMS SAM, BSOD NAMS MA YIN PA YOD PA MA YIN PA KHO NA STE, GAL TE 'GRO BA LA SOGS PA DE SROG GCOD PA RDZOGS PAR BYA BA'I PHYIR BRTZAMS NA NI, DE'I TSE 'GRO BA LA SOGS PA DE BSOD NAMS MA YIN PAR 'GYUR LA, 'ON TE DE SPANG BA'I DON DU RTZOM NA NI, DE'I TSE DE LAS BSOD NAMS SU 'GYUR RO, ,GANG GI TSE DE TZAM GYI SEMS PAS RTZOM NA NI DE'I TSE LUNG DU @93A *, ,MA BSTAN PAR 'GYUR RO, ,GANG GI PHYIR 'DI DE LTA YIN PA DE'I PHYIR LAS GZHAN DAG LA YANG YID GTZO BOR RNAM PAR GZHAG STE, SEMS JI LTA BA BZHIN DU DES 'PHANGS PA'I LUS DANG NGAG DANG YID KYI LAS RNAMS KYI RANG GI NGO BO RNAM PAR 'JOG PA'I PHYIR RO, , GANG GI TSE 'DI DE LTA YIN PA DE'I TSE DE BZHIN GSHEGS PA THUGS KYI RGYUD THUGS RJE CHEN PO'I THABS DANG, GNYIS SU MED PA'I YE SHES DRI MA MED PA DANG RJES SU 'BREL PA, DON MA YIN PA'I RGYU MA LUS PA GCOD CING KUN NAS MDZES PA RNAMS LA 'GRO BA'I DON MA YIN PA LA 'JUG PA DOGS PAR MI BYA'O; ,GCER BU PA SKU GZUGS LA PHYAG 'TSAL BA BZHIN NO, ,GCER BU PA 'GA' ZHIG LHA KHANG DU ZHUGS TE SKU GZUGS LA PHYAG 'TSAL BAR GYUR LA, DE NA SKU GZUGS DAG KYANG KUN NAS RNAM PAR GNAS PAS GANG GI TSE SKU GZUGS GCIG LA PHYAG BYED PA DE'I TSE GZHAN RNAMS LA MJUG MAS REG PAR BYED PA DANG, DE LA 'GA' ZHIG GIS GANG KHYOD SKU GZUGS GCIG LA PHYAG BYED CING GZHAN DAG LA RKUB KYIS REG PAR BYED PA NI MI LEGS PA BYED PA ZHIG GO ZHES SMRAS SO, ,DE BZHIN DU GANG DAG GI LTAR NA SEMS MA RTOG SHING SEMS MED PAR BSOD NAMS 'THOB PA DE DAG LA RNAM PA DE LTA BU'I SKYON DU 'GYUR RO, ,DE'I PHYIR SEMS MA RTOGS PAR BSOD NAMS LA SOGS PA'I LAS RNAMS RNAM PAR GZHAG PAR MI 'GYUR RO, ,'DIR BSHAD PA, GAL TE SEMS RAB DANG 'GYUR NA, ,LAS RNAMS SHIN TU DANG BAR 'GYUR, , DE YI PHYIR NA MKHAS PA YIS, ,SEMS DAG PA YIS LAS RNAMS BYA, ,DE NYID KYI PHYIR, BSAM PAS BYANG CHUB SEMS DPA' LA, ,DGE'AM GAL TE MI DGE'ANG RUNG, ,THAMS CAD DGE LEGS NYID 'GYUR TE, ,GANG PHYIR YID DE'I DBANG 'GYUR PHYIR, ,MI DGE BA NI SDUG BSNGAL DANG NGAN SONG GI RNAM PAR SMIN PA CAN YIN PA NYID KYI PHYIR MI DGE BA'O, ,DGE BA YANG BDE BA DANG BDE 'GRO'I RNAM PAR SMIN PA'I 'BRAS BU CAN YIN DU ZIN KYANG SKYE BA DANG, RGA BA DANG 'CHI BA LA SOGS PA'I SDUG BSNGAL SGRUB PAR BYED PA NYID KYI PHYIR NA DGE LEGS MA YIN NO, , @93B DGE LEGS MA YIN PA'I LAS GNYIS PO 'DI THAMS CAD NI BYANG CHUB SEMS DPA' SEMS LA DBANG THOB PA RNAMS LA DGE LEGS NYID DU 'GYUR TE, SKYE BA CAN RNAMS KYI 'KHOR BA LDOG PA'I RGYUR GNAS SO ZHES BYA BA'I DON TO, ,'JIG RTEN NI SEMS MDUL BA NYID KYI PHYIR SEMS LA RAG LAS PA NA, SEMS JI LTA BA BZHIN DU 'JUG GI ,BYANG CHUB SEMS DPA' RNAMS NI SEMS DBANG DU GYUR PAS, DE DAG GI LUS DANG NGAG DANG YID KYI G-YO BA THAMS CAD DGE LEGS SU RO GCIG PA NYID DU 'GYUR RO, ,DE'I PHYIR NA GANG SENG GES DON MTHUN BTANG BA LA SOGS PA DAG LAS BYANG CHUB SEMS DPA' RNAMS SROG CHAGS GSOD PAR 'DOD PA DE YANG JI SKAD BSHAD PA'I TSUL GYIS DE BZHIN GSHEGS PA'I MI SNYAN PA'I GSUNG LA SOGS PA LTAR BSOD NAMS MA YIN PA 'BA' ZHIG TU MA ZAD KYI, 'ON KYANG SEMS CAN PHAN 'DOGS PAR ZHUGS PA NYID KYI PHYIR BLA NA MED PA YANG DAG PAR RDZOGS PA'I BYANG CHUB KYI TSOGS NYID LA BRTEN TO, ,SBRUL GYIS BZUNG BA'I SOR MO GCOD PA SDUG BSNGAL CHES RGYA CHE BA RGYUN GCOD PA'I RGYU YIN ZHING, SDUG BSNGAL DE TZAM ZHIG 'BYUNG BA'I RGYUR GYUR PA NI SMAN PA RNAMS LA BSOD NAMS MA YIN PA'AM, DGE LEGS MA YIN PAR MI 'GYUR BA LTAR BYANG CHUB SEMS DPA' RNAMS KYI SPYOD PA 'DI YANG DE DANG 'DRA'O, ,GZHAN DAG LA YANG DE LTAR CI'I PHYIR MI 'GYUR ZHE NA, SEMS LA DBANG THOB PA MED PA'I PHYIR DANG, SEMS KYI RGYUD NYON MONGS PA MKHRAD [?] ZHING NYE BAR SAD PAS BZUNG BA NYID KYI PHYIR RO, ,RNGON PAS BU BSAD PA DANG, BYES SU YUN RING MOR GNAS PA'I BU GCIG PA LA YONGS SU 'KHYUD PA DANG, SENG GES DON MTHUN BTANG BA DANG, RKUN PO LA MDUNG THUNG GIS SNUN PA DANG, DE BZHIN GSHEGS PA LA MI SNYAN PA'I TSIG BZHIN NO, ,RNGON PA LA LA ZHIG GI BU GNYIS RI'I G-YANG SA LA NYE BA ZHIG TU 'THABS PAR GYUR LA, DER GCIG GIS SPUN ZLA BZUNG NAS G-YANGS DE LA MCHONG BAR BRTZAMS PA DANG, RNGON PA DES BSHUGS PAR MA NUS NAS GNYIS CHAR 'CHI BAR 'GYUR DU 'ONG NGO SNYAM STE BU DE MDAS BSAD @94A *, ,PAR GYUR TO, ,YANG NYAMS SHED DANG LDAN PA 'GA' ZHIG GIS BU SDUG PA YUN RING POR 'GRON LA BSDAD PA NYAM CHUNG BA CHES YONGS SU 'KHYUD PAS DE DUS BYAS PAR GYUR TO, ,YANG BYANG CHUB SEMS DPA' SENG GE DAG GI NANG DU SKYES PA ZHIG GI SBRUL CHEN POS YONGS SU BSKOR BA'I SKYE BO'I TSOGS CHEN PO THAR PAR BYA BA'I PHYIR GLANG PO CHE'I SPYI BOR BSDAD NAS SENG GE'I NGA RO CHEN PO BSGRAGS PAS SGRA DE THOS NAS SBRUL CHEN PO 'JIGS PAS LUS BSKYIL BA BSHIG STE SKYE BO'I TSOGS PHAL PO CHE BTANG BAR GYUR TO, ,YANG BYANG CHUB SEMS DPA' GZHAN ZHIG GIS SENG GES BKAG PA'I DON MTHUN GYI DPUNG YONGS SU THAR BAR BYA BA'I PHYIR, SENG GE DANG DON MTHUN GNYI GA LA SNYING RJE BSKYED NAS SENG GE'I MGO LA MDAS BSNUN LA, DON MTHUN THAR TE DONG BAR GYUR TO, ,DE BZHIN DU BYANG CHUB SEMS DPA'I SNYING RJE CHEN PO ZHES BYA BA DED DPON DU GYUR PA ZHIG GIS 'DI NI BSKAL PA BZANG PO'I BYANG CHUB SEMS DPA' LNGA BRGYA TSANG BAR GYUR CING BZHON PA LA ZHON PA RNAMS BSAD PAR BYAS TE RDZAS KHYER BAR 'DOD PA ZHIG GO SNYAM DU, BZHON PA LA ZHON PA 'THAB MO PA STONG PHRAG DANG LDAN PA BSAL GYI PHYIR GLAS PA'I BSAM PA SHES PAR BYAS TE, DE NAS BDAG NGAN 'GROR 'GRO BA NI BLA'I, 'DI BYANG CHUB SEMS DPA' LNGA BRGYA BSAD NAS BSKAL PA LNGA BRGYAR MNAR MED PAR GNAS PAR 'GYUR DU 'ONG NGO SNYAM DU SNYING RJE CHEN PO BSKYED NAS, DE DAG LA BDE BA BSKYED DE, DED DPON RKUN PO DE GCIG PU MDUNG THUNG GIS BSAD PAR GYUR LA; DGE BA'I RTZA BA DES KYANG BSKAL PA STONG PHRAG BRGYAR 'KHOR BA LA RGYAB KYIS PHYOGS PAR BYAS SO, ,DE NYID KYI PHYIR 'PHAGS PA KLU SGRUB KYIS BYANG CHUB KYI TSOGS LAS, ,SDUG BSNGAL GZHAN LTA YAR 'DUG SHIG ,GANG ZHIG SEMS CAN PHAN BDE'I PHYIR, ,DMYAL BA'I SDUG BSNGAL CHE BZOD PA, ,DE'I LAG G-YAS NA BYANG CHUB PO, ,ZHES GSUNGS SO, ,DE BZHIN DU BCOM LDAN 'DAS 'OD SRUNGS LA RDZA MKHAN BUM BYED CES BYA BAS BSNGAGS PA BRJOD PA NA BYANG CHUB SEMS DPA' SNANG SKYON BRAM ZER GYUR PAS, MU STEGS CAN DU GYUR PA'I BYANG @94B CHUB SEMS DPA' SEMS RANGS PA LNGA PO RJES SU BSRUNG BA'I PHYIR BYANG CHUB CHEN PO THOB PAR DKA' ZHING, BCOM LDAN 'DAS LA BSAM GYIS MI KHYAB PA NYID LA BSAMS NAS, DGE SBYONG MGO REG DE LA BYANG CHUB GA LA YOD DE, BYANG CHUB NI MCHOG TU DKON NO ZHES SMRAS SO, ,DE'I PHYIR DE LTAR NA BYANG CHUB SEMS DPA' NYAM NGA BA 'GA' ZHIG TU CHUD PA RNAMS SEMS CAN LA LTOS NAS MI DGE BA YANG BYED LA, MI DGE BA DE YANG SEMS KYI DBANG GIS DGE LEGS NYID DU 'GYUR RO, ,'DIR BSHAD PA, GDUG LA SNYING RJE CHEN PO DANG, ,GDUG MIN BYAMS PA CHE SKYE BA, ,DE PHYIR SKYES BU MCHOG RNAMS LA, ,SDIG TO'I SGO MO YOD MA YIN, ,BYANG CHUB SEMS DPA' 'DI RNAMS LA GANG NAS BZUNG NAS BYANG CHUB SEMS DPA' ZHES BYA ZHE NA, RAB TU DGA' BA ZHES BYA BA SEMS BSKYED PA DANG PO NAS BZUNG NAS SO, ,'DIR BYANG CHUB KYI SEMS NI RNAM PA GNYIS TE, GCIG NI MNGON PAR 'DOD PA'O, ,GNYIS PA NI DON DAM PA'O, ,DE LA MNGON PAR 'DOD PA NI BLA NA MED PA YANG DAG PAR RDZOGS PA'I BYANG CHUB 'DOD PA NAS BZUNG STE, SO SO'I SKYE BO'I GNAS SKABS NA YANG YOD DO, ,DON DAM PA NI RNAM PA BCUR 'GYUR TE, SA RAB TU DGA' BA SEMS BSKYED PA DANG PO NAS SA CHOS KYI SPRIN SEMS BSKYED PA BCU PA'I BAR RO, ,DE LA RE ZHIG GANG BYANG CHUB SEMS DPA' RNAMS KYI SEMS BSKYED PA DANG PO RAB TU DGA' BA ZHES BYA BA DE NYID KYI YON TAN GYI KHYAD PAR BSTAN PA'I PHYIR BSHAD PA, BYANG CHUB SEMS DPA' SEMS DANG PO, ,SA STENGS SKYE BO THAMS CAD NI, ,'KHOR LOS SGYUR BA NYID 'GYUR BA, ,DE DAG BSOD NAMS LAS KHYAD 'PHAGS, ,BSOD NAMS GANG ZHIG NYE BAR BSAGS PAS GLING BZHI PA'I BDAG PO 'KHOR LOS SGYUR BA'I RGYAL POR 'GYUR BA DE NYID RE ZHIG CHES MANG NA, GANG SA STENGS KYI SEMS CAN RNAMS 'KHOR LOS SGYUR BAR 'GYUR BA'I LAS LA LTA SMOS KYANG CI DGOS, SEMS CAN THAMS CAD GLING BZHI PA'I DBANG PHYUG 'KHOR LOS SGYUR BAR 'GYUR BA'I LAS DE NI BYANG CHUB SEMS DPA' RNAMS KYIS SEMS BSKYED PA DANG PO'I BSOD NAMS KYI CHA 'AM SLAR YANG NYE BAR MI @95A *, ,'GRO'O, ,'DI LTAR DE NI 'JIG RTEN DANG 'JIG RTEN LAS 'DAS PA'I DGE BA'I RTZA BA'I TSOGS THAMS CAD 'BYUNG BA'I SA BON GYI NGO BOR GNAS PAS 'KHOR BA JI SRID PA'I MTHA' GTUGS PA'I 'GRO BA RJES SU GZUNG BA'I PHYIR GNAS LA, 'KHOR LOS SGYUR BA'I BSOD NAMS NI DUS NYUNG ZAD CIG KHA CIG DAG GI MNGON PAR MTHO BA'I BDE BA TZAM GYI RGYU YIN PAS SHIN TU KHYAD PAR CHE STE, GSAD BYA'I THAR PA DANG, LTAD MO BA PHAM PAR BYAS PA DANG, KHYE'US PHAM PAR BYAS PA DANG, RGYAL PO'I DRIL 'DU BA'I SGO YIN PA BZHIN NO, ,JI LTAR GSAD PAR BYA BA LA THAR PA JI LTA BA BZHIN DU DON DU GNYER BAR BYA BA DANG, DGA' BAR BYA BA'I CHOS RNAM PA DE LTA BU GZHAN 'GA' YANG YOD PA MA YIN PA DE BZHIN DU, BYANG CHUB SEMS DPA' LA YANG SEMS BSKYED PA DANG PO NYE BAR BZUNG STE, SEMS CAN THAMS CAD 'KHOR BAR BCINGS PA THAR PAR BYED PA JI LTA BA DE LTAR CHOS GZHAN MNGON PAR 'DOD PAR BYA BA MED DE, DE'I PHYIR 'KHOR LOS SGYUR BA'I BSOD NAMS DANG MNYAM PAR GA LA 'GYUR, YANG JI LTAR GYAD RGAN RABS LTAD SA PA THAMS CAD PHAM PAR BYAS TE DON PO'I BA DAN BZUNG NAS KHYE'US PHAM PAR BYED PA DE BZHIN DU, 'KHOR LOS SGYUR BA DAG KYANG GLING BZHI'I GNAS THAMS CAD PHEBS KYANG BYANG CHUB SEMS DPA' SEMS DANG PO BSKYED PAS ZIL GYIS GNON TO, ,YANG JI LTAR RGYAL PO'I DRI LA NI DE'I SGO NAS BDE BLAG TU RIGS PA DANG, MI RIGS PA RNAM PAR SPYOD PA'I PHYIR RGYAL PO LA NOR MANG PO 'DU BA DANG 'GRO BA YONGS SU BSRUNG BA'I RGYUR 'GYUR BA DE BZHIN DU, BYANG CHUB SEMS DPA' RNAMS KYI SEMS DANG PO YANG SEMS CAN THAMS CAD KYI SANGS RGYAS NYID THOB PA'I BAR GYI RGYU YIN PA'I PHYIR 'GRO BA'I DON CHEN PO 'BYUNG BA'I SGROR 'GYUR RO, ,BYANG CHUB SEMS DPA' NI 'KHOR LOS SGYUR BA'I BSOD NAMS 'BYUNG BA'I SGOR YANG 'GYUR TE, DES MCHOD PAS 'KHOR LOS SGYUR BA NYID 'THOB PA'I PHYIR RO, ,'DIR BSHAD PA, RE ZHIG BYANG CHUB SEMS DPA' NI, ,GCIG GI BSOD NAMS GANG YIN PA, ,DE 'DIR GAL TE GZUGS CAN NA, ,'GRO YONGS KHYAB @95B NAS GNAS GYUR TE, ,SEMS CAN RNAMS MTHA' YAS PHYIR DANG, ,SANGS RGYAS MKHYEN PA TSAD MED DANG, ,DER NI YONGS SU BSNGOS PA'I PHYIR, ,BSOD NAMS DE NI MTHA' YAS 'GYUR, ,'DIR SMRAS PA, SEMS BSKYED PA DANG PO'I BSOD NAMS NI BSHAD NA GANG GZHAN DAG LA BYANG CHUB KYI SEMS SKYED PAR BYED PA DE'I BSOD NAMS CI TZAM ZHIG TU 'GYUR, BSHAD PAR BYA STE, RIN CHEN RANG BZHIN MCHOD RTEN NI, ,'JIG RTEN RNYED MTHO 'GAS BYAS PA, ,DE BAS SEMS CAN GCIG 'DUL PO, ,MCHOG TU BKRABS PAR BRJOD PA YIN, ,'JIG RTEN GSUM GYI STON PA GCIG PU, BSOD NAMS KYI GZHI DAM PA, DAM PA'I CHOS KYI 'KHOR LO SGYUR BA, SANGS RGYAS BCOM LDAN 'DAS RNAMS KYI SLAD DU DE'I RING BSREL GYI SNYING PO CAN GSER DANG {BEEd'URYA} LA SOGS PA RIN PO CHE'I RANG BZHIN GYI MCHOD RTEN CHEN PO 'PHANG DU 'OG MIN GYI GNAS KYI MTHA' GTUGS PA, RGYAR STONG GSUM GYI STONG CHEN PO'I 'JIG RTEN GYI KHAMS KYI TSAD DANG LDAN PA ZHIG BYAS TE, DE LA RJES SU MTHUN PA'I GDUGS ZLUM BRTZEGS MA DANG, RIN PO CHE THAMS CAD KYI RANG BZHIN GYI THEM SKAS BRES SHING BSKAL PA RDZOGS PAR DE LA ME TOG DANG, BDUG PA DANG, MAR ME DANG, ZHAL ZAS DANG, ROL MO'I SGRA DANG, GDUGS DANG, RGYAL MTSAN DANG, BA DAN LA SOGS PA MCHOD PA'I BYE BRAG THAMS CAD DANG, GAR DANG, GLU DBYANGS DANG, ROL CHA RNAM PA SNA TSOGS PA RNAMS KYIS MCHOD PA BYED LA, YANG GANG ZHIG SEMS CAN GZHAN GCIG PU ZHIG BYANG CHUB KYI PHYIR 'DUL BAR BYED CING, YANG DAG PAR 'DZUD PAR BYED NA, MCHOD RTEN BZHENGS SHING MCHOD PA BYED PA'I MI DE BAS YANG DAG PAR 'DZUD PAR BYED PA 'DI CHES MCHOG TU 'GYUR TE, BSOD NAMS CHES MANG PO 'BYUNG BA'I PHYIR RO, ,SHI BA SBYONG BA DANG, BU SMAD GSO BA BZHIN NO, ,SKYES BU 'GA' ZHIG DUS BYAS PA DANG, DE LA MDZA' BSHES GNYIS YOD PAR GYUR LA, DE GNYIS LAS GCIG GIS NI SHI BA'I RO 'BYIN ZHING SBYONG BA TZAM ZHIG BYAS LA, GZHAN GYI BU SMAD LA SOGS PA GSO BA DANG, SKYONG @96A *, ,BA BYAS NA, DE'I RO SBYANGS PA TZAM GYIS NI CI ZHIG BYA STE, RIGS BRGYUD BSRAL BA BYAS PA MCHOG YIN NO, ,DE BZHIN DU 'GA' ZHIG NI SANGS RGYAS BCOM LDAN 'DAS RNAMS YONGS SU MYA NGAN LAS 'DAS PA'I PUR YONGS SU SBYANGS PA LA 'JUG LA; DE BZHIN DU KHA CIG GIS NI DAM PA'I CHOS YUN RING DU GNAS PAR BYA BA'I PHYIR SANGS RGYAS KYI GDUNG BRGYUD RGYUN MI 'CHAD PAR BYA BA'I DON DU, SROG CHAGS RNAMS BYANG CHUB TU SEMS BSKYED PA LA'O, ,DE BZHIN GSHEGS PA'I PUR SBYONG BA POS NI SANGS RGYAS KYI GDUNG BRGYUD RJES SU 'JUG PAR BYED PA JI LTA BA BZHIN DU, BSOD NAMS KYI PHUNG PO RNAM PA DE LTA BU BSKRUN PA MA YIN NO, ,'DIR BSHAD PA, GANG PHYIR 'JIG RTEN MTHAR THUG PAR, ,DKON MCHOG GSUM RGYUN MI GCAD PHYIR, ,RGYUD KYI SA BON BTAB GYUR PA, ,DE PHYIR DE YI BSOD NAMS CHE, , BYANG CHUB SEMS DPA' 'DIS JI LTAR SEMS CAN RNAMS KYI DON BYA ZHE NA, DE DAG GI BSAM PA DANG RJES SU MTHUN PAR THA SNYAD BYED PAS SO, ,DE YI PHYIR DES CHE THOG MAR, ,DE LA PHAN 'DOD BLA MA YIS, ,SLOB MA LA NI SRI ZHU BYA, ,GANG PHYIR DES PHAN MI SHES PA, ,DE PHYIR SLOB MA ZHES BYA'O, ,DES BLO 'CHAL BA'I PHYIR BLA MA DAG LA BSNYEN BKUR BYA'O SNYAM DU MI SHES SO, ,DE NI DUL BA ZHES BYA BA'I 'DZOL DU GZHUG PAR 'DOD PAS {HVAGS} KYI LA DU DANG BUR SHING DUM BU LA SOGS PA DAG GIS GLANG PO CHE SMYON PA LTAR RIM GROS GZHUG PAR BYA ZHING, ,DE NAS DE LA NYE BAR BKRI BA'I ZHAGS PAS BTAB NAS BSDAMS PA'I SKAM KHAS YONGS SU SKYONG BAR BYED PAS DUL BA'I LCAGS KYUS BSDAM PAR BYA STE DE LTAR BYED PA NA PHAN PAR 'DOD PAR 'GYUR RO, ,DE NYID KYI PHYIR 'DI BDAG LA PHAN PA MI SHES PA'I PHYIR RJES SU BSTAN PAR BYA BA YIN TE DE'I PHYIR SLOB MA ZHES BRJOD DO, ,LTENG RGYAS 'OD SRUNGS BZHIN TE, CHO 'PHRUL DAG RGYAS PAR LTENG RGYAS 'OD SRUNGS KYI MDO LAS BRJOD PAR BYA'O, ,'DIR BSHAD PA, TSIG SNYAN DAG GIS SRI ZHUR YANG, ,BYAS TE YID RJES BZUNG NAS NI, ,DE 'OG BLA MAS SLOB MA LA, ,BYANG CHUB @96B SEMS NI BSKYED PAR BYA, ,BYANG CHUB SEMS NI BSKYED NAS DE, ,KHAD KYIS KHAD KYIS RGYA CHE YI, ,CHOS RNAMS DANG NI ZAB MO YI, ,CHOS KYI TSUL LA YANG DAG DGOD, ,CI STE SLOB MA GNONG MI BKUR BAR 'GYUR NA, DE LTAR NA YANG DES DE LA SKYO BAR MI BYA'I, DE'I GSHIS NGAN GANG DAG GIS BYAS PA'I NYON MONGS PA DE DAG GZHOM PAR BYA STE, DPER NA, KHRO YANG 'BYUNG POS BZUNG BA LA, ,SMAN PA 'KHRUG PA MIN DE LTAR, ,THUB PA NYON MONGS DAG GZIGS KYI, ,NYON MONGS DANG 'BREL GANG ZAG MIN, ,'DI LTAR GANG ZHIG GANG LA 'KHRUGS PA DES NI DE LA PHAN PA BSGRUB PAR MI NUS SO, ,DE'I PHYIR RJE DPON KHROS PAR GYUR PA LTAR DE LA RIM GRO BYAS NAS MGU BAR BYED LA, DE NAS NYAMS JI LTA BA DANG, JI LTAR BSTEN PA LTAR PHAN PAR BYED DE, DPER NA SMAN PA SKYE BO GDON GYIS BRLAMS PAS GSHES KYANG DE LA SKYON DU MI LTA BA NI DE LA MI KHRO BAR, SHIN TU CHES 'BYUNG POS BCOS PA LA RAB TU SBYOR ZHING 'BYUNG POS ZIN PA LA PHAN PA'I BSAM PA SKYED PAR BYED PA DE BZHIN DU, NYON MONGS PA DAG KHO NA GNOD PA DRAG CING RTZUB PA CAN DU RIG NAS DE DAG KHO NA'I RTZA BA GCAD PAR BYA BA'I PHYIR CHES TSABS CHER GO GYON TO, ,GANG DU BDAG NYID KHROS PA DAG KYANG MGU BAR BYA DGOS PA DER DES GZHAN KHRO BAR BYED PA ZHES BYA BA 'DI LA SKABS MED PA NYID DO, ,SENG GE MTSON 'PHEN PA PO LA BSNUN PA BZHIN NO, ,JI LTAR RI DAGS KYI RGYAL PO SENG GE 'PHEN PA PO LA BSNUN GYI 'PHANGS PA LA MA YIN PA DE BZHIN DU SANGS RGYAS BCOM LDAN 'DAS RNAMS DANG BYANG CHUB SEMS DPA' RNAMS KYANG NYON MONGS PA DAG LA BSNUN GYI, NYON MONGS PA DANG 'BREL BA DAG LA NI MA YIN TE, DE'I PHYIR GZHAN DAG GIS KYANG DO KHO NA LTAR RJES SU BSLAB PAR BYA'O, ,'DIR BSHAD PA, 'DI 'DIR SEMS CAN SKYON MIN GYI, ,'DI NI NYON MONGS RNAMS SKYON ZHES, ,RNAM PAR DPYAD NAS MKHAS PA RNAMS, ,SEMS CAN DAG LA 'KHRUG MI BYED, ,DE'I PHYIR DE LTAR NA SLOB MA LA RJES SU STON PA'I SLOB DPON GYIS, GANG ZHIG GANG GANG LA DGA' BA'I, ,DE YIS DE DE @97A *, ,SNGAR DPYAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,PHAN PA NYE BAR 'DOMS SHING GZHAN GYI BSAM PA YANG DAG PAR SUN 'BYIN PAR MI BYED PA, DANG BA CHES 'PHEL BAR BYED PA, GZHAN GYI BSAM PA DANG MTHUN PAR BSGRUBS PAS NI DE NYE BAR LUNG DPOG PAR BYA'O, ,'DI LTAR SER SNA CAN NI SBYIN PA'I GTAM GYIS MI DGA' LA, TSUL KHRIMS 'CHAL PA, TSUL KHRIMS KYI GTAM GYIS SO, ,KHRO BA CAN BZOD PA'I GTAM GYIS SO, ,LONGS SPYOD 'DOD PA SBYIN PA'I GTAM GYIS DGA' LA, MTHO RIS 'DOD PA TSUL KHRIMS KYI GTAM DANG, GZUGS BZANG BAR 'DOD PA BZOD PA'I GTAM GYIS SO, ,DE'I PHYIR DE LTA BU LA SOGS PA'I GTAM DAG SNGAR NYE BAR BSTAN NAS PHYIS SNOD DU GYUR PAR SHES PAR BYAS NAS, ZAB MO'I GTAM DAG GLENG BAR BYA STE, DANG PO KHO NAR RJES SU MI MTHUN PA'I GTAM GYIS MI DGA' BAR GYUR PA DE NI DE LAS 'BYOL BA NA PHAN PA NYE BAR STON PA'I SNOD NYID DU MI 'GYUR RO, ,SKRA MDZES KYI SKYES RABS DANG, MKHAN PO SLOB MA'I RJES SU 'JUG PA BZHIN NO, ,BYANG CHUB SEMS DPA' SKRA MDZES ZHES BYA BA SMAN PAR GYUR PAS TSONG PA'I BUD MED 'DOD CHAGS KYIS SMYOS SHING KHYO SHI BA'I RO PHRAG PAS KHUR BA DBUGS DBYUNG BA'I PHYIR BUD MED SHI BA'I RO ZLA BA DRUG TU PHRAG PAS KHUR BA JI LTA BA DANG, DGRA BCOM PAS ZAS LA ZHEN PAS BDAG NYID LA SEMS SNAD PA'I NYES PA LAS SLOB MAS BDEN PA DAG MI MTHONG BAR SHES NAS DE DANG BSTUN PA'I PHYIR ZAS BSRES TE SNOD GCIG GIS BLANGS PA GANG YIN PA DE NYID PHYIS SO SOR SNOD MANG POS KHYER DU BCUG PAR GYUR LA, DE NAS DES RAB TU DANG BAR GYUR NAS MKHAN PO'I THAD DU DGRA BCOM PA NYID MNGON SUM DU BYAS PA JI LTA BA BZHIN NO, ,'DIR BSHAD PA, RE ZHIG THOG MAR NYAN PA PO, ,SBYIN GTAM SOGS LA YANG DAG SBYAR, ,SNOD DU SHES NAS PHYIS DE LA, ,ZAM MO'I GTAM NI BSNYAD PAR BYA, ,YANG GANG DAG LAN BRGYAR BZLOG TU ZIN KYANG YANG DANG YANG DU MI RIGS PA'I LAM DE NYID BSTEN PA DE DAG LA NI BYANG CHUB SEMS DPA' RNAMS @97B KYI YON TAN DANG LDAN PA RNAMS PAS CHES SHIN TU SNYING BRTZE BAR BYA BA YIN TE, DE'I PHYIR, JI LTAR MA NI KHYAD PAR DU, ,NAD THEBS BU LA GDUNG 'GYUR BA, ,DE BZHIN BYANG CHUB SEMS DPA'I BRTZE, ,DAM PA MIN LA KHYAD PAR DU'O, ,SNYING RJE NI GZHAN DAG GI SDUG BSNGAL SEL BA'I RNAM PA CAN NO, ,DE NI DE LA DMIGS PA'I KHYAD PAR GYIS PHUL DU BYUNG BA DANG LDAN PAR SKYA STE, JI SKAD BSHAD PA'I RANG BZHIN CAN GYI SEMS CAN MTHA' YAS PA RNAMS DA LTAR BYUNG BA'I KUN NAS NYON MONGS PA'I SDUG BSNGAL DANG, 'BYUNG BAR 'GYUR BA'I NGAN 'GRO LA SOGS PA MYONG BAR 'GYUR BA'I SDUG BSNGAL GYIS SHIN TU SDUG BSNGAL BA DE'I PHYIR DE RNAMS LA, BYANG CHUB SEMS DPA' RNAMS KYI SNYING RJE CHEN PO KHYAD PAR DANG LDAN PAR 'GYUR RO, ,DE'I PHYIR BYANG CHUB SEMS DPA' SEMS SPRO BAR 'GYUR ZHING GZHAN LA PHAN PA'I BYA BA LHUR LEN PA RNAMS JI LTAR DE DAG LA BTANG SNYOMS SU 'GYUR TE, SPONG BA LTA SMOS KYANG CI DGOS, 'DI NI BU LA BYAMS PA'I MA BU NAD KYIS THEBS PA LA CHES SHIN TU GUS PAR BYA STE RIM GRO BYED PA JI LTA BA DE LTAR RNAL MAR GNAS PA'I NGO BO LA MA YIN PA DE DANG 'DRA'O, ,GDOL PA MOS BU DRUG PA SO SO'I SKYE BO LA BYA BA MA YIN PA DOGS PA BZHIN NO, ,JI LTAR GDOL PA MO DE DAG LA BYA BA MA YIN PA MI DOGS PAS BU 'PHAGS PA'I GANG ZAG LNGA PO BYA BA MA YIN PA BYED PA GSAD PAR BYA'O ZHES RGYAL PO'I BKAS SBRAN PA NA NYEN PAR MA GYUR LA, DE LA BYA BA MA YIN PA DOGS PAS DRUG PA SBRAN PA NA SHIN TU NYEN PAR MA GYUR PA DE BZHIN DU BYANG CHUB SEMS DPA' RNAMS DAM PA MA YIN PA DAG LA LHAG PAR SNYING BRTZE BA'O, ,'DIR BSHAD PA, BRTZE BA'I BDAG NYID CAN 'DI RNAMS, ,SEMS CAN KUN LA SEMS SNYOMS MOD, ,DE LTA'ANG DE RNAMS SNYING RJE NI, ,SDIG BDAG CAN LA KHYAD PAR DU'O, , GANG GI PHYIR BYANG CHUB SEMS DPA' RNAMS KYI SNYING RJE CHEN PO DAM PA MA YIN PA DAG LA KLAGS PAR 'GYUR BA DE NYID KYI PHYIR SEMS CAN GYI PHUNG PO SHIN TU SNA TSOGS PA NA, BSAM PA DANG MOS PA DANG DBANG PO THA DAD PA'I PHYIR, LA LA'I SLOB MAR 'GYUR BA STE, GANG ZHIG NGA RGYAL @98A *, ,GYIS KHENGS PA DE NI YON TAN LHAG PAR DE LA BSNYEN BKUR MI BYED DE, DE LA NI GDUL BAR BYA BA'I PHYIR SLOB MA NYID KYI RJES SU 'JUG GO, ,LA LA'I BLA MAR 'GYUR TE, GANG ZHIG BDAG NYID SMAD BCAD DU RIG PA DE LA NI BLA MA NYID DU BSGRUBS PAS NA KHYAD PAR BSTAN PA'I SGO NAS RJES SU STON TO, ,DE'I PHYIR DE LTAR NA, THABS RIG SNA TSOGS THABS RNAMS KYIS, ,MA RTOGS SEMS CAN RTOGS PAR BYED, ,THABS SNA TSOGS LA MKHAS PAS BSAM PA'I DBYE BA DPAG TU MED PAS PHYE BA'I SEMS CAN GYI KHAMS JI LTAR 'TSAM PAR 'DUL BAR BYED PA STE, SMAN PA CHEN PO SNUM CHOS DANG SKYA CHOS BYED PA BZHIN NO, ,JI LTAR SMAN PA CHEN PO NI NAD PA THAMS CAD LA GDON MI ZA BAR SNUM CHOS MI BYED KYI, KHA CIG LA SKYA CHOS KYANG BYED PA DE BZHIN DU, BYANG CHUB SEMS DPA' RNAMS KYANG KHA CIG LA SLOB MA NYID DU KHAS LEN LA, KHA CIG LA BLA MA NYID DU'O, ,'DIR BSHAD PA, SEMS DPA' CHE RNAMS SLOB MA'AM, ,SMAN PA'AM TSANGS DBANG DU GYUR NAS, ,NGO BO DE DANG DE DAG GIS, ,SEMS CAN TSOGS RNAMS 'DUL BAR BYED, ,JI SKAD DU BCOM LDAN 'DAS KYIS, GRONG BA'I DPON DANG KHA LO SGYUR GYUR ZHING, 'GRON DPON KHYIM BDAG DANG NI RGYAL PO DANG, ,BLON PO MDUN NA 'DON DANG PHO NYA DANG, ,BSTAN BCOS TSUL SHES SMAN PA MKHAS GYUR NAS, ,ZHES BYA BA LA SOGS PA GSUNGS SO, ,DE NYID KYI PHYIR BYANG CHUB SEMS DPA' SEMS CAN YONGS SU SMIN PA 'PHEL BA LAS MTHU'I KHYAD PAR 'PHEL BA YANG YIN PA DANG, JI LTAR SMAN PA MKHAS GYUR PAS, ,NAD PA SGRUB MED DKON DE BZHIN, ,BYANG CHUB SEMS DPA'I STOBS RNYED NAS, ,GDUL BYA MA YIN SHIN TU DKON, ,SMAN PA MKHAS PAS ZUG RDU 'BYIN PA NI GSOR MI RUNG BAR SEMS SHING NAD PA 'GA' YANG 'DOR BAR BYED PA MA YIN PA DE BZHIN DU, THABS LA MKHAS PA'I STOBS NYE BAR 'PHEL BA, SEMS CAN GYI DBANG PO MCHOG DANG MCHOG MA YIN PA SHES SHING, BSDU BA'I DNGOS PO LA MKHAS PA YANG GDUL BA'I SEMS CAN THAMS CAD LA LTA BA NA 'GA' YANG 'DOR BAR MI BYED KYI, NYAMS JI LTA BA DANG BRTEN PA JI LTA BA BZHIN RNAM @98B PAR SBYONG BA'I PHYIR DGE BA'I SA BON BSKRUN PAR BYED CING, DE SMAN PA GCIG NAS GCIG TU BRGYUD PAS DUS PHYIS DE DAG 'DUL BAR BYED PAR 'GYUR TE, SENG LDENG GI CHU NYE BAR SPYOD PA DANG, SLOB DPON KLU SGRUB KYIS GSO DPYAD MDZAD PA'I RGYAL BU BZHIN NO, ,JI LTAR SMAN PA MKHAS PA GCIG GIS SENG LDENG GI CHU'I SBYOR BAS PHYUG PO ZHIG GI NAD GSOR MI RUNG BA ZHIG NYE BAR ZHI BAR BYAS PA DE BZHIN DU, BYANG CHUB SEMS DPA' MTHU CHEN PO THOB PA RNAMS LA YANG GDUL BAR BYA BA MA YIN ZHING GSO BAR BYA BA MA YIN PA SHIN TU DKON NO, ,YANG JI LTAR SLOB DPON KLU SGRUB KYIS RGYAL PO'I BU SEMS KYI NAD BUD MED 'DOD PAS BSLANG BA SMAN PA THAMS CAD KYIS MA SHES PA ZHIG MKHYEN NAS NYE BAR ZHI BAR MDZAD PA DE BZHIN DU, BYANG CHUB SEMS DPA' RNAMS KYANG SEMS CAN GYI BSAM PA DANG BAG LA NYAL YONGS SU SHES PA LAS SEMS CAN THAMS CAD KYI NYON MONGS PA'I NAD RIL NYE BAR ZHI BAR BYED DO, ,'DIR BSHAD PA, SEMS CAN DBANG PO LA MKHAS SHING, ,THABS MKHAS YONGS SU SHES PHYIR TE, ,DES NA BYANG CHUB SEMS DPA' LA, ,GDUL MIN SEMS CAN SHIN TU DKON, ,DE LTAR MTHU YI KHYAD PAR NYE BAR GYUR PA YI, ,BYANG CHUB SEMS DPA'I YUL DU NI, ,GAL TE 'GA' ZHIG MA BSKUL BAR, ,NGAN SONG 'GRO BAR 'GYUR NA DE, ,BLO LDAN GZHAN GYI SMAD BYAR 'GYUR, ,GAL TE 'GA' ZHIG BSKUL ZHING BRJED BSKUL NA NGAN 'GROR MI 'GRO BA DE LA SEMS CAN THAMS CAD LA PHAN 'DOGS PAR DAM BCAS PA LA ZHON PA'I BYANG CHUB SEMS DPA' 'DI MI BSKUL ZHING DRAN PAR MI BYED NA NI DAM BCA' NYAMS PA 'DI LA BYANG CHUB SEMS DPA' GZHAN RNAMS SMOD PAR BYED DO, ,DE'I PHYIR BDAG CAG SMAD PAR 'GYUR DU 'ONG NGO ZHES JI LTAR 'TSIM PA'I CHOS BSTAN PAS RANG GI YUL NA GNAS PA'I SEMS CAN RNAMS BSKUL BAR BYA'O, ,DON MTHUN PA GRUB PA DANG BDE BAS DED DPON CHEN PO BZHIN NO, ,JI LTAR GAL TE DON MTHUN PA 'GA' ZHIG MGON MED PA NYID KYIS SDUG BSNGAL DANG PHRAD PAR BYED NA DED DPON CHEN PO @99A *, ,DAM PA RNAMS KYI DGONGS PA YIN PA DE BZHIN DU 'DI YANG YIN NO, ,'DIR BSHAD PA, BRTZE CAN RDZU 'PHRUL LDAN YUL DU, ,CHOS DANG LHAN CIG MA SBYAR BAR, ,'GA' ZHIG NGAN SONG 'GRO 'GYUR NA, ,DE NI MKHAS PAS SMAD PAR 'GYUR, ,GZHAN DU NA NI, GANG ZHIG NYEN PA GZHAN DAG LA, ,SNYING BRTZE LEGS ZHES MI 'DOD PA, ,DE RJES BRTZE BAS MGON MED PA, ,BDAG LA JI LTAR SBYIN PA GTONG, ,BYANG CHUB SEMS DPA' RNAMS KYIS NI BYANG CHUB 'DREN PAR BYED PA'I CHOS THAMS CAD KYI SNGON DU 'GRO BA'I PHYIR SNYING RJE 'DOD PA YIN NO, ,LAS DANG PO PA'I BYANG CHUB SEMS DPA' GANG ZHIG SDUG BSNGAL LA ZHEN PAS NYEN PA'I SEMS CAN GZHAN DAG LA SNYING BRTZE LEGS SO ZHES BYA BA MI 'DOD PA DE, JI LTAR BRU BA TSA ZHING RID PA MCHU DANG LCE DANG RKAN DANG MKHUR TSOS BSKAMS PA, NYON MONGS PA NYAM THAG CING SLONG BA MGON MED LA NYAM CHUNG BA ZUG GZER DANG LDAN PA DAG LA RJES SU BRTZE BAS SBYIN PA GTONG BAR 'GYUR, DE'I PHYIR BYANG CHUB SEMS DPA' RNAMS KYIS GDON MI ZA BAR THOG MA KHO NAR SEMS CAN DAG LA SNYING BRTZE BA 'DOD PAR BYA'O, ,LONG BA LAS RDZAS 'PHROG PA DANG LHAM GYI DON DU GSOD PA BZHIN NO, ,GANG ZHIG LONG BA NYON MONGS KYI GAM NAS NOR 'PHROG PA BRTZE BA MED PA DE LA BYA BA MA YIN PA GZHAN CI ZHIG YOD PAR 'GYUR, DE BZHIN DU GANG ZHIG NYEN PAR GYUR PA GZHAN DAG LA SNYING BRTZE BA TZAM YANG YOD PA MA YIN PA DE JI LTAR SDUG BSNGAL MANG POS BSAGS PA'I NOR MGON MED PA DAG LA RJES SU BRTZE BAS GTONG BAR 'GYUR, DE BZHIN DU GANG ZHIG LHAM HRUL PO'I PHYIR GSOD PAR BYED PA DES JI LTAR DE LAS GZHAN GYI RDZAS KYI CHED DU GSOD PAR MI PHYED PA'AM 'GA' ZHIG LA CUNG ZAD CIG STER BAR 'GYUR, 'DIR BSHAD PA, GANG LA BU LTAR SEMS CAN NI, ,KUN LA SNYING RJE DRAG YOD PA, ,DE YI RDZOGS PA'I BYANG CHUB PHYIR, ,MGON MED DAG LA SBYIN GTONG NUS, ,GAL TE DE LTAR BYANG CHUB SEMS DPA' RNAMS SNYING RJE CHEN PO'I DBANG DU GYUR PA NYID KYIS 'KHOR BA'I BAR DU 'GRO BA'I DON SGRUB PA LHUR @99B LEN PAR RNAM PAR GNAS NA, RIS SU LTA BA'I SDUG BSNGAL GYIS NAD PAR GYUR PA GANG DAG DE RNAMS LA MANG DU SDANG BA DE DAG GI GTAM TSUL CI ZHIG CE NA, BSHAD PAR BYA STE, 'GRO LA PHAN PHYIR GANG ZHIG LA, ,'JIG RTEN SRID DU GNAS YOD PA, ,DE LA'ANG SOR GNAS DAG PHUNG NA, ,SDANG LA BSAM THAG CI ZHIG YOD, ,GANG ZHIG PHUNG PO LHAG MA MED PA'I MYA NGAN LAS 'DAS PA'I DBYINGS KYI MTHAR THUG PAR SEMS CAN GYI KHAMS MA LUS PA'I PHUN SUM TSOGS PA SGRUB PAR BYED PA PHUN SUM TSOGS PA PHUL DU DBYUNG DU MED PA'I GTER DU GYUR PA BSOD NAMS KYI ZHING BYANG CHUB SEMS DPA' DE LA JE BAR MAR GNAS PA GANG DAG YIN PA DE DAG KYANG, DE LA SBYIN PA DANG RI MO DANG RIM GRO LA SOGS PA DAG GIS BSOD NAMS KYI KHYAD PAR NYE BAR MA BSAGS PAS RE ZHIG BRLAG NA, GANG DAG YID KYI SKYON LA SOGS PA RNAMS KYIS SDANG BAR GYUR PA LTA SMOS KYANG CI DGOS TE, DE DAG NI NGAN 'GRO DAG TU SDUG BSNGAL BRGYA PHRAG LHAGS PAS NGES PAR PHUNG ZHING RAB TU PHUNG BAR 'GYUR RO, ,DE'I PHYIR DE LA GUS PA DANG LDAN PAS BAR MAR GNAS PA DOR TE, BYANG CHUB SEMS DPA' RNAMS LA BSNYEN BKUR BYA'O, ,SMAD 'TSONG MAS RKANG PA G-YAS PA MA SMAS SAM DRIS PA BZHIN DANG DER BA LANG DANG LUG G-YENGS PA DANG, 'KHAR BAS RKYAL PA RNAM PAR BSHAD PA DANG, RGAN POS AA RKA'I ME TOG ZA BA MTHONG BAS KHUR SKYA DANG LA DU BZHIN NO, ,SHING MKHAN 'GA' ZHIG GI BU MO GRONG GZHAN ZHIG TU PHYIN LA DE'I PHA'I DRUNG NAS MI ZHIG 'ONGS TE, DES DE LA KVA'I BDAG GI AO BO'I RKANG PA G-YAS PA MA SMAS SAM ZHES DRIS PAS, DES DE LA G-YON PA CI'I PHYIR MI 'DRI ZHES SMRAS PA DANG, DES DE'I RKANG PA G-YON PA SMAS PA LA BDAG RNAM PAR MI DPYOD KYI, G-YAS PA LA NI BDAG THE TSOM ZA'O ZHES SMRAS SO, ,DE BZHIN DU GANG DAG BYANG CHUB SEMS DPA' LA BTANG SNYOMS SU GNAS PA DE DAG KYANG RE ZHIG PHUNG NA, SDANG BA RNAMS LTA SMOS KYANG CI DGOS, YANG MI 'GA' ZHIG GIS GLANG PO CHE LA DBANG DU BYAS PA DAG LA GNAG LUG GTAMS PAR GYUR LA, DES DUS GZHAN GYI TSE DOGS TE @100A *, ,DE'I KHYED CAG BDE 'AM ZHES DRIS PA DANG, DE DAG GIS KHO BO CAG LA BDE BA'I GO SKABS GA LA YOD, GANG GIS BA GLANG THAMS CAD G-YENGS PAR GYUR PA'I CHAR RLUNG 'DI 'DRA BA BYUNG NGO ZHES SMRAS SO, ,DE'I BLO LA GANG DU GLANG PO CHE DAG LA BKA' MCHID 'DI RU GYUR PA DER NI GNAG LUG G-YENGS BA ZHIG GO SNYAM DU GYUR TE, GNAG LUG GI GTAM MA DRIS PA KHO NAR DONG LA, GANG DU LO NI DRUG CU YI, ,GLANG CHEN RGAN RNAMS G-YENGS GYUR PA, ,DER NI GNAG DANG LUG G-YENGS PAR, ,THE TSOM MED PAR SHES PAR BYA, ,ZHES BYA BA 'DI SKAD DU YANG SMRAS SO, ,DE BZHIN DU GZHAN ZHIG GIS 'KHAR BA RKYAL PAS DKRIS TE MDZA' BO ZHIG GI KHYIM DU BCOL LA DES DUS GZHAN ZHIG NA 'ONGS TE, SNYUN GSOL GYI GTAM DRIS PA DANG, DES BDE BA GA LA MCHIS BYI BA DAG GIS CHER GTZES NAS GNAS TE, GANG KHYOD KYIS 'KHAR BA GTAMS PA DE YANG ZOS SO ZHES SMRAS SO, ,MI DE RKYAL PA'I GTAM MA DRIS PA KHO NAR SONG LA, 'DI SKAD DU, BYI BA MCHE RNON RNAMS KYIS NI, ,GANG DU DBYUG PA'ANG ZA 'GYUR TE, ,DER NI RKYAL PA DBYUG PA DANG, ,LHAN CIG ZOS PAR SHES PAR BYA, ,ZHES KYANG SMRA'O; ,DE BZHIN DU RGAN PO RNAMS AA RKA'I ME TOG ZA BAR MTHONG NAS, KHA CIG GIS, SHIN TU ZA PHOD RGAN PO RNAMS, ,AA RKA'I ME TOG RNAMS GANG DU, ,ZA DER LA DU DAG DANG NI, ,LHAN CIG KHUR SKYA ZAR SHES BYA, ,ZHES SMRAS SO, ,DE BZHIN DU BYANG CHUB SEMS DPA' LA BTANG SNYOMS SU GNAS PA DE DAG KYANG RE ZHIG PHUNG NA, SDANG BA RNAMS LTA SMOS KYANG CI DGOS, ,'DIR BSHAD PA, 'DI NA MI GANG LTA ZHIG SEMS CAN THAMS CAD LA NI SNYING RAB SDANG 'GYUR NA, ,RAB TU SDANG BA'I YID CAN DE YI SDIG PA GANG ZHIG DE RU BSDAMS BYAS PA, ,DE SNYED SDIG PA 'DI NA RGYAL BA'I SRAS LA KHRO BA BSKYED PAS 'THOB 'GYUR TE, ,DE'I PHYIR RGYAL SRAS KHYU MCHOG ME DANG 'DRA BAR BLTAS TE YANG DAG SPANG BAR BYA, ,'DIR SMRAS PA, BSOD NAMS DANG YE SHES KYI STOBS DANG LDAN PA'I BYANG CHUB SEMS DPA' RNAMS KYI MCHOG TU BYA DKA' @100B BA CI ZHIG YIN, BSHAD PAR BYA STE, GANG LA SKYE BA THAMS CAD DU, ,MNGON SHES LNGA CHAR YANG YOD PA, ,DE YI DMAN PAR DMAN LTA'I DNGOS, ,'DI NI SHIN TU BYA DKA' BA'O, ,GANG DE BZHIN GSHEGS PA'I CHOS KYI LONGS SPYOD KYI RO ZHIM PO BSAM GYIS MI KHYAB PA CHOG MI SHES PA DANG; SPROS PA MED PA'I TING NGE 'DZIN LA GNAS PA DANG BSOD NAMS DANG YE SHES KYI 'BRAS BU BSAM GYIS MI KHYAB PA DANG, SEMS CAN THAMS CAD KYI MCHOG SPANGS NAS SNYING RJE CHEN POS GZHAN GYI RJES SU 'JUG PA NYID KYIS, SEMS CAN LA PHAN PA'I DON DU SRIN BU DANG, PHYE MA LEB DANG, SDIG SBRUL DANG, MA HE DANG, RI BONG DANG, SPRE'U DANG, RI DVAGS RU RU LA SOGS PA'I SKYE BA DAG YONGS SU 'DZIN PA NA, GZUGS DE DANG SKAD DE DANG DES SEMS CAN GYI RIS DE DANG DE DAG BYANG CHUB KYI PHYIR YONGS SU SMIN PAR BYED PA 'DI NI BYANG CHUB SEMS DPA'I BZOD PA THOB CING, MNGON PAR SHES PA MA NYAMS PA DE DAG GI MCHOG TU BYA DKA' BA YIN NO, ,DE'I PHYIR DE LTAR NA BYANG CHUB SEMS DPA' MCHOG TU BYA DKA' BA BYED PA RNAMS KYI MCHOG TU BYA DKA' BA NYID 'DI BLTAS NAS, BYANG CHUB SEMS DPA' LA RAB TU DANG BA MCHOG BSKYED PAR BYA STE, SEMS CAN LA BYAMS PA PHUL DU BYUNG BA MTHONG BA'I PHYIR RO, ,RGYAL BU DANG KHYI'I SKYE BA DANG, GONG MA SREG GI SKYES RABS BZHIN NO, ,RGYAL PO 'GA' ZHIG GIS BYES NA 'DUG CING BRAN PHO DANG BRAN MO DANG LHAN CIG GNAS PAR GYUR LA, DE LAS KHYI'U ZHIG SKYES PAR GYUR TO, ,DE LA KHYE'U GZHAN DAG GIS BRAN MO'I BU PHAR SONG, GANG KHYOD SU'I BU YIN PA MI SHES SO ZHES SMRAS PAS, DES SONG NAS MA LA BDAG SUS BSKYED CES DRIS SO, ,DES SMRAS PA, RGYAL POS SO, DES SMRAS PA, NYID KYI SRAS SNAMS SHIG CES RGYAL PO LA BDAG PHUL CIG CE'O, ,DES KHYOD KYANG RGYAL POS SNOMS PAR MI 'GYUR LA, DER BDAG LA YANG BRDUNG THAG BYED PAR 'GYUR RO ZHES SMRAS PA DANG, DE NGU BAR ZHUGS SO, ,DE NAS DE'I BU'I SRED PAS BRDUNG THAG SNYING LA BZHAG STE, RGYAL PO 'KHOR GYI DKYIL NA BZHUGS PA LA BU DE LAG @101A *, ,BRDAS STON CING GNAS LA, RGYAL PO NI NGO GZHAN DU GCUS NAS GNAS SO, ,DE BYIS PA DES BSKUL ZHING YANG DE PHYOGS SU SONG NAS BU DE STON PAR GYUR LA RGYAL PO NI SLAR YANG DE KHO NA LTAR GNAS SO, ,BYIS PAS MA LA SMRAS PA, TSIG GIS SMROS SHIG LAG BRDAS CI ZHIG BYA, DE NAS RGYAL PO DE LA BU'I GDUNG BAS BRAN MOS NYID KYI SRAS LAGS MKHYEN PAR MDZOD CIG ,KHO MOS YUN JI TZAM PAR DU GSO BAR BGYI ZHES KHYAB PAR SKAD KYIS ZHUS SO, ,RGYAL PO DES KYANG NGO TSA NAS BRAN MO MI BDEN PAR SMRA BA 'DI ZHUS SHIG CES SKYES BU DAG LA LUNG BSGO LA, DE DAG KYANG LAG NA LCAG THOGS TE MNGON PAR LHAGS PA DANG, BYANG CHUB SEMS DPA' DES NGANG PA'I RGYAL PO 'DAB GSHOG RGYAS PA LTAR MA'I PANG NAS 'PHAR TE NAM MKHA' LA BSDAD NAS RGYAL PO LA BDAG RGYAL PO'I BU YIN PAR MI DGYES SAM ZHES SMRAS SO, ,DE LA RGYAL PO DES BA SPU LANGS MCHI MA CUNG ZAD PHYUNG, GSER GYI GDAN KHRI LAS LANGS SHING LAG PA GNYIS BRKYANG NAS TSIG SUB SUB POS SKYES BU DAM PA GSHEGS SHIG ,RE ZHIG LHA'I RGYAL PO BRGYA BYIN YANG SRAS KHYOD KYIS RJES SU 'DZIN NA BDAG CAG LTA BU LTA SMOS KYANG CI 'TSAL ZHES SMRAS SO, ,SMRAS KYANG 'DI MA DANG BCAS PA TSUL BZHIN DU MCHOD PAR GYUR TO, ,BYANG CHUB SEMS DPA' 'GA' ZHIG TU KHYI RNAMS LA MA 'ONGS PA'I GNOD PA DAG RIG PAR BYAS NAS KHYI'I SKYE GNAS SU ZHUGS SO, ,DE NAS DE SKYES PA TZAM NYID NAS DGON PA NA GNAS PAR MNGON PAR BRTZON ZHING RTAG TU KHYI DAG DANG LHAN CIG TU DGON PA'I MTHA' GCIG NA GNAS SO, ,NAM ZHIG NA RGYAL PO RTA'I SHING RTA LA DGA' BA ZHIG GI RTA'I SHING RTA'I KO LPAGS KHYI DAG GIS ZOS PAR GYUR TO, ,DE NAS RGYAL POS BKYON PAR GYUR PAS KHYI THAMS CAD YUL YUL NAS KHUG LA DUS GCIG TU SOD CIG CES BKA' STZAL TE, ,DE NAS BYANG CHUB SEMS DPA' SUS KYANG MA MTHONG BAR RGYAL PO 'KHOR GYI DKYIL NA BZHUGS PA'I SENG GE'I KHRI'I 'OG TU ZHUGS LA, ,RGYAL PO DES KYANG GZIGS PAR GYUR TO, ,RGYAL POS RTA'I SHING RTA'I KO LPAGS @101B ZA BA PO 'DIR 'ONGS KYI, 'ONGS SU ZIN KYANG KHYOD MI BTANG NGO ZHES KYANG LUNG STZAL TO, ,DES SMRAS PA, GAL TE BDAG PHAM NA CHAD PA GSAL BAR THOB SHIG ,RGYAL POS SMRAS PA, KHYOD KO LPAGS ZOS PA'I PHYIR PHAM PA KHO NA MA YIN NAM, DES SMRAS PA, KHYED CAG PHO BRANG 'KHOR BA RNAMS NYON CIG ,DUD 'GRO DAG TU SKYES PAS NI BZA' BAR BYA BA DANG BZA' BAR BYA BA MA YIN PA MI SHES SO, ,GAL TE RE ZHIG BDAG KHO NAS ZOS PA DE LTA NA YANG 'DI NI DE'I SRUNG BA PO RNAMS KYI TSUL MA YIN PA YIN GYI BDAG GI NI MA YIN NA, YUL DANG GRONG KHYER DANG GRONG NA GNAS PA RNAMS LA NYES PA CI YOD, DE NI GCIG GIS ZOS KYIS THAMS CAD KYIS NI MA YIN LA, RGYAL POS KYANG THAMS CAD LA CHAD PAS CHOD CIG CES TSAD MAR MA BYAS PAR BKA' STZAL TO, ,DE'I PHYIR CI MI RNAMS LA YANG CHOS 'DI YIN NAM, 'ON TE MA YIN, GAL TE DE RNAMS LA MA YIN NA NI MI SNYOMS PA NYID DU THAL BAR 'GYUR RO, ,DE NAS RGYAL PO DE DE LTA BU LA SOGS PA'I SNYING 'DZIN PAR BYED PA MI'I TSIG RMAD DU BYUNG BA DAG GIS MNYES PAR GYUR TE, KHYI'I GNOD PA DE YANG BZLOG PAR MDZAD LA, CHOS LA GZHOL BAR YANG GYUR TO, ,DE LTAR NA DMAN PA DAG TU DMAN PA LTA BU'I DNGOS PO NI BYANG CHUB SEMS DPA' RGYU MED PAR MCHOG TU MNYES GSHIN PA'I RANG BZHIN CAN RNAMS KYI SHIN TU BYA DKA' BA YIN NO, ,YANG GI SGRAS NI MNGON PAR SHES PA MTHA' DAG SMROS SO, ,DE'I PHYIR DE LTAR BYANG CHUB SEMS DPA' RNAMS MNGON PAR SHES PA LNGA CHAR YANG DAG PAR LDAN PAR GYUR NAS SEMS CAN LA PHAN PA'I PHYIR, DUD 'GRO'I SKYE GNAS KYI GNAS GANG DAG TU SKYES PA KA PINYDZA LA DANG NE TZO DANG PHU RON LA SOGS PA'I SKYES RABS DE DAG DKA' BA BYED PA SHES PAR BYA BA'I PHYIR BRJOD PAR BYA'O, ,'DIR BSHAD PA, GANG LAS SEMS CAN YONGS SMIN PHYIR, ,BSOD NAMS PHUNG PO BTANG BYA STE, ,BRTZE BAS NGAN SONG DU SKYE BA, ,LAS 'DI DAM PA'I DKA' SPYOD DO, ,YON TAN GZHAL DU MED PA NYID MTHONG BA'I PHYIR YANG BYANG CHUB SEMS DPA' LA DAD PA BSKYED PAR BYA STE, 'DI @102A *, ,LTAR, THABS KYIS KUN TSO BSOD NAMS GANG, ,SHIN TU YUN RING BSAGS PA DE, ,THAMS CAD MKHYEN PA'I GZHAL BYA YANG, ,MIN ZHES DE BZHIN GSHEGS PAS GSUNGS, ,BSKAL PA GRANGS MED PA MANG POR BSAGS PAS CHEN PO NYID DU BSTAN PA'I PHYIR; SHIN TU YUN RING ZHES BYA BA SMOS SO, ,GANG CUNG ZAD BSOD NAMS 'BYUNG BA'I RGYUR GYUR PA DE MTHA' DAG LUS DANG NGAG DANG YID RNAMS KYIS BSTEN PA'I PHYIR KUN TSE ZHES BYA BA SMOS SO, ,THABS NI MNGON PAR 'DOD PA'I DON SHIN TU BYA DKA' BA YANG 'BAD PA MED PAR SGRUB PAR NUS PA'I RGYU NYE BAR RTOGS PA'O, ,DE LA THABS LA MKHAS PA'I STOBS DPAG TU MED PAS BAR MTSAMS MED PAR BSKAL PA GRANGS MED PA STONG PHRAG BRGYAR NYE BAR BSAGS PA'I BSOD NAMS NI NAM MKHA' LTAR MTHA' YAS PA'I PHYIR THAMS CAD MKHYEN PAS KYANG GZHAL PAR MI SPYOD NA, GZHAN DAG LA LTA CI SMOS TE, BYIS PA'I SKYE BO'I 'KHOR BA'I LHAG MA BZHIN NO, ,JI LTAR BYIS PA'I SKYE BO'I 'KHOR BA'I MTHA' YAS PA DE BZHIN DU, BYANG CHUB SEMS DPA'I DGE BA'I RTZA BA YANG MTHA' YAS TE, SNYING RJE CHEN PO DANG LDAN PA'I PHYIR DANG DUS MTHA' YAS PA'I PHYIR DANG, THABS MTHA' YAS PA'I PHYIR DANG, SEMS CAN MTHA' YAS PA'I PHYIR RO, ,'DIR BSHAD PA, GANG ZHIG RGYA MTSO CHU THIGS DANG, ,LHUN PO NYUNGS KAR SA GZHI NI, ,BAG TZAM DAG GIS 'JAL NUS TE, ,BYANG CHUB SEMS DPA'I YON TAN 'JAL, ,'DIR SMRAS PA, YANG CI'I PHYIR SKYES PA'I RABS LA SOGS PA DAG LAS BYANG CHUB SEMS DPA'I YON TAN RIN PO CHE THAMS CAD KYI GTER DU GYUR PA RNAMS LA YANG SBYIN PA'I SGRA JI SKAD DU SNYAN PAR 'DON PA DE SKAD DU GZHAN MA YIN, BSHAD PAR BYA STE, 'CHI DANG CHOS DANG SRID PA GZHAN, ,SBYIN PA'I SGRA YIS GSAL BYED PA, ,DE PHYIR BYANG CHUB SEMS DPA' LA, ,SBYIN PA'I SGRA NI RTAG TU SNYAN, ,DE LA DO NI GTUB PA LA'O, ,DA NI RNGA BA LA'O, ,ZHES SKAD KYI BYINGS GNYIS PO DER SBYIN PA'I SGRA PHYE BRAG TU 'CHAD PA NI DE'I 'CHI BA @102B GSAL BAR BYED PA STE, DE'I PHYIR SKYO BA DANG RJES SU MTHUN PA'I PHYIR BYANG CHUB SEMS DPA' RNAMS LA SBYIN PA'I SGRA SNYAN NO, ,GANG GI TSE DA nA NI SBYIN PA LA'O, ,dUD NYA NI SBYIN PA'I LA'O ZHES BYA BA DE LTAR YIN PA DE'I TSE NI GTONG BA'I RJOD PAR BYED PA YIN PA DE'I PHYIR CHOS BSNYAD DO; ,GTONG BA YANG RNAM PA GSUM STE, ZANG ZING DANG MI 'JIGS PA DANG CHOS KYI SBYIN PA'I DBYEBS SO, ,DE LA ZANG ZING GI SBYIN PA NI SBYIN PA'I PHA ROL TU PHYIN PA'O, ,MI 'JIGS PA'I SBYIN PA NI, TSUL KHRIMS KYI PHA ROL TU PHYIN PA DANG BZOD PA'I PHA ROL TU PHYIN PA'O, ,CHOS KYI SBYIN PA NI BSAM GTAN DANG SHES RAB KYI PHA ROL TU PHYIN PA DAG GO, ,BRTZON 'GRUS NI THAMS CAD DU NYE BAR MKHO BA'I PHYIR GSUM KAR YANG 'GYUR RO, ,DE LTAR CHOS RJOD PAR BYED PA YIN PA'I PHYIR SBYIN PA'I SGRA NI SNYAN NO, ,GANG GI TSE DENG NI BSRUNG BA LA'O, ,DE BA NI SBYONG BA LA'O, ,ZHES SKAD KYI BYINGS GNYIS PO DER SBYIN PA'I SGRA BYE BRAG TU 'CHAD PA DE'I TSE NI, TSE 'DI NYID DU YUL DAG LA LUS DANG NGAG DANG YID BSRUNG BA'I PHYIR DANG, DE YONGS SU DAG PAS JI LTAR 'DOD PA BZHIN SRID PA GZHAN MNGON PAR SGRUB PA'I PHYIR NA, SRID PA GZHAN GSAL BAR BYED PA'I PHYIR SBYIN PA'I SGRA BYANG CHUB SEMS DPA' RNAMS LA SNYAN NO, ,GSAD PAR BYA BAS GTONG BA THOS PA BZHIN NO, ,GSAD PAR BYA BA LA THAR PA'I SGRA LAS SGRA GZHAN CHES SNYAN PA 'GA' YANG YOD PA MA YIN PA DE BZHIN DU, BYANG CHUB SEMS DPA' RNAMS LA YANG SBYIN PA'I SGRA SNYAN PA LAS CHES SNYAN PA'I SGRA GZHAN MED DE, ,DE NI BSOD NAMS DANG MI RTAG PA NYID DANG, SRID PA GZHAN GSAL BAR BYED PA'I PHYIR RO, ,'DIR BSHAD PA, GANG PHYIR SBYIN PAS GTONG PO DANG, ,LEN PA PO LA BDE 'DREN PA, ,DE PHYIR SBYIN SGRA RDZOGS PA YI, ,BYANG CHUB SEMS DPA' LA RTAG SNYAN, , 'DIR SMRAS PA, GANG BYANG CHUB SEMS DPA' RNAMS KYI SBYIN PA KHO NA MTHA' YAS KYI, GZHAN DAG GI NI MA YIN NO ZHES BYA BA KHYAD PAR CI YOD, ,'BRAS BU LA MI LTOS PA'I PHYIR RO, ,GANG ZHIG ,'DIR SBYIN PA YI SBYIN PA LA, ,'BRAS BU CHEN PO 'BYUNG 'GYUR ZHES, ,LEN DANG @103A *, ,YONGS SU GTONG BA NI, ,TSONG SPOGS BZHIN DU SMAD PAR 'GYUR, ,GZHAN DAG 'BRAS BU BSNGAGS PAR BYED CING GTONG BA DANG LEN PA SGRUB PAR BYED PA DE NI JI LTAR TSONG PA DAG KHE'I PHYIR RDZAS GTONG BA DE DANG 'DRA LA, BYANG CHUB SEMS DPA' RNAMS NI SNYING RJE CHEN PO'I GZHAN GYI DBANG DU GYUR PAS GZHAN MNGON PAR MTHO BAR BYA BA'I CHED KHO NAR YONGS SU GTONG STE, DE'I PHYIR DE RNAMS KYI SBYIN PA LAS BYUNG BA'I BSOD NAMS LA ZAD PA MED DO, ,YO BYAD THAMS CAD BTZONGS PA'I KHE BZHIN NO, ,JI LTAR YO BYAD THAMS CAD BTZONGS PAR GYUR PA DANG, RDZAS DANG BCAS PA'I TSOD PA LA KHE TZAM KHO NAR 'GYUR GYI BSOD NAMS MA YIN PA DE BZHIN DU, 'BRAS BU 'DOD PA'I SBYIN PA PO LA LONGS SPYOD CHEN PO NYID DU 'GYUR GYI THAR PA NI MA YIN TE, 'KHOR BA'I BTZON RA'I KHANG PAR BSDAMS PA'I PHYIR RO, ,'DIR BSHAD PA, SBYIN GANG SER SNA DANG BRAL BA, ,SNOD DAM SNOD MIN DE DAG LA, ,MNYAM PAR SEMS SNYOMS PAS GTONG BA'I, ,SBYIN DE SBYIN PA PO LAS DAG ,BRTZE BAS SBYIN DANG SBYIN PA'I 'BRAS, ,GNYI GA'ANG CIG CAR DON GNYER LA, ,GTONG BA'I SBYIN GANG SER SNA MED, ,DE NI DAM PA RNAMS KYIS BSNGAGS, ,DE'I PHYIR DE LTAR NA, RGYUD DGE BA LA GCIG TU GTAD CING GZHAN LA PHAN GDAGS PA'I PHYIR 'KHOR BA'I BAR DU GNAS PA, SEMS CAN GYI PHUNG PO MTHA' YAS PA LTAR RGYA CHE PA'I BSOD NAMS GZHAL DU MED PA NYE BAR BSAGS PA, GANG LA PHYOGS TZAM GYIS DON MA YIN PA BYAS PA LAS MI DGE BA GANG 'PHANGS PA'AM NYE BAR BSAGS PAR GYUR PA, SNGAR BYAS SDIG PA DE YANG NI, ,YOD NYID YOD PA MA YIN PA, ,DGE BA'I LAS CAN DE LA NI, ,SGRUB MIN ZHES BYA YOD MA YIN, ,BSOD NAMS MA YIN PA CHUNG NGU YANG MED PA'I PHYIR DANG, DGE BA'I RTZA PA NYE BAR BSAGS PA'I KHYAD PAR GYI PHYIR NA, PHOD PAR GYUR PA'I SEMS CAN GYI DON MTHA' DAG 'GRUB PAR 'GYUR RO, ,LAN TSVA'I SRANG LTA BU BZHIN TE, LAN TSVA'I SRANG LTA BU'I MDO'I DON RGYAS PAR BRJOD PAR BYA'O, ,DE'I DON MDOR @103B BSDUS PA NI, LAN TSVA SRANG 'GA' CHU NI NYUNG NGU ZHIG ,RO BSGYUR BGYID KYI GANG G'A'I KLUNG MIN LTAR, ,DE BZHIN SDIG PA'I LAS KYANG DGE BA YI, ,RTZA BA CHUNG DANG CHE YANGS LA MKHYEN BGYI, ,ZHES BYA BA'O, ,'DIR BSHAD PA, GANG GI CHOS KYI SGRIB PA RNAMS, ,RNAM PA KUN TU SPANGS GYUR PA, , MYA NGAN 'DAS PA DE DAG LA, ,BSGRUB PAR BYA MIN CI YANG MED, ,GAL TE DE LTAR BYANG CHUB SEMS DPA' GCIG TU DGE ZHING PHYIR MI LDOG PA YIN NA CI'I PHYIR MYA NGAN LAS 'DAS PAR MI 'GRO ZHE NA, BSHAD PAR BYA STE, RLABS CHEN YID CAN DE LA NI, ,'DI NA'ANG GNOD PA YOD MIN TE, , DES NA DE LA SRED PA DANG, ,MYA NGAN 'DAS LA KHYAD PAR MED, ,GANG GI PHYIR GANG BYANG CHUB SEMS DPA' PHYIR MI LDOG PA'I CHOS DANG LDAN PA'I YID RGYA CHE ZHING NYE BAR MI DMIGS PA YIN LA, 'KHOR BA NA 'KHOR NA DE'I YID NYON MONGS PA THAMS CAD KYIS SNYON MI RMONGS SHING, ,CHUS PADMA LTAR 'KHOR BA'I MTSOR YID NYE BAR NYON MONGS PA'I DRI MA DAG GIS MI GOS PA DE'I PHYIR DE LA 'DI NA YANG GNOD PA MED DO, ,DE LA NI SKYE BA DANG, RGA BA DANG, NA BA DANG, 'CHI BA LA SOGS PA'I SDUG BSNGAL GYI GNOD PA MED PA'I PHYIR SRID PA DANG MYA NGAN LAS 'DAS PA LA KHYAD PAR YANG YOD PA MA YIN TE, DE'I PHYIR MYA NGAN LAS 'DAS PAR MI 'GRO'O, ,BU GCIG PA NA BA'I RIM GROM BZHIN NO, ,JI LTAR BU GCIG PA NA PA'I RIM GRO BYED PA NA MA YID MI 'BYUNG BA DE BZHIN DU, BYANG CHUB SEMS DPA' RNAMS KYANG NYON MONGS PA'I NAD THAMS CAD NYE BAR ZHI BAR BYA BA'I PHYIR RIM GRO DE DANG DE BYED PA NA SKYO BAR YANG MI 'GYUR RO, ,'DIR BSHAD PA, DBANG BCU RNAM DAG DBANG GYUR PA, ,KUN KYANG GANG DAG LA YOD PA, ,DE DAG LA DER SRID PA'AM, ,MYA NGAN 'DAS KHYAD CI ZHIG YOD, ,JI SKAD DU 'PHAGS PA TING NGE 'DZIN GYI RGYAL PO LAS, YE SHES KYIS NI PHUNG PO STONG PAR SHES, ,SHES NAS NYON MONGS RNAMS DANG NGA MI 'GROGS, ,THA SNYAD TZAM GYIS RNAM PAR DPYOD BYED CING, ,'JIG RTEN 'DI NA MYA NGAN 'DAS PAR GNAS, ,ZHES GSUNGS SO, ,'DIR SMRAS PA, SEMS BSKYED PA DANG PO NYE BAR BZUNG @104A *, ,NAS BYANG CHUB SEMS DPA' RNAMS PHAL CHER DBANG 'BYOR PAR 'GYUR RO ZHES BYA BA 'DI LA RGYU CI ZHIG YOD, BSHAD PAR BYA STE, GANG LA KUN TSE SEMS DBANG NI, ,NYID LAS SKYE BA YOD GYUR PA, ,DE KO RGYU CIS 'JIG RTEN NI, ,KUN GYI MNGA' BDAG 'GYUR MA YIN, , GANG GI PHYIR BYANG CHUB SEMS DPA' BSOD NAMS DANG YE SHES KYI STOBS DANG LDAN PAS BSAMS BZHIN DU SRID PA YONGS SU LEN PAR BYED PA DE RGYU CIS THAMS CAD KYI TSE 'JIG RTEN THAMS CAD KYI MNGA' BDAG TU MI 'GYUR, YID BZHIN GYI NOR BU BZHIN DANG, DPAG BSAM GYI SHING CHEN PO DANG, BUM PA BZANG PO BZHIN NO, ,JI LTAR YID BZHIN GYI NOR BU 'DOD PA'I DON STER BA DE BZHIN DU BYANG CHUB SEMS DPA'I SEMS KYANG YIN LA, YANG JI LTAR DPAG BSAM GYI SHING 'JIG RTEN YONGS KYI YID LA MNGON PAR 'DOD PA'I GNAS SKABS KYI 'BRAS BU STER BAR BYED PA YIN PA DE BZHIN DU BYANG CHUB SEMS DPA' YANG YIN TE, DE'I PHYIR DGE BA'I RTZOM PA THAMS CAD 'DI LA RAG LAS PA YIN NO, ,'DIR BSHAD PA, GANG DAG LA NI YID DAG DANG, ,BSOD NAMS STOBS YONGS YOD GYUR PA, ,DE DAG BSAMS BZHIN 'GRO BAR NI, ,MI 'GYUR ZHES 'DIR RGYU CI YOD, ,BYANG CHUB SEMS DPA'I MTHU LAS KYANG DE'I SPYOD PA'I 'BRAS BU'I NGO BO SANGS RGYAS BCOM LDAN 'DAS DPE MI MNGA' BA MTHU'I KHYAD PAR BSAM GYIS MI KHYAB PA RNAMS SO, ,GANG DAG KHA CIG NI RANG GI LHAG PAR MOS PAS DBUL BA NYID KYIS SANGS RGYAS BCOM LDAN 'DAS MTHU BSAM GYIS MI KHYAB PA MNGA' BA DE DE LTAR MI RTOGS PA 'BA' ZHIG TU MA ZAD KYI, 'ON KYANG SKUR PA 'DEBS PAR YANG BYED DE, DE SKAD DU YANG, DE BZHIN GSHEGS PA NI THAMS CAD MKHYEN PA MA YIN TE, SKYES BU NYID YIN PA'I PHYIR MI GZHAN BZHIN NO, ,ZHES SMRA'O, ,DE'I PHYIR 'DIR DE BZHIN GSHEGS PA NI THAMS CAD MKHYEN PA MA YIN TE, ZHES SMRA BA 'DI LA 'DI SKAD DRI BAR BYA STE, GANG DAM BCA' BA'I TSIG GNYIS NYE BAR BKOD PA DE CI DON GCIG PA ZHIG GAM, 'ON TE DON THA DAD PA ZHIG YIN GRANG, ,DON GCIG GO ZHEN NI, ZLOS PA'I NYES PAR @104B 'GYUR RO, ,DON THA DAD DO ZHE NA BRJOD PAR 'DOD PA'I DON GO BAR BYED PA MA YIN NO, ,BRJOD DU MED PA YIN NO ZHE NA, BRJOD DU MED PA NYID 'DI CI ZHIG ,GAL TE BRJOD PA NYID MED PA NYID YIN NA NI, ,DE'I PHYIR TSIG 'DI GNYIS MA SMRAS PA NYID KYI PHYIR DON CI YANG GO BAR MI BYED DO; ,CI STE DE NYID DANG GZHAN NYID DU BRJOD DU MED PA NYID KYI PHYIR BRJOD DU MED PA YIN NO ZHE NA 'O NA NI JI SKAD DU BRJOD PAR BYA BA DE SKAD DU BRJOD PAR GYIS SHIG ,GANG GCIG MA YIN ZHING GCIG MA YIN PA YANG MA YIN PA'I DNGOS PO DE LTA BU NI SRID PAR BYA BA YANG MI NUS SO, ,DE'I PHYIR DE LTAR RANG GIS DAM BCAS PA'I GANG GI DON KHONG DU CHUD PAR MI NUS PAS KO RTZOD PA GA LA RNYED, GTAN TSIGS 'DI YANG DAM BCA' BA LAS THA DAD PA ZHIG BSGRUB BYA'I DON GO BAR BYED DAM, THA MI DAD PA ZHIG YIN GRANG, GAL TE THA DAD NA NI DE THA DAD PA NYID KYI PHYIR GO BAR MI BYED DE; THA DAD PA GZHAN BZHIN NO, ,CI STE THA MI DAD NA, DE LTA NA YANG DAM BCA' BA'I RANG GI BDAG NYID LTAR GO BAR MI BYED DO, ,GAL TE 'DI NI LTAG CHOD ZHIG GO ZHE NA, LAN YOD NA NI LTAG CHOD DU 'GYUR BA ZHIG NA DE YANG NGA LA GDAB PAR MI NUS TE, GANG DANG GANG SMRAS PA DE DANG DE GNYI GA LA GRUB PA MED PA'I PHYIR RO, ,GANG ZHIG GNYI GA LA 'GRUB PAR 'GYUR BA DAG GIS NI CI YANG KHAS MA BLANGS SO, ,CI KHYOD LA THAMS CAD MED DAM ZHE NA, RE ZHIG THAMS CAD NYID BRJOD PAR BYA DGOS TE, DE NAS DE YOD PA'AM MED PA ZHES BYA BA DER 'GYUR BA THAMS CAD CES BYA BA'I DNGOS PO 'DI CI ZHIG ,CI STE KHYOD KYANG MED DAM, CI KHYOD YOD PA ZHIG GAM, YOD NA NI RE ZHIG BDAG SGRUBS SHIG ,BDAG DANG GZHAN DANG GNYI GA DANG RGYU MED PA LAS RNAM PAR DPYAD PA NA KHYOD LA YOD PA NYID MED LA, DE BZHIN DU RGYU LA YANG YOD PA DANG, MED PA DANG DUS GSUM DU YANG MI SRID PAS JI LTAR KHYOD KYI YOD PA NYID DU 'GYUR, KHYOD LA 'JIG RTEN PA DANG 'GAL BAR 'GYUR RO ZHE NA, BDAG DANG 'JIG RTEN MI 'GAL TE, 'DI LTAR BDAG NI KHYOD LA YANG RNAM PA GZHAN DU ZHUGS PA, 'JIG RTEN LA YANG RNAM PA GZHAN DU YIN NO, ,KHYOD NI MKHAS PAR RLOM @105A *, ,PA ZHIG STE, BDAG GIS TSIG 'DI LTA BUS DE'I MKHAS PAR RLOM PA NYID DE SEL BAR BYED DO, ,KHYOD NI DES 'JIG RTEN SLU BAR BYED DE, DE BSAL BAS 'JIG RTEN YONGS SU BSKYANGS PAR 'GYUR RO, ,GANG GI TSE 'JIG RTEN DANG LHAN CIG SMRA BA DE'I TSE NA NI 'JIG RTEN GYI RTOGS PA MA BSAL BAR 'JIG RTEN PA'I DNGOS PO LA THA SNYAD DU BYED DE, BDAG DANG 'JIG RTEN LA NI 'JIG RTEN PA'I DON LA TSIG THA DAD PA'AM BLO THA DAD PA MED LA, KHYOD NI RANG GI BLOS PHYIN CI LOG TU RTOGS PAS BSLUS LA, RJES SU DPAG PAS GTZOR BYED CING BDAG NYID MKHAS PAR KHAS 'CHES NAS 'JUG PAS KHO BOS DE MI BZOD DO, ,KHYOD JI LTA BA DE BZHIN DU GRUB PA'I MTHA' GZHAN GYIS BSLUS SHING MKHAS PAR RLOM PA GZHAN RNAMS KYANG YIN PAS THAMS CAD KYANG BDAG GIS DGAG PAR BYA'O, ,RJES SU DPAG PAS GTZO BOR GYUR PA 'DI LA NI MI 'DOD PA MANG POR 'GYUR TE, MA LA SOGS PA DAG KYANG 'DI'I BGROD BYA MA YIN PAR MI 'GYUR TE, BUD MED NYID KYI PHYIR RANG GI CHUNG MA BZHIN NO, ,DE BZHIN DU 'DI'I LTAR NA RIG BYED KYI SGRA YANG RTAG PA DANG MA BYAS PA DANG RANG 'BYUNG DANG TSAD MAR MI 'GYUR TE, SGRA NYID YIN PA'I PHYIR SMYON PA'I SGRA BZHIN NO, ,'DI NI BRAM ZER YANG MI 'GYUR TE, LAG PA LA SOGS PA DANG LDAN PA NYID KYI PHYIR NYA PA LA SOGS PA BZHIN NO ZHES 'DI'I MNGON PAR 'DOD PA THAMS CAD NYAMS PAR 'GYUR RO, ,'DIS 'JIG RTEN GYI GNOD PA GZHUG PAR YANG MI NUS TE, 'JIG RTEN GYI MTHONG BA TSAD MA NYID DU THAL BAR 'GYUR BA'I PHYIR LA, 'JIG RTEN DANG 'GAL BA'I DON SMRA BA TSAD MA MA YIN PA NYID DU THAL BAR 'GYUR BA'I PHYIR RO, ,NAS DANG TIL DANG S'A LU LA SOGS PA DAG LTAR RGYU'I KHYAD PAR LAS 'BRAS BU'I KHYAD PAR KHAS LEN PAS 'GRO BA'I BLA MA DE BZHIN GSHEGS PA RNAMS KYI BSAM GYIS MI KHYAB PA NYID KHAS BLANG BAR NUS PA NYID DO, ,'DI LTAR, PHUL 'GRO LAS TSES PHUL 'GRO BA, ,'GA' ZHIG 'JIG RTEN 'DIR YANG SNANG, ,DES NA BSAM MI KHYAB MTHU YANG, ,NGES PAR YOD CES RTOGS PAR GYIS, ,RIGS KYI PHUL DU BYUNG BA BRAM ZE LA THUG PA DANG SKYE @105B BA'I GNAS KYI PHUL DU BYUNG BA 'DU SHES MED 'DU SHES MED MIN GYI SKYE MCHED LA THUG PA DANG, RI'I PHUL DU BYUNG BA LHUN PO LA THUG PA DANG, RGYAL PO'I PHUL DU BYUNG BA 'KHOR LOS SGYUR BA LA THUG PA JI LTA BA DE BZHIN DU SHES PA'I PHUL DU BYUNG BA YANG RNAM PA THAMS CAD MKHYEN PA'I YE SHES KYI MTHAR THUG PA 'BYUNG BAR 'GYUR RO, ,DE'I PHYIR PHUN SUM TSOGS PA DAG GI KHYAD PAR GYI GNAS SKABS MTHONG BA'I PHYIR 'DI YANG PHUL DU BYUNG BA DANG LDAN PAR 'GYUR RO ZHES BYA BAR SRID DE, RGYU YANG DAG PAR SBYAR BA DAG GIS RANG DANG MTHUN PA'I 'BRAS BU PHUN SUM TSOGS PA NYE BAR SKYED PAR BYED DO ZHES BYA BA 'DI NI BYIS PA'I BAR LA RAB TU GRAGS SO, ,RGYU NI BYANG CHUB SEMS DPA' RNAMS KYI 'BYOR BA SHIN TU RGYA CHE ZHING NYAMS PAR RTOGS PA MED PA YIN LA, 'BRAS BU YANG DE DANG RJES SU MTHUN PA DE BZHIN GSHEGS PA YIN PAS 'GRO BA'I BLA MA RNAMS KYI YON TAN BSAM GYIS MI KHYAB PA'I 'BYOR PA RGYA CHEN PO SRID DO, ,'BRU MAR GYI BUM PA BRGYA NYE BAR SBYOR BA LA DGE SBYONG GI RKYEN BZHIN NO, ,DGE SLONG MKHAS PA 'GA' ZHIG GNAS KYI CHED DU DBUL PO ZHIG GI KHYIM DU ZHUGS LA, DBUL PO DES KYANG DE LA RKANG PA BSKU BA'I 'BRU MAR DANG MAL CHA BSTABS PAR GYUR TO, ,DE NAS GANG ZHIG YUL DER YUL DPON DU GYUR PA DES DGE SLONG DE 'ONGS SO ZHES THOS PAR GYUR PA DANG, DES DGE SLONG DE'I GAN DU 'ONGS NAS CI BGYI BKA' STZOL CIG CES DGE SLONG DE LA GUS PAS GSOL BA BTAB BO, ,DGE SLONG DES GANG GI KHYIM DU KHO BOS MTSAN MO GNAS BCAS PA'I SKYES BU 'DI LA 'BRU MAR BUM PA BRGYA BYIN CIG CES SMRAS LA, DES KYANG DE BZHIN DU BYAS TE DE LTAR NA 'JIG RTEN NA PHUL DU 'GRO BA PAS CHES PHUL DU 'GRO BA MTHONG NGO, ,RJES SU DPAG PA 'DIS NI GANG ZHIG BSAM GYIS MI KHYAB PA MTHU'I STOBS KHYAD PAR DU GYUR PA DE 'GA' ZHIG YOD DO ZHES BYA BAR RTOGS PAR BYA'O, ,'DIR BSHAD PA, MNGON SUM MIN DON GANG DE DAG ,MNGON SUM DON GYIS RTOGS BYA DE, ,MED CES BYA BAR BRJOD MIN TE, ,CHE KUN CHE RNAMS LA 'GYUR RO, ,'DIR @106A *, ,SMRAS PA, YANG CI'I PHYIR SEMS CAN 'DI DAG PHAL CHER THEG PA CHEN PO LA SKRAG CING, JI SKAD BSHAD PA'I MTHU'I KHYAD PAR LA YANG MI GUS PAR 'GYUR, SKRAG PA'I PHYIR RO, ,'DI LTAR, BLUN LA SHIN TU ZAB CHOS LA, ,SKRAG PA SKYE BA JI LTA BA, ,DE BZHIN ZHEN LA SHIN TU NI, ,RMAD BYUNG CHOS LA SKRAG PA SKYE, ,JI LTAR BLO ZHEN PA RNAMS BLUN PA'I RANG BZHIN CAN NYID KYIS RAB TU RNAM PAR 'BYED PAR MI NUS PA'I PHYIR RTEN CING 'BREL PAR 'BYUNG BA ZAB MO'I RANG BZHIN GYIS MA SKYES PA'I MTSAN NYID CAN BDAG DANG BDAG GI BA DANG BRAL BA LA SKRAG PA DE BZHIN DU, PHRA MO LTA BU RNAMS KYANG RGYA CHE BA'I KHYAD PAR DANG LDAN PA'I CHOS LA YIN TE, DE'I PHYIR BYIS PA RNAMS NI MOS PA DMAN PA NYID KYIS DE BZHIN GSHEGS PA'I PHUL DU BYUNG BA GCIG NAS GCIG TU BRGYUD PA'I MTHAR THUG PA DE LA MI DAD DO, ,DE LAS DE MED PA YANG MA YIN TE; DE MNGON PAR 'DOD CING 'GRO BA MTHA' DAG RJES SU 'DZIN PAR 'DOD PAS ZAB PA DANG RGYA CHE BA'I CHOS KYI TSUL GSAL BAR BYED PA'I THEG PA CHEN PO LA RAB TU DAD PA BSKYED DE, DE LA LHAG PAR MOS PA LA BDAG NYID NGES PAR SBYAR BAR BYA'O, ,'PHAGS PA LUS BZANG BZHIN NO, ,JI LTAR SA BDAG 'PHAGS PA LUS BZANG KHYIM PAR GYUR PA, RI DGAS KYI BRTUL ZHUGS CAN RI DAGS MO LA LOG PAR ZHUGS PA MTHONG NAS DGE SLONG RNAMS LA YID MI CHES PAR 'GYUR ZHING, NGA'I GNAS SKABS CI ZHIG TU 'GYUR ZHIG GU, GANG DU RI DAGS KYI BRTUL ZHUGS CAN RNAMS LA, ,JI LTA BU SDUG BSNGAL BAR GYUR PA DAG LA 'KHRIG PA'I GOMS PA MI LDOG NA, YANG 'DI LTAR MCHOG TU BDE BAR GYUR PA'I SH'A-KYA RNAMS LA LDOG PA LTA CI SMOS ZHES SLAS KYI NANG DU DGE SLONG 'JUG PA RNAMS LA 'JIGS PAR YANG GYUR TO, ,GANG TSE SNA TSOGS BSHES GNYEN GNAS 'JOG KAN N'A SER SKYA CHU KLUNG ZA BA RNAMS, ,NA CHUNG RNAMS KYI MIG DKYUS RING POS BLTAS PA DAG GIS CHU SO'I DBANG BYAS NA, ,MAR DANG BCAS SHING SRAN TSOD SHAR BCAS ZHO MCHOG GIS BRGYAN KHA ZAS THOS GYUR NAS, ,GAL TE SH'A-KYA RNAMS KYI @106B DBANG THUL GYUR NA 'BIGS BYED RGYA MTSOR 'PHYO BAR 'GYUR, ,ZHES KYANG SMRA'O, ,DES BTZUN MO'I 'KHOR NAS DGE SLONG BZLOG LA, DE SPUN ZLA THU BO MKHAS PA RGYAL PO MYA NGAN MED KYIS BSAD PAR BKA' LUNG STZAL BA'I THABS KYIS BTUL BAR YANG GYUR TO, ,DE BZHIN DU BLUN PO YANG ZAB CING SHIN TU RGYA CHE BA'I CHOS 'DI LA MOS PAR JI LTAR 'GYUR TE, LHAG PAR ZHEN PA 'THOB PA SMOS KYANG CI DGOS, 'DIR BSHAD PA, ZAB PA DANG NI RGYA CHE'I GTAM, ,PHAL CHER THEG PA CHE LAS BSTAN, ,DES NA YID CHUNG DMAN PA RNAMS, ,'DI LA SKRAG PA YANG DAG SKYE,, CHOS 'DI BLO CHUNG RNAMS DANG NI, ,DMAN PA RNAMS KYI 'ANG SPYOD YUL MIN, ,CHOS 'DI SANGS RGYAS SRAS RNAMS KYI, ,YUL DU RGYAL BA RNAMS KYIS GSUNGS, ,LHA YI THEG DANG TSANGS PA'I THEG ,NYI TSE BA YI THEG PA GANG, ,THAMS CAD THEG PA CHEN PO YI, ,GNAS CHEN 'DIR NI 'DU BAR 'GYUR, ,DE PHYIR 'DI NI THEG CHEN NAM, ,GANG PHYIR CHE RNAMS KYIS BSTEN PA'AM, ,YON TAN CHEN PO NYID KYI PHYIR, ,CHE RNAMS KYIS 'DI BZUNG BA'AM, ,YON TAN PHUNG PO CHEN POR NI, ,MYA NGAN 'DAS RNAMS PHAN 'DOGS PA'AM, ,DAM PA RNAMS KYIS MCHOD PA'I PHYIR,, 'DI NI THEG PA CHEN POR 'DOD, ,SLOB DPON 'PHAGS PA LTA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS, BYANG CHUB SEMS DPA'I SPYOD PA BSTAN PA STE RAB TU BYED PA LNGA PA'I 'GREL PA'O,, ,,YANG DE LTAR BYANG CHUB SEMS DPA' YON TAN GYI TSOGS PHUL DU BYUNG BA KHONG DU CHUD PA, 'GRO BA'I GNYEN GCIG PA DES NI RGUD PA THAMS CAD 'BYUNG BA'I GNAS NI 'KHOR BA YIN NO ZHES RIG PAR BYA STE, 'GRO BA RNAMS LA DE GCAD PAR BYA BA'I PHYIR SGRIM PA DANG LDAN PAR BYA DGOS SO, ,DE NI CI NAS SLAR MI 'BYUNG BA'I CHOS CAN DU 'GYUR BAR RGYU BKAG PA LAS DGAG PAR BYA LA, DE'I RGYU YANG NYON MONGS PA RNAMS DANG LAS RNAMS YIN NO, ,DE'I PHYIR 'DUL BA'I SKYE BO RNAMS NYON MONGS PA DANG LAS 'DI DAG TSAR GCAD PA LA SBYAR BAR BYA'O, ,GAL TE DE LTAR NA RAB TU BYUNG BA RNAMS LA @107A *, ,CI'I PHYIR GTZUG LAG KHANG DANG KHA ZAS DANG CHOS GOS GYA NOM PA LA SOGS PA YONGS SU LONGS SPYOD PAR GNANG, 'DI LTAR GTZUG LAG KHANG CHES YID DU 'ONG BAS GZHI BSTAR BA SNA TSOGS PAS BRGYAN PA, RTZIG PA TSON MDOG YID DU 'ONG BAS BSKUS PA; SKAR KHUNG YANGS PA, SBRANG BU MCHU RINGS DANG SHA SBRANG DANG SDIG SPRUL DANG BRAL BA DANG, RAS 'JAM POS GTUMS PA'I STAN DANG SNGAS NANG TSANGS CAN GYIS MDZES PAR BYAS PA'I KHRI 'DEGS DANG BCAS PA CAN DAG YONGS SU LONGS SPYOD PA'I PHYIR GNANG LA, DE BZHIN DU BZA' BA DANG BTUNG BA DRI ZHIM ZHING SHIN TU 'JAM PA'I TSOD MA RO BRGYA PA DANG, SHA DANG, ZHO DANG, 'O MA DANG, MAR DANG, RGYAL MO KA RAS BRGYAN PA YONGS SU LONGS SPYOD PA DAG DANG, CHOS GOS RIN 'BUM PHRAG RI BA DAG YONGS SU LONGS SPYOD PA'I PHYIR GNANG BA YIN NO; ,GANG GI PHYIR 'DI DAG THAMS CAD NI BDE BA DANG RJES SU MTHUN PA YIN ZHING, BDE BA SGRUB PAR BYED PA DAG KYANG 'DOD CHAGS KYI GZHI YIN LA, THOG MAR GZHI YONGS SU SPANGS PA'I SGO NAS KYANG NAD DAG PHYIR BCO BAR BYA'O, ,DE'I PHYIR SDUG BSNGAL PHAL CHE BA'I LAM BSGRUB PAR BYA STE, DPER NA GCER BU BA DAG BZHIN NO, ,JI SKAD NYE BAR BSTAN PA BZHIN GNAS SHING RLUNG DANG NYI MA GRANG ZHING TSA BA DAG GIS MNGON PAR BCOM PA DRI MA'I 'DAM GYIS LUS SPAGS PA DE DAG NI SKRA 'BAL BA LA SOGS PA'I SDUG BSNGAL SRON PA NYID KYI PHYIR DKA' THUB CAN ZHES BYA'O ZHE NA, BSHAD PAR BYA STE, BDE BAS 'DOD CHAGS 'PHEL 'GYUR ZHING, ,SDUG PAS KHRO BA 'PHEL 'GYUR NA, ,CIS BDE DKA' THUB CAN MIN ZHING, ,SDUG PA DKA' THUB CAN CIS YIN, ,GAL TE BDE BAS 'DOD CHAGS 'PHEL BA'I PHYIR, BDE BA MYONG BAR 'GYUR BA'I YUL YONGS SU SPANGS PA MCHOG TU 'GYUR RO SNYAM NA NI SDUG BSNGAL GYIS KYANG KHRO BA 'PHEL BA'I PHYIR SDUG BSNGAL MYONG BAR 'GYUR BA'I YUL YONGS SU SPANGS PA YANG MCHOG TU BTUS PAR 'GYUR BA MA YIN NAM, DE'I PHYIR KHYOD LA RGYU GANG GIS BDE BAR 'GYUR BA DKA' THUB CAN MA @107B YIN PA DANG, SDUG BSNGAL CAN DKA' THUB CAN DU 'GYUR, GANG GI PHYIR NYON MONGS PAS GDUNG BAR BYED PA LAS DKA' THUB CAN YIN NA, 'DI DAG NI GNYIS CHAR YANG 'DOD CHAGS DANG ZHE SDANG GI ME DAG GIS GDUNG BA'I PHYIR, JI LTAR GCIG DKA' THUB CAN LA CIG SHOS MA YIN; GZHAN YANG 'DOD CHAGS DANG ZHE SDANG DANG SDUG PA DANG MI SDUG PA'I MTSAN MA LHAG PAR SGRO BTAGS PAS BSKYED PA DAG NI BDE BA DANG SDUG BSNGAL MYONG BAR 'GYUR BA'I YUL TZAM NYE BAR LONGS SPYOD PA YOD KYANG SKYE BAR MI RIGS TE, 'DOD CHAGS DANG BRAL BA RNAMS LA YANG DE SKYE BAR THAL BA'I PHYIR RO, ,SBYANGS PA'I YON TAN DANG YO BYAD BSNYUNGS PA STON PA LAS BDE BA MYONG BAR 'GYUR BA'I LONGS SPYOD PA BKAG PA SH'A-KYA 'DOD CHAGS CAN RNAMS LA YANG 'DOD CHAGS SKYE BAR THAL BAR LTA GA LA 'GYUR LA, GTZUG LAG KHANG DANG ZAS DANG CHOS GOS GYA NOM PA LA SOGS PA LONGS SPYOD PA'I PHYIR ZHE SDANG CAN RNAMS LA YANG ZHE SDANG 'BYUNG BAR LTA GA LA 'GYUR, DE'I PHYIR RNAM PA THAMS CAD DU SH'A-KYA RNAMS KHO NA DKA' THUB CAN YIN TE, 'DOD CHAGS DANG BRAL BA LTAR KUN TU 'DOD CHAGS CAN YANG THABS KYIS NYON MONGS PA SPONG BA LA ZHUGS PA'I PHYIR RO, ,PHYIR ROL PA DAG NI SKYE BO RNAM PAR RMONGS PAS NYE BAR BSTAN PA'I LAM GYI RJES SU 'GRO BAS RTAG TU NYON MONGS PA'I GDUNG BAS GDUNGS PA NYID KYI PHYIR DKA' THUB CAN MA YIN PAR 'GYUR RO, ,BU RAM SHING BTZIR BA BZHIN NO, ,JI LTAR BU RAM SHING BTZIR BAR GYUR BA DANG, BU RAM GYI KHU BA DANG, TSIGS MA DANG, BU RAM YI DBU BA DANG HAVAGS DANG RGYAL MO KAR LA SOGS PA RNAMS 'THOB PAR 'GYUR BA DE BZHIN DU, SH'A-KYA RNAMS KYIS KYANG SDUG PA DANG MI SDUG PA'I MTSAN MA'I SGRO MI 'DOGS PA'I PHYIR 'DOD CHAGS LA SOGS PA'I NYON MONGS PAS GZIR BA YIN DANG, MTHONG BA'I CHOS DANG PHYI MAR BDE BA'I KHYAD PAR SNA TSOGS 'THOB PAR 'GYUR GYI, SDUG BSNGAL GTZO BOR GYUR PA RNAMS KYIS DE LTA MA YIN NO, ,'DIR BSHAD PA, MI GANG MKHAS BDE 'DOD CHAGS KYI, ,ME YI GDUNG BA BZOD PA DE, ,DON DAM @108A *, ,PAR NA DKA' THUB CAN, ,SDUG LA 'DOD CHAGS ME YOD MIN, ,GAL TE PHYI GDUNG NANG RMONGS PHYIR, ,DKA' THUB CAN DE NYID DU MIN, ,RI DAGS 'DAB CHAGS THAMS CAD KYANG, ,CI'I PHYIR DKA' THUB CAN MI 'GYUR, ,CHOS MI MTHUN PHYIR RIGS PA YIS, ,GNYIS KYIS DKA' THUB CAN MI 'GYUR, ,'DI NI TSE GRANG DAG CIG CAR, ,GNAS YOD MA YIN JI BZHIN NO, ,GAL TE 'DOD PA TSAD MA NI, ,CHOS DANG CHOS NI MA YIN PA'I, ,GDUNG LA 'DOD PA MTSUNGS PAR 'GYUR, ,GAL TE DAM PA'I BLO CHOS NA, ,DAM MIN BLO YIS CHOS MI 'GYUR, ,'DOD CHAGS LA SOGS PA DE DAG SPONG BAR 'DOD PAS DE DAG GI LAS SHES PAR BYAS NAS, DE DAG GI GNYEN PO BSTEN PAR BYA STE, DE LA, 'DOD CHAGS LAS NI SDUD PA STE, ,KHRO BA'I LAS NI RTZOD PA'O, ,'BYUNG BA KUN LA RLUNG BZHIN DU, ,GTI MUG LAS NI GSOS 'DEBS PA'O, ,'DOD CHAGS NI DE LA MNGON PAR CHAGS PAS SEMS CAN DANG SEMS CAN MA YIN PAR BGRANGS PA'I DNGOS PO YANG DAG PAR 'DZIN PAR BYED DE, DE'I SMAN NI 'KHOR 'DAB SPANG BA'O, KHRO BA NI KUN NAS RGYAB KYIS PHYOGS PA'I PHYIR NA 'THAB PA DANG RTZOD PA'I LAS CAN TE, DE'I SMAN NI TSOGS SDUD PA GTONG BA DANG BYAMS PA'I RJES SU 'JUG PA DANG, YID DANG MTHUN PA'I GTZUG LAG KHANG DANG ZAS LA SOGS PA YONGS SU LONGS SPYOD PA'O, ,GTI MUG NI MCHOG DANG MCHOG MA YIN PA MI SHES PA'I PHYIR KUN NAS NYON MONGS PA'I TSOGS THAMS CAD YONGS SU GSAL BAR BYED DO, ,JI LTAR RLUNG NI MA LA SOGS PA 'BYUNG BA CHEN PO RNAMS LHAG PAR 'JUG PA'I SGO NAS, ME'I 'BAR BA DANG CHU'I GRANG BA NYID DANG, SA'I SRA BA NYID BSAL BAR BYED PA DE BZHIN DU, GTI MUG KYANG 'DOD CHAGS DANG ZHE SDANG GNYIS SHIN TU CHEN PO NYID SKYED PAR BYED DE, RANG GI DMIGS PA LA SKYON DU MI LTA BA'I PHYIR RO, ,DE'I SMAN NI DNGOS PO'I BDAG NYID JI LTA BA BZHIN RAB TU RNAM PAR 'BYED PA LA SOGS PA'O, ,CHU'I SRIN PO MES SKRAG PAR BYED PA BZHIN NO, ,DPER NA CHU'I SRIN PO @108B NI BSNYAMS PA DANG, 'BYED PA DANG RAB TU SBYIN PA LA SOGS PA DAG GIS SKRAG PAR BYA BAR MI NUS KYI CHAD PA KHO NAS NUS LA, DE LA YANG SHIN TU GZHON SHA CHAGS PA'I PHYIR NA ME KHO NAS YIN GYI GZHAN GYIS MA YIN PA DE BZHIN DU, 'DOD CHAGS DANG ZHE SDANG DANG GTI MUG RNAMS KYANG SDUD PA DANG RTZOD PA DANG BTANG SNYOMS DAG GIS BZLOG PA MI NUS KYI, YE SHES KYI ME KHO NAS BZLOG PAR BSGRUB PAR NUS SO, ,RAB TU ZHI PHYIR MNYAM PHYOGS RUNG MIN ZHING, ,NOR SOGS DAG LAS SBYIN PA BSNGAGS MIN LA, ,DPUNG BSNYEMS SKYE BO DBYE BAS SGRUB MIN TE; ,DE LA BDAG 'DIR PHA ROL GNON PAR 'DOD, ,CES SMRA'O, ,DE BZHIN DU, THUB CHEN KHYOD KYIS GANG GSUNGS PA, ,DE NYID LEGS PAR TSAR PHYIN TE, ,NYON MONGS YE SHES KHO NA YIS, ,RTOGS KYI LAS GZHAN GYIS MA LAGS, ,ZHE'O, ,RNAM PAR RTOG PA GZHAN YANG STE, ,CHU'I SRIN PO LA LA ZHIG CHU LA RGYU BDAG GIS 'TSO BA RTOGS PAR BYED LA, DE NAS PHYOGS DER NYA PA GNYIS SHIG MNGON PAR 'ONGS SO, ,DE NAS CHU'I SRIN POS ME'I GZUGS SU SPRUL NAS DE GNYIS LA DRIS PA, ,KHYED CAG SU YIN, ,CI BYED PAR 'DOD, DE GNYIS KYIS SMRAS PA, NGES CAG NI NYA PAR SHES PAR BYOS SHIG, ,NYA PA SHOR BA'I PHYIR 'ONGS SO, ,SMRAS PA, DE LTAR NA KHYED GNYIS LAS GCIG GIS ME SBOR PA'I LAS KYIS LA, GNYIS PAS 'TSED PA'I LAS SKYOS SHIG ,BDAG GIS NYA SBYIN PAR BYA'O, ,DE LTAR NA 'O SKOL CAG GI ZAS KYI TSUL GEGS MED PAR LEGS PAR 'GRUB PAR 'GYUR RO, ,DE GNYIS KYANG DE BZHIN NO ZHES KHAS 'CHES NAS, RANG RANG GI LAS NAN TAN DU BYAS SO, ,JI LTAR CHU'I SRIN PO'I LAS NYA SDUD PA YIN PA DE BZHIN DU 'DOD CHAGS KYI LAS KYIS THAMS CAD SDUD PA'O, ,JI LTAR MI GNYIS PA'I LAS 'TSED PA YIN PA DE BZHIN DU, KHRO BA'I LAS NI RTZOD PA YIN TE, DE NI RTZOD PAR BYED PA NA MI SNYAN CING ZHE GCOD PA LA SOGS PA DAG GIS GZHAN 'TSED PAR BYED DO, ,JI LTAR GSUM PA'I LAS ME SBOR BA YIN PA DE BZHIN DU GTI MUG GI LAS KYANG STE, ,DE NI 'BYUNG BA @109A *, ,THAMS CAD LA RLUNG BZHIN DU, 'DOD CHAGS DANG ZHE SDANG GNYIS KA SOS 'DEBS PAR BYED DO, ,JI LTAR RLUNG NI MTSAN NYID MI MTHUN PAS 'GAL BAR GYUR PA'I ME DANG CHU DAG LA CHES GRANG BA NYID DANG DRO BA NYID SKYED PAR BYED PA DE BZHIN DU, GTI MUG KYANG 'DOD CHAGS DANG ZHE SDANG MTSAN NYID MI MTHUN PA DAG SHIN TU CHAGS PA DANG SDANG BA SKYED PAR BYED DO, ,'DIR BSHAD PA, CHAGS PAS BUD MED DAG LA SPREL, ,ZHE SDANG GIS NI BYAMS PA 'JOMS, ,DE LA RMONGS PHYIR BLUN PA YIS, ,YANG DAG NYES PA MI MTHONG NGO, ,DE LA 'DI SNYAM DU 'DOD CHAGS LA SOGS PA RNAMS ZIL GYIS MNAN PA LA THABS 'DI YOD MOD, DE DAG NI SPANG BAR BYA BA'O ZHES BYA BA 'DI GA LAS SNYAM NA, SDUG BSNGAL GYI GZHI YIN PA NYID KYI PHYIR RO, ,'DI LTAR, MA PHRAD PA LAS 'DOD CHAGS NI, ,SDUG BSNGAL SPUNGS MED LAS KHRO SDUG ,YONGS MI SHES LAS GTI MUG STE, ,DE DAG GIS DE DAG MI RTOGS, ,'DIR 'DOD CHAGS NI 'DOD CHAGS KYI GZHI MNGON PAR 'DOD PA'I YUL MA THOB PA LAS SDUG BSNGAL YIN LA, KHRO BA NI STOBS DANG LDAN PA GZHOM PAR MI NUS PA LAS SDUG BSNGAL YIN ZHING, GTI MUG NI DON ZHIB MO YONGS SU MI SHES PA LAS SDUG BSNGAL YIN NO, ,DE'I PHYIR 'DI DAG NI RGYU 'DI DAG GI SGO NAS SDUG BSNGAL DU GYUR LA, DE DAG NYID KYIS ZIL GYIS MNAN PA'I DE DAG NYID YONGS SU MI SHES PA GANG YIN PA 'DI NI, 'DI'I CHER SDUG BSNGAL BA'O, ,DE'I PHYIR DE LTAR NA SDUG BSNGAL GTONG BAS RTZUB PA NYID KYI PHYIR DGRA BO LAG PA MTSON CHA RAL GRI RNON PO THOGS PA GDENGS PA RNAMS BZHIN DU YONGS SU SPANG BAR BYA'O, ,DBANG PHYUG GI BTZUN MO 'DOD PA BZHIN NO, ,SKYES BU DBUL PO 'GA' ZHIG DBANG PHYUG GI BTZUN MO DON DU GNYER BAR GYUR LA, DBANG PHYUG RNAMS KYI BTZUN MO'I 'KHOR NI SHIN TU BSRUNGS PA ZHIG STE, DE DE MA THOB PAS 'DOD CHAGS KYIS KUN NAS BSLANG BA'I SDUG BSNGAL DRAG PO NYAMS SU MYONG BAR 'GYUR RO, ,DE NAS DE LA JI LTAR 'DI'I BTZUN MO RNAMS SHIN TU YANG @109B DAG PAR BSRUNGS PAR GYUR ZHES DBANG PHYUG DE LA KHRO BA SKYES PAR GYUR LA, DE LA GNOD PA CUNG ZAD KYANG BYA BAR MI NUS TE, DE NAS KHRO BA LAS BYUNG BA'I SDUG BSNGAL SHIN TU NYAMS SU MYONG NGO, ,'DOD CHAGS DANG ZHE SDANG GIS MDONGS PA LA YANG GTI MUG SHAS CHE BAR 'PHEL BAR 'GYUR LA, DE YANG YONGS SU MI SHES SHING, DE LAS BYUNG BA'I SDUG BSNGAL GYIS KYANG GZIR BAR GYUR TO, ,DE NI DE DAG NYID KYIS MDONGS PAR BYAS PAS DE DAG NYID MI RTOGS TE, DE BZHIN DU 'DOD CHAGS LA SOGS PA 'DI DAG LAS KYANG SDUG BSNGAL 'BYUNG BAR 'GYUR RO, , 'DIR BSHAD PA, RANG NYID SKAL BA BRAL PHYIR 'DIR, ,SKYES GANG 'DOD DON MI THOB PA, ,DE LA DE LAS GZHAN PA YI, ,SDUG BSNGAL CHES DKA' CI ZHIG 'GRUB, ,'DIR SMRAS PA, CI JI LTAR GTI MUG LA 'DOD CHAGS DANG ZHE SDANG DANG LHAN CIG PHRAD PA YOD PA DE LTAR 'DOD CHAGS DANG ZHE SDANG GNYIS LA PHAN TSUN PHRAD PA YOD DAM MED, ,BSHAD PAR BYA STE, JI LTAR BAD KAN LA MKHRIS DANG, ,LHAN CIG PHRAD PA MED MTHONG BA, ,DE BZHIN KHRO LA 'DOD CHAGS DANG, ,LHAN CIG PHRAD PA MED PAR MTHONG, ,DPER NA CHU LAS GYUR PA DANG ME LAS GYUR PA NYID KYI PHYIR PHAN TSUN 'GAL BAS BAD KAN LA MKHRIS PA DANG LHAN CIG PHRAD PA MED CING, MKHRIS PA LA YANG BAD KAN DANG MED PA DE BZHIN DU KHRO BA LA YANG 'DOD CHAGS DANG LHAN CIG PHRAD PA MED LA 'DOD CHAGS LA YANG KHRO BA DANG MED DE CHAGS PA DANG RGYAB KYIS PHYOGS PA DAG GIS PHAN TSUN 'GAL BA'I PHYIR RO, ,GTI MUG LA NI DE GNYIS DANG LHAN CIG PHRAD PA YOD DE, RJES SU MTHUN PA'I PHYIR BAD KAN DANG MKHRIS PA GNYIS DANG RLUNG BZHIN NO, ,CHU'I BUM PAR ME LDUGS PA BZHIN NO, ,BLUN PO 'GA' ZHIG BDAG 'DIR ME DANG CHU BSREL BAR BYA'O ZHES CHU'I BUM PAR ME 'DZUD LA; 'GAL BA'I PHYIR NA DE GNYIS PHRAD PAR YANG MI 'GYUR RO, ,'GAL PHYIR MES GYUR MKHRIS PA DANG, ,CHU LAS GYUR PA'I BAD KAN DANG, ,JI LTAR LHAN CIG PHRAD MED LTAR, ,'DOD CHAGS ZHE SDANG DAG DO BZHIN, ,DE'I PHYIR DE LTAR 'DOD CHAGS DANG ZHE SDANG GNYIS @110A *, ,PHAN TSUN 'GAL BAR SHES NAS SLOB MA 'CHOS PA'I SLOB DPON GYIS, 'DOD CHAGS BRAN BZHIN BKOL BYA STE, ,GANG PHYIR MI PHANGS DE SMAN PHYIR, ,KHRO LA RJE BO BZHIN LTA STE, ,DE'I SMAN PHANGS PA YIN PHYIR RO, ,'DOD CHAGS NI RJES SU MI MTHUN PA'I DNGOS PO BSTAN PAS SPANG BAR BYA STE, DNGOS PO GYA NOM PA NI 'DOD CHAGS KYI RJES SU MTHUN PA NYID KYI PHYIR RO, ,JI LTAR SDIGS MDZUB LA SOGS PA DAG GIS BRAN SHED BCAD NAS BSREL BA DE BZHIN DU 'DOD CHAGS LA SPYOD PA YANG BTUD CING BTUD CING GZIR TE BKOL BAR BYA STE, GANG GI PHYIR LAS LA BSKOS PA LA NI 'DOD CHAGS KYIS SKYE BA'I GLAGS MI RNYED DE, DE'I PHYIR DE'I SMAN NI MI PHANGS PA YIN NO, ,ZHE SDANG LA SPYOD PA NI RJE BO'I RIM GROS RIM GROR BYA STE, GANG GI PHYIR PHANGS PAR RIM GRO BYAS PA LA ZHE SDANG MI 'KHRUG STE, DE'I PHYIR DE'I SMAN NI PHANGS PA'O, ,GTI MUG LA SPYOD PA NA GANG GIS DE'I GTI MUG BSRABS PA NYID DU 'GYUR BA PHANGS PA DANG MI PHANGS PAS BSTEN PAR BYA STE, DE'I SMAN NI DE YIN NO, ,DE LTAR BLA MAS 'DUL BA'I SEMS CAN GYI SPYOD PA LA MKHAS PAR BYA STE, CI NAS NYON MONGS PA SKYE BAR MI 'GYUR BAR SLOB MA BZLOG PAR BYA STE, KHRUS MKHAN GYI BONG BU BZHIN NO, ,JI LTAR KHRUS MKHAN BONG BU TE POR SHED BCAD NAS 'KHOR BAR BYED CING, GANG DANG GANG DU MI GTZIGS PA BYED PA DE DANG DER SKYON BYED NA MI RUNG NGO ZHES DE LA SHIN TU RDEG PAR BYED PA DE BZHIN DU, DAM PA DAG NI 'DOD CHAGS LA SPYOD PA MA NAN NAS 'KHOR BAR BYED CING, NYES PA BYED PAR 'GYUR DU 'ONG NGO ZHES LAS 'DZIN PAR BYED DO, ,DE LTAR KHRUS MKHAN DE NYID BONG BU KHYIM DU CHUD PA LA CHAG STOB PA LA SOGS PA'I RIM PAS RJE DPON LTAR BSTEN PA DE BZHIN DU, BLA MA DAG ZHE SDANG LA SPYOD PA RJE BO LTAR BSTEN TO, ,'DIR BSHAD PA, BLA MA GANG ZHIG BSAM SHES NAS, ,SLOB MA RJES SU 'CHOS NUS PA, ,DE YIS SLOB MA GZUNG BYA STE, ,BLUN POS BCO BAR 'OS MA YIN, ,'DI DAG GI SKYE BA'I DUS KYANG NYE BAR ZIN PAR BYAS TE, DUS DANG RJES SU 'TSAM PAR GNYEN PO BSTEN PAR BYA'O, ,DE LA, DANG POR GTI MUG YANG DAG 'BYUNG, , @110B BAR DU KHRO BA 'BYUNG 'GYUR ZHING, ,PHYIS NI 'DOD CHAGS 'BYUNG BA STE, ,NYIN LA RIM PA GSUM DU'O, ,NANG PAR 'PHRO DANG BCAS PA'I GNYID KYIS MIG BRNYAL, PHYER ZIN KYANG ZHU ZUM ZUM POR BLTA ZHING LUS KYI BYA BA LA G-YENGS PAS GTI MUG PHAL CHE BAR GNAS PA RJES SU 'JUG GO , , PHYIS NI TSOL KHRO'I SDUG BSNGAL GYI 'KHOR LO LA ZHUGS TE, BKRES PA DANG, SKOM PAS DUB PAR GYUR CING, MIG G-YO LA YANGS PA 'BYED CING, 'BYED PA'I BU LA YANG PHA ROL PO LTAR MNGON PAR MI DGA' BA NA KHRO BA 'BA' ZHIG DANG LDAN PA'I GNAS SKABS NYAMS SU MYONG BAR 'GYUR RO, ,PHYI DRO NI DUB PA'I TSEGS DANG BRAL ZHING DBANG PO YONGS SU TSIM PA NA, 'DOD CHAGS KYI CHOM RKUN BDE 'CHAMS LEGS PAR RNYED PAS DGE BA'I NOR BCOM PAS NOR MED PAR BYED DO, ,DE'I PHYIR DE LTAR RIG PAR BYAS NAS BAG YOD PAS DUS JI LTA BA BZHIN PHYIR BZLOG PAR BYA'O, ,RGYAL PO DZENTAKAS BRAM ZE LA CO DRIS PA BZHIN NO, ,JI LTAR RGYAL PO DZENTAKAS BRAM ZE 'GA' ZHIG LA ZHU BA BRGYA NOS SHIG ,'BRU MAR BUM PA BRGYA BYIN CIG CES ZHAL GYIS 'CHES LA, DE YANG SPRO BAR GYUR CING DE LA GTI MUG 'DI SKYES SO, ,RMONGS PA NI TSOR BA BDE BA YANG MA YIN, SDUG BSNGAL BA YANG MA YIN PA'O, ,DE NAS ZHUS PA BRGYA NYAMS SU MYONG BA LA TSOR BA SDUG BSNGAL BYUNG ZHING RGYAL PO LA ZHE SDANG SKYES SO, ,PHYIS 'BRU MAR GYI BUM PA BRGYA KHUGS PAS DE LA 'DOD CHAGS SKYES TE, DE BZHIN DU LAS BYAS PAS MTSAN MO GNYID DANG RMUGS PA PHAL CHE BA'I PHYIR DANG, BAD KAN SHAS CHE BA NYID KYI PHYIR, SEMS CAN RNAMS LA SNGA DRO GTI MUG 'BYUNG NGO, ,DE NAS LAS DU MA BYED PA'I PHYIR DANG, NYI MAS GDUNGS PA'I PHYIR DANG, BAD KAN YONGS SU BYANG BA'I PHYIR DANG, MKHRIS PA SHAS CHE BA NYID KYI PHYIR NYI MA GUNG LA KHRO BA KHO NA 'BYUNG NGO, ,PHYI NAS LUS BKRUS SHING BYUGS LA ZAN ZOS PAR GYUR CING, DBANG PO YONGS SU RGYAS PA THA SNYAD KYI BGYI 'TSAL YONGS SU RDZOGS PA RNAMS LA 'DOD CHAGS 'BYUNG NGO, ,DE LTAR NA LUS KYI SKYON GYI RJES SU BYED PA NYID KYI PHYIR NYON @111A *, ,MONGS PA RNAMS 'BYUNG BAR BYA BA NYIN MO LA RIM PA GSUM DU 'BYUNG NGO, ,'DIR BSHAD PA, GANG ZHIG NYON MONGS RIM SHES NAS, ,DE GZHOM LA TSUL SGOM BYED PA, ,DE YIS DE DAG SEL BYED DE, ,SMAN PA'I RGYAL POS NAD RNAMS BZHIN, ,'DOD CHAGS LA NI MDZA' BSHES KYI GSO BAS SU ZHUGS NAS 'JIG RTEN SLU BAR BYED LA, DE MA 'KHRIG PAS SDUG BSNGAL BAR YANG MI 'GYUR RO, ,DE'I PHYIR DE LA GUS PAR BYA BA'I PHYIR BSHAD PA, 'DOD CHAGS MDZA' MIN MDZA' 'DRA BA, ,DES DE LA KHYOD MI 'JIGS TE, ,MI PHAN MDZA' PO KHYAD PAR DU, ,SKYES BUS SPANG BAR BYA MIN NAM, ,'DOD CHAGS DANG ZHE SDANG DANG GTI MUG RNAMS NI MDZA' BO DANG MI MDZA' BA DANG BAR MA'I SGO NAS SKYES BU LA NYE BAR LHAGS PA ZHIG GO , ,DE LA RE ZHIG ZHE SDANG GANG YIN PA 'DI NI DGRA'I TSUL GYIS SKYES BU LA 'ONG STE, DE'I GNOD PA SNANG RUNG YIN PA NYID KYI PHYIR DE LA BDAG NYID YANG DAG PAR BSRUNG BAR SLA'O, ,GTI MUG NI BAR MA'I TSUL GYIS SKYES BU LA NYE BAR 'ONG STE, DE LA YID MI RTON PA'I PHYIR DE LAS KYANG BDAG NYID BSRUNG BAR SLA'O, ,GANG 'DI 'DOD CHAGS BYIBS TE MDZA' BO MA YIN PA MDZA' BO'I TSUL GYIS SKYES BU LA NYE BAR 'ONG ZHING MDZA' BSHES KYI RANG BZHIN CAN NYID KYI PHYIR MDZA' BO YANG YIN LA, DGE BA'I PHYOGS KYI SROG GI DBANG PO LA GNOD PA BYED PA 'DI NYID KYI PHYIR MI PHAN PA YANG YIN PA DE LAS NI BDAG KHYAD PAR DU BSRUNG BAR BYA'O, ,JI LTAR BSRUNG BAR BYA ZHE NA, RTAG TU YID GTAD PAS BRTZON PA PHUL DU BYUNG BA DANG BCAS PAS DE'I GNYEN PO BSTEN PA'I SGO NAS RGYUD LA DE SKYE BA'I GO SKABS MI STER BA LAS SO, ,RGYAL PO SKYA BSENG BZHIN NO, ,JI LTAR RGYAL PO SKYA BSENG LINGS LA SONG BAS DRANG SRONG RI DAGS MO LA LOG PAR ZHUGS PA ZHIG SGRA THOS TE, SGRA GRVAG PAR PHOG PA NYID KYI PHYIR DRANG SRONG LA MDAS BSNUN PA DANG DES DE LA GANG GI TSE 'KHRIG PA BSTEN PAR GYUR PA DE'I TSE KHYOD 'CHI BAR 'GYUR RO ZHES DMOD PA DOR BAS SO, ,DE TSANGS PAR SPYOD PA DON DU GNYER BAS RGYAL SRID BTANG NAS NAGS SU DONG NGO, ,DE NAS NAM ZHIG NA NYI MA NUB KA'I TSE NYI @111B MA NUB LA KHAD PAR GYUR CING, DES RANG GI BTZUN MO RGYAL PO MA DRI'I BU MO GOS SGREN DU GYUR PA LA NYI MA MNGON DU PHYOGS PA MTHONG BAS DE 'DI SNYAM DU GANG LHA RNAMS KYANG 'GUGS PAR BYED PA'I NGA'I BTZUN MO NI 'DI LTAR BLTA NA SDUG PA ZHIG GO SNYAM DU SEMS TE, DE NAS 'DOD CHAGS KYI DBANG GIS DE DANG LHAN CIG SBYAR BAR GYUR CING SHI BAR YANG GYUR TO, ,'DIR BSHAD PA, JI LTAR MI PHAN BZHIN ZHIM ZAS, ,GANG DE LAS BDAG SGRIM BSRUNGS PA, ,DE BZHIN MDZA' GDONG 'DOD CHAGS LA, ,'BAD PAS BDAG NYID BSRUNG BAR BYA, ,'DOD CHAGS DE YANG RNAM PA GNYIS SO, ,JI LTA ZHE NA, 'DI LTAR, 'DOD CHAGS RGYU LAS SKYE 'GYUR ZHING, ,RKYEN LAS KYANG NI SKYE BA STE, ,'DOD CHAGS RKYEN LAS SKYE BA GANG, ,DE NI SGRUB SLA CIG SHOS MIN, ,NYON MONGS PA RNAMS NI BYED RGYU GNYIS LAS SKYE STE, RGYU DANG RKYEN LAS SO, ,DE LA RGYU NI SKYE BA SNGA MA'I SKAL BA MNYAM PA NYID SKYED PAR BYED PA STE, DE YANG 'DOD CHAGS LA GOMS PA'I BAG CHAGS YONGS SU RGYAS PA'I NGO BO'O, ,RKYEN 'DI 'JIG RTEN 'DI'I SKAL BA MI MNYAM ZHING 'GYUR BA'O, ,DE LA PHUG RON LA SOGS PA 'DOD CHAGS KYI BDAG NYID CAN GYI SEMS CAN GYI RIS DAG LAS SHI 'PHOS TE 'JIG RTEN 'DIR SKYES PA DE NI TSE RABS SNGA MAR BYAS PA'I RGYUS 'DIR YANG 'DOD CHAGS LA SPYOD PA NYID DU 'GYUR BA 'DOD CHAGS 'DI NI RGYU LAS SKYES PA ZHES BYA'O, ,'DIS NI ZHE SDANG LA SPYOD PA YANG BSHAD DO, ,YANG GANG ZHIG SDIG PA'I GROGS PO DANG PHRAD PA LAS 'DOD CHAGS LA SPYOD PAR 'GYUR BA DE'I 'DOD CHAGS 'DI NI RKYEN LAS SKYES PA ZHES BYA'O, ,DE LA GANG ZHIG RGYU LAS 'DOD CHAGS LA SPYOD PA DE NI TSEGS KYIS BSGRUB PAR BYA BA YIN NO, ,GANG ZHIG RKYEN LAS YIN PA DE NI SGRUB PAR SLA STE, RKYEN SPANGS PA NYID LAS MI SKYE BA'I PHYIR TE, CIG SHOS NI MA YIN NO, ,DE NI RTZA BA GTING DU ZUG PA NYID KYI PHYIR GSUNG STOBS PHAM PAR DKA' STE, DE PHAM PAR BYA BA LA 'BAD PA CHER BYA'O, ,PHAN TSUN LAS SKYES PA GANG YANG RUNG BA ZHIG PA BZHIN NO, ,JI LTAR MDUNG KHYIM BZHIN @112A *, ,PHAN TSUN BRTEN PA'I PHYIR PHAN TSUN LAS SKYES PA'I CHOS RNAMS NI GANG DU GCIG ZHIG PAS 'JIG PAR 'GYUR BA DE BZHIN DU RKYEN GYIS BSKYED PA YANG RKYEN ZHIG PAR 'GYUR TE RGYUS BSKYED PA NI MA YIN NO, ,RTOG PA GZHAN NI CHOS GANG DAG GNYIS SBYAR BA LAS SKYES PA DE DAG NI GANG RUNG CIG MA TSANG BAS 'BYUNG BAR MI 'GYUR RO, ,DPER NA 'DAB CHAGS LA GSHOG PA GNYIS YOD PAS 'PHUR BA 'BYUNG LA, ,GSHOG PA GANG YANG RUNG BA GCIG MA TSANG BAS MI 'BYUNG BA DE BZHIN DU RKYEN LAS SKYES PA'I 'DOD CHAGS BLTA BAR BYA'O, ,'DI LTAR 'DI NI PHYI DANG NANG GI RKYEN YOD PA LAS 'BYUNG LA, GANG RUNG CIG MA TSANG BAS MI 'BYUNG BA'I PHYIR SGRUB BAR SLA'O, ,YANG MIG GIS GZUGS 'DZIN PA LTAR CHOS GANG DAG GNYIS SBYOR BA DANG GNYIS MI SBYOR BA LAS KYANG 'BYUNG BA DE LTAR NI 'DOD CHAGS RGYU LAS SKYES PA BLTA BAR BYA'O, , DE NI PHYI ROL GYI RKYEN MED PAR YANG 'BYUNG BA NYID KYIS SGRUB PAR DKA'O, ,'DIR BSHAD PA, NYON MONGS CAN GANG PHRAD PA LAS, ,YIN TE 'BAD PAS RNAM PAR 'BYUNG, ,RANG BZHIN NYID KYI NYON MONGS CAN, ,GANG DE TSEGS KYIS 'BYUNG BAR 'GYUR, ,DE BZHIN DU KHRO BA'I THAMS CAD BTANG BA LA YANG 'JUG PAR BYA STE, 'DI LTAR, KHRO BA BRTAN CING NGES PAR NI, ,MI DGE NYES CHEN BYED PA STE, ,DE LTAR RNAM KUN DBYE SHES PAS, ,NYON MONGS RNAM THAR BYED PAR 'GYUR, ,GANG GI PHYIR ZHE SDANG NI DAM POR [?] 'DZIN PA DANG SHA KHO NA MANG BA DANG MI DGE ZHING RANG GZHAN GYI RGYUD BSREGS LA, GZHAN LA GNOD PA GSAL BAR BYED PA DANG MDOG NGAN PAR BYED PA ZHES BYA BA DE LTA BU LA SOGS PA DON MA YIN PA RNAMS KYI SKYED PAR BYED PA YIN PA'I PHYIR DANG, NGAN 'GRO'I 'BRAS BU CAN NYID KYI PHYIR DANG, MTSAMS MED PA LA SOGS PA KHA NA MA THO BA CHEN PO NYID KYI PHYIR NA 'DOD CHAGS PAS NYES PA CHE BA DANG CHES LCI BA ZHIG GO, ,'DOD CHAGS NI DAR CIG 'DOD CHAGS DANG BRAL BA CAN NYID DU 'GYUR BA'I PHYIR DANG, NYES PA [?] CHUNG BA NYID KYI PHYIR ZHE SDANG BAS CHES YANG STE, MTSAN NYID NI 'DIR PHYI NAS RGYAS PAR 'CHAD DO, ,GANG ZHIG DE LTAR @112B RNAM PA THAMS CAD DU 'DOD CHAGS LA SOGS PA RNAMS KYI SKYON GYI RNAM PAR DBYE BA DANG NYES DMIGS DANG GZHI DANG SPANG BA'I THABS SHES PAR BYAS NAS DE'I GNYEN PO BSTEN PA DE NI GDON MI ZA BAR NYON MONGS PA RNAMS RTZA BA NAS BCAD PA'I SGO NAS SEL BAR BYED PAR 'GYUR TE, CHOS SRED BZHIN NO, ,JI LTAR BYANG CHUB SEMS DPA' BLO GROS BZANG PO LUNG BSTAN PA'I DUS SU BCOM LDAN 'DAS MAR ME MDZAD KYIS ZHABS GNYIS KYIS RAL PA MNAN PA MTHONG STE, CHOS SRED 'KHRUGS PAS DUD 'GRO RNAMS JI LTA BA BZHIN DU RKANG PA GNYIS KYIS RAL PA GNON NO ZHES NGAG GIS NYES PAR SPYOD PA SMRAS PA DANG, LAS DES DE BSKAL PA DGU BCU RTZA GCIG TU DUD 'GRO DAG TU SKYES SO, ,DE NYAR GYUR PAS GZINGS RDUB PHAN BCOM LDAN 'DAS SH'A-KYA THUB PA'I MTSAN THOS TE DA DUNG YANG BDAG BDE BA RGYAS SHING DUD 'GRO'I SKYE GNAS SU SDOD DAM ZHES RANG GI LUS CHUD GSAN ZHING SHI 'PHOS NAS MI RNAMS KYI NANG DU SKYES TE, BCOM LDAN 'DAS SH'A-KYA THUB PA'I BSTAN PA LA RAB TU BYUNG NAS RANG GI SGO DRUNG NA 'CHAGS PAS SKYO BO LAS DGRA BCOM PA NYID MNGON SUM DU BYAS TE, BCOM LDAN 'DAS KYIS KYANG GZIGS NAS CHOS SRED SHIN TU YUN RING MO ZHIG NAS MTHONG NGO ZHES GSUNGS PA LTA BU'O, ,'DIR BSHAD PA, NYON MONGS RNAMS DBYE SHES BYAS NAS, ,GANG ZHIG MI MTHUN PHYOGS BSTEN DES, ,MYUR DU ZHI BA THOB STE DPER, ,SMAN 'PHROD BSTEN PA'I NAD PA BZHIN, ,'DOD CHAGS DANG ZHE SDANG GI MTSAN NYID KYI RNAM PAR DBYE BA SMRAS KYI, DA NI GTI MUG GI MTSAN NYID KYI RNAM PAR DBYE BA BRJOD PAR BYA'O ZHE NA, BSHAD PAR BYA STE, LUS LA LUS DBANG JI BZHIN DU, ,GTI MUG KUN LA GNAS GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,'DIR DNGOS PO RTEN CING 'BREL BAR 'BYUNG BA RNAMS NI RANG BZHIN GYIS RNAM PAR DBEN PA NYID KYI PHYIR STONG PA NYID LA GTI MUG NI DE RNAMS LA JI LTAR BDEN PAR RTOGS PA LAS RMONGS PA NYID KYI PHYIR DNGOS PO BDEN PA'I RANG GI NGO BOR LHAG PAR SGRO 'DOGS PAR RAB TU 'JUG GO , ,'DOD CHAGS LA SOGS PA DAG KYANG @113A *, ,GTI MUG GIS KUN TU BRTAGS PA'I DNGOS PO'I RANG BZHIN KHO NA LA SDUG PA DANG MI SDUG PA LA SOGS PA'I KHYAD PAR SGRO 'DOGS PAR 'JUG PA NYID KYI PHYIR GTI MUG LAS THA MI DAD PAR 'JUG PAR 'GYUR ZHING, GTI MUG LA BRTEN PAR YANG 'GYUR TE, GTI MUG GTZO BO NYID KYI PHYIR RO, ,JI LTAR MIG LA SOGS PA'I DNGOS PO LUS KYI DBANG PO LAS THA MI DAD PAR 'JUG PA RNAMS LUS KYI DBANG PO KHO NA LA BRTEN NAS 'BYUNG BA DE BZHIN DU NYON MONGS PA THAMS CAD KYANG GTI MUG LA BRTEN NAS 'BYUNG NGO, ,YANG JI LTAR LUS KYI DBANG PO NYAMS NAS BRTEN PA'I DBANG PO THAMS CAD NYAMS PAR GYUR PA DE BZHIN DU RTEN CING 'BREL PAR 'BYUNG BA BSGOMS PAS NYON MONGS PA BCOM NA RTEN MED PAS NYON MONGS PA THAMS CAD BCOM PAR 'GYUR TE, DUG GI SHING LJON PA BZHIN NO, ,JI LTAR DUG GI SHING LA DON MA YIN PA THAMS CAD YOD LA, DE ZHIG PAS DON MA YIN PA THAMS CAD 'JIG PAR 'GYUR LA, MA ZHIG NA MI 'JIG PA DE BZHIN DU GTI MUG RAB TU ZHI NA NYON MONGS PA THAMS CAD RAB TU ZHI BAR 'GYUR RO, ,'DIR BSHAD PA, JI LTAR MGO BO BCAD PA NA, ,SROG NI RAB TU MI 'JUG PA, ,DE BZHIN GTI MUG BCAD PA YIS, , NYON MONGS 'KHOR LO 'JUG MI 'GYUR, ,YANG JI LTAR DON MA YIN PA'I RTZA BA GTI MUG 'DI SPANG BAR RIGS PAR BYA ZHE NA, BSHAD PAR BYA STE, RTEN CING 'BREL PAR 'BYUNG BA NI, ,MTHONG NA GTI MUG 'BYUNG MI 'GYUR, ,DE PHYIR 'BAD PA KUN GYIS 'DIR, ,GTAM DE KHO NA BSNYAD PAR BYA, ,GAL TE MYU GU DANG 'DU BYED LA SOGS PA PHYI DANG NANG GI BDAG NYID CAN RNAMS LA RANG BZHIN YOD PAR 'GYUR NA NI, DE'I TSE DE RNAMS RANG GI NGO BOS YOD PA NYID KYI PHYIR MA RIG PA DANG SA BON LA SOGS PA LA LTOS PAR MI 'GYUR TE, GRUB PAR GYUR PA NI YANG BSGRUB PA MA YIN NO, ,MYU GU DANG 'DU BYED LA SOGS PA 'DI RNAMS NI MA RIG PA DANG SA BON LA SOGS PA'I TSOGS PA LA BRTEN NAS 'BYUNG BA YIN TE, DE'I PHYIR RTEN CING 'BREL PAR 'BYUNG BA'I PHYIR GZUGS BRNYAN DANG SPRUL PA BZHIN DU RANG BZHIN MED PA YIN LA RANG BZHIN DANG BRAL BA @113B NYID KYIS KYANG STONG PA'O, ,DE LTAR NA RTEN CING 'BREL PAR 'BYUNG BA YANG DAG PAR MTHONG NA GTI MUG SPONG BAR 'GYUR LA, DE SPANGS PA LAS KYANG DE LA BRTEN PA 'DOD CHAGS LA SOGS PA RNAMS KYANG SPONG BAR 'GYUR RO, ,GANG GI PHYIR DE LTAR MA RIG PA SPONG BA'I THABS NYID KYIS RTEN CING 'BREL BAR 'BYUNG BA NYE BAR STON PA DON CHEN PO YIN PA NYID KYI PHYIR BDAG NYID THAMS CAD KYI BSTAN BCOS BZHI BRGYA PA 'DIR 'CHAD PAR 'GYUR BA'I GZHUNG GIS RTEN CING 'BREL BAR 'BYUNG BA'I GTAM DE NYID BYED DE, ZLA BA NYA BA BZHIN NO, ,JI LTAR ZLA BA NYA BAR GYUR PA DANG, MUN PA 'JIG PA DE BZHIN DU RTEN CING 'BREL BAR 'BYUNG BA MTHONG BAS YE SHES KYI ZLA BA SHAR BAR GYUR PAS GTI MUG 'JIG PAR 'GYUR RO, ,'DIR BSHAD PA, GTI MUG RKYEN NYID 'DI PA YI, ,NYI MA'I 'OD ZER 'BAR RNAMS DANG, ,LHAN CIG GNAS PA MA YIN TE, ,NYI MA'I ZER DANG MUN PA BZHIN, ,'DOD CHAGS LA SOGS PA RNAMS KYI SPONG BA'I THABS NI SMRAS NA, YANG DE RNAMS LA SPYOD PA'I SEMS CAN DAG JI LTAR SHES PAR BYA ZHE NA, DE DAG GI MTSAN NYID KYI DBANG DU BYAS NAS BSHAD PA, RTAG TU SA 'DZIN SOGS DGA' BA'I, ,GTONG PO ZA PO GTZANG ZHING 'GYUR, ,DE 'DRA SOGS LA MTSAN NYID RNAMS, ,'DOD CHAGS CAN GYI MI LA SNANG, ,SA 'DZIN PA'I GAR DANG, BZHAD GANG DANG, 'JO SGEG DANG, ME TOG DANG, DRI DANG, PHRENG BA DANG, BYUG PA DANG, RGYAN DANG, KHA DOG LA SOGS PA LA DGA' BA DANG, 'JAM PA DANG BDE BA'I NGANG TSUL CAN DANG, GTZANG BA DANG, MKHAS BAG DANG, SNYAN PAR SMRA BA DANG, GSONG POR SMRA BA DANG, GTONG BA PO DANG, ZA BA PO DANG 'GYUR BA STE, DE LTA BU LA SOGS PA DAG NI 'DOD CHAGS LA SPYOD PA'I MTSAN NYID DO, ,DE LAS BZLOG PA DAG NI ZHE SDANG LA SPYOD PA'O, ,'DREN MA DAG NI GTI MUG LA SPYOD PA DAG STE, DE LTAR NA JI SKAD BSHAD PA'I RTAGS DAG GIS BSAM PA RJES SU RTOGS PAR BYA'O, ,NOR BSGYUR GYI SHA ZA BZHIN NO, ,JI LTAR NOR BSGYUR MKHAN YOD NA 'TSOG CHAS RNAM PA SNA TSOGS SDUD PAR BYED LA DE DOR NA @114A *, ,THAMS CAD 'DOR BA DE BZHIN DU 'DOD CHAGS YOD NA 'TSOG CHAS RNAM PA SNA TSOGS SDUD PAR BYED LA, 'DOD CHAGS DOR NA THAMS CAD 'DOR RO, ,'DIR BSHAD PA, 'DOD CHAGS KYIS GZHAN CHAGS BYED CING, ,RANG CHAGS BYA LA CHER DGAR 'GYUR, ,SDANG BAS 'DI DAG LAS BZLOG CING, ,GTI MUG GIS DE RMONGS PAR BYED, ,'DIR SMRAS PA, 'DOD CHAGS DANG ZHE SDANG LA SPYOD PA LA SOGS PA DAG GI MTSAN NYID DAG NI SMRAS NA, YANG DE DAG 'DUL BA'I THABS NI GANG ZHIG YIN, BSHAD PAR BYA STE, SANGS RGYAS RNAMS KYIS CHAGS CAN LA, ,ZAS DANG CHOS GOS GTZUG LAG KHANG, ,DGE LEGS SPANGS PA THAMS CAD DANG, ,RTAG TU BLA MA'I DRUNG GNAS GSUNGS, ,'DOD CHAGS LA SPYOD PAS NI GNAS DANG ZAS DANG CHOS GOS 'DOD CHAGS DANG BRAL BA SKYED CING SER BA YID DANG MI MTHUN PA DGE LEGS SPANGS PA DAG 'DOD PAR BYA'O ZHES SANGS RGYAS BCOM LDAN 'DAS RNAMS KYIS GSUNGS SO, ,DE LA 'DOD CHAGS CAN RNAMS KYIS GTZUG LAG KHANG LA ZHEN PA'I GNYEN POR NI SANGS RGYAS BCOM LDAN 'DAS KYIS DGON PA PA NYID DANG, SHING DRUNG BA NYID DANG, DUR KHROD PA NYID DANG, BLAG PA MED PA NYID GSUNGS SO, ,MAL STEN LA ZHEN PA'I GNYEN POR NI COG PU NYID DANG, GZHI JI BZHIN PA NYID DO, ,ZAS LA ZHEN PA'I GNYEN POR NI BSOD SNYOMS PA NYID DANG, STAN GCIG PA NYID DANG, ZAS PHYIS MI LEN PA NYID DO, , CHOS GOS LA ZHEN PA'I GNYEN POR NI CHOS GOS GSUM PA NYID DANG, PHYAG DAR KHROD PA NYID DANG, PHYING [?] BA PA NYID DE, ,DE LTAR NA GTZUG LA KHANG DANG, MAL STAN DANG, KHA ZAS DANG, CHOS GOS LA ZHEN PA'I GNYEN POR SANGS RGYAS BCOM LDAN 'DAS KYIS SBYANGS PA'I YON TAN BCU GNYIS RNAM PAR GZHAG GO, ,YANG GANG 'DOD CHAGS DANG BRAL BA DAG KYANG 'DI RNAMS BSTEN PA DE NI BSOD NAMS KYI ZHING BDAG NYID LA NGAN PA LA MOS PA'I SKYE BO RAB TU DANG BAR BYA BA'I PHYIR TE, DE'I SGO NAS DE LA DANG BA RNAMS DE'I NYE BAR BSTAN PAS NGES PAR @114B MYA NGAN LAS 'DAS PAR GZHOL BAR 'GYUR RO, ,YANG 'DOD CHAGS LA SPYOD PA DE NI RTAG TU BLA MA'I DRUNG DU GZHAG PAR BYA STE, DE LTAR NA RTAG TU BLA MAS BZHIN BSKUL ZHING 'PHAGS PA'I RIGS LA RAB TU GNAS PA 'DI'I 'DOD CHAGS THUL BAR 'GYUR LA, TSUL BZHIN MA YIN PA'I YID LA BYED PAS SPAD PAS SRAB SKYOGS DANG BCAS PA NYID KYI PHYIR MTSAMS LAS 'DA' BAR MI NUS SO, ,ZHE SDANG LA SPYOD PA NI DE LAS BZLOG PA'I GTZUG LAG KHANG LA SOGS PA DAG DANG GNAS RNAM PAR DBEN PA'O, ,GTI MUG LA SPYOD PA NI 'DREN MA DAG GO,, BRAM ZE'I SRIN POS BZUNG BA LA MI GTZANG BA STER BA BZHIN NO, ,JI LTAR SKYES BU GANG ZHIG BRAM ZE'I SRIN POS BZUNG BAR GYUR PA DE LA 'BRU CHANG LA SOGS PA MI GTZANG BA'I RDZAS RNAMS STER ZHING DES DE 'GRO BAR 'GYUR BA DE BZHIN DU 'DOD CHAGS CAN RNAMS LA MI SDUG PA'O, ,GANG GIS STEN PAR BYED PA'I MI, ,NYON MONGS ZHI BAR 'GYUR BA DE, ,DE YIS BRTEN BYA GANG GI PHYIR, ,'DI LA NYON MONGS MI 'PHEL PHYIR, ,YANG KHRO BA SPANG BAR 'DOD PAS NI 'DI LTAR KHRO BA'I NYES DMIGS DAG RTOGS PAR BYA STE, NUS MED LA KHRO BDAG NYID LA, ,MDOG MI SDUG PA 'BA' ZHIG BYED, ,NUS PA GANG LA'ANG BRTZE MED PA, ,DE NI THA CHAD CES BYAR BRJOD, ,GZHAN LA GNOD PAR MI NUS PA LA NI KHRO BA SKYES PA TZAM GYIS BDAG NYID LA MDOG MI SDUG PA 'BA' ZHIG BYED KYI NUS PA DANG MI LDAN PA NYID KYI PHYIR GZHAN DAG LA GNOD PAR NI MI BYED DO, ,GZHAN DAG LA GNOD PHOD CING NUS PA LA YANG GAL TE NUS PA MED PA LA GNOD PA LA BRTZE BA MED NA NI DE GNOD PA THAMS CAD KYI RGYU NYID YIN PA'I PHYIR THA CHAD DU 'GYUR TE, SROG 'JOMS PA NI GNOD PA THA CHAD YIN PA DE NYID KYI PHYIR GANG ZAG 'DI LA YANG THA CHAD CES BYA'O, ,RNAM PA GCIG TU NA GANG ZHIG BRTZE BA MED PAR GYUR NAS NYAM CHUNG BA DAG LA BSNUN PA DE LAS MA GTOGS PA BRTZE BA MED PA GZHAN MED PA'I PHYIR THA CHAD DU 'GYUR RO, ,RIGS LA GNOD PA BZHIN NO, ,JI LTAR RIGS KYI NANG NAS GCIG GIS NYES PAR 'GYUR BA BZHIN DU THAMS CAD CHAD PA DANG @115A *, ,SBYOR BA'AM, BRLAG PAR 'GYUR BA DE BZHIN DU GNOD SEMS LA SPYOD PA'I GNOD SEMS KYANG RNAM PA THAMS CAD DU PHUNG BAR BYED PAR 'GYUR RO, ,'DIR BSHAD PA, ME DANG KHRO BA BYUNG BAS NI, ,DANG POR CI NAS DE GNYIS SREG ,PHYI NAS 'TSED PAR GYUR PAS NA, ,MI GZHAN DAG NI SREG PAR 'GYUR, ,YANG KHRO BA DANG LDAN PA RNAMS LA NI, KHRO BA NYE BAR ZHI BAR BYA BA'I PHYIR TSUL 'DI BSTAN PAR BYA STE, YID DU MI 'ONG BA YI SGRAS, ,SNGAR BYAS SDIG MTHAR BYED PAR BRJOD, ,KHYOD TSIG RTZUB MO THOS PAS 'KHRUG PA SAD PAR GYUR CING GZHAN DAG LA SDANG BA GANG YIN PA DE NI SHIN TU KHYOD KYI TSUL NGAN PA CHEN PO ZHIG STE, GANG GI PHYIR KHYOD KYIS SNGAR TSIG YID DU MI 'ONG BA THOS PA YANG DAG PAR 'GRUB PAR 'GYUR BA'I LAS BYAS SHING BSAGS PA GANG YIN PA DE 'DIR GSHE BA THOS PA LAS 'BRAS BU PHYUNG STE ZAD PAR 'GYUR NA, RMONGS SHING DAM PA MA YIN PA, ,'DI NI DE DAG ZAD PA LAS, ,BDAG NYID RNAM PAR DAG MI 'DOD, ,YID DU MI 'ONG BA'I TSIG THOS PA LAS 'BRAS BU PHYUNG STE, LAS ZAD PAR 'GYUR LA, LAS ZAD PAS KYANG 'DI RNAM PAR DAG PAR 'GYUR RO, ,DE DE LTAR BDAG NYID RNAM PAR DAG BZHIN DU GAL TE GSHE PA PO LA KHRO BA SKYED PAR BYED NA NI DE SLAR YANG DRI MA DES BDAG NYID KHYAD PAR DANG BCAS PAR DPOG PAR BYED CING BLUN PA BAS KYANG CHES BLUN PAR 'GYUR RO, ,GLANG RGAN LA SMAN GTONG BA BZHIN NO, ,JI LTAR GLANG RGAN SKYON CAN 'GA' ZHIG DE'I NANG NYE BAR ZHI BAR BYA BA'I PHYIR SMAN STER BA'I RDZI BO NYID GSOD PA BZHIN DU YID DU MI 'ONG BA THOS PA MYONG BAR 'GYUR BA'I LAS SNGAR BYAS PA'I SBYOR BA POR YANG 'GYUR TE, GANG YID DU MI 'ONG BA THOS PAR BYED PA'O, ,DE NI RMONGS PAS SPYOD PAR BYED PA PO DE NYID LA BKUR STI MA YIN PA BYED DO, ,'DIR BSHAD PA, GAL TE RANG SDIG PHA ROL POS, ,GSHE BA'I SNYAD KYIS SBYONG BYED NA, ,DE DES DE LA PHAN BTAGS PAS, ,DE'I DER MKHAS PA KHRO MI 'BYUNG, ,'DI LAS KYANG GZHAN GYI NGAN SMRAS KYI TSIG DAG LA KHRO BA MI RIGS TE, @115B 'DI LTAR, MNYAN PA YID DU MI'ONG BA'ANG, ,NGO BO NYID KYIS GNOD MI BYED, ,DE PHYIR RNAM RTOG LAS BYUNG BA, ,GZHAN LAS YIN NO SNYAM DU RLOM, ,GSHE BA LA SOGS PA'I SGRA RNAMS NI RANG BZHIN GYIS GNOD PA SKYED PAR BYED PA'I RGYUR MI 'GYUR RO, ,GAL TE 'GYUR NA NI SMRA BA PO LA YANG GNOD PAR 'GYUR BA ZHIG NA, BDAG NYID 'DIS BDAG LA DE LTA DE LTAR SMAD DO SNYAM DU RNAM PAR RTOG PA NA GNOD PA 'BYUNG BA YANG YIN TE, DE'I PHYIR RANG GI RNAM PAR RTOG PA LAS GNOD PAR GYUR PA NA CI'I PHYIR GZHAN LA KHRO BAR 'GYUR BA, PHYUGS RDZI MO'I BU MO BZHIN DANG; DGE TSUL BZHIN NO, ,JI LTAR PHYUGS RDZI MO ZHIG MUN KHUNG NA RANG GI BU MO KHUR SKYA DAG ZA BA'I SGRA THOS TE, CHUN MA'I BU MOR YONGS SU BRTAGS NAS KHROS PAS BAN GLANG MO 'DI CI ZA ZHES SMRAS LA, GANG GI TSE DE'I BU MOS NGA NYID YIN NO ZHES SMRAS PA DE'I TSE DGA' STE AE MA BYI BA MO ZHIG ZA'O ZHES SMRAS TE, DE'I PHYIR RNAM PAR RTOG PA MA GTOGS PAR SGRA 'GA' YANG YID DU 'ONG BA'AM YID DU MI 'ONG BA MI SRID DO, ,YANG SANGS RGYAS 'BANGS ZHES BYA BA'I DGE TSUL ZHIG DGE TSUL RNAMS KYIS MING SANGS RGYAS SKYONG ZHES SMOS PAS KHROS PAR GYUR TE, DES DU ZHING MKHAN PO LA ZHUS PA DANG, DES KYANG SONG SHIG KHYOD KYI MING NI CHOS KYI 'BANGS YIN GYI ZHES SMRAS LA, DE DE RNAMS KYIS SANGS RGYAS 'BANGS KYANG ZHES BYA BAS MI SNYAN PA SMRAS KYANG 'DI NI BDAG GI MING MA YIN NO SNYAM STE THOS BZHIN DU YANG MI DU ZHING 'DI NI GANG GIS SANGS RGYAS 'BANGS YIN PA DE MI SNYAN GYI BDAG GI MING GZHAN YIN NO ZHE'O, ,'DIR BSHAD PA, RNAM PAR RTOG MED TSIG THOS NAS, ,RMONGS PAS BYIS PA RAB 'KHRUG GI ,BRTAN ZHING DE SHES DE THOS NAS, ,'KHRUG PAR MI 'GYUR DGAR MI 'GYUR, ,'DIR SMRAS PA, GSHE BA LA NI RANG BZHIN GYI SKYON YOD DE, GANG GI PHYIR LUGS KYI BSTAN BCOS 'DI LAS GSHE BA PO LA CHAD PA BCAD PA'I PHYIR RO, ,BSHAD PAR BYA STE, 'DI LTAR GSHE PA PO LA NI, ,CHAD PAR BYA BAR MNGON BRJOD PA, ,DE BZHIN SNYAN @116A *, ,PAR SMRA PO LA, ,MCHOD PAR BYA BAR CIS MI 'GYUR, ,GAL TE SDANG BA'I GSHE BAS GZHAN GYI SNYING LA GNOD PAS GSHE PA PO CHAD PAS GCOD PAR BYA BA YIN NO ZHES BSTAN BCOS LAS MTHONG BA'I PHYIR BSHAD NA NI TSIG SNYAN PA BRJOD PA LAS KYANG GZHAN GYI SEMS 'DZIN PA'I PHYIR DE BZHIN DU BSTOD PA PO MCHOD PAR BYA BA YANG DE LAS CI'I PHYIR MA BSHAD, RGYU MTSUNGS BZHIN DU CI'I PHYIR GCIG CHAD PAS GCAD PAR BSHAD LA GCIG MCHOD BYAR MA YIN TE, DE'I PHYIR MI SNYOMS PA NYID KYI PHYIR LUGS KYI BSTAN BCOS TSAD MA MA YIN NO; ,'GRO LDING BA 'THAB PA DANG, 'GRO LDING BA'I GLANG PO CHE BZHIN NO, ,JI LTAR 'GRO LDING BA RNAMS LA 'THAB PA TZAM GYIS GSAD PA'I SEMS SKYE ZHING GSOD PAR YANG BYED KYI DE LTAR TSIG SNYAN PAS MCHOD PAR BYED PA NI MA YIN NO, ,DE BZHIN DU GANG ZHIG STOBS CHUNG BA DE NI GLANG PO CHE KHO NAS GSOD LA, GANG ZHIG STOBS DANG LDAN PAR GYUR NAS BDAG NYID GLANG PO CHE LAS SRUNG BAR BYED PA YANG KHYOD CI'I PHYIR GLANG PO CHE LA SMRA BA BA BYED CES RGYAL PO'I PHO BRANG DU GSOD DO, ,'DIR BSHAD PA, GAL TE DER NI MNYAM MTHONG NA, ,BSTOD PO GSHE PO YANG RUNG STE; ,DE GNYIS LA CIS BYAS MA BYAS, ,DE'I PHYIR DE NI TSAD MA MIN, ,'DIR SMRAS PA, GANG ZHIG GSHE BAS GZHAN GYI SMAD RA GZHAN DAG LA GSAL BAR BYED PA DE LA CI LTAR CIG SHOS 'KHRUG PAR MI 'GYUR, BSHAD PAR BYA STE, KHYOD KYIS SMAD BYA MA SMRAS KYANG, ,GAL TE GZHAN GYIS SHES NA NI, ,SMRA PO LA KHRO MI RIGS NA, ,YANG DAG MIN SMRA LA CI SMOS, ,GAL TE DE'I YAN LAG SMAD PAR BYA BA ZHAR BA 'AM SDUG PA ZHES BYA BA GANG YIN PA DE MA SMRAS KYANG GZHAN DAG GIS SHES PAR 'GYUR NA NI BDEN PAR GYUR PA'I SKYON DES GSHE MOD KYI BDEN PAR GYUR PA NYID KYI PHYIR GSHE BA PO YANG DAG PAR SMRA BA DE LA DES KHRO BAR BYA BAR MI RIGS NA YANG DAG MIN SMRA LA CI SMOS [?] TE, MI BDEN PAR SMRAS PA'I SKYON GYIS GNOD PA'I PHYIR RO, ,DE NI GTAN NYAMS PAS JI LTAR NA DE LA DAM PA BSRI BA MED PAR GNAS PAR 'GYUR RO, , @116B ZHAR BA DANG ZHAR BA MA YIN PA LA SMRAS PA BZHIN NO, ,'GA' ZHIG GIS ZHAR BA LA ZHAR BA ZHES SMRAS PAS DE LA RGYAL POS CHAD PAS BCAD DO, ,GZHAN GYIS MA ZHAR BA LA ZHAR BA ZHES PA SMRAS PAS, DE LA RGYAL POS CHAD PAS BCAD DO, ,DE BZHIN DU MKHAS PAS BDEN PA LA YANG BZOD PA BYAS LA, MI BDEN PA LA YANG BYA'O, ,'DIR BSHAD PA, DAM PA DE NYID GZIGS RNAMS LA, ,YANG DAG MIN PHYIR MI BDEN PA'AM, ,BDEN PHYIR BDEN PAR GYUR LA'ANG RUNG, ,KHRO BA'I GO SKABS YOD MA YIN, ,'DIR SMRAS PA, DE LTAR YIN MOD KYANG DMAN PA DAG LAS MI SNYAN PA THOS PA LAS MI LA KHONG KHRO BAR JI LTAR MI 'GYUR BSHAD PAR BYA STE, DMAN LAS MI SNYAN ZHES BYA BA, ,NGES PAR 'BYUNG BA MA YIN TE, ,DE PHYIR DMAN BYUNG MI SNYAN PA, ,YAN GAR NYUNG ZAD LTA BUR SNANG, ,GANG GI PHYIR SKYES BU DMAN PA CHOS MA YIN PA 'DOD CING SDIG PA KUN TU SPYOD LA, PHA ROL PO SDUG BSNGAL BA LA MNGON PAR DGA' BA DAG LAS NI MI SNYAN PA THOS PA KHO NA NGES PAR 'BYUNG BA MA YIN TE, DON MA YIN NO COG BYED PA NYID KYI PHYIR RO, ,GAL TE DE TSIG MI SNYAN PA TZAM ZHIG BYIN PAS YONGS SU TSIM NA NI GANG GSOD PA DANG 'CHING BA LA SOGS PA MNGON PAR MI 'DOD PA LTA CHES MCHOG CIG RNYED PA MA YIN NAM, DE'I PHYIR YONGS SU DGA' BA'I GNAS LA CI STE KHRO BA BSTEN PAR 'GYUR, 'PHAGS PA GANG PO DANG DUG BE'U'I LTE BA LTA BU BZHIN NO, ,JI LTAR 'PHAGS PA GANG PO KLUNG SHO NA'I PHA MTHA'I YUL GYI MI RNAMS GDUL BAR 'DOD PA LA BCOM LDAN 'DAS KYIS 'DI SKAD DU MI DE DAG NI MA RUNGS SHING, RAB TU GTUM PA STE, DER SDUG BSNGAL BAR GNAS PAR GYUR TA RE ZHES BKA' STZAL PAS, DES BCOM LDAN 'DAS GAL TE BDAG LA GSHE BAR GYUR NA NI, AE MA MA LA GANG DAG BDAG LA RDEG PAR MI BYED PA 'DI DAG NI DES PA ZHIG GO SNYAM DU KHO BO SEMS PAR BGYID LA GAL TE SROG DANG BRAL BA'I BAR DU BGYID NA YANG, AE MA MA LA GANG DAG BDAG GI LUS RUL PA 'DI LA THAR PAR BYED PA 'DI DAG NI BDAG @117A *, ,LA PHAN 'DOGS PA ZHIG GO SNYAM DU DE LTAR SEMS PAR BGYID DO ZHES GSOL BA DANG, DE'I TSE BCOM LDAN 'DAS KYIS GNANG NGO, ,YANG JI LTAR DUG BE'U'I LTE BA LTA BU'I RTZA BA'I 'OG TU 'GA' ZHIG LA NYON MONGS PA DAG THOG TU BAB PAR 'GYUR BA DANG DE DE'I RGYUS MYA NGAN BYED PA NA GZHAN GYIS GANG DUG MI BZAD PA DANG 'BREL BA LAS SROG DAG DANG PHRAL BAR MA GYUR NA KHYOD MYA NGAN MA BYED CIG ,GANG 'DIR BSDAD PA NI MA SHI BA 'GA' YANG MED KYIS KHYOD NI BSOD NAMS DANG LDAN PA ZHIG STE, DGA' BA NYID BYA BAR 'OS PA MA YIN NAM ZHES SMRAS TE; DE BZHIN DU GANG ZHIG SKYE BO DMAN PA LAS BSLANG BA TZAM ZHIG THOS PA DES NI DGA' BA KHO NAR BYA'I MYA NGAN MA YIN TE, NYUNG ZAD TZAM GYIS THAR BA'I PHYIR RO, ,'DIR BSHAD PA, DMAN PA BYA MIN MED DMAN LA, ,BRJOD BYA BRJOD MIN PA LA'ANG, ,DE PHYIR 'DI NI DMAN DE LAS, , MI SNYAN 'BA' ZHIG NYUNG NGU 'DRA, ,'DIR SMRAS PA, GANG ZHIG SKYON MED PA LA GSHE BA DE TSAR BCAD PA LA NYES PA CI YANG MED DO, ,BSHAD PAR BYA STE, GZHAN LA GNOD BYAS BDAG LA NI, ,YON TAN CUNG ZAD KYANG MED NA, ,KHYOD KHRO YON TAN MED PA LA, ,GUS PA ZHEN PA RKYANG PAR ZAD, ,GAL TE GZHAN KHROS PAR GYUR PA DE LA KHRO BA'I DBANG GIS GNOD PAR BYED PA GANG YIN PA DES 'DI LA YON TAN 'GA' ZHIG SKYED PAR BYED NA NI GZHAN LA GNOD PAR BYA BAR RIGS NA, GANG GI PHYIR GZHAN LA GNOD PAR BYED KYANG DE BDAG NYID LA YON TAN 'GA' YANG SKYED PAR MI BYED DE, DE'I PHYIR DE LTAR YON TAN MED PA'I KHRO BA LA GANG ZHIG GUS PAR BYED PA DE NI DE'I ZHEN PA 'BA' ZHIG KHO NAR ZAD DO, ,MTSON CHA YONGS SU RTOG PA BZHIN NO, ,DPER NA 'GA' ZHIG MTSON CHA RNON PO ZHIG YIN NAM YANG NA MA YIN ZHES GANG KHO NAS MTSON DE BYAS PA DE KHO NA'I LUS LA NYAMS SOD PAR BYED NA, DE LTAR MTSON BRTAGS NAS SKYES BU DE LA BYAS PA CHU DAG SON [?] PA NYID DANG, SDIG PA SOGS PA LAS MA GTOGS PA YON TAN 'GA' YANG YOD PA MA YIN PA DE BZHIN DU BDAG LA 'DIS TSIG RTZUB MO DANG, RDEG PA LA @117B SOGS PA MI 'DOD PA DAG GIS GNOD PAR BYAS SO ZHES DE LA GNOD PAR BYED PA DANG BYED DU 'JUG PA LA YANG SDIG PA SOGS PA LAS MA GTOGS PA BDAG LA YON TAN 'GA' YANG MED DO, ,GANG ZHIG DER GUS PA NI DE'I ZHEN PA 'BA' ZHIG TU 'GYUR RO, ,'DIR BSHAD PA; GZHAN LA GNOD PA BDAG NYID LA, ,YON TAN RNAM PA CHE BYED MOD, ,DE LTA'ANG RIGS SU SKYES PA YIS, ,GZHAN LA GNOD PA BYED MI NUS, ,'DIR SMRAS PA, SKYES BU MKHAS PA SU ZHIG GZHAN GYI GSHE BA YON TAN MED PA LA BZOD PAR 'GYUR, ,BSHAD PAR BYA STE, GAL TE BZOD PAS 'BAD MED PAR, ,BSOD NAMS CHEN PO THOB 'GYUR NA, ,GANG ZHIG DE LA GEGS BYED PA, ,DE MTSUNGS BLUN PO SU ZHIG YOD, ,BZOD PA NI CHOS SU BSHAD DO, ,GAL TE BZOD PA DANG LDAN PAS NI SBYIN PAR BYA BA'I DNGOS PO YONGS SU TSOL BA LA SOGS PA'I 'BAD PA MED PAR PHA ROL PO'I NGAN SMRAS KYI TSIG BZOD PA NYID KYIS KHRO BA LA SOGS PA'I GO SKABS MA BYIN PAR GZHAN LA GNOD PA MA BYAS PA'I SGO NAS BSOD NAMS CHEN PO 'THOB PAR 'GYUR NA, YANG GANG ZHIG CHOS KYI RGYU GSHE BA PO DE LA GEGS BYED PA DE DANG MTSUNGS PA'I BYIS PA GZHAN SU ZHIG YOD, DE'I PHYIR GANG ZHIG GZHAN GYIS GSHE BA BZOD PA DE KHO NA MKHAS PAR 'GYUR ZHING, CHOS CHEN PO YANG DE LA 'GYUR RO, ,RANG GI KHYIM THAB GSOD PA BZHIN NO, ,RIGS KYI BUD MED 'GA' ZHIG GI RANG GI KHYO SHI 'DOD CING SROG 'PHRO CUNG ZAD LUS PAR GYUR TE, DES CI 'DI SDUG BSNGAL BAS MNAR ZHING 'CHI'O, ,GANG 'DI NI BDAG GIS GSAD PAR BYA'O SNYAM DU BSAM ZHING DES JI LTAR SDIG PA BSAGS PA'I DON DU 'BAD PAS KHYO BSAD PAR GYUR PAS DE LTAR YANG BYAS SO, ,DE BZHIN DU LA LA DAG BLUN PAS BRJOD PA'I SGO NAS 'BAD PA MED PAR BSOD NAMS CHEN PO MI 'DOD CING BSGRIMS TE DON MA YIN PA CHEN PO'I RGYU MI BZOD PA LA BRTEN TO, ,'DIR BSHAD PA, GANG GI PHYIR NA BZOD STOBS KYIS, ,BZOD PA CHOS KYI DAM PAR GSUNGS, ,DE PHYIR CHOS LA GZHOL BA NI,, @118A *, ,CHOS LA GEGS BYED MA YIN NO, ,'DI LAS KYANG KHRO BA NI SPANG BAR BYA BA YIN TE, SKYE BO GZHAN PA LA GNOD PAR BYED PA'I PHYIR RO, ,'DI LTAR, KHRO BA ZHES BYA KHYAD PAR DU, ,STOBS LDAN DAG LA SKYE MI 'GYUR, ,DES NA ZHAN 'JOMS KHRO BA LA, ,CI NAS KHYOD GUS GYUR TA RE, ,GAL TE YANG KHRO BA NI SPYIR RJES SU MI MTHUN PA'I DNGOS PO'I YUL CAN YIN MOD KYI, DE LTAR NA YANG STOBS DANG LDAN PA LA GNOD PAR MI NUS PA'I PHYIR GANG DU KHA DRAG PA DE KHO NAR KHYAD PAR DU 'GYUR TE, DE'I PHYIR SNGA MA LA GNOD PAR BYED PA'I PHYIR NA SKYES BU GZI CAN GYIS 'DI DAM PA MA YIN PA LTAR SPANG BAR BYA'O, ,DE'I PHYIR DE LTAR RIG NAS KHRO BA ZHAN PA 'JOMS PA LA CI NAS KYANG GUS PAR MI BYA STE, BUD MED RNAMS LA DPA' BA BZHIN NO, ,RGYAL PO 'GA' ZHIG GZHAN GYI YUL 'KHOR MNGON PAR DBAB PAR 'DOD PAS RANG GI DMAG MI'I TSOGS BOS NAS GZHAN GYI YUL 'KHOR DBAB PA'I PHYIR 'GRO YIS, DER KHYED CAG GANG GIS CI ZHIG BYED CES SMRAS PA DANG, DER KHA CIG NI 'DI SKAD DU RJE BO JI LTAR GRONG KHYER DE NAS SU YANG 'BYUNG BAR MI 'GYUR ZHING 'JUG PAR MI 'GYUR BA DE LTAR BGYID DO ZHES SMRA'O, ,GZHAN DAG NI KHO BO CAG NI 'OBS KYI BAR DU MCHI'O ZHES SMRA'O, ,YANG GZHAN DAG NI KHO BO CAG NI RA BA LA 'DZEG PAR BGYING [?] DO ZHES SMRA'O, ,DE LA GCIG NI GANG RJE BO CHER DGYES PA DANG BDAG NYID KYANG BSRUNG BAR BGYID DO ZHES SMRA'O, ,RGYAL POS KYANG GUS PA DAM PAS SMRAS PA DANG, BDAG NI GANG GI TSE 'DI RNAMS KYIS RGYAL PO DE KUN NAS GNON PAR 'GYUR BA DE'I TSE RGYAL PO DE LTA BZHIN DU BTZUN MO'I 'KHOR GYI BUD MED KYIS SKYE BO LA LCAG RTZUB MO DAG GIS SHIN TU BRIM PAR BGYID DO ZHES SMRA'O, ,DE SKAD THOS NAS RGYAL POS SKYES BU NYON MONGS 'DI NI ZHAN PA 'JOMS PA ZHIG GO SNYAM STE, DMAG MI DE LA THUGS NYE BAR LOG CING KHYAD DU GSAD PAR YANG 'GYUR RO, ,DE BZHIN DU KHRO BA YANG NYAM CHUNG BDAG LA KHYAD PAR DU SKYE'I STOBS DANG LDAN PA DAG LA NI MA YIN TE, DE'I PHYIR ZHAN PA 'JOMS PA'I KHRO BA LA GUS PAR MI @118B BYA'O; ,'DIR BSHAD PA, BRJID CAN STOBS DANG LDAN PA RNAMS, ,GANG DU DPA' BSHES PA NA, ,MKHAS PA YON TAN SBYOR BA'I MIS, ,ZHAN PA 'JOMS LA GUS MI BYA, ,'DIR SMRAS PA, GANG ZHIG BZOD PA DE NI BYA BA LA LAN DU GNOD PA BYED PAR MI NUS SO SNYAM PAS 'JIG RTEN GYIS ZIL GYIS GNON TE, DE'I PHYIR BRNYAS PAR 'GYUR BAS KHRO BA'I GNAS LA KHRO BA NYID MDZES SO, ,BSHAD PAR BYA STE, GANG ZHIG KHRO GNAS LA BZOD PA, ,DE LA SGOM PA SKYE BAR 'GYUR, ,YON TAN GNAS LA 'JIGS SHES PA, ,KHYOD KYI BLUN PA 'BA' ZHIG NYID, ,BZOD PA NI PHRA RGYAS KHRO BA'I GNYEN PO STE, DE KHRO BA'I GNAS LA BSGOMS PA NA BYAMS PA'I TING NGE 'DZIN SGOM PA 'DREN PAR 'GYUR RO, ,DE LA GAL TE BA 'JOS TZAM GYI DUS SU BSGOMS PAS GOMS PAR BYED NA DE'I TSE SGOM PA PO LA YON TAN BRGYAD 'DREN PAR 'GYUR RO, ,'DI LTA STE, LHA DANG MI RNAMS LA SDUG PAR 'GYUR RO, ,DE RNAMS KYIS BSRUNG BAR YANG 'GYUR RO, ,BDE BA DANG YID BDE BA MANG BAR 'GYUR RO, ,DE'I LUS LA DUG GIS MI TSUGS SO, ,MTSON GYIS MI TSUGS SO, ,DE'I NOR RNAMS 'BAD PA MED PAR RGYAS PAR 'GYUR RO, ,LUS ZHIG NAS SHI BA'I 'OG TU BDE 'GRO TSANGS MA'I 'JIG RTEN DU SKYE BAR YANG 'GYUR RO, ,DE LTAR BYAMS PA'I YON TAN BRGYAD THOB PAR 'GYUR RO, ,PHRA RGYAS KHRO BA SPANGS PAS RNYED PAR BYA BA BSAM GTAN DANG TSAD MED PA DANG, GZUGS MED PA DAG KYANG 'THOB PAR 'GYUR RO,, DE LTAR NA GANG LA KHRO BA'I GNAS LA BZOD PA YOD PA DE LA SGOM PA 'BYUNG NGO, ,GANG ZHIG JI SKAD BSHAD PA'I YON TAN CAN GYI BZOD PA SPANGS NAS BYAS PA LA LAN DU GNOD PA BYED PA TZAM MI NUS PAR BSAM PAS 'JIGS PA BSKYED DE YON TAN GYI GNAS BZOD PA MI BSTEN PA DE NI DE'I BLUN PA NYID KHO NA 'BA' ZHIG GO SNYAM STE, KHRO BA'I SGO NAS DON MA YIN PA MANG PO 'BYUNG BA'I PHYIR DANG, ,JI SKAD BSHAD PA'I YON TAN MCHOG TU 'BYUNG BA 'JOMS PA'I PHYIR RO, ,NYES PAR SPYOD PA LAS LOG PAS NGO TSA BA BZHIN NO, ,SKYES BU 'GA' ZHIG NYES @119A *, ,PAR SPYOD PA LAS LOG PAR BYAS NAS NGO TSA BAR BYED DE, JI LTAR 'GA' ZHIG YON TAN GYI KHYIM DU SKYE STE SKYE BO DAM PA DANG PHRAD PAS SROG GCOD PA LA SOGS PA DAG LAS LOG PAR GYUR PA DANG, GZHAN MDZA' BO BLUN PO RNAMS KYIS GANG RI DAGS MI SHOR ZHING SKYES BU LAG NA MTSON CHA THOGS PA RNAMS 'THOB [?] PA'I PHYIR MNGON PAR 'ONGS PA LA 'BROS PA KHYOD NI BUD MED DU GYUR CING KHYO GA'I RTAGS BSREL BAR 'GYUR BA ZHIG GO ZHES BZHAD GAD DU BYAS PAS BLUN PA'I PHYIR NGO TSA BYED PAR 'GYUR BA DE DANG 'DRA BAR GANG ZHIG KHRO BA'I GNAS SU BZOD PAR BYED PA DE SGOM PA 'THOB NA BLUN PAS 'JIGS PA SKYE BAR BYED DE, 'DIR BSHAD PA, BZOD BRAL MI RNAMS KHRO BA NI, ,NYES CHEN BYED PA YIN MOD KYI, ,'ON KYANG MKHAS PA'I YON TAN NI, ,BYED DE BZOD PA'I RGYU YIN PHYIR, ,'DIR SMRAS PA, GZI CAN GYIS DMAN PA DAG GIS KHYAD DU BSAD PA BSRAN PAR DKA' STE, DE'I PHYIR 'DI DAG TSAR BCAD PAR RIGS SO, ,BSHAD PAR BYA STE, SU ZHIG KHYAD BSAD THAR BYAS NAS, ,'JIG RTEN PHA ROL 'GRO BA YOD, ,DE'I PHYIR BDAG NI SDIG PA BAS, ,BRNYAS PA LEGS SO SNYAM DU SEMS, ,SEMS PA DANG LDAN PA RNAMS LA KHYAD BSAD CING GCIG NAS GCIG TU BRGYUD PA MTHAR THUG PA MED PA NYID KYI PHYIR SUS DE'I MTHAR BKRI BAR NUS, JI LTAR GANG DAG GNA' RABS KYI RGYAL PO NA HU SHA DANG, AA MA PAR SHIR {shA} DANG, TI LI PA LA SOGS PA MNGON PAR RLOM ZHING G-YUL SPROD PAR NUS PA DE DAG LAS 'DIR GANG DU KHYED DU BSAD PA 'DI BSAL BAR BYAS NAS 'JIG RTEN PHA ROL DU SONG BA'I RGYAL PO SU ZHIG YOD, DE DAG KYANG BRNYAS BKRAN GYI DBANG GIS SDIG PA DAG BYAS NAS SHI BAR GYUR PA MA YIN NAM, DE'I PHYIR 'DIR BDAG LA NI SDIG PA BAS BRNYAS PA MCHOG TU BKRA BAS SO SNYAM DU SNANG STE, GANG GI PHYIR KHYAD DU BSAD PAS BRNYAS PA LAS DMYAL BAR MI 'GRO LA, SDIG PA LAS NI 'GRO BA'I PHYIR RO, ,ZO CHUN GYI 'KHRUL 'KHOR DANG, DZA MAD GHA NA'I BU BZHIN NO, ,JI LTAR ZO CHUN GYI 'KHRUL 'KHOR LA MTHA' YOD PA MA YIN PA DE @119B BZHIN DU, KHYAD BSAD LA SOGS PA YANG NGO, ,DE BZHIN DU DZA MAD GHA NA'I BUS LAN BDUN GSUM DU SA STENGS NA RGYAL RIGS MED PAR BYAS NAS SMA PHAB KYI 'JIGS PA LAS MA GROL ZHING, DON MA BYAS PAR SHI BAR GYUR TO, ,RGYAL RIGS DE DAG KYANG GTAN KHO NAR PHUNG BA MA YIN NO, , DE BZHIN DU 'JIGS PAS BU MO GZHON NU MA'I CHED DU DE G-YUL DU SMRA PHAB PA LA, R'A MAS KYANG GZHU'I RGYU MTSAN GYI CHED DU SMRA PHAB PO, ,'DIR BSHAD PA, KHYAD DU BSAD PA'AM SDIG PA STE, ,SDIG PA BAS NI KHYAD BSAD SLA, ,GANG PHYIR SDIG LAS SKYES BU NI, ,DMYAL 'GRO KHYAD BSAD LAS MA YIN; GANG ZHIG DE DE LTAR SO SOR RTOG PAR MI NUS PA DES NI RNAM PAR SHES PA'I SKYE BA DANG 'GAG PA LA SOGS PA PHYIR BZLOG PAR BYA STE, 'DI LTAR, GANG GIS RNAM SHES GNAS LA SOGS, ,YANG DAG TU NI RNAM SHES PA, ,DE YOD NA NI NYON MONGS RNAMS, ,NAM YANG BLO GROS LA MI GNAS, ,RNAM PAR SHES PA NI RKYEN DU MA LA RAG LAS TE SKYE BA NYID KYI PHYIR 'DUS BYAS YIN LA 'DUS BYAS NYID KYI PHYIR GNAS PA DANG SKYE BA DANG 'JIG PA DANG LDAN PA ZHIG NI, 'DI NI SKAD CIG RE RE DMIGS PA'I KHYAD PAR 'DZIN PAR 'JUG PA LA MKHAS PA'I PHYIR DANG MI GNAS PA NYID KYI PHYIR 'DI LA GNAS PA MED DO, ,GNAS PA MED PA NA YANG GNAS PA'I RGYU SKYE BA MI RIGS TE 'DUS MA BYAS LTAR GNAS PA DANG BRAL BA'I PHYIR RO, ,GNAS PA DANG SKYE BA DANG BRAL BA 'DI LA NI MI RTAG PA NYID KYANG GA LA YOD DE, DE'I PHYIR RANG BZHIN GYIS GSUM CHAR YANG MED DO, ,GSUM PO MI SRID NA YANG RNAM PAR SHES PA LA RANG BZHIN MED DE, RNAM SHES SGYU MA LTA BUR NI, ,NYI MA'I GNYEN GYIS BKA' STZAL TO, ,ZHES TSIGS SU BCAD PA 'BYUNG BA'I PHYIR RO, ,GANG LA RANG BZHIN YOD PA MA YIN PA DE NI RANG BZHIN DANG BRAL BA NYID KYI PHYIR SGYU MA'I SKYES BU LTAR STONG PA NYID YIN ZHING DES KUN BRTAGS PA'I KHAMS GSUM PO GANG YIN PA DE YANG STONG NGO, ,DE'I PHYIR DE LTAR RNAM PAR SHES PA'I CHOS GNAS PA LA SOGS PA'I RANG GI NGO BO SO SOR RTOG PAR BYED CING SGYU MA DANG GZUGS BRNYAN GYI CHOS NYID LA ZHUGS PA 'JIG RTEN LAS 'DAS PA'I YE @120A *, ,SHES DANG LDAN PA LA PHYIN CI LOG TU MTHONG BAS KUN NAS BSLANG BA'I NYON MONGS BA'I 'DOD CHAGS LA SOGS PA RNAMS NGES PAR LDOG PAR 'GYUR TE, DE LTAR NA SGOM PA 'DI NYID LEGS SO, ,DE LTAR NA DGE SLONG RNAL 'BYOR SPYOD PA SGOM PA LA MNGON PAR BRTZON PA LA NAM YANG NYON MONGS PA THAMS CAD MI GNAS SO, ,DE'I PHYIR DE LTAR NYON MONGS PA'I ME NYE BAR ZHI STE, SEMS RNAM PAR BYANG BAS 'GRO BA LA PHAN PAR BSGRUB PAR BYA ZHING, GZHAN DAG KYANG LAM DE LA GZUNG BAR BYA'O, ,BYI BA'I DUG DANG DUG GI SHING GI RTZA BA 'DON PA BZHIN NO, ,GANG ZHIG BYI BA'I DUG GI RIM GRO SHES PA DES NI GZHOM PA'AM BZLOG PAR NUS PA DE BZHIN DU SKYON RNAMS KYI SKYE BA DANG 'GAG PA DANG GNAS PA'I RKYEN SHES PA DES NYON MONGS PA RNAMS 'JOMS PAR NUS SO, ,YANG JI LTAR DUG GI SHING RTZA BA DRUNGS PHYUNG NA SLAR 'BYUNG BAR MI 'GYUR BA DE BZHIN DU 'KHOR BA'I 'JUG PA'I DUG GI SHING GI SKYE BA LA SOGS PA'I RTZA BA PHYUNG BAS SLAR 'JUG PAR MI 'GYUR RO, ,'DIR BSHAD PA, SEMS LA BRTEN PA'I SKYE DANG GNAS, ,RGYU MTSAN MNYAM PAR GYUR PA DANG, ,SHES BYA'ANG GRUB PA'I YUL GYUR NA, , DE YIS GTI MUG MUN PA 'JOMS, ,SLOB DPON 'PHAGS PA LHA'I ZHAL SNGA NAS KYI BYANG CHUB SEMS DPA'I RNAL 'BYOR SPYOD PA BZHI BRGYA PA LAS NYON MONGS PA SPONG BA'I THABS BSTAN PA ZHES BYA BA STE RAB TU BYED PA DRUG PA'I 'GREL PA STE NYON MONGS PA RNAMS SPANG BA'I THABS BSHAD ZIN TO,, ,, DA NI 'KHOR BA'I NYES DMIGS BSTAN PAS DE LA SKYO BA BSKYED PAR BYA BA'I DON DU LAS DAG SPANG BA'I THABS BRJOD PAR 'DOD PAS BSHAD PA, SDUG BSNGAL RGYA MTSO 'DI LA MTHA', ,RNAM PA KUN TU'ANG YOD MIN NA, ,BYIS KHYOD 'DIR NI BYING BA LA, ,'JIGS PA CIS NA SKYE MI 'GYUR, ,PHYOGS BCU THAMS CAD DU SMOD [?] PA'I PHYIR SDUG BSNGAL GYI RGYA MTSO CHEN PO THOG MA MED PA'I DUS NAS SRID PA MA RIG PA DANG, BDAG TU NGA RGYAL BA DANG SRED PA LAS BYUNG BA SRED PA'I KUN TU SPYOD PA SUM CU RTZA DRUG GI SPRUL GYIS GANG BAR GYUR PA, LTA BAR 'DZIN PA DRUG CU @120B RTZA GNYIS KYI CHU'I SRIN POS DKRUGS PA SKYE BA DANG 'CHI BA'I KLUNG 'KHOR MANG BA, KHRAG DANG MCHI MA DANG 'O MA'I CHU PHON RGYAS PA, RGA BA DANG NA BA DANG 'CHI BA'I CHU RLABS CHIL CHIL G-YO BA, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I NYA DANG, RUS SBAL DANG, NYA TI MI DANG, NYA TI MI GI LA DANG, CHU SRIN LONG LONG DU GYUR PA DU MAS DKRIGS PA, 'DOD PA LA GNOD PA'I CHU 'KHRUG PA 'DI LA MTHA' YOD PA MA YIN NA SDUG BSNGAL GYI RGYA MTSO CHEN PO GTING MED PA 'DIR BYING BA KHYOD LA RGYU CIS 'JIGS PA 'BYUNG BAR MI 'GYUR, PHA ROL MNGON ZHING GDON MI ZA BAR GTING RNYED PA'I MTSOR BYING BA MNGON PAR 'DOD PA'I SROG BRAL BA LA SDUG BSNGAL BA DOGS PA LA YANG 'JIGS PA MTSUNGS PA MED PA SKYE NA, SRID PA'I MTSO PHA ROL DANG GTING KUN NAS YOD PA MA YIN PA NYE BAR 'TSE BA MED PA SO SO'I SKYE BO LA LTA SMOS KYANG CI DGOS, DE'I PHYIR 'DI MI SKRAG CING GNOD PAR MA GYUR PA GANG YIN PA DE NI 'DI'I SPYOD PA SKYO BAR BYA BA ZHIG STE BYIS PA NYID DO, ,RO HI TA'I RTA BZHIN NO, ,JI LTAR RO HI TA'I RTA ZHES BYA BA'I DRANG SRONG MNGON PAR SHES PA LNGA DANG LDAN PA ZHIG BYUNG BAR GYUR LA, DE 'DI SNYAM DU GANG BDAG 'JIG RTEN GYI KHAMS KYI MTHAR 'GRO'O SNYAM DU SEMS TE, RKANG 'GROS KYI RDZU 'PHRUL GYIS LHUN PO'I ZOM DU RKANG PA 'JOG PA NA 'JIG RTEN GYI MTHAR MA PHYIN PAR BAR DU SHI NAS LHA DAG GI NANG DU SKYES SHING BCOM LDAN 'DAS KYI THANG DU 'ONGS PAR GYUR TO, , DE NAS DE LA BCOM LDAN 'DAS KYIS RO HI TA'I RTA NGAS KHYOD KYI LUS 'DOM GANG TZAM PO 'DI NYID LA 'JIG RTEN DANG 'JIG RTEN KUN 'BYUNG BA DANG, 'JIG RTEN 'GOG PA DANG 'JIG RTEN 'GOG PAR 'GRO BA'I LAM BSTAN PAR BYA YIS ZHES BKA' STZAL PA LTA BU'O, ,DE LTAR 'PHAGS PA'I BDEN PA BZHI BSTAN PAS 'PHAGS PA'I BDEN PA BZHI MTHONG BAR GYUR TO, ,'DIR BSHAD PA, KHRAG DANG MCHI MA'I CHU YANGS SHING, ,RGA SHI'I KLONG DKRUGS DPA' RLABS CAN, ,SDUG BSNGAL RGYA MTSO GTING MED DU, ,BYING LA JI LTAR 'JIGS MI 'BYUNG, ,'DIR @121A *, ,SMRAS PA, LANG TSO LA SOGS PA'I RGYAGS PA DAG GIS KUN TU RMONGS PA LA 'KHOR BAS 'JIGS PA MI 'BYUNG NGO, ,BSHAD PAR BYA STE, LANG TSO RGYAB TU BYUNG GYUR NAS, ,SLAR YANG MDUN DU BYUNG BAR 'GYUR, ,GNAS KYANG 'JIG RTEN 'DI LA NI, ,'GROS KYIS 'GRAN PA LTA BUR MNGON, ,'DIR LANG TSO NI 'JIG RTEN LA DGA' BA'I RGYAB TU BYUNG NAS, YANG DE LA DUS PHYIS MDUN DU 'BYUNG ZHING MDUN DU BYUNG NAS KYANG SLAR RGYAB TU BYUNG LA SHI BAS CHOD DE SLAR YANG MDUN DU BYUNG NGO, ,DE'I PHYIR 'JIG RTEN 'DIS 'JIG RTEN GYI BDAG GIS BDAG NYID GNAS PAR RLOM MOD KYI, DE LTAR NA 'DI'I LANG TSO LA SOGS PA'I GNAS SKABS RNAMS MI GNAS PAR MTHONG BA'I PHYIR LANG TSO DANG, RGAS PA DANG, 'CHI BA RNAMS 'GROS KYIS 'GRAN PA LTAR MNGON NO, ,'GROS KYIS 'GRAN PA NI 'GROS KYIS 'GRAN PA STE, SKYEN ZHING MGYOGS PAS BDAG NI MNGON DU'O BDAG NI MNGON SUM DU'O SNYAM DU PHAN TSUN 'GROS LA BSNGO ZHING LAM DU 'GRO BA RNAMS BZHIN NO, ,DE LTAR LANG TSO LA SOGS PA RNAMS MI GNAS PAR YONGS SU DPYAD DE, DE'I LANG TSO'I RGYAGS PA MI RIGS SO, ,SKYE BA DANG 'CHI BA BZHIN DANG, 'KHOR LOS 'TSIR BAR BYED PA'I GRIB MA BZHIN NO, ,JI LTAR SROG CHAGS RNAMS KYI SKYE BA DANG 'CHI BA YONGS SU 'GYUR ZHING MDUN DU BYUNG NAS RGYAB TU BYUNG BA DANG, YANG JI LTAR KHA MKHAN GYI 'KHOR LOS TIL 'TSIR BA RNAMS KYI GRIB MA MDUN DU BYUNG NAS RGYAB TU BYUNG BA DE BZHIN DU LANG TSO YANG YIN NO, ,'DIR BSHAD PA, SKYE DANG 'CHI PHYIR SKYE 'GRO 'DI, ,'GRO BA SNA TSOGS RNAMS SU NI, ,RANG LAS DAG GIS 'GRO BA NA, ,RTAG TU SKYEN ZHING MGYOGS PA YIS, ,DE DANG DER NI YANG DAG RGYUG ,'DIR SMRAS PA, 'GRO BA'I CHOS CAN NYID KYI PHYIR 'JIG RTEN LA GDON MI ZA BAR 'GRO BA YOD MOD KYI, DE LTA NA YANG DE'I BDAG NYID YIN PAS DE LA MI 'JIGS SO, ,BSHAD PAR BYA STE, SRID PAR KHYOD LA RANG 'DOD KYIS, ,'GRO BA GZHAR YANG YOD MIN NA, ,GZHAN GYI DBANG DANG 'JIGS MED PAR, ,BLO DANG LDAN PA SU ZHIG 'GYUR, ,'KHOR @121B BA NA RTAG TU DE DANG DER 'KHYAM PA LA RANG GI 'DOD PAS LHA DANG MI LA SOGS PA'I 'GRO BAR 'GRO BA NAM YANG YOD PA MA YIN NO, ,YANG GANG LA RANG GI 'DOD PAS DONG ZHING 'GRO BA YOD PA MA YIN PA DE RANG DBANG MA YIN PAR GYUR NAS GAL TE RANG DBANG CAN LTAR MI 'JIGS PAR 'GYUR BA NA NI DE LAS CHES RMONGS PA GZHAN SU ZHIG YOD DE, BLO DANG LDAN PA NI GZHAN DBANG DU GYUR PA DANG 'JIGS PA MED PAR MI 'GYUR RO, ,LAS DANG NYON MONGS PA LA RAG LAS TE 'GRO ZHING GSHED DU 'GRO'O SNYAM STE 'GRO BA'I KHYAD PAR NGES PAR MA ZIN PA 'DIS NI NYIN MTSAN PHYED PAR SKYO BAR BYA BAR RIGS SO, ,KLUNG 'BOGS PA'I SHING DANG MNA' MA SAR PA BZHIN NO, ,JI LTAR KLUNG BRUG PA'I SHING LA RANG 'DOD KYIS 'GRO BA MED PA DANG, YANG JI LTAR GYOS PO LA SOGS PA RNAMS KYI DBANG DU GYUR PA NYID KYI PHYIR MNA' MA SAR PA RTAG TU RANG DBANG MA YIN PAR GYUR PA DE BZHIN DU BYIS PA SO SO'I SKYE BO RNAMS KYANG RTAG TU RANG DBANG MED PA YIN TE, RANG GI LAS LA RAG LAS TE 'GRO BA'I PHYIR RO, ,'DIR BSHAD PA, 'KHOR BAR 'KHOR BA'I SKYE BO LA, ,'GRO GANG LAS DBANG GIS 'GYUR BA, ,DE'I PHYIR CI NAS 'GRO BAR NI, ,'GYUR BA MIN PAR LAS GCAD BYA, ,'DIR SMRAS PA, 'DI'I BDE BAS PHROGS PA'I PHYIR 'GRO BA GCOD PAR MI NUS KYI MA 'ONGS PA'I SKYE BA LA NI SBYAR BAR BYA'O, ,BSHAD PAR BYA STE, MA 'ONGS THA MA YOD MIN ZHING, ,KUN TSE'ANG SO SO'I SKYE BO SKYE, ,KHYOD 'DAS JI LTAR DE BZHIN DU, ,DE YANG MI 'GYUR DE LTAR BYOS, ,MA 'ONGS PA'I DUS LA MTHA' MED LA 'DAS PA YANG DE BZHIN DU YIN ZHING KHYOD KYANG 'DAS PA'I DUS THAMS CAD DU SO SO'I SKYE BO ZHIG STE, KHYOD KYIS 'DAS PA'I DUS JI LTAR DON MED PAR GYUR PA DE BZHIN DU MA 'ONGS PA YANG MI 'GYUR BA DE LTAR GYIS SHIG ,NYON MONGS PA NYE BAR ZHI BAR MA MYONG BZHIN DU KHYOD KYIS 'DAS PA'I DUS SONG STE, DE'I PHYIR DA LTAR YANG JI LTAR SRID PA 'DI MTHAR GYUR PA DE LTAR 'BAD PAR BYA'O, ,JI SKAD DU 'PHAGS PA SDONG PO BKOD PA'I MDO LAS, KHYOD KYI 'DOD RGYUS DON MED CHUD GSAN PA'I, ,LUS KYI SNGON GYI MTHA' GANG DRAN BYA STE, ,DE RING BYANG CHUB YONGS TSOL BRTUL ZHUGS DANG, , @122A *, ,BCAS 'DIR BRTUL ZHUGS KYIS NI 'DOD PA BCOM, ,KHYOD KYI 'DOD RGYUS DON MED CHUD GSAN PA'I, ,LUS KYI SNGON GYI MTHA' GANG DRAN BYAS TE, ,GANG G'A'I BYE SNYED DRAN PAR MA BYAS SHING, ,'DI 'DRA'I GSUNG GANG SANGS RGYAS LAS MA THOS, ,ZHES GSUNGS PA LTA BU'O, ,GZHAN GYI KHYIM THAB LA 'PHYAN PA BZHIN NO, ,GZHAN GYI BUD MED LA 'PHYAN PA 'GA' ZHIG LA MDZA' BO DE LTAR MA BYED CIG CES RJES SU BSTAN PA DANG PHYIN CHAD DE LTAR MI BYED DO ZHES SMRAS LA, DES KYANG SNGON JI LTA BA DE BZHIN PHYIN CHAD MI BYA STE, SNGON YANG KHYOD KYIS PHYIN CHAD MI BYED DO ZHES SMRAS MOD KYI BYAS PA YANG YIN PAS MA 'ONGS PA'I DUS SU DE LTAR MI BYA'O ZHES SMRAS SO, ,DE BZHIN DU BYIS PA BLUN ZHING 'KHOR BA'I 'JIGS PA DANG BRAL BA GTI MUG GIS DKRUGS PA KHA CIG LA DGE BA'I BSHES GNYEN GYI 'KHOR BA NI 'JIGS PA CHEN PO STE, MYA NGAN LAS 'DAS PA LA 'BAD PAR BYA'O ZHES SMRAS PAS, DES MA BYON PA'I THUB PA GANG G'A'I KLUNG GI BYE MA SNYED DAG 'BYUNG BAR 'GYUR GYI, DE DAG LA TSANGS PAR SPYOD PA SPYAD PAR BYA'O ZHES SMRAS PA DANG DE SNYED DAG NI 'DAS PAR YANG GYUR LA, DE DAG KHYOD KYIS MA NYES PAR MA BYAS TE; JI LTAR 'DAS PA'I DUS DON MED PAR SDUG BSNGAL BAS 'DAS PA DE BZHIN DU MA 'ONGS PA YANG DE LTAR MI 'GYUR BA DE LTAR BYOS SHIG CES SMRAS SO, ,'DIR BSHAD PA, RNAM PAR GROL LA SBYAR BA'I PHYIR, ,TSE 'DI NYID LA 'BAD PAR BYA, ,'JIG RTEN GZHAN DU DAM CHOS LA, ,DAD SKYE'I NGES PA CI ZHIG YOD, ,MDO LAS KYANG, SANGS RGYAS 'BYUNG BA BRGYA LA RNYED 'GYUR GYI, ,MI NI THOB PA TSEGS KYIS RNYED PAR 'GYUR, ,KYE MA DAD PA DANG NI CHOS NYAN PA, ,'DI 'DRA'I BSKAL PA BRGYAR YANG CHES RNYED DKA', ,ZHES GSUNGS SO, ,'DIR SMRAS PA, YANG CI 'KHOR BA 'DI LA MTHA' YOD DAM 'ON TE MED, GAL TE YOD NA NI DE'I TSE BSGRIM PA MED PAR MTHA' YOD PA'I PHYIR 'BAD PA 'BRAS BU MED PA NYID DO, ,CI STE MED NA NI DE'I TSE BSGRIM PA YOD KYANG MTHA' MED PA'I PHYIR 'BAD PA 'BRAS BU MED PA @122B NYID DO; ,BSHAD PAR BYA STE, 'DI NI GCIG TU NGES PAR GZUNG BAR MI NUS SO, ,GANG LA ZHE NA, RANG BZHIN MED PA'I PHYIR, RANG BZHIN MED PA'I MTHA' DANG LDAN PA DANG, MTHA' DANG MI LDAN PA NYID KYANG RIG PA DANG MA RIG PA'I RGYU CAN NYID KYI PHYIR DANG DE GNYIS KYANG RKYEN GZHAN DU MA LA RAG LAS PA'I PHYIR DANG RKYEN RNAMS KYANG SHIN TU DKON PA'I PHYIR TE, 'DI GNYIS CHAR NGES PAR RNAM PAR GZHAG PAR MI NUS SO, ,NGES PA MED PA DE NYE BAR BSTAN PA'I PHYIR BSHAD PA, NYAN PO MNYAN BYA 'CHAD PO RNAMS, ,'BYUNG BA SHIN TU RNYED DKA' STE, ,DES NA MDOR NA 'KHOR BA NI; ,MTHA' MED MA YIN MTHA' BCAS MIN, ,DE LA DAL 'BYOR LA GNAS PA'I GANG ZAG NI NYAN PA POR 'GYUR RO, ,DES NI DA LTA DGE BA'I BSHES GNYEN GYIS LUNG 'BOGS PA THOS NAS DE'I GSUNG GI DON LA DPYOD PAR NUS NA DAL 'BYOR DE YANG RNYED PAR SHIN TU DKA'O, , MNYAN PAR BYA BA NI BDEN PA MTHONG BA DANG RJES SU MTHUN PA'I GSUNG YIN NA, DE YANG SHIN TU RNYED PAR DKA' STE, 'CHAD PO PA DANG NYAN PA PO SHIN TU DKON PA'I PHYIR RO, ,'CHAD PA PO NI DE BZHIN GSHEGS PA YIN NA DE YANG SHIN TU RNYED PAR DKA' STE, DE BZHIN GSHEGS PA 'BYUNG BA NI AU DUM B'A RA'I ME TOG DANG 'DRA BAR SHIN TU DKON PA NYID KYI PHYIR RO, ,DE LTAR NYAN PA PO DANG MNYAN PAR BYA BA DANG 'CHAD PA PO RNAM PA GSUM CHAR YANG 'BYUNG BA RNYED PAR SHIN TU DKA'O, ,NGES PAR 'BYUNG BA DANG NGES PAR MI 'BYUNG BA MA GZIGS PAS SHIN TU RNYED DKA' STE, ZHES BSHAD DO, ,DKON MCHOG GSUM PO 'DI TSOGS PA YOD NA, 'KHOR BA LA MTHA' MTHONG BA'I PHYIR MTHA' MED DO ZHES BRJOD PAR MI NUS LA, MA TSOGS NA MTHA' MA MTHONG BA'I PHYIR MTHA' DANG BCAS PA'O ZHES KYANG BRJOD PAR MI NUS SO, ,DE LA BCOM LDAN 'DAS KYIS LUNG DU MA BSTAN PA'I DNGOS PO BCU BZHI LAS GANG 'KHOR BA LA MTHA' DANG LDAN PA NYID DANG, MTHA' DANG MI LDAN PA NYID ZHAL GYIS MA BZHES PA DE NI MDOR BSDU NA RGYU 'DI NYID KYIS YIN LA, ZHAL GYIS MI BZHES PA LA RGYU GZHAN STONG PA NYID DU SMRA BA DANG LDAN PA @123A *, ,DAG RGYAS PAR MED PA YANG MA YIN NO, ,DE'I PHYIR DA LTAR RKYEN LA RAG LAS PA NYID KYI PHYIR JI SRID DU MTHA' DANG MTHA' MED PA DAG GI RKYEN TSOGS PA 'DI LA MA TSANG BA MED PA DE SRID DU MKHAS PAS SRID PA YONGS SU ZAD PA LA MNGON PAR BRTZON PAR RIGS SO, ,AU DUM B'A RA'I ME TOG BZHIN NO, ,JI LTAR AU DUM B'A RA'I ME TOG SHIN TU DKON PA DE BZHIN DU NYAN PA PO DANG MNYAN PAR BYA BA DANG 'CHAD PA PO DAG KYANG SHIN TU DKON TE, DES NA 'KHAR BA LA MTHA' DANG BCAS PA YANG MA YIN LA MTHA' MED PA YANG MA YIN NO, ,'DIR BSHAD PA, GANG PHYIR RGYU RKYEN TSOGS PA LAS, ,SHES PA BSKYED PA DE YI PHYIR, ,GSUM PO RNYED PAR DKA' BAS NA, ,MTHA' LA NGES PA MA BSTAN TO, ,CI STE JI SRID GSUNG RAB GNAS PA DE SRID DU DGE BA'I BSHES GNYEN DAG DANG, DE'I LUNG DPOG PA MNGON PA YIN TE, DE'I PHYIR GZHAN GYI TSE BDAG 'KHOR BA YONGS SU ZAD PAR BYED DO SNYAM NA, 'DI NI MI RIGS TE, GAL TE GSUNG RAB GNAS PAS GNYIS YOD MOD KYI, DE LTAR NA YANG NYAN PA PO MI SRID DO, ,CI'I PHYIR ZHE NA, GANG GI PHYIR, PHAL MO CHEN MI RNAMS NI, ,DAM PA MA YIN PHYOGS YONGS 'DZIN, ,DES NA SO SO'I SKYE BO RNAMS, ,PHAL CHER NGES PAR NGAN 'GROR 'GRO, GANG GI PHYIR SEMS CAN RNAMS PHAL CHER MA RIG PAS LDANGS SHING GZHAN SDUG BSNGAL BA LA MNGON PAR DGA' LA, SKYES BU DAM PA MA YIN PA DANG PHRAD PAS SROG CHAGS GSOD PA LA SOGS PA MI DGE BA BCU'I LAS KYI LAM BAR MTSAMS MED PA'I PHYIR MI 'DI DAG NI PHAL CHER NGAN SONG DU 'GRO BAR 'GYUR TE, GANG MI DGE BA'I LAS KYI LAM LA RAB TU GNAS PA DE BDE 'GROR 'GYUR BA 'DI NI GNAS MED CING GO SKABS MED DE ZHES 'BYUNG BA'I PHYIR RO, ,DE NYID KYI PHYIR SO SO'I SKYE BO RNAMS ZHES BYA STE, 'GRO BA DAG SO SOR BSKYED PA'I PHYIR RO, ,DE'I PHYIR 'DI GAL TE BDAG NYID MA 'ONGS PAR NGAN SONG SDUG BSNGAL GYI ME 'BAR BAS YONGS SU BSKOR BAR YANG DAG PAR BLTAS NAS GAL TE THOD PA LA ME 'BAR BA LTAR CHES MYUR DU PHYIR 'CHOS PAR MI BYED PA @123B DE NI, RGYAL PO BLON PO'I SPYI BO NAS DBANG BSKUR BA ZHIG GO, ,SHA NA'I SHING KHUR BA BZHIN NO, ,JI LTAR SKYES BU GNYIS SHA NA'I SHING GI PHYIR SON PAR GYUR LA, DE GNYIS SLAR LOG PAS RAS PA LA GYI KHUR GNYIS MTHONG NGO, ,DE NAS GCIG GIS SHA NA'I KHUR BOR NAS RAS BAL GYI KHUR BZUNG BA NA, DE BZHIN DU JI SRID CIG GSER GYI KHUR KHUR NAS 'ONGS SHING GNYIS PA NI KHO BOS 'DI YUN RING MO ZHIG TU KHUR KHUR NAS JI LTAR 'DI BSKYUR BAR BYA SNYAM STE, SHA NA'I KHUR KHO NA KHUR BA DE BZHIN DU DBANG PHYUG CHEN PO LA SOGS PA RNAMS KYANG RANG GI PHYOGS LA CHAGS PAS BLO MNYAM PA NYID KYI GTAN TSIGS KYI DON DANG LDAN DU ZIN KYANG SANGS RGYAS KYIS GSUNGS PA LA GUS PA MI BYED CING JI LTAR KHO BO CAG YUN RING POR RJES SU 'BREL BA'I GRUB PA'I MTHA' 'DI YONGS SU SPONG BAR BYED CES KYANG SMRA'O, ,'DIR BSHAD PA, 'GRO BA YANGS PAR 'GRO PHYIR RAM, ,GANG PHYIR SO SOR 'GRO BA'AM, ,'GRO BA YANGS PA SKYED BYED PA, ,DES 'DIR SO SO'I SKYE BOR BSHAD, ,'DIR SMRAS PA, NGAN SONG NI MI KHOM PA NYID KYI PHYIR DANG SDUG BSNGAL RNAM PA SNA TSOGS PA YOD PA'I PHYIR MNGON PAR DGA' BA'I GNAS MA YIN MOD KYI, DE LTA NA YANG BSOD NAMS DAG GI SGO NAS BDE 'GRO'I 'GRO BA MNGON PAR DGA' BA'I GNAS YOD DO, ,DE'I NYE BAR 'TSE BA DANG BRAL BA'I PHYIR RO, ,DE'I PHYIR DE LAS SKYO BAR MI BYA'O, ,BSHAD PAR BYA STE, NGAN SONG LTAR BDE 'GRO LA YANG SKYO BAR RIGS TE, 'DI LTAR, SA STENGS SDIG PA'I RNAM SMIN NI, ,CO 'DRI KHO NA YIN PAR MTHONG, ,DES NA SRID PA BSROG GNAS DANG, ,MTSUNGS PAR DAM PA RNAMS LA SNANG, ,BDE 'GROR SKYES PA RNAMS KYIS KYANG, ,YID DU MI 'ONG BA'I LAS DE'I RNAM PAR SMIN PA LUNG LAS YAN LAG DANG NYID LAG NYAMS PA DANG DBANG PO MA TSANG BA NYID DANG, DBUL BA NYID DANG, MTHU CHUNG BA NYID DANG, SHES RAB BUL BA NYID DANG, DAM PAS KYANG KHA NA MA THO BA SPYOD PA NYID DU DOGS PA ZHES BYA BA'I CO 'DRI BA RGUD PA CHES MI DGA' BA NYAMS SU MYONG BAR 'GYUR RO, ,DE'I PHYIR KUN NAS CHOS RAB TU 'BAR BAR SNANG BA'I RGUD PA 'DI LA GNAS BZHIN @124A *, ,DU DE GZHOM PA'I PHYIR MI BRTZON PA NI GTI MUG SMAD PA'I GNAS SU ZAD DO, ,RGYAL POS BLON PO BCAD PA BZHIN NO, ,JI LTAR RGYAL PO 'GA' ZHIG GIS BLON PO ZHIG RI MOR BYA BA DAM PAS RI MOR BYAS LA, PHYIS DE LA MI 'JIGS PAS DES DE LA LAG PA DANG RKANG PA DANG RNA BA DANG SNA BCAD PAR SBYAR TE, DE BZHIN DU PHYUG POR 'GYUR ZHING 'JIG RTEN PHA ROL LA LTOS PA MED PA DAG SDIG PA'I LAS RNAMS BYED LA DE DAG DUS BYAS PAR GYUR PA DANG, SEMS CAN DMYAL BA LA SOGS PA RNAMS SU RNAM PAR SMIN PA NYAMS SU MYONG NAS GANG GI TSE LAN GRANGS GZHAN LA MYONG BAR 'GYUR BA'I BSOD NAMS KYI LAS KYIS MIR SKYE BA THOB PA DE'I TSE DE DAG LA SDIG PA'I LAS KYI LHAG MA DE GZUGS MI SDUG PA NYID LA SOGS PA RNAMS KYI CO 'DRI BA RJES SU BRTEN PAR 'GYUR RO, ,'DIR BSHAD PA, GSON PA'I 'JIG RTEN 'DI NA NI, ,SNGON BYAS PA YI LAS DE RNAMS, ,RNAM SMIN RNAM PA SNA TSOGS KYIS; ,'JIG RTEN 'DI LA CO 'DRI BYED, ,'DIR SMRAS PA, GAL TE DAM PA RNAMS LA SRID PA BSROG PA'I GNAS DANG MTSUNGS NA DE LA 'JIG RTEN CI STE MI SKYO ZHE NA, GLANG PO CHE SMYON PA CHANG GIS MYOS PA LTAR SMYON PA'I RANG BZHIN NYID YIN PA'I PHYIR RO, ,CI 'JIG RTEN 'DI THAMS CAD SMYO'AM ZHE NA, DE BZHIN NO ZHES SMRAS TE, SMYON PA'I MTSAN NYID THOB PA NYID KYI PHYIR RO, ,'DI NA KHAMS MA SNYOMS PA LAS SEMS KYI 'JUG PA GNAS PA MED PA'I GANG ZAG LA NI 'JIG RTEN GYIS SMYON PA ZHES BRJOD NA RANG BZHIN GYIS G-YOS PA'I SEMS LA YANG 'JUG PA GNAS PA MED PA NYID DO, ,DE LTAR NA, RNAM SHES GNAS PA MED PA LAS, ,GAL TE SMYON PAR GYUR NA NI, ,SRID GNAS SMYON PA MA YIN ZHES, ,MKHAS PA SU ZHIG SMRA BAR 'GYUR, ,MKHAS PA RNAMS NI RNAM PAR SHES PA GNAS PA MED PA NYID LA SMYON PAR SMRA LA, DE LAS KYANG 'DI MI RIGS PA'I TSUL MANG PO 'DOD CING RDOL THABS SMRA'O, ,GANG SRID PAR GTOGS SHING 'PHAGS PAS SMYON PA MA YIN NO ZHES GSUNGS PAR GYUR PA, GANG LA DMIGS PA GCIG LA RNAM PAR SHES PA RTAG TU GNAS PA YOD PA'I SO SO'I SKYE BO DE NI 'GA' YANG YOD PA MA YIN NO, ,DE'I PHYIR SMYO BA'I RGYU YIN PA'I PHYIR MYOS PAR 'GYUR BA 'THUNG @124B BA LTAR BDAG LEGS SU 'DOD PAS 'DI YONGS SU SPANG BAR RIGS PAR 'GYUR RO, ,CHAGS PA LOG PA BZHIN NO, ,JI LTAR RGYAL PO 'GA' ZHIG LA BU YON TAN THAMS CAD DANG LDAN PA YAB LA GCIG TU SNYING NYE BA CIG YOD LA, RGYAL PO DE GANG GI TSE DE MA MTHONG BA DE'I TSE BU'I SRED PAS SHIN TU GZIR BAR 'GYUR ZHING, MTHONG NAS KYANG DE LA CHOS DAM DU 'KHYUD NAS PANG DU 'JOG PAR BYED DO, ,DE NAM ZHIG NA GLO BUR KHO NAR BU DE MTHONG NAS SHIN TU 'KHRUGS PAR GYUR CING BU NGAN PHAR SONG NGA'I MDUN DU MA SDOD CIG ,KHYOD MTHONG NAS MES TSIG PA TZUG BYED DO ZHES SMRA'O, ,DES PUS MO GNYI GA SA LA BTZUGS NAS THAL MO SBYAR TE NGU ZHING 'DAR BZHIN DU RGYAL PO LA DNGOS KYI CI NONGS ZHES SKAD LDIB LDIB PO DANG BCAS PAS ZHUS PA DANG, RGYAL PO DES KHYOD KYIS CI YANG MNYES MOD KYI, KHYOD MTHONG BAR MI 'DOD DO ZHES SMRAS SO, ,RNAM PAR 'GYUR BA DE RTOGS NAS SMAN PA MKHAS PA ZHIG GIS GSAD STE BLON PO LA JI LTAR RGYAL PO 'DI LA GLO BUR DU MTSAN MA NGAN PA CHAGS PA LOG PAR MNGON PA LTA NA, 'DI LA SMYO BA'I RGYU RNAM PAR SHES PA GNAS PA MED PAR GOR MA CHAG STE, JI SRID BSNYUN 'DI DKYEL CHEN POR MA GYUR PA DE SRID DU GSO DPYAD LA 'BAD PAR GYIS SHIG DE LTA MA YIN NA BSNYUN YAL BAR DOR BA TSEGS KYIS SGRUB PAR 'GYUR RO ZHES SMRAS SO, ,DE NAS BLON PO DE LEGS PAR YONGS SU BRTAGS TE BYED PA ZHIG YIN DU ZIN KYANG RGYAL PO'I LAS LA G-YENGS PAS SMAN PA DE LA DNGOS SU SMAD PA MCHOG TU THA SHAL DU GYUR PAS KYANG THA SHAL DU GYUR PA SMAD PA'I GNAS ZHIG STE BDAG NYID CHEN PO 'DI'I DGRA RNAMS KYANG SMYO BAR MA GYUR CIG ,'DI LA TSIG DE LTA BU SU'I MDUN DU'ANG MA GLENG ZHIG ,YUL 'DI NAS DONG BA'I CHA'O ZHE'O, ,DE NAS RGYAL PO'I NAD DE BTANG SNYOMS SU BOR BA DANG NYI MA KHA CIG NA RGYAL PO DE DES ZIL GYIS MNAN ZHING GNAS MA YIN PAR DGOD PA DANG DU BA DANG GAR DANG GLU DAG BYED DO, ,JI LTAR RGYAL PO 'DI SEMS GNAS PA MED PA LAS CHAGS PA LOG PAS SMYO BA DE BZHIN DU SO SO'I SKYE BO RNAMS KYANG SEMS GNAS PA MED PA LAS PHYIN CI LOG PA NYID KYI PHYIR SMYO BA ZHIG GO , ,'DI LTAR 'DI DAG NA YUL GANG LA MNGON PAR ZHEN PA DE NYID LA @125A *, ,'JUG PA YONGS SU GTONG BAR SNANG NGO, ,DE'I PHYIR SRID PAR GNAS PA SMYON PA MA YIN NO ZHES BLO GROS DANG LDAN PA SU ZHIG SMRA BAR 'GYUR, 'DIR BSHAD PA, MI LA SMYO BA'I DRUNG NA GNAS, ,DON MIN BYED DE SMYO BA MIN, ,LAS KYI SKYES BU SNA TSOGS SU, ,BYED LTAR SMYO BAS MIN PHYIR RO, ,DE'I PHYIR DE LTAR NA BSROG PA'I GNAS NYID KYI PHYIR DANG, SMYO BA'I GNAS NYID YIN PA'I PHYIR MKHAS PA DAG GIS SRID PA YONGS SU SPANG BAR BYAS LA, DE YANG LAS KYIS 'JUG PA THAMS CAD BKAG PA'I SGO NAS SPANG PAR BYA'O, ,DE JI LTAR 'GYUR ZHE NA, DE'I THABS BSTAN PA'I PHYIR BSHAD PA, 'GRO LA SOGS PA'I SDUG BSNGAL DAG ,BZLOG LA NYAMS PAR MTHONG GYUR TE, ,DES NA LAS KUN ZAD PA LA, ,BLO GROS LDAN PA'I BLO BSKYED DO, ,JI LTAR SDOD PA DANG 'CHAG PA LA SOGS PAS BSKYED PA'I SDUG BSNGAL DAG NI DE YONGS SU SPANG BA NA SNGAR GYI 'PHAN SHUGS ZAD PA LAS MTHAR GYIS ZAD PAR 'GYUR BA DE BZHIN DU LAS THAMS CAD RGYUN CHAD PAR GYUR DANG SDUG BSNGAL DAG THAMS CAD KYI THAMS CAD DU'O, ,DE'I PHYIR SKYES BU MKHAS PA LAS THAMS CAD RGYUN CHAD PA DON DU GNYER BA LAS THAMS CAD ZAD PA LA 'BAD PA DE BZHIN DU GZHAN YANG 'BAD PA NA RNAM PA DE RNYED PAR 'GYUR BAS BLO GROS DANG LDAN PAS LAS THAMS CAD ZAD PA 'THOB PAR BYA BA TSOR BAR BYED PA 'GAGS PA'I RANG BZHIN CAN MYA NGAN LAS 'DAS PA LA 'BAD PAR BYA'O, ,LAM RINGS SU 'GRO BA BZHIN NO, ,DPER NA LAM RINGS SU JI LTAR 'GRO BA DE LTAR NGAL BA'I SDUG BSNGAL DANG, LAM RGYAGS ZAD PA'I SDUG BSNGAL GYIS SDUG BSNGAL BAR 'GYUR BA DE BZHIN DU BYIS PA 'KHOR BA'I LAM NA GNAS PA RNAMS KYANG NGAL BA'I SDUG BSNGAL DANG DGE BA'I LAS YONGS SU ZAD PA'I SDUG BSNGAL GYIS SDUG BSNGAL BA NYID DU 'GYUR RO, ,RNAM PA GCIG TU NA JI LTAR LAM RINGS SU 'GRO BA'I SDUG BSNGAL GYIS GZIR BAR 'GRENG BA RTZOM ZHING, DES DE'I 'GRO BA'I SDUG BSNGAL LDOG GO, ,'GRENG BA'I SDUG BSNGAL YANG 'DUG PAS YIN LA, 'DUG PA'I SDUG BSNGAL YANG 'GRENG BAS SO, ,GAL TE YANG 'DUG PA'I SDUG BSNGAL GYIS YONGS SU DU BA STE DE BTANG NAS SPYOD LAM GZHAN MI RTZOM @125B NA NI DE'I TSE 'DI LA SPYOD LAM LAS BYUNG BA'I SDUG BSNGAL GTAN LDOG PA SRID PA ZHIG GO, ,DE BZHIN DU LAS THAMS CAD ZAD PA LA YANG BRJOD PAR BYA'O, ,DE'I PHYIR DE LTAR NA SDUG BSNGAL THAMS CAD LDOG PA'I RGYU NI LAS THAMS CAD ZAD PA YIN PAS BLO GROS DANG LDAN PAS LAS THAMS CAD ZAD PA LA BLO GROS BSKYED PAR BYA'O, ,'DIR BSHAD PA, LUS KYI BDE LAS SEMS KYI BDE, ,PHUL DU GYUR BA JI BZHIN DU, ,NYON MONGS ZAD PA'I BDE LAS KYANG, ,LAS ZAD BDE BA DE BZHIN NO, ,'DI LAS KYANG BLO GROS DANG LDAN PA RNAMS KYIS 'KHOR BA BTANG BAR RIGS TE 'JIGS PA'I RGYU YIN PA'I PHYIR RO, ,'DI LTAR, GANG TSE 'BRAS BU GCIG GI YANG, ,THOG MA'I RGYU NI SNANG MIN PA, ,DE TSE GCIG LA YANG RGYAS PAR, ,MTHONG NAS GANG LA 'JIGS MI 'BYUNG, ,'DI NA RE ZHIG GANG GI TSE SKYE BA GCIG NAS GCIG TU BRGYUD PA THOG MA DANG MI LDAN PA NYID KYI PHYIR NA 'BYUNG BA LAS GYUR BA'AM, SEMS LAS GYUR PA YANG RUNG STE, GCIG NAS GCIG TU BRGYUD PAS DANG PO YONGS SU BRTAGS BZHIN PA'I 'BRAS BU GCIG GI YANG DANG PO'I RGYU MI SNANG BA DE'I TSE DE LTAR 'BRAS BU GCIG LA YANG MTHA' YAS PA NYID SHIN TU RGYAS PAR MTHONG NAS 'JIGS PA DANG BRAL BA MA YIN PA GANG ZHIG LA 'DIR 'GRO BA'I 'JUG PA MTHONG BAS 'JIGS PA MI 'BYUNG STE, 'DIS NI RGYUN DPAG GIS MI LANG BA'I TSANG TSING GIS CHES RGYU BAR DKA' BA'I 'KHOR BA'I 'BROG CHEN PO LA RTAG TU SKYO BA DANG, DE DANG RJES SU 'TSAM PA'I TSUL BZHIN GYI RNAM PA BSGOM PA RIGS SO, ,BUM PA BZHIN NO, ,DPER NA BUM PA LA RKYEN DAG DU MA LTA BU STE RE ZHIG BUM PA BYA BA LA 'JIM PA'I GONG BU DANG DBYU GU DANG 'KHOR LO DANG SRAD BU DANG CHU DANG SKYES BU'I RTZOL BA LA SOGS PA DAG SNANG NA, GZHAN CHOS BRLING BA RNAMS SGRUB PA LA LTA CI SMOS, 'DIR BSHAD PA, 'DI LTAR DUS MTHA' YAS PA'I PHYIR, ,'GRO LA THOG MA YOD MIN PA, ,DE PHYIR SKYE BO SNGON GYI MTHA', ,YANG DAG KUN NAS SHES PAR DKA', ,GZHAN YANG 'DIR GANG ZHIG MNGON PAR 'DOD CING SRED PAS YONGS SU G-YO BA DE GAL TE NGES PAR 'GRUB PAR 'GYUR NA NI DE'I TSE G-YO BAR RIGS PA ZHIG NA, 'BRAS BU THAMS CAD NGES PAR NI; ,'GRUB @126A *, ,PAR 'GYUR BA MA YIN ZHING, ,GRUB PA NGES PAR MTHAR 'GYUR NA, ,DE YI DON DU CI STE 'JOMS, ,'DI NA BRTZAMS PA'I 'BRAS BU THAMS CAD NI NGES PAR 'GRUB PA'AM, MA YIN PA ZHIG TU 'GYUR LA, 'BRAS BU GRUB PA'O COG KYANG NGES PAR GDON MI ZA BAR 'JIG PA ZHIG GO, , DE LA GANG 'GRUB PA NI NGES PAR GDON MI ZA BAR YUN MI RING BAR 'JIG STE, DE'I DON DU 'JIG RTEN 'DI KO CI STE RNAM PAR 'JOMS, DE'I PHYIR DRA BA CAN SPANGS TE DE GCAD PA LA BSGRIM PAR BYA'O, ,RDZA MKHAN SO GTONG BA BZHIN NO, ,'DI LTAR RDZA MKHAN GYI SO GTONG PA LA GRUB PA MA NGES SHING GRUB PA RNAMS KYANG NGES PAR 'JIG PA DE BZHIN DU 'JIG RTEN PA'I DNGOS PO THAMS CAD LA YANG NGO, ,'DIR BSHAD PA, BYAS SHING DNGOS PO THAMS CAD LA, ,NGES PAR GRUB PA YOD MA YIN, ,DE YI PHYIR NA DE DAG NI, ,NGES PAR GOR MA CHAG PAR 'JIG ,JI LTAR 'BRAS BU LA NGES PAR 'JIG PA DE BZHIN DU LAS KYANG YIN NO ZHES BSTAN PA'I PHYIR BSHAD PA, LAS NI 'BAD PAS BYED 'GYUR ZHING, ,BYAS ZIN 'BAD PA MED PAR 'JIG ,DE LTAR GYUR KYANG KHYOD LA KO, ,LAS LA CHAGS BRAL 'GA' YOD MIN, ,'DI NA 'BAD PA CHEN POS SGRUB PA'I THABS MANG PO DAG GIS BYED LA, DE YANG 'BAD PA CHEN PO DANG SGRUB PAR BYED PA MANG PO DAG GIS BYAS BZHIN DU 'BRAS BU LTAR 'BAD PA MED PA KHO NAR 'JIG GO, ,DE'I PHYIR DE LTAR NA MKHAS PA SKYES BU'I BYED PA SGRUB BYED CHEN PO DON MED PAR BYED PA'I LAS LA 'DOD CHAGS DANG BRAL BAR JI LTAR MI 'GYUR, KHYOD NI SLAR YANG LAS DE DAG BYED PA'I PHYIR NA 'DOD CHAGS DANG BRAL BA MED PAS BLUN PA NYID DU STON PAR BYED DO, ,DE'I PHYIR 'DOD CHAGS DANG BRAL BA LA SKABS DBYE BAR BYA STE, PHAN 'DOGS PA LA BSRI BA MED PA'I 'JUG PA NI MDZES PA MA YIN NO, ,RI LA RDO 'DZUGS PA BZHIN NO, ,JI LTAR RI RTZER RDO 'BAD PAS 'DZUGS SHING, DE 'BAD PA MED PA KHO NAR 'GYEL BDE BZHIN DU 'JIG RTEN PA'I 'JUG PA THAMS CAD KYANG YIN NO, ,'DIR BSHAD PA, GANG GI PHYIR NA RGYU DANG RKYEN, ,TSOGS PA YIS NI LAS BYED PA, ,DE'I PHYIR 'BAD PAS DE BYED CING, ,DE MA TSANG BAS 'JIG PAR 'GYUR, ,'DIR SMRAS PA, GAL TE YANG 'BAD PA MED PAR LAS 'JIG MOD KYI, @126B DE LTA NA YANG BDE BA'I RGYU NYID KYI PHYIR DE LA 'DOD CHAGS DANG BRAL BAR MI 'GYUR RO, ,BSHAD PAR BYA STE, 'DAS LA BDE BA YOD MIN ZHING, ,MA 'ONGS PA LA'ANG YOD MIN LA, ,DA LTAR BYUNG BA'ANG 'GRO NYID DE, ,KHYOD KYI NGAL 'DI GANG PHYIR YIN, ,RE ZHIG RNAM PAR SHES PA 'DAS PA LA NI BDE BA YOD PA NI MA YIN TE 'GAGS ZIN PA'I PHYIR RO, ,MA 'ONGS PA LA YANG BDE BA YOD PA MA YIN TE MA PHRAD PA'I PHYIR RO, ,DA LTAR BA LA YANG BDE BA YOD PA MA YIN TE GNAS PA MED PA'I PHYIR RO, ,DE LTAR BDE BA MED PAR GYUR PA DANG, DES PHAN 'DOGS PA MED PA'I PHYIR, BDE BA LONGS SPYOD PA LA BRKAM PA YOD KYI BDE BA'I RGYU SOG PA'I DUB PA GANG YIN PA DE GANG GI CHED DU YIN PA ZHIG STE, RNAM PA THAMS CAD DU BDE BA'I RGYU SOG PA'I NGAL BA'I TSEGS 'BRAS BU MED PA KHO NA'O SNYAM DU DGONGS SO, ,KLUNG GI DOGS SU KHANG PA BRTZIGS PA BZHIN NO, ,'GA' ZHIG GIS CHU KLUNG GI 'GRAM DU KHANG PA BRTZIGS PA DANG SA PHYOGS DE RDIB PAR GYUR TO, ,DE NAS DE LAS GZHAN ZHIG DE DANG MTHUN PA'I 'GRAM NYID DU BRTZIGS PA DANG, DE YANG RDIB STE RDIB PA KHO NA THUG PA MED PAR 'GYUR RO, ,JI LTAR KHYIM BRTZIGS PA PO 'DI LA NGAL DUB 'BA' ZHIG TU 'GYUR ZHING, MNGON PAR 'DOD PA'I 'BRAS BU THOB PA MED PA DE BZHIN DU 'JIG RTEN PA'I 'JUG PA THAMS CAD KYANG YIN NO, ,'DIR BSHAD PA, SKAD CIG LA G-YO'I 'GROS CAN SEMS, ,GANG GI PHYIR NA DUS GSUM DU'ANG, ,YONGS SU BRTAGS NA BDE MED NA, LAS RNAMS GANG GI DON DU SOG ,'DIR SMRAS PA, DE LTA YIN MOD KYI, 'ON KYANG MTHO RIS KYI BDE BA'I DON DU GDON MI ZA BAR DGE BA'I LAS BYA'O, ,BSHAD PAR BYA STE, MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS SKYED 'GYUR, ,RNAM PA KUN TU DE RNAMS LA, ,SRID GANG 'JIGS PA MI SKYED DKON, ,DE LA KUN NAS NYON MONGS PA RNAM PA SNA TSOGS SKYE BA'I SNGOR GYUR PA NYID KYI PHYIR DANG, YUL LAS YANG DAG PAR 'BYUNG BA'I NYON MONGS PA DRAG PO'I ME 'BAR BA NYID KYI PHYIR DANG, GTI MUG SHAS CHE BA NYID KYI PHYIR MTHO RIS KYANG DMYAL BA LTAR 'JIGS PA SKYED PA NYID KYI PHYIR MKHAS PA RNAMS KYIS SPONG BAR BYED DO, ,GANG DAG [?] LA MTHO RIS PHUN @127A *, ,SUM TSOGS PA SMAD DU MED PA'I BDE BA LA LONGS SPYOD PAS DGA' BAR 'OS PA RNAMS KYIS RES 'JOG SKYED PAR MI BYED PA DE DAG LA DE LAS GZHAN PA'I SRID PA DUR KHROD KYIS GZHI LTA BU LA DGA' BAR GA LA 'GYUR, KYANG GI SGRA NI 'DIR RIM PA GZHAN DU SBYAR TE, MTHO RIS KYI SGRA'I MJUG THOGS SU BLTA BAR BYA ZHING, RE ZHIG SRID PA GZHAN LTA ZHOG SHIG ,MTHO RIS KYANG MKHAS PA RNAMS LA DMYAL BA DANG MTSUNGS SO ZHES RNAM PAR BSHAD PAR BYA'O, ,BYIS PA'I 'CHING BA GROL BA BZHIN DANG, BA L'I 'CHING BA GROL BA BZHIN NO, ,DPER NA RGYAL PO BYIS PA ZHES PA RANG BZHIN GYIS MA RUNGS PA'I CHOS LUGS LCAGS LTAR RNO BA ZHIG BYUNG BAR GYUR LA DE'I BTZON KHANG DU GANG DANG PO 'JUG PA DE LAG PA DANG RKANG PA DANG SKYE BA DAG LA 'CHING BA LNGAS DAM DU 'CHING NGO, ,DE GANG GI TSE 'GA' ZHIG 'GROL BAR BYED PA DE'I TSE SGYES BU SRUNG MA RNAMS LA 'DI 'CHING BA THAMS CAD LAS GROL BAR BYA MOD KYI, 'ON KYANG SPYOD LAM GCIG PO GANG ZHIG GIS TSE'I MTHAR GNAS PAR 'DOD PA DE LEGS PAR BSRUNG BAR GZHAG PAR BYA'O ZHES LUNG BSGO BAR BYED LA, LHA DE BZHIN NO ZHES DE RNAMS KYIS JI SKAD DU SMRAS PA DE BZHIN BYAS PA LTA BU STE, DE LA GANG ZHIG RGYAL PO BYIS PA'I 'CHING BA LAS GROL BAR GYUR PA DE LA NI GROL BA YANG BCINGS PA DANG MTSUNGS PAR 'JIGS PA SKYED PA NYID DE, SDUG BSNGAL KHYAD PAR DU GYUR PA'I PHYIR RO, ,DE BZHIN DU GZHAN BDAG NYID CHEN PO RNAMS LA YANG MTHO RIS KYANG DMYAL BA'I GNAS DANG 'DRA BAR 'JIGS PA SKYED PAR 'GYUR RO, ,YANG JI LTAR BA L'I 'JIG RTEN THAMS CAD KYI DPON PHYIN NAS BSDAMS PAR GYUR PA NI 'DI GZHAN BYIN TE 'GRO BAR SNANG NGAM, DE BZHIN DU GANG DAG LA MTHO RIS KYANG SDUG BSNGAL GYI RGYU YIN PA'I PHYIR DMYAL BA DANG MTSUNGS PA DE DAG LA GANG ZHIG 'JIGS PA MI SKYED PA'I SRID PA GZHAN GANG ZHIG YOD, GZHAN YANG JI LTAR MKHAS PA 'KHOR BA'I SKYON SO SOR RTOG PA LA MDZANGS PA RNAMS 'KHOR BA GCIG TU SDUG BSNGAL ZHING SDUG BSNGAL GYI ME 'BAR BAS YONGS SU BSKOR BA JI LTA BA BZHIN LTA BA DE LTAR, GAL TE BYIS PA'ANG RNAM KUN DU, ,'KHOR @127B BA'I SDUG BSNGAL SHES GYUR NA, ,SKAD CIG DE LA SEMS DANG NI, ,LHAN CIG GTAN DU 'JIG PAR 'GYUR, ,SDUG BSNGAL GANG ZHIG BSAGS PA NA 'PHAGS PA RNAMS 'KHOR BA LAS SKYO BAR 'GYUR BA DE GAL TE SO SO'I SKYE BOS MNGON SUM DU BYA BAR NUS NA NI DE'I TSE SKAD CIG DE NYID LA 'DI'I SNYING LUS DANG LHAN CIG TU RNAM PA BRGYAR 'JIG PAR 'GYUR BA ZHIG NAM RTOGS PA'I PHYIR NA 'DI GROGS PO'I GSO BA KYIS G-YOGS PA'I DGRA LA BYA BA LTAR 'KHOR BA LA MNGON PAR DGA'O, ,'PHAGS PA RNAMS KYIS 'KHOR BA'I SDUG BSNGAL SEMS CAN THAMS CAD LA PHAN GDAGS PA'I BSAM PA BRTAN POS BZUNG BA NI BYAS PA SHES PA NYID DANG SNYING RJE CHEN PO'I THABS DANG STOBS DAG GIS DE LTAR SKYO BA'I RGYU MA YIN PAS GZHAN LA PHAN PA'I BYA BA LA GZHOL BDE RNAMS LA GTAN NAS 'JIG PA DOGS PAR BYA BAR MI NUS LA, SO SO'I SKYE BO NI 'JIG TSOGS LA LTA BA DANG RJES SU 'BREL BA'I PHYIR DANG GNYEN PO SGOM PA DANG BRAL BA'I PHYIR NA, GAL TE 'KHOR BA'I SDUG BSNGAL RNAM PA THAMS CAD DU SHES NA NGES PAR RDUL PHRA RAB TU 'JIG PAR 'GYUR RO, ,GNOD SBYIN GYIS BRLAMS PA DANG, DBANG POS BYIS PA BZHIN NO, ,'GA' ZHIG NI GNOD SBYIN GYIS MNGON PAR BRLOMS SHING GNOD SBYIN DE YANG DES MA MTHONG BAR GYUR PA DANG, DE 'DI SNYAM DU RE ZHIG GNOD SBYIN DE MA MTHONG BAR SDUG BSNGAL 'DI 'DRA BA BYUNG NA GAL TE MTHONG NA NI BDAG GI LUS PHYAG DAR SPAR GANG LTAR RNAM PAR 'JIG PAR 'GYUR RO SNYAM DU SEMS SO, ,YANG JI LTAR SDE SNA GZHON NU DPON THABS LA CHAGS PAS SROG YONGS SU BTANG NAS SDE SNA NYID SLAR 'DZIN PA DE BZHIN DU BYIS PA'I SKYE BO YANG GAL TE 'KHOR BA'I SDUG BSNGAL KHONG DU CHUD NA DE'I 'JIGS PAS SRID PA THAMS CAD YONGS SU GTANG BA GTAN DU 'JIG PAR 'GYUR TE THAR RO ZHES BYA BA'I DON TO, ,'DIR BSHAD PA, SANGS RGYAS RNAMS KYIS SDIG PA YI, ,'BRAS BU CI 'DRA MKHYEN JI LTAR, ,JI LTAR BYIS PAS SHES NA DE, ,SKAD CIG DE LA BRGYAL BAR 'GYUR, ,GZHAN YANG 'KHOR BA 'DI NI BYA BA DAG LA NUS PA DANG LDAN ZHING G-YO BAR GYUR PA BDE BAR 'GYUR NA, DE YANG NGES PAR DBYAD PA NA, ,SEMS CAN RLOM PA CAN MIN DKON, ,RLOM @128A *, ,CAN SNYING RJE LDAN PA MED, ,DES NA SNANG BA NAS SNANG BAR, ,'GRO BA SHIN TU RNYED DKAR GSUNGS, ,BDE BA MYONG BAR BYA BA'I YUL MA THOB PAR NYE BAR SONG BA'I PHYIR DANG, THOB PA YONGS SU BSRUNG BA'I PHYIR DANG, SKYES BU NUS SHING ZHO SHA DANG LDAN PA KHO NA RLOM PA NYE BAR SKYE LA, RLOM PA'I DBANG GIS KYANG BDAG NYID KHYAD PAR DU GYUR PA YONGS SU RTOG CING LHAG PAR MI BZOD PA NA DE GZHOM PAR 'DOD PAS BRTZE BA MED PAR 'GYUR RO, ,GANG LAS BDE BA NYAMS SU MYONG BAR 'GYUR BA BRTZE BA MED PA LA NI NGAN 'GRO'I MTHAR THUG PA NYID KYI 'BYOR BA DAG GA LA YOD; DE NYID KYI PHYIR BCOM LDAN 'DAS KYIS SNANG BA NAS SNANG BAR GZHOL BA'I GANG ZAG NI DKON NO ZHES GSUNGS TE, RIGS DANG, LONGS SPYOD DANG, PHYUG PA LAS SKYES PA'I NGA RGYAL GYIS NGES PAR THUR DU LTUNG BA'I PHYIR RO, ,DZAM DA GHA NA'I BU BZHIN NO, ,JI LTAR DZAM DA GHA NA'I BU NUS SHING RLOM PAS LAN NYI SHU RTZA GCIG TU SA STENGS RGYAL RIGS MED PAR BYAS TE, SNYING BRTZE BA MED PA'I PHYIR RO, ,DE'I PHYIR GANG ZHIG SBUNGS YOD CING NGA RGYAL CAN MA YIN PAR 'GYUR BA DANG, NGA RGYAL CAN SNYING RJE DANG LDAN PA ZHES BYA BA NI SHIN TU RNYOD PAR DKA', ,GAL TE DE LTAR RLOM PA CAN DAG SDIG PA'I LAS LA SPYOD PA'I PHYIR NGAN 'GRO'I MTHAR THUG PAS SMAD PA YIN NA 'O NA BZLOG STE RLOM PA CAN MA YIN PA DAG CHOS MTHO RIS KYI BDE BA SGRUB PAR BYED PA LA SPYOD PA'I PHYIR BSNGAGS PAR 'OS PAR 'GYUR TE, DE'I PHYIR 'KHOR BA NI GCIG TU DGONGS PA YIN NO ZHE NA BSHAD PAR BYA STE, PHYIN CI LOG PA NYID KYI PHYIR CHOS LA YANG CHAGS PAR MI RIGS SO, 'DI LTAR, 'DI NA YUL LOG GYUR PA LA, ,YUL NA DMIGS PAR GRAGS GYUR TE, ,PHYIN CI LOG TU GYUR PA'I CHOS, RGYU CI ZHIG GIS YANG DAG 'DOD, GANG YUL DAG LA RE BA MED PA NI TSANGS PAR SPYOD PA KHAS BLANGS PA LAS DE DAG YONGS SU 'DOR LA DE 'DI NAS SHI 'PHAS SHING, PHYUG PO'I RIGS SAM MTHO RIS SU SKYES PA LA YUL YID DU 'ONG BA DAG DMIGS SO, ,GANG GI PHYIR 'DI 'DOR BA'I RANG BZHIN YIN PA BZHIN DU RANG GIS THOB PA'I NGO BO CAN GYI 'BRAS BU MNGON @128B PAR SGRUB PAR BYED PA DE'I PHYIR NA CHOS NI PHYIN CI LOG YIN NO, ,DE DE LTAR PHYIN CI LOG YIN YANG PHYIN KYI LOG TU GYUR PA'I 'JIG RTEN GYI RGYU CI ZHIG STE, DAM PA RNAMS MI BZHED PA GANG ZHIG GIS KHAS BLANGS PA STE, DE'I PHYIR DE LA MNGON PAR ZHEN PA MCHOG TU BKRABS PAR MI 'GYUR RO, ,LUG BRDUNG BAR 'DOD PA BZHIN NO, JI LTAR LUG NI BRDUNG BAR 'DOD PA NA RINGS POR SONG BA YANG LOG PA MA YIN PA DE BZHIN DU YUL LOG CING YUL DON DU GNYER PA YANG YIN NO, ,DE LTAR NA RE ZHIG CHOS KYANG PHYIN CI LOG NYID YIN PA'I PHYIR SPANG BAR BYA BA YIN NO, ,LAS DE'I 'BRAS BU PHYUG PA GANG YIN PA DE YANG RANG DBANG DU GYUR PA NYID MED PA'I PHYIR DANG, SDUG BSNGAL RNAM PA SNA TSOGS KYI GNAS YIN PA NYID KYI PHYIR NA MKHAS PAS RE BA GZHAG PAR MI BYA STE, 'DI LTAR, BSOD NAMS 'BRAS BU PHYUG PA STE, ,DE GZHAN LAS YONGS BSRUNG BYA NA, ,RTAG TU GZHAN LAS BSRUNG BYA GANG, ,DE NI JI LTAR BDAG GIR 'GYUR, , SNGAR BYAS PA'I BSOD NAMS KYI 'BRAS BU NI PHYUG PA NYID YIN NO, ,DE YANG BDAG GI BAR 'DU SHES BYAS PA ZHIG YIN LA, DE NI RTAG TU DGRA ZLA DAG LAS BSRUNG BAR BYA BA YIN NO, ,GAL TE DE BDAG GI BA YIN NA NI MA BDAG NGA RGYAL CAN DANG, RKUN PO DANG, CHU DANG, ME RLUNG LA SOGS PA DGRA ZLA DAG LAS BSRUNG BAR BYA BAR MI 'GYUR BA ZHIG NA, GANG ZHIG GZHAN DAG GIS GCAD PAR BYA BA'I PHYIR RTAG PAR BSRUNG BA'I TSUL BYA DGOS PA DE CI LTAR BDAG GI YIN PAR BRJOD PAR NUS, DE'I PHYIR 'DI NAM ZHIG NA BSRUNG BA'I SGRUB PAS BAR MED PAR MCHOG TU 'TSAM ZHING YUL GYI RO MYONG BAR BYED, DE'I PHYIR 'DI'I 'BRAS BUS KYANG PHAN 'DOGS PAR MI NUS SO, ,BLA MA BZHIN NO, ,JI LTAR RTAG TU BLA MA'I RJES SU 'JUG PAR BYA BA DANG BLA MA LA 'BAD PAR BYA BA DE BZHIN DU PHYUG PA BSOD NAMS KYI STOBS LAS SKYES PA YIN LA, DE YANG RGYAL PO DANG CHOM RKUN DANG CHU DANG ME DANG 'GRAS PA LA SOGS PA DAG LAS BSRUNG BAR BYA BA YIN NO, ,GANG ZHIG RTAG TU BSRUNG BAR BYA BA YIN PA DE NI BDAG GI PHA MA YIN NO, ,'JIG RTEN PA'I CHOS NI GNAS PA MED PA'I PHYIR DE LA RE BA MI LEGS TE, 'DI LTAR, 'JIG RTEN TSUL LUGS GANG DANG GANG, ,DE DANG DE LA CHOS RJES 'JUG @129A *, ,DE YI PHYIR NA CHOS PAS KYANG, ,'JIG RTEN STOBS LDAN LTA BUR SNANG, ,CHOS NI 'JIG RTEN GYI YUL DANG RIGS DANG RUS DANG SPYOD YUL GYI RNAM PAR BZHAG PAS BU MO RDZONG BA DANG SROL BA LA SOGS PA'I TSUL LUGS GANG DANG GANG RNAM PAR 'JOG PAR BYED PA DE DANG DE LA YANG DAG PAR RJES SU 'JUG STE, TSUL LUGS DE DANG DE LA CHOS ZHES GRAGS PAR 'GYUR BA'I PHYIR RO, ,GANG ZHIG YUL DANG DUS KYI KHYAD PAR DAG RNAM PA GZHAN DU 'GYUR BA 'DI NI RANG BZHIN GYIS RNAM PAR GNAS PA'I CHOS KYI LUGS SU'ANG MI RIGS TE, DE'I PHYIR 'DI LA SHIN TU GUS PAR MI RIGS SO, ,BU MO BAG MAR LEN PA BZHIN NO, ,SKYES BU YUL YA BA NAR PHYIN PA 'GA' ZHIG GIS YUL YAB NA PA 'GA' ZHIG ME SBAR NAS RIG SNGAGS KYI ME DE LAS KHYOD LA BU MO CHUNG MAR RUNG NGO ZHES BYA BA'I SGRA 'BYIN PAR BYED PA MTHONG NGO, ,SKYES BU DE YANG SHIN TU 'DOD CHAGS LA SPYOD PA ZHIG YIN ZHING, DE'I BU MO GZUGS DANG LANG TSO DANG LDAN PA ZHIG KYANG RANG GI YUL NA GNAS SO, ,DE NAS MI DES YUL YA BA NA PA DE'I THAD NAS RIG SNGAGS DE NOR MANG PO BYIN NAS DON DU GNYER BAR BYAS SHING, RANG GI YUL DU 'ONGS TE RANG GI BU MO CHUNG MAR BYA BAR 'DOD NAS DON DE SMRA BAR BYA BA'I PHYIR ME LA DRIS PA DANG ME DES TSUL LUGS RNAM PA GZHAN DU YIN NO SMRA STE, DE LTAR NA, CHOS PAS KYANG 'JIG RTEN STOBS DANG LDAN NO, ,'DIR SMRAS PA, 'DI NA MNGON PAR 'DOD PA'I YUL YANG DAG PAR 'BYUNG BA MED PAR BDE BA MYONG BAR 'GYUR BA'I NYAMS SU MYONG BA YOD PA MA YIN LA, YUL 'BYUNG BA DE YANG GANG GI PHYIR BSOD NAMS KHO NA LA SRID PA DE'I PHYIR YUL 'DOD PAS CHOS BYA BA KHO NA'O, ,BSHAD PAR BYA STE, YUL NI DGE BAS YID 'ONG NA, ,YUL DE'ANG NGAN PAR BRTZI BA YIN, ,GANG ZHIG BTANG BA SHIS 'GYUR BA, ,DE GRUB PA YIS CI ZHIG DGOS, ,YUL YID DU 'ONG BA GZUGS DANG SGRA DANG DRI DANG RO DANG REG BYA ZHES BYA BA 'DOD PA'I YON TAN LNGA'I BDAG NYID CAN GANG YIN PA DE NI DGE BA'I LAS KYIS 'THOB NA, DE NYID THAR PA 'DOD PA'I SEMS CAN RNAMS KYIS MI GTZANG BA BSKUS PA'I KHYIM LTAR SMAD PAR 'GYUR RO, ,GANG @129B ZHIG DON MA YIN PA'I RTZA BA YIN PA'I PHYIR DANG, MI RTAG PA DANG, SDUG BSNGAL BA DANG, MI GTZANG BA DANG, BDAG MED PA NYID KYIS RTAG TU SO MI GSOD PA'I PHYIR DANG, 'DOD CHAGS LA SOGS PA NYON MONGS PA SKYED PAR BYED PA NYID KYIS BAG MED PA'I GNAS NYID KYI PHYIR YONGS SU BTANG BA MCHOG TU BKRABS PAR 'GYUR BA DE NI GRUB PAS KYANG DGOS PA CI ZHIG YOD, DE'I PHYIR 'BRAS BU'I YUL GYI RGYU CHOS NYE BAR SOG PA'I TSEGS DON MED PA KHO NA YIN PAS, CHOS MA YIN PA LTAR CHOS LA YANG CHAGS PA DOR BAR GYIS SHIG ,KAM PO TZER SLONG DU RGYU BA BZHIN NO, ,DGE SLONG 'GA' ZHIG KAM PO TZER YUL MI DAG LA SLONG DU SONG BA DANG, DE LA G-YO SGYU CAN 'GA' ZHIG GIS RANG GI DGOS PA'I DON DU 'DI NI YUL 'DI'I KHRIMS YIN GYI BSOD SNYOMS LA RGYU BA NA RE ZHIG 'DIR CI YANG MA SMRA SHIG ,BZHAD GAD DU 'GYUR DU 'ONG NGO ZHES SMRAS SO, ,DE DRANG BAS DAD PAR BYAS PA NYID KYIS DE LTAR BYAS SO, ,DE NAS SKYE BO'I TSOGS DES BDAG CAG LA BSTOBS SKYES BU DES 'KHRUL 'KHOR 'DI BYAS NAS BDAG CAG LA MNGAGS SO SNYAM DU SHES SHING, AE MA 'DI'I MIG 'BYED PA DANG 'DZUMS PA NI MI LTAR SBYAR BAR GYUR TO ZHE'O, ,DE BZHIN DU NYID LAG THAMS CAD LA SMRA BAR GYUR TO, ,DE NAS DE DAG GIS KYANG DE DANG 'DRA BA'I 'KHRUL 'KHOR DAG BYAS NAS SKYES BU DE LA MNGAGS SO, ,DE NAS DES DGE SLONG DE LA DA NI SKYES BU DE DAG GI DON DU TSIG SMROS SHIG CES PA DANG, DES KYANG DE LTAR BYAS TE AA ROG GYA LA SOGS PA'I TSIG PHYUNG NGO, ,DE NAS DE DAG YA MTSAN DU GYUR TE 'DI NI BDAG GIS MI NUS KYI GSAL BAR BDAG CAG DES PHAM PAR BYAS SO ZHES SMRA'O, ,G-YO SGYU CAN DE YANG RANG GI NGO BO YONGS SU SHES PA LAS NGAN PAR BRTZI BAR 'GYUR TE, 'DI YANG DE DANG 'DRA'O, ,'DIR SMRAS PA, GAL TE YUL SMAD PA YIN PA'I PHYIR YUL SGRUB PA'I DON DU CHOS DGOS PA MED PA YIN MOD KYI, DE LTA NA YANG RGYAL SRID DAG NI BKA'I RO MYANG BAS BRLING BA YIN PAS DE'I DON DU RGYAL SRID LA DBANG BA'I BSOD NAMS BDAG LA 'BAD PAR BYA'O, ,BSHAD PAR BYA STE, THAMS CAD LA BKAS DGOS PA YOD PA MA YIN NO, ,DE'I PHYIR, GANG LA BKA' LUNG DGOS MED PA, , @130A *, ,DE LA CHOS DON MED PAR 'GYUR, ,GANG ZHIG GIS 'DOD PA'I DON RNAM PA GZHAN DU GRUB PA MI SRID PA DES NI GZHAN GYI DE SGRUB TU GZHUG PA'I PHYIR BKA' LUNG STZOL BA'I NGAL BA 'THOB PAR 'GYUR GYI, GANG ZHIG BKA' LUNG MED PAR DON GRUB PAR 'BAD PA MED PAR 'THOB PA DE LA NI BKA' LUNG DGOS PA CI YANG MED LA, GANG LA BKA' DGOS PA YOD PA MA YIN PA DE LA NI DE'I RGYU CHOS KYANG DON MED DO, ,DE LTAR NA RE ZHIG BKA' DON DU MI GNYER BA DE CHOS MED DO, ,'O NA NI BKA' LUNG DGOS PA YOD PA DE LA CHOS 'BRAS BU DANG BCAS PAR 'GYUR BAS DE'I DON DU RIGS SO ZHE NA, BSHAD PAR BYA STE, GANG YANG CHOS DON GNYER BA NYID, ,DE NI SKYE NANG BLUN ZHES BYA, ,BLUN PO RIGS PA DANG MI RIGS PAR SPYOD PAR MI NUS PA KHO NA BKA' DON DU GNYER BAR 'GYUR GYI, MKHAS PA NI PHYI ROL DU G-YENGS PA'I TSOGS KYI NGAL BA BDE BAR MI SEMS SO, , GZHAN YANG 'DI BKA' LUNG LA GNOD PAS BROD PA DANG BRAL BA LAS DE DANG RJES SU MI MTHUN PA DAG LA 'JUG PAS GNAS PA NA 'DOD BZHIN DU BYA BA MA YIN PA BYED DE, DE'I PHYIR CHES SDIG PA'I GNAS SKABS SU 'GYUR BAS DON DU GNYER BAR MI RIGS SO, ,GAL TE 'DI DGE BA'I LAS KYIS BKA' DON DU GNYER BAR GYUR CING MI DGE BA'I PHUNG PO RGYAL SRID DON DU GNYER BAR BYED NA NI, DE LAS CHES BLUN PA GZHAN SU ZHIG YOD PAR 'GYUR, ,LO TSIGS SHES PA BZHIN NO, ,RTZIS MKHAN 'GA' ZHIG LA BU GCIG PA GZUGS LA SOGS PA YON TAN DANG LDAN PA ZHIG YOD LA, DE YANG BU DE DANG LHAN CIG YUL GZHAN DU SONG BAR 'GYUR ZHING DE GZHAN DAG GI GAM DU BDAG NYID DONG BAR BYA'O ZHES DU BAR BRTZAMS SO, ,GZHAN DAG GIS DE LA CI'I PHYIR DU ZHES DRIS PA DANG, DES NYI MA DRUG NA BDAG GI BU 'DI 'CHI BA'I DUS BYED PAR 'GYUR RO ZHES SMRA STE, NYI MA DE DAG TZAM KHO NAR DES BU DE GSOD PAR GYUR TO, ,'DIR SMRAS PA, MTHO RIS KYI GNAS NA MI RNAMS LA CHOS KYI 'BRAS BU PHYUG PA'I KHYAD PAR DMIGS NAS MA 'ONGS PA'I 'BRAS BU'I KHYAD PAR 'DOD PA NA MKHAS PA SU ZHIG GUS PA DANG BCAS PAS BSOD NAMS DAG MI BYED, BSHAD PAR BYA STE, MA 'ONGS @130B PA YI 'BRAS MTHONG NAS, ,CHOS 'DOD CHAGS PAS KHYOD CHAGS NA, ,MA 'ONGS MTHA' NI MTHONG GYUR NA, ,'JIGS PA MED DAM CI ZHIG BYED, ,MNGON PAR 'DOD PA'I 'BRAS BU MA 'ONGS PA LA 'DOD PA NA 'DI 'DU BYED DGE BA DAG LA 'DOD CHAGS BSREL NA, DE'I 'BRAS BU DE MA THAG TU 'BYUNG BA'I NGAN 'GRO NI MCHOG TU YID DU MI 'ONG BA ZHIG STE, DE YONGS SU SPONG BAR BYED PAS 'BRAS BU LTAR CHOS LA YANG RE BA SPANG BAR BYA'O, ,'BRAS BU DANG CHOS LA CHAGS PA MED PA NI NGES PAR YONGS SU MYA NGAN LAS 'DA' BA'I CHOS CAN DU 'GYUR RO, ,GEL BA'I GNAS NYO BA BZHIN NO, ,JI LTAR MI MI MKHAS PA 'GA' ZHIG YON TAN DANG LDAN NO SNYAM DU BSAMS NAS GEL BA'I GNAS NYO LA, DE YANG 'JIG RTEN THAMS CAD DANG MI MTHUN PAR 'JUG PA'I RGYU NYID KYI PHYIR NYES PA DU MAS SKYON CHAGS PAR GYUR PA LTA BU'O, ,GZHAN YANG 'BRAS BU'I RGYU MTSAN DU DGE BAR 'DOD PA, GLA PA LTA BU BSOD NAMS NI, ,RNAM KUN RNGAN PA DANG MTSUNGS 'GYUR, ,JI LTAR GLA PA 'BRAS BU 'DOD PA NA GLA'I DON DU LAS BYED PA DE BZHIN DU SKYE BO 'DI YANG 'BRAS BU'I CHED DU SBYIN PA LA SOGS PA LA 'JUG GO , ,DE'I PHYIR GLA PA DANG 'DRA BAR 'GYUR DU 'ONG BAS 'BRAS BU YID DU 'ONG BA'I CHED DU 'BRAS BU SBYIN PA LA SOGS PA'I LAS LA 'BAD PAR MI BYA'O, ,DE LA MKHAS PA RNAMS LA DE LAS BZLOG PAR 'GYUR BAR DOGS PAR MI BYA STE, 'DI LTAR, GANG DAG DGE BA'ANG MI 'DOD LA, ,DE DAG MI DGE JI LTAR BYED, ,BYA BA MNGON PAR 'DOD PA LA NI RANG DANG GZHAN GYI BDE BA 'BYUNG BA'I RGYU YIN PA'I PHYIR BSOD NAMS KYI BYA BA MCHOG YIN NA GANG DAG DE LA YANG 'KHOR BA'I RGYU YIN PA NYID KYI PHYIR MI 'DOD PA DE DAG LTAR RANG DANG GZHAN LA GTAN DON MA YIN PAR GYUR PA'I MI DGE BA JI LTAR BYED, DE DAG LA NI 'DI DOGS PAR BYA BAR MI NUS KYANG 'KHOR BA LAS LDOG PA NI SRID DE, DE'I RGYU LAS MI BYED PA'I PHYIR RO, ,RANG GA tAS RGYAL BU LA GLANG BKAL BA BZHIN NO, ,RANG KA tA ZHES BYA BA MCHOG TU DBUL ZHING PHONGS PA SPRANG BA 'GA' ZHIG GIS 'GA' ZHIG DAG LAS KHA 'PHRO LEGS PAR MA SBYAR BA ZHIG RNYED DO, ,DE YANG RANG GI GOS HRUL DRI MA @131A *, ,DANG CHU SER LA SOGS PA DRI MA'I SKYON DU MAS BRLAG PA ZHIG TU GTUMS PAR GYUR PA DANG, BAG MED PA DE'I DE KHYIS PHROGS PAR GYUR LA, DE DANG SHIN TU MI RING BA ZHIG NA RGYAL BU ZHIG LHA MNYES PAR BYA BAR 'DOD PAS SMYUNG BAR RNAM PAR GNAS PA DE LA DES RGYAL BU 'DIS BDAG GI SLONG MO PHROGS TE ZOS SO ZHES SKUR BA BTAB STE RGYAL BU DE NI SMYUNG BAR GNAS PA NYAMS PAR 'GYUR DU 'ONG NGO ZHES TE, RANG GI KHA ZAS SHIN TU LEGS PAR SBYAR BA YANG MI ZAN DE LTA ZA BAR GA LA 'GYUR, DE BZHIN DU GANG DAG SRID PA'I RGYU YIN PAS BSOD NAMS DAG KYANG BYED PAR MI PHOD PA DE DAG JI LTAR NA NGAN 'GRO'I RTZA BAS BSOD NAMS MA YIN PA DAG BYED PAR 'GYUR, GZHAN YANG MA RIG PA DANG RJES SU 'BREL BA'I BYIS PA RNAMS NI BDE BA DANG YID BDE BA DANG RNAM PAR SHES PA LA SOGS PA'I RNAM PAR SMIN PA'I PHYIR DGE BA DANG MI DGE BA LA SOGS PA'I LAS DAG BYED CING SOG PAR YANG BYED KYI MA RIG PA'I PHYIN CI LOG 'PHEL BA DRUNGS PHYUNG BAS, RANG BZHIN MED PA'I MTHONG BA SKYE BA'I PHYIR RTEN CING 'BREL BAR 'BYUNG BA'I DON DAM PA KHONG DU CHUD PA, GANG GIS 'GRO BAR 'KHRUL 'KHOR GYI, ,TSOGS 'DRA SGYU MA'I SKYES BU LTAR, ,MTHONG BAR GYUR PA DE DAG CHES; ,GSAL BAR GO 'PHANG DAM PAR 'GRO, ,'KHRUL 'KHOR NI SRAD BU DANG SHING DUM SOGS PA LAS GRUB PA YIN LA, SGYU MA NI GSANG SNGAGS DANG SMAN CHEN PO'I STOBS KYI RKYEN LAS BYUNG BA'I SKYES PA DANG BUD MED LA SOGS PA'I CHA BYAD DAG GO , ,JI LTAR GANG DAG PHYIN CI LOG LAS MI MKHAS PA RNAMS LA KUN NAS NYON MONGS PA'I RGYUR 'GYUR BA DE DAG KHO NA DE'I RANG BZHIN LA MKHAS PA'I 'KHRUL 'KHOR DANG SGYU MA MKHAN SKYES PA DANG BUD MED KYI RANG BZHIN GYIS STONG PA NYID MTHONG BA RNAMS LA JI LTAR KUN NAS NYON MONGS PA'I RGYUR MI 'GYUR BA DE BZHIN DU GANG DAG GIS 'GRO BA RTEN CING 'BREL PAR 'BYUNG BA'I PHYIR 'KHRUL 'KHOR DANG SGYU MA LA SOGS PA LTAR RANG BZHIN DANG BRAL ZHING YOD PA MA YIN PA'I RANG GI NGO BOR MTHONG BA DE DAG NI PHYIN CI LOG GIS KUN NAS BSKYED PA'I 'KHOR BA LAS RGAL NAS BSOD NAMS DANG SDIG PA'I BYA BA LAS 'DAS PA'I MYA NGAN @131B LAS 'DAS PA'I GRONG KHYER GCIG PU'I MTHAR THUG PAR 'GYUR RO, ,'KHRUL 'KHOR GYI BU MO BZHIN NO, ,RI MO MKHAN 'GA' ZHIG GIS 'KHRUL 'KHOR GYI SLOB DPON ZHIG GI KHYIM DU GNAS BCAS PAR GYUR LA, DES DER BZHAD GAD KYI BSAM PAS 'KHRUL 'KHOR GYI BU MO ZHIG MNGAGS SO, ,DES BRAN MO 'DI NI BDAG JI LTAR 'DOD PA BZHIN DU YONGS SU LONGS SPYOD PA'I PHYIR BTANG BA ZHIG GO SNYAM DU BRTAGS TE LAG PA NAS BZUNG NAS DRANGS PAS SHING GI THANG PO ZHIG TU GYUR TE, DES DE MTHONG NAS SHIN TU NGO TSA BAR GYUR TO, ,DES KYANG LAN GLAN PA'I PHYIR RTZIG NGOS LA BDAG NYID LCEBS PA DE LTAR BRIS PA DANG, DE MTHONG NAS 'KHRUL 'KHOR GYI SLOB DPON AE MA KYI HUD BRTUN NGAS PA LAS 'KHRUL 'KHOR LA REG PA'I RI MO MKHAN GYIS NGO TSAS BDAG NYID 'GEGS TE BSAD DO SNYAM DU SEMS PAR GYUR TO, ,DE'I PHYIR DE LTAR NA SGYU MA'I RANG BZHIN DANG THA MI DAD PA'I CHOS KYI RANG BZHIN LA MKHAS PA, GANG DAG LA NI 'KHOR BA NA, ,YUL RNAMS KYIS KYANG DGA' MED PA, ,DE DAG LA 'DIR RNAM KUN DU, ,DGA' BA 'THAD PA MA YIN NYID, ,YUL LA CHAGS PA NI BYIS PA RNAMS KYI 'KHOR BAR GNAS PA'I RGYU YIN GYI GANG DAG LA CHOS KYI RANG BZHIN LEGS PAR SO SOR BRTAGS PA'I PHYIR 'KHOR BAR MNGON PAR DGA' BA DANG, LHA DANG MI'I YUL 'KHOR BA LA MNGON PAR DGA' BA DANG, RJES SU MTHUN PA RNAMS KYIS KYANG MNGON PAR DGA' BA YOD PA MA YIN PA DE DAG LA GZHAN SKYO BA DANG RJES SU MTHUN PAR SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PAS 'KHRUG PA'I RNAM PA CAN LA MNGON PAR DGA' BA YOD PAR 'GYUR RAM ZHES MI SRID PAR SEMS SHING, DE DAG LA 'DIR RNAM KUN DU, ,DGA' BA 'THAD PA MA YIN NYID, ,CES BSHAD DO, ,MKHAS PA RNAMS NI DGA' BA'I RGYU PHYIN CI LOG SPANGS PA'I PHYIR 'KHOR BA LA MNGON PAR DGA' BA MA YIN TE, LEGS MTHONG CHEN PO BZHIN NO, ,KU SHA'I GRONG KHYER DU BYANG CHUB SEMS DPA' LEGS MTHONG CHEN PO ZHES BYA BA 'KHOR LOS SGYUR BA'I RGYAL SRID LA RNAM PAR GNAS SHING KHYIM NA GNAS PA ZHIG GIS YUL GYI NYES PA MTHONG @132A *, ,BA'I PHYIR BTZUN MO BRGYAD KHRI BZHI STONG SPANGS NAS BSAM GTAN BZHI BSKYED DO, ,'DIR LEGS MTHONG CHEN PO SMOS PA NI DPE TZAM ZHIG TU ZAD DO, ,DE LAS GZHAN PA BYANG CHUB SEMS DPA' SA THOB PA DAG KYANG 'GRO BA RANG BZHIN MED PAR MTHONG BA'I PHYIR LHA'I YUL DAG GIS KYANG 'KHOR BAR DGA' BA MA YIN MOD KYI, 'ON KYANG 'GRO BA RNAMS KYIS DE'I RANG BZHIN KHONG DU CHUD PAR BYA BA'I PHYIR SMON LAM GYI DBANG GIS 'KHOR BA'I MTSOR 'KHOR ZHING 'KHOR BA'I NYES PA'I DRI MA DAG GIS MI GOS PA YIN NO, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS MI NYID KYI MNGON PAR 'DOD PA'I YUL GYI LONGS SPYOD LA MNGON PAR ZHEN PA SPANG BA'I THABS BSTAN PA ZHES BYA BA STE, RAB TU BYED PA BDUN PA'I 'GREL PA'O,, ,,GANG ZHIG 'DOD CHAGS KYI 'CHING BAS TSABS CHER BTAB PA NYID KYI PHYIR BDAG DANG GZHAN LA 'DOD CHAGS SPANG BAR MI SRID PAR DGOS PA DE LA BSHAD PA, JI LTAR MI MTHUN MI RNAMS LA, ,MDZA' BA YUN RING MI GNAS PA, ,DE BZHIN KUN LA SKYON SHES LA, ,'DOD CHAGS YUN RING MI GNAS SO, ,SKYE BO RJES SU MTHUN PAR 'JUG PA RNAMS KHO NA LA DES PHAN BTAGS PA'I STOBS KYIS SEMS KYI 'JUG PA DRANGS PA'I MI RNAMS KYI MDZA' BO DE'I YON TAN LHAG PAR SGRO BTAGS PA MNGON DU 'GRO BA CAN SKYE BA DANG GNAS PAR DMIGS KYI RJES SU MI MTHUN PA DAG LA NI MA YIN NO, ,DE'I SKYON NYE BAR RTOG PA LA ZHUGS PA'I PHYIR RO, , DE'I PHYIR DE LTAR NA JI LTAR 'GAL BA'I MI RNAMS LA MDZA' BA YUN RING POR GNAS PA YOD PA MA YIN PA DE BZHIN DU RNAL 'BYOR PA LA YANG PHYI DANG NANG GI DNGOS PO RNAMS LA SKYON DU MTHONG BA NYID KYI PHYIR JI LTAR THAMS CAD DU 'DOD CHAGS DANG BRAL BA MI SRID, BRAM ZE'I KHYE'U'I RGYU DANG, 'PHAGS PA DGRA BO PHAM DANG, RGYAL PO'I BU G-YUL NGOR PHAM PA BZHIN NO, ,JI LTAR BRAM ZE'I KHYE'U RGYU ZHES BYA BA BAG MA LEN PA'I DUS SU LAM KRA NA RNAM PAR GNAS SHING GZHON NU MA'I LAG PA NAS 'DZIN PAR 'DOD PA LA BCOM LDAN 'DAS KYIS BRAM ZE'I KHYE'U 'BREL NA 'CHING ZHING, @132B BRAL NA RNAM PAR GROL LO ZHES GSUNGS PA DANG, DES GSUNG DE THOS TE, DE NA GNAS PA NYID KYIS 'PHAGS PA'I BDEN PA BZHI MTHONG BA SO SOR RTOGS PAR BYAS PA LTA BU STE, DE LA 'BREL NA ZHES BYA BA NI KUN 'BYUNG GI BDEN PA'O, ,'CHING ZHING ZHES BYA BA NI SDUG BSNGAL GYI BDEN PA'O, , BRAL NA ZHES BYA BA NI LAM GYI BDEN PA'O, ,RNAM PAR GROL LO ZHES BYA BA NI 'GOG PA'I BDEN PA'O, ,RAB TU BYUNG NAS KYANG DGRA BCOM PA NYID MNGON SUM DU BYAS SO, ,DE BZHIN DU 'PHAGS PA DGRA BO PHAM SNGON PHYUGS RDZIR GYUR PA YANG STE, DE'I PHA SHI ZHING KHU BO RAB TU BYUNG LA, DE LA YANG BAG MA LEN PA'I CHOS NYE BAR GNAS PA DANG, DES BYUNG TSUL DE KHU BO DE LA GO BAR BYAS PAS DES KHYOD KYIS DON DU GNYER BAS MANG DU BTANG NA, CI BU MO 'DI'I RIN CHA RJES SU 'TSAM MAM RE ZHIG DE'I BSHANG BA'I RIN THAD CI YIN PA CHOD DANG, DE BZHIN DU GCI BA DANG, KHRAG DANG, SNABS DANG, ZHAG DANG, CHU SER DANG, SUNGS PA DANG, SBUBS KYI ZHES RGYAS PAR SMRAS SO, ,DE YUL GYI SKYON SHES PA'I PHYIR TSIG DE DAG THOS NAS TSOGS LAS BYUNG STE, RAB TU BYUNG ZHING DGRA BCOM PA NYID DU YANG GYUR TO, ,DE BZHIN DU RGYAL PO 'GA' ZHIG LA BU SHIN TU PHONGS PA ZHIG YOD LA, DE NAS RE ZHIG NA RENGS PA DANG, RGYAL PO DES DE G-YUL GYIS PHAM PAR BYAS NAS BZUNG LA, DE'I NYES PA MTHONG BA'I PHYIR DE LAS RGYAL PO DE'I CHAGS PA LOG PAR GYUR TO, ,DE BZHIN DU SKYON SHES PA LA THAMS CAD DU 'DOD CHAGS MI GNAS SO, ,THAMS CAD DU SKYON DU MTHONG BA'I PHYIR 'DOD CHAGS MI GNAS PA 'BA' ZHIG TU MA ZAD KYI, 'DI LAS KYANG SPONG BA SRID DO, ,'DOD CHAGS KYI GZHI MED PA'I PHYIR RO, ,DE'I GZHI JI LTAR MED PA DE LTAR BSTAN PA'I PHYIR BSHAD PA, LA LA DE NYID LA CHAGS TE, ,LA LA DE NYID LA SDANG ZHING, ,LA LA DE NYID LA RMONGS SU BYA, [?] ,DE'I PHYIR 'DOD PA DON MED PA'O, ,'DOD CHAGS NI CHAGS PAR 'GYUR BA'I DNGOS PO LA RAG LAS PA YIN NA, CHAGS PAR 'GYUR BA'I DNGOS PO DE YANG RANG GI NGO BOS MA GRUB STE, 'DI LTAR GCIG GI CHAGS PAR BYA BA GANG YIN PA DE NYID GZHAN GYIS SDANG BAR BYA BA DANG, RMONGS PAR BYA BAR @133A *, ,DMIGS SO, ,GAL TE RANG GI NGO BOS CHAGS PAR BYA BA'I DNGOS POR GYUR NA NI, DE THAMS CAD LA THAMS CAD KYI TSE DE LTAR 'GYUR BA ZHIG NA, NGES PA 'DI NI MTHONG BA MA YIN NO, ,'DI LTAR GANG LA GCIG CHAGS PA DE NYID LA GZHAN SDANG ZHING DE NYID LA GZHAN RMONGS TE, DE'I YUL LA 'DOD PA RANG GI NGO BOS MA GRUB PA'I PHYIR STONG PA YIN ZHING, DE LTAR CHAGS PAR 'GYUR BA'I DNGOS PO STONG PA NYID DU BSGOM PA LHUR BYED PA'I RNAL 'BYOR PA LA 'DOD CHAGS SPONG BA MI SRID PA MA YIN PAS 'DOD CHAGS SPONG BA YOD PA NYID DO, , MA DANG CHUN MA DANG BRAN MO BZHIN NO, ,SKYES BU 'GA' ZHIG LA CHUNG MA GNYIS YOD CING DE LAS GCIG NI BU DANG LHAN CIG 'DUG LA, GNYIS PA NI BU MED PAR RO, ,DE LA MA DE NI GANG GI TSE RANG GI BU MTHONG BA DE'I TSE DGA' BAR 'GYUR ZHING CHUN MA DE NI DE MTHONG NAS SDUG BSNGAL BA NYID DU 'GYUR LA, BRAN MO MTHONG NA BAR MAR GNAS PAR 'GYUR TE, DE LTAR NA 'DOD CHAGS LA SOGS PA RNAMS KYI DMIGS PA LA RANG GI NGO BOS GRUB PA YOD PA MA YIN NO, ,DE LTAR RE ZHIG DMIGS PA MA GRUB PAS 'DOD CHAGS LA SOGS PA MA GRUB PAR BSTAN NAS RGYU MA GRUB PAS KYANG 'DOD CHAGS LA SOGS PA MA GRUB PAR BSTAN PA'I PHYIR, RTOG PA MED PAR 'DOD CHAGS LA, ,SOGS PA YOD NYID YOD MIN NA, ,YANG DAG DON DE RTOG PA ZHES, ,BLO DANG LDAN PA SU ZHIG 'DZIN, ,ZHES BYA BA SMOS TE, 'DOD CHAGS ZHE SDANG GTI MUG NI, , KUN TU RTOG LAS 'BYUNG BAR BSHAD, ,CES 'BYUNG BA'I PHYIR RO, ,'DOD CHAGS LA SOGS PA NYON MONGS PA'I KUN NAS NYON MONGS PA'I RGYU NI YUL RNAMS LA TSUL BZHIN MA YIN PA'I RTOG PA STE, DE'I PHYIR GANG DAG RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG NI GOR MA CHAG PAR THAG PA BSNGOGS PA LA BRTAGS PA'I SBRUL LTAR RANG GI NGO BOS MA GRUB PAR NGES SO, ,GANG ZHIG 'DOD CHAGS LA SOGS PA RNAMS LA RANG GI NGO BOS GRUB PAR KHAS LEN PA DE NI NGES PAR RANG GI NGO BOS GRUB PA DANG 'GAL BAR RTOG PA LA LTOS TE, @133B SKYE BA NYID KHAS BLANG BAR MI BYA'O, ,GAL TE 'DI YANG DAG PA'I DON YIN NA NI CI'I PHYIR DE YOD PA NYID DU BYA BA LA RTOG PA LA LTOS, 'ON TE LTOS NA NI 'DI JI LTAR YANG DAG PA'I DON YIN, DE LTAR NA 'THAD PA DANG BCAS PA'I LUNG GI SNANG BAS SEMS KYI RGYUD GSAL BAR BYAS PA'I PHYIR MKHAS PA RNAMS RANG GI NGO BOS MA GRUB PA LA RTOG PAS BSKYED PA NYID KHAS LEN PAR MI BYED KYI, BLUN PA RNAMS NI JI ZHIG LTAR PHYIN CI LOG PAS RAB TU 'JUG PAR 'GYUR RO, ,BSAM GTAN PA'I MGO'I THOD PA BZHIN NO, ,BSAM GTAN PA 'GA' ZHIG BDAG GI MGO LA THOD PA ZHIG 'JAR RO SNYAM DU SEMS RNAM PAR 'KHRUL BAR GYUR PA DANG, DE LA 'GA' ZHIG GIS 'DI KHYOD KYI MGO LAS LHUNG NGO ZHES THOD PA GZHAN ZHIG BSKYUR BAS DE DE LTAR RO SNYAM DU RTOGS NAS RNAL MAR GYUR TE, RTOG PA LOG PA'I PHYIR RO, ,'DIR SMRAS PA, 'DOD CHAGS LA SOGS PA RNAMS LA RANG BZHIN YOD PA KHO NA STE, 'CHING BA YIN PA'I PHYIR RO, ,'DI LTAR BUD MED NI SKYES PA'I YUL CAN GYI 'DOD CHAGS KYIS SKYES PA DANG LHAN CIG BCINGS PAS SKYES PA LAS MI 'DA' LA, SKYES PA YANG BUD MED KYI YUL CAN GYI 'DOD CHAGS KYIS BUD MED DANG LHAN CIG BCINGS PAS BUD MED MI GTONG BA YIN NO, ,BSHAD PAR BYA STE, 'GA' LA'ANG GANG DANG LHAN CIG TU, ,BCINGS PA ZHES BYA YOD MIN TE, ,DE LTAR 'DOD CHAGS RTOG PA LA LTOS TE SKYE BA NYID KYI PHYIR RANG BZHIN GYIS MA GRUB PA DE BZHIN SKYES PA DANG BUD MED DAG KYANG RANG GI NGO BOS MA GRUB PA'I PHYIR NA DON 'GA' LA YANG DON 'GA' ZHIG DANG BCINGS PA RANG BZHIN GYIS YOD PA MA YIN PAS BCINGS PA'I RGYU CAN YIN PA'I PHYIR 'DOD CHAGS RANG GI NGO BOS GRUB PA MA YIN NO, ,CI STE YANG DE LTAR RNAM PAR DPYOD PA DOR NAS GZHAN DANG LHAN CIG BCINGS PAR RTOG NA, DE LTAR NA YANG, GZHAN DANG LHAN CIG BCINGS PA LA, ,BRAL BA RIGS PA MA YIN NO, ,BRAL BA DANG RNAM PAR THAR PA DANG RNAM PAR GROL BA ZHES BYA BA NI DON GZHAN MA YIN NO, ,GAL TE RANG BZHIN GYIS GZHAN GYI 'CHING BA'I RGYU NYID DU @134A *, ,'GYUR NA NI, DE'I TSE RANG GI NGO BO LA GZHAN DU 'GYUR BA MED PA'I PHYIR, GROL BA MED PA KHO NAR 'GYUR BA ZHIG NA RNAM PAR GROL BA YANG YOD PAS 'DOD CHAGS LA RANG GI NGO BOS 'CHING BA'I RGYU NYID YOD PA MA YIN NO, ,'CHING BA'I RGYU NYID MED NA YANG BCINGS PA GA LA YOD, DE'I PHYIR 'DOD CHAGS LA SOGS PA RNAMS KYI RANG BZHIN GYIS STONG PA KHO NA YIN ZHING, RANG BZHIN GYIS STONG PA NYID DU MTHONG BA LAS SPONG BAR 'GYUR RO ZHES BYA BAR GZHAG PAR NUS SO, ,GLANG NAG PO DANG DKAR PO'I SBYOR BA BZHIN NO, , JI LTAR GLANG NAG PO GLANG DKAR PO LA SBYOR BA MA YIN LA, DKAR PO YANG NAG PO LA MA YIN GYI 'ON KYANG GNYA' SHING DANG CHU THAG LA SOGS PA YIN TE, DE BZHIN DU DBANG PO RNAMS YUL RNAMS LA MA YIN LA, YUL RNAMS KYANG DBANG PO RNAMS LA MA YIN GYI 'ON KYANG 'DIR 'DUN PA'I 'DOD CHAGS GANG YIN PA DE 'CHING BA YIN NO, ,GAL TE DE LTAR RNAM PAR DPYAD PAS NYON MONGS PA RNAMS LDOG NA NI CI'I PHYIR PHAL CHER NYON MONGS PA PHAM PAR MA BYAS PA DAG LTAR SNANG ZHE NA, ZAB MO'I CHOS LA LHAG PAR MOS PA DANG BRAL BA'I PHYIR RO, ,'DI LTAR; BSOD NAMS CHUNG DUS CHOS 'DI LA, ,THE TSOM ZA BAR YANG MI 'GYUR, ,THE TSOM ZA BA TZAM ZHIG GIS, ,SRID PA HRUL POR BYAS PAR 'GYUR, ,MI MKHAS PA 'KHOR BA THOG MA MED PA NAS PHYIN CI LOG TU LTA BA GOMS PAR BYAS SHING DNGOS PO GZUGS BRNYAN LTA BU RNAMS LA 'DI'I BDEN PAR MNGON PAR ZHEN PA NI STONG PA NYID NYE BAR STON PA GANG G-YANG SA LTAR SEMS TE, SEMS KYI RGYUD STONG PA NYID LA LHAG PAR MOS PA'I RGYU DGE BA'I RTZA BA DANG BRAL BA'I PHYIR RO, ,RNAM PA DE LTA BU'I SEMS CAN LA NI PHYIN CI LOG TU NGES PA LAS MA GTOGS PA STONG PA NYID KYI CHOS 'DI LA CI 'DI LTAR YIN NAM 'DI LTAR MA YIN SNYAM DU THE TSOM YANG MI SKYE'O, ,DE'I PHYIR GROL BA'I RGYU LA PHYIN CI LOG PA'I PHYIR DE LA THAR PA LTA GA LA YOD, GAL TE STONG PA NYID KYI CHOS YANG DAG PAR NYE BAR BSTAN NA RGYU CI ZHIG GIS CHOS 'DI LTAR MA YIN ZHING @134B 'DI THE TSOM BSKYED NA NI THE TSOM ZA BA 'DI TZAM GYIS KYANG NGES PAR 'DI'I SRID PA DENGS BA NYID DU 'GYUR TE, DE NI GAL TE 'DI LTAR YIN NAM SNYAM DU DMIGS PA NA DE'I TSE DE RIM GYIS NYON MONGS PA'I RKUN PO GCOD PA'I RGYUR 'GYUR RO, ,YANG NA THE TSOM ZA BA PO NGES PAR DON DU GNYER ZHING 'THAD PA DANG BCAS PA'I LUNG GI STOBS LAS YANG DAG PA'I LTA BA LA NGES PAR GYUR PA NI NYON MONGS ZAD PA LAS 'KHOR BA RGYUN CHAD PAR BYED PAS THE TSOM ZA BA'I DUS NA YANG 'DI'I SRID PA HRUL PO KHO NAR MNGON TE, DE 'JOMS PA DANG MTHUN PA'I GNAS SKABS LA GNAS PA'I PHYIR RO, ,SRIN MOS BZUNG BA RTA'I RGYAL PO 'BA' LA HA KAS THAR BAR BYAS PA BZHIN NO, ,DPER NA BZHON PA CHAD PA'I DED DPON SRIN MOS BZUNG STE KHYIM THAB NYID DU BSTEN CING DES KHYOD KYIS NAM YANG LHO PHYOGS SU 'GRO BAR MI BYA'O ZHES LHO PHYOGS BZLOG PA DANG, DE CI'I PHYIR 'DI DAG ZLOG PAR BYED SNYAM DU THE TSOM ZA BA TZAM GYIS PHYIN LA, DE YANG RTA'I RGYAL PO 'BA' LA HA KA DANG PHRAD NAS DE NAS SRIN MO DE LAS THAR CING RGYA MTSO'I PHA ROL DU PHYIN NO, ,GAL TE DE LA THE TSOM 'BYUNG BAR MI 'GYUR NA NI SRIN MO DE LAS THAR BAR MI 'GYUR NA, RGYA MTSO'I PHAR 'GRAM DU YANG PHYIN PAR MI 'GYUR BA LTA BU'O, ,YANG GANG LA THE TSOM ZA BA SRID PA HRUL PO NYID KYI RGYUR 'GYUR BA RANG BZHIN GYIS STONG PA NYID KYI MTSAN NYID CAN GYI CHOS GANG YIN PA DE NI BCOM LDAN 'DAS KYIS BZOD PA'I SKAD CIG DANG PO NAS NYE BAR BZUNG NAS JI SRID THAR BAR 'GYUR BA DE'I BAR DU YONGS SU MI NYAMS PA DANG 'PHEL BAR GSUNGS KYI 'JIG RTEN PA'I CHOS RNAMS NI DE LTA MA YIN TE, DE RNAMS NI RNAM PAR SMIN PA ZAD PA LAS KYANG ZAD PAR 'GYUR LA, RKYEN MA TSANG BA LAS KYANG MI 'BYUNG NGO, ,'DI LTAR SHES RAB KYI PHA ROL TU PHYIN PAS BYIN GYIS MA BRLABS PA'I SBYIN PA LA SOGS PA RNAMS KYIS NI DMUS LONG LTAR THAMS CAD MKHYEN PA NYID KYI GRONG KHYER DU PHYIN PAR BYED MI NUS SO ZHES STON PAS GSUNGS SO, ,DE'I PHYIR DE LTAR NA, CHOS GANG ZHIG LA THUB PA YIS, ,THAR PA'I BAR DU 'PHEL BA NYID, ,GSUNGS DER GANG LA GUS MED PA,, @135A *, ,DE NI GSAL BAR BLO LDAN MIN, ,GANG ZHIG GTAN DU PHAN 'DOGS SHING 'PHEL BA RAB TU 'GYUR BA DANG LDAN PA'I CHOS LA GUS PA SKYED PAR MI BYED PA'I RMONGS PA DE NI DOR BA'I GNAS LA 'JIGS PAR LTA BA DE'I PHYIR BDAG NYID BLUN PO NYID DU MNGON PAR BYED PA ZHIG STE, DE'I PHYIR DE LTAR BLUN POR 'GYUR DU 'ONG BAS MKHAS PA RNAMS KYIS RANG BZHIN STONG PA NYID DU LTA BA LA GUS PA GZHAG PAR BYA'O, ,LI KHA RA'I LA DU BZHIN DANG, THUR MA DANG PHYAG RGYA BZHIN NO, ,DPER NA LI KHA RA'I LA DU KUN NAS MYANG BAR BYA BA YIN PA DE DANG 'DRA'O, ,YANG JI LTAR SKYES BU 'GA' ZHIG GIS RIG SNGAGS GNYIS GRUB BO, ,DE LA GCIG GIS NI THUR MA LA YONGS SU BZLAS NAS SKYE BO RNAMS KYI NAD THAMS CAD NYE BAR ZHI BAR BYED DO, ,GNYIS PAS NI PHYAG RGYA BCAS NAS SO, ,DE NAS DES MDZA' BO 'GA' ZHIG LA KHYOD RIG SNGAGS GNYIS PO 'DI NOS DANG; KHYOD LA PHAN PAR 'GYUR GYI ZHES SMRAS PA LAS DES MA MNOS SO, ,DE NAS GROGS PO MDZA' BA DE SHI BA DANG, DE LA NAD CHEN PO BYUNG BA DE YANG GSOR MI RUNG BA ZHIG STE, DE NYID SHI BAR YANG 'GYUR BA BZHIN NO, ,YANG CI DNGOS PO 'DI RNAMS MI STONG BA BZHIN 'DOD CHAGS DANG BRAL BAR BYA BA'I PHYIR STONG PA LTAR MTHONG NGAM, 'ON TE RANG BZHIN GYIS STONG PA KHO NA YIN DANG STONG PA'O ZHES BSNYAD CE NA, BSHAD PAR BYA STE, BDAG NI MYA NGAN 'DAS 'GYUR ZHES, ,STONG MIN STONG LTAR MTHONG MIN TE, ,LOG LTAS MYA NGAN MI 'DA' BAR, ,DE BZHIN GSHEGS PA RNAMS GSUNG NGO, ,DNGOS PO RNAMS GZHAN DU GNAS PA LAS RNAM PA GZHAN DU YONGS SU SHES PA GANG YIN PA DE NI LOG PAR LTA BA'O, ,GAL TE DNGOS PO RNAMS RANG BZHIN GYIS MI STONG BZHIN DU RANG BZHIN DU STONG ZHES MTHONG NA NI DE'I TSE LOG PAR LTA BA KHO NA LAS MYA NGAN LAS 'DAS PA THOB PAR 'GYUR BA ZHIG NA, LOG PAR LTA BA'I GANG ZAG LA NI SANGS RGYAS BCOM LDAN 'DAS RNAMS MYA NGAN LAS 'DAS PAR RNAM PAR 'JOG PAR MI MDZAD DE, YANG DAG PA'I LTA BA SNGON DU BTANG BA KHO NAS MYA NGAN LAS 'DAS PA JI LTAR 'THOB PAR RNAM PAR @135B 'JOG PA'I PHYIR RO, ,DE'I PHYIR SGYU MA LTAR RTEN CING 'BREL BAR 'BYUNG BA'I PHYIR DNGOS PO RNAMS RANG BZHIN GYIS STONG PA KHO NAR GYUR PA NA DNGOS PO DE KHO NA NYID JI LTAR GNAS PA BZHIN DU MTHONG BAS RGYUD SBYANGS SHING SGRO BTAGS PA DANG SKUR PA 'DEBS PA'I MTHAR RTOG PA'I DRI MAS DRI MA CAN DU MA GYUR PA'I 'PHAGS PA RNAMS KYIS CHOS THAMS CAD RANG BZHIN GYIS STONG NGO SNYAM DU RTOGS TE, BCOM LDAN 'DAS KYIS CHOS THAMS CAD NI STONG PA NYID DE RANG BZHIN MED PA'I TSUL GYIS SO ZHES GSUNGS PA'I PHYIR RO, ,MTSAN MO DGE TSUL BTUNG BYA MA YIN PA LA BSNGAGS PA BZHIN NO, ,DGE TSUL 'GA' ZHIG BLA MAS BTUNG BAR BYA BA MA YIN PA'I DON DU MTSAN MO MNAN ZHING BSNGAGS PA DANG, DA NAS DE LA DES 'DI NI DGE SLONG RNAMS LA RUNG BA MA YIN NA KHYOD JI LTAR 'THUNG ZHES BRJOD DO, ,DES SMRAS PA CHU'O SNYAM DU BYAS NAS 'THUNG NGO ZHE'O; ,DES KYANG NYI MA GZHAN ZHIG LA CHU NYID 'ON PA DANG, DES CI'I PHYIR GZHAN NYID BLANGS ZHES SMRAS LA, DGE TSUL GYIS KYANG GANG GI TSE KHYOD CHU NYID DO SNYAM DU BYAS NAS 'THUNG NA DE'I PHYIR 'DI LA KHYAD PAR CI ZHIG YOD CES SMRAS SO, ,GAL TE DNGOS PO RNAMS RANG BZHIN GYIS STONG PA KHO NA YIN NA CI'I PHYIR MA RIG PA LA SOGS PA'I RIM PAS SEMS CAN DANG SNOD KYI 'JIG RTEN GYI 'JUG PA BSTAN TE, DON DAM PA YIN PA'I PHYIR RANG BZHIN GYIS STONG PA NYID KHO NA CIG KYANG NYE BAR BSTAN PAR BYA BAR 'GYUR BA MA YIN NAM ZHE NA 'DI NI DE LTA MA YIN TE, DANG PO 'JIG RTEN PA'I DON DAM PAR 'JUG PA'I BDAG NYID CAN NYE BAR MA BSTAN PAR NI DE KHO NA NYID RANG BZHIN GYIS STONG PA NYID KYI MTSAN NYID CAN KUN NAS BSTAN PAR MI NUS TE, DE'I PHYIR DE KHO NA NYID KYI BDUD RTZI LA 'JUG PA'I SKABS SU GYUR PA NYID KYI PHYIR NA 'JUG PA NYE BAR BSTAN PA YANG BYA DGOS LA, CHAGS PA THAMS CAD YONGS SU BTANG BAS MYA NGAN LAS 'DAS PA'I BDE BA CHEN PO THOB PA'I RGYU RANG BZHIN GYIS STONG PA NYID NYE BAR STON PAR YANG BYA DGOS SO, ,DE'I PHYIR 'DIR DE BZHIN GSHEGS PA'I @136A *, ,GSUNG RAB, GANG LAS 'JIG RTEN BSTAN 'BYUNG BA, ,DE LAS 'JUG PA GSUNGS PA STE, ,GANG LAS DON DAM BSNYAD 'BYUNG BA, ,DE LAS LDOG PA GSUNGS PA'O, ,MKHAS PA NI GANG LAS RANG DANG SPYI'I MTSAN NYID BDEN PA'I DNGOS POR RTOG PA'I SGO NAS RGYU MED PA NYID DANG, RGYU GCIG PA DANG MI MTHUN PA'I RGYU DGAG PAR BYA BA'I DON DU MA RIG PA DANG 'DU BYED LA SOGS PA'I RIM PAS 'KHOR BA'I 'JUG PA'I TSUL STON PA DE LAS 'JUG PA GSUNGS SO ZHES BYA BAR SHES PAR BYA'O, ,GANG LAS RTEN CING 'BREL PAR 'BYUNG BA RANG BZHIN MA SKYES PAS RANG BZHIN GYIS STONG PA NYID DU STON PA DE LAS NI 'KHOR BA 'JUG PA'I LDOG PA GSUNGS TE, DON DAM PAR RANG BZHIN STONG PA NYID KHONG DU CHUD PAS THAMS CAD DU MA CHAGS PA DANG LDAN ZHING TSOR BA DAG LA SRED PA MED PA LA SRED PA'I RKYEN CAN LEN PA LA SOGS PA RGYU 'GAGS PA DANG; RNAM PA THAMS CAD DU SKYE BA DANG RGA BA DANG NA BA DANG 'CHI BA LA SOGS PA 'GAG PA'I PHYIR RO, ,GTING KHUNG DU 'JUG PA BZHIN NO, ,JI LTAR GTING KHUNG DU 'JUG NA CHA RKYEN GYI 'JUG PA GANG CUNG ZAD YOD PA DE THAMS CAD DOR BAR BYA BA YIN LA, DE DAG GIS DGOS PA CI YANG MED PA DE BZHIN DU 'JIG RTEN PA'I 'JUG PA'I SNYING PO MED PA DE DAG THAMS CAD KYANG MKHAS PAS YONGS SU GTANG BAR BYA BA ZHIG STE, GANG LAS 'JUG PA'I CHOS YIN PA DE NYID LAS LDOG PA'I CHOS YIN PA'I PHYIR RO, ,GAL TE DE LTAR DNGOS PO THAMS CAD STONG PA'I PHYIR DON DAM PA'I BSNYAD PA LA CI YANG YOD PA MA YIN NA NI DE'I TSE THAMS CAD DNGOS PO MED PAR THAL BAR 'GYUR RO, ,THAMS CAD DNGOS PO MED PA LAS KYANG BYA BA CUNG ZAD KYANG MED PAR 'GYUR TE RNAM PA THAMS CAD DU YANG LAS DANG BYED PA PO DANG BYED PA DANG BYA BA LA SOGS PA RNAMS MED PA'I PHYIR RO, , BYA BA LA SOGS PA RNAMS DNGOS PO MED PA LAS KYANG THAR PA MED PAR 'GYUR BAS KHYOD KYI THAMS CAD MI RIGS PA NYID DO ZHE NA, BSHAD PAR BYA STE, KUN YOD MA YIN CI BYA ZHES, ,KHYOD LA 'JIGS PA SKYE 'GYUR GRANG, ,GAL TE BYA BA YOD NA NI, ,CHOS 'DI ZLOG BYED MI @136B 'GYUR RO, ,GANG GI PHYIR THAMS CAD YOD PA MA YIN PA DE NYID KYI PHYIR DON DAM PA'I CHOS 'DI 'JUG PA ZLOG BYED DU RIGS TE, DE'I PHYIR ZLOG PA DON DU GNYER BAS BYA BA LA SOGS PA'I RTEN YOD PA THAMS CAD MED PA CI STE MI 'DOD, CI STE 'JUG PA LTAR DE LA YANG BYA BA YOD NA NI DE'I TSE BYA BA'I 'BRAS BU'I DNGOS PO YANG 'JUG PA DE NYID YIN PAS JI LTAR CHOS 'DI MYA NGAN LAS 'DAS PA 'DREN PAR BYED PAR 'GYUR, SMIG RGYU BZHIN NO, ,JI LTAR SMIG RGYU CHU'I 'DU SHES BSKYED CING DE CHUR YANG MI 'GYUR LA, DER GANG ZHIG LA SKOM PA SKYE BA DE NYID NI TSEGS SU 'GYUR BA DE BZHIN DU PHUNG PO DAG LA BDAG TU 'DU SHES PA YANG YIN NO, ,GANG ZHIG LDOG PAR BYED PA'I CHOS LA CI YANG YOD PA MA YIN PA DE'I PHYIR STONG PA NYID KYI PHYOGS MCHOG TU BKRABS PAR 'GYUR RO ZHES STONG PA NYID KYI PHYOGS LA CHAGS SHING BZLOG PA RANG BZHIN DANG BCAS PA'I PHYOGS LA SDANG BA DE LA KLAN KAR 'GYUR TE, KHYOD LA RANG PHYOGS CHAGS YOD CING, ,GZHAN GYI PHYOGS LA'ANG MI DGA' NA, ,MYA NGAN 'DAS PAR MI 'GRO STE, ,GNYIS SPYOD ZHI BAR SPONG MI 'GYUR, ,PHYOGS NI 'DIR MDOR BSDU NA RNAM PA GNYIS TE RANG GI PHYOGS DANG GZHAN GYI PHYOGS SO, ,DE LA GAL TE RANG BZHIN STONG PA NYID KYI PHYOGS NI MCHOG GO SNYAM DU KHYOD LA RANG GI PHYOGS LA 'DOD CHAGS SHING MNGON PAR ZHEN PA YOD CING, GZHAN YANG DAG PA MA YIN NO SNYAM DU RIG NAS GZHAN GYI PHYOGS LA KHYOD MI DGA' NA NI DE'I PHYIR MYA NGAN LAS 'DAS PAR MI 'GRO STE RJES SU CHAGS PA DANG KHONG KHRO BA BCOM ZHING GNYIS LAS SPYOD PA LAS NI MYA NGAN LAS 'DAS PA YOD PA MA YIN NO, ,DAM PA RNAMS KYIS NI THAMS CAD LA BAR MA GNAS PAR 'GYUR BA NA CHAGS PA BCAD PA'I PHYIR ZHI BA BDE BA RO GCIG PA LDOG PA MED PAR 'THOB PAR 'GYUR RO, ,DE NYID KYI PHYIR BCOM LDAN 'DAS KYIS, GANG ZHIG CHOS THOS RJES SU CHAGS 'GYUR BA, ,DE NI CHOS MIN THOS NAS NYAMS 'GYUR TE, ,DE NI NGA RGYAL DREGS BCOM PHYIN LOG CING, ,NGA RGYAL DBANG GIS DE @137A *, ,YI SDUG BSNGAL MYONG, ,GANG DAG BDAG GI NYID GNAS MI 'GYUR ZHING, ,RTAG TU KHENGS MIN DMA' BA MA YIN LA, ,GANG DAG DGA' DANG MI DGA' LAS GROL BA, ,DE DAG YUN DU YID GROL GYUR CING GNAS, ,ZHES GSUNGS SO, , 'PHAGS PA DGE 'DUN SDE'I SDOM BRTZON BZHIN NO, ,SDOM BRTZON 'GA' ZHIG DGE SLONG 'PHAGS PA DGE 'DUN SDE'I GAN DU BSTAN BCOS NYAN PAR 'DOD PAR 'GYUR LA, NAM ZHIG NA DES DE LA DGE BSNYEN GYIS SHIG CES SMRAS PA DANG, DES KYANG NYI MA GZHAN ZHIG GI TSE SLOB DPON LA PHYAG 'OS KHO BO NI DGE BSNYEN DU GYUR TE GANG GI PHYIR BRAM ZE MTHONG NAS BSAD PAR 'DOD PA'I PHYIR RO ZHES SMRAS SO, ,'DIR SMRAS PA, NYE BAR 'TSE BA THAMS CAD DANG BRAL BA'I PHYIR MYA NGAN LAS 'DAS PA BDE BA DAM PA YIN MOD KYI, DE LTA NA YANG DE 'THOB PA'I THABS LA SPYOD PA SHIN TU DKA' BA'I PHYIR DE 'THOB PAR MI NUS LA, SRID PA NI 'BAD PA MED PAR BSGRUB PAR BYA BA YIN PA'I PHYIR BSGRUB PAR BYA BA SLA STE, DE'I PHYIR BDAG CAG DE LA 'JUG PAR 'GYUR RO, ,BSHAD PAR BYA STE, PHYIN CI LOG TU NGES PAR BZUNG BA ZHIG GO, , 'DI LTAR, BYED MED MYA NGAN 'DA' 'GYUR ZHING, ,BYED LAS YANG SRID 'GYUR TE DES, ,BSAM KHRAL MED PAS MYA NGAN LAS, ,'DAS PA THOB PA CIG SHOS MIN, ,GANG GI PHYIR BYA BA THAMS CAD LA BYED PA LOG CING BSAM KHRAL MED PAS MYA NGAN LAS 'DAS PA THOB PA DE'I PHYIR MYA NGAN LAS 'DAS PA THOB PA SLA'I, DGE BA DANG MI DGE BA LA 'JUG PA'I BSGRUB PAR BYA BA NYID KYI PHYIR NA MYA NGAN LAS 'DAS PA LAS CIG SHOS YANG SRID PA NI BDE BLAG TU MI 'THOB LA, MKHAS PAS NI SGRIM PA MED PAR 'THOB PA'I MYA NGAN LAS 'DAS PA SPANGS NAS BYA BA RNAM PA SNA TSOGS PA'I DUB PAS 'THOB PAR BYA BA'I YANG SRID PA DON DU GNYER BAR YANG MI RIGS SO, ,NAD MED PA'I STOBS SGRUB PA BZHIN NO, ,NAD MED PA'I STOBS SGRUB PA LA RKYEN MANG PO MTHONG MOD KYI, GANG GI TSE KHYAD PAR CUNG ZAD KYANG MI 'DOD PA DE'I TSE NA DE RKYEN @137B THAMS CAD DON DU MI GNYER BAR 'GYUR RO, ,GAL TE MI BYED NA MYA NGAN LAS 'DA' BAR 'GYUR NA CI'I PHYIR KHYOD KYIS BSTAN BCOS 'DI LAS MI RTAG PA NYID LA SOGS PA'I DON STON PAR BYED CE NA, BSHAD PAR BYA STE, 'KHOR BA LA CHAGS PA'I 'GRO BA 'KHOR BA LA SKYO BAR BYA BA'I PHYIR RO, ,'DI LTAR, GANG LA 'DIR SKYO YOD MIN PA, ,DE LA ZHI GUS GA LA YOD, ,RANG KHYIM LA BZHIN SRID PA NI, ,'DI NAS 'BYANG BA'ANG BYA BAR DKA', ,'KHOR BA LAS SEMS SKYO BA RNAMS NI DE LAS NGES PAR 'BYUNG BAR BYA BA'I PHYIR MYA NGAN LAS 'DAS PA BSTEN GYI GANG LA SKYO BA YOD PA MA YIN PA DE CI'I PHYIR DE DON DU GNYER BAR BYED, SKYO BA MED PA NYID KYIS BLO CHUNG BA RNAMS 'KHOR BA LAS NGES PAR 'BYUNG BA YANG MI BZOD DE, 'DI NI DPER NA RANG GI KHYIM SNYING PO CHUNG YANG CHAGS PA YONGS SU GCAD PAR BYA DKA' BA NYID KYI PHYIR BLO CHUNG BA RNAMS KYIS GTONG BAR MI NUS PA DANG DE 'DRA'O, ,GSAD BYA BTUNG BA DON DU GNYER BA BZHIN NO, ,GSAD BYA 'GA' ZHIG 'PHRAL GSAD PAR BYA'O ZHES GSAD PAR BYA BA'I PHYIR BTANG BA YANG BTUNG BA DON DU GNYER BAR 'GYUR TE, DE BZHIN DU RJES SU 'BREL PA RNAMS LA YANG 'DOD PA MI LDOG GO, ,GZHAN YANG PHYUG PO RNAMS KYIS NI YUL GYI BDE PA'I LONGS SPYOD MOD PA'I KHYIM DAG SPONG BA DANG, DGON PAR MYA NGAN LAS 'DA' BA THOB PAR BYA BAR BTANG BA YANG NUS PAR MA GYUR MOD, GANG DAG LA NAD DANG DBUL BA LA SOGS PA SDUG BSNGAL GYI RGYU RNAMS PHYIR BCO BA MI SRID PA DE DAG GIS NI 'KHOR BA LA DGA' BA YONGS SU DOR BAR RIGS PA NYID DO, ,'DI LTAR, LA LA SDUG BSNGAL ZIL MNAN ZHING, ,'CHI BAR 'DOD PA DAG SNANG STE, ,DE TSE DE DAG GTI MUG PHYIR, ,GO 'PHANG DAM PAR MI 'GROR ZAD, ,LA LA DAG NI NAD DANG DBUL BA DANG SDUG PA DANG BRAL BA LA SOGS PA'I SDUG BSNGAL GYIS GZIR TE, BDAG LA CHAGS PA DOR NAS BDAG NYID NGOS NAS SKUR ZHING ME DANG CHUR 'JUG PA LA SOGS PA DAG KYANG BYED DE, GAL TE DE KHO NA LTAR 'KHOR BA SDUG BSNGAL DU NGES PAR BYAS NAS BDAG LA CHAGS PA GTAN @138A *, ,DU PHYUNG BAR GYUR NA NI MYA NGAN LAS 'DAS PA'I BDE BA LA MI RING BAR GNAS PA ZHIG NA, YOD PA MA YIN PA'I PHYIN CI LOG GI MTHONG BAR PHYIN CI LOG RNAMS NI GTI MUG CHE BA'I PHYIR GANG GIS NA MYA NGAN LAS 'DAS PA SGRUB PAR 'GYUR BA DE LTAR MI 'JUG GO; ,THUG PA KUN NAS 'THUNGS TE NYAL BA DANG BTUNG BA'I SMAN LA THE TSOM ZA BA BZHIN NO, ,'GA' ZHIG THUG PA 'THUNGS NAS NYAL BA DANG, KHYAD PAR MANG POS SDUG BSNGAL BAR GYUR TO, ,DE BZHIN DU BYIS PA RNAMS KYANG JI LTA JI LTAR BDE BA 'DOD PA DE LTA DE LTAR SDUG BSNGAL BAR 'GYUR RO, ,YANG JI LTAR 'GA' ZHIG SMAN BTUNG NGO SNYAM STE NYE BAR BSNUMS PAR GYUR TO, ,DE YANG NYE BAR BSNUMS PAR GYUR NAS CI BTUNG BAR BYA BA'I SMAN ZHIG GAM, BTUNG BYA MA YIN PA ZHIG YIN SNYAM DU THE TSOM ZA BAR GYUR LA, DE NAD DE LAS MA THAR PA DE BZHIN DU BYIS PA SO SO'I SKYE BO THAMS CAD KYANG SDUG BSNGAL DANG NYE BAR 'TSE BA'I SNUM CHOS KYIS NYON MONGS PA DAG ZHU PAR BYAS PA YIN DU ZIN KYANG MA RIG PAS GTUMS SHING THIBS PO'I RNAM PA CAN MI SHES PA'I NAD SEL BA'I RGYU 'DOD CHAGS DANG BRAL BA'I SMAN LA THE TSOM ZA BA NI NYON MONGS PA THAMS CAD NYE BAR 'JOMS PA'I SMAN MA 'THUNGS PAR KUN NAS NYON MONGS PA'I NAD CHEN PO THAMS CAD LAS GROL BA LAS GNYIS SU MED PA'I GO 'PHANG DAM PA SKYON MED PA MI 'THOB BO, ,'DIR SMRAS PA, GAL TE DE LTAR SRID PA THAMS CAD YONGS SU BTANG BAS RGA SHI MED PA'I GO 'PHANG MYA NGAN LAS 'DAS PA GCIG PU KHO NA DON DU GNYER BAR BYA BA YIN LA, DE THOB PAR BYA BA'I PHYIR SGOM PA'I GTAM KHO NA YIN LA RAG MOD, CI'I PHYIR BCOM LDAN 'DAS KYIS SBYIN PA DANG TSUL KHRIMS KYI GTAM DAG KYANG MDZAD, BSHAD PAR BYA STE, DMAN PA DANG 'BRING DANG RAB KYI DBYE BAS SEMS CAN GYI KHAMS NA RNAM PA SNA TSOGS LA DE'I DBYE BA LAS KYANG BCOM LDAN 'DAS THABS CHEN PO CAN GYI THUGS RJE CHEN PO'I RANG BZHIN MNGA' BA GANG GI 'BRAS BU LHUN GYIS GRUB PA 'JUG PA'I 'GRO BA MTHA' DAG @138B GI BSAM PA DANG BAG LA NYAL MKHYEN PA'I CHOS BSTAN PAS RNAM PA SNA TSOGS PA YIN NO, ,DE LA BCOM LDAN 'DAS DES, SBYIN PA DMAN PA LA GSUNGS SHING, ,'BRING LA TSUL KHRIMS GSUNGS PA STE, ,MCHOG LA ZHI BA GSUNGS GYUR PA, ,DES NA RTAG TU MCHOG TU BYOS, , DMAN PA'I GANG ZAG LA NI SBYIN PA KHO NA GSUNGS KYI TSUL KHRIMS DANG SGOM PA NI MA YIN TE, DE GNYIS KYI SNOD MA YIN PA NYID KYI PHYIR RO, ,'BRING PO LA NI TSUL KHRIMS KHO NA GSUNGS KYI SBYIN PA MA YIN ZHING SGOM PA NI MA YIN TE, SBYIN PA LA GNAS ZIN PA'I PHYIR DANG SGOM PAR NUS PA MED PA'I PHYIR RO, ,MCHOG LA NI SGOM PA KHO NA GSUNGS KYI SBYIN PA DANG TSUL KHRIMS DAG NI MA YIN TE, DE GNYIS LA GNAS PAR GYUR ZIN PA'I PHYIR RO, ,DE LA SBYIN PAS NI LONGS SPYOD CHE BAR 'GYUR RO, ,TSUL KHRIMS KYIS NI LHA DANG MI'I SKYE BA'O, ,SGOM PAS NI NYON MONGS PA BSRAB PA NYID DU 'GYUR LA BSRAB PA NYID KYI PHYIR MYA NGAN LAS 'DAS PA'I PHYIR THAMS CAD LA MYA NGAN LAS 'DAS PA MI GSUNG NGO, ,DE'I PHYIR BDAG MCHOG TU GYUR CIG CES MYA NGAN LAS 'DAS PA LA MNGON PAR DGA' BAR BYOS SHIG ,RGYAL BU GSUM LA NYE BAR 'DOMS PA BZHIN NO, ,JI LTAR 'DI LA RGYAL BU GSUM YOD PA LA DER NA TSOD LA LTOS TE GCIG LA NI YI GE DAG NYE BAR STON TE, GNYIS PA LA NI BSTAN BCOS 'DON PA'O, ,GSUM PA LA NI MTSON CHA'I THABS 'DON PA STON TO, ,DE BZHIN DU DMAN PA LA SOGS PA RNAMS LA SBYIN PA BA [?] LA SOGS PA'O, ,MCHOG TU BYUNG BA'I PHYIR CHES THOG MA KHO NAR MYA NGAN LAS 'DAS PA'I GTAM BYA BA YANG MA YIN GYI, BSOD NAMS MIN LAS DANG POR BZLOG ,BAR DU BDAG NI BZLOG PA DANG, ,PHYI NAS LTA ZHIG KUN BZLOG PA NI BYA STE, GANG GIS SHES DE MKHAS PA YIN; ,BSTAN PA 'DIR NI RIM GYIS 'DUS BYAS THAMS CAD BZLOG PAR BYA'O, ,DE LA 'DIR RE ZHIG BSOD NAMS MA YIN PA'I PHYOGS THAMS CAD BZLOG PA NI DANG POR BYA STE, MTHONG BA DANG MA MTHONG BA'I NYES PA BRGYA PHRAG DU MA'I RGYU YIN PA'I PHYIR TE, SPANG BAR BYA BA DANG POR BZLOG @139A *, ,PAR BYA'O, ,SDIG PA BZLOG PAS NI PHUNG PO DANG KHAMS DANG SKYE MCHED RNAMS LA BDAG RNAM PA LNGAR YANG MI SRID PA'I PHYIR BDAG TU LTA BA CHA NYI SHU DOR BAR BYA'O, ,PHYI NAS BDAG LA CHAGS PA YANG DAG PAR STON PA'I PHUNG PO DANG KHAMS DANG SKYE MCHED DAG LA CHAGS PA YANG YONGS SU GTONG BAR BYA BA'I PHYIR DNGOS PO THAMS CAD BZLOG PAR BYA'O, ,DE'I PHYIR DE LTAR NA BLO DANG LDAN PA 'DI LEN PA MED PAR YONGS SU MYA NGAN LAS 'DAS TE, DE LTAR NA RIM PA'I SGO NAS GANG ZHIG GIS THAMS CAD BZLOG PA'I THABS SHES PA, DE LA NI SANGS RGYAS KYI BSTAN PAR MKHAS PA ZHES BRJOD DO, ,NAD PHYIR BCO BA'I BYA BA BZHIN NO, ,JI LTAR NAD PHYIR BCO BA DAG SNUM CHOS DAG LA SOGS PA DAG BYAS DANG BYA BA DANG 'GAL BAR SPYOD PA'I SKYON DU MI 'GYUR BA DE BZHIN DU THAR PA'I TSUL LA YANG NGO, YANG JI LTAR LEN PA MED PA NYID 'THOB CE NA DNGOS PO THAMS CAD RANG BZHIN MED PA NYID DU MTHONG BA LAS SO, ,GAL TE DNGOS PO RNAMS MTHA' YAS PA DE'I YUL CAN DE JI LTAR BLTA BAR NUS, CHOS GCIG KYANG YONGS SU MA SHES SHING, MA SPANGS PAR SDUG BSNGAL GYI MTHAR BYED PA YANG MI SRID LA DE BZHIN DU BCOM LDAN 'DAS KYIS SKAD CIG GCIG DANG LDAN PA'I SHES RAB KYIS GANG CUNG ZAD SHES PAR BYA BA DANG BLTA BAR BYA BA DANG MNGON SUM DU BYA BA DE THAMS CAD MNGON SUM DU MDZAD DO ZHES 'DON PA YANG YIN TE, DE'I PHYIR 'DI JI LTAR BLTA BAR BYA ZHE NA, BSHAD PAR BYA STE, DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NYID KUN GYI STONG NYID DO, ,GZUGS KYI RANG BZHIN STONG PA NYID GANG YIN PA DE NYID TSOR BA LA SOGS PA PHUNG PO RNAMS KYI RANG BZHIN STONG PA NYID DO, ,DE BZHIN DU MIG GI SKYE MCHED KYI RANG BZHIN STONG PA NYID GANG YIN PA DE NYID SKYE MCHED BCU GNYIS CHAR GYI YANG YIN NO, ,DE BZHIN DU MIG GI KHAMS KYI RANG BZHIN STONG PA NYID GANG YIN PA DE NYID KHAMS BCO BRGYAD CHAR GYI YANG YIN NO, ,DE BZHIN DU DNGOS PO DANG YUL DANG DUS DANG RTEN GYI DBYE BAS THA DAD CING @139B RAB TU DBYE BA MTHA' YAS PA RNAMS LAS DNGOS PO GCIG GI RANG BZHIN STONG PA NYID GANG YIN PA DE NYID DNGOS PO THAMS CAD KYI RANG BZHIN STONG PA NYID DO, ,BUM PA DANG 'KHAR GZHONG LA SOGS PA THA DAD KYANG NAM MKHA' THA DAD MED PA BZHIN NO, ,GZUGS LA SOGS PA'I DNGOS PO THA DAD KYANG GZUGS LA SOGS PA RNAMS KYI RANG BZHIN GYIS MA SKYES PA LAS THA DAD PA MED PA'I PHYIR CHOS GCIG KHO NA'I RANG BZHIN GYIS MA SKYES PA YONGS SU SHES NA CHOS THAMS CAD KYI RANG BZHIN GYIS MA SKYES PA YANG YONGS SU SHES PAR 'GYUR TE, DE BZHIN DU SPANG BA LA SOGS PA DAG LA YANG SBYAR BAR BYA'O, ,DE NYID KYI PHYIR 'PHAGS PA NAM MKHA' MDZOD KYI TING NGE 'DZIN LAS, GANG GIS CHOS GCIG BSGOMS NAS CHOS RNAMS KUN, ,SGYU MA SMIG RGYU 'DRA ZHING GZUNG MED LA, ,GSOB BRDZUN THER ZUG MIN PAR SHES PA DE, ,RING POR MI THOGS BYANG CHUB SNYING POR 'GRO, ,ZHES GSUNGS SO, ,DE BZHIN DU 'PHAGS PA TING NGE 'DZIN GYI RGYAL PO LAS KYANG, GCIG GIS THAMS CAD SHES 'GYUR ZHING, ,GCIG GIS THAMS CAD MTHONG BAR 'GYUR, ,JI SNYED MANG PO BRJOD BYAS KYANG, ,DE LA DREGS PA SKYE MI 'GYUR, , BDAG GI 'DU SHES SHES PA LTAR, ,DE BZHIN KUN LA BLO SBYAR BYA, ,CHOS KUN DE YI RANG BZHIN TE, ,RNAM PAR DAG PA NAM MKHA' 'DRA, ,ZHES BYA BA LA SOGS PA 'BYUNG NGO, ,RGYA MTSO'I CHU'I THIGS PA 'THUNGS PA BZHIN NO, ,JI LTAR RO MTSUNGS PA'I PHYIR GCIG TU RGYA MTSO'I RO MYANGS NA THAMS CAD DU RO MYANG BAR 'GYUR BA DE BZHIN DU DNGOS PO RNAMS KYI 'DUS BYAS STONG PA NYID KYANG YIN TE, MTSAN NYID MTSUNGS PA'I PHYIR RO, ,'DIR SMRAS PA, GAL TE CHOS THAMS CAD STONG PA'I PHYIR SPANG PAR BYA BA YIN NA, DGE SLONG DAG DE LTA BAS NA GUS PAR BYAS TE, GUS PAR BYAS NAS BYAS PA'I BSOD NAMS KYI RNAM PAR SMIN PA 'DOD PA DANG SDUG PA DANG PHANGS PA DANG YID DU 'ONG BA SO SOR MYONG BAR 'GYUR RO ZHES BYA BA 'DI CI'I PHYIR GSUNGS, 'DI NI MI 'GAL TE GANG GI PHYIR, ,CHOS CHAGS DE BZHIN GSHEGS RNAMS KYIS, ,MTHO RIS 'DOD PA RNAMS @140A *, ,LA GSUNGS, ,THAR PA 'DOD RNAMS LA DE NYID, ,SMAD 'GYUR GZHAN DU SMOS CI DGOS, ,CHOS LA CHAGS PA NI DE'I THABS KYI NGO BO YIN PA'I PHYIR GDON MI ZA BAR BYA BA NYID DU, BSOD NAMS DAG NI BYAR 'OS TE, ,BSOD NAMS MA BYAS NYID SDUG BSNGAL, ,BSOD NAMS BYAS PA'I 'JIG RTEN NI, ,'DI DANG GZHAN DU DGA' 'GYUR RO, ,ZHES SANGS RGYAS BCOM LDAN 'DAS KYIS MTHO RIS 'DOD CING NGAN 'GROR 'GRO BAS 'JIGS PA SKYE BA DANG, 'JIGS PA BSGOM PAR MI NUS PA RNAMS LA GSUNGS KYI, THAR PA 'DOD PA RNAMS LA NI MA YIN NO, ,DE RNAMS LA NI CHOS LA CHAGS PA 'KHOR BA'I BTZON RA'I KHANG PAR 'CHING BA NYID YIN TE, GANG GI PHYIR CHOS KYI RNAM GRANGS GZINGS DANG 'DRA BAR KUN NAS SHES PA RNAMS KYIS NI CHOS RNAMS NYID SPANG BAR BYA BA YIN NA CHOS MA YIN PA DAG LTA CI SMOS ZHES GSUNGS PA'I PHYIR RO, ,RNAM PAR GROL BA'I BDE BA 'DOD PA LA NI 'GAR YANG CHAGS PA SHIS PAR MI 'GYUR TE, DE NI CHAGS PA MA LUS PA BCAD PAS THOB PAR BYA BA YIN PA'I PHYIR RO, ,MI PHAM PA'I MDO BZHIN NO, ,GANG GI TSE BCOM LDAN 'DAS SH'AKYA THUB PAS B'A R'A nA S'IR KHYOD MA 'ONGS BA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA ZHES BYA BAR 'GYUR LA, YANG DE'I TSE 'KHOR LOS SGYUR BA'I RGYAL PO DUNG ZHES BYA BA 'BYUNG BAR 'GYUR ZHING, DES GRONG KHYER 'DI NYID DU KHYOD BZHUGS PA DANG YONGS SU MYA NGAN LAS 'DAS PA LA MCHOD PA CHEN PO BYAS TE RAB TU BYUNG NAS DGRA BCOM PA NYID KYIS YONGS SU MYA NGAN LAS 'DA' BAR 'GYUR RO ZHES BYANG CHUB SEMS DPA' MI PHAM PA ZHES BYA BA LUNG BSTAN PAR MDZAD PA DANG, DE NAS 'KHOR DE'I NANG NAS DGE SLONG MI PHAM PA ZHES BYA BA ZHIG YOD PAR GYUR LA, DES AE MA MA LA BDAG GLING BZHI'I DBANG PHYUG 'KHOR LOS SGYUR BA DUNG DU GYUR CIG CES SMON LAM BTAB STE, DE NI BCOM LDAN 'DAS KYIS 'DI LTAR SDUG BSNGAL BZLOG PAR BYA BA'I PHYIR, RAB TU BYUNG NAS SDUG BSNGAL DE NYID 'DOD PA KHYOD NI SKYES BU BLUN PO @140B ZHIG GO ZHES SMAD PA MDZAD DO, ,DE BSTAN NAS BCOM LDAN 'DAS KYIS NGA NI DE'I SKAD CIG TZAM GYI SRID PA MNGON PAR 'GRUB PA YANG BSNGAGS PAR MI MDZAD DO, ,DE CI'I PHYIR ZHE NA, DGE SLONG DAG SRID PA MNGON PAR GRUB PA NI SDUG BSNGAL BA STE, DPER NA PHYI SA NI CHUNG NGU YIN DU ZIN KYANG DRI NGA NA, MANG PO LTA CI SMOS ZHES GSUNGS TE, DE BZHIN DU ZHES BYA BA NI GONG MA BZHIN NO, ,DE NI DE LTAR SMAD LA, GZHAN DAG NI SRID PA'I RGYU BSOD NAMS DAG LA SBYAR RO, ,'DIR SMRAS PA, GAL TE STONG PA NYID KYI CHAGS PA LOG PAS SDUG BSNGAL RANGS PA LDOG PA NI DE LTA NA NI, ,'O NA SDUG BSNGAL MTHA' DAG NYE BAR GCOD PA'I RGYU NYID KYI PHYIR DE KHO NA GCIG PU NYE BAR BSTAN PAR BYA'O, ,DE NI DE LTA MA YIN TE, DE NI SNOD KYI KHYAD PAR LA LTOS PA'I PHYIR RO, ,'DI LTAR SNOD MA YIN PA LA BSTAN PA'I PHYIR STONG PA NYID NI BZA' NYES PA'I ZAS DANG SKOM LA SOGS PA LTAR PHUNG PA'I RGYUR 'GYUR RO, ,DE NI LHAG PAR MA MES PAS BCOM LDAN 'DAS KYIS STONG PA NYID SPONG BAR 'GYUR RO, ,YANG NA STONG PA NYID KYI DON NI THAMS CAD MED PA'I DON DU LOG PAR YONGS SU BRTAGS NA LOG PAR LTA BAS NGAN SONG DU 'GRO BAR 'GYUR RO; ,DE'I PHYIR, BSOD NAMS 'DOD PAS STONG PA NYID, ,KUN TSE BRJOD PAR BYA MIN TE, ,GNAS MA YIN PAR SBYAR BA'I SMAN, ,DUG TU 'GYUR BA MA YIN NAM, ,'DIR SNYING RJE CAN BSOD NAMS 'DOD CING SEMS CAN RNAMS RJES SU BZUNG BAR 'DOD PAS NI THOG MAR SEMS CAN YONGS SU MA SMIN ZHING, ,DGE BA'I RTZA BA MA SMIN PA RNAMS LA STONG PA NYID BRJOD PAR MI BYA STE, DON MED PA'I PHYIR RO, ,DPER NA SMAN CHEN PO LEGS SHING RO ZHIM PA GNAS MA YIN PAR BTANG BA NI NAD PA'I DON MA YIN PA'AM RNAM PAR 'JIG PA'I RGYUR GYUR PA LTAR, 'DIR GNAS MA YIN PA DAG LA STONG PA NYID SBYOR BA YANG DE DAG GI DON MA YIN PAR 'GYUR TE, BCOM LDAN 'DAS KYIS 'OD SRUNGS 'DI LTA STE RDZA MKHAN GYI SNOD SO MA BTANG BA RNAMS LA ME RAGS PA GTONG STE, 'OD SRUNGS BYANG CHUB SEMS DPA' @141A *, ,YONGS SU MA SMIN PA'I SEMS CAN RNAMS LA SANGS RGYAS KYI CHOS RGYA CHEN PO'I YE SHES KYI ME GTONG BA YANG DE BZHIN DU BLTA BAR BYA'O ZHES GSUNGS PA'I PHYIR RO, ,BLUN LA NYE BAR BSTAN PA NI, ,'KHRUG PA'I RGYU YIN ZHI PHYIR MIN, ,LAG 'GRO 'O MA 'THUNG BA NI, ,DUG 'PHEL 'GYUR BA 'BA' ZHIG GO, ,ZHES BSHAD DO, ,RTZA'I PHUR MA DANG ZA MA TOG LTA BU DANG ZIN PA DANG MA ZIN PA LA RTZI NAD MED GTONG BA BZHIN NO, ,JI LTAR TSONG PA'I RTZA'I PHUR MA NI RDZAS GZHAN DANG GZHAN LA GNOD PA GZHAN DANG GZHAN DU 'GYUR BA DE BZHIN DU CHOS STON PA LA SEMS CAN RNAMS KYANG YIN NO, ,JI SKAD DU BCOM LDAN 'DAS KYIS ZA MA TOG LTA BU'I MDO LAS TSON GYI SBRUL GDUG PA BZHI LA RTZI SMAN GZHAN DANG GZHAN GSUNGS PA DE BZHIN DU NYON MONGS PA'I SBRUL GDUG PA RNAMS LA YANG YIN NO, ,YANG JI LTAR 'GA' ZHIG GIS DUG GI SMAN PA MDZA' BO ZHIG LAS DUG THAMS CAD SEL BA'I RTZE SMAN NAD MED 'THOB PAR 'GYUR LA, DE NAS DES DUG GIS RNAM PAR 'GYUR BA ZHIG LA BTANG BA DANG DE YANG ZHI BAR GYUR TO, ,DE NAS DUG MED PA ZHIG LA BTANG BA DANG, DES DE BSAD PA LTAR SEMS CAN RNAMS LA CHOS STEN PA YANG DE BZHIN DU SHES PAR BYA'O, ,DE'I PHYIR SEMS CAN THAMS CAD KYI SEMS KYI RGYUD LAS SU RUNG BAR BYA BA'I PHYIR CHES THOG MA KHO NAR 'JIG RTEN PA'I DNGOS PO JI LTAR GNAS PA BSHAD PAR BYA STE, DE LA DE MKHAS PA RNAMS STONG PA NYID LA BDE BLAG TU 'JUG PA'I PHYIR RO, ,DE NYID KYI PHYIR; DRI BRAL GOS LA TSON BZHIN DU, ,DANG POR SBYIN SOGS GTAM RNAMS KYIS, ,SEMS LA LEGS PA NYID BSKYED DE, ,DE NAS CHOS NI BSGOM PAR MDZAD, ,CES GSUNGS SO, ,DON NYID BSTAN PA'I PHYIR DPE BSHAD PA, JI LTAR KLA KLO SKAD GZHAN GYIS, ,GZUNG BAR MI NUS PA BZHIN DU, ,'JIG RTEN PA YIS MA RTOGS PAR, ,'JIG RTEN GZUNG BAR NUS MA YIN, ,DPER NA KLA KLO SKAD GZHAN MI SHES PA NYID KYI PHYIR RANG GI SKAD KHO NAS BSTAN PAR BYA BA YIN PA BZHIN DU 'JIG RTEN YANG 'JIG RTEN PA'I DNGOS PO RNAM PAR GZHAG PA'I SGO @141B NAS DE KHO NA NYID LA GZHUG PAR NUS SO, ,'JIG RTEN PA'I KUN RDZOB LAM ZHUGS PA [?] NI MKHAS PA SUS KYANG BDAG DANG CHOS GNYIS SGYU MA LTA BU NYID DON DAM PA'I NGO BO BRJOD DU MED PA NYID DU GZUNG BAR MI NUS KYI, 'JIG RTEN GYI KUN RDZOB LA JI LTA BA BZHIN DU ZHUGS PAS NI SGYU MA LTA BU NYID DU GZUNG BAR NUS SHING, SGYU MA LTA BU LA ZHUGS PAS KYANG SHIN TU DON DAM PA'I CHOS KYI RANG BZHIN BRJOD DU MED PAR GSUNG BAR NUS SO, ,DE'I PHYIR 'JUG PA'I RIM BA JI SKAD BSHAD PA GDON MI ZA BAR BYA DGOS SO, ,KHYE'U GZHON NU BZHIN NO, ,DPER NA KHYE'U GZHON NU BZHIN NO, ,DPER NA KHYE'U GZHON NU SKAD GZHAN GYIS KHONG DU CHUD PAR BYA BAR MI NUS PA DE BZHIN DU SO SO'I SKYE BO'I 'JIG RTEN YANG YIN NO, ,DE NYID KYI PHYIR YOD PA DANG MED PA LA SOGS PA BSTAN PA 'JIG RTEN GZUNG PA'I THABS YIN PA NYID KYI PHYIR BCOM LDAN 'DAS KYIS, YOD DANG MED DANG YOD MED DANG, ,GNYI GA MIN ZHES KYANG BSTAN TE, ,THAMS CAD MED PAR LTA BA'I DRI MA BKRU PA'I PHYIR NI BCOM LDAN 'DAS KYIS GDUL BYA RNAMS LA YOD DO ZHES BSTAN PA, DNGOS POR MNGON PAR ZHEN PA THAMS CAD SPANG BA'I PHYIR 'GA' ZHIG TU MED DO ZHES GSUNGS SO, ,DE YANG RNAM PA GNYIS KAR LTA BA SPANG BA'I PHYIR NI YOD PA DANG MED PA ZHES BYA BA GSUNGS LA, SPROS PA RNAM PA THAMS CAD DU GCAD PA'I PHYIR NI GNYIS KA MA YIN PA ZHES BYA BAR YANG RAB TU BSTAN TO, ,GZHAN YANG RE ZHIG KHYOD NYID KYIS RNAM PAR SPYOD PA DANG, NAD KYI DBANG GIS THAMS CAD NI, ,SMAN ZHES BYA BAR GYUR MIN NAM, ,NAD DAG NI PHYIR BTZO BOR BYA DGOS LA, DE DAG LA MING [?] GZHI'I BYE BRAG GIS DU MA ZHIG SMAN DU 'GYUR GYI, GCIG NYID THAMS CAD DU NI NYE BAR MKHO BA NI MA YIN TE, 'DI YANG DE DANG 'DRA'O, ,RAB TU BYUNG BAS GNOD SBYIN DANG YI DAGS LA CHOG KYI BTUNG BA SBYIN PA LTA BU DANG, GNOD SBYIN GYIS PHYIR 'JIL BAR MTHONG BA BZHIN NO, ,DPER NA SPUN GSUM ZHIG YOD PA LA DE LAS GCIG NI RAB TU BYUNG NGO, ,GNYIS PA NI GNOD SBYIN RDZU 'PHRUL CHE BA ZHIG TU GYUR CING, GSUM PA NI YI DAGS SKAR MDA' GDONG DU GYUR @142A *, ,TE; DE GNYIS CHAR YANG DGE SLONG DE'I GAN DU SONG BAR GYUR TO, ,DE NAS DGE SLONG DES GNOD SBYIN DE LA LONGS SPYOD CHEN PO'I RGYU SHES PAR BYA BA'I PHYIR SBYIN PA'I YON TAN BSHAD CING, RNAM PAR SMIN PA'I RGYU SHES PAR BYA BA'I PHYIR TSUL KHRIMS 'CHAL PA'I SKYON BSTAN TO, ,YI DAGS LA NI SDUG BSNGAL GYI RGYU SHES PAR BYA BA'I PHYIR BTUNG BA BYIN PAS ME'I SDUG BSNGAL NYE BAR ZHI BAR BYAS NAS SER SNA'I SKYON BRJOD PA LTA BU STE, DE BZHIN DU SEMS CAN RNAMS KYI BSAM PA SNA TSOGS PAS SANGS RGYAS BCOM LDAN 'DAS KYIS 'GRO BA MTHA' DAG RJES SU 'DZIN PA LA GZHAL BA RNAMS KYI CHOS STON PA YANG SNA TSOGS PAR 'GYUR RO, ,YANG NA DPER NA 'GA' ZHIG GIS PHAS YUL GZHAN NAS BU MO ZHIG BLANGS LA, DE'I PHA DE YANG DUS BYAS PAR GYUR TE, DE LA MAS KHYOD KYI PHA'I GROGS PO GNOD SBYIN 'DI ZHES BYA BA DE DON DU GNYER BAR GYIS LA BU MO DE BA LTA BAR BYA BA'I PHYIR SONG SHIG CES SMRAS PA DANG, DES DE LTAR BYAS SO, ,DE NAS GNOD SBYIN DES DE GZHAL MED KHANG GI NAM MKHA' LA KHYER NAS 'ONGS PA DANG, MI ZHIG KYANG GAN DU 'ONGS PAR GYUR TO, ,DE LA GNOD SBYIN DES BU SONG LA 'DI SDANGS SHIG CES SMRAS LA, DES KYANG DE LTAR BYAS TE 'ONGS NAS DE LA CI'I PHYIR MI 'DI SDANGS SU BCUG CES DRIS PA DANG, DES 'DI NI RAB TU BYUNG BZHIG STE, BDAG GIS 'DI'I GZI BYIN MI BZOD DO ZHES SMRAS SO, ,DE NAS DES GRONG KHYER DER KHRID NAS KHYE'U DE 'DAB CIG TU GZHAG STE BU MO DE BTZAL BA'I PHYIR RANG NYID GRONG KHYER DER ZHUGS PA DANG, BU MO DE MTHONG NAS GNOD SBYIN DE LA 'DOD PA'I 'DOD CHAGS SKYES TE DES DE BZUNG NGO, ,KHYE'U DE YANG 'DI YUN RING POR THOGS PAR BYED DO SNYAM STE RANG NYID SONG BA DANG; DE NYID KYIS BZUNG BA'I BAR DU MTHONG NAS DES DE LA 'DI THONG SHIG CES 'DI NI KHYOD KYI MNA' MA YIN NO ZHES ZHUS PAS DES MA BTANG BAR GYUR TO, ,DE NAS PHYIR ZLOG PAR BYED PA ZHIG BKUG STE DE SGOR GNAS PAS GNOD SBYIN YANG DU BAR RTZOM ZHING PHYOGS GCIG MCHI'O @142B ZHES SMRA BA BZHIN NO, ,DE LTAR NA 'GA' ZHIG 'GA' ZHIG GI GNYEN POR 'GYUR TE, CHOS STON PA YANG DE DANG 'DRA BAR SHES PAR BYA'O, ,YOD PA DANG MED PA LA SOGS PA'I BSTAN PA 'DI RNAMS LAS KYANG NANG GI BDAG NYID DU SEMS PA LA ZHUGS PA'I PHYIR NA GNYI GA MA YIN PAR BSTAN PA GANG YIN PA DE DON DAM PA'I BSTAN PA YIN LA, DON DAM PA'I BSTAN PA DE YANG, ,YANG DAG MTHONG NA GNAS MCHOG LA, ,CUNG ZAD MTHONG NA BZANG 'GRO STE, DE PHYIR NANG BDAG BSAM PA LA, ,MKHAS PAS RTAG TU BLO GROS BSKYED, ,DON DAM PA'I SHES PAS DE NYID YANG DAG PAR MTHONG BA YOD NA GNAS KYI MCHOG MYA NGAN LAS 'DAS PA THOB LA, CUNG ZAD DE CHUNG DU ZHIG MTHONG NA LHA DANG MI'I 'GRO BA BZANG PO'O, ,GANG GI PHYIR YE SHES MTHONG BA RDZOGS PA YOD NA MYA NGAN LAS 'DAS PA 'THOB LA, MA RDZOGS NA BZANG 'GRO YIN PA'I PHYIR MKHAS PAS RTAG TU NANG GI BDAG NYID BSAM PA LA BLO SPYAD DGOS SO, ,RGYAL PO'I PHO BRANG DU RKUN PO CHOS MA YIN PAS MGRON DU BOS PA BZHIN NO, ,RKUN PO 'GA' ZHIG YANG YANG GTZUG LAG KHANG DU 'GRO BAR GYUR LA, DE LA DGE SLONG 'GA' ZHIG GIS NGED [?] CAG LA SKYES RENGS SHIG LONG SHIG CES SMRAS PAS, DES SKYES CI 'DRA BA ZHIG CES SMRAS PA DANG, DGE SLONG GIS CHOS KYI SKYES BSLAB PA'I GZHI LONG SHIG CES SMRAS LA, DES KYANG SROG GCOD PA DANG MA BYIN PAR LEN PA DANG, BRDZUN DU SMRA BA DANG 'BRU'I TSANG DAG SPONG BAR MI NUS KYIS; 'ON KYANG 'DOD PA LA LOG PAR G-YEM PA SPONG NGO ZHES SMRAS SO, ,DES DE SPANGS TE BSLAB PA'I GZHI GCIG BLANGS NAS SONG STE MTSAN MO RGYAL PO'I GRVA SA'I KHAB TU RKU BA'I PHYIR ZHUGS PA DANG, DER BU MO CHOS MA YIN PAS MGRON DU GNYER NAS DES KYANG 'DOD PAR MA GYUR TO, ,DON DE YANG RGYAL POS MKHYEN LA, DES KYANG DE LA BTZUN MO RGYAN THAMS CAD KYIS KLUBS PA BTZAL ZHING RI MOR BYAS PA LTA BU STE, DE BZHIN DU NANG GI BDAG NYID 'DI BSAMS NA MYA NGAN LAS 'DAS PA'I 'BRAS BU DES PAR THOB PO, ,CI STE RKYEN 'GA' @143A *, ,ZHIG MA TSANG BA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA PHYI MAR 'BAD MED PAR, ,NGES PAR THOB 'GYUR LAS BZHIN NO, ,DE KHO NA NYID KYI YE SHES LA BLTA BAR BYA BA'I PHYIR MNGON PAR BRTZON PAS SKYE BA 'DIR 'DOD CHAGS DANG BRAL BA'I MTHA' MI 'THOB MOD KYI DON DAM PA'I YE SHES GRUB PA LAS SKYE BA PHYI MAR 'BAD PA MED PAR MYA NGAN LAS 'DAS PA NGES PAR 'THOB STE, LAS BZHIN NO, ,DPER NA GTI MUG GIS BYAS PA'I LAS NGES PA LAS SKYE BA 'DIR 'BRAS BU 'BYUNG BA MED MOD KYI, SA BON 'GAGS MA THAG TU MYU GU DANG LO MA DANG ME TOG DANG 'BRAS BU LA SOGS PA LTAR DE LA SKYE BA GZHAN DU GDON MI ZA BA KHO NAR 'BRAS BUR 'GYUR BA BZHIN TE, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,RTEN PA MED LAS RAB TU 'BYUNG, ,ZHES GSUNGS PA'I PHYIR RO, ,AA MRA ZOS TE 'DZUGS PA BZHIN NO, ,GANG ZHIG AA MRA'I 'BRAS BU SMIN PA ZOS ZIN PAR BYAS NAS SA BON MA BRLAG PAR 'DZUGS PA DES 'PHRAL DU SA BON MYANG BA'I 'BRAS BU MI 'THOB KYI, DE LTA NA YANG DUS GZHAN DU DON CHEN PO 'THOB STE, JI LTAR 'DOD PAR SHING THOG 'THOB PA'I PHYIR RO, ,GAL TE DE LTAR DE KHO NA NYID SHES PA YOD NA CI'I PHYIR GROL BDAG MI SNANG ZHE NA LA LAR SNANG MOD KYI, 'ON KYANG, BSAMS BZHIN PA NA BYA BA NI, ,KUN LA GRUB PA SHIN TU DKON, , 'DI NA'ANG MYANG 'DAS MED MIN GYI, ,SBYAR DANG GROL RNAMS RNYED PAR DKA', ,MYA NGAN LAS 'DAS PA KHO NA MTHONG BAR DKON PA 'BA' ZHIG TU MA ZAD KYI 'ON KYANG RTZOM PA THAMS CAD 'BRAS BU 'BYUNG BA NGES PAR DKA' BA ZHIG GO, ,BSAM PA KHO NA 'BRAS BU'I SGRUB PAR BYED PA MA YIN GYI, 'ON KYANG RGYU DANG RKYEN GYI TSOGS PA 'DOD PA'I 'BRAS BU SGRUB PAR BYED PA YIN LA, DE YANG SHIN TU RNYED PAR DKA'O, ,DE'I PHYIR 'DIR BYA BA THAMS CAD LA BSAM PA NA 'GRUB PA NI SHIN TU DKON TE, DE BZHIN DU BDE BAR GSHEGS PA'I BSTAN PA 'DI NA YANG MYA NGAN @143B LAS 'DAS PA 'DOD PA YOD MOD KYI, DE LTA NA YANG RGYU GANG GI PHYIR DGE BA'I BSHES GNYEN DANG BRAL BA DANG NANG GI TSUL BZHIN YID LA BYED PA MED PA LAS SBYOR BA DAG RNYED PAR DKA' BA DE'I PHYIR GROL BA RNAMS KYANG RNYED PAR DKA'O, ,DE'I PHYIR 'GRO BA RNAMS MA MTHONG BAS DE KHO NA NYID MTHONG BA MED PAR RTOGS PAR MI NUS SO, ,GTUM MO LCAGS LDAG PA BZHIN NO, ,JI LTAR GDOL PA MO RKUN BTZUGS PA ZHIG NYES PA DE DANG BRAL BA YIN DU ZIN KYANG, KHO MO NI GTUM MO NYID KYIS SME BA'I RANG BZHIN CAN ZHIG STE, JI LTAR LHA KHANG DANG NYE BAR LCAGS LDAG PAR BYED CES LCAGS LDAG PAR BYED MI PONG DE, GAL TE BYED NA NI LOG PAR GLANG BKAL BA DE LAS GROL BAR 'GYUR BA LTA BU STE, DE BZHIN DU BYIS PA LA LA DAG KYANG BDAG NYID DMAN PAR SEMS SHING SANGS RGYAS NYID LA SBYOR BAR MI BZOD DO, ,GAL TE RIGS PAS SKYOR NA NI GDON MI ZA BAR SANGS RGYAS 'THOB PAR 'GYUR RO, ,GANG DE LTAR DUS YUN RING POR ZHUGS PA'I NYON MONGS BA'I TSOGS 'DI LA ZAD PA YOD DO ZHES BYA BA 'DI JI LTAR NGES PAR NUS SHE NA, BSHAD PAR BYA STE, LUS LA YON TAN MED THOS NAS, ,'DOD CHAGS YUN RINGS MI GNAS TE, ,LAM DE NYID KYIS THAMS CAD KYANG, ,ZAD PAR 'GYUR BA MA YIN NAM, ,JI LTAR 'DI NA DUS YUN RING POS KYANG BDAG GI BA NYID KYIS MNGON PAR BTZAS PA'I LUS LONGS SPYOD SNA TSOGS BDAG GIS NYE BAR GSOS KYANG 'JIG PA'I CHOS CAN DU GYUR CING BYAS PA MI SHES PA LA YON TAN MED PAR THOS NAS MKHAS PA LA SKAD CIG DER 'DOD CHAGS MI SKYE BAR DE LTAR LEGS PAR BSGOMS PA'I LAM 'DOD CHAGS DANG BRAL BA SKYED PAR BYED PA DE NYID KYI DUS YUN RING POR ZHUGS PA'I 'DOD CHAGS THAMS CAD KYANG GTAN NAS ZAD PAR 'GYUR BA MA YIN NAM, DE'I PHYIR PHYI DANG NANG GI BDAG NYID KYI DNGOS PO THAMS CAD LA RANG BZHIN STONG PA NYID KYIS SNYING PO MED PA NYID DU MTHONG BA'I PHYIR 'DOD CHAGS LA SOGS PA'I NYON MONGS PA'I 'CHING BA MA LUS PA BCAD PA LAS GROL BA SRID PAR BYA'O, ,TZA NA KAS GSER YONGS SU DOR BA BZHIN NO, ,JI @144A *, ,LTAR TZA NA KAS RTZI SMAN DAG GIS GSER MA SHA GCIG BYED PA NA GANG GI TSE GSER KA KA NI TZAM ZHIG BSGRUBS PA DE'I TSE BDAG GI THABS 'DIS GSER CHES SHIN TU MANG PO SGRUB PAR NUS SO SNYAM STE, DES DE YANG YONGS SU DOR BA BZHIN DU RNAL 'BYOR PA YANG LUS YON TAN DANG BRAL BA THOS PA TZAM GYIS 'DOD CHAGS SKAD CIG TZAM MI GNAS PAR MTHONG NAS BDAG GIS LAM 'DI'I SGO NAS 'DOD CHAGS LA SOGS PA'I NYON MONGS PA GTAN BZLOG PAR BYA BAR NUS SO ZHES LAM DE NYID GOMS PAR BYED DO, ,'DIR SMRAS PA, THOG MA MED PA'I DUS NAS ZHUGS PA'I SKYE BO'I RGYUN LA JI LTAR MTHA' YOD PAR 'GYUR, BSHAD PAR BYA STE, JI LTAR SA BON MTHA' MTHONG ZHING, ,DE LA THOG MA YOD MEN LTAR, ,DE BZHIN RGYU NI MA TSANG PHYIR, ,SKYE BA'ANG 'BYUNG BAR MI 'GYUR RO, ,JI LTAR DUS YUN RING PO NAS ZHUGS SHING RGYU DANG 'BRAS BU GCIG NAS GCIG TU BRGYUD PAS 'JUG PA'I SA BON GYI RGYUN THOG MA DANG MI LDAN PA LA MES TSIG PA LA MTHA' MTHONG NGO, ,DE BZHIN DU SKYE BA GCIG NAS GCIG TU BRGYUD PA'I RGYU CAN THOG MA MED PA'I DUS NAS 'JUG CING, THOG MA DANG MI LDAN PA'I RNAM PAR SHES PA'I SA BON GYI SKYE BA LA YANG RGYU MA TSANG BA LA YANG 'BYUNG BA YOD PA MA YIN NO, ,NYON MONGS PA LA LTOS PA'I LAS KYIS NI SKYE BA TSAR PHYIN PAS 'PHEN PAR NUS LA, NYON MONGS PA DE DAG KYANG YE SHES KYI MES BSREG PA LA DNGOS PO MED PAR NYE BAR 'GRO STE, DE'I PHYIR GROGS MED PAS LAS KYI SKYE BA 'PHEN PAR MI NUS SO, ,DE LTAR NA SKYE BAR MUR THUG PA 'DI BSAL BAR 'GYUR RO, ,MAR ME DANG TIL BRNGOS PA DANG, KUN TU RGYU NAM MKHA' DANG, SHING LJON PA BZHIN NO, ,JI LTAR MAR ME'I RKYEN DAG YOD NA GNAS PAR 'GYUR LA MED NA MI 'GYUR BA DANG, JI LTAR TIL BRDOS PA'I SA BON RNAMS KYIS MYU GU RGYAS PAR MI 'GYUR BA DANG, KUN TU RGYU NAM MKHA' LDONG ROS BSGRUBS TE, DE'I RGYUS NAM MKHAR 'GRO PAR GYUR CING GANG GI TSE DE GZHAN GYIS PHROGS PA @144B DE'I TSE RGYU MED PAS SA LA LHUNG PA DANG, JI LTAR SHING LJON PA'I RTZA BA BTON PAS RGYU MED PA'I PHYIR SLAR 'PHEL BAR MI 'GYUR BA DE BZHIN DU RGYU DNGOS POR MNGON PAR ZHEN PA MED PAS 'DOD CHAGS LA SOGS PA NYON MONGS PA RNAMS MI 'BYUNG NGO, ,BYANG CHUB SEMS DPA' RNAMS KYI 'JUG PA NYON MONGS PA'I DBANG GIS KYANG MA YIN TE, 'ON KYANG SMON LAM GYI DBANG GIS SO, ,DE'I PHYIR SRID PA'I 'GRO BA DNGOS PO'I RANG BZHIN MED PA MTHONG BA NYID KYIS GANG SEMS CAN GYI DON LA SBYOR ZHING 'GA' YANG SEMS CAN DU MNGON PAR MA ZHEN PA, BYANG CHUB SEMS DPA'I MCHOG TU DKA' BA SPYAD PA NI SHIN TU RMAD DU BYUNG BA ZHIG STE SLOB DPON SANGS RGYAS BSKYANGS KYIS, 'GRO BA STONG PAR GZIGS MOD KYANG, ,'GRO BA'I SDUG BSNGAL BSAL BZHED PAS, ,YUN RINGS KHYED NYON MONGS PA GANG, ,DE NI MCHOG TU RMAD BYUNG BA'O, ,ZHES GSUNGS SO, ,'PHAGS PA NYE BA 'KHOR GYIS ZHUS PA'I MDO LAS KYANG, 'DI NA SEMS CAN SROG 'GA' YOD MIN LA, ,RGYAL BA'I DBANG PO SEMS CAN SMIN PA'ANG MDZAD, ,SEMS CAN YOD PA MIN YANG DON MDZAD PA, ,'DI NI KHYOD KYI DKA' SPYOD CHEN PO'O, , ZHES BYA BA LA SOGS PA BCOM LDAN 'DAS KYIS GSUNGS SO, ,DE BZHIN DU SHES RAB KYI PHA ROL TU PHYIN PA SUM BRGYA PA LAS, SEMS CAN JI SNYED SEMS CAN DU BSDU BAS BSDUS PA SGO NGA LAS SKYES PA'AM, MNGAL LAS SKYES PA'AM, DROD GSHER LAS SKYES [?]PA'AM, GZUGS CAN NAM GZUGS CAN MA YIN PA'AM, 'DU SHES CAN NAM 'DU SHES CAN MA YIN PA'AM, 'DU SHES MED 'DU SHES MED PA MA YIN PA DAG KYANG RUNG STE, JI SNYED SEMS CAN GYI KHAMS SU GDAGS PAS BTAGS PA THAMS CAD BDAG GIS PHUNG PO LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DA' BAR BYA'O, ,DE LTAR SEMS CAN YONGS SU MYA NGAN LAS MA 'DAS PA RNAMS YONGS SU MYA NGAN LAS 'DAS KYANG SEMS CAN 'GA' YANG YONGS SU MYA NGAN LAS 'DAS PAR MI 'GYUR RO ZHES 'DON @145A *, ,PA'I PHYIR RO, ,'PHAGS PA RIN PO CHE'I PHRENG BA LAS KYANG, JI LTAR CHU SHING YAN LAG DAG ,MA LUS BCAS TE BSHIG BYAS KYANG, ,CI YANG MED LTAR SKYES BU YANG, ,KHAMS BCAS BSHIG NA DE DANG 'DRA, ,DE LTAR BDAG DANG BDAG MED PA, ,YANG DAG JI BZHIN DMIGS SU MED, ,BDAG DANG BDAG MED LTA BA DAG ,DE PHYIR THUB PA CHEN POS BZLOG ,CES BYA BA LA SOGS PA GSUNGS SO, ,'GRO BA THAMS CAD RANG BZHIN MED PAR MTHONG BA 'DIR JI LTAR 'GYUR BA DE LTAR NI 'OG NAS RAB TU BYED PA BRGYAD KYIS STON PAR 'GYUR RO, , SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS SLOB MA YONGS SU SBYOR BA ZHES BYA BA STE, RAB TU BYED PA BRGYAD PA'I 'GREL PA'O,, ,,'DI MAN CHAD SLOB DPON RAB TU BYED PA LHAG MA RNAMS KYIS SLOB MA RAB TU BYED PA THAL BA THAG PA'I RGYA MTSO'I CHU'I G-YO BAS SEMS KYI RGYUD BSHAL ZHING DE KHO NA NYID KYI BDUD RTZI BSTAN PA'I SNOD DU 'GYUR BAS DNGOS PO MTHA' DAG GI DE NYID JI LTA BA BZHIN RTOGS PAR BYA BA'I CHED DU DE KHO NA NYID RNAM PAR GTAN LA PHAB PAS BRTZAM PAR BZHED PAS 'DUS BYAS SKYE BA DANG 'JIG PA DANG LDAN PA NYID KYIS SNYING PO MED PA NYID DU BRJOD PA'I PHYIR BSHAD PA, THAMS CAD 'BRAS BU'I DON SKYE BA, ,DES NA RTAGS YOD MIN DE'I PHYIR, ,'BRAS BU'I DON DU 'JUG PA NA 'JIG RTEN NA RANG BZHIN PA MA YIN TE, 'JIG RTEN NA 'DI'I TSOGS PA 'DI NI 'BRAS BU'I CHED DU YIN GYI DNGOS PO PA NI MA YIN NO ZHES THA SNYAD 'DOGS PA'I PHYIR RO, ,'BYUNG BA DANG 'BYUNG BA LAS GYUR PA DANG, SEMS DANG SEMS LAS BYUNG BA DANG, MTSAN GZHI DANG MTSAN NYID LA SOGS PA 'DUS BYAS LA YANG TSIG RKYANG SKYE BA MED PAS CI RIGS PA TSOGS PA KHO NA SKYE BA YIN NO; ,TSOGS PA DE YANG PHAN TSUN RGYU DANG 'BRAS BU'I DNGOS POR GNAS PA'I PHYIR GANG ZHIG YOD NA GANG 'BYUNG ZHING GANG MED NA GANG MI 'BYUNG BA DE DE'I RGYU YIN ZHING CIG SHOS 'BRAS BU YIN LAS MED PAR 'BYUNG BA GSUM PO DE MED PA'I PHYIR DANG YOD NA YOD PA'I PHYIR SA SKYE BA 'BRAS BU @145B LA DGOS PA YIN NO, ,DE LTAR NA 'DUS BYAS THAMS CAD BDAG NYID JI LTA BA BZHIN DU 'BRAS BU'I DON DU SKYE BA DE'I PHYIR DE RTAG PA MA YIN NO, ,RTAG PA'I SGRA NI RANG BZHIN DANG, BDEN PA DANG, SNYING PO DANG, DNGOS PO DANG, RDZAS KYI RNAM GRANGS YIN PA'I PHYIR LA, DE MED PA'I PHYIR 'DUS BYAS RANG BZHIN MED PA DANG, MI BDEN PA DANG, SNYING PO MED PA DANG, DNGOS PO MA YIN PA DANG, RDZAS MA YIN PA DANG, SLU BA'I BDAG NYID CAN DANG, BYIS PA'I 'JIG RTEN 'DRID PA YIN NO ZHES BYA BAR BRTAGS SO, ,JI SKAD DU BCOM LDAN 'DAS KYIS RAB 'BYOR MIG NI BDAG DANG BDAG GI BA DANG, RTAG PA DANG, BRTAN PA DANG, THER ZUG PA DANG, RNAM PAR 'GYUR BA'I CHOS CAN MA YIN PAS STONG PA STE ZHES BYA BA DANG, DE BZHIN DU THER ZUG TU GNAS PA MA YIN PA DANG, 'JIG PA MA YIN PA NYID KYI PHYIR MIG NI MIG GIS STONG PA STE ZHES BYA BA LA SOGS PA GSUNGS SO, ,DE NYID KYI PHYIR STON PAS GANG 'DUS BYAS YIN PA DE NI BRDZUN PA SLU BA'I CHOS CAN NO ZHES GSUNGS SO, ,'DI YANG 'CHAD PAR 'GYUR BA'I RIGS PA DANG LDAN PAR NGES PAR MDZAD NAS BSHAD PA DE'I PHYIR, THUB PA MA GTOGS JI LTAR DNGOS, ,DE BZHIN GSHEGS PA YOD MA YIN, ,MI SLOB PA'I SKU DANG GSUNG DANG THUGS THUB PA DANG LDAN PAS NA THUB PA STE, SANGS RGYAS BCOM LDAN 'DAS SO, ,DE NYID MI RTAG PA DANG STONG PA NYID NYE BAR STON PAS NA DNGOS PO RNAMS KYI RANG BZHIN JI LTA BA DE BZHIN DU GSHEGS SHING THUGS SU CHUD PAS DE BZHIN GSHEGS PA ZHES BYA'I GZHAN NI MA YIN TE, DE KHO NA NYID PHYIN CI MA LOG PAR STON PA'I SGO NAS DE KHO NA NYID KYI DON JI LTAR GNAS PA BZHIN MA RTOGS PA'I PHYIR RO, ,JI SKAD DU, 'DAS DANG MA 'ONGS DA LTAR BYUNG, ,CHOS RNAMS THAMS CAD DE BZHIN NYID; ,JI LTAR DE BZHIN GZIGS DES NA, ,DE LA DE BZHIN GSHEGS PAR BSNYAD, ,CES BYA BA DANG, RAB 'BYOR DE BZHIN GSHEGS PA DE BZHIN GSHEGS PA ZHES BYA BA NI GANG DU YANG MI GSHEGS LA GANG NAS KYANG MA BYON PA STE, DES NA DE BZHIN GSHEGS PA ZHES BYA'O ZHES @146A *, ,BYA BA DANG, DE BZHIN DU DE BZHIN NYID JI LTA BA DE LTAR THUGS SU CHUD PA DES NA DE BZHIN GSHEGS PA ZHES BYA'O ZHES GSUNGS SO, ,YANG NA BCOM LDAN 'DAS KYIS GANG KUN 'BYUNG BA'I CHOS CAN DE NI GDON MI ZA BAR 'GOG PA'I CHOS CAN TE, SKYE BA'I RKYEN GYIS RGA SHI ZHES BSTAN PA'I PHYIR SKYES PA GANG YIN PA DE'I 'BRAS BU 'JIG PA KHO NA ZHIG STE SKYE BA NI DE'I DON DU YIN PA NYID KYI PHYIR RO, ,DE'I PHYIR THAMS CAD 'BRAS BU'I DON DU SKYE BA DES NA RTAG PA YOD PA MA YIN TE, RANG BZHIN YOD PA MA YIN NO ZHES BYA BA'I DON TO, ,GANG GI PHYIR 'DI DE LTAR YIN PA DE'I PHYIR, THUB PA MA RTOGS JI LTA'I DNGOS, ,DE BZHIN GSHEGS PA YOD MA YIN, ,'DI'I DON NI GONG MA BZHIN NO, ,RNAM PA GCIG TU NA TSOR BA GSUM MYONG BAR 'GYUR BA'I LAS YUL DANG DUS DANG LUS KYI GNAS SKABS KYI KHYAD PAR GYIS MYONG BAR BYA BA RNAMS LA DE DAG MED PAR LAS KYI 'BRAS BU YANG DAG PAR MYONG BA MED PAS DE'I DON DU PHYI DANG NANG GI DNGOS PO DAG SKYE BA'I PHYIR DNGOS PO THAMS CAD 'BRAS BU'I DON DU SKYE BA'I RANG GI NGO BO NYID KYIS RNAM PAR GNAS PA NI MA YIN TE, DES NA RTAG PA YOD PA MA YIN NO, ,RNAM PA GZHAN DU NA NI RANG BZHIN LDOG PA MED PA'I PHYIR RTAG PA NYID DU 'GYUR NA DE LTA NA YANG MA YIN NO, ,DES NA RTOG PA YOD MIN TE, ,THAMS CAD RANG BZHIN GYIS STONG NGO ZHES BYA BA'I DON TO, ,DNGOS PO THAMS CAD STONG PA NYID 'DI YANG STON PA GZHAN GYI TSIG GIS MA BSTAN TO ZHES BSHAD PA NI DE'I PHYIR, THUB PA MA RTOGS JI LTA'I DNGOS, ,DE BZHIN GSHEGS PA YOD MA YIN, ,ZHES BYA BA'O, ,RTOG GE BDAG NI GANG ZHIG PHA ROL PO'I 'BRAS BU'I DON DU MA SKYES PA NYID DU KHAS BLANGS PA DE NI SKYES PA YIN TE, 'BRAS BU'I DON YIN PA'I PHYIR 'BRAS BU'I DON DU SKYES PA BZHI PO DE LA SMRAS TE, 'DIR RE ZHIG PHA ROL POS KUN BRTAGS PA SA DANG CHU DANG ME DANG RLUNG GI RDUL PHRA RAB SKYE BA DANG 'JIG PA DANG MI LDAN PA RNAMS LA NAM MKHA'I ME TOG LTAR RGYU MED PA NYID KYI PHYIR YOD PA NYID YOD PA MA YIN NO, ,YOD PA MA YIN PA 'DI RNAMS LA RGYU NYID DU SGRO BTAGS NAS SKYE BA GRUB PAS MI @146B RTAG PA NYID DU SGRUB PA RIGS PA YANG MA YIN TE, RANG NYID LA 'BRAS BU'I DON MA GRUB PA'I PHYIR LA GZHAN LA GRUB PA GTAN TSIGS SU KHAS LEN NA HA CANG YANG THAL BAR 'GYUR BA'I PHYIR RO, ,DNGOS PO MI RIGS PA KHAS BLANGS PAS PHA ROL PO BZLOG PAR BYA BA YIN PA'I PHYIR NA RTAG PA 'BRAS BU'I DON NYID DU KHAS BLANGS PAR RIGS PA YANG MA YIN NO, ,'DIS GZHAN GYI DAM BCA' LA RJES SU DPAG PA DANG 'GAL BA BRJOD PAR RIGS PA YANG MA YIN TE, DE NI GNYI GA LA GRUB PA KHO NAS BRJOD PA'I PHYIR RO, ,GANG GI LTAR NA GNYI GA LA GRUB PA'I SGO NAS RJES SU DPAG PAS GNOD PA MI SRID PA'I PHYIR RANG LA GRUB PAS KYANG RJES SU DPAG PAS GNOD PA YOD DO ZHES 'DOD PA DE LTAR NA YANG DON STON PA LA MI MKHAS PA NYID DU 'GYUR TE, MKHAS PA NI SLA BAS BSTAN PAR BYA BA'I DON DKA' BAS STON PAR MI BYED DO, ,GZHAN YANG NAM MKHA' YANG MIG GI RNAM PAR SHES PA DANG MYU GU BSKYED PA LA RGYU NYID DU BRJOD PA'I PHYIR DANG, KHAMS DRUG 'DON PAS GANG ZAG TU BTAGS PA'I RGYU NYID KYI PHYIR 'BRAS BU'I DON DE NYID NI MA NGES PA NYID KHO NAR 'GYUR RO, ,GAL TE RGYU NI RNAM PAR 'GYUR BA NA GZHAN GYI RGYU RU 'GYUR BA STE ZHES BYA BA'I TSUL LAS NI NAM MKHA' LA RGYU NYID YOD PA MA YIN NO ZHE NA DE NI DE DE LTAR MA YIN TE, ,DER NI SA BON MYU GU'I RGYU NYID DU YIN PA LTAR GANG GIS BYED PA DE RGYU YIN NO ZHES SKYED PAR BYED PA KHO NA RGYUR MNGON PAR 'DOD LA, RGYU MTSAN GYI DNGOS PO TZAM GYIS NI NAM MKHA' YANG RGYU NYID DU 'DOD PA KHO NA STE, DE LTAR MI 'DOD NA MDO DANG BSTAN BCOS GNYIS MI 'GAL BAR BRJOD PAR MI 'GYUR RO, ,SLOB DPON NI RNAM PA THAMS CAD DU DNGOS PO RANG BZHIN MED PAR GSUNG BA YIN PA'I PHYIR GRUB PA'I SGO NAS MI RTAG PA NYID SGRUB PAR MDZAD PA YANG MA YIN TE, DE KHO NA NYID KYI SKABS YIN PA'I PHYIR DANG; RTAG PA NYID LTAR DE YANG PHYI NAS 'GOG PAR 'GYUR BA'I PHYIR TE, SKYE DANG GNAS DANG 'JIG RNAMS LA, ,CIG CAR 'BYUNG BA YOD MIN ZHING, ,RIM GYIS 'BYUNG BA YOD MIN NA, ,NAM ZHIG 'BYUNG BA YOD PAR 'GYUR, ,ZHES 'CHAD PAR 'GYUR RO, ,BSTAN BCOS @147A *, ,LAS KYANG, GAL TE MI RTAG RTAG GO ZHES, ,DE LTAR 'DZIN PA LOG YIN NA, ,STONG PA MI RTAG PA'O ZHES, ,'DZIN PA'ANG JI LTAR LOG MA YIN, ,ZHES GSUNGS SO, ,GZHAN YANG DNGOS PO NI 'JIG RTEN LAS RAB TU GRUB PA YIN PA'I PHYIR DE SGRUB PA LA RJES SU DPAG PA YONGS SU 'DZIN PA DGOS PA MED PA NYID DO, ,GANG ZHIG BLUN PA NYID KYI DNGOS PO MA YIN PA RI BONG GI RVA LTAR YOD PA MA YIN PA LA DNGOS PO YOD PA MA YIN PAR MI RTOGS PA DE YANG SKYE BO SPYI LA GRAGS PAS BRJOD PAR 'DOD PA'I DON 'DZIN PAR BYED DU GZHUG PAR NUS PA KHO NA'O, ,DNGOS PO YOD PA NYID SGRUB NA NI YAN LAG GSUM YANG BSGRUB PAR BYA BA LTAR MA GRUB PA'I PHYIR DON GYI SGRUB PAR BYED PA MI SRID PA NYID DO, ,DE'I PHYIR RTOG GE BA RNAMS KYIS RTOG GE BYED PA'I NGAL BA DON MED PA NYID DU RTOGS SO, ,DE LTAR YIN DANG DE'I PHYIR RTOG GE'I MTSAN NYID MA RTOGS PAR GYUR DU ZIN KYANG 'JIG RTEN PA'I DON RNAM PAR GTAN LA PHEBS PA LA MKHAS PA RNAMS KYIS DNGOS PO GANG ZHIG JI LTAR GNAS PA DE DE KHO NA LTAR RTOGS LA GZHAN DAG LA STON PAR YANG BYED DO, ,GZHAN YANG MI RTAG PA NYID 'JIG RTEN LA GRAGS PA'I PHYIR GANG DU 'JIG RTEN GYIS KYANG DE NGES PA DER DE BZHIN GSHEGS PA KHO NA DON PHYIN CI MA LOG PA GSUNGS PA'O ZHES BYA BA DE BRJOD PAR MI NUS PA NYID DO, ,'JIG RTEN PA GANG ZHIG RANG GI MTSAN NYID DU SGRO BTAGS NAS MI RTOG PA NYID DU RTOGS PA DES NI DNGOS POR BRDZUN PA DANG, SLU BA'I CHOS CAN NYID DU MA RTOGS PA'I PHYIR THAMS CAD DU DE BZHIN GSHEGS PA KHO NA PHYIN CI MA LOG PAR GZIGS PA YIN NO ZHES BYA BAR RIGS SO, ,'DIR KHA CIG DAG NA RE GANG ZHIG 'BRAS BU'I DON DU SKYES PA DE NI RTAG PA MA YIN PA NI BDEN MOD KYI, DNGOS PO GANG DAG YAN LAG GNYI GA MA TSANG BA 'DI LTA STE NAM MKHA' LA SOGS PA YID KYI MUR THUG PA DAG DANG, GANG DAG YAN LAG GCIG MA TSANG BA SA LA SOGS PA'I RDUL PHRA RAB DE DAG RTAG PAR 'GYUR LA, DE DAG GI YOD PA NYID DANG RTAG PA NYID THUGS SU MA CHUD PAS DE BZHIN GSHEGS PA @147B PHYIN CI MA LOG PA GZIGS PA YANG MA YIN NO ZHES 'JOR TE, ,DE DAG GI LUGS KYANG MI RIGS PA NYID DU BRJOD PA'I PHYIR SLOB DPON GYIS, MA BRTEN PAR NI YOD NYID MED, ,CES BYA BA SMOS SO, ,'DIS BDE BA LA SOGS PA BDAG NYID KYI RGYU DANG RKYEN JI LTA BU LA RAG LAS PA RNAMS YOD PA NYID DU DMIGS NAS DON GYIS GO BAR RTEN CING 'BREL PAR 'BYUNG BA MA YIN PA DAG YOD PA MA YIN PA NYID DU JI LTAR MI RTOGS TE, 'DI NI CHES GSAL BAR 'DI DAG NAM MKHA' AUTPALA LA SOGS PA RNAMS LTAR YOD PA MA YIN PA NYID DU RTOGS PAR 'OS PA NYID DO, ,GAL TE MI RTOGS NA NI RA BA RIB CAN LTAR NGES PAR 'DI LA SGRO BTAGS PAS BYAS PA'I LTA BA'I RNAM PAR 'GYUR BA MNGON BAR 'GYUR RO, ,DE'I PHYIR MA BRTEN PAR NI YOD NYID MED DO, ,TSUL 'DI YANG YUL DANG DUS DANG DNGOS PO THA DAD PAS THA DAD PA'I DNGOS PO THAMS CAD LA MI 'KHRUL LO ZHES BSHAD BA NI, GANG ZHIG GANG NA NAM GYI TSE'ANG ZHES BYA BA'O, ,GANG GI PHYIR 'DI DE LTAR YIN PA, DES NA NAM YANG GANG ZHIG TU'ANG, RTAG PA 'GA' YANG YOD MA YIN TE, ,PHYED GONG MAS GRUB PA NYID PHYED PHYI MAS MJUG SDUD PA'O, ,GANG GI TSE DE LTAR GZHAN GYIS KUN BRTAGS PA'I DNGOS PO RTEN CING 'BREL PAR MA BYUNG BA DAG LA YOD PA NYID DANG RTAG PA NYID DAG YOD PA MA YIN PA DE'I TSE DE BZHIN GSHEGS PA PHYIN CI MA LOG PAR GZIGS PA NYID DU GRUB BO, ,'DI LTAR DES NA YOD PA YOD PAR MKHYEN TE GANG RTEN CING 'BREL PAR 'BYUNG BA'O, ,YOD PA MA YIN PA YANG YOD PA MA YIN PAR TE GZHAN GYIS KUN BRTAGS PA RTEN CING 'BREL PAR 'BYUNG BA MA YIN NO, ,GANG DAG 'BYUNG BA DANG 'JIG PA GNYIS MNGON BAR 'BYUNG BA DANG, MI MNGON PAR GYUR PA TZAM YIN PAS CHEN PO LA SOGS PA LA MA PHYUNG BA LAS BYUNG BA BSAL NAS MNGON BAR BSAL BA TZAM ZHE LA GZHAG STE, RTAG PA NYID DU RTOGS SHING 'GA' YANG RTEN CING 'BREL PAR 'BYUNG BA MI 'DOD PA DE DAG KYANG BSHAD ZIN PA'I SUN 'BYIN PA LAS MI 'DA'O, ,CI STE ZHIG BDE BA LA SOGS PA RTEN CING 'BREL @148A *, ,PAR 'BYUNG BA RNAMS NI YOD LA, BDAG NI DE RNAMS KYI 'DU BA CAN GYI RGYU YIN NO, ,MED PA 'DU BA CAN GYI RGYU NYID DU RIGS PA YANG MA YIN NO, ,DE'I PHYIR DE'I 'BRAS BU DMIGS PA'I PHYIR RE ZHIG BDAG YOD DO, ,DE YANG RTAG PA ZHIG STE YOD LA RGYU DANG MI LDAN PA NYID KYI PHYIR TE, GANG ZHIG YOD CING DE'I RGYU MA DMIGS PA DE NI RTAG PA'O, ,BDAG YOD NA NI DE'I RIGS CAN GYI DNGOS PO RNAMS KYANG YOD PAR 'GYUR RO SNYAM NA 'DI LA BSHAD PAR BYA STE, GAL TE BDAG NYID YOD PAR 'GYUR NA NI DE LTAR 'GYUR BA ZHIG GO, , JI LTA ZHE NA, 'DI LTAR, RGYU MED PAR NI DNGOS PO MED, ,DNGOS PO DANG RANG BZHIN DANG BDAG DANG RTAG PA DANG BRTAN PA ZHES BYA BA RNAM GRANGS DAG GO, ,DE NI RGYU MED PA SRID PA MA YIN TE, 'DI LTAR PHA ROL PO NYID KYIS 'DI RGYU DANG MI LDAN PA NYID DU KHAS LEN PAR BYED NA RGYU MED PA CAN NYID DU KHAS BLANGS LA, GANG ZHIG RGYU MED PA DE NI BONG BU'I RVA LA SOGS PA LTAR YOD PA MA YIN NO ZHES BYA BAR GRUB BO, ,NAM MKHA' LA SOGS PA RNAMS KYIS MA NGES PA NYID DO ZHE NA, MA YIN TE DE RNAMS KYI YOD PA NYID KYANG DE KHO NA LTAR 'GOG PAR 'GYUR BA'I PHYIR RO, , CI STE NYES PA 'DI SPANG BAR 'DOD NAS KHAS BLANGS PA DANG 'GAL BAS RGYU DANG LDAN PA NYID KHAS LEN PAR BYED NA DE LTA NA YANG 'DI'I RTAG PA NYID NYAMS PAR 'GYUR TE, GANG GI PHYIR, RGYU LDAN RTAG PA YOD MA YIN, ,RGYU DANG LDAN PA NYID KYI PHYIR BDE BA LA SOGS PA BZHIN DU MI RTAG PA YIN NO SNYAM DU DGONGS PA'O, ,GANG GI PHYIR 'DI DE LTAR YIN PA, DES NA RGYU MED LAS GRUB NI, ,DE NYID MKHYEN PAS GRUB MIN GSUNGS, ,BCOM LDAN 'DAS KYIS, MKHAS PA BSTAN 'BYUNG CHOS LA LHAG MOS SHING, ,MTHAR LTA BA LA RTEN PAR BYED PA'ANG MIN, ,RGYU BCAS RKYEN BCAS CHOS NI SHES 'GYUR TE, ,RGYU MED RKYEN MED CHOS NYID YOD MA YIN, ,ZHES PA GSUNGS SO, ,BSTAN PA 'DI LA, JI SKAD BSHAD PA'I 'THAD PA DANG RJES SU 'BREL PAS DE BZHIN GSHEGS PA KHO NA DON PHYIN CI MA LOG PAR MKHYEN PA'O @148B ZHES BYA BAR GRUB BO, ,CI STE BUM PA DANG BDE BA LA SOGS PA BYAS PA'I DON LA MI RTAG PA NYID DMIGS NAS, DON GYIS GO BAS BDAG LA SOGS PA MA BYAS PA RTAG PA NYID DU 'GYUR RO SNYAM NA, 'DI YANG MI RIGS TE, GANG GI PHYIR BUM PA DANG BDE BA LA SOGS PA BYAS PA LA YOD PA NYID DMIGS TE, DE BZLOG PA'I SGO NAS DON GYIS GO BAS BDAG LA SOGS PA MA BYAS PA YANG YOD PA MA YIN PA NYID DU 'GYUR RO, ,DE NYID BSTAN PA'I PHYIR BSHAD PA, MI RTAG BYAS PAR MTHONG GYUR NAS, ,MA BYAS GAL TE RTAG NA NI, ,BYAS LA YOD PA NYID MTHONG NAS, ,RTAG PA YOD NYID MIN PAR 'GYUR, ,YOD PA MA YIN PA NI RTAG PA NYID DU RIGS PA YANG MA YIN PAS DNGOS PO RTAG PA YOD PA NYID MA YIN PA NYID DE, NAM MKHA'I ME TOG BZHIN NO, ,CI STE CHOS MNGON BA'I BSTAN BCOS LAS 'DOM PA NAM MKHA' DANG SO SOR BRTAGS PA'I 'GOG PA DANG SO SOR BRTAGS PA MA YIN PA'I 'GOG PA BYAS PAR MA GYUR PA RNAMS RTAG PA NYID DANG YOD PA NYID DU KHAS BLANGS PA'I PHYIR MA BYAS PA YOD PA MA YIN PA NYID DU STON PA LA KHAS BLANGS PAS GNOD PAR 'GYUR RO SNYAM NA DE YANG YOD PA MA YIN TE, GANG GI PHYIR, NAM MKHA' LA SOGS RTAG GO ZHES, ,SO SO'I SKYE BO DAG GIS RTOG ,MKHAS PA RNAMS KYIS DE DAG LA, ,'JIG RTEN PAS KYANG DON MA MTHONG, ,GZUGS MED PA TZAM NYID LA NAM MKHAR THA SNYAD BTAGS KYI NAM MKHA' ZHES BYA BA DNGOS PO'I NGO BO NI CUNG ZAD KYANG YOD PA MA YIN NO, ,GZUGS GZHAN MED PAS GZUGS CAN RNAMS 'BYUNG BA LA GEGS MED PA'I PHYIR GZUGS GZHAN MED PA NYID DE LA, DNGOS PO RNAMS LA 'DI'I NANG DU CHES SNANG BAS NA NAM MKHA'O ZHES BYA BAR BRJOD DO, ,DE'I PHYIR DNGOS POR MA GYUR ZHING CI YANG MA YIN PA DE LA MING TZAM NYE BAR BSTAN PAS RNAM PAR RMONGS PA RNAMS KYIS DNGOS PO YOD PA NYID DU SGRO BTAGS PA GANG YIN PA DE NI TSAD MA MA YIN NO, ,'DI LTAR DNGOS PO'I RANG BZHIN LA MKHAS PA RNAMS KYIS NI NAM MKHA'I MING SBYOR BA NA JI LTAR SA LA SOGS PA'I BRJOD PA DAG LA SRA BA LA SOGS PA LTAR @149A *, ,'JIG RTEN PA'I SHES PAS KYANG RANG GI NGO BOS BRJOD PAR BYA BA CUNG ZAD KYANG MI DMIGS NA, DNGOS PO'I RANG BZHIN MKHYEN PA LA GNAS SHING PHYI NANG GI BDAG NYID CAN GYI DNGOS POR DMIGS PA MI MNGA' BA RNAMS KYIS DE'I RANG GI NGO BO DMIGS PAR 'GYUR BA LTA CI SMOS, DE BZHIN DU 'GOG PA GZHAN GNYIS LA YANG BRJOD PAR BYA'O, ,RTAG PA NYID NI DE RNAMS CI YANG MA YIN PA NYID KYIS GZHAN DU 'GYUR PA MED PA TZAM GSAL BAR BYED PA YIN GYI, BSGRUB PA GTZO BOR GYUR PA NI MA YIN NO, , DE'I PHYIR NAM MKHA' LA SOGS PA RNAMS LA RTAG PA NYID MED DO, ,'DIR SMRAS PA, NAM MKHA' NI RTAG PA KHO NA STE, KHYAB PA NYID YIN PA'I PHYIR RO, ,GANG MI RTAG PA DE NI KHYAB PA MA YIN TE, DPER NA BUM PA BZHIN NO, ,'DI LA BSHAD PAR BYA STE, MA SKYES PA 'DI YOD PA MA YIN PA NYID DU BSTAN PAS DON GYIS DE'I RTEN CAN BRTEN PAS THAMS CAD MI SRID PA DE YANG BSTAN PA YIN MOD KYI, DE LTA NA YANG PHA ROL PO'I LUGS LA GRAGS PA'I DNGOS PO RANG GI NGO BO KHYAD PAR BSAL BA'I SGO NAS DE'I LUGS MI RIGS PA NYID DU BRJOD PAR 'DOD PAS NAM MKHA'I KHYAB PA NYID BKAG PAS RTAG PA NYID BSAL BAR 'DOD NAS BSHAD PA, PHYOGS ZHES BYA BA PHYOGS CAN NI, ,KUN LA GNAS PA MA YIN TE, ,DE PHYIR PHYOGS CAN LA PHYOGS NI, ,GZHAN LA SHIN TU GSAL BAR YOD, ,NAM MKHA' NI NAM MKHA'I CHA SHAS GANG DAG YIN PA DE DAG GI CHA SHAS CAN DU 'GYUR LA, DER BUM PA LA SBYOR BA'I PHYOGS GANG YIN PA DE NI DE LAS GZHAN PA'I DNGOS PO LA SBYOR BA'I PHYOGS LA MI GNAS SO, ,GAL TE GNAS NA NI DE'I TSE DE DANG YUL THA MI DAD PA'I PHYIR BUM PA YANG THAMS CAD NA YOD PA NYID DU 'GYUR NA, DE YANG YOD PA MA YIN PAS 'DI NI MI RIGS SO, ,GZHAN YANG GAL TE PHYOGS KYANG THAMS CAD DU GNAS NA NI, DE YANG KHYAB PA YIN PA'I PHYIR PHYOGS CAN BZHIN DU PHYOGS KYI MING LA BRTEN PAR MI 'GYUR LA PHYOGS MED PA'I PHYIR @149B PHYOGS CAN YANG MED PAR 'GYUR RO, ,CI STE NYES PA 'DI SPANG BAR 'DOD NAS PHYOGS ZHES BYA BA PHYOGS CAN THAMS CAD LA GNAS PA MA YIN NO ZHES BYA BA 'DOD NA NI DE'I TSE GDON MI ZA BAR PHYOGS CAN LA PHYOGS GZHAN YANG SHIN TU GSAL BAR YOD CES BYA BAR KHAS BLANG BAR BYA'O, , DE'I PHYIR THAMS CAD NA YOD PA MA YIN PA'I PHYOGS DANG LDAN PA'I PHYOGS CAN NAM MKHA' LA NI BUM PA LTAR KHYAB PA NYID 'GAL BAR 'GYUR RO, ,PHAN TSUN THA DAD PA'I PHYOGS TZAM LAS THA DAD PAR PHYOGS CAN ZHES BYA BA 'GA' ZHIG DMIGS PA YANG MA YIN PAS YOD PA MA GRUB PA CAN 'DI RTAG PA NYID DU GA LA 'GYUR TE DE'I PHYIR NAM MKHA' RTAG PA MA YIN NO, ,CI STE YANG CHA SHAS MED PA'I PHYIR 'DI PHYOGS CAN NYID DU KHAS MI LEN NA DE LTA YIN NA NI DES BUM PA LA SOGS PA RNAMS LA SBYOR BAR YANG MI 'GYUR BA MA YIN NAM, DE RNAMS LA NYE BAR SBYOR BA DE NI BDAG NYID THAMS CAD KYIS 'GYUR RAM PHYOGS GCIG GIS YIN GRANG NA, DE LA RE ZHIG BDAG NYID THAMS CAD KYIS NI MA YIN TE, BUM PA LA SOGS PA RNAMS KYANG RE RE ZHING THAMS CAD NA YOD PA NYID DU THAL BAR 'GYUR BA'I PHYIR RO, ,DE'I PHYIR BUM PA LA SOGS PA RNAMS PHYOGS DANG SBYOR BAR GDON MI ZA BAR KHAS BLANG BAR BYA LA, DE LTAR KHAS MI LEN PA LA YANG GDON MI ZA BAR JI SKAD BSHAD PA'I NYES PAR 'GYUR RO, ,DE'I PHYIR NAM MKHA' RTAG PA MA YIN NO, ,JI SKAD DU BCOM LDAN 'DAS KYIS 'OD SRUNGS RTAG CES BYA BA 'DI NI MTHA' GCIG GO; ,MI RTAG CES BYA BA 'DI NI MTHA' GNYIS PA'O, ,GANG MTHA' 'DI GNYIS KYI BAR DE NI GZUGS MED PA BSTAN DU MED PA, MI GNAS PA, SNANG BA MED PA, RNAM PAR RIG PA MA YIN PA GNAS MED PA STE, 'OD SRUNGS 'DI NI DBU MA'I LAM CHOS RNAMS KYI ZHES BYA BA DANG; DE BZHIN DU 'PHAGS PA GSANG BA BSAM GYIS MI KHYAB PA BSTAN PA'I MDO LAS ZHI BA'I BLO GROS 'DI LTA STE, DPER NA NAM MKHA' NI SUS KYANG RTAG PA'AM MI RTAG PAR BRJOD PAR BYA BA MA YIN TE, ZHI BA'I BLO GROS DE BZHIN DU DE BZHIN GSHEGS PA'I SKU YANG SUS KYANG @150A *, ,RTAG PA DANG MI RTAG PAR BRJOD PAR BYA BA MA YIN NO ZHES BYA BA GSUNGS SO, ,DUS SMRA BA NI, 'GRO BA 'JUG PA DANG SDUD PA DUS KYIS BYAS PA NYID DMIGS NAS DUS SRID PAR RJES SU DPAG STE, 'DI LTAR SA BON LA SOGS RKYEN RNAMS YOD KYANG THAMS CAD KYI TSE MYU GU LA SOGS PA SKYE BA MA DMIGS LA CI STE 'GA' ZHIG GI TSE DMIGS SHING DE GNAS PA DANG 'GAL BA'I DUS NYE NA YANG LDOG PAR 'GYUR RO, ,DE'I PHYIR DE LTAR, GANG ZHIG YOD NA DNGOS PO LA, ,'JUG DANG LDOG PA'ANG DMIGS PAR 'GYUR, ,DUS ZHES BYA BA DANG DE LTAR RJES SU DPAG PA DE NI YOD LA, DE NI YOD KYANG RGYU MI DMIGS PA'I PHYIR RTAG PA NYID DO SNYAM DU SEMS SO, ,DE LTA YIN NA NI MYU GU LA SOGS PA SKYE BA DE LA RAG LAS PA RNAMS RTAG TU SKYE BAR 'GYUR RO, ,CI STE DE YOD KYANG RES 'GA' BYA BA BYED PA DAG LA BYA BA LOG PA NYID DU RTOG NA, DE LTA NA YANG DE NYID KYIS DE MED PA NYID DU DPOG PAR BYED PAR 'GYUR RO, ,CI STE YOD KYANG SA BON LA SOGS PA BZHIN DU 'BRAS BU 'JUG PA LA RUNG BA'I BDAG NYID KYI KHYAD PAR LA MNGON DU MA PHYOGS PA'I NGO BO YIN PA'I PHYIR THAMS CAD KYI TSE 'BRAS BU YOD PA MA YIN NO ZHE NA, DE LTA NA YANG SA BON LA SOGS PA RNAMS LTAR DE'I RUNG BA'I BDAG NYID KYI KHYAD PAR DE RES 'GA' BA NYID YIN PA'I PHYIR MI RTAG PAR 'GYUR BA LA, DE YANG CI'I PHYIR THAMS CAD KYI TSE MI 'DOD, CI STE RKYEN GZHAN LA RAG LAS PA DE NI MI NYEN THAMS CAD KYI TSE YOD PA MA YIN NO SNYAM DU SEMS NA, DE LTA NA YANG RKYEN YOD NA YOD PA'I PHYIR DANG, MED NA MED PA'I PHYIR DANG, BYUNG NAS KYANG SLAR MED PA'I PHYIR NGES PAR, DE NI GZHAN GYI DBANG 'GYUR TE, DE'I 'JUG PA DANG LDOG PA GANG LA RAG LAS PA DE LA RAG LAS PA'I PHYIR DE GZHAN LA RAG LA SA PAR 'GYUR RO, ,DE'I PHYIR MYU GU LA SOGS PA LTAR 'BRAS BU NYID LAS MI 'DA'O, ,ZHES BSTAN PA'I PHYIR, DES NA 'BRAS BUR YANG 'GYUR RO ZHES BYA BA SMOS TE, 'BRAS BUR GYUR PA NI MYU GU LA SOGS PA BZHIN DU MI RTAG PA KHO NAR 'GYUR RO, ,DE'I PHYIR DUS DE LA RTAG PA NYID BSAL BA'I SGO @150B NAS DNGOS POR YOD PA SEL BA YIN GYI, RNAM PA THAMS CAD DU DUS MED PAR STON PA MA YIN TE, DE LHAN CIG BYED PA'I RGYU NYID DU 'DOD PA'I PHYIR TE, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES TSIGS SU BCAD DE 'BYUNG BA'I PHYIR, DUS LA BRTEN NAS BRTAGS PA'I DON MNGON PAR MA SHES PA NYID KYIS MING TZAM LA RNAM PAR RMONGS SHING, DUS KYIS 'BYUNG BA SMIN PAR BYED, ,DUS KYIS SKYE DGU SDUD PAR BYED, ,DUS KYIS GNYID LOGS DPAR BYED; ,DUS LAS 'DA' BAR SHIN TU DKA', ,ZHES SMRA BA KHA CIG DAG GIS DUS RTAG PAR RTOGS PA DE DAG 'DIR 'GOG PAR BYED DE, DNGOS PO RNAMS LA BRTEN NAS DUS SU BRTAGS NA KHYIM LTAR BRTAGS PAR YOD PA LAS MI 'DA'O, ,GZHAN YANG DUS RGYUR SMRA BAS 'GRO BA 'JUG PA LA DUS RGYU'I DNGOS POR RTOG PA NI DON GYIS 'BRAS BU NYID DU KHAS BLANGS PAR 'GYUR RO, ,JI LTAR BYAS NAS SHE NA, GANG GI PHYIR, ,'BRAS BU MED PAR RGYU LA NI, ,RGYU NYID YOD PA MA YIN TE, ,DE YI PHYIR NA RGYU'O COG ,'BRAS BU NYID DU THAL BAR 'GYUR, , CI YANG MI BYED PA LA RGYU NYID MI SRID PA'I PHYIR 'DIR RGYU ZHES BYA BA'I DNGOS PO RANG BZHIN GYIS CI YANG YOD PA MA YIN PAS DON 'BRAS BUR 'BYUNG BA'I RGYU CAN GYI RGYU NYID DU 'GYUR BA NA JI LTAR RANG GI 'BRAS BU NYID DU MI 'GYUR, 'BRAS BU NYID YIN NA YANG MYU GU LA SOGS PA LTAR 'DI RTAG PA NYID DU LTA GA LA 'GYUR, DE'I PHYIR DE LTAR NA RGYU DANG 'BRAS BU DNGOS PO RNAM PAR GNAS PA MED PA'I PHYIR GNYI GA LA YANG RANG GI NGO BOS GRUB PA YOD PA MA YIN NO, ,CI STE 'BRAS BU ZHES BYA BA NI RGYU BYUNG NAS 'BYUNG BA YIN TE, 'DI LTAR SA BON YOD NA MYU GU 'BYUNG GI MYU GU YOD NA SA BON NI MA YIN TE, DE'I PHYIR RGYU LA 'BRAS BU NYID YOD PA MA YIN SNYAM NA 'DI YANG YOD PA MA YIN TE, GANG GI PHYIR SA BON GYI MING CAN GYI DNGOS PO GANG YIN PA DE MYU GU SKYE BA'I SNGA ROL DU YONGS SU RTOG PA NA RNAM PAR RTOG PA GZHAN GSUM PA MED PA'I PHYIR RGYUR @151A *, ,GYUR PA'AM RGYU MA YIN PAR GYUR BA ZHIG RTOG GRANG, DE LA RE ZHIG ME LA SOGS PA LTAR RGYU MA YIN PAR 'GYUR BA LAS NI 'DI SKYE BAR MI RIGS SO, ,RGYU NYID KYANG 'BRAS BU SKYES PAS MTSON PA ZHIG STE, DES NA 'BRAS BU SKYE BA'I SNGA ROL DU SRID DO, ,CI STE 'BRAS BU SKYE BA'I BYA BA'I RJES SU 'GRO BA MED PAR YANG CUNG ZAD ZHIG 'BRAS BU NYID DU RTOGS NA NI DE'I TSE THAMS CAD THAMS CAD KYI 'BRAS BU NYID DU 'GYUR NA NI 'DI NI DE LTAR YANG MA YIN TE, DE'I PHYIR RGYU MED PA CAN NYID DU THAL BA'I PHYIR RGYU NI 'BRAS BU SKYE BA LA MA LTOS PAR RANG LAS GRUB PA YOD PA MA YIN NO, ,DE YI PHYIR NA RGYU'O COG ,'BRAS BU NYID DU THAL BAR 'GYUR, ,ZHES BYA BA KHA NA MA THO BA MED DO, ,GAL TE DUS SMRA BA RNAMS KYI LTAR NA DUS 'DI 'GRO BA SNA TSOGS KYI RGYUR 'GYUR NA NI DE'I TSE DES, NGES PAR SNGAR GYI GNAS SKABS LAS THA DAD PA'I NGO BO CAN GYI RNAM PAR 'GYUR BA 'BRAS BU SKYE BA LA PHAN 'DOGS PA NYID DU 'GYUR BAR BYA DGOS TE, 'DI LTAR 'JIG RTEN NA, RGYU NI RNAM PAR 'GYUR BA NA, ,GZHAN GYI RGYU RU 'GYUR BA STE, ,GANG GIS BYED PA DE NI RGYU'O ZHES BYA BAS MTHAR DON GANG GI RJES SU BYED PA'I 'BRAS BU 'BYUNG BAR 'GYUR BA SA BON GYI NGO BOR GYUR PA'I SKYED PAR BYED PA KHO NA 'DIR RGYUR BRJOD PAR 'DOD LA, SA LA SOGS PA RNAMS KYI RGYU NYID GANG YIN PA DE NI RTZA BA'I RGYU'I RANG GI 'BRAS BU SKYE BA DANG RJES SU MTHUN PA'I GNAS SKABS SGRUB PA LA YAN LAG GI NGO BOR NYE BAR 'GRO BA LAS YIN NO, ,SA BON ZHES BYA BA RTZA BA'I RGYU GANG YIN PA DE NI RANG NYID RNAM PAR 'GYUR BAR GYUR PA NA MYU GU'I RGYU NYID DU 'GYUR TE, SNGAR GYI GNAS SKABS MA BTANG BAR NI MA YIN NO, ,DE LTAR GAL TE 'GRO BA SNA TSOGS PA DUS KYIS BYAS PAR 'GYUR NA NI DE'I TSE DUS KYANG NGES PAR 'BRAS BU BSKYED PA LA THAG RING BAR GNAS PA'I GNAS SKABS SNGA MA SPONG ZHING RNAM PAR 'GYUR BA'I GNAS SKABS 'BRAS BU 'BYUNG BA DANG MTHUN PAR 'GYUR BAR BYA DGOS PA DE'I PHYIR SA BON LTAR MI RTAG PA NYID DO ZHES BSHAD PA NI, GANG LA RNAM @151B PAR 'GYUR YOD PA, ,DE NI RTAG CES BYAR YOD MIN, ,ZHES BYA BA'O, ,CI STE MI 'GYUR NA NI DE'I TSE 'DI'I RGYU'I DNGOS POR YONGS SU RTOG PA DON MED PA 'BA' ZHIG TU MA ZAD KYI, DE'I RGYU CAN DU 'DOD PA'I 'BRAS BU YANG RGYU MED PA CAN DU SKYE BAR 'GYUR RO ZHES BSHAD PA, RTAG PA GANG GI RGYU YIN PA'I, ,DNGOS DE MA BYUNG BA LAS SKYE, ,SA BON RNAM PAR 'GYUR BA LAS SKYES PA'I MYU GU NI SA BON LAS GZHAN NYID DU MI SRID PA'I PHYIR DANG, SA BON GYI RJES SU BYED PA'I PHYIR DANG, LHAN CIG MI GNAS PA'I PHYIR GZHAN NYID SKYES SO SNYAM DU BSAM PAR MI BYA STE, MI 'DRA BA LHAN CIG GNAS PA RNAMS LA RGYU NYID MI SRID PA'I PHYIR RO, ,'DI NI 'GRO BA SNA TSOGS MI RTAG PA NYID KYI PHYIR DANG, DUS RTAG PA'I PHYIR RGYU LA 'BRAS BU LAS GZHAN NYID YOD DO, ,DE NYID KYI PHYIR MI 'DRA BA DANG LHAN CIG GNAS PA YANG YOD DE, 'BRAS BU SKYES KYANG DUS RNAM PAR MI 'GYUR BA'I PHYIR RO, ,DE'I PHYIR 'BRAS BU GANG ZHIG DUS LAS SKYES PA DE NI MA BYUNG BA LAS BYUNG BA ZHIG STE, RGYU DANG RKYEN LA LTOS PA MED PAR 'GYUR ZHING RANG NYID 'BYUNG NGO ZHES BYA BA'I DON TO, ,RGYU DANG RKYEN LA RAG LAS TE 'BYUNG BA'I 'BRAS BU NI MA BYUNG BA LAS 'BYUNG NGO ZHES BYA BAR MI RIGS TE, DE LA BDAG NYID THAMS CAD KYIS MA BYUNG BA LAS BYUNG BA MED PA'I PHYIR RO, ,GANG LA BDAG NYID THAMS CAD KYIS YOD PA MI SRID PA DE NI BONG BU'I RVA LA SOGS PA BZHIN DU RGYU DANG RKYEN DAG GIS BSKYED PAR MI NUS SO, ,DE'I PHYIR RGYU'I CHOS LAS 'DAS PA'I RTAG PA DNGOS PO GANG GI RGYUR 'DOD PA'I DNGOS PO DE MA BYUNG BA LAS SKYES PA 'DI NI RGYU MED PA CAN KHO NAR SKYE STE RANG NYID KHO NA 'BYUNG NGO ZHES BYA BA'I DON TO, ,DA LTAR YIN DANG, YANG 'DI LA RGYU YONGS SU RTOG PA DON MED PAS CI ZHIG BYA ZHES BSHAD PA, RANG NYID 'BYUNG BAR GYUR DE LA, ,RGYU NI LOG PAR 'GYUR BA STE, ,RANG NYID GRUB PA'I PHYIR 'GRO BA 'DI LA RGYU DUS ZHES BYA BA DGOS PA MED PAR 'GYUR TE, DE'I PHYIR RGYU'I RGYU NYID MI RUNG NGO, ,'DI LAS KYANG MI RUNG STE, 'DI LTAR, DNGOS PO RTAG PA LAS SKYES PA, ,JI LTA BUR NA MI RTAG 'GYUR, ,'JIG @152A *, ,RTEN NA NI SA BON MI RTAG PA KHO NA LA 'BRAS BU MYU GU ZHES BYA BA MI RTAG PA 'BYUNG BAR GRAGS KYI, RTAG PA 'GA' ZHIG LAS MI RTAG PA CUNG ZAD CIG 'BYUNG NGO ZHES BYA BAR NI MA YIN NA, DUS NI RTAG LA DE'I 'BRAS BU NI MI RTAG PAS JI LTAR DE GRUB PAR 'GYUR, 'DI LTAR KYANG MI RUNG STE 'JIG RTEN DU, NAM YANG RGYU DANG 'BRAS BU GNYIS, ,MTSAN NYID MI MTHUN MTHONG MA YIN, ,RGYU NI RTAG LA 'BRAS BU NI MI RTAG GO ZHES DE LTAR MTSAN NYID MI 'DRA BA NI 'JIG RTEN NA NAM YANG MA MTHONG BAS DUS LA RGYU NYID MED DO, ,GAL TE YANG BA LANG GI SPU DANG LUG GI BA LA GNYIS LAS RTZA D'UR BA DANG RVA LAS 'DAM BU DANG 'DAM LAS PADMA SKYE BA LA SOGS PA MTHONG BA MA YIN NAM ZHE NA, DE YANG MI RTAG PA RNAMS KHO NAR RANG NYID RNAM PAR 'GYUR BA NYE BAR 'GRO BAS RGYU NYID DU KHAMS BLANGS PA'I PHYIR MTSAN NYID MI MTHUN PA MED DE; DER RGYU DANG 'BRAS BU DAG GNYI GAR YANG MED PA'I PHYIR TE, MI RTAG PA NYID KYI PHYIR RO, ,GDON MI ZA BAR THAMS CAD LA MTHA' DE DANG 'DRA BA'I 'BRAS BU MNGON BAR GRUB PA SRID PA YANG MA YIN TE, 'BRAS BU YANG LAS SNA TSOGS KYI RJES SU BYED PA NYID KYI PHYIR RO, ,NOR BU CHU SHEL DANG ME SHEL DAG LAS KYANG SNGAR GYI GNAS SKABS LAS KHYAD PAR DU 'PHAGS PA'I BDAG NYID KYI KHYAD PAR SKYES PAR GYUR NA RNAM PA DE LTA BU'I RNAM PAR 'GYUR BA SRID PA'I PHYIR CHU DANG ME 'BYUNG BA LAS 'GAL BA MED DO, ,DE'I PHYIR DE LTAR DUS SMRA BA BKAG PA YIN DANG, RDUL PHRA RAB SMRA BA NI SA LA SOGS PA'I RDUL PHRA RAB RTAG CING MA MTHONG BAS BSKUL BA YON TAN DANG LDAN PA'I GROGS CAN RDUL PHRA RAB GNYIS PA LA SOGS PA'I RIM GYIS YAN LAG CAN GYI RDZAS RTZOM PAR BYED PA RNAMS KYIS 'GRO BA SNA TSOGS SKYED PAR BYED DO SNYAM DU SEMS SO, ,DE'I LUGS KYANG MI RIGS PA NYID DU BRJOD PA'I PHYIR BSHAD PA, GANG GI PHYOGS 'GA' RGYU YIN ZHING, ,PHYOGS 'GA' RGYU MA YIN DES NA, ,DE NI SNA TSOGS 'GYUR NA GO, ,SNA TSOGS RTAG PAR MI RIGS SO, ,YAN LAG CAN THAMS CAD RDUL PHRA RAB TZAM DU THAL BA SPANG BAR 'DOD PAS @152B RGYU LA YOD PA'I ZLUM PO NYID KYANG YIN PA DE 'BRAS BU LA YOD PA MA YIN NO ZHES BYA BAR GDON MI ZA BAR KHAS BLANG BAR BYA'O, ,GANG GI PHYIR 'DI DE LTAR YIN PA DES NA RDUL PHRA RAB RNAMS LA BDAG NYID THAMS CAD KYIS SBYOR BAR MI 'THAD DO, ,GANG GI TSE RDUL PHRA RAB RNAMS LA BDAG NYID THAMS CAD KYIS SBYOR BA YOD PA MA YIN PA DE'I TSE DE'I CHA GANG GIS RDUL PHRA RAB GZHAN DANG SBYOR BA'I CHA DE RGYU YIN ZHING, GANG GIS MI SBYOR BA DE RGYU MA YIN NO, ,DE LTAR NA NI GANG GI PHYOGS 'GA' RGYU YIN ZHING, PHYOGS 'GA' RGYU MA YIN PA DE NI DU MA'I NGO BO YIN PA'I PHYIR SNA TSOGS PA ZHIG GO, ,DE'I PHYIR RI MO BZHIN RTAG PA MA YIN NO ZHES BSTAN PA'I PHYIR BSHAD PA NI SNA TSOGS RTAG PAR MI RIGS SO ZHES BYA'O, ,CI STE RDUL PHRA RAB RNAMS LA CHA SHAS MED PA'I PHYIR PHYOGS DANG MI SBYOR BA KHO NA YIN GYI THAMS CAD BDAG NYID THAMS CAD KYIS SBYOR BAR NI 'GYUR TE, DE'I PHYIR PHRAD PA'I MTSAN NYID CAN LDAN PA YOD LA, PHYOGS DANG LDAN PA NYID KYANG MA YIN NO SNYAM NA, 'DI LA BSHAD PAR BYA STE, RGYU YI ZLUM PO GANG YIN PA, ,DE NI 'BRAS BU LA YOD MIN, ,DES NA BDAG NYID KUN SBYOR BA, , RDUL PHRAN RNAMS LA MI 'THAD DO, ,RGYU DANG ZLUM PO NYID DANG PHYOGS MED PA ZHES BYA BA NI RDUL PHRA RAB KYI RDZAS KYI MTSAN NYID DO, ,GAL TE RDUL PHRA RAB BDAG NYID THAMS CAD KYIS RDUL PHRA RAB GZHAN DANG SBYOR ZHING PHYOGS KYIS MA YIN NA NI DE'I TSE RGYU STE RDUL PHRA RAB LA YOD PA'I ZLUM PO GANG YIN PA DE 'BRAS BU RDUL PHRAN GNYIS PA LA SOGS PA LA YANG THAL BAR 'GYUR TE, DE'I PHYIR YAN LAG CAN THAMS CAD RDUL PHRA RAB TZAM NYID YIN PA'I PHYIR DBANG PO LAS 'DAS PA NYID DU 'GYUR NA, DE DAG NI RDUL PHRA RAB TZAM NYID MA YIN NO, ,DES NA RDUL PHRA RAB RNAMS BDAG NYID THAMS CAD KYIS SBYOR BAR MI 'THAD DO, ,YANG GANG GI TSE RDUL PHRA RAB GZHAN DANG BDAG NYID THAMS CAD KYIS MI SBYOR BA DE'I TSE, RDUL PHRAN GCIG GI GNAS GANG YIN, ,DE NI GZHAN GYI'ANG MI 'DOD, ,DE PHYIR RGYU DANG 'BRAS BU GNYIS, ,BONG @153A *, ,TSOD MNYAM PAR 'DOD MA YIN, ,DE'I PHYIR DE LTAR RDUL PHRA RAB GZHAN DANG BDAG NYID THAMS CAD KYI SBYOR BA MED PA'I PHYIR YAN LAG CAN GYI RDZAS RNAMS DBANG PO LAS 'DAS PA NYID DU MA GYUR MOD, RDUL PHRA RAB PHYOGS DANG LDAN PA NYID NI G-YO BA MED LA; PHYOGS DANG LDAN PA NYID KYI PHYIR YANG 'DI SNA TSOGS PA NYID YIN TE, DE'I PHYIR RTAG PA NYID MA YIN NO ZHES BYA BAR GNAS SO, ,'DIR 'BRAS BU'I RDZAS RTZOM PA'I DUS NA NYES PA 'DIR 'GYUR GYI, 'BRAS BU RTZOM PA'I SNGA ROL GYI GNAS SKABS SU NI RDUL PHRA RAB RNAMS LA CHA SHAS MED PA'I PHYIR JI SKAD SMRAS PA'I SKYON DU THAL BA MED DO ZHES SMRA'O, ,GNAS SKABS DER YANG SHAR LA SOGS PA'I PHYOGS CHA'I DBYE BA YOD DO, ,DE'I TSE NGES PAR, GANG LA SHAR GYI PHYOGS YOD PA, ,DE LA SHAR GYI CHA YANG YOD, ,DE'I PHYIR, 'DI PHYOGS DANG LDAN PA'I PHYIR BUM PA LA SOGS PA BZHIN DU RDUL PHRA RAB NYID DU MI 'GYUR RO ZHES BSHAD PA, GANG GI RDUL LA PHYOGS YOD PA, ,DES RDUL RDUL PHRAN MIN PAR BSNYAD, ,GAL TE RDUL PHRA RAB CHA SHAS MED PAR GYUR NA NI DE LA 'GRO BA MED PAS RDUL PHRA RAB GZHAN DANG SBYOR BA MED PA YIN DANG, YAN LAG CAN GYI RDZAS RTZOM PAR BYED PA NYID DU MI 'GYUR RO, ,'DI LTAR 'GRO BA'I DUS NA LUS DANG LDAN PA'I DON GYIS, MDUN GYIS LEN ZHING RGYAB KYIS NI, ,GTONG BAR 'GYUR NA DE DAG GNYIS, ,GANG LA YOD PA MA YIN LA, ,DE LA 'GRO POR YANG MI 'GYUR, ,LUS DANG LDAN ZHING 'GRO BA MNGON DU PHYOGS PA'I DON GYIS MDUN GYI PHYOGS KYIS SNGON PHYOGS GNON ZHING, RGYAB KYI PHYOGS KYIS RGYAB PHYOGS GTONG BA LAS 'GRO BA PO'I 'GRO BA NYID NYE BAR RTOGS PA ZHIG NA CHA MED PA'I PHYIR RDUL PHRA RAB GANG LA MDUN DANG RGYAB KYI YAN LAG GANG GIS LEN PA DANG GTONG BA NYID MED PA DE NI 'GRO BA POR YANG MI 'GYUR LA, DE MED PAS 'BRAS BU RTZOM PAR BYED PA NYID MED PA'I PHYIR RDUL PHRA RAB DNGOS PO YOD PAR SMRA BAR MI RIGS SO, ,'DIR SMRAS PA, GAL TE RDUL PHRA RAB MED NA NI 'DI RNAL 'BYOR PA RNAMS @153B KYIS DMIGS PAR MI 'GYUR BA ZHIG NA, 'DI NI RNAL 'BYOR PA RNAMS KYIS LHA'I MTHONG BAS DMIGS PA YANG YIN NO, ,DE'I PHYIR RDUL PHRA RTAG PA YOD DO, ,BSHAD PAR BYA STE, GANG LA DANG PO YOD MIN ZHING, ,GANG ZHIG LA DKYIL YOD MIN NA, ,GANG LA THA MA YOD MA YIN, ,MNGON MED DE NI GANG GIS MTHONG, ,CHA SHAS MED PA'I PHYIR RDUL PHRA RAB LA MDUN DANG BAR DANG RGYAB KYI CHA YOD PA MA YIN TE, DE'I PHYIR MNGON PA MED DE, MNGON PA NI GSAL BA DANG GZUNG BAR BYA BA NYID DANG, BLTA BAR BYA BA NYID CES BYA BA'I DON TE DE MED PA'I PHYIR MNGON PA MED DO, ,BLTA BAR BYA BA MA YIN PA NI SUS KYANG BLTA BAR BYA BAR NUS PA YANG MA YIN PA 'DI RNAL 'BYOR PA RNAMS KYIS DMIGS PAR 'OS PA MA YIN NO, ,DE'I PHYIR RDUL PHRA RAB RTAG PA MED DO, ,GANG DAG DE LTAR 'THAD PAS MTHONG BAR MI 'THAD PA BZHIN DU MTHONG NGO SNYAM DU SEMS SHING, ,RAB RIB CAN GYIS MTHONG BA YANG DAG PA MA YIN PA LAS MTHONG BA KHYAD PAR DU MA GYUR PA DE DAG NI NGES PAR LOG PAR NYE BAR BSTAN PAS 'JIG RTEN PHYIN CI LOG TU BYED PA DE DAG GI LUNG TSAD MA NYID DU BYED PA LAS RDUL PHRA RAB YOD PA NYID DU MI RIGS SO, , 'DIR SMRAS PA, RDUL PHRA RAB RNAMS NI RTAG PA KHO NA STE, RAGS PA BYUNG BA LAS SA BON GYI NGO BOR NYE BAR 'GRO BA'I PHYIR RO, ,GAL TE DE RNAMS MED NA NI RAGS PA RNAMS SA BON MED PAR 'BYUNG BAR 'GYUR RO, ,'DI LTAR GANG LAS BSKAL PA DANG POR RAGS PA RNAMS SLAR RAGS PA RNAMS 'BYUNG BAR GYUR PA 'JIG PA'I DUS NA YAN LAG CAN GYI RDZAS THAMS CAD 'THOR ZHING RDUL PHRA RAB TZAM ZHIG LUS PA NA RAGS PA RNAMS SRID PA YOD PA MA YIN NO, ,YANG GANG DAG GAL TE GNAS SKABS DER RAGS PA RNAMS BZHIN DU RDUL PHRA RAB RNAMS KYANG MED PAR 'GYUR NA NI DE'I TSE RAGS PA RNAMS RGYU MED PAR 'BYUNG BAR 'GYUR RO, ,DE'I YAN LAG CAN GYI RDZAS KYI RGYU RDUL PHRA RAB RNAMS YOD PA KHO NA YIN LA, DA RNAMS KYANG RTAG PA ZHIG STE, YOD LA RGYU DANG MI LDAN PA NYID KYI PHYIR RO, ,DE YANG MI RIGS TE, GANG @154A *, ,, GI PHYIR; 'BRAS BU YIS NI RGYU BSHIG PA, ,DES NA RGYU NI RTAG MA YIN, ,GAL TE RDUL PHRA RAB RNAMS NYID DU GYUR NA NI SA BON GYIS MYU GU BZHIN DU DE RNAMS RDUL PHRA RAB GNYIS LA SOGS PA YAN LAG CAN GYI RDZAS KYIS 'JIG PAR 'GYUR RO, , DE'I PHYIR 'BRAS BU DANG LHAN CIG MI GNAS PA'I PHYIR NA RDUL PHRA RAB RNAMS SA BON LTAR MI RTAG PAR 'GYUR RO, ,CI STE GANG LAS 'DI MI RTAG PA NYID DU 'GYUR BA 'BRAS BUS RGYU 'JIG PA NI MA YIN GYI, 'ON KYANG RGYU RANG GI RANG BZHIN MI GTONG ZHING 'BRAS BU DON GZHAN DU GYUR PA SKYED PAR BYED DO SNYAM DU SEMS NA DE LTAR YIN NA NI 'BRAS BU RGYU'I YUL LAS THA DAD PA'I PHYIR RIGS MI MTHUN PA DAG BZHIN DU YUL BYE BA'I RDUL PHRA RAB RNAMS RGYU'I DNGOS POR MI 'GYUR RO, ,DE NYID KHO NA ZOL THABS GZHAN GYI SGO NAS BSTAN PA'I PHYIR RO, ,YANG NA GANG NA RGYU YOD PA, , DE NA 'BRAS BU YOD MA YIN, ,ZHES BYA BA SMOS SO, ,GANG GI TSE DE LTAR RGYU NYID MI SRID PA DE'I TSE, RDUL PHRA RAB RTAG PAR BRTAGS PA DON MED PAS CI ZHIG DGOS TE, DE'I PHYIR RDUL PHRA RAB RTAG PA RNAMS MED DO, ,'DI LAS KYANG RDUL PHRA RAB RNAMS RTAG PA MA YIN TE, GANG GI PHYIR, THOGS LDAN DNGOS PO RTAG PA NI, ,GANG DU SNANG BA MA YIN TE, ,'DI NI RDUL PHRA RAB LA RDUL PHRA RAB GZHAN GYIS BDAG NYID THAMS CAD KYIS 'JUG PA MED PA'I PHYIR RDUL PHRA RAB THOGS PA DANG BCAS PA NYID YIN LA THOGS PA'I BUM PA NYID LA SOGS PA LTAR RTAG PA NYID DU YANG MI RIGS TE, DE'I PHYIR RDUL PHRA RAB RTAG PA NYI MED DO, ,GANG GI PHYIR RTAG PA NYID YOD PA MA YIN PA, ,DES NA NAM YANG SANGS RGYAS RNAMS, ,RDUL PHRAN RTAG PA NYID MI GSUNG, ,GANG ZHIG PHYIN CI MA LOG PAR GZIGS PA DES NI DON GANG ZHIG JI LTAR GNAS PA DE KHO NA LTAR NGES PAR BYA BA ZHIG GO, ,RDZAS BRGYAD KYI RDUL PHRA RAB MI RTAG PA YOD PA'I PHYIR DE YOD PA NYID YOD LA, DE YANG BRTAGS PAR YOD PA ZHIG STE, RDZAS BRGYAD LA BRTEN NAS BUM PA LTAR BRTAGS PA'I PHYIR RO, ,DE LA RDUL PHRA RAB KYI RDZAS BRGYAD GANG DAG YIN @154B PA DE DAG NI RE RE ZHING RDUL PHRA RAB KYI SGRAS BRJOD PAR BYA BA MA YIN TE, DE LA SO SO SO SOR RDUL PHRA RAB NYID MED PA'I PHYIR RO, ,DE'I PHYIR JI LTAR BYE BRAG PA RNAMS KYI LTAR BDE BAR GSHEGS PA RNAMS LA RDZAS KYI RDUL PHRA RAB CES BYA BA YOD PA MA YIN NO, ,DE'I PHYIR DE BZHIN GSHEGS PA RNAMS NAM YANG RDUL PHRA RAB RTAG PA NYID STON PAR MI MDZAD DE, RANG NYID KYIS DE LTAR MA GZIGS PA'I PHYIR RO, ,GANG DAG RIGS PA BCUG NAS RDZAS BRGYAD KYI RDUL PHRA RAB KYI YOD PA NYID SEL ZHING RNAM PAR SHES PA RTZAM NYID DU RTOGS PA DE DAG NI RE ZHIG 'JIG RTEN PA'I DNGOS PO 'JIG RTEN PA'I DON LA MKHAS PAS NYE BAR BSTAN PA SEL BA NA 'JIG RTEN DANG LUNG GI GNOD PA GNYIS SEL BAR BYED PA DE DAG GIS RDUL PHRA RAB YOD PA NYID BSAL BAR MI NUS SHING RDUL PHRA RAB LTAR RNAM PAR SHES PA'I YOD PA NYID 'THAD PA DANG 'GAL BA YANG GZHAG PAR MI NUS SO, ,'DI LTAR DE'I SKYE BA DANG GNAS PA DANG 'GAG PA RNAMS RIM GYIS DANG CIG CAR MED PA'I PHYIR MI 'JUG LA, SKYE BA LA SOGS PA DANG BRAL BA LA NI YOD PA NYID NI RIGS PA MA YIN NO, ,DE'I PHYIR 'JIG RTEN PA'I DNGOS PO RNAMS NI 'JIG RTEN LAS 'DAS PA LA YONGS SU MTHONG BA'I RNAM PAR DPYAD PA MA BCUG PAR 'JIG RTEN NA JI LTAR YIN PA DE LTAR KHAS BLANG BAR BYA ZHING, JI LTAR RNAM PAR SHES PA 'JIG RTEN PA YIN PA DE LTAR RDUL PHRA RAB KYANG YIN PAS 'DIS RIGS PA BCUG NAS RDUL PHRA RAB BSAL BAR MI NUS TE, DE'I RIGS PA LA 'JIG RTEN DANG LUNG GI GNOD PAS GNOD PA'I PHYIR RO, ,DE LTAR RDUL PHRA RAB TU SMRA BA BKAG PA DANG YANG RANG GI SDE PA 'DUS MA BYAS MING TZAM NYID DU MI RTOGS SHING MYA NGAN LAS 'DAS PA RDZAS SU YOD PA RTAG PA NYID DU RTOGS PAR 'GYUR BA KHA CIG DAG SANGS RGYAS RNAMS RDUL PHRA RAB DAG RTAG PA NYID DU MI GSUNG BA 'DI NI BDEN MOD KYI, GANG ZHIG RTAG PA NYID DU GSUNGS PA DE NI RTAG PAR GYUR CING YOD PA YIN TE, JI SKAD DU BCOM LDAN 'DAS KYIS DGE SLONG DAG MA SKYES PA DANG MA BYUNG BA DANG @155A *, ,'DUS MA BYAS PA DE NI YOD DO ZHES GSUNGS LA, CHOS 'DUS MA BYAS PA RNAMS NI RTAG GO ZHES KYANG GSUNGS SO, ,DE'I PHYIR MYA NGAN LAS 'DAS PA RTAG CING LAM GYI BDEN PAS 'THOB PAR BYA BA RTAG CING 'BYUNG BAR 'GYUR BA'I NYON MONGS PA DANG SKYE BA GNYIS SKYE BA LA CHU 'GOG PA'I CHU LON LTAR GTAN DU GEGS SU GYUR PA ZHIG YOD DO, ,GAL TE DE RTAG PAR MA GYUR NA NI DE'I TSE NYON MONGS PA DANG SKYE BA DAG SKYE BA LA GEGS BYED PA'I DON MED PA'I PHYIR DE DAG SKYE BAR 'GYUR BA ZHIG NA, DE LTAR YANG MA YIN NO, , DE'I PHYIR MYA NGAN LAS 'DAS PA ZHES BYA BA RTAG PA DE YOD DO, ,GAL TE DE YOD PAR MA GYUR NA NI SDUG BSNGAL DANG KUN 'BYUNG GI BDEN PA'I MJUG THOGS SU 'PHAGS PA'I BDEN PA GSUM PA ZHES BYA BAR STON PAR YANG MI 'GYUR BA ZHIG NA NYE BAR BSTAN PA YANG YIN TE, DE'I PHYIR DE YOD DO ZHE'O, ,'DI LA BSHAD PAR BYA STE, 'CHING DANG BCING DANG THABS LAS GZHAN, THAR PA GAL TE YOD NA NI, ,DE LAS CI YANG MI 'BYUNG STE, ,DES NA DE THAR ZHES MI BRJOD, ,DE LA 'CHING BA NI KUN 'BYUNG GI BDEN PA'O, ,'CHING BAR BYA BA LA RANG DBANG MED PAR BYED PAS 'CHING BAR 'GYUR BA NYID KYI PHYIR RO, ,BCING BA NI SDUG BSNGAL GYI BDEN PA STE, NYONG MONGS PA'I GZHAN GYI DBANG YIN PA'I PHYIR RO, ,DE LDOG PA'I THABS NI LAM GYI BDEN PA STE, DES NYON MONGS PA LDOG PAR BYED PA'I PHYIR RO, ,'CHING BA DANG BCING BAR BYA BA MED PAR NI 'CHING BA'I BYA BA MI SRID PAS 'CHING BA DANG BCING BAR BYA BA DAG GI YOD PA NYID NI DE YOD PA'I RGYU CAN YIN NO, ,DE BZHIN DU BZLOG PAR BYA BA DANG ZLOG PAR BYED PA MED PAR NI ZLOG PA YOD PAR MI 'GYUR ZHING DE YOD PA LAS BZLOG PAR BYA BA DANG, ZLOG PAR BYED PA GNYIS YOD PA NYID DO, ,DE LA BZLOG PAR BYA BA NI KUN NAS NYON MONGS PA YIN LA, ZLOG PAR BYED PA NI LAM STE, MUN PA LA SGRON MA BZHIN NO, ,JI LTAR BDEN PA GSUM PO 'DI KUN NAS NYON MONGS PA DANG DE LAS LDOG PA LAS DPAGS PA'I YOD @155B PA NYID YIN PA DE LTAR NYON MONGS PA ZAD PA'I MTSAN NYID CAN GYI THAR PA NI MA YIN NO, ,GANG GI PHYIR DE LAS CUNG ZAD KYANG 'BYUNG BA MED DO, ,'CHING BA DANG THAR PA GNYIS CHAR LA YANG YAN LAG GI NGO BOR NYE BAR MA SON PA'I PHYIR RO, ,GAL TE 'DI 'GA' ZHIG TU NYE BAR SBYOR BA NYID DU 'GYUR NA NI DE'I TSE 'DI 'BRAS BU DES SPANGS PA'I YOD PA NYID DU 'GYUR NA, 'DI NI DE LTAR YOD MA YIN TE, DE'I PHYIR 'DI LA YOD PA NYID MED DO, ,CI STE THAR PA GROL BA'O SNYAM NA, DE LTAR NA YANG 'DI GROL BAR GYUR PA LAS DON GZHAN MA YIN TE, DE LTAR MA YIN NA DE DE DANG 'BREL PA MED PA NYID DANG, CI YANG MI BYED PA NYID DU 'GYUR RO, ,DE'I PHYIR 'DI THAR PAR BRJOD PAR MI RIGS TE, DES NA DE THAR ZHES MI BRJOD, ,GROL BA'I BYA BA NI GANG ZHIG 'CHING BA BCAD PAS BCING BAR BYA BA LAS GROL BA NYID BDEN PA DNGOS PO GROL BA ZHIN PA BYA BA DANG LDAN PA NYID YIN LA, DE YANG DE NYID DANG GZHAN NYID DU BRTAG PA DANG BRAL BA NA DON GZHAN DU MA GYUR PA YIN NA, THAR PA NI DON GZHAN DU GYUR PA ZHIG YIN PA 'DI YOD PA NYID DU MI RIGS SO, ,DE'I PHYIR NYON MONGS PA DANG SKYE BA MI 'BYUNG BA DE BYAS SO ZHES BYA BAR BRTAG PAR MI RIGS SO, ,DNGOS PO RGYU DANG RKYEN GYI TSOGS PA LAS 'BYUNG BA RNAMS NI DE MED PA'I PHYIR SA BON TSIG PA LAS MYU GU LA SOGS PA LTAR NAM YANG SKYE BAR MI 'GYUR TE, DE'I PHYIR DE'I DON DU DON GZHAN BRTAG PA CHES MI LEGS SO, ,BDEN PA GSUM PA'I SGRA BRJOD PAR BYA BA NYID KYANG MI 'GAL TE, NYON MONGS PA DANG SKYE BA GNYIS SLAR MI 'BYUNG BA TZAM ZHIG BDEN PA GSUM PA'I SGRA'I BRJOD PAR BYA BA YIN PA'I PHYIR RO, ,DNGOS PO MED PAR GYUR PA LA GRANGS KYIS YONGS SU BGRANG BA YOD PA MA YIN PA YANG MA YIN TE, BCOM LDAN 'DAS KYIS DGE SLONG DAG LNGA PO 'DI DAG NI MING TZAM STE, KHAS 'CHES PA TZAM THA SNYAD TZAM KUN RDZOB TZAM STE, 'DI LTA STE, 'DAS PA'I DUS DANG, MA 'ONGS PA'I DUS DANG, NAM MKHA' DANG MYA NGAN LAS 'DAS PA DANG, GANG ZAG GO ZHES BYA BA DE LTA BU LA SOGS PA GSUNGS PA'I PHYIR RO,, @156A *, ,GZHAN DAG NI, 'CHING DANG BCING DANG THABS LAS GZHAN, ,THAR PA GAL TE YOD NA NI, ,DE LAS CI YANG MI 'BYUNG STE, ,DES NA DE THAR MI BRJOD DO, ,ZHES BYA BA LA GTAN TSIGS DE LAS THAR PA ZHES BYA BA CUNG ZAD KYANG MI SKE STE 'CHING BA LA SOGS PA GSUM LAS RNAM PAR GROL BA'I PHYIR BRJOD DU MED PA BZHIN NO, ,DES NA RANG BZHIN LOG PAS DE LA 'GA' ZHIG GIS KYANG THAR PA ZHES MI BRJOD DO, ,DAM MI 'CHA'O ZHES BYA BA'I DON TO ZHES 'CHAD DO, ,GZHAN YANG BCOM LDAN 'DAS KYIS 'DI SKAD DU, GANG SDUG BSNGAL 'DI MA LUS PAR RAB TU SPANGS SHING, SPANGS PA BSAL BA, ZAD PA 'DOD CHAGS DANG BRAL BA 'GAG PA NYE BAR ZHI BA, NUB PA SDUG BSNGAL GZHAN YANG NYING MTSAMS MI SBYOR BA DANG, NYE BAR MI LEN PA 'DI NI ZHI BA, GYA NOM PA STE, 'DI LTA STE, PHUNG PO KUN SPANGS PA, SRED PA ZAD PA 'DOD CHAGS DANG BRAL BA, 'GOG PA MYA NGAN LAS 'DAS PA'O ZHES GSUNGS TE, LUNG 'DI LAS NA RNAM PA THAMS CAD DU, ,MYA NGAN 'DAS LA PHUNG PO RNAMS, ,YOD MIN GANG ZAG SRID MA YIN, ,GAL TE MYA NGAN LAS 'DAS PA LA PHUNG PO RNAMS YOD CING GANG ZAG KYANG YOD NA NI DE'I TSE DE DAG YOD PA'I PHYIR MYA NGAN LAS 'DAS PAR GYUR PA DMIGS PA DANG MDO DANG 'GAL BA DANG MYA NGAN LAS 'DAS PA 'KHOR BA LAS MI 'DA' BAR 'GYUR RO, ,DE'I PHYIR MYA NGAN LAS 'DAS PA DE LA MYA NGAN LAS 'DAS PAR GYUR PA 'GA' YANG MI DMIGS SO, ,DE'I PHYIR, GANG DU MYA NGAN 'DAS GYUR PA, ,MA MTHONG DER MYANG 'DAS GANG ZHIG ,MYA NGAN LAS 'DAS PA NI MYA NGAN LAS 'DAS PA STE DE YANG DNGOS PO'I NGO BO YIN PA'I PHYIR RTEN LA RAG LAS SO, ,'DI'I RTEN YANG MYA NGAN LAS 'DAS PAR GYUR PA ZHIG LA, DE YANG PHUNG PO RNAMS SAM, GANG ZAG YIN NA, DE MED PAS RTEN MED PAR 'GYUR TE, PHYOGS DE LAS MYA NGAN LAS 'DAS PA DE GANG ZHIG YIN PAR 'GYUR, RNAM PA GCIG TU NA MYA NGAN LAS 'DAS PA DNGOS PO BDEN @156B PAR SMRA BAS MYA NGAN LAS 'DAS PA RTOG PA NA RTEN DU GYUR PA ZHIG GAM, BRTEN PAR GYUR PA ZHIG RTOG GRANG, ,DE LA RE ZHIG RTEN DU GYUR PA NI MI RUNG STE, 'DI LTAR, MYA NGAN 'DAS PA PHUNG PO RNAMS, ,YOD MIN GANG ZAG SRID MA YIN, ,DE DAG MED PAS GANG DU MYA NGAN LAS 'DAS PAR 'GYUR BA 'GA' ZHIG KYANG MAD MIGS PA DER MYA NGAN LAS 'DAS PA GANG ZHIG TU 'GYUR, DE LTAR NA RE ZHIG MYA NGAN LAS 'DAS PA RTEN DU GYUR PA MI SRID DO, ,YANG GANG DU BRTEN PAR GYUR PA YIN PA DER YANG NYES PA DE NYID YIN TE, GANG GI PHYIR, MYA NGAN 'DAS LA PHUNG PO RNAMS, ,YOD MIN GANG ZAG SRID MA YIN, ,GANG DU MYA NGAN 'DAS GYUR PA, ,MA MTHONG DE MYANG 'DAS GANG ZHIG ,RTEN MED PA'I BRTEN PA MI SRID PA'I PHYIR DER MYA NGAN LAS 'DAS PA GANG ZHIG TU 'GYUR, YOD PA MA YIN PA LA NI RTAG PA NYID RIGS PA MA YIN PAS DNGOS PO RTAG PA RNAMS YOD PA MA YIN NO, ,GRANGS CAN PA RNAMS NI YON TAN DANG SKYES BU THA DAD PAR SHES PA LAS CHAN PO LA SOGS PA'I 'JUG PA'I RIM PA LOG PAS RNAM PAR 'GYUR BA'I TSOGS RNAM PA THAMS CAD DU ZHI BAS THAR PA'I GNAS SKABS NA SKYES BU SHES PA YOD PA NYID GNAS PA'I PHYIR BDAG GROL BA YOD PA MA YIN DANG, JI SKAD BRJOD PA'I NYES PA SPANGS PAS THAR PAR RTOG PAR BYED DO, ,DE DAG GI DE YANG, SRED DANG BRAL LA THAR BA'I TSE, ,SHES YOD YON TAN CI ZHIG YOD, ,GROL BAR GYUR PA'I SKYES BU LA NI THAR PA'I GNAS SKABS NA SHES PA YOD PA NYID YOD PAR BRTAG PAR MI RIGS SO, ,DE DAG GI LTAR NA BLOS LHAG PAR ZHEN PA'I DON LA SKYES BUS SHES PAR BYED CING, SHES PA YOD PA NYID KYANG ME'I TSA BA NYID JI LTA BA BZHIN DU DE'I RANG GI NGO BO'O ZHES BYA BAR MNGON PAR 'DOD LA, DE YANG YUL JI LTAR BSTAN PA YONGS SU GCOD PA'I BDAG NYID CAN YIN NO, ,RANG BZHIN NI YUL NYE BAR LONGS SPYOD PA'I 'DOD PA RIG CING SKYES BU DANG THA MI DAD PAR RTOGS NAS RIM GYIS DBANG PO'I TSOGS 'BYUNG BA NA SKYES BU'I YUL NYE BAR LONGS SPYOD PA'I RGYU YIN NO, ,GANG GI TSE YUL NYE BAR @157A *, ,LONGS SPYOD PA'I SKYES BU LA 'DOD PA LOG PA DE'I TSE DE LA SRED PA LDOG GO, ,SRED PA NI 'DOD PA YIN LA, SRED PA DANG BRAL BA DE LA NI SHES PA YOD PA NYID GYIS YON TAN 'GA' ZHIG YOD PA YANG MA YIN NO, ,DES NI DE'I TSE DON 'GA' YANG YANG DAG PAR MI MYONG STE, RNAM PAR 'GYUR BA'I TSOGS RGYU DANG 'BRAS BU'I BDAG NYID CAN MTHA' DAG RAB TU ZHI BAR 'GYUR BA'I PHYIR RO, ,DE'I PHYIR GROL BA'I BDAG LA THAR PA SHES PA YOD PA NYID MI RIGS SO, ,'O NA NI DE'I TSE SKYES BU SHES PA YOD PA MA YIN PAR 'GYUR LA RAG GO ZHE NA, DE LTAR NA YANG SHES PA MED PA'I YOD PA YANG, ,GSAL BAR YOD PA MIN DANG MTSUNGS PA MA YIN NAM, ,SHES PA YOD PA LAS THA DAD MED PA'I RANG GI NGO BO CAN GYI SKYES BU LA SHES PA YOD PA NYID MED NA SHES PA MED PA LA GANG ZHIG BDEN PA YOD PAR BRTAGS PA DE NI CHES GSAL BAR YOD PA MA YIN PA MO GSHAM GYI BU LA SOGS PA DANG 'DRA BA ZHIG GO, ,CI STE GROL BA'I GNAS SKABS CAN SHES PA YOD PA NYID KYI NUS PA YOD PA'I PHYIR BDAG YOD DO SNYAM DU SEMS NA 'DI YANG SNYING PO MED PA ZHIG STE, GANG GI PHYIR, THAR PA BDAG GCIG YOD NA NI, ,SHES YOD SA BON SRID PA YOD, ,GAL TE GROL BA'I GNAS SKABS SU BDAG BRTAG PAR NUS NA NI DE'I TSE BDAG YOD DANG DE'I RTEN CAN SHES PA YOD PA NYID KYI NUS PA YOD PAR 'GYUR BA ZHIG NA, DE'I SHES BA YOD PA NYID KYI RANG GI NGO BO CAN YIN PA NYID KYI PHYIR DE MED PAR YOD PA MA YIN PAS RTEN MED PA'I NUS PA YANG MI SRID DO, ,GZHAN YANG 'BYUNG BAR 'GYUR BA'I DON DA LTA MI NYE BA'I PHYIR 'GA' YANG NUS PA'I KHYAD PAR YOD PA NYID DU BRTAG PA MDZES PAR MI 'GYUR LA GROL BA'I BDAG LA GANG SHES PA YOD PA NYID KYI 'JUG PA RANG 'BYUNG BAR 'GYUR BA NI SRID PA YANG MA YIN NO, ,'DI'I PHYIR YANG SEMS PA CAN GYIS DON YOD PA MA YIN PAS BDAG MED DO, ,GAL TE THAR BAR GROL BAR GYUR PA 'GA' YANG MED PAS THAR BA MED PA NYID DU 'GYUR RO, ,DE'I PHYIR SRID PA 'DI MI 'JIG PAR 'GYUR RO @157B ZHES MI 'DOD PA MANG PO ZHIG TU 'GYUR BA MA YIN NAM ZHE NA, DE NI YOD PA MA YIN TE, SHES PA YOD PA'I 'JUG PA DANG, DE'I NUS PA GNYIS DNGOS PO BDEN PAR YOD NA NI JI SRID 'JUG PA YOD PA ZHIG GAM 'ON TE MED PA ZHIG SNYAM DU THE TSOM ZA BAR 'GYUR BA ZHIG NA, GANG GI TSE RTEN MED PAS DE DAG RNAM PA THAMS CAD DU YOD PA MA YIN PA DE'I TSE, DE MED NA NI SRID PA LA, ,BSAM PA'AM YOD PA MA YIN NO, ,MYU GU LA SOGS PA'I NUS PA'I RTEN SA BON TSIG PAR GYUR NA MYU GU LA SOGS PA'I RGYUN MI 'JUG PA BZHIN DU RNAM PA THAMS CAD DU BDAG GI RGYUN TZAM ZHIG KYANG MI 'JUG PAS THAR PAR RIGS SO, ,GANG GI PHYIR 'DI DE LTAR YIN PA DE'I PHYIR, SDUG BSNGAL LAS THAR MI RNAMS LA, ,GZHAN LAS YOD PA MIN PAR NGES, ,DE'I PHYIR RNAM PA KUN TU'ANG BDAG ,ZAD PA LEGS ZHES BYA BAR BRJOD, ,SDUG BSNGAL LAS GROL BA NI SDUG BSNGAL YANG MI 'BYUNG BA YIN NO, ,SDUG BSNGAL YANG SKYE BA DANG 'GAG PA'I CHOS CAN GYI 'DU BYED LAS DANG NYON MONGS PAS BSKYED PA RNAMS YIN LA, DE RNAMS LA BRTEN NAS KYANG GANG ZAG TU 'DOGS TE, DE NI BDAG YIN NO, ,SDUG BSNGAL 'GAGS NA NI DE DANG GRUB PA DANG BDE BA GCIG PA'I NYE BAR LEN PA PO BDAG RNAM PA THAMS CAD DU PHYIS MI 'BYUNG BA'I BDAG NYID KYIS ZAD PA GANG YIN PA DE NYID LEGS PA'O ZHES BYA BA GROL BA'I BDAG YOD PA NI MA YIN NO, ,DE NI RE ZHIG RGYU MED PA CAN NYID KYI PHYIR RANG NYID KYIS YOD PA MA YIN TE, MO GSHAM GYI BU BZHIN NO, ,DE'I RANG GI NGO BO YOD NA YANG DE RTAG PA NYID KYIS RNAM PAR MI 'GYUR BA'I PHYIR BCINGS PA DANG, THAR PA GNYIS LA KHYAD PAR MED PAS SNGA MA BZHIN DU 'KHOR BA LDOG PAR MI 'GYUR RO, ,KHYAD PAR KHAS LEN NA YANG RNAM PAR 'GYUR BA YOD PA'I PHYIR MI RTAG PAR 'GYUR LA, DE'I PHYIR RGYU DANG LDAN PA NYID DU 'GYUR RO, ,DE'I PHYIR SDUG BSNGAL GYI RGYU DANG 'DRA PA NYID DANG RANG GI RTZOD PA BTANG BAR 'GYUR RO, ,DE'I PHYIR 'DIS BDAG KHAS BLANGS PAR MI RIGS SO, ,GANG ZHIG GZHAN LA BSTAN PAR MI @158A *, ,NUS PA DANG, BSHAD ZIN PA'I SKYON GYIS KHAS BLANGS NAS KYANG YONGS SU DOR BAR BYA BA YIN BA DE NI KHAS BLANGS PA CI ZHIG DGOS DE'I PHYIR BDAG TU SMRA BA DOR BAR BYA'O, ,GAL TE DE LTAR GROL BA'I GNAS SKABS NA GROL BA'I BDAG KYANG YOD PA MA YIN LA, DON DAM PA'I MING CAN MYA NGAN LAS 'DAS PA NA YANG 'DU BYED RNAMS SLAR MI 'BYUNG BAS GTAN YONGS SU ZAD PA'I NGO BOR SMRA NA NI DE'I PHYIR DE DANG 'DRA BA'I DAM PA'I DON 'DI DON DU GNYER BAS CI ZHIG BYA, DE'I PHYIR BDAG LEGS SU 'DOD PA LA, ,'JIG RTEN PA 'DI NYID BLA YI, ,DON DAM RNAM KUN MA YIN TE, ,'JIG RTEN PA LA CUNG ZAD YOD, ,DAM PA'I DON LA YOD MA YIN, ,BDAG LEGS SU 'DOD PA NI MIG NAD BYUNG DU DOGS PAS MIG 'BYEN PA RJES SU MI SGRUB KYI, NAD SEL BA KHO NA BYED PA DE BZHIN DU 'KHOR BA'I SDUG BSNGAL LA YID BYUNG BAS KYANG SDUG BSNGAL TZAM BTANG BA KHO NA MCHOG GI THAMS CAD MED PA MA YIN NO, ,THAMS CAD MED BAR GYUR NA NI BDE BA YANG RNAM PA THAMS CAD DU GCAD PAS 'DIS BDAG LA PHAN CUNG ZAD KYANG BTAGS PAR MI 'GYUR RO, ,DE'I PHYIR 'JIG RTEN PA 'DI NYID BLA'I, 'JIG RTEN PA DER NI KHYOD KYIS CUNG ZAD CIG KHAS LEN TE GANG MIG LA SOGS PA DANG, MYU GU LA SOGS PA'AM BRTEN NAS BTAGS PA BUM PA DANG, SNAM BU DANG, RE LNGE DANG, KHYIM DANG, NAGS DANG, DMAG DANG, KUN DGA' RA BA DANG, BZHON PA DANG, GRU LA SOGS PA RNAMS SO, ,CUNG ZAD CIG NI KHAS MI LEN TE, GANG MU STEGS CAN RNAMS KYIS YANG DAG PA MA YIN PAR SGRO BTAGS PA DANG, DNGOS PO RNAMS RANG BZHIN DANG BCAS PA'O, ,YANG NA GANG DGE BA DANG MI DGE BA LA SOGS PA'I LAS 'DAS PA 'BRAS BU MA BYUNG BA DANG, BDE BA'I 'BRAS BU MA 'ONGS PA'AM, 'DU BYED DA LTAR BYUNG BA RNAMS TE, DE LTA BU 'DI NI KHYOD 'JIG RTEN PA LA YOD LA, DE LAS LHAG MAR GYUR PA NI YOD PA MA YIN PAS GANG DU THAMS CAD MED PA MA YIN PA 'JIG RTEN PA 'DI BLA'I DON DAM PA NI @158B MCHOG MA YIN TE, GTAN DU YANG BDAG YOD PA MA YIN PA'I PHYIR RO, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS DNGOS PO RTAG PA DGAG PA BSKOM PA'I TING NGE 'DZIN BSTAN PA ZHES BYA BA STE, RAB TU BYED PA DGU PA'I 'GREL PA'O,, ,,BSHAD PAR BYA STE, GAL TE BDAG CES BYA BA 'GA' ZHIG RANG GI NGO BOS YOD NA NI DE MYA NGAN LAS 'DAS PAR THAMS CAD DU CHAD PA MTHONG BA'I PHYIR BDAG MED DO, ,'BYUNG BAR YANG MI 'GYUR RO, ,BDAG GI BA MED DO, ,'BYUNG BAR MI 'GYUR RO SNYAM DU DGOS PA LA, 'JIG RTEN PA NYID 'DI BLA'I ZHES BYA BA LA SOGS PA 'DI DE LTAR 'GYUR BA ZHIG NA, BDAG NI RANG GI NGO BOS SRID PA YANG MA YIN NO, ,GAL TE YOD NA NI DE NGES PAR BUD MED NYID DAM, SKYES PA NYID DAM, MA NING ZHIG TU 'GYUR GRANG STE, DE LAS GZHAN PA'I RTOG PA MED PA'I PHYIR RO, ,MU STEGS CAN RNAMS NI BDAG RNAM PA GNYIS SMRA BAR BYED DE, 'DI LTA STE, NANG GI BDAG DANG, PHYI'I BDAG GO, ,DE LA NANG GI BDAG CES BYA BA NI GANG ZHIG LUS KYI KHONG NA RNAM PAR GNAS SHING, DE'I DBANG PO'I TSOGS DE DANG DER RAB TU 'JUG PAR BYED PA'O, ,NANG GI BYED PA'I SKYES BU 'GRO BA'I NGAR 'DZIN PA'I RGYU DGE BA DANG MI DGE BA DANG LUNG DU MA BSTAN PA'I LAS KYI 'BRAS BU'I ZAB PO RGYUD RE RE ZHING RNAM PAR RTOG PA DU MA'I DBYE BAS PHYE BA'O, ,PHYI'I BDAG NI LUS DANG DBANG PO 'DUS PA'I NGO BO CAN NANG GI BDAG LA PHAN 'DOGS PA'O, ,DE LA RE ZHIG NANG GI BDAG GANG YIN PA DE GAL TE BUD MED NYID DU RTOG NA NI DE'I TSE RANG GI NGO BO MI 'DOR BA'I NGO BO CAN YIN PA'I PHYIR TSE GZHAN DU BRJES KYANG RTAGS GZHAN LA MI BRTEN PAS RTAG TU BUD MED NYID DU 'GYUR NA, DE LTAR YANG MA YIN TE, 'CHOL BA DMIGS PA'I PHYIR DANG, BUD MED NYID LA SOGS PA RNAMS BDAG GI YON TAN NYID DU MED PA'I PHYIR RO, ,DE NYID KYI PHYIR, 'DOD CHAGS SHIN TU 'BAR BA'I SEMS DANG NI, ,LUS NGAG DBANG PO'I BLO DANG LAS RNAMS KYIS, ,BUD MED BZHIN DU @159A *, ,'KHRIG PA'I NANG 'JUG PA, ,MI MKHAS DE NI GZHAN DU BUD MED 'GYUR, ,DE NI SKYES DNGOS PHUN TSOGS PHAN BSAM PAS, ,DE BZHIN GSHEGS PA'I SKU DANG RNAM PA BRGYAR, ,BUD MED NYID LA YANG DAG SMAD BYAS NAS, ,PHA ROL TU NI MI NYID MCHOG TU 'GYUR, ,ZHES BSHAD DO, ,DE BZHIN DU SKYES PA NYID DANG MA NING NYID LA YANG BRJOD PAR BYA'O, ,DE'I PHYIR DE LTAR, GANG TSE NANG BDAG BUD MED YIN, ,SKYES MIN MA NING MA YIN PA, ,DE TSE MI SHES 'GA' ZHIG LAS, ,KHYOD BDAG PHO BO SNYAM DU SEMS, ,PHO BO ZHES BYA BA NI NYE BAR MTSON PA YIN PA'I PHYIR BDAG NI BUD MED DO, ,BDAG NI MA NING NGO SNYAM PAS 'DI THAMS CAD MI SHES PA LAS 'GYUR RO, ,RNAM PAR DPYAD PA NA DNGOS PO YOD PA LA DE LTAR GRUB PA MED PA'I PHYIR DE LTAR YONGS SU RTOGS PA LA MI SHES PA LAS MA RTOGS PA'I RGYU GZHAN MI RIGS TE, THAG PA'I RANG GI NGO BO YONGS SU MI SHES NA SBRUL DU LHAG PAR SGRO 'DOGS PA YIN NO SNYAM DU DGONGS SO, ,DE NYID KYI PHYIR BCOM LDAN 'DAS KYIS, DPER NA DOGS PA'I 'DU SHES KYIS NI DUG LANGS PA, ,DUG DE KHONG DU SONG BA MED KYANG BRGYAL BAR 'GYUR, ,DE BZHIN BYIS PA BDAG DANG BDAG GIR KHAS LEN PA, ,BDAG DER 'DU SHES YANG DAG MI RTAG SKYE ZHING 'CHI, ,ZHES GSUNGS SO, ,CI STE SKYES PA DANG BUD MED DANG MA NING NYID 'DI DAG NI PHYI'I BDAG GI RTAG YIN TE, DE DANG 'BREL PA LAS NANG GI BDAG KYANG RTAG GO SNYAM DU SEMS NA, 'DI NI DE LTA MA YIN NO, ,JI LTAR ZHE NA, 'DIR NAM MKHA' LA 'BYUNG BA CHEN PO NYID MI RIGS PA'I PHYIR 'BYUNG BA CHEN PO DAG NI BZHI KHO NA'O, ,YANG GANG GI LTAR NA 'BYUNG BA CHEN PO DAG NI LNGA YIN PA DE YANG DE'I NAM MKHA' LAS RTZOM PAR BYED PA NYID DU MI RIGS PA'I PHYIR 'BYUNG BA CHEN PO BZHI KHO NA RGYU'I DNGOS POR 'GYUR NA, DE DAG LA NI SKYES PA DANG BUD MED DANG MA NING RNAMS RANG GI NGO BOS YOD PA MA YIN NO, ,GAL TE YOD NA NI DE'I TSE DE DAG GI RANG BZHIN GYIS RJES SU BYED PA'I PHYIR @159B LUS THAMS CAD RTAGS NGES PA NYID DU 'GYUR LA, NUR NUR PO LA SOGS PA YANG RTAGS DMIGS PAR 'GYUR NA, 'DI NI DE LTAR YANG MA YIN NO, ,DE'I PHYIR, GANG TSE 'BYUNG BA THAMS CAD LA, ,PHO MO MA NING YOD MIN PA, ,DE TSE CI STE DE DAG NYID, ,BRTEN NAS PHO MO MA NING YIN, ,GANG RANG GI NGO BOS RTAGS DANG BRAL BA'I 'BYUNG BA CHEN PO DAG LA BRTEN NAS LUS RNAMS LA BUD MED NYID LA SOGS BA 'BYUNG BAR 'GYUR BA 'DI LA RGYU CI ZHIG YOD, DE PHYIR DE LTAR PHYI'I BDAG LA YANG BUD MED DANG SKYES PA DANG MA NING NYID RNAMS MI RIGS PA'I PHYIR KHYOD KYIS BDAG NI SKYES PA'O, ,BDAG NI BUD MED DO, ,BDAG NI MA NING NGO SNYAM PA'I BSAM PA 'DI NI MI SHES PA LAS YIN PA 'BA' ZHIG TU ZAD DO, ,GANG DAG KHRI DANG LJON SHING DAG LA NU MA LA SOGS PA DANG SPU MANG BA NYID LA SOGS PA RGYU MTSAN MED PAS RNAM PA GZHAN DU BUD MED NYID LA SOGS PA RNAMS SU RTOG PAR BYED PA DE DAG GI YANG RTOG PA TZAM BZLOG PAR BYA BA MA YIN NO KHYOD LA YANG THAL BAR 'GYUR BA MTSUNGS SO ZHE NA, DE NI DE LTAR MA YIN TE, KHO BO'I LTAR NA NI RTEN CING 'BREL PAR 'BYUNG BA'I PHYIR DNGOS PO RNAMS RANG BZHIN MED PA YIN LA, RANG BZHIN MED PA LA NI RI MO DANG LDER SO DANG, 'KHRUL 'KHOR DANG, SGYU MA'I BUD MED LA SOGS PA'I GZUGS LTAR RKYEN JI LTA BA BZHIN DU RNAM PA GZHAN DU 'GYUR BAR MI RIGS PA YANG MA YIN PAS NYES PA MED DO, ,BCOM LDAN 'DAS KYIS; BRTAN PA MO ZHES MI SPYOD CING, ,PHOR YANG RTOG PA MI BYED DE, ,CHOS KUN SKYE BA MED PA'I PHYIR, ,BTZAL NA MTHONG BAR MI 'GYUR RO, ,ZHES GSUNGS SO, ,RANG BZHIN DANG BCAS PAR SMRA BA'I LTAR NA NI RANG BZHIN LA GZHAN DU 'GYUR BA NYID MI SRID PA'I PHYIR RANG BZHIN JI LTA BA BZHIN DU RTAG PAR NGES PAR THAL BAR 'GYUR RO, ,DE'I PHYIR BDAG NI SKYES PA'O SNYAM PA DE LTA BU LA SOGS PA'I RTOG PA RNAMS GTI MUG TZAM LAS 'BYUNG BA'I PHYIR RTAGS DANG LDAN PA'I BDAG RANG BZHIN YOD PA NYID MI RIGS SO, ,'DI LAS KYANG RANG GI NGO BOS YOD PA @160A *, ,MA YIN TE, 'DI LTAR GAL TE BDAG RANG GI NGO BOS YOD NA NI DE JI LTAR GCIG GI NGAR 'DZIN PA'I RGYUR DMIGS PA YIN PA DE BZHIN DU THAMS CAD KYI YANG NGAR 'DZIN PA'I RGYU DMIGS PAR 'GYUR TE, 'JIG RTEN NA NI ME'I RANG BZHIN TSA BA 'GA' ZHIG LA MI TSA BAR MI 'GYUR RO, ,DE BZHIN DU BDAG GAL TE RANG GI NGO BOS YOD PAR 'GYUR NA NI DE THAMS CAD KYI BDAG DANG NGAR 'DZIN PA'I YUL DU 'GYUR NA 'DI NI DE LTAR YANG MA YIN NO, ,'DI LTAR, KHYOD KYI BDAG GANG NGA BDAG MIN, ,DES DE BDAG MIN MA NGES PHYIR,, KHYOD KYI BDAG DANG KHYOD KYI NGAR 'DZIN PA'I YUL DANG BDAG TU CHAGS PA'I YUL GANG YIN PA DE NYID NI KHO BO'I BDAG TU MI 'GYUR TE, KHO BO CAG GI NGAR 'DZIN PA'I YUL MA YIN PA'I PHYIR DANG, BDAG TU CHAGS PA'I YUL MA YIN PA'I PHYIR RO, ,GANG GI PHYIR 'DI DE LTAR YIN PA, DES DE BDAG MIN MA NGES PHYIR, ,GANG ZHIG NGES PAR BDAG GI BDAG TU MI 'GYUR BA DE NA RANG BZHIN GYIS YOD PA MA YIN PAS YOD PA MA YIN PA'I DON CAN BDAG TU LHAG PAR SGRO BTAGS PA 'DI DOR BAR BYA'O, ,GAL TE BDAG MED NA NI 'O NA NGAR 'DZIN PA DANG BDAG LA CHAGS PA 'DI GNYIS GANG ZHIG LA 'GYUR ZHE NA, BSHAD PA, DNGOS PO MI RTAG PA RNAMS LA, ,RTOG PA SKYES BAR 'GYUR MIN NAM, ,JI SKAD BSHAD PA'I TSUL GYIS PHUNG PO LAS THA DAD PA'I BDAG RANG GI NGO BOS GRUB PA RNAM PA THAMS CAD DU MA DMIGS PA'I PHYIR DNGOS PO MI RTAG PA GZUGS LA SOGS PA'I MING CAN RANG BZHIN MED PA RNAMS LA BDAG DANG, SEMS CAN DANG, SROG DANG, SKYE BA PO DANG, SHED LAS SKYES DANG, BYED PA PO DANG, TSOR BA PO ZHES BYA BA LA SOGS PA BDAG GO SNYAM DU LOG PAR RTOG PAR BYED DO, ,JI LTAR BUD SHING LA BRTEN NAS MI YIN PA DE BZHIN DU PHUNG PO RNAMS LA BRTEN NAS BDAG TU 'DOGS LA, DE YANG PHUNG PO RNAMS LAS DE NYID DANG, GZHAN NYID DU RNAM PA LNGAR NGES PAR DPYAD PA NA RANG GI NGO BOS YOD PA MA YIN PAS BRTEN NAS YONGS SU BRTAGS PA ZHIG STE, DE LTAR NA @160B 'DU BYED NI MI RTAG PA RNAMS LA BDAG TU RTOGS PAR 'GYUR RO ZHES BYA BAR GNAS SO, ,'DIR BDAG NI RANG BZHIN GYIS YOD PA KHO NA STE 'JUG PA DANG LDOG PA'I RGYU YIN PA'I PHYIR RO, ,GAL TE BDAG MED NA NI SU ZHIG DGE BA'AM MI DGE PA'AM MI G-YO BA'I LAS BYAS NAS DE'I 'BRAS BU MYONG BAR BYED, DES NI DGE BA'AM MI DGE BA'AM MI G-YO BA'I LAS BYAS NAS RIGS DANG 'GRO BA DANG SKYE GNAS LA SOGS PA'I DBYE BAS PHYE BA'I KHAMS GSUM DU LAS DANG RJES SU MTHUN PA'I SKYE BA'I RGYUN RAB TU DBYE BA MTHA' YAS SHING BDE BA DANG SDUG BSNGAL BA'I 'BRAS BU NYE BAR LONGS SPYOD PA'I RGYUR GYUR PA THOB LA, DE NI MNGON BAR 'DU BYED PA PO DANG, SO SOR MYONG BAR BYED PA PO YANG YIN ZHING, DE NI GSOD PA DANG, GNOD PA DANG, REG PA DANG, BCING BA DANG, GROL BAR YANG 'GYUR RO, ,DE'I PHYIR BDAG RANG GI NGO BOS YOD DO ZHES 'DZER TO, ,YANG CI BDAG 'DI TSE RABS GZHAN DU LUS KYI KHYAD PAR GYI RNAM PAR 'GYUR BA'I RJES SU BYED DAM, 'ON TE MA YIN, GAL TE RJES SU MI BYED NA NI DE'I TSE CUNG ZAD KYANG MI BYED PA'I BDAG TU YONGS SU BRTAGS PA 'DIS CI DGOS TE, CI STE RJES SU BYED NA NI DE'I TSE NGES PAR KHYOD LA, SKYES DANG SKYE BA SKYES BU NI, ,LUS BZHIN RNAM PAR 'GYUR BAR 'GYUR, ,DE'I PHYIR, KHYOD KYI DE LA LUS LAS GZHAN, ,NYID DANG RTAG NYID MI RIGS SO, ,'DI NI LUS LAS GZHAN MA YIN TE, LUS KYI RNAM PAR 'GYUR BA'I RJES SU BYED PA'I PHYIR TE, LUS KYI PHYOGS GCIG BZHIN NO, , RTAG PA YANG MA YIN TE, LUS LAS GZHAN MA YIN PA'I PHYIR LUS KYI RANG GI BDAG NYID BZHIN NO, ,DE'I PHYIR BDAG TU SGRO 'DOGS PAR MI RIGS TE, DES NI 'DU BYED SKAD CIG RE RER 'JIG PA'I NGANG CAN RNAMS LA GNAS PA MED PAS, LAS KYI 'BRAS BU MYONG BAR BYA BA'I PHYIR BDAG RTAG BAR RTOGS SO, ,GANG GI TSE BDAG RTAG PA DE MI RIGS PA DE'I TSE NGES PAR 'DIS 'DU BYED KYI RGYUN SKAD CIG RE RER 'JIG PA KHO NA LA LAS DANG 'BRAS BU LA SOGS PA THAMS CAD KHAS BLANG BAR BYA'O, ,'DIR SMRAS PA, GAL TE BDAG RANG GI NGO BOS GRUB PAR MI 'GYUR @161A *, ,NA NI DE'I TSE LUS KYI G-YO BA BSKUM PA DANG BRKYANG BA LA SOGS PA RNAMS KYI 'JUG PA PO GANG ZHIG 'GYUR, SKUL BA PO MED PA'I SHING RTA NI RGYU BA YANG MA YIN TE, DE'I PHYIR GDON MI ZA BAR SHING RTA'I SKUL BA PO LHA SBYIN LTAR LUS KYI G-YO BA'I RGYU NANG GI BYED PA'I SKYES BU 'GA' ZHIG KHAS BLANG BAR BYA'O, ,'DI LA YANG MI RIGS SO ZHES BSTAN PA'I PHYIR BSHAD PA, REG DANG MI LDAN DNGOS PO LAS, ,BSKUL BA ZHES BYA MI SKYE STE, ,DE PHYIR LUS KYI BYA BA LA, ,SROG NI BYED PA POR MI 'GYUR, ,SHING RTA NI REG PA DANG MI LDAN PA'I DON 'GAS KYANG BSKUL BAR MI NUS TE, REG PA DANG LDAN PA DE KHO NAS DE BSKUL BA'I PHYIR RO, ,KHYED CAG GIS YONGS SU BRTAGS PA'I BDAG KYANG REG PA DANG MI LDAN PA ZHIG STE, DUS LTAR LUS MED PA'I PHYIR CI LA YANG MI REG CING DON 'GA' ZHIG GIS REG PA YANG MA YIN NO, ,GANG GI TSE 'DI DE LTAR YIN PA DE'I TSE, GANG LA LUS KYI G-YO BA'I RGYU NYID KYIS 'DI YOD PA NYID DU RJES SU DPOG PAR 'GYUR BA REG PA DANG MI LDAN PA'I DNGOS PO 'DI LAS BSKUL BA STE, SBOD PA 'BYUNG BAR JI LTAR 'GYUR, ,GZHAN YANG BDAG 'DI NI PHYOGS MED PA'I PHYIR REG PA DANG MI LDAN NO, ,GANG ZHIG PHYOGS DANG MI LDAN PA DE LA NI SBYOR BA YOD PA MA YIN LA, SBYOR BA DANG BRAL BA LA NI BSKUL BA YOD PA MA YIN PAS BYA BA DE DANG LDAN PA NYID KYIS DE YOD PA NYID DU KHAS BLANG BAR MI RIGS SO, ,GAL TE DE KHO NA LTAR SEMS LA YANG LUS KYI G-YO BA'I RGYU NYID MI RIGS PA'I PHYIR KHYOD LA YANG NYES PA 'DIR 'GYUR BA MA YIN NAM, SEMS MA GTOGS PAR 'GRO SOGS LA, ,GANG PHYIR BSOD NAMS LA SOGS PA, ,MA MTHONG DE PHYIR LAS KUN LA, ,YID NI DON POR BRJOD PAR BYA, ,ZHES GONG DU SMRAS PA YANG YIN NO, ,DE'I PHYIR SKYON MTSUNGS PAR THAL BAR 'GYUR BA'I PHYIR SUN 'BYIN PA 'DI NI MI RIGS SO ZHE NA BSHAD PAR BYA STE, KHO BOS NI SEMS REG PA DANG MI LDAN PA NYID DU KHAS MA BLANGS SO, ,'DI LTAR, YUL DANG DBANG PO DANG RNAM PAR SHES PA RNAMS PHAN TSUN REG PA'I @161B MTSAN NYID CAN SEMS LAS BYUNG BA'I CHOS YOD PA'I PHYIR RNAM PAR SHES PA LUS DANG LDAN PA KHO NA YIN ZHING LUS KYI G-YO BA'I RGYU YIN NO, ,KHYOD KYIS NI DE LTAR BDAG REG PA DANG LDAN PAR KHAS MA BLANGS PAS MI MTSUNGS SO, ,YANG NA KHO BOS SEMS DNGOS PO MTHA' DAG SKYE PA'I RGYU NYID DU KHAS BLANGS PA'I PHYIR DES KUN NAS BSLANG BA'I RLUNG GI KHAMS REG PA DANG LDAN PA YIN LA, DES BSKUL BA NA LUS DE LTA DE LTAR SKYES PAS G-YO BA YIN NO ZHES BYA BAR RIGS SO, ,'DIR, 'DUN PA'I RTZOL BA'I 'DU BYED LAS, ,SKYES PA'I RLUNG CAN YUL GZHAN DU; ,RNAM CHAD MED PAR SKYE BA NI, ,'GRO BA PO YI MAR ME BZHIN, ,ZHES KYANG BSHAD DO, ,CIS TE KHYAD PAR 'DIS BDAG LA YANG RTOG NA NI DE'I TSE 'DI SKAD CIG MA NYID DU KHAS BLANG BAR BYA STE, RTAG PA LA RNAM PAR 'GYUR BA MED PA NYID KYIS KHYAD PAR RNAM PA DE LTA BU MI SRID PA'I PHYIR RO; ,DE'I PHYIR SEMS KHO NA BDAG CES BYA BAR 'GYUR BAS BDAG RTAG PA MA YIN NO, ,YANG GAL TE BDAG 'DI RTAG PAR 'GYUR NA NI DE YONGS SU BSRUNG BAR BYA BA'I PHYIR MI 'TSE BA'I BDAG NYID CAN GYI CHOS NYI BAR STON PAR MI 'GYUR TE NAM MKHA' BZHIN NO, ,MTSON RNON PO DANG ME DANG DUG DANG, THOG BABS PA RNAMS KYIS NI DE'I SPU YANG 'GUL BAR MI NUS SO, ,DE NYID KYI PHYIR BSHAD PA, MI 'TSE BA DANG BDAG RTAG PA, ,'DI LA RGYU NI CI YOD SNYAM, ,RNAM PA KUN TU'ANG SHING SRIN LAS, ,RDO RJE BSRUNG BYAR MI 'GYUR RO, ,GNOD PAR DOGS PA MED PA'I RDO RJE NI SHING GI SRIN BU LAS YONGS SU BSRUNG BAR MI RTZAM MO, [?] ,DE BZHIN DU BDAG RTAG PAR YOD NA NI 'TSE BA'I BDAG NYID CAN GYI CHOS MI RIGS NA MI 'TSE BA'I BDAG NYID CAN GYI CHOS 'DI NI YOD PA MA YIN TE, DE'I PHYIR RTAG PA'I BDAG KHAS MI BLANG BA'AM, YANG NA RGYU GZHAN ZHIG BRJOD PAR BYA DGOS NA DE YANG MA BRJOD PAS 'DI NI MI RIGS SO, ,'DIR SMRAS PA, BDAG NI RTAG PA KHO NA STE, SKYE BA DRAN PA YOD PA'I PHYIR RO, ,'DU BYED SKYES MA THAG TU 'JIG PA'I NGANG CAN RNAMS LA NI TSE RABS GZHAN DRAN PAR MI RIGS SO, ,SKYE BA GZHAN GYI 'DU BYED RNAMS NI GANG DU SKYES PA DE NYID DU 'JIG @162A *, ,LA; 'DI NI GZHAN DAG CIG KHO NA SKYE BA YIN NO, ,DE'I PHYIR, BDAG 'DAS PA'I DUS NA SKYE BA 'DI LTA BU DANG 'DI LTA BU ZHIG TU GYUR TO ZHES SKYE BA DRAN PAR MI RIGS SO, ,BDAG RTAG PA YOD NA NI DE NYID TSE RABS GZHAN DU RGYU BA'I PHYIR RJES SU DRAN PAR RIGS SO, ,'DI YANG MA NGES PA NYID DU BRJOD PA'I PHYIR BSHAD PA, SKYE BA DRAN PA YOD PA'I PHYIR, ,GAL TE KHYOD KYI BDAG RTAG NA, ,SNGON BYAS PA YI RMA MTHONG NAS, ,KHYOD KYI LUS KO CIS MI RTAG ,'DI NA TSE RABS GZHAN DAG TU MTSON LA SOGS PAS BSNUN PA LAS BYUNG BA'I RMA'I SROL RNAMS DE LTA BUS NYE BAR MTSON PA'I LUS CAN LA LA DAG RNAM PAR MI 'JIG CING, DE LTAR MNGON PAR MTSON PA'I LUS DANG LDAN PA KHO NAR 'GYUR TE, SKYE BA DANG RJES SU DRAN PA NA JI LTAR NYAMS SU MYONG BA LTAR TSE RABS GZHAN GYI BYUNG MTHA' STON PA LHUR BYED PA DMIGS SO, ,DE'I PHYIR SKYE BA DRAN PA YOD PAS BYAS PA'I BDAG RTAG PA NYID DU YONGS SU BRTAGS PA LTAR DE DAG GIS LUS RTAG PA NYID DU YANG BRTAG PAR BYA DGOS NA 'DI NI DE LTAR YANG MA YIN PAS DE YOD PA MA YIN NO, ,RGYU DANG 'BRAS BU DAG DE NYID DANG GZHAN NYID DU RTOG PA SPANGS SHING, RGYU'I KHYAD PAR GYIS GSAL BAR GYUR PA 'DU BYED GYI RGYUN NI MI RTAG PA KHO NAR YOD NA NI DE'I NYE BAR LEN PA CAN BTAGS PAR YOD PA'I BDAG GI SKYE BA RJES SU DRAN NO ZHES BYA BAR RIGS SO, ,DNGOS PO RNAMS NI RANG GI MTSAN NYID KYIS MA GRUB PA STE DE RNAMS LA RNAM PA DE LTA BU'I RKYEN NYE BAR LHAGS PA YOD DANG GZHAN DU GYUR PA NYID MI RIGS PA MA YIN TE, DE'I PHYIR DNGOS PO RANG GI MTSAN NYID KYIS MA GRUB PA'I RGYU CAN BYA BA'I KHYAD PAR BSAM GYIS MI KHYAB PA YONGS SU BRTAG PAR BYA'O, ,'DI LTAR 'DAM BZHIN DU ZHO'I SNOD KHANG PA'I NANG NA GNAS PA DAG LA THOG RTZVA CHES MANG POS G-YOGS PA'I STENG NA GNAS PA'I PHU RON SKYE BO'I RKANG RJES DMIGS MOD KYI, DE'I RKANG PA ZHUGS PA NI CI NAS KYANG SRID PA MA YIN NO, ,DE'I PHYIR BSHAD PA DANG 'CHAD PAR 'GYUR BA'I RIGS PAS MI 'THAD @162B PA'I 'DUS BYAS RANG BZHIN MED CING MIG 'PHRUL DANG 'DRA BA 'DI'I SNYING PO DANG MI LDAN PA NYID KYIS CHOG GO, ,'DI LA SNYING PO DANG MI LDAN PA NYID KHAS BLANGS PA LTAR DNGOS PO YOD PA NYID DU KHAS BLANG BAR BYA BAR NUS PA YANG MA YIN TE, DE NI GDON MI ZA BAR 'THAD PA LA LTOS PA'I PHYIR RO, ,DE NI JI LTA'AM DE LTA'ANG RUNG STE KHAS BLANG BAR BYA BAR NUS PA MA YIN TE, GZHAN DAG GIS DE MI SLU BA NYID DU KHAS BLANGS PA'I PHYIR RO, ,DE'I PHYIR SKYE BA DRAN PA LTAR RMA DANG BCAS PA'I LUS GZHAN GYI RGYU CAN GYI LUS SNGON BYAS PA'I RMAS NYE BAR MTSON PA RNAM PA DE LTA BU'I LAS KYI BYE BRAG GI RKYEN CAN NYE BAR SKYE'O ZHES BYA BA MI SRID PA MA YIN NO, ,DE'I PHYIR SKYE BA DRAN PA YOD PA 'DI LAS BDAG RTAG PA NYID DU MI RIGS TE, LUS KYANG RTAG PA NYID DU THAL BAR 'GYUR BA'I PHYIR RO, ,YANG JI LTAR BDAG 'DIS SKYE BA DRAN NO ZHES BYA BAR RTOG PA GAL TE RANG GI NGO BO KHO NAS YIN NA NI DE MI RIGS TE, DE NI MI RTOG PA'I RANG GI NGO BO YIN PA'I PHYIR RO, ,CI STE SEMS PA CAN DANG LDAN PA LAS YIN NO SNYAM DU RTOG PA NA DE YANG MI RIGS TE, RANG GI NGO BO BTANG BAR THAL BAR 'GYUR BA'I PHYIR RO, ,DE NYID BSTAN PA'I PHYIR BSHAD PA, SEMS PA CAN DANG LDAN PA DAG ,GAL TE SHES PA NYID YIN NA, ,DE YIS SEMS PA CAN SEMS PA, ,MIN ZHING SKYES BU RTAG MI 'GYUR, ,GAL TE BLO LA SOGS PA RNAMS NI BDAG GI YON TAN YIN ZHING DE RNAMS DANG LDAN PAS BDAG YON TAN GYI RJES SU MTHUN PAR 'JUG CING DNGOS PO RNAMS KYANG RANG BZHIN MI 'DOR BA YIN LA, DE RNAMS DON GZHAN DANG 'BREL PA LAS BYA BA'I KHYAD PAR DANG LDAN PAR GYUR NA NI 'ON TE DE RNAMS LA KHYAD PAR SNGAR YOD PA MA YIN PAR RNAM PAR 'GYUR RO, ,RNAM PAR 'GYUR BA DANG LDAN PA RNAMS LA NI RANG GI NGO BO YOD PA YANG MA YIN PAS KHYOD KYI BDAG RANG BZHIN MED DE, RI ME LA SOGS PA BZHIN DU RNAM PAR 'GYUR BA DANG LDAN PA'I PHYIR RO, ,GZHAN YANG JI LTAR SEMS PA CAN NYID DANG LDAN PAS BDAG SEMS PA CAN DU 'GYUR BA DE BZHIN DU SEMS PA CAN MA YIN PA'I BDAG DANG LDAN PAS SEMS CAN YANG SEMS PA @163A *, ,CAN MA YIN PAR CI'I PHYIR MI 'GYUR, ,DE'I PHYIR 'DI LA SKYE BA DRAN PA NYID MI RIGS PA 'BA' ZHIG TU MA ZAD KYI SEMS PA CAN NYID KYANG MI RIGS PA'I PHYIR RTAG PA YANG MA YIN PAS BDAG LA RTAG PA NYID YOD PA MA YIN NO, ,GZHAN YANG BDAG 'DI JI LTAR SEMS PA CAN NYID DANG LDAN PAS SEMS PA DE BZHIN DU BDE BA DANG SDUG BSNGAL LA SOGS PA DANG LDAN PAS SNGAR GYI RANG GI NGO BO NYAMS PA'I PHYIR KHYAD PAR DE DANG DE 'THOB PAR 'GYUR TE, DE'I PHYIR 'DI MI RTAG PA NYID DU 'GYUR ZHES BSTAN PA'I PHYIR BSHAD PA, BDE BA LA SOGS DANG LDAN SROG , BDE SOGS BZHIN DU SNA TSOGS MTHONG, ,DE PHYIR BDE LA SOGS BZHIN TE, ,RTAG PA NYID DU'ANG MI RUNG NGO, ,GAL TE BDE BA DANG SDUG BSNGAL GYI GNAS SKABS DAG TU 'DI LA KHYAD PAR 'GA' YANG MED NA NI DE DAG PHAN TSUN THA DAD PAR MI 'GYUR TE, DE'I PHYIR BDAG GI YON TAN 'DI RNAMS THA DAD PAR BGRANG BAR MI 'GYUR RO, ,DE'I PHYIR GDON MI ZA BAR BDAG 'DIS BDE BA LA SOGS PA SNA TSOGS PA'I RJES SU BYED PAR BYA DGOS LA, DE'I RJES SU BYED PA NYID KYANG BDE BA LA SOGS PA KHO NA LTAR 'DI RTAG PA NYID DU YANG MI RIGS SO, ,'ANG GI SGRAS NI BYED PA PO NYID DANG BYA BA PO NYID DANG GCIG NYID LA SOGS PA THAMS CAD SEL BAR BYED DO, ,YANG GZHAN DAG NI GANG GI LTAR NA SKYES BU SEMS PA CAN MA YIN PA DE LA NYES PA 'DIR 'GYUR GYI, KHO BO CAG GI LTAR NA NI SKYES BU SHES PA YOD PA'I RANG BZHIN YIN PA'I PHYIR MI 'DOD PA CI YANG MED DO ZHES SMRA'O; ,DE'I LUGS KYANG MI RIGS PA NYID DU BRJOD PA'I PHYIR BSHAD PA, GAL TE SHES PA YOD RTAG NA, ,BYED PA LOG PAR 'GYUR BA STE, ,GAL TE ME NI RTAG 'GYUR NA, ,BUD SHING GIS DON YOD MI 'GYUR, ,'DI GANG GI TSE MIG LA SOGS PA BYED PAR GYUR BA RNAMS KYI 'JUG PA DAG GZUGS LA SOGS PA'I DON RNAMS LA 'BAB PA DE'I TSE GZUGS LA SOGS PA'I BLO GZUGS LA SOGS PA'I RNAM PAS RJES SU BSGYUR BA RNAMS NYE BAR SKYE ZHING BLOS ZHEN PAR BYAS PA'I DON DE YANG SKYES BUS SEMS PAR BYED DO, ,SHES PA YOD PA NYID KYANG YUL RTOGS @163B PA'I RANG GI NGO BO YIN LA SKYES BU DE YANG DE LAS THA MI DAD PA'I RANG GI NGO BO DANG, RTAG PA YANG YIN TE RTAG TU NYE BA'I PHYIR RO, ,SKYES BU'I RANG GI NGO BO LAS THA MI DAD PAR GNAS PA'I PHYIR SHES PA YOD PA NYID KYANG RTAG TU NYE BA YIN NO, ,DE'I PHYIR 'DI LA MIG LA SOGS PA'I BYED PA DGOS PA MED PA'I PHYIR DON MED PAR 'GYUR RO, ,GAL TE MIG LA SOGS PA RNAMS MED NA DE RNAMS KYI 'JUG PA DAG MED PAR 'GYUR LA, DE MED PAS KYANG BLO MED CING BLO MED PAS KYANG SHES PA NYID MED PAR 'GYUR NA NI DE'I TSE DGOS PA DANG BCAS PA'I PHYIR DE LAS BZLOG PA'I SGO NAS MIG LA SOGS PA BYED PAR RIGS PAR 'GYUR NA, GANG GI TSE JI SKAD SMRAS PA'I TSUL LA LTOS PA MED PA KHO NAS SHES PA YOD PA NYID RTAG PA YOD PA DE'I TSE NI BYED PA LOG PAR 'GYUR BA STE, GANG GI LTAR NA BUD SHING MED PAR ME MI 'BYUNG ZHING, YOD NA NI 'BYUNG BA DE'I LTAR NA NI BUD SHING TSOL BAR RIGS NA GANG GI LTAR NA ME RTAG PAR YOD DO ZHES BYA BA KHAS LEN PA DE LTAN BUD SHING NYE BAR SOG DGOS PA MED PA KHO NA STE 'DI NI DE DANG 'DRA'O, ,DE'I PHYIR 'DI NI CHEN PO LA SOGS PA RNAM PAR 'GYUR BA'I TSOGS KYIS 'JUG PA'I 'BRAS BU MED PA NYID KYIS 'DI'I BSTAN BCOS SU LO RGYUS BYED PA'I NGAL BA DON MED PA KHO NAR RTOGS SO, ,CI STE SKYES BU NI SHES PA YOD PA NYID KYI NUS PA'I NGO BO YIN LA, DE MIG LA SOGS PA BYED PA'I BYA BA'I RGYU CAN BLO MNGON PAR GSAL BA LAS SHES PA YOD PA NYID 'JUG PAS MNGON PAR GSAL BAR 'GYUR RO, , SKYES BU NI NYE BAR LONGS SPYOD PA PO YIN LA, DE YUL NYE BAR LONGS SPYOD PA'I BYA BA MNGON PAR GRUB PAS YUL LA SEMS PAR BYED DO, ,DE'I YUL NYE BAR LONGS SPYOD PA'I BYA BA DE NI SHES PA YOD PA NYID 'JUG PA'I BDAG NYID CAN GYI BYA BA YIN LA DE YANG MIG LA SOGS PA BYED PA'I TSOGS MED PAR MI 'BYUNG BA'I PHYIR RNAM PAR 'GYUR BA'I TSOGS 'DI DON MED PA NYID DU GA LA 'GYUR SNYAM NA BSHAD PAR BYA STE, GAL TE SHES PA YOD PA SHES PA YOD PA NYID KYI 'JUG PA'I RANG GI NGO BO YIN LA DE YANG BYA BA'I RANG BZHIN CAN YIN NA NI DE'I TSE 'DI'I @164A *, ,BYA BA'I CHOS LAS MI 'DA' BAR 'GYUR DGOS SO, ,BYA BA RNAMS KYI CHOS KYANG GANG ZHIG CE NA, RDZAS LA BRTEN PA NYID DANG G-YO BA NYID DO, ,'DI LTAR, RDZAS NI BYA BA JI BZHIN DU, ,'JIG PA'I BAR DU G-YO BA MED, ,BYA BA NI RDZAS KYI BYED PA'I RANG BZHIN YIN TE, DE NI SKYES PA NAS BZUNG STE 'JIG PA'I BAR DU G-YO BA YIN NO, ,'DI LTAR SHING LA SOGS PA RLUNG LA SOGS PA NYE BAR LHAGS PA MED PAR BYA BA MI RTZOM PA RNAMS SKYES NAS 'JIG PA'I BAR NI RNAM PAR MI G-YO BAR SPOD LA, 'DI RNAMS KYI 'GUL BA'I BYA BA RLUNG LA SOGS PA'I RKYEN LAS BYUNG BA NI MA ZHIG BAR DU G-YO BA NYID LAS MI 'DA'O, ,GANG GI PHYIR 'DI DE LTAR YIN PA, DES NA SKYES BU YOD CES PA, ,YOD PA MED CES BYAR MI RIGS, ,JI LTAR SHING LA SOGS PA RNAMS G-YO BA'I BYA BA RTZOM PA'I SNGA ROL GYI GNAS SKABS NA RDZAS KYI RANG BZHIN SHING LA SOGS PA'I MTSAN NYID DU DMIGS PA DE BZHIN DU SKYES BU NI MA YIN NO, ,DE NI SHES PA YOD PA NYID KYANG RANG BZHIN YIN PA'I PHYIR DANG, DE LAS THA DAD PA'I RDZAS KYI RANG BZHIN MED PA'I PHYIR SHES PA YOD PA DANG BRAL BA'I BDAG NYID DU YANG YOD PA YIN NO ZHES BYA BAR BRTAG PAR MI NUS SO, ,DE'I PHYIR SKYES BU YOD KYI SHES PA YOD PA NYID NI MA YIN NO ZHES BYA BAR MI RIGS SO, ,GANG YANG SHES PA YOD PA NYID KYI NUS PA YOD PA'I PHYIR DE'I TSE SKYES BU YOD PA NYID DU RTOG PA DE YANG MI RIGS TE, RTEN MED PA'I NUS PA YOD PA MA YIN PA'I PHYIR RO, ,JI LTAR SHES PA YOD PA NYID 'JUG PA'I GNAS SKABS NA SHES PA YOD PA NYID LAS THA DAD PA'I SKYES BU NI MI SRID PA DE BZHIN DU NUS PA'I GNAS SKABS NA YANG SHES PA YOD PA NYID KYI NUS PA TZAM LAS THA DAD PA'I SKYES BU YOD PA MA YIN NO, ,DE'I PHYIR RTEN MED PA'I NUS PA MED LA; NUS PA MED PA LAS KYANG NUS PA GSAL BA'I RANG BZHIN GYI DNGOS POR 'GYUR BA LA NYE BAR MKHO BA NYID KYIS MIG LA SOGS PA RNAMS NYE BAR MKHO BA DANG BCAS PA NYID DU BRTAGS PA GANG YIN PA DE MI RIGS PA KHO NA STE, DE'I PHYIR, GAL TE SHES PA YOD RTAG NA, ,BYED @164B PA LOG PAR 'GYUR BA STE, ZHES BYA BA 'DI MI 'JUG GO, ,GZHAN YANG GAL TE SKYES BU 'DI SHES PA YOD PA NYID KYI NUS PA GSAL BA LAS, SNGAR SHES PA 'DI'I SNGA ROL NA SHES PA YOD PA'I NUS PA'I NGO BOR 'GYUR NA NI DE'I TSE, GZHAN DU SHES PA YOD PA'I KHAMS, ,MTHONG ZHING GZHAN DU SHES YOD DE, ,SHES PA YOD PA LA TSUL GNYIS RTOG NA KHYOD KYIS SHES PA YOD PA LAS GZHAN DU STE THA DAD PA NYID DU SHES PA YOD PA'I KHAMS TE, SHES PA YOD PA'I SA BON SHES PA YOD PA'I NUS PA DANG SHES PA YOD PA'I NUS PA LAS KYANG GZHAN DU STE THA DAD PAR SHES PA YOD PA MTHONG STE DE'I PHYIR SHES PA YOD PA'I KHAMS LAS SHES PA YOD PA 'BYUNG NA KHAMS DANG YUL MTSUNGS PAR 'GYUR BZHIG GO, ,DPE BSHAD PA, LCAGS KYI ZHU NYID BZHIN DE'I PHYIR, ,ZHES BYA BA'O, ,'DIR DPER NA LCAGS ZHU BA NYID DU 'GYUR BA NA LCAGS KYI YUL LAS THA MI DAD PA'I YUL CAN DU 'GYUR BA DE DANG 'DRA'O, ,SA BON DANG MYU GU DAG NI MNGON PAR MI 'BYUNG BA MTHONG BA'I PHYIR YUL MTSUNGS PA NYID MA YIN TE, SKYES BU LAS NI MNGON PAR 'BYUNG BA DANG MI MNGON PAR GYUR PA GNYIS MED PAS YUL MTSUNGS PA NYID YOD DO, ,DE NYID KYI PHYIR LCAGS KYI ZHU NYID BZHIN ZHES LCAGS KYI ZHU BA NYID DPE GZHAN SMOS SO, ,SHES PA YOD PA'I NUS PA'I NGO BO LAS THA DAD PAR SKYES BU'I NUS PA GSAL BAR YOD PA YANG MA YIN TE, DE LAS GZHAN MA YIN PA'I PHYIR RO, ,DE'I PHYIR NUS PA'I NGO BOR GYUR PA 'DI GSAL BA'I NGO BOR GYUR PA NA; LCAGS KYI ZHU NYID BZHIN DE'I PHYIR, ,SKYES BU RNAM PAR 'GYUR BA 'GYUR, ,RNAM PAR 'GYUR BA NYID LAS KYANG LCAGS KHO NA BZHIN DU BDAG LA RTAG PA NYID MED DO ZHES BYA BAR GRUB PO, ,YANG GZHAN DAG NI KHO BO CAG NI SKYES BU SHES PA YOD PA'I NGO BO MA YIN TE, 'O NA CI ZHE NA, SHES YOD YID TZAM ZHIG LA STE, ,SKYES BU NAM MKHA' BZHIN DU CHE, ,SROG CHAGS THAMS CAD LA LUS RE RE ZHING YOD PA'I BDAG NYID NI NAM MKHA' LTAR KHYAB PA YIN LA, DE'I YID TZAM DANG LDAN PA SHES PA YOD PA NI THAMS CAD LA KHYAB PA MA YIN NO, ,YOD KYANG BDAG GI @165A *, ,PHYOGS RDUL PHRA RAB TZAM NYID LA LDAN PA ZHIG STE, DES NA YID DANG SBYAR NAS SKYES BUS DE DANG YUL THA MI DAD PA CAN GYI SHES PA YOD PA SKYED PAR BYED DE DE'I PHYIR KHO BO CAG GI PHYOGS LA JI SKAD SMRAS PA'I SKYON GYI SKABS MED DO ZHES SMRA'O, ,BSHAD PAR BYA STE, GANG GI PHYIR KHYOD KYIS SKYES BU NAM MKHA' LTAR SHIN TU CHE BA 'DI'I SHES PA YOD PA YID TZAM KHAS LEN LA, DE'I PHYIR DE YI NGO BO NI, ,SHES PA YOD NYID MIN LTAR MTHONG, ,DE LTAR YIN DANG SKYES BU SHES PA YOD PA MA YIN PA KHO NAR 'GYUR TE, RDUL PHRA RAB TZAM GYI PHYOGS DANG SHES PA YOD PA DANG 'BREL PAS SKYES BU SHES PA YOD PA DANG BCAS PA YIN NO ZHES BRJOD PAR MI NUS SO, ,RDUL PHRA RAB TZAM GYI LAN {TSVA} DANG 'BREL PAS GANG G'A'I KLUNG GI CHU LAN {TSVA} DANG BCAS SO SNYAM DU BSAM PAR NUS PA NI MA YIN TE, 'DI NI DE DANG 'DRA'O, ,BDAG NI RDZAS YIN ZHING SHES PA YOD PA NI YON TAN GYI NGO BO YIN TE, DE GNYIS PHAN TSUN THA DAD PAS SKYES BU NI SHES PA YOD PA MA YIN PA'I NGO BO KHO NA ZHIG GO, ,SHES PA YOD PA MA YIN PA DE LA NI BUM PA LTAR BDAG NYID DU RTAG PAR RIGS PA YANG MA YIN PAS BDAG RTAG PAR MI 'THAD DO, ,YANG GAL TE BDAG 'DI SEMS CAN RE RE ZHING THAMS CAD DU YOD PAR 'GYUR NA NI DE'I TSE, GAL TE BDAG KUN LA YOD NA, ,GZHAN GYIS DE DER CIS MI RTOGS, ,GAL TE KHYOD KYI LUGS KYIS NA BDAG NAM MKHA' LTAR THAMS CAD DU 'GRO ZHING THAMS CAD DU KHYAB PAR 'GYUR NA NI DE'I TSE SEMS CAN GZHAN LA YANG BDAG GI BDAG YOD PAS BDAG NYID KYI BZHIN DU DER DE LA NGAR 'DZIN PA CI STE MI 'BYUNG, GAL TE BDAG LTAR GZHAN YANG BDAG GI BDAG LA NGAR 'DZIN PAR 'GYUR NA NI, DE LTAR NA DE THAMS CAD NA YOD PA NYID DU RIGS PA ZHIG GO, ,GZHAN GYI LUS LA GZHAN GYI BDAG GIS BDAG GI BDAG BSGRIBS PAR RIGS PA YANG MA YIN NO, ,GZHAN GYI BDAG GI YUL NI BDAG GI BDAG MED PA NI MA YIN TE, BDAG NYID THAMS CAD KYI KHYAB PA NYID DU KHAS BLANGS PA'I PHYIR RO, ,GANG GI TSE YUL MTSUNGS PA NYID YIN PA DE'I @165B TSO DES DE LA SGRIB PAR BRJOD PAR MI NUS SO ZHES BSTAN PA'I PHYIR BSHAD PA, DE NYID KYIS NI DE NYID LA, ,SGRIB CES BYA BAR MI 'THAD DO, ,YUL MTSUNGS PA'I PHYIR RANG GI BDAG GI NGO BO LTAR RANG GI BDAG GIS GZHAN GYI BDAG LA SGRIB PA YOD PA MA YIN PAS GZHAN GYI BDAG KYANG NGAR 'DZIN PA'I YUL NYID DU THAL BAR 'GYUR NA, DE LTAR YANG MA YIN PAS BDAG THAMS CAD NA YOD PA MA YIN NO, ,DE LTAR RE ZHIG LUGS GNYI GA LTAR YANG BDAG YOD PA NYID DU MI RIGS SO ZHES BSTAN NAS YON TAN RNAMS KYANG 'GRO BA MTHA' DAG GI BYED PA PO NYID DU MI SRID PAS MI RIGS PA NYID DU BRJOD PA'I PHYIR BSHAD PA, GANG PHYIR YON TAN BYED PO DANG, ,RNAM KUN SHES YOD MA YIN PA, ,DE DAG DANG NI SMYON PA LA, ,KHYAD PAR CI YANG YOD MA YIN, ,RDUL DANG MUN PA DANG SNYING STOBS RNAMS NI YON TAN GSUM MO, ,DE DAG CHA MNYAM PA'I GNAS SKABS NI GTZO BO YIN LA SKYE BA'I GNAS SKABS NI RANG BZHIN YIN NO, ,YON TAN GSUM GYI BDAG NYID CAN GYI RANG BZHIN SKYES BU YUL NYE BAR LONGS SPYOD PAR 'DOD PA RIGS PA DE NI DE'I TSE SEMS PA CAN MA YIN PAR GYUR KYANG SKYES BU DANG THA MI DAD PAR RTOGS PAR BYAS NAS RNAM PAR 'GYUR BA'I TSOGS MTHA' DAG SKYED PAR BYED DO, ,DE LA TSUL NI 'DI YIN TE, 'DI LTA STE, RANG BZHIN LAS NI CHEN PO'O, ,CHEN PO ZHES BYA BA NI BLO'I RNAM GRANGS SO, ,CHEN PO LAS NI NGA RGYAL LO, ,DE NI RNAM PA GSUM STE, SNYING STOBS CAN DANG, RDUL CAN DANG, MUN PA CAN ZHES BYA'O, ,DE LA SNYING STOBS CAN GYI NGA RGYAL LAS NI MIG DANG, RNA BA DANG, SNA DANG, LCE DANG, PAGS PA ZHES BYA BA'I BLO'I DBANG PO LNGA DANG, NGAG DANG, LAG PA DANG, RKANG PA DANG, RKUB DANG, MDOMS ZHES BYA BA LAS KYI DBANG PO LNGA DANG, GNYI GA'I BDAG NYID CAN GYI YID DE DE LTAR NA BCUG CIG 'BYUNG NGO, ,RDUL CAN GYI NGA RGYAL LAS NI DE TZAM LNGA STE, GZUGS DANG, SGRA DANG, DRI DANG, RO DANG, REG PA DAG GO, ,DE TZAM LAS NI 'BYUNG BA RNAMS TE, SA DANG, CHU DANG, ME DANG, @166A *, ,RLUNG DANG, NAM MKHA' ZHES BYA BA'O, ,MUN PA CAN GYI NGA RGYAL NI, ,GNYI GA'I 'JUG PAR BYED PA'O, ,DE LTAR NA RANG BZHIN GYI RNAM PAR 'GYUR BA'I NGO BO YIN PA'I PHYIR RNAM PAR 'GYUR BA MTHA' DAG GI 'JUG PAR BYED PA NI YON TAN GSUM YIN NO, ,DE LTAR YON TAN RNAMS BYED PA PO NYID DANG, SHES PA YOD PA MA YIN PA NYID DO ZHES BYA BA RGOL BA MTHA' DAG GI BSAM PA YIN PA DE DAG DANG SMYON PA RNAMS LA KHYAD PAR CUNG ZAD KYANG YOD PA MA YIN NO ZHES DNGOS PO'I DE NYID LA MKHAS PA RNAMS KYIS MTHONG NGO, ,SMYON PA NI RGYUD LAS SHES PA PHYIN CI LOG TU GYUR PA'O, ,DE NI PHYIN CI LOG GI RNAM PAR SHES PA DE DON JI LTA BA BZHIN MI RTOGS SHING PHYIN CI LOG TU'ANG NGES PAR 'DZIN PAR BYED LA, YOD PA MA YIN PA'I DON YANG RDOL BAR BYED DE GRANGS CAN 'DI YANG DE BZHIN DU YON TAN SHES PA YOD PA MA YIN PA RNAMS BSTAN BCOS KYI SGO NAS BYED PA PO NYID DU STON PA NA DON JI LTAR RNAM PAR GNAS PA DE LTAR MI RTOGS SHING PHYIN CI LOG TU YANG NGES PAR 'DZIN PAR BYED LA, YOD PA MA YIN PA'I DON GTAM PAR YANG BYED PAS SMYON PA RNAMS DANG MTSUNGS PA KHO NA ZHIG GO SNYAM MO, ,GZHAN YANG 'DI'I SKYES BU 'DI NI RNAM PAR 'GYUR BA'I TSOGS KYI BYED PA PO MA YIN ZHING ZA BA PO YIN LA YON TAN RNAMS NI BYED PA PO YIN GYI ZA BA PO MA YIN TE, DE'I PHYIR 'DI'I YON TAN RNAMS RIGS PA MED PA'I BYED PA PO NYID DANG ZA BA PO MA YIN PA NYID DU STON PA NA BDAG NYID SHIN TU MI RIGS PA SMRA BA NYID GSAL BAR BYED PA YIN NO ZHES BSTAN PA'I PHYIR BSHAD PA, YON TAN RNAMS KYIS RNAM KUN TU, ,KHYIM LA SOGS DAG BYED SHES KYI, ,ZA BAR RNAM PAR MI SHES PA, ,'DI LAS MI RIGS GZHAN CI YOD, ,SMRA BA 'DI NI RIGS PA DANG 'GAL BA'I PHYIR DANG; 'JIG RTEN GYIS MI 'DOD PA'I PHYIR 'DI LAS MI RIGS PA GZHAN YOD PA YANG MA YIN NO ZHES DGONGS PA'O, ,DE LTAR NA RE ZHIG YON TAN RNAMS BYED PA PO NYID DU MI RIGS SO, ,GANG GI LTAR BDAG KHO NA CHOS DANG CHOS MA YIN PA GNYIS KYI BYED PA PO DANG, DE DAG @166B 'BRAS BU'I ZA BA PO YIN NO ZHES BYA BAR 'DOD PA DE'I BDAG KYANG RTAG PA NYID DU MI RIGS TE, 'DI LTAR, BYA BA DANG LDAN RTAG PA MED, ,'DI NA BYED PAS NA BYED PA PO YIN LA DE'I BYED PA PO NYID NI BYA BA'I RGYU CAN YIN NO, ,CUNG ZAD KYANG MI BYED CING RGYU MED PA NA 'GA' YANG BYED PA PO YIN NO ZHES BYA BAR MI RIGS SO, ,BYA BA DANG LDAN PA NYID DU YOD NA YANG NGES PAR BYA BA RTZOM PA'I DUS NA 'DI LA BYA BA DE'I SNGAR GYI GNAS SKABS LAS KHYAD PAR KHAS BLANG BAR BYA'O, ,SNGA PHYI'I GNAS SKABS DAG TU KHYAD PAR MED PA'I BDAG NI SNGAR GYI GNAS SKABS BZHIN DU BYA BA DANG LDAN PA NYID DU MI 'GYUR RO, ,RAGS PA ME DANG RLUNG LA SOGS PA BYA BA DANG LDAN PA RNAMS LA NI RTAG PA NYID YOD PA MA YIN TE, DE BZHIN DU 'DI LA YANG YOD PAR MI 'GYUR RO, ,GZHAN YANG BDAG 'DI'I BYA BA DANG LDAN PA NYID MI RIGS TE, THAMS CAD NA YOD PA NYID DU KHAS BLANGS PA'I PHYIR RO, ,BYA BA ZHES BYA BA NI BYED PA PO BRTEN PA'AM LAM LA BRTEN PAR 'GYUR BA ZHIG GO, ,DE YANG RNAM PA GNYIS TE, BYED PA'I NGO BO DANG, DNGOS PO'I NGO BO'O, ,DE LA BYED PA PO LA BRTEN PA BYED PA'I NGO BO NI 'DI LTA STE 'GRO BA'I BYA BA'O; ,DE NI 'GRO BA PO LHA SBYIN LA GNAS TE, DE DANG 'BREL PA LAS LHA SBYIN 'GRO ZHES BYA BAR BRJOD DO, ,DE NI THAMS CAD DU SONG BA MA YIN PA'I PHYIR RKANG PA 'DEGS PA DANG 'JOG PA'I MTSAN NYID CAN GYI BYA BAS YUL SNGA PHYI GNYIS GTONG BA DANG LEN PA'I PHYIR BYA BA DANG BCAS PAR RIGS SO, ,GAL TE 'DI THAMS CAD DU SONG BA NYID DU RTOG NA DE'I TSE GANG DU 'GRO BAR GYUR PA 'DI NYE BAR MI GNAS PA GANG ZHIG NA YOD, GANG GI PHYIR 'DI, DE LTAR YIN PA DE YI PHYIR, ,KUN TU SONG LA BYA BA MED, ,LHA SBYIN 'DUG GO ZHES BYA BA LA SOGS PA BYED PA PO LA GNAS PA MI 'GUL BA'I MTSAN NYID CAN GYI BYA BA DNGOS PO'I BDAG NYID CAN GANG YIN PA DE YANG SNGAR GYI BYA BA BCOM NAS RTZOM PA NA SNGAR BDAG NYID DES LUS BKOD PA MI SRID PA'I PHYIR, SA PHYOGS DANG LDAN PA'I LHA SBYIN LA KHYAB BDAG MA YIN PA NYID YOD DANG RIGS @167A *, ,PAR 'GYUR GYI THAMS CAD DU SONG BA LA NI MA MNAN PA'I PHYOGS 'GA' YANG YOD PA MA YIN PA NYID NAS BYA BA DANG LDAN PA NYID MI RIGS SO, ,DE BZHIN DU LAS LA GNAS PA'I BYA BA 'GUL BA'I BDAG NYID CAN SBYONG LA SOGS PA NAS PHYE BA'I NGO BO GANG YIN PA DANG, 'TSED PA LA SOGS PA MI 'GUL BA'I BDAG NYID CAN GANG YIN PA DE YANG BYED PA PO LA GNAS PA'I BYED PA DANG DNGOS PO GNYIS DANG MTSUNGS PAR RIG PAR BYA'O, ,DE'I PHYIR DE LTAR NA, BYA BA DANG LDAN RTAG PA MED, ,KUN TU SONG LA BYA BA MED, , CES BYA BA GNAS PA YIN NO, ,'O NA NI BDAG BYA BA DANG BRAL BAR 'GYUR RO ZHE NA, DE LTAR NA YANG, BYA BA MED PA MED DANG MTSUNGS, ,MA YIN NAM DNGOS PO BYA BA MED PAS NI YOD PA MA YIN PA NAM MKHA'I ME TOG LA SOGS PA DANG MTSUNGS PAR 'GYUR RO, ,BDAG NYID KYI RGYU DANG RKYEN JI LTA BA LA RAG LAS TE 'BYUNG BA'I SKYE BA'I BYA BA BSKYED PA'I DNGOS PO RNAMS NI RE ZHIG CHES THOG MAR BDAG NYID YOD PAR SGRUB PAR BYED LA DE NAS BDAG GI DNGOS PO THOB PAR 'GYUR ZHING RGYU DANG 'BRAS BU GCIG NAS GCIG TU BRGYUD PA RGYUN RNAM PAR MA CHAD PAR 'BYUNG BA NA BYA BA'I KHYAD PAR DE DANG DE'I SKYE BA'I RGYUR 'GYUR BAR BYA BA DANG BCAS PA'I DON KHO NA YOD PA NYID DU GZHAG PAR NUS SO, ,RANG GI SDE PA GANG DAG BYA BA MED PA'I CHOS TZAM ZHIG RTOGS PA DE DAG GI LTAR NA DE LTA YIN DANG CHOS TZAM GYIS YANG YOD PA NYID NYAMS PAR 'GYUR TE, BONG BU'I RVA BZHIN BYA BA MED PA'I PHYIR RO, ,CI STE YANG CHOS BYA BA MED PA TZAM ZHIG YOD PA NYID DU 'DON PA LAS NA 'DI NYES PA MED DO SNYAM NA, DE YANG MI RIGS TE, GSUNG RAB KYI DON RNAM PA GZHAN DU NGES PA'I PHYIR RO, ,DE LAS NI BYED PA POR RANG DBANG BA RNAM PA THAMS CAD DU MED PAS DE'I BYED PA'I NGO BO'I BYA BA BKAG PAS CHOS RNAMS BYA BA MED PA NYID DU STON GYI, DNGOS PO BYAS PA'I RGYU CAN GYI BYA BA BKAG PAS KYANG MA YIN NO, ,DE MED NA RTEN CING 'BREL PAR 'BYUNG BA 'GAL BA NYID DU 'GYUR LA, RTEN CING 'BREL PAR 'BYUNG BA 'GAL BA LAS @167B KYANG DE LA RTEN CING 'BREL PAR 'BYUNG BA RTEN PAR BYED PA PO DANG LAS BYED PA DANG YANG DAG PAR SBYIN PA LA SOGS PA BYED PA'I TSOGS DE MED PA'I PHYIR CHOS DANG CHOS MA YIN PA LA SOGS PA DANG, DE DAG GI 'BRAS BU MED PA YIN DANG, 'GRO BA THAMS CAD BONG BU'I RVA DANG 'DRA BAR 'GYUR BAS DE SANGS RGYAS PA MA YIN PA KHO NAR 'GYUR RO, ,DE'I PHYIR DE LTAR BYA BA DANG LDAN PA LA YOD PA NYID MTHONG BA'I PHYIR ZLOG PA'I SGO NAS BYA BA MED PA NYID DANG MTSUNGS SHING, BDAG KYANG BYA BA MED PA'I PHYIR RNAM PA THAMS CAD DU YOD PA MA YIN PAS, BDAG MED LA KHYOD KYIS MI DGA', ,GAL TE BDAG RTAG PA YOD PA MA YIN NA RGYU GANG GIS KHYOD BDAG MED PA LA MI DGA' STE, DAM PA MA YIN PA'I LTA BA MTHA' DAG LDOG PA'I RGYU YIN PA'I PHYIR DGA' BA KHO NAR 'GYUR DGOS SO, ,YANG GAL TE BDAG CES BYA BA 'DI 'GA' ZHIG ME'I TSA BA NYID LTAR RANG GI NGO BOS YOD NA NI DE'I TSE DE RANG GI NGO BO DES YOD PA'I PHYIR NGES PAR DMIGS PA ZHIG NA DE LTAR YANG MA YIN NO, ,'DI LTAR DE'I RGOL BA DAG GIS, LA LAR KUN TU SONG BAR MTHONG, ,LA LAS SKYES BU LUS TZAM ZHIG ,LA LAR RDUL TZAM ZHIG MTHONG STE, ,SHES RAB CAN GYIS MED CES MTHONG, ,DE LA KHA CIG DAG GIS NI LUS RE RE ZHING THA MI DAD PA'I BDAG THAMS CAD DU SONG BAR RTOGS SO, ,GZHAN DAG GIS NI 'GRO BA MTHA' DAG GI BDAG ZLA BA LTAR GCIG KHO NAR RTOGS SO, ,DE'I 'THAD PA NI LUS THA DAD PA LAS BTAGS PA STE, 'BRU MAR DANG CHU LA SOGS PA'I SNOD THA DAD PAS ZLA BA'I GZUGS BRNYAN THA DAD PA BZHIN NO, ,DE YANG THAMS CAD DU SONG BA ZHIG STE DE LTAR NA LA LAR KUN TU SONG BAR MTHONG NGO, ,LA LAS SKYES BU LUS TZAM ZHIG STE, 'DI LTAR LA LA DAG GIS NI SBRANG BU MCHU RINGS DANG GROG MA DANG GLANG PO CHE LA SOGS PA RNAMS LA BDAG LUS TZAM ZHIG YIN PA'I PHYIR ZHUM PA DANG RGYAS PA NYID DU RTOGS SO, ,GZHAN DAG GIS NI 'DI ZHUM PA DANG RGYAS PA'I CHOS NYID DU MI BZOD PA NA BDAG RDUL PHRA RAB TZAM ZHIG TU RTOGS SO, ,DE BZHIN GSHEGS PA'I GSUNG LA BRTEN TE YANG DAG PA'I SHES @168A *, ,PA SKYE ZHING, RTEN CING 'BREL PAR 'BYUNG BA'I CHOS NYID MNGON PAR SHES PA SHES RAB CAN DAG GIS NI YOD PA MA YIN PA KHO NAR DMIGS SO, ,GAL TE DE RANG GI NGO BOS YOD NA NI DE'I TSE NGES PAR DNGOS PO'I DE KHO NA NYID PHYIN CI MA LOG PAR MTHONG BA'I SANGS RGYAS PA DAG GIS BDAG NYID DES DMIGS PAR 'GYUR ZHING, MU STEGS CAN RNAMS LA YANG DE LTAR LTA BA THA DAD PAR MI 'GYUR BA ZHIG NA 'DI THAMS CAD YOD PA YANG MA YIN PAS BDAG RANG GI NGO BOS YOD PA MA YIN NO, ,YANG GAL TE BDAG RANG GI NGO BOS YOD NA NI, DE'I TSE DE RNAM PAR MI 'GYUR BA NYID KYI PHYIR GROL BAR MI 'GYUR RO, ,NYE BAR 'TSE BA DANG BCAS SHING DE LA RGYAB KYIS PHYOGS PA'I SKYES BU LA NI DE LDOG PA BDE BAR 'GYUR SRID KYI, BDAG RTAG PA'I NYE BAR 'TSE BA MED PA LA NI MA YIN NO, ,RTAG LA GNOD PA GA LA ZHIG ,GNOD MED THAR PA GA LA YOD; ,DES NA GANG GI BDAG RTAG PA, ,DE LA THAR PA MI RIGS SO, ,PHAN PA DANG GNOD PA DAG LAS KHYAD PAR MED PA'I PHYIR NA GANG ZHIG THAR PA'I GNAS SKABS SU YOD PAR 'GYUR BA, 'DI LA DA LTAR MED PA NI CI ZHIG YOD, DE'I PHYIR RNAM PA THAMS CAD DU KHYAD PAR MED PA'I PHYIR BDAG RTAG PAR SMRA LA THAR PA MI RIGS SO, ,THAR PAR 'DOD PAS NI RTEN CING 'BREL PAR 'BYUNG BA KHO NA KHAS BLANG BAR BYA BA'I BDAG RTAG PA NI MA YIN NO, ,DNGOS PO RTEN CING 'BREL PAR 'BYUNG BA RNAMS LA NI SKAD CIG MA YIN LA, DE RNAMS NI RGYU DANG RKYEN DAG RNAM PAR CHAD PA MED PAS RGYUN CHAGS SU 'BYUNG BA NA RGYU DANG RKYEN MA TSANG BA LAS MI 'BYUNG BAS THAR PAR RIGS SO, ,GZHAN YANG YA MTSAN CAN THAMS CAD KYIS BDAG TU 'DZIN PA DANG, BDAG GIR 'DZIN PA RNAM PA THAMS CAD DU ZAD PAR BYA BA'I PHYIR GROL BA KHAS BLANGS TE; DE'I PHYIR DE DAG LA GROL BA'I GNAS SKABS NA, GAL TE BDAG CES BYA YOD NA, ,BDAG MED SNYAM STE MI RIGS SHING, ,DE NYID RIG PA NGES SDOM LAS, ,MYA NGAN 'DAS 'GYUR ZHES BYA'ANG BRDZUN, ,GAL TE BDAG GI NGO BOS YOD NA NI DE'I TSE RANG GI NGO BO LA LDOG PA @168B MED PA'I PHYIR THAR PA'I GNAS SKABS NA YANG YOD PA NYID DU 'GYUR RO, ,DE'I PHYIR THAR PA'I GNAS SKABS NA YANG BDAG TU 'DZIN PA'I RGYU BOGS DBYUNG DU MED PA'I BDAG YOD PA'I PHYIR BDAG MED DO ZHES DE LTAR BDAG TU 'DZIN PA SPANGS PA MI RIGS SO, ,DE'I PHYIR BDAG GI DE KHO NA NYID RIG PA NGES PAS BDAG TU 'DZIN PA SPANGS PA LAS MYA NGAN LAS 'DA' BAR 'GYUR RO ZHES BYA BA YANG BRDZUN TE DE YANG NGAR 'DZIN PA YOD PA'I PHYIR RO, ,YANG NA GROL BAR 'DOD PAS BDAG MED PA KHO NA KHAS BLANG BAR BYA STE, BDAG MED PA YOD PA DANG BDAG TU 'DZIN PA SPONG LA BDAG TU 'DZIN PA SPANGS PA LAS THAR PA GRUB PAR 'GYUR RO, ,CI STE BDAG YOD NA THAR PA'I GNAS SKABS NA BDAG TU 'DZIN PA 'JUG PAR THAL BAR 'JIGS NAS GROL BA'I GNAS SKABS NA BDAG YOD PA NYID KHAS MI LEN NA, DE LTAR YIN DANG, GAL TE GROL BA NYID YOD NA, ,DE NI SNGAR YANG MED PA MED, ,MI LDAN PA LA GANG MTHONG BA, ,DE NI RANG BZHIN ZHES BYAR BSHAD, ,MA YIN NAM, 'BREL PA CAN GYI CHOS DANG MI LDAN ZHING RKYANG PAR RANG GI NGO BO TZAM LA GNAS PA'I DNGOS PO TZAM LA CHA JI TZAM ZHIG DMIGS PA DE NI DE'I RANG BZHIN NO ZHES BYA BAR RNAM PAR GZHAG STE, DE LAS GZHAN PA'I CHOS DANG MA 'DRES PA'I PHYIR RO, ,DPER NA ZAD MI SHES PA'I GSER GYI DE LAS GZHAN PA'I 'BREL PA CAN LCAGS YONGS SU ZAD PA LAS RNAM PAR BYANG BA'I GNAS SKABS GANG YIN PA DE DE'I RANG BZHIN DU RNAM PAR GZHAG PA DE BZHIN DU GROL BA'I BDAG GI SHES PA RNAM PAR BYANG BA'I GNAS SKABS SU SHES PA'I KHYAD PAR GYI NGO BO CI 'DRA BA ZHIG SNANG BA DE YANG DE'I RANG BZHIN YIN NO ZHES BYA BAR RIGS NA CUNG ZAD CIG SNANG BA YANG MA YIN TE, BDAG TU 'DZIN PA 'JUG PAR THAL BAR 'GYUR BA'I PHYIR RO, ,DE'I PHYIR THAL BA'I SNGA ROL GYI GNAS SKABS NA YANG DE'I RANG BZHIN DE KHO NA YIN PAR RIGS SO, ,SNGAR GYI GNAS SKABS SU PHYIN CI LOG GIS DRI MA CAN DU GYUR CING DON JI LTA BA BZHIN DNGOS PO'I RANG GI NGO BO MA RTOGS PA'I BLO TSAD MA NYID DU KHAS BLANG BAR NUS PA NI MA YIN NO, ,DE'I PHYIR @169A *, ,DON 'DI MTHONG BA PHYIN CI LOG GI DMIGS SU ZIN KYANG DE LTAR KHAS BLANG BAR MI NUS SO, ,RAB RIB CAN GYIS MTHONG BA YOD PA MA YIN PA'I SKRA SHAD DANG SBRANG BU LA SOGS PA'I DON SGRO 'DOGS PA YANG DE LTAR KHAS BLANGS PAR THAL BAR 'GYUR BA'I PHYIR RO, , DE'I PHYIR BDAG RANG GI NGO BOS GRUB PA YOD PA MA YIN NO ZHES BYA BAR GNAS SO, ,'DIR SMRAS PA, GAL TE BDAG MED NA DE'I TSE SKAD CIG RE RE LA 'JIG PA'I NGANG CAN GYI 'DU BYED RNAMS SKYES MA THAG TU 'JIG PA'I PHYIR CHAD PAR LTA BAR 'GYUR LA, DNGOS PO SKAD CIG MA'I RTEN BDAG SKAD CIG MA MA YIN PA YOD PAS RNAM PA THAMS CAD DU MED PAR KHAS MA BLANGS PA LAS CHAD PAR LTA BA YOD PA MA YIN NO, ,BSHAD PAR BYA STE, GAL TE MI RTAG CHAD YIN NA, ,DA DUNG RTZVA SOGS RNAMS CIS YOD, ,'DI NI GAL TE BDEN GYUR NA, ,SU LA'ANG GTI MUG KYANG MI 'BYUNG, , 'JIG RTEN NA NI MI RTAG PA'I DON CHAD PAS RTOG PA YOD PA MA YIN TE, 'DI LTAR BSKAL PA DANG PO NAS ZHUGS PA RTZVA DANG LCUG MA DANG, LJON SHING LA SOGS PA RNAMS RGYU DANG 'BRAS BU'I 'BREL PA 'JUG PA'I RIM PA RNAM PAR CHAD PA MED PAR DA RUNG DU YANG 'BYUNG BAR RIGS SO, , YANG GAL TE MI RTAG PA CHAD PAR 'GYUR NA NI DE'I TSE RGYUN NI MI 'JUG PA'I MTSAN NYID CAN GYI 'JUG PAR 'GYUR TE, DE'I PHYIR DE LTAR RTZVA LA SOGS PA 'DI RNAMS DA RUNG DU YANG DMIGS PAR 'GYUR, DMIGS PA LAS NI MI RTAG PA LA CHAD PA YOD PA MA YIN NO ZHES BYA BAR RTOGS SO, , 'DI NI GDON MI ZA BAR DE LTAR KHAS BLANG BAR BYA'O, ,DE LTA MA YIN TE, MI RTAG PA CHAD DO ZHES BYA BA'I LTA BA 'DI GAL TE JI LTA BA'I DON CAN DU 'GYUR NA NI DE'I TSE NGES PAR SEMS CAN GANG LA YANG GTI MUG KYANG MI 'BYUNG NGO, ,KYANG GI SGRAS NI BDE BA LA SOGS PA DANG 'DOD CHAGS LA SOGS PA RNAMS KYANG MI 'GYUR BA ZHIG GO, ,'DI'I GTI MUG KYANG MI RTAG PA YIN LA, MI RTAG PA YANG CHAD PA YIN PAS NGES PAR CHAD PA NYID KYI PHYIR MA RIG PAS 'JUG PAR MI BYA BA ZHIG GO, ,DE'I PHYIR 'KHOR BA LDOG PA'I SGRIM PA MED PAR BSGRUB PAR BYA BAR 'GYUR LA, 'JIG @169B RTEN THAMS CAD KYI MA RIG PA SPANGS PAS 'GAR YANG DE KHO NA NYID MA MTHONG BA NYID DU MI 'GYUR BA ZHIG NA, 'DI NI DE LTAR YANG MA YIN PAS MI RTAG PA LA CHAD PA MED DO, ,CI STE DNGOS PO MTHA' DAG 'BYUNG BA'I RGYU BDAG RTAG PA NYID YOD PAS RGYU NGES PA RTZVA LA SOGS PA RNAMS LA CHAD PAR LTA BA YOD PA MA YIN NO SNYAM NA, DE YANG YOD PA MA YIN TE, DNGOS POS RTAG PA RGYU DANG RKYEN LA RAG MA LAS PAR 'GYUR BA 'GA' LA YANG YOD PA NYID MED DO ZHES SNGAR BSTAN ZIN TO, ,YOD PA MA YIN PA'I BONG BU'I RVA LTAR 'GRO BA 'JUG PA'I RGYU NYID DU MI RIGS PAS DE YOD PA'I RGYU CAN 'GRO BA'I 'JUG PA YOD PA MA YIN NO, ,YANG NA BDAG YOD DU CHUG MOD 'DI'I 'GRO BA 'JUG PA'I RGYU NYID NI MI RIGS SO, ,'DI LTAR, BDAG NI YOD PAR 'GYUR NA'ANG GZUGS, ,GZHAN LAS 'BYUNG BAR SNANG 'GYUR LA, ,GZHAN LAS GNAS PAR SNANG 'GYUR ZHING, , GZHAN LAS RNAM PAR 'JIG PAR SNANG, ,GAL TE DNGOS PO RNAMS BDAG GI RGYU CAN DU 'GYUR NA NI DE RNAMS BDAG LAS GZHAN DU 'GYUR BA'I DNGOS PO GZHAN LAS 'BYUNG BAR MI 'GYUR BA ZHIG NA, NOR BU DANG BUD SHING DANG NYI MA PHRAD PA LAS ME 'BYUNG BA DANG, ZLA BA DANG PHRAD NA NOR BU CHU SHEL LAS CHU 'DZAG PA DANG, SA BON LA SOGS PA DAG LAS MYU GU LA SOGS PA RNAMS 'JUG PA DANG NUR NUR PO LA SOGS PA'I 'BYUNG BA CHEN PO DAG LAS JI LTAR GONG DU MER MER PO DANG, GOR GOR PO DANG, MKHRAD GYUR DANG, RKANG LAG 'GYUS PA DANG, NYID LAG 'GYUS PA RNAMS DANG, DE LAS MIG LA SOGS PA RNAMS DMIGS PA YANG YIN NO, ,DE LTAR GZUGS NI GZHAN LAS 'BYUNG BAR DMIGS SO, ,YANG GAL TE 'DI DAG THAMS CAD BDAG GI BYED PA PO CAN NYID YIN NA NI, GZUGS 'DI LA 'JUG PA DE KHO NA LAS YIN PAR RAG MOD, RGYU GZHAN BRTAGS PAS CI ZHIG BYA, ,CI STE RGYU GZHAN PO DE YANG BDAG KHO NA LAS 'BYUNG NGO SNYAM DU SEMS NA, CI STE DE LTAR MA MTHONG, GAL TE NYE BAR BSTAN PA MED PA'I PHYIR RO ZHE NA, CI MIG LA SOGS PA RNAMS RANG GI YUL LA 'JUG PA LA NYE @170A *, ,BAR BSTAN PA LA LTOS PA ZHIG GAM DE MA YIN NO, ,'O NA NI DON DE DMIGS PA LA NYE BAR BSTAN PA DGOS PA YOD PA MA YIN NO, ,GAL TE DANG PO 'JUG PA BDAG LAS YIN NO ZHE NA, CI BDAG DE LA DANG PO YOD DAM MED DE, GAL TE DE LTAR NA DE'I 'BRAS BU YANG THOG MA MED PAR 'GYUR DGOS SO, ,CI STE YOD KYANG DE SNGAR RGYU NYID MA YIN NA PHYIS DE'I RGYU NYID SUS BYAS, GAL TE DON GZHAN LA LTOS SO ZHE NA, 'O NA NI DON DE DE'I RGYU NYID LA RGYU YIN PAS DE NYID RGYU BRGYUD PAR 'GYUR TE, RGYU DE'I RGYU NYID LA GZHAN RGYU YIN LA DE'I YANG GZHAN YIN PAS RGYU THUG PA MED PAR 'GYUR RO, ,DE'I PHYIR RGYU KHO NA LAS 'GRO BA 'JUG PAR 'GYUR BAS BDAG RGYU NYID DU BRTAGS PA DON MED PA 'DIS CI BYA, CI STE RGYU DE YANG BDAG LA RAG LAS TE 'BYUNG BAR YONGS SU RTOG NA, DE LTA YIN DANG BDAG DANG DUS MNYAM PA'I RGYU 'JUG PA LA RAG MOD, DE'I PHYIR BDAG BZHIN DU DE'I 'BRAS BU YANG THOG MA MED PA NYID DU 'GYUR RO, ,DUS MNYAM PA NYID YIN NA NI BDAG DANG DE'I 'BRAS BU LA RGYU DANG 'BRAS BU'I DNGOS PO MI 'THAD DO, ,YOD PA NI MI SKYE STE GNYI GA YANG DE'I TSE YOD PA'I PHYIR GANG ZHIG GANG GIS SKYED PAR BYED, DE'I PHYIR GZUGS 'JUG PA BDAG GI RGYU CAN DU MI RIGS SO, ,DE'I PHYIR DE LTAR GZUGS GZHAN LAS 'BYUNG BA MTHONG NAS PHYIN CI MA LOG PA SU ZHIG DE BSKYED PAR BYA BA'I DON DU BDAG YONGS SU RTOG PAR BYED, YANG NA MO GSHAM GYI BU LA SOGS PA RNAMS KYANG 'GRO BA 'JUG PA LA BYED PA PO NYID DU BRTAG PAR BYA'O, ,JI LTAR GZUGS GZHAN LAS 'BYUNG BA MTHONG NA DE BZHIN DU GNAS PA YANG GZHAN LAS YIN PAR SNANG STE, RGYU BUD SHING SBOR BA LA SOGS PA LAS ME LA SOGS PA'I DON GNAS PAR MTHONG BA'I PHYIR RO, ,GZHAN LAS RNAM PAR 'JIG PAR SNANG STE, BUD SHING MA TSANG BA MED PA LA SOGS PA'I RGYU LAS SO, ,MTHONG BA POR NAS MA MTHONG BA'I BDAG 'THAD PAS YOD PAR 'GAL ZHING, RGYU'I CHOS DANG MA 'BREL PA BRTAG PAR RIGS PA @170B YANG MA YIN TE, DE'I PHYIR RANG GI NGO BOS YOD PA MA YIN NO, ,GANG GI TSE RTAG PA LAS SKYE BA MED PA DE'I TSE 'JIG RTEN NA, JI LTAR SA BON BYAS PA LAS, ,MYU GU BYAS PA SKYE 'GYUR BA, ,DE BZHIN MI RTAG THAMS CAD NI, ,MI RTAG DAG LAS 'BYUNG BAR 'GYUR,, JI LTAR RGYU DANG RKYEN GZHAN LA RAG LAS TE 'BYUNG BA'I SA BON BYAS PA RANG BZHIN GYIS MA GRUB CING RTEN CING 'BREL PAR 'BYUNG BAS MYU GU BYAS PA STE, RANG NYID KYIS RNAM PAR GNAS PA MA YIN PA RANG BZHIN MED CING RANG BZHIN GYIS STONG PA STE DE BZHIN DU MKHAS PAS DPE 'DI DNGOS PO GZHAN RGYU DANG 'BRAS BU'I GNAS SKABS MA SNANG BA CHOD PA DANG PHRA BA RNAMS DANG, TSOR BA LA SOGS PA GZUGS CAN MA YIN PA RNAMS DANG, RGYU LAS DANG NYON MONGS PA LAS 'DAS PA 'DU BYED ZAG PA MED PA RNAMS KYANG RANG BZHIN MED PA'I RGYU LAS RANG BZHIN MED PA 'BYUNG BA YIN NO ZHES BYA BAR NGES PAR BYA'O, ,DE LTAR YIN DANG GANG DU 'DU BYED RNAMS LA RTAG PA DANG CHAD PA'I RDO RJE'I THOG 'JIG RTEN PA DANG 'JIG RTEN LAS 'DAS PA'I RGYU DANG 'BRAS BU'I 'BREL PA RAB TU 'JOMS PA 'BAB PA DE YANG MKHAS PAS RTEN CING 'BREL PAR 'BYUNG BA'I RIG SNGAGS KYIS CHES RGYANG RING POR BZLOG PA YIN NO ZHES BSTAN PA'I PHYIR BSHAD PA, GANG PHYIR DNGOS PO 'JUG 'GYUR BA, ,DE NAS CHAD PAR MI 'GYUR ZHING, ,GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO, ,DNGOS PO NI 'BYUNG BA'I CHOS CAN TE 'BRAS BU MYU GU LA SOGS PA'O GANG GI PHYIR RGYU SA BON ZHES BYA BA LAS 'BRAS BU MYU GU 'BYUNG BA DE'I PHYIR RGYU SA BON ZHES BYA BA CHAD PAR MI 'GYUR RO, ,GAL TE MYU GU LA SOGS PA'I RGYUN MA BSKYED PAR ME DANG PHRAD PA LAS YIN PA LTAR SA BON 'GAG PAR 'GYUR NA NI DE'I TSE CHAD PAR LTA BAR 'GYUR NA MYU GU LA SOGS PA 'JUG PA YOD PAR MTHONG BA LAS NI SA BON ZHES BYA BA CHAD PAR MI SRID DO, ,TSIG LE'UR BYAS PA'I DNGOS PO'I SGRA GNYIS PA NI RGYU RJOD PAR BYED PA STE, 'DI LAS 'BRAS BU 'BYUNG BA ZHES BYAS NAS SO, ,YANG GAL TE MYU GU ZHES BYA @171A *, ,BA'I 'BRAS BU ZHUGS KYANG RANG GI NGO BOS GNAS PAS SA BON MI LDOG NA DE'I TSE SA BON RNAM PAR MI 'GYUR BAR MTHONG BA'I PHYIR RTAG PAR LTA BAR 'GYUR NA, 'DI NI DE LTAR YANG MA YIN TE, SA BON LDOG PAR MTHONG BA'I PHYIR RO, ,GAL TE LDOG PAR MI 'GYUR NA NI DE'I TSE DE LAS MYU GU GZHAN YANG 'BYUNG BAR 'GYUR BA ZHIG NA 'DI NI DE LTAR YANG MA YIN PAS, GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO, ,DE YANG RANG GI NGO BOS MA GRUB PAS SA BON DANG MYU GU GNYIS DE NYID DANG GZHAN NYID DU RTOG PA DAG MI SRID PA LAS 'GRUB PAS DNGOS PO RNAMS RANG BZHIN MED PAR CHES GSAL BAR GRUB BO, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS, BDAG DGAG PA BSGOM PA BSTAN PA ZHES BYA BA STE RAB TU BYED PA BCU BA'I 'GREL PA'O,, ,,'DIR DUS SMRA BA NI GZUGS LA SOGS PA RNAMS GZHAN LAS 'BYUNG BA MTHONG BA'I PHYIR DANG, 'JIG RTEN GYI MNGON SUM MA YIN PA'I PHYIR DANG 'BRAS BU 'GA' YANG MA MTHONG BAS RJES SU DPAGS PAS GO BAR BYA BA MA YIN PA NYID KYI PHYIR NA BDAG YOD PA MA YIN NO ZHES GANG SMRAS PA DE NI LEGS PAR SMRAS PA YIN GYI, RNAM PA THAMS CAD DU DNGOS PO RTAG PA RNAMS MED PA NI MA YIN TE, DUS YOD PA'I PHYIR RO, ,'DI NAS DANG CHU DANG ME DANG RLUNG DANG NAM MKHA' DANG SA BON LA SOGS PA RNAMS YOD KYANG RES 'GA' MYU GUS ME TOG LA SOGS PA RNAMS KYI SKYE BA DANG 'JIG PA DAG MED PA'I PHYIR LA, CI STE RES 'GA' 'BYUNG BA YOD PA'I PHYIR DUS ZHES BYA BA 'BRAS BU DE MTHONG BA LAS DPAG PA YIN NO, ,DE NI SKAD CIG THANG CIG YUD TZAM LA SOGS PAS GSAL BAR BYA ZHING, 'DAS PA DANG MA 'ONGS PA DANG, DA LTAR BYUNG BA STE DUS GSUM NA RNAM PAR GNAS PA'I DNGOS PO LAS THA DAD PA RTAG PA ZHIG GO ZHES SMRA'O, ,'DI LA BRJOD PAR BYA STE, GAL TE DUS ZHES BYA BA DNGOS PO LAS THA DAD CING BDAG NYID KYIS GRUB PA YOD PAR 'GYUR NA NI DE SKYE BA DANG 'JIG @171B PA'I RGYU NYID DU 'GYUR NA, DE LTAR YANG MA YIN TE DNGOS PO LAS THA DAD PAR 'DZIN PAR THAL BAR 'GYUR BA'I PHYIR RO, ,GANG ZHIG YOD NA DNGOS PO LA, ,'JUG DANG LDOG PA'ANG DMIGS 'GYUR BA, ,DE NI GZHAN GYI DBANG 'GYUR TE, ,DES NI 'BRAS BUR YANG 'GYUR RO,, ZHES BYA BA LA SOGS PAS BKAG ZIN PA'I PHYIR YANG RANG GI MTSAN NYID KYIS GRUB PA'I DUS LA 'JUG PA DANG LDOG PA'I RGYU NYID YOD PA MA YIN NO, ,GZHAN YANG DUS GSUM PO GANG DAG DUS KYI KHYAD PAR GYI NGO BOR RNAM PAR GZHAG PA DE DAG KYANG LUS CAN MA YIN PA NYID KYIS RANG BZHIN LAS NGES PAR MI NUS PA'I PHYIR RANG GI NGO BOS RNAM PAR GZHAG PAR MI NUS KYI DE DAG GIS BSNYAD PAR BYA BA'I DNGOS PO'I KHYAD PAR BUM PA LA SOGS PA'I SGO NAS NI RNAM PAR GZHAG PAR NUS SO, ,DE DAG NI DNGOS PO LAS THA DAD PA'I RANG BZHIN YIN ZHING TSOR BA LA SOGS PA LTAR NYAMS SU MYONG BA'I RNAM PA MA YIN LA, GZUGS DANG SGRA LA SOGS PA BZHIN DBANG PO'I SGO NAS YONGS SU GCAD PAR BYA BA YANG MA YIN NO, ,DE'I PHYIR BUM PA LA SOGS PA'I SGO KHO NA NAS DE DAG GI KHYAD PAR YONGS SU GCOD PA'I PHYIR DE'I SGO NAS DUS GSUM BKAG PAS DUS DGAG PAR MDZAD PAR BZHED PAS BSHAD PA, MA 'ONGS BUM PA DA LTAR BA'I, ,BUM YOD MA YIN 'DAS PA MED, ,GANG PHYIR DE GNYIS MA 'ONGS PAS, ,DE PHYIR MA 'ONGS YOD MA YIN, ,MA 'ONGS PA'I DUS NYE BAR MTSON PAR BYA BA'I DON DU MA 'ONGS PA'I BUM PA NYE BAR BKOD LA, DE BZHIN DU 'DAS PA DANG DA LTAR BYUNG BA'I DUS NYE BAR MTSON PA'I DON DU 'DAS PA DANG DA LTAR BYUNG BA'I BUM PA NYE BAR BKOD DO, ,DE LTAR MA 'ONGS PA NI DA LTAR BYUNG BA'I DUS SUM PHYIN PA'O, ,'DAS PA NI DE NYID LAS 'DAS PA'O, ,DA LTAR BYUNG BA NI SKYES LA MA 'GAGS PA'O, ,DA LTAR BA NI DA LTAR DMIGS PA'I PHYIR GTZO BO YIN GYI, DER MA 'ONGS PA DANG RGAL BDAG GIS MA 'ONGS PA DANG 'DAS PA'I DUS NYIS RNAM PAR 'JOG PA NI GTZO BO MA YIN NO, ,DUS GSUM PO DE DAG KYANG PHAN TSUN LTOS PA NYID DU @172A *, ,GNAS TE, GNYIS GNYIS LA MA LTOS PAR RE RE MED PA'I PHYIR RO, ,'DAS PA DANG DA LTAR GNYIS LA MA LTOS PA NI MA 'ONGS PA'I DUS RNAM PAR GZHAG PAR MI NUS TE, MA 'ONGS PA NI MA 'ONGS PA'I RANG GI NGO BOS DE GANG DU MA 'ONGS PA 'DAS PA DANG DA LTAR GYI DUS GNYIS PO DER GDON MI ZA BAR 'GYUR DGOS SO, ,DE MED NA NI GANG DU MA 'ONGS BA LAS 'DI MA 'ONGS PA NYID DU 'GYUR, DUS GZHAN GNYIS KYI RNAM PAR GZHAG PA YANG DE DANG 'DRA BAR SBYAR BAR BYA'O, ,DE LA MA 'ONGS PA'I BUM PA GANG YIN PA DE LA DA LTAR BA'I BUM PA YOD PA MA YIN LA 'DAS PA YANG MA YIN TE, MTSAN NYID THA DAD PA'I PHYIR DANG, GCIG LA GCIG MI SRID PA'I PHYIR RO, ,GANG GI TSE DE LTAR MA 'ONGS PA'I BUM PA LA DA LTAR BA DANG 'DAS PA GNYIS YOD PA MA YIN PA DE'I TSE DA LTAR BA DANG 'DAS PA GNYIS KYANG MA 'ONGS PAR MA 'ONGS PAS DE GNYIS KYANG MA 'ONGS PAR 'GYUR RO, ,JI LTAR MA 'ONGS PA DA LTAR DU MA 'ONGS PA LAS MA 'ONGS PA YIN PA DE BZHIN DU DA LTAR BA DANG 'DAS PA GNYIS KYANG MA 'ONGS PAS MA 'ONGS PAR 'GYUR RO; ,GAL TE DA LTAR DU MA 'ONGS PA LAS MA 'ONGS PA YIN GYI, MA 'ONGS PAR MA 'ONGS PA LAS NI MA YIN NO ZHE NA, 'DI NI DE LTAR MA YIN TE, MA 'ONGS PAR GRUB PA YOD NA NI DA LTAR DANG 'DAS PA GNYIS 'GRUB NA GANG GI TSE MA 'ONGS PA NYID MED PA DE'I TSE JI LTAR 'DAS PA'AM DA LTAR BYUNG BAR 'GYUR, 'DI LA DGONGS NAS SLOB DPON MA 'ONGS PA MED PAR BSTAN PA BZHED DE, DE NYID KYI PHYIR, GANG PHYIR DE GNYIS MA 'ONGS PA, ,DE PHYIR MA 'ONGS YOD MA YIN, ,ZHES BSHAD DO, ,GANG GI PHYIR DE GNYI GA YANG MA 'ONGS PA YIN PA DE'I TSE GSUM CHAR YANG MA 'ONGS A NYID DU 'GYUR LA, GSUM CHAR YANG MA 'ONGS PA NYID YIN NA YANG DA LTAR BYUNG BA DANG 'DAS PA GNYIS MI SRID PA'I PHYIR GANG DU MA 'ONGS PA LAS MA 'ONGS PAR RNAM PAR GZHAG ,DE'I PHYIR MA 'ONGS PA'I DUS YOD PA MA YIN NO, @172B STE MA 'ONGS PA'I BUM PA LA 'DAS PA'I BUM PA RNAM PA THAMS CAD DU MED PA NYID MA YIN GYI MA 'ONGS PA'I NGO BOR MA 'ONGS PA'I BUM PA LA YOD PA YIN TE, DE'I PHYIR MA 'ONGS PA LA YOD PAS 'DAS PA THA DAD PAR GRUB PA YOD NA YANG MA 'ONGS PA YOD PA KHO NA'O SNYAM DU SEMS NA, DE LTA NA YANG, GAL TE ZHIG PA MA 'ONGS PA'I NGO BO MA 'ONGS LA YOD NA, MA 'ONGS BDAG NYID DU YOD GANG, ,DE NI JI LTAR 'DAS PAR 'GYUR, ,GAL TE 'DAS PA MA 'ONGS PA NYID DU MA 'ONGS PA'I BUM PA LA YOD DO SNYAM DU SEMS NA NI DE'I TSE 'DI 'DAS PA NYID DU MI RIGS TE, KHYOD KYI LUGS KYIS MA 'ONGS PA LA YOD PA'I PHYIR TE MA 'ONGS PA RANG GI BDAG NYID BZHIN NO, ,DE'I PHYIR NYES PA DE NYID DU 'GYUR RO, ,YANG MA 'ONGS PA'I DNGOS PO GANG YIN PA DE CI KHYOD LA YOD DAM 'ON TE MED, SMRAS PA, MA 'ONGS PA'I NGO BOR YOD PAS MA 'ONGS PA YOD CES BYA BAR RNAM PAR 'JOG GO, ,DE LTAR YIN NA NI 'DI MA 'ONGS PA NYID DU MI 'GYUR RO, ,GANG LAS ZHE NA, GANG GI PHYIR NA MA 'ONGS DNGOS, ,MA 'ONGS BDAG TU GNAS 'GYUR BA, ,DE YI PHYIR NA DA LTA BAR, ,'GYUR TE MA 'ONGS NYID MI SRID, ,GANG ZHIG LA DA LTAR YOD PA NYID YOD PA DE NI DA LTAR BA NYID DU 'GYUR TE, DA LTAR YOD PA'I PHYIR DA LTAR BA'I RANG GI BDAG NYID BZHIN NO, ,CI STE DE NI DA LTAR BA'I BDAG NYID DU YOD PA MA YIN GYI, 'ON KYANG MA 'ONGS PA'I BDAG NYID DU STE, DE'I PHYIR DA LTA BAR YOD PA MED PA'I PHYIR LA LA MA 'ONGS PA NYID YOD PA KHO NA'O SNYAM DU SEMS NA BRJOD PAR BYA STE, GANG ZHIG GI RANG BZHIN GANG YIN PA DE NI BDAG NYID DER YOD PAR GYUR DANG DA LTA BAR 'GYUR RO, ,'DI LTAR SNGON PO SNGON PO'I BDAG NYID KYI YOD PA DA LTA BAR 'GYUR GYI DE SER PO'I BDAG NYID KYI MA YIN PA DE BZHIN DU MA 'ONGS PA YANG MA 'ONGS BA'I BDAG NYID DU YOD PA NA LTAR BA NYID DU 'GYUR BAS 'DI LA MA 'ONGS PA NYID SRID PAR BYA BAR MI NUS SO, ,GANG GI TSE DE LTAR MA 'ONGS PA MI SRID PA DE'I TSE GANG ZHIG 'DAS PA'AM DA LTAR BAR 'GYUR BAR BSAM PAR BYA'O, , @173A *, ,DE'I PHYIR DUS GSUM YOD PA MA YIN NO, ,RANG GI SDE PA GANG DAG DNGOS PO RNAMS LA RANG GI MTSAN NYID KHAS BLANGS NAS DE DUS GSUM KAR YOD PA'I PHYIR RANG BZHIN MI 'DOR BA'I DNGOS PO KHO NA RGYU DANG RGYEN GYI TSOGS PAS GNAS SKABS DE DANG DER 'GYUR RO ZHES SMRA BA DE DAG LA BRJOD PAR BYA STE, MA 'ONGS PA YOD 'DAS PA YOD, ,DA LTAR BA YOD CI ZHIG STE, ,GANG GIS DUS KUN YOD PA NYID, ,DE YI MI RTAG NYID GA LAS, ,GANG GIS DNGOS PO DA LTAR BAR 'GYUR BA 'DI'I RANG GI NGO BO GANG ZHIG BLO LA SNANG BA'I RANG GI NGO BO DE NYID MA 'ONGS PA'I GNAS SKABS DANG 'DAS PA'I GNAS SKABS SU YANG KHAS BLANGS PA'I RGOL BA DE LA MI RTAG PA LTA GA LA YOD, DE'I PHYIR NA DNGOS PO RNAMS RANG BZHIN GYIS RTAG PA NYID KYIS RTAG PA KHO NAR 'GYUR RO, ,DE LTAR YIN DANG DE LA LUNG 'GAL BAR YANG 'GYUR TE, BCOM LDAN 'DAS KYIS, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR BA STE, ,DE DAG NYE BAR ZHI BA BDE, ,ZHES GSUNGS SO, ,JI LTAR MA 'ONGS PA LA MA 'ONGS PA NYID MI SRID PAS MA 'ONGS PA NYID MED PA DE BZHIN DU 'DAS PA LA YANG 'DAS PA NYID MI SRID PAS 'DAS PA NYID MED PAR BSTAN PA'I PHYIR BSHAD PA, ,'DAS PA LAS NI 'DAS GYUR PA, ,CI YI PHYIR NA 'DAS PAR 'GYUR, ,'DAS PA LAS NI MA 'DAS PA, ,CI YI PHYIR NA 'DAS PAR 'GYUR, , 'DAS PA'I DUS GANG YIN PA DE CI 'DAS PA'I RANG GI NGO BO LAS 'DAS SAM, 'ON TE MA 'DAS, RE ZHIG GAL TE 'DAS PA LAS 'DAS NA NI DE 'DAS PA ZHES BYA BAR MI RIGS SO, ,'DAS PA ZHES BYA BA NI THAL ZIN PA LA BYA STE, GANG ZHIG DE LTA DE LAS 'DAS SHING RGAL BA DE JI LTAR 'DAS PAR 'GYUR, 'O MA'I DNGOS PO LAS 'DAS PA'I ZHO LA 'O MA ZHES BYA BA DANG BYIS PA'I DNGOS PO LAS 'DAS PA'I LANG TSO LA BAB PA LA BYIS PA ZHES BYA BAR BRJOD PA NI MA YIN NO, ,DE LTAR NA 'DAS PA LAS 'DAS PA NI 'DAS PA'O ZHES BYA BAR MI RUNG @173B NGO; ,CI STE 'DAS PA NI 'DAS PA LAS MA 'DAS PA KHO NA'O SNYAM DU SEMS NA DE LTA NA YANG 'DAS PA LAS NI MA 'DAS PA STE 'DAS PA LAS MI 'DA' BA 'DAS PA'I BYA BAS MI STONG BA CI'I PHYIR NA 'DAS PAR 'GYUR TE, DE LAS 'DAS PA NYID MI SRID PA KHO NA'O SNYAM DU DGONGS SO, , DE'I PHYIR DE LTAR NA 'DAS PA LAS MA 'DAS PAR YANG 'DAS PAR MI RIGS SO, ,CI STE 'DAS PA NI 'DAS PA'I RANG GI NGO BO LA RNAM PAR GNAS PA'I PHYIR 'DAS PA LAS MA 'DAS PA'ANG YIN TE, DE'I PHYIR 'DAS PA LAS MA 'DAS PA KHO NA 'DAS PAR 'GYUR RO SNYAM DU SEMS NA, BSHAD PAR BYA STE, 'DAS PA GRUB PA YOD DANG 'DI DE LTAR 'GYUR NA, 'DAS PA GRUB PA DE NYID NI RNAM PAR DPYAD PA NA YOD PA MA YIN NO, ,DE NI RTOG PA NA 'DAS PA LAS 'DAS PAR RAM, MA 'DAS PAR RTOG GRANG NA, ,GNYI GA LTAR NA YANG DE'I GRUB PA MI SRID PAS 'DAS PA RANG GI NGO BO NYID JE MA GRUB PAR JI LTAR DE'I BDAG NYID DU RNAM PAR GNAS SHING, 'DAS PA LAS MA 'DAS PA'I 'DAS PA'O ZHES BYA BAR BRTAG PAR NUS, DE'I PHYIR 'DAS PA'I DUS RANG GI NGO BOS YOD PA MA YIN NO, ,'DAS PA MED NA YANG DE LA MI LTOS PA'I 'DAS PA MA YIN NA 'DAS PA YANG MI SRID PAS DUS GSUM CHAR YANG NGO BO NYID KYIS YOD PA MA YIN NO, ,BYE BRAG TU SMRA BA GANG ZHIG DUS THAMS CAD YOD PA NYID DU SMRA BA'I PHYIR THAMS CAD YOD PA'I SMRA BA NYID BSNGAGS PAR BYED PA DE LA SLAR YANG BRGAL ZHING BRTAG PAR BYA STE; GANG MA 'ONGS PA'I DON YOD PA NYID DU RTOG PA DE SKYES PA'AM MA SKYES PA ZHIG LA RTOG GRANG, DE LA RE ZHIG ,GAL TE MA 'ONGS SKYES YOD NA, ,CI LTAR DA LTA BAR MI 'GYUR, ,GAL TE MA 'ONGS PA'I DNGOS PO SKYES PAR 'GYUR TE YOD DO ZHES BYA BAR YONGS SU RTOGS NA NI DE SKYES PA NYID DU GYUR PAS YOD PA NYID KYI PHYIR DANG DA LTAR BAR 'GYUR GYI MA 'ONGS PAR MI 'GYUR RO, ,CI STE MA SKYES PAR GYUR PA DE LA YOD PA NYID DU RTOG NA, DE LTAR NA YANG, CI STE DE LA SKYES MED NA, ,MA 'ONGS RTAG PAR 'GYUR RAM CI, ,GANG ZHIG MA SKYES PAR GYUR PA @174A *, ,DANG YOD PA DE NI MYA NGAN LAS 'DAS PA BZHIN DU RTAG PA KHO NAR 'GYUR TE, DE'I PHYIR MYA NGAN LAS 'DAS PA KHO NA LTAR DE'I MA 'ONGS PA NYID NYAMS PAR 'GYUR RO, ,CI STE MA 'ONGS PA MA SKYES PA YIN MOD KYI, DE LTAR NA YANG DE NI 'DUS MA BYAS LTAR MI 'JIG PA MA YIN NO, ,'DI LTAR RGYU DANG RKYEN RNAMS KYIS DE'I MA 'ONGS PA'I DNGOS PO NYAMS PAS DA LTAR BA NYID DU 'GYUR GYI, 'DUS MA BYAS NI DE LTAR RANG GI NGO BO LAS NYAMS PA YANG MA YIN PAS 'DI 'DUS MA BYAS BZHIN DU RTAG PA NYID DU MI 'GYUR RO, ,DE LTAR BRTAGS NA YANG SKYE BA MED KYANG 'JIG PA LAS, ,GAL TE MA 'ONGS MI RTAG NA, ,DE LTAR NA NI 'O NA, 'DAS LA 'JIG PA YOD MIN TE, ,DE NI RTAG PAR CIS MI RTOG ,GAL TE RANG GI NGO BO NYAMS PA YOD PA'I PHYIR MA 'ONGS PA RTAG PA NYID DU MI 'DOD NA NI 'O NA DNGOS PO 'DAS PA LA RANG GI NGO BO NYAMS PA YOD PA MA YIN PAS DE YANG RTAG GO ZHES BYA BAR BRTAG PAR GYIS SHIG ,YANG NA DNGOS PO GANG ZHIG MI RTAG PAR RTAG NUS PAR 'GYUR, GANG GI TSE MI NUS PA DE'I TSE DNGOS PO THAMS CAD LA MI RTAG PA NYID MI SRID PAS RTAG PA NYID KHO NAR 'GYUR RO, ,DE LA RE ZHIG , 'DAS PA DANG NI DA LTAR BA, ,'DI NI MI RTAG 'GYUR MIN LA, ,RE ZHIG DNGOS PO DA LTAR BA GANG YIN PA DE LA NI JE MI RTAG PA NYID YOD PA MA YIN NO, ,DE NI DA LTAR YIN PA NYID KYI PHYIR YOD PAS RANG BZHIN LAS MA NYAMS PA'I PHYIR DA LTAR BA ZHES BYA BAR BRJOD NA, GANG ZHIG MI RTAG PA NYID YIN PA DE NI DA LTAR BA NYID DU MI 'GYUR TE, DNGOS PO MED PA DANG MNGON PAR 'BREL PA'I PHYIR RO, ,DNGOS PO DANG DNGOS PO MED PA DAG CIG CAR MI SRID PA'I PHYIR YANG DA LTAR BA LA MI RTAG PA NYID MI SRID DO, ,DE BZHIN DU 'DAS PA LA YANG MI RTAG PA NYID MI SRID DE, 'DAS PA NI ZHIG PA LA BYA NA, ZHIG ZIN PA NA SLAR YANG 'JIG PAR MI RIGS TE DGOS PA MED PA'I PHYIR DANG, RTEN MED PA'I PHYIR DANG THUG PA MED PAR THAL BAR 'GYUR BA'I PHYIR RO, ,DE LTAR NA RE ZHIG ,'DAS PA DANG NI DA LTAR BA, ,'DI NI MI RTAG 'GYUR MIN LA, , @174B MI RTAG PA NYID DE LAS 'DAS PA DANG DA LTAR BA GNYIS LAS MA GTOGS PA'I GO SKABS GSUM PA ZHIG RIGS PA YANG MA YIN NO ZHES BSHAD PA, DE DAG LAS GZHAN RNAM PA NI, ,GSUM PA'ANG DE LA YOD MA YIN, ,GANG GI TSE SKYES PA MI RTAG PA'I RTEN LA MI RTAG PA NYID MI SRID PA DE'I TSE NAM MKHA' LA SOGS PA BZHIN DU DE SKYE BAS STONG PA'I MA 'ONGS PA LA DE YOD PAR 'GYUR RO ZHES BYA BA NI GTAN MA 'BREL BA ZHIG GO , ,MI RTAG PA NYID DANG BRAL BA NAM MKHA' LA SOGS PA LA DUS GSUM RTOG PA RIG PA DANG LDAN PA YANG MA YIN TE; DE BZHIN DU DNGOS PO RANG BZHIN DANG BCAS PAR SMRA BA LA DUS GSUM MI RIGS SO, ,'DIR SMRAS PA, MA 'ONGS PA'I DNGOS PO NI YOD PA NYID DE, RKYEN RNAMS YOD NA DE SKYE BAR MTHONG BA'I PHYIR RO, ,SNGAR MED PA NI MO GSHAM GYI BU LA SOGS PA LTAR GYIS SKYE BAR MI DMIGS TE, DE'I PHYIR SKYE BA MTHONG BA LAS NI MA 'ONGS PA'I DNGOS PO YOD DO, ,DE LTAR RTAG NA YANG, ,DNGOS PO GANG ZHIG PHYIS SKYE BA, ,DE NI GAL TE SNGAR YOD NA, ,DE YI PHYIR NA PHYAS SMRA BA, ,RNAMS KYI PHYOGS NI LOG MI 'GYUR, ,GAL TE GANG ZHIG SKYES PA'I SNGA ROL NA DNGOS PO MED CING NGO BO MED PA'I PHYIS RGYU DANG RKYEN RNAMS KYIS BSKYED PA DE BSKYED PA'I SNGA ROL NA RANG GI NGO BOS YOD DO ZHES BYA BAR RTOG NA DE LTA YIN DANG, PHYAS SMRA BA STE, RANG BZHIN SO SOR NGES PA'I 'GRO BA RGYU MED PA SKYES BU'I BYED PAS STONG ZHING 'THAD PA DANG 'GAL BA SMRA BA RNAMS KYIS KHAS BLANGS PA LOG PAR MI 'GYUR BA ZHIG NA, DE DAG GI SMRA BA NI LOG PA MA YIN PA YANG MA YIN TE, DE'I PHYOGS MTHONG BA DANG MA MTHONG BA 'GAL BA'I PHYIR RO, ,DE RNAMS KYI LTAR NA 'GRO BA SKYES BU'I BYED PA LA MI LTOS PA'I PHYIR RTEN CING 'BREL PAR 'BYUNG BA MED PAR 'GYUR LA, DE MED PA'I PHYIR 'GRO BA THAMS CAD BONG BU'I RVA LTAR GZUNG DU MED PAR 'GYUR BAS GNAM GYIS BSKOS PAR SMRA BAR MI RIGS SO, ,GAL TE DNGOS PO MA 'ONGS PA YOD PAR SMRA BA 'DI RIGS PAR 'GYUR NA NI DE'I TSE PHYAS SMRA BA RNAMS @175A *, ,KYI SMRA BA YANG RIGS PAR 'GYUR BAS MA 'ONGS PA'I DON YOD PAR SMRA BA MI RIGS SO, ,'DI LAS KYANG MI RIGS TE, GANG GI PHYIR, GANG ZHIG 'BYUNG BAR BYED PA NI, ,SNGAR YOD CES BYAR MI RIGS TE, ,GAL TE YOD PA SKYE 'GYUR NA, ,SKYES ZIN PA YANG 'BYUNG BAR 'GYUR, ,DON GANG ZHIG RGYU DANG RKYEN RNAMS KYIS 'BYUNG BA STE SKYED PAR BYED PA DE NI SKYES PA'I SNGA ROL DU YOD DO ZHES BYA BAR MI RIGS SO, ,GAL TE YOD PA NYID DU 'GYUR NA NI DE'I TSE YOD CING BDOG PA YANG SKYE BAR 'GYUR NA YOD PA NI YANG SKYE BAR RIGS PA YANG MA YIN TE, DGOS PA MED PA'I PHYIR RO, ,'KHOR BA'I BAR DU YANG DANG YANG DU SKYE BAR SKYE BA YONGS SU MA RDZOGS PAR GYUR PA'I DON GCIG KHO NA THUG PA MED PAR THAL BA'I PHYIR DE LA DNGOS PO GZHAN MI 'JUG PAR RGYU DANG 'BRAS BU'I DNGOS PO 'GAL BAR GYUR NA DNGOS PO RGYU DANG 'BRAS BUR GYUR PA RNAMS LA RGYUN RJES SU 'JUG PA 'DI YOD PA YANG MA YIN PAS DNGOS PO MA 'ONGS PAR YOD PAR SMRA BAR MI RIGS SO, ,'DIR SMRAS PA, MA 'ONGS PA NI YOD PA NYID DE, DE LA DMIGS PA RNAL 'BYOR PA'I SMON LAM SHES PA YOD PA'I PHYIR DANG, DON JI LTA BA BZHIN DU MA 'ONGS PA LUNG BSTAN PA'I PHYIR DANG, DE YANG DE KHO NA LTAR YOD PA'I PHYIR RO, ,MO GSHAM GYI BU LA SOGS PA LA NI 'DI SRID PA MA YIN NO, ,BSHAD PAR BYA STE, KHYOD KYI RTOG PAS, MA 'ONGS PA YI DNGOS MTHONG NA, ,DNGOS PO MED PA CIS MI MTHONG, ,SKYE BA'I SNGA ROL GYI GNAS SKABS NA MA 'ONGS PA'I DNGOS PO RANG GI NGO BOS DNGOS PO YOD PA MA YIN NO ZHES BSTAN ZIN TO, ,GAL TE YOD PA MA YIN PA'I DNGOS PO RNAL 'BYOR PA RNAMS KYIS MTHONG NA NI MO GSHAM GYI BU LA SOGS PA DAG KYANG MTHONG BAR 'GYUR RO; ,GNYIS KA YANG RANG BZHIN MED PA NYID DU MTSUNGS BZHIN DU DES GCIG MTHONG LA CIG SHOS MA YIN NO ZHES BYA BAR MI RIGS SO, ,YANG CI RNAL 'BYOR PA RNAMS KYIS MA 'ONGS PA MI MTHONG NGAM ZHE NA, JI LTAR KHYED CAG YONGS SU RTOGS PAR BYED PA DE LTAR MI @175B MTHONG NGO, ,JI LTAR MA 'ONGS PA'I DON DE DA LTAR BA'I GNAS SKABS SU 'GYUR BAR BYA DGOS PA DE LTAR, DE RNAMS LA SMON NAS SHES PA'I STOBS KYIS DRANGS PA'I TING NGE 'DZIN GYI KHYAD PAR LAS SHES PA DE SKYE BA NA DE LTAR DON GYI RNAM PA YONGS SU RTOG CING SKYE'I SHES PA DE DA LTAR BA'I SNGON PO LA DMIGS PA'I SHES PA LTAR NYE BAR GYUR PA'I RNAM PA'I RJES SU BYED PAR NI MI SKYE STE, SHES PA'I DON DE DA LTAR BA NYID DU THAL BAR 'GYUR BA'I PHYIR RO, ,DNGOS PO YOD PAR SMRA BA'I LTAR NA NI JI SRID DU DNGOS PO DE'I YOD PA NYID YIN PA DE SRID DU DE LTAR RANG GI NGO BO YANG YIN PA NYID LA GANG GI TSE RANG GI NGO BO DANG BRAL BA DE'I TSE DE LA DNGOS PO DE RNAM PA THAMS CAD DU MED PA'I PHYIR BONG BU'I RVA DANG 'DRA BAR GNYIS SU SMRA BA LAS MA 'DAS PA'I PHYIR 'DI'I MNGON PAR 'DOD PA THAMS CAD 'GRIGS DKA' BAR 'GYUR RO, ,DNGOS PO RANG BZHIN MED PAR SMRA BA'I LTAR NA NI DNGOS PO'I RANG GI NGO BO RNAM PA THAMS CAD DU MI SRID PA LAS DNGOS PO'I RTOG PA THAG RING POR SPANGS PA YIN NO, ,GANG GIS SKYE BAR 'GYUR BAR BYA DGOS PA DE NI MED PA NYID MA YIN NO, ,GAL TE DE MED PA NYID DU 'GYUR NA NI DE'I TSE BONG BU'I RVA LA SOGS PA LTAR SKYE BAR MI 'GYUR RO, ,CI STE YOD PA NYID DU 'GYUR NA NI DE'I TSE DA LTA BA NYID BZHIN DU SKYE BAR MI 'GYUR BA ZHIG NA, DE LA SKYE BA'ANG YOD DE, DE'I PHYIR GNYIS MED PAR SMRA BA 'DI 'GRUB BO, ,GANG GI PHYIR DE LA MED PA DE NYID KYI PHYIR MA 'ONGS PA MTHONG BA MI 'GAL LA, ,GANG GI PHYIR YOD PA NYID YOD PA MA YIN PA DE NYID KYI PHYIR MA 'ONGS PA'I BSNYAD PA YANG GRUB BO, ,'DI YANG 'JIG RTEN PA'I THA SNYAD YIN GYI DON DAM PA NI MA YIN PAS 'DI LA GCIG TU NGES PAR 'THAD PA MI 'JUG GO , ,SANGS RGYAS BCOM LDAN 'DAS RNAMS KYIS MA 'ONGS PA'I YE SHES GANG YIN PA DE NI SNGON GYI SMON LAM GYI BYIN GYI RLABS KYIS 'PHANGS PA'I SGRA DON JI LTA BA BZHIN STON PAR BYED PA THOS PA'I STOBS BSKYED PA LAS DE RNAM PA DE LTA BU'I CHOS NYAN PAR 'GYUR BA'I LAS KYI MTHUS @176A *, ,SHES PA'I RGYUD YONGS SU 'GYUR ZHING DE LTA BU'I RNAM PA DANG RJES SU 'BREL BA'I SHES PA SKYES PA RNAMS KYIS DE BZHIN GSHEGS PA'I BYIN GYI RLABS KYIS DON DE RTOGS PA NA DON JI LTA BA BZHIN DU RTOGS PAR 'GYUR ZHING, DUS GZHAN DU'ANG DON DE LTA BAR 'GYUR BA DE DE KHO NA LTAR KHONG DU CHUD PAR 'GYUR RO, ,DE LTAR SANGS RGYAS BCOM LDAN 'DAS RNAMS KYIS MA 'ONGS PA'I YE SHES RNAM PAR GZHAG GI ,CHOS KYI RANG BZHIN LA BZHUGS PA DE RNAMS KYI CUNG ZAD CIG GZIGS PA'AM GSUNG BA NI MA YIN TE, SPROS PAS CHOG GO , ,DE BZHIN GSHEGS PA'I GSANG BA'I MDO LAS, 'KHRUL 'KHOR LAS BYAS SIL SNYAN NI, ,RLUNG GIS BSKUL BAS SGRA 'BYIN CING, ,DE LA RDUNG BA 'GA' MED MOD, ,DE LTAR NA YANG SGRA 'BYIN LTAR, ,DE BZHIN SNGON LEGS SBYANGS PA'I PHYIR, ,SEMS CAN KUN GYI BSAM PA YIS, ,BSKUL BA'I SANGS RGYAS GSUNG 'BYUNG MOD, ,DE LA 'DIR RTOG YANG MI MNGA', ,ZHES BYA BA LA SOGS PA GSUNGS SO, ,DE LTAR NA RE ZHIG MA 'ONGS PA'I DNGOS PO YOD PAR SMRA BA LA MA 'ONGS PA MTHONG BA MI SRID DO, ,GZHAN YANG GANG GI LTAR NA MA 'ONGS PA'I DON RANG GI NGO BOS YOD PA DE'I LTAR NA DE RING BAR MI 'GYUR BA ZHIG NA, DE LA RING BA NYID YOD PA YANG YIN NO, ,CHOS RING BA RNAMS GANG DAG CIG CE NA, 'DAS PA DANG MA 'ONGS PA'O, ,CHOS NYE BA RNAMS KYANG GANG DAG CIG CE NA, DA LTAR BYUNG BA'O ZHES KHAS BLANGS PA'I PHYIR DE'I LTAR NA MA 'ONGS PA RING BA YIN NO, ,'DI'I RING BA NYID DE YANG MI RIGS SO ZHES BSTAN PA'I PHYIR BSHAD PA, GANG LA MA 'ONGS YOD 'GYUR BA, ,DE LA RING BA YOD MA YIN, ,DA LTAR BA BZHIN YOD PA'I PHYIR RO SNYAM DU DGONGS PA'O, ,'DIS DGE BA'I BSHES GNYEN DANG PHRAD PAS CHOS MA NYAN [?] PA'I SGO NAS DBANG PO YONGS SU SMIN PA LAS BYUNG BA'I RKYEN GYIS SBYIN PA DANG TSUL KHRIMS LA SOGS PA'I BDAG NYID CAN GYI CHOS BYA DGOS PA GANG YIN PA DE YANG MA 'ONGS PA'I DON YOD PAR SMRA BA'I @176B BA'I PHYIR DE LA YOD PA NYID DO, ,DE'I TSE, GAL TE BYAS PA MED KYANG CHOS, ,YOD NA NGES SDOM DON MED 'GYUR, ,GANG GI DON DU 'DI LUS DANG NGAG DANG YID RNAMS YANG DAG PAR SDOM PA'I CHOS DE 'DI LA MA BYAS PA KHO NAR YOD PAS DE NYE BAR BSAG PAR BYA BA'I PHYIR NGES PAR SDOM PA'I NGAL BA DON MED PAR 'GYUR TE MED KYANG DE YOD PA'I PHYIR RO, ,CI STE 'DI'I NGES PAR SDOM PA DES CHOS DE LA KHYAD PAR 'GA' ZHIG SGRUB NA NI, KHYAD PAR DE NYID SNGAR MED BZHIN NA PHYIS BYED PAS 'DI'I MA 'ONGS PA'I DON YOD PAR SMRA BA NYID NYAMS PAR 'GYUR RO ZHES BSTAN PA'I PHYIR BSHAD PA NI, CI STE CUNG ZAD BYED NA YANG, ,'BRAS BU YOD PA MI SRID DO, ,ZHES BYA BA'O, ,GZHAN YANG GANG GIS 'DU BYED RNAMS MI RTAG GO ZHES KHAS BLANGS PA DE'I LTAR NA MI RTAG PA NYID DUS GSUM CHAR LA YANG MI 'KHRUL BA'I PHYIR GANG MI RTAG PA DE SNGA PHYI'I CHA GNYIS NGES PAR YOD PA MA YIN PAR 'GYUR BAR BYA DGOS TE, DE LTAR YIN NA NI 'DI'I MI RTAG PA NYID DU 'GRUB PAR 'GYUR RO, ,CI STE SKYE BA'I SNGON DANG PHYIS KYI GNAS SKABS GNYIS NA DE YOD PA NYID DU 'GYUR NA NI DE'I TSE DE RTAG PA NYID DU 'GYUR RO, ,CI STE 'DIR MI RTAG PA NYID KHAS LEN NA NI, DE'I TSE DE'I, MI RTAG YIN NA JI LTA BUR, ,'BRAS BU YOD CES BYA BAR 'GYUR, ,'DI GNYIS NI PHAN TSUN 'GAL BA'I PHYIR RO ZHES BYA BAR DGONGS SO, ,'DI LTAR, GANG LA THOG MA MTHA' YOD PA, ,DE LA 'JIG RTEN MI RTAG BSHAD, GANG GI SNGA ROL DU DNGOS PO GZHAN MED PA DE NI 'JIG RTEN NI THOG MA ZHES BYA LA, GANG GI 'OG ROL TU DNGOS PO GZHAN MED PA DE NI MTHA' ZHES BRJOD LA, DON GANG LA THOG MA DANG THA MA YOD PA DE NI MI RTAG PA'O ZHES 'JIG RTEN NA MNGON PAR 'DOD DO, ,DNGOS PO LA NI GANG ZHIG SKYE BAS BYED PA DANG PO YOD CING, GANG ZHIG MI RTAG PA NYID KYIS BYED PA THA MA YANG YOD DE DE'I PHYIR THOG MA DANG THA MA YANG YOD PAS RTAG PAR SMRA BA MED PA DANG, DE'I 'BRAS BU YOD PAR @177A *, ,SMRA BA MI RIGS SO, ,GANG ZHIG 'BRAS BU YOD PAR SMRA BA LA SKYON MTHONG BAS MA 'ONGS PA MED DO ZHES BYA BAR RTOGS PA DE'I LTAR NA YANG, SGRIM PA MED PAR THAR 'GYUR TE, ,GROL LA MA 'ONGS YOD MA YIN, ,MA 'ONGS PA'I NYON MONGS PA DANG SKYE PA MED PAR SGRIM PAR 'GYUR TE 'PHAGS PA'I LAM BSKYED PA MED PAR YANG 'DI GROL BAR 'GYUR RO, ,GROL BA RNAMS LA NI 'PHAGS PA'I LAM GYI STOBS KYIS MA 'ONGS PA'I NYON MONGS PA DANG SKYE BA GNYIS MI SKYE BA'I PHYIR MA 'ONGS PA MED PA MA YIN NO, ,JI LTAR GROL BA RNAMS LA MA 'ONGS PA MED PAR SGRIM PA MED PAR SGRUB PAR BYED PA YIN TE DE RNAMS BZHIN DU 'BRAS BU MA 'ONGS PA MED PAR SMRA BA 'DI YANG SGRIM PA MED PAR THAR BAR 'GYUR NA, 'DI NI DE LTAR YANG MA YIN PAS 'BRAS BU MED PAR SMRA BAR MI RIGS SO, ,THAR PAR THAL BAR 'GYUR BA 'BA' ZHIG TU MA ZAD KYI, 'DI'I PHYIR NA RGYU MED PA CAN DU SMRA BAR YANG 'GYUR RO ZHES BSTAN PA'I PHYIR BSHAD PA, CHAGS MED PAR YANG 'DOD CHAGS NI, ,DE LTAR YIN DANG 'BYUNG BAR 'GYUR, ,MA 'ONGS PA MED NA RNAM PAR SHES PA SKYE'O ZHES BYA BAR MI 'GYUR TE, RNAM PAR SHES PA NI MA 'ONGS PA NYID KYI PHYIR YOD PA MA YIN NO, ,DE LTAR YIN DANG RTEN MED PA'I SKYE BA'I BYA BA MI 'BYUNG NGO, ,DE BZHIN DU CHAGS PA'I RTEN CAN 'DOD CHAGS KYANG SKYE BA'I BYA BA BZHIN RTEN GZHAN GYI DBANG YIN TE, DE CHAGS PA MED PAR 'DOD NA RGYU MED PA CAN NYID DU 'GYUR NA, RGYU MED PA CAN NI SRID PA YANG MA YIN TE, DGRA BCOM PA LA YANG 'DOD CHAGS YOD PAR THAL BAR 'GYUR BA'I PHYIR RO, ,DE'I PHYIR RGYU MED PA CAN GYI SKYE BA MED DO, ,GANG GI TSE SKYE BA RGYU MED PA CAN MI SRID PA DE'I TSE MA 'ONGS PA MED PA NYID DU MI RIGS SO, ,YANG GI SGRAS NI CHAGS PA MED PAR YANG 'DOD CHAGS SU 'GYUR BA'AM, YANG NA MA 'ONGS PA MED PA MA YIN NO ZHES BYA BAR RNAM PAR RTOG PA'I DON TO, ,DA NI 'BRAS BU YOD PA DANG MED PAR SMRA BA GNYI GA'I LTAR NA YANG RGYUS 'BRAS BU @177B SGRUB PAR MI NUS PA MNGON BAR GSAL BAR BYA BA'I PHYIR BSHAD PA, 'BRAS BU YOD NYID GANG 'DOD DANG, ,'BRAS BU MED NYID GANG 'DOD PA, ,KHYIM GYI DON DU KA BA LAS, ,SOGS PA'I RGYAN NI DON MED 'GYUR, ,GRANGS CAN DANG BYE BRAG TU SMRA BA DAG GI NI 'BRAS BU YOD PAR SMRA BA NYID DO, ,GRANGS CAN PA'I LTAR NA NI GANG ZHIG YOD PA DE YOD PA KHO NA YIN LA, GANG ZHIG YOD PA MA YIN PA DE MED PA KHO NA STE, MED PA LA SKYE BA MED CING YOD PA LA 'JIG PA MED DO ZHES KHAS LEN TO, ,DE NI MED PA MI BYED PA'I PHYIR DANG NYE BAR LEN PA 'DZIN PA'I PHYIR DANG, NUS PAS NUS PA BYED PA'I PHYIR DANG ZHES BYA BA LA SOGS PAS 'BRAS BU YOD PA NYID SKYE STE, 'BRAS BU MED PAR SMRA BA YIN NA NI THAMS CAD THAMS CAD LAS 'BYUNG BAR 'GYUR NA, 'DI NI DE LTAR YANG MA YIN NO, ,DE'I PHYIR YOD PA KHO NA 'BRAS BUR 'GYUR RO SNYAM DU SEMS SO, ,BYE BRAG TU SMRA BA PA YANG RANG BZHIN MA BYUNG BA LAS 'BYUNG BAR THAL BAR 'GYUR BAS 'JIGS PAS DUS GSUM CHAR DU YANG YOD PA NYID DU RTOG CING TSOGS PA YANG GNAS SKABS KYI 'BRAS BU CAN YIN GYI, RDZAS KYI 'BRAS BU CAN MA YIN PAS DUS GSUM KAR RNAM PAR GNAS PA'I RANG GI MTSAN NYID KYI RDZAS NI RGYU DANG RKYEN GYI TSOGS PAS DA LTAR BA'I GNAS SKABS TZAM ZHIG TU BYED KYI, SNGA NA MED PA'I RDZAS BSKYED PA MA YIN NO SNYAM DU SEMS SO, ,BYE BRAG PA DANG MDO SDE PA DANG RNAM PAR SHES PAR SMRA BA DAG NI 'BRAS BU MED PAR SMRA BA DAG STE, DE DAG GIS NI 'BRAS BU YOD PA SKYE BA DON MED PAR SEMS SHING 'BRAS BU MED PA KHO NA SKYE'O ZHES BYA BAR RTOGS SO, ,DE LA BYE BRAG PA RNAMS KYI NI SA LA SOGS PA'I RDUL PHRA RAB RNAMS LAS DON GZHAN RDUL GNYIS 'DUS PA LA SOGS PA YAN LAG CAN GYI RDZAS SKYE BAR RTOGS SHING 'BRAS BU MED PA KHO NA SKYE'O ZHES BYA BA LA SOGS PAR RTOGS SO, ,DE BZHIN DU MDO SDE PA RNAMS KYANG DGE SLONG DAG DE LTAR NA MIG NI MA BYUNG BA LAS 'BYUNG ZHING BYUNG NAS KYANG RNAM PAR 'JIG PAR 'GYUR RO ZHES @178A *, ,BYA BA'I LUNG LAS NI GTAN TSIGS SNGA MA 'BRAS BU MED PA SKYE'O SNYAM DU SEMS SO, ,RNAM PAR SHES PAR SMRA BA RNAMS KYANG DNGOS PO'I RNAM PA MTHA' DAG SKYE BA'I RGYU BAG CHAGS KYI KHYAD PAR GZHAG PAS KUN GZHI RNAM PAR SHES PA'I BAG CHAGS YONGS SU SMIN PA'I RKYEN NYE BA LAS 'JUG PA'I RNAM PAR SHES PA LA SOGS PA GANG DANG GANG SKYE BA DE DANG DE NI MED PA KHO NA SKYE'O ZHE'O, ,DE LTAR NA RGOL BA DE DAG NI 'BRAS BU YOD PA DANG MED PAR SMRA BA NYID LAS MI 'DA' STE, BDAG NYID JI LTA BA BZHIN DU DNGOS PO'I RANG GI MTSAN NYID KHAS BLANGS PA'I PHYIR LA, DE YANG YOD PA DANG MED PAR RTOG PA GNYIS LAS THA DAD PAR RNAM PA GZHAN DU BRTAG PAR MI NUS PA'I PHYIR RO, ,DE'I PHYIR RGOL BA GNYIS PO 'DI DAG LAS RE ZHIG 'BRAS BU YOD PAR SMRA BA LA KHYIM GYI DON DU KA BA DANG SGO SKYES LA SOGS PA RNAMS KYI RGYAN PA TRA DANG BYA LA SOGS PA BKOD PA'I KHYAD PAR SPRAS PA'I BDAG NYID CAN GANG YIN PA DE NI MI RUNG STE, DE'I 'BRAS BU KHYIM YOD PA'I PHYIR DANG, RNAM PA GZHAN DU BSGRUB PAR BYA BA NYID DU KHAS LEN NA YANG 'BRAS BU MED PAR SMRA BAR THAL BAR 'GYUR BA'I PHYIR RO, ,GANG ZHIG 'BRAS BU MED PAR SMRA BA DE'I LTAR NA KA BA LA SOGS PA'I RGYAN JI LTAR BSHAD PA DGOS PA MED PA NYID DU 'GYUR TE, DE'I 'BRAS BU MED PA'I PHYIR RO, ,MO GSHAM GYI BU YOD PA MA YIN PA NI SUS KYANG SGRUB PAR NUS PA MA YIN TE, DE BZHIN DU 'BRAS BU MED PAR SMRA BA LA YANG 'BRAS BU KHYIM 'GRUB PAR MI 'GYUR RO, ,CI STE SKYON 'DI SPANG BAR 'DOD PAS 'BRAS BU RNAM PA THAMS CAD DU MED PAR KHAS MI LEN NA NI 'O NA DE'I 'BRAS BU MED PAR SMRA BA NYAMS PAR 'GYUR RO, ,JI LTAR YOD PA DANG MED PA'I KHYIM BSGRUB PAR BYA BA'I PHYIR KA BA LA SOGS PA'I RGYAN MI RIGS PA DE BZHIN DU YOD PA DANG MED PAR BRTAGS NAS PHYI DANG NANG GI DNGOS PO MYU GU DANG 'DU BYED LA SOGS PA THAMS CAD LA YANG RGYU SA BON DANG MA RIG PA LA SOGS PA DON MED PAR SBYAR BAR BYA'O, ,GANG GI LTAR NA DNGOS PO RNAMS RANG BZHIN MED PA YIN PA DE'I LTAR NA NI @178B RNAM PA THAMS CAD DU DNGOS PO YOD PA NYID MED PA'I PHYIR YOD PA DANG MED PA LA SOGS PA'I RTOG PA DANG DNGOS PO'I CHOS KYI RTEN CAN RNAMS MI SRID PAS BSHAD ZIN PA'I NYES PA'I GO SKABS MED PA YIN DANG, THAMS CAD 'GRUB BO, ,GANG SKYE BA DE NI SKYE BA'I SNGA ROL NAS YOD PA MA YIN TE, RANG BZHIN MED PA'I PHYIR DANG SKYE BA DON MED PA'I PHYIR RO, ,MED PA YANG MA YIN TE, RANG BZHIN MED PA'I PHYIR DANG, SKYE BA MI SRID PA'I PHYIR RO, ,DE'I PHYIR DE LTAR NA MKHAS PAS MTHA' GNYIS SPANGS NAS RTEN CING 'BREL PAR 'BYUNG BA KHAS BLANG BAR BYA'O; ,DE'I PHYIR DNGOS PO RNAMS RANG BZHIN MED PAR 'GRUB BO, ,DE LTAR NA RE ZHIG 'DAS PA DANG MA 'ONGS PA GNYIS RANG GI NGO BOS GRUB PA YOD PA MA YIN NO, ,'DIR SMRAS PA, KHYOD KYIS 'DAS PA DANG MA 'ONGS PA'I DUS DAG BKAG MOD KYI, DE LTAR NA YANG RE ZHIG DA LTA BA NI YOD PA YIN TE, DE YOD PAS MA 'ONGS PA YANG YOD PAR 'GYUR RO, ,MA 'ONGS PA'I GNAS SKABS KYI DNGOS PO NI YONGS SU 'GYUR BAS DA LTAR BA NYID DU 'GYUR RO, ,GAL TE MI 'GYUR NA NI GANG ZHIG YONGS SU 'GYUR BAS DA LTAR BAR 'GYUR, DE'I PHYIR DA LTAR YOD PAS MA 'ONGS PA YOD DO, ,BSHAD PAR BYA STE, GAL TE YONGS SU 'GYUR BA NYID YOD NA NI DE LTAR 'GYUR BA ZHIG NA, DE NI SRID PA YANG MA YIN TE, JI LTA ZHE NA, 'DI NA YONGS SU 'GYUR BA 'DI MA 'ONGS PA'I DON LA RTOG PA NA RANG GI NGO BO NYAMS PAS RTOG GAM GNAS PAS RTOG GRANG NA, GAL TE RE ZHIG RANG GI NGO BO NYAMS PAS YIN NA NI DE'I TSE GCIG 'JIG CING GZHAN SKYE BA YONGS SU 'GYUR BA YIN PAS SKYE BA DANG 'JIG PA DAG KHO NA LA YONGS SU 'GYUR BA ZHES BYA BAR 'GYUR GYI, GNAS PA'I RDZAS KYI CHOS GZHAN LOG NAS CHOS GZHAN 'BYUNG BA NI YONGS SU 'GYUR BA MA YIN NO, ,CI STE KHO BO CAG GI YONGS SU 'GYUR BA NI 'DI 'DRA BA KHO NA YIN TE, 'DI LTAR DPER NA BA LANG GI KHU BCUD KYI RDZAS GNAS PA'I CHOS GZHAN 'O MA'I DNGOS PO LOG DANG CHOS GZHAN ZHO'I DNGOS PO 'BYUNG BA YONGS SU 'GYUR PA YIN PA @179A *, ,DE BZHIN DU YON TAN GSUM PO, ,RDUL DANG MUN PA DANG SNYING STOBS RNAMS KYIS MA 'ONGS PA'I GNAS SKABS LOG DANG DA LTAR BA'I GNAS SKABS 'BYUNG BA YONGS SU 'GYUR BA'O SNYAM DU SEMS NA, YONGS SU 'GYUR BA 'DI YOD PA NYID DU GZHAG PAR MI NUS TE, 'JIG RTEN GYIS NI MA 'ONGS PA'I YON TAN GSUM PO 'DI DAG YOD PA NYID DU DMIGS NAS DE DAG GI YONGS SU 'GYUR BAR DMIGS PA MED PA NYID DO, ,ZHO 'O MA'I RNAM PAR 'GYUR BA YIN PAR RNAM PAR GZHAG PAR NUS PA YANG MA YIN TE, 'O MA'I GNAS SKABS NYID DU NI 'O MA LA 'O MA ZHES BYA BA LA 'O MA'I GNAS SKABS KHO NAR GNAS PA'I 'O MA LA ZHO'I DNGOS PO YOD PA YANG MA YIN NO, ,GAL TE YOD PAR 'GYUR NA NI 'O MA KHO NA LA ZHO ZHES BYA BAR 'GYUR NA 'DI NI RIGS PA YANG MA YIN TE, DE'I PHYIR 'O MA LA NI ZHO'I DNGOS PO YOD PA MA YIN NO; ,GANG GI TSE 'O MA LA ZHO'I DNGOS PO YOD PA MA YIN PA DE'I TSE GZHAN GANG ZHIG LA SRID PAR 'GYUR DE'I PHYIR YONGS SU 'GYUR BA MED DO, ,'O MA DANG ZHO'I GNAS SKABS LAS THA DAD PAR BA LANG GI KHU BA'I RDZAS ZHES CUNG ZAD CIG DMIGS PA YANG MA YIN NO, ,DE LTAR NA, DNGOS RNAMS YONGS SU 'GYUR BA YANG, ,YID KYIS KYANG NI 'DZIN MI 'GYUR, ,DNGOS PO RNAMS KYI YONGS SU 'GYUR BA NI MIG LA SOGS PA'I DBANG PO RAGS PA MTHONG BA LNGAS MI 'DZIN PA 'BA' ZHIG TU MA ZAD KYI, CHOD PA DANG PHRA BA DANG GZUGS CAN MA YIN PA'I DON YONGS SU GCOD PAR NUS PA'I YIN GYIS KYANG MI 'DZIN TO, ,DE LTAR NA YANG DA LTAR BA, ,YOD PAR MI MKHAS RNAMS KYIS RTOGS, ,JI LTAR BSHAD PA'I TSUL GYIS DA LTAR BA NYID KYI RGYU YONGS SU GYUR PA MA DMIGS MOD KYI, DE LTAR NA YANG MI MKHAS SHING BLUN PA RANG NYID KYIS RANG GI NGO BO NGES PAR MI ZIN PA RNAMS KYIS DA LTAR BA DE YOD PAR RTOG GO, ,DE LTAR SKYE BO BLUN PO LA LTOS NAS DA LTAR BA ZHES BYA BAR RANG GI NGO BOS YONGS SU BRTAG PAR NUS PA YANG MA YIN PAS DUS GSUM MED DO, ,'DIR SMRAS PA, DUS RNAMS NI YOD PA KHO NA STE, @179B DE'I RGYU DNGOS PO YOD PA'I PHYIR RO, ,DUS DE NI RANG NYID KYIS LUS CAN MA YIN PA'I PHYIR DNGOS PO KHO NA NYE BAR BZUNG NAS YONGS SU GCAD PAR NUS KYI, RANG NYID KYIS NI MA YIN NO, ,DE'I PHYIR DUS MNGON PAR GSAL BA'I RGYU MTSAN YOD PAS DUS YOD DO, , BSHAD PAR BYA STE, GAL TE DE'I RGYU DNGOS PO NYID YOD NA NI DUS 'DI YOD PAR 'GYUR BA ZHIG NA SRID PA YANG MA YIN NO, ,JI LTAR MI SRID PA DE LTAR BSTAN PA'I PHYIR BSHAD PA, GNAS MED DNGOS PO GA LA YOD, ,'DI NA DNGOS PO SKAD CIG RE RE LA SKYE BA DANG 'JIG PA DANG LDAN PA RNAMS LA GNAS PA RNAM PA THAMS CAD DU YOD PA MA YIN LA, GNAS PA MED PAS KYANG DUS KYI RGYU DNGOS PO YOD PA MA YIN NO, ,GNAS PA MED PA NYID BSTAN PA'I PHYIR BSHAD PA, MI RTAG PAS GNAS GA LA YOD, ,MI RTAG PA NYID KYIS ZOS PA'I DNGOS PO LA GNAS PA MI SRID DO, ,GAL TE GNAS PA YOD NA NI GNAS PA DANG LDAN PA'I DNGOS PO SLAR RGA BA DANG 'BREL PAR MI 'GYUR TE, RGA BA NI GNAS PA DANG 'GAL BA'I PHYIR RO, ,GZHAN YANG, GAL TE DANG POR GNAS GYUR NA, ,THA MAR RNYINGS PAR MI 'GYUR RO, ,PHYIS RNYINGS PA MED PAR THAL BAR 'GYUR BA'I PHYIR SNGAR NYID NAS GNAS PA MED PAR RTOGS PAR GYIS SHIG ,'DI LAS KYANG GNAS PA MED DO, ,'DI LTAR, RNAM SHES GCIG GIS JI LTA BUR, ,DON GNYIS RNAM PAR MI SHES PA, ,DE BZHIN RNAM PAR SHES GNYIS KYIS, ,DON GCIG RNAM PAR MI SHES SO, ,GAL TE DNGOS PO LA GNAS PA ZHES BYA BA ZHIG YOD NA NI DE'I TSE RIM GYIS RNAM PAR SHES PA DU MA'I SHES BYAR 'GYUR RO, ,DON GANG ZHIG RNAM PAR SHES PA GCIG GIS DMIGS PA DE GAL TE RNAM PAR SHES PA GZHAN PHYIS 'BYUNG BA ZHIG GIS DMIGS NA NI DE'I TSE SNGAR MTHONG BA'I DON LA RNAM PAR SHES PA GZHAN PHYI MAS GCOD PA'I BAR DU GNAS PAS GNAS PA YOD PAR RTOGS PAR 'GYUR NA, 'DI NI SRID PA YANG MA YIN TE, SHES PA DANG SHES BYA GNYI GA SKAD CIG MA NYID YIN PA'I PHYIR RO, ,GANG GCIG GIS BZUNG BA DE @180A *, ,GZHAN GYIS BZUNG BAR NUS PA YANG MA YIN TE, DE'I PHYIR GNAS PA MED DO, ,'DI NA MIG LA SOGS PA RNAMS NI DBANG PO DRUG YIN LA GZUGS LA SOGS PA RNAMS NI BDAG NYID JI LTA BA BZHIN DE RNAMS KYANG YUL DRUG YIN ZHING, DBANG PO DANG DON GYI DBANG GIS KYANG RNAM PAR SHES PA'I TSOGS DRUG TU 'GYUR RO, ,DE'I PHYIR 'DIR RNAM PAR SHES PA ZHES BYA BA GANG YIN PA DE THAMS CAD NI RTEN CING 'BREL PAR 'BYUNG BA DANG SKAD CIG MAR 'JIG GO ZHES BYA BAR RANG GI SDE PA RNAMS LA GRAGS PA YIN NO, ,DE'I PHYIR RANG GI SDE PA RNAMS KYIS SKAD CIG GNYIS PAR 'BYUNG BA'I YUL 'DZIN PA'I DUS KYI BAR DU GNAS PA MED PAR SHES PA GCIG GIS DON GNYIS YONGS SU GCOD PAR MI NUS TE, MIG GI RNAM PAR SHES PA NI YUL LHAN CIG SKYES PA YONGS SU BCAD NAS 'GAG PAR 'GYUR, 'GAGS PAS NA YUL GZHAN DMIGS PAR MI NUS SO ZHES BYA BA 'DI KHAS BLANGS PA YIN NO, ,JI LTAR MIG GI RNAM PAR SHES PA RTEN CING 'BREL PAR 'BYUNG BA YIN ZHING DE MA THAG TU 'JIG PA'I PHYIR SKAD CIG MA YIN PA DE BZHIN DU DE'I YUL YANG DE'I SHES PA DON GNYIS PA YONGS SU GCOD PA'I DUS NA NI GNAS PA LTAR SKAD CIG MA YIN PA'I PHYIR RNAM PAR SHES PA GZHAN GNYIS KYIS GZUNG BAR BYA BAR MI 'GYUR RO, ,DE NI RNAM PAR SHES PA DANG LHAN CIG 'GAGS KYANG RGYUN 'DRA BA RJES SU 'JUG PAS NA GANG DNGOS PO'I RANG BZHIN LA MI MKHAS PA RNAMS KYI SHES PA GZHAN LA DE NYID DO SNYAM DU SNANG BA YIN NO, ,DE'I PHYIR GNAS PA MED DO, ,TSUL 'DI NI GZHAN DANG LDAN PA'I DON CAN GYI RNAM PAR SHES PA RNAMS KYI DON DAG LA YANG 'DU BYED 'DRA BA'I RGYU RNAMS LA 'DU PYOD KYI SKAD CIG SNGA PHYIR BYUNG BA RNAMS GCIG NYID DU RTOGS PA'I GNOD PA BYED PAR SBYAR BAR BYA'O, ,GAL TE CHOS MNGON PA LAS GZUGS LA SOGS PA'I DON LNGA PO RNAMS NI RE RE ZHING RNAM PAR SHES PA GNYIS KYIS SHES PAR BYA BA 'DON PA MA YIN NAM, DE JI LTAR MI 'GAL ZHE NA, CI CHOS MNGON PA SKAD CIG MAR 'DZIN PAR @180B KHAS MI LEN NAM, GAL TE KHAS MI LEN NA NI DE'I TSE BDE BAR GSHEGS PA MA YIN PA NYID DU 'GYUR RO, ,CI STE KHAS LEN NA NI DE'I TSE GZUGS DE MIG GI RNAM PAR SHES PA LTAR ZHIG PA'I PHYIR JI LTAR RNAM PAR SHES PAR 'GYUR, 'O NA CHOS MNGON PA LAS 'DOD PA 'DI JI LTAR DRANG ZHEN, BSHAD PAR BYA STE, GANG DBANG PO GZUGS CAN LAS SKYES PA'I RNAM PAR SHES PA DE NI YUL DA LTAR BA'I RNAM PA YONGS SU GCOD BAR BYED PA SKYE LA YUL DANG RNAM PAR SHES PA DE GNYIS SKAD CIG MAR 'JIG PAS 'GAGS PA YIN DANG, PHYI NAS GANG YID KYI RNAM PAR SHES PA 'BYUNG STE, JI LTAR 'BYUNG BA BZHIN MIG GI RNAM PAR SHES PA LA SOGS PA'I RGYU'I STOBS KYIS SKYE BA DE NI DBANG PO LAS SKYES PA'I RNAM PAR SHES PA'I RNAM PAR RTOG CING 'BYUNG BA NA DE'I RNAM PA CAN NYID DU SKYE STE RGYU DANG 'BRAS BU DAG DE NYID DANG GZHAN NYID DU RTOG PA DANG BRAL BA'I PHYIR DANG 'BRAS BU PHAL CHER RGYU'I KHYAD PAR GYI RNAM PA'I RJES SU BYED PA'I PHYIR RO ZHES DE LTAR YONGS SU BRTAGS NAS 'JIG RTEN PA'I THA SNYAD DU RNAM PAR SHES PA GNYIS KYIS SHES PAR BYA BAR BSHAD DO, ,DE'I PHYIR RNAM PAR SHES PA GNYIS KYIS DON GCIG RNAM PAR SHES PA MA YIN TE, GCIG NI YUL GYI RNAM PA DNGOS SU GCOD PAR BYED PA STE, GANG DANG POR SKYES PA'O, ,GNYIS PAS NI DNGOS SU BYED PA NYID DU RNAM PAR SHES PA MA YIN TE, DBANG PO'I RNAM PAR SHES PA'I STOBS KYIS DE LTAR RTOG CING SKYE BA NA DES KYANG DON DE RNAM PAR SHES SO ZHES NYE BAR 'DOGS SO, ,TSUL 'DI GNAS PA LA YANG RTAG PAR NUS PA NI MA YIN TE, GNAS PA NI DNGOS PO'I RANG GI MTSAN NYID KYIS GNAS PA YIN TE, RANG GI MTSAN NYID DE NI DNGOS SU 'DZIN PA MA YIN PA'I RNAM PAR SHES PA YONGS SU GCAD PAR MI NUS SO, ,DE'I PHYIR YONGS SU GCAD PAR BYA BA MA YIN PAS GNAS PA MED LA, GNAS PA MED PA LAS KYANG DNGOS PO MED PA YIN DANG DUS KYANG MED DO ZHES BYA BAR GRUB BO, ,'DIR SMRAS PA, GNAS PA NI YOD PA NYID DE DA LTAR BA'I DUS KYI MTSAN NYID YIN PA'I PHYIR RO, ,GNAS PAS @181A *, ,NI DA LTAR BA'I DUS MTSON PAR BYED DE GNAS PA DANG BRAL BA'I DA LTAR BA NYID MI SRID PA'I PHYIR RO, ,'DI LA BRJOD PAR BYA STE, GAL TE DUS LA GNAS YOD NA, ,GNAS PA DUS SU MI 'GYUR RO, ,CI STE GNAS MED NA GNAS PA, ,MED PAR MTHA' YANG YOD MA YIN, ,DE LA GAL TE DUS LA GNAS PA YOD DO SNYAM DU SEMS NA NI 'O NA NI GNAS PA DUS SU MI 'GYUR RO, ,DPER NA RTEN DANG BRTEN PA DAG THA DAD PA'I PHYIR KHYIM NA YOD PA'I LHA SBYIN KHYIM NYID DU MI 'GYUR BA DE BZHIN DU GNAS PA DUS SU MI 'GYUR TE DUS LA YOD PA'I PHYIR RO; ,DE'I PHYIR DUS KYI RANG BZHIN MA YIN PAS DE DUS KYI MTSAN NYID MA YIN NO, ,CI STE GNAS PA MED NA NI GNAS PA DANG BRAL BA'I DUS LA MTHA' YAS TE 'JIG PA YANG YOD PAR MI 'GYUR RO, ,DE'I PHYIR DA LTAR BYUNG BA'I DUS YUN DU GNAS PAR 'GYUR LA, DUS DE RTAG PA'I PHYIR DA LTAR BYUNG BA'I DNGOS PO YANG RTAG PAR 'GYUR NA, 'DI NI DE LTAR YANG MA YIN TE DE'I PHYIR GNAS PA MED DO, ,'DIR SMRAS PA, GNAS PA DE NI YOD PA NYID DE, DE DANG LDAN PA'I DNGOS PO LA MI RTAG PA NYID YOD PA'I PHYIR RO, ,GNAS PA DANG BRAL BA'I DNGOS PO YOD PA MA YIN PA'I PHYIR RTEN MED PA'I MI RTAG PA NYID MI SRID PA ZHIG NA, DNGOS PO LA MI RTAG PA NYID YOD PA'ANG YIN TE DE'I PHYIR DE YOD PAS GNAS PA YANG YOD PAR 'GYUR RO, ,'DI LA BSHAD PAR BYA STE, GAL TE MI RTAG PA NYID CES BYA BA 'GA' ZHIG YOD PAR 'GYUR NA NI DE DNGOS PO LAS GZHAN NYID DAM GCIG NYID DU 'GYUR GRANG NA, GNYI GA LTAR YANG MI 'THAD DO ZHES BSTAN PA'I PHYIR BSHAD PA, GAL TE MI RTAG DNGOS GZHAN NI, ,DNGOS PO MI RTAG PAR MI 'GYUR, ,GCIG NA MI RTAG NYID GANG YIN, ,DE NYID DNGOS DE GA LA GNAS, ,GAL TE MI RTAG PA NYID DNGOS PO LAS GZHAN NYID DU 'GYUR NA NI DE'I TSE MI RTAG PA NYID MTSAN NYID THA DAD PA'I PHYIR DNGOS PO RTAG PAR 'GYUR NA DNGOS PO NI RTAG PA YANG MA YIN PAS MI RTAG PA NYID LAS GZHAN NYID YOD PA MA YIN NO, ,CI STE GCIG NYID 'DOD NA [?] @181B YANG DE LTAR NA YANG DE LAS THA DAD PA'I DNGOS PO MI SRID PA'I PHYIR MI RTAG PA NYID GANG YIN PA DE NYID DNGOS PO YIN PAR DNGOS PO MI RTAG PA NYID KYI BDAG NYID CAN YIN PA'I PHYIR GNAS PA GTAN MI SRID PA KHO NA STE DE'I PHYIR GNAS PA MED DO, ,GNAS PA MED PAS NI MI RTAG PA NYID KYANG YOD PA MA YIN ZHING GNAS PA DANG MI RTAG PA GNYIS MED PAS KYANG DNGOS PO MED LA, DE MED PA'I PHYIR NA DUS KYANG YOD PA MA YIN NO ZHES BYA BA GRUB PO, ,GANG SNGAR, GNAS MED DNGOS PO GA LA ZHIG ,MI RTAG PAS GNAS GA LA YOD, ,CES BRJOD PA DE LA SMRAS PA, MI RTAG PA NYID YOD KYANG GNAS PA YOD PA KHO NA'O, ,JI LTAR BYAS NAS SHE NA, GNAS PA'I DUS NA NI GNAS CHES STOBS DANG LDAN GYI MI RTAG PA NYID NI MA YIN LA, STOBS CHUNG BAS STOBS DANG LDAN PA 'JOMS PAR NUS PA YANG MA YIN NO, ,'DI YANG MI RIGS SO ZHES BSTAN PA'I PHYIR BSHAD PA, MI RTAG GNYI GAR STOBS CHUNG DER, ,GNAS PA STOBS CHUNG MA YIN NA, ,PHYI NAS DE DAG NGES PAR GO, ,BZLOG PAR CI YIS MTHONG BAR 'GYUR, ,GAL TE GNAS PA'I DUS NA MI RTAG PA NYID STOBS CHUNG NA GANG GIS NA PHYIS CHOS MTHUN PAR GNAS PA DE 'JOMS PAR 'GYUR BA PHYI NAS DE STOBS DANG LDAN PA NYID CIS YIN, DE'I PHYIR SNGA ROL NYID DU DE CHES STOBS DANG LDAN PA MA YIN PA NYID YIN PA'AM, YANG NA YE NAS CHES STOBS DANG LDAN PA MA YIN PA NYID DU 'GYUR RO, ,DE'I PHYIR DNGOS PO RTAG PA'AM GNAS PA MED PAR 'GYUR NA 'DI NI RIGS PA YANG MA YIN NO, ,DE'I PHYIR DE YOD PA MA YIN NO, ,GZHAN YANG, GAL TE MI RTAG STOBS CHUNG MIN, ,DNGOS PO KUN LA YOD NA NI, ,KUN LA'ANG GNAS PA MED PA'AM, ,YANG NA THAMS CAD MI RTAG MIN, ,GAL TE MI RTAG PA NYID STOBS CHUNG BA MA YIN PAS STOBS DANG LDAN PAR 'GYUR TE, DNGOS PO KUN LA GNAS SHING GAL TE DNGOS PO MTHA' DAG LA KHYAB NAS GNAS NA NI DE'I TSE THAMS CAD LA YANG GNAS PA MED DO, ,CI STE KUN LA MI GNAS NA NI DE'I TSE CHOS THAMS CAD MI RTAG PA MA YIN @182A *, ,GYI, DE'I CHA 'GA' ZHIG NI RTAG PAR 'GYUR TE GANG NA GNAS PA CHES STOBS DANG LDAN PA'O, ,CHA 'GA' ZHIG NI MI RTAG PAR 'GYUR TE GANG NA MI RTAG PA NYID CHES STOBS DANG LDAN PA'O, ,DE LTAR NA THAMS CAD MI RTAG PA MA YIN PA'AM, YANG NA GNAS PA MED PAR 'GYUR RO, ,GZHAN YANG MI RTAG PA NYID 'DI MTSAN GZHI DANG LHAN CIG 'BYUNG BA'AM DUS PHYIS 'BYUNG BA ZHIG TU 'GYUR GRANG NA, DE LA, GAL TE RTAG TU MI RTAG NYID, ,YOD NA RTAG TU GNAS YOD MIN TE, MTSAN NYID MTSAN GZHI LA MI 'KHRUL BA'I PHYIR RO, ,GAL TE MI RTAG PA NYID RTAG TU RJES SU 'BREL NA NI, DE'I TSE GNAS PA RTAG TU YOD PA MA YIN TE, MI RTAG PA DANG RJES SU 'BREL BA'I PHYIR RO, ,YANG NA RTAG PAR 'GYUR ZIN NAS, PHYI NAS MI RTAG PAR 'GYUR RO, ,GAL TE JI SKAD DU BSHAD PA'I SKYON SPANG BAR 'DOD NAS PHYI NAS DNGOS PO MI RTAG PAR 'DOD NA NI DE'I TSE DNGOS PO DE SNGAR GNAS PA DANG LDAN PAS RTAG PAR GYUR NAS PHYIS MI RTAG PA NYID DANG LDAN PAS MI RTAG PAR 'GYUR RO ZHES BYA BAR 'GYUR NA, GANG DNGOS PO GCIG RTAG PA YANG YIN LA MI RTAG PA YANG YIN NO ZHES BYA BA DE YANG RIGS PA YANG MA YIN NO, ,YANG 'DUS BYAS KYI MTSAN NYID RNAMS PHAN TSUN MI 'KHRUL PA'I PHYIR, GAL TE GNAS PA MI RTAG DANG, ,LHAN CIG DNGOS PO LA YOD NA, ,DE LTA NA YANG, MI RTAG LOG PAR 'GYUR BA'AM, ,YANG NA GNAS PA BRDZUN PAR 'GYUR, ,GAL TE DNGOS PO DE GNAS PA DE'I TSE DE'I MI RTAG PA NYID LOG PAR 'GYUR RO, ,CI STE 'JIG NA NI DE'I TSE GNAS PA BRDZUN PAR 'GYUR BAS GNAS PA MI RIGS SO, ,GNAS PA DE MED PAS BYANG DNGOS PO MED LA DNGOS PO YOD PA MA YIN NA YANG DE'I RTEN CAN GYI DUS MED PAS DUS RANG BZHIN MED PAR GRUB BO, ,'DIR SMRAS PA, DNGOS PO'I RGYU CAN GYI DUS NI YOD PA NYID DO, ,'DI LTAR 'DU BYED 'DAS PA'I RTEN CAN 'DAS PA'I DUS NI YOD DO, ,GAL TE DNGOS PO 'DAS PA MED NA NI BDAG 'DAS PA'I DUS NA @182B 'DI LTA BU DANG 'DI LTA BU ZHIG TU GYUR TO SNYAM DU 'DAS PA LA DMIGS PA DRAN PA CI'I YUL CAN ZHIG TU 'GYUR, DE'I PHYIR DE'I YUL CAN GYI DRAN PA YOD PAS DNGOS PO'I RGYU CAN GYI DUS YOD PA NYID DO ZHES BRJOD DO, ,'DIR DRAN PA 'DI NYAMS SU MYONG BAR 'GYUR BA'I YUL KHO NA LA 'JUG STE, DA LTAR BA'I YUL RNAM PAR SHES PAS DNGOS SU DMIGS BZHIN PA LA NI DRAN PAS DGONGS PA CI YANG MED DO, ,CI STE LHAN CIG TU 'BYUNG BAR NGES PAR DA LTAR BA'I YUL CAN YANG YOD MOD KYI DE LTAR NA YANG DE GNAS SKABS DER GTZO BO LA RTEN PAR MI BYED DE, DE 'JUG PA SHAS CHE BA'I GNAS SKABS LA LTOS NAS DNGOS PO GANG YANG RUNG BA 'GA' ZHIG GI MTSAN NYID BYED PAS DNGOS PO 'DAS PA LA DMIGS PA'I RNAM PAR SHES PA KHO NA LA DRAN PA'I MTSAN NYID CHES GSAL GYI GZHAN LA NI MA YIN NO, ,DE'I PHYIR GANG LA DMIGS PA'I DRAN PA 'BYUNG BA DNGOS PO DE YOD PA YIN NO, ,DE YANG SNYING PO MED DO ZHES BSTAN PA'I PHYIR BSHAD PA, MTHONG ZIN DNGOS PO MI SNANG ZHING, ,SLAR YANG SEMS SKYE MIN DES NA, ,DRAN PA ZHES BYA LOG PA YI, ,DON LA LOG PA KHO NA 'BYUNG, ,DA LTAR BA'I GNAS SKABS KYI DNGOS PO DE'I RANG GI NGO BO DNGOS SU BYED PA'I SHES PA DA LTAR BAS MTHONG BA GANG YIN PA DE NI SLAR MI SNANG NGO, ,DON GCIG RNAM PAR SHES PA GNYIS KYIS YONGS SU GCAD PAR BYA BA NYID YIN PA NI GONG DU BKAG ZIN TE, TSUL DE NYID KYIS NA MTHONG ZIN PA'I DNGOS PO MI SNANG NGO, , GANG GI TSE MI SNANG BA DE'I TSE DE'I YUL CAN GYI SEMS SLAR YANG MI SKYE'O, ,GANG GI TSE DNGOS PO DE'I BDAG NYID DES YOD PAR GYUR NA DA LTAR BAR THAL BA'I PHYIR LA, YOD PA MA YIN NA YANG DE'I RNAM PA CAN GYI RNAM PAR SHES PA 'JUG PA MI SRID PA'I PHYIR DE'I RNAM PA'I DMIGS BCAN GYI RNAM PAR SHES PA SLAR MI SKYE BA DE'I TSE DRAN PA DE RNAM PAR SHES PA GANG ZHIG DANG MTSUNGS PAR LDAN PAR 'GYUR, YANG CI 'DAS PA'I YUL CAN GYI DRAN PA MED DAM, MED DO ZHES DE SKAD DU SU SMRA, KHO BO CAG NI RTEN CING 'BREL PAR 'BYUNG BA SEL BA MA YIN NO, ,DE JI LTAR @183A *, ,YOD PA DE LTAR NI, DES NA, DRAN PA ZHES BYA LOG PA YI, ,DON LA LOG PA KHO NA 'BYUNG, ,ZHES SLOB DPON NYID RNAM PAR 'JOG PAR MDZAD DO, ,DE'I PHYIR DRAN PA'I DMIGS PA NI 'DAS PA'I DNGOS PO YIN NO, ,GAL TE DE RANG GI NGO BOS YOD NA NI DE'I TSE DRAN PA DE YOD PA'I DON LA DMIGS PA'I PHYIR RANG GI NGO BOS GRUB PA ZHIG NA, GANG GI TSE 'DAS PA'I DNGOS PO DE RANG BZHIN MED PA DE'I TSE DE LA DMIGS PA'I DRAN PA YANG RANG BZHIN MED PA YIN TE, DE'I PHYIR LOG PA YIN NO ZHES BYA BAR GRUB PO, , LOG PA ZHES BYA BA NI RANG BZHIN MED PA DANG, RTEN CING 'BREL PAR 'BYUNG BA ZHES BYA BA DANG, DON GZHAN MA YIN PA STE, DNGOS PO MED PA'I DON NI LOG PA'I DON MA YIN NO, ,'DAS PA'I DNGOS PO RNAM PA THAMS CAD DU MED PA NI MA YIN TE, DRAN PAR BYA BA YIN PA'I PHYIR DANG, DE'I 'BRAS BU MTHONG BA'I PHYIR RO, ,RANG GI NGO BOS YOD PA YANG MA YIN NO, ,RTAG PA NYID DU THAL BA'I PHYIR DANG, DNGOS SU 'DZIN PAR THAL BAR 'GYUR BA'I PHYIR RO, ,RNAM PA DE LTA BU'I DNGOS PO LAS SKYE BA NA DRAN PA YANG RNAM PA DE LTA BU YIN PAS, DES NA; DRAN PA ZHES BYA LOG PA YI, ,DON LA LOG PA KHO NA 'BYUNG, ,ZHES BYA BA GRUB STE, SAD PA'I GNAS SKABS SU RMI LAM GYI GNAS SKABS SU MYONG BA'I YUL DRAN PA BZHIN NO, ,SLOB DPON 'PHAGS PA LTA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS DUS DGAG PA BSGOM PA BSTAN PA ZHES BYA BA STE RAB TU BYED PA BCU GCIG PA'I 'GREL PA'O,, ,,'DIR SMRAS PA, KHYOD KYIS BDAG MED PA 'DI TSES GSAL ZHING RGYAS PAR BSTAN LA, DE BZHIN GSHEGS PA YANG 'DI THUGS SU CHUD PA PO DANG, NYE BAR 'DOMS PA PO YIN NA, DE CI'I PHYIR CHOS 'DI LA 'JIG RTEN PHAL CHER 'JUG PAR MI 'GYUR, GANG GI PHYIR CHOS 'DI NI MDZAD PA PO DANG RNAM PAR 'CHAD PA PO DANG CHOS KYI CHE BA'I BDAG NYID RNAMS KYIS CHES DKAR BA ZHIG STE, DE'I PHYIR THAR @183B PA 'DOD PA THAMS CAD KYIS 'DI LA 'JUG PAR RIGS NA, LUGS KYI KHYAD PAR NYE BAR BSHAD PA GZHAN RNAMS CI STE 'BYUNG, BSHAD PAR BYA STE, CHOS 'DI LA RAB TU GSUNG BA PO DANG RNAM PAR 'CHAD PA PO DANG, CHOS KYI RANG GI NGO BO'I BDAG NYID CHEN PO DAG YOD MOD KYI, DE LTA NA YANG NYAN PA PO'I CHE BA'I BDAG NYID SHIN TU RNYED PAR DKA'O, ,'DI LTAR, GZUR GNAS BLO LDAN DON GNYER BA'I, ,NYAN PO SNOD CES BYA BAR BSHAD, ,DE LA GZU BOR GNAS PA NI GANG PHYOGS SU MA LTUNG BA'O, ,PHYOGS SU MA LHUNG BA YANG GANG ZHIG CE NA; GANG ZHIG RANG DANG GZHAN GYI PHYOGS DAG LA RJES SU CHAGS PA DANG RGYAB KYIS PHYOGS PA DANG BRAL BA'O, ,DE NI DE LTAR SEMS KYI RGYUD NYON MONGS PA'I PHYIR LEGS PAR BSHAD PA RIN PO CHE'I KHYAD PAR TSOL BA LHUR BYED PA KHO NA YIN PAS KUN NAS NYON MONGS PA'I PHYOGS 'DOR BA'I RTZA BA NI GZU BOR GNAS PA NYID YIN NO, ,DE'I PHYIR DE LTAR NA NYAN PA PO GZU BOR GNAS PA NI DAM PA'I CHOS KYI BDUD RTZI PHUL DU BYUNG BA'I SNOD YIN NO, ,GZU BOR GNAS PAR GYUR KYANG GAL TE BLO DANG LDAN PAR 'GYUR NA STE, LEGS PAR BSHAD PA DANG, NYES PAR BSHAD PA DAG GI SNYING PO DANG SNYING PO MED PAR RNAM PAR DBYE BA LA MKHAS PA'O, ,DE NI BLO DANG LDAN PA NYID KYIS SNYING PO MED PA BTANG NAS SNYING PO LEN NO, ,DE LTAR GAL TE NYAN PA PO BLO DANG LDAN PAR GYUR NA NI DE DE LTAR SNOD DU 'GYUR RO, ,DE LTAR GZU BOR GNAS SHING BLO DANG LDAN PAR GYUR KYANG LEGS PAR BSHAD PA NYAN PA DON DU GNYER BAR 'GYUR ZHING RI MO'I SKYES BU'I RNAM PA LTAR MI BRTZON PA MA YIN TE, DE LTAR NA, GZUR GNAS BLO LDAN DON GNYER BA'I, ,NYAN PO SNOD CES BYA BAR BSHAD, ,NYAN PA PO RNAM PA DE LTA BU YIN NA NI NGES PAR, SMRA PO'I YON TAN RNAM GZHAN DU, ,MI 'GYUR NYAN PA PO LA'ANG MIN, ,DE LA SMRA BA PO'I YON TAN DAG NI ZUR DOD PA DANG PHYIN CI MA LOG PA DANG, GSAL BA DANG MA 'KHRUGS PAR BRJOD PA DANG, NYAN PA PO'I LHAG PA'I BSAM PA KHONG @184A *, ,DU CHUD PA DANG, SEMS LA ZANG ZING MED PA NYID DE, DE LTA BU LA SOGS PA DAG GO, ,NYAN PA PO YANG CHOS DANG CHOS SMRA BA PO GNYIS LA GUS PA DANG, YID GTONG PA NYID DANG, GZU BOR GNAS PA NYID DANG, BLO DANG LDAN PA NYID DANG, DON DU GNYER BA NYID DO, ,DE'I DON DU GNYER BA NYID NI CHOS DANG CHOS SMRA BA DAG LA GUS PAR BYED PA DANG YID GTOD PA NYID LA SOGS BDAG GIS RTOGS PAR BYED DO, ,DE LTA YIN DANG SMRA BA PO LA YON TAN RNAM PA GZHAN DU MI 'GYUR LA, NYAN PA PO LA YANG YON TAN RNAM PA GZHAN DU MI 'GYUR RO; ,NYAN PA PO RNAM PA DE LTA BU YONG NA NI SMRA BA PO LA YON TAN SKYON GYI NGO BOR MI 'GYUR RO, ,NYAN PA PO'I SKYON LAS NI YON TAN YANG SKYON GYI NGO BOR RNAM PAR 'GYUR LA, SKYON YANG YON TAN GYI NGO BOR RNAM PAR 'GYUR GYI, BSHAD ZIN PA'I MTSAN NYID CAN GYI NYAN PA PO THOS PA LAS BYUNG BA LA SOGS PA'I YON TAN PHYIN CI MA LOG PA'I TSOGS KYI GZHIR GYUR PA YOD NA NI, SMRA BA PO LA YON TAN RNAM PA GZHAN DU MI 'GYUR LA, NYAN PA PO LA YON TAN SKYON GYI NGO BOR MI 'GYUR RO, ,DE'I PHYIR SMRA BA PO CHES YONGS SU DAG PA YIN YANG NYAN PA PO RANG GI NYES PAR MI BRTZI BA RNAMS KYI SKYON DANG LDAN PA NYID DU 'DZUD PAR BYED DE, BLUN PO BDAG LA BSTOD PA NA CI BDAG CAG LA SHES RAB MED DAM CI ZHIG BYA, RTOG PAR BYED PA PO MED DO ZHES DE SKAD DU GANG SMRA BA KHO NA YIN NO, ,'DI NI LHAG PA'I BSAM PA BSKUL BA'I MDO LAS RTOGS PAR BYA'O, ,DE NYID KYI PHYIR BCOM LDAN 'DAS KYIS, SRID DANG SRID THABS ZHI BA YI, ,THABS DANG DE BZHIN BZHI GSUNGS TE, ,'JIG RTEN YONGS SU MI SHES GANG, ,DE NI THUB PA'I LTA BUR MNGON, ,DE LA SRID PAR NI 'BRAS BUR 'GYUR BA'I NYE BAR LEN PA'I PHUNG PO LNGA'O; ,SRID PA'I THABS NI RGYUR GYUR BA'I 'DU BYED RNAMS SO, ,ZHI BA NI MYA NGAN LAS 'DAS PA STE NYE BAR 'TSE BA THAMS CAD LOG PA'I RANG BZHIN YIN PA'I PHYIR RO, ,ZHI BA'I THABS NI 'PHAGS PA'I LAM YAN LAG BRGYAD DO, ,DE LTAR BCOM LDAN 'DAS KYIS THAR PA 'DOD @184B PA RNAMS LA 'PHAGS PA'I BDEN PA BZHI NYE BAR BSTAN TE, BLANG BAR BYA BA DANG DOR BAR BYA BA'I 'BRAS BU DANG BCAS PA DAG NYE BAR BSTAN PA'I PHYIR RO, ,DE LA THOS PA DANG BSAM PA DANG SGOM PA DANG LDAN ZHING YANG DAG PA JI LTA BA SO SO RANG GI KHONG DU CHUD PA RNAMS KYI RGYUD LA NI BCOM LDAN 'DAS KYIS NYE BAR BSTAN PA'I DON JI LTA BA BZHIN KHO NA YIN GYI, THOS PA DANG BSAM PA DANG SGOM PA LA MNGON PAR BRTZON PA LA SNGAR BA RNAMS NI BDAG NYID SNOD MA YIN PAR MA 'PHRIGS PA NA GANG GI PHYIR KHO BO CAG GIS DON JI LTA BA BZHIN MI RTOGS PAS NGES PAR 'DI YANG DAG PAR M BSHAD DO ZHES 'KHRUL PA DE THUB PA'I YIN PA LTAR NGES PAR BYED DO, ,DE TZAM GYIS NI SANGS RGYAS BCOM LDAN 'DAS NONGS PA DANG LDAN PA YANG MA YIN NO, ,'PHAGS PA'I BDEN PA BZHI STON PAR MDZAD PA NYID KYIS SKYES BU'I DON MA LUS PA NYE BAR STON PA'I MDZAD PA PO YIN PA'I PHYIR SMRA BA PO'I SKYON GA LA YOD, DE'I PHYIR NA THUB PA'I LTA BUR ZHES BSHAD DO, KHA CIG DAG GIS DES NYE BAR BSTAN PA'I DNGOS PO'I DE KHO NA NYID JI LTA BA BZHIN NGES PAR MA ZIN PA'I PHYIR RO, ,DMUS LONG GIS MA MTHONG BA NI SNANG BZHIN BA'I NYI MA'I SKYON MA YIN TE MA LONG BA RNAMS KYIS DE MTHONG BA'I PHYIR RO, ,'DIR SMRAS PA, DE BZHIN GSHEGS PA'I MNGON PAR MTHO BA'I GTAM THAMS CAD NI CHES DON GSAL BA YIN NA, NGES PAR LEGS PA'I GTAM NI DNGOS PO THAMS CAD MED PAR STON PA LHUR LEN PA NYID KYIS KHO BO CAG LTA BU RNAMS KYIS RTOGS PAR MI NUS TE, 'DI LTAR BCOM LDAN 'DAS DNGOS PO THAMS CAD KYI RANG GI NGO BO SUN 'BYIN PAR ZHUGS PA'I PHYIR KHO BO CAG GI YID MGU BAR MI MDZAD DO, ,BSHAD PAR BYA STE, THAMS CAD BTANG BAS MYA NGAN LAS, ,'DAS PAR YA MTSAN CAN KUN 'DOD, , KUN SUN 'BYIN PA DE DAG NI, ,MI DGAR 'GYUR BA'I RGYU CI ZHIG ,GRANGS CAN PA DANG BYE BRAG PA LA SOGS PA YA MTSAN CAN THAMS CAD KYIS BDE BA DANG SDUG BSNGAL BA LA SOGS PA DNGOS PO KUN NAS NYON MONGS PA MTHA' DAG LOG PAR THAR PA 'THOB PO ZHES BYA BAR KHAS @185A *, ,BLANGS SO, ,GANG GI TSE DE LTAR YA MTSAN CAN THAMS CAD KYIS THAMS CAD BTANG BAS MYA NGAN LAS 'DAS PAR MNGON PAR 'DOD PA DE'I TSE GANG ZHIG RGYAB KYIS PHYOGS PA'I RGYUR 'GYUR BA SNGON CHAD MA BYUNG BA GSUNGS PA CUNG ZAD TZAM YANG MED DO, ,YA MTSAN CAN RNAMS KYIS DNGOS PO GANG DAG MYA NGAN LAS 'DAS PAR SLAR MI 'BYUNG BAS MYA NGAN LAS 'DA' BAR 'DOD PA DE DAG KHO NA BDAG GI RANG BZHIN MED PAR STON PA LHUR BYED CING DAM PA MA YIN PA'I LTA BA'I TSER MA 'BYIN PA'I BDAG NYID CAN GYI BSTAN BCOS KYIS MYA NGAN LAS 'DAS PA'I GRONG KHYER DU 'GRO BA'I LAM YONGS SU SBYANG BAR BSGRUBS PA YIN TE DES NA KHYOD YOD PA MA YIN PA'I 'JIGS PA SNYING LA BRTAGS NAS, CI'I PHYIR 'JIGS, YID LA YONGS SU DGA' BA BSKYED PA DANG, CHOS 'DI BDAG TU 'GYUR BAR GYIS SHIG , BDAG NYID LA KUN NAS NYON MONGS PA'I DNGOS PO THAMS CAD MYA NGAN LAS ZLO BA'I GTAM YANG KHOD CIG ,JI SKAD DU BCOM LDAN 'DAS KYIS, MYA NGAN 'DAS LA CHOS RNAMS CHOS YOD MIN, ,'DI NA GANG MED DE DAG GZHAR YANG MED, ,YOD DANG MED CES RTOG PA DANG LDAN ZHING; ,DE LTAR SPYOD RNAMS SDUG BSNGAL ZHI MI 'GYUR, ,ZHES GSUNGS SO, ,MYA NGAN LAS 'DAS PA NI MYA NGAN LAS RGAL BA PHUNG PO LHAG MA MED PA'I MYA NGAN LAS 'DAS PA'I DBYINGS TE SDONG BU DANG MAR YONGS SU ZAD PAS MAR ME SHI BA BZHIN NO, ,RANG NYID KYIS YANG DAG PA JI LTA BA BZHIN RTOGS PA RNAMS LA DE KHO NA NYID KYI YE SHES KYI ME'I STOBS KYIS BDAG GI BA LA CHAGS PA LOG PAS 'DOD CHAGS DANG ZHE SDANG DANG GTI MUG DANG RGYAGS PA DANG NGA RGYAL LA SOGS PA RNAMS KYI YOD PA NYID RNAM PA THAMS CAD DU MED PA NYID YIN NO SNYAM DU KHYOD CAG YA MTSAN CAN THAMS CAD KYIS MNGON PAR 'DOD DO ZHES SANGS RGYAS BCOM LDAN 'DAS KYIS BSHAD PA RNAMS KYIS YID YONGS SU DGA' BAR 'GYUR GYI, MU STEGS BYED RNAMS KYIS 'DI DE KHO NA LTAR YIN NO ZHES BYA BAR NGES PAR NI MA ZIN TO, ,'DIR SU BA RNAMS KYIS SU @185B MI MNGON PAR BYAS SO ZHES BYA BA LA SOGS PA'I MDOR BYAS PA BDUN PA MI MNGON PAR BYAS PA'O, ,'DI LA BCOM LDAN 'DAS KYIS DA LTAR GANG DAG MYA NGAN LAS 'DAS PA 'DI NA MED PA STE, RAB RIB MED PA'I GNAS SKABS NA RAB RIB CAN RNAMS KYIS DMIGS PA'I SKRA SHAD DANG SBRANG BU LA SOGS PA LTA BU 'AM, SGROL MA'I GNAS SKABS NA KHYIM NA NAM MKHA' 'OD ZER GYUR BAS THAG PA LA SBRUL DU MTHONG BA'I 'JIGS PAS MTHONG BA'I DUG 'PHOS PA'I DOGS PA LOG PA BZHIN RNAM PA THAMS CAD DU MI SNANG BAR GYUR CING YOD PA MA YIN PA DE DAG NI RAB RIB CAN GYI GNAS SKABS NA RAB RIB CAN RNAMS KYI SKRA SHAD DANG SBRANG BU LA SOGS PA DAG LTA BU DANG JI LTAR SNANG BA'I GNAS SKABS NA SBRUL MED PAS THAG PA LA SBRUL GYI BLO MED PA DE BZHIN DU MUN PA'I GNAS SKABS NA YANG BDEN PAR GYUR PA'I SBRUL MED PAS SBRUL GYI BLO GANG YIN PA DE YANG MED PA BZHIN GZHAR YANG STE, 'KHOR BA'I GNAS SKABS 'GA' YANG YOD PA MA YIN NO ZHES GSUNG BAR GYUR TO, ,'O NA JI LTAR 'KHOR BA KUN NAS NYON MONGS PA DANG LAS LAS BYUNG ZHE NA, BSHAD PA 'KHOR BA NI RAB RIB CAN GYIS DMIGS PA'I SKRA SHAD LA SOGS PA'I BLO'I NGO BO'I TSOGS DANG 'DRA STE MUN PA'I GNAS SKABS NA SBRUL GYIS 'JIGS PA PHYIN CI LOG BZHIN NO, ,'DI YANG YOD PA MA YIN PA'I PHYIN CI LOG GI MUN PAS BLO GROS KYI MIG LDONGS PAR BYAS PA'I BYIS PA'I SKYE BO RNAMS KYI YIN NO ZHES BSHAD PA NI, YOD DANG MED CES RTOG PA DANG LDAN ZHING; ,DE LTAR SPYOD RNAMS SDUG BSNGAL ZHI MI 'GYUR, ,ZHES BYA BA'O, ,LEGS PAR BSHAD PA LAS NI RNAMS YOD RNAMS ZA MIN, ,ZHES BYA BAR 'GYUR MOD KYI, TI NGAN NI TING DOR 'GYUR RO ZHES BYA BA BRJOD PAR BYA'O ZHES BYA BA'I MTSAN NYID LAS NA CHOS YOD MIN ZHES GSUNGS SO; ,DHARM'A n'A AA MA ZHES BSTAN PAR BYA BA LA, 'DIR YI GE AA DANG YI GE MA MI MNGON PAR BYAS SO, ,DE YOD CES RTOG PA DANG LDAN PA NI KHYED CAG GRANGS CAN PA DANG 'UG PA PA DANG, GZEGS ZAN DANG, SER SKYA DANG, BYE BRAG TU SMRA BA PA RNAMS YIN LA, YOD CES, @186A *, ,RTOG PA DANG LDAN PA NI BYE BRAG PA DANG MDO SDE PA DANG RNAM PAR SHES PA SMRA BA RNAMS TE, DE LTAR SPYOD PA YOD PA DANG MED PA'I GDON GYIS ZIN PA RAB RIB KYI GNAS SKABS NA RAB RIB CAN RNAMS LTA BU DANG MUN KHUNG DU THAG PA LA SBRUL GYI BLO CAN RNAMS BZHIN DU LTA BA PHYIN CI LOG TU GYUR PA RNAMS KYI SDUG BSNGAL TE, 'GRO BA LNGA'I 'KHOR BAR SKYE BA DANG, RGA BA DANG 'CHI BA'I SDUG BSNGAL DANG MYA NGAN LA SOGS PA ZHI BAR MI 'GYUR RO, ,DE DAG GI RNAM PAR DPYAD PA NI GNAS DANG GNAS SU 'DI NYID LAS BSTAN ZIN PA'I PHYIR MA BSHAD DO; ,DE NYID KYI PHYIR, GANG ZAG PHUNG PO SMRA BA YI, ,'JIG RTEN GRANGS CAN 'UG PHRUG DANG, ,GOS MED BCAS LA GAL TE ZHIG ,YOD MED 'DAS PA SMRA NA DRIS, ,DE'I PHYIR SANGS RGYAS RNAMS KYIS NI, ,BSTAN PA 'CHI MED YOD MED PAS, ,'DAS PA ZAB MO ZHES BSHAD PA, ,CHOS KYI KHUD PA YIN ZHES GYIS, ,ZHES GSUNGS SO, ,GAL TE GANG 'DI LTA STE, THAMS CAD BTANG BAS MYA NGAN LAS 'DAS PA ZHES BYA BA 'DI NYID YA MTSAN CAN RNAMS KYI YANG BSAM PA YIN NA NI KHYOD DANG MU STEGS CAN RNAMS LA KHYAD PAR CI YOD CE NA, KHYAD PAR NI MU STEGS CAN RNAMS LA THAMS CAD GTONG BA'I BSAM PA TZAM ZHIG TU ZAD KYI THAMS CAD GTONG BA'I THABS BRJOD PA MED PA GANG YIN PA 'DI YIN NO, ,THAMS CAD GTONG BA'I THABS MA BSTAN NA YANG, ,GANG ZHIG GTONG THABS MI SHES DE, ,CI ZHIG GTONG BAR BYED PAR 'GYUR, ,THAMS CAD GTONG BA'I BSAM PA LA GNAS KYANG MU STEGS CAN GYI LUGS LA BRTEN ZHING BTANG BA'I THABS MNGON PAR MA SHES PAS CI ZHIG GTONG BAR BYED PAR 'GYUR TE, GANG GI PHYIR THAMS CAD GTONG BA'I THABS DON DAM PA'I BDEN PA'I CHOS THAMS CAD RANG BZHIN GYIS STONG PA NYID MTSAN NYID CAN MI SHES PA'I PHYIR RO, ,DE NYID KYI PHYIR, DES NA NGES PAR THUB PA YI, ,GZHAN DU ZHI BA MED CES GSUNGS, ,'DI NYID LA DGONGS NAS THUB PAS DGE SBYONG DANG PO NI 'DI NYID DU'O, ,GNYIS PA DANG GSUM PA NI 'DI NYID @186B DU'O; ,BZHI BA NI 'DI NYID DU'O, ,PHA ROL PO SMRA BA NI DGE SBYONG DAG GIS STONG PA'O ZHES GSUNGS SO ZHES BYA BAR NGES SO, ,THAMS CAD GTONG BA'I THABS YANG DAG PAR BSTAN PA 'DI LAS NI SANGS RGYAS BCOM LDAN 'DAS KYI YE SHES KYI 'JUG PA THAMS CAD LA THOGS PA MED PAS DON JI LTA BA BZHIN DU STON PA PO NYID DU RTOGS SO, ,MU STEGS CAN RNAMS NI THAMS CAD GTONG BA'I THABS STON PA'I NUS PA DANG BRAL BAS DNGOS PO'I RNAM PA GZHAN DU YANG SHES PA'I PHYIN CI LOG PA NYID DU GRUB PA'I PHYIR SGRUB PAR MI BYA'O, ,GAL TE KHYOD KYI LTAR NA YANG MNGON SUM MA YIN PA'I PHYIR NA SHES BYA MTHA' YAS PA DBANG PO LAS 'DAS PA'I DON NYE BAR BSTAN PA DAG LA CI DON 'DI JI SKAD DU BSTAN PA DE KHO NA LTAR YIN NAM 'ON TE GZHAN DU YIN ZHES DE RNAMS THE TSOM SKYE BAR 'GYUR BA NYID MA YIN NAM, DE'I YUL CAN GYI NGES PA'I RGYU NI YOD PA MA YIN NO, ,DE LA YANG BSHAD PAR BYA STE, SANGS RGYAS KYIS GSUNGS LKOG GYUR PA, ,GANG ZHIG THE TSOM SKYE 'GYUR BA, ,DE YIS STONG PA NYID BSTAN TE, ,'DI NYID KHO NAR YID CHES BYA, ,DNGOS PO THAMS CAD MNGON SUM DU SHES PAS GO BAR BYA BA NI MA YIN GYI RJES SU DPAG PAS RTOGS PAR BYA BA YANG YOD DO, ,RJES SU DPAG PAR BYA BAR NUS PA MA YIN TE, DPE YANG YOD PA'I PHYIR RO, ,'DIR THAMS CAD GTONG BA'I THABS NI CHOS THAMS CAD RANG BZHIN GYIS STONG PA NYID YIN TE, DE NI GANG GIS KYANG GZHAN NYID DU BSGYUR BAR MI NUS SO, ,DON 'DI NI RTAG TU NYE YANG SKYE BO THAMS CAD KYIS MNGON SUM MA YIN PA'I PHYIR ZLA [?] BA YANG YIN LA DE NI 'THAD PAS CHOS THAMS CAD LA RANG BZHIN DU 'DZIN PA BZLOG PA'I SGO NAS JI LTA BA BZHIN DU'ANG BSTAN TO, ,RE ZHIG 'DI NYID LA 'DI NGES PAR GYIS SHIG ,CI STE 'DI LA CI 'DI NI DE KHO NA LTAR YIN NAM 'ON TE RNAM PA GZHAN DU YIN SNYAM DU MI NGES PA'I RGYU CUNG ZAD CIG YOD CING GAL TE BSHAD ZIN PA DANG 'CHAD PA'I RAB TU BYED PAS BSTAN PA'I NGES PAS DE MA BSAL NA NI DE SMROS SHIG ,'DIS MA NGES PA'I RGYU CUNG ZAD KYANG BRJOD PAR NUS PA NI MA YIN TE, DE'I PHYIR DPE GRUB @187A *, ,PA KHO NA'O, ,DE'I PHYIR DE LAS GZHAN PA'I BCOM LDAN 'DAS KYI GSUNG MNGON SUM MA YIN PA'I DON STON PAR BYED PA YANG RANG NYID KYI TSUL GYIS DON JI LTA BA BZHIN NO ZHES BYA BAR RTOGS PAR BYA STE, DE BZHIN GSHEGS PAS BSTAN PA'I PHYIR RANG BZHIN GYIS STONG PA NYID KYI DON RJOD PAR BYED PA'I GSUNG BZHIN NO, ,DE'I PHYIR SANGS RGYAS KYIS GSUNGS PA'I LKOG TU GYUR PA DAG LA THE TSOM GANG LA ZA, BCOM LDAN 'DAS KYIS, 'JIG RTEN KHAMS NI STONG RNAMS SU, ,NGA YIS MDO RNAMS GANG GSUNGS PA, ,YI GE THA DAD DON GCIG STE, ,YONGS SU BSGRAG PAR NUS MA YIN, ,DNGOS PO GCIG NI BSAM BYAS NA, ,DE DAG THAMS CAD BSGOMS 'GYUR TE, ,SANGS RGYAS KUN GYIS CHES MANG PO, ,JI SNYED RAB TU BSTAN PA RNAMS, ,CHOS RNAMS KUN GYI BDAG MED YIN, ,MI GANG DON LA MKHAS RNAMS KYIS, ,GNAS 'DI LA NI BSLAB BYAS NA, ,SANGS RGYAS CHOS RNAMS RNYED MI DKA', ,ZHES BYA BA DANG, DE BZHIN DU, JI LTAR BDAG GI 'DU SHES SHES GYUR PA, ,DE BZHIN THAMS CAD LA NI BLO SBYAR BYA, ,CHOS RNAMS THAMS CAD DE YI RANG BZHIN TE, ,RNAM PAR DAG PA NAM MKHA' LTA BU YIN, ,ZHES JI SKAD DU GSUNGS PA LTA BU'O, ,DE BZHIN GSHEGS PA LTAR MU STEGS CAN RNAMS KYANG PHYIN CI MA LOG PAR BRJOD PA NYID DU NGES PAR NI MI NUS TE, DE RNAMS NI MTHONG BA'I CHOS NYID LA PHYIN CI LOG TU GYUR PA'I PHYIR RO, ,'DI LTAR DE RNAMS KYIS NI 'JIG RTEN 'DI'I 'JUG PA RGYU RTAG PA SNGON DU 'GRO BAR STON NA MTHONG BA DANG 'GAL BA DANG 'THAD PA DANG 'GAL BA DE NI BSTAN PAR MI NUS SO, ,DE LTAR NA, GANG GIS 'JIG RTEN 'DI MTHONG DKA', ,DE NI GZHAN LA BLUN PA NYID, ,ZLA BA NYA BA LA MTHONG BA'I NUS PA NYAMS PA 'GA' ZHIG GIS SKAD MA DHRU BA DANG AA NU DA NA TI MTHONG BA NI MA YIN NO, ,DE BZHIN DU MU STEGS CAN 'DIS KYANG GANG GI TSE RE ZHIG SEMS CAN DANG SNOD CES BYA BA'I 'JIG RTEN 'DI'I RGYU DANG 'BRAS BU LA RMONGS PAS DON RAGS PA YANG DAG PAR MI MTHONG BA DE'I @187B TSE DON JI LTAR DON SHIN TU PHRA BA YUL DANG DUS RING POS CHOD CING RAB TU DBYE BA DANG BCAS PA SHES PAR 'GYUR, DE'I PHYIR 'KHOR BA'I LAM GYI NGAL DUB BSAL BAR BYA BA'I PHYIR DE KHO NA NYID MTHONG BA'I CHU DRI MA MED PA BTUNG BAR 'DOD PA, GANG DAG MU STEGS CAN RANG NYID LTA BA SHIN TU PHYIN CI LOG CING SMIG RGYU'I CHU LTAR BSTEN PAR BYA BA MA YIN PA, DE'I RJES 'GRO DE DAG ,SHIN TU YUN RING BSLUS PAR 'GYUR, ,GANG DAG SANGS RGYAS BCOM LDAN 'DAS KYIS DON JI LTA BA BZHIN STON PA LA MI BRTEN PAR THAR PA 'DOD PA NYID KYIS MTHONG BA DANG MA MTHONG BA'I DNGOS PO'I RANG BZHIN LA RNAM PAR RMONGS PA'I MU STEGS CAN GYI RJES SU 'GRO BA DE DAG NI PHYI MA'I MTHA'I MUR GTUGS PA MED PA CAN GYI 'KHOR BAR BSLUS PAR 'GYUR RO, ,'DIR, JI LTAR NOR LA MI MKHAS TSONG PA NGAN PA RIN CHEN GLING DU SONG RNAMS RIN PO CHE, ,'DOD PAS RMONGS LAS NOR BU RIN THANG CHEN PO BTANG NAS NOR BU MCHING [?] BU LEN PA LTAR, ,DE BZHIN GZHUNG LUGS NGAG LA MI MKHAS BLO GROS NGAN ZHING 'DZAM BU'I GLING DU SONG BA RNAMS, ,THAR PA'I RE BA BCAD PAS RMONGS LAS SANGS RGYAS GZHUNG LUGS DOR NAS MU STEGS GZHUNG LUGS LEN, ,ZHES BSHAD DO, ,YANG CI'I PHYIR, THAR PA 'DOD PA DE DAG PHYIN CI LOG TU MTHONG BA MU STEGS CAN GYI RJES SU 'GRO ZHE NA, RANG BZHIN GYIS STONG PA NYID KYI CHOS BSTAN PA NYAN PA LA 'JIGS PA'I PHYIR RO, ,'JIGS PA DE NI, BDAG YOD MA YIN 'BYUNG MI 'GYUR, ,BDAG GI YOD MIN 'BYUNG MI 'GYUR, ,ZHES BRTAGS NAS SKRAG PA LAS SO, ,SKRAG PA DE YANG SHIN TU YUN RING POR BDAG TU 'DZIN PA DANG BDAG GIR 'DZIN PA GOMS PA LAS SO, ,DE NYID KYI PHYIR SHIN TU YUN RING POR GOMS PAR BYAS KYANG DGE BA'I BSHES GNYEN GYIS YONGS SU BZUNG BAS DNGOS PO'I RANG BZHIN LA MNGON PAR ZHEN PA'I DRI MA DOR NAS, ,MYA NGAN 'DAS PAR RANG 'GRO GANG, ,DE DAG SHIN TU BYA DKA' BYED, ,RANG NYID SANGS RGYAS BCOM LDAN 'DAS SU GYUR NAS RANG NYID KHO NA MYA NGAN LAS 'DAS PA'I GRONG KHYER DU NYE BAR GSHEGS TE, DE LTAR DKA' BA @188A *, ,MDZAD PA THUGS RJE CHEN PO MNGA' BA, 'DREN SLAD BZHIN DU'ANG DAM PA NI, ,MA YIN YID 'GROR SPRO MA YIN, ,DAM PA MA YIN PA BDAG TU 'DZIN PA DANG BDAG GIR 'DZIN PA LA RNAM PAR GNAS PA'I YID RANG NYID MYA NGAN LAS 'DAS PAR 'GRO BAR MI SPRO BA 'BA' ZHIG TU MA ZAD KYI, 'ON KYANG DAM PA MA YIN PA'I YID NI MDZED DKA' BA MDZAD PA'I 'DREN PA'I SLAD BZHIN DU MYA NGAN LAS 'DAS PAR 'GRO BAR MI SPRO'O, ,YANG CI'I PHYIR DAM PA MA YIN PA'I GANG ZAG GI YID 'DREN PA PO DE'I RJES BZHIN DU YANG MYA NGAN LAS 'DAS PAR 'GRO BA MI SPRO ZHE NA, STONG PA NYID LA SKRAG PA'I PHYIR RO, ,YANG GANG ZHIG 'DI LA SKRAG PAR 'GYUR ZHE NA, GANG ZHIG 'GYUR BA DE BSTAN PA'I PHYIR BSHAD PA, MA MTHONG SKRAG PAR MI RTZOM STE, ,MTHONG NA RNAM KUN DE BZLOG 'GYUR, ,DES NA NGES PAR CUNG ZAD CIG ,SHES LA SKRAG PAR BSGRUB PAR BYA, ,BSTAN BCOS KYI BRDA LA MA BYANG BA NI BA LANG RDZI LA SOGS PA DAG STE DE DAG NI STONG PA NYID LAN BRGYAR BSTAN KYANG RNAM PA THAMS CAD DU RJES SU ZHUGS PA MED PAS STONG PA NYID KYI DON MA MTHONG BA'I PHYIR DE LA SKRAG PA MI 'BYUNG STE, SKAD CIG MAR 'JIG PA LA DER RMONGS PA LTA BU DANG, DMYAL BA'I ME LA LOG PAR LTA BA RGYUR BZUNG BA BZHIN NO, ,MTHONG NA RNAM KUN DE LDOG 'GYUR, ,STONG PA NYID CES BYA BA'I CHOS MTHONG NA NI DE LA MKHAS PA RNAMS RNAM PA THAMS CAD DU SKRAG PA LDOG PAR 'GYUR TE, 'JIGS PA'I RGYU BDAG DANG BDAG GIR MNGON PAR ZHEN PA DANG BRAL BA'I PHYIR RO, ,THAG PAR MTHONG NA THAG PA LA SPRUL DU PHYIN CI LOG SKYES PA'I SBRUL GYI 'JIGS PA DANG BRAL BA BZHIN NO, ,GANG ZHIG CUNG ZAD CIG SHES SHING CUNG ZAD CIG MI SHES PA DE LA NI NGES PA STE, GDON MI ZA BAR 'GYUR BAS SKRAG PAR BSGRUB PAR BYA'O, ,GLANG PO CHE MYOS PA'I RKYEN BU LEGS PAR BSLABS PA NI GLANG PO CHES SPAR BA NA DE LA MI 'JIGS LA, DE LA BZHON PAR 'DOD PA'I GRONG PA SHIN TU RMONGS PA YANG MA YIN NO, ,DE NI DE LAS LHUR BA LA SOGS PA'I SKYON MA MTHONG BA BZHIN [?] PA @188B NYID RTOGS PAR SEMS PA NA DE LA MI 'JIGS SO, ,CUNG ZAD CIG SHES PA NI BDAG NYID DE LA ZHON PAR BYA BAR RLOM PA NA CHES SHIN TU 'JIGS SO, ,GZHAN YANG BYA BA THAMS CAD LA 'JUG PA NA CUNG ZAD CIG SHES PA NGES PAR SKRAG PAR 'GYUR GYI, DE KHO NA NYID RIG PA MA YIN TE MA BSNYENGS PA'I PHYIR RO, ,GTAN MI SHES PA YANG MA YIN TE, GTI MUG GIS BTZAS PA'I PHYIR RO, ,CUNG ZAD CIG SHES PA NI SKRAG STE, CI 'DI NUS SAM MI NUS ZHIG GU SNYAM DU RNAM PAR DPYOD PA'I PHYIR RO, ,YANG CI'I PHYIR CUNG ZAD SHES PA 'DI DAG GIS SHES PAR BYA BA YONGS SU RDZOGS PAR MA GYUR GYI BAR DU GO 'PHANG GONG MA MI TSOL ZHE NA, BSHAD PAR BYA STE, SKRAG PA'I PHYIR RO, ,YANG SKRAG PA'I RGYU CI ZHIG CE NA, BSHAD PA MA GOMS PA'O, ,YANG DE'I RGYU CI ZHIG CE NA, PHYIN CI LOG TU GOMS PA'O, ,DE NYID BSTAN PA'I PHYIR BSHAD PA, BYIS RNAMS NGES PA KHO NAR NI, ,'JUG BYED CHOS LA GOMS PA STE, ,DE DAG GOMS PA MED PA YIS, ,LDOG BYED CHOS LA 'JIGS PAR 'GYUR, ,'JUG PAR BYED PA'I CHOS NI 'KHOR BA'I 'JUG PA DANG RJES SU MTHUN PA STE, SEMS CAN SO SO'I SKYE BOR GTOGS PA'I SA LA GNAS PA RNAMS NI 'JUG PAR BYED PA'I CHOS LA GOMS SO, ,LDOG PAR BYED PA'I CHOS NI DE LA GOMS PA'I GEGS DNGOS PO RNAMS KYI RANG BZHIN STONG PA NYID DE 'KHOR BA LDOG PA'I RJES SU MTHUN PA'I PHYIR RO, ,SO SO'I SKYE BO RNAMS NI SEMS KYI RGYUD BDAG LA CHAGS PA DANG RJES SU 'BREL PA'I PHYIR DE LDOG PAR BYED PA'I CHOS LA SHIN TU 'JIGS LA, DNGOS PO THAMS CAD RANG BZHIN GYIS STONG PA NYID LA G-YANG SA'I SUL LTAR SEMS PA NA JI LTA BA BZHIN RTOGS PA MI BZOD DO, ,DE'I PHYIR DE LTAR NA GANG ZAG MA RIG PA'I MUN PA STUG POS DNGOS PO'I DE NYID G-YOGS SHING THOG MA DANG THA MA DANG MI LDAN PA'I 'KHOR BA'I 'BROG DGON PAR LAM BZANG PO CHUD ZOD PA 'GA' ZHIG GAL TE RANG BZHIN STONG PA NYID KYI GTAM LA GUS PAR 'GYUR NA DE DANG MTHUN PA'I RKYEN NYE BAR BSGRUB PA'I SGO NAS JI LTAR STONG PA NYID LA DANG BA 'PHEL BAR @189A *, ,'GYUR BA DE LTAR BYA ZHING SNYING RJE BA DANG, BCOM LDAN 'DAS DE BZHIN GSHEGS PA LA BYAS PA GZO ZHING BDAG NYID KYI DAM PA'I CHOS KYI BAR CHAD KYI RGYU MTSAN G-YANG SA CHEN PO'I RGYU YONGS SU SPANG BAR 'DOD PAS YANG BA LA BRTEN PA DANG, SBYIN PAR DKA' BA YANG SBYIN PA DANG, BSDU BA'I DNGOS PO BZHIS KYANG BSDU BAR BYA STE, DAM PA'I CHOS 'DI 'BAD PA THAMS CAD KYIS SKYE BO DAM PA'I CHOS KYI SNOD DU GYUR PA LA NYE BAR BSTAN PAR BYA'O, ,GANG ZHIG JI SKAD BSTAN PA LA MI GUS PA 'BA' ZHIG TU MA ZAD KYI, GZHAN YANG, GANG ZHIG GTI MUG 'GA' ZHIG GIS, ,BSGRIBS SHING DE NYID GEGS BYED PA, ,DE LA DGE LEGS 'GRO BA YANG, ,MED NA THAR PA SMOS CI DGOS, ,GTI MUG PA 'GA' ZHIG GIS ZHES BYA BA NI PHRAG DOG DANG SER SNA DANG LE LO DANG 'JIGS PA DANG NYAN PA PO LA SDANG BA LA SOGS PAS SO, ,GANG ZHIG DE KHO NA NYID NYE BAR BSTAN PA'I SNOD DU GYUR PA'I SKYE BO LA DE KHO NA NYID LTA BA DANG NYAN PA LA SOGS PA'I GEGS BYED PA DE LA NI NGES PAR NGAN 'GROR 'GRO BAS BDE 'GRO STE LHA DANG MI'I BDAG NYID CAN YANG SRID PA MED NA, DE LA THAR PA'I GTAM GYI GO SKABS SU 'GYUR BA LTA SMOS KYANG CI DGOS, 'DIS RANG DANG GZHAN GYI RGYUD DAG LA GNOD PA CI MA BYAS, DES NA SHES RAB KYI SGRON MA PHYOGS KYI SGO MA LUS PA KHYAB CING SNANG BA CHES GSAL BA DUS GSUM DU MTHU 'JUG PA NYAMS PA MED PA NYIN RE ZHING MA RIG PA'I MUN PA GZHOM PA'I PHYIR SNANG BA'I TSOGS 'PHEL BZHIN PAR GYUR PA, 'GRO BA'I BSAM PA MA LUS PAR SNANG BAR NUS PA RGYUD LA SKYE BZHIN PA LA GNOD PA RJES SU BSGRUBS PA YIN NO, ,'DI NYID KYANG RANG DANG GZHAN GNYIS LA GNOD PA BYED PA NYID DU GZIGS NAS, BCOM LDAN 'DAS KYIS, TSUL KHRIMS LAS NI NYAMS BLA YI; ,LTA LAS CIS KYANG MA YIN NO, ,ZHES GSUNGS TE, TSUL KHRIMS NYAMS PA NI BLA'I LTA BA NYAMS PA NI MA YIN NO ZHES MDO LAS GSUNGS SO, ,DE'I PHYIR DE BZHIN GSHEGS PA'I GSUNG 'DI 'THAD PA DANG BCAS PA NYID DU BRJOD PA'I PHYIR SLOB DPON GYIS, TSUL KHRIMS @189B KYIS NI BDE 'GROR 'GRO, ,LTA BAS GO 'PHANG MCHOG THOB 'GYUR, ,ZHES BYA BA SMOS SO, ,TSUL KHRIMS NYAMS PA NA, GAL TE YANG DAG PA'I LTA BA DANG LDAN PA 'PHAGS PA RNAMS LA BCOM PAR MI 'GYUR NA, CHUNG NGU DANG 'BRING DANG CHEN PO'I RIM PAS SKYES PA RNAMS LA YI DAGS DANG DUD 'GRO DANG DMYAL BAR SKYE BA'I 'BRAS BU RNAM PAR SMIN PA LA 'DI TZAM ZHIG TU YONGS SU GCAD PAS 'JUG LA, TSUL KHRIMS RNAM PAR DAG PA NI YANG DAG PA'I LTA BA MA SKYES PAS SO SO'I SKYE BO RNAMS LA MCHOG TU GYUR PAR MTHO RIS KYI 'BRAS BU CAN DU 'GYUR RO, ,LTA BA NYAMS PA NI GAL TE CHES CHUNG BA ZHIG YIN NA, DE YANG RNAM PAR SMIN PA CHE BA NYID DU TSUL KHRIMS NYAMS PA GRANGS MED PA BRGYA STONG PHRAG DANG MNYAM PAR BYA BAR MI NUS NA, PHAM PAR BYA BA LTA CI SMOS, CI STE GANG ZAG DE LA 'PHAGS PA'I LAM SKYES PAS RKYEN LAS CI ZHIG LTAR YANG DAG PA'I LTA BA PHUN SUM TSOGS PA SKYES NAS NI DE'I GDON MI ZA BAR 'KHOR BA THOG MA DANG THA MA MED PAR ZHUGS PA'I MA RIG PA'I MUN PA BSAL NAS SEMS CAN GYI KHAMS MA LUS PA MDUN DU BDAR TE MYA NGAN LAS 'DAS PAR 'GYUR RO, ,DE LTAR NA MKHAS PAS DE KHO NA NYID LA LTA BA 'DI NI SHIN TU DON CHE BA NYID DU RIG PAR BYAS TE, DE MI NYAMS PA'I PHYIR 'BAD PAR BYA'O, ,DE NYAMS PA'I 'JIGS PA MTHONG BA 'DIS NI THAMS CAD LA SNOD KYI KHYAD PAR NGES PAR MA BZUNG BAR SNOD MA YIN PA RNAMS LA BDAG MED PAR LTA BA 'DI BSTAN PAR BYA BA YANG MA YIN TE, DE LA NYE BAR BSTAN PA NI DON MA YIN PA'I RGYU KHO NAR 'GYUR RO, ,BLUN LA NYE BAR BSTAN PA NI, ,'KHRUGS PAR 'GYUR GYI ZHI PHYIR MIN, ,LAG 'GRO 'O MA 'THUNG BA NI, ,DUG 'PHEL 'GYUR PA 'BA' ZHIG GO, ,ZHES KYANG BSHAD DO, ,BCOM LDAN 'DAS KYIS KYANG 'OD SRUNGS GANG ZAG TU LTA BA RAB RIB TZAM NI BLA'I MNGON PA'I NGA RGYAL CAN STONG PA NYID DU LTA BA NI MA YIN NO, ,DE CI'I PHYIR ZHE NA, 'OD SRUNGS LTA BAR GYUR PA THAMS CAD LA NGES PAR 'BYUNG BA NI STONG PA NYID YIN NA GANG STONG PA NYID DU LTA BA DE NI GSOR MI RUNG NGO ZHES GSUNGS SO, ,DE NYID KYI PHYIR, @190A *, ,DAM PA MIN LA BDAG 'DZIN MCHOG ,BDAG MED STON PA MA YIN TE, ,BDAG MED PA'I CHOS LA LHAG PAR MOS PA DANG BRAL ZHING BDAG TU 'DZIN PAR MNGON PAR ZHEN PA DAM PA'I CHOS MA YIN PA LA BRTEN PAS LTA BA THIBS PO'I RJES SU 'BRANG BA'I MI LA NI DAM PA MA YIN PA ZHES BYA STE, DAM PA MA YIN PA DE LA NI DES NYES PAR SPYOD PA LDOG PA DANG MTHUN PA'I PHYIR BDAG BSTAN PA MCHOG YIN NO, ,'DI LTAR DE NI BDAG CAG LA CHAGS PA DANG RJES SU 'BREL BAS BDAG NYID LA PHAN PA DANG BDE BA MNGON PAR 'DOD CING NYES PA SPYAD PA LAS LOG PA LA 'TSENGS PAR SEMS LA SDIG PA LAS LOG PA DES NI BDE 'GROR 'GRO BA RNYED PAR SLA BAR YANG 'GYUR RO, ,BDAG MED PA'I CHOS STON PAS NI SPONG BA DANG PHYIN CI LOG TU RTOGS PA DAG GIS 'DI'I LUS DANG NGAG DANG SEMS KYI RGYUD 'JOMS PAR 'GYUR RO, ,DE'I PHYIR DE LTAR NA, GCIG NI NGAN 'GRO NYID 'GRO LA, ,THA MAL MA YIN ZHI NYID DU'O, ,BDAG MED PAR LTA BA LA LOG PAR ZHUGS PA'I MI MKHAS PA NI NGAN 'GRO KHO NAR 'GRO'I ZHI BAR NI MA YIN NO, ,GANG ZHIG THA MAL PA MA YIN PA DE NI ZHI BA KHO NAR 'GRO'I NGAN 'GROR NI MA YIN NO, ,THA MAL GYI SGRA NI MCHOG MA YIN PA'I THA TSIG GO, ,MCHOG MA YIN PA LA YANG GANG ZHIG CE NA, GANG ZHIG STONG PA NYID KYI DON PHYIN CI LOG TU RTOGS PA'AM SPONG BA'O, ,DE BKAG PAS NI THA MAL MA YIN PA STE, THA MAL MA YIN PA ZHES BYA BA NI MCHOG CES BYA BA'I DON TO, ,STONG PA NYID NYE BAR BSTAN PA GANG ZHIG KHO NA LAS THA MAL PA NGAN 'GRO'I MTHAR THUG PA'I STONG PA NYID BSTAN PA DE NYID LAS THA MAL PA MA YIN PA MYA NGAN LAS 'DAS PA'I MTHAR THUG PAR 'GYUR RO, ,STONG PA NYID MTHONG BA'I RKYEN GYIS THAMS CAD LA CHAGS PA SPANGS PA LAS LAS DANG NYON MONGS PA'I TSOGS BCOM PA NI NGES PAR MYA NGAN LAS 'DAS PA'I GO 'PHANG DU NYE BAR 'GRO'O, ,YANG NA DAM PA MA YIN PA GANG ZHIG BDAG MED PA'I CHOS NYAN PA DE NI SPANGS PA DANG PHYIN CI LOG TU RTOGS PAS NGAN 'GRO KHO NAR 'GRO LA, GANG ZHIG MI NYAN PA DE NI BSOD NAMS KYI LAS KYI RKYEN GYIS BDE 'GRO NYID DU'O, , @190B YANG GANG ZHIG DAM PA MA YIN PA DAG LA BSTAN PAR BYA BA MA YIN ZHING, DAM PA DAG LA BSTAN PAR BYA BA BDAG MED PA ZHES BYA BA 'DI YANG GANG ZHIG CE NA, DE BSTAN PA'I PHYIR BSHAD PA, ZHI SGO GNYIS PA MED PA DANG, ,LTA BA NGAN RNAMS 'JIG BYED CING, ,SANGS RGYAS KUN GYI YUL GYUR LA, ,BDAG MED CES NI BYA BAR BRJOD, ,GANG ZHIG ZHI BA'I SGO GNYIS PA MED PA NI BDAG MED PA'O, ,GANG ZHIG LTA BA NGAN PA RNAMS 'JIG PAR BYED PA DE NI BDAG MED PA'O, ,GANG ZHIG SANGS RGYAS THAMS CAD KYI YUL DU GYUR PA DE NI BDAG MED PA ZHES BYA'O, ,DE LA BDAG CES BYA BA NI GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU RTOGS TE CHOS KYI BDAG MED PA DANG, GANG ZAG GI BDAG MED PA ZHES BYA'O, ,DE LA GANG ZAG CES BYA BA NI GANG PHUNG PO LNGA LA BRTEN NAS BRTAGS PA STE, DE NI PHUNG PO DAG LA RNAM PA LNGAS BTZAL BA NI MI SRID DO, ,CHOS NI PHUNG PO DANG KHAMS DANG SKYE MCHED CES BYA BA'I DNGOS PO RNAMS SO, ,DE'I PHYIR CHOS DE RNAMS DANG GANG ZAG LA BDAG NYID JI LTA BA'I RGYU DANG RKYEN LA RAG LAS TE; SKYE BA'I PHYIR DANG BRTAN NAS BRTAGS PA'I PHYIR BDAG GI RANG GI NGO BO RANG LA RAG LAS SHING GZHAN LA RAG MA LAS PA YOD PA MA YIN PAS GANG ZAG DANG CHOS RNAMS RANG BZHIN MED PAR RNAM PAR GZHAG GO, ,DON GANG ZHIG LA RANG GI NGO BOS GRUB PA YOD PA MA YIN PA DE BDAG NYID GZHAN GANG ZHIG GIS 'GRUB PAR 'GYUR, DE'I PHYIR DNGOS PO RNAM PA THAMS CAD DU RANG GI MTSAN NYID KYIS MA GRUB PA BSTAN NAS SAM NYE BAR BLANGS NAS SLU BA'I BDAG NYID DU 'BYUNG BA RNAMS NI BLO BLUN PA'I CHAGS PA'I GZHIR 'GYUR LA, RANG BZHIN JI LTA BA BZHIN DU YANG DAG PAR MTHONG BA RNAMS KYIS BSGOMS PA NA CHOS DANG GANG ZAG GNYIS LA CHAGS PA YONGS SU ZAD PA 'DREN PAR 'GYUR RO, ,CHAGS PA YONGS SU ZAD PA NI MYA NGAN LAS 'DAS PA THOB PA'I RGYU YIN LA, RANG BZHIN MED PAR LTA BA LAS MA GTOGS PA'I CHOS 'GA' ZHIG DE LTAR @191A *, ,CHAGS PA YONGS SU ZAD PA'I RGYU YOD PA YANG MA YIN NO, ,DE NYID KYI PHYIR RANG BZHIN MED PA'I MTSAN NYID CAN GYI BDAG MED PA 'DI NI ZHI BA'I SGO GNYIS PA MED PAR 'GYUR TE, MYA NGAN LAS 'DAS PA'I GRONG KHYER DU 'JUG PAR BYA BA LA 'DI GCIG PU KHO NA ZLA MED PA'I SGO YIN NO, ,GAL TE YANG STONG PA NYID DANG MTSAN MA MED PA DANG SMON PA MED PA ZHES BYA BA RNAM PAR THAR PA'I SGO GSUM YOD MOD KYI, DE LTA NA YANG BDAG MED PAR LTA BA KHO NA GTZO BO YIN TE, CHOS MA LUS PA BDAG MED PAR RIG CING DNGOS PO THAMS CAD LA CHAGS PA MA LUS PA ZAD PA LA 'GAR YANG 'GA' ZHIG DON DU GNYER BA'AM MTSAN MAR DMIGS PA GA LA YOD, DE'I PHYIR BDAG MED PA 'DI NI ZHI BA'I SGO GNYIS PA MED PA KHO NA ZHIG GO, ,DE NYID KYI PHYIR BYANG CHUB KYI TSOGS LAS, RANG BZHIN MED PAS STONG LA STONG PA NI, ,YIN DANG MTSAN MAS CI ZHIG BYED PAR 'GYUR, ,MTSAN MA THAMS CAD LOG PAR 'GYUR BA'I PHYIR, ,MKHAS PAS CI STE SMON LAM 'DEBS PAR 'GYUR, ,ZHES BSHAD DO, ,'DI NI LTA BA NGAN PA RNAMS 'JIG PAR BYED PA STE, LTA BA NGAN PA NI NGAN PAR BRTZES PA'I LTA BA DAG GO, ,BDAG MED PA YIN NA NI DNGOS PO RNAMS RNAM PA THAMS CAD DU MA DMIGS PAS DNGOS PO'I RANG GI NGO BO YONGS SU BRTAGS PA'I RTEN CAN LTA BA NGAN PA RNAMS GTAN NAS 'JIG PAR MTHONG BA'I PHYIR BDAG MED PA 'DI NI 'JIG PAR BYED PA'O, ,BDAG MED PA NI SANGS RGYAS KUN GYI YUL TE SANGS RGYAS KUN GYI ZHES BYA BA NI NYAN THOS DANG RANG SANGS RGYAS DANG BLA NA MED PA YANG DAG PAR RDZOGS PA'I SANGS RGYAS RNAMS KYI'O, ,YE SHES KYI KHYAD PAR GYI YUL NYID DU GNAS PA'I PHYIR NA SANGS RGYAS KUN GYI YUL ZHES BYA'O, ,YANG NA YANG DAG PAR RDZOGS PA'I SANGS RGYAS KYI CHOS KYI SKU LAS THA MI DAD PAR BZHUGS PA THAMS CAD KYI YIN PAR BSTAN PA'I PHYIR SANGS RGYAS KUN GYI ZHES BSHAD DO, ,KHYAD PAR GYI PHRENG GIS NI SLOB DPON GYIS CHOS THAMS CAD BDAG MED PAR GSUNGS SO, ,BDAG MED PA 'DI NI DAM PAS SKYE BO BLO ZHAN PA LA BSTAN PAR BYA BA MA YIN TE, GANG @191B GI PHYIR, CHOS 'DI YI NI MING LAS KYANG, ,DAM PA MIN PA 'JIGS PA SKYE, ,DAM PA MA YIN PA NI CHOS 'DI GTING THUG PAR DKA' ZHING ZAB PA'I PHYIR BDAG MED PA'I SGRA THOS PA LAS KYANG 'JIGS PA SKYE'O, ,'DI LTAR, GZHAN LA 'JIGS PA MI SKYED PA'I, ,STOBS LDAN ZHES BYA GANG ZHIG MTHONG, ,BDAG MED PAR LTA BA NI STOBS DANG LDAN PA YIN TE, DAM PA MA YIN PA'I LTA BA THAMS CAD DRUNGS 'BYIN PAR NUS PA'I PHYIR RO, ,DAM PA MA YIN PA'I LTA BA NI STOBS CHUNG BA STE DRUNGS DBYUNG BAR BYA BA YIN PA'I PHYIR RO, ,GANG STOBS DANG LDAN PA LA STOBS CHUNG BA 'JIGS SO ZHES BYA BA 'DI NI NGES PA YANG YIN NO, ,DE'I PHYIR STOBS CHUNG ZHING LTA BA NGAN PAS SEMS KYI RGYUD BDAG GIR BYAS PA LA CHOS 'DI BSTAN PAR MI BYA STE, 'JIGS PA'I RGYU YIN PA'I PHYIR RO, ,GAL TE LTA BA NGAN PA RIL 'JOMS PA'I PHYIR CHOS 'DI BSTAN PAR BYA BA MA YIN NAM; 'DI LTAR PHAS KYI RGOL BA RNAMS NI GDON MI ZA BAR CHOS DANG MTHUN PAR TSAR GCAD PAR BYA BA ZHIG STE, DE'I PHYIR RTZOD PA DON DU GNYER ZHING GZHAN GYI LUGS PHAM PAR BYA BAR 'DOD PAR GYUR BAS CHOS 'DI SNOD DAG LA NYE BAR BSTAN PAR BYA'O ZHE NA, BSHAD PAR BYA STE 'DI NI DE LTA MA YIN TE, 'DI LTAR, CHOS 'DI DE BZHIN GSHEGS RNAMS KYIS, ,RTZOD PA'I CHED DU MA GSUNGS TE, ,GAL TE CHOS 'DI RTZOD PA'I CHED DU BSTAN PAR 'GYUR NA NI 'DI DE LTAR 'GYUR BA ZHIG DANG, 'DI NI RTZOD PA'I DON DU BSTAN PA MA YIN TE, RNAM PAR THAR PA'I SGO NYID DU BSTAN PA'I PHYIR RO, ,GAL TE YANG DE LTA YIN MOD KYI, DE LTA'ANG 'DIS NI GZHAN SMRA RNAMS, ,BSREG STE ME YIS BUD SHING BZHIN, ,RTZOD PA'I DON DU MA BSTAN YANG CHOS 'DI NI PHA ROL PO'I SMRA BA SEL BAR BYED PA KHO NA'O, ,ME NYE BAR LEN PA NI BTZO BA LA SOGS PA'I BYA BA'I DON DU YIN LA BUD SHING BSREG PA'I DON DU MA YIN MOD KYI, DE LTA NA YANG SREG PAR BYED PA'I RANG BZHIN YIN PAS 'DOD PA'I BYA BA RJES SU SGRUB CING BUD SHING YANG SREG PAR BYED DO, ,ME JI LTA BA BZHIN DU CHOS THAMS CAD RANG BZHIN GYIS BDAG MED PAR SHES PA YANG DAD PA @192A *, ,CAN GYI RGYUD LA NYE BAR SKYE BA NA DE LTAR SHES PAR BYA STE, NYON MONGS PA'I 'CHING BA THAMS CAD SREG PAR BYED PA'I BDAG NYID CAN YIN PA'I PHYIR RO, ,YANG JI LTAR CHOS 'DI DAD PA CAN GYI RGYUD LA NYE BAR SKYE BA NA PHA ROL PO'I SMRA BA DAG SREG PAR 'GYUR ZHE NA; BSHAD PA, CHOS 'DI GANG GIS SHES GYUR PA, ,DE NI GZHAN PA MI DGA' STE, ,DAM PA'I CHOS KYI DE KHO NA NYID MTHONG BA'I BDUD RTZI MYANGS PA NI DE LAS GZHAN PA'I LTA BA'I ROL MNOG [?] MED PAR BYED PA'I PHYIR DE LAS GZHAN PA'I LTA BA THAMS CAD LA DE MI DGA'O, ,SLOB DPON DAM PA'I CHOS KYI BDUD RTZI'I RO MYANGS PA LTA BUR GYUR TE SKYE BO BLO DANG LDAN PA'I YID TSIM PAR BYED PA'I TSIG GSUNG BA, DES NA BDAG LA CHOS 'DI NI, ,'JIG PA'I SGO DANG 'DRA BAR SNANG, ,SLAR MI SKYE BAS 'JIG PA MTHONG BA'I PHYIR CHOS 'DI NI BDAG MED PA'I CHOS RTOGS PA'I RGYUD LA DAM PA MA YIN PA'I LTA BA THAMS CAD 'JIG PA'I RGYU YIN NO SNYAM DU SLOB DPON LA SNANG NGO, ,'DI NI MI DMIGS PA'I BDAG NYID CAN YIN PA'I PHYIR 'GA' ZHIG YANG 'JIG PA'I RGYU MA YIN PAS 'JIG PA'I SGO DANG 'DRA BAR ZHES BSHAD DO, ,YANG NA BSTAN PA'I CHOS LA DGONGS NAS 'JIG PA'I SGO DANG 'DRA BAR ZHES BSHAD DO, ,MYA NGAN LAS 'DAS PA NI GTAN DU BA'I 'JIG PA YIN LA, DER RJES SU 'JUG PA'I SGO NI RNAM PAR THAR PA'I SGO STONG PA NYID RTOGS PA'I BDAG NYID CAN YIN LA BSTAN PA'I CHOS KYANG SLOB DPON LA DE DANG 'DRA BAR SNANG STE, JI LTAR 'PHAGS PA'I CHOS KYI RANG BZHIN THUGS SU CHUD PAR SHES NAS DAD PA DANG LDAN PA LTA BA GZHAN MNGON PAR MI 'DOD PA DE BZHIN DU LUNG GI CHOS RTOGS PA YANG GZHAN LA MI DGA' SNYAM DU DGONGS SO, ,CI STE 'PHAGS PA RNAMS LA YANG CI'I PHYIR 'DI SKRAG PA'I RGYUR MI 'GYUR ZHE NA, BDAG LA CHAGS PA LOG PA'I PHYIR RO, ,GANG LA BDAG LA CHAGS PA YOD PA DE DANG RJES SU MTHUN PA'I DNGOS PO'I LTA BA 'DOD KYI DE DANG MI MTHUN PAS BDAG MED PAR LTA BA NI MA YIN NO, ,DE NYID DU BDAG MED SNYAM DU, ,DE LTAR GANG LA DGONGS @192B GNAS PA, ,'PHAGS PA, DE NI YOD PAS GA LA DGA', ,MED PAS 'JIG PAR GAL 'GYUR, ,GANG ZHIG LA PHYI DANG NANG GI DNGOS PO'I RANG GI NGO BO YONGS SU MI RTOGS PA'I PHYIR ZHES BYA BA'I DNGOS PO 'GA' YANG RANG BZHIN GYIS YOD PA MA YIN NO SNYAM PA'I DGONGS PA RNAM PAR GNAS PA DE NI GANG MED PAR MTHONG BA LAS DE BDAG MED PA LA 'JIGS PAR 'GYUR PA YOD PAR LTA BA YOD PAS YONGS SU TSIM PAR GA LA 'GYUR, DE NYID KYI PHYIR DE DAG GI RJES SU CHAGS PA DANG KHONG KHRO BA DANG BRAL BA'O ZHES BYA STE, YOD PAR LTA BA LA RJES SU CHAGS PA MED PA'I PHYIR LA, BDAG MED PAR LTA BA LA YANG KHONG KHRO BA MED PA'I PHYIR RO, ,DE'I PHYIR GNYIS LA MI SPYOD CING RTZOD PA MED PA 'DI NI MYA NGAN LAS 'DAS PA'I GRONG KHYER DU BDE BLAG TU 'GRO STE, DE'I PHYIR MYA NGAN LAS 'DAS PA DAM PA'I GNAS YIN PA'I PHYIR NA BDAG MED PA DE DE'I 'JIGS PA'I RGYU MA YIN NO, ,DNGOS POR LTA BA LA MNGON PAR ZHEN PA'I MU STEGS CAN MYA NGAN LAS 'DAS PA LA G-YANG SAR 'DU SHES PA RNAMS NI MYA NGAN LAS 'DAS PA LAS 'JIG RTEN GCOD PAR BYED CING SKYE BO SDUG BSNGAL MTHA' YAS PA'I RGYU DNGOS POR LTA BA LA SBYOR BA NA 'GRO BA RNAMS KYI SDUG BSNGAL MU MTHA' MED PA'I SA BON DU GYUR PA YIN NO, ,DE'I PHYIR, DON MIN SA BON GYUR PA YI, ,MU STEGS CAN MANG MTHONG NAS NI, ,CHOS 'DOD PA YI SKYE BO LA, ,SU ZHIG SNYING MI BRTZE BAR 'GYUR, ,'JIG RTEN 'DI NI MU STEGS BYED KYI SBRUL DNGOS PO DANG DNGOS PO MED PAR LTA BA DAM PA MA YIN PA'I TSER MA SHIN TU 'THEBS PO'I TSANG TSING [?] DANG LDAN PA RNAMS KYIS LAM BZANG PO NAS BKUG STE, LTA BA'I TSER MA'I TSANG TSING DU BCUG NAS THAR PA'I CHA DANG MTHUN PA'I DGE BA'I SROG GI DBANG PO BCAD PA'I SGO NAS NYIN RE ZHING GSOD PAR BYED DO; ,GANG ZHIG CI ZHIG LTAR SKYES BU'I BYED PAS BDAG NYID DE LAS YONGS SU GROL BAR BYAS NAS LAM BZANG PO LA BRTEN PA DE NI MDZA' BSHES TSEGS CHE ZHING YANG BAR PHYIN PA DE LAS GROL BA ZHIG SNGAR GYI RGYUD PA'I GTAM THOS PAS SNYING ZHU BA'I GNYEN RNAMS KYIS BRTZE BAR BYA BA YIN PA DE @193A *, ,LTA BU STE DE DANG 'DRA BAR RNAM PA DE LTA BU'I SKYE BO RNAMS LA BYANG CHUB SEMS DPA'I RIGS CAN GANG ZHIG SNYING BRTZE BAR MI 'GYUR, SNYING BRTZE BA LAS KYANG GUS PAR BYAS TE DE LA GANG GIS NA 'DIR SLAR YANG MU STEGS CAN GYI SBRUL DAG GIS PHROGS PAR MI 'GYUR BA RANG BZHIN MED BA'I LAM NYE BAR BSTAN PAR BYA'O, ,YANG CI'I PHYIR SEMS CAN RNAMS DGE BA'I BSAM PA CAN YIN YANG PHAL CHER MU STEGS CAN RNAMS KYI LUGS DANG RJES SU 'BREL GYI BDE BAR GSHEGS PA'I DANG MA YIN ZHE NA, DE NI PHRA BA'I PHYIR RO, ,'DI LTAR RAGS PA MTHONG ZHING, BDE BAR GSHEGS PA RNAMS KYI GTZUG LAG KHANG DANG KHA ZAS DANG CHOS GOS LA SOGS PA MCHOG TU GYUR PA DMIGS NAS LTA BA PHYIN CI LOG PA RNAMS DE BZHIN GSHEGS PA'I GSUNG RAB KYI DON ZAB MO MKHAS SHING MDZANGS PAS RIG PAR BYA BA'I GTING MI DPOGS SHING MTHONG BA DANG THOS PA TZAM GYIS BSLUS PA NA MU STEGS CAN RNAMS KYI GZHUNG LUGS DAG LA GUS PAR BYED DO, ,JI LTAR BDE BAR GSHEGS PA RNAMS KYI CHOS 'DI PHRA BA NYID DANG, DE LAS GZHAN PA RNAMS KYI RAGS PA NYID YIN PA DE LTAR BSTAN PA'I PHYIR BSHAD PA, SH'AKYA GOS MED BRAM ZE STE, ,GSUM PO RNAMS KYI'ANG CHOS YID DANG, ,MIG DANG RNA BA YIS 'DZIN PA, ,DE'I PHYIR THUB PA'I GZHUNG LUGS PHRA, ,BRAM ZE RNAMS NI 'DON PA SNYING POR BYED PA STE, DE RNAMS KYI DE NI RNA BA'I YUL LO, ,GCER BU PA DAG NI GTZANG SBRAR SPROD PA DANG BRAL BA'I PHYIR LUS DRI [?] BA'I 'DAM 'PHEL BZHIN PAS GOS SHING LUS KHRUS RAS DANG BRAL BA GRANG BA DANG RLUNG DANG NYI MA DANG SKRA 'BAL BA LA SOGS PA'I SDUG BSNGAL GYI GZHIR GYUR PA RNAMS TE, DE RNAMS KYI LUGS DE NI MTHONG BAS GO BAR BYA BA YIN TE, DE'I PHYIR DE RNAMS KYI CHOS NI MIG GI RNAM PAR SHES PAS SHES PAR BYA BA YIN NO, ,SH'A-KYA DNGOS PO THAMS CAD RANG BZHIN MED PAR LTA BA'I NYI MAS SEMS KYI RGYUD SNANG BAR BYAS SHING DAM PA MA YIN PA'I LTA BA MA LUS PAS 'THIBS SHING TSANG TSING DU GYUR PA'I MA RIG PA'I MUN PA @193B BCOM PA, 'DUS BYAS RMI LAM DANG MIG 'PHRUL DANG SGYU MA'I NA CHUNG DANG GZUGS BRNYAN DANG SPRUL PA DANG MTSUNGS PAR MTHONG BA, NYON MONGS PA'I DRI MA MA LUS PA BSAL BAS SEMS KYI RGYUD DRI MA MED PAR GYUR PA RNAMS NI DE LTAR MNYAM PAR GZHAG PA DAG KHO NAS NGES PAR BYA BA YIN TE, DE'I PHYIR DE DAG GI DGE BA'I BSAM PA NI YID KYI RNAM PAR SHES PAS GO BAR BYA BA YIN PAS THUB PA'I GZHUNG LUGS PHRA BA YIN NO, ,DE'I PHYIR MA NGES PAS BSOD NAMS 'DOD KYANG SKYE BO BDE BAR GSHEGS PA'I CHOS LA MI 'JUG GO , ,'DIR SMRAS PA, GAL TE BLO RAGS PA'I PHYIR 'JIG RTEN PHYI ROL PA LA BRTEN NAS 'JUG NA 'O NA 'DIR YANG DE LTAR RJES SU SGRUB PAR GYIS SHIG ,PHYI ROL PA'I BYA BA RJES SU MI 'GRUB STE, 'DI LTAR, JI LTAR BRAM ZE RNAMS LA CHOS, ,PHAL CHER PHYI 'CHOS BRJOD PA LTAR, ,DE BZHIN GCER BU RNAMS LA CHOS, ,PHAL CHER BLUN PA BRJOD PA YIN, ,BRAM ZE RNAMS NI BZLAS BRJOD DANG SBYIN SREG DANG, BKRA SHIS DANG, 'GYOD TSANGS LA SOGS PA'I BYA BA DAG GIS GZHAN DAG LAS RNYED PA DANG, BKUR STI LA SOGS PA 'DOD PAS PHYI 'CHOS PAR 'DOD DO, ,DE DAG GI CHOS NI PHAL CHER PHYI 'CHOS PA ZHIG STE, PHYI 'CHOS GTZO BO YIN NO ZHES BYA BA'I DON TO, ,CHOS 'DI NI THAR PA 'DOD PA RNAMS LA 'GAL BA YIN TE, ,'KHOR BA'I RJES SU MTHUN PA'I PHYIR LA, ,BA GSAG GIS RJES SU RIG PA'I BDAG NYID CAN GYI NYE BA'I NYON MONGS PA MNGON PAR 'PHEL BA'I RGYU YIN PA'I PHYIR SH'A-KYA PA RNAMS LA MA BSTAN TO, ,JI LTAR THAR PA'I BAR DU GCOD PAR BYED PA'I PHYIR BRAM ZE RNAMS KYI CHOS PHYI 'CHOS PHAL CHE BA THAR PA 'DOD PA RNAMS KYIS SPYAD PAR BYA BA MA YIN PA DE BZHIN DU GCER BU RNAMS KYI CHOS SEMS BLUN PA NYID DU BYED PA'I RGYU YANG BLUN PA PHAL CHE BA'I PHYIR SPYAD PAR BYA BA MA YIN PAS DE LTAR NYE BAR BSTAN PA RJES SU MI SGRUB PO, ,GANG GI PHYIR BRAM ZE 'DI RNAMS KYI CHOS PHYI 'CHOS PHAL CHE BA DE NYID KYI PHYIR 'JIG RTEN PHAL CHER, JI LTAR RIG PA BLANGS PA LAS, ,BRAM ZE GUS PA SKYE BA LTAR, ,DE BZHIN @194A *, ,NYON MONGS BLANGS PA LAS, ,GCER BU PA LA BRTZE BAR 'GYUR, ,JI LTAR 'DON PAR BYED PA TZAM GYIS SEMS RANGS PAR GYUR PA'I 'JIG RTEN NI RIG PA BLANGS PA LAS BRAM ZE RNAMS LA GUS PA SKYE BA DE BZHIN DU NYON MONGS PA BLANGS BA LAS TE MIG 'BAL PA LA SOGS PA LUS YONGS SU DUB PA RNAMS LAS GOS MED PA RNAMS LA BRTZE BA SKYE'O, ,'DI RNAMS KYI LUS YONGS SU NYON MONGS PA'I SDUG BSNGAL NYAMS SU MYONG BA NI CHOS KYI CHED DU 'GYUR BA 'DI NI MI SRID DE NYES PA SPYAD PA'I 'BRAS BU YIN PA'I PHYIR RO ZHES BSTAN PA'I PHYIR; SDUG BSNGAL LAS KYI RNAM SMIN PHYIR, ,JI LTAR CHOS SU MI 'GYUR BA, ,ZHES BYA BA SMOS SO, ,JI LTAR SGREN MOS RGYU BA RNAMS KYI 'DI BA'I SDUG BSNGAL NYAMS SU MYONG BA YANG DMYAL BA'I SDUG BSNGAL GYI NYAMS SU MYONG BA BZHIN CHOS KYI CHED DU MI 'GYUR BA LTAR BRAM ZE RNAMS KYI YANG, DE BZHIN SKYE BA LAS KYI NI, ,RNAM SMIN PHYIR NA CHOS MA YIN, ,GAL TE LAS KYI RNAM PAR SMIN PA YIN PA'I PHYIR, MIG LA SOGS PA LTAR SDUG BSNGAL DANG SKYE BO CHOS SU MI 'GYUR NA 'O NA CHOS GANG ZHIG YIN ZHE NA, BSHAD PAR BYA STE, CHOS NI MDOR NA MI 'TSE BAR, ,DE BZHIN GSHEGS PA RNAMS KYIS GSUNGS, ,'TSE BA NI GZHAN LA GNOD PAR ZHUGS PA'I PHYIR SEMS CAN LA GNOD PA'I BSAM PA DANG, DES KUN NAS BSLANG BA'I LUS DANG NGAG GI LAS YIN LA, MI 'TSE BA NI DE LAS BZLOG PA'I SGO NAS DGE BA BCU'I LAS KYI LAM MO, ,GANG YANG CUNG ZAD GZHAN LA PHAN 'DOGS PA DE THAMS CAD KYANG MI 'TSE BA'I KHONGS SU 'DU BA YIN NO, ,DE BZHIN GSHEGS PA RNAMS KYI CHOS NI MDOR BSDU NA MI 'TSE BA DE NYID YIN NO ZHES BSTAN TO, ,STONG NYID MYA NGAN 'DAS PAR TE, ,'DIR NI DE GNYIS 'BA' ZHIG GO , ,RANG BZHIN STONG PA NYID DU GANG BSHAD PA DE NYID SANGS RGYAS BCOM LDAN 'DAS RNAMS KYIS MYA NGAN LAS 'DAS PAR GSUNGS SO, SDUG BSNGAL PHUNG PO LNGA'I RANG BZHIN CAN GTAN NYE BAR ZHI BA GANG YIN PA DE NI MYA NGAN LAS 'DAS PA YIN LA, RANG BZHIN GYIS MA SKYES PAR MTHONG @194B BA'I DUS SU YANG SDUG BSNGAL RANG BZHIN GYIS MA SKYES PAR KHONG DU CHUD PAS PHYIN CI LOG ZAD PA YIN DANG DE SLAR YANG RNAM PA GZHAN DU 'GYUR BAS YONGS SU BRTAG PA MI SRID PA'I PHYIR SDUG BSNGAL 'GAGS PA KHO NA'O SNYAM DU DNGOS PO RNAMS RANG BZHIN GYIS STONG PA NYID DU MTHONG BA NYID MYA NGAN LAS 'DAS PA'O ZHES DE BZHIN GSHEGS PAS GSUNGS KYI DNGOS PO'I RANG BZHIN GYI NGO BOR SLAR MI SKYE BAS MYA NGAN LAS 'DAS PA YIN NO ZHES BYA BAR NI MA YIN TE RANG BZHIN LA LDOG PA MED PA'I PHYIR RO, ,DE'I PHYIR RANG BZHIN GYIS MA SKYES PA MTHONG BA KHO NA MYA NGAN LAS 'DAS PA YIN NO, ,MI 'TSE BA DANG STONG PA NYID CES BYA BA'I CHOS DE GNYIS NI MTHO RIS DANG BYANG GROL THOB PAR BYED PA STE DE'I PHYIR 'DIR NI DE GNYIS 'BA' ZHIG GO , ,'BA' ZHIG CES BYA BA NI YONGS SU DAG PA STE, DE BZHIN GSHEGS PA'I BSTAN PA 'DI KHO NAR 'DI GNYIS CHES YONGS SU DAG PAR DMIGS KYI GZHAN DU NI MA YIN NO ZHES RANG DANG GZHAN GYI BDAG NYID LA MTHO RIS DANG BYANG GROL GYI BDE BA YANG DAG PAR SKYED PAR 'DOD PAS RTOGS PAR BYA'O, ,YANG CI'I PHYIR PHYI ROL PA 'DI DAG BDE BAR GSHEGS PA'I BSTAN PA 'DI MTHONG BZHIN DU YANG CHOS GNYIS PO 'DI LA MI GUS SHE NA, RANG GI PHYOGS LA CHAGS PA'I PHYIR RO, ,'DI LTAR, RANG PHYOGS 'JIG RTEN THAMS CAD LA, ,SKYE SA BZHIN DU SDUG 'GYUR NA, ,DE YI LDOG PAR BYED PA'I RGYU, ,KHYOD LA GANG GIS SDUG PAR 'GYUR, ,RANG GI PHYOGS LA CHAGS PA NI 'KHOR BA THOG MA MED PA NAS GOMS PA ZHIG STE, RANG GI SKYE BA'I GNAS LTAR 'JIG RTEN GYIS DE YONGS SU GTANG BAR MI NUS TE, DE'I PHYIR RANG GI LTA BA LA MNGON PAR ZHEN PAS BYIS PA RNAMS DE BZHIN GSHEGS PA'I CHOS 'DI LA MI 'JUG GO , , MKHAS PAS RANG SKYE BA'I SA YIN YANG BRGYUD PA'I RGYUR GYUR PA LA RE BA SPANGS NAS 'BYOR PA BYED PA'I YUL LA BRTEN PAR RIGS LA, 'DI JI LTAR YIN PA DE LTAR RANG GI PHYOGS LA CHAGS PA SPANGS NAS GZHAN GYI PHYOGS YIN YANG YON TAN DANG LDAN PA LA YID GZHUG PAR @195A *, ,BYA'O; ,DE'I PHYIR DE LTAR PHYOGS SU LTUNG BA MED PAR GYUR PAS, RIGS PA'I DON NI GZHAN LAS KYANG, ,BLO LDAN LEGS PA 'DOD PAS BLANG, ,NYI MA SA STENGS MIG LDAN LA, ,KUN GYI SPYI MTHUN MA YIN NAM, ,BLO GROS DANG LDAN PA BDAG NYID KYI YIN PA LTA BUR SEMS PAS GANG LA LAR LEGS PAR BSHAD PA DMIGS PA DE DE LAS BLANG BAR BYA'O, ,CHOS 'DI 'GA' ZHIG TU PHRAG DOG GIS GNAS PA NI MA YIN TE, THAMS CAD DU NGO BO MTSUNGS PA'I PHYIR RO, ,DPER NA THAMS CAD LA RJES SU CHAGS PA DANG KHONG KHRO BA DANG BRAL BA'I PHYIR RO, ,NYI MA SNANG BA'I BYA BA LA MIG DANG LDAN PA THAMS CAD LA THUN MONG BA YIN PA DE BZHIN DU CHOS 'DI YANG GAL TE BSGRUBS PAS RDZOGS PAR 'GYUR NA, RANG GI SDE PA DANG GZHAN GYI SDE PA THAMS CAD LA PHAN 'DOGS PA YIN NO, ,DE'I PHYIR DE LTAR RIG PAR BYAS NAS GUS BA DANG LDAN PAS CHOS 'DI BDAG TU BYA BAR RIGS SO, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS LTA BAR BYAS PA DGAG PA SGOM PA BSTAN PA ZHES BYA BA STE RAB TU BYED PA BCU GNYIS PA'I 'GREL PA'O,, ,, 'DIR RIGS PA'I DON NI GZHAN LAS KYANG, ,BLO LDAN LEGS PAR 'DOD PAS BLANG, ,ZHES GANG SMRAS NA, GANG ZHIG BLO DANG LDAN PAS BLANG BAR BYA BA RIGS PA'I DON DE YANG GANG ZHIG YIN ZHES 'DZER TO, ,BSHAD PAR BYA STE, PHYI DANG NANG GI DNGOS PO THAMS CAD RANG BZHIN GYIS BDAG MED PAR MTHONG BA'O, ,GAL TE DNGOS PO THAMS CAD RANG BZHIN MED PA ZHES BYA BA 'DI NYID RTOGS PAR MI NUS TE, YOD PA MA YIN PA'I BONG BU'I RVA LA SOGS PA LA NI MNGON SUM NYID YOD PA MA YIN NO, ,BUM PA LA SOGS PA RNAMS DANG SNGON PO LA SOGS PA RNAMS NI MNGON SUM YOD PA NYID YIN NO, ,DE'I PHYIR BUM PA LA SOGS PA'I DNGOS PO THAMS CAD RANG BZHIN DANG BCAS PAR YOD PA KHO NA'O ZHE NA, 'DI NI MI RIGS TE 'DI LTAR, GZUGS MTHONG TSE NA BUM PA NI, ,THAMS CAD KHO NA MTHONG MI 'GYUR, ,BUM PA MNGON SUM ZHES BYA @195B BA'ANG, ,DE NYID RIG PA SU ZHIG SMRA, ,'ANG GI SGRAS NI DE'I NYE BAR LEN PA SNGON PO LA SOGS PA DAG KYANG MNGON SUM YIN NO ZHES DE KHO NA NYID SHES PA SU ZHIG SMRA BAR 'GYUR, ,DE LA KHA CIG DAG GIS NI BUM PA LA SOGS PA'I YON TAN GSUM YONGS SU 'GYUR BA'I NGO BOR RTOGS LA, YANG GZHAN DAG GIS NI BUM PA ZHES BYA BA YAN LAG CAN GYI RDZAS YAN LAG LAS THA DAD PA MTHONG BA DANG, REG PA'I DBANG POS GZUNG BAR BYA BA YIN PAR RTOGS TE, DE DAG GI YANG, DNGOS PO RTAG PA LAS SKYES PA, ,JI LTA BUR NA MI RTAG 'GYUR, , NAM YANG RGYU DANG 'BRAS BU GNYIS, ,MTSAN NYID MI LDAN MTHONG MA YIN, ,ZHES BKAG PA'I PHYIR BUM PA NYID YOD PA MA YIN PAS DE'I MNGON SUM NYID GA LA YOD, GAL TE DE LTAR MI SRID NA 'O NA JI LTAR BUM PA 'DI RNAM PAR GZHAG PAR RIG PAR BYA ZHE NA, DE BSHAD PAR BYA STE, 'BYUNG BA CHEN PO BZHI DANG RGYUR BYAS PA'I GZUGS BZHI STE, RDZAS BRGYAD PA DE DAG LA BRTEN NAS BUM PA 'DOGS TE, JI LTAR BUD SHING LA BRTEN NAS ME DANG, RTZVA DANG SHING LA SOGS PA LA BRTEN NAS KHYIM DANG PHUNG PO DAG LA BRTEN NAS BDAG TU 'DOGS LA; DE YANG RANG GI RGYU LAS RNAM PA LNGAS BTZAL NA MA DMIGS PA DE BZHIN DU RANG GI RGYU LA BRTEN NAS SBRANG RTZI DANG CHU DANG 'O MA 'CHU ZHING 'DZIN PAR NUS PA MTHONG BA'I DBANG POS GO BAR BYA BA YIN PAS 'JIG RTEN GYI MNGON SUM DU GYUR PA'I BUM PA NYE BAR LEN PA PO NYID DU RNAM PAR GZHAG GI JI SKAD BSHAD PA'I BRTEN NAS BRTAGS PA 'DI KHAS MA BLANGS PAR RTAG PA GZHAN GYIS BUM PA RNAM PAR GZHAG PAR NUS PA NI MA YIN NO, ,GANG ZHIG GZUGS LA SOGS PA LAS MA GTOGS PAR BUM PA GZHAN DU MA DMIGS PA'I PHYIR GNAS SKABS DE LTA BU'I GZUGS LA SOGS PA DAG KHO NA LA BUM PA'I BLOR 'GYUR GYI BUM PA ZHES BYA BA DNGOS PO 'GA' ZHIG YOD PA NI MA YIN NO SNYAM DU SEMS PA DE LTAR RGOL BA DE'I LTAR NA RTAG TU 'BAR BA NYID LA SOGS PA'I NYES BAR THAL BAR 'GYUR BA'I PHYIR BUD SHING LAS MA GTOGS PAR LAS @196A *, ,MED PAR GYUR PA'I ME'I YOD PA NYID MED PAS DE YANG BLOS YONGS SU BRTAGS PA TZAM DU 'GYUR LA, DE BZHIN DU 'BYUNG BA RNAMS DANG SEMS DANG SEMS LAS BYUNG BA RNAMS PHAN TSUN MED PAR 'BYUNG BAR MA GRUB PA'I PHYIR BUM PA BZHIN DU BLOS BRTAGS PA TZAM NYID DU 'GYUR ZHING RANG GI NGO BOS 'GRUB PAR MI 'GYUR NA, 'DI NI DE LTAR 'DIS KHAS BLANGS PA YANG MA YIN NO, ,DE'I PHYIR BUM PA LA SOGS PA RNAMS SEMS DANG SEMS LAS BYUNG BA LTA BU DANG, 'BYUNG BA CHEN PO BZHIN DU RTEN CING 'BREL PAR 'BYUNG BA 'AM BRTEN NAS BRTAGS PAR CI STE KHAS MI LEN TE, DE'I PHYIR BUM PA RDZAS BRGYAD KYI NYE BAR LEN PA CAN RANG GI NYE BAR BLANGS PA'I NYE BAR LEN PA POR GYUR CING NYE BAR LEN PA'I BYA BA BYED PA PO 'JIG RTEN GYI MNGON SUM DU GYUR PA'I YAN LAG CAN DE LTAR RNAM PAR GNAS PA YIN DANG 'DI RNAM PAR DPYAD DE, GZUGS MTHONG TSE NA BUM PA NI, ,THAMS CAD KHO NA MTHONG MI 'GYUR TE, BUM PA RDZAS BRGYAD KYI BDAG NYID CAN YIN PA'I PHYIR RO, ,MIG GIS NI GZUGS GCIG PU MTHONG GI DRI LA SOGS PA DAG NI MA YIN TE YUL THA DAD PA'I PHYIR RO; ,DE'I PHYIR BUM PA THAMS CAD MIG GIS MI MTHONG BA'I PHYIR NA DNGOS PO'I RANG GI NGO BO RNAM PAR MA PHYE BAS 'JIG RTEN CI RUNG RUNG LTAR RANG GI RTOG PA TSAD MAR BYAS NAS BUM PA DAG GI MNGON SUM YIN NO ZHES SMRA LA RAG MOD, GANG ZHIG RNAM PAR 'BYED PAR BYED CING DNGOS PO'I RANG GI NGO BO LA MKHAS PA GANG PHYOGS GCIG MTHONG BAS RI LA MTHONG BAR SRID PAR MI BYED PA DE NI BUM PA MNGON SUM MO ZHES BYA BA RNAM PA DE LTA BUR SMRA BAR MI 'OS SO, ,'DI LA RTOG GE BA RNAMS NA RE BUM PA LA MNGON SUM NYID YOD PA MA YIN PA KHO NA STE, GZUGS LA SOGS PA RNAMS KYI RANG GI MTSAN NYID NI BSTAN DU MED PA YIN LA, MNGON SUM GYIS BSNYAD [?] PAR BYA BA'I MIG LA SOGS PA'I RNAM PAR SHES PA'I YUL YIN PA'I PHYIR MNGON SUM ZHES BYA BAR 'DOGS SO, ,BUM PA NI BLOS YONGS SU BRTAGS PA TZAM YIN PA'I PHYIR RANG GI @196B MTSAN NYID DU YOD PA MA YIN LA, GANG LA RANG GI MTSAN NYID YOD PA MA YIN PA DE LA NI DNGOS KYI GNAS PAS MNGON SUM NYID MI SRID PA 'BA' ZHIG TU MA ZAD KYI DE LA BTAGS PA'I MNGON SUM NYID KYANG MI RUNG NGO, ,DE'I PHYIR MNGON SUM NYID 'GOG PA DGOS PA MED PA'I PHYIR SGRA LA MIG GIS GZUNG BAR BYA BA 'GOG PA LTAR BUM PA 'DI LA YANG 'GOG PA'I RIGS PA MA YIN NO ZHES ZER RO, ,RTOG GE PA 'DI NI 'JIG RTEN PA'I DON DAG LA GTAN MA BYANG BA'I PHYIR BYIS PA GZHON NU LTAR DZE [?] DANG PO KHO NA NAS SBYANG BAR GYUR PA YIN PAS DE BSTAN PAR BYA BA'I PHYIR KHYOD KYI MNGON SUM GANG ZHIG YIN ZHES BRGAL ZHING BRTAG PAR BYA'O, ,SMRAS PA SHES PA MNGON SUM YIN NO, ,SHES PA CI 'DRA BA ZHIG ,GANG RTOG PA DANG BRAL BA'O, ,RTOG PA YANG CI ZHIG GANG DON LA MING DANG RIGS SU LHAG PAR SGRO 'DOGS PAR ZHUGS PA'I 'DU SHES G-YER PO STE DE DANG BRAL BA'I PHYIR DBANG PO'I RNAM PAR SHES PA LNGA NI YUL GYI RANG GI MTSAN NYID BRJOD DU MED PA TZAM ZHIG LA 'JUG PA'I PHYIR MNGON SUM GYI SGRAS BRJOD PAR BYA BA STE, DBANG PO DANG DBANG PO LA GNAS PA'I PHYIR RO, ,'O NA DBANG PO'I RNAM PAR SHES PA'I SKAD CIG MA GCIG JI LTAR MNGON SUM NYID YIN, DE NI DBANG PO DANG DBANG PO LA BRTEN NAS 'JUG PA MA YIN TE, THUN MONG MA YIN PA'I PHYIR DANG, DBANG PO DANG RNAM PAR SHES PA'I SKAD CIG DAG SKYES MA THAG TU 'JIG PA NYID KYI PHYIR RO, ,GAL TE RNAM PAR SHES PA'I TSOGS LNGA NI BSAGS PA'I RTEN DANG DMIGS PA CAN YIN PAS DBANG PO'I RDUL PHRA RAB DANG YUL GYI RDUL PHRA RAB RE RE ZHING RTEN NYID DAM DMIGS PA NYID DU RTOGS PA MA YIN TE, RAB RIB CAN GYIS SKRA SHAD RE RE LOGS SU MA MTHONG BA'I PHYIR RO, ,TSOGS PA'I NANG NA GNAS PA RE RE YANG RGYU'I DNGOS PO YIN PA LTAR MIG LA SOGS PA'I RDUL PHRA RAB GTSOGS PA RNAMS NI RE RE ZHING RGYU NYID YIN NO ZHE NA, DPE MI MTHUN PA ZHIG STE, RAB RIB MED PAS SKRA RE RE NAS MTHONG BA'I PHYIR MIG LA GNOD PA YOD NA MI MTHONG BAR 'GYUR NA, DBANG PO'I RDUL PHRA RAB RNAMS LA @197A *, ,NI TSOGS PA'I GNAS SKABS LAS PHYI ROL TU RDUL PHRA RAB RE RE RANG GI RNAM PAR SHES PA'I RTEN NYID DU MA MTHONG BAS TSOGS PA LA GNAS PA RNAMS LA RE RE RTEN NYID DU BRTAGS PA 'DI MI RIGS SO, ,BYE BA LA NUS PA CUNG ZAD TZAM ZHIG MA DMIGS NAS TSOGS PA LA GNAS PA LA YANG DE DANG MTHUN PAR BRTAG PAR NI RIGS PAR 'GYUR RO, ,'DI LTAR RTZA GCIG LA SHA SBRANG DANG SBRANG BU MCHU RINGS LA SOGS PA'I RKANG PA 'CHING BA'I NUS PA DMIGS NAS DE DAG GI TSOGS PA LA GLANG PO CHE 'CHING BA'I NUS PA'I BAR SRID LA, DE BZHIN DU TIL RNAMS LA RE RE LA 'BRU MAR NYUNG ZAD TZAM 'BYIN PA'I NUS PA YOD DANG TSOGS PA RNAMS LA 'BRU MAR BUM PA GANG 'BYIN PA YANG SRID NA TSOGS PA LA MA LTOS PA'I DBANG PO'I RDUL PHRA RAB RNAMS LA NI DE LTAR RE RE RNAM PAR SHES PA'I RTEN NYID DU YOD PA MA YIN PAS RDUL PHRA RAB LA LTOS NAS KYANG GNOD PA MI SRID DO, ,DE'I PHYIR DBANG PO'I RDUL PHRA RAB LA BRTEN NAS MIG GI DBANG PO ZHES BYA BA RDUL PHRA RAB DAG DANG DE NYID DANG GZHAN NYID RTOGS PAS STONG PA RANG GI RNAM PAR SHES PA'I RTEN DU GYUR PA BRTEN NAS BRTAGS PAR 'JIG RTEN PAR GYUR PA YUL LA LTA BA'I BYA BA CAN ZHIG YOD PA YIN LA DE YANG SKAD CIG MA NYID KYI PHYIR RANG GI RNAM PAR SHES PA DANG LHAN CIG 'GAGS PAS GNOD PA GA LA SRID, DE'I PHYIR SHES PA GANG ZHIG DBANG PO DANG DBANG PO LA GNAS PA DE NI MNGON SUM MO ZHES BYA BA MI RIGS SO, ,CI STE RNAM PAR SHES PA'I TSOGS PA BDAG NYID JI LTA BU'I DBANG PO DAG LA GNAS PA'I PHYIR DE SKAD DU BYE BRAG TU BSHAD PAR 'GYUR RO SNYAM NA 'DI YANG YOD PA MA YIN NO, ,GANG LAS SHE NA, MIG GI RNAM PAR SHES PA'I SKAD CIG MA GCIG LA DE LTAR BYE BRAG TU BSHAD PA MI SRID PA'I PHYIR LA, TSOGS PA RDZAS SU MED PA LA YANG DBANG PO LA BRTEN PA NYID MED PA'I PHYIR RO, ,BRTEN NAS BRTAGS PAS RNAM PAR SHES PA'I RTEN DU GYUR PA MIG GI DBANG PO RNAM PAR GZHAG PA JI LTAR DE BZHIN DU GZUGS LA SOGS PA RNAMS KYI RNAM PAR GZHAG PA YANG RIG PAR BYA STE, DE DAG KYANG BRTEN NAS BRTAGS @197B PA NA RNAM PAR SHES PA'I RTEN YIN PA'I PHYIR RO, ,DE LTAR NA RNAM PAR SHES PA LA MNGON SUM DU RTOGS PA MI RIGS SO, ,YUL LA NI RIGS TE, DE LA NI ZLA BA TSES PA LA SOGS PA LA CIG CAR RGYUD DU MA LAS SKYES PA'I DBANG PO'I YUL NYID MTHONG NGO, ,'JIG RTEN PA'I DON LA 'JIG RTEN PA'I MTHONG BA SPANGS NAS DON GZHAN LA BRTEN PAR RIGS PA MA YIN NO, ,DE'I PHYIR 'JIG RTEN NA YUL KHO NA DNGOS KYI 'JUG PAS MNGON SUM YIN LA SHES PA NI BTAGS PA LAS SO, ,GZHAN GYI LTAR NA NI MNGON SUM GYI SGRA SHES PA DNGOS SU YIN LA YUL LA NI BTAGS PA YIN NO, ,DE NI 'JIG RTEN PA MA YIN TE, 'JIG RTEN LA DE LTAR KUN TU THA SNYAD MED PA'I PHYIR RO, ,DE'I PHYIR DE LTAR 'JIG RTEN PA'I THA SNYAD GNAS PA YIN DANG 'JIG RTEN KHO NA LAS BUM PA MNGON SUM MO ZHES BYA BAR BRJOD PAR RIGS KYI, RANG BZHIN TSOL BA'I DUS SU DE NYID RIG PAS DE SKAD DU SMRA BAR 'OS PA MA YIN TE, BUM PA'I RANG GI NGO BO RNAM PA THAMS CAD DU MA DMIGS PA'I PHYIR RO, ,'JIG RTEN PA'I RNAM PAR SHES PA LAS NI BUM PA LA YANG MNGON SUM YIN ZHING GZUGS LA SOGS PA DAG KYANG MNGON SUM YIN LA DE'I NYE BAR LEN PA CAN RNAMS KYANG MNGON SUM YIN PAS NYES PA MED DO, ,GANG YANG 'DIS DBANG PO'I RNAM PAR SHES PA 'DI MNGON SUM NYID DU SGRO BTAGS NAS GZHAN TSAD MA NYID DU RTOG PAR BYED PA DE YANG CHES SHIN TU MA 'BREL BA ZHIG GO, ,MI BSLU BA'I SHES PA NI 'JIG RTEN NA TSAD MA NYID DU MTHONG NA RNAM PAR SHES PA YANG BCOM LDAN 'DAS KYIS 'DUS BYAS YIN PA'I PHYIR BRDZUN PA BSLU BA'I CHOS CAN DANG SGYU MA LTA BUR GSUNGS SO, ,GANG ZHIG BRDZUN PA BSLU BA'I CHOS CAN DANG SGYU MA LTA BU YIN PA DE NI MI BSLU BA MA YIN TE, RNAM PA GZHAN DU GNAS PA'I DNGOS PO LA RNAM PA GZHAN DU SNANG BA'I PHYIR RO, ,DE LTA BUR GYUR PA NI TSAD MA NYID DU BRTAG PAR RIGS PA MA YIN TE, RNAM PAR SHES PA THAMS CAD KYANG TSAD MA NYID DU THAL BAR 'GYUR BA'I PHYIR RO, ,DE'I PHYIR RTOG GE BA 'DI GAL TE RTOG GE'I CHANG 'THUNGS PAS MYOS PAS SMYOS PAR MA GYUR NA NI RTEN CING @198A *, ,'BREL PAR 'BYUNG BA DANG BRTEN NAS BRTAGS PA ZHES BYA BA LAM BZANG PO SPANGS NAS MU STEGS CAN GYI GZHUNG LAS BSTAN PA'I DNGOS PO RNAMS GSAL BAR BYED PA DAM PA MA YIN PA'I TSIG 'KHYAL GYI TSOGS CHES BRTOL BAR MI 'GYUR BA ZHIG GO, ,'JIG RTEN 'DI YANG PHAL CHER MA'I BZHIN LTAR DPYOD CING 'JIG RTEN DANG 'JIG RTEN LAS 'DAS PA'I DNGOS PO GNAS PA LA RNAM PAR RMONGS PA 'DIS RANG GI RTOG PA TZAM GYIS SBYAR ZHING MTHO RIS DANG THAR BA'I LAM LA BAR DU GCOD PAR BYED PA SHIN TU DON MED PAR RTOG GE BA'I LAM LA BKOD PA YIN NO, ,DE'I PHYIR 'DIR SMYO CHU 'THUNGS PA LTAR DON MED PA'I NGAG 'KHYAL LAS BZLOG PAR MI NUS SO, ,SPROS PAS CHOG GO, ,BUM PA MNGON SUM YIN PA BSAL BA 'DIS NI MTHONG BA'I DBANG PO'I YUL GYI DNGOS PO THAMS CAD MNGON SUM NYID YIN PA BSAL BAR RIG PAR BYA'O; ,JI LTAR JI SKAD BSHAD PA'I TSUL GYIS BUM PA LA SOGS PA RNAMS MNGON SUM NYID YIN PAR MI RIGS PA DE LTAR DE LAS GZHAN PA'I DBANG POS YONGS SU GCAD PAR BYA BA BRTEN NAS GDAGS PA BSNAM PAR BYA BA DANG MYANG BAR BYA BA DANG REG PAR BYA BA RNAMS MNGON SUM NYID YIN PA BSAL BA'I PHYIR BSHAD PA, RNAM PAR DPYAD PA 'DI NYID KYIS, ,BLO MCHOG LDAN PAS DRI ZHIM DANG, ,MNGAR DANG 'JAM PA THAMS CAD DAG ,SO SOR DGAG PAR BYA BA YIN, ,DRI ZHIM ZHES BYA BA 'DIS NI SNAS YONGS SU GCAD PAR BYA BA SNA MA'I ME TOG DANG {PADMA} DANG {AUTPA} LA DANG {TZANDAN} LA SOGS PA SNA'I DBANG PO'I YUL MTHA' DAG NYE BAR MTSON PAR BYED DE, GZUGS LA SOGS PA MTHONG BA MED PAR MUN KHUNG DU YANG DRI TZAM 'DZIN PA'I PHYIR RO, ,DE BZHIN DU MNGAR DANG ZHES BYA BA 'DIS KYANG BU RAM DANG LAN {TSVA} DANG NIM PA LA SOGS PA LCE'I DBANG PO'I YUL THAMS CAD NYE BAR MTSON PAR BYED DO, ,'JAM PA ZHES BYA BA 'DIS NI SHING BAL DANG BYE MA DANG RDO BA LA SOGS PA LUS KYI DBANG PO'I YUL THAMS CAD NYE BAR MTSON PAR BYED DO, ,DE DAG KYANG RDZAS BRGYAD KYI NYE BAR LEN PA CAN YIN PAS BDAG NYID JI LTA BA'I DBANG PO DAG GI YUL RE RE @198B 'DZIN PA YIN DANG RNAM PA THAMS CAD MI 'DZIN PA'I PHYIR SNA MA'I ME TOG DANG BU RAM DANG SHING BAL LA SOGS PA DAG BDAG GI MNGON SUM YIN NO ZHES DE KHO NA NYID SHES PA SU ZHIG SMRA, SGRA DGAG PA NI PHYIS RGYAS PAR 'CHAD DO, ,CI STE BUM PA GZUGS LAS THA DAD PA MED MOD KYI GZUGS KYIS DE KHYAB PAR BYAS NAS NI GNAS PAS GZUGS MTHONG BAS BUM PA THAMS CAD MTHONG BAR 'GYUR RO ZHE NA, 'DI YANG SNYING PO MED DO ZHES BSTAN PA'I PHYIR BSHAD PA, GAL TE GZUGS MTHONG BA YIS DE, ,THAMS CAD MTHONG BAR 'GYUR NA NI, ,MA MTHONG BA YIS GZUGS MTHONG BA, ,MTHONG BA MIN PAR CIS MI 'GYUR, ,GAL TE GZUGS TZAM ZHIG MTHONG BSAM MTHONG YANG BUM PA THAMS CAD KHO NA MTHONG BAR 'GYUR NA NI BUM PA MA MTHONG BAS MTHONG BA GZUGS MTHONG BA MA YIN PAR CI'I PHYIR MI 'GYUR, YANG NA 'DI NI DON GZHAN YIN TE BUM PA RDZAS BRGYAD KYI NYE BAR LEN PA CAN YIN YANG GAL TE RDZAS GCIG GI GZUGS MTHONG BAS RIL MTHONG BAR RTOGS NA NI RE ZHIG DE DAG DANG SO SOR MI GNAS PA'I GZUGS DE NYID DE DE LAS GZHAN RDZAS BDUN MA MTHONG BAS NA MA MTHONG BA YIN NO ZHES CI'I PHYIR MI RTOG , 'JIG RTEN NA YANG PHAL CHE BAS BRJOD PA MTHONG BA SNYE MON SRA NA SDE'U LA SOGS PA YOD KYANG MON SRAN GRE'U'I PHUNG POS BSNYAD PA BZHIN NO, ,DE'I PHYIR DE LTAR NA MA MTHONG BA YIS TE DRI LA SOGS PA YONGS SU MA BCAD PAS MTHONG BA'I GZUGS KYANG MTHONG BA MA YIN PA NYID DU 'GYUR RO, , DE'I PHYIR GZUGS NYID MNGON SUM MA YIN PA'I PHYIR BUM PA YANG MNGON SUM NYID DU MI RIGS SO, ,CI STE JI SKAD BSHAD PA'I RNAM PAR DPYAD PAS BUM PA LA MNGON SUM NYID MI SRID MOD, BUM PA'I GZUGS NI RE ZHIG MNGON SUM YIN TE, DE'I PHYIR RGYUD NAS BUM PA YANG MNGON SUM NYID DU 'GYUR RO SNYAM DU SEMS NA 'DI NI YOD PA MA YIN NO, ,GZUGS LA MNGON SUM NYID YOD NA NI 'DI DE SKAD DU BRJOD PAR 'GYUR BA ZHIG NA, GZUGS LA MNGON SUM NYID SRID PA NI MA YIN NO ZHES BSTAN PA'I PHYIR BSHAD PA, GZUGS NI 'BA' ZHIG KHO NA @199A *, ,LA; MNGON SUM NYID NI YOD MA YIN, ,GANG PHYIR DE LA'ANG PHA ROL GYI, ,CHA DANG TSU ROL DBUS YOD PHYIR, ,DRI LA SOGS PA DANG 'BREL PA BRJOD PAR MI 'DOD PA'I GZUGS 'BA' ZHIG LA, YANG RNAM PA THAMS CAD DU TSU ROL DANG DKYIL DANG PHA ROL GYI CHA RNAMS MTHONG BA'I PHYIR MNGON SUM NYID MI RIGS SO, ,TSU ROL DANG PHA ROL DANG DBUS KYI CHA DE DAG LA YANG SLAR TSU ROL DANG PHA ROL DANG DBUS KYI CHA GZHAN DAG YIN LA DE DAG LA YANG GZHAN YIN NO ZHES DE LTAR RNAM PAR PHYE BA NA GZUGS TE RDUL PHRA RAB KYI MTHAR THUG NAS GNAS SO, ,BRTAGS BZHIN PA'I RDUL DE LA YANG MDUN DANG RGYAB KYI PHYOGS KYI CHA'I DBYE BA DANG, TSU ROL DANG DBUS DANG PHA ROL GYI CHA'I DBYE BA LAS, RDUL LA CHA SHAS YOD MED CES, ,DPYAD PA DER YANG 'JUG PAR 'GYUR, ,GAL TE DE LA MDUN DANG RGYAB KYI CHA'I DBYE BA DAG YOD NA NI DE'I TSE BUM PA LTAR DE'I RDUL PHRA RAB NYID NYAMS PAR 'GYUR RO, ,CI STE MED NA NI DE LTAR NA YANG GSAL BYED MED CING MA BZUNG BA'I NGO BO CAN DE LA YOD PA NYID MED DO, ,DE'I PHYIR DE LA MNGON SUM NYID SRID PAR GA LA 'GYUR, DE'I PHYIR BSGRUB PAR BYA BA YIS, ,BSGRUB BYA 'GRUB PAR MI 'THAD DO, ,DE'I PHYIR DE LTAR NA MNGON SUM NYID MA GRUB PAR MI 'THAD DO, ,DE'I PHYIR DE LTAR MNGON SUM MA GRUB CING BSGRUB PAR GYUR PAS BSGRUB PAR BYA BA STE DNGOS PO RNAMS RANG BZHIN DANG BCAS PA NYID DU GZHAN GYIS KHAS BLANGS PA GRUB PA MI 'THAD DO, ,GZHAN YANG DBANG PO GZUGS CAN GYIS GZUNG BAR BYA BA'I DON YONGS SU BRTAGS PA NA, KUN KYANG YAN LAG TU GYUR NA, ,SLAR YANG YAN LAG CAN DU 'GYUR, ,BUM PA NI YAN LAG GYO MO LA LTOS NAS YAN LAG CAN YIN LA, GYO MO DE DAG KYANG RANG GI YAN LAG LA LTOS NAS YAN LAG CAN DU 'GYUR RO, ,DE BZHIN DU RDUL PHRA RAB KYI BAR DU SBYAR BAR BYA'O, ,DE YANG RDZAS BRGYAD LA LTOS NAS SAM MDUN DANG RGYAB DANG DBUS KYI CHA LA LTOS NAS SLAR YANG YAN LAG CAN YIN PAS 'GA' LA YANG RANG GI NGO BOS YAN LAG @199B NYID DANG YAN LAG CAN NYID YOD PA MA YIN TE, DE'I PHYIR BUM PA LA SOGS PA RNAMS LA MNGON SUM NYID MED DO, ,JI LTAR RDUL PHRA RAB LA RNAM PAR DPYAD PA DE BZHIN DU MING GI MTHAR GNAS PA'I YI GE LA YANG STE, RDUL PHRA RAB LTAR MA GRUB PA'I PHYIR RO, ,DE'I PHYIR YI GE BRJOD PA YANG, ,'DI NA YOD PA MA YIN NO, ,YI GE BRJOD PA YANG MI SRID DO SNYAM DU DGONGS SO, ,RNAM PA GCIG TU NA BUM PA LA SOGS PA MED NA DE'I RJOD PAR BYED PA'I YI GE BRJOD PA YANG MI SRID DE, DON MED NA SHES PA DANG BRJOD PA DAG 'JUG PA MI SRID PA'I PHYIR YI GE BRJOD PA YANG 'DI NA YOD PA MA YIN NO, ,GANG DAG GZUGS KYI SKYE MCHED KHA DOG DANG DBYIBS KYI BDAG NYID RNAM PA GNYIS SU RNAM PAR GZHAG STE DE'I SGO NAS BUM PA NYID MNGON SUM NYID DU RTOG PAR BYED PA DE DAG LA RJOD PAR BYED PA STE, 'DIR DBYIBS 'DI RTOG PA NA KHA DOG LAS GZHAN NYID DAM, GZHAN MA YIN PA NYID DU RTOG GRANG NA, ,DE LA RE ZHIG ,GAL TE MDOG LAS DBYIBS GZHAN NA, ,JI LTA BUR NA DBYIBS 'DZIN 'GYUR, ,SNGON PO LA SOGS PA'I KHA DOG NI MIG GI DBANG PO'I YUL YIN NA, GAL TE DE LAS DBYIBS THA DAD PAR 'GYUR NA NI KHA DOG LAS THA DAD PA'I PHYIR SGRA LA SOGS PA LTAR MIG GI GZUNG BYAR MI 'GYUR BA ZHIG NA, KHA DOG LTAR MIG GIS 'DZIN PA YANG YIN PAS DE LAS GZHAN MA YIN NO, ,JI LTAR SNGON PO DANG SER PO LA SOGS PA THA DAD PA RNAMS LAS GANG YANG RUNG BA CIG BZUNG NAS CIG SHOS KYANG 'DZIN PA DE LTAR KHA DOG LAS GZHAN PA'I GZUGS NI MI 'DZIN NO, ,'ON TE GZHAN MIN NA LUS KYIS, ,MDOG KYANG CI STE 'DZIN MI 'GYUR, ,GAL TE JI SKAD BSHAD PA'I SKYON SPANG BAR 'DOD PAS DBYIBS KHA DOG LAS GZHAN MA YIN PAR RTOG NA NI JI LTAR MUN KHUNG DU LUS KYI RING PO LA SOGS PA 'DZIN PA DE BZHIN DU DE LAS THA MI DAD PA'I PHYIR DBYIBS LTAR KHA DOG KYANG CI STE MI 'DZIN TE GZUNG DGOS NA 'DZIN PA YANG MA YIN NO, ,DE'I PHYIR DBYIBS 'DZIN YANG MA BZUNG BA'I PHYIR KHA DOG LAS DBYIBS GZHAN MA YIN PA MA YIN NO, ,DE NYID DANG GZHAN NYID DU RTOG @200A *, ,PA LAS MA GTOGS PA GZHAN GZHAG PAR NUS PA MA YIN NO, ,DE'I PHYIR KHA DOG LTAR DBYIBS KYANG MI RIGS LA, DE MED PAS KYANG 'GA' LA YANG MNGON SUM NYID YOD PA MA YIN NO ZHES BYA BAR GRUB PO, ,'DIR SMRAS PA, GZUGS KYI SKYE MCHED NI YOD PA KHO NA STE DE'I RGYU YOD PA'I PHYIR RO, ,'DIR GZUGS KYI RGYU NI 'BYUNG BA CHEN PO BZHI YIN LA, DE DAG NI RE ZHIG YOD PA YIN NO, ,DE DAG YOD PAS DE DAG GI 'BRAS BU GZUGS KYI SKYE MCHED KYANG YOD PAR 'GYUR RO ZHES SMRA'O, ,'DI YANG YANG DAG PA MA YIN NO ZHES BSTAN PA'I PHYIR BSHAD PA, GZUGS NI LTA ZHIG MA GTOGS PAR, ,GZUGS KYI RGYU NI MI SNANG NGO, ,RDZAS BRGYAD LHAN CIG 'BYUNG BAR NGES PA 'BYUNG BA CHEN PO BZHI MA GTOGS PAR GZUGS MI DMIGS LA, GZUGS KYI SKYE MCHED MA GTOGS PAR YANG GZUGS KYI RGYU MI DMIGS SO, ,GZUGS KYI SKYE MCHED NI MIG GI DBANG POS GZUNG BAR BYA BA YIN LA, GZUGS KYI RGYU NI LUS KYI DBANG POS GZUNG BAR BYA BA YIN NO, ,DE'I PHYIR GAL TE GZUGS KYI RGYU ZHES BYA BA CUNG ZAD CIG RANG GI NGO BOS 'GRUB PAR 'GYUR NA NI DE'I TSE GZUGS KYANG RANG GI NGO BOS GRUB PAR 'GYUR BA ZHIG NA, GZUGS KYI RGYU GZUGS LAS THA DAD PAR GRUB PA GANG YIN PA 'DI NI SRID PA YANG MA YIN NO, ,DE'I PHYIR GZUGS KYI RGYU MED NA RGYU MED PA'I GZUGS KYANG YOD PA MA YIN NO ZHES BYA BAR GRUB BO, ,CI STE 'O NA NI THA DAD PA MA YIN PAR GNAS PA'I GZUGS KYI RGYU LAS GZUGS YIN PAR RAG GO SNYAM DU SEMS NA, DE YANG SRID PA MA YIN NO, ,GAL TE DE LTAR 'GYUR NA NI, ,GNYI GA YANG NI MIG NYID KYIS, ,'DZIN PAR CI YI PHYIR MI 'GYUR, ,GZUGS KYI RGYU YANG GZUGS LAS THA MI DAD PA'I PHYIR MIG GI DBANG POS RGYU DANG 'BRAS BU GNYIS KA YANG 'DZIN PAR 'GYUR NA 'DI NI SRID PA YANG MA YIN TE, DBANG PO THA DAD PA'I YUL YIN PA'I PHYIR DANG, MTSAN NYID THA DAD PA'I PHYIR RO, ,DE NYID BSTAN PA'I PHYIR BSHAD PA, SA NI BRTAN ZHES BYA BAR MTHONG, ,DE YANG LUS KYIS 'DZIN PAR 'GYUR, ,'DZIN PA'I LAS @200B KYIS RTEN GYI DNGOS POR GNAS PA'I PHYIR RTEN NYID YIN PAS BRTAN PA NYID KYIS NAS NI BRTAN PA ZHES BYA BAR MTHONG LA, DE YANG LUS KYIS 'DZIN TE DE'I SRA BA LUS KYI DBANG PO'I GZUNG BYA YIN PA'I PHYIR RO, ,GANG GI PHYIR 'DI DE LTAR YIN PA, DES NA REG PA 'GA' ZHIG 'DI, ,SA'O ZHES NI BYA BAR BRJOD, ,GZUGS KYI SKYE MCHED NI MIG GI DBANG PO'I GZUNG BAR BYA BA'O, ,DE'I PHYIR DE LTAR NA RGYU DANG 'BRAS BU GNYIS THA ME DAD PA MED DE, MTSAN NYID THA DAD PA'I PHYIR DANG, 'DZIN PAR BYED PA THA DAD PA'I PHYIR RO, ,THA DAD PA YOD NA YANG RGYU MED PA PAR SMRA BAR 'GYUR RO,, DE NYID DANG GZHAN NYID DANG BRAL BA'I DNGOS PO 'DI 'GA' ZHIG LA RANG GI NGO BOS YOD PA NYID DU RTAG PAR RIGS PA YANG MA YIN TE, DE'I PHYIR GZUGS KYI RGYU YOD PA MA YIN NO, ,GZUGS KYI RGYU MED NA YANG GZUGS RANG GI NGO BOS YOD PA MA YIN NO ZHES BYA BAR GRUB BO, ,DE NYID KYI PHYIR BCOM LDAN 'DAS KYIS, GANG DAG NGA LA GZUGS SU MTHONG, ,GANG DAG NGA LA SGRAR SHES PA, ,LOG PAR SPONG BAR ZHUGS PA STE, ,SKYE BO DE DAG NGA MI MTHONG, ,'O NA JI LTAR BLTA BAR BYA ZHE NA, SANGS RGYAS RNAMS NI CHOS NYID LTA, ,'DREN PA RNAMS NI CHOS KYI SKU, ,CHOS NYID SHE BYA MA YIN TE, ,DE NI SHES PAR NUS MA YIN, ,ZHES GSUNGS SO, ,'DIR KHA CIG DAG NA RE BUM PA NI RANG GI NGO BOS BLTA BAR BYA BA MA YIN ZHING, BLTA BAR BYA BA MA YIN PA'ANG MA YIN MOD KYI, BLTA BAR BYA BA NYID DANG 'BREL PA LAS BLTA BAR BYA BAR NI 'GYUR NA, BLTA BAR BYA BAR GYUR PAS KYANG MNGON SUM DU 'GYUR RO ZHES ZER RO, ,'DI YANG MI RIGS SO ZHES BSTAN PA'I PHYIR BSHAD PA, BLTA BYA SKYES PAS BUM PA NI, ,'DI LA YON TAN 'GAR MI 'GYUR, ,DES NA BLTA BYA NYID SKYE LTAR, ,YOD PA'I NGO BO'ANG YOD MA YIN, ,GAL TE BLTA BAR BYA BA NYID NI MNGON PAR GSAL BA'AM CIS KHYAD PAR DU GYUR PA YIN PA ZHIG NA, GNYI GA LTAR 'DI LA BLTA BAR BYA BA NYID DGOS PA MED DE, ,'DIR BLTA BAR BYA BA NYID 'DI YONGS SU BRTAGS NAS DON BLTA BAR BYA BA'I RANG GI NGO BO'AM, BLTA BAR BYA BA MA YIN PA'I RANG GI NGO BO ZHIG @201A *, ,LA RTOG ,RE ZHIG GAL TE BLTA BAR BYA BA'I RANG GI NGO BO LA YIN NA DE'I TSE DE BRTAGS PAS CI ZHIG BYA, GANG GI DON YONGS SU RTOG PA DE NI MED PAR YANG YOD PA NYID PAS BRTAG PAR MI RIGS SO, ,CI STE BLTA BAR BYA BA MA YIN PAR GYUR PA LA BLTA BAR BYA BA NYID RTOG NA YANG MI RIGS TE LUS CAN MA YIN PA RNAMS KYANG BLTA BAR BYA BA NYID DU THAL BA'I PHYIR DANG, BLTA BAR BYA BA NYID SKYES PA MED PA LA 'GAL BA'I PHYIR RO, ,BLTA BAR BYA BA NYID SKYES PA MED PA DES NA BLTA BYA NYID SKYE BA LTAR BLTA BAR BYA BA MA YIN PA'I BUM PA LA RNAM PA THAMS CAD DU BLTA BAR BYA BA NYID MI RIGS PAS SKYE BA MI SRID PA DE BZHIN DU BLTA BAR BYA BAR MA GYUR PA'I BUM PA YOD PA'I NGO BOR YANG YOD PA MA YIN LA, YOD PA YANG MA YIN PA'I BUM PA LA NI BLTA BAR BYA BA NYID BRTAG PAR RIGS PA YANG MA YIN PAS 'DI NI MI RIGS SO, , 'DIR SMRAS PA, YUL GZUGS LA SOGS PA MNGON SUM DAG NI YOD PA KHO NA STE DE'I 'DZIN PAR BYED PA MIG LA SOGS PA'I DBANG PO YOD PA'I PHYIR RO, ,YOD PAR GYUR PA'I DBANG PO 'DI RNAMS NI GDON MI ZA BAR RANG GI YUL LA 'JUG PAR 'GYUR DGOS LA, GANG DU DE RNAMS 'JUG PA SRID PA GZUGS LA SOGS PA DON DE DAG NI MNGON SUM YIN NO, ,BSHAD PAR BYA STE, GAL TE DBANG PO RNAMS KYIS YONGS SU GCOD PAR NUS PAR 'GYUR NA NI GZUGS LA SOGS PA'I DON DAG TU 'GYUR BA ZHIG NA 'GYUR BA NYID KYANG MA YIN NO, ,JI LTAR ZHE NA, 'DI NA MIG LA SOGS PA LNGA PO NI SPYIR 'BYUNG BA LAS GYUR PA NYID DU NYE BAR STON LA, DE RNAMS KYI BYA BA NI YUL THA DAD PAS THA DAD PA ZHIG GO, ,'DI LTAR MIG GIS GZUGS KHO NA MTHONG GI SGRA MI THOS LA, RNA BAS KYANG SGRA THOS KYI GZUGS MI MTHONG NGO, ,GANG GI TSE DE LTAR, MIG NI 'BYUNG 'GYUR RNA DE BZHIN, ,MIG GIS MTHONG GI GZHAN GYIS MIN PA DE'I TSE 'THAD PA DANG 'GAL BA'I BYA BA MI SRID PA'I PHYIR MIG LA SOGS PA RNAMS KYI RANG GI NGO BO RTOG PA GA LA YOD, 'BYUNG BA LAS GYUR PA NYID DU MTSUNGS BZHIN DU YUL 'DZIN PA THA DAD PA BRTAG PAR NI MI RIGS SO, , @201B MIG LA SOGS PA RNAMS KYI YOD PA NYID NI YUL 'DZIN PA LAS RJES SU DPOG PA YIN NA DE YANG 'GAL BAS MI SRID DE DE'I PHYIR DBANG PO YOD PAS YUL RNAMS MNGON SUM NYID DU MI RIGS SO, ,GAL TE DE LTAR MIG LA SOGS PA RNAMS MI SRID NA, DE'I PHYIR JI LTAR MIG LA SOGS PA'I DBANG PO 'DI RNAMS LAS KYI RNAM PAR SMIN PA'I NGO BOR RNAM PAR GZHAG CE NA, CI KHO BO CAG GIS 'DI RNAMS KYI RNAM PAR SMIN PA'I NGO BO NYID BKAG GAM, GAL TE MIG LA SOGS PA RNAMS 'GOG PAR SGRUB PAS DE JI LTAR MA BKAG CE NA, KHO BO CAG GI RNAM PAR DPYOD PA DON RANG BZHIN TSOL BA LHUR BYED PA NYID KYI PHYIR RO, ,KHO BO CAG NI 'DIR DNGOS PO RNAMS RANG GI NGO BOS GRUB PA 'GOG GI MIG LA SOGS PA BYAS SHING RTEN CING 'BREL PAR 'BYUNG BA'I LAS KYI RNAM PAR SMIN PA NYID NI MI 'GOG PA'O, ,DE'I PHYIR DE YOD PAS GANG ZHIG RNAM PAR SMIN PA NYID DU BSNYAD PAS MIG LA SOGS PA YOD PA NYID DO, ,GAL TE DE LTAR NA YANG, MIG NI 'BYUNG 'GYUR RNA DE BZHIN, ,MIG GIS MTHONG GI GZHAN GYIS MIN, ,ZHES BYA BA'I NYES PA DE NYID DU 'GYUR BA MA YIN NAM ZHE NA, NYES PA 'DI NI MED DE, LAS RNAMS KYI RNAM PAR SMIN PA BSAM GYIS MI KHYAB PA'I PHYIR RO, ,LAS RNAMS KYI RNAM PAR SMIN PA NI RIGS PA BCUG NAS BSAM PAR BYA BAR MI NUS TE, RE ZHIG LAS DE NYID RANG GI NGO BOS MA GRUB PA'I PHYIR RO, ,GAL TE DE RANG GI NGO BOS GRUB PAR GYUR NA NI DE'I TSE DUS THAMS CAD DU RNAM PAR MI 'CHAD PAR 'GYUR ZHING RNAM PAR SMIN PA BYUNG ZIN PA LAS KYANG SLAR RNAM PAR SMIN PAR 'GYUR BA'AM YANG NA RNAM PAR SMIN PAR MI 'GYUR BA NYID DE, RANG BZHIN GZHAN NYID DU BSGYUR BAR MI NUS PA'I PHYIR RO, ,LAS KYI 'BRAS BU MTHONG BA MED PA YANG MA YIN NO, ,DE'I PHYIR MKHAS PAS 'JIG RTEN PA'I DON LA JI SKAD BSHAD PA'I RNAM PAR DPYAD PA DE KHO NA NYID MTHONG BA DANG RJES SU MTHUN PA MA BCUG PAR LAS RNAMS KYI RNAM PAR SMIN PA BSAM GYIS MI KHYAB PA NYID DU KHAS BLANGS TE SPRUL PA LAS SPRUL PA 'BYUNG BA'I TSUL DU 'JIG RTEN PA THAMS CAD KHAS BLANG BAR BYA'O, ,MTHONG BA LA NI BSNYON @202A *, ,PAR MI NUS LA, GANG MIG 'BYUNG BA LAS GYUR PA YIN YANG GZUGS KHO NA MTHONG GI SGRA MI THOS SO ZHES BYA BA LA SOGS PA 'DI NI MTHONG BA YANG YIN NO, ,GANG GI PHYIR 'DI DE LTAR YIN PA, DES NA NGES PAR LAS RNAM SMIN, ,THUB PA BSAM MI KHYAB PAR GSUNGS, , DNGOS PO RANG BZHIN MED PA RNAMS KYANG BYA BA'I 'BRAS BU NGES PA'I PHYIR BCOM LDAN 'DAS KYIS, SEMS CAN LAS KYI RNAM SMIN BSAM YAS PAS, ,RLUNG LAS 'JIG RTEN 'DI KUN 'BYUNG 'GYUR TE, ,MTSO DANG RI DANG LHA YI GZHAL MED KHANG, ,RIN PO CHES PHYE SA BON BKRAM RNAMS SO, , RLUNG LAS BYUNG BA'I SPRIN GYIS CHAR 'BEBS SHING, ,SLAR YANG RLUNG GIS SPRIN NI RAB TU 'JIL, ,RLUNG LAS 'JIG RTEN LO TOG RGYAS 'GYUR TE, ,RLUNG GIS 'GRO BA KUN LA BDE BA 'DREN, ,ZHES BYA BA DANG, DE BZHIN DU, GANG DAG SRID PAR GYUR YANG SRID PA'I SKYON LAS GROL BA RNAMS, STONG PAR SMRA ZHING LAS KYI 'BRAS BU'ANG 'DOR MI 'GYUR, ,GANG DAG SHES PAS DRI MA BSREGS KYANG BRTZES BRLAN PA, ,SPYOD PA BDAG MED DBANG BSGYUR DE DAG KYANG DKRIS 'GYUR, ,ZHES LAS RNAMS KYI 'BRAS BU RNAM PAR SMIN PA BSAM GYIS MI KHYAB PAR GSUNGS SO, ,'DIR SMRAS PA; MIG LA SOGS PA NI RANG BZHIN GYIS YOD PA NYID DE, DE'I 'BRAS BU RNAM PAR SHES PA MTHONG BA'I PHYIR RO, ,BSHAD PAR BYA STE, GAL TE DE'I 'BRAS BU RNAM PAR SHES PA NYID YOD NA NI MIG LA SOGS PA YOD PAR 'GYUR NA SRID PA NI MA YIN NO, ,JI LTA ZHE NA, DE LA RE ZHIG ,RKYEN MA TSANG PHYIR SHES PA NI, ,LTA BA'I SNGA ROL YOD MA YIN, ,'ON TE PHYIS NA SHES DON MED, ,GSUM PAR BYED PA DON MED 'GYUR, ,RE ZHIG LTA BA'I SNGA ROL DU NI MIG GI RNAM PAR SHES PA YOD PA MA YIN NO, ,MIG GI LTA BA BDAG PO'I RKYEN MA TSANG BA'I PHYIR RO, ,CI STE LTA BA'I 'OG ROL DU RTOG NA NI DE'I TSE SHES PA DON MED DE, GAL TE RNAM PAR SHES PA MED PA'I MIG GIS GZUGS MTHONG NA NI 'O NA RNAM PAR SHES PA YONGS SU RTOG PA DON MED DO, ,GSUM PAR BYED PA DON MED 'GYUR TE RTOG PA GSUM PA NI LTA BA DANG SHES PA GNYIS CIG CAR 'BYUNG BA STE, DE LA RGYU @202B DON MED DO, ,'DI LTA BAS NA LTA BA STE BYED PA DE DON MED PAR 'GYUR RO, ,LTA BA DANG SHES PA GNYIS CIG CAR YOD NA NI RNAM PAR SHES PA GANG ZHIG LTA BA DANG DUS MTSUNGS PA DE LTA BA LA RAG LAS TE 'BYUNG BAR MI RIGS SO, ,BA LANG GI RVA G-YAS G-YON LHAN CIG 'BYUNG BA DAG LA NI CIG SHOS LA RAG LAS TE SKYE BA NYID MI SRID DE, DE BZHIN DU LTA BA DANG LHAN CIG 'BYUNG BA'I RNAM PAR SHES PA LTA BA LA RAG LAS TE SKYE BA NYID DU MI 'GYUR BAS LTA BA DON MED PA KHO NAR 'GYUR RO, ,CI STE SGRON MA DANG 'OD BZHIN DU DUS MNYAM PA DAG YIN YANG LTA BA LA RAG LAS TE GNAS PA NYID DU 'GYUR RO SNYAM DU SEMS NA, DE YANG YOD PA MA YIN TE, DER YANG BRGAL ZHING BRTAG PA MTSUNGS PA'I PHYIR RO, ,'JIG RTEN PA'I MTHONG BAS DE KHO NA NYID MTHONG BA GSAL BAR RIGS PA YANG MA YIN TE, DE NI 'JIG RTEN PA KHO NA LAS TSAD MA NYID YIN PA'I PHYIR DANG, DES DMIGS PA'I DON YANG BRDZUN PA BSLU BA'I CHOS CAN NYID DU SGRUB PA'I PHYIR RO, ,GANG GI TSE DE LTAR RNAM PAR SHES PA MI SRID PA DE'I TSE DE YOD PAS MIG LA SOGS PA RNAMS YOD PAR BRTAG PA GANG YIN PA DE NI MI RIGS SO, ,'DIR SMRAS PA, MIG NI BYED PA'I NGO BOR MA YIN PA KHO NA STE, 'O NA CI ZHE NA, BYED PA PO NYID DO, ,BYED PA PO DNGOS POR KHAS BLANGS PA'I PHYIR, GSUM PAR BYED PA DON MED 'GYUR, ,ZHES GANG SMRAS PA DE NI MI RIGS SO, ,DE LTAR BRTAGS NA YANG MIG LTA BA'I BYA BA DANG BRAL BA NYID DU 'GYUR RO, ,JI LTA ZHE NA, GAL TE MIG GIS GZUGS DE LTA BA NA YUL GYI YUL DU SONG NAS SAM MA SONG BAR LTA GRANG NA, GNYI GA LTAR YANG SKYON DU 'GYUR RO ZHES BSTAN PA'I PHYIR BSHAD PA, MIG DE 'GROS DANG LDAN 'GYUR NA, ,THAG RING YUN RING GIS MTHONG 'GYUR, ,HA CANG NYE DANG CHES RING DU, ,GZUGS DE GSAL BA CI STE MIN, ,GAL TE MIG PHRAD NA 'DZIN PA'I PHYIR YUL GYI YUL DU 'GRO NA NI DE'I TSE PHYE BA TZAM GYIS ZLA BA DANG SKAR MA LA SOGS PA'I DON DAG 'DZIN PAR MI 'GYUR RO, ,'GRO BA'I DUS THA DAD PA'I PHYIR NA 'GRO BA DANG LDAN PA'I DON GYIS YUL NYE BAR 'DZIN PA DANG, DUS MNYAM PAR YUL THAG RING BAR 'DZIN @203A *, ,PA NI MI RIGS NA, PHYE BA TZAM GYIS MIG GIS THAG RING BA NA GNAS PA YANG NYE BA NA GNAS PA LTAR MTHONG BA YANG YIN PAS 'DI NI MI RIGS SO, ,GAL TE YANG MIG PHRAD NAS 'DZIN PAR 'GYUR NA NI DE'I TSE HA CANG NYE BAR YANG MIG LA GNAS PA'I MIG SMAN NAM THUR MA MTHONG BAR 'GYUR LA, THAG RING POR YANG GSAL BAR MTHONG BAR 'GYUR NA, 'DI NI SRID PA YANG MA YIN PAS 'DI MI RIGS SO, ,GZHAN YANG GAL TE MIG GIS PHYIN NAS GZUGS MTHONG NA, DE CI STE MTHONG NAS DE'I YUL DU 'GRO 'AM 'ON TE MA MTHONG BA YIN, DE LAS CIR 'GYUR, GNYI GA LTAR YANG SKYON DU 'GYUR RO ZHES BSHAD PA, GAL TE GZUGS MTHONG MIG 'GRO NA, ,SONG BAS YON TAN 'GA' YANG MED, ,YANG NA BLTA BYAR 'DOD PA NI, ,NGES PAR BYA BA BRDZUN PAR 'GYUR, ,GAL TE GZUGS MTHONG NAS GZUGS KYI YUL DU MIG 'GRO SNYAM DU RTOGS NA NI 'GRO BA STE DONG BAS MIG LA DGOS PA CI YANG MED DO, ,MIG 'GRO BA NI YUL BLTA BAR BYA BA'I PHYIR YIN NA, DE YUL DE YANG SNGA NYID DU 'DI NA GNAS PA MTHONG BAS 'GRO BA LA DGOS PA CI YANG MED DO, ,CI STE MA MTHONG BAR 'GRO NA NI DE'I TSE BLTA BAR 'DOD PA'I YUL NGES PAR MTHONG BAR MI 'GYUR RO, ,MA MTHONG BAR MNGON PAR MA RTOGS PA'I YUL DU 'GRO BA'I PHYIR LONG BA LTAR BLTA BAR BYA BA'I YUL NGES PAR MTHONG BAR MI 'GYUR RO, ,CI STE SKYON 'DI SPANG BAR 'DOD NAS GAL TE, MIG MA SONG BAR 'DZIN NA NI, 'GRO BA 'DI KUN MTHONG 'GYUR TE, ,GANG LA 'GRO BA YOD MIN PA, ,DE LA RING MED SGRIB PA'ANG MED, ,GANG ZHIG MIG DANG YID DANG RNA BA NI YUL DANG MA PHRAD PA YIN NO ZHES BYA BA'I LUNG LAS NI MIG GI YUL DANG MA PHRAD PA KHO NA'O SNYAM DU SEMS PA DE LA BRJOD PAR BYA STE, RE ZHIG LUNG DANG 'GAL BA NI MED DE PHRAD NAS 'DZIN PA NYID TZAM ZHIG 'GOG PA LHUR BYED PA'I PHYIR RO, ,'GA' ZHIG TU NI SGRUB PA GTZO BO NYID YIN TE GANG DU DE MI 'GAL BA'O, ,LA LAR NI DGAG PA GTZO BO NYID YIN TE GANG DU DE MI 'GAL BA'O, ,DE'I PHYIR 'DI LA RNAM PAR @203B DPYAD PA SRID PAS PHRAD NAS 'DZIN PA NYID BKAG PA TZAM GYIS YUL DANG MI PHRAD PA NYID DU RNAM PAR GZHAG STE, SGRUB PA'I SGO NAS YUL DANG MA PHRAD PA NYID DU RTOG NA NI 'DI NA GNAS PA'I MIG KHO NAS 'GRO BA THAMS CAD MTHONG BAR 'GYUR RO, ,'DI LTAR GANG LA 'GRO BA YOD PA MA YIN PA DE LA THAG RING BA GA LA YOD DE 'DIS NI NYE BA NA GNAS PA'I DON YANG MA SONG BAR BLTA BAR BYA BA YIN LA, THAG RING BA NA GNAS PA YANG YIN PAS, THAG RING BAR BYAS PA'I KHYAD PAR DU MI 'GYUR RO, ,GANG GI TSE MA SONG BAR MTHONG BA DE'I TSE 'DI NA GNAS PA BZHIN THAG RING PO NA GNAS PA YANG MTHONG BAR 'GYUR LA, DE BZHIN DU BSGRIBS PA YANG MTHONG BAR 'GYUR RO, ,'GRO BA YOD NA NI BSGRIBS PAS DE BCOM PA'I PHYIR BSGRIBS PA MI MTHONG NGO ZHES BYA BAR RIGS NA, GANG GI TSE MA SONG BAR BLTA BAR BYA BA YIN PA DE'I TSE NI BSGRIBS PA LA YANG 'GRO BA'I GEGS MED PAS MA BSGRIBS PA BZHIN MTHONG BAR 'GYUR RO, ,YANG GAL TE MIG LTA BA'I RANG BZHIN DU 'GYUR NA NI DE'I TSE THAMS CAD DU RANG BZHIN MI NYAMS PA'I PHYIR RANG GI NGO BO LA YANG BLTA BAR 'GYUR RO, ,'DI LTAR 'JIG RTEN NA, DNGOS PO KUN GYI RANG BZHIN NI, ,DANG POR BDAG LA SNANG 'GYUR NA, ,MIG NI MIG NYID KYIS 'DZIN PA, ,GANG ZHIG GIS NI 'GYUR MA YIN, ,GAL TE JI LTAR ME TOG TZAM PA KA DANG AUTPA LA LA SOGS PA DAG GI DRI BSRUNG DANG POR RANG GI RTEN NYID LA DMIGS TE, PHYIS DE DAG PHRAD PA LAS TIL LA SOGS PA DAG LA YANG YIN PA DANG, YANG JI LTAR RANG LA GNAS PA'I ME'I TSA BA DE DANG 'BREL PA LAS GZHAN GYI BDAG NYID LA DMIGS PA DE BZHIN DU MIG LTA BA'I RANG BZHIN DU GYUR NA NI DE'I TSE DE RANG GI BDAG NYID KHO NA LA LTA BAR 'GYUR TE, CI'I PHYIR MIG MIG NYID KYIS 'DZIN PAR MI 'GYUR, DNGOS PO RNAMS KYI RANG BZHIN YANG CHES DANG POR RANG GI BDAG NYID LA YOD PA'I PHYIR MIG KHO NAS MIG 'DZIN PAR RIGS NA MIG NI RANG GI BDAG NYID LA BLTA BA YANG MA YIN PAS BONG BA LA SOGS PA LTAR GZHAN LA LTA BA YANG MA YIN PAS DE LA MI SRID DO, ,GANG ZHIG MIG @204A *, ,'BA' ZHIG LA GZUGS LTA BA'I NUS PA MED KYI, 'ON KYANG MIG DANG GZUGS DANG MIG GI RNAM PAR SHES PA GSUM TSOGS PA YOD DANG GZUGS MTHONG BAR 'GYUR RO SNYAM DU SEMS PA DE YANG SNYING PO MED DE, GANG GI PHYIR, MIG LA RNAM SHES YOD MIN ZHING; ,RNAM PAR SHES PA LTA MED LA, ,GNYI GA GZUGS LA YOD MIN NA, ,DE DAG GIS GZUGS JI LTAR MTHONG, ,DE LA RE ZHIG MIG LA RNAM PAR SHES PA MED DO, MIG GIS NI YUL RNAM PAR SHES PA MA YIN TE, RNAM PAR SHES PA MA YIN PA'I RANG BZHIN YIN PA'I PHYIR RO, , MIG NI 'BYUNG BA LAS GYUR PA YIN TE, BEMS PO YIN PAS DE LA YUL RTOG PA MI SRID DO, ,DE LTAR NA MIG LA RNAM PAR SHES PA MED DO, ,RNAM PAR SHES PA LA YANG MIG MED DO, ,DE NI GZUGS CAN MA YIN PA ZHIG STE, DE LA LTA BA GA LA YOD DE MED PAS NA LONG BA LTAR MI MTHONG NGO; ,GZUGS LA NI GNYI GA YANG YOD PA MA YIN NO, ,RNAM PAR SHES PA NI MA YIN TE, RTOG PA'I RANG BZHIN MA YIN PA'I PHYIR RO, ,LTA BA YANG MA YIN TE, LTA BA MA YIN PA'I BDAG NYID CAN YIN PA'I PHYIR RO, ,GANG GI TSE DE LTAR DBANG PO DANG YUL DANG RNAM PAR SHES PA RNAMS DON PHAN TSUN MA TSANG BA DE'I TSE DE DAG TSOGS PAR YOD KYANG DE DAG GIS GZUGS MTHONG BA MA YIN PA NYID DE, GZUGS LTA BA'I YAN LAG MA TSANG BA'I PHYIR LONG BA'I TSOGS BZHIN NO SNYAM DU DGONGS SO, ,GANG GI TSE DE LTAR GZUGS LA LTA BA MED PA DE'I TSE DE NYID RIGS PA SU ZHIG GIS GZUGS MTHONG NGO ZHES BYA BAR BRJOD PA'AM LTA BAR 'OS, JI LTAR DE KHO NA NYID RIG PAS GZUGS LTA BAR MI 'OS PA DE BZHIN DU SGRA YANG MNYAN PAR MI 'OS TE, GZUGS LTA BA BZHIN SGRA NYAN PA YANG MED PA'I PHYIR RO, ,'DI NA GAL TE SGRA THOS NA DE NYAN PA'I YUL DU PHYIN PA'AM MA PHYIN PA ZHIG THOS GRANG NA, GAL TE RE ZHIG PHYIN TE THOS NA DE NYAN PA'I YUL DU 'GRO BA NA SGRA 'BYIN ZHING 'GRO BA'AM SGRA MED PA YIN, DE YANG GAL TE RTOG PA DANG PO YIN NA NI DE'I TSE GAL TE SMRA ZHING SGRA 'GRO NA, GANG GIS SMRA BA POR MI @204B 'GYUR, ,'ON TE MI SMRA BAR 'GRO NA'ANG, ,GANG GIS DE LA SHES PA SKYE, ,DE'I PHYIR SMRA BA PO YIN PA'I PHYIR LHA SBYIN LTAR SGRAR MI 'GYUR RO, ,CI STE MI SMRA BAR 'GRO NA NI DE'I TSE SGRA MED PAR 'GRO BA'I SGRA DE LA 'DI NI SGRA'O SNYAM DU NGES PAR SU ZHIG LA 'GYUR, MA BZUNG BA DE NI YOD PA NYID KYANG MA YIN PAS 'DI NI MI RIGS SO, ,GZHAN YANG, GAL TE PHRAD DE SGRA 'DZIN NA, ,SGRA YI DANG PO GANG GIS 'DZIN, ,SGRA NI RKYANG PA'ANG MI 'ONG NA, ,RENG BU JI LTAR 'DZIN PAR 'GYUR, ,GAL TE RNA BA'I DBANG PO'I GNAS SU PHYIN PA'I SGRA 'DZIN NA 'O NA NI DE'I DBANG PO GANG GIS 'DZIN, ,PHRAD NAS 'DZIN PA'I PHYIR RNA BA LA NI SGRA'I DANG POR 'DZIN PA MED LA, DE'I 'DZIN PAR BYED PA'I DBANG PO GZHAN YANG YOD PA MA YIN PAS 'DI DBANG PO GANG GIS KYANG MI 'DZIN NO, ,DE'I PHYIR MA BZUNG BA'I DON DE NI SGRA NYID DU MI 'GYUR RO SNYAM DU DGONGS SO, ,SGRA'I RDUL PHRA RAB NI RDZAS DGU'I BDAG NYID YIN PA'I PHYIR SGRA NI RKYANG PAR MI 'ONG NA, KHYOD KYIS NI SGRA TZAM ZHIG KHO NA RNA BAS 'DZIN GYI, DRI LA SOGS PA DAG NI MA YIN NO ZHES TE MI RIGS SO, ,RNAM PA GCIG TU NA SGRA YANG MI 'DZIN PAR 'GYUR BA'AM, ,YANG NA DRI LA SOGS PA DAG KYANG ZUNG SHIG ,'DI NI DE LTAR YANG MA YIN PAS SGRA PHRAD PA'I YUL NYID MA YIN NO, ,CI STE, GAL TE PHRAD DE SGRA 'DZIN NA, ,SGRA YI DANG PO GANG GIS 'DZIN, ,ZHES GANG SMRAS NA, GAL TE DE'I DANG PO MA BZUNG NA DE'I TSE NYES PA CI ZHIG YOD CE NA, GANG ZHIG DE'I SGRA NYID NYAMS PAR 'GYUR BA 'DI NI NYES PA YIN NO, ,'DI LTAR, JI SRID SGRA THOS MA GYUR PA, ,DE YI BAR DU SGRAR MI 'GYUR, ,SGRA MED PA YANG MTHAR SGRA NYID, ,'GYUR NA DE NI MI RIGS SO, ,GANG ZHIG MI THOS PA DE NI THOS BZHIN PA MA YIN PA'I PHYIR DRI LA SOGS PA LTAR SGRA NYID DU MI 'GYUR RO, ,CI STE GANG ZHIG GI TSE THOS PA DE'I TSE SGRAR 'GYUR RO SNYAM DU SEMS NA, 'DI YANG SRID PA MA YIN NO, ,DRI LA SOGS PA PHYIS SGRA NYID DU MTHONG BA NI MA YIN TE DE BZHIN DU SGRA MED PA 'DI YANG PHYIS SGRA NYID DU MI RIGS SO, ,BCOM LDAN 'DAS KYIS, YID DU @205A *, ,'ONG BA'I SGRA GANG THOS GYUR PA, ,DE NI NAM YANG NANG DU ZHUGS PA MED, ,DE YI 'PHO BA RNYED PAR MI 'GYUR MOD, ,RTOG PA'I DBANG GIS SGRA NI 'BYUNG BAR 'GYUR, ,ZHES BYA BA DANG, DE BZHIN DU, DPER NA SHING DANG RGYUD LA BRTEN BYAS LA, ,LAG PAS RTZOL BA BYAS PA GSUM TSOGS NA, ,SGROGS BYED PI WANG GLING BU LA SOGS PA, ,DE DAG LAS NI SGRA YANG 'BYUNG BAR 'GYUR, ,DE NAS MKHAS PA LA LAS BRTAG BYA STE, ,DE NI GANG NAS 'ONGS LA GAR SONG ZHES, ,PHYOGS DANG PHYOGS MTSAMS KUN DU BRTAG BYAS NA, ,SGRA YI 'GRO BA'AM 'ONG BA MI DMIGS SO, ,ZHES JI SKAD DU GSUNGS PA LTA BU'O, ,DE LTAR RE ZHIG DBANG PO RNAMS LA YUL 'DZIN PA'I NUS PA MED PAR BRJOD NAS YID LA YANG YUL DE 'DZIN PA'I NUS PA MED PAR BRJOD PA'I PHYIR BSHAD PA, DBANG PO RNAMS DANG BRAL SEMS KYIS, ,SONG STE'ANG CI ZHIG BYED PAR 'GYUR, ,GAL TE SEMS YUL GYI YUL DU SONG NAS YUL YONGS SU GCOD PAR BYED DO SNYAM DU RTOG NA DE NI MI RIGS SO, ,'DI NA SEMS 'DI DBANG PO DANG LHAN CIG PA ZHIG YUL GYI YUL DU 'GRO'AM, RENG BU ZHIG YIN GRANG NA, DE LA RE ZHIG DBANG PO DANG BCAS PA NI MI 'GRO STE, DBANG PO RNAMS NI RTAG TU LUS KHO NA LA NYE BAR GNAS PA'I PHYIR LA 'GRO BA YIN NA LUS DBANG PO MED PA NYID DU THAL BA'I PHYIR RO, ,CI STE, RENG BU 'GRO NA DE'I TSE YANG, ,DBANG PO RNAMS DANG BRAL SEMS KYIS, ,SONG STE 'ANG CI ZHIG BYED PAR 'GYUR, ,MIG LA SOGS PA DBANG PO'I SGO SPANGS PA DE LA NI GZUGS LA SOGS PA LTA BA LA SOGS PA'I NUS PA YOD PA MA YIN TE, LONG BA LA SOGS PA RNAMS LA YANG LTA BA LA SOGS PA YOD PAR THAL BAR 'GYUR BA'I PHYIR RO, ,CI STE YANG CI ZHIG LTAR 'DI LA YANG YUL GYI YUL DU 'GRO BAS DON DMIGS PAR RTOG NA DE'I TSE NA YANG DON RTOGS PA MTHAR THUG PA MED PA'I PHYIR MI LDOG PAR 'GYUR RO, ,DE LTAR YIN DANG SROG 'DI NI, ,RTAG TU YID MED CI STE MIN, ,DUS THAMS CAD DU BDAG SEMS MED PA KHO NAR 'GYUR NA, SEMS MED PA NI BDAG NYID DU SRID PAR RIGS PA YANG MA YIN TE, KA BA DANG BUM PA @205B LA SOGS PA RNAMS KYANG BDAG NYID DU THAL BAR 'GYUR BA'I PHYIR RO, ,DE'I PHYIR DE LTAR RIGS PAS RNAM PAR DPYAD PA NA DBANG PO DANG YUL DANG RNAM PAR SHES PA RNAMS LA YOD PA'I NGO BO MED PAS RANG GI NGO BOS GRUB PA MED DO, ,GAL TE 'DI RNAMS RANG GI NGO BOS GRUB PAR 'GYUR NA NI DE'I TSE 'THAD PAS RNAM PAR DPYAD PA RNAMS CHES GSAL BAR JI LTAR GNAS PA'I NGO BOS YOD PA NYID DU DMIGS PAR 'GYUR NA DMIGS PA YANG MA YIN TE DE'I PHYIR RANG BZHIN GYIS STONG NGO ZHES BYA BAR GRUB BO, ,GAL TE DE RNAMS LA RANG BZHIN MED NA 'O NA GANG ZHIG BYE BRAG RNAM PAR GZHAG PA'I RGYU NYID DU STON PA DE RNAMS KYI KHYAD PAR YONGS SU GCOD PAR BYED PA'I BDAG NYID CAN GYI 'DU SHES KO JI LTAR ZHE NA, BRJOD PAR BYA STE, DNGOS PO RNAMS YOD NA NI, DE RNAMS KYI BYE BRAG YONGS SU GCOD PA'I BDAG NYID CAN GYI 'DU SHES RIGS NA, GANG GI TSE DNGOS PO DE RNAMS YOD PA MA YIN PA NYID DU BSTAN PA DE'I TSE, DE RNAMS KYI SGO NAS 'DU SHES DE RANG GI NGO BOS GRUB PAR GA LA 'GYUR, ,GAL TE YUL YONGS SU GCOD PA 'DI RNAM PA THAMS CAD DU MED DAM ZHE NA, MED PA MA YIN TE, RANG BZHIN MED PA'I DNGOS POS YOD PA'I PHYIR RO, ,'DI LTAR, SNGAR MTHONG BA YI DON GANG ZHIG ,YID KYIS SMIG RGYU LTAR 'DZIN PA, ,DE NI CHOS KUN RNAM GZHAG LA, ,'DU SHES PHUNG PO ZHES BYA'O, ,'DI NA MIG DANG GZUGS LA BRTEN NAS MIG GI RNAM PAR SHES PA SKYES NAS 'GAG PA NA DBANG PO DANG YUL RNAMS DANG LHAN CIG 'GAG PAR 'GYUR RO, ,DE 'GAGS NA SNGAR MTHONG BA'I DON GANG YIN PA DE NYID PHYIS YID KYIS 'DZIN TO, ,YANG JI LTAR NYE BA MA YIN PA LA 'DZIN PA SRID CE NA, SMIG RGYU LTAR ZHES BYA BA SMROS TE, SMIG RGYU LA CHU BAG TZAM KYANG MED MOD KYI, 'ON KYANG RGYU DANG RKYEN GYI DBANG GIS CHU'I RNAM PA CAN GYI 'DU SHES 'BYUNG BA NYID YIN PA DE BZHIN DU SMIG RGYU LA BYA BA LTAR YOD PA MA YIN PA'I RANG BZHIN CAN GYI DNGOS PO GZUNG ZIN PA LA YANG GANG RNAM PAR RTOG PA CAN GYI RNAM PAR SHES PA SKYE BA DE NI CHOS THAMS CAD RNAM PAR 'JOG PA'I RGYU YIN NO, ,CHOS THAMS @206A *, ,CAD RNAM PAR 'JOG PA'I RGYU NYID YIN PA'I PHYIR NA DE NYID LA 'DU SHES PHUNG PO ZHES BSNYAD DE, RNAM PA DE LTA BU'I 'DU SHES KYI KHYAD PAR DANG MTSUNGS PAR LDAN PA'I PHYIR RO, ,CHOS THAMS CAD KYI RNAM PAR GZHAG PA YANG 'DU SHES KYI DBANG GIS SHES PAR BYA BA'I DNGOS PO RANG GI NGO BO'I RGYU CAN NI MA YIN TE RANG BZHIN RNAM PA THAMS CAD DU MI RUNG BA'I PHYIR RO, ,GAL TE DE LTA NA NI 'O NA 'DU SHES KYI PHUNG PO RANG BZHIN GYIS YOD PA YIN TE DE MED NA NI CHOS THAMS CAD RNAM PAR GZHAG PAR MI NUS SO ZHE NA, BRJOD PAR BYA STE, 'DU SHES DE YANG RNAM PAR SHES PA DANG MTSUNGS PAR LDAN PA'I PHYIR RNAM PAR SHES PA DE MA GTOGS PAR MED LA, RNAM PAR SHES PA DE YANG 'DU SHES DE MA GTOGS PAR MA GRUB PA'I PHYIR RANG GI NGO BOS MED DO, ,'DI LAS KYANG YIN TE, GANG GI PHYIR, MIG DANG GZUGS LA BRTEN NAS YID, ,SGYU MA BZHIN DU SKYE BAR 'GYUR, ,GANG ZHIG SKYE BAR BYA BA'I RTEN NYID DU 'BYUNG BAR 'GYUR BA RNAM PAR SHES PA DE SKYE BA'I SNGA ROL NA NI YOD PA MA YIN TE, MIG LA SOGS PA'I RKYEN RNAMS YOD KYANG RNAM PAR SHES PA'I RANG GI NGO BO MED PAR SKYE BA'I BYA BA MI 'JUG PA'I PHYIR SKYE BA MI RIGS NA, RNAM PAR SHES PA 'DI NI SKYE BA MA YIN NO, ,DE'I PHYIR SGYU MA'I CHOS NYID LAS MA GTOGS PAR CI ZHIG NGES PAR BYA BAR NUS, BCOM LDAN 'DAS KYIS, DGE SLONG DAG DPER NA SGYU MA MKHAN NAM SGYU MA'I MCHAN BU ZHIG GIS LAM PO CHE'I BZHI MDOR SGYU MA'I LAS RNAM PA SNA TSOGS STON PA 'DI LTA STE GLANG PO CHE'I TSOGS DANG RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG ZHES RGYU CHER 'BYUNG ZHING, DE SKYES BU MIG DANG LDAN PA ZHIG LTA BAR BYED SEMS PAR BYED TSUL BZHIN DU YONGS SU RTOG PAR BYED PA NA LTA ZHING SEMS LA TSUL BZHIN DU YONGS SU RTOG PA DE LA YOD PA MA YIN PAR YANG SNANG, GSOG DANG GSOB DANG SNYING PO MED PAR YANG SNANG NGO, ,DE CI'I SLAD DU ZHE NA, CI SGYU MA BYAS PA DE LA SNYING PO LTA YOD DAM, DGE SLONG DAG DE BZHIN DU RNAM PAR SHES PA @206B GANG CI YANG RUNG BA 'DAS PA DANG MA 'ONGS PA DANG DA LTAR BYUNG BA'AM NANG GI 'AM PHYI'I 'AM, RAGS PA'AM PHRA BA'AM, NGAN PA'AM GYA NOM PA'AM THAG RING PO NA YOD PA GANG YIN PA'AM, NYE BA NA YOD PA GANG YIN PA DE DGE SLONG ZHIG LTA BAR BYED, SEMS PAR BYED TSUL BZHIN DU YONGS SU RTOG PAR BYED PA DE LA YOD PA MA YIN PAR YANG SNANG, GSOG DANG GSOB DANG SNYING PO MED PA DANG NAD DANG 'BRAS DANG, ZUG RNGU DANG SDIG PA DANG MI RTAG PA DANG, SDUG BSNGAL BA DANG STONG PA DANG BDAG MED PAR YANG SNANG NGO, ,DE CI'I SLAD DU ZHE NA, CI RNAM PAR SHES PA'I PHUNG PO 'DI LA SNYING PO LTA YOD DAM ZHES RGYA CHER GSUNGS TE, JI LTAR DMIGS PA DE LTAR RNAM PAR DPYAD PA LA RANG GI NGO BOS MED PA'I PHYIR RNAM PAR SHES PA SGYU MA'I NA CHUNG DANG 'DRA'O ZHES BYA BAR NGES PAR NUS SO, ,DE'I PHYIR, MIG DANG GZUGS LA BRTEN NAS YID, ,SGYU MA BZHIN DU SKYE BAR 'GYUR, ,ZHES BYA BA'I LEGS PAR GSUNGS PA YIN NO, ,YANG GAL TE 'DI'I RANG GI NGO BO ZHIG DU 'GYUR NA NI DE'I TSE RANG GI NGO BOS, GANG LA YOD PA NYID YOD DE, ,SGYU MA ZHES BYAR MI RIGS SO, ,RANG BZHIN GYIS MI STONG ZHING YOD PAR 'GYUR BA'I BUD MED NI 'JIG RTEN NA SGYU MA ZHES BYA BAR MI RIGS TE, DE BZHIN DU RNAM PAR SHES PA YANG RANG GI NGO BOS YOD PAS SGYU MA LTA BUR MI 'GYUR NA, RNAM PAR SHES PA SGYU MA LTA BUR BSTAN PA YANG MA YIN NO, , DE'I PHYIR RNAM PAR SHES PA RANG BZHIN MED DO, ,GANG GI CHOS RNAM PAR SHES PA RANG BZHIN MED PA DE'I TSE RANG BZHIN MED PA'I RNAM PAR SHES PA DANG MTSUNGS PAR LDAN PA'I 'DU SHES KYANG RANG BZHIN MED DO ZHES BYA BAR GNAS SO, ,BCOM LDAN 'DAS KYIS, RAB RDZOGS SHES PA DON CAN GYI, ,'DZIN LA 'DU SHES NGES PAR BSTAN, ,'DU SHES DE YANG 'DZIN MED DE, ,RNAM PAR DBEN PA'I DON GYIS BSTAN, ,RNAM DBEN GANG DE'ANG 'DU SHES TE, ,RNAM DBEN GANG DE BSTAN PA YIN, ,DE LTAR DON DE BSAM BYAS NA, ,DES NA 'DU SHES 'BYUNG MI @207A *, ,'GYUR, ,'DU SHES 'DI YANG SPANG SNYAM DU, ,GANG LA 'DU SHES 'BYUNG BA NI, ,'DU SHES SPROS LA SPYOD 'GYUR GYI, ,'DU SHES LAS NI GROL MI 'GYUR, ,'DU SHES 'DI KO GA LA 'BYUNG, ,GANG ZHIG GIS NI 'DU SHES BKAG ,GANG LA 'DU SHES 'BYUNG 'GYUR BA'I, ,CHOS NI SANGS RGYAS KYIS MA BRNYES, ,DE LTAR DON DE BSAM BYAS NA, ,DE NAS 'DU SHES 'BYUNG MI 'GYUR, ,ZHES GSUNGS SO, ,'DIR SMRAS PA, CI NAS KYANG DBANG PO RNAMS YUL 'DZIN PA MI SRID PA MIG DANG GZUGS LA BRTEN NAS MIG GI RNAM PAR SHES PA YANG SKYE'O ZHES BYA BA 'DI NI NGO MTSAR BA ZHIG GO, ,BRJOD PAR BYA STE, CI 'DI KHO NA NGO MTSAR GYI GANG 'GAGS PA DANG 'GAG BZHIN PA'I SA BON LAS MYU GU 'BYUNG BAR MI RIGS LA SA BON LA BRTEN NAS MYU GU SKYE BA YANG YIN PA DANG, DE BZHIN DU BYAS SHING BSAGS PA'I LAS 'GAGS NAS YUN SHIN TU RING POR LON PA LA 'GAR YANG GNAS PA MED MOD KYI, 'ON KYANG 'GAGS NAS BSKAL PA DU MAS CHOD PA'I LAS LAS KYANG 'BRAS BU DNGOS SU 'BYUNG BA DANG BUM PA LA SOGS PA RNAMS RANG GI RGYU LAS DE NYID DANG GZHAN DU RNAM PA LNGAR DPYAD PA NA YOD PA MA YIN MOD KYI; DE LTA NA YANG BRTEN NAS BRTAGS PAS SBRANG RTZI DANG CHU DANG 'O MA 'DZIN PA DANG 'CHU BA LA SOGS PA'I BYA BA LA RUNG BAR 'GYUR BA 'DI CI NGO MTSAR BA ZHIG GAM, DE'I PHYIR DE LTAR NA, GANG TSE MKHAS LAS STENGS NA, ,NGO MTSAR CAN MIN CANG MED PA, ,DE TSE DBANG RTOGS DE 'DRA LA, , YA MTSAN ZHES BYA CI ZHIG YOD, ,'BRAS BU NI RANG GI RGYU'I RJES SU BYED PAR MTHONG STE, DPER NA BA LANG LAS BA LANG DANG, RTA LAS RTA DANG, S'A LU LAS S'A LU ZHES BYA BA LA SOGS PA LTA BU YIN NA, 'BYUNG BA RNAMS DANG GZUGS DANG SGRA LA SOGS PA RNAMS LA NI TSUL 'DI MI RIGS SO, ,'DI LTAR 'BYUNG BA CHEN PO DAG NI LUS KYI DBANG POS GZANG BAR BYA BA YIN ZHING MNYAN PAR BYA BA MA YIN LA, DE DAG LAS GZUGS MIG GIS GZUNG BAR BYA BA DANG, MNYAN PAR BYA BA SKRA 'BYUNG BA ZHES BYA BA 'DI NI MCHOG TU NGO MTSAR BA ZHIG GO, ,DE BZHIN DU SNA LA @207B SOGS PA'I YUL DANG MIG LA SOGS PA DAG LA YANG SBYAR BAR BYA'O, ,YANG NA DBANG PO RNAMS KYI DON RTOGS PA 'DI NI YA MTSAN GYI RGYU MA YIN NO, ,GAL TE NGO MTSAR BA 'DI DBANG PO RNAMS KYI DON RTOGS PA 'BA' ZHIG KHO NA LA 'GYUR NA NI, DE'I TSE 'DI YA MTSAN PA'I GNAS SU 'GYUR NA, GANG GI TSE JI SKAD BSHAD PA'I TSUL GYIS MKHAS PA RNAMS LA 'GRO BA THAMS CAD MIG 'PHRUL LTAR YA MTSAN GYI RGYU YIN PA DE'I TSE 'DI NGO MTSAR BA MA YIN NO, ,SRID PAR MI 'OS PA CUNG ZAD CIG PHYOGS 'GAR GNAS PAR DMIGS PA NI YA MTSAN DU BYED PAR 'GYUR GYI, THAMS CAD DU MTSUNGS PA'I NGO BO NI MA YIN TE, ME'I TSA BA YA MTSAN CAN GYI RGYU MA YIN PA'I PHYIR RO, ,GANG GI PHYIR DE LTAR RANG GI NGO BO MA NGES PAS RKYEN JI LTA BA DE LTA DE LTAR RNAM PAR 'GYUR BA'I PHYIR MKHAS PA RNAMS LA, MGAL ME'I 'KHOR LO SPRUL PA DANG, ,RMI LAM SGYU MA CHU ZLA DANG, ,KHUG RNA NANG GI BRAG CA DANG, ,SMIG RGYU SPRIN DANG SRID PA MTSUNGS, ,JI LTAR MED DANG BCAS PA'I YOG PA MYUR DU BSKOR BA'I 'GROS DE MTHONG BA PHYIN CI LOG GI RGYU YIN PA'I PHYIR 'KHOR LO'I RNAM PAR DMIGS PAR 'GYUR MOD KYI, DE LA 'KHOR LO RANG GI NGO BO BAG TZAM YANG YOD PA MA YIN PA DANG, JI LTAR SPRUL PA'I TING NGE 'DZIN GYI RKYEN LAS BYUNG BA'I BUD MED DAG YOD PAR 'GYUR BA'I BUD MED RNAMS LTAR 'DOD CHAGS CAN RNAMS KUN NAS NYON MONGS PA'I RGYUR 'GYUR ZHING, THUB PA RNAMS KYIS SPRUL PA'I TING NGE 'DZIN GYI STOBS KYIS SPRUL PA'I THUB PA'I RANG GI NGO BO MED CING YOD PAR GYUR PA'I THUB PA'I RANG BZHIN DANG BRAL BA RNAMS BDEN PAR GYUR PA'I THUB PA DAG LTAR SKYE BO MA LUS PA'I YID KYI MUN PA 'JOMS PA NA SEMS CAN RNAMS KYI MTHO RIS DANG BYANG GROL GYI LAM GYI RGYUR 'GYUR LA; DE RNAMS SEMS DANG SEMS LAS BYUNG BA DANG BRAL BAS BDEN PAR GYUR PA MA YIN PA DANG, JI LTAR SAD PA'I BDAG GI DNGOS PO LTAR GNYID DANG MTSUNGS PAR LDAN PA'I RNAM PAR SHES PA DANG LDAN PA'I BDAG GI DNGOS PO'I RKYEN CAN RMI LAM GYI BDAG GI DNGOS PO @208A *, ,BDAG LA CHAGS PA PHYIN CI LOG GI RGYU YIN LA, SAD PAS DE LTAR MTHONG BA MED PAS DE BDEN PAR GYUR PA YANG MA YIN PA DANG, JI LTAR SGYU MA MKHAN GYI 'KHRUL 'KHOR GYI RGYU CAN SGYU MAR BYAS PA'I NA CHUNG RNAMS BDEN PAR GYUR PA'I NA CHUNG GIS STONG BZHIN DU DE'I RANG BZHIN RNAM PAR MI SHES PA RNAMS KYIS SEMS RMONGS PA LHUR BYED PAR 'GYUR BA DANG, JI LTAR BDEN PAR GYUR PA'I ZLA BAS STONG PA'I CHU'I ZLA BA RTEN CING 'BREL PAR 'BYUNG BA'I STOBS KYIS DE LTAR 'BYUNG BA NA BYIS PA RNAMS LA ZLA BAR PHYIN CI LOG PA'I RGYUR 'GYUR BA DANG, JI LTAR YUL DANG DUS DANG RGYU MTSAN RNAM PA DE LTA BU DAG LA BRTEN NAS RTEN CING 'BREL PAR 'BYUNG BA'I STOBS NYID LAS KHUG RNA BYUNG BA NA RGYANG RING PO NA GNAS PA RNAMS LA BDEN PAR 'GYUR BA'I DU BAR PHYIN CI LOG PA'I RGYUR 'GYUR BA DANG, JI LTAR RI'I TSANG TSING DANG, RI KHROD KYI SUL DANG, RLUNG GI ZABS RNAMS KYI NANG GI BRAG CAS SKYE BO RNAMS LA YOD PAR GYUR PA'I SGRAR MNGON PAR RLOM PA SKYED PAR BYED PA DANG, JI LTAR YUL DANG DUS KYI KHYAD PAR DU NYE BAR LHAGS PA'I NYI MA'I 'OD ZER GYI RTEN CAN GYI SMIG RGYU CHU'I RANG GI NGO BOS DBEN BZHIN DU THAG RING BA RNAMS LA CHUR PHYIN CI LOG SKYED PAR BYED PA DANG, YANG JI LTAR SPRIN RNAMS THAG RING PO NAS RI LA SOGS PA'I RNAM PAR PHYIN CI LOG NYE BAR SKYED PAR BYED PA DE BZHIN DU MKHAS PA JI LTA BA BZHIN RTEN CING 'BREL BAR 'BYUNG BA'I RANG BZHIN LA BZO BA RNAMS LA MA RIG PA'I PHYIN CI LOG GIS 'PHANGS PA LAS KYI RKYEN CAN GYI 'KHOR BA RNAM PAR SHES PA LA SOGS PA'I SKYE BA PHYI ROL GYI SNOD DANG BCAS PAR SKYE BZHIN PA MGAL ME'I 'KHOR LO LA SOGS PA LTAR, BRDZUN PA SLU BA'I CHOS CAN YIN DANG RANG BZHIN GYIS STOR PAR GYUR DU ZIN KYANG BYIS PA'I SKYE BO 'DRID PAR SNANG BAR 'GYUR TE DNGOS PO'I RANG BZHIN SHES PAS RNAM PA THAMS CAD DU CHAGS PA ZAD PAS RNAM PAR GROL BA LA BRTEN PAR 'GYUR BAR 'KHOR BA MGAL ME'I 'KHOR LO LA SOGS PA LTAR RANG BZHIN MED DO ZHES BYA BA 'DI MI G-YO BAR GNAS SO, ,JI SKAD DU, JI LTAR @208B MIG NI 'KHRUL BA YIS, ,MGAL ME'I 'KHOR LO 'DZIN BYED PA, ,DE BZHIN DBANG PO RNAMS KYIS NI, ,DA LTA'I YUL DAG 'DZIN PAR BYED, ,CES BYA BA DANG, BDEN PA'I DGE SLONG DNGOS BRAL DGE SLONG GNYIS SHIG GIS, ,DKON MCHOG BRTZEGS LAS THUB PA YONGS SU MYA NGAN MA 'DAS PAR, ,THUB DBANG ZLA BA'I DAM PA'I CHOS KYI NYI MA'I 'OD ZER GYIS, ,DGE SLONG BRGYA PHRAG LNGA DE DAG GI GTI MUG MUN PA BSAL, ,DE BZHIN DU, JI LTAR BU MO GZHON NU'I RMI LAM NA, ,BU PHO 'BYUNG ZHING SHI BA DES MTHONG NAS, ,BYUNG NAS DGA' ZHING SHI NAS MI DGA' LTAR, ,CHOS RNAMS THAMS CAD DE BZHIN SHES PAR GYIS, ,SGYU MA BYED PA DAG GIS GZUGS SPRUL TE, ,RTA DANG GLANG PO SHING RTA SNA TSOGS BYAS, ,DE LA JI LTAR SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ,JI LTAR NAM MKHA' DANGS PAR ZLA SHAR BA, ,DE YI GZUGS BRNYAN DANG BA'I TSOR SONG STE, ,ZLA BA CHU YI NANG DU 'PHOS PA MED, ,CHOS KUN MTSAN NYID DE 'DRAR SHES PAR GYIS, ,BRAG PHUG RI RDZONG CHU KLUNG DOGS DAG TU, ,DE DAG LA BRTEN BRAG CA 'BYUNG JI LTAR, ,DE BZHIN 'DUS BYAS 'DI KUN SHES PAR GYIS, ,'GRO BA THAMS CAD SGYU MA SMIG RGYU MTSUNGS, ,JI LTAR SOS KA'I NYI MA PHYED DUS NA, ,SKYES BU SKOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR MTHONG, ,CHOS RNAMS THAMS CAD DE BZHIN SHES PAR GYIS, ,SMIG RGYU LA YANG CHU NI YOD MED NA, ,SEMS CAN RMONGS PA DE LA 'THUNG 'DOD DO, ,MI BDEN CHU NI BTUNG BAR YONG MI NUS, ,CHOS RNAMS THAMS CAD DE BZHIN SHES PAR GYIS, ,JI LTAR BAR SNANG CHUNG ZAD SPRIN MED PAR, ,SKAD CIG TU NI SPRIN GYI DKYIL 'KHOR SNANG, ,THOG MAR GANG NAS BYUNG BAR SHES PAR BYA, ,DE BZHIN CHOS RNAMS THAMS CAD SHES PAR GYIS, ,JI LTAR SMIG RGYU DRI ZA'I GRONG KHYER DANG, ,SGYU MA JI BZHIN RMI LAM JI LTA BUR, ,MTSAN MA SGOM PA NGO BO NYID KYIS SNANG, ,CHOS RNAMS THAMS CAD DE BZHIN SHES PAR GYIS, ,ZHES BYA BA LA SOGS PA GSUNGS @209A *, ,SO; ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS, DBANG PO DANG DON DGAG PA BSGOM PA BSTAN PA ZHES BYA BA STE, RAB TU BYED PA BCU GSUM PA'I 'GREL BA'O,, ,,'DIR SMRAS PA, GAL TE RTEN CING 'BREL PAR 'BYUNG BA'I PHYIR SRID PA MGAL ME'I 'KHOR LO DANG SPRUL PA DANG RMI LAM LA SOGS PA LTAR RANG BZHIN MED NA 'ON NA DE GANG ZHIG RANG BZHIN DU 'GYUR ZHE NA, DNGOS PO 'GA' LA YANG RANG BZHIN BRTAG PAR MI NUS TE, RNAM PA DE LTA BU'I DNGOS PO RNAM PA THAMS CAD DU MI DMIGS PA'I PHYIR RO, ,'DI LTAR, DNGOS PO GANG ZHIG GZHAN 'GA' LA'ANG, ,RAG LAS PA ZHIG MI 'GYUR NA, ,DE YI BDAG NYID 'GRUB 'GYUR NA, ,DE NI GANG LA'ANG YOD MA YIN, ,GAL TE DNGOS PO 'GA' ZHIG 'GRUB PA LA 'GA' LA YANG CUNG ZAD CIG RAG LAS PAR GNAS PA NYID DU MI 'GYUR NA NI DE'I TSE RANG DBANG BA GZHAN LA RAG MA LAS PA DE RANG NYID KYIS RNAM PAR GNAS PA'I PHYIR RANG BZHIN GYIS YOD PA NYID DU BRTAGS PAR RIGS NA GANG ZHIG RGYU DANG RKYEN LA RAG LAS TE SKYE BA'I DNGOS PO GZHAN LA RAG LAS PA NYID DU MI 'GYUR BA'AM, RGYU MED PA'I DNGOS PO 'GA' ZHIG 'BYUNG BA 'DI NI SRID PA YANG MA YIN NO, ,GANG GI PHYIR DE LTAR RGYU MED PAR THAL BAR 'GYUR BAS 'GA' ZHIG TU DNGOS PO 'GA'I RANG BZHIN RANG GI NGO BO MED PA DE'I PHYIR 'GA' LA YANG RANG BZHIN MED LA, RANG BZHIN MED PAS KYANG MGAL ME'I 'KHOR LO LA SOGS PA LTAR RANG BZHIN GYIS GRUB PA MED DO ZHES BYA BAR GNAS SO, ,GAL TE DNGOS PO 'DI DAG MGAL ME'I 'KHOR LO DANG SPRUL PA LA SOGS PA LTAR SLU BAS DNGOS PO MED PAR MI 'GYUR NA NI DE'I TSE NGES PAR 'THAD PAS RNAM PAR DPYAD PA NAS LE SGRAM LA [?] SOGS PA LTAR RANG GI NGO BO CHES GSAL BAR DMIGS PAR 'GYUR NA, DE DAG NI PHYIN CI LOG TZAM GYI RGYU CAN YIN PAS RNAM PAR DPYOD PA'I MES BSREGS PAS NA RANG GI NGO BOS MED PAR NI MI 'GYUR BA MA YIN NO, ,DNGOS PO NI 'THAD PA DANG BRAL BA MA YIN TE, DE RNAM PA THAMS @209B CAD DU MI SLU BA NYID YIN PA'I PHYIR RO, ,DE NYID KYI PHYIR SLOB DPON GYIS DNGOS PO LA MNGON PAR ZHEN PA LHOD PAR BYA BA'I PHYIR 'DI MAN CHAD DU JI LTAR BUM PA LA SOGS PA RNAMS LA RANG GI NGO BO MI SRID PA DE LTAR 'THAD PA BSHAD PA, GZUGS NYID BUM ZHES GCIG MA YIN, ,GZUGS LDAN BUM GZHAN YOD MIN LA, ,BUM PA LA GZUGS YOD MIN ZHING, ,GZUGS LA BUM PA YOD MA YIN, ,'DI NA BUM PA ZHES BYA BA'I DNGOS PO 'GA' ZHIG YOD PAR 'GYUR NA NI, DE LTA BA'I DBANG PO'I GZUNG BAR BYA BA YIN PAS THA DAD PA'AM MI DAD PA ZHIG TU RTOG GRANG NA, DE LA RE ZHIG , GZUGS NYID BUM ZHES GCIG MA YIN, ,GZUGS GANG YIN PA DE NYID BUM PA'O ZHES GZUGS DANG BUM PA GCIG PA NI MI SRID DO, ,GAL TE GZUGS DANG BUM PA GNYIS GCIG NYID DU 'GYUR NA NI, DE'I TSE GANG DANG GANG NA GZUGS YOD PA DE DANG DE NA BUM PA'O ZHES GZUGS THAMS CAD LA BUM PA YOD PA NYID DU 'GYUR ZHING, SO BTANG BA LAS SKYES PA'I YON TAN 'BYUNG BAS GZUGS 'JIG PA'I TSE BUM PA 'JIG PAR 'GYUR NA, 'DI NI SRID PA YANG MA YIN PAS GZUGS NYID BUM PA'O ZHES GCIG PA YOD PA MA YIN NO, ,CI STE NYES PA 'DI SPANG BAR 'DOD NAS DPER NA LHA SBYIN DON GZHAN DU GYUR PA'I BA LANG DAG DANG LDAN PA LTAR GZUGS LAS GZHAN PA'I BUM PA ZHIG GZUGS DANG LDAN PAR YONGS SU RTOG NA, 'DI YANG MI RIGS TE 'DI LTAR, GZUGS LDAN BUM GZHAN YOD MIN LA, ,GAL TE BUM PA GZUGS LAS GZHAN DU 'GYUR NA NI DE GZUGS LA MI LTOS PAR GZUNG DU YOD PAR 'GYUR RO, ,BA LANG DAG LAS THA DAD PA'I LHA SBYIN NI BA LANG LAS THA DAD PAR MI 'DZIN PA MA YIN TE, DE BZHIN DU BUM PA YANG GZUGS LA MI LTOS PAR BZUNG DU YOD PAR 'GYUR NA 'DZIN PA YANG MA YIN NO,, DE'I PHYIR GZUGS LAS THA DAD PA'I BUM PA MED DO, ,GANG GI TSE MED PA DE'I TSE YOD PA MA YIN PA JI LTAR DE DANG LDAN PA NYID DU 'DZIN, ,MO GSHAM GYI BU YOD PA MA YIN PA NI BA LANG DANG LDAN NO ZHES BYA BAR MI BSNYAD DE, DE BZHIN DU BUM PA GZUGS DANG LDAN NO ZHES BYA BAR MI RUNG @210A *, ,DO; ,GZHAN NYID MI SRID PA NYID KYI PHYIR GZUGS DANG BUM PA GNYIS RTEN DANG BRTEN PA'I RTOG PA NYID KYIS GRUB PA YANG MED PAS, BUM PA LA GZUGS YOD MIN ZHING, ,GZUGS LA BUM PA YOD MA YIN, ,GZUGS DANG BUM PA GNYIS GZHAN NYID YIN NA NI 'KHAR GZHONG LTAR BUM PA LA GZUGS ZHES BYA BAR 'GYUR ZHING, RE LDE LA LHA SBYIN LTAR GZUGS LA BUM PA ZHES BYA BAR YANG 'GYUR NA, 'DI NI SRID PA YANG MA YIN NO, ,DE'I PHYIR BUM PA RANG BZHIN GYIS MED DO, ,GANG ZHIG RANG BZHIN GYIS MED LA DMIGS PA YANG YIN PA DE NI MGAL ME'I 'KHOR LO LTAR RANG BZHIN GYIS STONG PA YIN NO, ,GZHAN YANG JI LTAR BDAG BYED PA PO DANG NYE BAR LEN PA LAS GCIG NYID DU THAL BA'I PHYIR DANG, PHUNG PO BZHIN SKYE BA DANG 'JIG PA LA BRTEN PA NYID DU THAL BAR 'GYUR BA'I PHYIR PHUNG PO BDAG MA YIN PA DE BZHIN DU GZUGS KYANG BUM PA MA YIN TE, NYE BAR LEN PA DANG NYE BAR LEN PA PO DAG GCIG NYID DU THAL BAR 'GYUR BA'I PHYIR DANG, NYE BAR LEN PA MANG BAS BUM PA MANG PO NYID DU THAL BA'I PHYIR RO, ,JI LTAR SO SOR 'DZIN PAR THAL BA'I PHYIR DANG, RGYU MED PA NYID DU THAL BAR 'GYUR BA'I PHYIR BDAG PHUNG PO DAG LA GZHAN DU MI 'GYUR BA DE BZHIN DU BUM PA YANG GZUGS LAS THA DAD PAR MI 'GYUR TE, SO SOR 'DZIN PAR THAL BA'I PHYIR DANG, RGYU MED PA NYID DU THAL BAR 'GYUR BA'I PHYIR RO, ,YANG JI LTAR PHUNG PO DAG LAS DE NYID DANG GZHAN NYID DU RTOG PA MED PAS BDAG PHUNG PO DANG LDAN NO ZHES BYA BAR BSNYAD PA MA YIN PA DE BZHIN DU BUM PA GZUGS DANG LDAN NO ZHES BYA BAR YANG MI SRID DO, ,GZUGS DANG BUM PA DAG DE NYID DANG GZHAN NYID DU RTOG PA MED PA'I PHYIR RO, ,JI LTAR PHUNG PO DAG LAS DE NYID DANG GZHAN NYID DU RTOG PA MED PAS BDAG LA PHUNG PO DAG DANG PHUNG PO DAG LA BDAG GO ZHES BYA BA RNAM PA GNYI GA YANG MI RIGS PA DE BZHIN DU BUM PA LA GZUGS DANG, GZUGS LA BUM PA ZHES BYA BA'I RTOG PA GNYIS KYANG MI 'THAD DO, ,YANG JI LTAR GZUGS LA LTOS NAS BUM PA LA RTOG @210B PA GZHI MI SRID PA DE BZHIN DU BRTAGS PA'I RGYU THAMS CAD LA LTOS PA'I GZHI YANG MI SRID PAS BUM PA RANG GI NGO BOS GRUB PA MED DO, ,JI LTAR BUM PA RANG BZHIN GYIS YOD PA MA YIN PA DE BZHIN DU DNGOS PO THAMS CAD KYANG BTZAL BA NA RANG BZHIN GYIS YOD PA MA YIN PAS SRID PA MGAL ME'I 'KHOR LO DANG SPRUL PA LA SOGS PA DANG 'DRA BA NYID DU 'GYUR RO, ,'DIR KHA CIG DAG NA RE GZUGS DANG BUM PA DAG LA GZHAN NYID MI SRID MOD KYI, DE LTA NA YANG DNGOS PO DANG BUM PA GNYIS PA GZHAN NYID YOD DO, ,GANG GI PHYIR KHO BO CAG GI LTAR NA NI BUM PA YANG GZHAN NYID YIN LA YOD PA YANG GZHAN NYID YIN NO, ,YOD PA ZHES BYA BA NI SPYI CHEN PO YIN LA BUM PA NI KHYAD PAR GYI RDZAS YIN TE, DE NI YOD PA DANG 'BREL PA LAS YOD DO ZHES BYA BAR BSNYAD DO ZHES ZER RO, ,DE DAG LA BRJOD PAR BYA STE, GNYIS MTSAN MI MTHUN MTHONG NAS NI, , GAL TE DNGOS LAS BUM GZHAN NA, ,MA YIN DE LTAR DNGOS PO YANG, ,BUM PA LAS GZHAN CIS MI 'GYUR, ,GAL TE BUM PA LA SOGS PA'I RDZAS RNAMS LA RJES SU 'JUG PA'I MTSAN NYID CAN YIN PA'I PHYIR DNGOS PO NI SPYI YIN LA, BUM PA NI LDOG PA'I MTSAN NYID CAN YIN PA'I PHYIR KHYAD PAR GYI MTSAN NYID DO ZHES DNGOS PO DANG BUM PA DE GNYIS KYI MTSAN NYID MI MTHUN PA MTHONG NAS DNGOS PO LAS BUM PA GZHAN DU 'GYUR NA NI DE KHO NA LTAR MTSAN NYID MI MTHUN PA LAS DNGOS PO YANG BUM PA LAS GZHAN DU CI'I PHYIR MI 'GYUR, DE'I PHYIR MTSAN NYID MI MTHUN PA KHO NA LAS GZHAN GYI BLO DANG SGRA 'JUG PA GRUB PAS GZHAN GYI BLO DANG SGRA'I RGYU MTSAN RJES SU 'JUG PA'I MTSAN NYID CAN GZHAN NYID GZHAN PA RTAG PAR MI BYA BA ZHIG NA, GZHAN NYID GZHAN RTOG PA YANG YIN PAS 'O NA DNGOS PO DANG BUM PA DAG LA MTSAN NYID MI MTHUN PA LA LTOS PA'I MTSAN NYID YOD PA MA YIN NO, ,DE'I PHYIR, GNYIS MTSAN MI MTHUN MTHONG NA NI, ,DNGOS LAS BUM GZHAN ZHES BYA BA DE MA YIN NO, ,JI LTAR DNGOS PO RJES SU 'JUG PA'I MTSAN NYID CAN YIN PA'I PHYIR BUM PA LAS GZHAN YIN PA DE BZHIN DU, GZHAN NYID @211A *, ,KYANG RJES SU 'JUG PA'I MTSAN NYID CAN YIN PA'I PHYIR BUM PA LAS GZHAN DU 'GYUR LA, GZHAN NYID DE LA GZHAN GYI BLO DANG SGRA 'JUG PA'I RGYU MTSAN GZHAN NYID GZHAN YOD PAR YANG MI 'GYUR RO, ,GAL TE 'GYUR NA NI GZHAN NYID RNAMS LA MTHAR THUG PA MED PA'I SKYON DU 'GYUR RO, ,CI STE GZHAN NYID MED PA KHO NAR GZHAN NYID LA GZHAN NYID KYI BLOR 'GYUR NA NI DE KHO NA LTAR GZHAN LA YANG SRID PAR 'GYUR BAR GYIS SHIG ,DE'I PHYIR CUNG ZAD KYANG MI BYED PA'I GZHAN NYID YONGS SU BRTAGS PAS CI ZHIG BYA, GZHAN NYID MED NA YANG 'GA' LA YANG GANG LAS KYANG GZHAN NYID MED DO ZHES BYA BAR GRUB PO, ,GZHAN YANG 'DI BSAM PAR BYA STE, YOD PA CI 'DRA BA ZHIG GZHAN NYID DANG LDAN PAR 'GYUR, CI GZHAN DU GYUR PA ZHIG GAM 'ON TE GZHAN MA YIN PAR GYUR PA ZHIG YIN GRANG GAL TE GZHAN DU GYUR PA ZHIG YIN NA NI, DE'I TSE GZHAN NYID DANG LDAN PA'I DON MED DO, ,'ON TE GZHAN MA YIN PAR GYUR BA YIN NA DE LTA NA YANG 'GAL BA GZHAN MA YIN PA NYID DANG LDAN PAS GZHAN NYID DANG LDAN PAR MI 'GYUR RO, ,GZHAN NYID MED PAS NA BUM PA LAS DNGOS PO GZHAN YIN NO ZHES BYA BA MI RUNG NGO, ,'JIG RTEN NA NI PHYIN CI LOG TSAD MAR BYAS TE YOD PA'I BLO DANG SGRA 'JUG PA'I RGYU MTSAN YIN PAS BUM PA'I RANG GI NGO BO KHO NA DNGOS PO ZHES BYA BAR 'JOG GI ,GZUGS LAS RNAM PA BZHIR DPYAD PA NA DE LA RANG BZHIN YOD PA MA YIN PAS DE KHO NA NYID RIG PA LA LTOS NAS BUM PA MGAL ME'I 'KHOR LO LA SOGS PA BZHIN RANG BZHIN GYIS STONG NGO ZHES BYA BAR 'GRUB BO, ,'DIR SMRAS PA, BUM PA NI YOD PA NYID DE YON TAN GYI RTEN YIN PA'I PHYIR RO, ,YOD PA MA YIN PA NI YON RTEN GYI RTEN DU MA MTHONG NA BUM PA GCIG BUM PA GNYIS ZHES BUM PA YON TAN GYI RTEN DU 'GYUR BA YANG YIN NO, ,GCIG NYID LA SOGS PA RNAMS NI YON TAN GYI TSIG GI DON GYIS BSDUS LA BUM PA NI RDZAS YIN ZHING, YON TAN RNAMS RDZAS LA BRTEN PA NYID KYANG SRID PA YIN NO, ,DE'I PHYIR YON TAN GYI RTEN YIN PA'I PHYIR BUM PA YOD PA KHO NA'O, ,'DI LA BRJOD PAR @211B BYA STE; KHYOD KYI LUGS KYIS, GAL TE GCIG BUM MI 'DOD NA, ,BUM PA'ANG GCIG TU MI 'GYUR RO, ,GAL TE TSIG GI DON THA DAD PAS GCIG BUM PAR MI 'GYUR RO SNYAM DU SEMS NA, 'O NA NI BUM PA YANG GCIG TU MI 'GYUR RO, ,JI LTAR GCIG NYID DE GCIG GI GRANGS BUM PAR MI 'GYUR BA DE BZHIN DU RDZAS NYID KYIS GCIG GI GRANGS LAS GZHAN DU 'GYUR PA'I PHYIR BUM PA YANG GCIG TU MI 'GYUR TE, GNYIS NYID LA SOGS PA BZHIN NO SNYAM DU DGONGS SO, ,GZHAN YANG BUM PA 'DI RANG BZHIN GCIG LA GCIG GIS RTOG GAM, RANG BZHIN DU MA LA YIN GRANG, ,GAL TE RANG BZHIN GCIG LA YIN NA NI DE'I TSE GCIG RTOG PA DON MED DO, ,'ON TE RANG BZHIN DU MA LA YIN NA NI DE'I TSE YANG 'GAL BA'I PHYIR MI RIGS PA NYID DO, ,DE'I PHYIR 'JIG RTEN NA DON GZHAN MI NYE BA'I BUM PA'I RANG GI NGO BO KHO NA LA GCIG TU RTOG PAR SHES PAR BYA'O, ,CI STE YON TAN RNAMS RDZAS LA BRTEN PAS BUM PA KHO NA GCIG TU 'GYUR GYI GCIG NYID NI BUM PAR MI 'GYUR RO ZHE NA, 'DI LA BRJOD PAR BYA STE, LDAN 'DI MTSUNGS PA'ANG MA YIN LA, ,DES KYANG GCIG TU MI 'GYUR RO, ,LDAN PA ZHES BYA BA NI MTSUNGS PA DAG KHO NA LA 'GYUR GYI MI MTSUNGS PA DAG LA NI MA YIN TE, DPER NA LDAN PA GNYIS LA GNAS PAS SPUN GNYI GA LA YANG SPUN ZLA NYID DANG 'BREL PA YIN GYI GANG YANG RUNG BA NI MA YIN PA BZHIN NO, ,GCIG DANG BUM PA GNYIS NI MTSUNGS PA MA YIN TE, BUM PA KHO NA GCIG NYID DANG LDAN PA'I PHYIR LA GCIG NYID BUM PA DANG MI LDAN PA'I PHYIR TE, YON TAN RNAMS NI RDZAS LA BRTEN PA'O ZHES KHAS BLANGS PA'I PHYIR RO, ,DE LA GANG GI PHYIR GCIG NI YON TAN DU MTHONG LA BUM PA NI RDZAS YIN ZHING RDZAS DANG YON TAN GNYIS KYANG MTSUNGS PAR MI 'GYUR BA DE'I PHYIR DE GNYIS LDAN PA NYID DU MI 'GYUR RO, ,LDAN PA MED PAS KYANG GANG GCIG DANG LDAN PA LAS BUM PA KHO NA GCIG TU 'GYUR RO ZHES BYA BA DE YANG MA YIN NO, ,GAL TE 'DIR LDAN PA MTHONG NA NI DE'I TSE BUM PA YANG GCIG DANG LDAN PAR 'GYUR LA GCIG KYANG BUM PA DANG LDAN PAR 'GYUR NA, DE NI DE LTAR SRID PA YANG @212A *, ,MA YIN PAS DE GNYIS KYI LDAN PA NYID MI 'THAD DO, ,LDAN PA MED PAS KYANG GCIG BUM PAR MI 'GYUR BAS BUM PA YANG GCIG MA YIN NO, ,DE'I PHYIR 'DIR PHYED SNGA MAS NI LDAN PA KHAS BLANGS NAS SUN 'BYIN PA BSHAD LA, PHYED PHYI MAS NI LDAN PA MI SRID PA'I SGO NAS SUN 'BYIN PA BSHAD DO, ,KYANG GI SGRA NI SUN 'BYIN PA'I RGYU BSDU BA'I DON DU BLTA BAR BYA'O, ,GZHAN YANG PHA ROL PO'I GZHUNG LUGS LA, GANG YON TAN RNAMS RDZAS LA BRTEN PAR RNAM PAR 'JOG CING KHYAD PAR GYI YON TAN RNAMS YON TAN LA BRTEN PAR NI MA YIN PA CHES MI RIGS PA 'DI SNANG NA, YON TAN RNAMS KYANG YON TAN LA BRTEN PA NYID DU RIGS PA YANG MA YIN NO, ,'DI NA BUM PA BOD TSAD CI TZAM YIN PA DE TZAM KHO NAR DE'I RTEN CAN GYI GZUGS KYANG 'GYUR DGOS SO, ,DE'I PHYIR RDZAS LTAR GZUGS KYANG CHEN PO NYID DU 'GYUR RO, ,GANG TSE RDZAS [?] CI TZAM GZUGS NA, ,DE'I TSE GZUGS CHEN CI STE MIN, ,GANG GI TSE RDZAS CI TZAM STE, RDZAS KYI CHU ZHING GI BDAG NYID CAN GYI DBYIBS JI TZAM YIN PA DE TZAM GZUGS TE GZUGS KYI CHU ZHENG GI BDAG NYID CAN GYI DBYIBS YIN NO ZHES GZHAN GYIS KHAS BLANGS PA DE'I TSE NGES PAR PHRA BA DANG CHE BA'I RDZAS DE LA GZUGS KYANG PHRA BA DANG CHE BA NYID DU 'GYUR DGOS SO, ,DE'I PHYIR GANG RDZAS BZHIN DU GZUGS LA PHRA BA DANG CHEN PO NYID DAG MI 'DOD PA 'DI LA RGYU CI ZHIG YOD, ,CI STE GZUGS NI YON TAN YIN ZHING PHRA BA NYID DANG CHEN PO NYID KYANG YON TAN KHO NA YIN LA, YON TAN NI YON TAN GYI DBYIBS SU YANG MI 'GYUR BA ZHES BYA BA ZHES BYA BA 'DI NI KHO BO CAG GI LUGS YIN TE DE'I PHYIR RDZAS JI TZAM YIN PA DE TZAM KHO NAR GZUGS KYANG YIN MOD KYI DE LTAR NA YANG GRUB PA'I MTHA' DANG 'GAL BA'I 'JIGS PAS GZUGS LA PHRA BA NYID DANG CHEN PO NYID DAG YOD PA MA YIN NO SNYAM NA, BRJOD PAR BYA STE, GAL TE PHYIR RGOL GZHAN MIN NA, ,GZHUNG LUGS BSNYAD PAR BYA BAR 'GYUR, ,GAL TE PHYIR RGOL KHYOD RANG GI SDE TSAN NYID DU 'GYUR NA NI DE'I DE LA GNOD PAR NUS PAS DE BZLOG PAR BYA BA'I PHYIR DE LA GRUB PA'I MTHA' DANG 'GAL @212B BAR BRJOD PAR RIGS NA, GANG GI TSE PHA ROL PO PHYIR RGOL BA YIN NA NI DE LA GRUB PA'I MTHA' DANG 'GAL BA BRJOD PA CI YANG MI BYED PA ZHIG STE, DE'I GRUB PA'I MTHA' DE SEL BAR ZHUGS PA'I PHYIR RO, ,DE LA RIGS PA DANG 'JIG RTEN DANG 'GAL BA BRJOD PA NI RIGS TE, DE'I SGO NAS DE BZLOG PAR NUS PA'I PHYIR RO, ,DE'I PHYIR LUNG DANG 'GAL BA BRJOD PA GANG YIN PA 'DI NI LAN MA YIN PA NYID PAS NYES PA DE NYID MA G-YOS PA YIN NO, ,DE'I PHYIR DNGOS PO DANG BUM PA GNYIS LA GZHAN NYID MED DO, ,DE'I PHYIR 'DIR YOD PA GZHAN NYID BKAG PAS DE LAS GZHAN BUM PA NYID LA SOGS PA SPYI DANG BYE BRAG RNAMS DGAG PA YANG SHES PAR BYA STE, SPYI'I YON TAN RNAMS NI GRANGS DANG 'DRA LA BYE BRAG GI YON TAN RNAMS NI CHEN PO NYID DANG 'DRA'O, ,'DIR SMRAS PA, BUM PA LA SOGS PA DAG LAS DNGOS PO GZHAN NYID YIN PA DGAG PA NI BSHAD NA, BUM PA'I RANG BZHIN NI MA BKAG PAS DNGOS PO BUM PA ZHES BYA BA RANG GI NGO BOS YOD PA KHO NA'O, ,BRJOD PAR BYA STE, MTSAN NYID KYIS KYANG MTSAN GZHI NI, ,GANG DU GRUB PA YOD MIN PA, ,DER NI GRANGS SOGS THA DAD PAR, ,DNGOS PO YOD PA MA YIN NO, , 'DIR BUM PA DANG YOD PA DAG LA LDOG PA DANG RJES SU 'JUG PA'I MTSAN NYID SMRA BA NA, PHA ROL POS BUM PA LA LDOG PA'I MTSAN NYID RNAM PAR GZHAG STE, DE'I PHYIR MTSAN NYID 'DIS KYANG MTSAN GZHI GRUB PA MED DO, ,GANG ZHIG MTSAN GZHI NYID DU GRUB PAR 'GYUR BA LDOG PA TZAM GYIS DNGOS PO RNAMS KYI DNGOS PO'I RANG GI NGO BO NGES PAR MI NUS SO, ,RE ZHIG GCIG NI YON TAN YIN PA'I PHYIR BUM PAR MI 'GYUR LA, PHRA BA DANG CHEN PO ZHES BYA BA DANG, GZUGS LA SOGS PA RNAMS KYANG YON TAN YIN PA'I PHYIR BUM PA ZHES BYA BAR MI 'GYUR RO, ,YOD PA YANG RDZAS DANG YON TAN DANG LAS RNAMS KYI SPYI YIN PA'I PHYIR BUM PAR MI 'GYUR RO, ,DE'I PHYIR 'DI GRANGS DANG PHRA BA DANG CHEN PO DANG GZUGS LA SOGS PA RNAMS LAS LDOG PA NI RANG BZHIN 'DI 'DRA BA ZHIG GO ZHES BYA BAR RNAM PAR GZHAG PAR MI NUS @213A *, ,SO; ,DE'I PHYIR DE LTAR RGOL BA GZHAN GYI PHYOGS GANG DU MTSAN NYID KYIS KYANG MTSAN GZHI'I BUM PA'I RANG GI NGO BOS GRUB PA YOD PA MA YIN PA'I PHYOGS DER DNGOS PO BUM PA ZHES BYA BA'I GRANGS LA SOGS PA LAS THA DAD PAR RANG GI NGO BO YOD PA MA YIN NO, ,DE'I PHYIR BUM PA RANG BZHIN GYIS STONG NGO ZHES BYA BAR GRUB BO, ,RNAM PA GCIG TU NA GRANGS DANG GZUGS LA SOGS PA DAG NI BUM PA'I MTSAN NYID YIN LA BUM PA NI DE DAG GIS MTSON PAR BYA BA YIN PAS MTSAN GZHI YIN TE, DE LA NI MTSAN NYID KYANG RANG GI NGO BO LOGS SU GRUB PA YOD PA MA YIN TE, GRANGS LA SOGS PA LAS THA DAD PAR DE'I RANG GI NGO BO MA DMIGS PA'I PHYIR RO, ,GAL TE MTSAN GZHI DE RANG GI NGO BOS RNYED NA NI DE'I TSE NGES PAR 'DI NI BUM PA'I RANG GI NGO BOS GRANGS LA SOGS PA LAS THA DAD PA DE YIN LA, YANG 'DI NI DE'I MTSAN NYID GRANGS LA SOGS PA'O ZHES GRANGS LA SOGS PA THA DAD PAR GZUNG DU YOD PAR 'GYUR NA, 'DI NI DE LTAR YANG MA YIN NO, ,DE'I PHYIR, MTSAN NYID KYIS KYANG MTSAN GZHI NI, ,GANG DU GRUB PA YOD MIN PA, ,DER NI GRANGS SOGS THA DAD PAR, , DNGOS PO YOD PA MA YIN NO, DE'I PHYIR BUM PA RANG GI NGO BOS MED DO, ,RE ZHIG MTSAN NYID DANG MTSAN GZHI DAG GZHAN NYID YIN DANG DGAG PA BSHAD ZIN TO, ,GANG ZHIG GI BUM PA GZUGS LA SOGS PA RNAMS DANG GCIG PA GRUB PA'I MTHA' YIN PA DE DGAG PA'I PHYIR 'DI BRJOD PAR BYA STE, MTSAN NYID RNAMS DANG SO SO NI, ,MIN PHYIR BUM PA GCIG MA YIN, ,RE RE BUM PA MED NA NI, ,MANG NYID 'THAD PAR MI 'GYUR RO, ,GANG DAG GZUGS LA SOGS PA RNAMS NI MTSAN NYID SNA TSOGS PA YIN ZHING DE RNAMS DANG BUM PA SO SO MA YIN PA NYID DU 'DOD PA DE DAG GI LTAR NA, BUM PA MTSAN NYID GZUGS LA SOGS PA RNAMS DANG SO SO MA YIN PA'I PHYIR GCIG TU MI 'THAD DE MANG PO RNAMS DANG GZHAN MA YIN PA'I PHYIR RO, ,DE LA GAL TE BUM PA GCIG TU MI 'GYUR NA 'O NA MANG PO NYID DU 'GYUR RO SNYAM DU @213B 'DOD NA 'DI LA BRJOD PAR BYA STE, GANG GI PHYIR GZUGS LA SOGS PA RNAMS LAS RE RE LA BUM PA MED PA MTHONG BA DE'I PHYIR MANG PO NYID KYANG YOD PA MA YIN NO, ,'DIR SMRAS PA, GAL TE GZUGS LA SOGS PA MTSAN NYID RNAMS DANG SO SO MA YIN PA'I PHYIR BUM PA LA GCIG MED NA, DE RNAMS PHAN TSUN SBYOR BA LAS BUM PA GCIG TU 'GYUR RO, ,'DI LA BRJOD PAR BYA STE, REG LDAN REG DANG MI LDAN DANG, ,LHAN CIG SBYOR BA ZHES BYA MED, ,DE'I PHYIR GZUGS SOGS RNAMS SBYOR BA, ,RNAM PA KUN TU'ANG RIGS MA YIN, ,DE LA REG PAS NA REG PA STE LUS KYI DBANG PO'I GZUNG BAR BYA BA NYID DO, ,DE 'DI LA YOD PAS NA REG LDAN NO, ,LUS KYI DBANG PO'I GZUNG BAR BYA BA YIN PA'I PHYIR REG BYA KHO NA REG LDAN YIN TE, REG BYA REG PA DANG LDAN PA DE GZUGS DANG, DRI DANG, RO DANG, REG PA DANG MI LDAN PA RNAMS DANG SBYOR BA STE, PHRAD CING REG PA MI SRID DE DPER NA NAM MKHA' DANG BUM PA BZHIN NO, ,GANG GI PHYIR 'DI DE LTAR YIN PA DE'I PHYIR GZUGS LA SOGS PA RNAMS KYI SBYOR BA RNAM PA THAMS CAD DU MI SRID DO, ,GANG GI TSE DE LTAR YIN PA DE'I TSE GZUGS LA SOGS PA RNAMS KYI KHYAD PAR PHAN TSUN PHRAD PAS BYAS PA LAS TSOGS PA'I RGYU CAN BUM PA YIN NO ZHES BYA BA GANG SMRAS PA DE MI RIGS SO, ,CI STE PHAN TSUN REG PA MED PAR YANG DE RNAMS KYI TSOGS PA NYID DU BUM PA ZHES BYA BAR 'GYUR RO ZHE NA, DE YANG YOD PA MA YIN TE; 'DI LTAR, GZUGS NI BUM PA'I YAN LAG STE, ,DES NA RE ZHIG DE BUM MIN, ,GANG PHYIR YAN LAG CAN MED PA, ,DES NA YAN LAG KYANG YOD MIN, ,GZUGS LA SOGS PA'I TSOGS PA'I NGO BO CAN BUM PA'I GZUGS LA SOGS PA RNAMS NI RE RE ZHING YAN LAG TU GYUR PA'I PHYIR BUM PA'I BRJOD PA LA BRTEN PAR MI 'GYUR RO, ,BUM PA NI YAN LAG CAN YIN LA GZUGS LA SOGS PA NI YAN LAG YIN NO, ,RE ZHIG GZUGS NI YAN LAG YIN PA'I PHYIR BUM PA MA YIN NO, ,GZUGS JI LTAR YIN PA DE BZHIN DU DRI LA SOGS PA DAG LA YANG BRJOD @214A *, ,PAR BYA'O, ,GAL TE 'O NA NI GZUGS YAN LAG YIN PA'I PHYIR YAN LAG CAN ZHES BYA BA DE 'GA' ZHIG YOD PA MA YIN NAM, YAN LAG CAN LA MI LTOS PA'I YAN LAG DAG NI MI RIGS SO ZHE NA, BSHAD PAR BYA STE, ,'DIR GZUGS LA SOGS PA RE RE LA BUM PA NYID MED NA YAN LAG CAN 'GA' ZHIG LTA GA LA YOD, ,YAN LAG CAN ZHES BYA BA GZUGS LA SOGS PA LAS THA DAD PAR YONGS SU BCAD PAR NUS PA MA YIN LA, RANG GI NGO BO YONGS SU MA BCAD PA NI YOD PA NYID DU GZHAG PAR NUS PA YANG MA YIN PAS YAN LAG CAN MED DO, ,GANG GI PHYIR YAN LAG CAN MED PA'I PHYIR GZUGS YAN LAG NYID DU YANG MI SRID PAS YAN LAG DANG YAN LAG CAN GNYIS MED PA NYID DO, ,'DI LAS KYANG, GZUGS LA SOGS PA TSOGS PA BUM PA MA YIN TE, GANG GI PHYIR, GZUGS RNAMS KUN LA'ANG GZUGS NYID NI, ,MTSAN NYID MI MTHUN MA YIN NA, ,GCIG LA BUM PA YOD 'GYUR ZHING, ,GZHAN DAG LA MIN RGYU CI ZHIG ,GZUGS RNAMS KUN LA'ANG ZHES BYA BA NI GZUGS KYI PHUNG POS BSDUS PA YIN PA'I PHYIR GZUGS DANG DRI LA SOGS PA RNAMS LA GZUGS ZHES BYA'O, ,GZUGS DE RNAMS BUM PA LTAR SNAM BU LA SOGS PA DAG LA YANG YOD LA, DE RNAMS BUM PA LA SOGS PA THA DAD KYANG RANG GI MTSAN NYID LA 'KHRUL PA YANG MA YIN TE, THAMS CAD DU NGO BO MTSUNGS PA'I PHYIR RO, ,DE LA JI LTAR GZUGS GCIG BUM PA NYID DU GNAS PA DE BZHIN DU SNAM BU LA SOGS PA DANG 'BREL PA'I GZUGS GZHAN YANG BUM PA NYID DU GNAS PAR CI'I PHYIR MI 'DOD, DE YANG BUM PA NYID DU GNAS PAR NI MI RIGS TE, MTSAN NYID THA MI DAD PA'I PHYIR BUM PA NYID DU GNAS PA'I GZUGS LA SOGS PA BZHIN NO, ,DE LTAR KHAS MI LEN PA LA NI RGYU NYID YOD PA MA YIN TE, DE'I PHYIR THAMS CAD BUM PA NYID KHO NAR 'GYUR BA'AM, YANG NA BUM PA YANG BUM PA MA YIN PA NYID DU 'GYUR RO, ,JI LTAR BUM PA LA SOGS PA RNAMS THA MI DAD PAR THAL BAR 'GYUR BA DE BZHIN DU @214B GZUGS DANG DRI LA SOGS PA RNAMS KYANG THA MI DAD PAR THAL BAR 'GYUR TE, BUM PA GCIG LAS GZHAN MA YIN PA'I PHYIR RO, ,CI STE DE RNAMS BUM PA LAS GZHAN MA YIN PA NYID YIN MOD KYI, DE LTA NA YANG GZUGS DANG RO LA SOGS PA DAG LA THA DAD PA YOD DE DE'I PHYIR THA MI DAD PAR THAL BA MED DO SNYAM NA, 'DI YANG MI RIGS SO ZHES BSTAN PA'I PHYIR BSHAD PA, RO SOGS DAG LAS GZUGS GZHAN ZHING, ,BUM LAS MIN ZHES KHYOD 'DOD NA, ,DE RNAMS MA RTOGS RANG MED GANG, ,GANG DE GZUGS GZHAN JI LTAR MIN, ,GAL TE DBANG PO THA DAD PA'I GZUNG BAR BYA BA YIN PA'I PHYIR GZUGS RO LA SOGS PA DAG LAS GZHAN DU RNAM PAR 'JOG NA NI GZUGS DE BUM PA LAS KYANG GZHAN YIN NO ZHES BYA BAR CI STE MI GZHAG ,DE GZUGS LAS GZHAN RO LA SOGS PA DAG LAS THA MI DAD PA'I PHYIR RO LA SOGS PA'I RANG GI BDAG NYID LTAR GZUGS LAS GZHAN NYID DU 'GYUR NA, GZHAN NYID DU 'DOD PA YANG MA YIN PAS 'DI MI RIGS SO, ,GANG GI TSE DE LTAR GZUGS LA SOGS PA RNAMS LA BUM PA'I RGYU NYID MI SRID PA DE'I TSE NGES PAR, BUM PA LA NI RGYU YOD MIN, ,RGYU DANG BRAL BA LA NI RANG NYID LA RGYU MED PA CAN GYI 'BRAS BU NYID MED PAS RANG NYID 'BRAS BUR MI 'GYUR TE, GANG GI PHYIR DE LTAR 'DI RGYU MED PA'I 'BRAS BU NYID MI SRID PA, DE'I PHYIR GZUGS SOG SNGA LAS GZHAN DU, ,BUM PA 'GA' YANG YOD MA YIN, ,GZUGS LA SOGS PA LAS THA DAD PAR BUM PA 'BRAS BUR GYUR PAR MA DMIGS PA'I PHYIR RO, ,GZUGS LA SOGS PA LAS THA DAD PA'I BUM PA MED DO ZHES BYA BAR GRUB BO, ,CI STE BUM PA NI GZUGS LA SOGS PA'I NYE BAR LEN PA CAN MA YIN PA KHO NA'O, ,'O NA CI ZHE NA, RANG GI YAN LAG TU GYUR PA'I RGYU GYO MO RNAMS LA LTOS NAS BUM PA 'BRAS BU NYID YIN LA GYO MO RNAMS NI RGYU NYID YIN NO SNYAM DU SEMS NA 'DI YANG SNYING PO MED DO ZHES BSHAD PA, BUM PA RGYU LAS GRUB 'GYUR ZHING, ,RGYU NI GZHAN LAS GRUB 'GYUR NA, ,GANG LA RANG LAS GRUB MED PA, ,DE YIS GZHAN PO JI LTAR BSKYED, , @215A *, ,GAL TE BUM PA'I RGYU GYO MO RNAMS LAS RTEN NAS BUM PA 'GRUB NA DE'I TSE GYO MO DE RNAMS GANG LA LTOS NAS 'GRUB, RE ZHIG DE RNAMS NGO BO NYID KYIS 'GRUB PA NI MA YIN TE RGYU MED PA CAN NYID DU THAL BAR 'GYUR BA'I PHYIR RO, ,CI STE DE RNAMS LA YANG RGYU GANG ZHIG 'DOD NA, 'O NA NI GYO MO RNAMS LA RANG GI NGO BO GRUB PA MED DE DE RNAMS KYANG RGYU GSEG MA LA LTOS PA'I PHYIR RO, ,GYO MO GANG DAG LA RANG NYID LAS GRUB PA YOD PA MA YIN PA DE RNAMS KYIS NI JI LTAR GZHAN RANG GI NGO BOS GRUB PAR 'GYUR, DE'I PHYIR BUM PA MED DO; ,BUM PA 'GOG PAR BYED PA'I TSUL GANG YIN PA 'DI NYID NI 'BRAS BU THAMS CAD MI 'GRUB PA LA YANG SBYAR BAR BYA'O, ,'DIR SMRAS PA, GZUGS LA SOGS PA TSOGS PA RNAMS LA BUM PAR BRJOD PA'I PHYIR GZUGS LA SOGS PA MANG PO NYID YIN YANG BUM PA MANG PO NYID DU THAL BAR MI 'GYUR RO, ,'DI YANG MI RIGS TE, TSOGS PA NYID MED PA'I PHYIR RO, ,'DI LTAR 'PHROD PA 'DUS PAR GYUR KYANG GZUGS DRI NYID DU NI MI 'THAD DE, DES NA BUM PA BZHIN TSOGS PA, ,GCIG NYID DU NI MI RIGS SO, ,GZUGS LA SOGS PA RNAMS TSOGS KYANG TSOGS PA LA GNAS PA RNAMS KYIS RANG RANG GI MTSAN NYID MI 'DOR RO, ,DE'I PHYIR JI LTAR TSOGS PA'I GNAS SKABS NA GZUGS LA RANG GI NGO BOS YONGS SU BTANG BA LAS DRI NYID MI SRID PA DE BZHIN DU DU MA'I RTEN CAN GYI TSOGS PA LA GCIG NYID MI SRID DO, ,TSOGS PA DE NI GZUGS LA SOGS PA RNAMS LAS THA MI DAD LA GZUGS LA SOGS PA DE RNAMS KYANG PHAN TSUN DU THA DAD NA GZUGS LA SOGS PA RNAMS LAS THA MI DAD PA'I TSOGS PA GCIG TU JI LTAR 'GYUR, DPE BSHAD PA NI BUM PA BZHIN ZHES BYA BA STE, JI LTAR, MTSAN NYID RNAMS DANG SO SO NI; ,MIN PHYIR BUM PA GCIG MA YIN, ,ZHES BYA BA LA SOGS PA BSHAD PA DE BZHIN DU 'DIR YANG, MTSAN NYID RNAMS DANG SO SO NI, ,MIN PHYIR TSOGS LA GCIG MED DO, ,DE LTAR NA, DES NA BUM PA BZHIN TSOGS PA, ,GCIG NYID DU NI MI RIGS SO, ,DE'I PHYIR @215B TSOGS PA MI SRID PAS GZUGS LA SOGS PA LA YANG BUM PA BRTAG PAR MI RIGS SO, ,JI SKAD DU BSHAD PA'I RNAM PAR DPYAD PAS, JI LTAR GZUGS SOGS MA GTOGS PAR, ,BUM PA YOD PA MA YIN PA, ,DE BZHIN RLUNG LA SOGS PA NI, ,MA GTOGS GZUGS KYANG YOD MA YIN, ,JI LTAR GZUGS LA SOGS PA MA GTOGS PAR BUM PA MA GRUB PA DE BZHIN DU BUM PAR BTOGS PA'I NYE BAR LEN PAR GYUR PA GZUGS LA SOGS PA RNAMS KYANG RLUNG LA SOGS PA 'BYUNG BA CHEN PO BZHIN NI MA GTOGS PAR MI 'GRUB STE, RGYU MED PA CAN NYID DU THAL BAR 'GYUR BA'I PHYIR RO, ,YANG JI LTAR RLUNG LA SOGS PA MA GTOGS PAR GZUGS DANG DRI LA SOGS PA MI SRID PA DE BZHIN DU 'BYUNG BA CHEN PO RNAMS KYANG PHAN TSUN MA GTOGS PAR 'GRUB PA MED PAS RANG GI NGO BOS MA GRUB PAR BRJOD PA'I PHYIR BSHAD PA, TSA BA ME NYID DU 'GYUR TE, ,TSA BA MIN PA JI LTAR SREG ,DES NA BUD SHING ZHES BYA BA, ,YOD MIN DE MED ME YOD MIN, ,'DI NI ME NI SREG PA PO YIN LA 'BYUNG BA GSUM NI BSREG PAR BYA'O, ,DE'I PHYIR BUD SHING ZHES BYA BA 'BYUNG BA CHEN PO GSUM PO DE ME KHO NAS BSREG GI GZHAN GYIS NI MA YIN LA BUD SHING KHO NA TSIG PAR 'GYUR GYI GZHAN NI MA YIN NO, ,DE LA GAL TE BUD SHING TSA BA MES BSREGS NA NI DE'I TSE TSA BA DE ME KHO NAR 'GYUR GYI BUD SHING NI MA YIN NO, ,TSA BA MA YIN PA LA YANG SREG PA MI SRID PAS TSA BA MA YIN PA YANG BUD SHING MA YIN NO, ,DE'I PHYIR DE LTAR NA RNAM PA THAMS CAD DU DES BSREG PAR BYA BA MI SRID PAS GANG ZHIG 'BYUNG BA GSUM GYI BDAG NYID CAN DU GYUR PA BUD SHING ZHES BYA BA MED DO, ,GANG GI TSE DE LTAR ME MA GTOGS PAR BUD SHING ZHES BYA BA GZHAN MI SRID PA DE'I TSE BUD SHING MED DANG RGYU MED PA'I ME YANG MI SRID PAS, ,DE MED ME YOD MA YIN NO, ,'DIR SMRAS PA, BUD SHING NI SRA BA LA SOGS PA'I NGO BO YIN PAS TSA BA MA YIN PA'I BDAG NYID CAN ZHIG STE, DE TSA BA'I RANG BZHIN GYI MES ZIL GYIS MNAN PA LAS TSA BAR @216A *, ,'GYUR LA, TSA BA YIN DANG BSREG PAR BYA BAR 'GYUR RO ZHE NA, DE LTAR YONGS SU BRTAGS NA YANG BUD SHING ZHES BYA BA'I DON TE, GAL TE ZIL MNAN TSA NA YANG, ,DE YANG CI STE MER MI 'GYUR, ,GAL TE BUD SHING ZHES BYA BA'I DON TSA BA'I RANG BZHIN MA YIN PA YANG MES ZIL GYIS MNAN TE TSA BAR 'GYUR RO SNYAM DU RTOG NA DE YANG ME KHO NAR 'GYUR TE TSA BA'I RANG BZHIN YIN PA'I PHYIR RO, ,DE'I PHYIR BUD SHING MED PA NYID DU 'GYUR RO, ,'ON TE MI TSA NA DNGOS GZHAN, ,ME LA YOD CES BYAR MI RUNG, ,CI STE DON DE ZIL GYIS MNAN YANG TSA BA MA YIN PA NYID DU 'DOD NA, 'O NA NI ME LAS GZHAN PA'I DNGOS PO BUD SHING ZHES BYA BA DANG 'BYUNG BA GSUM PO TSA BA DANG 'GAL BAS TSA BA MA YIN PA'I RANG BZHIN CAN DE, ME LA YOD DO ZHES BYA BAR MI RIGS SO, ,DE'I PHYIR 'BYUNG BA GSUM DANG BRAL BA'I ME TZAM ZHIG TU 'GYUR NA, 'BYUNG BA CHEN PO 'DI RNAMS LA NI PHAN TSUN MED PAR 'BYUNG BA YOD PA MA YIN PA DE'I GRUB PA'I MTHA' DANG 'GAL BA'I PHYIR RO, ,ME LA BUD SHING ZHES BYA BA'I DNGOS PO GZHAN MED PAS ME RGYU MED PA CAN NYID DU YANG 'GYUR BAS 'DI NI MI RIGS SO, ,CI STE ME'I RDZAS KYI RDUL PHRA RAB LAS 'BYUNG BA GSUM MED PAS BUD SHING MED PAR YANG ME YOD PA NYID DO SNYAM DU SEMS NA BSHAD PAR BYA STE, GAL TE RDUL LA SHING MED NA, ,DES NA SHING MED ME YOD DO, ,DE'I PHYIR RGYU MED PA CAN NYID KYI SKYON DU THAL PA DE NYID KYI DON DU 'GYUR RO; ,RGYU MED PA NYID DU THAL BA'I SKYON DE NYID KYI PHYIR BYE BRAG PA DAG LTAR RANG GI SDE PA RNAMS KYIS RDZAS KYI RDUL PHRA RAB KHAS BLANG BAR MI RIGS SO, ,BYE BRAG BA'I RDUL PHRA RAB TU SMRA BA NA RAB TU BYED PA DGU PA NYID LAS BKAG PA'I PHYIR YANG MI DGAG GO, ,CI STE ME RGYU MED PA CAN NYID DU THAL BAS 'JIGS NAS RDUL PHRA RAB LA BUD SHING YOD PAR RTOG NA, DE'I PHYIR, GAL TE DE LA'ANG SHING YOD NA, ,GCIG GI BDAG CAN RDUL YOD MIN, ,GAL TE RDUL LA BUD SHING YOD DO ZHES BYA BAR RTOG NA, 'O NA NI ME'I RDZAS KYI RDUL PHRA RAB GCIG GI NGO BOR @216B YOD DO ZHES KHAS BLANG BAR MI BYA'O, ,RDZAS BRGYAD LHAN CIG 'BYUNG BAR NGES PA RDUL PHRA RAB GCIG GI BDAG NYID MED PA 'BA' ZHIG TUM ZAD KYI 'ON KYANG DE LAS GZHAN PA'I DNGOS PO YANG STE, DNGOS PO GANG YANG YONGS BTAGS PA, ,DE DANG DE LA GCIG NYID MED, ,JI LTAR DE LAS GZHAN LA GZHAN YOD PAS 'BYUNG BA CHEN PO RNAMS LA GCIG GI BDAG NYID CAN YOD PA MA YIN PA DE BZHIN DU RGYU MED PA CAN NYID DU THAL BAR 'GYUR BAS 'BYUNG BA LAS GYUR PA YANG 'BYUNG BA RNAMS MED PAR RKYANG BA MED DO, ,DE BZHIN DU SEMS MED PAR SEMS LAS BYUNG BA RNAMS MI SRID LA, SEMS LAS BYUNG BA RNAMS MED PAR YANG SEMS MA YIN NO, ,DE BZHIN DU SKYE BA LA SOGS PA MTSAN NYID RNAMS MED PAR MTSAN GZHI GZUGS LA SOGS PA YOD PA MA YIN LA, MTSAN GZHI MED PA YANG RTEN MED PA'I MTSAN NYID MI SRID DO, ,GANG GI PHYIR DE LTAR DNGOS PO GCIG PO 'GA' LA YANG GRUB PA YOD PA MA YIN PA DE'I TSE GCIG PA RNAMS KYI TSOGS PA MED NA DU MA GRUB PA RGYANG RING DU SPANGS PA NYID DO ZHES BSHAD PA, GANG GIS GCIG KYANG YOD MIN PA, ,DES NA DU MA DAG KYANG MED, ,RE RE MA GRUB PA YIN DANG TSOGS PA RNAMS KYANG GRUB PA MED DO, ,CI STE LHAN CIG 'BYUNG BAR NGES PAR KHAS BLANGS PAS SUN DBYUNG BA 'DI RANG GI SDE PA LA 'THAD KYI PHA ROL PO LA NI MA YIN TE, SA LA SOGS PA'I RDUL PHRA RAB DE LAS GZHAN PA'I DNGOS PO LA YOD PA DANG BRAL BA BRTAG PA RNAMS YOD PA NYID DU KHAS BLANGS PA'I PHYIR RO SNYAM NA, DE LA YANG MI RIGS PA NYID DU BRJOD PA'I PHYIR BSHAD PA, GAL TE GANG NA DNGOS DE RNAMS, ,MED DER GCIG YOD CES 'DOD NA, ,DE YANG YANG DAG MA YIN NO, ,CI'I PHYIR ZHE NA, GANG GIS KUN LA GSUM NYID YOD, ,DES NA GCIG NYID YOD MA YIN, ,PHA ROL PO LA YANG GCIG CES BYA BA'I DNGOS PO 'GA' YANG YOD PA MA YIN TE, GANG GI PHYIR DE LA YANG SA'I RDUL PHRA RAB LA RDZAS NYID DANG GCIG NYID DANG YOD PA NYID CES BYA BA GSUM YOD LA, DE BZHIN DU YON TAN LA YON TAN NYID DANG YOD PA NYID DANG @217A *, ,GCIG NYID CES BYA BA YOD DO, ,GANG GI PHYIR GSUM YOD PA DE'I PHYIR GCIG CES BYA BA DNGOS PO 'GA' YANG YOD PA MA YIN NO, ,DE BZHIN DU GRANGS CAN LA YANG THAMS CAD YON TAN GSUM GYI BDAG NYID CAN YIN PA'I PHYIR GCIG GI DNGOS PO 'GA' YANG MED PAS 'GA' YANG BSHAD ZIN PA'I SUN 'BYIN PA LAS MI 'DA'O, ,GZHAN YANG SUN 'BYIN PA'I TSUL 'DI MKHAS PAS RGOL BA THAMS CAD KYI PHYOGS BSAL BAR BYA BA'I PHYIR SBYAR BAR BYA'O ZHES BSLAB PA'I PHYIR SLOB DPON GYIS BSHAD PA, YOD DANG MED DANG YOD MED DANG, ,YOD MED MIN ZHES BYA BA'I TSUL, ,'DI NI MKHAS PAS GCIG NYID SOGS, ,DAG LA RTAG TU SBYAR BAR BYA, ,GCIG NYID LA SOGS PA DAG NI GCIG NYID DANG, GZHAN NYID DANG, GNYI GA DANG, GNYI GA MA YIN PA ZHES BYA BA STE, BLO BZANG POS RGOL BA RNAMS KYI GCIG NYID LA SOGS PA'I PHYOGS RNAM PAR GNAS PA DE DAG LA GO RIMS JI LTA BA BZHIN DU YOD PA DANG MED PA NYID LA SOGS PAS MTSON PA'I SUN 'BYIN PA'I PHYOGS TSUL GZHUG PAR BYA'O, ,DE LA 'BRAS BU YOD PAR SMRA BA'I PHYOGS NI RGYU DANG 'BRAS BU GNYIS GCIG PA NYID CES BYA BA STE, DE LTAR NA 'BRAS BU DE'I RGYU'I BDAG NYID DU RNAM PAR GNAS PA NYID DU GYUR PA 'BRAS BU'I BDAG NYID DU YONGS SU 'GYUR BA STE MED PA NI BYA BAR MI NUS SO, ,GAL TE 'BYUNG NA NI DE'I TSE THAMS CAD LAS THAMS CAD 'BYUNG BAR 'GYUR NA, THAMS CAD LAS THAMS CAD 'BYUNG BAR MTHONG BA YANG MA YIN TE, 'O MA LA SOGS PA KHO NA LAS ZHO LA SOGS PA SO SOR NGES PAR MTHONG BA'I PHYIR RO, ,DE'I PHYIR RGOL BA DE'I LTAR NA RGYU DANG 'BRAS BU DAG GCIG NYID DU KHAS BLANGS PAS 'BRAS BU YOD PA NYID DU SKYE STE DE LTAR NA GCIG NYID KYI PHYOGS SO, , GCIG NYID KYI PHYOGS DE LA 'BRAS BU YOD PAR SMRA BA DPYAD PA'I SGO NAS SUN 'BYIN PA RTAG TU BRJOD PAR BYA STE, DE YANG, 'BRAS BU YOD NYID GANG 'DOD LA, KHYIM GYI DON DU KA BA LA, ,SOGS PA'I RGYAN NI DON MED 'GYUR, ,ZHES BYA BA 'DIS BSHAD LA, DE BZHIN DU, GANG ZHIG @217B 'BYUNG BAR BYED PA DE, ,SNGAR YOD CES BYAR MI RIGS TE, ,GAL TE YOD PA SKYE 'GYUR NA, ,SKYES ZIN PA'ANG 'BYUNG BAR 'GYUR, ,GAL TE BYAS PA MED KYANG CHOS, ,YOD NA DES SDOM DON MED 'GYUR, ,CI STE CUNG ZAD BYED NA YANG, ,'BRAS BU YOD PA MI SRID DE, , ZHES BSHAD DO, ,DE LTAR MKHAS PA RNAMS KYIS 'BRAS BU YOD PAR SMRA BAS NYE BAR MTSON PA'I SUN 'BYIN PA GCIG NYID KYI PHYOGS LA SBYAR BAR BYA'O, ,'BRAS BU MED PAR SMRA BA NI RGYU DANG 'BRAS BU DAG GZHAN NYID DU SMRA BA DAG GO, ,DE DAG GIS NI YOD PA SKYE BA DON MED PAR SEMS SHING 'BRAS BU MED PA KHO NA SKYE'O ZHES RTOGS TE, DE DAG GI GZHAN NYID KYI PHYOGS LA YANG 'BRAS BU MED PAS NYE BAR MTSON PA'I SUN 'BYIN PAR BRJOD PAR BYA'O, ,DE YANG, 'BRAS BU MED NYID GANG 'DOD LA, ,KHYIM GYI DON DU KA BA LA, , SOGS PA'I RGYAN NI DON MED 'GYUR, ,ZHES BSHAD DO, ,GANG DAG RGYU DANG 'BRAS BU GNYIS GCIG NYID DU 'GYUR LA GZHAN NYID DU YANG 'GYUR RO SNYAM DU RTOGS PA DE DAG NI 'BRAS BU YOD PA DANG MED PAR SMRA'O, ,DE DAG NI LHA SBYIN SROG GI BDAG NYID DU RNAM PAR GNAS SHING LHA SBYIN GYI BDAG NYID DU RNAM PAR MI GNAS PAR SKYE BAR 'DOD LA, DE BZHIN DU GDU BU DANG DPUNG RGYAN LA SOGS PA GSER GYI BDAG NYID DU RNAM PAR GNAS SHING GDU BU DANG DPUNG RGYAN LA SOGS PA'I BDAG NYID DU RNAM PAR MI GNAS PA RNAMS SKYE BAR RTOGS SO, ,DE DAG GCIG NYID DANG GZHAN NYID GNYI GA'I PHYOGS LA 'BRAS BU YOD PA DANG MED PAR SMRA BA DGAG PAS NYE BAR MTSON PA'I SUN 'BYIN PA BRJOD PAR BYA'O, ,DE YANG, 'BRAS BU YOD NYID GANG 'DOD DANG, ,ZHES PA LA SOGS PAS BSHAD DE, RGOL BA GNYIS KYI SKYON GYI PHYOGS GCIG LA SBYAR BAR BYA BA 'DI NI KHYAD PAR RO, ,GANG DAG GI LTAR NA BUM PA LA SOGS PA'I DNGOS PO MED PAR RANG GI RGYU DAG LAS GCIG NYID DANG GZHAN NYID DU BRJOD DU MED PA DAG DNGOS PO RDZAS SU YOD PA'I RGYU CAN YIN PA DE DAG LA YOD PA DANG MED PAR SMRA BA BZLOG PA'I SGO NAS YOD PA YANG MA YIN @218A *, ,MED PA YANG MA YIN PA ZHES BYA BA DPYAD PAS SUN 'BYIN PA BRJOD PAR BYA'O, ,DE YANG SMRA BA GNYI GA SRID NA NI DE DAG BKAG PA'I SGO NAS GNYI GA MA YIN PA ZHES BYA BAR 'GYUR NA, GANG GI TSE 'DI GNYI GA MI SRID PA DE'I TSE GANG BKAG PAS GNYIS MA YIN PAR RTOGS PAR 'GYUR ZHES DON GYIS BSHAD ZIN PA NYID DO, ,DE LTAR NA GO RIMS JI LTA BA BZHIN DU, YOD DANG MED DANG YOD MED PA, ,YOD MED MIN ZHES BYA BA'I TSUL, ,'DI NI MKHAS PAS GCIG NYID SOGS, ,DAG LA RTAG TU SBYAR BAR BYA, ,GZHAN DAG NI GAL TE GCIG NYID DANG GZHAN NYID LA SOGS PA'I TSUL KHO NAS DNGOS PO RNAMS BKAG GAM 'ON TE TSUL GZHAN GYIS KYANG YIN ZHE NA, BRJOD PAR BYA STE, YOD DANG MED DANG YOD MED DANG, ,YOD MED MIN ZHES BYA BA'I TSUL, ,'DI NI MKHAS PAS GCIG NYID SOGS, ,DAG LA RTAG TU SBYAR BAR BYA, , YOD PA DANG MED PA DANG, YOD KYANG YOD LA MED KYANG MED PA DANG, YOD PA YANG MA YIN MED PA YANG MA YIN PA ZHES BYA BA'I TSUL 'DI NI MKHAS PA RNAMS KYIS GCIG NYID LA SOGS PA PHYOGS BZHI LA RTAG TU DE KHO NA SBYAR BAR BYA'O, ,DE LA YOD PA ZHES BYA BA NI BDOG PA ZHES BYA BA'I DON TO, ,MED BZHES BYA BA NI BDOG PA MA YIN PA ZHES BYA BA'I DON TO, ,YOD KYANG YOD LA MED KYANG MED, ,CES BYA BA NI BDOG KYANG BDOG LA MI BDOG KYANG MI BDOG CES BYA BA'I DON TO, ,YOD PA YANG MA YIN MED PA YANG MA YIN ZHES BYA BA NI BDOG PA YANG MA YIN MI BDOG PA YANG MA YIN ZHES BYA BA'I DON TO,, GCIG NYID LA SOGS PA DAG CES BYA BA NI GCIG NYID DANG GZHAN NYID DANG GNYI GA DANG GNYI GA MA YIN PA ZHES BYA'O, ,DE LA GNYIS SAM MANG PO RNAMS LA GCIG NYID DAM GZHAN NYID DANG, GNYI GA DANG GNYI GA MA YIN PA ZHIG TU 'GYUR GRANG NA, DE LA GANG DAG GI LTAR NA SNAM BU DANG DKAR PO GCIG NYID CES BYA BA PHYOGS YIN PA DE LA YOD PA ZHES BYA BA'I TSUL 'DI YUL DANG DUS DANG MTSAN NYID LA SBYAR BAR BYA'O, ,DE LA RE ZHIG YUL LAS NI GAL TE SNAM BU DANG DKAR PO DAG GCIG NYID YIN NA, GANG DANG GANG NA DKAR PO YOD PA DE DANG DE NA SNAM @218B BU YANG YOD PAR 'GYUR BAR BYA DGOS SO, ,GANG DANG GANG NA SNAM BU YOD PA DE DANG DE NA DKAR PO YANG YOD PAR 'GYUR BAR BYA DGOS SO, ,CI STE GANG DANG GANG NA DKAR PO YOD PA DE DANG DE NA SNAM BU YOD PAR MI 'GYUR ZHING, GANG DANG GANG NA SNAM BU YOD PA DE DANG DE NA DKAR PO YOD PAR MI 'GYUR NA NI, DE LA SNAM BU DANG DKAR PO DAG GCIG NYID YIN NO ZHES GANG 'DOD PA DE MI 'THAD DE, YUL THA DAD PA'I PHYIR RO, ,DUS LAS KYANG STE, DE LA DUS NI RNAM PA GSUM STE, 'DAS PA DANG MA 'ONGS PA DANG DA LTAR RO, DE LA 'DAS PA LA NI 'DAS PA'I GNAS SKABS KHO NAR SNGAR SKYES PA'I DKAR PO MTHONG NGO, ,GAL TE SNAM BU DANG DKAR PO DAG GCIG NYID YIN NA NI, DE'I TSE GAL TE DKAR PO SNGAR SKYES NA NI SNAM BU YANG SNGAR SKYES PAR 'GYUR DGOS SO, ,CI STE SNAM BU PHYIS SKYES NA DKAR PO YANG PHYIS SKYE BAR 'GYUR DGOS SO, ,GAL TE DKAR PO SNGAR SKYES NA NI DE LTA NA SNAM BU PHYIS SKYES PA YIN LA, GANG ZHIG SNGAR SKYES PA DANG GANG ZHIG PHYIS SKYES PA DE DAG NI GCIG NYID DU MI 'GYUR TE, SKYE BA'I RIM PA THA DAD PA'I PHYIR RO, ,GZHAN YANG GAL TE SNAM BU DANG DKAR PO DAG GCIG NYID DU 'GYUR NA NI DE'I TSE DKAR PO ZHIG NA SNAM BU 'JIG PAR 'GYUR DGOS LA; SNAM BU ZHIG NI YANG DKAR PO 'JIG PAR 'GYUR DGOS NA, GANG GI TSE DKAR PO ZHIG NA DKAR PO 'JIG PAR 'GYUR GYI, SNAM BU 'JIG PAR MI 'GYUR LA, SNAM BU ZHIG NA YANG SNAM BU KHO NA 'JIG PAR 'GYUR GYI, DKAR PO 'JIG PA NI MA YIN TE, DE LA SNAM BU DANG DKAR PO DAG GCIG NYID DO ZHES GANG 'DOD PA DE MA YIN TE, 'JIG PA DANG MI 'JIG PA THA DAD PA'I PHYIR RO, ,GZHAN YANG DKAR PO ZHES SMRA NA DKAR PO ZHES BYA BA KHO NA SMRAS PAR 'GYUR GYI SNAM BU ZHES SMRAS PA NI MA YIN LA, SNAM BU ZHES SMRA NA YANG SNAM BU KHO NA SMRAS PAR 'GYUR GYI DKAR PO ZHES SMRAS PA NI MA YIN NO, ,GANG GI PHYIR DKAR PO ZHES BYA BA KHO NA SMRAS PAR 'GYUR GYI SNAM BU ZHES SMRAS PAR NI MI 'GYUR LA SNAM BU ZHES SMRAS NA YANG SNAM BU KHO NA SMRAS PAR 'GYUR GYI DKAR PO MA YIN PA DE'I PHYIR YANG DE DAG GCIG TU MI 'GYUR GYI SMRAS PA DANG MA SMRAS PA @219A *, ,THA DAD PA'I PHYIR RO, ,MTSAN NYID LAS KYANG STE, 'DI NA MTSAN NYID NI DKAR PO'I NGO BO YIN LA, MTSAN GZHI NI SNAM BU YIN NA GAL TE DE GNYIS GCIG NYID DU 'GYUR NA NI, DE'I TSE GAL TE DKAR PO MTSAN NYID YIN NA SNAM BU LANG MTSAN NYID KHO NAR 'GYUR RO; ,GAL TE SNAM BU MTSAN NYID DU MI 'GYUR NA NI DKAR PO YANG MTSAN NYID DU MI 'GYUR RO, ,GAL TE DKAR PO KHO NA MTSAN NYID DU 'GYUR GYI SNAM BU MA YIN PA LA SNAM BU KHO NA MTSAN GZHIR 'GYUR GYI DKAR PO NI MA YIN NA NI DE LA SNAM BU DANG DKAR PO DAG GCIG NYID PO ZHES GANG 'DOD PA DER MI 'GYUR TE, MTSAN NYID DANG MTSAN GZHI THA DAD PA'I PHYIR RO, ,JI LTAR SNAM BU DANG DKAR PO DAG GCIG NYID BKAG PA DE BZHIN DU DNGOS PO THAMS CAD KYI GCIG NYID KYI DGAG PA YANG RGYAS PAR BRJOD PAR BYA'O, ,'DIR SMRAS PA, SNAM BU DANG DKAR PO DAG GCIG NYID DGAG PA NI SMRAS NA GZHAN NYID LA BRJOD PAR BYA'O, BRJOD PAR BYA STE, GAL TE SNAM BU DANG DKAR PO DAG GZHAN NYID YIN ZHING, GAL TE YON TAN RDZAS LA BRTEN PA'I PHYIR DKAR PO SNAM BUR MI 'GYUR NA NI JI LTAR GAL TE MCHOD SBYIN LHA SBYIN ZHES BYA BA'I SPUN ZLA MA YIN NA LHA SBYIN YANG MCHOD SBYIN GYI SPUN ZLAR MI 'GYUR BA NYID YIN PA LTAR SNAM BU YANG DKAR POR MI 'GYUR RO, ,GAL TE DKAR PO DANG LDAN PA LAS SNAM BU DKAR POR 'GYUR RO ZHES 'DOD NA, DE LA YANG BRJOD PAR BYA STE, GAL TE DKAR PO DANG LDAN PAS SNAM BU DKAR POR 'GYUR NA, SNAM BU DE GCIG DKAR PO DANG LDAN PAS DKAR PO'I MTSAN NYID THOB PA ZHIG GAM 'ON TE MA THOB PA ZHIG YIN GRANG NA, GAL TE DE ZHIG DKAR PO'I MTSAN NYID THOB PAS SNAM BU DKAR PO NYID DU 'GYUR NA NI 'DI'I SNAM BU NYID NYAMS PAR 'GYUR RO, ,CI STE DKAR PO'I MTSAN NYID MA THOB PA YIN NA NI DKAR PO'I MTSAN NYID MA THOB PA'I PHYIR LDAN PA YOD KYANG SNAM BU DKAR POR MI 'GYUR TE, ,DE LA DKAR PO DANG LDAN PAS SNAM BU DKAR PO YIN NO ZHES BYA BA GANG 'DOD PA MA YIN NO, ,JI LTAR SNAM BU DKAR POR MI 'GYUR BA DE BZHIN DU SNAM BU'I KHYAD @219B PAR GANG DAG SNGON PO DANG, SER PO DANG, DMAR PO DANG, DMAR SER DANG, SER SKYA DANG, PHUG RON KHA DANG, NAG PO DANG, RING PO DANG, THUNG DU DANG, 'JAM DANG RTZUB PA LA SOGS PA DE DAG LAS SNAM BU GZHAN NYID YIN PA'I PHYIR THAMS CAD DU SRID PA MED PAR 'GYUR RO, ,THAMS CAD DU SRID PA MED PAS KYANG SNAM BU NYID DU MI 'GYUR RO, ,JI LTAR SNAM BU SNAM BU NYID DU MI 'GYUR BA DE BZHIN DU DNGOS PO THAMS CAD KYANG YON TAN GYI KHYAD PAR DE DANG DE DAG LA GZHAN NYID YIN PA'I PHYIR THAMS CAD DU SRID PA MED PAR 'GYUR RO, ,'DIR SMRAS PA, YOD PA DANG MED PA DAG GIS GCIG NYID DANG GZHAN NYID LA NI DGAG PA SMRAN GNYI GA'I PHYOGS LA YANG DGAG PA BRJOD PAR BYA'O, ,BRJOD PAR BYA STE, GANG GI SNAM BU DANG DKAR PO DAG GCIG NYID DU YANG 'GYUR LA GZHAN NYID DU YANG 'GYUR RO ZHES BYA BA PHYOGS YIN PA DE LA GCIG NYID DANG GZHAN NYID DGAG PA SNGAR BSHAD PA DAG KHO NAS DGAG PA RNAM PAR BSHAD DO, ,GNYI GA MA YIN PA GANG GI PHYOGS YIN PA DE LA MDOR BSDUS NAS DGAG PA BRJOD PAR BYA'O, ,GAL TE SNAM BU DANG DKAR PO DAG GCIG NYID MA YIN LA, GNYI GA NYID KYANG MA YIN NA NI GNYI GA'I MTSAN NYID MA THOB PA'I PHYIR DKAR PO YANG DKAR PO NYID MA YIN ZHING, DKAR PO MA YIN PA YANG MA YIN LA SNAM BU YANG SNAM BU NYID MA YIN ZHING SNAM BU MA YIN PA YANG MA YIN NO, ,DE'I PHYIR MTSAN NYID GNYI GA MA THOB PA'I DKAR PO LA CI'I PHYIR DKAR PO ZHES BRJOD KYI NAG PO ZHES MA YIN, GANG GI PHYIR DKAR PO DE LA DKAR PO ZHES BYA BA BRJOD KYI NAG PO ZHES BYA BA MA YIN PA DE'I PHYIR DKAR PO NYID DU YOD DO, ,MTSAN NYID GNYI GA MA THOB PA'I SNAM BU DE LA YANG CI'I PHYIR SNAM BU ZHES BRJOD KYI BUM PA ZHES MA YIN, GANG GI PHYIR SNAM BU DE LA SNAM BU ZHES BYA BA NYID BRJOD KYI BUM PA ZHES BYA BA MA YIN PA DE'I PHYIR SNAM BU YANG SNAM BU NYID DU YOD DO, ,DE LTAR DKAR PO NYID DANG SNAM BU NYID DU GRUB PA DANG, GDON MI ZA BAR DE DAG GCIG NYID DAM GZHAN NYID DU 'GYUR DGOS LA GCIG NYID YIN NA NI SLAR YANG GCIG NYID 'GOG PA'I RIM @220A *, ,PA KHO NA BRJOD PAR BYA'O, ,GZHAN NYID YIN NA YANG GZHAN NYID 'GOG PA'I TSUL LO, ,DE BZHIN DU DNGOS PO THAMS CAD LA YANG 'GOG PA'I TSUL RGYAS PAR BRJOD PAR BYA'O ZHES RNAM PAR 'CHAD DO, ,'DIR SMRAS PA, GAL TE DE LTAR MA GRUB PA'I PHYIR DNGOS PO RNAMS KYI RANG BZHIN MED NA RGOL BA DE DAG 'THAD PA GANG GIS RANGS TE DNGOS PO YOD PAR RTOG CE NA, DE LA 'THAD PA 'GA' YANG MED KYI 'ON KYANG, JI LTAR RGYUN LA BLTA NYES NA, ,RTAG PA YOD CES BYAR 'GYUR BA, ,DE BZHIN TSOGS LA BLTA NYES NA, ,DNGOS PO YOD CES BYA BAR 'GYUR, ,JI LTAR MAR ME'I ME LCE SKAD CIG RE RE LA 'JIG CING SNGA MA DANG PHYI MA SKAD CIG RGYU DANG 'BRAS BU'I 'BREL PA RNAM PAR MA CHAD PAR GNAS PA LA RGYU DANG RKYEN GYI TSOGS PA YOD NA YOD PA'I RGYUN 'BYUNG BA DE BZHIN DU 'DU BYED SKYES MA THAG TU 'JIG PA THAMS CAD LA BDAG NYID JI LTA BU'I RGYU DANG RKYEN GYI TSOGS PA YOD NA YOD PA'I RGYUN RGYU DANG 'BRAS BU'I 'BREL PA RNAM PAR MA CHAD PAR GNAS PA THOG MA MED PAR 'BYUNG NGO, ,DE'I PHYIR JI LTAR RGYUN DE'I RANG GI NGO BO JI LTAR GNAS PA LTAR NGES PAR MA 'PHRIGS SHING PHYIN CI LOG TU NGES PA'I PHYI ROL PA'I DRANG SRONG RNAMS LA SNGON GYI GNAS RJES SU DRAN ZHING 'DIR SKAD CIG MAR 'JIG PA MNGON SUM MA YIN PAS PHUNG PO GCIG NAS GCIG TU BRGYUD PA'I RGYUN LA NGES PAR MTHONG BA YIN DANG BDAG GAM GZHAN YANG RUNG STE, DNGOS PO RTAG PA YOD DO SNYAM PAR 'BYUNG BA DE BZHIN DU TSOGS PA DE DANG DE LA BRTEN NAS 'BYUNG BA DANG, 'BYUNG BA LAS GYUR PA DANG, SEMS DANG SEMS LAS BYUNG BA DANG, MTSAN GZHI DANG MTSAN NYID LA SOGS PA'I BDAG NYID CAN DANG, DE'I NYE BAR LEN PA CAN RTZVA DANG PHYI MA DANG RDZAS LA SOGS PA TSOGS LA KHYIM LA SOGS PA DANG GZUGS DANG DRI LA SOGS PA'I YON TAN TSOGS PA BUM PA LA SOGS PA DANG, DNGOS PO TSOGS PA BDAG DANG NAM MKHA' LA SOGS PA YOD DO, ,TSOGS PA LAS LOGS SHIG TU MTSAN NYID MA GRUB PA'I CHOS 'BYUNG BA DANG 'BYUNG BA LAS GYUR PA DANG, SEMS DANG SEMS LAS BYUNG BA DANG, @220B BUM PA LA SOGS PA GZUGS BRNYAN DANG BRAG CA LA SOGS PA DANG 'DRA BA DE DANG DE LAS SO SO SO SOR 'JIG RTEN PA'I PHYIN CI LOG TSAD MAR BYAS TE 'JIG RTEN GZHUG PAR BYA BA'I PHYIR NYE BAR BLANGS NAS SAM BRTEN NAS RANG DANG SPYI'I MTSAN NYID DU 'DOGS PA TZAM ZHIG TU BYED LA, DE DAG KYANG SKYE BA NA TSOGS PA KHO NA SKYE ZHING TSOGS PA KHO NA 'GAG PAR 'GYUR RO, ,DE'I PHYIR TSOGS PA DE JI LTA BA BZHIN MA SHES PA DANG BLTA BA NYES PAS RGOL BA DAG LA SOGS PA SO SO LA RANG GI NGO BOS YONGS SU GRUB PAR RTOG CING PHYIN CI LOG TZAM LAS RIGS PA MED PA'I DNGOS PO KHO NA RTOGS SO; ,GAL TE DE LTAR DNGOS PO MED PAS KHO BO CAG GI DNGOS POR LTA BA PHYIN CI LOG YIN NA, KHYOD KYANG DNGOS PO KHAS MI LEN NA DNGOS PO MED PAR LTA BAR 'GYUR NA DE YANG SHIN TU MI RIGS TE, MTHONG BA DANG MA MTHONG BA 'GAL BA'I PHYIR RO ZHE NA, BSHAD PAR BYA STE, BDAG GI DNGOS PO MED PAR SMRA BA MA YIN TE, RTEN CING 'BREL PAR 'BYUNG BA SMRA BA YIN PA'I PHYIR RO, ,CI KHYOD DNGOS POR SMRA BA ZHIG GAM ZHEN MA YIN TE, RTEN CING 'BREL PAR 'BYUNG BA SMRA BA YIN PA NYID KYI PHYIR RO, ,KHYOD CI 'DRA BA ZHIG CE NA, RTEN CING 'BREL PAR 'BYUNG BAR SMRA BA'O, , YANG RTEN CING 'BREL PAR 'BYUNG BA'I DON GANG ZHIG CE NA, RANG BZHIN MED PA'I DON DE, RANG BZHIN MA SKYES PA'I DON DANG, SGYU MA DANG SMIG RGYU DANG GZUGS BRNYAN DANG DRI ZA'I GRONG KHYER DANG SPRUL PA DANG RMI LAM DANG MTSUNGS PA'I RANG BZHIN CAN GYI 'BRAS BU 'BYUNG BA'I DON DANG STONG PA NYID BDAG MED PA'I DON TO, ,'DI LTAR, GANG LA BRTEN NAS 'BYUNG YOD PA, ,DE NI RANG DBANG MI 'GYUR RO, ,'DI KUN RANG DBANG MED PA STE, ,DES NA BDAG NI YOD MA YIN, ,'DI NA GANG RANG GI NGO BO DANG RANG BZHIN DANG RANG DBANG DANG GZHAN LA RAG MA LAS PA NYID YIN PA DE LA NI RANG LAS MA GRUB PAS RTEN CING 'BREL PAR 'BYUNG BA YOD PA MA YIN NA 'DUS BYAS THAMS CAD RTEN CING 'BREL PAR 'BYUNG BA YANG YIN NO, ,DE LTAR NA DNGOS PO GANG LA BRTEN NAS 'BYUNG BA YOD PA DE NI RANG DBANG DU MI 'GYUR TE, RGYU DANG RKYEN LA RAG LAS TE SKYE BA'I PHYIR RO, ,'DI KUN RANG DBANG MED PA @221A *, ,STE; DE'I PHYIR DNGOS PO GANG LA YANG BDAG STE RANG BZHIN YOD PA MA YIN NO, ,DE'I PHYIR 'DIR RTEN CING 'BREL PAR 'BYUNG BA RANG DBANG GI NGO BO DANG BRAL BA'I PHYIR RANG DBANG GI NGO BO DANG BRAL BA'I DON STONG PA NYID KYI DON YIN GYI THAMS CAD DNGOS PO MED PA'I DON NI MA YIN NO; ,DE'I PHYIR 'DI LA RTEN CING 'BREL PAR 'BYUNG BA BYAS SHING SGYU MA DANG 'DRA BA KUN NAS NYON MONGS PA DANG RNAM PAR BYANG BA'I RGYU LA SKUR PA BTAB PAS DE MED PAR LTA BA PHYIN CI LOG YIN LA RANG BZHIN YOD PA MA YIN PA'I PHYIR NA DNGOS POR LTA BA YANG PHYIN CI LOG YIN NO, ,DE'I PHYIR DE LTAR NA DNGOS PO RANG BZHIN DANG BCAS PAR SMRA BA RNAMS LA RTEN CING 'BREL PAR 'BYUNG BA MED PA DANG RTAG PA DANG CHAD PAR LTA BA'I SKYON DU 'GYUR RO, ,CI STE GAL TE RANG DBANG MED PA'I DON RTEN CING 'BREL PAR 'BYUNG BA'I DON YIN NA NI 'O NA GANG KHYED KYIS NGED CAG LA GNOD PAR 'GYUR BA KHYOD DANG NGED CAG LA KHYAD PAR CI YOD SNYAM DU SEMS NA BSHAD PAR BYA STE, GANG KHYED KYIS RTEN CING 'BREL PAR 'BYUNG BA'I DON JI LTA BA BZHIN RTOGS PA DANG BRJOD MI SHES PA 'DI NI KHYAD PAR RO, ,JI LTAR BYIS PA GZHON NU THA SNYAD LA MA BYANG BAS GZUGS BRNYAN LA BDEN PAR GYUR PAR LHAG PAR SGRO BTAGS PAS JI LTA BA BZHIN GNAS PA'I RANG BZHIN STONG PA NYID BSAL NAS RANG BZHIN DANG BCAS PAR RTOGS PA NA GZUGS BRNYAN RTOG MI SHES PA DE BZHIN DU KHYOD KYIS KYANG RTEN CING 'BREL PAR 'BYUNG BA KHAS BLANGS KYANG GZUGS BRNYAN DANG MTSUNGS PA'I RTEN CING 'BREL PAR 'BYUNG BA RANG BZHIN GYIS STONG PA NYID DU GYUR KYANG RANG GI NGO BOS JI LTAR GNAS PA BZHIN KHONG DU CHUD PAR MI SHES TE, RANG BZHIN MED PA LA RANG BZHIN MED PA NYID DU MI 'DZIN PA'I PHYIR DANG, YOD PA MA YIN PA'I RANG GI NGO BO LA YOD PA'I RANG GI NGO BO NYID DU LHAG PAR SGRO BTAGS NAS 'DZIN PA'I PHYIR RO, , BRJOD KYANG MI SHES TE, RANG BZHIN MED PA NYID DU MI BRJOD PA'I PHYIR DANG DNGOS PO'I RANG GI NGO BO NYID DU BRJOD PA'I PHYIR RO, ,DE'I PHYIR DE LTAR RTOGS PA DANG BRJOD MI SHES PA NA BDAG NYID DANG GZHAN NYID SLU BAR BYED DO, ,DE'I PHYIR KHO BO CAG CHES TSOGS CHE BA 'DIR GNAS PAS BSTAN @221B BCOS BYED PA'I RTZOM PA 'DI 'BRAS BU MED PA MA YIN NO, ,GANG GI PHYIR 'GA' LA YANG NGO BO NYID KYI SKYE BA YOD PA MA YIN PA DE NYID KYI PHYIR, 'BRAS BU MED PAR DNGOS PO NI, ,KUN LA 'DU BA YOD MA YIN, ,'BRAS BU'I DON DU 'DU BA GANG, ,'DI NI 'PHAGS LA 'DUS PA'O, ,GAL TE DNGOS PO RNAMS KYI 'JUG PA RANG BZHIN PAR 'GYUR NA NI DE RTAG PA DANG 'BRAS BU LA LTOS PAR MI 'GYUR TE RANG BZHIN NI 'BRAS BU LA MI LTOS SO, ,GCIG GI DNGOS PO NI 'GAS KYANG 'BRAS BU CUNG ZAD KYANG SGRUB PAR MI NUS PAS TSOGS PA'I 'BRAS BU BSGRUB PAR BYA BA LA PHAN TSUN 'DU BAR YANG 'GYUR LA, GANG ZHIG 'BRAS BU'I CHED DU 'DU BDE NI DE'I RANG BZHIN GZIGS PA'I 'PHAGS PA RNAMS LA 'DU BA MED PA ZHIG STE BDEN PAR GYUR PA NYID DU MNGON PAR MI BZHED DO ZHES BYA BA'I DON TO, ,DE NYID KYI PHYIR RNAM PAR SHES PA DNGOS PO'I RANG GI NGO BO LHAG PAR SGRO 'DOGS PAR BYED PA NYON MONGS PA CAN GYI MI SHES PA'I DBANG GIS DNGOS PO RNAMS LA CHAGS PA DANG LDAN ZHING 'KHOR BAR 'JUG PA'I SA BON DU GYUR PA RNAM PA THAMS CAD DU DGAG PA LAS 'KHOR BA LDOG PAR RNAM PAR GZHAG GO ZHES BSTAN PA'I PHYIR BSHAD PA, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,JI SKAD BSHAD PA'I TSUL GYIS YUL RANG BZHIN MED PAR MTHONG BAS CHAGS PA'I RGYU RNAM PAR SHES PA SRID PA'I SA BON DU GYUR PA RNAM PA THAMS CAD DU LOG PA LAS NYAN THOS DANG RANG SANGS RGYAS DANG, MI SKYE BA'I CHOS LA BZOD PA THOB PA'I BYANG CHUB SEMS DPA' RNAMS LA 'KHOR BA LDOG PA RNAM PAR GZHAG GO, ,DE BZHIN GSHEGS PA'I YE SHES 'BYUNG BA'I SA BON BYANG CHUB KYI SEMS DE NI DE RNAMS LA MI LDOG STE, THAMS CAD LA DE BZHIN GSHEGS PA'I YE SHES RNYED PA GDON MI ZA BAR 'BYUNG BA'I PHYIR RO, ,GANG DAG GIS BYANG CHUB KYI SEMS RNAM PA DE LTA BU MA BSKYED PA DE DAG GIS KYANG PHYIS GDON MI ZA BAR BSKYED NAS BYANG CHUB SEMS DPA'I SPYOD PAS BLA NA MED PA'I YE SHES THOB PAR BYA BA KHO NA STE, 'DI NI 'PHAGS @222A *, ,PA DAM PA'I CHOS PADMA DKAR PO'I MDO LA SOGS PA LAS BTZAL BAR BYA'O, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS MTHAR 'DZIN PA DGAG PA BSGOM PA BSTAN PA ZHES BYA BA STE RAB TU BYED PA BCU BZHI PA'I 'GREL PA'O,, ,,'DIR SMRAS PA, 'DUS BYAS RANG BZHIN GYIS YOD PA NYID DE DE'I MTSAN NYID SKYE BA LA SOGS PA YOD PA'I PHYIR RO, ,BONG BU'I RVA LA SOGS PA YOD PA MA YIN PA LA NI 'DUS BYAS KYI MTSAN NYID YOD PA MA YIN TE 'DUS BYAS LA NI 'DUS BYAS KYI MTSAN NYID SKYE BA LA SOGS PA YOD PA YANG YIN NO, ,DE'I PHYIR 'DUS BYAS KYANG YOD DO, ,BSHAD PAR BYA STE, GAL TE DE'I TSE MTSAN NYID LTA ZHIG TU 'GYUR NA NI 'DUS BYAS YOD PAR 'GYUR NA YOD PA YANG MA YIN NO, ,JI LTAR BYAS TE ZHE NA, 'DI NA SKYE BA 'DI 'DUS BYAS KYI DNGOS PO BSKYED PA NA 'DUS BYAS MED PA'AM YOD PA ZHIG BSKYED GRANG NA, DE LA RE ZHIG GANG 'BRAS BU MED PAR SMRA BA DE'I LTAR NA SA BON GYI GNAS SKABS NA MYU GU MED PA'I PHYIR RGYU DANG RKYEN GYI TSOGS PAS SA BON GYI MTHA'I SKAD CIG LAS MYU GU SKYE'O, ,DE'I PHYIR RGOL BA DE'I, THA MAR MED PAR SKYE BAR 'GYUR, ,ZHES BYA BA PHYOGS YIN NA, YOD PA MA YIN PA NI 'BYUNG BAR RIGS PA YANG MA YIN PA STE, BONG BU'I RVA LA SOGS PA YANG SKYE BAR THAL BA'I PHYIR RO, ,DE NYID KYI PHYIR, DES NA MED PA GANG LA SKYE, ,ZHES BYA BA SMOS SO, ,DES NA ZHES BYA BA NI YOD PA MA YIN PA NYID KYI RGYUS SO, ,GANG LA ZHES BYA BA NI MI SRID PA LA STE, YOD PA MA YIN PA'I PHYIR MED PA LA SKYE BA MED DO ZHES BYA BA'I DON TO, ,CI STE NYES PA 'DIS 'JIGS NAS 'BRAS BU YOD PAR SMRA BAS YOD PA KHO NA LA SKYE BAR 'DOD NA, DE LTA NA, YOD PA GDOD NAS SKYE 'GYUR BA, ,DES NA YOD PA GANG LA SKYE, ,GAL TE SKYE BA'I CHES SNGA ROL SA BON GYI GNAS SKABS KHO NAR MYU GU SKYE BAR RTOG NA DE'I TSE SKYE BAR MI 'GYUR TE YOD PA'I PHYIR RO, ,CI STE YOD PA LA SKYE BAR YONGS SU RTOG NA DE'I TSE SKYE BA THUG PA MED PAR 'GYUR ZHING, DE LA SLAR SKYE BAS BYAS PA'I BOGS SU YANG 'GYUR NA DE NI SRID PA YANG MA YIN PAS YOD PA LA YANG SKYE BA YOD PA MA YIN NO, , @222B GZHAN YANG, 'BRAS BU YIS NI RGYU BSHIG PA, ,DES NA MED PA SKYE MI 'GYUR, ,GANG GI PHYIR MYU GU SKYE BZHIN PAS RGYU SA BON ZHES BYA BA BSHIG PA DE'I PHYIR MYU GU MED PA KHO NA SA BON LAS SKYE'O ZHES BYA BAR YANG MI RIGS SO, ,JI LTAR NAS DANG GRO LA SOGS PA DAG LA YOD PA MA YIN PA'I S'A LU'I MYU GU DE DAG RNAM PAR 'GYUR BAS SKYE BA MA YIN PA DE BZHIN DU YOD PA MA YIN PAS S'A LU'I SA BON RNAM PAR 'GYUR BAS KYANG SKYE BA MA YIN PA ZHIG NA 'BRU MAR 'BYUNG NA TIL LA SOGS PA DAG LTAR MYU GU SKYE BA NA SA BON DE 'JIG PA YANG YIN NO, ,DE'I PHYIR MED PA MI SKYE'O, ,GRUB LA SGRUB BYED YOD MA YIN, ,DE PHYIR YOD PA'ANG MI SKYE'O, ,GRUB ZIN PA'I MYU GU NI SLAR 'GRUB PA MA YIN PAS YOD PA YANG MI SKYE'O, ,SKYE BA'I DUS MI SRID PA'I PHYIR YANG SKYE BA YOD PA MA YIN PAR BRJOD PA'I PHYIR BSHAD PA, DE'I TSE SKYE BA YOD MIN ZHING, ,GZHAN TSE SKYE BA YOD MA YIN, ,DE TSE GZHAN TSE MI SKYE NA, ,NAM ZHIG SKYE BA YOD PAR 'GYUR, ,GANG GI TSE MYU GU 'DI BDAG GI DNGOS PO RNYED PA YIN PA DE'I TSE NI GRUB PA'I NGO BO YIN PA'I PHYIR 'DI LA SKYE BA MI SRID DO, ,GANG GI TSE 'DI MA GRUB PA'I NGO BO YIN PA'I DUS DER YANG MI SKYE BA MI RIGS TE, MA GRUB PA NI MED PA NYID KYIS RTEN MED PA'I SKYE BA'I BYA BA MI 'BYUNG BAS GZHAN GYI TSE SKYE BA MI SRID DO, ,CUNG ZAD CIG GRUB CING CUNG ZAD CIG MA GRUB PA GRUB BZHIN PA LA YANG PHYOGS GNYI GAR BRJOD PA'I SKYON DU THAL BA'I PHYIR DE'I TSE DANG GZHAN GYI TSE SKYE BA MI SRID DO, ,GANG GI TSE DE LTAR DUS GSUM CHAR DU YANG SKYE BA MI SRID PA'I DE'I TSE DE LAS THA DAD PA GZHAN MI SRID PAS NAM ZHIG SKYE BA YOD PAR 'GYUR TE, GANG DU 'DI SKYE BAR 'GYUR BA'I DUS DE YOD PA MA YIN NO SNYAM DU DGONGS SO, ,'DIR SMRAS PA, 'O MA ZHO'I DNGOS POR 'BYUNG BAR SKYE BA YIN NO, ,'DI YANG MI RIGS TE, 'O MA LA ZHO'I DNGOS PO MI SRID PA'I PHYIR RO, , RE ZHIG 'O MA'I DNGOS POR GNAS PA'I 'O MA LA NI DE'I BDAG NYID SU SKYE BA MED DE, DE 'O MA'I BDAG NYID DER YOD PA'I PHYIR RO, ,DE'I PHYIR DE LTAR NA, DE LA DE YI DNGOS PO RU, ,JI LTAR SKYE BA YOD MIN LTAR, ,DE BZHIN GZHAN GYI DNGOS POR YANG, ,DE LA SKYE BA YOD MA YIN, ,JI LTAR @223A *, ,'O MA'I NGO BOR GNAS PA'I 'O MA LA SKYE BA MI SRID PA DE BZHIN DU 'O MA LAS GZHAN ZHO'I DNGOS POR SKYE BA YANG MI SRID DO, ,GANG LAS 'O MA ZHO'I YIN NO ZHES BYA BAR 'GYUR BA 'O MA LA ZHO ZHES BSNYAD PA YANG MA YIN TE, GANG GI TSE DE ZHO YIN PA DE'I TSE DE 'O MA MA YIN LA, YANG GANG GI TSE DE 'O MA YIN PA DE'I TSE DE ZHO MA YIN PAS 'O MA ZHOR 'GYUR RO ZHES BYA BAR MI RUNG NGO, ,'DI LAS KYANG 'DUS BYAS LA SKYE BA MED DE, 'DI LTAR, THOG MA BAR DANG THA MA RNAMS, ,SKYE BA'I SNGA ROL SRID MA YIN, ,'DIR THOG MA DANG BAR DANG THA MA DAG NI DNGOS PO'I SKYE BA DANG GNAS PA DANG 'JIG PA STE, RE ZHIG DE DAG SKYE BA'I SNGA ROL GYI GNAS SKABS NA YOD PA'I NGO BOR MED PAS SKYE BA'I SNGA ROL NA 'DUS BYAS MI SRID DO, ,CI STE SKYE BA'I DUS NA SKYE BA YIN LA GNAS PA'I DUS NA, GNAS PA YIN ZHING 'JIG PA'I DUS NA 'JIG PA'I SNYAM DU, 'DI YANG MI RIGS TE; 'DI LTAR, GNYIS GNYIS DAG NI MED PA RU, ,JI LTAR RE RE RTZOM PAR 'GYUR, ,'DIR SKYE BA'I DUS NA GNAS PA DANG MI RTAG PA GNYIS MED PAS GNAS PA DANG, 'JIG PA DANG BRAL BA'I 'DUS BYAS NYID MED PA'I PHYIR SKYE BAR YANG MI 'GYUR RO, ,DE BZHIN DU GNAS PA'I DUS DANG 'JIG PA'I DUS SU YANG GNYIS GNYIS DAG MED PAR RE RE 'JUG PA MI SRID DO, ,DE MED PAS 'DUS BYAS MA YIN NO, ,'DI LAS KYANG 'DUS BYAS KYI SKYE BA MI RIGS TE, GANG GI PHYIR, GZHAN GYI DNGOS PO MED PAR NI, ,BDAG GI DNGOS PO 'BYUNG BA MED, ,DE YI PHYIR NA BDAG GZHAN NI, , GNYIS KA LAS 'BYUNG YOD MA YIN, ,'DIR BUM PA RANG LAS GRUB PA'I NGO BO MED DE GYO MO LA LTOS PA'I PHYIR RO, ,GYO MO DE DAG LA YANG BDAG GI DNGOS PO MED DE GSEG MA LA LTOS PA'I PHYIR RO, ,DE'I PHYIR DE LTAR NA GZHAN GYI DNGOS PO GYO MO MED NA BUM PA LA BDAG GI DNGOS PO YOD PA MA YIN NO, ,DE BZHIN DU GYO MO DAG LAS GYO MO'I BDAG GI DNGOS PO MED NA GYO MO DAG LA BUM PA LA LTOS NAS GZHAN PA NYID DU 'ANG MI 'GYUR RO, ,GANG GI PHYIR DE LTAR BDAG GI DNGOS PO MED PAR 'GA' YANG GZHAN NYID DU MI 'GYUR BA DE'I PHYIR GNYIS KA LA SKYE BA MI SRID DE, BDAG DANG @223B GZHAN DAG NI MI SRID PA'I PHYIR RO, ,RANG GI NGO BO MED PAS RANG LA SKYE BA MI SRID LA, GZHAN YANG RANG GI NGO BOS MA GRUB PA'I PHYIR GZHAN LAS SKYE BA YANG MI SRID PAS SKYE BA MED DO, ,GZHAN YANG SKYE BA MED PA 'DI SKYE BA PO'I SNGA ROL LAM PHYIS SAM CIG CAR RTOG GRANG NA, DE LA GAL TE SNGA ROL DU YIN NA NI, MI RIGS TE RTEN MED PA'I PHYIR RO, ,CI STE PHYIS YIN NA DE YANG MI RIGS TE, MA SKYES PA NI YOD PA MA YIN PA'I PHYIR DANG, SKYE BA DON MED PA'I PHYIR RO, ,CI STE CIG CAR YIN NA NI DE'I TSE GNYI GA YANG PHAN TSUN LTOS PA MED PA NYID DU 'GYUR RO, ,DE'I PHYIR DE LTAR NA SNGON DANG PHYIS DANG CIG CAR ZHES, ,BRJOD PA NYID DU MI NUS PA, ,DE'I PHYIR SKYE DANG BUM PA LA, ,CIG CAR 'BYUNG BA YOD MA YIN, ,GANG GI PHYIR SKYE BA LA RIM PA 'DI MI SRID PA DE'I PHYIR SKYE BA DANG BUM PA LA CIG CAR 'BYUNG BA YOD PA MA YIN NO, ,GANG GI TSE YOD PA MA YIN PA DE'I TSE BUM PA SKYE'O ZHES BYA BAR MI RIGS SO, ,'DIR SMRAS PA, BUM PA'I SKYE BA YOD PA NYID DE, GAL TE 'DI SKYE BAR MI 'GYUR NA NI DE'I TSE 'DI'I RNYING PA'I NGO BOR MI 'GYUR BA ZHIG NA, 'DI LA GOG PA NYID KYI MTSAN NYID CAN RNYING PA'I NGO BOR YOD PAR MTHONG BA YANG YIN NO, ,DE'I PHYIR RNYING BA'I NGO BO YOD PAS SKYE BA YOD PA NYID DO, ,BSHAD PAR BYA STE, GAL TE 'GA' ZHIG LA RNYING PA NYID YOD NA NI SKYE BA YOD PAR 'GYUR NA SRID PA YANG MA YIN NO, ,JI LTA ZHE NA, 'DI NA GAL TE RNYING PA ZHES BYA BA CUNG ZAD CIG YOD NA NI SNGAR SKYES PA NYID DAM PHYIS SKYES PA ZHIG YIN GRANG NA GNYI GA LTAR YANG MI SKYE'O ZHES BSTAN PA'I PHYIR BSHAD PA, SNGAR SKYES PA YI PHYIR NA NI, ,SNGAR SKYES RNYING PAR MI 'GYUR ZHING, ,PHYI NAS KUN TU SKYES PA YANG, ,PHYI NAS SKYES PAR MI 'GYUR RO, ,RNYING PA'I RNYING PA NYID GANG YIN PA DE NI 'JIG RTEN GYI DNGOS PO SNGAR SKYES PA LA RTOG NA, BUM PA'I SNGAR SKYES PA'I GNAS SKABS NI RNYING PA NYID DU MI RIGS TE, DE'I TSE DE LA SAR PA ZHES BSNYAD PA'I PHYIR RO, ,PHYIS SKYE BA'I GNAS SKABS KHE TSAD MA LA YANG PHYIS SKYES PA'I PHYIR SAR PA YIN PAS RNYING PA NYID DU GA LA 'GYUR, GAL TE GANG SNGAR SKYES PA DE DA TAR STONG PA YIN NO ZHES NA, CE STE DE NYID @224A *, ,YIN NAM, GZHAN YIN, GAL TE DE DE NYID YIN NA NI DE'I TSE SAR PA'I GNAS SKABS MA NYAMS PA'I PHYIR DE RNYING PA MA YIN NO, ,CI STE GZHAN YIN NA NI DE YANG DE LTAR SKYES PA'I PHYIR SAR PA KHO NAR 'GYUR BAS DE RNYING PA MA YIN NO, ,DE'I PHYIR DE LTAR NA STONG PA NYID MED PAS DE YOD PAS MTSON PA'I SKYE BA MI SRID DO, ,DE LTAR RNAM PAR DPYAD PA GRUB PA YIN DANG, DUS CHES YUN RING BAR TING NGE 'DZIN BSGOMS PAS RGA BA DANG, 'KHOR BA RNYING PAR BYED CING PHAM PAR BYED LA BYANG CHUB SEMS DPA' RNAMS KYI CHOS THAMS CAD RANG BZHIN MED PA BSGOMS PAS KYANG, 'CHI BA'I MI DGA' BA 'JOMS SHING PHAM PAR BYED DO, ,DE SKAD DU, DE'I TSE RGA PA RGYA CHEN NI, ,MED CING SDUG BSNGAL 'CHI BA MED, ,CES BYA BA LA SOGS PA DANG, DE BZHIN DU, GANG ZHIG RTAG TU SKYE BA SKYE MED PAR, ,SHES TE 'CHI BDAG PA ROL 'DA' BAR 'GYUR, ,ZHES RGYA CHER GSUNGS SO, ,'DI LAS KYANG SKYE BA MI SRID DO, ,DUS GSUM CHAR DU YANG DE MI RIGS PA'I PHYIR RO, ,DE NYID BSTAN PA'I PHYIR BSHAD PA, DA LTAR BA YI DNGOS PO NI, ,DE NYID LAS BYUNG MA YIN ZHING, ,MA 'ONGS LAS BYUNG YOD MIN LA, ,'DAS PA LAS KYANG YOD MA YIN, ,DA LTAR BA'I DON 'DI NYID LAS, DE NYID 'BYUNG BA NI MED DE, RGYU DANG 'BRAS BU DAG CIG CAR MED PA'I PHYIR LA, CIG CAR BA NYID DU YOD NA YANG RGYU DANG 'BRAS BU'I DNGOS PO MI 'THAD PA'I PHYIR RO, ,MA 'ONGS PA LAS BYUNG BA YOD MIN LA STE, MA 'ONGS PA YOD PA MA YIN PA'I PHYIR BDAG NYID CAN YIN PA'I PHYIR RO, ,'DAS PA LAS KYANG 'BYUNG BA YOD PA MA YIN TE, 'DAS PA YANG YOD PA MA YIN PA'I PHYIR RO, ,GANG GI TSE DUS GSUM CHAR DU YANG 'BYUNG BA YOD PA MA YIN PA DE'I TSE RANG BZHIN GYIS SKYE BA MED DO ZHES BYA BAR GNAS SO, ,GZHAN YANG GAL TE DNGOS PO DE DAG LA RANG GI NGO BOS YOD NA NI DE'I TSE RANG BZHIN LA LDOG PA MED PAS DNGOS PO SKYES PA'I RANG BZHIN LA MA BYUNG BA LAS 'BYUNG BA MED PA'I PHYIR GA SHED NAS 'ONGS PAR 'GYUR RO, ,'GAGS PA'I RANG BZHIN LA YANG BYUNG NAS MED PA MED PA'I PHYIR GA SHED DU 'GRO BAR 'GYUR @224B NA 'DI NI SRID PA YANG MA YIN NO, ,BCOM LDAN 'DAS KYIS DGE SLONG DAG DE LTAR NA MIG NI SKYE BA NA GANG NAS KYANG 'ONGS PA MA YIN LA 'GAG PA NA GAR YANG 'GRO BA MA YIN NO ZHES GSUNGS LA, DE BZHIN DU 'PHAGS PA GLANG PO'I RTZAL GYI MDO LAS, GAL TE CHOS RNAMS RANG BZHIN YOD 'GYUR NA; ,RGYAL BA NYAN THOS BCAS PAS DE MKHYEN 'GYUR, ,THER ZUG CHOS NI MYA NGAN 'DA' MI 'GYUR, ,MKHAS RNAMS NAM YANG SPROS DANG BRAL MI 'GYUR, ,ZHES GSUNGS SO, ,DE'I PHYIR DE LTAR NA DON GANG ZHIG ,SKYES PA LA NI 'ONG BA DANG, ,DE BZHIN 'GAGS LA 'GRO BA MED, ,DE LAS NGES PAR RANG BZHIN MED DO, ,GAL TE DE LA RANG BZHIN MED NA, CI ZHIG YOD CE NA, BRJOD PAR BYA STE, GANG KUN NAS NYON MONGS PA DANG RNAM PAR BYANG BA'I RGYUR BYAS PA'I NGO BO RTEN CING 'BREL PAR 'BYUNG BA DE YOD LA, SGYU MAR BYAS PA'I GLANG PO CHE DANG RTA LA SOGS PA DANG 'DRA BA DE YANG BYIS PA PHYIN CI LOG PA DAG GIS RANG BZHIN DANG BCAS PA NYID DU YONGS SU RTOG GO, ,'PHAGS PA RNAMS KYIS NI SGYU MA DANG SMIG RGYU LA SOGS PA LTAR RANG BZHIN MED PAR DON JI LTA BA BZHIN YONGS SU GCOD DO, ,JI SKAD DU MDO LAS, SEMS CAN MI DANG SHED SKYES KYANG RUNG STE, ,'DIR SKYE SHI BA 'GA' YANG SKYE MI 'GYUR, ,CHOS KUN RANG BZHIN SGYU 'DRA STONG PA STE, ,MU STEGS CAN GYIS SHES PAR NUS MA YIN, ,ZHES GSUNGS LA, DE BZHIN DU, CHOS KUN SGYU MA 'DRA ZHING DE BZHIN DU, ,RMI LAM DANG MTSUNGS SPRIN LTAR BLTA BYAS NAS, ,'DI 'DRA'I CHOS KYI TSUL LA RNAM DPYAD PA,, TSOGS PAR GNAS SHING CHOS LA LEGS GNAS SGOM, ,GANG ZHIG BDAG DANG BDAG GI SNYAM SEMS SHING, ,DNGOS PO PHRA MO DE BZHIN DU ZHEN PA, ,'DZIN GNAS MI MKHAS DE NI 'JIGS 'GYUR TE, ,CHAGS SHING SDANG LA DE BZHIN RMONGS PAR 'GYUR, ,SH'AKYA'I SRAS PO RANG BZHIN MED PA'I CHOS, ,RTEN CING 'BREL PAR 'BYUNG BA RTOGS 'GYUR TE, ,NAM MKHA' LTA BU'I SEMS DANG LDAN PA NI, ,LEGS PAR MTHONG NAS MI 'KHOR GROL MI 'GYUR, ,ZHES GSUNGS SO, ,SLOB DPON YANG 'PHAGS PA'I YE SHES LA LTES NAS RNAM PAR DPYOD PA'I @225A *, ,'BRAS BU BRJOD PA'I PHYIR GSUNGS PA NI, DE LTAR YIN NA JI LTA BUR, ,SRID PA SGYU MA 'DRA MA YIN, ,ZHES BYA BA STE, RTEN CING 'BREL PAR 'BYUNG BA NI JI LTA BA BZHIN MTHONG BA NA SGYU MA BYAS PA LTA BUR 'GYUR GYI MO GSHAM GYI BU LTA BU NI MA YIN NO, ,GAL TE RNAM PAR DPYOD PA 'DIS SKYE BA RNAM PA THAMS CAD DU BKAG PA LAS 'DUS BYAS SKYE BA MED PAR BSTAN PAR 'DOD NA NI DE'I TSE SGYU MA LTA BU NYID DU MI 'GYUR GYI MO GSHAM GYI BU LA SOGS PA DAG GIS NYE BAR GZHAL BAR 'GYUR BA ZHIG NA, RTEN CING 'BREL PAR 'BYUNG BA MED PAR THAL BAR 'GYUR BA'I 'JIGS PAS DE DAG DANG BSTUN PAR MI BYED KYI, DE DANG MI 'GAL BA SGYU MA LA SOGS PA DAG DANG NI MI BYED DO, ,DE'I PHYIR 'PHAGS PA NI SGYU MA BYAS PA LTA BU'I SRID PA SNYING PO MED PA NYID DU GZIGS PA NA SNYING PO MED PA'I 'KHOR BA LA CHAGS PA THAMS CAD YONGS SU ZAD PAS RNAM PAR GROL BAR 'GYUR BAS 'DI LA MI RIGS PA CI YANG MED DO, ,'DI RTEN CING 'BREL PAR 'BYUNG BAR 'GYUR PA LA SKUR PA MA BTAB BAS 'JIG RTEN PA'I RNAM PAR GZHAG PA THAMS CAD MI 'JIG LA, YANG DAG PA JI LTA BA BZHIN KHONG DU CHUD PAR THAR PA 'GRUB PA'I PHYIR RO; ,DE LTAR 'DUS BYAS SGYU MA BYAS PA LTA BUR BRJOD NAS DE'I MTSAN NYID RNAMS KYANG YOD PA'I NGO BO MA YIN PAR BSTAN PA'I PHYIR BSHAD PA, SKYE DANG GNAS DANG 'JIG PA RNAMS, ,CIG CAR 'BYUNG BA YOD MIN ZHING, ,RIM GYIS 'BYUNG BA YOD MIN NA, ,NAM ZHIG 'BYUNG BA YOD PAR 'GYUR, ,RE ZHIG PHAN TSUN 'GAL BA'I PHYIR SKYE BA DANG GNAS PA DANG 'JIG PA RNAMS SKAD CIG MA GCIG LA 'BYUNG BA NI MED DO, ,RIM GYIS KYANG 'BYUNG BA NI YOD PA MA YIN NO, ,GNYIS GNYIS DAG MED PAR RE RE 'BYUNG BA MED PA'I PHYIR RO, ,RIM DANG CIG CAR MA GTOGS PAR GRUB PA'I RGYU GZHAN MA GZIGS PA'I PHYIR RO, ,NAM ZHIG 'BYUNG BA YOD PAR 'GYUR, ,ZHES BYA BA SMOS SO, ,GZHAN YANG SKYE BA LA SOGS PA 'DI RNAMS 'DU BYED KYI PHUNG PO'I KHONGS SU GTOGS PA'I PHYIR 'DUS BYAS NYID YIN TE, DE'I PHYIR NGES PAR DE RNAMS LA YANG 'DUS BYAS KYI @225B MTSAN NYID GZHAN DAG CIG 'GYUR BAR BYA DGOS SO ZHES BSTAN PA'I PHYIR BSHAD PA, SKYE BA LA SOGS THAMS CAD LA, ,SLAR YANG THAMS CAD 'BYUNG BA STE, ,DE LAS 'JIG PA SKYE 'DRA ZHING, ,GNAS PA 'JIG DANG 'DRA BAR SNANG, ,SKYE BA LA SOGS TE SKYE BA DANG GNAS PA DANG 'JIG PA 'DUS BYAS NYID DU KHAS BLANGS PA RNAMS LA SLAR YANG THAMS CAD 'BYUNG BA STE, YANG 'BYUNG BA YIN NA NI SKYE BA LA SKYE BA GZHAN DU 'GYUR RO, ,JI LTAR SKYE BA LA SKYE BA GZHAN YIN PA'I TSUL DE LAS 'JIG PA SKYE 'DRA ZHING STE, 'JIG PA LA YANG 'DUS BYAS YIN PAS MTSAN NYID GSUM DANG LDAN NO, ,DE'I PHYIR 'JIG PA LA YANG 'JIG PA GZHAN YOD PAS 'JIG PA'I 'JIG PAR 'GYUR RO, ,DE BZHIN DU GNAS PA LA YANG 'DUS BYAS KYI MTSAN NYID GSUM YOD PA DANG, GNAS PA'I GNAS PAR 'GYUR BAS GNAS PA 'JIG PA DANG 'DRA BAR SNANG NGO, , DE DAG LA YANG 'DUS BYAS YIN PA'I PHYIR GZHAN DAG TU 'GYUR BAR BYA DGOS LA, DE DAG LA YANG GZHAN DAG YIN ZHING, DE LA YANG GZHAN DAG TU 'GYUR BAS THUG PA MED DO, ,THUG PA MED PA YIN NA YANG DNGOS PO THAMS CAD MI 'GRUB PAS 'DUS BYAS KYI MTSAN NYID RNAMS RANG BZHIN GYIS MED DO, ,GZHAN YANG MTSAN NYID 'DI RNAMS 'BYUNG BA NA MTSAN GZHI LAS THA DAD PA'I NGO BO CAN ZHIG GAM THA MI DAD PA ZHIG MTSAN NYID KYI LAS LA 'JUG GRANG NA, DE LA RE ZHIG ,MTSAN LAS MTSAN GZHI GZHAN ZHE NA, ,MTSAN GZHI MI RTAG NYID GA LAS; ,JI LTAR TSA BA DANG GRANG BA DANG BDE BA DANG SDUG BSNGAL BA LA SOGS PA DAG GCIG LA GCIG MED PAR 'GYUR BAS GZHAN NYID DU GNAS PA DE BZHIN DU MTSAN GZHI YANG MTSAN NYID LAS THA DAD PAR 'JUG PA NI MI RTAG PA NYID MED PAR YANG 'BYUNG BAR 'GYUR NA, 'DUS BYAS NI MI RTAG PA'I PHYIR MI RTAG PA NYID MED PAR 'BYUNG BA MA YIN PAS 'DI'I GZHAN NYID MI RIGS SO, ,CI STE NYES PA 'DI SPANG BAR 'DOD NAS MTSAN NYID DANG MTSAN GZHI GZHAN MA YIN PA NYID DU RTOG NA NI DE'I TSE SKYON GZHAN 'DI YIN TE, 'DI LTAR, YANG NA BZHI G-YANG YOD PA'I, , @226A *, ,NGO BOR GSAL BAR YOD MA YIN, ,GAL TE MTSAN NYID GSUM DANG MTSAN GZHI GCIG NYID DU KHAS LEN NA, DE'I TSE MTSAN NYID GSUM DANG MTSAN GZHI STE BZHI CHAR YANG DNGOS PO MED PAR 'GYUR RO, ,JI LTAR ZHE NA, 'DIR GCIG NYID DU KHAS BLANGS PA YIN NA NI MTSAN NYID MTSAN GZHI NYID DU MI RIGS PA'I PHYIR LA MTSAN GZHI YANG MTSAN NYID DU MI RIGS PA'I PHYIR BZHI CHAR YANG MED PAR 'GYUR BA 'AM, YANG NA RANG GI NGO BOS MA GRUB PA'I PHYIR DE NYID DANG GZHAN NYID DU KHAS BLANG BAR MI BYA'O, ,'DIR SMRAS PA, SKYE BA LA SOGS PA RNAMS NI YOD PA NYID DE, DE DAG GI RGYU MTSAN GYI RGYU YOD PA'I PHYIR RO, ,'DI MYU GU LA SOGS PA RNAMS RGYU'I TSOGS PA DE DANG DE LA BRTEN NAS 'BYUNG BAR DE LA MKHAS PA RNAMS 'CHAD DO, ,GAL TE SKYE BA LA SOGS PA RNAMS MED NA NI RGYU'I TSOGS PA DON MED PA NYID DU 'GYUR NA, DON MED PA YANG MA YIN NO, ,DE'I PHYIR SKYE BA LA SOGS PA RNAMS YOD PA NYID DO, ,BSHAD PAR BYA STE, GAL TE 'GA' ZHIG LAS 'GA' ZHIG SKYE BAR 'GYUR NA NI SKYE BA LA SOGS PA DAG TU 'GYUR NA SRID PA YANG MA YIN NO ZHES BSTAN PA'I PHYIR BSHAD PA, DNGOS PO DNGOS LAS MI SKYE STE, , DNGOS PO DNGOS MED LAS MI SKYE, ,DNGOS PO DNGOS MED MI SKYE STE, ,DNGOS MED DNGOS LAS MI SKYE'O, ,RE ZHIG DNGOS PO MYU GU GRUB PA'I NGO BO NI DNGOS PO SA BON RNAM PAR MA GYUR PA LAS SKYE BA MI SRID DE RNAM PAR 'GYUR BZHIN PA MA YIN PA'I SA BON SKYED PAR BYED PA NYID DU MI RIGS PA'I PHYIR LA, GRUB PA'I DNGOS PO MYU GU DNGOS PO'I NGO BO SLAR YANG SKYE BAR MI RIGS PA'I PHYIR DNGOS PO DNGOS LAS MI SKYE'O, ,DNGOS PO DNGOS PO MED PA LAS KYANG MI SKYE STE, DNGOS PO MED PA MES TSIG PA'I SA BON LA NI 'BRAS BU BSKYED PA'I NUS PA MED LA SKYE BA'I NGO BO CAN GYI DNGOS PO LA YANG SLAR SKYE BA MED PAS DNGOS PO 'GA' YANG MED PA LAS MI SKYE'O, ,DNGOS PO MED PA DANG DNGOS PO MED PA LAS KYANG MI SKYE STE, DNGOS PO MED PA LAS CUNG ZAD KYANG SKYE BA'I NUS PA MED PA'I PHYIR LA, DNGOS PO MED PA LA MO GSHAM GYI BU LA SOGS PA LTAR SKYE BA MI SRID PA'I PHYIR @226B DNGOS PO MED PA LAS KYANG DNGOS PO MED PA MI SKYE'O, ,DNGOS PO MED PA NI DNGOS PO LAS KYANG MI SKYE STE, BSHAD ZIN PA'I NYES PA THOG TU 'BAB PA NYID KYI PHYIR RO, ,DE LTAR NA DNGOS PO LAS KYANG DNGOS PO MED PA MI SKYE'O, ,GANG GI TSE DNGOS PO DANG DNGOS PO MED PA LAS DNGOS PO DANG DNGOS PO MED PA SKYE BA YOD PA MA YIN PA DE'I TSE SKYE BA MI SRID PAS RGYU DANG RKYEN GYI TSOGS PAS DNGOS PO DGOS PA CI ZHIG YOD DE, 'DI NI GYI NA'O, ,'DI LAS KYANG YOD PA MA YIN TE, SKYE BA DANG 'JIG PA DAG MI RIGS PA'I PHYIR RO, ,'DIR SKYE BA'I DNGOS PO'I RANG BZHIN GYI DON NAM DNGOS PO MED PA'I RANG BZHIN LA RTOG GRANG NA, DE BZHIN DU 'JIG PA YANG RTOG PA NA, DNGOS PO 'AM DNGOS PO MED PA ZHIG LA RTOG GRANG NA, RNAM PA THAMS CAD DU MI SRID DO ZHES BSTAN PA'I PHYIR BSHAD PA, DNGOS PO DNGOS POR MI 'GYUR TE, ,DNGOS MED DNGOS POR MI 'GYUR RO; ,DNGOS MED DNGOS MED MI 'GYUR TE, ,DNGOS YOD DNGOS MED MI 'GYUR RO, ,DE LA DNGOS PO ZHES BYA BA NI SKYES SHING BDAG NYID KYI DNGOS PO RNYED PA'I DON TE, DE SLAR YANG DNGOS POR MI 'GYUR ZHING, SLAR YANG SKYE BAR MI 'GYUR TE, YOD PA SKYE BA DON MED PA'I PHYIR RO, ,DE LTAR NA YANG DNGOS PO DNGOS POR MI 'GYUR RO, ,DNGOS PO MED PA YANG DNGOS POR MI 'GYUR RO, ,DNGOS PO MED PA ZHES BYA BA YOD PA MA YIN PA JI LTAR DNGOS POR 'GYUR TE, MO GSHAM GYI BU YANG SKYE BAR THAL BA'I PHYIR RO, ,DE LTAR NA DNGOS PO MED PA YANG DNGOS POR MI 'GYUR RO, , DE LTAR NA RE ZHIG DNGOS PO'AM DNGOS PO MED PA DANG DNGOS POR MI 'GYUR BAS SKYE BA MI SRID DO, ,DA NI 'JIG PA YANG MI SRID DO, ,JI LTAR ZHE NA, RE ZHIG DNGOS PO MED PA NI DNGOS PO MED PAR MI 'GYUR TE, YOD PA MA YIN PA LA NI RI BONG GI RVA LTAR YANG DNGOS PO MED PA MED PA'I PHYIR RO; ,DE'I PHYIR DNGOS PO MED DE DNGOS PO MED PAR MI 'GYUR RO, ,DNGOS PO YANG DNGOS PO MED PAR MI 'GYUR TE, PHAN TSUN 'GAL BA'I PHYIR RO, ,DNGOS PO MED PA MED NA NI 'JIG PA MED LA, SKYE BA DANG 'JIG PA MED NA YANG 'DUS BYAS MED DO ZHES BYA BAR GRUB BO, ,JI SKAD @227A *, ,DU; BCOM LDAN 'DAS KYIS, 'DUS BYAS 'DUS MA BYAS KUN RNAM PAR DBEN, ,DRANG SRONG DE DAG RNAM RTOG MI MNGA' STE, ,'GRO BA KUN LA 'DUS MA BYAS THOB CING, ,RTAG TU LTA BAR GYUR PAS RNAM PAR DBEN, ,ZHES GSUNGS SO, ,'DIR SMRAS PA, SKYES PA MI SKYE LA MA SKYES PA YANG MI SKYE STE, DNGOS PO DANG DNGOS PO MED PA DAG LA SKYE BA BKAG PA'I PHYIR RO, ,'O NA CI ZHE NA, SKYE BZHIN PA'I DON SKYE'O, ,'DI YANG MI RIGS SO ZHES BSTAN PA'I PHYIR BSHAD PA, SKYE BZHIN PA NI PHYED SKYES PHYIR, ,SKYE BZHIN PA NI SKYE MI 'GYUR, ,GAL TE GANG CUNG ZAD CIG SKYES SHING CUNG ZAD CIG MA SKYES PA DE SKYE BZHIN PA YIN NA, DE LTAR NA NI 'O NA SKYE BZHIN PA DE YOD PA MA YIN TE SKYES PA DANG MA SKYES PA DAG LA RJES SU ZHUGS PAS GZHAN GSUM PA SKYE BZHIN PA'I DUS KYI RNAM PA MED DO, ,DE'I PHYIR MED PA NYID KYIS SKYE BZHIN PA MI SKYE'O, ,GAL TE GNYI GA'I NGO BO SKYE BZHIN PA YIN NA NI DE'I PHYIR DE'I GANG CUNG ZAD CIG SKYES PA DE NI SKYES PA'I KHONGS SU GTOGS PA'I PHYIR MI SKYE STE, DNGOS PO NI MI SKYE'O ZHES BRJOD PA'I PHYIR RO, ,DE'I CUNG ZAD MA SKYES PA GANG YIN PA DE YANG MI SKYE STE, DNGOS PO MED PA MI SKYE'O ZHES BRJOD PA'I PHYIR RO, ,CI STE SKYES PA DANG MA SKYES PA DAG LA SKYE BZHIN PA NYID DU RTOG NA, DE LTA YIN NA 'DAS PA DANG MA 'ONGS PA GNYIS KYANG SKYE BZHIN PA NYID DU 'GYUR RO ZHES BSTAN PA'I PHYIR BSHAD PA, YANG NA THAMS CAD SKYE BZHIN PA, ,NYID NI YAN PAR THAL BAR 'GYUR, ,ZHES BYA BA SMOS SO, ,SKYE BA'I BYA BA THOB PAR 'GYUR BA SKYES ZIN PA NI MI GNAS PA'I PHYIR 'DAS PA KHO NAR 'GYUR LA, MA SKYES PA NI MA 'ONGS PAR 'GYUR RO, ,DE'I PHYIR 'DIR SKYE BZHIN PA LA SKYE BAR RTOG NA, YANG NA DUS GSUM PO THAMS CAD SKYE BZHIN PA'I KHONGS SU GTOGS PA'AM, YANG NA SKYE BZHIN PA ZHES BYA BA GANG NA YANG MED DO ZHES BYA BAR GNAS SO, ,GZHAN YANG SKYE BZHIN PA'I DNGOS POR GNAS PA YONGS SU BRTAG PA GANG YIN PA DE CI SKYE BZHIN PA'I BDAG NYID DU BYA BA 'AM SKYE BZHIN PA'I BDAG NYID DU BYA BA MA YIN PA ZHIG TU 'GYUR GRANG NA, GNYI GA LTAR @227B YANG SKYON DU 'GYUR RO ZHES BSTAN PA'I PHYIR BSHAD PA, SKYE BZHIN PA YI BDAG NYID DU, ,BYA BA SKYE BZHIN PAR MI 'GYUR, ,SKYE BZHIN PA YI BDAG NYID DU, ,MI BYA'ANG SKYE BZHIN PAR MI 'GYUR, ,SKYE BZHIN PA'I RANG BZHIN GANG YIN PA DE NI DE'I BDAG NYID DU RNAM PAR GNAS PA'I PHYIR BYA BA MA YIN LA, GANG ZHIG SKYE BZHIN PA'I BDAG NYID DU MI BYA BA DE YANG SKYE BZHIN PAR MI 'GYUR TE, SKYE BZHIN PA'I BDAG NYID DU MA GYUR PA'I PHYIR RO, ,GANG ZHIG SKYE BZHIN PA'I BDAG NYID DU BYA BA DE NI YANG SKYE BZHIN PA MA YIN PA LTAR SKYE BZHIN PAR MI 'GYUR BAS SKYE BZHIN PA MED DO, ,SKYE BZHIN PA MED PAS KYANG SKYE BZHIN PA MI SKYE'O, ,'DIR SMRAS PA, SKYE BZHIN PA'I DON DE NI YOD PA NYID DE 'DAS PA DANG MA 'ONGS PA'I BAR NA GNAS PA'I PHYIR RO, ,'DIR 'DAS PA DANG MA 'ONGS PA'I BAR NA SKYE BZHIN PA ZHES BYA BA YOD DE, GAL TE MED NA NI CI LA LTOS NAS 'DAS PA DANG MA 'ONGS PA RNAM PAR 'JOG PAR 'GYUR, DE YOD NA NI MA 'ONGS PA'I DON DE LA MA 'ONGS PA DANG THAL BA ZHES BYA BA DE 'DAS PA ZHES BRJOD DO, ,DE'I PHYIR SKYE BZHIN PA LA LTOS PA NYID KYIS DUS GNYIS PO DE RIGS SO, ,BSHAD PAR BYA STE, GANG GIS GNYIS PO BAR MED PAR; ,SRID PA YOD PA MA YIN PA, ,DE LA SKYE BZHIN PA MED DO, ,GANG PHYIR DE LA'ANG BAR YOD PHYIR, ,RGOL BA GANG GI LTAR NA BAR MED PAR TE, DKYIL MED PAR 'DAS PA DANG MA 'ONGS PA GNYIS SRID PA YOD PA MA YIN PA DE LA SKYE BZHIN PA MED DO, ,JI LTAR ZHE NA, GANG PHYIR DE LA'ANG BAR YOD PHYIR TE, JI LTAR SKYE BZHIN PA 'DAS PA DANG MA 'ONGS PA DAG GI BAR NA GNAS PA NYID YIN PA DE BZHIN DU SKYE BZHIN PA SKYES PA DANG MA SKYES PA'I RANG BZHIN CAN DE LA YANG GANG LA LTOS NAS SKYES PA DANG MA SKYES PAR RNAM PAR 'JOG PAR 'GYUR BA BAR ZHIG TU 'GYUR BAR BYA DGOS NA, SKYES PA DANG MA SKYES PA'I BAR DU GZHAN GSUM PA SKYE BZHIN PA ZHES BYA BA DE RNAM PAR GZHAG PAR NUS PA YANG MA YIN TE, THAMS CAD DU SKYES PA DANG MA SKYES PA'I BAR DU SKYE BZHIN PAR RTOG PA THUG PA MED PAR THAL BAR 'GYUR PA'I PHYIR RO, ,'DIR SMRAS PA, GANG LA @228A *, ,JI SKAD BSHAD PA'I SKYON DU THAL BAR 'GYUR BA PHYED SKYES PA NI SKYES BZHIN PA MA YIN NO, ,'O NA CI ZHE NA, GANG ZHIG 'GAGS PAS DNGOS PO SKYE BAR 'GYUR BA SKYES PA'I SNGA ROL GYI GNAS SKABS KYI NGO BO'I DON DE LA SKYE BZHIN PA ZHES BYA'O, ,DE NYID BSTAN PA'I PHYIR SMRAS PA; GANG GI PHYIR NA SKYE BZHIN PA, ,'GAGS PAS SKYES PA SKYE 'GYUR BA, ,DE YI PHYIR NA SKYE BZHIN PA, ,GZHAN YANG YOD PA'I NGO BOR SNANG, ,GANG GI PHYIR SKYE BZHIN PA 'GAGS PAS DNGOS PO SKYE BAR 'GYUR BA DE'I PHYIR SKYES PA MA RTOGS PAR SKYE BZHIN PA'I DNGOS PO YOD DO, ,'DI LA BSHAD PAR BYA STE, GANG TSE SKYES PA DE YI TSE, ,SKYE BZHIN PA LA SRID PA MED, ,RE ZHIG GANG GI TSE DNGOS PO 'DI SKYES SO ZHES BRJOD PA DE'I TSE SKYE BZHIN PA MED DO, ,SKYE BZHIN PA MI SRID PAS KYANG GANG LAS SKYES PAS GANG ZHIG GIS SKYE BZHIN PA RJES SU SPOBS PAR 'GYUR BA SKYES PA ZHES BYA BA NYID MED DO, , CI STE SKYES PA YANG SKYE BZHIN PAR 'GYUR NA 'O NA NI DE LA SKYE BA MI SRID DE SKYES PA'I PHYIR RO ZHES BSTAN PA'I PHYIR BSHAD PA, GANG TSE SKYES PA SKYE BZHIN NA, ,DE TSE CI PHYIR SKYE BAR 'GYUR, ,GANG GI TSE SKYES PA'I DON KHO NA LA SKYE BZHIN PA ZHES BRJOD NA NI DE'I TSE SKYE BZHIN PA'I DON SKYE'O ZHES BYA BAR CI'I PHYIR RTOGS TE, GRUB PA'I PHYIR 'DI LA SKYE BA BRTAG PAR MI RIGS SO SNYAM DU DGONGS SO, ,DE'I PHYIR SKYE BZHIN PA SKYE'O ZHES BYA BAR MI RUNG NGO, ,'DIR SMRAS PA, SKYE BZHIN PA'I DON 'DI MA SKYES KYANG SKYE BA LA MNGON DU PHYOGS PAS SKYES SO ZHES BRJOD DO, ,DE'I PHYIR SKYES PA KHO NA SKYES BZHIN PA YIN LA, 'DI'I SKYE BA DON MED PA YANG MA YIN NO ZHE NA, DE LTAR NA YANG, GAL TE, SKYE BZHIN PA NA MI SKYES PA, ,KHO NA SKYES ZHES BYAS PAR GRAG ,GAL TE GZHAN GYIS SKYE BZHIN PA'I DNGOS PO MA SKYES PA KHO NA SKYE BA LA MNGON DU PHYOGS PAS SKYES SO ZHES BYA BAR BRTAGS TE, DE LTA YIN NA, SKYES DANG MA SKYES PA DAG LA, ,KHYAD PAR MED PHYIR DE YI TSE, ,BUM PA MED PA CIS MI RTOG ,SKYES PA'I GNAS SKABS KYI DNGOS PO KHO NA LA BUM PA ZHES BRJOD LA, SKYES PA DANG MA SKYES PA DAG KYANG GCIG PA NYID KYI PHYIR BUM PA SKYES PA YANG SNGAR MED PAS DNGOS PO @228B MED PAR 'GYUR NA, 'DI NI SRID PA YANG MA YIN PAS 'DI NI MI RIGS SO, ,CI STE YANG SKYE BZHIN PA DANG MA SKYES PA LA KHYAD PAR MED PA MA YIN PA KHO NA STE SKYE BZHIN PA NI SKYE BA'I BYA BA DANG 'BREL PA'I DNGOS PO YIN NO SNYAM NA BSHAD PAR BYA STE, SKYE BZHIN PA NI MA RDZOGS KYANG, ,MA SKYES PA LAS PHYI ROL 'GYUR, ,GAL TE YANG SKYE BZHIN PA'I DNGOS PO NI MA RDZOGS PA'I NGO BO YIN YANG MA 'ONGS PA LAS PHYI ROL DU RNAM PAR GZHAG MOD KYI, DE LTAR GANG PHYIR SKYES PA LAS, ,PHYI ROL GYUR PHYIR MA SKYES SKYE, ,JI LTAR BYA BA DANG 'BREL PAS SKYE BZHIN PA MA SKYES PA LAS PHYI ROL DU 'GYUR BA DE BZHIN DU SKYES PA LAS KYANG PHYI ROL DU GYUR PA NYID DE MA RDZOGS PA'I NGO BO YIN PA'I PHYIR RO, ,DE'I PHYIR MA SKYES PA KHO NA SKYE'O ZHES BYA BAR 'GYUR BAS SKYE BZHIN PA ZHES BYA BA MED DO, ,SKYES PA LAS PHYI ROL DU GYUR PA'I PHYIR MA SKYES PA NYID SKYE BA 'BA' ZHIG TU MA ZAD KYI, 'DI LAS KYANG MA SKYES PA NYID SKYE'O, ,'DI LTAR GZHAN GYI, SKYE BZHIN PA SNGAR MA BYUNG YANG, ,PHYI NAS YOD PA YIN PAR GRAG ,DES KYANG MA SKYES PA SKYE'O, ,MA BYUNG ZHES BYA BA NI BYUNG BA YANG MA YIN PA ZHES BYA BA'I DON TO, ,GANG ZHIG DA LTAR SKYE BZHIN PA NYID DU BSNYAD PA DE NI SKYE BZHIN PA'I GNAS SKABS KYI SNGAR TE GANG DU MA BYUNG NGO, ,MA 'ONGS PA'I DUS NA SKYE BZHIN PA'I DON DE MED KYANG PHYIS SKYE BZHIN PAR YANG 'GYUR BAR GRAG GO, ,DE'I PHYIR YANG SKYE BA'I BYA BA DANG 'BREL PA'I DUS NA MA SKYES PA KHO NAR SKYE BZHIN PAR 'GYUR RO, ,DE'I PHYIR 'DI MA SKYES PA NYID KYIS MA BYUNG BA NYID YIN LA; BDAG GI DNGOS PO MA THOB PA'I MA BYUNG BA LA NI SKYE BA'I BYA BA MI 'JUG PAR MI BZOD DO ZHES BSTAN PA'I PHYIR BSHAD PA NI, MA BYUNG ZHES BYA SKYE MA YIN, ,ZHES BYA BA'O, ,GZHAN YANG, RDZOGS PA YOD CES BYAR 'GYUR LA, ,MA BYAS PA NI MED CES BRJOD, ,YOD DO ZHES BYA BA 'DIS NI RDZOGS PAR BRJOD DO, ,RDZOGS PA'I DNGOS PO KHO NA YOD DO ZHES BYA BAR 'GYUR RO, ,YOD DO ZHES BYA BA YIN NO ZHES BYA BA'I DON TO, ,MED DO ZHES BYA BA 'DIS KYANG MA BYAS SHING MA RDZOGS PA KHO NA BRJOD DO, ,DE'I PHYIR GNAS SKABS 'DI GNYIS DANG BRAL NAS, , @229A *, ,GANG GI TSE NA SKYE BZHIN PA, ,MED PA DE TSE GANG DER BRJOD, ,GANG GI TSE DNGOS PO 'DI NI 'DI LTAR YIN NO, ,ZHES BYA BAR SKYE BZHIN PA'I GNAS SKABS KYI DNGOS PO BSTAN PAR MI NUS PA DE'I TSE DE RANG GI NGO BOS NGES PAR MA ZIN PA'I PHYIR YOD PA MA YIN PA NYID DE DE'I PHYIR NGES PAR MI NUS SO, ,DE'I PHYIR DE LTAR JI SKAD BSHAD PA'I TSUL GYIS SKYE BZHIN PA MI SRID PA'I PHYIR, GANG TSE RGYU NI MA GTOGS PAR, ,'BRAS BU YOD PA MA YIN PA, ,DE YI TSE NA 'JUG PA DANG, ,LDOG PA 'THAD PA NYID MI 'GYUR, ,GANG GI TSE RNAM PAR DPYAD PA NA RGYU LAS LOGS SHIG PA'I 'BRAS BUR MI 'GYUR PA DE'I TSE RTEN MED PA'I 'JUG PA 'BRAS BU SKYE BA DANG LDOG PA RGYU 'JIG PA MED DE, JI SKAD DU BCOM LDAN 'DAS KYIS, SEMS CAN MI DANG SHED SKYES KYANG RUNG STE, ,'DIR SKYES SHI BA 'GA' YANG SKYE MI 'GYUR, ,CHOS KUN RANG BZHIN SGYU 'DU STONG PA STE, ,MU STEGS CAN GYIS SHES PAR NUS MA YIN, ,ZHES RGYA CHER GSUNGS LA, DE BZHIN DU, SKYE BA DANG NI 'CHI 'PHO 'ANG, ,SKYE BA MED CING 'CHI 'PHO MED, ,GANG ZHIG 'DI NI SHES GYUR PA, ,DE YI TING 'DZIN RNYED MI DKA', ,ZHES 'BYUNG NGO, ,DE'I PHYIR DE LTAR YONGS SU DPYAD PA NA DNGOS PO RNAMS KYI RANG BZHIN 'GRUB PAR MI 'GYUR BAS SO SO NAS DNGOS PO RNAMS LA SGYU MA LTA BU DE NYID LHAG MA LUS PAR 'GYUR RO, ,DE'I PHYIR DE LTAR RNAM PA THAMS CAD MKHYEN PA'I YE SHES SKYES PAS 'GRO BA MTHA' DAG 'GYED PAR 'DOD PAS SGYU MA'I SKYE BO BLUN PO RMONGS PAR BYED PA SKYE BO BLUN PA MA YIN PA YA MTSAN BSKYED PAR RIG CING, 'DIR BDEN PAR MNGON PAR ZHEN PAS BSLAD PA'I DNGOS PO LA SRID PA BSAL LA, 'GRO BA YONGS LA PHAN GDAGS PA'I PHYIR BLA NA MED PA'I YE SHES KYI RGYUR 'GYUR BA'I SNYING RJE CHEN PO DANG BYANG CHUB KYI SEMS DANG GNYIS SU MED PA'I YE SHES ZHES BYA BA GSUM MNGON DU BYAS TE, MKHAS PA SRID PAR SKYE BA LA BZO ZHING JI LTA BA BZHIN NGES PA'I 'KHOR BA'I RANG BZHIN GYI NYON MONGS PA DANG SDUG BSNGAL GYI ME 'BAR BA'I PHRENG BA'I TSOGS KYIS BSKOR BA'I SRID PA GSUM GYI KHANG PA'I @229B DBUS SU CHUD PA'I 'GRO BA SKYOB PA MED PAR LTA ZHING 'GRO BAR 'GRO BA'I SDUG BSNGAL MA LUS PAR BSDOMS PA LHAGS PA, 'KHOR BA'I BAR DU SKAD CIG DANG SKAD CIG LA RNAM PA GZHAN DANG GZHAN DU LUS DANG SEMS DAG LA GNOD PA DAG GIS KYANG BRED PAR MI 'GYUR LA, 'GRO BA'I SDUG BSNGAL CIG CAR LHAGS PA DAG GIS 'KHOR BA'I BAR DU SPRO BAR BYAS PA'I BRTZON 'GRUS KYI SKAD CIG RE RE NI 'GRO BA MTHA' DAG GI RNAM PA THAMS CAD MKHYEN PA NYID KYI NOR GYI TSOGS MTHA' YAS PA SKYE BA'I RGYUR RIG PAR BYAS NAS SLAR YANG SRID PA BRGYA PHRAG BLANG BAR RIGS TE, JI SKAD DU BCOM LDAN 'DAS KYIS, DE YI LHAG BSAM 'KHOR BAR GTOGS PA STE, ,SBYOR BA MYA NGAN 'DAS PAR GTOGS PA YIN, ,SBYIN PAS SEMS CAN YONGS SU SMIN PHYIR DANG, ,RNAM PAR SMIN LA RE BA MED PA NYID, ,CES BYA BA LA SOGS PA DANG, DE BZHIN DU 'PHAGS PA DE BZHIN GSHEGS PA'I GSANG BA'I MDO LAS, RGYAL PO CHEN PO YANG DE'I TSE DE'I DUS NA 'KHOR DER BYANG CHUB SEMS DPA' SEMS DPA' CHEN PO DPA' BA'I STOBS ZHES BYA BA ZHIG LHAGS PAR GYUR NAS 'KHOD DE, DES BCOM LDAN 'DAS DE LA 'DI SKAD CES GSOL TO, ,BCOM LDAN 'DAS DE DE LTA LAGS SO, ,BDE BAR GSHEGS PA DE DE LTA LAGS SO, ,BYANG CHUB SEMS DPA' RNAMS KYIS BRTZON 'GRUS BRTZAMS SHING LUS DANG SROG DOR BAR BGYI'O, ,BDAG GIS BCOM LDAN 'DAS KYIS JI SKAD GSUNGS PA'I DON 'TSAL TE, GANG ZHIG 'DI SNYAM DU MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O SNYAM DU SEMS PA'I BYANG CHUB SEMS DPA' DE NI LE LOR LTUNG BA LAGS PAR KHO BO LA SNANG NGO, ,DE CI'I SLAD DU ZHE NA, BCOM LDAN 'DAS BRTZON 'GRUS BRTZAMS PA'I BYANG CHUB SEMS DPA' RNAMS LA 'KHOR BA LA YONGS SU SKYO BA MI 'BYUNG NGO, ,BCOM LDAN 'DAS BYANG CHUB SEMS DPA' RNAMS NI SEMS CAN YONGS SU SMIN PA NYID NYE BAR BZUNG NAS 'KHOR BA LA PHAN YON DU LCA BA DE LTAR NI YONGS SU MYA NGAN LAS 'DAS PA CHEN PO NI MA LAGS SO, ,BCOM LDAN 'DAS @230A *, ,BYANG CHUB SEMS DPA' RNAMS NI SEMS CAN GYI DON LA MNGON PAR BRTZON PA LAGS SO, ,DE CI'I SLAD DU ZHE NA, BCOM LDAN 'DAS BYANG CHUB SEMS DPA' RNAMS LA 'KHOR BA CHES BDE BA'I MYA NGAN LAS 'DAS PA CHEN PO NI MA LAGS SO, ,DE CI'I SLAD DU ZHE NA, BCOM LDAN 'DAS BYANG CHUB SEMS DPA' RNAMS NI SEMS CAN THAMS CAD KYI DON LA BRTZON PA STE, DE RNAMS JI LTA JI LTAR SEMS CAN GYI DON BYED PA DE LTA DE LTAR BDE BAR 'GYUR LAGS SO, ,BCOM LDAN 'DAS YONGS SU MYA NGAN LAS 'DAS PA NI SLAR CI ZHIG BGYID PAR 'GYUR, BCOM LDAN 'DAS DE'I SLAD DU BYANG CHUB SEMS DPAS NI 'KHOR BA'I BDE BA'I RO MI MYANG BAR 'KHOR BA'I SPYOD YUL CAN DU BGYI'I, MYA NGAN LAS 'DAS PA'I SPYOD YUL CAN DU NI MA LAGS SO, ,BCOM LDAN 'DAS BYANG CHUB SEMS DPA' 'KHOR BA'I SPYOD YUL CAN 'KHOR BA'I BDE BA'I RO MI MYANG BAR SEMS CAN GYI DON LA BRTZON PAS NI SANGS RGYAS BCOM LDAN 'DAS DPAG TU MED PA KHUMS SHING CHOS DPAG TU MED PA KHUMS LA SEMS CAN DPAG TU MED PA YONGS SU SMIN PAR BGYID DO, ,BCOM LDAN 'DAS 'KHOR BA'I SPYOD YUL CAN GYI BYANG CHUB SEMS DPA' NI SEMS CAN GYI SPYOD YUL GYI RJES SU 'JUG GO, ,BCOM LDAN 'DAS MYA NGAN LAS 'DAS PA'I SPYOD YUL CAN GYI BYANG CHUB SEMS DPA' NI BTANG SNYOMS SU LTUNG NGO, ,BCOM LDAN 'DAS GAL TE BYANG CHUB SEMS DPA' 'KHOR BA'I SPYOD YUL LA SKRAG NA NI SPYOD YUL MA LAGS PAR LTUNG NGO, ,SPYOD YUL MA LAGS PAR LTUNG NA PHYIS SEMS CAN GYI DON MI BGYID DO, DES NI DE BZHIN GSHEGS PA'I SPYOD YUL LA DGOD PAR MI NUS SHING, SEMS CAN THAMS CAD KYI NYE BAR 'TSO BAR MI 'GYUR LAGS SO, ,YANG DE'I SPYOD YUL MA LAGS PA GANG ZHE NA GANG ZHIG [?] NYAN THOS DANG RANG SANGS RGYAS KYI SA LA DGA' BA NYID DANG, SEMS CAN YONGS SU SMIN PAR BYA BA BTANG SNYOMS PA'O, ,DE CI'I SLAD DU ZHE NA, BCOM LDAN 'DAS NYAN THOS RNAMS KYI SPYOD YUL GANG LAGS PA DE NI BYANG CHUB SEMS DPA'I SPYOD YUL MA LAGS SO, ,BCOM @230B LDAN 'DAS NYAN THOS RNAMS NI 'KHOR BA'I SPYOD YUL LA SKRAG PAR 'GYUR LAGS KYI BYANG CHUB SEMS DPA' RNAMS NI SLAR 'KHOR BA DPAG TU MED PA YONGS SU 'DZIN PAR BYED PAR 'GYUR LAGS SO, ,DE LA BCOM LDAN 'DAS BYANG CHUB SEMS DPA' NI SPYOD YUL LA GNAS PAR 'GYUR BAR BGYI 'TSAL LO ZHES RGYA CHER GSUNGS SO, ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA'I 'GREL PA LAS, 'DUS BYAS KYI DON DGAG PA BSGOM PA BSTAN PA ZHES BYA BA STE RAB TU BYED PA BCO LNGA PA'I 'GREL PA'O,, ,, DA NI THAL ZIN PA'I RAB TU BYED PA BCO LNGAS BSTAN BCOS KYI BYA BA YONGS SU RDZOGS PAR BYAS NAS BSTAN BCOS RTZOM PA'I DGOS PA DANG, RGOL BA NGAN PA'I LHAG MA SPANGS PAR BSTAN PA'I PHYIR RAB TU BYED PA BCU DRUG PA RTZOM MO, ,RGYU 'GA' ZHIG GIS STONG PA YANG, ,STONG PA MIN PA LTA BUR SNANG; ,RAB TU BYED PA THAMS CAD KYIS, ,DE NI SO SO 'GOG PAR BYED, ,STONG PA NYID KYI DON JI LTA BA BZHIN NGES PAR MA BYAS PAR NI 'GAS KYANG 'KHOR BA LA CHAGS PA SPANGS NAS MYA NGAN LAS 'DAS PA LA DGA' BA BSKYED PAR MI NUS SO, ,CHOS THAMS CAD RANG BZHIN GYIS STONG PA NYID DE YANG 'GRO BA MTHA' DAG DANG BDAG GI BA LA MNGON PAR ZHEN PA'I ZHAGS PAS DBANG DU BYAS PA THOS PA DANG MI LDAN PA RNAMS HA CANG SKRAG PAR BYED PA YIN PAS MKHAS PAS MI SNYAN PA GLENG BA LA MKHAS PA'I SKYES BUS RGYAL PO LA BTZUN MO PHANGS BA SHI BA'I TSUL GSOL BAS THUGS BDE BA BSKYED PA BZHIN DU RIGS PA 'GA' ZHIG GIS GZHUG PAR BYA'O, ,BDAG TU 'DZIN PA DANG BDAG GIR 'DZIN PA'I 'DZIN PAS PHYIN CI LOG PA'I 'JIG RTEN GYIS NI DNGOS PO MI RTAG PA NYID LA SKAD CIG MAR 'JIG PA MA MTHONG BAS 'DU BYED TZAM GYI RGYUN GYI DON YANG DAG PAR MA NGES PA LAS STONG PA NYID DU LTA BA'I GEGS SU 'GYUR BA RTAG PA NYID DU NGES PAR BYAS NAS PHYIR 'JIL BAR BYED PA NA 'GRO BA MI STONG PA KHO NAR RTOGS TE, DE'I PHYIR DE'I STONG PA NYID MA YIN PA NYID DU LTA BA DGAG PA'I PHYIR RAB TU BYED PA DANG PO BRTZOMS SO ZHES BYA BA LA SOGS PA SBYAR BAR BYA'O, , @231A *, ,'DIR STONG PA NYID KYI DON RANG BZHIN DANG BRAL BA'I DON YIN NO ZHES NI LAN CIG MA YIN PAR BSTAN ZIN TO, ,DE'I PHYIR DE LTAR NA DNGOS PO'I RNAM PA RANG BZHIN DANG BRAL BA YIN YANG RGYU 'GA' ZHIG GIS STONG PA MA YIN PAR GANG DAG LA SNANG BA DE DAG GI YOD PA MA YIN PA'I 'DZIN PA'I RGYU DE RAB TU BYED PA BCO LNGA PO THAMS CAD KYIS 'GOG PAR BYED DO, ,GAL TE DE LTA BU'I DON DU RAB TU BYED PA DE RNAMS BRTZAMS NA, DE NYID KYI PHYIR DNGOS PO RNAMS STONG PA MA YIN PA NYID DU 'GRUB PA MA YIN NAM 'DI LTAR RAB TU BYED PA DE RNAMS KYI SMRA BA PO NI RE ZHIG KHYOD YOD LA, RAB TU BYED PA BRJOD PAR BYA BA'I DON STONG PA MA YIN PA'I RGYU ZLOG PAR BYED PA'I RGYU YANG YOD CING DON KHYAD PAR DU 'PHAGS PAS MTSAMS BYAS PAS SGRA'I TSOGS KYI NGO BO CAN GYI TSIG RAB TU BYED PA BCO LNGA'I BDAG NYID CAN 'DI YANG YOD PAS SMRA BA PO DANG BRJOD PAR BYA BA DANG, TSIG RNAMS YOD PA LAS DNGOS PO RNAMS STONG PA NYID MA YIN PAR GRUB STE, DE'I PHYIR KHYOD KYI RAB TU BYED PA THAMS CAD RTZOM PA'I NGAL BA'I TSOGS DON MED PA NYID DO ZHES BSTAN PA'I PHYIR SMRAS PA, GANG TSE SMRA BA BRJOD BYA NA'ANG, ,DE'I TSE STONG PA ZHES BYAR MI RUNG NGO, ,'ANG GI SGRA NI TSIG BSDU BA'I DON DU'O, ,GANG GI TSE KHYOD SMRA BA PO YOD CING, BRJOD PAR BYA BA RAB TU BYED PA BCO LNGAS BSTAN PAR BYA BA'I DON YOD LA KHYOD KYI TSIG STONG PA NYID KYI DON RAB TU SGRUB PAR BYED PA YANG YOD PA DE'I TSE DNGOS PO THAMS CAD GRUB PO, ,MO GSHAM GYI BU YOD PA MA YIN PA NI DON GANG GI YANG SMRA BA POR MI RIGS SHING, DE'I TSE TSIG KYANG YOD PA MA YIN LA DE'I TSIG GIS BSTAN PAR BYA BA'I DON YANG MED NA 'DI GSUM NI YOD PA YANG YIN PAS DNGOS PO RNAMS RANG BZHIN DANG BCAS PA NYID DU GRUB PO, ,BSHAD PAR BYA STE, 'DI NI RIGS PA YANG MA YIN NO, ,GANG LAS SHE NA 'DI LTAR, GANG ZHIG BRTEN NAS KUN 'BYUNG BA, ,DE NI GSUM LA'ANG YOD MA YIN, ,RANG BZHIN BYA BA NI TSIG GI LHAG MA'O, ,'DI NA SMRA BA PO GANG YIN PA DE YANG KHO BO CAG GI LTAR NA RTEN CING 'BREL BAR 'BYUNG BA YIN DANG SMRA BA PO NYID DU RNAM PAR GZHAG STE, TSIG DANG BRJOD PAR BYA BA LA BRTEN NAS SMRA BA POR 'DOGS KYI MI SMRA BA NI MA YIN NO, ,GANG GI @231B TSE DE LTA YIN PA DE'I TSE SMRA BA PO LA SMRA BA'I RANG BZHIN MED LA TSIG DANG BRJOD PAR BYA BA LA YANG SMRA BA PO'I RANG GI NGO BO YOD PA MA YIN NO, ,GAL TE YOD NA NI SKYE BA DON MED PA NYID DU 'GYUR RO, ,DE'I PHYIR SMRA BA PO'I RANG BZHIN RANG NGAM DE LA MED DE, DE'I PHYIR STONG PA YIN NO, ,DE BZHIN DU BRJOD PAR BYA BA YANG SMRA BA PO DANG TSIG LA BRTEN NAS GDAGS KYI, RANG BZHIN NYID KYIS NI MA YIN NO ZHES BYA BA LA SOGS PA DANG TSIG LA YANG SBYAR BAR BYA'O, ,DE'I PHYIR GSUM PO DE DAG GI RANG BZHIN NI GSUM CHAR LA YANG YOD PA MA YIN PAS SMRA BA PO DANG, BRJOD PAR BYA BA DANG TSIG RNAMS RANG BZHIN STONG PA NYID DU GRUB PA KHO NA STE DE'I PHYIR SKYON MED DO, ,'DIR SMRAS PA, GAL TE 'DI THAMS CAD STONG PA YIN NA DE'I TSE DBANG PO DANG DON DAG RNAM PA THAMS CAD DU MED PAS 'GRO BA BONG BU'I RVA DANG 'DRA BAR 'GYUR NA, DBANG PO DANG DON BDEN PA'I NGO BO 'DI YOD PA YANG YIN PAS DNGOS PO THAMS CAD RANG BZHIN DANG BCAS PA KHO NA YIN NO, ,'DI LA BRJOD PAR BYA STE, GAL TE STONG PA'I NYES PA YIS, ,STONG PA MA YIN 'GRUB 'GYUR NA, ,DE LTA YIN DANG DE LAS BZLOG PA'I SGO NAS KHYOD LA, MI STONG NYES PAS STONG PA NI, ,CI STE 'GRUB PAR 'GYUR MA YIN, ,GAL TE 'GRO BA STONG PA MA YIN PAR 'GYUR NA NI DE'I TSE 'GRO BA LDOG PA MED PA'I RANG BZHIN GYIS GNAS PA'I PHYIR RTAG PAR 'GYUR ZHING MA SKYES PA DANG MI 'GAG PAR 'GYUR NA DE LTAR YANG MA YIN TE BRTEN NAS DMIGS PA'I PHYIR RO, ,DE LTAR NA STONG PA MA YIN PA'I NYES PAS KHYOD LA STONG PA NYID KYI DON 'GRUB PAR CI STE MI 'GYUR, STONG PA NYID DU SMRA BA BSAL BA TZAM GYIS RANG GI PHYOGS 'GRUB PAR RIGS PA YANG MA YIN NO, ,PHYOGS GZHAN KHAS BLANGS PA'I RGOL BAS NI GDON MI ZA BAR, GZHAN GYI PHYOGS NI BZLOG PA DANG, ,RANG GI PHYOGS NI SGRUB PA STE, ,GNYIS BYA BA ZHIG NA KHYOD NI STONG PA NYID DU SMRA BA GSAL BA TZAM LA ZHUGS PA'I PHYIR, GAL TE SUN 'BYIN BYED PHYOGS GCIG ,DGA' NA SGRUB BYED LA CIS MIN, ,KHYOD SUN 'BYIN PAR BYED PA'I PHYOGS LTAR SGRUB PAR BYED PA'I PHYOGS LA YANG DGA' LA RAG GO, ,DE'I PHYIR GAL TE RIL BSGRUB PAR BYA BA @232A *, ,DANG MTSUNGS PAR MI 'GYUR NA, RANG GI PHYOGS SGRUB PA'I PHYIR RE ZHIG 'THAD PA CUNG ZAD CIG BRJOD DGOS NA, STONG PA NYID DU SMRA BA LA NI THAMS CAD BSGRUB PAR BYA BA DANG MTSUNGS PAR YANG 'GYUR RO, ,DE'I PHYIR RANG GI PHYOGS SGRUB PA'I NUS PA DANG BRAL BA'I PHYOGS YONGS SU 'DZIN PA THONG SHIG, ,PHYOGS SU MA LHUNG ZHING DBU MA'I LAM NAS ZHUGS PA KHYOD LA MTHONG BA DANG MA MTHONG BA DANG 'GAL PA MED PAS 'GAL [?] LA YANG 'JIGS PA MI SRID DO, [?] ,CI STE RE ZHIG KHYOD KYIS STONG PA NYID DU SMRA BA'I PHYOGS 'DI YONGS SU BRTAGS PA NA MI RIGS PAS YOD PA MA YIN NO, ,DE'I PHYIR 'DI MED PA NYID DU GRUB NA PHYOGS GZHAN MED PAS SEL BAR BYED PA KHO BO CAG GI PHYOGS SU GRUB PAR 'GYUR RO SNYAM NA, 'DI YANG YOD PA MA YIN TE, GAL TE YONGS SU BRTAGS PAS NA, ,MED GANG DE PHYOGS MI 'GYUR NA, ,DES NA GCIG NYID LA SOGS GSUM, , KUN KYANG PHYOGS MA YIN PAR 'GYUR, ,JI LTAR KHO BO CAG GI PHYOGS YONGS SU BRTAGS PA NA MED PAS YOD PA MA YIN PA DE BZHIN DU RGOL BA RNAMS KYI GCIG NYID DANG GZHAN NYID DANG BRJOD DU MED PA'I PHYOGS RNAMS KYANG RNAM PAR DPYAD PA NA YOD PA MA YIN PAS DE RNAMS KYANG PHYOGS MA YIN PA NYID DU 'GYUR RO, ,DE'I PHYIR YONGS SU BRTAGS PA NA PHYOGS THAMS CAD YOD PA MA YIN PAS KHYOD KYI PHYOGS YONGS SU 'DZIN PA MI RIGS SO, ,'DIR SMRAS PA, KHYOD KYIS STONG PA NYID KYIS GCIG NYID LA SOGS PA'I PHYOGS THAMS CAD MI RIGS PAR BRJOD DO, ,GANG DU MNGON SUM GYIS BUM DER, ,STONG PA'I GTAN TSIGS DON MED 'GYUR, ,GANG DU BUM PA MNGON SUM GYIS DMIGS PA'I CHOS DE LA STONG PA'I GTAN TSIGS DON MED DO, ,MO GSHAM GYI BU YOD PA MA YIN PA NI 'GA' ZHIG GI YANG MNGON SUM MA YIN NA BUM PA 'DI NI MNGON SUM YIN TE; DE'I PHYIR MNGON SUM NYID KYI GTAN TSIGS KYIS BSAL BA'I PHYIR STONG PA NYID KYI GTAN TSIGS MI RIGS PA NYID DO ZHE NA, SNGAR BUM PA'I MNGON SUM NYID BSAL ZIN PA'I PHYIR DES KHO BO CAG LA GNOD PA MED PA MA YIN NAM, GAL TE BUM PA MNGON SUM NYID KHYOD KYIS BSAL GYI BDAG GIS @232B NI MA YIN TE DE'I PHYIR KHYOD LA BUM PA MNGON SUM MA YIN GYI, KHO BO CAG GI LTAR NA NI BUM PA MNGON SUM NYID YIN PA'I PHYIR 'DI MI RIGS SO ZHE NA, 'DI NI YOD PA MA YIN TE, GANG GI PHYIR, 'DI NA GZHUNG LUGS LAS 'BYUNG BA'I, ,GTAN TSIGS YOD MIN GZHAN DU YOD, ,'DI NA STE STONG PA NYID RIGS PAR SMRA BA NI GZHUNG LUGS GZHAN DU GRAGS PA'I GTAN TSIGS KHAS LEN PA MED DO, ,GZHAN GYI GZHUNG LUGS DE NYID MI RIGS PA NYID DU BSTAN PAR 'DOD PA'I PHYIR RO, ,GANG DU RGOL BA RNAMS LA LTA BA MTSUNGS PA YOD PA DER NI GNYI GAS KYANG DON DER KHAS BLANGS PAS TSAD MA NYID DU RIGS PA KHO NA YIN GYI, RIGS PA SMRA NA NI 'THAD PA DANG BCAS PA'I DON NAM GRUB PA'I MTHA' KHO NA YONGS SU 'DZIN TE, DE'I PHYIR 'DI LA GZHAN GYI GZHUNG LUGS SU GRAGS PA'I GTAN TSIGS KYIS GNOD PA MI SRID PAS STONG PA NYID KYI GTAN TSIGS LA DON MED PA NYID DO, ,CI STE STONG PA NYID SMRA BA KHYOD KYIS STONG PA NYID KYI DNGOS PO SMRA LA, STONG PA MA YIN PA LA MA LTOS PA'I STONG PA YOD PA YANG MA YIN PAS DNGOS PO THAMS CAD RANG BZHIN DANG BCAS PA NYID DU SGRUB BO SNYAM NA BSHAD PAR BYA STE, GAL TE STONG PA NYID CES BYA BA RANG GI NGO BOS GRUB PA 'GA' ZHIG YOD NA NI DNGOS PO RNAMS RANG BZHIN DANG BCAS PAR 'GYUR NA YOD PA NI MA YIN NO ZHES BSTAN PA'I PHYIR BSHAD PA, STONG MIN MED PAR STONG PA NI, ,GANG LAS 'BYUNG BA NYID DU 'GYUR, ,JI LTA BUR NA CIG SHOS NI, ,MED PAR GNYEN PO 'BYUNG BAR 'GYUR, ,GAL TE STONG PA MA YIN PA ZHES BYA BA'I DNGOS PO 'GA' ZHIG YOD NA NI DE'I TSE DE'I GNYEN POR GYUR PA STONG PA'I DNGOS PO CUNG ZAD CIG TU 'GYUR NA, STONG PA MA YIN PA NI SRID PA YANG MA YIN TE, RGYU MED PAR 'GA' LA YANG NAM MKHA'I ME TOG LTAR YOD PA NYID MI SRID PA'I PHYIR RO, ,GANG GI TSE STONG PA MA YIN PA MI SRID PA DE'I TSE, DE'I GNYEN PO STONG PA YANG CIG SHOS STONG PA MA YIN PA MED PAR MI SRID DO, ,'DI LTAR YOD PA MA YIN PA'I KHYI NI SPRE'U'I GNYEN POR MI 'GYUR TE, THAMS CAD DU 'GAL BA'I DON GZHAN MED PAR 'GAL BA'I DON GZHAN MI SRID PA'I PHYIR RO, ,DE'I PHYIR STONG PA MA YIN PA MED PAR STONG PA YOD PA MA YIN LA, DE MED PA YIN DANG @233A *, ,STONG PA NYID CES BYA BA CUNG ZAD KYANG MED DO ZHES BYA BAR GRUB PO, ,JI SKAD DU, STONG NYID LTA BA THAMS CAD NI, ,NGES PAR 'BYIN PAR THUB PAS GSUNGS, ,GANG DAG STONG PA NYID LTA BA, ,DE DAG SGRUB TU MED PAR GSUNGS, ,ZHES GSUNGS LA, BCOM LDAN 'DAS KYIS KYANG; 'OD SRUNGS 'DI LTA STE, MI NAD PA ZHIG YOD LA SNAN PAS DE LA SMAN BTANG NAS SMAN DES DE'I NAD THAMS CAD BSKYOD DE SMAN LTON 'DUG PA THAMS CAD MI 'BYUNG NA 'ONG SRUNGS DE JI SNYAM DU SEMS, MI DE NAD DE LAS THAR BAR 'GYUR RAM, GSOL PA BCOM LDAN 'DAS DE NI MI 'GYUR LAGS TE, GANG SMAN DES NAD THAMS CAD BSKYOD NAS SMAN LTOR MCHIS PA NYID MA BYUNG NA NI MI DE'I BRO NAD SHIN TU TSA BAS CHE BAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU LTA BAR GYUR PA THAMS CAD LAS BYUNG BA NI STONG PA NYID YIN NA, 'OD SRUNGS STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO ZHES GSUNGS SO, ,'DIR SMRAS PA, STONG BA ZHES BYA BA CUNG ZAD KYANG MED PAS STONG PA NYID KYI PHYOGS SU MI 'GYUR MOD KYI, DE LTA NA YANG PHYOGS MED PA YANG PHYOGS NYID DU YONGS SU GZUNG BAS PHYOGS NYID DU 'GYUR LA, MI MTHUN PA'I PHYOGS LA MA LTOS PAR SKYOB SRID PAS YANG [?] MA YIN PAS MI MTHUN PA'I PHYOGS SU YANG 'GYUR RO, ,PHYOGS DANG MI MTHUN PA'I PHYOGS YOD PA LAS KYANG DNGOS PO THAMS CAD 'GRUB PO, ,'DI YANG MI RIGS SO ZHES BSTAN PA'I PHYIR BSHAD PA, GAL TE PHYOGS NYID DU 'GYUR NA; ,PHYOGS MED PHYOGS KYI NGO BOR 'GYUR, ,GAL TE PHYOGS MED NYID YOD NA NI DE DE LTAR 'GYUR NA SRID PA YANG MA YIN TE, MI MTHUN PA'I PHYOGS MED PA'I PHYIR RO, ,MI MTHUN PA'I PHYOGS MED PA DE NI RGOL BA THAMS CAD BSAL BAS BSTAN ZIN TO, ,YANG GANG GI TSE, DE LTAR PHYOGS MED NYID [?] MED NA, ,GANG ZHIG MI MTHUN PHYOGS SU 'GYUR, ,PHYOGS MED PA'I PHYIR MI MTHUN PA'I PHYOGS KYANG MED PAS PHYOGS YONGS SU 'DZIN PA THONG SHIG [?] ,'DIR SMRAS PA, DNGOS PO RNAMS KYI RANG BZHIN NI YOD PA KHO NA STE, KHYAD PAR GYI NGO BO DMIGS PA'I PHYIR RO, ,'DI LTAR, GAL @233B TE DNGOS PO YOD MIN NA, ,ME NI JI LTAR TSA BAR 'GYUR, ,DE'I PHYIR KHYAD PAR DMIGS PA 'DI LAS NA DNGOS PO RNAMS KYI RANG BZHIN YOD PA NYID DO, ,BRJOD PAR BYA STE, 'DI NI MI RIGS SO, ,GANG GI PHYIR, TSA BA ME YANG YOD MIN ZHES, ,GONG NYID DU NI BZLOG PAR BYAS, ,ME TSA BA'I RANG BZHIN NYID NI SNGAR TSA BA ME NYID DU 'GYUR TE, TSA BA MIN PA JI LTAR SREG ,DES NA BUD SHING ZHES BYA BA, ,YOD MIN DE MED ME YOD MIN, ,ZHES BYA BA DER BZLOG THIN TO, ,DE'I PHYIR KHYAD PAR MED PAS DNGOS PO RNAMS KYI RANG GI NGO BO MED DO, ,GZHAN YANG GAL TE, DNGOS PO MTHONG NAS DNGOS PO NI, ,MED PA ZHES BYA BZLOG 'GYUR NA, ,GAL TE DNGOS PO ME DMIGS NAS DE'I DNGOS PO MED PA BZLOG NA NI RIGS PAR BSTAN PA ZHIG STE, DNGOS PO'I DNGOS PO MED PA DMIGS NAS DNGOS PO YANG BZLOG PAR CI'I PHYIR MI 'GYUR, ,TSUL 'DI NYID KYIS, DE LTAR PHYOGS NI BZHI CHAR LA, ,NYES PA SPANGS PA GANG ZHIG MTHONG, ,'DI YANG, 'DI YANG, YOD DANG MED DANG YOD MED DANG, ,YOD MED MIN ZHES BYA BA'I TSUL, ,'DI NI MKHAS PAS GCIG NYID SOGS, ,DAG LA RTAG TU SBYAR BAR BYA, ,ZHES BYA BA DER BSHAD ZIN TO, ,DE'I PHYIR DE LTAR NA PHYOGS BZHI KA LA YANG SKYON MTHONG BA'I PHYIR PHYOGS 'GA' YANG YONGS SU BZUNG BAR MI RIGS SO, ,'DI LAS KYANG PHYOGS YONGS SU 'DZIN PAR MI RIGS TE, RDUL YANG CHA SHAS YOD MED CES, ,DPYAD PA DER YANG 'JUG PAR 'GYUR, ,DE'I PHYIR BSGRUB PAR BYA BA YIS, ,BSGRUB BYA 'GRUB PA MI 'THAD DO, ,ZHES SNGAR BSHAD PA'I PHYIR RO, ,DE'I PHYIR TSUL 'DIS RNAM PAR DPYAD PA NA DNGOS PO SHIN TU ZHIB PA, RDUL PHRAN LA YANG YOD PA'I DNGOS, ,GANG DU MED DER JI LTAR 'BYUNG, ,GANG DU RDUL PHRA RAB TZAM LA YANG BDEN PA'I NGO BO YOD PA MA YIN PA DER JI LTAR 'BYANG ZHING, SKYE STE, DNGOS PO SKYE BA PO RNAM PA THAMS CAD DU MED PAS DER SKYE BA MED PA KHO NA 'O, ,SNANG BA MED PA'I SPYOD YUL MNGA' BA DNGOS PO THAMS CAD KYI DE KHO NA NYID JI LTA BA BZHIN THUGS SU CHUD PA'I NGO BO NYI MA'I 'OD ZER GYI TSOGS KYIS MA RIG PA'I MUN PA MTHA' DAG BSAL BA, [?] MI SHES @234A *, ,PA'I MUN PA MTHUG PO'I MTSAN MO'I GNYID KYIS LOG PA'I 'GRO BA RANGS PA SAD PAR MDZAD PA LHUR BZHES PA BYANG CHUB TU YANG DAG PAR MNGON PAR RDZOGS PAR SANGS RGYAS PA'I, SANGS RGYAS RNAMS LA MED NYID KYANG, ,DE NYID PHYIR NA MA 'BREL BA'O, , DE NYID KYI PHYIR DE NYID KYI YE SHES LA LTOS NAS DNGOS PO 'GA' YANG MA DMIGS PAS YOD PA NYID LTAR MED PA NYID KYANG MNGON PAR MI BZHED DO, ,YANG NA RANG BZHIN MA SKYES PA'I PHYIR DE MED PA YANG MI SRID PAS SANGS RGYAS RNAMS LA MED PA NYID KYANG STE, NYAN THOS DANG RANG SANGS RGYAS DANG BLA NA MED PA YANG DAG PAR RDZOGS PA'I SANGS RGYAS RNAMS LA MI BZHED DO, ,YONGS SU RTOG PAR BYED PAS NI GDON MI ZA BAR GNYIS MED PAR SMRA BA 'DI THAMS CAD DU SON PA YIN NO ZHES BYA BAR NGES PAR BYA'O, ,'DI LTAR, GAL TE KUN LA GNYIS MIN NA,, RNAM PAR DPYAD BZHIN PA YI DON, ,GZHAN GANG ZHIG LA YOD DNGOS YOD, ,GAL TE KHYOD LA'ANG DE RIGS NA, ,RGAL BA GZHAN PO CI STE BYED, ,GANG DU GNYIS MA YIN PA GNYIS SU MED PAR SMRA BA 'DIR MI 'GYUR BA DNGOS PO GANG ZHIG LA DNGOS PO'I NGO BO YOD, ,RE ZHIG DNGOS PO RTAG PA GANG DAG YIN PA DE DAG LA NI RANG GI NGO POS YOD PA MA YIN PAS YOD PA DANG MED PA NYID KYI RTOG PA DAG BRTAG PAR MI NUS TE, YOD PA DANG MED PAR RTOG PA 'JUG PA'I RGYU DNGOS PO RTAG PA YOD PA MA YIN PA'I PHYIR RO, ,DNGOS PO GANG DAG SKYE BA DANG LDAN PA DE DAG KYANG RTAG PA'I NGO BOR MED PAS RANG BZHIN GYI MTSAN NYID DANG MTSAN NYID MI MTHUN PA YOD PA YIN DANG RANG BZHIN YOD PA MA YIN PAS YOD PA DANG MED PA'I RTOG PA DAG RNAM PAR GZHAG PAR MI NUS SO, ,'DUS BYAS DANG 'DUS MA BYAS LAS MA GTOGS PA'I DNGOS PO GZHAN YOD PA NYID DU GZHAG PAR NUS PA YANG MA YIN NO, ,DE'I PHYIR RIGS PAS THOB PAR BYA BA'I PHYIR DRANGS SHING GSAL BA'I DON 'DI RGOL BDAG GIS CI STE KHAS LEN PAR MI BYED DE, RIGS PA DANG LDAN PA'I PHYIR RGOL BDAG GIS GNYIS SMRA BA RANG GI BLOS PHYIN CI LOG TU BRTAGS PA SPANGS @234B TE GNYIS MED PAR SMRA BA 'DI RANG GI BLO LA GZHAG PAR 'OS PA NYID DO, ,CI STE 'THAD PA GANG ZHIG GIS DON 'DI MI 'GRUB PA SRID NA NI 'O NA GANG GIS KHO BO CAG KYANG YID CHES PAR 'GYUR BA DE BRJOD PAR GYIS SHIG ,'ON TE JI SKAD DU BSHAD PA'I DON DANG 'GAL BA'I 'THAD PA GANG ZHIG KYANG BRJOD PAR MI NUS NA NI DE'I TSE KHO BO CAG GIS BSHAD PA'I 'THAD PA KHO NAS KHYOD LA YANG MTHAR GNYIS SPANGS PA DE RIGS NA CI'I PHYIR RTZOD PA GZHAN BYED, GANG GI PHYIR 'JIG RTEN PA DANG 'JIG RTEN LAS 'DAS PA'I DNGOS PO RANG DANG GZHAN GYI GZHUNG LUGS KYIS YONGS SU BRTAGS PA RNAMS LA GNYIS SU MED PA'I NGO BO 'DIR DBYER MED PA DE NYID KYI PHYIR, DNGOS PO KUN GYI DNGOS MED LA, ,RNAM PAR DBYE BA MI RIGS TE, ,RDZAS RNAMS KUN LA GANG MTHONG BA, ,DE NI RNAM DBYER MI 'GYUR RO, ,RGYU DANG RKYEN LAS SKYES PA'I PHYIR RANG BZHIN BYAS PA CAN NYID DU THAL BA'I PHYIR DNGOS PO RNAMS KYI RANG BZHIN GANG YIN PA DE NI RGYU MED PA CAN KHO NA YIN LA RGYU MED PA LA YANG YOD PA NYID MI SRID PAS MED PAR DGAG PA LA BRTEN NAS DNGOS PO MED PA KHO NA RANG BZHIN YIN TE DNGOS PO MA YIN PA'I PHYIR RO, ,DE'I PHYIR RANG BZHIN 'DI THAMS CAD LA DBYER MED PA'I NGO BO YIN PA'I PHYIR DNGOS PO THAMS CAD RANG BZHIN GYIS MA SKYES PAR RANG GI NGO BO GCIG PA STE, 'DI LTA STE DNGOS PO MED PA'I RANG BZHIN GYI NGO BO'O, ,DPER NA BUM PA DANG 'KHAR GZHONG LA SOGS PA THA DAD KYANG THAMS CAD SGRIB PA MED PA NYID DU MTSUNGS PA'I PHYIR GZUGS MED PA TZAM GYI NGO BO'I NAM MKHA' LA RANG GI NGO BO THA DAD PA YOD PA MA YIN PA DANG, YANG DPER NA DNGOS PO RNAMS BDAG NYID JI LTA BA BZHIN DU 'DUS BYAS THAMS CAD MI RTAG PA NYID DANG, ZAG PA DANG BCAS PA THAMS CAD SDUG BSNGAL BA NYID DO ZHES BYA BA LA SOGS PA THA MI DAD PA DE BZHIN DU RDZAS THAMS CAD LA GANG ZHIG MTHONG BA DE YANG RDZAS THA DAD KYANG THA DAD PAR RNAM PAR GZHAG PAR MI NUS SO, ,DE NYID KYI PHYIR, DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN GYI STONG PA NYID, ,CES SNGAR BSHAD ZIN TO, ,DE NYID @235A *, ,KYI PHYIR BCOM LDAN 'DAS KYIS, GANG GI DNGOS RNAMS DNGOS PO MED CES SHES GYUR PA, ,DE NI DNGOS PO KUN LA GZHAR YANG CHAGS PA MED, ,GANG ZHIG DNGOS PO KUN LA GZHAR YANG CHAGS MED PA, ,'DI NI MTSAN MA MED PA'I TING NGE 'DZIN LA REG ,CES GSUNGS SO, ,GZHAN YANG GZHAN RTOG PA SNGON DU GTONG BAR GYUR PAS KYANG, ,JI SKAD BSHAD PA'I DON 'DI KHAS BLANG BAR BYA BA'AM YANG NA BRGAL ZHING BRTAGS PAS LAN GDAB PAR BYA'O, ,CI STE GANG LA CUNG ZAD CIG SRID PA DE LA LAN GDAB PAR RIGS KYI, GANG GI LTAR NA THAMS CAD DNGOS PO MED PA DE LA BRJOD PAR BYA BA DANG, TSIG DANG SMRA BA PO RNAMS DANG, RTOGS PA DANG RTOGS PAR BYED PA DANG RTOGS PA PO RNAMS RNAM PA THAMS CAD DU MED PAS JI LTAR LAN GDAB PAR BYA, DE'I PHYIR DE LA LAN MA SMRAS PA NYID DO SNYAM NA, GAL TE DE LTAR, MED PHYIR GZHAN GYI PHYOGS LA LAN, ,BRJOD PA MIN PAR GRAGS NA NI, ,GTAN TSIGS KYIS BZLOG RANG PHYOGS KYANG, ,CI YI PHYIR NA SGRUB MI 'GYUR, ,GAL TE GZHAN LA THAMS CAD MED PAS LAN MI 'DEBS NA KHYOD KYI 'THAD PA 'GA' ZHIG GIS KHYOD KYI RANG GI PHYOGS STONG PA NYID KYI GTAN TSIGS KYIS BZLOG PA CI STE MI SGRUB, MA GRUB PA NI KHAS BLANG BAR RIGS PA YANG MA YIN PAS 'DI NI YOD PA YANG MA YIN NO, ,GANG YANG, SUN 'BYIN BYED PA'I GTAN TSIGS RNYED, ,SLA ZHES 'JIG RTEN NA BRJOD NA, ,DE YANG MI RIGS SO, ,GAL TE SUN 'BYIN PAR BYED PA'I GTAN TSIGS YOD PAR 'GYUR NA NI DE'I TSE RNYED SLA BA'I PHYIR DE KHYOD LA YANG YOD PAS KHYOD KYIS KYANG, GZHAN GYI PHYOGS LA SKYON BRJOD PA, ,NYID DU CI YI PHYIR MI NUS, ,KHYOD KYIS GZHAN GYI PHYOGS LA SUN 'BYIN PA BRJOD PAR MI NUS PAS SUN 'BYIN PAR BYED PA'I GTAN TSIGS RNYED PAR MI SLA'O, ,BCOM LDAN 'DAS KYIS, JI LTAR MI G-YO RI RAB CHEN PO NI, ,GROG MA KUN GYIS BSKYOD PAR MI NUS LTAR, ,DE BZHIN YANG DAG TSUL LA LEGS BSLABS PA'I, ,KHAS DE LHA YI GZUGS KYIS KYANG MI BSKYED, ,NAM MKHA' TSON RTZIS @235B BKRA BAR BYA NUS SHING, ,NAM MKHA' LAG PA YIS NI GZUNG NUS KYI, ,DE NI BSKYOD PAR 'DOD CHAGS ZHE SDANG DANG, ,BDUD RNAMS BYE BAS NUS PA NYID MA YIN, ,'GA' YIS BRAG CA BZUNG BAR BYA NUS SHING, ,BRAG NI CHU YI NANG DU'ANG 'PHYO 'GYUR GYI, ,GANG ZHIG 'DI 'DRA'I LUS SDOM LA SLOB PA, ,DE YI BSAM PA 'DIR NI BLTAR MI NUS, ,ZHES RGYAS PAR GSUNGS SO, ,CI STE 'THAD PA MED PAR YANG, ,YOD CES BYA BA TZAM ZHIG GIS, ,GAL TE DE NYID DNGOS YOD NA, ,MED CES BYA BA TZAM ZHIG GIS, ,MED PAR YANG NI CIS MI 'GYUR, ,JI LTAR KHYOD KYIS YOD DO ZHES BYA BA'I TSIG TZAM GYIS DNGOS PO'I DE KHO NA NYID YOD DO ZHES BYA BAR 'JOG PA DE BZHIN DU NGA'I MED DO ZHES BYA BA'I TSIG TZAM GYIS KYANG DON DAM PAR DNGOS PO YOD PA MA YIN NO ZHES BYA BAR CI STE RNAM PAR MI 'JOG ,DE'I PHYIR YU BU CAG GNYIS KYIS GNYIS SU SMRA BA BSAL BAS GNYIS MED PAR SMRA BA SPROS PA THAMS CAD BCOM PA 'DI GZHUNG LUGS BTZUGS PAR 'GYUR RO, ,'DIR SMRAS PA, DON DAM PAR DNGOS PO MED NA NI DE'I TSE MED PA LA YOD DO ZHES BYA BA'I MING 'DIR MI 'GYUR RO, ,YOD PA MA YIN PA'I MO GSHAM GYI BU LA NI YOD DO ZHES BYA BA'I MING 'DI MI RUNG NGO, ,BSHAD PAR BYA STE, GANG PHYIR YOD BDOG CES MING BTAGS, ,DE PHYIR MED PAR MI 'GYUR NA, ,GAL TE DE LTAR NA, GANG PHYIR MED CES MING BYAS PA, ,DE PHYIR YOD PAR MI 'GYUR RO, ,MING RNAMS NI MING CAN GYI RANG GI NGO BO'I RJES SU MI BYED DO, ,DE RNAMS NI MING CAN GYI DNGOS PO'I RANG GI NGO BO DANG DUS MTSUNGS PA YANG MA YIN TE, DE RNAMS SNGA ROL DANG PHYIS 'DOD PAS BYED PA'I PHYIR RO, ,'DI LTAR MIG LEGS PA LA ZHAR BA ZHES BYA BA DANG, TSE THUNG BA LA TSE RING PO ZHES BYA BA DANG, CHOMS [?] PA LA LHAS BTZAS PA ZHES BYA BA LA SOGS PAS DON DANG MI MTHUN PA'I MING RNAMS KYANG DMIGS PA YIN NO, ,DE'I PHYIR, GANG PHYIR YOD CES MING BYAS PA, ,DE'I PHYIR YOD PAR MI 'GYUR RO, ,RNAM PA GCIG TU NA 'DI 'DON PA GZHAN YIN TE, GANG PHYIR @236A *, ,MED MI BDOG CES MING, ,BTAGS PA DE'I PHYIR YOD 'GYUR MIN, ,GAL TE YOD PA LA YOD DO ZHES MING BYAS PA LAS DNGOS PO RANG GI NGO BOS YOD PA NYID DU RTOG NA NI, RIGS PAS RNAM PAR DPYAD PA NA YOD PA MA YIN PA NYID KYIS YOD PA MA YIN PA LA MED DO ZHES MING BTAGS PA LAS YOD PA NYID DGAG PA CI'I PHYIR MI NGES TE, 'DI YOD PA NYID DU RTOG PA LTAR MED PA NYID DU YANG BTAGS PAR MI RIGS SO, ,'DIR KHA CIG NA RE SGRA RNAMS NI DON GYI RANG GI NGO BO STON PAR BYED PA MA YIN TE, GAL TE STON NA NI DE'I TSE ME ZHES SMRAS NA KHA 'TSIG PAR 'GYUR LA, BUM PA ZHES SMRAS NA KHA KHENGS PAR 'GYUR RO, ,DE'I PHYIR KHO BO CAG GI DON GYI RANG GI NGO BO LA MI REG PA'I SGRA RNAMS KYIS BRJOD PAR BYA BA DANG, RJOD PAR BYED PA'I BRDA 'JIG RTEN PAS THAMS CAD YOD DO ZHES ZER RO, , DE LA BRJOD PAR BYA STE, GAL TE THAMS CAD 'JIG RTEN PA, ,BRJOD PAS 'JIG RTEN PA YOD NA, ,DNGOS GANG DE NYID DU YOD PA, ,DE NI 'JIG RTEN PAR CIS 'GYUR, ,GAL TE DNGOS PO YOD PA'I RANG BZHIN CAN NYID RANG GI NGO BO LA MI REG PA'I SGRA RNAMS KYIS 'JIG RTEN PA BRJOD CING, ,DE'I RANG GI NGO BO YOD NA NI DE'I PHYIR RANG GI NGO BOS YOD PA'I PHYIR DE DON DAM PA KHO NAR 'GYUR GYI, 'JIG RTEN PA NI MA YIN NO, ,CI STE DE 'JIG RTEN PA NYID DU YOD PA YIN GYI, RANG BZHIN GYIS MA YIN NA NI DE'I TSE 'JIG RTEN PA DE [?] DON DAM PA NYID DU 'GRUB CING, DON DAM PA MTHONG BA LAS RNAL 'BYOR PA RNAMS 'KHOR BA LAS GROL BA YANG 'GRUB PO ZHES BYA BAR RIGS SO, ,'DIR SMRAS PA, KHYOD KYIS THUN MONG DU SMRA MOD KYI, DE LTA NA YANG DNGOS PO BSAL BAS KHYOD LA DNGOS PO RNAMS MED PA NYID DU 'GYUR RO, ,BSHAD PAR BYA STE, TSIG 'DI NI KHO BO'I BSAM PA LAS MA 'DAS PAR MI GNAS SO, ,GAL TE BDAG DANG DNGOS PO BKAG PA LAS YOD PA NYID DANG 'GAL BA MED PA NYID KHAS LEN PAR 'GYUR NA NI DE'I TSE BDAG SHIS SMRA BA THAMS CAD SEL BA BSGRUB PAR MI 'GYUR TE MED PA NYID DU SMRA BA SHIN TU THA CHAD PA @236B KHAS BLANGS PA'I PHYIR RO ZHES BSTAN PA'I PHYIR BSHAD PA, GAL TE DNGOS KUN MED PA'I PHYIR, ,MED PA NYID DU 'GYUR NA NI, ,DE LTAR YIN NA PHYOGS RNAMS KUN, ,DNGOS PO MED PAR MI RIGS SO, ,DNGOS PO YOD NA NI DE DE BKAG PAS DNGOS PO MED PAR SMRA BAR 'GYUR NA GANG GI TSE JI SKAD BSHAD PA'I TSUL GYIS DNGOS PO NYID MI SRID PA DE'I TSE, DNGOS PO MED PHYIR DNGOS MED LA, ,SRID PA YOD PAR MI 'GYUR RO, ,CI'I PHYIR DNGOS PO MED CE NA, ,DNGOS PO MED PA MED PA'I PHYIR RO, ,GANG LAS DNGOS PO MED CE NA, ,'DI LTAR, DNGOS PO MED PAR DNGOS PO NI, ,MED PA GANG LA 'GRUB PAR 'GYUR, ,DNGOS PO 'JIG PA GZHAN DU 'GYUR BA'I MTSAN NYID CAN NI DNGOS PO MED PA'O ZHES 'JIG RTEN SMRA BA LA DNGOS PO DE YANG NGES PAR DPYAD PA NA YOD PA MA YIN PAS GANG ZHIG MED PAS DNGOS PO MED PAR SRID PAR 'GYUR, GANG GI TSE DNGOS PO MED PA YOD PA MI SRID PA DE'I TSE DNGOS POR RTOG PA DNGOS PO MED PA LA LTOS PAS DE MED PA YIN DANG DNGOS PO MED PA MED PAR GRUB PO, ,'DIR SMRAS PA, RGYU MED PA'I DON LA GRUB PA MED PA'I PHYIR KHYOD KYIS GDON MI ZA BAR STONG PA NYID DU BSGRUB PA LA GTAN TSIGS BSTAN PAR BYA DGOS LA, GTAN TSIGS YOD PAS KYANG, DNGOS PO THAMS CAD STONG PA NYID MA YIN TE, GTAN TSIGS LTAR GZHAN YANG YOD PA'I PHYIR RO, ,BSHAD PAR BYA STE, GAL TE [?] STONG BA GTAN TSIGS LAS GYUR PA, ,DE PHYIR STONG PAR MI 'GYUR NA, ,DAM BCA' GTAN TSIGS LAS GZHAN NI, ,MA YIN DES NA GTAN TSIGS MED, ,RGYU'I SNGA ROL DU STONG PA NYID YOD PA MA YIN PA'I PHYIR LA, PHYIS YOD PA'I PHYIR STONG PA NYID BYAS PAR 'GYUR LA, BYAS PA MA YIN NA YANG SGYU MAS SPRUL PA'I BLANG MO LTAR BSLU BAR 'GYUR NA, STONG PA NYID NI YE MTSUNGS PA'I NGO BO YIN PA'I PHYIR SLU BA YANG MA YIN PAS STONG PA NYID RGYUS BSGRUB PAR BYA BA MA YIN NO, ,CI STE SHES PAR BYED PA'I RGYUL BSAMS NAS BRJOD NA DE LTA NA YANG GTAN TSIGS MI SRID PA NYID DO, ,JI LTAR ZHE NA, 'DIR GTAN TSIGS 'DI DAM BCA' BA 'GA' ZHIG BSGRUB PA'I @237A *, ,PHYIR BRJOD PA ZHIG NA, GAL TE DAM BCAS PA DE LAS GTAN TSIGS DE GZHAN YIN NA NI, DE LTAR YIN NA PHYOGS KYI CHOS MA YIN PA'I PHYIR DAM BCA' BA'I DON GO BAR MI BYED PAS GTAN TSIGS LA DAM BCA' BA LAS GZHAN NYID YOD PA MA YIN NO, , GANG GI TSE GZHAN DU MI 'GYUR BA DE'I TSE GZHAN NYID MED PA'I PHYIR DAM BCA' BA'I RANG GI NGO BO BZHIN DU 'DI GTAN TSIGS MA YIN PA GTAN TSIGS MED PA STE DE'I PHYIR DNGOS PO RNAMS RANG BZHIN MED PAR GRUB PO, ,'DIR SMRAS PA, GAL TE GTAN TSIGS MED PAS GTAN TSIGS DANG BSGRUB PAR BYA BA STONG PA NYID MA YIN PAR MI 'GYUR NA, 'O NA NI RE ZHIG STONG PA NYID KYI DPE YOD LA, ,DE YOD PAS DE DANG 'DRA BAR DNGOS PO GZHAN YANG 'BYUNG BAR 'GYUR RO, ,BSHAD PAR BYA STE, DPE DE YANG RTOG PA NA GTAN TSIGS KYI DON DANG MA 'BREL BA KHO NA ZHIG GAM, 'BREL PA BZHIN RTOG GRANG, RE ZHIG GAL TE 'BREL NA NI GTAN TSIGS KYI SUN 'BYIN PA NYID KYIS BSAL TO, ,CI STE MA 'BREL NA NI DE'I TSE DE GNYIS LA DAM BCA' BA'I DON SGRUB PA'I NUS PA NYID MED PAS CUNG ZAD KYANG MI BYED LA DE BRTAGS PAS CI DGOS ZHES BSTAN PA'I PHYIR BSHAD PA, GANG PHYIR STONG PA'I DPE YOD PA, ,DES NA STONG PAR MI 'GYUR NA, ,BYA ROG JI LTAR DE BZHIN DU, ,BDAG KYANG NAG CES BRJOD NUS SAM, ,GAL TE GTAN TSIGS KYI DON DANG MA 'BREL BA'I DPE LAS DON GRUB PAR SEMS NA NI DE'I TSE BYA ROG GI NAG PO'I DPE BDAG KYANG NAG POR 'GYUR NA, 'DI NI SRID PA YANG MA YIN PAS DPE MI RIGS TE, DNGOS PO MED PA'I PHYIR RO, ,GAL TE GTAN TSIGS KYANG MED LA DPE YANG MED CING DNGOS PO THAMS CAD KYANG MED NA KHYOD KYI BSTAN BCOS BYED PA'I TSIGS 'DI DON GANG RAB TU BSGRUB PAR BYA BA'I PHYIR YIN, BRJOD PAR BYA STE, GAL TE NGES PAR BRTAGS PA NA DNGOS PO 'GA' ZHIG GI RANG BZHIN DMIGS NA NI DE'I TSE KHAS LEN PAR BYED PA DE LTA YIN DANG STONG PA NYID DU LTA BA YANG PHYIN CI LOG NYID DU 'GYUR RO ZHES BSTAN PA'I PHYIR BSHAD PA, GAL TE RANG BZHIN GYIS DNGOS YOD, ,STONG MTHONG YON TAN @237B CI ZHIG YOD, ,STONG PA NYID NYE BAR BSTAN PA NI DE KHO NA NYID BSTAN PAR BYA BA'I PHYIR YIN LA, DE KHO NA NYID KYANG RANG BZHIN DANG NGO BO YIN NO, ,GAL TE DNGOS PO 'GA' ZHIG LA YOD NA NI DE'I TSE DE NYID DON DAM PA YIN PAS GROL BA DON DU GNYER BA LA DE MTHONG BA KHO NA MDZES KYI STONG PA NYID MTHONG BA NI MA YIN NO, ,DE NI DE'I TSE YON TAN DU MI 'GYUR BA 'BA' ZHIG TU MA ZAD KYI SKUR BA 'DEBS PA LA ZHUGS PA'I PHYIR SKYON NYID DU 'GYUR RO, ,GANG GI TSE DNGOS PO RANG BZHIN MED PA RNAMS PHYIN CI LOG LAS RANG BZHIN DANG BCAS PA NYID DU SNANG BA NA 'JIG RTEN GYI MNGON PAR ZHEN PA'I RGYUR 'GYUR ZHING, DNGOS POR LHAG PAR ZHEN PA'I RGYU CAN LAS DANG NYON MONGS PA LAS SKYE BA'I RGYUN SKYE BA'I PHYIR DE LAS 'KHOR BAR 'JUG PAR 'GYUR BA DE'I TSE DNGOS PO RANG BZHIN MED PA RNAMS RANG BZHIN MED PA NYID DU MNGON PAR GSAL BAR BYED PA'I BSTAN BCOS 'DIS SGRO 'DOGS PA DANG SKUR PA 'DEBS PA SPANGS PA'I SGO NAS RANG BZHIN MED PA NYID STON CING, 'JIG RTEN YANG DNGOS PO RNAMS KYI RANG BZHIN MED PA NYID BTON NAS GZUGS BRNYAN DANG SPRUL PA DANG SGYU MA LA SOGS PA LTAR DNGOS PO RNAMS LA MNGON PAR MI ZHEN PA NA DNGOS PO LA MNGON PAR ZHEN PA'I RGYU CAN LAS DANG NYON MONGS PA ZAD PAS 'DOD CHAGS LA SOGS PA'I 'CHING BA MTHA' DAG CHAD PA LAS NGES PAR GROL BAR 'GYUR RO, ,DE'I PHYIR BSTAN BCOS 'DIS DNGOS PO RNAMS RANG BZHIN MED PA TZAM ZHIG STON TO, ,BCOM LDAN 'DAS KYIS CHOS THAMS CAD NI STONG PAS TE RANG BZHIN MED PA'I TSUL GYIS SO, ,CHOS THAMS CAD MTSAN MA MED PA STE, ,MTSAN MA MED PA NYE BAR BZUNG NAS SO, ,CHOS THAMS CAD SMON PA MED PA STE, ,MI SMON PA YI TSUL GYIS SO, ,CHOS THAMS CAD NI RANG BZHIN GYIS 'OD GSAL BA STE, ,SHES RAB KYI PHA ROL TU PHYIN PA YONGS SU DAG PAS SO ZHES BYA BA DANG, DE BZHIN DU, GANG ZHIG RKYEN LAS SKYES PA DE MA SKYES, ,DE LA SKYE BA RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG @238A *, ,NYID SHES DE BAG YOD YIN, ,ZHES JI SKAD GSUNGS PA LTA BU'O, ,YANG 'DIR RTEN CING 'BREL PAR 'BYUNG BA LA BSNYON PA NI MA YIN NO, ,ZHES BSHAD PA, RTOG PAS MTHONG BA 'CHING BA STE, ,DE NI 'DI RU DGAG PAR BYA, ,RTOG PA NI YANG DAG PA MA YIN PA'I RANG BZHIN GYI DON SGRO 'DOGS PA STE, DE'I SGO NAS SEMS CAN RNAMS BCINGS PAR DMIGS NAS, 'KHOR BA'I SDUG BSNGAL GCAD PAR BYA BA'I PHYIR DON DE BZLOG PAR BYA BA'I PHYIR THUGS RJE CHEN PO MNGA' ZHING SEMS CAN GYI SDUG BSNGAL GYIS SDUG BSNGAL BA'I DE BZHIN GSHEGS PA RNAMS DANG, BYANG CHUB SEMS DPA' RNAMS RTEN CING 'BREL BAR 'BYUNG BA DANG MI 'GAL BAR DNGOS PO RNAMS RANG BZHIN MED PA TZAM ZHIG TU STON PAR MDZAD DE, DE LTAR NA 'DI NI MDOR BSDUS NA SANGS RGYAS KYI GSUNG GI DON YIN NO ZHES SLOB DPON GYI BSTAN BCOS 'DIS RNAM PAR BSHAD DO, ,BCOM LDAN 'DAS KYIS, 'DI NA GANG GIS RANG BZHIN GYIS STONG ZHING, ,RANG BZHIN RNAM DAG BDAG MED CHOS SHES PA, ,DE LA NAM YANG SDOM MIN MI 'BYUNG STE, ,'DI LTAR YANG DAG NGES LA DES BSLABS PHYIR, ,GANG ZHIG PHUNG PO LNGA PO STONG PA RNAMS, ,DBEN PA BDAG MED RANG BZHIN STONG SHES SHING, ,LAS GANG ZHIG LA LUS KYI KUN SPYOD PA, ,DE LA GZHAR YANG SDOM PA MIN MI 'BYUNG, ,ZHES RGYA CHER GSUNGS SO, ,GANG DAG JI LTAR GNAS PA'I GSUNG RAB KYI DON JI LTA BA BZHIN MA RTOGS PAS NA DNGOS PO KHA CIG DNGOS PO YOD PA DANG, KHA CIG DNGOS PO MED PAR YONGS SU GSAL BAR BYED PA DE DAG GI RTOG PA DE PHYIN CI LOG PA NYID DU BSTAN PA'I PHYIR BSHAD PA, GCIG YOD GCIG MED CES BYA BA, ,DE NYID MIN 'JIG RTEN PA'ANG MIN, ,GANG GI TSE 'JIG RTEN PA'I DNGOS PO BSHAD PAR 'DOD PA DE'I TSE PHYI NANG GI DON GYI DBYE BAS PHUNG PO LNGA CHAR YANG 'JIG RTEN PA'I RTOG PA TSAD MAR BYAS TE KHAS BLANG BAR BYA LA, GANG GI TSE 'JIG RTEN LAS 'DAS PA'I DE KHO NA NYID BSHAD PAR 'DOD PA DE'I TSE 'PHAGS PA'I YE @238B SHES LA LTOS NAS PHUNG PO LNGA CHAR YANG RANG BZHIN GYIS STONG PAR BSHAD PAR BYA'O, ,DE LAS GZHAN DU GANG RUNG CIG 'DOD CING GANG RUNG CIG MI 'DOD PA'I RGOL BAS NI DE KHO NA NYID DANG 'JIG RTEN PA YANG BSHAD PAR MI 'GYUR RO, ,GANG GIS 'DI DE LTAR YIN PA, ,DES NA 'DI YOD 'DI CIS MED, ,BRJOD PA NYID DU NUS MA YIN, ,GAL TE SEMS DANG SEMS LAS BYUNG BA RNAMS YOD NA NI DE'I TSE BUM PA DANG SNAM BU LA SOGS PA RNAMS KYANG YOD DE 'JIG RTEN MTHA' DAG LA GRAGS PA'I PHYIR RO, ,CI STE BUM PA DANG SNAM BU LA SOGS PA DE RNAMS RNAM PAR DPYAD PA NA MED NA NI DE'I TSE SEMS DANG SEMS LAS BYUNG BA RNAMS KYANG MED PAR 'GYUR TE, GNYI GA YANG RIGS PA DANG BRAL BA'I PHYIR RO, ,DE LTAR NA 'DI YOD LA 'DI NI MED DO ZHES BYA BAR BRJOD PA NYID DU MI NUS SO, ,'DIR SMRAS PA, BDAG GIS KHYOD LA LAN GDAB PAR MI NUS MOD KYI, DE LTAR NA YANG GANG DAG KHYOD LA LAN 'DEBS PAR 'GYUR BA, DE BZHIN GSHEGS PA'I BSTAN PA LA MNGON PAR BRTZON PA DAG 'BYUNG BAR 'GYUR RO, ,BSHAD PAR BYA STE, KHYOD KYI RE BA 'DI NI BRDZUN PA ZHIG STE, 'DI LTAR, YOD DANG MED DANG YOD MED CES, ,GANG LA PHYOGS NI YOD MIN PA, ,DE LTA YUN NI RING PO NA'ANG, ,KLAN KA BRJOD PAR NUS MA YIN, ,PHYOGS YONGS SU 'DZIN PA YOD NA NI RNAM PA GZHAN DU BSGRUBS PA LAS DE LTA NA 'ANG DUS CHES YUN RING BA ZHIG GIS DE LA SUN 'BYIN PA SRID NA, GANG LA PHYOGS YONGS SU 'DZIN PA NYID YOD PA MA YIN PA DE LA NI YOD PA DANG MED PA GNYI GA'I PHYOGS SPANGS PAS DUS YUN RING POS KYANG SUN 'BYIN PA BRJOD PAR MI NUS PA NYID DO, ,NAM MKHA'I GZUGS CAN NYID DE LTA MI SRID PAS DUS YUN RING POS KYANG DE LTAR SRID PAR BYA BAR MI NUS PA DE BZHIN DU RGOL BA DAG GIS KYANG DE'I RTEN PHYOGS GSUM KA YANG MI SRID PAS STONG PA NYID DU SMRA BA LA SUN 'BYIN PA YUN RING POS KYANG BRJOD PAR MI NUS TE, MKHAS PAS STONG PA NYID DU SMRA BA LA SUN 'BYIN PA NAM MKHA'I RI MO DANG LCAG GIS GZHUS PA'I GZIR BA DANG 'DRA BAR KHONG DU CHUD PAR BYA'O, ,YANG JI LTAR NAM MKHA'I NYI MA'I @239A *, ,'OD ZER GYI TSOGS KYIS BSAL ZHING ZHIG PAR 'GYUR BA'I MUN PA RNAMS KYIS DUS YUN RING POS KYANG NYI MA'I 'OD ZER GYI TSOGS GSAL BA MOG MOG POR BYA BAR MI NUS PA DE BZHIN DU ZAB CING RGYA CHE LA BSAM GYIS MI KHYAB PA'I RTEN CING 'BREL PAR 'BYUNG BA BSGOMS PAS RTOGS PA'I NYI MI'I 'OD ZER GYIS RGOL BA MTHA' DAG GI GZHUNG LUGS KYI MUN PA RNAMS BSAL BA YANG YIN NO ZHES BYA BAR KHONG DU CHUNG BAR BYA'O, ,YANG BSHAD PA, JI LTAR 'DI NA NYI MA'I 'OD ZER MTSUNGS PA MED PA YIS, ,DUS YUN RING POR MUN PA'I TSOGS CHEN 'JOMS SHING 'JOMS 'GYUR LTAR, ,DE BZHIN 'GRO BA'I DON BYED GNYIS SU MED PA'I NYI MA YANG, ,YOD DANG MED PA LA SOGS GZHUNG LUGS MUN PA 'JOMS BYED YIN, ,RTOG GE'I GZHUNG LUGS MUN PAS BKAG PA YI, ,BLO YI MIG 'DI DA LTAR PHYE BYAS NAS, ,BSOD NAMS GANG THOB DE YIS SKYE BO 'DI, ,YONGS KYIS DE NYID BLO MIG GIS MTHONG SHOG ,SLOB DPON 'PHAGS PA LHA'I ZHAL SNGA NAS KYIS BYANG CHUB SEMS DPA'I RNAL 'BYOR SPYOD PA BZHI BRGYA PA LAS, SLOB DPON DANG SLOB MA RNAM PAR GTAN LA DBAB PA BSGOM PA BSTAN PA ZHES BYA BA STE RAB TU BYED PA BCU DRUG PA'I 'GREL PA'O,, ,,BZHI BRGYA PA'I 'GREL PA SLOB DPON ZLA BA GRAGS PA'I ZHAL SNGA NAS KYIS MDZAD PA RDZOGS SO,, ,,DPAL GRONG KHYER DPE MED KYI DBUS RIN CHEN SBAS PA'I KUN DGA' RA BAR, RGYA GAR GYI MKHAN PO SUKshMA DZ'A NA ZHES BYA BA GDUD RABS GRANGS MED PAR PAndI TA BRGYUD PA'I RIGS SU SKU 'KHRUNGS PA BRAM ZE CHEN PO RIN CHEN RDO RJE'I DPON PO BRAM ZE CHEN PO SAD DZ'A NA'I SRAS GCIG TU BDE BAR GSHEGS PA'I BSTAN PA LA GCES SGRAS [?] SU MDZAD PA BDAG DANG GZHAN GYI GZHUNG LUGS RGYA MTSO'I PHA ROL TU SON PA'I ZHAL SNGA NAS DANG, BOD KYI SGRA BSGYUR GYI LO TZ'A BA DGE SLONG PA CHANG NYI MA GRAGS KYIS BSGYUR CING ZHUS TE GTAN LA PHAB PA,, ,, @239B RGYA GAR SKAD DU, PANYTZA SKAN DHA PRA KA RA nA, BOD SKAD DU, PHUNG PO LNGA'I RAB TU BYED PA, SANGS RGYAS LA PHYAG 'TSAL LO, ,'PHAGS PA 'JAM DPAL GZHON NUR GYUR PA LA PHYAG 'TSAL LO, ,BLO GROS SBYANGS PA MED RNAMS KYI, ,BLO YI KHA NI DBYE BA'I PHYIR; ,PHUNG PO SKYE MCHED KHAMS RNAMS KYI, ,MDOR BSDUS YANG DAG MTSAN NYID BRJOD, ,DE LA PHUNG PO LNGA NI GZUGS KYI PHUNG PO DANG, ,TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,SKYE MCHED BCU GNYIS NI, 'DI LTA STE, MIG GI SKYE MCHED DANG, RNA BA'I SKYE MCHED DANG, SNA'I SKYE MCHED DANG, LCE'I SKYE MCHED DANG, LUS KYI SKYE MCHED DANG, YID KYI SKYE MCHED DANG, GZUGS KYI SKYE MCHED DANG, SGRA'I SKYE MCHED DANG, DRI'I SKYE MCHED DANG, RO'I SKYE MCHED DANG, REG BYA'I SKYE MCHED DANG, CHOS KYI SKYE MCHED CES BYA'O, ,KHAMS BCO BRGYAD DAG NI, 'DI LTA STE, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAM PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS ZHES BYA'O, ,DE LA GZUGS KYI PHUNG PO'I DBANG DU BYAS NAS BRJOD PA, DE NI MIG DANG, RNA BA DANG, SNA DANG, LCE DANG, LUS TE DBANG PO LNGA DANG, GZUGS DANG, SGRA DANG, DRI DANG, RO DANG, REG BYA STE YUL LNGA DANG, RNAM PAR RIG BYED MA YIN PA ZHES BYA BA STE RDZAS BCU GCIG GI BDAG NYID NI GZUGS KYI PHUNG PO'O, ,DE YANG RNAM PA GNYIS SU 'GYUR TE, 'BYUNG BA DANG, 'BYUNG BA LAS GYUR PA'O, ,DE LA 'BYUNG BA NI CHEN PO @240A *, ,BZHI STE, SA'I KHAMS DANG CHU'I KHAMS DANG ME'I KHAMS DANG, RLUNG GI KHAMS ZHES BYA BA'O, ,NYE BAR BZUNG BA'I GZUGS THAMS CAD 'DZIN PA'AM, RANG GI MTSAN NYID 'DZIN PAS NI KHAMS TE, DE DAG NI REG BYA'I SKYE MCHED KYI KHONGS SU 'DUS SO; ,REG BYA'I SKYE MCHED LHAG MA NI 'JAM PA NYID LA SOGS PA'O, ,MIG LA SOGS PA BCU PO RNAMS NI 'BYUNG BA LAS GYUR PA STE, 'BYUNG BA LAS BYUNG BA'I PHYIR RO, ,JI LTAR RTZIG PA LA BRTEN NAS RI MO DANG, RTZVA DANG SHING LA BRTEN NAS KHYIM DANG, ME LONG LA BRTEN NAS GZUGS BRNYAN DANG, SHING MAG LA LA BRTEN NAS ME LTAR 'BYUNG BA CHEN PO LA BRTEN NAS MIG LA SOGS PA KUN DU 'BYUNG BA'I PHYIR NYE BAR GZUNG BA'I GZUGS ZHES BRJOD DO, ,SA'I KHAMS NI 'THAS PA NYID DANG, MKHRANG BA NYID DANG, SRA BA NYID DE DE'I LAS NI 'DZIN PA'O, , CHU'I KHAMS NI GSHER BA NYID DANG, SNUM PA NYID DANG, ZHU BA NYID DE, DE'I LAS NI SDUD PA'O, ,ME'I KHAMS NI DRO BA NYID DE, DE'I LAS NI CHOS PA DANG SKEMS PA'O, ,RLUNG GI KHAMS NI YANG ZHING G-YO BA STE, DE'I LAS NI BSKYED PA DANG 'PHEL BA'O, ,DE LAS SKYED PA NI RANG GI YUL DANG MNGON PAR 'BREL PA LHAG PAR DE'I STENG DU 'BYUNG BAR BYED PA'O, ,'PHEL BA NI YUL GZHAN DU BAR MA CHAD PAR 'BYUNG BAS YUL GZHAN 'THOB PAR BYED PA'O, ,'PHEL BAR BYED PA 'DI NYID LA RGYAS PA ZHES GSUNGS SO, ,'BYUNG BA CHEN PO 'DI RNAMS NI GANG NA GCIG YOD PA NA LHAG MA YANG YOD LA, GANG NA LHAG MA YOD PA NA GCIG KYANG YOD DE PHAN TSUN DBYER MED DO, ,DE LTA BAS NA DE DAG NI PHAN TSUN MA LTOS PAR MED PAS RANG GI NGO BOR GRUB PA MED DO, ,DE DAG LAS GZUGS KHA CIG NI DNGOS SU YOD PA NYID DU RANG GI DBANG PO'I RNAM PAR SHES PAS RTOGS SO, ,KHA CIG NI 'BRAS BU MTHONG BA RJES SU DPAG GO, ,DE DAG NI 'BYUNG BA YANG YIN PAS 'BYUNG BA CHEN PO STE, RGYA CHE BA'I NAM MKHA' KHYAB PAR GNAS PA NA 'DI DAG NYID CHEN PO'O, ,THUN MONG DANG THUN MONG MA YIN PA DE LAS KYI KHYAD PAR LAS 'BYUNG BA NYID @240B KYIS 'BYUNG BA'O, ,DE LTA BAS NA NAM MKHA' NI GZUGS THAMS CAD 'BYUNG BA'I SKABS 'BYED PAS CHEN PO YIN YANG 'BYUNG BA NI MA YIN TE, 'DUS MA BYAS PA NYID KYI PHYIR RO, ,DE BAS NA NAM MKHA' NI 'BYUNG BA CHEN PO MA YIN NO, ,DE LTAR 'BYUNG BA CHEN PO RNAMS BSHAD ZIN TO, ,YANG JI LTAR 'BYUNG BA CHEN PO 'DI DAG REG BYA'I SKYE MCHED KYIS BSDUS PA NYID KYIS 'JIG RTEN PA'I DBANG PO DANG DBANG POS SO SOR RTOGS PAS MNGON SUM NYID YIN PA LTAR MIG LA SOGS PA NI MA YIN TE, DBANG PO'I YUL LAS 'DAS PA NYID KYIS NA RANG GI 'BRAS BU RNAM PAR SHES PA LAS RJES SU DPAG PAR BYA BA YIN PA'I PHYIR RJES SU DPAG PAS RTOGS SO, ,'DI LTAR MA DANG PHA LA BRTEN NAS BU 'BYUNG BAR 'GYUR BA DE BZHIN DU MIG DANG GZUGS LA BRTEN NAS MIG GI RNAM PAR SHES PA 'BYUNG BA NA DE'I MA RIG GNAS LTA BU NI MIG STE, DE'I YONGS SU GYUR PA LAS RNAM PAR SHES PA'I 'GYUR BA 'BYUNG BAR 'GYUR TE, PHAN BTAGS PA DANG GNOD PA BYAS PA DAG GIS GSAL BA DANG MI GSAL BA DAG TU RJES SU SGRUB PAS SO, ,DE LTA BAS NA MIG GI DBANG PO NI 'DI'I RTEN DU 'GYUR BAS NA MIG GI RNAM PAR SHES PA ZHES DE YIR BSTAN TO, ,MIG GI DBANG PO 'DI NI MIG GI RTEN GYI MIG GI 'BRAS BU'I NANG NA RGUN 'BRU'I 'BRAS BU'I TSAD TZAM ZI RA'I ME TOG LTA BU LTAR MED PA PAGS PA DANG BAS G-YOGS PA DANG BAR GNAS PA RANG GI 'BRAS BU RNAM PAR SHES PA LAS RTOGS PA STE, DE YANG 'DI LTAR CE RE LONG RNAMS KYI MIG GI RTEN 'DRA BAR GNAS KYANG RNAM PAR SHES PA MI 'BYUNG BAS DBANG PO MED PAR RAB TU SHES SO, ,MIG GI BRTEN PA'I RNAM PAR SHES PA YANG MIG DANG, GZUGS DANG, SNANG BA DANG, YID LA BYED PA'I RKYEN RAB TU RNYED NAS 'BYUNG BAR 'GYUR MOD KYI, ,THUN MONG MA YIN PA'I RGYUS NYE BAR BRTEN TE JI LTAR RNGA BO CHE'I SGRA DANG, NAS KYI MYU GU ZHES BYA BA BZHIN DU RTEN DE'I RNAM PAR SHES PA ZHES BSTAN TO, ,RAB TU BYED PA'I GZHUNG DANG YANG RJES SU MTHUN PAR 'GYUR TE, MIG GI DBANG PO GANG ZHE NA, MIG GI RNAM PAR SHES PA'I RTEN GZUGS @241A *, ,DANG PO'I ZHES 'BYUNG NGO, ,MIG GI RNAM PAR SHES PA 'DI'I RTEN NI RNAM PA GNYIS TE, LHAN CIG SKYES PA'I MIG DANG 'DAS PA'I YID DO, ,DE LA MIG LA MIG GI RNAM PAR SHES PA'I RTEN DU BRJOD NA YID KYIS KYANG MI GCES BYA BA 'THOB PAR 'GYUR BAS, DE BAS NA GZUGS DANG BA ZHES SMOS SO, ,DE BZHIN DU RNA BA LA SOGS PA LA YANG SHES PAR BYA'O, ,KHYAD PAR NI 'DI YIN TE, RNA BA'I DBANG PO'I RDUL PHRA RAB NI GRO BA'I MDUD PA LTA BUR GNAS SO, ,SNA'I DBANG PO'I RDUL PHRA RAB NI MTSUL PA'I NANG LTAG KHUNG GI THAD KA NA MIG SMAN GYI THUR MA GSHIBS PA LTAR GNAS TE, DBANG PO DANG PO GSUM NI PHRENG BA LTAR GNAS SO, ,LCE'I DBANG PO'I RDUL PHRA RAB NI ZLA BA KHAM PA LTAR GNAS SO, ,LUS KYI DBANG PO'I RDUL PHRA RAB NI LUS BZHIN DU GNAS SO, ,LUS KYI DBANG PO'I KHYAD PAR NYID MO DANG PHO'I DBANG PO'O; ,DE LA MO'I DBANG PO'I RDUL PHRA RAB NI RNGA BO CHE MA G-YOS PA'I SBUBS LTAR GNAS SO, ,PHO'I DBANG PO'I RDUL PHRA RAB NI MTHE BO'I RNAM PA LTA BUR GNAS SO, ,MIG LA SOGS PA LNGA PO 'DI RNAMS NI RANG GI YUL LA NYE BAR DMIGS PA'I BDAG PO YIN PAS DBANG PO ZHES BYA'O, , DE LTA BAS NA MIG NI GZUGS LA NYE BAR DMIGS PA LA LHAG PAR DBANG BYED KYI GZUGS NI MA YIN NO, ,DE BZHIN DU RNA BA LA SOGS PA RNAMS LA YANG RIG PAR BYA'O, ,MO NYID DANG PHO NYID LA DBANG BYED PAS MO DANG PO'I DBANG PO STE, DE LA MO'I NGO BO NI MO'I RANG BZHIN DANG SKAD DANG BYED PA DANG BSAM PA'O, ,PHO'I NGO BO NI PHO'I RANG BZHIN DANG SKAD DANG BYED PA DANG BSAM PA STE, DE DAG LA DBANG BYED PAS MO DANG PHO'I DBANG PO'O, ,DE LTAR DBANG PO RNAMS BSTAN NAS, DA NI DON RNAMS BSHAD PAR BYA STE, DE LA MIG GI RNAM PAR SHES PAS RNAM PAR SHES PAR BYA BA NYID NI GZUGS KYI SKYE MCHED KYI RANG BZHIN GYI RANG GI MTSAN NYID DO, ,DE BZHIN DU SGRA LA SOGS PA NI RANG RANG GI DBANG PO'I RNAM PAR SHES PAS SHES PAR BYED PA NYID NI SGRA LA SOGS PA'I SKYE MCHED KYI RANG GI MTSAN NYID DO, ,SO SO'I DBYE BAS PHYE BA NA GZUGS KYI SKYE MCHED NI RNAM PA GNYIS SU @241B 'GYUR TE, KHA DOG DANG DBYIBS SO, ,DE LA KHA DOG NI BZHI STE, SNGON PO LA SOGS PA'O, ,GZHAN NI DE'I BYE BRAG GO, ,DBYIBS NI RNAM PA BRGYAD DE, RING PO LA SOGS PA NAS MI MNYAM PA'I BAR DU'O, ,GZUGS KYI SKYE MCHED DE NYID YANG RNAM PA NYI SHUR BRJOD PAR BYA STE, 'DI LTA STE SNGON PO DANG, SER PO DANG, DMAR PO DANG, DKAR PO DANG, RING PO DANG, THUNG DU DANG, ZLUM PO DANG, LHAM PA DANG, MTHO BA DANG, DMA' BA DANG, MNYAM PA DANG, MI MNYAM PA DANG, SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA ZHES BYA BA'O, ,DE LA MNYAM PA NI MI MNYAM PA MED PA'O, ,MI MNYAM PA NI MTHON DMAN DU GNAS PA'O, ,KHUG RNA NI LHO BUR RO, ,NYI MA NI NYI MA'I 'OD DO, ,SNANG BA NI ZLA BA DANG, SKAR MA DANG, ME DANG, SMAN DANG, NOR BU RNAMS KYI 'OD DO,, GRIB MA NI GANG NA GZUGS RNAMS SNANG BA'O, ,BZLOG PA NI MUN PA'O, ,LHAG MA NI GO SLA'O, ,GZUGS KYI SKYE MCHED BSHAD ZIN TO, ,SGRA NI RNAM PA BRGYAD DE, ZIN PA DANG MA ZIN PA'I 'BYUNG BA CHEN PO RGYU LAS BYUNG BA DAG SO SOR SEMS CAN DANG SEMS CAN MA YIN PAR STON PAS RNAM PA BZHI'O, ,YANG DE NYID RE RE ZHING YID DU 'ONG BA DANG, YID DU MI 'ONG BA'I BYE BRAG GIS RNAM PA BRGYAD DO, ,DE LA SEMS DANG SEMS LAS BYUNG BA SKYE BA'I RTEN NYID DU BZUNG BAS ZIN PA'O, ,DE NI SEMS DANG BCAS PA ZHES BYA BA'I DON TE, DBANG PO LAS THA DAD DU GYUR BA MA YIN PA'O, GANG LA RGYU ZIN PA'I 'BYUNG BA CHEN PO YOD PA DE NI ZIN PA'I 'BYUNG BA CHEN PO'I RGYU CAN TE LAG PA DANG NGAG GI SGRA LTA BU'O, ,GZHAN NI MA ZIN PA'I 'BYUNG BA CHEN PO'I RGYU CAN TE, JI LTAR RLUNG DANG NAGS TSAL DANG CHU KLUNG GI SGRA LTA BU'O, ,SEMS CAN DU STON PA'I SGRA NI SEMS CAN DU NGES PAR BYED PA'I SGRA STE, SGRA GANG GIS SEMS CAN TE SROG CHAGS SO ZHES NGES PAR 'GYUR BA DE NI SEMS CAN DU STON PA'O, ,BZLOG PA NI SEMS CAN MA YIN PAR STON PA'O, ,DE LA ZIN PA'I 'BYUNG BA CHEN PO'I RGYU CAN SEMS CAN DU STON PA'I SGRA NI NGAG @242A *, ,GI SGRA'O, ,SEMS CAN DU STON PA MA YIN PA NI DE LAS GZHAN PA'O, ,MA ZIN PA'I 'BYUNG BA CHEN PO'I RGYU CAN DU SEMS CAN DU STON PA NI SPRUL PA'I DAG GI SGRA'O, ,SEMS CAN DU STON PA MA YIN PA NI RLUNG DANG NAGS TSAL DANG CHU KLUNG GI SGRA'O, ,YID DU 'ONG BA NI YID DGA' BAR BYED PA'O, ,YID DU MI 'ONG BA NI DE LAS BZLOG PA'O, ,GZHAN DAG NA RE ZIN PA DANG MA ZIN PA'I 'BYUNG BA CHEN PO'I RGYU CAN GYI SGRA YANG YOD DO, ,'DI LTA STE, LAG PA DANG RNGA'I SBYOR BA LAS BYUNG BA LTA BU'O ZHES ZER RO, ,DE NI MI RUNG STE, KHA DOG GI RDUL PHRA RAB GCIG LA 'BYUNG BA CHEN PO BZHI MTSAN GNYIS KYIS BSKYED PAR MI 'DOD PA DE BZHIN DU 'DI YANG MI 'DOD DO, ,DRI NI RNAM PA BZHI STE, DRI ZHIM PA DANG, MI ZHIM PA DANG, MNYAM PA DANG, MI MNYAM PA NYID DO, ,BSTAN BCOS LAS NI DRI ZHIM PA DANG, DRI MI ZHIM PA DANG, DRI MNYAM PA ZHES RNAM PA GSUM 'BYUNG NGO, ,RO NI DRUG STE, MNGAR BA DANG, SGYUR BA DANG, LAN TSVA DANG, TSA BA DANG, KHA BA DANG, BSKA BA'I BYE BRAG GIS SO, ,RTZA BA'I RO 'DI RNAMS KYIS YANG DAG PAR SBYOR BA LAS RO'I BYE BRAG MTHA' YAS PAR 'GYUR RO, ,REG BYA NI BCU GCIG GI BDAG NYID DE 'BYUNG BA CHEN PO BZHI DANG, 'JAM PA NYID DANG, RTZUB PA NYID DANG, LCI BA NYID DANG, YANG BA NYID DANG, GRANG BA NYID DANG, BKRES PA DANG, SKOM PA ZHES BYA BA'O, ,DE LA 'BYUNG BA CHEN PO NI BSHAD ZIN TO, ,'JAM PA NI REG PA NA BDE BA'O, ,RTZUB PA NYID NI REG PAR MI 'DOD PA'O, ,LCI BA NYID NI GANG GIS DNGOS PO RNAMS 'JAL BAR BYED PA'O, ,YANG BA NYID NI DE LAS BZLOG PA'O, ,GRANG BA NI DRO BA 'DOD PAR BYED PA'O, ,BKRES PA NI ZAS 'DOD PAR BYED PA'O, ,SKOM PA NI BTUNG BA 'DOD PAR BYED PA STE, RGYU LA 'BRAS BU NYE BAR BTAGS PA'O, ,DE YANG 'DI LTAR, SANGS RGYAS 'BYUNG BA BDE BA STE, ,CHOS BSTAN PA YANG BDE BA YIN, ,DGE 'DUN MTHUN PA BDE BA STE, ,MTHUN PA RNAMS KYI DKA' THUB BDE, ,ZHES BYA BA LTA BU'O, ,DNGOS PO GANG LA 'BYUNG BA ME DANG CHU'I KHAMS SHAS CHE BA DE NI 'JAM PA NYID DO, ,SA DANG RLUNG SHAS CHE BA DE NI RTZUB PA NYID DO, , @242B SA DANG CHU SHAS CHE PA DE NI LCI BA NYID DO, ,ME DANG RLUNG SHAS CHE BA DE NI YANG BA NYID DO, ,CHU DANG RLUNG SHAS CHE BA DE NI GRANG BA'O, ,RLUNG SHAS CHE BA DE NI BKRES PA'O, ,ME DANG RLUNG SHAS CHE BA DE NI SKOM PA'O, ,DBANG PO LNGA DANG DON LNGA NI BSHAD ZIN TO, ,DE LA MIG LA SOGS PA DBANG PO LNGA NI RANG RANG GI 'BRAS BU LAS RJES SU DPAG PAR BYA BA NYID KYIS YID KYI RNAM PAR SHES PA 'BA' ZHIG GIS SHES PAR BYA BA'O, ,GZUGS LA SOGS PA LNGA NI SO SOR RNAM PAR SHES PA GNYIS KYIS RNAM PAR SHES PAR BYA STE, DE LA GZUGS KYI SKYE MCHED NI MIG GI RNAM PAR SHES PAS NYAMS SU MYONG NAS YID KYI RNAM PAR SHES PAS RNAM PAR SHES SO, ,DE BZHIN DU REG BYA'I SKYE MCHED KYI BAR DU RANG RANG GI RNAM PAR SHES PA DANG, YID KYI RNAM PAR SHES PA DAG GIS RNAM PAR SHES SO ZHES SBYAR RO, ,RNAM PAR RIG BYED MA YIN PA GANG ZHE NA, GZUGS GANG CHOS KYI SKYE MCHED DU GYUR PA BSTAN DU MED CING THOGS PA MED PA YID KYI RNAM PAR SHES PA TZAM GYIS SHES PAR BYA BA STE, ,SDOM PA DANG, SDOM PA MA YIN PA DANG, BAR MA BSDUS PA DGE BA DANG MI DGE BA'I RGYUN GYI NGO BO GANG YIN PA DE NI RNAM PAR RIG BYED MA YIN PA'O, ,DE LA KHA CIG NI SEMS KYI RJES SU 'JUG PA STE, 'DI LTA STE, BSAM GTAN GYI SDOM PA DANG, ZAG PA MED PA'I SDOM PA'I NGO PO'O, ,KHA CIG NI YANG DAG PAR BLANGS PA LAS BYUNG BA STE, SEMS G-YENGS PA DANG SEMS MA G-YENGS PA DANG, SEMS MED PA'I GNAS SKABS GSUM CHAR NA'ANG CHU PO'I RGYUN BZHIN DU 'JUG PA DANG, NYIN DANG MTSAN DU JI SRID 'PHAGS PAR RJES SU 'JUG PA JI SRID 'TSO'I BAR RAM, NYIN ZHAG GCIG PA NI 'DI LTA STE, SO SOR THAR PA'I SDOM PA'I NGO BO'O, ,KHA CIG G-YENGS BA DANG MA G-YENGS PA'I GNAS SKABS NI RJES SU 'JUG PA NI 'DI LTA STE, SDOM PA MA YIN PA'I NGO BO'O, ,SDOM PA YANG MA YIN SDOM PA MA YIN PA YANG MA YIN PA'I NGO BO NI KHA CIG 'GA' ZHIG LA ZHING KHYAD PAR CAN GYIS SBYIN PA'I DNGOS PO LONGS SPYAD PA LAS BYUNG BA STE RDZAS LAS BYUNG BA'I BSOD NAMS BYA BA'I DNGOS PO LTA BU'O, ,KHA CIG @243A *, ,NI SANGS RGYAS LA MCHOD PA DANG, DKYIL 'KHOR LA SOGS PA YI DAM DU BLANGS NAS BYED PA'O, ,KHA CIG NI GUS PA DANG BCAS PAS MCHOD RTEN LA PHYAG 'TSAL BA LA SOGS PA'I BYA BA BYED PA'O, ,MI DGE BA NI LHA MO DU RGA LA SOGS PA'I RTEN BYED CING LONGS SPYOD PA DANG, NYON MONGS PA'I SHUGS DRAG POS BYA BA RTZOM PA LA SOGS PAR SBYAR RO, ,DE LA ZAG PA DANG BCAS PA'I BSAM GTAN GYI SEMS THOB PA LAS NI BSAM GTAN GYI SDOM PA 'THOB BO, ,ZAG PA MED PA'I BSAM GTAN GYI SEMS THOB PA LAS NI ZAG PA MED PA'I SDOM PA 'THOB PA, ,DE DAG BTANG BAS NI DE DAG GTONG NGO, ,SO SOR THAR PA'I SDOM PA NI GZHAN LA GSOL BA 'DEBS PA'I RNAM PAR RIG BYED LA SOGS PA LAS 'THOB STE, YANG DAG PAR BLANGS PA BTANG BA DANG, SHI BA DANG, MTSAN GNYIS BYUNG BA DANG, NYIN ZHAG 'DAS PAS GTONG BAR 'GYUR RO, ,DE LA DGE SLONG DANG, DGE SLONG MA DANG, DGE TSUL DANG, DGE TSUL MA DANG, DGE SLOB MA DANG, DGE BA SNYEN DANG, DGE BSNYEN MA'I SDOM PA RNAMS NI NYIN ZHAG ZAD PA LAS GZHAN PAS GTONG BA'O, ,DGE SLONG DANG DGE SLONG MA'I SDOM PA DAG NI PAS PHAM PA'I LTUNG BAS KYANG NGO, ,BSNYEN GNAS KYI SDOM PA NI NYIN MTSAN ZAD PAS KYANG NGO, ,SDOM PA MA YIN PA NI NYA PA LA SOGS PA'I STE, DE RNAMS KYIS RGYU DANG MTSON CHA LA SOGS PA'I SBYOR BAS SDOM PA MA YIN PA 'THOB LA, DE LAS GZHAN PA'I RIGS KYIS NI DE DAG GI LAS YANG DAG PAR BLANGS PAS 'THOB PO, ,GTONG BA NI SHI BA DANG, MTSAN GNYIS BYUNG BA DANG, SDOM PA THOB PA LAS GTONG NGO, ,SDOM PA YANG MA YIN SDOM PA MA YIN PA YANG MA YIN PA'I NGO BO NI NYON MONGS PA DRAG PO DANG, RAB TU DANG BA'I THUGS DANG, YANG DAG BAR BLANGS PA CHAD PAS 'CHAD DO, ,DE LA DMIGS PA'I SEMS KYIS BSKYED PA'I LUS KYI DE DANG DE LTA BU'I DBYIBS KYI KHYAD PAR NI LUS KYI RNAM PAR RIG BYED DO, ,NGAG GI RNAM PAR RIG BYED NI DE LA DMIGS PA'I SEMS KYIS BSKYED PA'I [?] @243B BRJOD PAR BYA BA BRJOD PA'I TSIG STE, DE LTA BU DE GNYIS NI KUN NAS SLONG BA'I SEMS RNAM PAR RIG PAR BYED PAS NA RNAM PAR RIG BYED DO, ,RNAM PAR RIG BYED DANG 'DRA BA'I CHOS GANG 'PHEN PA YANG DAG PAR 'DZIN PA'I 'BYUNG BA CHEN PO LA BRTEN PA DANG GNAS PA NI RNAM PAR RIG BYED DANG 'DRA BAR GZHAN LA RNAM PAR RIG BYED PA MA YIN PAS RNAM PAR RIG BYED MA YIN PA STE, MAN NGAG 'BA' ZHIG TZAM GYIS SHES PAR BYA ZHING DGE SLONG LA SOGS PAR 'JOG PA'I RGYU'O, ,DE DANG 'DRA BA LAS DGAG PA'I RKYEN GYIS TE, BRAM ZE MA YIN PA LTA BU'O, ,GZUGS KYI PHUNG PO NI BSHAD ZIN TO, ,TSOR BA'I PHUNG PO'I DBANG DU BYAS NAS BRJOD PA DE LA SIM PA DANG, GDUNG BA DANG, DE GNYI GA LAS GROL BA'I YUL GYI NGO BO MNGON DU BYED PA GANG YUL NYAMS SU MYONG BA'I NGO BO RNAM PAR SHES PA'I MYONG BA DE NI TSOR BA ZHES BRJOD DO, ,DE LA GTZO BO SEMS NI SEMS LAS BYUNG BA MA YIN NO, ,DER NI GTZO PO SEMS SEMS LAS BYUNG BA MA YIN PAR JI LTAR SHES, GANG SEMS KYI BYA BA'I NGO BO LOGS SHIG TU RANG RGYUD DU GRUB PAR SEMS PA YID KYI LAS DANG, DANG BA SEMS KYI DANG BA DANG, RTOG PA NI SEMS RTZING [?] BZHES BYA BA LA SOGS PAR BRJOD PAS SEMS LAS BYUNG BA'I SEMS KYI GNAS SKABS NI MA YIN NO, ,JI LTA ZHE NA, DON THA DAD DU GYUR PAS SO, ,DE LA KHA CIG SEMS KYI BYA BA'I NGO BO NYID DU BSTAN PAS SEMS KYI GNAS SKABS KYI BYE BRAG NI SEMS LAS BYUNG BA'O ZHES 'DOD DO DE NI RIGS PA MA YIN TE, LHAN CIG 'BYUNG BA ZHES BYA BA'I NGES PA NYAMS PAR 'GYUR RO, ,DES NA 'DIR NI RNAM PAR SHES PA'I YUL NYE BAR SPYAD PAR BYA BA NYAMS SU MYONG BAS NYAMS SU MYONG BA DE NI TSOR BA ZHES BRJOD DE RIG PA NI TSOR BA ZHES BYA BAS SO, ,YANG NA MYONG BAR BYED PAS MYONG BA GANG YIN PA DE TSOR BAS NYAMS SU MYONG BAR BYED PA NYID DO, ,DE NI YANG NA SEMS SU SHES PAR BYA'O, ,TSOR BA NYID NI RNAM PAR SHES PAS MYONG BAR BYA ZHING, NYAMS SU MYONG BAR BYA BAS NYAMS SU MYONG BA'I PHYIR TE, BZA' BA DANG BTUNG BA LA SOGS PA DANG 'DRA BAR NYE BAR SPYAD PAR BYA BA NYID DO, ,DES NA 'DI LTAR 'DI @244A *, ,NI SEMS KYI ZAS SO ZHES RNAM PAR GZHAG GO, ,YANG DE LTA BU'I TSOR BA DE NI RNAM PA GNYIS SU 'GYUR TE, LUS KYI DANG SEMS KYI'O, ,DE LA DBANG PO'I GZUGS CAN LNGA NI RDUL PHRA RAB 'DUS PA'I NGO BO NYID KYIS LUS KYI SKAR [?] BRJOD LA, DE LA BRTEN NAS BYUNG BA'I TSOR BA NI LUS LAS BYUNG BAS LUS KYI ZHES BRJOD DO, ,YID KYI DBANG PO LA BRTEN PA'I TSOR BA NI SEMS KYI ZHES BRJOD DO, ,YANG TSOR BA DE NYID RNAM PA GSUM DU 'GYUR TE, BDE BA DANG, SDUG BSNGAL DANG, BDE BA YANG MA YIN SDUG BSNGAL BA YANG MA YIN PA'O, ,DE LA TSOR BA BDE BA NI GANG YONGS SU BZUNG BAS DBANG PO'I 'BYUNG BA CHEN PO 'PHEL BAR BYED CING GANG BZUNG BA DE DANG 'BRAL BAR MI 'DOD PA DE NI BDE BA ZHES BRJOD DO, ,SDUG BSNGAL NI DE LAS BZLOG PA STE, NYE BAR GNOD PAS 'BRAL BAR 'DOD PA DE SDUG BSNGAL ZHES BRJOD DO, ,GANG PHRAD PA DANG BRAL BA'I SRID PA'I RTEN DU MA GYUR PA YONGS SU 'DZIN PA YANG MA YIN, RJES SU GTONG BA YANG MA YIN PA STE, DE LA BRTEN NAS GTI MUG 'BYUNG BA NI BTANG SNYOMS TE, BDE BA YANG MA YIN, SDUG BSNGAL BA YANG MA YIN PA NI TSOR BA ZHES BRJOD DO, ,YANG TSOR BA DE NYID RNAM PA LNGAR 'GYUR TE, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO'O, ,DE LA DBANG PO GZUGS CAN LA BRTEN PA'I RNAM PAR SHES PA DANG MTSUNGS PAR LDAN PA TSOR BA BDE BA DANG, BSAM GTAN GSUM PA'I SEMS KYI TSOR BA BDE BA STE, DE GNYIS KA YANG BDE BA'I DBANG PO ZHES BRJOD DO, ,DBANG PO GZUGS CAN LA BRTEN PA'I RNAM PAR SHES PA DANG MTSUNGS PAR LDAN PA'I TSOR BA BDE BA MA YIN PA NI SDUG BSNGAL GYI DBANG PO'O, ,YID KYI RNAM PAR SHES PA DANG MTSUNGS PAR LDAN PA'I TSOR BA BDE BA NI YID BDE BA'I DBANG PO'O, ,YID KYI DE NYID MI BDE BA NI YID MI BDE BA'I DBANG PO'O, ,DE DAG THAMS CAD KYI BDE BA YANG MA YIN SDUG BSNGAL YANG MA YIN PA NI BTANG SNYOMS KYI DBANG PO'O, ,RGYU CIS SHE NA, GANG GI PHYIR @244B SEMS KYI BDE BA DANG SDUG BSNGAL PHAL CHER RNAM PAR RTOG PA LAS 'BYUNG GI LUS KYI NI MA YIN NO, ,LUS KYI DBANG GIS DGRA BCOM PA RNAMS LA YANG 'BYUNG NGO, ,GZHAN YANG LUS KYI BDE BA DANG SDUG BSNGAL BZUNG BA DANG GTONG BAR BYA BA NI MI BRTAN PAR 'BYUNG LA, GZHAN PA SEMS KYI NI BRTAN PAR 'BYUNG NGO, ,BTANG SNYOMS KYI NI RNAM PAR GZHAG PA DE DAG MED DE, MDOR BSDUS NAS RNAM PAR SHES PA DRUG GI RIS NI BTANG SNYOMS ZHES BRJOD DO, ,TSOR BA DE NYID YANG RTEN DRUG GI BYE BRAG GIS DRUG TU 'GYUR TE, MIG GI 'DUS TE REG PA LAS BYUNG BA DANG, RNA PA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'O, ,TSOR BA'I PHUNG PO BSHAD ZIN TO, ,'DU SHES KYI PHUNG PO'I DBANG DU BYAS NAS BRJOD PA, 'DI LA BUM PA DANG, RAS YUG DANG, SHING RTA'I NGO BO LA SOGS PA'I GZUGS RNAMS 'DUS PA NYID DU MTSUNGS NA YANG SO SOR NGES PA'I RGYU DANG RKYEN GYI BYE BRAG YOD PAR RGYU DANG RKYEN GYI BYE BRAG LA LTOS NAS YANGS PA LA SOGS PA'I BYE BRAG YOD DO, ,BYE BRAG DE NYID RGYU MTSAN ZHES BRJOD DE, DES DON RNAMS KYI KHYAD PAR 'JAL BAR BYED PA'I PHYIR RO, , BUM PA DANG, RAS YUG LA SOGS PA'I MTSAN MA DE SEMS LAS BYUNG BA'I CHOS GANG GIS 'DZIN PA DE 'DU SHES TE YONGS SU GCOD PAR BYED PA DANG MTSAN MAR 'DZIN PA'I BDAG NYID NI 'DU SHES ZHES BRJOD DO, ,'DU SHES DON GYI MTSAN MA LA 'JUG PA YIN LA, RNAM PAR SHES PA NI DON TZAM GYI 'DZIN PAR ZHUGS PA STE, DON GYI KHYAD PAR 'DZIN PA'I BDAG NYID CAN GYI TSOS SEMS LAS BYUNG BA DANG MTSUNGS PAR LDAN PAS NI DON GYI KHYAD PAR 'DZIN PA'I NUS PA DANG LDAN PAR YANG 'GYUR RO, ,DE BAS NA RNAM PAR SHES PA DANG MTSUNGS PAR LDAN PA'I SEMS LAS BYUNG BA'I CHOS GANG GIS BUM PA DANG RAS YUG DANG, SHING RTA LA SOGS PA'I NGO BO'I DON GYI KHYAD PAR YONGS SU GCOD PAR 'GYUR BA NI 'DU SHES ZHES BRJOD DO, ,DE LTA BU'I 'DU SHES NI MI LDAN PA'I MING DANG DON GCIG LA 'JUG STE, MING GIS NI DON @245A *, ,GSAL BAR BYED LA, 'DU SHES KYIS NI YANG DAG PAR SHES PAR BYED DE, DES NA MING DANG DON GYI MTSAN MA'I BRDA SHES PA NI GSAL BA STE, DE NI TSIG MING LA 'JUG LA MING NI DON LA STE, DE'I PHYIR NGAG MING LA 'JUG LA, MING GIS NI DON RJOD PAR BYED CES BYA'O, ,THA SNYAD LA MA BYANG BA'I 'DU SHES NI MI GSAL BA'I PHYIR MING GIS DON LA MI 'JUG STE, MING GIS DON SGRUB PAR YANG MI NUS SO, ,DE NYID NI MING DON DANG BCAS PA LA 'DZIN PAS 'DU SHES SO, ,RTEN GYI BYE BRAG GIS NI DRUG TU 'GYUR TE, MIG GI RNAM PAR SHES PA DANG MTSUNGS PAR LDAN PA NAS YID KYI RNAM PAR SHES PA DANG MTSUNGS PAR LDAN PA'I BAR DU'O, ,YANG RNAM PA GSUM DU 'GYUR TE, CHUNG NGU DANG, CHEN POR GYUR PA DANG, TSAD MED PA'O, ,'DU SHES KYI PHUNG PO BSHAD ZIN TO, ,'DU BYED KYI PHUNG PO'I DBANG DU BYAS NAS BRJOD PA, 'DU BYED KYI PHUNG PO NI RNAM PA GNYIS TE, SEMS DANG MTSUNGS PAR LDAN PA DANG, SEMS DANG MI LDAN PA'O, ,DE LA RTEN DANG, DMIGS PA DANG, RNAM PA DANG, DUS DANG RDZAS MTSUNGS PAS SEMS DANG MNYAM DU RAB TU 'JUG PAS SEMS DANG MTSUNGS PAR LDAN PA STE, SEMS PA LA SOGS PA NAS THA MA BZOD PA'I BAR DU'O, ,DE DAG GI NANG NAS RTZOD PA'I BAR GYUR PA DANG, 'KHOR BA'I RGYUR GYUR MAS TSOR BA DANG, 'DU SHES PHYUNG NAS LOGS SHIG TU PHUNG POR GZHAG GO, ,DE LAS GZHAN PA'I SEMS LAS BYUNG BA SEMS PA LA SOGS PA DANG, THOB PA LA SOGS PA SEMS DANG MI LDAN PA'I 'DU BYED 'DI DAG NYID 'DU BYED KYI PHUNG PO'O, ,DE LA SEMS DANG MTSUNGS PAR LDAN PAS NI SEMS PA DANG REG PA DANG YID LA BYED PA DANG, 'DUN PA DANG, MOS PA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR RTOG PA DANG, ,DPYOD PA DANG, BAG MED PA DANG, BAG YOD PA DANG, SKYO BA DANG, RAB TU DGA' BA DANG, SHIN TU SBYANGS PA DANG, SHIN TU MA SBYANGS PA DANG, RNAM PAR 'TSE BA DANG, RNAM PAR MI 'TSE BA DANG, NGO TSA SHES PA DANG, KHREL YOD @245B PA DANG, BTANG SNYOMS DANG, RNAM PAR GROL BA DANG, DGE BA'I RTZA BA DANG, MI DGE BA'I RTZA BA DANG, LUNG DU MA BSTAN PA'I RTZA BA DANG, KUN TU SBYOR BA DANG, NGES PAR 'CHING BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA DANG, ZAG PA DANG, CHU BO DANG, SBYOR BA DANG, NYE BAR LEN PA DANG, MDUD PA DANG, SGRIB PA DANG, SHES PA DANG, BZOD PA ZHES BYA BA'O, ,SEMS DANG MTSUNGS PAR LDAN PA'I MING BSTAN ZIN TO, ,YANG 'DU BYED KYI CHOS GZHAN GANG DAG GZUGS CAN MA YIN PA NYID DU MTSUNGS PAS SEMS DANG RIGS GCIG PA DE DAG NI SEMS DANG MI LDAN PA'I 'DU BYED DE, 'DI LTA STE, THOB PA DANG, MA THOB PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA DANG, SROG GI DBANG PO DANG, SKAL PA MNYAM PA DANG, GNAS SO SOR THOB PA DANG, DNGOS PO SO SOR THOB PA DANG, SKYE MCHED SO SOR THOB PA DANG, SKYE BA DANG, RGA BA DANG, GNAS PA DANG, MI RTAG PA DANG, MING GI TSOGS DANG, TSIG GI TSOGS DANG, YI GE'I TSOGS DANG, RKYEN TSOGS PA MED PA DANG, RKYEN TSOGS PA STE, 'DI RNAMS NI SEMS DANG MI LDAN PA'I 'DU BYED DO, ,DE LA SEMS PA NI SEMS MNGON PAR 'DU BYED PA YID KYI LAS TE, JI LTAR RGYAL PO RNAMS BLON POS BYA BA DE DANG, DE LA 'JUG PAR BYED PA DE BZHIN DU SEMS KYANG SEMS PAS BYA BA DANG BCAS PA'I NGO BOR DE DANG DER STON PAR BYED DO; ,DE NI 'DU BYED RNAMS 'BYUNG BA LA SA BON GYI NGO BOR GNAS TE, 'GRO BA SNA TSOGS LAS LAS SKYES LA DE NI LAS KYI NGO BO NYID KYI PHYIR RO, ,YANG DE NI RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, ,YANG DBYE NA SEMS PA'I TSOGS DRUG TU 'GYUR TE; MIG GI RNAM PAR SHES PA DANG MTSUNGS PAR LDAN PA NAS YID KYI RNAM PAR SHES PA DANG MTSUNGS PAR LDAN PA'I BAR DU'O, ,DE LA REG PA GANG ZHE NA, JI LTAR CHU LA CHAR BAB PAR GYUR PA LAS, CHU'I CHU BUR 'BYUNG BAR 'GYUR BA DE BZHIN DU DBANG PO RNAMS RANG RANG GI YUL @246A *, ,LA 'JUG PA LAS MIG LA SOGS PA JI LTA BA BZHIN DU GZUGS MTHONG BA LA SOGS PA'I RANG RANG GI RNAM PAR SHES PA NYE BAR 'BYUNG BA'AM YANG NA PHA DANG MA LA BRTEN NAS BU LA SOGS PA 'BYUNG BA DE BZHIN DU DBANG PO DANG YUL LA BRTEN NAS RNAM PAR SHES PA 'BYUNG BA NA DE LA BU'I GNAS LTA BU'AM, CHU'I CHU BUR GYI GNAS LTA BU'I RNAM PAR SHES PA DANG, YUL DANG DBANG PO GSUM NYE BAR 'DUS PA LAS SKYES PA NI REG PA'O, ,YANG NA REG PA'I RGYUR DBANG PO DANG YUL DANG RNAM PAR SHES PA RNAMS NYE BAR 'DUS PA NA STE, NYE BAR 'DUS PA ZHES BYA BA NI GSUM PO RGYU DANG 'BRAS BU'I NGO BOR GNAS PA RNAMS KYI GANG PHAN TSUN LTOS PA'O, ,YANG DE NI RNAM PA GSUM STE, BDE BA MYONG BAR 'GYUR BA DANG, SDUG BSNGAL MYONG BAR 'GYUR BA DANG, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'O, ,YANG RNAM PA DRUG STE, MIG GI RNAM PAR SHES PA'I 'DUS TE REG PA NAS YID KYI RNAM PAR SHES PA'I 'DUS TE REG PA'I BAR DU'O, ,YID LA BYED PA NI SEMS YUL LA 'JUG PA STE YUL LA GTOD PO ZHES BYA BA'I DON TO, ,SEMS NI RANG BZHIN GYIS G-YO BA STE SPRE'U LTA BU YIN PAS DE NI CHOS GZHAN DANG MA 'BREL BAR YUL LA MI GNAS PA NYID DE, YUL GZHAN GYI BYA BA LA MI 'JUG PAR YUL LA GNAS PAR NI CHOS GZHAN DANG 'BREL BA MED PAR MI SRID DE, DE BAS NA GANG DANG LDAN PAS RNAM PAR SHES PA MNGON PAR 'DOD PA'I YUL LA GTOD PA DANG BCAS PAR 'GYUR BA NI SEMS 'JUG PA ZHES BYA BA STE, SEMS KYI BYA BA'I NGO BOR NYE BAR MTSON PA'I SEMS LAS BYUNG BA'I CHOS LA YID LA BYED PA ZHES BYA BAR BRJOD DO, ,YID LA BYED BAS NA YID LA BYED PA STE, YUL 'GA' ZHIG LA SEMS GNAS PAR BYED PA ZHES BYA BA'I DON NAM, YUL YID LA BYED PA NA YID LA BYED PA STE, GANG GI STOBS KYIS RNAM PAR SHES PA YUL YID LA BYED PA'I NGO BO NYID DO, ,TING NGE 'DZIN NA RNAM PAR G-YENG BA'I GNYEN PO'I CHOS TE, SEMS KYI RGYUN DMIGS PA GCIG PA'I RGYU'O, ,YID LA BYED PA NI YUL LA SEMS DE'I DUS SU MI GTONG BA'O, ,YANG DE NI RNAM PA GSUM DU 'GYUR TE, @246B SLOB PA DANG, MI SLOB PA DANG, SLOB PA YANG MA YIN MI SLOB PA YANG MA YIN NO, ,DE LA GANG ZAG BDUN NI SLOB PA STE, NYON MONGS PA LHAG MA SPANG BAR BYA BA NI PHYIR BSLAB PAR BYA BA YOD PAS SO, ,BDUN PO GANG DAG YIN ZHE NA, RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA DANG, RGYUN DU ZHUGS PA DANG, LAN CIG PHYIR 'ONG BA'I 'BRAS BU MNGON DU BYA BA'I PHYIR ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU MNGON DU BYA BA'I PHYIR ZHUGS PA DANG, PHYIR MI 'ONG BA DANG, DGRA BCOM PA'I 'BRAS BU MNGON DU BYA BA'I PHYIR ZHUGS PA ZHES BYA BA 'DI RNAMS SO, ,GANG ZAG BDUN PO RNAMS KYI RGYUD LA ZAG PA MED PA'I TING NGE 'DZIN DANG MTSUNGS PAR LDAN PA DE NI SLOB PA'I YID LA BYED PA'O, ,DGRA BCOM PA NI MI SLOB PA STE, DE'I ZAG PA MED PA'I TING NGE 'DZIN DANG MTSUNGS PAR LDAN PA NI MI SLOB PA'I YID LA BYED PA'O, ,ZAG PA DANG BCAS PA'I SEMS DANG MTSUNGS PAR LDAN PA'I SLOB PA YANG MA YIN MI SLOB PA YANG MA YIN PA ZHES BYA STE, DE LTAR YID LA BYED PA RNAM PA GSUM MO, ,'DUN PA NI RNAM PAR SHES PA'I BYED PA 'DOD PA NYID DE; SEMS LAS BYUNG BA'I CHOS GANG DANG 'BREL PAS BZA' BA DANG, 'GRO BA DANG, GTZO BO DANG, BUM PA DANG, SNAM BU DANG, DGE BA DANG, MI DGE BA LA BDAG GIS 'DI BYA'O SNYAM DU BYED 'DOD PA'I MTSAN NYID KYI SEMS LAS BYUNG BA'I CHOS NI 'DUN PA ZHES BRJOD DO, ,YID LA BYED 'DOD PA YOD PAS BYED 'DOD PA STE DE'I NGO BO NI BYED 'DOD PA NYID DO, ,DE'I NGO BO GANG YIN ZHE NA, DE NI 'DUN PA NYID DO GANG GIS DE BYED 'DOD PAR 'GYUR RO, ,DE LA JI LTAR ZA MA TOG GI NANG DU BCUG NAS KHA BCAD PA'I SBRUL NI 'BYUNG ZHING 'GRO BA'I BYA BA LA RTZOL BA GLOD DE GNAS LA; SBRUL 'DZIN BYED PAS BSKUL ZHING BSLANG BA NA NI 'BYUNG BA'I BYA BA LA RTZIL BA DANG BCAS PAR 'GYUR RO, ,DE BZHIN DU SEMS KYANG SEMS LAS BYUNG BA DANG MTSUNGS PAR LDAN PAS NYE BAR GYUR BA'I YUL LA RTZOL BA MED PA BOR NAS RTZOL BA DANG BCAS PA 'BYUNG NGO ZHES BYA BA'O, ,DE LTA BU NI @247A *, ,SEMS LAS BYUNG BA'I LAS SO, ,JI LTAR YUL GANG LA BYA BA DANG BCAS PA'I SBRUL DE NYID YUL DE LA GTOD PA DANG BCAS PAS GTOD PAR GYUR PA DE BZHIN DU YUL GANG LA SEMS LAS BYUNG BA GANG DANG MTSUNGS PAR LDAN PA SEMS BYA BA DANG BCAS PAR 'GYUR BA'I YUL DE NYID LA YID LA BYED PAS NI GTOD PA DANG BCAS PAR 'GYUR BAS 'DI NI YID LA BYED PA'I LAS KYI KHYAD PAR RO, ,DE LTAR BRJOD PA'I CHOS SEMS PA DANG YID LA BYED PA'I SNGON DU 'DUN PA 'GRO BA STE, GANG DU 'DUN PA ZHUGS PA DER SEMS PA DANG YID LA BYED PA DAG 'BYUNG BA NA YANG RTA'I BYA BA'I KHYAD PAR LTAR SNGON DU NYE BAR MTSON TE SEMS PA DANG YID LA BYED PA DAG RANG GI YUL LA 'JUG PA NA SKUL BAR BYED PA NYID GYIS SO, ,GAL TE BYED PAR 'DOD PA'I MTSAN NYID CAN GYI 'DUN PA KHA CIG TU 'BYUNG BAR MA GYUR NA NI YUL NGES PAR MA MTHONG BAS RANG BZHIN GYIS BEMS BO LTAR GANG YANG 'JUG PAR MI 'GYUR BAS, DE BAS NA 'DI LTAR NYE BAR LEN PA'I PHUNG PO LNGA PO 'DI NI 'DUN PA'I RTZA BA CAN, 'DUN PA'I RGYU CAN, 'DUN PA LAS KUN DU 'BYUNG ZHING 'DUN PA'I MTHUS 'BYUNG BAR 'GYUR ZHES BYA'O, ,'DI DANG SRED PA LA KHYAD PAR CI YOD CE NA, JI LTAR LA CAS SHING TSA BA GNYIS 'BYAR BAR BYED PA LTAR SRED PA NI SEMS YUL LA MNGON PAR ZHEN CING CHAGS PA'I RGYU YIN LA, 'DUN PA NI DE LTA MA YIN TE, DE NI BYA BA'I BSAM PA TZAM NYID KYIS 'JUG PAS SRED PA LAS 'DUN PA DE LTAR THA DAD DO; ,DE YANG 'DI LTAR 'DI NA GNAS PA'I GANG ZAG 'GA' KHAMS GONG MA 'DOD PAS GSOL BA 'DEBS TE, AE MA'O BSAM GTAN NAM GZUGS MED PA BDAG GIS JI LTAR 'THOB CES BYA BA DANG, DE BZHIN DU JI LTAR BDAG GIS ZAG PA ZAD PA MNGON DU BYA BA DANG, LAM RTOGS PAR 'GYUR ZHES BYA BA LTA BU STE, DE LTAR SMON PA DE NI SRED PA ZHES BRJOD PAR MI BYA'O 'ON KYANG DE NI DGE BA'I CHOS LA 'DUN PA YIN TE, SRED PA DANG 'GAL BA'I YUL LA SKYES PAS SO, ,SEMS YUL LA LHAG PAR 'DOD PA NI MOS PA STE, LHAG PA'I SGRA NI DBANG DU BYA BA @247B STE; RANG GI YUL LA MOS PA'I SHES PA'I RANG GI NGO BO GANG ME LA PHYE MA LEB LTAR LHAG PAR MOS PA NI MOS PA'O, ,SEMS LAS BYUNG BA'I CHOS GANG DANG LDAN PAS RNAM PAR SHES PA YUL LA SO SO MA YIN PAR BSDUS PAR GYUR PA DE NI SEMS LAS BYUNG BA'I CHOS MOS PA'O, ,YID LA BYED PA DANG KHYAD PAR NI YUL YID LA BYED PA NI YID LA LHAG PAR BYED PA'I NGO BO'O, ,'DI NI YUL LA LHAG PAR BYED PA'I NGO BO ZHES BYA BA NI KHYAD PAR RO, ,DAD PA NI BDEN PA DANG, DKON MCHOG DANG, LAS DANG 'BRAS BU LA MNGON PAR YID CHES PA'O, ,DE LA BDEN PA NI BZHI STE, SDUG BSNGAL DANG, KUN 'BYUNG DANG, 'GOG PA DANG, LAM ZHES BYA BA'O, ,YANG NA RNAM PA GNYIS TE, KUN RDZOB DANG DON DAM PA ZHES BYA BA'O, ,DKON MCHOG NI GSUM STE, SANGS RGYAS DANG, CHOS DANG, DGE 'DUN NO, ,LAS NI BSOD NAMS DANG, BSOD NAMS MA YIN PA DANG, MI G-YO BA'O, ,'BRAS BU NI RNAM PAR SMIN PA DANG BRAL BA ZHES BYA BA'O, ,DE DAG NYID LA SKUR PA 'DEBS PA NI LOG PAR LTA BA STE, MED PA'I RNAM PAR ZHUGS PA'O, ,'JIG RTEN PA'I YANG DAG PA'I LTA BA NI YOD PA'I RNAM PAR ZHUGS PA STE, DE LTA BU'I YANG DAG PA'I LTA BAS RTOGS PA'I YOD PA LA MNGON PAR YID CHES PA'I RNAM PA NI DAD PA'O, ,DAD PA'I STOBS KYIS YOD PA DE DAG NGES PAR 'DZIN PA DE NI MA DAD PA'I GNYEN POR GYUR PA'O, ,DE YANG JI LTAR RNYOG PA DANG BCAS PA'I CHU LA NOR BU CHU'I DANG BYED KYIS CHU'I RNYOG PA RNAMS BAS LA NAS CHU RAB TU DANG BAR BYED PA DE BZHIN DU DAD PA'I NOR BU YANG SEMS KYI RDZING BUNG BYUNG NAS MA DANG PA'I RNYOG PA BSAL TE YID DANG BAR BYED DO, ,YID DANG BAR BYAS PAS JI LTAR YONGS SU DAG PA'I ME LONG LA GZUGS BRNYAN GYI TSUL GYIS BDEN PA DANG DKON MCHOG LA SOGS PA SNANG BAR 'GYUR RO, ,BRTZON 'GRUS NI DGE BA'I CHOS LA SPRO BA STE, SEMS LAS BYUNG BA'I CHOS GANG DANG LDAN PAS SEMS DGE BA'I CHOS BSDU BA LA SPRO BAR 'GYUR BA LE LO'I GNYEN POR GYUR BA'I CHOS NI BRTZON 'GRUS SO, ,GANG BYAS PA DANG BYED PA'I @248A *, ,LAS LA SEMS KYI BRJED PA MED PA STE, SEMS KYI MNGON PAR BRJOD PA NI DRAN PA'O, ,TING NGE 'DZIN NI SEMS RTZE GCIG PA STE, RTZE NI DMIGS PA'O, ,SEMS LAS BYUNG BA'I CHOS GANG DANG LDAN PAS SEMS KYI RGYUN DMIGS PA GCIG LA NGES PAR GNAS PA STE, DE NI SEMS LAS BYUNG BA'I CHOS TING NGE 'DZIN ZHES BYA'O, ,SHES RAB NI CHOS RAB TU RNAM PAR 'BYED PA'O, ,RNAM PAR 'BYED PA NI DNGOS PO'I NGO BO MANG PO RIL PO GCIG LTA BUR GYUR PA'I DON LA 'DIS SO SOR RTOGS PAS RNAM PAR 'BYED PA'O, ,KHYAD PAR CAN DU RNAM PAR 'BYED PA NI RAB TU RNAM PAR 'BYED PA STE, BLO YID DNGOS PO'I CHA RNAM PAR PHYE NAS 'DI'I RANG GI NGO BO CI ZHES TE, NYE BAR DMIGS PA'I DON LA NGES PAR SNYING PO CI ZHIG YOD CES DE LTA BU'I RNAM PAR ZHUGS PA'O, ,DPER NA CHU SHING GI SDONG PO LA SNYING PO 'DOD PAS RNAM PAR PHYE BA LTA BU STE, JI LTAR 'GA' ZHIG SNYING PO 'DOD PAS CHU SHING GI SDONG PO SHUN PA DANG SHUN PA THA DAD DU LEGS BAR RNAM PAR PHYE NAS BTZAL BA NA SNYING PO CUNG ZAD KYANG MI RNYED PA LTAR BLO GROS DANG LDAN PAS GANG ZAG DANG CHOS RNAMS KYI RANG GI NGO BO YONGS SU BTZAL BA NA SNYING PO CUNG ZAD KYANG MI DMIGS SO, , DE LA GANG ZAG CES BYA BA NI BDAG DANG, SEMS CAN DANG, SROG DANG, GSO BA'O, ,DE YANG 'DI LTAR KHYIM DANG, PHRENG BA DANG, SHING RTA DANG, NAGS TSAL LA SOGS PA LTAR NYE BAR BRTEN NAS RNAM PAR GDAGS TE, JI LTAR KHYIM NI {RTZVA} DANG 'OD MA DANG SA LA SOGS PA'I RGYU LA NYE BAR BRTEN NAS SGRUB STE, DE YONGS SU RDZOGS PAR GYUR BA DANG, CHAR DANG, RLUNG DANG, NYI MA YONGS SU SKYONG BA LA MKHO BAR GYUR NA YANG RANG GI NGO BOR GRUB PA YOD PA NI MA YIN NO, ,GAL TE DE'I NGO BOR YOD NA {RTZVA} LA SOGS PA LA MA LTOS PAR YANG GZUNG BAR 'GYUR TE, 'DI DAG NI RGYUR GYUR PA {RTZVA} LA SOGS PA'O, ,'DI NI DE'I 'BRAS BUR GYUR PA KHYIM MO ZHES BYA BAR GYUR NA, DE LTAR NA NI MI 'DZIN TE, DE BAS NA 'DI RANG GI NGO BOR NI MED DO, ,GAL TE 'DI RANG GI NGO BOR YOD NA NI DES NA GZHAN LA BRTEN PAR MI 'GYUR TE, RANG GI NGO BOR @248B GRUB PA'I PHYIR RO, ,GANG RANG GI NGO BOR GRUB PA NI GZHAN LA LTOS PA MA YIN TE, GZHAN LA LTOS PA MA YIN PA NI MA BYAS PA'O, ,GANG LA BYAS PA NI RTAG PA YIN LA, RTAG PA NI RGYU MED PA YIN PAS RGYU DANG RKYEN LA MI LTOS PA'I RTAG PA NI MO GSHAM GYI BU LTAR YOD PA MA YIN NA YANG 'JIG RTEN NA KHYIM ZHES BYA BA YANG YOD DE, DES NA DE RANG GI NGO BOR GRUB PA NI MED LA, RANG GI NGO BOR GRUB PA MED PAS MED PA NYID DU LTUNG BAR 'GYUR BA'ANG MA YIN NO, ,GAL TE MO GSHAM GYI BU LTAR GYUR NA {RTZVA} LA SOGS PA LA NYE BAR BRTEN NAS, RNAM PAR GDAGS PAR YANG MI 'GYUR LA, CHAR DANG NYI MA LA SOGS PA SKYOB PAR YANG MI 'GYUR RO, ,DE LTA BAS NA RANG GI NGO BOR MED PAS NI DE MED LA, RTEN CING 'BREL BAR 'BYUNG BAS BYAS PA'I YOD PA NYID KYIS DE MED PA YANG MA YIN NO, ,RDZAS SU YOD PAR GYUR PA BDEN PAR YOD PA NYID KYIS ZHEN PAR YANG 'GYUR NA, RDZAS SU MED DE GZUGS BRNYAN LTA BU'O, ,ZHEN PA LAS NI 'KHOR BA NA 'GYUR RO, ,DNGOS PO MED PAS YE MED PA NYID CES BYA BAR YANG MI 'GYUR TE, RTEN CING 'BREL BAR 'BYUNG BA LA NYE BAR BRTEN PA'I RNAM PAR GZHAG PA NYAMS PAR THAL BAR 'GYUR BA'I PHYIR RO, ,DES NA 'DI LTAR RJES SU MED PA'I DNGOS PO'I DON RNAM PAR GNAS PA NI KUN RDZOB TZAM DU GNAS PA NGO BO NYID KYIS STONG PA 'PHAGS PA RNAMS KYIS MNGON PAR ZHEN PAR BYA BA'I GNAS SU MA GYUR PA GANG LA BDE BA'I DON DU SGRO BTAGS PAS NI PHYIN CI LOG NYID DE, GZHAN DAG TU GNAS LA GZHAN DAG TU BZUNG BA NYID KYIS THAG PA BSDOGS PA LA SBRUL DU BZUNG BA LTA BU'O, ,KHYIM GYI BSHAD PA 'DI NYID KYIS PHRENG BA DANG, NAGS TSAL DANG, SHING RTA'I BSHAD PA YANG RIG PAR BYA'O, ,JI SKAD BSHAD PA'I KHYIM LA SOGS PA LTAR BDAG DANG CHOS KYANG BSHAD PAR BYA'O, ,JI LTAR BYAS NAS SHE NA, DE LA {RTZVA} LA SOGS PA LA NYE BAR BRTEN NAS KHYIM RNAM PAR GZHAG PA DE BZHIN DU GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA ZHES BYA BA NYE BAR LEN PA'I PHUNG PO LNGA LA RJES SU BRTEN NAS BDAG CES NYE BAR 'DOGS PA'AM, @249A *, ,KHAMS DRUG POS DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA'AM, REG PA'I SKYE MCHED DRUG PO MIG DANG, RNA BA DANG, SNA DANG, LCE DANG, LUS DANG, YID CES BYA BA LA NYE BAR BRTEN NAS 'DOGS SO, ,DE LTA BU'I BDAG NI BDAG TU RNAM PAR 'JOG PA'I RGYU LA MA LTOS PAR GRUB PA MED PA NYID DE KHYIM LA SOGS PA RANG GI NGO BOR MED PA LTA BU'O, ,GAL TE YOD NA NI RANG GI RGYU LA MA LTOS PAR NYE BAR DMIGS PAR 'GYUR BA ZHIG NA DE LTAR DMIGS PA YANG MED DO, ,DES NA RANG GI NGO BOR NI MED PA NYID DO, , GAL TE RANG GI NGO BOR YOD NA NI RANG GI NGO BOR DE LTAR GNAS PA NYID KYIS GZHAN LA LTOS PAR MI 'GYUR LA, GZHAN LA MI LTOS PA NI BYAS PA MA YIN PAS RTAG PAR 'GYUR RO, ,RTAG PA NI RGYU MED PA YIN LA, RGYU MED PA NYID NI BONG BU'I RVA BZHIN DU DMIGS PAR MI 'GYUR NA, BDAG 'DI NI RANG GI RGYU'I TSOGS PA LA NYE BAR BRTEN NAS DMIGS TE KHYIM BZHIN NO, ,DE LTA BAS NA RTAG PA MA YIN NO, ,GANG GI MI RTAG PA NYID NI DNGOS PO MED PA'O, ,GANG DNGOS PO MED PA NI YOD PA YANG MA YIN MED PA YANG MA YIN TE, RANG GI RGYU RKYEN LAS BYUNG BA NYID DANG, RANG GI NGO BOR MA GRUB PA NYID KYIS TE, RANG GI NYE BAR LEN PA LA BRTEN NAS GZHAG PA'I PHYIR DANG, DE LA 'PHAGS PA RNAMS KYIS ZHEN PA'I GNAS SU MA GYUR PAS GZUGS BRNYAN LA THA SNYAD BYED PA LTAR RNAM PAR GNAS SO, ,PHYIN CI LOG TU ZHUGS PAS JI LTAR GNAS PA'I RANG GI NGO BO LA RMONGS PA'I DBANG GIS 'DI LTAR RANG GI NGO BOR SGRO BTAGS NAS BDAG NI YOD DO ZHES 'DOD DE, DE NI NGES PAR RTAG PA'I MTHAR LTUNG NGO, ,GANG YANG BDAG NI MED DO ZHES 'DOD PA DE YANG CHAD PA'I MTHAR LTUNG STE, SNGAR KHAS BLANGS PA'I DNGOS PO DE MED PAR DMIGS PA'I PHYIR RO,, DE YANG BCOM LDAN 'DAS KYIS KUN DGA' PO BDAG YOD DO ZHES 'DOD NA DE NI RTAG PAR LTA BA'O, ,KUN DGA' BO BDAG MED DO ZHES 'DOD NA CHAD PAR LTA BA'O ZHES GSUNGS PAS THAMS CAD DU YANG BDAG RDZAS SU MED PA LA BDEN PAR RDZAS SU SGRO BTAGS TE, YOD PA NYID DAM @249B MED PA NYID DU BRTAGS PA NI RTAG PA DANG CHAD PA'I MTHA' GNYIS SU LTUNG BAR ZHUGS PAR 'GYUR RO, ,GANG GIS NYE BAR LEN PA LAS RNAM PAR GNAS PA PHYIN CI MA LOG PA LA JI LTA BA BZHIN DU MTHONG BA DE NI RTAG PA DANG CHAD PA'I MTHA' GNYIS SU LTUNG BAR MI 'GYUR TE, DE'I RTEN DU GYUR PA'I DNGOS PO NYE BAR MI DMIGS PA'I PHYIR RO, ,DE YANG RDZAS RJES SU MA DMIGS PAS NI RTAG PAR LTA BAR MI LTUNG LA, NYE BAR LEN PA LAS RNAM PAR GZHAG PA TZAM GYIS BDAG KHAS BLANGS PAS NI CHAD PAR LTA BAR MI LTUNG NGO, ,DE LTA BU'I MTHA' GNYI GA SPANGS NAS DBU MA PA'I SGRUB PAS BRTEN NAS 'BYUNG BAR NYE BAR LEN PA LAS RNAM PAR GNAS PA'I BDAG 'PHAGS PAS JI LTA BA BZHIN DU RTOGS PAS BDAG TU 'DZIN PA RNAM PA THAMS CAD DU SPANGS TE 'KHOR BA LAS RNAM PAR GROL LO, ,DE LTAR RE ZHIG 'DI NI GANG ZAG LA BDAG MED PA'O, ,CHOS LA BDAG MED PA NI CHOS RNAMS KYI NGO BO NYID NI MED PA'O, ,DE LA MDOR BSDU NA CHOS NI RNAM PA GNYIS TE, GZUGS CAN DANG, GZUGS CAN MA YIN PA'O, ,DE LA GZUGS CAN LA YANG RNAM PA GNYIS TE, 'BYUNG BA DANG 'BYUNG BA LAS GYUR PA'O, ,GANG GZUGS CAN MA YIN PA LA YANG RNAM PA GNYIS TE 'DUS BYAS DANG, 'DUS MA BYAS PA'O, ,DE LA GZUGS CAN MA YIN PA 'DUS BYAS LA YANG RNAM PA GSUM STE, SEMS DANG SEMS LAS BYUNG BA DANG SEMS DANG MI LDAN PA'O, ,GANG YANG GZUGS CAN MA YIN PA 'DUS MA BYAS LA NI RNAM PA BZHI STE, NAM MKHA' DANG; SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, CHOS RNAMS KYI CHOS NYID DO, ,DE LA RE ZHIG 'DUS MA BYAS RNAMS NI RTEN CING 'BREL BAR 'BYUNG BA MA YIN PA NYID KYIS KYANG RANG GI NGO BOR MED LA, BYAS PA MA YIN PAS KYANG RANG GI NGO BOR MED DE, 'DUS MA BYAS NI TSIG TZAM YIN PAS RNAM PAR DPYAD PA GZHUG PAR MI BYA'O, ,GANG 'BYUNG BA DANG 'BYUNG BA LAS GYUR PA'I BYE BRAG GIS GZUGS RNAM PA DE LNGA PO DE LA 'BYUNG BA CHEN PO BZHI NI PHAN TSUN MI 'DOR BAS PHAN TSUN GYI STOBS KYIS 'BYUNG STE, 'BYUNG @250A *, ,BA CHEN PO GSUM LA BRTEN NAS SA'I KHAMS 'GRUB PAR 'GYUR LA, SA'I KHAMS LA BRTEN NAS KYANG 'BYUNG BA CHEN PO GSUM 'GRUB PO, ,DE BZHIN DU LHAG MA RNAMS LA YANG SBYAR RO, ,DE BAS NA 'DI DAG NI PHAN TSUN DU BRTEN NAS 'GRUB PAR GNAS TE, SA LA MA LTOS PAR YANG 'BYUNG BA GSUM PO SA LA BRTEN PA'I NGO BO 'THOB PAR GA LA 'GYUR, GANG DU 'BYUNG BA GSUM PO MED PA DER YANG SAS 'BYUNG BA GSUM LA BRTEN PA'I NGO BO GANG LAS 'THOB PAR 'GYUR, DE BZHIN DU LHAG MA RNAMS LA YANG RANG GI NGO BO MA GRUB PAR SBYAR RO, ,GAL TE 'DI DAG RANG GI NGO BOR GRUB PAR GYUR NA DE DAG RANG GI NGO BOR GRUB PA NYID KYIS PHAN TSUN LTOS PAR MI 'GYUR RO, ,'DI SNYAM DU SEMS TE, GANG SKYE BA'I SNGON ROL DU 'BYUNG BA'I RANG GI NGO BO MA GRUB PA DE LTA NA YANG PHAN TSUN LTOS NAS GRUB PA YOD PAS RANG GI NGO BOR 'GYUR RO SNYAM NA, DE NI MA YIN TE, MA SKYES PA'I SNGON ROL NAS DE DAG GI RANG GI NGO BOR MED PAS DE LA NI RE ZHIG LTOS PA YOD PA MA YIN PAS GRUB PA MED DO, ,GRUB PA MED PAR GYUR PAS RANG GI NGO BOR GRUB PA GANG LAS 'BYUNG BAR 'GYUR, GANG DU DE DAG GI RANG GI NGO BOR GRUB PA MED PA DER BDAG DANG NAGS TSAL LA SOGS PA LTAR SA LA SOGS PA RNAMS KYI NGO BO NYID MA GRUB PA'O ZHES BYA BA 'DI GNAS SO, ,YANG NGO BO NYID DU MA GRUB PAS SA LA SOGS PA BTAGS PA TZAM DU MED DO ZHES NI BRJOD PAR MI BYA STE, 'DI LTAR LUS KYI DBANG POS DMIGS PAS SO, , DE BAS NA 'DI DAG NYE BAR DMIGS PA NYID KYIS MO GSHAM GYI BU LA SOGS PA LTAR MED PA NI MA YIN PA NYID DE RNAM PAR BRTAGS NA NI RANG GI NGO BO MA GRUB PA NYID KYIS RANG GI NGO BOR GRUB PA NI MED DE, DE LTA BAS NA NGES PA KHO NAR BRTEN NAS YANG DAG PAR 'BYUNG BA 'DI RNAMS NI GZUGS BRNYAN BZHIN DU NGO BO NYID MED PAR RTOGS PAR BYA'O, ,DE LTAR BYAS NA 'JIG RTEN PA DANG YANG 'GAL BAR MI 'GYUR TE, RTEN CING 'BREL PAR 'BYUNG BA LA NYE BAR BRTEN PA'I RNAM PAR GZHAG PA KHAS BLANGS PAS SO, ,DE KHO NA NYID DANG YANG 'GAL BAR MI 'GYUR TE, MED PA'I NGO BO NYID KYIS SGRO @250B MA BTAGS PAS MNGON BAR ZHEN PA YANG BZLOG PAR GYUR PA NYID DE, RTEN CING 'BREL PAR 'BYUNG BA BRDZUN PA SLU BA'I CHOS CAN NYID DU RAB TU RTOGS PAS SO, ,MNGON BAR ZHEN PA MED PAR GYUR NA MNGON BAR ZHEN PA'I RGYU CAN GYI 'KHOR BA LAS LDOG PA YANG BDE BAR 'GRUB BO, ,DE LTAR GZUGS BRNYAN BZHIN DU 'BYUNG BA CHEN PO RNAMS DNGOS PO MED PA DES NA DE'I RGYU CAN GYI 'BYUNG BA LAS GYUR PA MIG LA SOGS PA NGO BO NYID MED PA NYID NI RTOGS PAR SLA'O, ,GZHAN YANG THAMS CAD LAS PHRA BA'I GZUGS KYI NGO BO NI RDUL PHRA RAB CES BRJOD DO, ,DE 'DOD PA'I KHAMS NA DBANG PO LAS PHYI ROL DU GYUR PA NI RDZAS BRGYAD DANG LDAN PAR 'BYUNG STE, DE LA RDZAS BRGYAD NI 'DI LTA STE, 'BYUNG BA CHEN PO BZHI DANG, GZUGS DANG, DRI DANG, RO DANG, REG BYA'O, ,NANG GI BDAG NYID CAN LUS KYI DBANG PO DANG LDAN PA NI RDZAS DGU 'O, ,DE LAS GZHAN PA'I MIG LA SOGS PA'I DBANG PO DANG LDAN PA NI RDZAS BCU 'O, ,YANG DE DAG GI RDUL PHRA RAB RNAMS SGRA DANG LDAN PA LA NI RDZAS DGU DANG, BCU DANG, BCU GCIG DANG LDAN PAR 'BYUNG NGO, ,DE LA RDZAS BRGYAD DANG LDAN PA'I RDUL PHRA RAB KYI RDZAS BRGYAD NI SE'U 'BRU'I 'BRAS BU LTAR RANG GI NGO BO SO SOR GNAS PA NI MED KYI 'ON KYANG SMAN GYI TSOD MA LA KO LA'I 'BRAS BU DANG SRAN MA LA SOGS PA DANG BTUNG BA LA BU RAM DANG TIN DI LI'I 'BRAS BU LA SOGS PA'I RO LTAR 'DRES PAR GYUR NAS GNAS SO, ,DE LA YANG RDUL PHRA RAB KYI RDZAS BDUN BDUN LA LTOS PA MED PAR RE RE MI 'GRUB PA NYID KYIS RANG GI NGO BOR GRUB PA NI MED DO, ,GAL TE YOD NA NI RE RE ZHING RDZAS BDUN BDUN LA LTOS PA NYAMS PAR 'GYUR LA, DES NA RGYU MED PA YIN NO, ,RGYU MED PAR NI LA LAR 'GA' YANG GRUB PA MED DO, ,RDZAS BDUN BDUN LA LTOS PA DANG BCAS PAR DMIGS PAS SA LA SOGS PA DANG, KHYIM LA SOGS PA LTAR RANG GI NGO BOR NI MI DMIGS SO; ,THAMS CAD DU MED PA YANG MA YIN TE, RE RE ZHING RDZAS BDUN BDUN LA BRTEN NAS NYE BAR BTAGS PA DMIGS PA'I PHYIR RO, ,GANG RDZAS BRGYAD DANG LDAN PA'I RDUL PHRA RAB KYI RIGS PA DE NYID RDZAS DGU DANG, BCU DANG BCU GCIG DANG LDAN PA'I RDUL PHRA RAB LA YANG SBYANG BAR BYA'O, ,DES @251A *, ,NA 'DI LTAR MIG LA SOGS PA DBANG PO LNGA GZUGS LA SOGS PA DON LNGA DANG BCAS PA NI GZUGS BRNYAN LTA BU NYID DO, ,GANG YANG SEMS DANG SEMS LAS BYUNG BA GANG DAG MIG LA SOGS PA LA BRTEN CING, GZUGS LA SOGS PA LA DMIGS NAS NYE BAR 'BYUNG BA DE DAG KYANG GZUGS BRNYAN LTA BU NYID LAS MI 'DA' BA NYID DE, GZUGS BRNYAN LTA BU'I RTEN DANG DMIGS PA LAS BYUNG BA'I PHYIR RO, ,GZHAN YANG JI LTAR 'BYUNG BA CHEN PO RNAMS PHAN TSUN LTOS NAS 'BYUNG BA NYID KYIS RANG GI NGO BOR GRUB PA NI MED PA DE BZHIN DU SEMS LAS BYUNG BA RNAMS KYANG PHAN TSUN GYI STOBS LA BRTEN NAS GRUB PA NYID KYIS RANG GI NGO BOR GRUB PA MED PA NYID DE GZUGS BRNYAN LTA BU NYID LAS MI 'DA'O, ,DE BZHIN DU DE DAG GI MTSAN NYID RNAMS LA YANG SBYAR BAR BYA'O, ,DE LTA BAS NA CHOS THAMS CAD DNGOS PO MED PA YIN LA, GANG GIS DNGOS PO BDEN PAR SGRO 'DOGS PA DE NI PHYIN CI LOG YIN TE DNGOS PO NI GZHAN DU GNAS LA, CHOS NI GZHAN DU GZUNG BA NYID KYIS SMIG RGYU LA CHUR 'DZIN PA LTA BU'O, ,GANG GIS MI RTAG PA NYID DU KHAS BLANGS NAS YANG DNGOS PO BDEN PAR 'DOD PA DES NI DNGOS PO'I NGO BO JI LTA BA BZHIN DU MA SHES TE, PHYIN CI LOG LA YANG DAG PAR 'DU SHES PAS RE ZHIG DANG POR BDAG NYID BSLUS PA YIN LA, DE NAS NI GZHAN DAG YIN NO, ,DE DAG NI DE'I GRUB PA'I MTHA' LA ZHEN PA YIN TE, DE DAG GIS RDZAS SU BDEN PA'I NGO BO NYID DU RAB TU SGRUB PA NA LUNG GIS SAM, RIGS PAS SGRUB PAR BYED DO, ,DE LA RE ZHIG LUNG NI 'DI YIN TE, DE LTA BAS NA KUN DGA' BO GANG NA GANG MED PA DE NI DES STONG PA NYID YIN LA, LHAG MA GANG YIN PA DE NI YOD PA NYID DO ZHES SHES PA NI YANG DAG PA JI LTA BA BZHIN DU SHES PA'O, ,ZHES DE SKAD BRJOD PA NI PHYIN CI MA LOG PAR STONG PA NYID RTOGS PA'O ZHES BYA BA DANG, DE BZHIN DU DGE SBYONG DANG BRAM ZE KHA CIG GANG STONG PA DE YANG MI 'DOD LA, GANG GIS STONG PA DE YANG MI 'DOD PA DE LTA BU'I RNAM PA NI STONG PA NYID NYES PAR BZUNG BA YIN NO, ,DE CI'I PHYIR ZHE NA, GANG GIS STONG PA DE NI MED PA NYID YIN LA, @251B GANG STONG PA DE NI YOD PA NYID YIN PAS STONG PA NYID CES RIGS SO, ,THAMS CAD MED NA GANG GANG GIS STONG PAR 'GYUR, DE NYID DES STONG PAR NI RIGS PA MA YIN NO, ,DE LTA BAS NA NYES PAR GZUNG BAR 'GYUR RO, ,JI LTAR NA STONG PA NYID LEGS PAR BZUNG BA YIN ZHE NA, GANG NA GANG MED PA DE NI DES STONG PA NYID DO ZHES YANG DAG PAR MTHONG LA, LHAG MA NI YOD PA NYID DO ZHES YANG DAG PA JI LTA BA BZHIN DU RTOGS PA'O ZHES DE LTAR BRJOD PA NI STONG PA NYID YANG DAG PA JI LTA BA BZHIN RTOGS PA'O ZHES GSUNGS PA DANG, DE BZHIN DU, RTAG PA'I DNGOS PO MED PA STE, ,GZHAN GYI DBANG NI YOD PA NYID, ,SGRO 'DOGS PA DANG SKUR 'DEBS PA'I, ,MTHAR RTOGS PA NI BRLAG PAR 'GYUR, ,ZHES KYANG GSUNGS SO ZHES BYA'O, ,DE DAG GI RIGS PA YANG RDZAS TZAM YANG MED NA GDAGS PA'I MTSAN MA MED PAS BTAGS PA YANG YOD PAR 'GYUR LA, DE MED NA LAS KYI 'BRAS BU LA SOGS PA YANG NYAMS PAR 'GYUR RO ZHES BRJOD DO, ,DE LA KHYED KYIS DNGOS PO YOD PAR BSGRUBS NA NI DE SKAD BRJOD PAR RIGS NA, BSGRUBS PA YANG MA YIN TE, 'JIGS PAS DAL BUS SMRAS PA LTA BUR SHES SO, ,JI SKAD SMRAS PA'I RIGS PAS DNGOS PO BDEN PAR YOD PA GSAL BAS DNGOS PO MED PA'I DON LA YANG DNGOS PO'I DON DU MTSON NAS LAS DANG 'BRAS BU LA SOGS PA THAMS CAD RIGS PAR RTOGS SO, ,LUNG DANG 'GAL BA'I DON YANG SNGAR NYE BAR BRJOD DO, ,DE LTA MOD KYI LUNG GIS NI MNGON BAR 'DOD PA'I DNGOS PO'I NGO BO YOD PAR SGRUB PAR MI NUS SO, ,YOD PA NYID TZAM NYE BAR BRJOD PAS NI BDEN PAR YOD PA NYID DU MI 'GRUB STE, BTAGS PA TZAM LA YANG YOD DO ZHES NYE BAR BRJOD DO, ,DE YANG BCOM LDAN 'DAS KYIS DGE SLONG DAG LNGA PO 'DI RNAMS NI 'DU SHES TZAM DANG, DAM BCA' BA TZAM DANG, KUN RDZOB TZAM DANG, THA SNYAD TZAM STE, 'DI LTA STE 'DAS PA'I DUS DANG, MA 'ONGS PA'I DUS DANG, NAM MKHA' DANG, MYA NGAN LAS 'DAS PA DANG, GANG ZAG CES BYA BA'O ZHES DE LTAR 'DU SHES TZAM DU MNGON BAR BSGRUBS NAS YANG BCOM LDAN 'DAS KYIS DGE SLONG DAG 'DAS @252A *, ,PA'I GZUGS BYUNG BAR MA GYUR NA THOS PA DANG LDAN PA'I 'PHAGS PA NYAN THOS DAG 'DAS PA'I GZUGS LA MI LTA BAR MI 'GYUR BA ZHIG NA GANG GI PHYIR 'DAS PA'I GZUGS YOD PAS DE'I PHYIR THOS PA DANG LDAN PA'I 'PHAGS PA NYAN THOS 'DAS PA'I GZUGS LA MI LTA'O; ,DGE SLONG DAG GAL TE MA 'ONGS PA'I GZUGS 'BYUNG BAR MI 'GYUR NA THOS PA DANG LDAN PA'I 'PHAGS PA NYAN THOS MA 'ONGS PA'I GZUGS LA MNGON BAR MI DGA' BAR MI 'GYUR BA ZHIG NA, GANG GI PHYIR MA 'ONGS PA'I GZUGS 'BYUNG BAR 'GYUR BA YOD PAS DE'I PHYIR THOS PA DANG LDAN PA'I 'PHAGS PA NYAN THOS MA 'ONGS PA'I GZUGS LA MNGON PAR MI DGA'O ZHES GSUNGS SO, ,DE LTA BAS NA BTAGS PAR YOD PA LA YANG YOD PAR NYE BAR BRJOD PAS YOD PAR NYE BAR GSUNGS PA TZAM GYIS BDEN PA NYID KYI DNGOS PO 'GRUB PAR MI NUS SO, ,DE LTA BAS NA RTEN CING 'BREL PAR 'BYUNG BA'I NGO BO NYID NI DNGOS PO MED PA'O, ,DNGOS PO MED PA YIN NA RTEN CING 'BREL PAR 'BYUNG BA NYID DANG NI MI 'GAL TE, GANG GI PHYIR BYAS PA CAN GYI DNGOS PO RTEN CING 'BREL BAR 'BYUNG BA BRDZUN PA SLU BA'I CHOS CAN 'DI NI 'DIR NGO BO DANG, RDZAS DANG, DNGOS POR MED DO, ,DE LTA NA YANG BYAS PA CAN GYI DNGOS PO BCOS MA'I RANG BZHIN DU NI YOD DE, NGO BO NYID DU MED PA NYID KYIS STONG PA'O, ,DE LTA BAS NA BCOM LDAN 'DAS KYIS KYANG, 'DI LTAR MTHONG BA'I RGYUN 'DI YANG, ,SGYU MA LTA BUR BYIS PA 'DRID, ,GNOD PAR BYED DANG ZUG RDU STE, 'DI LA SNYING PO YOD MA YIN, ,JI LTAR GANG LA RNAM DPYAD PAS, ,GSOG DANG GSOB TU BZOD PA NI, ,DE LA TSUL BZHIN RTOG PA STE, ,DE YIS SNYING PO MED PAR MTHONG, ,GZUGS NI DBU BA'I GONG BU 'DRA, ,TSOR BA CHU BUR LTA BU STE, ,'DU SHES SMIG RGYU LTA BU YIN, , 'DU BYED RNAMS NI CHU SHING 'DRA, ,RNAM SHES SGYU MA LTA BU ZHES, ,NYI MA'I GNYEN GYIS GSUNGS PA YIN, ,DE LTAR PHUNG PO LA RTOG PAS, ,NYID MO DANG NI MTSAN RNAMS SU, ,BRTZON 'GRUS BRTZAMS PA'I DGE SLONG GIS, ,SHES BZHIN SO SOR DRAN PA YIS, ,'DU BYED NYER @252B ZHI ZHI BA YI, ,ZHI BA'I GO 'PHANG RAB TU 'THOB, ,BDE BA BLA MED DANG LDAN PA'I, ,MYA NGAN 'DAS PA 'GRO BAR 'GYUR, ,ZHES BYA BA DANG, YANG 'DI LTAR MDO SDE LAS, RIGS KYI BU JI LTAR NA BYANG CHUB SEMS DPA' CHOS LA BDAG MED PA SHES PA DANG LDAN PAR 'GYUR ZHE NA, 'DI LA BYANG CHUB SEMS DPAS CHOS LA SGRO BTAGS PA DANG, CHOS LA SKUR PA BTAB PA YANG DAG PA JI LTA BA BZHIN DU RAB TU SHES SO, ,DES NA 'DI LTAR 'GYUR TE, CHOS RNAMS GLO BUR BA KUN DU BRTAGS PA ZHES BYA BA RAB TU GNAS KYI CHOS DE DE'I NGO BOR YOD PA NI MA YIN LA, YI GE DE'I NGO BO YANG YOD PA MA YIN NO, ,'ON KYANG 'DI DAG NI MING TZAM PA 'DI DAG NI THA SNYAD TZAM PA ZHES BYAS NAS DE LA MNGON BAR ZHEN PAR NI MI BYED DO, ,GLO BUR BA'I CHOS DE THAMS CAD KYI THAMS CAD DU MED PA YANG MA YIN TE, CHOS RNAMS RKYEN GZHAN DANG GZHAN LA LTOS PA'I PHYIR RKYEN GZHAN DANG GZHAN LA LTOS NA NI YOD DO, ,RKYEN DANG BRAL NA NI 'GAG STE, 'DI LTAR DE THAMS CAD BYANG CHUB SEMS DPAS YANG DAG PA JI LTA BA BZHIN DU RAB TU SHES SO ZHES GSUNGS SO, ,DES NA 'DIR RTEN CING 'BREL PAR 'BYUNG BA'I NGO BO YANG DAG PA MA YIN PA GLO BUR BA NYID KYIS DES BYAS PAS DNGOS POR NI MED KYI THAMS CAD KYI THAMS CAD DU MED PA NI MA YIN NO, ,GAL TE DE'I NGO BO YOD NA NI DE RTAG PA NYID YIN PA'I PHYIR MI BDEN PA'I NGO BO MA YIN PAS RANG BZHIN DU GNAS PA NYID DU 'GYUR NA DE YANG MED DE, DE LTA BAS NA GLO BUR BA NYID YIN GYI RANG BZHIN DU GNAS PA NI MA YIN NO, ,DES NA 'DI LTAR CHOS DE DE'I NGO BOR NI YOD PA MA YIN LA, YI GE'I NGO BOR YANG YOD PA MA YIN NO ZHES GSUNGS SO, ,GZHAN LAS KYANG, PHUNG PO LNGA PO DNGOS MED PA, ,DES NA MI BDEN PA LAS BYUNG, ,SKYE BA PO YANG YOD MA YIN, ,GANG ZHIG SKYE BA'I PHUNG PO'ANG MED, ,CES GSUNGS SO, ,GAL TE 'DI DAG RDZAS BDEN PA NYID DU YOD PAR GYUR NA, DE LTA NA RDZAS SU YOD PA NI RTAG TU GNAS PA NYID KYIS MI BDEN PA'I DNGOS PO NYAMS PAR 'GYUR RO, ,DE BAS NA 'DI LTAR, MI ZAD PA YI CHOS BZHI NI, ,'JIG RTEN MGON GYIS BSTAN PA STE, ,SEMS @253A *, ,CAN NAM MKHA' BYANG CHUB SEMS, ,SANGS RGYAS CHOS KYANG DE BZHIN NO, ,GAL TE DE DAG RDZAS GYUR NA, ,ZAD PA NYID DU 'GYUR BA YIN, ,MED PA DE NI MI ZAD DE, ,DE LTA BAS NA MI ZAD BSTAN, ,ZHES GSUNGS PA DANG, DE BZHIN DU, SRID PA GSUM NI BTAGS PA TZAM, ,DNGOS PO'I NGO BO NYID DU MED, ,BTAGS PA YIS NI DNGOS PO RNAMS, ,RTOG GE NGAN PAS KUN TU BRTAGS, ,ZHES BYA BA DANG, DE BZHIN DU RIGS KYI BU BYANG CHUB SEMS DPA' CHOS BCU DANG LDAN NA RTEN CING 'BREL PAR 'BYUNG BA LA MKHAS PA YIN TE, BCU GANG ZHE NA, 'DI LTA STE, CHOS RNAMS GSOG NYID DU RAB TU SHES PA DANG, GSOB NYID DANG, SNYING PO MED PA NYID DANG, MIG YOR LTA BU NYID DANG, GZUGS BRNYAN LTA BU NYID DANG, SGRA BRNYAN LTA BU NYID DANG, SGYU MA LTA BU NYID DANG, MI GNAS PA NYID DANG, G-YO BA NYID DANG, RTEN CING 'BREL PAR 'BYUNG BA NYID DU DE LTAR DE DAG GIS RAB TU SHES PAR 'GYUR TE, 'DI LTAR CHOS 'DI DAG NI 'DI LTAR GSOG NYID DANG, 'DI LTAR GSOB DANG 'DI LTAR SNYING PO MED PA NAS 'DI LTAR RTEN CING 'BREL PAR 'BYUNG BA'I BAR DU'O, ,DE LTA MOD KYI YANG 'DI LTAR SKYE'O ZHES BYA BAR YANG RAB TU SHES LA GNAS SO ZHES BYA BA DANG 'JIG GO ZHES BYA BAR YANG RAB TU SHES SO, ,DE DAG 'DI SNYAM DU YANG 'GYUR TE, CHOS 'DI DAG NI MA RIG PA'I RKYEN GYIS BYUNG BA, MA RIG PA SNGON DU 'GRO BA, MA RIG PAS RAB TU BYUNG BA STE, MA RIG PA LA KUN TU BRTEN NAS 'DU BYED RNAMS RAB TU 'BYUNG BAR 'GYUR RO, ,'DU BYED RNAMS LA KUN TU BRTEN NAS RNAM PAR SHES PA RAB TU SKYE'O, ,RNAM PAR SHES PA LAS NI MING DANG GZUGS SU GDAGS PAR 'GYUR RO, ,MING DANG GZUGS SU BTAGS PA LAS NI SKYE MCHED DRUG TU GDAGS PA 'BYUNG BAR 'GYUR RO, ,SKYE MCHED DRUG LAS NI REG PA 'BYUNG NGO, ,REG PA LAS NI TSOR BA 'BYUNG NGO, ,TSOR BA'I RGYU LAS NI BYIS PA RNAMS SRED PAS GNOD PAR 'GYUR RO, ,SRED PAS NI NYE BAR LEN PA RNAMS NYE BAR LEN TE, NYE BAR LEN PA NYE BAR BLANGS PAS NI SRID PA'I RGYUN 'BYUNG NGO, ,SRID PA LAS NI SKYE BA @253B 'BYUNG NGO, ,SKYE BA LAS NI RGAS PA 'BYUNG NGO, ,RGAS PA'I CHOS LAS NI SKYES BU GANG ZAG 'CHI BAR 'GYUR LA, 'CHI BA LA BRTEN NAS MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'DI 'BA' ZHIG KUN TU 'BYUNG BAR 'GYUR RO, ,DE LTA BAS NA, SKYES BU MKHAS PA RTOGS PA DANG LDAN PAS MA RIG PA SPANG BA LA 'BAD PAR BYA'O, ,MA RIG PA RNAM PAR BSAL BA'I PHYIR DANG, MA RIG PA RTZA BA NAS DBYUNG BA'I PHYIR DANG, MA RIG PA 'GOG PA'I PHYIR 'BAD PAR BYA'O, ,MA RIG PA 'GAGS NA MI SHES PA LA BRTEN PA'I CHOS 'DI DAG KYANG 'GAG PAR 'GYUR TE, 'DI LTA STE, RIGS KYI BU DPER NA SROG GI DBANG PO 'GAGS NA DBANG PO LHAG MA RNAMS KYANG 'GAG PAR 'GYUR RO, ,DE BZHIN DU MA RIG PA 'GAGS PAS MI SHES PA LA BRTEN PA'I CHOS 'DI RNAMS 'GAG PAR 'GYUR RO, ,MI SHES PA MED NA NYON MONGS PA KUN TU MI SPYOD DO, ,NYON MONGS PA KUN TU MI SPYOD NA 'KHOR BAR 'JUG PAR MI 'GYUR LA, 'KHOR BA'I RGYU YANG 'GAG PAR 'GYUR ZHING, MYA NGAN LAS 'DAS PA LA NYE BAR YANG 'GYUR RO, ,RIGS KYI BU CHOS BCU PO 'DI DAG DANG LDAN PA'I BYANG CHUB SEMS DPAS NI RTEN CING 'BREL PAR 'BYUNG BA LA MKHAS PAR 'GYUR RO ZHES GSUNGS PAS 'DI LTA BU NI PHYIN CI MA LOG PA'I STONG PA NYID KYI DON TE, 'DI LTA STE, DNGOS PO MED PA'I DON 'DI YIN GYI THAMS CAD DU MED PA'I DON NI MA YIN NO, ,DE YANG BCOM LDAN 'DAS KYIS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ,ZHES GSUNGS SO; ,SLOB DPON GYI ZHAL SNGA NAS KYIS KYANG, BRNYEN TE 'BYUNG BA'I NGO BO GANG, ,DE NYID STONG PA NYID DU BRJOD, ,DNGOS PO RTEN CING 'BYUNG BAS NA, ,DE PHYIR DNGOS PO MED PA NYID, ,CES GSUNGS SO, ,GANG DE LTA BU NI DNGOS PO MED PA'I DON YIN TE, DE LTA BU NI BDAG @254A *, ,MED PA'I DON YIN LA, DNGOS PO NI BDAG GO, ,GAL TE DE DNGOS POR YOD NA NI BDAG DANG BCAS PAR 'GYUR RO, ,BDAG DANG BCAS PAR GYUR NA RANG DBANG CAN DU 'GYUR LA RANG DBANG CAN DU GYUR NA NI RTAG PAR 'GYUR LA, DNGOS PO RTAG PA NI MED DE 'DU BYED THAMS CAD MI RTAG PA ZHES GSUNGS SO, ,DES NA SLOB DPON GYI ZHAL SNGA NAS KYIS KYANG, RTEN CING 'BREL PAR 'BYUNG BA GANG, ,DE NYID KHYOD NI STONG PAR BZHED, ,DNGOS PO RANG DBANG CAN MED CES, ,MNYAM MED KHYOD KYI SENG GE'I SGRA, ,ZHES GSUNGS SO, ,'PHAGS PA LHA'I ZHAL SNGA NAS KYIS KYANG, RTEN CING 'BREL PAR 'BYUNG BA GANG, ,RANG DBANG CAN DU DE MA SKYES, ,'DI DAG THAMS CAD RANG DBANG MED, ,DES NA BDAG NI YOD MA YIN, ,ZHES BSHAD DO, ,SLOB DPON MA TI TZI TRAS KYANG, ,RANG DBANG YOD NA BYED POR 'GYUR, ,BYED PO 'GA' YANG MI RIGS PAS, ,CHOS KUN BYED PA MED PA YI, ,TSUL DU KHYOD KYIS GSUNGS PA YIN, ,CHOS KYI RNGA CHEN BRDUNGS PA YI, ,STONG NYID SENG GE'I SGRA 'DI YIS, ,LHA DANG BCAS PA'I 'JIG RTEN LAS, ,SA MTSAMS BCAD PAR RNAM PAR GNAS, ,ZHES BSHAD DO, ,'DI NI RE ZHIG CHOS DANG GANG ZAG DAG RAB TU 'BYED PA'I 'JIG RTEN LAS 'DAS PA'O, ,'JIG RTEN PA'I NI MTHA' MED PAS DE NI GZHUNG MANG BA NYID KYIS 'DIR BRJOD PAR MI NUS PAS GZHAG GO, ,DE LTAR SHES RAB BSHAD ZIN TO, ,SEMS LAS BYUNG BA'I CHOS GANG DANG MTSUNGS PAR LDAN NA RNAM PAR SHES PA 'BAD PA CHUNG NGUR DMIGS PA YONGS SU GCOD PA NYID DE, DMIGS PAR GTOGS PA LA BRTAGS PA PHRA MO MI BYED PA DE NI KUN DU RTOG PA ZHES BYA BA STE RNAM PAR RTOG PA ZHES BRJOD DO, ,'DI LTA STE, 'GA' ZHIG GIS THAG RING PO NAS 'DI LTAR BUM PA DANG KHAM PHOR LA SOGS PA MTHONG BA NYID NA, DER GTOGS PA LA DPYAD PA MA BYAS PAR BZUNG BA TZAM DU DPYOD PAS DES 'DI LTAR RNAM PAR SHES PA DMIGS PA LA YONGS SU DPYAD PA RTZING BAR 'JUG GO, ,DE DANG MTSUNGS PAR MI LDAN NA NI DE LTAR 'JUG PA MED DO, ,DE LTA BAS NA SEMS @254B RTZING BA'I MTSAN NYID NI RNAM PAR RTOG PA ZHES BRJOD KYI, RNAM PAR SHES PA NI GZUGS CAN MA YIN PA NYID KYIS BDAG NYID NI RTZING BA'I RNAM PAR 'GYUR BA MA YIN NO, ,CHOS MNGON PA LAS NI, RNAM PAR RTOG PA GSUM 'BYUNG STE, NGO BO NYID KYI RNAM PAR RTOG PA DANG, KUN TU NGES PA'I RNAM PAR RTOG PA DANG, RJES SU DRAN PA'I RNAM PAR RTOG PA'O, ,DE LA RNAM PAR RTOG PA DE RNAMS LAS GANG NGO BO NYID KYI RNAM PAR RTOG PA NI BSHAD PA DE NYID DO, ,MNYAM PAR MA BZHAG PA'I YID KYI SHES RAB NI KUN DU NGES PAR RTOG PA'I RNAM PAR RTOG PA'O, ,MNYAM PAR BZHAG PA DANG MA BZHAG PA'I YID KYI DRAN PA THAMS CAD NI RJES SU DRAN PA'I RNAM PAR RTOG PA'O, ,DE YANG JI SKAD DU, SKYES BU MIG GI RNAM PAR SHES PA DANG LDAN PAS SNGON PO SHES KYI SNGON PO'O SNYAM DU NI MA YIN NO ZHES GSUNGS PA LA RNAM PAR RTOG PA DANG RNAM PAR DPYOD PA ZHES BYA BA DAG DANG MTSUNGS PAR LDAN PAS RTEN CING 'BREL PAR 'BYUNG BA'I BYE BRAG BRJOD PA'I KHYAD PAR YONGS SU GCOD PA NA DE'I RNAM PAR BYUNG BA NI SNGON PO SHES PA ZHES BYA'O, ,DE NYID LA YANG KUN DU NGES PAR RTOG PA GSAL BA DANG, MI GSAL BA ZHES BYA BA DAG GIS YID KYI RNAM PAR SHES PAS YONGS SU GCOD PA NI SNGON PO'O ZHES SHES PA'O, ,SEMS LAS BYUNG BA'I CHOS GANG DANG MTSUNGS PAR LDAN NA RNAM PAR SHES PAS DMIGS PA LA ZHIB PAR YONGS SU DPYOD PA DE NI SEMS LAS BYUNG BA'I CHOS DPYOD PA ZHES BYA STE, ,SEMS PHRA BA'I MTSAN NYID DE, ,'DI LTA STE BUM PA DANG, KHAM POR LA SOGS PA DE DAG NYID LAGS PA DANG, MA GAS PA YONGS SU DPYOD CING YONGS SU DPYAD NAS 'DI NI GAS PA'O, ,'DI NI SRA BA'O ZHES DE LTA BU'I RNAM PA LA DMIGS SHING PHRA BAR DPYOD PA LA 'JUG PA NI SEMS LAS BYUNG BA'I CHOS DPYOD PA ZHES BRJOD DO, ,GANG RNAM PAR DPYOD PA DANG, GANG YANG BSHAD MA THAG PA'I RNAM PAR RTOG PA GNYIS KYIS NI NGAG 'DU BYED PAR BRJOD DE, NGAG KUN NAS SLONG BAR BYED PA'I PHYIR RO, ,BCOM LDAN 'DAS KYIS KYANG, RNAM PAR BRTAGS RNAM PAR DPYAD NAS TSIG TU BRJOD KYI MA @255A *, ,BRTAGS MA DPYAD PAR NI MA YIN NO ZHES GSUNGS PA'I PHYIR RO, ,BAG MED PA NI DGE BA'I CHOS RNAMS MI SGOM ZHING GCES SU MI 'DZIN PA STE, 'CHAD PAR 'GYUR BA'I BAG YOD PA LAS BZLOG STE SBYAR RO, ,BAG YOD PA NI DGE BA'I CHOS RNAMS SGOM PA LA GCES SU BYED PA DANG BCAS PA NYID DE, SEMS KYI RGYUN DGE BA'I CHOS LA GZHOL BAR BYED CES BYA BA'I DON TO, ,DE LA DGE BA'I DON NI BDE BA'I DON TE, 'TSE BA THAMS CAD LOG PA NYID KYIS MYA NGAN LAS 'DAS PA NI THAMS CAD DU BDE BA STE NAD MED PA LTA BU'O, , LAM GYI BDEN PA YANG DE THOB PAR BYED PA'I RGYU NYID KYIS BDE BAS SO, ,DE LAS GZHAN PA'I DGE BA ZAG PA DANG BCAS PA NI RANG DANG RJES SU MTHUN PA'I RNAM PAR SMIN PA'I DNGOS PO 'DOD PA THOB PAR BYED PAS SO, ,DE LA DGE BA'I RTZA BA GSUM DANG, NGO TSA SHES PA DANG KHREL YOD PA ZHES BYA BA 'DI DAG NI NGO BO NYID KYIS DGE BA STE, GZHAN DANG LDAN PA DANG KUN NAS SLONG BA LA MI LTOS PA'I PHYIR PHAN PA'I SMAN LTA BU'O, ,DGE BA'I RTZA BA GSUM DANG, NGO TSA SHES PA DANG, KHREL YOD PA'I CHOS DE DAG DANG MTSUNGS PAR LDAN NAS MTSUNGS PAR LDAN PAS DGE BA'O, , SMAN DANG SBYAR BA'I BTUNG BA LTA BU STE, DE DAG DANG MTSUNGS PAR MI LDAN PA RNAMS NI DGE BA MA YIN PA'I PHYIR RO, ,LUS DANG NGAG GI LAS DANG, SEMS DANG LDAN PA MA YIN PA'I 'DU BYED THOB PA DANG, SKYE BA LA SOGS PA DGE BA'I RTZA BA LA SOGS PA'I CHOS DE DAG DANG MTSUNGS PAR LDAN PAS KUN NAS BSLANG BA NI KUN NAS BSLANG BAS DGE BA STE, SMAN DANG SBYAR BA'I CHU LAS BYUNG BA'I 'O MA LTA BU'O, ,KUN NAS SLONG BAR BYED PAS NI KUN NAS SLONG BA'O, ,DE YANG RNAM PA GNYIS TE, RGYU'I KUN NAS SLONG BA DANG, DE'I DUS KYI KUN NAS SLONG BA'O, ,DE LA LUS DANG NGAG GI LAS 'GOGS PA KUN DU 'BYUNG BA'I DUS SU GANG GIS KUN NAS SLONG BA DE NI DE'I DUS KYI KUN NAS SLONG BA'O, ,RGYU'I KUN NAS SLONG BA NI DE LA SBYOR BA'I DUS KYI STE, DE LAS 'DIR BSGOM PAS SPANG BAR BYA BA'I YID KYI RNAM PAR SHES PA RAB TU 'JUG PAR BYED PA'I DBANG GIS DGE BA DANG MI DGE @255B BA DANG, LUNG DU MA BSTAN PAR RJOD PAR BYED KYI DE'I DUS KYI KUN NAS SLONG BA LTA BU NI MA YIN NO, ,SEMS LAS BYUNG BA'I CHOS GANG DANG MTSUNGS PAR LDAN PAS 'KHOR BA'I SKYON MTHONG BA NYID KYIS SEMS 'KHOR BA LAS SKYO BA NYID DE, DE NI NYON MONGS PA SPONG BA LA RJES SU MTHUN PAS NGES PAR SKYO BA ZHES BRJOD DO, ,SEMS KYI RAB TU DGA' BA NI SEMS KYI MGU BA STE, YID BDE BA LAS THA DAD DU GYUR PA NI RAB TU DGA' BA'O, ,SHIN TU SBYANGS PA NI LUS DANG SEMS DAG LAS SU RUNG BA NYID DO, ,SHIN TU MA SBYANGS PA'I LUS DANG SEMS LCI BA NYID DE, LCI NA NI MI GSAL BA'I PHYIR DE NI BYING BA DANG RMUGS PA'I BDAG NYID DO, ,SEMS LAS BYUNG BA'I CHOS GANG DE DANG BRAL BA TING NGE 'DZIN 'BYUNG BAR BYED PA DE NI SHIN TU SBYANGS PA'O, ,JI LTAR LUS SHIN TU SBYANGS PAS BDE BAR 'GYUR LA, BDE BA LAS NI SEMS RTZE GCIG PAR 'GYUR RO ZHES GSUNGS PA LTA BU'O; ,SEMS LAS BYUNG BA'I CHOS GANG DANG MTSUNGS PAR LDAN NA KHRO BA'I RKYEN GYIS KHU TSUR DANG THAL LCAG LA SOGS PAS GZHAN LA RNAM PAR THO 'TSAMS PAR BYED PA DE NI RNAM PAR 'TSE BA'O, ,DE DANG 'GAL BA'I CHOS NI RNAM PAR MI 'TSE BA STE, GANG GI DBANG GIS GZHAN LA RNAM PAR THO MI 'TSAMS PA'O, ,BDAG NYID KYI RIGS DAM PA LAS SKYES PA DANG, THOS PA DANG TSUL KHRIMS LA SOGS PA'I CHOS SDIG PA LA ZHUGS PAR GYUR NA NYAMS PAR 'GYUR BAR DMIGS TE, 'DI DAG NI RIGS PA MA YIN NO SNYAM NAS GANG GI DBANG GIS BDAG GAM CHOS KYI DBANG DU BYAS NAS SDIG PA LA MI 'JUG PA DE NI NGO TSA DANG LDAN PAS SDIG PA LAS LDOG PA'I RGYU'I CHOS 'DZEM PA ZHES BSHAD PA STE, NGO TSA SHES PA ZHES BRJOD DO, ,GZHAN LA LTOS NAS NYES PA LA 'DZEM PA DE NI KHREL YOD PA'O, ,DES NA 'DI LTAR BCOM LDAN 'DAS KYIS KYANG CHOS GNYIS NI 'JIG RTEN SKYONG BA YIN TE, NGO TSA SHES PA DANG KHREL YOD PA'O ZHES GSUNGS SO, ,YANG SEMS LAS BYUNG BA'I CHOS GANG DANG LDAN PAS SEMS DMIGS PA'I YUL LA 'BAD PA MED PAR MNYAM DU 'JUG PA DE NI SEMS MNYAM PA NYID DE BTANG @256A *, ,SNYOMS ZHES BRJOD DO, ,DE NI 'DI LTAR YUL LA RJES SU CHAGS PA YANG MA YIN, KHONG KHRO BA YANG MA YIN NO, ,DE YANG DE NI RNAM PA GNYIS TE, SO SOR BRTAGS PA'I BTANG SNYOMS DANG, SO SOR MA BRTAGS PA'I BTANG SNYOMS SO, ,DGRA BCOM PA'I SHES PAR GTOGS PA NI SO SOR BRTAGS PA'I BTANG SNYOMS SO, ,SO SO'I SKYE BO'I MI SHES PA'I RJES SU SONG BA NI SO SOR MA BRTAGS PA'I BTANG SNYOMS SO, ,RNAM PAR GROL BA NI SEMS KYI DRI MA DANG BRAL BA STE, NYON MONGS PA RAB TU SPANGS PAS RNAM PAR GROL BA ZHES BYA BA'I SEMS LAS BYUNG BA'I CHOS 'BYUNG BA GANG GIS SEMS DRI MA DANG BRAL BAR GYUR PA DE RNAM PAR GROL BA'O, ,DGE BA'I RTZA BA NI GSUM STE, MA CHAGS PA DANG, ZHE SDANG MED PA DANG, GTI MUG MED PA'O, ,DE LA MA CHAGS PA NI SRED PA'I GNYEN POR GYUR BA'I CHOS DNGOS PO'I DON LA ZHEN PA'I MTSAN NYID DO; ,ZHE SDANG MED PA NI KHONG KHRO BA'I GNYEN PO'I CHOS SEMS CAN RNAMS LA SEMS RTZUB PA MED PA'I MTSAN NYID DO, ,GTI MUG MED PA NI MA RIG PA'I GNYEN PO'I CHOS SHES RAB KYI NGO BO'O, ,'DI DAG NI RANG GI BDAG NYID KYANG DGE BA YIN LA, DGE BA GZHAN RNAMS KYI YANG RTZA BAR GYUR PAR DGE BA'I RTZA BA STE, 'DI LTAR SHING RNAMS KYI RTZA BA 'DAB MA LA SOGS PA SKYE BA DANG GNAS PA DANG 'PHEL BA'I RGYUR GYUR PA LTAR, DE BZHIN DU DGE BA'I CHOS THAMS CAD KYI RTZA BAR DGE BA'I RTZA BA GSUM PO 'DI DAG NYID SHES PAR BYA'O, ,DGE BA'I RTZA BA GSUM PO 'DI DAG LAS BZLOG PA GSUM NI MI DGE BA'I RTZA BA STE, CHAGS PA DANG, ZHE SDANG DANG, GTI MUG GO, ,DE LA 'DOD PAR GTOGS PA'I 'DOD CHAGS THAMS CAD NI CHAGS PA MI DGE BA'I RTZA BA STE, DE NI GCIG TU MI DGE BA'I RTZA BA NYID KYI PHYIR RO, ,ZHE SDANG THAMS CAD NI ZHE SDANG STE MI DGE BA'I RTZA BA'O, ,'JIG TSOGS LA LTA BA DANG, MTHAR 'DZIN PAR LTA BA DANG, MTSUNGS PAR LDAN PA'I GTI MUG MA GTOGS PA 'DOD PA NA SPYOD PA'I MA RIG PA THAMS CAD NI GTI MUG STE MI DGE BA'I RTZA BA'O, ,LUNG DU MA BSTAN PA'I RTZA BA NI GSUM STE, SRED PA DANG, MA RIG PA DANG, BLO @256B GROS SO, ,DE LA 'DOD PA NA SPYOD PA'I 'JIG TSOGS LA LTA BA DANG, MTHAR 'DZIN PAR LTA BA DANG, LTA BA DE DAG DANG MTSUNGS PAR LDAN PA'I GTI MUG MA GTOGS PA'I NYON MONGS PA DANG, NYE BA'I NYON MONGS PA THAMS CAD NI MI DGE BA STE, RNAM PAR SMIN PA MI 'DOD PA NYID GYIS SO, ,GZUGS DANG GZUGS MED PA NA SPYOD PA'I NYON MONGS PA DANG, NYE BA'I NYON MONGS PA THAMS CAD DANG, 'DOD PA'I KHAMS KYI 'JIG TSOGS DANG, MTHAR 'DZIN PAR LTA BA LA SOGS PA GSUM PO STE, DE DAG THAMS CAD NI LUNG DU MA BSTAN PA'O, ,DE LA LA LA NI SRED PA LUNG DU MA BSTAN PA LAS, LA LA NI MA RIG PA LUNG DU MA BSTAN PA LAS, LA LA NI SHES RAB LUNG DU MA BSTAN PA LAS TE, DES NA THAMS CAD LUNG DU MA BSTAN PA'I RTZA BA ZHES BRJOD DE, RANG NYID KYANG LUNG DU MA BSTAN PA NYID YIN LA, DE LAS GZHAN PA'I LUNG DU MA BSTAN PA'I YANG RTZA BAR GYUR BA'I PHYIR RO, ,GZHAN DAG NI MI BSTAN PA NYID DANG, MTHON POR 'JUG PA'I PHYIR RTZA BA DANG CHOS MI MTHUN PAS LUNG DU MA BSTAN PA'I RTZA BA MA YIN NO, ,KUN DU SBYOR BA NI KUN DU SBYOR BA DGU STE, 'DI LTA STE, RJES SU CHAGS PA'I KUN DU SBYOR BA DANG, KHONG KHRO BA'I KUN DU SBYOR BA DANG, NGA RGYAL GYI KUN DU SBYOR BA DANG, MA RIG PA'I KUN DU SBYOR BA DANG, LTA BA'I KUN DU SBYOR BA DANG, MCHOG TU 'DZIN PA'I KUN DU SBYOR BA DANG, THE TSOM GYI KUN DU SBYOR BA DANG, PHRAG DOG GI KUN DU SBYOR BA DANG, SER SNA'I KUN DU SBYOR BA ZHES BYA BA'O, ,DE LA RJES SU CHAGS PA NI SRED PA DANG, KUN DU ZHEN PA DANG, CHAGS PA DANG, 'DOD CHAGS TE, DE DAG GNYIS KYIS SRID PA'I SDUG BSNGAL LA RAB TU SBYOR BAS NA KUN DU SBYOR BAS NA KUN DU SBYOR BA ZHES BRJOD DO, ,KHONG KHRO NI GNOD SEMS DANG ZHE SDANG STE, SEMS CAN GYI YUL LA MNAR SEMS PA NI KHONG KHRO PA'I KUN DU SBYOR BA'O, ,NGA RGYAL BDUN NI NGA RGYAL GYI KUN DU SBYOR BAR BRJOD DO, ,'DI LTA STE NGA RGYAL DANG, LHAG PA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, LOG PA'I NGA RGYAL DANG, CUNG ZAD SNYAM PA'I @257A *, ,NGA RGYAL LO, ,DE NI BDAG NYID GZHAN DAG PAS BDEN PA MI BDEN PA'I RNAM PA'I KHYAD PAR 'GA' ZHIG YONGS SU BRTAGS NAS KHENGS PAR BYED PA STE, SEMS KYI RANG BZHIN 'GYUR BA 'BYUNG BA'I RGYU SEMS LAS BYUNG BA'I CHOS NYON MONGS PA CAN TE, 'DI NI RE ZHIG NGA RGYAL SPYI'O, ,DE NI 'JUG PA'I BYE BRAG GIS RNAM PA BDUN NO, ,DE LA 'JIG RTEN NI DMAN PA DANG, BAR MA DANG, MCHOG GI BYE BRAG TU PHAN TSUN LTOS NAS RNAM PAR GNAS SO, ,DE LA GANG DMAN PA LA LTOS NAS RNAM PA GSUM DU RTOG PA DE LA THOS PA DANG, TSUL KHRIMS DANG, RIGS DANG; GZUGS DANG, DBANG PHYUG LA SOGS PAS DMAN PA LAS BDAG NYID DMAN NO SNYAM DU KHENGS PA GANG SEMS KYI RANG BZHIN 'GYUR BAR BYED PA'I MTSAN NYID CAN DE YANG RE ZHIG NGA RGYAL ZHES BSTAN TO, ,GANG YANG DMAN PA DANG BDAG MTSUNGS PAR DMIGS PAS JI LTAR YONGS SU BRTAGS PA'I KHYAD PAR SKYED PAR BYED PA 'DI YANG NGA RGYAL ZHES BYA'O, ,GANG YANG DMAN PA LAS BDAG LHAG PAR NYE BAR DMIGS NAS KUN DU RTOG PA'I KHYAD PAR 'BYUNG BA DE YANG NGA RGYAL LO, ,GANG YANG MTSUNGS PA DANG BDAG NYID MTSUNGS PAR NYE BAR DMIGS PA'I YONGS SU RTOG PA'I KHYAD PAR 'BYUNG BA DE YANG NGA RGYAL TE, SRID PA'I DBANG DU BYAS NAS MU BZHIR RNAM PAR GZHAG GO, ,GANG DAG SHIN TU DMAN PAR YIN PA LAS 'DI DANG BDAG MTSUNGS SO SNYAM NAS LHAG PAR NGA RGYAL BYED PA DE NI LHAG PA'I NGA RGYAL TE, NGA RGYAL GYI MTSAN NYID LAS SHIN TU 'DAS NAS 'JUG PAS LHAG PA'I NGA RGYAL LO, ,GANG KHYAD PAR DU 'PHAGS PA LAS KYANG, BDAG KHYAD PAR CAN DU RNAM PAR BRTAGS NAS KHENGS PAR BYED PA DE NI NGA RGYAL LAS KYANG NGA RGYAL TE, NGA RGYAL LAS KYANG NGA RGYAL GYI SGRA 'JUG PA'I RGYU NI SNGAR GYI DE DAG LAS KYANG SDIG PA LA 'JUG PA NYID DU SHES PA'I PHYIR RO, ,NYE BAR LEN PA'I PHUNG PO LNGA PO STONG PA NYID LA GANG BDAG GO ZHES YONGS SU RTOG PA NI NGA'I SNYAM PA'I NGA RGYAL TE BDAG TU NGA RGYAL BYED CES BYA BA'I THA TSIG GO, ,BDAG TU RNAM PAR BRTAG PA'I RGYUR GYUR PAS ZAG PA DANG BCAS PA'I PHUNG PO NI NYE BAR @257B LEN PA'I PHUNG PO'O, ,YANG NA NYE BAR LEN PA STE, NYON MONGS PA DAG LAS RAB TU BYUNG BA'I PHYIR NYE BAR LEN PA'I PHUNG PO STE RTZVA DANG PHUB MA'I ME ZHES BYA BA BZHIN NO, ,NYE BAR LEN PA LA RAG LUS PA NYID KYIS KYANG NYE BAR LEN PA'I PHUNG PO STE RGYAL PO'I SKYES BU BZHIN NO, ,NYE BAR LEN PA RNAMS DE DAG LAS BYUNG BA NYID KYIS KYANG NYE BAR LEN PA'I PHUNG PO STE ME TOG DANG 'BRAS BU'I SHING BZHIN NO, ,DE NI STONG PA STE NYE BAR BRTEN NAS BTAGS PAS, BDAG GI RDZAS DANG BRAL BA NYID KYIS NGO BO MED PA NYID DE, DE DAG DE LTA BU'I TSUL LA RMONGS PAS BDAG GO ZHES 'DZIN PA NI NGA'O SNYAM PA'I NGA RGYAL LO, ,GONG MA'I KHYAD PAR RTOGS PAR BYA BA MA THOB PAR DE BDAG GIS THOB BO SNYAM DU GANG LA MNGON DU PHYOGS NAS KHENGS PAR BYED PA DE NI MNGON PA'I NGA RGYAL LO, ,DE LA GONG MA'I KHYAD PAR RTOGS PAR BYA BA NI MI'I CHOS THA MAL PA 'DOD PA'I 'DOD CHAGS LA SOGS PA LAS SHIN TU 'DAS NAS GANG RNAM PAR GNAS PA STE, 'DI LTA STE BSAM GTAN DANG, BSAM GTAN GYI 'BRAS BU DANG, TING NGE 'DZIN DANG, TING NGE 'DZIN GYI 'BRAS BU LA SOGS PA SHES PA'O, ,LOG PA'I LAS LA ZHUGS PAS GANG LOG PA'I LAS MI 'DOD PA'I 'BRAS BU CAN GYI CHOS GSOD PA LA SOGS PA'I LAS BYED PA LA NGA RGYAL TE, GANG SPRO BAR BYED CING 'JUG PA'I NGA RGYAL NI LOG PA'I NGA RGYAL ZHES BRJOD DO, ,BYA BA THAMS CAD SGRUB PA LA BDAG LA NUS PA MED DO ZHES BTAGS TE BDAG LA DMIGS NAS BRNYAS PA STE, GANG BDAG LA DAM PA MA YIN PAR YONGS SU RTOG PA DE NI CUNG ZAD SNYAM PA'I NGA RGYAL LO, ,NGA RGYAL BDUN BSHAD ZIN TO, ,MA RIG PA'I KUN DU SBYOR BA GANG ZHE NA, SEMS LAS BYUNG BA'I CHOS GANG DANG LDAN PAS DE LOG PA'I YID KYIS BDEN PA'I DON MI MTHONG BA DANG, DNGOS PO'I NGO BO NYID DU SGRO 'DOGS PA DE NI MA RIG PA ZHES BRJOD DO, ,DE MA RIG PA NI CHOS KYI NGO BO NYID KYI YUL LA ZAG PA MED PA'I SHES PA'O, ,DE'I MI MTHUN PA'I PHYOGS KYI NGO BOR GNAS PA DKON MCHOG GSUM DANG BDEN PA LA SOGS PA MI SHES PA TZAM MO, ,LTA BA'I KUN DU SBYOR BA GANG ZHE NA, LTA BA GSUM PO DAG LA LTA BA'I KUN DU SBYOR BA ZHES @258A *, ,BRJOD DO, ,'DI LTA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA'O, ,DE LA 'JIG TSOGS LA LTA BA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA NYE BAR LEN PA'I PHUNG PO LNGA PO LA GANG ZAG LA SOGS PA'I NGO BO NYID MED PA LA PHYIN CI LOG TU SGRO BTAGS TE BDEN PA'I NGO BO NYID DU ZHEN CING RNAM PA NYI SHUR 'JUG PA STE, 'DI LTA STE, GZUGS BDAG YIN PAR LTA BA DANG, BDAG GZUGS DANG LDAN PA DANG, GZUGS BDAG GI YIN PA DANG, GZUGS LA BDAG GNAS PAR LTA BA STE, 'DI LTAR 'DI DAG NI GZUGS KYI PHUNG PO GTZOR BZUNG NAS 'JIG TSOGS LA LTA BA'I CHA BZHI'O, ,DE BZHIN DU RNAM PAR SHES PA'I BAR DU GTZOR BZUNG NAS 'JIG TSOGS LA LTA BA'I CHA BZHI BZHI 'BYUNG BAR 'GYUR RO, ,RNAM PAR NYAMS PAR 'GYUR BAS NA 'JIG PA STE, KHYAD PAR DU 'JIG CING NYAMS PAR 'GYUR ZHES BYA BA'I DON TO, ,RTZING NGA NI BSTZAGS PA STE BSTZAGS PAR YOD PA DANG, GNAS DANG, TSOGS PA DANG, LUS DANG, NYE BAR ZHI BAR BYED PA RNAMS LA 'JUG PA LAS 'DIR K'A YA ZHES BYA BA BSTZAGS PA LA BYA STE, MANG PO DANG TSOGS PA ZHES BYA BA'I DON TO, ,'JIG PA YANG YIN LA TSOGS KYANG YIN PAS 'JIG TSOGS TE, 'JIG PA'I BDAG NYID CAN TSOGS PA NI 'JIG TSOGS ZHES BRJOD DO, ,DE LTA BU LA BDAG DANG BDAG GIR 'DZIN PAR ZHUGS PA'I SHES RAB NYON MONGS PA CAN 'JIG TSOGS LA LTA BA ZHES BRJOD DO, ,MTHA' GNYIS SU 'DZIN PA NI MTHAR 'DZIN PA STE, 'DZIN PA NI MNGON PAR ZHEN PA'O, ,'DI LTA BU'I MTHAR LTA BA NI, MTHAR 'DZIN PAR LTA BA STE, 'JIG TSOGS LA LTA BAS NYE BAR LEN PA'I PHUNG PO LNGA LA BDAG GI NGO BO NYID DU YOD PAR SGRO BTAGS NAS BDAG NYID DU BZUNG BA DANG, GANG BDAG DANG 'JIG RTEN RTAG GO ZHES BYA BA'AM, GANG BDAG DANG 'JIG RTEN CHAD DO ZHES BYA BA'AM, DE BZHIN DU YOD PA DANG MED PA ZHES BYA BA LA SOGS PA'I MTHA' GNYIS SU BRTAGS NAS 'JUG PA'I SHES RAB NYON MONGS PA CAN NI MTHAR 'DZIN PA'I LTA @258B BA'O; ,RGYU DANG, 'BRAS BU DANG, BDEN PA DANG, DKON MCHOG GSUM DANG, RTEN CING 'BREL PAR 'BYUNG BA LA SOGS PA LA SKUR PA 'DEBS SHING MED PA'I RNAM PAR ZHUGS PA'I SHES RAB NYON MONGS PA CAN NI LOG PAR LTA BA ZHES BYA STE, DE LTA BU'I LTA BA GSUM PO DAG NI LTA BA'I KUN DU SBYOR BA ZHES BRJOD DO, ,MCHOG TU 'DZIN PA'I KUN DU SBYOR BA DU ZHE NA, MCHOG TU 'DZIN PA RNAM PA GNYIS NI MCHOG TU 'DZIN PA'I KUN DU SBYOR BA ZHES BSTAN TE, 'DI LTA STE, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,DE LA DMAN PA LA DAM PAR 'DZIN PA'I LTA BA NI MCHOG TU 'DZIN PA'O, ,DMAN PA DE GANG YIN ZHE NA, ZAG PA DANG BCAS PA'I DNGOS PO THAMS CAD DE, 'PHAGS PAS SPANGS PA'I PHYIR RO, ,DE LA MCHOG TU 'DZIN PA NI GZHAN DE MA YIN PA'I DON LA 'DI DAG NI DAM PA'O ZHES DE LTAR GANG MNGON PAR ZHEN PA NI LTA BA MCHOG TU 'DZIN PA'O, ,ZAG PA DANG BCAS PA'I DNGOS PO THAMS CAD LA DAM PA NYID MCHOG TU 'DZIN PAS NA ZAG PA DANG BCAS PA MCHOG TU 'DZIN PA ZHES BRJOD PAR BYA BA YIN NA CI'I PHYIR LTA BA MCHOG TU 'DZIN PA ZHES BRJOD, DE LTA BA KHO NA LA MCHOG TU 'DZIN PA NI MA YIN NO ZHE NA, DES NA 'DIR SOGS PA'I SGRA PHYIS PAR BLTA BAR BYA STE, LTA BA LA SOGS PA RNAMS LA MCHOG TU 'DZIN PA NI LTA BA MCHOG TU 'DZIN PA ZHES BYA'O, ,RGYU MA YIN PA LA RGYUR LTA BA DANG, LAM MA YIN PA LA LAM DU LTA BA NI TSUL KHRIMS DANG BRTUL ZHUGS MCHOG TU 'DZIN PA'O, ,'DIR YANG SOGS PA'I SGRAS PHYIS PAR BLTA'O, ,DE LTA BAS NA DMAN PA'I TSUL KHRIMS DANG BRTUL ZHUGS TZAM LA MCHOG TU 'DZIN PA MA YIN GYI ZAG PA DANG BCAS PA'I DNGOS PO THAMS CAD LA DAG PA DANG, GROL BA DANG, NGES PAR 'BYIN PA'I BDAG NYID KYI LAM GYI NGO BO NYID DU 'DZIN PA YIN NO, ,MCHOG TU 'DZIN PA 'DI GNYIS NI MCHOG TU 'DZIN PA KUN DU SBYOR BA ZHES BRJOD DO, ,BDEN PA DANG DKON MCHOG GSUM LA SOGS PA LA YOD PA DANG MED PA'I RNAM PA GNYIS SU RAB TU ZHUGS PA'I SHES RAB NYON MONGS PA CAN GYIS KUN DU SBYOR BA'I BDAG NYID NI THE TSOM STE, @259A *, ,DE NI THE TSOM GYI KUN DU SBYOR BA ZHES BYA'O, ,PHRAG DOG NI GZHAN GYI YON TAN GYIS GDUNG BA STE CHOS GANG DANG LDAN NA GANG DANG GANG DU PHA ROL DU THOS PA DANG, TSUL KHRIMS DANG, GTONG BA DANG, GZUGS LA SOGS PA'I YON TAN TSOGS PA NYE BAR DMIGS PA DE DANG DER GANG ZAG DE LA NANG DU SHIN TU GDUNG BA 'BYUNG STE, CHOS DE NI PHRAG DOG CES BYA BAR BRJOD DE, CHOS DE NI PHRAG DOG GI KUN DU SBYOR BA'O, ,CHOS DANG MKHAS PA'I BDAG NYID LA SOGS PA SBYIN PA DANG RAB TU 'GAL BA SEMS KYIS KUN TU 'DZIN PA NI SER SNA STE, DE NI SER SNA'I KUN DU SBYOR BA ZHES BYA'O, ,KUN DU SBYOR BA DGU BSHAD ZIN TO, ,NGES PAR 'CHING BA ZHES BYA BA LAS NGES PAR 'CHING BA NI RNAM PA GSUM STE, 'DOD CHAGS KYI NGES PAR 'CHING BA DANG, ZHE SDANG GI NGES PAR 'CHING BA DANG, GTI MUG GI NGES PAR 'CHING BA'O, ,'CHING BA 'DI DAG GIS KHAMS GSUM PO RNAMS RAB TU BCINGS PAS NA 'DI DAG NI NGES PAR 'CHING BAS PHRA RGYAS ZHES BYA BA LA 'DIR DRUG NI PHRA RGYAS KYI RTZA BA STE, 'DOD CHAGS KYI PHRA RGYAS DANG, KHONG KHRO'I PHRA RGYAS DANG, NGA RGYAL GYI PHRA RGYAS DANG, MA RIG PA'I PHRA RGYAS DANG, LTA BA'I PHRA RGYAS DANG, THE TSOM GYI PHRA RGYAS ZHES BYA BA STE, PHRA RGYAS DRUG PO 'DI DAG LAS 'DOD PA'I 'DOD CHAGS DANG, SRID PA'I 'DOD CHAGS ZHES BYA BAS 'DOD CHAGS RNAM PA GNYIS SU DBYE BAS YANG RNAM PA BDUN DU 'GYUR RO, ,PHRA RGYAS DRUG PO 'DI DAG LAS YANG LTA BA'I PHRA RGYAS LA 'JIG TSOGS LA LTA BA LA SOGS PA RNAM PA LNGA'I DBYE BAS PHRA RGYAS BCUR 'GYUR TE, PHRA RGYAS BCU PO 'DI DAG RANG GI NGO BO YANG KHAMS KYI DBYE BA DANG, BYE BRAG GI DBYE BAS DGU BCU RTZA BRGYAD DU 'GYUR RO, ,DE LA KHAMS NI GSUM STE, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS SO, ,DE LA 'DOD PA'I KHAMS NI GNAS NYI SHU 'DI LTA STE, DMYAL BA CHEN PO BRGYAD LA YANG SOS DANG, THIG NAG DANG, BSDUS 'JOMS DANG, NGU 'BOD DANG, NGU 'BOD CHEN PO DANG, CHA BA DANG, RAB TU TSA BA DANG, MNAR MED PA ZHES BYA BA'O, , @259B BYOL SONG DANG, YI DAGS GNYIS DANG, GLING BZHI LA 'DZAM BU'I GLING DANG, SHAR GYI LUS 'PHAGS DANG, NUB KYI BA LANG SPYOD DANG, BYANG GI SGRA MI SNYAN ZHES BYA BA'O, ,'DOD PA NA SPYOD PA'I LHA RIS DRUG NI 'DI LTA STE, RGYAL CHEN BZHI'I RIS DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED CES BYA BA NI 'DOD PA'I KHAMS SO, ,GZUGS KYI KHAMS KYI SKYE BA'I BSAM GTAN BZHI LA SPYIR NI GNAS GZHAN BCU BDUN TE, TSANGS RIS DANG, TSANGS PA MDUN NA 'DON DANG, TSANGS PA CHEN PO STE BSAM GTAN DANG POR SKYE BA'I GNAS GZHAN GSUM MO, ,'OD CHUNG DANG, TSAD MED 'OD DANG, 'OD GSAL ZHES BYA BA NI BSAM GTAN GNYIS PA'I SKYE BA'I GNAS GZHAN GSUM MO, ,DGE CHUNG DANG, TSAD MED DGE DANG, DGE RGYAS ZHES BYA BA 'DI NI BSAM GTAN GSUM PAR SKYE BA'I GNAS GZHAN GSUM MO, ,SPRIN MED DANG, BSOD NAMS SKYES DANG, 'BRAS BU CHE ZHES BYA BA NI SKYE BA'I GNAS GZHAN 'DI GSUM DANG, MI CHE BA DANG, MI GDUNG BA DANG, SHIN TU MTHONG BA DANG, GYA NOM SNANG DANG, 'OG MIN ZHES BYA BA GNAS GTZANG MA'I NGES GNAS LNGA DANG BRGYAD PO 'DI DAG NI BSAM GTAN BZHI BA STE, 'DI DAG NI GZUGS KYI KHAMS SO, ,GZUGS MED PA'I KHAMS NI GZUGS CAN MA YIN PAS GNAS MED DO, ,DE NI SKYE BA LAS RNAM PA BZHI STE, 'DI LTA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CUNG ZAD MED PA'I SKYE MCHED DANG, 'DU SHES MED 'DU SHES MED MIN SKYE MCHED CES BYA BA STE, 'DI DAG NI GZUGS MED PA'I KHAMS SO, ,'DI DAG NI RE ZHIG KHAMS KYI DBYE BA'O, ,BYE BRAG GI DBYE BA NI KHAMS GSUM PO DE RNAMS LA RE RE ZHING LNGA LNGA STE, SDUG BSNGAL MTHONG BAS SPANG BAR BYA BA'I RIS DANG, KUN 'BYUNG DANG 'GOG PA DANG, LAM MTHONG BAS SPANG BAR BYA BA DAG DANG, BSGOM PAS SPANG BAR BYA BA ZHES BYA'O, ,DE LA SDUG BSNGAL GYI BDEN PA NI NYE BAR LEN PA'I PHUNG PO LNGA PO 'BRAS BUR GYUR PA'O, , @260A *, ,DE DAG GI RGYUR GYUR PA NI KUN 'BYUNG BA'I BDEN PA'O, ,SRED PA DANG LAS YONGS SU ZAD PAS SDUG BSNGAL GYI BDEN PA SHIN TU MA SKYES PA SNUM DANG SNYING PO YONGS SU ZAD PA'I MAR ME LTA BU'I MYA NGAN LAS 'DAS PA NI 'GOG PA'I BDEN PA'O, ,DE 'THOB PA'I THABS 'PHAGS PA'I LAM YAN LAG BRGYAD PA NI LAM GYI BDEN PA'O, ,DE LA 'DOD PA NA SPYOD PA'I SDUG BSNGAL GYI BDEN PA LA MI RTAG PA NYID DANG, SDUG BSNGAL BA NYID DANG, STONG PA NYID DANG, BDAG MED PA NYID DU YID LA BYED PA NA SDUG BSNGAL LA CHOS SHES PA'I BZOD PA DANG, CHOS SHES PA ZHES BYA BA STE, DE DAG GIS 'DOD PA NA SPYOD PA'I NYON MONGS PA BCU PO 'DI RNAMS RAB TU SPONG NGO, ,GZUGS DANG GZUGS MED PA NA SPYOD PA'I SDUG BSNGAL GYI BDEN PA YANG DE BZHIN DU YID LA BYA BAS SDUG BSNGAL LA RJES SU SHES PA'I BZOD PA DANG, SDUG BSNGAL LA RJES SU SHES PA SKYE'O, ,DE DAG GIS KHONG KHRO MA GTOGS PA'I GZUGS NA SPYOD PA'I NYON MONGS PA DGU DANG, GZUGS MED PA NA SPYOD PA'I NYON MONGS PA DGU STE , DE LTAR BCO BRGYAD SPONG STE, DE LTAR KHAMS GSUM PA'I SDUG BSNGAL GYI BDEN PA MNGON PAR RTOGS PA CHOS DANG RJES SU SHES PA'I BZOD PA DANG, SHES PA'I RNAM PA'I SKAD CIG MA BZHIS SDUG BSNGAL MTHONG BAS SPANG BAR BYA BA'I PHRA RGYAS NYI SHU RTZA BRGYAD RAB TU SPONG NGO, ,PHRA RGYAS NYI SHU RTZA BRGYAD PO DE RNAMS LAS 'JIG TSOGS LA LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PA MA GTOGS PAR PHRA RGYAS GZHAN BDUN PO NI 'DOD PA'I KHAMS KYI 'DOD PA NA SPYOD PA'I KUN 'BYUNG GI BDEN PA LA RGYU NYID DANG, KUN 'BYUNG BA NYID DANG, RAB TU SKYE BA NYID DANG, RKYEN NYID CES BYA BAR YID LA BYED PA NA DE LTAR KUN 'BYUNG LA CHOS SHES PA'I BZOD PA DANG, CHOS SHES PA SKYE STE, DE DAG GIS SPONG NGO, ,DE DAG NYID LAS KHONG KHRO BOR BA KHAMS GNYIS PO DANG, GZUGS MED PA NI SPYOD PA'I PHRA RGYAS BCU GNYIS KUN 'BYUNG BA'I BDEN PA MTHONG BA KUN 'BYUNG LA RJES SU SHES PA'I BZOD PA DANG, SHES PA DAG GIS RAB @260B TU SPONG STE, DE LTAR PHRA RGYAS BCU DGU NI KUN 'BYUNG MTHONG BAS SPONG NGO, ,DE BZHIN DU 'DOD PA NA SPYOD PA NI SDUG BSNGAL 'GOG PA'I BDEN PA'I 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA BZHI YID LA BYED PAS KUN 'BYUNG LA BSTAN PA'I PHRA RGYAS BDUN PO DE DAG 'GOG PA LA CHOS SHES PA'I BZOD PA DANG, 'GOG PA LA CHOS SHES PA DAG GIS RAB TU SPONG NGO, ,'GOG PA LA RJES SU SHES PA'I BZOD PA DANG, SHES PA DAG GIS GZUGS DANG GZUGS MED PA NA SPYOD PA'I PHRA RGYAS BCU GNYIS RAB TU SPONG STE, DE LTAR NA PHRA RGYAS BCU DGU NI KHAMS GSUM PO'O SDUG BSNGAL 'GOG PA'I BDEN PA MTHONG BAS RAB TU SPONG NGO, ,DE BZHIN DU 'DOD PA NA SPYOD PA'I SDUG BSNGAL 'GOG PAR 'GRO BA'I LAM GYI BDEN PA LA LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA BZHI YID LA BYED PA LAM LA CHOS SHES PA'I BZOD PA DANG, CHOS SHES PA DAG GIS SNGAR BSTAN PA'I BDUN PO LA TSUL KHRIMS DANG BRTUL ZHUGS MCHOG TU 'DZIN PA SNGA MA LA MED PA BSNAN PA'I BRGYAD NI LAM GYI BDEN PA MTHONG BAS SPONG NGO, ,LAM LA RJES SU SHES PA'I BZOD PA DANG RJES SU SHES PA DAG GIS NI GZUGS DANG GZUGS MED PA NA SPYOD PA'I PHRA RGYAS BCU BZHI LAM GYI BDEN PA MTHONG BAS RAB TU SPONG BAR BYED DO, ,DE LTAR NA PHRA RGYAS NYI SHU RTZA GNYIS NI LAM MTHONG BAS SPANG BAR BYA BA'O, ,SDUG BSNGAL LA SOGS PA'I BDEN PA BSGOMS PAS JI LTAR MTHONG BA'I RJES LA SPANG BAR BYA BA GANG YIN PA DE NI BSGOM PAS SPANG BAR BYA BA'O, ,DE LA 'DOD CHAGS DANG, KHONG KHRO BA DANG, NGA RGYAL DANG, MA RIG PA RNAMS 'DOD PA'I KHAMS KYI BSGOM PAS SPANG BAR BYA'O, ,KHONG KHRO MA GTOGS PA RNAMS NI GZUGS DANG GZUGS MED PA'I KHAMS NA BSGOM PAS SPANG BAR BYA BA STE, KUN BSDOMS NA PHRA RGYAS DGU BCU RTZA BRGYAD DO, ,DE RNAMS LAS 'DOD PA NA SPYOD PA NI SUM CU RTZA DRUG GO, ,GZUGS NA SPYOD PA NI SUM CU RTZA GCIG ,GZUGS MED PA NA SPYOD PA YANG SUM CU RTZA GCIG GO, ,DE DAG LAS MTHONG BAS SPANG BAR BYA BA NI BRGYAD CU RTZA BRGYAD @261A *, ,DO; ,'DIR JI SKAD BSHAD PA'I PHRA RGYAS SPONG BA'I YE SHES DANG LDAN PAS 'PHAGS PA'I GANG ZAG BRGYAD DU 'GYUR RO, ,JI LTAR BYAS NAS SHE NA, DE BRJOD PAR BYA STE, GO RIMS BZHIN DU 'JUG PA LA, ,MTHONG LAM SKAD CIG BCU DRUG GIS, ,GANG ZHIG SPANGS PA'I 'BRAS BU DE, ,RGYUN DU ZHUGS PA ZHES BRJOD DO, ,'DOD NA CHAGS SDANG NGA RGYAL RMONGS, ,GONG MA'I SA BRGYAD SO SO LA, ,ZHE SDANG MA GTOGS BSGOM SPANG BYA, ,BSDUS NAS CHE SOGS RNAM GSUM LA, ,CHEN PO'I CHE SOGS BYE BRAG GIS, ,RNAM PA YANG NI GSUM DU 'DOD, ,NYON MONGS PA NI RNAM DGU LA, ,GNYEN PO'I PHYOGS NI BZLOG PAS SO, ,'DOD PA'I RNAM PA DRUG PA DANG, ,DGU PA DAG NI ZAD PA LAS, ,LAN CIG PHYIR NI 'ONG BA DANG, ,PHYIR MI 'ONG BA'I GANG ZAG 'GYUR, ,DGRA BCOM SRID RTZE'I MTHA' ZAD PAS, ,LAM LA GNAS PA BZHI PO DAG ,DE LA SBYOR BAR ZHUGS PA'I PHYIR, ,DE DAG ZHUGS PA ZHES BRJOD DO, ,DGRA BCOM MI SLOB SLOB PA NI, ,ZAD PHYIR SLOB PAS GZHAN BDUN NO, ,SKYES BU GANG ZAG BRGYAD PO 'DI, ,DGE 'DUN ZHES NI BYA BAR BRJOD, ,BDUD RNAMS KUN GYIS MI PHYED PAS; ,'DI LTAR DGE 'DUN ZHES BRJOD DO, ,MI PHYED DAD PAS RIGS PAR NI, ,SANGS RGYAS BDEN PAR RTOGS PHYIR SPANG, ,GNAS PA DANG RJES SU MTHUN PA'I DNGOS PO JI LTAR 'BYUNG BA'I DMIGS PA LA RAB TU SBYOR BA DANG, RJES SU SBYOR BAS PHRA RGYAS ZHES BYA BA'AM, PHRA BA'AM BDAG GI RGYUD KYI RJES SU 'BREL PAS PHRA RGYAS SO, ,PHRA RGYAS BSHAD ZIN TO, ,'BYUNG BA'I RIM PA NI YANG 'DI DAG LAS DNGOS PO JI LTAR GNAS PA GZHAN DU MI RTOGS PA DANG, MI BDEN PA'I NGO BOR SGRO 'DOGS PAS THOG MAR NI MA RIG PA'O, ,DE LAS NI YANG DAG PA DANG YANG DAG PA MA YIN PA'I PHYOGS GNYIS THOS NAS 'DI BDEN NAM MI BDEN ZHES THE TSOM 'BYUNG NGO, ,DE NAS NI MI BDEN PA'I PHYOGS LA GOMS PAS BDEN PA'I DNGOS POR YOD PA NYID DU SGRO BTAGS TE, PHYIN CI LOG TU LTA BA NI LOG PAR ZHUGS PA'I LTA BA STE, GANG LOG PA NYID DU NGES PAR 'BYED PA DE LTA @261B BU'I BDAG NYID CAN NI LOG PAR LTA BA ZHES BYA BAR GZUNG GI RGYU DANG 'BRAS BU LA SKUR BA 'DEBS PA'I BDAG NYID CAN NI MA YIN NO, ,LOG PAR LTA BA DE LAS NI 'JIG TSOGS LA LTA BA 'BYUNG STE, DES NI NYE BAR LEN PA'I PHUNG PO LA BDAG GI NGO BO NYID DU SGRO BTAGS NAS MNGON PAR ZHEN TO, , DE LAS NI MTHAR 'DZIN PAR LTA BA 'BYUNG STE, DE LAS RTAG PA DANG CHAD PA'I MTHAR RTOG PA NYID KYIS SO, ,MTHAR 'DZIN PAR LTA BA LAS NI TSUL KHRIMS DANG BRTUL ZHUGS MCHOG TU 'DZIN PA'I LTA BA STE, DE LTAR MTHAR GZUNG BA GANG YIN PA DE NYID KYIS DAG PA DANG GROL BAR RTOGS PAS SO; ,TSUL KHRIMS DANG BRTUL ZHUGS MCHOG TU 'DZIN PA LAS LTA BA MCHOG TU 'DZIN PA STE, GANG GIS DAG PAR 'DZIN PA DE NYID LA DAM PA 'DZIN PAS SO, ,DE LAS NI 'DOD CHAGS TE, RANG GI LTA BA LA'O, ,DE LAS NI LTA BA LA NGA RGYAL LO, ,GZHAN GYI LA NI ZHE SDANG STE, GO RIMS NI 'DI LTAR RO, ,DE RE RE YANG RGYU GSUM GSUM GYIS 'BYUNG STE, PHRA RGYAS SPANGS PAR MA GYUR PA DANG, TSUL BZHIN MA YIN PA YID LA BYED PAR GYUR PA DANG, YUL NYE BAR GNAS PAR GYUR PA STE, RGYU DANG, YUL DANG, SBYOR BA'I STOBS TE 'DI DAG LAS 'BYUNG NGO,, NYE BA'I NYON MONGS PA'I DBANG DU BYAS NAS BRJOD PA DE LA PHRA RGYAS DRUG TU BRJOD PA DE DAG NYID DU LUS DANG NGAG DANG YID KYI RGYUR NYON MONGS PAR BYED PAS 'DI DAG LA NYON MONGS PA ZHES BYA'O, ,DE LA RE ZHIG NYON MONGS PA CAN GANG YIN PA DE DAG NI NYE BA'I NYON MONGS PA CAN YIN NO, , GZHAN GANG SEMS LAS BYUNG BA'I CHOS NYON MONGS PA CAN 'DU BYED KYI PHUNG POS BSDUS PA NI NYE BA'I NYON MONGS PA NYID DE, DE DAG GIS SEMS NYE BAR NYON MONGS PAR BYED PA'I PHYIR RO, ,DE DAG KYANG GANG ZHE NA, SGYU DANG, RGYAGS PA DANG, RNAM PAR 'TSE BA DANG, 'TSIG PA DANG, KHO NA DU 'DZIN PA DANG, G-YO LA SOGS PA RNAM PA DU MA CHOS MNGON PA LAS BYUNG NGO, ,DE LA SGYU NI GZHAN SLU BA STE, JI LTAR SGYU NI RANG GI NGO BO SBAS NAS BRDZUN PA'I RNAM PA'I BDAG NYID DU ZHUGS TE 'JIG RTEN SGRUB BAR BYED PA DE BZHIN DU SEMS LAS BYUNG BA'I CHOS @262A *, ,GANG DANG LDAN PAS RANG LA JI LTAR GNAS PA'I CHOS SBAS NAS MI BDEN PA'I BDAG NYID DU ZHUGS TE, GZHAN LA SLU BA'I CHOS DE NI SGYU ZHES BRJOD DO, ,RGYAGS PA'I KHENGS PA STE DREGS PA'O, ,GANG GI STOBS KYIS GZHAN LA BRNYAS PA DANG BCAS PA'I LUS DANG SEMS KYI RGYUN BYUNG BA'O, ,KHRO BA'I RKYEN GYIS KHU TSUR DANG THAL LCAG LA SOGS RAB TU BRDEG PA'I RGYU'I CHOS NI RNAM PAR 'TSE BAS NA RNAM PAR 'TSE BA'O, ,'TSIG PA NI SDIG PA LA RAB TU ZHEN PA'O, ,CHOS GANG DANG LDAN PAS SDIG PA LAS MI ZLOGS PA STE, MCHE BA'AM SEN MOS BZUNG BA LTAR SDIG PA RAB TU BZUNG NAS GNAS PA NI 'TSIG PA'O, ,KHO NA DU 'DZIN PA NI KHO NA DU 'DZIN PA STE KHROS PAR GYUR PAR KHROS PA'I DNGOS PO LA SO SOR RTOG PA MA YIN PA MANG BAR YANG DANG YANG DU 'JUG PAS GANG KHO NA DU 'DZIN PA NI KHO NA DU 'DZIN PA STE KHROS PA'I YUL SEMS LA MANG DU BYED CES BYA BA'I DON TO, ,G-YO NI SEMS KYI MI DRAN PA STE, G-YO'I NGO NI G-YO NYID DO, ,DE LA G-YO ZHES BYA BA NI CHOS GANG DANG LDAN BAS SEMS KYI RGYUN GYA GYU BA STE, JI LTAR GNAS PA'I TSUL DANG TSUL MA YIN PA MI STON PA MI DRAN ZHING MI GSAL BAR ZHUGS PA NI G-YO ZHES BYA'O, , DE DAG LAS SGYU DANG, RGYAGS PA NI 'DOD CHAGS KYI RGYU MTHUN PA'I DRI MA'O, ,KHO NA DU 'DZIN PA DANG, RNAM PAR 'TSE BA NI KHONG KHRO'I RGYU MTHUN PA'I 'O, ,LTA BA MCHOG TU 'DZIN PA'I RGYU MTHUN PA'I NI 'TSIG PA'O, ,G-YO NI LOG PAR LTA BA'I RGYU MTHUN PA'O, ,KUN NAS DKRIS PA NI KUN NAS DKRIS PA BCU STE, RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA DANG, NGO TSA MED PA DANG, KHREL MED PA DANG, KHRO BA DANG, 'CHAB PA'O, ,RMUGS PA NI LUS DANG SEMS MI GSAL BAS LCI PA NYID DU GYUR PA'I PHYIR LAS SU MI RUNG BAR SBYOR BA DE NI RMUGS PA'O, ,GNYID NI GANG RNAM PAR SHES PA'I TSOGS LNGA 'JUG PA DANG 'GAL BA'I CHOS YID KYI RNAM PAR SHES PA SDUD PAR BYED PA'I RGYU DE NI GNYID CES BRJOD DO, ,RGOD PA NI LUS DANG SEMS RAB TU MA ZHI BA NYID DANG, JI LTAR RLUNG DANG 'BREL PAS CHU @262B STENG DU BSKYOD NA CHU KLUNG GI CHU'I CHA STENG DU 'BYUNG BA NI RGOD PA'O, ,DE BZHIN DU SEMS LAS BYUNG BA GANG LUS DANG SEMS MA ZHI BAR 'JUG PA'I RGYU MTSAN NI RGOD PA'O, ,'GYOD PA NI NGAN PAR BYAS PA'I DNGOS PO LA PHYIS GDUNG ZHING MYA NGAN BYED PA STE, PHYI NAS GDUNG BA LAS BYUNG BA'I YID LA GCAGS PA NI 'GYOD PA'O, ,PHRAG DOG DANG, SER SNA NI KUN DU SBYOR BAR BSHAD ZIN TO, ,NGO TSA MED PA NI CHOS GANG DANG LDAN PAS BDAG GI YON TAN NYAMS PAR BYED CING BDAG NYID LA LTOS NAS SDIG PA LA 'JUG PA LA MI 'DZEM PA STE, NYES PA MI SDOM PA'I RGYU RANG BZHIN GYIS SMAD PA'I CHOS GANG YIN PA DE LA NGO TSA MED PA ZHES BRJOD DO, ,KHREL MED PA ZHES BYA BA 'DI YANG 'DZEM PA MED PA NYID DO, ,'ON KYANG KHYAD PAR NI 'DI YIN TE, 'DI NI GZHAN LA LTOS NAS NYES PA RNAMS LA MI 'DZEM PA'O, ,KHRO BA NI SEMS RAB TU 'KHRUG PA'O, ,DE LA GNOD SEMS NI SEMS KYI YUL LA KUN NAS MNAR SEMS PA YIN LA, KHRO BA NI SEMS CAN DANG SEMS CAN MA YIN PA'I YUL LA YANG KUN NAS MNAR SEMS PA TZAM MO, ,RNAM PAR 'TSE BA NI KHROS PAR GYUR PAS SO SOR MA BRTAGS PAR GZHAN DAG LA KHU TSUR DANG THAL LCAG LA SOGS PAS RAB TU RDEG PAR BYED PA'I RGYU YIN NO, ,DES NA GNOD SEMS DANG RNAM PAR 'TSE BA MA YIN PA'I SEMS RNAM PAR 'KHRUG PA TZAM NI KHRO BA'O, ,'CHAB PA NI KHA NA MA THO BA RAB TU MA KHYUD PA STE, 'PHAGS PA RNAMS KYIS SMAD PA NI KHA NA MA THO BA'O, ,DE RAB TU MKHYUD PA NI GZHAN LA RAB TU MI STON PA'O, ,DE NI 'CHAB PA STE, GANG GIS GANG ZAG DE KHA NA MA THO BAS BDAG NYID SHIN TU SPAGS SHING MI GTZANG BAR BYED PA'O, ,KUN NAS 'KHRI ZHING SEMS LA THAMS CAD DU DKRIS NAS GNAS PAS KUN NAS DKRIS PA STE, DGE BA'I PHYOGS LA 'JUG PA'I BAR CHAD BYED PA NYID DO, ,'DI DAG LAS RMUGS PA DANG GNYID DANG KHREL MED PA NI MA RIG PA'I RGYU MTHUN PA'O, ,'GYOD PA NI THE TSOM GYI RGYU MTHUN PA'O, ,NGO TSA MED PA DANG RGOD PA DANG SER SNA NI 'DOD CHAGS KYI RGYU MTHUN PA'O, ,KHRO BA DANG PHRAG DOG NI KHONG KHROS KUN NAS BSLANG BA'O, , @263A *, ,'CHAB PA NI 'DOD CHAGS DANG MA RIG PA'I RGYU MTHUN PA STE, DRI MA RNAMS DANG BCU PO 'DI DAG NI NYE BA'I NYON MONGS PA ZHES BYA'O, ,ZAG PA NI 'DI LTAR ZAG PA GSUM STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,DE LA MA RIG PA MA GTOGS PA 'DOD PA NA SPYOD PA'I NYON MONGS PA GZHAN KUN NAS DKRIS PA BCU DANG BCAS PA NI 'DOD PA'I ZAG PAR RIG PAR BYA STE RDZAS BZHI BCU RTZA GCIG GO, ,GZUGS DANG GZUGS MED PA NA SPYOD PA'I PHRA RGYAS MA RIG PA MA GTOGS PA RDZAS LNGA BCU RTZA GNYIS NI SRID PA'I ZAG PA'O, , YANG RGYU GANG GIS GZUGS MED PA NA SPYOD PA'I PHRA RGYAS RNAMS BSDOMS NAS SRID PA'I ZAG PAR BYAS SHE NA, DE GNYI GA YANG LUNG DU MA BSTAN PA DANG, KHA NANG DU BLTAS PA DANG, MNYAM PAR GZHAG PA'I SA PA YIN PA'I PHYIR CHOS MTSUNGS PA NYID GSUM GYIS GCIG TU BYAS SO, ,KHAMS GSUM PA'I MA RIG PA BCO LNGA NI MA RIG PA'I ZAG PA'O, ,RGYU GANG GIS 'DI LOGS SHIG TU GZHAG CE NA 'DI LTAR DE NYON MONGS PA THAMS CAD KYI RTZA BAR GYUR PA DES NA ZAG PA NYID DU LOGS SHIG TU GZHAG GO, ,CHU BO ZHES BYA BA LA, CHU BO NI BZHI STE, 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO ZHES BYA BA'O, ,DE LA LTA BA LAS GZHAN PA'I 'DOD PA'I ZAG PA NYID NI 'DOD PA'I CHU BO STE RDZAS NYI SHU RTZA DGU'O, ,LTA BA BOR BA'I SRID PA'I ZAG PA NYID SRID PA'I CHU BO STE, RDZAS NYI SHU RTZA BRGYAD DO, ,KHAMS GSUM PA'I LTA BA NI LTA BA'I CHU BO STE, RDZAS SUM CU RTZA DRUG GO, ,MA RIG PA'I ZAG PA NYID NI MA RIG PA'I CHU BO STE RDZAS BCO LNGA'O, ,BZHI PO 'DI DAG NYID SBYOR BA BZHIR RIG PAR BYA'O, ,NYE BAR LEN PA NI NYE BAR LEN PA BZHI STE, 'DOD PA NYE BAR LEN PA DANG, LTA BA NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA NYE BAR LEN PA'O, ,DE LA 'DOD PA'I SBYOR BA MA RIG PA DANG BCAS PA NI 'DOD PA NYE BAR LEN PA STE RDZAS SUM CU RTZA BZHI'O, ,LTA BA'I SBYOR BA NYID LA TSUL KHRIMS DANG BRTUL ZHUGS MCHOG TU 'DZIN PA MA @263B GTOGS PA NI LTA BA NYE BAR LEN PA STE RDZAS SUM CU'O, ,TSUL KHRIMS DANG BRTUL ZHUGS NYE BAR LEN PA NI RDZAS DRUG GO, ,SRID PA'I SBYOR BA NYID LA MA RIG PAS BSNAN PA NI BDAG TU SMRA BA NYE BAR LEN PA STE, MUGS PA DANG, RGOD PA DANG BCAS PA LA RDZAS BZHI BCU'O, ,CI'I PHYIR TSUL KHRIMS DANG BRTUL ZHUGS NYE BAR LEN PA LTA BA LAS LOGS SHIG TU GZHAG CE NA, LAM GYI DGRAR GYUR PA DANG, PHYOGS GNYI GA SLU BAR BYED PA'I PHYIR TE, 'DIS KHYIM PA YANG ZAS MI ZA BAR MTHO RIS SU SKYE BAR 'DU SHES PAS RAB TU BSLUS LA, RAB TU BYUNG BA RNAMS KYANG 'DOD PA'I YUL YONGS SU SPANGS PA NYID KYIS 'DAG PAR LTA BAS RAB TU BSLUS SO, ,YANG RGYU GANG GIS NYE BAR LEN PA'I SKABS SU MA RIG PA BSRES NAS BRJOD KYI LOGS SHIG TU NI MA YIN ZHE NA, GANG GI PHYIR SRID PA 'DZIN PAS NYE BAR LEN PA ZHES BYA BA NA, MA RIG PA NI MI GSAL BA'I NGO BO NYID KYIS 'DZIN PAR BYED PA MA YIN PA'I PHYIR RO, ,ZAG PA DANG, CHU BO DANG, SBYOR BA DANG, NYE BAR LEN PA RNAMS NI BSHAD ZIN TO, ,DE LA ZAG PA NI 'KHOR BAR ZAG PA NYID DE, SRID PA'I RTZE MO NAS MNAR MED PA'I BAR DU SKYE MCHED DRUG GI RMA NAS 'DZAG PA'I PHYIR RAM, RGYU YUL RNAMS LAS 'DZAG PAR BYED PAS ZAG PA'O, ,KHYER PAR BYED PAS NA CHU BO STE, DE'I RJES SU MTHUN PAR BYED PA'I PHYIR DE DAG GIS DE DANG LDAN PAR KHYER BAR 'GYUR RO, ,SDUG BSNGAL SNA TSOGS LA KUN DU SBYOR BA'I PHYIR RAM, YANG DANG YANG DU RJES SU 'BREL BAR 'JUG PAR BYED PA'I PHYIR RAM, YUL LA SBYOR BA'I PHYIR SBYOR BA'O, ,'DOD PA LA SOGS PA NYE BAR LEN PAR BYED, 'DZIN PAR BYED PA'I PHYIR NYE BAR LEN PA'O, ,MDUD PA ZHES BYA BA LA MDUD PA NI BZHI STE, BRNAB SEMS LUS KYI MDUD PA DANG, GNOD SEMS LUS KYI MDUD PA DANG, TSUL KHRIMS DANG, BRTUL ZHUGS MCHOG TU 'DZIN PA LUS KYI MDUD PA DANG, 'DI BDEN PA'O ZHES MNGON PAR ZHEN PA LUS KYI MDUD PA'O, ,DE LA BRNAB SEMS LUS KYI MDUD PA NI 'DOD PAR GTOGS PA'I RNAM PA SNA TSOGS LA @264A *, ,RGYUN MI 'CHAD PAR 'JUG PA NYID DO, ,DE BZHIN DU LHAG MA RNAMS LA YANG SBYAR RO, ,DE LA SDUG BSNGAL LA SOGS PA MTHONG BA DANG BSGOM PAS SPANG BAR BYA BA'I MA RIG PA 'DOD PAR GTOGS PA NI DANG PO'O, ,KHONG KHRO BA LNGA NI GNYIS PA'O, ,TSUL KHRIMS DANG BRTUL ZHUGS MCHOG TU 'DZIN PA DRUG NI GSUM PA'O, ,LTA BA MCHOG TU 'DZIN PA BCU GNYIS NI BZHI PA'O, ,SGRIB PA ZHES BYA BA LA SGRIB PA LNGA STE, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM MO; ,SGRIB PA NI 'DOD PAR GTOGS PA NYID KYIS SHIN TU MI DGE BA NYID KYI PHYIR DGE BA'I PHYOGS LA SGRIB PAS BSGRIBS PA'O, ,SHES PA NI SHES PA BCU STE, CHOS SHES PA DANG, RJES SU SHES PA DANG, GZHAN GYI SEMS SHES PA DANG, KUN RDZOB SHES PA DANG, SDUG BSNGAL SHES PA DANG, KUN 'BYUNG BA SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,CHOS SHES PA GANG ZHE NA, 'DOD PA DANG LDAN PA'I 'DU BYED RNAMS LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED RNAMS KYI RGYU LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED RNAMS KYI 'GOG PA LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED SPONG BAR BYED PA'I LAM LA GANG DMIGS PA'I ZAG PA MED PA'I SHES PA'O, ,YANG CHOS SHES PA DANG CHOS SHES PA'I ZAG PA MED PA'I SHES PA GANG YIN PA DE NI CHOS SHES PA'O, ,RJES SU SHES PA GANG ZHE NA, GZUGS DANG GZUGS MED PA DANG LDAN PA'I 'DU BYED RNAMS LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED PA DANG LDAN PA'I 'DU BYED RNAMS KYI RGYU LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED PA DANG LDAN PA'I 'DU BYED RNAMS KYI 'GOG PA LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED @264B PA DANG LDAN PA'I 'DU BYED SPONG BAR BYED PA'I LAM LA GANG DMIGS PA'I ZAG PA MED PA'I SHES PA GANG YIN PA'O, ,YANG RJES SU SHES PA DANG RJES SU SHES PA'I ZAG PA MED PA'I SHES PA GANG YIN PA DE NI RJES SU SHES PA ZHES BRJOD DO, ,GZHAN GYI SEMS SHES PA GANG ZHE NA, SHES PA GANG BSGOMS PA'I 'BRAS BU BSGOMS PAS RTOGS PA 'THOB LA MA BRAL BA'I SHES PA GANG GIS 'DOD PA NA SPYOD PA DANG, GZUGS NA SPYOD PA'I GZHAN GYI SEMS DANG SEMS LAS BYUNG BA'I CHOS LA GTAD DA MNYAM PAR GZHAG PAS MNGON SUM DU SHES PA DANG, GZHAN YANG ZAG PA MED PA'I SEMS DANG SEMS LAS SHES PA'I CHOS SHES PA LA PHA ROL GYI SEMS SHES PA ZHES BRJOD DO, ,KUN RDZOB SHES PA GANG ZHE NA, ZAG PA DANG BCAS PA'I SHES RAB PO, ,SDUG BSNGAL SHES PA GANG ZHE NA, NYE BAR LEN PA'I PHUNG PO RNAMS LA MI RTAG PA NYID DANG; SDUG BSNGAL BA NYID DANG, STONG PA NYID DANG, BDAG MED PA NYID DU YID LA BYED PA'I ZAG PA MED PA'I SHES PA GANG YIN PA DE NI 'DI LTAR SDUG BSNGAL SHES PA ZHES BRJOD DO, ,KUN 'BYUNG BA SHES PA GANG ZHE NA, ZAG PA DANG BCAS PA'I RGYU LA RGYU NYID DANG, KUN 'BYUNG BA NYID DANG, RAB TU SKYE BA NYID DANG, RKYEN NYID DU YID LA BYED PA'I GANG ZAG PA MED PA'I SHES PA GANG YIN LA DE NI KUN 'BYUNG BA SHES PA ZHES BRJOD DO, ,'GOG PA SHES PA GANG ZHE NA, 'GOG PA LA 'GOG PA NYID DANG, ZHI BA NYID DANG, GYA NOM PA NYID DANG, NGES PAR 'BYUNG BA NYID DU YID LA BYED PA'I ZAG PA MED PA'I SHES PA GANG YIN PA DE NI 'GOG PA SHES PA ZHES BRJOD DO, ,LAM SHES PA GANG ZHE NA, LAM LA LAM NYID DANG, RIGS PA NYID DANG, SGRUB PA NYID DANG, NGES PAR 'BYIN PA NYID DU YID LA BYED PA'I ZAG PA MED PA'I SHES PA GANG YIN PA DE NI LAM SHES PA ZHES BRJOD DO, ,ZAD PA SHES PA GANG ZHE NA, BDAG GI SDUG BSNGAL NI YONGS SU SHES SO, ,KUN 'BYUNG BA NI SPANGS SO, ,'GOG PA NI MNGON DU BYAS SO, ,LAM NI BSGOMS SO, ,ZHES RAB TU SHES PA LA, NYE BAR BRTEN PA'I SHES PA DANG, MTHONG BA @265A *, ,DANG, RIGS PA DANG, BLO DANG, RTOG PA DANG, SHES RAB DANG, SNANG BA DANG, MNGON PAR RTOGS PA GANG YIN PA DE NI ZAD PA SHES PA ZHES BRJOD DO, ,MI SKYE BA SHES PA GANG ZHE NA, BDAG GIS SDUG BSNGAL YONGS SU SHES TE YANG YONGS SU SHES PAR BYAR MED DO ZHES BYA BA DANG, KUN 'BYUNG BA RAB TU SPANGS TE YANG SPANG BAR BYAR MED DO ZHES BYA BA DANG, 'GOG PA MNGON DU BYAS TE YANG MNGON DU BYAR MED DO ZHES BYA BA DANG, LAM BSGOMS TE YANG BSGOM PAR BYAR MED DO ZHES BYA BAR SHES PA LA BRTEN PA'I SHES PA DANG, MTHONG BA DANG, RIGS PA DANG; BLO DANG, RTOG PA DANG, SHES RAB DANG, SNANG BA DANG, MNGON PAR RTOGS PA GANG YIN PA DE NI MI SKYE BA SHES PA ZHES BRJOD DO, ,BZOD PA GANG ZHE NA, MNGON PAR RTOGS PA'I BZOD PA BRGYAD DE, SDUG BSNGAL LA CHOS SHES PA'I BZOD PA DANG, SDUG BSNGAL LA RJES SU SHES PA'I BZOD PA DANG, KUN 'BYUNG LA CHOS SHES PA'I BZOD PA DANG, KUN 'BYUNG LA RJES SU SHES PA'I BZOD PA DANG, 'GOG PA LA CHOS SHES PA'I BZOD PA DANG, 'GOG PA LA RJES SU SHES PA'I BZOD PA DANG, LAM LA CHOS SHES PA'I BZOD PA DANG, LAM LA RJES SU SHES PA'I BZOD PA'O, ,MTSUNGS PAR LDAN PA RNAMS BSHAD ZIN TO, ,SEMS DANG LDAN PA MA YIN PA RNAMS BSHAD PAR BYA STE, DE LA THOB PA GANG ZHE NA, RNYED PA DANG LDAN PA GNYIS TE, MA THOB PA DANG, RNAM PAR NYAMS PA LAS SO SOR RNYED PA DANG, THOB NAS KUN TU LDAN PA'O,, DE YANG RNAM PA GSUM DU 'GYUR TE, GRIB MA LTAR RJES SU 'BRANG BA DANG, KHYU MCHOG LTAR RJES SU 'BRANG BA DANG, BE'U LTAR RJES SU 'BRANG BA'O, ,DE LA DANG PO NI 'DI LTA STE LUNG DU MA BSTAN PA'I LTA BA'O, ,GNYIS PA NI 'DI LTA STE GONG MA NAS SHI 'PHOS NAS 'DOD PA'I KHAMS SU SKYE BA'I NYID MTSAMS SBYOR BA'I DUS KYI DGE BA DANG, MI DGE BA'I LAS KYI LTA BU'O, ,GSUM PA NI 'DI LTA STE LHAN CIG SKYES PA MA YIN PA THOS PA DANG, BSAMS PA DANG, BSGOMS PA LAS BYUNG BA'I LTA BU'O, ,MA THOB PA NI DE LAS BZLOG PA'O, ,THOB PA DANG MA THOB PA @265B 'DI DAG NI RANG GI RGYUD DU GTOGS PA RNAMS DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA MA YIN NO, ,'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL BA GONG MA'I MA YIN PA NGES PAR 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS 'GOG PA GANG YIN PA'O, ,'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED LAS 'DOD CHAGS DANG BRAL BA GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS 'GOG PA GANG YIN PA'O, ,'DU SHES MED PA GANG ZHE NA, 'DU SHES MED PA'I SEMS CAN LHA RNAMS KYI NANG DU SKYES PA'I SEMS DANG SEMS LAS BYUNG BA'I CHOS RNAMS 'GOG PA GANG YIN PA'O, ,SROG GI DBANG PO GANG ZHE NA, KHAMS GSUM PA'I TSE'O, ,SKAL PA MNYAM PA GANG ZHE NA, SEMS CAN RNAMS MTSUNGS PA'O, ,DE NI SEMS CAN RNAMS KYI 'DRA BA STE, SEMS CAN RNAMS LA GCIG TU 'DOD PA'I RGYU'O, ,GNAS SO SOR THOB PA GANG ZHE NA, YUL SO SOR THOB PA'O, ,DNGOS PO SO SOR THOB PA GANG ZHE NA, PHUNG PO SO SOR THOB PA'O, ,SKYE MCHED SO SOR THOB PA GANG ZHE NA, NANG DANG PHYI'I BDAG NYID CAN GYI SKYE MCHED SO SOR RNYED PA'O, ,SKYE BA GANG ZHE NA, PHUNG PO MNGON PAR 'GRUB PA'O, ,RGA BA GANG ZHE NA, PHUNG PO YONGS SU SMIN PA'O, GNAS PA GANG ZHE NA, SKYES PA'I CHOS RNAMS RNAM PAR MI NYAMS PA'O, ,MI RTAG PA GANG ZHE NA, 'DUS BYAS SKYES PA RNAMS RNAM PAR 'JIG PA'O, ,MING GI TSOGS GANG ZHE NA, MING 'DOGS PA NYID NI MING NGO, ,TSIG GI TSOGS GANG ZHE NA, DON DAG GI YI GE YONGS SU RDZOGS PA'O, ,YI GE'I TSOGS GANG ZHE NA, YI GE RNAMS NYID YI GE'I TSOGS ZHES BRJOD DO, ,RKYEN MA TSOGS PA GANG ZHE NA, RGYU DANG RKYEN MA TSANG BA'O, ,RKYEN TSOGS PA GANG ZHE NA, RGYU DANG RKYEN RNAMS MA TSANG BA NYID MED DO, ,SEMS DANG MI LDAN PA RNAMS BSHAD ZIN TO, ,RNAM PAR SHES PA GANG ZHE NA, 'DI LTAR DON @266A *, ,YONGS SU 'DZIN PA DANG, DON YONGS SU GCOD PA DANG, DON RNAM PAR SHES PA DANG, DON KUN DU RTOGS PA STE, JI LTAR NOR BU NYE BAR GYUR PA'I TSON GYI RNAM PA BRTEN PAR 'GYUR BA DE BZHIN DU RNAM PAR SHES PA YANG YUL GYI RNAM PA YONGS SU GCOD PA STE, YUL NYE BA'I RNAM PAR BYUNG BAS YUL NYE BAR GCOD PA YIN GYI, YUL GYI RNAM PA TZAM NYID NI RNAM PAR SHES PA MA YIN TE, YUL DE YANG RNAM PAR SHES PA YIN PAR THAL BAR 'GYUR BA'I PHYIR RO, ,RNAM PAR SHES PA LAS DON GYI RNAM PA GZHAN PA YANG MA YIN TE, RNAM PAR SHES PA DON GYI RNAM PAS STONG PAR THAL BAR 'GYUR BA'I PHYIR RO, ,DE LTAR NA RNAM PAR SHES PA LA YOD PA'I RNAM PAS PHYI ROL GYI DON DU RNAM PAR GZHAG LA, PHYI ROL GYI DON GYI RNAM PAR SHES PAR GZHAG STE, 'DI LTAR PHAN TSUN LTOS NAS RNAM PAR SHES PA DANG RNAM PAR SHES PAR BYA BAR 'GRUB BO, ,YANG RNAM PAR SHES PA DE DBYE NA RNAM PAR SHES PA'I TSOGS DRUG STE, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA ZHES BYA'O, ,MIG GI RNAM PAR SHES PA GANG ZHE NA, MIG GI DBANG PO LA BRTEN NAS GZUGS SO SOR RNAM PAR RIG PA'O, ,RNA BA'I RNAM PAR SHES PA GANG ZHE NA, RNA BA'I DBANG PO LA BRTEN NAS SGRA SO SOR RNAM PAR RIG PA'O, ,SNA'I RNAM PAR SHES PA GANG ZHE NA, SNA'I DBANG PO LA BRTEN NAS DRI SO SOR RNAM PAR RIG PA'O, ,LCE'I RNAM PAR SHES PA GANG ZHE NA, LCE'I DBANG PO LA BRTEN NAS RO SO SOR RNAM PAR RIG PA'O, ,LUS KYI RNAM PAR SHES PA GANG ZHE NA, LUS KYI DBANG PO LA BRTEN NAS REG BYA SO SOR RNAM PAR RIG PA'O, ,YID KYI RNAM PAR SHES PA GANG ZHE NA, YID KYI DBANG PO LA BRTEN NAS CHOS SO SOR RNAM PAR RIG PA'O, ,PHUNG PO LNGA PO NI BSHAD ZIN TO, ,SKYE MCHED BCU GNYIS BRJOD PAR BYA STE, DE LA KHAMS BCU DANG, SKYE MCHED BCU NI BSHAD ZIN TO, ,YID KYI SKYE @266B MCHED DANG, CHOS KYI SKYE MCHED BSHAD PAR BYA STE, RNAM PAR SHES PA'I TSOGS DE DAG GI NANG NAS RNAM PAR SHES PA GANG DANG GANG 'GAG MA THAG PA DE DANG DE NI 'DRA BA'I 'BRAS BU RNAM PAR SHES PA PHYI MA MNGON PAR 'GRUB PA'I RTEN GYI NGO BOR GNAS PAS YID CES SO,, TSOR BA'I PHUNG PO DANG, 'DU SHES KYI PHUNG PO DANG, RNAM PAR RIG BYED MA YIN PA DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, BDUN PO 'DI DAG NI CHOS KYI SKYE MCHED CES BRJOD DO, ,DE LA TSOR BA LA SOGS PA GSUM DANG, RNAM PAR RIG BYED MA YIN PA NI BSHAD ZIN TO, ,'DUS MA BYAS GSUM BSHAD PAR BYA STE, DE LA NAM MKHA' GANG ZHE NA, GANG GZUGS RNAMS KYI GO 'BYED CING GZUGS MED PA NI NAM MKHA'O, ,SO SOR MA BRTAGS PA'I 'GOG PA GANG ZHE NA, GANG 'GOG PA LA 'BRAL BA MA YIN PA'O, ,SO SOR BRTAGS PA'I 'GOG PA GANG ZHE NA, GANG 'GOG PA DE NI 'BRAL BA'O, ,SKYE MCHED BCU GNYIS NI BSHAD ZIN TO, ,MIG LA SOGS PA'I SKYE MCHED DE DAG NYID RTEN LA SOGS PA'I BYE BRAG GIS DBYE NA KHAMS BCO BRGYAD DU 'GYUR TE, RTEN DRUG DANG, DMIGS PA DRUG DANG, RNAM PAR SHES PA DRUG GI DBYE BAS SO, ,PHUNG PO DANG, SKYE MCHED DANG, KHAMS RNAMS GYI MDOR BSDUS PA NI BSHAD ZIN TO, ,RGYAS PAR DBYE BA NI CHOS MNGON PA DANG BSRES PA LAS SHES BAR BYA'O, ,PHUNG PO LNGA YI YANG DAG DON; ,MDOR BSDUS RAB BSHAD BSTAN BCOS 'DI, ,'BAD PA MED PA'I 'JIG RTAN 'DI'I, ,DON DU ZLA BA'I GRAGS PAS BYAS, ,PHUNG PO LNGA PA ZHES BYA BA'I RAB TU BYED PA SLOB DPON ZLA BA GRAGS PAS MDZAD PA RDZOGS SO,, ,,DPAL LHA BTZUN PA PO DHI R'A DZA'I BKA' LUNG DANG, DGE 'DUN GYI BKA' STZAL GYI SA TSANGS PA'I 'BYUNG GNAS GTZUG LAG KHANG DU RGYA GAR GYI MKHAN PO D'I BAm KA RA SHR'I DZNY'A NA DANG, ZHU CHEN GYI LO TZ'A BA DGE SLONG TSUL KHRIMS RGYAL BAS PHAG GI LO LA BSGYUR CING ZHUS TE GTAN LA PHAB PA,, ,, @267A *, ,RGYA GAR SKAD DU, SH'U N+YA T'A SAPTA TI Ki BRATITA, ,BOD SKAD DU, STONG NYID BDUN CU PA'I 'GREL PA, SANGS RGYAS LA PHYAG 'TSAL LO, ,MDOR BSDUS DE NYID NGES PA'I PHYIR, ,STONG NYID BDUN CU GSUNG BA GANG, ,DE LA PHYAG 'TSAL BDUN CU PAR, ,BSTAN DON BDAG GIS YANG DAG DBYE, ,'DIR SLOB DPON BDAG NYID KYIS ZAB PA DANG SHIN TU RGYA CHE BA'I DNGOS PO RNAMS KYI DON RNAM PAR NGES PA'I DBU MA'I BSTAN BCOS RNAMS BRTZAMS PA YOD MOD KYI, GZHUNG DANG DON DAG SHIN TU MANG BA'I PHYIR DANG, SHES RAB CHUD RNAMS BYA BAR NGES PA 'DI LA KUN NAS CHAGS PA DANG LDAN PA STONG PA NYID BSTAN PA'I SNOD DU GYUR KYANG, DE THOB PA DANG, 'DZIN PA DANG, NYE BAR SEMS PAS 'JIGS PA RNAMS LA SLOB DPON GYI THUGS KYI RGYUD SHES RAB DANG THABS DANG BRTZE BA'I RJES SU ZHUGS PA'I PHYIR TSIGS SU BCAD PA BDUN CUS KYANG KHYAD PAR DU 'PHAGS PA DON GRUB PAR GZIGS NAS, MDOR BSDUS PAS DE KHO NA NYID NGES PA'I DON DU STONG PA NYID BDUN CU PA ZHES BYA BA 'DI BRTZAMS SO, ,DE YANG MDOR BSDUS PAS DE KHO NA NYID NGES PA 'DI NI SHIN TU DON CHEN PO YANG GNAS PA DANG SKYE BA LA SOGS PA'I SGO NAS 'JIG RTEN PAS BDE BLAG TU SHES PAR 'GYUR RO, ,GANG ZHIG THOG MA MED PA NI SA LOG PA'I LTA BA LA GOMS PA'I PHYIR BYIS PA LOG PAR RTOG PA'I DNGOS PO'I RANG GI MTSAN NYID KYIS GNAS PA'I MTSAN NYID LA GNAS PA LA CHAGS PA'I RTEN LA DNGOS POR NYE BAR BRTAGS LA, DE'I DBANG LAS BYUNG BA'I 'DOD CHAGS LA SOGS PA'I NYON MONGS PA'I DBANG PHYUG [?] GZHAN LA RAG LAS NAS 'JUG PA DAG LAS MI BYED PAR GNAS PA NI SKAD CIG KYANG MI RNYED LA, GAL TE YANG LAS MI BYED PAR 'GYUR GRANG NA, 'DI LTAR LAS CAN RNAMS KYI LAS DE'I RGYU LAS BYUNG BA'I 'BRAS BU MED PAR 'GYUR BA'I PHYIR DES PAR SKYE BA LDOG PAR 'GYUR NA, GANG ZHIG DANG DRAG CING RGYUN RING BA'I MCHOG TU 'DZIN PA DANG, KHON DU 'DZIN PA DANG 'DOD CHAGS LA SOGS PA NYON MONGS PA'I DBANG PHYUG GIS BYIN GYIS BRLABS PA'I SKYE BA'I SKYE BO RNAMS LAS MI BYED PAR 'GYUR ZHING, @267B LAS KYI 'BRAS BU YANG SRID 'BYUNG BAR MI 'GYUR BA 'DI LTA BU YOD PA YANG MI SRID DO, ,DE'I PHYIR GNAS PA LA SOGS PA LA MNGON PAR ZHEN PA NI BYIS PA RNAMS KYI DON MA YIN PA THAMS CAD KYI RGYU'I GTZO BO'O, ,GNAS PA 'DI YANG RTEN CING 'BREL BAR 'BYUNG BA'I CHOS NYID DANG RJES SU 'BREL PA DANG LDAN PAS NGES PAR SKYE BA DANG 'JIG PA LA LTOS LA, SKYE BA DANG 'JIG PA DANG MI LDAN PA'I NAM MKHA' LA SOGS PA NI GNAS PA MA YIN PA'I PHYIR RO ZHES BYA'O, ,DES NA GNAS PA'I SGO NAS 'DUS BYAS RNAMS 'CHAD PAR GYUR PA'I MTSAN NYID DANG MTSAN GZHI LA SOGS PA LA DPYAD PA STONG PA NYID LA MOS PA RNA MAS KYI YID MGU BA'I PHYIR BRJOD DO, ,GZHAN YANG GNAS PA LA SOGS PA'I DON 'DI RNAMS 'DUS BYAS KYI MTSAN NYID NYE BAR BSTAN BZHIN PA'AM BZUNG BZHIN PA DAG MTSAN GZHI LA LTOS PA KHO NAS GNAS LA, MTSAN GZHI DE YANG MTSAN NYID MED NA MTSAN NYID LA LTOS PAS MTSAN GZHI MED PA'I PHYIR RO, ,DE BZHIN PHAN TSUN BRTEN PAS BSDUS PA'I BDAG NYID KYI DNGOS PO MTSAN GZHI DANG MTSAN NYID DAG MTSAN NYID LA LTOS PAR MTSAN GZHIR GYUR PA GANG DU GNAS PA LA SOGS PA'I MTSAN NYID CAN GYI RTEN 'GRUB PAR GAL 'GYUR, ,GNAS PA LA SOGS PA MA GRUB PAS RNAM PAR SHES PA LA SOGS PA YOD PA MA YIN LA, RNAM PAR SHES PA LA SOGS PA'I DNGOS PO MED NA DE LA LTOS NAS DE LAS LOG PA'I DNGOS PO MED PA'I RANG BZHIN GA LA YOD, DNGOS PO MED PAR GYUR PA LA CI RNAM PAR SHES PA'I DMIGS PA YOD DAM, DMIGS PAS BSKYED PA'I RNAM BAR SHES PA DMIGS PA MED PAR SKYE BAR NUS PA MA YIN NO, ,RNAM PAR SHES PA SKYE BA MED NA 'DOD CHAGS LA SOGS PA RTEN MED PAS NA MED LA, PHYIN CI LOG RTZAD NAS PHYUD LA YOD PA MA YIN PAS LAS SKYED PA'I RGYU MA YIN NO, ,LAS MED NA DE'I 'BRAS BU MA 'ONGS PA'I SKYE BA MI 'BYUNG BA DANG, SNGAR SKYES PA'I NYE BAR LEN PA ZAD PAS NYER LEN MED DE, NGES PAR GNAS PA LA SOGS PA LA DPYOD PA RNAMS MYA NGAN LAS 'DAS PA'I SNOD DU 'GYUR RO, ,JI SKAD DU 'PHAGS PA LAS, GANG GI RNAM @268A *, ,SHES DE NYID DANG, ,GNAS PA LA SOGS RNAM SHES PA, ,DE TSE BLO LDAN NYON MONGS LA, ,NAM YANG GNAS PA MA YIN NO, ,ZHES GSUNGS SO, ,GAL TE DE LTAR GNAS PA LA SOGS PA MED NA, DE LTA NA GANG ZHIG 'DI LTAR PHYIN CI LOG GI MA RIG PA MA LUS PA BRAL BAS MNGON PAR RTOGS PA'I SANGS RGYAS KYIS GSUNGS PA, DGE SLONG DAG 'DUS BYAS NI SKYE BAR YANG RAB TU SHES SO, ,'GAG PAR YANG RAB TU SHES SO, ,GNAS PA LAS GZHAN DU 'GYUR BAR YANG RAB TU SHES SO ZHES SO, ,DE JI LTAR DE BZHIN GSHEGS PA'I GSUNG DON MED PAR 'GYUR BA NI RIGS PA MA YIN NO, ,'DI DAG BCOM LDAN 'DAS KYIS GSUNGS PA NI BDEN LA, 'DI DAG DON MED PAR 'GYUR BAR RIGS PA MA YIN TE, RGYU MTSAN CIS NA GANG GI PHYIR, ,GNAS PA'I SKYE 'JIG YOD MED DAM, ,DMAN PA'AM MNYAM PA'AM KHYAD PAR CAN, ,SANGS RGYAS 'JIG RTEN SNYED DBANG GIS, ,GSUNGS KYI YANG DAG DBANG GIS MIN, ,'DIR DNGOS PO RNAMS PHYIN CI LOG DANG PHYIN CI MA LOG PA'I SHES PA'I DBANG GIS BDEN PA GNYIS TE, KUN RDZOB KYI BDEN PA DANG DON DAM PA'I BDEN PA ZHES BYA BAR 'PHAGS PAS THA SNYAD MDZAD LA, 'PHAGS PA 'BA' ZHIG KHO NA BDEN PA GNYIS RNAM PAR 'JOG PAR MDZAD PA MA YIN TE, 'JIG RTEN PA 'JIG RTEN GYI THA SNYAD LA MKHAS PA RNAMS KYANG BDEN PA GNYIS THA SNYAD BYED DO, ,'DI LTAR BDEN PA'I DON NI MI SNANG LA SGRO BTAGS PA'I DON RIGS PAR THA SNYAD BYED PA LA 'DI NI KUN RDZOB PA'O ZHES THA SNYAD BYED DO, ,GANG DU BDEN PA'I DON MI SNANG BA MA YIN LA SGRO MA BTAGS PA'I DON RIG PA'I THA SNYAD LA, DE LA 'DI NI DON DAM PA KHO NA'O ZHES RNAM PAR 'JOG GO, ,RE ZHIG GANG LA 'DI KUN RDZOB CES THA SNYAD BYED PA DE LA MI BDEN PA'I DON 'JIG RTEN PAS KHONG DU CHUD PA NYID KYIS DE'I YUL LA BSAM PA GTANG BAR MI BYA'O, ,GANG YANG 'JIG RTEN GYI THA SNYAD LA BDEN PAR 'DOD PA DE YANG 'PHAGS PA RNAMS 'JIG RTEN KUN RDZOB KYI BDEN PAR BZHED DE, MED PA'I DON LA THA SNYAD 'DOGS PA LTAR DON MED PA NYID DU @268B BRJOD DO, ,DE YANG BRDZUN PA NYID DU RTOGS PAR BYED PA, 'PHAGS PA NYID KYIS 'CHAD PAR 'GYUR BA'I 'JIG RTEN PA RAB TU GRAGS PA'I RIGS PA NYID KYIS NYE BAR STON PAR MDZAD DE, DE NI RAB TU GRAGS PA'I DPES MA GRAGS PA'I DON RTOGS PA'I PHYIR RO, ,DE NI 'DIR 'JIG RTEN GYI THA SNYAD LA RNAM PAR DPYAD NA, YANG DAG PA'I DON MA GRUB PA'I PHYIR 'PHAGS PAS 'JIG RTEN GYI THA SNYAD LA KUN RDZOB CES GSUNGS SO, ,KUN RDZOB KYI SGRA NI 'JIG RTEN PA'I THA SNYAD KYI RNAM GRANGS MA YIN TE, KUN RDZOB DANG DON DAM PA'I DBYE BAS DE NI RNAM PA GNYIS SU GNAS PA'I PHYIR DANG THA SNYAD KYI PHYOGS GCIG LA KUN RDZOB KYI SGRAS BRJOD PA'I PHYIR RO, ,RIGS PA'I STOBS KYIS 'DI'I DON NI GANG ZHIG 'JIG RTEN GYI THA SNYAD LA KUN RDZOB KYI SGRAS BRJOD LA, DE NI 'DI LTAR GNAG 'JIG RTEN GYI THA SNYAD 'DI NI 'JIG RTEN KUN RDZOB STE, DE NI DE KHO NA NYID MA YIN NO ZHES 'PHAGS PA KHO NA GSUNGS PAR RIGS LA, THA SNYAD DANG KUN RDZOB KYI SGRA DAG KYANG RNAM GRANGS NYID DE, DE LA SKYON MED DO, ,DE SKAD DU MDO LAS, KUN RDZOB KYI BDEN PA GANG ZHE NA, JI SRID DU 'JIG RTEN GYI THA SNYAD YI GE DANG SKAD KYIS STON PA'O,, ZHES SO, ,YANG NA CI ZHIG LA 'DIR 'JIG RTEN GYI THA SNYAD CES BYA ZHE NA, DE LA RE ZHIG BUD SHING LA BRTEN NAS ME BZHIN DU PHUNG BO LA BRTEN NAS BRTAGS PA'I GANG ZAG LA 'JIG RTEN ZHES BRJOD DO, ,DE YANG PHYIN CI LOG DANG PHYIN CI MA LOG PA NYID KYIS RNAM PA GNYIS SO, ,DE LA DBANG PO NYAMS PA'I RAB RIB CAN LA SOGS PA PHYIN CI LOG YIN LA, PHYIN CI MA LOG PA NI DBANG PO MA NYAMS PA RAB RIB CAN LA SOGS PA LAS GZHAN PA'O, ,'DI NYID KHO NA YANG 'DIR 'JIG RTEN PA'I SGRAS BRJOD KYI, CIG SHOS NI MA YIN TE, 'JIG RTEN PA KHO NA LA RNAM PA TSAD MA MA YIN PA'I PHYIR RO, ,'JIG RTEN GYI THA SNYAD DU GSUNGS PA YANG GZHAN GYI KHONG DU CHUD PAR 'DOD PA'I DNGOS PO KUN NAS RTOGS PA'I DNGOS PO SNA TSOGS PA GZHAN GYI RGYUD LA RTOG PA 'JUG PAR BYED PA LA THA SNYAD CES BRJOD DO, ,'JIG RTEN PA'I THA SNYAD NI 'JIG RTEN THA SNYAD DE @269A *, ,JI LTAR 'JIG RTEN PA RTOGS PAR 'DOD PA'I DON PHAN TSUN DU RTOGS PAR BYED PA'AM, SHES PAR 'DOD PA'I DON KHONG DU CHUD PA'O, ,DE BZHIN DU DON DE LA BRJOD BYA RJOD BYED KYI 'BREL PA DANG, SHES BYA SHES BYED DU RNAM PAR 'JOG PAR BYED CING, DUS GZHAN DU YANG THA SNYAD KYI GDAMS PA MI 'CHAD PA'I DON DU DE LA 'DI LTAR RJOD BYED DANG BRJOD BYA DANG, SHES PA DANG SHES BYA'I MTSAN NYID CAN GYI DON PHYIN CI LOG TZAM GYIS NYE BAR BSKYED PA'I BDAG NYID KYI DNGOS PO LA THA SNYAD CES BRJOD KYI, BYED PA PO'I TSOGS PA GCIG DANG 'BREL PA NI MA YIN NO, ,DE NYID KYANG 'JIG RTEN PA BDEN PAR 'DOD PA'I PHYIR 'JIG RTEN PA'I THA SNYAD KYI BDEN PA ZHES BYA STE GCIG GO, ,RE ZHIG 'DI DAG 'JIG RTEN PA PHYIN CI LOG GI SHES PA'I DBANG LAS BDEN PA LA, PHYIN CI MA LOG PA'I DBANG LAS DON DAM PA'I BDEN PA RNAM PAR GZHAG GO, , SLAR YANG CI DE PHYIN CI MA LOG PA'I SHES PA YIN, GANG DU YANG DAG PA MA YIN PAS SGRO 'DOGS PAR MI BYED PA'O, ,YANG CI YANG DAG PA MA YIN PAS SGRO 'DOGS PAR MI BYED PA YIN, DE NI JI LTAR GNAS PA'I CHOS KYI RANG BZHIN LA DMIGS PA'O, ,SLAR YANG CI 'DI NI CHOS RNAMS KYI YANG DAG PA JI LTA BAR GNAS PA'I RANG BZHIN YIN, ,MA BYAS PA'O, ,YANG CI MA BYAS PA YIN, RGYU DANG RKYEN GYIS MA BSKYED PA'O, ,'DI NI BRDAR BTAGS PA'I MING YIN NAM CI MA YIN TE, 'JIG RTEN PA YANG MA BYAS PA NYID LA RANG BZHIN ZHES BRJOD PA'I PHYIR RO, , 'DI LTAR 'JIG RTEN PA 'GA' ZHIG 'GA' ZHIG TU BSLU BA'I THA SNYAD DMIGS PA NA 'DI'I THA SNYAD 'DI NI BYAS PA STE, RANG BZHIN MA YIN PA'O ZHES SMRA BA'O, ,DE BZHIN DU SGYU MA'I SKYES BU DMIGS PA NA SKYES BU 'DI NI BYAS PA'O ZHES BRJOD DE, RANG BZHIN MA YIN PA ZHES BYA'O, ,DE BZHIN DU 'JIG RTEN DU RANG BZHIN ZHES BYA BA MA BYAS PA LA BRJOD DO, ,RTEN CING 'BREL PAR 'BYUNG BA'I PHYIR BYAS PA NYID DU YOD PA'I GZUGS DANG TSOR BA LA SOGS PA'I DON KYANG BSLU BAR SO SOR SNANG BA'O ZHES BYA STE, GANG ZHIG GZUGS DANG TSOR BA LA SOGS PA 'DI DAG NYE BAR DMIGS @269B PA'I RANG BZHIN DE NI BYAS PA STE, BYAS PA'I PHYIR RANG BZHIN DU MI 'GYUR RO, ,DE LTA NA YANG BYAS PA'I RANG BZHIN DU ZHOG SHIG CE NA, DE NI DE LTAR MA YIN TE, DNGOS PO BYAS PA MA YIN PA MED LA GANG ZHIG GI RANG BZHIN NO ZHES PA'I MING YIN PAR 'GYUR NA, JI LTAR GNAS PA'I RANG BZHIN DU PHYIN CI MA LOG PA'I SHES PAS DMIGS PAR 'GYUR GRANG NA, DE YANG MED LA, DE MED NA YUL MED PAS SHES PA SKYE BA MED DO ZHES BYA STE, CI'I PHYIR YANG DAG PA'I DON DU SGRO 'DOGS, GANG YANG 'DI NI YANG DAG PA'I SGRO BTAGS PA NI KUN RDZOB KYI BDEN PA LA LTOS TE; 'JIG RTEN GYI THA SNYAD LA BRTEN NAS DON DAM PA'I BDEN PA ZHES BRJOD LA, DE YANG MTSAN MA MED PA'I PHYIR BRJOD BYA RJOD BYED DANG SHES BYA SHES BYED KYI THA SNYAD MED DO, ,JI SKAD DU MDO LAS, DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA CI SMOS ZHES SO, ,DE LTAR BDEN PA GNYIS RNAM PAR GZHAG PA LA, GAL TE DON DAM PA'I BDEN PA BSTAN PA'I DBANG DU BYAS NAS GNAS PA LA SOGS PAR BSTAN BRTAGS NAS BRJOD NA DE'I TSE, DE BZHIN GSHEGS PA'I GSUNG DON MED PAR 'GYUR BAS MI RIGS SO ZHES PA'I BRTZAD PA RIGS PAR 'GYUR LA GNAS PA LA SOGS PAS BSTAN PA'I YUL NI 'DI MA YIN NO, ,'ON KYANG 'JIG RTEN GYI THA SNYAD DU'O, ,DE'I PHYIR SANGS RGYAS BCOM LDAN 'DAS 'JIG RTEN GYI THA SNYAD KYI MTHUS GNAS PA LA SOGS PA NYE BAR BSTAN, GZHAN GYI RKYEN LA MI LTOS PA'I YE SHES LA LTOS NAS MA YIN NO, ,DE'I YE SHES NI RANG BZHIN YUL YIN PA'I PHYIR NI CHOS THAMS CAD MYA NGAN LAS 'DAS PA DANG KHYAD PAR MED PA DE GNAS LA SOGS PA NYE BAR DMIGS SHING, KHO BO CAG GNAS PA LA SOGS PA 'GEGS PAR BYED PA LUNG GIS GNOD PA GO SKABS GA LA YOD CES BYA STE, LUNG GIS BRTZAD PA RIGS PA MA YIN LA, JI LTAR GNAS PA DANG SKYE BA DANG 'JIG PA SEL BA YANG 'JIG RTEN GYI THA SNYAD KYI DBANG GIS BRJOD PA LA LUNG GIS GNOD PAR MI NUS SO, ,DE BZHIN DU @270A *, ,YOD PA DANG MED PA DANG DMAN PA DANG MNYAM PA DANG KHYAD PAR CAN SEL BA LA YANG GNOD PAR MI NUS SO, ,DE LA YOD CES BRJOD PA NI, GANG YOD PA 'DI LTA STE, DA LTAR BA'I PHUNG PO DANG, KHAMS DANG, SKYE MCHED RNAMS SAM, 'DUS BYAS RNAMS SO, ,MED PA ZHES BRJOD PA NI GANG MED PA STE, 'DI LTAR GANG 'DAS PA DANG, MA 'ONGS PA'I PHUNG PO DANG KHAMS DANG SKYE MCHED RNAMS SAM 'DUS MA BYAS SO, ,YANG JI LTAR NA GNAS PA LA SOGS PA BKAG PA NYID KYIS DE RNAMS SEL BAR 'GYUR, DE SKAD DU YANG RTZA BA'I RAB BYED BDUN PAR, SKYE DANG GNAS DANG 'JIG PA YI, ,'DUS BYAS GRUB PA YOD MA YIN, ,'DUS BYAS RAB TU MA GRUB NA, ,'DUS MA BYAS DE JI LTAR 'DOD, ,CES BYA STE, 'DUS BYAS RNAMS NI DUS GSUM GYIS RNAM PAR GNAS LA 'DUS BYAS MED NA DUS GSUM GA LA ZHIG ,DE LA DA LTAR BA'I DUS MED PAS DNGOS PO MED LA, 'DAS PA DANG, MA 'ONGS PA MED PAS DNGOS PO MED PA YANG MED DO, ,DE'I PHYIR DNGOS PO 'DI GNYIS KYANG GNAS LA SOGS PA MED BZHIN DU 'JIG RTEN GYI THA SNYAD KYI DBANG GIS GSUNGS SO; ,JI LTAR DNGOS PO DANG DNGOS PO MED PA DAG GNAS PA LA SOGS PA MA GRUB LA, DE BZHIN DU DMAN PA DANG MNYAM PA DANG KHYAD PAR CAN RNAMS KYANG NGO, ,DE LA DMAN PA NI KHYAD PAR CAN MA YIN PA STE, 'DI LTA STE NYON MONGS PA'O, ,KHYAD PAR CAN NI DGE BA STE, 'DI LTA STE DGE BA LA SOGS PA'O, ,MNYAM PA NI BAR MA STE LUNG DU MA BSTAN PA 'DI LTA STE, MIG LA SOGS PA RNAMS SO ZHES BYA BA'O, ,'DI DAG NI NYE BAR BSTAN PA TZAM STE, 'DI LTAR KHYAD PAR THAMS CAD 'DIR GNAS PA LA SOGS PA MA GRUB PAS MA GRUB PAR KHONG DU CHUD PAR BYA BA THA SNYAD KYI DBANG GIS BRJOD PAS LUNG GI GNOD PA SPANG BAR BYA'O, ,NGANG GI SGRA'I DON LA 'AM GYI SGRA'O, ,DE YANG MA SMOS PA RNAMS SDUD PA'O ZHES BYA STE, RNAM PAR BRTAGS PA THAMS CAD DGAG PA GNAS PA LA SOGS PA DGAG PA'I SGO NAS @270B GSUNGS PA LA, LUNG GIS GNOD PA 'JIG RTEN GYI THA SNYAD KYI DBANG GIS GSUNGS PAS SPANG BAR BYOS SHIG ,SLAR YANG 'DI DAG 'JIG RTEN GYI THA SNYAD KYI NGOR 'JIG PAS MDZAD PA'I DGOS PA CI ZHE NA, 'DI LA DGOS PA CHE STE, 'JIG RTEN PA'I THA SNYAD KHAS MA BLANGS NA 'JIG RTEN PA DANG MI MTHUN PAS RTAG TU 'JIG RTEN PA'I LOG RTOGS LAS BZLOG PAR NUS PA MA YIN TE, KLA KLO BZHIN NO, ,KLA KLO 'PHAGS PA'I SKAD MI SHES PA LA 'PHAGS PA'I SKAD 'GA' ZHIG LAS BZLOG PAR MI NUS LA, KLA KLO'I SKAD RJES SU MTHUN PAS BDE BLAG TU BZLOG PAR 'GYUR RO, ,YANG NA SANGS RGYAS BCOM LDAN 'DAS ZHES BYA BA JI LTAR RTOGS PA'I CHOS NYID LA GNAS PAR GYUR NA, DE'I TSE SANGS RGYAS PA DE RNAMS LA DGOS PA MED PAR 'GYUR TE, CHOS NYID LA GNAS PA RNAMS GZHAN GYI DON MI MDZAD PA'I PHYIR RO, ,CHOS NYID LA GNAS PA DE RNAMS NI, BRJOD PAR BYA BA LDOG PAS NA, ,SEMS KYI SPYOD YUL LDOG PA STE, ,MA SKYES PA DANG MA 'GAGS PA'I, ,CHOS NYID MYA NGAN 'DAS DANG MTSUNGS, ,LUNG LAS KYANG GSUNGS PA, SANGS RGYAS 'GA' YANG MI SHES SHING, ,YANG NA SANGS RGYAS CHOS NYID MIN, ,'JIG RTEN RNAM 'DREN 'JIG RTEN DU, ,GAL TE 'JIG RTEN RJES 'JUG MIN, ,ZHES SO, ,YANG NA RANG GIS RTOGS PA'I CHOS NYID KHO NA SGRO BTAGS NAS RJOD BYED DANG BRJOD BYA'I THA SNYAD LA GNAS TE NYE BAR STON PAR MA GYUR NA, DE YANG 'JIG RTEN PA'I DON SGRUB PAR MI NUS LA, JI SKAD DU LUNG BZHI, BAM PO GYA DRUG PA, DE NAS BCOM LDAN 'DAS SANGS RGYAS NAS RING PO MA LON PA NA 'DI SKAD GSUNGS TE, BDAG GIS CHOS NYID ZAB MO ZAB MOR SNANG BA MTHONG DKA' BA RTOGS DKA' BA BRTAG DKA' BA, BRTAG PA'I SPYOD YUL MA YIN PA PHRA BA MDZANGS PA MKHAS PA SGRIN POS SHES PAR BYA BA KHONG DU CHUD DE, DE BDAG GIS GAL TE GZHAN LA BSTAN PAR GYUR KYANG GZHAN GYIS SHES PAR MI 'GYUR GYI, DE'I TSE BDAG NI NYAMS PAR 'GYUR, LAm [?] PAR 'GYUR, SEMS MI SPRO BAR 'GYUR, ,GANG DU BDAG @271A *, ,NYID GCIG PHU ZHIG ,DGON PA DBEN PA MTHONG BA'I CHOS LA BDE BAS GNAS PA'I RNAL 'BYOR DANG LDAN PAS BDE BAR GNAS PAR 'GYUR RO, ,DE NAS MI MJED KYI BDAG PO TSANGS BA'I 'JIG RTEN NA GNAS PAS 'DI SKAD SMRAS SO, ,KYE MA 'JIG RTEN 'DI DAG NI BRLAG GO, ,DA NI GANG DU NA 'GA' ZHIG TU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'GA' ZHIG 'JIG RTEN DU 'BYUNG BA NI 'DI LTA STE, AU DUM B'A RA'I ME TOG BZHIN LA, DE NI DE SANG NA BCOM LDAN 'DAS CHOG SHES PA LA GNAS PA THUGS SPRO BAR 'GYUR GYI, CHOS 'CHAD PA LA NI MA YIN PAS BDAG NI GANG DU BCOM LDAN 'DAS KYI THAD DU DONG LA GSOL BA GDAB PAR BYA'O, ,DE NAS MI MJED KYI BDAG PO TSANGS PAS 'DI LTA STE, SKYES BU STOBS DANG LDAN PA'I LAG PA BSKUM PA LAS BRKYANG BA'AM, BRKYANG BA LAS BSKUM PA BZHIN MI MJED KYI BDAG PO TSANGS PA'I 'JIG RTEN DU MI SNANG BAR GYUR NAS, BCOM LDAN 'DAS KYI MDUN DU 'KHOD PAR GYUR TO, ,DE NAS MI MJED KYI BDAG PO TSANGS PAS DE'I TSE NA TSIGS SU BCAD PA 'DI DAG SMRAS SO, ,MA GA DH'A RA NI SNGON CHAD MA BYUNG CHOS; ,BRJOD BRAL DRI MAR BCAS PA RJES SU RIG ,NYON MONGS MED CING RDUL DANG BRAL BA'I CHOS, ,BDUD RTZI'I SGO MO GSAL BAR MDZAD DU GSOL, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,TSANGS PA BDAG GIS TSOGS CHEN POS, ,SRID PA'I 'DOD CHAGS YONGS BSRABS SHING, THA BA BCOM NAS RTOGS PA YI, ,CHOS 'DI RTOGS PAR SLA MA YIN, ,RGYUN LAS BZLOG PA LTA BU'I LAM, ,ZAB MO SHIN TU MTHONG BA DKA', ,SRID PA'I 'DOD CHAGS MUN PA YI, ,PHUNG POS BSGRIBS PAS MTHONG BA MIN; ,ZHES GSUNGS SO, ,DE'I PHYIR NA NGES PAR 'DI RNAMS KYIS JI LTAR GNAS PA'I 'JIG RTEN GYI THA SNYAD NI 'JIG RTEN PA'I DON BYED PA'I THABS KYI PHYIR THOG MA NYID DU KHAS BLANG BAR BYA STE, 'JIG RTEN PAS RTOGS PA'I THABS SU GYUR PA 'JIG RTEN GYI THA SNYAD KHAS MA @271B BLANGS PAR 'JIG RTEN PAS RTOGS PAR BYED NUS PA MA YIN NO, ,YANG JI LTAR SANGS RGYAS BCOM LDAN 'DAS RANG NYID KYIS DNGOS POR GYUR PA CUNG ZAD MA DMIGS KYANG 'JIG RTEN GYI THA SNYAD KYI RJES SU MTHUN PA 'BA' ZHIG GIS NYE BAR STON PAR MDZAD CE NA, 'DI NI RAB TU GRAGS PA'I DPE GCIG TZAM SLOB DPON GYIS BRJOD PAR 'DOD PA'I DON BSGRUB PA'I PHYIR NYE BAR BSDU BAR BYA'O, ,NGAR 'DZIN PA DANG NGA YIR 'DZIN PA MED PA'I BDE BAR GSHEGS PAS 'JIG RTEN PA'I NGOR 'JUG TU DANG NGA'I ZHES PAS SKAD GZHAN JI LTA BA DE LTAR GSUNGS TE, DE LA NGA'O ZHES PAS BDAG TU MNGON PAR ZHEN PA NI NGAR 'DZIN PA'O, ,BDAG GI 'O NGA'I 'O ZHES MNGON PAR ZHEN PA NI NGA YIR 'DZIN PA'O, ,NGA DANG NGA YIR 'DZIN PA 'DI GNYIS KYANG 'JIG TSOGS LA LTA BA'I YAN LAG STE, DE LAS BDAG DANG BDAG GIR 'JUG PA'I PHYIR RO, ,DE LA 'JIG TSOGS LA LTA BA 'DI NI SANGS RGYAS BCOM LDAN 'DAS KYIS RAB TU SPANGS PA'I PHYIR, SPANGS PAS NA BDE BAR GSHEGS PA LA NGAR 'DZIN PA DANG NGA YIR 'DZIN PA'I PHYIR RO, ,DE LA BSOD NAMS KYI TSOGS KYI STOBS KYIS MNGON PAR 'DOD PA'I 'BRAS BU PHUN SUM TSOGS PA NYE BAR LONGS SPYOD PAR DGONGS PA'I DUS SU NYE BAR BTUD PA GANG ZHIG LA NYE BAR LONGS SPYOD PA DANG LDAN ZHING, YE SHES KYI TSOGS KYI STOBS KYIS NYES PA MA LUS PA DANG BRAL ZHING, YON TAN DANG LDAN PA'I LAM GYIS THOB PA MTHA' YAS PA'I SEMS CAN PHAN 'DOGS PA'I PHYIR MDZES PAS GSHEGS PAS NA BDE BAR GSHEGS PA'AM SANGS RGYAS NI CHOS THAMS CAD LA SGRIB PA MED PAR RNAM PA THAMS CAD MKHYEN PA'I YE SHES KYIS YANG DAG PAR RTOGS PA'I PHYIR MDZES PAR GSHEGS PAS BDE BAR GSHEGS PA'O, ,PHYIR MI LDOG PA'I PHYIR MTHAR THUG PAR GSHEGS PAS TE RIMS NAD LEGS PAR BYANG BA BZHIN NAM, THOG MA DANG BAR DANG THA MAR GCIG TU DGE BA'I CHOS STON PA LA MDZES PAR GSHEGS PA'I PHYIR BDE BAR GSHEGS PA'O, ,NGES PA'I TSIG GI TSUL GYIS BDE BAR GSHEGS PA @272A *, ,NGAR 'DZIN PA DANG NGA YIR 'DZIN PA SHIN TU SPANGS PAS GNAS KYANG NGA DANG NGA'I ZHES GSUNGS TE, JI SKAD DU LUNG LAS, DGE SLONG DAG NGA'I LHA'I MIG RNAM PAR DAG PA MI LAS 'DAS PAS MTHONG NGO ZHES BYA BA LA SOGS PA BCOM LDAN 'DAS KYIS GSUNGS PA DANG, DE BZHIN GSHEGS PAS DGE SLONG DAG NGA NI GCIG PU DBEN PA ZHIG NA GNAS PA NA ZHES PAS 'DIR NGA YI BA GSUNGS SO, ,BDAG NYID LA NGA DANG NGA YIR 'DZIN PA MED KYANG NGA DANG NGA YI ZHES PA GSUNGS PAS 'JIG RTEN PAS RTOGS PA'I THABS SU 'GYUR BA'I PHYIR 'JIG RTEN PA LA LTOS NAS NGA DANG NGA YI SHES GSUNGS LA, 'DI LTAR GTZUG NA NOR BU'I RTOGS PA BRJOD PA LA SOGS PAR BYA DKA' BA BRGYA PHRAG GSUNGS PA DE GANG ZHIG DE'I TSE LONG BA CHEN POR GYUR PA DANG GANG DU 'DI LTAR BYA DKA' BA BRGYA PHRAG GSUNGS SHE NA, DE DAG GO BAR 'DOD PA'I 'JIG RTEN PA LA GAL TE NGA NYID DE'I TSE NA ZHES MA GSUNGS NA 'JIG RTEN PAS RTOGS PAR 'DOD PA'I DON MI RTOGS PAR 'GYUR BA'AM, DE BZHIN GSHEGS PA'I SPYOD PA LA NGO MTSAR BAR YANG MI 'GYUR RO, ,DE BZHIN DU NGA YIR 'DZIN PA LA YANG SBYAR BAR BYA'I, ,GANG YANG 'DI LTAR NGA DANG NGA YIR 'DZIN PA MED KYANG 'JIG RTEN PA'I NGOR 'JUG TU NGA DANG NGA YIR 'DZIN PA YOD PA LTA BUR MTSON NO, ,DE BZHIN DU DNGOS POR GYUR PA GZHAN GSUNG BA NA YANG DNGOS PO DE'I RANG BZHIN LTA BUR MTSON PAR KHAS BLANG BAR BYA'O, ,DE'I PHYIR SANGS RGYAS BCOM LDAN 'DAS RNAMS KYIS GSUNGS PAS DNGOS PO YOD PA MA YIN PA NYID DE 'JIG RTEN GYI THA SNYAD KYI RJES SU 'JUG PAS GSUNGS PA'O ZHES SHES PAR BYA'O, ,NGA DANG NGA YIR 'DZIN PA BZHIN BRJOD BYAS STONG PA'I PHYIR NA, BRJOD BYA MED PAR RAB TU BYED PA RDZOGS KYI BAR GYIS STON PAR 'GYUR RO, , DE'I PHYIR GNAS PA LA SOGS PA 'DI DAG GI RJOD BYED NI BRJOD BYA MED PA STE, THA SNYAD KYI DBANG GIS BRJOD PA 'GA' ZHIG TU GRUB KYI DON DAM PA'I DBANG GIS NI MA YIN NO ZHES BYA'O, ,GAL TE GSUNGS PA THAMS CAD DNGOS MED PA TSIG TZAM KHO NA YIN NA, GANG DU BCOM LDAN @272B 'DAS KYIS 'DI SKAD DU, BDAG NYID LA NI BDAG NYID MGON, ,RJES SU MGON BYED GZHAN SU ZHIG ,BDAG NYID LEGS PAR DUL GYUR NA, ,MKHAS PAS MTHO RIS THOB PAR 'GYUR, ,ZHES GSUNGS PA DE LA BDAG LA SOGS PA YOD PA MIN NA MGON LA SOGS PA JI LTAR RIGS PAR 'GYUR, DE'I PHYIR YOD DO ZHE NA, GAL TE YANG KHYOD NI RANG NYID KYIS YONGS SU SPANGS NAS RTZOD PA'I SKABS TSOL BAR BYED LA DE LTA NA YANG SMRAS PA, BDAG MIN BDAG MED MIN BDAG DANG, ,BDAG MED MIN PAS RJOD 'GA' 'ANG MED, ,BRJOD BYA MYA NGAN 'DAS DANG MTSUNGS, ,DNGOS PO KUN GYIS RANG BZHIN STONG, ,DE LA BDAG MED PA NYID DO ZHES BYA BA NI TSIG GI LHAG MA'O, ,'DIR BSGOM PA LAS BYUNG BA'I NGOR RLOM SEMS PA NI BDAG CES BYA'O, ,DE NYID SRED PA'I DNGOS POR GYUR PAS SRED PA'I SNYING STOBS KYI PHYIR SEMS CAN NO, ,SROG GI DBANG PO DANG 'BREL BAS 'TSO BAS NA SROG GO, ,LAS DANG NYON MONGS PAS SKYE BA GZHAN DU SKYE BAR BYED PAS SKYE BA PO'O, ,YID GTZO BOR GYUR PA LAS SKYES PAS SHED LAS SKYES SO, ,YID SHAS CHE BAR GYUR BA'I PHYIR SHED CAN NO, ,DGE BA DANG MI DGE BA DANG LUNG DU MA BSTAN PA'I LAS BYED DU 'JUG PA'I PHYIR BYED PA PO'O, ,DE'I 'BRAS BU MYONG BAR BYED PA'I PHYIR RIG PA PO'O, ,YUL YONGS SU DPYOD PA'I PHYIR SHES PA PO'O, ,DPYOD PAR BYED PA'I PHYIR MTHONG BA PO'O ZHES BYA BA LA SOGS PA RNAMS DE'I MING GI KHYAD PAR RO, ,BDAG DE YANG RTZA BA'I RAB BYED BCU PAR; ,RE ZHIG SHING LA ME MIN ZHING, ,SHING LAS GZHAN DU ME MA YIN, ,ME NI SHING DANG LDAN MIN LA, ,ME LA SHING MED DER DE MED, ,ME DANG BUD SHING BSHAD PA YIS, ,BDAG DANG NYE BAR LEN RIM BZHIN, ,ZHES PA'I TSIG GIS NYE BAR LEN PA LAS DE NYID DANG GZHAN PA RNAM PA LNGAS DPYAD NA MI SRID PAS BDAG MED DO ZHES BYA'O, ,YANG NA 'DIR PHYOGS SNGA MA GZHAN TE, GAL TE YANG SANGS RGYAS RNAMS NGAR 'DZIN PA DANG, NGA YIR 'DZIN PA SPANGS PA'I PHYIR, NGA DANG NGA YIR 'DZIN PA'I GSUNG DNGOS PO MED LA, NGAR @273A *, ,PA MA SPANGS PA'I 'JIG RTEN PA'I NGA DANG NGA YIR 'DZIN PA'I BRJOD PA DON DANG BCAS PAR 'GYUR RO ZHE NA, SMRAS PA, 'JIG RTEN PA'I NGA DANG NGA YIR 'DZIN PA'I TSIG DON DANG BCAS PA MA YIN TE, CI'I PHYIR ZHE NA, GANG GI PHYIR BDAG MIN CES BDAG DGAG PA SNGAR BZHIN NO, ,BDAG MA GRUB PAS KYANG 'JIG RTEN GYI NGA DANG NGA YIR 'DZIN PA'I RJOD BYED KYANG BRJOD BYAS STONG PA'O, ,'DIR SMRAS PA, GAL TE BDAG MED NA YANG DE LTA NA YANG NGAR 'DZIN PA SEMS LAS BYUNG BA'I CHOS RANG RIG PAR YOD PAS DE'I RJOD BYED TSIG TZAM MA YIN NO ZHE NA, SLAR YANG NGAR 'DZIN PA DE'I DMIGS PA CI ZHE NA, BDAG GO, ,GAL TE DE LTA NA BDAG MED NA DMIGS PA LAS GZHAN DU NGAR 'DZIN JI LTAR 'BYUNG BAR 'GYUR, DMIGS PA MED PAR SEMS DANG SEMS LAS BYUNG BA SKYE BA NI MED DO, ,KHA CIG NI PHYI ROL GYI DMIGS PA LA LTOS PA MED PAR SEMS DANG SEMS LAS BYUNG BA SKYE STE, DPER NA RMI LAM LA SOGS PA'O ZHE NA, DPE 'DI NI GNYI GA LA MA GRUB PAS RNAM PAR RIG PAR SMRA BA'I 'DOD PA'I DON GRUB PAR BYED PA MA YIN NO, ,KHYOD LA YANG DPE MED PAS 'DOD PA'I DON MI 'GRUB BO ZHE NA; SLAR YANG KHO BO'I 'DOD PA CI ZHE NA, RNAM PAR SHES PA'I PHYI ROL LA DMIGS PAR BYED PA NYID DO, ,SLAR YANG DE JI LTAR MA GRUB CE NA, KHO BOS SUN PHYUNG BA'I PHYIR RO, ,GAL TE KHYOD KYI SKYON BRJOD PA NUS PA DANG LDAN PAR GYUR NA, DE LTAR 'GYUR LA RAG NA GNYI GA LA GRAGS PA'I DPE BRJOD PA MED PAS NUS PA MED DO, ,KHYOD LA YANG KHO BO LA LTOS NAS GNYI GA LA GRUB PA'I DPE NUS PA MED PAS 'DOD PA'I DON MI 'GRUB BO, ,SLAR YANG CI KHO BO'I 'DOD PA RNAM PAR SHES PA PHYI ROL LA DMIGS PA YIN LA, RNAM PAR SHES PA NYID KHO BO MI 'DOD NA, CI'I PHYIR PHYI ROL LA DMIGS PAR BYED PA PO NYID KHO BO'I 'DOD PA YIN, 'JIG RTEN PA'I THA SNYAD KHO BOS KHAS BLANGS LA DE'I YUL DANG RNAM PAR SHES PA YANG 'JIG RTEN PAS SHES KYI KHO BOS NI MA YIN NO, ,KHYOD KYIS KYANG KHO BO CAG DANG 'BREL BA'I 'JIG RTEN PA'I @273B DON 'DI SEL BAR MI NUS SO, ,DE LA CI 'JIG RTEN PA LA SEMS DANG SEMS LAS BYUNG BA DMIGS PA DANG BCAS PA MA GRUB PAS, DE LAS DMIGS PAS BSKYED PA'I SEMS DANG SEMS LAS BYUNG BA DMIGS PA MED NA DE MED PAS BDAG MED NA NGAR 'DZIN PA MED PAR GRUB BO, ,KHO BOS DE LTAR KHAS MA BLANGS SO ZHE NA, SLAR YANG CI DNGOS PO 'DI DAG 'JIG RTEN PA LA MA GRUB PAS GANG ZHIG KHYOD KYANG KHAS MI LEN NAM, 'DI DAG NI 'JIG RTEN PA LA GRUB LA, 'ON KYANG 'JIG RTEN RMONGS PAS PHYIN CI LOG JI LTA BA DE LTA BAR 'JUG PAR 'GYUR RO ZHES KHO BO SMRA'O, ,DE'I PHYIR 'JIG RTEN PA'I 'DI DAG KYANG KHO BOS KHAS MI LEN NO ZHE NA, SMRAS PA, 'DIR DON RTOGS PA PO RNAMS KYI DON RTOGS PA 'DZIN PA LAS SAM BSTAN BCOS LAS 'GYUR GRANG, DE LA RE ZHIG 'JIG RTEN PA KHYOD LA TSAD MA MA YIN LA, BSTAN BCOS LAS KHAS BLANGS PA'I DON KYANG GZHAN LA BSGRUB PAR NUS PA MED LA, DE'I PHYIR KHYOD DANG MTSUNGS PA'I SKYE BO'I SGRA'I RJES SU KHYOD 'JUG PA'I RIGS KYI MKHAS PA NI MA YIN NO, ,MKHAS PA NI 'THAD PA DANG BCAS PA'I BSTAN BCOS KYI TSAD MA BRJOD PAS SAM, 'JIG RTEN PA LAS SO, ,'THAD PA MED PA TSIG TZAM GYI BSTAN BCOS TSAD MAR BYED NA BSTAN BCOS THAMS CAD TSAD MAR 'GYUR RO, ,DE'I PHYIR PHYI ROL GYI DMIGS PA LA MI LTOS PA'I SEMS DANG SEMS LAS BYUNG BA NI MED DO, ,RIGS PAS DPYAD NA PHYI ROL GYI DMIGS PA MI SRID LA, DE'I PHYIR PHYI ROL GYI DON LA MI LTOS PAR SEMS DANG SEMS LAS BYUNG BA KHO NA KHAS BLANG BAR BYA'O ZHE NA, JI LTAR KHYOD KYIS DPYAD PAS PHYI ROL GYI DMIGS PA MI SRID LA, DE BZHIN DU KHO BOS DPYAD NA SEMS DANG SEMS LAS BYUNG BA NI SRID PA'I PHYIR, PHYI ROL GYI DMIGS PA BZHIN DU SEMS DANG SEMS LAS BYUNG BA YOD PA NYID RNAM PA THAMS CAD DU GTANG BAR BYOS SHIG ,SLAR YANG GZHAN ZHIG GIS SMRAS PA, RNAM PAR SHES PA THAMS CAD DMIGS PA DANG BCAS PA MA YIN LA, GAL TE YANG RNAM PAR SHES PA THAMS CAD DMIGS PA DANG BCAS PAR 'GYUR NA, @274A *, ,MO GSHAM GYI BU LA DMIGS PA'I RNAM PAR SHES PA MI 'BYUNG STE, DMIGS PA MED PA'I PHYIR RO, ,'O NA MO GSHAM GYI BU ZHES PA'I MING 'DI NYID 'DI'I RNAM PAR SHES PA'I DMIGS PAR YOD PA MA YIN NAM, DE CI 'DI'I DMIGS PA MED DO ZHES SMRA, 'DI NI YOD PA MA YIN TE, MO GSHAM GYI BU'I SGRA THOS PA NA GAL TE 'DI'I MING NYID MO GSHAM GYI BU LA DMIGS PA'I RNAM PAR SHES PA'I DMIGS PAR 'GYUR NA, DE'I TSE MO GSHAM GYI BU MED DO ZHES PA NA DE NYID KYI MING YANG MED PAR 'GYUR NA, DE LTA BU NI MA YIN NO; ,DE'I PHYIR 'DI'I MING NYID LA DMIGS PAS MA YIN NO, ,NGES PAR RNAM PAR SHES PA 'DI'I DMIGS PA CI ZHIG ,RNAM PAR SHES PA 'DI NI DNGOS PO MED PA LA DMIGS PA'O, ,MO GSHAM GYI BU NI DNGOS PO MED PA STE, DE LA DMIGS PA'I RNAM PAR SHES PA 'DI NI DNGOS PO MED PA LA DMIGS PAR 'GYUR RO, ,SLAR KHYOD KYI DMIGS PA'I DON CI ZHIG YIN, SMRAS PA, RNAM PAR SHES PA LA RANG GI RNAM PAR GTONG PA'I DON NI DMIGS PA'I DON TO ZHE NA, GAL TE DE LTA NA MO GSHAM GYI BU MO GSHAM GYI BU LA DMIGS PA'I RNAM PAR SHES PA LA RNAM PAR GTOD DAM CI GAL TE GTOD NA DE'I TSE DNGOS PO MING PA'I RNAM PA DANG RJES SU 'BREL PA'I RNAM PAR SHES PA DNGOS PO'I RANG BZHIN DU MI 'THAD PAS DE 'DI DAG NI 'GA' LA 'GAL BA'I DNGOS PO DANG DNGOS PO MED PA DAG DUS GCIG LA GCIG TU MED PA'I PHYIR RO, ,DNGOS PO DANG DNGOS PO MED PAR 'GYUR NA YANG, RNAM PAR SHES PA GNYIS SU JI LTAR MI 'GYUR, DE DAG MUN PA DANG SNANG BA DAG GCIG PA MED PA BZHIN NO, ,SNGON PO'I RNAM PAR RTOG PA'I RNAM PAR SHES PA'I DMIGS PA SNGON PO YIN PA LTAR, DNGOS PO MED PA RTOGS PA'I RNAM PAR SHES PA'I DMIGS PA DNGOS PO MED PAR RIGS SO, ,DE LTAR NA DNGOS PO MED PA DANG RNAM PA DAG 'GAL BAS 'DI NI MO GSHAM GYI BU BZHIN DNGOS PO NYID DU MI 'GYUR TE, SNGON PO'I RNAM PA'I RNAM PAR SHES PA SNGON PO'I RNAM PA DANG 'GAL BA'I DKAR PO BZHIN NO, ,DMIGS PA @274B DANG RNAM PAS DBEN PA'I RNAM PAR SHES PA MED PA NA GANG ZHIG NGO BO THA DAD PA'I RNAM PAR 'JOG PAR BYED, CI NGES PAR DMIGS PA'I RNAM PA TZAM ZHIG KHO NA RNAM PAR SHES PA'AM, GAL TE DE LTAR GYUR NA DE'I TSE DMIGS PA NYID RNAM PAR SHES PAR 'GYUR RO, ,DE NI DMIGS PA KHO NA RNAM PAR SHES PA MA YIN LA, 'ON KYANG DMIGS PA'I RNAM PA YONGS SU GCOD PA'I RANG BZHIN NO, ,DE NYID KYIS NA RNAM PAR SHES PA DANG DMIGS PA DAG RNAM PA MTSUNGS MOD KYI, DMIGS PA NI RNAM PAR SHES PA MA YIN TE, YONGS SU GCAD PAR BYA BA'I RANG BZHIN YIN PA DANG, YONGS SU GCOD PA PO MA YIN PA'I PHYIR, DMIGS PAR BYED PA PO YANG DMIGS PA MA YIN TE, YONGS SU GCAD PAR BYA BA'I RANG BZHIN MA YIN PA'I PHYIR DANG, YONGS SU GCOD PA'I RANG BZHIN GYI PHYIR RO, ,DE'I PHYIR DMIGS PA'I RNAM PA TZAM NI RNAM PAR SHES PA MA YIN NO, ,DMIGS PA'I RNAM PAR SHES PA LAS THA DAD PA YANG MA YIN TE, GANG GI PHYIR DMIGS PA'I RNAM PA LAS THA DAD PA'I RNAM PAR SHES PA'I NGO BO MED DO, ,DE'I PHYIR DNGOS PO MED PA RJES SU BYED PAS BSKYED PA'I RNAM PAR SHES PA NI DNGOS PO MED PA DANG RNAM PA DAG 'GAL BAS DNGOS PO LAS LOG NAS RNAM PAR SHES PA DNGOS PO MED PAR 'GYUR RO, ,RNAM PAR SHES PA DNGOS PO MED PA NA YANG MO GSHAM GYI BU NI DNGOS PO MED PA'O ZHES JI SKAD BRJOD DO, GZHAN YANG RNAM PAR SHES PA 'DI NI SKYE BA LAS SNGON ROL DU CI'I NGO BO YANG MA YIN LA; DE YANG YUL GYI RNAM PA MA BZUNG BAS SKYE BA THOB PAR MI BYED DO, ,DE'I TSE CI'I NGO BO YANG MA YIN PA 'DI LA 'DZIN PAS SKYE BA BSGRUB PAR BYOS SHIG ,DNGOS PO MED PA LA DMIGS PAS DNGOS PO MED PA'I RNAM PA THOB PA NI SKYE BA DANG SHIN TU 'GAL BA'I GNAS SKABS THOB PAR 'GYUR LA, MA SKYES PAS DNGOS PO MED PA LA 'DZIN PAR RTOGS PA YANG RIGS PA MA YIN NO, ,YANG NA NGES PAR 'DIS DNGOS PO MED PA LA DMIGS PA NYID DU RTOG PAR BYED NA, DE'I SKYE BA LAS SNGA ROL GYI GNAS SKABS NYID LA BRTAG PAR BYA NA, MA SKYES @275A *, ,PA'I GNAS SKABS SU DNGOS PO MED PA DANG RNAM PA 'GAL BA'I PHYIR RO, ,YANG NA GNAS SKABS DE NA DMIGS PA LA 'DZIN PAR BYED NGO BO NYID MED PA'I PHYIR DNGOS PO MED PA LA DMIGS PA PO NYID NI MI 'DOD LA, SMOS PA'I SKYON YOD PA'I PHYIR NA GNAS SKABS GZHAN YANG THOB PA PA MA YIN NO, ,GAL TE YANG MO GSHAM GYI BU LA DMIGS PA'I RNAM PAR SHES PAS DNGOS PO MANG PO LA DMIGS PAR 'GYUR NA, DE LTA NA SNGON PO'I SGRA LA MA LTOS PAR SNGON PO'I RNAM PA'I RNAM PAR SHES PA BZHIN MO GSHAM GYI BU'I SGRA LA MA LTOS PAR DON RTOGS LA RAG NA RTOGS PA NI MED DO, ,RGYU MTSAN GYI SGO CAN GYI RNAM PAR SHES PA DE NI RGYU MTSAN MED PAR 'JUG PAR MI NUS SO, ,GAL TE RGYU MTSAN LAS GZHAN YANG RNAM PAR SHES PA 'JUG NA, PHUNG PO LHAG MA MED PA'I MYA NGAN LAS 'DAS PA LA YANG 'JUG PAR 'GYUR RO, ,SKYE BA LOG PAS MI 'JUG GO ZHE NA, MTSAN MA MED PA LA DMIGS PA'I RNAM PAR SHES PA SKYE BA LDOG PAR MI 'GYUR RO, ,NYON MONGS PA LOG NA LAS LDOG PAR 'GYUR BAS SKYE BA MI LEN NO ZHE NA, GAL TE LAS DANG NYON MONGS PA'I RGYU CAN GYI RNAM PAR SHES PA DE LTAR MA GYUR KYANG, ZAG PA MED PA'I RNAM PAR SHES PA MYA NGAN LAS 'DAS PA'I DMIGS PA LA RTAG TU 'JUG PAR 'GYUR RO, ,RIGS PAS NI GANG ZHIG CHOS THAMS CAD SKYE BA MED PA LA MTSAN MA 'GA' YANG MI DMIGS LA MTSAN MA MED PAS RNAM PAR SHES PA MI 'JUG GO ZHES BYA'O, ,DE NYID KYIS 'DIR STONG PA NYID DU SMRA BAS CHOS THAMS CAD SEL BA LA RJES SU SGRUB PAR BYED LA, CHOS THAMS CAD DNGOS PO MED PA'I NGO BO NYID LA MTSAN MA MI DMIGS PAS RNAM PAR SHES PA LDOG GO ZHES BYA BA'I DON TO, ,DE SKAD DU YANG, 'PHAGS PAS BRTEN PA 'DI LTA BU, , DNGOS POS RTOGS PA MA YIN ZHING, ,RGYU MTSAN MED PAS RNAM SHES NI, ,NAM YANG 'BYUNG BAR MI 'GYUR RO, ,'PHAGS PA LHAS KYANG GSUNGS PA, SRID PA'I SA BON RNAM PAR SHES, ,YUL NI DE YI SPYOD YUL LA, ,MTHONG BA'I YUL RNAMS BDAG MED PHYIR, ,SRID PA'I SA BON @275B 'GAG PAR 'GYUR, ,ZHES SO, ,DE'I PHYIR RGYU MTSAN GYI SGO CAN GYI RNAM PAR SHES PA NI RGYU MTSAN MED PA'I PHYIR MO GSHAM GYI BU 'BA' ZHIG PA DMIGS PA MA YIN NO ZHES RIGS SO, ,GAL TE GANG GI DNGOS PO MED PA RNAM PAR SHES PAS DMIGS NA'O, ,SU ZHIG 'DI SKAD SMRA, DNGOS PO MED PA 'DI NI RNAM PAR SHES PAS DMIGS PAR BYA BA'O ZHES PA 'DI SKAD DU BRJOD PAR BYA STE, DNGOS PO'I SGO LA MI LTOS PAR DNGOS PO MED PA 'BA' ZHIG RNAM PAR SHES PAS MI DMIGS SO ZHES BYA STE, DPER NA SNGON PO'I RNAM PAR SHES PA SER PO LA SOGS PA LA MI LTOS PA BZHIN, JI LTAR NA DNGOS PO'I SGO CAN YIN, SLAR YANG 'DI'I GTAN MED KYI RNAM PAR SHES PA MO GSHAM GYI BU'I SGRA LA LTOS PA BZHIN NO, ,'DIR SGRA 'GA' ZHIG NI DON DANG BCAS PA'O, ,'GA' ZHIG DON MED PA'O, ,DON DANG BCAS PA NI LHA SBYIN LA SOGS PA'I SGRA'O, ,LHA SBYIN NI 'JIG RTEN NA ZA BA'I BYA BA RDZOGS PA'I RGYUR DMIGS PAS DON NGES NA LHA SBYIN GYI SGRA DON DANG LDAN PA'O, ,MO GSHAM GYI BU BSTAN KYANG 'JIG RTEN PA LA MI DMIGS LA, DMIGS PA MA YIN PA NI DNGOS PO ZHES RNAM PAR MI 'JIG GO, ,DE'I PHYIR MO GSHAM GYI BU'I SGRA 'DI YANG BSGRUB BYA'I DON GYIS STONG PA'O, ,RNAM PAR SHES PA YANG SGRA'I DON MNGON PAR SHES PA RNAMS LA DON GYIS STONG PA'I SGRA LA DMIGS PA'O, ,DON DNGOS PO MED PA'I SGO NAS DON MED PA NYID DU NGES PAR 'GYUR LA, DE LA 'DI'I SGRA'I DON YUL 'GA' ZHIG NA MED CING DUS NAM ZHIG NA MED LA RTOGS PA PO 'GA' ZHIG LA SNANG BA MA YIN NO ZHES BYA STE, THAMS CAD DU DMIGS PAS GTAN MED CES 'JIG RTEN DU RNAM PAR 'JOG GO, ,DE YANG 'DI'I GTAN MED NI SGRA'I DNGOS PO LA BRTEN TE, SGRA'I DON MI DMIGS PA'I SGO NAS YONGS SU BRTAGS LA, DE BZHIN DU DNGOS PO LA BRTEN NAS SNGA NA MED PA DANG GCIG LA GCIG MED PA PA RNAMS 'JIG RTEN PAS RNAM PAR BRTAGS SO, ,DE LA DA LTA BA'I DNGOS PO LA LTOS NAS DE'I SKYE BA'I SNGON ROL GYI GNAS SKABS LA SNGA NA MED PA ZHES RNAM PAR 'JOG LA, NAM YANG DNGOS PO MI SRID PA DE NI SNGA NA MED PA MA @276A *, ,YIN TE, 'DI LTA STE MO GSHAM GYI BU LTA BU'O, ,DA LTAR BA'I DNGOS PO'I RANG BZHIN NI MI RTAG PA'I PHYIR, GANG ZHIG 'JIG PA'I GNAS SKABS SAM, MI RTAG PA NYID LA ZHIG NAS MED PA ZHES BYA'O, ,GCIG LA GCIG MED PA YANG, GSAL BAR DNGOS PO LA BRTEN PA NYID DO ZHES BYA STE, DNGOS PO MED PA ZHES BYA BA DNGOS PO LA LTOS PA 'BA' ZHIG PA RNAM PAR SHES PAS 'DZIN PA NI MDO DE NYID KYIS NA, 'PHAGS PA LHAS GSUNGS PA, DNGOS PO MED NA DNGOS MED NI, ,SHES PA SRID PA MA YIN LA, , DNGOS PO MED NA DNGOS MED NI, ,GRUB PAR 'GYUR BA GA LA ZHIG ,CES GSUNGS SO, ,DE NYID KYIS NA GANG DU MYA NGAN LAS 'DAS PA'AM, MYA NGAN LAS 'DAS PA DANG MTSUNGS PA'I CHOS KYI RANG BZHIN KHONG DU CHUD PA NA, DE LA DNGOS PO MED PA YANG NYE BAR LEN PA MED PAS MED DO ZHES BYA STE, RNAM PA THAMS CAD DU DNGOS PO DANG DNGOS PO MED PA LA KUN DU 'DZIN PA ZAD PAS RNAM PAR SHES PA SKYE BA MED PA DANG MYA NGAN LAS 'DAS PA 'GOG PA RNAL 'BYOR PA RNAMS KYIS THOB PAR 'GYUR RO, ,DE'I PHYIR 'DIR DNGOS PO MED PA 'BA' ZHIG LA DMIGS PA'I RNAM PAR SHES PA MED LA, DE LAS KYANG BDAG MA GRUB PAS NGAR 'DZIN PA'I BRJOD PA DNGOS PO MED PA'O ZHES 'DIR GRUB BO, ,'O NA CHOS 'DI DAG NI RANG RIG BAS MYONG BA 'DI LTA STE NGAR 'DZIN PA DANG NGA YIG 'DZIN PA'O, ,GAL TE DE DAG DMIGS PAR BYA BAR MED KYANG DE LTA NA YANG NYAMS SU MYONG BA'I NGO BO YIN PA'I PHYIR NGAR 'DZIN PA DANG NGA YIR 'DZIN PA 'DI DAG NI MED PA'O ZHES BRJOD PAR MI NUS SO ZHE NA, CI BYANG PHYOGS SU KHA BLTAS SAM, 'ON TE GZHAN DU KHA BA LTAS PA YIN, ,'DI NI SHAR GYI PHYOGS SO ZHES NYAMS SU MYONG BA MA YIN NAM, BYANG LA SOGS PA'I PHYOGS 'DI RNAMS SHAR PHYOGS SU 'GYUR BA MI RIGS LA, RAB RIB CAN GYIS SKRA DANG SBRANG BU LA SOGS PA'I DON MED KYANG RANG GIS CI'I PHYIR NYAMS SU MA MYONG, 'DI DAG SEMS CAN GZHAN LAS 'BYUNG BA MA YIN NO ZHES BYA STE, NYAMS SU MYONG BA TZAM GYIS YANG DAG PA'I DON GYI @276B DNGOS POR RNAM PAR GZHAG PAR MI NUS SO, ,DE'I PHYIR GAL TE RANG NYID KYIS NGAR 'DZIN PA DANG NGA YIR 'DZIN PA NYAMS SU MYONG YANG DE LTA NA YANG YOD PAR LUNG DANG RIGS PA DANG 'GAL BAS MED DO ZHES BYA'O, ,DE'I PHYIR 'JIG RTEN PA'I NGA DANG NGA YIR 'DZIN PA YANG DE BZHIN GSHEGS PA'I NGA DANG NGA YIR 'DZIN PA DANG MTSUNGS SO ZHES BYA STE, CHOS THAMS CAD MING TZAM DU GRUB BO, ,'DIR SMRAS PA, GAL TE DE LTAR BDAG MED KYANG, ,RE ZHIG DE DANG 'GAL BA'I BDAG MED PA YOD LA, DE BZHIN DU BDAG GI RANG BZHIN DANG 'GAL BAS CHOS THAMS CAD NI BDAG MED PAR KHAS BLANGS SO, ,JI SKAD DU, BCOM LDAN 'DAS KYIS CHOS THAMS CAD BDAG MED PA'O ZHES GSUNGS PAS BDAG NI MI RTAG PA MA SKYES PA NGAR 'DZIN PA'I YUL TE, CHOS THAMS CAD NI DE LTA MA YIN NO ZHES SO, ,DE'I PHYIR BDAG GI RANG BZHIN DANG 'GAL BA'I BDAG MED PA'I RANG BZHIN GYI PHYIR RAM, BDAG DANG BRAL BA'I PHYIR CHOS THAMS CAD NI BDAG MED BA'O, ,DE YANG YOD LA DE'I PHYIR BDAG GI CHOS MED PAS CHOS THAMS CAD MING TZAM MA YIN NO ZHE NA, SMRAS PA, CI KHYOD NI BDAG MED PA LA PHYIN CI LOG TU SGRO 'DOGS PAR BYED, MU STEGS BYED KYIS YONGS SU BRTAGS PA'I BDAG GI DNGOS PO MED PA DANG, DE'I RANG BZHIN MA YIN PA NYID KYIS CHOS THAMS CAD BDAG MED PA NYID DU RNAM PAR GZHAG PA MA YIN NO, ,DE LTA NA JI LTAR 'DIR BDAG MED PA YIN, NYE BAR LEN PA LA BTAGS NAS SAM, RANG BZHIN GYI RNAM GRANGS LA BDAG MED PA NYID DU BSTAN PA NA DON CHEN PO SKYE BAR 'GYUR RO, ,DE LA PHUNG PO LA BRTEN NAS BTAGS PA'I GANG ZAG LA BDAG CES BRJOD DE, 'JIG RTEN PA'I NGAR 'DZIN PA'I PHYIR RO, ,MU STEGS BYED KYIS YONGS SU BRTAGS PA NI MA YIN TE, DE YANG MUN NAG GI NANG DU GYUR PA'I SKYES BU'I RNAM PA LA YONGS SU BRTAGS PA BZHIN DU NYUNG ZAD KYIS SHIN TU PHYIN CI LOG PAS YONGS SU BRTAGS KYI, 'DI NI MA LUS PA'I 'GRO BAS YONGS SU BRTAGS PA MA YIN NO, ,GANG DU PHUNG PO LA BRTEN NAS 'GRO BA MA LUS PA NGA YIR 'DZIN PA'I YIN LA, @277A *, ,DE NI MNGON BAR ZHEN PA'I GNAS SU GYUR PA'I PHYIR 'DIR BSAL BAR BYA'O, ,BDAG BRTAGS PA NI 'JIG RTEN PA'I THA SNYAD KYI RNAM PAR GZHAG PA NYID LAS SHIN TU BSAL BA'I PHYIR DE NI DE KHO NA NYID LA DPYOD PA'I DBANG DU BYAS KYI, DE SEL BA'I DBANG DU BYAS PA MA YIN, GAL TE MU STEGS BYED KYIS YONGS SU BRTAGS PA'I BDAG 'DIR 'GEGS PAR MI BYED NA, DE LTA NA BCOM LDAN 'DAS KYIS CI ZHIG DGAG PA'I DON DU 'DI SKAD GSUNGS, MIG NI BDAG DANG BDAG GI BRTAG PA BRTEN PA THER ZUG PA YONGS SU 'GYUR BA'I CHOS CAN MA YIN PAS STONG PAR GRUB BO ZHES SO,, MIG LA BRTEN NAS BTAGS PA'I BDAG GIS STONG PA DANG RANG BZHIN GYIS STONG PA NYID DU LUNG 'DIS GSAL BAR MDZAD KYI, NANG GI BYED PA'I SKYES BU DANG BRAL BA NI MA YIN NO, ,DE LA MIG NI BDAG GIS STONG NGO ZHES PA PHUNG PO DANG KHAMS DANG SKYE MCHED LA BRTEN NAS GANG ZHIG LA BTAGS LA BDAG DE NI PHUNG PO DANG KHAMS DANG SKYE MCHED LA RNAM PA LNGAS MED KYANG PHUNG PO DANG KHAMS DANG SKYE MCHED LA BRTAN NAS 'DOGS LA, DE YANG MED PA NYID DE, MIG LA SOGS PA SO SO LA RNAM PA LNGAS KYANG MED PA NYID DU KHONG DU CHUD PAR BYA'O ZHES THAR PA 'DOD PA RNAMS LA BCOM LDAN 'DAS GDAMS PA STON PAR BZHED PA NYID KYIS MIG NI BDAG GIS STONG PAR GRUB PO ZHES GSUNGS SO, ,GANG GI PHYIR MIG LA DPYAD PA NA BDAG MI SRID PA DE'I PHYIR MIG NI BDAG GIS STONG PA STE, BDAG DANG BRAL BA'O ZHES PA'I DON TO, ,SHVA'I SGRA NI GA PA LA SOGS PAR DPYAD PA STE, DES NA DE'I PHYIR BSHAD PA ZHES PAS 'DI'I DON NI GA BA LA SOGS PA LA YANG DANG TI BYAS PAS SHU N+YA STE STONG PA'AM DBEN PA'O, ,'PHROS PA LAS RING PO NYID DO ZHES PA'AM GA BA LA SOGS PA'I BSHAD PA LAS SKYE BO DANG BRAL BA'I DBEN PA LA STONG PA'I SGRAR SGRA PA RNAMS 'CHAD PAR BYED DO, ,DES NA GANG ZHIG GANG DANG BRAL BA DE DES STONG PA'O ZHES BYA BA STE, 'DI NI BSHAD PA'I DON TO, ,MOD PA LA YANG STONG PA'I SGRA MTHONG STE, 'DI LTA STE LHA SBYIN GYIS STONG PA'O ZHES SO, ,'DIR NI SNGA MA NYID GZUNG BAR BYA STE, MIG NI BDAG DANG BRAL BA'I PHYIR STONG PA'O ZHES BDAG MED PAS BDAG GI CUNG @277B ZAD KYANG YOD PA MA YIN NO ZHES BYA STE, BDAG GIR BYA BA DANG BRAL BAS STONG LA, BDAG GIR BYA BA'I RANG BZHIN LAS THA DAD PA'I MIG GZHAN YOD PA MA YIN NO, ,MIG LA BRTEN NAS BDAG TU BTAGS PA DANG LDAN PA BZHIN BDAG GIS BDAG TU BYAS PAS 'DI NI BDAG GI BA ZHES BYA LA, BDAG MED NA NYE BAR BLANGS PA 'GA' YANG MED PAS NYE BAR LEN PA NYID MI 'THAD PA'I PHYIR DANG, NYE BAR LEN PA LAS GZHAN PA'I MIG MED LA, BDAG GI BAS STONG PA NYID DU BSGRUBS PAS MIG GI RANG BZHIN MA GRUB PA NYID BSHAD PA'O, ,YANG NA BDAG GI SGRA NI RANG BZHIN GYI RNAM GRANGS TE, MIG BDAG GIS STONG NGO ZHES BYA BA NI RANG BZHIN GYIS ZHES BYA BA'I DON TO, ,BDAG GI BAS ZHES PA RANG BZHIN DANG 'BREL PA'I GANG SU YANG RUNG BAS ZHES PA'I DON TO, ,'O NA DE LTA NA MIG NYID MED DO ZHES SMRAS PAR 'GYUR BAS, DE LTAR SMRA BAR BYA STE, MIG MED DO ZHES DE NYID GSAL POR SMRA BAR BYOS SHIG ,SMRAS PA, KHO BO NI MIG NYID MED DO ZHES MI SMRA STE, CI'I PHYIR MIG MED PAR 'JIG RTEN PA SMRA'AM, BSTAN BCOS LAS BSHAD, DE LA RE ZHIG 'JIG RTEN PA LA MIG MED DO ZHES SMRA BA MED DE, BDAG TU BRTEN PA LA NYE BAR BRTEN PA NYID KYI MIG YOD BZHIN PA'I PHYIR TE, MING DANG GZUGS KYI RKYEN GYIS SKYE MCHED DRUG GO ZHES PAS MING DANG GZUGS LA BRTEN NAS BYUNG BA'I PHYIR, DES NA GZUGS MTHONG BA DANG REG PA'I RGYU YIN PA'I PHYIR RO, ,GANG GI TSE 'DI LTAR 'JIG RTEN PA LA MIG MED DO ZHES MED NA DE'I TSE KHO BO 'JIG RTEN PA MIG MED PAR KHAS LEN NO ZHES JI LTAR SMRA, DE'I PHYIR RE ZHIG 'JIG RTEN PA MIG MED DO ZHES MI SMRA'O, ,DA NI BSTAN BCOS LAS KYANG MIG MED DO ZHES BSTAN PA BSTAN BCOS ZHES BYA BA PHYIN CI MA LOG PA'I LAM DES NYON MONGS PA 'JIG PAR BYED PAS SO, ,'GOG PA NA 'JIG RTEN PA STE, 'DI LTAR 'JIG RTEN NA GSOD PAN CHAD PA CHEN POS 'JIG PAR BYED DO ZHES ZER LA, PHYIN CI LOG PA'I LAM YANG PHYIN CI LOG NYE BAR BSTAN PA LAS NYE BAR THOB PA YOD PA MI SRID CES BYA STE, MI DMIGS @278A *, ,PA'I PHYIR DE'I TSE 'JIG RTEN PA'I MIG MED DO ZHES MED PA NYID DO, ,DNGOS PO RNAMS KYI RANG BZHIN MCHOG TU RJES SU TSOL BA NYID NI DE'I PHYIN CI MA LOG PA'I LAM DE YANG RANG BZHIN MED PA SKYE BA MED PA'I RANG BZHIN GYI PHYIR SNANG BA MED PA'O ZHES BYA STE, DMIGS PA MED PA RNAL 'BYOR PA SU ZHIG GIS KHONG DU CHUD PAR 'GYUR BA ZHIG GO, ,KHONG DU CHUD PA MED PAS MED PA NYID NYE BAR STON PAR MI 'GYUR ZHES BYA STE, DE LTAR BSTAN BCOS LAS KYANG MIG MED DO ZHES KHO BO MI SMRA'O, ,'DI LTAR KUN RDZOB DANG DON DAM PA'I BDEN PA GNYIS SU RNAM PAR GZHAG PA LA KUN RDZOB TU MIG RANG GI MTSAN NYID SGYU MA DANG SMIG RGYU DANG DRI ZA'I GRONG KHYER GYI RNAM PA KHAS BLANGS SHING DE DON DAM PAR MED DO ZHES RTOG PA DE RNAMS NI DBU MA'I BSTAN BCOS YANG DAG PAR RTOGS PAR MI BRJOD DO, ,MIG NI RANG GI MTSAN NYID MA GRUB PA NYID RANG GI MTSAN NYID GRUB PA LTA BUR BYIS PA RNAMS KYIS RTOGS PAS, DE'I PHYIR KUN RDZOB TU MIG GI RANG GI MTSAN NYID MED DO, ,GANG ZHIG KHO NA KUN RDZOB TU YANG MED LA DE KHO NA NYID KYI SHES PA LA YANG DE NYID MED PA'I PHYIN CI LOG TU BRTAGS PA MA YIN TE, RNAL 'BYOR PA RNAMS DE KHONG DU CHUD PA LAM MNGON PAR 'DOD PA MED PA'I PHYIR RO, ,YANG NA KUN RDZOB TU MIG YOD LA DON DAM PAR MED DO ZHES PA'I TSIG GI RIGS PA YANG GDON MI ZA BAR NUS PAR RUNG NA YANG, DE LTA NA YANG RANG GI MTSAN NYID KHAS LEN PA DANG SPONG BA DAG NUS PA DANG LDAN PA MA YIN NO, ,DE BZHIN DU KUN RDZOB TU PHYIN CI LOG MED LA DON DAM PAR RANG BZHIN MED PA NUS PA DANG LDAN NO ZHES PA YANG, DNGOS PO RNAMS KYI RANG GI MTSAN NYID KHAS BLANGS PA DE NI SKYU MA LA SOGS PA'I DPE RUNG BA MA YIN TE, RANG GI MTSAN NYID KHAS BLANGS PA LA SGYU MA LA SOGS PA'I DPE DANG 'BREL PA MED PA'I PHYIR DANG, SLU BA MED PAR KHAS BLANGS PA'I PHYIR RO ZHES BYA'O, ,GAL TE DE LTAR MIG STONG PA NYID DU KHYOD LA MA GRUB NA, JI SKAD SMOS PA'I RIGS PAS MIG BDAG DANG BDAG GI BAS STONG PAR BSHAD PAS MIG RANG BZHIN GYIS STONG PAR CI ZHIG 'GRUB @278B CI NGES PAR MIG GI RANG BZHIN YOD PA GANG ZHIG DANG BRAL BA LAS MIG RANG BZHIN GYIS STONG PA NI MA YIN TE, GAL TE YIN NA DE'I TSE DE NI RANG BZHIN GYIS STONG PA NYID MA YIN NO, ,GAL TE 'DI LTAR RANG BZHIN MED PA DE NI SEL BA MI RUNG LA, GANG ZHIG GANG NA MED PA DE NI SEL BAR MI RUNG ZHING GANG NA MED PA DER NI SEL BAR MI BYED DE, 'DI LTA STE CHU'I DRO BA'O, ,RANG BZHIN DU SKYES PA SEL BAR BYED NA SKYON 'DIR 'GYUR GYI, 'ON KYANG MIG RANG BZHIN MED PAR GNAS PA NYID LA 'JIG RTEN PA PHYIN CI LOG TU RMONGS PA'I RNAM PAR SHES PA LA MIG RANG BZHIN MED PAR GNAS KYANG LOGS SU BZHAG NAS RANG BZHIN DANG BCAS PAR RTOGS LA, DE LA MNGON BAR ZHEN PAS 'DI DAG KHO NA BDEN PAR YOD GZHAN NI RMONGS PA'O ZHES 'DI DAG BDEN PAR MNGON BAR ZHEN PAS MCHOG TU 'DZIN PA LUS KYI MDUD PA SKYED PAS 'KHOR BAR 'KHOR RO, , 'DI DAG BDEN PAR MNGON BAR ZHEN PA MCHOG TU 'DZIN PA LUS KYI MDUD PA DE'I GNYEN POR KHO BOS MIG RANG BZHIN MED PAR RNAM PAR GNAS PA NYID MIG RANG BZHIN MED PA'O ZHES PA'I TSIG GIS SHES PAR BYED KYI, KHO BOS RANG BZHIN SEL BAR BYED PA NI MA YIN NO ZHES BYA STE, JI SKAD SMROS PA'I SKYON DU THAL BAR MI 'GYUR RO, ,GAL TE DE LTAR MIG RANG BZHIN STONG PAR BSGRUBS NA, DE LTA NA MIG DE NI RANG BZHIN GANG ZHIG GIS STONG PAR RNAM PAR GZHAG PAR YOD PA STE, 'DI LTAR KHANG PA LHA SBYIN GYIS STONG NGO ZHES BRJOD PA NA, LHA SBYIN MED PA NYID LA KHYIM YOD PA NYID DU RTOGS PAS GANG DU GNYI GA YANG STONG BAR MI 'DOD NA, DE NI STONG PA NYID DU MI RUNG DE ZHES 'DIR RNAM PAR RIG PAR SMRA BAS SMRAS PA, GZHAN DBANG NI YOD PA KUN BRTAGS NI MED PA'I PHYIR KHO BO CAG KHO NA LA STONG PA 'THAD KYI GANG ZHIG STONG PA NYID GANG ZHIG GIS STONG PAR KHAS MI LEN PA'I PHYIR DBU MA PA RNAMS LA NI MA YIN TE, STONG PA DES CI ZHIG BYA STE DES STONG PA DANG DE NYID KYIS STONG PAR MI RUNG NGO ZHES BYA'O, ,'DIR GZHAN DBANG GI RANG BZHIN RTEN CING 'BREL PAR 'BYUNG BA BRJOD DU MED PA DNGOS PO TZAM LA DE NI RNAM PA @279A *, ,GNYIS TE RNAM PAR DAG PA DANG MA DAG PA'O, ,DE LA YONGS SU MA DAG PA NI 'KHOR BA THOG MA MED PA NAS GOMS PA PA'I GZUNG BA DANG 'DZIN PAR YONGS SU BRTAGS PA'I DRI MAS BSGOS PA'O, ,YONGS SU DAG PA NI GZUNG BA DANG 'DZIN PA SPROS PA'I BAG CHAGS KYI GNAS NGAN LEN SPANGS NAS, GNAS YONGS SU GYUR PA YONGS SU GYUR PA DAG PA'I RANG BZHIN SANGS RGYAS RNAMS KYI SO SO RANG GIS RIG PAR BYA BA, DE YANG GZHAN DBANG GI RANG BZHIN 'DI NI RANG NYID KHO NA MI 'BYUNG BA DANG RANG BZHIN LA GZHAN GYI RKYEN GYI STOBS KYIS SKYE BAS NA GZHAN DBANG NGO, ,DE YANG RANG BZHIN NI DNGOS PO'I NGO BO'I PHYIR DANG, GZHAN GYI RKYEN LAS MTHONG BA'I PHYIR GZHAN DBANG DU BRJOD LA, GZHAN GYI RANG BZHIN LA THA DAD PA'I PHYIR DBANG GI SGRA NI GTZO BO LA 'JUG STE, 'DI LTAR 'JIG RTEN NA 'DIR NI BDAG RANG DBANG BA'O ZHES SMRA BA NA RANG NYID GTZO BOR SMRA BA'O ZHES BYA LA, 'DI NI GZHAN GYI DBANG LAS SHES PAS GZHAN DBANG STE, GZHAN LAS SKYE BA'O, ,YANG NA BRGYUD CING SKYED PAS DBANG LA GZHAN DBANG NI GZHAN GYIS BSKYED PA'O ZHES PA'I DON TO, ,GZHAN DBANG DE NI KUN RDZOB KYI DNGOS PO RANG YOD PA'I PHYIR DANG BRTAGS PA'I GZUNG BA DANG 'DZIN PA MED PA'I PHYIR STONG PA NYID KHA NA MTHO BA MED PAR 'GYUR RO, ,JI SKAD DU MDO LAS GSUNGS PA GANG ZHIG GANG NA MED PA DE NI STONG LA GANG YANG 'DIR LHAG MA DE NI YOD PA LA 'DIR YOD DO ZHES YANG DAG PA JI LTA BA BZHIN RAB TU SHES SO ZHES 'DI SKAD SMRA NA STONG PA NYID LA PHYIN CI MA LOG PAR ZHUGS PA'O, ,GANG DU DGE SBYONG NGAM BRAM ZE DAG DE YANG GANG ZHIG GIS STONG PA MI 'DOD NA DE NI STONG PA LAS PHYIN CI LOG TU ZHUGS PA'O ZHES SO, ,'O NA GAL TE GZHAN DBANG GI RANG BZHIN NI NGO BO NYID DU YOD PA'I PHYIR RTEN CING 'BREL PAR 'BYUNG BAR MI 'GYUR RO, ,SU ZHIG 'DI SKAD SMRA, SKYE BA LAS SNGA ROL DU GZHAN DBANG GI RANG BZHIN YOD DO ZHES SO, ,SKYES NAS 'DI'I RANG BZHIN YOD DO ZHES BRJOD DO, ,SMRAS PA, GANG ZHIG SKYE BA LAS SNGA ROL DU 'DI'I RANG BZHIN MED NA CIR @279B 'GYUR BA'I 'DI'I SKYE BA YOD PA YIN, SKYES NAS YOD PA LA 'DI NI YOD PA'O ZHES RUNG GI MA SKYES PA LA NI MA YIN NO, ,SKYES PA NYID KYANG NGES PAR GZUNG BAR MI NUS NA KHYAD PAR BRTAG PAR NUS PA MA YIN NO, ,PHA ROL POS 'DI ZHES PA DE LAS SKYE BZHIN PA'O ZHES PA'I KHYAD PAR NGES PAR GZUNG BAR MI NUS LA, DE'I PHYIR 'DI'I SKYE BA MED LA MA SKYES PA LA CI YOD LA NYID NI GA LA ZHIG CES BYA STE, 'DI NI YOD PA MA YIN NO, ,GAL TE 'DI YOD PA MA YIN NA RGYU MTSAN MED PAS 'KHOR BA DANG MYA NGAN LAS 'DAS PA MED PAR 'GYUR RO, ,GAL TE RE ZHIG 'DI YOD PAR GYUR NA, MU STEGS BYED KYIS BRTAGS PA'I BDAG KYANG YOD PAR 'GYUR LA, DE NI TSIG TZAM GYIS SMRA BA'O, ,GAL TE KHO BO CAG GI BDAG MED PAR GYUR NA, BCING BA DANG GROL BA LA SOGS PA MI 'GRUB BO ZHE NA, 'DI NI RE ZHIG BDAG YOD PAR YANG MI 'THAD DE, 'DI GNYIS NI RIGS PA DANG 'GAL BA'I PHYIR RO, ,'DI LTAR GZHAN DBANG DNGOS POR YOD NA NANG GI BYED PA'I SKYES BU YANG YOD LA, 'DI NI MA DPYAD PA'I YOD PA'O ZHES BYA STE, 'JIG RTEN PA LA YOD PA MA YIN NO, ,DE'I PHYIR GAL TE RIGS PA DANG 'GAL BA GCIG PO YOD CING 'KHOR BA DANG MYA NGAN LAS 'DAS PA'I RGYUR RTOG NA GNYIS PA YANG BRTAG PAR BYA'O, ,DE'I PHYIR 'KHOR BA DANG MYA NGAN LAS 'DAS PA'I RGYU DNGOS PO'I RANG BZHIN YIN NO, ,DE LTA NA GANG ZHIG BCOM LDAN 'DAS KYIS GSUNGS PA, GANG YANG 'DIR LHAG MA YOD PA DE NI YOD DO ZHES YANG DAG PA JI LTA BA BZHIN DU RAB TU SHES SO ZHES THOS PA DE JI LTAR GSUNGS, RTEN CING 'BREL PAR 'BYUNG BA NI DNGOS POR GYUR PA BYAS PA STE, RTEN CING 'BREL PAR 'BYUNG BA'I PHYIR GZUGS BRNYAN BZHIN MED LA, GANG ZHIG BYIS PA RNAMS DNGOS POR MNGON PAR ZHAN PA'I GNAS SU GYUR PA DE YANG BYIS PA'I SKYE BO'I BLO'I SPYOD YUL LA RNAM PA DE LTA BU'I DNGOS POR GYUR PA BRDZUN PA SLU BA'I CHOS CAN NI YOD LA DE'I RANG BZHIN NI MED DO, ,DE'I PHYIR GANG GANG NA MED PA DE NI DES STONG NGO ZHES BYA'O, ,BRDZUN GYIS @280A *, ,SLU BA'I CHOS CAN DNGOS POR GYUR PA LA RANG BZHIN MED PAS DE'I PHYIR DNGOS POR GYUR PA DE DE'I RANG BZHIN GYIS STONG NGO, ,GANG YANG 'DIR LHAG MA ZHES PA NI BRDZUN PA SLU BA'I CHOS CAN RANG GI MTSAN NYID MA GRUB PA, BYIS PA'I SKYE BO'I BLO'I SPYOD YUL PHYIN CI LOG LAS MA GROL BA NI YOD DE, JI SKAD DU BCOM LDAN 'DAS KYIS GSUNGS PA, SGYU MA'I RNAM PA DE NI YOD DO, ,BYIS PA RNAMS KYI BRJOD PA DE NI YOD DO, ,RMONGS PA CHAGS PA DE NI YOD DO, ,DE LTAR GANG CUNG ZAD TZAM DE NI YOD DO ZHES SO, ,DE'I PHYIR DE LTAR BRTAGS PAS DPYOD PA POS BRDZUN PA SLU BA'I CHOS CAN DNGOS POR GYUR PA MNGON DU SHES PAS, 'JIG RTEN PA'I LAS KYI 'BRAS BU 'KHOR BA DANG MYA NGAN LAS 'DAS PA LA SOGS PA RNAMS BRDZUN PA'I DNGOS PO'I RGYU MTSAN CAN LA GNOD PA MA YIN NO, ,DE LA MI GNOD PAS CHAD PAR SMRA BA'AM MED PA NYID MI LTUNG LA; RANG BZHIN LA SGRO MA BTAGS PAS PHYIN CI MA LOG PA LA GNAS TE PHYIN CI LOG GIS BSKYED PA'I 'KHOR BA NGES PAR SPONG ZHING RTAG PAR SMRA BAR MI LTUNG NGO, ,'DIR YANG THOG MA NYID DU 'THAD PA DANG BCAS PAS DON CHEN POR YANG 'GYUR LA, GZHAN DU RANG BZHIN YOD PA NYID NI 'THAD PA DANG BRAM BA'I PHYIR RO, ,CI SLAR RANG BZHIN MED PA DNGOS POR GYUR PA LA BRTEN NAS SKYE BAR 'GYUR RAM, PHYIN CI LOG BDAG NYID NGAN PA LA RNAM PAR ROL PA'I GO 'PHANG LA ZHUGS PAS DAG DOD SMOS PA NYID LAS RGYAS PA GSAL BAR RTEN CING 'BREL PA RANG BZHIN MED PA SGRUB BYED KYI MING THOS PA LTA BUR RLOM SEMS NAS 'DRI BA LA 'JUG PA KYE MA NGO MTSAR TO, ,JI SKAD DU SMOS PA'I DPYAD PA RNAMS SEMS LA GYIS SHIG ,LUNG 'DI LAS KYANG 'DI GSAL BAR BYED PAS SEMS LA ZHOG SHIG ,JI SKAD DU, BRAG PHUG RI DANG RDZONG DANG CHU KLUNG LA, ,GANG ZHIG BRJOD PA LA BRTEN BRAG CA BZHIN, ,'DUS BYAS 'DI KUN SGYU MA LTA BU DANG, ,SMIG RGYU DANG MTSUNGS 'GRO KUN SHES PAR GYIS, ,ZHES SO, ,DE'I PHYIR GANG ZHIG GANG NA MED PA DE NI DES STONG PA NYID DU SMRA BA RNAMS KYIS DE LTAR YANG DON RNAM PAR PHYE BA'I PHYIR DE @280B RNAMS STONG PA NYID LA PHYIN CI LOG TU KHONG DU CHUD PA MA YIN NO, ,GANG YANG TSIGS SU BCAD PA 'DI SKAD DU, KUN BRTAGS DNGOS PO YOD MIN ZHING, ,GZHAN GYI DBANG NI YOD PA NA, ,SGRO 'DOGS PA DANG SKUR 'DEBS PA'I, ,MTHAR RTOGS PA NI PHUNG BAR 'GYUR, , ZHES PA DE YANG JI SKAD DU SMOS PA'I BSHAD PAS LEGS PAR BSHAD PAR 'GYUR TE, RANG BZHIN DU BRTAGS PA MED LA, GZHAN DBANG YANG BRDZUN PA SLU BA'I CHOS CAN BYAS PA RANG BZHIN MED PA YOD PA LA, GANG ZHIG DE'I TSE RANG BZHIN MED PA LA SGRO 'DOGS PAR BYED PA DANG SGYU MA DANG MTSUNGS PA BYAS PA NI MED DO ZHES SMRA BA DE NI NGES PAR PHUNG BAR 'GYUR RO, ,RTAG PA DANG CHAD PA'I MTHA'I PHYOGS NAS GNAS PAS NGES PAR NGAN 'GROR LTUNG BAS, 'DI LTAR RNAM RIG TU SMRA BA DE RNAMS LA STONG PA NYID PHYIN CI LOG PAR RTOGS PA MED DO ZHES BYA STE, DE RNAMS NI MKHAS PA RNAMS KYI TSAD MAR BRJOD PAR MI RIGS SO, ,DE LTAR YANG BDAG DANG BDAG GI BAS STONG PAR BSGRUBS PAS MIG RANG BZHIN MED PAR BSGRUBS NAS, SLAR YANG MIG GI RANG BZHIN STONG PAR BSGRUB PA'I PHYIR GSUNGS PA, RTAG PA BRTAN PA THER ZUG PA YONGS SU MI 'GYUR BA'I CHOS CAN MA YIN PAS MIG STONG NGO ZHES PAR 'BREL TO, ,DE BZHIN DU YANG BDAG GI SGRAS NI RANG BZHIN GYI RNAM GRANGS KYI PHYIR SKYON MED DO, ,DE LA MI RTAG PA DANG BRAL BAS RTAG PA'O, ,MI G-YO BA'I PHYIR BRTAN PA'O, ,GNAS SKABS THAMS CAD DU GNAS PA'I PHYIR THER ZUG PA'O, ,GZHAN DU MI 'GYUR BAS YONGS SU 'GYUR BA'I CHOS CAN MA YIN PA'O ZHES BYA STE, 'DI RNAMS NI RANG BZHIN GYI MING GI BYE BRAG YIN GYI NANG GI BYED PA'I SKYES BU'I NI MA YIN TE, RTEN CING 'BREL PAR 'BYUNG BA RKYEN 'DI PA TZAM LA RNAM PAR GNAS PAS NA SNGAR NYID DU DE DAG BKAG PA'I PHYIR RO, ,JI SKAD DU STONG PA NYID DON DAM PA'I MDO LAS, MIG SKYES BZHIN PA GANG DU YANG 'BYUNG BAR MI 'GYUR RO, ,'GAG BZHIN PA NAM YANG DMYAL BAR 'GRO BA YOD PA MA YIN NO, ,LAS YOD CING LAS KYI RNAM PAR SMIN PA @281A *, ,YOD LA, BYED PA PO NI MA DMIGS SO, ,GANG PHUNG PO 'DI NI 'JIG LA PHUNG PO GZHAN DU NYID MTSAMS SBYOR TE, CHOS KYI BRDA GZHAN LAS SO, ,DE LA CHOS KYI BRDA NI 'DI'O, ,'DI LTAR MA RIG PA'I RKYEN GYIS 'DU BYED CES BYA BA LA SOGS PA'O, ,MDO 'DIR NI THOG MAR BYED PA PO BKAG LA, PHYIS RTEN CING 'BREL PAR 'BYUNG BA RNAM PAR GZHAG PA NI, GANG LA RTEN CING 'BREL PAR 'BYUNG BA RNAM PAR GZHAG PA LAS MIG YOD PA THOB PA LA, THAR PA 'DOD PA RNAMS MIG TU MNGON PAR ZHEN PA'I GNYEN POR CHOS THAMS CAD BDAG MED PAR NYE BAR BSTEN PAS STONG PA NYID RNAM PAR THAR PA'I SGO LA 'JUG PA'I PHYIR RO, ,DE'I TSE RTAG PA'I BDAG BKAG PAS CUNG ZAD KYANG NYE BAR MKHO BO MED CING, MIG JI LTA BAR GNAS PA LA MNGON PAR ZHEN PA MA BKAG NA RTAG PA'I BDAG BKAG KYANG MIG LA SOGS PAR MNGON PAR ZHEN PA'I BA SPU YANG 'GUL BAR NUS PA MA YIN NO, ,RI DAGS DANG BYA LA SOGS PA BDAG RTAG PA MI DMIGS KYANG DER ZHEN PAS DE'I PHYIR 'DIR RTAG PA'I BDAG BKAG PA'I SGO NAS MIG BDAG MED PAR 'JOG PA NI MA YIN NO, ,'JOG NA YANG NYE BAR LEN PA LA RTAG PA'I BDAG BKAG PAS SAM RANG BZHIN DANG BCAS PA BKAG PAS SO, ,GANG YANG DE LTAR CI SKAD GSUNGS PA'I RIGS PAS BDAG MED PAS DE'I TSE, GNYEN PO MED PA'I PHYIR BDAG MED PA NYID KYANG YOD PA MA YIN NO ZHES GSUNGS PA, BDAG MED MI NA ZHES PA LA, BDAG DANG 'GAL BA'I CHOS 'GA' YANG MED DO ZHES BYA BA'I DON TO, ,YANG NA JI LTAR DNGOS PO DANG DNGOS PO MED PA LTAR BDAG DANG BDAG MED LA, JI LTAR YANG DNGOS PO MED NA DNGOS PO MED PA MED LA, DE BZHIN DU BDAG MED NA BDAG MED PA YANG SRID PA MED DO ZHES DGONGS PA'O, ,YANG GANG DU BDAG YOD PA YIN NA DE NI BDAG MED PA'I GZUGS LA SOGS PA'I DNGOS POR YANG DE MED DE, NYE BAR LEN PA PO MED NA NYE BAR BLANGS PA MED PAS GZUGS LA SOGS PA MA GRUB PA'I PHYIR ZHES GSUNGS PA, BDAG MED MIN PA STE BDAG MED PA YANG MA GRUB @281B PAS CHOS THAMS CAD MING TZAM DU GRUB PA'O, ,'DIR SMRAS PA, GAL TE YANG BDAG 'BA' ZHIG PA MED NA BDAG MED PA 'BA' ZHIG PA YANG MED LA, DE LTAR NA YANG ME DANG BUD SHING DAG BZHIN DU BDAG DANG BDAG MED DAG PHAN TSUN LTOS NAS GRUB PA YOD PAS DES BDAG DANG BDAG MED PA GNYIS KA YANG 'BYUNG BAR 'GYUR ZHE NA, GSUNGS PA, DE LTAR YANG BDAG DANG BDAG MED CES PA LA YOD PA MA YIN NO ZHES PA TSIG GI LHAG MA'O, ,GAL TE YANG DPYAD BZHIN PAS BDAG GAM BDAG MED PA 'GA' ZHIG YOD NA, DE'I TSE PHAN TSUN LTOS PA 'GRUB PAR 'GYUR LA, GANG DU DE GNYIS MED NA BDAG DANG BDAG MED PA GA LA 'BYUNG ZHES BYA STE, DES NA BDAG DANG BDAG MED PA YOD PA MA YIN NO, ,YANG NA 'DI NI DON GZHAN TE, KHA CIG GIS SMRAS PA, GAL TE YANG BDAG DANG BDAG MED PA MED LA DE LTA NA YANG BDAG DANG BDAG MED PA BKAG PA'I BDAG DANG BDAG MED PA MA YIN PA YOD LA, DE YOD PAS DGAG BYA BDAG MED PA YANG 'BYUNG BAR 'GYUR RO, ,GAL TE YANG BDAG DANG BDAG MED PA GNYIS SU BRTAGS PA DANG BRAL BA CHOS RNAMS KYI RANG BZHIN BDAG DANG BDAG MED PA MA YIN PAR 'BYUNG BAR 'GYUR RO ZHES PA 'DI YANG MI RIGS SO ZHES KHONG DU CHUD PAR BYA BA'I PHYIR GSUNGS PA, BDAG DANG BDAG MED 'GA' YANG MED, ,CES BYA'O, ,'GA' YANG MED CES PA'I 'GAG PA 'DI JI LTAR PHYIS DE MA THAG PA'I BRJOD PA 'GA' DANG MNGON PAR 'BREL LA, DE BZHIN DU SNGAR GYI DE MA THAG PA'I BDAG DANG BDAG MED PA DANG YANG 'BREL TO, ,DE LA 'DIR RI ZHIG SNGAR GYI RTOG PA BRJOD DE, JI SKAD BSHAD PA'I RIGS PAS BDAG DANG BDAG MED PA GNYIS KA YANG MA GRUB PA'I PHYIR, DE BKAG NA BDAG DANG BDAG MED PA GA LA 'BYUNG ZHES SGRUB BYED GSUNGS PA, BDAG MIN ZHES PA LA SOGS PA'O, ,PHYI MA'I RTOG PA YANG BDAG DANG BDAG MED PA LOGS SU BZHAG PA'I DNGOS PO RNAMS KYI RANG BZHIN YANG MED LA, BDAG DANG BDAG MED PA LAS THA DAD PA'I RANG BZHIN MA GRUB PA'I PHYIR BDAG DANG BDAG MED PA MA YIN @282A *, ,PA 'GA' YANG MED DO ZHES GSUNGS PA, BDAG DANG BDAG MED MIN 'GA' MED, ,CES SO, ,YANG 'DI'I DON GZHAN TE, CHOS THAMS CAD NI MING TZAM MO ZHES RNAM PAR GZHAG PA NA MU STEGS PAS SMRAS PA, CHOS THAMS CAD MING TZAM MA YIN TE, , KHO BO CAG GI GRUB MTHAS BSHAD PA BRTAG PA MA BYAS PA LA SOGS PAS KHYAD PAR DU BYAS PA'I BDAG GI DON YOD PA'I PHYIR RO ZHE NA, 'DIR SMRAS PA, BDAG MED DE, GANG GI PHYIR PHA ROL PO'I BDAG GI SGRA LA BRJOD BYA'I DON BDAG YOD PA MA YIN TE, RANG NYID LAS MA SKYES PA'I PHYIR BONG BU'I RVA BZHIN LA, BRTAG PA MA BYAS PA KUN TU 'GRO BA MA YIN TE, NAM MKHA'I ME TOG BZHIN MA SKYES PA'I PHYIR BDAG MED DO, ,'BYUNG BA'I SEMS PA CAN YANG 'DI SNYAM DU SEMS TE, BDAG MED PA NI BDEN LA, 'ON KYANG BDAG MED PA 'BYUNG BA TZAM YOD DO ZHES SO, ,RANG GI SDE PA DAG KYANG SMRAS TE, NANG GI BYED PA'I SKYES BU DANG BRAL BA'I BDAG MED PA PHUNG PO TZAM YOD LA, BDAG NI RNAM PA THAMS CAD DU MED DO ZHES SO, ,DE DAG LA LTOS NAS GSUNGS PA BDAG MED MIN NO ,BDAG MED PA NI MED PA NYID DE, JI LTAR MED PA DE LTAR YANG SNGAR NYID DU RGYAS PAR BSGRUBS SO, ,YANG RANG GI SDE PA KHA CIG NI 'DI SKAD SMRA STE, NYE BAR LEN PA LA BTAGS PA'I RDZAS SU YOD CING GANG ZAG TU YOD PA'I DNGOS PO NI YOD LA, CHOS THAMS CAD BDAG MED PA 'DI LA 'GA' ZHIG GIS DBANG DU BYAS PA MED PA'I PHYIR, DE YANG YOD PAS DE'I PHYIR BDAG MED PA YANG YOD DO ZHES SO, ,SMRAS PA, BDAG DANG BDAG MED 'GA' YANG MED, ,JI SKAD DU SMOS PA'I RIGS PAS CHOS DANG GANG ZAG DAG BKAG PA'I PHYIR, GANG GI TSE YANG 'DI LTAR BDAG DANG BDAG MED PA STE, BDAG DANG BDAG MED PA YANG MI 'THAD LA, DE'I TSE THAMS CAD TSIG TZAM STE, DON GYIS STONG PAR GRUB BO, ,'DIR SMRAS PA, GAL TE YANG KHYOD KYIS BRJOD BYA'I DON BKAG LA, DE LTA NA YANG GANG ZHIG DON GYIS STONG PA'I TSIG DE DE BZHIN DU YOD LA, DE @282B LAS TSIG DMIGS PA'I PHYIR DNGOS PO GZHAN YANG 'BYUNG BAR 'GYUR RO ZHES SO, ,YANG NA BRJOD BYA LAS GZHAN DU RJOD BYED MI 'THAD LA, TSIG 'DI DAG MA BKAG PAR YOD PAS DE'I PHYIR BRJOD BYA YANG 'BYUNG BAR 'GYUR RO ZHE NA, SMRAS PA, GAL TE RJOD BYED YOD PA NYID NA BRJOD BYA 'BYUNG BAR 'GYUR LA, YOD PA MA YIN NO ZHES SGRUB PAR BYED PA GSUNGS PA, BRJOD 'GA' MED CES SO, ,BRJOD BYA LAS GZHAN DU RJOD BYED KYANG MI 'JUG PAS BRJOD PA YANG MED DO, ,'O NA MO GSHAM GYI BU'I BRJOD PA BRJOD PA BRJOD BYA'I DON GYIS STONG YANG BRJOD BYA LAS GZHAN PA YOD PAS RJOD PA YOD DO ZHE NA, SMRAS PA, BRJOD PAS NI JI LTA BAR DNGOS PO DANG DNGOS PO MED PA'I BRJOD BYA LA BRDAR BYED LA, DNGOS PO DANG DNGOS PO MED PA DE DAG KYANG MED DO ZHES BSGRUBS LA, DE DAG MED NA GZHAN BRJOD BYA CI ZHIG YOD, BRJOD BYA MED NA RJOD BYED MED PAS BRJOD PA YANG MED DO, ,YANG NA GNAS PA LA SOGS PA MED PAR BSGRUBS PAS, GNAS PA LA SOGS PA MED NA SGRA MI 'GRUB PA THUGS LA BZHAG NAS BRJOD 'GA' MED CES SO, ,YANG NA TSIG NI DON GYIS STONG PAR BSGRUBS LA, SGRA YANG SGRA GZHAN GYI BRJOD BYA YIN PAS DON NYID LA DON DE YANG MED PA NYID DO ZHES BYA LA, DON MED PA'I PHYIR SGRA YANG MED PAR GZIGS NAS GSUNGS PA BRJOD 'GA' MED CES SO, ,BRJOD PA MED PAR GYUR NA YANG BRJOD BYA'I DON GRUB PA MED DO ZHES GNAS SO, ,'DIR SMRAS PA, GAL TE RJOD BYED KYIS BRJOD PA'I DON KYANG MED NA, DE'I TSE CI ZHIG YOD, SMRAS PA, KHO BOS SGYUR MA'I NOR GYIS PHYUG POR BYED PA'AM SMIG RGYU'I CHUS KHYOD KYI CHU'I GDUNG BA SEL BAR BYED PA'AM, SGYU MA'I RI DAGS KYI SHAS BKRES PA NYE BAR ZHI BAR BYED PAR MI NUS SO, ,'O NA 'DIR KHO NA NYID GANG YIN PA DE NYID GZUNG BAR BYA BAR 'GYUR LA, SLAR YANG 'DIR [?] DE KHO NA NYID DE CI ZHE NA, SMRAS PA, GAL TE KHYOD DE KHO NA NYID LA PHYIN CI LOG TU GO BA DANG SPONG BA DAG GIS LOG PAR SGRUB PAR MI BYED CING CHOS NYID ZAB MO LA GUS PA YANG SKYED NA DE'I TSE KHYOD KYI, BRJOD BYA MYA NGAN 'DAS @283A *, ,DANG MTSUNGS, ,DNGOS PO KUN GYI RANG BZHIN STONG, ,RANG BZHIN DANG NGO BO NYID DANG DE KHO NA NYID CES PA RNAM GRANGS SO, ,RANG BZHIN GYIS STONG PA NI RANG BZHIN DANG BRAL BA ZHES BYA BA'I DON TO, ,MYA NGAN LAS 'DAS PA NI RTAG PA MA LUS PA SKYE BA MED PA'I RANG BZHIN RANG GI MTSAN NYID CUNG ZAD KYANG MED PA STE, JI SKAD DU BCOM LDAN 'DAS KYIS GANG NGES PAR 'DI NI SDUG BSNGAL MA LUS PA SPONGS PA, BOR BA BYANG BAR GYUR PA ZAD PA'I 'DOD CHAGS DANG BRAL BA 'GOG PA NYE BAR ZHIB NUB PAR 'GYUR BA SDUG BSNGAL GZHAN DU NYID MTSAMS MI SBYOR BA, 'DI NI NYE BAR LEN PA MED PA'O, ,'DI NI ZHI BA GYA NOM PA'O, 'DI LTAR PHUNG PO THAMS CAD SPANGS PA SRED PA ZAD PA 'DOD CHAGS DANG BRAL BA 'GOG PA NI MYA NGAN LAS 'DAS PA'O ZHES SO, ,'DI LTAR MYA NGAN LAS 'DAS PA'I RANG BZHIN CI YANG MED PA DE LTAR CHOS THAMS CAD KYI RANG BZHIN CI YANG MED PAS DE'I PHYIR CHOS RNAMS KYI DE KHO NA NYID PHYIN CI MA LOG PAR BSTEN PA, GANG ZHIG CHOS THAMS CAD KYI RANG BZHIN MYA NGAN LAS 'DAS PA DANG MTSUNGS PAR BRJOD PAR BYA'O, ,DE LTAR NA CHOS RNAMS KYI DE KHO NA NYID PHYIN CI MA LOG PAR BRTEN PAR 'GYUR GYI GZHAN DU MA YIN NO, ,'DIR SMRAS PA, RE ZHIG MYA NGAN LAS 'DAS PA SDUG BSNGAL DANG BRAL BA TZAM LA RANG BZHIN MED PA NI RUNG GI ,PHYI DANG NANG GI CHOS 'DU BYED DANG MYU GU LA SOGS PA DANG, MA RIG PA DANG SA BON LA SOGS PA RGYU DANG RKYEN GYIS NYE BAR BSKYED PA'I BDAG NYID DU YOD PA RNAMS JI LTA BA RANG DANG SPYI DANG THUN MONG DU NYAMS SU MYONG BA'I RANG GI MTSAN NYID MYA NGAN LAS 'DAS PA LAS SHIN TU BSKAL PA'I MTSAN NYID RNAMS JI LTAR RANG BZHIN GYIS STONG PA NYID DU BSGRUB PAR NUS, DE'I PHYIR GANG CHOS THAMS CAD MYA NGAN LAS 'DAS PA'I RANG BZHIN MA YIN NO ZHES NA, SMRAS PA, GAL TE MA RIG PAS PHYIN CI LOG PA'I RNAM PAR SHES PA LA NYAMS SU MYONG BA RNAMS TSAD MAR 'GYUR NA, DE'I TSE 'PHAGS PA DANG 'PHAGS PA'I LAM GYIS CI DGOS PAR 'GYUR, BYIS PA'I SKYE BOS NYAMS SU MYONG BA NYID TSAD MA LA, TSAD MAS @283B YANG DAG PAR MTHONG BA'I PHYIR MA BTZAL BAR DE RNAMS GROL BAR GYUR TE, DE LTA BU YANG MED PAS DE RNAMS KYIS NYAMS SU MYONG BA NI TSAD MA MA YIN NO, ,JI LTAR 'PHAGS PA'I LAM GYIS MNGON DU BYAS PA'I 'PHAGS PAS CHOS RNAMS KYI CHOS NYID GZIGS PAR GYUR PA DE LA RANG BZHIN NO ZHES RIGS TE, GANG ZHIG MA MTHONG BA LAS BYIS PA RNAMS NYON MONGS LA, GANG ZHIG MTHONG BA LAS 'PHAGS PA RNAMS PA RNAM PAR GROL LO, ,JI LTAR NA 'DI RNAMS MYA NGAN LAS 'DAS PA DANG MTSUNGS NA RANG BZHIN GYIS STONG PA'O, ,'O NA DE KHO BO LA MNGON SUM MA YIN NA, DE JI LTAR KHO BO CAG GIS 'DI RTOGS PAR NUS SHE NA, SMRAS PA, MOS PA MED PA DANG DAD PA MED PA SDIG PA'I GROGS PO DANG 'BREL PA THOS PA CHUNG BA LE LO CAN RMONGS PA LA SOGS PA DANG LDAN PAS DE RTOGS PAR 'GAL BAS DES LA 'DI MI MTHONG STE, NYON MONGS PA'I GO SKABS SU 'GYUR BAS, SBYIN PA DANG SPRO BA DANG THOS PA MANG BA DGE BA'I BSHES GNYEN BRTEN PA DAD PA DANG MOS PA LA SOGS PA SO SOR BRTEN PAR BYA'O ZHES BYA STE, 'DI DAG DANG LDAN PAS 'PHAGS PAS BSTAN PA'I RIGS PA DANG DPE YANG 'DIR KHAS BLANG BAR BYA'O, ,DE LTAR THABS DANG BCAS GANG RIGS PAS NGES PAR YOD NA CHOS RNAMS KYI RANG BZHIN MNGON SUM NYID DU 'GYUR RO, ,SLAR YANG CI ZHIG 'DIR 'PHAGS PAS BSTAN PA'I RIGS PA GANG GIS CHOS RNAMS KYI CHOS NYID MYA NGAN LAS 'DAS PA DANG MTSUNGS PAR RIGS PAS MNGON SUM DU 'GYUR ZHE NA, 'PHAGS PAS NYE BAR BSTAN PA'I PHYIR GSUNGS PA, GANG ZHIG DNGOS KUN RANG BZHIN NI, ,RGYU RKYEN TSOGS PA'AM SO SO'I DNGOS, ,KUN LA YOD MIN DE PHYIR STONG, ,ZHES PA LA DE LA RGYU NI 'BRAS BU RDZOGS PAR BYED PA LA 'DRA BA'I 'BRAS BU RDZOGS PAR BYED PA'I THUN MONG MA YIN PA'O, ,'DI LTA STE S'A LU'I MYU GUS S'A LU'I SA BON NO, ,RKYEN NI THUN MONG BA STE, 'DI LTA STE S'A LU'I MYU GU DE NYID KYI SA LA SOGS PA'O, ,DE YANG JI LTAR S'A LU'I MYU GU SKYED PA'I YAN LAG GI DNGOS POR GYUR PA DE BZHIN NAS KYI MYU GU LA SOGS @284A *, ,PA YANG NGO, ,MYU GU LA SOGS PA'I RGYU LAS SKYES PA'I 'BRAS BU SA LA SOGS PA'I RNAM PA DANG RJES SU 'BREL PA MA YIN LA S'A LU'I SA BON GYI RNAM PA DANG RJES SU 'BREL TO ZHES BYA'O, ,RGYU'I DNGOS PO 'BA' ZHIG TZAM DU NYE BAR 'GRO BAS 'DI LA RKYEN NYID DU RNAM PAR 'JOG GO , ,RE ZHIG GANG 'DI'I RGYU DANG RKYEN DU 'GYUR NA RDZOGS PAR BYED PA NI RGYU'I DNGOS POR GNAS LA, GANG DU RKYEN NI 'DI'I NGES PA'I RGYU MA YIN TE, 'DI LTA STE RNAM PAR SHES PA'I DMIGS PA'I RKYEN NO, ,DE NYID KYI SA NA RGYU GNYIS DANG RKYEN GNYIS SO ZHES SO; ,YUL GCIG LA RGYU RKYEN GYI SGRA'I SBYOR BA BCOM LDAN 'DAS KYIS MDZAD DO, ,TSOGS PA NI DNGOS PO DE DAG MA TSANG BA MED PAR NYE BAR GNAS PA LAS SKYE'I GZHAN DE MA THAG PA NYE BAR GNAS PA LAS MA YIN PAS RGYU RKYEN TSOGS PAR 'DIR RTOGS PAR BYA'O, ,SO SO'I DNGOS PO NI DE RNAMS THA DAD PA STE, RGYU DANG RKYEN TSOGS PA MA YIN PA'I SO SO'I DNGOS PO'I RGYU DANG RKYEN TSOGS PA MA YIN PAS SO SO'I DNGOS PO DE THAMS CAD LA 'BRAS BU'I DNGOS PO THAMS CAD KYI RANG BZHIN MED DO, ,DE'I PHYIR DES STONG PAS RANG BZHIN DANG BRAL BA ZHES BYA BA'I DON TO, ,GAL TE 'DIR DNGOS PO RNAMS KYI RANG BZHIN 'GA' ZHIG YOD NA DE NGES PAR 'DUS BYAS SAM 'DUS MA BYAS SU YOD PAR 'GYUR, DE LA RE ZHIG 'DUS MA BYAS NI RGYU MED PA BDAG NYID KYI DNGOS PO MA SKYES PA LA RANG BZHIN GYIS BRJOD PA'I SKAL BA DANG LDAN PA MI RIGS SO, ,'DUS BYAS LA YANG RANG BZHIN MI 'THAD DE, CI'I PHYIR NA GAL TE 'DUS BYAS KYI RANG BZHIN DU GYUR LA, 'DUS BYAS RNAMS NI RGYU DANG RKYEN LAS SKYE BA'I PHYIR NA SKYE BA RGYU DANG RKYEN LA RAG LAS PAR 'GYUR LA, RGYU DANG RKYEN LA RAG LAS NAS SKYE BA NI BYAS PA STE, RANG BZHIN DU MI 'THAD DO, ,YANG 'DI SNYAM DU SEMS TE, RGYU DANG RKYEN GYIS BSKYED PA'I DNGOS PO RNAMS KHO NA RANG BZHIN NO ZHE NA, NGES PAR 'DI SKAD BRJOD PAR BYA STE RGYU DANG RKYEN GANG LAS RANG BZHIN GANG ZHIG SKYE NA DE CI DE RNAMS LA YOD PA LAS DE SKYE BAR 'GYUR GYI, GANG ZHIG GANG @284B LA MED PAR DE DE LAS MI SKYE STE, 'DI LTA STE 'JIM PA LAS SNAM BU'AM SKUD PA LAS BUM PA ZHES SO, ,'DI NI RGYU LA SOGS PAS LA SKYE BAR 'DOD NA NGES PAR RGYU LA SOGS PA LA RANG BZHIN YOD PA NYID DU KHAS BLANG BAR BYA NA, 'DI NI KHAS BLANG BAR MI NUS TE, YOD BZHIN PA NA DMIGS PAR THAL BA DANG, SKYE BA DON MED PA DANG, THUG PA MED PA'I SKYON DANG, RGYU MED PA YOD PAR THAL BAR 'GYUR RO, ,GAL TE YANG RGYU LA SOGS PA LA 'BRAS BU'I RANG BZHIN YOD NA, DE DAG LA THAMS CAD KYI BDAG NYID KYIS YOD DAM CHA SHAS KYIS SO, ,DE LA RE ZHIG GAL TE THAMS CAD KYIS BDAG TU RTOG NA RGYU DANG RKYEN RNAMS MANG PO'I PHYIR 'BRAS BU DU MAS 'JUG LA, DE'I PHYIR RGYU LA SOGS PA SO SO LA 'BRAS BU MED LA RGYU DU MAS 'BRAS BU GCIG SGRUB PA MA YIN ZHING, RGYU GCIG GIS BSGRUB PAR BYA BA NYID DU 'GYUR RO, ,DE'I PHYIR GANG LA GNAS PA DE NYID LA 'JUG PA'I PHYIR DE LTAR RE ZHIG THAMS CAD KYI BDAG NYID KYI RGYU LA SOGS PA LA 'BRAS BU MI GNAS SO, ,DA NI CHA SHAS KYIS KYANG MI GNAS TE, 'BRAS BU GCIG DUM BUR SKYE BAR THAL BAR 'GYUR LA, RGYU THA DAD PA NA YANG RGYU DU MAS 'BRAS BU SKYED PAR THAL LO, ,GANG YANG RGYU LA SOGS PA LA MI GNAS NA, DE RGYU LA SOGS PA LAS MI SKYE LA RTZA BA'I RAB BYED DANG POR YANG NA DE RKYEN LA SOGS PA LA MED KYANG DE RNAMS LAS 'BYUNG NA, RKYEN MIN LAS KYANG 'BRAS BU NI, ,CI PHYIR MNGON PAR 'BYUNG MI 'GYUR, ,ZHES PA'I TSIG LAS SO, ,GANG GI TSE 'BRAS BU RGYU LA SOGS PA LA MI GNAS PA'I PHYIR DE DE RNAMS LAS MI SKYE LA, DE'I TSE MA SKYES PA LA YOD PA NYID MI RUNG NGO, ,GANG YANG DE NI DA LTAR NA DES NA DNGOS PO RNAMS KYI RANG BZHIN MED PAS DNGOS PO THAMS CAD MYA NGAN LAS 'DAS PA DANG MTSUNGS PA RANG BZHIN GYIS STONG PAR GRUB BO, , 'DIR KHA CIG GIS SMRAS PA, RGYU DANG RKYEN GYI GRANGS BZHIN DU 'BRAS BU RNAMS YOD PAR KHO BO CAG KHAS MI LEN LA, DE'I PHYIR 'BRAS BU YOD PA NYID KYI SKYON KHO BO LA MED CING MED PA NYID KYANG BRJOD PAR MI NUS TE, SHIN TU MI 'DRA BA MED PA'I PHYIR, BUM PA DANG THAGS @285A *, ,MKHAN LTA BU S'A LU'I SA BON DANG S'A LU'I MYU GU LA MED LA, DE SKYED PA'I NUS PA YOD PA'I PHYIR DE LTAR DE NI RGYU LA SOGS PA LA 'BRAS BU YOD PA DANG MED PA NYID KYI BSAM PA SPANGS TE RGYU LAS 'BRAS BU SKYE'O ZHES PA 'DIS RE ZHIG SKYE BA GRUB PAR RNAM PAR 'JOG GO, , SKYE BA GRUB PAR GNAS PAS 'GAG PA GRUB PAR 'GYUR TE, GNAS PA LA SOGS PA NI MING TZAM MA YIN PA KHO NA'O, ,SKYE BA DANG GNAS PA DANG 'JIG PA DANG LDAN PAS DNGOS PO RNAMS RANG BZHIN MED PA MA YIN TE, RANG GI MTSAN NYID DU YOD PA'I PHYIR RO ZHE NA, SMRAS PA, DE LTAR SMRAS PA DE NI GANG CUNG ZAD TZAM STE, CI'I PHYIR NA, GANG ZHIG DNGOS PO RNAMS KYI RANG GI MTSAN NYID GRUB PAR 'DOD NA, DE'I RANG GI MTSAN NYID DE, RGYU LA SOGS PA LA YOD PA'AM MED PA ZHIG ,BRTAGS PA GSUM PA NI MED LA, GAL TE YANG RGYU NI 'BRAS BU SKYED PA'I NUS PA CAN DU YOD NA; DE LTA NA YANG RGYU LA 'BRAS BU'I RANG GI MTSAN NYID YOD PA MA YIN TE, DNGOS PO RNAMS MA BYUNG BA 'BYUNG BAR KHAS BLANGS PA'I PHYIR RO, ,DE LTA NA YANG SKYON DE NYID LAS LOG PA MA YIN NO, ,GZHAN YANG, YOD PA YOD PHYIR SKYE BA MIN, ,MED PA MED PHYIR MI SKYE LA, ,CHOS MI MTHUN PHYIR YOD MED MIN, ,SKYE BA MED PAS GNAS 'GAG MED, ,GANG ZHIG 'DI SKAD DU SMRA STE, YOD PA DANG MED PA'I BSAM PA SPANGS NAS RGYU LAS 'BRAS BU SKYE'O ZHES BYA STE, 'DIR SKYE BA GRUB BO ZHE NA, DE NI MA YIN TE, CI'I PHYIR NA DNGOS POR SMRA BA'I DNGOS PO RGYU MTSAN NI YOD PA DANG MED PA'O, ,CI'I PHYIR DE GNYIS SU SMRA BA SPANGS NAS RTEN CING 'BREL PAR 'BYUNG BA STONG PAR SMRA BA BZHIN NO, ,DES NA GANG ZHIG RGYU LAS SKYE'O ZHES BRJOD NA, CI DE YOD PA SKYE 'AM, 'ON TE MED PA SKYE, GAL TE RE ZHIG YOD NA, DE'I TSE 'BRAS BU DE YOD PA'I DNGOS PO'I PHYIR RTAG TU YOD BZHIN PA LA STE, YOD BZHIN PA'I PHYIR DA LTA BA'I RNAM PAR SHES PA BZHIN SKYE BA MA YIN NO ZHES BYA STE, DE LTAR RE ZHIG YOD PA SKYE BAR MI 'GYUR TE YOD PA'I PHYIR RO, ,YANG NA MED NA MED BZHIN PA'I RANG BZHIN GYI 'BRAS BU NI DE LTA NA YANG MED PA'I PHYIR 'BRAS BU RTAG TU YOD BZHIN PA MIN LA, @285B YOD BZHIN PA MA YIN PA'I PHYIR RI BONG GI RVA BZHIN SKYE BA MED DO, ,DE LTA NA YANG GNYIS KYI TSUL GYIS SKYE BAR 'GYUR RO ZHE NA, SMRAS PA, CHOS NI MI MTHUN PHYIR YOD MIN, ,GANG ZHIG 'GAL BA'I CHOS DE NI MI MTHUN PA STE, 'GAL BA'I CHOS KYI DNGOS PO NI CHOS MI MTHUN PA'O, ,YOD PA DANG MED PA DAG PHAN TSUN 'GAL BA GANG LA DE YOD PA DE PHAN TSUN 'GAL BA'I CHOS MI MTHUN PA'I DNGOS PO LA GANG ZHIG SKYE BA YOD PA MA YIN NO, ,SKYE BA YOD NA YOD PAR 'GYUR GYI SKYE BA MED PA LA GNAS PA DANG 'GAG PA MI 'THAD DO ZHES BYA STE, GNAS PA DANG SKYE BA DANG 'JIG PA MED CING, DE LAS GNAS PA LA SOGS PA'I TSIG DON GYIS STONG PAR GRUB LA, GNAS PA DANG SKYE BA DANG 'JIG PA DANG BRAL BA'I DNGOS PO RNAMS RANG GI MTSAN NYID YOD PAR GAL 'GYUR ZHES BYA STE, DNGOS PO RNAMS MYA NGAN LAS 'DAS PA DANG MTSUNGS PAR RANG BZHIN MED PAR GRUB BO, ,'DIR SMRAS PA; GAL TE YANG DE LTAR YOD PA LAS SKYE BA'AM MED PA LAS SKYE ZHES SMRA BAR MI NUS KYANG DE LTA NA YANG SKYE'O ZHES BYA BA 'DI NI RE ZHIG SKYE BO BA LANG RDZI MO'I BAR LA GRAGS PAR YOD LA, DE'I PHYIR SKYE BA LA SOGS PA YOD PA'O ZHES BYA LA DE YOD PAS DNGOS PO RNAMS KYI RANG BZHIN YOD DO ZHE NA; SMRAS PA, GAL TE BSKYED PA ZHES BYA BA GZUGS LA SOGS PA'I DNGOS PO RNAMS KYI RANG BZHIN YOD NA DE LTAR 'GYUR LA 'ON KYANG MED DE CI'I PHYIR NA 'DIR BSKYED BYA CUNG ZAD YOD NA, DE SKYED PAS YOD PAR 'GYUR GYI, BSKYED BYA CUNG ZAD KYANG MED LA, SKYES PA DANG MA SKYES PA DANG SKYE BZHIN PA'I BSKYED PA MNGON PAR 'DOD PA RNAMS KYI SKYES PA DANG MA SKYES PA NGA SKYES BZHIN PA'I BSKYED BYA NYID MI SRID DO ZHES BSTAN PA'I PHYIR GSUNGS PA, SKYES PA GANG ZHIG BSKYED BYA MIN, ,MA SKYES DE YANG BSKYED BYA MIN, ,SKYES PA DANG NI MA SKYES PA'I, ,SKYE BZHIN PA YANG BSKYED BYA MIN, ,DE LA RE ZHIG SKYES PA NI YOD BZHIN PA'I PHYIR RO, ,DA LTAR BA BZHIN BSKYED BYA MIN TE, SKYE BAR MI RUNG BA SA SO, ,YANG NA BSKYED BYA DE DE LTAR NA SKYES PA MA YIN PA DE SKYE BA LA LTOS PA'I PHYIR RO, ,YANG NA SKYES PA YANG BSKYED BYAR 'GYUR NA, DE'I TSE @286A *, ,GRUB PA LA SGRUB PAR 'GYUR LA NAM YANG BSKYED BYA MA YIN PAR MI 'GYUR RO ZHES BYA STE, DE LTAR RE ZHIG SKYES PA BSKYED BYA MIN NO, ,GANG MA SKYES PA DE DNGOS PO MA THOB PA'I PHYIR CI'I NGO BO YANG MA YIN LA GANG ZHIG CI'I NGO BO YANG MA YIN PA DE NI NGES PAR GZUNG BA'I NGO BOR MED PA'I PHYIR 'DI ZHES BYA BA DE LAS SKYE'O ZHES PA'I BYE BRAG BSTAN DU MED PAS MA SKYES PA YANG BSKYED BYA MIN NO, ,GZHAN YANG GANG MA SKYES PA DE LA RTEN MED PAS SKYE BA'I BYA BA 'JUG PA NYID MI SRID DO ZHES BYA STE, MA SKYES PA BSKYED BYA MIN NO, ,'DIR SMRAS PA, MA SKYES PA NYID BSKYED BYA MIN LA SKYES PA THAMS CAD KYANG MA YIN NO, ,'ON KYANG GANG GIS RGYU RKYEN GYI TSOGS PA NYE BA LAS MA SKYES PA DE NYID BSKYED PAR BYA BA'O ZHE NA, SMRAS PA, DE SU ZHIG GI ,RGYU DANG RKYEN GANG GIS BSKYED PAR BYA BA'I 'O, ,SLAR YANG SU ZHIG GIS BSKYED PAR BYA NA, GANG DE'I RGYU DANG RKYEN GYIS SO ZHES BRJOD PA NA PHAN TSUN BRTEN PA THOB PAR 'GYUR NA PHAN TSUN DAG MA GRUB PAS GNYI GA YANG MED PA'I PHYIR MA SKYES PA BSKYED BYA MIN, NGA NI SKYES BZHIN PA YANG BSKYED BYA MIN TE, CI'I PHYIR NI SKYE BZHIN PA NI SKYES PA DANG MA SKYES PA'I PHYIR 'DIR SKYE BZHIN PA ZHES BYA BA GANG ZHIG CUNG ZAD SKYES LA CUNG ZAD MA SKYES PA'O, ,GANG DE'I CUNG ZAD SKYES PA DE DE BZHIN DU BSKYED BYA MA YIN TE, BSHAD PA'I SKYON YOD PA'I PHYIR RO, ,GANG 'DI'I MA SKYES PA YANG BSKYED BYA MA YIN TE, SMOS PA'I SKYON YOD PA'I PHYIR RO, ,SKYES PA DANG MA SKYES PA ZHES PA SKYES PA PA DANG MA SKYES PA'I PHYIR RO ZHES PA'I DON TE, DANG PO'I MTHAR CAN GYI GTAN TSIGS SU BSTAN PA'I PHYIR DNGOS PO GCIG LA SKYES PA DANG MA SKYES PA DUS GCIG PA MI SRID DO ZHES BYA STE, DE LTAR GYUR PA'I DNGOS PO MI SRID PAS BSKYED BYA MA YIN PA NYID DO, ,GANG GI TSE DE LTAR SKYES PA BSKYED BYA MA YIN LA MA SKYES PA YANG BSKYED BYA MA YIN ZHING SKYES PA DANG MA SKYES PA'I SKYE BZHIN PA YANG BSKYED BYA MA YIN PAS, DE'I TSE BSKYED BYA MED PAS 'DI DAG BSKYED PAR GA LA 'GYUR ZHES PA DE LTAR 'GYUR RO, ,GANG GI TSE BSKYED PA ZHES BYA BA DE LA MI SRID PA DE'I TSE SKYE BA MED DO ZHES BYA BA GRUB BO, , @286B 'DIR SMRAS PA, GAL TE BSKYED BYA MI SRID KYANG DE LTA NA YANG 'BRAS BU SKYED BYED KYI RGYU RE ZHIG YOD LA, BSKYED BYA MED NA SKYED BYED KYANG MI RUNG NGO ZHES BYA STE, DES NA BSKYED BYA YANG 'BYUNG BAR 'GYUR RO ZHE NA, SMRAS PA, GAL TE SKYED BYED KYI RGYU NYID YOD NA BSKYED BYA YOD PAR 'GYUR LA, YOD PA MA YIN NO ZHES BSTAN PA'I PHYIR GSUNGS PAS, 'BRAS BU YOD NA 'BRAS LDAN LA, ,DER MED GYUR NA RGYU MED MTSUNGS, ,YOD DANG MED PA NA YANG 'GAL, ,DUS GSUM DU YANG 'THAD MA YIN, ,'DIR YOD BZHIN PA'I MNYAM PA'I SA BON DANG LCAGS SREG GI GONG BU LA SOGS PA LA; MYU GU'I RGYUR RNAM PAR 'JOG STE, MI RUNG BA'I PHYIR, SA BON LA RNAM PAR 'JOG STE MYU GU ZHES BYA BA'I 'BRAS BU DANG LDAN PA'I PHYIR RO, ,DE NI 'DI LTAR 'BRAS BU DANG 'BREL PA MED PA'I PHYIR RGYU MA YIN LA, LDAN PA'I SGRA 'DI NI RGYU'I RJOD BYED DU 'CHAD NA, GYUR NA ZHES KHA BSKANG NGO, ,DES NA 'BRAS BU YOD NA 'BRAS BU DANG LDAN PAR 'GYUR RO ZHES BYA STE, 'BRAS BU YOD NA RGYUR 'GYUR RO ZHES PA'I DON TO, ,GZHAN DU GAL TE 'BRAS LDAN GYI SGRAS KHYAD PAR DU BYAS PAR MA GYUR NA, DE'I TSE 'DI SU'I KHYAD PAR YIN PAS GZUNG BAR MA GYUR PAS SU ZHIG 'BRAS BU DANG LDAN ZHES BYA'O, ,DE LAS KYANG DON MA TSANG BAR 'GYUR TE, RGYU'I RJOD BYED LA 'BRAS LDAN GYI SGRA'I DON MA TSANG BAR 'GYUR RO, ,YANG NA 'DI NI RGYU MED MTSUNGS, ,ZHES BRJOD PA'I SHUGS LAS DON GYIS THOB NA, DE LTA NA YANG 'GRO BA PO MA YIN PA MI 'GRO'O ZHES PA 'DI'I RGYU'I SGRAS BRJOD PA'I SHUGS GANG ZHIG LAS DON GYIS THOB PAR RIGS KYI GZHAN MA YIN LA, RGYU'I SGRA'I RNAM GRANGS NYE BAR LEN PAR BRJOD KYI SHUGS KYIS THOB PAR MA BSHAD DO ZHES BYA'O, ,DE LTAR YIN NA YANG DE LTA NA YANG SKYON CI YANG MED DE BSHAD PA LAS BYE BRAG BSGRUB PAR BYA'O, ,DE LA LNGA PO DA LTAR BA'I 'BRAS BU 'DZIN CING, GNYIS NI DA LTAR BA SKYED PAR BYED LA DA LTAR BA DANG 'DAS PA LA NI GNYIS KYIS SO, ,GCIG NI 'DAS PAS BSKYED DO ZHES CHOS MNGON PA LAS RNAM PAR GZHAG PA'I PHYIR, LHAN CIG 'BYUNG BA DANG SKAL BA MNYAM PA DANG @287A *, ,MTSUNGS PAR LDAN PA DANG KUN DU 'GRO BA DANG RNAM PAR SMIN PA ZHES BYA BA'I RGYU LNGA DA LTAR BA'I GNAS SKABS NYID NA 'BRAS BU 'DZIN TE, 'BRAS BU MA BZUNG NA MA 'ONGS PA'I DNGOS PO BSKYED MI NUS PA'I PHYIR NA RGYU'I DNGOS PO LA GNAS SO, ,'BRAS BU YANG 'GA' ZHIG DA LTAR BA NYID DU SKYED DE 'DI LTA STE, LHAN CIG 'BYUNG BA'I RGYU DANG SKAL BA MNYAM PA'I RGYU DAG GI SKYES BU BYED PA'I 'BRAS BU BZHIN NO, ,'GA' ZHIG DA LTAR BA DANG 'DAS PA STE, 'DI LTA STE SKAL BA MNYAM PA'I RGYU DANG KUN DU 'GRO BA'I RGYU DAG GI RGYU MTHUN PA'I 'BRAS BU'O, ,'DAS PA'I DNGOS POS BSKYED DO ZHES PA NI GSAL LO, ,DA LTAR BA NI DE MA THAG TU RDZOGS PA'I PHYIR 'BRAS BU BSKYED PA'O, ,'BRAS BU SKYES PA NA DE DAG KYANG 'DAS PA 'BRAS BU BSKYED PA'I PHYIR SLAR YANG 'BRAS BU SKYED PA MA YIN LA, DA LTAR BSKYED PA'I 'BRAS BU SLAR BSKYED PAR MI NUS SO, , RNAM PAR SMIN PA'I RGYU NI 'DAS PA NYID KYIS 'BRAS BU 'BYIN TO, ,GANG GI TSE DE LTAR RGYU RNAMS 'BRAS BU 'DZIN PA DANG SKYED PA'I 'BREL PA BYAS PAS RGYU NYID LA DE'I TSE 'BRAS BU YOD NA DE DANG 'BREL PA'I RGYU NI RGYU NYID DU 'THAD KYI MED PA LA NI MA YIN NO, ,GANG YANG RGYU RNAMS RGYU NYID DU GRUB PA'I DON DU 'BRAS BU YOD PAR KHAS LEN PA DE'I TSE 'BRAS BU YOD BZHIN PA LA RGYUS CI ZHIG BYA, GANG GI DON DU RGYU YONGS SU TSOL BA DE'I 'BRAS BU YOD PA NYID NA RGYUS DGOS PA CUNG ZAD KYANG MED DO ZHES BYA'O, ,YANG NA 'BRAS BU 'DI'I RGYU 'DI'O ZHES PA RNAM PAR GZHAG PA'I DON DU 'BRAS BU YOD BZHIN PA'I RGYU 'DOD PA DE YANG MI 'THAD DE, CI'I PHYIR NA 'DIR 'BRAS BU YOD PAR KHAS BLANGS PA LA DGOS PA MED PAS RGYU MED PA NYID DU GRUB PAR 'DOD PA DANG, RGYU MED NA 'BRAS BU YOD PA NYID SEL BA DANG PHAN TSUN BRTEN PAS BSAL BAR 'GYUR BAS RGYU DANG 'BRAS BU 'DI'I RGYU 'DI'I ZHES MI 'THAD DO, ,DES KYANG 'BRAS BU 'DI'I RGYU 'DI'O ZHES RNAM PAR GZHAG PAR DON DU 'BRAS BU YOD BZHIN PA'I RGYU 'DOD PA DE NI MI RIGS TE, JI SRID DE'I 'BRAS BU MA RDZOGS PA DE SRID DU DNGOS PO 'GA' ZHIG RGYU'I RNAM PAR GZHAG PA MED PAR 'GYUR BAS @287B 'BRAS BU DON DU GNYER BA'I 'JIG RTEN PA SU ZHIG NYE BAR LEN PA DANG SPONG BA LA 'JUG PAR 'GYUR, 'BRAS BU DON DU GNYER BA RNAMS KYIS SNGAR RGYU NYE BAR LEN CING RGYU MA YIN PA YONGS SU SPANGS NAS 'JUG PAR 'GYUR RO ZHE NA, 'DI DAG NI CUNG ZAD TZAM STE, DE NI 'BRAS BU YOD NA RGYUS DGOS PA CUNG ZAD KYANG MED DO, ,YANG NA DE'I RGYUS DGOS PA YOD DO ZHE NA, DE LTA NA YANG DE NI YOD PA MA YIN TE, SKYES PA SLAR YANG MI SKYE BAS THUG PA MED PA'I SKYON DANG, SKYE BA DON MED PA'I PHYIR RO ZHES BYA STE, SKYE LTAR DE BZHIN DU 'BRAS BU YOD PA NI RGYU 'THAD PA MA YIN NO, ,YANG NA JI SKAD SMOS PA'I SKYON BSAL BA'I DON DU MED PA 'BRAS BU 'DOD NA, DE LTA NA YANG, DER MED NA YANG RGYU MED MTSUNGS, ,ZHO ZHES BYA BA 'BRAS BU YOD NA, 'O MA NI DE'I RGYU LA CHU NI MA YIN NO ZHES RIGS PAR 'GYUR TE, 'BRAS BU LDAN PA DANG MI LDAN PA'I PHYIR RO; ,GANG DU DE'I 'BRAS BU ZHO ZHES BYA BA MED, DE'I TSE ZHO ZHES BYA BA 'O MA'I 'BRAS BU LA CHU LA SOGS PA NI RGYU MA YIN PA DANG 'O MA RGYU YIN PA DAG KHYAD PAR MED PA'I PHYIR 'O MA LA SOGS PA LA ZHO MI SKYE BAR 'GYUR TE, RGYU MED PA DANG MTSUNGS PA'I PHYIR RO, ,DE LTAR 'BRAS BU MED NA DE LA RGYU YANG MED DO, ,YANG NA 'DI SNYAM DU YOD PA DANG MED PA'I 'BRAS BU'I RGYU YOD DO ZHE NA, SMRAS PA, YOD DANG MED PA NA YANG 'GAL TE, 'BRAS BU GCIG LA YOD PA DANG MED PA PHAN TSUN 'GAL BA'I PHYIR MI SRID DO ZHES BYA STE, DE LTA BU'I 'BRAS BU YOD PA MA YIN PA NYID DO, , DE MED NA 'BRAS BU YOD BZHIN PA MA YIN LA, 'BRAS BU LA LTOS PA MED PA'I RGYU NAM YANG GA LA ZHIG CES PAS JI SKAD DU SMOS PA'I RIGS PAS DUS GSUM DU 'BRAS BU'I RGYU 'THAD PA MA YIN NO ZHES BYA STE RGYU MED DO, ,DE NYID KYIS NA GSUNGS PA, DUS GSUM DU YANG 'THAD MA YIN, ,ZHES BYA'O, , DE LA 'BRAS BU YOD PA'I RGYU 'DOD NA SNGAR 'BRAS BU LA PHYIS NI RGYU'O ZHES THOB PAR 'GYUR TE, SLOB MA DANG SLOB DPON BZHIN NO, ,'BRAS BU MED NA SNGAR NI RGYU LA PHYIS NI 'BRAS BU'O ZHES THOB PAR 'GYUR TE ZHO DANG 'O MA BZHIN NO, ,YOD PA DANG MED PA'O ZHE NA, DA LTA BA LA RGYU DANG 'BRAS @288A *, ,BU DAG 'THOB PAR 'GYUR TE, SKYE BZHIN PA NI YOD PA DANG MED PA'I NGO BO'I PHYIR RO, ,DE NI 'DI LTAR RNAM PA THAMS CAD RGYU MI 'THAD PAR GZIGS NAS GSUNGS PA, DUS GSUM DU YANG 'THAD MA YIN, ,ZHES SO, ,YANG NA DUS GSUM DU YANG 'THAD MA YIN, , ZHES PA'I YANG GI SGRA NI PHYI BAR BLTA'O, ,DE LA RGYU NI 'DAS PA DANG DA LTAR DANG MA 'ONGS PA NYID KYIS NA DUS GSUM LA 'BRAS BU YANG DUS GSUM MO, ,'BRAS BU RE RE LA YANG DUS GSUM DU YANG RGYU MI SRID DO, JI LTAR BSTAN PA'I RIGS PAS ZHES GSUNGS PA, DUS GSUM RNAMS SU 'THAD MA YIN, ,ZHES BYA'O, DE SKAD DU YANG RTZA BA'I RAB BYED NYI SHU PAR, 'DAS PA'I 'BRAS BU 'DAS PA YI, ,RGYU DANG LHAN CIG MA YIN LA, ,MA SKYES PA DANG MA SKYES PA, ,NAM YANG LHAN CIG YOD MA YIN, ,MA SKYES PA YI 'BRAS BU DANG, ,MA SKYES RGYU DAG LHAN CIG MIN; ,'DAS PA DANG NI MA SKYES PA, ,NAM YANG LHAN CIG YOD MA YIN, ,MA SKYES PA YI 'BRAS BU DANG, ,SKYES PA'I RGYU DAG LHAN CIG MIN, ,MA SKYES PA DANG MA 'GAGS PA, ,LHAN CIG NAM YANG MA YIN NO, ,ZHES GANG GI CHOS 'DI LTAR DPYAD NA RGYU MI SRID PA DE'I TSE RGYU MED NA; DES BSKYED BYA 'BRAS BU MED LA, BSKYED BYA 'BRAS BU MED PAS SKYE BA MED PA GRUB BO ZHES BYA'O, ,'DIR SMRAS PA, RGYU'I GRANGS NYE BAR BSTAN PA YOD PA'I PHYIR YOD PA NYID DE, YOD PA MA YIN PA'I RUS SBAL GYI SPU LA GRANGS NYE BAR STON PA MA YIN LA RGYU'I GRANGS NYE BAR BSTAN PA'I PHYIR, BYED RGYU LHAN CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN DU 'GRO DANG RNAM SMIN RGYU, ,RGYU NI RNAM PA DRUG TU 'DOD, ,CES CHOS MNGON PA LAS SO, ,MDO LAS KYANG GSUNGS PA, CHOS GCIG NI KHYAD PAR GYI SKAL BA CAN TE, GANG TSUL BZHIN YID LA BYED PA'O, ,RGYU DANG RKYEN GNYIS KYIS YANG DAG PA'I LTA BA BSKYED PA STE, NANG GI BDAG NYID KYIS TSUL BZHIN YID LA BYED PA DANG, GZHAN LAS RJES SU MTHUN PA'I SGRA'O, ,CHOS GSUM NI MANG PO BYED PA STE, SKYES BU DAM PA BSTEN @288B PA DANG, DAM PA'I CHOS NYAN PA DANG, TSUL BZHIN YID LA BYED PA'O ZHES SO, SMRAS PA, GAL TE RGYU YOD NA, DE'I GRANGS YOD PA NYID LA, YOD PA MA YIN TE, JI LTAR MED PA DE LTAR BSTAN PA'I PHYIR GSUNGS PA, ,GCIG MED PAR NI MANG PO DANG, ,MANG PO MED PAR GCIG MI 'JUG ,DE PHYIR RTEN CING 'BREL 'BYUNG BA'I, ,DNGOS PO MTSAN MA MED PA YIN, ,'DIR THA DAD PA RNAMS SU BGRANG BA'I BRDA LA 'JIG RTEN DU GRANGS ZHES RNAM PAR 'JOG STE, THA DAD PA 'DI RNAMS BGRANG BAR BYED RTZI BAR BYED DO ZHES BYAS NAS GRANGS DE YANG GCIG DANG GNYIS DANG MANG PO LA SOGS PAS SO, ,DE LA GANG 'DI'I GCIG GI GRANGS LAS BGRANG BYA GCIG TU RNAM PAR 'JOG LA, DE BZHIN DU GNYIS KYI GRANGS KYIS GNYIS KYI DNGOS PO LA, MANG PO'I GRANGS KYIS MANG PO'I DNGOS PO'O, ,DE LA GANG ZHIG GCIG MANG PO'I DNGOS PO LA MI LTOS PAR 'GA' ZHIG GRUB PAR 'GYUR NA GCIG GI GRANGS SU 'GYUR LA, MANG PO LA MA LTOS PAR GCIG GI DNGOS PO'I RANG GI NGO BO GRUB PA MED DO, ,DE LA GANG RE ZHIG BDAG NYID DANG BCO LNGA'I CHOS SKYE BA DE RNAMS CHOS BCO LNGA LA MA LTOS PA'I GCIG GI CHOS NI MED DO, , GZHAN YANG GAL TE 'DI'I GZUGS CAN GYI DNGOS PO GCIG 'DOD NA, DE 'DOD PA'I KHAMS SU RDZAS BRGYAD KYI BDAG NYID LA, DBANG PO LAS 'DAS PA'I PHYIR ZHES PA'I NGES PA LAS SGRA'I RDUL PHRA RAB NI MA YIN NO, ,RDZAS BDUN LA MA LTOS PAR RANG GI NGO BO GRUB PA MED DO, YANG NA GAL TE GZUGS KHAMS SU SEMS DANG SEMS LAS BYUNG BA'I RANG BZHIN LA, SEMS DANG SEMS BYUNG NGES LHAN CIG ,ZHES PA'I NGES PA LAS THAMS CAD BSDUS NA RDZAS BCU GCIG GI BDAG NYID LA LTOS SO, ,YANG NA LDAN PA MA YIN PA RNAMS KYI STE, ,DE LA YANG; DE DAG SKYE BA'I SKYE LA SOGS, ,DE CHOS BRGYAD DANG GCIG LA 'JUG ,CES PA'I NGES PA LAS DE DE LTAR MANG PO LA LTOS PAR DNGOS PO GCIG MED LA, GANG GI TSE 'DI LTAR MANG PO LA MA LTOS PAR DNGOS PO GCIG MED PA DE'I TSE, DNGOS PO GCIG PU 'GRUB PAR @289A *, ,MI 'GYUR NA, GCIG BSAGS PA GA LA ZHIG ,GCIG BSAGS PA MED NA MANG PO YOD PA MA YIN NO ZHES BYA STE, MANG PO YANG MED DO, ,JI SKAD DU 'PHAGS PA LAS, DNGOS PO GANG GANG RNAM BRTAGS NA, ,DE DANG DE LA GCIG MED LA, ,GANG DU GCIG KYANG MED PA NA, ,GANG DU MA 'ONGS YOD MA YIN, ,ZHES SO, ,GANG GI TSE DE LTAR DNGOS PO MANG PO LA MA LTOS PAR DNGOS PO GCIG MED PA DE'I TSE, DNGOS PO GCIG MED PA LA MANG PO 'THAD PA MA YIN NO, ,GANG GI TSE YANG DNGOS PO GCIG MED PAR GYUR NA MANG PO MI 'THAD PA DE'I TSE MANG PO MED PAS DE DANG 'BREL PA LAS BYUNG BA'I GCIG KYANG MED DO ZHES GSUNGS PA, MANG PO MED PAR GCIG MI 'JUG ,CES BYA BA LA, MANG PO MED NA GCIG MI SRID DO ZHES BYA BA'I DON TO, ,GANG DU GCIG LA GCIG GAM MANG PO'I DNGOS PO MED PA DE LA GCIG GI GRANGS SAM MANG PO NYID KYI GRANGS GA LA 'JUG BYA BA STE, DES NA GRANGS MED LA, GRANGS MED NA YANG GRANGS SRID PA'I RGYU MTSAN GYIS GRUB PA'I RGYU MI 'GRUB BO, ,'DIR SMRAS PA, GAL TE GCIG MED NA DE LA GCIG GI THA SNYAD MI 'BYUNG NA, BUM PA GCIG CES PA DANG, GAL TE MANG PO MED NA DE'I TSE MANG PO'I THA SNYAD MED PAR 'GYUR NA, BUM PA MANG PO ZHES SO, ,SMRAS PA, SU ZHIG DE SKAD SMRA, GCIG MED CING MANG PO MED DO ZHES BYA BA, KHO BOS GCIG DANG MANG PO'I DNGOS PO'I NGO BO GRUB PA BKAG LA, GANG LAS DE RNAMS KYI RANG GI NGO BO GRUB PA MED PA, DE PHYIR RTEN CING 'BREL 'BYUNG BA'I, ,DNGOS PO MTSAN MA MED PA YIN, ,GANG KHO NA DE RNAMS KYI NGO BO MA GRUB PA DE NYID KYIS NA DNGOS PO RNAMS RTEN CING 'BREL PAR 'BYUNG BAR 'GYUR RO, ,RANG BZHIN YOD PA RNAMS SKYE BA DON MED PA'I PHYIR, RANG BZHIN MA GRUB PA'I GZUGS BRNYAN LA SOGS PA NI RTEN CING 'BREL PAR 'BYUNG BA NYE BAR THOB LA, DE NYID KYIS NA CHOS THAMS CAD MTSAN MA MED PA DANG CHOS THAMS CAD RANG BZHIN GYIS STONG PAR GRUB PA'AM, RANG BZHIN MED PAS PHAN TSUN DU BYE BRAG YONGS SU MA BRTAGS PAS MTSAN MA MED PA STE, @289B DNGOS PO THAMS CAD BYE BRAG MED PAS GCIG GI RANG BZHIN NO ZHES BYA BA'I DON TO, ,RNAM PAR SHES PA'I YUL MA YIN PA'I PHYIR YANG MTSAN MA MED PA STE, RNAM PAR SHES PA NI MTSAN MA LA DMIGS PA'I PHYIR NA, RNAM PAR SHES PA'I DMIGS PA GZHAN LAS KHYAD PAR 'GA' ZHIG GIS KHYAD PAR DU GYUR PA'I RANG GI DMIGS PA LA 'JUG BZHIN PAS 'JUG PAR 'GYUR GRANG NA, DE YANG KHYAD PAR GYI DMIGS PA'I RANG BZHIN MED PAS MED DO ZHES BYA STE, 'DI NYID KYIS NA RNAM PAR SHES PA'I YUL MA YIN PAS DNGOS PO MTSAN MA MED PA'O ZHES BYA'O, ,GZHAN DAG NI GZHAN DU 'ANG SMRA STE, 'DIR NGES PAR THA SNYAD KYI DON DU DON LA MID DAG 'JUG LA, DE RNAMS KYANG PHAN TSUN DU RANG LAS GZHAN PA'I MING RNAM PAR GCAD PA'I SGO NAS RANG GIS RTOGS PAR BYED LA, MANG PO YOD KYANG DE DAG RNAM PAR GCAD PA'I DON DU GCIG CES BYA BA'I TSIG 'THAD LA, DE YANG GZHAN MED NA 'DIS CI ZHIG RNAM PAR GCAD PAR BYA ZHES BYA STE, SBYOR BAR MI BYED PAR THAL LO, ,MING GI RANG BZHIN LAS GZHAN PA'I GCIG GI GRANGS 'GA' ZHIG YOD PA MA YIN TE, DGRA DE LAS MA GROL LO ZHES BYA BA LTA BU LA SOGS PA YUL GZHAN DU BRJOD PA'I THA SNYAD LAS DE DAG 'DI LTAR MANG PO DANG 'BREL PA DANG MANG PO'I RGYU MTSAN GYIS MANG PO LAS GZHAN DU GCIG YOD PA MA YIN NO ZHES BYA BA LA, GZHAN LA RAG LAS PAS RANG BRGYUD PA MA YIN LA, RANG BRGYUD PA MA YIN PA'I PHYIR YONGS SU MA GRUB BA'O, ,DE BZHIN DU GRANGS CIG SHOS KYANG SHES PAR BYA'O, ,GAL TE DE LTAR GRANGS MI 'THAD NA GCIG DANG GNYIS DANG MANG PO LA SOGS PA'I THA SNYAD JI LTAR 'DOGS SHE NA, DE PHYIR RTEN CING 'BREL 'BYUNG GI ,DNGOS PO MTSAN MA MED PA YIN, ,'DI SKAD CES SMRAS PAR 'GYUR TE, GANG GI PHYIR DE LTAR PHAN TSUN LTOS PA'I PHYIR NA GCIG GAM MANG PO LA RANG GI MTSAN NYID MI GNAS PA DE'I PHYIR RTEN CING 'BREL BAR [?] 'BYUNG BA'I RNAM PA THAMS CAD LA DE LTAR DNGOS PO MTSAN NYID MED PA'O, ,JI LTAR THAGS KYI YON TAN GYI MTSAN NYID PAS THAGS NYID LA MA GRUB KYANG, NYE BAR BRTEN NAS SNAM BU NYID DU BTAGS LA, @290A *, ,DE BZHIN DU DON DAM PAR GCIG MED KYANG DE LA BRTEN NAS MANG PO'I THA SNYAD BYED LA, MANG PO MA GRUB NA YANG DE LA BRTEN NAS GCIG GI THA SNYAD 'DOGS LA, DON DAM PAR NI MTSAN MA MED PAS DNGOS PO'I MTSAN MA MED PA ZHES BYA'O, ,MTSAN MA MED PA NYID PAS MTSAN MA MED LA, DNGOS PO NYID DU THA SNYAD PA'I BLOS MTSAN MAR BYAS PAS MTSAN MA ZHES BYA STE, DE YANG YONGS SU MA GRUB PA NYID PAS MTSAN MA MED PA ZHES BYA'O, ,'DIR SMRAS PA, GAL TE KHYOD KYIS DE LTAR GRANGS BKAG PAS RGYU MED PAR BSGRUBS NA, KHO NA DE LTAR GYUR NA KHYOD KYIS RTEN CING 'BREL PAR 'BYUNG BA THOB PAR MI 'GYUR TE, JI LTAR ZHE NA, 'DI LTAR 'DIR RGYU LA BRTEN NAS 'BRAS BU GANG ZHIG SKYE BRTEN CING 'BREL PAR 'BYUNG BA'O, ,DE YANG RGYU MED PAR BSGRUBS PAS GNOD PAR 'GYUR LA, DE LA GNOD PA YANG RUNG BA MA YIN TE, DE MTHONG BAS CHOS MTHONG BAR BCOM LDAN 'DAS KYIS GSUNGS TE, GANG RTEN CING 'BREL BAR 'BYUNG BA MTHONG BA DES CHOS MTHONG LA, GANG GIS CHOS MTHONG BA DES DE BZHIN GSHEGS PA MTHONG NGO ZHES MDO LAS GSUNGS PA'I PHYIR RO, ,DES NA RTEN CING 'BREL PAR 'BYUNG BA YOD PA'I PHYIR SKYED BYED KYI RGYU YOD DO ZHE NA, SMRAS PA, RGYU LA BRTEN NAS 'BYUNG BAR BRTAGS PA NI RUNG GI RGYU MED PA LA NI MA YIN NO, ,'DI LTAR YANG RTEN CING 'BREL PAR 'BYUNG BAR BRTAGS PA MI 'THAD DE, BDAG GI PHYIR, RTEN 'BYUNG YAN LAG BCU GNYIS GANG, ,SDUG BSNGAL 'BRAS CAN DE MA SKYES, ,SEMS GCIG LA YANG MA YIN ZHING, ,DU MA LA YANG DE MA YIN, ,DE LA MA RIG PA'I RKYEN GYIS 'DU BYED CES BYA BA LA SOGS PA NAS RGA SHI'I MTHAR THUG PA LA RTEN CING 'BREL PAR 'BYUNG BA YAN LAG BCU GNYIS SU GSUNGS LA, DE YANG RTEN CING 'BREL PAR 'BYUNG BA 'DI'I 'BRAS BU SDUG BSNGAL TE, SDUG BSNGAL NI 'DI'I 'BRAS BU ZHES BYA BAS SDUG BSNGAL 'BRAS CAN LA, GANG MI RTAG PA DE SDUG BSNGAL LO ZHES RNAM PAR GZHAG PA'I PHYIR, YAN LAG BCU GNYIS PO 'DI RNAMS NI RTAG PA'O, ,MI RTAG PA'I PHYIR @290B GNOD PA'I BDAG NYID CAN LA, GNOD PA'I BDAG NYID YIN PA'I PHYIR SDUG BSNGAL LO, ,DE NYID KYIS NA GSUNGS PA, 'DI LTAR 'DI NI SDUG BSNGAL GYI PHUNG PO CHEN PO 'BA' ZHIG 'BYUNG BAR 'GYUR RO ZHES SO, ,GANG ZHIG BYAS PA DE MI RTAG LA, GANG MI RTAG PA DE NGO BO NYID KYIS MA SKYES BA'O; ,GANG ZHIG NGO BO NYID KYIS MA SKYES PA DE SKYE BA MED PA'O ZHES GSUNGS PA, SDUG BSNGAL 'BRAS CAN DE MA SKYES, ,ZHES SO, ,SDUG BSNGAL 'BRAS BU'I PHYIR MA SKYES PA ZHES BYA BA'I DON TO, ,SU ZHIG SKYE BA MED CE NA, GSUNGS PA, RTEN 'BYUNG YAN LAG BCU GNYIS GANG, ,ZHES PA LA; RGYU'I YAN LAG KYANG SDUG BSNGAL YIN PA'I PHYIR SKYE BA MED PAS YONGS SU BZUNG BAS STONG PA NYID DU SO SOR GNAS PAR 'THAD DO, ,GANG GI PHYIR 'DI DAG GANG ZHIG SDUG BSNGAL 'BRAS CAN YAN LAG BCU GNYIS KYI RTEN CING 'BREL PAR 'BYUNG BA GSUNGS PA DE YANG SKYE BA MED, CI'I PHYIR ZHE NA, GANG GI PHYIR RNAM PAR DPYAD NA, SEMS GCIG LA YANG MA YIN ZHING, ,DU MA LA YANG DE MA YIN, ,DE LA MA RIG PA DANG 'DU BYED DAG ,'DAS PA'I SRID PAS BSDUS PA'I PHYIR DANG, RNAM PAR SHES PA DANG, MING DANG, GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA'I YAN LAG RNAMS DA LTAR GYI SRID PAS BSDUS PA'I PHYIR DANG, SKYE BA DANG RGA SHI'I YAN LAG RNAMS MA 'ONGS PA'I SRID PAS BSDUS PA'I PHYIR SEMS GCIG LA MI SKYE LA, DU MA'I SEMS KYANG DUS GCIG TU NYE BA MA YIN PA'I PHYIR MI SKYE'O, ,SEMS GCIG LA YANG 'DAS PA DANG, MA 'ONGS PA DANG, DA LTAR BYUNG BA'I SRID PA RNAMS CIG CAR DU YOD PA MA YIN TE, SNGAR DANG PHYI MA'I YAN LAG DAG SA BON DANG MYU GU BZHIN DU SEMS GCIG LA BRTEN PA RIGS PA DANG 'GAL BA'I PHYIR RO, ,ZHES BYA LA; DU MA LA YANG DE MI SRID DO, ,YANG NA 'DI LTAR SEMS TE, 'DAS PA DANG, MA 'ONGS PA'I SEMS BLOS GZUNG ZHING, DA LTAR BA NI YOD BZHIN PA'I PHYIR DU MA'I SEMS LA BRTEN NAS YAN LAG BCU GNYIS KYI RTEN CING 'BREL BAR 'BYUNG BA RNAM PAR 'JOG GO ZHE NA, SMRAS PA, @291A *, ,GAL TE YANG KHYOD KYIS 'DAS PA DANG MA 'ONGS PA'I SEMS BLOS SGRO BTAGS PAR BYAS NA, DE LTA NA YANG DE DAG GI RANG GI NGO BO MED PAS RTEN CING 'BREL PAR 'BYUNG BA'I RTEN NYID DU MI RUNG NGO, ,SEMS LA MA BRTEN PAR YANG RTEN CING 'BREL PAR 'BYUNG BA'I RNAM PAR GZHAG PA MI 'THAD DO, ,DE'I PHYIR SEMS DU MA CIG CAR DU NYE BA MA YIN PAS DU MA'I SEMS LA MI RUNG NGO, ,GANG ZHIG 'DI SNYAM DU YANG SEMS NA, SEMS GCIG LA YANG YAN LAG BCU GNYIS RNAM PAR 'JIG STE, 'DI LTA STE RNYED PA'I DBANG GIS SROG CHAGS RNAMS SROG GCOD PAR BYED PA NA GANG RMONGS PA DE MA RIG PA'O, ,GANG SEMS PA DE 'DU BYED DO, ,DNGOS PO SO SOR MA RIG PAS RNAM PAR SHES PA LHAN CIG 'BYUNG BA'I DBANG LAS PHUNG PO RNAMS NI MING DANG GZUGS MING DANG GZUGS LA RNAM PAR GNAS PA'I DBANG PO RNAMS NI SKYE MCHED DRUG, ,SKYE MCHED DRUG LAS MNGON BAR GRUB PA NI REG PA, REG PA NYAMS SU MYONG BA NI TSOR BA, GANG CHAGS PA DE NI SRED PA, DE DANG MTSUNGS PAR LDAN PA'I KUN NAS BKRIS BA NI LEN PA, DES KUN NAS SLONG BA'I LUS DANG NGAG GI LAS MI SRID PA, CHOS DE RNAMS KYI GSAL BAR SNANG BA NI SKYE BA, YONGS SU SMIN PA NI RGAS PA, 'JIG PA NI 'CHI PA ZHES BYA'O, ,'DI DAG MING BSGRAGS PA TZAM GSUNGS PA NI BDEN TE, MA RIG PA LA SOGS PA SKAD CIG MA GCIG LA BYAS KYI RGYU DANG 'BRAS BU'I DNGOS PO NYE BAR BSTAN PA NI MA YIN LA, RGYU DANG 'BRAS BU'I DNGOS PO'I DON NI RTEN CING 'BREL PAR 'BYUNG BA'I DON TE, DE RNAMS LHAN CIG TU 'BYUNG BA MA GRUB BO, ,MAR ME DANG 'OD BA ZHIN DU GRUB BO ZHE NA, MA YIN TE, DE LA YANG MTSUNGS PAR 'GYUR BA'I PHYIR RO, ,GANG GI TSE SEMS GCIG LA YANG RTEN CING 'BREL BAR 'BYUNG BA DU MA MI SRID PA DE'I PHYIR RTEN CING 'BREL BAR 'BYUNG BA SKYE BA MED DO ZHES GRUB BO, ,'DIR SMRAS PA, GAL TE YANG SEMS GCIG GAM DU MA RTEN CING 'BREL PAR 'BYUNG BA 'DI RNAMS MI SRID NA, DE LTA NA YANG BCOM LDAN 'DAS KYIS RTEN CING 'BREL PAR 'BYUNG BA YAN LAG BRGYUD MA RNAMS KYIS RGYU BRGYUD MA NYE BAR GSUNGS LA, @291B YOD BZHIN PA MA YIN PA'I MO GSHAM GYI BU LA RGYU BRGYUD MAR NYE BAR MA BSTAN PAS, DE'I PHYIR RTEN CING 'BREL BAR 'BYUNG BA YOD DO ZHES BYA STE, 'DI LTAR RGA SHI'I RGYU SKYE BAR GSUNGS LA, SKYE BA'I SRID PA LA JI SRID DU 'DU BYED RNAMS KYI MA RIG PA'O, ,MA RIG PA DE YANG GLO BUR BA NYID DGAG PA'I PHYIR BCOM LDAN 'DAS KYIS GSUNGS PA, DGE SLONG DAG MA RIG PA YANG RGYU DANG BCAS RKYEN DANG BCAS 'BYUNG KHUNGS DANG BCAS PA STE, MA RIG PA'I RGYU NI TSUL BZHIN MA YIN PA YID LA BYED PA'O ZHES BRJOD PAR BYA BAR 'GYUR RO ZHES BYA'O, ,DE LA GAL TE MA RIG PA MED NA 'DI'I RGYU NYE BAR STON PAR MI 'GYUR TE, MED PA'ANG NAM MKHA'I ME TOG GI PHRENG BA'I RGYU NYE BAR MI STON LA MA RIG PA'I RGYU TSUL BZHIN MA YIN PA NYE BAR BSTAN PAS SO, ,DE YANG PHYIN CI LOG BZHI'I RANG BZHIN BRTAG PA BDAG SDUG PA BDE BA'I DBYE BAS MA RIG PA'I RGYU'I DNGOS POR KHONG DU CHUD PAR BYA'O, ,DE'I PHYIR PHYIN CI LOG BZHIN LAS BYUNG BA'I MA RIG PA YOD LA, JI LTAR MA RIG PA PHYIN CI LOG BZHI LAS BYUNG BA YOD PA BZHIN DU 'DI LTAR MA RIG PA LAS BYUNG BA'I 'DU BYED KYANG 'BYUNG BAR 'GYUR ZHING, JI SRID DU SKYE BA LAS BYUNG BA'I RGA SHI'I BAR DU 'BYUNG BAR 'GYUR RO, ,DES NA RTEN CING 'BREL PAR 'BYUNG BA'I YAN LAG SRID PAS RTEN CING 'BREL BAR 'BYUNG BA YOD DO ZHE NA, DE LA MA RIG PA'I DBANG DU BYAS NAS SMOS PA, GAL TE RTEN CING 'BREL BAR 'BYUNG BA YOD NA, DE LAS BYUNG BA MA RIG PA YOD LA, GANG GI TSE RTEN CING 'BREL PAR 'BYUNG BA NYID MA GRUB NA, DE'I TSE RTEN CING 'BREL PAR 'BYUNG BA'I YAN LAG TU GYUR PA MA RIG PA 'BYUNG BAR GA LA 'GYUR, GZHAN YANG 'DIR MA RIG PA TSUL BZHIN MA YIN PA YID LA BYED PA LAS BYUNG NA, PHYIN CI LOG LAS 'BYUNG BAR BRJOD PAR BYA LA, DE LAS GAL TE PHYIN CI LOG YOD NA DE'I TSE DE LAS BYUNG BA'I MA RIG PA YANG YOD NA, YOD PA NI MA YIN NO ZHES BSGRUBS PA'I PHYIR GSUNGS PA, MI RTAG RTAG MIN BDAG MED DANG, ,BDAG MIN SDUG DANG MI SDUG MIN, ,SDUG BSNGAL BDE BA MA YIN ZHING, ,DE'I PHYIR PHYIN CI LOG RNAMS MED, , @292A *, ,DE LA MI RTAG PA LA RTAG PAR 'DZIN PA PHYIN CI LOG ,CI SLAR YANG DE MI RTAG PA'I DNGOS PO LAS PHYIN CI LOG PA RTAG PA KHONG DU CHUD PA MED NA, YANG JI LTAR MI RTAG PA LAS PHYIN CI LOG RTAG PA YIN, PHYIN CI LOG PAS NA PHYIN CI LOG STE LOG RTOGS SO, ,GANG GI TSE MI RTAG PA DE RTAG PAR MI 'GYUR ZHING MI RTAG PA YANG PHYIN CI LOG MA YIN NO, ,MI RTAG PA'I DNGOS PO NI MI RTAG PA LAS PHYIN CI LOG RTAG PA NYID DU THOB NAS PHYIN CI LOG TU GYUR PA MA YIN TE, 'ON KYANG MI RTAG PA NYID KYI DNGOS PO DE GANG GI TSE JI LTAR GNAS PA'I MI RTAG PA NYID DU LOGS SU BZHAG NAS RTAG PA NYID DU 'DZIN PA DE'I TSE, PHYIN CI LOG TU 'DZIN PAS PHYIN CI LOG CES BYA'O, ,SLAR YANG CI ZHIG PHYIN CI LOG 'DIS PHYIN CI LOG TU 'DZIN, SMRAS PA, RTAG PAR RO, ,SLAR YANG DE'I TSE JI LTAR 'DIS RTAG PAR 'DZIN, RNAM PAR SHES PA DE'I RNAM PAR BSKYED PA'I PHYIR RO, ,GAL TE DE LTA NA 'DI LTAR DE'I TSE, DE'I RNAM PAR SHES PA DE MI RTAG PA'I DNGOS PO LA MA YIN TE, DE DE'I RNAM PAR MA SKYES PA'I PHYIR RO, ,DES NA RNAM PAR SHES PA DE YANG MI RTAG PA LA MA YIN TE, YOD PA LA RTAG PA'I RNAM PAR 'DZIN PAS, RTAG PAR 'DZIN PA JI LTAR PHYIN CI LOG ,SMRAS PA; DNGOS PO MI RTAG PAR GNAS PA LA RTAG PA'I RNAM PAR 'DZIN PAS PHYIN CI LOG PA ZHES BYA'O, ,SLAR YANG DNGOS PO MI RTAG PA'I RNAM PAR GNAS SO ZHES DE JI LTAR DE LTAR RTOGS, GANG LA GANG LAS GANG GI RNAM PAR SHES PA BSKYED PA DES NA, RNAM PAR SHES PA LA GRAGS PA'I RNAM PA DE LAS DNGOS PO RNAM PAR 'JOG STE, SNGON PO DANG SER PO ZHES BYA BA LTA BU'O, ,RTAG PA'I RNAM PAR SHES PA NI GZHAN GYI RNAM PA MA YIN PA'I PHYIR, DE'I TSE MI RTAG PA'I RNAM PA NA DE'I RNAM PAR SHES PAS DNGOS PO GANG ZHIG 'DZIN PAR GA LA 'GYUR, GZHAN ZHIG LA DE'I MI RTAG PA BYAS NAS DNGOS PO MI RTAG GO ZHE NA, 'DI NI DE LTAR MA YIN TE, DE NYID DE'I TSE DE'I MI RTAG PA'O, ,GZHAN ZHIG NA DE'I RNAM PAR SHES PA MA SKYES PA'I PHYIR MI SNANG BA NYID LA, DE NI DE'I RNAM PA'O ZHES 'THAD PA MA YIN LA PHYIN CI LOG LA 'DZIN PA YIN NO ZHES BYA'O, ,DE'I PHYIR @292B RTAG PA'I RNAM PA PHYIN CI LOG MA YIN ZHING, RTAG PA DANG MI RTAG PA ZHES BYAS NAS PHYIN CI LOG NYID MED DE, DE LTAR NAM YANG BDAG MED PA DANG BDAG LA MIN ZHING, SDUG PA DANG MI SDUG PA LA YANG MA YIN LA, BDE BA DANG SDUG BSNGAL LA YANG MIN NO ZHES RGYAS PAR BSHAD PAR BYA'O, , DES NA DE LTAR PHYIN CI LOG MED LA GANG GI TSE PHYIN CI LOG MI SRID PA DE'I TSE, DE MED PHYIN CI LOG BZHI LAS, ,SKYES PA'I MA RIG MI SRID LA, ,DE MED 'DU BYED MI 'BYUNG ZHING, ,LHAG MA RNAMS KYANG DE BZHIN NO, ,DE LA GANG ZHIG SMOS PA'I YAN LAG BRGYUD MA RNAMS KYIS RGYU BRGYUD MAR BSTAN PA YOD PAS RTEN CING 'BREL PAR 'BYUNG BA YOD DO ZHES PA TSUL 'DIS 'THAD PA MA YIN NO, ,GANG ZHIG PHYIN CI LOG BZHI LAS BYUNG BA MA RIG PA NYID LA PHYIN CI LOG MED NA MED DO ZHES BSTAN LA, DE NYID KYIS 'DU BYED LA SOGS PA'I YAN LAG DGAG PA GRUB BO, ,GANG DU MA RIG PA MED PAR 'DU BYED RNAMS MI 'BYUNG LA DE BZHIN DU RNAM PAR SHES PA MED PAS MING DANG GZUGS BKAG PA STE, JI SRID DU SKYE BA MED PAS RGA SHI MED DO ZHES BYA BA'I BAR DU'O, ,DE LTAR RTEN CING 'BREL PAR 'BYUNG BA MED NA, DE DAG GIS RGYU BRGYUD MAR BSTAN PA LAS, DE'I YAN LAG BRGYUD MA GA LA ZHIG DES NA RTEN CING 'BREL PAR 'BYUNG BA SKYE BA MED DO ZHES GRUB BO, ,'DIR SMRAS PA, GAL TE NA YANG PHYIN CI LOG LAS BYUNG BA'I MA RIG PA PHYIN CI LOG MED PAS MED DO ZHES SMRAS NA, DE LTA NA YANG 'DIR RE ZHIG KHO NAR 'DI DAG MED DO ZHES RNAM PAR GZHAG PAR MI NUS TE, 'DU BYED SKYED PAS NA DE'I RGYU'I DNGOS POR BSTAN PA'I PHYIR DANG, 'DU BYED RNAMS KYANG MA RIG PA'I 'BRAS BUR BSTAN PA'I PHYIR RO, ,DE SKAD DU YANG BCOM LDAN 'DAS KYIS GSUNGS PA, MA RIG PA'I RJES SU 'GRO BA'I GANG ZAG 'DI DAG NI BSOD NAMS KYI 'DU BYED KYANG MNGON PAR 'DU BYED DO, ,BSOD NAMS MA YIN PA'I 'DU BYED KYANG MNGON BAR 'DU BYED DO, ,LUNG DU MA BSTAN PA'I 'DU BYED KYANG MNGON BAR 'DU BYED DO ZHES SO, ,DE'I PHYIR MA RIG PA DANG 'DU BYED DAG YOD LA, DE YOD NA GZHAN RTEN CING 'BREL @293A *, ,PAR 'BYUNG BA'I YAN LAG RNAMS GRUB PAS RTEN CING 'BREL PAR 'BYUNG BA YAN LAG BCU GNYIS GRUB BO ZHES BRJOD DO, ,GAL TE MA RIG PA DANG 'DU BYED DAG GI RANG BZHIN GRUB PAR GYUR NA, RTEN CING 'BREL PAR 'BYUNG BA YAN LAG BCU GNYIS YOD LA YOD PA MA YIN TE, JI LTAR MED PA DE LTAR BSGRUB PA'I PHYIR GSUNGS PA, MA RIG 'DU BYED MED MI 'BYUNG, ,DE MED 'DU BYED MI 'BYUNG ZHING, ,DE DAG PHAN TSUN RGYU CAN TE, ,RANG BZHIN GYIS KYANG MA GRUB BO, ,GAL TE MA RIG PA 'DU BYED RNAMS KYI RGYUR RNAM PAR GZHAG PA NI 'DI LTAR 'DU BYED MED PA'I PHYIR DE MED LA RGYU GANG ZHIG RGYU NYID DU 'BRAS BU DANG 'BREL PA BYAS PA LAS YIN GYI 'BREL PA MED NA RGYU NYID NAM YANG MA YIN PA'I PHYIR RO, ,YANG NA 'BRAS BU NYE BAR MA BZUNG BAR 'GA' ZHIG RGYU NYID DU 'GYUR NA, DE LTA NA 'GA' ZHIG 'GA' ZHIG GI RGYUR MI 'GYUR LA, DE'I PHYIR RGYU'I RNAM PAR GZHAG PA 'BRAS BU MED NA MA YIN LA RGYU YANG MA RIG PA NI 'DU BYED RNAMS KYI'O ZHES BYA STE, MA RIG PA NI 'DU BYED MED NA RGYUR MI 'GYUR LA, RGYU 'BRAS KYI DNGOS PO'I SKABS YIN PA'I PHYIR, RGYU'I SGRA MED KYANG RGYU NYID DU RTOGS PA NYID KYI 'BRAS BU RGYU'I SGRAS MA GSUNGS SO, ,JI LTAR 'BRAS BU LA MA LTOS PAR 'GA' ZHIG RGYU NYID MA YIN PA'I PHYIR MA RIG PA 'DU BYED MED NA MI 'BYUNG BA BZHIN 'BRAS BU YANG RGYU LA MA LTOS NA, RGYU MED PA LAS MI SRID DO ZHES BYA BA NI, DE MED 'DU BYED MI 'BYUNG ZHING, MA RIG PA MED NA 'DU BYED MI 'THAD DE RGYU MED PAR THAL BA'I PHYIR RO, ,GANG YANG 'DI LTAR RGYU DANG 'BRAS BU DAG PHAN TSUN MA LTOS PAR GRUB PA MED LA, DE'I PHYIR DE DAG PHAN TSUN RGYU CAN DANG, NGO BO NYID KYIS KYANG MA GRUB STE, PHA ROL DANG TSU ROL BZHIN NAM RING PO DANG THUNG DU BZHIN RGYU DANG 'BRAS BU DAG PHAN TSUN LTOS PA DANG BCAS PA'I PHYIR NGO BO NYID KYIS GRUB PA MED DO, ,GAL TE RGYU DANG 'BRAS BU DAG NGO BO NYID KYIS GRUB PAR GYUR NA, DE NI 'BRAS BU LA MI LTOS PAR RGYUR 'GYUR NA, DE LAS KYANG RGYU MED PA NYID DU 'GYUR TE, RGYU NI GANG LAS @293B 'BRAS BU'I 'JUG PA'I RGYU NYID PAS RGYU'O, ,DE MED NA RGYU MED PA NYID RGYUR 'GYUR TE, RGYU MED PA NYID RGYUR 'THAD PA YANG MA YIN NO ZHES BYA BAS, DES NA NGES PAR 'BRAS BU LA LTOS LA, 'BRAS BU LA LTOS PA'I PHYIR RANG NYID MA GRUB BO, ,DE BZHIN DU GAL TE 'BRAS BU NGO BOS GRUB PAR GYUR NA, DE NI RGYU LA MI LTOS PAR 'GYUR LA, DE YANG RGYU LA MI LTOS NA, DE NI NAM MKHA'I ME TOG BZHIN DU 'GYUR BAS DE'I PHYIR RGYU LA LTOS, RGYU LA LTOS PA'I PHYIR NGO BO NYID MA GRUB BO ZHES GNAS SO, ,DE NI 'DI LTAR JI SKAD DU GSUNGS PA'I RIGS PAS; GANG ZHIG RANG NYID RANG BZHIN GYIS, ,MA GRUB DES GZHAN JI LTAR BSKYED, ,DE'I PHYIR GZHAN LAS GRUB PA YI, ,RKYEN GZHAN DAG NI SKYED BYED MIN, ,GANG YANG DE'I TSE 'BRAS BU LA MA LTOS PAR RANG GI NGO BO MI 'GRUB LA, DE JI LTAR RANG NYID GRUB PA MED PAR 'BRAS BU SKYED PAR BYED, GAL TE SKYED NA MO GSHAM GYI BU MO YANG BU SKYED PAR 'GYUR LA, DE'I PHYIR GZHAN LAS GRUB PA YI, ,RKYEN GZHAN DAG NI SKYED BYED MIN, ,RANG LAS THA DAD PA GZHAN DU GYUR PA NI 'BRAS BU LA DE LA LTOS NAS GRUB PA'I MA RIG PA LA SOGS PA'I RKYEN GYIS RANG LAS THA DAD PA'I 'BRAS BU 'DU BYED LA SOGS PA'I SKYED BYED MA YIN NO, ,PHAN TSUN MI LTOS PAR GRUB PAR YOD PAR GYUR NA, RGYU LAS GZHAN PA 'BRAS BU LAS GZHAN PA RGYU'I ZHES 'THAD PAR 'GYUR LA, RGYU DANG 'BRAS BU DAG PHAN TSUN MA LTOS PAR GRUB PA YOD PA MA YIN NO ZHES BSGRUBS ZIN TO, ,DES NA MA RIG PA LAS 'DU BYED RNAMS GZHAN NYID DU MA GRUB PAS 'DU BYED RNAMS LA MA LTOS PAR MA RIG PA GZHAN NYID DU GRUB PAR 'GYUR RO ZHES BRJOD PAR MI NUS SO, ,DE LTAR 'DU BYED LA SOGS PA LAS MA RIG PA LA SOGS PA GZHAN NYID DU MA GRUB NA, MA RIG PA LA BRTEN NAS BYUNG BA'I 'DU BYED RNAMS GZHAN NYID DU GRUB BO ZHES RNAM PAR GZHAG PAR MI NUS SO, ,GANG ZHIG DE LTAR, DE'I PHYIR GZHAN LAS GRUB PA YI, ,RKYEN GZHAN DAG NI SKYED BYED MIN, ,DES NA 'DIR MA RIG PA LA BRTEN NAS 'DU BYED LA, 'DU BYED LA @294A *, ,LTOS NAS MA RIG PA'O ZHES RNAM PAR GZHAG PAS RE ZHIG RGYU DANG 'BRAS BU DAG GCIG NYID MA YIN NO ZHES SMOS PAR 'GYUR RO, ,DE NYID KYIS DE NYID SKYED PA MED DO ZHES BYAS NAS, PHAN TSUN LTOS PAS RGYU DANG 'BRAS BU DAG GRUB PAR GYUR LA, PHAN TSUN LTOS PAS RANG GI NGO BO GRUB PA MED PAS RGYU DANG 'BRAS BU DAG GZHAN PA YANG MA YIN NO ZHES BRJOD PAR 'GYUR RO, ,DE NYID KYIS NA GCIG PA DANG GZHAN PA DAG MED PAS RTAG PA DANG CHAD PA'I MTHAR SMRA BA DANG BRAL BA'I RTEN CING 'BREL PAR 'BYUNG BA GRUB PA YONGS SU SKYE'O, , JI SKAD DU, BRTEN NAS BYUNG BA GANG DANG GANG, ,RE ZHIG DE NYID DES MI BSKYED, ,GZHAN LAS KYANG MIN DE YI PHYIR, ,RTAG MIN CHAD PA YANG MA YIN, ,ZHES BYA STE, RTEN CING 'BREL PAR 'BYUNG BA RANG BZHIN MED PAR YANG SHIN TU GSAL BAR KHONG DU CHUD PAR BYAS PAR 'GYUR RO; ,JI SKAD DU, GCIG NYID GZHAN NYID DANG BRAL BA, ,'GRO BA SGRA BRNYAN LTA BU STE, ,'PHO DANG 'JIG PA BRAL BA YI, ,RTOGS LDAN KHYOD LA MI SMOD DO, ,ZHES GSUNGS SO, ,GAL TE YANG DE LTAR RGYU DANG 'BRAS BU DAG PHAN TSUN LTOS PA CAN DU GRUB PAR RNAM PAR BZHAG LA; DE LTA NA YANG PHAN TSUN LTOS PA CAN DU GRUB PAS DE DAG KYANG BU DANG PA BZHIN DU GRUB PAR 'GYUR RO ZHE NA, GSUNGS PA, PHA NI BU MIN BU PHA MIN, ,DE DAG PHAN TSUN MED MIN ZHING, ,DE GNYIS CIG CAR YANG MED LTAR, ,DE LTAR YAN LAG BCU GNYIS SO, ,PHA NYID BU MA YIN TE; PHA ZHES BYA BA SKYED BYED LA, DE JI LTAR BSKYED BYAR 'GYUR, BU YANG PHA MIN TE, BU NI BSKYED BYA LA, DE JI LTAR SKYED BYED DU 'GYUR, ,DE LTAR RE ZHIG PHA NYID BU MA YIN LA BU NYID PHA MA YIN NO, ,THA MI DAD PA MA YIN PA'I PHYIR DE GNYIS PHAN TSUN MED PA MIN TE, BU MED NA PHA 'THAD PA MA YIN TE, SKYED PAR BYED PA'I LAS KYIS PHA NYID DU 'THAD PA'I PHYIR, BU MED NA CI ZHIG SKYED PAR BYED PAS PHA NYID DU 'GYUR, PHA YANG BU MED NA MI 'GRUB PAS, PHA MED NA BU YANG MI 'THAD DO ZHES BYA BAS, DE GNYIS PHAN TSUN MED MIN ZHING, ,DE GNYIS CIG CAR YANG @294B MED LTAR TE, DE GNYIS CIG CAR NA BA LANG GI RVA G-YAS PA DANG G-YON PA BZHIN PAS BSKYED BYA SKYED BYED MED PA NYID DU 'GYUR RO, ,JI LTAR PHA DANG BU DAG MA GRUB PA DE BZHIN DU YAN LAG BCU GNYIS KYI RTEN CING 'BREL PAR 'BYUNG BA YANG MA GRUB STE, MA RIG PA NYID 'DU BYED MA YIN LA, 'DU BYED NYID MA RIG PA MA YIN ZHING, DE GNYIS PHAN TSUN MED MIN ZHING, DE GNYIS CIG CAR YANG MA YIN, ,ZHES BYA BAS THAMS CAD LA MTSUNGS PAR SBYAR BAR BYA'O ZHES GSUNGS SO, ,GAL TE MA RIG PA DANG 'DU BYED DAG RANG GI NGO BO MA GRUB NA, DE NI MA RIG PA LA BRTEN NAS 'DU BYED RNAMS SKYE BA MI 'THAD DE, MED BZHIN PA'I MO GSHAM GYI BU LA BRTEN NAS, DE'I BU 'BYUNG BA MA YIN NO ZHES BRJOD DO, ,GAL TE MA RIG PA DANG 'DU BYED DAG RANG GI NGO BO GRUB PAR GYUR NA, DE NI 'DI DAG DA LTA BA BZHIN PAS RTEN CING 'BREL PAR 'BYUNG BAR MI 'GYUR RO, ,MO GSHAM GYI BU LA YANG BRTEN NAS 'BYUNG BA MA YIN ZHING, MA RIG PA LA BRTEN NAS 'DU BYED 'BYUNG NGO ZHES BYA STE, DES NA MO GSHAM GYI BU LTA BU NI RTEN CING 'BREL PAR 'BYUNG BA'I DON MA YIN NO, ,'O NA GNYI GA YANG RANG BZHIN GYIS MA SKYES PAR MNYAM LA, DE LTA NA YANG PHYIN CI LOG LA LTOS NAS MA RIG PA LA SOGS PA LA BRTEN NAS SKYE BA YOD LA, MO GSHAM GYI BU LA PHYIN CI LOG LA YANG DE LA BRTEN NAS SKYE BAR MI RTOG PA'I PHYIR RO, ,YANG CI'I PHYIR GNYI GA YANG MTSUNGS PAR RANG BZHIN GYIS MA SKYES PA LA GCIG NI RTEN CING 'BREL PAR 'BYUNG BAR MTHONG LA CIG SHOS NI MA YIN 'DI NI 'JIG RTEN PA KHO NA LA DRI BAR BYA'I, KHO BO LA NI MA YIN NO, ,DE NYID KYIS NA RTEN CING 'BREL PAR 'BYUNG BA 'JIG RTEN GYI PHYIN CI LOG LAS SO, ,GANG DAG RANG BZHIN GYIS MA SKYES PAR MNYAM PA KHA CIG NI RTEN CING 'BREL PAR 'BYUNG BAR MTHONG LA CIG SHOS NI MA YIN NO, ,RIGS PAS NI MO GSHAM GYI BU BZHIN DU CHOS THAMS CAD YONGS SU MA BRTAGS LA, CUNG ZAD RTOG PAR BYED PAS NA, PHYIN CI LOG TU RNAM PAR GZHAG STE, 'DI LTAR RAB @295A *, ,RIB CAN GYIS YANG DAG PA MA YIN PA'I SKRA LA YONGS SU RTOG PA MI 'THAD PAS, JI LTAR RAB RIB MED PA RNAMS KYIS BRTAGS PA LAS PHYIN CI LOG TU MTHONG BA ZHES BRJOD DO, ,DE NYID KYIS NA SANGS RGYAS BCOM LDAN 'DAS SMAN PA CHEN PO LTAR RANG BZHIN MED PA SKYE BO RNAMS LA STON PAR MDZAD DE, GANG ZHIG DE'I RGYU YOD PA MA YIN PA LA DON DU RTOG PA'I RNAM PAR RTOG PA PHYIN CI LOG GI MTSAN NYID LAS BZLOG PAR MDZAD DO, ,RNAM PAR RTOG PA LAS YONGS SU BZLOG NAS YANG CHOS RNAMS KYI CHOS NYID JI LTA BA DE LTA BU LA GNAS SO, ,DE LA GNAS NAS YANG DAG PA MA YIN PAR SGRO MI 'DOGS PAS MYA NGAN LAS 'DAS PA THOB PA LA RNAM PAR GROL BA ZHES BRJOD DO,, ,,'DI LTAR DE PHYIN CI LOG TU ZHUGS PA'I PHYIR, MA RIG PA DANG 'DU BYED DAG GI RANG BZHIN MED LA, GAL TE DE LTAR 'DI GNYIS RANG BZHIN MED LA RANG BZHIN MED PA DAG YOD NA, JI LTAR RTEN CING 'BREL BAR 'BYUNG, ,JI LTAR 'DI DAG RANG BZHIN MED PA DAG RTEN CING 'BREL BAR 'BYUNG BA DE LTAR SLOB DPON GYIS DPES GSAL BAR MDZAD PAS GSUNGS PA, JI LTAR RMI LAM YUL BRTEN PA'I, ,BDE SDUG MED BZHIN DE YUL YANG,, BRTEN NAS GANG SKYES MED DE BZHIN, ,BRTEN PA NYID KYIS DE YOD MIN, ,JI LTAR GANG KHO NA LAS RMI LAM DU NYAMS SU MYONG BZHIN PA BDE BA DANG SDUG BSNGAL DAG RMI LAM DU DNGOS PO NYE BAR THOB PA'I GZUGS DANG SGRA LA SOGS PA DE SKYED PA'I RJES SU MTHUN PA LAS BRTEN NAS BYUNG NGO ZHES RMI LAM NYID DU RNAM PAR 'JOG LA, DE LAS SKYES PA LA RANG BZHIN YANG MED LA RMI LAM YANG SAD PA NA DE BZHIN DU NYAMS SU MYONG BA BDEN PA NYID DU MI RTOG PA'I PHYIR RO, ,BDE BA DANG SDUG BSNGAL 'BA' ZHIG NGO BO NYID MED PA MA YIN TE, RMI LAM GYI YUL YANG RTEN CING 'BREL PAR 'BYUNG LA, YUL DE YANG RTEN CING 'BREL PAR 'BYUNG BA'I PHYIR RANG BZHIN MED PA'O, ,JI LTAR RMI LAM GYI YUL DANG DE LA BRTEN NAS GANG ZHIG BDE BA DANG SDUG BSNGAL NYE BAR SKYE BA DE DANG DE NI GNYI GA BRDZUN LA, DE BZHIN DU SAD PA NA YANG MA RIG PA ZHES BYA BA'I RGYU @295B GANG LAS 'DU BYED CES BYA BA'I 'BRAS BU SKYE BA DAG MED DE, RMI LAM NYE BAR THOB PA'I YUL BZHIN DU DE'I RGYU MA RIG PA ZHES BYA BA'I DON TO, ,GANG DANG DE GNYIS RTAG TU MNGON PAR 'BREL BA'I PHYIR, GANG GI SGRA YIN DE'I SGRA NYE BAR 'JOG PAR BYED DE, DE LTAR YANG RMI LAM DU NYE BAR THOB PA'I DPES RGYU MA RIG PA ZHES BYA BA MED LA, DE BZHIN DU RMI LAM DU NYAMS SU MYONG BA'I BDE BA DANG SDUG BSNGAL GYI DPES GANG DE'I 'BRAS BU 'DU BYED CES BYA BA DE NYID KYANG MA RIG PA ZHES BYA BA RGYU YOD PA MA YIN PA LA BRTEN NAS SKYE BAS DE YANG DE BZHIN DU YOD PA MA YIN NO ZHES PA 'DI DANG 'BREL TO, ,DE 'DI LTAR RMI LAM DU NYAMS SU MYONG BA'I BDE BA DANG SDUG BSNGAL GYI RTEN CING 'BREL PAR 'BYUNG BA BZHIN, BDE BA DANG SDUG BSNGAL GYI RGYU YUL YANG RTEN CING 'BREL PAR 'BYUNG BA BZHIN PAS MA RIG PA DANG 'DU BYED DAG PHYIN CI MA LOG PAR GRUB PA MED DO ZHES GNAS SO, , 'DIR KHA CIG GIS SMRAS PA, RMI LAM GYI GZUGS DANG SGRA LA SOGS PA'I YUL RNAM SHES LAS, PHYI ROL GYI RANG BZHIN STOBS CAN DU YOD BZHIN PA YIN PAS RTEN CING 'BREL PAR 'BYUNG BA MED LA BDE BA DANG SDUG BSNGAL BDAG NYAMS SU MYONG BZHIN PA'I RANG GI MTSAN NYID RTEN CING 'BREL BAR 'BYUNG BA DAG RANG GI MTSAN NYID DU YOD PA'I PHYIR, JI SKAD DU GSUNGS PA'I RIGS PAS RTEN CING 'BREL PAR 'BYUNG BA BZHIN MED PA MI 'THAD DO, ,RGYU DANG 'BRAS BU'I RANG GI MTSAN NYID MA GRUB PA LA, RTEN CING 'BREL PAR 'BYUNG BA MED PA'I PHYIR DANG, RTEN CING 'BREL PAR 'BYUNG BA NI RANG GI MTSAN NYID DU GRUB PA LAS SO ZHES BYA STE, RNAM PAR SHES PA TZAM DU SGRUB PA NA RMI LAM GYI DPE 'THAD DE, RMI LAM NA RNAM PAR SHES PA LAS THA DAD PA'I YUL MED LA, RNAM PAR RIG PA TZAM YANG YOD PA'I PHYIR RO ZHE NA, 'DIR SMRAS PA, GANG 'DI SKAD DU SMRAS TE RNAM PAR SHES PA LAS PHYI ROL GYI RANG BZHIN STOBS CAN DU YOD BZHIN PA MA YIN PAS RTEN CING 'BREL PAR 'BYUNG BA MED DO ZHES BYA BA DE NI RE ZHIG MI RIGS TE, GAL TE RMI LAM YUL DANG BCAS PA'I RTEN CING 'BREL BAR 'BYUNG BA MA YIN, RTEN CING @296A *, ,'BREL BAR 'BYUNG BA MED PA'I PHYIR MO GSHAM GYI BU BZHIN RANG GI RNAM PAR SHES PA LA RNAM PA SKYED PAR MI BYED LA, 'DIS SAD PA'I GNAS SKABS BZHIN DU SKYED PAR BYED PAS MIG LA SOGS PA'I DBANG PO LA BRTEN NAS, RNAM PAR SHES PA LAS THA DAD PA'I RTEN CING 'BREL BAR 'BYUNG BA'I YUL LA RNAM PAR SHES PA DMIGS SO ZHES NGES SO, ,SAD PA'I GNAS SKABS NA YANG PHYI ROL GYI YUL LA RNAM PAR SHES PAS DMIGS PA MA GRUB PAS DE NI MI 'THAD DO ZHE NA, MI 'THAD PA MA YIN TE, 'JIG RTEN PA PHYI ROL GYI YUL LA DMIGS PA'I PHYIR DANG, BCOM LDAN 'DAS KYIS KYANG PHYI ROL NYID DU NYE BAR BSTAN PA'I PHYIR RO, ,BCOM LDAN 'DAS KYIS GSUNGS PA, DGE SLONG DAG GZUGS NI PHYI ROL GYI SKYE MCHED DE, 'BYUNG BA CHEN PO BZHI DAG RGYUR BYAS PA ZHES PA LA SOGS PA'O, ,'JIG RTEN PA NI RMONGS PA'I PHYIR DANG, BCOM LDAN 'DAS KYI GSUNG YANG DGONGS PA CAN NYID PAS DRANG DON YIN PA'I PHYIR SKYON MED DO ZHE NA, SMRAS PA, JI LTAR NA YANG SNGON PO DANG SER PO LA SOGS PA MIG LA SOGS PA'I RNAM SHES KYIS YONGS SU DPYAD PAR BYA BA MNGON SUM DU DMIGS BZHIN PA LA MED DO ZHES BRJOD PAR MI NUS SO, ,SNGON PO LA SOGS PA RNAMS DPYAD NA, RANG GI NGO BO MA DMIGS PA'I PHYIR SNGON PO LA SOGS PA'I RNAM PAR SHES PA YANG SNGON PO LA SOGS PA'I RDUL PHRA RAB BZHIN NAM, 'DUS PA LA DMIGS PA PO NYID DU MI RUNG BAS RNAM PAR SHES PA'I RNAM PA LAS THA DAD PA'I SNGON PO LA SOGS PA YOD PAR MI 'GRUB BO ZHE NA, SMRAS PA, GAL TE 'JIG RTEN PA LA DMIGS BZHIN PA YANG RIGS PAS DPYAD NA MED DO ZHES BYAS NAS MED DO ZHES BRJOD NA DE LTA NA 'DI LTAR RNAM PAR SHES PA LA SOGS PA'I RANG GI MTSAN NYID KYANG MED DO ZHES NGES PAR BYOS SHIG ,RNAM PAR SHES PA DE YANG RNAM PAR SHES PA'I RNAM PA LAS THA DAD PA YUL BZHIN DU, YOD PA YOD PHYIR SKYE BA MIN, ,MED PA MED PHYIR MI SKYE LA, ,CHOS MI MTHUN PHYIR YOD MED MIN, ,SKYE BA MED PAS GNAS 'GAG @296B MED; ,CES BYA BA LA SOGS PA JI SKAD GSUNGS PA'I RTAG PA DANG, DNGOS PO MED PAS DNGOS MED MIN, ,BDAG LAS MA YIN GZHAN LAS MIN, ,DE PHYIR DNGOS DANG DNGOS MED DANG, ,DNGOS DANG DNGOS MED MIN PAS KYANG, ,ZHES BYA BA LA SOGS PA'I CHAD PAR 'GYUR BA'I DPYAD PA LAS KYANG MA GRUB BO, ,GANG ZHIG RIGS PAS DPYAD NA MI 'THAD PA DE LA 'JIG RTEN PA LA RMONGS PA'I PHYIR MED PA LA SGRO BTAGS LA, SANGS RGYAS RNAMS KYANG DE YOD DO ZHES STON PA DRANG BA'I DON DU'O ZHES BYA'O, ,PHUNG PO LNGA RNAMS KYANG PHYI ROL GYI DMIGS PA BZHIN DU DE KHO NAR MA GRUB PAR KHAS BLANG BAR BYOS SHIG ,DES NA RNAM PAR SHES PA NI YOD PA NYID DANG, PHYI ROL GYI DMIGS PA NI MED PA NYID GTANG BAR BYA'O, ,THAMS CAD KYI RANG BZHIN MA GRUB PAR GYUR PAS RNAM PAR SHES PA NGO BO NYID KYIS MA GRUB PAR KHAS BLANGS PA BZHIN YUL YANG MA GRUB PAR KHAS BLANGS PAR BYOS SHIG DANG SKYON CI YANG MED DO, ,RNAM PAR SHES PA DANG YUL DAG MTSUNGS PAR RANG GI NGO BO MA GRUB LA, RNAM PAR SHES PA'I RANG GI NGO BO MA GRUB KYANG YOD LA YUL GYI RANG GI NGO BO MA GRUB PAS MED DO ZHES BYA BA 'DI DE KHO NA NYID DU MA YIN ZHING 'JIG RTEN PA LA YANG MA YIN PAS 'DI SKAD DU SMRA BA NI RIGS PA SMRA BAR RUNG BA MA YIN NO, ,DE'I PHYIR JI LTAR 'JIG RTEN PAS MTHONG BA DE LTAR ZHOG SHIG ,MTHONG BA YANG PHYI ROL GYI SNGON PO LA SOGS PA'I DMIGS PA LAS RNAM PAR SHES PA YANG NYE BAR DMIGS PA'O, ,DE'I PHYIR RNAM PAR SHES PA YANG ZHOG LA PHYI ROL GYI DON YANG ZHOG SHIG DANG, 'JIG RTEN GYI KUN RDZOB LAS THA DAD PAS CI ZHIG BYA, DE'I PHYIR RNAM PAR SHES PA LAS GZHAN PA'I PHYIR ROL LA DMIGS PAS DGAG PA'I DON DU RMI LAM GYI DPE MA YIN LA, 'ON KYANG GZUGS LA SOGS PA'I PHUNG PO LNGA CHAR YANG RANG BZHIN MED PAR BSGRUB PA'I DON DU'O, ,JI LTAR SAD PA'I BDAG NYID KYI DNGOS PO 'DI NYID PHYIN CI LOG GI RGYU CAN GYI MA RIG PA'I RKYEN LAS, MIG GI DBANG PO LA SOGS PA'I TSOGS PA DANG, DE'I RNAM PAR SHES PA YOD PA CAN SNA TSOGS PA'I GZUGS DANG SGRA LA SOGS PA'I YANG NYAMS @297A *, ,SU MYONG BA LA 'JUG PAS BYIS PA RNAMS 'DI NI BDEN PA'O ZHES MNGON PAR ZHEN PA'I RGYU MTSAN LA, 'PHAGS PAS BRDZUN PA SLU BA'I CHOS CAN DU YONGS SU CHOD LA, DE BZHIN DU RMI LAM GNYID KYIS KUN NAS DKRUGS PA'I SEMS SAD PA'I BDAG NYID KYI DNGOS PO RKYEN GYIS MIG LA SOGS PA'I TSOGS DANG, DE'I RNAM PAR SHES PA YOD PA CAN SNA TSOGS PA'I GZUGS DANG SGRA LA SOGS PA'I YUL NYAMS SU MYONG BA LA 'JUG PAS, RMI LAM GYI NANG NA GNAS PA RNAMS 'DI NI BDEN PA'O ZHES MNGON PAR ZHEN PA'I RGYU MTSAN LA, SAD PA RNAMS KYIS BRDZUN PA SLU BA'I CHOS CAN NYID DU YONGS SU CHOD LA, SAD PA'I SKYE BO THA SNYAD PA RNAMS LA SNANG NGO, ,JI SRID 'DIR RMI LAM MTHONG BA LAS SAD PAR MA GYUR PA DE SRID DU DE'I BDAG NYID KYI DNGOS PO'I MIG GIS GZUGS MTHONG STE, JI SRID MIG MA TSANG BA DANG BSGRIBS PAR MA GYUR GYI BAR DU'O, ,DE GZHAN DU RNA BAS SGRA THOS PA NAS, JI SRID MED KYIS CHOS RNAMS SHES PA DANG DGE BA DANG MI DGE BA'I LAS KYANG BYED LA, GANG DAG RMI LAM NYID DU 'BRAS BU NYE BAR LONGS SPYOD PA JI LTA BAR, MA RIG PA'I GNYID KYI NANG NA GNAS PAS BSDUS PA'I NYE BAR SPYOD PA'I LAS KYI 'BRAS BU NYID LA, MA RIG PA'I GNYID LOG PA LAS LANGS PA PHUNG PO LHAG MA MED PA LA GNAS PA'I LHAG MA MED PA'I MYA NGAN LAS 'DAS PA LA GNAS PA'I 'PHAGS PA RNAMS NYE BAR LONGS MI SPYOD DE, PHYIN CI LOG GIS BSKYE BA'I BDAG NYID KYI DNGOS PO SHIN TU ZHI BA'I PHYIR RO, ,DE BZHIN DU SAD PA LA YANG STE, GNYID LOG LOG PA'I BDAG NYID LAS LANGS PA RNAMS, RMI LAM GYI BDAG NYID KYI DNGOS PO LAS SHIN TU 'DAS PAS, DES BYAS PA'I LAS 'BRAS BU MYONG BAR MI BYED DO, ,DGE SLONG DAG LTUNG BAR BYED PA'I CHOS KUN TU SPYOD PA SKYES KYANG RMI LAM GYI CHA SHAS SAD PAS LTUNG BA CHUNG NGU TZAM DU YANG BCOM LDAN 'DAS KYIS MA GSUNGS LA LTUNG BA MED PAR BZHAG PAS, DE'I BDAG NYID KYI DNGOS POS BYAS PA'I LAS KYIS 'DI'I BDAG NYID KYI DNGOS PO LA RNAM PA THAMS @297B CAD DU MI MYONG BA'I PHYIR DANG, DE DE BZHIN DU SAD PA'I BDAG NYID KYI DNGOS PO DANG 'BREL PA'I RNAM PAR SHES PA RMI LAM DU RNAM PA THAMS CAD DU MI SRID DO, ,GZHAN DU NA DER BYAS PA'I LAS KYIS SAD PA NA YANG 'BRAS BU NYAMS SU MYONG BA SUS ZLOG PAR BYED, DE NI 'DI LTAR RNAM PAR SHES PA'I TSOGS DRUG NI DBANG PO DRUG DANG YUL DRUG LAS [?] TE, DBANG [?] PO YUL DAG MED NA MED PA LTA BU DE LA MIG LA SOGS PA'I DBANG PO'I RNAM PAR SHES PA 'THAD PA MA YIN NO, ,YID KYI RNAM PAR SHES PA NYID RNAM PAR SHES PA LA BAG CHAGS SNA TSOGS PA YONGS SU SMIN PA SNGON PO DANG SER PO LA SOGS PA'I RNAM PAR MI RUNG STE, GNYID DANG MTSUNGS PAR LDAN PAS DE SHIN TU BLUN PA'I PHYIR TE, GNYID DANG BRAL NAS SAD PAR THAL LO, ,DAM PA'I CHOS KLOG PA DANG, KHA TON DANG, SHIN TU PHRA BA'I DON LA SEMS PA LA SOGS PA YANG SAD PA'I BDAG NYID KYI DNGOS POS BSGRUB PAR NUS PAS DE LA NYE BAR DMIGS LA, GNYID KYIS BSLAD PA'I RNAM PAR SHES PA LA JI SKAD DU SMOS PA MI 'THAD DO, ,'O NA DE LTAR GYUR NA BDAG NYID KYI DNGOS PO GNYIS PA THOB PAR 'GYUR RO, ,SUS 'DI LA GNYIS PA'O ZHES YONGS SU BRTAG PAR NUS, GAL TE SAD PA'I BDAG NYID KYI DNGOS PO LA DE MI LDAN TE, SAD PA'I BDAG NYID KYI DNGOS PO'I GNAS SKABS NA, DE MI DMIGS PA'I PHYIR RO, ,YANG NA RMI LAM GYI GNAS SKABS SU YANG DE LTAR DE'I BDAG NYID KYI DNGOS PO MI DMIGS PA'I PHYIR DE'I TSE SU ZHIG DE LA BDAG NYID KYI DNGOS PO GNYIS PA ZHES 'JOG ,'DIR RE ZHIG BDAG NYID LA CHAGS PA'I RGYU MTSAN GYIS BRDZUN PA'I RANG BZHIN DU BRJOD PAR NUS KYI, 'DI LA GNYIS PA DANG GSUM PA ZHES RNAM PAR GZHAG PAR MI NUS SO, ,'O NA DE LTA NA YANG LHAG MA MED PA'I MYA NGAN LAS 'DAS PA LTA BU NA, RMI LAM RMI BA LAS SAD PA NA DRAN PA 'BYUNG BAR MI 'GYUR RO, ,GAL TE RMI LAM LAS SAD PA MYA NGAN LAS 'DAS PA LTA BUR RNAM PA THAMS CAD RNAM PAR SHES PA LDOG PAR 'GYUR NA DE NI DE LTAR 'GYUR GYI, ,'DIR SAD PA NA RNAM @298A *, ,PAR SHES PA'I KUN DU SPYOD PA YOD PAS ZHES BYA STE, RMI LAM DU NYAMS SU MYONG BA SAD PA'I RNAM PAR SHES PA LA MI DRAN PA MA YIN NO, ,RMI LAM DU NYAMS SU MYONG BA'I PHYIR DRAN PA MI 'THAD DO ZHE NA, DE LTAR NA SNGAR GYI RNAM PAR SHES PAS NYAMS SU MYONG BA PHYI MA'I DRAN PA'I RNAM PAR SHES PAS NYAMS SU MA MYONG BAS DRAN PAR MI 'GYUR RO, ,RGYU DANG 'BRAS BU RGYUN GCIG TU RNAM PAR GZHAG PA'I PHYIR, DES NA DRAN PA YOD DO ZHE NA, 'DIR YANG SAD PA DANG RMI LAM GYI SHES PA DAG RGYUN GZHAN MA YIN PAR RGYU DANG 'BRAS BUS 'JUG PA'I PHYIR RO, ,SLAR YANG BDEN PA 'KHRUL PA BDEN PA'I RGYU NYID DU JI LTAR SHES, JI LTAR SGRA NI SGRA BRNYAN GYI LA SGRA BRNYAN YANG RANG GI RNAM PAR SHES PA'I STE, KHYOD LA 'KHRUL PA LA 'BAD PA 'DIS DON CI ZHIG ,GAL TE 'DI DAG RIGS PAS DPYAD PAS BDAG NYID YOD PA MI SPONG NA, SU ZHIG 'DIR RANG BZHIN MED PAR KHONG DU CHUD PAR 'GYUR, GANG KHO NA LA DE DAG RIGS PAS MI 'THAD PA DE NYID KYIS NA DE LA BRDZUN PAR 'THAD DO, ,DE'I PHYIR 'JIG RTEN PAS MTHONG BA KHO NA 'DI DAG RNAM PAR GZHAG PAR GYIS SHIG , 'JIG RTEN PAS RMI LAM DU YUL DANG DUS DANG GNAS SKABS KHYAD PAR MI BDEN PA'I BDAG NYID KYANG NYE BAR DMIGS LA, MI BDEN PA NYE BAR DMIGS PA DES BDEN PAR 'DOD PA'I SAD PA'I BDAG NYID DNGOS PO LA CHAGS PA 'PHAGS PAS SEL BAR MDZAD DO, ,JI LTAR GANG ZHIG BDAG NYID KYI DNGOS PO DE DMIGS SO ZHES GANG ZHIG 'DIR DPYAD PA NA DE SAD PA'I BDAG NYID KYI DNGOS PO DANG MTSUNGS LA, BDAG NYID KYI DNGOS PO 'DI YANG SMOS PA'I BRTAG PAS MI 'THAD NA, JI LTAR 'JIG RTEN PAS DMIGS PHYIN CI LOG LAS SO, ,'O NA PHYIN CI LOG KYANG SKYE BA MED NA DE JI LTAR 'JIG RTEN PAS NYE BAR DMIGS, SMRAS PA, 'JIG RTEN PAS MTHONG BA TSAD MAR BYAS NAS BDAG NYID KYI DNGOS PO 'DI YOD DO, ,'JIG RTEN PAS MTHONG BA DE YANG DPYAD NA MA GRUB PO ZHES BYA STE, JI LTAR DE TSAD MAR BYED, SMRAS PA, JI SKAD @298B SMOS PA'I BRTAG PA MA BYAS PA'I 'JIG RTEN PA'I MTHONG BA TSAD MAR BYAS PA'O, ,GAL TE DE LTAR NA NI 'DI THAMS CAD LA DE BZHIN KHO NAR RJES SU GNAS PAS BYOS SHIG ,DES NA 'JIG RTEN PAS JI LTAR MTHONG BA DNGOS POR YOD 'GA' ZHIG LA BDEN PAR MNGON PAR 'DOD PA, 'KHRUL PA BSAL BA LA DGOS PA CI ZHIG YOD, 'JIG RTEN PA'I RMI LAM SAD PA'I BDAG NYID LTA BU'I MIG LA SOGS PA'I BDAG NYID JI LTAR NYE BAR DMIGS LA, BRDZUN PA NYID DU RNAM PAR GNAS LA DRAN PAS NA BDAG NYID KYI DNGOS PO LAS GZHAN PA YANG MA YIN ZHING THA DAD PA YANG MA YIN TE, PHYIN CI LOG LAS NYE BAR DMIGS PA'O, ,DES NA 'JIG RTEN LAS JI LTA BA DE LTA BUR GRAGS PA'I DPES SAD PA'I DNGOS PO NYE BAR DMIGS PA RNAMS LA DE CHAGS PA MI SKYE BA'I DON DU 'PHAGS PAS BRDZUN PA NYID DU GSAL BAR MDZAD DO, ,DNGOS PO LA CHAGS PA SNGON DU 'GRO BA LAS 'KHOR BA LA NGES PAR DNGOS PO LA CHAGS PA ZAD PA LAS MYA NGAN LAS 'DA'O ZHES BYA'O, DE'I PHYIR RMI LAM DU RMIS PA'I BDE BA DANG SDUG BSNGAL BZHIN DANG RGYU YUL BZHIN DU MA RIG PA DANG 'DU BYED DAG RANG BZHIN MED PAR GRUB PO, ,'DIR SMRAS PA, GAL TE DNGOS RNAMS RANG BZHIN GYIS, ,MED NA DMAN MNYAM KHYAD 'PHAGS DANG, ,SNA TSOGS NYID NI MI 'GRUB CING, ,RGYU LAS KYANG NI DNGOS GRUB MIN, ,JI SKAD DU SMOS PA'I RIGS PA DANG, RMI LAM GYI DPES KYANG DNGOS PO RNAMS RANG BZHIN MED PAR BSGRUBS PA'O, ,GAL TE DNGOS PO RNAMS KYI RANG BZHIN MED NA, DE'I TSE DNGOS PO MED PAR SMRA BA KHYOD LA DMAN PA DANG MNYAM PA DANG KHYAD PAR 'PHAGS PA NYID MI 'THOB BO, ,YOD BZHIN PA MA YIN PA NAM MKHA'I ME TOG LA DMAN PA DANG MNYAN PA DANG KHYAD PAR CAN LA DMIGS LA, DNGOS PO RNAMS KYIS 'GRO BA DANG, SKYE GNAS DANG, RIGS DANG, SKYE RGYUD DANG, RUS DANG, NA TSOD DANG, GZUGS LA SOGS PA NYE BAR DMIGS PA RNAMS KHYAD PAR CAN DANG KHYAD PAR CAN MA YIN PA DANG BAR MA'I DBYE BAS GNAS PA RNAMS SO SOR DMAN PA DANG MNYAN PA DANG KHYAD PAR CAN YIN LA, @299A *, ,PHYI ROL GYI YANG KHANG BZANGS DANG RGYAN DANG MAL STAN DANG BZA' BA DANG BTUNG BA LA SOGS PA'I NYE BAR MKHO BA RNAMS LA LTOS NAS DMAN PA DANG MNYAM PA DANG KHYAD PAR CAN NYID LA, DE YANG 'DI DAG THAMS CAD RANG RANG GI DNGOS POR DNGOS PO RNAMS GRUB PAR 'GYUR 'THAD LA, MA SKYES PA RO GCIG PA LA SNA TSOGS PA NYID DU 'GRUB PA THOB PAR MI 'GYUR RO, ,JI SKAD SMOS PA'I 'GRO BA LA SOGS PA PHAN TSUN SNA TSOGS PA YANG 'JIG RTEN DU YOD LA, RANG GI MTSAN NYID MED BZHIN PA SNA TSOGS PA NYID DU NI MI 'THAD LA, DNGOS PO RANG BZHIN MED PAR SMRA BA RNAMS DNGOS PO RGYU LAS SKYE BA YANG MI 'THOB STE, RANG BZHIN MED PAR SMRA BAS DNGOS PO RI BONG GI RVA DANG MTSUNGS SO, ,DE LA GAL TE 'DU BYED LA SOGS PA'I DNGOS PO RANG BZHIN MED PAR GYUR NA, RI BONG GI RVA BZHIN RGYU LAS SKYE BAR MI 'GYUR LA, 'DI DAG KYANG RGYU LAS SKYE BA YOD PAS DE'I PHYIR DNGOS PO RNAMS RANG BZHIN DANG BCAS PA'O ZHES BYA'O, ,'DIR GSUNGS PA, RANG BZHIN GRUB NA RTEN 'BYUNG GI ,DNGOS PO MED 'GYUR MA BRTEN NA, ,GANG LA RANG BZHIN MED PAR 'GYUR, ,DNGOS PO YOD DANG DNGOS MED KYANG, , GAL TE DNGOS PO RNAMS RANG BZHIN MED PAR SMRA BA'I PHYOGS LA DMAN PA LA SOGS PA MED PAR THAL BA'I SKYON GYIS 'JIGS PAS DNGOS PO RNAMS KYI RANG BZHIN GRUB PAR KHAS BLANGS SO ZHE NA, 'O NA KHYOD KYI DNGOS PO KHAS BLANGS KYANG DNGOS PO RNAMS 'BA' ZHIG TU MA ZAD KYI, JI LTAR MNGON PAR 'DOD PA'I KHYAD PAR GRUB PA YANG KHYOD KYIS THOB PAR MI 'GYUR LA, RNAM PAR GZHAG PA THAMS CAD MED PA YANG THOB PAR 'GYUR RO, ,JI LTAR BYAS NA, GAL TE NGES PAR DNGOS PO RNAMS KYI RANG BZHIN GRUB PAR GYUR NA DE NI RANG BZHIN GYIS GRUB PAR GYUR PAS DE DAG RGYU DANG RKYEN LA BRTEN NAS SKYE BAR MI 'GYUR TE, YOD BZHIN PA'I DNGOS PO NYID LA DNGOS POR RNAM PAR GZHAG PAR RUNG GI MED PA LA NI MA YIN NO, ,YOD BZHIN PA SLAR YANG BRTEN NAS SKYE BAR YANG MI RIGS LA, DE LAS DNGOS PO THAMS CAD BRTEN NAS MA BYUNG BA @299B THOB PAR 'GYUR RO, ,BRTEN NAS 'BYUNG BA MED PAR GYUR NA, DNGOS PO RNAMS KYI DMAN PA LA SOGS PA'I KHYAD PAR MI 'BYUNG NGO ZHES BYA STE, DNGOS POR SMRA BA RIGS PA MA YIN NO, ,'DIR KHA CIG GIS SMRAS PA, DNGOS PO RNAMS KYI RANG GI MTSAN NYID RGYU DANG RKYEN GYIS MI BSKYED DE; DUS GSUM DU RANG GI MTSAN NYID GNAS PA'I PHYIR DANG, GNAS SKABS KYI 'BRAS BU'I PHYIR YANG DNGOS PO RNAMS KYI RGYU DANG RKYEN GYI TSOGS PAS GNAS SKABS NYID SKYED DO ZHE NA, DE LA LTOS NAS SMRAS PA, MA BRTEN PAR YANG GANG LA STE GAL TE DNGOS PO RNAMS RANG GI MTSAN NYID KYIS DUS GSUM DU YANG GNAS PAR GYUR NA DE NI MA BRTEN PAR BYUNG BA LA RANG GI MTSAN NYID MI 'THAD DE, MO GSHAM GYI BU LA YANG RANG GI MTSAN NYID YOD PAR 'GYUR LA, DE'I PHYIR MA BRTEN PAR YANG MA YIN TE, MA BRTEN PAR YANG DNGOS PO RNAMS KYI RANG BZHIN MED DO, ,GZHAN YANG DNGOS PO RNAMS KYI RANG BZHIN KHAS BLANGS NA JI LTAR KHAS BLANGS PA'I RANG BZHIN MED PAR YANG MI 'GYUR TE, 'DU BYED RNAMS SKAD CIG MA SO SOR 'JIG PA GNAS PA MED PA'I RANG GI MTSAN NYID LA DE YANG GZHAN DU 'GYUR BA MTHONG BAS GNAS PA MED PA'I RANG GI MTSAN NYID KYI PHYIR RANG BZHIN MED PAR GZHAG GO, ,DE LA GAL TE DE DAG RANG BZHIN YOD NA GNAS PA MED PA'I RANG GI MTSAN NYID DU MI 'GYUR ZHING, 'DU BYED RNAMS 'JIG PA MED PA THOB PAR 'GYUR LA, NGO BO NYID GRUB PA'I PHYIR RANG BZHIN YOD BZHIN PA'O, ,YOD BZHIN PA MA YIN PA LA GZHAN DU 'GYUR BA YANG MI SRID DO, ,'O MA'I GNAS SKABS NYID DU GNAS BZHIN PA'I 'O MA GZHAN DU GYUR PAS ZHO'I DNGOS PO'I MTSAN NYID DU MI SRID PA'AM, GZHON NU YANG GZHON NU'I GNAS SKABS NYID DU GNAS BZHIN PA RGAS PA'I GNAS SKABS GZHAN THOB NAS, 'DI LAS GZHAN DU GYUR PAR RNAM PAR 'JOG PAR BYED LA, DE YANG MI RIGS TE, 'DI GNAS SKABS GZHAN THOB PA CI ZHIG YOD, GAL TE 'O MA LA NI DE MI RUNG STE, 'O MA'I GNAS SKABS DANG 'GAL BA'I ZHO'I GNAS SKABS SU DE JI LTAR 'O @300A *, ,MA NI GNAS SKABS NYID DU GNAS LA, DE MED NA 'O MA'I RNAM PAR GZHAG PA MED PA NYID DU 'GYUR, DE LAS KYANG 'O MA DANG ZHO'I GNAS SKABS DAG GCIG TU GYUR PA MED PA'I PHYIR 'O MA LA ZHO'I DNGOS PO MED LA, DNGOS PO MED NA 'DI LA ZHO'I DNGOS PO GA LA ZHIG CES BYA'O, ,DE LTAR RANG GI MTSAN NYID KHAS BLANGS PAR GYUR NA 'DIS DNGOS PO RNAMS YONGS SU 'GYUR BA MI SRID PA'I PHYIR LA, GZHAN DU 'GYUR BA MED PAR GYUR NA RANG BZHIN MED PAR MI 'GYUR RO, ,'O MA RANG GI MTSAN NYID LAS YONGS SU MI 'GYUR BA'I DNGOS POR GYUR NA, JI SKAD DU BSGRUBS PA'I RIGS PAS BRTAG PAR YOD PAR THAL LO, ,DNGOS PO 'BA' ZHIG TZAM KHAS BLANGS PAR GYUR NA RANG BZHIN MED PA MED PA'I 'JIG PA YANG THOB PAR MI 'GYUR BA YANG MA YIN TE, RANG GI MTSAN NYID YOD BZHIN PA LA RANG BZHIN DU RNAM PAR GZHAG GI MED PA LA NI MA YIN TE, DNGOS PO NYID DU RNAM PAR GZHAG PA DE DANG 'GAL BA DNGOS PO MED PA MI 'THAD PAS SO, ,DNGOS PO LAS BZLOG PAS NA DNGOS PO MED PA STE 'JIG PA ZHES BYA BA'I DON TO, ,RNAM PAR 'JIG PA MED PAR 'GYUR GYI RANG BZHIN NI MA YIN LA, ZHIG PA YANG RANG GI MTSAN NYID YOD BZHIN PA MA YIN PA'I PHYIR RO, ,DE LA 'DI LTAR JI SKAD DU SMOS PA'I SKYON YOD PA'I PHYIR DNGOS POR SMRA BAR MI RIGS SO, ,'DIR SMRAS PA, GAL TE YANG KHYOD KYIS DNGOS POR SMRA BA BKAG KYANG DE LTA NA DNGOS PO MA BKAG GO ZHES BYA STE, DE NI RE ZHIG YOD LA, GANG DE'I RANG BZHIN LA DE LAS CIG SHOS MA MTHONG BA'I PHYIR RANG BZHIN GYIS RNAM PAR GZHAG PA THOB PO, ,'DI LTA STE, ME'I DNGOS PO DE'I GANG ZHIG DRO BA LA, DE LA DE LAS GZHAN PA MA MTHONG BA'I PHYIR RANG BZHIN ZHES RNAM PAR 'JOG LA DNGOS PO 'BA' ZHIG PA GRUB PAS RANG BZHIN GRUB PA DANG GZHAN GYI DNGOS PO GRUB PA DANG DNGOS PO MED PA GRUB PAS MI RUNG BA MA YIN TE, 'DI LTAR GSHER PA'I RANG BZHIN CAN GYI CHU RANG BZHIN GZHAN LA LTOS NAS GZHAN GYI DNGOS PO ZHES RNAM PAR 'JOG LA, DE YANG DNGOS PO ZHIG @300B PA LA DNGOS PO MED PA ZHES RNAM PAR 'JOG STE, DE'I PHYIR DNGOS PO YOD PA LAS RANG GI DNGOS PO DANG GZHAN GYI DNGOS PO DANG DNGOS PO MED PA YOD DO ZHE NA, SMRAS PA, GAL TE DNGOS PO NYID YOD NA RANG GI DNGOS PO DANG GZHAN GYI DNGOS PO DANG DNGOS PO MED PA YOD PAR 'GYUR GYI, RANG BZHIN DANG BRAL BA LA DNGOS PO 'THAD PA MA YIN TE, RI BONG GI RVA LA SOGS PA YANG DNGOS POR THAL BAR 'GYUR RO, ,DE'I PHYIR MED LA GANG GI TSE MED PA DE'I TSE DE LA, MED LA RANG DNGOS GZHAN DNGOS SAM, ,DNGOS MED 'GYUR PA GA LA ZHIG ,DES NA RANG DNGOS GZHAN DNGOS DANG, ,DNGOS MED PHYIN CI LOG PA YIN, ,MED PA NI YOD BZHIN PA MA YIN PA'I RI BONG GI RVA BZHIN DU RANG BZHIN MED LA, RANG GI DNGOS PO NYID KYANG DNGOS PO GZHAN 'GA' ZHIG LA LTOS NAS GZHAN GYI DNGOS PO ZHES RNAM PAR 'JOG LA, RANG GI DNGOS PO MED NA GZHAN GYI DNGOS PO YANG MED DO, RANG GI DNGOS PO DANG GZHAN GYI DNGOS PO DAG MED NA YANG SU ZHIG DANG BRAL NAS DNGOS PO MED PAR 'GYUR, 'O NA RANG GI DNGOS PO LA SOGS PA DAG MED NA, 'DI LTAR KHAMS GSUM PA'I THA SNYAD RNAMS JI LTAR ZHE NA, SMRAS PA, CI MI BDEN PAS 'JIG RTEN GYI THA SNYAD 'GEGS SAM, KHO BO 'DI SKAD DU YANG SMRAS TE, GANG DE LTAR DNGOS PO LA SOGS PA DPYAD NA MI SRID LA, 'JIG RTEN PA YANG DES THA SNYAD BYED LA, GZHAN GYI DNGOS PO DANG, RANG GI DNGOS PO DANG, DNGOS PO MED PA YANG DES NA PHYIN CI LOG PA STE, 'JIG RTEN PA'I PHYIN CI LOG TZAM LA LTOS NAS GANG YANG DE DAG GRUB PA'I PHYIR RO ZHES DGONGS PA'O, ,'DIR SMRAS PA, GAL TE DNGOS PO STONG GYUR NA, ,'GAG PA MED CING SKYE MI 'GYUR, ,GAL TE DNGOS PO STONG PA STE, ,YOD BZHIN PA MA YIN PAR 'GYUR NA, YOD BZHIN PA MA YIN PA'I PHYIR RI BONG GI RVA BZHIN MI SKYE BAR 'GYUR ZHING, 'GAG PAR YANG MI 'GYUR RO, ,BCOM LDAN 'DAS KYIS KYANG DNGOS PO'I SKYE BA DANG 'GAG PA GSUNGS TE, DE'I PHYIR SKYE BA DANG 'GAG PA DANG LDAN PA'I PHYIR DNGOS PO STONG PA MA YIN NO, ,YANG NA 'DI SNYAM DU SEMS TE, DE GRUB NA @301A *, ,RANG BZHIN YOD PA NYID LA, RANG BZHIN DE YANG MED PA LAS STONG PA NYID DO ZHE NA, 'O NA DE LTA BU YANG, NGO BO NYID KYIS STONG NA YANG, GANG LA 'GAG CING GANG LA SKYE, ,GANG GI NGO BO MED NA DE NA RI BONG GI RVA LTAR 'GAG PA DANG SKYE BA YANG MI 'BYUNG NGO, ,DNGOS PO RNAMS SKYE BA DANG 'GAG PA YANG YOD PAS 'DI DAG GI RANG BZHIN YOD DO ZHES BYA LA, DE GRUB NA RANG GI DNGOS PO DANG GZHAN GYI DNGOS PO YANG 'BYUNG BAR 'GYUR RO ZHE NA, 'DIR SMRAS PA, GAL TE SKYE BA DANG 'GAG PAR 'GYUR NA, DE NI DE DANG LDAN PA'I DNGOS PO RNAMS KYI RANG BZHIN GRUB PAR 'GYUR LA, DE DAG KYANG MED DE, JI LTAR BYAS NA, 'DIR SKYE BA DANG 'GAG PA GNYIS SU BRTAG PA 'DI NI, DNGOS PO LA BRTEN NAS BRTAG PAR NUS KYI GZHAN DU MA YIN LA, DE DAG DE'I TSE SKYE BA DANG 'JIG PA'I DNGOS POR 'JUG PAR GYUR NA, CIG CAR RAM THA DAD PAR 'JUG PAR 'GYUR NA, GNYI GAR YANG 'JUG PAR MI SRID DO ZHES BSTAN PA'I PHYIR GSUNGS PA, DNGOS DANG DNGOS MED CIG CAR MED, ,DNGOS PO MED NA DNGOS MED MIN, ,RTAG PAR DNGOS PO DNGOS MED KYANG, ,DNGOS MED LAS GZHAN DNGOS MI SRID, ,SRID PAS NA DNGOS PO STE SKYE'I, DNGOS PO MED PA STE 'JIG PA'O, ,DNGOS PO DANG DNGOS PO MED PA NI DNGOS PO DANG DNGOS PO MED PA'O, ,DNGOS PO DANG DNGOS PO MED PA DAG MED PAS DNGOS PO DANG DNGOS PO MED PA'O, ,RE ZHIG DNGOS PO DANG DNGOS PO MED PA DAG CIG CAR TE DUS GCIG NYID DU MED DE, PHAN TSUN 'GAL BA'I PHYIR MED PAS DNGOS PO GCIG LA DUS GCIG TU SKYE BA DANG 'CHI BA MI 'THAD DO ZHES BYA STE, DE LTAR RE ZHIG DNGOS PO DANG DNGOS PO MED PA DAG CIG CAR MED PA'O, ,DA NI RIM GYIS KYANG YANG DAG PA JI LTA BAR DNGOS PO DANG DNGOS PO MED PA DAG MED PAS DE BZHIN DU BSGRUB PA'I PHYIR GSUNGS PA, DNGOS PO MED NA DNGOS MED MIN, ,RTAG TU DNGOS PO DNGOS MED KYANG, ,ZHES BYA BA LA, GAL TE DNGOS PO LAS GZHAN DU DNGOS PO MED PA 'JUG NA DE'I TSE 'JIG PA DANG BRAL BA'I NAM MKHA' LA SOGS PA LA YANG SKYE BA 'JUG PAR @301B 'GYUR TE, DE NI MI 'JUG GO ,DE'I PHYIR DNGOS PO MED NA DNGOS PO MED PA MA YIN NO, ,GZHAN YANG 'DUS BYAS KYI MTSAN NYID MI RTAG PA'I PHYIR DNGOS PO'I MTSAN NYID LA DE YANG NAM YANG DNGOS PO LAS 'PHRUL NAS GANG LA 'DI MED PA YANG MA YIN LA, DE NI DNGOS PO'I MTSAN NYID LAS GROL BA'I PHYIR YOD PA YANG MA YIN NO ZHES BYA'O, ,DNGOS PO'I MTSAN NYID LAS PHYIN CI LOG TU GYUR PA 'DI LA SKYE BA YANG BZOD PA MA YIN TE, DE NI DNGOS PO'I MTSAN NYID LAS BZLOG PA'I PHYIR RO, ,DE LTAR RE ZHIG DNGOS PO MED NA DNGOS PO MED PA YANG MA YIN TE, JI LTAR YANG DNGOS PO MED NA DNGOS PO MED PA YANG MI 'THAD NA, DE LTAR RTAG PAR DNGOS PO DANG DNGOS PO MED PA YANG MED NA MED DO ZHES BYA BA 'DI DANG 'BREL TO, ,DNGOS PO DANG DNGOS PO MED PA NI DNGOS PO YOD PA DANG DNGOS PO MED PA ZHES BYA STE, MI RTAG PA LA BRJOD DO, ,DNGOS PO MED PA DE YANG RTAG TU DNGOS PO MED NA MED LA, GAL TE YOD NA SKYE BA MED PAR YANG RNAM PAR 'JIG PAR 'GYUR RO, ,DE LAS KYANG 'DUS MA BYAS KYANG 'GYUR LA, MA SKYES PA YANG 'CHI BAR 'GYUR RO, ,DE NI 'DI LTAR DNGOS PO MED NA DNGOS PO MED PA YANG MED LA, GANG GI TSE DNGOS PO MED PA DAG DE LTAR DPYAD BZHIN PAS CIG CAR RAM THA DAD PAR GRUB PA MED PAS DE'I TSE DE DAG GI RANG BZHIN MA GRUB NA DNGOS PO 'JUG PA MED DO, ,YANG NA GAL TE DNGOS PO DANG DNGOS PO MED PA DAG TU 'JUG PAR MI 'GYUR YANG, DE LTA NA YANG RE ZHIG DE'I RTEN DNGOS PO YOD LA, DE YOD PAS BRTEN PA'I DNGOS PO DANG DNGOS PO MED PA YANG 'BYUNG BAR 'GYUR RO ZHE NA, SMRAS PA, GANG GI TSE DNGOS PO YANG SKYE BA MED NA MED DO ZHES BRJOD PA DE'I TSE DNGOS PO MED PA LAS DNGOS PO MI SRID DO ZHES GSUNGS PA YIN TE, DNGOS PO MED PA'I MTSAN NYID KYI MI RTAG PA LAS GZHAN DU STE, DE MED PAR DNGOS PO SRID DNGOS PO YOD PA NYID LA DE YANG MED DO ZHES GSUNGS PAR 'GYUR RO, ,GANG GI TSE DNGOS PO MED NA DE'I TSE DE LA BRTEN PA'I SKYE BA DANG 'JIG PA GA LA 'BYUNG, DE DAG MED NA DNGOS PO'I MTSAN NYID LAS GROL BAS DNGOS PO MED @302A *, ,DO ZHES GRUB BO,, ,,'DIR SMRAS PA, GAL TE DNGOS PO'I MTSAN NYID MED NA DNGOS PO MED LA, 'DI LTAR DNGOS PO'I MTSAN NYID DANG 'GAL BA'I DNGOS PO MED PA RE ZHIG YOD LA, DE YOD NA DNGOS PO YANG 'BYUNG BAR 'GYUR RO ZHE NA, SMRAS PA, GAL TE DE DANG 'GAL BA'I DNGOS PO MED PA YOD NA DNGOS PO YOD PAR 'GYUR LA, DE YANG MED DO ZHES BSTAN PA'I PHYIR GSUNGS PA, DNGOS PO MED NA DNGOS MED MIN, ,RANG LAS MIN ZHING GZHAN LAS MIN, ,DE PHYIR DNGOS PO DNGOS MED CING, ,DNGOS PO MED PAS DE DAG MED, ,GANG GI TSE MI RTAG PA DANG BRAL BA'I DNGOS PO BRAL BA'I DNGOS PO MED DO ZHES BRJOD LA, DE'I TSE DNGOS PO MED NA DE LAS BZLOG PA'I DNGOS MED JI LTAR 'BYUNG BAR 'GYUR, ,DE'I PHYIR DNGOS MED KYANG MED DE, ,JI SKAD DU SMOS PA'I RIGS PAS DNGOS PO MED PA 'BA' ZHIG TU MA ZAD DNGOS MED KYANG MED DO, ,GZHAN YANG RIGS PA 'DIS DNGOS PO DNGOS PO MED PAS DNGOS PO MED PA YANG MED DO ZHES BSTAN PA'I PHYIR GSUNGS PA, RANG LAS MIN ZHING GZHAN LAS MIN, ,DE PHYIR DNGOS PO DNGOS MED CING, ,ZHES SO, ,GAL TE DNGOS PO 'GA' ZHIG YOD NA RANG LAS SKYE BA'AM GZHAN LAS SKYE BAR 'GYUR, DE LA RANG GI BDAG NYID NI RE ZHIG SKYES BZHIN PA'I DNGOS PO'I RANG BZHIN LA SKYE BA MED DE, RANG ZHES BYA BA BYUNG BA'I RNAM PAR BYED PA'I MTHA' CAN SO SO'I RANG BZHIN GYIS BSDUS PA YOD PA THOB PA 'BRAS BU SKYED PAR RUNG BA'I DNGOS PO LA BRJOD DO; ;SKYED PA ZHES BYA BA YANG YOD PA MTHONG BA'O, ,GANG KHO NA'I DNGOS PO 'DI RANG NGO ZHES GRUB PA'I NGO BO NYID LA BRJOD LA, DE NYID 'DI NI SKYED PA'O ZHES SKYED PA'I BYA BA DANG LDAN PA 'GAL TE, 'DI'I DNGOS PO GCIG NYID LA DE GAL TE RDZOGS PA'I RANG BZHIN DU GRUB NA 'DI DE DANG 'GAL BA'I SKYE BZHIN PA'I RANG BZHIN DU BRJOD PAR JI LTAR 'THAD, YANG NA SKYED BZHIN PA'I RANG BZHIN DU BRJOD NA JI LTAR GRUB PA'I RANG BZHIN DU BRJOD PAR NUS, DE'I PHYIR GAL TE DE BZHIN ZHES BRJOD NA SKYED DO ZHES BRJOD PAR MI BYA LA, YANG NA SKYED PA ZHES BRJOD NA DE LA RANG ZHES @302B RNAM PAR MI GZHAG GO, ,DNGOS POR GYUR PA GCIG NI RANG LA LTOS NAS GCIG LA RGYU DANG 'BRAS BU'I DNGOS POR YANG MI 'THAD DO ZHES BYA STE DES NA RANG LAS MA YIN NO, ,GZHAN DU RNAM PAR GZHAG PA NI DNGOS PO GZHAN NYE BA LA LTOS PA'I PHYIR LA DE'I 'BRAS BU ZHES BYA BA'I DNGOS PO MA RDZOGS PA'I PHYIR DE LA LTOS NAS 'GA' YANG GZHAN NYID DU YOD PA MA YIN ZHES BYA STE, RGYU'I GZHAN NYID MED PA NYID KYIS NA GZHAN LAS KYANG SKYE BA MED DO, ,SKYE BA MED PAR 'GYUR BAS DNGOS PO YANG MED DO ZHES GSUNGS PA, DE PHYIR DNGOS PO DNGOS MED CING, ,ZHES SO, , GANG GI TSE RIGS PA 'DIS DNGOS PO YANG DNGOS PO MED PAS DE'I TSE DE MED NA DNGOS PO MED PA'I DNGOS MED KYANG MED DO ZHES GSUNGS PA, DNGOS MED MED PAS DE DAG MED, ,CES SO, ,DE LAS GANG ZHIG SMOS PA NI GAL TE DNGOS PO MED NA YANG RE ZHIG DNGOS PO MED PA YOD PAS DNGOS PO YANG 'BYUNG BAR 'GYUR RO ZHES BYA BA DE NI MA YIN TE, GANG GI TSE DE LTAR DNGOS PO YANG DNGOS PO MED PAR GYUR BAS DNGOS PO MED PA YANG MED LA, DE'I TSE YOD PA DANG MED PA NYID DU SMRA BAR KHAS MI LEN PA'I PHYIR DNGOS PO RNAMS KYI YOD PA DANG MED PA DAG YONGS SU SPANGS NAS; DBU MA'I RTOGS PA PHYIN CI MA LOG PAR BSHAD PAR 'GYUR RO, ,GANG YANG RTEN CING 'BREL PAR 'BYUNG BA DNGOS PO TZAM ZHIG LA, GZUNG BA DANG 'DZIN PA KHAS BLANGS PAS SGRO 'DOGS LA, GZUNG BA DANG 'DZIN PA MED PAS DBU MA'I RTOGS PAR BRJOD LA, GZHAN DBANG DNGOS PO TZAM DU YOD PA'I PHYIR MED PA NYID DU LTA BA YANG DAG PA MA YIN PAR 'DZIN PA'O, ,KUN BRTAGS GZUNG BA DANG 'DZIN PA NYID MED PAS YOD PA NYID DU LTA BA YANG YANG DAG PA MA YIN PAR 'DZIN PA'O ZHES BYA'O, ,DNGOS PO MED PA KHAS BLANGS PA DE DAG GIS YOD PA NYID DANG MED PA NYID YONGS SU SPONG BAR MI NUS PA'O, ,GZHAN DBANG DNGOS TZAM KHAS BLANGS PAR GYUR PA DE DAG GI YOD PAR LTA BA KHA NA MA THO BA MED PA'O, ,KUN DU BRTAGS PA GZUNG BA DANG 'DZIN PA MI SRID PAR KHAS BLANGS PAR GYUR NA, DE DAG KYANG MED PAR LTA BA @303A *, ,KHA NA MA THO BA MED PA'O ZHES BYA BA DE RNAMS KYIS YOD PA NYID DANG MED PA NYID DU LTA BA GANG LA SPANGS ZHES BYA STE, NGES PAR 'DI RNAMS 'KHOR BA NYID LAS MI LDOG GO, ,DNGOS PO 'BA' ZHIG KHAS BLANGS NA YANG YOD PA DANG MED PA NYID DU SMRA BA LAS MA 'DAS LA RTAG PA DANG CHAD PAR SMRA BA YANG THOB PAR 'GYUR RO, ,GANG GI PHYIR, DNGOS PO YOD NA RTAG PA NYID, ,MED NA'ANG NGES PAR CHAD PA LA, ,DNGOS POR GYUR NA'ANG DE GNYIS TE, ,DES NA DNGOS PO KHAS MI BLANG, ,DNGOS PO KHAS BLANGS PAR GYUR NA DE'I RANG BZHIN YOD BZHIN PAS SLAR YANG GZHAN DU GYUR PA MI SRID PAS DUS THAMS CAD DU YOD PAR 'GYUR BAS, DNGOS PO DE RTAG PAR KHAS BLANG BAR BYA'O, ,GAL TE RTAG PAR KHAS BLANGS NA DE'I TSE THER ZUG THOB PAR 'GYUR TE, DUS THAMS CAD DU GNAS PA'I PHYIR RO, ,YANG NA GAL TE 'JIG PAR GYUR NA DE'I TSE DNGOS PO MED PAR KHAS BLANGS PAR GYUR PAS 'DI NI MED PA THOB PAR 'GYUR RO, ,DE LAS KYANG SNGAR BYUNG LA DA NI MED DO ZHES PA'I DON KHAS BLANGS PAR GYUR PAS CHAD PAR LTA BA THOB STE, ZHIG PA NI SLAR YANG MI 'JUG PAS SO, ,RTAG PA DANG CHAD PA'I MTHAR 'DZIN PA LAS MTHAR 'DZIN PA'I LTA BA RIGS PAS THOB LA, RIGS PA'I STOBS LAS 'ONGS PAS SPANG BYAR MI 'GYUR TE, YANG DAG PA'I LTA BA YIN PA'I PHYIR RO, ,DE LAS MTHA' GNYIS SPANGS NAS ZHUGS PA'I LAN 'DI YANG PHYIN CI LOG NYID DU 'GYUR LA, GANG GI TSE RIGS PAS DPYAD NA DNGOS PO RNAM PA THAMS CAD DU MED NA DE'I TSE DE'I YUL RTAG PA DANG CHAD PAR YONGS SU BRTAGS PAS YANG DAG PA'I LTA BA MA YIN NO ZHES 'THAD DO, ,GANG YANG YANG DAG PA'I LTA BA MA YIN PA DE NI NGES PAR SPANG BAR BYA LA, DE SPONG BA'I THABS KYANG RANG BZHIN KHAS MA BLANGS PA YIN NO ZHES BYA STE, DNGOS PO BKAG PAS MYA NGAN LAS 'DAS PAR 'GRO BA MA YIN NO ZHES BYA BA 'DIR THAR PAR 'DOD PA RNAMS KYIS KHAS BLANG BAR MI BYA'O ZHES BYA BAR 'GYUR RO, ,'DIR SMRAS PA, BDAG DANG BDAG GI PA'I RNAM PA NI 'JIG TSOGS SU LTA BA LA, GANG GI TSE @303B BDAG NYID DU DMIGS PA DE NYID RTAG PA DANG CHAD PA'I MTHAR YONGS SU BRTAGS PA LAS MTHAR 'DZIN PA'I LTA BA SKYED LA, DE YANG SPANG BYA LA CHOS TZAM NI RTAG PA DANG CHAD PA'I LTA BAR MI DMIGS SO ZHES BYA STE, DES NA GAL TE YANG PHUNG PO RNAMS MYA NGAN LAS 'DAS NAS SLAR MI 'JUG NA, DE LTA NA YANG LTA BA DE NI CHAD PAR LTA BA MA YIN NO ZHES BYA'O, ,'O NA 'JIG TSOGS SU LTA BA NYE BAR LEN PA'I PHUNG PO LNGA LA BDAG DANG BDAG GI BA'I RNAM PAR DMIGS LA, DE LTA NA YANG MU STEGS BYED KYIS BRTAGS PA'I BDAG GI RNAM PAR DMIGS BZHIN PA NA DE'I DBANG GIS 'DU BYED RNAMS LA YANG BDAG GI BA'I RNAM PAR DMIGS PAS 'JUG GO, ,'O NA 'DI YANG NYE BAR LEN PA'I PHUNG PO LNGA LA DMIGS PAR 'GYUR GYI, KHYAD PAR NI 'DI DAG STE, GANG DU DE DAG LA BDAG DANG BDAG GI BA'I RNAM PAR DMIGS NAS YONGS SU 'DZIN CING DE LAS KYANG MTHAR 'DZIN PAR LTA BAS NYE BAR LEN PA'I PHUNG PO LNGA PO DE NYID LA RTAG PA DANG CHAD PA'I RNAM PAS DMIGS SO ZHES BYA'O, ,GAL TE YANG 'JIG TSOGS SU LTA BA NYE BAR LEN PA'I PHUNG PO LNGA LA DMIGS SO ZHES BYA BA, DE LTAR NA YANG 'DI DE'I RANG BZHIN MI DMIGS LA, 'ON KYANG DE DAG LAS BDAG TU SGRO BTAGS NAS DMIGS TE, 'DI NI NYE BAR LEN PA'I PHUNG PO LNGA LA SGRO BTAGS PA'O ZHES BYA'O, ,DGE SLONG NGAM BRAM ZE GANG CUNG ZAD BDAG GO ZHES YANG DAG PAR RJES SU LTA BA LAS YANG DAG PAR RJES SU MTHONG BA NI NYE BAR LEN PA'I PHUNG PO LNGA PO 'DI NYID MTHONG NGO ZHES BCOM LDAN 'DAS KYIS GSUNGS PA, DE LAS THA DAD PA'I NANG GI BYED PA'I SKYES BU NYID MA GRUB BO ZHES BYA BA'I DON DU'O, ,DE'I PHYIR 'JIG TSOGS SU LTA BAS BDAG KHO NA LA DMIGS SO, ,GANG YANG BDAG GI DBANG DU GYUR PA'I PHYIR, 'DU BYED RNAMS LA BDAG GI BA'I RNAM PAR DMIGS LA, DE'I PHYIR MTHAR 'DZIN PAR LTA BA YANG RTAG PA DANG CHAD PA'I RNAM PAS 'JUG BZHIN PA NA, BDAG DANG BDAG GI BA LA DMIGS KYI GZHAN DU MA YIN NO, ,DE NYID KYIS NA BCOM LDAN 'DAS KYIS GSUNGS PA, KUN DGA' BO @304A *, ,BDAG YOD DO ZHE NA PHA ROL PO'I RTAG PA ZHES BYA LA, BDAG MED DO ZHE NA PHA ROL PO'I CHAD PAR RO ZHES SO, ,'DIR SMRAS PA, GAL TE 'GA' ZHIG CHOS TZAM LA RTAG PA ZHES RTOGS NA, CI DE NI RTAG PAR LTA BAR 'GYUR RAM 'ON TE MA YIN, ,GAL TE RE ZHIG RTAG PAR LTA BAR DE 'DOD NA, DE MI RUNG STE, 'JIG TSOGS SU LTA BA CHOS TZAM LA DMIGS SHING GANG LA MTHAR 'DZIN PAR LTA BA 'JUG PA NI MED LA, MTHAR 'DZIN PAR LTA BA SPANGS NAS GZHAN RTAG PA'I RNAM PAR 'JUG PA YOD PA MA YIN NO, ,LTA BA NYID MED NA YANG RTAG PAS CHOS TZAM MTHONG BA KHA NA MA THO BA MED PAR 'GYUR RO, ,'DUS BYAS THAMS CAD MI RTAG CES BYA BA'I TSIG LAS RTAG PA NYID DU LTA BA PHYIN CI LOG PA'O ZHE NA, GAL TE DER 'DZIN PA PHYIN CI LOG NA, JI LTAR 'DI NYON MONGS PA'I DMIGS PAR 'GYUR, JI SRID DU 'DOD CHAGS PA DE SRID DU SDUG PA'I RNAM PAR DMIGS PAR BYED, ZHE SDANG MI SDUG PA'I RNAM PAR RO, ,NGA RGYAL KHENGS PA'I RNAM PAR RO, ,MI SHES PA'I RNAM PAR NI MA RIG PA'O, ,YID GNYIS KYI RNAM PAR NI THE TSOM MO, ,'JIG TSOGS SU LTA BA NI BDAG DANG BDAG GI BAR 'JUG PA'O, ,LTA BA MCHOG TU 'DZIN PA NI DMAN PA LA MCHOG GI RNAM PAR RO, ,TSUL KHRIMS DANG BRTUL ZHUGS MCHOG TU 'DZIN PA NI RGYU MED PA DANG LAM MA YIN PA LA RGYU DANG LAM GYI RNAM PAR 'JUG PA'O ZHES BYA BAS SO, ,RE ZHIG DE DAG RTAG PA'I RNAM PAR MI DMIGS SO ZHES BYA STE, SU ZHIG DE'I RNAM PAR DMIGS PA YOD, YANG NA MTHAR 'DZIN PA'I LTA BA'I ZHES YONGS SU RTOG NA DE LTA NA 'DI LTAR BDAG GI BA'I RNAM PA MA YIN PA'I CHOS TZAM LA DMIGS PA YANG MTHAR 'DZIN PAR LTA BA'O ZHES YONGS SU SHES SO, ,GAL TE YANG DE NI DA LTAR NA DE'I TSE MYA NGAN LAS 'DAS PA'I CHOS TZAM YANG CHAD PA'I PHYIR CHAD PAR LTA BA STE, CI LTAR MTHAR 'DZIN PAR LTA BAR MI 'GYUR, GZHAN YANG DE'I RNAM PA MA YIN PA'I CHOS TZAM LA DE'I RNAM PAR SGRO 'DOGS PAS LOG PAR RTOGS PA LAS NYON MONGS @304B PA RNAMS 'JUG PAR 'GYUR RO, ,DE LA RTEN CING 'BREL PAR 'BYUNG BA'I DNGOS PO RANG BZHIN MED PA STE NGO BO NYID KYIS MA SKYES PA'I PHYIR RO, ,DE DAG LA RANG BZHIN DU GANG ZHIG KHONG DU CHUD PA DE NI GTZO BO PHYIN CI LOG GI BDAG PO MA RIG PA ZHES BRJOD DO, ,GZHAN DU NA GAL TE DNGOS PO RNAMS KYI RANG BZHIN YOD BZHIN PA'I NGO BOR GYUR NA, DE NGES PAR DE KHO NA NYID LA DMIGS PA'I 'PHAGS PA'I LAM GYIS DMIGS PAR 'GYUR LA, DNGOS PO'I RANG GI MTSAN NYID LA DMIGS PA'I RNAM PA 'PHAGS PA'I LAM LA MI SRID LA, BCU DRUG LAS GZHAN DRI MED RNAM PA MED, ,CES BSTAN BCOS LAS SO, ,DE'I PHYIR MA RIG PAS KUN DU BRTAGS PA'I DNGOS PO RNAMS YOD PA NYID DE KHO NA NYID MA YIN NO ZHES SO, ,DE LTAR DNGOS PO'I RNAM PAR 'JUG PAS DE KHO NA NYID MA RTOGS PA'I PHYIR DE KHO NA NYID MA SHES PAR 'JUG GO ZHES RNAM PAR GZHAG GO, ,MA RIG PAS KUN DU BRTAGS PA'I DNGOS PO LA 'DOD CHAGS KYIS SDUG PA'I RNAM PAR DMIGS LA, ZHE SDANG GIS MI SDUG PA'I RNAM PAR RO, ,NGA RGYAL GYIS KHENGS PA'I RNAM PAR RO, ,THE TSOM GYIS YID GNYIS SU'O, ,'JIG TSOGS KYIS BDAG DANG BDAG GI BA'I RNAM PAR RO, ,MTHAR 'DZIN GYIS RTAG PA DANG CHAD PA'I RNAM PAR RO, ,LOG PAR LTA BAS MED PA'I RNAM PAR RO, ,LTA BA MCHOG TU 'DZIN PAS DMAN PA LA MCHOG GI RNAM PAR RO, ,LAM GYI RNAM PAS TSUL KHRIMS DANG BRTUL ZHUGS MCHOG TU 'DZIN PA'O ZHES DE LTAR NYON MONGS PA THAMS CAD MA RIG PAS YONGS SU BRTAG PA'I PHYIN CI LOG GI DNGOS PO NYID LA DE DAG ZHEN PAS SGRO BTAGS NAS 'JUG LA, DE NYID KYIS NA, RMONGS MED CIG SHOS SKYE BA MED, ,CES BYA BAS MA RIG PA'I RGYU CAN DU NYON MONGS PA THAMS CAD RNAM PAR GZHAG GO, ,RMONGS PA SPANGS PA LAS THAMS CAD MA LUS PAR SPONG GI GZHAN DU MA YIN TE, DE DAG MA RIG PA DANG LHAN CIG 'BREL PA'I PHYIR, JI SKAD DU 'PHAGS PA LHAS, MA RIG KUN DU GNAS PA NI, ,JI LTAR LAS LA LUS DBANG GIS, ,DE PHYI @305A *, ,KUN KYANG RMONGS PA YIS, ,NYON MONGS PAS DE 'DIR BSNUN NO, ,ZHES BSHAD DO, ,GANG YANG BCOM LDAN 'DAS KYIS 'DI SKAD DU GSUNGS PA, NYE BAR LEN PA'I PHUNG PO LNGA PO 'DI NYID LA BDAG CES YANG DAG PAR RJES SU MTHONG NGO ZHES BYA BA'I MDO DE YANG MTHAR 'DZIN PAR LTA BA DANG, 'JIG TSOGS SU LTA BA DANG LHAN CIG TU GZHI GCIG LA DMIGS PAR 'THAD DO ZHES SHIN TU NGES PAR SGRUB PA'O, ,DE LAS KYANG 'DI SHIN TU 'THAD PAS DNGOS POR YOD NA YANG DES NA GNYIS KA KHAS BLANG NGO ZHES BYA BAR 'GYUR RO ZHES SO, ,'DIR SMRAS PA, GAL TE DNGOS PO YOD KYANG DE LTA NA YANG DE'I RTAG PA DANG MI RTAG PA DAG MED PAS THER ZUG PA DANG RGYUN CHAD PAR LTA BAR THAL BA MA YIN PA JI LTAR ZHAN, GSUNGS PA, RGYUN GYI PHYIR NA 'DI YOD DE, ,RGYU BYIN NAS NI DNGOS PO 'GAG ,SNGAR BZHIN 'DI YANG MA GRUB CING RGYUN CHAD PAR THAL BAR 'GYUR, DE LA RGYU DANG 'BRAS BU'I 'BREL PA 'JUG PA LAS DUS GSUM DU 'DUS BYAS RNAMS KYI SKAD CIG MA'I NYE BAR LEN PA RAB TU 'BYUNG BA LAS RGYUN ZHES BRJOD DO, ,'DI LTAR S'A LU'I SA BON GYI MYU GU DANG SDONG BU DANG LDUM BU RNAMS BRGYUD MAR RAB TU 'BYUNG BA NI SA BON GYI RGYUN NO, , DE BZHIN DU GZHAN LA YANG SHES PAR BYA'O, ,MYU GU LA SOGS PA'I RGYUN DE YANG SA BON GYI RGYUS 'JUG LA, SA BON GYI RGYU CAN GYI MYU GU LA SOGS PA'I RGYUN DE LAS KYANG SA BON DANG 'DRA BA'I 'BRAS BU MTHAR 'JUG GO, ,'BRAS BU DE YANG SA BON GYI RGYU CAN DU RNAM PAR GZHAG STE, JI LTAR BYAS NA 'DIR SA BON 'GAGS LA, 'DI'I BDAG NYID KYI RGYUN LAS 'DRA BA'I 'BRAS BU SKYED PA'I PHYIR DNGOS KYI 'BRAS BU'I RGYU MYU GU BYIN NAS 'GAG PAR 'GYUR RO, ,'BRAS BU SKYED PA'I NUS PAS KHYAD PAR DU BYAS PA'I MYU GU SKYED PA'I RGYU'I DNGOS POR YONGS SU BSGRUB PAS, RGYU BYIN NAS 'GAGS ZHES BRJOD DO, ,DE BZHIN DU MYU GU LA SOGS PA NAS ME TOG GI MTHAR THUG PA RNAMS RANG GI RGYU LAS THOB PA'I RGYUS SA BON DANG MTHUN PA'I 'BRAS BU RIM GYIS RDZOGS PAR BYED DO, ,'BRAS BU DE YANG SA BON RGYUR BYAS PA NYID LAS NYE BAR @305B SKYE'O; ,GAL TE SA BON DANG MYU GU LA SOGS PA'I RGYUN 'BRAS BU SKYED PA'I NUS PAS MI 'JUG NA MTHAR YANG DE'I RIGS CAN GYI 'BRAS BU MI 'BYUNG NGO ZHES BYA LA, DES NA MTHAR YANG 'BYUNG BZHIN PA'I 'BRAS BU SA BON GYI RGYU CAN NYID DO ZHES RNAM PAR 'JOG LA, JI SKAD DU, GANG PHYIR SA BON LAS RGYUN DANG, ,RGYUN LAS KYANG NI 'BRAS BU 'BYUNG, ,DE'I PHYIR SA BON SNGON 'GRO'I 'BRAS, ,RTAG MIN CHAD PA YANG MA YIN, ,ZHES BSTAN TO, ,DE LA SA BON NI 'BRAS BU SKYED PAR NUS PA'I MYU GU LA SOGS PA'I RGYUN GYI RGYUR KHONG DU CHUD PAR 'GAG PAR 'GYUR GRANG LA, ,MYU GU LA SOGS PA'I RGYUN KYANG MI 'JUG PAR 'GYUR NA, DE'I TSE CHAD PAR LTA BAR 'GYUR RO, ,YANG NA MYU GU LA SOGS PA 'JUG KYANG SA BON RANG GI NGO BOS GNAS NA DE NI RTAG PAR LTA BA STE, DE LTAR YANG MA YIN NO ZHES BYA BAS DES NA RGYUN YOD LA RGYUN CAN GYI RGYU'I SKAD CIG MA RNAMS KYANG 'BRAS BU'I DON DU RGYU BYIN PA'I PHYIR DANG, RANG GI NGO BOS MI GNAS PA'I PHYIR YANG RTAG PA DANG CHAD PAR LTA BAR THAL BA MED DO ZHES BYA'O, ,'DIR YANG SLOB DPON GYIS SKYON BRJOD, SNGAR BZHIN 'DI YANG MI 'GRUB CING, ,RGYUN CHAD PAR YANG THAL BAR 'GYUR, ,ZHES BYA BA LA, 'DIR 'DI SKAD DU RTAG PA DANG CHAD PA'I SKYON SPANG BA'I PHYIR, DE NI SNGAR BZHIN DU MA GRUB STE, JI LTAR BYAS NA YOD PA NYID LA RGYU DANG 'BRAS BU'I 'JUG PA 'BYUNG BAR 'GYUR RO ZHES 'DIR RTOGS NA, RGYU DANG 'BRAS BU 'JUG PA MI SRID PA YANG SNGAR BSTAN TE, 'BRAS BU YIN NA 'BRAS LDAN LA, ,DER MED GYUR NA RGYU MED MTSUNGS, ,YOD DANG MED PA NA YANG 'GAL, ,DUS GSUM DU YANG 'THAD MA YIN, ,MA RIG 'DU BYED MED MI 'BYUNG, ,DE MED 'DU BYED MI 'BYUNG ZHING, ,DE DAG PHAN TSUN RGYU CAN DE, , RANG BZHIN GYIS KYANG MA GRUB PO, ,GANG YANG, GANG ZHIG RANG NYID RANG BZHIN GYIS, ,MA GRUB DES GZHAN JI LTAR SKYED, ,DE PHYIR GZHAN LAS GRUB PA YIS, ,RKYEN GZHAN DAG NI SKYED BYED MIN, ,DES NA RGYU DANG 'BRAS BU DAG MA GRUB NA, RGYU NA GA LA ZHIG RGYU @306A *, ,BYIN PA GA LA ZHIG CES PA DANG, RGYU 'GAGS NAS SLAR MI SKYE BAS, ,RGYU RGYUN CHAD PAR THAL BAR BRTAG PA YANG MI RIGS TE, DE LTAR YANG DNGOS POR KHAS BLANGS NA RTAG PA DANG CHAD PA'I LTA BAR THAL LO ZHES GNAS SO, ,'DIR SMRAS PA, GAL TE RTAG PA DANG CHAD PAR LTA BAR THAL BAS RTAG PA DANG CHAD PAR KHAS MI LEN NA, 'DI LTAR DNGOS PO LAS SKYE BA DANG 'GAG PA YANG MED PAR THAL LA, DE MED NA YANG DAG 'DI DAG SKYE BA DANG 'JIG PAR BSTAN PAS BCOM LDAN 'DAS KYIS MYA NGAN LAS 'DAS PA'I LAM BSTAN PA GSUNGS PA, MI RTAG DANG LDAN 'DUS BYAS RNAMS, ,SKYE DANG 'JIG PA'I CHOS CAN TE, ,SKYE ZHING GANG LA 'JIG 'GYUR BA, ,DE DAG NYER ZHI BDE BA'O, ,ZHES PAS, DE 'GAG PA DANG, SKYE BA DANG, 'JIG PA DAG MED PA'I STONG PA DAG NYE BAR BSTAN PA MYA NGAN LAS 'DAS PA'I LAM DU MI 'THAD DO ZHES BSTAN PA'I PHYIR GSUNGS PA, SKYE 'JIG BSTAN PHYIR MYANG 'DAS KYI, ,LAM BSTAN MA YIN STONG NYID PHYIR, ,ZHES PA'O, ,YANG NA 'DI'I DON NI GZHAN TE, GAL TE 'DI SNYAM DU SEMS NA, DNGOS PO YOD BZHIN PA MA YIN PA'I PHYIR SKYE 'JIG MED PAR 'GYUR NA MYA NGAN LAS 'DAS PA'I LAM BSTAN PA MED PAR THAL LO ZHES PA'I SKYON 'DI MED DE, SKYE BA DANG 'JIG PA YOD BZHIN PA MA YIN PA LA BSTAN PA 'THAD CING, GANG LAS SKYE 'JIG BSTAN PA LAS MYA NGAN LAS 'DAS PA THOB PAR BYA'O ZHES BCOM LDAN 'DAS KYIS GSUNGS PA MYA NGAN LAS 'DAS PA'I LAM BSTAN PA RNAM PAR GZHAG PA MA YIN NO ZHES BSTAN PA'I PHYIR GSUNGS PA, SKYE 'JIG BSTAN PHYIR MYANG 'DAS KYI, ,LAM BSTAN MA YIN ZHES SO, ,SLAR YANG CI'I PHYIR NA SKYE 'JIG BSTAN PA LAS THAR PA ME CES NYE BAR BSTAN PAR MYA NGAN LAS 'DAS PA'I LAM BSTAN PAR YANG MI 'THAD DO ZHES BSTAN PA'I PHYIR GSUNGS PA, STONG NYID PHYIR ZHES PA'O, ,SKYE BA DANG 'JIG PA DAG STONG NA JI LTAR DAG BSTAN PA MYA NGAN LAS 'DAS PA'I LAM BSTAN PAR 'GYUR, SLAR YANG NYE BAR @306B DMIGS BZHIN PA SKYE BO THAMS CAD LA GRAGS PA'I SKYE BA DANG 'JIG PA DAG JI LTAR STONG PA NYID, JI LTAR NYE BAR MA DMIGS PA DE DAG KYANG STONG PA NYID LA DE LTAR BSTAN PA'I PHYIR GSUNGS PA, 'DI DAG PHAN TSUN BZLOG PA RU, ,MTHONG BA PHYIN CI LOG LAS YIN,, BDEN TE, SKYE BA DANG 'JIG PA DAG STONG PA NYID KYI PHYIR, DE DAG STONG PA NYID YIN KYANG GANG 'JIG RTEN PAS MTHONG BA PHYIN CI LOG PAS 'JUG PA'O, ,DE DAG 'DI LTAR JI LTAR RTOGS SHEN, PHAN TSUN BZLOG PA LAS TE, PHYIN CI LOG PAS NA PHAN TSUN BZLOG PA STE, GZHAN DU 'GYUR BA THOB PA'O, ,GAL TE SKYE BA DANG 'JIG PA DAG RANG GI NGO BOS YOD NA 'DI DAG PHAN TSUN BYAS PAS GZHAN DU 'GYUR BAR MI 'GYUR TE, SKYE BA LAS GZHAN PA MA SKYES PA LA 'JIG PA MED LA, SKYE BA'I DUS NA YANG SKYE BA'I DUS DANG 'GAL BA'I 'JIG PA MI RIGS PA'I PHYIR DANG, 'JIG PA DANG BRAL BA YANG SKYE BA MED PA'I PHYIR DANG, 'JIG PA'I DUS SU YANG DE DANG 'GAL BA'I SKYE BA MI RUNG BA'I PHYIR DANG, PHAN TSUN LAS DUS GCIG TU SKYE BA THOB PA 'GAL BA DANG, PHAN TSUN MED PAS 'DI DAG GSAL BA'I PHYIR PHAN TSUN BZLOG PAR 'GYUR RO, ,SKYE BA NI SKYE BA'I RANG GI NGO BO DANG BRAL BA'I PHYIR PHYIN CI LOG GO, ,YANG NA 'GAG PA LA MA LTOS PAR SKYE BAR MI 'GYUR RO ZHES BYA'O, ,SKYE BA'I PHYIN CI LOG NI RANG GI NGO BOS MA GRUB PA DANG 'GAG PA LA LTOS PA'I PHYIR DANG, 'DI LTAR 'GAG PA YANG BRJOD DE, GANG YANG 'DI DAG PHAN TSUN BZLOG PA PHAN TSUN BYAS PAS 'GRUB LA, DE 'DI LTAR RANG GI NGO BOS MA GRUB PA DAG GANG MTHONG BA DE 'JIG RTEN PA'I PHYIN CI LOG CES SHES PAR BYA'O, ,GANG YANG DE DAG DE LTA BAS NA DES NA SKYE BA DANG 'JIG PA DAG STONG PA'O, ,GANG GI TSE DE DAG STONG PA NYID NA DE'I SKYE BA DANG 'JIG PA BSTAN PA LAS MYA NGAN LAS 'DAS PAR 'GYUR RO ZHES NYE BAR BSTAN PA'I MYA NGAN LAS 'DAS PA'I LAM BSTAN PAR MI 'THAD DO, ,BYIS PA'I SKYE BOS RTOGS PA'I DON DU DES MTHONG PA'I RJES SU 'JUG PAS BCOM LDAN 'DAS KYIS SKYE BA DANG 'JIG PA @307A *, ,GSUNGS PAR SHES PAR BYA'O, ,JI LTAR DU, SKYE BA SHES PAS 'JIG PA SHES, ,'JIG PA SHES PAS MI RTAG SHES, ,MI RTAG NYID LA 'JUG SHES PAS, ,DES NI CHOS KYANG RTOGS PAR 'GYUR, ,ZHES SO, ,'DIR SMRAS PA, SKYE MED 'GAG PA MED CE NA; ,CI ZHIG 'GAGS PAS MYA NGAN 'DA', ,GANG ZHIG SKYE BA DANG 'JIG PA MED NA DE'I TSE SDUG BSNGAL MED LA NYE BAR LEN PA'I PHUNG PO LNGA DAG SKYES PA MI RTAG PAS SDUG BSNGAL LA, DE 'GAGS PA LAS MYA NGAN LAS 'DAS PA'O, ,GANG GI TSE SKYE BA DANG 'GAGS PA GANG YANG MED PAS SDUG BSNGAL MED PA DE'I TSE CI ZHIG 'GAGS PAS MYA NGAN LAS 'DAS PAR 'GYUR, 'DI LTAR SDUG BSNGAL 'GAG PA LAS MYA NGAN LAS 'DAS PA YANG YOD LA, DE'I PHYIR SKYE BA DANG 'JIG PA DAG YOD DO ZHE NA, SMRAS PA, 'DI LA SKYON MED DE, GANG GI PHYIR 'GAGS PA LAS MYA NGAN LAS 'DAS PAR RNAM PAR GZHAG PA MA YIN LA, DE NI SDUG BSNGAL MED PA NYID DE, SKYE BA MED CING 'GAG MED PA'I, ,NGO BO GANG ZHIG THAR MIN NAM, ,NGES PAR YANG 'DI LTAR KHAS BLANG BAR BYA'O, ,GZHAN DU NA, GAL TE 'GAGS LAS MYANG 'DAS CHAD, , GAL TE CIG SHOS LTAR NA RTAG ,DE PHYIR DNGOS PO DNGOS MED DAG ,MYA NGAN 'DAS PAR RUNG MA YIN, ,GAL TE SDUG BSNGAL RANG BZHIN GYIS MA SKYES PA DANG MA 'GAGS PAR MI 'DOD LA, ,SDUG BSNGAL GYI NGO BO'I RGYUN LAS LOG PA LA MYA NGAN LAS 'DAS PAR YONGS SU RTOGS NA; DE NI SDUG BSNGAL RGYUN CHAD PA'I RANG BZHIN GYI PHYIR MYA NGAN LAS 'DAS PA CHAD PAR 'GYUR RO ZHES BYA LA, MYA NGAN LAS 'DAS PA CHAD PAR 'GYUR BA MI 'THAD DE, MTHAR 'DZIN PAR LTA BAR THAL BA DANG, NGO BO NYID KYIS MA GRUB PA LAS RGYUN CHAD PA'I MYA NGAN LAS 'DAS PA DE PHYIN CI LOG TU 'GYUR LA, MYA NGAN LAS 'DAS PA PHYIN CI LOG MA YIN PA'I PHYIR, SDUG BSNGAL RGYUN CHAD BA'I RANG BZHIN MYA NGAN LAS 'DAS PAR MI 'THAD DO, ,YANG NA SKYON 'DI DAG YONGS SU SPANG BAR 'DOD NAS, DE LA CIG SHOS KHAS LEN NA, DE'I TSE @307B SDUG BSNGAL MA 'GAGS PA'I RANG BZHIN NYID KYI PHYIR, THER ZUG PAS MYA NGAN LAS 'DAS PA DE RANG BZHIN DU 'GYUR LA, SDUG BSNGAL RTAG PA'I RANG BZHIN MYA NGAN LAS 'DAS PAR 'GYUR BAR MI RUNG STE, DE NI SDUG BSNGAL ZAD PA'I MTSAN NYID DU NYE BAR BSTAN PA'I PHYIR RO; ,GANG GI TSE 'DI LTAR DNGOS PO DANG DNGOS PO MED PA DAG MI RUNG BAS, DE'I PHYIR SDUG BSNGAL RANG BZHIN GYIS GANG MA SKYES SHING MA 'GAGS PA DE NYID THAR PA ZHES RIGS SO, ,'DIR SMRAS PA, SDUG BSNGAL LAS LOG PA'I RANG BZHIN MYA NGAN LAS 'DAS PA MA YIN TE, GAL TE 'DI LTAR 'GYUR NA DE'I TSE SDUG BSNGAL LAS LOG PA'I RANG BZHIN NI CI YANG MA YIN PA'I PHYIR, MYA NGAN LAS 'DAS PA ZHES BYA BA CI YANG MA YIN PAR 'GYUR LA, CI YANG MA YIN PA MYA NGAN LAS 'DAS PAR 'GYUR BAR MI RIGS TE, LAM GYI BDEN PAS THOB BYA; SKYE BA 'GAGS PAR GYUR PA'I CHU SKYEGS PA'I SKYEGS KYI GNAS LTA BU SDUG BSNGAL LAS DON GZHAN DU GYUR PA LA 'GOG PA ZHES BRJOD DO, ,GAL TE DE DON GZHAN DU GYUR PA MA YIN NA, BDEN PA BZHI RNAM PAR GZHAG PA MI 'BYUNG LA, DES NA 'GOG PA SDUG BSNGAL RTAG PA'I RANG BZHIN MA YIN LA, SDUG BSNGAL LOG PA'I RANG BZHIN YANG MA YIN TE, SDUG BSNGAL LAS DON GZHAN DU GYUR PA'I PHYIR ZHES PA'I PHYIR ZHES PA'O, ,'DIR GSUNGS PA, GAL TE 'GOG PAR 'GA' GNAS NA, ,DNGOS PO LAS GZHAN DE YOD 'GYUR, DNGOS PO MED PHYIR 'DI MED LA, ,DNGOS PO MED PHYIR DE YANG MED, ,GAL TE SDUG BSNGAL GYI DNGOS PO LAS GZHAN DU STE, DE LAS THA DAD PA'I 'GOG PAR GYUR NA, RTAG PAR GNAS PAR GYUR TE, DE DNGOS PO LAS KYANG GZHAN DU 'GYUR LA, DE NI DNGOS PO LA GZHAN DU YOD PA NYID 'THAD PA MA YIN TE, SDUG BSNGAL LAS GZHAN DU DE 'GAGS PA RNAM PAR GZHAG PAR MI NUS SO, ,GAL TE YANG SDUG BSNGAL LAS THA DAD NA 'GOG PA RTAG PAR 'GYUR LA, DER GYUR NA 'JIG RTEN PA THAMS CAD LA SDUG BSNGAL LOG PAR 'GYUR RO, , @308A *, ,SDUG BSNGAL LAS LOG PA DES 'THOB PO ZHE NA, THOB PAR GYUR NA GANG GIS SDUG BSNGAL SKYES PA 'GAG PAR BYAS NAS 'DI'I KHYAD PAR CI ZHIG SKYED PAR BYED, DE THOB PA'I RGYUD LA SKYE'O ZHE NA, PHYIS CI ZHIG 'DI'I KHYAD PAR SKYE BA GANG GIS DE THOB PA'I RGYUD LA SKYE NA, DUS THAMS CAD DU DE THOB PA'I RGYUD LA SKYE BAR 'GYUR BA'AM, NAM YANG MA YIN PAR 'GYUR RO, ,DE LAS LAM BSGOMS PA 'JIG RTEN PA THAMS CAD KYIS MA BTZAL BAR YANG MYA NGAN LAS 'DA' BAR 'GYUR RO, ,DE'I PHYIR NGES PAR SDUG BSNGAL LA LTOS PA DANG BCAS PA'I RANG BZHIN GYIS DE 'BYUNG BAR 'GYUR LA, DE LA YANG SDUG BSNGAL NI SRID PA'O, ,DES NA, DNGOS PO MED PHYIR 'DI MED DE, ,SDUG BSNGAL MED PAS DE MED DO, ,ZHES PA'I DON TO, ,YANG GZHAN ZHIG GIS SMRAS PA, GAL TE SDUG BSNGAL 'GAGS PA STE, SDUG BSNGAL MED PA'I RANG BZHIN DNGOS POR GYUR PA MYA NGAN LAS 'DAS PAR 'GYUR NA SKYON 'DIR 'GYUR NA, RNAM PA DE LTA BU NI MED DO, ,'ON KYANG 'DI DE NI SDUG BSNGAL LAS LOG PA TZAM MO ZHE NA, SMRAS PA, 'DI LTAR BRTAGS PAS KYANG MYA NGAN LAS 'DAS PA THOB PAR MI 'GYUR TE, SDUG BSNGAL GYI DNGOS POR YOD NA SDUG BSNGAL DANG LDAN PAR 'GYUR LA, SDUG BSNGAL YANG MI SRID NA DE MED PA GA LA ZHIG CES BYA'O, ,DNGOS PO MED PA'I RANG BZHIN YANG MYA NGAN LAS 'DAS PA'O ZHE NA, DES NA DNGOS PO MED PAS NI DNGOS PO MED PA'I PHYIR LA, DE YANG MED DE, DNGOS PO MED PAR GYUR PAS MED PA'I PHYIR MYA NGAN LAS 'DAS PA MED DO ZHES PA'I DON TO, ,YANG NA 'DI'I DON GZHAN TE, GAL TE 'GOG PA ZHES BYA BA DNGOS PO'I RANG GI NGO BO GRUB PAR GYUR NA, DE SDUG BSNGAL LA MI LTOS PAS KYANG 'BYUNG STE, RANG GI MTSAN NYID KYIS GRUB PA'I PHYIR LA, 'BYUNG BA YANG MA YIN TE, DES NA 'GOG PA'I RANG GI NGO BO GRUB PA MED DO, ,YANG NA GAL TE 'DOD NA YANG NGES PAR DE NI DNGOS PO'I RANG BZHIN GYIS SAM, DNGOS PO MED PA'I RANG BZHIN GYIS 'BYUNG BAR @308B 'GYUR; GAL TE DNGOS PO'I RANG BZHIN DU 'DOD NA, DE NI DNGOS PO BKAG PA'I PHYIR, ,DNGOS PO MED PHYIR DE YANG MED, ,YANG NA DNGOS PO MED PA'I RANG BZHIN YIN NA, 'DI LTAR DNGOS PO MED KYANG BKAG PA'I PHYIR TE, 'GAG PA NYID DNGOS PO MED PA'I PHYIR, DNGOS PO MED PAS YOD PA NYID MA YIN NO ZHES GSUNGS PA, DNGOS PO MED PHYIR DE YANG MED, ,CES SO, ,'DIR SMRAS PA, MYA NGAN LAS 'DAS PA YOD PA NYID DE, DE'I TSE MTSAN NYID YOD PA'I PHYIR RO, ,YOD BZHIN PA MA YIN PA'I MO GSHAM GYI BU LA MTSAN NYID YOD PA MA YIN LA, MYA NGAN LAS 'DAS PA LA MTSAN NYID YOD DE SO SOR BRTAGS PA'I 'GOG PA GANG BRAL BA'O ZHES PA'I TSIG LAS SO, ,SMRAS PA, MYA NGAN LAS 'DAS PA DE'I MTSAN NYID YOD NA YOD PAR 'GYUR NA, YOD PA MA YIN NO ZHES BSTAN PA'I PHYIR GSUNGS PA, MTSAN GZHI LA GZHAN MTSAN NYID LAS, ,MTSAN GZHI GRUB PAS RANG MA GRUB, ,PHAN TSUN LAS KYANG MA GRUB CING, ,MA GRUB MA GRUB SGRUB BYED MIN, ,'DIR GAL TE MTSAN NYID CES BYA BA'I NGO BO CUNG ZAD GRUB PAR GYUR NA, DE MTSAN GZHI LA MI LTOS PAR 'GYUR LA, MTSAN GZHI LAM LTOS PA'I MTSAN NYID RGYU MED PA THOB PAR 'GYUR LA, RGYU MED PAR YANG MI RIGS SO ZHES BYA STE, DES NA NGES PAR MTSAN GZHI LAS MTSAN NYID GRUB PAS, MTSAN GZHI'I RGYU CAN GYI MTSAN NYID MA GRUB PO ZHES BYA BA'I DON TO, ,YANG NA 'DI SNYAM DU SEMS TE, MTSAN GZHI LA LTOS NAS MTSAN NYID GRUB PAR YOD DO ZHE NA, SMRAS PA, GAL TE MTSAN GZHI MTSAN NYID LA MA LTOS PAR YOD NA, DE LA LTOS NAS MTSAN NYID YOD LA, LTOS PA MED PA'I MTSAN GZHI MI SRID LA, MTSAN NYID DANG BRAL BA'I MTSAN GZHI RGYU MED PAR THAL BAS, DES NA MTSAN GZHI YANG DE'I MTSAN NYID LAS GRUB PAS, RANG LAS MA GRUB STE, MTSAN NYID DANG MTSAN GZHI NGO BO NYID KYIS MA GRUB PO ZHES PA'I DON TO, ,YANG NA 'DI SNYAM DU SEMS TE, GAL TE YANG MTSAN GZHI DANG MTSAN NYID DAG RANG LAS MA GRUB KYANG, DE LTA NA YANG @309A *, ,PHAN TSUN LTOS NAS GRUB PAS YOD DO ZHE NA, SMRAS PA, PHAN TSUN LAS KYANG MA GRUB CING, PHAN TSUN LTOS PAS GRUB PA MED DO ZHES PA'I DON TO, ,YANG CI'I PHYIR PHAN TSUN LTOS PAS GRUB PA MED CE NA, GSUNGS PA, MA GRUB MA GRUB SGRUB BYED MIN, ,ZHES PA'O; ,'DIR MTSAN GZHI LA BRTEN PA'I PHYIR NYID MTSAN GZHI LA RTEN DU GRUB PAR 'DOD NA, MTSAN GZHI LAS GZHAN DU MTSAN GZHI'I MTSAN NYID MI 'THAD PAS, MTSAN NYID KYIS BRTEN PAS MTSAN GZHI GRUB BO ZHES BYA LA, DE LTAR PHAN TSUN LTOS PAS MTSAN GZHI DANG MTSAN NYID GRUB PA RNAM PAR GZHAG PAR GYUR PA 'DI DAG DPYAD PAR BYA STE, GAL TE MTSAN GZHI LA LTOS NAS MTSAN NYID RNAM PAR 'JOG PAS DE NYID KYIS NA RE ZHIG MTSAN GZHI MTSAN NYID LA MA LTOS PAR NGO BO NYID KYIS MED LA, DE NI RANG NYID MA GRUB PAS MED PAS JI LTAR GZHAN MTSAN NYID 'GRUB PAR BYED, DE BZHIN DU MTSAN GZHI LA YANG SBYAR RO, ,DE NI 'DI LTAR MTSAN GZHI 'AM MTSAN NYID DAG MA GRUB PA MA GRUB PA'I MTSAN GZHI 'AM MTSAN NYID GRUB PAR BYED PA MA YIN NO ZHES BYA STE, DES NA MTSAN GZHI DANG MTSAN NYID DAG MED DO, , GANG GI TSE MTSAN GZHI DANG MTSAN NYID DAG MED PA DE'I TSE MTSAN NYID YOD PA'I MYA NGAN LAS 'DAS PA GA LA 'GRUB CES BYA STE, 'DI NI MI RIGS SO, ,MTSAN GZHI DANG MTSAN NYID LA DPYAD PA'I RIM PAS PHAN TSUN LTOS PAS GRUB PA'I DNGOS PO LHAG MA RNAMS KYANG MA GRUB PAR BDE BLAG TU KHONG DU CHUD PAR GZIGS NAS, DE LEGS PAR BSTAN PA'I PHYIR GSUNGS PA, 'DIS NI RGYU DANG 'BRAS BU DANG, ,TSOR DANG TSOR BA PO SOGS DANG, ,BLTA BYA LTA BA PO LA SOGS, ,DES GANG CUNG ZAD MA LUS BSHAD, ,MTSAN GZHI DANG MTSAN NYID DAG MA GRUB PA'I RIM PA 'DIS, RGYU DANG 'BRAS BU LA SOGS PA YANG MA GRUB PAR KHONG DU CHUD PAR BYA'O, ,BYAS PA NI 'BRAS BU, BYED PA NI RGYU'O, ,MYONG BAR GYUR PAS TSOR BA STE, LAS LA LUGS BYAS [?] NAS TSOR BA LA TSOR BAR GSUNGS SO,[?] ,TSOR BA PO NI NYAMS SU [?] @309B MYONG BA YANG TSOR BA DANG TSOR BA PO STE, TSOR BA DANG TSOR BA PO'O, ,DE TSOR BA DANG TSOR BA PO DAG LHAN CIG 'JUG PAS TSOR BA DANG TSOR BA PO ZHES BYA'O, ,SOGS PA'I SGRAS 'DU SHES DANG 'DU SHES PAR BYA BA LA SOGS PA GZUNG NGO, ,BLTA BYA DANG LTA BA PO LA SOGS PA GANG CUNG ZAD KYANG ZHES PA LA SOGS PA'I SGRAS THOS PA DANG THOS PA PO LA SOGS PA LNGA PO RNAMS KYI GNYIS GNYIS PA GZUNG LA, GANG CUNG ZAD CES PA 'DIS PHAN TSUN LTOS NAS GRUB PA'I GNYIS GNYIS PA'I DNGOS PO RNAMS GZUNG NGO, ,DNGOS PO 'DI DAG THAMS CAD KYANG MTSAN GZHI DANG MTSAN NYID DAG MA GRUB PA'I RIM PAS MA GRUB PAR SBYAR RO, ,RAB TU BYED PA 'DIR YANG RE RE'I DNGOS PO'I GRANGS 'JUG PA LA DPYAD PA'I RIM PA'I SKABS YIN PA'I PHYIR, RE ZHIG THOG MAR DNGOS PO GCIG RNAM PAR DPYAD DE, 'DI LTAR RANG BZHIN NO, ,DE'I RJES LA RGYU GCIG PU NYID DE; 'BRAS BU YOD NA 'BRAS LDAN LA, ,ZHES PA LA SOGS PA'O, ,DE YANG MA RIG PA LA SOGS PA'I RIM PAS RNAM PA MANG PO RNAM PAR DPYAD LA, DE'I RJES LA, MA RIG 'DU BYED MED MI 'BYUNG, ,ZHES PA DE NAS BRTZAMS NAS 'DI'I BAR DU GNYIS GNYIS PA'I DNGOS PO PHAN TSUN LTOS PAS GNAS PA RNAMS DPYAD LA, 'DI LAS GZHAN PAS, LTOS PA DANG BCAS PA'I GSUM GYI GRANGS KYIS YONGS SU BCAD PA'I DNGOS PO RNAMS RNAM PAR DPYAD PA BRTZAM PAR BYA'O, ,GANG 'DI SKAD DU, DNGOS PO YOD NA RTAG PA NYID, ,MED NA NGES PAR CHAD PA NYID, ,DNGOS POR GYUR NA DE GNYIS LA, ,DE PHYIR DNGOS PO KHAS MI BLANG, ,ZHES PA DE NI MI 'THAD DE, ,GAL TE DNGOS PO KHAS MI LEN NA DE'I TSE DUS GSUM MED LA, DUS GSUM YOD PAS DE'I PHYIR DNGOS PO YOD DE, DUS GSUM GYI RGYU MTSAN YIN PA'I PHYIR RO; ,'DIR SKYES LA MA 'GAGS PA'I DNGOS PO NGO BO NYID KYIS GNAS BZHIN PA'I PHYIR DANG, YOD BZHIN PA'I PHYIR DA LTAR BA'I SGRAS BRJOD PAR BYA BAR 'GYUR RO, ,DA LTAR BA'I GNAS SKABS MA THOB PA LA MA 'ONGS PA ZHES BRJOD LA, DA LTAR BA'I GNAS SKABS LAS @310A *, ,'DAS PA NYID LA 'DAS PA ZHES BRJOD DO, ,GAL TE DNGOS PO MED NA DE CI'I RGYU MTSAN GYIS DUS GSUM 'BYUNG BAR 'GYUR, DE'I PHYIR DUS GSUM YOD PAS DNGOS PO YOD DO ZHE NA, SMRAS PA, GAL TE DUS GSUM YOD NA DNGOS PO YOD PAR 'GYUR LA YOD PA MA YIN NO, ,JI LTAR MED PA DE LTAR BSTAN PA'I PHYIR GSUNGS PA, GNAS MED PHAN TSUN LAS GRUB PA, ,'CHOL PHYIR RANG NYID MA GRUB PHYIR, ,DNGOS PO MED PHYIR YOD MIN TE, ,DUS GSUM PO NI BTAGS PA TZAM, ,GAL TE DUS ZHES BYA BA 'GA' ZHIG YOD NA DE LA 'DZIN LA RAG NA MI 'DZIN LA, ,DE'I PHYIR 'DZIN PA MED PAS DUS MED DO, ,YANG CI'I PHYIR MI 'DZIN ZHE NA, GNAS MED PHYIR TE, DUS ZHES BYA BA CUNG ZAD YOD PA MA YIN NO, ,THER ZUG PA'I DNGOS PO YOD NA GANG ZHIG 'DZIN LA RAG NA, DE LAS MA BZUNG BA'I PHYIR DUS MED DO, ,YANG NA GAL TE YANG THER ZUG PA'I DUS GANG CUNG ZAD MI 'DZIN LA, DE LTA NA YANG DUS YOD PA NYID DU 'GYUR TE, SKAD CIG LA SOGS PAS MNGON PAR GSAL BAR BYAS PA'I PHYIR RO, ,'DI SKAD CIG DANG THANG CIG DANG, YUD TZAM DANG, ZLA BA PHYED DANG, ZLA BA DANG, LO PHYED DANG, LO LA SOGS PA'I DUS KYI TSAD KYI KHYAD PAR RNAMS TE, KHYAD PAR DE RNAMS KYIS 'DZIN BZHIN PA'I PHYIR, DUS YOD PA NYID DO ZHE NA, SMRAS PA, GAL TE LO LA SOGS PA NYID YOD NA, LO LA SOGS PA'I TSAD DANG LDAN PA'I DUS 'DZIN LA RAG NA, DE SKAD CIG LA SOGS PA LAS THA DAD PA'I THER ZUG PA'I LO LA SOGS PA MI 'DZIN NO, ,YANG NA 'DI SNYAM DU SEMS NA, RE ZHIG SKAD CIG MA YOD NA, DE LA 'DZIN PAS DES NA DE 'DUS PA'I RANG BZHIN THANG CIG LA SOGS PA 'BYUNG BAR 'GYUR RO ZHE NA, SMRAS PA, GANG DU GNAS PA MED PA'I SKAD CIG MA RNAMS LA 'DUS PA GA LA ZHIG GANG DU THANG CIG LA SOGS PA 'DZIN PAR GYUR CING SKAD CIG MA YANG YOD NA THANG CIG LA SOGS PA RNAM PAR 'JOG GRANG NA, SKAD CIG DE LA YANG THOG MA DANG BAR DANG THA MA YOD LA, THOG MA DANG BAR DANG THA MA DE RNAMS LA YANG THOG MA DANG BAR DANG THA MA @310B YOD PA'I PHYIR, GNAS PA MED PAS SKAD CIG MA YANG MED NA, SKAD CIG MA 'DUS PA'I THANG CIG LA SOGS PA GA LA 'GRUB, BLO'I RANG BZHIN GYI 'DUS PAR BRTAGS PAS SKAD CIG MA GRUB PA MI SRID DE, BLO'I SKAD CIG DE YANG YONGS SU BRTAGS PA'I PHYIR DANG, DE NYID GNAS PA MED PA'I PHYIR DUS MED DO, ,DUS MED NA DUS GSUM NI GA LA ZHIG ,GNAS PA MED PA 'BA' ZHIG GIS DUS GSUM MED PAR MA ZAD KYI, PHAN TSUN LAS GRUB PAS KYANG DUS GSUM MED DE, 'DI LTAR DA LTAR BA 'DAS PA LAS 'DAS PA'O, ,DA LTAR BA MA 'ONGS PA LAS MA 'ONGS PA LA, GNAS BZHIN PA'I PHYIR DA LTAR BA'O ZHES DE LTAR PHAN TSUN LTOS NAS GRUB LA, DUS GSUM PHAN TSUN LTOS NAS GRUB PAS DE MA GRUB PA NYID DO ZHES BSGRUBS PAS SO ZHES BYA'O, ,DES NA YANG DUS GSUM MED DO, ,'DI LTAR YANG DUS GSUM MED DE, 'CHOL BA'I PHYIR TE, MA 'ONGS PA'I DUS DE NYID DA LTAR BAR 'ONGS PA LA DA LTAR BA ZHES BRJOD LA, DA LTAR BA LA 'DAS PAR ZHUGS PAS 'DAS PA ZHES BYA'O, ,GCIG NYID LA DUS GSUM DU RNAM PAR GZHAG PA'I PHYIR 'CHOL BA'O, ,YANG NA PHAN TSUN LTOS NAS GRUB PA'I PHYIR DUS GSUM PO MED DE, 'DAS PA NI DA LTAR BA DANG MA 'ONGS PA LA MA LTOS PAR MED LA, GAL TE YANG 'DAS PAR DA LTAR BA DANG MA 'ONGS PA YOD NA DE'I TSE DE LA LTOS PA 'THAD KYI, 'DAS PA NI MO GSHAM GYI BU BZHIN DU MED LA, YOD BZHIN PA MA YIN PA'I MO GSHAM GYI BU MI LTOS PA BZHIN NO, ,GANG GI TSE YANG 'DAS PAR DA LTAR BA DANG MA 'ONGS PA DAG YOD NA DE'I TSE, 'DAS PAR DA LTAR BA YOD PA'I PHYIR, 'DAS PA'I RANG GI BDAG NYID BZHIN 'DAS PAR 'GYUR LA, DE LTAR 'DAS PA DANG MA 'ONGS PA DAG 'DAS PA DANG DA LTAR BA LA YANG BSAM PAR BYA'O; ,'DI LTAR DE NI 'DAS PA DANG MA 'ONGS PA DANG DA LTAR BA RNAMS LA SO SOR DUS GSUM DU THAL BAR 'CHOL BAS, [?] 'CHOL BA'I PHYIR YANG DUS GSUM MED DO, ,'DI LTAR YANG, DUS GSUM MON DE [?] RANG NYID MA GRUB PHYIR, ,'DIR SKAD CIG MA LA SOGS PAS DUS @311A *, ,MNGON PAR GSAL BAR PHA ROL PO 'DOD DO, ,SKAD CIG MA LA SOGS PA LAS THA DAD PA'I DUS GANG CUNG ZAD YOD CING, GANG ZHIG DES MNGON PAR GSAL BAR BYED PA YANG MA YIN TE, RI BONG GI RVA RANG GI NGO BOR MA GRUB PAS SUS KYANG MNGON PAR GSAL BAR BYED PA MA YIN NO, ,DES NA NGO BO NYID KYIS DUS MA GRUB BO, ,DUS KYANG MED NA DE'I GSUM NYID GA LA ZHIG CES BYA STE, DUS GSUM MED DO, ,GZHAN YANG KHYOD KYIS DNGOS PO BSGRUB PA'I PHYIR DUS GSUM NYE BAR GZHAG LA, DUS DE YANG DNGOS PO LA MA LTOS PAR MA GRUB LA, DNGOS PO NYID LA BRTEN NAS DE RNAM PAR GZHAG PA'I PHYIR RO, ,DNGOS PO DE YANG SNGAR NYID DU MED DO ZHES BSGRUBS LA, DUS GSUM PO, DNGOS PO MED PHYIR YOD MIN TE, ,GAL TE DE LTAR DUS GSUM PO MED NA, DE'I TSE JI LTAR DUS GSUM DU THA SNYAD BYED CE NA; SMRAS PA, DUS GSUM PO BTAGS PA TZAM YANG DAG PA MA YIN PAS SGRO BTAGS PA TZAM ZHES BYA BA'I DON TO, ,DUS GSUM MED LA, DE'I RGYU MTSAN GYI DNGOS PO YANG MED DO ZHES GRUB PO, ,'DIR SMRAS PA, DNGOS PO YOD PA NYID DE, DE YANG 'DUS BYAS KYI RANG BZHIN TE DE'I MTSAN NYID YOD PA'I PHYIR RO, ,YOD BZHIN PA MA YIN PA LA MTSAN NYID MED DE, 'DI LTA STE MO GSHAM GYI BU LTA BU'O, ,DNGOS PO NI 'DUS BYAS KYI MTSAN NYID SKYE BA DANG 'JIG PA DANG GNAS PA ZHES BYA BA YOD LA, DE'I PHYIR MTSAN NYID YOD PAS 'DUS BYAS KYI RANG BZHIN GYI DNGOS PO YOD DO ZHE NA, SMRAS PA, GAL TE DE'I 'DUS BYAS KYI MTSAN NYID YOD NA, 'DUS BYAS KYI RANG BZHIN YOD LA, YOD PA MA YIN NO ZHES BSTAN PA'I PHYIR GSUNGS PA, 'DUS BYAS MTSAN NYID SKYE BA DANG, ,GNAS 'JIG GSUM PO 'DI YANG MED; ,GANG PHYIR 'DUS BYAS MED 'DI LAS, ,'DUS MA BYAS PA CUNG ZAD MED, ,DE LA 'DIS MTSON PAR BYED PAS NA MTSAN NYID DE, RGYU DANG RKYEN 'DUS PAS SHES PAS, 'DUS PA LAS 'BYUNG BAR BYED PA 'DUS BYAS LA, 'DUS BYAS DANG MTSAN NYID PAS 'DUS @311B BYAS KYI MTSAN NYID DE, DE CI ZHE NA, SKYE BA GNAS DANG 'JIG PA'O, ,SKYE GNAS 'JIG PA ZHES BYA BA GSUM PO DE NYID KYANG MED NA, GANG GI PHYIR GSUM POS 'DUS BYAS 'JUG PA MED PAR DE NI SNGAR NYID DU BSGRUBS TE, YOD PA YOD PHYIR SKYE BA MIN, ,MED PA MED PHYIR MI SKYE BA, ,ZHES PAS 'DIR GANG GI TSE GANG LAS 'DUS BYAS 'JUG PA DE'I GSUM PO MA GRUB NA, DE'I TSE 'DUS BYAS MA GRUB PA DON GYIS BSGRUBS PAR 'GYUR RO, ,GANG GI PHYIR 'DUS BYAS MED NA 'DI LAS 'DUS MA BYAS YIN PA YANG CUNG ZAD KYANG MED DO, ,DE LA GZUGS MED PAS NAM MKHAR THA SNYAD BYAS LA, 'DUS BYAS RNAMS RKYEN MA TSANG PAS MI SKYE BA LA SO SOR BRTAGS PA MA YIN PA'I 'GOG PA'O, ,ZAG PA DANG BCAS PA'I 'DUS BYAS RNAMS NYID SHES RAB KYI STOBS KYIS BRAL BA'I MTSAN NYID KYI THOB BYA'I 'GOG PA NI SO SOR BRTAGS PA'I 'GOG PA'O, ,'DUS BYAS MED NA DE LA MA LTOS PAR 'DUS MA BYAS KYANG MED PA'I PHYIR 'DUS MA BYAS MED DO ZHES BYA'O, ,SMRAS PA, SLAR YANG SKYE BA LA SOGS PA GSUM PO 'DI DAG CI LTAR MED CES BRJOD, ,'DI NI SKYES PA BSKYED BYA MIN, ,ZHES PA LA SOGS PA BSTAN PAS BSGRUBS PA YANG MA YIN NAM, DE NI RGYU BRTAG PA DANG 'BREL PAS 'DUS BYAS BRTAG PA DANG 'BREL PAR BRJOD LA, JI LTAR DE LTAR SMOS PAS KYANG 'DI DAG GSUNGS PAR 'GYUR LA, GAL TE DE LTAR YANG 'DUS BYAS DANG 'DUS MA BYAS DAG MED PAR BSTAN NA, SLAR YANG DE BSGRUB PA BRTZAM PA'I PHYIR, 'DIR GSUNGS PA, 'JIG PA MED PA MI 'JIG CING, ,GNAS PA GNAS PAR MI 'GYUR LA, ,GNAS PA MIN PA'ANG MI GNAS TE, ,SKYES PA SKYE MIN MA SKYES PA'ANG, ,'DIR GAL TE 'JIG PA ZHES BYA BA CUNG ZAD YOD NA, DE BZHIN GSHEGS PA'I DNGOS PO'AM, MI 'JIG PAR 'GYUR LA, DE LA RE ZHIG 'JIG PA MED PA LA MI 'THAD DE, CI'I PHYIR ZHE NA, GANG LAS 'JIG PA MED PA MI 'JIG STE, ,'JIG PA MED PA ZHES BYA BA 'JIG PA DANG @312A *, ,BRAL BA DE 'JIG PA MED LA 'JIG PAR 'GYUR RO ZHES BRJOD PAR JI LTAR NUS, DE'I PHYIR 'JIG PA MED PA MI 'JIG CING, ,DA NI ZHIG PA'ANG 'JIG PAR MI 'GYUR TE, ZHIG PA ZHES BYA BA YOD BZHIN PA MA YIN PA'O, ,DE YANG 'JIG CES BRJOD PAR JI LTAR RUNG, ,ZHIG PA DANG MA ZHIG PA DAG LAS GZHAN DU RNAM PAR GZHAG PA MED DO, ,GANG ZHIG 'JIG PAR 'GYUR ZHES PA YANG GANG GI TSE 'JIG PA MED PA MI 'JIG CING ZHIG PA YANG MI 'JIG PA DE'I PHYIR, 'JIG PA MED DO ZHES GRUB PO, ,DA NI JI LTAR GNAS PA YANG MED DO ZHES BSGRUB PAR BYA STE, 'DIR 'DI DAG GNAS PAR YONGS SU RTOG PA NA, GNAS PA'I DNGOS PO'AM MI GNAS PA'I DNGOS POR YONGS SU RTOG ,GNYI GA YANG MI 'THAD DO ZHES BSGRUB PA'I PHYIR GSUNGS PA, GNAS PA GNAS PAR MI 'GYUR LA, ,GNAS PA MED PA'ANG MI GNAS TE, ,ZHES PA LA, RE ZHIG GNAS PA'I DNGOS PO LA GNAS PA MED DE, GNAS PAR BYA BA DANG BRAL BA'I DNGOS PO GNAS PA ZHES BRJOD LA, GNAS PA LA GNAS PA'I BYA BA DANG BRAL BA MI SRID PAS DE'I PHYIR GNAS PA GNAS PAR MI 'GYUR RO, , GNAS PA MED PA'ANG GNAS PA'I BYA BA DANG BRAL BA'O, ,GANG YANG GNAS PA'I BYA BA DANG BRAL BA DE JI LTAR GNAS PAR 'GYUR, DE'I PHYIR GNAS PA YANG MED DO, ,DA NI SKYE BA MI SRID PAR BSGRUB PA'I PHYIR GSUNGS PA, SKYES PA SKYE MIN MA SKYES PA'ANG, ,ZHES PA LA, SKYES PA RE ZHIG MI SKYE STE, ,SKYE BA'I BYA BA DANG BRAL BA'I PHYIR RO, ,MA SKYES PA'ANG MI SKYE STE, ,SKYE BA'I BYA BA'I YUL MA YIN PA'I PHYIR RO, ,DES NA 'DUS BYAS MED LA, DE MA GRUB NA, 'DUS MA BYAS KYANG MED DO ZHES GRUB PO, ,GAL TE NA YANG 'DUS BYAS SAM, 'DUS MA BYAS GANG CUNG ZAD YOD NA, DE NGES PAR THA DAD PA'AM THA MI DAD PA ZHIG GRANG, GNYI GA YANG MI 'THAD DO ZHES BSGRUB PA'I PHYIR GSUNGS PA, 'DUS BYAS 'DUS MA BYAS PA DAG ,DU MA MA YIN GCIG MA YIN, ,MED MIN YOD MIN YOD MED MIN, ,MTSAMS 'DIR SNA TSOGS THAMS @312B CAD 'DUS, ,RE ZHIG 'DUS BYAS DANG 'DUS MA BYAS DAG THA DAD PAR GRUB PA MED LA, GAL TE YOD NA 'DUS BYAS LA MA LTOS PAR 'DUS MA BYAS YOD DE, BUM PA LAS GZHAN PA SNAM BU'I RANG GI NGO BO GRUB PAS BUM PA LA MI LTOS PA BZHIN NO, ,'DUS BYAS LA MA LTOS PAR 'DUS MA BYAS KYI RANG GI NGO BO GRUB PA MI SRID LA, JI LTAR MI SRID PA DE LTAR YANG SNGAR BSGRUBS SO, ,GZHAN YANG 'DUS MA BYAS KYI SGRAS, 'DUS BYAS RNAM PAR BCAD NAS RANG GI DON RTOGS PAR BYED DE, 'DI NI 'DUS BYAS MA YIN LA 'ON KYANG 'DUS MA BYAS SO ZHES PA'O, ,GANG GI TSE YANG DE DE LTAR NA DE'I TSE 'DUS BYAS KHO NA LA LTOS NAS 'DUS MA BYAS RNAM PAR GZHAG LA, DU MA GRUB PAR MI 'THAD DO, ,'DUS BYAS 'DUS MA BYAS DAG 'GAL BAS KYANG 'GAL ZLA'I DNGOS PO GZHAN LA MA LTOS PAR RANG NYID DANG 'GAL BA MI RIGS SO ZHES BYA STE, DES NA YANG 'DUS BYAS LA MA LTOS PAR 'DUS MA BYAS MI SRID DO, ,DE BZHIN DU 'DUS BYAS LA YANG BRJOD DO ZHES BYA STE, DE LTAR NA RE ZHIG DU MA 'DUS BYAS DANG 'DUS MA BYAS MA YIN NO, ,DA NI GCIG NYID LA YANG 'DUS BYAS DANG 'DUS MA BYAS DAG MED DE, SNANG BA DANG MUN PA BZHIN PHAN TSUN 'GAL BAR KHAS BLANGS PA'I PHYIR DANG, MTSAN NYID THA DAD PAR KHAS BLANGS PA'I PHYIR DANG, GNYIS NYID DU KHAS BLANGS PA'I PHYIR RO, ,GZHAN YANG 'DUS BYAS ZHES BYA BA CUNG ZAD YOD NA, DE YOD PA'AM MED PA'AM YOD MED SKYE, ,DE LA RE ZHIG YOD PA MI SKYE STE YOD BZHIN PA'I PHYIR RO, ,MED PA YANG MI SKYE STE MED BZHIN PA'I PHYIR RO, ,YOD MED KYANG MI SKYE STE PHAN TSUN 'GAL BA DAG GCIG PA MI SRID DO, ,YANG NA GAL TE 'DUS BYAS ZHES BYA BA CUNG ZAD YOD NA, DE YOD PA'AM MED PA'AM YOD MED DU YOD PAR 'GYUR LA, DE LA RE ZHIG YOD PA MA YIN TE, YOD PA RGYU LA MI LTOS PA'I PHYIR DANG, RGYU MED PA LA YOD BZHIN PA MED PA'I PHYIR RO, ,JI SRID DU, 'PHAGS PA LHAS, MA BRTEN YOD PA NAM YANG NI, ,'GA' ZHIG GANG NA'ANG YOD MA YIN, ,NAM YANG @313A *, ,'GA' ZHIG GANG NA YANG, ,MED PA DES NA RTAG MA YIN, ,ZHES SO, ,MED PA YANG MA YIN TE, NGO BO NYID MA GRUB PA KHO NAS DNGOS PO MED PA YANG MED PA'I PHYIR RO, ,DNGOS PO RAB TU MA GRUB NA, ,DNGOS MED 'GRUB PAR GA LA 'GYUR, ,ZHES PA'I CHAG PAS [?] SO; ,YOD MED KYANG MA YIN TE, GCIG LA 'GAL BA'I CHOS GNYIS KYI BDAG NYID CAN MED PA'I PHYIR RO, ,DE BZHIN DU 'DUS MA BYAS LA YANG BRJOD PAR BYA'O, ,'DUS BYAS 'BA' ZHIG KHO NA LA GCIG DANG, GZHAN DANG, YOD PA DANG, MED PA DANG, GNYI GA YANG MI SRID PA 'THAD PAR MA ZAD KYI, GZHAN YANG NGES PAR ZAG PA DANG BCAS PA DANG ZAG PA MED PA DANG, GZUGS CAN DANG GZUGS MED PA DANG, BSTAN DU YOD PA DANG BSTAN DU MED PA DANG, THOGS BCAS DANG THOGS MED DANG, RGYU DANG 'BRAS BU DANG, MTSAN GZHI DANG, MTSAN NYID DANG NYE BAR LEN PA DANG, NYE BAR LEN PA PO DANG, 'BYUNG BA DANG 'BYUNG BA LAS GYUR PA LA SOGS PA DANG DNGOS PO THAMS CAD LA YANG 'DI LTAR BRTAG PA'I RNAM PAR GZHAG PA LAS SHIN TU MI RTOGS TE, JI SKAD DU SMOS PA'I DE NYID DANG GZHAN NYID LA SOGS PA'I RNAM PA LAS BSAMS PA'I SGO NAS DGAG PA'I NGAG GI GO SKABS THOB PAR BYAS PAS SO, ,DER 'DUS PA'I PHYIR YANG NGES PAR 'DUS BYAS DANG 'DUS MA BYAS LTAR DE DAG DGAG PAR RIG PAR BYA'O ZHES GSUNGS PA, MTSAMS 'DIR SNA TSOGS THAMS CAD 'DUS, ,ZHES PA LA, MTSAMS DANG KHRIMS DANG DE'I BAR DU ZHES PA DON GZHAN MA YIN NO, ,THAMS CAD KYI SGRA NI ZAD PAR GYI DON TO, ,SNA TSOGS KYI SGRA NI RNAM PA'I DON TO ZHES RIG PAR BYA'O,, ,,'DIR SMRAS PA, JI SKAD DU SMOS PA'I 'DUS BYAS LA SOGS PA RANG BZHIN MED PAR BSGRUB PAR MI NUS TE, LUNG DANG 'GAL BA'I PHYIR, 'DI LTAR, BLA MA BCOM LDAN LA GNAS DANG, ,LAS KYI BDAG NYID 'BRAS BU GSUNGS, ,SEMS CAN RANG GI LAS DANG NI, ,LAS NI RNAM PAR 'JIG MED GSUNGS, ,MDO LAS GSUNGS PA, NOR DANG 'BRU DANG SA LE SPRAM, ,NOR BU'I RNA @313B RGYAN BA LANG RTA, ,BRAN DANG LAS BYED MNGAG GZHUG PA, ,GANG YANG GZHAG PA'I NOR RNAMS DANG, ,CUNG ZAD KHYER NAS 'GRO MIN ZHING, ,THAMS CAD BOR NAS 'GRO BAR 'GYUR, ,THA MA'I GNAS SKABS MNGON GYUR PA, ,MI YI SRID PA SPONG BAR 'GYUR, ,CI NGE RANG GIS CUNG ZAD TZAM, ,BLANGS NAS DE NI 'GRO BAR 'GYUR, ,'DI YIS CI ZHIG MI SPONG NA, ,JI LTAR GRIB MA RJES 'GRO BZHIN, ,GANG ZHIG SKYES BU 'DIR BYAS PA'I, ,SDIG PA DANG NI BSOD NAMS GNYIS, ,DE NI DE YI RANG GIR 'GYUR, ,DE YANG BLANGS NAS 'GRO BAS NA, ,'DI DAG DE YIS MI SPONG STE, ,JI LTAR GRIB MA RJES 'GRO BZHIN, ,JI LTAR LAM NGAN NAS 'GRO BA, ,'GRO BA PO 'DIR SDUG BSNGAL 'GYUR, ,DE BZHIN BSOD NAMS MA BYAS PA'I, ,SEMS CAN NGAN 'GROR 'GRO BAR 'GYUR, ,JI LTAR LAM BZANGS NAS 'GRO BA, ,'GRO BA PO 'DIR BDE BAS 'GRO, ,DE BZHIN 'DIR BYAS BSOD NAMS KYIS, ,SEMS CAN BDE 'GROR 'GRO BAR 'GYUR, ,SKYES BU YUN RING 'DRON BYAS NAS, ,RING NAS DGE BAR 'ONGS PA NA, ,GNYEN 'DUN SNYING DGA' 'GROGS BSHES RNAMS, ,'DIR 'ONGS PA LA MNGON PAR BSTOD, , DE BZHIN BSOD NAMS BYAS PA YI, ,'JIG RTEN 'DI NAS PHA ROL 'GRO, ,BSOD NAMS KHO NA MNGON BSTOD DE, ,MDZA' SDUG BSHES GNYEN LTA BUR 'ONGS, ,DE PHYIR BSOD NAMS PHUNG PO NI, ,PHA ROL 'GRO BA RNAMS KYIS BYOS, ,BSOD NAMS 'JIG RTEN PHA ROL DU, ,SROG CHAGS RNAMS KYIS RAB GNAS BRJOD, ,BSOD NAMS LHA RNAMS BSNGAGS PAR BYED, ,ZHI BA'I SPYOD PA'ANG GANG SPYOD PA, ,'DIR YANG SMOD PAR MI 'GYUR ZHING, ,MTHO RIS 'GRO LA RJES YI RANG, ,ZHES PA MDO 'DIR, NOR DANG 'BRU LA SOGS PA CHUD ZOS KYANG LAS GNAS PAR BCOM LDAN 'DAS KYIS GSUNGS SO, ,SLAR YANG GSUNGS PA, BSOD NAMS ME YIS MI TSIG CING, ,RLUNG GIS 'JIG PA'ANG MA YIN TO, ,CHU YIS GSHER BA MA YIN LA, ,SA LA NUB PAR MI 'GYUR RO, ,ZHES PA 'DIS KYANG GNAS PAR GSUNGS LA, YOD BZHIN PA @314A *, ,MA YIN PA'I NAM MKHA'I ME TOG LA GNAS PA NYE BAR BSTAN PA MI 'THAD DO ZHES BYA'O, ,DES NA 'DUS BYAS DANG 'DUS MA BYAS BZHIN CHOS THAMS CAD MED PAR GNAS PAR MI NUS SO, ,LAS KYI BDAG NYID KYANG BCOM LDAN 'DAS KYIS GSUNGS TE, DGE SLONG DAG MTHA' GCIG TU GNAG PA RNAMS KYI LAS KYI RNAM PAR SMIN PA YANG MTHA' GCIG TU GNAG PA'O, ,MTHA' GCIG TU DKAR BA'I LAS KYI RNAM PAR SMIN PA YANG MTHA' GCIG TU DKAR BA'O, ,'DREN MA RNAMS KYI 'DREN MA'O ZHES PA'I TSIG LAS, GANG GI LAS KYI BDAG NYID RANG GI NGO BO DE, LAS KYI BDAG NYID KYI 'BRAS BU'O, ,LAS KYI MED NA YANG DE'I RGYU DANG 'BRAS BU'I NGES PAR MI BRJOD PAS, DES NA LAS YOD PAR RIGS LA, DE LAS DNGOS PO THAMS CAD GRUB PO ZHES BYA'O, ,SEMS CAN RANG GI LAS KYANG BCOM LDAN 'DAS KYIS GSUNGS TE, SEMS CAN MI RNAMS KYI RANG GI LAS LA LAS NI SBYIN PA SBYIN PAR BYED PA'O ZHES BYA BA'I TSIG LAS LUS ZHIG NA NOR DANG 'BRU LA SOGS PA 'JOG PAR BYED LA, LAS NI 'JIG RTEN PHA ROL DU RJES SU 'BRANG BA'I PHYIR LAS KYANG GANG GI RANG GI BDE BA NI RANG GI LAS SO, ,DES NA YANG DE'I LAS YOD LA, SEMS CAN DE'ANG YOD PAS DNGOS PO RNAMS RANG BZHIN MED PA MA YIN NO ZHES BYA'O, ,LAS RNAM PAR 'JIG PA MED PAR YANG DE BZHIN GSHEGS PAS GSUNGS TE, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS PA RNYED NAS DUS SU NI, ,'BRAS BU GDON MI ZA BAR SMIN, ,ZHES BYA BA LA SOGS PAS KYANG LAS MED NA CHUD MI ZA BA'I TSIG RUNG BA MA YIN NO, ,DE'I PHYIR LAS YOD LA LAS YOD PA'I PHYIR DNGOS PO RNAMS RANG BZHIN DANG BCAS PA'O ZHES BYA'O, ,'DIR SMRAS PA, DNGOS PO RNAMS KYI RANG BZHIN MED PA LA LUNG 'DIS GNOD PA MA YIN TE, CI'I PHYIR ZHE NA, GANG GI PHYIR SNGAR NYID DU DE LTA BU LA SOGS PA'I LUNG 'JIG RTEN GYI THA SNYAD KYI DBANG GIS GSUNGS SO ZHES BSGRUBS @314B PA RJES SU GNAS SO, ,'DI DAG KYANG GDON MI ZA BAR KHAS BLANG BAR BYA STE, CI'I PHYIR ZHE NA, GANG GI PHYIR BCOM LDAN 'DAS KYIS, LAS RNAMS RANG BZHIN MED GSUNGS TE, ,MA SKYES GANG DE CHUD MI ZA, ,DE LAS KYANG NI BDAG 'DZIN MED, ,DES BSKYED 'DZIN PA'ANG RNAM RTOG LAS, ,DE LA MI RTAG DANG LDAN 'DUS BYAS RNAMS, ,ZHES GSUNGS PAS NA, LAS KYANG MI RTAG GO ZHES BCOM LDAN 'DAS KYIS GSUNGS PA, GANG MI RTAG PA DE YANG RANG BZHIN MED PA'O ZHES GSUNGS PAR 'GYUR TE, NGO BO NYID NI GZHAN DU MI 'GYUR BA'I PHYIR RO, ,DE YANG GAL TE RANG BZHIN YOD PA LA DGONGS NAS LAS YOD DO ZHES BCOM LDAN 'DAS KYIS GSUNGS PAR GYUR NA, SLAR YANG LAS MI RTAG PAR GSUNG BAR MI 'GYUR TE, DE NI MI RTAG PA DANG RANG BZHIN YOD PA 'GAL BA'I PHYIR RO, ,BCOM LDAN 'DAS KYIS KYANG, MA RIG PA'I RKYEN GYIS 'DU BYED DU GSUNGS LA, RANG BZHIN YOD BZHIN PA LA BRTEN NAS SKYE BA 'THAD PA MA YIN NO, ,DE'I PHYIR BCOM LDAN 'DAS KYI BKA' NI LAS RANG BZHIN MED PA GSAL BAR BYED PA NYID DO ZHES BSGRUB PAR BYA BA'I PHYIR GSUNGS PA, LAS RNAMS RANG BZHIN MED GSUNGS PA, , ZHES BYA BA LA, GANG KHO NAS RANG BZHIN MED PA DE NYID KYIS NA MA [?] SKYES LA, GANG YANG MA SKYES PA DE NYID KYIS NA DE NI 'JIG PA MED PAR BCOM LDAN 'DAS KYIS GSUNGS SO, ,LAS RNAMS CHUD MI ZA ZHES BYA BA LA SOGS PAS GANG YANG 'DI LTAR MI 'DOD NA, DE LAS 'DUS BYAS SU YANG KHAS BLANG BAR MI BYA STE, 'DI DAG PHAN TSUN 'GAL BA'I PHYIR RO, ,GANG YANG 'DI LTAR LAS RANG BZHIN GYIS MA SKYES LA DES NA RANG BZHIN MED PA'I PHYIR RO, ,GANG ZHIG LAS NI 'DI DAG STE, RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG TSOR BA ZHES BYA BA YAN LAG LNGAS RAB TU 'JUG PA NI, 'JIG RTEN PAS BDAG TU MNGON PAR RLOM PA'I RGYU MTSAN TE, DE LA BDAG GI ZHES 'DIR 'DZIN PA'O ZHES BYA'O, ,BDAG TU 'DZIN PA'I MING CAN DE YANG RANG BZHIN MED PA'I LAS KYIS @315A *, ,BSKYED PA'I PHYIR RANG BZHIN MED PA'O ZHES GSAL BAR KHONG DU CHUD PAR BYA'O, ,YANG NA 'DI SNYAM DU SEMS NA, RNAM PAR SHES PA LA SOGS PA YAN LAG LNGA PO RANG BZHIN MED DE, RANG BZHIN MED PA'I LAS KYIS BSKYED PA'I PHYIR RO ZHES YIN DU CHUG NA YANG GANG YANG BDAG TU 'DZIN PA NGAR 'DZIN PA'I MTSAN NYID CAN 'DI YANG RANG BZHIN MED PA'I LAS KYIS BSKYED PA'I PHYIR RANG BZHIN DANG BCAS PAR 'GYUR RO ZHE NA, 'DI DAG KYANG MED DE, CI'I PHYIR NA GANG GI PHYIR, ,DES BSKYED 'DZIN PA'ANG RNAM RTOG LAS, ,GANG YANG 'DI BDAG TU SGRO BTAGS PAS BSKYED PA'I NGAR 'DZIN PA DE YANG RANG BZHIN MED PA'I TSUL BZHIN MA YIN PA YID LA BYED PA'I MTSAN NYID CAN GYI RNAM PAR RTOG PAS BSKYED PA'I PHYIR RANG BZHIN MED PA KHO NA'O ZHES BYA BA GRUB BO, ,GDON MI ZA BAR 'DI NI 'DI LTAR KHAS BLANG BAR BYA STE, 'DI LTA STE LAS NI RANG BZHIN MED PA'O ZHES GSUNGS SO, ,GZHAN DU NA, GAL TE LAS LA RANG BZHIN YOD, ,DE SKYES THER ZUG BDAG DNGOS 'GYUR, ,LAS KYANG SDUG BSNGAL RNAM SMIN DU, ,MI 'GYUR DE PHYIR BDAG TU 'GYUR, ,BDAG CES BYA BA'I DNGOS PO 'DI'O ZHES BYA BA RNAM PAR SHES PA LA SOGS PA'I YAN LAG LNGA PO ZHES BRJOD DO, ,GAL TE LAS LA RANG BZHIN YOD NA DE MI RTAG PAR MI 'GYUR TE, RANG BZHIN NI MI 'GYUR BA'I PHYIR DANG, RTAG PA'I LAS KYIS BSKYED PA YANG RGYU DANG 'DRA BAR 'BRAS BU 'JUG PAS, RTAG PA'I BDAG GI DNGOS POR 'GYUR LA RTAG PA NYID DU GYUR NA RNAM PAR SHES PA LA SOGS PA DE DAG GI LAS KYIS SDUG BSNGAL GYI RNAM PAR SMIN PA 'BYUNG BAR MI 'GYUR RO, ,LAS NI MI RTAG PAS RNAM PAR SMIN PAR 'BYUNG STE, GANG MI RTAG PA DE SDUG BSNGAL LO ZHES SDUG BSNGAL GYI RNAM PAR SMIN PAR 'GYUR LA, RTAG PAR GYUR NA LAS LA SDUG BSNGAL GYI RNAM PAR SMIN PAR MI 'GYUR RO, ,GANG MI RTAG PA DE YANG BDAG MED PA'O ZHES GSUNGS SO, ,GANG GI TSE YANG LAS KYI 'BRAS BU DANG LAS THER ZUG PA YIN NAM, DE'I PHYIR BDAG TU 'GYUR LA, DE LAS KYANG CHOS THAMS CAD BDAG MED PA'O ZHES STON PAR MI @315B RIGS SO, ,DES NA GDON MI ZA BAR LAS RANG BZHIN MED PAR RIG PAR BYA'O, ,YANG LAS RANG BZHIN MED PA'I 'THAD PA CI ZHIG TU RIG PAR BYA ZHE NA, GSUNGS PA, LAS NI RKYEN SKYES YOD MIN ZHING, ,RKYEN MIN LAS SKYES CUNG ZAD MED, ,'DU BYED RNAMS NI DRI ZA YI,, GRONG KHYER SGYU MA SMIG RGYUR MTSUNGS, ,GAL TE LAS ZHES BYA BA CUNG ZAD YOD NA, NGES PAR DE NI RKYEN LAS SKYES PA'ANG RKYEN MED PA LAS SKYE BAR 'GYUR, RE ZHIG GAL TE RKYEN LAS SKYE BAR 'DOD NA, NGES PAR 'BRAS BU RKYEN LAS YOD PAR 'GYUR LA, MA SKYES PA RKYEN LA YOD PAR NUS PA MA YIN TE, 'BRAS BU MA SKYES NA YANG SA'I RGYU DANG RKYEN LA DE'I 'BRAS BU RKYEN LA MED PA ZHIG RKYEN LAS SKYE NA, DE'I TSE RKYEN MA YIN PA LAS KYANG SKYE BAR 'GYUR LA DE DAG KYANG MED DO ZHES BYA BAS DES NA RKYEN LAS SKYE BA'I LAS CUNG ZAD MED DO, ,RKYEN MED PA YANG RGYU MED PAS 'BRAS BU CUNG ZAD KYANG MI SRID DO ZHES BYA'O, ,DES NA LAS MED DO, ,GANG GI TSE LAS MED PA DE'I TSE RNAM PAR SHES PA LA SOGS PA MED PAR GYUR PAS NYE BAR LEN PA MED PAS NYE BAR LEN PA PO YANG MED DO ZHES BYA STE, 'DUS BYAS THAMS CAD MI RTAG PA CHOS THAMS CAD BDAG MED PA'O ZHES BYA BAR 'GYUR TE, RANG BZHIN KHAS MA BLANGS NA THAMS CAD LEGS PAR GNAS PAR 'GYUR RO, ,GAL TE DE NGOS RNAMS RANG BZHIN MED PA'O, ,ZHES 'CHAD NA, 'O NA DE LTAR GYUR NA DNGOS PO THAMS CAD MED DO ZHES BYA BA THOB PAR 'GYUR RO, ,SMRAS PA, RANG BZHIN MED PA'I DON NI MED PA'I DON MA YIN TE, 'ON KYANG 'KHRUL BA'I DON TE, BRDZUN ZHING SLU BA'I CHOS CAN NYID KYI DON TO, ,RTEN CING 'BREL PAR 'BYUNG BA'I DON 'DI DAG RANG BZHIN MED PA'I DON TO ZHES BYA BA DU MAR BSGRUBS PAS MANG POS CI ZHIG BYA, DON 'DI YANG DPES YONGS SU GSAL BAR BYED PA GSUNGS PA, 'DU BYED RNAMS NI DRI ZA YI, ,GRONG KHYER SGYU MA SMIG RGYUR MTSUNGS, ,ZHES BYA BA LA 'DI LTAR YUL DANG DUS SU RNAM PAR LTA BA'I DBANG PO PHYIN CI LOG GI RKYEN LAS SKYES PA KHANG PA DANG, @316A *, ,SKYED MOS TSAL DANG, SHING DANG, LDUM RA DANG, KHANG BZANGS DANG, BAG MA DANG, PHYUGS LHAS LA SOGS PAS NYE BAR MDZES PA 'KHRUL PAS GRONG KHYER RANG BZHIN DU DMIGS LA, YANG DAG PA'I GRONG KHYER GYI RNAM PA BYIS PA'I SKYE BO GRONG KHYER DU MNGON PAR RLOM PA 'BYUNG BA'I RGYU MTSAN CAN BRDZUN PA SLU BA'I CHOS CAN NO, ,JI LTAR YANG SGYU MA'I RNAM PA STON PA'I NUS PA DANG LDAN PA'I SGYU MA'I MKHAN PO'I SNGAGS KYI SBYOR BAS, GLANG PO DANG, STAG DANG, MA HE DANG, SKYES PA DANG, BUD MED LA SOGS PA'I DNGOS PO YANG DAG PA'I BUD MED LA SOGS PA'I RANG BZHIN DANG BRAL BAR GNAS KYANG BYIS PA RNAMS BUD MED LA SOGS PA'I MNGON PAR RLOM PA 'BYUNG BA'I RGYU MTSAN CAN BRDZUN PA SLU BA'I CHOS CAN LA RMONGS PA'I SKYE BOS CHAGS PA'O, ,JI LTAR YUL DANG DUS DANG GNAS SKABS KHYAD PAR CAN GZHAN THOB PA'I NYI MA LA BRTEN PA'I TSA BAS PHYOGS SU SHIN TU PHOG PA LAS 'BAB PAR MTHONG BAS PHYIN CI LOG THOB PAS YANG DAG PA'I CHU'I RNAM PA CAN, CHU'I RANG BZHIN GYIS STONG PA YANG SMIG RGYU NYE BAR DMIGS PA'O, ,DE BZHIN DU RNAM PAR SHES PA LA SOGS PA'I DNGOS PO RNAMS RANG RANG GI RGYU RKYEN GYI TSOGS PA LA BRTEN NAS NYE BAR DMIGS PA RNAMS RANG BZHIN DANG BRAL BA NYID NYE BAR DMIGS PA STE, DRI ZA'I GRONG KHYER LA SOGS PA BZHIN DU BRTEN NAS 'BYUNG BA'I PHYIR RO ZHES BYA'O, ,'DIR KHA CIG BRTZAD BA, DRI ZA'I GRONG KHYER NI RTZVA DANG SHING LA SOGS PA'I RTEN CING 'BREL PAR 'BYUNG BA'I KHANG PA DANG SKYED MOS TSAL LA SOGS PA'I TSUL GYIS SNANG LA, DE NA KHANG PA DANG SKYED MOS TSAL LA SOGS PA'I RTEN CING 'BREL PAR 'BYUNG BA YANG MED DO ZHES BYA'O, ,DE'I PHYIR DPE 'DI NI STONG PA NYID BSGRUB PAR NUS PA MA YIN TE, RTZVA DANG SHING LA SOGS PA DE LA YOD PA'I PHYIR ZHES BYA'O, ,DE LA LTOS NAS SMRAS PA, GANG NYE BAR DMIGS PA'I KHANG PA DANG SKYED MOS TSAL LA SOGS PA RTEN CING 'BREL PAR 'BYUNG BA MA YIN NO, ,KHANG PA DANG SKYED MOS TSAL LA SOGS PA BZHIN DU RTZVA DANG SHING LA @316B SOGS PA YANG RTEN CING 'BREL PAR 'BYUNG BAR MI 'GYUR, DE'I PHYIR KHANG PA LA SOGS PA YANG NYE BAR DMIGS PA'I PHYIR, RTZVA DANG SHING LA SOGS PA BZHIN RTEN CING 'BREL PAR 'BYUNG BAR 'THAD DO, ,GZHAN YANG GANG GI TSE DE BZHIN GSHEGS PA NAM MKHA'I PHYOGS NYID DU SPRUL PA STONG STON PAR MDZAD LA, DE'I TSE RTZVA DANG SHING LA SOGS PA YOD PAR GA LA RTOG ,DE'I PHYIR GANG NYE BAR DMIGS PA DE RTEN CING 'BREL PAR 'BYUNG BA NYID NYE BAR DMIGS PA'O, ,DE LA RTEN CING 'BREL PAR 'BYUNG BA'I DNGOS PO YANG 'JIG RTEN PAS KHA CIG NI BDEN PA'I RANG BZHIN DU RTOG LA, KHA CIG NI MI BDEN PA'I RANG BZHIN DU'O, ,DE LA DRI ZA'I GRONG KHYER DANG SGYU MA DANG SMIG RGYU DANG SPRUL PA DANG CHU ZLA DANG MGAL ME'I 'KHOR LO DANG GZUGS BRNYAN DANG SNANG BRNYAN LA SOGS PA RTEN CING 'BREL PAR 'BYUNG BA MI BDEN PAR MNGON PAR 'DOD PAS, BDEN PAR MNGON PAR 'DOD PA'I BDEN PAR MNGON PAR ZHEN PA BZLOG PA'O ZHES RIGS SO, ,GANG YANG PHA ROL POS SMOS PA'I SKYON SEL BAR 'DOD PAS, JI LTAR RTZVA DANG SHING LA SOGS PA'I RANG BZHIN DANG BRAL BA GLANG PO CHE LA SOGS PA'I TSUL DU SNANG LA, DE BZHIN DU RNAM PAR SHES PA LA SOGS PA YANG RNAM PAR SHES PA LA SOGS PA'I RANG BZHIN DANG BRAL BA RNAM PAR SHES PA LA SOGS PA'I TSUL DU SNANG NGO ZHES SMRA BA NI, GLANG PO LA SOGS PA RTOG PA DANG BRAL BA LA, RTZVA DANG SHING LA SOGS PA JI LTA BAR YOD PA LTAR GLANG PO CHE LA SOGS PA YANG MED DO, ,DE BZHIN DU RNAM PAR SHES PA LA SOGS PA LA YANG DE'I CHA SHAS GANG ZHIG RTEN CING 'BREL PAR 'BYUNG BAS DE NI RTZVA DANG SHING LA SOGS PA BZHIN DU YOD PA'I PHYIR DANG, RTEN CING 'BREL PAR 'BYUNG BA'I RNAM PAR SHES PA'I NGO BO LA SGRO BTAGS PA'I RANG BZHIN YANG BSAL BZHIN PA'I PHYIR DNGOS PO RNAMS KYI RANG BZHIN GRUB BO ZHES BYA BAR THOB PAR 'GYUR RO, ,DES NA RNAM PAR RIG PAR SMRA BA'I RJES SU MTHUN PA BRJOD PAR 'DI 'GYUR LA, DBU MAR SMRA BA'I RJES SU MTHUN PAR BRJOD PA NI MA YIN NO, ,YANG NA RMI LAM MTHONG BA'I RJES SU 'JUG PAS KHAS BLANG BAR MI BYA STE, DE'I TSE @317A *, ,RTEN CING 'BREL PAR 'BYUNG BA'I GTAN TSIGS NYID RNAM PAR RIG PAR SMRA BA LA LTOS NAS RJES SU MI MTHUN PA MED PA'I PHYIR DANG, 'GAL BA'I PHYIR YANG DNGOS PO RNAMS RANG BZHIN MED PAR SGRUB PA LA LTOS NAS NUS PA MED PA NYID DU KHONG DU CHUD PAR BYAS PA GZHAN GYIS SMRAS PA'I SKYON SPANGS SO ZHE NA, DE LTAR BSHAD PA 'DI MI RUNG STE, DE NI 'DI LTAR SMOS PA'I RIG PAS DRI ZA'I GRONG KHYER LA SOGS PA BZHIN DU RTEN CING 'BREL PAR 'BYUNG BA'I PHYIR, DNGOS PO RNAMS RANG BZHIN MED PA'I ZHES GNAS PAS YANG GDON MI ZA BAR 'DI DAG KHAS BLANG BAR BYA STE, 'DU BYED DRI ZA'I GRONG KHYER DANG MTSUNGS ZHES GSUNGS SO, ,CI'I PHYIR NA, GANG GI PHYIR RANG BZHIN DANG BCAS PAR GYUR NA, 'DI DAG RTEN CING 'BREL PAR 'BYUNG BAR MI 'GYUR LA, RTEN CING 'BREL PAR 'BYUNG BA YANG YOD PAS, GANG GI PHYIR, LAS NI NYON MONGS RGYU MTSAN CAN, ,NYON MONGS 'DU BYED LAS BDAG LAS, ,LUS NI LAS KYI RGYU MTSAN CAN, ,GSUM KA NGO BO NYID KYIS STONG, ,DE LA MA RIG PA'I RKYEN GYIS 'DU BYED DO ZHES BYA BAS LAS NI NYON MONGS PA'I RGYU MTSAN TE NYON MONGS PA 'DI RGYUR BYAS PAS, NYON MONGS LAS BDAG LAS NI 'DU BYED RNAMS TE, LAS DANG NYON MONGS PA LAS GANG ZHIG RNAM PAR SHES PA LA SOGS PA'I BDAG NYID PAS, RNAM PAR SHES PA LA SOGS PA DE RNAMS 'DU BYED KYI LAS DANG NYON MONGS PA'I BDAG NYID DE MA RIG PA DANG 'DU BYED KYIS BSKYED PA'I PHYIR, DE RNAMS KYANG 'DIR 'DU BYED YONGS SU RDZOGS PA'I SKYE MCHED DRUG GI GNAS SKABS KYIS LUS THOB PA'I RGYU MTSAN DU 'GYUR RO ZHES BYA STE THA DAD PA'I LUS 'DZIN PA'O, ,LUS DE YANG 'DU BYED BZHIN DU LAS DANG NYON MONGS PA'I RGYU CAN KHO NA'O ZHES BYAS NAS, GCIG GIS KYANG NYE BAR MTSON NAS LAS KYI RGYU MTSAN CAN GYI LUS ZHES BYA'O, ,DE LAS KYANG DE DAG GI LAS DANG DE'I 'BRAS BU LUS PO STE, GSUM PO RNAMS KYANG RTEN CING 'BREL PAR 'BYUNG BA NYID LA, DES NA DRI ZA'I GRONG KHYER LA SOGS PA BZHIN DU 'DI DAG GSUM YANG NGO BO NYID @317B KYIS STONG PA'O, ,'DIR SMRAS PA, LAS YOD PA NYID DE, DE'I BYED PA PO YOD PA'I PHYIR RO, ,'DIR LAS KYI BYED PA PO NYE BAR BSTAN PA, MA RIG PA'I RJES SU 'GRO BA'I GANG ZAG 'DI NI BSOD NAMS KYI MNGON PAR 'DU BYED PA MNGON PAR 'DU BYED DO ZHES BYA BA LA SOGS PAS DE NAS BYED PA PO YOD PA'I PHYIR LAS YOD PA 'BRAS BU YANG 'BYUNG BAR 'GYUR RO, ,'BRAS BU YOD NA GDON MI ZA BAR DE LA LONGS SPYOD PA PO YOD LA, DE'I PHYIR LAS DANG BYED PA PO DANG DE'I 'BRAS BU DANG DE LA LONGS SPYOD PA PO RNAMS YOD PA'I PHYIR, DNGOS PO THAMS CAD KYI RANG BZHIN YOD PA NYID DO ZHE NA, SMRAS PA, GAL TE LAS YOD NA DE'I TSE DE'I BYED PA PO LA SOGS PA YOD LA, GANG GI TSE YANG JI SKAD DU SMOS PA'I RIGS PAS LAS MED PAR BSGRUBS PAS DE'I TSE NA, LAS MED GYUR NA BYED PO MED, ,DE NYID MED PAS 'BRAS BU MIN, , DE MED NYE BAR SPYOD PA MED, ,DES NA DNGOS POS DBEN PA YIN, ,GANG GI TSE RKYEN LAS SKYES PAS LAS CUNG ZAD KYANG MED DO ZHES BYA BA 'DIS LAS MED PA NYID DU BSGRUBS LA, DE'I TSE LAS MED PAR GYUR NA, SU'I BYED PA POR YONGS SU RTOG PAR BYED, BYED PA PO DANG LAS MED NA, RGYU MED PA'I 'BRAS BU GA LA ZHIG ,'BRAS BU MED NA YANG SU'I LONGS SPYOD PA POR YONGS SU RTOG PAR BYED CES BYA BAS, DES NA LAS LA SOGS PA MED PAS RNAM PAR DBEN PA STE THAMS CAD STONG NGO ZHES BYA BA GRUB BO, ,'DIR SMRAS PA, SLAR YANG DE LTAR 'BAD PA CHEN PO SA STONG PA NYID DU BSGRUBS PAR GYUR PAS, KHYOD LA 'BRAS BU CI ZHIG ,JI SRID DU LAS DANG 'BRAS BU LA SKUR PA 'DEBS PA NA, LOG LTA'I GANG ZAG SPYOD PA BZANG PO YANG MI 'DOD PA'I 'BRAS BU STER BAR BCOM LDAN 'DAS KYIS GSUNGS LA, SHI NAS KYANG DMYAL BAR SKYE BAR GSUNGS SO, ,DES NA 'DIR SHIN TU 'BAD PA CHEN POS DON MA YIN PA SGRUB PAR BYED PAS ZHOG SHIG ,SMRAS PA, GANG ZHIG LAS STONG PA'I DON NI LAS MED PA'I DE LA JI SKAD SMOS PA'I NYES PAR 'GYUR LA, GANG YANG RANG BZHIN DANG BRAL BA'I PHYIR @318A *, ,LAS STONG PA'O ZHES KHONG DU CHUD PA DE NI, LAS NI STONG PAR YANG DAG PAR, ,SHES NA DE NYID MTHONG BA'I PHYIR, ,LAS MI 'BYUNG STE DE MED NA, ,LAS LAS 'BYUNG GANG MI 'BYUNG NGO, ,GANG ZHIG LAS RANG BZHIN MED PA'O ZHES KHONG DU CHUD NA, DES NI LAS PHYIN CI MA LOG PA'I STONG PA NYID DU YONGS SU SHES PAR 'GYUR RO, ,LAS DE YANG MA RIG PA'I RKYEN GYIS 'DI NI BDEN PA'O ZHES MNGON PAR ZHEN PA STE, LAS RANG BZHIN MED PA'I PHYIR RANG BZHIN MED PA LA 'BRAS BU MI 'DOD DO, ,DES NA DES SKUR PA BTAB NAS LOG LTA THOB PA MA YIN LAS KYANG RANG BZHIN MED PAR RTOG PAS 'DI DAG BDEN PAR MNGON PAR ZHEN PA SPONG LA, LAS LA MA CHAGS PAS SLAR YANG LAS MI RTZOM MO, ,LAS MA BRTZAMS PAR GYUR NA LAS KYI RGYU CAN 'BRAS BU LOG GO, ,LAS KYI 'BRAS BU 'KHOR BA LAS LOG NA NGES PAR 'DI NI MYA NGAN LAS 'DAS PA LA GZHOL BAR 'GYUR RO ZHES BYA STE, DE LTAR DE KHO NA NYID MTHONG BAS LAS YANG DAG PAR SHES PA STE RANG BZHIN GYIS STONG PAR RTOG PA'O, ,DE KHO NA NYID MTHONG BAS MA RIG PA SPONG LA, MA RIG PA SPANGS NA RGYU MED PAS LAS MI 'BYUNG NGO, ,DER LAS MED NA GANG ZHIG LAS LAS 'BYUNG BA RNAM PAR SHES PA LA SOGS PA DE LA MI 'BYUNG NGO, ,RNAM PAR SHES PA LA SOGS PA RNAMS KYANG SKYE BA MED PAR GYUR NA MYA NGAN LAS 'DAS PA GRUB pO ZHES BYA STE, RIGS PA DES SKYES BU MNGON PAR RLOM PAS GNAS PA LA; RANG DANG GZHAN GYI DON SGRUB PA LA MKHAS PAS, LAS RANG BZHIN MED PAR SGRUB PA'I PHYIR RO, ,'DIR SMRAS PA, GAL TE JI LTAR BSGRUBS PA'I RIGS PAS LAS RANG BZHIN MED PA NYID DU RNAM PAR 'JOG DE, GANG ZHIG 'DI DAG LAS LAS SKYES PA'I SEMS CAN DANG SNOD KYI 'JIG RTEN SNA TSOGS DE YANG MI 'THAD LA, GANG YANG LAS DANG BYED PA PO NYE BAR BSTAN PA 'DI YANG THOB PAR MI 'GYUR RO, ,RANG BZHIN MED PA'I DRI ZA'I GRONG KHYER LA SOGS PAS, 'DI LTAR RNAM PA SNA TSOGS PA'I 'BRAS BU SGRUB PA DANG BYED PA PO YOD @318B BZHIN PA YANG MI 'THAD DO ZHES SO, ,'O NA DRI ZA'I GRONG KHYER LA SOGS PA'I DON KYANG RNAM PAR SHES PA RANG GI DMIGS PA LA DMIGS PA'I DNGOS POR BSGRUB BZHIN PAS NA, SEMS DANG SEMS LAS BYUNG BA RNAMS SGRUB PAR BYED PA POR 'GYUR TE, RANG RANG GI RGYU DANG RKYEN LA BRTEN NAS SKYE BZHIN PAS BYED PA PO YOD BZHIN PAR 'GYUR RO, ,SMRAS PA, GAL TE YANG RNAM PAR SHES PA'I DMIGS PA NYID DU BSGRUBS NA, DE LTA NA YANG 'KHRUL PA 'KHRUL PA'I RGYU NYID DU BSGRUBS PA MA YIN TE, RNAM PAR SHES PA MA 'KHRUL BAS DE'I PHYIR MI BDEN PA BDEN PA'I RGYUR MI 'GYUR BA NYID LA, MI BDEN PA YANG MI BDEN PA'I MA YIN NO ZHES BYA'O, ,DE LA RNAM PAR SHES PA YANG MI BDEN PA NYID DU 'DOD LA, DE LTA NA YANG RANG BZHIN MED PA YANG RANG BZHIN MED PA'I 'BRAS BU RDZOGS PAR BYED PA PO NYID DU GSAL BAR BYED PA SHIN TU GSAL BAR DPER NYE BAR BSTAN PAS GSUNGS PA, JI LTAR BCOM LDAN DE BZHIN GSHEGS, ,RDZU 'PHRUL GYIS NI SPRUL PA SPRUL, ,SPRUL PA DE YIS SLAR YANG NI, ,SPRUL PA GZHAN ZHIG SPRUL PAR 'GYUR, ,BSOD NAMS DANG YE SHES KYI TSOGS YONGS SU RDZOGS PA'I SEMS CAN GYI BYE BRAG 'GA' ZHIG NI CHOS RNAMS KYI RANG BZHIN JI LTA BA DE LTAR RTOGS PA'I PHYIR RAM, JI LTAR 'DAS PA'I SANGS RGYAS THAMS CAD GSHEGS PA, DE LTAR GSHEGS PA'I PHYIR DE BZHIN GSHEGS PA ZHES BRJOD DO, ,DE BZHIN DU SDE PA GZHAN GYI GZHUNG LAS, 'OG MIN KHO NAR DE KHO NA NYID RNAM PA THAMS CAD DU MNGON PAR RTOGS PA'O, ,DE YANG GTZO BO DE BZHIN GSHEGS PA'I RDZU 'PHRUL GYIS SPRUL PA SPRUL NAS 'DZAM BU'I GLING DU MNGON PAR BYANG CHUB PA STON PAR BYED DO, ,SPRUL PA'I MNGON PAR BYANG CHUB DE YANG YANG DAG PA'I DE BZHIN GSHEGS PA DANG MTHU MNYAM PAS DGOS PA'I DBANG GIS SPRUL PA GZHAN STON PAR MDZAD DE, DE NYID KYIS NA GSUNGS PA, MA SKYES GNAS PA MED PA YI, ,'DI NI CHOS KYI DBYINGS DANG MTSUNGS, ,MNGAL DU 'JUG PA STON PA YANG, ,'DI DAG 'JIG RTEN RJES 'JUG PHYIR, , @319A *, ,ZHES GSUNGS SO, ,'DZAM BU'I GLING DU MNGON PAR RDZOGS PAR SANGS RGYAS PA NYID YANG DAG PA'I DE BZHIN GSHEGS PA YIN DU CHUG NA YANG, DE LTA NA YANG DE BZHIN GSHEGS PA NI BSAM GYIS MI KHYAB PA'I MTHU MNGA' BAS, SPRUL PA SPRUL NUS PA'I NUS PA CAN NYID DE, BSAMS BZHIN DU RNAM PA DE LTA BU'I SPRUL PA SPRUL LA, GANG ZHIG SPRUL PA LAS SPRUL PA GZHAN YANG 'JUG PAR MDZAD DO, ,DE LA DE BZHIN GSHEGS STONG SPRUL, ,SPRUL PAS SPRUL PA SMOS CI DGOS, ,GNYIS PO MING TZAM YOD PA YANG, ,GANG CI RUNG STE RTOG PA TZAM, ,GANG 'DIR YANG DAG PA'I DE BZHIN GSHEGS PAS SPRUL PA'I SPRUL PA DE NYID RE ZHIG STONG PA STE DE BZHIN GSHEGS PA'I RANG BZHIN DANG BRAL BA'O, ,CI 'ON TE GANG SPRUL PA'I SPRUL PA THE TSOM MED PAR 'DI NI DE BZHIN GSHEGS PA'I RANG BZHIN DANG BRAL BA YIN GYI, SPRUL PA 'DI YANG RNAM PA THAMS CAD KYIS MED DO ZHES BRJOD PAR MI NUS TE, DE DAG NYE BAR DMIGS BZHIN PA'I PHYIR RO ZHES GSUNGS PA, GNYIS PO'I MING TZAM YOD PA YANG, ,GANG CUNG ZAD DE RTOG PA TZAM ZHES BYA BA SNYING PO DANG BRAL BA STE RANG BZHIN DANG BRAL BA ZHES BYA BA'I DON TO, ,SLAR YANG JI LTAR DE YOD CE NA, GSUNGS PA RTOGS PA TZAM ZHES BYA BA LA YONGS SU BRTAGS PA TZAM YANG DAG PA MA YIN PAR SGRO BTAGS PA TZAM BRDZUN PA SLU BA'I CHOS CAN TZAM ZHES BYA BA'I DON TO, ,RE ZHIG DE DAG GI RANG BZHIN MED LA, GAL TE YANG 'KHRUL BA TZAM DU YANG DMIGS PA MED DO ZHES BYA BAR GYUR NA DE NI KUN RDZOB KYI BDEN PA LA GNOD PAR YANG 'GYUR TE, RI BONG GI {RVA} BZHIN NYE BAR DMIGS PAR YANG MI 'GYUR LA, 'BRAS BU GZHAN SGRUB PAR BYED PAR MI 'GYUR TE, 'DI THAMS CAD KYANG YOD PAS DES PHYIR RTOG PA TZAM STE, KUN RDZOB TZAM DU DE DAG YOD DO ZHES RNAM PAR GZHAG GO, ,DE YANG GANG RANG BZHIN MED PA MTHONG BA DE NI DON DAM PA MTHONG LA NGO BO MI DMIGS PAS KYANG DE LA MI BDEN PA LAS SKYES PA LA, SRED PA ZAD PAS RNAM PAR GROL BAR 'GYUR RO, ,DE NI 'DI LTAR BRDZUN PAR MTHONG BA @319B NI NYON MONGS PA'I RANG BZHIN MTHONG BAS RNAM PAR GROL LO ZHES GNAS SO, ,JI LTAR YANG DE BZHIN GSHEGS PA'I SPRUL PA RANG BZHIN MED PA LAS GZHAN RANG BZHIN MED PA DE BZHIN GSHEGS PA'I RNAM PA CAN GYI SPRUL PA MTHA' YAS PAS RNAM PA SNA TSOGS PA'I BYA BA SGRUB PA RUNG BA RAB TU 'JUG PAS, DE BZHIN BYED PO SPRUL PAR MTSUNGS, ,LAS NI SPRUL PAS SPRUL DANG MTSUNGS, ,RANG BZHIN GYIS STONG GANG CUNG ZAD, ,YOD PA DE DAG RTOG PA TZAM, ,JI LTAR DE BZHIN GSHEGS PAS SPRUL PA LTA BU'I LAS KYI BYED PA PO MA RIG PA'I RJES SU 'BRANG BA'I GANG ZAG NI, DE BZHIN GSHEGS PAS SPRUL PA BZHIN DU RANG BZHIN MED LA 'DI YANG RTOG PA TZAM STE, KUN RDZOB TZAM BRDZUN PA SLU BA'I CHOS CAN BYIS PA'I SKYE BO SLU BA TZAM RMONGS PA'I SKYE BO CHAGS PA TZAM DU YOD DO ZHES BYA BA'I DON TO, ,GAL TE YANG LAS DE RANG BZHIN MED PA'I BYED PA POS BSKYED LA, DE YANG RANG BZHIN MED PA NYID DU YOD PAS, 'GRO BA SNA TSOGS PA BSKYED PAR NUS PAR 'GYUR RO, ,'DIR SMRAS PA, 'DI NI MI RIGS TE, DPE DANG DON DAG MI 'DRA BA'I PHYIR RO, ,DPE NI YANG DAG PA'I DE BZHIN GSHEGS PA YOD LA, DE'I PHYIR YANG DAG PA LAS YANG DAG PA MA YIN PA'AM, YANG DAG PA'I SPRUL PA 'BYUNG BAR 'GYUR RO ZHES RIGS SO, ,'DIR YANG DAG PA'I DNGOS PO MED NA GANG ZHIG SPRUL NUS PA'I BYED PA PO 'JUG PA'I RGYU MTSAN NYID DU RTOGS PAR BYED DE, DE'I PHYIR DPE DANG MI 'DRA'O, ,SMRAS PA, GANG 'DIR YANG DAG PA'I DE BZHIN GSHEGS PA YOD DO ZHES MNGON PAR 'DOD NA, DE BYED PA POR GYUR PA'AM LAS SU GYUR PA'I YANG DAG PA NYID DU YONGS SU RTOGS, GAL TE RE ZHIG BYED PA POR GYUR PAR YONGS SU RTOGS NA, DE YANG, YANG DAG PA'I DE BZHIN GSHEGS PA'I RANG BZHIN MA YIN TE, BYED PA PO'I PHYIR SPRUL PA'I BYED PA PO DE BZHIN GSHEGS PA'I SPRUL PA BZHIN, YANG NA LAS SU GYUR PAS YANG DAG PAR YONGS SU RTOGS NA, DE LTA NA YANG SPRUL PA NI SPRUL PAS SPRUL PA BZHIN 'DI LA @320A *, ,YANG DAG PAR BRJOD PAR RIGS PA MA YIN NO, ,NGES PAR DE BZHIN GSHEGS PA YANG MED DAM CI ZHE NA, SU ZHIG 'DI SKAD DU YOD PA'AM MED DO ZHES SMRA, GANG ZHIG DE BZHIN GSHEGS PA ZHES BYA BA RANG BZHIN DU RTOGS NA DE NI DE LA YOD PA'AM MED PAR YONGS SU RTOGS PAR BYED NA, GANG YANG RANG BZHIN MED PA STE DE BZHIN GSHEGS PA'I SPRUL PA BZHIN DU RTOG PA MED PA, SPRUL PA BZHIN DU RANG BZHIN GYIS ZHI BA NGO BO NYID KYIS MA SKYES PAS DE LA YOD PA'AM MED PAR BRTAG PAR MI BYA'O, ,DE NA DE BZHIN GSHEGS PA'I RANG BZHIN GRUB PA MED PAS DPE DANG MI 'DRA BAR RTOG PAR GA LA BYED, 'DIR SMRAS PA, GANG 'DI SKAD DU SMRAS PA'I STONG PA NYID KYI RANG BZHIN MED PAS, GANG CUNG ZAD YOD PA RTOG PA TZAM ZHES PAS, SLAR YANG CI'I PHYIR NA 'DI DAG KYANG RANG BZHIN MED PA DANG RTOG PA TZAM DU YOD PA GNYIS KHAS LEN PAR BYED, GAL TE SLAR YANG RANG BZHIN YOD PA NYID PAS, RTOG PA TZAM GYI DNGOS POR KHAS MI LEN NA, DE'I TSE SKYON CIR 'GYUR ZHE NA, SMRAS PA, GAL TE RANG BZHIN YOD PAR GYUR NA, DE'I TSE MYA NGAN LAS 'DAS PA MED PAR 'GYUR LA, YOD BZHIN PA LA BYED PA PO DON MED PA'I PHYIR DANG, BYED PA PO YANG MED PAR 'GYUR RO, ,GAL TE RTOG PA TZAM YANG MED PAR 'GYUR NA, DE'I TSE LAS KYI 'BRAS BU MED PAS LOG LTAR 'GYUR LA, DES NA RANG BZHIN KHAS BLANG BAR MI BYA ZHING, RTOG PA KHAS MI BLANG BAR YANG MI BYA'O ZHES BSGRUB PA'I PHYIR GSUNGS PA, LAS KYI RANG BZHIN YOD CE NA, MYANG 'DAS BYED PO LAS KYANG MED, ,GAL TE MED NA LAS BSKYED PA'I, ,'BRAS BU SDUG DANG MI SDUG MED, ,GAL TE LAS KYI RANG BZHIN YOD NA, DE'I TSE DE RANG BZHIN GYIS YOD BZHIN PA'I PHYIR SLAR YANG GZHAN DU 'GYUR BA MED DO ZHES BYA'O, ,GANG 'DI LTAR MYA NGAN LAS 'DAS PA LAS DANG NYON MONGS PA ZAD PA LAS RNAM PAR GZHAG LA, DE MI 'BYUNG BAR 'GYUR BA DANG, LAS DE YANG BYED PA PO LA MI LTOS PAR 'GYUR LA, DE LTA NA RGYU MED PA'I PHYIR @320B 'DI NI YOD PA NYID DU MI 'GYUR RO, ,RE ZHIG LAS LA RANG BZHIN YOD PAR GYUR NA, SKYON 'DI DAG STE DE'I PHYIR LAS LA RANG BZHIN MED PA'O, ,GAL TE GANG CI YANG RUNG BA RTOG PA TZAM DU MI 'GYUR NA, DE'I TSE LAS KYIS BSKYED PA'I SDUG PA'AM MI SDUG PAR MI 'GYUR LA, DGE BA DANG MI DGE BA DAG GI LAS KYIS SDUG PA DANG MI SDUG PA DAG KYANG YOD PAS, DE'I PHYIR 'DI DAG GANG CI YANG RUNG RTOG PA TZAM DU YOD DO ZHES GNAS SO, ,GANG YANG 'DI LAS KYI RANG BZHIN NI MED LA GANG CUNG ZAD RTOG PA TZAM YOD PAS, DE NYID KYIS SHIN TU THA DAD PA'I SPYOD PA'I 'DUS BYAS SKYE BO'I RJES SU 'BRANG BA'I BCOM LDAN 'DAS DE BZHIN GSHEGS PAS, NYON MONGS PA DANG RJES SU MTHUN PA'I GNYEN PO'I DNGOS POR 'JUG PA PHAN TSUN DU 'GAL BAS, BRJOD PA'I TSIG KYANG CHOS NYID DANG MI 'GAL BAR GNAS SO, ,'DI LTAR LAS YOD DO ZHES BYA BA'I TSIG MED DO ZHES BYA BA'I TSIG DANG 'GAL BA MED DO ZHES BYA BA'I TSIG YOD DO ZHES BYA BA'I TSIG DANG 'GAL BA DANG, DE BZHIN DU GNYI GAR BRJOD PA YANG GNYI GA DANG 'GAL LO, ,TSIG 'DI DAG THAMS CAD KYANG LAS STONG PA NYID 'JUG PA'I THABS KYI PHYIR, CHOS NYID DANG MI 'GAL LO ZHES BSGRUB PA'I PHYIR GSUNGS PA, YOD CES PA YOD MED CES YOD, ,MED DANG YOD CES DE YANG YOD, ,SANGS RGYAS RNAMS KYI DGONGS PA YIS, ,GSUNGS PA RTOGS PAR SLA MA YIN, ,DE LA GCIG TU NGES PAR GZUNG BAR MI NUS PAS LAS NGO BO NYID KYIS YOD PAR 'JIG RTEN PAS YANG DAG PAR MTHONG NAS MNGON PAR ZHEN PA'I YOD PA YANG GANG CI YANG RUNG BA RTAG PA TZAM STE, DRI ZA'I GRONG KHYER LA SOGS PA'I RNAM PA LA MED DO ZHES BYA BAR RTOGS PA KHONG DU CHUD PAS LOG PAR LTA BAS, GANG ZHIG DMYAL BA CHEN POR LTUNG BA LA MNGON PAR PHYOGS PAS SDIG PA CHEN PO DANG LDAN PAR GYUR PAS, DE DAG MED PAR LTA BA LAS BZLOG PA'I DON DU LAS YOD DO, ,LAS KYI RNAM PAR SMIN PA YOD DO ZHES BCOM LDAN 'DAS KYIS GSUNGS LA, GANG ZHIG DE GANG CI YANG RUNG BA RTOG PA TZAM BYIS PA'I SKYE BOS YONGS SU BRTAGS PA'I DRI ZA'I GRONG KHYER LA @321A *, ,SOGS PAR YOD PA DE THUGS LA BZHAG PA'O, ,GANG YANG LAS DANG 'BRAS BU LA 'DI DAG BDEN NO ZHES MNGON BAR ZHEN LA, MNGON BAR ZHEN PA DES DE DAG 'KHOR BA LAS MI GROL BAS, RANG BZHIN GYIS MA SKYES PA THUGS LA BZHAG NAS GSUNGS PA, GANG LA LAS MED CING LAS KYI RNAM PAR SMIN PA MED PA DE NI 'PHAGS PA RNAMS KYI RIGS SO ZHES BYA BA LA SOGS PA'O, ,GNYI GA YANG THUGS LA BZHAG NAS 'GA' ZHIG TU YOD PA DANG MED PA GNYI GA'O ZHES SO, ,DE LTAR JI SKAD SMOS PA'I RIGS PAS BDEN PA GNYIS SU RNAM PAR GZHAG PA MA BYAS NA, SANGS RGYAS RNAMS KYI DGONGS PA YIS, ,GSUNGS PA RTOGS PAR SLA MA YIN, ,'DIR TSIG KHA CIG NI DON GYI RJES SU 'BRANGS NAS 'JUG LA, 'GA' ZHIG DGONGS PA'I RJES SU 'BRANGS NAS 'JUG GO, ,RE ZHIG GANG DON GYI RJES SU 'BRANGS NAS 'JUG PA DE NI NGES PA'I DON TE DGONGS PA MA YIN PAS NA, JI SKAD GSUNGS PA'I DON YOD BZHIN PA'I PHYIR NA, 'DI LTA STE CHOS RNAMS RANG BZHIN MED PA'O, ,DE YANG JI SKAD DU SMOS PA'I RIGS PA DANG LUNG GIS DPYAD PA NA DE BZHIN KHO NAR 'GYUR GYI GZHAN DU MA YIN NO, ,GANG DU DGONGS PA'I RJES SU 'BRANGS NAS 'JUG PA DE NI DRI BA'I DON TE DGONGS PA DANG BCAS PA'O, ,'DI LTA STE GZUGS YOD DO TSOR BA YOD DO ZHES BYA BA LA SOGS PA'I TSIG 'DI DAG KYANG DON GYI KHYAD PAR CUNG ZAD TZAM THUGS LA BZHAG NAS GSUNGS SO ZHES NGES TE, JI SKAD DU THOS PA'I DON DANG MI LDAN PA'I PHYIR RO, ,DNGOS PO RNAMS KYI RANG BZHIN NI, ,RGYU RKYEN TSOGS PA'AM SO SO YI, ,DNGOS LA RNAMS KUN YONG MIN PA'I, ,RANG BZHIN GANG ZHIG DES NA STONG, ,YOD PA YOD PHYIR MI SKYE LA, ,MED PA MED PHYIR MI SKYE ZHING, ,CHOS MI MTHUN PHYIR YOD MED MIN, ,SKYE BA MED PAS GNAS 'GAG MED, ,ZHES BYA BA LA SOGS PA'I RIGS PA DANG, DGE SLONG DAG 'DI DAG NI DON DAM PA'I BDEN PA GCIG PU STE, 'DI LTAR ZHI BA'I CHOS CAN MYA NGAN LAS 'DAS PA'O, ,'DU BYED THAMS @321B CAD NI BRDZUN ZHING SLU BA'I CHOS CAN TE, GZUGS NI DBU BA RDOS PA LTA BU, TSOR BA NI CHU'I CHU BUR LTA BU ZHES BYA BA LA SOGS PA'I LUNG GIS KYANG GZUGS DANG TSOR BA LA SOGS PA'I YOD PA NYID DU GNAS PAR MI NUS TE, DE'I PHYIR DE LTA BU LA SOGS PA'I TSIG GIS JI LTAR THOS BZHIN PA'I DON DANG MI LDAN PA'I PHYIR DGONGS PA NYID DU NGES TE, RANG BZHIN MED PA GSAL BAR BYED PA'I TSIG BZHIN DU 'DI DAG NI DON DANG RJES SU MTHUN PA'I TSIG MA YIN NO, ,'ON KYANG DON GYI BDAG NYID CUNG ZAD TZAM THUGS LA BZHAG NAS GSUNGS SO ZHES BYA'O, ,DE LTAR GNYIS NYID DU RNAM PAR GNAS PA 'DI DAG 'DIR BSAM PAR BYA STE, CI YOD PA NYID KYI TSIG 'DI DAG SGRA JI BZHIN PA YIN NAM, 'ON TE DGONGS PA DANG BCAS PA YIN, DE LA RE ZHIG YOD PA NYID KYI TSIG 'DI DAG SGRA JI BZHIN PA YIN NA, DE'I TSE SHIN TU DON MA YIN PA SKYE BA THOB PAR 'GYUR LA, MED PAS MTHONG BA TZAM LAS THER ZUG PA DANG RGYUN CHAD PA'I MTHA'O, ,YANG NA DRANG DON NI DE'I TSE JI SKAD SMOS PA'I DON DANG MI LDAN PAS 'DI NI DON DANG RJES SU MTHUN PA'I TSIG MA YIN NO, ,DE LTA NA YANG DON GYI BDAG NYID CUNG ZAD TZAM THUGS LA BZHAG NAS GSUNGS PAS ZHES BYA STE, RE ZHIG 'DI TZAM YONGS SU GCOD PA'O, ,GANG YANG DON 'DI NI BDEN PA GNYIS RNAM PAR GZHAG PA LA MI MKHAS PA RNAMS KYIS 'DIR LEGS PAR MI SHES PA'I PHYIR RO, ,DES NA JI SKAD SMOS PA'I BDEN PA GNYIS KYI BLO DANG LDAN PAS MNGON PAR SBYOR BAR BYED PAR RUNG NGO ZHES BYA'O, ,'DIR SMRAS PA, GAL TE YANG LAS DANG BYED PA PO BKAG LA, DE LTA NA YANG RE ZHIG LAS KYI 'BRAS BU GZUGS LA SOGS PA YOD PAS GZUGS LA SOGS MED DO ZHES KYANG BRJOD PAR MI NUS SO ZHES BYA STE, SKYE BO THAMS CAD KYI MNGON SUM DU RAGS PA DANG NYE BAR DMIGS BZHIN PA'I GZUGS YOD PA NYID LAS SU ZHIG MED DO ZHES SMRA, GANG DU BCOM LDAN 'DAS KYIS KYANG GSUNGS TE, DGE SLONG DAG GZUGS NI PHYI ROL GYI SKYE MCHED DE 'BYUNG BA CHEN PO BZHI DAG RGYUR BYAS PA'I @322A *, ,GZUGS BSTAN DU YOD LA, THOGS PA DANG BCAS PA'O, ,DE BZHIN DU DGE SLONG DAG REG BYA NI PHYI ROL GYI SKYE MCHED DE 'BYUNG BA CHEN PO BZHI RGYUR BYAS PA'I GZUGS CAN BSTAN DU YOD LA THOGS PA DANG BCAS PA'O, ,GAL TE DE MED NA 'BYUNG BA CHEN PO BZHI DAG RGYUR BYAS SO ZHES 'BYUNG BA'I RGYU CAN DU STON PAR MI 'GYUR TE, YOD BZHIN PA MA YIN PA'I NAM MKHA'I ME TOG LA 'BYUNG BA RGYUR BYAS PA NYE BAR MA BSTAN LA, DE'I PHYIR 'JIG RTEN PA DANG, LUNG LAS GRAGS PA'I PHYIR GZUGS YOD DO GZUGS YOD PAR GYUR NA DE LA 'DZIN PA'I DBANG PO'I SHES PA 'BYUNG BAR 'GYUR LA, DE YOD NA YANG DE BZHIN KHO NAR DNGOS PO THAMS CAD GRUB PO ZHE NA, SMRAS PA, GAL TE GZUGS NYID YOD NA GZUGS LA BRTEN NAS DNGOS PO THAMS CAD 'GRUB PAR 'GYUR NA, YOD PA MA YIN LA, JI LTAR MED PA YANG DE LTAR SNGAR NYID DU RGYAS PAR BSGRUBS LA, GZHAN YANG GAL TE MED PAS GZUGS MED PAR GRUB KYANG, DE LTA NA YANG SHIN TU RAGS PA DANG NYE BA 'DI DAG MNGON SUM DU DMIGS PA BZHIN DU CHAGS PA'I GNAS SU GYUR PA'I PHYIR, DES NA DE SEL BA'I SGO NAS SKYE MCHED THAMS CAD DGAG PA'I DON DU SLAR YANG BRTAG PA TZAM PA'I PHYIR GSUNGS PA, GAL TE 'BYUNG BA'I RANG BZHIN GZUGS, ,'BYUNG LAS GZUGS NI 'BYUNG BA MIN, ,RANG LAS 'BYUNG MIN GZHAN LAS KYANG, ,'BYUNG MIN DE PHYIR MED MIN NAM, ,GAL TE 'DI SNYAM DU SEMS NA, GANG LAS 'BYUNG BA CHEN PO BZHI LA BRTEN NAS GZUGS NYE BAR BSTAN PAS, DE'I PHYIR GZUGS YOD DO ZHE NA, SMRAS PA, DE NYID KYIS NA GZUGS RANG BZHIN MED PA'O ZHES GSAL BAR BCOM LDAN 'DAS KYIS BSTAN PA MA YIN NAM, JI LTAR BYAS NA GANG LAS 'JIG RTEN 'DIR RGYU DANG 'DRA BA'I 'BRAS BU 'JUG BZHIN PA NYE BAR DMIGS TE, 'DI LTA STE, S'A LU LAS S'A LU DANG, GRO LAS GRO DANG, BA LANG LAS BA LANG DANG, BA MEN LAS BA MEN NO ZHES DE BZHIN DU GZUGS KYANG @322B 'BYUNG BA LAS KYANG GYUR PAS NA 'BYUNG BA'I RANG BZHIN KHO NAR 'JUG PAR 'GYUR LA RAG NA, GZUGS KYANG 'BYUNG BA'I RANG BZHIN MA YIN TE, SRAB LA SOGS PA MA YIN PA'I NGO BO'I PHYIR DANG, 'BYUNG BA RNAMS LUS KYI DBANG PO'I GZUNG BYA'I PHYIR DANG, GZUGS NI MIG GI DBANG PO'I GZUNG BYA YIN PA'I PHYIR RO, ,BCOM LDAN 'DAS KYIS 'BYUNG BA RGYUR BYAS NAS GZUGS 'BYUNG BAR 'GYUR RO ZHES GSUNGS PA YANG, GZUGS LA RIGS PA DANG 'GAL BAR GSUNGS PA'O ZHES MTSON PAS 'JIG RTEN PA RNAMS KYIS DE MI BDEN PAR KHONG DU CHUD PAR BYA BA'I DON DU'O, ,DE'I PHYIR LUNG NI GZUGS YOD PA NYID KYI SGRUB BYED MA YIN LA, 'ON KYANG GZUGS MED PA'I SGRUB BYED DO ZHES BSTAN PA'I PHYIR GSUNGS PA, GAL TE 'BYUNG BA'I RANG BZHIN GZUGS, ,'BYUNG LAS GZUGS NI 'BYUNG BA MIN, ,'BYUNG BA'I RANG BZHIN ZHES PA 'DI NI RGYU LA RANG BZHIN DU'O, ,KHA ZAS KYI RANG BZHIN SROG LA, RTZVA'I RANG BZHIN BA LANG ZHES PA'O, ,JI LTAR GAL TE 'BYUNG BA'I RANG BZHIN TE, 'BYUNG BA'I RGYU CAN GYI GZUGS SU SKYES PA DE NI 'BYUNG BA LAS MI 'BYUNG STE, 'BYUNG BA'I RANG BZHIN GYIS YOD PA MA YIN PAS, DE LTAR GYUR NA RGYU DANG MI 'DRA BA'I 'BRAS BU SKYE BA MI SRID PAS DE NI GZUGS KYI RANG BZHIN MA YIN PA MA YIN ZHES BYA STE GO SLA'O, ,GAL TE DE LTAR RGYU DANG 'BRAS BU DAG MTSAN NYID THA DAD PA'I PHYIR GZUGS KYI RANG BZHIN LAS MA YIN YANG, DE LTA NA YANG GZHAN DNGOS LAS 'BYUNG NGO ZHE NA; SMRAS PA, GAL TE GZUGS NI RANG DNGOS LAS 'BYUNG MIN, ,ZHES GNAS LA, DE'I TSE DE MED PA STE, RANG GI DNGOS LAS GZHAN LAS MA YIN NO ZHES GSAL BAR NGES SO, ,RANG BZHIN NI RANG BZHIN GZHAN LA LTOS NAS GZHAN NYID DU 'GYUR LA, RANG BZHIN DE YANG MED PAS RANG BZHIN GZHAN LAS KYANG SKYES PA MED DO,, ,,GZHAN YANG GAL TE 'BYUNG BA CHEN PO BZHI LA BRTEN NAS GZUGS KYI SKYE MCHED 'BYUNG NGO ZHES PA DE LTAR GYUR NA GZUGS KYI SKYE MCHED GCIG PU LA RNAM PA BZHIR THOB PAR 'GYUR TE, GCIG LA PHAN TSUN MTSAN NYID THA @323A *, ,DANG PA'I BDAG NYID BZHI BRTEN PAR MI 'THAD DE, DE'I PHYIR GZUGS NI RNAM PA BZHIR KHAS BLANG BAR BYA BA'AM, GAL TE SKYE MCHED GCIG GI RTEN GYI DNGOS POR RTOG NA YANG 'BYUNG BA RNAMS GCIG NYID DU KHAS BLANG BAR BYA'O, ,'DI DAG KYANG DE LTAR MED DO ZHES BSGRUB PA'I PHYIR GSUNGS PA, GCIG LA BZHI NI YOD MA YIN, ,BZHI GANG GCIG TU MA YIN PAS, ,GZUGS NI 'BYUNG BA CHEN PO BZHI, ,RGYUR BYAS NAS GRUB JI LTAR YOD, ,GAL TE 'BYUNG BA CHEN PO BZHI YOD BZHIN PA LA GZUGS BRTEN PAR GYUR NA, DE'I TSE GZUGS GCIG KYANG BZHIR 'GYUR TE, BRTEN PA NI RTEN GYI DBYE BA'I RJES SU 'BREL BA'I PHYIR RO, ,DE LTAR YOD PA YANG MA YIN PAS GZUGS NI 'BYUNG BA CHEN PO BZHI RGYUR BYAS NAS GRUB PAR CI LTAR YOD, YANG NA RTEN THA DAD KYI RJES SU MTHUN PA BRTEN PA'I GZUGS MA YIN NA, DE LTAR NA RTEN DU GYUR PA RNAMS BRTEN PA GCIG GI RJES SU 'JUG PAR BYOS SHIG ,DE DAG KYANG MI SRID LA, DE'I PHYIR GAR GYI SKYES BU BZHIN DU PHAN TSUN MI BDEN PA RNAMS NGES PAR 'DI DAG GI YOD PA NYID NYAMS SO ZHES BYA STE, GZUGS NI 'BYUNG BA CHEN PO BZHI RGYUR BYAS NAS GRUB PA JI LTAR YOD, 'DIR SMRAS PA, GZUGS NI YOD PA NYID DE, 'DZIN BZHIN PA'I PHYIR, 'DIR MIG GI RNAM PAR SHES PA DE'I SNGON PO'I RNAM PAR SKYES PAS 'DZIN LA, DE LA GAL TE SNGON PO MED NA DE'I 'DZIN PA MI 'BYUNG LA, 'DZIN PA YANG YOD PAS DE'I PHYIR GZUGS YOD DO ZHE NA, SMRAS PA, GAL TE DE'I 'DZIN PA YOD NA GZUGS YOD LA, 'DI LA 'DZIN PA MI SRID DO, DE'I PHYIR SHIN TU YANG 'DZIN PA MED PAS, GZUGS NI JI LTAR ZHES PA 'DIR 'BREL TO, ,'DI DAG GI SHIN TU MI 'DZIN PA YANG RGYAS PAR BSGRUB PAR BYA STE, 'DIR SMRAS PA, GZUGS LA 'DZIN PA NI YOD PA NYID DO, ,RTAGS CI LAS SHE NA, GAL TE GZUGS 'DZIN PAR MI 'GYUR NA 'DI NI GZUGS SO ZHES PA'I BLO MI 'BYUNG LA, 'DI'I BLO YANG YOD PAS SHES BYA STE, RTAGS DES NA 'DZIN PA YOD DO ZHES BYA'O, ,SMRAS PA, @323B RTAGS LAS SHE NA DE'I RTAGS KYANG MED DE, RGYU DANG RKYEN LAS SKYES PA'I PHYIR MED PA NYID DO, ,GZHAN YANG GZUGS YOD NA GZUGS KYI BLO 'THAD KYI MED PA LA MA YIN NO, ,GANG GI TSE 'DI DAG DE LTA NA DE'I TSE YOD PA'I GZUGS KYI GZUGS KYIS BLO SKYED PAR BYED NA GZUGS YOD PAR RUNG NA, GZUGS KYI BLO MED NA JI LTAR GZUGS YOD PA'I RTAGS SU 'GYUR ZHES GSUNGS PA, YOD NA YANG RTAGS DE MED NA MI 'THAD PAS ZHES BYA STE, DE NYID SHIN TU MI 'DZIN PA'I PHYIR RO, ,RTAGS LAS SHE NA, RTAGS DE YANG MED DE, RGYU DANG RKYEN LAS SKYES PA'I PHYIR, YOD NA'ANG RTAGS DE MED MI RIGS, ,ZHES PA 'DIS, PHA ROL GYI RTAGS LAS GZUGS YOD PA NYID DU KHAS BLANGS PA DE SEL TO, ,'DIR SMRAS PA, GANG 'DI SKAD DU SHIN TU MI 'DZIN PA'I PHYIR ZHES SMOS PA DE NI MI RIGS TE, GZUGS 'DZIN BZHIN PA'I PHYIR RO ZHES BYA'O, ,'DIR SMRAS PA, SLAR YANG CIS GZUGS 'DZIN NA BLOS SO, ,SMRAS PA, BLOS GZUGS LA JI LTAR 'DZIN, DE'I RNAM PAR SKYE BAS SO, ,SMRAS PA, 'DI DAG MI 'THAD DE RGYU MTSAN CIS SHE NA, GANG GI PHYIR, GAL TE BLO DES GZUGS 'DZIN NA, ,RANG GI RANG BZHIN LA 'DZIN 'GYUR, ,RKYEN LAS SKYES PAS YOD MIN LA, ,YANG DAG GZUGS MED JI LTAR 'DZIN, ,'DIR DNGOS PO RNAMS KYI RANG BZHIN 'DZIN NA SNGON DU RANG GI BDAG NYID MTHONG STE, 'DI LTA STE, ME'I DRO BA NYID LTA BU DE DANG LDAN PA LAS PHA ROL GYI BDAG NYID KYANG NYE BAR DMIGS PAR BYED DO, ,CHU LTA BU'O, ,DE LTAR GAL TE BLO NI 'DZIN PA'I RANG BZHIN DU 'GYUR NA, DE NI 'DZIN PA'I RANG GI BDAG NYID KHO NA LA RE ZHIG NYE BAR DMIGS PAR 'GYUR LA, DMIGS PA YANG MA YIN TE, BDAG NYID LA 'JUG PA DANG 'GAL BA'I PHYIR DANG, LAS DANG BYED PA PO DAG GCIG NYID DU THAL BA DANG, DMIGS PA MED PAR DMIGS PA PO MI 'THAD PA'I PHYIR RO, ,GANG GI TSE 'DI LTAR BLO RANG GI BDAG NYID LA 'DZIN PAR MI NUS PA DE'I TSE, 'DIR GZUGS JI LTAR 'DZIN @324A *, ,PAR BYED, RIGS PAS NI RANG GI BDAG NYID MI 'DZIN PA'I PHYIR GZUGS KYANG MI 'DZIN TE, BONG BA LA SOGS PA BZHIN NO ZHES BYA'O, ,GZHAN YANG 'DI'I BLO NI RTEN CING 'BREL PAR 'BYUNG BA'I PHYIR NGO BO NYID YOD PA MA YIN PA'O, ,RTEN CING 'BREL PAR 'BYUNG BA'I PHYIR YANG RANG BZHIN GYIS YOD PA MA YIN PA'I GZUGS JI LTAR 'DZIN PAR 'GYUR, DES NA GZUGS 'DZIN PA MED DO,, ,,'DI LTAR YANG 'DZIN PA MED DE, GANG GI PHYIR, JI SKAD SMOS PA GZUGS SKYES BLOS, ,SKAD CIG SKAD CIG GIS MI 'DZIN, 'DAS DANG MA 'ONGS PA GZUGS KYANG, ,DE YIS JI LTAR RTOGS PAR 'GYUR, ,JI SKAD SMOS PA'I GZUGS ZHES PA LA, JI SKAD DU BSHAD PA'I GZUGS LA SMOS PA ZHES BRJOD, 'DIR MIG GI YUL NI JI SKAD SMOS PA'I GZUGS SU SHES PAR BYA LA, BLO YANG MIG GI BLOS 'DZIN GYI GZHAN MA YIN NO, ,SKYES PA'I SGRA NI 'DIR DA LTAR BA'I RJOD DU SHES PAR BYA'O, ,'DIR GAL TE BLO YIS GZUGS LA 'DZIN PAR BYED NA, DES DA LTAR BA'I GZUGS LA 'DZIN NAM, 'DAS PA DANG MA 'ONGS PA LA'O, ,DE LA RE ZHIG JI SKAD SMOS PA'I RNAM PAS NI, DA LTAR BA'I GZUGS DA LTAR BA'I BLOS MI 'DZIN TE, GNYI GA YANG SKAD CIG MA'I PHYIR SKYES MA THAG TU RNAM PAR 'JIG PA'I BLO NI DE LA SKAD CIG TZAM YANG GNAS PA MED NA, GANG LAS 'DIS YUL LA 'DZIN PA SRID BAR 'GYUR, BSKYED PAR BYA BA LA 'DZIN NO ZHE NA, DE NI DE LTA MA YIN TE, BSKYED PAR BYA BA NI MA 'ONGS PA YIN LA, DE YANG MA SKYES PAR GYUR PA'I GZUGS JI LTAR 'DZIN PAR 'GYUR, GZUGS KYANG SKYES MA THAG TU RNAM PAR 'JIG PAS SKAD CIG TZAM YANG GNAS PA MED NA, GANG LAS 'DZIN PAR BYED, DE NI 'DI LTAR SKAD CIG MA'I BLO LA JI SKAD SMOS PA'I GZUGS SKYES PA'I SKAD CIG MA LA MI 'DZIN NO, ,YANG NA 'DI SNYAM DU SEMS NA, SKAD CIG MA'I PHYIR DA LTAR BA'I GZUGS MI 'DZIN LA, DE LTA NA YANG 'DAS PA DANG MA 'ONGS PA LA JI LTAR 'DZIN PAR MI 'GYUR ZHE NA, SMRAS PA, GANG @324B GI TSE DA LTAR BA'I DNGOS PO NYID SKAD CIG MA'I PHYIR 'DZIN PAR MI NUS NA, DE'I TSE JI LTAR RNAM PA THAMS CAD DU YOD BZHIN PA MA YIN PA'I ZHIG PA DANG MA SKYES PA BLOS 'DZIN PAR NUS, DE LTAR RE ZHIG 'DZIN PA MI SRID PA DES NA YANG GZUGS MED DO ZHES BSGRUB PA'I PHYIR GSUNGS PA; GANG TSE NAM YANG KHA DOG DANG, ,DBYIBS DAG THA DAD NYID MED PAS, ,DE DAG THA DAD 'DZIN YOD MIN, ,GCIG TU'ANG MA YIN GRAGS PA'I GZUGS, ,GAL TE MIG GI YUL GZUGS KYI SKYE MCHED CES BYA BA CUNG ZAD YOD NA DE 'DZIN PAR 'GYUR GRANG NA, YOD PA YANG MA YIN LA, DE YOD BZHIN PA MA YIN PA NI GANG GI PHYIR MI 'DZIN NO, ,JI LTAR YANG GZUGS KYI SKYE MCHED YOD BZHIN PA MA YIN ZHE NA, SMRAS PA, 'DIR KHA DOG DANG DBYIBS DAG LA GZUGS KYI SKYE MCHED CES BYA BA LA, KHA DOG DANG DBYIBS 'DI DAG NI GCIG NYID DU GYUR PAS SAM, THA DAD PA NYID DU'O, ,RE ZHIG KHA DOG DANG DBYIBS DAG THA DAD PA NYID DU MED LA, GAL TE YOD NA PHAN TSUN MA LTOS PAR 'DZIN PAR 'GYUR LA, 'DI DAG KYANG KHA DOG LAS THA DAD PA'I DBYIBS 'DZIN PAR MI NUS TE, BUM PA LAS SNAM BU LTA BU MA YIN LA DE BZHIN DU DBYIBS LAS THA DAD PA'I KHA DOG 'DZIN PAR MI NUS SO, ,GDON MI ZA BAR DBYIBS GANG YANG RUNG BA LA DE'I KHA DOG 'BYUNG BAR 'GYUR LA, GANG YANG 'DI'I GNAS LUGS LA DE'I DBYIBS ZHES BYA STE, DBYIBS LAS THA DAD PA'I KHA DOG LOGS SU GRUB PAR MI SRID DO ZHES BYA'O, ,DE 'DI LTAR THA DAD PA NYID NA, GANG GI TSE KHA DOG NAM YANG DBYIBS LA MI SRID LA, DES NA DE DAG THA DAD PAR 'DZIN PA YOD PA MA YIN NO, ,YANG NA 'DI SNYAM DU SEMS NA, GAL TE THA DAD DU MA GRUB PA'I PHYIR KHA DOG DANG DBYIBS DAG THA DAD DU MI 'DZIN LA; DE LTA NA YANG GCIG TU GYUR PA 'DREN MA'I DNGOS POR DE DAG 'DZIN PAR 'GYUR RO ZHE NA, SMRAS PA, SO SO SO SOR MA GRUB PA DAG 'DREN MA'I DNGOS POR MED PAS 'DI DAG GCIG TU GA LA ZHIG ,DE'I PHYIR DE DAG GANG GCIG TU 'DZIN PA MI SRID DO, ,KHA DOG DANG DBYIBS LAS @325A *, ,GZHAN DU GZUGS MI DMIGS LA, GANG GI PHYIR DE YANG PHA ROL POS GZUGS NA KHA DOG DANG DBYIBS KYI BDAG NYID DO ZHES GRAGS PA DE DAG KYANG MI 'DZIN NO ZHES BSGRUBS SO ZHES BYA STE, DES NA MI 'DZIN PA'I PHYIR GZUGS MED DO, ,YANG NA GAL TE YANG 'DZIN PA MED PAS GZUGS MED PAR 'GYUR LA, DE LTA NA YANG MIG GI BLO RE ZHIG YOD DE DE MA BKAG PA'I PHYIR LA, DE YANG GZUGS MED NA MI 'BYUNG NGO ZHES BYA STE, DE'I PHYIR GZUGS KYANG 'BYUNG BAR 'GYUR RO ZHE NA, SMRAS PA, GAL TE MIG GI BLO YOD NA GZUGS YOD PAR 'GYUR NA, YOD PA MA YIN NO ZHES BSGRUB PA'I PHYIR GSUNGS PA, MIG BLO MIG LA YOD MA YIN, ,GZUGS LA YOD MIN PAR NA MED, ,GZUGS DANG MIG LA BRTEN NAS SU, ,LEGS SO LOG PAR YONGS BRTAGS PA, ,'DIR MIG GI BLO MIG DANG GZUGS LA BRTEN NAS SKYE'O ZHES RNAM PAR 'JOG PA NYID RNAM PAR DPYAD PAR BYA STE, CI MIG GI BLO 'DI MIG LA YOD DAM, DE NI GZUGS CAN MA YIN PA'I PHYIR YUL NA GNAS PA MA YIN PAS DE'I PHYIR DE MIG LA YOD PA MA YIN NO, ,JI LTAR MIG LA MED PA DE BZHIN DU GZUGS LA YANG MED LA, MIG DANG GZUGS DE DAG GI BAR DU YANG MI SRID DE, YUL NA MI GNAS PA NYID KYI PHYIR RO, ,GANG YANG DE'I TSE MIG GI BLO MIG LA MA YIN, GZUGS LA YANG MA YIN, BAR NA YANG MA YIN PAS DE'I TSE RNAM PA THAMS CAD DU YOD PA MA YIN PA NYID DE JI LTAR YOD DO ZHES SMRA BAR RUNG STE, 'DI NI MED PA NYID DO ZHES BYA'O, ,SMRAS PA, GAL TE YANG DE MIG LA MED CING GZUGS DANG BAR NA YANG MED KYANG, DE LTA NA YANG MIG DANG GZUGS LA BRTEN NAS SKYE BA YOD PAS, DE'I PHYIR MIG GI BLO YANG YOD DO ZHE NA, SMRAS PA, GANG GANG NA MI GNAS PA JI LTAR DE LAS SKYE, YANG NA DE LTAR 'GYUR NA THAMS CAD LAS THAMS CAD SKYE BAR 'GYUR NA DE DAG NI MED LA, MING DANG GZUGS LA BRTEN NAS MIG GI BLO SKYE'O ZHES SMRA NA YANG, DES NA 'DI NI YANG DAG PAR MI SKYE STE, SKYE BA RIGS PA DANG MI LDAN @325B PA'I PHYIR RO ZHES BSGRUB PA'I PHYIR GSUNGS PA, MIG DANG GZUGS LA BRTEN NAS SU, ,LEGS SO LOG PAR YONGS BRTAGS PA, ,ZHES PA LA, GANG GI BDAG NYID KYIS SO SOR SNANG BA DE'I BDAG NYID LA BRTAGS NA MI SRID PAS NA DE NYID KYIS NA, RNAM SHES SGYU MA LTA BU YANG, ,NYI MA'I GNYEN GYIS GSUNGS PA'O, ,ZHES MDO LAS GSUNGS SO ZHES BYA'O, ,DE NI DE LTAR MIG GI BLO MI SRID PA'I PHYIR MI BZUNG BAS GZUGS MED DO, ,'DIR SMRAS PA, GZUGS 'DZIN PA NYID DE, DE LA 'DZIN PA PO MIG GI DBANG PO YOD PA'I PHYIR NA BCOM LDAN 'DAS KYIS GSUNGS TE, MIG GIS GZUGS MTHONG BAS YID BDE BA'I GNAS LA MNGON PAR ZHEN NO ZHES PA LA SOGS PA'O, ,SMRAS PA, GAL TE MIG RANG GI BDAG NYID MTHONG NA GZUGS 'DZIN PAR 'GYUR LA, MTHONG BA NI MA YIN TE, GAL TE MIG GIS BDAG MTHONG MIN, ,DES GZUGS MTHONG BA JI LTAR 'GYUR, ,DE PHYIR MIG DANG GZUGS BDAG MED, ,DE BZHIN SKYE MCHED LHAG MA RNAMS, ,GAL TE MIG GIS BDAG NYID MI MTHONG LA, DE'I TSE RANG GI BDAG NYID MA MTHONG BAS BONG BA LA SOGS PA BZHIN DU GZUGS KYANG MI MTHONG LA, DE NI BONG BA LA SOGS PA BZHIN PAS MIG NYID DU MI 'GYUR RO ZHES SGRUB PAR BYED NA DE, ,DE PHYIR MIG BDAG MED CES PA LA, GANG GI PHYIR MIG GIS GZUGS MI MTHONG BA DE'I PHYIR RANG BZHIN MED DO, ,MIG MED NA MIG DANG DE LA BRTEN PA'I MIG GI BLO MED PAS GZUNG BA MED PA'I PHYIR, GZUGS NI SHIN TU YANG RANG BZHIN MED DO, ,JI LTAR MIG DANG GZUGS KYI SKYE MCHED DAG RANG BZHIN MED PA NYID LTAR, DE BZHIN SKYE MCHED LHAG MA RNAMS NI, SKYE MCHED THAMS CAD MIG DANG GZUGS BZHIN DU RANG BZHIN YIN PAR KHONG DU CHUD PAR BYA'O ZHES BYA BA'I DON TO, ,'DIR SMRAS PA, REG GI SKYE MCHED NYE BAR BSTAN PA'I PHYIR MIG YOD PA NYID DE, 'DIR REG GI SKYE MCHED DRUG PA 'DI LTA STE, MIG GI REG PA'I SKYE MCHED NAS, JI SRID YID KYI REG PA'I SKYE MCHED KYI @326A *, ,BAR DU ZHES SO, ,DE LA REG PA ZHES BRJOD PA NI DBANG PO DANG YUL DANG SHES PA RNAM GSUM 'DUS PA'I MTSAN NYID CAN, TSOR BA'I RGYU SEMS LAS BYUNG BA'I CHOS LA, DE LA REG PA'I SKYE MCHED NI REG PA SKYE BA'I SGO'I DNGOS POR RNAM PAR GNAS PAS REG PA'I SKYE MCHED DE, MIG GI REG PA'I SKYE MCHED NAS JI SRID YID KYI REG PA'I SKYE MCHED KYI BAR DU RIG PAR BYA'O, ,GAL TE MIG MED NA DE'I REG PA'I SKYE MCHED NYE BAR MI STON LA, DE YANG NYE BAR BSTAN PAS DE'I PHYIR REG GI SKYE MCHED NYE BAR BSTAN PAS NA MIG YOD PA NYID DO ZHE NA; SMRAS PA, SKYE MCHED RNAMS YOD NA REG GI SKYE MCHED CES BYA BAR 'GYUR NA, DE LTA NA YANG SKYE MCHED RNAMS MA GRUB STE, JI LTAR BYAS NA GANG GI PHYIR ZHES GSUNGS PA, GANG TSE GCIG DANG REG LDAN GCIG ,DE TSE CIG SHOS STONG PA NYID, ,STONG PA'ANG MI STONG MI BRTEN LA, ,MI STONG PA YANG STONG PA MIN, ,SEMS CAN RNAMS KYI RNAM PAR SHES PA RGYUD GCIG GI PHYIR RNAM PAR SHES PA GCIG GI RGYUD NYID LA NYE BAR 'BYUNG LA, DE YANG MIG GI RNAM PAR SHES PA LA NYE BA NA, MIG GCIG NYID REG PA DANG LHAN CIG GYUR PAR 'BYUNG BAS REG LDAN GCIG STE, REG DANG 'BREL PAS ZHES BYA BA'I DON TO, ,GANG GI TSE GCIG REG DANG LHAN CIG GNAS PA NA DE'I TSE CIG SHOS RNA BA LA SOGS PA'I REG GI SKYE MCHED RNAMS STONG PA REG GI SKYE MCHED KYI RANG BZHIN DANG BRAL BA ZHES BYA BA'I DON TO, ,YANG 'DI SNYAM DU SEMS NA, GAL TE YANG DE'I GNAS SKABS NAS RANG GI RNAM PAR SHES PA STONG PA'I RNA BA LA SOGS PA REG GI SKYE MCHED KYI RANG BZHIN DANG BRAL BA YOD PA'I RNA BA LA SOGS PA DE DAG KYANG RANG GI RNAM SHES MNGON DU GYUR PA NA REG GI SKYE MCHED KYI RANG BZHIN GYIS MI STONG PAR 'GYUR RO ZHE NA, SMRAS PA, STONG PA 'AM MI STONG MI BRTEN LA, ,GANG LAS GANG GI RANG BZHIN DANG BCAS PAR MI RUNG STE, 'DI LTA STE GANG SRA BA'I RANG BZHIN DANG BRAL BA NAM YANG SRA BA'I RANG BZHIN DANG LDAN PA MA YIN LA, DE BZHIN DU RNA BA LA SOGS PA @326B YANG NAM YANG REG GI SKYE MCHED MI 'BYUNG LA, MIG KYANG RTAG PA NYID DU REG GI SKYE MCHED CAN DU 'GYUR TE, GANG GI PHYIR MI STONG PA YANG STONG PA MA YIN TE, GANG MI STONG PA'I RANG BZHIN DE NI STONG PA NYID MI BRTEN LA, DA LTAR BA ME DRO BA'I MTSAN NYID DANG LDAN PA DE NYID DES STONG PA MI BRTEN NO; ,YANG NA RANG BZHIN GYIS MI 'GYUR BA'I PHYIR STONG PA YANG MI STONG PA MI BRTEN LA, MI STONG PA YANG STONG PA MIN, ,DE'I PHYIR GANG ZHIG REG GI SKYE MCHED KYI RANG BZHIN YIN NA, DE NI REG GI SKYE MCHED KYI RANG BZHIN NYID THOB PA'AM, GANG ZHIG REG GI SKYE MCHED KYI RANG BZHIN MA YIN PA NYID THOB PA DE YANG MI 'THAD DO ZHES BYA'O, ,DE'I PHYIR REG GI SKYE MCHED MED DO, ,'DIR SMRAS PA, GAL TE REG GI SKYE MCHED MED KYANG DE LTA NA YANG RE ZHIG REG PA YOD DE, GSUM 'DUS PA'I MTSAN NYID PAS, DE YOD NA REG GI SKYE MCHED KYANG 'BYUNG BAR 'GYUR RO ZHE NA, SMRAS PA, GAL TE REG PA NYID YOD NA REG PA'I SKYE MCHED YOD DE, DE YOD PA MA YIN LA, JI LTAR YANG MED PA DE LTAR SGRUB PAR BYED PA GSUNGS PA, NGO BO MI GNAS YOD MIN PAS, ,GSUM 'DUS PA YANG YOD MA YIN, ,DE YI BDAG NYID REG MED PAS, ,DE TSE TSOR BA YOD MA YIN, ,GNAS PA'I RANG BZHIN CAN GYI DNGOS PO RNAMS LAS PHAN TSUN 'DUS PA 'BYUNG SRID LA, MI GNAS PA'I RANG BZHIN CAN GYI DBANG PO DANG YUL DANG RNAM PAR SHES PA RNAMS LA MA YIN TE, SKYES MA THAG TU 'JIG PA'I PHYIR MI GNAS PA'I NGO BO LA, MI GNAS PA'I NGO BO'I PHYIR YANG SKYES MA THAG TU 'JIG PA NYID KYIS NI 'DU BA'I DUS KYI BAR DU MED PA'I PHYIR, 'DI DAG PHRAD PA GA LA ZHIG ,CES BSGRUBS PAS, NGO BOS MI GNAS PA'I NGO BO LA GSUM 'DUS PA YOD PA MA YIN NO ZHES BYA'O, ,GANG GI TSE MED PA DE'I TSE 'DU BA MED PAS; DE'I BDAG NYID KYI REG PA MED DE, GSUM 'DUS PA'I RANG BZHIN GYI REG PA MED DO ZHES PA'I DON TO, ,'DIR SMRAS PA, REG PA YOD PA NYID DE, DE'I 'BRAS BU TSOR BA YOD PA'I PHYIR RO, ,'DIR REG PA'I RKYEN GYIS TSOR BA NYE BAR DMIGS LA, DE YOD PAS DE'I @327A *, ,RGYU REG PA 'BYUNG BAR 'GYUR RO ZHE NA, SMRAS PA, GAL TE TSOR BA NYID YOD NA REG PA YOD LA YOD PA MA YIN NO ZHES BSGRUB PA'I PHYIR GSUNGS PA, DE TSE TSOR BA YOD MA YIN, ,ZHES PA LA, GAL TE REG PA YOD NA DE'I TSE REG PA'I RGYU CAN TSOR BA YOD LA; GANG GI TSE REG PA NYID MED NA DE'I TSE RGYU MED PA'I TSOR BA GA LAS 'BYUNG, TSOR BA MED PA'I PHYIR YANG REG PA MED DO ZHES GRUB PO, ,'DIR SMRAS PA, GAL TE YANG KHYOD KYIS, DE'I PHYIR MIG DANG GZUGS BDAG MED, ,DE BZHIN SKYE MCHED LHAG MA RNAMS, ,SHES PAS SKYE MCHED DGAG PA DE LTAR SMRAS LA, DE LTA NA YANG RNAM PAR SHES PA'I KHAMS DRUG MA BKAG PA'I PHYIR YOD LA, DE YOD PAS DE'I RTEN DANG DMIGS PA'I SKYE MCHED KYANG 'BYUNG BAR 'GYUR RO ZHE NA, SMRAS PA, GAL TE RNAM PAR SHES PA NYID YOD NA SKYE MCHED RNAMS YOD LA YOD PA MA YIN NO ZHES BSTAN PA'I PHYIR GSUNGS PA, NANG DANG PHYI YI SKYE MCHED LA, ,BRTEN NAS RNAM PAR SHES PA 'BYUNG, ,DE PHYIR RNAM PAR SHES PA MED, ,SMIG RGYU SGYU MA LTA BUR STONG, ,GAL TE RNAM PAR SHES PA RANG BZHIN GYIS YOD NA, DE NI NANG DANG PHYI'I SKYE MCHED LA BRTEN NAS 'BYUNG BAR MI 'GYUR TE, DA LTAR BZHIN DU RNAM PAR SHES PA YOD PA NYID DU GNAS PAS BRTEN NAS 'BYUNG BAR YANG MI 'GYUR RO, ,RGYU DANG RKYEN LAS SKYES PAR 'GYUR BA'I PHYIR, ,NGES PAR RNAM PAR SHES PA DE MED DE, ,RANG BZHIN GYIS YOD PA MA YIN PA'I PHYIR RO,, GAL TE DE LTAR RNAM PAR SHES PA MED NA, DE BZHIN DU DE LTA YOD PA MA YIN PA'I PHYIR, 'DI NI DMIGS PAR MI 'GYUR RO ZHES GSUNGS PA, SMIG RGYU SGYU MA LTA BUR STONG, ,ZHES PA LA, SGYU MA DANG SMIG RGYU BZHIN DU RANG BZHIN GYIS STONG PA'I RNAM PAR SHES PA YANG 'JIG RTEN PAS NYE BAR DMIGS LA, DE TZAM ZHIG KYANG 'DI'I RANG BZHIN MA YIN PA NYID DO, ,'DIR SMRAS PA, YUL YONGS SU GCOD PA YOD PAS RNAM PAR SHES PA YOD PA NYID DO, ,GAL TE RNAM PAR YUL YONGS SU GCOD PA PO YOD NA DE LTAR YOD LA, YOD PA YANG MA YIN NO ZHES BSGRUB @327B PA'I PHYIR GSUNGS PA, RNAM SHES SHES BYA LA BRTEN NAS, ,'BYUNG BA SHES BYA YOD MA YIN, ,SHES BYA SHES PA MED PA'I PHYIR, ,DE PHYIR SHES PA PO NYID MED, ,'DIR 'DI'I RNAM PAR SHES PA DMIGS PA MED PAR MI 'BYUNG BAS SHES BYA LA LTOS LA, GANG GI PHYIR DE LTAR RNAM PAR SHES PA DANG, SHES BYA DAG LA BRTEN NAS 'BYUNG BAS NGO BO NYID KYIS MA GRUB PAS, DE'I PHYIR SHES BYA MED LA, SHES BYA MED PAR GYUR NA DMIGS PA MED PAR RNAM PAR SHES PA GA LA 'BYUNG ZHES BYA STE, RNAM PAR SHES PA MED PAS RNAM SHES NI, ,SMIG RGYU SGYU MA BZHIN DU STONG, ,ZHES GNAS SO, ,'DIR SMRAS PA, RNAM PAR SHES PA NI YOD PA NYID DE, SHES BYA DANG SHES PA PO YOD PA'I PHYIR RO, ,'DIR RE ZHIG RNAM PAR SHES SO ZHES PAS RNAM PAR SHES PA PO YOD DE, PHUNG PO LA BRTEN NAS BRTAGS PA'I GANG ZAG BYED PA POR GYUR PA'O, ,DE GANG GIS RNAM PAR SHES SO ZHES DE NI 'DI'I BYED PA YIN LA, GANG ZHIG RNAM PAR SHES SO ZHES DE NI 'DI'I LAS SO, ,BYED PA DANG LAS MED PAR BYED PA PO YOD PAR RIGS PA MA YIN NO ZHES BYA STE, DES NA BYED PA PO YOD PAS NA, DE BZHIN DU SHES BYA DANG SHES PA PO YOD DO ZHES BYA'O, ,SMRAS PA, GAL TE SHES PA PO NYID YOD NA, RNAM PAR SHES PA DANG SHES BYA YOD PAR 'GYUR NA, GANG JI SRID DU RNAM PAR SHES PA DANG SHES BYA DAG MED PAS LAS DANG BYED PA DANG BRAL BA'I PHYIR, BYED PA PO NYID 'GA' YANG GA LA ZHIG CES BSGRUB PA'I PHYIR GSUNGS PA, SHES BYA SHES PA MED PA'I PHYIR, ,DE PHYIR SHES PA PO NYID MED, ,CES PAS, SHES PA PO MED PAS SHES PA DANG SHES BYA MED DO ZHES GRUB PO, ,'DIR SMRAS PA, PHYI ROL DANG NANG GI SKYE MCHED DAG YOD PA NYID DE, DE DAG MI RTAG PAR NYE BAR BSTAN PA'I BCOM LDAN 'DAS KYIS GSUNGS PA, 'DUS BYAS THAMS CAD MI RTAG PA'O ZHES SO, ,GAL TE NA YANG NAD DANG PHYI ROL GYI BDAG NYID KYI SKYE MCHED MED NA, DE'I TSE CI GAL TE THAMS CAD MI RTAG PAR 'GYUR ZHES BYA, DE'I PHYIR MI RTAG PA NYID BSTAN PAS @328A *, ,DNGOS PO THAMS CAD GRUB PO ZHE NA, SMRAS PA, BCOM LDAN 'DAS KYIS GSUNGS TE, THAMS CAD MI RTAG CUNG ZAD KYANG, ,MI RTAG MED LA YANG NA RTAG ,DNGOS PO YOD NA RTAG PA DANG, ,MI RTAG PAR 'GYUR DE GA LA, ,DE LA BCOM LDAN 'DAS KYIS GANG 'DI SKAD DU THAMS CAD MI RTAG GO ZHES GSUNGS ZHES BYA'O, ,DE RNAM PAR 'JIG PA'I DNGOS PO'I RANG GI MTSAN NYID MTHONG BA MIN LA, 'ON KYANG DNGOS PO RNAMS KYI RANG BZHIN MA GZIGS LA, DNGOS PO THAMS CAD KYI RANG BZHIN MA GZIGS PAS SNYING PO MED PA NYID GSAL BAR BYED PA LA LTOS NAS, BCOM LDAN 'DAS KYIS GSUNGS PA 'DI NI RANG BZHIN LA LOG PAR RTOGS PA DGAG PA'I DON DU'O, ,DON DAM PAR NI RNAM PAR DPYAD NA MI RTAG PA CUNG ZAD KYANG MED DO, ,YANG RTAG PA'O, ,'DI DAG GNYI GA YANG DON DAM PAR MA GRUB PO ZHES DGONGS SO, ,CI'I PHYIR SLAR YANG 'DI DAG GNYI GA MA GRUB CE NA, SMRAS PA, GANG GI PHYIR DNGOS POR YOD NA RTAG PA'AM MI RTAG PAR 'GYUR NA, DNGOS PO DE GA LA ZHIG GO STE, JI SKAD DU SMOS PA'I RIGS PAS DNGOS PO MED PAR BSGRUB PA'I PHYIR DNGOS PO DE GA LA ZHIG PA'O; ,DNGOS PO DE MED DO ZHES BYA BA'I DON TO, ,DNGOS PO MED PAR GYUR PA LA RTAG PA NYID DAM MI RTAG PA NYID GA LA ZHIG ,DE'I PHYIR DNGOS PO RNAMS SNYING PO MED PA NYID DU GSAL BAR BYED PA LA LTOS NAS 'DI DAG GSUNGS PA NYID LA RANG BZHIN MED PA GSAL BAR BYED PA YIN NO ZHES BYA STE, RNAM PA THAMS CAD DU TSIG 'DI DAG GIS RANG BZHIN GSAL BAR SGRUB PAR BYED PA MA YIN NO, ,JI LTAR YANG DNGOS PO MED PAS RTAG PA DANG MI RTAG PA'I LOG PAR RTOG PA 'BYUNG BA MI SRID PAS, DE BZHIN DU SDUG PA DANG MI SDUG PA DAG GI PHYIN CI LOG KYANG DNGOS PO RNAMS KYI RANG BZHIN MED PAR GYUR PAS 'BYUNG MI SRID LA, DE MED PAS SDUG PA DANG MI SDUG PA'I PHYIN CI LOG GI RGYU CAN GYI 'DOD CHAGS DANG ZHE SDANG DANG GTI MUG KYANG MI RIGS SO ZHES BSGRUB PA'I PHYIR GSUNGS PA, SDUG DANG MI SDUG PHYIN CI LOG , @328B RKYEN SKYES CHAGS SDANG GTI MUG STE, ,DE PHYIR NGO BOS 'DOD CHAGS DANG, ,ZHE SDANG GTI MUG YOD MA YIN, ,DE LA SDUG PA ZHES BRJOD PA YID DANG MTHUN PA'I PHYIN CI LOG PAS MI SDUG PA'O, ,PHYIN CI LOG KYANG RTAG PA BDAG MED PA GTZANG BA'O ZHES SO, ,DE LA SDUG PA LA BRTEN NAS 'DOD CHAGS 'BYUNG, MI SDUG PA LA BRTEN NAS ZHE SDANG 'BYUNG ZHING, PHYIN CI LOG LA BRTEN NAS GTI MUG 'BYUNG NGO, ,DNGOS PO'I RANG BZHIN YOD NA DE LA SDUG PA LA SOGS PAR RAM, RTAG PA LA SOGS PA NYID DU RTOG PA LAS 'DOD CHAGS LA SOGS PAR 'GYUR NA, DNGOS PO RNAMS KYI RANG BZHIN MED PAS SDUG PA LA SOGS PA MED PA'I PHYIR, DE'I RGYU CAN GYI 'DOD CHAGS DANG ZHE SDANG DANG GTI MUG KYANG YOD PA MA YIN LA, DNGOS PO'I RANG BZHIN MED PA 'BA' ZHIG TU MA ZAD KYI SDUG PA LA SOGS PA MI SRID PAS 'DOD CHAGS LA SOGS PA MI RIGS SO, ,'DI LTAR YANG SDUG PA LA SOGS PA MI SRID PAS MI RUNG NGO ZHES BSGRUB PA'I PHYIR GSUNGS PA, GANG PHYIR DE NYID LA CHAGS SHING, ,DE LA ZHE SDANG DE LA RMONGS, ,DE PHYIR RNAM PAR RTOG PAS BSKYED, ,RNAM RTOG DE YANG DE NYID MED, ,'DIR SDUG PA ZHES BYA BA NGO BO NYID KYIS MED DE, RGYU MTSAN CI'I PHYIR NA, GANG GI PHYIR GANG ZHIG KHO NA KHA DOG DANG DBYIBS GZHON SHA CAN LA SOGS PA DANG LDAN PA'I DNGOS POR GYUR PA GANG CI YANG RUNG BA LA 'DOD CHAGS CAN 'GA' ZHIG SHIN TU YID DU 'ONG BAR GYUR PA LA SDUG PA'I RNAM PAR BRJOD LA, DE NYID LA ZHE SDANG CAN 'GA' ZHIG GIS MI SDUG PAR BRJOD DE, 'DI LTA STE CHUNG MA GNYIS KYI GZUGS LA, CHUNG MA DAG ZHE SDANG BA LTA BU STE, GANG KHO NA LA KHYO SHIN TU CHAGS PA DE NYID LA CHUNG MA DAG ZHE SDANG BAR 'GYUR LA, DE'I RANG BZHIN YONGS SU MA SHES PAS DE LA 'GA' ZHIG RMONGS PAR 'GYUR RO, ,DNGOS PO GCIG NYID SKAD CIG LA PHAN TSUN DU 'GAL BA'I DON DE DAG MI SRID DO, ,DES NA DNGOS PO GCIG LA RANG BZHIN GSUM MI SRID LA, RNAM PAR RTOG PAS DE'I PHAN TSUN THA DAD PAR RUNG NGO, ,YANG NA 'DI SUM DU SEMS NA, GAL TE @329A *, ,YANG DNGOS PO RNAM PA GSUM GCIG NYID DU MI 'GYUR LA, DE LTA NA YANG DE'I RNAM PAR RTOG PA RE ZHIG YOD LA, DES NA DE YOD PAS DE LAS SKYES PA'I 'DOD CHAGS LA SOGS PA 'BYUNG BAR 'GYUR RO ZHE NA, SMRAS PA, RNAM RTOG DE YANG DE KHO NA NYID DU MA YIN TE, LOG PA'I RNAM PAR BSKYED PA RNAMS LA BDEN PA'I RANG BZHIN MI SRID PA DANG RTEN CING 'BREL PAR 'BYUNG BA'I PHYIR YANG RNAM PAR RTOG PA YANG DE KHO NA NYID DU MED DO, ,DE MED NA DE LAS SKYES PA'I 'DOD CHAGS LA SOGS PA YANG MED DO ZHES GRUB BO,, ,,'DI LTAR YANG RNAM PAR RTOG PA DE KHO NA NYID DU MED PA STE, GANG GI PHYIR, RTOG BYA MED NA RNAM RTOG GANG, ,DE MED RNAM RTOG GA LA ZHIG ,DE PHYIR RTOG BYA RKYEN SKYE PHYIR, ,STONG YIN RNAM PAR RTOG PA YANG, ,GAL TE RNAM PAR RTOG PAR BYA BA'I DNGOS PO CUNG ZAD YOD NA DE LA RTOG PAR BYED PA RNAM PAR RTOG PA SKYE LA, DE YANG DNGOS PO RTEN CING 'BREL PAR 'BYUNG BA'I PHYIR NGO BO NYID KYIS STONG LA, DES NA DE LA RNAM PAR RTOG BYA MED NA RNAM RTOG MED DO ZHES BYA STE, STONG YIN RNAM PAR RTOG PA YANG, ,GAL TE RNAM PAR RTOG PAR BYA BA'I RANG BZHIN STONG PA'O, ,DE LAS DNGOS PO GANG YANG RUNG BA'I RANG BZHIN MI DMIGS PAS, RNAM PAR RTOG BYA DANG RTOG PA DAG TU YONGS SU MI RTOG PA'I PHYIR DE KHO NA NYID RTOG PAR 'GYUR RO, ,DE LAS KYANG DE NYID RTOG PAS PHYIN CI LOG BZHI LAS BYUNG BA'I MA RIG MED, DE MED 'DU BYED 'BYUNG BA NI, ,SRID MIN DE BZHIN LHAG MA RNAMS, , DE KHO NA NYID MTHONG BA NI PHYIN CI MA LOG PA STE, DE KHO NA NYID DE MTHONG BA DE DANG 'GAL BA'I PHYIR PHYIN CI LOG RNAMS NGES PAR SPONG LA, DE SPANGS PAS PHYIN CI LOG LAS BYUNG BA'I MA RIG PA SPONG NGO, ,MA RIG PA SPANGS PAS MA RIG PA'I RKYEN GYIS 'DU BYED LDOG LA DA 'GAGS PAS SKYE BA'I RKYEN GYI RGAS PA DANG SHI BA LA SOGS PA'I BAR DU THAMS CAD LDOG GO, ,SLAR YANG JI LTAR MA RIG PA 'GAGS PAS 'DU BYED LA SOGS PA 'GAG CE NA, BSGRUB PA'I PHYIR GSUNGS PA, GANG LA GANG RTEN SKYE BA'I DNGOS, ,DE DE MED PAS DE MI SKYE, ,DNGOS DANG DNGOS MED @329B 'DUS MA BYAS, ,'DUS BYAS ZHI BAS MYA NGAN 'DAS, ,GANG ZHIG MA RIG PA ZHES BYA BA'I RGYU LA BRTEN NAS 'DU BYED CES BYA BA'I 'BRAS BU GANG ZHIG SKYE, 'DU BYED CES BYA BA'I 'BRAS BU DE'I RGYU MA RIG PA ZHES BYA BA MED NA MI 'BYUNG NGO ZHES BYA STE, DE LTAR MA RIG PA LA SOGS PA MED NA 'DU BYED LA SOGS PA SRID PA MA YIN NO, ,GANG GI TSE 'DI LTAR MA RIG PA LA SOGS PA 'JUG PA MED NA DE'I TSE DNGOS PO MED LA, DNGOS PO MED NA DE YANG LOG PA'I RANG BZHIN DNGOS PO MED PA YANG MED DO ZHES BYA STE, GANG YANG DNGOS PO DANG DNGOS PO MED PA DAG MED NA YANG; DNGOS PO'I TSUL GYIS 'DUS BYAS DANG DNGOS PO MED PA'I TSUL GYIS 'DUS MA BYAS MED DO ZHES BYA STE, DNGOS DANG DNGOS MED DANG 'DUS BYAS DANG 'DUS MA BYAS DAG ZHI BA'O, ,ZHI BA NI MI 'JUG PA LA, DE NYID MYA NGAN LAS 'DAS PA'O, ,SLAR YANG 'DUS MA BYAS KYI TSUL MYA NGAN LAS 'DAS PA YANG MA YIN TE, 'DUS MA BYAS SU RTOG PA 'JUG PAR THAL BAS SO, ,'DIR SMRAS PA, GANG SMOS PA'I DE KHO NA NYID RTOGS PAS PHYIN CI LOG BZHI LAS BYUNG BA'I MA RIG PA MI 'BYUNG NGO ZHES PAS, SLAR YANG CI MA RIG PA'I MTSAN NYID DANG, DMIGS PA NI CI ZHIG GANG LAS DE KHO NA MTHONG BA NA MI 'BYUNG NGO ZHE NA, MTSAN NYID DANG DMIGS PA DAG BSGRUB PAR 'DOD PAS GSUNGS PA, RGYU RKYEN LAS SKYES DNGOS PO RNAMS, ,DNGOS POR KHONG DU CHUD PA GANG, ,STON PAS MA RIG PAR GSUNGS LA, , DE LAS YAN LAG BCU GNYIS 'JUG ,RGYU DANG RKYEN LAS SKYES PA'I DNGOS PO NGO BO NYID KYIS MA SKYES BA LA, DE DAG LA GANG ZHIG RANG BZHIN DU RTOG PA DE LA MA RIG PAR BCOM LDAN 'DAS KYIS GSUNGS LA, YANG DAG PA JI LTA BAR GNAS PA'I RANG BZHIN MED PA MA RTOGS PA'I PHYIR, MA RTOGS PA LAS MA RIG PA ZHES BRJOD DO, ,DE YANG RANG BZHIN DU SGRO 'DOGS PA LA ZHUGS PA'I PHYIR DANG, RANG BZHIN LA DMIGS PAS DE KHO NA NYID YONGS SU MA SHES PA'I NGO BO'I PHYIR MI SHES PA'I RANG BZHIN LA, MA RIG PA DE LAS 'DU BYED LA @330A *, ,SOGS PA'I RTEN CING 'BREL PAR 'BYUNG BA'I YAN LAG BCU GNYIS 'JUG GO, ,YANG 'DI'I MA RIG PA SGRO BTAGS NAS 'JUG PA JI LTAR BZLOG PAR BYA ZHE NA, GSUNGS PA, DNGOS PO STONG PAR YANG DAG PAR, ,SHES NA RMONGS PA MI 'JUG LA, ,MA RIG LEGS PAR 'GAGS PA YIS, ,DE NAS YAN LAG BCU GNYIS 'GAG ,GANG LA RTEN CING 'BREL PAR 'BYUNG BA YANG DAG PAR SHES PA STE, YANG DAG PA JI LTA BA MTHONG BA DE NAM YANG CHOS RNAMS KYI RANG BZHIN DU SGRO MI 'DOGS LA, GANG GI TSE RANG BZHIN DU MI 'DOGS PA DE'I TSE 'DI'I MA RIG PA SPONG LA, MA RIG PA SPANGS PAS 'DU BYED KYANG MI SKYE LA, JI SRID DU SKYE BA MED PAS RGAS PA DANG 'CHI BA MI 'BYUNG BA'I BAR DU'O, ,DE LAS DNGOS PO DANG DNGOS PO MED PA DANG 'DUS BYAS DANG 'DUS MA BYAS ZHI BAS MYA NGAN LAS 'DAS PAR 'GYUR RO, ,SLAR YANG THAR PA 'DOD PAS MA RIG PA SPONG BAR 'DOD PA MA RIG PA SPONG BAR 'DOD PAS DNGOS PO 'DI DAG JI LTAR BLTA BAR BYA, SMRAS PA, THAR PA 'DOD PA RNAMS KYIS DE KHO NA NYID LA BLTA BAR BYA LA, DE KHO NA NYID KYANG DNGOS PO RNAMS KYI RANG BZHIN LA; DE YANG MA SKYES PA'O, ,DES NA THAR PA 'DOD PAS 'DI DAG LA DNGOS POR BLTA BAR MI BYA'O, ,'DIR SMRAS PA, 'O NA DE LTAR NA 'DI LTAR DNGOS PO THAMS CAD MA MTHONG NGO ZHES MI NUS TE, MIG MA NYAMS SHING MIG BYE BA DANG YUL PHUN SUM TSOGS PA SNANG BA DANG BCAS PA'I SNGON PO LA SOGS PA MI MTHONG BAR MI NUS SO, ,DE BZHIN DU RNA BA LA SOGS PA'I DBANG POS KYANG RANG GI YUL JI LTA BAR MI 'DZIN PAR MI NUS SO, ,SMRAS PA, GAL TE YANG DBANG PO LA LTOS NAS SNGON PO LA SOGS PA MNGON SUM LA, DE LTA NA YANG RIG PAS NYE BAR DPYAD PA LAS SKYES PA'I BLO'I MNGON SUM GANG ZHIG DE NYID 'DZIN PA'I DBANG PO'I MNGON SUM PAS GLENGS PA'I PHYIR RO, ,'DI LTAR RAB RIB CAN LA MI BDEN PA'I SKRA DANG SBRANG BU LA SOGS PA MNGON SUM DU SO SOR SNANG LA, DE DAG KYANG RIGS PA DANG @330B BCAS PA'I BLO'I MNGON SUM DU MED LA, DE NI BLO'I DBANG PO'I MNGON SUM DU YANG DE DAG GNAS PA MA YIN TE, RIGS PA'I RJES SU 'BRANG BA'I BLOS YANG DAG PA'I MNGON SUM NYID DU MNGON PAR RLOM PA GSAL BA'I PHYIR RO, ,GAL TE DE LTA NA YANG DNGOS PO DE DAG PHYIN CI LOG GI LAS LAS BYUNG BAS YANG DAG PA MA YIN PA'I DON YONGS SU GCOD PA DBANG PO DANG YUL GYI GNAS PAR YOD PAS MNGON SUM DU 'GYUR RO, ,DE LTA NA YANG RIGS PAS NYE BAR DPYOD PA LA ZHUGS PA'I BLOS DE DAG GI BLOS MNGON SUM NYID LDOG STE, DE NI STOBS CAN YIN PA'I PHYIR RO ZHES BYA STE, DES NA DNGOS PO RNAMS SU MNGON PAR ZHEN NAS 'DZIN PA'I PHYIR DANG, DE KHO NA 'JUG PA'I SGO'I PHYIR DPE'I PHRENG BA GSUNGS PA, DRI ZA'I GRONG KHYER SGYU MA DANG, ,SMIG RGYU DBU BA CHU BUR DANG, ,GZUGS BRNYAN SPRUL PA RMI LAM DANG, ,MGAL ME DANG MTSUNGS 'DU BYED RNAMS, ,JI LTAR DRI ZA'I GRONG KHYER LA SOGS PA'I DON TO, ,'DI DAG NYID RANG GI RGYU DANG RKYEN JI LTA BA LAS 'BYUNG NA YANG, GRONG KHYER LA SOGS PA'I RANG BZHIN GYIS STONG PA GRONG KHYER LA SOGS PA NYID DU SNANG LA, DE BZHIN DU 'DI LTAR GZUGS DANG TSOR BA LA SOGS PA'I DNGOS PO YANG GZUGS DANG TSOR BA LA SOGS PA'I RANG BZHIN GYIS STONG PA NYID SNANG BA LA, GZUGS DANG TSOR BA LA SOGS PA NYID DU SHES PAR BYA'O, ,YANG DPE GCIG NYID KYI RANG BZHIN MED PA NYID RTOGS PAR 'GYUR NA, DPE MANG PO NYID NYE BAR BSDUS PA LA DON MED DO ZHE NA, 'DI DAG DE LTAR MA YIN TE, RANG BZHIN MED PA'I DON LA 'KHOR BA THOG MA MED PA NAS MA GOMS PA'I 'JIG RTEN PA DE DAG DPE DU MAS 'JIG RTEN PA'I SEMS LA PHEBS PAS, DE KHO NA NYID LA NGES PA SKYED PAR 'GYUR RO, ,JI SKAD DU, RE ZHIG PHUNG PO MI GTZANG BA, RAGS PA MNGON SUM SPYOD YUL TE, ,RTAG TU MTHONG BAR GYUR NA YANG, ,GANG TSE SEMS NI MI GNAS PA, ,DE TSE SHIN TU PHRA ZHING ZAB, ,DAM CHOS 'DI NI GNAS MED PA, ,MNGON SUM MIN PA JI LTAR DU, ,SEMS LA BDE BLAG RTOGS PAR 'GYUR, ,ZHES @331A *, ,SO; ,DE'I SEMS LA BDE BLAG TU 'JUG PA'I PHYIR DPE MANG PO BSTAN PA NI RIGS PA NYID DO ZHES BYA'O, ,GZHAN YANG DPE MANG PO NYE BAR BKOD PAS 'GA' ZHIG 'GA' ZHIG LA SHIN TU NGES PAR 'GYUR RO ZHES BYA STE, DE LA DPE DES DE'I DON BDE BLAG TU BDAG NYID KYIS KHONG DU CHUD PAS DES NA DPE MANG PO NYE BAR BSDU BA RIGS PA NYID DO, ,YANG NA DNGOS POR 'DZIN PA THA DAD PAS DPE THA DAD PA'O, ,YUL DANG DUS NGES PAR 'DZIN PA LA, MED PA LA YUL DANG DUS NGES PAR 'DZIN PA MI RUNG ZHES BYA STE, DE LA LTOS NAS DRI ZA'I GRONG KHYER DPER BRJOD DO, ,GZHAN DBANG DU 'DZIN PA LA, MED PA LA RGYU GZHAN GYI DBANG LAS MA YIN NO ZHES BYA STE, DE LA LTOS NAS SGYU MA DPER BRJOD DO, ,LDOG PAR 'DZIN PA LA, MED PA LDOG PA MED DO ZHES BYA STE, DE LA LTOS NAS SMIG RGYU DPER BRJOD DO, ,DE YANG BYE BRAG MED PAR LDOG PA'O, ,SNYING PO MED PAR 'DZIN PA LA, ,SNYING PO MED PAS DE MED DO ZHES BYA STE, DE LA LTOS NAS DBU BA DPER BRJOD DO, ,GZHAN DANG GZHAN DU 'DZIN PA LA, MED PA LA GZHAN DANG GZHAN 'BYUNG BA MA YIN NO ZHES BYA STE, DE LA LTOS NAS CHU'I CHU BUR DPER BRJOD DO, ,KUN NAS SNANG BAR 'DZIN PA LA, ,MED PA LA KUN NAS SNANG BA MED DO ZHES BYA STE, DE LA LTOS NAS SPRUL PA DPER BRJOD DE, ,RNAM PA SNA TSOGS PAR 'DZIN PA LA, MED PA LA RNAM PA SNA TSOGS PA MED DO ZHES BYA STE, DE LA LTOS NAS RMI LAM DPER BRJOD DO, ,'JUG PAR 'DZIN PA LA, MED PA'I MYU GU LA SOGS PA LA 'JUG PA LA MI LTOS SO ZHES BYA STE, DE LA LTOS NAS MGAL MA'I 'KHOR LO DPER BRJOD DO, DE'I 'JUG PA'I SA BON MGAL MA YIN PA'I PHYIR RO ZHES BYA'O, ,DE LTAR DE DAG 'DAS MA THAG PA'I TSIGS SU BCAD PA DRUG CU RTZA BZHIS RTEN CING 'BREL BAR 'BYUNG BA JI LTA BAR GNAS PA'I RANG BZHIN BSGRUBS NAS, DE LAS GZHAN PA'I TSIGS SU BCAD PA GNYIS KYIS DON 'DI NYID DE BZHIN GSHEGS PAS GSUNGS PA'I RTEN CING 'BREL PAR 'BYUNG BA PHYIN CI MA @331B LOG PAR BSHAD PAS, DES NA SHIN TU YANG DE DANG 'BREL PAR BSGRUB PAR BYA'O, ,DE LTAR GYUR NA LEGS PAR NYAN PA RNAMS DON 'DI LA SHIN TU NGES BSKYE BAR 'GYUR TE, DNGOS KUN RANG BZHIN STONG PAS NA, ,RTEN CING 'BREL PAR 'BYUNG BA 'DI, ,DE BZHIN GSHEGS PA MTSUNGS MED KYIS, ,DNGOS PO RNAMS NI NYE BAR BSTAN, ,DRI ZA'I GRONG KHYER LA SOGS PA DANG 'DRA BAR 'DU BYED RNAMS NGO BO NYID KYIS MA GRUB BO ZHES NYE BAR BSTAN PA'I DON DU 'DI DAG NI RTEN CING 'BREL PAR 'BYUNG BA'O ZHES GSUNGS SO, MTSUNGS MED KYIS ZHES PA, 'JIG RTEN GYI KHAMS GCIG TU BRTZAMS NAS 'JIG RTEN GYI KHAMS GZHAN NA YANG DE BZHIN GSHEGS PA 'DRA BA'I DE BZHIN GSHEGS PA YOD PA MA YIN NO, ,YANG NA SH'AKYA THUB PA GOO TA MA'O ZHES SMRA NA BRTZAD PA 'DI DAG TU 'GYUR TE, DE BZHIN GSHEGS PA'I SGRA 'DI NI YANG DAG PA JI LTA BAR STON PA'I YON TAN LA BRTEN NAS 'JUG LA, DE YANG SANGS RGYAS THAMS CAD LA THUN MONG DU GRUB BO ZHES BYA STE, DE BZHIN GSHEGS PA THAMS CAD NI MTSUNGS MED CES BYA'O, ,LHAG MA BSHAD ZIN TO, ,DE NI DRI ZA'I GRONG KHYER LA SOGS PA 'DI DAG GI RANG BZHIN MED PA'I DON DANG, RTEN CING 'BREL PAR 'BYUNG BA'I DON NI DAM PA NYID DU NYE BAR MTSON PAR GSUNGS PA, 'DI TZAM RE ZHIG DON DAM STE, ,ZHES PA LA DNGOS POR RTOG PA THAMS CAD JI LTA BA'I DON MA YIN PA'I PHYIR, 'DI NI RE ZHIG CES PA NGES PAR GZUNG BA STE; NYE BAR BSGRUBS PA'I CHOS THAMS CAD RANG BZHIN MED PA NYID DO, ,STONG PA NYID DE LA JI SRID DU DNGOS POR MNGON PAR ZHEN PA THAMS CAD 'DIR PHYIN CI LOG PAS 'KHRUL PA STE, 'KHRUL PA YANG DON DAM PA YIN PAR NI MI RIGS SO, ,'DI NYID YOD PA DANG MED PAS MA BSDUS PAS SKYON GYIS RNAM PAR DPEN PA, RTEN CING 'BREL PAR 'BYUNG BA GSUNGS PA LAS DBU MA KHONG DU CHUD PA NI DON DAM PA NYID DO ZHES GSUNGS PA, 'DI TZAM RE ZHIG DON DAM STE, ,'JIG RTEN THA SNYAD LA BRTEN NAS, ,SNA TSOGS THAMS CAD BCOM LDAN 'DAS,, @332A *, ,SANGS RGYAS BDEN PAR GDAGS PA MDZAD, ,CES PA LA JI LTAR RMI LAM MTHONG BA 'GA' ZHIG GI RMI LAM RMIS PA'I SEMS 'GA' ZHIG RNAM PAR SHES NAS DE NI BDEN PAR SMRA'O ZHES BRJOD CING, DE RING RMI LAM DU MAS MGO LA'O BYAS SHING PHAS SO SOR BSNGAGS PA BRJOD, SKYED MOS TSAL BTZONGS NAS STONG PHRAG GCIG BRAM ZE LA BYIN PA DANG, BSKOR BA BYED PA MTHONG ZHES SO, ,DE BZHIN DU BCOM LDAN 'DAS KYIS BYIN PAS MNGON PAR ZHEN PA LTAR SKYE BA DANG GNAS PA DANG 'JIG PA LA SOGS PA'I DBYE BA THA DAD DANG DNGOS PO THAMS CAD MED PAR THA SNYAD KYIS GSUNGS PAR 'GYUR RO, ,DE LA RMI LAM DU MTHONG BA'I MA LA SOGS PA NYID LA BDEN PAR MNGON PAR 'DOD PA DE'I NGO BO RIGS PA MA YIN NO, ,DE BZHIN DU BYIS PA PHYIN CI LOG PA RNAMS KYIS SKYE BA DANG GNAS PA DANG 'JIG PA LA SOGS PA MNGON PAR BRJOD KYI SANGS RGYAS RNAMS LA NI MA YIN NO, ,LHAG MA BSHAD ZIN TO, ,MYA NGAN LAS 'DAS PA DANG MTSUNGS PAR CHOS THAMS CAD RANG BZHIN MED PA LA GNAS PA'I SANGS RGYAS BCOM LDAN 'DAS SO ZHES BYA STE, SPROS PA GA LA ZHIG ,JI SKAD DU MDO LAS, TSE DANG LDAN PA KUN DGA' BO REG PA'I SKYE MCHED DRUG PO ZAD PA DANG, 'DOD CHAGS DANG BRAL BA DANG, 'GAGS PA DANG, NYE BAR ZHI BA DANG, NUB PAR GYUR PA 'DI LAS GZHAN PA'I SPROS PAS SPROS PAR BYED PA YOD DAM ZHES PA DANG, YOD PA DANG MED PA ZHES PA'I SPROS PAS SPROS PAR BYED DAM ZHES PA NAS, TSE DANG LDAN PA KUN DGA' BO SKYE MCHED DRUG NI SPROS PA'O, ,SKYE MCHED DRUG 'GAG PA LAS SPROS PA MED PA'O ZHES PA'I BAR DU MYA NGAN LAS 'DAS PA BCOM LDAN 'DAS KYIS GSUNGS SO, ,DE BZHIN GSHEGS PA'I YE SHES KYI DBANG GIS NA DON DAM PA'O, ,'JIG RTEN PA'I SHES PA'I DBANG GIS KYANG KUN RDZOB BO ZHES GNAS SO, ,DE NYID KYIS NA, 'JIG RTEN PA YI CHOS BSTAN MI NYAMS SHING, ,YANG DAG NYID DU NAM YANG CHOS BSTAN MED, ,DE BZHIN GSHEGS PAS GSUNGS PA MA RIG PAS, , @332B DES NA DRI MED BRJOD PA 'DI LA SKRAG ,DES NA SKRAG CES PA LA, DES NA'I SGRA NI JI SKAD DU SMOS PA'I RIGS PA DANG LUNG GIS DPYAD PA RNAMS TE, 'JIG RTEN PA'I THOG MAR BLTA BAR BYA STE, DES NA 'JIG RTEN PA'I ZHES BYA STE, 'DIR TSIGS SU BCAD PA SDEBS PA'I NGOR 'JUG PAS RIM PA 'CHOL BAR BLTA BAR BYA'O, ,DES NA 'DI'I DON KYANG GANG GI PHYIR JI SKAD DU SMOS PA'I RTEN CING 'BREL PAR 'BYUNG BA BSHAD PAR, BRDZUN PA SLU BA'I CHOS CAN TZAM BYIS PA'I SKYE BO'I BLO'I SPYOD YUL, RMI LAM DANG SGYU MA DANG DRI ZA'I GRONG KHYER GYI RNAM PA CAN DE'I RANG BZHIN GYI LAS KYI 'BRAS BU KUN NAS NYON MONGS PA CAN DANG RNAM PAR BYANG BA 'CHING BA DANG GROL BA'I RGYU MTSAN 'JIG RTEN PA'I THA SNYAD DU YOD PA NYID DU 'DOD PA DES NA DE'I PHYIR, 'JIG RTEN PA YI CHOS BSTAN MI NYAMS SHING, THA SNYAD PA NYID LA JI LTA BA'I DON YIN PA'I PHYIR JI LTAR GNAS PA PHYIN CI MA LOG PAR 'JIG RTEN PA'I DNGOS PO RNAMS KYI DE KHO NA NYID BRJOD LA, DE NYID BRJOD BYA LAS RIM GYIS DE KHO NA NYID LA 'JUG PA'I RGYU'I PHYIR YANG, 'JIG RTEN PA YI CHOS BSTAN MI NYAMS SHING NGO, ,'JIG RTEN PA'I CHOS BSTAN PA YANG DNGOS PO GANG CUNG ZAD KYI RANG BZHIN KHAS MA BLANGS PAS, STON PA DANG BSTAN BYA DANG STON PA PO RNAMS RANG BZHIN GYIS MA GRUB PA'I PHYIR, YANG DAG NYID DU NAM YANG CHOS BSTAN MED, ,DE BZHIN GSHEGS PAS CHOS 'GA' ZHIG YANG DAG PAR DMIGS NAS NYE BAR STON PAR MI 'GYUR LA; DES NA CHOS THAMS CAD KYI RANG BZHIN YONGS SU MI RTOG PAS 'DI NI BDEN NO ZHES PAR MNGON PAR ZHEN PA YONGS SU BTANG NAS GNAS PA'I RNAL 'BYOR PA NGES PAR MYA NGAN LAS 'DAS PA LA GZHOL BAR 'GYUR RO, ,DE LTAR NA 'DI NI BDEN PA GNYIS LA BRTEN NAS LAS YOD PA'I PHYIR DANG RTOG PA MED PA'I PHYIR RNAL 'BYOR PA RNAMS KYI MYA NGAN LAS 'DAS PA GRUB PA YANG CUNG ZAD KYANG MI NYAMS LA, GROL BA YANG BDE BLAG KHO NAR MYUR DU SKYE BAR 'GYUR RO, ,GAL TE YANG RANG BZHIN MED PA LA PHYIN CI LOG PA RNAMS KYIS DE YONGS SU MA SHES PAS @333A *, ,RANG BZHIN MED PA LA DNGOS PO'I RGYU MTSAN GYIS KUN NAS NYON MONGS PA'I PHYOGS SU 'JUG LA, PHYIN CI MA LOG PA RNAMS RANG BZHIN MED PA MTHONG BA LAS KUN NAS NYON MONGS PA'I PHYOGS LAS LOG NAS RNAM PAR BYANG BA YANG BSKYED DO, ,DE CI SLAR YANG 'DIR BRJOD PA LA DE SKRAG PAS 'JIG RTEN PA RANG BZHIN DANG BCAS PAR SMRA BA LA BRTEN, SKYON DANG LDAN PAR BRJOD PA NI SPANG BAR RIGS LA, BRJOD PA 'DI NI SKYON DANG LDAN PA MA YIN NO, ,YON TAN DANG LDAN NA YANG BRJOD PA LA BRTEN PAR RIGS NA, RANG BZHIN DANG BCAS PAR SMRA BA NI YON TAN DANG LDAN PA MA YIN NO ZHES BYA STE, DE LA 'JIG RTEN PA 'DI DAG RANG BZHIN SMRA BA SPANGS NAS RANG BZHIN DANG BCAS PAR SMRA BA LA JI LTAR ZHE NA, SMRAS PA, DNGOS PO JI LTAR SMRAS PA RNAMS MI SRID PA NYID KYIS, JI SKAD SMOS PA'I BRJOD PA SPANGS NAS GNAS PAS 'JIG RTEN PA DNGOS PO'I LTA BA LA MI GNAS SHING PHYIN CI LOG JI LTA BAR GNAS SO, ,'O NA DE BZHIN GSHEGS PA NYI MA'I GSUNG GI 'OD ZER GSAL BAR SNANG BAS NA 'JIG RTEN PA RNAMS KYI PHYIN CI LOG PAR MI RIGS SO, ,BDEN TE GAL TE 'JIG RTEN PA LA SHES RAB KYI MIG YOD NA RIGS KYI MA RIG PAS LDONGS PA'I 'JIG RTEN PAS JI LTA BA'I DE BZHIN GSHEGS PA'I GSUNG LAS KHONG DU CHUD PAR JI LTAR 'GYUR, DE MA RTOGS PAS GDON MI ZA BAR 'JIGS PA MA YIN PA'I GNAS LA SKRAG PAR 'GYUR RO ZHES BSGRUB PA'I PHYIR GSUNGS PA, DE BZHIN GSHEGS PAS GSUNGS PA MA RIG PAS, ,DES NA DRI MED BRJOD PA 'DI LA SKRAG ,CES PA LA, JI LTAR BUD SHING LA BRTEN NAS ME 'BYUNG LA, SPRIN LA BRTEN NAS CHAR PA'O ZHES PA NI 'DIR RGYU'I DON TO, ,DE BZHIN DU GSUNGS PA MA RIG PAS SHES PA 'DIR YANG KTA'I RKYEN GYIS RGYU'I DON TO, ,JI SKAD DU GSUNGS PA'I KUN RDZOB DANG DON DAM PA'I BDEN PA LA MI MKHAS PA'I SKYE BOS DE BZHIN GSHEGS PAS GSUNGS PA MI SHES LA, MI SHES PAS GDOD MA NAS ZHI BA SKYE BA MED PA'I CHOS BSTAN PA LA NGES PAR @333B SKRAG PAR 'GYUR RO, ,DE YANG GDOD MA NAS ZHI BA MA SKYES PA'I CHOS BSTAN PA'I RNAM PAR DBYE BA MI MTHONG ZHING, JI LTAR NYE BAR DMIGS BZHIN PA'I BDAG DANG BDAG GI BA'I CHOS KYI DNGOS PO SEMS LA BZHAG NAS, BDAG NI MED PAR GYUR TA RE ZHES BYIS PA DAG DRI MED KYI BRJOD BYA LA SKRAG PAR 'GYUR RO, ,BRJOD PAR BYA BA'I PHYIR BRJOD PA STE BSHAD PA'I DON LA BRJOD PA ZHES BRJOD DE, BSTAN BZHIN PA'I PHYIR RO, ,BRJOD PA DE YANG MTSAN MA MED PA'I PHYIR DRI MA MED PA'O, ,MI GSAL BA MNGON SUM MA YIN PA ZHES BYA'O, ,'O NA DRI MED BRJOD BYA 'DI LA SKRAG ,CES PA 'DIR, 'JIGS PA'I RGYU NI 'BYUNG KHUNGS SO, ,ZHES PAS 'DIR 'BYUNG KHUNGS LA BRTEN NAS LNGA PAR 'GYUR RO, ,MA YIN TE KTA'I RKYEN GYIS RGYU'I DON GSUNGS PAS SHE NA, MA YIN TE DON GZHAN YIN PA'I PHYIR TE, DRI MA MED PA'I BRJOD BYA NYID LA SROG CHAGS RNAMS SKRAG PAS SO, ,BRJOD BYA CI'I PHYIR NA RGYUR 'GYUR, DE LAS SKRAG PAS SO, ,DE LA 'JIGS PA'I RGYU CI ZHE NA, MA RTOGS PA RGYUR KTA'I RKYEN GYIS BRJOD LA, DE'I PHYIR 'JIGS PA'I RGYU NYID NI MA RTOGS PA RGYU MTSAN NO, ,DRI MA MED PA'I BRJOD BYA 'JIGS PA'I RGYU'O ZHES PAS YANG, GAL TE DRI MA MED PA'I BRJOD PA 'JIGS PA'I RGYUR 'GYUR NA LNGA PAR 'GYUR LA, 'DI NI 'JIGS PA'I RGYU MA YIN TE, 'JIGS PA MA LUS PA LAS LDOG PA'I RGYU'I PHYIR RO, ,DE NYID KYIS NA GSUNGS PA, RIN PO CHE PHRENG BA LAS, SDUG BSNGAL THAMS CAD ZAD BYED CHOS, ,THOS PAS RTOGS PA MI LDAN PA, ,SKRAG 'GYUR YONGS SU MA SHES PAS, ,'JIGS MIN GNAS LA 'JIGS PAR 'GYUR, ,'DI DAG THAMS CAD MI 'BYUNG BA'I, ,MYA NGAN 'DAS PAS DE MI 'JIGS, ,'DIR SMROS PA YI DNGOS MED LA; ,CI YIS DE LA DE 'JIGS BYED, ,THAR PA BDAG MED PHUNG PO MED, ,'DI 'DRA'I THAR PA LA YANG DGA', ,PHUNG PO KHAMS DANG SKYE MCHED RNAMS, ,'DI LTA BU DES CI MI DGA', ,ZHES SO, ,DE NYID KYIS NA 'JIGS PA'I RGYU NYID DU MA YIN PAR SHES PAR BYA BA'I PHYIR, @334A *, ,DRI MA MED PA'I BRJOD PA YUL MA YIN PAR BSTAN TO ZHES SHES PAR BYA'O, ,GANG YANG 'DI SNYAM DU SEMS TE, SGRA'I MTSAN NYID LA MNGON PAR ZHEN PA SPANG BA'I DON DU SLOB DPON GYI BSAMS BZHIN DU ZUR CHAG PA'I SGRA'I SKYOR BA BYAS SO ZHES PA DE MI 'THAD DE, , GAL TE SGRA'I MTSAN NYID BOR NAS BRJOD PAS DES MNGON PAR ZHEN PA DANG BRAL NAS SGRA'I MTSAN NYID LOGS SU BOR BA'I BRJOD PA LA MNGON PAR ZHEN PA 'BYUNG BAR 'GYUR LA, DE LTAR YANG MA YIN NO, ,YANG JI LTA DE LTAR SGRA'I SBYOR BA BYED NA, DE'I TSE TSIG LHUG PA LA YANG MNGON PAR ZHEN PA SPONG BA'I PHYIR SBYOR BA MDZAD PAR 'GYUR NA, DE YANG MA MDZAD LA, DE'I PHYIR MTSAN NYID MI DRAN PA NYID SRID KYI MTSAN NYID LA MNGON PAR ZHEN PA SPONG BAS NI YIN NO, ,THABS GZHAN GYIS DE'I MNGON PAR ZHEN PA SPONG BAR BYED PA MED PA MA YIN LA, DE'I PHYIR SLOB DPON NI NAM YANG ZUR CHAG PA'I SGRA'I SBYOR BA MI MDZAD DO, ,'O NA RE ZHIG 'GRO BA MI 'GRO ZHING, ,ZHES PA LA SOGS PA ZUR CHAG PA'I SGRA'I SBYOR BA MTHONG BA MA YIN NAM ZHE NA, 'DI NI ZUR CHAG PA'I SGRA MA YIN TE, GANG GI PHYIR BZLOG PA NI MANG PO'O ZHES PAS 'DI NI, SA MTHA'I RI MTHA' NYE BAR GZUNG BA RTAGS DANG SKYES BU DANG, ,KA LA HAL [?] DBYANGS YIG BYED PO YANG NYA, ,BSTAN BCOS BYED PAS 'DI DAG BZLOG PA STE, ,DES KYANG MANG PO 'GRUB PAR 'GYUR ZHES BYA, ,ZHES PA MA NGES PAR BRJOD PA LAS TE, BZLOG PAR SMRA BA LA, SMRA BAS BDAG GI TSIG TU 'GYUR RO, ,'O NA RIG BYED KYI'O ZHES PA'I GZHI LAS 'DI NI RIG BYED KYI BRJOD PA'O, ,GZHAN YANG BZLOG PA NI SDEB SBYOR GYI KHO NA'O ZHE NA, DE DAG NI MA YIN TE, DER NI TSIGS SU BCAD PA'I SDEB SBYOR 'JIG RTEN PAS RIG BYED KYI SGRAS YONGS SU GZUNG BA MA YIN NO, ,'ON KYANG SNGAGS DANG BRAM ZE RTOGS PA RNAMS KYI'O, ,DE'I PHYIR 'DI DAG MTSAN NYID KYI RJES SU 'GRO BA MA YIN NO ZHE NA, SMRAS PA, DE LTAR 'GYUR DU CHUG NA YANG, DE LTA NA YANG RIG BYED BZHIN DU SNYAN NGAG MKHAN GYIS SBYOR TE, DE SKAD DU YANG, RIG BYED 'JIG RTEN BAR @334B MTHONG LA, ,'JIG RTEN PA YANG RIG BYED LA, ,SGRA NI KHYAD 'PHAGS SBYOR BA'I PHYIR, ,NAM YANG THA DAD MA YIN NO, ,ZHES SO, ,KHYAD PAR 'PHAGS PA YANG SLOB DPON 'DI'O ZHES BYA STE, DES NA 'DIR ZUR CHAG PA'I SGRA'I SBYOR BA MI SRID LA, MTSAN NYID BYED PAS MTSAN NYID MA TSANG BA YANG SRID DO, MTSAN NYID NI MTSON BYA MA LUS PA LA KHYAB PAR 'GYUR BAS SO, ,MTSON CHA YANG KHYAD PAR 'PHAGS PAS SBYAR BA BYAS PA'I SGRA'O, ,DE RNAMS MTSAN NYID KYIS MA BSDUS PA'I PHYIR 'DI NI MTSAN NYID BYED PA'I SKYON YIN GYI SLOB DPON GYI NI MA YIN NO, DE'I DUS NA RAB TU GRAGS PA'I SGRA MANG PO SLOB DPON GYIS GZIGS PA RNAMS KYANG, DENG SANG GI P'A nI NI LA MTSAN NYID LA YOD PA MA YIN NO, ,DENG SANG DUS NA DES MTSAN NYID BYAS PA YANG MA LUS PA'I SGRA'I RJES SU 'BRANGS NAS MTSAN NYID BRJOD KYANG, GAL TE NA YANG, DE BSAMS PA DANG DRAN PA NYAMS PA DAG GIS MTSON BYA MA LUS PA LA KHYAB PA'I MTSAN NYID BRJOD PAR MA LUS PAS NA, DE'I TSE DE SU'I SKYON YIN, 'DI LTAR K'A TY'A YA NAS 'DIR YANG SHIN TU CHES MA TSANG BA'I MTSAN NYID SMOS PA NI, JI LTAR P'A nI NI DRAN PA DANG BSAMS PA NYAMS PAS MTSAN NYID MA TSANG BA LTAR DE BZHIN DU DUS DENG SANG NA SKYES PA'I K'A TY'A YA NA LA SOGS PA'I LA SRID LA, GAL TE NA YANG RIG PA'I SGRAS SNGAGS DANG BRAM ZE DANG RTOG PA GZUNG YANG RUNG, TSIGS SU BCAD PA'I SDEB SBYOR GYI MDO RU GZUNG YANG RUNG STE, DE LTAR P'A nI NI'I SGRA YANG SKYON CAN DU MI 'GYUR LA, SDER SBYOR GYI MTSAN NYID STON PA PO RNAMS LA YANG 'DI DAG 'THAD PAR 'GYUR RO, ,GZHAN YANG MON SRAN GRE'UR BYAS PA'I SDEB SBYOR NYAMS PAR MI BYA'O ZHES SO, ,DE BZHIN DU YANG KHYAD PAR 'PHAGS PA'I SBYOR BA'I RJES SU 'BRANGS NAS, YANGS SHING CHE BA LA SOGS PA DANG, RMA BYA ROL PA LA SOGS PA DANG, SBYOR BA RNAMS PAR PHYE BA LA SOGS PA YANG DON CHEN POR 'THAD DE, MTSAN NYID BYED PAS MA TSANG BA MA YIN LA, KHYAD PAR 'PHAGS PAS SBYAR BA'I SGRA RNAMS KYANG ZUR CHAG PA'I SGRA NI MA YIN NO ZHES BYA STE, @335A *, ,SPROS PA DE TZAM GYIS CHOG GO, ,SKABS SU BAB PA NYID BSHAD PAR BYA STE, YANG NI JI SKAD SMOS PA DE LAS, ,'JIG RTEN PA YI CHOS BSTAN MI NYAMS SHING, ,YANG DAG NYID DU NAM YANG CHOS BSTAN MED, ,CES PA LA, SLAR YANG 'DIR JI LTAR NA, 'JIG RTEN PA LA CHOS BSTAN CING, ,JI LTAR YANG 'DIR MI 'JIGS LA, ,GZHAN YANG NAM YANG DE KHO NA NYID LA GANG DU GANG CHOS BSTAN PA MED CES PA DE DAG 'DIR STON PAR 'DOD PAS GSUNGS PA, 'DI LA BRTEN NAS 'DI 'BYUNG ZHES, ,'JIG RTEN TSUL 'DI MI 'GOG CING, ,GANG RTEN RANG BZHIN MED PAS DE, ,JI LTAR YOD 'GYUR DE NYID DES, ,'DIR SEMS CAN DANG SNOD KYI 'JIG RTEN DU BRDAR BTAGS PA 'DI DAG MA RIG PA DANG RLUNG GI DKYIL 'KHOR LA SOGS PA'I RIM PAS 'JUG PA NANG GI BDAG NYID DANG PHYI'I DBYE BAS THA DAD PA RNAMS,, RANG DANG GZHAN DANG GNYI GA'I RGYU DANG YOD PA DANG MED PA DANG GNYI GA DANG GNYI GA MA YIN PA LAS SKYE BAR BRTAGS PA RNAMS RKYEN 'DI PA TZAM LAS SKYE BAR BRTAGS PA LAS SKYE BAR SKYE BA NYE BAR BSTAN PA NI 'JIG RTEN PA'I CHOS BSTAN PA ZHES BRJOD DO, ,DE YANG RKYEN 'DI PA TZAM DU KHAS BLANGS PAR GYUR PAS MI NYAMS LA, DE LAS GZHAN DU NA BRTAGS NAS KHAS BLANGS PAR 'GYUR NA, RTEN CING 'BREL PAR 'BYUNG BA MI SRID PAR 'GYUR LA, GZHAN DU BRTAGS PA YANG 'JIG RTEN PA'I MA YIN TE, DE NI 'JIG RTEN LAS DE BZHIN DU KHAS MA BLANGS PA'I PHYIR, 'JIG RTEN PA MA YIN PA THAR PA 'DOD PA KHA CIG GIS PHYIN CI LOG GIS 'DIR BRTAGS PA'I PHYIR RO, ,JI SKAD DU, BSTAN BCOS LAS, BYED PO LAS KYI RTEN 'BYUNG NI, ,DE LA BRTEN NAS BYED PO DANG, ,LAS 'JUG GZHAN PA 'GRUB PA YI, ,RGYU MTSAN CI YANG MA MTHONG NGO, , ZHES SO; ,DE 'DI LTAR 'DI LA BRTEN NAS 'BYUNG NGO ZHES PA'I 'JIG RTEN PA'I TSUL 'DI NI MI 'GOG PAS, 'JIG RTEN PA'I CHOS BSTAN MI NYAMS SO ZHES GNAS SO, ,GANG LA RTEN CING 'BREL PAR 'BYUNG BA DE NI NGO BO NYID KYIS MED PA STE, YOD BZHIN PA LA BRTEN NAS 'BYUNG @335B BA MED PA'I PHYIR RO, ,GANG YANG DE LTAR RANG BZHIN GYIS YOD PA MA YIN PAS, DE JI LTAR RTEN CING 'BREL PAR 'BYUNG BA YOD BZHIN PAR 'GYUR, DE'I RANG BZHIN YOD BZHIN PA MA YIN PA NYID DO ZHES DGONGS PA'O, ,DES NA 'DI LTAR DPYAD NA RNAL 'BYOR PA DE KHO NA NYID NGES PAR 'GYUR TE, RANG BZHIN GYIS MA SKYES PA'I DNGOS PO'I DE KHO NA NYID YONGS SU SHES PAR 'GYUR RO, ,DE KHO NA NYID MTHONG BAR GYUR NA CHOS THAMS CAD KYI RANG BZHIN MI DMIGS PA'I PHYIR, NAM YANG CHOS RNAMS KYI RANG BZHIN YONGS SU GSAL BAR MI BYED DE, RANG NYID KYIS MA DMIGS PAR GZHAN LA BSHAD PA MI SRID DO, ,DES NA YANG DAG NYID DU NAM YANG CHOS BSTAN PA MA YIN NO ZHES GRUB BO, ,DE LTAR TSIGS SU BCAD PA GNYIS KYIS RAB TU BYED PA MA LUS PAR BSGRUB PA'I DON BSDUS PA'I TSUL GYIS NYE BAR BSTAN NAS, DE LAS GZHAN LA JI LTAR BSTAN PA'I CHOS RNAMS KYI RANG BZHIN RNAM PAR 'BYED PAS NGES PAR BLA NA MED PA'I 'BRAS BU'I DNGOS GRUB MA THOB PA RNAMS, SLAR YANG THOS PA DANG BSAM PA DANG BSGOM PA LA YANG DAG PAR BRTZON PA BSKYED PA'I PHYIR DANG, MA ZHUGS PA RNAMS ZHUGS PA DANG LDAN PA YANG SPRO BA BSKYED PA'I DON DU YANG TSIGS SU BCAD PA GNYIS GSUNGS PA, TSUL 'DI YANG DAG RJES DPOG GANG, ,DAD LDAN DE NYID TSOL LA BRTZON, ,RTEN MED CHOS 'GAL BRTEN PA YIS, ,SRID DANG SRID MIN SPANGS NAS ZHI, ,TSUL 'DI NI DE LTAR JI SKAD DU SMOS PA'I RTEN CING 'BREL PAR 'BYUNG BAR GNAS SO ZHES PA'I DON TO, ,YANG DAG RJES DPOG GANG NI, RANG GI RANG BZHIN YONGS SU GCOD PA'O ZHES BYA BA'I DON TO, ,KHONG DU CHUD PA YANG GAL TE NA SKYON RJES SU TSOL BA LA BRTZON PAS KHONG DU CHUD PA'O ZHE NA, GSUNGS PA, DAD PA DANG LDAN YANG GAL TE RTZOD PA'I BSAM PAS KYANG 'BYUNG NGO ZHE NA, GSUNGS PA, DE NYID TSOL LA BRTZON ZHES PA LA, DAD PA DANG LDAN NA YANG DON DAM PA KHONG DU CHUD PAR 'DOD PAS DE KHO NA NYID 'DI NYID TSOL BA'O, ,DE YANG RANG BZHIN GYIS MI @336A *, ,DMIGS PA'I PHYIR MI BRTEN PA'O, ,CHOS 'GA' BRTEN PAS NI, CHOS 'GA' ZHIG GSAL BAR BYED PA'O ZHES BYA BA'I DON TO, ,DE LTAR RTEN MED CHOS 'GA' BRTEN PA DES CI ZHIG BYED CE NA, GSUNGS PA, SRID DANG SRID MIN SPANGS NAS ZHI, ,ZHES PA LA; SRID PA NI NYE BAR LEN PA'I PHUNG PO LNGA'O, ,SRID MIN NI DE MED PA'O, ,DE GNYIS 'DIR SPANGS NA NGES PAR DNGOS PO DANG DNGOS PO MED PA ZHI BAR 'GYUR TE, SRID DANG SRID MIN DAG GI 'JUG PA 'GAG PAS ZHI BAR GYUR PA'O ZHES PA'I DON TO,, ,,SLAR YANG JI LTAR, SRID DANG SRID MIN RTAG SPONG ZHING, ,JI LTAR DE ZHI ZHES BRJOD NA, ,GANG LAS DE'I RNAL 'BYOR PA NI, ,'DI DAG RKYEN 'DI LAS RIG NA, ,LTA NGAN DRA BAS ZIN PA LDOG ,DES NI CHAGS RMONGS KHRO BA RNAMS, ,SPANGS PHYIR MYA NGAN 'DAS PA THOB, ,'DI NI 'DI'I RKYEN LA'O ZHES PAS, RKYEN 'DI PA LA, DE'I DNGOS PO NI RKYEN 'DI PA'O, ,'DIS JI SKAD DU BSTAN PA'I RKYEN 'DIS GSUNGS SO, ,RNAL 'BYOR PA GANG ZHIG GIS JI SKAD DU SMOS PA'I RKYEN 'DI PA KHONG DU CHUD PAS CHOS KYI RANG BZHIN 'GA' YANG MI DMIGS PA'I PHYIR, DNGOS PO DANG DNGOS PO MED PA DAG TU YONGS SU MI RTOG PAR GYUR PAS, 'JIG RTEN PA'I LTA BA NGAN PA'I DRA BA'I NANG NAS LDOG LA, DE LAS LOG NAS KYANG, DNGOS PO DANG DNGOS MED KYI LTA BAS BSLANG BA 'DI'I SRID DANG SRID MIN GYI RANG BZHIN DU NYE BAR DMIGS PA SPANGS PAS SPONGS LA, DE SPANGS NAS KYANG LTA BA'I RTZA BA 'DOD CHAGS LA SOGS PA 'DI'I NYON MONGS PA LAS LDOG GO, ,YANG DAG PA MA YIN PA'I LTA BAS KUN NAS BSLANGS PA'I DNGOS PO DANG DNGOS PO MED PA'I YUL NYID 'JIG RTEN PAS RTOGS LA, DE SPANGS PAR GYUR NA YANG, DNGOS PO DANG DNGOS PO MED PA DAG DE LA MI SNANG BA'I PHYIR, RGYU MTSAN MED PAS 'DOD CHAGS LA SOGS PA 'DI LA MI LDAN LA, DES NA RNAL 'BYOR BA DE 'DOD CHAGS DANG, KHONG KHRO DANG, GTI MUG SPANGS PA'I PHYIR DRI MA MED PA STE, NYON MONGS PA MED PAR @336B 'GYUR RO, ,NYON MONGS PA MED NA YANG, SNGAR 'PHANGS PA'I DNGOS PO 'DI YONGS SU ZAD PA DANG, SNGON MED PA'I DNGOS PO 'PHEN PA SPANGS PAS NGES PAR MYA NGAN LAS 'DAS PAR 'GRO BA MA YIN NAM, DE 'DI LTAR BLA NA MED PA'I MYA NGAN LAS 'DAS PA'I 'BRAS BU DON DU GNYER BA'I THUGS RJE CHEN PO DANG LDAN PA, SHES RAB CAN DANG, DAD PA CAN DANG LDAN PAS KYANG, JI SKAD DU SMOS PA'I RKYEN 'DI PA'I MTSAN NYID, RANG BZHIN GYIS STONG PA LA, DE BZHIN DU BSGOM PAR BYA ZHING, TSUL BZHIN DU NYAN PA DANG BSAM PAR BYA BA YIN LA, GZHAN YANG RNAL 'BYOR PAS RTAG TU BSGOM PA LA SHIN TU BRTZON PA DANG LDAN PAR 'GYUR BAR RIGS SO ZHES BYA'O, ,BSIL BA'I NGAG GI 'OD KYI KU MU DA CAN NI, ,BDUN CU PA NI KUN NAS RAB TU GSAL BYED PA'I, ,ZLA BA RNAM PAR 'PHRO BAS GSAL BYAS LAM RIG PA, ,CI YANG MIN ZHING CI YANG MIN MIN CHAGS PAS BRTEN, ,GANG ZHIG DBU MAR 'JUG PAR MA SMOS PA DAG DANG, GANG ZHIG DBU MA'I TSIGS SU BCAD PA MI GSAL BA, ,DNGOS PO'I DE NYID MA LUS DE DAG BDAG GIS NI, ,BDUN CU PA YI RNAM PAR BYED PA 'DIR GSAL BYAS, ,GANG ZHIG THUGS RJE'I BDAG NYID THUB PA'I DBANG PO YIS, ,YUN RING SA DUS NAS 'BAD PA CHEN POS MDZAD PA YI, ,DE YANG NGO BO NYID KYI STONG PA ZHES BYA 'DI, ,LAM CHEN RGYAL BA THAMS CAD RJES SU GSHEGS PA STE, ,DE LA 'JUG PHYIR STONG NYID BDUN CU ZHES BYA BA'I, ,BSTAN BCOS GANG ZHIG 'PHAGS PA KLU SGRUB CES BYA BAS, ,GSUNGS PA DE NI BDAG GIS RNAM PAR PHYE BA YI, ,DGE BA GANG GIS SKYE BOS SANGS RGYAS NYID GYUR CIG ,STONG NYID BDUN CU PA'I RGYA CHER 'GREL PA SLOB DPON ZLA BA GRAGS PAS MDZAD PA RDZOGS SO,, ,, STONG NYID BDUN CU'I 'GREL PA NI, ,DGE SLONG DHARMA GRAGS KYIS BSGYUR, ,GZHUNG GRANGS STONG PHRAG GNYIS DANG NI, ,BRGYA PHRAG GCIG GIS LHAG PA YIN, ,DPAL NA LEN DRA'I GTZUG LAG KHANG DU PAndI TA AA BHA Y'A K'A RA DANG, SNUR LO TZ'A BA DHARMA GRAGS KYIS BSGYUR BA'O,, ,, @337A *, ,RGYA GAR SKAD DU, SH'U N+YA T'A SAPTA TI BI BRi TTI, BOD SKAD DU, STONG PA NYID BDUN CU PA'I RNAM PAR BSHAD PA, SANGS RGYAS LA PHYAG 'TSAL LO, ,GANG GIS RTEN CING 'BREL PAR 'BYUNG, ,SKYE BA MED PAR MKHYEN NAS BSTAN, ,THUGS RJE CHE MNGA'I RDZOGS SANGS RGYAS, ,'GRO BA'I BLA MA DE LA 'DUD, ,YID KYI MUN LA NYI MA'I LTA'I, ,'PHAGS PA KLU SGRUB LA BTUD NAS, ,DE YI STONG NYID BDUN CU PA'I, ,DON NI RNAM PAR DBYE BAR BYA, ,SGYU MA JI BZHIN RMI LAM BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, ,DE BZHIN DU NI 'JIG PA GSUNGS, ,ZHES BYA BA LA SOGS PA'I DBU MA'I LHAG MAR GYUR PA NYID KYIS DE'I BRGAL BA'I LAN BTAB PA GTZO BO NYID DU BRTZAMS PAR 'DOD PA'I PHYIR RAB TU BYED PA 'DI RANG RGYUD PA NYID SPANGS PA'I PHYIR, BSTOD PA DANG PHYAG 'TSAL BA MA BRJOD PAR THOG MAR 'PHAGS PA KLU SGRUB KYI, GNAS PA'AM SKYE 'JIG CES BYA BA LA SOGS PA GSUNGS SO, ,'DI NI 'DI LTAR 'JUG PAR BYA BA YIN TE, BSKAL PAR MI NYUNG BAR GOMS PAS BRNYES PA'I DE KHO NA NYID MNGON SUM DU MDZAD PAS RNAM PAR 'KHRUL PA MTHA' DAG BSAL ZHING THUGS RJE CHEN POS KHYAB PA'I THUGS MNGA' BAS SLU BAR MI MDZAD PA'I BCOM LDAN 'DAS CHOS KYI 'KHOR LO BSKOR BA NA, SGRIB PA THAMS CAD SBYANGS PA'I PHYIR, CHOS THAMS CAD BDAG MED PAR BSTAN PA'I YAN LAG NYID DU SGYU MA LA SOGS PA'I DPE DAG GIS SKYE BA LA SOGS PA MI BDEN PAR GYUR PA GANG BSTAN PA DE NYID GZHAN GYI TSE RNAM PA GZHAN DU JI LTAR YIN SNYAM DU DOGS PA SEL BA LHUR LEN PA NYID DU 'DI BSTAN TO, ,SKYOB PA'I BSTAN PA NI DAD PA DANG NGES PA'I DON GYI DBYE BA SGYUS [?] RNAM PA GNYIS SO; ,DE LA DANG PO NI RAB TU 'BAR BA'I KHYIM NA GNAS PA'I BYIS PA DAG 'DON PA'I THABS SU CHANG BA STONG PA BSTAN PA'I TSUL GYIS, MI BDEN DU ZIN KYANG BDEN PA NYID DU BSTAN PAS DON BYA BA CAN NI DGONGS PA CAN YIN TE, DE SKAD DU, MI BDEN NA YANG THUGS RJE YIS @337B BDAG YOD CES NI GSUNGS PA LTAR, ,NYAN THOS RNAMS NI 'JUG BYA'I PHYIR, ,SDUG BSNGAL LA SOGS BDEN PA GSUNGS, ,ZHES BSHAD DO, ,DMAN PA'I BYANG CHUB KYI RIGS CAN DAG LA NI DE KHO NA NYID ZAB MO BSTAN PAR RUNG BA MA YIN TE, DE DAG NI NGES DON MA BYAS PA SLAR SKRAG PA RNAMS DE SPANGS PA'I LAS CHOS KYIS PHONGS PAR 'GYUR BA'I LAS NYE BAR SOG CING, NGAN SONG GI SDUG BSNGAL YANG SO SOR NYAMS SU MYONG BAR 'GYUR RO, ,GNYIS PA NI DE KHO NA CAN TE, DE KHO NA NYID JI LTA BA BZHIN DU 'JUG PA'I PHYIR RO, ,'DIR YANG 'JIG RTEN BSNYAD PA'I SGRA NI, DANG PO YONGS SU GZUNG BA'I PHYIR 'GAL BA CUNG ZAD KYANG MED DO ZHES BSTAN PA YIN NO, ,KHA CIG NA RE SKYE BA LAS DUS PHYIS NYID DU GNAS PA YIN YANG DANG POR BRJOD PA'I TSIGS SU BCAD PA SDEB PA'I NGOR YIN NO ZHE'O, ,GZHAN DAG NI RTEN CING 'BREL PAR 'BYUNG BA'I RIM PA YANG DAG PAR BSTAN PA'I DON DU'ANG ZHE'O, ,'DI LTAR SKYE BA NI 'DOD RGYAL MI SRID LA, DBANG PHYUG GI RGYU CAN YANG MA YIN GYI 'ON KYANG NYON MONGS PA DANG LAS KYI RGYU MTSAN CAN YIN NO, ,DE YANG BYED PA PO GNAS NA NI DE'I 'BRAS BU LONGS SPYOD PAR RIGS KYI MI GNAS NA NI MA YIN TE, BYAS PA CHUD ZOS SHING MA BYAS PA DANG PHRAD PA'I NYES PAR THAL BA'I PHYIR RO, ,GNAS PA YANG MU STEGS BYE BRAG PA RNAMS NI SNGA MA'I NGO BO MA DOR BA'I NGO BO NYID DO ZHES SMRA'O, ,BDE BAR GSHEGS PA DAG NI DE YANG BYED PA PO'I GNAS SKABS BZHIN DU ZA BA PO'I GNAS SKABS SU YANG ZA BA PO MA YIN PAR THAL BAS MI 'THAD PAS NA DE NI RGYUD GCIG TU GTOGS PA'I 'DRA BA GZHAN DANG GZHAN 'BYUNG BA NYID DO ZHE'O, ,DE LTA BU'I NGO BO GNAS PA DE YANG, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,ZHES 'BYUNG BA'I MTSAN NYID CAN GYI YAN LAG DAG GIS, RNAM SHES MTSAMS SBYOR PHUNG PO YIN, ,ZHES BYA BA LA SOGS PA'I YAN LAG RNAMS KYIS MTSON PA'I SKYE BA'I RGYU MTSAN NYID DU BSTAN TO, ,RGYU MTSAN YANG RGYU MTSAN CAN LAS SNGA MA KHO NA YIN NO, ,SKYE BA YANG 'JIG PA'I MTHA' CAN YIN NO ZHES @338A *, ,MTSON PA'I DON DU TSOR BA'I BAR NI RGA SHI YIN ZHES PHYI MA'I MTHA'I SKYE BA'I KUN NAS NYON MONGS PA RGA SHI'I SGRAS BSTAN TO, ,DE LTA BA YIN PA DES NA, GNAS PA'AM SKYE 'JIG CES BYA BA'I TSIG GIS 'DIR RTEN CING 'BREL PAR 'BYUNG BA'I YAN LAG BCU GNYIS GO RIMS BZHIN DU BSTAN TO, ,YOD MED DAM ZHES BYA BA LA KYE BRAM ZE 'DI LTA STE, THAMS CAD THAMS CAD CES BYA BA NI PHUNG PO LNGA DANG SKYE MCHED BCU GNYIS DANG KHAMS BCO BRGYAD DAG GO, ,ZHES 'BYUNG BA'I PHYIR PHUNG PO DANG SKYE MCHED DANG KHAMS ZHES BYA BA'I DNGOS PO NI YOD PA STE, 'JIG RTEN PA'I TSAD MAS RTOGS PA'I PHYIR RO, ,RDZAS DANG YON TAN DANG LAS LA SOGS PA NI MED PA STE TSAD MA MED PA DE'I PHYIR DANG TSAD MAS GNOD PA'I PHYIR RO, ,YANG NA YOD PA NI MYONG BA YIN LA, MED PA NI DE LAS CIG SHOS TE, KYE RGYAL BA'I SRAS DAG 'DI LTA STE, KHAMS GSUM PO 'DI DAG NI RNAM PAR RIG PA TZAM MO ZHES 'BYUNG BA'I PHYIR RO, ,YANG NA YOD MED KYI SGRAS NI GANG ZAG CES BYA BA'I DNGOS PO BRJOD DO, ,GANG PHUNG PO 'DI DAG 'DOR ZHING, PHUNG PO GZHAN NYE BAR LEN PA KHUR KHYER BA'I GANG ZAG NI YOD DO ZHES 'BYUNG BA'I PHYIR DE NI YOD PA'O, ,DE NYID DANG GZHAN DU BRJOD DU MED PA'I PHYIR MED PA STE, DE DAG BRJOD DU MED PA NI MED PA NYID KYI PHYIR RO, ,JI SKAD DU, MED PHYIR BCOM LDAN 'DAS KYIS SROG ,DE NYID GZHAN DU MA GSUNGS SO, ,ZHES BYA BA DANG, DNGOS PO YOD PA NI DE NYID DAM GZHAN NYID LAS MI 'DA'O ZHES BSHAD DO, ,DA 'O NA NI JI LTAR YOD PA YIN ZHE NA, PHUNG PO'I RGYUN NYID LA DE LTAR THA SNYAD BTAGS PA'I PHYIR RO, ,'DI LTAR NYON MONGS PA DANG LAS KYI BAG CHAGS DAG GIS GANG ZHING KHAMS DANG 'GRO BA DANG SKYE GNAS DAG TU SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DAG GIS ZAG CING 'GRIB PA'AM, ZO CHUN GYI 'KHRUL 'KHOR GYI CHU BZHIN DU ZAG CING RGYUN DU 'BYUNG BA NI GANG ZAG GO, ,DON 'DI YANG PHUNG PO'I RGYUN @338B LAS GZHAN NI RIGS PA MA YIN TE, DE SKAD DU YANG, BTAGS PA'ANG MED DU 'GYUR 'ONG BAS, ,MED DO ZHES KYANG MA GSUNGS SO, ,PHUNG PO'I RGYUN NI GANG LA DGE ,MI DGE'I 'BRAS BU YOD PA NYID, ,DE LA SROG CES BYA STE DE, ,SROG MED BSTAN PAS MED PAR 'GYUR, ,ZHES BSHAD DO, ,DMAN PA'AM ZHES BYA BA NI ZAG PA DANG BCAS PA'I DNGOS PO'O, ,KHYAD PAR CAN NI ZAG PA MED PA'O, ,MNYAM PA NYID NI GNYI GA LTAR YANG, RIGS MTHUN PA LA LTOS NAS SO, ,BSTAN PA 'DI KHO NA NYID DU CI LTAR MA RIG PA YIN ZHE NA, BDAG MIN ZHES BYA BA LA SOGS PA SMOS TE, GANG GI PHYIR DE KHO NA NYID DU YOD PA MIN ZHES BYA BA NI LHAG MA'O, ,DE LTA BAS NA DE DAG GI DON NI 'DI YIN TE, GAL TE BDAG DE KHO NA NYID DU GYUR PA YIN NA DE'I TSE GNAS PA YANG DE'I NGO BOR RTAG PAR BRJOD PAR 'GYUR BA ZHIG NA 'DI NI DE LTA BU YANG MA YIN TE; TSAD MA MED PA CAN NYID YIN PA'I PHYIR DANG, TSAD MAS GNOD PA'I PHYIR RO, ,'DRA BA GZHAN DANG GZHAN DU 'BYUNG BA'I NGO BO YIN YANG NYE BAR BTAGS PA NYID DO, ,DE BZHIN DU BDAG MED PA'I NGO BO PHUNG PO DANG KHAMS DANG SKYE MCHED RNAMS DANG, RNAM PAR RIG PA TZAM GYI BDAG MED PA DANG, BDAG DANG BDAG MED KYI NGO BO'I GANG ZAG DE KHO NA NYID CAN YIN NA NI SKYE BA DANG 'JIG PA DANG YOD PA LA SOGS PA'I SGRA'I THA SNYAD KYANG DNGOS PO PA KHO NAR 'GYUR NA, GANG GI TSE, GZUGS NI DBU BA LTAR SHES SHING, ,TSOR BA CHU YI CHU BUR BZHIN, ,'DU SHES SMIG RGYU 'DRA BA STE, ,'DU BYED DAG NI CHU SHING BZHIN, ,RNAM SHES SGYU MA LTA BU ZHES, ,DE LTAR PHUNG PO BSTAN PA YIN, ,ZHES GZHAN DU 'PHAGS PA'I ZHAL SNGA NAS KYIS GSUNGS PA'I PHYIR DANG, 'CHAD PAR 'GYUR PA'I RIGS PAS 'DI DAG DE KHO NA NYID CAN MA YIN PA DE'I TSE DER SKYE BA LA SOGS PA'I CHOS KYI THA SNYAD JI LTAR NA DE KHO NA NYID CAN DU 'GYUR, DE LTA BAS NA PHA ROL POS KUN BRTAGS PA'I BDAG DANG NYAN THOS LA SOGS PA'I LHAG PAR ZHEN PA'I BDAG MED PA'I PHUNG PO LA SOGS PA DANG, DE NYID KYI GANG ZAG TU ZHEN PA'I @339A *, ,BDAG DANG BDAG MED PA NI GANG GI PHYIR DE KHO NA NYID DU YOD PA MA YIN PA DE'I PHYIR GNAS PA LA SOGS PA'I BRJOD PA'I THA SNYAD DE KHO NA NYID DU CUNG ZAD KYANG RIGS PA MA YIN NO ZHES GNAS SO, ,'O NA NI CHOS 'DI DAG DE KHO NA NYID DU JI LTAR BRJOD PAR BYA BA YIN ZHE NA, CHOS KUN MYA NGAN 'DAS PA DANG, ,MTSUNGS PAR BRJOD BYA DANG ZHES BYA BA SMOS TE, DE KHO NA NYID DU ZHES BYA BA 'BREL TO, ,SPROS PA THAMS CAD NYE BAR ZHI BA'I BDAG NYID KYI MYA NGAN LAS 'DAS PA DANG, SPROS PA'I BDAG NYID CAN GYI CHOS RNAMS THAMS CAD CI LTAR MTSUNGS TE 'GAL BA'I PHYIR RO ZHE NA, RANG BZHIN STONG ZHES BYA BA 'DI YANG KHYAD PAR GYI SGO NAS GTAN TSIGS SU BKOD PA'O, ,DES NA DON NI 'DI YIN TE, CI LTAR RAB RIB CAN GYIS SKRA SHAD DANG SBRANG BU MCHU RINGS DANG, SBRANG BU LA SOGS PA MI BDEN PA NYID KYIS SPROS PA'I BDAG NYID CAN YIN DU ZIN KYANG JI LTAR SNANG BA BZHIN DE KHO NA NYID DU YOD PA MA YIN PAS RANG BZHIN GYIS STONG PA'I PHYIR, DE LTAR RTOGS PA MED KYANG DE MED PA DANG MTSUNGS PA DE BZHIN DU 'KHOR BA THOG MA MED PA NAS BDEN PA NYID DU 'DZIN PA'I MNGON PAR ZHEN PA'I BAG CHAGS LAS YANG DAG PAR 'BYUNG BAR SNANG BA CAN GYI GZUGS LA SOGS PA CHOS RNAMS KYI TSOGS KYANG YIN PA'I PHYIR 'DI MYA NGAN LAS 'DAS PA DANG MTSUNGS PA LA 'GAL BA CUNG ZAD KYANG MED DO, ,DE NYID KYI PHYIR DMAN PA DANG MNYAM PA DANG KHYAD PAR CAN ZHES BYA BA'I THA SNYAD KYANG DE KHO NA NYID DU MI RIGS SO ZHES BSTAN PA YIN NO, ,DE LTAR YANG, JI LTAR GOS BZHIN DNGOS PO RNAMS, ,DU MA'I RNAM PA THA DAD KYANG, ,STONG NYID ME YIS BSREGS RNAMS KYI, ,THAL BA THA DAD CUNG ZAD MED, ,CES BSHAD DO, ,'DIR 'BRAS BU YOD PAR SMRA BA'I GRANGS CAN PA DANG, DE LAS GZHAN 'BRAS BU MED PAR SMRA BA DAG ,GTAN TSIGS 'DI MA GRUB BO ZHES RJOD PAR BYED DO, ,DE DAG 'DI SKAD DU, GANG ZHIG GANG LAS SKYE BA DE LA NI DE'I RANG BZHIN YIN PA'I PHYIR RGYU NI RANG BZHIN GYI SGRAS BRJOD PAR BYA BA YIN TE, GSER GYI RANG BZHIN GYI GZUGS CAN NO, [?] @339B DER YANG DNGOS PO 'BRAS BU'I BDAG NYID DU YOD PA YIN TE MED PA NI RI BONG GI RVA BZHIN DU DE LAS SKYE BAR MI RIGS PA'I PHYIR RO, ,DE LTA BAS NA 'BRAS BU'I BDAG NYID RNAMS NI RGYU'I BDAG NYID LA YOD PA'I PHYIR, JI LTAR NA RANG BZHIN STONG PA NYID YIN, YANG NA RANG GI NGO BO RANG BZHIN GYI SGRAS BRJOD PAR BYA BA YIN TE, DPER NA SA'I KHAMS SRA BA'I RANG BZHIN NO ZHES BYA BA LTA BU'O, ,RGYU LAS SKYE BZHIN PA'I DNGOS PO DE'I BDAG NYID DU YOD PA MA YIN PA RNAMS RANG GI BDAG NYID DU YANG DE LTA MA YIN TE, DE DAG NI RANG RANG GI NGO BO DANG MI LDAN PA MA YIN PA DAG KHO NA SKYE BA'I PHYIR, DPER NA LUS KYI DBANG POS GZUNG BAR BYA BA'I 'BYUNG BA BZHI LAS 'BYUNG BA DBANG PO THA DAD PAS GZUNG BAR BYA BA'I GZUGS DANG DRI DANG RO LTA BU'O, ,DE'I PHYIR DE DAG NI RGYU LAS RANG BZHIN STONG PA NYID MA YIN NO ZHES ZER RO, ,'DI LAN NI, GANG PHYIR DNGOS PO THAMS CAD KYI, ,ZHES BYA BA LA SOGS SO, ,GANG GI PHYIR RGYU'I BDAG NYID YOD PA'AM MED PAR KHAS BLANGS BA RNAMS NI, SKYE DGU 'AM DE LAS GZHAN PA THAMS CAD LA DE MA THAG TU 'TSANG [?] PAR 'GYUR BA'I RIGS PAS YOD PA MA YIN PA DE'I PHYIR RANG BZHIN STONG PA NYID DU GRUB BO, ,RGYU RKYEN TSOGS PA'AM SO SO'I DNGOS PO RNAMS ZHES BYA BA 'DIS NI THAMS CAD LA ZHES BYA BA'I TSIG 'DIR BSHAD PA YIN NO, ,RGYU DANG RKYEN TSOGS PA DANG, SO SO'I DNGOS PO NYID CES BYA BAR TSIG RNAM PAR SBYAR RO, ,RGYU NI NYE BAR LEN PA'O, ,RKYEN NI LHAN CIG BYED PA RNAMS SO, ,TSOGS PA NI RGYU DANG RKYEN TSANG BA'O, ,RGYU DANG RKYEN LAS PHYI ROL DU GYUR PA NI SO SO'I DNGOS PO NYID DO, ,DE LA RGYU'I BDAG NYID LA 'BRAS BU RANG GI NGO BO YOD PA NYID DU SEMS PA GANG YIN PA DE DAG LA RGYU DANG RKYEN TSOGS PA'I DBYE BAS RGYU LAS RNAM PA GSUM DU BRTAGS NAS DE DANG BRAL BA BSTAN TO, ,'BRAS BU MED PAR SMRA BA LA YANG RGYU LAS GZHAN DU 'BRAS BU'I RANG BZHIN YOD PA NYID DU KHAS LEN PA DE BSAL BA'I PHYIR SO SO'I DNGOS PO BSNYAD DO, ,GANG YANG GANG LA SKYE BA DANG GNAS PA DANG 'JIG PAR MNGON PA DE JI LTAR @340A *, ,RANG BZHIN STONG PA PA YIN SNYAM DU SEMS PA DE LA SKYE BA BKAG PA'I SGO GNAS PA DANG 'GAG PA YANG BSAL BAR BYA BA'I PHYIR, YOD PA YOD PHYIR ZHES BYA BA LA SOGS PA SMOS SO, ,'DI LTAR DGONGS PA YIN TE, RE ZHIG SKYE BA 'DI NI RGYU MED PA CAN YIN TE, RES 'GA' BA NYID KYIS DE NI KHYED NYID KYIS RGYU DANG BCAS PA NYID DU KHAS BLANGS PA'I PHYIR RO, ,'DI RGYU LAS BYUNG NA YANG RANG NGAM GZHAN NAM DE GNYI GA LAS 'GYUR ZHES BRTAG STE, PHYOGS GZHAN MED PA'I PHYIR RO, ,DE LA RE ZHIG RANG LAS NI MA YIN TE, 'DI NI SKYE BA'I SNGA ROL DU RGYU'I BDAG NYID LA 'BRAS BU'I RANG BZHIN YOD PAR KHAS BLANGS NA 'GYUR TE, MED LA 'BYUNG BA YOD MA YIN, ,ZHES BYA BA GANG SMRAS PA YIN NO, ,YOD PA NI SKYE BAR YANG RIGS PA MA YIN TE, YOD PA'I PHYIR GSAL BA'I BUM PA DE DANG SKYES BU BZHIN NO, ,JI STE NUS PA'I BDAG NYID YOD PA GSAL BA'I BDAG NYID DU SKYE BAR 'DOD DO ZHE NA, DE LTAR NA NI 'O NA BDAG NYID GANG GIS YOD PA DES NI MI SKYE ZHING, GANG GIS SKYE BA DES NI YOD PA MA YIN PA'I PHYIR 'BRAS BU MED PAR SMRA BAR GSAL BAR KHAS BLANGS PAR 'GYUR RO, ,DE BAS NA RANG LAS SKYE BAR RIGS PA MA YIN NO; ,GZHAN LAS KYANG MA YIN TE, GANG GI PHYIR 'DI GZHAN LAS 'DOD PA NA 'BRAS BU MED PAR 'DOD PA YIN NA, MED PAR YANG SKYE BAR RIGS PA MA YIN TE, MED PA'I PHYIR RO, ,'DI LTAR SEMS PA YIN TE, SKYE BA NI BYA BA YIN LA DE LA YANG BYED PA PO MED PAR YANG MI RIGS LA THA DAD PA'I BYED PA MA YIN TE, LAS THA DAD PA MED PA'I PHYIR RO, ,LAS THA DAD PA DANG BCAS PA NYID LA NI BYED PA PO THA DAD PA SRID PA YIN TE, BYED DO ZHES BYA BA LA SOGS PA BZHIN NO, ,THA MI DAD PA SKYE BA'I SNGA ROL DU MED PA NI NUS PA'I BYED PA PO'I PHYOGS SAM, RDZAS KYI BYED PA PO'I PHYOGS YIN YANG SLA STE, BYED PA PO NYID DU MI RIGS PA'I PHYIR GANG ZHIG SKYE BA YIN, CI STE 'DI BRDA SPROD PA PA RNAMS KYI GZHUNG LUGS KYI RIGS PA YIN GYI, KHO BO CAG RKYEN NYID 'DI BTZAM [?] DU SMRA BA RNAMS KYIS BSTAN PAR BYA BA NI MA YIN TE, DE SKAD DU YANG, @340B 'DUS BYAS THAMS CAD SKAD CIG MA, ,MI GNAS BYA BA GA LA YOD, ,DE DAG 'BYUNG GANG DE NYID NI, ,BYA BA DE NYID BYED PAR BRJOD, ,CES KHO BO CAG NI DE SKAD DU SMRA'O, ,DE'I PHYIR NA SKYE BA NI RGYU YOD NA 'BYUNG BA ZHES BYA STE, 'BRAS BU MED DU ZIN KYANG RGYU'I DE MA THAG TU 'BYUNG BA'I DANG TSUL CAN DU 'BYUNG BA DE NYID LA DE SKAD DU BSTAN PA'I PHYIR NYES PA CUNG ZAD KYANG MED DO ZHE NA, 'DIR YANG BSHAD PA, 'BRAS BU MED PA LA RGYU GANG YIN PA DE LA RGYU MA YIN PA DANG MTSUNGS PA PO ZHES 'CHAD PAR 'GYUR BA'I RIGS PAS GZHAN LAS DE'I MED PAR SKYE BAR RIGS PA MA YIN NO ZHES BYA BA'I DGONGS PAS 'DIR MED PA NYID SGRUB PAR BYED PA GSUNGS SO, ,'O NA NI DE GNYIS KA LAS 'GYUR RO ZHE NA, CHOS MI MTHUN PHYIR ZHES BYA BA LA SOGS PA SMRAS SO, ,DGONGS PA NI 'DI YIN TE, GAL TE RGYU'I BDAG NYID LA SKYE BA'I SNGA ROL DU 'BRAS BU YOD PA DANG MED PA CIG CAR 'GYUR BA, DE'I TSE GNYI GA LAS SHES BYA BA'I PHYOGS KYI SKABS YOD PAR 'GYUR NA, DNGOS PO DANG DNGOS PO MED PAR NYE BAR PHAN TSUN 'GAL BA DAG GCIG LA CIG CAR RIGS PA YANG MA YIN PA'I PHYIR YOD PA DANG MED PA SKYE BA MA YIN NO ZHES BSTAN TO, ,'GAL BA'I CHOS GANG LA YOD PA DE NI CHOS MI MTHUN PA STE, 'DI'I DNGOS PO NI CHOS MI MTHUN PA NYID DO, ,DES NA 'GAL BA'I CHOS DANG 'DRE BA'I PHYIR ZHES BYA BA'I DON TO, ,DE LTAR SKYE BA SPANGS PA NA GNAS PA DANG DGAG PA DAG KYANG SPANGS PAR RIG PAR BYA STE, DE DAG NI DE'I RTZA BA CAN YIN PA'I PHYIR RO ZHES BSHAD PA NI SKYE BA MED PA'I PHYIR, GNAS 'GAG MED CES BYA BA'O, ,GZHAN YANG SKYE BAR 'OS PA LA SKYE BAR BRTAG NA SKYE BAR 'OS PA NI CUNG ZAD KYANG YOD PA MA YIN NO, ,'DI LTAR SKYES PA'AM, MA SKYES PA'AM, SKYE BZHIN PA ZHIG SKYE BAR RUNG BAR 'GYUR ZHES RNAM PAR BRTAG NA, DE DAG LA YANG CUNG ZAD KYANG RIGS PA MA YIN NO ZHES BSHAD PA NI, SKYES PA ZHES BYA BA LA SOGS PA'I DGONGS PA NI 'DI YIN TE, GANG GI PHYIR GANG LAS SKYE BA'I BYA BA GRUB PA DE NI SKYES PA ZHES BYA BAR @341A *, ,BRJOD LA DE LTA BU GANG YIN PA DE NI SKYE BAR 'OS PA NYID MA YIN TE, BYAS ZIN PA LA BYED PA MI RIGS PA'I PHYIR RO, ,GANG ZHIG RI BONG GI RVA LTAR SKYE BA'I BYA BA DANG BRAL BAR GRUB PA DE NI, MA SKYES PA YIN NA GANG ZHIG DE LTAR NYE BAR BRJOD PA MED PAR DE JI LTAR NA SKYE BAR RUNG BAR 'GYUR, SKYES PA DANG MA SKYES PA DAG PHAN TSUN SPANGS TE GNAS PA NYID KYIS DE LAS THA DAD PA'I RNAM PA GZHAN MED PA NA DE GNYI GA'I NGO BO KHO NAR SKYE BZHIN PAR 'DUS PAR 'GYUR TE, DE LTAR YANG BRTZAMS LA YONGS SU MA RDZOGS PAR BYA BA'I DNGOS PO KHO NA LA DA LTAR BA ZHES SMRA'O, ,DE LA YANG SNGAR BSTAN PA'I NYES PA DANG RJES SU 'BREL PA'I PHYIR, SKYE BAR RUNG BA NYID NI MED DE, DE LTA BAS NA SKYE BAR 'OS PA NYID CUNG ZAD KYANG MED DO ZHES BYA BA 'DI GNAS PA YIN NO, ,DA NI DUS GSUM DU 'JUG PA NYID DU RNAM PAR BRTAGS PA'I 'BRAS BU'I RGYU'I RGYU NYID DU MI 'THAD DO ZHES BSTAN PA NI YOD PA'I 'BRAS BU LA'ANG ZHES BYA BA LA SOGS PA'O, ,'DI NA GANG GI PHYIR RGYUR GYUR PA NA YOD PA 'BYUNG BZHIN PA DANG DA LTAR BA'I 'BRAS BU LA YIN NAM, MED PA MA BYUNG BA MA 'ONGS PA'AM, YOD MIN MED PA'ANG SNGAR YOD LA PHYIS MED PA 'DAS PA LA YIN ZHES RNAM PAR BRTAG GRANG NA, DE LA RE ZHIG PHYOGS DANG PO NI MA YIN TE, BA LANG GI RVA G-YAS G-YON BZHIN DU RGYU DANG 'BRAS BU GNYI GA YANG DUS MTSUNGS PA NYID KYI 'BRAS BU DANG BCAS BA'I RGYU YIN PA'I PHYIR PHAN GDAGS PAR BYA BA DANG, PHAN 'DOGS PAR BYED PA'I DNGOS PO MED PAS, 'DI RGYU MA YIN PA NYID DANG, KHYAD PAR MED PA'I PHYIR RO, ,GNYIS PA LA YANG SUN DBYUNG BA NI RGYU MA YIN PA DANG MTSUNGS PA NYID DO, ,DE NYID KYI PHYIR YANG GI SGRAS GNYIS NYE BAR GZUNG BA NI 'BRAS BU DANG BCAS PA NYID DU 'GRO BA YIN NO, ,'DIR JI LTAR RGYU MA YIN PA DANG MTSUNGS PA YIN ZHE NA, YI GE AA DANG 'BREL PAR BYAS PAS 'BRAS BU DANG MI LDAN PA NYID NI 'DIR GTAN TSIGS NYID YIN PA'I PHYIR RO, ,DES NA DON NI 'DI YIN TE, DE JI @341B LTAR RGYUR MNGON BAR 'DOD PA MA YIN PA LA MED PA MA 'ONGS PA'I 'BRAS BU DANG MI LDAN PA DE BZHIN DU RGYUR MNGON BAR 'DOD PA LA YANG YIN NO, ,'ON TE DE DANG RGYU MNGON BAR 'DOD PA LA, RGYU DANG 'BRAS BU'I DNGOS PO ZHES BYA BA'I LDAN PA YOD PA MA YIN NO ZHE NA, DE NYID JI LTAR YIN ZHES KHO BO CAG GI MI SHES SO, ,DE YOD NA YOD PA'I PHYIR RO ZHE NA, GNYIS KA LA YANG MTSUNGS SO, ,LDOG PA NA MTSUNGS PA MA YIN NO ZHE NA, MA YIN TE, RGYU DANG DUS MTSUNGS PA'I RGYU MA MIN PAR MNGON BAR 'DOD PA NI SKAD CIG MA NYID DU KHYAD PAR MED PAS RGYU BZHIN DU NGES PAR LDOG PA'I PHYIR TE, DE LDOG PA NA YANG 'BRAS BU YANG NGES PAR LDOG PA'I PHYIR RO, ,GANG GI PHYIR 'BRAS BU GANG KHO NA RGYUR MNGON BAR 'DOD PA'I DNGOS PO LDOG PA NA LDOG PA DE NYID DE'I DUS SU RGYU MA YIN PA MNGON PAR 'DOD PA'I DNGOS PO LDOG PA NA SDOD PA NI MA YIN NO; ,CI STE RGYUR MNGON BAR 'DOD PA'I DNGOS PO SKAD CIG GZHAN NYE BAR LEN PA CAN SKYE BA MED PA NA DE LAS GZHAN SKYE BA YIN NA YANG 'BRAS BUR MNGON BAR 'DOD PA'I RIGS 'DRA'I SKAD CIG GZHAN MI SKYE BA'I NGO BO NYID LDOG PA YIN NO ZHE NA, 'O NA NI GZHI GCIG PA CAN GYI GZHI RJES SU 'GRO BA DANG, LDOG PA DAG MA YIN TE, DE'I PHYIR GCIG LA YANG DE DAG GI RGYU MTSAN CAN GYI RGYU NYID DAM 'BRAS BU NYID DU RTOGS PA MA YIN NO, ,RTOGS PA PO'I ZHEN PA'I DBANG GIS RGYUN LA GCIG NYID DU NYE BAR BZUNG NAS NYES PA DE DANG RJES SU 'BREL BA MED NA RGYU DANG 'BRAS BU'I DNGOS PO KUN RDZOB PA KHO NAR KHAS BLANGS PAR 'GYUR RO, ,DER NI THEG PA 'DIR YANG MA SPANGS PA'I PHYIR DNGOS PO'I 'JUG PA LA LTOS NAS RGYU NI RGYU MA YIN PA DANG MTSUNGS PAR SGRUB PA LA 'DIR 'BRAS BU DANG 'BREL PAR MED PA SGRUB PAR BYED PA NYID DU BSTAN PA YIN NO, ,YOD MED KYI BDAG NYID 'BRAS BU NYID DU KHAS BLANGS PA LA RGYUR BRTAG PA NI 'GAL TE 'GAL BAR BYA BA ZHES BYA BA'I DON TO, ,RIGS PA KHAS BLANGS PA DAG GIS ZHES BYA BA'I LHAG MA'O, ,GANG GI PHYIR DA LTAR BA NI 'DAS PA SKYES SHING 'GAG PA NYID DU KHAS BLANGS PAR SKYED PAR BYED PA NYID DU RIGS PA'AM @342A *, ,'BA' ZHIG GIS KHAS BLANGS PA NI MED DO, ,DE'I PHYIR KHONG NAS PHYUNG NAS DUS GSUM RNAMS SU ZHES BYA BA LA SOGS PA DES NA DON 'DI YIN TE, GANG GI PHYIR DE LTAR NA 'DAS PA DANG MA 'ONGS PA DANG, DA LTAR BA'I DBYE BAS RNAM PA GSUM DU RNAM PAR BRTAG PA'I 'BRAS BU LA DA LTAR BA'I RGYU NI RGYU NYID DU RIGS PA MA YIN PA DE'I PHYIR, DUS GSUM RNAMS SU'ANG 'THAD PA MA YIN NO, ,DE DAG NYID DUS ZHES 'BYUNG BAS DUS KYI SGRAS NI 'DIR 'BRAS BU'I BDAG NYID BSTAN PAR RIG PAR BYA'O, ,DE'I PHYIR DE LTAR 'BRAS BU'I BDAG NYID KYIS DNGOS PO RNAMS RANG BZHIN STONG PA NYID DU BSTAN NAS RGYU'I BDAG NYID RNAMS DER NYE BAR BSTAN PA'I PHYIR BSHAD PA NA, GCIG MED PA NI MANG PO DANG, ,ZHES BYA BA LA SOGS PA'O, ,'DI LTAR NYE BAR LEN PA'I RGYU SA BON LA SOGS PA GCIG MED PAR NI, LHAN CIG BYED PA'I RKYEN MANG PO DE DAG NYID MED PAR SA BON LA SOGS PA'I NYE BAR LEN PA'I RGYU GCIG PU MYU GU LA SOGS PA'I 'BRAS BU SKYED PAR BYED PA NYID DU MI 'JUG GO, ,DE'I PHYIR DNGOS PO RNAMS NI GANG DAG YOD NA 'BRAS BU 'BYUNG BA DE'I PHYIR DNGOS PO STE RGYUR MNGON BAR 'DOD PA DE DAG SKYED PAR BYED PA NYID DU 'BYUNG BA LA BRTEN NAS YIN GYI MA BRTEN PAR NI MA YIN TE, PHAN TSUN YOD PA LA LTOS NAS YIN GYI, RANG GI NGO BO NYID LAS 'BYUNG BA NI MA YIN NO ZHES BYA BA'I DON TO, ,DE'I PHYIR MTSAN MA MED PA NI RGYU MTSAN MED PA STE, RGYU RANG BZHIN STONG PA NYID DU GRUB BO ZHES BYA BA'I THA TSIG GO, ,'DI SKAD BSTAN PA YIN TE, 'BRAS BU SKYED PAR BYED PA'I RANG BZHIN GANG YIN PA DE NI RGYU ZHES BYA BAR BRJOD LA, DE YANG DE'I RANG BZHIN DU RANG NYID LAS GRUB PAR RIGS PA MA YIN TE, LTOS PA MED PAR 'BYUNG BA NI RES 'GA' 'BYUNG PAR MI 'GYUR ZHING, RTAG TU YOD PAR THAL BA'I PHYIR DANG, RGYU'I RGYU SNGA MA RNAMS NYID MED PAR THAL BAS DE RJES SU TSOL BA'I 'BAD PA DON MED PAR THAL BA'I YANG PHYIR RO, ,DE'I PHYIR DE NI DE LTAR LTOS PA MED PAR YOD PA MA YIN PAS SGYU MA LA SOGS PA BZHIN DU BRTEN NAS SKYES PA'I PHYIR, @342B DE KHO NA NYID DU SKYE BA MED PAS NA RANG BZHIN STONG PA NYID DU GRUB BO, ,GAL TE RGYU DANG 'BRAS BU'I BDAG NYID KYI DNGOS PO RNAMS BSHAD ZIN PA'I RIGS PAS RANG BZHIN STONG PA NYID YIN NA, 'O NA NI JI LTAR BCOM LDAN 'DAS KYIS DE DANG DER RTEN CING 'BREL PAR 'BYUNG BA SDUG BSNGAL GYI 'BRAS BU CAN NYID DU BSTAN, RGYU DANG 'BRAS BU'I BDAG NYID DU RANG BZHIN MED PA DE NI SDUG BSNGAL GYI 'BRAS BU CAN DU RIGS PA MA YIN NO ZHE NA, DE YANG DE KHO NA NYID DU MA YIN PAR BSHAD PA NI, RTEN 'BREL YAN LAG BCU GNYIS GANG, ,ZHES BYA BA LA SOGS PA'O,, MA RIG PA'I RKYEN GYIS 'DU BYED DANG, SKYE BA'I RKYEN GYIS RGA SHI ZHES BYA BA'I BAR RTEN CING 'BREL PAR 'BYUNG BA YAN LAG BCU GNYIS GANG SDUG BSNGAL GYI 'BRAS BU CAN TE, SDUG BSNGAL GSUM DANG LDAN PA'I PHYIR SDUG BSNGAL YAN LAG BDUN 'BRAS BU GANG LA YOD PA'I ZHES BCOM LDAN 'DAS KYIS SDUG BSNGAL GYI 'BRAS BU CAN NYID DU GSUNGS PA DE MA SKYES PA STE DE KHO NA NYID DU ZHES BYA BA LHAG MA'O, ,'DI NYID LA 'THAD PA BSTAN PA NI SEMS GCIG LA YANG ZHES BYA BA LA SOGS PA'O, ,'DI LTAR RTOGS PA YIN TE, BDAG MED PHUNG PO TZAM NYID DO, ,NYON MONGS LAS KYIS MNGON 'DUS BYAS, ,SRID PA BAR MA'I RGYUN GYIS NI, ,MAR ME BZHIN DU MNGAL DU 'JUG ,CES 'BYUNG BA'I PHYIR RO, ,RTEN CING 'BREL PAR 'BYUNG BA'I RTEN NYID DU PHUNG PO TZAM BRJOD PAS NI NYON MONGS PA DANG LAS KYIS MNGON PAR 'DUS BYAS PA NYID KYIS KHYAD PAR GZHAN DU MI 'THAD PA GZUGS CAN MA YIN PA'I PHUNG PO BZHI'I BDAG NYID SEMS DANG SEMS LAS BYUNG BA'I RGYUN LA MNGON PAR 'DOD PA YIN NO, ,RGYUN ZHES BYA BA NI SEMS DANG SEMS LAS BYUNG BA'I SKAD CIG MA BRGYUD PA LAS THA DAD PAR DNGOS PO YOD PA MA YIN PAS SKAD CIG MA NYID DNGOS PO MA YIN TE, DE'I PHYIR RTEN CING 'BREL BAR 'BYUNG BA DE SEMS KYI SKAD CIG MA GCIG GI RTEN CAN YIN NAM, SEMS KYI SKAD CIG DU MA'I RTEN CAN YIN ZHES BYA BA 'DI DPYAD PA NA, GNYI GA LTAR YANG 'THAD PA NI MA YIN NO, ,'DI @343A *, ,LTAR SEMS GCIG LA 'THAD PA NYID YIN NA NI, CIG CAR 'BYUNG BAR THAL BAR RGYU DANG 'BRAS BU'I DNGOS POR MI RUNG STE, BA LANG GI RVA G-YAS G-YON BZHIN NO, ,SEMS DUM LA BRTEN PA NYID YIN NA YANG NYES PA 'DI NYID YIN TE, YOD PA'I 'BRAS BU LA'ANG 'BRAS LDAN RGYU, ,ZHES BYA BA LA SOGS PA BSHAD ZIN PA'I RIGS PA DUS GSUM PA'I 'BRAS BU LA LTOS PA NYID KYIS RGYU NI RGYU NYID DU 'THAD PA MA YIN PA'I PHYIR RO, ,'DI JI TZAM GYIS SKYE BA'I RIM PA LA LTOS NAS DE SUN DBYUNG BA'I DGONGS PA GSAL BAR BYAS PA YIN NO, ,YANG NA RTEN CING 'BREL PAR 'BYUNG BA SGRUB PAR BYED PA'I TSAD MA MED PAR BSTAN PA LHUR LEN PA NYID DU SEMS GCIG LA YANG ZHES PA LA SOGS PA 'DI GSUNGS SO, ,DGONGS PA NI 'DI YIN TE, RGYU DANG 'BRAS BU'I DNGOS PO TSAD MAS RTOGS NA NI, DE BRGYUD PA'I BDAG NYID CAN GYI RTEN CING 'BREL PAR 'BYUNG BA 'DI YANG 'THAD BA ZHIG NA, DE SGRUB PAR BYED PA'I TSAD MA NI CUNG ZAD KYANG RIGS PA MA YIN NO, ,'DI LTAR RJES SU 'GRO BA DANG LDOG PA RTOG PA NA, DE RTOGS PAR 'DOD PA YIN NA, RJES SU 'GRO BA SGRUB PAR BYED PA YANG SHES PA GCIG LA 'DRE BA'I DNGOS PO GZHAN DMIGS PAR BYED PA PO'I MNGON SUM NYID YIN NO, ,DE YOD PA NYID NA YOD PA DANG, DE MED NA MED PA NYID DU ZHES BYA BA'I RJES SU 'GRO BA DANG LDOG PA DAG GI NGO BO YIN PA DE LTA BU'I NGO BO CAN GYI RJES SU 'GRO BA DANG LDOG PA'I NGO BO LA YONGS SU GCAD PAR BYA BA'I PHYIR, MNGON SUM GCIG GAM DU MA 'JUG PA YANG MA YIN NO, ,DE LTAR RE ZHIG GCIG NI MA YIN TE, RGYU DANG 'BRAS BU NYID DU MNGON PAR 'DOD PA'I DNGOS PO DAG GCIG PAR MA YIN PAS DE 'DZIN PAR BYED PA'I SHES PA DAG KYANG DE YIN PAS RGYUR MNGON PAR 'DOD PA'I DNGOS PO 'DZIN PAR BYED PA'AM, 'BRAS BUR MNGON PAR 'DOD PA'I DNGOS PO 'DZIN PAR BYED PA DE GCIG GIS 'BRAS BUR MNGON BAR 'DOD PA DANG, RGYUR MNGON PAR 'DOD PA'I DNGOS PO'I NGO BO YANG MI 'DZIN NA, DE'I KHYAD PAR GYI NGO BO 'BRAS BU NYID DAM RGYU NYID KYIS RTOGS PA LTA SMOS KYANG CI DGOS, SHES @343B PA NI RANG GI NGO BO DANG, RANG GI YUL YONGS SU GCOD PA TZAM GYIS MTHAR THUG PA'I BYA BA CAN NYID YIN PA'I PHYIR RO, ,DE NYID KYI PHYIR GCIG GIS NI MA YIN TE, BUM PA DANG SNAM BU LA SOGS PA DAG LA YANG DER THAL BAR 'GYUR BA'I PHYIR RO, ,'DI DANG 'DI'O ZHES RTOGS PA NI RJES SU 'GRO BA RTOGS PA MA YIN GYI, 'ON KYANG 'DI YOD NA 'DI'O ZHES BYA BA'O, ,'DIR NI GCIG GAM GNYI GAS KYANG RTOGS PA MA YIN PA'I PHYIR, RJES SU 'GRO BA KHONG DU CHUD PA MED DO, ,GAL TE NYAMS SU MYONG BA GNYIS KYI 'OG TU SNGA ROL GYI DUS SU 'BYUNG BA'I LHAG PAR ZHEN PAS RJES SU 'GRO BA RTOGS PAR 'GYUR RO ZHE NA, MA YIN TE NYAMS SU MYONG BA JI LTA BA BZHIN YIN PA 'JUG PA'I PHYIR DANG, NYAMS SU MYONG BA DE LTAR 'JUG PA YANG DA GZOD NYID GSAL BA YIN NO, ,'DIS NI LDOG PA KHONGS SU CHUD PA MED PA YANG NGES PAR RTOGS PAR BYA'O, ,DE BAS NA SEMS GCIG LA YANG MI 'THAD LA, DU MA LA YANG MI 'THAD DO ZHES GSUNGS PA NI RIGS PA MA YIN NO, ,'DI'I PHYIR YANG RIGS PAS RTEN CING 'BREL PAR 'BYUNG BA SKYE BA MED PA YIN NO ZHES 'THAD PA GZHAN BSTAN PA'I PHYIR, MI RTAG RTAG MIN ZHES BYA BA LA SOGS PA 'PHAGS PA'I TSIGS SU BCAD PA GNYIS SMOS SO, ,'DI LTAR DGONGS PA YIN TE, MA RIG PA LA SOGS PA'I YAN LAG NYID THOB PA RNAMS 'BRAS BU PHYI MA SKYED BAR BYED PA LA RKYEN NYID DU 'DOD LA DE DAG GI BDAG NYID THOB PA DE YANG RGYU SNGA MA SNGA MA LA RAG LAS PA'I PHYIR, MA RIG PA LA RGYUR 'GYUR BA'I YAN LAG GZHAN SNGA MA NYID 'DOD PAR BYA DGOS SHING, DE'I YANG GZHAN YIN ZHING DE LA YANG GZHAN YIN PA'I PHYIR, THUG PA MED PA'I PHYIR DU THAL BAR 'GYUR PA SPANG BAR BZHED PAS CHOS MNGON PA LA SOGS PAR DE'I RGYU RIGS MTHUN PA SNGA MA SNGA MA'I RGYU CAN GYI PHYIN CI LOG YIN PAR BSTAN TO, ,DE YANG YAN LAG GZHAN MA YIN TE, DE YANG RIGS MTHUN PA NYID KYIS DE KHO NA'I KHONGS SU GTOGS PA'I PHYIR DE LAS GZHAN PA'I NYON MONGS PA BZHIN NO, ,DGONGS PA 'DI NYID KYIS, MA RIG NYON MONGS @344A *, ,SNGON GNAS SKABS; ,ZHES BYA BA MA RIG PA'I MTSAN NYID KYI NGAG LA NYON MONGS PA'I SGRA CI'I TSIG TU NYE BAR GZUNG BA YIN NO, ,DE YANG MI RTAG PA DANG BDAG MED PA DANG, MI GTZANG BA DANG SDUG BSNGAL BA'I BDAG NYID CAN GYI 'DU BYED THAMS CAD LA, RTAG PA DANG, BDAG DANG, GTZANG BA DANG, BDE BA'I RNAM PAR 'JUG PA'I DBYE BAS RNAM PA BZHIR 'DOD DO, ,DE LTAR NI 'THAD PA MA YIN TE, GAL TE MI RTAG PA LA SOGS PA'I CHOS RNAMS DNGOS PO'I CHOS NYID DU GRUB PA YIN NA, DE'I TSE DE LAS PHYIN CI LOG GI RNAM PAR ZHEN PA'I SHES PA PHYIN CI LOG GI NGO BO NYID DU 'GYUR BA ZHIG NA, DE NYID NI GRUB PA MA YIN TE, SNGAR BSTAN PA'I RIM PAS DNGOS PO THAMS CAD RANG BZHIN STONG PA NYID KYIS GDOD MNAS ZHI BA NYID DU BSGRUB PAS NA DNGOS PO CUNG ZAD KYANG MA GRUB PA'I PHYIR RO, ,CHOS CAN YIN NA NI CHOS DPYAD PAR RIGS TE; CHOS CAN YOD NA 'JIG RTEN NA, ,CHOS RNAMS DPYAD PA 'JUG PA YIN, ,ZHES BSHAD PA YIN NO, ,DE LTA BAS NA MI RTAG PA NYID LA SOGS PA RNAMS NI RTAG PA NYID LA SOGS PA DAG DANG MED PA NYID DU KHYAD PAR MED PA DAG YIN PA DE'I PHYIR GNYI GA SPANGS PA'I SGO NAS PHYIN CI LOG SPANGS PA BSTAN PA YIN NO, ,DES NA DE LTAR MA RIG PA'I RGYU MTSAN PHYIN CI LOG TU MA GRUB PAS MA RIG PA MA GRUB LA, DE MA GRUB NA 'DU BYED RNAMS SO ZHES BYA BA'I RIM PA 'DIS YAN LAG SNGA MA SNGA MA RGYUR MNGON BAR 'DOD PA MA GRUB PA NA, 'BRAS BUR MNGON PAR 'DOD PA'I YAN LAG PHYI MA PHYI MA RNAMS MA GRUB PAR BSTAN PAS RTEN CING 'BREL PAR 'BYUNG BA MTHA' DAG SKYE BA MED PAR BSTAN PA YIN NO, ,GZHAN YANG MA RIG PA DANG 'DU BYED DAG NI SEMS LAS BYUNG BA NYID DU 'DOD PA YIN TE, 'DI LTAR, RMONGS DANG BAG MED LE LO DANG,, MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,ZHES BYA BA'I TSIG GIS NYON MONGS PA'I SA MANG PO PA YIN PA'I PHYIR, RMONGS PA'I SGRAS MA RIG PA SEMS LAS BYUNG BA NYID DU BSTAN TO, ,'DU BYED RNAMS KYANG LAS KYI BDAG NYID RNAMS TE, DE NI @344B SEMS PA DANG DES BYAS ZHES 'BYUNG BA LAS KYANG MDOR BSDUS NA RNAM PA GNYIS KHO NA'O, ,DER YANG THAR PA, DAM PA'I DON DU DGE RTZA BA, ,NGO TSA KHREL YOD BDAG NYID KYIS, ,BYA BA LA SOGS KUN SLONG BAS, ,ZHES 'BYUNG BAS SEMS PA'I DBANG GIS DES BYAS PA'I LUS DANG NGAG GI LAS DGE BA LA SOGS PAR 'GYUR BA'I PHYIR RO, ,SEMS PA'I NGO BO LAS NI GTZO BO YIN LA, SEMS PA YANG SEMS LAS BYUNG BA'I PHYIR YIN NO, ,DE YANG DGE BA DANG NYON MONGS PA CAN LA SOGS PA'I SEMS THAMS CAD DANG MTSUNGS PAR LDAN PA NYID KYIS MANG PO THAMS CAD PA NYID DU BSTAN TE, JI SKAD DU, TSOR DANG SEMS PA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,ZHES BSHAD DO, ,DE LTAR NA GNYI GA DAG NI SEMS LAS BYUNG BA NYID DU RNAM PAR GNAS PA NA; LHAN CIG 'BYUNG GANG PHAN TSUN 'BRAS, ,'BYUNG BA BZHIN SEMS RJES 'JUG DANG, ,SEMS DANG MTSAN NYID MTSAN GZHI BZHIN, ,SEMS LAS BYUNG DANG SDOM GNYIS DANG, ,SEMS DANG DE DAG GI MTSAN NYID, ,SEMS KYI RJES 'JUG DUS DANG NI, ,'BRAS SOGS DGE LA SOGS PAS SO, ,ZHES 'BYUNG BAS LHAN CIG 'BYUNG BA'I RGYU NYID KYIS PHAN TSUN 'BRAS BU NYID BSTAN PAS PHAN TSUN BRTEN PA NYID YIN PA DE'I PHYIR GCIG KYANG GRUB PA YIN PA MA YIN PAS MA RIG PA MA GRUB PA NA 'DU BYED RNAMS KYI MA GRUB PA LA, GZHAN LAS MA GRUB PA DE DAG LAS KYANG RNAM PAR SHES PA GRUB PA MA YIN TE, DE LTAR NA BRGYUD NAS RTEN CING 'BREL PAR 'BYUNG BA MTHA' DAG SKYE BA MED PA YIN NO ZHES BSTAN PA'I PHYIR, MA RIG 'DU BYED MED MI 'BYUNG, ,ZHES BYA BA LA SOGS PA 'PHAGS PA'I TSIGS SU BCAD PA GNYIS SMRAS SO, , 'DU BYED MI 'BYUNG BA ZHES BYA BA'I DE MA THAG TU GANG GI PHYIR LHAN CIG 'BYUNG BA'I RGYU NYID YIN PA DE'I PHYIR ZHES KHONG NAS DBYUNG BA SBYIN PAR BYA'O, , DES NA DON 'DI YIN TE, GANG GI PHYIR LHAN CIG 'BYUNG BA'I RGYU NYID YIN NA, 'DU BYED MED NA MA RIG PA DANG, DE MED NA 'DU BYED @345A *, ,MI 'BYUNG BA DE BAS PHAN TSUN RGYU NYID DE PHAN TSUN BRTEN PA NYID YIN PA DE'I PHYIR MA RIG PA DANG, 'DU BYED CES BYA BA'I YAN LAG DE GNYIS KYANG RANG BZHIN GYIS MA GRUB PA STE RANG GI NGO BO LAS KYANG MA GRUB BO ZHES BYA BA'I THA TSIG GO, ,KYANG GI SGRA NI SUN 'BYIN PA GZHAN SDUD PA LA SMOS SO, ,MA RIG PA'I RANG GI NGO BO MA GRUB PA NA YANG NYES PA GANG YIN PA DE BSTAN PA'I PHYIR, GANG ZHIG CES BYA BA LA SOGS PA SMOS SO, ,SPYIR BRJOD PA YIN DU ZIN KYANG SKABS SU BAB PAS KHYAD PAR CAN GYI DON RTOGS PA YIN PA DE'I PHYIR GANG ZHIG GI SGRAS MA RIG PA ZHES BYA BA'I YAN LAG BRJOD PA YIN PAR SHES PAR BYA'O, ,DES NA DON NI 'DI YIN TE MA RIG PA ZHES BYA BA LA SOGS PA YAN LAG GANG ZHIG RANG NYID KYIS 'DU BYED LA MI LTOS PA'I BDAG NYID KYIS RANG BZHIN GYIS MA GRUB CING RANG GI NGO BOS MA GRUB PA DE 'DU BYED CES BYA BA'I YAN LAG GZHAN RNAMS LA 'GA' ZHIG GIS DANG JI LTAR BSKYED DE, JI LTAR YANG MA YIN PA KHO NA'O ZHES BYA BA'I DON TO, ,GANG GI PHYIR DE LTAR YIN PA DE LTA BAS NA MA RIG PA ZHES BYA BA'I YAN LAG GI PHA ROL LAS RANG GI NGO BO MA SKYES SHING MA GRUB PA 'DU BYED RNAMS ZHES BYA BA'I RKYEN GZHAN RNAM PAR SHES PA LA SOGS PA SKYED PAR BYED PA MA YIN TE DNGOS DANG BRGYUD PAS ZHES BYA BAR DGONGS PA'O, ,DON 'DI NYID 'JIG RTEN PA'I 'THAD PA BSTAN PA'I PHYIR PHA BU MA YIN ZHES BYA BA LA SOGS PA SMOS SO, ,'JIG RTEN NA GANG LA LTOS NAS PHA YIN GANG PHA YIN PA DE NI, DE NYID LA LTOS PA KHO NAS BU MA YIN ZHING, GANG LA LTOS NAS BU YIN PA DE NI DE NYID LA LTOS PA KHO NAS PHA MA YIN NO, ,GAL TE DE LTAR YIN NA DE'I TSE NYES PA CIR 'GYUR ZHES DOGS PAR BYAS NAS NYES PA GANG YIN PA DE BSTAN PA NI, DE GNYIS PHAN TSUN MED MIN LA, ,ZHES BYA BA LA, 'BYUNG BA ZHES BYA BA NI LHAG MA STE, DE GNYIS PHAN TSUN BRTEN PA NYID YIN NO ZHES BYA BA'I THA TSIG GO, ,DE YIN NA SKYON GANG ZHIG YIN PA DE BSTAN PA NI DE GNYIS CIG CAR YANG MIN ZHES BYA BA STE, GCIG KYANG 'GA' ZHIG GI TSE YANG GRUB PA MA YIN NO ZHES @345B BYA BA'I DON TO, ,DON 'DI YANG GNYIS DPER BYA BA'I PHYIR LTAR ZHES PAR NYE BAR BKOD DO, ,YAN LAG BCU GNYIS ZHES BYA BA LA SOGS PAS DKYUS MA NYID CES NYE BAR BSDU BA'O, ,'DIR YANG MTHAR THUG PA'I DGONGS PA BSTAN TE, RNAM PA GZHAN DU NA YAN LAG GNYIS PHAN TSUN BRTEN PA NYID KYIS RANG GI NGO BO MA GRUB PA SUN 'BYIN PA'I SKABS SU RTEN CING 'BREL PAR 'BYUNG BA'I MTHA' DAG YONGS SU BZUNG NAS 'DI NYE BAR BSDU BAR JI LTAR RIGS, 'DI DAG TZAM GYIS NI GNAS PA DANG SKYE BA DANG 'JIG PA 'JIG RTEN GYI THA SNYAD KYI DBANG GIS SANGS RGYAS KYIS GSUNGS KYI YANG DAG PA'I DBANG GIS NI MA YIN NO ZHES BYA BA GTAN LA PHAB PA YIN NO, ,DA NI YOD PA DANG MED PA ZHES GSUNGS PA BSDUS PA'I PHYOGS LA BRTEN NAS, BDAG DANG BDAG MED MIN ZHES BYA BA'I TSIG GIS GANG ZAG GNYI GA'I NGO BO NYID DU KHAS BLANGS PA MI SRID PA BSTAN PA NA, SNGAR DRANG BA'I DON NYID DU GTAN LA PHAB TU ZIN KYANG, YANG SO SO'I PHYOGS YONGS SU BZUNG NAS GTAN LA PHAB PA'I PHYIR, JI LTAR RMI LAM YUL BRTEN NAS, ,ZHES BYA BA LA SOGS PA SMOS SO, ,GANG YANG 'DI SNYAM DU GANG LA BRTEN NAS GANG ZHIG 'BYUNG BZHIN PAR MNGON SUM GYIS NYAMS SU MYONG BA DANG, GANG ZHIG DMIGS PA'I RIG BYAR GYUR BA YOD PA NA NYAMS SU MA MYONG BA DE DAG RIM PA JI LTA BA BZHIN DU YOD PA DANG MED PA NYID DU TSAD MAS KHONG DU CHUD PA NYE BAR BSTAN PA DE KHO NA NYID DU JI LTAR YANG SPANG BAR BYA BA YIN, NYAMS SU MYONG BAS GRUB PA'I DNGOS PO NI SUS KYANG BSTON PAR NUS PA NI MA YIN NO SNYAM DU SEMS NA DE NI 'DI SKAD BRJOD PAR BYA STE, JI LTAR RMI LAM NA PHRENG BA DANG TZANDAN LA SOGS PA PHAN 'DOGS PAR BYED PA DANG SPRUL DANG TSER MA LA SOGS PA GNOD PAR YUL GYI DNGOS PO LA BRTEN NAS DE LTOS NAS NYAMS SU MYONG BZHIN PA YIN YANG, BDE BA DANG SDUG BSNGAL DANG DE'I YUL MED PA STE, DE KHO NA NYID DU ZHES BYA BA'I LHAG MA'O, ,DE BZHIN DU DON GYIS SAD PA'I GNAS SKABS NA RGYUR MNGON PAR 'DOD PA'I DNGOS PO GANG ZHIG LA BRTEN NAS DE LTOS PA'O, ,'BRAS BUR MNGON PAR @346A *, ,'DOD PA GANG ZHIG RTEN CING 'BREL PAR 'BYUNG BA DE 'DI GNYI GA YANG KUN RDZOB PA'I TSAD MAS NYAMS SU MYONG DU ZIN KYANG MED PA DE KHO NA NYID DU YOD PA MA YIN PA NYID DO, ,JI SKAD STON PA YIN TE, RMI LAM GYI SNANG BA LAS SAD PA'I SHES PA LA NI KHYAD PAR CUNG ZAD KYANG MI MNGON PA'I PHYIR JI LTAR NA GCIG NI BDEN PA'I DON CAN NYID YIN LA, DE LAS GZHAN SAD PA'I SHES PA NI BDEN PA'I DON CAN NYID YIN NO ZHES BYA BA 'DI NI SHIN TU RGYAS PAR GZHAN DU DPYAD ZIN TO, ,DE LTA BAS NA RANG BZHIN STONG PA NYID KYIS THAMS CAD DNGOS PO PA NYID DU MED PA NYID YIN PAS NA, YOD PA DANG MED PA'I RNAM PAR DBYE BA BSTAN PA NI DGONGS PAS 'JUG PA YIN NO ZHES BYA BA 'DI YANG GNAS PA YIN NO, ,'DI'I 'OG ROL DU NGAG DANG POR KUN RDZOB NYID DU MDOR BSTAN PA'I DMAN PA DANG, MNYAM PA DANG KHYAD PAR CAN DU BSTAN PA'I GZHUNG GZUGS PA'I PHYIR GAL TE DNGOS PO RNAMS RANG BZHIN GYIS ZHES BYA BA LA SOGS PA SMOS SO, ,'DIR PHYED SNGA MAS NI PHYOGS SNGA MA RJES SU BRJOD PA YIN LA, PHYED PHYI MAS NI LAN SGRUB PA'I, 'DIR PHYOGS SNGA MA SMRA BA'I BSAM PA 'DI YIN TE, GAL TE DNGOS PO RNAMS RANG BZHIN MED NA NI DMAN PA DANG MNYAM PA DANG KHYAD 'PHAGS NYID DU MI 'GYUR BA ZHIG NA 'DI DAG NI DE'I TSE ZHES BYA BA LHAG MA'O, ,DE NI YOD PA YANG YIN TE DE'I PHYIR, DE RNAM PA GZHAN DU MI 'THAD PAS DNGOS PO RNAMS NI RANG BZHIN DANG LDAN PA YIN NO ZHES BYA BA'O, ,LAN SMRAS PA'I SEMS PA NI DMAN PA DANG MNYAM PA DANG KHYAD PAR CAN GYI DBYE BA SNA TSOGS PA NYID DNGOS PO RANG BZHIN DANG LDAN PA NYID BSGRUB PAR BYA BA LA SGRUB PAR BYED PA NYID DU BSTAN PA GANG YIN PA DE NGA LA MA GRUB PA YIN TE STONG PA NYID DU SMRA BA NI DE LTA BU'I RNAM PAR DBYE BA YANG DAG PA NYID DU KHAS LEN PAR NI MI BYED DO; ,SGRUB PAR BYED PA GANG YANG RUNG BA LA MA GRUB PA YANG SGRUB PAR BYED PA YIN PA KHO NA'O, ,YANG NA GNYI GA LA YANG MA GRUB PA YIN NO ZHES BYA BAR, RGYU LAS KYANG NI MNGON GRUB MED, ,CES BYA BA GANG YIN PA SMOS TE, GAL TE RGYU LAS DANG KYANG GI SGRAS RGYU MED PAR RANG KHO NA @346B LAS DNGOS PO RNAMS MNGON PAR GRUB CING, RANG GI NGO BO GRUB PA YIN NA NI RNAM PAR DBYE BA 'DI DE LA BRTEN PA NYID KYIS DE KHO NA NYID CAN DU 'GYUR LA, GANG GI PHYIR GNYI GA LTAR YANG SNGAR BSTAN PA'I RIGS PA BRGYUD PA DES RIGS PA MA YIN PA'I PHYIR JI LTAR NA 'DI KHYED LA YANG GRUB PA YIN TE DE BAS NA GNYI GA LA MA GRUB PA YIN PA DE'I PHYIR, JI LTAR 'DI LAS BSGRUB BYA GRUB, ,CES BSTAN PAR 'GYUR, GNYI GA'I RNAM PAS MNGON PAR MA GRUB PA 'DI NYID SNGAR NYE BAR BSTAN PA LA MJUG BSDU BA'I PHYIR DE LTA BAS NA ZHES BYA BA LA SOGS PA SMOS SO, ,GANG GI PHYIR; JI LTAR RMI LAM YUL BRTEN NAS, ,ZHES BYA BA LA SOGS PA'I NGAG GIS BRTEN NAS SKYES PA DE KHO NA NYID DU MA SKYES PA NYID YIN NO ZHES BSTAN PA DE LTA BAS NA BRTEN 'BYUNG LA, RANG BZHIN GRUB PA GA LA YOD DE RNAM PA JI LTAR YANG MED PA NYID DO ZHES BYA BA'I DON TO, , 'ON TE RANG BZHIN GRUB PA'I GZHUNG GZUGS PA'I PHYIR MI BRTEN PAR 'BYUNG BA STE, RANG KHO NA LAS SKYE BA'I BDAG NYID DU KHAS BLANGS PA DER YANG RANG BZHIN MED MI 'BYUNG STE NAM YANG ZHES BYA BA LHAG MA'O, ,GRUB PA'I SNGA ROL LAM PHYIS KYI DUS SU RANG BZHIN DANG BRAL BA NYID DU MI 'GYUR ZHING RTAG TU KHO NAR YOD PA'I DNGOS POR 'GYUR RO, ,'DIR YANG, YOD PA YOD PHYIR SKYE BA YIN, ,ZHES BYA BA 'DIR YOD PHYIR ZHES BYA BA'I GTAN TSIGS SMOS PAS STON PAR BYED DO, ,'DI NYID LA 'THAD PA BSTAN PA NI RANG BZHIN GYI YANG MED PA GANG LA MED CES BYA BA'O, , YANG NI GANG GI PHYIR GYI DON LA STE, GANG GI PHYIR RANG NYID LAS 'BYUNG BA GANG LA YOD PA DE'I RGYU GZHAN LA MI LTOS PA MED PA NI DNGOS PO DANG BRAL ZHING LOG PA'I RNAM PA LA STE GANG NA YANG MED PA NYID DO ZHES BYA BA'I DON TO, ,GANG ZHIG LTOS PA MED PA DE NI RTAG TU KHO NA YOD PA YIN TE, LTOS PA DANG BCAS PA NYID RES 'GAR 'BYUNG BA'I PHYIR RO, ,DE NI RGYU MED GZHAN LA LTOS MED PHYIR, ,RTAG TU YOD PA'AM MED PAR 'GYUR, ,DNGOS PO RNAMS NI RES 'GA' ZHIG ,'BYUNG BA LTOS PA LAS YIN NO, ,ZHES BSTAN TO, ,GANG YANG 'DI SNYAM DU GAL TE MA GRUB PA'I RANG @347A *, ,BZHIN KUN GYI DNGOS PO YIN NA, 'O NA NI 'DIR RI BONG GI RVA BZHIN DU YOD PA MA YIN LA, YOD PA MA YIN PA'ANG DNGOS PO ZHES BYA BA'AM, GZHAN DNGOS ZHES BYA BA'AM, DNGOS MED CES BYA BA'I THA SNYAD DU JI LTAR 'JUG PAR BYED, DE'I PHYIR DE DAG GI THA SNYAD 'JUG PA GZHAN DU MI 'THAD PAS DE GRUB PA'I NGO BO NYID DO SNYAM DU SEMS NA, DE LA GTAN TSIGS MA GRUB PAR BSTAN PA'I PHYIR, MED LA RANG GI DNGOS PO'AM ZHES BYA BA LA SOGS PA SMOS TE, GANG ZHIG SNGAR BSTAN PA'I RIGS PAS SKYE BA MED PA DE'I MED PA LA RANG GI DNGOS PO LA SOGS PA GANG LA YIN TE DE DAG GI THA SNYAD NI RMI LAM BZHIN DU BRDZUN PA YIN NO ZHES PHYED PHYI MAS STON PAR BYED DE, DE'I PHYIR ZHES BYA BA LA SOGS PA LA DE'I PHYIR ZHES BYA BA NI RANG GI DNGOS PO LA SOGS PA RNAMS DE KHO NA NYID DU MI SRID PA'I PHYIR DE DE DAG GI THA SNYAD BRDZUN PA YIN NO ZHES BYA BA'I DON TO, ,YANG GANG GIS SKYE BA DANG 'GAG PA BZHIN DU MI 'THAD PAS DNGOS PO'I RANG BZHIN NYID DU RAB TU STON PA DE'I YANG GTAN TSIGS SNGA MAS LDOG PA'I SGO NAS RJES SU BRJOD NAS PHYED PHYI MAS GTAN TSIGS GO BAR BYA BA LA MA GRUB PA NYID DU BSTAN PA'I PHYIR, GAL TE DNGOS PO STONG YIN NA, ,ZHES BYA BA LA SOGS PA SMOS TE, 'PHAGS PA 'DI NI RTOGS PA'I DON CAN NYID DU ZAD DO, ,DNGOS DANG DNGOS MED CIG CAR MED, ,CES BYA BA LA SOGS PA 'PHAGS PA GNYIS KYIS DE LTA BA'I RAL GA LA RJES SU 'JUG PA'I SGO NAS GTAN TSIGS 'DI NYID GO BAR BYED PA LA MA GRUB PA NYID DU BSTAN PA NI, GANG GI PHYIR 'DI NI 'DI LTAR BSTAN PAR BYA BA YIN TE, SKYE BA DANG 'GAG PA DAG NI DNGOS PO DANG DNGOS PO MED PA DAG TU BSHAD LA, DE DAG KYANG KHYOD KYIS 'DUS BYAS SU 'DOD PA YIN GYI, 'DUS MA BYAS SU NI MA YIN NO, ,DE LA YANG DE DAG RIM PA MA YIN PA'AM RIM GYIS YIN, RE ZHIG RIM PA MA YIN PA NI MA YIN TE, GANG GI PHYIR, DNGOS DANG DNGOS MED CIG CAR MED, ,CES BYA BA STE, 'GAL BA'I PHYIR RO SNYAM DU BSAM PA'O, ,DE'I PHYIR DON NI 'DI YIN TE, DNGOS PO DANG DNGOS PO MED PA NI CIG CAR TE, @347B DUS GCIG TU YOD PAR MI RIGS TE, PHAN TSUN SPANGS PAS GNAS PA'I NGO BO NYID YIN PA'I PHYIR RO, ,GANG GI PHYIR SNGON PO'I MED PA MA SPANGS SNGON PO GNAS PA NI MED DO, ,RIM GYIS KYANG MA YIN TE GANG GI PHYIR, DNGOS MED MED NA DNGOS PO MED, ,CES BYA BA STE, KHYOD KYI 'DOD PAS ZHES BYA BAR DGONGS PA'O, ,KHYOD KYIS NI 'DI 'DUS BYAS NYID DU 'DOD PA YIN TE, 'DUS BYAS NYID KYANG JI SRID DU DE'I MTSAN NYID DANG MI LDAN PA DE SRID DU 'DUS BYAS NYID MA YIN NO, ,SKYE BA DANG, GNAS PA DANG, MI RTAG PA NYID NI SO SO'I MTSAN NYID DU GNAS PA NI MA YIN NO, ,NAM MKHA' LA SOGS PA RNAMS LA YANG GNAS PA NYID KHAS BLANGS PA'I PHYIR 'DUS BYAS NYID DU THAL BA'I PHYIR RO, ,BSDUS PA RNAMS DE'I MTSAN NYID YIN NA YANG MI RTAG PA DANG LDAN PA GZHAN 'JIG PA'I RNAM GRANGS CAN DNGOS PO MED NA MED PA NA STE SKYE BA DANG LDAN PA'I SKYE BA'I DNGOS PO MED PAR 'GYUR TE, DE DAG 'DUS BYAS LA LHAN CIG PA KHO NAR 'GYUR RO ZHES BYA BA'I DON TO, ,DE LAS CIR 'GYUR ZHE NA, RTAG TU DNGOS PO YANG DNGOS MED 'GYUR, ,ZHES BYA BA SMOS TE, DNGOS PO'ANG STE 'DUS BYAS NYID RTAG TU STE SKYE BA DANG GNAS PA'I DUS DAG TU YANG DNGOS PO MED STE YOD PA MA YIN PAR THAL BAR 'GYUR RO ZHES BYA BA'I DON TO, ,'ON TE SKYE BA'I DUS NYID NI RANG GI BYED PA MED PAR MI RTAG PA NYID DNGOS PO LA GNAS PA YIN LA GNAS PA LAS PHYIS KYI DUS KHO NAR DE'I 'JIG PA SGRUB PAR BYED PAS DE'I PHYIR SKYON 'DI MED DE ZHE NA, SKYON MED PA YIN NO ZHES, DNGOS MED MED NA MED MI 'BYUNG, ,ZHES BYA BA SMOS TE DNGOS PO MED PA NI DNGOS PO MED PA STE, DE LAS MED NA STE, MI RTAG PAS SGRUB PA'I 'JIG PA MED NA'O, ,'DI YOD NA DNGOS PO MI 'GYUR PAS DNGOS PO MED PA STE MI RTAG PA NYID YIN LA DE YOD NA DNGOS POR MI 'GYUR BA'I PHYIR, DE MI 'BYUNG ZHING MI SRID DO ZHES BYA BA'I DON TE, 'DI SKAD BSTAN PA YIN TE, GANG GI TSE GANG ZHIG RANG GI BYA BA BYED PA DE'I TSE DE YOD PA YIN NO ZHES SMRA BAR RIGS PA YIN TE, YOD PA NI DON BYA BA BYED PA'I MTSAN NYID CAN YIN @348A *, ,PA'I PHYIR DANG, MED PA NI DE LAS BZLOG PA'I MTSAN NYID CAN YIN PA'I PHYIR TE, JI SKAD DU NUS PA NI DNGOS PO'I MTSAN NYID YIN LA, NUS PA THAMS CAD DANG BRAL BA NI DNGOS PO MED PA'I MTSAN NYID YIN NO ZHES BSTAN PA LTA BU'O, ,GAL TE MI RTAG PA NI DNGOS PO'I BDAG NYID GRUB PA'I DUS NA RANG GI 'BRAS BUR MNGON PAR 'DOD PA 'JIG PA SGRUB PAR MI BYED PA DE'I PHYIR RGYU MTSAN DU YOD PA 'DI LA DE'I TSE YOD DO ZHES BRJOD PAR JI LTAR NUS, DE'I PHYIR, RTAG TU DNGOS PO'ANG DNGOS MED 'GYUR, ,ZHES BYA BA 'DIS BRJOD PA'I THAL BAR 'GYUR BA 'JUG PA LAS MI 'DA' BA NYID DO, ,'ON TE DANG PO DNGOS PO MED PA NYID YOD DO ZHE NA, DE YANG RIGS PA MA YIN ZHES BYA BAR, DNGOS PO MED PAR DNGOS MED MED, ,CES BYA BA LA SOGS PA SMOS TE, 'DIR DNGOS MED NI ZHI GNAS MED PA LA MNGON PAR 'DOD KYI SNGA NA MED PA LA SOGS PA LA NI MA YIN TE, DE NYID KYI SKABS SU BAB PA NYID YIN PA'I PHYIR RO, ,DE YANG SNGAR BYUNG BA'I DNGOS PO'I NGO BO MED PAR MED PA STE, 'JIG PA NI DNGOS PO'I GZHAN DBANG NYID YIN PA'I PHYIR RO, ,MED CES BYA BA'I DE MA THAG TU DE YANG ZHES BYA BA'I, LHAG MA KHONG NAS DBYUNG LA BDAG NYID NI, ,ZHES BYA BA LA SOGS PA GDON PAR BYA'O, ,DES NA DON NI 'DI YIN TE, ,DNGOS PO GANG ZHIG MED NA DNGOS PO MED PAR MI RIGS PAR 'GYUR BA DE YANG SNGAR BSTAN PA'I RIGS PAS RANG LAS MA YIN, GZHAN LAS GRUB PA MA YIN NO, ,GANG GI PHYIR, DE LTA BAS NA DE MED NA, ,DNGOS PO MED CING DNGOS MED MED, ,'DI NI RIGS PA'I PHYOGS LA BRTEN PA'I PHYOGS GNYIS SU MJUG SDUD PAR BYED DE 'DI LTAR DANG PO NI SDE BA'I BDAG NYID KYI DNGOS PO YIN LA, PHYI NAS NI 'JIG PA'I BDAG NYID KYI DNGOS PO MED PA YIN NO ZHES BYA BA'I PHYOGS GCIG PO DE YANG GAL TE KHYOD KYIS KHAS BLANGS KYI DNGOS PO SKYE BA DANG 'BREL BA'I DUS NA MI RTAG PA ZHES BYA BA'I 'DUS BYAS KYI MTSAN NYID DANG 'BREL PA MA YIN PA DE'I TSE RNAM PAR GNAS PAR 'GYUR NA 'DI YANG YOD PA MA YIN NO, ,DE LTA @348B BAS NA DE MED NA SKYE BA'I DUS KHO NAS DNGOS PO DE'I MI RTAG PAS BYAS PA'I 'JIG PA 'BYUNG BA NA DNGOS PO MED PA STE, DNGOS PO NI MA BYUNG BA LAS BYUNG BA'I MTSAN NYID KYI SKYE BA YIN LA, MED PA NI MI SRID PA YIN NO ZHES BYA BA'I DON TO, ,DE BZHIN DU DANG PO NI 'JIG PA'I BDAG NYID KYI DNGOS PO MED PA YAN LA PHYI NAS NI SKYE BA'I BDAG NYID KYI DNGOS PO YIN NO ZHES BYA BA'I PHYOGS GNYIS PA DE YANG GANG GI TSE DNGOS PO LA MI LTOS PAR 'JIG PAR 'GYUR BA DE'I TSE RIGS PA YIN GYI 'JIG PAR BYA BA MED PAR NI 'JIG PAR RIGS PA MA YIN NO, ,GANG GI PHYIR 'JIG BYA MNGON PAR 'DOD PA'I DNGOS PO DE YANG RANG LAS SAM GZHAN LAS MI 'GRUB PA STE, DE LTA BAS NA DE MED NA STE 'JIG BYAR MNGON PAR 'DOD PA'I DNGOS PO DE MA GRUB NA DNGOS MED MED DE, 'JIG PA 'BA' ZHIG MI SRID DO ZHES BYA BA'I DON TO, ,DE LTA BAS NA 'DI LTAR SKYE BA DANG 'JIG PA DAG RIM PA MA YIN PA'AM RIM PA YIN PAR MI 'GYUR BAR BSTAN PAS DNGOS PO RNAMS KYI NGO BO NYID BSGRUB PAR BYA BA LA SKYE BA DANG 'JIG PA GZHAN DU MI 'THAD PA ZHES BYA BA'I GTAN TSIGS KHO NAR GO BAR BYED PA LA MA GRUB PA NYID DU BSGRUBS PA YIN NO, ,'JIG RTEN MTHA' DAG GIS KHAS BLANGS PA'I DNGOS PO YANG KHYOD KYIS KYANG SKYON MTHONG BA MED PAR KHAS BLANG BAR 'OS PA MA YIN NAM, DE'I PHYIR DE'I STONG PA NYID BSTAN PA LA 'BAD PAS CI DGOS, 'ON TE DE KHAS BLANGS PA LA SKYON CUNG ZAD YOD NA, 'O NA NI DE BRJOD PAR BYA DGOS SO SNYAM DU DGONGS PA LA, YOD PA NYID DAM RTAG PA NYID; ,CES BYA BA LA SOGS PA SMOS SO, ,DGONGS PA NI 'DI YIN TE, YANG DAG PA DNGOS PO KHAS LEN PA NA BYAS PA'AM, MA BYAS PA KHAS LEN PA YIN GRANG NA, DE LA RE ZHIG BYAS PA NI KHAS BLANG BAR RIGS PA MA YIN TE, DE NA KHYOD 'DOD PA NYID KYIS SKYE BA'I DUS KYI TSE MI RTAG PA ZHES BYA BA 'DUS BYAS KYI MTSAN NYID DANG 'BREL PA'I DBANG GIS SKAD CIG TU YANG YOD PAR MA GRUB PA DA GZOD NYID BSTAN PA'I PHYIR RO, ,'ON TE MA BYAS PA YIN NA DE YANG RIGS PA MA YIN TE, DE NI YOD PA NYID NA DE KHAS LEN PA NA RTAG PA NYID DE RTAG PA'I THA SNYAD 'JUG PA'I @349A *, ,RGYU MTSAN 'DOD CHAGS LA SOGS PA'I NYES PA MTHA' DAG GI GLENG GZHI BSTAN PA'I DNGOS POR MNGON PAR ZHEN PA'I MTSAN NYID CAN RTAG PAR LTA BA'I NYES PA'I RGYU DNGOS POR THAL BAR 'GYUR ZHES BYA BA LHAG MA'O, ,'ON TE GANG GI TSE SKYON 'DI SPONG BAR 'DOD NAS DE YANG YOD DO ZHES KHAS MI LEN PA DE'I TSE DE YANG MED NA NGES PAR TE GDON MI ZA BAR 'CHAD PA YIN TE SHIN TU MED PAR CHAD PAR LTA BA RGYUR THAL BAR 'GYUR TE ZHES SBYAR BAR BYA'O, ,GANG GI PHYIR DE LTAR YOD PA DANG MED PA NYID DU KHAS LEN PA NA DNGOS PO YIN PA DE GNYIS YIN TE, SKYON GNYIS SU THAL BAR 'GYUR BA DE'I PHYIR DNGOS PO NI KHO BO CAG GIS KHAS BLANG BAR BYA BA MA YIN NO, ,'DI GAL TE JI SKAD BSTAN PA'I NYES PAR THAL BAR 'GYUR BA'I 'JIGS PAS BYE BRAG TU SMRA BA'I LTA BA'AM, MU STEGS PA'I LTA BAS YANG DAG PA'I DNGOS PO KHAS MI LEN NA, 'O NA NI MDO SDE PA'I LTA BAS DE KHAS LEN PAR GYIS SHIG ,GANG GI PHYIR DE DAG NI GANG GIS SKYE BA'I DUS KHO NAR 'JIG PA DANG 'BREL PA'I DBANG GIS RTAG TU DNGOS PO DNGOS MED DU THAL BAR 'GYUR BA 'DUS BYAS KYI MTSAN NYID DANG LDAN PAS MJUG 'DUS BYAS SU 'DOD PA MA YIN TE, 'ON KYANG SKAD CIG SNGA MAS BSDUS PA'I RGYU DANG RKYEN DAG LAS SNGA MA BYUNG BA LAS SKYE BA GANG YIN PA DE NI 'DUS BYAS ZHES BYA STE, DE LTAR YANG RGYU DANG RKYEN DAG KYANG YANG DAG PAR TSOGS SHING 'DUS PA LAS BYUNG BA RNAMS NI 'DUS BYAS RNAMS ZHES BYA BA DANG, RANG GI NGO BO GRUB PAR BYA BA'I PHYIR GZHAN GYI BYED PA LA LTOS PA'I DNGOS PO NI BYAS PA ZHES BSHAD PA LTA BU'O, ,DE YANG DE LTAR SKYES PA NI SKAD CIG GNYIS PA NA NYE BAR LEN PA CAN SKYE BA NA RANG GI NGANG GIS LDOG PAR 'GYUR LA, DE BZHIN DU DE'I NYE BAR LEN PA CAN YANG SKAD CIG GSUM PA LA ZHES BYA BA RGYU DANG 'BRAS BUR GYUR PA SKAD CIG GZHAN DANG GZHAN GYI BDAG NYID RGYUN GYI NGO BO YANG DAG PA'I DNGOS PO KHAS LEN NA, SNGAR BSTAN PA'I NYES PA GANG YIN PA DE RGYUN 'DI LA DNGOS PO'I NGO BO KHAS LEN PA NA MED PA STE, DE KHAS LEN PA PO NYES PA DANG LDAN PAR MI 'GYUR RO ZHES BYA BA'I DON TO, ,GANG GI PHYIR SKAD CIG @349B GNYIS PA LA SKAD CIG GSUM PA LA 'BYUNG BA'I 'BRAS BU'I RGYU BYIN NAS NI DNGOS PO 'GAG STE RANG GI NGANG GIS 'JIG PA YIN NO ZHES BYA BA'I DON TO, ,'DIR YANG SKAD CIG GCIG LA BYA BA GNYIS YOD PA'I PHYIR SNGA PHYI'I DNGOS PO MED KYANG KHA GDANGS NAS NYAL LO ZHES BYA BA BZHIN DU KA'I RKYEN MI 'GAL LO, ,SNGA MA BZHIN DU ZHES BYA BA LA SOGS PA PHYED PHYI MAS LAN 'DEBS PAR BYED DO, ,JI LTAR GONG DU MED DE DE LA YANG RGYU MIN MTSUNGS ZHES SMOS PAS BSHAD PA'I TSUL GYIS 'BRAS BU MA 'ONGS PA LA LTOS NAS RGYUR MNGON PAR 'DOD PA'I RGYU NYID MA GRUB PA DE BZHIN DU 'DIR DE'I SGO NAS BSTAN PAR BYA BA RGYUN DU MNGON PAR 'DOD PA'I RGYUN NYID 'DI MA GRUB PA YIN NO, ,SLAR RGYU MA YIN PA DANG MTSUNGS PAR GYUR PAS 'GA' DANG 'GA'I RGYUR MED PA NYID DO ZHES RGYUN CHAD PAR THAL BA BZLOG PAR DKA'O, ,DE LTA BAS NA RNAM PA JI LTAR YANG DNGOS POR KHAS BLANG BAR RIGS PA MA YIN NO, ,GAL TE DE LTAR SKYE BA DANG 'JIG PA MED NA DE MA MTHONG BA LA BCOM LDAN 'DAS KYIS MYA NGAN LAS 'DAS PA'I LAM BSTAN PA 'BRAS BU DANG LDAN PAR CI LTAR RIGS ZHES PHYOGS SNGA MAR BYA BA'I PHYIR, SKYE 'JIG MTHONG PHYIR ZHES BYA BA LA SOGS PA SMOS SO, ,GANG GI PHYIR GANG DAG LAM GYI BDEN PAS BSDUS PA RNAM PAR BYAD PA'I CHOS SKYE BA RNAMS SKYE BA DANG, SDUG BSNGAL DANG KUN 'BYUNG GI BDEN PAS BSDUS PA RNAMS NI DE'I DBANG GIS 'JIG PAR MTHONG NA, DE LA SANGS RGYAS BCOM LDAN 'DAS RNAMS KYIS LHAG MA DANG BCAS PA DANG, LHAG MA MED PA'I BDAG NYID KYI MYA NGAN LAS 'DAS PA'I LAM GYI TSOGS DANG, SBYOR BA DANG, MTHONG BA DANG, SGOM PA DANG, MI SLOB PA'I DBYE BAS THA DAD PA DE BSTAN PA NI RIGS ZHES BYA BA LHAG MA'O, ,YANG GANG ZHIG RANG BZHIN KUN NAS NYON MONGS PA MA YIN ZHING RNAM PAR BYANG BA MA YIN PA RIGS PA DE LA NI MA YIN TE, STONG PA NYID YIN PA'I PHYIR RO, ,'DIR LDAN BSTAN PA NI 'DI DAG CES BYA BA LA SOGS PA STE, 'DI DAG NI SKYE BA DANG 'JIG PA'O, ,PHAN TSUN NI GZHAN NI GZHAN DAG GO, , @350A *, ,GANG BZLOG PA NI GZHAN MI MTHUN PA'I MTSAN NYID KYI RNAM GRANGS CAN PHYIN CI LOG PA RUNG STE, DE LAS DES MTHONG BA STE, SHES PA GANG YIN PA DE NI PHYIN CI LOG LAS YIN TE, MED PA SNANG BAR NUS PA'I NGO BO MA RIG PA'I DBANG GIS DE KHO NA MTHONG BA LAS MA YIN NO ZHES BYA BA'I DON TO, ,'DI SKAD BSTAN PA YIN TE, JI SKAD BSTAN PA'I RIGS PAS RANG BZHIN STONG PA YIN PHYIR GZOD MA NAS ZHI BA'I CHOS THAMS CAD KYI SKYE BA DANG 'JIG PA DAG GIS SNA TSOGS PA NYID YOD PA MA YIN ZHING, GANG ZHIG DE RIG PA DE NI GZHAN MA YIN PA'I RNAM GRANGS CAN PHYIN CI LOG NAS GZHAN LAS MA YIN PA DE'I PHYIR, JI LTAR DE'I CHED DU BSTAN PA 'BRAS BU DANG BCAS PA YIN, 'DIR GZHAN SMRA BA NI, GAL TE SKYE 'GAG MED YIN NO, ,ZHES BYA BA LA SOGS PA'O, ,'DI SNYAM DU GANG ZHIG LA MA SKYED PAR BYED PA DANG, KUN 'BYUNG 'GOG PAR BYED PA DE LA DE'I DBANG GIS MA 'ONGS PA'I SDUG BSNGAL MI SKYE BA'I NGO BO MYA NGAN LAS 'DAS PAR RIG NA, STONG PA NYID DU SMRA BA KHYOD KYIS CHOS THAMS CAD RANG BZHIN STONG PA NYID YIN PA'I PHYIR GAL TE SKYE BA DANG 'GAG PA YOD PA MA YIN PA DE'I TSE GANG ZHIG 'GAG PAS GANG ZHIG MYA NGAN LAS 'DAS PAR 'GYUR TE, 'GA' ZHIG KYANG MA YIN PA NYID DO, ,DE'I PHYIR THAR BA MED PAR THAL BAR 'GYUR RO SNYAM DU SEMS NA, MA YIN TE, GANG GI PHYIR RANG BZHIN NYID KYIS ZHES BYA BA RGYAS PAR TE RANG GI NGO BO DANG, SGRO MA BTAGS PA'I NGO BO DANG DE KHO NA NYID CES BYA BA DON GCIG PA DE NYID KYIS GZOD MA NYID NAS CHOS THAMS CAD SKYE BA MED PA DANG DE NYID KYI PHYIR 'GAG PA MED PA GANG YIN PA DE NYID THAR MIN NAM ZHES BYA BA'O, ,'DI NYID KHYOD KYIS KYANG GDON MI ZA BAR KHAS BLANG BAR BYA STE, GZHAN DU NA GAL TE 'GOG LAS ZHES BYA BA RGYAS PAR TE, 'GA' ZHIG CES BYA BA LHAG MA'O, ,GAL TE CHOS 'GA' ZHIG 'GOG LAS TE, DNGOS PO MED PAR 'GYUR BA LAS MYA NGAN LAS 'DAS PAR THAL BAR 'GYUR ZHES BYA BA LHAG MA'O, ,'ON TE MI 'GOG PA LAS ZHES BYA BA NI CIG SHOS LTAR GYI SGRA'I DON YIN TE, DE'I TSE RTAG PA NI DNGOS PO'I RANG @350B GI NGO BO BRTAN PA KHO NA STE, MYA NGAN LAS 'DAS PAR THAL BAR 'GYUR RO ZHES SBYAR RO, ,MYA NGAN LAS 'DAS PA DE LTA BU YANG MI RIGS SHING KHYOD KYIS KYANG KHAS MA BLANGS TE, NYON MONGS PA 'GOG PA YIN NA YANG DE'I BAG CHAGS NI MI 'GOG PAS SKYE BA RNAM PAR CHAD PA MA GRUB PA'I PHYIR TE, MAR ME BZHIN MYA NGAN LAS 'DAS PA BSTAN PA YANG DGONGS PA CAN YIN PA'I PHYIR DANG, 'DUS BYAS THAMS CAD SKAD CIG MA NYID DU KHAS BLANGS PA'I PHYIR RO, ,DE PHYIR DNGOS PO DNGOS MED MIN, ,ZHES BYA BA STE, THAR PA ZHES BYA BAR 'BREL TO, ,'O NA CI ZHE NA, SKYE BA MED DANG 'GAG MED YIN, ,ZHES BYA BA STE, GZOD MA NAS ZHI BA NYID THAR PA YIN NO ZHES BYA BA'I DON TO, ,'ON TE SO SOR BRTAGS PA'I 'GOG PA NI THAR PA YIN TE, DE YANG 'DUS MA BYAS PA NYID DU 'DOD PAS RTAG TU YOD PA NYID DU GNAS PA YIN NO, ,DE LTAR YANG, 'DUS MA BYAS RNAMS GSUM YANG STE, ,NAM MKHA' DANG NI 'GOG PA GNYIS, ,ZHES BSTAN TO, ,DE'I PHYIR 'DI 'GOG PAR BYA BA MA YIN PAS JI LTAR DE YANG BKAG PA LAS THAR BAR BYA ZHES BYA SNYAM DU DOGS PA LA GAL TE 'GOG PA 'GAL ZHES BYA BA LA SOGS PA'O, ,DGONGS PA NI 'DI YIN TE, GNAS PA NYID DU 'DOD PA'I 'GOG PA 'DI NI RE ZHIG GANG GIS KYANG MI RTOGS PA NYID KYI NGO BO DE LTA BU YIN YANG GAL TE YOD DO ZHES KHA CIG SEMS PA DE'I TSE, LAM GANG ZHIG YOD PA NA 'AM, 'DOD CHAGS LA SOGS PA'I NGO BO'I LDAN PA'I RDZAS GANG YIN PA 'DI NI 'DI YOD NA 'BYUNG BAR 'GYUR BAS SAM, 'BYUNG BAR BYED PA YIN PAS DNGOS PO ZHES BSGRUB PA'I DBYE BAS THA DAD PA DE GNYI GA'I NGO BO DE MED PAR YANG DER 'GYUR TE, GANG GI PHYIR RANG GI NGO BO 'GRUB PA LA GZHAN LA LTOS PA DANG BCAS PA NI, 'DUS MA BYAS SU RIGS PA MA YIN NO, ,MI LTOS PAR KHAS BLANGS PA YANG MA YIN TE, SO SOR BRTAGS PA NI DE'I LAM NYID DU KHAS LEN PA'I PHYIR DANG, 'DOD CHAGS LA SOGS PA BRAL BAR BYA BA NYID DU KHAS BLANGS PA'I PHYIR RO, ,DE LTAR YANG, SO SOR BRTAGS PAS 'GOG PA GANG, ,BRAL BA SO SO SO SO YIN, ,ZHES BSTAN @351A *, ,TO; ,GAL TE GZHAN YANG DE DAG SO SOR BRTAGS PA NI 'GOG PA THOB PA'I YAN LAG NYID DU 'DOD NA DE LTA YANG THOB PA NI SKYE BA LAS THA DAD PAR RIGS PA MA YIN NO ZHES MI LDAN PA'I 'DU BYED DPYAD PA'I ZHAR LA GZHAN DU GTAN LA PHAB ZIN TO, ,DE'I PHYIR GNAS PA'I BDAG NYID KYI 'GOG PA DE MED DE, DE YOD PA NYID DU KHAS LEN PA NA BYE BRAG TU SGRUB PA'I DBYE BAS SNGAR BRJOD PA'I DNGOS PO SO SOR BRTAGS PA'I MTSAN NYID KYI LAM NI LTOS PAR BYA BA MA YIN PA'I PHYIR DANG, 'DOD CHAGS LA SOGS PA KUN NAS NYON MONGS PA NI DES THOB PAR BYA BA'I BRAL BA'I RTEN NYID DU MI RIGS PAS YOD KYANG NI, MED PA DANG KHYAD PAR MED PA'I PHYIR DNGOS PO MED PAR THAL BA'I PHYIR RO, ,'ON TE GAL TE DE'I LAM DANG DE'I BYED PA'I RTEN DU GYUR PA KUN NAS NYON MONGS PA LTOS PAR BYA BA YIN PA DE NYID DU KHAS BLANGS PA DE'I TSE DE DAG LA MI LTOS PA'I BRAL BA'I MTSAN NYID KYI DNGOS PO MED PA MED PA'I PHYIR YANG GNAS PA'I 'GOG PA MED DO, ,DE'I PHYIR SNGAR BRJOD PA KHO NA THAR PA'I MCHOG YIN NO, ,GANG YANG JI LTAR DNGOS PO RNAMS KYI SKYE BA MED PA NYID THAR PA YIN TE, MTSAN GZHI DANG MTSAN NYID YOD PA NYID KYIS DE NYID MA GRUB PA'I PHYIR RO, ,GANG GI PHYIR GZUGS LA SOGS PA RNAMS SKYE BA MED PA YIN NA GZUGS SU RUNG BA DANG, NYAMS SU MYONG BA DANG, MTSAN MAR 'DZIN PA LA SOGS PA'I MTSAN NYID DE KHO NA NYID DU RIGS PA MA YIN NO ZHES ZER BA DE LA, MTSAN GZHI DANG MTSAN NYID MA GRUB PAR BSTAN PAR 'DOD NAS MTSAN GZHI LAS MTSAN NYID GRUB CES BYA BA LA SOGS PA SMOS SO, ,DGONGS PA NI 'DI YIN TE, GANG GI PHYIR SGRUB PAR BYED PA GANG ZHIG RANG NYID GRUB PA'I KHANG BZANGS KYI STENG DU 'DZEGS NAS DE NYID GZHAN MA GRUB PA SGRUB PAR BYED PAR NUS PA YIN GYI 'DI DNGOS PO RNAMS SKYE BA DANG LDAN PA NYID DU BSGRUB PAR BYA BA LA SGRUB BYED NYID DU BSTAN PA NA MTSAN GZHI DANG MTSAN NYID 'DI GRUB PA NI MA YIN TE, 'DI LTAR RE ZHIG MTSAN GZHI DANG MTSAN NYID LAS 'DAS PA'I DE'I DNGOS PO GZHAN SRID PA NI MA YIN TE, DE GZHAN NYID YIN NA JI LTAR 'DI DAG @351B DE DAG GI ZHES BYA BA'I 'BREL PA GZHAN 'DOD PA GZHAN YIN LA DE LA YANG 'DI'I DON GZHAN NYID DU KHAS LEN NA, JI LTAR DE DANG DE DAG 'BREL PA YIN ZHES DE LA YANG DE LTAR, DE KHO NA YOD PA NYID DU RTOG PA NA THUG PA MED PA NYID KYIS RTOGS PA MED PAR THAL BA'I PHYIR RO, , DE DAG KYANG RANG LAS GRUB PA MA YIN TE, GANG GI PHYIR, MTSAN GZHI LAS MTSAN GRUB MTSAN LAS, ,MTSAN GZHI GRUB STE ZHES BYA BAR SBREL BAR BYA'O, ,GANG GI PHYIR GANG GIS MTSAN GZHI MTSON PAR BYED PA DE NI MTSAN NYID CES BYA BA YIN GYI MTSAN GZHI LA MTSAN GZHI NYID DU MTSON PAR MI BYED PA'I MTSAN NYID DE MTSAN GZHI NYID DU MTSON PA NI MA YIN NO, ,DE LTAR RE ZHIG MTSAN GZHI LA RAG LAS NAS MTSAN NYID GRUB PA YIN NO, ,MTSAN GZHI YANG MTSAN NYID LA LTOS NAS GRUB PA YIN TE, 'DI LTAR GANG ZHIG MTSAN NYID KYIS MTSAN PAR BYA BA DE NI MTSAN GZHI ZHES BYA BA YIN GYI, MTSAN NYID DE LTA BUS NYE BAR MTSON PA NI MTSAN GZHI DE'I MTSAN GZHI NYID DU NYE BAR MTSON PA NI MA YIN NO, ,DE LTA BAS NA DE DAG RANG NYID LAS GRUB PA MA YIN NO, ,'ON TE DE DAG RANG LAS GRUB PAR MA GYUR MOD, 'ON KYANG PHAN TSUN LTOS PA NYID LAS GRUB PA YIN NO ZHE NA, GCIG LAS GCIG KYANG MA GRUB STE ZHES BYA BA SMOS TE, GANG GI PHYIR, MA GRUB MA GRUB GRUB BYED YIN TE, GANG GI PHYIR PHAN TSUN LTOS PA NA GNYIS PO DAG GRUB PAR 'DOD NA GCIG KYANG GRUB PA MA YIN TE, DE'I PHYIR MTSAN GZHI MA GRUB PA NI MTSAN NYID MA GRUB PA'I SGRUB BYED MA YIN PA LA MTSAN NYID MA GRUB PA YANG MTSAN GZHI MA GRUB PA'I MA YIN NO, ,DE LTA BAS NA CI LAS KYANG MTSAN GZHI DANG MTSAN NYID GRUB PA MA YIN NO, ,DE LAS CIR 'GYUR ZHES DGONGS PA LAS MA GRUB CES BYA BA LA SOGS PA SKABS KYI DON LA SBYAR BA'I PHYIR YANG GDON PAR BYA'O, ,DES NA DON NI 'DI YIN TE, MA GRUB PA'I MTSAN GZHI DANG MTSAN NYID GANG YIN PA DE YANG MA GRUB PA'I SKYE BA DANG LDAN PA'I GRUB BYED NGES PA SKYED PAR BYED PA NI MA YIN NO ZHES BYA BA'O, ,RIGS PA 'DI NYID RGYU DANG @352A *, ,'BRAS BU NYID LA SOGS PA GZHAN DAG KYANG DNGOS PO RNAMS SKYE BA DANG LDAN PA NYID DU BSGRUB PAR BYA BA LA SGRUB BYED NYID DU GZHAN DAG GIS NYES PAR SBYAR BA DAG MA GRUB PA NYID DU BRJOD PA'I PHYIR, GZHAN LA BSGRE BA BSTAN PA'I PHYIR, ,'DIS NI RGYU DANG 'BRAS BU DANG, ,ZHES BYA BA LA SOGS PA SMOS SO, ,DE LA RE ZHIG RGYU DANG 'BRAS BU NYID NI RGYU DANG 'BRAS BUR MNGON PAR 'DOD PA'I DNGOS PO LAS PHYI ROL DU GYUR PA MA YIN TE, SNGA MA THUG PA MED PAR THAL BAR 'GYUR BA BZLOG DKA' BA'I PHYIR RO, ,DNGOS PO DE DAG KYANG DE NYID DU RANG LAS GRUB PA MA YIN TE, GANG GI PHYIR RGYUR GRUB PA NI 'BRAS BU LAS YIN LA, 'BRAS BU'I YANG RGYU LAS YIN NO, ,GANG GI 'BRAS BU BYED PA DE NI RGYU ZHES BYA BA YIN GYIS 'BRAS BU LA 'BRAS BU NYID DU MA RTOGS NA RGYU DE NYID DU RTOGS PAR 'GYUR BA YANG MA YIN NO, ,DE BZHIN DU RGYUS BSKYED PAR BYA BA 'BRAS BU LAS YIN GYI RGYU LA RGYU NYID DU NYE BAR MA MTSON PA NA 'BRAS BU LA 'BRAS BU NYID DU YONGS SU GCOD PAR 'GYUR BA YANG MA YIN NO, ,GAL TE RJES SU 'GRO BA DANG LDOG PA RTOGS PAS GNYIS PO DAG GI RGYU 'BRAS NYID RTOGS PAR BYA BA YIN GYI PHAN TSUN LTOS PA MA YIN NO ZHE NA MA YIN TE, RJES SU 'GRO BA SGRUB PAR BYED PA DANG LDOG PA SGRUB PAR BYED PA'I TSAD MA NI GCIG GAM DU MA MI SRID PA'I PHYIR RO, ,JI LTAR YANG DE MI SRID PA DE LTAR SEMS GCIG LA YANG MI 'THAD LA, DU MA LA YANG MI 'THAD DO ZHES BYA BA'I NAD 'DIR BSHAD PA YIN NO, ,DE'I PHYIR DE DAG GRUB PA LA PHAN TSUN LTOS PA SRID PA'I PHYIR RANG LAS GRUB PA MA YIN NO, ,'O NA NI PHAN TSUN LTOS PA NYID DU 'GYUR RO ZHE NA, DE YANG RIGS PA MA YIN TE, DE NYID DU GCIG KYANG MA GRUB PA YIN NA, DE LAS GZHAN GYI SGRUB PAR BYED PA NYID DU MI SRID PA'I PHYIR RO, ,DE LTA BAS NA RANG DANG, PHAN TSUN LAS MA GRUB PA'I RGYU DANG 'BRAS BU NYID 'DI NI GZHAN GYI SKYE BA DANG LDAN PA NYID MA GRUB PA'I SGRUB BYED MA YIN NO ZHES BYA BA 'DI GNAS PA YIN NO, ,DE LTAR BYA BA DANG BYED PA PO NYID DANG BYED PA PO DANG LAS NYID KYANG 'DI LA SGRUB @352B PAR BYED PA MA YIN NO ZHES BSTAN PA'I PHYIR RO, ,TSOR BA TSOR BA PO SOGS DANG, ,ZHES BYA BA LA SOGS PA SMOS SO, ,GAL TE YANG TSOR BA LAS THA DAD PAR BDAG LA SOGS PA GZHAN GYIS YONGS SU BRTAGS PA'I TSOR BA PO NI SHIN TU MED PA DE LTA NA YANG NAG PA LA SOGS PA KUN RDZOB TU DER KHAS BLANGS NAS GTAN TSIGS SU BSTAN PA 'DI LA BSGRE BAR RNAM PAR GZHAG PAR BYA BA YIN NO, ,'DI DAG RANG RIG PA DANG DBANG PO'I MNGON SUM DAG GIS YANG DAG PAR KHONG DU CHUD PA'I NGO BO DAG YIN YANG BYA BA DANG BYED PA PO NYID DU TSAD MED PA DE DAG GIS RTOGS PAR BYA BA YANG MA YIN TE, DE NI PHAN TSUN LTOS PA KHO NAS RTOGS PAR BYA BA YIN PA'I PHYIR RO, ,BYED PA POS BSGRUB PAR BYA BA'I NGO BO BYA BA YIN TE, DE YANG BYED PA POR MNGON PAR 'DOD PA LA BYED PA PO NYID DU MA RTOGS NA RTOGS PAR NUS PA MA YIN NO, ,DE YANG BYA BA SGRUB PAR BYED PA NYID KYIS BYED PA PO YIN PA'I PHYIR BYA BA RTOGS PA LA LTOS PA KHO NAS BYED PA PO NYID DU RTOGS PA YIN NO, ,DE'I PHYIR DE DAG NI DE'I NGO BOR RANG LAS RTOGS PAR BYA BA YIN NO, ,PHAN TSUN LAS KYANG MA YIN TE, DE LTA NA GCIG MA GRUB NA MA GRUB PA LA YANG GZHAN DU SGRUB PAR BYED PA NYID DU MI RIGS PA'I PHYIR RO, ,DE LTA BAS NA TSOR BA DANG TSOR BA PO ZHES BYA BA RANG DANG PHAN TSUN LAS MA GRUB PA'I GTAN TSIGS 'DI YANG SKABS KYIS SKYE BA DANG LDAN PA NYID KYIS GTAN TSIGS MA YIN NO ZHES BYA BAR GNAS PA YIN NO, ,DE LTAR BYED PA PO DANG LAS NYID KYI BDAG NYID LTA BA PO DANG BA LTA BAR BYA BA NYID KYANG SGRUB PAR BYED PA NYID MA YIN PAR SBYAR BAR BYA'O, ,SGRA GNYIS PO DAG GIS 'DI 'TSED PA PO DANG 'TSED PA DANG NYAN PA PO DANG, MNYAN BYA NYID LA SOGS PA'I GTAN TSIGS GZHAN DAG KYANG RIGS PA THUN MONG BA NYID KYIS MA GRUB PA'I PHYIR, SKABS KYIS BSGRUB BYA SGRUB PAR BYED PA'I NUS PA DANG BRAL BA NYID DU NYE BAR BRJOD PAR BYA'O, ,GAL TE GANG YANG DNGOS PO RNAMS RANG BZHIN GYIS SKYE BA DANG 'GAG PA MED PA DAG YIN NA 'O NA NI DE DAG YOD PA MA YIN ZHING GANG DAG YOD PA MA YIN PA DE DAG @353A *, ,KYANG DUS GSUM DU 'JUG PA NYID DU THA SNYAD BYA BAR MI NUS PAR 'GYUR NA, THA SNYAD KYANG BYED PA YIN NO, ,DE'I PHYIR DE'I THA SNYAD GZHAN DU MI 'THAD PAS SKYE BA DANG 'GAG PA DANG LDAN PA'I DNGOS PO RNAMS YIN PA DE'I PHYIR JI LTAR NA, RANG BZHIN NYID KYIS SKYE MED CING, ,'GAG MED GANG DE THAR MIN NAM, ,ZHES RJOD PAR BYED SNYAM DU SEMS NA, DE LA DUS GSUM NYID MED DO ZHES BSTAN PA'I PHYIR BDAG NYID MA GRUB MI GNAS ZHES BYA BA LA SOGS PA SMOS SO, ,GANG GI PHYIR DUS ZHES BYA BA DNGOS PO LAS DON GZHAN DU GYUR PA ZHIG YIN NAM, DON GZHAN DU GYUR PA DE YANG CI GCIG YIN NAM, DUS MA YIN, DE LA RE ZHIG DON GZHAN DU GYUR PA NI MA YIN TE, BDAG NYID DE RANG NYID DNGOS PO'I BDAG NYID MA YIN PAR GYUR PA RANG GI NGO BO NYID DU MA GRUB PA'I PHYIR TE, TSAD MAS KHONG DU MA CHUD PA'I PHYIR RO; ,DE LTAR KHAS BLANGS PA NA YANG GCIG MA YIN TE, MI GNAS PHYIR TE DE GCIG TU ZHES BYA BA NI LHAG MA'O, ,GANG GI PHYIR RNAM PA GSUM DU THA SNYAD DU BYA BA DE NI GCIG NYID DU RNAM PAR GNAS PA MA YIN NO, ,'O NA NI DU MAR 'GYUR RO ZHE NA, DE YANG RIGS PA MA YIN TE, PHAN TSUN GRUB PHYIR DANG, 'CHOL PHYIR ZHES BYA BA'I GTAN TSIGS GNYIS PO DAG GIS SO, ,GANG GI PHYIR 'DAS PA DANG, DA LTAR BA DANG, MA 'ONGS PA DAG DE LTAR RTOGS PAR BYA BA RNAMS RE RE ZHING DE LAS GZHAN GRUB PA LA RAG LAS NA GRUB PA DAG YIN TE, DA LTAR YANG, MA 'ONGS PA DAG DE LTAR NYID DU RTOGS PA MED PAR NI 'DAS PA'I DUS DE LTAR RTOGS PAR NUS PA MED PA MA YIN NA 'DAS PA'I NGO BOR RTOGS PA MED NA DA LTAR DANG MA 'ONGS PA DAG RANG GI BDAG NYID DU YANG MA YIN NO, ,DE LTAR GZHAN LA YANG BRJOD PAR BYA'O, ,DE'I PHYIR GCIG LA GCIG BRTEN PA NYID KYIS GCIG KYANG MA GRUB PA DE'I PHYIR JI LTAR 'DI DU MA'I BDAG NYID DU YANG GRUB PA YIN, 'DI DAG NI 'CHOL BA YANG YIN TE, 'DI LTAR DA LTAR NYID LA LTOS NAS GANG DA LTAR BA NYID 'DAS PA LA LTOS NAS MA 'ONGS PA NYID YIN TE, DE LA LTOS @353B NAS 'DI 'BYUNG BAR 'GYUR BA YIN NO, ,MA 'ONGS PA LA LTOS NAS 'DAS PA YIN TE, DE LA LTOS NAS 'DAS PA'I NGO BO YIN PA'I PHYIR RO, ,DE LTAR GZHAN DU YANG LTOS PA'I DBYE BAS GSUM NYID YIN NO, ,DE LTAR 'CHOL BA'I PHYIR YANG 'DI DU MA 'DI YANG DAG PAR MA GRUB PA NYID DO, ,DE'I PHYIR 'DI LTAR DNGOS PO LAS DON GZHAN DU GYUR PA'I DUS GCIG GAM DU MAR MA GRUB PA YIN NO ZHES BYA BAR RNAM PAR GNAS PA YIN NA, GANG ZHIG DNGOS PO NYID SKYES LA 'GAGS PA DANG, SKYES LA MA 'GAGS PA DANG, MA SKYES PA LAS 'DAS PA DANG, DA LTAR DANG MA 'ONGS PA'I BDAG NYID DUS KYI DBYE BA YIN PAR SEMS PA DE LAS YANG 'DI DNGOS PO BA NYID DU MA GRUB BO ZHES BSTAN PA'I PHYIR GTAN TSIGS BSTAN PA NI DNGOS PO MED PHYIR YOD MIN TE ZHES BYA BA'O, ,GANG GI PHYIR GAL TE DNGOS PO NYID 'GA' ZHIG DNGOS PO BA NYID YIN PA DE'I TSE 'DI GNAS SKABS KYI DBYE BA LA BRTEN NAS DUS GSUM GYI BDAG NYID DU RNAM PAR GZHAG PAR BYA BA MA YIN NA 'DI YOD PA YANG MA YIN TE, DE NI SNGAR KHO NA 'THAD PA MANG PO'I SGO NAS RANG BZHIN STONG PA NYID DU NYE BAR BSTAN PA'I PHYIR RO, GAL TE DNGOS PO LAS DON GZHAN DU GYUR BA'AM, DON GZHAN MA YIN PAR GYUR PA'I DUS KYI DBYE BA DNGOS PO PA NYID DU YOD PA MA YIN NA, DE'I TSE 'JIG RTEN NA THOG MA MED PA'I BRGYUD PA NAS GRAGS PA DE LA BRTEN PA'I THA SNYAD 'DI JI LTAR YIN SNYAM DU DOGS PA BSAL BA'I PHYIR, DUS GSUM NYID NI RTOGS PA TZAM, ,ZHES BYA BA SMOS SO,, THOG MA MED PA'I BRDZUN PA'I RNAM PAR RTOG PA GOMS PA'I BAG CHAGS LAS BYUNG BA CAN DUS GSUM MO SNYAM PA DE LTA BU'I RNAM PAR RTOG PA NYID 'BA' ZHIG YIN GYI DNGOS PO'I NYE BAR LEN PA CAN NI MA YIN NO ZHES BRJOD PA YIN NO, ,GANG YANG SKYE BA DANG 'GAG PAR BYA BA'I NGO BO DAG SPONG BA YIN NA 'DUS BYAS SPANG BAR 'GYUR LA, DE SPANGS NA YANG 'DUS BYAS KYI MTSAN NYID GSUM PO RNAMS SPONG BAR 'GYUR NA DE DAG NI SPANG BAR NUS PA YANG MA YIN ZHES ZER BA DE LA, GANG PHYIR SKYE DANG GNAS DANG 'JIG ,CES BYA BA LA SOGS PA SMOS SO, , @354A *, ,'DUS BYAS MTSAN NYID CES BYA BAR RIGS LA GCIG GIS TSIG YIN LA, RIGS KYANG GSAL BA MTHA' DAG 'PHEN PAR 'JUG PA YIN NO, ,DE'I PHYIR 'DUS BYAS KYI MTSAN NYID RNAMS ZHES BYA BA'I DON DU GNAS PA YIN NO, ,DE LTAR 'DUS BYAS KYI MTSAN NYID RJES SU BRJOD NAS SPANG BA'I PHYIR, 'DI GSUM MED CES BYA BA LA SOGS PA SMOS SO, ,GANG GI PHYIR 'CHAD PAR 'GYUR BA'I RIGS PAS 'DI GSUM YOD PA MA YIN ZHING, DE'I SGO NAS 'DUS BYAS NYID KYANG YOD PA MA YIN NO, ,'DUS BYAS DANG 'DUS MA BYAS DAG PHAN TSUN SPANGS PAS GNAS PA'I PHYIR GCIG DGAG PA NI GZHAN SGRUB PAR BYED NA MED PA'I PHYIR ZHES BYA BA'I RIGS PAS 'DUS MA BYAS NYID YOD PA NYID DU LUS PA YIN NA DE YANG CI YANG YOD PA MA YIN TE, GZHAN GYIS KHAS BLANGS PA'I DON BYED NUS PA'I MTSAN NYID KYI YOD PA NI DE LA MI RIGS PA'I PHYIR RO SNYAM DU SEMS PA'O, ,'DI SKAD BSTAN PA YIN TE, GAL TE 'DUS BYAS KYI MTSAN NYID GSUM GDON MI ZA BAR KHAS BLANG BAR BYA BAR YOD PAR GYUR PA DE'I TSE DE'I BYED PA'I GNAS 'DUS BYAS KYANG YOD PA NYID DU KHAS BLANG BAR BYA BAR 'OS PAR 'GYUR NA 'DI GSUM NI GDON MI ZA BAR KHAS BLANG BAR BYA BAR YOD PA CAN YANG MA YIN TE, DE'I BYED PA NI JI LTAR YANG 'THAD PA MA YIN PA NYID YIN PA'I PHYIR RO, ,'DI NYID BSTAN PA'I PHYIR, MA ZHIG CES BYA BA LA SOGS PA SMOS SO, ,'DIS NI 'DI SKAD BSTAN TE, GAL TE 'DUS BYAS SKYE BA DANG, GNAS PA DANG, 'JIG PA YANG YIN LA, DE'I TSE DE'I MTSAN NYID KYANG DE DAG RAB TU SBYOR DU 'JUG PA NYID KYIS BYED PA DANG LDAN PA NYID DU GDON MI ZA BAR KHAS BLANG BAR BYA BAR YOD PAR 'GYUR NA, DE'I TSE SKYE BA DANG, GNAS PA DANG, 'JIG PA YANG MA YIN NO, ,GANG GIS SKYES PA NI SKYE BA MA YIN TE; SKYE BA'I BYA BA RDZOGS PA NYID YIN PA'I PHYIR RO, ,MA SKYES PA YANG MA YIN TE, GANG ZHIG RI BONG GI RVA BZHIN DU SKYE BA'I BYA BA'I DGAG PA GRUB PA YIN NO, ,GAL TE GANG LA SKYE BA LA RGYU MED PA NI SKYE BA'I CHOS CAN GYIS MA SKYES PA DE NI SKYE BAR MI 'GYUR DU CHUG PA , [?] GANG @354B LA SKYE BA LA RGYU YOD PA SKYE BA'I CHOS CAN GYI MA SKYES PA DE NI CI'I PHYIR SKYE BAR MI 'GYUR ZHE NA, DE YANG SKYE BA MA YIN TE, DE'I RGYUR MNGON PAR 'DOD PA NI RGYU MA YIN PA DANG MTSUNGS PA'I PHYIR RO, ,'DIR YANG RIGS PA NI, YOD PA'I 'BRAS LA'ANG 'BRAS LDAN RGYU, ,ZHES BYA BYA BA LA SOGS PA LAN MANG DU BSTAN ZIN TO, ,DE LTAR GNAS PA DANG MI GNAS PA DANG, ZHIG PA DANG MA ZHIG PA'I YUL GYI DBYE BAS GNAS PA DANG 'JIG PA MI RIGS PAR BSHAD PAR BYA BA YIN NO, ,DE'I PHYIR SKYE BA LA SOGS PA 'DUS BYAS KYI MTSAN NYID GSUM NI BYED PAS STONG PA'I PHYIR RANG BZHIN STONG PA NYID YIN TE, DE'I PHYIR DE'I RJES SU 'BRANGS NAS KYANG 'DUS BYAS DNGOS PO BA NYID DU KHAS BLANG BAR 'OS PA MA YIN NO, ,GANG GI PHYIR DE LTAR 'DUS BYAS DANG 'DUS MA BYAS SNA TSOGS NYID RANG BZHIN NYID MED PA NYID DE, DE'I PHYIR DU MA DANG GCIG NYID LA SOGS PA'I RNAM PAR RIGS PA RNAMS KYANG DE LA BRTEN PA NYE BAR LEN PA MED PA RNAMS NYID YIN NO, ,'DUS BYAS DANG 'DUS MA BYAS NYID KYI MTSAMS LAS PHYI ROL DU GYUR PA NYID DU DNGOS PO SRID DU YANG MA YIN ZHING THAMS CAD 'DI KHO NAR 'DUS PA YIN PA'I PHYIR GZOD MA NAS ZHI BA NYID KHO NA RIGS PA DANG LDAN PA'I THAR PA YIN NO ZHES BSTAN PA'I PHYIR RO, ,'DUS BYAS NI 'DUS MA BYAS ZHES BYA BA LA SOGS PA SMOS TE, 'PHAGS PA 'DI'I DON RTOGS PAR ZAD DO, ,'DIR THAMS CAD GANG ZHIG 'DUS PAR 'DOD PA DE NI PHYOGS SNGA MA BKOD PA SNGON DU 'GRO BA CAN GYI GRUB PA'I MTHA' BSTAN PA'I SGO NAS GSAL BAR BYA BA'I PHYIR, BLA MA BCOM LDAN 'DAS ZHES BYA BA LA SOGS PA SMOS SO, ,GAL TE 'DUS BYAS DANG 'DUS MA BYAS THAMS CAD RANG BZHIN STONG PA NYID YIN PA DE'I TSE LAS KYANG 'DUS BYAS KYI NANG DU GTOGS PA'I PHYIR DE LTAR GYUR NA YANG MA YIN TE, 'DI LTAR BLA MA STE 'JIG RTEN GSUM GYI STON PA GCIG PU'O, ,BCOM LDAN 'DAS ZHES BYA BA NI, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA LA, ,DRUG PO DE LA LDAN ZHES BRJOD, ,CES @355A *, ,BYA BA BCOM LDAN 'DAS KYI SGRAS BRJOD PAR BYA BA YON TAN MA LUS PA 'PHEN PAR BYED PA'I YON TAN DRUG DANG LDAN PA'I SANGS RGYAS SO, ,NGES PAR RNAM PAR SMIN PAR BYED PA YIN PA'I PHYIR LAS GNAS TE NGES PAR GNAS SHING NYE BAR BSTAN PA'O, ,DE YANG RNAM PA GSUM STE, MTHONG BA'I CHOS LA MYONG BAR 'GYUR BA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I DBYE BA STE, JI SKAD DU, NGES PA DANG NI MA NGES LAS, ,NGES PA YANG NI RNAM GSUM STE, ,MTHONG CHOS LA SOGS MYONG PHYIR RO, ,ZHES BSTAN PA LTA BU'O, , DE BZHIN DU, LAS BDAG DANG NI 'BRAS BU DANG, ,ZHES BYA BA STE, GNAS PA DANG GSUNG ZHES BYA BA DANG SBREL BAR BYA'O, ,'DIR BDAG NYID KYI SGRA NI RANG BZHIN BRJOD DO, ,DES NA 'DI SKAD BSTAN PA YIN TE, GANG YANG LAS RNAMS KYI BDAG NYID GNAS PA STE, MTSAN NYID NGES PA NI 'DI LTA STE, YID KYI NI SEMS PA'O, ,LUS DANG NGAG GI NI SEMS PAS KUN NAS BSLANG BA NYID DE, SEMS PA YID KYI LAS YIN TE, ,DES BSKYED LUS DANG NGAG GI LAS, ,ZHES GANG BSTAN PA'O, ,RANG GI DON LA BKA' SGRUB PA'I PHYIR DE NI LAS KYI BDAG NYID DO, ,DE'I 'BRAS BU STE, LAS GCIG TU GNAG PA RNAMS KYI BDAG NYID SMIN PA NI GCIG TU GNAG PA'O, ,GCIG TU DKAR BA RNAMS KYI RNAM PAR SMIN PA NI GCIG TU DKAR BA'O, ,'DREN MA RNAMS KYI RNAM PAR SMIN PA NI 'DREN MA'O ZHES BYA BA'I DBYE BA GNAS PAS NYE BAR GNAS PA YIN NO, ,'JIG RTEN NI LAS BDAG GIR BYA BA YIN NO ZHES GSUNGS PAS LAS NYID RANG GI BDAG NYID DU BYA BA RTAG TU DBANG SGYUR BA YIN TE, 'JIG RTEN GZHAN DU RJES SU 'BRANG BA'I BE'U LTA BU GANG DAG YIN PA DE DAG STE, DE DAG NI SEMS CAN DAG BYA BA GSUNG ZHES BYA BA DANG SBREL BAR BYA'O, ,DE BZHIN DU; LAS RNAMS BSKAL PA BRGYAR YANG NI, ,CHUD MI ZA BA NYID YIN TE, ,TSOGS SHING DUS LA BAB PA NA, ,LUS CAN RNAMS LA 'BRAS BU SMIN, ,ZHES GSUNGS PA LAS RNAMS CHUD MI ZA BAR GSUNGS PA'O, ,DANG PO NI THA MA DAG TU GSUNGS ZHES BYA BA'I TSIG GNYIS @355B NYE BAR BZUNG BA NI DBUS SU YANG DE SBYAR BA'I DON DU'O, ,DE LTA BAS NA GAL TE LAS KYANG STONG PA NYID YIN NA 'DI LTAR BCOM LDAN 'DAS GSUNG BAR MI 'GYUR BA ZHIG NA ZHES BSTAN PA YIN NO, ,GRUB PA'I MTHA' SMRA BA NI, LAS GSUNGS TE GANG PHYIR MA SKYES ZHES BYA BA LA SOGS PA SMOS TE, GANG LAS GNAS PA ZHES BYA BA 'DI LTA BU'I RANG BZHIN CAN ZHES BYA BA'I, SEMS CAN RNAMS KYIS LAS BDAG GIR ZHES BYA BA 'BRAS BU MA BYIN PAR CHUD MI ZA ZHES BYA BAR GSUNGS PA NI 'JIG RTEN GYI THA SNYAD KYI DBANG GIS TE, DE NI GANG GI PHYIR MA SKYES, ,MI 'JIG PA DE'I PHYIR, DE KHO NA NYID DU RANG BZHIN MED CES TSIG SBREL TE SBYAR BAR BYA'O, ,SGYU MA LA SOGS PA BZHIN DU BRTEN NAS SKYES PA'I PHYIR, GANG ZHIG DE KHO NA NYID DU SKYE BA DANG 'GAG PA MI RIGS PA DE NI JI LTAR RANG BZHIN DANG LDAN PA NYID CES GSUNGS PAR 'GYUR TE, DE LA 'DI SNYAM DU SEMS TE, GAL TE RANG BZHIN MED PA'I LAS DE'I DBANG GIS JI LTAR BDAG NYID KYI DNGOS PO YONGS SU 'DZIN PA YIN ZHE NA, 'DIR LAN BSTAN PA NI, DE SKYES BDAG 'DZIN DE 'DZIN MED, ,CES BYA BA'I LAS LAS SKYES PA NYID DU MNGON PAR 'DOD PA BDAG NYID KYI DNGOS PO YONGS SU 'DZIN PA GANG YIN PA DE YANG DE KHO NA NYID DU DE YONGS SU 'DZIN PA MED PA DE KHO NA'O, ,GANG LAS SHE NA, DE YANG RNAM PAR RTOG PA LAS YIN ZHES BYA BA SMOS SO, ,YANG NI GANG GI PHYIR GYI DON TE, GANG GI PHYIR LAS LAS SKYES PAR MNGON PAR 'DOD PA BDAG NYID KYI DNGOS POR SNANG BA GANG YIN PA DE NI THOG MA MED PA'I MA RIG PA'I BDAG NYID KYI RNAM PAR RTOG PA KHO NA LAS YIN GYI DNGOS PO NYID NI MA YIN TE, RAB RIB KYI RGYU MTSAN SKRA SHAD 'DZINGS PA DANG ZLA BA GNYIS PA LA SOGS PA LTA BU'O, ,'DI NYID KYANG KHYOD KYIS KYANG GDON MI ZA BAR KHAS BLANG BAR BYA BA YIN TE, GZHAN DU GAL TE LAS NI RANG BZHIN DU GYUR ZHES BYA BA RGYAS PAR RO, ,DGONGS PA NI 'DI YIN TE, GANG ZHIG RTEN 'BREL MA YIN PA DE NI RANG BZHIN GYIS YIN NO ZHES BYA BAR RIGS PA YIN TE, RGYU DANG RKYEN LAS SKYES PA NI SGYU MA LA SOGS PA BZHIN DU YANG @356A *, ,DAG PAR MA SKYES PA NYID KYIS RANG BZHIN MED PA'I PHYIR RO, ,GAL TE LAS KYANG RTEN 'BREL MA YIN TE, DER 'GYUR BA NA GZHAN LA LTOS PA MED PA'I PHYIR RTAG TU BA NYID DU 'GYUR BA DE'I PHYIR DES BSKYED PAR BYA BAR MNGON PAR 'DOD PA LUS KYI DNGOS PO YANG RGYU MA TSANG BA MED PA NYID KYIS RTAG PA NYID DU 'GYUR RO ZHES BYA BA NI NYES PA GCIG STE, GANG GI PHYIR KHYOD KYIS RTAG PA NYID DNGOS PO'I CHOS NYID DU MI 'DOD DO, ,LAS DANG LAS KYI 'BRAS BU RTAG PA NYID YIN NA NI, LAS KYANG SDUG BSNGAL RNAM SMIN CAN MI 'GYUR, ,ZHES BYA BA NYES PA GNYIS PA DANG, DE'I PHYIR BDAG TU 'GYUR TE BDAG MED PA MA YIN NO ZHES BYA BA NYES PA GSUM PA YIN TE, MI RTAG KHO NA LAS SDUG BSNGAL BA DE NYID DANG, BDAG MED PA NYID DU 'DOD PA'I PHYIR RO, ,GANG GI PHYIR RTAG PA NI 'DU BYED DANG, 'GYUR BA'I SDUG BSNGAL DAG DANG, BDAG MED PA DANG 'BREL PA'AM, KHYOD KYIS KHAS BLANGS PA YANG MA YIN TE, GANG MI RTAG PA DE NI SDUG BSNGAL BA YIN LA, GANG SDUG BSNGAL BA DE NI BDAG MED PA YIN NO ZHES BYA BAR GRUB PA'I MTHA' YIN PA'I PHYIR RO, ,GAL TE DE YANG SGYU MA NYID LA SOGS PA BZHIN DU BRTEN NAS SKYE BA'I PHYIR DE KHO NA NYID DU RANG BZHIN MED PAR KHYOD KYIS KHAS LEN PA DE'I PHYIR JI SKAD BSHAD PA'I NYES PAR THAL BA MA YIN TE, GANG GI PHYIR, GANG BRTEN NAS SKYES PA DE NI MI RTAG PA NYID YIN LA, GANG MI RTAG PA DE NI SDUG BSNGAL BA YIN LA, GANG SDUG BSNGAL BA DE NI BDAG MED PA YIN NO ZHES STONG PA NYID DU SMRA BAS KYANG KUN RDZOB KYI BDEN PA LA MI BSTON [?] PA'I PHYIR KHAS LEN PA NYID DO, ,DE'I PHYIR, LAS NI RKYEN SKYES CI YANG MED, ,CES RGYAS PAR RO, ,GANG GI PHYIR LAS BRTEN NAS SKYES PAR KHAS LEN NA, SGYU MA LA SOGS PA BZHIN DU DE KHO NA NYID DU SKYE BA MED CING 'GAG PA MED PA'I PHYIR DANG, BRTEN NAS MA SKYES PA LA JI SKAD BSHAD PA'I SKYON GSUM DU THAL BA'I PHYIR GO RIMS BZHIN DU 'PHAGS PA GNYIS PO DAG GIS DE MA THAG TU RANG BZHIN MED PA NYID DU BSTAN PA DE'I PHYIR, LAS NI RKYEN SKYES CI YANG MED, ,RKYEN LAS SKYES MIN YOD MIN TE, ,DE KHO NA NYID DU @356B ZHES BYA BA LHAG MA'O, ,'ON TE DE LAS RAB TU SPANGS NA RIGS PA THUN MONG BA NYID KYIS DE'I RGYU NYID DU 'DOD PA'I NYON MONGS PA DANG, DE GNYI GA RGYU MTSAN CAN GYI SKYE BA YANG RAB TU SPANG BAR 'GYUR BA MA YIN NAM, DE'I PHYIR 'DU BYED 'DI GANG DAG GIS 'DU BYED PA DANG, GANG DAG 'DU BYED PA ZHES BYE BRAG TU SGRUB PA'I DBYE BAS DNGOS PO RGYU DANG 'BRAS BU'I BDAG NYID RNAMS SO SOR SNANG BA'I SPYOD YUL DU 'GRO BA JI LTAR 'GYUR SNYAM DU DOGS PA BSAL BA'I PHYIR, 'DU BYED RNAMS NI SGYU MA DANG ZHES BYA BA LA SOGS PA SMOS SO, ,JI LTAR DRI ZA'I GRONG KHYER LA SOGS PA YANG DAG PAR YOD PA MA YIN PA RNAMS KYANG BRTEN NAS BYUNG BA'I NGO BO NYID DU LOG PAR SNANG BA'I BDAG NYID KYIS SNANG BA DE BZHIN DU 'DU BYED THAMS CAD KYANG YIN TE, GANG GIS NA DE DAG NYID YANG DAG PAR YOD PA NYID DU RNAM PAR GZHAG PA LAS RGYU MTSAN LHAG MA MTHONG NGO ZHES DGONGS PA YIN NO, , 'DI DAG NYID GSAL BAR BYED PA'I PHYIR, LAS NI NYON MONGS RGYU MTSAN CAN, ,ZHES BYA BA RGYAS PAR SMOS SO, ,GANG GI PHYIR DRI ZA'I GRONG KHYER LA SOGS PA BZHIN DU 'DU BYED THAMS CAD RTEN CING 'BREL PAR 'BYUNG BA YIN PA'I PHYIR DNGOS PO NYID DU MED KYANG BRDZUN PA'I RNAM PA NYID DU SNANG BA DE NYID KYI PHYIR LAS 'BA' ZHIG STONG PA NYID DU DPYOD PA'I SKABS SU BAB PA YIN NA YANG RIGS PA THUN MONG NYID KYIS GSUM KA YANG NGO BO NYID KYIS STONG PAR DPYOD PA YIN NO SNYAM DU DGONGS PA YIN NO, ,GSUM KA ZHES BYA BA GANG YIN ZHE NA, NYON MONGS PA DANG, LAS DANG, LUS ZHES BYA BA YIN NO, ,SNGAR 'DU BYED CES BRJOD PAS GTZO BO YIN PA'I PHYIR 'DI DAG NYID TZAM SNGAR BSTAN PA'I BYE BRAG TU BSGRUB PA'I DBYE BAS BSDUS PA YIN PA'I PHYIR RO, ,DE LA BYED PA SGRUB PA BSTAN PAS NYON MONGS PA DANG LAS DAG NI RGYU NYID DU BSTAN TO, NYON MONGS PA NI LAS KYI RGYU YIN LA, LAS KYANG LUS KYI YIN PA'I PHYIR RO, ,DE NYID KYI PHYIR, LAS NI NYON MONGS LA RGYU MTSAN CAN ZHES BYA BA DANG, LUS NI LAS KYI RGYU MTSAN CAN ZHES BYA BA SMOS SO, ,'DI JI LTAR RTOGS PAR YIN ZHE NA, 'DU BYED NYON MONGS PA LAS BDAG NYID CES @357A *, ,BYA BAR SMOS SO, ,'ANG NI GANG GI PHYIR GYI DON TE, GANG GI PHYIR LAS DANG NYON MONGS PA'I BDAG NYID KYI 'DU BYED KYI RNAMS TE, RGYU RNAMS NI GRUB PA'I MTHA' LAS BSTAN TO ZHES BYA BA DGONGS PA'O, ,DE LTAR YANG, SRID PA'I RTZA BA PHRA RGYAS YIN, ,LAS LAS 'JIG RTEN SNA TSOGS SKYES, ,ZHES BYA BA BSTAN TO, ,'DIR RTZA BA NI RGYU LAS KYI RGYU YIN PAR RTOGS PAR BYA'O, ,LAS SGRUB PA BSTAN PA NI LUS GTZO BOR LAS KYI 'BRAS BU NYID YIN LA DE LAS GZHAN LONGS SPYOD DANG GNAS KYI DNGOS PO LA SOGS PA NI DE'I YAN LAG NYID KYIS YIN NO, ,DE NYID KYI PHYIR YANG DE NYID KYIS DE 'PHEN PAR GRUB PA'I PHYIR LOGS SHIG TU MA SMOS TE, RGYAL PO 'ONGS ZHES STON PA NA DE'I 'KHOR LOGS SHIG TU STON PAR MI BYED PA LTA BU'O, ,DE BAS NA 'DI LTAR RANG BZHIN STONG PA NYID DU RNAM PAR DPYOD PA'I SKABS SU BAB NA DE DANG RJES SU 'BREL BA'I DBANG GIS 'DU BYED THAMS CAD RANG BZHIN STONG PA NYID DU NYE BAR BSTAN PA YIN LA, SKABS SU BAB PA'I LAS RANG BZHIN MED PAR MTHAR PHYIN PAS, RANG BZHIN NYID KYIS SKYE MED CING, ,'GAG MED GANG TSE MTHAR MIN NAM, ,ZHES BYA BA SKABS KYI RANG GZOD MA NAS ZHI BA'I MTSAN NYID MYA NGAN LAS 'DAS PA'I GZHUNG GZUGS LA CHES SHIN TU GRUB BO ZHES BSTAN PA'I PHYIR, LAS MED NA NI BYED PA MED CES BYA BA LA SOGS PA SMOS SO, ,LAS NI BYA BA YIN LA DE YANG BYED PA PO MED PAR MI RIGS PA'I PHYIR DE DAG NYID YOD NA BYED PA PO YANG YOD PA 'PHEN PAR BYED DO, ,DE BYED PA DANG LDAN PA 'DI DE NI 'BRAS BU MED PA MA YIN LA, 'BRAS BU YANG LONGS SPYOD PA PO RNAMS KYANG DE NYID THOB PA MED PA'I PHYIR LAS DANG BYED PA PO YOD PA NI 'BRAS BU DANG LONGS SPYOD PA PO'I YOD PA 'PHEN PAR BYED DO, ,YANG GANG GI TSE BSTAN ZIN PA'I RIGS PAS RANG BZHIN STONG PA NYID KYI LAS NYID YOD PA MA YIN PA DE'I TSE DER MED PAS DER 'BREL PAR 'JUG PAR BYED PA PO DANG 'BRAS BU DANG LONGS SPYOD PA PO RNAMS KYANG MED PA YIN PA DE BAS NA DBEN PA YIN TE, RNAM PAR DBEN PA NYID YIN ZHING RANG BZHIN STONG PA NYID DE GZOD MA NAS ZHI BA NYID KHO NA MTHAR PHYIN PA NYID DO, , @357B DE NYID KYANG SNGAR THAR PAR RNAM PAR GZHAG PA YIN PAS STONG PA NYID SMRA BA LA 'GAL BA CUNG ZAD KYANG YOD PA MA YIN NO, ,GAL TE GZOD MA NAS ZHI BA NYID KHO NA THAR PA YIN NO, ,'O NA NI DE BSGRUB PAR BYA BA MA YIN PA DE'I PHYIR STONG PA NYID SMRA BA LA LAM GOMS PA'I 'BAD PA DON MED PA NYID DO ZHE NA, MA YIN TE; GANG GI PHYIR, LAS STONG PAR NI YANG DAG PAR, ,ZHES RGYAS PAR RO, ,'DI LTAR RTOGS PA YIN TE, GAL TE DON DAM PAR RTEN CING 'BREL PAR 'BYUNG BA SKYE BA MED PA DE LTAR NA YANG DE KUN RDZOB TU YANG DE LTAR MA YIN TE, GANG GI PHYIR MA RIG PA NI KUN RDZOB YIN TE, DE KHO NA NYID LA SGRIB PAR BYED PA'I PHYIR RO, ,'DI NA YANG DAG MIN DNGOS KYANG, ,YANG DAG NYID DU SNANG GANG DE, ,MA RIG DE NYID KUN RDZOB YIN, ,DE YI SKYE BAR YANG DAG 'DOD, ,DE LTAR YANG, RGYU DANG RKYEN LAS SKYES DNGOS RNAMS, ,YANG DAG PAR NI RTOGS PA GANG, ,DE NI STON PAS MA RIG GSUNGS, ,DE LAS YAN LAG BCU GNYIS 'BYUNG, ,ZHES 'CHAD PAR 'GYUR RO, ,DE BAS NA 'DI LTAR SKYE BA'I RIM PA MI 'GAL BA YIN NA, 'GOG PA'I RIM PA YANG MI 'GAL BA NYID YIN TE, DNGOS STONG SHES NA YANG DAG PA, ,MTHONG PHYIR MA RIG MI 'BYUNG BA, ,DE NI MA RIG 'GOG PA YIN, ,DE'I PHYIR YAN LAG BCU GNYIS 'GAG ,CES 'CHAD PAR 'GYUR RO, ,DE'I PHYIR STONG PA NYID DU LTA BA LA KUN RDZOB KYI BDEN PA SKYE BA DANG 'GAG PA DAG MI 'GAL BA'I PHYIR RO, ,PHA ROL PO SA [?] LAM GOMS PA'I 'BAD PAS 'BRAS BU MED PA'I NYES PAS THAL BAR 'GYUR BA SMRA BA LA LAN 'DEBS PAR 'DOD PAS, LAS STONG PAR NI YANG DAG PAR, ,ZHES BYA BA LA SOGS PA'I LAN BSTAN PA GANG YIN PA DE NI RIGS PA NYID YIN TE, 'DI LTAR TSOGS DANG SBYOR BA'I LAM RNAMS MED PAR LAS YANG DAG PAR STONG PAR RNAM PAR SHES PAR MI 'GYUR TE, DE LA CHOS MCHOG GI GNAS SKABS SU NEM [?] NUR MED PAR STONG PAR RNAM PAR SHES NA DE MA THAG TU DE NYID MTHONG BA'I PHYIR DANG LAM MI 'BYUNG STE, MA RIG PA 'GAGS PAS 'GOG PAR 'GYUR TE MI 'JUG GO ZHES BYA BAR DGONGS PA'O, ,DE LAS DE MED NA, LAS LAS @358A *, ,RNAM PAR SHES PA LA SOGS PA 'BYUNG BA STE SKYE BA'O, ,MI 'BYUNG BA NI MI SKYE BA'O, ,DE ZHES BYA BA LHAG MA'O, ,RGYU MED PA'I PHYIR RO SNYAM DU DGONGS PA'O, ,DE BAS NA 'DI LTAR RTEN CING 'BREL PAR 'BYUNG BA YAN LAG BCU GNYIS LUGS LAS BZLOG PA'I RIM PA BSTAN PAS KUN RDZOB TU LAM 'BRAS BU DANG BCAS PAR BSGRUBS PA YIN NO, ,'ON TE DON DAM PAR RNAM PAR DPYAD NA MED PA GANG YIN PA DE NYID MA BRTAGS NA NYAMS DGA' BAR GRAGS PA'I MTSAN NYID KUN RDZOB TU RGYU'I NGO BO NYID DAM 'BRAS BU'I NGO BO NYID DU YOD DO ZHES BYA BAR DNGOS PO GCIG LA LTOS PA'I DBYE BAS YOD PA DANG MED PA'I BDAG NYID DU KHAS BLANGS PA YIN NA, DE YANG DPE MED PAR BSTAN PA'I MED PAR 'GA' ZHIG GIS KYANG RTOGS PAR NUS PA MA YIN ZHING 'DI LA DPE 'GA' ZHIG KYANG YOD PA YANG MA YIN PA DE'I PHYIR 'DI MA BSTAN PA DANG 'DRA BA KHO NA MA YIN NAM, ZHES BYA BAR PHYIR RGOL BA DE LA SHIN TU GRAGS PA'I DPE RAB TU BSTAN PAS DON 'DI NYID BSTAN PAR BYA BA'I PHYIR, JI LTAR BCOM LDAN 'DAS DE BZHIN GSHEGS ZHES BYA BA LA SOGS PA SMOS SO, ,JI LTAR KHYOD DANG KHO BO CAG LA RTZOD PA MED PAR GRUB PA, BCOM LDAN 'DAS NI CHOS RNAMS THAMS CAD KYI JI LTA BA DE KHO NA BZHIN GNAS PA DE NI DE KHO NA BZHIN DU RTOGS SHING KHONG DU CHUD PA'AM YANG NA THABS DANG SHES RAB GNYIS SU MED PA'I TING NGE 'DZIN MTHAR THUG PA'I BDAG NYID DU GYUR PA THOB PA DANG 'BREL BAS 'KHOR BA KHO NA 'AM, MYA NGAN LAS 'DAS PA KHO NAR JI LTAR GNAS PAR MI 'GYUR BA DE BZHIN DU MYA NGAN LAS 'DAS PA'I DBYINGS SU GSHEGS SHING THOB PA ZHES BYA BA'I DE BZHIN GSHEGS PA SANGS RGYAS GANG YIN PA DE NI RDZU 'PHRUL GYIS ZHES BYA BA'I CHO 'PHRUL GYI KHYAD PAR GYIS GDUL BYA'I SKYE BO RJES SU BZUNG NAS RJES SU MTHUN PA'I RNAM PA'I KHYAD PAR SPRUL PA SPRUL PAR MDZAD LA STE SKYED PAR BYED PA'O, ,SPRUL PA DES KYANG SPRUL PA GZHAN LA YANG STE SLAR YANG SPRUL PAR BYED DO, ,DE LA STE SPRUL PA DE DAG GI NANG NAS DE BZHIN GSHEGS PAS DNGOS SU SPRUL PA GANG YIN PA DE DAG TU STONG PA RANG BZHIN DANG BRAL BA DER SPRUL PAS @358B SPRUL PA LA GTAM DU BRJOD PA LTA SMOS KYANG CI DGOS ZHES BYA BAR BSTAN PA NI, SPRUL PAS SPRUL SMOS CI DGOS ZHES BYA BA STE, DPE 'DIS DE KHO NA NYID DU RANG BZHIN MED PA BSTAN NAS DE NYID LA KUN RDZOB TU YOD PA YIN YANG MI 'GAL LO ZHES BSTAN PA'I PHYIR SMOS PA NI, DE NI GNYI GA YOD MIN TE, SPRUL PA GNYI GA ZHES BYA BA'I DON TO, ,CI YANG DAG PA NYID DU YIN NAM ZHE NA, GANG CI YANG RUNG STE ZHES BYA BA SMOS TE, DPYAD PAR 'OS PA MA YIN PA'I NGO BO NI DPYAD MI BZOD PA'I PHYIR TE KUN RDZOB BO ZHES BYA BAR DGONGS PA'O, ,DE NYID KYI PHYIR BSTAN PA RTOGS PA TZAM STE 'KHRUL PA TZAM ZHES BYA BA'I DON TO, ,DE LTAR NA RGYU DANG 'BRAS BU'I NGO BOR GYUR PA NYID KYIS DPE LA LTOS PA'I DBYE BAS GCIG LA YANG DAG PAR MED PA'I NGO BO DANG, KUN RDZOB TU YOD PA'I NGO BO NYID DU BSTAN NAS GNYI GA'I NGO BO DE NYID DON LA SBYAR BAR BYA BA'I PHYIR DE BZHIN ZHES BYA BA LA SOGS PA SMOS TE, BYED PA PO 'DIR DE BZHIN GSHEGS PAS DNGOS SU SPRUL PA GANG YIN PA DE DANG MTSUNGS PAR RTOGS PAR BYAS TE, SKYED PAR BYED PA NYID DU MTSUNGS PA'I PHYIR RO, ,LAS NI DE'I SPRUL PA DANG MTSUNGS PA YIN TE, BSKYED PAR BYA BA MTSUNGS PA'I PHYIR RO, ,BYED PA PO DANG LAS KYI NGO BO DE LTA BU GNYIS KA DE NI DE BZHIN TE RGYU DANG 'BRAS BU'I DNGOS POR GYUR PA'I SPRUL PA GNYIS BZHIN DU, DON DAM PAR RANG BZHIN GYIS NI ZHES BYA BA RANG GI NGO BOS STONG PA YIN PAR RTOGS PAR BYA ZHES BYA BA LHAG MA'O, ,DE TZAM GYIS RNAM PA THAMS CAD DU MED PA NI MA YIN TE, DE NI KUN RDZOB TU YIN NO ZHES BSTAN PA'I PHYIR, RTOG TZAM GANG CI ZHES BYA BA LA SOGS PA SMOS TE, DE 'DIR YANG DE BZHIN ZHES BYA BAR SBYAR RO, ,DON NI SNGA MA BZHIN NO, ,'ON TE LAS LA SOGS PA GCIG KHO NAR YOD PA NYID MED PA NYID DU KHAS BLANGS NAS SKYON CI ZHIG TU 'GYUR, GANG GIS NI DE SPANG BA'I PHYIR LTOS PA'I DBYE BAS [?] GNYI GA'I NGO BOR 'DOD PA YIN ZHE NA, GAL TE RANG BZHIN GYIS LAS YOD CES BYA BA LA SOGS PA SMOS SO, ,GAL TE GCIG KHO NAR RANG BZHIN GYIS LAS DANG DES NYE BAR MTSON PA @359A *, ,GZHAN BYED PA PO LA SOGS PA YOD PAR KHAS BLANGS PA DE'I TSE DE'I 'BRAS BUR SKYE BA'I YANG RGYU MA TSANG BA MED PA GNYIS KYIS RTAG PA NYID DU 'JUG PAS DE NYE BAR ZHI BA'I BDAG NYID KYI MYA NGAN LAS 'DAS PA MED PA DE'I PHYIR THAR PA LA SKUR BA NYID YIN NO ZHES BYA BA DGONGS SO; ,'ON TE LAS DANG BYED PA PO RANG BZHIN GYIS GTAN DU GAL TE MED NA DE'I TSE RGYU MED PA'I PHYIR 'BRAS BU MED PA YIN NO ZHES BYA BA'I RIGS PAS DE'I 'BRAS BU SDUG PA DANG MI SDUG PA YANG MED PA DE'I PHYIR 'KHOR BAR 'JUG PA'I RIM PA NYAMS SU MYONG BAS GRUB PA 'DI LA BSNYON PA NYID DU 'GYUR RO, , YANG SNGAR BSTAN PA'I RIGS PAS SKYON 'DI GNYIS KYI GO SKABS MED PA DE'I PHYIR THAMS CAD LEGS PAR GNAS PA YIN NO, ,GANG GI PHYIR DE LTAR KUN RDZOB DANG DON DAM PA'I BDEN PA'I DBYE BA LA LTOS NAS YOD PA GANG YIN PA DE NYID MED PA YIN PAR MI 'GAL BA YIN PA DE'I PHYIR THEG PA GSUM GYIS BSDUS PA'I BSTAN PA NI GDUL BYA'I SKYE BO'I BSAM PA'I BYE BRAG GI NGO BOR 'JUG PA DON SNGA PHYI 'GAL BA NYID LTA BUR MNGON DU SNANG YANG DON MI 'GAL BA DON CAN KHO NA'O ZHES BSTAN PA'I PHYIR YOD CES RGYAS PAR SMOS SO, ,YOD CES PA'AM NI JI LTAR PHYI ROL GYI TSUL LA GZUGS KYI PHUNG PO LTA BU'O, ,MED CES PA'AM NI JI LTAR DE NYID RNAM PAR SHES PA'I TSUL LTA BU'O, ,YOD MED DAM ZHES BYA BA NI JI LTAR RNAM PAR SHES PA'I TSUL LTA BU STE, BCOM LDAN 'DAS KYIS BSTAN PAR BYA BA GANG YIN PA DE KUN RDZOB DANG, DON DAM PA LA LTOS NAS CI RIGS PAR MI 'GAL BA'I PHYIR YOD PA NYID DO ZHES SHES PAR BYA'O, ,PHYOGS GNYIS PA DAG LA YOD PAR ZHES BYA BA BYED PA'I TSIG DANG 'BREL TE BRJOD PA NA PHYOGS GSUM PA LA YANG GI SGRAS 'PHANGS PA DE DANG 'BREL PAR SHES PAR BYA'O, ,MCHOG GI DON DAM PA LA LTOS NAS NI, YANG MED PA ZHES BYA BA SMOS TE, MED PA YANG ZHES YANG GI SGRAS RIM PA BZHIN DU SBYAR RO, ,CI ZHIG CES SDIG PA LA, YOD CES BYA BA'AM MED CES BYA BA'AM, YOD MED CES BYA BA RNAM PA GSUM BSTAN PA MA BRJOD PA SDUD PA'I DON CAN GYI YANG GI SGRAS 'PHANGS PA RNAMS PA GSUM PA 'GOG PA'I @359B BDAG NYID RNAM PA BZHI PAR BSTAN PAR BYA BA DGAG PA NYID DU 'DI SBYAR BAR BYA STE, GANG GI PHYIR MCHOG GI DAM PA NI RNAM PA BZHI PO 'DI DAG GIS KYANG BSTAN PAR 'OS PA MA YIN TE, DE NI MTHA' BZHI DAG LAS RNAM PAR GROL BA NYID YIN PA'I PHYIR RO, ,DE LTAR YANG, YOD MIN MED MIN YOD MED MIN, ,GNYI GA MIN PA'I BDAG NYID MIN, ,MTHA' BZHI DAG LAS GROL BA LA, ,DBU MA PA YIS DAM PAR RTOGS, ,ZHES BSTAN TO, ,'PHAGS PA'I ZHAL SNGA NAS KYIS KYANG, GANG BLO YOD DANG MED PA LAS, ,RNAM PAR 'DAS SHING MI GNAS PA, ,DE DAG ZAB MO DMIGS MED PAR, ,RKYEN GYI DON LA RNAM PAR SGOM, ,ZHES GSUNGS SO, ,'DIR YANG MTHA' GNYIS SMOS PA NI CIG CAR SGRUB PA DANG DGAG PAS DE LAS GZHAN PA'I MTHA' GNYIS YOD PA YIN TE, DE'I PHYIR DON GYIS 'PHANGS PA NYID KYIS MTHAR PHYI MA GNYIS MA BSTAN PA NI MDOR BSDUS PA BRJOD PAR 'DOD PA'I PHYIR RO, ,DE KHO NA NYID NI MTHA' BZHI DAG LAS RNAM PAR 'DAS PA NYID YIN TE, GNYIS SU MED CING BRJOD DU MED PA NYID KYIS THA SNYAD THAMS CAD LAS 'DAS PA NYID YIN PA'I PHYIR RO, ,GAL TE MCHOG GI DON DAM PA NI NGAG DANG RNAM PAR RTOG PA LAS 'DAS PA NYID KYI SANGS RGYAS RNAMS KYIS KYANG BSTAN PAR MI SPYOD PA YIN NA, 'O NA NI DE LAS GZHAN DU DE DAG GI BSTAN PA RNAMS 'JUG PAR BYED CE NA, SANGS RGYAS RNAMS KYIS ZHES BYA BA LA SOGS PA SMOS SO, ,MCHOG GI DON DAM PA GZIGS PA'I SKYOB PA SANGS RGYAS RNAMS KYIS DGONGS NAS TE, RIGS KYI KHYAD PAR LA LTOS NAS DGONGS PA'I KHYAD PAR GDUL BYA'I SKYE BO RJES SU BZUNG BA DANG, RJES SU MTHUN PA'I DGONGS PA LA RGYU NYID DU BRTEN NAS SNGON GYI SMON LAM GYI SHUGS KYI DBANG GIS GANG GSUNGS PA BSTAN PA'I NGO BO'I GSUNG 'JUG PA DE NI RTOGS PAR SLA BA MA YIN PA STE, RGAN PO NYE BAR BSTEN PA MA BYAS PA RNAMS KYIS NI RTOGS PAR SLA BA MA YIN NO ZHES BYA BA'I DON TO, ,'DI SKAD BSTAN PA YIN TE, GANG DAG BLA MA DAM PA NYE BAR BSTEN PA DE'I DBANG GIS BSGRUBS PA BDE BAR GSHEGS PA'I BKA' LA MKHAS PA'I BLO GROS CAN YIN PA DE DAG @360A *, ,GIS DE DAG RTOGS PAR SLA BA MA YIN NO, ,DE LTAR YANG BSTAN BCOS MDZAD PA PO NYID KYIS 'DIR GNAS PA'AM, SKYE 'JIG CES BYA BA LA SOGS PAS BTAN BCOS RTZOM PA NI THEG PA GSUM DANG 'BREL BA'I SANGS RGYAS KYI BSTAN PA'I RGYU BSTAN PA YIN NO, ,'DI NYID KYI PHYIR YANG DE DAG GIS NI RTOGS PAR SLA BA MA YIN TE, GANG GI PHYIR DE LTAR KUN RDZOB DANG DON DAM PA'I BDEN PA GNYIS LA BSTEN PAR MI 'GAL BAR 'JUG PA BDE BAR GSHEGS PA'I BKA' MA LUS PA'I BSTAN PA 'BRAS BU DANG BCAS PA NYE BAR BSTAN PA YIN NA YANG, KHA CIG THOG MA MED PA'I SRID PA BRGYUD PA NAS GOMS PA'I BDEN PA'I DNGOS POR 'DZIN PA'I ZHEN PAS MI MKHAS PA'I BLO CAN GZUGS LA SOGS PA RNAMS LA KUN RDZOB NYID BZOD PAR MI BYED DO, ,DE NYID KYI PHYIR BSTAN BCOS MDZAD PAS KYANG DE DAG LA DON DAM PA NYID DU RANG GI LUGS KYIS SNGAR GSAL BA YIN YANG, MI 'GYUR BA'I NGES PA BSKYED PAR BYA BA'I PHYIR DE NYID KYI LUGS KYIS GSAL BAR BZHED PA NA, GAL TE GZUGS NI 'BYUNG RANG BZHIN, ,ZHES BYA BA LA SOGS PA SMOS SO, ,'BYUNG BA RNAMS RANG BZHIN THA MI DAD PA'I RGYU GANG LA YOD PA DE NI GAL TE GZUGS NI 'BYUNG BA'I RANG BZHIN TE, DE KHO NA NYID DU ZHES RJES SU BRJOD NAS GZUGS DE ZHES BYA BA LA SOGS PA SUN 'BYIN PAR BYED DO, ,GZUGS DE 'BYUNG LAS ZHES BYA BA NI BDAG NYID DU GYUR PA'I 'BYUNG BA LAS BYUNG BA STE GRUB PA MA YIN NO, ,'DIR AA'I TSIG PHRAD NI DGAG PA GSAL BAR BYED PA YIN TE, AA DANG MA DANG NA DANG N'A DAG NI DGAG PAR BYED PA YIN NO ZHES 'BYUNG BA'I PHYIR RO, ,GANG YANG SEMS PA RANG BZHIN LAS MIN MA YIN NAM STE, RANG GI NGO BOR GRUB PA'I 'BYUNG BA LAS ZHES BYA BA'I DON TO, ,DES NI GDON MI ZA BAR GZHAN DU GYUR PA'I 'BYUNG BA LAS BYUNG NGO ZHES KHAS LEN PA NYID YIN NO ZHE NA, 'DI LA BSTAN PA NI, GZHAN LAS KYANG MIN TE DON GZHAN DU GYUR PA'I 'BYUNG BA LAS ZHES BYA BA'I DON TO, ,GANG LAS SHE NA, DE MED PHYIR ZHES SMOS TE GZHAN DU GYUR PA'I 'BYUNG BA DE DAG MED PA'I PHYIR RO, ,DGONGS PA NI 'DI YIN TE, DBANG PO DANG YUL GYI DBYE BAS GZUGS @360B RNAM PA BCU 'BYUNG BA LAS GYUR PA DANG, REG BYAS BSDUS PA 'BYUNG BA RNAM PA BZHI'I BDAG NYID DNGOS PO BAR KHAS LEN PA GANG YIN PA DE NI 'DI LTA BUR BRJOD PAR BYA BA YIN TE, GANG ZHIG 'BYUNG BA'I RGYU CAN DE NI 'BYUNG BA LAS GYUR PA ZHES BYA STE, 'DI LTAR 'BYUNG BA LAS GRUB PA NI 'BYUNG BA LAS GYUR PA ZHES RJOD PAR BYED DO, ,'BYUNG BA DE DAG KYANG CI DE LAS DON GZHAN MA YIN PAR GYUR PA'AM, 'ON TE DON GZHAN DU GYUR PA ZHIG YIN, DE LA RE ZHIG DON GZHAN MA YIN PAR GYUR PA DAG NI MA YIN TE, DE DAG NI SKYED PAR BYED PA NYID DU MI RIGS PA'I PHYIR RO, ,DE MI RIGS PA NI 'BRAS BU LAS SNGAR 'BRAS BU BZHIN DU DE DAG KYANG MED PA'I PHYIR RO, ,YANG NA YOD PA NYID DE LAS THA MI DAD PA'I PHYIR 'BRAS BU YANG YOD PA NYID YIN PA'I PHYIR, DE NI 'BRAS BU NYID MA YIN TE DES PHAN GDAGS PAR BYA BA MA YIN PA'I PHYIR RO, ,DE NI DE'I 'BRAS BU NYID DU 'DOD RGYAL BA NYID YIN NA YANG DE DAG KYANG DE LA LTOS NAS 'BRAS BU NYID DU GYUR NA, DE LTAR YANG MA YIN NO, ,DE LTA BAS NA DON GZHAN MA YIN PAR GYUR PA'I 'BYUNG BA LA LTOS NAS 'BYUNG BA LAS GYUR PA LA MNGON PAR 'DOD PA'I GZUGS DE'I 'BRAS BU NYID DU RIGS PA MA YIN NO, ,'ON TE YANG SKYON 'DI SPANG BA'I PHYIR DON GZHAN DU GYUR PA'I 'BYUNG BA RNAMS DE'I RGYU NYID DU RTOG PAR BYED NA, DE YANG RIGS PA MA YIN TE, DON GZHAN DU GYUR PA NYI DMA GRUB PA'I PHYIR RO, ,DE MA GRUB PA'I GZUGS LAS RNAMS PAR DBYE BA MED PAR GNAS PA NYID KYI DE DAG KHYED KYIS DE'I RGYU NYID DU KHAS LEN PAR BYED PA'I PHYIR RO, ,DE LTAR YANG RNAM 'GREL MDZAD PAS BRTEN PA'I GZUGS RNAM PAR BSHAD PA NA, DE BRTEN SGRA YANG RGYU DON DAM, ,YANG NA RANG GI RTEN DANG NI, ,DBYER MED PAR NI GNAS PA'I PHYIR, ,RTEN YIN GZHAN DU 'THAD MA YIN, ,ZHES BYA BA'I TSIG GIS 'BYUNG BA RNAMS NI 'BYUNG BA LAS GYUR PA LAS THA MI DAD PA NYID DU DE'I RGYUR BSHAD PA YIN NO; ,DON GZHAN NYID YIN NA RNAM PAR DBYE BA MED PAR RIGS PA YANG MA YIN TE, BUM PA LAS SNAM BU LTA BU'O, ,DE LTA BAS NA KHYED CAG GIS KHAS BLANGS PA KHO NAS GZHAN NYID DU MA GRUB PA'I PHYIR GZHAN DU GYUR PA'I 'BYUNG BA LAS KYANG 'BYUNG BA LAS GYUR PA BYUNG BA MA YIN NO ZHES BYA BA @361A *, ,'DI GNAS PA YIN NO, ,GZHAN YANG GAL TE YANG 'BYUNG BA LAS GYUR PA LA LTOS NAS 'BYUNG BA RNAMS KYI RNAM PAR DBYE BA MED PAR GNAS PA NYID DE'I RTEN NYID DU RNAM PAR GZHAG PA'I RGYU MTSAN NYID DU 'DOD PA DE YANG GZHAN PHAN TSUN BDAG NYID DU GRUB PA YIN NI RIGS NA DE NYID KYANG MA GRUB PO ZHES BSTAN PA NI, GCIG LAS BZHI NYID YOD MIN ZHING, ,ZHES BYA BA LA SOGS PA'O, ,DGONGS PA NI 'DI YIN TE, GAL TE GANG GI PHYIR 'BYUNG BA LAS GYUR PA RNAM PA BCUR KHAS BLANGS PA SO SOR 'BYUNG BA BZHI'I RANG BZHIN YIN NA DE'I TSE DE'I SO SOR GCIG NI DE LAS THA MI DAD PA'I PHYIR GCIG NYID NYAMS SHING 'BYUNG BA BZHIN DU BZHI NYID DU 'GYUR NA DE YANG YOD PA MA YIN NO, ,DE YOD NA NI 'BYUNG BA BZHIN DU MIG LA SOGS PA DANG, GZUGS LA SOGS PA RNAMS KYANG LUS KYI DBANG PO'I GZUNG BA NYID DU THAL BA'I PHYIR DBANG PO LAS 'DAS PA NYID DU DBANG PO THA DAD PA'I GZUNG BA NYID MED PAR THAL BA BZLOG PAR DKA'O, ,DE LTA BAS NA GCIG LA BZHI NYID YOD PA MA YIN NO, ,DE LA 'DI SNYAM DU JI SKAD BSHAD PA'I SKYON DU THAL BA'I PHYIR 'BYUNG BA LAS GYUR PA 'BYUNG BA BZHI'I RANG BZHIN DU MA GYUR MOD, 'BYUNG BA BZHI PO DAG NI 'BYUNG BA LAS GYUR PA'I RANG BZHIN NYID YIN NA SKYON CI YANG MED DO SEMS NA, 'DI YANG YANG DAG PA MA YIN TE, GANG GI PHYIR, BZHI LA'ANG GCIG NYID YOD MIN TE, ,ZHES BYA BA'O, ,DGONGS PA NI 'DI YIN TE, GANG GI TSE BZHI PO DAG GIS 'BYUNG BA LAS GYUR PA GCIG GI RANG BZHIN YIN PA DE'I TSE DE DAG DE LAS THA MI DAD PA'I NGO BO NYID KYIS BZHI NYID NYAMS SHING, 'BYUNG BA LAS GYUR PA BZHIN DU GCIG NYID KHO NAR 'GYUR NA BZHI PO DAG LA GCIG NYID YOD PA YANG MA YIN NO, ,DE DAG LA DE YOD PA YIN NA 'BYUNG BA LAS GYUR PA BZHIN DU DBANG PO LAS 'DAS PA NYID DANG, DBANG PO THA DAD PA'I GZUNG BA NYID DAG TU CI RIGS PAR THAL BA'I PHYIR LUS KYI DBANG POS GZUNG BA NYID MED PAR THAL BA LAN GDAB PAR MI NUS PA CAN DU 'GYUR RO, ,DE LTA BAS NA BZHI PO DAG NI GCIG NYID MA YIN NO, ,DE BAS NA 'DI LTAR 'BYUNG BA DANG 'BYUNG BA LAS GYUR PA DAG PHAN TSUN DE'I BDAG NYID DU MA GRUB @361B PA'I PHYIR 'BYUNG BA CHEN PO BZHI PO RNAMS NI 'BYUNG BA LAS GYUR PA'I GZUGS LAS RNAM PAR DBYE BA MED PAR GNAS PA MED PA NYID DU MED PA YIN LA, DE DAG KYANG DE LTA BUR MED PA DAG LA BRTEN NAS DE RGYU NYID DU BRTEN NAS 'BYUNG BA LAS GYUR PA'I GZUGS NI JI LTAR GRUB PAR 'GYUR TE JI LTAR YANG MA YIN PA NYID DO ZHES BYA BA'I DON TO, ,DE BAS NA 'DI LTAR SKYE BA'I SGO NAS 'BYUNG BA LAS GYUR PA DANG, DE'I ZHAR LA 'BYUNG BA'I BDAG NYID KYI NGO BO DNGOS PO NYID DU BSAL BA MDZAD NAS SHES PA'I SGO NAS DE NYID SEL BAR BYED PA'I PHYIR SHIN TU MI 'DZIN PHYIR ZHES BYA BA LA SOGS PA SMOS SO, ,GANG 'BYUNG BA DANG 'BYUNG BA LAS GYUR PA'I DBYE BAS DNGOS PO PA'I NGO BOR KHAS BLANGS PA MED CES BYA BA YOD PA'I THA SNYAD DU BYAR RUNG BAR MI NUS SO ZHES BYA BA'I DON TO, ,DE LA RE ZHIG 'BYUNG BA LAS GYUR PA DBANG PO'I BDAG NYID KYI GZUGS YOD PA'I THA SNYAD BYAR MI RUNG BA NYID LA GTAN TSIGS BSTAN PA NI, SHIN TU MI 'DZIN PHYIR ZHES BYA BA SMOS TE, RTAG TU LKOG TU GYUR PA'I PHYIR RO ZHES BYA BA'I DON TO, ,'DIS NI 'DI LA MI DMIGS PA MNGON SUM GYI TSAD MA MI 'JUG PA'I NGO BOR GTAN TSIGS NYID DU BSTAN PA YIN NO, ,CI STE DE LA RJES SU DPAG PA 'JUG PA YIN NO ZHES KHAS LEN PA GANG YIN PA DE'I 'DOD PA'I DOGS PA BSU BA'I PHYIR, RTAGS LAS SHEN ZHES BYA BA SMOS SO, ,RTAGS CAN GYI DON GO BAR BYED PA'AM, 'DIS LKOG TU GYUR PA'I DON GO BAR BYED CING KHONG DU CHUD PAR BYED PA'I PHYIR RTAGS YIN LA DE LAS YOD CES GAL TE SEMS SO ZHE NA, LAN BSTAN PA NI, RTAGS DE YANG MED CES BYA BA STE, DE MED CES BYA BA'I TSIG SNGAR DON BYAS ZIN PA YANG GRUB PA'I MTHA'I GZHUNG 'DIR YANG BLANGS TE SBYAR BAR BYA'O, ,GANG GI PHYIR DBANG PO'I GZUGS NI RTAG TU LKOG TU GYUR PA NYID KYIS 'BRAS BU LDOG PA'I SGO NAS GO BAR BYA BA NYID DU 'DOD PAS DBANG PO'I BLO RTAGS NYID DU KHAS BLANGS PA YIN LA, RTAGS DE YANG DBANG PO YOD PA'I DUS SU NI MED LA GANG GI TSE YANG YOD PA DE'I TSE NI DBANG PO GZUGS MED PA YIN NO, 'DI NYID GA LAS SHE NA, RGYU DANG RKYEN LAS SKYES PHYIR TE, ,ZHES BYA BA SMOS SO, ,'DI SKAD BSTAN @362A *, ,PA YIN TE, DBANG PO YOD PA'I GO BYED NYID DU 'DOD PA'I DBANG PO'I BLO RANG DBANG CAN YIN NAM, GZHAN DBANG CAN YIN GRANG NA, RE ZHIG RANG DBANG CAN NI MA YIN TE, RES 'GA' BA YIN PA'I PHYIR TE, DE DANG 'BREL PA MED PAS RTAGS NYID DU MI RIGS PA'I PHYIR DANG MI 'DOD PA'I PHYIR RO, ,'ON TE RGYU DANG RKYEN LA RAG LAS TE SKYE BA NYID YIN PA'I PHYIR GZHAN DBANG YIN NA DE'I TSE DBANG PO LA YANG BDAG PO'I RKYEN NYID KYIS DE LA RGYU NYID DU KHAS BLANGS PAR 'GYUR NA, DUS MNYAM PA NYID NI DE DAG BSKYED BYA DANG SKYED BYED NYID KYANG MA YIN NO, ,DE'I PHYIR RGYUR MNGON BAR 'DOD PA'I DBANG PO YOD PA'I DUS SU BLO ZHES BYA BA'I RTAGS DE MED PA YIN NO, ,DE LAS SKYON CIR 'GYUR ZHE NA, YOD LA'ANG ZHES BYA BA LA SOGS PA SMOS SO, ,DBANG PO'I GZUGS YOD CING BDOG PA LA MED CING MI BDOG PA NI RTAGS SU YANG RIGS PA MA YIN TE, GANG ZHIG MA GRUB PAS BSGRUB PAR BYA BA DE NI MI GRUB PO ZHES BYA BA'I RIGS PAS SO, ,DE LTA BAS NA DBANG PO'I GZUGS RJES SU DPAG PAS GO BAR BYA BA YANG MA YIN LA TSAD MA GZHAN YANG MED PA'I PHYIR JI LTAR NA YOD PA'I THA SNYAD DU BYAR RUNG BA YIN, ,'DIS NI 'BYUNG BA LAS GYUR PA'I DBANG PO'I GZUGS LA SGRUB PAR BYED PA'I TSAD MA MI SRID PAR BSTAN PAS YOD PA'I THA SNYAD DU BYAR MI RUNG BAR BSTAN NAS 'BYUNG BA DANG 'BYUNG BA LAS GYUR PA'I BDAG NYID KYI, YUL GYI GZUGS LA'ANG GANG DU MED, ,CES BYA BAS DAM BCAS PA DE BSTAN PA'I PHYIR, ,GAL TE BLO GZUGS 'DZIN GYUR NA, , ZHES BYA BA LA SOGS PA SMOS SO, ,GAL TE DBANG PO LAS SKYES PA'I BLO YUL DU GYUR PA'I GZUGS 'DZIN PAR GYUR NA STE, MNGON SUM DU GYUR NA ZHES BYA BA 'DIS NI GZHAN DAG LA GRAGS PA'I MNGON SUM GYIS GZUGS 'DZIN PA NYID RJES SU BRJOD NAS SUN DBYUNG BA'I PHYIR BSTAN PA NI, BDAG GIS ZHES BYA BA LA SOGS PA'O, ,BDAG GI RANG BZHIN NYID RANG GI NGO BO KHO NA BLOS 'DZIN PAR 'GYUR TE MNGON SUM DU BYED KYI YUL GYI NGO BO NI MA YIN NO ZHES BYA BA'I DON TO, ,'DI LTAR DGONGS PA YIN TE, GANG GI PHYIR YUL KHO NA MNGON SUM DU GZUNG BAR BYA BA NYID DU DAM BCA' BAR BYED PA GANG @362B YIN PA DE NI GDON MI ZA BAR DON DANG SHES PA DAG LA DUS MNYAM PA NYID DU GZUNG BA DANG 'DZIN PA'I DNGOS POR MNGON PAR 'DOD PA YIN LA 'DI NI PHAN GDAGS PAR BYA BA DANG, ,PHAN 'DOGS PAR BYED PA NYID KYIS RGYU MTSAN CAN YANG MA YIN TE, DUS GCIG DAG LA DE MI SRID PA'I PHYIR RO, ,DE'I PHYIR DE DAG GIS 'DI MA NGES PA KHO NAR 'GYUR RO, ,GAL TE RANG GI RIGS SU SKYES PA'I PHYIR DE LTA MA YIN NO ZHE NA, MA YIN TE, DE LTAR RNAM PAR GNAS PA YIN NA RANG GI RIGS SU SKYES PA NYID DU BRJOD PAR RIGS NA, RNAM PAR GNAS PA NYID KYANG MA YIN TE RGYU MTSAN MED PA'I PHYIR RO, ,GAL TE SO SOR SNANG BA NYID KYI PHYIR YUL GZUGS KHO NA BZUNG BA NYID YIN ZHE NA, DE'I TSE SHES PA YANG SO SOR SNANG BA NYID YIN PAS DE YANG BZUNG BA NYID DU THAL BA'I PHYIR RO, ,NANG DANG PHYI'I NGO BO NYID RGYU MTSAN GYI KHYAD PAR DE DAG LA YOD PA BZHIN NO ZHE NA, DE NI MA BSTAN PA DANG MTSUNGS PA YIN TE, GZUGS BRNYAN SNANG BAS 'KHRUL PA SRID PA'I PHYIR RO, ,'ON TE SHES PA NI LKOG TU GYUR PA YIN PA'I PHYIR DE'I TSE SO SOR SNANG BA NYID MA YIN TE, DON GSAL BAS RJES SU DPAG PAR BYA BA YIN PA'I PHYIR RO ZHE NA, 'O NA NI GSAL BA DE SHES PAS BSKYED PA YUL GYI RANG GI CHOS YIN TE, 'DI NI MA RTOGS PAR GRUB PA'AM SHES PA YOD PA'I SGRUB PAR BYED PA YANG MA YIN NO, ,RTOGS PA YANG SHES PA DE NYID KYIS NI MA YIN TE, KHYAD PAR MA BZUNG BAR KHYAD PAR CAN RTOGS PAR MI 'GYUR RO ZHES BYA BA'I RIGS PAS RANG NYID MA RTOGS PA'I NGO BO DE NI 'DI LA RTOGS PAR BYED PA PO NYID DU MI RIGS PA'I PHYIR RO, ,DE NYID LAS DE RTOGS NA PHAN TSUN BRTEN PA YIN PA'I PHYIR RO, ,SHES PA GZHAN LA RAG LAS NAS GRUB PA NYID YIN NA YANG THUG PA MED PAR 'GYUR BA'I PHYIR RO, ,DES NA 'DIR RIG PA KHO NAR KHAS BLANG BAR BYA'O, ,DE LTAR NA YANG SHES PA NI DE MI 'DZIN PA NYID DU THAL BAR 'GYUR RO, ,'ON TE 'DI NI SHES PA NYID KYI CHOS YIN NO ZHE NA, 'O NA NI 'DI SHES PA BZHIN DU NYAMS SU MYONG BAR BYA BA MI 'GYUR LA, DE NYAMS SU MA MYONG YANG DON KYANG NYAMS SU MYONG BAR MI 'GYUR BAS 'GRO BA MA LUS PA @363A *, ,LONG PA NYID DU 'ONGS PA YIN NO, ,DE LTA BAS NA SHES PA NI LKOG TU GYUR PAR KHAS BLANG BAR MI BYA'O, ,LKOG GYUR MA YIN PA NYID NA DE YANG SO SOR SNANG BA NYID YIN PAS DE NI BZUNG BA NYID DU THAL BAS BZLOG PAR BYA BA MA YIN NO, ,'ON TE DE YANG SHES PA LA SO SOR SNANG BA YOD NA YANG GZUNG BAR BYA BA NYID MED PA NI YUL LA YANG DE MED PAR 'GYUR TE, KHYAD PAR MED PA'I PHYIR RO, ,GZUNG BAR BYA BA NYID MED NA YANG GANG ZHIG SO SOR SNANG BA DE NI SHES PA NYID YIN TE, BDE BA LA SOGS PA LTA BU'O, ,DE'I PHYIR YANG SNGON PO LA SOGS PA RNAMS NI SHES PA'I BDAG NYID RNAMS KHO NA YIN PAS SHES PA'I BDAG NYID LAS GZHAN NI NAM YANG MI 'DZIN PA'I PHYIR, BLO BDAG RANG BZHIN NYID 'DZIN 'GYUR, ,ZHES BYA BAR BSTAN PA NI RIGS PA YIN NO, ,DE BAS NA 'DI LTAR YUL GZUGS KYI YOD PA DGAG PA SGRUB PAR BYED PA LA MI DMIGS PA MNGON SUM MI 'JUG PA'I NGO BO BSTAN NAS, DA RJES SU DPAG PA MI 'JUG PA'I NGO BOR YANG BSTAN PA'I PHYIR, MED PA ZHES BYA BA LA SOGS PA SMOS SO, ,MDO SDE PA DAG NI JI SKAD DU BSHAD PA'I SKYON DU THAL BA'I PHYIR SHES PA DANG DUS MNYAM PA'I DON SO SOR SNANG BA NYID GZUNG BAR BYA BA NYID NI MA YIN NO, ,'O NA CI YIN ZHE NA, 'DRA BA'I SHES PA SKYED PAR BYED PA NYID YIN TE, 'DI LTAR SHES PA NYE BAR SKYE BA NA RNAM PA MED PAR SKYE BA NI MA YIN TE, SNGON PO LA SOGS PA RNAMS LA DE'I RNAM PA NYID DU MED PA YIN NA NYAMS SU MYONG BA MED PAR THAL BA'I PHYIR RO, , NYAMS SU MYONG BA NI SHES PA CHOS YIN LA, SHES PA YANG DON LAS DON GZHAN NYID YIN NO, ,GZHAN GYI CHOS NI GZHAN GYI YIN PA YANG MI RIGS TE, SGRON MA GSAL BA'I MUN PA LTA BU'O, ,DE LTA BAS NA SHES PA NYID RNAM PA DANG BCAS PA NYID YIN NO, ,DE YANG RES 'GA' BA YIN PA'I PHYIR RJES SU MTHUN PA'I RGYU MTSAN LA LTOS PA YIN LA, DBANG PO LA SOGS PA RNAMS NI DE LA RJES SU MTHUN PA NYID KYANG MA YIN TE, THUN MONG BA NYID YIN PA'I PHYIR RO, ,DE BAS NA SHES PA'I RNAM PA GTOD PAR BYED PA DE LTA BU'I RNAM PA'I RGYU GANG YIN PA DE NI PHYI ROL TE RTAG TU LKOG TU GYUR @363B PA YIN YANG RGYU NYID YIN PA NYID KYIS SHES PA'I GZUNG BAR KHO BO CAG GI 'DOD PA YIN ZHES ZER RO, ,DE LTAR SMRA BA DE DAG GIS DON 'DI BLO'I MTSAN NYID KYI 'BRAS BU LDOG PAS KHONG DU CHUD PA NYID KYIS DE KHO NA NYID DU RJES SU DPAG PAS GZUNG BAR BYA BAR KHAS BLANGS PAR 'GYUR NA DE DE YANG RIGS PA MA YIN NO ZHES PA BSTAN PA NI, MED PA ZHES BYA BA LA SOGS PA STE, RGYU DANG 'BRAS BU NYID DU GYUR PA DON DANG BLO'I SKAD CIG DAG NI DUS THA DAD PA YIN PA'I PHYIR, GANG GI TSE DON YOD PA DE'I TSE BLO MED PA YIN LA MED PA DE YANG GZUGS NI JI LTAR 'DZIN PAR 'GYUR LA ZHES SBYAR TE, MA YIN PA NYID DO ZHES BYA BA'I DON TO; ,YANG GANG GI TSE DMIGS PA LA SOGS PA'I RKYEN LAS SKYES PA STE GRUB PA'I BLO DE'I TSE SHUGS KYIS DE YOD PA YIN YANG 'GAGS PA YIN PA'I PHYIR GZUGS MED JI LTAR 'DZIN PAR 'GYUR TE, JI LTAR YANG MI 'GYUR BA ZHES BYA BA'I DON TO, ,DE BAS NA 'DI LTAR YUL GZUGS YOD PA DGAG PA SGRUB PAR BYED PA MI DMIGS PA RJES SU DPAG PA MI 'JUG PA'I NGO BO BSGRUB PA YIN NO, ,DE LTA BAS NA SHES PA'I SGO NAS KYANG 'BYUNG BA DANG 'BYUNG BA LAS GYUR PA'I NGO BO'I GZUGS MA GRUB PA YIN NO, ,DE GZUGS MDOR BSDUS PA'I BDAG NYID KYI PHUNG PO'I NI GTAM TZAM NYID DU LTA GA LA 'GYUR TE, 'DI LTAR GZUGS KYI PHUNG PO RNAM PAR 'JOG PAR BYED PA DAG NA GZUGS GANG CI YANG RUNG 'DAS PA DANG MA 'ONGS PA DANG DA LTAR BYUNG BA'AM, NANG NGAM PHYI'I BDAG NYID DAM, RAGS PA'AM, PHRA BA'AM, DMAN PA'AM, GYA NOM PA'AM, RGYANG RING PO GANG YIN PA'AM, THAG NYE BA GANG YIN PA DE THAMS CAD GCIG TU BSDUS NAS GZUGS KYI PHUNG PO ZHES BYA BA'I GRANGS SU 'GRO'O ZHES DE LTAR GDON PAR BYA'O, ,DE LA 'DAS PA LA SOGS PA GZUGS KYI DBYE BA RNAMS TSAD MAS RTOGS PA YIN NA NI DE MDOR BSDUS PA LA PHUNG PO RNAM PAR GZHAG PA RIGS NA DE NYID KYANG MED DO ZHES BSTAN PA'I PHYIR GANG TSE SKAD CIG CES BYA BA LA SOGS PA SMOS SO, ,YANG GANG GI TSE DE LTAR LTA BA GNYIS KYI SKAD CIG PA BLO NI GZUGS SKYES TE DA LTAR BA SKAD CIG MA MI 'DZIN TO ZHES BSHAD PA STE, RAB TU BSTAN PA DE'I TSE @364A *, ,SKAD CIG PA'I BLO DE NI 'DAS PA DANG MA 'ONGS PA'I GZUGS RTOGS PAR NI JI LTAR 'GYUR TE, MA YIN PA NYID DO ZHES BYA BA'I DON TO, ,'DI SKAD BSTAN PA YIN TE, GANG GI PHYIR GANG LA GZUGS DA LTAR BA BLO LA NYE BA NYID DU KHYED KYIS KHAS BLANGS KYANG YUL DU 'GRO BA MA YIN NA, DE LAS 'DAS PA DANG, MA 'ONGS PA BSKAL PA DAG GI GTAM DU BRJOD PA LTAG LA YOD, 'DI YANG 'DI LAS GZHAN PA'I DBYE BA MA GRUB PA'I PHYIR NYE BAR MTSON PA GTZOR BSTAN PA YIN NO, ,DE LTA BAS NA DBYE BA RNAMS MA RTOGS PA NYID KYIS GZUGS KYI PHUNG PO MA GRUB PA YIN NO, , DA NI GZUGS KYI PHUNG PO'I NANG DU MA GTOGS PA NANG GI BDAG NYID KYI MIG LA SOGS PA DANG PHYI ROL GYI GZUGS LA SOGS PA RNAMS GDUL BYA'I SKYE BO'I BYE BRAG GI NGOR SKYE MCHED NYID DU BSTAN PA DAG LA GANG DAG DE KHO NA NYID DU ZHEN PAR BYED PA DE SPANG BAR BYA BA'I PHYIR DE DAG LA MIG DANG GZUGS KYI SKYE MCHED GNYIS RNAM PAR DPYAD PA'I SGO NAS SKYE MCHED THAMS CAD RANG BZHIN STONG PA NYID DU BSTAN PA'I PHYIR, GANG TSE NAM YANG ZHES BYA BA LA SOGS PA SMOS SO, ,'DIS NI GZUGS KYI SKYE MCHED LA KHA DOG DANG DBYIBS KYI DBYE BAS GZUGS RNAM GNYIS TE ZHES BYA BA'I TSIG GI DBYE BA BSTAN PA GANG YIN PA DE NI GRUB PA DANG SHES PA'I RIM PA DAG GIS MA GRUB PAR BSTAN PA YIN NO, ,NAM YANG KHA DOG DBYIBS DE DAG DANG, SNGON PO DANG SER PO LA SOGS PA BZHIN DU THA DAD PA'I DBYE BAS YOD CING BDOG PA NI MA YIN NO, ,KHA DOG DANG DBYIBS DE GNYIS THA DAD PA 'DZIN PA STE SHES PA GZUNG BA YANG MED PA YIN NO, ,GANG LA YANG THA DAD PAR YOD PA'AM SGRUB PAR BYED PA'I TSAD MA YIN PA DE DAG JI LTAR DNGOS PO PA NYID DU KHAS BLANG BAR 'OS PA DAG YIN, 'O NA NI GZUGS DE RNAM PA GCIG PUR YOD PA YIN NO ZHE NA, GZUGS DE'ANG ZHES BYA BA LA SOGS PA SMOS SO, ,'DIR GRAG COS BYA BA [?] NI LUNG MTSON PAR BYED PA'I DON TO, ,DES NA DON 'DI YIN TE GZUGS DE GCIG PU STE, RNAM PA GCIG NYID DU GRUB PA'I MTHA' LAS GRAGS PA YOD PA YANG MA YIN NO, ,DE BAS NA JI LTAR KHAS BLANGS PA BZHIN MA GRUB PA'I PHYIR @364B GZUGS KYI SKYE MCHED MED PA YIN NO, ,'O NA NI MIG DANG GZUGS LA BRTEN NAS MIG GI RNAM PAR SHES PA SKYE'O ZHES BYA BA'I GRUB PA'I MTHA' JI LTAR DRANG BAR BYA, GANG GI PHYIR MED PA 'GA' ZHIG 'GA' ZHIG GI RTEN YIN PAR BRJOD PAR RIGS PA NI MA YIN NO ZHE NA, 'DI YANG SNYING PO MED PA YIN NO ZHES BSTAN PA NI, MIG BLO MIG LA ZHES BYA BA LA SOGS PA'O, ,GANG GI PHYIR SKYE MCHED CES BYA BA NI SKYE BA'I GNAS TE SKYE BA MCHED PAR BYED PA ZHES BYA BAS SO, ,DE YANG 'BRAS BU SKYED PAR BYED PA LAS LHAG MA NI MA YIN NO, ,SKYED PAR BYED PA YANG YUL MTSUNGS PA'AM, YUL MI MTSUNGS PA'I 'BRAS BU LA YIN GYI RNAM PA GZHAN NI MI SRID DO, ,GNYI GA LTAR YANG MIG DANG GZUGS DAG LAS SKYE MCHED NYID DU MI RIGS TE, 'DI LTAR, MIG BLO MIG LA 'BYUNG MIN TE, ,GZUGS LA 'BYUNG MIN ZHES BYA BA 'DIS NI YUL MTSUNGS PA'I 'BRAS BU BYED PA NYID DU DE MED PAR BSTAN TE, BAR NA MED CES BYA BA 'DIS NI YUL MI MTSUNGS PA'I 'BRAS BU BYED PA NYID DU'O, ,DE'I YUL NYID DANG DE MA YIN PA'I YUL NYID DU DE MI DMIGS PA'I PHYIR RO ZHES BYA BAR DGONGS PA'O, ,DES NA YANG BLO SKYE MCHED GNYI GA LAS SKYE BA NYID DU YONGS SU BRTAGS PA NI 'KHRUL PA NYID YIN NO ZHES BSTAN PA NI, DE NI MIG DANG GZUGS ZHES BYA BA LA SOGS PA'O, ,DE BAS NA 'DI LTAR MIG DANG GZUGS DAG LA SKYE MCHED NYID YIN PA BSAL NAS MTSAN NYID LAS KYANG GSAL BAR BSTAN PA NI, GAL TE MIG CES BYA BA LA SOGS PA'O, ,LTA BA PO DANG BLTA BAR BYA BA NYID NI MIG DANG GZUGS DAG GI MTSAN NYID DU 'DOD DE, DE LTAR YANG, MIG GIS GZUGS RNAMS MTHONG BRTEN BCAS, ,DE LA BRTEN PA'I RNAM SHES MIN, ,GANG PHYIR RAB TU CHOD PA YI, ,GZUGS NI MTHONG BA YIN PHYIR RO, ,ZHES SMRAS PA YIN NO, ,'DI YANG 'THAD PA MA YIN TE, 'DI LTAR DNGOS PO NYID DU KHAS BLANG BAR BYA BA MIG BDAG KYANG MTHONG NGAM MA MTHONG, GAL TE DES BDAG NYID MI MTHONG NA GZUGS DE MTHONG BAR NI JI LTAR 'GYUR TE, DES ZHES BYA BA LHAG MA'O, ,'DI SKAD BSTAN PA YIN TE, BLTA BA'I BYA BA DE NI MIG GI CHOS @365A *, ,MA YIN TE, DE'I CHOS NYID YIN NA NI DE'I BDAG NYID GDON MI ZA BAR MTHONG BAR 'GYUR RO, ,GANG GI PHYIR CHOS DE DAG GI MA YIN PA DE YANG GANG GI DBANG GIS GANG LA MTHONG DU RUNG BA DE LA 'DI DNGOS SU GANG GI CHOS YIN PA DE'I MA MTHONG BA LA GTAM DU BRJOD PA LTA GA LA YOD, DE NI DE'I CHOS NYID DU MA YIN YANG MTHONG DU RUNG BA MA YIN PA'I CHOS NYID DU KHAS BLANGS PAR 'GYUR RO, ,DE NYAN PA PO LA SOGS PA BZHIN DU MIG NI BLTA BA'I BYA BA DANG BRAL BA'I PHYIR LTA BA PO MED PA NYID YIN PAS MIG MTSAN NYID STONG PA NYID YIN NA, DE'I MTSAN NYID LA RAG LAS PA'I MTSAN NYID CAN GYI GZUGS KYANG MTSAN NYID MED PA NYID DO ZHES DON GYIS BSTAN PAR 'GYUR RO, ,'DI NYID NYE BAR SDUD PAR BYED PA NI, ,DE PHYIR MIG DANG GZUGS BDAG MED, ,CES BYA BA STE, BDAG MED CES BYA BA NI RANG BZHIN DANG BCAS PA MA YIN TE, DNGOS PO MED PA YIN NO ZHES BYA BA'I DON TO, ,RIGS PA 'DI NYID GZHAN LA BSGRE BAR BSTAN PA'I PHYIR, SKYE MCHED LHAG MA LA YANG DE DANG 'DRA, ,ZHES BYA BA SMOS SO, ,RIGS PA GANG KHO NAS MIG GI SKYE MCHED DANG, GZUGS KYI SKYE MCHED RANG BZHIN MED PAR BSTAN PA DE NYID KYIS SKYE MCHED LHAG MA RNA BA DANG SGRA LA SOGS PA RANG BZHIN MED PAR RTOGS PAR BYA'O, ,DE BAS NA 'DI LTAR MIG LA SOGS PA'I SKYE MCHED THAMS CAD DAG NI RANG BZHIN DU STONG PA NYID BSTAN DU ZIN KYANG BRGYA LA GZHAN 'GA' ZHIG DE DAG LA GZHAN GYI BDAG NYID KYIS RANG BZHIN DANG LDAN PA NYID DU DOGS PAR 'GYUR BA DE DAG DE'I DOGS PA RNAM PAR GCAD PA'I PHYIR BSTAN PA NI, MIG NI RANG BZHIN NYID KYIS STONG, ,ZHES BYA BA LA SOGS PA'O, ,DGONGS PA NI 'DI YIN TE, DE DAG LA GZHAN GANG GIS BDAG NYID KYI RANG BZHIN DANG LDAN PA NYID DU DOGS PAR 'GYUR BA DES MTSAN NYID DANG LDAN PAR YANG BYA DGOS LA MTSAN NYID DE YANG SNGAR BSTAN PA'I RIGS PAS DE LA YANG MI 'THAD PA'I PHYIR DE'I BDAG NYID KYANG STONG PA NYID DO, ,DE BAS NA 'DI LTAR GZUGS KYI PHUNG PO DANG DE'I NANG DU GTOGS PA'I NANG DANG PHYI'I @365B SKYE MCHED DAG LA RANG BZHIN STONG PA NYID DU YONGS SU DPYAD PA DAG NI DE'I BDAG NYID KYI LUS RTAG PAR PHYIN CI LOG PAR 'JUG PA'I RGYU MTSAN YANG YONGS SU DPYOD PA YIN NO, ,DA NI BDE BA'I PHYIN CI LOG PA 'JUG PA'I RGYU MTSAN TSOR BA'I PHUNG PO RANG BZHIN MED PA NYID DU DE'I RGYU REG PA MED PAR BSTAN PA'I SGO NAS NYE BAR BSTAN PA'I PHYIR, 'PHAGS PA GNYIS BSTAN PA NI, GANG TSE GCIG REG LHAN CIG 'GYUR, ,ZHES BYA BA LA SOGS PA'O, ,GANG NYAN THOS DAG GIS TSOR BA DNGOS PO LA RANG BZHIN YOD PA NYID DU KHAS LEN PAR BYED DO, ,DE YANG RKYEN MED NA MI RIGS PAS REG PA YANG DE'I RGYU NYID DU DE DAG GIS KHAS BLANGS PA YIN TE, REG PA'I RKYEN GYIS TSOR BA'O, ,ZHES 'BYUNG BA'I PHYIR RO, ,DE YANG RIGS PA MA YIN TE, 'DI LTAR 'DI 'DIS REG PAR BYED PAS REG PA ZHES BYA BA BYED PAS REG PA ZHES BYA BA BYED PA'I NGO BO YIN NAM REG PAS REG PA ZHES BYA BA'I NGO BO GRANG, DE LA RE ZHIG 'DI BYED PA PO'I NGO BOR RIGS PA NI MA YIN TE, GANG GI PHYIR DBANG PO DANG YUL DANG, RNAM PAR SHES PA ZHES BYA BA GSUM PA 'DI NI 'DI LA BYED PA PO DAG YIN TE, DE DAG KYANG THUN MONG MA YIN PA'I NGO BO DAG YIN NO, ,DE'I PHYIR GANG GI TSE BYED PA PO GCIG DPER NA MIG REG PA GANG REG PA'I BYA BA SGRUB PAR BYED PA NYID DU GYUR PA'I BDAG NYID LA NYE BAR GYUR PA'I NGO BO DANG LHAN CIG PAR GYUR CING 'BREL PA'I TSE YANG GZUGS LA SOGS PA GZHAN RNAMS STONG PA YIN TE, DE ZHES BYA BA LHAG MA'O, ,GZHAN YANG GAL TE SKABS SU BAB PA GSUM PO 'DI LA SNGAR GCIG BSTAN PA NI LHAG MAR GYUR PA GZHAN DAG STONG PA YIN ZHES BSTAN PAR RIGS PA DE LTA NA YANG DE LAS GZHAN GSUM PO RNAMS RIGS PA MTSUNGS PA NYID YIN PAR BSTAN PA'I PHYIR, DE LA LTOS NAS GSAL BA MANG PO NYID KYIS GZHAN RNAMS STONG PA YIN, DE'I PHYIR MANG PO'I TSIG TU BSTAN PA NI 'THAD PA MA YIN NO, ,GANG YANG GZHAN DAG LA REG PA DES STONG ZHING BRAL BA'I NGO BO DE NI NAM YANG MI STONG PA NYID DE LDAN PA NYID MI BSTEN PA YIN NO, ,GANG ZHIG DES MI STONG PA NI STONG PA @366A *, ,NYID DE BSTAN PA NI DNGOS PO NYID GTZO BO YIN PA'I PHYIR TE, BSTEN PA MIN ZHES SBYAR RO, ,DGONGS PA NI 'DI YIN TE, REG PA'I BYA BA SGRUB PAR BYED PA NYID DU GYUR PA'I NGO BO NI GSAL BA SO SO THA DAD PA NYID YIN PA'I PHYIR DU MA NYID YIN LA, TSOR BA'I RKYEN REG PA NI DU MA'I BDAG NYID DU 'DOD PA YANG MA YIN NO, ,DE LTA BAS NA REG PA'I BYA BA SGRUB PAR BYED PA'I NGO BO'I REG PA NI MED PA YIN NO, ,'DI BYA BA'I NGO BOR YANG RIGS PA MA YIN NO ZHES BSTAN PA NI, RANG GI NGO BO GNAS MED PAS ZHES BYA BA LA SOGS PA'O, ,'DU BA NI 'DUS SHING REG PA STE, DE YANG DBANG PO LA SOGS PA YOD PA RNAMS NYID LA RIGS KYIS MED PA DAG LA NI MA YIN NO, ,'DI DAG YOD PA YANG MA YIN TE, RANG GI NGO BO GNAS PA MED PA'I PHYIR RO, ,GANG GI PHYIR SNGAR BSTAN PA'I RIGS PAS RNAM PAR DPYAD PA BZHIN 'DI DAG LA 'BYUNG BA DANG 'BYUNG BA LAS GYUR PA NYID DU NGES PAR GNAS PA'I NGO BO YOD PA MA YIN NO, ,GANG GI PHYIR DE LTAR DBANG PO LA SOGS PA GSUM PO RNAMS LA BYA BA'I NGO BO'I RIGS PA YOD PA MA YIN NO, ,DE'I PHYIR RGYU MED PAS TSOR BA YANG YOD PA MA YIN NA DE'I PHUNG PO YOD PAR 'GYUR BA LTA GA LA YIN, DA NI BDAG TU PHYIN CI LOG 'JUG PA'I RGYU MTSAN RNAM PAR SHES PA'I PHUNG PO GZHAN GSAL BAR 'DOD PAS BSTAN PA NI, NANG DANG ZHES BYA BA LA SOGS PA SMOS PA'O, ,GANG GI PHYIR NANG MIG LA SOGS PA DANG, PHYI GZUGS LA SOGS PA'I SKYE MCHED LA BRTEN NAS RNAM PAR SHES PA 'BYUNG BA DE SKYE BA'O, ,DE LTA BAS NA RNAM SHES MED DO, ,RANG BZHIN YOD PA MA YIN NO, ,DE'I RGYU NYID DU KHAS BLANGS PA'I SKYE MCHED GNYIS PO 'DI NYID SNGAR BSTAN PA'I RIGS PAS RANG BZHIN YOD PA MA YIN PA'I PHYIR RO SNYAM DU DGONGS PA'O,, ,'O NA JI LTAR DE MED KYANG SNANG ZHE NA, SMIG RGYU ZHES BYA BA LA SOGS PA SMOS SO, ,JI LTAR SMIG RGYU BYE MA DANG 'BREL BA NYID KYIS NYI MA'I 'OD ZER RNAMS DANG, NOR BU DANG SNGAGS DANG SMAN LA SOGS PA RNAMS KYIS YONGS SU GZUNG BA SHING BU DANG 'JIM DUM LA SOGS PA SGYU MA'I BDAG NYID RNAMS NI @366B BRDZUN PA'I RNAM PA CHU DANG GLANG PO LA SOGS PA'I RNAM PA NYID DU SNANG STE 'ON KYANG JI LTAR SNANG BA'I RANG BZHIN STONG PA YIN PA DE BZHIN DU RNAM PAR SHES PA YANG MA RIG PAS YONGS SU BZUNG BAS GANG DANG GANG GI BDAG NYID DU SNANG BA DE YANG DES NI DE KHO NA NYID DU STONG PA YIN PA'I PHYIR DE MED PA YIN YANG SNANG BA MI 'GAL LO, ,DE LA GAL TE 'DI SNYAM DU SEMS TE, RNAM PAR SHES PA DON DAM PAR MA GYUR MOD BDAG NI RNAM PAR SHES PA PO NYID DU 'GA' ZHIG GIS KHAS BLANGS PA DE YANG YANG DAG PAR 'GYUR RO ZHE NA, 'DI YANG SNYING POR GYUR PA MA YIN TE, GANG GI PHYIR RNAM SHES ZHES BYA BA RGYAS PAR RO, ,RNAM PAR SHES PA PO ZHES BYA BA NI RNAM PAR SHES PA'I BYA BA'I BYED PA PO STE, DE YANG LAS DANG BCAS PA'I BYA BA YIN PA DE'I PHYIR, DES GDON MI ZA BAR LAS ZHES BYA BA'I NGO BO LA LTOS PAR BYA BA YIN LA GZUGS LA SOGS PA'I RNAM PAR SHES PA BYA BA DE YANG SNGAR BSTAN PAR RIGS PAS YOD PA MA YIN LA DE MED PA'I PHYIR SHES PA YANG YOD PA MA YIN NO, ,DES NA SHES DANG SHES BYA MED PA'I PHYIR DE GNYI GA LA LTOS NAS 'JUG PA'I RNAM PAR SHES PAR BYED PA PO YANG MED PA YIN NO, ,SHES PA DANG SHES BYA DAG LA SKUR BA BTAB NA 'DUS BYAS THAMS CAD LA SKUR BA BTAB PAR GYUR PA MA YIN NAM, DE NI DE LAS PHYI ROL DU GYUR PA YANG CUNG ZAD KYANG YOD PA MA YIN NO, ,DE'I PHYIR CHOS KYI MDO BZHI STON PA'I BCOM LDAN 'DAS DE BZHIN GSHEGS PA NYID KYIS MGUR NAS GSUNGS PA, 'DUS BYAS THAMS CAD MI RTAG PA, ZHES BYA BA 'DI JI LTAR YIN ZHES BYA BA'I DOGS PA BSAL BAR MDZAD PAR BZHED NAS, THAMS CAD MI RTAG CES BYA BA PA SOGS PA SMOS SO, ,DGONGS PA NI 'DI YIN TE, GAL TE KUN RDZOB KYI BDEN PA LA LTOS NAS 'DRA BAR BYED NA, DE'I TSE THAMS CAD MI RTAG PA NYID YIN TE, NGAS NI CUNG ZAD KYANG 'DUS BYAS RANG GI CHOS NYID DU LHAN CIG TU GYUR PA LA, SKUR BA MA BTAB BO ZHES BYA BA'I DON TO, ,'ON TE DON DAM PA'I BDEN PA LA LTOS NAS NYID KYIS MGUR NAS GSUNGS PA MA YIN PA'I PHYIR RO, ,DE LA BSNYON YANG 'GAL BA CUNG ZAD KYANG MED DO ZHES BSTAN PA NI YANG @367A *, ,NA NI ZHES BYA BA LA SOGS PA'O, ,'DIS NI 'DI SKAD BSTAN TE, JI LTAR CHOS CAN BDAG DANG NAM MKHA' LA SOGS PA DNGOS PO LA TSAD MA MED PA NYID DANG, TSAD MAS GNOD PA NYID KYIS MED PA'I PHYIR, DE LA RTEN PA RTAG PA NYID KYANG BYED PA NYID DU KHAS BLANGS PA DE BZHIN DU MI RTAG PA NYID KYANG DE'I RTEN DU GYUR PA 'DUS BYAS KYI DNGOS PO LA SNGAR RGYAS PAR BRJOD PA'I RIGS PAS DNGOS PO NYID YIN PA GSAL BA'I PHYIR KHYED KYIS MED DO ZHES KHAS BLANG BAR BYA DGOS PA YIN NO, ,GAL TE NANG DANG PHYI'I SKYE MCHED MED PA'I PHYIR SHES PA MED PA 'O NA NI 'DU BYED KYI PHUNG POS BSDUS PA 'DOD CHAGS LA SOGS PA RNAM PAR SHES PA DANG MTSUNGS PAR LDAN PAR GRUB PA MA YIN TE, GANG GI PHYIR SEMS DANG LHAN CIG DE DAG RTEN DANG DMIGS PA DANG, RNAM PA DANG, DUS DANG, RDZAS MTSUNGS PA RNAMS KYIS MTSUNGS PAR LDAN PA NYID DU DE LTAR 'DOD PA'I PHYIR DBANG PO DANG YUL DANG RNAM PAR SHES PA RNAMS MED PAR BRJOD PAR MI BYA BA YIN NAM ZHES PHYIR RGOL BAR GNAS PA GANG YIN PA DE LA PHYIN CI LOG TZAM LAS BYUNG BA NYID KYIS 'DOD CHAGS LA SOGS PA DE DAG GI NGO BO NYID KYIS YANG DAG PAR YOD PA MA YIN NO ZHES BSTAN PA'I PHYIR MI SDUG CES BYA BA LA SOGS PA SMOS SO, ,MI SDUG PA DMAN PA'I DNGOS PO LA SDUG PAR MCHOG GI RNAM PAR ZHEN PA'I BDAG NYID KYI PHYIN CI LOG GANG YIN PA DE NYID RGYU YIN PA'I PHYIR RKYEN TE DE LAS GANG GI PHYIR 'DOD CHAGS DANG ZHE SDANG DANG GTI MUG RNAMS DNGOS DANG BRGYUD PAS DNGOS PO 'BYUNG STE SKYE BA 'GRUB PAR BYED DO, ,DE'I PHYIR 'DOD CHAGS DANG ZHE SDANG DANG GTI MUG 'DIR RANG BZHIN GYIS TE RANG GI NGO BOS YANG DAG PAR MED PA YIN NO, ,MTSUNGS PAR LDAN PA GZHAN DAG KYANG YOD NA 'DIR 'DOD CHAGS PA DAG KHO NA NYE BAR SMOS PA NI DE DAG GSAL BAR YANG DAG PAR YOD PA'I PHYIR RO, ,GANG YANG JI SKAD DU 'DI LA 'DOD PA DANG DGRA BO DANG GRUB PA LA SOGS PA'I GZUGS KYI YUL LA YANG RGYU NYID DU YOD PA YIN PA DE'I PHYIR JI LTAR NA 'KHRUL PA TZAM GYIS THA SKYED PA NYID KYIS 'DI DAG LA YANG @367B DAG PAR MED PA NYID STON PAR BYED, DE LTAR YANG, PHRA RGYAS SPANGS PA MA YIN DANG, ,YUL NI NYE BAR GYUR PA DANG, ,TSUL BZHIN MA YIN YID BYED LAS, ,NYON MONGS RGYU NI TSANG BA YIN, ,ZHES BSTAN TO ZHES ZER BA DE LA, YUL NI DE'I RGYU NYID KHO NAR MA GRUB CES BSTAN PA'I PHYIR, GANG PHYIR DER CHAGS ZHES BYA BA LA SOGS PA SMOS SO, ,'DIS NI 'DI SKAD BSTAN TE, GANG GI PHYIR GAL TE YUL GYIS KYANG 'DOD CHAGS LA SOGS PA RNAMS SKYED PAR BYED PA DE'I TSE YUL GANG ZHIG GANG SKYED PAR BYED PA'I RANG BZHIN DES DE NYID BSKYED DGOS NA, BSKYED PA NI MA YIN TE, DE NYID LA RTOGS PA PO GZHAN NAM DE NYID DUS GZHAN GYI TSE DE LAS GZHAN PA'I NYON MONGS PA SKYED PA MTHONG BA'I PHYIR RO, ,'DI LTAR 'DOD PA GANG LA SNANG BA'I SPYOD YUL DU SPYOD PA NA 'DOD PA DANG LDAN PAS 'DOD CHAGS SKYED PAR BYED LA, DE NYID GZHAN GYI TSE NYID DAM DE'I TSE KUN DU RGYUS ZHE SDANG SKYED PAR BYED DE, DE LAS GZHAN PAS NI GTI MUG SKYED PAR BYED PA YIN NO, ,DE LTAR RTOGS PA PO THA DAD PA RNAMS KYIS YUL GCIG LA MTHAR THUG PA NYID KYIS GANG GI PHYIR 'DOD CHAGS DANG ZHE SDANG DANG GTI MUG SKYE BAR NYAMS SU MYONG BAR BYED PA DE'I PHYIR 'DI LTA STE, 'DI DAG RNAM PAR RTOG PA JI LTAR GOMS PA BZHIN DU TSUL BZHIN MA YIN PA YID LA BYED PA DAG KHO NAS SKYE BAR KHONG DU CHUD PAR BYA STE, RMI LAM DU NYAMS SU MYONG BAR GYUR PA 'DOD PA LA SOGS PA'I YUL LA JI LTA BA BZHIN DU PHYI ROL GYI DNGOS PO'I RGYU MTSAN CAN MA YIN NO ZHES BYA BA'I DON TO, ,GANG DE NYID NI RTAG TU MNGON PAR 'BREL BA YIN PA'I PHYIR 'DIR GCIG LA GANG GI SGRA MA SMOS PA NI 'DUN PA'I MTHA' CAN GYIS DER GYI SGRA 'BA' ZHIG LAN GSUM BRJOD PA MA 'BREL BA LTA BUR MDZAD PA NI LAN GSUM BRJOD PA'I DER GYI SGRA'I DON GYI SHUGS KYIS 'PHANGS PA'I GANG GI SGRA DER GYI SGRAS SGRUB PA'I DON LA RIM PA JI LTA BA BZHIN DU 'BREL BAR SHES PAR BYA BA YIN PAR DE'I PHYIR RO, ,DE LTAR NA GANG KHO NA LA 'DOD CHAGS PA DE NYID LA ZHE SDANG PA YIN LA, DE NYID LA RMONGS PA YIN NO, ,GANG KHO NA @368A *, ,LA ZHE SDANG BA DE NYID LA 'DOD CHAGS PA YIN PA DE NYID LA RMONGS PA YIN NO, ,GANG KHO NA LA RMONGS PA DE NYID LA 'DOD CHAGS PA YIN LA, DE NYID LA ZHE SDANG BA YIN NO ZHES NGAG GI DON THA DAD PA 'THAD PA YIN NA THAMS CAD LA 'BRAS BU MA NGES PAR BSTAN PAR 'GYUR RO, , GZHAN DU NA YUL GCIG LA GANG GI SGRA 'BREL BAR BYAS NAS DE NYID LA 'BRAS BU MA NGES PAR DOGS PA YIN LA, DE LTA BAS NA 'DOD CHAGS LA SOGS PA RNAMS MTSUNGS PAR LDAN PA'I 'DU BYED KYI PHUNG PO'I BDAG NYID YUL LA LTOS PA MED PA RNAMS KHO NA PHYIN CI LOG TZAM GYI RGYU MTSAN CAN DANG RANG NYID KYANG PHYIN CI LOG GI BDAG NYID YIN PA DES NA YANG DAG PAR RANG BZHIN MED DO ZHES BYA BAR BSGRUBS PA YIN NO, ,'DI NYID KYIS NI SDUG PAR PHYIN CI LOG PA'I 'JUG PA'I RGYU MTSAN YANG DAG PAR MED PA NYID DU BSHAD PA YIN NO, ,GANG GI PHYIR 'DU BYED KYI PHUNG PO BSDUS PA'I CHOS RNAMS LAS GZHAN NI SDUG PAR PHYIN CI LOG PA'I RGYU MED DE, RGYUN LA LTOS NAS DE DAG LAN CIG PHAN TSUN 'BRAS BU NYID YIN PA LA 'GAL BA MED PA'I PHYIR RO, ,DA NI 'DU SHES KYI PHUNG PO LA BRTAG PA'I PHYIR, BSKYED DE RNAM PAR RTOG DE YANG, ,YANG DAG NYID DU YOD MA YIN, ,ZHES SMOS SO, ,'DIR 'DI MNGON PAR 'BREL BA CI YOD CE NA, GANG GI PHYIR GANG DAG 'DI SNYAM DU GAL TE DE'I SKYED PAR BYED PA NYID DU MI 'THAD PA'I PHYIR 'DOD CHAGS LA SOGS PA 'DI DAG YUL GYIS BSKYED PA MA YIN NA, 'O NA NI GANG DAG GIS 'DI DAG BSKYED PA DE DAG NYID MTSAN MAR 'DZIN PA'I MTSAN NYID KYIS 'DU SHES KYI SNGON PO RNAM PAR RTOG PA YANG YANG DAG PAR YOD PA YIN TE, YANG DAG PA MA YIN PA LA RGYU MTSAN NYID DU MI RIGS PA'I PHYIR RO ZHES SEMS PA DE YANG YANG DAG PA MA YIN NO ZHES BSTAN PA'I PHYIR GANG GI PHYIR GANG DAG GIS 'DOD CHAGS LA SOGS PA BSKYED PA DE LTAR KUN RDZOB TU 'DOD PA RNAM PAR RTOG PA DE DAG KYANG YANG DAG PA MA YIN PA NYID KYIS DON DAM PAR MA GRUB BO ZHES BYA BA'I DON TO, ,'DI NYID LA BRTAG BYA GANG DE, ,ZHES BYA BA LA SOGS PA 'THA' [?] @368B BSTAN PA NI, 'DI LTAR DGONGS PA YIN TE, GANG GI PHYIR RNAM PAR RTOG PA ZHES BYA BA BSKYED PA NA GDON MI ZA BAR CUNG ZAD RNAM PAR RTOG PAR BYED DE, DE LA RNAM PAR RTOG PA MED NA RNAM PAR RTOG PA NYID DU MI RIGS PA'I PHYIR RO, ,DE LA CI 'DI RNAM PAR BRTAG PAR BYA BA BDAG NYID MA YIN PA LA YANG, CI KUN RDZOB TU RANG GI MTSAN NYID KYI BDAG NYID DAM, DE'I NGO BOR ZHEN PA GZHAN SEL BA'I NGO BO YIN GRANG NA, DE LA RE ZHIG BDAG NYID LA NI MA YIN TE, RNAM PAR RTOG PA'I RANG GI BDAG NYID LA RNAM PAR MI RTOG GO ZHES KHYED CAG NYID KYIS BKAG PA'I PHYIR RO, , BDAG NYID MA YIN PA RANG GI MTSAN NYID KYI RANG BZHIN LA NI MA YIN TE, ,DE NI THAMS CAD LA LOG PA NYID KYIS SHIN TU KHYAD PAR DU 'GYUR BA'I NGO BO YIN PA'I PHYIR, 'DI NI SPYI'I RNAM PAR 'JUG PA YIN PA'I PHYIR TE, JI SKAD DU, DE YI NGO BO KUN LAS LOG ,DE LTAR DE NI RTOG BYED PA, ,SGRA DANG RNAM RTOG YOD MIN TE, ,SPYI NYID LA NI 'JUG PHYIR RO, ,ZHES BSTAN TO, ,GZHAN SEL BA'I NGO BOR ZHEN PA NI RNAM PAR BRTAG PAR BYA BA YIN NA YANG, YANG DAG PA KUN RDZOB PA'I DNGOS PO'I NGO BOR MED PA'I PHYIR RNAM PAR BRTAG PAR BYA BA DNGOS POR 'GYUR BA MED PAS RNAM PAR RTOG PA YANG YANG DAG PA MA YIN NO, ,'DI NYID STON PAR BYED PA NI BRTAG BYA GANG RNAM PAR RTOG PA SKYED PAR BYED PA NYID KYIS DE'I YUL DU GYUR PA DE DNGOS POR YOD PA MA YIN NO, ,BRTAG BYA DNGOS POR GYUR PA MED NA GAL TE RNAM PAR RTOG PA DNGOS PO'I BDAG NYID DU GYUR PA GANG NA YANG MED PA NYID DO, ,GANG GI PHYIR DE LTAR, DE PHYIR BRTAG BYA RTOG PA YANG, ,ZHES BYA BA GNYIS KA YANG STONG PA YIN TE, JI LTAR ZHEN PA DE'I NGO BO MA YIN NO ZHES BYA BA'I DON TO, ,'DI NYID LA GTAN TSIGS GZHAN BSTAN PA NI, RKYEN LAS SKYES PHYIR RO ZHES BYA BA LA SOGS PA SMOS SO, ,'DI LTAR DGONGS PA NI 'DI YIN TE, GANG YANG DNGOS PO DANG 'BREL BA MED PA'I PHYIR RNAM PAR RTOG PA THAMS CAD DNGOS PO'I BDAG NYID DU MA GYUR MOD, RJES SU DPAG PA LA SOGS PA'I RNAM PAR RTOG PA @369A *, ,GANG ZHIG LA BRGYUD PAS DNGOS PO LA RAG LAS PAR 'JUG PA NYID DU YOD PA DE'AM, DE'I RNAM PAR BRTAG PAR BYA BA JI LTAR DNGOS POR MA GYUR PA YIN SNYAM DU SEMS PA DE LA GTAN TSIGS 'DI NYE BAR BSTAN PA YIN NO, ,'DIS NI 'DI SKAD BSTAN TE, GANG YANG BRGYUD PAS RJES SU DPAG PA LA SOGS PA'I RNAM PAR RTOG PA SKYED PAR BYED PA NYID KYIS RNAM PAR BRTAG PAR BYA BA NYID DU 'DOD PA'I DNGOS PO DANG, RJES SU DPAG PA LA SOGS PA'I RNAM PAR RTOG PA DE GNYI GA YIN PA 'DI YANG RKYEN LAS SKYES PHYIR TE, JI LTAR LAN GYI RGYU LA RAG LAS NAS SKYE BA'I PHYIR SGYU MA LA SOGS PA BZHIN DU YANG DAG PAR RANG BZHIN MED PA NYID KYIS STONG PA NYID DO, ,'DI LTAR RTOGS PA'I SGRAS RANG DGA'I RNAM PAR RTOG PA YANG BZUNG BA DES NA DE YANG PHYI ROL GYI DNGOS PO LA RAG LAS PA NYID MED KYANG MTSUNGS PA DE MA THAG PA'I RKYEN LA RAG LAS NAS SKYE BA'I PHYIR RANG BZHIN STONG PA NYID KHONG DU CHUD PAR BYA'O, ,'DI KHYAD PAR NI 'DI TZAM YIN TE, SNGAR NI RNAM PAR BRTAG PAR BYA BA DANG, RNAM PAR RTOG PA DAG PHA ROL GYI 'DOD PA KHO NAS YANG DAG PA'I NGO BO GSAL BA YIN LA; DA LTAR NI RANG GI 'DOD PAS YIN NO, ,DE LTA BAS NA GANG DAG GIS GZUGS LA SOGS PA 'DI DAG YANG DAG PAR YOD PA NYID DU KHAS BLANGS PA DE DAG NYID KYI GZHUNG GIS DE DAG RNAM PAR DPYAD PA NA MI 'THAD PA'I RANG BZHIN RNAMS DBU MA PA'I LUGS KYIS LTA SMOS KYANG CI DGOS ZHES BYA BA 'DI GNAS PA YIN NO, ,DA NI BDEN PA'I DNGOS POR ZHEN PA'I GDON GYIS BZUNG BA DE DAG KHO NA LA STONG PA NYID KYIS TSUL 'DI RANG GI MNGON PAR 'DOD PA'I RNAM PAR GROL BA DANG RJES SU MTHUN PA BSTAN PAS GDON MI ZA BAR KHAS BLANG BAR BYA BA NYID DU BSTAN PA'I PHYIR, YANG DAG RTOGS PHYIR ZHES BYA BA LA SOGS PA'O, ,GANG GI TSE YANG DE LTAR GZUGS LA SOGS PA RNAMS LA DE KHO NA NYID DU SO SOR BRTAG PA LA SOGS PA MTHAR PHYIN PA LAS SKYES PA 'JIG RTEN LAS 'DAS PA RNAM @369B PAR MI RTOG PA'I YE SHES KYI DE KHO NA NYID RANG BZHIN MED PA'I MTSAN NYID RTOGS SHING MNGON DU BYED DE KHONG DU CHUD PAR GYUR PA, DE'I TSE YANG DAG RTOGS PHYIR TE, ,DES NA MA RIG PA MED CING 'JUG PAR MI 'GYUR TE, GANG GI PHYIR DE NI PHYIN CI LOG BZHI LAS SKYES PA YIN NO, ,PHYIN CI LOG BZHI PO DE DAG KYANG DE KHO NA NYID MTHONG BA NA NYI MA SHAR BA LA MUN PA BZHIN DU MED PAR 'GYUR BA'I PHYIR RO SNYAM DU DGONGS PA'O, ,GANG GI PHYIR LUS DANG, TSOR BA DANG, SEMS DANG, CHOS DAG LA BRTEN PA DE DAG RTAG PA DANG, BDE BA DANG, BDAG DANG, SDUG PA'I RNAM PAR ZHEN PA'I NGO BOR GO RIMS 'JUG PA RNAMS NI MA RIG PA'I RGYU MTSAN NYID DU 'DOD DE, LUS LA SOGS PA DE DAG KYANG JI SKAD BSTAN PA'I RIGS PAS RANG BZHIN STONG PA YIN LA, GANG DAG RANG BZHIN STONG PA DE DAG NI RTAG PA ZHES BYA BA MI RTAG PA ZHES BYA BAR RIGS PA MA YIN TE, DNGOS YOD RTAG DANG MI RTAG NYID, ,YIN NA DE LTA GA LA YOD, ,CES BSTAN TO, ,DE LTA BAS NA GZHI MED PA'I PHYIR PHYIN CI LOG RNAMS MI 'JUG NA MA RIG PA MI 'JUG GO ZHES BSTAN PA YIN NO, DE MED PHYIR TE MA RIG PA DE MI 'JUG NA 'DU BYED RNAMS TE, BSOD NAMS DANG BSOD NAMS MA YIN PA DANG MI G-YO BA'I LAS KYI DBYE BA RNAMS MI 'BYUNG STE MI SKYE BA YIN NO, ,DE BZHIN DU DE MA THAG TU BSTAN PAS RGYU MI 'JUG PAS NA 'BRAS BU MI 'JUG PA'I RIM PAS LHAG MA STE, LUS LA RTEN CING 'BREL PAR 'BYUNG PA'I YAN LAG RNAM PAR SHES PA LA SOGS PA RGA SHI'I MTHAR THUG PA MI 'JUG PA'I CHOS CAN YIN PAR SHES PAR BYA'O, ,'DI NYID LA 'PHAGS PA'I PHYED KYIS PHA ROL LA SHIN TU GRAGS PA BSTAN PA NI, GANG GANG ZHES BYA BA LA SOGS PA GANG YIN TE, 'BRAS BU MNGON PAR 'DOD PA'I DNGOS PO GANG RGYUR 'DOD PA'I DNGOS PO LA BRTEN PA STE BRTEN NAS SKYES PA STE 'BYUNG BA'I 'BRAS BUR MNGON PAR 'DOD PA DE LAS SKYES PA STE, RGYUR MNGON PAR 'DOD PA'I DNGOS PO DE LA DNGOS SU SKYES PA NYID NGES PA NA RGYUR MNGON PAR @370A *, ,'DOD PA'I DNGOS PO DE MED NA 'BREL PA MIN NA MI 'BYUNG BA STE MI SKYE BA'O, ,GANG GI PHYIR ZHES BYA BA NI LHAG MA'O, ,DE LTA BAS NA YAN LAG SNGA MA SNGA MA MA TSANG BA'I PHYIR YAN LAG PHYI MA PHYI MA MI 'JUG PAR BSTAN PAS RTEN CING 'BREL PAR 'BYUNG BA'I YAN LAG BCU GNYIS NYE BAR ZHI BA'I MTSAN NYID KYI THAR PA THOB PA DANG RJES SU MTHUN PA TSUL 'DI BSTAN PA GANG YIN PA DE RIGS PA DANG MI LDAN PA MA YIN PA DE'I PHYIR, PHA ROL PO DAG GIS KYANG GDON MI ZA BAR TSUL 'DI KHO NA KHAS BLANG BAR BYA BA YIN NO ZHES BSTAN PA YIN NO, ,'DI TZAM GYIS MYA NGAN LAS 'DAS PA MTSUNGS PA NYID DU DGONGS PAR BYA BA YANG MA YIN TE, 'DI LA KHYAD PAR CHEN PO SRID PA'I PHYIR RO, ,KHYAD PAR DE NYID BSTAN PA'I PHYIR, DNGOS DANG DNGOS MED CES BYA BA LA SOGS PA SMOS SO, ,SKYE BAR BYED PA'I PHYIR DNGOS PO STE, SDUG BSNGAL GSUM GYIS ZIN PA'I 'BRAS BUR GYUR PA NYE BAR LEN PA'I PHUNG PO LNGA'I MTSAN NYID NI 'KHOR BA'O, ,DE BZHIN DU GANG YOD NA 'BYUNG BA'I PHYIR DNGOS PO STE LAS DANG NYON MONGS PA'I MTSAN NYID DE'I RGYU'O, ,DNGOS PO MED PA NI DNGOS PO MED PA STE, 'KHOR BA LDOG PA'I MTSAN NYID THAR PA'O, ,DE BZHIN GANG YOD NA MI 'BYUNG BAS DNGOS PO MED PA STE, LAS DANG NYON MONGS PA DAG GI GNYEN POR GYUR PA LAM MO, ,DNGOS PO DAG DANG DNGOS PO MED PA DAG NI, DNGOS PO DANG DNGOS PO MED PA RNAMS TE SDUG BSNGAL DANG KUN 'BYUNG DANG 'GOG PA DANG LAM RNAMS ZHES BYA BA'O, ,'DUS BYAS RNAMS KYI SDUG BSNGAL DANG KUN 'BYUNG DANG LAM RNAMS SO, ,'DUS MA BYAS NI SO SOR BRTAGS PA'I 'GOG PA'O, ,'DUS BYAS RNAMS DANG 'DUS MA BYAS NI 'DUS BYAS DANG 'DUS MA BYAS RNAMS TE MDO SDE PA DAG GIS NI DNGOS PO DANG DNGOS PO MED PA'I TSIG GIS SDUG BSNGAL LA SOGS PA RNAMS THA SNYAD BTAGS PA YIN LA, BYE BRAG TU SMRA BA DAG GIS NI 'DUS BYAS DANG 'DUS MA BYAS PA'I MING GIS YIN NO ZHES RTOGS PA PO RNAMS KYIS DBYE BAS BSDUS PAS DGONGS PAS @370B MING GI DBYE BA SMOS PA NA ZLOG PAR DOGS PAR BYA BA MA YIN NO, ,DNGOS PO DANG DNGOS PO MED PA YANG YIN LA, 'DUS BYAS DANG 'DUS MA BYAS KYANG YIN NO ZHES BYA BA NI DNGOS PO MED PA DANG 'DUS BYAS DANG 'DUS MA BYAS DAG GO , ,DE DAG NI ZHI BA NI RANG BZHIN GYIS NYE BAR ZHI BA'I MYA NGAN LAS 'DAS PAR TSUL 'DI LA RIGS PAR BYA BA YIN NO ZHES DGONGS PA YIN NO, ,'DI LTAR SDUG BSNGAL NI GZOD MA NAS DE KHO NA NYID DU MA SKYES PA YIN LA, GANG SKYES PA DE NI RANG BZHIN STONG PA'O, ,GANG RANG BZHIN STONG PA NI RGYU MA YIN LA, RANG BZHIN DANG RGYU MA YIN PA DE NI 'GOG PA MA YIN NO, ,GANG 'GOG PA MA YIN PA DE NI 'GOG PA'I RGYU MTSAN RGYU'I GNYEN PO LAM RIGS PA MA YIN NO, ,DE'I PHYIR CHOS RNAMS KYI RANG BZHIN GYIS MYA NGAN LAS 'DAS PA KHO NA THAR PA YIN NO, ,GZHAN DAG GI THEG PA LA NI SDUG BSNGAL DNGOS POR GYUR PA NYID KYANG, DE LTA BU NYID KYI RGYU LAS SKYE BA DANG, RGYU'I GNYEN PO'I LAM SKYE BA NA DE 'GOG PA YIN PA'I PHYIR SDUG BSNGAL LA SOGS PA RNAMS KYI GZOD MA NAS NYE BAR ZHI BA'I MTSAN NYID MYA NGAN LAS 'DAS PA YIN NO ZHES KHAS BLANGS PA MA YIN NO, ,THEG PA DE'I PHYIR THEG PA 'DI LA NI KHYAD PAR CHE BA YIN NO, ,DE LA 'DI SNYAM DU SEMS PAR GYUR TE, GAL TE CHOS RNAMS KYI RANG BZHIN GYIS MYANG 'DAS NYID THAR PA DAM PA YIN NA, KUN NAS NYON MONGS PA GSUM GYI RGYU MTSAN NYID CAN GYI RTEN CING 'BREL PAR 'BYUNG BA YAN LAG BCU GNYIS KYIS 'JUG PA'I RIM PA'AM LDOG PA'I RIM PA YOD PA MA YIN NO, ,DE'I PHYIR SPANG BAR BYA BA DANG BLANG BAR BYA BA 'KHOR BA DANG, MYA NGAN LAS 'DAS PA DAG GI RNAM PAR DBYE BA MED PAS MA RIG PA'I RKYEN GYIS 'DU BYED, SKYE BA'I RKYEN GYIS RGA SHI'I BAR DANG, DE BZHIN DU MA RIG PA 'GOG PAS 'DU BYED 'GOG ,SKYE BA 'GOG PAS RGA SHI 'GOG CES BYA BA'I BAR DU RTEN CING 'BREL PAR 'BYUNG BA'I RIM PA GNYIS BCOM LDAN 'DAS KYIS DE DANG DER BSTAN PA JI LTAR NA 'BRAS BU MED PA NYID DU THAL BAR MI 'GYUR ZHE NA, THAL BAR @371A *, ,MI 'GYUR TE, DNGOS PO 'JUG PA LA LTOS NAS CHOS THAMS CAD RANG BZHIN GYIS MYA NGAN LAS 'DAS PA NYID YIN NA YANG THOG MA MED PA NAS PHYIN CI LOG GI RNAM RTOG GOMS PA'I BAG CHAGS KYI RANG BZHIN GYIS RMONGS PA'I RAB RIB KYIS NYAMS PA'I BLO'I MIG CAN GYI RTOGS PA PO RNAMS KYI RTOGS PA'I 'JUG PA LA LTOS NAS, RTEN CING 'BREL PAR 'BYUNG BA'I RIM PA GNYIS SU DE NYID KYIS YOD PAR ZHAL GYIS BZHES PAR MDZAD PA'I PHYIR RO, ,'DI NYID BSTEN PA'I PHYIR, RGYU DANG RKYEN LAS SKYES DNGOS RNAMS, ,ZHES BYA BA LA SOGS PA 'PHAGS PA GNYIS SMOS SO, ,RGYU NYE BAR LEN PA'I RGYU RKYEN DE LHAN CIG BYED PA'I RKYEN RNAMS LAS SKYES PA'I DNGOS PO RNAMS LA YANG DAG PA NYID DU STE, DE KHO NA NYID KYI NGO BOR RTOGS PA GANG BRTEN NAS SKYES PA NYID KYI SGYU MA LA SOGS PA BZHIN DU BRDZUN PA'I RNAM PA RNAMS LA YANG BRDZUN PA MA YIN PA'I RNAM PA NYID DU KHONG DU CHUD PA GNAG YIN PA DE NI SEMS CAN THAMS CAD LA STON PAR BYED PA'I PHYIR STON PAS MA RIG PAR GSUNGS TE, SDUG BSNGAL GYI PHUNG PO CHEN PO KUN RDZOB 'DI'I RKYEN NYID DU BSTAN PA NA ZHES BYA BA'I DON TO, ,GANG GI PHYIR MA RIG PA DE NYID LA YAN LAG BCU GNYIS KYI CHA GANG LA YOD PA DE NI YAN LAG BCU GNYIS YIN TE, 'BYUNG ZHING RGYUN DU SKYE BA NI SRID PA'I 'KHOR LO ZHES BYA BA LHAG MA'O, ,GANG GI TSE YANG CHOS THAMS CAD RANG BZHIN MED PA MNGON PAR GSAL BAR BYED PA'I THEG PA CHEN PO 'DI THOS PA DANG, BSAM PA DANG; BSGOM PA'I RANG BZHIN GYI SHES PA TSOGS DANG SBYOR BA'I LAM GYIS BSDUS PAS DNGOS PO DE DAG NYID STONG PA STE, RANG BZHIN GYIS DBEN PAR NGES PA STE SOM NYI MED PAR RTOGS PAR 'GYUR BA DE'I TSE DE DAG DE LTAR RTOGS PA DAG YIN NA, DE MA THAG TU RAB TU DGA' BA'I SA RNYED PA'I YANG DAG PA'I MTHONG BA'I LAM SKYE BA DE GANG LAS SNGAR BSHAD PA'I MTSAN NYID CAN GYI RMONGS PAR MI 'GYUR RO, ,DE MI 'BYUNG BA GANG YIN PA DE NI MA RIG PA 'GOG PA YIN LA, MA RIG PA 'GOG PA DE NYID LAS KYANG YAN LAG BCU GNYIS KYIS SRID @371B PA'I 'KHOR LO 'GAG PA STE, KUN RDZOB TU YANG MI 'BYUNG NGO ZHES BYA BA'I DON TO, MDO LAS, DNGOS PO ZHES RIGS LA GCIG GI TSIG TU KHONG DU CHUD PAR BYA'O, ,GZHAN DU SNGAR DNGOS PO RNAMS MANG PO NYID DU BSTAN PA GANG DAG LA MDOR GSAL BA GCIG YONGS SU BZUNG NA SKABS SU BAB PA'I NYAMS PA'I NYES PAR 'GYUR RO, ,DE BAS 'DI LTAR DNGOS PO'I 'JUG PAS CHOS RNAMS THAMS CAD GZOD MA NAS ZHI BA NYID DU YIN NA YANG RTOGS PA PO'I KHYAD PAR GYI RTOGS PA LA LTOS NAS RTEN CING 'BREL PAR 'BYUNG BA LA SKYE BA DANG 'GOG PA'I RIM PA YOD PA NYID DU BSTAN PAS KUN RDZOB TU SPANG BA DANG BLANG BAR BYA BA DANG, 'KHOR BA DAG MYA NGAN LAS 'DAS PA'I RNAM PAR DBYE BA YOD PAS DE DAG SPANG BA DANG, BLANG BA RGYU MTSAN DU GYUR PA'I LAM YANG KUN RDZOB LA MI 'GAL BA'I PHYIR BCOM LDAN 'DAS KYIS BSTAN PA 'BRAS BU DANG LDAN PA NYID DO ZHES BYA BA 'DI GNAS PA YIN NO, ,'DI NI RIGS PA YANG YIN TE, GANG GI PHYIR DNGOS PO RNAMS YANG DAG PAR SKYE BA DANG 'GAG PA DANG BRAL BA YIN YANG KUN RDZOB TU SKYE BA DANG 'GAG PA YIN NO ZHES BYA BAR BSTAN PA'I PHYIR RO, 'DU BYED DRI ZA'I GRONG KHYER DANG, ,ZHES BYA BA LA SOGS PA SMOS SO, ,GANG GI PHYIR DRI ZA'I GRONG KHYER LA SOGS PA YANG DAG PAR SKYE BA'AM, 'GAG PA MA YIN PA DE LTAR NA YANG TSOGS PA DE DANG DE YANG DAG PAR THOB PA'I DBANG GIS 'JIG RTEN LAS SKYE BA DANG 'GAG PA DANG LDAN PA NYID DU MA DMIGS PA MA YIN PA JI LTA BA DE BZHIN DU 'DUS BYAS THAMS CAD YIN NO, ,'DRA BA'I RGYU MTSAN DE NYID GSAL BAR BYA BA'I PHYIR, 'DI LA DNGOS 'GA' YOD MIN ZHING, ,ZHES BYA BA LA SOGS PA SMOS SO, ,GANG GI PHYIR DRI ZA'I GRONG KHYER LA SOGS PA 'DI LA DNGOS PO STE, SKYE BA DANG, DNGOS MED DE 'GOG PA RANG BZHIN GYIS TE, DON DAM PAR 'GA' YANG YOD PA MA YIN PA NYID DE, 'DI DAG NI BRTEN NAS SKYES PA'I PHYIR RO ZHES BYA BAR DGONGS PA'O, ,DE'I PHYIR GANG YANG DNGOS PO 'DUS BYAS RNAMS KYI RANG BZHIN DE YANG BRTEN NAS SKYES PA @372A *, ,YIN PA'I PHYIR STONG PA STE YANG DAG PAR SKYE BA DANG 'GAG PA DANG BRAL BA YIN NO ZHES KHONG DU CHUD PAR BYA'O, ,DON 'DI NYID 'JUG BSDU BA'I PHYIR DANG, THEG PA GZHAN DU 'GAL BA SPANG BAR BYA BA'I PHYIR, 'PHAGS PA GNYIS SMOS PA NI, DNGOS KUN RANG BZHIN STONG YIN NO, ,ZHES BYA BA LA SOGS PA'O, ,DNGOS PO 'DI LA DE'I PHYIR, ,ZHES KHONG NAS DBYUNG BAR BYA STE, GANG GI PHYIR 'DUS BYAS THAMS CAD DRI ZA'I GRONG KHYER LA SOGS PA DANG 'DRA BA DE'I PHYIR DNGOS PO KUN RANG BZHIN GYIS STONG PA RANG BZHIN GYIS MYA NGAN LAS 'DAS PA GNAS PA YIN NA YANG DAG PAR RDZOGS PA'I SANGS RGYAS BCOM LDAN 'DAS DE BZHIN GSHEGS PA MTSUNGS PA MED PA STE, STON PA THAMS CAD LAS KHYAD PAR DU 'PHAGS PAS DNGOS PO RNAMS KYI RTEN 'BYUNG STE, RGYU DANG RKYEN LA SOGS PAS BRTEN NAS SKYE BA 'DI 'DRA BA NI ZHES BYA BA STE, DE LTA BU'I NGO BOR NYE BAR BSTAN PA STE, DRI ZA'I GRONG KHYER LA SOGS PA RNAMS KYI SKYE BA BZHIN DU BRDZUN PA KUN RDZOB PA ZHES BYA BA'I DON TO, ,'O NA JI LTAR THEG PA GZHAN DU 'DI NYID YANG DAG PA NYID DU BSTAN ZHE NA, BSTAN PA NI BDEN MOD KYI, DE TZAM GYIS 'GAL BA CUNG ZAD KYANG YOD PA MA YIN NO, ,GANG GI PHYIR DAM PA 'JIG RTEN LAS 'DAS PA RNAM PAR MI RTOG PA'I RJES LAS THOB PA DAG PA 'JIG RTEN PA'I RNAL 'BYOR PA'I YE SHES KYI DON TE YUL SKYE BA 'DIR ZAD PA NI 'DI TZAM GYIS CHAD DE SGYU MA LA SOGS PA BZHIN DU BRDZUN PA'I RNAM PA YONGS SU CHAD PA ZHES BYA BA'I DON TO, ,'JIG RTEN THA SNYAD CES BYA BA LA 'JIG RTEN SO SO'I SKYE BO 'PHAGS PA'I LAM LA MA ZHUGS PA'I SEMS CAN GYI KHAMS DE LA GRAGS PA'I THA SNYAD NI SEMS DANG NGAG DANG LUS KYI DBYE BAS RNAM PA GSUM STE, SHES PA DANG BRJOD PA DANG, 'JUG PA'I NGO BO LA BRTEN NAS TE DE RJES SU GZUNG BAR 'DOD NAS DE NYID DON DAM PA LA 'JUG PAR BYA BA'I PHYIR KHAS BLANGS NAS MA CHAGS SHING MA THOGS PA'I RNAM PAR DAG PA'I YE SHES KYIS CHOS THAMS CAD RNAM PA THAMS CAD DU THUGS SU CHUD PA ZHES BYA BA'I SANGS RGYAS @372B THAMS CAD MKHYEN PA'I BCOM LDAN 'DAS KYIS NI SNA TSOGS THAMS CAD DE DON GYI TSOGS MA LUS PAR YANG DAG PAR PHYIN CI LOG PA BRTAGS PA STE, TSIG GIS BSNYAD CING NYE BAR BSTAN PA ZHES BYA BA'I DON TO, ,DE LTA BAS NA 'PHAGS PA DANG 'PHAGS PA MA YIN PA'I SKYE BO'I THA SNYAD KYI DBYE BA LA LTOS NAS BDE BAR GSHEGS PA'I BSTAN PA 'DI THAMS CAD KHO NA DON MI 'GAL BA YIN NO ZHES BYA BA 'DI GNAS PA YIN NO, ,DE LTA BAS NA 'DI LTAR BCOM LDAN 'DAS KYIS CHOS THAMS CAD BSTAN PA KHA NA MA THO BA MED PA LA YANG GANG DAG LA SKRAG PA'I 'BYUNG BA DE DAG LA DE'I DGONGS PA MA RTOGS PA NYID SKRAG PA'I RGYU YIN PAR BSTAN PA'I PHYIR, 'JIG RTEN CHOS CAN MI 'JIG CING, ,ZHES BYA BA LA SOGS PA SMOS SO, ,GANG GI PHYIR DE LTAR KUN RDZOB DANG DON DAM PA'I BDEN PA GNYIS LA LTOS NAS BSTAN PA 'JUG PA NA; 'JIG RTEN PA'I CHOS BSTAN PA MI 'JIG PA STE, KUN RDZOB DAG GI SKYE BA DANG 'GAG PA LA SOGS PA DAG MA SPANGS PA'I PHYIR RO, ,DE BZHIN DU YANG DAG PA STE DON DAM PAR CHOS BSTAN PA CI YANG MDZAD PAR 'GYUR BA MED DE, CHOS KYI DNGOS PO YOD PA CUNG ZAD KYANG GZHAG PA MED PA'I PHYIR TE SGRO BTAGS PA MED PA'I PHYIR RO ZHES BYA BA'I DON TO, ,DE'I PHYIR DRI MA MED PA 'DI NI SGRO 'DOGS PA DANG, SKUR BA 'DEBS PA'I SKYON GYIS STONG PA'I PHYIR SHIN TU RNAM PAR DAG PA YIN LA, CHOS KYI DE KHO NA NYID MCHOG TU ZAB PA MI SHES PA SHES PAR BYED PA'I PHYIR TSUL DE STONG PA NYID KYI THEG PA GANG YIN PA DE LA DRI MA MED PA'I TSUL 'DI GANG DAG SKRAG PA DE DAG NI CHOS KYI DE KHO NA NYID JI LTA BA BZHIN DU GNAS PA DE BZHIN DU STON PAR BYED PA'I ZHES BYA BA'I NGES PA'I TSIG GI TSUL GYIS PHYIN CI MA LOG PA'I CHOS KYI DE KHO NA NYID GSAL BAR BYED PA'I SANGS RGYAS DE BZHIN GSHEGS PA RNAMS KYIS BSHAD CING BSTAN PA MA RTOGS NAS TE, DGONGS PA JI LTA BA BZHIN GYI DE KHO NA NYID MA NGES NAS ZHES BYA BA'I DON TO, ,'DIR DE KHO NA NYID NGES PA CI 'DRA BA GANG YOD NA SKRAG PA MI SKYE BA DE GSAL BAR BYA BAR BZHED PA NI, 'JIG RTEN @373A *, ,'DI 'BYUNG BA ZHES BYA BA LA SOGS PA SMOS SO, ,RGYUR MNGON PAR 'DOD PA'I DNGOS PO 'DI LA BRTEN PA STE, BRTEN NAS 'BRAS BUR MNGON PAR 'DOD PA 'DI 'BYUNG BA STE SKYE BA ZHES 'JIG RTEN MTHA' DAG LA GRAGS PA'I PHYIR 'JIG RTEN PA'I TSUL 'DI RTEN CING 'BREL PAR 'BYUNG BA'I TSUL 'GOG PAR MI MDZAD PA STE MI SPONG PA NYID DO ZHES KUN RDZOB KYI BDEN PA LA BRTEN PA'I BSTAN PA LA DE KHO NA NYID DU NGES PA YIN NO, ,DON DAM PA'I BDEN PA LA BRTEN PA DE LA NI, ,RTEN 'BYUNG GANG DE RANG BZHIN MED PA STE, DE KHO NA NYID DU SGYU MA LA SOGS PA BZHIN DU YOD PA MA YIN PA NYID DO, ,GANG DE KHO NA NYID DU YOD PA MA YIN PA DE YANG 'GA' ZHIG YOD PA NYID KHAS LEN PAR BYED PA NA YANG JI LTAR DE SNANG BA DE GANG GIS NA YOD DE, JI LTAR YANG DE YOD PAR YANG MI 'GYUR PA NYID CES DE KHO NA NYID DU NGES PA'O, ,DA NI GANG DAG YANG DAG PAR RDZOGS PA'I BYANG CHUB KYI RIGS CAN RNAMS DANG, GANG YANG DMAN PA'I BYANG CHUB KYI RIGS CAN DE DAG THAMS CAD 'DI NYID LA RAB TU 'JUG PAR BYA BA'I PHYIR TSUL 'DI NI MNGON PAR 'DOD BA'I 'BRAS BU GRUB BSGRUB PAR BYED PA NYID DU NYE BAR BSTAN PA'I SGO NAS DON CHEN PO NYID DU BSTAN PA'I PHYIR TSIGS SU BCAD PA GNYIS, TSUL 'DI RIGS PAS RJES DPOG GANG, ,ZHES BYA BA LA SOGS PA SMOS SO, ,DE LA TSIGS SU BCAD PA DANG POS BYANG CHUB DAM PA'I RIGS CAN RNAMS DE LA YANG DAG PAR RTOGS PAR BYED DO, ,BYANG CHUB KYI SEMS BSKYED PA'I SGRUB PA PO GANG THOG MAR LUNG LAS THOS PA'I RANG BZHIN GYI SHES PAS STONG PA NYID BDUN CU PAS BSTAN PA'I THEG PA DAM PA'I TSUL 'DI KHONG DU CHUD NAS RIGS PAS TE 'THAD PAS, RKYEN LAS SKYES PA NYID LA SOGS PA'I RTAGS LAS RJES SU DPOG PA STE, RIGS PA LAS SKYES PA BSAM PA'I RANG BZHIN SHES PAS NGES PAR BYED PA'O, ,DE'I 'OG TU DANG LDAN TE MNGON PAR YID CHES PA'I MTSAN NYID KYI DAD PA DANG YANG DAG PAR LDAN PA'O, ,YANG DAG TSOL LHUR LEN PA STE, CHOS THAMS CAD RANG BZHIN MED PA'I YANG DAG TSOL BA DE RJES SU TSOL BA'I SBYOR BA DANG, MTHONG BA DANG, BSGOM PA DAG GIS GOMS PA'I RIM PAS RTOGS PA'O, , @373B DER LHUR LEN PA NI YID GZHAN DU MI GTOD PA'O, ,DE'I BAR DU YANG SANGS RGYAS DANG BYANG CHUB SEMS DPA' DAG LAS GDAMS NGAG THOB PA NA YANG CHOS BSTAN 'GA' YANG MI BRTEN PA STE, CHOS NI SHES BYA DANG, SPANG BYA DANG, RNAM PAR DAG PA LA SOGS PA GANG BSTAN PA SANGS RGYAS DANG BYANG CHUB SEMS DPA' RNAMS KYI GDAMS NGAG GIS STON PA 'GA' ZHIG LA YANG MI BRTEN PA CHOS STON PA 'GA' ZHIG LA YANG MNGON PAR ZHEN PA MED PA STE, JI LTAR SGYU MA'I GLANG PO NI, ,SGYU MA'I SENG GES NYAMS BYED PA, ,BDEN MIN DE BZHIN LOG RTOGS NI, , DE NYID NGES PAR NYAMS PAR BYED, ,CES PA'I TSUL GYIS MI MTHUN PA'I PHYOGS DANG GNYEN PO'I PHYOGS THAMS CAD LA SGYU MA LTA BU NYID DU LHAG PAR MOS PA RNYED PA'I PHYIR RO, ,GANG YANG DE LTAR GOMS PA KHYAD PAR CAN GYI GNAS SKABS LA LHAG PAR ZHUGS PAR GYUR PA DE NI DNGOS PO MED PA DANG 'KHOR BA DANG MYA NGAN LAS 'DAS PA DAG SPANGS NAS ZHI BA STE, DE DAG LA MNGON PAR ZHEN PA MED CING RNAM PA THAMS CAD YONGS SU DAG PAR THOB PAR BYED PA STE, MI GNAS PA'I MYA NGAN LAS 'DAS PA THOB PA YIN ZHES BYA BA'I DON TO, ,GANG YANG BDAG NYID 'KHOR BA'I SDUG BSNGAL LDOG PAR 'DOD PAS RKYEN NYID 'DI PA STE, RKYEN 'DI SKYE BA GA LA YOD PA DE NI RKYEN 'DI PA YIN LA, DE NYID RKYEN 'DI PA STE BDAG MED PA NYID KYIS RTEN CING 'BREL PAR 'BYUNG BA 'BA' ZHIG LA DE NI RKYEN NYID 'DI PA'O, ,'DI NA DE LTA BU'I NGO BO STE SGYU MA LA SOGS PA BZHIN DU BRDZUN PA'I RANG BZHIN DU TSOR BA DANG, SBYOR BA DANG, MTHONG BA LA SOGS PA'I RIG PAS RIG CING KHONG DU CHUD LA, DE SHES NAS KYANG LTA NGAN DRA BA KUN TE, 'JIG TSOGS DANG MTHAR 'DZIN DANG LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG, BRTUL ZHUGS MCHOG TU 'DZIN PA ZHES BYA BA'I LTA BA GANG BDEN PA MTHONG BA DANG MI MTHUN PA'I PHYIR DANG, 'KHOR BA'I RTZA BA YIN PA'I PHYIR NGAN PA STE DE NYID DANG DES NYE BAR MTSON PA'I MTHONG BAS SPANG BAR BYA BA 'DOD CHAGS LA SOGS PA'I PHRA RGYAS NI DRA BA DANG 'DRA BA'I PHYIR DRA BA STE, @374A *, ,'CHING BA'I GNAS YIN PA'I PHYIR RO, ,DE KUN MA LUS PA LDOG PA STE MTHONG BA'I LAM GYIS MI LDAN PAR BYAS PA DES 'JIG RTEN LAS 'DAS PA'I BSGOM PAS SPANG BAR BYA BA 'DOD CHAGS DANG, RMONGS PA DANG, KHONG KHRO BA DANG, DES NYE BAR MTSON PA'I NGA RGYAL SPANG BA'I PHYIR TE, 'JIG RTEN LAS 'DAS PA'I BSGOM PA'I LAM GYIS SPANGS PA THOB PA'I PHYIR RO, ,NYON MONGS PA MTHA' DAG GI DRI MA'I GDON DANG BRAL BA NYID KYIS MA GOS PA YIN LA, MYA NGAN LAS 'DAS PA DE ZHES BYA BA LA, DE ZHES BYA BA NI 'PHAGS PA'I SKYE BOS SO SOR RANG GIS RIG BAR BYA'O, , MYA NGAN LAS 'DAS PA DE THOB PA STE, 'KHOR BA'I SDUG BSNGAL LAS RNAM PAR GROL BA THOB PA ZHES BYA BA'I DON TO, ,'DIS NI 'DI SKAD BSTAN PA YIN TE, GANG GI PHYIR GANG LA DNGOS PO PA NYID DU YANG RTEN CING 'BREL PAR 'BYUNG BA MI RTAG PA DANG, SDUG BSNGAL BA LA SOGS BA'I RNAM PAR MTHONG BA SDUG BSNGAL ZAD PAR NUS PA YIN NA, DRI ZA'I GRONG KHYER DANG SGYU MA LA SOGS PA DANG CHOS MTHUN PAR LTA SMOS KYANG CING GOS, DGONGS PA 'DI NYID KYIS KYANG RGYAL BA BSKYED MA LAS NYAN THOS KYI BYANG CHUB LA SLOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BYA BA LA SOGS PA GSUNGS SO, ,DE LTA BAS NA THEG PA CHEN PO 'DI DON CHEN PO CAN YIN NO ZHES BYA BA 'DI GNAS PA YIN NO, ,BSKAL PA MI NYUNG RAB GOMS PA'I, ,BSOD NAMS YE SHES BLO CHE BA'I, ,'PHAGS PA KLU SGRUB CHE MCHOG GI ,GZHUNG GANG LA NI BDAG BLO GANG, ,DE LTA NA YANG GANG GI PHYIR, ,BDUN CU PA 'DIR MKHAS GANG GIS, ,DA LTA YANG NI DON BYED TSUL, ,'BAD BYAS MED PA DE YI PHYIR, ,SLOB DPON DAM PA ZLA DPAL ZHABS, ,BRTEN NAS BRGYUD PA'I MAN NGAG 'DI, ,BDAG BLO'I NUS PA THOB PA YIS, ,BDAG GI RMONGS PA 'DIR 'KHRUL GANG, ,CUNG ZAD BYUNG BA GANG YIN PA, ,KHYED RNAMS KYIS NI BZOD BYAS TE, ,GANG PHYIR BDAG 'DRA KUN MKHYEN MING, ,DE LAS KUN DA KHA BA MU TIG DANG, ,ZLA 'DRA'I BSOD NAMS RGYA CHEN GANG BYUNG DES, ,'JIG RTEN GYI NI SPROS KUN NYER ZHI BAS, ,RNAM DAG RANG GI CHOS @374B NYID RTOGS PAR SHOG ,KHA CHE'I YUL GYI MKHAS PA CHEN PO SLOB DPON SO MA SHR'I'I ZHAL SNGA NAS KYI ZHABS KYI RDUL LA NYE BAR BRTEN PAR MDZAD PA'I SLOB DPON MKHAS PA CHEN PO DPAL GZHAN LA PHAN PA'I ZHAL SNGA NAS KYIS MDZAD PA STONG PA NYID BDUN CU PA'I 'GREL PA RDZOGS SO,, ,, THUGS DAM PA'I SNYING PO THO LING DU, KHA CHE'I MKHAN PO PA RA HI TA'I ZHAL SNGA NAS NYID DANG, LO TZ'A BA SH'AKYA'I DGE SLONG GZHON NU MCHOG GIS BSGYUR CING ZHUS TE GTAN LA PHAB PA'O,,*, ,RGYA GAR SKAD DU, TARKA MUNGGA RA K'A RI K'A N'A MA, BOD SKAD DU, RTOG GE THO BA'I TSIG LE'UR BYAS PA ZHES BYA BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,YUL DNGOS STOBS KYIS ZHUGS PA YI, ,TSAD MAS DE NYID RTOGS SO ZHES, ,CHOS KYI GRAGS PA'I RJES 'BRANG BA'I, , RTOG GE BA RNAMS SMRA BAR BYED, ,BLO GANG BCAD DON THOB BYED PA, ,TSAD MA YIN ZHES KHA CIG SMRA, ,LA LA MA RTOGS DON GSAL 'DOD, ,GZHAN DAG BDEN PA'I DON RTOGS SMRA, ,HA CANG THAL PHYIR MA 'BREL BA, ,GZHAN DANG 'JAL BYED NYID MA YIN, ,DE PHYIR TSAD MA'I GZHAL BYA NI, RDZAS YOD YIN PAR SMRA BAR BYOS, ,RDZAS KYANG SKAD CIG MA NYID PHYIR, ,BCAD DON THOB PA GA LA SRID, ,RGYUN LTOS SHI NA RGYUN CAN LAS, ,GZHAN MED DE MIN PHYIR RDZAS MIN, ,BCAD ZHUGS THOB RGYUN GSUM PHYIR YANG, ,RGYUN LTOS BCAD DON THOB PA MED, ,LDOG PA GCIG BCAD RGYUN CE NA, ,RDZAS LDOG RDZAS LAS GZHAN MIN PHYIR, ,LDOG PA GCIG PA GA LA YOD, ,GAL TE RDZAS GZHAN LDOG GCIG NA, ,GSAL BA GZHAN LA SPYI GCIG LA, ,CI YI PHYIR NA KHAS MI LEN, ,GNYIS KA RDZAS YOD 'GAL ZHE NA, ,RDZAS LDOG RDZAS LAS GZHAN MIN PA, ,CI YI PHYIR NA RDZAS MA YIN, ,GAL TE DE NYID GZHAN MIN NA, ,SMIG RGYU LA NI CHU BZHIN DU, ,RDZAS LDOG RDZAS SU 'THAD MA YIN, ,DE LTA YIN NA TSAD MA NI, ,DNGOS PO'I YUL CAN MA YIN ZHING, ,MA 'BREL PHYIR NA DNGOS MED PA, ,TSAD MAS JI LTAR 'JAL BAR BYED, ,SNGO MDOG YUL @375A *, ,CAN SNGO RDZAS LA, ,TSAD MIN THAL 'GYUR DE MI 'DOD, ,DE PHYIR LDOG PA GCIG BCAD KYI, ,RGYUN LTOS TSAD MA MI 'THAD DO, ,RDZAS RGYUN YUN RINGS MI GNAS DANG, ,'GAL DANG BDEN DON 'GOG PA YIS, ,MA RTOGS DON GYIS GSAL BYED KYANG, ,TSAD MA'I MTSAN NYID MI 'THAD DO, ,BDEN DON RTOGS PA TSAD MA YI, ,MTSAN NYID MIN TE GANG GI PHYIR, ,BDEN NYID GRUB PA MED PHYIR DANG, ,TSAD MIN TSAD MAR 'GYUR PHYIR RO, ,'DI LTAR SNANG TZAM BDEN SNANG DANG, ,BDEN NGES LDOG PA GNYIS LDAN PAS, ,YUL BDEN YIN PAR 'GYUR ZHIG GRANG, ,LOG SHES TSAD MAR 'GYUR BA'I PHYIR, ,BSTAN LDOG RNAMS KYIS BDEN MI 'GRUB, ,MA BSTAN LDOG PA GANG ZHIG GIS, ,BDEN PA 'GRUB PA'I THABS DE SMROS, ,KHA CIG DON DU SNANG TZAM GYIS, ,BDEN MI 'GRUB KYANG DON BYED PAR, ,SNANG BAR BDEN PA NYID DU 'DOD, ,'DI MI RIGS TE GNYIS KAR YANG, ,SNANG BAR KHYAD PAR MED PHYIR TE, ,RTOG BRAL 'JUG YUL MI STON PHYIR, ,MNGON SUM TSAD MA NYID MA YIN, ,KHYAB DANG PHYOGS CHOS MI 'GRUB PHYIR, ,RJES SU DPAG PA YOD MA YIN, ,RANG GI MTSAN NYID YUL CAN PHYIR, ,KHYAB PA MNGON SUM GYIS MI 'GRUB, , TSAD MA YIN PHYIR RJES DPAG NI, ,YUL DUS SPYI LA 'JAL MI BYED, ,GANG ZHIG SPYI YI YUL CAN MIN, ,DE YI KHYAB PA JI LTAR 'GRUB, ,SHUGS RTOGS SHE NA MI 'THAD DE, ,SO SOR NGES PA'I YUL CAN LA, ,SPYI LA DMIGS PA'I BLO SKYE BAS, ,DE NI SPYOD PA YIN PAR 'DOD, ,LDOG PA GCIG DANG THA DANG DANG, ,MTSUNGS PA GTAN TSIGS YIN GYUR GRANG, ,DANG PO MED PHYIR PHYOGS CHOS MED, ,GNYIS GSUM PA LA KHYAB PA MED, ,TSAD MA MED KYANG KHAS BLANGS DANG, ,'GAL PHYIR RANG BZHIN LOG RTOGS SEL, ,LOG RTOGS LOG PA TZAM ZHIG LA, ,DE NYID NGES ZHES THA SNYAD BTAGS, , RTOG GE THO BA'I TSIG LE'UR BYAS PA NYI SHU PA, KHA CHE'I PAndI TA DZA YA A'A NAN DAS MDZAD PA RDZOGS SO,, ,,ZHU CHEN GYI LO TZ'A BA KHU MDO SDE 'BAR DANG, PAndI TA DE NYID KYIS BSGYUR CING GTAN LA PHAB PA'O,, ,,