@1A [DD] #, ,RGYA GAR SKAD DU, SA TYA DVA YA BI BHA GA K'A RI K'A, BOD SKAD DU, BDEN PA GNYIS RNAM PAR 'BYED PA'I TSIG LE'UR BYAS PA, 'JAM DPAL GZHON NUR GYUR PA LA PHYAG [DD] 'TSAL LO, ,BDEN PA GNYIS PO RNAM PHYE YANG, ,SHING RTA CHE DAG RMONGS NYID NA, ,GZHAN RNAMS SMOS KYANG CI DGOS TE, ,DE BAS BDAG GIS RNAM PAR DBYE, ,BDEN GNYIS RNAM DBYE SHES PA DAG ,THUB PA'I BKA' LA MI RMONGS DE, ,DE DAG MA LUS TSOGS BSAGS NAS, ,PHUN TSOGS PHA ROL 'GRO BA NYID, ,KUN RDZOB DANG NI DAM PA'I DON, ,BDEN GNYIS THUB PAS GSUNGS PA LA, ,JI LTAR SNANG BA 'DI KHO NA, ,KUN RDZOB GZHAN NI CIG SHOS YIN, ,SLU BA MED PAS RIGS PA NI, ,DON DAM YIN TE KUN RDZOB MIN, ,DE LTAR MI SLU MIN PHYIR TE, ,JI LTAR SNANG BA DE NYID BDEN, ,JI LTAR SNANG BA'I DNGOS POR NI, ,RNAM PAR GNAS PAR MI RUNG STE, ,SHES PA'I DNGOS PO THAMS CAD LA, ,JI LTA BUR YANG SNANG MI 'GYUR, ,GAL TE BRTAGS PA'I NGO BO NYID, ,'GA' YANG MTHONG BA MED CE NA, ,RANG @2A *, ,RIG RIGS PA MA YIN PHYIR, ,RGYU YI NUS PA BKAG PHYIR RO, ,YOD MED DNGOS PO MKHYEN PA PO, ,KUN MNGON MKHYEN PAS GANG MA GZEGS, ,DE YI DNGOS PO CI 'DRA ZHIG ,SHIN TU ZHIB PA'I LTA BAS DPYOD, , BRTAGS PA'I DON GYIS DBEN GYUR PA, ,DNGOS TZAM BRTEN NAS SKYES PA STE, ,YANG DAG KUN RDZOB SHES PAR BYA, ,YANG DAG MA YIN KUN BRTAGS YIN, ,SKYE LA SOGS PA BKAG PA YANG, ,YANG DAG PA DANG MTHUN PHYIR 'DOD, ,DGAG BYA YOD PA MA YIN PAS, ,YANG DAG TU NA BKAG MED GSAL, ,BRTAGS PA'I RANG GI NGO BO YI, ,BKAG PA BRTAGS MIN JI LTAR 'GYUR, ,DE BAS 'DIR NI KUN RDZOB STE, ,YANG DAG DON YIN YANG DAG MIN, ,YANG DAG NYID DU GNYIS MED DE; ,DE NI SPROS PA MED PA YIN, ,'JAM DPAL GYIS NI YANG DAG DRIS, ,RGYAL BA'I SRAS PO MI GSUNG BZHUGS, ,SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PAS, ,KUN RDZOB KYI NI DBYE BA BYAS; ,GAL TE KHYOD KYANG RIGS MIN PAR, ,JI LTAR SNANG BZHEN 'DOD NA NI, ,'U BU CAG LA DE MTSUNGS NYID, ,RIGS PAR NA NI THAMS CAD 'KHRUGS, ,DU MAS GCIG GI DNGOS MI BYED, ,DU MAS DU MA BYED MA YIN, ,GCIG GIS DU MA'I @2B DNGOS MI BYED, ,GCIG GIS GCIG BYED PA YANG MIN, ,GANG ZHIG GIS SAM GANG ZHIG LA, ,YANG DAG SGRIB BYED KUN RDZOB 'DOD, ,DES NA 'DI KUN BDEN PA STE, ,DAM PA'I DON DU BDEN MA YIN, ,DAM PA'I DON DU MA SKYES PA, ,TSIG DON DE NI RIGS PA YI, ,RJES SU 'BRANGS NAS SKYE BA MED,, GZHAN LA'ANG DE BZHIN SBYAR BAR GYIS, ,KUN RDZOB DE BZHIN NYID GANG YIN, ,DE NYID DAM PA'I DON PHYIR BZHED, ,THA DAD MIN PHYIR RIGS DE YANG, ,JI LTAR SNANG BA BZHIN DU GNAS, ,RGOL BA GNYIS KA'I SHES PA LA, ,JI TZAM SNANG BA'I CHA YOD PA, ,DE TZAM DE LA BRTEN NAS NI, ,CHOS CAN CHOS LA SOGS PAR RTOG ,DE TSE RJES SU DPAG PA 'BYUNG, ,GANG GI TSE NA GZHAN NA MIN, ,DE BAS RIGS PA SMRA BA RNAMS, ,DE SKAD SMRA LA SU ZHIG 'GOG ,GAL TE RIGS PA'I STOBS KYIS NA, ,KUN RDZOB TU YANG MI SKYE DANG, ,DE BDEN DE YI PHYIR NA NI, ,JI LTAR SNANG BZHIN YIN PAR GSUNGS, ,JI LTAR RANG BZHIN NGO BO'I PHYIR, ,'DI LA DPYAD PA MI 'JUG GO, ,RNAM PAR DPYOD PA BYED NA DON, ,GZHAN DU SONG BAS GNOD PAR 'GYUR, ,CI YI PHYIR NA RGYU 'DI LAS, ,DER SNANG BA 'DI SMRA BAR BYOS, ,'DI 'DRA 'DI NI RGYU 'DI LAS, ,SNANG STE CI ZHIG SMRA BAR BYA, ,BRTAGS PA GZHI DANG BCAS PA NI, ,'GA' YANG GANG LA'ANG MI SNANG NGO, ,SHING LA SOGS PA 'DI YANG NI, ,GZHI LA LTOS PA MA YIN NYID, ,'DI LTAR BRTAGS PA'I NGO BO NYID, ,CI LA'ANG MI LTOS KHO NA YIN, ,GAL TE DE LTA YIN NA NI, ,GZHAN DBANG NYID SMROS TE SU BZLOG ,RTZOD NGAN GRAGS PA KHA CIG NI, ,YANG DAG PAR DNGOS MA SKYES PA, ,MO GSHAM BU LA SOGS BZHIN DU, ,KUN RDZOB TU YANG MI SKYE ZER, ,GAL TE KUN RDZOB MI RUNG NA, ,RIGS SMRA DE LA CI ZHIG GNOD, ,RIG PA SHES PAS DPYAD PA YI, ,'OG TU KHAS BLANG BYA BAR BSHAD, ,BRTAGS PA'I 'OG TU KHAS BLANG GI, ,MNGON SUM LA SOGS 'GAL CI NA, ,DE CI 'DI SMRA NYID LA'ANG, ,TSAD MAS GNOD NA TSAD MA'I BDAG ,YID BRTAN DU NI MI RUNG 'GYUR, ,SNANG BA'I NGO BO GANG YIN PA, ,DE NI 'GOG PA MA YIN NYID, ,NYAMS SU MYONG BA GANG YANG NI, ,DGAG PAR RIGS PA MA YIN NO, ,SKYE LA SOGS PA'I RNAM PA GANG, ,SNANG BA MIN LA DE YANG NI, ,YANG @3A *, ,DAG PAR SHES BYA SOGS PAR, ,GZHAN GYIS YONGS SU BRTAGS PA 'GOG ,DE BAS 'DIR NI DE LTA BU'I, ,BRTAGS PA KHO NA DGAG PAR RIGS, ,BRTAGS PA MA YIN 'GOG PA NI, ,BDAG LA GNOD 'GYUR 'BA' ZHIG GO, ,MTHONG BA PO YI LTA BA LA, ,LAS 'BRAS JI LTAR SNANG BA DAG ,DE LTAR DES BSHAD DE YI PHYIR, ,THAMS CAD JI LTAR RANG BZHIN GNAS, ,THUGS RJE'I BDAG NYID DE NYID KYIS, ,RTOG PAS BCINGS PA GZIGS NAS NI, ,SEMS TZAM LA SOGS BYE BRAG GIS, ,BCINGS PA THAR PA BSTAN PAR MDZAD, ,SEMS DANG SEMS BYUNG KHAMS GSUM PA, ,SGRO BTAGS RNAM PA CAN RTOG YIN, ,DE DAG 'CHING BA'I RGYU NYID DU, ,JI LTAR GZIGS PA DE BZHIN GSUNG, ,MED PA RNAMS KYI NUS PA YANG, ,JI LTAR BRTAGS PA BZHIN DU 'DOD, ,YOD PA RNAMS KYI NUS PA NI, ,JI LTA BUR YANG MI MTHONG NGO, ,GZHAN LA DNGOS PO JI BZHIN DU, ,THA SNYAD RUNG BA MA YIN NO, ,MI SNANG PHYIR DANG MI RUNG PHYIR, ,RIGS PA'I RJES SU 'BRANGS NAS BSHAD, ,GANG PHYIR RGYU LAS BYUNG DE'I PHYIR, ,DE NI CI PHYIR CHAD PAR 'GYUR, ,DE LOG NA NI LDOG PA LA, ,CI PHYIR BRTAGS PA NYID SMRAS SO, ,BRTAGS PA'I NGO BO DBEN PA YI, ,JI LTA BA 'DI KHO NA LA, ,RTEN TE SKYES PA THAMS CAD NI, ,THAMS CAD MKHYEN PAS MNGON SUM GZIGS, ,GANG LA DON GZHAN YONGS SPYOD PA'I, ,SHES PA CUNG ZAD KYANG MED PA, ,DE YI THAMS CAD MKHYEN PA 'DIR, ,BRTAGS YIN CUNG ZAD 'DIR MI 'GAL, ,GANG TSE SHES DANG SHES BYA DANG, ,BDAG NYID RJES SU MI MTHONG BA, ,DE TSE MTSAN MA MI 'GYUR PHYIR, ,GNAS PA BRTAN PHYIR MI BZHENGS SO, ,GANG LA BZHUGS NA BSAM MI KHYAB, ,YON TAN KUN GYI GNAS GYUR DANG, ,MTSUNGS MED PHYAG NAS 'DREN GYUR PA'I, ,GNAS SKABS 'GA' DE BSAM MI KHYAB, ,CHOS RNAMS KUN GYI LUS YIN PHYIR; ,YON TAN BSAM YAS KUN RTEN PHYIR, ,RIG PA'I RJES 'BRANG NGO BO'I PHYIR, ,SKYOB PA RNAMS KYI CHOS SKU YIN, ,DE LTAR BDEN GNYIS RNAM PHYE 'DIR, ,CI NYES YOD DAM 'ON TE MED, ,PHYOGS 'DZIN PA YIS DKRUGS PA'I YID, ,LEGS PAR BOR LA DPYAD PAR GYIS, ,MI YANG SHIN TU THOB @3B PAR DKA', ,BLO SBYANGS NYAM YANG RAB TU CHUNG, ,'KHOR BA'I DGON PA BGROD PAR DKA', ,SROG KYANG SHIN TU G-YO BA YIN, ,BSHES GNYEN BZANG PO RNYED DKA' NA, ,RAB TU SDANG BA GANG DU DGOS, ,MOS PA MED DU ZIN NA YANG, ,DE NI 'GA' LA BSOD NAMS KYIS, ,GOMS PAR BYAS LA RIM GYIS NI, ,'DI NI RE ZHIG GCIG LA 'GYUR, ,SDANG BAS TSIG PA KHYOD LA NI, ,DAL BA 'BYOR PA'ANG RING PAR GSAL, ,BDEN PA GNYIS NI RNAM PHYE BAS, ,DGE BA BDAG GIS THOB PA GANG, ,DES NI 'GRO BA MA LUS PA, ,YE SHES SNYING PO BSKYED PAR SHOG ,BDEN PA GNYIS RNAM PAR GTAN LA PHAB PA YANG DAG PAR MTHONG BAR BRTZON PA SLOB DPON YE SHES SNYING POS MDZAD PA RDZOGS SO,, ,,RGYA GAR GYI MKHAN PO SH'I LENDRA [?] BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,,*, ,RGYA GAR SKAD DU, SA TYA DVA YA BI DHAm, [?] ,BRiTTI, BOD SKAD DU, ,BDEN PA GNYIS RNAM PAR 'BYED PA'I 'GREL PA, 'JAM DPAL GZHON NUR GYUR PA LA PHYAG 'TSAL LO, ,GANG DAG DNGOS PO'I NGO BO NYID MED YANG DAG MKHYEN GYUR KYANG, ,THUGS RJES 'KHOR BA JI SRID BAR DU THUB DBANG SRAS BCAS RNAMS, ,'JIG RTEN MA LUS PA YI 'TSAL BA'I DNGOS PO BSGRUB SLAD [?] DU; ,'DIR BZHUGS DRI MED BLO LDAN DE DAG RNAMS LA PHYAG 'TSAL LO, ,BDEN PA GNYIS JI LTA BA BZHIN DU KHONG DU CHUD PAR BYA BA'I PHYIR, RAB TU 'BYED PA 'DI BRTZAMS TE, GANG GI PHYIR, BDEN PA GNYIS PO RNAM PHYE YANG, ,SHING RTA CHE DAG RMONGS NYID NA, ,GZHAN RNAMS SMOS KYANG CI DGOS TE, ,DE BAS BDAG GIS RNAM PAR DBYE, ,GZHAN GYI DON 'BYUNG BA LA MKHAS PA BCOM LDAN 'DAS KYIS SKYE BO BLO CHUNG DU LA PHAN GDAGS PA'I PHYIR, BDEN PA GNYIS LAS MANG DU RNAM PAR PHYE LA, SLOB DPON KLU SGRUB LA SOGS PAS KYANG GSAL BAR MDZAD DU ZIN KYANG, RANG GI SDE PA CHEN PO DAG KYANG RMONGS PA NYID YIN NA, DE DAG GI KHA NA LAS PAS 'JUG PA GZHAN RNAMS LTA SMOS KYANG CI DGOS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, ,PHUN TSOGS PHA ROL 'GRO BA NYID, ,BDEN PA GNYIS RNAM PAR DBYE BA LA MKHAS PA NI, 'GRO BA LA PHAN PA 'BYUNG BA BSKYED PA'I BLO DANG @4A *, ,LDAN PA, BDE BAR GSHEGS PA'I BKA' RAB 'BYAM DAG LA SHES PA'I SNANG BA SKYES PA'I 'JIG RTEN BSOD NAMS DANG YE SHES KYI TSOGS MA LUS PAR BSGRUBS PA BDAG DANG GZHAN GYI DON PHUN SUM TSOGS PA BYE BRAG TU BYAR MED PA'I PHA ROL TU NGES PAR SHIN TU PHYIN PAR 'GYUR RO, ,GZHAN NI YID LA BSAMS PA BZHIN DU RE BA YONGS SU RDZOGS PAR 'GYUR RO, ,KUN RDZOB DANG NI DAM PA'I DON, ,BDEN GNYIS THUB PAS GSUNGS PA LA, ,MDO DE DANG DER ZHES BYA BA NI TSIG GI LHAG MA'O, ,JI LTAR SNANG BA 'DI KHO NA, ,KUN RDZOB GZHAN NI CIG SHOS YIN, ,DON DAM PA'I BDEN PA ZHES BYA BA'I THA TSIG GO, ,JI LTAR BA LANG RDZI MO LA SOGS PA YAN CHAD KYIS MTHONG BA DE LTAR KUN RDZOB TU BDEN PA RNAM PAR GNAS KYI YANG DAG PAR NI MA YIN TE, MTHONG BA DANG MTHUN PAR DNGOS PO'I DON NGES PAR 'DZIN PA'I PHYIR RO, ,MTHONG BA NI RNAM PA GNYIS TE RNAM PAR RTOG PA DANG BCAS PA DANG, RNAM PAR RTOG PA MED PA'O; ,RIGS PA JI LTA BA BZHIN NYID NI DON DAM PA'I BDEN PA'O, ,NI ZHES BYA BA'I SGRA NI BSNAN PA'I DON TO, ,DON DAM PAR BDEN PA NI DON DAM PA'I BDEN PA STE, DE NI RIGS PA'I RJES SU 'GRO BA CAN GYI BDEN PA NYID CES BYA BA'I THA TSIG GO, ,GANG GI PHYIR, SLU BA MED PAS RIGS PA NI DON DAM YIN TE, RIGS PA'I STOBS KYIS DON LA NGES PA NI SLU BAR MI 'GYUR TE, DE'I PHYIR TSUL GSUM PA'I RTAGS KYIS BSKYED PA'I RTOGS PA GANG YIN PA DE NI DAM PA YANG YIN LA, DON YANG YIN PAS DON DAM PA'O, ,DES GTAN LA PHAB PA'I DON KYANG DON DAM PA STE, MNGON SUM LA SOGS PA BZHIN DU BRJOD DO, ,KUN RDZOB MIN, DON DAM PA NI KUN RDZOB KYI BDEN PA MA YIN TE, TSIG THA MA KHONG NAS DBYUNG BA'I PHYIR RO, ,CI'I PHYIR ZHE NA, DE LTAR MI SLU MIN PHYIR TE, DE JI LTAR SHES PA'I BDAG NYID LA GNAS PA DE LTAR RIGS PAS MI RUNG BA'I PHYIR RO, ,JI LTAR SNANG BA DE NYID BDEN, ,JI LTAR SNANG BA DE NYID NI KUN RDZOB KYI BDEN PA'O ZHES BSHAD DO, ,ZLA BA GNYIS PA LA SOGS PA YANG JI LTAR SNANG BA KHO NA YIN NA, 'JIG RTEN PA DAG DE LTAR NI KHAS MI LEN TE, DE'I PHYIR YANG DAG PA MA YIN PA'I KUN RDZOB CES 'OG NAS 'CHAD DO, ,JI LTAR SNANG BA'I DNGOS POR NI, ,RNAM PAR GNAS PAR MI RUNG STE, ,SHES PA'I DNGOS PO THAMS CAD LA, ,JI LTA BUR YANG SNANG MI 'GYUR, ,DON DAM PA NI @4B JI LTAR SNANG BA BZHIN DU RNAM PAR GNAS PA MED DE, THAMS CAD MKHYEN PA'I MKHYEN PA NYID LA YANG MI SNANG BA'I PHYIR RO, ,DE NYID KYI PHYIR MDO SDE LAS 'GA' YANG MTHONG BA MED PA NI DE KHO NA MTHONG BA ZHES GSUNGS SO, ,GAL TE BRTAGS PA'I NGO BO NYID, ,'GA' YANG MTHONG BA MED CE NA, ,BRTAGS PA'I NGO BO NYID KYI DBANG DU MDZAD NAS 'GA' YANG MTHONG BA MED PA NI DE KHO NA MTHONG BA ZHES BYA BA 'DI GSUNGS PAR 'DOD DE, DE NI DE LTA BU YIN NO, ,DE LTA BU MA YIN NA 'GA' YANG ZHES CI'I PHYIR GSUNGS TE, NGO BO NYID MI MTHONG BA ZHES BYA BA KHO NAR GSUNG BAR 'GYUR BA'I RIGS SO ZHE NA, DE NI MI RUNG STE, RANG RIG RIGS PA MA YIN PA'I PHYIR, SHES PA NI GNYIS KYIS DBEN PA'I NGO BO RIG PAR BYUNG BA YIN PA DANG, DE MED PAR SHES PAR 'GYUR GYI, DE LTA MA YIN NA MI RIGS PA'I PHYIR RO, ,SHES PA NI BDAG GIS BDAG SHES PA MA YIN TE, RANG SNANG BAS STONG PA'I PHYIR SHES PA GZHAN BZHIN NO, ,RANG SNANG BAR KHAS MI LEN NA NI THA DAD PAR THAL BAR 'GYUR TE, SNGON PO DANG DE SHES PA BZHIN NO, ,RIG PA'I NGO BO NYID YIN PA'I PHYIR YANG MA YIN TE, HA CANG THAL BAR 'GYUR BA'I PHYIR RO, ,GAL TE RANG RIG PA'I NGO BO YIN PAS DE'I PHYIR HA CANG THAL BAR MI 'GYUR RO ZHE NA, DE YANG MI RUNG STE NYE BA'I RGYU MED PA'I PHYIR RO, ,DE LTA MA YIN NA HA CANG THAL BA NYID DU 'GYUR RO, ,GAL TE SHES PA'I NGO BO NYID NI 'DI 'DRA STE, RANG GI RGYU LAS SKYES SHING DES DE LTAR 'GYUR RO ZHE NA, YANG MI RUNG STE, LAN BTAB ZIN PA'I PHYIR RAM, MI SLU BA'I TSAD MA MED PA'I PHYIR TE, SEMS MI MTHUN PA'I GZHAN RNAMS NI RANG GI TSUL BRJOD PA TZAM LA GUS PAR MI BYED DO, ,SHES PA RNAM PA MED PAR SMRA BAS DE SKAD BRGAL BA LA, MTSAN NYID DANG RNAM 'GREL BYED PA'AM, GZHAN YANG RUNG GANG GIS YUL GYI RNAM PA NYID KYI TSAD MA BSGRUB PA JI SKAD BRJOD PAR BYA, RGYU'I NUS PA BKAG PHYIR RO, ,'OG NAS RGYU'I NUS PA BKAG PA'I PHYIR YANG 'DI RIGS PA MA YIN NO, ,DE NYID KYI PHYIR NGO BO NYID THAMS CAD MI MTHONG BA NI DE KHO NA MTHONG BA'O ZHES BYA BAR CHUG NA YANG JI GA NGES PAR BYA BAR MI NUS TE, 'DI LTAR, YOD MED DNGOS PO MKHYEN PA PO, ,KUN MKHYEN PAS KYANG GANG MA GZIGS, ,DE YI DNGOS PO CI 'DRA ZHIG ,SHIN TU ZHIB PA'I LTA BAS DPYOD, ,SHES BYA MTHA' DAG LA KHYAB PA'I YE SHES DANG @5A *, ,LDAN PA'I PHYIR KUN MKHYEN PA STE, DES MI DMIGS PA JI LTAR YOD PAR 'GYUR ZHES BSAMS PA'O, ,DE NYID KYI PHYIR MDO LAS KYANG DE LA KUN RDZOB KYI BDEN PA GANG ZHE NA, JI SNYED 'JIG RTEN GYI THA SNYAD GDAGS PA DANG, YI GE DANG SKAD DANG BRDA BSTAN BDAG GO, ,DON DAM PA'I BDEN PA NI GANG LA SEMS RGYU BA YANG MED NA, YI GE RNAMS LTA SMOS KYANG CI DGOS ZHES GSUNGS SO, ,'JIG RTEN GYI THA SNYAD GDAGS PA NI 'JIG RTEN GYI 'JUG PA STE, SHES PA DANG SHES BYA'I MTSAN NYID YIN GYI, RJOD PAR BYED PA'I MTSAN NYID NI MA YIN TE, DE NI 'OG MAS BRJOD PA'I PHYIR RO, ,JI SNYED CES BYA BA'I TSIG NI MTHA' DAG CES BYA BA'I DON TO, ,DES NA RNAM PAR RTOG PA MED PA'I MNGON SUM GYI SHES PAS YONGS SU BCAD PA'I NGO BO'I DNGOS PO GZUGS LA SOGS PA DANG BDE BA LA SOGS PAR RIG PAR GRUB PA RNAMS NI KUN RDZOB KYI BDEN PA KHO NA YIN NO, ,DE NI 'OG TU YANG SBYAR BAR BYA'O, ,DE'I PHYIR MOD LAS 'BYUNG BA DANG, YI GE DANG SKAD DANG BRDA BSTAN PA GZHAN DAG KYANG GZUNG NGO, ,DE NI DE LTAR RTOGS PAR BYA STE, DON DAM PA'I BDEN PA BSTAN PA LA, SEMS RGYU BA YANG MED CES GSUNGS PA'I PHYIR RO, ,RJOD PAR BYED PA'I MTSAN NYID KHO NA KUN RDZOB KYI BDEN PA YIN NA NI, YI GE RGYU BA YANG MED NA ZHES GSUNG BAR 'GYUR GYI, SEMS ZHES GSUNG BAR NI MI 'GYUR RO, ,GAL TE JI SKAD GSUNGS PA'I GO RIMS CAN DE GNYIS MI 'DOD NA NI, SEMS RGYU BA YANG MED NA YI GE RNAMS LTA SMOS KYANG CI DGOS ZHES BYA BAR BRJOD PAR BYA BA'I GO RIMS CI'I PHYIR MDZAD, RNAM PAR RTOG PA'I SHES PA NYID YIN PAR YONGS SU GZUNG NA NI RNAM PAR RTOG PA RGYU BA YANG MED NA ZHES GSUNGS PAR 'GYUR TE, THE TSOM MED PA'I PHYIR RO, ,'DI LA NGES PAR BYED PA'I TSAD MA NI MED DO, ,SPYI'I SGRA YANG DON DANG SKABS LA SOGS PA MED PAR BYE BRAG TU GZHAG PAR MI NUS SO, ,YANG NA RJOD PAR BYED PA'I SPYI NI RNAM PAR RTOG PA'I RJES SU 'JUG PA'I PHYIR, DE BRJOD PAS GNYIS SMOS PA KHO NA YIN NA, CI'I PHYIR GNYIS GSUNGS, DE LTA NA NI SEMS RGYU BA YANG MED PA NI YI GE RNAMS RGYU BA MED PA KHO NAR BSTAN PA'I PHYIR, YANG ZHES BYA BA'I SGRA MDZES PA MA YIN PA'I PHYIR RO, ,RANG GI MTSAN NYID NI DON RJOD PAR BYED PA MA YIN PA'I PHYIR DE THUGS LA BZHAG NAS BRJOD PAR @5B RUNG BA KHO NA MA YIN NO, ,DON 'OG MA BRJOD PAR YANG GONG MA 'DUS PA NYID YIN TE, RJOD PAR BYED PA SPYI'I RJES SU NANG GI BRJOD PA 'BRANG BA YIN PA'I PHYIR RO, ,DE LTA BAS NA DNGOS PO TZAM DANG MTHUN PAR BYED PA'I NGANG CAN GYI SEMS KYANG RGYU BA YANG MED CES BYA BA 'DI NYID YANG DAG PAR NA BCOM LDAN 'DAS BZHED DO, , DE LTA NI THAMS CAD 'TSAM MO, ,DE LTAR GYUR NA, BDAG NYID RIG PA YIN PA'I PHYIR, ,SEMS KYI SPYOD YUL GYUR PA'I SHES, ,RNAM PAR DAG PA'ANG YANG DAG TU, ,RIGS SAM 'ON TE MIN ZHES SMOS, ,BAR SKABS KYI TSIGS SU BCAD PA'O, ,KUN RDZOB DE NI YANG DAG PA DANG YANG DAG PA MA YIN PA'I BYE BRAG GIS RNAM PA GNYIS TE, DE LA BRTAGS PA'I DON GYIS DBEN GYUR PA, ,DNGOS TZAM BRTEN NAS GANG SKYES TE, ,YANG DAG KUN RDZOB SHES PAR BYA, ,BRTAGS PA'I DON NI YANG DAG PAR SKYE BA LA SOGS PA DANG, RNAM PAR SHES PA SNANG BA DANG, GTZO BO DANG 'BYUNG BA'I YONGS SU 'GYUR BA LA SOGS PA STE; DE DAG GIS DBEN PA'O, ,DNGOS PO TZAM GANG YIN PA NI JI LTAR SNANG BA BZHIN DU DON BYED NUS PA'I PHYIR RO, ,RGYU DANG RKYEN RNAMS LA BRTEN NAS SKYES PA DE NI YANG DAG PA'I KUN RDZOB KYI BDEN PA YIN PAR SHES PAR BYA STE, 'DI LTAR BYIS PA YAN CHAD KYI SHES PA LA MTHUN PAR DON JI SNYED RGYU LAS SNANG BA DE NI YANG DAG PA'I KUN RDZOB YIN PAR RIGS TE, SHES PA LA SNANG BA DANG MTHUN PAR DNGOS PO GNAS PA'I PHYIR RO, ,YANG DAG PAR SKYE BA LA SOGS PA NI MI SNANG STE, JI LTA BUR YANG RUNG BA'AM, GRUB PA'I MTHA' LA BRTEN NAS SGRO BTAGS PA 'BA' ZHIG TU ZAD DO, ,DE LTA MA YIN NA NI RTZOD PA MED PAR THAL BA KHO NAR 'GYUR RO, ,RGOL BA DANG PHYIR RGOL BA'I SHES PA LA SNANG BA'I CHA LA NI RTZOD PA SU YANG MED DO, ,RTZOD PAR BYED NA NI MNGON SUM LA SOGS PAS GNOD PAR 'GYUR RO, ,YANG DAG MIN NI KUN BRTAGS YIN, ,YANG DAG PAR SKYE BA LA SOGS PA GANG YIN PA DE NI RTOG PA'I BZOS SBYAR BA STE, DE NI YANG DAG PA MA YIN PA'I KUN RDZOB KYI BDEN PA'O, ,NI ZHES BYA BA NI BSNAN PA'I DON TAM GO RIMS BZLOG PA'O, ,'O NA YANG DAG PAR SKYE BA LA SOGS PA BKAG PA YANG CI GA YANG DAG PA MA YIN PA'I KUN RDZOB TU 'GYUR TE, DE NI DNGOS PO SNANG BA NA YANG DAG PAR SKYE BA LA SOGS PA BZHIN DU MI SNANG NGO, ,MA YIN TE DNGOS PO'I @6A *, ,NGO BO DANG THA DAD PA MA YIN PA'I PHYIR RO, ,CHOS GZHAN ZHIG YIN PAR YONGS SU BRTAGS NA NI YANG DAG PA MA YIN PA'I KUN RDZOB TU YANG 'GYUR RO, ,GANG GI PHYIR, SKYE LA SOGS PA BKAG PA YANG, ,YANG DAG PAR SKYE BA LA SOGS PAR RTOG PA'I DNGOS PO BKAG PA'I GTAN TSIGS KYIS; YANG DAG PA DANG MTHUN PHYIR 'DOD, ,DON DAM PA YIN PAR KHO BO CAG 'DOD DO, ,GZHAN DAG NI YANG DAG PA KHO NAR 'DZIN PAS, YANG ZHES BYA BA NI BSDU BA'I DON TO, ,DE YANG RIGS PAS DPYAD NA KUN RDZOB KHO NA STE, CI'I PHYIR ZHE NA, DGAG BYA YOD PA MA YIN PHYIR, ,YANG DAG TU NA BKAG MED GSAL, ,DGAG BYA MED NA BKAG PA MI 'BYUNG BA'I PHYIR TE, YUL MED PA'I BKAG PA MI RIGS PA'I PHYIR RO, ,GAL TE GZUGS LA SOGS PA LA SKYE BA LA SOGS RNAM PAR RTOG PA'I RGYU CAN PHA ROL POS DNGOS PO YANG DAG PA NYID DU BRTAGS PA GANG YIN PA DE DGAG BYA NYID YIN NO ZHE NA, GAL TE DE LTA NA, BRTAGS PA'I RANG GI NGO BO YI, ,BKAG PA BRTAGS MIN JI LTAR 'GYUR, ,DGAG BYA BRTAGS PA YIN DU ZIN NA, BKAG PA YANG BRTAGS PA NYID DU 'GYUR TE, MO GSHAM GYI BU'I SNGO BA SANGS NYID LA SOGS PA BKAG PA BZHIN NO, ,YANG DAG PA BKAG PA MED KYANG SKYE BA LA SOGS PA YOD PAR MI 'GYUR TE, BKAG PAS SKYE BA MED PA LA SOGS PA LA MA KHYAB PA'I PHYIR DANG, DE YOD PA'I RIGS PA MED PA'I YANG PHYIR RO, ,DE BAS 'DI NI KUN RDZOB STE, ,YANG DAG PAR NA SKYE BA MED CES BYA BA LA SOGS PA'O, ,YANG DAG DON YIN YANG DAG MIN, ,YANG DAG PA'I DON CES BYA BAR BSNYEGS SO, ,GANG GI PHYIR ZHE NA, YANG DAG TU NA GNYIS MED DE, ,DE NYID PHYIR NA DE STONG MIN, ,MI STONG MA YIN YOD MED MIN, ,MI SKYE MA YIN SKYE MIN ZHES, ,DE LA SOGS PA BCOM LDAN GSUNGS, ,BAR SKABS KYI TSIGS SU BCAD PA'O, ,DE CI'I PHYIR ZHE NA, DE NI SPROS PA MED PA YIN, ,DE KHO NA RTOG PA'I DRA BA THAMS CAD DANG BRAL BA'O, ,DE NYID KYI PHYIR; 'JAM DPAL GYIS NI YANG DAG DRIS, ,RGYAL BA'I SRAS PO MI GSUNG BZHUGS, ,MDO LAS, DE NAS 'JAM DPAL GZHON NUR GYUR PAS, LITZTSA BA'I DRI MA MED PAR GRAGS PA LA 'DI SKAD CES SMRAS SO, ,RIGS KYI BU BDAG CAG GIS NI RANG RANG GI BSTAN PA BSHAD ZIN NA, KHYOD KYANG GNYIS @6B SU MED PA'I CHOS KYI SGO BSTAN PA LA SBOBS PA MDZOD CIG ,LITZTSA BA'I DRI MA MED PAR GRAGS PA CANG MI SMRA BAR GYUR TO, ,DE NAS 'JAM DPAL GZHON NUR GYUR PAS, LITZTSA B'I DRI MA MED PAR GRAGS PA LA LEGS SO ZHES BYA BA BYIN TE, RIGS KYI BU GANG LA YI GE DANG SKAD DANG, RNAM PAR RIG BYED 'JUG PA MED PA DE NI BYANG CHUB SEMS DPA' RNAMS KYI GNYIS SU MED PA'I SGO LA 'JUG PA STE, LEGS SO LEGS SO ZHES JI SKAD GSUNGS PA LTA BU'O, ,GNYIS PO DAG LAS DBEN PA'I DNGOS, ,GZHAN DBANG DNGOS PO YANG DAG NA, ,DRIS NA CI PHYIR RGYAL BA'I SRAS, ,DE NI MI GSUNG BZHUGS PAR GYUR, ,BRDA SHES RIGS PA SHES PA YI, ,SKYE BO DAG NI JI LTAR YANG, ,RANG GI RTOGS PA RJOD BYED DE, ,DE BAS MI GSUNG MI RIGS SO, ,DE LTA MIN NA SGRA RNAMS KYI, ,RANG GI MTSAN NYID MTHAR PHYIN NYID, ,RIGS PA SMRA BAS GANG BRJOD DE, ,JI LTAR RIGS PA GSAL BAR SMROS, ,GANG PHYIR KHO NA DE LA NI, ,BRJOD BYA'I BAG KYANG CI YANG MED, ,DE YI PHYIR NA DRIS KYANG DON, ,MI GSUNG BZHUGS PAS RGYA CHER BSHAD, ,BAR SKABS KYI TSIGS SU BCAD PA DAG GO, ,CHOS RNAMS LA CHOS KYI RJES SU LTA BA CAN DU GNAS PA'I BYANG CHUB SEMS DPA' DES GANG RTEN CING 'BREL BAR 'BYUNG BA LAS MA GTOGS PA'I CHOS RDUL PHRA RAB TZAM YANG YANG DAG PAR RJES SU MI MTHONG NGO ZHES BYA BA 'DI LA 'GAL BA MED DE, CHOS SMOS PA'I PHYIR RO, YANG KUN RDZOB NI RNAM PA GNYIS SU BSTAN TE, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PAS, ,KUN RDZOB KYI NI DBYE BA BYAS, ,ZHES BYA BA'O, SHES PA GSAL BA'I RNAM PA SNANG BA CAN DU 'DRA YANG, JI LTAR SNANG BA BZHIN DU DON BYED PA LA SLU BA DANG MI SLU BA YIN PAR NGES PAR BYAS NAS CHU LA SOGS PA DANG SMIG RGYU LA SOGS PA DAG 'JIG RTEN GYIS YANG DAG PA DANG YANG DAG PA MA YIN PAR RTOGS SO, ,DNGOS SU NA GNYIS NI NGO BO NYID MED PA NYID DU NGO BO NYID MTSUNGS PA KHO NA'O, ,JI LTAR SNANG BA BZHIN DU NI RNAM PAR GNAS SO, ,DON BYED PA LA SLU BA DANG MI SLU BA YANG JI LTAR GRAGS PA KHO NA BZHIN TE, DE YANG NGO BO NYID MED PA'I PHYIR RO, ,BRTEN NAS SKYES PA DON GYI BYA BA PHYED PA DNGOS PO TZAM NI KHO BO DANG KHYOD KYIS KYANG KHAS BLANGS TE, DE LA 'U BU CAG BYE BRAG CI ZHIG YOD PA MA YIN @7A *, ,NAM; BDEN TE, GAL TE KHYOD KYANG RIGS MIN PAR, ,JI LTAR SNANG BZHIN 'DOD NA NI, ,'U BU CAG LA DE MTSUNGS NYID, ,RIGS PAR NA NI THAMS CAD 'KHRUGS, ,GAL TE JI LTAR SNANG BA BZHIN DU KHYOD KYANG 'DOD NA NI, 'U BU CAG MTSUNGS PA YIN TE KHO BO CAG KYANG NGA RGYAL GA LA BYED, GAL TE KHYOD 'DI RIGS PA'I RJES SU 'GRO BA CAN YIN PAR KHAS LEN NA NI, DE KHO BO CAG MI 'DOD DO, ,GANG GI PHYIR RIGS PAR NA THAMS CAD BRDAS NAS 'THOR BA DANG 'DRA BA'I PHYIR TE, 'DI LTAR RGYU DANG 'BRAS BU'I DNGOS POR NGES PA 'DI LA KHYOD KYI THABS MED PA KHO NA YIN NO, ,'DI LTAR RNAM PA MED PA'I SHES PA NI; ,YUL LA 'DZIN PAR MI RIGS SO, ,RNAM PA TSAD MA MIN PHYIR DANG, ,MI RIGS PHYIR NA CIG SHOS MIN, ,GANG PHYIR SNA TSOGS NGO BO RU, ,SNANG BA CAN GYI DNGOS GCIG LA, ,RNAM PA RNAMS BDEN JI LTAR 'GYUR, ,DE YI GCIG NYID NYAMS PHYIR RO, ,DE LTA YIN NA MNGON SUM DANG, ,MI DMIGS PA YI 'BRAS BU DANG, ,RGYU NYID DU NI MI 'GRUB BO, ,RNAM PA GZHAN ZHIG RNAM PAR SMOS, ,GAL TE RGYU 'BRAS NYID BLO YI, ,THABS 'GA' ZHIG NI YOD CE NA, ,DE SMROS 'DUD PA BDAG CAG LA, ,SER SNA BYA BAR GA LA RIGS, ,DES NA THAMS CAD MKHYEN DES KYANG, ,GZHAN GYI DBANG GI SKAD CIG GI , RGYU DANG 'BRAS BU GSAL BAR NI, ,CUNG ZAD TZAM YANG MKHYEN MI SPYOD, ,SANGS RGYAS SPYOD YUL BSAM YAS PAS, ,THAMS CAD MKHYEN PA KHO NAS MKHYEN, ,RIGS PA'I RJES SU 'GRO BA LA, ,YUG PA RKYANG 'DI MI RIGS SO, ,BAR SKABS KYI TSIGS SU BCAD PA DAG GO, ,RGYU DANG 'BRAS BU'I DNGOS PO YANG RIGS PA MA YIN TE 'DI LTAR, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ,DU MAS GCIG BYED MA YIN TE, ,'DI LTAR NGO BO NYID THA DAD PA MIG LA SOGS PA DAG LAS 'BRAS BU THA DAD PA MA YIN PA 'BYUNG NA NI, RGYU'I THA DAD PA NI THA DAD PA BYED PAR MI 'GYUR TE, DE THA DAD KYANG THA DAD PA MED PA'I PHYIR RO, ,THA DAD PA MA YIN PA MED KYANG THA DAD PA MED PAR 'GYUR BAS, THA DAD PA MED PA YANG THA DAD PA MED PA BYED PAR MI 'GYUR RO, ,DE'I PHYIR THA DAD PA DANG THA DAD PA MED PA NI RGYU MED PA CAN DU 'GYUR TE, THAMS CAD KYANG DE LAS @7B GUD NA MED PA'I PHYIR, THAMS CAD KYANG RGYU MED PA CAN DU 'GYUR RO, ,DE LTAR GYUR NA RTAG TU YOD PA'AM MED PA ZHIG TU 'GYUR RO, ,DE LTAR MI 'GYUR TE GANG GI PHYIR RGYU DU MAS DU MA BYED BA'I PHYIR RO, ,CI'I PHYIR ZHE NA, RANG GI NGO BO NYID JI LTA BA'I BYE BRAG GIS DE'I BYE BRAG LA NYE BAR SBYOR BA'I PHYIR TE, RGYU'I NYE BAR SBYOR BAS 'BRAS BU'I NGO BO NYID KYI BYE BRAG MA 'DRES PA'I PHYIR RO, ,'DI LTAR MTSUNGS PA DE MA THAG PA'I RKYEN GYI RNAM PAR SHES PA LAS NI MIG GI RNAM PAR SHES PA RTOGS PA'I BDAG NYID DU 'GYUR RO, ,MIG GI DBANG PO LAS NI RTOGS PA'I BDAG NYID DE NYID GZUGS LA 'DZIN NUS PA NYID DU SO SOR DES SO; ,YUL LAS NI DE DANG MTHUN PA'I NGO BO NYID KHO NAR 'GYUR RO, ,DNGOS SU NA 'BRAS BU THA DAD PA MA YIN YANG RGYU RNAMS KYI NGO BO NYID THA DAD PA DAG GIS NGO BO NYID THA DAD PA KHO NAR 'GYUR TE, RGYU'I THA DAD PAS KYANG 'BRAS BU BYE BRAG DE THA DAD PA MED PA NI MA YIN NO, ,GZHAN DU YANG DE BZHIN DU SBYAR BAR BYA'O, , DE NI RIGS PA MA YIN TE RTOGS PA'I BDAG NYID LA SOGS PA DAG PHAN TSUN THA DAD NA NI, RNAM PAR SHES PA DE DU MAR 'GYUR TE, DE DAG DANG THA MI DAD PA'I PHYIR RO, ,THA DAD NA NI RGYU MED PA CAN DU 'GYUR TE RGYU'I BYED PA GZHAN DU NYE BAR SBYAR BA BYAS PA'I PHYIR RO, ,DE DAG PHAN TSUN THA DAD PA MED PAR YANG 'GYUR TE, RNAM PAR SHES PA GCIG LAS GZHAN MA YIN PA'I PHYIR RO, ,DE LTA NA NI RGYU'I YUL THA DAD PAR BRTAGS PAS DON CI ZHIG SOS PAR 'GYUR TE, DE'I PHYIR GNAS SKABS DE'I NYES PAR 'GYUR RO, ,GAL TE 'BRAS BU'I BDAG NYID DU MA LAS LOG PA DANG LDAN PA'I CHOS RGYU DANG MTHUN PAR THA DAD PAR BRTAGS PA BYAS NA DE'I BYED PA'I YUL THA DAD BAR BRTAG PA BYED DO ZHE NA, GYIS SHIG RGYU'I BYED PA DE NI RTOGS PA'I BZOS SBYAR BA DAG LA YIN TE, DE'I PHYIR YANG DAG PA'I DON DU NA BTAGS PA KHO NA YIN PAR 'GYUR RO, ,DE LTA NA NI 'BRAS BU RGYU MED PA CAN DU 'GYUR TE, RGYU'I BYED PA BRTAGS PA'I BDAG NYID RNAMS LA NYE BAR SBYOR BAR BYED PA'I PHYIR RO, ,GZHAN YANG GAL TE DNGOS SU NA 'BRAS BU THA DAD PA MA YIN YANG BYE BRAG RNAMS NI THA DAD DO ZHE NA, DE LTAR GYUR NA NI CHOS DANG CHOS CAN DNGOS SU THA DAD PA KHO NAR 'GYUR TE, THA DAD PA DANG THA DAD PA MA YIN PA'I NGO BO NYID DANG LDAN PA'I PHYIR RO, ,DE LTA NA YANG SNGAR SMOS @8A *, ,PA'I NYES PA YOD DO, ,JI STE BYE BRAG DE DAG KYANG BRTAGS PA KHO NA YIN NO ZHE NA, DE LTA YIN NA NI RGYU'I THA DAD PA'I RANG BZHIN RNAMS LAS BYE BRAG THA DAD PA RNAMS KHO NA 'BYUNG NGO ZHES BYA BA YANG RIGS PA MA YIN TE RTOG PAS BKOD PA'I THA DAD PA NI RGYU'I BYED PA LA MI LTOS SO, ,'BRAS BU THA DAD MA YIN YANG, ,BYE BRAG RNAMS NI THA DAD DANG, ,GZHAN MIN KHYED 'DOD DE BAS NA, ,KYE CI DBANG PHYUG GIS BYAS SAM, ,RTOGS PA'I NGO BO LAS GZHAN MIN, ,DE NI GZUGS LAS SKYES MA YIN, ,RNAM PA DE LAS GZHAN MIN PHYIR, ,GZUGS LAS KYANG NI SKYE BAR 'GYUR, ,GCIG LA CIG CAR SKYE BA DANG, ,MI SKYE DE BZHIN SKYED BYED DANG, ,SKYED BYED MA YIN YANG DAG PAR, ,CI YI PHYIR NA MI 'GAL SMROS, ,KUN LAS THAMS CAD SKYE NA NI, ,THA DAD THA DAD MA YIN PA, ,KHYED LA RGYU MED GSAL BAR 'GYUR, ,RIGS PA'I RJES SU 'BRANGS NAS SMRAS, ,GAL TE BYE BRAG RKYEN RNAMS LAS, ,SKYE BAR 'DOD NA RE RE NI, ,SKYED PAR BYED PA MA YIN 'GYUR, ,YIN NA 'BRAS BU RGYU MED 'GYUR, ,GAL TE KHYOD NI RKYEN RNAMS LAS, ,'BRAS BU SKYE BAR 'DOD NA NI, ,THA DAD THA DAD MA YIN PA, ,SNGA MA BZHIN DU RGYU MED THAL, ,JI STE DE GNYIS GZHAN MIN NA, ,RNAM PAR DBYE BA CI PHYIR 'THAD; ,BSHAD ZIN NYES PAR THAL 'GYUR PHYIR, ,'DI NI GLANG CHEN KHRUS 'DRAR 'GYUR, ,BAR SKABS KYI TSIGS SU BCAD PA DAG GO, ,GZHAN YANG GZHAN 'DI BRJOD PAR BYA STE, MIG LA SOGS PA'I BDAG NYID KHYAD PAR GANG GIS 'BRAS BU GCIG SKYED PA NA CI DE NYID KYIS GZHAN YANG BYED DAM, GAL TE DE NYID KYIS SO ZHE NA, JI LTAR THA DAD PA DANG THA DAD PA MA YIN PA DAG RGYU MED PA CAN DU MI 'GYUR TE RGYU THA DAD PA MED PA BZHIN DU YANG 'BRAS BU THA DAD PA'I PHYIR RO, ,GAL TE GZHAN GYIS SO ZHE NA, 'O NA NI DNGOS PO DE GCIG PUR MI 'GYUR TE, BDAG NYID KYI KHYAD PAR LAS THA DAD PA MED PA'I PHYIR RO, ,GAL TE RGYU GCIG GIS 'BRAS BU GCIG KHO NA BYED DU ZAD MOD CE NA, DE LTA NI MA YIN TE, MIG LA SOGS PA RANG GI RIGS DANG MTHUN PA'I SKAD CIG SKYED PAR BYED PA YIN PA'I PHYIR, 'GRO BA THAMS CAD LONG BA DANG 'ON PA LA SOGS PA NYID DU THAL BAR 'GYUR BA'I PHYIR RO, ,RANG GI RNAM PAR SHES PA SKYED PAR BYED PA NYID YIN @8B NA NI, RANG GI RIGS CHAD DE, DE BAS NA CIR YANG MI RUNG LA, KHAS KYANG MI LEN TO, ,DBANG PHYUG BZHIN DU GZHAL BYA'I PHYIR, ,'GRO BA'I BYED PO DBANG PHYUG MIN, ,DE LTA MIN NA GZHAL BYA NYID, ,LA SOGS YE MED KHO NAR 'GYUR, ,SLOB DPON GYIS NI SKYE DGAG 'DI, ,RNAM PA MANG PO MDZAD DE LA, ,SKYE BO BDAG NYID MI SHES PAS, ,SUN 'BYIN BYED PA 'DI 'DRA SMRA, ,BDAG LAS GZHAN LAS ZHES BYA BA'I, ,SNYAD 'DOGS PA NI BTAGS PA YIN, ,DE BZHIN SKYE BA 'GOG BYED 'DI, ,GRUB PA BSGRUB PA DE MA YIN, ,'DI LTAR DNGOS PO RGYU MED MIN, ,'DI YI RGYU NI DGOS PAS NA, ,DE GANG ZHES NI MNGON DRIS NA, ,KHYOD KYIS 'GA' ZHIG MNGON SMRA DGOS, ,S'A LU'I SA BON SOGS RGYUN, ,CI DE GZHAN NAM DE NYID YIN, ,PHAN TSUN LOG PA'I LUS LA NI, ,RNAM PA GZHAN DAG MI SRID DO, ,BRJOD PAR MI NUS ZHE NA YANG, ,MI RIGS BRAM ZE'I RGOD MA BZHIN, ,'DI LTAR RIGS PA SHES PA YIS, ,LAM GZHAN ZHIG KYANG BGROD NA LEGS, THA SNYAD KYI NI RJES MTHUN PAR, ,JI LTAR BSNYAD PAR NUS PA LTAR, ,'DI YANG CUNG ZAD DE BZHIN GNOD, ,DE LTA MIN NA MI SMRA THUG ,KHYOD PHYOGS GNYIS LAS 'GA' BRJOD NA, ,DE GNYIS KHO BO CAG GIS DGAG ,DE BAS DE LTA YIN NA NI, ,RTZOD LA BZO BA GA LA YIN, ,MA ZHIG PA LAS 'BRAS SKYE NA, ,DE TSE CI PHYIR 'BRAS BU [?] MED, ,ZHIG NAS 'BRAS BU SKYE NA NI, ,DE TSE GANG LAS 'BRAS BU 'BYUNG, ,DE DAG RNAM PAR RTOG BYED PA, ,DON MED 'GYUR BAS YAL BAR DOR, ,LAG 'GRO 'O MA 'THUNG BA NI, ,DUG 'PHEL 'GYUR BA 'BA' ZHIG BZHIN, ,GCIG PU BYED PO MA YIN TE, ,DU MA'ANG BYED PO GANG YANG MIN, , GCIG DANG DU MA MA GTOGS PA, ,GZHAN GANG BYED PO YIN PA SMROS, ,GCIG PU BYA BA MA YIN TE, ,DU MA BYA BA GANG YANG MIN, ,GCIG DANG DU MA MA GTOGS PA, ,GZHAN NI GANG ZHIG BYA BA SMROS, ,'DI YOD 'DI ZHES BYA BA 'DI, ,TSAD MA MED PAR MI 'GYUR RO, ,SNGAR BSHAD PA YI RNAMS YIS, , TSAD MA'ANG KHYOD LA YOD MA YIN, ,NGED KYI RKYEN NYID 'DI PA TZAM, ,JI LTAR SNANG BA KHO NAR ZAD, ,'DI LTAR 'DI LA DNGOS BSAMS NA, ,GNAS MI RNYED PA KHO NA YIN, ,NGED KYANG DE LTAR 'DOD CE NA, ,KHO BO'I DGA' STON CHEN PO NI, ,DNGOS POR 'DZIN PA'I GDON BABS LAS, ,GROL BA YIN NA 'BYUNG BAR @9A *, ,'GYUR; RKYEN NYID 'DI PA TZAM ZHIG NI, ,YANG DANG YANG DU RJOD BYED DE, ,DE BSGRUB BYA LA TSAD MA NI, ,CUNG ZAD TZAM YANG STON MI BYED, ,THAMS CAD GRUB PAR THAL 'GYUR PHYIR, ,TSIG GIS KYANG NI DE MI 'GRUB, ,BDAG NYID STOD PAR BYED PA NI, ,KYE MA 'O BLO NI SHIN TU ZHIB; ,BAR SKABS KYI TSIGS SU BCAD PA DAG GO, ,CI STE KUN RDZOB CES BYA BA 'DI CI ZHIG YIN ZHE NA, ,GANG ZHIG GIS SAM GANG ZHIG LA, ,YANG DAG SGRIB BYED KUN RDZOB BZHED, ,BLO GANG ZHIG GIS SAM BLO GANG ZHIG LA YOD NA YANG DAG PA SGRIB PAR BYED PA 'JIG RTEN NA GRAGS PA DE LTA BU NI KUN RDZOB TU BZHED DE, MDO LAS JI SKAD DU, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS PA LTA BU'O, ,DES NA 'DI KUN BDE BA STE, ,DAM PA'I DON DU BDEN MA YIN, ,KUN RDZOB DES NA 'DI KUN THAMS CAD BDEN PA YIN NO, ,JI LTAR 'JIG RTEN NA GRAGS PA DE LTAR BDEN NO ZHES BYA BA'I THA TSIG STE, MDO LAS JI SKAD DU, RAB 'BYOR PHYIN CI LOG MA GTOGS PAR GANG LA GNAS NAS BYIS PA SO SO'I SKYE BO RNAMS LAS MNGON PAR 'DU BYED PAR 'GYUR BA'I DNGOS PO BDEN PA NI SKRA'I RTZE MO'I CHA SHAS GZUGS PA'I TSAD TZAM YANG MED DO ZHES GSUNGS PA LTA BU'O, ,PHYIN CI LOG NI 'JIG RTEN NA GRAGS PA STE, RIGS PA'I MTSAN NYID GSUM JI LTAR 'JUG PA DE LTAR BDEN NO ZHES BYA BA'I BAR DU'O, ,KUN RDZOB DNGOS PO MED YIN NA, ,SKYE BA DNGOS PO YIN PA'I PHYIR, ,DE TSE DNGOS PO GCIG DE LA, ,NUS DANG MI NUS CIG CAR 'GYUR, ,KUN RDZOB SKYE BA YIN NA YANG, ,KUN RDZOB TU SKYE ZHES BYA 'DIR, ,MKHAS PA RNAMS KYI TSIG DON NI, ,SKYE BA SKYE BAR 'GYUR TE MTSAR, ,'DI YI SKYE BA KUN RDZOB STE, ,DON DAM PAR NI SKYE MED NA, ,SKYE BA MED PAS DNGOS PO RNAMS, ,MA SKYES PAR NI SMRA NA DE, ,GRUB PA BSGRUB PA SMRA 'GYUR 'DIS, ,MI 'DOD CI ZHIG BSGRUB PAR 'GYUR, ,RIGS PA'I RJES SU 'BRANGS NAS 'DIS, ,GNAS PA LA SOGS DE BZHIN BRJOD, ,DE LA SOGS PA MA 'BREL LA, ,SGRA DON MA YIN RNAM RTOG CING, ,RGOL BA KUN RDZOB MTSAN 'DI LAS, ,NYAMS PAR KHONG DU CHUD @9B PAR GYIS, ,RIGS PAS BRTAGS NA BDEN MA YIN, ,DE LAS GZHAN DU BDEN PA YIN, ,DES NA GCIG LA BDEN NYID DANG, ,MI BDEN PAR NI JI LTAR 'GAL, ,RIGS PAS BRTAGS NA DNGOS MA YIN, ,DE LAS GZHAN DU DNGOS PO YIN, ,DES NA GCIG LA DNGOS PO DANG, ,DNGOS PO MED PA JI LTAR 'GAL, ,BAR SKABS KYI TSIGS SU BCAD PA DAG GO, ,DE LTAR YIN NA YANG, DAM PA'I DON DU MA SKYES PA, ,TSIG DON 'DI NI RIGS PA YI, ,RJES SU 'BRANGS NA SKYE BA MED, ,GZHAN LA'ANG DE BZHIN SBYAR BAR GYIS, ,JI LTAR 'DI SBYAR BA DE BZHIN DU YANG DAG PAR NA MED DO, ,YANG DAG PAR NA STONG NGO ZHES BYA BA LA SOGS PA 'DI DAG LA YANG RIGS PA'I LAM GYI RJES SU 'BRANGS NA YOD PA MA YIN ZHING DE DAG LA STONG PA NYID MA YIN PA MED CES BYA BA LA SOGS PA SBYAR BAR BYA'O, ,PHA ROL RNAMS KYIS DNGOS RNAMS KYI, ,SKYE SOGS RIGS LAM BRTEN PA CAN, ,'DOD PA DAG NI 'GOG BYED DE, ,DES NA 'DI LA CI ZHIG GNOD, ,BAR SKABS KYI TSIGS SU BCAD PA DAG GO, ,DE NYID KYI PHYIR, KUN RDZOB DE BZHIN NYID GANG YIN, ,DE NYID DAM PA'I DON GYIS BZHED, ,CI'I PHYIR ZHE NA, THA DAD MIN PHYIR, KUN RDZOB DANG DON DAM PA GNYIS ZHES BYA BA LHAG MA'O; ,RIGS DE YANG, JI LTAR SNANG BA BZHIN DU GNAS, ,RIGS PA YANG JI LTAR SNANG BA'I NGO BO YIN PA'I PHYIR KUN RDZOB KHO NA YIN TE, RIGS PA NI GZHAN DU MI 'JUG GO, ,'DI LTAR, RGOL BA GNYI GA'I SHES PA LA, ,JI TZAM SNANG BA'I CHA YOD PA, ,DE TZAM DE LA BRTEN NAS NI, ,CHOS CAN CHOS LA SOGS PAR RTOG ,DE TSE RJES SU DPAG PA 'BYUNG, ,GANG GI TSE NA GZHAN NA MIN, ,DE BAS RIGS PA SMRA BA RNAMS, ,DE SKAD SMRA LA SU ZHIG 'GOG ,RJES SU DPAG PA DANG RJES SU DPAG PAR BYA BA 'DI THA SNYAD KYI RGOL BA DANG, PHYIR RGOL BA DAG GI BLO'I BDAG NYID LA SNANG BA'I CHOS CAN DANG CHOS DANG DPE NYID DU RNAM PAR GZHAG PAR 'BYUNG GI, ,CHOS CAN DANG CHOS LA SOGS PA GNYI GA LA MA GRUB PA NYID KYIS RJES SU DPAG PA 'BYUNG BA MI RUNG BA'I PHYIR GZHAN NA NI MA YIN TE, GZHUNG LUGS THA DAD PA LA GNAS PA RNAMS NI GANG LA YANG BLO MTSUNGS PA NYID MED PA'I PHYIR RO, ,CHOS CAN DE LTA BU LA GNAS PA @10A *, ,RNAMS NI GTAN TSIGS LA SOGS PA DE LTA BU KHO NAS YANG DAG PAR NA YOD DAM MED CES SEMS PAR BYED PAR KHAS BLANG BAR BYA'O, ,DE LTA BAS NA RIGS PAS SMRA BA YANG DE LTAR RJES SU DPAG PA 'BYUNG BAR BYED NA, SU ZHIG 'GOG PAR 'GYUR, 'DI NI MTSUNGS PA NYID DU GRUB PAR GTAN LA PHAB PAS, 'DIR NI 'DI'I RGYA MA BSKYED DO, ,DE NYID KYI PHYIR MDO LAS KYANG RAB 'BYOR 'JIG RTEN GYI KUN RDZOB KYANG GZHAN LA, DON DAM PA YANG GZHAN PA NI MA YIN GYI, 'JIG RTEN GYI KUN RDZOB KYI DE BZHIN NYID GANG YIN PA DE NYID DON DAM PA'I DE BZHIN NYID YIN NO ZHES GSUNGS SO, ,YANG NA SKYE BA LA SOGS PA BKAG PA YANG 'GA' ZHIG GIS DON DAM PA NYID DU 'DOD LA, GZHAN DAG GIS NI YANG DAG PA KHO NAR 'DOD DE, DE LTA NA YANG MDO'I TSIG 'DI LEGS PAR DRANGS PA KHO NA YIN NO, ,'DI LTAR, GZHAN GYI DON DAM BYAS GANG YIN, ,DE NI GZHAN GYI KUN RDZOB STE, ,GZHAN GYI MAR 'DOD GANG YIN DE, ,GZHAN GYI CHUNG MAR 'DOD PA BZHIN, ,ZHES BSHAD DO, ,GAL TE RIGS PA'I STOBS KYIS NA, ,KUN RDZOB TU YANG MI SKYE DANG, ,CI STE KUN RDZOB TU YANG SNANG BA DANG LDAN PA DANG, SHES PA CIG SHOS KYIS YONGS SU GCOD PAR MI RUNG BA'I PHYIR SNGA MA BZHIN DU RGYU DANG 'BRAS BU NYID NGES PA MED PA KHO NA'O, ,DU MAS DNGOS PO GCIG MI BYED, ,CES BYA BA LA SOGS PA GTAN TSIGS SNGA MA KHO NA'I PHYIR YANG DE NI RIGS PA MA YIN NO ZHES BYA BAR 'DOD NA, BSHAD PA, DE BDEN DE YI PHYIR NA 'DI, ,JI LTAR SNANG BZHIN YIN PAR GSUNGS, ,GANG GI PHYIR, DE LTA YIN NA NYID KYI PHYIR, ,BCOM LDAN 'DAS KYIS SKYE BA'AM, GZHAN YANG RUNG JI LTAR SNANG BA BZHIN YIN PAR, RTAG TU SKYE MED CHOS NI DE BZHIN GSHEGS, ,CHOS RNAMS KUN KYANG BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA YIS, ,'JIG RTEN NA NI MED PA'I CHOS LA SPYOD, ,CES BYA BA GSUNGS TE, 'DI LTAR, JI LTAR SNANG BZHIN NGO BO'I PHYIR, ,'DI LA DPYAD PA MI 'JUG GO, ,CI STE KUN RDZOB NI JI LTAR SNANG BA BZHIN YIN TE, DE LA NI JI SKAD BSHAD PA'I DPYAD PA'I GNAS MED PA NYID DO, ,'DI LTAR, RNAM PAR DPYOD PA BYED NA DON, ,GZHAN DU SONG BAS GNOD PAR 'GYUR, ,KHO BO @10B CAG NI 'DI LA DPYOD PAR MI BYED KYI, DPYOD PAR BYED PA LA NI 'GOG PAR BYED DO, ,GAL TE DPYAD PAR BYAS TE MA RUNG NA MA RUNG DU ZAD DO, ,JI LTAR SNANG BA'I NGO BO'I KUN RDZOB PA LA BRTEN NAS DE LA DPYOD PA BYED PA NI DON GZHAN DU 'GRO BA'I PHYIR GNOD PA 'BA' ZHIG TU ZAD DO, ,JI SKAD BSHAD PA'I MTSAN NYID MA YIN PA LA NI NYES PA BRJOD KYANG KHO BO CAG LA GNOD PA CI YANG MED PA NYID DO, ,'O NA GAL TE DON DAM PAR MA SKYES PA KHO NA YIN NA DE'I TSE, CI YI PHYIR NA RGYU 'DI LAS, ,DER SNANG BA 'DI SMRA BAR BYOS, ,'DI YI LAN GLON PAR BYED DE, ,'DI 'DRA 'DI NI RGYU 'DI LAS, ,SNANG STE CI ZHIG SMRA BAR BYA, ,KHYOD LA CHA JI TZAM SNANG BA DE TZAM KHO BO CAG LA YANG SNANG NA DE LA KHO BO CAG LA YANG CI ZHIG DRI, DRIS NA YANG KHO BOS DE TZAM KHO NA ZHIG SMRA BAR BYA'I, SNGON MA BYUNG BA NI CI YANG SMRAR MED DO, ,DE'I PHYIR 'DRI BA 'DI NI KUN NAS NYON MONGS PA LA BRTEN PA 'BA' ZHIG TU ZAD DO, ,SKYE BO GANG ZHIG MTHONG BZHIN DU'ANG, , MI SHES PA DES RTZOD PA YIS, ,GRAGS PAS GZHAN LA SMRA BA NA, ,MI SHES MA 'PHAGS NGAN PA YIN, ,BAR SKABS KYI TSIGS SU BCAD PA DAG GO, ,'DI NI GZHI MED PAR MI RUNG NGO ZHES KYANG BRJOD PAR MI NUS TE, 'DI LTAR, BTAGS PA GZHI DANG BCAS PA NI, ,'GA' YANG GANG LA'ANG MI SNANG NGO,, SHING LA SOGS PA 'DI YANG NI, ,GZHI LA LTOS PA MA YIN NYID, ,SHING LA SOGS PA GDAGS PA'I RGYU NI YAL GA LA SOGS PA YIN LA, DE'I YANG GZHAN YIN TE, RIM GYIS RDUL PHRA RAB KYI BAR DU YIN LA, DE YANG PHYOGS THA DAD PAS DPYAD NA MED PA KHO NA YIN NA, SHING LA SOGS PA GDAGS PA'I RGYU DNGOS PO YOD PA DE LTA GA LA YOD, DE LTA BAS NA JI LTAR SNANG BA 'DI KHO NA YIN GYI, GANG LA YANG RGYU DNGOS PO YOD PA KHO NA LA LTOS NAS 'JUG PA NI MA YIN ZHES KHAS BLANG BAR BYA'O, ,GAL TE KUN RDZOB GZHI LA NI, ,LTOS GYUR DE LTA YIN NA NI, ,DNGOS 'GYUR YANG NA KHYOD KYI GZHI, ,DE LTAR KUN RDZOB MI 'GYUR TE, BAR SKABS KYI TSIGS SU BCAD PA DAG GO, ,DE NI DE LTA YIN TE GANG GI PHYIR KHYOD KYI LTAR NA YANG, 'DI LTAR BRTAGS PA'I NGO BO NYID, ,CI LA'ANG MI LTOS KHO NA YIN, ,GAL TE MED PA'I PHYIR MI LTOS SO ZHE NA, MNGON SUM DANG 'GAL BA KUN TU SPYOD DE, GZUNG BA DANG 'DZIN @11A *, ,PA NI BRTAGS PA'I NGO BO NYID YIN LA, DE GNYIS KYANG MNGON SUM KHO NAR GRAGS PA DE DAG YIN NO, ,GAL TE MA RIG PAS DKRUGS PA'I RNAM PAR SHES PA NYID DE LTAR RTOGS SO ZHE NA, MYONG BA DANG 'GAL BA GRUB PA KHYOD LA 'GOG PAR BYED PA SU ZHIG YOD DE, BDAG NYID MI SHES PA DE LTA BU DE NI 'JIG RTEN GYIS THAG RING PO KHO NAR SPANG NGO, ,GAL TE RMI LAM LA SOGS PA NA MTHONG NGO ZHE NA, BDEN NA MTHONG BZHIN DU YANG MNGON PAR ZHEN PA NGAN PAS KHYOD LA LOG PAR SNANG NGO, ,GANG YANG GZUNG BA DANG 'DZIN PA'I RNAM PAR SNANG BA 'DI CI ZHIG GZHAN GYI DBANG YIN NAM, DE NI YANG DAG PAR NA DES DBEN PA'I NGO BO CAN YIN NA, JI LTAR DE LTAR SNANG, MA RIG PAS DKRUGS PA'I PHYIR DE LTAR SNANG BAR NI CHUG MOD KYI, DE NI DE'I BDAG NYID NI MA YIN TE DE'I BDAG NYID NI GNYIS KYIS DBEN PA'I PHYIR RO, ,DE LTA YIN NA YANG 'BREL BA MED PA'I PHYIR DE SNANG BA NA GNYIS PO CI'I PHYIR SNANG BAR 'GYUR, GAL TE 'BREL PA SMRAS ZIN TO ZHE NA, GAL TE DE LTA YIN NA NI, GZHAN DBANG NYID SMROS DE SU BZLOG ,CIG SHOS KYANG GZHAN GYI DBANG NYID DU BYA BA LA, RGYU 'DI KHO NAR ZAD LA, DE NI 'DI LA YANG YOD DE, DE BAS NA BRTAGS PA MED DO, ,GAL TE YANG SHES PA KHO NA RGYU DANG RKYEN RNAMS KYIS SKYED NA, SKYED LA NI REG NA DE GO CI'I PHYIR SNANG, GAL TE SHES PA KHO NA DE LTAR SNANG NGO ZHE NA, DE NI BSHAD ZIN TE DE DAG GIS JI LTA BU KHO NAR BSKYED PA DE LTA BU KHO NAR SNANG DU ZAD DO, ,GAL TE DE LTA BU KHO NAR BSKYED DO ZHE NA, 'O NA NI GNYIS KYIS DBEN PA CAN GYI NGO BO MA YIN TE, 'DI LA BSHAD KYANG ZIN TO, ,GNYIS MED PA'I NGO BO NYID YIN YANG SHES PA GZHAN GYIS 'KHRUL PA'I DBANG GIS DE LTAR RTOGS PA YANG MA YIN TE, BRGAL ZHING BRTAGS PA MTSUNGS PA'I PHYIR RO, ,DE'I PHYIR NA 'DI NI GYI NA'O, ,RTZOD NGAN GRAGS PA KHA CIG NI, ,YANG DAG PAR DNGOS MA SKYES PAS, ,MO GSHAM BU LA SOGS BZHIN DU, ,KUN RDZOB TU YANG MI SKYE ZER, ,YANG DAG PAR MA SKYES PA'I NGO BO NYID GANG YIN PA DE DAG NI KUN RDZOB TU YANG SKYE BAR MI 'GYUR TE, DPER NA MO GSHAM GYI BU LA SOGS PA LTA BU'O, ,GZUGS LA SOGS PA 'DI DAG KYANG DE DANG 'DRA'O, ,DE NI RIGS PA MA YIN TE, @11B 'JIG RTEN GNOD SOGS SRID PA'I PHYIR, ,'DI LA BSGRUB PA NYID MED DO, ,GAL TE 'JIG RTEN MA SKYES PHYIR, ,GNOD PA MED PAR KHYOD 'DOD NA, ,GTAN TSIGS LA SOGS MED PA'I PHYIR, ,DE TSE BSGRUB BYA 'GRUB MI 'GYUR, ,RANG GI TSIG DANG 'GAL BA'I PHYIR, ,GAL TE DE GCIG MA GTOGS NA, ,'O NA DES NA KHYOD KYI NI, ,MA NGES NYID 'GYUR BZLOG PAR DKA', ,SGRUB PAR BYED PA YOD NA NI, ,DPE LA'ANG YOD PA MA YIN NO, ,GAL TE RGYU 'DI KHYOD LA GRUB, ,BSGRUB BYAS KHYAB PA'ANG DE BZHIN NO, ,DER NI BDAG LA NYES MED PAR, ,KHYOD KYIS JI LTAR KLAN KA BTZAL, , GAL TE NGA LA TSAD MA YIS, ,GRUB NA GRUB STE KHYOD LA KHYAB, ,MKHAS KHYOD CI'I PHYIR BDAG NYID KYI, ,NYES PA NGA LA 'DOGS PAR BYED, ,TSAD MAS MA GRUB CE NA YANG, ,YOD MED SKYE BA BKAG PA'I PHYIR, ,YANG DANG YANG DU BSGRUBS ZIN NO, ,KHYAB PA DE YANG KHYOD KYIS SMRAS, , KHO BO'I BDEN PAR MA SKYES DANG, ,KUN RDZOB MI SKYE LHAN CIG TU, ,KHYAB BYA KHYAB BYED NYID MA GRUB, ,DE LTA YIN NA KHYOD KYIS NYES, ,YANG DAG SKYE BA BKAG PA YIS, ,YANG DAG PAR NA SKYE MED 'DOD, ,BRTAGS PA MI SKYE DE LTA MIN, ,DE PHYIR 'DI GNYIS DE BDAG MIN, ,YANG DAG PAR NA GNYIS PO MED, ,GANG PHYIR SPROS DANG BRAL BA NI, ,YANG DAG 'DOD DE DE PHYIR DER, ,GTAN TSIGS LA SOGS YAN LAG MED, ,'DI LTAR DE GNYIS MED PA'I PHYIR, ,RGYU DANG 'BRAS BU MED PA NYID, ,'DI NYID KYIS NI THAL BAR YANG, ,DOGS PA RNAM PAR BZLOG PA YIN, , BAR SKABS KYI TSIGS SU BCAD PA DAG GO, ,GZHAN YANG, GAL TE KUN RDZOB MI RUNG NA, ,TSAD MAS SO, ,TSAD MA MA YIN PA NI GZUNG BAR BYA BA MA YIN PA'I PHYIR, RIGS SMRA DE LA CI ZHIG GNOD, ,RIGS PAS 'ONGS PA'I DNGOS PO LA RTOG PA SNGON DU GTONG BA SU YANG SNGAR BAR GZO PA MED PA'I PHYIR RO, ,SNGAR KHAS BLANGS PA'I PHYIR TSAD MAS GNOD BZHIN DU YANG DOR BAR MI NUS SO ZHES KYANG BRJOD PAR RIGS PA MA YIN NO, ,GANG GI PHYIR KUN RDZOB KHAS BLANGS NAS 'DI CI RIGS SAM 'ON TE MI RIGS ZHES DPYOD PAR BYED PA MI MDZES PA DE'I PHYIR 'DI SNGAR KHAS MA BLANGS SO @12A *, ,SNYAM DU BSAMS TE 'DI LTAR, RIGS PA SHES PAS DPYAD PA YI, ,'OG TU KHAS BLANGS BYA BAR BSHAD, ,BRTAGS PA'I 'OG TU KHAS BLANG GI, ,KHAS BLANGS NAS BRTAG PA 'JUG PA NI MA YIN NO ZHES BYA BA'I DON 'DI NI TSAD MA RNAM PAR GTAN LA DBAB PA LA SOGS PAR RAB TU DPYAD ZIN PA'I PHYIR RO, ,MNGON SUM LA SOGS 'GAL ZHE NA, ,KUN RDZOB NI JI LTAR SNANG BA BZHIN YIN LA, DE YANG GAL TE KHAS MI LEN NA MNGON SUM LA SOGS PA DANG 'GAL BAR THAL BAR 'GYUR BAR SEMS NA, BDEN NA MNGON SUM LA SOGS PA DANG 'GAL BA, DE CI 'DI SMRA NYID LA'AM, GANG GIS NA KHYOD MA GTOGS PAR 'GYUR BA KHYOD DANG 'BREL BAR MA BYAS PA DE NI MED DO, ,GAL TE DES KHYOD MI 'JIGS SO ZHE NA, DE CI KHO BO CAG RANG BZHIN MED PAR SMRA BA YIN BZHIN DU YANG 'JIGS SAM ZHES BSAMS PA'O, ,TSAD MAS GNOD NA TSAD MA'I BDAG ,YID BRTAN DU NI MI RUNG 'GYUR, , KUN RDZOB NI JI LTAR SNANG BA BZHIN YIN LA DE YANG GAL TE TSAD MAS MI RUNG NA MI RUNG DU ZAD DO, ,MNGON SUM DE LA GNOD PA BAB NA, TSAD MA'I BDAG NYID LA YID BRTAN DU MI RUNG BAR BRJOD DE, MTSAN NYID DANG LDAN PA LA GNOD PA SRID PHAN CHAD MTSAN NYID SUN PHYUNG BAR 'GYUR RO, ,DE'I PHYIR TSANG MA'AM TSAD MA MA YIN PA CIR YANG MI 'GYUR RO, ,DE LTA NA YANG KUN RDZOB KYANG DGAG PAR MI NUS PA KHO NA'O SNYAM DU SEMS PA'O, ,GANG ZHIG YANG DAG DNGOS MI 'DOD, ,DE LA KUN RDZOB CI ZHIG SMOS, ,GAL TE THA SNYAD SOGS MED NA, ,DE CI GZHAN LA'ANG MI MTSUNGS SAM, ,KHYOD DANG DE BZHIN KHO BOS KYANG, , 'JIG RTEN BZHIN DU BSNYAD BYA DGOS, ,DE LTA YIN NA KHYOD KYIS NI, ,BSNYAD PAR BYAS PAS KHE CI YOD, ,BAR SKABS KYI TSIGS SU BCAD PA DAG GO, ,DE LTA BAS NA, SNAGN BA'I NGO BO GANG YIN PA, ,DE NI 'GOG PA MA YIN NYID, ,NYAMS SU MYONG BA GANG YANG NI, ,DGAG PAR RIGS PA MA YIN NO, , MNGON SUM DANG 'GAL BAR 'GYUR BA'I PHYIR RO SNYAM DU BSAMS PA YIN NO, ,SKYE LA SOGS PA'I RNAM PA GANG, ,SNANG BA MIN LA DE YANG NI, ,YANG DAG PAR ZHES BYA SOGS PAR, ,GZHAN GYIS YONGS SU BRTAGS PA 'GOG ,GANG YANG GZUGS LA SOGS PA SNANG BA DANG LDAN PA'I SHES PA LA MI SNANG @12B BA'I RNAM PA YANG DAG PAR SKYE BA DANG RNAM PAR SHES PA SNANG BA DANG, GTZO BO DANG YONGS SU 'GYUR BA LA SOGS PA BSTAN BCOS LA SOGS PA LA BRTEN NAS YONGS SU BRTAGS PA 'DI 'BA' ZHIG 'GOG PAR BYED DE, DE BKAG PA LA MNGON SUM LA SOGS PA'I GNOD PA MI 'JUG PA KHO NA'O, , SOGS PA SMOS PA NI YOD PA NYID LA SOGS PA YONGS SU BSDU BA'O, ,DE BAS 'DIR NI DE LTA BU'I, ,BRTAGS PA KHO NA DGAG PAR RIGS, ,JI SKAD SMOS PA'I NYES PA MED PA'I PHYIR RO, ,BRTAGS PA MA YIN 'GOG PA 'DI, ,BDAG LA GNOD 'GYUR 'BA' ZHIG GO, ,GZUGS LA SOGS PA'I LUS RTOG PA'I NYES PAS MA SBAGS PA GZHAN GYI DBANG GI BDAG NYID RNAM PAR SHES PA TZAM SNANG BA DGAG PAR MI NUS PA 'BA' ZHIG TU MA ZAD KYI, BYED NA BYED PA PO LA MNGON SUM LA SOGS PAS PHYIR GNOD PA KHO NA BYED DO, ,RNAM PAR RTOG PA SNANG BA YI, ,GTZO BO LA SOGS YANG DAG PAR, ,DNGOS PO RNAMS KYI RGYUR GYUR PAR, ,GZHAN GYIS BRTAGS GANG DE 'GOG GO, ,BRTAGS PA 'GOG PAR BYED PA LA, ,YANG DAG CES BYA BKAG PA YI, ,BYE BRAG MIN TE DE YI PHYIR, ,KUN RDZOB JI LTAR MED PAR 'GYUR, ,BAR SKABS KYI TSIGS SU BCAD PA DAG GO, ,DE NYID KYI PHYIR MDO LAS KYANG, BRTAGS PA'I DNGOS PO YOD MA YIN, ,GZHAN GYI DBANG NI YOD PA STE, ,SGRO 'DOGS PA DANG SKUR 'DEBS PA'I, ,MTHAR RTOG PA NI PHUNG BAR 'GYUR, ,CHOS RNAMS THAMS CAD BRTAGS PA YI, ,NGO BO NYID KYIS MA SKYES SO, ,MI RNAMS GZHAN GYI DBANG LA NI, ,BRTEN NAS RNAM PAR RTOG PA SKYE, , ZHES GSUNGS TE, ,DE LTAR BYAS NA, RAB 'BYOR GZUGS NI GZUGS MED PA'I NGO BO NYID YIN NO ZHES RGYAS PAR 'BYUNG BA DANG, TSE DANG LDAN PA SH'A RI'I BU 'DI LTAR GZUGS NI RANG BZHIN GYIS STONG NGO, ,GANG YANG RANG BZHIN GYIS STONG PA DE LA NI SKYE BA MED 'JIG PA MED DO, ,GANG YANG SKYE BA MED 'JIG PA MED PA DE LA NI GZHAN DU 'GYUR BAR MI MNGON TE, TSOR LBA NAS RNAM PAR SHES PA'I BAR DU YANG DE DANG 'DRA'O ZHES RGYAS PAR 'BYUNG BA 'DI YANG GRUB PA YIN NO, ,GAL TE DNGOS PO JI LTAR SNANG BA BZHIN KHO NAR GNAS PAR ZAD NA LAS DANG 'BRAS BU DAG JI LTAR BU SNYAM PA LA, MTHONG BA PO'I LTA BA LA @13A *, ,LAS 'BRAS JI LTAR SNANG BA DAG ,DE LTAR DES BSHAD DE YI PHYIR, ,THAMS CAD JI LTAR SNANG BZHIN GNAS, ,STON PA'I GZIGS PA SNANG BA THOGS PA MI MNGA' BA CAN GYIS MKHYEN PA'I BDAG NYID LA LAS DANG 'BRAS BU DAG BYE BRAG TU JI LTAR SNANG BA DE BZHIN DU 'GRO BA LA PHAN PAR BZHED PA THUGS RJE'I RANG BZHIN CAN DES BYE BRAG TU RAB TU BSHAD DE, GANG GI PHYIR DE LTA YIN PA DE'I PHYIR DBANG PO'I YUL DU MA GYUR PA THAMS CAD KYANG JI LTAR SMAD PA BZHIN KHO NAR GNAS SO, ,THUGS RJE'I BDAG NYID DE NYID KYIS, ,RTOG PAS BCINGS PA GZIGS NAS NI, ,SEMS TZAM LA SOGS BYE BRAG GIS, ,BCINGS PA THAR PA BSTAN PA MDZAD, ,BCOM LDAN 'DAS LAS DANG 'BRAS BU MKHYEN PA THUGS RJE'I RANG BZHIN GYI SKUR NA [?] DE NYID KYIS 'KHOR BA'I BTZON RAR 'GRO BA RTOG PA'I LCAGS SGROG GIS BCINGS PA LA GZIGS NAS, BSAM PA JI LTA BA BZHIN DU PHUNG PO DANG KHAMS DANG SKYE MCHED DANG; SEMS TZAM DANG, CHOS THAMS CAD BDAG MED PAR BSTAN PA'I RIM GYIS DNGOS POR 'DZIN PA MA LUS PAR SEL BAR MDZAD CING, 'GRO BA LA BCINGS PA DANG THAR PA BSTAN PA MDZAD DO, ,JI STE RTOG PA ZHES BYA BA 'DI CI YIN ZHE NA, SEMS DANG SEMS BYUNG KHAMS GSUM PA, ,SGRO BTAGS RNAM PA CAN RTOG YIN, ,KHAMS GSUM PA'I SEMS DANG SEMS LAS BYUNG BA'I SGRO BTAGS PA'I RNAM PA CAN DU 'BYUNG BA'I RNAM PA NI RTOG PA YIN NO, ,DE DAG 'CHING BA'I RGYU NYID DU, ,JI LTAR GZIGS PA DE BZHIN GSUNGS, ,DE DAG KYANG DE BZHIN GSHEGS PAS RNAM PA GANG GIS KYANG 'CHING BA'I RGYU NYID DU GZIGS PA DE KHO NA BZHIN DU GSUNGS KYI YANG DAG PAR NI MA YIN TE, 'DI LTAR, MED PA RNAMS KYI NUS PA YANG, ,JI LTAR SNANG BA BZHIN DU 'DOD, ,MED PA RNAMS KYANG JI LTAR GRAGS PA BZHIN DU 'CHING BA LA SOGS PA'I BYA BA BYED PAR MI 'GAL BA KHO NA'O, , YANG DAG PAR NA 'CHING BA DANG, 'CHING BAR BYA BA DAG KYANG MED DO, ,YOD PA RNAMS KYI NUS PA NI, ,JI LTA BUR YANG MI MTHONG NGO, ,YOD PA RNAMS DON BYED PAR NUS PA NI SANGS RGYAS RNAMS KYIS KYANG GZIGS PAR MI SPYOD DE, SHES PA RNAM PA MED PA DANG, ,RNAM PA DANG BCAS PAS YONGS @13B SU GCOD PA MI SRID PA'I PHYIR LA, YONGS SU GCOD PAR BYED PA GZHAN YANG MI RUNG BA'I PHYIR RO, ,GANG LAS GANG ZHIG YOD GZIGS PA, ,DE YOD NA NI DE NGES YOD, ,DE MED NA NI DE MED NYID, ,DE PHYIR HA CANG THAL MI 'GYUR, ,BAR SKABS KYI TSIGS SU BCAD PA DAG GO, ,GZHAN LA DNGOS PO JI BZHIN DU, ,THA SNYAD RUNG BA MA YIN NO, ,THA SNYAD THAMS CAD JI LTAR SNANG BA KHO NA BZHIN DU 'JUG GO ZHES BYA BA DE NI DE LTA YIN NO ZHES BYA BAR SHES PAR BYA STE, 'DI LTAR DNGOS POR SMRA BA'I LTA BA LA YANG, DNGOS PO JI LTA BA BZHIN THA SNYAD GDAGS SU NI MI SNANG BA'I PHYIR, RIGS PAS MI RUNG NGO, ,SHES PA'I BDAG NYID LA NI RDUL PHRA RAB DAG DANG, GNYIS SU MED PA'I DNGOS PO'I NGO BO MI SNANG NGO, ,MI SNANG BA LA NI THA SNYAD MED DO, ,SNANG BA GANG YIN PA DE YANG DNGOS PO'I NGO BO KHO NA MA YIN TE, 'DUS PA DANG GNYIS KYANG DNGOS PO MA YIN PA'I PHYIR RO, ,THA SNYAD NI 'DI GNYIS LAS YIN NA, 'DI GNYIS KYANG DNGOS PO MA YIN PA KHO NA'O, ,GAL TE SNANG BZHIN DU YANG DE NGES PAR MI ZIN TO SNYAM NA, DES NA CI DE LTA BU LA NI THA SNYAD MED DO, ,SNANG BA ZHES BYA BA YANG YID CHES PA MED PA'I PHYIR MNA' CHU BTUNG DGOS SO, ,TSAD MA MED PA'I PHYIR DANG, TSAD MAS GNOD PA'I PHYIR YANG, DNGOS PO'I NGO BO MI RUNG BA'I PHYIR RO, ,DE JI LTAR SNYAM PA LA, RIGS PA'I RJES SU 'BRANGS NAS BSHAD, ,CES BYA BA SMOS TE, DE LTA BAS NA DNGOS PO'I NGO BO YOD DU ZIN KYANG JI LTAR SNANG BA BZHIN THA SNYAD 'DOGS PAS DE LA MNGON PAR ZHEN PA NI CIR YANG MI DGOS SO,, RANG LTA CHAGS PAS CI ZHIG BYA, ,SKYE BO RED BUR SKYES 'GYUR ZHING, ,YON TAN NYES PA MA MTHONG LA, ,RANG GI LTA BA CI ZHIG YOD, ,RANG GI LTA LA CHAGS BOR TE, ,RIGS PA NYID LA 'JUG PAR GYIS, ,GANG TSE RIGS STOBS LAS 'ONGS PA'I, ,DNGOS PO YANG DAG NYID ZUNG SHIG ,BAR SKABS KYI TSIGS SU BCAD PA DAG GO, ,LTA BA 'DI LA CHAD PAR THAL BAR 'GYUR BA YANG MA YIN TE, GANG PHYIR RGYU LAS BYUNG DE'I PHYIR, ,'DI NI CI PHYIR CHAD PAR 'GYUR, ,DE LOG NA NI LOG PA LA, ,CI PHYIR RTAG PA NYID YIN SMROS, ,GANG GI TSE DNGOS PO 'DI JI LTAR SNANG BA BZHIN LAS DANG NYON MONGS PA'I DBANG @14A *, ,GIS 'KHOR BA JI SRID PAR 'JUG PA DE'I TSE, 'DI CHAD PAR JI LTAR 'GYUR TE 'GRO BA BRGYUD PA 'KHOR BA'I RJES SU 'GRO BA KHO NA LA NI CHAD PAR RIGS PA MA YIN NO, ,GANG GI TSE 'PHAGS PA'I BDEN PA MTHONG BA'I MES, LAS DANG NYON MONGS PA MTHA' DAG BSREGS PA CAN MYA NGAN LAS 'DAS PA'I GRONG KHYER NA GNAS PA DE'I TSE, 'DI JI LTAR RTAG PAR 'GYUR, DE BAS DE LTAR NA KUN RDZOB KYI DNGOS PO MED PA'I BDAG NYID LA YANG RTAG PA DANG CHAD PA'I CHOS NYID THAG RING PO KHO NAR GNAS SO, ,DON DAM PA LA LTA BA'I GNAS MI THOD PA KHO NA STE, 'DI LTAR, MA SKYES NGO BO NYID LA NI, , RTAG DANG CHAD NYID GA LA ZHIG ,CHOS KYI BYE BRAG RNAM RTOG PA, ,NGO BO NYID LA RTOG PAR BYED, ,JI LTAR SUS KYANG NAM MKHA' LA, ,YIG SOGS DGOD PAR MI NUS LTAR, ,DNGOS PO RNAMS NI MA SKYES LA, ,CHOS SU RNAM RTOG DE BZHIN NO, ,BAR SKABS KYI TSIGS SU BCAD PA DAG GO, ,BRTAGS PA'I NGO BOS DBEN PA YI, ,JI LTAR SNANG BA 'DI KHO NA, ,BRTEN TE SKYES PA THAMS CAD NI, ,THAMS CAD MKHYEN PAS MNGON SUM GZIGS, ,DNGOS PO RNAMS NGO BO NYID MED BZHIN DU YANG JI LTAR SNANG BA LA YANG DAG PAR SKYE BA LA SOGS PAS DBEN PA BRTEN NAS SKYES PA KHO NA'I DNGOS PO THAMS CAD RNAM PA THAMS CAD DU CIG CAR MNGON SUM DU MKHYEN PAS NA, THAMS CAD MKHYEN PA ZHES BYA'O, ,GANG LA DON GZHAN YONGS GCOD PA'I, ,SHES PA CUNG ZAD KYANG MED PAS, ,DE YI THAMS CAD MKHYEN PA 'DIR, ,BRTAGS YIN CUNG ZAD 'GAL BA MED, ,SHES BYA NANG GI YIN PAR SMRA BA'I LTAR NA, THAMS CAD MKHYEN PA BRTAGS PA KHO NA YIN PAR 'GYUR TE, BLO RNAM PA DANG BCAS PA DANG CIG SHOS KYIS YONGS SU GCOD PA MI RUNG BA'I PHYIR RO, ,RGYUD GZHAN LA YOD PA'I DNGOS PO YONGS SU MI GCOD PA'I PHYIR TE, RANG GI RGYUD LA YOD PA YANG DE DANG 'DRA'O, ,NGO BO NYID MED PAR SMRA BA'I LTAR NA NI, JI LTAR GRAGS PA BZHIN DU YONGS SU GCOD PA'I PHYIR NYES PA MED DO, ,GANG GI TSE YANG DAG PAR SKYE BA LA SOGS PAR RTOG PA BKAG PA'I NGO BO NYID KYIS CHOS RNAMS MA SKYES SO ZHES BYA BA LA SOGS PA YANG BRTAGS PA'I BDAG NYID YANG DAG YIN NO ZHES BYA BAR KHONG DU CHUD PAR BYAS NAS, DNGOS PO'I RANG GI NGO BO DPYOD PAR BYED @14B CING CUNG ZAD KYANG MI MTHONG BA DE'I TSE NI DE KHO NA BZHIN GNAS TE, 'DI LTAR, GANG TSE SHES DANG SHES BYA DANG, ,BDAG NYID RJES SU MI MTHONG BA, ,DE NI MTSAN MA MI 'BYUNG PHYIR, ,GNAS PA BRTAN PHYIR MI BZHENGS SO, ,BCOM LDAN 'DAS 'DI RTOG PA'I SA BON MTHA' DAG BAG CHAGS DANG BCAS TE, RTZAD NAS BTON PA NYID KYI PHYIR, ,MTSAN MA MI 'BYUNG NA BZHENGS PA LTA GA LA YOD, BSKAL PA GRANGS MED PA DU MAR GUS PAR MDZAD DE, BAR CHAD MED PAR LEGS PAR BSGOMS PAS TING NGE 'DZIN BRTAN PA'I YANG PHYIR RO, ,GANG LA BZHUGS NA BSAM MI KHYAB, ,YON TAN KUN GYI GNAS 'GYUR DANG,, MTSUNGS MED PHYAG GNAS 'DREN GYUR PA'I, ,GNAS SKABS 'GA' DE BSAM MI KHYAB, ,CHOS RNAMS KUN GYI LUS YIN PHYIR, ,YON TAN BSAM YAS KUN RTEN PHYIR, ,RIGS PA'I RJES 'BRANG NGO BO'I PHYIR, ,SKYOB PA RNAMS KYI CHOS SKU YIN, ,RNAM PA GSUM GYIS CHOS KYI SKU, ,ZHES BYA STE, CHOS THAMS CAD KYI LUS KYI 'GRO BA THAMS CAD DE BZHIN GSHEGS PA'I NGO BO NYID LAS MI 'DA' BA'I PHYIR RO, ,'JIG RTEN PA DANG 'JIG RTEN LAS 'DAS PA'I YON TAN THAMS CAD KYI RTEN LUS NI TSOGS YIN PA'I PHYIR RAM, YANG NA 'DIR CHOS RNAMS SGROGS PA'I PHYIR RO, ,RTEN GYI DNGOS PO NI DE LA 'JUG PA THOB PAS KUN BRTAGS PA'O, ,CHOS KYI SKU NI RIGS PAS RNAM PAR GNAS PA'I NGO BO NYID CES BYA BA'I THA TSIG GO, ,DE NYID RIGS PA DANG LDAN PA'I PHYIR RO, ,DE TSE RNAM RTOG MED DE YI, ,SNGON GYI SHUGS KYIS SEMS CAN DON, ,RTAG TU PHYOGS RNAMS THAMS CAD DU, ,RNAM PA KUN TU THAMS CAD 'BYUNG,, MKHYEN PA'I SKAD CIG GCIG GIS NI, ,SHES BYA DKYIL 'KHOR KUN KHYAB CAN, ,YON TAN RIN CHEN TSOGS TING 'DZIN, ,BSAM GTAN BSAM MI KHYAB PA'I RTEN, ,RTOG PA DANG NI NYON MONGS DANG, ,BAG CHAGS MA LUS GTAN BCAD CAN, ,SHES BYA'I YUL LA MI SHES PA'I, ,TSOGS NI MTHA' DAG RNAMS SPANGS CAN, ,NYES PA KUN GYIS MA YIN, ,YON TAN RGYA MTSO KUN GYIS, ,RTAG TU 'GRO BA THAMS CAD KYI, ,'DOD PA RNAM PA KUN DU SGRUB, ,YID BZHIN NOR BU BZHIN DU NI, ,MTSUNGS MED 'KHOR BA SRID DU 'JUG ,THUGS RJE CHES BSGRUBS BSAM MI KHYAB, ,BSOD NAMS YE SHES @15A *, ,MTSUNGS MED 'BYUNG, ,YANG DAG PA YI MCHOG THOB CING, ,BSOD NAMS RAB CHE'I LAS MNGA' BA, ,BYANG CHUB SEMS DPA' RNAMS MIG GI, ,YUL DU BSAM GYIS MI KHYAB 'GYUR, ,DE LAS BYANG CHUB SEMS DPA' RNAMS, ,GANG GIS CHOS KYI LONGS SPYOD NI, ,JI LTAR 'DOD BZHIN NYER SPYOD PAS, ,SKU NI LONGS SPYOD RDZOGS PAR 'DOD, ,SEMS CAN SO SO'I 'DOD PA'I DON, ,DUS BZHIN RAB TU 'GRUB PA'I PHYIR, ,DE LAS SPRUL BA'I SPRIN GYI RGYUN, ,KUN DU RAB TU 'BYUNG BAR 'GYUR, ,RNAM PA GANG DANG GANG GIS NA, ,GANG DANG GANG NA GANG GANG TSE, ,SKAL LDAN SKYE BO GANG DANG GANG, ,DE DE YONGS SU SMIN BYA BAR, ,RNAM PA DE DES DE DANG DER, ,DE YI TSE DANG DE YI TSE, ,THUB PA'I SPU YI KHUNG SOGS NAS, ,SPRUL PA GDON MI ZA BAR 'BYIN, ,RGYAL BAS 'JIG RTEN MA LUS PA'I, ,BYA BA DAG LA GANG GIS MDZAD, ,DE NI DE YI SPRUL SKU STE, ,'GRO BA DBUGS 'BYIN MDZAD PA YIN, ,KHYAB BDAG SHUGS KYI MTHU YIS NI, ,SPRUL PA YIS NI SPRUL PA YANG, ,JI LTAR BZHED BZHIN MDZAD NYID DE, ,MDZAD PA KUN LA 'JUG PA BZHIN, ,BAR SKABS KYI TSIGS SU BCAD PA DAG GO, ,BCOM LDAN 'DAS KYI SKU 'DI NI SHIN TU MDOR BSDUS NAS RNAM PA GSUM DU BSHAD KYI, RNAM PA THAMS CAD DU MA LUS PAR BRJOD PAR NI, YE SHES DANG LDAN PA THAMS CAD MKHYEN PAS KYANG MI SPYOD NA BDAG 'DRA BAS LTA SMOS KYANG CI DGOS, PHYOGS 'DIS NYAN THOS LA SOGS PA'I LUS KYI RNAM PAR DBYE BA YANG SHES PAR BYA'O, ,DE LTAR BDEN GNYIS RNAM PHYE 'DIR, ,CI NYES YOD DAM 'ON TE MED, ,PHYOGS 'DZIN PA YIS DKRUGS PA'I YID, ,LEGS PAR BOR LA DPYAD PAR GYIS, ,MI YANG SHIN TU THOB PAR DKA', ,BLO SBYANGS NYAM YANG RAB TU CHUNG, ,'KHOR BA'I DGON PA BGROD PAR DKA', ,SROG KYANG SHIN TU G-YO BA YIN, ,BSHES GNYEN BZANG PO RNYED DKA' NA, ,RAB TU SDANG BA GANG DU DGOS, ,MOS PA MED DU ZIN NA YANG, ,DE NI 'GA' LA BSOD NAMS KYIS, ,GOMS PAR BYAS LA RIM GYIS NI, ,'DI NI RE ZHIG CIG NA 'GYUR, ,SDANG BAS TSIG PA KHYOD LA NI, ,DAL BA 'BYOR PA'ANG RING BAR GSAL, ,BDEN PA GNYIS NI RNAM PHYE BAS, ,DGE BA BDAG NYID THOB PA GANG, ,DES NI 'GRO @15B BA MA LUS PA, ,YE SHES SNYING POR BSKYED PAR SHOG ,BDEN PA GNYIS RNAM PAR GTAN LA DBAB PA, YANG DAG PA MTHONG BAR BRTZON PA SLOB DPON YE SHES SNYING POS MDZAD PA RDZOGS SO,, ,,PAndI TA SH'I LEN DRA BO DHI DANG BANDE YE SHES SDE'I 'GYUR,, ,, *, ,RGYA GAR SKAD DU, SA TYA DVA YA BI BHAm GA PANYDZI KA ,BOD SKAD DU, BDEN PA GNYIS RNAM PAR 'BYED PA'I DKA' 'GREL, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,BLO CHUNG RNAMS KYI SHES RAB DAG ,RAB TU RGYAS PAR BYA BA'I PHYIR, ,BDEN GNYIS RNAM PAR DBYE BA YIS; ,DKA' 'GREL 'DI NI MDOR BSDU BYA, ,DE LA BSTAN BCOS BRTZAM PA LA, ,GANG DAG DNGOS PO NGO BO NYID MED YANG DAG MKHYEN GYUR KYANG, ,THUGS RJES 'KHOR BA JI SRID BAR DU THUB DBANG SRAS BCAS RNAMS, ,'JIG RTEN MA LUS PA YI 'TSAL BA'I DNGOS PO BSGRUB SLAD DU, ,'DIR BZHUGS DRI MED BLO LDAN DE DAG RNAMS LA PHYAG 'TSAL LO, ,ZHES BYA BA SDUG PA'I LHA LA PHYAG BYA BA BRJOD PA NI BKRA SHIS PAR BYA BA'I PHYIR RO, ,GCIG TU NA YA RABS KYI TSUL DANG MTHUN PAR 'JUG PA YIN PAR BSTAN PA YIN NO, ,GCIG TU NA BSTAN BCOS BRTZAM PA LA STON PA LA MCHOD PA BYA BA NI BSTAN BCOS DE LA GUS PA BSKYED PA'I PHYIR RAM, DE'I DON BZANG BA LAS NA STON PA GRUB PAR BYA BA'I PHYIR TE, DE LA GRUB PA DANG MA GRUB PA'I RIGS GNYIS YOD PA'I PHYIR RO, ,PHYAG BYA BA 'DI NI BSTAN BCOS KYI DON JI LTA BU YIN PA DE DANG MTHUN PA KHO NAR BYAS PA YIN TE, BDAG GIS 'DIR DON 'DI LTA BU RAB TU BSGRUB BO ZHES BSTAN PA'I PHYIR TE; TSIGS SU BCAD PA 'DIR DON GSUM BSTAN TE, DNGOS PO'I DE KHO NA JI LTA BA BZHIN DU THUGS SU CHUD PA NI, GANG DAG DNGOS PO NGO BO NYID MED YANG DAG MKHYEN GYUR KYANG, ,ZHES BYA BA 'DIS BSTAN TO, ,DNGOS PO DANG DNGOS PO MED PA'I NGO BO NYID LAS 'DAS PA NI NGO BO NYID MED PA STE, DNGOS PO DANG DNGOS PO MED PA GNYI GA NGO BO NYID MED PA'I PHYIR RO, ,DNGOS PO ZHES BYA BA'I SGRA NI NGO BO NYID LA BYA'O, ,BZHUGS PA NI CHEN PO RNAM PA LNGAS BSTAN TE, RGYU CHEN PO NI THUGS RJE'I RGYU LAS BYUNG BA'I PHYIR RO, ,THUGS RJE NI SEMS CAN LA SOGS PA LA DMIGS PAS RNAM PA GSUM MO, ,DUS CHEN PO NI 'KHOR BA JI SRID BAR @16A *, ,DU BZHUGS PA'I PHYIR RO, ,MDZAD PA CHEN PO NI SANGS RGYAS DANG BYANG CHUB SEMS DPA' MDZAD PA PO YIN PA'I PHYIR RO, ,LUS DANG NGAG DANG YID THUB PA DANG LDAN PA'I PHYIR, NYAN THOS DANG RANG SANGS RGYAS RNAMS NI THUB PA RNAMS SO, ,BCOM LDAN 'DAS NI LUS DANG NGAG DANG YID THUB PA THUN MONG MA YIN PA DANG LDAN PA'I PHYIR DE DAG GI DBANG PO YIN TE, DE NI DE BZHIN GSHEGS PA'I GSANG BA'I MDO LAS, SKU'I GSANG BA LA SOGS PA SMOS BAS BSTAN TE, SRAS BCAS ZHES SMOS PA NI, BCOM LDAN 'DAS KYI 'KHOR RTAG TU MANG ZHING RNAM PAR DAG PA YIN PAR BSTAN PA'I PHYIR RO, ,DGOS PA CHEN PO DE YANG 'JIG RTEN ZHES BYA BA LA SOGS PAS BSTAN TE, 'JIG RTEN MA LUS PA'I 'TSAL BA NI, 'DI MA LUS PA YANG YIN, 'JIG RTEN GYI 'TSAL BA'I DNGOS PO 'GRUB PA YANG YIN NO ZHES BYA BAR SBYAR RO, ,SKYON RNAMS KYIS MA GOS PA CHEN PO NI, DRI MED BLO LDAN ZHES BYA BAS BSTAN TO, ,BLO DRI MA MED PA NI NYON MONGS PA DANG SHES BYA'I SGRIB PA SPANGS PA'I PHYIR TE, NYON MONGS PA DANG SHES BYA'I SGRIB PA DE GNYIS GTAN DU SPANGS PA DANG, BAG CHAGS DANG BCAS PAR SPANGS PA DANG, TING NGE 'DZIN DANG SNYOMS PAR 'JUG PA THAMS CAD KYI SGRIB PA SPANGS PA'I PHYIR RO, ,GCIG TU NA 'KHOR BA NA GNAS PA RNAMS KYI 'KHOR BA'I SKYON 'JIG RTEN GYI CHOS LA SOGS PAS MI GOS PA'I PHYIR BLO DRI MA MED PA YIN NO, ,KYANG ZHES BYA BA NI MI MTHUN PA'I RGYAN STON PA YIN TE, DON DAM PA'I BDEN PA LA BRTEN NAS NI DNGOS PO'I DE KHO NA JI LTA BA BZHIN DU THUGS SU CHUD LA, KUN RDZOB KYI BDEN PA LA BRTEN NAS NI BZHUGS PA YANG BSTAN TO, ,GANG GI PHYIR RDZOGS PAR LONGS SPYOD PA'I SKU DE BSOD NAMS DANG YE SHES KYI TSOGS LAS NGES PAR BYUNG BA YIN YANG BYANG CHUB SEMS DPA' CHEN PO RNAMS KYI MOS PA JI LTA BA BZHIN DU SNGON PO LA SOGS PA'I NGO BOR SNANG BA JI LTA BA DE BZHIN DU RNAM PAR 'JOG STE DE'I PHYIR 'GAL BA MED DO, , PHYAG BYA BA DE NI MDOR NA LAS GSUM GYI RANG BZHIN GYI DON YIN PA'I PHYIR RO, ,RAB TU BYED PA 'DI NI DGOS PA MED PA'I PHYIR BRTZAM PAR BYA BA MA YIN TE, BYA ROG GIS SO BRTAG PA DANG 'DRA'O SNYAM DU DOGS PA'I GTAN TSIGS MA GRUB PA NYID DU BSTAN PA'I PHYIR, BDEN PA GNYIS JI LTA BA BZHIN DU KHONG DU CHUD PAR @16B BYA BA'I PHYIR ZHES BYA BA SMOS TE, JI LTA BA BZHIN ZHES BYA BA'I TSIG NI, GZHAN DAG GIS KYANG BDEN PA GNYIS RNAM PAR DBYE BA BSTAN MOD KYI, DE NI YANG DAG PA MA YIN NO ZHES BSTAN PA'I PHYIR RO, ,'BREL BA NI DGOS PA'I NANG DU 'DUS PA'I PHYIR LOGS SHIG TU MA SMOS TE, 'DI LTAR BSTAN BCOS THAMS CAD DAM, LAS LA NI DGOS PA NYID KYI 'BREL PA BRJOD PAR BYA'I, BYED PA'I MJUG THOGS LA SOGS PA'I MTSAN NYID KYI 'BREL PA GZHAN NI BRJOD PAR MI BYA STE, BSTAN BCOS LA BYA BA'I YAN LAG MA YIN PA'I PHYIR RO, ,DPER NA GSO BA'I BSTAN BCOS JI LTA BA DE BZHIN DU, DGOS PA DANG LDAN PA GANG YIN PA DE BRTZAM PAR BYA STE, RAB TU BYED PA 'DI YANG DGOS PA DANG LDAN PA YIN NO, ,DPER NA GSO BA'I BSTAN BCOS LA JI LTA BA DE BZHIN DU 'BREL PA DANG LDAN PA GANG YIN PA DE RTOG PA SNGON DU GTONG BA RNAMS KYIS GZUNG BAR BYA STE, RAB TU BYED PA 'DI YANG 'BREL PA DANG BCAS PA YIN TE, RTOG PA SNGON DU GTONG PA'I SKYE BO BDEN PA GNYIS KHONG DU CHUD PAR BYA BA'I PHYIR RO ZHES BYA BA LHAG MA'O, ,'DI ZHES BYA BA NI 'OG NAS 'BYUNG BA'I RAB TU BYED PA NANG DU YONGS SU RDZOGS PA'I NGO BOR BZHAG NAS BRJOD PA YIN TE, MNGON SUM NYE BA'I TSIG YIN PA'I PHYIR RO, ,BRTZAMS TE ZHES BYA BA NI, DA LTAR DANG NYE BA LA DA LTAR ZHES BSHAD PA'I PHYIR RO, ,RNAM PA GCIG TU NA BRTZAMS LA YONGS SU RDZOGS PA MA YIN PA NI DA LTAR GYI DUS SO, ,BCOM LDAN 'DAS KYIS BDEN PA GNYIS JI LTA BA BZHIN DU RNAM PAR PHYE LA, SLOB DPON KLU SGRUB KYI ZHAL SNGA NAS KYIS KYANG GSAL BAR MDZAD ZIN PA MA YIN NAM, CI'I PHYIR BDEN PA GNYIS RNAM PAR DBYE BA JI LTA BA BZHIN DU KHONG DU CHUD PAR BYA BA'I PHYIR RAB TU BYED PA 'DI BRTZAMS SHE NA, GANG GI PHYIR, BDEN PA GNYIS PO RNAM PHYE YANG, ,SHING RTA CHE DAG RMONGS NYID NA, ,GZHAN RNAMS SMOS KYANG CI DGOS TE, ,DE BAS BDAG GIS RNAM PAR DBYE, ,ZHES BYA BA SMOS SO, ,GZHAN GYI DON NI MNGON PAR MTHO BA DANG NGES PAR LEGS PA'I MTSAN NYID DE, DE 'BYUNG BA DE LA MKHAS ZHES BYA BAR TSIG RNAM PAR SBYAR BAR BYA'O, ,BCOM LDAN 'DAS ZHES BYA BA NI BDUD BZHI BCOM PA'I PHYIR RAM, DBANG PHYUG LA SOGS PA'I YON TAN DANG LDAN PA'I PHYIR RO, ,SKYE BO BLO CHUNG NGU NI BLO MI GSAL BA'O, ,RANG GI SDE BA NI SLOB DPON CHOS SKYONG LA SOGS @17A *, ,PA'O, ,DE DAG GI KHA NA LAS PAS 'JUG PA GANG DAG SLOB DPON CHOS SKYONG LA SOGS PA'I LTA BA'I RJES SU 'BRANG BAS ZHUGS PA DE DAG NI SHIN TU RMONGS PA KHO NA YIN PA'I PHYIR, GZHAN RNAMS LTA SMOS KYANG CI DGOS ZHES BYA BA SMOS SO, ,BDEN PA GNYIS RNAM PAR PHYE BA DE NYID KYIS DON CI ZHIG TU 'GYUR ZHE NA, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, ,ZHES BYA BA LA SOGS PA SMOS TE, 'DIS NI BDEN PA GNYIS RNAM PAR DBYE BA SHES PA NI DGOS PA YIN LA, DGOS PA DE YANG BCOM LDAN 'DAS KYI BKA' DAG LA MI RMONGS SHING MA RMONGS NA, BSOD NAMS DANG YE SHES KYI TSOGS MA LUS PA YONGS SU RDZOGS PAR 'GYUR LA, RDZOGS PA DE YANG BDAG DANG GZHAN GYI DON PHUN SUM TSOGS PA RAB KYI MTHAR PHYIN PAR 'GYUR TE, DE NI SANGS RGYAS NYID DU 'GYUR RO ZHES DE SKAD DU STON TE, DE LAS DGOS PA GZHAN MED PA'I PHYIR, PHUN TSOGS PHA ROL 'GRO BA NYID, ,CES BYA BA SMOS TE, 'GRO 'AM, MI 'GRO SNYAM DU THE TSOM ZA BA'I RGYU MED PA'I PHYIR, 'GRO BA NYID CES BYA BA SMOS SO, ,'DI NI GO RIMS KHO NA BZHIN DU RNAM PAR DGROL BA'I PHYIR, BDEN PA GNYIS RNAM PAR DBYE BA LA MKHAS PA ZHES BYA BA LA SOGS PA SMOS SO, ,'GRO LA PHAN PA DE 'BYUNG BA, ,DE BSKYED PA NI BYED PA STE, ,DER BLO DANG LDAN PA'O, ,YANG NA BLO DES 'GRO BA LA PHAN PA 'BYUNG BA SKYED PAS DE 'GRO BA LA PHAN PA 'BYUNG BA SKYED PA'I BLO DANG LDAN PA'O ZHES TSIG RNAM PAR SBYAR RO, ,'JIG RTEN SMOS PA NI BDEN PA GNYIS RNAM PAR DBYE BA LA MKHAS PA'I CHE BA NYID BRJOD PA'I PHYIR TE, BDEN PA GNYIS RNAM PAR DBYE BA LA MKHAS PA 'DI LTA BU NI, GANG GIS 'JIG RTEN 'KHOR BA'I SRIN BU YANG, BDAG DANG GZHAN GYI DON PHUN SUM TSOGS PA'I PHA ROL TU PHYIN PAR 'GYUR BA'O, ,BDAG GI DON PHUN SUM TSOGS PA NI YE SHES DANG SPANGS PA PHUN SUM TSOGS PA'I MTSAN NYID DE, GZHAN GYI DON PHUN SUM TSOGS PA YANG DE DANG 'DRA'O, ,BYE BRAG TU BYAR MED PA NI SANGS RGYAS KYI THUGS KYI RGYUD LA MNGA' BA'I BDAG DANG GZHAN GYI DON PHUN SUM TSOGS PA BRJOD PA'I PHYIR RO, ,SHIN TU ZHES BYA BA NI, BDEN PA GNYIS RNAM PAR DBYE BA LA MKHAS PA ZHES BYA BA LA SOGS PA TSIG LNGA PO @17B DAG DANG SBYAR RO, ,GZHAN NI ZHES BYA BA NI, NYAN THOS LA SOGS PA'I RIGS CAN TE, 'GRO BA LA PHAN PA 'BYUNG BA BSKYED PA'I BLO DANG LDAN PA DAG LAS GZHAN YIN PA'I PHYIR RO, ,DE YANG BDEN PA GNYIS RNAM PAR DBYE BA LA MKHAS PA KHO NAR GYUR NA, BDE BAR GSHEGS PA'I GSUNG RAB RAB 'BYAM DAG LA SHES PA'I SNANG BA THOB NAS BSAM PA DANG MTHUN PA NYAN THOS LA SOGS PA'I BYANG CHUB KYI MTSAN NYID YID LA BSAMS PA BZHIN DU YONGS SU RDZOGS PA'I PHA ROL TU PHYIN PAR 'GYUR RO ZHES BYA BAR SBYAR RO, ,NGES PAR ZHES BYA BA NI GNYI GA DANG YANG SBYAR BAR BYA'O, ,DE'I PHYIR 'DIS NI GDON MI ZA BA KHO NAR PHA ROL TU PHYIN PAR 'GYUR TE, 'KHRUL PA YIN PA SNYAM DU MI BYA'O ZHES STON TO, ,DE DANG DER ZHES BYA BA NI SPYIR BTANG BA'I TSIG STE, MDO SDE MANG BA NYID DU STON TO, ,BDEN PA GNYIS RNAM PAR DBYE BA'I DON KYANG BYA'O ZHES STON PA LA, JI LTAR SNANG BA 'DI KHO NA ZHES BYA BA BSNAN PA NI RIGS PA JI LTA BA BZHIN DU MA YIN NO ZHES BSTAN PA'I PHYIR RO, ,KUN RDZOB SMOS PA NI KUN RDZOB KYI BDEN PA STE TSIG THA MA KHONG NAS DBYUNG BA'I PHYIR RO, ,GZHAN NI ZHES BYA BA NI, JI LTAR SNANG BA LAS GZHAN PA'O, ,DE'I PHYIR 'DIS NI RIGS PA JI LTA BA BZHIN NYID NI DON DAM PA'I BDEN PA'O ZHES STON TO, ,NI ZHES BYA BA NI BSNAN PA'I DON TE, ,GZHAN KHO NA ZHES BYA BA'AM CIG SHOS KHO NA ZHES BYA BAR BSNAN PAR BYA'O, ,'DI RNAM PAR DGROL BA'I PHYIR, JI LTAR BA LANG RDZI MO ZHES BYA BA SMOS TE, BA LANG RDZI MO SMOS PA NI BLO MA BYANG BA'I 'JIG RTEN BSTAN PA'I PHYIR RO, ,SOGS PA SMOS PAS NI BLO BYANG BA RNAMS GZUNG STE, JI LTAR DE DAG GI MTHONG BA BUM PA LA SOGS PA'I RNAM PA DANG MTHUN PAR ZHAGS PA YIN NO ZHES BYA BA LHAG MA STE, DE BZHIN DU KUN RDZOB TU BUM PA LA SOGS PA BDEN PAR RNAM PAR GNAS KYI DE KHO NA NYID DU NI MA YIN TE, RIGS PAS DPYAD NA BUM PAR MI RUNG NGO ZHES BYA BA'I THA TSIG GO, ,JI LTAR MTHONG BA BZHIN DU RNAM PAR GNAS PA JI LTA BU ZHE NA, MTHONG BA DANG MTHUN PAR DNGOS PO'I DON NGES PAR 'DZIN PA'I PHYIR RO ZHES BYA BA SMOS TE, DE'I PHYIR 'DIS NI BYIS PA DANG, MKHAS PA DAG BUM PA LA SOGS PA GANG LA BLO MTHUN PA DE NI YANG DAG PA'I KUN RDZOB KYI BDEN PA YIN NO ZHES BSTAN PAR 'GYUR RO, ,MTHONG BA NI RNAM PA GNYIS TE ZHES BYA BA LA SOGS PAS NI, YANG DAG PA DANG @18A *, ,YANG DAG PA MA YIN PA LA SOGS PA'I BYE BRAG GI TSUL NYID KYIS KUN RDZOB KYI BDEN PA BSDUS PAR BSTAN TO, ,NI ZHES BYA BA'I SGRA NI BSNAN PA'I DON TO ZHES BYA BA NI SNGAR BSHAD PA NYID DO, ,CI'I PHYIR RIGS PA LA DON DAM PA ZHES BYA ZHE NA, GANG GI PHYIR, SLU BA MED PAS RIGS PA NI, ,DON DAM YIN TE ZHES BYA BA SMOS SO, ,MI SLU BA DE NYID JI LTA BU ZHE NA, RIGS PA'I STOBS KYIS DON LA NGES PA NI SLU BAR MI 'GYUR TE, DE'I PHYIR TSUL GSUM PA'I RTAGS KYI BSKYED PA'I RTOGS PA GANG YIN PA DE NI DAM PA YANG YIN LA, DON KYANG YIN PAS DON DAM PA'O ZHES BYA BA SMOS SO, , RIGS PA'I STOBS NI DE'I BDAG NYID DANG DE LAS BYUNG BA'I MTSAN NYID KYI 'BREL BA DANG LDAN PA'I DNGOS PO'I STOBS SO, ,SLU BAR MI 'GYUR ZHES BYA BA NI, GANG GI PHYIR 'BRAS BUS RGYU LA 'KHRUL BAR MI 'GYUR BA STE, DE'I 'BRAS BU MA YIN PA NYID DU THAL BAR 'GYUR BA'I PHYIR RO, ,NGO BO NYID KYANG NGO BO NYID LA 'KHRUL BAR MI 'GYUR TE, DE'I NGO BO NYID MA YIN PAR THAL BAR 'GYUR BA'I PHYIR RO, ,DAM PA YANG YIN ZHES BYA BA NI MI SLU BA'I PHYIR RAM, DON DANG 'BREL BA'I PHYIR RO, ,MNGON SUM GYIS GTAN LA PHAB PA'I DON NI, ,MNGON SUM DANG BRES GZHAL BA'I 'BRU NI BRE ZHES BYA BA DANG 'DRA BAR, DON DAM PAS GTAN LA PHAB PA'I DON, SKYE BA MED PA LA SOGS PA YANG DON DAM PA ZHES BRJOD DO, ,GAL TE TSUL GSUM PA'I RTAGS KYIS BSKYED PA'I SHES PA DON DAM PA YIN NA, DE LTA NA NI 'DI NA DU BA YOD PA'I PHYIR ME YOD DO ZHES BYA BA'I SHES PA YANG DON DAM PAR 'GYUR TE, DE LTA NA DES GTAN LA PHAB PA'I DON KYANG DON DAM PAR 'GYUR RO ZHE NA, DE LTAR NI SHES PAR MI BYA STE, DU BA LA SOGS PA NI GZOD MA NAS MA SKYES PAS MED PA'I PHYIR DES BSKYED PA'I SHES PA'AM, DES GZHAL PA'I DON YOD PAR GA LA 'GYUR, JI STE JI LTAR MTHONG BA NYID KYI DU BA LA SOGS PA'I RTAGS KYIS ME LA SOGS PA'I DON SGRUB NA; DE LTA NA NI 'DOD PA YIN PA'I PHYIR DE NYES PA MED DE, 'DI LTAR ME LA SOGS PA MED PA GCOD PAR SGRUB PA DE NI DON DAM PA DANG MTHUN PA'I PHYIR, DON DAM PA NYID CES BYA BAR 'DOD PA NYID DE, DON DAM PA NI RTOG PA'I DRA BA MA LUS PA RNAM PAR GCOD PA'I MTSAN NYID YIN PA'I PHYIR RO, ,TSIG LE'UR @18B BYAS PA LAS NI KUN RDZOB CES BRJOD PA MA YIN NAM, 'BREL BA LAS KUN RDZOB KYI BDEN PA ZHES CI'I PHYIR BRJOD CE NA, TSIG THA MA KHONG NAS DBYUNG BA'I PHYIR RO ZHES BYA BA SMOS SO, ,GAL TE RIGS PAS RUNG BA MA YIN NA JI LTAR BDEN PA ZHES BYA ZHE NA, JI LTAR SNANG BA DE NYID BDEN, ,ZHES BYA BA SMOS SO, ,DE LTA NA BUM PA LA SOGS PA DANG, ZLA BA GNYIS PA LA SOGS PA BYE BRAG CI YANG MED PAR 'GYUR RO ZHE NA, ZLA BA GNYIS LA SOGS PA YANG ZHES BYA BA LA SOGS PA SMOS SO, ,YANG ZHES BYA BA'I SGRAS NI BUM PA LA SOGS PA 'BA' ZHIG MA YIN PA'O, ,'O NA 'JIG RTEN PA DAG BUM PA LA SOGS PA DANG, ZLA BA GNYIS PA LA SOGS PA LA BDEN PA DANG, BDEN PA MA YIN PA'I THA SNYAD JI LTA BUR 'DOGS SHE NA, MA RIG PAS LDONGS PA'I 'JIG RTEN PA RNAMS BUM PA LA SOGS PA BZHIN DU, ZLA BA GNYIS PA LA SOGS PA BDEN PA NYID DU, DE LTAR KHAS MI LEN PAS SO, ,TSIG DE DAG GIS DON DAM PA DANG MTHUN PA'I DON DAM PA GANG YIN PA DE NI, DE'I SA BON TZAM ZHIG SMOS PA BYAS NAS, ZHIB TU NI 'OG NAS RNAM PAR 'BYED PAR BYED DO, ,DA NI RNAM GRANGS MA YIN PA'I DON DAM PA GANG YIN PA DE, JI LTAR SNANG BA'I DNGOS POR NI, ,RNAM PAR GNAS PAR MI RUNG STE, ,SHES PA'I DNGOS PO THAMS CAD LA, ,JI LTA BUR YANG SNANG MI 'GYUR, ,ZHES BYA BA SMOS PA LA SOGS PA MDO TZAM ZHIG BYED DO, ZHIB TU NI 'OG NAS GSAL BAR BYED DO, ,SHES PA'I DNGOS PO THAMS CAD NI, ,SHES PA'I BDAG NYID THAMS CAD DO, ,THAMS CAD SMOS PA NI THAMS CAD MKHYEN PA DANG, THAMS CAD MKHYEN PA MA YIN PA BSDU BA'I PHYIR TE, DE LTAR NA DRUG PAR BSDU'O, ,GCIG TU THAMS CAD SMOS PA NI MTHA' DAG GI DON TE BYE BAG GI TSIG SDUD PA'O, ,YANG ZHES BYA BA'I SGRA NI THAMS CAD MKHYEN PA MA YIN PA'I YANG NGO, ,SHES PA'I DNGOS PO THAMS CAD LA, ,JI LTA BUR YANG MI SNANG 'GYUR, ,ZHES BYA BA 'DI LUNG DANG SBYAR BAR BYA BA'I PHYIR, DE NYID KYI PHYIR MDO SDE LAS ZHES BYA BA SMOS SO, ,'GA' YANG ZHES BYA BA NI DNGOS PO DANG DNGOS PO MED PA LA SOGS PA'I NGO BO LA BYA'O, ,MTHONG BA MED PA ZHES BYA BA NI MED PAR DGAG PA YIN NO, ,RTEN CING 'BREL PAR 'BYUNG BA GZUNG BA DANG 'DZIN PA DANG BRAL BA SO SO RANG GIS RIG @19A *, ,PA'I SHES PA NI YOD PA KHO NA YIN TE, 'GA' YANG MTHONG BA MED PA NI ZHES DE SKAD GANG GSUNGS BA DE NI, KUN BRTAGS PA'I NGO BO NYID LA DGONGS NAS GSUNGS PA YIN NO ZHES ZER BA LA, GAL TE BRTAGS PA'I NGO BO NYID, ,'GA' YANG MTHONG BA MED CE NA, ,ZHES BYA BA SMOS TE, DE NI RTAG TU MED PA NYID YIN PAS DE SNANG BA'I LAM DU MI 'GYUR RO, ,DE NI DE LTA BU YIN NO ZHES BYA BA NI BRTAGS PA'I NGO BO NYID KYI DBANG DU MDZAD NAS GSUNGS PA'O, ,DE LTA MA YIN NA ZHES BYA BA NI NGO BO NYID MA LUS PHAR YONGS SU BSDU NA NI, 'GA' YANG ZHES CI'I PHYIR GSUNGS, CI'I PHYIR ZHES BYA BA NI SPANG BA LA BYA STE, ,SPYIR BYA BA YIN NA NI, NGO BO NYID MI MTHONG BA ZHES BYA BA KHO NAR GSUNG BAR 'GYUR TE, DE LTA NA BSHAD PA YONGS SU RDZOGS PAR 'GYUR GYI, DE LTA MA YIN NA SKABS DANG MTHUN PAR MI 'GYUR RO, ,DE MED PAR ZHES BYA BA NI GNYIS MED PAR RO, ,DE LTA MA YIN NA ZHES BYA BA NI, GAL TE DBEN PA'I NGO BOR RIG PA MI 'BYUNG NA ZHES BYA BA'I THA TSIG GO, ,MI RIGS PA'I PHYIR RO ZHES BYA BA NI GNYIS MED PAR SHES PA ZHES BYA BA LHAG MA STE, 'DIS NI JI LTAR BUM PA LA SOGS PAS DBEN PA'I NGO BO'I SA ZHIG KHONG DU CHUD PAR DE NA BUM PA MED PAR MI SHES PA DE BZHIN DU BSTAN TO, ,GNYIS KYIS DBEN PA'I NGO BO'I BDAG SHES PA YOD DO ZHE NA, DE'I PHYIR, SHES PA NI BDAG GIS BDAG SHES PA MA YIN TE, RANG SNANG BAS STONG PA'I PHYIR TE ZHES BYA BA LA SOGS PA SMOS SO, ,'DI NI SBYOR BA GTZO BO SMOS PA'I TSIG YIN GYI, 'DI NYID SGRUB PA'I SBYOR BA NI MA YIN TE, GAL TE YIN NA NI DE'I TSE SHES PA GZHAN BZHIN NO ZHES BYA BA'I DPE NI BSGRUB PAR BYA BA DANG MI LDAN PAR 'GYUR TE, PHA ROL GYI SHES PA GZHAN NI BDAG SHES PA NYID DO, ,'DIR SBYOR BA NI 'DI LTA BU YIN TE, GANG DANG GANG SNANG BAS STONG PA DE DANG DE MI SHES TE, DPER NA SHES PA GZHAN MI SHES PA BZHIN TE, DE BZHIN DU BSGRUB PAR BYA BA NYID DU BRJOD PAR 'DOD PA'I SHES PA NI RANG SNANG BAS STONG PA YIN NO, ,GTAN TSIGS 'DI MA GRUB PA YANG MA YIN TE, DE'I PHYIR, RANG SNANG BAR KHAS MI LEN NA NI, THA DAD PAR THAL BAR 'GYUR TE, SNGON PO DANG DE SHES PA BZHIN NO ZHES BYA BA SMOS TE, DE NI 'DI SKAD DU DPER NA SNGON PO DANG, @19B DER SNANG BA SNGON PO SHES PA NI THA DAD DE, GANG GI PHYIR SNGON PO NYID SNGON POR SNANG BA MA YIN PA DE BZHIN DU, SHES PA DANG SHES PA'I BDAG NYID DU SNANG BA THA DAD PAR 'GYUR RO, ,DE LTAR NI MI 'DOD DO, ,SHES PA GZHAN GYIS SHES PA MYONG BAR BRTAGS NA NI THUG PA MED PAR 'GYUR BA'I PHYIR RO, ,DE LTA BAS NA GTAN TSIGS 'DI MA GRUB PA MA YIN NO ZHES BSTAN PAR 'GYUR RO, ,GAL TE RIG PA'I NGO BO NYID YIN PA'I PHYIR BDAG SHES PA YANG YIN LA, RANG GI RNAM PAS STONG PA YANG YIN TE 'DI GNYIS LA 'GAL PA CI ZHIG YOD, DE BAS NA GTAN TSIGS 'DI NI MI MTHUN PA'I PHYOGS LAS LDOG PA LA THE TSOM YOD PA YIN NO ZHE NA, RIG PA'I NGO BO NYID YIN PA'I PHYIR YANG MA YIN TE ZHES BYA BA SMOS TE, BDAG SHES PAR ZHES BYA BA BSNYEGS SO, ,DE CI'I PHYIR ZHE NA, HA CANG THAL BA'I PHYIR RO, ,DE LTA NA NI SHES PA THAMS CAD KYANG THAMS CAD RIG PA POR 'GYUR TE, SHES PA GANG YANG DNGOS PO CI YANG MI SHES PA MED PA'I NGO BO NYID DU 'GYUR RO, ,GAL TE SNGON PO SHES PA NI SER PO SHES PA'I RIG PA'I NGO BO NYID MA YIN NO ZHE NA, RIG PA'I NGO BO NYID YIN PA'I PHYIR MI RUNG STE, YUL MYONG BA NA 'DI NI SNGON PO SHES PA NYID YIN GYI, 'DI SER PO SHES PA NI MA YIN NO ZHES BYA BA'I RNAM PAR DBYE BA MED PA'I PHYIR RO, ,GAL TE RANG RIG PA'I NGO BO YIN PAS, BDAG RIG CES BYA BAR BSNYEGS TE, DE'I PHYIR RGYU DES HA CANG THAL BAR MI 'GYUR RO ZHE NA, DE YANG MI RUNG STE DE NI MI RIGS SO ZHES BYA BA LHAG MA'O, ,CI'I PHYIR ZHE NA, NYE BA'I RGYU MED PA'I PHYIR RO, ,DE NI 'DI SKAD DU 'DI NI RANG RIG PA'I NGO BO YIN GYI, 'DI GZHAN RIG PA'I NGO BO NI MA YIN NO ZHES 'DI LA NYE BA'I RGYU CI ZHIG YOD DE, GANG GIS NA DE SKAD CES SMRA ZHES BYA BAR BSTAN PAR 'GYUR RO, ,DE LTA MA YIN TE, NYE BA'I RGYU MED PAR YIN NA NI HA CANG THAL BAR SNGA MA DE NYID DU 'GYUR RO, ,JI STE RGYU YOD LA RGYU DE YANG DE'I RNAM PA LAS GZHAN MA YIN NA NI, DE LTA NA YANG RANG SNANG BAR KHAS LEN NA NI THA DAD PAR 'GYUR RO ZHES SKYON SNGAR BSTAN ZIN TO, ,MI RUNG STE LAN BTAB ZIN PA'I PHYIR RAM ZHES BYA BAS NI 'DI SKAD DU, GAL TE RIG PA'I NGO BO NYID NI RANG GI RGYU LAS SKYES PA YIN NO ZHE NA, DE LA KHO BOS RIG PA'I NGO BO NYID YIN PA'I PHYIR YANG MA YIN TE, HA CANG THAL BAR @20A *, ,'GYUR BA'I PHYIR RO ZHES BYA BAS LAN BTAB ZIN TO, ,ZHES BYA BAR BSTAN PA YIN NO, ,JI STE RIG PA'I NGO BO NYID NI RANG GI RGYU LAS SKYES PA YIN NO ZHE NA, KHO BOS DE LA YANG RANG RIG PA'I NGO BO YIN PAS DE'I PHYIR HA CANG THAL BAR MI 'GYUR RO ZHE NA YANG MI RUNG STE, NYE BA'I RGYU MED PA'I PHYIR RO, ,DE LTA MA YIN NA HA CANG THAL BA NYID DU 'GYUR RO ZHES BYA BAS LAN BTAB ZIN TE RNAM PA GZHAN NI MI SRID DO, ,CI'I PHYIR MI SRID DE, 'DI LTAR GANG GI PHYIR 'DI NI BDAG RIG PA YIN GYI 'DI GZHAN RIG PA NI MA YIN NO ZHES BYA BA DE LTA BU'I NGO BO NYID CIG SHES PA DE LA YOD MOD KYI, DE NI DPYAD PAR MI NUS SO ZHE NA, GAL TE DE LTAR DPYAD DU MED PAS 'DI NI BDAG GIS BDAG RIG PA YIN GYI, GZHAN RIG PA NI MA YIN NO ZHES DE LTAR RNAM PAR 'JOG NA, JI SKAD BRJOD PAR BYA, BDAG RIG PA LEGS PAR GNAS PA YIN TE, DE'I PHYIR 'DI NI GYI NA'O, ,SHES PA DE'I NGO BO NYID NI 'DI 'DRA STE, RANG GI RGYU LAS SKYES ZHES BYA BA DE LA TSAD MA CI YANG MED PA DE'I PHYIR MI SLU BA'I TSAD MA MED PA'I PHYIR TE ZHES BYA BA SMOS SO, ,TSAD MA MED KYANG SHES PA DE LTA BU 'BYUNG BA MI RIGS PAR BRJOD PA'I PHYIR SEMS MI MTHUN PA GZHAN RNAMS NI ZHES BYA BA LA SOGS PA SMOS SO, ,SEMS MI MTHUN PA ZHES BYA BA NI GZHUNG LUGS THA DAD PA GANG LA GNAS PA RNAMS SO, ,RANG GI TSUL BRJOD PA NI RANG GI GRUB PA'I MTHA' BRJOD PA'O, RNAM PA MED PAR SMRA BA ZHES BYA BA LA SOGS PA NI 'DIR SNON SMRAS PA'O, ,DE SKAD BRGAL BA ZHES BYA BA NI SHES PA 'DI NI RNAM PA MED PA KHO NA YIN LA, DE'I BDAG NYID NI 'DI 'DRA STE, RANG GI RGYU LAS SKYES SHING RANG GIS 'DI LTAR 'DI NI SNGON PO RIG PA YIN KYI SER PO RIG PA NI MA YIN NO ZHES BYA BAR 'GYUR RO, ,DE BAS NI 'DIR GTAN TSIGS KYIS CI ZHIG BYA ZHES BYA BA'O, ,MTSAN NYID DANG RNAM 'GREL BYED PA SMOS PA NI DE GNYIS KHYED KYI NANG NA RTOG GE PA'I MCHOG YIN NO, ,GZHAN YANG RUNG ZHES SMOS PA NI RIGS PA 'DI'I RJES SU 'BRANG BA KHYED YIN TE, CI BYAR YANG MED DO ZHES BSTAN PA'I PHYIR LA YUG PA RKYANG GI RIGS PA 'DI LTA BU RTOG GE PA GZHAN DAG KYANG KHAS MI LEN TE, DE'I PHYIR DE NI RIGS PA DANG LDAN PA MA YIN NO ZHES BSTAN PA'O, ,GZHAN YANG DE'I NGO BO NI 'DI 'DRA STE RANG GI RGYU LAS SKYES ZHES @20B BYA BA 'DI LTA BU NI RIGS PA MA YIN NO, ,DE CI'I PHYIR ZHE NA, RGYU'I NUS PA BKAG PHYIR RO, ,'OG NAS ZHES BYA BA LHAG MA'O, ,RANG RIG PA MI RIGS PA'I PHYIR NGO BO NYID GSUM PO YANG MI MTHONG BA YIN DU CHUG KYANG, NGO BO NYID GSUM PO DE NI YOD PA KHO NA STE, GANG GI PHYIR MI DMIGS PA TZAM GYI PHYIR MED DO ZHES NGES PAR BYAR MI NUS SO ZHES BRGYA LA DE SKAD ZER NA DE'I PHYIR, NGES PAR BYA BAR MI NUS ZHES BYA BAR SMOS TE, DE DANG SBYAR RO, ,GANG GIS SHE NA, MI MTHONG BA NI DE KHO NA MTHONG BA'O ZHES BYA BAR CHUG NA YANG ZHES BYA BA SMOS SO, ,GANG ZHIG CE NA, NGO BO NYID THAMS CAD CES BYA BA SMOS TE, GZHAN GYI DBANG LA SOGS PA'I NGO BO NYID YOD PAR ZHES BYA BA LHAG MA'O, ,CI'I PHYIR ZHE NA, DE NYID KYI PHYIR ZHES BYA BA SMOS TE, RANG RIG PA MI RIGS PA'I PHYIR RO, ,JI GA ZHES BYA BA NI MI BZOD PA STON PA'O, ,CI'I PHYIR NGES PAR BYAR MI NUS SHE NA, DE'I PHYIR 'DI LTAR, YOD MED DNGOS PO MKHYEN PA'O; ,KUN MKHYEN PAS KYANG GANG MA GZIGS, ,DE YI DNGOS PO CI 'DRA ZHIG ,SHIN TU ZHIB PA'I LTA BAS DPYOD, ,CES BYA BA SMOS SO, ,KYANG ZHES BYA BA'I SGRA NI GZHAN LTA ZHOG CES BYA BA'O, ,CI 'DRA ZHIG CES BYA BA NI SPONG BA'O, ,SHIN TU ZHIB PA'I LTA BAS ZHES BYA BA NI MCHOG TU PHYAS BYA BA'I THA TSIG GO, ,SHIN TU ZHES BYA BA NI ZHIB PA'I LTA BA ZHES BYA BA'I BYE BRAG GO, ,YANG NA DPYOD CIG PA'O, ,DE NYID KYI PHYIR JI LTAR SNANG BA NI KUN RDZOB KYI BDEN PA'O, ,DON DAM PA'I BDEN PA NI SO SO RANG LA JI LTAR YANG SNANG BAR MI 'GYUR RO, ,DE NYID KYI PHYIR MDO LAS KYANG, DE LA KUN RDZOB KYI BDEN PA GANG ZHE NA, JI SNYED 'JIG RTEN GYI THA SNYAD GDAGS PA DANG, YI GE DANG SKAD DANG BRDA BSTAN PA DAG GO, ,DON DAM PA'I BDEN PA NI GANG LA SEMS RGYU BA YANG MED NA, YI GE RNAMS LTA SMOS KYANG CI DGOS ZHES GSUNGS SO ZHES BYA BA SMOS SO, ,MDO'I TSIG 'DI DAG BSHAD PAR 'DOD NAS 'JIG RTEN GYI THA SNYAD GDAGS PA NI 'JIG RTEN GYI 'JUG PA STE, SHES PA DANG SHES BYA'I MTSAN NYID YIN GYI ZHES BYA BA LA SOGS PA SMOS SO, ,THA SNYAD GDAGS PA ZHES BYA BA NI LAS SU SGRUB PA'O, ,RJOD PAR BYED PA'I MTSAN NYID DE NI YI GE DANG SKAD DANG BRDA BSTAN PA ZHES BYA BA'I TSIG 'OG MA 'DIS BRJOD PA'I PHYIR RO, , @21A *, ,RJOD PAR BYED PA'I MTSAN NYID DE YANG 'JIG RTEN GYI 'JUG PA SHES BYA'I MTSAN NYID DU MA GTOGS SAM ZHE NA, RJOD PAR BYED PA'I MTSAN NYID NI MA YIN NO ZHES BSHAD, DE NI BDEN TE SHES BYA'I NGO BOS NI 'DUS MOD KYI, RJOD PAR BYED PA'I NGO BOS NI MA YIN TE, DE NI BYED PA YIN LA; LAS KYI NGO BO NI MA YIN PAS NYES PA MED DO, ,DES NA ZHES BYA BA NI JI SNYED PA ZHES BYA BA TSIG GIS SO, ,YANG NA DES NA ZHES BYA BA NI 'JIG RTEN GYI THA SNYAD GDAGS PA 'JIG RTEN GYI 'JUG PA SHES PA DANG, SHES BYA'I MTSAN NYID CES BYA BA 'DIS SO, ,YANG ZHES BYA BA'I SGRA NI GZHAN GYI MI SRID DO SNYAM PA GCAD PA STON TO, ,KHO NA YIN NO ZHES BYA BA'I TSIG NI MA YIN NO SNYAM DU DOGS PAR MI BYA BAR BSTAN PA'I PHYIR RO, ,DE NI ZHES BYA BA NI JI SNYED CES BYA BA'I TSIG LA BYA'O, ,'OG TU YANG ZHES BYA BA NI YI GE DANG SKAD DANG BRDA BSTAN PA'O ZHES BYA BA DER RO, ,BRJOD ZIN PA'I DON BSTAN PAR BYA BA'I PHYIR, DE NI DE LTAR RTOGS PAR BYA ZHES BYA BA SMOS TE, DE NI ZHES BYA BA NI SHES PA DANG SHES BYA'I MTSAN NYID CES BYA BA DANG, RJOD PAR BYED PA'I MTSAN NYID DE KUN RDZOB KYI BDEN PA YIN NO ZHES DE NI DE LTAR RTOGS PAR BYA'O, ,CI'I PHYIR SNYAM PA LA, DON DAM PA'I BDEN PA BSTAN PA LA SEMS RGYU BA YANG MED DE ZHES GSUNGS PA'I PHYIR RO ZHES BYA BA SMOS SO, ,'DIS NI GANG LA SEMS RGYU BA YANG MED PA YIN GYI TSIG 'BA' ZHIG NI MA YIN TE, DE NI DON DAM PA'I BDEN PA YIN NO ZHES BRJOD PA'I PHYIR LA, GANG LA SEMS RGYU BA DANG TSIG KYANG YOD PA DE NI KUN RDZOB KYI BDEN PA YIN NO ZHES BSTAN PA YIN NO, ,DE LTAR SHES PA DANG SHES BYA 'JUG PA'I MTSAN NYID KUN RDZOB KYI BDEN PA YIN NA, GZUGS LA SOGS PA DANG BDE BA LA SOGS PA SEMS KYI YUL YIN PAR GYUR PA YANG, GANG GIS KUN RDZOB KYI BDEN PA NYID DU MI 'GYUR ZHES SU ZHIG ZLOG PAR BYED CES DE SKAD BSTAN PA YIN TE, DE NI DE LTAR RTOGS PAR BYA'O, ,GANG GI PHYIR, RJOD PAR BYED PA'I MTSAN NYID KHO NA KUN RDZOB KYI BDEN PA YIN NA ZHES BYA BA NI KUN RDZOB KYI BDEN PA YIN PAR KHAS LEN NA NI ZHES BYA BA LHAG MA'O, ,YI GE RGYU BA YANG MED NA ZHES GSUNGS PAR 'GYUR GYI, SEMS ZHES GSUNG BAR MI 'GYUR RO ZHES BYA BA NI SEMS RGYU BA MED PA LA @21B NI MI BYA STE, GANG GI PHYIR SEMS RGYU BA KUN RDZOB KYI BDEN PA YIN PAR KHAS MA BLANGS PA'I PHYIR RO, ,KHO NA ZHES BYA BA NI SEMS RGYU BA'I MTSAN NYID KUN RDZOB KYI BDEN PA MA YIN PAR RNAM PAR GCAD PA'I PHYIR RO, ,GAL TE JI SKAD GSUNGS PA'I GO RIMS CAN DE GNYIS MI 'DOD NA NI SEMS RGYU BA YANG MED NA, YI GE RNAMS LTA SMOS KYANG CI DGOS ZHES BYA BA BRJOD PAR BYA BA'I GO RIMS CI'I PHYIR MDZAD CES BYA BAS NI SNON BSTAN TO, ,GO RIMS DE GANG YIN ZHE NA, SEMS RGYU BA YANG MED NA, YI GE RNAMS LTA SMOS KYANG CI DGOS ZHES BYA BA SMOS SO, ,CI'I PHYIR GO RIMS MI RUNG ZHE NA, ,GAL TE JI SKAD GSUNGS PA ZHES BYA BA SMOS TE, JI SKAD GSUNGS PA NI GNYIS TE, SEMS RGYU BA'I MTSAN NYID DANG, RJOD PAR BYED PA'I MTSAN NYID DO, ,CI 'DRA BA ZHIG CE NA, GO RIMS CAN ZHES BYA BA SMOS TE, GO RIMS CAN ZHES BYA BA NI SEMS RGYU BA DE RJOD PAR BYED PA'I SNGON DU 'GRO BA YIN PA'I PHYIR RO, ,MI 'DOD NI ZHES BYA BA KUN RDZOB KYI BDEN PA NYID DU ZHES BYA BA LHAG MA'O, ,GAL TE 'DOD PAR GYUR NA NI DE'I RGYU MED NA 'BRAS BU MED PAS SEMS RGYU BA YANG MED NA, YI GE RNAMS LTA SMOS KYANG CI DGOS ZHES BYA BA'I GO RIMS RUNG BAR 'GYUR RO, ,RJOD PAR BYED PA NI KUN RDZOB KYI BDEN PA NYID DE, DE KUN NAS SLONG BA YIN PAS RNAM PAR RTOG PA'I SHES PA YANG NGO, ,RNAM PAR MI RTOG PA'I SHES PA DE NI KUN RDZOB KYI BDEN PA MA YIN PA KHO NA YIN PAS, DES YONGS SU GCAD PA'I BDE BA LA SOGS PA KUN RDZOB KYI BDEN PAR JI LTAR 'GYUR TE, DE LTAR NA SEMS RGYU BA MED PA ZHES BYA BA 'DIR RNAM PAR RTOG PA'I SHES PA KHO NA YONGS SU GZUNG NGO ZHES BRGYA ZHIG LA DE SKAD ZER DU 'ONG BAS, RNAM PAR RTOG PA'I SHES PA NYID YIN PAR YONGS SU GZUNG NA NI, SEMS RGYU BA YANG MED NA ZHES BYA BA 'DIR, RNAM PAR RTOG PA RGYU BA YANG MED NA ZHES GSUNG BAR 'GYUR TE ZHES BYA BA SMOS SO, ,CI'I PHYIR ZHE NA, THE TSOM MED PA'I PHYIR RO, ,SEMS YIN PAR GZUNG NA NI CI RNAM PAR RTOG PA'I SHES PA YONGS SU GZUNG NGAM, 'ON TE SEMS TZAM KHO NA YIN ZHIG GU SNYAM DU THE TSOM ZA BAR 'GYUR RO, ,GAL TE SEMS SMOS PA SPYI'I SGRA YIN YANG RNAM PAR RTOG PA'I SHES PA YONGS SU GZUNG BAR 'GYUR RO ZHE NA, 'DI LA NGES PAR BYED @22A *, ,PA'I TSAD MA NI MED DO ZHES BYA BA SMOS SO, ,'DI LA ZHES BYA BA NI SEMS RGYUD MED CES BYA BA 'DI LA'O, ,GAL TE RNAM PAR RTOG PA NYID YONGS SU GZUNG GI ,SEMS TZAM NI MA YIN NO ZHES BYA BA 'DI LA, SEMS KYI SGRA NI SPYI'I SGRA YIN MOD KYI, BYE BRAG TU NI RNAM PAR RTOG PA LA GNAS PAR 'GYUR ZHE NA, SPYI'I SGRA YANG DON DANG SKABS LA SOGS PA MED PAR BYE BRAG TU GZHAG PAR MI NUS SO ZHES BYA BA SMOS TE, SOGS PA SMOS PA NI LHAN CIG RGYU BA LA SOGS PA YONGS SU GZUNG NGO, ,GNYIS NI SEMS RGYU BA YANG MED NA YI GE RNAMS LTA SMOS KYANG CI DGOS ZHES BYA BA'O, ,CI'I PHYIR GNYIS BRJOD PAR MI BYA ZHE NA, RJOD PAR BYED PA'I SPYI ZHES BYA BA LA SOGS PA SMOS SO, ,DE NI 'DI SKAD DU SPYI ZHES BYA BA GUD NA MED DE, RNAM PAR RTOG PA'I SHES PA'I RJES SU 'JUG PA KHO NA'I NGO BO LA, PHYI ROL GYI NGO BOR GZUNG BA NI YI GE'I SPYI YIN NO, ,DE LTAR NA SEMS RGYU BA MED PA BRJOD NA 'OG MA YI GE RNAMS RGYU BA MED PA YANG BRJOD PA NYID DU 'GYUR TE, DE'I PHYIR YI GE RNAMS RGYU BA MED CES BRJOD PA DON MED DO ZHES BSTAN PAR 'GYUR RO, ,SNON BSTAN PA NI, YANG ZHES BYA BA'I SGRA MDZES PA MA YIN NO ZHES BYA BAR SBYAR RO, ,CI'I PHYIR ZHE NA, RJOD PAR BYED PA'I SPYI RNAM PAR RTOG PA'I RJES SU 'BRANG BA YIN PA, DE LTA NA NI SEMS RGYU BA MED PA DE DANG THA DAD PA MA YIN PA'I PHYIR, YI GE RNAMS RGYU BA MED PA YANG BSTAN PA YIN TE, DE'I PHYIR 'DI LA GANG GIS YANG ZHES BYA BA'I SGRA MDZES PAR BYED PA LHAG PA CI YANG MED DO, ,PHYIR ZHES BYA BA NI DE'I PHYIR RO ZHES BYA BA 'DI'I DON TO, ,GAL TE YI GE RANG GI MTSAN NYID DU GYUR PA RNAMS RNAM PAR RTOG PA'I SHES PA'I RJES SU 'BRANG BA MA YIN TE, DE DAG THUGS LA BZHAG NAS YI GE RNAMS LTA SMOS KYANG CI DGOS ZHES DE SKAD GSUNGS SO ZHE NA, RANG GI MTSAN NYID NI RJOD PAR BYED PA MA YIN PA'I PHYIR DE THUGS LA BZHAG NAS RJOD PA RUNG BA KHO NA MA YIN NO ZHES BYA BA SMOS SO, ,YI GE RNAMS RGYU BA NI RJOD PAR BYED PA YIN PA'I PHYIR TE, DE NI RANG GI MTSAN NYID LA YOD PA MA YIN PA KHO NA'O, ,DE LTA NA NI 'DI GSUNGS PAS CI ZHIG TU 'GYUR SNYAM DU SEMS SO, ,JI STE YANG JI LTAR GYUR KYANG CI GE RNAMS LTA SMOS KYANG CI DGOS ZHES BYA BA 'DI MI BRJOD DU MI RUNG NGO SNYAM DU SEMS NA, DE LTA NA YANG, DON @22B 'OG MA BRJOD PAR YI GE RNAMS LTA SMOS KYANG CI DGOS ZHES BYA BA 'OG TU BRJOD PA 'DIR, GONG MA SEMS RGYU BA YANG MED NA ZHES BYA BA DE 'DUS PA NYID DU 'GYUR RO, ,CI'I PHYIR 'DUS PAR 'GYUR ZHE NA, RJOD PAR BYED PA SPYI'I RJES SU NANG GI RJOD PA 'BRANG BA YIN PA'I PHYIR RO ZHES BYA BA SMOS SO, ,DE'I PHYIR GNYIS BRJOD PAR MI 'GYUR BA ZHIG NA, GNYIS KA YANG BKA' STZAL TO, ,DE'I PHYIR RAB TU BSGRUB PAR BYA BA 'DOD PA'I DON MJUG BSDU BA'I PHYIR, DE LTA BAS NA DNGOS PO TZAM DANG MTHUN PAR BYED PA'I NGANG CAN GYI SEMS RGYU BA YANG MED CES BYA BA 'DI NYID YANG DAG PAR NA, BCOM LDAN 'DAS BZHED DO ZHES BYA BA SMOS TE, DNGOS PO TZAM DANG MTHUN PAR BYED PA'I NGANG CAN GYI SEMS NI RANG GI MTSAN NYID KYI YUL CAN GYI SHES PA LA BYA'O, ,YANG ZHES BYA BA'I SGRA NI SRID PA STE, RNAM PAR RTOG PA'I SHES PA YONGS SU GZUNG BA'I PHYIR NI MA YIN NO, ,YANG NA BCOM LDAN 'DAS KYANG BZHED DO ZHES BLTA BAR BYA STE, 'PHAGS PA BLO GROS MI ZAD PA 'BA' ZHIG NI MA YIN PAR 'DOD DO, ,YANG DAG PAR NA ZHES BYA BA NI DE KHO NA NYID DU NA'O, ,BZHED CES BYA BA NI DGONGS ZHES BYA BA'I THA TSIG GO, ,DE LTA NA NI THAMS CAD 'TSAM MO ZHES BYA BA NI MDZES SO ZHES BYA BA'I THA TSIG STE DE NI BRDA PHRAD PAR SLA'O, , DE LTAR NA DNGOS PO TZAM DANG MTHUN PAR BYED PA'I NGANG CAN GYI SEMS KYI RJES SU 'JUG PA RJOD PAR BYED PA SPYI NI MA YIN TE, DE'I PHYIR GNYIS BRJOD PA RIGS TE, GANG DU DNGOS PO TZAM DANG MTHUN PAR BYED PA'I NGANG CAN GYI SEMS MI 'JUG PA DER, RNAM PAR RTOG PA YANG MI 'JUG PA KHO NA STE DES RAB TU PHYE BA'I PHYIR RO, ,DE LTA NA RNAM PAR RTOG PA'I RJES SU 'JUG PA RJOD PAR BYED PA'I PHYI NI THAG RING BA KHO NA YIN PAS YANG ZHES BYA BA'I SGRA YANG 'TSAM PA NYID DO, ,DE LTAR GYUR NA GZUGS LA SOGS PA DANG, BDE BA LA SOGS PA YANG KUN RDZOB KYI BDEN PA YIN NO, ,YI NI DE LTA YIN NA, GAL TE KHA CIG 'DI SKAD DU GZUGS LA SOGS PA DANG, BDE BA LA SOGS PA SO SO RANG GIS GNAS PA GANG DAG YIN PA DE DAG NI DON SO SOR NGES PA'I RNAM PA'I TSIG GIS RIG PA MA YIN TE, DE DAG NI DAG GI LAM LAS 'DAS PAS KUN RDZOB KYI BDEN PA MA YIN TE, DE NA THA SNYAD GDAGS PA YIN PA'I PHYIR TE, 'DI @23A *, ,LTAR MDO LAS DE LA KUN RDZOB KYI BDEN PA GANG ZHE NA, 'JIG RTEN GYI THA SNYAD GDAGS PA, YI GE DANG SKAD DANG BRDA BSTAN PA JI SNYED PA DAG GO ZHES GSUNGS PA'I PHYIR RO, ,'DI LA TSIG GI DON NI GRAGS PA'I DNGOS PO'I RGYU LAS BYUNG BA, SGRA DANG DON MA GRAGS PA'I RNAM PA GSAL BAR BYA BA'I PHYIR DE GNYIS DANG MTHUN PAR BYED PA BRDA SHES PA RNAMS KYI YI GE DANG, TSIG DANG NGAG MDO SDE DANG 'BREL PA YANG RUNG STE, BRJOD PAR BYA BA DANG BCAS PA NI KUN RDZOB KYI BDEN PA ZHES GSUNGS SO, ,DE DAG NI DE BZHIN DU SPYI'I RNAM PA 'DZIN PA MA YIN TE, DE'I PHYIR RJOD PAR BYED DO ZHE NA, DON DAM PA LA YANG THAL BAR 'GYUR TE, DE YANG TSIG GI NGO BO'I RJOD PAR BYED PAS, BRJOD PAR BYA BA YIN PA'I PHYIR RO, ,DE DAG NI DON DAM PA'I BDEN PA MA YIN TE, DE DAG LA DNGOS PO'I SGRA YOD PA'I PHYIR RO, ,RNAM PA GZHAN NI MED PAS, DE'I PHYIR DE DAG NI MED DE, RANG GI SHES PA 'GAL BA BDEN PA GNYIS KYIS MA BSDUS PA'I PHYIR LA, DE DAG NI YONGS SU 'KHYAM PA YIN TE, 'DI LTAR BCOM LDAN 'DAS NI THA SNYAD GDAGS PA KHO NA KUN RDZOB KYI BDEN PA YIN PAR MI GSUNG GI, ,GANG LA SEMS 'JUG PA DE KUN RDZOB KYI BDEN PA'O ZHES GSUNGS SO, ,MDO'I DON NI BSHAD ZIN PA NYID YIN NO, ,DON DAM PA NI NGAG GI NGO BO RJOD PAR BYED PAS, BRJOD PAR BYA BA MA YIN PAR 'OG NAS BRJOD PAR BYA'O, ,BDEN PA GNYIS KYIS MA ZIN PA NYID NI MA GRUB PA KHO NA YIN TE SPROS PAS CHOG GO, ,SEMS SPYOD YUL JI SNYED PA DE NI KUN RDZOB KYI BDEN PA STE, DON DAM PA'I BDEN PA MA YIN PA'O ZHES BYA BA'I THA TSIG GO ZHE NA, RNAM PAR DAG PA'ANG YANG DAG TU, ,RIGS SAM 'ON TE MIN ZHES SOMS, ,ZHES BYA BA NI RIGS PA MA YIN PA KHO NA'O ZHES BSAMS PA'O, ,CI'I PHYIR ZHE NA, DE'I PHYIR SEMS SPYOD YUL DU GYUR PA'O ZHES SMOS SO, ,CI'I PHYIR SNYAM PA LA, BDAG NYID RIG PA YIN PA'I PHYIR, ZHES BYA BA SMOS SO, ,GAL TE DE NI BYED PA DANG LAS DANG BYA BA'I NGO BOS BDAG NYID RIG PA NI MA YIN NO ZHE NA, GAL TE DE LTA NA NI SHES PA'I NGO BOR 'GYUR RO, ,GAL TE RIG PA'I NGO BO NYID YIN PA'I PHYIR DE LTA MA YIN NO ZHE NA, 'O NA NI DE DNGOS PO THAMS CAD RIG PAR 'GYUR RO, ,'DI NI BDAG NYID RIG @23B PA'I NGO BO NYID YIN NO ZHES SMRA NA NI, SEMS KYI SPYOD YUL YIN PAS DE KUN RDZOB KYI BDEN PA NYID DU KHAS BLANGS PAS RE ZHIG GZHAG GO, ,KUN RDZOB LA LOG PAR RTOGS PA'I BLO CAN DAG LA RAB TU DBYE BA BYAS PAS KYANG RTOGS PAR BYA BA'I PHYIR, KUN RDZOB DE NI YANG DAG PA DANG YANG DAG PA MA YIN PA'I BYE BRAG GIS RNAM PA GNYIS TE, DE LA, BRTAGS PA'I DON GYIS DBEN GYUR PA, ,DNGOS TZAM BRTEN NAS GANG SKYES DE, ,YANG DAG KUN RDZOB SHES PAR BYA, ,ZHES BYA BA LA SOGS PA SMOS SO, ,SOGS PA ZHES BYA BA'I SGRA DANG POS NI GNAS PA LA SOGS PA YONGS SU GZUNG NGO, ,'OG MAS NI SKYES BU'I YONGS SU 'GYUR BA LA SOGS PA BSDU'O, ,YANG DAG PAR ZHES BYA BA NI, RE RE DANG YANG SBYAR RO, ,DNGOS PO TZAM NYID KYI GTAN TSIGS NI DON BYED NUS PA STE, 'DI YANG JI LTAR SNANG BA BZHIN DU YIN GYI, YANG DAG PA JI LTA BA BZHIN DU NI MA YIN NO, ,RGYU DANG RKYEN RNAMS LA BRTEN NAS SKYES PA NI, JI LTAR SNANG BA ZHES BYA BAR BSNYEMS SO, ,RGYU RNAMS NI THUN MONG MA YIN PA'I BYED RGYU'O, ,RKYEN RNAMS NI THUN MONG BA'O, ,DNGOS SU DPYAD NA NI RKYEN RNAMS KYANG RGYU NYID YIN NO, ,CI'I PHYIR 'DI YANG DAG PA'I KUN RDZOB KYI BDEN PA ZHES BYA ZHE NA, 'DI LTAR BYIS PA YAN CHAD KYI SHES PA LA DON JI SNYED CES BYA BA SMOS TE, BUM PA LA SOGS PA SHES PA LA, SNANG BA DE NI YANG DAG PA'I KUN RDZOB YIN PAR RIGS TE ZHES BYA BAR SBYAR RO, ,JI LTAR SNANG ZHE NA, MTHUN PAR ZHES BYA BA SMOS SO, ,SU DAG DANG MTHUN ZHE NA, BYIS PA YAN CHAD CES BYA BA SMOS TE, MKHAS PA RNAMS NAS BZUNG STE, BYIS PA'I BAR DU ZHES BYA BA'I THA TSIG GO, ,DE NI 'DI SKAD DU GANG DAG BSTAN BCOS GYIS BRTAN POR BYAS PA'I BLO DANG LDAN PA DE DAG LA YANG JI LTAR BYIS PA LA SNANG BDE BZHIN DU BUM PA LA SOGS PA SNANG BA GANG YIN PA DE NI YANG DAG PA'I KUN RDZOB KYI BDEN PA'O, ,BSTAN BCOS LA SOGS PA'I STOBS KYIS SGRO BTAGS PA'I RNAM PA MI SNANG BA'I TSUL CAN NI YANG DAG PA MA YIN PA'I KUN RDZOB KYI BDEN PA ZHES BYA BAR BSTAN PAR 'GYUR RO, ,JI LTA BUR SNANG ZHE NA, RGYU LAS ZHES BYA BA SMOS TE, MIG LA SOGS PA TSOGS PA LAS ZHES BYA BA'I THA TSIG STE, LOG PA LA GOMS PA'I BAG CHAGS YONGS @24A *, ,SU SMIN PA LAS SAM, BSTAN BCOS LAS BYUNG BA NI MA YIN PAR BSAMS PA'O, ,'DIS NI RGYU'I STOBS KYIS GZUGS LA SOGS PA SNANG BA DE NI KUN RDZOB KYI BDEN PA YIN GYI, DON DAM PA'I BDEN PA NI MA YIN NO ZHES DE STON PAR BYED DO, ,CI'I PHYIR 'DI YANG DAG PA'I KUN RDZOB KYI BDEN PA ZHES BYA ZHE NA, SHES PA LA SNANG BA DANG MTHUN PAR DNGOS PO GNAS PA'I PHYIR RO ZHES BYA BA SMOS SO, ,GAL TE DE LTAR NA YANG DAG PAR SKYE BA LA SOGS PA YANG JIG YANG DAG PA LA KUN RDZOB KYI BDEN PAR MI 'GYUR RAM ZHE NA, YANG DAG PAR SKYE BA LA SOGS PA NI MI SNANG STE ZHES BYA BA SMOS SO; ,GAL TE MI SNANG NA JI LTAR SGRO BTAGS PA YIN ZHE NA, JI LTA BU'ANG RUNG BA'AM, GRUB PA'I MTHA' LA BRTEN NAS SGRO BTAGS PA 'BA' ZHIG TU ZAD DO ZHES BYA BA SMOS SO, ,JI LTA BU'ANG RUNG ZHES BYA BA NI THOG MA MED PA'I DUS NAS LOG PAR YONGS SU BRTAGS PA'I DBANG GIS TE, DE NI DE LTA'O, , DE LTA MA YIN NA NI YANG DAG PAR SKYE BA LA SOGS PA SNANG BAR GYUR PA DE DAG LA, RTZOD PA MED PAR THAL BA KHO NAR 'GYUR RO, ,CI'I PHYIR ZHE NA, RGOL BA DANG PHYIR RGOL BA'I SHES PA LA SNANG BA'I CHA LA NI RTZOD PA SU YANG MED DO ZHES BYA BA SMOS SO, ,GAL TE 'DI LTA BU'I CHA LA BRGYA LA RTZOD PAR BYED DO ZHE NA, RTZOD PAR BYED NA NI MNGON SUM LA SOGS PAS GNOD PAR 'GYUR RO ZHES BYA BA SMOS SO, ,SOGS PA'I BSDU BAS NI RJES SU DPAG PA LA SOGS PA YONGS SU BSDU'O, ,YANG DAG MIN NI KUN RDZOB STE KUN BRTAGS PA'I DNGOS PO ZHES BYA BA LHAG MA'O, ,'DI DGROL BA'I PHYIR, YANG DAG PAR SKYE BA LA SOGS PA GANG YIN PA DE NI ZHES BYA BA SMOS SO, ,DE NI RTOG PA'I BZOS SBYAR BA'O ZHES BYA BA 'DIS BSTAN TE, MIG LA SOGS PA TSOGS KYANG SNANG BA MA YIN TE, DE BAS NA DE NI YANG DAG PA MA YIN PA'I KUN RDZOB KYI BDEN PA ZHES BYA'O, ,NI ZHES BYA BA NI BSNAN PA'I DON TAM, KUN BRTAGS PA KHO NA'O ZHES GO RIMS BZLOG PA'O, ,GAL TE DE LTA NA NI ZLA BA GNYIS PA LA SOGS PA YANG DAG PA MA YIN PA'I KUN RDZOB KYI BDEN PAR MI 'GYUR RO ZHE NA, NYES PA MED DE SKABS KYIS RGOL BA'I DNGOS PO'I NGO BO RNAM PAR GCAD PA GTZO BO YIN PA'I PHYIR RO, ,YANG DAG PAR SKYE BA LA SOGS PA BKAG PA YANG, JIG SNANG BA'I @24B TSUL CAN MA YIN PA'I PHYIR YANG DAG PAR SKYE BA LA SOGS PA BZHIN DU YANG DAG PA MA YIN PA'I KUN RDZOB TU 'GYUR RO, ,CI'I PHYIR MI SNANG ZHE NA, DE NI ZHES BYA BA SMOS TE, YANG DAG PAR SKYE BA LA SOGS PA BKAG PA'O, ,DNGOS PO BUM PA LA SOGS PA SNANG BA NA MI SNANG NGO ZHES BYA BAR SBYAR RO, ,CI 'DRA ZHE NA YANG DAG PAR SKYE BA LA SOGS PA BZHIN DU'O, ,MA YIN TE ZHES BYA BA NI MI SNANG ZHES BYA BAR SBYAR RO, ,DGAG PA GNYIS KYIS NI SNANG BA KHO NA'O ZHES BYA BAR BSTAN TO, ,CI'I PHYIR SNANG ZHE NA, DNGOS PO'I NGO BO DANG THA DAD PA MA YIN PA'I PHYIR RO ZHES BYA BA SMOS TE, DNGOS PO BZHIN NO, ,JI LTAR BUM PA LA SOGS PAS DBEN PA NI DES DBEN PHA DANG LDAN PA'I SA PHYOGS SNANG BAR GYUR NA THA DAD PA MA YIN PA'I PHYIR SNANG STE, 'DI YANG DE DANG 'DRA'O ZHES BYA BA'I THA TSIG GO, ,GANG GI TSE SKYE BA LA SOGS PA CHOS GZHAN ZHIG YIN PAR RTOG PA DE'I TSE, DNGOS PO'I NGO BO DANG THA DAD PA MA YIN PAR MI 'GRUB BO ZHES BRGYA ZHIG LA DE SKAD ZER DU DOGS PAS, CHOS GZHAN ZHIG YIN PAR YONGS SU BRTAGS NA NI ZHES BYA BA SMOS TE, NI ZHES BYA BA NI BSNAM PA'I DON TO, ,YANG DAG PA MA YIN PA'I KUN RDZOB TU YANG 'GYUR RO ZHES BYA BA NI, 'DIR YANG YANG DAG PA MA YIN PA'I KUN RDZOB KHO NA'O ZHES BSNAN PA'I DON GYI RJES SU BSNYEGS SO, ,PHYOGS GZHAN LA NI YANG DAG PA'I KUN RDZOB KHO NA YIN ZHES BSTAN PA'I PHYIR, YANG ZHES BYA BA SMOS SO, ,CI'I PHYIR DE LTA YIN ZHE NA, GANG GI PHYIR, SKYE LA SOGS PA BKAG PA YANG, ,DON DAM PA YIN PAR KHO BO CAG 'DOD DO ZHES BYA BAR SBYAR RO, ,CI LTA ZHE NA, YANG DAG PA DANG MTHUN PA'I PHYIR, ,ZHES BYA BA SMOS SO, ,JI LTAR NA YANG DAG PA DANG MTHUN PA KHO NA YIN ZHE NA, YANG DAG PAR SKYE BA LA SOGS PAR RTOG PA'I DNGOS PO BKAG PA'I GTAN TSIGS KYIS ZHES BYA BA SMOS SO, ,GZHAN DAG NI RNAL 'BYOR SPYOD PA DAG GIS SKYE BA LA SOGS PA BKAG PA NI, YANG DAG PA KHO NAR DON DAM PAR 'DZIN PAS YANG ZHES BYA BA NI BSDU BA'I DON TO, ,RIGS PA SMRA BA YANG CI'I PHYIR DE LTAR MI 'DOD CE NA, GANG GI PHYIR SKYE BA LA SOGS PA BKAG PA KUN RDZOB KHO NA YIN PA'I PHYIR RO, ,CI'I PHYIR ZHE NA, RIGS PAS DPYAD NA ZHES BYA BA SMOS SO, ,CI'I PHYIR KUN RDZOB KHO NA YIN @25A *, ,ZHE NA, DGAG BYA YOD PA MA YIN PAS, ,YANG DAG TU NA BKAG MED BSAL, ,ZHES BYA BA SMOS SO, ,DE RNAM PAR DGROL BA'I PHYIR DGAG BYA MED NA BKAG PA MI 'BYUNG BA'I PHYIR TE ZHES BYA BA SMOS SO, ,CI'I PHYIR DGAG BYA MED NA BKAG PA MI 'JUG CE NA, YUL MED PA'I BKAG PA MI RIGS PA'I PHYIR RO ZHES BYA BA SMOS SO, ,YUL MED NA BKAG PA MI RUNG BA NI BDEN NA 'DI LA NI YUL YOD DE, GAL TE GZUGS LA SOGS PA LA SKYE BA LA SOGS PAR RNAM PAR RTOG PA'I RGYU CAN PHA ROL POS, DNGOS PO YANG DAG PA NYID DU BRTAGS PA GANG YIN PA DE DGAG BYA NYID YIN NO ZHE NA ZHES BYA BA SMOS SO, , 'DI NI DE LTA BU YIN PAR RTOGS PAR BYA STE, 'DI LTAR GZHAN ZHIG NA BUM PA LA SOGS PA MED PAR SGRUB NA, DER RNAM PAR RTOG PA'I RGYU CAN GYI DNGOS PO BKAG PA NYID KYIS GRUB STE, GZHAN NI MI RIGS PA'I PHYIR RO, ,'DI NI GAL TE DE LTA NA, ,BRTAGS PA'I RANG GI NGO BO YI, ,BKAG PA BRTAGS MIN JI LTAR 'GYUR; ,ZHES BYA BAS 'GOG PAR BYED DO, ,JI LTAR 'GYUR ZHES BYA BAS NI MI SRID PA STE BRTAGS PA KHO NA YIN NO ZHES BYA BA'I THA TSIG GO, ,DE NYID CI'I PHYIR ZHE NA, DGAG BYA BRTAGS PA YIN DU ZIN NA, BKAG PA YANG BRTAGS PA NYID DU 'GYUR TE ZHES BYA BA SMOS SO, ,CI 'DRA ZHE NA, MO GSHAM GYI BU'I SNGO BSANGS NYID LA SOGS PA BKAG PA BZHIN NO ZHES BYA BA SMOS SO, ,GAL TE SKYE BA LA SOGS PA BKAG PA YANG DAG PAR MED NA, SKYE BA LA SOGS PA YOD PAR 'GYUR RO ZHES BRGYAL SMRA BAR 'GYUR DU DOGS NAS, YANG DAG PAR BKAG PA MED KYANG, SKYE BA LA SOGS PA YOD PAR MI 'GYUR TE ZHES BYA BA SMOS SO, ,DE CI'I PHYIR ZHE NA, BKAG PAS SKYE BA MED PA LA SOGS PA LAM KHYAB PA'I PHYIR ZHES BYA BA SMOS TE, BKAG PAS SKYE BA LA SOGS PA BKAG PAS SKYE BA MED PA LA SOGS PA LA MA KHYAB PA'I PHYIR RO, ,GANG GI PHYIR BKAG PA MED PA GANG GIS SKYE BA LA SOGS PA'I BKAG PA LDOG PAR 'GYUR TE, SKYE BA MED PA LA SOGS PA LDOG PAR 'GYUR BA GANG GIS SKYE BA LA SOGS PA YOD PAR 'GYUR BA, GANG NA SKYE BA MED PA LA SOGS PA YOD PA DE NA, SKYE BA LA SOGS PA BKAG PA YOD PA NI MA YIN GYI, 'ON KYANG SKYE BA MED PA LA SOGS PA'I NGO BO NYID KYIS GNAS SO, ,GANG GIS SKYE BA LA SOGS PA MED PA NGES NA, SKYE BA LA SOGS PA'I BKAG PA YANG YOD CING, DE @25B MED NA SKYE BA LA SOGS PA YOD PAR 'GYUR RO ZHES BYA BA'I TSIG GIS LUGS 'DI NI 'GAL BA YANG YIN TE, DE LTA NA NI MO GSHAM GYI BU LA SOGS PA YANG YOD PA NYID DU THAL BAR 'GYUR RO, ,SNON BYA BA'I PHYIR DE YOD PA'I RIGS PA MED PA'I YANG PHYIR RO ZHES BYA BA SMOS TE, DE YOD PAR ZHES BYA BA NI SKYE BA LA SOGS PA YOD PAR TE RIGS PA MED PA'I PHYIR RO, ,JI LTAR RIGS PA MED PA DE LTAR NI 'OG NAS BSHAD PAR BYA'O, ,DE LTAR DON BSGRUBS NAS MJUG BSDU BA'I PHYIR, DE BAS 'DI NI KUN RDZOB STE, ,YANG DAG PAR NA SKYE BA MED, ,CES BYA BA LA SOGS PA'O, ,YANG DAG DON YIN YANG DAG MIN, ,YANG DAG PA'I DON ZHES BYA BAR BSNYEGS SO ZHES BYA BA SMOS SO, ,CI'I PHYIR YANG DAG PA MA YIN ZHE NA, DE'I PHYIR, YANG DAG NYID DU GNYIS MED DE, ,ZHES BYA BA SMOS TE, ,GNYIS NI SKYE BA LA SOGS PA DANG, SKYE BA MED PA LA SOGS PA STE, DON 'DI LUNG DANG SBYAR BA'I PHYIR, ,DE NYID PHYIR NA DE STONG MIN; ,MI STONG MA YIN YOD MED MIN, ,MI SKYE MA YIN SKYE MIN ZHES, ,DE LA SOGS PA BCOM LDAN GSUNGS, ,ZHES BYA BA SMOS SO, ,STONG PA MA YIN PA NI YANG DAG PAR NA DGAG BYA MED PAS BKAG PA YANG MED PAR GSAL BA'I PHYIR RO, ,MI STONG PA MA YIN PA LA SOGS PA NI, DU MAS DNGOS PO GCIG MI BYED, ,CES BYA BA LA SOGS PAS BKAG PA'I PHYIR RO, ,CI'I PHYIR YANG DAG PAR NA GNYIS MED CE NA, DE NI SPROS PA MED PA YIN, ,ZHES BYA BA SMOS TE, DE KHO NA ZHES BYA BA LHAG MA'O, ,DE NI DE KHO NA NI RTOG PA'I DRA BA THAMS CAD DANG BRAL BA'O ZHES BYA BAS RNAM PAR 'GREL TO, ,DE'I PHYIR 'DIR SPROS PA NI RTOG PA'I DRA BA YIN NO ZHES BRJOD DO, ,RNAM PA GCIG TU NA SPROS PA NI NGAG GI RGYU BA STE, DE YANG RTOG PA'I DRA BAS KUN NAS BSLANG BA YIN NO, ,DE'I PHYIR KUN NAS SLONG BA PO MED NA, BSLANG BAR BYA BA'I SPROS PA YANG MED PAR STON TE, GANG GI PHYIR DE LTAR NGAG GI SPYOD YUL LAS 'DAS PA YANG DAG PA YIN PA DE'I PHYIR, 'JAM DPAL GYIS NI YANG DAG DRIS, ,RGYAL BA'I SRAS PO MI GSUNG BZHUGS, ,ZHES BYA BA SMOS TE GO SLA'O, ,CHOS KYI SGO GANG LA SKYE BA DANG MI SKYE BA LA SOGS PA GNYIS MED PA DE NI GNYIS MED PA'O, ,DE NI GNYIS MED PA YANG YIN LA, STOBS BCU DANG MI 'JIGS PA @26A *, ,LA SOGS PA CHOS RNAMS KYI SGO YANG YIN TE, DE NI DE DAG RTOGS PA 'BYUNG BA'I SGO YIN PA'I PHYIR TE, DE BSTAN ZHES BYA BAR TSIG RNAM PAR SBYAR RO, ,GNYIS MED PA LA 'JUG PA NI CANG MI SMRA BA NYID DE, 'DIS 'JUG PAR BYED PA'I PHYIR RO, ,GNYIS SU MED PA DE GANG ZHE NA, GANG LA YI GE DANG SKAD DANG RNAM PAR RIG BYED 'JUG PA MED PA ZHES BYA BA STE YI GE NI TSIG 'BRU'O, ,SKAD NI TSIG GO, ,RNAM PAR RIG BYED NI NGAG STE, DON RNAM PAR RIG PAR BYED PA'I PHYIR RO, ,DE'I PHYIR DE NYID DON GO BAR BYED PA YIN TE, GZHAN NI MA YIN NO, ,'DI NI TSIG SO SOR PHRAL BA'O, ,GANG GI PHYIR RNAM PA 'DI LTAR YANG SRID DE, SKAD DE NI YI GE SNGON DU 'GRO BA YANG YIN LA, SKAD KYANG YIN PAS YI GE'I SKAD DO; ,RNAM PAR RIG BYED NI DE GNYIS SNGON DU 'GRO BA YANG YIN LA RNAM PAR RIG BYED KYANG YIN TE, DE'I PHYIR YI SHE'I SKAD KYI RNAM PAR RIG BYED DE, ,'DI LTA BU DE KHO NA YIN PAR KHONG DU CHUD PAR BYA'O, ,GAL TE DE GNYIS LAS DBEN PA GZHAN GYI DBANG GI NGO BO DE KHO NA YIN DU ZIN NA DE'I TSE DE MI RIGS TE, DE'I PHYIR, GNYIS PO DAG LAS DBEN PA'I DNGOS, ,GZHAN DBANG DNGOS PO YANG DAG NA, ,DRIS NA CI PHYIR RGYAL BA'I SRAS, ,DE NI MI GSUNG BZHUGS PAR GYUR, ,ZHES BYA BA SMOS TE, GNYIS PO NI GZUNG BA DANG 'DZIN PA'O, ,RGYU RKYEN GZHAN DAG GIS DBANG BYED CING BSKYED PAR BYA BA YIN PAS GZHAN GYI DBANG NGO, ,CI'I PHYIR CANG MI GSUNG BA MI RIGS SNYAM PA LA, BRDA SHES RIGS PA SHES PA YI, ,SKYE BO DAG NI JI LTAR YANG, ,RANG GI RTOGS PA RJOD BYED DE, ,DE BAS MI GSUNG MI RIGS SO, ,ZHES BYA BA SMOS TE, RANG GI RTOGS PA BRJOD PA JI LTAR YANG KUN RDZOB TU RJOD PAR BYED DO ZHES SBYAR RO, ,SU DAG GIS SHE NA, BRDA SHES PA DAG CES BYA BA SMOS PA STE, MI DAG GIS SO, ,JI LTA BU DAG GIS SHE NA, RIGS PA SHES PA DAG GIS TE, KHONG DU CHUD PAR BYED PA LA MKHAS PA DAG GIS SO, ,LHAG MA NI BRDA PHRAD SLA BAS MA BSHAD DO, ,GAL TE KUN RDZOB KYI BSNYAD PAS KYANG BRJOD PAR MI NUS SO ZHE NA, GAL TE DE LTA MIN NA KUN RDZOB KYI BSNYAD PAS KYANG BRJOD PAR MI NUS PA DE'I TSE, RANG GI MTSAN NYID MTHAR PHYIN PA NYID KYIS GANG BRJOD PA CI DAG GI ZHE NA, SGRA RNAMS KYI'O, ,SU DAG GIS SHE NA, RIGS PA SMRA BA DAG GIS TE SLOB DPON PHYOGS KYI GLANG PO LA SOGS PAS SO, ,DE JI LTAR RIGS PAR 'GYUR BA GSAL BAR SMROS SHIG ,GAL TE RANG GI NGO BOS BSTAN PAR MI NUS TE, DE'I PHYIR CANG MI GSUNG BAR GYUR TO ZHE NA, GAL TE DE LTA NA NI BDAG CAG GIS NI RANG RANG GI BSTAN PA BSHAD ZIN ZHES SMOS PA DE DAG GIS BSTAN PA YANG JI LTAR RUNG, GAL TE DE DAG GIS @26B SPYI'I NGO BOR SGRO BTAGS PAS BSTAN TO ZHE NA NI, 'O NA 'PHAGS PA DRI MA MED PAR GRAGS PA YANG DE BZHIN DU CI'I PHYIR MI STON TE, RGYU GANG GIS CI YANG MI GSUNG BAR 'GYUR, GANG GI PHYIR KHO NA DON DAM PA DE LA NI BRJOD PAR BYA BA'I BAG KYANG ZHES BYA BA THA SNYAD TZAM YANG, CI YANG MED GANG GI PHYIR, SHES BYA DANG YOD PA DANG DE KHO NA DANG DON DAM PA ZHES BYA BA LA SOGS PA BRJOD PA DE DAG GI GNAS KYANG DE NA MED PA NYID YIN TE, 'JUG PA'I RGYU MTSAN MED PA'I PHYIR RO, ,GAL TE DE LTA YIN NA, DE LA ZHES BYA BA'I SGRAS DON DAM PA BRJOD PAR BYA BA YIN PAR BYAS LA, BRJOD PAR BYA BA'I BAG KYANG MED DO ZHES BRJOD PA JI LTA BU ZHE NA, DE NI NYES PA MED DE, RMONGS PA'I BLO DANG LDAN PA GZHAN DAG DON DAM PA DE LA BRJOD PAR BYA BA'I BAG YOD DO ZHES BRJOD DO, ,DE SKAD BRJOD PAR MI BYA'O, ,ZHES KHO BO CAG DE DGAG PAR BYED KYI, KHO BO CAG DE LA ZHES BYA BA'I SGRAS SAM, GZHAN GYIS RJOD PAR BYED PA NI MA YIN TE, PHA ROL GYI RTOG PA RNAM PAR BCAD PA TZAM 'BA' ZHIG BYED DU ZAD DO, ,BAG KYANG ZHES BYA BA'I BRJOD PA'I TSIG NI LA DOR BA BRJOD PA GTZOR BYAS PA'O, ,KHO NA ZHES BYA BA NI BSNAN PA'I PHYIR RO, ,DE YI PHYIR NA DRIS KYANG DON, ,MI GSUNG BZHUGS PAS RGYA CHER BSHAD, ,KYANG ZHES BYA BA NI BSNAN PA'I DON TE, DRIS PA KHO NA'AM BZHUGS PA KHO NA'AM RGYA CHER BSHAD PA KHO NA'O, ,RGYA CHER ZHES BYA BA'I TSIG NI SPYI'I NGO BOS SAM BYE BRAG GI NGO BOS SAM RAB TU DBYE BA'I NGO BOS NI BSTAN PAR MI NUS PA'O, ,GAL TE DON DAM PA NI RTEN CING 'BREL PAR 'BYUNG BA LA MA GTOGS PA MA YIN NAM, DE LTA YIN NA NI MDO'I TSIG DANG 'GAL BAR 'GYUR RO ZHE NA, DE'I PHYIR CHOS RNAMS LA CHOS KYI RJES SU LTA BA CAN DU GNAS PA'I BYANG CHUB SEMS DPA' DE ZHES BYA BA SMOS SO, ,RJES SU LTA BAR BYED PA NI RJES SU LTA BA STE, CHOS RNAMS LA SKYE BA MED PA LA SOGS PA'I RNAM PA DAG GIS RJES SU LTA BA'O, ,DE DE LA YOD PAS CHOS KYI RJES SU LTA BA CAN NO, ,YANG NA DE'I TSUL CAN NO, ,MDO'I TSIG 'DI LA 'GAL BA MED DE, CI'I PHYIR ZHE NA, CHOS ZHES SMOS PA'I PHYIR RO ZHES BYA BA SMOS SO, ,DON DAM PAR NI CHOS KYANG MED, ,CHOS MA YIN PA YANG MED DO, ,YANG KUN RDZOB NI RNAM PA GNYIS SU BSTAN TE ZHES BYA BAS NI BYE BRAG TU RTOGS @27A *, ,PAR BYA BA KHO NA'I PHYIR GZHAN RNAM PA GNYIS SU BSTAN TO, ,DON BYED DAG NUS PA'I PHYIR, YANG DAG PAS SO, ,MI NUS PHYIR YANG DAG PA MA YIN PAS SO, ,KUN RDZOB KYI NI DBYE BA BYAS, ,ZHES BYA BA NI GRANGS BZHIN DU SBYAR BAR BYA'O, ,RNAM PAR 'GREL PA NI 'DI YIN TE, SHES PA'O CI 'DRA BA ZHIG CE NA, GSAL BA'I RNAM PA SNANG BA CAN DU 'DRA YANG ZHES BYA BAR SBYAR TE, 'JIG RTEN GYIS YANG DAG PA DANG YANG DAG PA MA YIN PAR RTOGS SO ZHES BYA BAR SBYAR RO, ,CI ZHIG CE NA, CHU LA SOGS PA DANG, SMIG RGYU LA SOGS PA DAG STE, GO RIMS BZHIN DU SBYAR RO, ,JI LTA BUR BYAS NAS SHE NA, NGES PAR BYAS NAS ZHES BYA BA SMOS PA'O, ,CI ZHIG YIN PAR ZHE NA, DON BYED PA LA SLU BA DANG MI SLU BA YIN PAR ZHES BYA BA SMOS PA'O, ,'DIR YANG GO RIMS BZHIN DU SBYAR RO, ,DON BYED PA LA SLU BA DANG MI SLU BA YIN PAR NGES PAR BYAS NAS ZHES BYA BA JI LTA BU YIN SNYAM PA LA, DON JI LTAR SNANG BA DE BZHIN DU ZHES BYA BA SMOS SO, ,GAL TE YANG DAG PA DANG YANG DAG PA MA YIN PA'I BYE BRAG YOD NA, 'O NA NI DNGOS PO DAG NGO BO NYID MED PA MA YIN NO SNYAM PA LA, DNGOS SU NA GNYIS NI ZHES BYA BA LA SOGS PA SMOS SO, ,JI LTAR NGO BO NYID MTSUNGS SHE NA, NGO BO NYID MED PA NYID DU ZHES BYA BA SMOS SO; ,'O NA JI LTAR YANG DAG PA DANG YANG DAG PA MA YIN PAR PHYE SNYAM PA LA, JI LTAR SNANG BA BZHIN DU NI RNAM PAR GNAS SO ZHES BYA BA SMOS TE, 'JIG RTEN GYIS JI LTAR RTOGS PA DE BZHIN DU RNAM PAR GNAS SO ZHES BYA BA'I THA TSIG GO, ,DON BYED PA LA SLU BA DANG MI SLU BA'I RGYUS RNAM PAR GZHAG PA YIN NA CI DE DAG BDEN PA YIN NAM 'ON TE MA YIN ZHE NA, DON BYED PA LA SLU BA DANG MI SLU BA YANG JI LTAR GRAGS PA KHO NA BZHIN TE ZHES BYA BA SMOS SO, ,CI'I PHYIR ZHE NA, DON BYED PA DE YANG NGO BO NYID MED PA'I PHYIR RO ZHES BYA BA SMOS SO, ,YANG GI SGRA GNYIS KYIS NI YANG DAG PA DANG YANG DAG PA MA YIN PA'I THA DAD PAR STON TO, ,DE LTAR NA KUN RDZOB NI RNAM PA GSUM DU BSTAN TE, YANG DAG PA'I KUN RDZOB NI RNAM PA GCIG GO, ,YANG DAG PA MA YIN PA'I KUN RDZOB LA NI RNAM PA GNYIS TE, RNAM PAR RTOG PA DANG BCAS PA DANG, RNAM PAR MI RTOG PA'I BYE BRAG GI PHYIR RO,, ,,BAM PO GNYIS PA, GAL TE @27B KHYOD KYANG BRTEN NAS SKYES PA DON GYI BYA BA BYED PA DNGOS PO TZAM, JI LTAR SNANG BA BZHIN DU 'DOD NA NI DE'U [?] BU CAG LA MTSUNGS PA KHO NA'O, ,KYANG ZHES BYA BA'I SGRA NING 'BA' ZHIG MA YIN NO, ,RIGS MIN PAR ZHES BYA BA NI 'DOD CES BYA BAR BSNYEGS SO, ,BRTEN NAS SKYES PA DON GYI BYA BA BYED PA DNGOS PO TZAM LA RIGS PAR 'DOD NA NI THAMS CAD 'KHRUGS PAR 'GYUR TE RIGS PAR NA MI RUNG NGO ZHES BYA BA'I THA TSIG GO, ,KHO BO CAG NGA RGYAL GA LA BYED CES BYA BA NI, CI KHYOD DANG MTSUNGS SAM SNYAM DU SEMS PA'O, ,'DI ZHES BYA BA NI BRTEN NAS SKYES PA DON GYI BYA BA BYED PA DNGOS PO TZAM MO, ,CI'I PHYIR BRNGAS [?] NAS 'THOR BA DANG 'DRA SNYAM PA LA, 'DI LTAR RGYU DANG 'BRAS BU'I DNGOS POR RNAM PAR NGES PA 'DI LA KHYOD KYI THABS MED PA KHO NA YIN NO ZHES BYA BA SMOS SO, ,CI'I PHYIR THABS MED PA KHO NA YIN SNYAM PA LA, 'DI LTAR, RNAM PA MED PA'I SHES PA NI, YUL LA 'DZIN PAR MI RIGS SO ZHES BYA BA SMOS TE; RNAM PA MED PA'I SHES PA NI RIG PA 'DI SNGON PO YIN GYI, 'DI SER PO NI MA YIN NO ZHES RNAM PAR GZHAG PAR MI 'GRUB STE, NYE BA'I RGYU MED PA'I PHYIR RO, ,DE'I PHYIR DES YUL LA 'DZIN PAR GA LA 'GYUR, CIG SHOS ZHES BYA BA NI RNAM PA DANG BCAS PA STE, YUL LA 'DZIN PAR MI RIGS SO ZHES BYA BAR BSNYEGS SO, ,CI'I PHYIR ZHE NA, RNAM PA TSAD MA MIN PA'I PHYIR RO, ,DNGOS POS NI RNAM PA LA MA KHYAB STE, MI RTAG PA NYID KYIS GZHAL BYA NYID LA MA KHYAB PA BZHIN TE, 'DI LTAR RMI LAM LA SOGS PA LA SNGON PO LA SOGS PA MED KYANG, BLO LA SNGON PO LA SOGS PAR SNANG BA YOD PA'I PHYIR RO; ,DE'I PHYIR RNAM PA DE RIGS PA JI LTAR DNGOS PO RTOGS PAR BYED PAR 'GYUR, GAL TE RTOGS PAR BYED NA NI MI RTAG PA NYID KYANG GZHAL BYA NYID KYIS RTOGS PAR BYED PAR 'GYUR RO, ,MI RIGS PA'I PHYIR ZHES BYA BA NI RNAM PA'O, ,YUL LA 'DZIN PAR MI RIGS SO, ,CI'I PHYIR MI RIGS SHE NA, 'DI LTAR GANG PHYIR SNA TSOGS NGO BO RU, ,SNANG BA CAN GYI DNGOS GCIG LA, ,ZHES BYA BA LA, NGO BO NI SHES PA'I BDAG NYID LA STE, RNAM PA RNAMS BDEN JI LTAR 'GYUR, ,CI'I PHYIR BDEN PAR MI 'GYUR SNYAM PA LA, DE YI GCIG NYID NYAMS PHYIR RO, ,ZHES BYA BA SMOS TE DE'I PHYIR RO, ,DE LTA NA NI SHES PA'I @28A *, ,BDAG NYID KYI DNGOS PO DE GCIG PU NYID DU MI RUNG STE, RNAM PA DAG DANG THA DAD PA MA YIN PA'I PHYIR TE, RNAM PA'I BDAG NYID BZHIN NO, ,YANG NA RNAM PA RNAMS THA DAD PAR MI 'GYUR TE, SHES PA'I BDAG NYID GCIG PA DANG THA MI DAD PA'I PHYIR TE, SHES PA'I RANG GI NGO BO BZHIN NO, , DE LTAR RNAM PA MED PA'AM RNAM PA DANG BCAS PA'I SHES PA YUL LA MI 'DZIN NA, 'BRAS BU DANG RGYU NYID 'DI NI MI RUNG NGO ZHES BYA BA LHAG MA'O, ,CI'I PHYIR SNYAM PA LA, MNGON SUM DANG, MI DMIGS PA'I SA ZHES BYA BA SMOS TE, RNAM PA DANG BCAS PA'AM, RNAM PA MED PA'I MNGON SUM GYIS DON YONGS SU GCOD PAR MI RIGS SO, ,RNAM PA GZHAN NI MED DO, ,MI DMIGS PA NI BUM PA LA SOGS PAS DBEN PA'I SA GZHI LA SOGS PA DMIGS PAS MNGON SUM NYID DO, ,MNGON SUM DANG MI DMIGS PA GNYIS LAS GZHAN PA'I RNAM PA ZHIG SOMS SHIG ,GAL TE RNAM PA GZHAN ZHIG YOD PA KHO NA YIN NO SNYAM PA LA, GAL TE RGYU 'BRAS NYID BLO YI, ,THABS 'GA' ZHIG NI YOD CE NA, ,DE SMROS, ZHES BYA BA SMOS TE, DE ZHES BYA BA NI THABS TE DE SMROS SHIG PA'O, ,JI STE SER SNA'I PHYIR MI BRJOD DO ZHE NA, DE'I PHYIR, 'DUD PA BDAG CAG LA SER SNA BYA BA GA LA RIGS ZHES BYA BA SMOS SO, ,'DIR NI 'DUD PA'I PHYIR SER SNA'I RGYU MED PAS SER SNA YANG MED PAR STON TO, ,GAL ZHES BYA BA NI SPONG BA BRJOD PA'O, ,RNAM PA GZHAN DPYOD CIG CES BYA BA DE CI'I THA TSIG ,YANG NI RNAM PA GZHAN NI YOD PA NYID DE, 'DI LTAR SKAD CIG SNGA MA 'BYUNG BA LA YONGS SU GCOD PA'I SHES PA GANG YIN PA YANG RANG RIG PA LAS 'GYUR LA, SKAD CIG PHYI MA 'BYUNG BA YANG RANG RIG PA LAS GCOD DE, DE'I PHYIR 'DI NI 'DI'I MJUG THOGS YIN PAR RTOGS PAS 'DI NI RGYU'O, ,'DI NI 'BRAS BU'O ZHES BYA BAR RTOGS SO, ,DE LTA MA YIN NA NI MJUG THOGS NGES PAR MI RUNG NGO, ,JI STE RUNG NA NI HA CANG THAL BA'I SKYON DU 'GYUR RO ZHE NA, DE NI MI RIGS TE, 'DI LTAR RANG RIG PA NI YONGS SU GCOD PAR RIG PA'I CHA TZAM LA YANG MA RIG GO ZHES BSTAN ZIN TO, ,'DI NI 'DI'I MJUG THOGS SO ZHES BYA BA'I RIG PA YANG MI 'GRUB STE, DE'I YUL NI BRTAGS PA MA YIN PA'I PHYIR RO, ,SHES PA GZHAN GYIS 'GRUB PAR @28B RTOG NA YANG MI RIGS TE, RNAM PA MED PA DANG RNAM PA DANG BCAS PAS YONGS SU GCOD PAR MI RIG PA'I PHYIR RO, ,YONGS SU GCOD PAR RIG NA NI SHES PA'I DON YUL GZHAN DU 'GYUR TE, DE NI KHYED MI 'DOD DO, ,SHES PA DE GNYIS KHO NAS MJUG THOGS SU 'BYUNG BA NGES PAR YONGS SU GCOD PA YANG MA YIN TE, DE GNYIS KA YANG 'GAGS PA'I PHYIR RO, ,'DI NI DE'I 'OG TU 'BYUNG NGO ZHES YONGS SU GCOD PA MED PAR RGYU DANG 'BRAS BU NYID DU RIGS PAR GA LA 'GYUR TE, HA CANG YANG THAL BA'I PHYIR MI RUNG NGO, ,DE LTA NA NI GZHAN GYI SEMS KYI RGYUD LA YOD PA'I LAS 'DI'I 'BRAS BU 'DI YIN NO ZHES BYA BAR RIG PA MED PAS THAMS CAD MKHYEN PA DAG GIS KYANG RTOGS PAR MI SPYOD DE, RIG PA'I YUL NI RANG GI NGO BO TZAM YIN PA'I PHYIR RO, ,GANG GIS 'DI LTA BUR RTOGS PA'I RNAM PA GZHAN NI MED DO, ,DES NA THAMS CAD MKHYEN DES KYANG ZHES BYA BA'I KYANG GI SGRA NI GZHAN NYI TSE MA YIN NO, ,DES NA RNAM PA MED PA'I SHES PA NI, ,YUL LA 'DZIN PAR MI RIGS SO, ,ZHES BYA BA LA SOGS PA'I RNAM PAS RGYU DANG 'BRAS BU NYID CUNG ZAD TZAM YANG NGES PAR RTOGS PAR MI NUS SO, ,YANG GI SGRA NI MTHA' DAG KYANG MA YIN PA'O, ,GANG DAG GI ZHE NA, GZHAN GYI DBANG GI SKAD CIG GI'O, ,SANGS RGYAS SPYOD YUL BSAM YAS PAS, ,THAMS CAD MKHYEN PA KHO NAS MKHYEN, ,ZHES BYA BA LA SOGS PA'I DON NI GSAL BAS MA BSHAD DO, ,'DI DAG TZAM GYIS RGYU DANG 'BRAS BU'I DNGOS POR KHAS BLANGS PA'I THABS MED PAR BSTAN TO, ,DA NI RGYU DANG 'BRAS BU'I DNGOS PO NYID KYANG MED PAR BSTAN PA'I PHYIR, RGYU DANG 'BRAS BU'I DNGOS PO YANG RIGS PA MA YIN TE, CI'I PHYIR ZHE NA, 'DI LTAR, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ,ZHES BYA BA SMOS SO, ,TSIGS SU BCAD PA 'DI LA NI, ,RNAM PAR RTOG PA BZHI YOD DE, ,DE LA DANG PO'I DBANG DU BYAS NAS, DU MAS GCIG BYED PA MA YIN TE ZHES BYA BA SMOS SO, ,CI'I PHYIR DU MAS GCIG MI BYED SNYAM PA LA, 'DI LTAR, NGO BO NYID THA DAD PA MIG LA SOGS PA DAG LAS ZHES BYA BA SMOS TE, SOGS PA SMOS PAS NI GZUGS DANG SNANG BA DANG YID LA BYED PA @29A *, ,LA SOGS PA DAG BSDU'O, ,'BRAS BU THA DAD PA MA YIN PA ZHES BYA BA NI MIG GI RNAM PAR SHES PA STE 'BYUNG BAR KHAS BLANGS PA LA, RGYU THA DAD PA NI THA DAD PA BYED PAR MI 'GYUR RO, ,CI'I PHYIR SNYAM PA LA, DE THA DAD KYANG ZHES BYA BA SMOS TE, RGYU THA DAD KYANG NGO, ,THA DAD PA MED PA'I PHYIR RO ZHES BYA BA NI 'BRAS BU'O, ,DE LTA NA, THA DAD PA MA YIN PA MED KYANG ZHES BYA BA NI RGYU LA BYA'O, ,THA DAD PA MED PAR GYUR PAS, ,ZHES BYA BA NI 'BRAS BU'O, ,DE LTA BAS NA THA DAD PA MED PA NI RGYU'O, ,THA DAD PA MED PA BYED PAR MI 'GYUR BA NI 'BRAS BU'O, ,RGYU'I THA DAD PA DANG THA DAD PA MED PA'I RJES SU 'GRO BA DANG LDOG PA LA LTOS PA 'BRAS BU'I THA DAD PA DANG, THA DAD PA MED PA DAG NI RGYU DANG BCAS PAR 'GYUR NA, 'DIR NI DE LTA MA YIN TE, DE'I PHYIR 'BRAS BU'I THA DAD PA DANG THA DAD PA MED PA DAG NI RGYU MED PA CAN DU 'GYUR RO, ,GAL TE KHYOD KYIS THA DAD PA DANG THA DAD PA MED PA DAG RGYU MED PA CAN YIN NO ZHE NA, DE LAS GUD NA MED PA'I PHYIR, ,ZHES BYA BA SMOS TE, THAMS CAD NI THA DAD PA DANG THA DAD PA MA YIN PA LAS GUD NA MED PA'I PHYIR, THAMS CAD KUN RGYU MED PA CAN DU 'GYUR RO, ,DE LTAR RGYU MED PA CAN DU GYUR NA RTAG TU YOD PA'AM MED PA ZHIG TU 'GYUR TE, THAMS CAD CES BYA BA LHAG MA'O, ,CI'I PHYIR ZHE NA, RGYU GZHAN LA NI MI LTOS PA'I PHYIR RO, ,LTOS NA NI DNGOS PO RNAMS RES 'GA' BA NYID YIN PAR SRID DO, ,GAL TE 'BRAS BU'I SKYED PAR BYED PA NI TSOGS PA CAN YIN TE, DE'I YANG THA DAD PA DANG THA DAD PA MA YIN PA'I RJES SU BYED PAR GSAL ZHING DE'I RJES SU 'GRO BA DANG, LDOG PA'I RJES SU BYED PA DES NA, 'BRAS BU THA DAD PA DANG THA DAD PA MA YIN TE, DE BAS NA JI LTAR RGYU MED PA CAN DU 'GYUR BA YIN ZHE NA, DE NI RUNG BA MA YIN TE, 'DI LTAR TSOGS PA CAN DAG LAS, ,GUD NA TSOGS PA CAN ZHES BYA BA GANG YANG MED PA'I PHYIR RO, ,DE DAG KYANG PHAN TSUN THA DAD PA LOG PA'I NGO BO NYID YIN PAS THA DAD PA KHO NA YIN NA, 'BRAS BU THA DAD PA MA YIN PA GCIG PU SKYED PAR JI LTAR NUS, TSOGS PA CAN GZHAN GYI NANG DU GTOGS PA'I TSOGS PA DAG KYANG CI'I PHYIR DE SKYED PAR MI BYED, DE LAS THA DAD PA'I PHYIR SKYED PAR MI BYED DO ZHE NA, DE BZHIN NO, ,GANG DAG @29B DE SKYED PA'I NGO BO NYID KYI BYE BRAG DANG LDAN PA'I LUS MYONG BAR BYED PA DE DAG DE SKYED PAR BYED KYI CIG SHOS NI MA YIN NO ZHE NA YANG 'KHRUL PA YIN TE, DE SKYED PA'I NGO BO NYID KYI BYE BRAG GCIG LAS THA DAD PA MA YIN PA DANG LDAN PA'I LUS 'DZIN PA NI MIG LA SOGS PA 'DI DAG PHAN TSUN THA DAD PAR, MNGON SUM LA SOGS PA'I TSAD MA DANG 'GAL BAR 'GYUR RO, ,YANG NA DE SKYED PA'I NGO BO NYID KYANG THA DAD PAR 'GYUR TE, NGO BO NYID THA DAD PA MIG LA SOGS PA THA DAD PA'I PHYIR RO, ,DE LTA NA NI NGO BO NYID THA DAD PA MIG LA SOGS PA ZHES BRJOD PA'I SKYON DU 'GYUR BA DE NYID KYIS PHYOGS DE SHIN TU LEGS PA MA YIN PAR STON TO, ,JI STE DE DAG LAS DE SKYED PA'I NGO BO NYID KYI BYE BRAG THA DAD DO ZHES GZHAN ZER NA, DE LTA NA YANG NYES PA 'DI NYID YIN TE, GANG GI PHYIR 'DI NYID 'BRAS BU BSGRUB PA'I MTHU'I BYE BRAG DANG LDAN PA MYONG BAR BYED DO, ,'BRAS BU 'BYUNG BAR BYA BA'I BYED PA BYE BRAG CAN BLANGS PA YIN GYI, MIG LA SOGS PA GZHAN NI DE LTA MA YIN PAR 'GYUR TE, DE'I PHYIR NUS PAR BRJOD PA MTHA' DAG DANG BRAL BA'I GNAS SKABS SU 'GYUR BAS DNGOS PO MED PA'I NGO BO NYID LAS, DE'I NGO BO GZHAN CI ZHIG YOD SHIN TU SMROS SHIG ,DE'I PHYIR KHYOD MNGON SUM LA SOGS PA DANG 'GAL BA DANG SHIN TU LDAN PAR 'GYUR RO, ,PHYOGS GNYIS PA LA BRTEN NAS LAN GDAB PA'I PHYIR, DE LTAR NI MI 'GYUR TE ZHES BYA BA SMOS TE, THAMS CAD RGYU MED PA CAN NYID DU 'GYUR BA'O, ,DE CI'I PHYIR ZHE NA, GANG GI PHYIR RGYU DU MAS DU MA BYED PA'I PHYIR RO ZHES BYA BA SMOS SO, ,DE NYID CI'I PHYIR ZHE NA, RGYU'I NYE BAR SBYOR BAS 'BRAS BU'I NGO BO NYID KYI BYE BRAG MA 'DRES PA'I PHYIR RO ZHES BYA BA SMOS SO, ,RGYU RNAMS KYI NYE BAR SBYOR BA NI BYED PA STE, BYED PAS 'BRAS BU BSKYED PAR BYA BA'I NGO BO NYID KYI BYE BRAG DE MA 'DRES PA'I PHYIR RO ZHES TSIG RNAM PAR SBYAR RO, ,YANG NA RGYU'I NYE BAR SBYOR BAS 'BRAS BU DE'I NGO BO NYID KYI BYE BRAG DE MA 'DRES PA'I PHYIR RO, ,DE NYID CI'I PHYIR SNYAM PA LA, DE'I BYE BRAG LA NYE BAR SBYOR BA'I PHYIR TE ZHES BYA BA SMOS TE, 'BRAS BU DE'I BYE BRAG LA RGYU RNAMS NYE BAR SBYOR BA'I PHYIR RO ZHES BYA BA'I THA TSIG GO, ,GAL TE DE'I BYE BRAG LA RGYU RNAMS NYE BAR SBYOR BA JI LTA BU ZHE NA, DE'I PHYIR RANG GI NGO BO NYID JI LTA BU @30A *, ,BYE BRAG GIS ZHES BYA BA SMOS TE, RGYU GANG GI NGO BO NYID CI 'DRA BA DE 'DRA BA KHO NA 'BRAS BU'I NGO BO NYID LA SBYOR ZHES BYA BA'I THA TSIG GO, ,GAL TE DE NYID JI LTA BU ZHIG CE NA, DE'I PHYIR 'DI LTAR MTSUNGS PA DE MA THAG PA'I RKYEN GYI RNAM PAR SHES PA LAS NI MIG GI RNAM PAR SHES PA RTOGS PA'I BDAG NYID DU 'GYUR RO, ,MIG GI DBANG PO LAS NI RTOGS PA'I BDAG NYID DE GZUGS LA 'DZIN NUS PA NYID DU SO SOR NGES SO, ,YUL LAS NI DE DANG MTHUN PA'I NGO BO KHO NAR 'GYUR RO, ,DNGOS SU NA 'BRAS BU THA DAD PA MA YIN YANG, RGYU RNAMS KYI NGO BO NYID THA DAD PA DAG GIS NGO BO NYID THA DAD PA KHO NAR 'GYUR TE, RGYU THA DAD PAS KYANG 'BRAS BU'I BYE BRAG DE THA DAD PA MED PA NI MA YIN NO, ,GZHAN DU YANG DE BZHIN DU SBYAR BAR BYA'O ZHES BYA BA SMOS SO, ,'DI BSAL BA'I PHYIR, DE NI RIGS PA MA YIN TE, ,ZHES BYA BA SMOS TE, RIGS PAS RUNG BA MA YIN ZHES BYA BA'I THA TSIG GO, ,CI'I PHYIR SNYAM PA LA, RTOGS PA'I BDAG NYID LA SOGS PA DAG CES BYA BA SMOS TE, SOGS PA SMOS PAS NI GZUGS LA 'DZIN NUS PA NYID DU NGES PA LA SOGS PA BSDU'O, ,PHAN TSUN THA DAD PAR KHAS LEN NA NI RNAM PAR SHES PA DE DU MAR 'GYUR TE RTOGS PA'I BDAG NYID LA SOGS PA DE DAG DANG THA MI DAD PA'I PHYIR TE, RTOGS PA'I BDAG NYID LA SOGS PA'I RANG GI BDAG NYID BZHIN NO, ,JI STE NA GAL TE DE DAG DANG THA MI DAD PA MI 'GRUB STE, DE LTA NA RNAM PAR SHES PA DU MA NYID DU MI 'GYUR RO ZHE NA, DE'I PHYIR, THA DAD NA NI, ZHES BYA BA SMOS TE, THA DAD PAR KHAS LEN NA NI RGYU MED PA CAN DU 'GYUR TE, RNAM PAR SHES PA DE ZHES BYA BA LHAG MA'O, ,CI'I PHYIR RGYU MED PA CAN DU 'GYUR SNYAM PA LA, RGYU'I BYED PA RNAM PAR SHES PA LAS GZHAN DU 'BRAS BU'I BYE BRAG LA NYE BAR SBYAR BA BYAS PA'I PHYIR RO ZHES BYA BA SMOS SO, ,DE LTA NA YANG RTAG TU YOD PA'AM MED PA ZHIG TU 'GYUR RO ZHES BYA BA'I NYES PA YOD DO, ,JI STE JI SKAD SMOS PA'I NYES PAS 'JIGS PA'I PHYIR THA DAD PAR KHAS MI LEN NA, DE LTAR GYUR NA NI RNAM PAR SHES PA DU MA NYID DU 'GYUR BA'I NYES PA SNGAR SMOS PA 'BA' ZHIG TU MA ZAD KYI GZHAN YANG YOD DE, RTOGS PA'I BDAG NYID CAN LA SOGS PA DE DAG PHAN TSUN THA @30B DAD PA MED PAR YANG 'GYUR TE, THA DAD PA MED PAR 'GYUR RO ZHES BYA BA'I THA TSIG GO, ,CI'I PHYIR SNYAM PA LA, RNAM PAR SHES PA GCIG LAS GZHAN MA YIN PA'I PHYIR RO ZHES BYA BA SMOS TE, RNAM PAR SHES PA'I RANG GI BDAG NYID BZHIN NO, ,DE LTA NA NI RGYU'I YUL THA DAD PAR BRTAGS PAS DON CI ZHIG GSOS PAR 'GYUR TE, TSIG BAR MA MA SMOS PAS RGYU'I BYED PA'I YUL THA DAD PAR BRTAGS PAS ZHES BYA BA'I THA TSIG GO, ,DE'I PHYIR DE LTA BAS NA GNAS SKABS DE'I NYES PAR 'GYUR TE, NGO BO NYID THA DAD PA MIG LA SOGS PA DAG LAS 'BRAS BU THA DAD PA MA YIN PA 'BYUNG BA LA, RGYU THA DAD PA NI THA DAD PA BYED PAR MI 'GYUR TE, DE THA DAD KYANG THA DAD PA MED PA'I PHYIR RO, ,THA DAD PA MA YIN PA MED KYANG THA DAD PA MED PAR 'GYUR RO, ,THA DAD PA MED PA YANG THA DAD PA MED PAR BYED PAR MI 'GYUR RO, ,DE'I PHYIR THA DAD PA DANG THA DAD PA MED PA NI RGYU MED PA CAN DU 'GYUR TE, THAMS CAD KYANG DE LAS GUD NA MED PA'I PHYIR; THAMS CAD KUN RGYU MED PA CAN DU 'GYUR RO, ,DE LTAR GYUR NA BRTAG TU YOD PA'AM MED PA ZHIG TU 'GYUR RO ZHES SMOS PA GANG YIN PA SNGA NA YOD PA DE'I GNAS SKABS ZHES BYA'O, ,BRGYA ZHIG LA SHES PA DE NI THA DAD PA MED PA KHO NA YIN NA, 'BRAS BU RTOGS PA'I BDAG NYID LA SOGS PA'I CHOS NI THA DAD DE RTOG PAS SGRO BTAGS PA YIN NO, ,DE'I PHYIR DE DAG DANG THA DAD PA MA YIN PA'I PHYIR SHES PA DU MA NYID DU 'GYUR RO ZHES BYA BA'I GTAN TSIGS DANG, DE DAG KYANG THA DAD PA MA YIN PAR 'GYUR RO ZHES BYA BA MA GRUB BO ZHES SMRA BAR DOGS PA'I PHYIR, GAL TE DE'I BYED PA'I YUL THA DAD PAR BRTAGS PA BYED DO ZHE NA NI ZHES BYA BA SMOS TE, DE'I ZHES BYA BA'I SGRA NI RGYU DANG SBYAR RO, ,CI ZHIG BYAS NAS SHE NA, CHOS THA DAD PAR BRTAG PA BYAS NAS ZHES BYA BA SMOS SO, ,SU'I ZHE NA, 'BRAS BU'I BDAG NYID KYI'O, ,CI 'DRA BA ZHE NA, DU MA LAS LOG PA DANG LDAN PA STE, MI RTOGS PA'I BDAG NYID LA SOGS PA DU MA LAS LOG PA'O, ,YANG NA LOG PA DU MA ZHES BYE BRAG GI TSIG SDUD PA'O, ,CHOS THA DAD PA BRTAG PA JI LTAR BYED SNYAM PA LA, RGYU DANG MTHUN PAR ZHES BYA BA SMOS TE, RTOGS PA'I BDAG NYID YID LA BYED PA LAS, RTOGS PA'I NGO BO KHO NA ZHES BYA BA LA SOGS PA DANG NGO, ,GYIS SHIG CES BYA BA @31A *, ,'DIS NI RJES SU DGA' BA STON TO, ,GAL TE PHYOGS 'DI JI GA [?] NYES PA MED PAR 'GYUR RO SNYAM PA LA, RGYU'I BYED PA DE NI YANG DAG PA'I DON DU NA BRTAGS PA PA KHO NA YIN PAR 'GYUR RO ZHES BYA BA SMOS TE, CI'I PHYIR SNYAM PA LA, RTOG PA'I BZOS SBYAR BA DAG LA YIN TE ZHES BYA BA SMOS TE, RTOGS PA'I BDAG NYID LA SOGS PA DAG LA ZHES BYA BA LHAG MA'O, ,RGYU'I BYED PA DE NI RTOG PA'I BZOS SBYAR BA DAG LA YIN TE, DE'I PHYIR DE LTA BAS NA, YANG DAG PA'I DON DU NA, BRTAGS PA PA KHO NA YIN PAR 'GYUR RO, ,GAL TE BRTAGS PA YIN DU ZIN KYANG NYES PA CI ZHIG YOD SNYAM PA LA, DE LTA NA NI 'BRAS BU RGYU MED PA CAN DU 'GYUR TE ZHES BYA BA SMOS SO, ,CI'I PHYIR 'BRAS BU RGYU MED PA CAN DU 'GYUR SNYAM PA LA, RGYU'I BYED PA BRTAGS PA'I BDAG NYID RNAMS LA NYE BAR SBYOR BA'I PHYIR RO ZHES BYA BA SMOS SO, ,DNGOS SU NA 'BRAS BU THA DAD PA MA YIN YANG ZHES BYA BA LA SOGS PA GANG SMRAS PA DE LA NYES PA BRJOD PA'I PHYIR BSHAD PA, GZHAN YANG DNGOS SU NA 'BRAS BU THA DAD PA MA YIN YANG GAL TE KHYOD BYE BRAG RNAMS NI THA DAD PAR KHAS LEN NA, DE LTAR GYUR NA YANG CHOS DANG CHOS CAN DNGOS SU THA DAD PA KHO NAR 'GYUR TE, CI'I PHYIR ZHE NA, THA DAD PA DANG THA DAD PA MA YIN PA'I NGO BO NYID DANG LDAN PA'I PHYIR, ZLA BA DANG SKAR MA LA SOGS PA BZHIN NO, ,DE LTA NA SHUGS KYIS SPYI THA DAD PA KHO NAR 'GYUR BA 'BA' ZHIG TU MA ZAD KYI, GZHAN YANG SNGAR SMOS PA'I NYES PA RGYU'I BYED PA GZHAN DU SBYOR BA BYAS PA'I PHYIR, 'BRAS BU RGYU MED PA CAN DU 'GYUR RO ZHES BYA BA YANG YOD DO, ,'DI LTAR BYE BRAG 'DI DAG KYANG KUN BRTAGS PA KHO NA YIN PAS, DNGOS PO THA DAD PA DANG THA DAD PA MA YIN PA'I NGO BO NYID DANG LDAN PA NYID DU MA GRUB STE, DE LTA YIN PAS JI SKAD SMOS PA'I NYES PA MED DO SNYAM DU SEMS PAR GYUR NA, JI STE BYE BRAG DE DAG KYANG BRTAGS PA KHO NA YIN NO ZHE NA ZHES BYA BA LA SOGS PA SMOS SO, ,DE LTA YIN NA NI ZHES BYA BA NI BRTAGS PA NYID YIN NA'O, ,CI'I PHYIR RIGS PA MA YIN SNYAM PA LA, RTOG PAS BKOD PA'I THA DAD PA NI RGYU'I BYED PA LA MI LTOS SO ZHES BYA BA SMOS TE, 'DIR GTAN TSIGS NI RTOG PAS BKOD PA NYID DO, ,RGYU'I BYED PA LA MI LTOS PA ZHES BYA @31B BA NI DAM BCA' BA'O, ,NAM MKHA'I AUTPALA LA SOGS PA NI DPE NYID DU KHONG NAS DRANG BAR BYA'O, ,'BRAS BU THA DAD MA YIN YANG, ,BYE BRAG RNAMS NI THA DAD DANG, ,GZHAN MIN KHYED 'DOD DE BAS NA, ,ZHES BYA BAS NI 'BRAS BU THA DAD PA MA YIN ZHING, BYE BRAG RNAMS NI THA DAD PA YIN LA, 'BRAS BU LAS BYE BRAG RNAMS GZHAN PA YANG MA YIN NA, DE LTA NA YANG SNGA MA DANG PHYI MA NANG 'GAL BA 'DI JI LTAR BZOD CES BSTAN PA YIN NO, ,DBANG PHYUG GIS BYAS PA NYID KYIS NI DBANG PHYUG GIS BYAS PA BZHIN DU TSIG 'DI RIGS PA DANG LDAN PA MA YIN NO ZHES 'PHYAS BYA BAR STON TO, ,RTOGS PA'I NGO BO LAS GZHAN MIN PAR KHAS LEN NA NI 'BRAS BU DE NI GZUGS LAS SKYE BA MA YIN TE, RTOGS PA'I NGO BO LAS GZHAN MA YIN PA'I PHYIR, RTOGS PA'I NGO BO'I RANG GI BDAG NYID BZHIN NO, ,DE'I RNAM PA DE LAS TE, YUL GYI RNAM PA LAS GZHAN MIN PHYIR 'BRAS BU DE GZUGS LAS KYANG NI SKYE BAR 'GYUR TE, YUL GYI RNAM PA LAS GZHAN MA YIN PA'I PHYIR, YUL GYI RNAM PA'I RANG GI BDAG NYID BZHIN NO, ,DE LTA NA NI 'BRAS BU GCIG LA SKYE BA DANG, MI SKYE BA DAG TU THAL BAR 'GYUR LA, RGYU GCIG LA SKYED PAR BYED PA DANG, SKYED PAR BYED PA MA YIN PA DAG TU THAL BAR 'GYUR TE, SKYE BA DANG MI SKYE BDE DAG KYANG CI'I PHYIR NA MI 'GAL ZHES BYA BAR SBYAR RO, ,'BRAS BU DU MA LA MI 'GAL BA KHO NA'O SNYAM NA 'BRAS BU GCIG LA ZHES BYA BA SMOS SO, ,GAL TE 'BRAS BU GCIG PU DE LA YANG RIM GYIS 'GAL BA MED DO SNYAM NA YANG, CIG CAR ZHES BYA BA SMOS SO, ,BRTAGS PAS NA 'GAL BA MED DO SNYAM NA, YANG DAG PAR ZHES BYA BA SMOS SO, ,DE BZHIN DU RGYU GCIG LA SKYED BYED DANG SKYED BYED MA YIN PA CI'I PHYIR MI 'GAL ZHES BYA BAR SBYAR TE, LHAG MA NI SNGA MA BZHIN NO, ,BRGYA ZHIG LA RTOGS PA LA SOGS PA'I BDAG NYID 'BRAS BU THAMS CAD RNAM PAR SHES PA LA SOGS PA RGYU THAMS CAD LAS SKYE BAR KHAS BLANGS NA JI SKAD SMOS PA'I NYES PA 'DI MED DO ZHES SMRA BAR 'GYUR BAS, KUN NAS THAMS CAD SKYE NA NI, ,ZHES BYA BA LA SOGS PA SMOS TE, RIG PA'I RJES SU 'BRANGS NAS SMRAS TE, THA DAD PA DANG THA DAD PA MA YIN PA SGRUB PAR BYED PA NI, RJES SU 'GRO BA DANG LDOG PA DAG 'KHRUL PA NYID DU STON PA YIN NO, ,JI STE @32A *, ,GAL TE JI SKAD SMOS PA'I NYES PA THOG TU BAB PAS PHYOGS SNGA MA 'DI NI DOR BAR BYA BA YIN GYI, 'DI SKAD DU RANG GI NGO BO NYID JI LTA BA'I BYE BRAG GIS ZHES BYA BA LA SOGS PA LA BRTEN PAR BYA'O ZHES SMRA'O SNYAM NA, GAL TE BYE BRAG RKYEN RNAMS LAS, ,ZHES BYA BA LA SOGS PA SMOS SO, ,RE RE NI SKYED PAR BYED PA MA YIN PAR 'GYUR RO, ,DNGOS PO RNAMS 'GA' ZHIG RTOG PA SNGON DU BTANG NAS, 'DI LA GCIG GIS KYANG NUS KYI, 'DIR BDAG CI DGOS ZHES TE GZHAN LDOG PA MED DO ZHES GSUNGS PA'I PHYIR DE YANG KHYED 'DOD DE, DE'I PHYIR 'DIS NI KHAS BLANGS PA DANG 'GAL BAR STON TO, ,RGYU'I BYED PA BYE BRAG RNAMS LA NYE BAR SBYOR BA BYAS PA'I PHYIR, YIN NA YANG 'BRAS BU RGYU MED PAR 'GYUR, 'DIS NI SNON BSTAN TO, ,JI STE JI SKAD BSHAD PA'I NYES PA YONGS SU SPONG BAR 'DOD NAS, RKYEN RNAMS LAS 'BRAS BU SKYE BAR SMRA NA, 'ON KYANG NYES PA YOD PAS, GAL TE KHYOD NI RKYEN RNAMS LAS, ,ZHES BYA BA LA SOGS PA SMOS SO, ,JI STE JI SKAD SMOS PA'I NYES PA BSAL BA'I PHYIR 'BRAS BU GANG YIN PA DANG, RGYU'I YUL DE GNYIS THA MI DAD PAR 'DOD NA, 'ON KYANG NYES PA YOD PAS JI STE DE GNYIS GZHAN MIN NA ZHES BYA BA LA SOGS PA SMOS TE, MTSUNGS PA DE MA THAG PA'I RKYEN LA SOGS PA DAG LAS, MIG GI RNAM PAR SHES PA DE RTOGS PA'I BDAG NYID LA SOGS PA'I RNAM PAR DBYE BA, CI'I PHYIR 'THAD, DE NI MI 'THAD PA KHO NA'O ZHES BYA BA'I THA TSIG GO, ,DE LTA BAS NA RNAM PAR SHES PA DE GCIG PA YANG MA YIN TE, DE DAG LAS KYANG GZHAN MA YIN PA'I PHYIR RO, ,YANG NA DE DAG KYANG THA DAD PAR MI 'GYUR TE, CI'I PHYIR ZHE NA, RNAM PAR SHES PA LAS GZHAN MA YIN PA'I PHYIR RO, ,DE LTA YIN NA NI RANG BZHIN THA DAD PA RNAMS LAS ZHES BYA BA LA SOGS PA NYES PA'I TSOGS, BSHAD ZIN NYES PAR THAL 'GYUR PHYIR, ,'DI NI GLANG CHEN KHRUS 'DRAR 'GYUR, GCIG GIS DU MA'I DNGOS MI BYED, ,CES BYA BA PHYOGS GSUM PA LA 'JUG PAR BYA BA'I PHYIR, GZHAN YANG GZHAN 'DIR BRJOD PAR BYA STE ZHES BYA BA LA SOGS PA SMOS SO, ,CI'I PHYIR THA DAD PA DANG THA DAD PA MA YIN PA RGYU MED PA CAN DU 'GYUR SNYAM PA LA, RGYU THA DAD PA MED BZHIN DU YANG 'BRAS BU @32B THA DAD PA'I PHYIR RO ZHES BYA SMOS SO, ,'DIS NI THA DAD PA DANG THA DAD PA MA YIN PA SGRUB PAR BYED PA RJES SU 'GRO BA DANG LDOG PA DAG 'KHRUL PAR STON TO, ,GAL TE GANG GIS 'BRAS BU GCIG BYED PA DE LAS BDAG NYID KYI KHYAD PAR GZHAN GYIS 'BRAS BU GZHAN BYED DO ZHE NA ZHES BYA BAR SBYAR TE, 'O NA NI DNGOS PO DE GCIG PUR MI 'GYUR TE, BDAG NYID KYI KHYAD PAR LAS THA DAD PA MED PA MA YIN PA'I PHYIR, BDAG NYID KYI KHYAD PAR MED PAR MA YIN PA BZHIN NO, ,GAL TE RGYU GCIG GIS 'BRAS BU GCIG KHO NA BYED DU ZAD MOD CE NA ZHES BYA BAS NI PHYOGS BZHI PA LA BRTEN PAR BYED DO, ,DE LTA NI MA YIN TE ZHES BYA BA LA SOGS PAS NI 'GOG PAR BYED DO, ,CI'I PHYIR ZHE NA, 'GRO BA THAMS CAD LONG BA DANG 'ON PA LA SOGS PA'I DNGOS POR THAL BAR 'GYUR BA'I PHYIR RO ZHES BYA BA SMOS SO, ,MIG LA SOGS PA RANG GI RIGS DANG MTHUN PA'I SKAD CIG SKYED PAR BYED PA YIN PA'I PHYIR, RANG GI RNAM PAR SHES PA SKYED PAR BYED PA NYID MA YIN NO ZHES BYA BA LHAG MA'O, ,DE LTA YIN NA RNAM PAR SHES PA MED NA LONG BA DANG, 'ON PA DANG, DRI MI TSOR BA DANG, RO MI MYONG BA DANG, REG MI TSOR BA'I DNGOS POR GSAL BAR THAL BAR 'GYUR RO, ,JI STE RANG GI RNAM PAR SHES PA SKYED PA NYID DU KHAS LEN NA, DE LTA YIN NA NI SNGAR BSHAD PA'I NYES PA NI MED MOD KYI, NYES PA GZHAN YOD PAS BSHAD PA, RANG GI RNAM PAR SHES PA SKYED PAR BYED PA NYID YIN PAR KHAS LEN NA NI RANG GI RIGS 'CHAD DE, MIG LA SOGS PA'I RIGS 'CHAD DO ZHES BYA BA'I THA TSIG GO, ,DE BAS DE LTA BAS NA CIR YANG MI RUNG NGO, ,CI'I PHYIR ZHE NA, SHES PA'I SKAD CIG PHYIN CHAD MIG LA SOGS PA YANG MED LA, RNAM PAR SHES PA YANG MED PAS CIR YANG MI RUNG NGO ZHES BSHAD DO, ,RGYU GCIG GIS 'BRAS BU GCIG SKYED PAR BYED DO ZHES BYA BA KHAS MI LEN MOD KYI BRGYA ZHIG LA PHA ROL PO RE THAG CHAD PAR GYUR PA DE SKAD SMRA BAR 'GYUR BAS KHO BO CAG GIS DE'I TSIG 'JUG PA LA GNOD PA BYAS SO SNYAM DU BSAMS PA'O, ,DE LTA MIN NA ZHES BYA BA LA, DE LTA MA YIN PA NI 'GRO BA GZHAL BYA YANG YIN LA, DBANG PHYUG BYED PA PO YANG YIN NA 'DI LA 'GAL BA CI YOD CES BYA BA 'DI'O, ,GZHAL BYA NYID, ,LA SOGS YE MED KHO NAR 'GYUR, ,ZHES BYA BA NI DBANG PHYUG BYED PA PO NYID YIN NA RGYU NYE PA @33A *, ,KHO NA LAS 'GRO BA SKYE BA'I PHYIR 'DI NI GZHAL BYA YIN NO ZHES BYA BA 'DI NYID MI SRID DE, DUS CIG CAR BA RNAMS KYI YONGS SU GCAD PAR BYA BA DANG, YONGS SU GCOD PAR BYED PA'I DNGOS PO MI RUNG BA'I PHYIR RO, ,SOGS PA SMOS PAS NI BSKYED PAR BYA BA DANG SKYED PAR BYED PA LA SOGS PA YONGS SU BSDU'O, ,RNAM PA MANG POR MDZAD CES BYA BA NI BDAG LAS MA YIN GZHAN LAS MA YIN TE ZHES BYA BA LA SOGS PAS SO, ,DE BZHIN DU SKYE BA 'GOG PAR BYED PA BDAG LAS GZHAN LAS ZHES BRTAGS PA'I THA SNYAD 'DOGS PA'I RGYU CAN LA YIN NA NI, 'DI GRUB PA SGRUB PA'O, , DE LTA NA GANG LAS SKYE BA DE BDAG LAS GZHAN LAS ZHES THA SNYAD GDAGS PAR MI NUS TE, RANG GI MTSAN NYID NI NGAG GI RGYU LAS 'DAS NAS 'JUG PA'I PHYIR RO, ,GANG YANG GZHAN ZHES BYA BA LA SOGS PAS THA SNYAD 'DOGS PA DE NI RTOG PAS NYE BAR BKOD PA YIN TE, DE'I PHYIR DE LAS MI SKYE'O ZHES BYA BA SMRA BA NI GSAL BA KHO NAR GRUB PA SGRUB PA NYID YIN NO, ,'DI LTAR RGYU MED DNGOS MED PAS, ,ZHES BYA BA LA SOGS PAS NI PHA ROL PO RANG GI SGO KHO NA NAS LEN 'DEBS SU 'JUG PAR RIM PA 'GOD PAR BYED PA'O, ,CI S'A LU'I SA BON LA SOGS PA DE MYU GU LA SOGS PA 'BRAS BU LAS GZHAN NAM, 'ON TE SA BON LA SOGS PA DE NYID MYU GU LA SOGS PA YIN, CI'I PHYIR RTOG PA 'DI GNYIS KHO NA BYED SNYAM PA LA, PHAN TSUN LOG PA'I LUS LA NI, ,ZHES BYA BA LA SOGS PA SMOS SO, ,RNAM PA GZHAN ZHES BYA BA NI, SA BON LAS MYU GU LA SOGS PA GZHAN YANG YIN LA, GZHAN MA YIN PA GANG YIN PA DANG, GZHAN YANG MA YIN GZHAN MA YIN PA YANG MA YIN ZHES BYA BA STE 'DI NI 'GAL BAS MI SRID DO, ,RANG GI MTSAN NYID NI NGAG GI SPYOD YUL LAS 'DAS PA'I PHYIR BRJOD PAR MI NUS ZHES SMRA'O, ,LAM GZHAN NI BRJOD PA'I KUN RDZOB PO, ,LEGS ZHES BYA BA NI LAM GZHAN GYI BYE BRAG GAM BYA BA'I BYE BRAG GO, ,JI LTAR THA SNYAD KYI RJES SU MTHUN PAR BUM PA SNAM BU ZHES BYA BA LA SOGS PAR BSNYAD PAR NUS PA DE BZHIN DU, SA BON LA SOGS PA LAS MYU GU LA SOGS PA GZHAN NAM GZHAN MA YIN ZHES BYA BA LA SOGS PA 'DI YANG BSNYAD PAR NUS PAR GNANG NGO, ,DE LTA MA YIN TE RNAM PA THAMS @33B CAD DU BRJOD PAR BYA BA MA YIN NA NI, MI SMRA THUG STE, 'DI LTAR PHYED RGAS PA NI RIGS PA MA YIN NO, ,JI STE SA BON LA SOGS PA DANG MYU GU LA SOGS PA GZHAN DANG GZHAN MA YIN PA'I PHYOGS GNYIS KYI NANG NAS 'GA' PHYOGS GSUM PA ZHIG BRJOD NA, DE NYID KHO BO CAG GIS DGAG ,DE BAS DE LTA BAS NA DE LTA YIN NA NI, PHA ROL GYIS KHAS BLANGS PA 'GOG PA YIN NA, RTZOD PA LA BZO BA GA LA YIN, KHYOD RTZOD PA LA MKHAS PA GA LA YIN TE MA YIN PA KHO NA'O ZHES BYA BA'I THA TSIG GO, ,'DI SKAD DU DBU MA PA NI BYAS SHI 'GOG PA SMRA BA NI MA YIN GYI, 'ON KYANG PHA ROL POS PHYOGS GANG KHAS LEN PA DE KHO NA 'GOG PA SMRA'O, ,JI STE PHA ROL PO PHYOGS 'GA' YANG KHAS MI LEN NA NI, DBU MA PA 'GOG PA YANG CI YANG MI SMRA BA NYID DO, ,DE LTA YIN NA BDAG LAS SKYE GZHAN LAS SKYE ZHES BYA BA DE LTA BU NI PHA ROL PO KHO NAS SMRAS KYI, SLOB DPON GYIS NI MA YIN NO, ,SLOB DPON NI MA YIN NO ZHES DGAG PA TZAM 'CHAD PAR ZAD PAS NYES PA CI YANG MED DO ZHES BSHAD PA YIN NO, ,MA ZHIG PA LAS 'BRAS SKYE NA, ,DE TSEM ZHIG PA'I GNAS SKABS NA, CI'I PHYIR 'BRAS BU MED, GAL TE YOD NA NI DE'I TSE 'BRAS BU DANG RGYU GNYIS CIG CAR YIN PAR THAL BAR 'GYUR RO, ,DE LTA NA YANG DE GNYIS KYI RANG GI NGO BO NYAMS PAR THAL BA YIN NO, ,ZHIG NAS 'BRAS BU SKYE NA NI DE TSE RGYU GANG LAS 'BRAS BUR 'GYUR, 'DI LTAR RE ZHIG 'BRAS BU 'DI RGYU ZHIG PA LAS NI MI 'GYUR TE, DE NUS PAR BRJOD PA THAMS CAD DANG BRAL BA'I NGO BO NYID YIN PA'I PHYIR RO, ,RGYU GZHAN YANG YOD PA MA YIN TE, DE LA YANG MTSUNGS PAR THAL BAR 'GYUR BA'I PHYIR RO, ,DE'I PHYIR 'BRAS BU RGYU MED PA CAN KHO NAR 'GYUR RO, ,YANG NA NI MED PA KHO NAR 'GYUR RO, ,JI STE BDAG NYID KYIS RANG DAGS RGYU MA 'GAGS PA YOD PA LAS 'BRAS BU SKYE'O ZHES BYA BA DE LTA BUR RTOG PAR BYED NA, DE LA YANG RGYU DANG 'BRAS BU DUS MNYAM PA NYID KHO NA DANG 'BREL BAR 'GYUR RO, ,GAL TE YANG RGYU'I LUS NI 'JIG PAS ZIN LA, 'BRAS BU NI SKYE BAS ZIN TE, RGYU 'JIG PA NA MJUG THOGS KHO NAR 'BRAS BU SKYE LA, BAR NA BAR DU GCOD PAR BYED PA'I DUS CI YANG MED PAS, DE'I PHYIR RGYU MA 'GAGS PA'I MJUG THOGS KHO NAR 'BRAS BU 'BYUNG NGO, ,GANG GI PHYIR SKAD @34A *, ,CIG MA DANG PO LA NI RGYU, SKAD CIG MA GNYIS PA LA NI 'BRAS BU SKYE STE, DE LTA YIN NA NI MA ZHIG PA LAS SKYE BA YIN NO, ,'DI LTAR MJUG THOGS SU YOD PA YIN LA, DE YANG MA ZHIG PA KHO NA LAS 'BYUNG BA YIN NO, ,DE LTA MA YIN NA SKAD CIG GSUM PA LA 'BRAS BUR 'GYUR TE, SKAD CIG DANG PO LA NI RGYU YOD PA'O, ,GNYIS PA LA NI 'JIG PA'O, ,ZHIG NAS NI 'BRAS BU SKYED DE SKYES MA THAG TU NI 'BRAS BU YOD PA YIN NO SNYAM DU SEMS NA, 'DI YANG RIGS PAS 'BREL PA NYAMS SU 'BAB PA MA YIN NO, ,'DI LTAR RE ZHIG DANG PO KHO NAR DE LTA MA YIN NA, SKAD CIG GSUM PA LA 'BRAS BUR 'GYUR RO ZHES BYA BA LA SOGS PA 'DI SHIN TU MA 'BREL BA YIN TE, GANG ZHIG JI LTAR YANG ZHIG PA DANG MA ZHIG PA LAS SKYE BAR MI 'DOD PA DE LA, 'DI LTA BU'I RJOD PA JI LTAR 'TSAM ZHES BDAG NYID KYIS RTOGS SHIG ,GANG YANG RE ZHIG SKAD CIG MA DANG PO LA ZHES BYA BA LA SOGS PA GANG YIN PA DE YANG SNYING PO MED PA NYID DO, 'DI LTAR SKAD CIG GNYIS PA LA MA ZHI PA LAS 'BRAS BU 'DI 'BYUNG BA NI MA YIN TE, DE'I TSE MA ZHIG PA MED PA'I PHYIR RO, ,GANG GI TSE 'DI MA ZHIG PA DE'I TSE YANG 'BRAS BU MED PA KHO NA'O, ,JI STE SKAD CIG GNYIS PA LA MA ZHIG PA KHO NA LAS 'BRAS BU SKYE STE, 'DI LTAR SKYES MA THAG TU YOD LA, DE YANG MA ZHIG PA KHO NA LAS 'BYUNG NGO ZHE NA, YIN LA NI RAG MOD KYI, KHYOD KYI SKAD CIG PA NYID MA YIN PAR 'GYUR RO, ,GAL TE 'DI SKAD CIG PA NYID MA YIN PA MA YIN TE, 'DI LTAR RGYU 'JIG PA NA 'BRAS BU SKYED PAR BYED DO ZHE NA, DE YANG RIGS PA MA YIN TE, ,'DI LTAR RE ZHIG GANG GI TSE RGYU 'JIG PA DE'I TSE NA RE ZHIG 'BRAS BU MED LA GANG GI TSE, ZHIG ZIN PA DE'I TSE 'BRAS BU DE GANG LAS 'BYUNG ZHES BRJOD PAR BYA, GAL TE 'JIG PA DE NYID LAS 'BYUNG NGO ZHE NA, DE'I TSE DE MED PA MA YIN NAM, GANG GI TSE YOD PAR GYUR PA DE'I TSE NI DE LAS 'BRAS BU 'BYUNG BAR KHYOD MI 'DOD DO, ,GNAS SKABS GZHAN YANG CI YANG MED DE, DE'I PHYIR DNGOS PO RTOGS BZHIN DU YANG MJUG THOGS PA LA MNGON PAR ZHEN PA TZAM GYI LING TOG GIS YANG DAG PA'I BLO'I MIG KHEBS PAS, RGYU MA 'GAGS PA LAS SKYE'O SNYAM DU GDON MI ZA BAR SEMS TE, DE LTAR NI DBYE @34B PAR MI NUS SO, ,'DI LTAR SKAD CIG DANG PO LA NUS PA THAMS CAD MA NYAMS PA RGYU MTHU CHE BA'I TSE NI 'BRAS BU MI SKYE'O, ,SKAD CIG GNYIS PA STE, GANG GI TSE 'BRAS BU SGRUB PAR NUS PA'I MTHU'I BYE BRAG THAMS CAD MED PAR GYUR PA DE'I TSE, 'BRAS BU SKYE BAR JI LTAR 'GYUR, ,DE LTA BAS NA SMRA CI DGOS TE DE NI GZHAG GO, ,DE DAG RNAM PAR RTOGS BYED PA, ,ZHES BYA BA LA SOGS PA NI DON GSAL LO, ,GAL TE 'DI YOD NA 'DI 'BYUNG ZHES BYA BA NI LUNG DANG 'JIG RTEN NA YANG YOD LA, SA BON LA SOGS PA RGYU DANG 'BRAS BU'I DNGOS PO 'DI YANG 'DI TZAM GYI RGYU RKYEN YIN PAS DE'I PHYIR 'DI DON DAM PAR YOD DO ZHE NA, 'DI YOD 'DI ZHES BYA BA DANG, ,ZHES BYA BA LA SOGS PA SMOS TE, 'DI SKAD DU 'DI YOD NA 'DI 'BYUNG ZHES BYA BA 'DI 'JIG RTEN DANG GRUB PA'I MTHA' LA YANG YOD DE, DE NI TSIG TZAM GYIS MA YIN TE TSAD MAS YIN NA, SNGAR BSHAD PA YI RNAM PA YIS, ,TSAD MA'ANG KHYOD LA YOD MA YIN, SNGAR BSHAD PA YI RNAM PA NI, ,RNAM PA MED PA'I SHES PA NI, ,YUL LA 'DZIN PAR MI RIGS SO, ,ZHES BYA BA LA SOGS PA DANG, DU MAS DNGOS PO GCIG MI BYED, ,CES BYA BA LA SOGS PA'O, ,DE LTA BAS NA NGED KYI TE, ,KHO BO CAG GI RKYEN NYID 'DI PA TZAM, GSUNG RAB DANG 'JIG RTEN NA YOD PA NI, JI LTAR SNANG BA KHO NAR ZAD DO, ,CI'I PHYIR SNYAM PA LA, 'DI LTAR 'DI LA DNGOS BSAMS NA, ,ZHES BYA BA LA SOGS PA SMOS SO, ,BRGYA ZHIG LA NGA YANG JI LTAR SNANG BA 'DI KHO NA 'DOD DO ZHES SMRA BAR 'GYUR BAS, NGED KYANG DE LTAR 'DOD CE NA, ,ZHES BYA BA LA SOGS PA SMOS SO, ,GAL TE BAG MED PAS 'KHRUL PA'I PHYIR RKYEN 'DI TZAM RJOD PA LA NYES PA CI YANG MED DO ZHE NA, YANG DANG YANG DU ZHES BYA BA SMOS TE, MKHAS PA NI NAM YANG YANG DANG YANG DU 'KHRUL PAR MI 'GYUR RO, ,GAL TE TSAD MAS GRUB PA'I PHYIR RO ZHE NA, DE GRUB BYA LA TSAD MA NI, ,ZHES BYA BA LA SOGS PA SMOS SO, ,GAL TE TSIG TZAM GYIS GRUB PO ZHE NA; THAMS CAD 'GRUB PAR THAL 'GYUR PHYIR, ,ZHES BYA BA LA SOGS PA SMOS TE, ,BRJOD PAR 'DOD PA'I GZHAN DBANG PHYIR, ,SGRA RNAMS GANG LA YOD MA YIN, ,DE YOD PAS NI DON 'GRUB NA, ,THAMS CAD KYI NI THAMS CAD 'GRUB, ,CES 'BYUNG BA'I PHYIR THAMS CAD 'GRUB PAR THAL BA YIN NO, , @35A *, ,'DI LTA BU'I RKYEN 'DI PA NYID TZAM 'DI YANG DAG PAR YOD DO ZHES RJOD PAR BYED CING BDAG NYID STOD PAR BYED PA NI, KYE MA'O BLO NI SHIN TU ZHIB, ,'DIS NI BLUN PA NYID DU BRJOD CING BZHAD GANG DU BYED DO, ,KHYOD KYIS KUN RDZOB KYI BDEN PA'I BYE BRAG NI BRJOD LA, GANG GIS NA DE BDEN PA YIN PA KUN RDZOB DE NYID NI MA BSHAD DO SNYAM PA LA, JI STE KUN RDZOB KYI ZHES BYA BA 'DI CI ZHIG YIN ZHE NA ZHES BYA BA LA SOGS PA SMOS SO, ,GANG ZHIG GIS SGRIB CES BYA BA 'DIS NI BYED PA SGRUB PA'O, ,GANG ZHIG LA ZHES BYA BA 'DIS NI GZHI SGRUB PA'O, ,BZHED CES BYA BA NI BCOM LDAN 'DAS BZHED CES BYA BA'I THA TSIG GO, ,'DI NYID LUNG DANG BSTAN PA'I PHYIR, ,MDO LAS JI SKAD DU ZHES BYA BA LA SOGS PA SMOS SO, ,SKYE BA KUN RDZOB TU ZHES BYA BA NI JI LTAR SNANG BZHIN SKYE'O ZHES BYA BA'I THA TSIG GO, ,DAM PA'I DON GYI TSUL DU DPYAD NA, RANG BZHIN MED PA RNAMS LA SKYE'O ZHES 'KHRUL PA GANG YIN PA DE NI YANG DAG KUN RDZOB 'DOD DE NI BDEN TE 'KHRUL PA YIN PAR MI BYA'O ZHES BYA BA'I THA TSIG GO, ,KUN RDZOB DES NA SNA TSOGS 'DI KUN THAMS CAD BDEN PA YIN GYI, DAM PA'I DON RIGS PAS NI MA YIN NO ZHES BYA BA'I THA TSIG GO, ,'DI YANG LUNG DANG SBYAR BA'I PHYIR, MDO LAS JI SKAD DU ZHES BYA BA LA SOGS PA SMOS SO, , JI STE KUN RDZOB CES BYA BA 'DI CI YIN ZHE NA ZHES DRIS PA DANG DBU MA PAS KUN RDZOB NI DNGOS PO MED PA YIN NO ZHES BSHAD CES GRAGS PA DE LA, BTZUN PA LHA DBANG BLOS SUN 'BYIN PA SMRAS PA DANG, KUN RDZOB DNGOS PO MED YIN NA, ,GAL TE KUN RDZOB CES BYA BA'I SGRA DNGOS PO MED PAR BRJOD PAR 'GYUR NA ZHES BYA BA'I THA TSIG GO, ,SKYE BA DNGOS PO'I RNAM GRANGS YIN NO ZHES BYA BA'I THA TSIG GO, ,PHYIR DE LTA BAS NA DE LA DNGOS PO GZUGS LA SOGS PA GCIG PO DE LA DE'I TSE, ,NUS DANG MI NUS CIG CAR 'GYUR, ,ZHES BYA BAR BSNYEGS SO, ,GANG GI PHYIR GZUGS LA SOGS PA'I DNGOS PO 'DI KUN RDZOB KYI NGO BO NYID YIN PA DE'I PHYIR DON BYA BAR MI NUS TE MI RUNG BA YIN NO, ,GANG GI PHYIR SKYE BA'I NGO BO NYID YIN PA DE'I PHYIR DON BYED NUS TE BSGRUB PAR NUS PA'O, ,DE LTA BAS NA GCIG LA PHAN TSUN 'GAL BA'I NGO BO NYID GNYIS JI LTAR RUNG, JI STE KUN RDZOB NI SKYE BA'I RNAM GRANGS YIN NO ZHES SMRA NA, DE'I PHYIR SMRAS PA, GAL @35B TE KUN RDZOB SKYE BA YIN NA, DE'I TSE LTA BA 'DI LA NI, KUN RDZOB TU SKYE BZHES BYA BA MKHAS PA RNAMS KYI TSIG 'DI'I DON NI, SKYE BA SKYE ZHES BYA BAR 'GYUR BAS MTSAR TO, ,DE LTAR BAS NA BRJOD PA DE LTA BU NI 'BREL PA MA YIN NO ZHES PHYAS SU BYA BA'O, ,'DI NI 'BREL PA MED PA GZHAN YIN TE, 'DI'I SKYE BA KUN RDZOB STE, , DON DAM PA NI MA SKYES NA ZHES BYA BA LA SOGS PA 'DI SMOS TE, DON DAM PA NI KUN RDZOB LAS BZLOG PA YIN PA'I PHYIR RO SNYAM DU BSAMS PA'O, ,DE LTA YIN NA DNGOS PO RNAMS DON DAM PAR MA SKYES PA'O ZHES BYA BA LA 'DI SKAD DU, SKYE BA MED PAS DNGOS PO RNAMS MA SKYES PAR BSHAD PAR 'GYUR RO, ,DE LTA BAS NA RGOL BA DE SKAD DU, SMRA NA GRUB PA SGRUB PA NYID SMRA BAR 'GYUR TE, 'DI LTAR DNGOS PO RNAMS SKYE BA MED PAS MA SKYES SO ZHES BYA BA DE NI THAMS CAD LA GRUB PA KHO NA STE, DE'I PHYIR DAM BCAS PA GRUB PA SGRUB PA NYID KYI NYES PA YIN NO, ,DE LTA YIN NA RGOL BAS RKYEN LA RAG LAS TE, SKYE BA NYID KYI GTAN TSIGS 'DIS GANG GIS NA 'DI SGRUB PA YIN PAR 'GYUR BA, MI 'DOD CI ZHIG BSGRUBS PAR 'GYUR, ,RIGS PA'I RJES SU 'BRANGS NAS 'DIS, ,GNAS PA LA SOGS DE BZHIN BRJOD, ,GNAS PA DANG BRGAL BA DANG MI RTAG PA NYID LA SOGS PA LA YANG DE BZHIN BRJOD DE, 'DI LTAR KUN RDZOB DNGOS PO MED YIN NA, ,GNAS SOGS DNGOS PO YIN PA'I PHYIR, ,DE TSE DNGOS PO GCIG DE LA, ,NUS DANG MI NUS CIG CAR 'GYUR, ,GAL TE KUN RDZOB GNAS SOGS YIN, ,ZHES BYA BA LA SOGS PA'O, ,DE LA SOGS PA ZHES SMOS PA NI SLOB DPON CHOS SKYONG GIS JI STE KUN RDZOB CES BYA BA 'DI CI ZHIG YIN, MI BDEN PA'I RNAM GRANGS YIN NAM ZHES BYA BA LA SOGS PA SMRAS PA'AM, GZHAN 'GA' ZHIG GIS KUN RDZOB KYI BDEN PA LAS BRTZAMS NAS SMRAS PA, GANG YIN PA BSDUS TE SKABS DANG MI LDAN PA'I PHYIR, MA 'BREL LA, 'DI SKAD KYI BYINGS DANG NYE BAR BSGYUR BA DANG, RKYEN RNAMS KYI DON MA YIN PA'I PHYIR SGRA'I DON MA YIN NO, ,KUN RDZOB MTSAN 'DI LAS ZHES BYA NI GANG GIS YANG DAG PA'I SGRIB PAR BYED CES BYA BA LA SOGS PA LAS SO, ,NYAMS PA NI BRAL BA ZHES BYA BA'I THA TSIG GO, ,DE BAS NA 'DIS NI RGOL BA DAG BSAL BAR BYA BA LA KHO BO CAG 'BAD PA MI BYED DO ZHES @36A *, ,RJOD PAR BYED DO, ,SLOB DPON CHOS SKYONG GIS DNGOS PO GCIG LA CIG CAR BDEN PAR YANG 'GYUR, MI BDEN PAR YANG 'GYUR ZHES 'GAL BA SMRAS PA YONGS SU SPANG BA'I PHYIR BSHAD PA, DNGOS PO'I STOBS KYIS ZHUGS PA'I RJES SU DPAG PA'I RIGS PAS BRTAGS NA NI, BDEN PA MA YIN TE, DNGOS PO'I STOBS KYIS ZHUGS PA'I RJES SU DPAG PAS MI RUNG BA'I PHYIR RO, ,DNGOS PO DE GZHAN DU NA BDEN PA YIN TE, JI LTAR SNANG BA BZHIN DU ZHES BYA BA'I THA TSIG GO, ,YANG NA NI RIGS PA LAS GZHAN PA NI DE GZHAN DU NA STE, DES NA JI LTAR SNANG BA DANG RIGS PA'I STOBS KYIS BRJOD PA NA DNGOS PO GCIG LA BDEN PA NYID DANG MI BDEN PA NYID JI LTAR 'GAL TE, MI 'GAL BA NYID DO ZHES BYA BA'I THA TSIG STE, LTOS PA'I BYE BRAG GIS ZHES SNYAM DU BSAMS PA'O, ,SLOB DPON LHA DBANG BLOS 'GAL BA SMRAS PA YONGS SU SPANG BA'I PHYIR, RIGS PAS BRTAGS NA DNGOS MA YIN, ,ZHES BYA BA LA SOGS PA SMOS SO, ,DA NI DBU MA PA RNAMS KYI DAM BCAS PA JI LTAR BUR RNAM PAR GNAS PA DE BSNYAD PA'I PHYIR, DE LTA YIN NA YANG ZHES BYA BA LA SOGS PA SMOS TE, 'DI SKAD DU PHA ROL PO RNAMS KYIS NI DNGOS PO RNAMS DON DAM PAR SKYES SO ZHES SMRAS LA, DBU MA BAS NI DNGOS PO RNAMS DON DAM PAR SKYES SO ZHES GANG SMRAS PA DE MA YIN NO ZHES DGAG PA TZAM BYED PAR ZAD DO ZHES BSHAD PA YIN NO, ,TSIG DON 'DI NI RIGS PA YI, ,RJES SU 'BRANGS NAS SKYE BA MED, ,CES BYA BA NI DE NYID STON PAR BYED PA YIN TE, TSIG 'DI'I DON NI DON DAM PAR MA SKYES PA'O ZHES BYA BA YIN NO, ,GZHAN LA'ANG DE BZHIN SBYAR BAR GYIS, ,ZHES BYA BA LA SOGS PA NI RTOGS PAR SLA'O, ,PHA ROL PO DNGOS POR SMRA BA RNAMS KYIS SKYE BA LA SOGS PA 'DOD PA ZHES BYA BAR SBYAR TE, SOGS PA SMOS PA NI GNAS PA LA SOGS PA GZUNG NGO, ,JI LTA BU ZHIG SNYAM PA LA BSHAD PA, RIGS LAM BRTEN PA CAN, ,ZHES BYA BA SMOS SO, ,GANG DAG GI SNYAM PA LA DNGOS PO RNAMS KYI ZHES BYA BA SMOS TE, GZUGS LA SOGS PA RIG PA'I LAM LA BRTEN PA NYID KYI NGO BO DE KHO NA RANG BZHIN MED PA NYID DU MTHONG BA'I PHYIR RO, ,'GOG PAR BYED NA DE BAS DE LTA NA RANG BZHIN MED PA NYID DU LTA BA LA, CI ZHIG GNOD DE CI ZHIG GNOD, ,CES BYA @36B PA'I TSIG 'DIS NI GZHAN DAG GIS DAM BCAS PA LA, MNGON SUM DANG, RJES SU DPAG PA DANG, RANG GI TSIG DANG GRANGS PA DANG LUNG DANG 'GAL BA'I GNOD PA YOD DO ZHES BRJOD PA GANG YIN PA DE MI SRID DO ZHES STON PAR BYED DO, 'DI LTAR SKYE BA LA SOGS PA JI LTAR SNANG BA BZHIN RNAM PAR GNAS PA DE DAG NI GANG GI PHYIR MNGON SUM LA SOGS PA DANG 'GAL BAR 'GYUR BA DE LTAR NI MI 'GOG GI ,RIGS PA JI LTA BA BZHIN DU 'GOG STE, JI LTAR GZHAN DAG GIS SKYE BA LA SOGS PAR YONGS SU BRTAGS PA DAG 'JUG PA DE DAG KYANG DE LTAR NI MNGON SUM MA YIN TE, DE LTA BAS NA DE DANG GA LA 'GAL, DON DAM PAR SKYE'O ZHES BYA BA DE LA RIGS PA SMRA BA RNAMS KYIS GZHAN DAG GIS DON DAM PA ZHES BYA BA'I SGRA'I DON JI LTA BUR YONGS SU BRTAGS PA DE LA BRTEN NAS 'GOG PAR BYED DE, DE LTA YIN NA SLOB DPON CHOS SKYONG GIS DAM PAR MA SKYES ZHES BYA BA 'DI LA, DON DAM PA ZHES BYA BA'I SGRA'I DON CI YIN ZHES BYA BA LA SOGS PAS GNOD PA SMRAS PA GANG YIN PA DE 'DI LA MI SRID DO SNYAM NAS, CI ZHIG GNOD CES BYA BA SMOS TE, 'DI LTAR DON DAM PAR SKYE'O ZHES BYA BA 'DI LA, DON DAM PA ZHES BYA BA'I SGRA'I DON 'JIG RTEN GYI RNAM PAR 'JOG PA GANG YIN PA DE NYID RIGS PA SMRA BAS 'GOG PAR BYED DO, ,DE NI YANG RAB 'BYOR ZHES BYA BA LA SOGS PA MDO'I TSIG 'OG NAS 'BYUNG BA BSHAD PAR BZHED NAS, DE NYID KYI PHYIR ZHES BYA BA SMOS TE, GANG GI PHYIR DON DAM PA DANG MTHUN PA'I PHYIR, KUN RDZOB NYID DON DAM PA'I SGRAR BRJOD PA DE NYID KYI PHYIR, KUN RDZOB CES BYA BA LA SOGS PA SMOS TE, DE BZHIN NYID NI NGO BO NYID DO, , CI'I PHYIR KUN RDZOB DANG DON DAM PA GNYIS THA MI DAD SNYAM PA LA, RIGS DE YANG ZHES BYA BA LA SOGS PA SMOS TE, DE LTA YIN NA NI RIGS PA YANG KUN RDZOB KHO NA YIN NO, ,CI'I PHYIR ZHE NA, JI LTAR SNANG BA'I NGO BO NYID YIN PA'I PHYIR RO, ,DE NYID CI'I PHYIR SNYAM PA LA, RIGS PA NI ZHES BYA BA LA SOGS PA SMOS SO, ,CI'I PHYIR RIG PA GZHAN DU MI 'JUG GO SNYAM PA LA, 'DI LTAR ZHES BYA BA LA SOGS PA SMOS TE, 'DI RNAM PAR 'GROL PAR BYED DO, ,RJES SU DPAG PA DANG RJES SU DPAG PAR BYA BA 'BYUNG GI ZHES BYA BAR SBYAR RO, ,JI LTAR ZHE NA RGOL BA DANG PHYIR RGOL BA DAG GI SNANG BA'I CHOS SO, , @37A *, ,NGA LA ZHE NA, BLO'I BDAG NYID LA'O, ,JI LTA BUR ZHE NA, CHOS CAN DANG, CHOS DANG, DPE NYID DU RNAM PAR GZHAG PAR RO, ,GZHAN NA NI 'BYUNG BA MA YIN ZHES BYA BAR SBYAR RO, ,CI'I PHYIR ZHE NA, RJES SU DPAG PA 'BYUNG BA MI RUNG BA'I PHYIR RO, ,JI LTA ZHE NA, GNYIS KA LA MA GRUB PA NYID KYIS SO, ,GANG DAG CE NA, CHOS CAN DANG CHOS LA SOGS PA'O, ,SOGS PA SMOS PAS NI DPE NYE BAR BSDU PA'O, ,CI'I PHYIR GNYI GA LA MA GRUB PA NYID YIN ZHE NA, BSHAD PA CHOS DANG CHOS CAN DANG DPE GANG LA YANG BLO MTSUNGS PA NYID MED PA'I PHYIR RO, ,GANG DAG GI ZHE NA, GZHUNG LUGS THA DAD PA GNAS PA RNAMS KYI'O, ,GZHUNG LUGS NI GRUB PA'I MTHA'O, ,GANG GI PHYIR DE LTAR YIN PA DE NYID KYI PHYIR BLO LA SNANG BA'I CHOS CAN DE LTA BU LA GNAS TE, DNGOS PO SEMS PAR BYED PA RNAMS NI BLO LA SNANG BA'I GTAN TSIGS LA SOGS PA DE LTA BU KHO NAS CI BLO LA SNANG BA 'DI YANG DAG PAR YOD DAM MED, DNGOS PO LA BRTEN PA ZHIG GAM 'ON TE MA YIN ZHES SEMS PAR BYED PAR KHAS BLANG BAR BYA'O, ,SOGS PA ZHES SMOS PAS NI DPE NYE BAR GZUNG NGO, ,RIGS PA SMRA BA NI DBU MA PA'AM, DNGOS PO SMRA BA'O, ,BLO LA SNANG BA'I CHA MA BRTAGS NA NYAMS DGA' BAS, GZHAN GYI SKYE BA LA SOGS PAR YONGS SU BRTAGS PA 'GOG PA LHUR LEN PA'I RJES SU DPAG PA 'BYUNG BAR BYED NA, KU ZHIG 'GOG PAR 'GYUR TE, SPONG BAR BYED PA SU ZHIG CES BYA BA SU YANG MI 'GOG GO ZHES STON TO, ,DNGOS PO 'DI NI MTSUNG PA NYID DU GRUB PAR RGYA CHER GTAN LA PHAB BAS MNGAS SU DOGS PAS, 'DIR NI 'DI RGYA MA BSKYED DO, ,GANG GI PHYIR DE LTAR RIGS PA DE YANG JI LTAR SNANG BA BZHIN DU KUN TU GNAS PA DE NYID KYI PHYIR MDO LAS, 'JIG RTEN GYI KUN RDZOB KYANG GZHAN LA, DON DAM PA YANG GZHAN PA NI MA YIN ZHES BYA BA GSUNGS TE RIGS PA MA YIN NO, ,CI'I PHYIR DE GNYIS GZHAN MA YIN ZHE NA, 'DI LTAR 'JIG RTEN GYI KUN RDZOB KYI DE BZHIN NYID KYI NGO BO NYID GANG YIN PA JI LTAR SNANG BA'I NGO BO NYID CES BYA BA'I THA TSIG STE, DE NYID DON DAM PA'I DE BZHIN NYID KYANG YIN TE, RIGS PA YANG JI LTAR SNANG BA BZHIN KUN RDZOB TU GNAS PA'I PHYIR RO, ,RE ZHIG DE LTAR MDO'I @37B DON TSUL GSUM PA'I RTAGS KYI MTSAN NYID KYI RIG PA DON DAM PA YIN PAR BSHAD PA YIN NO, ,RNAM PA GZHAN YANG BSHAD PA, YANG NA SKYE BA LA SOGS PA BKAG PA YANG ZHES BYA BA LA, YANG ZHES BYA BA'I SGRA NI RIGS PA 'BA' ZHIG TU MA ZAD KYI ZHES BYA BA YIN NO, ,'GA' ZHIG GIS ZHES BYA BA NI DON DAM PAR SPROS PA THAMS CAD BRAL BA DANG MTHUN PA'I PHYIR RIGS PA SMRA BA RNAMS KYIS DON DAM PA NYID DU 'DOD PA'O, ,GZHAN DAG GIS NI SKYE BA MED PA LA SOGS PA 'GOG PA YANG DAG PA KHO NAR DON DAM PA NYID DU 'DOD CES BYA BAR SBYAR TE, RNAL 'BYOR SPYOD PA PA RNAMS KYI LTAR NA DNGOS SU STONG PA NYID YANG DAG PA YIN PA'I PHYIR RO, ,DE LTA NA YANG ZHES BYA BA NI DE LTA BU'I DON DAM PA LA BRTEN NA YANG STE, MDO'I TSIG 'DI 'JIG RTEN GYI KUN RDZOB KYANG GZHAN LA, DON DAM PA YANG GZHAN PA NI MA YIN NO ZHES BYA BA 'DI LEGS PAR DRANGS TE, LEGS PAR GO BAR BYAS PA YIN TE, DE LA NI SKYE BA LA SOGS PA BKAG PA YANG KUN RDZOB KYI NGO BO YIN PA'I PHYIR RO, ,'DI NI SNGAR YANG, DGAG BYA YOD PA MA YIN PAS, ,YANG DAG TU NA BKAG MED GSAL, ,ZHES BSGRUBS ZIN TO, ,DNGOS PO DE NYID SLOB DPON KLU SGRUB KYIS BSHAD PA, GZHAN RNAL 'BYOR SPYOD PA'I DON DAM PAR BYAS PA RNAM PAR GZHAG PA SKYE BA LA SOGS PA BKAG PA GANG YIN PA DE NI, GZHAN GYI ZHES BYA BA DBU MA PA'I KUN RDZOB YIN NO, ,GAL TE JI LTAR GCIG KHO NA GCIG GI DON DAM PA YIN LA, GZHAN GYI NI KUN RDZOB YIN ZHE NA, LTOS PA'I BYE BRAG GIS DE NI NYES PA MED DE, 'DI LTAR BUD MED GCIG KHO NA GZHAN DE'I BU'I NI MA YIN LA, MA DE NYID GZHAN GYI CHUNG MA YANG YIN PA BZHIN NO, ,YANG ZHES BYA BA'I SGRA NI RIM PA GZHAN DU SBYAR PA'O, ,KHA CIG RGYU DANG 'BRAS BU'I DNGOS PO DON DAM PA RTOGS PAR BYED PA'I TSAD MA 'GOG PA DANG, YANG DAG PA'I SKYE BA 'GOG PA'I RIGS PA GANG YIN PA 'DI NI, KUN RDZOB PA'I SKYE BA DANG DE RTOGS PAR BYED PA'I TSAD MA JI LTAR SNANG BA BZHIN GNAS PA LA YANG MTSUNGS TE GTAN TSIGS KYI YUL NI SKYES BU'I 'DOD PA'I DBANG GIS BYE BRAG TU DBYE BA MA YIN TE, KHYAB PA NI THAMS CAD NYE BAR BSDUS NAS NYE BAR STON PA'I PHYIR RO SNYAM DU SEMS TE DE'I @38A *, ,PHYIR 'DOD PA DE'I DOGS PA BSU BAR BYED DE, KUN RDZOB TU YANG MI SKYE DANG, YANG ZHES BYA BA'I SGRA NI DON DAM PA 'BA' ZHIG TU MA ZAD KYI ZHES BYA BA'O, ,MI SKYE ZHES BYA BA NI NYE BAR MTSON PA YIN TE, DE RTOGS PAR BYED PA'I TSAD MA ZHES BYA BAR YANG SHES PAR BYA'O, ,YANG NA DANG ZHES BYA BA'I SGRA MI SKYE DANG ZHES BYA BA RIM PA GZHAN DU SBYAR TE, DANG ZHES BYA BA'I SGRAS NI DE RTOGS PAR BYED PA'I TSAD MA YANG ZHES BYA'O, ,RIGS PA'I STOBS KYIS NA ZHES BYA BA NI, DU MAS DNGOS PO GCIG MI BYED, ,CES BYA BA LA SOGS PA SMOS PAS SO, ,'DI BSHAD PA, JI STE DNGOS POR SMRA BA RNAMS, ,KUN RDZOB LA YANG ZHES BYA BA'I SGRA NI SNGA MA BZHIN NO, ,SNANG BA DANG LDAN PA NI RNAM PA DANG BCAS PA'O, ,CIG SHOS KYIS ZHES BYA BA NI SHES PA RNAM PA MED PAS SO, ,YONGS SU GCOD PA MI RUNG BA'I PHYIR, RGYU DANG 'BRAS BUR 'DOD PA ME DANG DU BA LA SOGS PA 'DZIN PAR MI 'THAD PA'I RGYUS RGYU DANG 'BRAS BU NYID NGES PA MED PA KHO NA STE MI RUNG NGO ZHES BYA BA NI LHAG MA'O, ,SNGA MA BZHIN DU ZHES BYA BA NI, GONG DU DNGOS POR SMRA BA RNAMS LA RNAM PA MED PA'I SHES PA NI, YUL LA 'DZIN PAR MI RIGS SO, ,RNAM PA TSAD MA MIN PHYIR DANG, ,MI RIGS PHYIR NA CIG SHOS MIN, ,ZHES JI SKAD BSTAN PA LTA BU'O, ,DE NI RIGS PA MA YIN NO, , ZHES BYA BA NI RGYU DANG 'BRAS BU NYID DO, ,CI'I PHYIR ZHE NA, DU MAS DNGOS PO GCIG MI BYED, ,DU MAS DU MA BYED MA YIN, ,ZHES BYA BA LA SOGS PA GTAN TSIGS SNGA MA KHO NA'I PHYIR RO, ,'DIR LAN BSHAD PA, BLO RGYA CHEN PO'I NOR CAN KHYOD KYIS GANG SMRAS PA, DE BDEN TE, BRTAG MI BZOD PA NYID KYI RGYU, ,DE'I PHYIR NA 'DI NI BCOM LDAN 'DAS THUGS RJE'I RGYU LAS BYUNG BA'I RDUL PHRA RAB KYIS BSGRUBS PA'I SKU CAN GYIS, SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LA SOGS PA'I MDO LAS, JI LTAR SNANG BZHIN YIN PAR GSUNGS, ,'DI BSHAD PA RGYU GANG GI PHYIR, RIGS PA'I MTHUS RGYU DANG 'BRAS BU NYID LA SOGS PA MI RUNG BA, DE NYID KYI PHYIR BCOM LDAN 'DAS KYIS SKYE BA NI JI LTAR SNANG BA BZHIN YIN PAR GSUNGS SO, ,GZHAN YANG RUNG ZHES BYA BA NI, DE RTOGS PAR BYED PA'I TSAD MA DANG, GNAS PA DANG RGA BA DANG MI RTAG PA NYID LA SOGS PA LO,, @38B 'DI'I NGO BO NYID SKYE BA MED PA'I CHOS YIN PAS, SKYE BA MED CHOS TE, DE'I CHOS DON DAM PA PA'I SKYE BA MA YIN NO ZHES BYA BA'I THA TSIG GO, ,RDZOGS PAR SANGS RGYAS PA'I GNAS SKABS NA YANG DAG PA'I SHES PAS SGRO BTAGS PA'I RNAM PA DANG BRAL BA'I PHYIR, DE LTAR CHOS MA SKYES PA YIN GYI, SNGA NAS DE LTAR RANG BZHIN YIN PAR GYUR PA NI MA YIN NO SNYAM DU DOGS PA BZLOG PA'I PHYIR BSHAD PA, RTAG TU STE DUS THAMS CAD DU'O, ,RDZOGS PAR SANGS MA RGYAS PA'I GNAS SKABS NA YANG ZHES BYA BA'I THA TSIG STE, 'DI LTAR, 'DI LA BSAL BA CI YANG MED, ,GZHAG PAR BYA BA CI YANG MED, ,YANG DAG NYID LA YANG DAG LTA, ,YANG DAG MTHONG NA RNAM PAR 'GROL, ,ZHES 'BYUNG NGO, ,CHOS RNAMS KUN KYANG ZHES BYA BA NI, DE BZHIN GSHEGS PA LAS GZHAN PA RNAMS SO, ,BDE BAR GSHEGS PA DANG 'DRA ZHES BYA BA NI, MI SKYE BA'I CHOS RNAMS YIN PAS, DE DAG KYANG SKYE BA TSAD MAS GNOD PA YIN PA'I PHYIR, RANG BZHIN 'DI LAS MI 'DA'O, ,'O NA NI JI LTAR SKYE BO DAG GZUGS LA SOGS PA DNGOS PO RNAMS SKYE BA DANG GNAS PA DANG 'JIG PA LA RTEN TO ZHES THA SNYAD DAG 'JUG PAR BYED SNYAM PA LA, BSHAD PA, MTSAN MAR 'DZIN PA'I THOG MA MED PA'I DUS NAS 'JUG PA'I PHYIN CI LOG GI BAG CHAGS LAS BYUNG BA DNGOS POR MNGON PAR ZHEN PAS, DNGOS PO'I DE KHO NA BRTAG PA LA MI GZO BA'I PHYIR MI MKHAS PA RNAMS NI BYIS PA DAG GO, ,GANG DAG LA THOS PA'AM BSAMS PA'AM BSGOMS PA'I RIM PAS BLO SKYES PAR MA GYUR PA YOD PA DE DAG LA DE SKAD CES BYA'O, ,MED PA'I CHOS TE, SKYE BA LA SOGS PA DANG LDAN PA GZUGS LA SOGS PA MED PA RNAMS LA YANG DAG BAR MNGON PAR ZHEN PAS THA SNYAD 'DOGS SO, ,JI LTAR SNANG BZHIN NGO BO'I PHYIR, ,ZHES BYA BA NI, MA BRTAGS NA NYAMS DGA' BA YIN PA'I PHYIR RO, ,KUN RDZOB 'DI LA DPYAD PA STE, ,BRTAG PA MI 'JUG GO, ,'DI LA JI SKAD BSHAD PA'I DPYAD CI RGYU DANG 'BRAS BU'I DNGOS PO KUN RDZOB PA, SHES PA RNAM PA DANG BCAS PAS SHES SAM ZHES BYA BA DANG, DE BZHIN DU 'DI JI LTAR 'DOD, CI DU MAS GCIG BYAS SAM, 'ON TE DU MA BYAS ZHES BYA BA LA SOGS PA DE NI GNAS MED DE RTEN MED DO, ,CI'I PHYIR ZHE NA, 'DI LTAR JI @39A *, ,SKAD BSHAD PA'I RNAM BAR DPYOD PAR BYED PA YIN NA NI, GNOD PA DE TSAR GCAD PA'I GNAS SU 'GYUR RO, ,CI'I PHYIR ZHE NA, DON GZHAN DU SONG BAS TE, SKABS YIN PA'I DON BOR NA RTZOD PA GZHAN LA BRTEN PA'I PHYIR ZHES BYA BA'I THA TSIG GO, ,'DI RNAM PAR 'GREL BAR BYED DE, DBU MA PA KHO BO CAG NI KUN RDZOB 'DI LA DPYOD PA SNGAR MA BSTAN GYI, KHYED KYIS BYED NA 'GOG PAR BYED DO, ,GAL TE DPYAD PA BYAS TE, DE DAG GI DE MA RUNG NA MA RUNG DU ZAD DO, ,KHO BO CAG LA CI GNOD, 'ON KYANG JI LTAR SNANG BA'I NGO BO'I KUN RDZOB LA SNGAR BRTEN NAS TE, KHAS BLANGS NAS PHYIS KUN RDZOB DE LA KHYOD JI SKAD BSHAD PA'I DPYOD PA BYED PA YIN NA NI DON RNAL MA LAS, DON GZHAN DU 'GRO BA'I PHYIR GNOD PA STE, PHAM PA 'BA' ZHIG TU 'GYUR RO, ,DON RNAL MA LAS DON GZHAN ZHES BYA BA NI, MA 'BREL BA'I DON TE, DE TSAR GCAD PA'I GNAS SU RNAM PAR GZHAG PA NI RIG PA DANG LDAN PA YIN NO, ,JI STE JI SKAD BSHAD PA'I MTSAN NYID MA YIN PA LA ZHES BYA BA NI JI LTAR SNANG BA'I NGO BO MA YIN GYI, RIGS PA'I RJES SU 'BRANG BA NYID KYIS KHAS BLANGS PA'I DON KHO NA LA, GAL TE KUN RDZOB CES BYA BA'I MING DU 'DOGS NA DE LA DE LTA BU'I NYES PA BRJOD KYANG KHO BO CAG LA GNOD PA CI YANG MED DE, DON GZHAN DU 'GRO BA MED PA'I PHYIR RO, ,DNGOS POR MNGON PAR ZHEN PA CHEN PO'I GZHAN GYI DBANG GI BLO CAN GZHAN DAG DON DAM PA'I TSUL LA RNAM PAR SDANG ZHING KLAN KA TSOL BAR BYED DE, 'O NA GAL TE DNGOS PO RNAMS DON DAM PAR MA SKYES PA KHO NA YIN NA, DE'I TSE CI'I PHYIR NA 'DI LA ME DANG SA BON LA SOGS PA'I RGYU 'DI LAS DU BA DANG MYU GU LA SOGS PA'I NGO BO DER SNGON MI SNANG BA LAS NGES PAR SNANG ZHES BYA BA 'DI SMRA BAR BYOS, KLAN KA 'DI'I LAN GLON PAR BYED DE, KHYOD DANG BA LANG RDZI LA SOGS PA MNGON PAR ZHEN PA NGAN PA'I DUG LA SOGS PAS MA RUNG BAR BYAS PA'I BLO CAN RNAMS KYIS JI LTAR MTHONG BA 'DI 'DRA STE, 'DI LTA BU DU BA LA SOGS PA 'DI NI ME LA SOGS PA'I RGYU 'DI LAS SNANG STE, DE'I PHYIR 'DI LA LHAG PA CI ZHIG SMRA BAR BYA, SNGON MA BYUNG BA CI YANG SMRAR MED DO ZHES BYA BA'I THA TSIG STE, 'DI LTAR KHYOD LA DU BA LA SOGS PA CHA JI TZAM SNANG BA DE TZAM, KHO BO LA YANG DE DAG LA CHA DE TZAM @39B SNANG NGO, ,KHO BOS KHYOD KYI NGO MI CHOD PA'I PHYIR SMRA BAR 'DOD NAS, MIG GNYIS TE POR PHYE YANG DE DAG LA SNGON MA BYUNG BA'I RNAM PA NI CI YANG MI SNANG NA, DE LA DE LTA BU'I DNGOS PO'I NGO BO NYID LA KHO BO CAG LA CI ZHIG 'DRI, DRI BA GZHAN GYI YUL SNGON MA BYUNG BA MED PA'I PHYIR, KHYOD KYI 'DRI BA 'DI NI DON MED PA KHO NA YIN TE, 'DI LTAR DRIS SU ZIN KYANG KHO BOS GANG KHYOD DANG BA LANG RDZI LA SOGS PA DANG BCAS BAS MTHONG BA DE TZAM GYI CHA ZHIG BRJOD PAR BYA'I, SNGON MA BYUNG BA'I NGO BO BRJOD PAR BYA BA NI CI YANG MED DO, ,DE'I PHYIR CI'I PHYIR NA RGYU 'DI LAS DER SNANG BA 'DI SMRA BA BYOS, ZHES BYA BA DE SKAD DU, 'DRI BA NI KUN NAS NYON MONGS PA STE, DON STONG PA LA BRTEN PA 'BA' ZHIG TU ZAD DO, ,GZHAN YANG SKYE BO BLO'I NOR CAN GANG ZHIG MA BRTAGS NA DGA' BA, ME DANG DU BA LA SOGS PA BDAG NYID KYIS RNAM PAR GSAL BAR MTHONG BZHIN DU'ANG, DMIGS BZHIN DU'ANG MI SHES TE 'DI NI DE LTA'O ZHES MI GO BA, DE RTZOD PA YIS, GRAGS PAS KYANG GZHAN LA CI'I PHYIR NA RGYU 'DI LAS, DER SNANG BA 'DI SMRA BAR BYOS, ,ZHES SMRA'O, ,MA 'PHAGS NGAN PA NI, BZANG PO MA YIN PA'O, ,MI SHES PA NI BLUN PA STE, ,MI SHES PA KHO NA 'DIR NGAN PA ZHES BYA BAR 'OS KYI, SROG CHAGS PHAN PA 'DOD PAS BSLUS PA LA, LTA NYES BA CI YOD SNYAM DU BSAMS PA'O, ,RTZOD PAR GRAGS PA NI, RTZOD PA YIS NI GRAGS PA'O,, ,,BAM PO GSUM PA STE THA MA'O, ,BTZUN PA BLO BRTEN NA RE, KUN RDZOB NI GZHI MED PAR MI RUNG NGO ZHES ZER BA DE'I DOGS PA BSU BA'I PHYIR, KUN RDZOB 'DI NI GZHI MED BAR; ,ZHES BYA BA SMOS TE, RTEN MED PAR MI RUNG NGO ZHES KYANG BRJOD PAR MI NUS TE, 'DI LTAR BRTAGS PA KUN RDZOB NI GZHI DANG BCAS PA STE, YANG DAG PA'I GZHI DANG LDAN PA NI 'GA' YANG DNGOS PO GANG LA YANG MI SNANG NGO, ,SHING LA SOGS PA GDAGS PA'I GZHI YAL GA LA SOGS PA SNANG BA MA YIN NAM ZHE NA, BRDZUN PA YIN NO SNYAM NAS BSHAD PA, SHING LA SOGS PA'I DON GYI GDAGS PA 'DI YANG GZHI STE, DON DAM PA PA'I RGYU LA LTOS PA MA YIN PA NYID DO, ,'DI LTAR SHING LA SOGS PA'I GDAGS PA'I RGYU NI YAL GA LA SOGS PA YIN PAR 'GYUR LA, YAL GA LA SOGS PA DE @40A *, ,YANG CHA SHAS DANG BCAS PA'I PHYIR, DE'I CHA SHAS KYI GZUGS KYANG GZHAN YIN NO, ,DE BZHIN DU BLOS RNAM PAR GZHIGS NA GDAGS PA'I GZHI RDUL PHRA RAB KYI BAR DU RNAM PAR GNAS LA, DE YANG, GANG LA SHAR SOGS PHYOGS YOD PA, ,DE LA SHAR GYI PHYOGS CHA'ANG YOD, , GANG PHYIR RDUL LA PHYOGS RNAMS YOD, ,DE'I PHYIR RDUL PHRAN MIN PAR BSHAD, ,CES BYA BA DE LTA BU LA SOGS PA PHYOGS CHA THA DAD PAS DPYAD NA MED PA KHO NA YIN NA, SHING LA SOGS PA KUN RDZOB PA GDAGS PA'I RGYU DE LTA GA LA YOD DE MED PA KHO NA'O, ,DE LTAR SNANG BA'I RGYU RNAM PAR SHES PA YIN PAR RTOG PA GANG YIN PA DE YANG SNGAR SKYE BA MED PAR BSGRUBS PA'I PHYIR MI 'THAD PA NYID DO, ,DNGOS PO YOD PA ZHES BYA BA NI DON DAM PA YIN NO, ,KUN RDZOB PA NI RGYU KHO NA YIN TE, 'DI'I RGYUR SNGA MA MI 'GAL LA, RGYU DE'I RGYU YANG KUN RDZOB PA GZHAN SNGA MA KHO NA YIN NO, ,DE LTAR RGYU BRGYUD PA THOG MA MED PA'I PHYIR KUN RDZOB GZHI MED PA NI CI YANG MED DO, ,GAL TE 'DI'I RGYU RIGS PA'I RJES SU 'BRANG BA MED DO ZHE NA, 'DI YANG RNAM PA DE LTA BU KHO NA MA YIN NAM, DE LTA BAS NA CI YANG MI GNOD DO, ,JI STE YANG DAG PA'I GZHI MED PAR 'DI 'BYUNG BAR RIGS PA MA YIN NO ZHES BYA BAR 'DOD NA NI, KUN RDZOB DANG DON DAM PA BA'I GZHI DER 'DI LTAR DE MED NA DER MI 'GYUR BA'I 'BRAL BA CI YANG MED PA MA YIN NAM, GAL TE DE'I BDAG NYID KYI MTSAN NYID YIN NO ZHE NA, GAL TE DE LTA NA GZHI YANG DE'I NGO BO NYID KHO NA YIN PAS KHO BO CAG GI 'DOD PA GRUB PA KHO NA YIN NO, ,DE LTA YIN NA DON DAM PA PA'I GZHI'I NGO BO NYID YIN PA'I PHYIR KUN RDZOB KYI NGO BO 'DOR BAR 'GYUR BA'AM, GZHI KUN RDZOB TU YOD PAR THAL BAR 'GYUR RO, ,SKYE BA'I MTSAN NYID KYI 'BREL PA YIN NA NI, RANG GI NGO BO NYAMS PAR THAL BAR 'GYUR TE, 'BRAS BU NI RGYU DANG MTHUN PA'I PHYIR RO, ,DE LTA BAS NA, JI LTAR SNANG BA 'DI KHO NA'O, ,RGYU DNGOS PO YOD PA LA LTOS NAS 'JUG PA NI, GANG YANG MED DO ZHES KHAS BLANG BAR BYA'O, ,GAL TE KUN RDZOB DON DAM PA PA'I GZHI LA LTOS PAR GYUR NA, DE LTA YIN NA NI DNGOS POR 'GYUR TE, 'BRAS BU NI RGYU DANG MTHUN PA'I PHYIR KUN RDZOB KYI NGO BO NYID 'DOR ZHING DON DAM PA PA'I DNGOS POR 'GYUR RO ZHES BYA BA'I @40B THA TSIG GO, ,JI STE DE RANG GI NGO BO MI 'DOR NA DE LTA YIN NA NI, KHYOD KYI GZHI YANG JI LTAR KUN RDZOB TU MI 'GYUR TE, DE YANG DE'I BDAG NYID DANG DE LAS BYUNG BA'I PHYOGS DAG LA KUN RDZOB KYI NGO BOR BSGRUBS MA THAG PA YIN NO, ,DE NI DE LTA YIN TE ZHES BYA BA NI, BTAGS PA GZHI DANG BCAS PA NI, ,'GA' YANG GANG LA'ANG MI SNANG NGO, ,ZHES BYA BA DE NI DE LTA YIN PA'O, ,CI'I PHYIR ZHE NA, GTAN TSIGS GANG GI PHYIR RNAL 'BYOR SPYOD PA DNGOS POR SMRA BA KHYOD KYI LTAR NA YANG, BRTAGS PA'I NGO BO NYID GZUNG BA DANG 'DZIN PA'I MTSAN NYID NI, RGYU CI LA YANG MI LTOS PA KHO NA YIN NO, ,RNAL 'BYOR SPYOD PA PA 'DOD PA'I DOGS PA BSU BAR BYED DE, RTAG TU MED CES 'BYUNG BA'I PHYIR, ,GAL TE MED PA'I PHYIR MI LTOS SO ZHE NA, 'DI'I BSAM PA NI 'DI YIN TE, BRTAGS PA NI GCIG KHO NAR MED PA YIN TE, JI SKAD DU DANG PO PA NI MTSAN NYID KYIS, ,NGO BO NYID MED CES BSHAD PA LTA BU'O, ,DE'I PHYIR 'DI NI JI LTAR SNANG BA BZHIN DU YANG MED PA YIN PAS, DE RGYU LA MI LTOS PA NYID NI RIGS PA YIN NO, ,JI LTAR SNANG BA BZHIN DU KUN RDZOB TU YOD PA GANG YIN PA DE NI NGES PAR RGYU LA LTOS PA YIN NO SNYAM PA 'DI YIN NO, ,DE'I PHYIR 'DIR LAN MNGON SUM DANG 'GAL BA KUN TU SPYOD DE ZHES BYA BA SMOS SO, ,'DI LA GANG GIS NA MNGON SUM DANG 'GAL BAR RNAM PAR GZHAG PAR 'GYUR BA MNGON SUM DANG GRAGS PA'I DON SPANG BA GANG ZHIG YIN SNYAM PA LA, BSHAD PA, GZUNG BA DANG 'DZIN PA NI BRTAGS PA'I NGO BO NYID CES BYA BA STE, DON PHYIR NA BRTAGS PA BSTAN PA YIN ZHES 'BYUNG BA'I PHYIR RO, ,DE GNYIS KYANG MNGON SUM KHO NAR SHING RTA 'TSONG BA LA SOGS PA SKYE BO MTHA' DAG LA GRAGS PA'I TSAD MAS GRAGS PA DAG YIN PAS DE SPANGS NA MNGON SUM DANG 'GAL BA BZLOG DKA' STE, 'DI LTAR SNGON PO LA SOGS PA DANG DE 'DZIN PAR BYED PA SROG CHAGS THAMS CAD KYI MNGON SUM DU GRUB PO, ,YANG PHA ROL PO 'DOD PA'I DOGS PA BSU BAR BYED DE, RNAM PAR SHES PA NYID NI GNYIS MED PA'I NGO BO'O, ,MA RIG PAS GZUNG BA DANG 'DZIN PAR MNGON PAR ZHEN PA NYID KYIS DKRUGS PA NI NOR BAR BYAS PA'O, ,DE LTAR ZHES BYA BA NI GZUNG BA DANG 'DZIN PA'I NGO BOR TE, GNYIS PA LA MNGON PAR ZHEN PA'I BAG CHAGS KYI GNYID MA SANG @41A *, ,PA DAG GI GNYID KYIS NON PA'I SEMS RNAMS KYIS RTOGS PA BZHIN DU RTOGS SO ZHE NA, RIGS PA SMRA BAS BSHAD PA, MYONG BA DANG 'GAL BA SGRUB PA KHYOD LA 'GOG PAR BYED PA SU ZHIG YOD, GRUB PA'I MTHA'I PHYOGS 'DZIN PAS MNYAMS PA'I BLO GROS CAN BUD MED DANG DMANGS RIGS LA SOGS PA'AM, MNGON PAR MA ZHEN PA'I GNAS SKABS NA KHYOD KYANG RUNG STE, 'JUG PA'I RNAM PAR SHES PA 'DI GZUGS LA SOGS PA NYID DU RTOGS KYI, DE LAS MA GTOGS PA GZUGS DANG SGRA LA SOGS PA NI MED DO, ,ZHES BYA BA DE LTA BU'I MYONG BA NI MED KYI RNAM PAR SHES PA 'DI NI NANG NA GNAS PA'I NGO BO YIN NO, ,GZUGS LA SOGS PA 'DI NI PHA ROL NA SNANG BA'I NGO BO YIN NO ZHES BYA BA DE LTA BU'I MYONG BA 'JUG PA RAB TU GRAGS PAR GYUR TO, ,JI STE KHYOD DE LTAR GYUR PA 'JIG RTEN THAMS CAD LA GRAGS PA'I DON YANG SPANG NA NI DE'I TSE, BDAG NYID MI SHES PA DE LTA BU BDAG DANG GZHAN GYIS NYAMS SU MYONG BA DANG 'GAL BA'I THA SNYAD SMRA BA KHYOD NI, 'JIG RTEN GYIS THAG RING PO KHO NAR SPONG STE, 'JIG RTEN PA'I THA SNYAD DANG MI MTHUN PAR ZHUGS PA'I PHYIR RO, ,GZHAN GYIS SMRAS PA, RMI LAM LA SOGS PA NA YANG RNAM PAR SHES PA NYID DE LTAR RTOGS PAR MTHONG BA MA YIN NAM, SOGS PA SMOS PAS NI SGYU MA DANG DRI ZA'I GRONG KHYER LA SOGS PA YONGS SU BSDU'O, ,RMI LAM NA NI, PHYI ROL GYI GZUGS YOD PAR MI 'THAD DE, KHYIM CHUNG DU [?] NA YANG DPAG TSAD KYI TSAD KYI RI DANG SHING DANG RGYA MTSO LA SOGS PA DAG DMIGS PA'I PHYIR RO, ,GZUGS LA SOGS PA YANG THOGS PA DANG BCAS PA YIN TE, DE LTA BAS NA DE NA RNAM PAR SHES PA NYID DE LTAR RTOGS TE, GNYID KYIS MA LOG PA'I GNAS SKABS NA YANG DE DANG 'DRA BAR 'GYUR RO ZHE'O, ,DE LA BSHAD PA, BDEN NA RMI LAM LA SOGS PA NA YANG RNAM PAR SHES PA LA MA GTOGS PA DE, GZUGS LA SOGS PA JI LTAR SNANG BA BZHIN MTHONG BZHIN DU YANG MNGON PAR ZHEN PA NGAN PAS KHYOD LA RNAM PAR SHES PA NYID DE LTAR RTOGS SO SNYAM DU LOG PAR SNANG GI ,GNYID KYIS MA LOG PA'I GNAS SKABS BZHIN DU, DE NA YANG DE LTAR RTOGS PA NA, PHYI ROL GYI GZUGS LA SOGS PA @41B JI LTAR SNANG BA BZHIN NI YOD PA KHO NA'O, ,GAL TE RIGS PAS MI 'THAD DO ZHE NA, DE NYID KYI PHYIR MA BRTAGS NA NYAMS DGA' BA'I PHYIR DANG, BRTAG PA'I DPYAD PA MI BZOD PA'I PHYIR KUN RDZOB PA ZHES BYA STE, GNYID KYIS MA LOG PA'I GNAS SKABS NA YOD PA'I RNAM PAR SHES PA YANG DE LTA BU KHO NA YIN TE, DE YANG SKYE BA MED PAR BSGRUBS PA'I PHYIR RO, ,SNON BSHAD PA, GANG YANG 'JIG RTEN THAMS CAD LA GZUNG BA DANG 'DZIN PA'I RNAM PAR SNANG BA'I DNGOS PO 'DI CI ZHIG GZHAN GYI DBANG GI NGO BO NYID YIN NAM, 'DI JI LTAR RUNG STE 'DI GZHAN GYI DBANG GI NGO BO NYID DE NI YANG DAG PAR NA DES DBEN PA'I NGO BO CAN YIN NO, ,GANG LA GZUNG BA DANG 'DZIN PA'I RNAM PA DES DBEN ZHING BRAL BA'I RANG GI NGO BO YOD PA DE SKAD CES BYA STE, DE LA SNGA MA PO RTAG TU MED PAR GYUR PA ZHES 'BYUNG BA'I PHYIR RO, ,DE'I PHYIR JI LTAR NA GZHAN GYI DBANG DE LTAR GZUNG BA DANG 'DZIN PA'I RNAM PAR SNANG, GAL TE MA RIG PAS DKRUGS PA'I PHYIR DE LTAR SNANG NGO ZHE NA, BSHAD PA, MA RIG PAS DKRUGS PA'I PHYIR DE LTAR SNANG BAR NI CHUG MOD KYI ZHES BYA BA NI KHAS BLANG BA'O, ,DER SNANG BAR RIGS PA NI MA YIN TE 'BREL PA MED PA'I PHYIR RO ZHES MJUG THOGS KHO NAR GTAN TSIGS 'CHAD DE, GZUNG BA DANG 'DZIN PA'I RNAM PA DE NI GZHAN GYI DBANG DE'I BDAG NYID NGO BO NYID NI MA YIN NO, ,CI'I PHYIR MA YIN ZHE NA, GZHAN GYI DBANG DE'I BDAG NYID NI GZUNG BA DANG 'DZIN PA'I NGO BO GNYIS KYIS DBEN PA'I PHYIR RO, ,DE LTA YIN NA YANG GZHAN GYI DBANG GI BDAG NYID DE SNANG BA NA, GNYIS PO CI'I PHYIR SNANG, CI'I PHYIR DE SNANG BAR MI 'GYUR SNYAM NA, BSHAD PA, GNYIS PO DANG GZHAN GYI DBANG DU 'BREL BA MED PA'I PHYIR RO, ,SBYOR BA NI GANG GIS DBEN PA'AM GANG ZHIG GANG DANG 'BREL BA MED PA NI DE SNANG BA NA DE MI SNANG STE, DPER NA RNA BA'I RNAM PAR SHES PA LA GZUGS BZHIN NO, ,GZHAN GYI DBANG GI BDAG NYID KYANG GNYIS POS DBEN PA LA, GNYIS PO DANG GZHAN GYI DBANG GI BDAG NYID DU 'BREL BA YANG MED CES BYA BA NI KHYAB PAR BYED PA MI DMIGS PA YIN NO, ,PHA ROL PO NA RE, GTAN TSIGS GNYIS PO MA GRUB STE, 'DI LTAR MA RIG PAS DKRUGS PA'I PHYIR ZHES BYA BA 'DIS 'BREL @42A *, ,PA SMRAS ZIN TO ZHES ZER NA, LAN BSHAD PA, GAL TE DE LTAR 'BREL PA YOD PA YIN NA NI, DE'I TSE GNYIS POS DBEN PA'I SHES PA'I RANG GI NGO BO BZHIN DU, MA RIG PA DANG 'BREL PA'I PHYIR, GZHAN DBANG NYID SMOS TE SU ZLOG SUS KYANG BZLOG PAR MI NUS TE, 'DI LTAR CIG SHOS GNYIS POS DBEN PA GZHAN GYI DBANG SEMS DANG SEMS LAS BYUNG BA'I BDAG NYID DU 'DOD PA YANG GZHAN GYI DBANG NYID DU BYA BA STE, GZHAN GYI DBANG GI BDAG NYID DU RNAM PAR GZHAG PA LA 'BREL PA'I RGYU 'DI KHO NAR ZAD LA, 'BREL PA'I RGYU DE NI GNYIS PO DE LA YANG YOD DE, DE BAS NA DE LTA BAS NA BRTAGS PA MED DO, ,JI STE SHES PA GANG LA GNYIS PO DE SNANG BA'I SHES PA DE NYID RGYU DANG RKYEN GYIS BSKYED PA'I PHYIR GZHAN GYI DBANG YIN GYI, GNYIS PO NI MA YIN NO ZHES BYA BAR 'DOD NA, DE'I PHYIR BSHAD PA, GAL TE YANG SHES PA KHO NA RGYU DANG RKYEN RNAMS KYIS SKYED NA NI, GAL TE YANG ZHES BYA BA NI KHAS LEN PA RJOD PAR BYED PA'I TSIG YIN NO, ,DE YANG YANG DAG PAR NA SKYE BA MED DO ZHES DU MAS DNGOS PO GCIG MI BYED CES BYA BA LA SOGS PAS BSGRUBS ZIN TO, ,'ON KYANG BSHAD PAR BYA STE, DE TZAM SKYED LA NI RAG NA GNYIS KYI BDAG NYID DE GO CI'I PHYIR SNANG STE, DE NI DE DAG GIS BSKYED BA MA YIN NO, ,PHA ROL BO [?] NA RE GZHAN GYI DBANG GI BDAG NYID SHES PA NYID, DE LTAR GNYIS KYI NGO BOR SNANG NGO ZHES ZER NA, DE'I PHYIR BSHAD PA, DE NI BSHAD ZIN TE, JI SKAD DU BSHAD CE NA, RNAM PAR SHES PA GNYIS POS DBEN PA'I NGO BO DE RGYU DANG RKYEN DE DAG GIS JI LTA BU KHO NAR BSKYED PA DE LTA BU KHO NAR SNANG DU ZAD KYI, GNYIS KYI BDAG NYID DU GO CI'I PHYIR SNANG ZHES BYA BAR BSHAD DO, ,YANG PHA ROL PO 'DOD PA'I DOGS PA BSU BAR BYED DE, GNYIS KYI NGO BO DE LTA BU KHO NAR SKYED DO ZHE NA, LAN DU BSHAD PA, 'O NA NI SHES PA DE GNYIS KYIS DBEN PA CAN GYI NGO BO MA YIN TE, DE GNYIS KYI BDAG NYID DU BSKYED PA'I PHYIR RO, ,NGO BO STE RANG GI NGO BO GANG LA GNYIS KYIS DBEN PA YOD PA'I NGO BO DE NI GNYIS KYI DBEN PA CAN NO, ,'DI LA GNYIS KYIS DBEN PA'I NGO BO YOD PAS DE SKAD CES BSHAD DO, ,GZHAN YANG 'DI LA GZHAN GYI @42B DBANG NYID DU SMRA LA RAG STE, 'DI LA SU ZHIG ZLOG CES BSHAD KYANG ZIN TO, ,JI STE SHES PA LA NI GNYIS SU MED PA'I RANG BZHIN GNYUG MA KHO NAR YOD NA, MA RIG PAS DKRUGS PA'I SHES PA GZHAN GYIS DE NYID KYI BDAG NYID DU RTOGS SO ZHES BYA BAR 'DOD NA, DE'I PHYIR GNYIS PO MED PA'I NGO BO YIN NA YANG ZHES BYA BA LA SOGS PA SMOS TE, 'DI LTAR SHES PA GZHAN DE LA YANG BRGAL ZHING BRTAGS PA MTSUNGS TE, SHES PA GZHAN DE YANG GNYIS KYIS DBEN PA KHO NA YIN NO, ,DE LTA NA YANG 'BREL PA MED PA'I PHYIR DE SNANG BA NA GNYIS PO GO CI'I PHYIR SNANG BAR 'GYUR ZHES BYA BA LA SOGS PA THAMS CAD BRJOD PAR BYA'O, ,YANG DON DAM PA'I TSUL LA SDANG BA GZHAN DAG KLAN KA TSOL BAR BYED DE, YANG DAG PAR DNGOS MA SKYES PA, ,MO GSHAM BU LA SOGS BZHIN DU, ,KUN RDZOB TU YANG MI SKYE ZER, ,YANG ZHES BYA BA'I SGRA NI DON DAM PA 'BA' ZHIG TU MA ZAD PA'O, , DON DAM PAR MA SKYES PA'I NGO BO NYID GANG DAG YIN PA DE DAG NI KUN RDZOB TU YANG 'BYUNG BA 'THOB BAR MI 'GYUR TE, DPER NA MO GSHAM GYI BU DANG RI BONG GI RVA LA SOGS PA BZHIN NO, ,GZUGS DANG TSOR BA LA SOGS PA YANG, DON DAM PAR MA SKYES PA'I RANG BZHIN DAG YIN PA ZHES BYA BA NI, KHYAB PAR BYED PA MI DMIGS PA LTAR 'CHOS PA'I SBYOR BA YIN NO, ,'DI NI BSGRUB PA'AM THAL BAR BSGRUB PA ZHIG TU 'GYUR GRANG STE, RNAM PA GZHAN NI MED PA'I PHYIR RO, ,DE LA RE ZHIG 'DI SGRUB PA NI MA YIN PAS, 'JIG RTEN GNOD SOGS SRID PA'I PHYIR ZHES BYA BA LA SOGS PA SMOS TE, SGRA'I DON 'GOG NA 'JIG RTEN GYI GNOD PA YIN NO, ,SOGS PA SMOS PA NI MNGON SUM GYI GNOD PA LA SOGS PA YONGS SU BSDU'O, ,BRGYA ZHIG LA 'JIG RTEN MA SKYES PA'I PHYIR, 'JIG RTEN GYI GNOD PA LA SOGS PA MI SRID DO ZHES SMRA BAR 'GYUR BAS, GAL TE 'JIG RTEN MA SKYES PHYIR, ,ZHES BYA BA LA SOGS PA SMOS SO, ,'JIG RTEN MA SKYES PA'I PHYIR GTAN TSIGS LA SOGS PA YANG 'JIG RTEN GYI KHONGS SU GTOGS PAS [?] MED DO, ,DE LTA NA YANG, GTAN TSIGS LA SOGS MED PA'I PHYIR, ,DE TSE BSGRUB BYA GRUB MI 'GYUR, ,SOGS PA SMOS PAS NI, DPE LA SOGS PA BSDU'O, ,RANG GI @43A *, ,TSIG DANG 'GAL BA'I PHYIR, ,DE TSE BSGRUB BYA GRUB MI 'GYUR, ,ZHES BYA BAR BSNYEGS SO, ,'DI LTAR DAM 'CHA' BAR 'DOD PAS, RANG GI TSIG SKYE BAR KHAS BLANGS TE, KHAS BLANGS NAS YANG 'DOR BAR BYED BAS GSAL BAR RANG GI TSIG DANG 'GAL BA YIN NO, , BRGYA ZHIG LA KHO BOS RANG GI TSIG GCIG PU MA GTOGS PA, LHAG MA KUN RDZOB TU MI SKYE'O ZHES DAM BCAS SO ZHES SMRA BAR 'GYUR BAS, GAL TE DE GCIG MA GTOGS NA ZHES BYA BA SMOS TE, DAM BCAS BA'I NGO BOR ZHES BYA BA LHAG MA'O, ,DE ZHES BYA BA NI RANG GI TSIG GO, ,DES NA ZHES BYA NI RANG GI TSIG GIS SO, ,DPE LA'ANG ZHES BYA BA LA SOGS PAS NI SNON BSTAN TO, ,SGRUB PA NI 'DIR GTAN TSIGS TE, YANG DAG PAR NAM SKYES PA'I NGO BO NYID KHO NA YIN NA, DE YANG MO GSHAM GYI BU LA SOGS PA LA MED DE, DE DAG LA YANG DAG PAR NAM SKYES PA'I RANG BZHIN NYID MED PA'I PHYIR RO; ,BSGRUB BYAS KHYAB PA DE BZHIN NA, ,KHYOD LA GAL TE GRUB CE NA, ,ZHES BYA BAR BSNYEGS TE, DE LTAR GTAN TSIGS DANG KHYAB PA GRUB PA'I PHYIR 'DI KHYOD LA NYES PA YIN GYI, KHO BO'I NI GTAN TSIGS GRUB TU ZIN KYANG, KHYAB PA MA GRUB PAS DE'I PHYIR KHO BO LA NYES PA 'DI MED PAS, DER NI BDAG LA NYES PA MED, ,CES BYA BA LA SOGS PA SMOS SO, ,BRGYA ZHIG LA KHYOD KHO NA LA GTAN TSIGS GRUB KYI NGA LA NI MA YIN NO ZHES SMRA BAR 'GYUR BAS BSHAD PA, GAL TE NGA LA TSAD MA YIS, ,GRUB NA GTAN TSIGS ZHES BYA BA LHAG MA'O, ,GRUB DE KHYOD LA'ANG KHYAB, TSAD MAS GRUB PA NI SU LA'ANG MA GRUB BO ZHES BRJOD PAR RIGS PA MA YIN NO SNYAM DU BSAMS PA'O, ,DE LTA NA YANG 'DI KHYOD KHO NA LA NYES PA YIN GYI, KHYAB PA MA GRUB PA'I PHYIR NGA LA NI MA YIN NO SNYAM NAS, ,MKHAS KHYOD CI PHYIR BDAG NYID KYI, ,ZHES BYA BA LA SOGS PA SMOS SO, ,GAL TE GTAN TSIGS TSAD MAS MA GRUB BO SNYAM DU SEMS NA DE NI BZANG PO MA YIN TE, 'DI LTAR YANG DANG YANG DU BSGRUBS ZIN TO, ,DE RES 'GA' MA YIN ZHES BYA BA LHAG MA'O, ,JI LTAR SNYAM PA LA BSHAD PA, YOD MED SKYE BA BKAG PA'I PHYIR RO, ,SKYES ZIN PA YANG MI SKYE BAS YOD PA SKYE BA DGAG PA NI RUNG NA, MED PA SKYE BA @43B GO JI LTAR DGAG PA MA YIN NAM, DE'I PHYIR 'DI DPYAD PAR BYA STE, DE LA CI RI BONG GI RVA LA SOGS PA DANG MYU GU LA SOGS PA MED PA LA BYE BRAG CUNG ZAD KYANG YOD DAM NUS PAR BRJOD PA THAMS CAD DANG BRAL BA'I MTSAN NYID KYI LUS 'DZIN PAR BYE BRAG CI YANG MED DE, DUS SNGAR 'BYUNG BA CAN DU RNAM PAR RTOG NA, MED PA 'DI'I RANG GI NGO BO NYAMS PAR 'GYUR TE, S'A LU'I SA BON LA 'DI LTAR BYE BRAG GI NGO BO DANG LDAN PA'I LUS 'DZIN PA LA NI GANG GI PHYIR, RI BONG GI RVA LA SOGS PA LTA BUR 'DI MED PA'I THA SNYAD KYI YUL NYID DU 'GYUR BA NUS PAR BRJOD PA THAMS CAD DANG BRAL BA'I MTSAN NYID DU BRTAG TU MED DO, ,JI STE PHA ROL PO DUS PHYIS 'BYUNG BA CAN LA BRTEN TE RNAM PAR RTOG NA 'ON KYANG JI STE, S'A LU'I SA BON LAS S'A LU'I MYU GU MED PA KHO NA SKYE BAR 'GYUR GYI, GZHAN NAM MKHA'I AUTPAL [?] SOGS PA DANG NAS KYI MYU GU LA SOGS PA NI CI STE MA YIN ZHES BYA BA BRJOD PAR BYA DGOS TE, MED PA LA NI BDAG NYID KYI BYE BRAG THA DAD PA CHUNG DU [?] YANG CI YANG BRTAG TU MED DE, 'DI LTAR BDAG NYID KYI BYE BRAG SRID NA, MED PA'I MED PA NYID RNAM PAR RTOG PA'I YUL DU 'GYUR BAR DKA'O, ,BDAG NYID KYI BYE BRAG MED DE, MED PA NYID DU MTSUNGS PAR SPYOD PA LAS 'GA' ZHIG SKYE'O ZHES BYA BA'I TSIG 'DI'I MKHAS PA'I SEMS 'PHROG PAR BYED PA MA YIN NO, ,S'A LU'I SA BON NI S'A LU'I MYU GU MED PA KHO NA SKYE BA SGRUB NUS PA'I BYE BRAG DANG LDAN GYI GZHAN NI MA YIN PA MA YIN NAM, DE'I PHYIR JI LTAR THAMS CAD BDAG GIR MA BYAS PA'I BYE BRAG DANG LDAN PA MED PA SKYED PAR BYED, 'DI LTA BU MNGON PAR RJOD PA'I RGOL BA LA NI LTAG RMEN BSAL NA MIG GI 'BRAS BU 'BYUNG BA LTA BU'I NYES PAR 'GYUR TE, 'DI LTAR KHYOD S'A LU'I SA BON NI MED PA 'GA' SKYE BA'I MTHU'I BYE BRAG DANG LDAN PA LA RTEN GYI, MED PA MA LUS PA NI MA YIN NO ZHES SMRA NA, BDE BA LA SOGS PA BZHIN DU YOD PA'I BYE BRAG DANG LDAN PAS, MED PA'I NGO BO 'DOR BAR 'GYUR RO, ,DE LTA NA YANG BDE BLAG TU PHYOGS SNGA MA NYAMS PA'I NYES PAR 'GYUR RO, ,JI STE YOD PA SKYE BAR 'GYUR RAM, MED PA SKYE BAR 'GYUR ZHES BYA BA'I BSAM PA 'DIS KHO BO CAG LA CI ZHIG BYA, RGYU LAS 'BRAS BU SKYE BAR SNANG STE, KHO BO CAG NI 'DI TZAM GYIS YONGS SU MGU'O SNYAM NA, BDEN @44A *, ,TE KHYOD DE SKAD DU SMRA BA NA YONGS SU MGU BA SKYES MOD KYI, RGYU LAS DON DAM PA KHO NAR 'BRAS BU SKYE'O ZHES SMRA BA NA, RNAM PAR RTOG PA GNYIS LAS BYUNG BA DNGOS POR GNAS PA'I NYES PA BSHAD MA THAG PA GNYIS SPANG BAR MI NUS TE, DE'I PHYIR BSOD NAMS DANG MI LDAN PA LA YONGS SU MGU BA LTAG [?] LAS 'BYUNG, DE BAS NA ZHAR LA 'ONGS PAS CHOG GO, ,GANG GI PHYIR, KHYAB BA DE YANG KHYOD KYIS SMRAS PA DE'I PHYIR, DE LTA YIN NA KHYOD KYIS NYES PA ZHES BYA BAR SBYAR BAR BYA'O, ,CI'I PHYIR KHYOD LA NYES PA MED SNYAM PA LA, KHO BO'I BDEN PAR ZHES BYA BA LA SOGS PA SMOS TE, ,KHYAB PAR BYA BA DANG KHYAB PAR BYED PA'I DNGOS PO MA GRUB PA NI DE'I BDAG NYID DANG DE LAS BYUNG BA'I MTSAN NYID KYI 'BREL BA MED PA'I PHYIR RO SNYAM DU BSAMS PA'O, ,DE NYID JI LTAR MA YIN SNYAM PA LA, YANG DAG SKYE BA BKAG PA YIS, ,ZHES BYA BA LA SOGS PA SMOS TE, ,DGAG PAR BYA BA DANG 'GOG PAR BYED PA'I BYE BRAG GIS, DGAG PA DE GNYIS THA DAD DO SNYAM DU BSAMS PA'O, ,BRGYA ZHIG LA MI SKYE BA DE GNYIS YANG DAG PAR NA BYE BRAG 'GA' ZHIG YOD PA MA YIN NAM ZHES SMRA BAR 'GYUR BAS, BSHAD PA, YANG DAG PAR NA GNYIS PO YANG DAG PAR SKYE BA MED PA DANG, KUN RDZOB TU MI SKYE BDAG MED DO, , JI LTA SNYAM PA LA, GANG PHYIR SPROS DANG BRAL BA NI, ,ZHES BYA BA LA SOGS PA SMOS SO, ,DE'I PHYIR SPROS PA THAMS CAD DANG BRAL BA'I DE KHO NA, DE LA GTAN TSIGS LA SOGS PA YAN LAG MED DO, ,SOGS PA SMOS PAS NI, DPE DANG PHYOGS YONGS SU BSDU'O, ,DE LTA NA YANG KHYOD KYIS 'DOD PA'I DON NYID MI 'GRUB PO SNYAM DU BSAMS PA'O, ,GAL TE 'O NA DE LAS BYUNG BA'I MTSAN NYID KYI 'BREL PAR 'GYUR RO SNYAM NA, 'DI LTAR DE GNYIS ZHES BYA BA LA SOGS PA SMOS SO, ,GAL TE DNGOS PO'I STOBS KYIS ZHUGS PA'I SGRUB PA MI RUNG NA, 'O NA THAL BAR 'GYUR RO SNYAM PA LA, 'DI NYID KYIS ZHES BYA BA LA SOGS PA SMOS SO, GZHAN YANG ZHES BYA BA LA SOGS PAS NI GTAN TSIGS KYI SNON BSTAN TO, ,CI'I PHYIR TSAD MAS MI RUNG SNYAM PA LA, TSAD MA MA YIN PA LA ZHES BYA BA LA SOGS PA SMOS SO, ,CI'I PHYIR GNOD PA MED SNYAM PA LA, RIGS PAS 'ONGS PA ZHES BYA BA LA SOGS PA SMOS SO, , @44B BLUN PO NI SDANG BAR RIGS PA KHO NA YIN PAS, RTOG PA SNGON DU GTONG BA SMOS SO, ,DPYAD PA NI KHAS BLANGS PA'I CHED YIN NA, GAL TE CI ZHIG LTAR NA KUN RDZOB KHAS BLANGS PAR GYUR PA DE'I TSE DPYAD PA MI MDZES SO ZHE NA, GANG GI PHYIR ZHES BYA BA LA SOGS PA SMOS TE, DPYOD PAR YANG BYED PAS DE'I PHYIR 'DI SNGAR KHAS MA BLANGS SO SNYAM DU BSAMS PA'O, ,'DI NYID CI'I PHYIR SNYAM PA LA, 'DI LTAR ZHES BYA BA LA SOGS PA SMOS SO, ,'DI SMRA NYID LA'AM ZHES BYA BA NI, DBU MA PA LA STE, KUN RDZOB KHAS MI LEN NA KHYOD LA YANG MNGON SUM LA SOGS PA DANG 'GAL BAR 'GYUR RO SNYAM DU BSAMS PA'O, ,BRGYA ZHIG LA KHO BO CAG 'DI YONGS SU SPONG NGO, ,ZHES PHA ROL PO SMRA BAR 'GYUR BAS GANG GIS NA KHYOD MA GTOGS ZHES BYA BA LA SOGS PA SMOS SO, ,BRGYA ZHIG LA KHO BO CAG 'DI YONGS SU MI SPONG MOD KYI, 'DIS BDAG CAG MI 'JIGS SO ZHES SMRA BAR 'GYUR NA, GAL TE DES KHYED MI 'JIGS SO ZHE NA ZHES BYA BA LA SOGS PA SMOS SO, ,KUN RDZOB NI JI LTAR SNANG BA BZHIN ZHES BYA BA NI MNGON SUM ZHES BYA BA'I THA TSIG GO, ,TSAD MAS ZHES BYA BA NI RJES SU DPAG PAS SO, ,DE LA ZHES BYA BAS NI MNGON SUM GYI TSAD MA LA'O, ,GNOD PA 'BAB NA ZHES BYA BA NI KUN RDZOB MNGON SUM YIN PA'I PHYIR RO SNYAM DU BSAMS PA'O, ,CI'I PHYIR YID BRTAN DU MI RUNG BAR BRJOD SNYAM PA LA, MTSAN NYID DANG LDAN PA LA ZHES BYA BA LA SOGS PA SMOS SO, ,DE LTA NA YANG TSAD MA MED PA'I PHYIR TSIG TZAM GYIS NI KUN RDZOB KYANG DGAG PAR MI NUS PA KHO NA'O SNYAM DU SEMS PA'O, ,TSAD MA MED PA'I PHYIR RAM TSAD MAS GNOD PA'I PHYIR, GANG ZHIG YANG DAG DNGOS MI 'DOD PA'I SMRA BA DE LA TSAD MA MED PA'AM, TSAD MAS GNOD PA'I KUN RDZOB CI ZHIG SMOS, 'DOD PA ZHES BYA BA LHAG MA STE, DE LA DE 'DOD PA SHIN TU YANG MED DO SNYAM DU BSAMS PA'O, ,GAL TE KUN RDZOB KHAS MA BLANGS NA THA SNYAD MED PA DANG; DON BYED PA MED PAR 'GYUR BA MA YIN NAM, DE'I PHYIR KHYOD KYIS KUN RDZOB GDON MI ZA BAR KHAS BLANGS PAR BYA DGOS SO ZHE NA, BSHAD PA CI, THA SNYAD LA SOGS PA MED PA DE SMRA BAR GZHAN LA'ANG MI MTSUNGS SAM, THA SNYAD LA SOGS PA MED PAR THAL BAR 'GYUR BA'I PHYIR DES KYANG KUN @45A *, ,RDZOB TU KHAS BLANG BAR BYA BA THOS SO ZHES BYA BA'I THA TSIG GO, ,CI'I PHYIR SNYAM PA LA, 'JIG RTEN BZHIN DU BSNYAD BYA DGOS, ,ZHES BYA BA SMOS TE, KHONG DU CHUD PAR SLA'O, ,DE LTA BAS NA ZHES BYA BA LA SOGS PA NI MJUG SDUD PA STE RTOGS PAR SLA'O, ,GAL TE SNANG BA'I NGO BO GANG YIN PA DE MI 'GOG NA 'O NA CI 'GOG SNYAM PA LA, BSHAD PA, RNAM PA GANG SNANG BA MIN LA, SMRA BA GZHAN GYIS YONGS SU BRTAGS PA DE NYID 'GOG CES BYA BAR SBYAR RO, ,DE YANG NI ZHES BYA BA NI DMIGS KYIS BSAL BA'O, ,RNAM PA DE GANG YIN SNYAM PA LA, YANG DAG PAR ZHES BYA SOGS PAR ZHES BYA BA SMOS SO, ,DE GANG YIN SNYAM PA LA, SKYE LA SOGS PA ZHES BYA BA SMOS SO, ,GANG YANG ZHES BYA BA LA SOGS PA RNAM PAR 'GREL PA NI KHONG DU CHUD PAR SLA'O, ,BSTAN BCOS LA SOGS PA LA BRTEN NAS ZHES BYA BA LA SOGS PA SMOS PAS NI, GROGS PO NGAN PA LA BRTEN PA DANG, LOG PA LA GOMS PA'I BAG CHAGS THOG MA MED PA'I DUS CAN LA BRTEN PA YANG GZUNG NGO, ,CI'I PHYIR DE NYID 'GOG SNYAM PA LA, DE BKAG PA LA ZHES BYA BA LA SOGS PA SMOS SO, ,DE BAS RIGS PAS SMRA BA'I LTA BA, 'DIR NI DE LTA BU JI SKAD SMOS PA'I RNAM PAS BRTAGS PA KHO NA STE, MI SNANG BA LA YANG DAG PAR SKYE BA LA SOGS PAR RTOG PAS SGRO BTAGS PA KHO NA, DGAG PAR RIGS TE RIGS PAS RUNG NGO ZHES BYA BA'I THA TSIG GO, ,GAL TE CI'I PHYIR ZHE NA, BSHAD PA, JI SKAD SMOS PA'I NYES PA MED PA'I PHYIR RO, ,GONG DU BRJOD PA MNGON SUM LA SOGS PA DANG 'GAL BA'I NYES PA MED PA'I PHYIR RO ZHES BYA BA'I THA TSIG GO, ,BRTAGS PA MA YIN 'GOG PA 'DI, ,ZHES BYA BA LA SOGS PA NI, GZUGS LA SOGS PA'I LUS RTOG PA'I NYES PAS MA SPANGS PA ZHES BYA BA LA SOGS PAS 'GREL TE, RTOG PA NYID NYES PA YIN NO, ,GZUGS LA SOGS PA'I LUS 'DI LA DES MA SPAGS PA KHO NA YOD PAS ZHES TSIG RNAM PAR SBYAR RO, ,CI LTA DU ZHIG CE NA, RGYU DANG RKYEN LA RAG LAS TE SKYE BAS GZHAN GYI DBANG GI BDAG NYID DO, ,CI'I PHYIR LUS RTOG PA'I NYES PAS MA SPAGS PA CAN YIN SNYAM PA LA, BSHAD PA, RNAM PAR SHES PA TZAM SNANG BA YIN TE RTOG PAS @45B DBEN PA'I SHES PA SNANG BA ZHES BYA BA'I THA TSIG GO, ,TZAM SMOS PA NI RTOG PA DANG LHAN CIG PA RNAM PAR GCOD PAR BYED PA'O, ,GZUGS LA SOGS PA DE LTA BU DE NI RANG RIG PA'I PHYIR, DGAG PAR BYA MI NUS PA 'BA' ZHIG TU MA ZAD KYI, 'GOG PAR BYED NA BYED PA PO LA PHYIR GNOD PA KHO NA BYED DO ZHES BYA BAR SBYAR RO, ,GANG GIS SHE NA, BSHAD PA, MNGON SUM LA SOGS PAS SO, ,SOGS PA SMOS PAS NI, RJES SU DPAG PA LA SOGS PA NANG DU BSDU BAR BYA'O, ,GAL TE GZUGS LA SOGS PA SNANG BA LA YANG DAG PAR SKYE BA LA SOGS PAR BRTAGS PA GANG YIN PA DE NI DGAG PAR RIGS KYI, GTZO BO LA SOGS PA DGAG PA GO SNANG BA GANG GI YIN, MA YIN NAM ZHE NA, BSHAD PA, RNAM PAR RTOG PA SNANG BA YI, ,GTZO BO LA SOGS YANG DAG PAR, ,ZHES BYA BA LA SOGS PA SMOS SO, ,SOGS PA'I SGRAS NI BDAG LA SOGS PA GZUNG NGO, ,SNANG BA'I NYAMS SU MYONG BA'I RTAG PA LA SOGS PA'I NGO BO DNGOS PO'I RGYUR GYUR PAR GRANGS CAN LA SOGS PA GZHAN GYIS BRTAGS PA GANG YIN PA DE 'GOG GO, ,JI LTAR BRTAGS SHE NA, BSHAD PA, YANG DAG PAR RO, ,KHA CIG NA RE 'DUS BYAS YANG DAG PAR NA MI SKYE'O ZHES BYA BA YANG DAG PAR ZHES BYA BA'I TSIG 'DI 'GOG PA'I BYE BRAG YIN TE; DE'I PHYIR 'DUS BYAS YANG DAG PAR MI SKYE'O ZHES BYA BA NI, 'DI SKAD DU BDEN PA KHO NAR MI SKYE'O ZHES BSHAD PA YIN NO, ,DE LTA NA YANG KUN RDZOB TU YANG MI SKYE'O ZHES BYA BAR 'GYUR TE, DE'I PHYIR KHYOD LA KHAS BLANGS PA DANG 'GAL BA'I NYES PAR 'GYUR RO ZHES ZER BA DE DGAG PA'I PHYIR, BSHAD PA, YANG DAG PAR SKYE BA LA SOGS PAR BRTAGS PA MI SNANG BA 'GOG PAR BYED PA LA YANG DAG PAR ZHES BYA BA'I TSIG NI 'GOG PA'I BYE BRAG MA YIN GYI 'DI SKAD BSTAN PA YIN TE, YANG DAG PAR SKYE'O ZHES GANG PHA ROL POS KHAS BLANGS PA DE DGAG PAR SBYAR GYI, 'DI 'GOG PA'I BYE BRAG NI MA YIN NO, ,DE'I PHYIR GANG GIS NA KHAS BLANGS PA DANG 'GAL BAR 'GYUR BA, KUN RDZOB JI LTAR MED PAR 'GYUR, ,ZHES BSHAD PA YIN NO, ,GZHAN GYI DBANG BSGRUB PAR BYA BA'I PHYIR MDO GANG DAG 'PHAGS PA RNAMS KYIS GSUNGS PA DE DAG 'DI KHO NAR RUNG NGO ZHES BYA BAR BSTAN PA'I PHYIR MDO @46A *, ,RNAMS BSHAD PAR 'DOD NAS, DE NYID KYI PHYIR ZHES BYA BA LA SOGS PA SMOS SO, ,GZHAN LA NI GZHAN GYI DBANG BKAG PA'I PHYIR, JI LTAR MI 'THAD PA DE BZHIN DU BSHAD ZIN TO, ,YANG DAG PAR SKYE BA LA SOGS PA'I MTSAN NYID DU, BRTAGS PA'I DNGOS PO YOD MA YIN,, GZHAN GYI DBANG NI YOD PA STE, ,RTEN CING 'BREL BAR 'BYUNG BA'I DNGOS PO JI LTAR SNANG BA BZHIN ZHES BYA BA'I THA TSIG GO, ,BRTAGS PA YOD DO ZHES SMRA NA SGRO 'DOGS PA'I MTHAR LTUNG NGO, ,JI LTAR SNANG BA BZHIN YANG MED DO ZHES SMRA NA, SKUR BA 'DEBS PA'I MTHAR LTUNG NGO, ,DE'I PHYIR, SGRO 'DOGS PA DANG SKUR 'DEBS PA'I, ,MTHAR RTOGS PA NI PHUNG BAR 'GYUR, ,GZHAN GYI DBANG GI MTSAN NYID KYI, ,CHOS RNAMS THAMS CAD BRTAGS PA YI, ,NGO BO NYID KYIS MA SKYES SO, ,JI LTAR SNANG BA BZHIN NI RANG GI NGO BOS SKYES PA KHO NA YIN NO, ,DE LTA MA YIN NA BRTAGS PA ZHES BYA BA'I BYE BRAG DON MED PAR 'GYUR RO, ,MI RNAMS GZHAN GYI DBANG DNGOS PO JI LTAR SNANG BA GZHAN SKYES PA LA BRTEN NAS RNAM PAR RTOG PA 'BYUNG NGO, ,GZUGS LA BRTAGS PA MED PA STE, ,DES DBEN PA NI GZHAN GYI DBANG GI DNGOS PO YIN NO, ,DE YANG NGO BO NYID YIN PAS, RAB 'BYOR GZUGS NI GZUGS MED PA'I NGO BO NYID YIN ZHES RGYAS PAR 'BYUNG NGO ZHES BYA BA YANG BRJOD PAR RUNG NGO, ,BRGYA ZHIG LA DNGOS PO GANG ZHIG MED PA DE LA GZUGS KYANG MED NA JI LTAR NGO BO NYID DU 'GYUR BAR 'OS ZHES SMRA BAR 'GYUR BAS, DE LTAR BYAS NA ZHES BYA BA LA SOGS PA SMOS SO, ,'DI SNYAM DU GZHAN GYI DBANG JI LTAR SNANG BA BZHIN YOD PA'I PHYIR, GZUGS MED PA'I NGO BO NYID CES BYA BA'I TSIG NI KHO BO KHO NA LA RUNG GI KHYOD LA NI MA YIN TE, DE TSUL JI LTA BA BZHIN DU BKAG PA'I PHYIR RO SNYAM DU BSAMS PA'O, ,DE LTA NA GZUGS MED PA'I NGO BO NYID CES BYA BA'I TSIG 'DI'I DON NI GZHAN GYI DBANG BRTAGS PA'I NGO BOS DBEN PA'I NGO BO NYID YIN NO ZHES BYA BAR 'GYUR RO, ,LAS DANG 'BRAS BU DAG JI LTAR, ,RNAM PAR GNAS ZHES BYA BA LHAG MA'O, ,BSAM PA NI LAS DANG 'BRAS BU DAG NI DBANG PO'I YUL MA YIN PA'I PHYIR JI LTAR SNANG BA BZHIN RNAM PAR GNAS PAR RIGS PA MA YIN NO SNYAM PA 'DI YIN NO, , @46B MTHONG BA PO'I LTA BA LA ZHES BYA BA LA SOGS PAS NI 'DI SKAD DU, DNGOS PO NI KHYOD KHO NA'I MTHONG BA LTAR RNAM PAR GNAS PA MA YIN GYI, DE GANG GIS JI LTAR MTHONG BA DE'I MTHONG BA LA YANG BRTEN NAS DE JI LTAR SNANG BA BZHIN RNAM PAR GNAS LA, BCOM LDAN 'DAS KYIS KYANG LAS DANG 'BRAS BU JI LTAR GZIGS PA DE BZHIN DU, BCOM LDAN 'DAS KYI GZIGS PA LA BRTEN NAS DE GNYIS RNAM PAR GNAS PAS DE'I PHYIR, THAMS CAD JI LTAR SNANG BZHIN GNAS, ,ZHES BYA BA LA SOGS PA SMOS TE, RI RAB LA SOGS PA YANG SNYAM DU BSAMS PA'O, ,'DI LA GZIGS PA SNANG BA THOGS PA MI MNGA' BA YOD PAS ZHES TSIG RNAM PAR SBYAR RO, ,THUGS RJE'I RANG BZHIN CAN ZHES BYA BA'I RANG BZHIN NI RGYU 'AM NGO BO NYID YIN NO, ,RTOG PAS BCINGS PA GZIGS NAS NI, ,JI LTAR SNANG BA BZHIN KHO NA ZHES BYA BA LHAG MA'O, ,DE NYID KYIS ZHES BYA BA NI SNGAR BSTAN PA LAS DANG 'BRAS BU DAG GZIGS PA PO YIN PAR STON TE, ,SOGS PA SMOS BAS NI, PHUNG PO DANG KHAMS LA SOGS PA YONGS SU BSDU'O, ,'GRO BA RTOG PA'I LCAGS SGROG GIS BCINGS PA LA GZIGS NAS, 'GRO BA BCINGS PA THAR PA BSTAN PA MDZAD DO ZHES BYA BAR SBYAR RO, ,GANG DU BCINGS SHE NA, 'KHOR BA'I BTZON RAR RO, ,BCINGS BA THAR PA BSTAN PA MDZAD PA DE SU SNYAM PA LA, BSHAD PA, BCOM LDAN 'DAS LAS DANG 'BRAS BU MKHYEN PA'I THUGS RJE'I RANG BZHIN CAN GYI SKU CAN DE NYID DO, ,'DI LA THUGS RJE'I RANG BZHIN GYI SKU YOD PAS ZHES TSIG RNAM PAR SBYAR RO, ,CI MDZAD DE ZHE NA, DNGOS POR 'DZIN PA MA LUS PAR SEL BAR MDZAD CING NGO, ,JI LTAR ZHE NA, BSHAD PA, RIM GYIS SO, ,RIM PA GANG GIS SHE NA, BSAM PA JI LTA BA BZHIN DU PHUNG PO LA SOGS PA BSTAN PAS SO, ,JI STE RTOGS PA ZHES BYA BA 'DI CI YIN ZHES BYA BA 'DI LA BSAM PA NI CHOS THAMS CAD NGO BO NYID MED PA YIN NA RTOG PA ZHES BYA BA CI YANG MED DO SNYAM PA 'DI YIN NO, ,CI YIN ZHES BYA BA'I SGRA NI SPONG BA'O, ,SGRO BTAGS RNAM CAN RTOG PA YIN, ,ZHES BYA BA 'DIS NI, 'DI THAMS CAD NI JI LTAR SNANG BA BZHIN RNAM PAR GNAS TE, DE'I PHYIR KHAMS GSUM PA'I SEMS DANG SEMS LAS BYUNG BA @47A *, ,SGRO BTAGS PA'I RNAM PA CAN RTOG PA YANG JI LTAR SNANG BA BZHIN KHO NA YIN NO ZHES DE STON PAR BYED DO, ,DE LTA BU YIN DU ZAD MOD 'ON KYANG KHAMS GSUM PA'I SEMS DANG SEMS LAS BYUNG BA RNAMS NGO BO NYID MED PA YIN NO, JI LTAR 'CHING BA'I RGYU NYID DU GSUNGS SNYAM PA LA, DE DAG 'CHING BA'I RGYU NYID DU, JI LTAR RNAM PA GANG GIS GZIGS PA DE BZHIN GSUNGS, JI LTAR SNANG BA BZHIN 'CHING BA'I RGYU NYID DU ZHES BYA BA LHAG MA'O, ,DE DAG KYANG ZHES BYA BA LA SOGS PAS TSIG LE'UR BYAS PA'I CHA 'DI NYID GSAL BAR BYED DO, ,CI'I PHYIR, YANG DAG PAR NI MA YIN ZHE NA, 'DI LTAR DE DAG MED PA'I PHYIR RO, ,GAL TE DE LTA NA JI LTAR MED PA RNAMS DON BYA BA DAG LA NUS SNYAM PA LA, BSHAD PA, MED PA LCAGS SGROG LA SOGS PA RNAMS KYANG DON BYA BA DAG LA NUS PA JI LTAR SNANG BA BZHIN DU 'DOD DE, 'DI LTAR LCAGS SGROG LA SOGS PA YANG PHYOGS KYI CHAS GZHIGS NA MED PA NYID DO, ,YANG NA SRID PA'O, ,'DI NI RNAM PAR DBYE BA'I PHYIR, MED PA RNAMS KYANG ZHES BYA BA SMOS TE, 'CHING BA LA SOGS PA'I DON BYED PAR MI 'GAL BA KHO NA'O ZHES BYA BAR SBYAR RO, ,JI LTAR SNYAM PA LA, JI LTAR GRAGS PA BZHIN ZHES BYA BA SMOS TE, JI LTAR SNANG BA BZHIN ZHES BYA BA'I THA TSIG GO, , CI'I PHYIR YANG DAG PAR MA YIN ZHE NA, YANG DAG PAR NA 'CHING BA DANG BCING BAR BYA BA DAG KYANG MED DO ZHES BYA BA SMOS SO, ,CI 'DRA SNYAM NA, BSHAD PA, 'CHING BA BZHIN NO, ,'CHING BA NI LCAGS SGROG LA SOGS PA'O, ,MED PA RNAMS KYI NUS PA YANG JI LTAR SNANG BA BZHIN DU 'DOD DO ZHES BYA BA 'DI DE LTAR SHES PAR BYA STE, 'DI LTAR, YOD PA RNAMS KYI NUS PA NI, ,JI LTAR BUR YANG MI MTHONG NGO, ,SANGS RGYAS RNAMS KYIS KYANG ZHES BYA BA LHAG MA'O, ,'DI RNAM PAR 'GREL PAR BYED DE, YOD PA RNAMS KYI NUS PA NI SANGS RGYAS KYIS KYANG GZIGS PAR MI SPYOD CES BYA BAR SBYAR RO, ,CI LA ZHE NA, DON BYED PA DAG LA'O, ,CI'I PHYIR SNYAM PA LA, BSHAD PA, SHES PA RNAM PA MED PA DANG, ,RNAM PA DANG LDAN PAS YONGS SU GCOD PA MED PA'I PHYIR RO, ,'O NA GZHAN ZHIG YONGS SU GCOD PAR BYED PAR 'GYUR RO SNYAM PA LA, YONGS SU GCOD PAR BYED PA GZHAN YANG ZHES BYA BA LA SOGS PA @47B SMOS SO, ,MED PA LA NI BYE BRAG CI YANG MED PAS JI LTAR 'DOD CHAGS LA SOGS PA 'CHING BAR NUS PA LTAR SDUG BSNGAL LA CHOS SHES PA'I BZOD PA LA SOGS PA YANG DE DANG 'DRA BAR 'GYUR LA, JI LTAR SDUG BSNGAL LA CHOS SHES PA'I BZOD PA LA SOGS PAS THAR PAR NUS PA LTAR, 'DOD CHAGS LA SOGS PA YANG DE DANG 'DRA BAR 'GYUR BA MA YIN NAM ZHE NA, BSHAD PA, 'DOD CHAGS LA SOGS PA DANG, SDUG BSNGAL LA CHOS SHES PA'I BZOD PA LA SOGS PA GANG LAS 'CHING BA DANG THAR PA GANG ZHIG YOD PAR THAMS CAD MKHYEN PAS GZIGS PA DE YOD NA, 'DOD CHAGS LA SOGS PA DANG SDUG BSNGAL LA CHOS SHES PA'I BZOD PA LA SOGS PA DE YOD NA 'CHING BA DANG THAR PA DE NGES PAR YOD DO, ,DE MED NA 'DOD CHAGS LA SOGS PA DANG, SDUG BSNGAL LA CHOS SHES PA'I BZOD PA LA SOGS PA DE MED NA 'CHING BA DANG THAR PA 'DI MED PA NYID DO, ,RGYU DE'I PHYIR HA CANG THAL BAR MI 'GYUR TE, 'DOD CHAGS LA SOGS PAS KYANG THAR PA MA YIN LA, SDUG BSNGAL LA CHOS SHES PA LA SOGS PA'I BZOD PAS KYANG 'CHING BA MA YIN NO ZHES BYA BA'I THA TSIG GO, ,THA SNYAD THAMS CAD JI LTAR SNANG BA KHO NA BZHIN 'JUG GO ZHES BYA BA DE NI DE LTA YIN NO ZHES BYA BAR SHES PAR BYA STE, DE'I PHYIR DNGOS PO KHAS BLANGS SU ZIN KYANG NGO BO NYID MED PA'I LTA BA LAS GZHAN PA DNGOS POR SMRA BA'I LTA BA LA, DNGOS PO JI LTA BA BZHIN THA SNYAD GDAGS SU NI RIGS PAS MI RUNG NGO, ,CI'I PHYIR MI RUNG SNYAM PA LA, MI SNANG BA'I PHYIR ZHES BYA BA SMOS TE, DNGOS PO'I NGO BO ZHES BYA BA LHAG MA'O, ,SHES PA'I BDAG NYID LA NI ZHES BYA BA LA SOGS PAS NI 'DI NYID RNAM PAR 'GREL TO, ,RDUL PHRA RAB DAG DANG ZHES BYA BA NI PHYI ROL GYI DON YOD PAR SMRA BA'I LTA BA LA BRTEN TE BSHAD PA'O, ,GNYIS MED PA ZHES BYA BA NI RNAM PAR SHES PAR SMRA BA'I LTA BA STE, DE DAG GI LTAR NA RNAM PAR SHES PA'I BDAG NYID DNGOS PO'I NGO BO GZUNG BA DANG, 'DZIN PA'I BDAG NYID KYIS DBEN PA NI GNYIS MED PA YIN NO, ,GAL TE MI SNANG DU ZIN KYANG KHO BO DES THA SNYAD 'DOGS PAR 'GYUR RO SNYAM PA LA, MI SNANG BA LA NI ZHES BYA BA LA SOGS PA SMROS SO, ,GAL TE GANG SNANG BA DES THA SNYAD 'DOGS PAR 'GYUR RO SNYAM PA LA SNANG BA GANG YIN PA ZHES BYA BA LA SOGS PA @48A *, ,SMOS SO, ,CI'I PHYIR DNGOS PO'I NGO BO KHO NA MA YIN SNYAM PA LA, BSHAD PA, 'DUS PA NI, DNGOS PO MA YIN PA'I PHYIR RO, ,GNYIS KYANG DNGOS PO MA YIN PA'I PHYIR RO ZHES BYA BAR BSNYEGS SO, ,'DI GNYIS LAS ZHES BYA BA NI, GNYIS DANG 'DUS PA DAG LAS SO,, DE ZHES BYA BA NI DNGOS PO'O, ,CI'I PHYIR DES NA CI ZHES BYA, NGES PAR MA ZIN PA DE LTA BU LA NI THA SNYAD MED DE, THA SNYAD NI NGES PA SNGON DU 'GRO BA CAN YIN PA'I PHYIR RO, ,DE'I PHYIR KHO BO CAG GIS DNGOS PO JI LTA BA BZHIN THA SNYAD GDAGS SU NI RIGS PAS MI RUNG NGO ZHES DAM BCAS PA GANG YIN PA DE DE KHO NA BZHIN DU GNAS SO, ,SNGAR NI SNANG BZHIN DU YANG DE NGES PAR MI ZIN TO ZHES BYA BA DE KHAS BLANGS NAS BSHAD DO, ,DA NI SNANG BA NYID LA YANG THE TSOM YOD PAS SNANG ZHES BYA BA YANG ZHES BYA BA LA SOGS PA SMOS SO, ,CI'I PHYIR MNA' CHU BTUNG DGOS SNYAM PA LA, YID CHES PA MED PA'I PHYIR ZHES BYA BA SMOS TE, NGES PA MED PA'I PHYIR ZHES BYA BA'I THA TSIG GO, ,SNGAR NI DNGOS PO'I NGO BO KHAS BLANGS NAS DNGOS PO JI LTA BA BZHIN DU THA SNYAD GDAGS PAR RIGS PAS MI RUNG NGO ZHES BSHAD DO, ,DA NI DNGOS PO'I NGO BO NYID KYANG MED PA'I PHYIR, DNGOS PO'I NGO BO MI RUNG PHYIR, ,ZHES BYA BA LA SOGS PA SMOS TE; DES THA SNYAD GDAGS SU RIGS PAS MI RUNG NGO ZHES BYA BA LHAG MA'O, ,JI LTAR MI RUNG ZHE NA, TSAD MA MED PA'I PHYIR ZHES BYA BA SMOS TE, DNGOS PO GRUB PAR BYA BA LA ZHES BYA BA LHAG MA'O, ,TSAD MAS GNOD PA'I PHYIR, YANG DNGOS PO'I NGO BO MI RUNG NGO ZHES RNAM PAR DBYE BA BSGYUR TE SBYAR RO, , GNYIS PO DE JI LTAR SNYAM PA LA, RIGS PA'I RJES SU 'BRANGS NAS BSHAD, ,CES BYA BA SMOS TE, MI RUNG BAR NI RNAM PA MED PA ZHES BYA BA LA SOGS PAS RIGS PA BSHAD ZIN TO, ,GNOD PAR NI, DU MAS DNGOS PO GCIG MI BYED, ,CES BYA BA LA SOGS PAS RIGS PAS BSHAD ZIN TO, ,DE LTAR RAB TU BSGRUBS NAS, DE LTA BAS NA ZHES BYA BA LA SOGS PAS MJUG SDUD PAR BYED DO, ,DE LA MNGON PAR ZHEN PA ZHES BYA BA NI DNGOS PO'I NGO BO LA MNGON PAR ZHEN PA'O, ,NGO BO NYID MED PA NI DNGOS SU RIGS PA DANG LDAN ZHING TSAD MAS KYANG MI GNOD LA, THA SNYAD KYANG JI LTAR SNANG BA BZHIN SRID PAS DE'I @48B PHYIR KHYED DNGOS PO'I NGO BOR MNGON PAR ZHEN PA NI DON MED PA 'PHEL BAR BYED PA'I 'BYUNG GNAS KHAS LEN PAR BYED PA 'BA' ZHIG TU ZAD DO, ,DE LTA BAS NA 'BAD DE 'DI DOR BAR BYA'O SNYAM PA'I BSAM PA DANG LDAN NAS, RANG LTA CHAGS PAS CI ZHIG BYA, ,ZHES BYA BA LA SOGS PA SMOS TE, DON GSAL BAR ZAD DO, ,GAL TE LTA BA 'DI LA YANG THAMS CAD MED PA'I PHYIR CHAD PAR THAL BAR 'GYUR BA MA YIN NAM ZHE NA, LTA BA 'DI LA ZHES BYA BA LA SOGS PA SMOS SO, ,CI'I PHYIR CHAD PAR THAL BAR MI 'GYUR ZHE NA, GANG PHYIR RGYU LAS ZHES BYA BA LA SOGS PA SMOS SO, ,BRGYA ZHIG LA CHAD PA MED NA 'O NA RTAG PAR THAL BAR 'GYUR RO ZHES SMRA BAR 'GYUR BAS, DE LOG NA NI ZHES BYA BA SMOS TE, RGYU LOG NA NI 'BRAS BU LOG PA LA CI'I PHYIR RTAG PA NYID YIN SMROS, CI ZHES BYA BA'I SGRA NI GNYI GA YANG SPONG BA YIN NO, ,'DI RNAM PAR DBYE BA'I PHYIR BSHAD PA, GANG GI TSE SEMS CAN ZHES BYA BA'I DNGOS PO 'DI, 'KHOR BA JI SRID PAR 'JUG PA ZHES BYA BAR SBYAR RO, ,JI LTAR 'JUG CE NA, BSHAD PA, LAS DANG NYON MONGS PA'I DBANG GIS SO, ,JI LTAR LAS DANG NYON MONGS PA'I DBANG GIS 'JUG CE NA, BSHAD PA, JI LTAR SNANG BA BZHIN NO, ,DE'I TSE 'DI CHAD PAR JI LTAR 'GYUR TE, MI 'GYUR PA NYID DO ZHES BYA BA'I THA TSIG GO, ,JI LTAR CHAD PAR MI 'GYUR BA NYID SNYAM PA LA, 'GRO BA BRGYUD PAS ZHES BYA BA LA SOGS PA SMOS SO, ,GANG GI TSE DNGOS PO 'DI MYA NGAN LAS 'DAS PA'I GRONG KHYER NA GNAS PA DE'I TSE 'DI JI LTAR RTAG PAR 'GYUR ZHES BYA BAR SBYAR RO, ,JI LTA BU ZHIG YIN SNYAM PA LA, BSHAD PA, 'PHAGS PA'I BDEN PA MTHONG BA NYID ME YIN TE, GANG LA DES LAS DANG NYON MONGS PA THAMS CAD BSREGS PA YOD PA DE NI, 'PHAGS PA'I BDEN PA MTHONG BA'I MES LAS DANG NYON MONGS PA MTHA' DAG BSREGS PA CAN NO, ,DE BAS DE LTAR NA ZHES BYA BA LA SOGS PAS NI MJUG SDUD PAR BYED DO, ,DON DAM PA'I DNGOS PO'I BDAG NYID LA LTA GNAS MI THOD PA KHO NA STE RTAG PA DANG CHAD PA'I CHOS NYID CES BYA BAR SBYAR RO, ,CI'I PHYIR GNAS MI THOD SNYAM NA, 'DI LTAR ZHES BYA BA LA SOGS PA SMOS TE, KHONG DU CHUD PAR SLA'O, ,DE LTA YIN DU CHUG NA NGO BO NYID MED PAR LTA BA 'DI LA THAM @49A *, ,CAD MKHYEN PA JI LTA BU YIN SNYAM PA LA, BSHAD PA, JI LTAR SNANG BA 'DI KHO NA, ,BRTEN NAS SKYES PA'I DNGOS PO THAMS CAD NI, THAMS CAD MKHYEN PAS MNGON SUM GYI TSAD MAS GZIGS ZHES BYA BAR SBYAR RO, ,JI LTA BU ZHIG SNYAM PA LA, BRTAGS PA'I NGO BOS DBEN PA'I ZHES BYA BA SMOS TE, JI LTAR SNANG BA ZHES BYA BA'I SGRA NI GZIGS PA DANG BRTEN TE SKYES ZHES BYA BA'I SGRA GNYI GA DANG SBYAR BAR DRANG NGO, ,'DI RNAM PAR DGROL BA'I PHYIR, DNGOS PO RNAMS NGO BO NYID MED BZHIN DU, YANG JI LTAR SNANG BA LA ZHES BYA BA SMOS TE, THAMS CAD MKHYEN PA ZHES BYA'O ZHES BYA BAR SBYAR RO, ,CI ZHIG MDZAD CE NA, DNGOS PO THAMS CAD RNAM PA THAMS CAD DU MKHYEN PA NA'O, ,DNGOS PO JI LTA BU ZHIG SNYAM PA LA BRTEN NAS SKYES PA KHO NA ZHES BYA BA SMOS TE, 'DIR YANG JI LTAR SNANG BA BZHIN ZHES BYA BAR SBYAR RO, ,GAL TE BRTEN NAS SKYES PA KHO NA JI LTA BU ZHIG SNYAM PA LA, YANG DAG PAR SKYE BA LA SOGS PAS DBEN PA ZHES BYA BA SMOS SO, ,GANG GIS MKHYEN SNYAM PA LA, MNGON SUM GYIS ZHES BYA BA SMOS SO, ,JI LTA ZHE NA, BSHAD PA, CIG CAR RO, ,RNAM PAR SHES PAR SMRA BA'I LTA BA LA NI THAMS CAD MKHYEN PA JI LTAR YANG MI RUNG BAS, GANG LA DON GZHAN YONGS GCOD PA, ,ZHES BYA BA LA SOGS PA SMOS SO, ,SHES BYA NANG GI YIN PAR SMRA BA ZHES BYA BA LA SOGS PAS NI 'DI RNAM PAR 'BYED DO, ,GAL TE CI'I PHYIR THAMS CAD MKHYEN PA BRTAGS PA KHO NA YIN PAR 'GYUR SNYAM PA LA, BSHAD PA, RGYUD GZHAN LA YOD PA'I DNGOS PO YONGS SU MI GCOD PA'I PHYIR RO, ,CI'I PHYIR YONGS SU MI GCOD CE NA, 'DI LTAR GZUNG BA DANG 'DZIN PA MED PA'I PHYIR TE, DE DAG NYID KYIS DE LTA MA YIN NA, DON DANG LDAN PA'I PHYIR RNAM PAR RIG PA TZAM DU NGES PAR 'GRUB PAR MI 'GYUR RO ZHES SMRAS SO, ,JI STE RGYUD GZHAN LA YOD PA'I DNGOS PO CI'I PHYIR YONGS SU MI GCOD SNYAM NA, BSHAD PA, BLO RNAM PA DANG BCAS PA DANG CIG SHOS KYIS YONGS SU GCOD PAR MI RUNG BA'I PHYIR RO, ,RANG GI RGYUD LA YOD PA'I DNGOS PO YANG DE DANG 'DRA BAR YONGS SU GCOD PAR MI RUNG BA'I PHYIR RO ZHES BYA BAR SBYAR RO, ,GANG GIS SHE NA, BLOS SO, ,JI LTA BUS SHE NA, RNAM @49B PA DANG BCAS PA DANG CIG SHOS KYIS SO, ,NGO BO NYID MED PAR SMRA BA'I LTAR NA NI, THAMS CAD MKHYEN PA MED PA'I NYES PAR BSHAD PA GANG YIN PA DE DAG THAMS CAD MED PAS NYES PA MED PA NYID CES BYA BA SMOS SO, ,GAL TE CI'I PHYIR SNYAM NA, BSHAD PA, JI LTAR GRAGS PA BZHIN TE, JI LTAR SNANG BA BZHIN YONGS SU GCOD PA'I PHYIR RO, ,GANG GI TSE CUNG ZAD KYANG MI MTHONG BA DE'I TSE DE KHO NA BZHIN GNAS TE ZHES BYA BA SBYAR RO, ,CI ZHIG BYED CING ZHE NA, BSHAD PA, DNGOS PO'I RANG GI NGO BO DPYOD PAR BYED CING NGO, ,CI ZHIG BYAS NAS SHE NA, BSHAD PA, CHOS RNAMS MA SKYES SO ZHES BYA BA LA SOGS PA YANG BRTAGS PA'I BDAG NYID DAG YIN NO ZHES BYA BAR KHONG DU CHUD PAR BYAS NAS SO, ,DE DAG JI LTAR BRTAGS PA'I BDAG NYID YIN SNYAM PA LA, BSHAD PA YANG DAG PAR SKYE BA LA SOGS PAR RTOGS PA BKAG PA'I NGO BO NYID KYIS SO, ,CI'I PHYIR DE KHO NA BZHIN GNAS SNYAM PA LA, BSHAD PA, 'DI LTAR, DE NI MTSAN MA MI 'BYUNG PHYIR, ,MI BZHENGS SO ZHES BYA BAR SBYAR RO, ,GANG GI TSE MTSAN MA MI 'BYUNG SNYAM PA LA, BSHAD PA, GANG TSE SHES DANG SHES BYA DANG, ,BDAG NYID RJES SU MI MTHONG NA'O, ,BDAG NYID CES BYA BA NI RNAL 'BYOR PA YIN PAR STON TO, ,GNAS PA BRTAN PHYIR YANG MI LDANG NGO, ,ZHES BYA BAR SBYAR BAR BYA STE, YANG ZHES BYA BA NI MI MNGON PAR BSTAN TO, ,GNAS PA NI TING NGE 'DZIN TO, ,'DI RNAM PAR 'GREL PAR BYED DE, BCOM LDAN 'DAS 'DI'I MTSAN MA MI 'BYUNG NA BZHENGS PA LTA GA LA YOD CES BYA BAR SBYAR RO, ,MTSAN MA ZHES BYA BA NI, SHES PA DANG SHES BYA DANG BDAG GI MTSAN MA'O, ,CI'I PHYIR MTSAN MA MI 'BYUNG ZHE NA, BSHAD PA, BCOM LDAN 'DAS GANG LA RTOG PA'I SA BON THAMS CAD BAG CHAGS DANG BCAS TE RTZA NAS BTON PA YOD PA DE'I DNGOS PO NI DE NYID DE, RTOG PA'I SA BON MTHA' DAG BAG CHAGS DANG BCAS TE RTZA NAS BTON PA NYID KYI PHYIR RO; ,BAG CHAGS NI NYON MONGS PAS BYAS PA LUS LA SOGS PA 'GYUR BA'O, ,BCOM LDAN 'DAS 'DI'I TING NGE 'DZIN BRTAN PA'I YANG PHYIR BZHENGS PA LTA GA LA YOD CES BYA BAR SBYAR RO, ,DE YANG CI'I PHYIR SNYAM PA LA, BSHAD PA, BSKAL PA GRANGS MED PA DU MAR GUS PAR MDZAD DE BAR CHAD MED PAR @50A *, ,LEGS PAR BSGOMS PAS ZHES BYA BA 'DIS NI YUN RING PO NAS LEGS PAR BSGOMS PA DANG GUS PAR BYAS TE, LEGS PAR BSGOMS PA DANG BAR CHAD MED PAR LEGS PAR BSGOMS PAS TING NGE 'DZIN BRTAN PA NYID DU BSTAN TO, ,GNAS SKABS GANG LA ZHUGS PAS TE, GNAS SKABS GANG ZHIG RTOGS PAS YON TAN KUN GYI RTEN DU GYUR TE, YON TAN KUN NI 'JIG RTEN PA DANG 'JIG RTEN LAS 'DAS PA RNAMS SO, ,BSAM GYIS MI KHYAB PAR 'GYUR TE SEMS CAN THAMS CAD KYI BSAM PA'I YUL LAS YANG DAG PAR 'DAS PA'I PHYIR RO, ,MTSUNGS MED DU 'GYUR TE, 'DI LTAR YON TAN THUN MONG MA YIN PA'I RTEN YIN PA'I PHYIR, DE BZHIN GSHEGS PA DANG MNYAM PA'I SEMS CAN 'GA' YANG MED DO, ,PHYAG GNAS SU GYUR TE, SEMS CAN THAMS CAD KYIS MCHOD PAR 'OS PA'I PHYIR RO, ,'DREN PAR 'GYUR TE LAM NGAN PA LAS PHRAL TE LAM BZANG PO THOB PAR MDZAD PA'I PHYIR RO, ,DANG ZHES BYA BA NI RIM PA GZHAN DU SBYAR BA STE, GNAS SKABS 'GA' DE BSAM GYIS MI KHYAB PA YIN NO, ,'DIS NI CHOS KYI SKU 'BRAS BU'I SGO NAS NYE BAR BSTOD PA YIN NO, ,DA NI RNAM PAR BSHAD PA'I SGO NAS BSNGAGS PA BYA BA'I PHYIR, CHOS RNAMS KUN GYI LUS YIN PHYIR; ,ZHES BYA BA LA SOGS PA SMOS SO, ,RNAM PA GSUM GYIS CHOS KYI SKU ZHES BYA ZHES BYA BA NI TSIG GSUM BZUNG NAS DE SKAD DU BSHAD DO, [?] ,DE LTA MA YIN NA TSIG GCIG GIS DON GNYIS ZIN PAS RNAM PA BZHIS ZHES BRJOD PAR BYA DGOS SO, ,CI'I PHYIR CHOS THAMS CAD KYI LUS ZHES BYA BA SNYAM PA LA, 'GRO BA THAMS CAD CES BYA BA LA SOGS PA SMOS SO, ,DE BAS NA RNAM PA 'DI LA NI SKU ZHES BYA BA'I SGRA NI LUS SU BRJOD PAR BLTA BAR BYA'O, ,LUS NI TSOGS YIN PA'I PHYIR CHOS KYI SKU NI CHOS RNAMS KYI TSOGS ZHES BYA STE, RGYU LAS 'BRAS BU NYE BAR BTAGS PA'I PHYIR RO, ,CI'I PHYIR RGYU NYID YIN SNYAM PA LA BSHAD PA, 'JIG RTEN PA DANG 'JIG RTEN LAS 'DAS PA'I YON TAN THAMS CAD KYI RTEN YIN PA'I PHYIR RO, ,YANG NA 'DIR 'JIG RTEN PA DANG 'JIG RTEN LAS 'DAS PA'I CHOS RNAMS SGROGS SHING BRJOD PA'I PHYIR CHOS KYI SKU YIN NO, ,CHOS KYI DBYINGS RTOGS NA 'JIG RTEN @50B PA DANG 'JIG RTEN LAS 'DAS PA'I CHOS THAMS CAD BOS PA BZHIN DU 'DU STE, ZAD PA SHES LA ZAG BCAS KYANG, ,ZHES 'BYUNG BA'I PHYIR RO, ,'DIS NI CHOS KYI SKU ZHES BYA BA'I SGRA 'DI BYED PA'I SGRA NYID DU STON PAR BYED DO, ,LUS NI BYED PA MED PA MA YIN NAM, JI LTAR NA YON TAN BSAM GYIS MI KHYAB PA KUN GYI RTEN ZHES BYA SNYAM PA LA, BSHAD PA, RTEN GYI DNGOS PO NI KUN BRTAGS PA'O ZHES BYA BAR SBYAR RO, ,GAL TE JI LTAR SNYAM PA LA, BSHAD PA, DE LA 'JUG PA THOB PAS NA CHOS KYI DBYINGS LA 'JUG PA RTOGS PA STE, DES 'JIG RTEN PA DANG 'JIG RTEN LAS 'DAS PA'I YON TAN RNAMS THOB PA'O, ,CI'I PHYIR RIGS PAS RNAM PAR GNAS PA'I NGO BO NYID YIN SNYAM PA LA, BSHAD PA, NGO BO NYID DE NYID RIGS PA DANG LDAN PA'I PHYIR RO, ,DE LTA BAS NA 'DIS NI CHOS ZHES BYA BA'I SGRA NI RIGS PAR BRJOD PA YIN, SKU ZHES BYA BA'I SGRA NI NGO BO NYID DU BRJOD PA YIN NO ZHES BSTAN PA YIN NO, ,DE LTAR CHOS KYI SKU MDOR BSDUS TE BSTAN NAS, LONGS SPYOD RDZOGS PA'I SKU BRJOD PAR RTZOM PA NA, DE TSE RNAM RTOG MED CES BYA BA LA SOGS PA SMOS SO, ,DE TSE ZHES BYA BA NI CHOS KYI DBYINGS RTOGS PAR BYED PA'I DUS STON PAR BYED DO, ,GAL TE RTOG PAR MI MDZAD NA JI LTAR SEMS CAN GYI DON 'BYUNG SNYAM PA LA, BSHAD PA SNGON GYI SHUGS KYIS TE SNGON GYI SMON LAM GYI SHUGS KYI ZHES BYA BA'I THA TSIG GO, ,SEMS CAN GYI DON GANG GI TSE CI 'DRA BA ZHIG GANG DU RNAM PA JI LTA BU ZHIG 'BYUNG SNYAM PA LA, RTAG TU ZHES BYA BA LA SOGS PA SMOS SO, ,DE BAS NA 'DIS NI THAMS CAD NAS SEMS CAN GYI DON 'BYUNG BAR RJOD PAR BYAD CING GZHAN GYI DON PHUN SUM TSOGS PA YANG STON TO, ,GZHAN GYI DON PHUN SUM TSOGS PA 'DI NI GTZO BO YIN PA'I PHYIR SNGAR BSHAD DO, ,RANG GI DON PHUN SUM TSOGS PA NI, GZHAN GYI DON PHUN SUM TSOGS PA'I THABS YIN PA'I PHYIR PHYIS SMOS SO, , TSIGS SU BCAD PA GNYIS PA'I PHYED GONG MAS NI YE SHES PHUN SUM TSOGS PA BSTAN TO, ,PHYED 'OG MAS NI CHE BA'I BDAG NYID PHUN SUM TSOGS PA BSTAN TO, ,TSIGS SU BCAD PA GSUM PA'I PHYAD GONG MAS NI NYON MONGS PA'I SGRIB PA SPANGS PA PHUN SUM TSOGS PA BSTAN TO, ,PHYED 'OG MAS NI SHES BYA'I @51A *, ,SGRIB PA SPANGS PA PHUN SUM TSOGS PA BSTAN TO, ,GANG LA MKHYEN PA'I SKAD CIG GCIG GIS NI, ,SHES BYA'I DKYIL 'KHOR KUN KHYAB CAN, ,MNGA' BA ZHES TSIG RNAM PAR SBYAR RO, ,YON TAN RIN PO CHE'I TSOGS DANG TING NGE 'DZIN DANG BSAM GTAN DAG TSIG RNAM PAR PHRAL BA RNAMS BSAM GYIS MI KHYAB PA'I TSIG DANG, GZHI MTHUN PA'I BSDU BA BYAS NAS RTEN GYI TSIG DANG DRUG PA'I BSDU BA BYA'O, ,YON TAN NI MNGON PAR SHES PA DANG TSAD MED PA DANG STOBS DANG SANGS RGYAS KYI CHOS MA 'DRES PA BCO BRGYAD LA SOGS PA'O, ,TING NGE 'DZIN RNAMS NI DPA' BOR [?] 'GRO BA DANG NAM MKHA' MDZOD KYI TING NGE 'DZIN LA SOGS PA'O, ,BSAM GTAN RNAMS NI DANG PO LA SOGS PA'O, ,RTOG PA DANG NYON MONGS PA DANG BAG CHAGS RNAMS KYI TSIG PHRAL BA BYAS NAS, GANG LA RTOG PA DANG NYON MONGS PA DANG BAG CHAGS RNAMS MA LUS PAR GTAN GCAD PA YOD PA ZHES 'BRU MANG POR BYA'O, ,RTOG PA NI NYON MONGS PA 'BYUNG BA'I RGYU LOG PA'I RNAM PAR RTOG PA'O, ,BAG CHAGS NI NYON MONGS PA'I 'BRAS BU LUS DANG NGAG 'GYUR BA'O, ,'DI GNYIS NI NYON MONGS PA'I RGYU DANG 'BRAS BU DAG YIN NO ZHES BYA BA RAB TU BSTAN PA'I PHYIR NYON MONGS PA RAB TU BSTAN TO, ,DE LTA MA YIN NA NYON MONGS PA ZHES BYA BA'I TSIG DANG PO SMRA BAR 'GYUR RO, ,GANG LA SHES BYA'I YUL LA MI SHES PA'I, ,TSOGS NI MTHA' DAG RNAM SPANGS CAN, ,MNGA' BA ZHES TSIG RNAM PAR SBYAR RO, ,TSIGS SU BCAD PA GSUM SMOS PA'I DON MDOR BSDUS NAS BRJOD PAR BYA STE, NYES PA KUN GYIS MA YIN, , ZHES BYA BA 'DIS NI SGRIB PA SPANGS PA PHUN SUM TSOGS PA BSTAN TO, ,YON TAN RGYA MTSO KUN GYIS, ,ZHES BYA BA 'DIS NI CHE BA NYID PHUN SUM TSOGS PA BSTAN TO, ,RTAG TU ZHES BYA BA LA SOGS PAS NI TSIGS SU BCAD PA DANG POR BSTAN PA GZHAN GYI DON PHUN SUM TSOGS PA BSTAN TO, ,YID BZHIN NOR BU BZHIN DU NI, ,ZHES BYA BA LA SOGS PAS 'DI'I GNAS PA'I DUS STON TE, GZHAN GYI DON PHUN SUM TSOGS PA LA SOGS PAS MTSUNGS PA MED PA KHO NAR 'KHOR BA JI SRID DU 'JUG GO, ,CI DANG 'DRA BAR MTSUNGS PA MED CE NA, YID BZHIN GYI NOR BU BZHIN NO, ,'GA' ZHIG GIS CHOS MTHUN @51B PA'I PHYIR 'DI'I DPE BYAS KYI RNAM PA THAMS CAD NI MA YIN NO ZHES BYA BAR SHES PAR BYA'O, ,'DI'I RGYU PHUN SUM TSOGS PA BRJOD PA'I PHYIR BSHAD PA 'DI NI THUGS RJE CHEN POS BSGRUBS PA YANG YIN LA BSAM GYIS MI KHYAB PA'I BSOD NAMS DANG YE SHES KYANG YIN PA DE LAS MTSUNGS MED 'BYUNG BA 'DI LA YOD PAS, THUGS RJE CHES BSGRUBS BSAM MI KHYAB, ,BSOD NAMS YE SHES MTSUNGS MED 'BYUNG BA YIN NO, ,YANG DAG PA'I MCHOG THOB CING ZHES BYA BA LA SOGS PAS NI DE GANG DAG GI YUL GYI NGO BOR 'GYUR BA DE STON TO, ,SA'I MCHOG NI RAB TU DGA' BA LA SOGS PA'O, ,DE BAS NA TSIGS SU BCAD PA 'DI LAS RTZA BA DANG POS NI YE SHES KYI TSOGS DANG LDAN PA STON TO, ,GNYIS PAS NI BSOD NAMS KYI TSOGS DANG LDAN PA STON TO, ,GANG GI PHYIR 'DI BSAM GYIS MI KHYAB PA DE'I PHYIR BYANG CHUB SEMS DPA' 'DI LTA BU DAG KHO NA'I MIG GI YUL DU 'GYUR RO, ,JI LTAR SKU 'DI LONGS SPYOD RDZOGS PA ZHES BYA SNYAM PA LA, DE LAS BYANG CHUB SEMS DPA' RNAMS ZHES BYA BA LA SOGS PAS GTAN TSIGS BSTAN TE, TSIGS SU BCAD PA KHONG DU CHUD PAR SLA'O, ,SEMS CAN SO SO'I ZHES BYA BA LA SOGS PAS SPRUL PA'I SKU STON PAR BYED DE, TSIGS SU BCAD PA RNAMS DON GO BAR SLA BAS DE'I PHYIR RNAM PAR DBYE BAR MI BYA'O, ,SPU'I KHUNG ZHES BYA BA LA SOGS PA SMOS PAS NI, SKYE BA LA SOGS PA YONGS SU BSDU'O, ,SPRUL PA'I SKU'I MTSAN NYID DANG MDZAD PA MDOR BSDUS NAS BRJOD CING, RGYAL BAS 'JIG RTEN MA LUS PA'I, ,ZHES BYA BA LA SOGS PA SMOS SO, , 'DI'I ZHES BYA BA NI DE BZHIN GSHEGS PA'I SKU LONGS SPYOD RDZOGS PA'I MTSAN NYID KYI'O, ,KHA CIG SPRUL PA NI SPRUL PAR MI MDZAD DO SNYAM DU 'KHRUL PA RNAM PAR GCAD PA'I PHYIR, SPRUL PA YIS NI ZHES BYA BA LA SOGS PA SMOS SO, ,GAL TE CI'I PHYIR SPRUL PAS JI LTAR BZHED PA BZHIN SPRUL PA MDZAD SNYAM PA LA, BSHAD PA, ,KHYAB BDAG MTHU YI SHUGS KYIS SO, ,KHYAB BDAG NI LONGS SPYOD RDZOGS PA'I SKU'I MTSAN NYID KYI DE BZHIN GSHEGS PA'O, ,JI LTA BUR MDZAD SNYAM PA LA, BSHAD PA, MDZAD PA KUN LA 'JUG PA BZHIN, ,JI LTAR KHYAB BDAG SHUGS KYI MTHUS SPRUL PA BZHUGS @52A *, ,PA DANG 'CHAG PA DANG, GZIMS PA DANG, CHOS STON PA LA SOGS PA'I MDZAD PA LA 'JUG PAR MDZAD PA LTAR, SPRUL PA YANG DE DANG 'DRA BAR MDZAD DO, ,CI'I PHYIR BCOM LDAN 'DAS KYI SKU SHIN TU MDOR BSDUS NAS BSTAN ZHE NA, BSHAD PA, RNAM PA THAMS CAD CES BYA BA LA SOGS PA SMOS SO, ,NYAN THOS LA SOGS PA'I ZHES BYA BA LA SOGS PAS NI RANG SANGS RGYAS DANG BYANG CHUB SEMS DPA' DANG, SO SO'I SKYE BO RNAMS GZUNG NGO, ,DA NI NGA RGYAL MED PA NYID DU STON CING GZHAN LAM BZANG PO DANG SBYAR BAR BZHED NAS BSHAD PA, DE LTAR JI SKAD BSHAD PA'I RNAM PAS, BDEN GNYIS RNAM PHYE 'DIR, CI NYES PA YOD DAM 'ON TE MED CES BYA BA DPYAD PAR GYIS SHIG ,NYES PA MED PA KHO NA'O SNYAM DU BSAMS PA'O, ,CI ZHIG BYA SNYAM PA LA BSHAD PA, PHYOGS 'DZIN PA YIS DKRUGS PA'I YID, ,LEGS PAR BOR LA STE, PHYOGS 'DZIN PAS DKRUGS PA'I YID LA YANG DAG PA DANG YANG DAG PA MA YIN PA BZHIN DU SNANG LA, DE BZHIN DU YANG DAG PA MA YIN PA YANG, YANG DAG PA BZHIN DU SNANG NGO SNYAM DU BSAMS PA'O, ,DA NI SNYING RJES NON PA NA, GZHAN DAG GI SDANG BA YONGS SU SPANG BA'I PHYIR, BSHAD PA, MI YANG SHIN TU THOB PAR DKA' BA YIN NA, RAB TU SDANG BA GANG DU DGOS, ,ZHES BYA BAR SBYAR RO, ,GANG DU ZHES BYA BA NI SPONG BA'O, ,MI DGOS PA 'BA' ZHIG TU MA ZAD KYI, SLAR GNOD PA'I RGYU YANG YIN PA'I PHYIR DOR BAR BYA STE, 'DI LTAR SDANG BAS NGAN SONG BA NI MI 'THOB PAR DGA'O, ,JI STE KHO BO CAG GI 'DOD PA'I DON BDAG GIS LEGS PAR GTAN LA PHAB ZIN TE, DE BAS CI'I PHYIR LTA BA GZHAN SPANG BAR MI BYA SNYAM PA LA, BSHAD PA, BLO SBYANG NYAM YANG RAB TU CHUNG, ,'DI SNYAM DU SANGS RGYAS RNAMS DANG SAR CHUD PA RNAMS KYI SHES RAB LA LTOS NAS, KHYED KYI SHES RAB CI 'DRA ZHES BYA BA DE LTA RE ZHIG ZHOG GI ,MOS PAS SPYOD PA'I SA LA GNAS PA RNAMS KYI SHES RAB LA LTOS NAS KYANG KHYOD KYI SHES RAB TSOD YOD DO, ,DE BAS NA BLO SBYANG BA NYAM CHUNG BA'I PHYIR, KHYOD KYI DON 'DI BDAG GIS LEGS PAR GTAN LA PHAB ZIN TO ZHES BRJOD PA NI HA CANG GZU LUMS CHES SO SNYAM DU @52B SEMS PA'O, ,JI STE 'KHOR BAR GNAS PA 'DI BLA STE, DE'I PHYIR CI'I PHYIR MI SPANG BAR MI BYA SNYAM PA LA BSHAD PA, 'KHOR BA'I DGON PA BGROD PAR DKA', ,ZHES BYA BA SMOS SO, ,JI STE KHO BO CAG MI 'CHI BA KHO NAS, DE'I PHYIR SDANG BAS CI 'JIGS SNYAM DU SEMS NA, DE'I PHYIR SROG KYANG SHIN TU G-YO BA YIN, ,ZHES BYA BA SMOS SO, ,JI STE GROGS PO BZANG PO LA BRTEN NAS SDANG BA'I NYES PA YONGS SU SPANG BAR BYA'O SNYAM DU SEMS NA, DE'I PHYIR, BSHES GNYEN BZANG PO'ANG RNYED DKA' NA, ,ZHES BYA BA SMOS SO, ,YANG NA GAL TE KHO BO LA BSHES GNYEN BZANG POS LTA BA GZHAN 'DI NI RIGS PA MA YIN NO ZHES BSTAN PAS, DE'I PHYIR SDANG BAS KHO BO CAG MI 'JIGS SO ZHE NA, BSHES GNYEN BZANG PO'ANG RNYED DKA' NA, ,ZHES BYA BA SMOS SO, ,JI STE LTA BA GZHAN LA KHO BO MOS PA MED PAS DE'I PHYIR SPONG NGO ZHES SMRA BAR 'GYUR NA, BSHAD PA, MOS PA MED DU ZIN NA YANG, ,RAB TU SDANG BA GANG DU DGOS, ,ZHES BYA BAR SBYAR RO, ,CI'I PHYIR MOS PA MED SNYAM PA LA, DE NI 'GA' LA BSOD NAMS KYIS, ,ZHES BYA BA SMOS TE, JI SKAD DU, YANG RAB 'BYOR SEMS CAN GANG DAG MDO SDE'I TSIG BSHAD PA, JI LTA BU 'DI LA SEMS DANG BA GCIG TZAM YANG RNYED PA DE DAG NI SANGS RGYAS BRGYA STONG DU MA LA BSNYEN BKUR BYAS SHING, SANGS RGYAS BRGYA STONG DU MA LAS DGE BA'I RTZA BA SKYED PA YIN ZHES GSUNGS PA LTA BU'O, ,SDANG BA BOR TE YANG DAG PA MTHONG BA GOMS PAR BYAS PA'I RIM GYIS MOS PA 'DI NI, RE ZHIG GCIG NA 'GYUR TE DE LTA MA YIN NA NI, SDANG PAS TSIG PA KHYOD LA NI MOS PA 'BA' ZHIG TU MA ZAD KYI, DAL BA 'BYOR PA'ANG RING BAR GSAL, ,BDEN PA GNYIS RNAM PAR DBYE BA BYAS PAS, BSOD NAMS BSAGS PA YONGS SU BSNGO BA'I PHYIR, BDEN PA GNYIS NI ZHES BYA BA LA SOGS PA SMOS TE, YE SHES SNYING PO NI SANGS RGYAS BCOM LDAN 'DAS YIN NO, ,BDEN PA GNYIS RNAM PAR 'BYED PA'I DKA' 'GREL SLOB DPON ZHI BA 'TSOS MDZAD PA RDZOGS SO,, ,,RGYA GAR GYI MKHAN PO PRADZNY'A LBARMA DANG, DZNY'A NA GARBHA DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, ,, @53A *, ,RGYA GAR SKAD DU, MA DHY'A MI KA AA LAm K'A RA K'A RI K'A, BOD SKAD DU, DBU MA RGYAN GYI TSIG LE'UR BYAS PA, 'JAM DPAL GZHON NUR GYUR PA LA PHYAG 'TSAL LO, ,BDAG DANG GZHAN SMRA'I DNGOS 'DI DAG ,YANG DAG TU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,'BRAS BU RIM CAN NYER SBYOR BAS, ,RTAG RNAMS GCIG PU'I BDAG NYID MIN, ,'BRAS BU RE RE THA DAD NA, ,DE DAG RTAG LAS NYAMS PAR 'GYUR, ,BSGOMS LAS BYUNG BA'I SHES PA YIS, ,SHES BYA 'DUS MA BYAS SMRA BA'I,, LUGS LA'ANG GCIG MIN DE DAG NI, ,RIM CAN SHES DANG 'BREL PHYIR RO, ,RNAM SHES SNGA MAS SHES BYA BA'I, ,RANG BZHIN RJES SU 'BRANG NA NI, ,SHES PA SNGA MA'ANG PHYI MAR 'GYUR, ,PHYI MA'ANG DE BZHIN SNGA MAR 'GYUR, ,SNGON DANG PHYI MA'I GNAS RNAMS SU, ,DE YI NGO BO MI 'BYUNG NA; ,'DUS MA BYAS DE SHES PA BZHIN, ,SKAD CIG 'BYUNG BAR SHES PAR BYA, ,SNGA MA SNGA MA'I SKAD CIG GI ,MTHU YIS 'BYUNG BAR 'GYUR BA NA, ,'DUS MA BYAS SU 'DI MI 'GYUR, ,SEMS DANG SEMS LAS BYUNG BA BZHIN, ,SKAD CIG PA RNAMS 'DI DAG TU, ,RANG DBANG 'BYUNG BAR 'DOD NA NI, ,GZHAN LA LTOS PA MED PA'I PHYIR, ,RTAG TU YOD PA'AM MED PAR 'GYUR, ,DON BYED NUS PA MA YIN LA, ,DE 'DOD BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,SKAD CIG SKAD CIG MA YIN PAR, ,GANG ZAG BSTAN DU MI RUNG BAS, ,GCIG DANG DU MA'I RANG BZHIN DANG, ,BRAL BAR GSAL BAR RAB TU SHES, ,THA DAD PHYOGS CAN DANG 'BREL PHYIR, ,KHYAB RNAMS GCIG PUR GA LA 'GYUR, ,BSGRIBS DANG MA BSGRIBS DNGOS SOGS PHYIR, ,RAGS PA RNAMS KYANG GCIG PU MIN, ,'BYAR BA DANG NI BSKOR BA'AM, ,BAR MED RNAM PAR GNAS KYANG RUNG, ,DBUS GNAS RDUL PHRAN RDUL GCIG LA, ,BLTAS PA'I RANG BZHIN GANG YIN PA, ,RDUL PHRAN GZHAN LA LTA BA YANG, ,DE NYID GAL TE YIN BRJOD NA, ,DE LTA YIN NA DE LTA BU, ,SA CHU LA SOGS RGYAS 'GYUR RAM, ,RDUL @53B PHRAN GZHAN LA LTA BA'I NGOS, ,GAL TE GZHAN DU 'DOD NA NI, ,RAB TU PHRA RDUL JI LTA BUR, ,GCIG PU CHA SHAS MED PAR 'GYUR, ,RDUL PHRAN RANG BZHIN MED GRUB PA, ,DE PHYIR MIG DANG RDZAS LA SOGS, ,BDAG DANG GZHAN SMRAS MANG PO DAG ,RANG BZHIN MED PAR MNGON PA YIN, ,DE YI RANG BZHIN DES BRTZAMS DANG, ,DE YI YON TAN DE LAS BDAG ,DE YI SPYI DANG KHYAD PAR YANG, ,DE DAG DE DANG 'DU BA CAN, ,RNAM SHES SEMS PO'I RANG BZHIN LAS, ,BZLOG PA RAB TU SKYE BA STE, ,SEMS MIN RANG BZHIN GANG YIN PA, ,DE 'DI'I BDAG NYID SHES PA YIN, , GCIG PA CHA MED RANG BZHIN LA, ,GSUM GYI RANG BZHIN MI 'THAD PHYIR, ,DA YI RANG GI RIG PA NI, ,BYA DANG BYED PA'I DNGOS POR MIN, ,DE'I PHYIR 'DI NI SHES PA YI, ,RANG BZHIN YIN PAS BDAG SHES RUNG, ,DON GYI RANG BZHIN GZHAN DAG LA, ,DE YIS JI LTAR SHES PAR 'GYUR, ,DE YI RANG BZHIN GZHAN LA MED, ,GANG GIS DE SHES GZHAN YANG SHES, ,SHES DANG SHES PAR BYA BA'I DON, ,THA DAD PAR NI 'DOD PHYIR RO, ,SHES PA RNAMS BCAS PHYOGS LA NI, ,DNGOS SU DE GNYIS THA DAD KYANG, ,DE DANG GZUGS BRNYAN 'DRA BAS NA, ,BRTAGS PA TZAM GYIS TSOR BAR RUNG, ,DON GYI RNAM PAS BSGYUR LDAN PA'I, ,RNAM SHES SU ZHIG MI 'DOD PA, ,DE LA PHYI ROL RIG PA YI, ,RNAM PA 'DI YANG YOD MA YIN, ,SHES GCIG THA DAD MA YIN PAS, ,RNAM PA MANG POR MI 'GYUR TE, ,DE PHYIR DE YI MTHU YIS NA, ,DON SHES 'GYUR BAR GZHAG PA MED, ,RNAM PA RNAMS DANG MA BRAL BAS, ,RNAM SHES GCIG PUR MI 'GYUR RO, ,DE LTA MIN NA 'DI GNYIS LA, ,GCIG CES JI SKAD BRJOD PAR BYA, ,DKAR PO DAG LA SOGS PA LA, ,SHES PA DE NI RIM 'BYUNG STE, ,MGYOGS PAR 'BYUNG PHYIR BLUN PO DAG ,CIG CAR SNYAM DU SHES PA YIN, ,LCUG MA'I SGRA LA SOGS PA'I BLO, ,RAB TU MGYOGS PAR 'BYUNG YIN NA, ,DE PHYIR CIG CAR 'BYUNG BA YI, ,'DIR YANG GCIG PHYIR 'BYUNG MI 'GYUR, ,YID KYI RTOG PA 'BA' ZHIG LA'ANG, ,RIM DU SHES PAR MI 'GYUR RO, ,RING DU @54A *, ,GNAS PA MA YIN PAS, ,BLO RNAMS KUN KYANG MGYOGS 'BYUNG 'DRA, ,DE PHYIR YUL RNAMS THAMS CAD LA, ,RIM GYIS 'DZIN PAR MI 'GYUR GYI, ,RNAM PA DAG NI THA DAD LTAR, ,CIG CAR 'DZIN PAR SNANG BAR 'GYUR, ,MGAL ME LA YANG CIG CAR DU, ,'KHOR LO SNANG BA'I 'KHRUL PA 'BYUNG, ,GSAL BAR RAB TU SNANG BA'I PHYIR, ,MTHONG BAS MTSAMS SBYOR MA YIN NO, ,'DI LTAR MTSAMS RNAMS SBYOR BA NI, ,DRAN PAS BYED PA NYID YIN GYI, ,MTHONG BAS MA YIN 'DAS PA YI, ,YUN LA 'DZIN PA MIN PHYIR RO, ,DE YI YUL DU GANG GYUR PA, ,DE NI ZHIG PAS GSAL MA YIN, ,DE'I PHYIR 'KHOR LOR SNANG BA 'DI, ,GSAL BA MA YIN 'GYUR BA'I RIGS, ,RI MO RKYANG PA MTHONG BA'I TSE, ,DE LA DE BZHIN SEMS MANG PO, ,JI STE GCIG CHA'I TSUL GYIS SU, ,'BYUNG BAR 'GYUR BA 'DOD NA KO, ,DE LTA YIN NA DKAR LA SOGS, ,RNAM PA SNA GCIG SHES PA YANG, ,THOG MA DBUS MTHA' THA DAD PAS, ,DMIGS PA SNA TSOGS NYID DU 'GYUR, ,RDUL PHRAN BDAG NYID DKAR LA SOGS, ,GCIG PU'I BDAG NYID CHA MED PA, ,SHES PA GANG LA'ANG SNANG GYUR PAR, ,BDAG GIS RAB TU TSOR BA MED, ,RNAM SHES LNGA YI KHAMS RNAMS NI, ,BSAGS LA DMIGS PA'I RNAM PA YIN, ,SEMS DANG SEMS BYUNG DMIGS PA NI, ,DRUG PAR GZHAG PA BYAS PA YIN, ,PHYI GZHUNG RNAMS LA'ANG RNAM SHES NI, ,GCIG TU SNANG BAR MI 'GYUR TE, ,YON TAN LA SOGS LDAN PA YI, ,RDZAS LA SOGS PA DMIGS PHYIR RO, ,NOR BU GZI YI BDAG NYID LTAR, ,DNGOS PO KUN ZHES LTA BA LA, ,DE LA 'DZIN PA'I SEMS KYANG NI, ,GCIG PU'I NGO BOR SNANG MI RIGS, ,SA LA SOGS PA 'DUS PA LA, ,YUL DANG DBANG POR KUN 'JOG PAR, ,SU 'DOD DE YI LUGS LA YANG, ,DNGOS PO GCIG DANG MTHUN 'JUG MED, ,SNYING STOBS LA SOGS BDAG SGRA SOGS, ,PHYOGS LA'ANG DON GCIG SNANG BA CAN, ,SHES PA RIGS PA MA YIN TE, ,GSUM GYI BDAG NYID YUL SNANG PHYIR, ,DNGOS PO'I NGO BO RNAM GSUM LA, ,DE NI GAL TE RNAM GCIG STE, , @54B DE DANG MI MTHUN SNANG NA KO, ,DE NI DER 'DZIN JI LTAR 'DOD, ,PHYI ROL YUL RNAMS MED PAR YANG, ,SNA TSOGS SNANG LA RTAG PA STE, ,GCIG CHA'AM JI STE RIM 'BYUNG BA'I, ,RNAM SHES RUNG BAR SHIN TU DKA', ,NAM MKHA' LA SOGS SHES PA DAG ,MING TZAM DU NI SNANG BA RNAMS, , YI GE DU MA SNANG BA'I PHYIR, ,SNA TSOGS SNANG BAR GSAL BA YIN, ,RNAM SHES SNA TSOGS MIN SNANG BA, ,'GA' ZHIG YOD PAR GZHUG NA YANG, ,'ON KYANG YANG DAG GZHAG MI RUNG, ,MTSAN NYID BCAS LA GNOD MTHONG PHYIR, ,DE PHYIR SNA TSOGS SNANG BA YI, ,RNAM SHES RNAM PA KUN TU GNAS, ,DE NI RNAM PA THA DAD LTAR, ,GCIG BU'I RANG BZHIN MI RIGS SO, ,JI STE THOG MA MED RGYUD NYID, ,BAG CHAGS SMIN PAS SPRUL PA YI, ,RNAM PA DAG NI SNANG BA YANG, ,NOR BAS SGYU MA'I RANG BZHIN 'DRA, ,DE DAG 'ON KYANG DE DAG GI ,DNGOS DE YANG DAG NYID DAM CI, ,'ON TE MA BRTAGS GCIG PU NA, ,DGA' BAR KHAS LEN 'DI BSAM MO, ,GAL TE YANG DAG RNAM PAR SHES, ,DU MAR 'GYUR RO YANG NA NI, ,DE DAG GCIG 'GYUR 'GAL LDAN PAS, ,GDON MI ZA BAR SO SOR 'GYUR, ,RNAM PA THA DAD MA YIN NA, ,G-YO DANG MI G-YO LA SOGS PA, ,GCIG GIS THAMS CAD G-YO LA SOGS, ,THAL BAR 'GYUR TE LAN GDAB DKA', ,PHYI ROL DON GYI TSUL LA YANG, ,DE LTAR RNAM PA MA BRAL NA, ,GCIG GI CHOS SU THAMS CAD KYANG, ,'JUG PAR 'GYUR TE BZLOG PA MED, ,JI STE RNAM PA'I GRANGS BZHIN DU, ,RNAM PAR SHES PA KHAS LEN NA, ,DE TSE RDUL PHRAN 'DRAR 'GYUR BA, ,DPYAD PA 'DI LAS BZLOG PAR DKA', ,GAL TE SNA TSOGS DE GCIG NA, ,NAM MKHA'I GOS CAN LUGS SAM CI, ,SNA TSOGS GCIG PA'I RANG BZHIN MIN, ,RIN CHEN SNA TSOGS LA SOGS 'DRA, ,SNA TSOGS GCIG PO'I RANG BZHIN NA, ,SNA TSOGS NGO BOR SNANG BA DANG, ,BSGRIBS DANG MA BSGRIBS LA SOGS PA, ,THA DAD 'DI NI JI LTAR 'GYUR, ,JI STE NGO BO NYID DU DE'I, ,RNAM PA 'DI DAG MED PA STE, ,YANG DAG TU RNAMS MED PA YI, ,RNAM PAR SHES PA NOR BAS SNANG, ,GAL TE MED NA JI LTA BUR, ,DE DAG 'DI LTAR @55A *, ,GSAL BAR TSOR, ,DE YI DNGOS LAS THA DAD PA'I, ,SHES PA DE 'DRA MA YIN NO, ,'DI LTAR GANG LA DNGOS GANG MED, ,DE LA DER SHES YOD MA YIN, ,BDE BA MIN LA BDE SOGS DANG, ,DKAR BA RNAMS LA'ANG MI DKAR BZHIN, ,RNAM PA 'DI LA SHES PA'I DON, , DNGOS SU 'THAD PA MA YIN TE, ,SHES PA'I BDAG DANG BRAL BA'I PHYIR, ,NAM MKHA'I ME TOG LA SOGS BZHIN, ,MED PA NUS PA MED PAS NA, ,GDAGS PA'ANG MI RUNG RTA RU BZHIN, ,MED PA BDAG SNANG SHES SKYED PAR, ,NUS PA RUNG BA MA YIN NO, ,GANG PHYIR DE YOD NGES TSOR BA, SHES DANG 'BREL PA CI ZHIG YOD, ,BDAG MED DE YI BDAG NYID DANG, ,DE LAS BYUNG BA MA YIN NO, ,RGYU MED NA NI GANG ZHIG GIS, ,RES 'GA' 'BYUNG BA 'DI RUNG 'GYUR, ,RGYU DANG LDAN NA GANG ZHIG GIS, ,GZHAN GYI DBANG LAS ZLOG PAR 'GYUR, ,DE MED NA NI SHES DE YANG, ,RNAM PA MED PA NYID KYIS 'GYUR, ,SHEL SGONG DAG PA 'DRA BA YIN, ,SHES PA RAB TU TSOR BA MED, ,'DI NI 'KHRUL PAS SHES SHE NA, ,DE CI 'KHRUL LA RAG LAS SAM, ,DE YI MTHU YIS BYUNG NA NI, ,DE YANG GZHAN GYI DBANG NYID DO, ,DNGOS PO GANG GANG RNAM DPYAD PA, ,DE DANG DE LA GCIG NYID MED, ,GANG LA GCIG NYID YOD MIN PA, ,DE LA DU MA NYID KYANG MED, ,GCIG DANG DU MA MA GTOGS PAR, ,RNAM PA GZHAN DANG LDAN PA YI, ,DNGOS PO MI RUNG 'DI GNYIS NI, ,PHAN TSUN SPANGS TE GNAS PHYIR RO, ,DE PHYIR DNGOS PO 'DI DAG NI, ,KUN RDZOB PA NYID MTSAN NYID 'DZIN, ,GAL TE 'DI DAG DON 'DOD NA, ,DE LA BDAG GIS CI ZHIG BYA, ,MA BRTAGS GCIG PU NYAMS DGA' ZHING, ,SKYE DANG 'JIG PA'I CHOS CAN PA, ,DON BYED PA DAG NUS RNAMS KYIS, ,RANG BZHIN KUN RDZOB PA YIN RTOGS, ,BRTAG PA MA BYAS NYAMS DGA' BA'ANG, ,BDAG RGYU SNGA MA SNGA MA LA, ,BRTEN NAS PHYI MA PHYI MA YI, ,'BRAS BU DE 'DRA 'BYUNG BA YIN, ,DE PHYIR KUN RDZOB RGYU MED NA, ,RUNG MIN ZHES PA'ANG LEGS PA YIN, ,GAL TE 'DI YI NYER LEN PA, ,YANG DAG YIN NA DE SMROS SHIG ,DNGOS PO KUN GYI RANG BZHIN NI, ,RIGS PA'I LAM GYI RJES 'BRANG BA, , @55B GZHAN DAG 'DOD PA SEL BAR BYED, ,DE PHYIR RGOL BA'I GNAS MED DO, ,YOD DANG MED DANG YOD MED CES, ,KHAS MI LEN PA GANG YIN PA, ,DE LA NAN TAN LDAN PAS KYANG, ,CIR YANG KLAN KA BYA MI NUS, ,DE PHYIR YANG DAG NYID DU NA, ,DNGOS PO GANG YANG GRUB PA MED, ,DE PHYIR DE BZHIN GSHEGS RNAMS KYIS, ,CHOS RNAMS THAMS CAD MA SKYES GSUNGS, ,DAM PA'I DON DANG MTHUN PA'I PHYIR, ,'DI NI DAM PA'I DON ZHES BYA, ,YANG DAG TU NA SPROS PA YI, ,TSOGS RNAMS KUN LAS DE GROL YIN, ,SKYE LA SOGS PA MED PA'I PHYIR, ,SKYE BA MED LA SOGS MI SRID, , DE YI NGO BO BKAG PA'I PHYIR, ,DE YI TSIG GI SGRA MI SRID, ,YUL MED PA LA DGAG PA YI, ,SBYOR BA LEGS PA YOD MA YIN, ,RNAM PAR RTOG LA RTEN LA YANG, ,KUN RDZOB PAR 'GYUR YANG DAG MIN, ,'O NA DE NI RTOGS GYUR PAS, ,DE YI RANG BZHIN MNGON SUM PHYIR, ,MI MKHAS RNAMS KYANG DNGOS RNAMS KYI, ,DNGOS PO 'DI 'DRA CIS MI RTOGS, ,MA YIN THOG MED RGYUD LCI BAR, ,DNGOS POR SGRO BTAGS DBANG BYAS PAS, ,DE PHYIR SROG CHAGS THAMS CAD KYIS, ,MNGON SUM RTOGS PAR MI 'GYUR RO, ,DE LA SGRO BTAGS GCOD BYED PA, ,SHES PAR BYED PA'I GTAN TSIGS KYIS, ,RJES SU DPOG RNAMS SHES PAR BYED, ,RNAL 'BYOR DBANG RNAMS MNGON SUM GSAL, ,GZHUNG GIS SKYED PA'I BYE BRAG GIS, ,CHOS CAN SPANGS NAS MKHAS PA DANG, ,BUD MED BYIS PA'I BAR DAG LA, ,GRAGS PAR GYUR PA'I DNGOS RNAMS LA, ,BSGRUB DANG BSGRUB PA'I DNGOS PO 'DI, ,MA LUS YANG DAG 'JUG PAR 'GYUR, ,DE LTA MIN NA GZHI MA GRUB, ,LA SOGS LEN NI JI SKAD GDAB, ,BDAG NI SNANG BA'I NGANG CAN GYIS, ,DNGOS PO DGAG PAR MI BYED DE, ,DE LTA BAS NA BSGRUB PA DANG, ,BSGRUB BYA GZHAG PA 'KHRUGS PA MED, , DE PHYIR THOG MED SRID RGYUD NAS, ,DNGOS DANG DNGOS MED RTOGS SOGS KYI, ,RIGS DANG MTHUN PA'I SA BON NYID, ,RJES SU DPAG PAR BYA BA YIN, ,'DI NI DNGOS PO'I MTHU STOBS KYIS, ,'BYUNG BA MA YIN DE MED PHYIR, ,DNGOS PO RNAMS KYI BDAG NYID DE, ,RGYA CHER RAB TU BKAG PA [?] YIN, @56A *, ,RIM GYIS 'BYUNG PHYIR GLO BUR MIN, ,RTAG 'BYUNG MA YIN RTAG MA YIN, ,DE BAS GOMS 'DRA DE NYID PHYIR, ,DANG PO RANG GI RIGS LAS SKYES, ,DE PHYIR RTAG CHAD LTA BA RNAMS, ,GZHUNG 'DI LA NI RING DU GNAS, ,LDOG DANG RJES SU 'JUG PA YANG, ,SA BON MYU GU LCUG SOGS BZHIN, ,CHOS LA BDAG MED MKHAS PA NI, ,RANG BZHIN MED PA GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,RGYU DANG 'BRAS BU'I DNGOS PO NI, ,KUN RDZOB TU NI MA BZLOG PAS, ,KUN NAS NYON MONGS RNAM BYANG SOGS, ,RNAM PAR GZHAG PA 'KHRUGS PA MED, ,'DI LTAR RGYU DANG 'BRAS BU YI, ,CHOS 'DI RNAM PAR GZHAG PAS NA, ,TSOGS RNAMS DRI MA MED PA YANG, ,GZHUNG 'DI NYID LA RUNG BA YIN, ,RNAM PAR DAG PA'I RGYU LAS NI, ,'BRAS BU RNAM PAR DAG PA 'BYUNG, ,YANG DAG LTAS BYUNG TSUL KHRIMS KYI, ,YAN LAG LA SOGS RNAM DAG BZHIN, ,DE BZHIN RNAM DAG MA YIN LAS, ,'BRAS BU RNAM DAG MA YIN 'BYUNG, ,LOG LTA'I STOBS LAS BYUNG BA YI, ,LOG PAR G-YEM LA SOGS PA BZHIN, ,TSAD MA'I GNOD PA YOD PAS NA, ,DNGOS POR DMIGS PA YOD PA NI, ,SMIG RGYU LA SOGS SHES PA BZHIN, , PHYIN CI LOG PAR YONGS SU RTOG ,DE PHYIR DE MTHUS BYUNG BA YI, ,PHA ROL PHYIN PA BSGRUB PA KUN, ,BDAG DANG BDAG GIR LOG PA LAS, ,BYUNG BA BZHIN DU STOBS CHUNG NGO, ,DNGOS POR DMIGS PA MED PA LAS, ,BYUNG BA 'BRAS BU CHEN PO STE, ,RGYAS PA'I RGYU LAS BYUNG BA'I PHYIR, ,SA BON GRUB PO'I MYUG SOGS BZHIN, ,RGYU DANG 'BRAS BUR GYUR PA YANG, ,SHES PA 'BA' ZHIG KHO NA STE, ,RANG GI GRUB PA GANG YIN PA, ,DE NI SHES PAR GNAS PA YIN, ,SEMS TZAM LA NI BRTEN NAS SU, ,PHYI ROL DNGOS MED SHES PAR BYA, ,TSUL 'DIR BRTEN NAS DE LA YANG, ,SHIN TU BDAG MED SHES PAR BYA, ,TSUL GNYIS SHING RTA ZHON NAS SU, ,RIGS PA'I SRAB SKYOGS 'JU BYED PA, ,DE DAG DE PHYIR JI BZHIN DON, ,THEG PA CHEN PO PA NYID 'THOB, ,KHYAB DANG DBANG LA SOGS MA MYONG, ,DPAG TU MED PAR GNAS PA'I RGYU, ,'JIG RTEN SPYI BOR GYUR PAS KYANG, ,SHIN TU MYONG @56B BA MA YIN PA, ,YANG DAG BDUD RTZI DAG PA 'DI, ,THUGS RJE DAG PA'I RGYU CAN GYI, ,DE BZHIN GSHEGS PA MA GTOGS PAR, ,GZHAN GYI LONGS SPYOD MA YIN NO, ,DE PHYIR LOG PAR BSTAN PA YI, ,GRUB MTHAR 'CHEL BA'I BLO CAN LA, ,DE LUGS RJES 'JUG BLO CAN RNAMS, ,SNYING RJE NYID NI RAB TU SKYE, ,BLO NOR LDAN PAS LUGS GZHAN LA, ,JI LTAR SNYING PO MED MTHONG BA, ,DE LTAR DE DAG SKYOB PA LA, ,GUS PA SHIN TU SKYE BAR 'GYUR, ,DBU MA'I RGYAN GYI TSIG LE'UR BYAS PA, SLOB DPON ZHI BA 'TSO BA DAG DANG GZHAN GYI GRUB PA'I MTHA' RGYA MTSO'I PHA ROL TU SON PA 'PHAGS PA NGAG GI DBANG PHYUG GI ZHABS KYI PADMA RNYOG PA MED PA'I ZE'U 'BRU SPYI BOS LEN PAS MDZAD PA RDZOGS SO,, ,,RGYA GAR GYI MKHAN PO SU REN DRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, ,, *, ,RGYA GAR SKAD DU, MA DHY'A MA KA AA LAm KA RA BRiTTI, BOD SKAD DU, DBU MA'I RGYAN GYI 'GREL PA, 'JAM DPAL GZHON NUR GYUR PA LA PHYAG 'TSAL LO, ,GANG DAG SU RNAMS DAG BRTEN BLO MNGA' SA LA BZHUGS, ,CHOS TSUL ZAB MO RGYA MTSO LTA BU'I PHA ROL GZIGS, ,LHAG PAR MOS PA YONGS BSGOMS THUGS MNGA' CHE RNAMS KYI, ,BLA BZHUGS DE DAG RNAMS LA RTAG TU PHYAG 'TSAL LO, ,BDAG DANG GZHAN GYI DON PHUN SUM TSOGS PA BSGRUB PAR CI LA YANG MA RAG PAR CHAS PA, DNGOS PO'I RNAM PA MA BRTAGS GCIG PU NA DGA' BA MA LUS PA GZUGS BRNYAN LA SOGS PA LTA BUR, YANG DAG PAR NA RANG BZHIN MED PAR RTOGS NA NYON MONGS PA DANG, SHES BYA'I SGRIB PA MTHA' DAG SPONG BAR 'GYUR TE, DE BAS NA RIGS PA DANG LUNG GI, CHOS THAMS CAD RANG BZHIN MED PAR KHONG DU CHUD PAR BYA BA'I PHYIR RAB TU 'BAD DO, DE LA LUNG DNGOS PO'I STOBS KYIS ZHUGS PA'I RJES SU DPAG PA DANG BRAL BA NI DAD PAS RJES SU 'BRANG BA RNAMS KYANG SHIN TU YONGS SU TSIM PAR MI 'GYUR BAS RIGS PA DE BRJOD PAR ,BYA'O, ,BDAG DANG GZHAN SMRAS DNGOS 'DI DAG ,YANG DAG TU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,RANG BZHI NI @57A *, ,YOD PAR GYUR NA NI GCIG PA'AM CIG SHOS LAS MI 'DA'O, ,DE DAG NI PHAN TSUN SPANGS TE GNAS PA'I MTSAN NYID YIN PAS PHUNG PO GZHAN SEL BAR BYED DO, ,RANG GI SDE PA DANG, PHYI ROL PA DAG GIS SMRAS PA'I PHUNG PO DANG, GTZO BO LA SOGS PA DE DAG YANG DAG PAR NA MED DE, RANG BZHIN MED PAR GSAL BAR SHES SO, ,GTAN TSIGS 'DI MA GRUB BO SNYAM DU MA SEMS SHIG ,'BRAS BU RIM CAN NYER SBYOR BAS, ,RTAG RNAMS GCIG PU'I BDAG NYID MIN, ,'BRAS BU RE RE'I THA DAD NA, ,DE DAG RTAG LAS NYAMS PAR 'GYUR, ,RANG GI SDE PA DANG; GZHAN GYIS KHAS BLANGS PA'I DNGOS PO DE DAG NI RTAG PA'AM CIG SHOS DANG, PHUNG PO GNYIS SU RNAM PAR GNAS GRANG NA, DE LA DANG PO NI 'BRAS BU RIM CAN DGA' BA DANG, GDUNG BA LA SOGS PA SKYED PAS RIM CAN MA YIN PA DANG, GCIG PU'I BDAG NYID DU MI RIGS TE, DE DAG GI 'BRAS BU RNAMS KYANG CIG CAR DU 'BYUNG BAR 'GYUR BA'I PHYIR RO, ,'BRAS BU RNAMS NI RGYU MA TSANG NA SHOL GYI, GANG GI TSE RGYU'I NUS PA THOGS PA MED PAR GYUR PA DE'I TSE, DE DAG LA SHOL BA SRID PAR GA LA 'GYUR, SHOL NA NI DE LA YOD PA'I RJES SU 'GRO BA DANG, LDOG PA'I RJES SU MI BYED PA'I PHYIR, 'DI DAG DE'I 'BRAS BUR GA LA 'GYUR, BYE BRAG TU BSGYUR DU MI RUNG BA RNAMS NI LHAN CIG BYED PA'I RGYU LA LTOS PAR MI 'THAD PAR SHIN TU GSAL LO, ,GZHAN YANG 'BRAS BU BYED PA'I DUS NA LHAN CIG BYED PA'I RKYEN DANG 'DUG PA'I DNGOS PO GANG YIN PA DE NYID LHAN CIG BYED PA'I RGYU DANG BRAL BA'I DUS NA YANG 'DOD NA NI DE'I RJES SU 'JUG PA NYID KYI PHYIR DE'I TSE LHAN CIG BYED PA'I RKYEN RNAMS KYANG MGUL NAS BTAGS PA BZHIN DU STOBS KYIS DRANGS NAS GNAS TE, 'BRAS BU RGYUN MI 'CHAD PA BZLOG PA MED PA NYID DU 'GYUR RO, ,'DIS NI GANG DAG LHAN CIG BYED PA'I RGYU DE NYID NUS PA'I SGRAR BRJOD DE, DE'I RIM GYIS 'BRAS BU'I RIM BYAS SO ZHES SMRA BA DE DAG LA LAN BTAB PAR GYUR TO, ,JI STE NYES PA 'DIR 'GYUR DU 'ONG ZHES TE, 'BRAS BU RIM CAN RNAMS LA DE DAG GI RANG BZHIN GZHAN DANG GZHAN DU RIM CAN NYID DO ZHE NA NI DE DAG LA RTAG PAR 'DOD PA DOR BAR BYA STE, 'BRAS BU SO SO BAS SNGA MA DANG PHYI MA'I RANG @57B BZHIN 'JIG PA DANG 'BYUNG BAR 'GYUR BA'I PHYIR RO, ,RANG GI SDE PA GANG DAG BSGOMS PA'I STOBS TZAM GYIS 'BYUNG BA'I SHES PA'I DMIGS PA 'DUS BYAS KYI 'JUG PA THAMS CAD DANG MI MTHUN PA RANG LA DMIGS PA'I YID TZAM LA YANG DGOS PA MED PA'I 'DUS MA BYAS NI DE KHO NA SHES PA'I YUL YIN PA'I PHYIR DON DAM PAR YOD DO ZHES SMRA BA DE DAG GI LUGS LTAR NA RANG BZHIN GCIG PU NYID DU 'GAL BA MED DO ZHE NA, 'GAL TE 'DI LTAR, BSGOMS LAS BYUNG BA'I SHES PA YIS, ,SHES BYA 'DUS MA BYAS SMRA BA'I, ,LUGS LA'ANG GCIG MIN DE DAG NI, ,RIM CAN SHES DANG 'BREL PHYIR RO, , YUL DANG YUL CAN YIN PA'I PHYIR RNAM PAR SHES PA RIM CAN DANG 'BREL PA CAN DAG KYANG CI GCIG PU'I RANG BZHIN DU MI 'GYUR RAM ZHE NA MI 'GYUR TE, 'DI LTAR, RNAM SHES SNGA MAS SHES BYA BA'I, ,RANG BZHIN RJES SU 'BRANG NA NI, ,SHES PA SNGA MA'ANG PHYI MAR 'GYUR, ,PHYI MA'ANG DE BZHIN SNGA MAR 'GYUR; ,DE LTA MA YIN NA RNAM PAR SHES PA SNGA MAS SHES PAR BYA BA 'DUS MA BYAS KYI RANG BZHIN NI PHYI MA'I DUS NA'ANG YOD LA, RNAM PAR SHES PA SNGA MA NI MED PA DANG, DE BZHIN DU SHES PA PHYI MAS SHES PAR BYA BA NI SNGA NA YOD LA, SHES PA PHYI MA NI MED DO ZHES BYA BA NYAMS PAR 'GYUR RO, ,JI STE SHES PA PHYI MA DANG SNGA MAS SHES PAR BYA BA DE'I NGO BO SNGON DANG PHYI MA'I GNAS DAG NA MED NA, GAL TE DE LTA NA NI, SNGON DANG PHYI MA'I GNAS RNAMS SU, ,DE YI NGO BO MI 'BYUNG NA, ,'DUS MA BYAS TE SHES PA BZHIN, ,SKAD CIG 'BYUNG BAR SHES PAR BYA, ,BSAM GTAN GYI THUR MAS BLO GROS KYI MIG PHYE BA RNAMS KYIS RNAM PAR SHES PA BYUNG MA THAG TU 'JIG PA RGYUN DU 'BAB PA, YUL DE LA 'JUG PA GZHAN GYI DUS NA MED PA'I RANG BZHIN LTAR DE YANG SKAD CIG RE RE LA 'JIG PA LAS MI 'DA' BAR 'GYUR RO, ,DE LTAR NA, DE'I MING DON DANG MTHUN PA YANG RIGS PA MA YIN PA NYID DU BSTAN PA, SNGA MA SNGA MA'I SKAD CIG GI, , MTHU YIS 'BYUNG BAR 'GYUR BAS NA, ,'DUS MA BYAS SU 'DI MI 'GYUR, ,SEMS DANG SEMS LAS BYUNG BA BZHIN, ,CI STE SKAD CIG PHYI MA PHYI MA RNAMS RANG DBANG DU 'BYUNG NGO ZHE NA, DE LTAR 'GYUR BAR NI MI NUS TE, SKAD CIG PA RNAMS 'DI DAG TU, ,RANG DBANG 'BYUNG BAR 'DOD NA NI, ,GZHAN LA @58A *, ,LTOS PA MED PA'I PHYIR, ,RTAG TU YOD PA'AM MED PAR 'GYUR, ,RES 'GA' 'BYUNG BA'I PHYIR DE DAG KYANG SEMS DANG SEMS LAS BYUNG BA DE BZHIN DU RTEN CING 'BREL BAR 'BYUNG BA NYID DU GSAL BAR SHES PAR BYA'O, ,'DI DAG THAMS CAD NI BDAG GIS RLOMS TE SMRAS SU ZAD KYI, DON BYA BA THAMS CAD KYI NUS PA DANG BRAL BA LA NI RTOG PA DANG LDAN PA RNAMS KYIS RNAM PAR DPYAD PA'I DON CI YANG MED DE, DON BYA BAR NUS PA RNAM PAR BRTAG PA'I YUL YIN PA'I PHYIR RO, ,GZHAN DU NA, DON BYED NUS PA MA YIN LA, ,DE 'DOD BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,DE BAS NA MKHAS PA RNAMS KYIS NI DON BYED NUS PA LA DNGOS PO'I MTSAN NYID CES SMRA'O, ,DNGOS PO RNAM PA DE LTA BU LA, GANG ZAG DANG CHOS LA BDAG MED PA LA SOGS PA STON CING DE LAS BZLOG PA SGRO BTAGS PA'I NGO BO NI DGAG PAR BYED DE, SKYES BU'I DON CES BRJOD PA 'BRAS BU 'BYUNG BA NI 'DI NYID LA RAG LAS PA'I PHYIR RO, ,GZHAN NI SGRUB PA YANG MED 'GAG PA YANG MED DE, DE NI BTANG SNYOMS SU BYA BA NYID DU GNAS PA'I PHYIR RO, ,DE LTAR NA DNGOS PO YUL THAMS CAD BDAG MED PA LA SOGS PAR MA BSTAN TO SNYAM DU MA SEMS SHIG ,THAMS CAD CES BYA BA'I SGRA NI BRJOD PAR 'DOD PA'I DON MA LUS PA LA BRJOD PA'I PHYIR TE, BRJOD PAR 'DOD PA NI DON BYED NUS PA'I DNGOS PO THAMS CAD DO, ,DE LTA BAS NA DON BYED NUS PA NI SKAD CIG PA NYID DU NGES SO, ,GZHAN NI RIM DANG CIG SHOS KYI DON BYED PAR MI 'THAD PA'I PHYIR RO, ,GANG ZAG SKAD CIG PA'AM, SKAD CIG MA YIN PAR BRJOD DU MED PA NI RANG BZHIN MED PA NYID DE, NAM MKHA'I ME TOG LA SOGS PA LTAR BSGRIM MI DGOS PAR GRUB BO, ,GZHAN YANG, SKAD CIG SKAD CIG MA YIN PAR, ,GANG ZAG BSTAN DU MI RUNG BAS, ,GCIG DANG DU MA'I RANG BZHIN DANG, ,BRAL BAR GSAL BAR RAB TU SHES, ,PHA ROL GYIS KHAS BLANGS PA'I GANG ZAG CHOS CAN LA, GTAN TSIGS KYI RTZA BA GCIG DANG DU MA'I RANG BZHIN DANG BRAL BA NYID TSEGS MED PA NYID DU 'GRUB BO, ,SKAD CIG PAR GYUR NA NI DU MA'I RANG BZHIN DU 'GYUR TE, SKAD CIG RE RE LA @58B YANG RANG BZHIN GZHAN DANG GZHAN 'BYUNG BA'I PHYIR RO, ,SKAD CIG MA YIN NA NI RTAG TU BSTAN PA GCIG PU'I NGO BO YIN PA'I PHYIR GCIG PU'I RANG BZHIN DU 'GYUR RO, ,GNYI GA LTAR YANG BRJOD DU MED NA NI TSIGS MED PAR GCIG DANG DU MA'I RANG BZHIN GYIS STONG PA NYID DU GRUB BO, ,GZHAN YANG GZHAN DAG GIS GZHAN DU DNGOS PO RNAMS LA KHYAB PA DANG MA KHYAB PA'I PHUNG PO GNYIS SU KHAS BLANGS TE, DE LA KHYAB PA NI NAM MKHA' LA SOGS PA'O, ,MA KHYAB PA NI RAGS PA DANG RDUL PHRA RAB RNAMS SO, DE DAG THAMS CAD KYANG GCIG PU'I RANG BZHIN DANG 'GAL BAR BSTAN PA, THA DAD PHYOGS DANG 'BREL BAS NA, ,KHYAB RNAMS GCIG PUR GA LA 'GYUR, BSGRIBS DANG MA BSGRIBS DNGOS SOGS PHYIR, ,RAGS PA RNAMS KYANG GCIG PU MIN, NAM MKHA' LA SOGS PA PHYOGS THA DAD PA'I SHING LA SOGS PA DANG 'BREL PA DE DAG GI GCIG DANG 'BREL BA'I RANG BZHIN GANG YIN PA DE NYID GZHAN DANG 'BREL PA CAN YANG YIN NA NI DES NA DE DANG 'BREL BA'I PHYIR DE GCIG PU'I BDAG NYID YIN PA BZHIN DU GZHAN YANG DE DANG THA DAD MA YIN PAR 'GYUR RO, ,'ON TE DE PHYOGS THA DAD NA NI RANG BZHIN DE NYID GZHAN DANG 'BREL PA CAN MA YIN PAR 'GYUR RO, ,RAGS PAR 'DOD PA LUS LA SOGS PA YANG BSGRIBS PA DANG, MA BSGRIBS PA DANG, G-YO BA DANG, MI G-YO BA DANG, TSON GYIS BSGYUR BA DANG, MA BSGYUR BA DANG, TSIG PA DANG MA TSIG PA LA SOGS PA MI MTHUN PA'I PHYOGS GNAS PA'I RANG BZHIN 'DZIN NA GCIG PU'I RANG BZHIN DU RIGS PAR 'GYUR, GAL TE BSGRIBS PA LA SOGS PA DAG YAN LAG RNAMS KYI YIN GYI YAN LAG CAN GYI NI MA YIN NO ZHE NA, CI YAN LAG CAN 'DI DAG DE DAG DANG 'DU BA MA YIN NAM, 'DI DAG MA YIN NO, GAL TE DE BDEN DU GZHUG NA 'O NA BSGRIBS PA DANG, MA BSGRIBS PA ZHES BYA BA LA SOGS PA PHAN TSUN MI MTHUN PA RKANG PA DANG LUS LA SOGS PA'I DNGOS PO'I GNYIS SU CI'I PHYIR MIG GI SPYOD YUL DU MI 'GYUR, GAL TE DE DAG KYANG DE'I YIN NO ZHE NA, CI YAN LAG GZHAN DANG LDAN PA NYID DAM DE NYID DO, ,GZHAN DU NA RAGS PA GCIG PHUR MI 'GYUR RO, 'DI NI DE BAS KYANG CHES RAGS TE, YAN LAG LHAG MA RNAMS DANG LDAN NA NI, DE RNAM PA @59A *, ,DE LTA BU'I CHOS KHO NAR DMIGS PAR 'GYUR RO, ,'ON KYANG GANG THOG MAR DE RTZOM PA'AM, RAGS PA GDAGS PA'I RGYU RDUL PHRA RAB DON DAM PA GCIG PU'I RANG BZHIN DU 'GYUR RO, ,DE YANG DE LTAR 'GYUR BAR MI RIGS TE, DE YANG 'BYAR BAR 'GYUR NA NI JI LTAR GZIGS ZIN [?] PA DAG NA RE, PHRAD DE TSOGS NAS DGOS PA RTZOM MO ZHES ZER BA LTA BU'AM, YANG NA PHAN TSUN MTHUS 'DZIN GYIS MA 'BYAR BA'I RANG BZHIN PAR YOD CING BSKOR BA STE, CI LTAR KHA CIG NA RE, THA DAD PHYOGS NAS MANG PO DAG ,'GA' LA KUN NAS BSKOR TZAM DU, ,BRJOD PAR ZAD KYI RDUL DE NI, ,CHA SHAS BCAS PA'I BDAG NYID MIN, ,ZHES ZER BA LTA BU'AM, YANG NA MANG PO DAG PAR MED DE, JI LTAR RDUL PHRA RAB RNAMS MI REG KYANG BAR MED PAS REG PAR 'DU SHES SO ZHES BYA BA LTA BU YANG MI RUNG STE, RNAM PAR GZHAG PA 'DI DAG THAMS CAD NI BRTAGS PA TZAM KHO NA'I SNYING POR ZAD DO, ,BDAG NYID THAMS CAD KYIS 'BYAR NA NI RDZAS RNAMS 'DRES PAR 'GYUR TE, RDUL GYI RANG BZHIN GCIG PU GANG GIS 'BYAR BA DE NYID GZHAN DANG YANG 'BYAR BA'I PHYIR RO, ,PHYOGS GCIG GIS 'BYAR NA NI CHA SHAS YOD PAR 'GYUR TE, RANG BZHIN GZHAN DANG GZHAN DAG GIS RDUL GZHAN DANG 'BYAR BA'I PHYIR RO, ,BAR YOD PA YANG BAR DAG TU SNANG BA DANG MUN PA'I RDUL PHRA RAB RNAMS KYI GO SKABS YOD PAR 'GYUR TE, PHRAG NI MUN PA DANG SNANG BA'I BDAG NYID YIN PA'I PHYIR DE DAG DANG 'BYAR BAR 'GYUR RO, ,BAR MED PA'I PHYOGS KYANG 'BYAR BA'I PHYOGS DANG THA DAD PA MED PA NYID DE, BAR MED PA NI PHRAG MED PA'O, ,PHRAD PA DANG 'BYAR BA ZHES BYA BA NI DON THA DAD PA MA YIN TE, SHING RTA CHEN PO RNAMS KYIS LAM PO CHE BTOD ZIN TO, ,DE LTA YIN YANG MDOR BSDUS TE RNAM PAR BRTAG PAR BYA'O, ,'BYAR BA DANG NI BSKOR BA'AM, ,BAR MED RNAM PAR GNAS KYANG RUNG, ,DBUS GNAS RDUL PHRAN RDUL GCIG LA, ,BLTAS PA'I RANG BZHIN GANG YIN PA, ,RDUL PHRAN GZHAN LA LTA BA YANG, ,DE NYID GAL TE YIN BRJOD NA, ,DE LTA YIN NAS CHU SOGS, ,JI LTAR RGYAS 'GYUR MA YIN NAM, ,PHYOGS GSUM CHAR YANG PHYOGS BCU NA RNAM PAR GNAS PA'I RDUL PHRA MO RNAMS KYI DBUS NA GNAS PA'I RDUL PHRA @59B RAB GANG YIN PA DE SHAR PHYOGS NA GNAS PA'I RDUL PHRA RAB LA BLTAS PA'I RANG BZHIN GANG YIN PA DE NYID GAL TE PHYOGS LHAG MA NA RNAM PAR GNAS PA'I RDUL PHRA RAB RNAMS LA BLTAS PA YANG YIN NA NI DE'I TSE DE'I RANG BZHIN LA BLTAS BA NYID KYI PHYIR SHAR PHYOGS NA GNAS PAR 'DOD PA'I RDUL PHRA MO LTA BU'AM, SHAR PHYOGS KYI KHANG PA LA KHANG PA GCIG BLTAS PA LTA BUR PHYOGS LHAG MA GZHAN NA GNAS PA RNAMS DON JI LTA BA BZHIN MI 'GYUR RO, ,DE LTA BAS NA SHAR DANG NUB LA SOGS PA'I CHA CAN MI GNAS PAS SA'I DKYIL 'KHOR LA SOGS PA GNAS PAR MI 'GYUR RO, ,CI STE NYES PA 'DIR 'GYUR DU 'ONG ZHES TE, RDUL PHRAN GZHAN LA LTA BA'I NGOS, ,GAL TE GZHAN DU 'DOD NA NI, ,GAL TE DE LTA YIN NA, RAB TU PHRA RDUL JI LTA BU, ,GCIG PU CHA SHAS MED PAR 'GYUR, ,PHYOGS BCU NA RNAM PAR GNAS PA'I RDUL PHRA RAB TU GYUR PA'I GRANGS KYI RANG BZHIN DANG LDAN PA'I PHYIR, 'DI LTAR GCIG PU RNAM PAR GZHAG PA SMOS SHIG ,RANG BZHIN THA DAD PA'I MTSAN NYID YIN PAS DNGOS PO THA DAD DE, RDUL PHRA RAB DE DAG KYANG DE SNYED DU 'GYUR RO, ,GANG GI PHYIR DE DAG KYANG DE LTAR, RDUL PHRAN RANG BZHIN MED GRUB PA, ,DE PHYIR DMIGS DANG RDZAS LA SOGS, ,BDAG DANG GZHAN SMRAS MANG PO DAG ,RANG BZHIN MED PAR MNGON PA YIN, ,RDUL PHRA RAB RNAMS MED PA NYID DU NGES NA RANG GI SDE PA DAG MIG DANG GZUGS DANG DE'I RNAM PAR SHES PA LA SOGS PA DE KHO NA NYID DU 'DOD PA DANG, GZEGS [?] ZAN PA LA SOGS PAS SMRAS PA'I RDZAS DANG YON TAN LA SOGS PA BSGRIM MI DGOS PAR RANG BZHIN GYIS STONG PAR NGES SO, ,CI 'DI RGYAL PO'I BKA' 'AM ZHE NA, MA YIN TE, DE YI RANG BZHIN DES BRTZAMS DANG, ,DE YI YON TAN DE LAS BDAG ,DE YI SPYI DANG KHYAD PAR YANG, ,DE DAG DE DANG LDAN PA CAN, ,RANG GI SDE PA DAG NI GZUGS CAN GYI KHAMS BCU PO DE DAG RDUL PHRA RAB LA SOGS PA YIN PAR BRJOD DE, DE DAG DE MED NA MI RUNG NGO, , 'DI LTAR MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG NGO ZHES BYA BA LA SOGS PA DE LA BRTEN PA DANG DMIGS PA RNAM PAR SHES PA'I KHAMS LNGA YANG DE MED NA CI LA BRTEN TE SKYE BAR 'GYUR, RNAM PAR SHES PA'I KHAMS LNGA MED NA DE MA THAG PA'I RKYEN DES MNGON PAR BSGRUBS PA'I @60A *, ,YID KYI RNAM PAR SHES PA YANG MI 'THAD PA'I RANG BZHIN NYID DO, ,DE LTAR RNAM PAR SHES PA DRUG GI TSOGS MA GRUB NA, RNAM PAR SHES PA DE 'DAS MA THAG PA'I YID KYANG YANG DAG PAR RNAM PAR GZHAG PAR MI RIGS SO, ,DE LTAR SEMS RANG BZHIN MED PAR GYUR NA DE DANG GRUB PA DANG BDE BA GCIG PA DANG TSOR BA DANG 'DU SHES DANG SEMS PA LA SOGS SEMS LAS BYUNG BA RNAMS KYANG RANG BZHIN MED PAR BDE BLAG TU SHES SO, ,LDAN PA MA YIN PA'I 'DU BYED RNAMS KYANG RNAM PAR RTOG PA LA DPA' BA MKHAS PA RNAMS KYIS LAN BRGYAR DUM BU DUM BUR BSHIG ZIN PAS SHI ZIN PA DE DAG LA BSNAN MI DGOS SO, ,YANG NA GZUGS LA SOGS PA DE DAG DANG DNGOS SU 'AM BRGYUD PAS 'BREL PA CAN DE DAG KYANG DE MED PAS GZOD MA NAS MA SKYES PA NYID DO, ,RNAM PAR RIG BYED MA YIN PA 'BYUNG BA CHEN PO RNAMS RGYUR BYAS PAS GRUB PAR BRJOD PA DE YANG DE DAG MED NA MED PA NYID DO, ,NAM MKHA' LA SOGS PA 'DUS MA BYAS MTHA' DAG KYANG SNGAR BSTAN ZIN TE, KHAMS BCO BRGYAD PO DE DAG NI RANG BZHIN MED PA NYID DU GSAL LO, ,RDUL GNYIS PA LA SOGS PA'I YAN LAG CAN, RDUL PHRA RAB DE DAG GIS DNGOS DANG GCIG NAS GCIG TU BRGYUD DE BRTZAMS PAR 'DOD PA DE DAG KYANG DE MED NA MED DO, ,GZUGS DANG RO DANG DRI LA SOGS PA YON TAN RNAMS KYANG PHAL CHER 'BRAS BU DANG BCAS PA DE DAG NYID KYI YIN NO, ,'DEGS PA LA SOGS PA LAS KYI DNGOS PO RNAMS KYANG DE'I LAS KYI NGO BO NYID KHO NA'O, ,SPYI DANG SPYI'I KHYAD PAR DANG KHYAD PAR YANG YOD PA DANG, SA LA SOGS PA PHAL CHER BRTEN PA DANG NYE BAR BRTEN PA DANG BCAS PA DE DAG NYID KYI YIN TE, DE DAG KYANG DE DAG 'DU BA CAN DU 'DOD DO, ,DE BAS NA 'BREL PA CAN MED PA'I PHYIR 'DU BA YANG RANG BZHIN MED PA KHO NA'O, ,RTAG PA'I DNGOS PO NAM MKHA' DANG, DUS DANG, PHYOGS DANG, BDAG DANG, PHRA RAB DAG KYANG BSAL TE, RANG BZHIN MED PAR SNGAR BSTAN ZIN TO, ,GZUGS KYI PHUNG PO DPYAD PA'I ZHAR LA RNAM PAR SHES PA'I PHUNG PO MTSUNGS PAR LDAN PA DANG BCAS PA YANG RANG BZHIN MED PAR BSTAN TO, ,DA NI RANG GI SDE PA DANG GZHAN GYIS GNYIS DANG GNYIS MA YIN PA'I TSUL DU BRJOD PA DNGOS SU BSTAN PAR BYA'O, ,DE LA @60B GNYIS KYI TSUL NI GANG DAG GZUNG BA DANG 'DZIN PA GNYIS YANG DAG PAR YOD PAR 'DOD LA, RNAM PAR SHES PA NI SHEL SGONG DAG PA LTA BU YUL GYI RNAM PA MI 'DZIN PAR BRJOD PA STE, DE DAG GI DPYAD PA [?] ,RNAM SHES BEMS PO'I RANG BZHIN LAS, ,BZLOG PA RAB TU SKYE BA STE, ,BEMS MIN RANG BZHIN GANG YIN PA, ,DE 'DI'I BDAG NYID SHES PA YIN, ,DE LA RE ZHIG GNYIS KYI TSUL RNAM PA MED PA'I RNAM PAR SHES PA'I PHYOGS NI, RNAM PAR SHES PA YUL GYI SNANG BA DANG MA PHRAD PA, BDAG TZAM RIG PA TZAM LA GZHOL BA KHO NAR ZAD PAS, ,BDAG DANG THA DAD PA'I DON MYONG BA'I BDAG NYID DU MI RUNG NGO; ,'DI RANG RIG PA'I RANG BZHIN DU RNAM PAR GZHAG PA NI RANG BZHIN GYIS GSAL BA'I BDAG NYID YIN PA'I PHYIR TE, SHING RTA LA SOGS PA LA RIG PA MED PA'I RANG BZHIN LAS BZLOG PA'I PHYIR RO, ,DE NI RANG GI NGO BO RIG PAR BYA BA'I PHYIR SNGON PO LA SOGS PA BZHIN DU RIG PAR BYED PA GZHAN LA MI LTOS PAS TE, RIG PA MED PA MA YIN ZHES BYA BA'I DON 'DI NI RANG RIG PA ZHES BYA BAR BRJOD DO, ,GCIG PA CHA MED RANG BZHIN LA, ,GSUM GYI RANG BZHIN MI 'THAD PHYIR, ,DE YI RANG GI RIG PA NI, ,BYA DANG BYED PA'I DNGOS POR MIN, ,JI SKAD DU YUL RANG GI RNAM PA 'JOG NUS PA NI RGYU NYID DE RIG PAR BYA BA NYID YIN PA DANG, RNAM PAR SHES PA YUL GYI NGO BOR GZHAG PA NI BSKYED PAR BYA BA NYID DE RIG PA PO NYID DO ZHES RNAM PA DANG BCAS PA'I SHES PA'I TSUL LAS RJOD PA LTA BUR RANG RIG PA LA NI DE LTAR RNAM PAR GZHAG PAR MI 'THAD DE, RNAM PAR SHES PA CHA MED PA'I BDAG NYID LAS BSKYED PAR BYA BA DANG, SKYED BA PO DANG, BSKYED PA'I BYA BA'I TSUL DU'AM, RIG PAR BYA BA DANG RIG PA PO DANG, RIG PA'I BYE BRAG GIS GSUM GYI TSUL DU MI DMIGS PA'I PHYIR TE, 'DI LTAR SKYE BA'I SNGA LOGS NA NI MED PAS NUS PA MED LA, NUS PA'I DUS NA NI SKYED PA POR 'DOD PA'I NGO BO BZHIN DU DE DANG THA MI DAD PA BSKYED PAR BYA BAR 'DOD PA'I NGO BO YANG YONGS SU GRUB STE, BDAG NYID LA BYED PA NI 'GAL LO, ,DE LTA BAS NA GSAL BAR BYED PA GZHAN LA MI LTOS PAR RANG GSAL BA'I BDAG NYID NI RNAM PAR SHES PA'I RANG RIG PA ZHES BYA'O, ,DE'I PHYIR 'DI NI SHES PA YI, ,RANG BZHIN YIN PAS BDAG SHES RUNG, ,DON GYI RANG BZHIN GZHAN DAG LA, ,DE YIS JI LTAR @61A *, ,SHES PAR 'GYUR, ,DPER NA BDAG NYID GSAL BA'I NGO BO YIN PAS RANG GI NGO BO GSAL BAR BYED PA LA GSAL BAR 'DOD PA DE BZHIN DU RNAM PAR SHES PA YANG MYONG BA'I BDAG NYID YIN PA'I PHYIR RANG RIG PAR 'DOD DO, ,CI STE RNAM PAR SHES PA NI YUL SO SOR RNAM PAR RIG PA'I MTSAN NYID YIN PAS DE NI DON YONGS SU DPYOD PA'I NGO BO NYID KYANG YIN TE, DE'I PHYIR RANG GI NGO BO BZHIN DU DON KYANG MYONG BAR 'DOD DO ZHE NA, DE NI MI RUNG STE, DE YI RANG BZHIN GZHAN LA MED, ,GANG GIS DE SHES GZHAN YANG SHES, ,SHES DANG SHES PAR BYA BA'I DON, ,THA DAD PAR NI 'DOD PHYIR RO; ,YONGS SU GCOD CES BYA BA'I NGO BO DE NI SHES PA'I THUN MONG MA YIN PA STE, BDE BA LA SOGS PA'I BDE BA NYID LA SOGS PA LTA BU YIN NA, DE 'DRA BA DE GZHAN LA JI LTAR YOD, 'BREL PA GANG GIS NA, 'DI'I 'DI ZHES BSNYAD PA MYONG BAR 'GYUR, ,DE LAS BYUNG BA DE TZAM GYIS NI DON MYONG BAR MI 'GRUB STE, MIG LA SOGS PA LA YANG THAL BAR 'GYUR BA'I PHYIR RO, ,GAL TE DON KYANG YONGS SU GCOD PA'I BDAG NYID DU 'GYUR LA, RNAM PAR SHES PA YANG DE'I BDAG NYID YIN NA NI, DE LTA BAS NA DE'I TSE SHES PA'I DON YONGS SU GCOD PA'I NGO BO YIN PAS MYONG BA'I NGO BOR THA MI DAD PA'I PHYIR, SHES PA RIG PAS DON RIG PAR YANG 'GYUR BA ZHIG NA, PHYI ROL GYI DON LA MNGON PAR ZHEN PA'I DUG GIS MA RUNGS PAR BYAS PA'I BSAM PA CAN GYI LUGS LA NI DE MI SRID DO, ,DON DANG SHES PA GNYIS THA DAD PA'I PHYIR RO, ,GANG RNAM PA BZHIN DU SHES PA YANG RIG PA MED PAR 'DOD PA DE'I LTAR NA GNYI GA LA RIG PA MED DE DON DANG SHES PA ZHES BYA BAR 'GRUB PAR BSNYAD DU MED DO, ,SHES PA NI GSAL BA YIN NA GSAL BA NA GSAL BAR MA GYUR TE, GSAL BA GSAL BA MA YIN PA'I PHYIR MI GZHAN GYI MNGON SUM DU 'DOD PA'I DON BZHIN DU 'DOD PA'I DON KYANG MNGON SUM DU MI 'GYUR LA RAB TU 'BREL PA'I RGYU YANG MED PA'I PHYIR RO, ,GZHAN YANG SHES PA RNAM PA MED PA'I PHYOGS 'DI NI SHES PA RNAM PA DANG BCAS PA'I PHYOGS SHIN TU 'BREL PA MED PAS KYANG CHES DMAN PAR BSTAN PA, SHES PA RNAM BCAS PHYOGS LA NI, ,DNGOS SU DE GNYIS THA DAD KYANG, ,DE DANG GZUGS BRNYAN 'DRA BAS NA, ,GDAGS PA TZAM GYI TSOR BAR @61B RUNG; ,DES GZHAG PA SHES PA'I BDAG NYID DU GYUR PA'I GZUGS BRNYAN RIGS PA GANG YIN PA DE NYID DON SHES PA'O, ,DE'I PHYIR NA DON GYI 'BRAS BU GZUGS BRNYAN MYONG BA LA DON KYANG MYONG NGO ZHES GDAGS SO, ,DON GYI RNAM PAS BSGYUR LDAN PA'I, ,RNAM SHES SU ZHIG MI 'DOD PA, ,DE LA PHYI ROL RIG PA YI, ,RNAM PA 'DI YANG YOD MA YIN, ,RIG PA MED PA'I RANG BZHIN YIN PAS RIG PA'I DON GYI DNGOS PO NI DON LAS RING DU GYUR PA NYID DO, ,'BREL PA'I RGYU GZUGS BRNYAN YANG KHAS MI LEN PAS GDAGS PA YANG MI SRID DO, ,GAL TE DE LTA NA SHES PA RNAM PA DANG BCAS PA NYID DU NI RUNG NGO, ,DE YANG DE LTA MA YIN TE, 'DI LA YANG, SHES GCIG THA DAD MA YIN PAS, ,RNAM PA MANG POR MI 'GYUR TE, ,DE PHYIR DE YI MTHU YIS NI, ,DON SHES 'GYUR BAR GZHAG PA MED, ,RI MO RKYANG PA LA SOGS PA LA DMIGS PA'I RNAM PAR SHES PA LA NI SNGON PO DANG, SER PO LA SOGS PA SPYOD YUL GYI BYE BRAG JI SNYED PA DE SNYED KYI GRANGS KYI BYE BRAG GI RNAM PA GDON MI ZA BAR 'BYUNG NGO, ,DE LTA MA YIN NA SHES PA DE DANG MTHUN PAR MI 'GYUR RO, ,RNAM PA DE DAG GI SNA TSOGS PA 'DI NI RIG PA MA YIN TE, RNAM PAR SHES PA GCIG DANG THA DAD PA MA YIN PA'I PHYIR SHES PA DE'I RANG GI NGO BO BZHIN NO, ,DE'I PHYIR RNAM PA SNA TSOGS KYI RGYUS DE LA 'DI NI SNGON PO'O, ,'DI NI SER PO'O ZHES BYA BA LA SOGS PA DON SNA TSOGS RIG PA'I RGYU RNAM PA SNA TSOGS SU RNAM PAR GZHAG PA MED PAR 'GYUR RO, ,CI STE YANG GSAL BAR MNGON SUM DU BYAS PA RNAM PA SNA TSOGS YOD PAR NGES PAR KHAS BLANG DU NGES SO ZHE NA, DE LTA NA YANG, RNAM PA RNAMS DANG MA BRAL PAS, ,RNAM SHES GCIG TU MI 'GYUR RO, ,DE LTA YIN NA 'DI GNYIS LA, ,GCIG CES JI SKAD BRJOD PAR BYA, ,RNAM PAR SHES PA DE RNAM PA DU MA DANG THA DAD PA MA YIN PA'I LUS YIN NA NI, RNAM PA DE DAG GI BYE BRAG BZHIN DU DU MAR 'GYUR RO, ,GAL TE RNAM PAR SHES PA NI GCIG PU KHO NA'I RANG BZHIN YIN LA, RNAM PA NI DU MA YIN NA DE'I TSE 'GAL BA'I CHOS SU GNAS PAS RNAM PAR SHES PA GNYIS THA DAD PA MA YIN PAR NI 'GAL LO, ,'DI LTAR 'DOD DE, DKAR PO DAG LA SOGS PA LA, ,SHES PA DE NI RIM 'BYUNG STE, ,MGYOGS PAR 'BYUNG PHYIR BLUN PO @62A *, ,DAG ,CIG CAR SNYAM DU SHES PA NI, ,ME TOG AUTPALA'I 'DAB MA BRGYA 'BIGS PA BZHIN DU, SHIN TU MYUR BA'I PHYIR RIM GYIS DNGOS PO LA YANG CIG CA 'O SNYAM DU SHES SO ZHES 'DZER TE, DPER NA MGAL ME'I 'KHOR LO MTHONG BA BZHIN TE, MTHONG BA DE NI MYUR DU BSKOR BA'I PHYIR RO ZHES ZER RO, ,GAL TE DE LTA NA, LCUG MA'I SGRA LA SOGS PA'I BLO, ,RAB TU MGYOGS PAR 'BYUNG YIN NA, ,DE PHYIR CIG CAR 'BYUNG BA YI, ,'DIR YANG CI PHYIR 'BYUNG MI 'GYUR, ,LCUG MA DANG, TA LA DANG, MTSO DANG, RO BRO BA DANG ZHES BYA BA LA SOGS PA YI GE'I 'BRU'I YUL RNAMS KYI BLO DAG KYANG RAB TU MGYOGS PAR 'BYUNG DU 'DRA STE, DE BAS NA MGYOGS PAR 'BYUNG BA'I PHYIR RIM BRKYANG BA LA SOGS PA BZHIN DU CIG CAR DU CI'I PHYIR MI SHES, RGYU 'DRA BA'I 'BRAS BU NI THA DAD PAR MI RIGS TE, RGYU MA YIN PAR 'GYUR BA'I PHYIR RO, ,YID KYI RTOG PA 'BA' ZHIG LA'ANG, ,RIM DU SHES PAR MI 'GYUR RO, ,RING DU GNAS PA MA YIN PAS, ,BLO RNAMS KUN KYANG MGYOGS 'BYUNG 'DRA, ,SEMS PA DANG DPYOD PA LA SOGS PA'I DUS NA 'BYUNG BA CAN RIGS MI 'DRA BA MIG LA SOGS PA'I SHES PA DANG MA 'DRES PA BAR CHAD MED PA 'BYUNG BA YANG GSAL BAR MGYOGS PAR 'BYUNG NA CI'I PHYIR CIG CAR DU MI SHES, GCIG TU NA 'DI'I PHYIR MYUR DU 'BYUNG BA'I PHYIR RO ZHES BYA BA 'DI NI LEN DU MI RUNG STE, PHA ROL GYI LUGS LAS KYANG RAB TU MYUR DU 'JIG PA DANG LDAN PA'I BLO RNAMS NI GANG YANG YUN RING DU GNAS PA MED DO ZHES 'BYUNG STE, DE PHYIR YUL RNAMS THAMS CAD LA, ,RIM GYIS 'DZIN PAR MI 'GYUR GYI, ,RNAM PA DAG NI THA DAD LTAR, ,CIG CAR 'DZIN PAR SNANG BAR 'GYUR, ,DE'I PHYIR MGYOGS PAR BYE BRAG MED PA'I PHYIR, DON THAMS CAD 'DZIN PA LA RNAM PA'I BYE BRAG BZHIN DU RIM PA MA YIN PAR 'GYUR BA BZLOG PAR DKA'O, ,RGYU RNAM PA THAMS CAD DU 'DRA BA'I 'BRAS BU MI 'DRA BA NI MI RIGS TE, RGYU MA YIN PA NYID DU 'GYUR BAR SNGAR BSHAD ZIN TO, ,MGAL ME'I 'KHOR LO MTHONG BA'I DPE YANG RUNG BA MA YIN TE, 'DI LTAR MGAL ME LA YANG CIG CAR DU, ,'KHOR LOR SNANG BA'I 'KHRUL PA 'BYUNG, ,GSAL BAR RAB TU SNANG BA'I PHYIR, ,MTHONG BAS @62B MTSAMS SBYOR MA YIN NO, ,CI GSAL BAR SNANG BA DANG MTSAMS SBYOR BA 'GAL LAM, 'GAL TE, 'DI LTAR MTSAMS RNAMS SBYOR BA NI, ,DRAN PAS BYED PA NYID YIN GYI, ,MTHONG BAS MA YIN 'DAS PA YI, ,YUL LA 'DZIN PA MIN PHYIR RO, ,DRAN PA NI YUL DU BYAS PA NYING MTSAMS SBYOR TE; MA ZIN PA LA NI MTSAMS SBYOR BAR MI NUS PA'I PHYIR RO, ,DES CIR 'GYUR SMRAS PA, DE YI YUL DU GANG 'GYUR BA, ,DE NI ZHIG PAS GSAL MA YIN, ,DE PHYIR 'KHOR LOR SNANG BA 'DI, ,GSAL BA MA YIN 'GYUR BA'I RIGS, ,DRAN PA NI MDUN NA 'DUG PA'I DNGOS PO LA YANG SHIN TU GSAL BAR RTOGS PA MA YIN NO, ,DE'I BDAG NYID DU GYUR PA MGAL ME'I 'KHOR LO MTHONG BA YANG DE BZHIN DU 'GYUR BA'I RIGS NA, MGAL ME LA NI 'KHOR LOR GSAL BAR SNANG BA 'DI YANG SNANG NGO, ,AUTPA LA'I 'DAB MA BRGYA CIG CAR PHIGS PAR SHES PA GANG YIN PA DE YANG GSAL BAR SNANG BA MA YIN NO; ,CIG CAR DU PHIGS SO SNYAM PA LA NI TSAD MA'I GNOD PA YANG YOD PA'I PHYIR DE LA CIG CAR YANG MA YIN PAR GNAS PAR RIGS TE, ZHIB PA RTZE GCIG PA SHES RAB KYI MIG DANG LDAN PA DAG NI DE LA RIM DU NGES PAR BYED DO, ,MANG PO DAG BYED PA GCIG PA GCIG GIS 'BIGS PA GANG YIN PA DE NI RIM GYIS 'GYUR TE, DPER NA ZANGS KYI GLEGS MA LA SOGS LTA BU STE, AUTPA LA'I 'DAB MA MANG PO 'BIGS PA 'DI YANG MI'I BYED PA GCIG GIS BYAS PAS RJES SU DPOG GO, ,GANG DAG RIGS MTHUN PA'I SHES PA RNAMS KYANG RNAM PA'I GRANGS BZHIN DU RI MO'I GZHI LA SOGS PA LA LHAN CIG TU MANG DU 'BYUNG STE, GZUGS DANG SGRA LA SOGS PA'I SHES PA RIGS MI MTHUN PA BZHIN NO SNYAM DU SEMS PA DE DAG GI LUGS BSTAN PAR BYA'O, ,RI MO'I GZHI RNAMS MTHONG BA'I TSE, ,DE LA DE BZHIN SEMS MANG PO, ,CI STE CIG CA'I TSUL GYIS SU, ,'BYUNG BAR 'GYUR BAR 'DOD NA GO, ,GAL TE DE LTA NA, DE LTA YIN NA DKAR LA SOGS, ,RNAM PA SNA GCIG SHES PA YANG, ,THOG MA DBUS MTHA' THA DAD PAS, ,DMIGS PA SNA TSOGS NYID DU 'GYUR, ,JI LTAR SNGON PO DANG DKAR PO LA SOGS PA RNAM PA MANG PO DE BZHIN DU GCIG PUR 'DOD PA DKAR PO LA SOGS PA LA YANG TSU ROL DANG, PHA ROL DANG DPUNG GI CHA'I NGO @63A *, ,BO'I RNAM PA MANG PO NYID DE, DE LA YANG DE'I BDAG NYID KYI SHES PA DU MA NYID DU 'GYUR RO, ,DU MAR 'DOD DO ZHE NA, 'O NA GCIG PUR GYUR PA GANG YIN, GANG YAN LAG MED PA'I RDUL GYI YUL 'DZIN PA STE, YUL DE'I YAN LAG RNAM PAR DBYE BAR NGES PAR BYED PA NI, SHIN TU ZHIB PA'I SHES RAB CAN RNAMS KYIS KYANG MI NUS SO, ,LTA BA DE YANG MYONG BAR BYED PA MA YIN PAR BRJOD PA, RDUL PHRAN BDAG NYID DKAR LA SOGS, ,GCIG BU'I BDAG NYID CHA MED PA, ,SHES PA GANG LA'ANG SNANG GYUR PAR, ,BDAG GIS RAB TU TSOR BA MED, ,BDAG GIS RAB TU SEMS BTUD KYANG, ,CHA SHAS THAMS CAD KYIS STONG PA'I RDUL MA MTHONG STE, MA MTHONG BZHIN DU DE KHAS BLANGS SHING BDAG LA JI LTAR BSLU, RTOG PA DANG LDAN PA RNAMS KYIS YOD PAR KHAS LEN PA'I RGYU NI DMIGS PA YIN NA, DE NI DE MED PAS RUNG BA MA YIN NO, ,GZHAN YANG BCOS MA DANG BCOS MA MA YIN PA'I PHYE MA LEB KHRA BO LA SOGS JI LTAR GCIG PU'I BDAG NYID MA YIN PA DE BZHIN DU RNAM PA SNA TSOGS PA'I RNAM PAR SHES PA DE YANG GCIG PU'I RANG BZHIN DU GDAGS PA MA YIN PAR 'THAD PA MED DO, ,'O NA SNA TSOGS MA YIN PA'I RNAM PAR SHES PA GANG YIN PA DE GCIG PU'I RANG BZHIN DU 'GYUR RO, , DE YANG DE LTAR MI RUNG STE, THAMS CAD KYI LTA BA RNAMS LA YANG, DE LA SNA TSOGS SNANG BAS YUL DU MA YOD DE 'DI LTAR RE ZHIG RANG GI SDE PA'I LUGS LAS, RNAM SHES LNGA YI KHAMS RNAMS NI, ,BSAGS LA DMIGS PA'I RNAM PA YIN, ,SEMS DANG SEMS BYUNG DMIGS PA NI, ,DRUG PAR GZHAG PAR BYAS PA YIN, ,DBANG PO GZUGS CAN LA BRTEN PA RNAM PAR SHES PA'I KHAMS LNGA'I YUL NI RDUL PHRA RAB DU MA 'DUS PA YIN PAS, RNAM PA DE SNYED KYI RJES SU 'BREL PA'I PHYIR SNA TSOGS NYID LAS MI 'DA'O, ,YID KYI RNAM PAR SHES PA YANG DE DANG DON MTHUN TE, DE DANG GRUB PA DANG BDE BA GCIG PA'O, ,CHOS KYI KHAMS RNAM PAR RIG BYED MA YIN PA DANG, 'DUS MA BYAS KYANG MI RIGS PA'I PHYIR TSOR BA LA SOGS PA PHUNG PO GSUM TZAM GYI BDAG NYID DE, DE LA DMIGS PA'I YID KYI RNAM PAR SHES PA YANG SEMS LAS BYUNG BA 'BA' ZHIG LA MI 'DZIN GYI, SEMS DANG SEMS LAS @63B BYUNG BA'I TSOGS LA DMIGS TE, DE'I GRANGS SNYED KYI RNAM PA DANG LDAN PA'I PHYIR SNA TSOGS NYID LAS MI 'DA'O, ,GANG DAG BDE BAR GSHEGS PA'I GSUNG RAB LEGS PAR GSUNGS PA 'DI LAS PHYI ROL DU GNAS PA GZEGS ZAN DANG SER SKYA LA SOGS PA'I LUGS LA 'CHEL LA, 'BRAS BU'I RDZAS LA SOGS PA DON GCIG GI YUL SHES PAR SMRA BA DE DAG GI LUGS LTAR NA, DON GCIG PU DE'I RNAM PAR SHES PA GCIG PU'I BDAG NYID DU 'GAL BA MED DO ZHE NA, MI RUNG STE 'DI LTAR, PHYI GZHUNG RNAMS LA'ANG RNAM SHES NI, ,GCIG TU SNANG BAR MI RIGS TE, ,YON TAN LA SOGS LDAN PA YIS, RDZAS LA SOGS PA DMIGS PHYIR RO, ,DE DAG NI GZUGS LA SOGS PA YON TAN RNAMS DANG, BSKYOD PA LA SOGS PA LAS RNAMS DANG, LAG PA LA SOGS PA RANG GI YAN LAG RNAMS DANG, SPYI LA SOGS PA DANG LDAN PA'I LUS LA SOGS PA'I RDZAS LA DMIGS SO ZHES SMRA STE, YON TAN LA SOGS PA YANG RDZAS LA SOGS PA DANG LDAN NO ZHE'O, ,DE DAG GI LUGS LTAR NA YANG RNAM PAR SHES PA LA DON DU MA SNANG BA NYID DO, ,RGYAL BA PA DANG, RGYAL DPOG PA RNAMS KYI LTAR NA YANG, NOR BU GZI YI BDAG NYID LTAR, ,DNGOS PO KUN SHES LTA BA LA, ,DE LA 'DZIN PA'I SEMS KYANG NI, GCIG PU'I NGO BOR SNANG MI RIGS, ,DE DAG SMRA BA NI, DU MA'I NGO BO'I DNGOS PO LA, ,BRJOD PAR 'DOD PA NGO BOR 'DOD, ,CIG CA 'AM RIM GYIS TSUL GNYIS LAS, ,TSIG GI BYA BA GZHAN MED DO, ,DPER NA KHRA BO'I KHA DOG LAS, ,JI LTAR 'DOD BZHIN KHA DOG 'DZIN, ,DE BZHIN DNGOS LA SNA TSOGS PHYIR, ,THA DAD THA DAD MIN PAR RTOG ,CES ZER RO, ,YUL SNA TSOGS LA RNAM PAR SHES PA SNA TSOGS MA YIN PA SNANG BA NI MI RIGS TE, DE DAG DANG MTHUN PAR MI 'JUG PAS MI 'DZIN PAR 'GYUR BA'I PHYIR RO, ,LHA'I BLA MA'I LTA BA'I RJES SU 'BRANG BA LA SMRAS PA, SA LA SOGS PA 'DUS PA LA, ,YUL DANG DBANG POR KUN 'JOG PAR, ,SU 'DOD DE YI LUGS LA YANG, ,DNGOS PO GCIG DANG MTHUN 'JUG MED, ,'DUS PAR RNAM PAR GZHAG PA'I RGYU NI 'DUS PA CAN DU MA YIN PAS 'DUS PA LA 'DZIN PA'I SHES PA NI GCIG DANG MTHUN PAR 'JUG PAR MI RIGS SO, ,SER @64A *, ,SKYA'I DBANG DU BYAS NAS SMRAS PA, SNYING STOBS LA SOGS BDAG SGRA SOGS, ,PHYOGS LA'ANG DON GCIG SNANG BA CAN, ,SHES PA RIGS PA MA YIN TE, ,GSUM GYI BDAG NYID YUL SNANG PHYIR, ,CI STE GSUM GYI BDAG NYID KHO NAR YUL SNANG BA MA YIN GYI, SNYING STOBS LA SOGS PA GANG GI SHAS CHE BA DE DMIGS TE GZHAN NI MA YIN NO ZHE NA, DE YANG DE LTAR MI RUNG STE, RIGS DANG BSGOMS PA'I BYE BRAG GIS SGRA LA SOGS PA CIG KHO NA LA MANG PO DAG GI GDUNG BA DANG ZHUM PA DANG RGA BA LA SOGS PA MYONG NGO, ,YON TAN GNYIS KYI SHAS CHUNG NA MYONG BA 'DI JI LTAR MNGON SUM DU RAB TU 'GRUB, MI SNANG BA LA SOGS PA'I DBANG GIS LHAG MA'I NGO BO MI MTHONG BAR 'DOD DO ZHE NA, 'DI YANG SHIN TU MI RIGS PAR BRJOD PA, DNGOS PO'I NGO BO RNAM GSUM LA, ,DE NI GAL TE RNAM GCIG STE, ,DE DANG MI MTHUN SNANG NA GO ,DE NI DE 'DZIN JI LTAR 'DOD; ,YUL JI LTAR GNAS PA'I RANG BZHIN DANG MTHUN PAR 'JUG NA RNAM PAR SHES PA DMIGS PA 'DZIN PAR 'GYUR GYI GZHAN DU NA DON GZHAN BZHIN DU YUL DU 'DOD PA YANG YUL DU MI 'GYUR TE, SGRA LA SOGS PA NI GSUM GYI RANG BZHIN YIN LA RNAM PAR SHES PA NI GCIG GI NGO BO DANG MTHUN PAR 'JUG STE DE DANG MTHUN PAR MI 'JUG PA'I PHYIR RO, ,GSANG BA PA GANG DAG ,PHYI ROL YUL RNAMS MED PAR YANG, ,SNA TSOGS SNANG LA RTAG PA STE, ,CIG CA'AM JI STE RIM 'BYUNG BA'I, ,RNAM SHES RUNG BA SHIN TU DKA', ,CI SKAD BRJOD PA DE DAG GI PHYOGS LA YANG SNA TSOGS SU SLA BA NYID DE, 'DI LTAR SNGON PO DANG SER PO'I RNAM PA DU MA CIG CAR SNANG BA'I RNAM PAR SHES PA NI RNAM PA DU MA DAG DANG THA DAD PA MA YIN PA'I PHYIR RNAM PA DE'I RANG GI NGO BO BZHIN DU DU MAR 'GYUR RO, ,RIM PA YANG GZUGS DANG SGRA LA SOGS PAR SNANG BA NI GTAN TSIGS DANG DPE GNYIS PO 'DI DAG NYID KYIS DU MAR 'GYUR BA LAS MI 'DA' BA NYID DO, ,GZHAN DU NA 'DI GNYIS GCIG TU JI LTAR BRJOD DE NYES PA SNGA MA BZHIN NO, ,RIM GYI PHYOGS LA NYES PA GZHAN 'DI YANG YOD DE, RNAM PA GCIG RIG PAR 'DOD PA NA DE DANG RNAM PAR SHES PA THA MI DAD PA'I PHYIR RNAM PAR SHES PA DE'I RANG GI NGO BO LTA BU'AM, 'DOD PA'I RNAM PA @64B LTA BUR SNGA MA DANG PHYI MA'I RNAM PA YANG RIG PAR 'GYUR TE, DE GNYIS KYANG 'DUG PA'I PHYIR RO, ,NAM MKHA' DANG SO SOR BRTAGS PAS 'GOG PA LA SOGS PA GANG DAG KUN RDZOB TU YOD PAR BRJOD PA DE DAG 'DZIN PA'I SHES PA NI SNA TSOGS SU SNANG BA MA YIN PAR 'GYUR RO ZHE NA, DE LTAR YANG MA YIN PAR BRJOD PA, NAM MKHA' LA SOGS SHES PA DAG ,MING TZAM DU NI SNANG BA RNAMS, ,YI GE DU MA SNANG BA'I PHYIR, ,SNA TSOGS SNANG BAR GSAL BA YIN, ,MING DANG 'BREL PA'I RNAM PAR RTOG PA'I GZUGS BRNYAN MA GTOGS PAR DE LA CHA MED PA'I NGO BO PHRA RAB TZAM GANG YANG MI DMIGS SO, ,KHAS BLANGS DE YANG BRJOD PAR BYA'O, ,RNAM SHES SNA TSOGS MIN SNANG BA, ,'GA' ZHIG YOD PAR BZHUGS NA YANG, ,'ON KYANG YANG DAG GZHAG MI RUNG, ,MTSAN NYID BCAS LA GNOD MTHONG PHYIR, ,MTSAN NYID DANG LDAN PA LA NI GNOD PA DMIGS TE, DE'I MTSAN NYID SUN PHYUNG BA'I PHYIR THAMS CAD DU DBUGS MI PHYIN TO, ,DE LTAR THAMS CAD KYI PHYOGS RNAMS LA YANG, DE'I PHYIR SNA TSOGS SNANG BA YI, ,RNAM SHES RNAM PA KUN TU GNAS, ,DE NI RNAM PA THA DAD LTAR, ,GCIG PU'I RANG BZHIN MI RIGS SO, ,SKABS KYI MJUG SDUD DO, ,YANG 'DIR GSUNGS PA, SOR MO TSIGS RNAMS LAS GZHAN MIN; ,GZHAN MA YIN PA YOD MA YIN, ,DE LTAR MA GRUB TSIGS SOGS MED, ,DE PHYIR TSOGS PA TZAM YANG MED, ,TSOGS PA DANG NI BCAS PA YI, ,SOR MO LA SOGS RNAMS KYIS NI, ,DNGOS PO THAMS CAD MED PAR BSTAN, ,TSOGS MA GTOGS PA'I DNGOS PHRA MED, ,DE LTAR DON GCIG SHES BYED PA, ,BLO NI GANG DU BRTAG PAR BYA, ,SEMS BYUNG TSOGS DANG BCAS SEMS KYI, ,DMIGS PA GCIG 'DIR JI LTAR 'GYUR, ,RANG GI SDE PA SEMS TZAM GYI TSUL LA BRTEN PA BLO GROS DKAR PA GANG DAG RNAM PAR SHES PA NI MTHUN PA'I BAG CHAGS YONGS SU SMIN PA LA RAG LAS NAS 'BYUNG STE, BYUNG MA THAG TU 'JIG PA DANG DON DU TSOR BAR BYA BA DANG TSOR BA PO'I RNAM PA MED DO ZHES SMRA BA DE DAG GI LUGS LA DOGS PA BSU STE, JI STE THOG MA MED RGYUD KYI, ,BAG CHAGS SMIN PAS SPRUL PA YI, ,RNAM PA DAG NI SNANG BA YANG, ,NOR BAS SGYU MA'I RANG BZHIN 'DRA, ,GZUGS LA SOGS PA'I SKYE MCHED @65A *, ,KYI RDUL PHRA RAB RNAMS DANG RDZAS DANG YON TAN LA SOGS PA MCHOG DANG MCHOG MA YIN PA'I LTA BA'I RJES SU 'BRANG BA RNAMS KYIS BRJOD PA DAG MI RIGS PA DANG TSOR BAR BYA BA DANG TSOR BA PO'I MTSAN NYID DANG YANG BRAL BA'I PHYIR DRI ZA'I GRONG KHYER DANG, MGAL ME'I 'KHOR LO DANG, SPRUL PA DANG, RMI LAM DANG, SGYU MA DANG, CHU ZLA LTA BU KHO NA STE, DMIGS PA BDEN PAR 'DOD PA'I SHES PA LA SNANG BA'I RNAM PA 'DI DAG KYANG THOG MA MED PA'I SRID PAR 'BYUNG BA CAN DNGOS PO LA MNGON PAR ZHEN PA'I BAG CHAGS YONGS SU SMIN PA'I MTHUS SNANG NGO, ,DE DAG 'ON KYANG DE DAG GI , DNGOS DE YANG DAG NYID DAM CI, ,'ON TE MA BRTAGS GCIG PU NA, ,DGA' BAR KHAS LEN 'DI BSAM MO, ,LUGS 'DI NI TSAD MA DANG LUNG SHIN TU GSAL BAS SHES PAR BYA BA DANG, DMIGS PA CAN MTHA' YAS PA DAG GI MNGON PAR ZHEN PA NGAN PA'I GNYEN PO YANG YIN PAS SHIN TU DKAR BA STE 'DI LTAR RDUL PHRA RAB LA SOGS PA YOD PA DAG DGAG PAR BYED PA DANG TSOR BAR BYA BA DANG TSOR BA PO'I MTSAN NYID DANG 'GAL BA YANG STON PA SNGAR BSHAD PA'I TSAD MA NI TSUL 'DI RAB TU GSAL BAR BYED PA'O, ,TSUL 'DI NI LUNG DANG LDAN PA YANG YIN TE, LANG KAR GSHEGS PA'I MDO LAS, THOG MA MED PA'I BLOS BSGOS PAS, ,SEMS NI GZUGS BRNYAN LTA BU STE, ,DON GYI RNAM PAR SNANG YANG NI, ,YANG DAG JI BZHIN DON MTHONG MED, ,GANG ZAG RGYU DANG PHUNG PO DANG, ,RKYEN DANG DE BZHIN RDUL RNAMS DANG, ,GTZO BO DBANG PHYUG BYED PA DAG ,SEMS TZAM PO LAS RNAM PAR BRTAGS, DON YOD MA YIN SEMS NYID DE, ,PHYI ROL DON MTHONG LOG PA YIN, ,RIGS PAS RNAM PAR BLTAS NA NI, ,GZUNG DANG 'DZIN PA 'GAG PAR 'GYUR, ,ZHES GSUNGS SO, ,MKHAS PA DAG TSUL 'DI LA BRTEN NAS BDAG DANG BDAG GI DANG GZUNG BA DANG 'DZIN PA RAB TU DBYE BA DANG BCAS PA RNAMS LA PHYIN CI LOG TU GYUR PA RNAMS SEL TO, ,'ON KYANG 'DI LA DPYAD PAR BYA BA CUNG ZAD TZAM 'DI YOD DE, CI RNAM PA DE DAG DE KHO NA NYID YIN NAM 'ON TE CI GZUGS BRNYAN LA SOGS PA LTAR MA BRTAGS PA GCIG BU NA DGA' BA ZHIG YIN, 'DIS CIR 'GYUR, GAL TE YANG DAG RNAM PAR SHES, ,DMAR @65B 'GYUR RO YANG NA NI, ,DE DAG GCIG 'GYUR 'GAL LDAN PAS, ,GDON MI ZA BAR SO SOR 'GYUR, ,YANG DAG PA'I RNAM PA DANG THA DAD PA MA YIN PAS RNAM PA'I RANG GI NGO BO BZHIN DU RNAM PAR SHES PA DU MAR 'GYUR BA'AM YANG NA RNAM PAR SHES PA GCIG BU DANG THA MI DAD PAS RNAM PA RNAMS KYANG RNAM PAR SHES PA'I RANG GI NGO BO BZHIN DU GCIG PU NYID DU 'GYUR BA BZLOG PAR DKA'O, ,'GAL BA'I CHOS GNAS PA NYID PAS DON DAM PAR NA RNAM PA DANG RNAM PAR SHES PA NYID THA DAD NYID DU 'GYUR RO, ,NYES PA GZHAN YANG BRJOD PA, RNAM PA THA DAD MA YIN NA, ,G-YO DANG MI G-YO LA SOGS PA, ,GCIG GIS THAMS CAD G-YO LA SOGS, ,THAL BAR 'GYUR TE LEN GDAB DKA', ,THA DAD PA MA YIN ZHES BYA BA NI DE NYID YIN NO ZHES BSTAN PAR 'GYUR RO, ,DE BAS NA GAL TE RNAM PA GCIG G-YO BA LA SOGS PA'I BYED PA ZIN TAM, SER PO LA SOGS PA'I BDAG NYID DU GYUR NA LHAG MA RNAMS KYANG RNAM PA DE LTA BUR 'GYUR RO, ,DE LTA MA YIN NA GDON MI ZA BAR SNA TSOGS NYID DU 'GYUR RO, ,THAL BA 'DI NI PHYI ROL GYI DON GYI PHYOGS LA YANG RNAM PA DANG BCAS PA'I SHES PA KHAS LEN NA MTSUNGS PA RAB TU STON TE, PHYI ROL DON GYI TSUL LA YANG, ,DE LTAR RNAM PAR MA BRAL NA, ,GCIG GI CHOS SU THAMS CAD KYANG, ,'JUG PAR 'GYUR TE BZLOG PA MED, ,MI MTHUN PA'I CHOS SU GNAS NA NI DE NYID NGES PAR THA DAD PAR 'GYUR RO, ,GANG DAG BDE BA LA SOGS PA LTAR SNGON PO LA SOGS PA'I RNAM PA RNAMS KYANG MYONG BA'I BDAG NYID KHO NA STE SHES PA DE DAG NI MANG LA DE DAG KYANG RIGS MTHUN PA SHA STAG STE; RIGS MI MTHUN PA'I SHES PA BZHIN DU 'BYUNG NGO ZHES SMRA BA DE DAG GI NI GANG SNGA PHYI MED PAR SEMS GNYIS 'BYUNG BA 'DI NI GNAS MA YIN TE GO SKABS MED DO ZHES BYA BA DANG, DE BZHIN DU SEMS CAN THAMS CAD NI RNAM PAR SHES PA RGYUD GCIG PA'O ZHES BYA BA'I LUNG DANG 'GAL BA BZLOG PA DKA'O; ,RNAM PAR SMIN PA'I RNAM PAR SHES PA'I DBANG DU MDZAD DE, DE SKAD GSUNGS PAR 'DOD DO ZHE NA, GAL TE DE LTAR NA 'DI NI SNGON GYI SLOB DPON GYI TSUL, DE DAG RNAMS LA RIGS MTHUN PA'I, ,RNAM PAR SHES PA NGES PAR 'GYUR, ,'DI LTAR RNAM PAR RTOG PA RNAMS, ,RIM GYIS 'BYUNG @66A *, ,BAR YANG DAG RTOGS, ,ZHES BYA BA DANG 'GAL LO, ,DE'I TSE MI MTHUN PA'I PHYOGS DANG GNYEN PO'I SEMS KYI DBANG DU MDZAD NAS SEMS GNYIS LHAN CIG TU 'BYUNG BA BKAG PA STE, RIGS PAS SHIN TU GSAL BAR KHO BO DE SKAD DU SMRA'O, ,CIG CES BYA BA'I SGRA NI 'BA' ZHIG CES BYA BA'I RNAM GRANGS SU GTOGS PA YIN GYI BYE BRAG GI TSIG NI MA YIN TE, DE DAG LA BDAG DANG BDAG GI DANG GZUNG BA DANG 'DZIN PA LA SOGS PA DANG BRAL BA'I SEMS NYID YOD KYI GZHAN NI CI YANG MED DO ZHES BSTAN PAR 'GYUR RO, ,DE BAS NA RNAM PAR SMIN PA'I RNAM PAR SHES PA LUS DANG LONGS SPYOD DANG GNAS SU SNANG BA'I RNAM PA THA DAD PAS THA DAD PAR THAL BAR 'GYUR GYI GNOD PA NI CI YANG MI SKYED DO, ,CI LUGS 'DI RMA MED PA YIN NAM ZHE NA, MA YIN PAR BRJOD PA, CI STE RNAM PA'I GRANGS BZHIN DU, ,RNAM PAR SHES PA KHAS LEN NA, ,DE TSE RDUL PHRAN 'DRAR 'GYUR BA, ,DPYAD PA 'DI LA BZLOG PAR DKA', ,GAL TE BAR MED PAR GNAS PA'I RDUL PHRA RAB KYI NGO BO RNAMS LTAR RIGS MTHUN PA'I RNAM PAR SHES PA MANG PO 'DI DAG KYANG 'BYUNG NA, DE'I TSE RDUL PHRA RAB LA DPYAD PA CI 'DRA BA SNGAR BYAS PA DE 'DRA BA NYID RNAM PAR SHES PA RNAMS LA YANG BZLOG PAR DKA' BAR 'GYUR TE, 'DI LTAR DBUS SU 'DOD PA'I RNAM PAR SHES PA RDUL GYIS BSKOR BA LTA BUR 'DOD PA GANG YIN PA DE'I RANG BZHIN GANG GIS GCIG LA MNGON DU PHYOGS PA DE NYID KYIS CI GZHAN LA YANG PHYOGS SAM 'ON TE GZHAN GYI PHYOGS ZHES RNAM PAR RTOG PA'I NYES PA DE NYID DO, ,BAR MED PAR RIGS GCIG PA'I RDUL DU MA 'DZIN PA NA RAGS PA GONG BU GCIG TU 'KHRUL PA DANG BAR MED PAR DU MA MYONG BA'I BDAG NYID SNGON PO LA SOGS PA RIG PA LA GCIG TU 'KHRUL ZHES BYA BA 'DI LA BYE BRAG CI YOD DE, SNGON PO LA SOGS PA BAR MED PAR SNANG BA DE NYID KHA CIG NI RDUL PHRA RAB KYI BDAG NYID DU KHAS LEN, GZHAN NI RIG PA'I NGO BO ZHES ZER BA SKYON MTSUNGS PA NYID LAS MI 'DA'O, ,GANG DU NOR BU GZI BZHIN DU RNAM PAR SHES PA GCIG KHO NAS SNA TSOGS KYI NGO BO BLANGS SO ZHES BYA BA DE DAG GI LUGS LA DOGS PA BRJOD PA, GAL TE SNA TSOGS DE GCIG NA, ,NAM MKHA'I GOS CAN LUS SAM CI, ,'DI NI NAM MKHA'I @66B GOS 'CHANG BA'I LTA BA, DU MA'I NGO BO DNGOS PO LA, ,BRJOD PAR 'DOD PAS NGO BOR 'DOD, ,CIG CA'AM RIM GYIS TSUL GNYIS LAS, ,TSIG GI BYA BA GZHAN MED DO, ,ZHES BYA BA LA DE LA BRTEN TAM DE LTA'O ZHE NA, DE YANG RIGS PA MA YIN TE, ,SNA TSOGS GCIG PA'I RANG BZHIN MIN, ,RIN CHEN SNA TSOGS LA SOGS 'DRA, ,SNA TSOGS ZHES BYA BA NI RNAM PA THA DAD PA LA BYA STE, DE NI YANG DAG PAR NA GCIG GI RANG BZHIN DANG 'GAL LO, ,RNAM PA DE DAG JI SNYED PAR RANG BZHIN YANG DE SNYED DE, RANG BZHIN THA DAD PA'I MTSAN NYID NI DNGOS PO THA DAD PA'O, ,GZHAN YANG, SNA TSOGS GCIG PU'I RANG BZHIN NA, ,SNA TSOGS NGO BOR SNANG BA DANG, ,BSGRIBS DANG MA BSGRIBS LA SOGS PA, ,THA DAD 'DI NI JI LTAR 'GYUR, ,RIN PO CHE GZI LA SOGS PA LA SNA TSOGS KYI NGO BO GCIG PU'I BDAG NYID DU GYUR NA RNAM PA THA DAD PA'I RNAM PA SNANG BA DANG 'GAL LO, ,DE NI, RNAM PA THA DAD PA'I BDAG NYID DU 'KHRUL PA MED DE, RIN PO CHE'I RNAM PA THA DAD PA DANG MTSUNGS SO, ,THA DAD PA MED PA'I PHYIR GCIG BSGRIBS PAS THAMS CAD BSGRIBS PAR YANG 'GYUR RO, ,DE BZHIN DU GCIG RTOGS PAS THAMS CAD RTOGS PA LA SOGS PAR 'GYUR RO, ,JI STE NGO BO NYID DU DE'I, ,RNAM PA 'DI DAG MED PA STE,, YANG DAG TU NA RNAM MED PA'I, ,RNAM PAR SHES PAS NOR PAS SNANG, ,RNAM PAR SHES PA DE NI DON DAM PAR NA SHEL SGONG DAG PA LTA BU STE, SNGON PO LA SOGS PA'I RNAM PA'I BYE BRAG TU GYUR PA MA YIN NA, DE LTA BU DE LA YANG THOG MA MED PA'I DUS KYI PHYIN CI LOG GI BAG CHAGS SMIN PA'I MTHUS RNAM PA RNAMS SNANG STE SNGAGS LA SOGS PAS DKRUGS PA'I MIG CAN RNAMS LA 'JIM PA'I DUM BU LA SOGS PA RTA DANG GLANG PO CHE LA SOGS PAR SNANG BA BZHIN NO ZHE'O, ,GAL TE MED NA JI LTA BUR, ,DE DAG 'DI LTAR GSAL BAR TSOR, ,DE YI DNGOS LAS THA DAD PA'I, ,SHES PA DE 'DRA MA YIN NO, ,DE KHO NA NYID DU DE DAG MED KYANG SHIN TU GSAL BAR SHES PAR MI 'THAD PA CI YOD CE NA, SMRAS PA, 'DI LTAR GANG LA DNGOS GANG MED, ,DE LA DE SHES YOD MA YIN, ,BDE BA MIN LA BDE SOGS DANG, ,DKAR BA RNAMS LA'ANG MI DKAR BZHIN, ,'DI LA BSGRUB PAR BYA BA'I CHOS @67A *, ,LAS BZLOG PA DANG SGRUB PA'I CHOS 'GAL BA CI ZHIG YOD NA, 'DI LTAR MI MTHUN PA'I PHYOGS LAS LDOG PA LA SOM NYI'I SKABS MED PAR 'GYUR RO ZHE NA SMRAS PA, RNAM PA 'DI LA SHES PA'I DON, ,DNGOS SU 'THAD PA MA YIN TE, ,SHES PA'I BDAG DANG BRAL BA'I PHYIR, , NAM MKHA'I ME TOG LA SOGS BZHIN, ,GANG RNAM PAR SHES PA BEMS PO'I NGO BO MA YIN PA'I RANG BZHIN DU GNAS PA GANG YIN PA NI BTAGS PA MA YIN PAR RIG PA'I TSIG GI DON YIN NA, NAM MKHA'I ME TOG LTA BU SNGON PO LA SOGS PA'I RNAM PA DE LTA BU NI RNAM PAR SHES PA'I NGO BO DANG BRAL BA'I PHYIR MI SRID DO, ,MED PA NUS PA MED PAS NA, ,GDAGS PA'ANG MI RUNG RTA RU BZHIN, ,BDAG SNANG SHES PA MI SKYED LA, ,NUS PA RUNG BA MA YIN NO, ,RANG SNANG BA'I RNAM PAR SHES PA BSKYED PA'I MTHU MED PA'I RNAM PA LA NI GDAGS PA TZAM DU YANG RIG PA'I DON MI SRID PA NYID DO, ,RTA RU MED PA NI RANG SNANG BA'I SHES PA BSKYED PAR MI 'GYUR TE RIG PA GDAGS PA'I RGYUR MI 'GYUR RO, ,'DI GZHAN DU YANG 'DIR DPYAD PAR BYA STE RNAM PA DE, GANG PHYIR DE YOD NGES TSOR BA, ,SHES DANG 'BREL PA CI ZHIG YOD, ,BDAG MED DE YI BDAG NYID DANG, ,DE LAS BYUNG BA MA YIN NO, ,DE NI SHES PA'I BDAG NYID MA YIN TE, SHES PA BZHIN DU YOD PA'I SKYON DU 'GYUR BA'AM RNAM PA BZHIN DU RNAM PAR SHES PA YANG MED PA'I SKYON DU 'GYUR BA'I PHYIR RO, ,MED PA'I NGO BO DE SHES PA LAS BYUNG BA YANG MA YIN TE, BSKYED PAR BYA BA'I NGO BO NYID MED PA'I PHYIR RO, ,DE LAS BYUNG NA YANG SNGA PHYI YOD PAS CIG CAR DU RIG PA MED PA'I SKYON DU 'GYUR TE 'DI NI RE ZHIG 'DIR BTANG SNYOMS SU BOR RO, ,SHES PA DANG DUS MNYAM DU DMIGS PA'I RNAM PA, RGYU MED NA NI GANG ZHIG GIS, ,RES 'GA' 'BYUNG BA 'DI RUNG 'GYUR, ,RGYU DANG LDAN NA GANG ZHIG GIS, ,GZHAN GYI DBANG LAS BZLOG PAR 'GYUR, ,RNAM PA NI MED PA NYID KYI PHYIR RGYU MED PA NYID DO, ,RGYU MED NA RES 'GA' 'BYUNG BAR MI SRID DE, LTOS PA MED PA'I PHYIR RO, ,CI STE NYES PA 'DI 'BYUNG DU 'ONG ZHES RGYU DANG LDAN PAR KHAS LEN NA GAL TE DE LTA NA YOD PAR KHAS BLANGS MA THAG PA MED NA MI 'BYUNG BA'I GZHAN GYI DBANG NYID DU DE 'GYUR BA LA JI LTAR LAN @67B GDAB PAR NUS, RTEN CING 'BREL PAR 'BYUNG BA LAS GZHAN GYI DBANG DU NI GUD NA MED DO, ,RKYEN LAS BYUNG BA'I RANG BZHIN LAS KYANG YOD PA GZHAN MA YIN NO, ,RNAM PA MED PAR KHAS LEN NA NYES PA GZHAN YANG SMRAS PA, DE MED NA NI SHES DE YANG, ,RNAM PA MED PA NYID KYIS 'GYUR, ,SHEL SGONG DAG PA 'DRA BA YI, ,SHES PA RAB TU TSOR BA MED, ,MIG LA SOGS PA'I RNAM PAR SHES PA'I RANG BZHIN SNGON PO LA SOGS PA'I RNAM PA DANG BRAL BA NYE BAR BZHAG PAS KHA SGYUR BA MED PA'I SHEL SGONG LTA BU NI MI DMIGS SO, ,NANG DANG PHYI ROL DU GYUR BA'I RNAM PA MED NA STOBS KYIS 'DI 'BA' ZHIG DMIGS PAR 'GYUR RO, ,SMIG RGYU LA SOGS PAS NGES PA MA YIN PAR YANG MI 'GYUR TE, BRGAL ZHING BRTAG PA MTHUN PA'I PHYIR RO, ,'DI NI 'KHRUL PAS SHES SHE NA, ,DE CI 'KHRUL LA RAG LAS SAM, ,DE YI MTHU YIS BYUNG NA NI, ,DE YANG GZHAN GYI DBANG NYID DO, ,DPER NA MIG SER GYI NAD KYIS BTAB PA'I MIG CAN GYIS MED BZHIN DU DUNG LA GSER GYI RNAM PA LTA BUR RIG PA DE BZHIN DU 'KHRUL PA'I BAG CHAGS KYI DBANG GIS MED KYANG SER PO LA SOGS PA'I RNAM PA BDEN PAR MNGON PAR 'DOD CE'O, ,'DIR YANG 'DI 'KHRUL PA'I BAG CHAGS LA RAG LAS PA YIN NO,, CI ZHES BSAM PAR BYA'O, ,DE LAS BYUNG BA'I MTSAN NYID KYIS 'BREL PA YIN NA NI DE NYID RTEN CING 'BREL PAR 'BYUNG BA'I PHYIR GZHAN GYI DBANG DU 'GYUR RO, ,BAG CHAGS KYI 'BRAS BU'I BDAG NYID 'KHRUL PA LA DE'I BDAG NYID KYI MTSAN NYID KYIS 'BREL PA YIN NA NI 'KHRUL PA BZHIN DU GZHAN GYI DBANG NYID DU 'GYUR BA BZLOG PAR DKA' BAR 'GYUR RO, ,'DIS NI, DPER NA THAG RING MYA DMAN, ,CHUNG DU CHEN POR SNANG BA BZHIN, ,ZHES BYA BA LA SOGS PAS PHYI ROL GYI DON LA MNGON PAR ZHEN PAS DBANG MED PAR GYUR PA'I BLO CAN LA RNAM PA MED KYANG SNANG NGO ZHES SMRAS PA'I LAN KYANG BTAB ZIN TO, ,DE BAS NA DNGOS DANG CIG SHOS KYIS RIG PA'I DON MA GRUB PA DANG 'KHRUL PA'I BAG CHAGS LA SNGON PO LA SOGS PA'I RNAM PA MED PA'I 'BREL PA MA GRUB PAS KHA CIG NA RE, RNAM SHES RIG PA TZAM NYID DE, ,BAG CHAGS NYES PAS DKRUGS PAS NA, ,SNGON PO LA SOGS TSOR @68A *, ,BA YI, ,RNAM PA 'BA' ZHIG 'BYUNG BAR 'GYUR, ,DE NI SNGO SOGS RTOGS PA STE, ,SNGO LA SOGS PA'I MTSAN NYID MIN, ,DE YI 'JUG PA RMONGS PA'I BDAG ,PHYI ROL SNGO LA SOGS PA'I SEMS, ,ZHES SMRA BA DE DAG GI LEN YANG BTAB ZIN TO, ,DE BAS NA SNGON PO LA SOGS PA'I RNAM PA NI 'KHRUL PA DANG DE'I BAG CHAGS DANG YANG 'BREL PAR MA GRUB PAS, DE LOG STE SHIN TU RNAM PAR DAG PA'I DUS NA YANG RNAM PA THAMS CAD LDOG PAR MI RIGS TE, 'BREL PA MED NA GCIG LOG PAS GZHAN YANG LDOG PAR NGES PA MED DE, BA LANG DANG RTA LA SOGS PA BZHIN NO, ,DPER NA DNGOS PO GANG DANG GANG DPYAD PA, ,DE DANG DE LA GCIG NYID MED, ,GANG LA GCIG NYID YOD MIN PA, ,DE LA DU MA NYID KYANG MED, ,PHA ROL DANG BDAG GI LTA BA'I RJES SU 'BRANG BA DAG GIS KHAS BLANGS PA RTAG PA DANG, MI RTAG PA DANG, KHYAB PA DANG, CIG SHOS DANG, RDUL DANG, RAGS PA DANG; SHES BYA DANG, SHES PA LA SOGS PA SO SOR THA DAD PA'I DNGOS PO GANG LA GCIG PUR BRTAGS NA DE LA DE LTAR BRTAGS PA DE'I TSE, BRTAG PA'I KHUR LCI BA BZOD PA PHRA RAB TZAM YANG MED DO, ,GANG GCIG PA'I RANG BZHIN DU MI 'THAD PA DE DU MA'I BDAG NYID DU KHAS BLANGS PA NI RIGS PA MA YIN PA NYID DE, 'DI LTAR DU MA NI GCIG BSAGS PA'I MTSAN NYID DO, ,GCIG MED NA DE YANG MED DE, SHING LA SOGS PA MED NA NAGS TSAL LA SOGS PA MED PA BZHIN NO, ,DE'I PHYIR, DNGOS PO GANG DANG GANG BRTAGS PA, ,DE DANG DE LA GCIG PA MED, ,GANG LA GCIG PA YOD MIN PA,, DE LA DU MA'ANG MED PA YIN, ,ZHES GSUNGS SO, ,MDO DE NYID LAS KYANG, BLO YIS RNAM PAR GZHIGS NA NI, ,NGO BO NYID NI GZUNG DU MED, ,DE PHYIR DE DAG BRJOD MED DANG, ,NGO BO NYID KYANG MED PAR BSHAD, ,BLO YIS RNAM PAR GZHIGS NA NI, ,GZHAN DBANG MED CING BRTAGS PA MED, , GRUB PA'I DNGOS PO YOD MED NA, ,BLO YIS JI LTAR RNAM PAR BRTAGS, ,RANG BZHIN MED CING RNAM RIG MED, ,DNGOS PO MED CING KUN GZHI MED, ,RO MTSUNGS BYAS PA'I RTOG GE PA, ,NGAN PA RNAMS KYIS 'DI DAG BRTAGS, ,MTSAN MA DNGOS PO RNAM RIG DANG, ,YID KYI G-YO BA GANG @68B YIN LAS, ,DA YI SRAS RNAMS RAB 'DAS NAS, ,DE DAG RNAM PAR MI RTOG SPYOD, ,CES GSUNGS SO, ,DE BAS NA BLO GROS DKAR PO RNAMS KYIS DON 'DI DE DANG DER SMOS TE, GANG GIS DNGOS RNAMS NGES BRTAGS NAS, ,YANG DAG TU NA DNGOS DE MED, ,'DI LTAR DE DAG GCIG PU DANG, ,DU MA'I RANG BZHIN YOD MA YIN, ,SNA TSOGS DNGOS PO DON RNAMS LA, ,GAL TE GCIG NYID MA RIGS NA, ,DE BLO SNA TSOGS SNANG BA YANG, ,JI LTA BUR NA GCIG PUR 'GYUR, ,JI LTA JI LTAR DON BSAMS PA, ,DE LTA DE LTAR RNAM PAR 'BRAL, ,DE BAS MTSAN NYID STONG PA'I PHYIR, ,RANG BZHIN MED PAR RAB BSHAD CES, ,MKHAS PA RNAMS KYIS GANG GSUNGS PA, ,DE NI GSAL BAR 'OS PA YIN, ,ZHE'O, DE LTAR RIGS PA DANG LUNG DANG LDAN PA'I SHES RAB KYIS BRTAGS NA, DNGOS PO MA LUS PA BRGYA TSAL DU GZHIGS TE GCIG PA DANG DU MA'I RANG BZHIN DANG BRAL BA'I GTAN TSIGS GRUB PO, ,GTAN TSIGS GRUB TU ZIN KYANG CHOS GNYIS KA DANG LDAN PA'I DPE MA GRUB PA MA YIN NAM, JI LTA ZHE NA, ME LONG GI NGOS LA MIG GI 'OD ZER PHOG NAS SLAR LOG PAS RANG GI BZHIN LA SOGS PA DE LTAR DMIGS PA'I PHYIR RO, ,YANG NA ME LONG LA SOGS PA'I NANG DU SHIN TU DANG BA'I GZUGS GZHAN ZHIG 'BYUNG BA'I PHYIR RO, ,YANG NA DNGOS PO'I NUS PA BSAM GYIS MI KHYAB PA'I MTHUS DE LTAR SNANG BA'I RNAM PAR SHES PA TZAM 'BYUNG BA'I PHYIR RO, ,GAL TE DE LTA NA YANG DE MA LUS PAR DPYAD ZIN PAS YANG DBYUNG BA MI RIGS SO, ,GZHAN YANG GAL TE ME LONG GI NGOS LA SOGS PA LA MIG GI 'OD ZER PHOG NAS SLAR LOG PA RANG GI BZHIN LA SOGS PA DANG 'BREL PA DE 'DZIN PA'I RGYUR 'GYUR NA, DE LTA NA ME LONG GI NGOS BYANG PHYOGS SU BLTAS NA GZUGS BRNYAN LHO PHYOGS SU BLTAS PA MTHONG BA DANG, ME LONG GI NGOS CHUNG DU LA RANG GI BZHIN CHEN PO'I GZUGS BRNYAN CHUNG NGUR SNANG BA YANG MI RIGS PA DANG, ME LONG GI NGOS KYI NANG DU SONG BAR SNANG BA YANG MI RIGS PA DANG, CHU DANGS PA'I MTSO DE'I 'GRAM NA 'DUG PA'I RI DANG SHING GI RTZE MO DANG YAL GA GYEN DU BLTAS PA MANG PO'I GZUGS BRNYAN YAL GA DANG RTZE MO THUR DU BLTAS PAR DMIGS PAR YANG MI 'GYUR TE, DE BAS NA GZUGS BRNYAN SHES PA DE DANG @69A *, ,MI 'DRA BAR SNANG BA'I PHYIR RANG GI BZHIN LA SOGS PA 'DZIN PA MA YIN TE, SGRA LA SOGS PA'I SHES PA BZHIN DU RJES SU DPAG PAR NUS SO, ,GZUGS GZHAN 'BYUNG BA YANG RIGS PA MA YIN PA NYID DE, GZUGS RNAMS LHAN CIG MI GNAS PA'I PHYIR TE GZUGS BRNYAN RNAMS NI ME LONG GI NGOS KYI PHYOGS DE NYID NA DMIGS LA, LUS CAN GYI DNGOS PO RNAMS NI PHYOGS MTSUNGS PAR NAM YANG MI 'GYUR TE, DE DAG GCIG PU'I BDAG NYID DU 'GYUR BA'I PHYIR RO, ,DER SNANG BA'I SHES PA TZAM 'BYUNG BAR ZAD DE, BYE BRAG MED NA DE LHAG MA RNAMS KYANG CI'I PHYIR MI 'DOD; 'DI LTAR RDUL PHRA RAB RNAMS DANG YAN LAG CAN RNAMS MI RIGS PA DANG, GZUNG BA'I MTSAN NYID DANG 'GAL BAR THAMS CAD NYE BAR SBYAR BAS KHYAB PA GRUB PA'I PHYIR RO, ,'DIS SGYU MA DANG, RMI LAM DANG, SMIG RGYU DANG, DRI ZA'I GONG KHYER DANG, MGAL ME'I 'KHOR LO LA SOGS PA'I DPE YANG BSHAD DO, ,DE LA YANG 'JIM PA'I DUM BU LA SOGS PA YOD DU ZIN KYANG, DE SGYU MA LA SOGS PAR MI BRJOD DE, GANG GLANG PO CHE LA SOGS PA DE LTAR DMIGS PA DE NYID DE LTAR DPE BYED KYI, 'JIM PA'I DUM BU LA SOGS PA NI DE LTAR DMIGS PA MA YIN NO, ,SHES PA RNAM PA DANG BCAS PA DANG, RNAM PA MED PA'I PHYOGS GNYI GA LA YANG GANG GI NGO BOR SNANG BA DANG, RIG PA DE NYID DMIGS PA YIN GYI RGYU TZAM NI MA YIN TE, MIG LA SOGS PA LA YANG THAL BAR 'GYUR BA'I PHYIR RO, ,DE BAS NA, SKYE BA DE DANG GZHAN DANG NI, ,DUS DE DANG NI DUS GZHAN NA, , THAMS CAD DU NI PHYI ROL DMIGS, ,YUL DANG DUS GZHAN BDAG NYID DO, ,RMI LAM SHES PA'I SPYOD YUL NI, ,YUL DE DANG NI YUL GZHAN NO, ,MGAL ME'I 'KHOR LO 'GAL BA NI, ,MYUR DU BSKOR BAR BYAS PA YIN, ,DRI ZA'I GRONG KHYER SPRIN RNAMS DANG, ,SNGON SHES KHYIM LA SOGS PA YIN; ,SMIG RGYU CHU YI RNAM SHES LA, ,DGON DUNG 'OD ZER GDUNGS DE BZHIN, ,ZHES BYA BA DE GNAS MED DO, ,DE DAG RGYU NYID DU YOD KYANG DMIGS PA NYID DU MI RIGS TE, RGYU'I DON KYANG GZHAN DMIGS PA'I DON KYANG GZHAN TE, BSHAD MA THAG PAS RGYA CHER NI MI DGOS SO, ,'DI PHYOGS @69B DANG MTHUN PA'I PHYOGS LA YOD PAR GYUR DU ZIN KYANG MI MTHUN PA'I PHYOGS LAS LDOG PAR JI LTAR NGES TE, GANG GIS NA LDOG PA LA THE TSOM GYI SKYON DU MI 'GYUR SNYAM PA'I RE BA 'DI NI BRDZUN PA'O, ,DE BAS NA 'DI BRJOD DE, GCIG DANG DU MA MA GTOGS PAR, ,RNAM PA GZHAN DANG LDAN PA YI, ,DNGOS PO MI RUNG 'DI GNYIS NI, ,PHAN TSUN SPANGS TE GNAS PHYIR RO, ,GCIG PU'I BDAG NYID DANG, DU MA'I BDAG NYID NI PHAN TSUN SPANGS TE GNAS PA'I MTSAN NYID YIN PAS PHUNG PO GZHAN SEL TO, ,DE BAS NA RNAM PA GZHAN DU GZHAG PA'I DNGOS PO MED PA'I PHYIR 'DI LA LDOG PA MI LDOG PA MED DO, ,GTAN TSIGS 'DI LA NI DAM BCAS PA'I DON GYI PHYOGS GCIG PA YANG MED DE, GRUB PA'I YUL GYIS YUL CAN SHES PA DANG, SGRA DANG THA SNYAD RNAMS GRUB PA'I PHYIR TE, DPER NA 'DI NI BA GLANG STE LKOG SHAL LA SOGS PA 'DUS PA'I BDAG NYID KYI PHYIR RO ZHES BYA BA DANG 'DRA BAR JI SKAD SMRAS PA'I 'THAD PA RNAMS KYIS, GCIG DANG DU MA'I RANG BZHIN DANG BRAL BAR BSTAN DU ZIN KYANG, GANG DAG THOG MA MED PA'I 'KHOR BA NAS PHYIN CI LOG GCIG NAS GCIG TU BRGYUD DE, DNGOS PO LA MNGON PAR ZHEN PAS YONGS SU 'PHEL BA SPANG BAR DKA' BA DANG, TSUL BZHIN YID LA BYED PAS GOMS PAR BYED PA'I PHYIR SPANG DKA' BAS YANG DAG PAR NA DNGOS PO MTHA' DAG LA KHYAB PA'I RANG BZHIN MED PA NGES PAR MI SEMS MI BRJOD CING, GZHAN DAG LA YANG NGES PAR BSKYED PAR 'DOD PAS THA SNYAD 'DOGS PAR MI BYED PA 'DI DE LTAR SHES PA DANG SGRA DANG THA SNYAD KYI YUL NYID DU BSGRUB STE, DMIGS SU YOD PA'I MTSAN NYID DU GYUR PA LAS MI DMIGS PAS MED CES BYA BA LTA BU'O, ,'DI THAMS CAD NI BCOM LDAN 'DAS NYID KYIS KYANG GSUNGS TE, YAB DANG SRAS MJAL BA'I MDO LAS KYANG, 'DI SKAD DU, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS 'DI SHES PAR GYIS, ,NGA YIS RANG BZHIN STONG PA ZHES, ,GANG BSHAD STONG PAR LTA BAR GYIS, ,BYIS PA LOG PA'I BLO CAN RNAMS, ,RANG BZHIN STONG PAR MI SHES PA, ,DE DAG RNAMS LA BSTAN PA'I PHYIR, ,RANG BZHIN STONG ZHES BDE GSHEGS STON, ,KUN @70A *, ,TU RTOG PA'I RTOG PAS BSKYED, ,YANG DAG MA YIN RTOG PAS BCINGS, ,ZHES GSUNGS PA LTA BU'O, ,LANG KAR GSHEGS PA'I MDO LAS KYANG, GCIG DANG GZHAN NYID SPANGS PA YI, ,GZUGS NI JI LTAR ME LONG LA, ,SNANG YANG DE NA YOD MA YIN, ,DE BZHIN DNGOS PO'I NGO BO NYID; ,CES BSTAN TO, ,GANG GI PHYIR DE DE LTAR GYUR PA, DE PHYIR DNGOS PO 'DI DAG NI, ,KUN RDZOB KHO NA'I MTSAN NYID 'DZIN, ,GAL TE 'DI DAG DON 'DOD NA, ,DE LA KHO BOS CI ZHIG BYA, ,JI SKAD BSHAD PA'I RIGS PA DAG GIS, DNGOS PO THAMS CAD NI BRTAG MI BZOD PA'I PHYIR MA BRTAGS NA NYAMS DGA' BA KHO NA'I BDAG NYID KYI NGO BO 'DZIN TE, SGYU MA'I GLANG PO CHE DANG RTA DANG MI LA SOGS PA BZHIN NO, ,GAL TE RNAM PA DE LTAR GZHAN GYIS MA BCOS PA'I DNGOS PO THAMS CAD NGO BO NGES PAR 'DZIN PAR 'DOD NA DE LA KHO BOS DGAG TU CI YOD, DE DAG GIS DNGOS PO'I NGO BO 'DI BDAG NYID KYIS RANG GIR BYAS KYI, 'DI NI SU DAG GIS KYANG LCAGS KYU MED PA'I 'DOD PAS 'DI DAG LA GZHAG PA MED DO, ,JI LTAR GNAS PA'I DNGOS PO'I DE KHO NA LA MKHAS PA'I DE BZHIN GSHEGS PA RNAMS KYIS DE DANG DE DAG TU RAB TU BSHAD DE, CHOS THAMS CAD YANG DAG PAR SDUD PA LAS JI SKAD DU, ,BYANG CHUB SEMS DPA' DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS THA SNYAD DU STON PA RNAM PA BCUR KHONG DU CHUD PAR BYA STE, BCU GANG ZHE NA, 'DI LTA STE PHUNG PO STON PA DANG, KHAMS STON PA DANG, SKYE MCHED STON PA DANG, SEMS CAN STON PA DANG, LAS STON PA DANG, SKYE BA STON PA DANG, RGA BA STON PA DANG, 'CHI BA STON PA DANG, 'CHI BA'I NYING MTSAMS SBYOR PA STON PA DANG, DE RAB TU ZHI BAR 'GYUR BA'I MYA NGAN LAS 'DAS PA STON PA ZHES GSUNGS PA LTA BU'O, ,DE BAS NA DKON MCHOG SPRIN LAS KYANG, RIGS KYI BU CHOS BCU DANG LDAN NA, BYANG CHUB SEMS DPA' KUN RDZOB LA MKHAS PA RNAMS YIN NO, ,BCU GANG ZHE NA, 'DI LTA STE, GZUGS SU YANG 'DOGS LA, DON DAM PAR GZUGS SU YANG MI DMIGS SHING MNGON PAR ZHEN PA MED DO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA ZHES RGYA CHER GSUNGS SO, , @70B DE BAS NA 'PHAGS PA BLO GROS MI ZAD PAS BSTAN PA LAS KYANG, TSUL BZHIN ZHES BYA BA NI CHOS THAMS CAD BDAG MED PA STE, DE BZHIN DU CHOS THAMS CAD RIGS PAS MTHONG BA'O, ,CI LTAR SEMS CAN BDAG MED PA DE BZHIN DU CHOS THAMS CAD RIGS PAS MTHONG BA'O ZHES BYA BA GSUNGS SO, , RGYAL BA BSKYED PA LAS KYANG RGYAL BAS JI SKAD DU, MTSAN NYID STONG PA NYID KYI PHYIR RNAM PAR SHES PA'I BAR DU RNAM PAR SHES PA'I NGO BO NYID KYIS STONG NGO ZHES GSUNGS PA LTA BU'O, ,GAL TE 'DI NI BRTAGS PA'I NGO BO NYID KYIS STONG PA NYID DO ZHES GSUNGS SO ZHE NA, DE BDEN TE YANG DAG PAR RANG BZHIN DANG BCAS PA YANG YOD DO ZHES BYA BA DE YANG BRTAGS PA'I NGO BO NYID KHO NA'O, ,GZHAN GYI DBANG GI NGO BO YANG DAG PAR YOD PA NYID DU GRUB NA NI GNYIS LA SOGS PA BRTAGS PA'O ZHES BYA BA DE GRUB NA SNGAR SMOS PA'I TSAD MA'I GNOD PA YOD PAS DE NI MA GRUB BO, ,GLANG PO CHE'I RTZAL GYI MDO LAS KYANG, SH'A RI'I BU 'DI JI SNYAM DU SEMS, GANG CHOS RNAMS KYI NGO BO NYID SHES PA DE YOD PA YIN NAM, 'ON TE MED PA YIN, GSOL PA, BCOM LDAN 'DAS GANG CHOS THAMS CAD KYI NGO BO NYID 'TSAL BA DE NI SGYU MA'I NGO BO NYID 'CHAL BA STE, BCOM LDAN 'DAS DE NI MA MCHIS SHING, MCHIS PA MA LAGS SO, ,DE CI'I SLAD DU ZHE NA, BCOM LDAN 'DAS KYIS CHOS THAMS CAD NI SGYU MA'I NGO BO NYID DO ZHES BSTAN PA'I SLAD DU STE, SGYU MA LTA BU GANG LAGS PA DE NI MA MCHIS PA'O, ,'DI LTA STE, CHOS THAMS CAD KYI NGO BO NYID 'TSAL BA DE NI 'TSAL BA MA MCHIS PA'O, ,DE CI'I SLAD DU ZHE NA, 'DI LA GANG YANG YANG DAG PAR CHOS GANG YANG MI DMIGS PA'I SLAD DU'O ZHES BYA BA LA SOGS PA GSUNGS SO, ,'O NA CI STE KUN RDZOB KYI NGO BO 'DI GAL TE CI DNGOS PO MED PA YIN NAM, 'DI DNGOS PO MED PA YIN NA NI MTHONG BA DANG 'DOD PA'I DON BYED PA DANG 'GAL LO ZHE NA, DE NI DE LTA MA YIN PAR BSTAN PA, MA BRTAGS GCIG BU'I NYAMS DGA' ZHING, ,SKYE DANG 'JIG PA'I CHOS CAN PA, ,DON BYED PA DAG NUS RNAMS KYIS, ,RANG BZHIN KUN RDZOB PA YIN RTOGS, ,KUN RDZOB NI SGRA'I THA SNYAD TZAM GYIS BDAG NYID MA YIN GYI, MTHONG BA DANG 'DOD PA'I DNGOS PO RTEN CING 'BREL PAR 'BYUNG BA RNAMS NI BRTAG MI BZOD PAS @71A *, ,YANG DAG PA'I KUN RDZOB STE, GDAGS PA ZHES BYA BA LA SOGS PA THA SNYAD DE LTA BUR BYAS PA'I BRDA DAG GIS THA SNYAD 'DOGS PAR BYED PA NA DE'I PHYIR DON BYED PA DANG CI'I PHYIR 'GAL TE, 'DI SKAD DU, RTEN CING 'BREL PAR GANG 'BYUNG BA, ,DE NI STONG PA NYID DU BSHAD, , DE NI RGYUR BYAS GDAGS PA STE, ,DE NYID DBU MA'I LAM YIN NO, ,ZHES GSUNGS PA LTA BU'O, ,'PHAGS PA BLO GROS MI ZAD PAS BSTAN PA LAS, DE LA KUN RDZOB KYI BDEN PA GANG ZHE NA, 'JIG RTEN GYI THA SNYAD JI SNYED PA DANG, YI GE DANG SKAD DANG BRDA BSTAN PA DAG GO, ,DON DAM PA'I BDEN PA NI GANG LA SEMS KYI RGYU BA YANG MED NA YI GE RNAMS LTA CI SMOS ZHES GANG GSUNGS PA DE LA DON NI 'DI YIN TE, SEMS CAN DANG SNOD KYI BDAG NYID KYI 'JIG RTEN MYONG BAR BYA BA DANG, MYONG BA'I NGO BO'I TSUL 'DIR 'JIG RTEN GYI THA SNYAD DU DGONGS PA STE, BYED PA'I SGRUB PA YONGS SU BZUNG BA'I PHYIR RO, ,BRJOD PA'I NGO BO NI MA YIN TE, DE NI YI GE LA SOGS PAS BRJOD PA'I PHYIR RO, ,JI SNYED PA ZHES BYA BA NI MA LUS PA'I DON YIN PAR BSTAN TE, DE'I PHYIR RNAM PAR MI RTOG PA'I SHES PAS RTOGS PA'I BDAG NYID GZUGS LA SOGS PA DANG, BDE BA LA SOGS PA NI KUN RDZOB KYI BDEN PA NYID LAS MI 'DA'O, ,DE'I RJES SU 'BREL PA'I PHYIR YI GE LA SOGS PA YANG SBYAR RO, ,DE'I PHYIR LUNG LAS BYUNG BA DANG, 'JIG RTEN PA YANG BSDU STE, DE NI YID KYI DANG NGAG GI'O, ,DPER NA YID KYIS BRGYA BYIN LA CHOS MNGON PAR BSHAD PA DANG, YID KYIS TSIGS SU BCAD PA'I LAN BTAB PAR DE DANG DE DAG NAS 'BYUNG BA LTA BU'O, ,DE BAS NA SPROS PA'I TSOGS THAMS CAD DANG BRAL BA'I DON DAM PA'I BDEN PA LA NI SEMS RGYU BA YANG MED PAR BSTAN TO, ,KUN RDZOB 'DI NI RGYU MED PAR MI RUNG STE, SHING RTA DANG SEMS CAN LA SOGS PA BTAGS PA BZHIN MA YIN NAM, SKYOB PAS KYANG, , DPER NA YAN LAG TSOGS RNAMS LA, ,SHING RTA ZHES NI BYA BAR 'DOD, ,DE BZHIN PHUNG PO RGYUR BYAS NAS, ,KUN RDZOB TU NI SEMS CAN BRJOD, ,CES GSUNGS SO, ,GAL TE DE LTA NA 'DI LA YANG, BRTAG PA MA BYAS NYAMS DGA' BA'ANG, ,BDAG RGYU SNGA MA SNGA MA LA, ,BRTEN NAS PHYI MA PHYI MA YI, , @71B 'BRAS BU DE 'DRA 'BYUNG BA YIN, ,DE PHYIR KUN RDZOB RGYU MED NA, ,RUNG MIN ZHES PA'ANG LEGS MA YIN, ,GAL TE 'DI YI NYER LEN PA, ,YANG DAG YIN NA DE SMROS SHIG ,DE NI BSHAD ZIN TE, BRTAG MI BZOD LA DON BYED NUS PA'I DNGOS PO NYID NI YANG DAG PA'I KUN RDZOB CES BYA STE, GANG ZAG LA SOGS PA LTAR SGRA TZAM NI MA YIN NO ZHES BYA BA'O, ,DE LTA BU DE LA YANG BRJOD PA'I TSUL GYIS BRTAGS PAS DPYAD MI BZOD PA'I RANG GI RGYU LA BRTEN NAS 'BYUNG NA RGYU MED PAR JI LTAR 'GYUR, SHES RAB DANG YE SHES KYIS DPYAD NA GANG GI RGYU'I RANG BZHIN YOD PA DE BLO GROS DANG LDAN PAS SMROS SHIG , SHING RTA LA SOGS PA YANG CHOS NYID 'DI LAS MI 'DA' BA NYID DO ZHES THAMS CAD DANG NYE BAR SBYAR BAR BSHAD ZIN TO, ,'DIR YANG GSUNGS PA, YI GE GCIG SDAGS GANG YANG MED, ,YI GE MANG PO GZHAN YANG MED, ,YI GE 'GAGS PA RNAMS MIN LA, ,BRTEN NAS DE NI MED PA YIN, ,DE BZHIN RANG GI YAN LAG LAS, ,SMAN NI GUD NA MI SNANG NGO, ,SGYU MA'I GLANG PO SNANG BA DE, ,DE DAG LAS MIN GZHAN YANG MIN, ,RTEN CING 'BREL PAR 'BYUNG BA DE, ,YOD DAM MED PAR SU ZHIG 'DOD, ,DE LA DMIGS PAR BYED PA YI, ,MIG GI RNAM SHES BYUNG BA LTAR, ,LAS DANG NYON MONGS DBANG 'PHAGS PA, ,LEN BCAS SRID LAS 'BYUNG BA DANG, ,DE BZHIN DU NI GZUGS 'BYUNG BA, ,YOD DAM MED PAR SU ZHIG 'DOD, ,DE LTAR SRID PA'I YAN LAG KUN, ,THA SNYAD KYIS NI GDAGS PA STE, ,'DI LTAR 'GOG LA SOGS PA YI, ,CHOS KUN DGONGS TE GSUNGS PA YIN, ,JI LTAR SNGAGS DE SNGAGS MIN DANG, ,JI LTAR SMAN YANG SMAN MIN LA, ,DE LTAR BRTEN NAS GSUNGS PA STE, ,GNYIS KA 'GRUB PAR 'GYUR MA YIN, ,CHOS THAMS CAD RANG BZHIN MED PA YIN DU ZIN NA, 'JIG RTEN MTHA' DAG NAM MKHA'I ME TOG BZHIN DU 'GYUR TE, DE'I PHYIR MTHONG BA DANG, THOS PA DANG, BYE BRAG PHYED PA DANG, RNAM PAR SHES PA LA SOGS PA MED PAS 'PHAGS PA DANG 'PHAGS PA MA YIN PA'I THA SNYAD LA SOGS PA RNAM PAR GZHAG PA GRUB PA'I MTHA' DANG MI 'GAL BA JI LTAR SBYAR ZHE NA, KLAN KA 'DI NI SNYING PO YOD PA MA YIN TE, DNGOS PO KUN GYI RANG BZHIN NI, ,RIG PA'I LAM GYI RJES 'BRANG BAR, @72A *, ,GZHAN DAG 'DOD PA SEL BAR BYED, ,DE PHYIR RGOL BA'I GNAS MED DO, ,YOD DANG MED DANG YOD MED CES, ,KHAS MI LEN PA GANG YIN PA, ,DE LA NAN TAN LDAN PAS KYANG, ,CIR YANG KLAN KA BYA MI NUS, ,BYIS PA'I GNAS SKABS NAS BZUNG STE, ,THAMS CAD MKHYEN PA'I YE SHES KYI BAR DU MYONG BA GANG MA BRTAGS GCIG PU NA YID DU 'ONG BA'I RANG BZHIN LA NI KHO BOS BKAG PA MED DE, YANG DAG PAR NA 'BRAS BU SNGA NA YOD PA DANG, MED PA DANG, GNYIS KA DANG, GNYIS KA MA YIN PAR SMRA BA SER SKYA PA LA SOGS PAR BRTAGS PA GANG YIN PA DE MED DO, ,DE'I PHYIR CHOS THAMS CAD RANG BZHIN MED PAR SMRA BA 'DI NI STONG PA NYID KYI DON LOG PAR MTHONG BA MA YIN NO, ,GANG GI PHYOGS LA YOD PA DANG, ,MED DANG YOD MED YOD MIN PA, ,DE LA KLAN KA BYA BAR NI, ,YUN RING DU YANG BRJOD MI NUS, ,DE PHYIR YANG DAG NYID DU NA, ,DNGOS PO GANG YANG GRUB PA MED, ,DE PHYIR DE BZHIN GSHEGS RNAMS KYIS, ,CHOS RNAMS THAMS CAD MA SKYES GSUNGS, ,YANG DAG PAR NA DNGOS PO PHRA RAB KYANG YONGS SU GRUB PAR MI 'THAD DE, ,JI LTAR BSTAN PA'I TSUL GYIS GCIG DANG DU MA'I RANG BZHIN DANG BRAL BA'I PHYIR RO, ,DE'I PHYIR YANG DAG PAR NA GANG GI SKYE BA DANG, SNGON DU 'GRO BA'I GNAS PA DANG; MI RTAG PA DANG, DE LA BRTEN PA'I DNGOS PO'I CHOS GZHAN YANG YOD PAR 'GYUR RAM, DE LTA BAS NA BLO GROS RGYA MTSOS BSTAN PA LAS 'DI SKAD GSUNGS TE, GANG DAG RTEN CING 'BREL 'BYUNG BA, ,DE DAG DNGOS NYID CI YANG MIN, ,GANG DAG NGO BO NYID MED PAS, ,DE DAG GANG DU 'BYUNG BA MED; ,CE'O, ,GLANG PO'I RTZAL GYI MDO LAS KYANG, GANG ZHIG SKYE BAR 'GYUR BA YI, ,CHOS DE GANG YANG MI DMIGS NA, ,'BYUNG BA MED PA'I CHOS RNAMS LA, ,BYIS PA DAG NI 'BYUNG BAR 'DOD, ,CES GSUNGS SO, ,DKON MCHOG 'BYUNG GNAS KYI MDO LAS KYANG, GANG LA RANG BZHIN YOD PA MA YIN TE, ,RANG BZHIN MED PAS GZHAN RKYEN JI LTAR 'GYUR, ,RANG BZHIN MED PAS GZHAN GYIS JI LTAR BSKYED, ,RGYU 'DI BDE BAR GSHEGS PAS BSTAN PA YIN, ,ZHES GSUNGS SO, ,DE'I PHYIR YAB DANG SRAS MJAL BA'I MDO LAS KYANG, RTEN CING 'BREL PAR 'BYUNG BA LA 'JUG PAS @72B CHOS KYI DBYINGS LA 'JUG PA STON PA BSTAN TE, BCOM LDAN 'DAS DE LA MA RIG PA NI MA RIG PA NYID KYIS MA MCHIS SO, ,DE CI'I SLAD DU ZHE NA, 'DI LTAR MA RIG PA NI RANG BZHIN DANG BRAL BA STE, CHOS GANG LA YANG RANG BZHIN MA MCHIS PA DE NI DNGOS PO MA MCHIS PA'O, ,GANG LA DNGOS PO MA MCHIS PA DE NI YONGS SU MA GRUB PA'O, ,GANG YONGS SU MA GRUB PA DE NI MI SKYE BA'O, ,GANG MI SKYE BA DE NI MI 'GAG PA'O, ,GANG MA SKYES MA 'GAGS PA DE NI 'DAS PA ZHES GDAGS PAR BGYI BA MA LAGS, MA 'ONGS PA DANG, DA LTAR BYUNG BA ZHES GDAGS PAR BGYI BA MA LAGS SO, ,GANG DUS GSUM DU MI DMIGS PA DE NI MING MA MCHIS PA, MTSAN NYID MA MCHIS PA MTSAN MA MA MCHIS PA, GDAGS SU MA MCHIS PA STE, GZHAN DU MA LAGS KYI MING TZAM DANG, BRDA TZAM DANG, THA SNYAD TZAM DANG, KUN RDZOB TZAM DANG, BRJOD PA TZAM DANG, GDAGS PA TZAM DU SEMS CAN RNAMS GZUD PA'I DON DU BGYI BA MA GTOGS PAR MA RIG PA DE NI DON DAM PAR DMIGS SU MA MCHIS SO, ,CHOS GANG DON DAM PAR DMIGS SU MA MCHIS PA DE NI GDAGS SU MA MCHIS PA THA SNYAD DU BGYIR MA MCHIS PA BRJOD DU MA MCHIS PA STE BCOM LDAN 'DAS GANG MING TZAM ZHES BGYI BA NAS GDAGS PA TZAM GYI BAR DE DAG KYANG YANG DAG PAR MA LAGS PA ZHES RGYA CHER 'BYUNG NGO, ,DE LTAR BYAS NA, CHOS KYI 'KHOR LO BSKOR BA NA, ,GZOD NAS ZHI ZHING MA SKYES DANG, ,RANG BZHIN MYA NGAN 'DAS PA ZHES, ,CHOS RNAMS MGON PO KHYOD KYIS BSTAN, ,CES BYA BA'I TSIGS SU BCAD PA 'DI LEGS PAR BSHAD PAR 'GYUR TE, ,'DIS NI CHOS THAMS CAD DUS GSUM DU MNYAM PA NYID DU YONGS SU BSTAN TO, ,GZOD MA NI MA 'ONGS PA'I DUS TE RANG BZHIN DANG BRAL BA'I PHYIR DER ZHI BA'O, ,DA LTAR BYUNG BA'I DUS NA YANG MA SKYES TE, RANG BZHIN DANG BRAL BA NYID KYI PHYIR RO, ,'DAS PA'I DUS NA YANG RANG BZHIN GYI NGO BO NYID KYIS MYA NGAN LAS 'DAS PA STE, RANG BZHIN DANG BRAL BA NYID KYI PHYIR RO, ,YAB DANG SRAS MJAL BA'I MDO LAS, JI SKAD DU, CHOS 'DI DAG THAMS CAD NI DUS GSUM DU MNYAM PA NYID KYIS MNYAM PA STE, 'DAS PA'I DUS NA YANG CHOS THAMS CAD RANG BZHIN DANG @73A *, ,BRAL BA'O, ,MA 'ONGS PA DANG, DA LTAR BYUNG BA'I DUS NA YANG CHOS THAMS CAD RANG BZHIN DANG BRAL BA'O ZHES GSUNGS PA LTA BU'O, ,YANG DE NYID LAS GSAL BAR MDZAD DE, CHOS THAMS CAD NI RANG BZHIN GYIS STONG PA'O, ,CHOS GANG LA RANG BZHIN MA MCHIS PA DE NI 'DAS PA MA LAGS, MA 'ONGS PA MA LAGS, DA LTAR BYUNG BA MA LAGS SO, ,DE CI'I SLAD DU ZHE NA, RANG BZHIN MA MCHIS PA NI 'DAS PA ZHES GDAGS PAR BGYI BA MA LAGS, MA 'ONGS PA DANG DA LTAR BYUNG BA ZHES GDAGS PAR BGYI BA MA LAGS SO ZHES 'BYUNG NGO, ,SKYE BA MED PA LA SOGS PA YANG, YANG DAG PA'I KUN RDZOB TU GTOGS PA YIN DU ZIN KYANG, DAM PA'I DON DANG MTHUN PA'I PHYIR, ,'DI NI DAM PA'I DON ZHES BYA, ,YANG DAG TU NA SPROS PA YI, ,TSOGS RNAMS KUN LAS DE GROL YIN, ,DON DAM PA NI DNGOS PO DANG DNGOS PO MED PA DANG, SKYE BA DANG MI SKYE BO DANG, STONG PA DANG MI STONG PA LA SOGS PA SPROS PA'I DRA BA MTHA' DAG SPANGS PA'O, ,SKYE BA MED PA LA SOGS PA NI DE LA 'JUG PA DANG MTHUN PA'I PHYIR DON DAM PA ZHES NYE BAR 'DOGS SO, ,YANG DAG KUN RDZOB RNAMS KYI SKAS, ,MED PAR YANG DAG KHONG PA YI, ,STENG DU 'GRO BAR BYA BA NI, ,MKHAS LA RUNG BA MA YIN NO, ,CI'I PHYIR DNGOS SU DON DAM PA MA YIN PA BSTAN PA, SKYE BA LA SOGS MED PA'I PHYIR, ,SKYE BA MED LA SOGS MI SRID, ,DE YI NGO BO BKAG PA'I PHYIR, ,DE YI TSIG GI SGRA MI SRID, ,YUL MED PA LA DGAG PA YI, ,SBYOR BA LEGS PA YOD MA YIN, ,RNAM PAR RTOG LA BRTEN NA YANG, KUN RDZOB PAR 'GYUR YANG DAG MIN, ,SKYE BA LA SOGS MED NA DE BRJOD PA'I SGRA'I SBYOR BA MI 'THAD DO, ,DE BAS NA YUL MED PA LA DGAG PA'I PHYIR SKYE BA YANG MED PAS SKYE BA MED PA LA SOGS PA MI SRID DO, ,JI STE RANG GI MTSAN NYID NI SGRA 'DI DAG GI YUL MA YIN MOD KYI, 'ON KYANG THOG MA MED PA'I DUS KYI BAG CHAGS LAS BYUNG BA'I RNAM PAR RTOG PA LA SNANG BA'I NGANG CAN GYI DON YUL NYID DU BDAG GIR BYAS TE, CHOS CAN 'DI NYID LA BRTEN NAS SKYE BA LA SOGS PA RNAM PAR RTOG PA LA SNANG BA'I DON 'DI CI GZHAN DAG 'DOD PA'I DON LA BRTEN NAM, 'ON TE MA YIN ZHES YOD DAM MED PA @73B SEMS PAR BYED KYI, SKYE BA LA SOGS PA RNAM PAR RTOG PA LA SNANG BA'I DON NI SPONG BAR MI BYED DE, DE NYID BLO LA BSKYED PAR BYA BA'I PHYIR SGRA SBYOR BA'I PHYIR RO ZHE NA, RNAM PAR RTOG PA YANG RNAM PAR SHES PA'I NGO BO NYID YIN PAS DE DPYAD PA NYID KYIS BSAL ZIN PA MA YIN NAM, GZHAN YANG DE LTA NA KUN RDZOB CES BYA BA'I RNAM PAR RTOG PA'I BLO LA BRTEN PA'I PHYIR MA SKYES PA LA SOGS PA NI KUN RDZOB PAR 'GYUR GYI, DON DAM PAR MA YIN TE, SHING LA SOGS PA SGRA'I DON BZHIN NO, ,GZHAN YANG DNGOS PO MA GRUB NA DE LA LTOS NAS RAB TU BRTAGS PA BDAG GI DNGOS PO DE KHO NA LA DNGOS PO MED PA LA SOGS PA YANG MED PA NYID DO, ,'DI SKAD GSUNGS TE, GAL TE DNGOS PO MA GRUB NA, ,DNGOS PO MED PAR 'GYUR MI 'GYUR, ,DNGOS PO GZHAN DU GYUR NA NI, ,DNGOS PO MED CES SKYE BO SMRA, ,ZHE'O, ,DE SKAD DU, 'O MAR ZHO LA SOGS MED PA, ,DE NA SNGA NA MED CES BYA, ,ZHO LA 'O MA MED PA NI, ,ZHI GNAS MED PA'I MTSAN NYID YIN, ,MGO YI YAN LAG LCONG BA DANG, ,SKYE DANG SRA BA RNAM SPANGS PA, ,RI BONG RVA LA SOGS DNGOS SU, ,DE NI GTAN MED BRJOD PA YIN, ,BA LANG LA NI RTA SOGS MED, ,DE NI GCIG LA GCIG MED BRJOD, ,CE 'O, ,GSOG TU GYUR PA DNGOS PO MED PAR GYUR PA YANG, DNGOS PO YOD PA NYID DU NGES PA'I ZLAS DRANGS NAS RNAM PAR GZHAG STE, MO GSHAM LA SOGS PA DANG, BU LA SOGS PA YOD PAR MA NGES NA MO GSHAM GYI BU LA SOGS PAR RNAM PAR RTOG PAR MI 'GYUR RO, ,DE BAS NA BLO GROS RGYA MTSO'I MDO LAS BSTAN PA, TSANGS PA CHOS GANG YONGS SU MA GRUB PA DE YOD PA NYID DU ZHE'AM, MED PA NYID DO ZHES KHAS MI LEN TO ZHES 'BYUNG BA 'DI LEGS PAR BSHAD PA YIN PAR 'GYUR RO, ,LANG KAR GSHEGS PA LAS KYANG, YOD PA'I ZLAS DRANGS MED PA STE, ,MED PA'ANG YOD PA'I ZLAS DRANGS SO,, DE BAS MED PAR BSAM MI BYA, ,YOD PA NYID DU'ANG MI BRTAG GO, ,GANG LA CI YANG MI SKYE BA, ,CI YANG 'GAG PAR MI 'GYUR TE, ,'JIG RTEN RNAM PAR DBEN MTHONG BA, ,DE LA YOD DANG MED PA MED, ,CES GSUNGS SO, ,DE LA DON NI DE YIN TE, ,YOD PA'I ZLAS DRANGS NAS MED PA RNAM PAR @74A *, ,GZHAG STE, DPER NA ZHI GNAS MED PA LA SOGS PA MED PA RNAM PA GSUM LTA BU'O, ,MED PA'I ZLAS DRANGS NAS YOD PA STE, DPER NA SKYE BA SNGA NA MED PA LTA BU'O, ,SNGA NA YOD PA SKYE 'GYUR NA, ,SKYES PA YANG NI SKYE BAR 'GYUR, ,ZHE'O, ,DE LTA BAS NA, BLO GROS BZANG POS GANG GSUNGS PA, GANG DAG BDAG DNGOS GZHAN DNGOS DANG, ,DNGOS DANG DNGOS PO MED MTHONG BA, ,DE DAG SANGS RGYAS BSTAN PA LA, ,YANG DAG MTHONG BA MA YIN NO, ,YANG DAG DNGOS RNAMS RTEN BYAS NAS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROGS, , THAMS CAD RTAG MIN MI RTAG PA'ANG, ,CI YANG MED DE RTAG DE BZHIN, ,DNGOS YOD RTAG DANG MI RTAG PAR, ,'GYUR NA DE NI GA LA YOD, ,GANG CI BRJOD PA THAMS CAD NI, ,NGO BO NYID KYIS STONG RIG BYA, ,STONG ZHES BYA BA DE YANG STONG, ,'DI LTAR MI STONG YOD MA YIN, ,SU LA STONG NYID 'DI 'BYUNG BA, ,DE LA DON RNAMS THAMS CAD 'BYUNG, ,SU LA STONG NYID MI 'BYUNG BA, ,DE LA CI YANG 'BYUNG BA MED, ,CES BYA BA 'DI NI LEGS PAR GSUNGS PA'O, ,DE BAS NA KLU'I RGYAL PO RGYA MTSOS ZHUS PA CHEN PO LAS, SNGON MTHA' STONG ZHING PHYI MA'I MTHA' YANG STONG, ,SKYE DANG 'JIG DANG GNAS PA'I DNGOS PO STONG, ,'DI NI DNGOS PO YOD MIN DNGOS MED MIN, ,CHOS RNAMS THAMS CAD NGO BO NYID KYIS STONG, ,ZHES GSUNGS SO, ,'O NA DE NI RTOGS GYUR PAS, ,DE YI RANG BZHIN MNGON SUM PHYIR, ,MI MKHAS RNAMS KYANG DNGOS RNAMS KYI, ,DNGOS PO 'DI 'DRA CIS MI RTOGS, ,DE RTOGS NA DE'I RANG GI NGO BO MI RTOGS PA NI MI RIGS TE, BUM PAS DBEN PA'I SA GZHI DMIGS NA, DE'I BDAG NYID DU GYUR PA BUM PAS DBEN PA RTOGS PA BZHIN NO, ,DNGOS PO RNAMS NI SO SO'I SKYE BO'I LTA BA DKAR PO MA YIN PA THA SHAL RNAMS KYIS KYANG DNGOS PO LA SOGS PA'I RNAM PA MED PA LAS SGRO BTAGS PAS, SGRO BTAGS PA YANG DAG PA JI SKAD DU SMOS PA MTHA' DAG DANG BRAL BA KHO NA YIN PAR RTOGS NA, CI'I PHYIR DE LTAR YIN PAR MI RTOGS SHE NA, MA YIN THOG MED RGYUD LCI BAR, ,DNGOS POR SGRO BTAGS DBANG BYAS PAS, ,DE PHYIR SROG CHAGS THAMS CAD KYIS, ,MNGON SUM RTOGS PAR MI 'GYUR RO, ,THOG MA MED PA'I SRID PAR SKYES PA DNGOS PO LA MNGON PAR @74B ZHEN PA'I DUG GIS DKRUGS PA'I BLO CAN DAG GIS MNGON SUM TZAM DU RTOGS PAS RNAM PA KHONG DU CHUD PAR MI NUS TE, 'DRA BA GCIG NAS GCIG TU BRGYUD PA DMIGS PAS BLO SNAD PA DAG GIS SKAD CIG PA NYID MI RTOGS PA BZHIN NO, ,GZHAN YANG 'DI NI NGO MTSAR MI CHE STE, 'DI LTAR BUM PA DANG BA LANG NYID LA SOGS PAS DBEN PA'I BA LANG LA SOGS PA'I DBYIBS GSAL BAR MA MTHONG YANG, SER SKYA DANG GZEGS MA LA SPYOD PA'I LUGS KYIS BLO GROS SHIN TU PHYIN CI LOG TU GYUR PA DAG DE LTAR RTOGS PAR MI BYED DO, ,'O NA SU DAG GIS DE RTOGS SHE NA, BSHAD PA, DE LA SGRO 'DOGS GCOD BYED PA, ,SHES PAR BYED PA'I GTAN TSIGS KYIS, ,RJES SU DPOG PA RNAM SHES BYED, ,RNAL 'BYOR DBANG RNAMS MNGON SUM GSAL, ,DNGOS PO LA SOGS PAR SGRO 'DOGS PA BSAL BA BSGRUB PA PHYOGS TZAM ZHIG JI SKAD BSTAN PA DAG GI THOS PA BAS MTHO BA, BSAMS PA LAS BYUNG BA'I CHOS RAB TU RNAM PAR 'BYED PA BSAGS PA DAG SPROS PA DANG BRAL BA NGES PAR BRTAG PAR BYED DO, ,RNAL 'BYOR PA'I DBANG PHYUG RNAMS NI CHOS THAMS CAD KYI RANG BZHIN MNYAM PA NYID DU RNAM PAR PHYE BA'I TING NGE 'DZIN LA SOGS PA LAS BYUNG BA'I YE SHES RNAM PAR RTOG PA'I DRI MA DANG BRAL BA NYID KYIS NANG DANG PHYI'I DNGOS PO MA BRTAGS NA DGA' BA SNYING PO MED PA, CHU SHING GI SDONG PO LTA BU THAMS CAD JI LTAR SGRO 'DOGS PA'I SA BON YANG PHYIS MI SKYE BA DE LTAR THUGS SU CHUD DE, SNYING RJE CHEN PO LA 'JUG PA'I MDO LAS, JI LTAR CHU SHING RLON PA'I SDONG PO LA, ,ZHES BYA BA LA SOGS PA JI SKAD GSUNGS PA LTA BU'O, ,CHED DU BRJOD PA LAS KYANG, GANG ZHIG AU DUM B'A RA DAG LA MA TOG LTAR, ,SRID PA DAG LA SNYING PO MED PAR SEMS BYED PA, ,DGE SLONG 'DI NI PHA ROL MIN PA'I PHA ROL SON, ,SPRUL RGAS PA YI PAGS PA RNYING PA BRJE BA BZHIN, ,ZHES GSUNGS SO, ,CHOS THAMS CAD RANG BZHIN MED PAR KHAS BLANGS NA, PHYOGS KYI CHOS LA SOGS PA RANG LAS MA GRUB PA'I PHYIR RJES SU DPAG PA DANG, RJES SU DPAG PAR BYA BA'I THA SNYAD MI 'GRUB PA MA YIN NAM, DE'I PHYIR RJES SU DPOG PA POS JI LTAR GTAN LA DBAB, GAL TE YANG CHOS THAMS CAD RANG BZHIN MED PAR SGRUB PA'I GTAN TSIGS MA BRJOD NA, DE'I TSE GTAN TSIGS MED PAR MI @75A *, ,'GRUB PA'I PHYIR 'DOD PA'I DON MI 'GRUB PO, ,CI STE BRJOD NA NI GTAN TSIGS YOD DE, DE LTA NA YANG CHOS THAMS CAD RANG BZHIN MED PAR MI 'GRUB PAS 'DOD PA'I DON MI 'GRUB PO, ,'DI NI JI NA STE, 'DI LTAR, GZHUNG GIS BSKYED PA'I BYE BRAG GIS, ,CHOS CAN SPANGS NAS MKHAS PA DANG, ,BUD MED BYIS PA'I BAR DAG LA, ,GRAGS PAR GYUR PA'I DNGOS RNAMS LA, ,BSGRUB DANG SGRUB PA'I DNGOS PO 'DI, ,MA LUS YANG DAG 'JUG PAR 'GYUR, ,DE LTA MIN NA GZHI MA GRUB, ,LA SOGS LAN NI JI SKAD GDAB, ,BDAG NI SNANG BA'I NGANG CAN GYI, ,DNGOS PO DGAG PAR MI BYED DE, ,DE LTA BAS NA SGRUB PA DANG, ,BSGRUB BYA GZHAG PA 'KHRUGS PA MED, ,RJES SU DPAG PA DANG RJES SU DPAG PAR BYA BA'I THA SNYAD THAMS CAD NI PHAN TSUN MI MTHUN PAS GRUB PA'I MTHAS BSKYED PA CHOS CAN THA DAD PA YONGS SU BTANG STE, MKHAS PA DANG BUD MED DANG BYIS PA'I BAR GYI MIG DANG RNA BA LA SOGS PA'I SHES PA LA SNANG BA'I NGANG CAN GYI PHYOGS SGRA LA SOGS PA'I CHOS CAN LA BRTEN NAS 'JUG GO, ,DE LTA MIN NA DU BA DANG, YOD PA LA SOGS PA'I ME DANG MI RTAG PA NYID LA SOGS PA BSGRUB PAR 'DOD PA THAMS CAD KYI GTAN TSIGS KYI GZHI 'GRUB PAR MI 'GYUR TE, SGRUB PA'I CHOS CAN YAN LAG CAN DANG, NAM MKHA'I YON TAN LA SOGS PA'I NGO BO RNAMS MA GRUB PA'I PHYIR RO, ,DE LTA NA CHOS GNYI GA DANG LDAN PA'I DPE'I CHOS CAN YANG MI 'GRUB PA NYID DO, ,GAL TE BSGRUB PA DANG SGRUB PA'I THA SNYAD 'DI LTA BU 'DI GZHAN DAG KYANG KHAS LEN NA NI DE LTA NA MKHAS PA BRGAL BA'I GRAGS PA 'DI CI DGOS TE, 'DI LTAR RANG GI PHYOGS LA MI LTA BAR GZHAN GYI PHYOGS KYI NYES PA 'DI NYID BRJOD DU ZAD DO, ,KHO BO YANG MIG LA SOGS PA'I SHES PA LA SNANG BA'I NGANG CAN GYI DNGOS PO NI MI SEL MOD KYI, SHES RAB DANG YE SHES KYIS DPYAD NA CHU SHING GI SDONG PO BZHIN DU SNYING PO BAG TZAM YANG MI SNANG BAS DON DAM PAR MI 'DOD DO, ,DE LTA BAS NA SNANG BA'I DON MA BKAG PA NYID KYIS MNGON PAR ZHEN PA MED PA'I BSGRUB PA DANG, SGRUB PA'I THA SNYAD 'JUG PAS CHOS THAMS CAD RANG BZHIN MED PAR SMRA BA LA GNOD PA CI YANG MED DO, ,JI SKAD DU, 'DZIN PA SDUG LA MI BRTEN NA, ,THA SNYAD RAB TU 'GRUB 'GYUR LA, ,THA SNYAD RNAMS LA MKHAS GYUR NA, @75B BSTAN BCOS DON LA RMONGS PA MED, ,CES GSUNGS PA LTA BU'O, ,DON DAM PA'I TSUL LA SDANG BAS DBANG SGYUR BA GANG DAG 'DI LTA STE, CHOS THAMS CAD RANG BZHIN MED PAR LTA BA NYID NI MED PA NYID DU LTA BAR SPYI BO NAS DBANG BSKUR BA NYID YIN NO ZHES SMRA BA DANG, DE LTAS RGYU DANG 'BRAS BU SKUR 'DEBS PA; ,LOG LTAS DKAR PHYOGS DRUNGS 'BYIN DAM CHOS KYI, ,LO TOG SER BA NAM MKHA'I ME TOG 'DI, ,LEGS 'DOD RNAMS KYIS RGYANG RING SPANG BAR BYA, ,ZHES SMRA BA DE DAG GI PHYIR 'DI BRJOD DE, DE PHYIR THOG MED SRID RGYUD NAS, ,DNGOS DANG DNGOS MED RTOGS SOGS KYI, ,RIGS MTHUN SA BON YOD PAR NI, ,RJES SU DPAG PAR BYA BA YIN, ,'DI NI DNGOS PO'I MTHU STOBS KYIS, ,'BYUNG BA MA YIN DE MED PHYIR, ,DNGOS PO RNAMS KYI BDAG NYID DE, ,RGYA CHER RAB TU BKAG PA YIN, ,RIM GYIS 'BYUNG PHYIR GLO BUR MIN, ,RTAG 'BYUNG MA YIN RTAG PA MIN, ,DE BAS GOMS 'DRA DE NYID PHYIR, , DANG PO RANG GI RIGS LAS SKYES, ,'DI LTAR DON DAM PAR NA DNGOS PO 'DI DAG THAMS CAD NI SPROS PA THAMS CAD DANG BRAL BA YIN NA, DE LTA BU DE DAG LA BLO DKAR PO MA YIN PA RNAMS KYIS DNGOS PO DANG DNGOS PO MED PA LA SOGS PA RNAM PAR RTOG PA DAG 'BYUNG STE, DE DAG KYANG THOG MA MED PA'I LAS DANG SRID PA LA SOGS PA'I RGYUN NAS RIGS MTHUN PA'I SA BON BOR NA RGYU GZHAN MED DO, ,DE DAG NI DMIGS PA'I STOBS KYIS 'BYUNG BA YANG MA YIN TE, DNGOS PO DANG DNGOS PO MED PA LA SOGS PA'I BDAG NYID KYI DNGOS PO RNAMS RGYA CHER BKAG PA'I PHYIR RO, ,DE LA GAL TE RANG GI RIGS MTHUN PA'I SA BON GYI RGYU MED DU ZIN NA, DE LAS LHAG MA GZHAN CI ZHIG YOD, 'O NA SKYE BA'I RGYU MED PA'AM, RGYU RTAG PA SKYES PA'AM, BDAG NYID RTAG PA DE YOD DE, JI LTAR GLO BUR 'BYUNG BAR SMRA BA DANG, DBANG PHYUG LA SOGS PA'I RGYU LA 'CHEL PA DANG, SHES PA YOD PA RTAG CES KHAS LEN PA LTA BU'O ZHE NA, DE LTA NA YANG MA YIN TE, DE DAG RIM GYIS 'BYUNG BA'I PHYIR RO, ,RGYU LA MI LTOS PA DANG RTAG TU NYE BAR GNAS PA'I RGYU DANG, RANG BZHIN RNAMS NI RIM GYIS 'BYUNG BA DANG 'GAL LO, ,DE BAS NA DNGOS PO LA SOGS PAR RNAM PAR RTOG PA'I PHYIR TSE 'DI LA DANG PO BYUNG BA DAG KYANG 'DRA BA LA GOMS PA'I BAG CHAGS LAS SKYE @76A *, ,BAR RJES SU DPAG STE, SKYES PA RNAMS GONG NAS GONG DU CHUNG NGU DANG 'BRING DANG CHEN PO LA SOGS PA'I BYE BRAG GIS THA DAD PA GOMS PA'I STOBS LAS 'BYUNG BA DNGOS PO LA SOGS PA RNAM PAR RTOG PA BZHIN NO, ,DE'I PHYIR THOG MA MED PA'I SRID PA GZHAN GRUB PO, ,'DIS NI MA 'ONGS PA'I SRID PA RJES SU DPAG PA YANG BSHAD ZIN TE, 'DI LTAR 'DOD CHAGS DANG MA BRAL BA'I 'CHI BA'I SEMS LA NI BDAG DANG BDAG GI LA CHAGS PA'I PHYIN CI LOG GI BAG CHAGS DANG 'BREL PA'I PHYIR SEMS GZHAN GYIS MTSAMS SBYOR NUS TE, DE SNGON GYI SEMS SKYES PA DANG 'DRA BAS SGRUB PA GSAL LO, ,DE PHYIR RTAG CHAD LTA BA RNAMS, ,GZHUNG 'DI LA NI RING DU GNAS, ,LDOG DANG RJES SU 'JUG PA YANG, ,SA BON MYU GU LCUG SOGS BZHIN, ,DON DAM PAR RTAG PA DANG TSAD PA DAG GI SKABS MED PA NYID DE, DE GNYIS NI DNGOS PO LA BRTEN PA YIN PAS DNGOS PO YOD NA DE DAG LTAG LA YOD, KUN RDZOB KYI BDEN PA LA BRTEN NAS NI SNGA MA SNGA MA'I SKAD CIG LOG NA SKAD CIG GZHAN DANG GZHAN 'BYUNG BAS DNGOS PO RNAMS LA THOG MA DANG THA MA MED DE, PHYI ROL PA DAG 'DOD PA DANG 'DRA BAS DE GNYIS SHIN TU YOD PAR MI 'GYUR RO, ,'DIR GSUNGS PA, YOD NA DNGOS PO RTAG 'GYUR LA, ,MED NA NGES PAR CHAD 'GYUR TE, ,DNGOS YOD GNYI GAR 'GYUR BAS NA, ,DE PHYIR DNGOS PO KHAS MI BLANG, ,GANG PHYIR DNGOS POR RANG 'BYUNG BA, ,DE PHYIR CHAD PAR 'GYUR MA YIN, ,GANG PHYIR DNGOS PO LDOG 'GYUR BA, ,DE PHYIR RTAG PAR 'GYUR MA YIN, ,GANG DAG BYANG CHUB BRTEN PA'I PHYIR, ,DON DU MED PAR KHAS MI 'CHE, ,MI SEMS SPYOD PAR MI BYED PA, ,DE DAG JI LTAR MED PAR 'DOD, ,CE 'O, ,DKON MCHOG SPRIN LAS KYANG, JI LTAR NA BYANG CHUB SEMS DPA' THEG PA CHEN PO LA MKHAS PA YIN ZHE NA, 'DI LA BYANG CHUB SEMS DPA' BSLAB PA THAMS CAD LA YANG SLOB LA, SLOB PA YANG MI DMIGS, BSLAB PA'I LAM LA YANG MI DMIGS GANG SLOB PA DE YANG MI DMIGS TE, RGYU DE DANG RKYEN DE DANG GZHI DES CHAD PAR LTA BAR MI 'GYUR ZHES GSUNGS SO, ,YANG DE NYID LAS, ,RIGS KYI BU 'DI LA BYANG CHUB SEMS DPA' YANG DAG PA'I SHES RAB KYIS GZUGS LA RTOG ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA @76B LA RNAM PAR RTOG STE, DE GZUGS LA RTOG PA NA GZUGS KYI SKYE BA MI DMIGS, KUN 'BYUNG BA MI DMIGS, 'GAG PA MI DMIGS SO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I SKYE BA MI DMIGS, KUN 'BYUNG BA MI DMIGS, 'GAG PA MI DMIGS SO, ,DE YANG DON DAM PAR SKYE BA MED PAR DPYOD PA'I SHES RAB KYIS YIN GYI, THA SNYAD KYI RANG BZHIN DU NI MA YIN NO ZHES YONGS SU BSTAN PA YIN NO, ,RNAM PAR GROL BA YANG GZHUNG 'DI LA SLA BA NYID DE, 'DI LTAR, CHOS LA BDAG MED MKHAS PA NI, ,RANG BZHIN MED PA GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIM PA MED PAR SPONG, ,ZLA BA'I SGRON MA'I TING NGE 'DZIN LAS 'DI SKAD DU, DES GANG CHAGS PA DANG, GANG LA CHAGS PA DANG, GANG GIS CHAGS PA'I CHOS DE YANG DAG PAR RJES SU MI MTHONG NGO ZHES RGYA CHER GSUNGS SO, ,'DIR YANG GSUNGS PA, DNGOS POR KHAS LEN YOD NA NI, ,'DOD CHAGS ZHE SDANG MI BZAD 'BYUNG, ,LTA BA MA RUNGS YONGS SU 'DZIN, ,DE LAS BYUNG BA'I RTZOD PAR 'GYUR, ,DE NI LTA BA KUN GYI RGYU, ,DE MED NYON MONGS MI 'BYUNG STE, ,DE BAS DE NI YONGS SHES NA, ,LTA DANG NYON MONGS YONGS SU 'BYUNG, ,GANG GIS DE SHES 'GYUR ZHE NA, , RTEN CING 'BYUNG BA MTHONG BAS TE, ,BRTEN NAS SKYES PA MA SKYES ZHES, ,YANG DAG MKHYEN PA MCHOG GIS GSUNGS, ,SHE'O, ,GZHAN YANG RANG BZHIN MED PA'I TSUL LA GANG MI 'THAD DO ZHES RGOL BA'I NYON MONGS PA DANG, LAS DANG, SKYE BA'I KUN NAS NYON MONGS PA NI GANG YIN, RNAM PAR BYANG BA NI GANG YIN, LAS DANG 'BRAS BUR 'BREL PA DANG, RJES SU DPAG PA DANG, RJES SU DPAG PAR BYA BA'I THA SNYAD LA SOGS PA NI GANG YIN, MA RIG PA DANG 'DU BYED LA SOGS PA SRID PA'I YAN LAG RNAMS KYI RGYU DANG 'BRAS BU'I DNGOS PO DANG, GNYEN PO GOMS PAR BYAS PA SHIN TU NYAMS SU LEN PAS NYON MONGS PA DANG MI MTHUN PA'I GNAS 'BYUNG BA DANG, DGE BA DANG MI DGE BA'I LAS KYI RNAM PAR SMIN PA SDUG PA DANG MI SDUG PA 'BYUNG BA DANG, DNGOS GANG YANG DAG JI BZHIN PA, ,DE NI DE 'DRA'I RTAGS SEMS KYI, ,RGYU YIN DE LAS DE LTA'I DNGOS, ,DE BAS DES BSKYED RTAGS CAN BLO, ,ZHES BYA BA DE @77A *, ,LTA BU NI BSKYED PAR BYA BA DANG SKYED PA'I DNGOS PO MA YIN NAM GAL TE DE LTA NA YANG POM BU CIG CAR KLAN KA NGAN PA THAMS CAD KYI LAN GDAB PA 'DI NGES PAR ZUNG SHIG ,RGYU DANG 'BRAS BU'I DNGOS PO NI, ,KUN RDZOB TU NI MA BZLOG PAS, ,KUN NAS NYON MONGS RNAM BYANG SOGS, ,RNAM PAR GZHAG PA 'KHRUGS PA MED, ,GAL TE RNAM PAR GZHAG PA 'DI DON DAM PAR KHAS LEN CING RAB TU 'BAD NA DE'I TSE RDUL PHRA MO LA SOGS PA NAS RNAM PAR SHES PA LA THUG PA'I BAR DAG GCIG PA'AM DU MA'I RANG BZHIN DU SGRUBS SHIG ,SBYOR BA SNGAR BRJOD PA RNAMS KYI LAN YANG THOB SHIG ,'DI LTAR 'DI MA LUS BAR BDEN ZHING BRDZUN PA MA YIN TE, MI SLU BA'I CHOS CAN NO ZHES NGES PAR KHAS LEN TO, ,'DI SKAD CES KYANG GSUNGS TE, RNAM PAR DBEN DON MI SHES LA, ,THOS PA TZAM LA 'JUG BYED CING, ,GANG DAG BSOD NAMS MI BYED PA, ,SKYES BU THA SHAL DE DAG BRLAG ,LAS KYI 'BRAS BU YOD PA DANG; ,'GRO BA DAG KYANG SHIN TU BRJOD, ,DE YI RANG BZHIN YONGS SHES DANG, ,SKYE BA MED PA DAG KYANG BSTAN, ,'JIG RTEN DBANG DU RGYAL BA RNAMS, ,NGA DANG NGA YI ZHES GSUNGS LTAR, ,PHUNG PO KHAMS DANG SKYE MCHED RNAMS, ,DE BZHIN DGONGS PA'I DBANG GIS GSUNGS, ,SHE'O, ,YANG DMIGS PA CAN GANG DAG NA RE LTA BA 'DI LA NI BSOD NAMS DANG YE SHES KYI TSOGS YONGS SU BKANG BA 'THAD PAR JI LTAR 'GYUR BA YIN NAM, GAL TE 'KHOR GSUM YONGS SU DAG PAR 'GYUR RO ZHE NA, DE YANG RIGS PA MA YIN TE, 'DI LTAR MCHOD PA DANG PHAN GDAGS PAR 'DOD PAS GANG BYIN PA DES NI DAD PA SHIN TU BSKYED KYI, GANG GIS SBYIN PAR BYA BA DANG, SBYIN PA PO DANG, LEN PA PO MI DMIGS PA LA GNAS PAS NI MA YIN NO, ,'DI LTAR CI YANG MED PA'I PHYIR SBYIN PAR BYA BA LA SOGS MI DMIGS SAM, 'ON TE YUL MA YIN PA'I PHYIR MI DMIGS, PHYOGS DANG PO LA NI GANG LA GANG GIS CI LA YANG BYIN PA MED PAS BSOD NAMS MED PAR 'GYUR RO, ,BYANG CHUB SEMS DPA' RNAMS KYIS SEMS CAN GYI DON GYI PHYIR NGAL BA GANG YIN PA DE YANG SEMS CAN RNAMS MED PA'I PHYIR DON MED PAR 'GYUR RO, ,SBYIN PAR BYA BA DANG SBYIN PA PO DANG, LEN PA PO RNAMS NI DE BZHIN GSHEGS PA RNAMS @77B KYIS GZIGS TE, DE BAS NA YUL MA YIN PA'I PHYIR MI DMIGS SO ZHES BYA BA YANG MI 'GRUB BO, ,GZHAN SBYIN PAR BYA BA BU LA SOGS PA DANG, LEN PA PO DANG SBYIN PA PO RANG GI SEMS DANG SEMS LAS BYUNG BA DE DAG RANG GIS RIG PAR BYED NA DE JI LTAR YUL MA YIN YANG SMRAS PA, SBYIN PA GANG ZHIG PHAN GDAGS DANG, ,MCHOD PA'I PHYIR YANG SBYIN BYED PA, ,DE NI SHIN TU DAD PAR BYED, ,MTHONG MED GNAS PAS MA YIN NO, ,MED PA'I PHYIR NI MI DMIGS SAM, ,'ON TE YUL MIN PHYIR RAM CI, ,MED NA BSOD NAMS 'JIG PAR 'GYUR, ,NGAL BA'I DON YANG MED PAR 'GYUR, ,GSUM CHAR RGYAL BAS GZIGS PAS NA, ,DE BAS YUL MIN MA YIN NO, ,RANG GI SEMS DANG SEMS BYUNG GANG, ,DE DAG RANG GIS RIG PAR BYED, ,CES RGOL BA DE LA SOGS PA THAMS CAD KYANG, ,DE KHO NA MTHONG BA LTAR MNGON PAR SHES PA MA YIN PAS, RGAL BAR BSTAN PA, 'DI LTAR RGYU DANG 'BRAS BU YI, , CHOS 'DI RNAM PAR GZHAG PAS NA, ,TSOGS RNAMS DRI MA MED PA YANG, ,GZHUNG 'DI NYID LA RUNG BA YIN, ,RNAM PAR DAG PA'I RGYU LAS NI, ,'BRAS BU RNAM PAR DAG PA 'BYUNG, ,YANG DAG LTAS BYUNG TSUL KHRIMS KYIS, ,YAN LAG LA SOGS RNAM DAG BZHIN, ,DE BZHIN RNAM DAG MA YIN LAS, ,'BRAS BU RNAM DAG MA YIN 'BYUNG, ,LOG LTA'I STOBS LAS BYUNG BA YI, ,LOG PAR G-YEM PA SOGS PA BZHIN, ,'BRAS BU THAMS CAD NI RGYU'I RJES SU 'GRO BA DANG, LDOG PA DANG MTHUN PAR BYED PAS DE RNAM PAR DAG PA DANG, RNAM PAR MA DAG PA GNYIS KYIS RNAM PAR DAG PA DANG RNAM PAR MA DAG PAR 'GYUR TE, DPER NA, LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA YOD PA DANG MED CES ZER BA LTA BU STE, YANG DAG PA DANG LOG PAR LTA BAS SNGON DU DRANGS PA'I TSUL KHRIMS KYI YAN LAG DANG, BAG YOD PA'I YAN LAG LA SOGS PA DANG, 'DOD PA LA LOG PAR G-YEM PA LA SOGS PA DE BZHIN NO, ,'DIS CI ZHIG 'GRUB CAN, BSTAN PA, TSAD MA'I GNOD PA YOD PAS NA, ,DNGOS POR DMIGS PA YOD PA NI, ,SMIG RGYU LA SOGS SHES PA BZHIN, ,PHYIN CI LOG PAR YONGS SU RTOGS, ,YANG DAG PAR NA @78A *, ,DNGOS PO THAMS CAD NI GCIG DANG DU MA'I RANG BZHIN DU MI 'THAD PAS YOD PA LA GNOD PA'I TSAD MA NI SNGAR BSHAD ZIN TO, ,RIG PAR BYA BA DANG RIG PAR BYED PA'I MTSAN NYID DANG, YUL NYID LA GNOD PA'I TSAD MA YANG SNGAR BSHAD ZIN TO, ,DE LTA BAS NA 'DI YANG DAG PAR YOD DO ZHES MNGON PAR ZHEN TE, SBYIN PAR BYA BA LA SOGS PA DNGOS PO THAMS CAD LA DMIGS PA NI TSAD MA'I GNOD PA YOD PA'I PHYIR PHYIN CI LOG YIN TE, SMIG RGYU'I TSOGS LA CHUR SHES PA BZHIN NO, ,GANG GI PHYIR DE LTAR GYUR PA, ,DE PHYIR DE MTHUS BYUNG BA YI, ,PHA ROL PHYIN PA SGRUB PA KUN, , BDAG DANG BDAG GIR LOG PA LAS, ,BYUNG BA BZHIN DU STOBS CHUNG NGO, ,JI LTAR PHYI DANG NANG GI MU STEGS CAN RNAMS KYIS SBYIN PA DANG, TSUL KHRIMS LA SOGS PA LA NAN TAN BYED PA, 'JIG TSOGS LA LTA BA LAS BYUNG BA NI DE MA THAG TU BLA NA MED PA YANG DAG PAR RDZOGS PA'I BYANG CHUB KYI YAN LAG TU MI 'GYUR TE, STOBS CHUNG BA DE BZHIN DU DMIGS PA CAN RNAMS KYI YANG STOBS CHUNG STE, PHYIN CI LOG LAS BYUNG BAR BYE BRAG MED PA'I PHYIR RO, ,DNGOS POR DMIGS PA MED PA LAS, ,BYUNG BA 'BRAS BU CHEN PO STE, ,RGYAS PA'I RGYU LAS BYUNG BA'I PHYIR, ,SA BON GRUNG PO'I MYUG SOGS BZHIN; ,YOD PA DANG RIG PAR BYA BA MI 'THAD PA'I PHYIR, YANG DAG PAR NA RIG PAR BYA BA LA SOGS PA MI DMIGS SO, ,RGYAS PA'I RGYU NI PHYIN CI MA LOG PA'I PHYIR TE, GANG ZAG LA BDAG MED PAR LTA BA BZHIN NO, ,DE LAS BYUNG BA SBYIN PA LA SOGS PA NI STOBS DANG LDAN PA'I RGYUS SNGON DU DRANGS BA'I PHYIR; 'BRAS BU SHIN TU RGYA CHE BA MNGON PAR SGRUB NUS PAR 'GYUR TE, SA BON GRUNG PO LAS BYUNG BA'I MYU GU LA SOGS PA BZHIN NO, ,'DI NI CHOS YANG DAG PAR SDUD PA LAS GSUNGS TE, CHOS THAMS CAD NI DMIGS PA MED PA STE, DE LA RNAM PAR SHES PA MI 'JUG GO ZHE'O, ,YANG DE NYID LAS; BCOM LDAN 'DAS CHOS THAMS CAD MA MTHONG BA NI YANG DAG PAR MTHONG BA'O ZHES GSUNGS SO, ,RGYAL BA BSKYED MA LAS KYANG, RAB 'BYOR 'DI JI SNYAM DU SEMS, SHAR PHYOGS KYI NAM MKHA'I TSAD GZUNG BAR SLA 'AM, RAB 'BYOR GYIS GSOL BA, BCOM LDAN 'DAS DE NI MA LAGS @78B SO ZHES BYA BA NAS, RAB 'BYOR DE BZHIN DU BYANG CHUB SEMS DPA' GANG MI GNAS PAR SBYIN PA YONGS SU GTONG BA DE'I BSOD NAMS KYI PHUNG PO YANG TSAD GZUNG BAR SLA BA MA YIN NO ZHES BYA BA'I BAR DU GSUNGS SO, ,YANG DE NYID LAS, RAB 'BYOR 'DI LTA STE, DPER NA MIG DANG LDAN PA'I MI ZHIG MUN PAR ZHUGS NAS, ,CI YANG MI MTHONG BA DE BZHIN DU GANG DNGOS POR LHUNG BA LAS SBYIN PA YONGS SU GTONG BA BYANG CHUB SEMS DPAR BLTA'O, ,RAB 'BYOR 'DI LTA STE, DPER NA, NAM LANGS TE NYI MA SHAR NAS MIG DANG LDAN PA'I MIS GZUGS RNAM PA SNA TSOGS DAG MTHONG BA DE BZHIN DU GANG DNGOS POR MA LHUNG BAS SBYIN PA YONGS SU GTONG BA'I BYANG CHUB SEMS DPAR BLTA'O ZHES GSUNGS SO, ,MCHOD PA DANG PHAN 'DOGS PAR 'DOD BAS GANG SBYIN PA DE 'KHOR GSUM YONGS SU DAG PAR BYIN NA DE NYID BLO GROS DANG LDAN PA RNAMS LA SHIN TU DAD PA'I GNAS SU 'GYUR TE, 'DI LTAR DMIGS PA MED PA 'DI NI PHYIN CI MA LOG PA STE, DE YANG GTI MUG MED PA'I DGE BA'I RTZA BA'O, ,BSOD NAMS DANG 'JIG PA DANG NGAL BA DON MED BAR THAL BAR YANG MI 'GYUR BA NI RGYU DANG 'BRAS BU'I DNGOS PO NI, KUN RDZOB TU NAM BZLOG PAS ZHES PAS BSTAN ZIN TO, ,GSUM CHAR YANG GZIGS ZHES BYA BA YANG KUN RDZOB PA NYID DO, ,RANG GI RIG PA YANG KUN RDZOB KYI BDEN PAR GTOGS PA NYID DE GCIG DANG DU MA'I RANG BZHIN DU BRTAG MI BZOD PA'I PHYIR RO ZHES BYA BAS GTAN LA PHAB ZIN TO, ,DE'I PHYIR 'CHOS ZIN PA YANG MI 'CHA'O, ,GANG DAG GIS RGYU DANG 'BRAS BU'I DNGOS POR DAM BCAS BAS RGOL BA NGAN PA THAMS CAD KYI LAN BTAB PHAR 'DOD PA'I KUN RDZOB KYI DNGOS PO DE DAG GANG YIN PA DE DPYAD PAR BYA'O, ,CI SEMS DANG SEMS LAS BYUNG BA TZAM GYI BDAG NYID KHO NA'ANG, CI'I PHYIR BDAG NYID KYANG YIN ZHE NA, DE LA KHA CIG NI PHYOGS PHYI MA LA BRTEN TE BSTAN BCOS LAS SEMS TZAM MO ZHES GSUNGS PA NI BYED PA PO DANG ZAB PO DGAG PA'I PHYIR RO ZHES JI SKAD DU SMRA BA LTA BU'O, ,GZHAN DAG SEMS PA NI, RGYU DANG 'BRAS BUR GYUR BA YANG, ,SHES PA 'BA' ZHIG KHO NA STE, ,RANG GIS GRUB PA GANG YIN PA, ,DE NI SHES PAR GNAS PA YIN,, @79A *, ,RANG GIS GRUB PA'I NGO BOR NA SHES PA'I NGO BO GZHAN RTOG PA MED DO, ,RANG GIS GRUB PA'I RANG BZHIN YANG RMI LAM DANG SGYU MA LA SOGS PA'I GZUGS BZHIN NO, ,GZUGS LA SOGS PA PHYI ROL DU 'DOD PA RNAMS SHES PA LAS GUD NA YOD PAR BZHUGS NA YANG MIG LA SOGS PA BZHIN DU DUS MNYAM PA DANG MI MNYAM PA'I TSE NA RAB TU NYE BA'I RGYU MED PAS RIG PAR MI 'GRUB BO, ,DE LTA BAS NA DE DAG MYONG BA NI THA DAD PA MA YIN PA'I SNGON PO LA SNGON PO LA SOGS PA'I RNAM PA MYONG BA STE, MYONG BA'I NGO BO YIN PAS RMI LAM DANG SGYU MA LA SOGS PA'I GZUGS MYONG BA BZHIN NO, ,GAL TE SHES PA'I RNAM PA BSKYED PA'I DON GZHAN ZHIG 'BRAS BU LAS GUD NA YOD PAR RJES SU DPOG NA, DE LTA NA YANG MNGON SUM DU GRUB PAR MA GYUR GYI RJES SU DPAG PAR ZAD DO, ,DE LTA NA YANG 'DI MED PAR GRUB STE, DE MA THAG PA'I RKYEN NGES PAR YOD PA DANG, RDUL PHRA MO LA SOGS PA BKAG PA'I PHYIR RO; ,DE LTAR BYAS NA SDUG PO BKOD PA DANG, DGONGS PA NGES PAR 'GREL PA LA SOGS PA LAS 'BYUNG BA THAMS CAD DANG MTHUN PA YIN NO, ,LANG KAR GSHEGS PA LAS, PHYI ROL GZUGS NI YOD MA YIN, ,RANG GI SEMS NI PHYI ROL SNANG, ,ZHES BSTAN PA 'DI YANG LEGS PAR BSHAD PA YIN NO SNYAM DU SEMS SO, ,BLO'I MTHU MI CHUNG BA DANG LHAG PAR MNGON DU BRTZON PA DAG GIS KYANG SEMS DE LA GCIG DANG DU MA'I RANG BZHIN DU BRTAGS NA, DON DAM PAR SNYING PO MI MTHONG BAS, YANG DAG PAR 'DOD PA MA YIN NO, ,DE'I PHYIR, SEMS TZAM LA NI BRTEN NAS SU, ,PHYI ROL DNGOS MED SHES PAR BYA, ,TSUL 'DIR BRTEN NAS DE LA YANG, ,SHIN TU BDAG MED SHES PAR BYA, ,SEMS TZAM GYI TSUL LA BRTEN NAS, MTSUNGS PAR LDAN PA DANG BCAS PA'I SEMS LAS PHYI ROL DU 'DOD PA BDAG DANG BDAG GI DPE, GZUNG BA DANG 'DZIN PA LA SOGS PA RANG BZHIN MED PAR TSEGS MED PA KHO NAR RTOGS SO, ,TSUL 'DI NI RANG 'BYUNG BA MED PAS SEMS DE RANG BZHIN MED PAR RTOGS SU ZIN KYANG, MTHA' THAMS CAD SPANGS PA DBU MA'I LAM 'DI RTOGS NA, GCIG DANG DU MA'I RANG BZHIN DANG BRAL BAS RANG BZHIN MED PAR SHIN TU RTOGS SO, ,DE'I PHYIR 'JIG RTEN @79B LAS 'DAS PA'I LE'U LAS, KYE RGYAL BA'I SRAS DAG GZHAN YANG KHAMS GSUM PA NI SEMS TZAM DU RTOGS TE, DUS GSUM YANG SEMS DANG MTSUNGS PAR RTOGS SO, ,SEMS DE YANG MTHA' DANG DBUS MED PAR KHONG DU CHUD DO ZHES BSTAN PA 'DI LEGS PAR BSHAD PAR 'GYUR TE, SKYE BA DANG 'JIG PA'I MTHA' DANG GNAS PA'I MTSAN NYID KYI DBUS MED PA'I PHYIR MTHA' DANG DBUS MED PA'O, ,CHOS YANG DAG PAR SDUD PA LAS KYANG, BCOM LDAN 'DAS CHOS THAMS CAD NI KUN BRTAGS PA'I SNYING PO STE, SEMS TZAM DU BAS PA RDZAS MA MCHIS PA SGYU MA LTAR RTZA BA MA MCHIS PA'O ZHES 'BYUNG NGO, ,LANG KAR GSHEGS PA LAS KYANG, SEMS TZAM LA NI BRTEN NAS SU, ,PHYI ROL DON LA MI RTOG GO, ,YANG DAG DMIGS PAR GNAS NAS SU, ,SEMS TZAM LAS KYANG SHIN TU BZLA, ,SEMS TZAM LAS NI BZLAS NAS KYANG, ,SNANG BA MED LAS SHIN TU BZLA, ,SNANG MED GNAS PA'I RNAL 'BYOR PA, ,DE YIS THEG PA CHEN POR MTHONG, ,'JUG PA LHUN GYIS GRUB CING ZHI, ,SMON LAM DAG GIS RNAM PAR SBYANGS, ,YE SHES DAM PA BDAG MED PA, ,SNANG BA MED LA MI MTHONG NGO, ,ZHES GSUNGS SO, ,YANG, RGYU DANG RKYEN NI RNAM LOG DANG; ,RGYU YANG NGES PAR BKAG PA DANG, ,SEMS TZAM RNAM PAR GZHAG PA NI, ,SKYE BA MED PAR DAG BSTAN TO, ,DNGOS PO RNAMS KYI PHYI DNGOS MED, ,SEMS KYANG YONGS SU GZUNG MA YIN, ,LTA BA THAMS CAD SPANG BA'I PHYIR, ,SKYE BA MED PA'I MTSAN NYID DO, ,ZHES GSUNGS SO, ,'DIR YANG GSUNGS PA, 'DI LA SKYE BA CI YANG MED, ,'GAG PAR 'GYUR BA CI YANG MED, ,SKYE BA DANG NI 'GAG PA DAG ,SHES PA 'BA' ZHIG KHO NA'O, ,'BYUNG BA TSE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM BRTAGS MA YIN NAM,, ZHE'O; ,TSUL GNYIS SHING RTA ZHON NAS SU, ,RIG PA'I SRAB SKYOGS 'JU BYED PA, ,DE DAG DE PHYIR JI BZHIN NO, ,THEG PA CHEN PO PA NYID THOB, ,DNGOS PO'I STOBS KYIS ZHUGS PA'I RJES SU DPAG PA LA 'JUG PA RNAMS, TSUL GNYIS BRJOD PAS BSDUS PA, DE BZHIN GSHEGS PA RNAMS GSHEGS @80A *, ,SHING RJES SU GSHEGS PA'I THEG PA CHEN POS DNGOS PO MTHA' DAG RANG BZHIN MED PAR KHONG DU CHUD PAR BYED DE, SHING RTA CHEN PO LA ZHON PA DAG KHA BSDAMS PA'I SRAB SKYOGS LEGS PAR BZUNG BA BZHIN DU DON DANG LDAN PA'I THEG PA CHEN PO ZHES BYA BA YANG DAG PAR 'THOB PAR BYED DO, ,LANG KAR GSHEGS PA LAS, TSUL GNYIS GYIS BSDUS PA'I THEG PA CHEN PO DE MDOR BSTAN PA NI 'DI SNYED DE, CHOS LNGA DAG DANG RANG BZHIN GSUM, ,RNAM PAR SHES PA BRGYAD NYID DANG, ,BDAG MED GNYIS KYI DNGOS POR NI, ,THEG PA CHEN PO THAMS CAD 'DUS, ,ZHES 'BYUNG NGO; ,TSUL RNAM PA 'DI GNYIS NI RNAM 'DIR DANG, KHYAB 'JUG DANG MIG MI BZANG LA SOGS PAS RNAM PA MANG DU BSHAD LA, THEG PA CHEN PO 'DI LA BYE BRAG TU GYUR PA CI YOD DAM, 'DI LTA STE, 'DUD RTZI'I THIGS PA GSANG BA LAS BSTAN PA, RNAM RIG TZAM NI RTAG TU RNAM PAR DAG ,'DI LTAR SANGS RGYAS RTAG TU GROL PA YIN, ,BLANG DANG DOR BA MED CES RAB BRTAGS PA, ,TSANGS PA MYA NGAN MED PAR RTAG GNAS BYOS, ,SHE'O, ,ZHAG LNGA PA NAS 'BYUNG BA, MING TZAM LAS NI RAB 'DAS SHING, ,DNGOS DANG DNGOS MED RNAM SPANGS PA, ,DBYUNG DANG BSDU LAS NGES GROL BA, ,DE NI NOR LHA'I BU ZHES BYA, ,DNGOS LA DNGOS NYID YOD MA YIN, ,DNGOS MED LA YANG DNGOS NYID MIN, ,DNGOS DANG DNGOS MED RNAM GROL BAR, ,GANG DE SHES DE RIG BYE RIG ,CE'O, ,ZHI BA'I MDZES SBYAR LAS BYUNG BA, ,BU GCIG TSANGS PA MCHOG TU BDEN, ,RIG PA'I DBANG PHYUG MU MTHA' YAS, ,'BA' ZHIG YOD PA NYID SMRA BA, ,DE YANG ZHIG BAR RAB TU BRJOD, ,CE'O, ,PHA DANG BU'I SBYOR BA LAS BRJOD DO, ,DRANG SRONG CHEN PO SER SKYAS SMRAS PA, YON TAN RNAMS KYI RANG BZHIN MCHOG ,MTHONG BA'I LAM DU 'GRO BA YIN, ,MTHONG BA'I LAM DU GANG 'GYUR DE, ,SGYU MA LTA BUR SHIN TU GSOG ,CE'O,, DE BAS NA 'DI LA DE BZHIN GSHEGS PA'I SKYES BU BYED PA THUN MONG YIN PA CI YOD, DE NI DE LTA MA YIN TE, CHOS THAMS CAD RANG BZHIN STONG BAR BSTAN PA NI, DE BZHIN GSHEGS PA NYID KYIS SENG GE'I SGRA MU STEGS BYED KYI GLANG PO CHE DANG, RI DAGS KYI TSOGS SKRAG PAR BYED PA'O, ,'DI LTAR PHA @80B ROL MU STEGS BYED PA BDAG LA SOGS PA LTA BA LA MNGON PAR ZHEN PA THAMS CAD NI NYI TSE BA KHO NA'I STONG PA NYID BRJOD DE, 'DI LTA STE, GSANG BA PA'I RJES SU 'BRANG BA DAG NI BDAG DAM PA NI GCIG PU KHO NA RNAM PAR SHES PA TZAM GYI RANG BZHIN YIN TE, NAM MKHA' CHEN PO DANG 'DRA ZHES BRJOD DE, DE LA RNAL 'BYOR PA GOMS PAS GNYUG MA DANG GNYUG MA MA YIN PA'I MA RIG PA DANG BRAL NAS BUM PA LA SOGS PA CHAG NA DE'I NAM MKHA' NAM MKHA' CHEN POR 'DU BA BZHIN DU SROG KYANG DER 'DU NA RAB TU SMRA BA DAG GIS DE SROG DANG YON TAN DANG 'BYUNG BA NYID LA SOGS PA DNGOS PO MTHA' YAS PAR RNAM PAR BRTAGS SO, ,'JIG RTEN 'DI NI SGYU MA'I RANG BZHIN TE GNYIS SU MED KYANG RMI LAM RMIS PA BZHIN DU SNA TSOGS KYI NGO BOR SNANG NGO, ,'DIR SMRAS PA, BUM PA LA SOGS ZHIG PA NA, ,BUM PA'I NAM MKHA' LA SOGS PA, ,JI LTAR NAM MKHA' 'DU 'GYUR BA, ,DE BZHIN SROG KYANG BDAG 'DIR 'DU, ,GZUGS DANG 'BRAS BU RAB TU BRJOD, ,DE DANG DER NI THA DAD KYANG, ,NAM MKHA' LA NI THA DAD MED, ,DE BZHIN SROG KYANG NGES PA YIN, ,JI LTAR BYIS PA RNAMS LA NI, ,NAM MKHA' DRI MAS DRI CAN 'GYUR, ,DE BZHIN MI MKHAS RNAMS LA YANG, ,BDAG NI DRI MAS DRI CAN 'GYUR, ,JI LTAR MUN KHUNG MA RTOGS TE, ,THAG PA SPRUL GYI RGYUN LA SOGS, ,DNGOS POR RNAM PAR BRTAGS PA LTAR, ,DE BZHIN BDAG KYANG RNAM PAR BRTAGS, ,JI LTAR THAG PA NGES RTOGS NA, ,RNAM PAR RTOG PA LDOG 'GYUR TE, ,THAG PA GCIG NYID GNYIS MIN PA, ,DE LTAR BDAG KYANG NGES PA YIN, ,SROG LA SOGS PA MTHA' YAS PA'I, ,DNGOS PO DE DAG RNAM PAR BRTAGS, ,GANG GIS DE DAG NYID RMONGS PA, ,DE NI LHA DE'I SGYU MA YIN, ,SROG TU RIGS PAS SROG CES BRJOD, ,'BYUNG BA YIN ZHES DE RIGS RNAMS, ,YON TAN RIGS RNAMS YON TAN SNYAM, ,YANG DAG YIN ZHES DE RIGS RNAMS, , GNYIS MIN YID NI RMI LAM NA, ,GNYIS SU SNANG STE THE TSOM MED, ,DE BZHIN GNYID KYIS LA LOG TSE, ,GNYIS MIN GNYIS SNANG TSE TSOM MED, ,RGYU DANG MI RGYU GANG CI'ANG RUNG, ,GNYIS SU SNANG BA 'DI YID YIN, ,YID NI MED PAR GYUR PA NA, ,GNYIS SU DMIGS PAR MI 'GYUR RO, ,BDAG NI BDEN PA RTOGS @81A *, ,GYUR PAS, ,GANG TSE KUN TU MI RTOG PA, ,DE TSE YID NI MI 'GYUR TE, ,GZUNG BA MED PAS DE 'DZIN MED, ,CE'O, ,BDAG RTAG PA LTA BA GNYIS SU MED PAR BRJOD PA'I TSUL 'DI THAMS CAD KYANG SNGAR SPANGS ZIN TO, ,GZHAN YANG GCIG GROL THAMS CAD GROL BAR 'GYUR RO, ,'ON TE MA GROL NA GROL BAR 'DOD PA YANG MA GROL BAR 'GYUR TE, THA DAD PA MED PA'I PHYIR RO, ,GZHAN DU NA MI MTHUN PA'I PHYOGS GNAS PAS THA DAD PA NYID DU 'GYUR RO, ,RNAL 'BYOR GOMS PA'I RNAL 'BYOR PAS, ,CI ZHIG BZLOG CING CI ZHIG SGRUB, ,DE YI BDAG NYID PHYIN CI LOG ,SPANG BAR NUS PA MA YIN NO, , SHES PA YANG DAG BSKYED BYA MIN, ,DE NYID RTAG TU GNAS PHYIR RO, ,DE PHYIR RNAL 'BYOR BSGOMS PA 'DI, ,'BRAS BU MED PAR 'GYUR BA YIN, ,BAR SKABS KYI TSIGS SU BCAD PA DAG GO, ,YE SRID PA'I DNGOS PO RTAG PA DANG GCIG PU DGAG PA SNGAR BRJOD PA NYID KYIS BUM PA DANG NAM MKHA'I DPE YANG MA GRUB PO, ,GCIG 'DU NA THAMS CAD KYANG 'DU BAR 'GYUR BA DANG, 'ON TE MA YIN NA 'DOD PAR YANG MI 'GYUR TE, THA DAD PA MED PA'I PHYIR RO ZHES BYA BA DER YANG BRGAL ZHING BRTAG PA DANG MTHUN PA NYID DO, ,DE KHO NA MTHONG BA GOMS PAS GLO BUR GYI NYON MONGS PA DANG BRAL BA YANG RANG BZHIN GYIS 'OD GSAL BA'I SEMS SKAD CIG GIS 'JIG PA'I CHOS CAN LA 'THAD DO, ,GZHAN DU NA SNGA PHYI'I GNAS SKABS SU DAG PA DANG MA DAG PAR 'GYUR TE, THA DAD PA MED PA'I PHYIR RO, ,NGES PA DANG MA NGES PA DANG 'KHRUL PA DANG MA 'KHRUL PA RNAM PAR GZHAG PA THA DAD PAR BRJOD PA YANG SKAD CIG PA LA RTEN PA NYID LA RIGS TE, SKYES BU RTAG PA GCIG PU'I NGO BO LA 'TSOL BAR GYUR PA'I GNAS SKABS 'DI DAG GI LAN GDAB PAR MI NUS PA'I PHYIR RO, ,SHES PA'I SKYES BU RTAG PA DANG GCIG PU'I RANG BZHIN LA GNYID KYIS LOG PA DANG, GNYID KYIS MA LOG PA'I GNAS SKABS 'JOG PA LA YANG GNAS MED PA NYID DE, GNAS SKABS THA DAD PA MI RIGS PA'I PHYIR RO, ,DE BAS NA, RIG BYED MTHA' LA NGES RNAMS KYIS, ,RMI LAM SGYU MA CI 'DRA DANG, ,DRI ZA'I GRONG KHYER CI 'DRAR MTHONG, ,DE LTAR 'JIG RTEN 'DI DAG MTHONG, ,'GOG PA MED CING SKYE BA MED, ,BCINGS PA MED CING SGRUB PA MED, ,THAR 'DOD MED CING THAR BA MED, , @81B 'DI NI DON DAM NYID YIN NO, ,CHAGS DANG 'JIGS DANG KHRO BRAL BA, ,RIG BYED MTHAR PHYIN THUB RNAMS KYIS, ,SPROS PA NYER ZHI GNYIS MED PA'I, ,RNAM PAR MI RTOG 'DI MTHONG NGO, ,ZHES DE DAG GIS GANG BRJOD PA DE NI BDE BAR GSHEGS PAS GSUNGS PA SPROS PA'I TSOGS THAMS CAD LAS GROL BA, DON DAM PA'I BDEN PA LA BRTEN NA MDZES SO, ,RTAG PA DANG GCIG PU'I BDAG BKAG PA 'DIS NYE DBANG GI LUGS KYANG BSAL ZIN TO, ,YE SRID PA'I LTA BA YANG KHYAB PA DANG, RTAG PA'I BDAG DANG NAM MKHA' LA SOGS PA BSAL BAS BSAL ZIN TO, ,YE SRID PA'I DER YANG RTAG PA NYID DANG, KHYAB PA NYID DANG, BYED PA PO LA SOGS PA YANG DAG PA NYID DU BRJOD PA'I PHYIR RO, ,SER SKYES BRJOD PA SNYING STOBS DANG, ,RDUL DANG MUN PA MNYAM PA'I GNAS SKABS KYI MTSAN NYID GTZO BO DANG DAM PA'I RANG BZHIN DU BRJOD PA YANG SNGAR SMOS PA'I KHYAB PA DANG RTAG PA'I DNGOS PO BSAL BA NYID KYIS BSAL ZIN TO, ,RANG GI SDE PA GANG DAG CHOS THAMS CAD DNGOS PO MED PA LA SOGS PA'I MDO'I TSIG 'CHAD PA NA SMAD PA DANG, NYUNG BA'I DON LA SOGS PA 'CHAD DE, DNGOS PO RNAMS NGAN PA YIN PAS DNGOS PO MED PA STE, DBUS DANG DA LTAR GYI GNAS SKABS NA MI BRTEN PA'I PHYIR RO, ,YANG NA DNGOS PO DAG NI DNGOS PO MED PA MANG BAS DNGOS PO MED PA STE, SNGON DANG PHYI MA'I MTHAR MA SKYES PA DANG, 'DAS PAR RANG BZHIN MED PA'I PHYIR RO, ,BSHAD PA 'DI YANG GAL TE SNGAR DPYAD PAR BYAS PA'I SPANGS PAS GZHAN GYI DBANG YANG DAG PAR YOD PAR GRUB NA NI KHO BO'I SEMS RANGS PAR 'GYUR RO, ,GZHAN DU NI BYE BRAG TU SMRA BA DANG, GNAS MA BU'I TSUL GYI RJES SU 'BRANGS NAS, 'DI NI LHUR GRANGS CAN LA SOGS PA'I LUGS KYI DNGOS PO DGAG PA YIN NO ZHES 'DI BSHAD MI NUS PA CI YOD, YANG NA BSHAD PA 'DI NI 'DUL BA'I SKYE BO BLO MI ZHIB PA'I SKRAG PA BSAL BA'I PHYIR TE; DE DAG TU ZAD DO ZHES BYA BA NI MI SEMS SO, ,DE LTA BAS NA THUB PA'I RGYAL POS NYI TSE BA MA YIN PA'I STONG PA NYID BSTAN PA KHO NA MU STEGS BYED KYI TSOGS THAMS CAD DANG THUN MONG MA YIN PA 'DI NI MDZES PA KHO NA YIN TE, ZLA BA SGRON MA'I TING NGE 'DZIN LAS 'DI SKAD DU, CHOS RNAMS THAMS CAD @82A *, ,RTAG TU RANG BZHIN STONG, ,ZHES BYA BA LA SOGS PA GSUNGS PA LTA BU'O, ,'DIR YANG BRJOD PA, SHIN TU PHRA BA'I DNGOS LA YANG, ,GANG GIS SKYE BAR RNAM BRTAGS PA, ,MKHAS PA MA YIN DE YIS NI, ,RKYEN LAS BYUNG BA'I DON MA MTHONG, ,GAL TE DON GCIG YOD GYUR NA, ,CI YI PHYIR NA RANG BZHIN MED, ,MDO SDE MANG DANG 'GAL BAR 'GYUR, ,'JIG RTEN MI MTHUN NYID DU 'GYUR, ,ZHE'O, ,DE'I PHYIR, KHYAB DANG DBANG LA SOGS MA MYONG, ,DPAG TU MED PAR GNAS PA'I RGYU, ,'JIG RTEN SPYI BOR GYUR PAS KYANG, ,SHIN TU MYONG PA MA YIN PA, , YANG DAG BDUD RTZI DAG PA 'DI, ,THUGS RJE DAG PA'I RGYU RKYEN GYI, ,DE BZHIN GSHEGS PA MA GTOGS PAR, ,GZHAN GYI LONGS SPYOD MA YIN NO, ,ZLA BA'I 'OD ZER LTAR DAG PA GANG ZAG DANG CHOS LA BDAG MED PA'I RANG BZHIN NYI TSE BA MA YIN PA'I BDUD RTZI 'DI NI SKYOB PA SHIN TU GSOL TE, DES NA RNAM PA THAMS CAD KYI MCHOG DANG LDAN PA'I SHES RAB DANG, THUGS RJE'I RDUL PHRA RAB 'DUS PA'I SKU, NYON MONGS PA DANG, SHES BYA'I SGRIB PA'I PHUNG PO MA LUS PA DANG BRAL BA, THAMS CAD KYI MCHOG 'KHOR BA JI SRID BAR BZHUGS SO, ,'DI LTAR DE NI BDAG MED PA DANG PO RTOGS PAS BLO RNAM PAR DAG PA NYAN THOS DANG, RANG SANGS RGYAS RNAMS KYIS YANG MA YIN NA, LOG PA BDAG TU LTA BA LA ZHEN PA LHA CHEN PO KHYAB 'JUG DANG, TSANGS PA LA SOGS PA'I SA MA YIN PAR LTA CI SMOS, DE PHYIR LOG PAR BSTAN PA YI, ,GRUB MTHAR 'CHEL BA'I BLO CAN LA, ,DE LUGS RJES 'JUG BLO CAN RNAMS, , SNYING RJE NYID NI RAB TU SKYE, ,BDAG DANG GZHAN GYI LUS LA SDUG BSNGAL GYI RGYUN BSKAL PA MI NYUNG BAR RJES SU 'BREL BA'I RGYUR 'GYUR BA, LOG PAR BSTAN PA'I CHOS 'DUL BA BYED PA RNAMS DANG DE'I RJES SU 'GRO BA RNAMS LA DE KHO NA SHES PA 'DI LTA BU TSOL BAS DE KHO NA MCHOG GTAN LA PHEBS NAS BDE BAR GSHEGS PA'I BSTAN PA SNYING RJE'I RIGS KYI KHYIM KHAS LEN PA, SKYES BU LCID KHYER BA, RTOGS PA DANG LDAN PA RNAMS KYI SNYING RJE CHEN PO, MI MTHUN PA'I PHYOGS CHUNG NGU DANG YANG MA 'DRES PA SKYE STE, GZHAN SDUG BSNGAL DANG BRAL BAR 'DOD PA NI SNYING RJE CHEN PO YIN NO, ,DE DAG GI SDUG BSNGAL DANG, DE'I RGYU RAB @82B TU 'PHEL NA SKYE BAR 'GYUR TE, BUD SHING BSNAN NA ME LCE 'BAR BA BZHIN NO, ,DON DAM PA LA RNAM PAR SDANG BA DAG NI SDUG BSNGAL GYI RGYU'I MCHOG LA GNAS PA YIN TE, 'DI DAG JI LTA BAR BYA BA DAG NI DE LTAR BDAG DANG GZHAN GYI DAG MA YIN TE, DE DAG NI RLUNG GIS BSKYOD NAS CU'I CHU BUR BYUNG BA LTA BUR SHIN TU MI RTAG PA, BDAG LA PHAN PA CUNG ZAD KYANG MI NUS PA'I LUS RANG CAN GRANGS YOD PA GCIG GSOD PAR ZAD KYI, 'DI DAG NI 'KHOR BA JI SRID BAR BZHUGS PA, BDAG DANG GZHAN GYI DON PHUN SUM TSOGS PAS MDZES PA, GRANGS LAS 'DAS PA'I RGYAL BA DANG 'BREL PA'I CHOS KYI SKU LA GNOD PA STE, DE'I SA BON CHOS KYI DE KHO NA LA MOS PA LA GNOD PA BYED PAR ZHUGS PA'I PHYIR RO, ,DE NYID KYI PHYIR DAM PA'I CHOS SPONG BA'I RNAM PAR SMIN PA SHIN TU MI BZAD PA RNAM PA MANG PO MDO SDE LAS BRJOD DO, ,YANG GSUNGS PA, SHIN TU RGYA CHER RAB ZAB LA, ,SGYID LUG SHIN TU MA SBYANGS PA, ,BDAG GZHAN DGRA DAG GTI MUG GIS, ,DA LTAR THEG PA CHE LA SMOD, ,TSUL KHRIMS LAS NI NYAMS BLA YI, ,LTA BAS CIS KYANG MA YIN TE, ,TSUL KHRIMS KYIS NI MTHO RIS 'GRO, ,LTA BAS GO 'PHANG MCHOG TU 'GYUR, ,GTI MUG DBANG GIS BSGRIBS GYUR TE, ,GANG ZHIG YANG DAG BGEGS BYED PA, ,DE LA DGE BA'I 'GRO BA MED, ,THAR PA MED PA SMOS CI DGOS, ,GNOD PA'I SA BON GYUR PA YI, ,MU STEGS BYED MANG MTHONG NAS NI, ,CHOS 'DOD SKYE BA PO RNAMS LA, ,SNYING RJER MI 'GYUR SU ZHIG YOD, ,CE'O, ,ZLA BA SGRON MA'I TING NGE 'DZIN LAS, DANG PO BZOD PA'I KHYAD PAR LAS JI SKAD DU GSUNGS PA BZHIN NO, ,'DI LTAR GZHAN GYI LUGS 'DI LA BRTAGS NA NYID MA'I 'OD ZER SHIN TU 'JEBS PA, GANGS RI KHA BA'I DU MA GRUGS LA BAB NA 'JU BAR 'GYUR BA LTA BUR GTING MI TSUGS PAS BDAG LEGS SU 'DOD PA RNAMS 'DI LA MA ZHEN PAR BYA BA CHED DU CHED CHER 'DZIN TO, ,GZHAN YANG KHO BO BDAG CAG DANG, GZHAN GYI GZHUNG LUGS RGYA CHER DPYAD PAS RTEN CING 'BREL BAR 'BYUNG BA SPROS PA'I TSOGS THAMS CAD DANG BRAL BA 'DI DE KHO NA BSDUS PA DANG, DON DAM PA GTAN LA DBAB PA LA SOGS PAR DPYAD ZIN GYIS, SHIN TU RGYAS PAR 'DOD PA DAG @83A *, ,GIS DE DAG LAS KHONG DU CHUD PAR GYIS SHIG ,DE'I PHYIR, BLO NOR LDAN PAS LUGS GZHAN LA, ,JI LTAR SNYING PO MED MTHONG BA, ,DE LTAR DE DAG SKYOB PA LA, ,GUS PA SHIN TU SKYE BAR 'GYUR, ,BDAG SHES PA SU ZHIG GZHAN GYI LUGS NI RIGS NGAN BLUN PO'I SKYE BO LA YANG GRAGS PA'I YUL RAGS PA LA YANG 'KHRUL PAR MTHONG LA, DE BZHIN GSHEGS PA'I GSUNG RAB THOG MA DANG, BAR DANG, THA MAR DGE BA, GSER BZANG PO LTA BUR BSREG PA DANG, GCAD PA DANG, BRDAR BA DANG, 'DRA BA'I MNGON SUM DANG, RJES SU DPAG PA DANG, RANG GI TSIG RNAMS KYIS GNOD PAR MA GYUR PA NI 'KHOR BA RNAMS DANG MA 'DRES PA'I YE SHES KYI DE KHO NA SHIN TU 'THIBS PO LA 'KHRUGS PA MED PAR MTHONG NAS MI DANG LHA YUL PA'I 'DREN PA MTHA' DAG GI COD PAN GYI PHRENG BAS ZHABS PAD MA GNYIS MDZES PAR BYAS PA DANG LDAN PA'I 'JIG RTEN GYI BLA MA BDAG SHES PA SU ZHIG MNGON PAR MA ZHEN PA'I TSUL GYIS SGRUB PA SNYING POR BYED PA'I DAD PA MI SKYED, DE'I PHYIR DE LTAR, YANG DAG SHES TSOL SNGON BTANG STE, ,DON DE RNAM PAR NGES BYAS NAS, ,LTA NGAN 'THIBS GNAS 'JIG RTEN LA, ,SNYING RJE KUN TU BSKYED NAS SU, ,'GRO DON BYED PA PAR GYUR PA, ,BYANG CHUB BLO RGYAS MKHAS PA NI, ,BLO DANG SNYING RJES BRGYAN PA YI, ,THUB PA'I BRTUL ZHUGS YANG DAG SPYOD, ,YANG DAG DAD PAS RJES 'BRANGS PA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANG BYAS TE, ,DE NI YANG DAG SHES TSOL BRTZON, , BLO MIG ZHIB PA'I BLO LDAN DAG ,LAM GANG NAS NI 'JUG 'GYUR PA, ,LUNG DANG RIGS PA GSAL LDAN PA, ,DE LTAR PHYOGS TZAM BSTAN PA YIN, ,'DIR NI ZLA BA DAG 'DRA'I BSOD NAMS BDAG GIS GANG THOB PA, ,DES NI THUB MCHOG LUGS KYI YANG DAG DGA' LDAN 'JIG RTEN KUN, , LTA NGAN MUN PA'I DRA BA RAB TU MANG PO RNAM BSAL NAS, ,SRID PA'I 'DOD CHAGS RAB TU BSAL TE BYANG CHUB THOB PAR SHOG ,BDAG KYANG YUL GYI LONGS SPYOD MYANG BAS BRGYAL BA'I MUN BSAL CING, ,YANG DAG DAM PAR RIG CING YANG DAG RIG DANG 'GROGS PA DANG, ,GZHAN GYI DON LA GCIG TU @83B GZHOL ZHING 'JAM PA'I DBYANGS KYI ZHABS, ,GTZANG MA PADMAR BRTEN CING SHIN TU BRTAN PAS GUS PAR SHOG ,GSAL BA'I LUNG DANG RIGS PA DAG GIS GANG ZHIG 'DIR BRJOD PA, ,RGYAL BA KHYU MCHOG DAM PA'I GSUNG RAB SGRON CHEN YANG DAG PAR, ,GSAL BYED 'DI NI SA LA DNGOS RNAMS DNGOS PO'I NGO BO YANG DAG PA, ,JI SRID MI 'DOR DE DE SRID RNAM PA KUN TU GNAS GYUR CIG ,RGYAL BA GANG DAG RTEN 'BREL 'BYUNG, ,RTOG PA MI BZAD DA BA KUN, ,RNAM GROL GSUNGS PA DE DAG LA, ,RTAG PAR RGYUN DU PHYAG 'TSAL LO, ,DE LTA'I TSUL DU DBU MA YI, ,RGYAL 'DI BDAG GIS BYAS PA NI, ,RIGS DANG MDO SDE SNA TSOGS KYIS, ,RIN CHEN BKOD PAS MDZES PAR BYAS, ,ZHIB PA'I BLO YIS 'DI RTOGS NAS, ,ZLA SGRON LA SOGS BLO ZAB RNAMS, ,SKYE BO BLO YI NOR LDAN ZHING, ,BRTAN RNAMS 'JIGS MED BSGOM PAR SHOG ,BRTAN RNAMS 'DI 'DZIN BYED PA DANG, ,MKHAS LA STON PAR BYED PA NI, ,BDAG DANG GZHAN LA KHYAB MCHOG GI, ,YONGS SU MGU BAR RAB TU BYED, ,DMIGS PA CAN KUN SPYI BRTOL GYIS, ,RLOM PA RNAM PAR BSAL BYAS NAS, ,SPOBS PA SO SOR RIG PA YIS, ,SHIN TU MTHO BAR 'GYING BAR BYED, ,ZAB MO'I CHOS KYI YANG DAG NYID, ,STON PA MDZAD PA'I THUB CHEN GYI, ,GRAGS PA DAG NI PHYOGS RNAMS KYI, ,RAB 'BYAM KUN TU RGYAS PAR BYED, ,CHOS LA BDAG MED SGRUB PA'I PHYIR, ,SLOB DPON SNGA MA STONG SNYED KYIS, ,SGRUB PA RNAMS NI SBYAR MDZAD PA, ,MA KHYAB 'DRA BA GANG YIN RNAMS, ,MKHAS RNAMS YANG DAG DAG PA 'DI, ,SHES NAS DA NI DE DAG LA, ,'DOD PAS DRI MED RAB 'BREL PA, ,RNAM PAR NGES PAR BYED PAR SHOG ,GANG DAG DE LA 'PHYAS BYED PA, ,'PHYA BA'I BDAG NYID DE DAG KYANG, ,DOGS MED RJES 'GRO LDOG LDAN GYIS, ,TSEGS MED TSAR GCOD BYED GYUR CIG ,DBU MA'I RGYAN 'DI NI SLOB DPON ZHI BA 'TSO BA DAG DANG GZHAN GYI GRUB PA'I MTHA'I RGYA MTSO'I PHA ROL TU SON PA, 'PHAGS PA NGAG GI DBANG PHYUG GI ZHABS KYI PADMA RNYOG PA MED PA'I ZE'U 'BRU SPYI BOS LEN PAS MDZAD PA RDZOGS SO,, ,,RGYA RAG GYI MKHAN PO SH'I LENDRA BO DHI DANG, ZHU CHEN GYI LO TZ'A BA @84A *, ,BANDE YE SHES SDES BSGYUR CING ZHUS TE GTAN LA PHAB PA,,#, ,RGYA GAR SKAD DU, MADHY'A LAm K'A RA PANYTZI K'A, BOD SKAD DU DBU MA'I RGYAN GYI DKA' 'GREL, BAM PO DANG PO, 'JAM DPA' GZHON NUR GYUR PA LA PHYAG 'TSAL LO, ,GANG ZHIG BRTZON 'GRUS MTSUNGS MED PAS, ,BDAG GZHAN PHAN PA PHUN SUM TSOGS, ,MTHA' DAG PHA ROL PHYIN DE LA, ,PHYAG BYAS DBU MA'I RGYAN DBYE BYA, ,YUL YON TAN DANG LDAN PA LA DANG BA NI LEGS PA THAMS CAD THOB PAR BYED PA'I DANG PO'I RGYU YIN PAS YON TAN PHUL DU DBYUNG DU MED PA DPAG TU MED PA RIN PO CHE'I 'BYUNG GNAS BCOM LDAN 'DAS RNAMS LA GZHAN DAG DANG BA BSKYED PA'I PHYIR RE ZHIG DANG PO NYID DU DE DAG LA JI LTA BA BZHIN GYI YON TAN BRJOD PA SNGON DU 'GRO BA'I PHYAG 'TSAL BA, GANG DAG CES BYA BA SMOS TE, 'DI LTAR TSIGS SU BCAD PA 'DIS NI BCOM LDAN 'DAS KYI CHE BA'I YON TAN BDAG NYID PHUL DU BYUNG BA DANG LDAN PA STON PAR BYED DO, ,DE THOS NAS KYANG RE ZHIG DAD PAS RJES SU 'BRANG BA RNAMS NI DE DAG LA THE TSOM MED PAR DANG BA MYUR DU SKYE BAR 'GYUR RO, ,GANG DAG CHOS KYI RJES SU 'BRANG BA DE DAG KYANG DE LTA BU DAG LA GNOD PA MA MTHONG ZHING, SHES RAB LA SOGS PA YON TAN RNAMS GOMS PAS BYE BRAG TU 'PHAGS PA YANG RTOGS NAS DE LTA BU'I MKHAS PA DAG NI GDON MI ZA BAR SRID DO ZHES NGES PAR BZUNG NAS DE DAG LA DANG BA SKYED PAR BYED PA NYID DO, ,DE DAG LA DANG BA'I PHYIR DE DAG GI YON TAN 'DOD PA RNAMS DE DAG GI GSUNG RAB RNAMS DANG, GSUNG RAB DAG LA BRTEN PA'I BSTAN BCOS LA GZUNG BA LA SOGS PA'I DON DU THOG MAR BRTAG PA SNGON DU 'GRO BA'I GUS PA BYED DO, ,DE'I 'OG TU THOS PA LAS BYUNG BA LA SOGS PA'I SHES RAB SKYE BA'I RIM GYIS LEGS PA DAM PA THOB PAR 'GYUR RO, ,DE'I PHYIR YON TAN DANG LDAN PA RNAMS LA DANG BA NI LEGS PA THAMS CAD KYI GTZO BO'I RGYU YIN NO, ,DE NYID KYI PHYIR DE NI DE LA 'JUG PA LA YANG YAN LAG YIN PA'I PHYIR BSTAN BCOS BYED PA PHAL CHER BSTAN BCOS KYI DANG POR STON PA LA MCHOD PA BYED DO, ,DE NYID KYI PHYIR BSTAN BCOS BYED PAR 'DOD PAS RANG GI STON PA'I CHE BA'I BDAG NYID SHES @84B PAR BYA BA'I PHYIR DE LA PHYAG 'TSAL BA RTZOM MO ZHES BSHAD DO, ,DE LA GANG DAG SU RNAMS SA LA BZHUGS PA DE DAG RNAMS LA PHYAG 'TSAL LO ZHES BYA BAR SBYAR RO, ,'DI SPYIR SMOS PA YIN DU ZIN KYANG SANGS RGYAS BCOM LDAN 'DAS RNAMS KHO NA YIN PAR MNGON TE, GZHAN DAG LA NI JI SKAD SMOS PA'I YON TAN MED PA'I PHYIR RO, ,DE'I PHYIR BCOM LDAN 'DAS RNAMS LA PHYAG 'TSAL BAR 'OS PA NYID DU BSGRUB PA'I PHYIR JI LTA BA BZHIN GYI YON TAN RJOD PAR BYED DO, ,YON TAN DE DAG KYANG RANG DANG GZHAN GYI DON PHUN SUM TSOGS PA'I BYE BRAG GIS 'DIR RNAM PA GNYIS SU BSTAN TO, ,RANG GI DON PHUN SUM TSOGS PA YANG RGYU DANG 'BRAS BU PHUN SUM TSOGS PA'I BYE BRAG GIS RNAM PA GNYIS SO, ,RGYU PHUN SUM TSOGS PA DE YANG NYE BA DANG RING BA'I RGYU'I BYE BRAG GIS RNAM PA GNYIS SO, ,'BRAS BU PHUN SUM TSOGS PA DE YANG YE SHES DANG SPANG BA PHUN SUM TSOGS PA'I BYE BRAG GIS RNAM PA GNYIS SO, ,GZHAN GYI DON PHUN SUM TSOGS PA YANG GZHAN DAG NGES PAR LEGS PA DANG MNGON PAR MTHO BA 'THOB PA'I BYE BRAG GIS RNAM PA GNYIS SU GNAS TE, 'DI NI YAN LAG RNAM PAR BSHAD PA NAS SBYAR BAR BYA'O, ,YON TAN PHUN SUM TSOGS PA 'DI MTHA' DAG NI BCOM LDAN 'DAS RNAMS PHYI ROL PA DANG SLOB PA DANG MI SLOB PA CHEN PO RNAMS KYI BLA NA BZHUGS PA NYID KYI GTAN TSIGS YIN NO, ,DE'I PHYIR DE DAG KHO NA DNGOS SU PHYAG BYA BAR 'OS PA YIN GYI, ,GZHAN DAG NI MA YIN NO ZHES BSTAN PA YIN NO, ,YAN LAG GI DON BRJOD PAR BYA STE, GANG DAG LA DAG BRTAN BLO MNGA' BA DE DAG LA DE SKAD CES BYA STE, DE LA DAG PA NI 'DOD CHAGS LA SOGS PA'I DRI MA THAMS CAD DANG BRAL BA'I PHYIR RO, ,'DIS NI PHYI ROL PA'I 'DOD CHAGS DANG BRAL BA RNAMS DANG SLOB PA RNAMS LAS KHYAD PAR DU STON PAR BYED DE, 'DI LTAR PHYI ROL PA KUN NAS NYON MONGS PA'I RTZA BA'I BDAG NYID PHYIN CI LOG MTHA' DAG DANG LDAN PA'I YID CAN 'DOD CHAGS LA SOGS PA'I 'CHING BA MTHA' DAG NYAMS PAR MA BYAS PA THAMS CAD NI DRI MA MED PA'I BLO CAN DAG TU JI LTAR 'GYUR, SLOB PA BSGOM PAS SPANG BAR BYA BA'I DRI MA MA LUS PAS DRI MA CAN DU BYAS PA'I YID CA @85A *, ,RNAMS KYANG, DAG PA'I BLO CAN DAG TU JI LTAR RUNG, ,BRTAN PA NI LUS DANG NGAG DANG BLO'I MI MTHUN PA NYID KYI RGYU KUN NAS NYON MONGS PA CAN MA YIN PA'I BAG CHAGS KYI RLUNG GIS MI BSKYOD PA'I PHYIR RO, ,'DIS NI MI SLOB PA RNAMS LAS KHYAD PAR DU STON PAR BYED DE, DE DAG GIS DE MA SPANGS PA'I PHYIR RO, ,'DIS NI SPANGS PA PHUN SUM TSOGS PA YONGS SU BSTAN TO, ,SA LA BZHUGS ZHES BYA BA NI 'GRO BA'I DON DU ZHES BYA BAR SHUGS KYIS GO BAS NA MA BSHAD DO, ,DE LTA MA YIN NA PHUN SUM TSOGS PA MTHA' DAG YANG DAG PAR THOB PA BZHUGS PAR MI RIGS SO, , 'DIS NI GZHAN GYI DON PHUN SUM TSOGS PA RNAM PA GNYIS JI SKAD DU BSHAD PA BSTAN TO, ,JI LTAR NA DE DAG BRTAN BLO MNGA' BAR 'GYUR CE NA, CHOS TSUL ZAB MO ZHES BYA BA LA SOGS PA SMOS TE, CHOS NI GZUGS LA SOGS PA'O, ,DE DAG GI TSUL NI JI LTA BA BZHIN GNAS PA'I NGO BO'O, , DE YANG DNGOS PO'I RIGS MTHUN PA DANG MI MTHUN PA DPAG TU MED PA LDOG PA LA LTOS PAS BSKYED PA THA DAD PA NYID KYIS TSAD MAR GZUNG BAR MI NUS PA'I PHYIR RGYA MTSO DANG 'DRA BA YIN NO, ,'DI NI NYAN THOS LA SOGS PAS GTING DPAG DKA' BAS ZAB MO YANG YIN LA CHOS TSUL RGYA MTSO LTA BU YANG YIN PAS ZHES TSIG RNAM PAR SBYAR TE, GANG DAG GIS DE'I PHA ROL MTHA' MTHONG BA DE DAG LA DE SKAD CES BYA'O, ,'DIS NI RNAM PA THAMS CAD MKHYEN PA NYID KYI MTSAN NYID KYI YE SHES PHUN SUM TSOGS PA BSTAN TO, ,DE NYID NYON MONGS PA BAG CHAGS DANG BCAS PA MA LUS PA THAMS CAD RTZA NAS 'BYIN PA'I RGYU YIN TE, DE MED PAS NYAN THOS LA SOGS PAS BAG CHAGS MA SPANGS PA'I PHYIR RO, ,YE SHES PHUN SUM TSOGS PA YANG YANG DAG PA'I KUN RDZOB KYI NGO BOR BCOM LDAN 'DAS RNAMS KYI THAMS CAD MKHYEN PA NYID YIN GYI, DON DAM PA'I NGO BO NYID DU NI MA YIN TE, DE LTA BUR THAMS CAD MA SKYES PA'I PHYIR RO, ,THAMS CAD MKHYEN PA DAG GI YE SHES KYANG JI LTAR SKYE SNYAM PA LA 'DI LA 'DI'I RGYU BSTAN PA'I PHYIR LHAG PAR MOS PA ZHES BYA BA LA SOGS PA SMOS TE, LHAG PAR MOS PA ZHES BYA BA'I SGRA NI MOS PAS SPYOD PA'I SA NAS BZUNG STE, SA BCU BA'I BAR YIN PAR @85B 'DOD DE, THAMS CAD DU CHOS THAMS CAD NGO BO NYID MED PA NYID DU NGES PAR 'DZIN PA'I MTSAN NYID KYI MOS PA LHAG PA NYID KYIS RAB TU PHYE BA'I PHYIR RO, ,YANG NA LHAN CIG SPYOD PA'I PHYIR RGYU'I GNAS SKABS THAMS CAD RJOD PAR BYED DO, ,GANG DAG GIS LHAG PAR MOS PA DE LA THOS PA LA SOGS PA LAS BYUNG BA'I SHES RAB SKYE BA'I RIM GYIS RNAM PA THAMS CAD MKHYEN PA NYID NYE BAR BSKYED PA'I PHYIR GONG NAS GONG DU 'DU BYED KHYAD PAR CAN BSKYED PAS YONGS SU BSGOMS PA'I THUGS MNGA' BA DE DAG LA DE SKAD CES BYA STE, 'DIS NI RGYU PHUN SUM TSOGS PA RNAM PA GNYIS JI SKAD DU BSHAD PA BSTAN PA YIN NO, ,DE YANG THAMS CAD MKHYEN PA NYID SKYE BA'I RGYU YIN PA 'BA' ZHIG TU MA ZAD KYI, SGRUB PA'I RGYU YANG YIN TE SGRUB PA PHYIN CI MA LOG PAR NAN TAN BYED PA RNAMS DE'I 'BRAS BU 'THOB PAR NGES PA'I PHYIR NAD MED PAR BSGRUB PA NAN TAN BYAS PAS NAD MED PA 'THOB PA BZHIN NO, ,GANG GI PHYIR DE LTAR DE DAG NYID RANG DANG GZHAN GYI DON PHUN SUM TSOGS PA PHUL DBYUNG DU MED PA DANG LDAN PA DE'I PHYIR DE DAG NI PHYI ROL PA DANG SLOB PA DANG MI SLOB PA CHEN PO RNAMS KYI BLA NA BZHUGS PA YIN TE, 'GRO BA MTHA' DAG GI GTZUG GI NOR BU YIN NO ZHES BYA BA'I THA TSIG GO, , DE'I PHYIR DE DAG KHO NA LA PHYAG BYA BAR 'OS PA YIN GYI, GZHAN DAG LA NI MA YIN NO ZHES BSHAD PA YIN NO, ,RNAM PA GCIG TU 'JIG RTEN NA CHEN PO NYID DU 'DOD PA SER SKYA DANG GZEGS ZAN LA SOGS PA'I YANG BLA NA BZHUGS PA NYID KYIS KHYAD PAR DU 'PHAGS PA'I PHYIR, NYAN THOS DANG, RANG SANGS RGYAS DANG, SANGS RGYAS DANG BYANG CHUB SEMS DPA' RNAMS LA YANG PHYAG 'TSAL BAR STON TO, ,DE LA DAG BRTAN BLO MNGA' BA ZHES BYA BA 'DIS NI NYAN THOS DANG RANG SANGS RGYAS DANG SANGS RGYAS RNAMS BSTAN TE, BLO BRTAN PA NYID NI YONGS SU NYAMS PA'I RLUNG GIS MI BSKYOD PA'I PHYIR TE; DGE SLONG DAG 'PHAGS PA'I SHES RAB KYIS SPANGS PA GANG YIN PA DE NI SPANGS PA YIN NO ZHES GSUNGS PA'I PHYIR RO, ,CHOS TSUL ZAB MO RGYA MTSO LTA BU'I PHA ROL GZIGS ZHES BYA BA 'DIS NI SANGS RGYAS BCOM LDAN 'DAS RNAMS BSTAN TE, SPYIR BSTAN KYANG GTZO BO YIN PA'I PHYIR @86A *, ,LOGS SHIG TU BSTAN TO, ,GANG DAG CES BYA BA NI RE RE LA YANG SBYAR BAR BYA'O, ,YANG ZHES BYA BA ZHIG NI 'DIR DON GYIS MNGON PA'I PHYIR MA SMOS SO, ,DES NA DON NI 'DI YIN TE, GANG DAG SU RNAMS CHOS TSUL ZAB MO RGYA MTSO LTA BU'I PHA ROL GZIGS PAS LA BZHUGS PA DE RNAMS LA YANG PHYAG 'TSAL LO, ,DE BZHIN DU BYANG CHUB SEMS DPA' LHAG PAR MOS PA YONGS SU BSGOMS PA'I THUGS MNGA' BA RNAMS LA PHYAG 'TSAL LO ZHES BYA BAR SBYAR BA YIN TE, 'DIR YANG YANG GI DON BLTA BAR BYA'O, ,CI'I PHYIR 'DI DAG KHO NA LA PHYAG BYA BAR BRJOD CE NA, CHER RNAMS KYI ZHES BYA BA LA SOGS PA SMOS TE, GANG GI PHYIR 'DI DAG KHO NA YON TAN PHUN SUM TSOGS PA JI LTAR BSHAD PA DANG LDAN PAS PHYI ROL PA CHEN PO NYID DU 'DOD PA RNAMS KYI BLA NA BZHUGS PA DE'I PHYIR 'DI DAG KHO NA LA PHYAG 'TSAL BAR BRJOD DO, ,DE LA MA ZHUGS PA'I SNGA ROL NA BSTAN BCOS KYI DON NI SHIN TU LKOG TU GYUR PA'I PHYIR TSIG MA RTOGS PA STE RTOGS PA'I THABS GZHAN MED LA, RTOG PA DANG LDAN ZHING DON DU GNYER YANG SGRUB PA'I DGOS PA MA RTOGS PA RNAMS SO SOR NGES PA'I SGRUB PA MI LEN PAS DE'I PHYIR NYAN PA PO'I SKYE BO GZUD BA'I DON DU RE ZHIG DANG POR RAB TU BYED PA 'DI'I BRJOD PAR BYA BA DANG, DGOS PA BSTAN PA'I PHYIR, GZUGS BRNYAN LA SOGS PA LTA BUR ZHES BYA BA SMOS SO, ,'DIR BRJOD PAR BYA BA NI CHOS THAMS CAD RANG BZHIN MED PA NYID DO, ,DE RTOGS PA NI DNGOS SU DGOS PA YIN NO, ,DE'I YANG DGOS PA NI NYON MONGS PA DANG SHES BYA'I SGRIB PA MTHA' DAG SPONG BA YIN NO, ,DE PHAN CHAD NI RE BA RNAM PAR CHAD PA'I PHYIR DGOS PA GZHAN MED DO, ,'BREL PA NI RAB TU BYED PA DANG DGOS PA DAG GI BSGRUB PAR BYA BA DANG SGRUB PA'I DNGOS PO'I MTSAN NYID YIN PAR BSTAN PAR BYA STE, GZHAN GYI DON DU GNYER BAR 'JUG PA LA YAN LAG MA YIN PA'I PHYIR RO, ,DE YANG 'BREL PA CAN KHO NAS BSTAN PA YIN TE, DE'I BDAG NYID NI BSTAN DU MED PA'I NGO BO NYID YIN PA'I PHYIR RO, DE'I PHYIR 'BREL PA LOGS SHIG TU BSTAN PAR MI BYA'O, ,GZUGS BRNYAN LA SOGS PA LTA BUR ZHES BYA BA LA SOGS @86B PAS NI CHOS THAMS CAD RANG BZHIN MED PA NYID DU RTOGS PA NYON MONGS PA LA SOGS PA'I SGRIB PA SPONG BA'I THABS NYID DU STON PAR BYED DE, 'DI LTAR 'DOD CHAGS LA SOGS PA'I NYON MONGS PA THAMS CAD NI PHYIN CI LOG GIS KUN NAS BSLANG BA DAG KHO NA YIN LA, PHYIN CI LOG DE YANG RANG BZHIN MED PA LA LOG PAR DMIGS PA'I RNAM PA YIN PAS DNGOS PO LA SOGS PAR MNGON PAR ZHEN PA'I MTSAN NYID YIN TE, PHYIN CI LOG DANG 'GAL BA RANG BZHIN MED PA NYID SHES PAS SPONG BAR 'GYUR BA KHO NA'O, ,PHYIN CI LOG SPANGS NA PHYIN CI LOG GI RTZA BA CAN NYON MONGS PA'I TSOGS DANG SHES BYA'I SGRIB PA MTHA' DAG PHYIN CI LOG GI BDAG NYID DU JI LTAR GNAS PAR 'GYUR, 'DI SKAD DU, CHOS LA BDAG MED MKHAS PA NI, ,RANG BZHIN MED PA GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,ZHES BYA BAS 'CHAD PAR 'GYUR TE, DNGOS PO LA SOGS PA MNGON PAR ZHEN PA PHYIN CI LOG NYID YIN PAR RGYAS PAR NI 'CHAD PAR 'GYUR RO, ,RNAM PA ZHES BYA BA'I SGRA NI TSOGS KYI DON TO, ,BRTAGS PA NI DNGOS PO'I DE KHO NA YANG DAG PAR SO SOR RTOG PA'O, ,DE GNAG RDZI LA SOGS PA'I SHES PA GANG LA MED PA DE NI MA BRTAGS PA'O, ,'DIS DGA' BAS NA DGA' BA STE, GANG LA MA BRTAGS GCIG PU NA DGA' BA KHO NA YOD PA ZHES TSIG RNAM PAR SBYAR RO, ,'DIS NI KUN RDZOB KYI SHES PA LA SNANG BA RNAMS MI BSAL LO ZHES BYA BAR STON PAR BYED DO, ,'O NA JI LTAR RANG BZHIN MED PA NYID YIN SNYAM PA LA, YANG DAG PAR NA ZHES BYA BA SMOS TE, YANG DAG ZHES BYA BA'I SGRAS NI DNGOS PO'I STOBS KYIS ZHUGS PA'I RJES SU DPAG PAS RTOGS PAR BYA BA DE KHO NA NYID KYI NGO BO LA BYA STE, DE KHO NA NYID KYIS RNAM PAR DPYAD NA STONG NGO ZHES BYA BA'I THA TSIG GO, ,'DIS NI DE KHO NA NYID DU DANG DON DAM PA KHO NA ZHES BYA BA LA SOGS PA RNAM PAR BSHAD DO, ,YANG NA YANG DAG PA'I SHES PA KHO NA YANG DAG PA LA SOGS PA'I SGRAR BRJOD DE, DE'I DMIGS PA YIN PA'I PHYIR RO, ,YANG DAG PA'I SHES PA'I BSAM PA'I DBANG GIS RANG BZHIN MED PA YIN GYI, KUN RDZOB KYI SHES PA'I DBANG GIS NI MA YIN NO ZHES BYA @87A *, ,BA'I THA TSIG GO, ,SPONG BAR GYUR PA DE SU ZHIG YIN SNYAM PA LA, BDAG DANG GZHAN GYI DON PHUN SUM TSOGS PA ZHES BYA BA LA SOGS PA SMOS TE, GANG GIS BDAG DANG GZHAN GYI DON PHUN SUM TSOGS PA BSGRUB PA'I PHYIR, CI LA MA RAG PAR SBYIN PA LA SOGS PA BSOD NAMS DANG YE SHES KYI BDAG NYID CHAS BA BRTZAMS PA DE LA DE SKAD CES BYA STE, NYAN THOS LA SOGS PA NI RTEN MI BRTAN PA'I PHYIR DANG, SNYING RJE DANG BRTZON 'GRUS CHUNG BA'I PHYIR, SHES BYA'I SGRIB PA MTHA' DAG SPANG BA BSKAL PA MI NYUNG BAR GOMS PAR BYAS PAS YANG DAG PAR BSGRUB PAR BYA BA SGRUB PAR MI NUS SO SNYAM DU BSAMS PA'O, ,BYANG CHUB SEMS DPA' RNAMS KYI CI LA MA RAG PA THAMS CAD NI GZHAN GYI DON PHUN SUM TSOGS PA BSGRUB PA'I CHED KHO NA NYID YIN MOD KYI, RANG GI DON PHUN SUM TSOGS PA BSGRUB PA'I CHED KYANG MED NA MED PA YIN PAS GNYI GA'I DON BRJOD DE, RAB TU 'BAD DO ZHES BYA BA 'DIS NI RAB TU 'BAD PA'I MCHOG STON PAR BYED CING 'DI'I ZLOS PA NYID YONGS SU SPONG BAR BYED DO, ,DES NA 'DI SKAD DU, SNGON GYI SLOB DPON RNAMS KYIS CHOS THAMS CAD RANG BZHIN MED PA NYID DU BSTAN MOD KYI, KLAN KA NGAN PA'I DRI MA MTHA' DAG BSAL BA'I PHYIR 'BAD PA MCHOG DANG LDAN PAS STON PAR BYED DO ZHES BSHAD PA YIN NO, ,DE'I PHYIR 'BAD PA DON MED PA MA YIN NO, ,DE NYID KYI PHYIR KLAN KA NGAN PA'I DRI MA BSAL BAS 'DI DBU MA'I RGYAN ZHES BYA'O, ,DE LA RE ZHIG DANG POR RIGS PA KHO NAS BSGRUB PAR BYA BA YIN PAS 'DIR 'THAD PA, DE LA LUNG ZHES BYA BA LA SOGS PA SMOS TE, TSAD MAS BRTAN POR MA BYAS PA'I LUNG NI GZHAN DU YANG DRANG BAR NUS PA'I PHYIR, DAD PAS RJES SU 'BRANG BA RNAMS KYANG NGES PA MI SKYE BAS YONGS SU TSIM PAR MI 'GYUR RO, ,KYANG ZHES BYA BA'I SGRAS NI SEMS LOG PA RNAMS LTA SMOS KYANG CI DGOS ZHES STON PAR BYED DO, ,DNGOS PO'I STOBS KYIS ZHUGS PA SMOS PA NI LUNG LAS GRAGS PA'I RJES SU DPAG PA BSAL BA'I PHYIR TE, DE YANG LUNG DANG 'DRA BAS DE DANG BCAS TE DE YANG NGES PAR MI BYED PA'I PHYIR TSIM PAR MI 'GYUR RO, ,RIGS PA NI NGES PA @87B SKYED PAR BYED PAS YONGS SU TSIM PAR BYED PA YIN NO, ,JI STE GAL TE DE LTA NA GO RIGS PA KHO NAS CHOG MOD, LUNG GIS CI ZHIG BYA ZHE NA, MA YIN TE, LUNG NI RIGS PA'I RGYAN YIN PA'I PHYIR RO, ,DE LTA MA YIN NA 'DI NI RTOG GE PA SKAM POS BRTAGS PA YIN NO ZHES MI MKHAS PA KHA CIG GIS BRNYAS PAR YANG 'GYUR RO, ,RANG BZHIN DANG BRAL BA'AM, GANG DAG LA RANG BZHIN DANG BRAL BA YOD PAS ZHES TSIG RNAM PAR SBYAR TE, 'DI NI TSAD MA'I 'BRAS BU YIN NO, ,SBYOR BA NI 'DI LTA BU YIN TE, GANG ZAG GCIG DANG DU MA'I RANG BZHIN MA YIN PA DE DAG NI DON DAM PAR NA RANG BZHIN MED DE, DPER NA GZUGS BRNYAN BZHIN NO, ,BDAG DANG GZHAN GYIS SMRAS PA'I DNGOS PO RNAMS KYANG GCIG DANG DU MA'I RANG BZHIN MA YIN PAS ZHES BYA BA NI KHYAB PAR BYED PA MI DMIGS PA YIN TE, GCIG PA NYID DANG DU MA NYID DAG GIS RANG BZHIN LA KHYAB PA'I PHYIR RO, ,KHYAB PA DE NYID BSTAN PA'I PHYIR, ,RANG BZHIN ZHIG YOD PAR GYUR NA NI ZHES BYA BA SMOS SO, ,GCIG PA ZHES BYA BA NI CHA MED PA NYID DO, ,CIG SHOS ZHES BYA BA NI DU MA NYID DE THA DAD PA NYID CES BYA BA'I THA TSIG GO, ,GANG GI NGO BO RNAM PAR GCAD PA MED NA YONGS SU GCOD PA MED PA GANG YIN PA DE NI DE SPANGS TE GNAS PA'I MTSAN NYID YIN TE, DPER NA DNGOS PO MED PA RNAM PAR GCAD PA MED NA YONGS SU GCOD PA MED PA LTAR GCIG PA NYID DANG DU MA NYID GNYIS KYANG PHAN TSUN GYI NGO BO RNAM PAR GCAD PA MED NA YONGS SU GCOD PA MED PA DAG YIN TE, THA SNYAD KYIS NGES PAR BYED DO, ,DE LTA BAS NA PHAN TSUN SPANGS TE GNAS PA'I MTSAN NYID DAG YIN NO, ,'DIS NI RTAG PA DANG MI RTAG PA DANG RIM DANG RIM PA MA YIN PA LA SOGS PA YANG RNAM PAR BSHAD PA YIN NO, ,PHAN TSUN SPANGS TE GNAS PA'I MTSAN NYID GANG DAG YIN PA DE DAG KYANG GCIG YOD PA DANG DGAG PA NI GZHAN DGAG PA DANG YOD PA MED NA MED PA NYID YIN PA'I PHYIR PHUNG PO GZHAN MED PAR RTOGS PAR BYED DE, DPER NA DNGOS PO DANG DNGOS PO MED PA LTA BUR GCIG PA NYID DANG DU MA NYID KYANG PHAN TSUN SPANGS TE GNAS PA'I MTSAN NYID DAG YIN NO, ,DE LTA BAS NA PHUNG PO GZHAN MED PA'I PHYIR RANG BZHIN NI GCIG PA NYID @88A *, ,DANG DU MA NYID DAG GIS BSDUS PAS KHYAB PA GRUB BO, ,RANG GI SDE PA DANG PHYI ROL PA DAG GIS SMRAS PA'I PHUNG PO DANG GTZO BO LA SOGS PA LA DE DAG YANG DAG PAR NA MED DE ZHES BYA BA NI PHYOGS KYI CHOS SDUD PA YIN NO, ,YANG DAG PAR NA ZHES BYA BA NI MNGON SUM LA SOGS PA DANG 'GAL BA MED PAR STON TO, ,'O NA 'DI CI THAL BAR 'GYUR BAR SGRUB PA YIN NAM, 'ON TE RANG GI RGYUD KYIS SGRUB PA YIN, GAL TE DANG PO YIN PAR RTOG NA NI DE'I TSE GTAN TSIGS MA GRUB PA YIN TE, GZHAN DAG DNGOS PO THAMS CAD LA GCIG DANG DU MA DANG BRAL BA KHAS MI LEN PA'I PHYIR RO, ,JI STE GNYIS PA YIN NO ZHE NA NI, DE LTA NA YANG SHIN TU MA GRUB PA YIN TE, BDAG NYID GZHI KHAS MI LEN PA'I PHYIR DANG, PHYIR RGOL BA LA YANG RANG GI NGO BO MA GRUB PA'I PHYIR RO SNYAM DU DOGS PA LA GTAN TSIGS 'DI MA GRUB BO SNYAM DU MA SEMS SHIG CES BYA BA SMOS SO, , JI LTAR SNYAM PA LA, 'BRAS BU RIM CAN NYER SBYOR BAS, ,ZHES BYA BA LA SOGS PA SMOS SO, ,'DI SNYAM DU SEMS TE, RE ZHIG GZHAN DAG GIS BRTAGS PA NAM MKHA' LA SOGS PA'I DNGOS PO MA GRAGS PA'I RANG GI NGO BO GANG DAG YIN PA DE LA NI THAL BAR BSGRUB PA KHO NA YIN LA, GRAGS PA'I RANG GI NGO BO RNAMS LA NI GNYI GA LTAR YANG NYES PA MED DE, 'DI LTAR GZHAN DAG GIS DNGOS PO THAMS CAD NI RTAG PA DANG MI RTAG PA NYID KYIS PHUNG PO GNYIS SU KHAS BLANGS PA'I PHYIR RO, ,DE LA RE ZHIG BDAG LA SOGS PA MA GRAGS PA'I RANG GI NGO BO RNAMS KYANG RANG BZHIN GCIG PA NYID DU KHAS BLANGS MOD KYI, DE DAG NI 'BRAS BU RIM CAN RNAM PAR SHES PA LA SOGS PA LA NYE BAR SBYOR BAR KHAS LEN TE, SHUGS KYIS RANG BZHIN GCIG PA NYID MED PA 'DREN PAR BYED PAS RE ZHIG GCIG PA NYID DANG BRAL BAR GRUB PA KHO NA YIN NO, ,RTAG PA NYID DU KHAS BLANGS PA'I PHYIR DU MA DANG BRAL BA YANG SHIN TU GRUB PA YIN TE MDOR BSDUS PA'I DON YIN NO, ,DE DAG CES BYA BA NI RTAG PA RNAMS SO, ,RANG GI SDE PA DANG GZHAN GYI SDE PAS KHAS BLANGS PA'I DNGOS PO DE DAG NI ZHES BYA BA LA SOGS PAS NI TSIG LE'UR BYAS PA'I PHYED RNAM PAR 'GREL BAR BYED DO, ,DANG PO ZHES BYA BA NI RTAG PA @88B RNAMS SO, ,DGA' BA DANG GDUNG BA LA SOGS PA ZHES BYA BA LA SOGS PA ZHES BYA BA'I SGRAS NI BDE BA YANG MA YIN, SDUG BSNGAL BA YANG MA YIN ZHES BYA BA LA SOGS PA BSDU'O, ,DE DAG GIS 'BRAS BU RNAMS KYANG CIG CAR DU 'BYUNG BAR 'GYUR BA'I PHYIR RO ZHES BYA BA NI RGYU MA TSANG BA MED PA'I PHYIR TE, 'BRAS BU MYU GU LA SOGS PA DU MA CIG CAR SKYE BA BZHIN NO, ,'BRAS BU RNAMS NI RGYU MA TSANG NA SHOL GYI ZHES BYA BA LA SOGS PA NI 'DIR CIG CAR GYIS KHYAB PAR STON PAR BYED DE, GANG DAG LA RGYU'I NUS PA THOGS PA MED PA YOD PA DE DAG LA DE SKAD CES BYA'O, ,SHOL BA NI SDOD PA'O, ,GAL TE 'BRAS BU RGYU'I CHOS THAMS CAD KYI RJES SU BYED PAR GYUR NA, DER 'GYUR BA MA YIN NAM, JI TZAM DU RGYU DANG 'BRAS BU GNYIS GCIG PA KHO NAR 'GYUR DU 'ONG BAS, JI LTAR 'BRAS BU CHOS THAMS CAD KYI RJES SU BYED PAR MI 'DOD PA BZHIN DU RIM MA YIN PA'I RJES SU BYED PA NYID 'DI YANG DE LTAR 'GYUR DU 'ONG NGO SNYAM PA LA, SHOL NA NI ZHES BYA BA LA SOGS PA SMOS TE, DE LA GAL TE 'BRAS BU LA RGYU'I CHOS MTHA' DAG GI RJES SU BYED PA NYID MED MOD KYI, 'ON KYANG 'DIS GDON MI ZA BAR DE LA YOD PA'I RDZAS SU 'GRO BA DANG LDOG PA'I RJES SU BYED PAR 'GYUR RO, , DE LTA MA YIN NA JI LTAR DE'I 'BRAS BU ZHES BYA, DE LTA NA NI THAMS CAD KYANG THAMS CAD KYI 'BRAS BUR THAL BAR 'GYUR RO, ,GAL TE LHAN CIG BYED PA'I RGYU LA LTOS PA'I PHYIR RGYU MA TSANG BA MED PA NYID MA GRUB BO SNYAM PA LA, BYE BRAG TU BSGYUR DU MI RUNG BA RNAMS LA NI LHAN CIG BYED PA'I RGYU LA LTOS PAR MI 'THAD CES BYA BA LA SOGS PA SMOS TE, GAL TE DE DAG BDAG NYID KYIS NUS NA NI CI'I PHYIR LHAN CIG BYED PA PHAN PA MED PA DE DAG LA LTOS PAR 'GYUR, JI STE MI NUS NA NI DE LTA NA YANG LTOS PAR RIGS PA MA YIN TE, DE DAG GIS DE DAG LAS PHAN PA CUNG ZAD KYANG MI 'THOB PA'I PHYIR RO, ,'ON TE THOB NA NI RTAG PA NYID NYAMS PAR THAL BAR 'GYUR RO, ,GZHAN YANG 'BRAS BU BYED PA'I DUS NA ZHES BYA BA LA SOGS PAS NI LHAN CIG BYED PA LA LTOS PA YIN DU CHUG NA YANG LHAN CIG BYED PA'I RGYU NYE BA'I DUS NA YOD PA DANG RANG BZHIN KHYAD PAR MED PA'I PHYIR DE DANG 'BREL PA'I RANG BZHIN GYI RJES SU 'JU @89A *, ,PAS NA MI 'DOD BZHIN DU MGUL NAS BTAGS PA BZHIN DU STOBS KYIS DRANGS PA'I PHYIR LHAN CIG BYED PA RNAMS RTAG TU GNAS PA KHO NA YIN PAS RGYU MA TSANG BA MED PA NYID KYIS 'BRAS BU DANG MI 'BRAL BAR THAL BAR BZLOG DKA'O ZHES STON PAR BYED DE, GANG LA LHAN CIG BYED PA'I RKYEN MTHA' DAG DANG 'DUG PA YOD PA ZHES TSIG RNAM PAR SBYAR RO, ,'DIS NI GANG DAG LHAN CIG BYED PA'I RGYU DE NYID NUS PA'I SGRAR BRJOD DE ZHES BYA BA LA SOGS PAS NI DUS LA SOGS PAR SMRA BA GANG DAG DUS LA SOGS PA'I DNGOS PO RNAMS RANG BZHIN GCIG PA YOD MOD KYI, RIM GYIS 'JUG PA CAN GYI MTHU RNAMS LA LTOS NAS 'BRAS BU DAG SKYED PAR BYED DO ZHES ZER BA DE DAG KYANG 'DIS BSAL LO ZHES STON PAR BYED DO, ,'DI LTAR GAL TE MTHU DE DAG DON GZHAN YIN PAR 'GYUR BA KHAS LEN NA NI DE'I TSE LHAN CIG BYED PA'I RGYU DE KHO NA LA DE SKAD DU BRJOD PAR ZAD PAS BYE BRAG MED DO, ,DE'I PHYIR SUN DBYUNG BA YANG DE KHO NA YIN NO, ,JI STE DON GZHAN DU GYUR PA MA YIN NA NI, DE'I TSE DE DAG DE'I RANG BZHIN LAS THA MI DAD PA'I PHYIR DE'I RANG BZHIN RJES SU 'BRANG BA BZHIN DU RTAG TU NYE BA'I RANG BZHIN YIN PAS JI LTAR NA 'BRAS BU 'JIG PAR 'GYUR, JI STE NYES PA 'DIR 'GYUR DU 'ONG ZHES BYA BA LA SOGS PAS NI TSIGS SU BCAD PA'I PHYED 'OG MA RNAM PAR 'BYED DE, RTAG PAR 'DOD PA ZHES BYA BA NI RTAG PA NYID DU SEMS PA'O, ,DE DAG LA ZHES BYA BA NI RTAG PAR 'DOD PA DAG LA'O, ,RANG BZHIN SNGA MA NI 'JIG PAR 'GYUR RO, ,PHYI MA NI 'BYUNG BAR 'GYUR RO, ,RANG GI SDE PA GANG DAG CES BYA BA LA SOGS PAS NI BYE BRAG TU SMRA BA'I GZHUNG GIS MA GRUB PA NYID RJOD PAR BYED DO, ,DE DAG NI SO SOR BRTAGS PA LA SOGS PA 'DUS MA BYAS, 'DUS BYAS KYI 'JUG PA THAMS CAD DANG MI MTHUN PA RDZAS SU YOD PA THA NA RANG GI YUL CAN YID KYI RNAM PAR SHES PA'I 'BRAS BU LA YANG DGOS PA MED PA'I PHYIR NUS PA THAMS CAD KYIS STONG PAR 'DOD DE, RGYU DANG 'BRAS BU DAG NI 'DUS BYAS KYI YIN GYI, DE DAG 'DUS MA BYAS KYI NI MA YIN NO ZHES GSUNGS PA'I PHYIR RO, ,DE YANG RNAL 'BYOR PA'I SHES PA DAM PA'I YUL YIN PA'I PHYIR, DON @89B DAM PAR YOD PA'O ZHES BYA'O, ,DE'I PHYIR DE DAG GI LUGS LTAR NA 'BRAS BU RIM CAN LA NYE BAR SBYOR BA MED PA'I PHYIR, JI LTAR NA GCIG DANG DU MA'I RANG BZHIN GYI 'GAL BA CAN DU 'GYUR RO, ,'GAL TE ZHES BYA BA LA SOGS PA NI LAN 'DEBS TE, SHES PA GANG LA BSGOMS PA LAS BYUNG BA YOD PA DES SHES PAR BYA BA'I 'DUS MA BYAS GANG YIN PA DE SMRA BA'I NGANG TSUL CAN GANG DAG YIN PA ZHES TSIG RNAM PAR SBYAR BA'I DON TO, ,DE DAG NI ZHES BYA BA NI 'DUS MA BYAS PA DAG GO, ,YUL DANG YUL CAN YIN PA'I PHYIR ZHES BYA BA LA SOGS PAS NI PHA ROL GYI LAN DU DOGS PAR BYED PA STE, PHA ROL GYI BSAM PA NI GANG DAG GIS NA GCIG PA NYID NYAMS PAR 'GYUR BA RGYA SKYEGS DANG SHING BZHIN DU SHES PA RIM CAN DANG DE DAG 'BREL PAR NI KHAS MI LEN GYI YUL DANG YUL CAN NYID DU'O, ,YUL DANG YUL CAN NYID NI GCIG PA NYID DU YANG MI 'GAL BA KHO NA STE, DON DAM PAR NA SHES PA'I RANG GI NGO BO LA MI REG PA KHO NAR YUL TZAM NYID DU GNAS PA'I PHYIR RO, ,YUL NI GDON MI ZA BAR RGYU'I NGO BO KHO NAR 'GYUR BA YANG MA YIN NO SNYAM PA YIN NO, ,MI 'GYUR TE ZHES BYA BA LA SOGS PAS NI LAN 'DEBS SO, ,'DI LA PHYOGS GNYIS TE, RES 'GA' RNAM PAR SHES PA SNGA MA LA SOGS PAS SHES PAR BYA BA GANG YIN PA DE'I RANG BZHIN DE RNAM PAR SHES PA PHYI MA LA SOGS PA SKYE BA'I DUS NA YANG RJES SU 'BRANG NGAM, YANG NA MI 'BRANG BA ZHIG YIN GRANG, GAL TE RJES SU 'BRANG BA YIN NA NI DE'I TSE RNAM PAR SHES PA SNGA MA LA SOGS PA DUS GCIG PA NYID DU 'GYUR TE, RNAM PAR SHES PA RNAMS KYIS SHES PAR BYA BA'I RANG BZHIN RJES SU 'BRANG BA'I PHYIR RO, ,SBYOR BA NI GANG GI TSE GANG ZHIG RNAM PAR SHES PA GANG GIS SHES PAR BYA BA'I RANG BZHIN RJES SU 'BRANG BA DE NI DE'I TSE RNAM PAR SHES PA DE'I RJES SU 'BRANG BA'I RANG BZHIN YIN NO, ,DPER NA RANG GI RNAM PAR SHES PA SKYE BA'I GNAS SKABS NA 'DUS MA BYAS DE NYID LTA BU STE, PHA ROL POS 'DOD PA 'DUS MA BYAS RNAM PAR SHES PA SNGA MA DANG, PHYI MAS SHES PAR BYA BA'I RANG BZHIN RNAMS KYANG RTAG TU RJES SU 'BRANG BAS ZHES BYA BA NI RANG BZHIN GYI GTAN TSIGS YIN NO, ,DE LTA MA YIN NA ZHES BYA BA LA SOGS PA @90A *, ,NI GTAN TSIGS 'DI'I MA NGES PA NYID YONGS SU SPONG BAR BYED DE, RNAM PAR SHES PA MED NA RNAM PAR SHES PA'I SHES BYA'I RANG BZHIN NYID RIGS PA MA YIN TE, HA CANG THAL BAR 'GYUR BA'I PHYIR RO, ,DE'I PHYIR GCIG LA DUS GCIG TU YOD PA DANG MED PA PHAN TSUN 'GAL BA YOD PAR KHAS BLANGS PAR 'GYUR TE, DE'I PHYIR MA NGES PA NYID MA YIN NO, ,PHYOGS GNYIS PA LA YANG RANG BZHIN GZHAN DANG GZHAN SKYE BA'I PHYIR DANG, SNGA MA SNGA MA YANG 'JIG PA'I PHYIR RNAM PAR SHES PA DE DANG 'DRA BAR SKAD CIG PA NYID DU THAL BAR 'GYUR RO,, DE NYID JI STE SHES PA SNGA MA DANG PHYI MAS SHES PAR BYA BA ZHES BYA BA LA SOGS PAS DOGS PAR BYAS NAS GAL TE DE LTA NA NI, SNGON DANG PHYI MA'I GNAS RNAMS SU ZHES BYA BA LA SOGS PAS STON PAR BYED DE, BSAM GTAN NYID THUR MA YIN LA GANG DAG LA DES BLO GROS KYI MIG PHYE BA YOD PA ZHES TSIG RNAM PAR SBYAR RO, ,GZHAN GYI DUS NA MED CES BYA BA NI RES 'GA' YOD CES BYA BA'I THA TSIG GO, ,DE YANG ZHES BYA BA NI 'DUS MA BYAS NYID KYI DON TO, ,MI 'DA' BAR 'GYUR RO ZHES BYA BA NI YUL GYI RIM GYIS YUL CAN GYI RIM PA LA KHYAB PAS YUL CAN GYI RIM PA NI YUL GYIS BYAS PA'I PHYIR KHYAB PA NYID STON PAR BYED DO ZHES BYA BA'I THA TSIG GO, ,DES NA RGYU DANG RKYEN RNAMS KYIS BYAS PA NYID KYI PHYIR 'DUS MA BYAS SU STON PA YANG MI RUNG STE, SKAD CIG SNGA MA SNGA MAS PHYI MA PHYI MA RNAMS BYED PA'I PHYIR RO, ,DE LTA MA YIN NA SKAD CIG MA RNAMS RGYU MED PA NYID DU 'GYUR RO, ,DE'I PHYIR RES 'GA' BA NYID DU'ANG MI 'THAD DO, ,YOD PA DANG MED PA'I DUS GNYIS BYE BRAG MED PA'I PHYIR RO, ,'DI DAG THAMS CAD NI BDAG GIS RLOMS TE SMRAS SU ZAD KYI ZHES BYA BA LA SOGS PAS NI SUN DBYUNG BA GZHAN YANG STON TE, BSDUS PA'I DON NI GANG GIS NA PHYOGS KYI CHOS NYID DU MI 'GYUR BA DON BYED PAS STONG PA DE LTA BU PHYOGS KYI KHONGS SU 'DUS PAR YOD PA NI MA YIN TE, DON BYED PAS STONG PA NI RTOG PA DANG LDAN PA RNAMS KYIS BTANG SNYOMS SU BYA BA NYID DU GNAS PA'I PHYIR RO ZHES BYA BA YIN NO, ,'DIS NI GANG DAG MI RTAG PA NYID LA SOGS PAR @90B SGRUB PA YOD PA LA SOGS PA LA, DE LTA BUS MA NGES PA NYID DU RJOD PAR BYED PA DE DAG KYANG BSAL BA KHO NAR KHONG DU CHUD PAR BYA STE, RTOG PA DANG LDAN PA'I THA SNYAD KYI YUL DON BYED NUS PA'I MTSAN NYID KYI YOD PA GTAN TSIGS NYID DU BRJOD PAR 'DOD PA'I PHYIR RO, ,DE LTA BU NI MED PA RNAMS LAS LOGS SHIG TU NI BSTAN PAR YANG MI NUS TE, MED PA NI NUS PA THAMS CAD DANG BRAL BA TZAM GYI MTSAN NYID YIN PA'I PHYIR RO, ,RLOMS PA NI NGA'O SNYAM PA'I NGA RGYAL LO, ,GZHAN DU NA ZHES BYA BA NI GAL TE DON BYED PAR RUNG BA'I YUL DPYAD PAR MI 'DOD NA DE'I TSE DON BYED PA DON DU GNYER BA'I SKYES BU RNAMS LA, DNGOS PO DON MED PAR DPYAD PA DAG CI DGOS ZHES BRJOD PAR BYA BA STE, RTOG PA DANG LDAN PA'I 'JUG PA NI DGOS PA DANG LDAN PAS KHYAB PA'I PHYIR RO, ,GAL TE DE LTAR GANG ZAG DANG GZUGS LA SOGS PA CHOS RNAMS GTAN MED NA, JI LTAR BDAG MED PA BSGRUB PAR BYA SNYAM PA LA, DNGOS PO'I RNAM PA DE LTA BU LA ZHES BYA BA LA SOGS PA SMOS PA STE, 'DI SKAD DU DON BYED NUS PAR GRAGS PA GANG YIN PA DE KHO NA LA SGRO BTAGS PA LAS BZLOG PA YOD PA'I SGO NAS NI GANG ZAG LA SOGS PA BDAG MED PAR SGRUB PAR BYED LA, DGAG PA'I SGO NAS NI GZUGS LA SOGS PA LA PHYIN CI LOG TU SGRO BTAGS PA'I NGO BO 'GOG PAR BYED KYI, GANG ZAG LA SOGS PA NUS PA DANG BRAL BA LA GZHI MED PAR 'GOG PAR BYED PA NI MA YIN NO ZHES BSHAD PA YIN NO, ,'O NA GZHAN LA JI LTA JI LTAR BSGRUB SNYAM PA LA, GZHAN NI BSGRUB PA YANG MED DGAG PA YANG MED CES BYA BA LA SOGS PA SMOS SO, ,'O NA GANG DAG GANG ZAG CES BYA BA RTAG PA LA SOGS PA'I RNAM PAR BRJOD DU MED PA NYID DNGOS POR 'DOD PA DE DAG LA JI LTAR RANG BZHIN MED PA NYID 'GRUB PAR 'GYUR, JI LTAR 'DI LA GTAN TSIGS 'GRUB PAR 'GYUR SNYAM PA LA, DE LTA BAS NA DON BYED NUS PA NI ZHES BYA BA LA SOGS PA SMOS TE, DE NYID KYI PHYIR 'DI LTAR MKHAS PA RNAMS NI DON BYED NUS PA LA DNGOS PO'I MTSAN NYID DU RJOD PAR BYED LA, DON BYED NUS PA LA YANG SKAD CIG PA NYID KYIS KHYAB PA YIN NO, ,GZHAN NI RIM DANG CIG SHOS KYIS DON @91A *, ,BYED PAR 'GAL BA'I PHYIR RO, ,CHOS CAN GANG ZAG LA YANG SKAD CIG PA NYID LOG NA, SKAD CIG PAS KHYAB PA JI SKAD SMRAS PA'I YOD PA LDOG PA YANG SGRIM MI DGOS PAR GRUB PA NYID DO, ,GZHAN YANG SKAD CIG SKAD CIG MA YIN PAR ZHES BYA BA LA SOGS PAS NI GTAN TSIGS GRUB PAR STON PAR BYED DE, SKAD CIG PA YIN PAR GYUR NA NI RANG BZHIN GZHAN DANG GZHAN 'BYUNG BA'I PHYIR DU MA'I RANG BZHIN NYID DU 'GYUR RO, ,SKAD CIG PA MA YIN NA NI RANG BZHIN PHYI MA GZHAN MI SKYE BA'I PHYIR DANG, SNGA MA YANG MA ZHIG PA'I PHYIR GCIG PU NYID DU 'GYUR RO, , GNYI GA'I NGO BO YANG MI SRID NA NI GCIG DANG DU MA'I RANG BZHIN DANG BRAL BAR JI LTAR MI 'GYUR KHYAB PAR BYED PA LOG NA KHYAB PAR BYA BA GNAS PA NI MED DE, KHYAB PAR BYED PAS MA KHYAB PA NYID DU THAL BAR 'GYUR BA'I PHYIR RO, ,DE'I PHYIR GANG ZAG LA GTAN TSIGS GRUB PA KHO NA YIN NO, , RE ZHIG DE LTAR RTAG PA'I PHUNG PO GNAS PA RNAMS LA GCIG DANG DU MA'I RANG BZHIN DANG BRAL BAR BSGRUBS PA YIN NO, ,YANG DE LTA MA YIN PAR PHUNG PO GNYIS SU GZHAG NAS, DNGOS PO THAMS CAD LAS GCIG DANG DU MA'I RANG BZHIN DANG BRAL BAR RAB TU BSGRUB PA'I PHYIR GZHAN YANG GZHAN DAG GIS ZHES BYA BA LA SOGS PA SMOS SO, ,KHYAB PA ZHES BYA BA NI THAMS CAD NA YOD PA STE, DPER NA BDAG DANG NAM MKHA' LA SOGS PA LTA BU'O, ,BZLOG PA NI MA KHYAB PA YIN PAR RIG PAR BYA'O, ,RAGS PA NI YAN LAG CAN RNAMS SO, ,RDUL PHRA RAB LA SOGS PA NI PHRA MO RNAMS SO, ,PHUNG PO SNGA MA BSTAN PA LA MI RTAG PA RNAMS NI MA KHYAB PA'I PHUNG PO'I NANG DU 'DUS PAR KHONG DU CHUD PAR BYAS TE, DES NA DE DAG LOGS SHIG TU GCIG DANG DU MA'I RANG BZHIN DANG BRAL BAR RAB TU MI BSGRUB PO, ,BUM PA LA SOGS PA GANG DAG LA THA DAD PA'I PHYOGS YOD PA DE DAG LA DE SKAD CES BYA'O, ,BSGRIBS PA DANG MA BSGRIBS PA NI BSGRIBS PA DANG MA BSGRIBS PA DAG GO, ,DE GNYIS KYI DNGOS PO NI BSGRIBS PA NYID LA SOGS PA STE, SOGS PA'I SGRAS NI G-YO BA DANG MI G-YO BA NYID LA SOGS PA BSDU'O, ,SBYOR BA NI GANG DAG BUM PA LA SOGS PA PHYOGS THA DAD PA CAN @91B DAG DANG LDAN PA DE DAG NI NGES PAR RANG BZHIN GCIG PA MA YIN TE, DPER NA GZHONG BU SNA TSOGS NA 'DUG PA'I RGYA SHUG LTA BU STE, NAM MKHA' LA SOGS PA'I DNGOS PO RNAMS KYANG PHYOGS THA DAD PA CAN DANG LDAN PAS KHYAB PAR BYED PA 'GAL BA DMIGS PA YIN TE, 'DI NI THAL BAR 'GYUR BAR BSGRUB PA YIN NO, ,GTAN TSIGS KYI KHYAB PA BSTAN PA'I PHYIR, NAM MKHA' LA SOGS PA PHYOGS THA DAD PA'I SHING LA SOGS PA DANG 'BREL PA ZHES BYA BA LA SOGS PA SMOS TE, GAL TE RANG BZHIN THA DAD PA NYID DU KHAS MI LEN NA NI, DE'I TSE NAM MKHA' LA SOGS PA DANG 'BREL PA'I RANG BZHIN GSAL BA THAMS CAD PHYOGS GCIG PAR THAL BAR 'GYUR TE, SPYI LA SOGS PA DNGOS PO GCIG DANG 'BREL PA'I RANG GI NGO BO YIN PA'I PHYIR RO, ,DE LTA MA YIN TE, ,PHYOGS THA DAD PA YIN NA NI SPYI LA SOGS PA DE NYID GZHAN NA GNAS PAR MI 'GYUR TE, DE GSAL BA GCIG GIS BSDUS PA'I RANG GI NGO BO YIN PA'I PHYIR RO, ,RANG BZHIN THA DAD PA GZHAN YANG MED PA'I PHYIR TE, RANG BZHIN MED NA 'BREL PA MI RUNG BSAM NGES PA NYID YIN NO, ,RAGS PA RNAMS KYANG BSGRIBS PA DANG MA BSGRIBS PA NYID LA SOGS PA PHAN TSUN 'GAL BA'I CHOS GNAS PA'I PHYIR, LUS CAN DANG LUS CAN MA YIN PA BZHIN DU RANG BZHIN GCIG PA NYID DU RIGS PA MA YIN NO, ,GAL TE BSGRIBS PA LA SOGS PA YAN LAG RNAMS KYI YIN GYI ZHES BYA BA LA SOGS PAS NI PHA ROL POS MA GRUB PA NYID DU BRJOD PA'I DOGS PA BSAL BA STE, PHA ROL GYI BSAM PA NI RTEN DNGOS PO GCIG LA BSGRIBS PA NYID LA SOGS PA 'GAL GYI, RTEN THA DAD PA LA NI MA YIN TE, YAN LAG GCIG LA NI BSGRIBS PA DANG MA BSGRIBS PA NYID LA SOGS PA MA GRUB BO, ,'O NA JI LTA BU ZHE NA, YAN LAG RNAMS LA STE DE'I PHYIR GTAN TSIGS MA GRUB PO SNYAM PA YIN NO, ,CI YAN LAG CAN 'DI DAG CES BYA BA LA SOGS PAS NI LAN 'DEBS PAR BYED DO, ,DE LA YAN LAG CAN DAG JI STE NA YAN LAG RNAMS DANG LDAN NAM MI LDAN ZHES BYA BA PHYOGS GNYIS TE, RE ZHIG GAL TE MI LDAN ZHES BYA BA'I PHYOGS YIN NA NI DE'I TSE BSGRIBS PA LA SOGS PA DAG YAN LAG RNAMS KYI YIN GYI, @92A *, ,YAN LAG CAN GYI MA YIN NO ZHES GANG SMRAS PA DE NI BDEN NA, 'ON KYANG YUL PHAN TSUN RNAM PAR CHAD PAS BSGRIBS PA DANG MA BSGRIBS PA LA SOGS PA CHOS MI MTHUN PAR GNAS PA DMIGS PA'I RIG BYAR GYUR PA LUS DE DANG RKANG PA LA SOGS PA YUL THA DAD PA NA GNAS PA'I PHYIR SO SO SO SOR CI'I PHYIR MIG GI SPYOD YUL DU MI 'GYUR BA BRJOD PAR BYA DGOS SO, ,'ON TE LDAN PA ZHES BYA BA'I PHYOGS YIN NO ZHE NA NI DE'I TSE NGES PAR CHOS 'GAL BA GNAS PAR THAL BAR 'GYUR RO ZHES STON PAR BYED DO, ,GAL TE DE DAG KYANG DE YIN NO ZHE NA ZHES BYA BA LA PHA ROL GYI BSAM PA NI, GANG GI PHYIR YAN LAG CAN DE DANG YAN LAG DE DAG 'DU BA'I MTSAN NYID KYI 'BREL PA CAN YIN PA DE'I PHYIR LOGS SHIG TU DMIGS PAR MI 'GYUR RO SNYAM PA YIN NO, ,DE NYID DO ZHES BYA BA NI DRIS NA DE NYID DO ZHES PHA ROL KHAS LEN PA'O, ,GAL TE DE NYID DO ZHES KHYOD KHAS MI LEN NA NI DE'I TSE NYES PA CIR 'GYUR ZHE NA, GZHAN DU NA ZHES BYA BA LA SOGS PA SMOS TE, RAGS PA NI DU MA TSOGS PA TZAM KHO NA YIN PAR 'GYUR GYI GCIG PU NI MA YIN PAR 'GYUR RO, ,'DI NI DE BAS KYANG CHES RAGS TE ZHES BYA BA LA SOGS PAS NI CHOS 'GAL BA GNAS PAR SGRUB PAR BYED DE, 'DI LTAR RAGS PA GANG ZHIG YAN LAG DMIGS PA DANG LDAN PAR KUN TU DMIGS PA DE NYID YAN LAG BSGRIBS PA LA YANG YOD PAS, YAN LAG BSGRIBS PA LA YANG DE KHO NA BZHIN DU DMIGS PAR 'GYUR BA ZHIG NA NI MI DMIGS TE, DE LTA BAS NA BSGRIBS PA DANG MA BSGRIBS PA NYID LA SOGS PA CHOS 'GAL BA GNAS PAR GRUB PA NYID DO, ,RE ZHIG DE LTAR RAGS PA RNAMS LA RANG BZHIN GCIG PA NYID BSAL BA YIN NO, ,DA NI RDUL PHRA RAB RNAMS LA YANG BSAL BA'I PHYIR RO, ,'ON KYANG GANG THOG MAR DE RTZOM PA'AM ZHES BYA BA LA SOGS PA SMOS SO, ,THOG MAR DE RTZOM PA ZHES BYA BA NI JI LTAR BYE BRAG PA RNAMS KYIS YONGS SU BRTAGS PA LTA BU STON PAR BYED PA STE, DE DAG NI RDUL PHRA RAB GNYIS PA LA SOGS PA RAGS PA'I RDZAS DANG PO RTZOM PAR BYED PA NI RDUL PHRA RAB RNAMS KHO NA YIN PAR 'DOD DO, ,RAGS PA GDAGS PA'I RGYU ZHES BYA BA NI MDO SDE PA'I LUGS SU BSHAD PA STE, DE DAG NI RAGS PA GDAGS @92B PA'I RGYU RDUL PHRA RAB RNAMS DE LTAR GNAS PA 'BA' ZHIG TU ZAD KYI RDZAS GZHAN NI MED DO ZHES BRJOD DO, ,DE LA KHA CIG NA RE RDUL PHRA RAB RNAMS LA PHRA RAB PHAN TSUN REG GO ZHES ZER RO, ,GZHAN DAG NA RE RIGS MTHUN PA MANG POS BSKOR BA RNAMS NI BAR DANG BCAS PA KHO NA YIN LA, RAGS PAR 'KHRUL PA'I RGYU MTSAN YIN NO ZHES ZER TE, DPER NA SLOB DPON DGE BSRUNGS KYIS, GANG LA PHYOGS CHA THA DAD YOD, ,DE NI GCIG PU MI RUNG NGO, ,ZHES BYA BA 'DI SUN DBYUNG BA'I BSAM PAS, THA DAD PHYOGS NAS MANG PO DAG ,'GA' LA KUN NAS BSKOR TZAM DU, ,BRJOD PAR ZAD KYI RDUL DE NI, ,CHA SHAS BCAS PA'I BDAG NYID MIN, ,ZHES BSHAD PA LTA BU'O, ,'DI'I DON NI 'DI YIN TE, THA DAD PHYOGS NAS ZHES BYA BA'I GTAN TSIGS 'DIS NI RDUL PHRA RAB MANG PO RNAMS KYIS YONGS SU BSKOR BA TZAM DU BRJOD PAR 'GYUR GYI, YAN LAG DANG BCAS PA NI MA YIN NO ZHES BYA BAR ZAD DE, 'DIR YANG BAR DANG BCAS PA DAG KHO NAR GNAS SO ZHES DE SNYAM DU BSAMS NAS SMRAS PA YIN NO, ,GZHAN DAG NA RE REG PA YANG MA YIN LA BAR DANG BCAS PA DAG KYANG MA YIN MOD KYI, 'DAB CHAGS PA KHO NAR GNAS SO ZHES ZER TE, JI SKAD DU BTZUN PA NA RE RDUL RNAMS MI REG KYANG BAR MED PAS REG PAR 'DU SHES SO ZHES ZER BA LTA BU'O, ,DE LA PHYOGS DANG PO LTAR NA BDAG NYID THAMS CAD KYIS 'BYAR NA NI THAMS CAD KYI RANG BZHIN PHAN TSUN RJES SU ZHUGS PA'I PHYIR GONG BU RDUL PHRA RAB GCIG TZAM DU 'GYUR RO, ,BDAG NYID THAMS CAD KYIS ZHES BYA BA NI RDUL PHRA RAB KYI RANG BZHIN CI 'DRA BA DE KHYAB NAS ZHES BYA BA'I THA TSIG GO, ,PHYOGS GCIG GIS ZHES BYA BA NI RANG BZHIN MA KHYAB NAS ZHES BYA BA'I THA TSIG GO, ,DES NI SNANG BYED KYI RDUL PHRA RAB NI RANG BZHIN GCIG PA YIN PAS THAMS CAD CES BYA BA DANG PHYOGS GCIG CES BYA BA'I SGRA MI 'THAD DE, THAMS CAD DANG PHYOGS GCIG NI YUL THA DAD PA'I PHYIR RO ZHES GANG SMRAS PA DE BSAL BA YIN NO, ,PHYOGS GNYIS PA LTAR NA YANG RIGS MTHUN PA RNAMS DANG REG PAR MI 'DOD DU CHUG KYANG, PHRAG NI SNANG BA DANG MUN PA'I NGO BO YIN PA'I PHYIR RIGS MI MTHUN PA SNANG BA DANG, MUN PA'I RDUL PHRA RAB RNAMS DANG NI REG PAR 'DOD PA NYID @93A *, ,DO; ,SNANG BAS MA NON PA'I MUN PA DANG BRAL BA NYID DAM, MUN PAS GNAS SU MA BYAS PA'I SNANG BA DANG BRAL BA NYID NI RIGS PA DANG LDAN PA MA YIN TE, DE GNYIS 'BYUNG BA NI YUL LA SOGS PA PHAN TSUN BRAL BA TZAM LA RAG LAS PA'I PHYIR RO, ,BAR MED PA'I PHYOGS KYANG PHRAD PA'I PHYOGS KHO NA'I KHONGS SU 'DUS TE, PHRAD PA'I RNAM GRANGS YIN PA'I PHYIR RO, ,BAR GYI YUL DANG BRAL BA RNAMS LA NI 'BYAR [?] BA MA GTOGS PA RNAM PA GZHAN MED DO, ,DON DE NYID SGRA GZHAN GYIS BRJOD KYANG GZHAN DU NI MI 'GYUR RO, ,PHYOGS THAMS CAD SPYIR SUN DBYUNG BAR 'BYAR [?] BA DANG NI BSKOR BA'AM ZHES BYA BA LA SOGS PA SMOS TE, DE LA DBUS NA YOD PA'I RDUL PHRA RAB GANG YIN PA DE RANG BZHIN GANG GIS RDUL PHRA RAB GCIG LA BLTAS TE GNAS PA DE NYID KYIS GZHAN LA BLTAS SAM, 'ON TE MA YIN ZHES BYA BA BRTAG PA GNYIS SO, ,DE LA PHYOGS DANG PO LTAR NA BSKOR BA'I RDUL PHRA RAB THAMS CAD PHYOGS GCIG PA NYID DU THAL BAR 'GYUR TE, DE'I RANG BZHIN LA BLTAS PA NYID KYI PHYIR RO, ,RDUL PHRA MO GANG LA RANG BZHIN DE GCIG YOD PA DE NI DE'I RANG BZHIN YIN LA RDUL PHRA MO GANG LA DE'I RANG BZHIN GYI RDUL PHRA MO LA BLTAS PA YOD PA ZHES TSIG RNAM PAR SBYAR TE DE'I DNGOS PO NI DE NYID DO, ,SBYAR BA NI RDUL PHRA RAB KYI NGO BO GCIG LA BLTAS PA'I RANG BZHIN GANG YIN PA DE NI PHYOGS GCIG PA CAN YIN TE, DPER NA DBUS NA GNAS PA'I RDUL PHRA RAB DE NYID KYI SHAR PHYOGS NA GNAS PA'I RDUL PHRA RAB LTA BU'AM, SHAR PHYOGS KYI KHANG PA LA KHANG PA GCIG BLTAS PA LTA BU STE, BSKOR BA'I RDUL PHRA RAB THAMS CAD KYANG RDUL PHRA RAB GCIG LA BLTAS PA'I RANG BZHIN YIN PAS ZHES BYA BA NI RANG BZHIN GYI GTAN TSIGS SO, ,PHYOGS THA DAD PA NA GNAS PA YIN NA NI MNGON PAR 'DOD PA'I RDUL PHRA RAB GCIG PU LA BLTAS PA'I RANG BZHIN DAG TU MI 'GYUR TE; RDUL PHRA RAB DE LA RANG BZHIN GZHAN MED PA'I PHYIR RO, ,RANG BZHIN MED NA BLTAS PA YANG MI RUNG BA'I PHYIR GTAN TSIGS MA NGES PA NYID MA YIN NO, ,DE'I PHYIR YANG DAG PAR NA BSKOR TE GNAS PA MED PAS RDUL PHRA RAB RNAMS RGYAS PAR MI 'GYUR RO, ,PHYOGS GNYIS PA LTAR NA YANG YAN @93B LAG DANG BCAS PA NYID DU THAL BAR 'GYUR BAR GSAL BAR RAB TU BDAG GIS RNAM PAR MA PHYE'O, ,RDUL PHRA MO RNAMS RANG BZHIN MED PA NYID DU GRUB PA KHO NAS RDUL PHRA MO LA LTOS NAS RAB TU BRTAGS PA'I BDAG NYID DU GNAS PA'I CHOS THAMS CAD RANG BZHIN MED PA NYID DU 'BAD MI DGOS PAR GRUB PA NYID DO ZHES BSTAN PA'I PHYIR, RDUL PHRAN RANG BZHIN MED GRUB PA, ,ZHES BYA BA LA SOGS PA SMOS SO, ,'DIR 'THAD PA, DE YI RANG BZHIN DES BRTZAMS DAG ,ZHES BYA BA LA SOGS PA SMOS TE, DE LA RE ZHIG RANG GI SDE PA RNAMS NI GZUGS CAN GYI KHAMS RNAMS SU RNAM PAR GZHAG PA GANG DAG YIN PA DE DAG NI RDUL PHRA RAB KYI RANG BZHIN KHO NA YIN PAR 'DOD DO, ,KHAMS GZHAN GANG DAG YIN PA DE DAG KYANG DNGOS SU'AM BRGYUD PAS RDUL PHRA RAB LA BRTEN PA YIN PA'I PHYIR RDUL PHRA RAB KYIS BRTZAMS PA YIN PA KHO NAR BRJOD DO, ,BYE BRAG LA SOGS PA NI RDUL PHRA MO GNYIS PO LA SOGS PA'I RAB 'BRAS BU'I RDZAS NI RDUL PHRA RAB RNAMS KYIS DNGOS DANG BRGYUD DE BRTZAMS PA KHO NAR 'DOD DO, ,GRANGS LA SOGS PA YON TAN RNAMS KYANG PHAL CHER MNGON SUM MAM BRGYUD PAS RDZAS RNAMS KHO NA YIN PAR KHAS LEN TE, DE'I PHYIR DE DAG GI YON TAN YIN PAS DE'I YON TAN ZHES BYA'O, ,'DEGS PA LA SOGS PA LAS KYI BYE BRAG RNAMS KYANG PHAL CHER MNGON SUM MAM BRGYUD PAS DE'I LAS KYI RANG BZHIN DAG YIN TE, LAS NI LUS CAN GYI RDZAS LA BRTEN PA'I PHYIR RO, ,DE DAG GI LAS NI DE'I LAS TE LAS KYI BYE BRAG GANG DAG LA DE'I RANG BZHIN DE NYID YOD PA DE DAG LA DE SKAD CES BYA'O,, SPYI YANG RNAM PA GNYIS YIN LA, KHYAD PAR RNAMS KYANG RDZAS THA MA LA YOD PA DAG YIN PAS SPYI DANG KHYAD PAR TE, RDZAS RNAMS KYI SPYI DANG KHYAD PAR ZHES BYA BAR TSIG RNAM PAR SBYAR RO, ,DE 'DI LTAR SPYI YOD PA NYID DANG BA LANG NYID LA SOGS PA NI RDZAS DANG YON TAN DANG LAS GSUM DANG LDAN PA'I PHYIR PHAL CHER DNGOS SU'AM BRGYUD PAS DE DAG LA BRTEN PA NYID DO, ,KHYAD PAR RNAMS KYANG PHAL CHER DNGOS SU DE DAG LA BRTEN PA DAG KHO NA YIN NO, ,'BRAS BU'I RDZAS LA SOGS PA JI SKAD BSHAD PA DE DAG KYANG GANG GI PHYIR 'DU BA ZHES BYA BA'I 'BREL BA'I STOBS KYIS DE DANG 'DU BA CAN DU 'DOD PA DE'I @94A *, ,PHYIR 'BREL PA CAN RNAMS MED PAS 'BREL PA CAN DANG 'BREL BA'I NGO BO 'DU BA YANG MED PA KHO NA'O, ,DE'I PHYIR 'DI DAG THAMS CAD NI RDUL PHRA RAB KYI RTZA BA CAN YIN PA'I PHYIR RDUL PHRA RAB KUN TU CHAD NA JI LTAR GNAS THOB PAR 'GYUR, RANG GI SDE PA DAG NI GZUGS CAN GYI KHAMS BCU PO DAG RDUL PHRA RAB BSAGS PA YIN PAR BRJOD DE ZHES BYA BA LA SOGS PAS NI TSIG LE'UR BYAS PA'I DON RNAM PAR 'GREL PAR BYED DO, ,'O NA 'DUS MA BYAS LA THABS CI YOD SNYAM PA LA, NAM MKHA' LA SOGS PA 'DUS MA BYAS MTHA' DAG KYANG ZHES BYA BA LA SOGS PA SMOS SO, ,YON TAN RNAMS KYANG PHAL CHER ZHES BYA BA NI SGRA LA SOGS PA RDUL PHRA RAB KYI YON TAN MA YIN PA'I PHYIR RO, ,BRTEN PA RNAMS NI DNGOS SU 'BRAS BU'I RDZAS LA SOGS PA'O, ,NYE BAR BRTEN PA RNAMS NI BRTEN PA LA BRTEN PA LA SOGS PA'O, ,NAM MKHA' LA SOGS PA RDUL PHRA RAB LA MI BRTEN PA JI LTAR DGAG SNYAM PA LA, RTAG PA'I DNGOS PO NAM MKHA' DANG ZHES BYA BA LA SOGS PA SMOS TE, LHAG MA NI GO SLA'O, ,GNYIS DANG GNYIS MA YIN PA'I TSUL DU BRJOD PA DNGOS SU BSTAN PAR BYA'O ZHES BYA BA NI RNAM PAR SHES PA'I PHUNG PO MTSUNGS PAR LDAN PA DANG BCAS PA RANG BZHIN MED PA NYID CES BYA BA RNAL MA DANG SBYAR RO, ,DE LA SHES PA DANG SHES BYA YOD PA NYID KYI TSUL NI GNYIS KYI TSUL LO, ,SHES PA TZAM YOD PA NYID KYI TSUL NI GNYIS MA YIN PA'O, ,DE LA GNYIS KYI TSUL LA YANG RNAM PA GNYIS TE KHA CIG NA RE SHES PA RNAM PA MED PA KHO NAS YUL RTOGS PAR 'GYUR RO ZHES ZER RO, ,GZHAN DAG NA RE RNAM PA DANG BCAS PA KHO NA'O ZHES ZER RO, ,DE LA RNAM PA MED PA'I PHYOGS LTAR NA, SHES PAS PHYI ROL GYI DON 'DZIN PAR RIGS PA MA YIN TE, 'BREL PA'I RGYU MED PA'I PHYIR RO, ,RANG RIG PA LA GANG GIS NA RANG RIG PA KHO NAR 'DOD KYI, PHYI ROL MA YIN PA 'BREL BA CI ZHIG YOD PAR MA YIN NAM, JI STE DE NI RANG RIG PA'I RANG BZHIN YIN PA'I PHYIR RANG RIG PAR RNAM PAR GZHAG GO ZHE NA, GAL TE DE LTA NA NI YUL 'DZIN PA'I RANG BZHIN YIN PA'I PHYIR YANG YUL RIG PAR CI'I PHYIR MI GZHAG , @94B GAL TE SHES PA'I YUL 'DZIN PA'I LAS NI CI 'DRA BA ZHIG YIN, GANG GIS NA YUL RIG PAR GZHAG PAR BYA ZHE NA, GAL TE DE LTA NA NI RANG RIG PA LA YANG BRGAL ZHING BRTAG PA MTSUNGS SO SNYAM PA 'DI SEMS LA BSNGOGS NAS RANG RIG PA LA YANG RANG 'DZIN PA'I LAS CI 'DRA BA DE NYE BAR STON CING BRGAL ZHING BRTAG PA MI MTSUNGS PA NYID DU BSGRUB PA'I PHYIR, RNAM SHES BEMS PO'I RANG BZHIN LAS ZHES BYA BA LA SOGS PA SMOS TO, ,MDOR BSDUS PA'I DON NI RANG RIG PA'I LAS NI SHING RTA DANG RTZIG PA LA SOGS PA BEMS PO'I RANG BZHIN DAG LAS LOG PA KHO NA YIN TE, GSAL BA GZHAN LA MI LTOS PA NYID DU THA SNYAD KYI LAM LA 'JUG PA YIN NO, ,LHAG MA NI GO SLA'O, ,JI STE BYA BA DANG BYED PA'I DNGOS POR CI'I PHYIR RNAM PAR MI GZHAG SNYAM PA LA, BYA DANG BYED PA'I DNGOS POR MIN, ,ZHES BYA BA LA SOGS PA SMOS SO, ,'DI NI NYE BAR MTSON PAR ZAD KYI DE BZHIN DU GZUNG BA DANG 'DZIN PA'I DNGOS POR YANG MI 'DOD PA NYID DO, RNAM PAR 'GREL PA LAS KYANG DE BZHIN NYID DU STON TO, ,GSUM GYI RANG BZHIN MI 'THAD PHYIR, ,ZHES BYA BA NI BSKYED PAR BYA BA DANG SKYED PA PO DANG BSKYED PAR BYA BA'I NGO BO 'AM, RIG PAR BYA BA DANG RIG PA PO DANG RIG PA'I NGO BOR RO,, CI'I PHYIR MI RIGS SNYAM PA LA, 'DI LTAR SKYE BA'I SNGA LOGS NA NI MED PAS NUS PA MED CES BYA BA LA SOGS PA SMOS TE, DNGOS PO BDAG NYID BSKYED PA NA MA SKYES PA'AM, SKYES ZIN PA ZHIG SKYED PAR 'GYUR GRANG NA, RE ZHIG MA SKYES PA NI MA YIN TE, SKYE BA'I SNGA LOGS NA DE MED PA'I PHYIR RO, ,MED NA NUS PA THAMS CAD DANG BRAL BA'I PHYIR TE, MED PA'I MTSAN NYID NI DE TZAM DU ZAD PA'I PHYIR RO, ,JI STE SKYES ZIN PA ZHES BYA BA'I PHYOGS YIN NA NI DE'I TSE SKYES ZIN TE NUS PA'I TSE BSKYED PAR BYA BA YANG BDAG NYID DU GRUB PA'I PHYIR BSKYED PAR BYA BA NYID DU MI 'THAD DO, ,DE LTA MA YIN NA 'CHOL BA DANG THUG PA MED PAR YANG 'GYUR RO, ,GANG ZHIG GANG DANG GRUB PA DANG BDE BA GCIG PA MA YIN PA DE NI DE'I RANG BZHIN YIN PAR MI RIGS TE, HA CANG THAL BAR 'GYUR BA'I PHYIR RO, ,DE NYID KYI PHYIR RIG PAR BYA BA DANG RIG PA PO'I DNGOS PO YANG BSAL BA YIN TE, RIG PAR BYA BA @95A *, ,DANG RIG PA PO'I DNGOS PO NI BSKYED PAR BYA BA LA SOGS PA'I NGO BOS RAB TU PHYE BA'I PHYIR RO, ,DE LTA BAS NA ZHES BYA BA NI MJUG SDUD DO, ,PHYI ROL RIG PA'I BYA BA MI RUNG BAR BSTAN PA'I PHYIR, DE'I PHYIR 'DI NI SHES PA YI, ,ZHES BYA BA LA SOGS PA SMOS SO; ,JI STE ZHES BYA BA NI PHA ROL GYI LUGS KYI DOGS PA BSU BA'O, ,YUL SO SOR RNAM PAR RIG PA YIN PAS ZHES BYA BA NI YUL LA DMIGS PA'I RANG BZHIN YIN PA'I PHYIR ZHES BYA BA'I THA TSIG GO, ,RNAM PAR SHES PAS JI LTAR BDAG NYID RIG PA LTAR YUL LA DMIGS PA'I RANG BZHIN DE NYID MA GRUB PAR, DE'I RANG BZHIN GZHAN LA MED, ,CES BYA BA LA SOGS PAS STON TE, GAL TE SHES PA DANG SHES BYA GNYIS GCIG PA NYID DU KHAS BLANGS PAR GYUR NA NI DE'I TSE RANG RIG PA'I MTSAN NYID NI GSAL BA'I NGO BO TZAM YIN PA'I PHYIR RANG RIG PA BZHIN DU DON YANG RIG PAR 'GYUR BA ZHIG NA RNAM PA GNYIS SU SMRA BA NYAMS PAR THAL BAR 'GYUR BA'I PHYIR KHYOD DE LTAR YANG MI 'DOD DO, ,YONGS SU GCOD PA ZHES BYA BA'I NGO BO DE NI ZHES BYA BA LA SOGS PAS NI RNAM PAR 'GREL PAR BYED DO, ,DE NI ZHES BYA BA'I THA TSIG GO, ,SHES PA DON DANG LHAN CIG DE'I BDAG NYID DU GYUR BA MA YIN DU ZIN KYANG RNAM PAR SHES PA DON RIG PAR BYED PAR GO CI'I PHYIR MI 'GYUR SNYAM PA LA, 'BREL PA GANG GIS NA ZHES BYA BA LA SOGS PA SMOS SO, ,'O NA DE LAS SKYES PA'I PHYIR 'BREL BAR 'GYUR RO SNYAM PA LA, DE LAS BYUNG BA TZAM GYIS NI ZHES BYA BA LA SOGS PA SMOS SO, , DE NYID KYI PHYIR TSOGS PA GCIG LA RAG LAS PAS KYANG 'BREL PAR BSTAN PAR RIGS PA MA YIN TE, MIG LA SOGS PA DUS MNYAM PA DAG LA YANG THAL BAR 'GYUR BA'I PHYIR RO, ,SHES PA'I RANG BZHIN NYID DE 'DRA STE, DES NA YUL KHO NA RIG PAR 'GYUR GYI, MIG LA SOGS PA NI MA YIN NO ZHE NA, DE YANG LAN DU MI RUNG STE, BRTAG PAR BRTZAMS PA'I RANG GI NGO BO NYID MA GRUB PA'I PHYIR RO, ,NAM ZHIG NA DON RANG RIG PAR BYAR RUNG SNYAM PA LA, GAL TE DON KYANG YONGS SU GCOD PA'I BDAG NYID DU GYUR LA ZHES BYA BA LA SOGS PA SMOS SO, ,BDAG NYID DU GYUR CES BYA BA NI RANG @95B BZHIN DU GYUR CES BYA BA'I THA TSIG GO, ,DE'I BDAG NYID CES BYA BA NI YONGS SU GCOD PA'I BDAG NYID DO, ,SHES PA'I DON YONGS SU GCOD PA'I NGO BO YIN PAS ZHES BYA BA NI YIN PAS NA ZHES BYA BA'I THA TSIG GO, ,DE LTA YIN NO SNYAM PA LA PHYI ROL GYI DON LA MNGON PAR ZHEN PA'I DUG GIS ZHES BYA BA LA SOGS PA SMOS TE, PHYI ROL GYI DON LA MNGON PAR ZHEN PA NYID DUG BZHIN DU GDUG PA YIN LA GANG LA DES MA RUNG BAR BYAS PA'I BSAM PA YOD PA ZHES BYA BAR RNAM PAR SBYAR RO, ,GANG ZHES BYA BA NI DPYOD PA LA SOGS PA STE, DE NI 'DI SKAD DU RNAM PAR SHES PA RNAM PA DANG BCAS PA MA YIN PA 'BA' ZHIG TU MA ZAD KYI, RANG RIG PA YANG MA YIN NO ZHES ZER RO, ,DE LTAR NA 'DI NI DON YIN NO, ,'DI NI SHES PA'O, ,DON DANG SHES PA DE DAG KYANG BDAG LA GRUB BO ZHES BYA BA'I GRAGS PA 'DIR YANG MI 'GYUR TE, SHES PA RAB TU MA GRUB NA DON THAMS CAD RAB TU MI 'GRUB PAR THAL BAR 'GYUR BA'I PHYIR RO, ,GAL TE SHES PA 'DI MA GRUB TU ZIN KYANG RE ZHIG DON NI MNGON SUM KHO NAR GRUB BO, ,DON DE LAS NI SHES PA YANG DON GYIS GO BAS 'GRUB PAR 'GYUR TE, SHES PA MED PAS SHES BYA NYID MI 'THAD PA'I PHYIR RO SNYAM PA'I DOGS PA BSU NAS SHES PA NI GSAL BA YIN NA ZHES BYA BA LA SOGS PA SMOS TE, DON GYI GSAL BA NI SHES PA LAS GZHAN MA YIN GYI SHES PA KHO NA YIN NO, ,GSAL BA YANG GSAL BA MA YIN NA NI GSAL BA GSAL BA MA YIN PA'I PHYIR MI GZHAN GYI MNGON SUM BZHIN DU MDUN NA RNAM PAR GNAS PA'I DON KYANG MNGON SUM DU MI 'GYUR RO, ,DE LTA MA YIN NA NI HA CANG THAL BAR 'GYUR RO, ,SHES PA GSAL BA YIN DU CHUG NA YANG SHES PA RNAM PA MED PAR SMRA BA'I LTAR NA, DON RNAM PA THAMS CAD DU MNGON SUM DU MI 'GYUR TE, DON RIG PA 'DI YIN NO ZHES BYA BA 'BREL BA'I RGYU YANG MED PA'I PHYIR RO, ,'DI NI SNGAR BSHAD PA KHO NA YIN TE, DE LTAR NA SHES PA RNAM PA MED PA'I PHYOGS LA DON DNGOS SU RIG PA MED DO, ,GZHAN YANG SHES PA RNAM PA MED PA'I PHYOGS 'DI NI ZHES BYA BA LA SOGS PA NI JI LTAR SHES PA RNAM PA DANG BCAS PAR SMRA BA RNAMS KYIS BRJOD PA LTA BU @96A *, ,BTAGS PA GANG YIN PA DE YANG MED DO ZHES STON PAR BYED PA'O, ,GZUGS BRNYAN ZHES BYA BA NI DON GYI RNAM PAR SHES PA LA YOD PA'O, ,GDAGS PA ZHES BYA BA NI NYE BAR BTAGS PA'O, ,DES GZHAG PA SHES PA'I BDAG NYID DU GYUR PA'I GZUGS BRNYAN ZHES BYA BA LA SOGS PAS NI RNAM PAR 'GREL PAR BYED DO, ,GZHAG PA NI SHES PA'I BDAG NYID LA YOD PA STE, SHES PA'I BDAG NYID DU GYUR PA'I GZUGS BRNYAN GANG YIN PA DE RIG PA NYID DON RIG PA YIN TE, RGYU LA 'BRAS BU'I CHOS NYE BAR BTAGS PA'I PHYIR RO, ,SU ZHIG MI 'DOD PA ZHES BYA BA NI SHES PA RNAM PA MED PAR SMRA BA'O, ,'DI YANG ZHES BYA BA NI NYE BAR BTAGS PA'O,, ,,BAM PO GNYIS PA, RE ZHIG DE LTAR SHES PA RNAM PA MED PA'I PHYOGS MI 'THAD PAR BSGRUBS NAS SHES PA RNAM PA DANG BCAS PA'I PHYOGS KYANG RIGS PA MA YIN PA NYID DU BSGRUB PAR 'DOD NAS, GAL TE DE LTA NA SHES PA RNAM PA DANG BCAS PA NYID NI MI RUNG NGO ZHES BYA BA LA SOGS PA SMOS SO, ,'DI LA YANG RNAM PA RNAMS BDEN PAR 'GYUR BA'AM YANG NA BRDZUN PAR 'GYUR GRANG NA ZHES BYA BA PHYOGS GNYIS TE, DE LA PHYOGS DANG PO LTAR NA SHES PA GCIG DANG THA MI DAD PA'I RANG BZHIN YIN PA'I PHYIR SHES PA GCIG GI RANG GI NGO BO BZHIN DU RNAM PA SNA TSOGS PA NYID DU MI 'GYUR RO, ,DE'I PHYIR RI MO BRKYANG BA LA SOGS PA RNAM PA'I STOBS KYIS PHYI ROL GYI DON MI 'GRUB STE, RI MO'I RNAM PA DANG 'DRA BA NYID MED PA'I PHYIR RO, ,JI STE NYAMS SU MYONG BAS GRUB PA'I PHYIR RNAM PA RNAMS BRTZAL BA MA YIN NO ZHE NA, DE'I TSE RNAM PA RNAMS LAS SHES PA THA MI DAD PA'I PHYIR RNAM PA BZHIN DU DU MA NYID DU 'GYUR RO, ,DE LTA MA YIN NA CHOS 'GAL BA GNAS PA'I PHYIR THA DAD PA MA YIN PAR KHAS MI BLANG BAR BYA'O, ,'DI LTAR 'DOD DE ZHES BYA BA LA SOGS PA NI GANG ZHIG DU MA NYID DU THAL BAR 'GYUR BA MI 'DOD PA NYID DU SGRUB PAR BYED PA MA YIN TE DU MA NYID DU 'DOD PA'I PHYIR RO SNYAM DU SEMS PA DE'I LUGS KYI DOGS PA BSU BAR BYED PA'O, ,MGYOGS PAR 'BYUNG PHYIR ZHES BYA BA NI MYUR BAR 'BYUNG BA'I PHYIR RO, ,ME TOG AUTPALA'I 'DAB MA ZHES BYA BA LA SOGS @96B PAS NI RNAM PAR 'GREL BAR BYED DO, ,SHIN TU MYUR BA'I PHYIR ZHES BYA BA NI SHIN TU MYUR BAR 'BYUNG BA'I PHYIR RO ZHES BYA BA'I THA TSIG GO, ,MTHONG BA DE NI ZHES BYA BA NI CIG CAR DU MTHONG BA'O, ,GAL TE DE LTA NA, LCUG MA'I SGRA LA SOGS PA'I BLO, ,ZHES BYA BA LA SOGS PAS NI HA CANG THAL BAR 'GYUR BAR BYED PAS MYUR DU 'BYUNG BA CIG CAR DU SHES PA'I RGYU MA YIN PA NYID DU BSTAN TE, LCUG MA'I SGRA LA SOGS PA DAG LA BLO RNAMS ZHES TSIG RNAM PAR SBYAR NAS BSDU'O, ,SOGS PA ZHES BYA BA'I SGRAS NI TA LA DANG MTSO DANG RO BRO BA LA SOGS PA'I SGRA RNAMS BSDU STE, LCUG MA LA SOGS PA'I SGRA LA YANG RGYU MTSUNGS PA'I PHYIR CIG CAR YIN PAR 'DZIN PA'I MNGON PA'I NGA RGYAL DU 'GYUR RO, ,DE'I PHYIR LCUG MA TA LA ZHES THOS PA THA DAD PAR MI 'GYUR TE, THOS PA THA DAD PA NI RIM GYIS 'DZIN PAS BYAS PA'I PHYIR RO, ,RGYU RNAMS 'BRAS BU DANG LDAN PA 'DIS NI GDON MI ZA BAR 'GYUR BA MA YIN NO, ,DES NA DNGOS PO CIG CAR RTOGS PA'I RGYU YOD PA'ANG 'GA' KHO NA LA 'GYUR RO SNYAM PA LA, RGYU 'DRA BA'I RGYU RKYEN NI THA DAD PAR MI RIGS TE ZHES BYA BA LA SOGS PA SMOS SO, ,'DI SNYAM DU SEMS TE GANG RGYU'I DNGOS PO YIN PA DE NI GDON MI ZA BAR 'BRAS BU SKYED PAR BYED PA KHO NA'O, ,RGYU RNAMS NI GDON MI ZA BAR 'BRAS BU DANG LDAN PA MA YIN NO ZHES GANG SMRAS PA DE NI RGYU TZAM LA BSAMS NAS DNGOS SU BTAGS PAR ZAD DO, ,KHYOD RIM GYIS 'JUG PA RNAMS LA CIG CAR YIN PAR 'DZIN PA'I MNGON PA'I NGA RGYAL BYED PA'I RGYU MYUR DU 'BYUNG BA LAS GZHAN KHAS MI LEN LA RGYU DE YANG THAMS CAD DU MTSUNGS TE CIG CAR GYI DNGOS POR MNGON PAR ZHEN PA'I NGA RGYAL BYED PA NI MYUR DU 'BYUNG BA TZAM LA RAG LAS TE, 'BYUNG BAR ZAD PAS THAMS CAD DU 'BYUNG BA KHO NAR 'GYUR TE, RGYU MA TSANG BA MED PA'I PHYIR RO, ,MYUR DU 'BYUNG BA MA TSANG BA MED KYANG GANG MI 'BYUNG BA DE NI DE'I RGYUR RIGS PA MA YIN TE, HA CANG THAL BAR 'GYUR BA'I PHYIR RO, ,DE'I PHYIR RGYU MYUR DU 'BYUNG BA'I MTSAN NYID 'DRA YANG RGYU CAN 'BRAS BU CIG CAR GYI DNGOS POR MNGON PA'I NGA RGYAL BYED PA YOD PA DANG MED PA THA DAD PAR BYAS PA GANG YIN PA DE NI MI 'GYUR TE, 'BRAS BU THA DAD PA NI RGYU'I BYE BRAG GIS BYAS PA'I PHYIR RO, ,DE'I @97A *, ,PHYIR DE RGYU LA YOD PA'I RJES SU 'GRO BA DANG LDOG PA'I RJES SU MI BYED PA'I PHYIR RGYU'I 'BRAS BU NYID MA YIN NO, ,RGYU GZHAN YANG KHAS MI LEN PAS RGYU MED PA NYID KHO NAR 'GYUR RO, ,SUN DBYUNG BA GZHAN YANG, YID KYI RTOG PA 'BA' ZHIG LA'ANG ZHES BYA BA LA SOGS PA SMOS SO, ,RTOG PA ZHES BYA BA NI RNAM PAR RTOG PA'O, ,'BA' ZHIG CES BYA BA NI SHES PAR RIGS MI MTHUN PA GZHAN DANG MA 'DRES PA'I PHYIR RO, ,RING DU GNAS PA MA YIN PAS ZHES BYA BA NI SKAD CIG PA'I PHYIR RO, ,BLO RNAMS KUN ZHES BYA BA NI MIG LA SOGS PA'I BLO RNAMS SO; ,SEMS PA NI 'PHRAL GYI BYA BA LA SOGS PA DPYOD PA'O, ,DPYOD PA NI SNGON MA BYUNG BA'I DNGOS PO'I RANG GI NGO BO LA MNGON PAR RTOGS PA'O, ,SOGS PA ZHES BYA BA'I SGRAS NI BLO SBYONG BA'I YID LA SEMS PA LA SOGS PA GZUNG NGO, ,SEMS PA DANG DPYOD PA LA SOGS PA NYID KYI DUS DE GNAS SKABS YIN NO, ,GNAS SKABS DE NI 'BYUNG BA'I NGANG TSUL CAN GANG YIN PA ZHES TSIG RNAM PAR SBYAR RO, ,GCIG TU NA ZHES BYA BA LA SOGS PAS NI 'OG MA'I PHYED RNAM PAR 'GREL TO, ,'DI'I PHYIR ZHES BYA BAS NI 'OG NAS 'BYUNG BAS SO, ,PHA ROL GYI LUGS LAS KYANG ZHES BYA BA NI THAMS CAD KYIS MYUR DU 'JIG PAR KHAS BLANGS PA'I PHYIR RO, ,RIM GYIS 'DZIN PA MED NA CIR 'GYUR SNYAM PA LA, RNAM PA DAG NI THA DAD LTAR, ,ZHES BYA BA LA SOGS PA SMOS SO, ,DPE MGAL ME'I 'KHOR LO YANG MA GRUB PO ZHES BSTAN PA'I PHYIR, MGAL ME LA YANG CIG CAR DU, ,ZHES BYA BA LA SOGS PA SMOS SO, ,RUNG BA MA YIN TE ZHES BYA BA NI RIGS PA MA YIN PA STE, MGAL ME'I 'KHOR LO LA NI MTHONG BA RIM GYIS 'BYUNG BA CAN RNAMS CIG CAR 'DZIN PAR MNGON PA'I NGA RGYAL BYED PAS MGAL ME LA 'KHOR LO'I RNAM PAR 'KHRUL PA MA YIN GYI, MYUR BAR 'KHOR BAR ZHUGS PA'I RJES SU SONG BAS MI 'KHRUGS PAR BSKYED PA 'KHOR LO'I RNAM PAR 'KHRUL PA SKYED DE GSAL BAR SNANG BA'I PHYIR RO, ,DE LTAR MA YIN NA GSAL BAR SNANG BA NYID DU MI 'THAD DE, DRAN PA KHO NAS MTSAMS SBYOR BA'I PHYIR RO, ,MTHONG BAS NI MA YIN TE, MTHONG BA'I YUL @97B 'DAS PA MA YIN PA'I PHYIR DANG, RNAM PAR RTOG PA MED PA'I PHYIR RO, ,DRAN PA NI DNGOS PO MYONG ZIN PA'I YUL YIN PAS RNAM PA MI GSAL BA NYID YIN TE, MYONG ZIN PA MED PA'I PHYIR DANG, DRAN PA'I TSE RTOGS PA YANG MI GSAL BA'I PHYIR RO ZHES BSDUS PA'I DON YIN NO, ,'GAL LAM ZHES DRIS PA DANG, LAN DU 'GAL TE ZHES BYA BA SMOS SO, ,DES CIR 'GYUR ZHES DRIS PA DANG, SMRAS PA ZHES BYA BA SMOS SO, ,DE'I ZHES BYA BA NI DRAN PA'O, ,DE NI GSAL MA YIN ZHES BYA BAR SBYAR TE, CI'I PHYIR ZHE NA, ZHIG PAS SO, ,MDUN NA 'DUG PA ZHES BYA BA NI DA LTAR ZHES BYA BA'I THA TSIG STE, DRAN PA'I YUL NI 'DUS PA YIN NO SNYAM DU BSAMS PA'O, ,DE'I BDAG NYID DU GYUR PA ZHES BYA BA NI DRAN PA'I YUL GYI BDAG NYID DU GYUR PA'O, ,DE BZHIN DU GYUR PA'I RIGS ZHES BYA BA NI YONGS SU MI GSAL BA'O, ,AUTPA LA'I 'DAB MA BRGYA 'BIGS PA DPER BSTAN PA GANG YIN PA DE YANG CHOS MI MTHUN PA YIN NO ZHES BSTAN PA'I PHYIR, AUTPA LA'I 'DAB MA BRGYA CIG CAR PHIGS PA'I SHES PA ZHES BYA BA LA SOGS PA SMOS TE, AUTPA LA'I 'DAB MA 'BIGS PA LA NI JI LTAR MGAL ME'I 'KHOR LO LA SOGS PA MTHONG BA LTAR CIG CAR DU 'DZIN PAR SHES PA SHIN TU GSAL BA MA YIN NO, ,AUTPA LA'I 'DAB MA BRGYA PHIGS PA LA NI RIM PA YANG TSAD MA GZHAN GYIS GRUB KYI, 'DI LA NI TSAD MA YANG CI YANG MED DO, ,AUTPA LA'I 'DAB MA BRGYA 'BIGS PA LA NI MYUR DU 'GRO BA TZAM GYIS CIG CAR 'DZIN PA SHES PA 'BYUNG BA MED DE, RTZE GCIG PA MED PA'I PHYIR RO ZHES BYA BAR NGES PAR BYED DO ZHES BYA BAS STON PAR BYED DO, ,RJES SU DPOG PA NI RIM GYIS ZHES BYA BAR SBYAR RO, ,'DIR RJES SU DPAG PA GANG YIN SNYAM PA LA MANG PO DAG LA BYED PA GCIG GIS 'BIGS PA GANG YIN PA DE NI ZHES BYA BA SMOS TE, 'DI NI DON BRJOD PA TZAM DU ZAD DO, ,SBYOR BA NI 'DI LTA BU YIN TE, RIM CAN BLA 'OG RIM PAR GNAS PA RNAMS MI GCIG GI BYED PAS LUS CAN GYIS PHUG PA GANG YIN PA DE NI RIM GYIS 'GYUR BA KHO NA YIN TE, DPER NA ZANGS KYI GLEGS MA LA SOGS PA LTA BU'O, ,AUTPA LA'I 'DAB MA LA SOGS PA BLA 'OG GI RIM PAR GNAS PA RNAMS KYANG MI GCIG GI BYED PAS LUS @98A *, ,CAN GYIS PHUG PA YIN ZHES BYA BA NI RANG BZHIN GYI GTAN TSIGS YIN NO, ,DE LTA MA YIN NA NI GAL TE LUS CAN GCIG GIS CIG CAR DU KHYAB PAR GYUR NA NI RIM CAN NYID DU MI 'GYUR TE, LUS CAN LA GANG GIS NA DNGOS PO GCIG LA KHYAB PAR GYUR PA NI DE'I TSE GZHAN LA YANG KHYAB PAR MI 'GYUR BA RANG BZHIN GZHAN NI MED PA'I PHYIR RO, ,DE'I TSE RANG BZHIN MI NYE BAS KYANG GZHAN MI PHIGS MI SRID PAS MA NGES PA NYID MA YIN NO, ,GANG DAG CES BYA BA NI PHYI ROL GYI DON YOD PAR SMRA BA KHA CIG KHO NA STE, DE DAG GI LUGS KYIS SHES PA RNAM PA DANG BCAS PA YIN YANG RI MO BRKYANG BA LA SOGS PA LA CIG CAR DU SNANG BA MI 'GAL BA KHO NA'O, ,GAL TE DE LTA NA ZHES BYA BA LA SOGS PAS NI SUN DBYUNG BAR BSHAD DO, ,RNAM PA SNA GCIG CES BYA BA NI KHA DOG GI RIGS MI MTHUN PA DANG MA 'DRES PA STE, RNAM PA SNA GCIG LA YANG SNGON PO DANG SER PO LA SOGS PA'I RNAM PA 'DZIN PAS SNA TSOGS SU SNANG BA'I BLO MI 'BYUNG BAR SHAR DANG BYANG DANG DMA' BA NYID LA SOGS PA'I CHAR SNANG BA'I PHYIR SNA TSOGS NYID YOD PA KHO NA'O, ,DU MAR 'DOD DO ZHES BYA BA LA SOGS PAS NI PHA ROL GYI GZHUNG GI DOGS PA BSU BAR BYED DO, ,'O NA GCIG TU 'GYUR BA GANG YIN ZHES DRIS PA DANG PHA ROL POS GANG YAN LAG MED PA'I RDUL GYI YUL 'DZIN PA STE ZHES BYA BA LA SOGS PA SMOS SO, ,CHA MED PA ZHES BYA BA NI CHA SHAS MED PA STE, RDUL PHRA RAB TZAM 'DZIN PA'I SHES PA MYONG BA NI GANG NA YANG MED DE, DUS THAMS CAD DU RAGS PA'I RNAM PAR SNANG BA'I PHYIR RO, ,'DIS NI DMIGS PA'I RIG BYAR GYUR PA MI DMIGS PA'I PHYIR MED PA'I THA SNYAD DU BSTAN TO, ,DES KHAS BLANG ZHING ZHES BYA BA NI RDUL PHRA MO TZAM 'DZIN PA'I SHES PA YOD DO ZHES KHAS BLANGS SHING NGO, ,DE LTAR MI DMIGS BZHIN DU 'ON KYANG CI'I PHYIR KHAS MI BLANG SNYAM PA LA, RTOG PA DANG LDAN PA RNAMS KYI ZHES BYA BA LA SOGS PA SMOS TE, 'DIS NI YOD PA'I THA SNYAD DGAG PA BSTAN TO, ,RNAM PA RNAMS SNA TSOGS NYID YIN YANG LHAN CIG DMIGS PAR NGES PAS SHES PA GCIG GI RANG BZHIN YIN PAR RIGS PA'I PHYIR SHES PA GCIG GI PHYOGS CI'I PHYIR 'GAL SNYAM DU SEMS PAR 'GYUR BA 'DI SEMS LA BSDOGS NAS, GZHAN YANG BCOS MA @98B DANG ZHES BYA BA LA SOGS PAS BSDUS PA'I SGO NAS SHES PA GCIG PA'I PHYOGS NYID SUN DBYUNG BA BSTAN TE, CHOS 'GAL BA GNAS PA'I PHYIR PHYE MA LEB KHRA BO LA SOGS PA GCIG PU NYID YIN PA BSAL TO, ,RNAM PA LHAN CIG DMIGS PA DE LA YANG CHOS 'GAL BA YOD PA KHO NA YIN PAS SNA TSOGS GCIG PA NYID DU DON DAM PAR NI RIGS PA MA YIN NO, ,GAL TE NYE BAR BTAGS PA YIN NA NI DE'I TSE 'GAL BA MED DO, ,'O NA SNA TSOGS MA YIN PA'I RNAM PAR SHES PA ZHES BYA BA LA SOGS PAS NI PHA ROL PO PHYOGS KYI PHYOGS GCIG LA MA GRUB PA NYID DU RJOD PAR BYED DE, 'DI LTAR SHES PA SNA TSOGS GANG YIN PA DE KHO NA RANG BZHIN GCIG PA 'GAL GYI GANG SNA TSOGS MA YIN PA DE NI GCIG PA NYID DU MI 'GAL BAS GTAN TSIGS PHYOGS KYI PHYOGS GCIG LA MA GRUB PA YIN NO, ,DMIGS PA NI DMIGS PA KHO NA YIN TE, DRUG PA YID KYI RNAM PAR SHES PA'I KHAMS GANG LA SEMS DANG SEMS LAS BYUNG BA LA DMIGS PA YOD PA DE LA DE SKAD CES BYA'O, ,DE DANG DON MTHUN TE ZHES BYA BA NI MIG GI RNAM PAR SHES PA LA SOGS PA DANG YUL GCIG PA GANG YIN PA DE YANG BSAGS PA LA DMIGS PA KHO NA YIN PA'O, ,'O NA YID KYI RNAM PAR SHES PA CHOS KYI KHAMS LA DMIGS PA NAM MKHA' LA SOGS PA 'DUS MA BYAS LA DMIGS PA'I PHYIR RANG BZHIN GCIG PAR 'GYUR RO SNYAM PA LA, CHOS KYI KHAMS RNAM PAR RIG BYED MA YIN PA DANG ZHES BYA BA LA SOGS PA SMOS TE, 'DUS MA BYAS NAM MKHA' DANG SO SOR BRTAGS PA DANG, SO SOR BRTAGS PA MA YIN PAS 'GOG PA DANG, RNAM PAR RIG BYED MA YIN PA NI TSAD MAS GNOD PA'I PHYIR SHUGS KYIS TSOR BA DANG 'DU SHES DANG 'DU BYED DANG PHUNG PO GSUM GYI RANG BZHIN KHO NA YIN NO, ,DE LA DMIGS PA'I YID KYI RNAM PAR SHES PA YANG ZHES BYA BA NI RNAL 'BYOR PA RNAMS KYI SHES PA GANG YIN PA DE 'DIR 'DOD PA STE, RNAL 'BYOR BA'I SHES PA LA DMIGS PAR RUNG BAR THAMS CAD 'DRA BA'I PHYIR RO, ,SO SO'I SKYE BO RNAMS KYIS YID KYI RNAM PAR SHES PA RNAM PAR RTOG PA GANG YIN PA DE NI SEMS LA SOGS PA'I NYI TSE SHES PA CAN DU MYONG BA KHO NA YIN MOD KYI, 'ON KYANG DON DAM PAR NA DE NI YUL MED PA KHO NA YIN @99A *, ,NO; ,DE LTA MOD KYI, SGRA'I RNAM PAR SKYE BA'I PHYIR SHES PA YANG SNA TSOGS PA'I RNAM PA NYID LAS MI 'DA'O, ,RE ZHIG DE LTAR RANG GI SDE PA'I LUGS KYI SHES PA THAMS CAD SNA TSOGS PA NYID DU BSTAN PA YIN NO, ,DA NI PHYI ROL PA'I LUGS KYIS BSTAN PA'I PHYIR, GANG DAG BDE BAR GSHEGS PA'I GSUNG RAB CES BYA BA LA SOGS PA SMOS SO, ,GZEGS ZAN NI GZEGS MA ZA BA'O, ,'BRAS BU RDZAS LA SOGS PA ZHES BYA BA LA SOGS PA ZHES BYA BA'I SGRAS NI YON TAN DANG LAS LA SOGS PA BSDU STE, 'DI LTAR DE DAG GI LUGS NI LUS LA SOGS PA 'BRAS BU'I RDZAS KYANG GCIG PA KHO NA YIN LA, RDZAS DANG LDAN PA YON TAN LA SOGS PA YANG GCIG PA KHO NAR GZUNG NGO ZHES BYA BA YIN NO, ,MI RUNG STE ZHES BYA BA NI LAN 'DEBS PA STE, 'BRAS BU'I RDZAS GCIG PA KHO NAR 'DOD MOD KYI, 'BRAS BU'I RDZAS YON TAN LA SOGS PA DANG LHAN CIG PA KHO NA 'DZIN PA'I PHYIR DANG, YON TAN LA SOGS PA RTEN DANG BRAL BAR MI 'DZIN PA'I PHYIR YUL DU MA YIN PAS SHES PA SNA TSOGS KHO NA YIN NO, ,'O NA ZAD BYED PA DANG DPYOD PA PA'I LTA BA LA JI LTAR SNYAM PA LA, RGYAL BA PA ZHES BYA BA LA SOGS PA SMOS TE, ZAD BYED PA RNAMS KYI STON PA RGYAL BA YIN LA ZAD BYED PA RNAMS RGYAL BA'I YIN PAS NA RGYAL BA PA RNAMS SO, ,ZAD BYED PA RNAMS KYI LUGS NI DNGOS PO THAMS CAD NOR BU'I GZI BZHIN DU DU MA'I NGO BO KHO NA YIN TE, RTOGS PA PO'I BYE BRAG GIS DNGOS PO 'GAL LA NGO BO RNAM PA SNA TSOGS SU DMIGS PA'I PHYIR RO ZHES BYA BA YIN NO, ,GAL TE DE LTA NA THAMS CAD KYI RTOGS PA 'DRA BAR 'GYUR TE DMIGS PA GCIG PA'I PHYIR RO, ,'DIR LEN DU DU MA'I NGO BO'I DNGOS PO LA ZHES BYA BA LA SOGS PA SMOS TE, SU ZHIG NGO BO GANG KHO NA SMRA BAR 'DOD PA DE NI THA SNYAD 'DOGS PA'I DUS NA DE NYID CIG CAR RAM RIM GYIS STON PAR BYED LA RTOGS PA'I DUS NA THA DAD PA DANG THA DAD PA MA YIN PA RTOGS PA NI 'DOD PA'I DBANG GIS KHA DOG KHRA BO BZHIN DU THAMS CAD SNA TSOGS KYI DNGOS PO'I NGO BO KHO NA STON PAS NYES PA MED DO, ,GAL TE DE LTAR YUL SNA TSOGS PA YIN DU ZIN KYANG, YUL SNA TSOGS 'DZIN PA'I SHES PA SNA TSOGS SU 'GYUR RO ZHES BYA BA 'DI LA @99B 'BREL PA CI ZHIG YOD SNYAM PA LA, YUL SNA TSOGS LA RNAM PAR SHES PA SNA TSOGS MA YIN PA SNANG BA NI ZHES BYA BA LA SOGS PA SMOS SO, ,DE DANG MTHUN PAR MI 'JUG CES BYA BA NI SHES PA RNAM PA SNA TSOGS PA MA YIN PAS YUL SNA TSOGS MI 'DZIN PAR THAL BAR 'GYUR TE, JI LTAR SNGAR BRJOD PA BZHIN NO SNYAM DU BSAMS PA'O, ,LHA'I BLA MA NI PHUR BU'O, ,PHUR BU'I LTA BA'I RJES SU 'BRANG BA RNAMS NI TSU ROL MDZES PA DAG GO, ,'DI LTAR TSU ROL MDZES PA PA RNAMS KYI MDO NI SA DANG CHU DANG ME DANG RLUNG ZHES BYA BA NI DE KHO NA BZHI YIN LA DE KHO NA 'DUS PA LA NI YUL DANG DBANG PO DAG GZHAG GO ZHES BYA BA YIN NO, ,'DUS PA'I YUL CAN YIN BZHIN DU, ,JI LTAR YUL DU MA NYID YIN SNYAM PA LA, 'DUS PAR RNAM PAR GZHAG PA'I RGYU NI ZHES BYA BA LA SOGS PA SMOS TE, TSU ROL MDZES PA PA RNAMS KYI LTAR NA YANG 'DUS PA CAN RNAMS LAS 'DUS PA GZHAN MED DO, ,SER SKYA PA NI GRANGS CAN NO, ,DE DAG GI GZHUNG 'DI NI SGRA LA SOGS PA YUL THAMS CAD NI SNYING STOBS DANG RDUL DANG MUN PA'I NGO BO DAG YIN NO ZHES BYA BA YIN TE DE DAG GI GZHUNG LA NI YUL SNA TSOGS PA NYID DU GSAL BA KHO NA'O, ,JI STE GSUM GYI BDAG NYID CES BYA BA LA SOGS PAS NI PHA ROL PO'I LAN LA DOGS PA BSU BA STE, YUL NI SNYING STOBS LA SOGS PA'I NGO BOR GSUM GYI BDAG NYID YIN YANG DE NI GSUM GYI BDAG NYID DU MI SNANG GI ,SNYING STOBS LA SOGS PA'I NGO BO SHAS CHE BA KHO NA SNANG BA'I PHYIR RNAM PA SNA TSOGS NYID DU MI 'GYUR RO, ,DE YANG DE LTAR MI RUNG STE ZHES BYA BA LA SOGS PAS NI SHAS CHE BA YANG 'KHRUL PA YOD PAR STON PAR BYED DO, ,RIGS KYI BYE BRAG NI RNGA MO LA SOGS PA'I RIGS KYI BU BYE BRAG LAS NI 'DI LTAR TSER MA LA SOGS PA LA RNGA MO LA SOGS PA NI DAD LA GZHAN DAG NI YID 'BYUNG NGO, BSGOMS PA'I BYE BRAG NI BUD MED LA SOGS PA LA G-YEM PA DANG KUN TU RGYU LA SOGS PA LTA BU'O, ,GDUNG BA LA SOGS PA DANG, ZHUM PA DANG DGA' BA NI GO RIMS BZHIN DU RDUL DANG MUN PA DANG SNYING STOBS SHAS CHE BA RNAMS KYI 'BRAS BU DAG YIN NO, ,NGO BO GCIG KHO NA SHAS CHE NA GNYIS KYI 'BRAS BU GANG YIN PA DER YANG MI 'GYUR RO, ,MI SNANG BA LA SOGS PA'I DBANG GIS ZHES @100A *, ,BYA BA NI PHA ROL GYI LAN LA DOGS PA BSU BA STE, SHAS CHE BA KHO NA 'DZIN PA MA YIN GYI MI SNANG BA CHOS DANG CHOS MA YIN PA'I MTHUS KYANG 'DZIN PA YIN NO, ,SOGS PA ZHES BYA BA'I SGRAS NI DBANG PHYUG DANG BCAS PA'I GRANGS CAN GYI LUGS KYIS DBANG PHYUG GI MTHUS KYANG 'DZIN PA BSDU'O, ,PHA ROL PO DAG NA RE DNGOS PO 'GA' ZHIG 'DZIN PA'I PHYIR SHES PA 'GA' ZHIG RNAM PA GCIG PA KHO NAR 'GYUR RO ZHES ZER RO, ,'DIR LAN DU DNGOS PO'I NGO BO RNAM GSUM LA ZHES BYA BA LA SOGS PA SMOS SO, ,DE DANG MI MTHUN PA SNANG ZHES BYA BA NI RNAM PA GSUM GYI DNGOS PO DANG MI MTHUN PAR SNANG BA STE, DNGOS PO GCIG PA KHO NA LA RNAM PA GSUM DU 'DOD DO, ,RNAM PA GSUM GYI DNGOS PO YANG RNAM PA GSUM GYI NGO BOR MI 'DZIN NA, JI LTAR NA DNGOS PO GZUNG BAR 'GYUR, YANG DAG PAR NA RNAM PA GZHAN GYIS NI GZHAN 'DZIN PA MA YIN TE, HA CANG THAL BAR 'GYUR BA'I PHYIR RO, ,DE NI DU MA'I BDAG NYID DNGOS PO DE, ,BDAG NYID GCIG TU STON BYED NA, ,MI SNANG DE NI JI LTA BUR, ,DON STON BYED PA YIN PAR 'GYUR, ,ZHES BSHAD DE, ,RE ZHIG DE LTAR PHA ROL POS BRJOD PA GNYIS KYI TSUL LA SHES PA RANG BZHIN GCIG PA NYID MED DO ZHES BSTAN PA YIN NO, ,PHA ROL DANG PHA ROL MA YIN PAS BRJOD PA GNYIS MA YIN PA'I TSUL LA YANG BSTAN PA'I PHYIR, GSANG BA GANG DAG CES BYA BA LA SOGS PA SMOS SO, ,GSANG BA BRJOD PA'AM RIG PAS NA GSANG BA BDAG STE, RIG BYED KYI MTHA' SMRA BA RNAMS ZHES BYA'O, ,DE DAG NA RE RNAM PAR SHES PA NI RTAG PA GCIG PU GNYIS SU MED PA YIN YANG CIG CAR DANG RIM GYIS 'DI THAMS CAD SNA TSOGS KYI NGO BOR RNAM PAR SHES PA NYID SNANG NGO ZHES ZER TE, DE DAG GI PHYOGS LTAR NA SNA TSOGS PA NYID 'BAD MI DGOS PAR GRUB PA KHO NA'O, ,SNA TSOGS PA NYID YIN YANG JI LTAR NA GCIG PA NYID DU RUNG BAR SHIN TU DKA' SNYAM PA LA, 'DI LTAR SNGON PO DANG SER PO'I RNAM PA ZHES BYA BA LA SOGS PA SMOS SO, ,RIM GYIS SNANG BA NYID LA JI LTAR RIGS PA MA YIN SNYAM PA LA, RIM YANG GZUGS DANG SGRA LA SOGS PAR SNANG BA NI ZHES BYA BA LA SOGS PA SMOS SO, ,'DI @100B DAG NYID KYIS ZHES BYA BA NI RNAM PA DU MA DAG DANG THA DAD PA MA YIN PA DANG RNAM PA DE'I RANG GI NGO BO BZHIN ZHES BYA BA DAG GIS SO, ,'DIR BZLOG NA GNOD PA CAN GYI TSAD MA CI YOD SNYAM PA LA, DE LTA MA YIN NA ZHES BYA BA LA SOGS PA SMOS TE, ,GAL TE GRUB PA DANG BDE BA GCIG PA NYID DU KHAS MI LEN NA, DE'I TSE RNAM PA DANG RNAM PAR SHES PA 'DI GNYIS GCIG PA NYID DU BRJOD PAR MI BYA'O, ,DE'I PHYIR DU MA NYID YIN NA PHYOGS SNGA MA'I NYES PA STE, RNAM PA GNYIS KYI PHYOGS LA DU MA'I NYES PA BSHAD PA THAMS CAD DU THAL BAR 'GYUR RO ZHES BYA BA'I THA TSIG GO, ,RIM GYIS PHYOGS LA ZHES BYA BA NI RIM GYIS SNANG BA'I PHYOGS LA'O, ,SBYOR BA NI GANG ZHIG GANG GI BDAG NYID DU GYUR PA DE NI DE RIG PA NA RIG PA KHO NAR 'GYUR RO, DPER NA MNGON PAR 'DOD PA SNGON PO LA SOGS PA'I RNAM PA'I RNAM PA SHES PA'I BDAG NYID DAM, SNGON PO LA SOGS PA'I RNAM PA LTA BU'O,, SER PO LA SOGS PA'I RNAM PA RIM GYIS SNANG BA CAN THAMS CAD KYANG MNGON PAR 'DOD PA SNGON PO LA SOGS PA'I RNAM PA MYONG BA'I BDAG NYID CAN DU GYUR PA YIN TE, RANG BZHIN GYI GTAN TSIGS YIN NO, ,'DI SNYAM DU DE'I TSE RNAM PA SNGA MA DANG PHYI MA DAG MI NYE BA'I PHYIR DE'I BDAG NYID DU GYUR PA YIN YANG MYONG BAR MI 'GYUR RO SNYAM DU SEMS PAR GYUR NA, DE YANG RIGS PA MA YIN TE, DE'I BDAG NYID DU GYUR PA'I PHYIR MNGON PAR 'DOD PA'I RNAM PA BZHIN DU DE'I TSE RNAM PA SNGA MA DANG PHYI MA DE GNYIS KYANG NYE BA'I PHYIR RO, ,DE LTA BAS NA MNGON PAR 'DOD PA SNGON PO LA SOGS PA'I RNAM PA GCIG RIG NA RNAM PA SNGA MA DANG PHYI MA'I RIG PAR THAL BAR 'GYUR BA BZLOG DKA'O, ,JI STE RIM GYIS SNANG BA LA SOGS PA BRDZUN PA'I PHYIR RIM LA SOGS PA'I DON MI 'THAD PAS, 'DI NI KLAN KAR MI RUNG NGO SNYAM NA, DE NI RIGS PA MA YIN TE, GAL TE THAMS CAD BRDZUN PA YIN NA 'O NA BDEN PA DE GANG ZHIG YIN PA BRJOD PAR BYA DGOS SO, ,GAL TE TSANGS PA'I NGO BO GNYIS SU MED PA KHO NA BDEN NO ZHE NA, GAL TE DE LTA NA GNYIS SU MED PA'I SHES PA BRDZUN PA DANG LHAN CIG TU 'BREL PA CI ZHIG YOD, GANG GIS NA DE LTAR BDEN PA DE LTAR BRDZUN PA'I NGO BOR BDAG @101A *, ,NYID SNANG BAR 'GYUR, RE ZHIG BDEN PA'I NGO BO NYID NI MA YIN TE, BDEN PA DANG BRDZUN PA'I NGO BO GNYIS 'GAL BA'I PHYIR RO, ,BDEN PA LAS SKYES PA YANG MA YIN TE, BRDZUN PA NI BYA BA MA YIN PA'I PHYIR LA RTAG PA YANG DON BYED PA'I NUS PA DANG BRAL BA'I PHYIR RO, ,BDEN PA NI BDAG NYID DE LTAR MI SNANG NGO ZHES BRJOD PA YANG RIGS PA MA YIN TE, GANG GI BDEN PA BDAG NYID DE LTAR SNANG BAR 'GYUR BA SHES PA LAS MA GTOGS PA GZHAN YANG MED PA'I PHYIR RO, ,CUNG ZAD KYANG MI SNANG NGO ZHES KYANG BRJOD PAR YANG RIGS PA MA YIN TE, NYAMS SU MYONG BA DANG 'GAL BA'I PHYIR RO, ,DE LTA BAS NA SHES PA'I RANG BZHIN NYID DE 'DRA STE, DES NA DE LTAR BRDZUN PA'I RNAM PA 'DZIN PAR SNANG BAR 'GYUR RO ZHES BYA BA 'DI KHO NA BRJOD PAR BYA DGOS SO, ,DE LTA YIN TE BRDZUN PA'I RNAM PAR SNANG BA NA NI BRDZUN PA NYID DU MNGON PAR RGYUG GO ZHES BYA BAR 'GYUR RO, ,DE LTA MA YIN NA NI SHES PAS YUL BRDZUN PAR 'DZIN PA'I MI NUS PAS DE'I PHYIR GROGS PO KHYOD KYIS KHO BO 'PHEL BA YIN NO, ,BRDZUN PA'I NGO BOS BDEN PA SGRUB PAR BYED PA'I TSAD MA YANG CI YANG MED PAS KHYOD KYI DE NI BDAG TU 'DZIN PA SHIN TU DAM POS BSKYED BA'I BDAG CHAD PAS SKRAG PA'I PHYIR LTUNG BAS 'JIGS NAS NAM MKHA'I RTZVA LA 'JU BAR BYED PA LTA BU 'BA' ZHIG TU ZAD PAS 'DI NI GYI NA'O, ,NAM MKHA' DANG ZHES BYA BA LA SOGS PAS MDO SDE PA LA SOGS PA'I GZHUNG GIS GTAN TSIGS MA GRUB PAR DOGS PA BSU BAR BYED DE, DE DAG LTAR NA YANG SHES PA RNAMS SGRA'I RNAM PAR GZHAG PAR 'BYUNG BA'I PHYIR SNA TSOGS PA NYID YOD PA KHO NA BSAM GRUB PA MA YIN NO, ,KHAS BLANGS TE YANG ZHES BYA BA NI SNA TSOGS SU SNANG BA MA YIN PAR RO, ,MTSAN NYID BCAS PA LA ZHES BYA BA NI MTSAN NYID DANG BCAS PAR 'DOD PA MIG GI RNAM PAR SHES PA LA SOGS PA LA'O, ,MTSAN NYID DANG LDAN PA LA ZHES BYA BA NI DNGOS PO MTSAN NYID DANG LDAN PA LA'O, ,'DI SKAD DU GANG GI TSE DNGOS PO NYID DU 'DOD PA MIG GI RNAM PAR SHES PA LA SOGS PA RANG BZHIN MED PA NYID DU GRUB PA DE'I TSE MIG GI RNAM PAR SHES PA LA SOGS PA LA DNGOS PO'I MTSAN @101B NYID DON BYED PA NYID LA SOGS PA BKAG PA'I PHYIR NAM MKHA' RNAM PAR RTOG PA LA SOGS PA GZHAN YANG JI LTAR DNGOS PO NYID DU 'GYUR TE, MIG GI RNAM PAR SHES PA LA SOGS PA DANG 'DRA BA KHO NAR THAMS CAD KYANG DNGOS PO MED PAR GYUR TO ZHES BSHAD PA YIN NO, ,RE ZHIG DE LTAR BLO THAMS CAD RANG BZHIN GCIG PA NYID DANG BRAL BAR RAB TU BSGRUBS NAS DE LTAR MJUG BSDU BA'I TSIGS SU BCAD PAS STON PAR BYED DO, ,'DIR ZHES BYA BA NI GZUGS LA SOGS PA GCIG GI RANG BZHIN NYID LA SOGS PA DGAG PAR RO, ,GSUNGS PA ZHES BYA BA NI 'PHAGS PA LHAS SO, ,GAL TE TSIGS RNAMS LAS SOR MO GZHAN YIN PAR GYUR NA, DE'I TSE DMIGS PA'I RIG BYAR GYUR PA'I PHYIR BUM PA DANG RAS YUG BZHIN DU LOGS SHIG TU DMIGS PAR 'GYUR RO, ,JI STE TSIGS DANG 'DU BA'I PHYIR LOGS SHIG TU DMIGS PAR MI 'GYUR NA DE'I TSE TSIGS RE RE LA BDAG NYID THAMS CAD DU RDZOGS PA'I PHYIR TSIGS GCIG BSGRIBS NA YANG SOR MO BSGRIBS PAR 'GYUR BA'AM, DMAR NA DMAR BAR 'GYUR LA SOR MO MANG PO NYID DU THAL BAR YANG 'GYUR RO, ,PHYOGS GCIG GIS KHYAB NA NI GCIG PA NYID NYAMS PAR 'GYUR RO, ,DE DAG LA YANG PHYOGS GCIG GIS KHYAB NA NI THUG PA MED PAR 'GYUR RO, , GZHAN MA YIN PA YANG MA YIN TE, SOR MO GCIG DANG THA MI DAD PA'I PHYIR SOR MO'I RANG GI NGO BO BZHIN DU RTZE MO DANG DRUNG PA GNYIS KYANG GCIG PA NYID DU THAL PAR 'GYUR LA SOR MO YANG TSIGS DU MA DANG THA MI DAD PA'I PHYIR DU MA NYID DU THAL BAR 'GYUR RO, ,DE LTAR NA RNAM PAR DPYAD PA 'DIS TSIGS LA SOGS PA YANG RANG GI YAN LAG RNAMS LAS GZHAN DANG GZHAN MA YIN PA NYID DU BRJOD DU MED PA'I PHYIR MA GRUB PAS MED DO ZHES BRJOD PAR BYA'O, ,SOR MO LA SOGS PA MA GTOGS PAR YANG 'DUS PA MED PA'I PHYIR DANG, RDUL PHRA RAB RNAMS KYANG PHYOGS THA DAD PA NYID KYIS MA GRUB PA'I PHYIR DON DAM PAR 'DUS PA TZAM YANG MED DO, ,'ON GZUGS DANG SGRA LA SOGS PA BDEN PA NYID DU 'GYUR RO SNYAM PA LA, SOR MO LA SOGS PA RNAMS KYIS NI ZHES BYA BA LA SOGS PA SMOS SO, ,JI LTAR SOR MO LA SOGS PA DANG, SOR MO 'DUS PA MED PAR BSHAD PA DE BZHIN DU DNGOS PO THAMS CAD DANG GZUGS LA @102A *, ,SOGS PA YANG MED PA NYID DU KHONG DU CHUD PAR BYA STE, DE DAG GI RANG BZHIN YANG 'DUS PA TZAM YIN PA'I PHYIR LA 'DUS PA YANG DNGOS PO MED PA NYID DU BSTAN PA'I PHYIR RO, ,'O NA 'DUS PA LAS MA GTOGS PAR GZUGS LA SOGS PA YOD PAR 'GYUR RO SNYAM PA LA, TSOGS MA GTOGS PA'I DNGOS PHRA'ANG MED, ,CES BYA BA SMOS SO, ,PHRA BA'ANG ZHES BYA BA NI PHRA RAB KYI BDAG NYID KYANG STE RDUL PHRA RAB KYANG PHYOGS KYI BYE BRAG GIS THA DAD PA'I PHYIR RO, ,'O NA BLO'I NGO BO GCIG PAR 'GYUR RO SNYAM PA LA, DE LTAR DON GCIG SHES BYED PA, ,ZHES BYA BA LA SOGS PA SMOS SO, , YUL GYI RNAM PA 'DZIN PAR SKYE BA'I PHYIR SHES PA YANG SNA TSOGS PA'I NGO BO YIN PA'I PHYIR RO SNYAM DU BSAMS PA YIN NO, ,'O NA YID KYI RNAM PAR SHES PA DANG YID KYI RNAM PAR SHES PA'I SEMS LAS BYUNG BA RNAMS DMIGS PA GCIG PA CAN YIN PAR 'GYUR RO SNYAM PA LA, SEMS BYUNG TSOGS DANG BCAS SEMS KYI, ,ZHES BYA BA LA SOGS PA SMOS TE, RE ZHIG YID KYI RNAM PAR SHES PA DANG YID KYI RNAM PAR SHES PA'I SEMS LAS BYUNG BA GZUGS LA SOGS PA'I YUL CAN GANG DAG YIN PA DE DAG NI YUL SNA TSOGS PA CAN YIN PA'I PHYIR SNA TSOGS PA NYID KHO NA YIN NO, ,GZUGS SHES PA LA SOGS PA'I YUL CAN GANG DAG YIN PA DE DAG KYANG SNA TSOGS NYID KHO NA YIN TE, GONG DU GZUGS LA SOGS PA LA DMIGS PAR GYUR PA GZUGS LA SOGS PA SHES PA SNA TSOGS PA NYID KYI PHYIR RO ZHES BSHAD ZIN TO, ,RANG GI SDE PA SEMS TZAM GYI TSUL LA BRTEN PA'I BLO GROS DKAR BA GANG DAG CES BYA BA NI RNAL 'BYOR SPYOD PA PA RNAMS SO, ,SHES PA LA MTHUN PA'I BAG CHAGS YONGS SU SMIN PA LA RAG LAS NAS 'BYUNG BA YOD PA ZHES TSIG RNAM PAR SBYAR RO, ,BAG CHAGS GANG LA THOGS PA MED PA'I SEMS CAN GYI RGYUD LA YOD PA DE LA DE SKAD CES BYA'O, ,BAG CHAGS DE SMIN PA NI YONGS SU SMIN PA STE, 'JUG PA THOB PA ZHES BYA BA'I THA TSIG GO, ,YONGS SU SMIN PA DE SPRUL PA NI BSKYED PA'O, ,'DIR 'THAD PA GZUGS LA SOGS PA'I SKYE MCHAD CES BYA BA LA SOGS PA SMOS SO, ,RDZAS DANG YON TAN LA SOGS PA ZHES BYA BA NI BYE BRAG PA LA SOGS PA NYE BAR BRTAGS PA @102B RNAMS SO, ,SOGS PA ZHES BYA BA'I SGRAS NI LAS DANG SPYI DANG BYE BRAG DANG 'DU BA RNAMS BSDU STE, 'DIS NI PHYI ROL GYI GZUNG BA MED PA'I PHYIR SHES PA 'DZIN PA MED PA KHO NA'O ZHES BSTAN PA YIN NO, ,PHYI ROL GYI DON YOD NA YANG SHES PA NI GZUNG BA DANG 'DZIN PA'I RNAM PAS STONG PA KHO NA YIN NO ZHES BSTAN PA'I PHYIR TSOR BAR BYA BA DANG TSOR BA PO'I MTSAN NYID DANG YANG BRAL BA'I PHYIR ZHES BYA BA LA SOGS PA SMOS TE, RE ZHIG RNAM PA MED NA YOD PA TZAM GYIS NI PHYI ROL GYI DON RIG PAR RIGS PA MA YIN TE, HA CANG THAL BAR 'GYUR BA'I PHYIR RO, ,YUL GYI 'BRAS BU YIN PAS SAM, ,TSOGS PA GCIG LA RAG LAS PAS KYANG RIG PAR RIGS PA MA YIN TE, MIG LA SOGS PA LA YANG THAL BAR 'GYUR BA'I PHYIR RO, ,YUL GYI RNAM PA CAN TZAM GYIS KYANG MA YIN TE, RNAM PA MTSUNGS PA'I SEMS GZHAN YANG 'DZIN PAR THAL BAR 'GYUR BA'I PHYIR RO, ,YUL DANG 'DRA BA DANG YUL LAS BYUNG BA DAG GIS KYANG MA YIN TE, MTSUNGS PA DE MA THAG PA'I RKYEN DON MTHUN PA YANG YUL NYID DU THAL BAR 'GYUR BA'I PHYIR RO, ,DE LA SOGS PA'I RNAM PAS TSOR BAR BYA BA DANG TSOR BA PO NYID KYI MTSAN NYID MI SRID PA'I PHYIR DNGOS PO 'DI DAG NI SGYU MA LA SOGS PA'I RANG BZHIN LTAR SNANG NGO, ,'DI DAG DE LTAR SNANG BA'I RGYU GANG YIN SNYAM PA LA, THOG MA MED PAR SRID PA 'BYUNG BA CAN ZHES BYA BA LA SOGS PA SMOS SO, ,DNGOS PO LA MNGON PAR ZHEN PA 'DI LA THOG MA MED PA'I SRID PAR 'BYUNG BA'I NGANG TSUL YOD PAS DE SKAD CES BYA STE, MNGON PAR ZHEN PA DES BSKYED PA'I BAG CHAGS GANG YIN PA'O; ,BAG CHAGS DE YONGS SU SMIN PA NI 'JUG PA THOB PA NYID DO, ,BAG CHAGS YONGS SU SMIN PA DE'I MTHU NI NUS PA STE, BDAG PO ZHES BYA BA'I THA TSIG GO, ,MTHU DE LAS RNAM PA 'DI DAG SNANG STE, PHYI ROL GYI DON MED PAR YANG ZHES BYA BA'I THA TSIG GO, ,DE DGE ZHES BYA BA NI LUGS THAMS CAD KYI MCHOG YIN PA'I PHYIR RO, ,DNGOS PO DE YANG BDAG NYID DAM CI ZHES BYA BA NI SNGON PO LA SOGS PA'I RNAM PA'I NGO BO'O, ,LUGS 'DI NI TSAD MA DANG ZHES BYA BA LA SOGS PAS NI TSIG LE'UR BYAS PA'I DON RNAM PAR 'GREL PAR BYED DO, ,'DI NI ZHES BYA BA NI 'DI ZHES BYA BA'I THA TSIG GO, , @103A *, ,GANG DAG DMIGS PA LA SPYOD PA DE DAG NI DMIGS PA CAN TE, DE DAG NI DMIGS PA CAN YANG YIN LA MTHA' YAS PA DAG KYANG YIN ZHES TSIG RNAM PAR SBYAR TE, DMIGS PA CAN RNAMS KYI MNGON PAR ZHEN PA NGAN PA'AM, DMIGS PA CAN RNAMS KYI MNGON PAR ZHEN PA NGAN PA MTHA' YAS PA GANG YIN PA DE'I GNYEN PO YIN PAS SO, ,TSAD MA SHIN TU GSAL BA GANG YIN SNYAM PA LA, 'DI LTAR RDUL PHRA RAB LA SOGS PA ZHES BYA BA LA SOGS PA SMOS SO, ,SNGAR BSHAD PA ZHES BYA BA NI, THA DAD PHYOGS DANG 'DRE BAS NA, ,KHYAB RNAMS GCIG PUR GA LA 'GYUR; ,ZHES BYA BA LA SOGS PAS SO, ,LUNG GIS SHES PAR BYA BA YANG YIN PAR BSTAN PA LUNG DANG LDAN PA YANG YIN TE ZHES BYA BA LA SOGS PA SMOS SO, ,GZUGS BRNYAN LTA BU ZHES BYA BA NI GZUGS BRNYAN BZHIN NO ZHES BYA BA'I THA TSIG GO, ,SNANG YANG NI ZHES BYA BA NI DON GYI RNAM PAR ZHES BYA BA DANG SBYAR RO, ,THOG MA MED PA'I BLOS BSGOS PA ZHES BYA BA NI THOG MA MED PA'I DNGOS POR MNGON PAR ZHEN PA CAN GANG YIN PA DES BSGOS PA STE SBAGS PA'O, ,GCIG TU NA 'KHOR BA THOG MA MED PA NAS BSGOS PA YIN NO, ,GAL TE SEMS DON GYI RNAM PA CAN YIN NA 'O NA NI YOD DO, ZHES BYA BA KHAS BLANGS PAR 'GYUR RO SNYAM PA LA DON MED CES BYA BA SMOS SO, ,YANG DAG JI BZHIN MTHONG ZHES BYA BA NI GCIG DANG DU MA'I NGO BOS DON DPYOD PA STE, DON YOD PA NYID DU MI SNANG NGO ZHES BYA BA'I THA TSIG GO, ,DE LTAR NA CHOS LA BDAG MED PA BSHAD PA YIN NO, ,GANG ZAG LA BDAG MED PA YANG GTZO CHER BSHAD PA'I PHYIR GANG ZAG CES BYA BA SMOS TE, KHA CIG NA RE TSE RABS GZHAN DANG GZHAN DAG TU 'KHOR BA'I GANG ZAG GANG YIN PA NI RDZAS SU YONG PAR 'DOD DE ZHES ZER RO, ,GZHAN DAG NA RE 'KHOR BAR 'GYUR BA RGYUN RDZAS SU YONG PAR 'DOD DO ZHES ZER RO, ,LA LAN RE GZUGS LA SOGS PA PHUNG PO RNAMS KHO NA 'KHOR RO ZHES ZER RO, ,GZHAN DAG NA RE PHYI ROL GYI RGYU DANG RKYEN RNAMS KHO NA 'KHOR BA PA YIN NO ZHES BRJOD DO, ,GZHAN DAG NA RE RDUL RNAMS 'KHOR RO ZHES ZER RO, ,GZHAN DAG NA RE SNA TSOGS 'DI NI GTZO BO'I KHONGS SU 'GYUR BA YIN NO ZHES ZER RO, , @103B KHA CIG GIS NI THAMS CAD KYI BYED PA PO NI DBANG PHYUG KHO NA YIN NO SNYAM DU RTOGS TE, RAB TU SMRA BA 'DI DAG THAMS CAD NI SEMS TZAM PO KHO NA LAS RNAM PAR RTOG PAR BYED KYI, DON DAM PAR GANG ZAG LA SOGS PA YOD PA NI MA YIN NO ZHES BSTAN PA YIN NO, ,'DI THAMS CAD NI JI LTAR 'GRUB SNYAM PA LA, PHYI ROL DON MTHONG ZHES BYA BA LA SOGS PA SMOS TE, DON ZHES BYA BA'I SGRA NI GZUGS LA SOGS PA DANG GANG ZAG LA SOGS PA GNYI GA LA YANG BYA'O, ,LOG PA YIN ZHES BYA BA NI LOG PA'I DON ZHES BYA BA'I THA TSIG GO, ,SBYOR BA NI SEMS DON GYI RNAM PA CAN GANG DANG GANG YIN PA DE NI LOG PA'I DON YIN TE, DPER NA RMI LAM LA SOGS PA LTA BU'O, ,PHYI ROL GYI DON MTHONG BA NYID DU 'DOD PA RTZOD PA'I GZHIR GYUR PA'I SEMS 'DI YANG DON GYI RNAM PA CAN TE, RANG BZHIN GYI GTAN TSIGS 'PHEL BA YIN NO, ,'DI LA GNOD PA CAN GYI TSAD MA GANG YIN SNYAM PA LA, DON YOD MA YIN TE ZHES BYA BA SMOS TE, GANG GI PHYIR GCIG DANG DU MA'I RANG BZHIN DAG GIS DPYAD NA DON MI GNAS PA'I PHYIR DON MED PAR GRUB PA NI GNOD PA CAN GYI TSAD MA YIN NO, ,PHYI ROL GYI YUL DANG 'BREL PA'I DON MNGON SUM KHO NAR GRUB PA MA YIN NAM, DE JI LTAR NA MED KYANG DAM BCAS PA YANG JI LTAR 'GAL PA CAN DU MI 'GYUR SNYAM PA LA, SEMS NYID DE ZHES BYA BA SMOS TE, 'DIS NI LUGS 'DI SNGAR BSHAD PA MNGON PAR ZHEN PA NGAN PA'I GNYEN PO NYID YIN PAR BSTAN TO, ,DE NYID KYI PHYIR MKHAS PA DAG TSUL 'DI LA BRTEN NAS ZHES BYA BA LA SOGS PA SMOS TE, 'DI TZAM GYIS NI DE DGE ZHES BYA BA RNAM PAR PHYE BA YIN NO, ,'ON KYANG ZHES BYA BA LA SOGS PAS NI TSIGS SU BCAD PA'I CHA LHAG MA 'GREL PAR BYED DE, YANG DAG PA NYID YIN NA RNAM PA DANG RNAM PAR SHES PA GNYIS SNGA MA BZHIN DU RANG BZHIN PHAN TSUN GNAS PAR THAL BAR 'GYUR TE, KHONG DU CHUD PAR SLA BA NYID DO, , G-YO DANG MI G-YO LA SOGS LA, ,ZHES BYA BA NI G-YO BA DANG MI G-YO BAR SNANG BA DAG LA ZHES BYA BA'I THA TSIG GO, ,DE LTA MA YIN NA ZHES BYA BA NI G-YO BA LA SOGS PAR SNANG BA NGO BO GCIG LA KHO NA MA YIN NA ZHES BYA BA'I THA TSIG GO, ,THAL BA 'DI NI ZHES BYA BA NI G-YO BA LA SOGS PA RNAM PA @104A *, ,GCIG TU SNANG BAR THAL BAR 'GYUR BA'O, ,NGES PAR THA DAD PAR 'GYUR RO ZHES BYA BA NI SHES PA DANG RNAM PA GNYIS ZHES BYA BA LHAG MA'O, ,LA LA LAS NI NGES PAR DE KHO NAR 'GYUR RO ZHES 'BYUNG STE, DER NI DE KHO NA ZHES BYA BA THA DAD PA KHO NA LA SNYEGS TE, GONG DU GDON MI ZA BAR SNA TSOGS NYID DU 'GYUR RO ZHES BSHAD PA DER THA DAD PA KHO NA'I SKABS YIN PA'I PHYIR RO, ,GANG DAG CES BYA BA NI RNAL 'BYOR SPYOD PA KHA CIG KHO NA YIN TE, JI SKAD BSHAD PA'I SUN DBYUNG BAR THAL BAR 'GYUR BAS 'JIGS NAS RNAM PA SHES PA RIGS MA THUN PA MANG PO YANG CIG CAR SKYE'O ZHES BRJOD DO, ,DE DAG GI LUGS KYIS GCIG LA SNA TSOGS NYID DU KHAS MI LEN PA'I PHYIR JI SKAD BSHAD PA'I SUN DBYUNG BAR MI 'JUG MOD KYI, NYES PA GZHAN YOD PAS SMRA BA DE DAG GI NI GANG ZHES BYA BA LA SOGS PA SMOS SO, ,LUNG GANG YIN SNYAM PA LA GANG SNGA PHYI MED PAR SEMS GNYIS 'BYUNG BA 'DI NI GNAS MA YIN TE ZHES BYA BA SMOS SO, ,GNAS MA YIN TE ZHES BYA BA NI MI SRID PA'O, ,DE NYID KYI BSHAD PA NI GO SKABS MED DO ZHES BYA BA YIN NO, ,SNGA PHYI MED PAR ZHES BYA BA NI DUS GCIG TU ZHES BYA BA'I THA TSIG STE, 'DIR 'GAL BA NI 'DI YIN NO, , DE BZHIN DU ZHES BYA BA NI LUNG DANG 'GAL BA GNYIS PA YANG STON PA'O, ,RNAM PAR SMIN PA'I RNAM PAR SHES PA'I DBANG DU MDZAD DE DE SKAD CES GSUNGS PAR 'DOD DO ZHE NA ZHES BYA BA NI PHA ROL PO LUNG GI GZHUNG 'DZUGS PA'I DOGS PA BSU BAR BYED PA'O, ,RNAM PAR SMIN PA'I RNAM PAR SHES PA ZHES BYA BA NI KUN GZHI'I RNAM PAR SHES PA STE, KUN GZHI RNAM PAR SHES PA NI GCIG KHO NA 'BYUNG GI ,DU MA CIG CAR NI MI 'BYUNG BAS NA DE'I PHYIR 'DI NI BCOM LDAN 'DAS KYIS KUN GZHI'I RNAM PAR SHES PA'I DBANG DU MDZAD NAS GSUNGS KYI, 'JUG PA'I RNAM PAR SHES PA NI MA YIN NO ZHES GRAGS TE, RNAM PAR BSHAD BA 'DI YANG SNGON GYI SLOB DPON GYIS RNAM PAR BSHAD PA DANG 'GAL BA'I PHYIR DANG, RNAM BAR SMIN PA'I RNAM PAR SHES PA YANG LUS DANG, LONGS SPYOD DANG, GNAS SU SNANG BAS SNA TSOGS PA YIN PA'I PHYIR DU MAR THAL BAR 'GYUR BA MA BZLOG PAS SKYON CHAGS @104B PA KHO NA YIN NO SNYAM DU BSAMS NAS, GAL TE DE LTA NA 'DI NI ZHES BYA BA LA SOGS PA SMOS TE, SNGON GYI SLOB DPON CHOS KYI GRAGS PA LA SOGS PAS 'DI SKAD DU BCOM LDAN 'DAS KYIS GNAS MA YIN PA ZHES BYA BA LA SOGS PAS RNAM PAR RIG PA RNAMS NGES PAR BSHAD PA GANG YIN PA DE NI RNAM PAR RIG PA DE DAG RNAMS LAS RNAM PAR SHES PA RIGS MTHUN PA KHO NA'I DBANG DU MDZAD DE GSUNGS KYI, RIGS MI MTHUN PA NI MA YIN TE, 'DI LTAR RNAM PAR RTOG PA'I RIGS MTHUN PA RNAMS RIM GYIS 'BYUNG BAR RTOGS SO ZHES RNAM PAR BSHAD DO, ,DE LTA MA YIN TE GAL TE KHYOD SNGON GYI SLOB DPON GYI TSUL BOR NAS RANG DGAR RNAM PAR 'CHAD PAR BYED NA NI DE'I TSE KHO BO YANG 'DI SKAD DU 'DI LTA STE, GNAS MA YIN NO ZHES BYA BA LA SOGS PA 'DI NI MI MTHUN PA DANG GNYEN PO'I SEMS GNYIS CIG CAR 'BYUNG BA DGAG PA LHUR MDZAD PA YIN NO ZHES RNAM PAR 'CHAD DO, ,'O NA RNAM PAR SHES PA'I RGYUD GCIG PA'O ZHES BYA BA 'DI NI JI LTAR DRAN SNYAM PA LA, GCIG CES BYA BA'I SGRA NI 'BA' ZHIG CES BYA BA'I RNAM GRANGS SU GTOGS PA YIN GYI ZHES BYA BA LA SOGS PA SMOS TE, DE LTA YIN NA PHYI ROL GYI DON DGAG PA BSTAN PAR BSHAD PA YIN NO, DE LTAR BSHAD NA YON TAN CI ZHIG 'THOB SNYAM PA LA; DE BAS NA RNAM PAR SMIN PA'I RNAM PAR SHES PA ZHES BYA BA LA SOGS PA SMOS TE, KHYOD KYIS BSHAD PA LTAR NA THA DAD PAR THAL BAR 'GYUR BA'I GNOD PA SKYED PAR 'GYUR BA KHO NA'O SNYAM DU BSAM PA'O, ,GAL TE DE LTA NA PHA ROL BO DE LTAR BSHAD PA YIN YANG KHYOD KYIS KHO BO CAG 'DOD PA KHO NA BSGRUBS PA YIN NO ZHES SMRA BAR 'GYUR RO SNYAM PA LA, CI LUGS 'DI RMA MED PA YIN NA MA ZHES BYA BA LA SOGS PA SMOS SO, ,DPYAD PA DE GANG YIN SNYAM PA LA, 'DI LTAR DBUS SU 'DOD PA'I RNAM PAR SHES PA ZHES BYA BA LA SOGS PA SMOS SO, ,SHES PA RNAMS NI LUS CAN MA YIN PA'I PHYIR YUL GYIS BYAS PA'I SNGA MA DANG PHYI MA MED PA MA YIN NAM, DE JI LTAR NA SHES PA RNAMS RDUL PHRA MO BZHIN DU DBUS NA GNAS PAR 'GYUR, DE NI BDEN NA SMRA BA 'DI LA SKYON GZHAN RNAM PA YUL KHEBS PAR SNANG BA RNAMS BDEN PA NYID DU 'DOD PAS SHES PA MANG PO YUL MED PA YIN YANG DE BZHIN DU @105A *, ,YUL KHEBS PAR GNAS PAR SKYE BAR YONGS SU RTOGS PA GANG YIN PA 'DI YOD DO, ,DE LTA MA YIN TE GAL TE RNAM PAR SHES PA DU MA SKYE BAR RTOGS PA LA YANG DE LTAR YUL KHEBS PAR SKYE BAR SNANG BA LOG PA YIN PAR GYUR NA DE'I TSE RNAM PAR SHES PA DU MA SKYE BAR RTOGS PA DON MED PAR 'GYUR TE, SNGON PO LA SOGS PAR SNANG BA YUL KHEBS PAR GNAS PA MA RTOGS PAR NI GANG ZHIG BDEN PAR 'GYUR BA SNGON PO LA SOGS PA GZHAN NYAMS SU MYONG BA NI MED DO, ,SNGON PO LA SOGS PAR SNANG BA YANG BRDZUN PA NYID YIN NA GZHAN CI ZHIG BDEN PAR 'GYUR TE, 'DI NI GYI NA'O, ,RDUL PHRA RAB RNAMS NI LUS CAN YIN LA RNAM PAR SHES PA NI LUS CAN MA YIN PA MA YIN NAM, DE JI LTAR NA 'DIR NYES PA 'DI NYID DU 'GYUR SNYAM PA LA, BAR CHAD MED PAR RIGS GCIG PA'I RDUL DU MA 'DZIN PA NA ZHES BYA BA LA SOGS PA SMOS TE, BSDUS PA'I DON NI MING TZAM THA DAD PA 'BA' ZHIG TU ZAD KYI, YUL 'DAB CHAGS PAR GNAS PA'I MTSAN NYID KYI DON LA NI THA DAD PA MED DO, ,MING TZAM LA 'JUG PA'I SGOS BYAS PA'I NYES PA MTSUNGS PAR BSGRUB PA NI MA YIN GYI, YUL 'DAB CHAGS PAR GNAS PAS BYAS PA'I NYES PA MTSUNGS PAR BYED PA DE LA YANG MING THA DAD PA YOD KYANG JI LTAR NYES PA MTSUNGS PAR MI 'GYUR ZHES BYA BA YIN NO, ,GANG DAG NOR BU'I GZI BZHIN DU ZHES BYA BA LA SOGS PAS NI RNAL 'BYOR SPYOD PA PA GZHAN GYI LTA BA'I DOGS PA BSU BAR BYED DE, DE DAG NI DUS THAMS CAD DU RNAM PAR SHES PA SNA TSOGS KYI RNAM PA CAN GCIG KHO NA SKYE'O ZHES BRJOD DO, ,SNGA MA RNAMS NI MIG LA SOGS PA'I RNAM PAR SHES PA SNA TSOGS KYI RNAM PA CAN YIN PAR 'DOD KYANG GCIG PU KHO NAR MI 'DOD KYI, RNAM PAR SHES PA BRGYAD PAR 'DOD CING, GSANG BA PA RNAMS NI 'GRO BA THAMS CAD NI RNAM PAR SHES PA RTAG PA GCIG PU TZAM GYI RANG BZHIN YIN PAR 'DOD LA, 'DI NI SROG CHAGS RE RE ZHING SO SO'I MI RTAG PA RE RER 'DOD PAS PHYOGS SNGA MA GNYIS LAS 'DI LA BYE BRAG YOD DO, ,NAM MKHA' NI GNAM YIN TE, GANG DAG LA NAM MKHA' DE NYID KYI GOS YOD PA DE LA DE SKAD CES BYA'O, ,DE DAG GI LTA BA @105B ZHES TSIG RNAM PAR SBYAR TE, 'DIR YANG NAM MKHA'I GOS CAN GYI LTA BA BZHIN DU SUN DBYUNG BA BRJOD PAR BYA'O SNYAM DU BSAMS PA'O, ,SUN DBYUNG BA DE NYID BSTAN PA'I PHYIR, SNA TSOGS GCIG PU'I RANG BZHIN MIN, ,ZHES BYA BA LA SOGS PA SMOS SO, ,SBYOR BA NI GANG ZHIG SNA TSOGS YIN PA DE NI GCIG PU MA YIN TE, DPER NA RIN PO CHE RIGS SNA TSOGS PA LTA BU'AM, DPER NA SEMS KYI RGYUD SNA TSOGS LA YOD PA'I SHES PA DAG LTA BU YIN NO, ,RNAM PAR SHES PA 'DI YANG SNA TSOGS PA YIN TE, RANG BZHIN 'GAL BA DMIGS PA YIN NO, ,'DI LA JI LTAR 'GAL BA 'GRUB SNYAM PA LA, SNA TSOGS ZHES BYA BA NI RNAM PA THA DAD PA LA BYA STE ZHES BYA BA LA SOGS PA SMOS TE, RANG BZHIN SNA TSOGS PA MA GTOGS PA GZHAN SNA TSOGS PA'I SGRAR BRJOD PAR BYA BA NI MED DO, ,SNA TSOGS PA DANG GCIG PA GNYIS KYANG NGO BO PHAN TSUN RNAM PAR BCAD PA MED NA MED PA YIN PA'I PHYIR PHAN TSUN SPANGS TE GNAS PA'I MTSAN NYID KYI 'GAL BA YIN PAS 'GAL BA GRUB BO, ,'GAL BA GNYIS KYANG RANG BZHIN GCIG PA NYID YIN NA NI 'GRO BA MTHA' DAG RDZAS GCIG TU 'GYUR TE, DE'I PHYIR LHAN CIG SKYE BA DANG 'JIG PA LA SOGS PAR THAL BAR 'GYUR BA BZLOG DKA'O, ,DE LTA MA YIN NA NI GCIG CES BYA BA MING TZAM KHO NAR 'GYUR TE, MING LA NI BRTZAD PA MED PAS GTAN TSIGS MA NGES PA NYID MA YIN TE, DPER NA RIN PO CHE RIGS SNA TSOGS NI NAM MKHA'I GOS CAN GYI LUGS KYIS BLTA BAR BYA'I, RNAL 'BYOR SPYOD PA'I LUGS KYIS NI MA YIN TE, RNAL 'BYOR SPYOD PA LA NI RIN PO CHE MA GRUB PA'I PHYIR RO, ,RNAL 'BYOR SPYOD PA'I LUGS KYIS NI DPE SEMS RGYUD SNA TSOGS LA YOD PA'I SHES PA RNAMS YIN TE, DPE SEMS RGYUD SNA TSOGS LA YOD PA'I SHES PA NI SOGS PA ZHES BYA BA'I SGRAS BSTAN PA KHO NA YIN NO, , DES NA SUN DBYUNG BA 'DI NI GNYIS KA'I LUGS LA YANG THUN MONG YIN NO, ,SUN DBYUNG BA THUN MONG GZHAN YANG, ,SNA TSOGS GCIG PU'I RANG BZHIN NI, ,ZHES BYA BA SMOS SO, ,SNA TSOGS NGO BOR SNANG BAR YANG MI 'GYUR ZHES BYA BA STE, SNA TSOGS KYI NGO BOR SNANG BA NI SNA TSOGS KYI NGO BOS KHYAB @106A *, ,PA YIN NO, ,DE NI THA DAD PA'I BDAG NYID DU 'KHRUL PA MED DE ZHES BYA BA LA SOGS PA NI KHYAB PA DE NYID STON PAR BYED PA'O, ,DE BZHIN DU GCIG RTOGS PAS ZHES BYA BA NI RNAM PA SNA GCIG SNANG NA RNAM PA THAMS CAD SNANG BAR 'GYUR BA'O, ,SOGS PA ZHES BYA BA'I SGRAS NI GCIG DMAR RAM TSIG NA THAMS CAD DMAR BA LA SOGS PAR THAL BAR 'GYUR RO ZHES STON TO, ,JI STE NGO BO NYID DU DE'I ZHES BYA BA LA SOGS PAS NI 'DI LA PHA ROL PO'I LAN GYIS DOGS PA BSU BAR BYED DO, ,DE'I ZHES BYA BA NI SHES PA'I 'O, ,'O NA JI LTAR SNANG SNYAM PA LA, , NOR PAS ZHES BYA BA SMOS SO, ,BSDUS PA'I DON NI GAL TE RNAM PA 'DI DAG BDEN PA'I NGO BO KHO NA ZHIG TU GYUR NA DE'I TSE 'GAL BA 'DI DAG THAMS CAD DU 'GYUR RO, ,BRDZUN PA NYID GCIG YIN NA NI 'GAL BA MED DE, DON DAM PAR SHES PA'I NGO BO GCIG PA KHO NA KHAS BLANGS PA'I PHYIR RO ZHES BYA BA YIN NO, ,SNGON PO LA SOGS PA RNAM PA'I BYE BRAG TU GYUR PA MA YIN PA NI SHES PA LA PHRAD PA MED PA'O, ,GZHAN ZHIG GZHAN GYI NGO BOR SNANG BAR JI LTAR 'GRUB SNYAM PA LA, 'JIM PA'I DUM BU LA SOGS PA ZHES BYA BA SMOS SO, ,SNGAGS LA SOGS PAS DKRUGS PA'I MIG CAN GYI MI RNAMS LA ZHES BYA BAR SBYAR TE, SOGS PA'I SGRAS NI SMAN LA SOGS PA YONGS SU BSDU'O, ,GAL TE MED NA JI LTA BUR, ,ZHES BYA BA LA SOGS PAS NI SUN DBYUNG BAR BSHAD DE, DE DAG CES BYA BA NI RNAM PA RNAMS SO, ,'DI LTAR ZHES BYA BA NI BYIS PA YAN CHAD LA SHIN TU GRAGS PA LTAR RO, ,DE YI DNGOS LAS THA DAD PA'I, ,ZHES BYA BA NI RNAM PA GSAL BA SNANG BA LAS THA DAD PA GNYIS SU MED PA'I STE, 'DI NI 'JIG RTEN LAS 'DAS PA YIN NO ZHES STON PAR BYED DE, 'DI LTAR SHIN TU GSAL BAR NYAMS SU MYONG BA GANG YIN PA DE NI BRDZUN LA NYAMS SU MYONG BA MED PA GANG YIN PA DE NI BDEN NO ZHES BYA BA 'DI LAS LEGS PAR SMRAS PA 'DI NI GZHAN CI ZHIG YOD, 'DI LTAR GANG LA DNGOS GANG MED, ,CES BYA BA LA SOGS PAS NI TSAD MA STON TE, DNGOS PO GANG ZHIG GANG LA MED PA DE NI DE LA SHES PA MA YIN TE, DPER NA SDUG BSNGAL LA @106B BDE BA LA SOGS PA'I DNGOS PO 'AM DKAR PO'I RNAM PA LA SNGON PO'I RNAM PA LTA BU'O, ,SHES PA LA YANG SNGON PO LA SOGS PA'I RNAM PA MED DO ZHES BYA BA NI KHYAB PAR BYED PA 'GAL BA DMIGS PA YIN NO, ,GAL TE TSAD MA 'DI LA DON DAM PAR SHES PA MED PAR THAL BAR 'GYUR BAR RAB TU BSGRUBS NA NI DE'I TSE SGRUB PA LA GRUB PA NYID DO, ,JI STE SPYIR SGRUB NA NI DE'I TSE BZLOG NA GNOD PA CAN GYI TSAD MA MED PA'I PHYIR MA NGES PA NYID YIN NO ZHES PHA ROL PO'I LAN GYI SKABS SPANG BA'I PHYIR 'DI LA BSGRUB PAR BYA BA'I CHOS LAS BZLOG PA DANG ZHES BYA BA LA SOGS PA SMOS SO, ,'DIR NI SPYI KHO NAR BSGRUBS LA; 'DI MA NGES PA NYID KYANG MA YIN TE, 'DI LTAR SHES PA NI RNAM PA GNYIS TE, DNGOS DANG BTAGS PA'O, ,DE LA DNGOS NI BEMS PO'I NGO BO MA YIN PA YIN LA, BEMS PO'I NGO BO MA YIN PA YANG SHES PA KHO NA'I THUN MONG MA YIN PA RANG GI BDAG NYID DU GYUR PA'I CHOS CAN YIN NA JI LTAR RNAM PA MED PA'I YIN PAR 'GYUR, SBYOR BA NI GANG ZHIG SHES PA'I NGO BO MA YIN PA DE LA NI SHES PA'I DNGOS PO YOD PA MA YIN TE, DPER NA NAM MKHA'I PAD MA LTA BU'O, ,MED PAR KHAS BLANGS PA SNGON PO LA SOGS PA'I RNAM PA RNAMS KYANG SHES PA'I NGO BO MA YIN PAS KHYAB PAR BYED PA 'GAL BA DMIGS PA YIN NO, ,BTAGS PA YANG MI SRID DE, 'DI LTAR RANG GI RNAM PAR SNANG BA'I SHES PA BSKYED PA NYID BTAGS PA'I SHES PA ZHES BYA NA, BTAGS PA'I SHES PA YANG NUS PA THAMS CAD KYIS STONG PA RTA RU LTA BUR MED PA LA NI RIGS PA MA YIN TE, MED PA'I MTSAN NYID NI NUS PA THAMS CAD KYIS DBEN PA YIN PA'I PHYIR RO, ,RTA RU MED PA NI ZHES BYA BA LA SOGS PA NI DE NYID STON PA YIN TE, RTA RU NI BTAGS PA'I SHES PA NYID NYAMS SU MYONG BA MED DO ZHES BYA BAR SBYAR RO, ,CI'I PHYIR SNYAM PA LA, RANG SNANG BA'I SHES PA BSKYED PAR MI 'GYUR TE, RIGS PA GDAGS PA'I RGYUR MI 'GYUR RO ZHES BYA BA SMOS SO, ,SBYOR BA NI GANG ZHIG NUS PA MED PA DE NI BTAGS PA'I SHES PA MA YIN TE, DPER NA RTA RU LTA BU'O, ,MED PAR 'DOD PA'I RNAM PA RNAMS KYANG NUS PA MED PA YIN PAS KHYAB PAR BYED PA 'GAL BA DMIGS PA YIN NO, ,DE LTAR DNGOS DANG NYE BAR @107A *, ,BTAGS PA PHAN TSUN SPANGS TE GNAS PA'I MTSAN NYID DAG GIS SHES PA LA KHYAB PA'I PHYIR KHYAB PAR BYED PA DE MED DE LOG PAS DES KHYAB PA SHES PA YANG LDOG PA KHO NA YIN PAS SHES PAR BYA BA'I GO SKABS MED PAS NA MED PA'I PHYIR ZHES BYA BA'I GTAN TSIGS NI MA NGES PA NYID MA YIN NO, ,TSAD MA GZHAN RNAM PA DE, SHES DANG 'BREL PA CI ZHIG YOD, ,CES BYA BA LA SOGS PA SMOS SO, ,SBYOR BA NI GANG ZHIG DANG LHAN CIG 'BREL PA MED PA DE NI DE TSOR BA NA NGES PAR TSOR BA MED DE, ,DPER NA SHES PA'I BDAG NYID TSOR NA MO GSHAM GYI BU TSOR BA MED PA LTA BU'O, ,MED PAR 'DOD PA'I RNAM PA RNAMS KYANG SHES PA DANG LHAN CIG DE'I BDAG NYID DANG DE LAS BYUNG BA'I MTSAN NYID KYI 'BREL PA GNYI GA YANG MED PAS KHYAB PAR BYED PA MI DMIGS PA YIN NO, ,SHES PA LAS BYUNG BA YIN NA YANG RGYU DANG 'BRAS BU NI DUS THA DAD PA'I PHYIR TSOR BA MED PA KHO NA MA YIN NAM, DES 'DIR CI'I PHYIR KLAN KA MI BTZAL SNYAM PA LA, DE LAS BYUNG BA YIN NA YANG SNGA PHYI YOD PAS ZHES BYA BA LA SOGS PA SMOS TE, 'DI YANG 'DIR NYES PA KHO NA YIN MOD KYI, 'ON KYANG 'DI KHAS BLANGS NAS NYES PA GZHAN DU BRJOD DO ZHES BYA BA'I THA TSIG GO, , RNAM PA RNAMS MED KYANG TSOR BA MED PAR THAL BAR 'GYUR BA 'BA' ZHIG TU MA ZAD KYI, RGYU MED PA NYID DU YANG THAL BAR 'GYUR RO, ,DE'I PHYIR RES 'GA' BA NYID DU MI 'THAD PA'I NYES PA YOD DO ZHES BSTAN PA'I PHYIR, SHES PA DANG DUS MNYAM DU DMIGS PA'I RNAM PA ZHES BYA BA LA SOGS PA SMOS SO, ,'O NA RGYU DANG LDAN PAR 'GYUR RO SNYAM PA LA, RGYU DANG LDAN NA'ANG 'GA' ZHIG GIS, ,ZHES BYA BA LA SOGS PA SMOS SO, ,GZHAN GYI DBANG ZHES BYA BA NI RTEN CING 'BREL BAR 'BYUNG BA YIN PA'I PHYIR GZHAN GYI DBANG GI RANG BZHIN DU 'GYUR GYI, KUN BRTAGS PA NI MA YIN NO ZHES BYA BA'I THA TSIG GO, ,YOD PAR KHAS BLANGS MA THAG PA NI RTEN CING 'BREL PAR 'BYUNG BA YIN PA'I MTSAN NYID DE, RTEN CING 'BREL PAR 'BYUNG BA'I MTSAN NYID DANG LHAN CIG DE'I BDAG NYID KYIS 'BREL PAR NGES PA'I PHYIR MED NA MI 'BYUNG BA YIN NO, ,DE'I BDAG NYID KYIS 'BREL PA DE NYID @107B BSTAN PA'I PHYIR, RTEN CING 'BREL PAR 'BYUNG BA LAS GZHAN GYI DBANG NI ZHES BYA BA LA SOGS PA SMOS SO, ,GAL TE DE LTA YIN DU CHUG KYANG YOD PA GO RTEN CING 'BREL PAR 'BYUNG BA MED NA MI 'BYUNG BAR JI LTAR 'GRUB SNYAM PA LA, RKYEN LAS BYUNG BA'I RANG BZHIN LAS KYANG ZHES BYA BA LA SOGS PA SMOS SO, ,DE ZHES BYA BA NI RNAM PA'O, ,RNAM PA MED PA NYID KYIS 'GYUR, ,ZHES BYA BA NI RTAG TU RNAM PA MED PA KHO NAR MYONG BAR 'GYUR BA'O, ,GAL TE SHES PA NYID DMIGS PA'I RIG BYAR GYUR PA KHO NA'O SNYAM NA, SHEL SPONG DAG PA 'DRA BA YIN, , ZHES BYA BA LA SOGS PA SMOS TE, ,SHEL SGONG DAG PA NYID NI NYE BAR BZHAG PAS KHA SGYUR BA DANG BRAL BA'I GNAS SKABS SO, ,TSU ROL MTHONG BA RNAMS KYI DMIGS PA'I RIG BYAR GYUR PA MA YIN TE, DE'I PHYIR SHES PA DMIGS PAR MI 'GYUR RO SNYAM PA LA, NANG DANG PHYI ROL DU GYUR PA'I RNAM PA ZHES BYA BA LA SOGS PA SMOS TE, GAL TE NANG NGAM PHYI ROL GYI RNAM PA DAG CIG SRID PAR GYUR NA NI DE'I TSE RNAM PA RNAMS MYONG BAS 'KHRUL PA BSKYED PA RNAMS MYONG YANG NGES PAR MI 'GYUR RO ZHES BYA BA 'GYUR NA GANG GI TSE DE DAG NANG NA YANG MED PHYI ROL NA YANG MED PA DE'I TSE GANG GI MTHUS BSLUS PAR 'GYUR, GANG GIS NA GNYIS SU MED PA MYONG BZHIN DU YANG NGES PAR MI 'GYUR, SMIG RGYU LA SOGS PA LA CHU LA SOGS PA'I RNAM PA MED BZHIN DU YANG MYONG BA'I PHYIR GANG LA GANG DNGOS PO MED CES BYA BA LA SOGS PA'I GTAN TSIGS MA NGES PA NYID MA YIN NAM SNYAM PA LA, SMIG RGYU LA SOGS PAS ZHES BYA BA LA SOGS PA SMOS SO, BRGAL ZHING BRTAG PA MTHUN PA'I PHYIR RO ZHES BYA BA LA NI SMIG RGYU LA SOGS PA YANG PHYOGS SU BYAS PA'I PHYIR RO ZHES BYA BA'I THA TSIG STE, 'DI LTAR SMIG RGYU LA SOGS PA LA YANG CHU LA SOGS PA'I RNAM PA GAL TE NANG NA YANG MED PHYI ROL NA YANG MED NA DE'I TSE SHIN TU MED PA DE JI LTAR MYONG BAR 'GYUR TE, BRGAL ZHING BRTAG PA MTSUNGS PA NA KHO NA'O, ,'DI SNYAM DU BRDZUN PA'I RNAM PA KUN TU SNANG BA GANG YIN PA 'DI NYID 'KHRUL PA'I RANG GI NGO BO YIN TE, DES NA RNAM PA MED PA YANG @108A *, ,'KHRUL PA'I DBANG GIS MYONG BAR 'GYUR RO SNYAM DU SEMS PAR GYUR NA DE NI YANG DAG PA MA YIN TE, 'DI LTAR 'KHRUL PA YIN ZHES BYA BA'I SGRAR NI 'KHRUL PA SKYE BA'I BAG CHAGS BRJOD PAR 'GYUR BA'AM YANG NA BAG CHAGS DE LTA BU LA SKYES PA 'KHRUL PA CAN GYI SHES PA KHO NA BRJOD PAR 'GYUR GRANG NA DE LA PHYOGS DANG PO LTAR NA NI BAG CHAGS DANG RNAM PA RNAMS 'BREL BA MED PA'I PHYIR BAG CHAGS KYI STOBS KYIS RNAM PA RNAMS MYONG BAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LAS BYUNG BA'I MTSAN NYID KYIS 'BREL BA YOD PA KHO NA'O ZHES BYA BAR YANG RIGS PA MA YIN TE, SNGA MA BZHIN DU GZHAN GYI DBANG NYID DU THAL BAR 'GYUR BA'I PHYIR RO, ,JI DE YANG PHYOGS GNYIS PA YIN NO ZHE NA, 'KHRUL PA CAN GYI SHES PA DANG RNAM PA RNAMS 'BREL PA ZHIG YIN NA YANG DE'I BDAG NYID KYI MTSAN NYID KHO NAR 'GYUR GYI, SHES PA DANG DUS MNYAM DU MYONG BA'I PHYIR DE LAS BYUNG BA'I MTSAN NYID NI MA YIN NO, ,DUS MNYAM PA GNYIS KYANG RGYU DANG 'BRAS BU'I MTSAN NYID DU MI RUNG STE, DE'I PHYIR BAG CHAGS KYI 'BRAS BU'I BDAG NYID CES BYA BA LA SOGS PAS 'KHRUL PA BZHIN DU SHES PA LAS THA MI DAD PA'I PHYIR GZHAN GYI DBANG NYID DU THAL BAR 'GYUR BAR BZLOG DKA'O ZHES STON PAR BYED DO, ,'KHRUL PA LA JI SKAD BSHAD PA'I BAG CHAGS KYI 'BRAS BUR GYUR PA SHES PA GANG YIN PA DE KHO NA'I BDAG NYID RANG GI NGO B YOD PA ZHES TSIG RNAM PAR SBYAR RO, ,'DIS NI ZHES BYA BA NI 'BREL PA MA GRUB PA'I PHYIR MED PA MYONG BAR MI RUNG BAR BSGRUB PAS SO ZHES BYA BA LA SOGS PAS ZHES BYA BA LA SOGS PA'I SGRAS NI, SNGAGS DKRUGS LA SOGS MIG CAN LA, ,DPER NA 'JIM DU MA LA SOGS PA, ,DE YI NGO BO BRAL BZHIN DU, ,GZHAN NYID DU NI SNANG BA LTAR, ,ZHES BYA BA LA SOGS PAS YONGS SU BSDU'O, ,GANG LA PHYI ROL GYI DON LA MNGON PAR ZHEN PAS DBANG MED PAR GYUR PA'I BLO YOD PA ZHES TSIG RNAM PAR SBYAR TE, PHYI ROL GYI DON YOD PAR SMRA BA'I DBANG DU BYAS NAS BSHAD KYI BDAG CAG GI DBANG DU BYAS BAS NI MA YIN NO ZHES BSHAD PA YIN NO, ,'DIS NI SLOB DPON GYI TSIG SKYON CHAGS PA MA YIN PA NYID @108B DU SGRUB PAR BYED DO,, ,,BAM PO GSUM PA, DE BAS NA DNGOS DANG CIG SHOS KYIS RIG PA'I DON MA GRUB PA DANG ZHES BYA BA LA SOGS PAS NI, SLOB DPON DGE BA SRUNGS NA RE, SO SO'I SKYE BO'I SHES PA THAMS CAD KYANG SNGON PO LA SOGS PA'I RNAM PAS NYE BAR BSGYUR BAR GYUR PA MA YIN PAR 'JUG STE, SHES PA DE LA NI GCIG PA NYID NYAMS PAR THAL BAR MI 'GYUR TE, BLO SNA TSOGS KYI NGO BO NYID MA YIN PA'I PHYIR RO, ,SHES PA DE LA SNGON PO LA SOGS PA MYONG BA'I NGO BO NYID DU RNAM PAR GZHAG PA GANG YIN PA DE NI SNGON PO LA SOGS PA MYONG BA'I NGO BO YIN PA'I PHYIR YIN GYI, SNGON PO LA SOGS PA'I NGO BOR GYUR PA'I PHYIR NI MA YIN TE, 'DI LTAR RNAM PA NI DMIGS PA 'DZIN PA'I RNAM PA KHO NA YIN PAR BRJOD PA'I RNAM PA MA YIN GYI, SNGON PO LA SOGS PAR RIG PA'I SHES ROL GYI LTA BUR SNANG BAR SHES PA GANG YIN PA DE NI SHES PA'I RNAM PA MA YIN GYI, SNGON PO LA SOGS PAR RIG PA'I SHES PA NYAMS SU MYONG NA SGRUB PA POS SNGON PO LA SOGS PA DE LTA BU'I NGO BOR RTOGS SO ZHES ZER BA DE 'DI NYID KYIS LAN BTAB PA YIN NO ZHES STON PAR BYED DO, ,SNGON PO LA SOGS PA NYAMS SU MYONG BA'I SHES PA DE'I 'JUG PA NI NYAMS SU BYANG BA STE, GANG LA DES YONGS SU RMONGS PA'I BDAG NYID YOD PA ZHES TSIG RNAM PAR SBYAR RO, ,'DI SKAD DU GAL TE SNGON PO LA SOGS PA DANG SHES PA LHAN CIG 'BREL PA 'GA' YANG MED NA DE'I TSE JI LTAR SNGON PO LA SOGS PA DE MYONG BAR 'GYUR, SNGON PO LA SOGS PA'I NGO BO MA GTOGS PAR GANG GIS NA SLOB DPON GYIS SNGON PO LA SOGS PA'I NGO BO LAS MA GTOGS PA'I RNAM PA RNAM PAR GZHAG PAS KHUNGS SU 'GYUR BA SHES PA G-YO BA MED PA DMIGS PA 'DZIN PA'I RNAM PA GZHAN NI MED DE, SHES PA SNGON PO LA SOGS PA'I NGO BOR SKYES PA NYID BYA BA DANG BCAS PA YIN PAR SHES LA, SHES PAS DMIGS PA 'DZIN PA'I RNAM PA ZHES BYA'O, ,GZHAN YANG GAL TE SNGON PO LA SOGS PA NANG NA YANG MED, PHYI ROL NA YANG MED NA JI LTAR SEMS RNAM PAR RTOG PA MED PA LA SNGON PO LA SOGS PA SHIN TU GSAL BAR SNANG BA BRJOD DGOS SO, ,MI SNANG BA KHO NA'O ZHES DE SKAD BRJOD PAR YANG MI NUS TE, SNGON PO LA @109A *, ,SOGS PAR SNANG BA THAMS CAD KYI NYAMS SU MYONG BA GRUB PA'I PHYIR RO, ,GSAL BAR SNANG BA NI GANG GIS NA RMONGS PA'I BDAG NYID LA DE LTAR SNANG BAR RNAM PAR RTOG PA'I YUL YIN PAR YANG RIGS PA MA YIN NO, ,GAL TE YANG SHES PA THAMS CAD RNAM PA MED PA KHO NAR NYAMS SU MYONG NA NI DE'I TSE SHES PA RNAM PA MED PA'I RJES LA 'BYUNG BA'I TSUL CAN RNAM PAR RTOG PAS KYANG SNGON PO LA SOGS PA'I RNAM PA SO SOR NGES PA SHES PAR RIGS PA MA YIN PA NYID DE 'BREL PA MED PA'I PHYIR RO, ,GAL TE SNGON PO LA SOGS PAR SHES PA NYID NOR PA'I RANG BZHIN YIN NO ZHE NA 'DIR, 'DI NI 'KHRUL PAS SHES SHE NA, ,DE CI 'KHRUL LA RAG LAS SAM, ,ZHES BYA BA LA SOGS PA BSHAD ZIN TO, ,DE LTA BAS NA 'BREL PA MED PAS RNAM PAR RTOG PA'I YUL MA YIN PA'I PHYIR YANG SNGON PO LA SOGS PA MYONG BAR MI 'THAD PAS 'DI NI RIGS PA MA YIN NO, ,'O NA YONGS SU MA DAG PA'I GNAS SKABS NA SHES PA SNA TSOGS SU SNANG BA BRDZUN PA KHO NA YIN DU CHUG KYANG YONGS SU DAG PA'I GNAS SKABS NA NI RANG BZHIN GCIG PA GNYIS SU MED PA'I NGO BO KHO NAR 'GYUR TE, DE'I PHYIR GTAN TSIGS THE TSOM ZA BA'I MA GRUB PA NYID YIN NO SNYAM PA 'DI SEMS LA BSDOGS NAS DE BAS NA SNGON PO LA SOGS PA'I RNAM PA NI ZHES BYA BA LA SOGS PA SMOS TE, GAL TE DAG PA'I GNAS SKABS NA RNAM PA THAMS CAD LDOG PAR SRID PAR GYUR NA NI DE'I TSE 'DI YANG SRID PA ZHIG NA 'DI LTA STE, 'KHRUL PA LOG KYANG RNAM PA RNAMS LDOG PAR MI SRID DE, 'KHRUL PA DANG RNAM PA RNAMS 'BREL PA MED PA'I PHYIR RO, ,DE LTA MA YIN NA NI HA CANG THAL BAR 'GYUR RO, ,GZHAN YANG GAL TE MA DAG PA'I GNAS SKABS NA SHES PA BRDZUN PA KHO NA YIN NA DE'I TSE DAG PA'I GNAS SKABS NA BDEN PA'I NGO BO DE DAG LAS SKYE BA BRJOD PAR BYA DGOS SO, ,BRDZUN PA LAS NI BDEN PA'I NGO BO SKYE BAR YANG RIGS PA MA YIN TE, BRDZUN PA LA NUS PA MED PA'I PHYIR RO, ,NUS NA NI DE JI LTAR BRDZUN PAR 'GYUR, DE LTA BU YANG BRDZUN PA NYID YIN NA NI GZHAN YANG BDEN PA NYID DU JI LTAR 'GYUR TE, ,DE'I PHYIR BDEN PA RGYU MED PA CAN KHO NAR 'GYUR RO, ,DE YANG RIGS PA MA YIN TE, RTAG TU @109B YOD PA LA SOGS PAR THAL BAR 'GYUR BA'I PHYIR RO, ,JI STE 'GA' ZHIG GI SHES PA RANG BZHIN GYIS GNYIS SU MED PAR GRUB PA KHO NAR 'GYUR TE, ,DPER NA DBANG PHYUG GI SHES PA DBANG PHYUG TU SMRA BA RNAMS KYIS RTOGS PA LTA BU'O SNYAM PA NA, DE LTA NA YANG THE TSOM ZA BAR MA GRUB PA NYID KHO NA YIN NO ZHE NA, DE NI RIGS PA MA YIN NO, ,RANG BZHIN GYIS GRUB PA NYID YIN NA YANG DE LTAR YOD PA DE DANG 'GA' YANG 'BRAL BAR MI 'GYUR TE, SNGA MA BZHIN DU RAG LUS PA MED PA'I PHYIR RO, ,DBANG PHYUG LA SOGS PA'I DNGOS PO DE LTA BU YANG BKAG ZIN PA'I PHYIR RO, ,JI STE SKAD CIG MA [?] SNGA MA'I MTHU'I STOBS KYIS SKYE BA'I PHYIR RGYU SO SOR NGES PA LA RAG LUS PA'I RANG GI NGO BOS 'GA' KHO NA LA YOD DO ZHES BYA BAR KHAS LEN NA, DE YANG RIGS PA MA YIN TE, DON DAM PAR RGYU DANG 'BRAS BU 'BREL PA'I DNGOS PO KHO NA MI 'THAD PA'I PHYIR RO, ,'DI LTAR RE ZHIG RGYU DANG 'BRAS BU'I DNGOS PO DUS MNYAM PA NI MA YIN TE, 'BRAS BU SKYE BA'I SNGA ROL NA NI RGYU MED PAS NUS PA MED PA'I PHYIR RO, ,NUS PA'I TSE NI 'BRAS BU YANG GRUB ZIN PA'I PHYIR DE'I TSE RGYU'I NYE BAR SBYOR BA MED PA KHO NA YIN NO, ,'DI NI 'BRAS BU'O, ,'DI NI RGYU'O ZHES BYA BA'I BYE BRAG KYANG MED PA'I PHYIR RNAM PAR GZHAG PA NGES PAR YANG MI 'GYUR RO, ,RGYU DANG 'BRAS BU DUS THA DAD PA DAG KYANG MA YIN TE, DUS GZHAN GYIS MCHOD PA'I RGYU LAS SKYES NA NI ZHIG PA KHO NA LAS SKYE BAR KHAS BLANGS PAR 'GYUR RO, ,ZHIG PA NI RGYU'I DNGOS POR YANG RIGS PA MA YIN TE, ZHIG PA NI MED PA'I PHYIR DANG, MED PA YANG NUS PA THAMS CAD DANG BRAL BA'I MTSAN NYID YIN PA'I PHYIR RO, ,DE LTA MA YIN NA RGYU JI LTAR ZHIG PAR 'GYUR, MCHOD PA LAS KYANG MA YIN TE, DUS MNYAM PAR THAL BAR 'GYUR BA'I PHYIR RO, ,SKAD CIG PA YAN LAG MED PA GNYIS MCHOD NA NI DUS MNYAM PA MA GTOGS PA RNAM PA GZHAN MED DE, 'DI LTAR RGYU DANG 'BRAS BU GNYIS KYI BAR NA DUS GZHAN DANG BRAL BA GANG YIN PA DE NYID MCHOD PA YIN NO, ,DE'I PHYIR SKAD CIG MA SNGA PHYI BAR MCHOD PA GNYIS NI JI LTAR NA DUS PHAN TSUN 'DUS TE RIG PAR MI 'GYUR TE, DPER NA RDUL PHRA RAB GNYIS BAR MED PA YIN @110A *, ,NA GDON MI ZA BAR RANG BZHIN PHAN TSUN 'DUS TE PHRAD PAR THAL BAR 'GYUR BAS BDAG NYID THAMS CAD KYIS PHRAD NA GONG DU RDUL PHRA MO TZAM DU GYUR PAR BYA BA DE BZHIN DU BSKAL PA YANG SKAD CIG TZAM DU 'GYUR BAS GTAN TSIGS KYI THE TSOM ZA BA MA GRUB PA MA YIN NO, , 'DI SNYAM DU KUN RDZOB TU DANG RGYU DANG 'BRAS BU YOD PA LA YANG RNAM PAR DPYAD PA 'DI CI'I PHYIR YANG DAG PAR MI 'JUG SNYAM DU SEMS PA LTAR NA DE YANG YANG DAG PA MA YIN TE, GANG GI PHYIR KHO BO CAG RGYU DANG 'BRAS BU'I DNGOS PO 'DI GRAGS BZHIN DU YANG RNAM PAR DPYAD PA'I BRTAG PA MI BZOD PA'I PHYIR KUN RDZOB CES SMRA'I, DE LTA MA YIN NA NI DON DAM PA KHO NAR 'GYUR GYI KUN RDZOB TU NI MA YIN NO, ,DE LTA BAS NA KUN RDZOB LA NI BRGAL ZHING BRTAG PA MTSUNGS PA MA YIN NO, ,DE LTAR DNGOS PO RNAMS KYI GCIG PA NYID BKAG NAS SHUGS KYIS DU MA NYID DGAG PA YANG DNGOS SU DGAG PAR 'DOD NAS, DE LTA NA, DNGOS PO GANG DAG RNAM DPYAD NA, ,ZHES BYA BA LA SOGS PA SMOS SO, ,PHRA RAB TZAM YANG ZHES BYA BA NI CHUNG NGU TZAM YANG NGO, ,CI'I PHYIR RIGS PA MA NYID YIN SNYAM PA LA, 'DI LTAR, DU MA NI GCIG PA BSTZAGS PA, ,ZHES BYA BA LA SOGS PA SMOS TE, 'DI SKAD DU GANG GI TSE RNAM PAR DPYAD NA DNGOS PO RNAMS KYI CHA SHAS KYI NGO BO 'GA' YANG RANG BZHIN GCIG PA CHA SHAS DANG BRAL BA NYID DU MA GRUB PA DE'I TSE DU MAR JI LTAR 'GRUB PAR 'GYUR TE, DU MA NI GCIG 'DUS PA'I BDAG NYID YIN PAS GTAN TSIGS MA GRUB PA YIN NO ZHES BSTAN PAR 'GYUR RO, ,BSAGS PA NI TSOGS PA'O, ,DE LA DU MA YANG MED PA YIN ZHES BYA BA GSUNGS SO ZHES BYA BA NI SNGON GYI SLOB DPON RNAMS KYIS SO, ,MDO DE NYID LAS YANG ZHES BYA BA NI 'PHAGS PA LANG KAR GSHEGS PA'I MDO LAS SO, ,NGO BO NYID NI GZUNG DU MED CES BYA BA NI GCIG PA DANG DU MA'I NGO BO STE, JI LTAR SNGAR DPYAD PA BZHIN NO, ,DE'I PHYIR ZHES BYA BA NI GCIG DANG DU MA'I RANG BZHIN DANG BRAL BA'I PHYIR NGO BO NYID MED PA YIN PA DANG, GCIG DANG DU MAR BRJOD DU MED PAR YANG NGAS BSHAD DO ZHES BYA BA'I THA TSIG GO, ,DE LTAR BCOM LDAN 'DAS KYIS PHYI ROL GYI DON YOD PAR LTA @110B BA LA DNGOS PO RNAMS RANG BZHIN MED PA NYID DU BSTAN NAS, SHES BYA NANG GI YIN PAR LTA BA LA YANG BSTAN PA'I PHYIR, BLO YIS RNAM PAR GZHIGS NA NI, ,ZHES BYA BA GSUNGS SO, ,GZHAN DBANG MED CES BYA BA NI GZHAN GYI DBANG PO NGO BO NYID MED CES BYA BA'I THA TSIG STE, GZHAN GYI DBANG YANG GCIG DANG DU MA'I RANG BZHIN GYIS STONG PA'I PHYIR RO SNYAM DU DGONGS PA'O, ,BRTAGS PA'ANG MED CES BYA BA NI KUN TU BRTAGS PA'I NGO BO NYID DO, ,KUN TU BRTAGS PA NI MTSAN NYID STONG PA KHO NAS NGO BO NYID MED PA'I PHYIR RO, ,GRUB PA ZHES BYA BA NI YONGS SU GRUB PA'I NGO BO NYID DE, YONGS SU GRUB PA NI CHOS NYID KYI NGO BO YIN PA'I PHYIR LA RTOG PA'I YUL NI NGO BO MED PA NYID DU GRUB PA'I PHYIR RO, ,GAL TE 'DI DAG MED PA KHO NA YIN NA NI 'JIG RTEN LA JI LTAR GRAGS PA YIN SNYAM PA LA, RANG BZHIN MED CING RNAM RIG MED, ,CES BYA BA LA SOGS PA SMOS TE, ,RANG BZHIN NI GZHAN GYI DBANG GI NGO BO LA SOGS PA RNAM PA GSUM YIN PAR DGONGS SO, ,RNAM RIG CES BYA BA NI PHYI ROL GYI YUL RNAM PAR RIG PA RNAM PA DRUG GZUNG NGO, ,RNAM PAR RIG PA'I DMIGS PA GANG YIN PA DE NI DNGOS PO'I SGRAR DGONGS SO, ,PHA ROL PO DAG GIS MIG LA SOGS PA'AM, BDAG LA SOGS PA GANG DAG RNAM PAR RIG PA DE'I RTEN NYID DU BRTAGS PA DE DAG NI RNAM PAR RIG PA'I RTEN YIN PA'I PHYIR KUN GZHI YIN NO, ,YANG NA 'JIG PA'I TSE DNGOS PO THAMS CAD RANG BZHIN LA SOGS PA'I BAG LA ZHA BAR 'GYUR BAS GRANGS CAN GYIS YONGS SU BRTAGS PA'I RANG BZHIN LA SOGS PA KUN GZHI'I SGRAR BZHED PA YIN NO, ,RO MTSUNGS ZHES BYA BA NI CHOS YANG DAG PA JI LTA BA BZHIN RNAM PAR 'BYED PA'I G-YO BA DANG BRAL BA'I PHYIR SHI BA DANG 'DRA BA RNAMS KYIS ZHES BYA BA'I THA TSIG STE, 'DI SKAD DU 'DI DAG DON DAM PAR NA MED PA KHO NA YIN MOD KYI, BYIS PAS KUN TU BRTAGS PA'I DBANG GIS GRAGS TE YANG DAG PAR NI MA YIN NO ZHES BSTAN PA YIN NO, ,'O NA JI LTAR CHOS KYI TSUL YANG DAG PA LA MKHAS PA GNAS PAR 'GYUR SNYAM PA LA, MTSAN MA DNGOS PO RNAM RIG DANG, ,ZHES BYA BA LA SOGS PA GSUNGS TE, ,MTSAN MA NI SNGON PO DANG SER PO DANG SKYES PA DANG BUD MED LA SOGS PA'O,, @111A *, ,DNGOS PO NI PHYI DANG NANG GI SKYE MCHED DO, ,RNAM RIG NI MIG GI RNAM PAR SHES PA LA SOGS PA RNAM PAR SHES PA'I TSOGS LNGA'O, ,YID KYI G-YO BA ZHES BYA BA NI GZHAN GYI DBANG LA SOGS PA RNAM PAR RTOG PA'O, ,RAB 'DAS TE ZHES BYA BA NI MTSAN MA LA SOGS PA SPROS PA THAMS CAD LAS RNAM PAR 'DAS TE, 'DI SKAD DU SNGON PO LA SOGS PA'I MTSAN MA LA SOGS PA LA KUN TU SPYOD PA'I GNAS SKABS JI SNYED PA DE DAG THAMS CAD NI SPROS PA'I GNAS SKABS YIN PAS SPROS PA'I GNAS SKABS DAG LAS 'DAS NA RNAM PAR MI RTOG PA'I TING NGE 'DZIN LA 'JUG PA YIN NO ZHES BSTAN PA YIN NO, ,DE BAS NA ZHES BYA BA NI GANG GI PHYIR RIGS PA DANG LUNG DAG GIS GRUB PA'O, ,BLO GROS DKAR PO RNAMS KYIS ZHES BYA BA NI SLOB DPON CHOS KYI GRAGS PA LA SOGS PAS SO, ,DE DANG DER ZHES BYA BA NI TSAD MA RNAM 'GREL LA SOGS PAR RO, ,SMOS TE ZHES BYA BA NI DNGOS SU BSHAD PA MA YIN PA STE, TSAD MA RNAM PAR 'GREL PA LA SOGS PAR NI RNAL 'BYOR SPYOD PA'I TSUL BSHAD PA'I GNAS SKABS YIN PA'I PHYIR RO, ,SLOB DPON GYIS KUN TU BRTAGS PA'I NGO BO NYID KYI DBANG DU BYAS TE DE SKAD DU BSHAD MOD KYI, YONGS SU GRUB PA NYID MA GRUB PA'I PHYIR TE, RIGS PA THUN MONG BA'I PHYIR SLOB DPON GYI TSIG 'DI THAMS CAD DU RUNG BA NYID DO SNYAM DU BSAMS PA'O, ,DE NYID KYI PHYIR SMOS TE ZHES BYA BA SMOS SO, ,DE BAS MTSAN NYID STONG PA'I PHYIR, ,ZHES BYA BA SMOS PA 'DI NI PHYED 'OG MA'O, ,PHYED GONG MA NI, GZUNG 'DZIN RNAM PAR MA GTOGS PAR, ,MTSAN NYID YOD PA MA YIN NO, ,ZHES BYA BA STE, DE BAS MTSAN NYID STONG PA'I PHYIR ZHES BYA'O, ,DE LTAR MA GRUB PA NYID YONGS SU SPANGS NAS MA NGES PA NYID DGAG PA'I PHYIR GTAN TSIGS GRUB TU ZIN KYANG ZHES BYA BA SMOS SO, ,CHOS GNYIS KA DANG LDAN PA ZHES BYA BA NI BSGRUB PAR BYA BA DANG SGRUB PA'I CHOS DANG LDAN PA'O, ,RGYAL DPOG PA LA SOGS PA NA RE GDONG LA SOGS PA NYID DE DE LTAR DMIGS PA GZUGS BRNYAN GYI THA SNYAD STON TO ZHES ZER RO, ,BYE BRAG TU SMRA BA LA SOGS PA NA RA ME LONG LA SOGS PAR GZUGS GZHAN KHO NA ZHIG 'BYUNG NGO ZHES ZER RO, , @111B MDO SDE PA LA SOGS PA NA RE SHES PA KHO NA DE LTAR 'KHRUL PAR SNANG NGO ZHES ZER TE, DE DAG THAMS CAD KYI LUGS KYIS GDONG LA SOGS PA DANG DNGOS PO YOD PA'I PHYIR DPE MA GRUB BO, ,YANG DBYUNG BA'I MI RIGS SO ZHES BYA BA NI YANG GYEN DU DBYUNG BA MI RIGS SO ZHES BYA BA'I THA TSIG GO, ,GANG GIS NI GDONG LA SOGS PA TSAD MAS GNOD PAR BYAS PA GRUB PA'I PHYIR DPE MA GRUB PAR 'GYUR BA, RANG DGA'I STOBS KYIS DNGOS PO RNAMS DE LTA BU'I NGO BOR DMIGS PA NI MA YIN GYI, JI LTAR NA DPE MA GRUB PAR 'GYUR, 'DI LA KHYAD PAR DU GNOD PA CAN GYI TSAD MA YOD PAS DE'I PHYIR DPE BYED DO SNYAM DU BSAMS NAS, GZHAN YANG ZHES BYA BA SMOS TE, DE LA RE ZHIG GZUGS LA SOGS PA NI GZUGS BRNYAN SHES PA'I YUL MA YIN TE, GZUGS DANG MTSAN NYID MI MTHUN PAR SNANG BA'I PHYIR RO, ,SBYOR BA NI RNAM PAR SHES PA GANG ZHIG GANG DANG MTSAN NYID MI MTHUN PAR SNANG BA DE NI DE'I DMIGS PA MA YIN TE, DPER NA SGRAR SHES PA GZUGS DANG MTSAN NYID MI MTHUN PAR SNANG BA BZHIN NO, ,GZUGS BRNYAN GYI SHES PA YANG GDONG LA SOGS PA YUL JI LTA BA BZHIN GNAS PA DANG MTSAN NYID MI MTHUN PAR SNANG BA YIN PAS KHYAB PAR BYED PA 'GAL BA DMIGS PA MA YIN NO, ,GAL TE ME LONG GI NGOS LA SOGS PA LA ZHES BYA BA LA SOGS PAS NI GTAN TSIGS 'DI MA GRUB PA NYID YONGS SU SPONG BAR BYED DO, ,SHING DANG RI ZHES BYA BA NI SHING RNAMS DANG RI RNAMS SO, ,YAL GA NI SHING RNAMS KYI YAL GA'O, ,RTZE MO NI RI RAB RNAMS KYI RTZE MO STE, RTZE MO DAG KHO NA ME TOG GI THOD BZHIN DU RTZE MO DAG YIN NO, ,HA CANG THAL BAR 'GYUR BA'I GNOD PA CAN GYI TSAD MA YIN PAS NA GTAN TSIGS MA NGES PA NYID MA YIN NO, ,PHYOGS GNYIS PA YANG BSAL BA'I PHYIR, GZHAN 'BYUNG BA'I PHYIR RIGS PA MA YIN PA NYID DE ZHES BYA BA LA SOGS PA SMOS SO, ,LHAN CIG MI GNAS PA'I PHYIR ZHES BYA BA NI YUL GCIG NA MI GNAS PA'I PHYIR RO, ,RANG GI YUL DU GZHAN 'BYUNG BA'I BGEGS BYED PA GANG YIN PA 'DI NI LUS CAN RNAMS KYI CHOS YIN LA, 'DI LA YANG YUL THA DAD PA MED PAS GZUGS GZHAN 'BYUNG BAR RIGS PA MA YIN NO, , @112A *, ,SBYOR BA NI DNGOS PO LUS CAN GANG DAG YIN PA DE DAG NI YUL PHAN TSUN SPANGS TE, GNAS PA'I RANG BZHIN DAG YIN TE, DPER NA BUM PA LA SOGS PA LTA BU DAG YIN NO, ,RTZOD PA'I GZHIR GYUR PA'I DNGOS PO 'DI DAG KYANG LUS CAN YIN PAS RANG BZHIN GYI GTAN TSIGS YIN NO, ,RLUNG DANG NYI MA LA SOGS PAS MA NGES PA YANG MA YIN TE, DE LA YANG RLUNG DANG NYI MA LA SOGS PA'I RDUL PHRA MO RNAMS 'DRES PA YIN MOD KYI, YUL PHAN TSUN SPANGS TE GNAS PA KHO NA'I PHYIR RO, ,GAL TE YUL GCIG PA NYID DU GYUR NA NI DE'I TSE YUL GCIG RANG BZHIN PHAN TSUN ZHUGS PAS NGO BO GCIG PA KHO NAR 'GYUR BAS 'DI NI BZLOG NA GNOD PA CAN GYI TSAD MA YIN NO, ,DE LTA YANG MA YIN TE DE LTA BAS NA BZLOG STE BRJOD PAR BYA'O, ,DER SNANG BA'I SHES PA TZAM 'BYUNG BAR ZAD DO ZHES BYA BA LA SOGS PA NI PHYOGS GSUM PA YANG SEL BAR BYED PA YIN TE, GAL TE YUL GNOD PAR BYAS PA NYID KYI PHYIR DE LA DER SNANG BA'I RNAM PAR SHES PA TZAM DU DAM 'CHA' NA DE'I TSE BDEN PA'I GZUGS LA SOGS PA'I RNAM PAR SHES PA GZHAN YANG GNOD PAR BYAS PA'I YUL CAN DE NYID DE DANG MTSUNGS PAS KHYAD PAR MED PA'I PHYIR LHAG MA BDEN PAR 'DOD PA'I GZUGS LA SOGS PA LA YANG DE KHO NA BZHIN DU RNAM PAR SHES PA TZAM DU CI'I PHYIR KHAS MI BLANG, 'DI LTAR RDUL PHRA RAB RNAMS ZHES BYA BA LA SOGS PAS NI GNOD PAR BYAS PA'I YUL CAN DE NYID DRAN PAR BYED DO, ,PHA ROL POS GZUGS BRNYAN LA SOGS PA 'DI DAG RNAM PAR SHES PA'I NGO BOR RDZAS SU YOD PAR KHAS BLANGS MOD KYI, GZUGS BRNYAN LA SOGS PA DE DAG NI DPE NYID DU 'DOD PA MA YIN NO, ,'O NA CI ZHE NA, GZUGS BRNYAN LA SOGS PAR SHES PA'I SNANG BA CAN GYI NGO BO GANG YIN PA'O, ,DE YANG BRDZUN PA'I PHYIR DPE GRUB PA KHO NA'O SNYAM DU BSAMS PA'O, ,DE BZHIN DU GYU MA LA SOGS PA DPER BYED PA LNGA YANG GANG DAG CI 'JIM PA'I DUM BU LA SOGS PA SGYU MA LA SOGS PA'I SGRAR BRJOD DAM, JI STA DE LTAR SNANG BA CAN GYI SHES PA YIN, PHYOGS GNYI GA LTAR NA YANG DPE BSGRUB PAR BYA BA DANG SGRUB PA MED PA YIN NO SNYAM DU RTOGS PAR BYED PA DE DAG KYANG 'DI KHO NAS LAN BTAB @112B PA YIN NO ZHES BSTAN PA'I PHYIR, 'DIS SGYU MA DANG RMI LAM ZHES BYA BA LA SOGS PA SMOS SO, ,BRGYA LA 'DI LA YANG RGYAL DPOG PA LA SOGS PA DAG 'JIM PA'I DUM BU LA SOGS PA DE DAG NYID DE LTAR DMIGS TE, DE'I PHYIR SGYU MA LA SOGS PAR SHES PA LA SNANG BA CAN GYI NGO BO BRDZUN PA NYID DU MA GRUB BO ZHES SMRA BAR 'GYUR BAS, 'JIM PA'I DUM BU LA SOGS PA NI DE LTAR DMIGS PA MA YIN NO ZHES BYA BA SMOS SO, ,RNAM PA DANG BCAS PA'I PHYOGS LA NI SNANG BA YIN NO, ,RNAM PA MED PA'I PHYOGS LA NI RIGS PA YIN NO, ,DE GNAS MED DO ZHES BYA BA NI GZHON NUM LEN GYIS SMRAS PA GONG DU SMOS PA'O, ,'O NA RMI LAM GYI SHES PA LA DMIGS PA GANG YIN SNYAM PA LA, YUL DE DANG NI YUL GZHAN NO, ,ZHES BYA BA SMOS SO, ,LHAG MA NI GO SLA'O, ,BSHAD MA THAG PA ZHES BYA BA NI GANG RANG GI NGO BOR SNANG BA'AM RIG PA'O, ,MI MTHUN PA'I PHYOGS LAS LDOG PA LA THE TSOM ZA BA BSAL BA'I PHYIR, 'DI NI PHYOGS DANG MTHUN PA'I PHYOGS LA YOD PAR 'GYUR DU ZIN KYANG ZHES BYA BA SMOS TE, 'DI NI BDAG GIS SNGAR BSHAD PA KHO NA YIN NO, ,'DI LA LDOG PA MI LDOG PA MED DO ZHES BYA BA NI BSGRUB PAR BYA BA LAS BZLOG NA GTAN TSIGS LAS LDOG PA YOD PA KHO NA STE MED CES BYA BA'I THA TSIG GO, ,'DIR DAM BCA' BA'I DON GYI PHYOGS GCIG YIN PA'I PHYIR GTAN TSIGS MA GRUB PA MA YIN NAM, GCIG DANG DU MA'I NGO BO GNYIS NI DNGOS PO'I RNAM GRANGS YIN PA'I PHYIR DE LAS BZLOG PA'I NGO BO BSGRUB PAR BYA BA DANG, SGRUB PA GNYIS THA MI DAD PA'I NGO BO KHO NA YIN NO, ,DE'I PHYIR GAL TE BSGRUB PAR BYA BA MA GRUB NA, BSGRUB PAR BYA BA DANG THA MI DAD PA'I NGO BO GTAN TSIGS KYANG MA GRUB PA YIN NO, ,JI STE GTAN TSIGS GRUB NA NI DE'I TSE DNGOS PO RNAMS KYI RANG BZHIN MED PA NYID KYANG GRUB PA YIN TE, GCIG DANG DU MA DANG BRAL BA RI BONG GI RVA LA SOGS PA LA NI DNGOS PO'I NGO BO NYID 'GA' YANG KHAS MI LEN TO SNYAM DU DOGS PA LA, GTAN TSIGS 'DI LA NI ZHES BYA BA LA SOGS PA SMOS TE, RE ZHIG GTAN TSIGS JI LTAR GRUB PA DE LTAR NI RGYAS PAR BSGRUBS ZIN TO, ,GTAN TSIGS GRUB KYANG 'DI @113A *, ,YIN NO ZHES BYA BA'I NGO BOS RANG BZHIN MED PAR SGRUB MOD KYI, 'ON KYANG RMONGS PA LA DNGOS PO THAMS CAD LA RANG BZHIN MED PA NYID DU THA SNYAD GDAGS PA'I 'OS NYID DU RAB TU BSGRUB PA'I PHYIR GTAN TSIGS DAM BCAS PA'I DON GYIS PHYOGS GCIG NYID MA YIN TE; DPER NA LKOG SHAL LA SOGS PA DANG LDAN PAS BA LANG NYID LTA BU DANG, DPER NA DMIGS PA'I RIG BYAR GYUR PA MI DMIGS PAS MED PA LTA BU YIN PAS KLAN KAR MI RUNG NGO, ,'KHOR BA GANG ZHIG THOG MA DANG BRAL BA DE NI THOG MA MED PA STE, THOG MA YOD PA MA YIN NO ZHES BYA BA'I THA TSIG GO, ,LHAG MA NI GO SLA'O, ,GANG GI TSE RANG BZHIN LA KHYAB PAR BYED PA GCIG DANG DU MA NYID DAG LOG PAS SHING LOG PAS SHA PA LDOG PA BZHIN DU DNGOS PO'I RANG BZHIN LDOG PAR SGRUB PA DE'I TSE DAM BCAS PA'I DON GYI PHYOGS GCIG PA NYID DU GA LA 'GYUR, KHYAB PAR BYA BA DANG KHYAB PAR BYED PA LDOG PA'I TSIG RNAM PAR CHAD PA THA DAD PA'I NGO BO GNYIS RNAM GRANGS NYID NI MA YIN NO, ,RNAM GRANGS KYI NGO BO MA YIN PA NI DAM BCAS PA'I DON GYI PHYOGS GCIG NYID NI MA YIN TE, DPER NA BYAS PA NYID MI RTAG PA NYID DU BSGRUB PAR BYA BA LA DON DAM PAR GCIG KYANG GANG BYAS PA NYID NI MI RTAG PA SGRUB PAR BYED PA LTA BU YIN PAS GYI NA'O, ,DE LTAR RIGS PAS CHOS THAMS CAD RANG BZHIN MED PA NYID DU BSGRUBS NAS LUNG GIS KYANG BSGRUB PAR BYA BA'I PHYIR, 'DI THAMS CAD NI BCOM LDAN 'DAS KYIS KYANG GSUNGS TE ZHES BYA BA LA SOGS PA SMOS SO, , YONGS DAG CES BYA BA NI GSAL BAR SNANG BA NYID KYI RGYU BSTAN TO, ,DE BZHIN DU ZHES BYA BA 'DI RANG BZHIN MED PAR TE, 'DI NI DNGOS KYI DON DANG SBYAR BA YIN NO, ,GTAN TSIGS NI GCIG DANG DU MA'I RANG BZHIN STONG PA'I PHYIR ZHES BYA BA LA LTOS PAR BYA'O, ,LJON PA ZHES BYA BA NI BOD PA'O, , SHES PAR GYIS ZHES BYA BA NI SHES PAR GYIS SHIG CES BYA BA'I THA TSIG GO, ,GAL TE NYAN PA PO'I SKYE BO 'DIR GZUGS BRNYAN GYI DPES NI BCOM LDAN 'DAS KYIS KUN BRTAGS PA'I NGO BO NYID KYIS NGO BO'I CHOS KHO NA RANG BZHIN STONG PAR BSTAN TO SNYAM DU GO BAR 'GYUR BAS, NGA YIS RANG BZHIN STONG PA @113B ZHES; ,ZHES BYA BA LA SOGS PA SMOS SO, ,BRTAGS PA'I NGO BO NYID KYIS STONG PA YONGS SU GRUB PA'I NGO BO NYID CES BYA BA'I DNGOS PO GANG YIN PA DE BCOM LDAN 'DAS KYIS BDAG LA KUN BRTAGS PA'I NGO BO NYID KYIS STONG PAR BSTAN TO SNYAM DU SEMS NA DE YANG RANG BZHIN STONG PA NYID DU SHES PAR GYIS SHIG CES BYA BAR SBYAR TE, DE YANG RIGS PAS DPYAD NA MI GNAS PA'I PHYIR RO, ,'DI NI 'DIR KHUNGS YIN NO, ,GAL TE THAMS CAD STONG PA KHO NA YIN NA, 'O NA SU LA NI BSTAN PAR BYA, SU ZHIG NI STON PAR BYED, CI'I PHYIR NI BSTAN SNYAM PA LA, BYIS PA LOG PA'I BLO CAN ZHES BYA BA LA SOGS PA SMOS TE, DON DAM PAR 'GRO BA RANG BZHIN MED MOD KYI, 'ON KYANG STON PA PO LA SOGS PA YANG DAG PA DANG YANG DAG PA MA YIN PA'I KUN RDZOB KYI NGO BOR YOD PA KHO NA'O, ,DE'I PHYIR DE'I BYIN GYI RLABS KYIS RMONGS PA BZLOG PA'I PHYIR BSHAD PA LA 'JUG PA NYID DO ZHES BSDUS PA'I DON TO, ,DE LA DE DAG GI BLO GROS PHYIN CI LOG PA'I PHYIR LOG PA YANG YIN LA, BLO MA BYANG BA'I PHYIR BYIS PA'I BLO CAN DAG KYANG YIN PAS BYIS PA LOG PA'I BLO CAN DAG GO, ,YANG NA 'BRU MANG PO PAR SBYAR RO, ,BLO NI CHOS KYI DE KHO NA LA MA BYANG BA'I PHYIR BYIS PA NYID YIN NO, ,DE DAG RNAMS LA BSTAN PA'I PHYIR ZHES BYA BA NI MA RIG PA BZLOG NAS RIG PA BSKYED PA'I PHYIR RO, ,GAL TE THAMS CAD RANG BZHIN GYIS STONG PA KHO NA YIN NO, ,'O NA JI LTAR KUN NAS NYON MONGS PA DANG RNAM PAR BYANG BAR RNAM PAR GNAS SNYAM PA LA, KUN TU RTOG PA'I RTOG PAS BSKYED, ,CES BYA BA LA SOGS PA SMOS TE, 'DI LTA BU DANG 'DI LTA BU BYA'O SNYAM PA'I SEMS PA NI KUN TU RTOG PA'O, ,DE NYID RTOG PA YIN TE, RNAM PAR RTOG PA ZHES BYA BA'I THA TSIG GO, ,'DIS NI LAS KYI KUN NAS NYON MONGS PA RGYU NYID DU BSTAN PA YIN NO, ,YANG DAG MA YIN RTOG PA NI MA RIG PA LA SOGS PA STE NYON MONGS PA THAMS CAD NI YANG DAG PA MA YIN PA KUN TU RTOG PA YIN NO, ,DE DAG GIS BCINGS PA NI DE DAG GI DBANG GIS 'JUG PA'I PHYIR TE, 'DIS NI NYON MONGS PA'I KUN NAS NYON MONGS PA BDAG PO YANG YIN PAR BSTAN TO, ,'DI SKAD DU DON DAM PAR STONG MOD KYI, 'ON @114A *, ,KYANG RGYU DANG 'BRAS BU'I DNGOS PO KUN RDZOB PA YOD PA'I PHYIR KUN NAS NYON MONGS PA LA SOGS PA RNAM PAR GNAS PAR 'GYUR RO ZHES BSHAD PAR 'GYUR RO, ,NYON MONGS PA DANG LAS KYI RGYU RKYEN GYI KUN NAS NYON MONGS PA BSTAN PAS RNAM PAR BYANG BA YANG SHUGS KYIS BSTAN PA KHO NA YIN TE, NYON MONGS PA DANG LAS LOG NA KUN NAS NYON MONGS PA LOG PAR 'GRUB PA'I PHYIR RO, ,GZHAN PA NYID DANG GCIG PA NYID NI LTOS PAR LTA BAR BYED PA YIN PAS GCIG PA NYID DANG DU MA NYID DAG GIS SPANGS PA ZHES BYA BA'I THA TSIG GO, ,DNGOS PO'I ZHES BYA BA NI SPYIR BRJOD PA'I PHYIR RANG DANG GZHAN GYI MNGON PAR 'DOD PA GZUGS LA SOGS PA DNGOS PO THAMS CAD KYI'O, ,GAL TE DNGOS PO 'DI DAG DON DAM PAR RANG BZHIN MED NA, 'O NA SHUGS KYIS 'DI DAG GI MTSAN NYID CI ZHIG YIN PAR 'GYUR SNYAM PA LA, DE'I PHYIR DNGOS PO 'DI DAG NI ZHES BYA BA LA SOGS PA SMOS TE, 'KHRUL PA'I BLOS DNGOS PO'I DE KHO NA NYID BSGRUBS PAS BLO 'KHRUL PA THAMS CAD NI KUN RDZOB YIN NO, ,'KHRUL PA'I BLO'I BSAM PA'I DBANG GIS BRTAGS PA'I BDAG NYID DU GNAS PA'I PHYIR DE LA YOD PA NI KUN RDZOB PA YIN NO, ,'DI JI LTA SNYAM PA LA, GAL TE 'DI DAG DON 'DOD NA, ,ZHES BYA BA LA SOGS PA SMOS TE, 'DI SKAD DU YANG DAG PA DANG YANG DAG PA MA YIN PA DAG GIS NI PHUNG PO THAMS CAD LA KHYAB STE, DE GNYIS NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,YANG DAG PA'I NGO BO BKAG NA SHUGS KYIS 'DI DAG CIG SHOS SU FGNAS PAR RANG BZHIN GYIS 'GYUR RO ZHES BSHAD PAR 'GYUR RO, ,LCAGS KYU MED PA ZHES BYA BA NI RANG DGA' STE DE NI RES 'GA' 'DI DAG GI NGO BO BRDZUN PAR YANG 'JOG PAR 'GYUR RO SNYAM DU BSAMS PA'O, ,LHAG MA NI GO SLA'O, ,LUNG GZHAN YANG JI LTAR GNAS PA'I DNGOS PO'I DE KHO NA LA MKHAS PAS ZHES BYA BA LA SOGS PA SMOS SO, ,MDO 'DI LAS NI GZUGS LA SOGS PA'I DNGOS PO THAMS CAD SPYIR MJUG BSDUS TE, KUN RDZOB TZAM GYI RANG BZHIN YIN PAR BSTAN TO ZHES STON PAR BYED DO, ,THA SNYAD DU STON PA ZHES BYA BA NI PHUNG PO LA SOGS PA THA SNYAD TZAM KHO NAR @114B STON PA YIN GYI DON DAM PAR NI MA YIN NO ZHES BYA BA'I THA TSIG GO, ,DON DAM PA'I RANG BZHIN BSTAN PAR MI NUS SU ZIN KYANG BRJOD PA'I KUN RDZOB KYIS RES 'GA' ZHIG NA BSTAN PAR BYA BA NYID DO SNYAM PA DE'I PHYIR DE BZLOG PA'I CHED DU THA SNYAD CES BYA BA SMOS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RNAMS SO, ,CI ZHE NA 'DOGS LA DON DAM PAR YANG MI DMIGS SO ZHES BYA BAR SBYAR TE, 'DI NI 'DIR KHUNGS YIN NO, ,TSUL BZHIN ZHES BYA BA NI TSAD MA DANG LDAN PA'O, ,BDAG MED PA ZHES BYA BA NI BDAG GI RANG BZHIN MA YIN ZHES BYA BA'I THA TSIG GO, ,DE BZHIN DU ZHES BYA BA NI BDAG MED PAR RO, ,SEMS CAN BDAG MED PAR ZHES BYA BA NI JI LTAR GANG ZAG LA BDAG MED PAR BSHAD PA KHO NA LTAR RO, ,DE BZHIN DU ZHES BYA BA NI GANG ZAG BZHIN DU RANG BZHIN KHO NAS NGO BO NYID MED PAR MTHONG NGO ZHES BYA BA'I THA TSIG STE, 'DI NI 'DIR KHUNGS YIN NO, ,RGYAL BA SKYED MA LAS ZHES BYA BA NI SHES RAB KYI PHA ROL TU PHYIN PA LAS SO, ,BAR DU ZHES BYA BA NI MTHA' BSTAN PA STE, RANG GI MTSAN NYID STONG PA NYID KYI PHYIR GZUGS NI GZUGS KYI RANG GI NGO BO NYID KYIS STONG LA, RNAM PAR SHES PA'I BAR DU YANG ZHES BYA BA'I THA TSIG GO; ,'DIR KHUNGS NI RANG GI MTSAN NYID STONG PA NYID KYI PHYIR ZHES BYA BA YIN NO, ,'DI NI ZHES BYA BA NI STONG PAR BSHAD PA 'DI THAMS CAD DU STONG PA NYID DU BSHAD PA GANG YIN PA'O, ,GANG GI RANG BZHIN YOD PA YIN TE, MED PA MA YIN PA DE LA DE SKAD CES BYA'O, ,'DI YANG ZHES BYA BA NI JI SKAD BSHAD PA'I TSIG GIS BSTAN PAR BYA BA'I DON TO, ,BRTAGS PA'I NGO BO NYID KHO NA'O ZHES BYA BA NI RIGS PA DANG BRAL BA'I PHYIR DANG TSAD MAS GNOD PA'I PHYIR RO, ,GNYIS LA SOGS PA ZHES BYA BA LA SOGS PA NI TSAD MAS GNOD PA DE NYID STON PAR BYED DO, ,LUNG GZHAN YANG GLANG PO'I RTZAL ZHES BYA BA SMOS SO, ,MA MCHIS ZHES BYA BA NI YUL MED PA'I PHYIR DE YANG MED CES BYA'O, ,DE CI'I SLAD DU ZHES BYA BA NI 'DI DAG SGYU MA LTA BU NYID DU GANG LAS GRUB, GANG GIS NA DPE DES RANG BZHIN MED PA NYID DU 'GRUB PAR 'GYUR ZHES BYA BA'I GTAN TSIGS 'DRI BA'O, ,'DI LA YANG @115A *, ,DAG PA'I CHOS GANG YANG MI DMIGS PA'I SLAD DU'O ZHES BYA BA NI GCIG PA NYID DANG DU MA NYID LA SOGS PAS DPYAD NA SNYAM DU DGONGS PA'O, ,JI STE DON DAM PA'I RANG BZHIN BKAG PAS DNGOS PO RNAMS KUN RDZOB PA'I NGO BOR BZHAG PA GANG YIN PA DE CI SGRA'I THA SNYAD KYI BDAG NYID KYI KUN RDZOB LA YOD PA'I PHYIR KUN RDZOB PAR 'DOD DAM, 'ON TE RTEN CING 'BREL PAR 'BYUNG BA DON BYA BA BYED PA GNAG RDZI YAN CHAD LA SHIN TU GRAGS PA DE NYID BRDA'I DBANG GIS KUN RDZOB KYI SGRAR BRJOD CES BYA BA RTOG PA GNYIS SO, ,DE LA GAL TE PHYOGS DANG PO LTA BU YIN NA NI DE'I TSE MNGON SUM LA SOGS PAS GNOD PA YIN TE, 'DI LTAR SGRA'I THA SNYAD NI SPYI TZAM GYI SPYOD YUL CAN YIN PA'I PHYIR RTEN CING 'BREL PAR 'BYUNG BA'I DNGOS PO'I MTSAN NYID KYI YUL CAN MA YIN NO, ,SPYI DE YANG KUN TU BRTAGS PA'I NGO BO YIN PA'I PHYIR DNGOS PO MED PA YIN NA DE'I NGO BO NYID DU KHAS LEN PAS DNGOS PO RNAMS KYI DON BYA BA BYED PA SHIN TU GRAGS PA LA SKUR PAR 'GYUR TE, SPYI NI DON BYED MI BZOD PA'I PHYIR RO, ,JI STE PHYOGS GNYIS PA LTA BU YIN NA NI DE'I TSE MING LA BRTZAD PA YOD DO SNYAM PA'I BSAM PAS PHA ROL POS JI STE ZHES BYA BA SMOS TE, GAL TE TSAD MAS DPYAD NA RTEN CING 'BREL BAR 'BYUNG BA YIN PA 'DI DAG KYANG RANG GI NGO BO GRUB PAR GYUR NA NI DE'I TSE DE LA KUN RDZOB KYI SGRAR BRJOD PAR BYED NA MING LA BRTZAD PAR 'GYUR RO, ,GANG GI TSE GCIG PA NYID DANG DU MA NYID LA SOGS PAS DBYAD NA 'DI DAG GI RANG BZHIN MI GNAS PA DE'I TSE DE LTA BU LA KUN RDZOB KYI SGRAR BRJOD NA NI GNAS KHO NA YIN PAS JI LTAR MING LA SOGS PAR 'GYUR, MTHONG BA NI MIG GI RNAM PAR SHES PA LA SOGS PAS NYAMS SU MYONG BA'I PHYIR RO, ,'DOD PA NI JI LTAR NYAMS SU MYONG BA BZHIN NGES PA'I PHYIR RO, ,GANG DAG LA MA BRTAGS GCIG PUN DGA' BA YOD PA DE DAG LA DE SKAD CES BYA STE, MA BRTAGS PA NYID CE NA DGA'O ZHES BYA BA'I THA TSIG GO, ,YANG DAG PA'I KUN RDZOB CES BYA BA NI JI LTAR GRAGS PA BZHIN NYE BAR BRTAGS PA'I PHYIR RO, ,GRAGS PA LAS 'DAS TE RTOGS PA DPER NA DBANG PHYUG LA SOGS PAR RTOGS PA GANG YIN PA DE NI LOG PA'I KUN RDZOB @115B YIN NO, ,JI SKAD DU RTEN CING 'BREL BAR GANG 'BYUNG BA ZHES BYA BA NI 'DI LA SNGON GYI SLOB DPON RNAMS 'DRA BAR BYED PA STE, 'DI NI 'PHAGS PA KLU SGRUB KYI ZHAL SNGA NAS KYIS DBU MA'I BSTAN BCOS LAS GSUNGS SO, ,RTEN CING 'BREL BAR 'BYUNG BA'I DNGOS PO RNAMS KHO NA DON DAM PA'I RANG BZHIN DANG BRAL BA'I PHYIR STONG PA ZHES BYA'I RI BONG GI RVA DANG 'DRA BA'I BDAG NYID KYI PHYIR NI MA YIN NO, ,DES NA MTHONG BA LA SOGS PA DANG MI 'GAL LO, ,DE NI RGYUR BYAS GDAGS PA STE, ,ZHES BYA BA NI KUN RDZOB DE NYID CES BYA BA'I THA TSIG STE, RGYUR BYAS PA DANG GDAGS PA'I SGRA NI KUN RDZOB KYI RNAM GRANGS YIN PA'I PHYIR RO, ,'DI NI 'DIR KHUNGS YIN NO, ,DE NYID DBU MA'I LAM YIN NO ZHES BYA BA NI SGRO 'DOGS PA DANG SKUR PA 'DEBS PA'I MTHA' GNYIS SPANGS PA'I PHYIR, DE NYID DE DANG DE LAS DBU MA'I LAM DU GSUNGS SO ZHES BYA BA'I THA TSIG GO, ,'O NA GAL TE RTEN CING 'BREL PAR 'BYUNG BA'I DNGOS PO DAG KHO NA BRTAG MI BZOD PA'I PHYIR KUN RDZOB KYI SGRAR BRJOD NA, 'PHAGS PA BLO GROS MI ZAD PA'I MDO LAS, KUN RDZOB SGRA'I THA SNYAD KYI BDAG NYID YIN PAR JI LTAR GSUNGS SNYAM DU SEMS PA LA, 'PHAGS PA BLO GROS MI ZAD PAS BSTAN PA'I MDO LAS ZHES BYA BA LA SOGS PA SMOS SO, ,'DIS NI MDO DE DANG DE DAG LAS SGRA'I THA SNYAD KYI BDAG NYID KYANG KUN RDZOB YIN PAR BSTAN DU ZIN KYANG, KHO BO CAG GIS YANG DAG PA'I KUN RDZOB TU BRJOD PA GANG YIN PA DE YANG DER 'JIG RTEN GYI THA SNYAD JI SNYED PA ZHES BYA BA 'DIS BSTAN PA KHO NA YIN TE, KHO BO CAG SGRA'I THA SNYAD KYI BDAG NYID KYANG MI 'DOD PA NI MA YIN TE, DE YANG LOG PA'I KUN RDZOB YIN NO ZHES DE STON PAR BYED DO, ,MYONG BAR BYA BA DANG MYONG BA'I NGO BO ZHES BYA BA NI SHES BYA DANG SHES PA'I BDAG NYID DO, ,DE CI LTAR THA SNYAD KYI SGRAS BRJOD PAR NUS SNYAM PA LA, BYED PA'I SGRUB PA YONGS SU GZUNG BA'I PHYIR RO ZHES BYA BA SMOS TE, SHES BYA DANG SHES BYA'I BDAG NYID KYIS SGRO 'DOGS PAR BYED PA THA SNYAD DO, ,'DI NI SHES PA'O, ,'DI NI SHES BYA'O ZHES BYA BA SGRA'I THA SNYAD KYI GZHI YIN PA'I PHYIR BYED PA NYID YIN NO, ,DE'I RJES SU 'BREL PA'I PHYIR ZHES BYA BA NI JI SNYED PA ZHES BYA BA DE'O,,[?] @116A *, ,'DIR KYANG GI DON YANG BLTA BAR BYA'O, ,DES NA DON NI YI GE'I SGRA DANG BRDA BSTAN PA JI SNYED PA YOD PA DE THAMS CAD KYANG KUN RDZOB KYI BDEN PA YIN NO ZHES BYA BA 'DIS YIN NO, ,DE'I PHYIR, LUNG LAS 'BYUNG BA DANG 'JIG RTEN PA'I YI GE BSTAN PA YANG BSDU'O, ,DE LTA MA YIN NA 'GA' ZHIG 'PHAGS PA MA YIN PAS BSTAN PA KHO NA KUN RDZOB YIN GYI, 'PHAGS PA RNAMS KYIS BSTAN PA NI MA YIN NO, ,DE DAG NI PHYIN CI MA LOG PA DE BZHIN DU GSUNGS PA'I PHYIR RO SNYAM DU 'KHRUL PAR 'GYUR RO, ,DE NI ZHES BYA BA NI RNAM PA GNYIS KA YANG DAG GI DANG YID KYI BYE BRAG GIS RNAM PA GNYIS SU DBYE STE, NANG GI BRJOD PA'I RNAM PA NI YID KYI'O, ,PHYI ROL GYI BRJOD PA'I NGO BO NI NGAG GI'O, ,JI LTAR NA YID KYI BSHAD PA YIN SNYAM PA LA, DPER NA BRGYA BYIN ZHES BYA BA LA SOGS PA SMOS SO, ,YANG CI'I PHYIR 'JIG RTEN GYI THA SNYAD YI GE DANG SKAD BSTAN PA JI SNYED PA'I BDAG NYID CES BYA BA KHO NAR TSIG GCIG TU MI SHES SNYAM PA LA, DE BAS NA SPROS PA'I TSOGS ZHES BYA BA LA SOGS PA SMOS TE, SPROS PA PHYIN CI LOG GI BDAG NYID THAMS CAD KYI TSOGS NI PHUNG PO'O, ,DE DANG BRAL BA NI DON DAM PA'I BDEN PA GANG YIN PA STE DE BSTAN PA'O, ,SEMS RGYU BA YANG MED CES BYA BA NI NYAMS SU MYONG BA'I RGYU BA YANG MED PAR STON PA'O, ,GAL TE MNGON PAR BRJOD PA'I MTSAN NYID KHO NA KUN RDZOB KYI BDEN PA YIN NA DE'I TSE GANG LA YI GE'I RGYU BA YANG MED PA ZHES BRJOD PAR BYA BAR 'GYUR RO, ,DE LTA NA NI JI SKAD DU BSHAD PA'I RIM PA DANG MI 'GAL BA DON DAM PA'I BDEN PA KUN RDZOB LAS BZLOG PA YIN PAR BSTAN PAR 'GYUR RO, ,GAL TE RNAM PAR RTOG PA'I RGYU BA BZLOG PA'I PHYIR SEMS KYI ZHES BYA BA BSHAD DO ZHE NA, MA YIN TE RNAM PAR RTOG PA'I RGYU BA YANG MED PA ZHES DE SKAD KHO NA MNGON PAR BRJOD PAR BYA BAR 'GYUR TE, DE LTA NA NI JI LTAR BRJOD PAR BZHED PA'I DON BSTAN PAR MDZAD PAR 'GYUR RO, ,RNAM PAR RTOG PA DANG MNGON PAR BRJOD PA GNYIS KYANG YUL GCIG PA YIN PA'I PHYIR YI GE RNAMS LTA CI SMOS ZHES BYA BA LA DOR BA'I TSIG CI'I PHYIR MDZAD PAR 'GYUR, ,DE LTA BAS NA NYAMS SU MYONG BA'I MTSAN NYID SEMS RGYU BA YANG MED PA YIN PA @116B DANG; MNGON PAR BRJOD PA PHYI MA 'BREL BAR 'GYUR RO, ,KUN RDZOB 'DI NI RGYU MED PAR MI RUNG STE ZHES BYA BA LA SOGS PAS NI DAM BCAS PA LA RJES SU DPAG PA'I GNOD PA YOD PAR DOGS PA STE, 'DI LTAR GANG DANG GANG DU KUN RDZOB YIN PA DE DANG DE NI RGYU DANG BCAS PA YIN TE, DPER NA SHING RTA DANG SEMS CAN LA SOGS PA BTAGS PA LTA BU YIN NO, ,'DI NI KUN RDZOB YIN PAS RANG BZHIN GYI GTAN TSIGS YIN NO, ,RGYU MED PA NYID GCIG YIN NA NI RTAG TU YOD PA LA SOGS PAR THAL BAR 'GYUR TE, GNOD PA CAN GYI TSAD MA YIN NO, ,DES NA RGYU GANG YIN PA DE NI DON DAM PA'I DNGOS PO GRUB PA YIN NO SNYAM DU BSAMS PA'O, ,GANG DAG LA YAN LAG 'KHOR LO LA SOGS PA'I TSOGS YOD PA DE LA DE SKAD CES BYA'O, ,GANG LAS YAN LAG GI TSOGS LAS ZHES 'BYUNG BA DER NI BRTEN NAS ZHES BYA BA DE LA LTOS PA'I PHYIR TE, NAS BYA BA MI MNGON PAR BYAS NA RNAM PAR DBYE BA LNGA PA YIN NO, ,GANG GI TSE YAN LAG GI TSOGS RNAMS LA ZHES 'BYUNG BA DE'I TSE YANG 'OG NAS 'BYUNG BA RGYUR BYAS ZHES BYA BA DE LA LTOS NA LAS KYI RNAM PAR DBYE BA YIN NO, ,DE LA GAL TE SPYIR RGYU DANG BCAS PA TZAM DU SGRUB PAR BYED NA NI DE'I TSE GRUB PA SGRUB PA YIN TE, KUN RDZOB PA'I RGYU SNGA MA SNGA MA THOG MA MED PAR 'DOD PA'I PHYIR RO, ,JI STE DON DAM PA'I RGYU ZHIG SGRUB PAR BYED NA NI DE'I TSE DPE BSGRUB PAR BYA BA'I CHOS MA TSANG BA'I PHYIR RJES SU 'GRO BA MA GRUB PAS MA NGES PA NYID YIN NO ZHES STON PAR BYED DO, ,BRTAGS PA MA BYAS ZHES BYA BA LA SOGS PA LA DE 'DRA ZHES BYA BA NI KUN RDZOB PA KHO NA'O, 'DI YI ZHES BYA BA NI KUN RDZOB PA'I 'O, ,BRJOD PA'I TSUL GYIS ZHES BYA BA NI GCIG DANG DU MA'I RANG BZHIN STONG PA NYID DU BSTAN PAS SO, ,BLO GROS DANG LDAN PA ZHES BYA BA NI BOD PA'O, ,SHING RTA LA SOGS PA YANG ZHES BYA BA LA SOGS PAS NI DPE BSGRUB PAR BYA BAS STONG PA NYID DU STON PAR BYED DO, , CHOS NYID 'DI LAS ZHES BYA BA NI KUN RDZOB KYI MTSAN NYID KYI RGYU'I CHOS NYID LAS TE, DE'I RGYU RDUL PHRA RAB LA SOGS PA SNGAR DPYAD ZIN PA'I PHYIR RO, ,RTEN CING 'BREL PAR 'BYUNG BA NI MA BRTAGS NA NYAMS DGA' BAR 'DOD PA KHO NA YIN GYI, DON DAM PAR NI MA YIN TE, DON DAM PAR NI DE @117A *, ,BZHIN NYID YOD PA DANG MED PA LAS RNAM PAR 'DAS PA KHO NA YIN NO ZHES SLOB DPON GYI TSIG GIS BSTAN PA'I PHYIR 'DIR YANG GSUNGS PA ZHES BYA BA SMOS TE, 'DI NI 'PHAGS PA KLU SGRUB KYI ZHAL SNGA NAS KYIS THA SNYAD GRUB PA LAS BSTAN TO, ,DE LAS NI SNGAGS DANG SMAN DANG SGYU MA'I DPES CHOS THAMS CAD RTEN CING 'BREL BAR 'BYUNG BA NYID KYI GTAN TSIGS KYIS DON DAM PAR YOD PA DANG MED PA NYID LAS YANG DAG PAR 'DAS PAR SGRUB PAR BYED DO, ,'DI LTAR SNGAGS NI YI GE RE RE 'AM 'DUS PA ZHIG YIN PAR 'GYUR GRANG NA, RE ZHIG RE RE NI MA YIN TE, YI GE GCIG BRJOD PA KHO NAS 'BRAS BU 'BYUNG BAR THAL BAR 'GYUR RO, ,GANG YANG AA ZHES BYA BA LA SOGS PA YI GE GCIG PA'I SNGAGS 'BYUNG BA DE YANG YI GE RNAMS NI CHA SHAS DANG BCAS PA YIN PA'I PHYIR YANG DAG PAR NA GCIG PAR MI RUNG BA NYID DE DE LTA BAS NA, YI GE GCIG SNGAGS GANG YANG MED DE, YI GE RE RE'I SNGAGS MED DO ZHES BYA BA'I THA TSIG GO, ,YI GE MANG PO GZHAN YANG MED CES BYA BA NI YI GE 'DUS PA RNAMS KYANG SNGAGS MA YIN PA STE, YI GE RNAMS NI RIM GYIS 'BYUNG BA CAN YIN PAS TSOGS PA MED PA'I PHYIR RO, ,'O NA 'GAGS PA RNAMS TSOGS PAR 'GYUR RO SNYAM PA LA, YI GE 'GAGS PA RNAMS MIN LA ZHES BYA BA SMOS TE, 'GAGS PA ZHES BYA BA NI RANG GI NGO BO LAS NYAMS PA ZHES BYA'O, ,GANG DAG RANG GI NGO BO LAS NYAMS PA DE DAG NI BDAG NYID MED PA YIN NA GANG DAG RANG GI BDAG NYID MED PA DE DAG JI LTAR BSAGS PAR 'GYUR, DE LTA BAS NA RE ZHIG SNGAGS YOD PA NYID BSTZAL BA YIN NO, ,'O NA NI SHUGS KYIS MED PA NYID DU 'GYUR TE, DE'I PHYIR RTOG PA DANG LDAN PA RNAMS SNGAGS GRUB PAR BYA BA'I PHYIR 'BAD PA DON MED PA KHO NA'O SNYAM PA LA BRTEN NAS DE NI MED PA'ANG MIN ZHES BYA BA SMOS TE, RKAN LA SOGS PA'I BYED PA LAS YI GE RNAMS 'BYUNG BA YANG MTHONG LA DE LAS KYANG DUG SEL BA LA SOGS PA'I 'BRAS BU 'BYUNG BA YANG MTHONG NA, JI LTAR GCIG TU MED PA NYID DU 'GYUR, 'DIS NI SNGAGS KYI DPE BSGRUB PAR BYA BA MA TSANG BA NYID YONGS SU SPANGS SO, ,SMAN GYI DPE'I YANG YONGS SU SPANG BA'I PHYIR, DE BZHIN RANG GI YAN LAG LAS, ,ZHES BYA BA LA SOGS PA @117B SMOS SO, ,GAL TE ZVA RGOD DANG GLA SGANG LA SOGS PA RANG GI YAN LAG RNAMS LAS SMAN THA DAD PA ZHIG YIN NA NI DE'I TSE DMIGS PA'I RIG BYAR GYUR PA'I PHYIR, LOGS SHIG NA DMIGS PAR 'GYUR RO, ,JI STE DMIGS PA'I RIG BYAR GYUR PA MA YIN NA NI DE'I TSE YAN LAG RGYUR BYED PA DON MED PA KHO NAR 'GYUR RO, ,JI STE YAN LAG 'DUS PA TZAM SMAN YIN NO SNYAM NA DE YANG RIGS PA MA YIN TE, DE'I YAN LAG RNAMS KYANG 'DUS PA TZAM GYI RANG BZHIN YIN PAS RANG GI NGO BO MA GRUB PA'I PHYIR RO, ,RANG GI NGO BO MA GRUB PA RNAMS KYANG JI LTAR 'DUS PAR 'GRUB PAR 'GYUR, SGYU MA'I DPE LAS YANG BSGRUB PAR BYA BA'I PHYIR, SGYU MA'I GLANG PO DE YANG SNANG ZHES BYA BA LA SOGS PA SMOS SO, ,'DI LTAR SGYU MA'I GLANG PO CHE DE NI 'JIM PA'I DUM BU LA SOGS PA LAS THA DAD PA'AM THA DAD PA MA YIN PA ZHIG TU 'GYUR GRANG NA, RE ZHIG THA DAD PAR NI MA YIN TE, 'DI LTAR SGYU MA MKHAN DANG SGYU MA'I RGYU DE DAG LAS GUD NA MI SNANG BA'I PHYIR RO ZHES KHONG NAS 'BYUNG NGO, ,YANG NA DE DAG LAS ZHES BYA BA NI SNGAGS DANG SMAN DAG LAS TE, GANG GIS NI DE DAG LAS THA DAD PAR 'GYUR BA 'JIM PA'I DUM BU LA SOGS PA DAG LAS LOGS SHIG TU NI SGYU MA'I GLANG PO CHE YANG DAG PAR MI DMIGS SO, ,THA DAD PA MA YIN PA YANG MA YIN NO SNYAM PA LA, GZHAN MIN MIN ZHES BYA BA SMOS TE, RIGS PA ZHES BYA BA LHAG MA YIN NO, ,GZHAN NI THA DAD PA ZHES BYA'O, ,GZHAN MA YIN PA NI THA DAD PA MA YIN PA ZHES BYA BA'I THA TSIG STE, DE LTA BU KHO NAR MIG MA 'KHRUL PA CAN RNAMS KYIS MI MTHONG BA'I PHYIR THA DAD PA MA YIN PA'ANG MA YIN NO ZHES BYA BA'I THA TSIG GO, ,'O NA NI DE MED PA KHO NA YIN NO SNYAM PA LA, RTEN CING 'BREL PAR 'BYUNG BA DE ZHES BYA BA LA SOGS PA SMOS SO, ,DE ZHES BYA BA NI SGYU MA'I GLANG PO CHE STE, RTEN CING 'BREL PAR 'BYUNG BA YIN PA'I PHYIR MED DO ZHES BRJOD PAR YANG MI NUS LA, DE NYID DANG GZHAN DU BRJOD PAR BYA BA MA YIN PA'I PHYIR YOD DO ZHES BRJOD PAR YANG MI NUS PAS DE'I PHYIR DPE GRUB PA YIN NO, ,PHYOGS KYI CHOS BSDU BA'I PHYIR DE LA DMIGS PAR BYED PA YIN ZHES BYA BA LA SOGS PA SMOS TE, GANG LA GZUGS KYI SKYE MCHED DE LA DMIGS PA'I NGANG TSUL YOD PA DE LA DE SKAD @118A *, ,CES BYA'O, ,MIG GI ZHES BYA BA NI MJUG LNGA PA CAN YIN TE, MIG NAS 'BYUNG NGO ZHES BYA BA'I THA TSIG GO, ,YANG NA 'DI NI MJUG DRUG PA CAN YIN TE, MIG DANG 'BREL PA CAN GYI MIG GI RNAM PAR SHES PA ZHES BYA BA'I THA TSIG STE, SRID PA LAS 'BYUNG NGO ZHES 'OG NAS 'BYUNG BA DANG SBYAR BAR BYA'O, ,LAS KYI BAG CHAGS 'BRAS BU 'BYIN PA LA MNGON DU PHYOGS PAR GYUR PA NI SRID PA'O, ,LAS DANG NYON MONGS DBANG 'PHANGS PA, ,ZHES BYA BA NI CHOD PA'I LAS KYI DBANG GIS 'JUG PA'I PHYIR RO, ,LEN BCAS PA NI ZAG PA DANG BCAS PA STE, SRID PA LAS DE LTA BU'I NGO BO BYUNG BA ZHES BYA BAR SBYAR RO, ,DE BZHIN DU ZHES BYA BA NI LAS DANG NYON MONGS PA'I DBANG GIS 'PHANGS PA NYE BAR LEN PA DANG BCAS PA BZHIN DU'O, ,SRID PA'I YAN LAG KUN ZHES BYA BA NI MA RIG PA LA SOGS PA RNAMS SO, ,DE LA SBYOR BA NI 'DI LTAR BYA STE, GANG DANG GANG DAG RTEN CING 'BREL BAR 'BYUNG BA DE DAG NI DON DAM PAR YOD PA DANG MED PA NYID KYI THA SNYAD KYI LAM LAS 'DAS PA'I YUL YIN TE, DPER NA SNGAGS LA SOGS PA LTA BU'O, ,RNAM PAR SHES PA LA SOGS PA 'DI DAG KYANG DE DANG 'DRA BAS NA RANG BZHIN GYI GTAN TSIGS SO, ,GAL TE DE LTA NA JI LTAR BCOM LDAN 'DAS KYIS 'DU BYED RNAMS NI RTAG PA MED CES BYA BA LA SOGS PAS DNGOS PO RNAMS SKYE BA LA SOGS PAR BSTAN SNYAM PA LA, 'DI LTAR 'GOG PA LA SOGS PA'I ZHES BYA BA LA SOGS PA SMOS TE, GANG GI PHYIR DGONGS NAS BSTAN PA DE'I PHYIR 'GAL BA MED DO ZHES BYA BA LHAG MA YIN NO, ,DGONGS PA NI SKYE BA LA SOGS PA JI LTAR SNANG BA KHO NA BZHIN YOD PA'I PHYIR DE LAS DGONGS NAS, BDAG MED PA LA 'JUG PAR BYA BA'I PHYIR SKYE BA LA SOGS PA BSTAN TO SNYAM PA YIN NO, ,JI LTAR SMAN YANG SMAN MIN PA, ,ZHES BYA BA LA SOGS PAS NI JI SKAD BSHAD PA'I DON GYI MJUG SDUD DO, ,GNYIS KA ZHES BYA BA NI RGYU DANG 'BRAS BU'O, ,CHOS THAMS CAD RANG BZHIN MED PA NYID DU ZIN NA ZHES BYA BA LA SOGS PAS NI SBYOR BA'I GZHI NYID LA DAM BCAS PA DANG LUNG DANG 'GAL BAR STON PAR BYED DE, 'DI LTAR GRUB PA'I MTHA' LAS NI MTHONG BA DANG THOS PA @118B DANG; BYE BRAG PHYED PA DANG, RNAM PAR SHES PA'I DON RNAMS LA DE BZHIN DU SMRA BA GANG YIN PA 'DI NI 'PHAGS PA RNAMS KYI THA SNYAD YIN LA, BZLOG STE SMRA BA NI 'PHAGS PA MA YIN PA RNAMS KYI THA SNYAD YIN NO ZHES BSTAN NA DE YANG MTHONG BA LA SOGS PA'I DON MED PA'I PHYIR RIGS PA MA YIN NO, , NAM MKHA'I ME TOG NI NAM MKHA'I PADMO'O, ,DA DANG MTSUNGS PA NI 'DRA BA'O, ,KLAN KA 'DI NI SNYING PO YOD PA MA YIN TE ZHES BYA BA LA SOGS PAS NI LAN 'DEBS SO, ,DE LA BSDUS PA'I DON NI PHA ROL PO DAG GIS JI LTAR SNANG BA LAS 'DAS PAR RIGS PA KHO NAS DNGOS PO RNAMS KYI RANG BZHIN YOD DO ZHES SGRO 'DOGS PAR BYED PA DE KHO NA 'GOG PAR BYED KYI, SNGON PO LA SOGS PA SNANG BA MA BRTAGS GCIG PU NA NYAMS DGA' BA LA SOGS PA 'GOG PA NI MA YIN NO, ,DON DAM PAR NI DPYAD NA YOD PA 'GA' YANG MA GRUB PA'I PHYIR YOD PAR YANG KHAS MI LEN LA MED PAR YANG KHAS MI LEN TE; MED PA NI DNGOS PO LDOG PA'I MTSAN NYID YIN PA'I PHYIR YOD PA MA GRUB NA YOD PA SNGON DU 'GRO BA CAN GYI MED PA YANG MA GRUB PA'I PHYIR RO, ,DE'I PHYIR GCIG TU YOD PA DANG MED PA'I PHYOGS LA YOD PA'I NYES PAS KHO BO CAG LA MI DGOS SO ZHES BYA BA'I THA TSIG GO, ,MYONG BA ZHES BYA BA NI SNGON PO LA SOGS PA MYONG BA'O, ,'O NA GANG ZHIG 'GOG PAR BYED SNYAM PA LA, 'BRAS BU YANG DAG PAR YOD PA DANG MED PA DANG ZHES BYA BA LA SOGS PA SMOS TE, 'BRAS BU YOD PAR SMRA BA NI SER SKYA BA RNAMS SO, ,'BRAS BU MED PAR SMRA BA NI BYE BRAG PA LA SOGS PA'O, ,GNYI GAR SMRA BA NI 'TSO BA PA LA SOGS PA'O, ,YOD PA DANG MED PA ZHES BYA BA LA SOGS PA RNAM PAR 'BYED PA NI 'PHAGS PA LHA'I TSIGS SU BCAD PA 'DI DANG SBYAR BA DE'I PHYIR ZHES BYA BA SMOS TE, 'DI NI ZHES BYA BA NI PHYOGS DANG SBYAR RO, ,DE'I PHYIR YANG DAG NYID DU NA ZHES BYA BA LA SOGS PA TSIGS SU BCAD PA 'DI NI SLOB DPON BDAG NYID KYI YIN NO, ,'DIS NI TSAD MA'I 'BRAS BU LUNG GI DON DANG SBYAR BA'AM, LUNG GI DON TSAD MA'I 'BRAS BU DANG SBYOR BAR BYED DO, ,'DIR YANG GANG GI PHYIR ZHES BYA BA LA LTOS PAR BYA STE, DES NA DON NI GANG GI PHYIR DNGOS PO 'GA' YANG YANG DAG PAR BSGRUB PA, MED PA DE'I @119A *, ,PHYIR CHOS THAMS CAD MA SKYES PA'O ZHES BYA, SANGS RGYAS BCOM LDAN 'DAS KYIS GSUNGS SO ZHES BYA BA 'DI YIN NO, ,GZHAN YANG ZHES BYA BA NI RGA BA LA SOGS PA'O, ,DE LA BRTEN PA ZHES BYA BA NI SKYE BA LA BRTEN PA'O, ,'BYUNG BA MED PA ZHES BYA BA NI GANG DAG LA 'BYUNG BA MED PA YOD PA DE DAG LA DE SKAD CES BYA BA'O, ,RANG BZHIN YOD PA MA YIN TE ZHES BYA BA NI GCIG PA NYID LA SOGS PAS DPYAD NA DON DAM PAR GANG LA RANG BZHIN YOD PA MA YIN NO ZHES BYA BA'I THA TSIG GO, ,RANG BZHIN MED PAS GZHAN RKYEN JI LTAR 'GYUR ZHES BYA BA NI RI BONG GI RVA LA SOGS PA BZHIN DU RTAG TU RANG BZHIN MED PA'I PHYIR GZHAN GYI RKYEN DU RIGS PA MA YIN NO, ,RANG BZHIN MED PAS GZHAN GYIS JI LTAR BSKYED CES BYA BA NI RKYEN GZHAN YANG DE'I 'BRAS BU RTAG TU MED PA'I PHYIR RI BONG GI RVA LA SOGS PA LTA BU KHO NA YIN NA RANG BZHIN YOD PA MA YIN PA JI LTAR BSKYED CES BYA BA'I THA TSIG GO, ,'DI ZHES BYA BA NI DON DAM PAR SKYED PA PO MA YIN PA NYID DO, ,YANG NA RGYU ZHES BYA BA'I SGRAS NI RTEN CING 'BREL PAR 'BYUNG BA MTSON PAR BYED DO, ,DES NA RTEN CING 'BREL PAR 'BYUNG BA DON DAM PAR SKYE BA MED PA'I MTSAN NYID CAN 'DI BDE BAR GSHEGS PAS BSTAN TO ZHES BYA BA'I THA TSIG GO; ,RTEN CING 'BREL PAR 'BYUNG BA LA 'JUG PAS ZHES BYA BA NI MA RIG PA LA SOGS PA'I RANG BZHIN DPYAD PAS ZHES BYA BA'I THA TSIG GO, ,CHOS KYI DBYINGS ZHES BYA BA NI CHOS THAMS CAD KYI RANG BZHIN SKYE BA MED PA'I MTSAN NYID DO, ,MING MA MCHIS PA ZHES BYA BA NI SGRA'I SPYOD YUL MA YIN PA'O, ,MTSAN NYID MA MCHIS PA ZHES BYA BA NI SKYE BA LA SOGS PA'I MTSAN NYID DANG BRAL BA'O, ,MTSAN MA MA MCHIS PA ZHES BYA BA NI 'DU SHES KYI YUL SNGON PO LA SOGS PA'I MTSAN MA MED PA'I PHYIR RO, ,GDAGS SU MA MCHIS PA ZHES BYA BA NI RNAM PAR RTOG PA'I YUL MA YIN PA'I PHYIR RO, ,'O NA JI LTAR DE DAG BSTAN SNYAM PA LA, GZHAN DU MA LAGS KYI ZHES BYA BA LA SOGS PA SMOS TE, SEMS CAN RNAMS GZUNG BA'I DON DU MING LA SOGS PA TZAM GYIS STON PAR ZAD KYI GZHAN DU NI MA YIN NO ZHES BYA BAR SBYAR TE, 'DIR YANG BSTAN PA ZHES BYA BA KHONG NAS 'BYUNG NGO, ,MING TZAM ZHES BYA BA LA SOGS PA'I TSIG @119B RNAMS NI TSIG GNYIS GNYIS SHING TSIG SNGA MA SNGA MA'I BSHAD PA PHYI MA PHYI MA YIN NO, ,KUN RDZOB NI 'DIR KUN RDZOB KYI SHES PA LA SNANG BA'I NGANG CAN GYI NGO BO YIN PAR DGONGS SO, ,'DIS MNGON PAR RJOD PAR BYED PAS NA BRJOD PA STE RNAM PAR RTOG PA ZHES BYA'O, ,YANG NA 'DI DAG THAMS CAD NI RNAM GRANGS YIN NO, ,YANG NA DANG PO'I BSHAD PA LHAG MA YIN NO, ,MA RIG PA DUS GSUM DU MED DU ZIN KYANG CI'I PHYIR GDAGS PA'I YUL MA YIN SNYAM PA LA, MA RIG PA DE NI ZHES BYA BA SMOS SO, ,'O NA NI THAMS CAD MING TZAM DU YOD PAR KHAS BLANGS PA'I PHYIR MING TZAM BDEN PAR YOD DO SNYAM PA LA, BCOM LDAN 'DAS GANG MING TZAM ZHES BYA BA SMOS SO, ,DE LTAR BYAS NA ZHES BYA BA NI MA RIG PA LA SOGS PA DUS GSUM DU YANG MED PA'I PHYIR RO, ,YANG DE NYID LAS ZHES BYA BA NI YAB DANG SRAS MJAL BA'I MDO LAS SO, ,GAL TE SKYE BA LA SOGS PA KUN TU BRTAGS PA'I NGO BO YIN PA'I PHYIR DNGOS PO RNAMS KYI SKYE BA LA SOGS PA KHAS MI LEN NA, 'O NA JI LTAR BCOM LDAN 'DAS KYIS SKYE BA MED PA NI BDEN NO ZHES BYA BA LA SOGS PAS SKYE BA MED PA LA SOGS PA BDEN PA NYID DU GSUNGS SNYAM PA LA, SKYE BA MED PA LA SOGS PA YANG ZHES BYA BA SMOS SO, ,DE ZHES BYA BA NI DON DAM PA'O, ,SKYE BA MED PA LA SOGS PAR RNAM PAR RTOG PA DANG, RNAM PAR RTOG PAS DNGOS PO RNAMS KYI NGO BO RNAM PAR GZHAG PA NI SKYE BA MED PA LA SOGS PA'O, ,STZOGS PA'I SGRAS NI 'GOG PA DANG ZHI BA LA SOGS PA BSDU'O, ,YANG DE MED PAR DON DAM PA LA 'DZEG MI NUS SAM ZHE NA, GANG GI PHYIR DE LTA BU'I NGO BO BSTAN PA'I PHYIR DE SKAD CES BYA SNYAM PA LA, YANG DAG KUN RDZOB RNAMS KYI SKAS, ,ZHES BYA BA LA SOGS PA SMOS SO, ,YANG DAG PA NYID KHANG PA YIN NO, ,DE'I STENG NI RAB KYI MTHA' STE DER 'GRO BAR ZHES BSDU'O, ,YANG DAG KUN RDZOB NYID THEM SKAS BZHIN DU SKAS YIN TE, GOM PA'I RTEN ZHES BYA BA'I THA TSIG GO, ,'DI NI SLOB DPON SNANG BRAL GYIS DBU MA'I SNYING PO LAS GSUNGS PA YIN NO, ,DES NA GANG LA LA GAL TE TSUL GSUM PA'I RTAGS KYIS BSKYED PA'I BLO DON DAM PA'I SGRAR BRJOD NA NI DE'I TSE DE YANG KUN RDZOB KYI NGO BO YIN PA'I PHYIR JI LTAR NA DON DAM PA NYID YIN, GAL TE YANG DE'I DBANG GIS DNGOS PO RNAMS RANG BZHIN MED PA NYID DU RNAM @120A *, ,PAR 'JOG NA DE YANG GANG GIS GZHAG PAR BYA, DE NYID KYIS GZHAN DU NI RIGS PA MA YIN TE, RANG GIS BDAG NYID LA BYED PA 'GAL BA'I PHYIR RO, ,TSAD MA GZHAN GYIS KYANG MA YIN TE, THUG PA MED PAR THAL BAR 'GYUR BA'I PHYIR RO, ,JI STE BLO DE GCIG PU MA GTOGS PAR 'JOG GO ZHE NA, 'O NA NI YUL THAMS CAD BDAG MED PAR MA BSGRUBS PAR 'GYUR RO ZHES RGOL BA GANG YIN PA DE YANG 'DI NYID KYIS LAN BTAB PA YIN TE, DE YANG DON DAM PA DANG MTHUN PA'I PHYIR DON DAM PA NYID YIN LA RANG BZHIN MED PA YANG DE NYID KYIS RNAM PAR 'JOG GO, ,RANG GIS BDAG NYID LA BYED PA 'GAL BA YANG MED DE, SPYI'I NGO BOR CHOS THAMS CAD RANG BZHIN MED PA NYID DU RNAM PAR 'JOG PA'I PHYIR LA, BLO'I RANG GI NGO BO YANG SPYI'I MTSAN NYID DER 'DUS PA'I PHYIR RO, ,DPER NA CHOS THAMS CAD LA YOD PA LA SOGS PA'I GTAN TSIGS RNAMS KYIS 'JIG PA NYID KYI RKYEN DU 'GYUR BA NA BDAG NYID SPANGS NAS MA YIN PA LTAR 'DIR YANG DE DANG 'DRA BAR KLAN KAR MI RUNG NGO, ,SKYE BA MED LA SOGS MI SRID, ,CES BYA BA NI DON DAM PAR SKYE BA MED PA LA SOGS PA'I SHES PA DANG, MNGON PAR BRJOD PA RNAMS 'JUG PA MI SRID DO ZHES BYA BA'I THA TSIG GO, ,CI'I PHYIR SNYAM PA LA, DE'I NGO BO DGAG PA'I PHYIR ZHES BYA BA LA SOGS PA THA MA SMOS TE, GANG GI PHYIR PHYIS BRJOD PAR BYA BA'I NGO BO DGAG PAR BYA BA LA DON DAM PAR DE BRJOD PA'I SGRA'I SBYOR BA MI SRID PA DE'I PHYIR SKYE BA MED PA LA SOGS PA MI SRID DO, ,'O NA MED PA 'BA' ZHIG SBYOR BAR 'GYUR RO SNYAM PA LA, YUL MED PA LA ZHES BYA BA LA SOGS PA SMOS SO, ,'DI SNYAM DU DON DAM PAR SKYE BA LA SOGS PA MED DU ZIN KYANG GZHAN GYI RJES SU SMRA BAS BLOS SKYE BA LA SOGS PA GZHAG STE, DE DAG BKAG PAS SKYE BA MED PA LA SOGS PA RNAM PAR 'JOG PAR 'GYUR RO SNYAM PA LA, RNAM PAR RTOG PA LA BRTEN NA YANG ZHES BYA BA LA SOGS PA SMOS TE, SKYE BA MED PA LA SOGS PA RNAM PAR RTOG PA LA BRTEN PA NYID DU KHAS LEN NA SKYE BA MED PA LA SOGS PA DE KUN RDZOB YIN GYI DON DAM PA NI MA YIN TE, RNAM PAR RTOG PA LA KUN RDZOB KYI NGO BO YIN PA'I PHYIR DANG, RNAM PAR RTOG PA'I SPYOD YUL YANG SGRO BTAGS PA'I NGO BO YIN PA'I PHYIR JI LTAR DON DAM PAR @120B 'GYUR;; ,,BAM PO BZHI PA STE THA MA'O, ,JI STE RANG GI MTSAN NYID NI ZHES BYA BA LA SOGS PAS NI, RNAM PAR RTOG LA BRTEN NA YANG, ,KUN RDZOB PAR 'GYUR YANG DAG MIN, ,ZHES BYA BA PHYOGS SNGA MA DANG BCAS TE RNAM PAR 'GREL PAR BYED DO, ,BAG CHAGS GANG LA THOG MA MED PA'I DUS YOD PA DE LAS BYUNG BA RNAM PAR RTOG PA GANG YIN PA DE LA SNANG BA'I NGANG TSUL CAN GYI DON GANG YIN PA ZHES TSIG RNAM PAR SBYAR RO, ,DE NYID BSTAN PAR BYA BA'I PHYIR CHOS CAN 'DI NYID LA GNAS NAS ZHES BYA BA LA SOGS PA SMOS SO, ,RNAM PAR RTOG PA LA SNANG BA'I NGANG CAN GYI DON BKAG NA THA SNYAD THAMS CAD CHAD PAR THAL BAR 'GYUR BA'I PHYIR RO, ,RNAM PAR RTOG PA YANG ZHES BYA BA LA SOGS PAS NI LAN BTAB BO, ,BSAM PA NI 'DI YIN TE, GAL TE RNAM PAR RTOG PA'I BLO LA SNANG BA'I NGANG CAN NYID SKYE BA MED PA LA SOGS PA YIN NA DE'I TSE SNANG BA DANG BLO THA MI DAD PA'I PHYIR DE YANG GONG DU RNAM PAR SHES PA'I RANG GI NGO BO DPYAD PAS BRDZUN PA NYID DU BSTAN PA'I PHYIR JI LTAR DON DAM PA NYID DU 'GYUR SNYAM PA YIN NO, ,BLO BDEN PA NYID DU CHUD KYANG DE LA SNANG BA'I NGANG CAN GYI NGO BO THAMS CAD BRDZUN PA YIN PA'I PHYIR SKYE BA MED PA LA SOGS PA BRDZUN PA NYID DO ZHES BSTAN PA'I PHYIR, GZHAN YANG DE LTA NA YANG ZHES BYA BA SMOS SO, ,GZHAN YANG ZHES BYA BA NI LAN GZHAN BRJOD PA'O, ,'DI SKAD GSUNGS TE ZHES BYA BA NI 'PHAGS PA KLU SGRUB KYI ZHAL SNGA NAS SO, ,RGYAL DPOG PA LA SOGS PA MED PA NI DNGOS PO GZHAN DU GYUR PA YIN NO ZHES ZER BA DE BSTAN PA'I PHYIR DE SKAD DU ZHES BYA BA SMOS TE; 'DI NI GZHON NU MA LEN GYIS BSHAD DO, ,DES NA MED PA RNAM PA BZHI DNGOS PO GZHAN DU GYUR BA KHO NA YIN PAR BRJOD DO, ,DE LA 'O MA LA SOGS PA'I MTSAN NYID YOD PA NYID ZHO LA SOGS PA 'BRAS BU'I MTSAN NYID SNGA NA MED PA ZHES BYA LA, ZHO LA SOGS PA 'BRAS BU YOD PA NYID KYANG 'O MA LA SOGS PA RGYU ZHIG NAS MED PA YIN NO, ,RI BONG GI MGO BO'I YAN LAG KHYAD PAR CAN NYID RI BONG GI RVA GTAN MED PA YIN NO, ,BA LANG LA SOGS PA LA RTA LA SOGS PA NGO BO MED PA NI GCIG LA GCIG MED PA ZHES ZER RO, ,DE BAS NA ZHES BYA BA NI MED PA NI YOD PA SNGON DU 'GRO BA CAN YIN PA'I PHYIR @121A *, ,YOD PA MED NA MED PA YANG MED PA LEGS PAR BSHAD PA YIN NO ZHES BYA BA'I THA TSIG GO, ,DE'I PHYIR DE GNYIS NI PHAN TSUN LTOS PAR RAB TU BRTAGS PA'I BDAG NYID DU GNAS PA'I PHYIR MED DO ZHES BRJOD PAR MI BYA'O, ,'DI SNYAM DU SKYE BA'I SNGON ROL NA YOD PA NYID DANG, MED PA NYID DAG MED DU ZIN KYANG SKYE BA DANG 'GAG PA DAG GI 'OG TU DNGOS PO YOD PA NYID DANG MED PA NYID RNAM PAR GZHAG PAR 'GYUR RO SNYAM PA LA, GANG LA CI YANG MI SKYE BA ZHES BYA BA LA SOGS PA SMOS TE, 'GRO BA GANG LA SNGAR DPYAD PA BZHIN NGO BO CI YANG SKYE BA MED CING 'GAG PA YANG MED PA DE LA YOD PA NYID DANG MED PA NYID MED DO ZHES BYA BAR MTHONG BA'I RNAL 'BYOR PA LA STE, NGES PA YIN NO ZHES BYA BA LHAG MA'O, ,'DI LA DON NI 'DI YIN TE ZHES BYA BA NI MDO GNYI GA'I 'O, ,DE LTA BAS NA BLO GROS BZANG POS GANG GSUNGS PA ZHES BYA BA NI 'PHAGS PA KLU SGRUB KYI ZHAL SNGA NAS SO; ,GANG DAG BDAG DNGOS GZHAN DNGOS DANG, ,ZHES BYA BA 'DIS NI BDAG TU RTOG PA STON PAR BYED DE, BDAG DANG GZHAN DU 'BYED PA NI BDAG TU 'DZIN PAS BYAS PA'I PHYIR RO, ,DNGOS DANG DNGOS PO MED CES BYA BA NI CHOS SU RNAM PAR RTOG PA STON PAR BYED PA YIN NO, ,YANG DAG MTHONG BA MA YIN NO, ,ZHES BYA BA NI LTA BA'I GNAS SU GYUR PA'I PHYIR RO, ,GANG GI TSE YANG DAG PA MTHONG BA DAG YIN SNYAM PA LA, GANG DAG BRTEN NAS DNGOS PO RNAMS, ,ZHES BYA BA LA SOGS PA SMOS SO, ,DE DAG LTAS MI 'PHROGS ZHES BYA BA NI SGRO 'DOGS PA DANG, SKUR PA 'DEBS PA'I MTHA' GNYIS SPANGS NAS DBU MA'I LAM DU ZHUGS PA'I PHYIR RO, ,DE NI ZHES BYA BA NI DNGOS PO'O, ,GA LA YOD CES BYA BA MED PA NYID DO ZHES BYA BA'I THA TSIG GO, ,STONG ZHES BYA BA DE YANG STONG, ,ZHES BYA BA NI STONG PA ZHES MNGON PAR BRJOD PA GANG YIN PA DE YANG STONG NGO ZHES BYA BA'I THA TSIG GO, ,'BYUNG BA ZHES BYA BA NI KUN TU SPYOD PA'O, ,'DI ZHES BYA BA NI DNGOS PO THAMS CAD LA KHYAB PA YIN GYI NYI TSE BA NI MA YIN NO, ,DE LA DON RNAMS THAMS CAD 'BYUNG, ,ZHES BYA BA NI 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD 'BYOR PAR 'GYUR RO ZHES BYA BA'I THA TSIG GO, ,DE LA TSIGS SU BCAD PA DANG PO NI SLOB DPON GYIS DBU MA'I BSTAN BCOS KYI RTZA BA LAS GSUNGS SO, ,GNYIS PA @121B NI RIGS PA DRUG CU PA LAS GSUNGS SO, ,GSUM PA DANG BZHI PA NI STONG PA NYID BDUN CU PA LAS GSUNGS SO, ,LNGA PA NI RTZOD PA BZLOG PA LAS GSUNGS SO, ,DE BAS NA ZHES BYA BA NI GANG GI PHYIR DNGOS PO'I YUL THAMS CAD STONG PA NYID DU TSAD MAS GRUB PA'O, ,SNGON MTHA' STONG ZHES BYA BA NI 'DAS PA'I DUS SU STONG PA STE, SNGON YANG DON DAM PAR MA SKYES PA KHO NA'O ZHES BYA BA'I THA TSIG GO, ,PHYI MA'I MTHA' YANG STONG ZHES BYA BA NI MA 'ONGS PA'I DUS SU STONG PA STE, DER YANG SKYE BAR MI 'GYUR RO ZHES BYA BA'I THA TSIG GO, ,SKYE DANG 'JIG DANG GNAS PA'I DNGOS PO STONG, ,ZHES BYA BA 'DIS NI DA LTAR BYUNG BA'I DUS SU YANG MTSAN NYID STONG PA NYID KYIS STONG PA NYID DU STON PAR BYED DO, ,CI'I PHYIR DUS GSUM CHAR DU YANG STONG SNYAM PA LA, 'DI NI DNGOS PO YOD MIN ZHES BYA BA LA SOGS PA SMOS SO, ,GANG GI PHYIR ZHES BYA BA'I SGRAS NI RIM PA GZHAN DU SBYAR BA YIN PA'I PHYIR GONG MA DANG SBYAR RO, ,DES NA DON NI GANG GI PHYIR DON DAM PAR DNGOS PO YOD PA YANG MA YIN LA MED PA YANG MA YIN PA DE'I PHYIR CHOS THAMS CAD RTAG TU NGO BO NYID KYIS STONG ZHES BYA BA 'DI YIN NO, ,'O NA DE NI RTOG GYUR PAS, ,ZHES BYA BA LA SOGS PAS NI DAM BCAS PA LA MNGON SUM LA SOGS PAS GNOD PA RJOD PAR BYED DE, 'DI LTAR DNGOS PO'I RANG BZHIN NYID SGRO BTAGS PA'I RNAM PA DANG BRAL BA'I PHYIR STONG PA NYID KYI SGRA BRJOD LA, DNGOS PO'I RANG BZHIN DE YANG MNGON SUM YIN PA'I PHYIR DE'I RANG BZHIN DU GYUR PA STONG PA NYID KYANG MNGON SUM KHO NAR KHAS BLANGS PA LA, STONG PA NYID NI BYIS PA RNAMS KYIS MNGON SUM DU MI RTOGS PAS MNGON SUM GYIS GNOD PA YIN NO, ,DMIGS PA'I RIG BYAR GYUR PA MI DMIGS PAS MED PAR THAL BAR THA SNYAD GDAGS SU RUNG BA'I PHYIR RJES SU DPAG PAS GNOD PA YANG YIN NO, ,MI MKHAS RNAMS ZHES BYA BA NI BYIS PA RNAMS SO, ,GAL TE MNGON SUM MA YIN PA'I PHYIR MI RTOGS SO SNYAM PA LA, MNGON SUM PHYIR ZHES BYA BA LA SOGS PA SMOS TE, GANG GI PHYIR STONG PA'I RANG GI NGO BO NYID DNGOS PO'I RANG BZHIN RTOGS PA YIN NA THA MI DAD PA'I PHYIR MNGON SUM KHO NA YIN GYI, MNGON SUM MA YIN PA NI MA YIN PA DE'I PHYIR CI'I PHYIR MI RTOGS, DE RTOGS NA ZHES BYA BA LA SOGS PAS NI LDOG PA'I SGO NAS RNAM PAR 'GREL TE, DE LTA NA NI GRUB PA DANG BDE BA THA DAD PA'I PHYIR THA MI DAD PA @122A *, ,NYID NYAMS PAR 'GYUR RO, ,DE'I PHYIR DNGOS PO STONG PA NYID DU MI 'GYUR TE, 'BREL PA MED PA'I PHYIR RO, ,STONG PA NYID DANG DE LAS BYUNG BA'I MTSAN NYID KYI 'BREL PA YANG MED DE, DE NI RTAG PA YIN PA'I PHYIR RO, ,DNGOS PO RNAMS KYI STONG PA NI SUS KYANG MI BYED DE, DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS NYID NI GNAS PA'I PHYIR DANG, DNGOS PO MED PA'I PHYIR DE NI 'BRAS BU MA YIN PAS 'BREL PA GA LA ZHIG YOD, DE NI SGRO BTAGS PA YANG YIN LA, JI SKAD SMOS PA YANG YIN PAS ZHES TSIG RNAM PAR SBYAR TE, DES NA SGRO BTAGS PA DNGOS PO LA SOGS PA'I RNAM PA YANG DAG PA GANG YIN PA DE DAG DANG BRAL BA ZHES BSDUS PA'I DON YIN NO, ,SO SO'I SKYE BO THA SHAL NI GNAG RDZI LA SOGS PA BSTAN BCOS KYIS BLO MA SBYANGS PA GANG DAG YIN PA'O, ,MA YIN THOG MED RGYUD LCI BAR, ,ZHES BYA BA LA SOGS PAS NI LAN 'DEBS TE, 'DIS NI DNGOS PO RNAMS KYI SGRO BTAGS PA'I RNAM PAS DBEN PA NYID STONG PA NYID CES BYA NA, STONG PA NYID SGRO BTAGS PA'I RNAM PAS BSGRIBS PA'I NGO BO YIN PA'I PHYIR DNGOS PO'I RANG BZHIN BZUNG BZHIN DU YANG BYIS PA RNAMS KYIS NGES PAR MI 'GYUR TE, DE'I PHYIR BZUNG MOD KYI, THA SNYAD GDAGS SU MI RUNG BA'I PHYIR MA BZUNG BA DANG 'DRA BA NYID PAS 'DI NI DMIGS PA'I RIG BYAR GYUR PA MA YIN NO, ,DE LTA BAS NA MNGON SUM LA SOGS PAS GNOD PA MA YIN NO ZHES BYA BA 'DI STON TO, ,DNGOS PO LA SOGS PAR SGRO BTAGS PA GANG LA THOG MA MED PA'I RGYUD YOD PA DE LA DE SKAD CES BYA'O, ,DE NI SPANG BAR DKA' BA'I PHYIR LCI BA YANG YIN LA, DNGOS POR SGRO 'DOGS PA THOG MA MED PA YANG YIN PAS ZHES TSIG RNAM PAR SBYAR RO, ,DES DBANG DU BYAS ZHES TSIG RNAM PAR SBYAR RO, ,MNGON SUM ZHES BYA BA NI MNGON SUM DU'O, ,DBANG PO LAS BYUNG BA'I PHYIR NA MNGON SUM STE SHES PA LA BYA'O, ,DNGOS PO LA MNGON PAR ZHEN PA GANG LA THOG MA MED PA'I SRID PA 'KHOR BAR 'BYUNG BA SKYE BA'I NGANG TSUL YOD PA DE NYID YANG DAG PA'I DON MTHONG BA LA MYOS PA'I RGYU YIN PA NYID KYIS DUG BZHIN DU DUG YIN TE, GANG DAG LA DES DKRUGS PA'I BLO YOD PA ZHES TSIG RNAM PAR SBYAR RO, ,GZHAN YANG 'DI NI NGO MTSAR MI CHE STE ZHES BYA BA LA SOGS PAS NI NYES PAR BSHAD PA'I GRUB PA'I MTHA' LA MNGON PAR ZHEN PAS KYANG @122B BLO GROS PHYIN CI LOG PA RNAMS NGES PAR MI BYED DO ZHES DPES STON PAR BYED DE, 'DI LTAR SER SKYA BA LA SOGS PA BA LANG NYID LA SOGS PA SPYI MI SNANG BA BZHIN DU RTOGS PAR BYED DE, DNGOS PO SNANG BA LA LTA CI'I PHYIR RTOGS PAR MI 'GYUR TE, 'DI NI NGO MTSAR MI CHE'O, ,DNGOS PO LA SOGS PAR SGRO 'DOGS PA DE GCOD PA NI MED PA'O, ,DE SHES PAR BYED PA'I GTAN TSIGS NI GCIG PA NYID DANG DU MA NYID LA SOGS PA'I MTSAN NYID DO, ,'DIS NI LEGS PAR NYAN PA DANG, BSAMS PA DANG, BSGOMS PA LAS BYUNG BA'I SHES RAB SKYES PAS DE NGES PAR 'GYUR GYI, GZHAN DU NI MA YIN NO ZHES BSHAD PAR 'GYUR RO, ,SPROS PA DANG BRAL BA ZHES BYA BA NI SPROS PA THAMS CAD MED PA'I MTSAN NYID STONG PA NYID CES BYA BA'I THA TSIG GO, ,GANG DAG LA BSAMS PA LAS BYUNG BA'I CHOS RAB TU RNAM PAR 'BYED PA SHES RAB BSAGS PA YOD PA ZHES TSIG RNAM PAR SBYAR RO, ,YANG MI SKYE BA ZHES BYA BA NI MI 'BYUNG BA ZHES BYA BA'I THA TSIG GO, ,SNYING PO MED PA NYID DU STON PAR BYED PA'I LUNG, SNYING RJE CHEN PO LA 'JUG PA'I MDO ZHES BYA BA LA SOGS PA SMOS TE, DE LAS NI, DPER NA CHU SHING RLON PA'I SDONG PO LA, ,SNYING PO 'DOD MIS RIM PAR BSHIGS BYAS KYANG, ,PHYI DANG NANG NA SNYING PO MED PA LTAR, ,CHOS RNAMS THAMS CAD DE LTAR SHES PAR GYIS, ,ZHES 'BYUNG NGO, MA RTOGS PA ZHES BYA BA NI RTOGS PAR MA GYUR PA STE, JI LTAR AU DUM W'A RA LA ME TOG DPYAD NA MED PA KHO NA'I PHYIR RTOGS PAR MA GYUR KYI PHRA BA NYID LA SOGS PA'I PHYIR NI MA YIN NO, ,DE BZHIN DU SRID PA DAG LA SNYING PO 'DI YANG RTOGS PAR MA GYUR PA ZHES BYA BA YIN NO, ,PHA ROL MIN PA'I PHA ROL SON, ,ZHES BYA BA NI PHA ROL MA YIN PA DA LTAR BYUNG BA'I SKYE BA NAS PHA ROL MA 'ONGS PA'I SKYE BA'O, ,CHOS THAMS CAD RANG BZHIN MED PA NYID DU KHAS BLANGS NA ZHES BYA BA LA SOGS PA NI DAM BCAS PA 'GAL BAR RJOD PAR BYED DE, 'DI LTAR CHOS THAMS CAD RANG BZHIN MED PA NYID DU RAB TU BSGRUBS PA'I PHYIR GTAN TSIGS LA SOGS PA YONGS SU GZUNG BA BYAS PA DE DAG YOD PAR KHAS BLANGS LA CHOS THAMS CAD RANG BZHIN MED PA NYID DU DAM BCAS PAS MED DO ZHES KHAS BLANGS PAS PHAN TSUN 'GAL BA YIN NO, ,'DI SNYAM DU KHO BO CAG SGRUB PA MI BRJOD PA NYID DO SNYAM NA, GAL TE YANG ZHES BYA BA SMOS TE, DAM BCAS PA TZAM KHO NAS NI 'DOD @123A *, ,PA'I DON 'GRUB PA MA YIN TE THAMS CAD KYI THAMS CAD 'GRUB PAR THAL BAR 'GYUR BA'I PHYIR RO, ,'DI YANG GYI NA STE ZHES BYA BA LA SOGS PAS NI LAN 'DEBS SO, ,GZHUNG NI GRUB PA'I MTHA'O, ,DES BSKYED PA'I BYE BRAG BSGRUB PAR BYA BA DANG, DPE'I CHOS CAN RNAM PA GNYI GA LA YANG YOD PA DE LA DE SKAD CES BYA'O, ,MKHAS PA DANG BUD MED DANG BYIS PA ZHES BYA BA BSDU STE, MJUG TU BAR GYI SGRAS MI 'GYUR BA'I DNGOS PO YIN NO, ,DE LA GRAGS PAR GYUR PA RNAM SHES DRUG PAR BSDU'O, ,MA LUS PA NI RGOL BA THAMS CAD KYI'O, ,GAL TE GRUB PA'I MTHA' LA BRTEN PA'I GTAN TSIGS SAM CHOS CAN BYAS NA NYES PA CI YOD SNYAM PA LA, DE LTA MIN NA GZHI MA GRUB CES BYA BA LA SOGS PA SMOS TE, DE LTA YIN NA NI CHOS CAN DE RTZOD PA'I GZHIR GYUR PA'I PHYIR MA GRUB PAS GZHI MA GRUB PA'I GTAN TSIGS SU 'GYUR RO, ,SOGS PA SMOS PAS NI RANG GI NGO BO MA GRUB NA, DPE'I CHOS CAN YANG MI 'GRUB PO ZHES BYA BA YIN NO, ,DE SKAD DU SUN DBYUNG BA BRJOD NA, LAN CI ZHIG BRJOD PAR BYA, DE'I PHYIR BSGRUB PAR BYA BA DANG, SGRUB PA'I THA SNYAD THAMS CAD CHAD PAR 'GYUR RO, ,'DI SNYAM DU GANG ZHIG CHOS CAN SNANG BA LA BRTEN NAS SGRO BTAGS PA'I RNAM PA DGAG PA'I PHYIR SGRUB PA SBYOR BAR BYED PA DE LA NI GZHI MA GRUB PA LA SOGS PA NYES PA'I GLAGS MI THOD NA, KHYOD NI CHOS CAN SNANG BA 'GOG PAR BYED DE, DE LTA BAS NA KHYOD LA CI'I PHYIR GZHI MA GRUB PA LA SOGS PA'I GLAGS MI THOD SNYAM PA LA, BDAG NI ZHES BYA BA LA SOGS PA SMOS TE, CHOS CAN SNANG BA 'DI LA YANG RANG BZHIN YANG DAG PAR SGRO BTAGS PA DGAG PA SGRUB PAR BYED KYI, CHOS CAN GYI RANG GI NGO BO 'GOG PAR NI MA YIN PAS MTSUNGS SO, ,'DI SNYAM DU GAL TE DON DAM PA PA'I RANG BZHIN BKAG NA CHOS CAN DE'I NGO BO GANG SNANG BAR 'GYUR BA GZHAN CI ZHIG LUS PAR 'GYUR SNYAM DU SEMS NA, DE YANG YANG DAG PA MA YIN TE, GANG GIS NA DON DAM PA PA'I RANG BZHIN LOG NA LDOG PAR 'GYUR BA, DON DAM PA PA'I RANG BZHIN NYID KYIS SNANG BA LA KHYAB PA NI MED DE, ZLA BA GNYIS DANG SKRA SHAD LA SOGS PA BRDZUN PA YANG SNANG BA'I PHYIR RO, ,'DI SKAD DU ZLA BA GNYIS LA SOGS PA PHYI ROL GYI GZUGS SU BRDZUN MOD KYI, DE DAG SHES PA'I NGO BOR NI DON DAM PA PA KHO NA YIN PAS SNANG BAR RIGS SO ZHES BYA BAR BRJOD PAR YANG MI NUS TE, DE @123B DAG SNA TSOGS KYI NGO BO DANG YUL NA GNAS PAR SNANG BA'I PHYIR RO, ,SHES PA NI SNA TSOGS SU RIGS PA MA YIN TE, GCIG PU NYID NYAMS PAR THAL BAR 'GYUR BA'I PHYIR DANG, SHES PA DU MA SKYE BA YANG SNGAR BKAG ZIN PA'I PHYIR RO, ,YUL NA GNAS PA YANG MA YIN TE LUS MED PA'I PHYIR RO, ,DE LTA BAS NA ZLA BA GNYIS LA SOGS PA DON DAM PA MA YIN BZHIN DU 'ON KYANG SNANG BAS DON DAM PA'I RANG BZHIN LOG KYANG SNANG BA 'GAL BA MED PAS CHOS CAN LA SOGS PA GRUB PA NYID DO, ,DE'I PHYIR BSGRUB PAR BYA BA DANG, SGRUB PA 'JUG PA 'GAL BA MED PA KHO NA YIN PAS MANG DU NI MI DGOS SO, ,BYE BRAG PA LA SOGS PA NI PHYOGS LA SOGS PA CHOS CAN YAN LAG CAN YIN PA DANG, SGRA YANG NAM MKHA'I YON TAN YIN NO ZHES BYA BAR 'DOD DE, CHOS CAN DE DAG NI SANGS RGYAS PA LA SOGS PA LA MA GRUB PO, ,BRGAL BA'I GRAGS PA ZHES BYA BA NI BRGAL BAS GRAGS PA ZHES BYA BA'I THA TSIG GO, ,BDAG NI SNANG BA'I NGANG CAN GYI, ,DNGOS PO DGAG PAR MI BYED DE, ,ZHES BYA BA NI 'DI'I 'GREL PA NI, KHO BO YANG MIG LA SOGS PA'I SHES PA LA SNANG BA'I DNGOS PO NI MI SEL TO ZHES BYA BA YIN NO, ,DGAG PA 'DI NI DON DAM PAR MI 'DOD DO ZHES 'OG NAS 'BYUNG BA DANG SBYAR RO, ,CHU SHING GI SDONG PO BZHIN DU ZHES BYA BA NI CHU SHING GI SDONG BU LTA BUR RO, ,MNGON PAR ZHEN PA MED PA ZHES BYA BA NI RANG GI GRUB PA'I MTHA'I SGO NAS CHOS CAN LA SOGS PA LA BRTEN PA MED PA ZHES BYA BA'I THA TSIG GO, ,JI SKAD DU ZHES BYA BA NI SNGON GYI SLOB DPON RNAMS KYIS SO, ,'DZIN PA STUG PO NI GRUB PA'I MTHA' LA GRAGS PA PA'I CHOS CAN LA SOGS PA YONGS SU 'DZIN PA'O, ,THA SNYAD RNAMS LA ZHES BYA BA NI BSGRUB PAR BYA BA DANG SGRUB PA'I THA SNYAD RNAMS LA'O, ,DON DAM PA'I TSUL LA SDANG BAS DBANG BSGYUR BA GANG DAG CES BYA BA NI BYE BRAG TU SMRA BA LA SOGS PA STE, DE DAG NI RANG BZHIN MED PA NYID DU SMRA BA NA, 'JIG RTEN PHA ROL LA SOGS PA KHAS BLANGS PA NYAMS PAR THAL BAR 'GYUR BAS DAM BCAS PA LA KHAS BLANGS PAS GNOD DO SNYAM DU SEMS SHING GLENG BAR BYED DO ZHES GRAG GO, ,SPYI BO NAS DBANG BSKUR BA ZHES BYA BA NI DNGOS PO THAMS CAD 'GOG PA'I PHYIR MCHOG TU GYUR PA YIN NO, ,RGYU DANG 'BRAS BU LA SKUR PA 'DEBS PA NYID LOG LTA YIN TE, GANG DAG GIS DES DKAR PHYOGS LAS, DGE BA DRUNGS @124A *, ,'BYIN PA DE DAG LA DE SKAD CES BYA'O, ,DAM CHOS KYI LO TOG SER BA ZHES BYA BA NI DE'I DON LA SKUR PA 'DEBS PA NYID KYIS DE RLAG PAR BYED PA'I RGYU YIN PA'I PHYIR RO, ,NAM MKHA'I ME TOG CES BYA BA NI CHOS THAMS CAD LA SKUR PA 'DEBS PAS BDAG NYID KYANG MED PA'I NGO BO YIN PA'I PHYIR NAM MKHA'I ME TOG DANG 'DRA ZHES BYA BA'I THA TSIG GO, ,DE'I PHYIR ZHES BYA BA NI GANG GI PHYIR DNGOS PO LA SOGS PA DON MED PA DAG LA 'JUG PA LA GOMS PA MA GTOGS PA DE DAG GI RGYU GZHAN YANG YOD PA MA YIN PA DE'I PHYIR THOG MA MED PA'I RIGS MTHUN PA PA'I SA BON RJES SU DPAG PA'O, ,RIGS MTHUN PA'I SA BON GANG LA THOG MED SRID RGYUD YOD PA DE LA DE SKAD CES BYA STE, GANG DAG LA THOG MA MED PA'I SRID PA'I RGYUD CAN RIGS MTHUN PA PA'I SA BON YOD PA DE DAG LA DE SKAD CES BYA'O, ,DE'I DNGOS PO NI DE NYID DO, ,DE'I PHYIR DNGOS PO LA SOGS PAR RNAM PAR RTOG PA CHOS CAN KUN RDZOB TU GRUB PA THOG MA MED PA'I RIGS MTHUN PA PA'I SA BON LAS RAB TU SKYE BA TZAM DU GRUB NA 'JIG RTEN PHA ROL 'GRUB BO ZHES BYA BA'I THA TSIG GO, ,SBYOR BA NI GANG DANG GANG DNGOS PO LA SOGS PA'I RNAM PAR RTOG PA YIN PA DE NI RIGS MTHUN PA PA'I SA BON LAS RAB TU SKYE BA YIN TE, DPER NA DUS PHYIS KHONG DU CHUD PA RNAMS KYI LTA BU YIN NO, , SKYE BA DANG PO BYUNG BA'I RNAM PAR RTOG PA 'DI YANG DNGOS PO LA SOGS PAR RNAM PAR RTOG PA YIN PAS 'DI NI RANG BZHIN GYI GTAN TSIGS YIN NO, ,'DI'I MA NGES PA NYID YONGS SU SPANG BA'I PHYIR, 'DI NI DNGOS PO'I MTHU STOBS KYIS 'BYUNG BA MA YIN ZHES BYA BA SMOS SO, ,DNGOS PO'I MTHU STOBS KYIS ZHES BYA BA NI PHYI ROL GYI DMIGS PA'I DNGOS PO'I MTHU STOBS KYIS TE PHYI ROL GYI DNGOS PO DE NI GSAL ZIN PA'I PHYIR RO, ,NANG GI DNGOS PO RNAM PAR SHES PA'I BDAG NYID DON DAM PAR BKAG TU ZIN KYANG, DE NI KUN RDZOB TU GSAL BA'I BDAG NYID DU RANG GIS GRUB PA'I PHYIR LA, PHYI ROL GYI NI BEMS PO'I NGO BO YIN PA'I PHYIR RANG GIS GRUB PA YANG MA YIN LA, RNAM PAR SHES PAS 'DZIN PAR MI RUNG BA'I PHYIR GZHAN LAS KYANG GRUB PA YANG MA YIN TE, DE'I PHYIR RTAG TU MA GRUB PA NYID PAS BYE BRAG YOD DO, ,YANG NA DNGOS PO LA RNAM PA MED PA KHO NA LAS SGRO BTAGS NAS RNAM PAR RTOG PA 'JUG PAS DES NA YUL MED PA'I PHYIR DNGOS PO'I MTHU @124B STOBS KYIS BYUNG BA MA YIN NO SNYAM DU BSAMS PA'O, ,RIM GYIS SNANG BA'I PHYIR GLO BUR NYID LA SOGS PA'I CHOS YIN PAR YANG MI SRID DE, LTOS PA MED PA RIM GYIS 'BYUNG BA 'GAL BA'I PHYIR RO, ,DE BAS NA ZHES BYA BA NI TSAD MA'I DON STON PAR BYED DO, ,GOMS 'DRA ZHES BYA BA NI DPE'O, ,DE NYID PHYIR ZHES BYA BA NI DNGOS PO LA SOGS PA RNAM PAR RTOG PA YIN PA'I PHYIR TE, 'DI NI GTAN TSIGS BSTAN PA YIN NO, ,DANG PO ZHES BYA BA NI BSGRUB PAR BYA BA'I CHOS CAN BSTAN PA'O, ,RANG GI RIGS LAS ZHES BYA BA NI BSGRUB PAR BYA BA CHOS BSTAN PA'O, ,'DI LTAR ZHES BYA BA LA SOGS PAS NI RNAM PAR 'GREL PAR BYED DE, 'DI NI DNGOS PO'I MTHU STOBS KYIS 'BYUNG BA MA YIN ZHES BYA BA LA SOGS PA'I RNAM PAR 'GREL PA NI DE DAG NI DMIGS PA'I STOBS KYIS 'BYUNG BA YANG MA YIN TE ZHES BYA BA LA SOGS PA YIN NO, ,GLO BUR MIN ZHES BYA BA LA SOGS PA'I RNAM PAR 'GREL PA NI SKYE BA'I RGYU MED PA'AM ZHES BYA BA LA SOGS PA YIN NO, , SHES PA YOD PA RTAG CES KHAS LEN PA NI RGYAL DPOG PA LA SOGS PA'O, ,RGYU LA MI LTOS PA NI RGYU MED PAR SMRA BA RNAMS KYI LTA BA'O, ,GANG DAG LA RTAG TU NYE BAR GNAS PA'I RGYU DANG RANG BZHIN YOD PA ZHES BYA BAR TSIG RNAM PAR SBYAR TE, 'DI NI GO RIMS BZHIN DU RGYU MED RTAG PA NYID DU SMRA BA RNAMS DANG SHES PA YOD PA RTAG PAR SMRA BA RNAMS KYI LTA BA BSTAN PA YIN NO, ,'O NA MA 'ONGS PA'I SKYE BA JI LTAR 'GRUB SNYAM PA LA, 'DIS NI MA 'ONGS PA'I SRID PA ZHES BYA BA LA SOGS PA SMOS SO, ,'DIS NI ZHES BYA BA NI SEMS GZHAN GYI RGYU NYID NI PHYIN CI LOG GI BAG CHAGS DANG RJES SU 'BREL PA'I SEMS TZAM YIN PAR BSTAN PA STE; MA 'ONGS PA RGYU MA TSANG BA MED PA YANG SKYE BAR RJES SU DPAG GO, ,'DI LTAR ZHES BYA BA NI TSAD MA STON PAR BYED DO, ,'DI NI DON TZAM STON PAR ZAD KYI, SBYOR BA NI 'DI LTAR BYA STE, BDAG DANG BDAG GIR CHAGS PA PHYIN CI LOG GI BAG CHAGS DANG 'BREL BA'I SEMS GANG YIN PA DE NI SEMS GZHAN GYIS MTSAMS SBYOR BAR NUS TE, DPER NA SNGON GYI GNAS SKABS NA NYAL PO BYED PA LA SOGS PA'I SEMS LTA BU YIN NO, ,MI 'DOD CHAGS DANG MA BRAL BA'I 'CHI KA MA'I SEMS KYANG DE DANG 'DRA BAS RANG BZHIN GYI GTAN TSIGS YIN NO, ,GTAN TSIGS MA GRUB PA NYID KYANG MA YIN TE, 'DOD CHAGS DANG BCAS @125A *, ,BA'I 'CHI KA MA'I SEMS GNYEN PO MED PA PHYOGS SU BYAS PA'I PHYIR RO, ,RGYU GZHAN BKAG PAS RGYU'I RGYU MA TSANG BA MED PA NYID 'DI TZAM DU ZAD PAR GRUB PA'I PHYIR MA NGES PA YANG MA YIN TE, DE LTA BU LA YANG MI SKYE NA, DE'I RGYU MA YIN PA NYID DU THAL BAR 'GYUR BA'I PHYIR RO, , MTHUN PA'I PHYOGS LA YOD PAS 'GAL BA YANG MA YIN PAS MA 'ONGS PA'I SKYE BA YANG GRUB PO, ,DE NYID KYI PHYIR KUN RDZOB TU YANG RTAG PA DANG, CHAD PA MED PAR YANG 'GRUB BO ZHES BSTAN PA'I PHYIR, DE PHYIR RTAG CHAD LTA BA RNAMS, ,ZHES BYA BA SMOS TE, DNGOS PO THAMS CAD SKAD CIG SNGA MA LDOG STE, DE'I PHYIR RTAG PAR LTA BA YANG MA YIN LA, SKAD CIG GZHAN DANG GZHAN RJES SU 'GRO BA STE SKYE BA'I PHYIR CHAD PAR LTA BA YANG MA YIN NO, ,DE NYID NI DNGOS PO LA BRTEN PA YIN PAS ZHES BYA BA NI RTAG PA DANG CHAD PA DAG STE, 'DI LTAR DNGOS PO RTAG TU YOD PAR MNGON PAR ZHEN PA 'DI NI RTAG PAR LTA BA YIN LA, DE NYID LDOG PAR MNGON PAR ZHEN PA'I PHYIR CHAD PAR LTA BA YIN PAS DE GNYIS NI DNGOS PO LA BRTEN PA YIN NO, ,'DI NI RNAM PAR 'GREL BA TZAM DU ZAD KYI, SKYE BA LDOG PA DANG RJES SU 'GRO BA DAG GIS KYANG RTAG PA DANG CHAD PA DAG MI SRID PAR SBYAR BAR BYA'O, ,'DIR GSUNGS PA ZHES BYA BA NI SNGON GYI SLOB DPON RNAMS KYIS SO, ,GNYI GAR 'GYUR ZHES BYA BA NI RTAG PA DANG CHAD PA'I MTSAN NYID DO, ,YOD NA ZHES BYA BA NI DON DAM PAR YOD PAS PHYIS MED PAR 'GAL BA'I PHYIR RO, ,'DI NI 'PHAGS PA KLU SGRUB KYI ZHAL SNGA NAS KYIS GSUNGS SO, ,TSIGS SU BCAD PA GNYIS PA NI 'PHAGS PA LHA'I YIN NO, ,LUS DANG NGAG DANG YID RNAMS KYIS MED PA PA'I CHOS SPYOD NA MED PA PAR 'GYUR RO, ,KUN RDZOB TU YOD PAR LTA BA BZHIN RGYU DANG 'BRAS BU'I DNGOS PO YANG KHAS LEN NA, LUS LA SOGS PA'I LAS BYED PA YANG MI 'GAL NA JI LTAR MED PA PA NYID YIN ZHES RIN PO CHE'I PHRENG BA LAS BSTAN PA'I TSIGS SU BCAD PA 'DIS STON PAR BYED DO, ,DE LA KHA CIG NA RE 'JIG RTEN PHA ROL LA SOGS PA MED DO ZHES KHAS LEN PA NI DAM BCA' BA YIN NA, DE YANG THAMS CAD THA SNYAD DU KHAS LEN PA RNAMS LA MED DO, ,JI STE 'JIG RTEN GYIS BRNYES KYIS 'JIGS PAS KHAS LEN PAR MI BYED DO ZHE NA, 'O NA NI DE'I TSE LUS KYIS NYES PAR SPYOD @125B PA'I MTSAN NYID KYI SPYOD PAR 'GYUR BA ZHIG NA, DE YANG TSANGS PAR SPYOD PA LA SOGS PA SPYOD PA RNAMS LA MED DO, ,GAL TE RNYED PA DANG BKUR STI CHAD KYIS DOGS PAS DE LTA BU MI BYED DO ZHE NA, 'O NA NI SEMS YIN GRANG NA DE LTA BU'I SEMS JI SNYED PA YANG MED DO, ,CI'I PHYIR ZHE NA, BYANG CHUB RTEN PA'I PHYIR TE BYANG CHUB KYI CHED DU ZHUGS PA'I PHYIR RO ZHES BYA BA'I THA TSIG GO, ,DES NA DON GYI STOBS KYIS MED PA NYID DU BSGRUB PAR BYA BA LA, JI LTAR GTAN TSIGS GANG GIS NA 'DI DAG MED PAR 'DOD CES DE SKAD DU 'CHAD DO, ,YANG NA BYANG CHUB KYI PHYIR RNAM PAR MI RTOG PA'I YE SHES LA GNAS PA RNAMS LA YOD PAR 'DZIN PA LOG NA YOD PAR 'DZIN PA SNGON DU 'GRO BA CAN YIN PA'I PHYIR MED DO ZHES 'DZIN PA 'DI YANG SHUGS KYIS LOG PA'I PHYIR GANG DAG LA DAM 'CHA' BA LA SOGS PA'I NYES PA JI SKAD BSHAD PA MI SRID PA DE DAG JI LTAR MED PAR 'DOD CES BYA BA'I THA TSIG GO, ,RGYU DE DANG RKYEN DE DANG GZHI DES CHAD PAR LTA BAR YANG MI LTUNG ZHES BYA BA NI RGYU DANG 'BRAS BU'I DNGOS PO KUN RDZOB TU RNAM PAR GNAS PA'I PHYIR RO, ,RGYU DE ZHES BYA BA LA SOGS PA NI RNAM GRANGS YIN NO, ,GANG LA SKYE BA MED PA LA SPYOD PA'I NGANG TSUL YOD PA ZHES TSIG RNAM PAR SBYAR RO, ,RNAM PAR GROL BA LA YANG GZHUNG 'DI LA SLA BA NYID DE ZHES BYA BA NI DNGOS PO LA MNGON PAR ZHEN PA YOD NA, RES 'GA' KUN NAS NYON MONGS PA 'BYUNG BA'I PHYIR DNGOS POR 'DZIN PA LOG NA GANG GIS NA GROL BAR MI 'GYUR BA DNGOS POR 'DZIN PA'I RTZA BA CAN KUN NAS NYON MONGS PA LTA ZHIG GA LA YOD SNYAM DU BSAMS PA'O, ,GANG CHAGS PA DANG ZHES BYA BA LA SOGS PA LA, GANG LA ZHES BYA BA NI DMIGS PA LA'O, ,GANG GIS ZHES BYA BA NI SDUG PA'I MTSAN MAS SO, ,'DIR YANG GSUNGS ZHES BYA BA NI 'PHAGS PA KLU SGRUB KYIS TE 'DI NI RIGS PA DRUG CU PA LAS GSUNGS SO, ,CI'I PHYIR DNGOS POR KHAS LEN PA YOD NA 'DOD CHAGS LA SOGS PA SKYON RNAMS 'BYUNG BAR 'GYUR SNYAM PA LA, 'DI NI LTA BA KUN GYI RGYU, ,ZHES BYA BA SMOS TE, DE ZHES BYA BA NI DNGOS POR KHAS LEN PA'O, ,DE NI ZHES BYA BA NI DNGOS PO'O, ,YONGS SHES NA ZHES BYA BA NI RANG BZHIN MED PAR RO, ,DE ZHES BYA BA NI DNGOS PO'O, ,JI LTAR NA RTEN CING 'BREL PAR 'BYUNG BA BSTAN @126A *, ,PAS RANG BZHIN MED PAR RTOGS PAR 'GYUR SNYAM PA LA, BRTEN NAS SKYES PA ZHES BYA BA SMOS SO, ,MA SKYES ZHES BYA BA NI DON DAM PAR ZHES BYA BA LHAG MA YIN TE, DE LTA MA YIN NA GTAN TSIGS 'GAL BAR 'GYUR RO, ,'DIR DPE NI GZUGS BRNYAN YIN NO, ,LAN GDAB PA GCIG KHO NAS 'DI THAMS CAD GZHUNG GZUGS PAR 'DOD NAS DRI BA'I PHYIR GZHAN YANG ZHES BYA BA SMOS SO, ,MA RIG PA DANG 'DU BYED CES BYA BA LA SOGS PAS NI PHA ROL PO'I BSAM PA STON PAR BYED DO, ,KUN NAS NYON MONGS PA NI MA RIG PA LA SOGS PA RGA SHI LA THUG PA RNAMS TE, RGYU DANG 'BRAS BU'I DNGOS PO YIN NO, ,RNAM PAR BYANG BA NI NYON MONGS PA DANG MI MTHUN PA'I RTEN SKYES PA'O,, LAS DANG 'BRAS BUR 'BREL BA NI LAS KYI RNAM PAR SMIN PA'O, ,DNGOS GANG NI SGRA LA SOGS PA'O, ,YANG DAG JI BZHIN NI MI RTAG PA LA SOGS PA'I CHOS DANG LDAN PA'O, ,DE LTA BU MTSON PAR BYED PA BYAS PA NYID LA SOGS PA GANG YIN PA DE NI DE 'DRA BA'I RTAGS SO, ,RTAGS LA SEMS NI DER NGES PA STE, DE'I RGYU YIN NO, ,RTAGS KYI SEMS DE LAS SGRA LA SOGS PA LA MI RTAG PA LA SOGS PA'I CHOS DANG LDAN PA'I CHOS CAN DE LTA BU LA RTAGS CAN BLO BYUNG BA GANG YIN PA DE NI DNGOS PO KHO NA LA SKYE STE, DE BRGYUD PAS DE DANG 'BREL BA'I PHYIR RO, ,GAL TE DE LTA NA YANG ZHES BYA BA LA SOGS PAS NI LEN 'DEBS PAR BYED DO, ,'DI THAMS CAD NI RGYU DANG 'BRAS BU'I DNGOS POS RAB TU PHYE BA YIN LA, RGYU DANG 'BRAS BU'I DNGOS PO KUN RDZOB PA YANG MA BKAG PA'I PHYIR THAMS CAD MI 'GAL BA NYID DO, ,GAL TE 'DI SNYAM DU RGYU DANG 'BRAS BU'I DNGOS PO KUN RDZOB TU KHAS LEN NA DE'I TSE KHO BO CAG GI DNGOS PO GRUB PA YIN TE, DON BYA BA BYED PA ZHES BYA BA GANG YIN PA 'DI NYID DNGOS PO'I MTSAN NYID YIN NO, ,GAL TE DE MI 'GOG GO ZHE NA, 'O NA NI MING KUN RDZOB CE'AM GZHAN YANG RUNG MING CI DGAR THOGS SHIG ,DNGOS PO'I NGO BO NYAMS PA NI MED DO SNYAM DU SEMS PA'I DOGS PA BSU BAR GAL TE RNAM PAR GZHAG PA 'DI ZHES BYA BA LA SOGS PA SMOS SO, ,'DIS NI GAL TE KHYOD 'OL BYIR RTEN CING 'BREL TE BYUNG BA MA BRTAGS NA NYAMS DGA' BAR KHAS BLANGS NAS DNGOS POR BRJOD NA NI, DE'I TSE DER ZAD DE KHO BO CAG KYANG MING LA BRTZAD PA MED DO, ,'ON KYANG GANG GI TSE GZUGS BRNYAN LA SOGS PA RTEN CING 'BREL BAR 'BYUNG @126B BA RNAMS LA BRTAG MI BZOD PAS DNGOS PO MED PA NYID DU KHAS BLANGS PA DE'I TSE GZUGS BRNYAN LA SOGS PA BZHIN DU RDUL PHRA MO LA SOGS PA LA YANG BRTAG MI BZOD PAS 'KHRUL PA MED PA'I MTSAN NYID YIN NA CI'I PHYIR BYE BRAG TU DNGOS POR KHAS LEN PAR BYED, DE LTA BAS NA GAL TE RTEN CING 'BREL PAR 'BYUNG BA NYID DON DAM PAR KHAS BLANGS NAS DNGOS PO NYID DU SMRA NA NI DE'I TSE RDUL PHRA MO LA SOGS PA LA GANG GIS NA MTSAN NYID 'GRUB PAR 'GYUR BA DON DAM PA PA'I NGO BO DE SGRUBS SHIG ,JI SKAD BSHAD PA'I LUGS KYIS DE JI SNYED PA DE NI THAMS CAD DU MA GRUB BO, ,CI STE GYI NA ZHIG YIN NA NI GZUGS BRNYAN LA SOGS PA YANG DNGOS PO NYID DU KHAS BLANG BAR BYA STE, DE LA YANG DE'I MTSAN NYID YOD PA'I PHYIR RO, ,JI LTAR GZUGS BRNYAN LA SOGS PA NI SHES PA'I NGO BOR YANG YOD PA MED DO ZHES BYA BA 'DI NI DPYAD ZIN TO, ,BDEN ZHING ZHES BYA BA LA SOGS PA NI RNAM GRANGS YIN NO, ,'DI SKAD CES KYANG GSUNGS TE ZHES BYA BA NI SNGON GYI SLOB DPON GYI LUGS DANG BSTUN PAR BYED PA STE, 'DI NI RIGS PA DRUG CU PA LAS GSUNGS SO, ,RNAM PAR DBEN DON ZHES BYA BA NI RGYU DANG 'BRAS BU'I DNGOS PO KUN RDZOB PA 'DOD PA'I PHYIR RO, ,THOS PA TZAM LA 'JUG BYED CING, ,ZHES BYA BA NI CHOS THAMS CAD RANG BZHIN MED PA ZHES BYA BA LA SOGS PA SGRA JI BZHIN DU TSIG GI DON TZAM GYI RJES SU 'BRANG BA'I PHYIR RO, ,BRLAG CES BYA BA NI NGAN 'GROR 'GRO BAS SO, ,CI'I PHYIR SNYAM PA LA LAS KYI 'BRAS BU YOD PA DANG ZHES BYA BA LA SOGS PA SMOS TE, KUN RDZOB KYI NGO BOR LAS DANG 'BRAS BU 'BREL PA BSTAN LA DON DAM PAR SKYE BA MED PA LA SOGS PA BSTAN TE, DE'I PHYIR KUN RDZOB KYI BDEN PA DANG DON DAM PA'I BDEN PA GNYI GA YANG JI SKAD BSTAN PA BZHIN BSOD NAMS DANG YE SHES KYI TSOGS RNAM PAR 'PHEL BAR BYA BA'I PHYIR BRTEN PAR BYA BSGOM PAR BYA ZHES BSTAN PA YIN NO, ,RE ZHIG BCOM LDAN 'DAS KYIS SEMS CAN RNAMS LA DON DAM PA'I BDEN PA BSTAN PA NI DE DAG LA MI SLU BA'I PHYIR RIGS GRANG NA, KUN RDZOB BRDZUN PA'I NGO BO YIN PA CI'I PHYIR BSTAN SNYAM PA LA, 'JIG RTEN DBANG DU RGYAL BA RNAMS, ,ZHES BYA BA LA SOGS PA SMOS TE, DPER NA BDAG MED BZHIN DU, BCOM LDAN 'DAS KYIS BDAG GI DANG BDAG CES BYA BA LA @127A *, ,SOGS PA GSUNGS PA DE BZHIN DU BDAG TU 'DZIN PA LA SOGS PA BZLOG PA'I PHYIR DGOS PA'I DBANG GIS PHUNG PO LA SOGS PA GSUNGS PAS KLAN KAR MI RUNG NGO, ,YANG DMIGS PA CAN GANG DAG NA RE ZHES BYA BA NI, BYE BRAG TU SMRA BA LA SOGS PA PHYI ROL GYI DON YOD PAR SMRA BA RNAMS SO, ,LTA BA 'DI LA NI ZHES BYA BA NI DBU MA PA DANG RNAL 'BYOR SPYOD PA PA DAG GI LTA BA LA'O, ,'KHOR GSUM NI SBYIN PAR BYA BA DANG, SBYIN PA PO DANG, LEN PA PO DE DAG KHO NA STE, DE MI DMIGS PA NI 'KHOR GSUM YONGS SU DAG PA'O, ,RANG GI ZHES BYA BA NI BDAG GI'O, ,DE DAG RANG GIS RIG PAR BYED, ,CES BYA BA NI BDAG NYID GSAL BAR BYED CES BYA BA'I THA TSIG GO, ,'DI NYID LA ZHES BYA BA NI DBU MA'I GZHUNG LA'O, ,TSUL KHRIMS KYI YAN LAG RNAMS NI SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA SPONG BA BZHI'O, ,SOGS PA'I SGRAS NI BAG YOD PA'I YAN LAG DANG, BRTUL ZHUGS KYI YAN LAG DAG BZUNG STE, BAG YOD PA'I YAN LAG NI MYOS PAR 'GYUR BA'I BTUNG BA SPONG BA'O, ,BRTUL ZHUGS KYI YAN LAG NI GLU DANG GAR SPONG BA LA SOGS PA GSUM MO, ,DE DAG NI YANG DAG PA'I LTA BA LAS BYUNG BA YANG YIN LA, TSUL KHRIMS KYI YAN LAG RNAMS KYANG YIN PAS ZHES TSIG RNAM PAR SBYAR TE, DE DAG RNAM PAR DAG PA DE BZHIN DU'O, ,LOG PAR G-YEM PA SOGS LAS BZHIN, ,ZHES BYA BA NI 'DOD PAS LOG PAR G-YEM PA LA SOGS PA BZHIN NO, ,SOGS PA'I SGRAS NI SROG GCOD PA LA SOGS PA BSDU'O, ,LHAG MA NI GO SLA'O, ,DNGOS PO ZHES BYA BA NI DMIGS PA LA LTOS NAS DRUG PA YIN NO, ,SBYOR BA NI GANG ZHIG TSAD MA'I GNOD PA YOD PA DE NI PHYIN CI LOG YIN TE, DPER NA SMIG RGYU LA CHUR SHES PA LTA BU'O, ,DNGOS POR DMIGS PA YANG TSAD MA'I GNOD PA YOD PA YIN PAS RANG BZHIN GYI GTAN TSIGS SO, ,'DI NI MA NGES PA NYID YONGS SU SPANG BA'I PHYIR YANG DAG PAR NA ZHES BYA BA LA SOGS PA SMOS TE, SNGAR BSHAD PA ZHES BYA BAR SBYAR RO, ,GNOD PA'I TSAD MA ZHES BYA BA NI SNGAR BSHAD CES BYA BAR SBYAR RO, ,'DI YANG DAG PAR YOD DO ZHES MNGON PAR ZHEN CES BYA BA NI DMIGS PA'I RANG BZHIN STON PAR BYED DO, ,PHYIN CI LOG @127B GI THA SNYAD KYI RGYU NI 'DI TZAM DU ZAD PA'I PHYIR GTAN TSIGS MA NGES PA YANG MA YIN LA, MTHUN PA'I PHYOGS LA YOD PA'I PHYIR 'GAL BA NYID KYANG MA YIN NO, ,DE MTHUS ZHES BYA BA NI DMIGS PA'I MTHUS SO, ,NANG GI MU STEGS CAN RNAMS NI GANG ZAG TU SMRA BA 'PHAGS PA MANG POS BKUR BA RNAMS SO, , DE MA THAG TU ZHES BYA BA NI BLA NA MED PA YANG DAG PAR RDZOGS PA'I BYANG CHUB KYI NYE BA'I YAN LAG MA YIN NO ZHES BYA BA'I THA TSIG GO, ,DMIGS PA CAN RNAMS KYI YANG ZHES BYA BA NI STOBS CHUNG ZHES BYA BA DANG SBYAR RO, ,BYE BRAG MED PA'I PHYIR RO ZHES BYA BA NI 'DRA BA'I PHYIR RO ZHES BYA BA'I THA TSIG GO, ,YOD PAR BYA BA DANG RIG PAR BYA BA MI 'THAD PA'I PHYIR ZHES BYA BA NI YOD PA YANG GCIG DANG DU MA'I RANG BZHIN GYIS DPYAD NA MI 'THAD LA, DON RIG PAR BYA BA YANG DUS MNYAM PA DANG MI MNYAM PA LA SOGS PAS DPYAD NA MI 'THAD PAR SNGAR BSTAN ZIN TO, ,SBYIN PAR BYA BA LA SOGS MI DMIGS PA LUNG DANG LDAN PA NYID DU YANG BSTAN PA'I PHYIR, 'DI NI CHOS YANG DAG PAR SDUD PA LAS GSUNGS TE ZHES BYA BA SMOS SO, ,RGYAL BA'I YUM LAS ZHES BYA BA NI 'PHAGS PA SHES RAB KYI PHA ROL TU PHYIN PA SUM BRGYA PA LAS SO, ,DNGOS POR LHUNG ZHES BYA BA NI DNGOS POR MNGON PAR ZHEN PA'O, ,BZLOG PA NI DNGOS POR MA LHUNG BA'O, ,MCHOD PA DANG PHAN GDAGS PAR 'DOD PAS ZHES BYA BA LA SOGS PAS NI MCHOD PA DANG PHAN GDAGS PAR 'DOD PA LA SOGS PA DANG, MI DMIGS PAR LHAN CIG 'GAL BA MED PA NYID DO ZHES STON PAR BYED PA STE, MCHOD PA DANG PHAN GDAGS PAR 'DOD PA'I DUS NA DMIGS PAS YONGS SU ZIN KYANG SGYU MA LA SOGS PA'I RANG BZHIN NYID MOS PA'I PHYIR 'DI DMIGS PA MED PA KHO NA YIN TE, DES NA 'GAL BA MED PA NYID DO SNYAM DU BSAMS PA'O, ,DE NYID BLO GROS DANG LDAN PA RNAMS LA SHIN TU DAD PA'I GNAS SU MI 'GYUR TE ZHES BYA BA NI PHYIN CI MA LOG PAR ZHUGS PA NYID KYIS GTI MUG MED PA'I DGE BA'I RTZA BAS KUN NAS BSLANG BA'I PHYIR RO, ,GSUM CHAR YANG ZHES BYA BA NI SBYIN PAR BYA BA DANG, SBYIN BDAG DANG, LEN PA PO'I MTSAN NYID DO, ,'DI SKAD DU DON DAM PAR MI DMIGS SU ZIN KYANG KUN RDZOB TU THAMS CAD YOD PA'I PHYIR MI 'GAL BA NYID PAS, DAM @128A *, ,BCAS PA NGAN PA MA YIN PA KHO NA'O ZHES BSHAD PA YIN NO, ,DE SPYAD PAR BYA'O ZHES BYA BA NI 'DIR DBU MA'I LAM RNAM PA GNYIS DPYOD PAR BYED PA YIN NO, ,PHYOGS PHYI MA ZHES BYA BA NI PHYI MA'I BDAG NYID KYANG YIN ZHES BYA'O, ,GAL TE DE LTA NA NI KYE RGYAL BA'I SRAS DAG 'DI NI SEMS TZAM MO ZHES BYA BA LA SOGS PA DE DAG JI LTAR DRANG SNYAM PA LA, BSTAN BCOS ZHES BYA BA LA SOGS PA SMOS TE, 'DI NI SLOB DPON SKAL LDAN GYIS DBU MA'I SNYING PO LAS GSUNGS SO, ,GZHAN DAG SEMS PA NI ZHES BYA BA NI PHYOGS SNGA MA KHO NA RIGS PAR MTHONG BA RNAMS SO, , SHES PA 'BA' ZHIG KHO NA STE, ,ZHES BYA BA NI SHES PA RNAMS KHO NA STE, DON NI SHIN TU LKOG TU GYUR PA'I PHYIR RO, ,RANG GIS GRUB PA'I NGO BO ZHES BYA BA LA SOGS PAS NI DON SHIN TU LKOG TU GYUR PA DE NYID STON PAR BYED DO, ,'O NA RJES SU DPAG PAS 'GRUB PA YOD DO SNYAM PA LA, DE LTA NA YANG ZHES BYA BA SMOS SO, ,'O NA NI THE TSOM DU 'GYUR RO SNYAM PA LA, RDUL PHRA MO LA SOGS PA BKAG PA'I PHYIR RO ZHES BYA BA SMOS SO, ,DES NA RNAM PAR SHES PA SMRA BA RNAMS KYIS DGONGS PA NGES PAR 'GREL PA'I MDO LAS BSTAN PAS PHYIR 'JIL BAR BYED PA GANG YIN PA DE YANG DAG PA'I KUN RDZOB TU BSTAN PA'I PHYIR MI 'GAL BA NYID DU ZHES STON PAR BYED DO, ,DE LTAR BYAS NA ZHES BYA BA NI TSIG DE NI MDO DER GSUNGS PA KHO NA LAS KHONG DU CHUD PAR BYA'O, ,GAL TE DE LTA NA SEMS TZAM KHO NA BDEN PAR YOD DO SNYAM PA LA, BLO'I MTHU MI CHUNG BA ZHES BYA BA LA SOGS PA SMOS TE, GANG LA BLO'I MTHU MI CHUNG BA YOD PA DE LA DE SKAD CES BYA'O, ,DE LA BLO'I MTHU MI CHUNG BAS ZHES BYA BA NI SANGS RGYAS BCOM LDAN 'DAS RNAMS KYIS ZHES BYA BA'I THA TSIG GO, ,LHAG PAR MNGON DU BRTZON PA DAG GIS KYANG ZHES BYA BA NI SO SO'I SKYE BO RNAMS DANG, BYANG CHUB SEMS DPA' RNAMS TE, DE DAG NI LHAG PAR MNGON DU BRTZON PA'I PHYIR RO, ,LTA BA DE NYID DE KHO NA LA 'JUG PA DANG MTHUN PA'I PHYIR RIGS PA YIN NO ZHES BSTAN PA'I PHYIR DE'I PHYIR ZHES BYA BA SMOS SO, ,'DIR ZHES BYA BA NI CHOS THAMS CAD RANG BZHIN MED PA NYID KYI TSUL LA'O, ,DE LA YANG ZHES BYA BA NI SEMS TZAM LA'O, ,SEMS @128B TZAM NYID KYI TSUL LA YANG 'DI RANG 'BYUNG BA MED PAS ZHES 'BYUNG BA'I PHYIR GZHAN GYI DBANG DE YANG RANG BZHIN MED PA KHO NAR STON PA YIN NA, DE JI LTAR NA TSUL 'DIR BRTEN NAS SHES PAR BYA SNYAM PA LA, TSUL 'DIS NI ZHES BYA BA SMOS SO, ,SHIN TU ZHES BYA BA NI RNAM GRANGS MED PAR RO, , LEGS PAR BSHAD PAR 'GYUR ZHES BYA BA NI DE KHO NA LA 'JUG PA'I RIM PA JI SKAD BSHAD PAR BSTAN PA'I PHYIR RO, ,RTZA BA MA MCHIS PA ZHES BYA BA NI RTZA BA SEMS KYI MTSAN NYID KYANG DON DAM PAR MI DMIGS PA'I PHYIR RO, ,SEMS TZAM LA NI BRTEN NAS SU, ,ZHES BYA BA NI 'DZIN PA'I RNAM PA LA GNAS NAS SO, ,PHYI ROL ZHES BYA BA NI GZUNG BA'I RNAM PAR GZHIG PAR BYA ZHES BYA BA'I THA TSIG GO, ,YANG DAG DMIGS PAR ZHES BYA BA NI DE BZHIN NYID KYI MTSAN NYID KYIS DMIGS PA LA'O, ,SEMS TZAM LAS KYANG SHIN TU BZLA, ,ZHES BYA BA NI 'DZIN PA'I RNAM PA DES KYANG 'DA' BAR BYA STE, DE'I GZUNG BA MED NA DE YANG MI RUNG BA'I PHYIR RO, ,SNANG BA MED LAS SHIN TU 'DA', ,ZHES BYA BA NI GNYIS SU MED PA LA MNGON PAR ZHEN PA DE YANG TSUL 'DI LA BRTEN NAS DOR BAR BYA'O ZHES BYA BA'I THA TSIG GO, ,'DI SKAD DU 'DI NI SEMS KHO NA TZAM DU ZAD KYI DON NI MED DO ZHES DE LTAR BSGOM PA NA DON LA MNGON PAR ZHEN PA YONGS SU DOR BAR BYA'O, ,DE YANG YONGS SU BOR NAS GZUNG BA MED NA DE YANG MED DO ZHES BSGOM PA NI 'DZIN PA'I RNAM PAR MTSAN NYID SEMS TZAM NYID DE YANG YONGS SU SPANG BAR BYA ZHING SNANG BA MED PA'I SHES PA KHO NA LA GNAS PAR BYA'O, ,SHES PA DE YANG GCIG LA SOGS PA'I NGO BOS BSGOM ZHING GNYIS MED PA LAS 'DAS PAR BYAS NAS SNANG BA MED PA NYID LA 'JUG PAR BYA STE, DE LA GNAS PA NI THEG PA CHEN PO LA ZHUGS PA YIN NO ZHES BSTAN PA YIN NO, ,GAL TE DE YI GNAS SKABS NA, ,RNAL 'BYOR DE NI GANG ZHIG YOD, ,GANG ZHIG GIS NI LTA ZHE NA, ,DON DAM PAR NI 'GA' YANG LTA BA MED LA RNAL 'BYOR BAR YANG MED MOD KYI, KUN RDZOB TU DPER NA LHAS BYIN LTA'O NYAN TO ZHES BYA BA LA SOGS PA STON PA LTAR RNAL 'BYOR PA YANG DE DANG 'DRA BAS NYES PA MED DO, ,JI STE RNAL 'BYOR PA'I SHES PA GNYIS @129A *, ,MED PA'I SHES PA SNANG BA MED PAR BYED PA GANG YIN PA DE YANG GANG ZHIG GIS SNANG BA MED PA NYID DU KHONG DU CHUD, RE ZHIG DE NYID KYIS NI MA YIN TE, BDAG NYID LA BYED PA 'GAL BA'I PHYIR RO, ,GZHAN DAG GIS KYANG MA YIN TE THUG PA MED PAR THAL BAR 'GYUR BA'I PHYIR RO ZHE NA, DE NI NYES PAR MI 'GYUR TE JI LTAR GNYIS MED PA NYID DANG, SNANG BA MED PA NYID DU RANG RIG PAS NYAMS SU MYONG NAS PHYIR RJES SU THOB PA'I SHES PAS RNAM PAR 'JOG PAR BYED LA RANG LA BDAG NYID MED PAR 'GAL BA YANG MA YIN PA LTAR, RANG BZHIN MED PA YANG DE DANG 'DRA'O, ,RANG RIG PA YANG GNAG RDZI YAN CHAD LA GRUB PA'I PHYIR KLAN KAR YANG MI RUNG NGO, ,THUG PA MED PA YANG MA YIN TE, SHES PA GNYIS KYIS THAMS CAD YUL KHO NAR BYED PA'I PHYIR DPER NA BYED BRAG TU SMRA BA RNAMS KYI DANG 'DRA BAS THAMS CAD MTSUNGS SO, ,RNAL 'BYOR PA RNAMS KYI GNAS SKABS KYI MTSAN NYID CAN GYI 'JUG PA DE 'DRA BA DE NI BLTA BAR BYA BA GZHAN MED PA'I PHYIR LHUN GYIS GRUB PA YIN NO, ,SPROS PA THAMS CAD NYE BAR ZHI BA'I PHYIR ZHI BA YIN NO, ,SMON LAM DAG GIS RNAM PAR SBYANGS, ,ZHES BYA BA NI SNYING RJE CHEN POS SEMS CAN THAMS CAD KYI DON LA SMON PA'I PHYIR TE, RANG BZHIN MED PA NYID MKHYEN PAS KYANG 'KHOR BA JI SRID PAR RJES SU 'JUG PA'I PHYIR RO, ,DE YANG GANG ZHIG YIN SNYAM PA LA, YE SHES DAM PA ZHES BYA BA LA SOGS PA SMOS TE, GNAS SKABS DE NAS GNYIS MED PA'I MTSAN NYID KYI YE SHES DAM PA LA SNANG BA MED PA'I YE SHES GZHAN GYI BDAG MED PA STE RANG BZHIN MED PAR MTHONG NGO ZHES BYA BA'I THA TSIG GO, ,YANG ZHES BYA BA NI 'PHAGS PA LANG KAR GSHEGS PA'I MDO DE NYID LAS SO, ,PHYI ROL GYI RGYU DANG RKYEN RGYU'I MTSAN NYID RNAM PA LNGA DANG BDAG PO'I MTSAN NYID RGYU LOG PAS SEMS TZAM NYID DU GNAS PA NI RNAM PAR RIG PA TZAM NYID KYI TSUL LA SKYE BA MED PA GCIG YIN NO, ,DBU MA PA'I LUGS KYI SKYE BA MED PA GANG YIN PA DE BSTAN PA'I PHYIR RO, ,PHYI DNGOS MED CES BYA BA SMOS TE, DNGOS PO RNAMS PHYI ROL GYI NGO BO NYID DU MED PAR NGAS BSHAD DO ZHES BYA BAR SBYAR RO, ,SEMS KYANG YONGS SU GZUNG MA YIN, ,ZHES BYA BA NI DNGOS PO @129B RNAMS SEMS KYI NGO BO NYID DU MED PAR NGAS BSHAD DO ZHES BYA BAR SBYAR RO, ,CI'I PHYIR ZHE NA, LTA BA THAMS CAD SPANGS PA'I PHYIR TE DE LTAR NA DNGOS PO LA SOGS PAR LTA BA THAMS CAD SPANGS PAR 'GYUR RO, ,DE'I PHYIR DNGOS PO RNAMS KYI SKYE BA MED PA'I MTSAN NYID NI DE LTA BU KHO NA YIN NO, , 'DIR YANG GSUNGS PA ZHES BYA BA NI SEMS TZAM KUN RDZOB TU SMRA BA'O, ,'PHAGS PA LANG KAR GSHEGS PA LAS GSUNGS PA'I KHUNGS SHES PA 'BA' ZHIG KHO NA'O ZHES BYA BA SMOS TE, RNAM PAR SHES PA DAG KHO NAR ZAD DO, ,'O NA JI LTAR BCOM LDAN 'DAS KYIS 'BYUNG BA CHEN PO BZHI DAG DANG, 'BYUNG BA CHEN PO BZHI DAG LA BRTEN NAS ZHES BYA BA LA SOGS PA GSUNGS SNYAM PA LA, DE'I PHYIR 'PHAGS PA KLU SGRUB KYI ZHAL SNGA NAS GSUNGS PA'I TSIGS SU BCAD PA GNYIS PA, 'BYUNG BA CHE LA SOGS BSHAD PA, ,ZHES BYA BA SMOS SO, ,BCOM LDAN 'DAS KYIS 'BYUNG BA CHEN PO LA SOGS PA BSHAD PA GANG YIN PA DE THAMS CAD NI RNAM PAR SHES PA KHO NAR YANG DAG PAR 'DU STE, DE'I SO SOR SNANG BA KHO NA LA DE DAG RNAM PAR GZHAG PA'I PHYIR RO, ,GAL TE DE LTA NA RNAM PAR SHES PA'I BDAG NYID DU YOD KYANG RUNG, PHYI ROL GYI BDAG NYID DU YOD KYANG RUNG STE, 'BYUNG BA CHEN PO RNAMS NI RNAM PA THAMS CAD DU DON DAM PAR YOD PA KHO NA'O SNYAM PA LA, DE SHES PAS NI ZHES BYA BA SMOS TE, GANG GI PHYIR YANG DAG PA'I YE SHES LA DE MI SNANG BA DE'I PHYIR LOG PAR RNAM PAR BRTAGS PA YIN NO ZHES BYA BA'I THA TSIG GO, ,DE ZHES BYA BA NI SHES PA NYID DO, , MA YIN NAM ZHES BYA BA NI BOD PA'O, ,'DI NI RIGS PA DRUG CU PA LAS GSUNGS PA YIN NO, ,TSUL GNYIS ZHES BYA BA NI DBU MA PA DANG RNAL 'BYOR SPYOD PA ZHES BYA'O, ,RIGS PA NYID SRAB SKYOGS DANG 'DRA BAS SRAB SKYOGS TE, RTA KHA LO SGYUR BA'I THAG GU DANG 'DRA ZHES BYA BA'I THA TSIG GO; ,GANG DAG LA TSUL GNYIS KYIS BSDUS PA'I THEG PA CHEN PO JI SKAD BSHAD PA YOD PA, DE DAG NI THEG PA CHEN PO PA YIN TE, DE'I PHYIR MING DON JI LTA BA BZHIN NO, ,CI'I PHYIR TSUL GNYIS KYIS BSDUS PA KHO NA THEG PA CHEN PO YIN GYI, GZHAN NI MA YIN NO SNYAM PA LA, 'DI SNYED DE @130A *, ,ZHES BYA BA SMOS SO, ,CHOS LNGA NI MING DANG RGYU MTSAN DANG, RNAM PAR RTOG PA DANG, DE BZHIN NYID DANG, YANG DAG PA'I SHES PA STE, DE LA MING NI SGRA'I SPYI NANG DU BRJOD PAR GNAS PA'O, ,RGYU MTSAN NI GZUNG BA DANG 'DZIN PA'I RNAM PA'O, ,RNAM PAR RTOG PA NI GZHAN GYI DBANG GI NGO BO NYID DO, ,DE BZHIN NYID NI GNYIS MED PA NYID DE GZHAN GYI DBANG GI NGO BO NYID DE NYID GNYIS DANG BRAL BA NYID YIN NO ZHES BYA BA'I THA TSIG GO, ,YANG DAG PA'I SHES PA NI 'JIG RTEN LAS 'DAS PA'I RNAM PAR MI RTOG PA'I YE SHES SO, ,RANG BZHIN NI NGO BO NYID GSUM PO KUN BRTAGS PA DANG, GZHAN GYI DBANG DANG YONGS SU GRUB PA ZHES BYA BA RNAMS SO, ,RNAM PAR SHES PA BRGYAD NI MIG GI RNAM PAR SHES PA LA SOGS PA 'JUG PA'I RNAM PAR SHES PA DRUG DANG, NYON MONGS PA CAN GYI YID DANG, KUN GZHI'I RNAM PAR SHES PA'O, ,BDAG MED PA GNYIS NI GANG ZAG LA BDAG MED PA DANG, CHOS LA BDAG MED PA'O, ,TSUL RNAM PA 'DI GNYIS NI ZHES BYA BA NI RNAM PAR RIG PA TZAM NYID KYI TSUL DANG, DBU MA'I TSUL LO, ,RNAM 'DOR NI TSANGS PA'O, ,MIG MI BZANG NI DBANG PHYUG GO, ,SOGS PA'I SGRAS NI SER SKYA LA SOGS PA GZUNG NGO, ,'DI LTA STE, ZHES BYA BA NI RNAM 'DOR GYIS BSHAD PA'I RNAM PAR RIG PA TZAM NYID KYI TSUL STON TO, ,RNAM RIG TZAM ZHES BYA BA NI BDAG CES BYA BA LA LTOS PAR BYA BA STE, GSANG BA SMRA BA DE DAG NI SROG CHAGS THAMS CAD LA RNAM PAR SHES PA'I RANG BZHIN 'GRO BA THAMS CAD LA KHYAB PA RTAG PA GCIG PU KHO NA'I BDAG GCIG YOD PAR 'DOD DO, ,RTAG TU RNAM PAR DAG CES BYA BA NI DE DANG RANG BZHIN GYIS YONGS SU DAG PA'I PHYIR RO, ,SANGS RGYAS ZHES BYA BA NI MA RIG PA'I GNYID DANG BRAL BA'I PHYIR RO, ,GROL BA ZHES BYA BA NI 'DOD CHAGS LA SOGS PA'I 'CHING BA MED PA'I PHYIR RO, ,'DI THAMS CAD NI DON DAM PA YIN NO, ,MA RIG PA DANG 'DOD CHAGS LA SOGS PA GLO BUR BA YIN PA'I PHYIR RIG PAR BYA'O, ,BLANG BA DANG DOR BA MED CES BYA BA NI 'DI LAS MA GTOGS PA'I 'DOR BA'AM, DOR BAR BYA BA 'AM, LEN PA 'AM, BLANG BAR BYA BA MED PA'I PHYIR TE, DE'I PHYIR 'DI NI BLANG BA YANG @130B MED LA DOR BA YANG MED PA YIN NO, ,TSANGS PA ZHES BYA BA NI BDAG GI RANG BZHIN NO, ,MYA NGAN MED CES BYA BA NI GROL BA ZHES BYA BA'I THA TSIG STE, ,DE'I TSE MA RIG PA MA LUS PAR SPANGS PA'I PHYIR RO, ,ZHAG LNGA PA LAS BYUNG BA ZHES BYA BA 'DIS NI KHYAB 'JUG GIS BSHAD PA DBU MA'I LUGS STON TO ZHES GRAG GO, ,MING TZAM LAS NI RAB 'DAS SHING, ,ZHES BYA BA NI THA SNYAD THAMS CAD LAS 'DAS PA YIN PA'I PHYIR 'DI'O ZHES BYA BA'I THA SNYAD GDAGS PA TZAM LAS KYANG 'DAS PA'O, ,DNGOS DANG DNGOS MED RNAM PAR SPANGS, ,ZHES BYA BA NI DE LAS MA GTOGS PAR GZUGS LA SOGS PA'I DNGOS PO MED PA'I PHYIR TE, DE THAMS CAD NI BRDZUN PA'I PHYIR RO, ,DE'I PHYIR DE NI GZUGS LA SOGS PA DNGOS PO'I RANG BZHIN YANG MA YIN NO, ,DNGOS PO MED PA'I RANG BZHIN YANG MA YIN TE, DNGOS PO'I NGO BO'I BDAG NYID DU GNAS PA'I PHYIR RO, ,DBYUNG DANG BSDU LAS NGES GROL BA; ,ZHES BYA BA NI SKYE BA DANG 'JIG PA DAG DANG BRAL BA ZHES BYA BA'I THA TSIG STE, DE NI RTAG PA YIN PAS SKYE BA DANG 'JIG PA DAG MED PA'I PHYIR RO, ,DE NI ZHES BYA BA NI BDAG DAM PA'O, ,DE JI LTAR DNGOS PO DANG DNGOS PO MED PA LAS GROL BA YIN SNYAM PA LA, DNGOS LA DNGOS NYID YOD MA YIN, , ZHES BYA BA LA SOGS PA SMOS SO, ,DNGOS LA ZHES BYA BA NI GZUGS LA SOGS PA LA BYA STE, DE NI BRDZUN PA'I PHYIR RO, ,DNGOS PO MED PA 'ANG DNGOS NYID MED, ,CES BYA BA NI DE DNGOS PO LA LTOS PA'I PHYIR DNGOS PO MA GRUB NA DE YANG GA LA 'GRUB, DE RIG BYED RIG CES BYA BA NI DE TSANGS PAR RIG CES BYA BA'I THA TSIG GO, ,ZHI BA'I MDZES PA SBYAR BA LAS 'BYUNG BA ZHES BYA BA LA SOGS PA NI MIG MI BZANG GIS BSHAD PA YANG DBU MA PA'I LUGS YIN PAR STON TO, ,'DI NI ZHI BA'I YIN PAS NA ZHI BA'I YIN NO, ,BU GCIG CES BYA BA NI BOD PA'I THA TSIG GO, ,TSANGS PA MCHOG BYA BA NI MCHOG DAM PA STE, GZHAN THAMS CAD BRDZUN PA'I PHYIR RO SNYAM DU BSAMS PA'O, ,GANG LA RIG PA KHO NA DBANG PHYUG YIN PA YOD PA DE LA DE SKAD CES BYA'O, ,MU MTHA' YAS ZHES BYA BA NI KHYAB PA'O, ,DE YANG ZHAGS PA ZHES BYA BA NI SKYE BO JI TZAM DU DE LA YOD DO SNYAM DU MNGON PAR ZHEN PA DE TZAM DU DE NI DE'I 'CHING BA'I RGYU YIN NO ZHES BYA @131A *, ,BA'I THA TSIG GO, ,'DI YANG MDZES PAR SBYAR BA DE'I GANG TZAM NAS BSHAD SNYAM PA LA PHA DANG BU'I SBYAR BA LAS BRJOD PA ZHES BYA BA SMOS SO, ,YON TAN RNAMS KYI ZHES BYA BA NI SNYING STOBS DANG RDUL DANG MUN PA RNAMS KYI'O, ,RI DAGS RNAMS KYI ZHES BYA BA NI RI DAGS RNAMS SO, ,MU STEGS RNAMS NYID GLANG PO CHE DANG RI DAGS DANG 'DRA BAS, MU STEGS BYED KYI GLANG PO CHE DANG RI DAGS RNAMS SO, ,DE DAG GI TSOGS NI KHYU'O ZHES TSIG RNAM PAR SBYAR RO, ,'DI LTA STE ZHES BYA BA 'DIS NI MU STEGS CAN 'DI DAG GZUGS LA SOGS PA BRDZUN PA NYID DU STON DU ZIN KYANG DE DAG NI SHES PA YOD PA LA SOGS PA'I RANG BZHIN YANG DAG PA NYID DU RJOD PAR BYED DE, DE'I PHYIR JI LTAR NA BCOM LDAN 'DAS DON DAM PAR GANG ZAG MA LUS PAR BDAG MED PAR GSUNGS PA DANG 'DI DAG LHAN CIG MTSUNGS PAR 'GYUR ZHES STON PAR BYED DO, ,NAM MKHA' CHEN PO DANG 'DRA BA ZHES BYA BA NI NAM MKHA' CHEN PO DANG MTSUNGS PA STE, BUM PA LA SOGS PA'I KHONGS SU GTOGS PA'I NAM MKHA' GANG YIN PA DE NI CHUNG BAS DE RNAM PAR BCAD PAS THAMS CAD LA KHYAB PA'I NAM MKHA' BSTAN PA'I PHYIR CHEN PO NYID BYE BRAG TU BYAS SO, ,GNYUG MA NI LHAN CIG SKYES PA STE, RI DAGS DANG BYA RNAMS LA YANG YOD PA'I MA RIG PA GANG YIN PA'O, ,GNYUG MA MA YIN PA NI BSTAN BCOS MA NYAN PA LA SOGS PA LAS SKYES PA GANG YIN PA'O, ,DE'I NAM MKHA' ZHES BYA BA BUM PA'I NAM MKHA'O, ,RAB TU SMRA BA DAG GIS ZHES BYA BA NI BSTAN BCOS BYED PA RNAMS KYIS SO, ,GAL TE 'O NA GNYIS SU MED PA DE JI LTAR SNA TSOGS KYI NGO BO MNGON SNYAM PA LA, RMI LAM RMIS PA BZHIN DU ZHES BYA BA SMOS TE, JI LTAR RMI LAM GYI GNAS SKABS NA RNAM PAR SHES PA DON DAM PAR GNYIS MA YIN MOD KYI, SNA TSOGS KYI NGO BOR SNANG BA LTAR BDAG 'DI YANG DE DANG 'DRA BAS 'GAL BA MED DO, ,'DI THAMS CAD NI DE DAG GIS BDAG KHO NA'I DBANG DU BYAS TE, SMRAS PA GSANG BA'I BSTAN BCOS LAS BSHAD PA'I KHUNGS 'DIR SMRAS PA ZHES BYA BA SMOS TE, 'DIR ZHES BYA BA NI GSANG BA'I BSTAN BCOS LAS SO, ,GZUGS ZHES BYA BA NI PHYI'I GZUGS LA SOGS PA'O, ,'BRAS BU NI LUS SO, ,RAB BRJOD PA NI BRJOD PA STE, @131B GZUGS DANG LUS DANG BRJOD PA ZHES TSIG RNAM PAR SBYAR RO, ,THAG PA ZHES BYA BA NI JI LTAR THAG PA NGES RTOGS NA ZHES GONG MA DANG SBYAR RO, ,DE LTAR BDAG KYANG NGES PA YIN, ,ZHES BYA BA NI GNYIS MIN ZHES BYA BAR NGES PA STE 'DI SKAD DU JI LTAR THAG PAR NGES TE RNAM PAR RTOG PA LOG NA THAG PA KHO NA'O SNYAM DU NGES PA YIN PA DE BZHIN DU BDAG LA 'ANG GNYIS KYI RNAM PAR RTOG PA LOG NA GNYIS MA YIN NO SNYAM DU NGES PA YIN NO ZHES BSHAD PA YIN NO, ,GAL TE BDAG GI DE KHO NA GNYIS MA YIN PA NYID YIN NA DE JI LTAR RAB TU SMRA BA RNAMS SROG LA SOGS PA YANG DE KHO NAR SMRA SNYAM PA LA, SROG LA SOGS PA ZHES BYA BA LA SOGS PA SMOS SO, ,DE NI LHA DE'I RGYU MA YIN, ,ZHES BYA BA NI MA RIG PA SGYU MA'I DBANG GIS DE'I BDAG NYID DU RANG NYID RMONGS NAS RAB TU SMRA BA RNAMS RMONGS PAR BYED PA YIN GYI, DE LAS MA GTOGS PA'I GZHAN NYID NI MED DO, ,SROG TU RIGS PAS ZHES BYA BA LA SOGS PAS NI JI SKAD BSHAD PA'I DON NYID NI STON PAR BYED DO, ,DE RIG BYED CES BYA BA NI DE KHO NA RIG PA'O, ,JI STE GAL TE 'DI GNYIS MA YIN NO ZHES BYA BA TSAD MA GANG LAS GRUB SNYAM PA LA, GNYIS MIN ZHES BYA BA SMOS TE, 'DI NI DPER GZHAG PA YIN NO, ,SBYOR BA NI 'DI LTA BU STE GANG DANG GANG YID YIN PA DE NI DON DAM PAR GNYIS MED PA YIN TE, DPER NA RMI LAM GYI GNAS SKABS LTA BU'O, ,SAD PA'I GNAS SKABS NA YOD PA 'DI YANG YID YIN PAS RANG BZHIN GYI GTAN TSIGS SO, ,GAL TE YID DON DAM PAR GNYIS MED PA KHO NA YIN NA, 'O NA DE JI LTAR 'GRO BA RGYU BA DANG MI RGYU BA GZUNG BA DANG 'DZIN PA'I NGO BOR GNYIS SU SNANG SNYAM PA LA, SNANG BA 'DI YID YIN NO ZHES BYA BA SMOS TE, 'DI SKAD DU JI SRID DU MA RIG PA'I DBANG GIS BDAG NYID GZUNG BA DANG 'DZIN PA'I NGO BOR SNANG BA DE SRID DU YID 'DI YIN TE, KHONG DU CHUD CING RTOGS PA'I PHYIR RO, ,DE'I PHYIR YID SNANG BA'I DBANG GIS GNYIS DMIGS SO ZHES BSHAD PAR 'GYUR RO, ,GANG GI TSE YID KYI YID LOG PA'I TSE MI DMIGS SO, ,GAL TE NAM ZHIG LDOG SNYAM PA LA, GANG TSE KUN TU MI RTOG PA, ,ZHES BYA BA LA SOGS PA SMOS SO, ,DE 'DZIN PA MED CES BYA BA NI 'DZIN PA'I 'DZIN PA MED PA'O, ,GANG LA @132A *, ,GNYIS SU MED PAR BRJOD PA'I TSUL YOD PA ZHES TSIG RNAM PAR SBYAR RO, ,SNGAR ZHES BYA BA NI SNGAR DNGOS PO RTAG PA THAMS CAD RGYA CHER BSAL ZIN PA'I PHYIR RO, ,GZHAN YANG ZHES BYA BA NI SUN DBYUNG BA GZHAN STON PA STE, 'DIS NI BCING BA DANG GROL BA KHAS BLANGS PA DAG KUN RDZOB TU YANG MED PAR THAL BAR 'GYUR BAR BSTAN TO, ,RNAL 'BYOR PA RNAMS KYIS BSGOMS PA LA SOGS PA'I SGRIB PA YANG 'BRAS BU MED PAR THAL BAR BSTAN PA'I PHYIR RO, ,CI ZHIG CES BYA BA SMOS TE, RNAL 'BYOR GOMS PAS CI ZHIG BZLOG CING CI ZHIG BSGRUB CES BYA BAR SBYAR RO, , MI ZLOGS PA YI GTAN TSIGS SU, ,SPANG BAR NUS PA MA YIN NO, ,ZHES BYA BA SMOS SO, ,DE'I BDAG NYID CES BYA BA NI BDAG RTAG PA'I BDAG NYID DE, RTAG PA GCIG PU'I NGO BO NI SPANG BAR MI NUS PA'I PHYIR RO, ,BSGRUB TU MI RUNG BA'I GTAN TSIGS SU SHES PA YANG DAG CES BYA BA LA SOGS PA SMOS SO, , DE NYID CES BYA BA NI YANG DAG PA'I SHES PA NI DE'I BDAG NYID YIN PA'I PHYIR RO, ,BUM PA LA SOGS PA ZHIG PA NA ZHES GANG SMRAS PA DE LA SUN DBYUNG BA BUM PA'I NAM MKHA'I DPE YANG ZHES BYA BA LA SOGS PA SMOS SO, ,DER YANG ZHES BYA BA NI NAM MKHA' LA 'O, ,JI LTAR BYIS PA RNAMS LA NI, , ZHES BYA BA DE LA, YANG SUN DBYUNG BA DE KHO NA MTHONG BA GOMS PAS GLO BUR GYI ZHES BYA BA LA SOGS PA SMOS TE GO SLA'O, ,JI LTAR MUN KHUNG MA GTOGS TE, ,ZHES BYA BA LA SOGS PA DE LA YANG SUN DBYUNG BA NGES PA DANG MA NGES PA ZHES BYA BA LA SOGS PA SMOS TE, 'DI THAMS CAD KYIS NI NGES PA LA SOGS PA CHOS 'GAL BA KHAS BLANGS PA'I PHYIR, SKYES BU RTAG PA GCIG BU NYID DU KHAS BLANGS PA GANG YIN PA DE LA GNOD DO ZHES BSTAN PA YIN NO, ,GNYIS MIN GNYIS SNANG ZHES BYA BA'I SBYOR BA DE LA YANG, SUN DBYUNG BA SHES PA'I SKYES BU RTAG PA DANG GCIG PU ZHES BYA BA LA SOGS PA SMOS TE; 'DIS NI BSGRUB PAR BYA BA'I CHOS CAN LAS LOG PA'I DPE'I CHOS CAN MA GRUB PA NYID DU BSTAN TO, ,GAL TE SPYIR CHOS CAN TZAM LA GNYIS MED PA'I NGO BOR BSGRUB NA NI, DE'I TSE GRUB PA SGRUB PA YIN TE, KHO BO CAG KYANG RNAM PAR SHES PA SMRA BA LA DE BZHIN DU KHAS LEN PA'I PHYIR RO, , @132B CHOS CAN RTAG PA LA NI GTAN TSIGS KYI GZHI MA GRUB PA NYID DANG, DPE'I CHOS CAN YANG MA GRUB PA NYID YIN NO, ,DE DAG GIS GANG BRJOD PA ZHES BYA BA NI GSANG BA SMRA BA RNAMS KYIS TE, DE NI BDE BAR GSHAGS PA'I LUGS LA MDZES SO ZHES BYA BAR SBYAR TE, DNGOS PO THAMS CAD LA KHYAB PA'I STONG PA NYID BSTAN PA NI BCOM LDAN 'DAS KHO NA'I YIN GYI, GZHAN DAG GI NI MA YIN NO, ,YE SRID PA ZHES BYA BA NI YE SRID PA DBANG PHYUG GI YIN PAS YE SRED PA'O, ,YANG DAG PA NYID CES BYA BA NI DE KHO NA NYID DO, ,SNGAR SMOS PA ZHES BYA BA NI DNGOS PO RTAG PA BSAL BA'I TSUL GYIS SO, ,RANG GI SDE PA GANG DAG CES BYA BA NI BTZUN PA DGE BSRUNGS LA SOGS PA STE THAMS CAD GO SLA'O, ,CHOS RNAMS THAMS CAD RTAG TU RANG BZHIN STONG, ,ZHES BYA BA LA SOGS PA NI TSIGS SU BCAD PA'I LHAG MA, RGYAL SRAS RNAMS KYIS DNGOS PO RNAMS BSHIG NA, ,SRID PA KUN NI YONG GIS THAMS CAD STONG, ,PHYOGS GCIG STONG NYID MU STEGS CAN RNAMS KYI, ,ZHES BYA BA GSUNGS SO, ,'DIR YANG GSUNGS PA ZHES BYA BA NI 'PHAGS PA KLU SGRUB KYIS SO, ,RKYEN LAS BYUNG BA ZHES BYA BA NI, RTEN CING 'BREL PAR 'BYUNG BA'I 'O, ,CI'I PHYIR MA MTHONG SNYAM PA LA, GAL TE DON GCIG CES BYA BA LA SOGS PA SMOS TE, GAL TE DON GCIG CIG DON DAM PAR YOD PAR GYUR NA YANG, DE'I TSE CI'I PHYIR, CHOS THAMS CAD RANG BZHIN MED PA NYID DU KHAS BLANG, 'DIS NI THA SNYAD 'DI 'JIG RTEN DANG 'GAL BA YIN NO ZHES BSTAN PA YIN NO, ,MDO SDE MANG DANG 'GAL BAR 'GYUR, ,ZHES BYA BA NI BCOM LDAN 'DAS KYIS RAB 'BYOR PHYIN CI LOG MA GTOGS PAR BYIS PA RNAMS GANG LA GNAS NAS LAS MNGON PAR 'DU BYED PAR 'GYUR BA'I CHOS NYID SKRA'I RTZE MO'I CHA SHAS GZHAG PA TZAM YANG MED DO ZHES GSUNGS PA DANG, 'PHAGS PA CHOS YANG DAG PAR SDUD PA LAS, RIGS KYI BU 'JIG RTEN GNAS PA 'DI NI SKYE BA DANG 'GAG PA LA MNGON PAR ZHEN PA YIN TE, DE LTA BAS NA DE BZHIN GSHEGS PA NI 'JIG RTEN SKRAG PA'I GNAS YONGS SU SPANG PA'I PHYIR THA SNYAD KYI DBANG GIS SKYE'O, ,'GAG GO ZHES GSUNG GI 'DI LA CHOS GANG @133A *, ,YANG SKYE BA MED DO ZHES GSUNGS SO, ,KHYAB DANG DBANG LA SOGS ZHES BYA BA NI KHYAB 'JUG DANG DBANG PHYUG LA SOGS PA'O, ,DPAG TU MED PAR GNAS PA'I RGYU ZHES BYA BA NI THA SNYAD THAMS CAD RNAM PAR GZHAG PA'I RGYU'O, ,'JIG RTEN SPYI BOR GYUR PAS KYANG, , ZHES BYA BA NI NYAN THOS DANG RANG SANGS RGYAS RNAMS KYIS KYANG NGO, ,KYANG GI SGRAS NI SO SO'I SKYE BO MCHOG RNAMS KYIS KYANG NGO, ,ZLA BA'I 'OD ZER BZHIN DAG PAS NA ZLA BA'I 'OD ZER LTAR DAG PA'O, ,BDAG MED PA DANG PO NI GANG ZAG LA BDAG MED PA'O, ,GANG DAG LA LOG PAR BSTAN PA'I GRUB MTHAR 'CHEL BA'I BLO YOD PA ZHES TSIG RNAM PAR SBYAR RO, ,DE LUGS RJES 'JUG BLO CAN RNAMS, ,ZHES BYA BA NI DE BZHIN GSHEGS PA'I LUGS KYI RJES SU 'JUG PA'I BLO CAN RNAMS SO, ,DE BZHIN GSHEGS PA'I BSTAN PA GANG LA SNYING RJE NYID RIGS KYI KHYIM YOD PA DE LA DE SKAD CES BYA'O, ,ME LCE ZHES BYA BA NI ME'O, ,GRANGS YOD PA ZHES BYA BA NI GCIG KHO NA'O, ,CHOS KYI SKU LA ZHES BYA BA NI GNOD PA ZHES BYA BAR SBYAR TE, CHOS KYI SKU'I SA BON DE KHO NA NYID LA MOS PA GANG YIN PA DE LA GNOD PA BYED PAR ZHUGS PA'I PHYIR RO, ,YANG GSUNGS PA ZHES BYA BA NI 'PHAGS PA KLU SGRUB LA SOGS PA STE, 'DIR TSIGS SU BCAD PA DANG PO NI, SLOB DPON KLU SGRUB KYI ZHAL SNGA NAS KYIS YIN NO, ,GNYIS PA LA SOGS PA NI 'PHAGS PA LHA'I YIN NO, ,GTI MUG DBANG GIS BSGRIBS GYUR TE, ,ZHES PA NI GTI MUG GIS KUN NAS BSGRIBS PA'O, ,ZLA BA SGRON MA'I TING NGE 'DZIN LAS DANG PO BZOD PA'I KHYAD PAR BSTAN PA LAS JI SKAD GSUNGS PA BZHIN NO ZHES BYA BA NI DE LAS, 'JIG RTEN 'DI NA MU STEGS CAN GZHAN GANG, ,'KHOD PA DAG LA DE NI YID MI SDANG, ,DE DAG RNAMS LA SNYING RJE NYER 'JOG LA, ,'DI NI BZOD PA DANG PO'I BYE BRAG YIN, ,ZHES BYA BA 'BYUNG NGO, ,GANGS NI KHA BA'O, ,DE'I RANG BZHIN GYI RI STE, RI BO NI GANGS RI'O, ,DE YI KHA BA'I DU MA GRUGS NI, ,GANGS RI'I KHA BA'I DU MA GRUGS SO, ,DE NI NYI MA'I 'OD ZER SHIN TU 'JEBS PA'ANG YIN LA, GANGS RI'I KHA BA'I DU MA GRUGS LA BABS PA YANG YIN PAS ZHES TSIG RNAM @133B RNAM PAR SBYAR TE, DE DANG 'DRA BA'I PHYIR RO, ,RIGS NGAN ZHES BYA BA NI GDOL PA'O, ,THOG MA DANG BAR DANG THA MAR DGE BA ZHES BYA BA NI THOS PA DANG, BSAMS PA DANG, BSGOMS PA'I DUS SU GO RIMS JI BZHIN PA 'AM, ,YANG NA MNGON SUM DANG, RJES SU DPAG PA DANG, PHAN TSUN DPYOD PA DAG TU'O, ,GSER NI SA LE SBRAM MO, ,GANG LA 'KHOR BA NA MA 'DRIS PA'I YE SHES YOD PA DE LA DE SKAD CES BYA'O, ,DE NI MI DANG LHA YUL PA'I 'DREN PA MTHA' DAG GI COD PAN GYI PHRENG BAS BRGYAN PA YANG YIN LA ZHABS PADMA GNYIS KYANG YIN PAS ZHES TSIG RNAM PAR SBYAR RO, ,YANG DAG YE SHES TSOL BRTZON ZHES BYA BA NI GYUR NAS ZHES BYA BA LHAG MA YIN NO, ,GANG DAG LA BLO MI GZHIB PA YOD PA ZHES TSIG RNAM PAR SBYAR RO, ,LHAG MA NI GO SLA BAS RNAM PAR MA PHYE'O, ,DBU MA'I RGYAN KYI DKA' 'GREL SLOB DPON KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO SU REN DRA BO DHI DANG, PRADZNY'A WARMA DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, ,,'DI LA SH'O KA STONG SUM BRGYA BRGYAD CU YOD DO,,#, ,RGYA GAR SKAD DU, MA DHYA MA K'A LO KA N'A MA, BOD SKAD DU, DBU MA SNANG BA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,'DI NA MI MKHAS GANG DAG LTA BA NYAMS PAS DNGOS LA ZHEN PA'I GDON CHEN GYIS, ,ZIN PA'I DBANG GIS BLO GROS NYAMS PAS CHE BA'I CHE BA KLU SGRUB LA SOGS LA, ,SMOD PAR BYED KYANG BDAG NYID PHUNG BA 'BA' ZHIG BYED DU ZAD PA DE DAG GI ,'BYUNG PO'I GDON RNAMS ZHI BAR BYA PHYIR SNYING RJES GSO BA'I THABS NI BRTZAM PAR BYA, ,KUN NAS NYON MONGS PA'I DRA BA MTHA' DAG 'BYUNG BA'I RTZA BA NI DNGOS POR MNGON PAR ZHEN PA YIN PAS DE YONGS SU SPANGS TE, LEGS PA'I GO 'PHANG 'DOD PA RNAMS LA CHOS THAMS CAD NGO BO NYID MED PAR BSTAN PA'I PHYIR 'DI RTZOM MO, ,'DI NA KHA CIG DON DAM PA ZAB MO'I TSUL GYI RGYA MTSO'I GTING MI DPOGS NAS SMRA BA, LUNG NGAM RIGS PA'I SGO NAS CHOS THAMS CAD NGO BO NYID MED PAR BSGRUB PAR 'GYUR GRANG NA, RE ZHIG BKA' LUNG GI SGO NAS NI NUS PA MA YIN TE, DE @134A *, ,SU YANG KHAS MI LEN PA'I PHYIR RO, ,TSIG NI 'DOD PA TZAM GYI RJES SU BYED PA YIN TE, DE LTA BU'I DNGOS PO DANG 'BREL PA MED PAS TSAD MA DANG MI LDAN PA'I YANG PHYIR RO, ,'BREL PA YOD DU CHUG NA YANG TSU ROL MTHONG BA RNAMS KYIS GTAN LA DBAB PAR MI NUS PA'I PHYIR RO, , RTOGS PAR BYED PA GANG DAG DE'I GSUNG RAB KYI LUGS KHAS LEN PA DE DAG LA YANG GANG GIS NA THE TSOM MED PAR DNGOS PO MA LUS PA'I NGO BO NYID MED PAR RTOGS PAR 'GYUR BA DE LTA BU'I TSIG NI CUNG ZAD KYANG NYE BAR BSTAN PAR MI NUS SO, ,MDO KHA CIG LAS CHOS THAMS CAD NI NGO BO NYID MED PA MA SKYES PA GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BYA BA LA SOGS PA 'BYUNG BA GANG YIN PA DE YANG DRANG BA'I DON NYID DU RTOGS PAR BYA STE, BCOM LDAN 'DAS KYI BSTAN PA NI DGONGS PA SNA TSOGS KYI SGO NAS 'JUG PA'I PHYIR RO, ,DE LA NGO BO NYID GSUM PO KUN BRTAGS PA DANG, GZHAN GYI DBANG DANG, YONGS SU GRUB PA RNAMS NI GO RIMS BZHIN DU MTSAN NYID DANG, SKYE BA DANG, DON DAM PA NGO BO NYID MED PA LAS DGONGS NAS CHOS THAMS CAD NGO BO NYID MED PA NYID DU GSUNGS TE, DE BAS NA NGO BO NYID MED PA'I PHYIR MA SKYES PA'O, ,DE'I PHYIR GZOD MA NAS ZHI BA'O, ,DE'I PHYIR RANG BZHIN GYIS YONGS SU MYA NGAN LAS 'DAS PA STE, DE BZHIN DU BCOM LDAN 'DAS NYID KYIS 'PHAGS PA DGONGS PA NGES PAR 'GREL PA LA SOGS PA LAS MDO'I DON GYI DGONGS PA SBYAR BA BSTAN PA YIN NO, ,GZHAN YANG GNYIS SU SNANG BA'I RNAM PAR SHES PA KHO NAR CHOS THAMS CAD SKYE BA LA SOGS PA BYE BRAG 'BYED KYI, RANG RIG PA TZAM GYIS NI MA YIN NO, ,GNYIS SU SNANG BA YANG BRDZUN PA'I PHYIR DES RNAM PAR GZHAG PA'I NGO BO THAMS CAD KYANG BRDZUN PA NYID YIN NO, ,DE BAS NA KUN BRTAGS PA'I MTSAN NYID NGO BO NYID MED PA NYID KYIS CHOS THAMS CAD SKYE BA MED PA LA SOGS PAR GSUNGS KYI, DON DAM PAR NI MA YIN TE, DE'I PHYIR RE ZHIG LUNG GI SGO NAS NI NUS PA MA YIN NO, ,RIGS PA'I SGO NAS KYANG MA YIN TE, 'DI LTAR RE ZHIG MNGON SUM GYIS NI DNGOS PO MA LUS PA DBEN PAR RTOGS PAR MI 'GYUR TE, DE'I YUL NI DNGOS PO YIN PA'I PHYIR @134B RO; ,DNGOS PO MED PA NI NGO BO NYID MED PA NYID KYIS JI LTAR YANG RANG GI NGO BO NYE BAR STON PAS RNAM PAR SHES PA SKYED PAR BYED PA NYID DU RIGS PA MA YIN PA'I PHYIR RO, ,JI STE SKYED PAR BYED PA NYID YIN NA NI DNGOS PO NYID DU THAL BAR 'GYUR TE, DNGOS PO'I MTSAN NYID NI DON BYED NUS PA YIN PA'I PHYIR RO, ,MNGON SUM GANG YIN PA DE YANG NGO BO NYID DANG BCAS PA YIN NA NI DE'I TSE CHOS THAMS CAD NGO BO NYID MED PA NYID DU DAM BCAS PA NYAMS PAR 'GYUR RO, ,'ON TE DE NGO BO NYID MED PA YIN NA NI, JI LTAR DES DNGOS PO MA LUS PA DBEN PAR RTOGS PAR 'GYUR, GZHAN YANG DON GZHAN GYIS DBEN PA'I PHYOGS LA SOGS PA 'GA' ZHIG 'DZIN NA NI DE LAS GZHAN PAS STONG PA NYID MNGON SUM GYIS RTOGS PAR BYA BA YIN PAR 'GYUR NA, CHOS THAMS CAD NGO BO NYID MED PA NYID DU SMRA BA RNAMS LA NI GANG 'GA' ZHIG MNGON SUM DU DMIGS PAS CHOS THAMS CAD DBEN PAR RTOGS PAR 'GYUR BA CHOS THAMS CAD KYI NGO BO NYID KYIS DBEN PA'I DNGOS PO NI CUNG ZAD KYANG MED DE, DE YANG CHOS THAMS CAD KYI NANG DU 'DUS PA'I PHYIR RO, ,'ON TE NANG DU MA 'DUS NA NI RANG GIS DAM BCAS PA NYAMS PAR 'GYUR RO, ,'DI NI THAMS CAD MKHYEN PA LA SOGS PA RNAL 'BYOR PA'I MNGON SUM GYIS YANG DAG PAR RTOGS PAR BYA BA YIN NO ZHES BYA BA YANG MKHAS PA RNAMS YONGS SU TSIM PAR MI 'GYUR TE, DE LA RIGS PA MED PA'I PHYIR RO, ,GAL TE RNAL 'BYOR PA'I SHES PA DE YANG MED PA ZHIG YIN NA NI, DE'I TSE DE JI LTAR TSAD MAR 'GYUR, 'ON TE YOD NA NI DE'I TSE DAM BCAS PA NYAMS PAR 'GYUR RO, ,RJES SU DPAG PA'I SGO NAS KYANG DNGOS PO MA LUS PA STONG PA NYID DU BSGRUB PAR NUS PA MA YIN TE, KHYED LA GZHI CHOS CAN 'GA' YANG MED PA'I PHYIR DANG GTAN TSIGS DANG DPE LA SOGS PA YANG MA SKYES PA'I PHYIR GTAN TSIGS THAMS CAD GZHI DANG RANG GI NGO BO MA GRUB PA KHO NA YIN NA JI LTAR DES DE BSGRUB PAR 'GYUR, JI STE GZHAN LA GRUB PA'I PHYIR PHA ROL POS KHAS BLANGS PA'I GTAN TSIGS LA SOGS PAS RANG GI PHYOGS RAB TU SGRUB PAR BYED PA YIN NO ZHE NA, DE YANG RIGS PA MA YIN TE, LUGS NI SGRUB PA DANG SUN 'BYIN PA GNYI GA @135A *, ,LA GRUB PA KHO NA YIN NO ZHES BYA BA YIN PA'I PHYIR RO, ,'DI LTAR GAL TE PHA ROL POS KHAS BLANGS PA'I GTAN TSIGS LA SOGS PA DNGOS SU YOD PA KHO NA MA YIN GYI, GZHAN DAG RNAM PAR RMONGS PAS DE YOD PA NYID DU NYE BAR BRTAGS PA 'BA' ZHIG TU ZAD NA NI JI LTAR DES NA KHYED KYI PHYOGS YANG DAG PAR 'GRUB PAR 'GYUR, 'ON TE DE DNGOS PO'I TSUL GYIS YOD PA KHO NA YIN NA NI 'O NA NI DE'I TSE GZHAN 'BA' ZHIG LA GRUB PA MA YIN TE, KHYED LA YANG GRUB PA'I PHYIR RO, ,DNGOS PO RNAMS GRUB PA DANG MA GRUB PA NI SKYES BU'I 'DOD PAS LHAG PAR 'BRANG BA NI MA YIN NO, ,PHA ROL POS KHAS BLANGS PA'I SGRUB PA LA SOGS PA YOD PA NYID DU KHAS LEN NA DNGOS PO RNAMS NGO BO NYID DANG BCAS PA NYID DU'ANG CI'I PHYIR KHAS MI BLANG, GANG DU YANG CHOS THAMS CAD DBEN PA DANG RTAGS GANG DANG YANG LHAN CIG 'BREL PAR MA GRUB STE, DE NI SHIN TU LKOG TU GYUR PA'I PHYIR RO, ,JI STE GRUB NA NI THAMS CAD KYIS DE KHO NA MTHONG BA NYID DU THAL BAR YANG 'GYUR LA, DANG PO NYID NAS GRUB ZIN PA'I PHYIR RTAGS KYI RJES SU 'BRANG BA DON MED PA YANG YIN NO, ,GZHAN YANG RE ZHIG RANG BZHIN DANG 'BRAS BU'I GTAN TSIGS DAG NI CHOS THAMS CAD NGO BO NYID MED PAR SGRUB NUS PA MA YIN TE, DE DAG NI DNGOS PO SGRUB PA'I PHYIR RO, ,KHYED KYI LUGS KYIS DE GNYIS SRID PA YANG MA YIN TE, 'DI LTAR CHOS THAMS CAD MA SKYES BA NYID KYIS CI YANG GANG DANG YANG LHAN CIG RGYU DANG 'BRAS BU'I DNGOS POR KHAS MI LEN PA'I PHYIR 'BRAS BU'I GTAN TSIGS MI SRID DO, ,CHOS THAMS CAD NGO BO NYID MED PA NYID KYIS GANG GI YANG RANG GI NGO BO CI YANG MED PAS RANG BZHIN GYI GTAN TSIGS LTA GA LA YOD, MI DMIGS PA YANG DE SGRUB PAR NUS PA MA YIN TE, 'DI LTAR RE ZHIG RANG BZHIN MI DMIGS PA MED PA'I THA SNYAD GRUB PA GANG YIN PA DE NI MNGON SUM GYIS GZHAN GYIS DBEN PA'I DNGOS PO RTOGS NA DAM PA MA YIN PA'I BSTAN BCOS MNYAN PAS YID RNAM PAR RMONGS PA KHA CIG DE LA GZHAN GYIS DBEN PAR THA SNYAD 'JUG PAR MI BYED PA RNAMS LA DE'I THA SNYAD RAB TU SGRUB PA'I PHYIR RAB TU SBYOR BA YIN NA KHYED LA NI GANG DU DE'I THA SNYAD RAB TU BSGRUB PAR BYA BA CHOS THAMS @135B CAD KYIS RAB TU DBEN PA'I DNGOS PO MNGON SUM GYIS RTOGS PA DE LTA BU CUNG ZAD KYANG MED DE, RANG GI PHYOGS NYAMS PAR THAL BAR 'GYUR BA'I PHYIR RO ZHES BSHAD ZIN PA NYID DO, ,DE DANG 'GAL BA DMIGS PA LA SOGS PA YANG MI SRID PA KHO NA STE, DE NI SHIN TU LKOG TU GYUR PA'I PHYIR CHOS THAMS CAD DBEN PA DANG 'GA' YANG LHAN CIG 'GAL BA LA SOGS PA MA GRUB PA'I PHYIR RO, ,'ON TE GRUB NA NI DE DANG 'GAL BA LA SOGS PA KHO NA DNGOS PO NYID DU GRUB PA'I PHYIR MI 'DOD PAR 'GYUR BA MA YIN NO, ,'DI LTAR DNGOS PO RNAMS KYI 'GAL BA NI RNAM PA GNYIS SU RNAM PAR GZHAG STE, LHAN CIG MI GNAS PA'I MTSAN NYID DANG, PHAN TSUN SPANGS TE GNAS PA'I MTSAN NYID DO, ,DE LA RGYU MA TSANG BA MED PA GANG ZHIG GANG YOD PAS NGES PAR MED PA DE GNYIS NI 'GAL BA DANG POR RNAM PAR GZHAG STE, DPER NA GRANG BA DANG TSA BA'I REG PA LTA BU'O, ,GANG LA GANG ZHIG YONGS SU GCOD PA GANG RNAM PAR GCAD PA MED NA MED PA DE GNYIS NI DE LA 'GAL BA GNYIS PAR RNAM PAR GZHAG STE, DPER NA CHOS CAN GCIG LA CIG CAR DNGOS PO YOD PA DANG MED PA DAG LTA BU'O, ,'GAL BA DE LTA BU RNAM PA GNYIS KA YANG CHOS THAMS CAD NGO BO NYID MED PA NYID DU SMRA BA LA MI SRID PA KHO NA STE, NAM MKHA'I AUTPALA LA SOGS PA LA RGYU MA TSANG BA NYID KYANG MED LA GZHAN RNAM PAR GCAD PAS YONGS SU GCOD PA YANG MED DE, DE NI DNGOS PO'I MTHA' YIN PA'I PHYIR RO, ,YOD PAR RNAM PAR GCAD PAS 'DI YONGS SU GCOD PAR RNAM PAR 'JOG MOD KYI, DE YANG LA LAR YOD PA 'GA' ZHIG RNAM PAR GCAD PA GRUB NA, GRUB PAR 'GYUR BA ZHIG NA, KHYED NI GANG DU YANG GANG ZHIG RNAM PAR GCAD PAR 'GYUR BA GANG YANG YOD PA MI 'DOD DO, ,CHOS THAMS CAD NGO BO NYID MED PA NYID NYE BA YIN NA KHYED LA RGYU MA TSANG BA MED PA 'GA' YANG YOD PAR MA GRUB PO, ,JI STE GRUB NA NI RGYU MA TSANG BA MED PA GANG YIN PA DE NYID DNGOS PO GRUB PAR GYUR PA YIN NO, ,GAL TE CHOS THAMS CAD NGO BO NYID MED PA NYID RNAM PAR GCAD PAS NGO BO NYID 'GA' ZHIG YONGS SU GCOD PAR GYUR NA NI DE'I TSE DE NYID KHO BO CAG GI DNGOS PO BSGRUBS PAR YANG 'GYUR BAS DE LTA NA RE ZHIG DE DANG 'GAL BA DMIGS PA MI SRID DO, ,DE MI SRID @136A *, ,NA 'GAL BAS KHYAB PA DMIGS PA LA SOGS PA YANG MI SRID PA KHO NA STE, DE THAMS CAD 'GAL BAS RAB TU PHYE BA'I PHYIR 'GAL BA MA GRUB NA DE DAG KYANG MI SRID PA'I PHYIR RO, ,KHYAB PAR BYED PA MI DMIGS PA YANG KHYAB PAR BYA BA DANG, KHYAB PAR BYED PA'I DNGOS PO YANG DAG PAR GRUB NA KHYAB PAR BYA BA DGAG PA'I PHYIR RAB TU SBYOR BA YIN NA, CHOS THAMS CAD NGO BO NYID DANG BCAS PA MA YIN PA NYID LA NI GANG GIS KYANG KHYAB PAR MA GRUB PO, ,JI STE GRUB NA NI KHYAB PA GANG YIN PA DE NYID DNGOS POR GRUB PAR 'GYUR RO, ,RGYU MI DMIGS PA YANG RGYU DANG 'BRAS BU'I DNGOS POR GRUB NA 'BRAS BU'I RANG GI NGO BO NYID DGAG PA'I PHYIR RAB TU SBYOR BA YIN NA, CHOS THAMS CAD NGO BO NYID MED PA NYID LA NI RGYU DANG 'BRAS BU'I DNGOS POR GRUB PA MED DO, ,GRUB NA NI RGYU DANG 'BRAS BUR GYUR PA DE NYID DNGOS POR GRUB PAR 'GYUR RO, ,CHOS THAMS CAD LA YANG GANG ZHIG BKAG PAS 'DI DAG NGO BO NYID MED PA NYID DU 'GRUB PAR 'GYUR BA'I BYED RGYU GCIG PU NI 'GA' YANG MED DO, ,KHA CIG GIS DBANG PHYUG LA SOGS PA BYED RGYU GCIG PU KHAS BLANGS PA GANG YIN PA DE BKAG KYANG 'DI DAG NGO BO NYID MED PA NYID DU NI 'GRUB PAR MI 'GYUR TE, THAMS CAD RANG GI RGYU KHO NA LAS SKYE BA'I PHYIR RO, ,'DI DAG NI SO SO RANG RANG GI RGYU DGAG PAR BYA BAR YANG MI NUS TE, DE NI GRAGS PA'I PHYIR RO, ,GZHAN YANG BDAG MED PA CHOS THAMS CAD KYI YUL CAN DU SGRUB NA DE'I TSE DPE MA GRUB PA YIN NO, ,GZUGS BRNYAN LA SOGS PA DPE GANG DAG YIN PA DE DAG KYANG KHA CIG NI PHYI'I DNGOS PO'I NGO BO KHO NAR 'DOD LA, GZHAN DAG NI SHES PA'I NGO BO NYID DU 'DOD PAS DE DAG DNGOS PO NYID DU 'DOD PA KHO NA YIN NO, ,'ON TE NYI TSE BA'I BDAG MED PA BSGRUB PAR 'DOD LA, DE LA YANG GAL TE MU STEGS PAS KUN BRTAGS PA'I GTZO BO LA SOGS PA 'GOG PAR BYED NA NI DE'I TSE GRUB PA SGRUB PAR BYED PA NYID DO, ,'ON TE 'JIG RTEN NA GRAGS PA GZUGS LA SOGS PA YIN NA NI DE'I TSE DPE YANG MED LA, DAM BCAS PA YANG MNGON SUM DANG 'GAL LO, ,GZHAN YANG GAL TE RJES SU DPAG PA'I 'BREL PA RAB TU GRUB PAR BYA BA'I PHYIR MNGON SUM TSAD MAR KHAS LEN NA @136B NI DE'I TSE DNGOS POR GRUB PA NYID DE, 'DI LTAR MNGON SUM GYI MTSAN NYID NI RTOG PA DANG BRAL ZHING MA NOR BA ZHES BYA BA YIN NO, ,MA NOR BA'I SHES PAS GTAN LA PHAB PA'I DNGOS PO'I NGO BO NYID DAG KYANG JI LTAR RJES SU DPAG PAS GSAL BAR BYA BAR NUS, DE SEL NA NI MNGON SUM LA GNOD PA BYAS PAR 'GYUR RO, ,DE LA GNOD NA NI RJES SU DPAG PA YANG LEGS PAR MI GNAS PAR 'GYUR RO, ,MNGON SUM DE NYID LAS 'BREL PA THOB PA'I RJES SU DPAG PAS YANG DE NYID LA GNOD PA BYED PAR YANG JI LTAR 'GYUR, 'ON TE MNGON SUM DU GRUB PA'I DON LA GNOD PAR MI BYED NA NI DE'I TSE DNGOS POR SMRA BA RNAMS LEGS PAR GNAS PA KHO NA YIN TE, THOB PAR BYA BA THOB PA'I PHYIR RO, ,GZHAN YANG GAL TE CHOS THAMS CAD NGO BO NYID MED PA NYID DU 'GRUB PAR BYA BA'I PHYIR GTAN TSIGS YOD PA'I CHOS SHIG STON NA NI DE'I TSE DE LAS BZLOG PA BSGRUB PA'I PHYIR GTAN TSIGS 'GAL BA YIN NO, ,'ON TE MED PA'I CHOS SHIG YIN NA NI DE'I TSE MED PA DANG DNGOS PO MED PAR LHAN CIG PHAN TSUN 'BREL PA MED PA'I PHYIR JI LTAR NA SGRUB PA NYID YIN, JI STE GNYI GA'I CHOS SHIG YIN NA NI DE YANG NGES PA MA YIN TE, MI MTHUN PA'I PHYOGS LA YANG YOD PA'I PHYIR RO, ,GANG LAS DE 'GRUB PAR 'GYUR BA'I TSAD MA GZHAN YANG YOD PA MA YIN NO, ,DE NI TSIG TZAM GYIS KYANG MI 'GRUB STE, THAMS CAD KYIS THAMS CAD 'GRUB PAR THAL BAR 'GYUR BA'I PHYIR RO, ,TSIG KYANG 'GAL TE NGO BO NYID MED PA YIN NA NI JI LTAR DE GRUB PAR 'GYUR, THAL BAR BSGRUBS PAS KYANG MNGON PAR 'DOD PA'I DON MI 'GRUB STE, DE LTA BU'I THAL BA NYID MA GRUB PA'I PHYIR RO, ,THAL BAR SGRUB PA'I SGO NAS NI GZHAN GYI PHYOGS LA GNOD PA TZAM DU 'GYUR GYI, RANG GI PHYOGS 'GRUB PA NI MA YIN TE, DE NI GNYI GA LA GRUB PA'I GTAN TSIGS GZHAN LA LTOS PA'I PHYIR RO, , GANG YANG DNGOS PO RNAMS NI RANG LAS MI SKYE STE, MA SKYES PA RNAMS NI MED PAS GANG DU YANG RGYU NYID DU MI 'THAD PA'I PHYIR RO, ,SKYES ZIN PA RNAMS KYANG YANG BDAG NYID BSKYED PA DON MED DE, GRUB ZIN PA'I PHYIR RO, ,BYE BRAG MED PA YIN NA NI RGYU DANG 'BRAS BU'I DNGOS POR YANG RIGS PA MA @137A *, ,YIN TE, DE'I RGYU NI BYE BRAG YIN PA'I PHYIR RO, ,DNGOS PO RNAMS GZHAN LAS KYANG MI SKYE STE, GZHAN NYID MA GRUB PA'I PHYIR RO, ,GZHAN YANG RE ZHIG GZHAN DU GYUR PA RTAG PA LAS KYANG 'DI DAG MI SKYE STE, RTAG PA NI RIM DANG CIG CAR DAG GIS DON BYED PAR 'GAL BA'I PHYIR RO, ,MI RTAG PA LAS KYANG RE ZHIG ZHIG PA LAS NI MA YIN TE, DE NI DE'I TSE MED PA'I PHYIR RO, ,MA ZHIG PA LAS KYANG MA YIN TO, ,RGYU DANG 'BRAS BU DAG MNYAM PA NYID DU THAL BAR 'GYUR BA'I PHYIR RO, ,DUS MNYAM PAR 'BYUNG BA DAG NI RGYU DANG 'BRAS BU'I DNGOS POR YANG RIGS PA MA YIN TE, GRUB ZIN PA'I GNAS SKABS NA GNYI GA YANG GRUB PA'I NGO BO NYID YIN PAS PHAN TSUN PHAN 'DOGS PAR MI BYED PA'I PHYIR RO, ,MA GRUB PA'I GNAS SKABS NA NI GNYI GA YANG MED PA'I PHYIR RO, ,HA CANG PHAN 'DOGS PAR MI BYED PA NYID DO, ,GNYI GA LAS KYANG MI SKYE STE, JI SKAD BSHAD PA'I SKYON GNYI GAR THAL BAR 'GYUR BA'I PHYIR DANG, GCIG LA GNYIS NYID 'GAL BA'I PHYIR RO, ,DNGOS PO RNAMS NI RGYU MED PA NYID DU 'BYUNG BA YANG MA YIN TE, RES 'GA' BA NYID DU MTHONG BA'I PHYIR RO ZHES ZER BA DE YANG RIGS PA MA YIN TE, 'DI LTAR RANG LAS MA YIN; GNYI GA LAS MA YIN, RGYU ZHIG PA LAS KYANG MA YIN, RGYU MED PA LAS KYANG MA YIN, RGYU RTAG PAR 'DOD PA LAS KYANG 'BRAS BU MI SKYE'O ZHES BYA BA 'DI NI RIGS NA, RGYU GZHAN MI RTAG PAR 'DOD PA MA ZHIG PA LAS 'BRAS BU SKYE BA LA GO 'GAL BA CI ZHIG YOD NA GANG GI PHYIR DE LAS 'BRAS BU SKYE BA YANG DGAG ,'DI LA NI GNOD PA BYED PA'I TSAD MA YANG CUNG ZAD KYANG MED DO, ,GZHAN DU GYUR PA DNGOS PO TZAM YANG MI 'GRUB PA YANG MA YIN TE, 'DI LTAR GANG GI MJUG THOGS SU 'BRAS BU SKYE BAR 'GYUR BA DE NYID GZHAN ZHES BYA'O, ,'BRAS BU SKYE BA'I SNGON ROL DU DE LA GZHAN ZHES BYA BA MA GRUB TU ZIN KYANG DNGOS PO LA NI NYAMS PA MED PA NYID DO, ,KHA CIG GIS GZHAN YIN PA'I PHYIR ZHES GNOD PA CAN GYI TSAD MA SMRAS PA GANG YIN PA DE YANG MA NGES PA YIN TE, GZHAN NYID DANG SKYED PAR BYED PAR 'GAL BA MED PA'I PHYIR RO, ,MI 'GAL BA'I TSUL DE NI DGAG @137B PAR NUS PA YANG MA YIN TE HA CANG THAL BAR 'GYUR BA'I PHYIR RO, ,DE LTA NA NI GZHAN 'GA' ZHIG LA DBUL BA NYID DANG, BLUN PA NYID LA SOGS PA'I CHOS MTHONG BAS GZHAN NYID KYI GTAN TSIGS KYI 'GRO BA THAMS CAD DBUL BA LA SOGS PA'I CHOS NYE BAR LEN PAR 'GYUR TE, 'ON TE GZHAN MA ZHIG PA MA CHOD PA LAS 'BRAS BU SKYE NA [?] RGYU DANG 'BRAS BU DAG DUS MNYAM PA NYID DU THAL BAR 'GYUR BA GNOD PA CAN GYI TSAD MA YIN NO SNYAM DU SEMS NA DE YANG RIGS PA MA YIN NO, ,MCHOD PAR 'BRAS BU SKYE YANG RGYU DANG 'BRAS BU DAG DUS MNYAM PA NYID DU THAL BAR MI 'GYUR TE, SKAD CIG MA NYID KYIS 'BRAS BU YOD PA'I DUS NA RGYU MI GNAS PA'I PHYIR RO, ,GANG GI TSE 'BRAS BU YOD PAR GYUR PA DE NYID KYI TSE RGYU 'GAG PAR 'GYUR TE, SRANG MDA'I MTHON DMAN BZHIN PAS DUS MNYAM PA NYID DU LTA THAL BAR GA LA 'GYUR, DES NA RGYU GNAS SU ZIN KYANG DE'I TSE 'BRAS BU GRUB ZIN PA'I PHYIR DON MED PA NYID DO, ,GZHAN YANG DPER NA DNGOS PO ZHIG NAS MED PA MCHOD PAR SKAD CIG MA GNYIS PA LA GZHAG PAR BYA BA DNGOS PO DANG LHAN CIG DUS GCIG PA NYID DU MI 'GYUR BA LTAR 'BRAS BU YANG DE DANG 'DRA BAS MI 'GAL BA NYID DO, ,DPER NA GRIB MA DANG NYI MA DAG DANG 'BAB CHU'I RGYUN DAG LA CHU'I RGYUN SNGA PHYI DAG MCHOD KYANG YUL GCIG PA NYID MA YIN PA LTAR 'DI LA YANG DE DANG 'DRA BAS DUS GCIG PA NYID DU MI 'GYUR RO, ,GZHAN DNGOS POR GYUR PA KHAS MI LEN PA'I PHYIR GTAN TSIGS CIG SHOS LA MA GRUB PA YIN NO, ,GANG YANG 'BRAS BU YOD PA YANG MI SKYE STE, SKYE BA DON MED PA'I PHYIR RO, ,MED PA YANG MA YIN TE, RI BONG GI RVA LA SOGS PA YANG SKYE BAR THAL BAR 'GYUR BA'I PHYIR RO ZHES ZER BA DE YANG RIGS PA MA YIN TE, 'BRAS BU YOD PA SKYE BA DGAG NA KHYED LA GNYI GA LA GRUB PA'I GTAN TSIGS DANG DPE MED DO, GRUB NA NI NGO BO NYID MED PA NYID DU DAM BCAS PA NYAMS PAR 'GYUR RO, ,GRANGS CAN LA SOGS PAS KUN BRTAGS PA'I 'BRAS BU YOD PAR SMRA BA MI RUNG DU CHUG NA YANG, 'BRAS BU MED PA SKYE BA LA GO 'GAL BA CI ZHIG YOD NA GANG GIS NA 'DI YANG DGAG ,RI BONG GI RVA LA SOGS PA YANG SKYE BAR THAL BAR YANG MI @138A *, ,'GYUR TE, DE DAG LA DE LTA BU'I RGYU MED PA'I PHYIR MI SKYE BA YIN GYI MED PA'I PHYIR NI MA YIN NO, ,THAMS CAD LAS THAMS CAD SKYE BAR THAL BAR YANG MI 'GYUR TE, RGYU'I NUS PA SO SOR NGES PA'I SGO NAS RNAM PAR GNAS PA NGES PA'I PHYIR RO, ,RGYU'I NUS PA SO SOR NGES PA YANG GDON MI ZA BAR KHAS BLANG DGOS TE, DE LTA MA YIN NA RGYU DANG 'BRAS BU'I DNGOS PO KUN RDZOB PA LA YANG CI'I PHYIR THAMS CAD LAS THAMS CAD SKYE BAR MI 'GYUR, GZHAN YANG GAL TE ZHIG PA DANG MA ZHIG PA LA SOGS PA'I RNAM PAR RTOG PA DON DAM PA PA'I SKYE BA LA GNOD PA BYED NA KUN RDZOB PA LA YANG CI'I PHYIR GNOD PA MI BYED DE, DNGOS PO'I STOBS LAS 'ONGS PA'I GTAN TSIGS KYI YUL NI SKYES BU'I 'DOD PA'I DBANG GIS RNAM PAR DBYE BAR RIGS PA MA YIN NO, ,'ON TE MNGON SUM GYIS GNOD PAR DOGS PAS DE LA GTAN TSIGS MI 'JUG GO ZHE NA, 'O NA NI 'DI GTAN TSIGS MA YIN TE, GNOD PAR BYAR RUNG BA'I PHYIR RO, ,GANG DAG RGYU GCIG LAS KYANG 'BRAS BU DU MA SKYE BAR RIGS PA MA YIN LA, DU MA LAS KYANG GCIG SKYE BAR RIGS PA MA YIN NO, ,GZHAN DU NA RGYU'I THA DAD PA NYID KYIS THA DAD PAR BYED PA MA YIN PAR 'GYUR RO, ,DE NYID KYI PHYIR DU MA LAS KYANG 'BRAS BU DU MA MI SKYE STE, 'DI LTAR GAL TE 'BRAS BU RE RE LA RGYU THAMS CAD KYIS BYED NA NI DE'I TSE RGYU THA DAD PA DE NYID THA DAD PAR BYED PA MA YIN PAR 'GYUR TE, DU MA LAS RE RE ZHIG SKYE BA'I PHYIR RO, ,'ON TE RE RE LA MI BYED NA NI DE'I TSE JI LTAR DU MA LAS DU MA SKYE BA YIN, GCIG LAS GCIG SKYE BA YANG MA YIN TE, MIG LA SOGS PA'I DBANG PO DAG LAS DE'I RNAM PAR SHES PA SKYE'I DE'I TSE RANG GI RIGS MA THUN PA'I SKAD CIG MA MI SKYE NA THAMS CAD LONG BA DANG 'ON PA LA SOGS PA'I DNGOS POR THAL BAR 'GYUR RO ZHES ZER BA DE YANG RIGS PA MA YIN TE, 'DI LTAR RE ZHIG LONG BA DANG 'ON PA LA SOGS PA'I DNGOS POR THAL BAR 'GYUR BA GLENG BA GANG YIN PA DE KHAS MI LEN PA'I PHYIR MI SRID PA NYID DO, ,THAMS CAD TSOGS PA KHO NA LAS SKYE BA'I PHYIR GCIG LAS GCIG SKYE BA NI CUNG ZAD KYANG MED DO, , @138B GANG GIS NA GCIG LAS DU MA SKYE BA DANG, DU MA LAS GCIG SKYE BA 'GAL BAR 'GYUR BA RGYU'I RANG GI NGO BO YANG 'PHOS NAS SKYED PAR BYED PA NYID DU MI 'DOD MOD KYI, 'ON KYANG MAR ME LA SOGS PA'I RANG GI NGO BO DU MA CAN YOD PA TZAM GYIS 'BRAS BU RANG GI NGO BO DU MA CAN SKYED PA MTHONG BA NYID DO, ,RGYU'I THA DAD PA THA DAD PAR BYED PA MA YIN PAR THAL BAR YANG MI 'GYUR TE, RGYU'I BYE BRAG LAS 'BRAS BU'I BYE BRAG SKYE BA'I PHYIR RO, ,RGYU'I BYE BRAG LAS 'BRAS BU'I BYE BRAG SKYE'O ZHES BYA BA GANG YIN PA 'DI KHO NA RGYU'I THA DAD PA THA DAD PAR BYED PA NYID YIN NO, , GANG YANG RTEN CING 'BREL PAR 'BYUNG BA GANG YIN PA DE NI NGO BO NYID KYIS ZHI BA'O ZHES ZER BA GANG YIN PA DE YANG 'DI'I MA NGES PA YIN TE, RTEN CING 'BREL PAR 'BYUNG BA NYID DANG, NGO BO NYID DANG BCAS PAR LHAN CIG 'GAL BA MED PA'I PHYIR RO, ,RTEN CING 'BREL PAR 'BYUNG BA NYID NGO BO NYID DANG BCAS PA NYID DU GRAGS PA'I PHYIR GTAN TSIGS 'GAL BA NYID KYANG YIN TE, NAM MKHA'I ME TOG LA SOGS PA MA SKYES PA RNAMS NI NGO BO NYID DANG BCAS PAR NYAMS SU MYONG BA MED DO, ,GAL TE DNGOS PO RNAMS DON DAM PAR NGO BO NYID DANG BCAS PAR MA GYUR NA NI DE'I TSE 'DI DAG KUN RDZOB TU YANG NGO BO NYID DU MI 'GYUR TE, GANG DAG DON DAM PAR MED PA DE DAG NI KUN RDZOB TU YANG NGO BO NYID DU MI SKYE BAR MTHONG STE, DPER NA MO GSHAM GYI BU LTA BU'O, ,NGO BO NYID MED PA NYID DU MTSUNGS NA JI LTAR GZUGS LA SOGS PA SNANG BA DE BZHIN DU RI BONG GI RVA LA SOGS PA YANG CI'I PHYIR SNANG BAR MI 'GYUR TE, SNANG BA'I BYE BRAG NGES PA 'DI LA RGYU NI CUNG ZAD KYANG MED DO, ,GANG DAG DNGOS PO THAMS CAD NI GCIG DANG DU MA'I RANG BZHIN DANG BRAL BA'I PHYIR RANG BZHIN MED PA'O ZHES ZER BA DE LA YANG GAL TE THAL BAR SGRUB NA NI DE'I TSE GZHAN DAG DE LTA BU KHAS MI LEN PA'I PHYIR GTAN TSIGS MA GRUB PA YIN TE, GCIG DANG DU MA'I RANG BZHIN DANG BRAL BA'I DNGOS PO NI SU YANG KHAS MI LEN TO, ,DE NYID KYI PHYIR RANG DGAR SGRUB NA YANG GTAN TSIGS CIG SHOS LA MA GRUB PA YIN NO, ,DE LTA BU'I CHOS CAN BDAG NYID LA MA GRUB PA'I PHYIR GZHI MA GRUB PA YANG YIN LA, MI @139A *, ,MTHUN PA'I PHYOGS LAS LDOG PA LA THE TSOM ZA BA'I PHYIR MA NGES PA YANG YIN NO, ,GZHAN YANG 'DI LA BSGRUB PAR BYA BA DANG SGRUB PA DAG MA YIN PA'I NGO BO NYID DAM, MED PA'I NGO BO NYID GCIG TU 'GYUR GRANG NA, GAL TE MA YIN PA'I NGO BO NYID YIN NA NI DE'I TSE GCIG DANG DU MA'I RANG BZHIN DANG BRAL BA'I DNGOS PO'I NGO BOR KHAS BLANGS PAR GYUR PAS DE YANG MI 'DOD PAR 'GYUR BA MA YIN NO, ,'ON TE MED PA'I NGO BO NYID GCIG YIN NA NI DE'I TSE RTOGS PAR BYA BA DANG, RTOGS PAR BYED PA'I DNGOS POR MI 'GYUR TE, GNYI GA YANG NGO BO NYID MED PA'I PHYIR DANG, PHAN TSUN 'BREL PA MED PA'I PHYIR DANG THA DAD PA MA YIN PA'I PHYIR RO, ,GANG ZHIG NYE BAR BRJOD PA THAMS CAD DANG BRAL BA'I MTSAN NYID DE NI CUNG ZAD KYANG GO BAR MI BYED CING, GO BAR BYA BA YANG MA YIN TE, DPER NA RTA'I RVA LTA BU YIN LA, JI SKAD BSHAD PA'I BSGRUB PAR BYA BA DANG, SGRUB PA DAG KYANG NYE BAR BRJOD PA THAMS CAD DANG BRAL BA'I MTSAN NYID YIN NO, ,GANG DAG PHAN CHUN MA 'BREL PA DE DAG NI GO BAR BYA BA DANG GO BAR BYED PA'I DNGOS PO MA YIN TE, DPER NA RI 'BIGS BYED DANG GANGS CAN DAG LTA BU YIN LA, BSGRUB PAR BYA BA DANG, SGRUB PA DAG KYANG PHAN TSUN MA 'BREL PA YIN NO, , CI STE GNYI GA YANG DNGOS PO MED PA'I NGO BO NYID YIN PA'I PHYIR DE'I BDAG NYID KYI MTSAN NYID KYI 'BREL PA YOD PA KHO NA'O SNYAM DU SEMS NA, DE YANG RIGS PA MA YIN TE, DE'I BDAG NYID NI DNGOS PO KHO NA LA RNAM PAR GNAS PA'I PHYIR RO, ,GANG ZHIG GANG LAS THA DAD PA'I NGO BO NYID MA YIN PA DE DAG LA NI GO BAR BYA BA DANG, GO BAR BYED PA'I DNGOS PO MED DE, DPER NA SHING DANG LJON PA DAG LTA BU YIN LA, JI SKAD BSHAD PA'I BSGRUB PAR BYA BA DANG, SGRUB PA DAG KYANG THA DAD PA'I NGO BO NYID MA YIN NO, ,BYAS PA NYID DANG MI RTAG PA NYID DAG GIS MA NGES PA NYID KYANG MA YIN TE, DE LA NI LDOG PAS BYAS PA'I BYE BRAG YOD PA'I PHYIR RO, ,GAL TE 'DI LA YANG LDOG PAS BYAS PA'I BYE BRAG YOD PA KHO NA'O SNYAM DU SEMS NA DE NI RIGS PA MA YIN TE, DE LTA NA NI SNGON PO DANG SER PO DAG BZHIN DU DE DAG DNGOS PO NYID DU 'GYUR RO, ,GZHAN YANG JI LTAR GCIG DANG DU MA'I RANG BZHIN DANG BRAL @139B BA'I GTAN TSIGS 'DI NYID KYIS DNGOS PO RNAMS NGO BO NYID MED PA NYID DU SGRUB PAR BYED PA DE BZHIN DU CHOS CAN YANG DNGOS PO MED PAR SGRUB NA NI CHOS CAN LAS BZLOG PA SGRUB PA'I PHYIR GTAN TSIGS 'GAL BA YIN TE, DE LTAR NA NGO BO NYID MED PA NYID DU SGRUB PA LA TSAD MA CI YANG MED DO, , GZHAN YANG GAL TE RNAM PAR SHES PA YANG CHOS GZHAN BZHIN DU DON DAM PAR NGO BO NYID MED PA YIN NA NI DE'I TSE DE YANG BRDZUN PA YIN PA'I PHYIR RNAL 'BYOR BA RNAMS KYIS DE'I CHOS GZHAN BZHIN DU SPONG BAR BYED PAR 'GYUR RO, ,DE BYED NA NI RNAL 'BYOR PA YANG MED, RNAL 'BYOR PA'I SHES PA YANG MED, DES DE KHO NA NYID SO SOR RIG PA YANG MED, DES SANGS RGYAS BCOM LDAN 'DAS RNAMS KYI MI GNAS PA'I MYA NGAN LAS 'DAS PA YANG MED, RNAM PA THAMS CAD MKHYEN PA YANG MED DE, DE'I PHYIR RNAM PAR GZHAG PA THAMS CAD RAB TU BSHIG PA YIN NO, ,KUN RDZOB TU RNAL 'BYOR PA'I SHES PA LA SOGS PA KHAS BLANGS PA'I PHYIR SANGS RGYAS RNAMS KYANG PHYIN CI LOG DANG LDAN PAR THAL BAR YANG 'GYUR RO, ,GZHAN YANG KHYED KYI CHOS THAMS CAD NGO BO NYID MED PAR DAM BCAS PA 'DI NI RIGS PA DANG LUNG LA SOGS PA DANG 'GAL BAR 'GYUR RO, ,'DI LTAR GZUGS LA SOGS PA YUL DANG DUS KYI GNAS SKABS KYI BYE BRAG GIS GSAL BA KHO NAR SNANG BA'I PHYIR NGO BO NYID DANG BCAS PA NYID DU NGES PAS RE ZHIG DANG POR MNGON SUM DANG 'GAL BA 'JUG PAR GSAL BA NYID DO, ,ME LA SOGS PA'I DNGOS PO GANG DAG LKOG TU GYUR PA'I NGO BO NYID DU 'DOD PA DE DAG KYANG DER 'KHRUL PA MED PA'I RTAGS DU BA LA SOGS PA NGES PA LAS BYUNG BA'I TSAD MA RJES SU DPAG PAS YANG DAG PAR GRUB PA'I BDAG NYID KYI NGO BO KHO NA'O, ,DNGOS PO RNAMS KYI SKYE BA YANG RES 'GA' BA NYID KYIS RGYU DANG RKYEN LA LTOS PAR GRAGS TE, RGYU MED PA NI LTOS PA MED PAS RES 'GA' BA NYID DU MI 'THAD PA'I PHYIR RO, ,DE'I PHYIR DAM BCAS PA LA RJES SU DPAG PAS GNOD PA YANG YIN NO, ,SUM CU RTZA GSUM PA'I GRONG KHYER LA SOGS PA SHIN TU LKOG TU GYUR PA GANG DAG YIN PA DE DAG KYANG 'JIG RTEN MTHA' DAG GI MIG GCIG TU GYUR PA SKYOB PA @140A *, ,BDAG NYID KYI YE SHES KYI SPYAN SGRIB PA MI MNGA' BAS MNGON SUM DU GZIGS TE, GZHAN DAG LA YANG BSTAN PA'I PHYIR YOD PAR YID CHES PA'I LUNG GI SGO NAS YANG DAG PAR GRUB PAS LUNG DANG 'GAL BA YANG YIN TE, NAM MKHA'I ME TOG LA SOGS PA MED PA DAG LA NI DE LTAR GZIGS PA DANG BSTAN PA 'THAD PA MA YIN NO, ,BCOM LDAN 'DAS KYIS PHYI DANG NANG GI DNGOS PO RNAMS KYI RTEN CING 'BREL PAR 'BYUNG BA RNAM PA DU MAR BSTAN PA GANG YIN PA DE YANG 'DI DAG NGO BO NYID MED NA JI LTAR RUNG STE, NAM MKHA'I ME TOG LA SOGS PA SHIN TU MED PA RNAMS NI GTAN NAS SKYE BAR 'GYUR BA MA YIN NO, ,LAS DGE BA DANG MI DGE BA'I 'BRAS BU DE NYID KYIS LHA DANG DMYAL BA LA SOGS PA'I 'GRO BAR GYUR PA GANG DAG RANG BYUNG NYID KYIS YANG DAG PAR BSTAN PA DE DAG DANG YANG JI LTAR 'GAL BAR MI 'GYUR TE, RUS SBAL GYI SBU LA SOGS PA SHIN TU MED PA RNAMS LAS GOS BYA BAR BSTAN PA NI RIGS PA MA YIN NO, ,DE'I PHYIR LAS KYI 'BRAS BU YID DU 'ONG BA DANG YID DU MI 'ONG BA LA SKUR PA BTAB PAS KUN NAS NYON MONGS PA'I PHYOGS LA SKUR BA BTAB PAR 'GYUR RO, ,MDO LA SOGS PA LAS 'PHAGS PA RNAMS KYIS LAM BSGOMS PA'I STOBS KYIS GONG NAS GONG DU 'JIG RTEN LAS 'DAS PA'I 'BRAS BU RTOGS PAR RNAM PAR GZHAG PA GANG YIN PA DER YANG MI 'GYUR TE, RTOGS PA DANG, RTOGS PAR BYA BA DANG, RTOGS PAR BYED PA RNAMS MED PA'I PHYIR RO, ,RI BONG GI RVA LAS BYAS PA'I THEM SKAS KYI LAM LA MO GSHAM GYI BU'I RKANG PA BZHAG NAS RTA'I RVA LAS BYAS PA'I KA BA'I TSOGS BTZUGS PA'I KHANG BZANGS RGYA CHE ZHING RAB TU MTHO BA'I STENG DU 'DZEG PA NI MED DE, DE'I PHYIR RNAM PAR BYANG BA'I PHYOGS LA SKUR PA BTAB PA'I NYES PAR 'GYUR RO, ,DE LTAR KHYED KYI PHYOGS GNYI GA LA SKUR PA BTAB NA BDEN PA BZHI BKAG PA YIN NO, ,SA BON DANG MYU GU LA SOGS PA BSKYED PAR BYA BA DANG, SKYED PAR BYED PA'I DNGOS PO'I NGO BO NYID YIN PAR GNAG RJI'I `CHUNG MA YAN CHAD LA GRAGS PAS DAM BCAS PA LA GRAGS PAS GNOD PA YANG YIN NO, , @140B GTAN TSIGS SBYOR BAR 'DOD PAS GZHAN DAG NGES PA SKYED PAR 'DOD PA NYID KYIS DE LAS NGES PA SKYE BAR KHAS BLANGS PA'I PHYIR RANG GI TSIG DANG 'GAL BA YANG YIN NO, ,GANG YANG BCOM LDAN 'DAS NYID KYIS MNGON SUM LA SOGS PA'I TSAD MA'I SGO NAS DNGOS PO RNAMS YOD PA NYID DU BSTAN PA DE LA YANG GNOD PAR 'GYUR TE, 'DI LTAR MIG GI RNAM PAR SHES PA DANG LDAN PAS SNGON PO SHES KYI SNGON PO'O SNYAM DU NI MA YIN NO ZHES BYA BA LA SOGS PAS SNGON PO LA SOGS PA'I DNGOS PO RNAMS MNGON SUM GYI TSAD MA RTOGS PA DANG BRAL BA'I MTSAN NYID KYIS RTOGS PA YIN NO ZHES BYA BA RAB TU BSTAN TO, ,NAM MKHA'I AUTPAL LA YOD PA'I SNGON PO LA SOGS PA NI MIG GI SEMS KYIS NYAMS SU MYONG BA MED DO, ,GANG CUNG ZAD SKYE BA'I CHOS CAN YIN PA DE THAMS CAD NI 'GOG PA'I CHOS CAN YIN NO ZHES BYA BA 'DIS GTAN TSIGS LA BSGRUB PAR BYA BAS KHYAB PAS NYE BAR STON PA MDZAD PAS DNGOS PO RNAMS RJES SU DPAG PA'I TSAD MAS RAB TU GRUB PA'I SKAD CIG MAR GNAS PA'I CHOS CAN YIN NO ZHES GSAL BAR RAB TU BSTAN PA YIN NO, ,DE BSTAN PA'I PHYIR DE DAG NGO BO NYID DANG BCAS PA NYID DU YANG DAG PAR BRJOD PA YIN TE, NAM MKHA'I PADMA LA SOGS PA'I SHIN TU MED PA RNAMS LA NI SKYE BA DANG 'JIG PA'I CHOS MI 'THAD PA'I PHYIR RO, ,DU BA LAS NI MER SHES TE, ,CHU SKYAR LAS NI CHU YIN NO, ,ZHES ME LA SOGS PA'I DNGOS PO 'BRAS BU'I GTAN TSIGS LAS YANG DAG PAR BYUNG BA'I NGES PAS NGES PAR GZUNG BA'I NGO BO NYID YIN NO ZHES GSAL BA KHO NAR RAB TU BSTAN TE, CHU SKYAR LA SOGS PA'I RTAGS MTHONG BAS SMIG RGYU'I CHU LA SOGS PA MED PA'I RJES SU DPAG PAR 'THAD PA NI MA YIN NO, ,CHOS THAMS CAD SKYE BA MED PAR SMRA BA LA CHOS MNGON PA LA SOGS PA LAS RGYU DRUG DANG RKYEN BZHI BSHAD PA GANG YIN PA DE DAG KYANG JI LTAR RUNG STE BSKYED PAR BYA BA 'GA' YANG MED NA DE DAG GI RGYU LA SOGS PA MI 'THAD PA'I PHYIR RO, ,MDO LAS PHUNG PO DANG KHAMS DANG SKYE MCHED DAG GIS CHOS MTHA' DAG YANG DAG PAR BSDUS PAR BRJOD LA, PHUNG PO LA SOGS PA DE DAG THAMS CAD @141A *, ,KYANG BCOM LDAN 'DAS KYIS RGYU DANG 'BRAS BU KHO NA'I NGO BOR RAB TU BSTAN NA, DE JI LTAR CHOS THAMS CAD MA SKYES PA YIN PAR 'GYUR, GAL TE PHUNG PO LA SOGS PA LAS MA GTOGS PA'I CHOS SHIG MI SKYE BAR SGRUB NA NI DE'I TSE BRTZAD PA MED DE DE LAS MA GTOGS PA'I CHOS NI KHO BO CAG KYANG KHAS MI LEN TO, ,JI STE KUN RDZOB TU TSAD MA LA SOGS PA KHAS LEN PA'I PHYIR SUN DBYUNG BA 'DI THAMS CAD KYIS GLAGS MI THOD DO SNYAM DU SEMS NA, 'O NA NI DE'I TSE DNGOS PO KHAS BLANGS PA KHO NAR 'GYUR TE, 'DI LTAR TSAD MA LA SOGS PA KUN RDZOB CES BYA BA GANG YIN PA DE NI GDON MI ZA BAR NYE BAR BRJOD PA THAMS CAD DANG BRAL BA'I MTSAN NYID RI BONG GI RVA LA SOGS PA LAS LOG PAR BRJOD DGOS SO, ,DE LTAR MA YIN NA 'JIG RTEN DANG LUNG DANG 'GAL BA JI LTAR SPONGS PAR 'GYUR, KHO BO CAG NI NUS PA MA LUS PA DANG BRAL BA'I MTSAN NYID RI BONG GI RVA LA SOGS PA LAS LOG PA GANG YIN PA DE NYID LA DNGOS PO ZHES BRJOD DE, GAL TE KHYED LA YANG KUN RDZOB TU YOD DO ZHES MING DU 'DOGS NA NI DGA' DGUR 'DOGS LA RAG GO, ,MING DU BTAGS PA TZAM GYI SGO NAS NI DNGOS PO DE LTA BU'I NGO BOR 'BRANG BA MED DE, HA CANG THAL BAR 'GYUR PA'I PHYIR RO, ,GZHAN YANG KUN RDZOB CES BYA BA 'DI YANG CI YIN PA BRJOD DGOS SO, ,GAL TE THAMS CAD MED PA YIN NO ZHE NA, DE NI RIGS PA MA YIN TE, PHAN TSUN 'GAL BA'I PHYIR RO, ,'DI LTAR KUN RDZOB CES BYA BA NI NUS PA MED PAR SMRAS PAR 'GYUR LA, SKYE BA LA SOGS PA ZHES BYAS NA NI DE NUS PA YIN NA, DE JI LTAR NUS PA DANG MI NUS PA PHAN TSUN 'GAL BA 'DI DAG GCIG LA LDAN PAR 'GYUR, MED PA'I SGO NAS YOD PA NYID 'GRUB PAR YANG JI LTAR 'GYUR, JI STE THAMS CAD MED PA NI MA YIN NO, ,'O NA CI ZHE NA, DNGOS PO'I NGO BO NYID KHO NA KUN RDZOB YIN NO ZHE NA NI DE'I TSE BRTZAD PA MED DE, KHYED KYIS DAM BCAS PA NI NYAMS PAR 'GYUR RO, ,DNGOS PO YANG SKYE BA KHO NA ZHES BYA'O, ,DE'I PHYIR KUN RDZOB TU SKYE'O ZHES BYA BA JI SKAD DU BSHAD PAR 'GYUR ZHE NA, SKYE BA SKYE BO ZHES BYA BA YIN NO, ,KUN RDZOB LAS BZLOG PA SKYE BA MED @141B PA YANG DON DAM PA YIN PAS DE'I TSE DON DAM PAR SKYE BA MED DO ZHES BYA BA SKYE BA MED PA SKYE BA MED DO ZHES SMRA BAR 'GYUR RO, ,DE LTA NA NI BRJOD PA 'BREL BA MED PAR 'GYUR RO, ,GNYIS KA DANG GNYIS KA MA YIN PA'I RNAM PAR RTOG PA YANG 'GAL BA'I PHYIR MI SRID PA KHO NA'O, ,'ON TE MI RTAG PA'I DON KUN RDZOB KYI DON YIN NO ZHE NA, DE'I TSE MI RTAG PA ZHES BYA BA 'DI CI ZHIG YIN, GAL TE RTAG PA MED PA TZAM ZHIG YIN NA NI DE'I SGO NAS JI LTAR 'GRO BA LA GRAGS PAR 'GYUR, 'ON TE RTAG PA LAS GZHAN PA ZHIG MI RTAG PA YIN NO ZHE NA, RTAG PA NI RNAM PAR RTOG PA'I BDAG NYID YIN PA'I PHYIR DE NI SHUGS KYIS NA RNAM PAR RTOG PA MED PA'I SHES PA YIN PAS DE'I TSE KUN RDZOB TU YOD DO ZHES BYAS NA RNAM PAR RTOG PA MED PA'I SHES PAS RTOGS PA YOD DO ZHES BRJOD PAR 'GYUR RO, ,DE LTA YIN NA NI JI LTAR NA DNGOS PO'I NGO BO NYID KHAS MA BLANGS PA YIN, RJES SU DPAG PAS RTOG PA YANG SPANG BA BYAS PAR 'GYUR TE, DE NI RNAM PAR RTOG PA DANG BCAS PA'I PHYIR RO, ,JI STE 'JIG RTEN LA GRAGS PA KUN RDZOB YIN NO ZHE NA, DE LA YANG 'JIG RTEN 'DI GANG YIN PAR 'DOD, CI BSTAN BCOS BYED PA RNAMS SAM, ,'ON TE SKYE BO PHAL PA YIN, RNAM PAR RTOG PA DANG PO LTAR NA DNGOS PO LA PHAN TSUN 'GAL BA'I RANG BZHIN DU MAR 'GYUR TE, GCIG LA YANG BSTAN BCOS BYED PA MANG PO RNAMS RNAM PA DU MAR SGRO 'DOGS PA'I PHYIR RO, ,GNYIS PA LTAR NA BDAG MED PA DANG LAS DANG 'BRAS BU LA SOGS PA KHAS BLANG BAR MI BYA STE, 'DI DAG NI SKYE BO PHAL PA LA GRAGS PA MA YIN NO, , 'ON TE SGYU MA'I DON KUN RDZOB KYI DON YIN NO ZHE NA, DE LA YANG SGYU MA'I DON ZHES BYA BA 'DI GANG YIN PA BRJOD PAR BYA DGOS SO, ,GAL TE THAMS CAD MED PA YIN NA NI SNGAR BSHAD PA'I NYES PAR YANG 'GYUR LA, KUN NAS NYON MONGS PA DANG RNAM PAR BYANG BA DAG TU YANG JI LTAR 'GYUR, 'ON TE SGYU MA NOR BA'I SHES PAS YIN NA NI DE'I TSE 'DI SHES BYA NANG GI YIN PA'I TSUL LAS KHYAD PAR CI YOD, JI STE KUN RDZOB SGRA TZAM ZHIG YIN NA NI DE'I TSE LEGS PAR BSHAD PA DANG NYES PAR BSHAD PA LA SOGS PA'I RNAM PAR DBYE BA YANG MI 'GYUR TE, BSTAN PAR BYA BA'I DON MED NA SGRA TZAM LA @142A *, ,KHYAD PAR MED PA'I PHYIR RO, ,JI STE SGRA'I DON YIN NO ZHE NA, DE'I TSE CI YANG KHYAD PAR MED PAR JI LTAR 'GYUR, BDE BA LA SOGS PA SO SO RANG GIS RIG PAR BYA BA GANG YIN PA DE DAG KYANG GANG GI NANG DU BSDU BAR 'GYUR, RE ZHIG KUN RDZOB TU NI MA YIN TE, DE DAG BRJOD DU MED PA'I PHYIR LA, KUN RDZOB KYI BDEN PA NI THA SNYAD GDAGS PAR BYA BA YIN PA'I PHYIR RO, ,DE SKAD DU MDO LAS KUN RDZOB KYI BDEN PA GANG ZHE NA, 'JIG RTEN GYI THA SNYAD JI SNYED YI GE DANG SGRAS BSTAN PA YIN NO ZHES GSUNGS TE, 'DIS NI MDOR NA KUN RDZOB SGRA'I DON YIN NO ZHES BSHAD PA YIN NO, ,'ON TE SNANG BA DANG RNAM PAR BRTAG PAR BYA BA'I DON DE DAG GCIG TU BYAS NAS SPYI'I RNAM PA GZUNG STE, DE SKAD DU BRJOD DO ZHES BYA BAR 'DOD NA NI DE'I TSE DON DAM PA LA YANG THAL BAR 'GYUR TE, DE YANG TSIG GI NGO BOR GZHAG PAR BRJOD PAR BYA BA YIN PA'I PHYIR RO, , DE DAG DON DAM PA'I BDEN PA'I NANG DU 'DUS PA YANG MA YIN TE, DE LA DNGOS POR YOD PA YOD PA'I PHYIR RO, ,BDEN PA'I KHYAD PAR GZHAN GYIS KHA BSKANG BAR BYA BA'I RNAM PA GZHAN YANG YOD PA MA YIN NO, ,'ON TE BRTEN NAS SKYES PA'I GZUGS DANG BDE BA LA SOGS PA RANG RIG PA DAG LA YANG KUN RDZOB KYI BDEN PA ZHES MING DU 'DOGS NA NI DGA' DGUR THOGS LA, ZAN YANG BYIN CIG ,PHYIN CI MA LOG PA DE CUNG ZAD YOD PAS BRTZAD PA MED DO, ,JI STE SKAD CIG LAS PHAN CHAD DU MI GNAS PA'I PHYIR MI BRTAN PA'I DON NI KUN RDZOB KYI DON NO, ,DE LAS BZLOG PA RTAG PA'I DON NI DON DAM PA'O ZHE NA, DE LTA YIN NA GRUB PA SGRUB PA NYID DE, 'DI LTAR KHYED KYIS KYANG DNGOS PO SKAD CIG PAR KHAS BLANGS LA, KHO BO CAG KYANG DER ZAD PAS BRTZAD PA MED DO, ,DE BZHIN DU KUN RDZOB KYI DNGOS PO'I SPYI'I MTSAN NYID KYI NGO BO BDAG MED PA NYID LA SOGS PA'I CHOS NYID GANG YIN PA DE DON DAM PAR YIN LA, DE YANG DE BZHIN GSHEGS PA RNAMS BYUNG YANG RUNG MA BYUNG YANG RUNG, DUS THAMS CAD DU MI 'GYUR BA'I PHYIR RTAG PAR 'DOD DO, ,'ON TE MI BDEN PA'I DON KUN RDZOB YIN NO ZHE NA, DE'I TSE JI LTAR DE BDEN PAR 'GYUR, GCIG LA BDEN PA DANG MI BDEN PA @142B NYID PHAN TSUN 'GAL BA NI MI 'THAD DO, ,KUN RDZOB NI DNGOS PO'I NGO BO CI YANG RUNG BA ZHIG TU KHAS BLANGS BAR BYA DGOS SO, ,DE LTA MA YIN NA JI LTAR DES 'GRO BA LA BDEN PA ZHES BYA BAR GRUB PAR 'GYUR, DE KHAS LEN NA NI DAM BCAS PA'I DON BOR BA YIN NO, ,GZHAN YANG KUN RDZOB TSAD MA 'AM TSAD MA MA YIN PA ZHIG TU 'GYUR GRANG NA, GAL TE TSAD MA YIN NA NI 'DI JI LTAR KUN RDZOB YIN, 'ON TE TSAD MA MA YIN NA NI 'DI LAS JI LTAR BDAG MED PA 'GRUB PAR 'GYUR, GDON MI ZA BAR KUN RDZOB KYI SA BON RNAM PAR SHES PA LA SOGS PA DON DAM PAR YOD PA YANG KHAS BLANG DGOS TE, SA BON MED PA'I KUN RDZOB NI MI 'THAD DO, ,SA BON GANG YIN PA DE NYID NI DNGOS POR GRUB PA YIN NO, ,GZHAN YANG DNGOS PO'I NGO BO KHAS LEN NA DE LA SGRO BTAGS PA BRDZUN PA'I NGO BO GANG YIN PA DE NI KUN RDZOB KYI BDEN PA YIN LA, SGRO MA BTAGS PA DNGOS PO'I NGO BO NI DON DAM PA'I BDEN PA YIN PAS BDEN PA GNYIS RNAM PAR DBYE BA RUNG BAR 'GYUR RO, ,DE KHAS MI LEN NA NI KUN RDZOB KYANG MED, DON DAM PAR RNAM PAR GZHAG PAR YANG MI NUS TE, RNAM PAR GZHAG PA'I RGYU MED PA'I PHYIR RO, ,GZHAN YANG GAL TE DON DAM PA GYI NA ZHIG YIN NA NI DE'I TSE GANG GI DON DU SGRUB PAR BYED DE 'DI DON DAM PAR YANG MI 'GYUR RO, ,DE JI LTAR NA YE SHES KYIS NGES PAR GZUNG BA YANG YIN, 'DI NI DON DAM PA'I SGRAR BRJOD PAR BYA BA NYID DU 'ANG 'OS PA MA YIN TE, 'DI LTAR RE ZHIG 'DI DON DAM PA YANG MA YIN LA, 'DI'I DON YANG DAM PA MA YIN NO, ,'DI NI YE SHES DAM PA'I DON KYANG MA YIN TE, GYI NA YIN PA'I PHYIR RO, ,DON DAM PA GYI NA NYID CIG YIN NI DON DAM PAR DNGOS PO RNAMS MED DO ZHES BYA BA GYI NA NYID CAG BKAG PA KHO NAR 'GYUR TE, DES NA DNGOS PO YOD PA NYID DU KHAS BLANGS PAR 'GYUR RO, , GZHAN YANG GAL TE KUN RDZOB DANG DON DAM PA DAG GCIG PAR 'DOD NA NI, DE'I TSE BDEN PA GNYIS SU RNAM PAR GZHAG PAR JI LTAR 'GYUR TE GNYIS LAS GANG YANG RUNG BA ZHIG DOR DGOS PA KHO NAR 'GYUR RO, ,'ON TE THA DAD NA NI DE'I TSE GNYI GA YANG SO SOR GRUB PA'I PHYIR DNGOS PO NYID @143A *, ,DU THAL BAR 'GYUR RO, ,JI STE THA DAD PA DANG THA DAD PA MA YIN PA'O ZHE NA, GCIG LA PHAN TSUN 'GAL BA 'DI GNYIS SU JI LTAR 'GYUR, DE NYID KYI PHYIR THA DAD PA YANG MA YIN, THA DAD PA MA YIN PA YANG MA YIN NO ZHES BYA BA'I PHYOGS 'DI YANG RIGS PA MA YIN TE, 'GAL BA'I PHYIR RO, ,'DI LTAR THA DAD PA DANG THA DAD PA MA YIN PA PHAN TSUN SPANGS TE GNAS PA'I MTSAN NYID 'DI DAG NI GANG YANG RUNG BA ZHIG DGAG PA CIG SHOS BSGRUB PA MED NA MED PA YIN NO, ,DE NI DE'I TSE DGAG PAR YANG JI LTAR NUS TE, SGRUB PA DANG DGAG PA DAG CIG CAR GCIG LA 'GAL BA'I PHYIR RO, ,GZHAN YANG KHYED KYI LTAR NA BSOD NAMS DANG YE SHES KYI TSOGS RDZOGS PA YANG RUNG BAR DKA'O, ,DE MED PA'I PHYIR SANGS RGYAS NYID KYANG THOB PAR DKA' BA KHO NA STE, 'DI LTAR MCHOD PA DANG PHAN GDAGS PAR 'DOD PAS GANG BYIN PA DE NI SHIN TU DANG BA SKYED PAR BYED KYI, SBYIN PAR BYA BA DANG, SBYIN PA PO DANG, LEN PA MI DMIGS PA LA BRTEN PA NI MA YIN NO, ,'DI LTAR CI SBYIN PAR BYA BA LA SOGS PA MED PA'I PHYIR MI DMIGS SAM, 'ON TE YUL MA YIN PA'I PHYIR, PHYOGS DANG PO LTAR NA SUS KYANG CUNG ZAD KYANG MA BYIN PAS BSOD NAMS MED PAR THAL BAR 'GYUR RO, ,SEMS CAN MED PA'I PHYIR BYANG CHUB SEMS DPA' RNAMS SEMS CAN RNAMS KYI DON GYI PHYIR YONGS SU NGAL BA GANG YIN PA DE YANG DON MED PAR 'GYUR TE, DE LTA BAS NA MED PA NYID MA YIN NO, ,YUL MA YIN PA NYID KYANG MA YIN TE, BCOM LDAN 'DAS KYIS SBYIN PAR BYA BA LA SOGS PA'I DNGOS PO GZIGS PA'I PHYIR RO, ,DE LTA MA YIN NA NI BCOM LDAN 'DAS BYANG CHUB SEMS DPAR GYUR PAS DON DU GNYER BA RNAMS LA SRAS LA SOGS PA JI LTAR YONGS SU BTANG BAR 'GYUR, KHYED NI DMIGS PA LA BRTEN PA'I SBYIN PA LA SOGS PA RNAM PAR DAG PAR YANG MI 'DOD DE, DE LTA BAS NA TSOGS YONGS SU RDZOGS PA MI SRID DO, ,DE MED PAS RGYU MED PA'I PHYIR SANGS RGYAS NYID KYI GO SKABS KYANG THAG BSRINGS PAR 'GYUR RO, ,GZHAN YANG CHOS THAMS CAD NGO BO NYID MED DO ZHES BYA BA 'DI LA DON GANG YIN PAR 'DOD, GAL TE BDAG NYID KYIS MED PA'I PHYIR @143B NGO BO NYID MED DO ZHE NA, DE'I TSE GRUB PA SGRUB PA NYID DE, DNGOS PO THAMS CAD RGYU DANG RKYEN LA RAG LAS PA'I PHYIR KHO BO CAG KYANG DNGOS PO RNAMS RGYU MED PA NYID DU MI 'DOD DO, ,DE LTA MA YIN NA LTOS PA MED PA'I PHYIR RTAG TU YOD PA'AM MED PAR 'GYUR RO, ,JI STE 'GAGS PA RNAMS YANG DE'I BDAG NYID DU MI SKYE BAS RANG GI BDAG NYID KYIS DNGOS PO MED PA'I PHYIR NGO BO NYID MED DO ZHE NA, 'DI YANG GRUB PA SGRUB PA NYID DE, KHO BO CAG KYANG 'GAGS PA RNAMS KYANG SKYE BAR NI MI 'DOD DO, ,'ON TE RANG BZHIN DE LA DUS THAMS CAD DU MI GNAS PA'I PHYIR NGO BO NYID MED PAR 'DOD DO ZHE NA; DE YANG GRUB PA SGRUB PAR BYED PA NYID DE, SKYES MA THAG TU 'JIG PA NYID KYIS SKAD CIG MA YIN PA'I PHYIR SKAD CIG PA'I DNGOS PO RNAMS SKAD CIG MA GZHAN DU GNAS PAR YANG MI 'DOD DO, ,JI STE JI LTAR BYIS PA RNAMS KYIS GZUNG BA DANG 'DZIN PA'I DNGOS POR YONGS SU BRTAGS PA DON DAM PAR DE'I BDAG NYID DU MED PA'I PHYIR NGO BO NYID MED DO ZHE NA, DE LTA NA YANG GRUB PA SGRUB PA KHO NA STE, KHO BO CAG KYANG KUN BRTAGS PA'I BDAG NYID KYIS NGO BO NYID MED PAR 'DOD PA NYID DO, ,DE LTA MA YIN NA THAMS CAD DE KHO NA NYID MTHONG BA KHO NAR 'GYUR RO, ,GZHAN YANG GAL TE DNGOS PO THAMS CAD DON DAM PAR BYIS PA SO SO'I SKYE BOS KUN BRTAGS PA'I BDAG NYID GZUNG BA DANG 'DZIN PA'I RNAM PA DANG BRAL DU ZIN KYANG 'ON KYANG 'PHAGS PA'I YE SHES KYI SPYOD YUL GNYIS SU MED PA'I BDAG NYID DU NI GNAS PA KHO NA 'O, ,DE LTA MA YIN TE GAL TE 'DI YANG MED PA'I PHYIR NGO BO NYID MED PA NYID DU 'GYUR NA NI DE'I TSE KUN NAS NYON MONGS PA DANG RNAM PAR BYANG BAR MI 'GYUR RO, ,DE BZHIN DU CHOS THAMS CAD MA SKYES PA'O ZHES BYA BA 'DI LA YANG MA SKYES PA'I DON 'DI GANG YIN PAR 'DOD GAL TE DNGOS PO THAMS CAD DANG PO MA SKYES PA'I PHYIR MA SKYES PA YIN NO ZHE NA, 'DI YANG GRUB PA SGRUB PA NYID DE KHO BO CAG KYANG 'KHOR BA THOG MA MED PAR NI 'DOD DO, ,'ON TE SNGAR SKYES ZIN PA'I DNGOS PO GANG YIN PA DE YANG MI SKYE BA'I PHYIR CHOS THAMS CAD MA SKYES PA'O ZHE NA, DE LTA NA YANG GRUB PA SGRUB PA NYID DO, ,KHO BO CAG KYANG SNGAR SKYES ZIN PA YANG SKYE BAR MI 'DOD DE, DE NI ZHIG @144A *, ,PA'I PHYIR RO, ,'ON TE SNGON MED PA CI YANG MI SKYE BA'I PHYIR MA SKYES PA'O ZHE NA, DE LTA NA YANG MI 'DOD PA BSGRUBS PA MA YIN TE, 'KHOR BA NA SNGON MED PA'I SEMS CAN 'BYUNG BAR NI MI 'DOD DO, ,CHOS SNGON MED PAR SKYE BAR YANG MI 'DOD DE, DUS THAMS CAD DU SNGAR 'GAGS PA DANG RIGS MTHUN PA'I CHOS SKYE BA'I PHYIR RO, ,'ON TE JI LTAR BYIS PAS KUN BRTAGS PA'I RANG GI MTSAN NYID DU MA SKYES PA'I PHYIR MA SKYES PA'O ZHE NA, DE LTA NA YANG 'GAL BA MED DE, BRTAGS PA'I NGO BO NYID DU SKYE BAR MI 'DOD PA'I PHYIR RO, ,CI STE BDAG NYID MI SKYE BA'I PHYIR MA SKYES PA'O ZHE NA, DE'I TSE YANG DNGOS PO THAMS CAD RGYU DANG RKYEN LA RAG LAS PA'I PHYIR 'GAL BA MED DE, JI SKAD DU SNGAR BSHAD PA YIN NO, ,'ON TE THAMS CAD KYI THAMS CAD DU MI SKYE BA'I PHYIR RO ZHE NA, DE LTA NA NI MTHONG BA LA SOGS PA DANG 'GAL BA BZLOG PAR DKA'O, ,'ON TE 'DI DAG PHAN TSUN KHYAD PAR MI SKYE PA'I PHYIR MA SKYES PA'O ZHE NA, DE LTA NA YANG GAL TE DE BZHIN NYID KYI NGO BO LAS BSAMS NAS SMRA NA DE'I TSE NYES PA MED DO, ,'ON TE 'JIG RTEN NA GRAGS PA'I NGO BO NYID KYI DBANG DU BYAS NA NI, DE'I TSE MTHONG BA LA SOGS PA DANG 'GAL BA GANG GIS BZLOG PAR 'GYUR, JI STE RANG GI NGO BO LAS DON DAM PA GZHAN DU GYUR PA BYA BA'I MTSAN NYID KYI SKYE BA DANG BRAL BA'I PHYIR MA SKYES PA'O ZHE NA, DE LTA NA YANG NYES PA MED DE, DNGOS PO THAMS CAD LA BYA BA MED PA'I PHYIR RO, ,'ON TE DBANG PHYUG LA SOGS PA GZHAN GYIS MA BSKYED PA'I PHYIR RO ZHE NA, DE LTA NA YANG MI 'DOD PA MA YIN TE, DBANG PHYUG LA SOGS PA 'GA' YANG MI 'DOD PA'I PHYIR RO, ,DE LTA NA RNAM PA 'DIS GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA LA SOGS PA'I TSIG GI DON KYANG DPYAD PAR BYA BA KHO NA 'O, ,GZHAN YANG MDO SDE MANG PO DANG 'GAL BA GZHAN YANG SNANG BA NYID DE, DE SKAD DU 'PHAGS PA DGONGS PA NGES PAR 'GREL PA LAS, DE LTA BAS NA NGAS MTSAN NYID NGO BO NYID MED PA NYID LAS DGONGS NAS CHOS THAMS CAD MA SKYES PA'O ZHES BSHAD DO ZHES GSUNGS TE MTSAN NYID NGO BO NYID MED PA NYID KYANG KUN BRTAGS PA'I NGO BO NYID KHO NA LA RNAM PAR GZHAG PA YIN NO, ,THEG @144B PA CHEN PO LA DAD PA LAS KYANG RIGS KYI BU BYANG CHUB SEMS DPA' CHOS LA TSUL BZHIN MA YIN PAR SGRA JI BZHIN PAR RAB TU RNAM PAR 'BYED PA LA THEG PA CHEN PO LA DAD PA'I SKYE MCHED DU MI 'GYUR RO, ,SGRA JI BZHIN DU MA YIN PAR DGONGS PA'I TSUL BZHIN DU YID LA BYED PA LA THEG PA CHEN PO LA DAD PA'I SKYE MCHED DU 'GYUR RO, ,RIGS KYI BU 'DI LTAR BYANG CHUB SEMS DPA' CHOS LA TSUL BZHIN MA YIN PAR SGRA JI BZHIN DU RNAM PAR 'BYED PA LA DAM PA MA YIN PA'I LTA BA NYI SHU RTZA BRGYAD 'BYUNG BAR 'GYUR TE, 'DI LTA STE MTSAN MA'I LTA BA DANG, LTA BA MA YIN PAR LTA BA'I LTA BA DANG, THA SNYAD LA SKUR PA 'DEBS PA'I LTA BA DANG, KUN NAS NYON MONGS PA LA SKUR PA 'DEBS PA'I LTA BA DANG, DE KHO NA NYID LA SKUR PA 'DEBS PA'I LTA BA DANG ZHES BYA BA LA SOGS PA RGYAS PAR GSUNGS NAS RIGS KYI BU DE LA MTSAN MA'I LTA BA GANG ZHE NA, NGAS SBYOR BA LAS BYUNG BA'I NGO BO NYID LAS, DGONGS TE, CHOS RNAMS MED PA NYID DU BSTAN PA GANG YIN PA LA SGRA JI BZHIN DU MNGON PAR ZHEN CING, KUN NAS NYON MONGS PA'I CHOS RNAMS DANG, RNAM PAR BYANG BA'I CHOS RNAMS KYANG MED PA NYID DU MNGON PAR ZHEN TE, MED PA NYID KYI MTSAN MA NYE BAR BZUNG NAS MED PA'I LTA BAR 'GYUR TE, DE BAS NA MTSAN MA'I LTA BA ZHES BYA'O, ,DE LA LTA BA LA MA YIN PAR LTA BA'I LTA BA NI BYANG CHUB SEMS DPA' MED PA NYID DU LTA BA STE, DE LA SGRA JI BZHIN DU MNGON PAR ZHEN PA NI LTA BAR 'DU SHES SU MI 'GYUR TE, MED PAR LTA BA GANG YIN PA DE NI DE'I LTA BA CHEN PO YIN NO, ,DE LTA BAS NA LTA BA LA MA YIN PAR LTA BA'I LTA BA ZHES BYA'O, ,DE LA THA SNYAD LA SKUR PA 'DEBS PA'I LTA BA DANG, KUN NAS NYON MONGS PA LA SKUR PA 'DEBS PA'I LTA BA DANG, DE KHO NA NYID LA SKUR PA 'DEBS PA'I LTA BA NI MTSAN MA'I LTA BA DES THAMS CAD LA SKUR PA BTAB NA THA SNYAD LA SKUR PA 'DEBS PA'I LTA BA LA YANG MNGON PAR ZHEN PAR 'GYUR, KUN NAS NYON MONGS PA LA SKUR PA 'DEBS PA'I LTA BA LA YANG MNGON PAR ZHEN PAR 'GYUR, DE KHO NA NYID LA SKUR PA 'DEBS PA'I LTA BA LA YANG MNGON PAR ZHEN PAR 'GYUR RO ZHES GSUNGS TE, DE BAS NA LTA BA THAMS CAD MTSAN MA'I LTA BA'I GZHI CAN @145A *, ,KHO NA'O ZHES RGYAS PAR BRJOD DO, ,'PHAGS PA LANG KAR GSHEGS PA LAS KYANG, BRTAGS PA'I DNGOS PO MED PA STE, ,GZHAN GYI DBANG NI YOD PA YIN, ,SGRO 'DOGS PA DANG SKUR 'DEBS PA'I, ,MTHA' LA RTOG PA BRLAG PAR 'GYUR, ,BRTAGS PA'I NGO BO NYID KYIS NI, ,CHOS RNAMS THAMS CAD MA SKYES PA, ,GZHAN GYI DBANG LA BRTEN NAS NI, ,MI RNAMS KYI NI RNAM RTOG SKYE, ,ZHES GSUNGS TE, 'DI LAS NI GZHAN GYI DBANG GI NGO BO NYID RTEN CING 'BREL BAR 'BYUNG BA NI DON DAM PAR YOD LA, DE LA KUN BRTAGS PA'I NGO BO NYID KYIS SKYE BA MED PA LA SOGS PAR BSHAD DO ZHES BSTAN PAR 'GYUR RO, ,YANG DE NYID LAS, PHUNG PO LA NI BDAG MED DE, ,BDAG LA'ANG PHUNG PO MED PA NYID, ,DE DAG JI LTAR RTAG BZHIN MIN, ,DE DAG MED PA NYID KYANG MIN, ,ZHES GSUNGS TE, DGAG PA 'DI GNYIS KYIS KYANG PHUNG PO RNAMS YOD PA NYID DU BSTAN PA YIN NO, ,STONG PA NYID CHEN PO'I MDO LAS KYANG, LAS KYANG YOD, RNAM PAR SMIN PA YANG YOD DE, BYED PA PO NI MI DMIGS SO ZHES GSUNGS PA DE DANG YANG 'GAL TE, 'DI LTAR GAL TE DON DAM PAR LAS KYANG YOD, RNAM PAR SMIN PA YANG YOD NA NI DE'I TSE CHOS THAMS CAD NGO BO NYID MED PAR MI 'GYUR RO, ,'ON TE KUN RDZOB TU YOD NA NI DE'I TSE BYED PA PO YANG KUN RDZOB TU YOD PAS BYED PA PO MI DMIGS SO ZHES BRJOD PAR MI BYA'O, ,YANG 'PHAGS PA LANG KAR GSHEGS PA LAS, JI LTAR BYIS PAS RNAM BRTAGS LTAR, ,DNGOS PO THAMS CAD YOD PA NYID, , GAL TE JI LTAR MTHONG DE NYID, ,THAMS CAD DE NYID MTHONG BAR 'GYUR, ,CHOS RNAMS THAMS CAD MED PA'I PHYIR, ,KUN NAS NYON MONGS DAG PA MED, ,DE DAG JI LTAR MTHONG BZHIN MIN, ,DE DAG MED PA NYID KYANG MIN, ,ZHES GSUNGS TE, 'DI LAS NI CHOS THAMS CAD MED PA NYID YIN NA KUN NAS NYON MONGS PA DANG, RNAM PAR BYANG BA LA SKUR PA 'DEBS PA'I NYES PAR THAL BAR 'GYUR RO ZHES BSTAN PA YIN NO, ,YANG DE NYID LAS, DON YOD MA YIN SEMS NYID DE, ,PHYI ROL DON MTHONG LOG PA YIN, ,RIGS PAS RNAM PAR LTA RNAMS KYI, ,GZUNG DANG 'DZIN PA 'GAG PAR @145B 'GYUR; ,JI LTAR BYIS PAS RNAM BRTAGS LTAR, ,PHYI ROL DON NI YOD MA YIN, ,BAG CHAGS KYIS NI BSGRIBS PA'I SEMS, ,DON DU SNANG BAR RAB TU 'BYUNG, ,ZHES GSUNGS SO, ,'PHAGS PA SA BCU PA LAS KYANG, 'DI LTA STE, KHAMS GSUM PA 'DI NI SEMS TZAM MO ZHES GSUNGS TE, DE BZHIN DU 'PHAGS PA DGONGS PA NGES PAR 'GREL PA DANG, LANG KAR GSHEGS PA DANG, STUG PO BKOD PA LA SOGS PA LAS, CHOS THAMS CAD SEMS TZAM GYI LUS NYID DU BSTAN PA'I PHYIR SEMS KHO NA DON DAM PAR YOD KYI, GZHAN NI MA YIN NO ZHES BSTAN PAR 'GYUR RO, ,DE'I PHYIR CHOS THAMS CAD NGO BO NYID MED PA NYID DU 'GRUB PAR MI 'GYUR RO, ,'PHAGS PA DKON MCHOG BRTZEGS PA LAS KYANG, 'OD SRUNGS RTAG CES BYA BA 'DI NI MTHA' GCIG GO, ,'OD SRUNGS MI RTAG CES BYA BA 'DI NI MTHA' GNYIS PA'O, ,'OD SRUNGS DE BZHIN DU YOD CES BYA BA 'DI NI MTHA' GCIG GO, ,'OD SRUNGS MED CES BYA BA 'DI NI MTHA' GNYIS PA'O, ,MTHA' 'DI GNYIS KYI DBUS GANG YIN PA NI GTAN DU MED PA, MI GNAS PA, SNANG BA MED PA, RNAM PAR RIG PA MED PA GNAS PA MED PA STE, 'DI NI CHOS RNAMS KYI DBU MA'I LAM LA YANG DAG PAR SO SOR RTOG PA'O ZHES GSUNGS TE, 'DIS NI RNAM PAR SHES PA DON DAM PAR YOD PA, BSTAN DU MED PA LA SOGS PA'I YON TAN DANG LDAN PA, RTAG PA DANG CHAD PA'I MTHA' GNYIS DANG BRAL BA YOD DO ZHES BSTAN PA YIN NO, ,DE NYID KYI DBANG DU MDZAD NAS 'PHAGS PA DKON MCHOG SPRIN LAS KYANG, RIGS KYI BU GAL TE DON DAM PA ZHIG YOD PAR MA GYUR NA NI TSANGS PAR SPYOD PA'I DON MED PAR 'GYUR RO ZHES GSUNGS SO, ,'PHAGS PA DKON MCHOG BRTZEGS PA DE NYID LAS GANG DAG RNAM PAR SHES PA DON DAM PAR YOD PA DE LA YANG SKUR BA BTAB NAS CHOS THAMS CAD STONG PA NYID DU MNGON PAR ZHEN CING STONG PA NYID DU LTA BA DE DAG NI GSOR MI RUNG NGO ZHES BSTAN TE, JI SKAD DU 'OD SRUNGS GANG ZAG TU LTA BA'I RI RAB TZAM NI BLA'I, MNGON PA'I NGA RGYAL CAN STONG PA NYID DU LTA BA NI MA YIN NO ZHES BYA BA LA SOGS PA GSUNGS PA LTA BU'O, ,DE NYID KYI PHYIR MA RUNG @146A *, ,PAR MI 'GYUR BAR BYA BA'I PHYIR BCOM LDAN 'DAS KYIS 'PHAGS PA DGONGS PA NGES PAR 'GREL PA LAS STONG PA NYID KYI MTSAN NYID GSUNGS TE, BYAMS PA GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA KUN NAS NYON MONGS PA DANG, RNAM PAR BYANG BAR KUN BRTAGS PA'I MTSAN NYID DANG, RNAM PA THAMS CAD DU GTAN BRAL BA GANG YIN PA DE NI DE LA MI DMIGS TE, 'DI NI STONG PA NYID KYI MTSAN NYID MTHA' DAG CES BYA'O ZHES GANG GSUNGS PA YIN NO, ,GANG 'PHAGS PA RNAMS KYIS SO SO RANG GIS RIG PAR BYA BA DON DAM PA'I DNGOS PO GDON MI ZA BAR YOD DO, ,GZHAN DU NA 'PHAGS PA DGONGS PA NGES PAR 'GREL PA LAS BRJOD PA NI DNGOS PO MED PA CAN MA YIN NO, ,DNGOS PO DE YANG GANG ZHE NA, GANG 'PHAGS PA'I YE SHES DANG GANG 'PHAGS PA'I GZIGS PAS BRJOD DU MED PA NYID DU MNGON PAR RDZOGS PAR SANGS RGYAS PA STE, BRJOD DU MED PA'I CHOS NYID DE KHO NA MNGON PAR RDZOGS PAR 'TSANG RGYA BAR BYA BA'I PHYIR 'DUS BYAS ZHES BYA BA DANG DE BZHIN DU 'DUS MA BYAS ZHES BYA BAR MING DU BTAGS SO ZHES GSUNGS PA GANG YIN PA 'DI DANG 'GAL BAR 'GYUR RO, ,KHYOD KYIS DON DAM PAR NA THEG PA CHEN PO'I MTSAN NYID KYI THEG PA NI GCIG KHO NAR ZAD DE, LHAG MA NI MA YIN NO ZHES BRJOD PA GANG YIN PA DE YANG RIGS PA DANG, LUNG DANG 'GAL TE, 'DI LTAR SGRUB PA'I RNAM PA SNA TSOGS MTHONG BA'I PHYIR SEMS CAN RNAMS DAD PA SNA TSOGS PAR DMIGS SO, ,GANG GI PHYIR KHA CIG NI GCIG TU GZHAN LA PHAN PA'I BSAM PA LA ZHUGS PAR SNANG NGO, ,GZHAN DAG NI RGYU MED PA KHO NAR PHA ROL PO SDUG BSNGAL BA KHO NAR MNGON PAR DGA'O, ,GZHAN DAG NI BDAG LA PHAN PA DANG, BDE BA CHUNG NGU LA YID CHAGS SHING GZHAN LA 'KHU BA YIN NO, ,DE BZHIN DU KHA CIG NI RANG GI BDE BA PHUN SUM TSOGS PA SGRUB PA LHUR LEN CING PHA ROL LA GNOD CING SDUG BSNGAL BA LAS RNAM PAR LOG PA YIN NO, ,LA LA NI 'KHOR BA'I BDE BA TZAM 'DOD CING BSOD NAMS DAG BYED DO, ,DE BZHIN DU GZHAN DAG NI SRID PA'I BDE BA 'DOD PA LAS RNAM PAR LOG CING BDAG NYID RNAM PAR THAR PAR BYA BA'I PHYIR @146B BRTZON PAR BYED DO, ,GZHAN DAG NI PHA ROL PO KHO NA GROL BAR BYA BAR SEMS SHING RDZOGS PA'I BYANG CHUB KYI GO 'PHANG GI RGYU SBYIN PA LA SOGS PA'I PHA ROL TU PHYIN PA DAG LA RAB TU 'JUG PAR DMIGS SO, ,DE LTA BAS NA DE LTAR SGRUB PA DPAG TU MED PA DMIGS NAS DE'I RGYU'I BYE BRAG SEMS CAN RNAMS KYI 'DOD PA'I MTSAN NYID RJES SU DPAG PAR BYA STE, 'BRAS BU'I BYE BRAG NI RGYU'I BYE BRAG GIS BYAS PA YIN PA'I PHYIR RO, ,BDAG NYID 'DOD PA'I SGO KHO NA NAS 'JUG PA MTHONG BA'I PHYIR DAD PA KHO NA 'JUG PA'I RGYU YIN NO ZHES BYA BAR NGES SO, ,SEMS CAN RNAMS KYI DAD PA'I BYE BRAG DE YANG RIGS KYI BYE BRAG MED NA MED PA YIN PAS DE'I PHYIR SEMS CAN RNAMS KYI RIGS THA DAD PAS JI LTAR MTHUN PAR RIGS KYIS BYAS PA'I SGRUB PA'I BYE BRAG GI SGO NAS THEG PA'I MTSAN NYID 'BRAS BU YANG SNA TSOGS PA NYID YIN NO ZHES RIGS PAS THEG PA SNA TSOGS PA NYID DU NGES PA KHO NA'O, , KHAMS KYI TSOGS KYI MDO LA SOGS PA LAS KYANG, SEMS CAN NI KHAMS SNA TSOGS PA YIN PAR BSTAN TO, ,BCOM LDAN 'DAS KYIS KHAMS SNA TSOGS MKHYEN PA'I STOBS GSUNGS PA GANG YIN PA DE YANG KHAMS SNA TSOGS PA NYID MED PAR JI LTAR 'GYUR, 'PHAGS PA LANG KAR GSHEGS PA LAS KYANG, MNGON PAR RTOGS PA'I RIGS LNGAR NYE BAR BSTAN TO, ,'PHAGS PA BLO GROS MI ZAD PAS BSTAN PA LAS KYANG GSUM PO 'DI DAG NI NGES PAR 'BYIN PAR BYED PA'I THEG PA YIN TE, 'DI LTA STE NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO ZHES GSUNGS SO, ,DE BZHIN DU MDO SDE MANG PO GZHAN DAG LAS KYANG NYAN THOS LA SOGS PA'I THEG PA GSUM BSTAN PA'I PHYIR LUNG GI SGO NAS KYANG THEG PA SNA TSOGS PA NYID DU GRUB BO, ,'PHAGS PA DAM PA'I CHOS PADMA DKAR PO LA SOGS PA LAS, THEG PA NI GCIG KHO NA'O ZHES BSTAN PA GANG YIN PA DE YANG DGONGS PA CAN DU BLTA BAR BYA STE, MNYAM PA NYID LA DGONGS PA LA SOGS PAR BSTAN PA'I PHYIR RO, ,DE LA DGONGS PA NI 'DI YIN TE, CHOS KYI DBYINGS KYI MTSAN NYID KYI THEG PA THA DAD PA MA YIN PAS THEG PA GCIG PA NYID DE, THEG PA NI BGROD PAR @147A *, ,BYA BA YIN PA'I PHYIR RO, ,YANG NA NYAN THOS LA SOGS PA BGROD PAR BYED PA'I GANG ZAG BDAG MED PAR MTSUNGS PA NYID MED PA'I PHYIR THEG PA GCIG PA NYID DO, ,YANG NA RNAM PAR GROL BA'I MTSAN NYID GANG YIN PA DE THA DAD PA MA YIN PA'I PHYIR THEG PA GCIG PA NYID DO; ,YANG NA RIG PA MA NGES PA'I NYAN THOS RNAMS THEG PA CHEN PO KHO NAS NGES PAR 'BYUNG BA'I PHYIR THEG PA GCIG PA NYID DU BSTAN TO, ,RNAM PA GCIG TU NA BCOM LDAN 'DAS RNAMS THUGS RJE CHEN PO DANG LDAN PAS SEMS CAN THAMS CAD LA BDAG NYID LTA BU'I BSAM PA BRNYES LA, NYAN THOS KYI RIGS SU SKYES PA SNGON BYANG CHUB KYI TSOGS YANG DAG PAR BSGRUBS PA RNAMS KYIS KYANG SANGS RGYAS SU BYA BA'I BSAM PA THOB STE, BSAM PA THA DAD PA MA YIN PA THOB PA DE'I PHYIR THEG PA GCIG PA NYID DO, ,RNAM PA GCIG TU NA BCOM LDAN 'DAS BDAG NYID KYIS NYAN THOS LA SOGS PA'I THEG PAS RNAM PA DU MAR NGES PAR 'BYUNG BA LTA BU'I SGO NAS YONGS SU MYA NGAN LAS 'DAS PAR BSTAN PA'I PHYIR THEG PA GCIG PA NYID DO, ,YANG NA THEG PA CHEN PO LAS MCHOG TU GYUR PA'I THEG PA GZHAN MED PA'I PHYIR DE'I DBANG DU MDZAD NAS THEG PA GCIG PA NYID DU BSHAD DO ZHES DE LTA BU'I DGONGS PAS THEG PA GCIG PA NYID DU BSTAN TO, ,YANG NA NYAN THOS KYI RIGS SU MA NGES PA RNAMS KUN DU DRANG BA'I PHYIR DANG BYANG CHUB SEMS DPA'I RIGS SU MA NGES PA RNAMS YANG DAG PAR GZUNG BA'I PHYIR TE, DGONGS PA 'DI NI BCOM LDAN 'DAS KYIS 'PHAGS PA CHOS BCU PA DANG, 'PHAGS PA DGONGS PA NGES PAR 'GREL PA DANG 'PHAGS PA LANG KAR GSHEGS PA LA SOGS PA LAS GSAL BAR BSTAN PA NYID DO, ,GZHAN YANG BYANG CHUB SEMS DPA' SKYE BA BRGYUD PA DU MAS TSOGS YONGS SU RDZOGS PAR BYED PA RNAMS KYIS SANGS RGYAS NYID KYI GO 'PHANG THOB PAR 'GYUR GYI, NYAN THOS KYIS SRID PA'I KUN TU SBYOR BA MA LUS PA SPANGS PA LA NI GANG GIS NA DE DAG GIS SKYE BA BRGYUD PA DU MAS BSGRUB PAR BYA BA'I SANGS RGYAS NYID THOB PAR 'GYUR BA YANG SRID PAR NYID [?] MTSAMS SBYOR BA NI 'GA' YANG MI SRID DO, ,JI LTAR SRID PA'I RTZA BA PHRA RGYAS TE, ,ZHES BSHAD LA DE DAG KYANG BDAG TU 'DZIN PA @147B LAS RAB TU 'BYUNG BA KHO NA'O ZHES BYA BA NI NGES PA DANG 'DOD PA YIN NO, ,'PHAGS PA RNAMS NI BDAG TU LTA BA DANG 'GAL BA BDAG MED PA'I LAM GOMS PAS PHRA RGYAS THAMS CAD RTZA BA DANG BCAS TE BCAD PA NYID DO, ,DE CHAD NA DE DAG GI SKYE BA YANG GZHI MED PA'I PHYIR CHAD PA YIN PAS DE DAG GI SKYE BA BRGYUD PA DU MAS BSGRUB PAR BYA BA SANGS RGYAS NYID THOB PAR LTA GA LA 'GYUR, GANG YANG BCOM LDAN 'DAS KYIS DAM PA'I CHOS PADMA DKAR PO LAS NYAN THOS RNAMS SANGS RGYAS NYID DU LUNG BSTAN PA MDZAD PA GANG YIN PA DE NI SPRUL PA'I NYAN THOS RNAMS SPRUL NAS SAM, BYANG CHUB TU YONGS SU BSNGO BA RNAMS LAS DGONGS NAS MDZAD PA YIN NO ZHES BYA BAR BLTA STE, 'DI NI BCOM LDAN 'DAS KYIS 'PHAGS PA LANG KAR GSHEGS PA LA SOGS PA LAS BSTAN PA NYID DO, ,GANG YANG 'PHAGS PA TING NGE 'DZIN GYI RGYAL PO LAS, 'DI NA SNOD MIN SEMS CAN 'GA' YANG MED; ,'GRO BA 'DI DAG THAMS CAD SANGS RGYAS 'GYUR, ,ZHES 'BYUNG BA GANG YIN PA DE YANG BSHAD PA'I DUS DE NA NYE BA'I 'GRO BA RNAMS LAS DGONGS NAS GSUNGS SO ZHES BYA BAR KHONG DU CHUD PAR BYA'O, ,KHA CIG LAS SEMS CAN THAMS CAD NI DE BZHIN GSHEGS PA'I SNYING PO CAN NO ZHES 'BYUNG BA GANG YIN PA DE YANG DE BZHIN NYID KYI MTSAN NYID DE BZHIN NYID LA DGONGS NAS GSUNGS PA YIN NO, ,DE LTA BAS NA DON DAM PAR THEG PA GSUM YANG YOD PA NYID LA CHOS THAMS CAD KYANG NGO BO NYID DANG BCAS PA NYID DO ZHES ZER TE, PHYOGS SNGA MA YIN NO, ,DE LTA BAS NA 'DI LA LAN GDAB PAR BYA STE, DE LA RE ZHIG LUNG GI SGO NAS NI CHOS THAMS CAD NGO BO NYID MED PAR SGRUB NUS PA MA YIN TE, DE SU YANG KHAS MI LEN PA'I PHYIR RO ZHES BYA BA LA SOGS PA SMRAS PA GANG YIN PA DE LA BRJOD PAR BYA'O, ,CI SU YANG KHAS MI LEN PA'I PHYIR LUNG GCIG TU BLANG BAR BYA BA MA YIN PA KHO NA'AM, 'ON TE BLANG BAR BYA BA NYID KYANG YIN, DE LA RE ZHIG PHYOGS DANG PO LTAR NI RIGS PA MA YIN TE, DE LTA NA NI SU YANG LUNG GANG LA YANG BRTEN PAR BYA BA YANG MA YIN PAR 'GYUR TE, DE SU YANG KHAS MI LEN PA'I PHYIR RO, ,DE LA KHA CIG NGA RGYAL GYIS SAM, DON DU MI GNYER BAS SAM, SDIG PA'I @148A *, ,GROGS PO DANG PHRAD PAS SAM, YID RNAM PAR RMONGS PAS SAM, DGE BA'I BSHES GNYEN YANG DAG PA MA RNYED PAS SAM, GZHAN GYI NGOR 'JUG PAS SAM, DAD PA LA SOGS PA'I DBANG PO DANG BRAL BAS SAM, LEGS PAR RTOGS PA'I MKHAS PA DANG BRAL BAS BCOM LDAN 'DAS KYI GSUNG RAB RIN PO CHE THOG MA DANG THA MA DANG BAR DU DGE BA LA MI BRTEN DU ZIN KYANG CI DE TZAM GYIS MKHAS PA RANG DANG GZHAN LA PHAN PA SKYED PAR BYED PA'I THABS THOB PA LEGS PAR RTOG PA LA MKHAS PA RNAMS KYANG RTEN PAR MI BYED DAM, TSONG PA NGAN PA RNAMS KYIS RIN THANG MED PA'I NOR BU RIN PO CHE YONGS SU MA SHES NAS BOR ZHES TE, TSONG PA BZANG PO LEGS PAR RTOG PA LA MKHAS PA RNAMS KYANG DE MI LEN PA NI MA YIN NO, ,'ON TE BSREGS PA DANG BDAR BA DANG BCAD PA DAG GIS GSER BZANG PO BZHIN DU MNGON SUM DANG RJES SU DPAG PA DANG PHAN TSUN 'GAL BA DAG GIS MI 'GAL BA'I PHYIR DANG, LUNG GZHAN YANG DE LAS BZLOG PA NYID KYI PHYIR MKHAS PA MNGON PAR MTHO BA DANG, NGES PAR LEGS PA'I 'BRAS BU 'DOD PA PHUN SUM TSOGS PA MA LUS PAR BSGRUB PA LA GZO BA RNAMS KYIS DE YONGS SU SPANGS NAS; GSUNG RAB RIN PO CHE GCIG TU DGE BA GANG YIN PA DE LA BRTEN PAR BYA BA KHO NA'O ZHES BYA BA'I PHYOGS YIN NA NI, DE'I TSE KHYED BCOM LDAN 'DAS KYI GSUNG RAB NYID YONGS SU BRTAGS TE KHAS LEN NA NI BCOM LDAN 'DAS KYIS SHES RAB KYI PHA ROL TU PHYIN PA LA SOGS PA LAS DBU MA'I LAM GSAL RAB TU BSTAN PA MDZAD PA 'DI LA YANG CI'I PHYIR MI BRTEN, GAL TE BDAG NYID DE LA BRTEN MI NUS SU CHUG NA'ANG, 'ON KYANG 'PHAGS PA KLU SGRUB KYI ZHAL SNGA NAS, RIGS PA'I SGRON MA'I TSOGS RNAM PA DU MAS 'DI GSAL RAB TU BRJOD NA DE'I STOBS KYIS KYANG CI'I PHYIR KHAS MI LEN, DE NYID KYI PHYIR SLOB DPON DE NI BCOM LDAN 'DAS KYIS DE STON PA'I PHYIR DANG, SA DANG PO THOB PA'I PHYIR 'PHAGS PA LANG KAR GSHEGS PA LA SOGS PA LAS LUNG BSTAN TO, ,GAL TE 'DIS 'DI LOG PAR STON PAR 'GYUR NA NI BCOM LDAN 'DAS KYIS DE LTAR LUNG @148B STON PAR YANG MI 'GYUR RO, ,DE'I PHYIR SLOB DPON GYI TSIG SPANGS NA BCOM LDAN 'DAS KYI BKA' SPANGS PA KHO NAR 'GYUR RO, ,DE LTA BAS NA DE LUNG DANG LDAN PAS 'PHAGS PA KLU SGRUB KYI ZHAL SNGA NAS BSTAN PA'I LAM BOR NAS, 'PHAGS PA MA YIN PA'I SKYE BOS RAB TU BSTAN PA LA BRTEN PAR NI RIGS PA MA YIN NO, ,KHO BO CAG GI SGRA RNAMS LA DON DAM PA'I 'BREL PA 'GA' YANG MI 'DOD DO, ,DE'I PHYIR DE BKAG PAS MI 'DOD PAR 'GYUR BA MA YIN NO, ,'ON KYANG 'DI NI BRDA MNGON PAR SHES PA LA SMRA BA PO'I 'DOD PAS THA SNYAD KYI SGO NAS STON PAR BYED DO, ,DON DANG SKABS LA SOGS PAS 'KHRUL PA MED PA'I MIS BRJOD PA'I SGRA RNAMS BRJOD PAR 'DOD PA'I DON DAM 'BREL PA MED PAR YANG RNAM PA THAMS CAD DU NGES PAR BYA BAR MI NUS TE, GZHAN DU NA THA SNYAD THAMS CAD CHAD PA KHO NAR 'GYUR RO, ,SDANG BA MA YIN PA DANG, MA RMONGS PA DANG, MA CHAGS PA RNAMS KYI TSIG BDEN PA'I DON NYID STON PA'I PHYIR THAMS CAD KYI TSIG LOG PA'I DON NYID KYANG MA YIN TE, DE NI RANG GI RGYUD LA YANG NGES PA'I PHYIR RO, ,DE'I PHYIR BKA' GANG ZHIG TSUL GSUM GYI BRTAG PAS YONGS SU DAG PA THOG MA DANG THA MA DANG BAR DU DGE BAR NGES PA DE NI MI SLU BA'I PHYIR DE MKHAS PA RNAMS KYIS BRTEN PAR BYA BA NYID DO, ,KHO BO CAG NI DE BZHIN GSHEGS PA'I GSUNG RAB DANG ZHE 'GRAS PA'I MI MU STEGS CAN RNAMS LA, DE SGRUB PA'I PHYIR BCOM LDAN 'DAS KYI BKA' TSAD MA NYID DU BRJOD PA NI MA YIN NO, ,'ON KYANG LUNG GI DON DPYOD NA DE'I LUNG DANG LDAN PA LA DE KHUNGS NYID DU RAB TU STON TO, ,DE STON PAR BYED PA'I BCOM LDAN 'DAS KYI BKA' MED PA NYID DO ZHES BRJOD PAR YANG RIGS PA MA YIN TE, 'DI LTAR BCOM LDAN 'DAS KYIS NGES PA'I DON GYI MDO LA BRTEN PAR GSUNGS KYI, DRANG BA'I DON LA NI MA YIN NO, ,NGES PA'I DON KYANG GANG LA BYA ZHE NA, TSAD MA DANG BCAS PA DANG, DON DAM PA'I DBANG DU MDZAD NAS BSHAD PA GANG YIN PA STE DE NI DE LAS LOGS SHIG GZHAN GANG DU YANG DRANG BAR MI NUS PA'I PHYIR RO, ,CHOS THAMS CAD MI SKYE BA YANG TSAD MAS YANG DAG PAR GRUB STE @149A *, ,DE NYID KYI PHYIR DE NI RIGS PA DANG LDAN PA NYID KYIS DON DAM PA ZHES BYA'O, ,DE SKAD DU 'PHAGS PA CHOS YANG DAG PAR SDUD PA LAS, MI SKYE BA NI BDEN NO, ,SKYE BA LA SOGS PA CHOS GZHAN NI MI BDEN TE, BRDZUN PA SLU BA'I CHOS CAN NO ZHES GSUNGS SO, , 'PHAGS PA BDEN PA GNYIS BSTAN PA LAS KYANG, LHA'I BU DON NI DON DAM PAR MI SKYE BA YIN NO ZHES GSUNGS TE, DE NI KUN NAS NYON MONGS PA DANG, RNAM PAR BYANG BA'I CHOS THAMS CAD LA RNAM PAR GZHAG GI 'GA' TZAM LA NI MA YIN NO, ,DE BZHIN DU YANG DE NYID LAS, LHA'I BU 'DI LTA STE DPER NA KHAMS SA'I SNOD KYI NANG GI NAM MKHA' GANG YIN PA DANG, RIN PO CHE'I SNOD KYI NANG GI NAM MKHA' GANG YIN PA 'DI NI DON DAM PAR NAM MKHA'I KHAMS KHO NAR ZAD DE, 'DI LA THA DAD DU BYA BA CUNG ZAD KYANG MED DO, ,LHA'I BU DE BZHIN DU KUN NAS NYON MONGS PA GANG YIN PA DE YANG DON DAM PAR SHIN TU MI SKYE BA NYID DO, ,RNAM PAR BYANG BA GANG YIN PA DE YANG DON DAM PAR SHIN TU MI SKYE BA NYID DO, ,'KHOR BA YANG DON DAM PAR SHIN TU MI SKYE BA NYID DO, ,MYA NGAN LAS 'DAS PA'I BAR DU YANG DON DAM PAR SHIN TU MI SKYE BA NYID DE, 'DI LA THA DAD DU BYA BA CUNG ZAD KYANG MED DO, , DE CI'I PHYIR ZHE NA, DON DAM PAR CHOS THAMS CAD SHIN TU MA SKYES PA'I PHYIR RO ZHES GSUNGS TE, DE LTAR NA SKYE BA MED PA 'DI YANG DON DAM PA DANG MTHUN PA'I PHYIR DON DAM PA ZHES BYA'I DNGOS SU NI MA YIN TE, DNGOS SU NI DON DAM PA SPROS PA THAMS CAD LAS 'DAS PA'I PHYIR RO, ,DE'I PHYIR GANG CUNG ZAD JI TZAM DU SKYE BA MED PA LA SOGS PA'I MTSAN NYID KYI DON DAM PA'I DBANG DU BSTAN PA MDZAD PA DE THAMS CAD NI NGES PA'I DON DU GZUNG BAR BYA LA BZLOG PA NI DRANG BA'I DON TO, ,DE SKAD DU 'PHAGS PA BLO GROS MI ZAD PAS BSTAN PA LAS, NGES PA DANG DRANG BA'I DON GYI MDO SDE'I MTSAN NYID BSHAD DE, NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO SDE GANG DAG KUN RDZOB BSGRUB PA BSTAN PA DE DAG NI DRANG BA'I DON ZHES BYA'O, ,MDO SDE GANG DAG DON DAM PA BSGRUB PA BSTAN PA DE DAG NI NGES PA'I DON ZHES BYA'O, ,MDO SDE GANG DAG TSIG DANG YI @149B GE SNA TSOGS BSTAN PA GANG YIN PA DE DAG NI DRANG BA'I DON ZHES BYA'O, ,MDO SDE GANG DAG ZAB MO BLTA DKA' BA RTOGS PAR DKA' BA BSTAN PA DE DAG NI NGES PA'I DON ZHES BYA'O, ,MDO SDE GANG DAG BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, SHED LAS SKYES PA DANG, SHED BU DANG, BYED PA PO DANG, TSOR BA PO SKAD SNA TSOGS KYIS BSHAD PAR BYA BA BDAG PO MED PA LAS BDAG PO LTA BUR BSTAN PA DE DAG NI DRANG BA'I DON ZHES BYA'O, MDO SDE GANG DAG DNGOS PO STONG PA NYID DANG, MTSAN MA MED PA DANG, SMON MED PA DANG; MNGON PAR 'DU BYED PA MED PA DANG, SKYE BA MED PA DANG, MA SKYES PA DANG, SEMS CAN MED PA DANG, SROG MED PA DANG, GANG ZAG MED PA DANG, BDAG PO MED PA RNAM PAR THAR PA'I SGO STON PA DE DAG NI NGES PA'I DON ZHES BYA'O ZHES RGYAS PAR GSUNGS PA GANG YIN PA'O, ,SKYE BA MED PA LA SOGS PA BSTAN PA MDO GZHAN DAG LAS DGONGS PA GZHAN GYI NGES PA'I DON DU BSHAD DO ZHES BRJOD PAR YANG RIGS PA MA YIN TE, DE LTA NA NI BDAG LA SOGS PA BSTAN PA YANG NGES PA'I DON DU 'GYUR RO, ,DE LTA BAS NA DON DAM PA BRJOD PA KHO NA NGES PA'I DON YIN LA, BZLOG PA NI DRANG BA'I DON YIN NO ZHES BYA BAR KHONG DU CHUD PAR BYA'O, ,'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS KYANG, NGES PA'I DON GANG YIN PA DE NI DON DAM PA'O ZHES GSUNGS LA, SKYE BA MED PA LA SOGS PA YANG 'PHAGS PA BLO GROS MI ZAD PAS BSTAN PA LAS, NGES PA'I DON TO ZHES BSTAN TE, DE LTA BAS NA SKYE BA MED PA LA SOGS PA KHO NA DON DAM PA'O ZHES BYA BAR NGES SO, ,GAL TE DE LTA YIN NA, 'O NA JI LTAR BCOM LDAN 'DAS KYIS 'PHAGS PA DGONGS PA NGES PAR 'GREL PA LAS, NGO BO NYID GSUM PO NGO BO NYID MED PA RNAM PA GSUM LAS DGONGS NAS CHOS THAMS CAD NGO BO NYID MED PAR BSTAN ZHE NA, 'DI NI NYES BA MED DE, GANG DAG KUN RDZOB PA'I NGO BO NYID LA YANG SKUR PA 'DEBS PAR BYED PA DANG, DAM PA MA YIN PA'I BSTAN BCOS MNYAN PA LA SOGS PA LA MNGON PAR ZHEN PAS BLO GROS PHYIN CI @150A *, ,LOG TU GYUR PA GANG DAG KUN RDZOB TU YOD PA MA YIN PA BRDZUN PA KHO NA LA YANG RTAG PA LA SOGS PA'I DNGOS POR SGRO 'DOGS SHING GZUGS LA SOGS PA JI LTAR SNANG BA YANG JI LTA BA DE BZHIN DU YONGS SU 'DZIN PAR 'GYUR BA DE DAG SGRO 'DOGS PA DANG SKUR PA 'DEBS PA'I MTHA' GNYIS SU LHUNG BA'I BLOS DON DAM PA'I TSUL GYI RGYA MTSO MTHA' GNYIS DANG BRAL BA SHIN TU ZAB MO LA MI 'JUG PAS DE'I DON DU BCOM LDAN 'DAS KYIS SKYE BA MED PA LA SOGS PA BSTAN PA DON DAM PA'I DBANG DU MDZAD PA KHO NAR BRJOD CING NGO BO NYID MED PA RNAM PA GSUM GYI DGONGS PA BSTAN PAS DBU MA'I LAM MTHA' GNYIS DANG BRAL BA RAB TU BSTAN PA'I PHYIR NGES PA'I DON KHO NA GZHUNG 'DZUGS PAR MDZAD PA YIN NO, ,DBU MA PA RNAMS KYANG NGO BO NYID GSUM RNAM PAR GZHAG PA KHAS MI LEN PA NI MA YIN TE, GZHAN DU NA MTHONG BA LA SOGS PA DANG 'GAL BA JI LTAR SPONGS PAR 'GYUR, DE LA DNGOS PO MA BRTAGS NA GRAGS PA JI LTAR SNANG BA SGYU MA BZHIN DU BRTEN NAS BYUNG BA GANG YIN PA DE NI GZHAN GYI DBANG GI NGO BO NYID YIN NO, ,DE YANG KUN RDZOB TU SGYU MA BZHIN DU GZHAN GYI RKYEN GYI DBANG GIS SKYE'I BDAG NYID KHO NA NI MA YIN PAS SKYE BA NGO BO NYID MED PA NYID DU RNAM PAR GZHAG STE, MKHAS PA RNAMS NI BRTEN NAS BYUNG BA GANG YIN PA DE RANG BZHIN GYIS STONG PA NYID DO ZHES BYA BAR NGES PAR 'DZIN TE RANG BZHIN NI BCOS MA NYID DU RIGS PA MA YIN NO, ,MA BYUNG BA LA BYUNG BA DANG, BYUNG NAS MED PA YANG MA YIN TE, GCIG LA YOD PA DANG MED PA DAG NI RIM GYIS KYANG 'GAL BA'I PHYIR RO, ,DE SKAD DU, RANG BZHIN RGYU DANG RKYEN DAG LAS, ,'BYUNG BAR RIGS PA MA YIN NO, ,RGYU DANG RKYEN LAS BYUNG NA NI, ,RANG BZHIN BYAS PA CAN DU 'GYUR, ,RANG BZHIN DAG NI JI LTA BUR, ,BYAS PA CAN ZHES BYA BAR 'GYUR, ,GAL TE RANG BZHIN GYIS YOD 'GYUR, ,DE NI MED PA NYID MI 'GYUR, ,RANG BZHIN GZHAN DU 'GYUR BAR NI, ,NAM YANG 'THAD PA MA YIN NO, ,ZHES BSHAD DO, ,YANG NGO BO NYID KYIS YOD YIN NA, ,MED PAR RUNG BA MA YIN NO, ,ZHES BSHAD DO, ,BCOM LDAN 'DAS KYIS KYANG 'PHAGS PA KLU'I @150B RGYAL PO MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES TE BAG YOD YIN, ,ZHES BSTAN TO, ,KLU'I RGYAL PO RGYA MTSOS ZHUS PA LAS, GANG DAG RTEN CING 'BREL PAR 'BYUNG, ,DE DAG NGO BO NYID KYIS MED, ,GANG DAG NGO BO NYID MED PA, ,DE DAG GANG DU'ANG MI 'BYUNG NGO, ,ZHES GSUNGS SO, ,DE NYID KYI PHYIR 'PHAGS PA YAB DANG SRAS MJAL BA LAS KYANG, RTEN CING 'BREL PAR 'BYUNG BA LA 'JUG PAS CHOS KYIS DBYINGS LA 'JUG PA BSTAN TE, JI SKAD DU, BCOM LDAN 'DAS DE LA MA RIG PA NI MA RIG PA NYID KYIS MA MCHIS SO, ,DE CI'I SLAD DU ZHE NA, 'DI LTAR MA RIG PA NI NGO BO NYID DANG BRAL BA LAGS SO, ,CHOS GANG LA NGO BO NYID MA MCHIS PA DE NI DNGOS PO MA MCHIS PA'O, ,GANG DNGOS PO MA MCHIS PA DE NI YONGS SU MA GRUB PA'O, ,GANG YONGS SU MA GRUB PA DE NI SKYE BAR YANG MI 'GYUR, DE 'GAG PAR YANG MI 'GYUR RO, ,GANG MA SKYES MA 'GAGS PA DE NI 'DAS PA ZHES GDAGS PAR BGYI BA MA LAGS, MA 'ONGS PA MA LAGS, DA LTAR BYUNG BA ZHES GDAGS PAR BGYI BA MA LAGS SO, ,GANG DUS GSUM DU YANG MI 'THAD PA DE NI MING MA MCHIS PA, MTSAN NYID MA MCHIS PA, MTSAN MA MA MCHIS PA, GDAGS SU MA MCHIS PA STE, SEMS CAN RNAMS GZUNG BA'I PHYIR MING TZAM DANG, BRDA TZAM DANG, THA SNYAD TZAM DANG, KUN RDZOB TZAM DANG, BRJOD PA TZAM DANG, GDAGS PA TZAM NI MA GTOGS SO, ,MA RIG PA NI DON DAM PAR MI DMIGS SO, ,CHOS GANG DON DAM PAR MI DMIGS PA DE NI GDAGS PAR BGYI BA MA LAGS, THA SNYAD GDAGS PAR BGYI BA MA LAGS, BRJOD PAR BGYI BA MA LAGS TE, BCOM LDAN 'DAS MING TZAM DANG BRDA TZAM GANG LAGS PA DE YANG YANG DAG PA MA LAGS SO ZHES BYA BA RGYAS PAR GSUNGS SO, ,DE'I PHYIR GZHAN GYI DBANG GI NGO BO NYID NI YANG DAG PA'I NGO BO NYID DU RIGS PA MA YIN TE, DE LTA NA NI SGYU MA LA SOGS PA YANG DNGOS PO NYID DU THAL BAR 'GYUR TE, DE DAG KYANG @151A *, ,RKYEN LA RAG LAS PAR KHYAD PAR MED PA'I PHYIR RO, ,DE BAS NA GZHAN GYI DBANG GI NGO BO NYID 'DI SGYU MA DANG KHYAD PAR MED PA NYID KYI PHYIR SKYE BA NGO BO NYID MED PA NYID DU RNAM PAR GZHAG GO, ,DE SKAD DU, 'PHAGS PA DGONGS PA NGES PAR 'GREL PA DE NYID LAS, DPER NA SGYU MA BYAS PA LTAR DE BZHIN DU SKYE BA NGO BO NYID MED PAR NYE BAR BLTA BAR BYA'O ZHES GSUNGS SO, ,GZHAN GYI DBANG GI NGO BO NYID SGYU MA LA SOGS PA DANG KHYAD PAR MED PA DE NYID LA RTAG PA DANG MI RTAG PA LA SOGS PA DON DAM PA PA'I RANG GI NGO BOR SGRO 'DOGS PA GANG YIN PA DE NI KUN BRTAGS PA'I NGO BO NYID DO, ,DE YANG JI LTAR KUN BRTAGS PA'I MTSAN NYID DU MA GRUB PA'I PHYIR MTSAN NYID NGO BO NYID MED PA NYID DU RNAM PAR GZHAG GO, ,NGO BO NYID MED PA 'DI YANG DNGOS SU NA GZHAN GYI DBANG GI NGO BO NYID KHO NA LA RNAM PAR GZHAG STE, DE NYID LA DE'I MTSAN NYID DU NYE BAR BRTAGS PA'I PHYIR RO, ,DE'I PHYIR CHOS THAMS CAD MI RTAG PA LA SOGS PA JI LTAR RNAM PAR GZHAG PA'I MTSAN NYID DON DAM PA PAS STONG PA'I PHYIR MA SKYES PA YIN NO, ,DE'I PHYIR MA 'GAGS PA YIN NO, ,DE'I PHYIR GZOD MA NAS ZHI BA YIN NO, ,DE'I PHYIR RANG BZHIN GYIS YONGS SU MYA NGAN LAS 'DAS PA YIN NO, ,DE SKAD DU, 'PHAGS PA DGONGS PA NGES PAR 'GREL BA DE NYID LAS, GANG RANG GI MTSAN NYID KYIS MED PA DE NI MA SKYES PA'O, ,GANG MA SKYES PA DE NI MA 'GAGS PA'O, ,GANG MA 'GAGS PA DE NI GZOD MA NAS ZHI BA'O, ,GANG GZOD MA NAS ZHI BA DE NI RANG BZHIN GYIS YONGS SU MYA NGAN LAS 'DAS PA'O ZHES GSUNGS SO, ,YANG DE LTA BAS NA NGAS MTSAN NYID NGO BO NYID MED PA NYID LAS DGONGS NAS CHOS THAMS CAD MA SKYES PA'O ZHES BSHAD DO ZHES GSUNGS PA GANG YIN PA DER YANG SGRA JI BZHIN GYI DON DU YONGS SU RTOG PA DE SEL BAR YANG MDZAD LA, GZHAN GYI DBANG GI NGO BO NYID KUN RDZOB PA LA JI SKAD BSHAD PA'I KUN BRTAGS PA'I BDAG NYID KYIS DBEN PA SGRUB CING SKUR BA MI 'DEBS PA'I KUN RDZOB KYI NGO BO YANG STON PA YIN GYI, DON DAM PA NYID DU NI MA YIN NO, ,MTSAN NYID MED PA'I NGO BO NYID NI 'GA' YANG RIGS PA MA YIN TE, JI SKAD DU, MTSAN NYID MED PA'I DNGOS @151B PO NI, ,'GA' YANG GANG NA'ANG YOD MA YIN, ,ZHES BSHAD PA LTA BU'O, ,CHOS THAMS CAD DON DAM PAR RTAG TU RANG BZHIN GYIS NGO BO NYID MED PA KHO NAR GNAS PA GANG YIN PA DE NI YONGS SU GRUB PA'I NGO BO NYID YIN TE, DE NI RTAG TU SGRO BTAGS PA MED PA NYID DU GRUB PA'I PHYIR RO, ,DE YANG TSAD MAS YANG DAG PAR GRUB PA'I BDAG NYID KYIS DON DAM PA ZHES KYANG BYA LA NGO BO NYID MED PAS RAB TU PHYE BA'I PHYIR NGO BO NYID MED PA NYID KYANG YIN NO, ,DE'I PHYIR 'DI NI DON DAM PAR NGO BO NYID MED PA YIN NO, ,DE SKAD DU 'PHAGS PA DGONGS PA NGES PAR 'GREL PA LAS, DE NI DON DAM PA YANG YIN LA, CHOS RNAMS NGO BO NYID MED PAS RAB TU PHYE BA YANG YIN PAS DE'I PHYIR DON DAM PA NGO BO NYID MED PA'O ZHES BYA'O ZHES GSUNGS TE, GANG GI PHYIR NGO BO NYID MED PA 'DIS CHOS THAMS CAD NGO BO NYID MED PA KHO NA YIN PAS DE'I PHYIR SKYE BA MED PA LA SOGS PA BSTAN PA NGES PA'I DON YIN NO, ,DE NI DON DAM PA LA DGONGS NAS BSTAN PA'I PHYIR MTHONG BA LA SOGS PA DANG 'GAL BA YANG MA YIN LA, SGRA JI BZHIN DU YONGS SU RTOG PA YANG MA YIN NO, ,DE'I PHYIR DGONGS PA BSTAN PA YANG NGES PA'I DON NYID DU 'GAL BAR MI BYED DO, ,DE NYID KYI PHYIR SKYE BA MED PA LA SOGS PA BSTAN PA NGES PA'I DON NYID DU BSGRUB PA'I PHYIR DANG, MTHONG BA LA SOGS PA DANG 'GAL BA BSAL BA'I PHYIR, SGRA JI BZHIN DU RTOG PA GSAL BA'I PHYIR 'PHAGS PA DGONGS PA NGES PAR 'GREL PA DE NYID LAS, DON DAM YANG DAG 'PHAGS GZHAN YANG, ,NGAS DON DAM PA NGO BO NYID MED PA CHOS BDAG MED PAS RAB TU PHYE BA LAS KYANG DGONGS TE, CHOS THAMS CAD MA SKYES PA DANG, CHOS THAMS CAD MA 'GAGS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PAR BSHAD DO ZHES BSTAN NO, ,GAL TE DE LTA YIN NA, 'O NA DAD PA CHER 'BYUNG GI MDO LAS, NGAS GANG SBYOR BA LAS BYUNG BA'I NGO BO NYID LAS DGONGS TE, CHOS THAMS CAD MED PA NYID DU BSTAN PA GANG YIN PA DE LA SGRA JI BZHIN DU MNGON PAR ZHEN CING, KUN NAS NYON MONGS PA'I CHOS RNAMS DANG, RNAM PAR BYANG BA'I CHOS RNAMS KYANG MED PA NYID DU MNGON PAR ZHE NA NAS MED PA'I MTSAN MA BZUNG STE, MED PA'I @152A *, ,LTA BAR 'GYUR RO, ,DE LTA BAS NA MTSAN MA'I LTA BA ZHES BYA'O ZHES RGYAS PAR GSUNGS PA GANG YIN PA 'DI JI LTAR DRANG ZHE NA, 'DI LA YANG JI SKAD BSHAD PA'I GZHAN GYI DBANG GI NGO BO NYID KUN RDZOB TU RGYU DANG RKYEN SBYOR BA'I STOBS KYIS SKYES PA NYID KYI SGYU MA BZHIN DU NGO BO NYID MED PA'I PHYIR SBYOR BA LAS BYUNG BA ZHES BYA'O, ,DE SKAD DU 'PHAGS PA SHES RAB KYI PHA ROL TU PHYIN PA LAS, SBYOR BA LAS BYUNG BA'I NGO BO NYID NI YOD PA MA YIN TE, RTEN CING 'BREL BAR 'BYUNG BA'I PHYIR RO ZHES GSUNGS SO, ,DE NYID LA JI SKAD BSHAD PA'I KUN BRTAGS PA'I NGO BO NYID GANG YIN PA DE YANG RTOGS PAS MNGON PAR BSGRUBS PA NYID KYIS DE LA GLO BUR BA YIN PA'I PHYIR SBYOR BA LAS BYUNG BA ZHES BYA'O, ,NGO BO NYID 'DI NI RNAM PA GNYIS KA YANG DON DAM PAR MI RUNG STE, DE'I PHYIR CHOS THAMS CAD NGO BO NYID 'DIS DON DAM PAR NGO BO NYID MED PA YIN GYI, KUN RDZOB PA'I NGO BO NYID KYANG MED PA'I PHYIR NI MA YIN NO, ,DE MED NA NI KUN NAS NYON MONGS PA DANG RNAM PAR BYANG BA'I CHOS RNAM PAR GZHAG PAR YANG MI 'GYUR TE, DE NI DES RAB TU PHYE BA YIN GYI DON DAM PAS NI MA YIN NO ZHES MDO GZHAN DAG LAS BRJOD PA'I PHYIR RO, ,DE'I PHYIR DON DAM PA'I DGONGS PA MI SHES PA GANG DAG SNGAR KUN RDZOB KYI NGO BO NYID KYANG DNGOS PO'I NGO BOR BZUNG NAS, PHYIS DE YANG MED PAR SEMS SHING SKYE BA MED PA LA SOGS PA BSTAN PA LA SGRA JI BZHIN GYI DON DU MNGON PAR ZHEN PA DE DAG DNGOS PO MED PA LA SOGS PA'I MTSAN MA GZUNG BA'I PHYIR MTSAN MA LA SOGS PA'I LTA BAR 'GYUR BAS DE DGAG PA'I PHYIR 'DI GSUNGS KYI, DBU MA PA RNAMS LA NI MA YIN NO, ,DE DAG NI DE KHO NA NYID DE MTSAN MAR 'DZIN PA THAMS CAD LAS LOG PAR BRJOD PA'I PHYIR DE DAG LA DNGOS PO MED PA LA SOGS PA'I MTSAN MAR 'DZIN PA MED DE, JI SKAD DU, GZHAN GYI RKYEN MIN ZHI BA STE, ,SPROS PA RNAMS KYIS MA SPROS PA, ,THA DAD DON MIN RNAM MI RTOG, ,'DI NI YANG DAG MTSAN NYID DO, ,ZHES BSHAD PA DANG, YANG, YOD CES BYA BA RTAG PAR 'DZIN, ,MED CES BYA BA CHAD PAR LTA, ,DE LTAS YOD DANG MED NYID LA, ,MKHAS PAS GNAS PAR MI BYA'O, ,ZHES BSHAD @152B PA LTA BU'O, ,GANG DAG DNGOS PO MED PA LA SOGS PA'I MTSAN MAR 'DZIN PA DE DAG NI DE KHO NA NYID MTHONG BAR BYA BA'I SKABS MED PA NYID DE, GANG DAG RANG DNGOS GZHAN DNGOS DANG, ,DNGOS DANG DNGOS MED NYID MTHONG BA, ,DE DAG SANGS RGYAS BSTAN PA LA, ,YANG DAG MTHONG BA MA YIN NO; ,ZHES BSHAD PA GANG YIN PA'O, ,DNGOS PO MED PAR MNGON PAR ZHEN PA 'DI DNGOS POR MNGON PAR ZHEN PA SNGON DU 'GRO BA CAN YIN PAR MDO LAS BRJOD DE, JI SKAD DU, 'PHAGS PA LANG KAR GSHEGS PA LAS, MED PA YOD PA'I ZLAS DRANGS TE, ,YOD PA'ANG MED PA'I ZLAS DRANGS SO; ,DE PHYIR MED PAR BRJOD MI BYA, ,YOD PA NYID DU'ANG MI BRTAG GO, ,ZHES GSUNGS PA LTA BU'O, ,DE'I PHYIR DNGOS PO LA MNGON PAR ZHEN PAS DBANG MED PA RNAMS KHO NA MTSAN MA LA SOGS PA'I LTA BA YIN GYI, DNGOS POR 'DZIN PA THAG BSRINGS PA RNAMS NI MA YIN TE, DE DAG NI GANG LA'ANG MI GNAS PA'I PHYIR RO, ,DE SKAD DU, GANG DAG BRTEN NAS DNGOS PO RNAMS, ,BDEN PA NYID DU GRUB 'DOD PA, ,DE DAG LA YANG JI LTA BUR, ,RTAG SOGS SKYON DER 'GYUR MA YIN, ,GANG DAG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LHAS MI 'PHROGS, ,DNGOS POR KHAS LEN YOD NA NI, ,'DOD CHAGS ZHE SDANG LAS BYUNG BA'I, ,LTA BA MA RUNG YONGS SU 'DZIN, ,DE LAS BYUNG BA'I RTZOD PA 'DZIN, ,ZHES BSHAD DO, ,DE LTA BAS NA GANG DAG SKYE BA MED PA LA SOGS PA BSTAN PA LA SGRA JI BZHIN DU MNGON PAR ZHEN PA DE DAG DGAG PA'I PHYIR MTSAN MA LA SOGS PA'I LTA BA SMAD KYI DBU MA PAR SMRA BA RNAMS NI SKYE BA MED PA LA SOGS PA BSTAN PA LA SGRA JI BZHIN DU MNGON PAR ZHEN PA YANG MA YIN TE, DE DAG DON DAM PAR SKYE BA MED PA LA SOGS PA KHAS LEN PA'I PHYIR DANG, KUN RDZOB PA'I SKYE BA LA SOGS PA YANG BRJOD PA'I PHYIR RO, ,DE SKAD DU, DE NYID TSOL LA THOG MAR NI, ,THAMS CAD YOD CES BRJOD PAR BYA, ,DON RNAMS RTOGS SHING CHAGS MED LA, ,PHYIS NI RNAM PAR DBEN PA NYID, ,RNAM PAR DBEN DON MI SHES LA, ,THOS PA TZAM LA 'JUG BYED CING, ,GANG DAG @153A *, ,BSOD NAMS MI BYED PA, ,SKYES BU THA SHAL DE DAG BRLAG ,'BRAS BUR BCAS PA'I LAS RNAMS DANG, ,'GRO BA DAG KYANG YANG DAG BRJOD, ,DE YI RANG BZHIN YONGS SHES DANG, ,SKYE BA MED PA'ANG BSTAN PA YIN, ,'JIG RTEN DBANG DU RGYAL BA RNAMS, ,NGA DANG NGA YI ZHES GSUNGS LTAR, ,DE BZHIN PHUNG PO SKYE MCHED KHAMS, ,DGOS PA'I DBANG GIS BSHAD PA YIN, ,ZHES BSHAD DO, ,GAL TE DE LTA YIN NA, 'PHAGS PA LANG KAR GSHEGS PA LAS, BRTAGS PA'I DNGOS PO MED PA NYID, ,GZHAN GYI DBANG NI YOD MA YIN, ,SGRO 'DOGS PA DANG SKUR 'DEBS PA'I, ,MTHA' LA RTOG PA BRLAG PAR 'GYUR, ,ZHES GSUNGS PA GANG YIN PA 'DI JI LTAR DRANG SNYAM PA LA, 'DIR YANG GANG ZHIG KUN BRTAGS PA'I NGO BO NYID JI SKAD BSHAD PA LA YANG DAG PAR SGRO 'DOGS PAR BYED PA'I SGRO 'DOGS PA DE DGAG PA'I PHYIR BRTAGS PA'I DNGOS PO MED PA NYID CES GSUNGS SO, ,GANG DAG GZHAN GYI DBANG GI NGO BO NYID JI SKAD BSHAD PA KUN RDZOB PA YANG 'GOG PAR BYED PA DE'I PHYIR GZHAN GYI DBANG NI YOD PA YIN ZHES GSUNGS SO, ,GANG ZHIG JI SKAD BSHAD PA'I MTHA' 'DI GNYIS SU RTOG PAR BYAD PA DE NI DBU MA'I LAM LA MI 'JUG STE, G-YANG SA'I GNAS LA GNAS PA'I PHYIR PHUNG PO DANG 'DRA BAS, SGRO 'DOGS PA DANG SKUR 'DEBS PA'I, ,MTHA' LA RTOG PA BRLAG PAR 'GYUR, ,ZHES GSUNGS SO, ,'DIS NI CHOS RNAMS THAMS CAD BRTAGS PA YI, ,NGO BO NYID KYIS MA SKYES PA, ,GZHAN GYI DBANG LA BRTEN NAS SU, ,MI RNAMS KYI NI RNAM RTOG SKYE, ,ZHES SMRAS PA GANG YIN PA DE YANG BSAL BA YIN NO, ,'DIS KYANG JI SKAD BSHAD PA'I SGRO 'DOGS PA DANG SKUR BA 'DEBS PA'I MTHA' BSAL BAR MDZAD PA YIN TE, 'DI LTAR DON DAM PAR GZHAN GYI DBANG JI LTAR BRTAGS PA BZHIN MA SKYES PA'I PHYIR BRTAGS PA'I NGO BO NYID KYIS MA SKYES PA NYID DO, ,'DIS NI SGRO 'DOGS PA'I MTHA' BSAL BA YIN NO, ,GZHAN GYI DBANG KUN RDZOB TU SKYE BA'I PHYIR DANG, DE LA BRTEN NAS SPRUL PAS SPRUL PA BZHIN DU RNAM PAR RTOG PA GZHAN SKYE BA'I PHYIR DE BAS NA, @153B GZHAN GYI DBANG LA BRTEN NAS SU, ,MI RNAMS KYI NI RNAM RTOG SKYE, ,ZHES GSUNGS SO, ,'DIS NI SKUR PA 'DEBS PA'I MTHA' BSAL BA YIN TE, KUN RDZOB PA'I SKYE BA LA SKUR BA MI 'DEBS PA'I PHYIR RO, ,DE'I PHYIR DE DANG DE LAS GZHAN GYI DBANG GI NGO BO NYID YOD PA NYID DU BSTAN PA DANG DNGOS PO RNAMS SKYE BA LA SOGS PAR BSTAN PA GANG YIN PA DE THAMS CAD NI BYIS PA RNAMS SKRAG PA'I GNAS YONGS SU SPANGS PA'I PHYIR KUN RDZOB PA'I NGO BO NYID DANG SKYE BA'I DBANG DU MDZAD NAS BZHUGS PA LA DGONGS PAS BSTAN TO ZHES BYA BAR KHONG DU CHUD PAR BYA'I DON DAM PAR NI MA YIN TE; DE NI MDO NYID LAS BKAG PA'I PHYIR RO, ,DE SKAD DU, 'PHAGS PA LANG KAR GSHEGS PA LAS, BLO YIS RNAM PAR GZHIGS NA NI, ,GZHAN DBANG MED CING BRTAGS PA'ANG MED, ,GRUB PA'I DNGOS PO YOD MIN NA, ,BLO YIS JI LTAR RNAM PAR BRTAGS, ,NGO BO NYID MED RNAM RIG MED, ,DNGOS PO MED CING KUN GZHI MED, ,BYIS PA RO DANG 'DRA BA YI, ,NGAN RTOG RNAMS KYIS 'DI DAG BRTAGS, ,ZHES GSUNGS SO, ,'PHAGS PA CHOS YANG DAG PAR SDUD PA LAS KYANG, RIGS KYI BU 'JIG RTEN GNAS PA 'DI NI SKYE BA DANG 'GAG PA LA MNGON PAR ZHEN PA YIN PAS DE LA DE BZHIN GSHEGS PA THUGS RJE CHEN PO CAN GYIS 'JIG RTEN GYI SKRAG PA'I GNAS YONGS SU SPANGS PA'I PHYIR THA SNYAD KYI DBANG GIS SKYE'O, ,'GAG GO ZHES GSUNGS KYI RIGS KYI BU 'DI LA CHOS 'GA' YANG SKYE BA NI MED DO ZHES GSUNGS SO, ,'PHAGS PA SHES RAB KYI PHA ROL TU PHYIN PA LAS KYANG, TSE DANG LDAN PA SHA RA DVA TI'I BU DE LTAR NA GZUGS NI RANG BZHIN GYIS STONG PA'O, ,GANG RANG BZHIN GYIS STONG PA DE LA NI SKYE BA YANG MED, 'GAG PA YANG MED DO, ,GANG LA SKYE BA YANG MED, 'GAG PA YANG MED PA DE NI GZHAN DU 'GYUR BAR MI MNGON TE, TSOR BA NAS RNAM PAR SHES PA'I BAR DU YANG DE DANG 'DRA'O ZHES RGYAS PAR GSUNGS SO, ,'DI LA KUN BRTAGS PA'I NGO BO NYID KHO NA RANG BZHIN YIN PAR RIGS PA YANG MA YIN TE, DE NI GLO BUR BA NYID KYI RANG BZHIN LAS PHYI ROL TU GYUR PA'I PHYIR DANG, DE LTAR SGRA'I DON MI 'THAD PA'I PHYIR RO, , @154A *, ,'ON TE GZUGS LA SOGS PA DON DAM PAR MA SKYES PA RNAMS LA YANG BYIS PA RNAMS KYIS SKYE BA LA SOGS PA'I NGO BO'I RANG BZHIN DU KUN BRTAGS PA GANG YIN PA DE DAG GIS DE'I RANG BZHIN NYID DU KUN BRTAGS PA'I PHYIR RANG BZHIN GYI SGRAR BRJOD PAR BYA BAR 'GYUR NA NI DE'I TSE 'DOD PA'I DON DANG MI 'GAL BA'I PHYIR NYES PA MED DO, ,MDO GZHAN LAS, RIGS KYI BU BYANG CHUB SEMS DPA' CHOS RNAMS TSUL BZHIN MA YIN PAR SGRA JI BZHIN DU RAB TU RNAM PAR 'BYED PA LA THEG PA CHEN PO DAD PA'I SKYE MCHED DU MI 'GYUR RO, ,SGRA JI BZHIN MA YIN PAR DGONGS PA CAN GYI DON TSUL BZHIN DU YID LA BYED PA LA THEG PA CHEN PO DAD PA'I SKYE MCHED DU 'GYUR RO ZHES GSUNGS PA GANG YIN PA 'DIR YANG DON DAM PA'I DGONGS PA MI SHES PA GANG DAG KUN RDZOB PA'I NGO BO NYID LA YANG SKUR PA 'DEBS PAR BYED PA DE DAG CHOS LA TSUL BZHIN MA YIN PAR RAB TU RNAM PAR 'BYED PA'I PHYIR THEG PA CHEN PO DAD PA'I SKYE MCHED DU MI 'GYUR BAS DE DGAG PA'I PHYIR 'DI GSUNGS PAR ZAD DO, ,MDO THAMS CAD LAS KYANG SGRA JI BZHIN GYI DON DU MNGON PAR ZHEN PA YONGS SU SPANGS PA'I PHYIR DANG, DGONGS PA CAN GYI DON RTOGS PAR BYA BA LA 'BAD PA YANG DAG PAR SKYED PA'I PHYIR DANG, GZHAN YID CHES PA YANG DAG PAR SKYED PA'I PHYIR GSUNGS KYI, DBU MA PA'I GZHUNG LUGS DGAG PA'I PHYIR NI MA YIN TE, DBU MA PA RNAMS KYI NI SGRA JI BZHIN GYI DON DU MI RTOG GO ZHES SNGAR BSHAD ZIN TO, ,DE SKAD DU, 'PHAGS PA DKON MCHOG SPRIN LAS KYANG, JI LTAR NA BYANG CHUB SEMS DPA' DON DAM PA LA MKHAS PA YIN ZHE NA, RIGS KYI BU 'DI LA BYANG CHUB SEMS DPA' YANG DAG PA'I SHES RAB KYIS GZUGS LA SO SOR RTOG PAR BYED PA NAS RNAM PAR SHES PA'I BAR DU SO SOR RTOG PAR BYED CING DE GZUGS LA SO SOR RTOG PA NA GZUGS KYI SKYE BA MI DMIGS, KUN 'BYUNG BA MI DMIGS, 'GOG PA MI DMIGS PA NAS DE BZHIN DU RNAM PAR SHES PA'I BAR DU SKYE BA MI DMIGS TE, DE YANG DON DAM PAR SKYE BA MED PA LA 'JUG PA'I SHES RAB KYIS YIN GYI, THA SNYAD KYI NGO BO NYID KYIS NI MA YIN NO ZHES BSTAN TO, , @154B 'PHAGS PA LANG KAR GSHEGS PA LAS KYANG, KUN RDZOB TU NI THAMS CAD YOD, ,DAM PA'I DON DU YOD MA YIN, ,DNGOS RNAMS NGO BO NYID MED DANG, ,DAM PA'I DON KYANG BSTAN PA YIN, ,ZHES GSUNGS SO, ,GANG DAG SKYE BA MED PA LA SOGS PA BSTAN PA CHOS THAMS CAD DON DAM PA'I NGO BO NYID DU SKYE BA DANG, KUN RDZOB PA'I NGO BO NYID DU MI SKYE BA THAMS CAD DU GZHUNG 'DZUGS PAR BYED PA DE DAG NI 'PHAGS PA DKON MCHOG SPRIN LA SOGS PA LAS GSUNGS PA 'DI DAG THAMS CAD DANG 'GAL BA KHO NAR 'GYUR TE, LOG PAR RTOG PA'I PHYIR RO, ,'DI LTAR DE LAS NI GZUGS LA SOGS PA THAMS CAD DON DAM PAR MI SKYE BA LA SOGS PA NYID DANG KUN RDZOB PA'I NGO BO NYID DU SKYE BA LA SOGS PAR BRJOD DO, ,BDEN PA GNYIS BSTAN PA LA SOGS PA LAS LHA'I BU CHOS THAMS CAD NI DON DAM PAR MA SKYES PA'I PHYIR ZHI BA'O ZHES BYA BA LA SOGS PA GSUNGS PA GANG YIN PA DE DANG YANG 'GAL BAR 'GYUR RO, ,YANG 'PHAGS PA LANG KAR GSHEGS PA LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS SO, ,'PHAGS PA SHES RAB KYI PHA ROL TU PHYIN PA LAS KYANG, RAB 'BYOR PHYIN CI LOG MA GTOGS PAR BYIS PA RNAMS GANG LA GNAS TE LAS MNGON PAR 'DU BYED PA'I DNGOS PO NI SKRA'I RTZE MO'I CHA SHAS GZUGS PA TZAM YANG MED DO ZHES BSTAN PA GANG YIN PA DE DANG YANG 'GAL BAR 'GYUR TE, DNGOS PO'I RANG GI NGO BO SHIN TU PHRA BA YANG BKAG PA'I PHYIR RO, ,GAL TE 'DI SNYAM DU PHYIN CI LOG MA BKAG PA'I PHYIR PHYIN CI LOG GI BDAG NYID KYI DNGOS PO NI YOD PA KHO NA STE, DE NYID KYANG, RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES BYA BA YIN NO SNYAM NA, DE YANG RIGS PA MA YIN TE, GAL TE PHYIN CI LOG GI DNGOS PO YOD NA DE'I TSE DNGOS PO'I NGO BO NYID SHIN TU PHRA BA YANG BKAG PA'I BKA' JI LTAR RNAR 'ONG BAR 'GYUR, GANG GI TSE MDO'I DON DNGOS PO'I BAG THAMS CAD KYI THAMS CAD DU MED KYANG BYIS PA RNAMS DNGOS PO'I NGO BO MI BDEN PA PHYIN CI LOG GIS @155A *, ,NYE BAR BRTAGS PA LA MNGON PAR ZHEN PAS LAS MNGON PAR 'DU BYED DO ZHES BYA BAR RNAM PAR 'CHAD PAR 'GYUR BA DE'I TSE DE RNAR 'ONG BAR 'GYUR RO, ,'PHAGS PA TING NGE 'DZIN GYI RGYAL PO LAS, CHOS KUN RTAG TU NGO BO NYID KYIS STONG, ,RGYAL BA'I SRAS RNAMS DNGOS PO RNAM PAR 'JIG ,SRID PA THAMS CAD RNAM PA KUN TU STONG, ,NYI TSE'I STONG NYID MU STEGS CAN RNAMS KYI, ,ZHES TSIGS SU BCAD DE GSUNGS PA GANG YIN PA 'DI YANG LEGS PAR DRANGS PAR 'GYUR RO, ,GANG YANG MDO GZHAN DAG LAS, SRID PA GSUM NI BRTAGS PA TZAM, ,DNGOS PO'I NGO BO NYID DU MED, ,NGAN RTOG RNAMS NI BRTAGS PA LA, ,DNGOS PO'I NGO BO NYID DU RTOG ,CES GSUNGS PA DE YANG LEGS PAR DRANGS PAR 'GYUR RO, ,PHYIN CI LOG LA SOGS PA NI DNGOS PO NYID DU RUNG BA MA YIN NO, ,'DI LTAR KHYED NI KHAMS GSUM PA'I SEMS DANG SEMS LAS BYUNG BA YANG DAG PA MA YIN PA'I KUN TU RTOG PA ZHES BYA BA DE DAG YANG DAG PA MA YIN PA'I RNAM PA NYE BAR 'DZIN PAR SNANG BA'I PHYIR PHYIN CI LOG LA SOGS PA NYID DU BRJOD DO, ,GANG DAG BRDZUN PA'I NGO BO NYID NYE BAR 'DZIN PAS DE'I BDAG NYID DU SNANG BA DE DAG JI LTAR YANG DAG PA'I DNGOS PO NYID DU 'GYUR TE, DE NYID DANG GZHAN NYID DAG NI PHAN TSUN SPANGS TE GNAS PA'I MTSAN NYID YIN PAS DE NYID BDAG NYID GZHAN DU 'GYUR BA NI 'GAL BA'I PHYIR RO, ,DE LTA MA YIN NA GRANGS CAN LA SOGS PAS KUN BRTAGS PA'I GTZO BO LA SOGS PA'I 'GYUR BA BDAG LA SDANG DU CI YOD DE, GANG GIS NA KHYED DE DAG KYANG KHAS LEN PAR MI BYED, DE NYID KYI PHYIR, GAL TE NGO BO NYID YOD NA, ,JI LTAR BUR NA GZHAN DU 'GYUR, ,ZHES BSHAD DO, ,'PHAGS PA BDEN PA GNYIS BSTAN PA LAS KYANG, LHA'I BU JI LTAR BDAG DON DAM PAR BDAG MA YIN PA DE BZHIN DU LHA'I BU NYON MONGS PA RNAMS KYANG DON DAM PAR NYON MONGS PA MA YIN NO, ,LHA'I BU GAL TE DON DAM PAR BDAG DE KHO NA NYID YIN PAR GYUR NA LHA'I BU DE'I PHYIR NYON MONGS PA YANG DON DAM PAR DE KHO NA NYID YIN PAR 'GYUR ZHES GSUNGS SO, ,'DIS NI 'DI SKAD DU BDAG LA SOGS PA BRDZUN PA'I RNAM PA NYE BAR 'DZIN PAR ZHUGS PA'I PHYIR @155B BDAG LA SOGS PA BZHIN DU NYON MONGS PA THAMS CAD BRDZUN PA'I NGO BO NYID KHO NA'O ZHES BSTAN PAR 'GYUR RO, ,DE LTAR NA SHUGS KYIS KHAMS GSUM PA'I SEMS DANG SEMS LAS BYUNG BA THAMS CAD BRDZUN PA'I RNAM PA NYE BAR 'DZIN PAR ZHUGS PA'I PHYIR RANG GI RNAM PA GZHAN DU DE DANG THA MI DAD PA NYID KYIS BRDZUN PA'I NGO BO NYID KHO NA'O ZHES BSTAN PA NYID DO, ,BYANG CHUB SEMS DPA' LA NI KHYAD PAR DU RNAM PAR RTOG PA THAMS CAD NYON MONGS PA YIN PAS DE BRDZUN PA NYID YIN NA RNAM PAR RTOG PA THAMS CAD BRDZUN PA NYID KHO NA'O ZHES YONGS SU BSTAN PA NYID DO, ,GAL TE DON DAM PA PA'I DNGOS PO'I RANG GI NGO BO 'GA' YANG MED NA, 'O NA DE'I TSE, PHUNG PO LA NI BDAG MED DE, ,BDAG LA'ANG PHUNG PO YOD MA YIN, ,DE DAG JI LTAR BRTAGS BZHIN MIN, ,DE DAG MED PA NYID KYANG MIN, ,ZHES GSUNGS PA GANG YIN PA 'DI JI LTAR DRANG STE, 'DI LAS NI DGAG PA NYID KYI PHUNG PO LA SOGS PA YOD PA NYID DU BSTAN PA YIN NO ZHE NA, 'DIS NI KHUNGS SU MI RUNG BA NYID DE, 'DI LTAR 'DIR, DE DAG JI LTA BRTAGS BZHIN MIN, ,ZHES BYA BA 'DIS DE KHO NA NYID DU YOD PA NYID BKAG PA'I PHYIR DANG, DE DAG MED PA NYID KYANG MIN, ,ZHES BYA BAS 'DI DAG THA SNYAD KYI SGO NAS JI LTAR SNANG BA BZHIN YOD PA NYID DU BSTAN PA'I PHYIR MU STEGS CAN GYIS BRTAGS PA'I BDAG NYID NI KUN RDZOB TU YANG MED PA NYID LA, PHUNG PO RNAMS NI THA SNYAD KYI SGO NAS YOD PA NYID DO, ,DE KHO NA NYID DU MA YIN NO ZHES GSAL BAR BSTAN PA KHO NA YIN NO, ,DE LTA MA YIN NA DE'I TSE GCIG LA MED PA NYID DU GSUNGS NAS YANG YOD PA NYID DU STON PA JI LTAR 'BREL PA NYID DU 'GYUR, 'PHAGS PA TSANGS PAS ZHUS PA LAS, PHUNG PO NGO BO NYID MED PA DE KHO NA NYID DU BSTAN PA GANG YIN PA DE DANG YANG 'GAL BAR 'GYUR TE, DE JI SKAD DU, GANG GIS PHUNG PO MA SKYES SHING, ,'BYUNG BA MED PA YONGS SHES DE, ,'JIG RTEN NA YANG SPYOD 'GYUR LA, ,'JIG RTEN 'DI LA'ANG MI GNAS SO, ,ZHES GSUNGS PA LTA BU YIN NO, ,'PHAGS PA DKON MCHOG SPRIN LAS KYANG, PHUNG PO RNAMS DON DAM PAR MED PA NYID LA, KUN RDZOB TU YOD PA NYID DO ZHES GSAL RAB KHO NAR @156A *, ,BSTAN TE, RIGS KYI BU BYANG CHUB SEMS DPA' CHOS BCU DANG LDAN PA NI KUN RDZOB KYI BDEN PA LA MKHAS PA YIN NO, ,BCU GANG ZHE NA, 'DI LTA STE, GZUGS SU 'DOGS PAR YANG BYED LA, DON DAM PAR GZUGS SU DMIGS PAR YANG MI BYED, MNGON PAR ZHEN PAR YANG MI BYED DE, TSOR BA DANG, 'DU SHES DANG, 'DU BYED DANG, RNAM PAR SHES PA YANG DE DANG 'DRA'O ZHES GANG RGYAS PAR GSUNGS PA YIN NO, ,'PHAGS PA RIN CHEN 'BYUNG GNAS LAS KYANG, NYI MAS BYIN 'DI LTA STE, DPER NA NAM MKHA' LA NI RI MO BYUNG BAR MA GYUR; 'BYUNG BAR MI 'GYUR TE, MA BYUNG MA 'GAGS PA, 'GRO BA DANG 'ONG BA MED PA, MA SKYES PA, 'CHI 'PHO MED PA, MNGON PAR MA GRUB PA, BRJOD DU MED PA YIN PAS THA SNYAD TZAM DANG, KUN RDZOB TZAM DU ZAD DO, ,NYI MAS BYIN DE BZHIN DU GZUGS NAS RNAM PAR SHES PA'I BAR DU BYUNG BAR MA GYUR, 'BYUNG BAR MI 'GYUR BA NAS DE BZHIN DU KUN RDZOB TZAM DU ZAD CES BYA BA'I BAR DU RGYAS PAR GSUNGS PA DON DANG SBYAR BAR BYA'O, ,'O NA NI DON DAM PA STONG PA NYID CHEN PO LAS, LAS KYANG YOD, RNAM PAR SMIN PA YANG YOD DE, ,BYED PA PO NI MI DMIGS SO ZHES GSUNGS PA GANG YIN PA 'DI DANG 'GAL BAR 'GYUR TE, 'DI LTAR GAL TE DON DAM PAR LAS LA SOGS PA YOD NA NI DE'I TSE DNGOS PO THAMS CAD NGO BO NYID MED PA MA YIN PAR 'GYUR RO, ,'ON TE KUN RDZOB TU YIN NA NI DE'I TSE BYED PA PO YANG KUN RDZOB TU YOD PAS BYED PA PO NI MI DMIGS SO ZHES BRJOD DU MI RUNG NGO ZHE NA, 'DIR YANG SNGA MA BZHIN DU 'GAL BA MED DE, 'DI LTAR LAS DANG 'BRAS BU NI KUN RDZOB KHO NAR YOD PA NYID LA, MU STEGS CAN GYIS KUN BRTAGS PA'I BYED PA PO NI KUN RDZOB TU YANG MED PA NYID DO ZHES BSTAN PA'I PHYIR 'GAL BA'I GO SKABS SU GA LA 'GYUR, 'O NA MDO GZHAN DAG LAS, JI LTAR BYIS PAS RNAM BRTAGS LTAR, ,DNGOS PO THAMS CAD YOD PA NYID, ,GAL TE JI LTAR MTHONG DER 'GYUR, ,THAMS CAD DE NYID MTHONG BAR 'GYUR, ,CHOS RNAMS THAMS CAD MED PA'I PHYIR, ,KUN NAS NYON MONGS DAG PA MED, ,DE DAG JI LTAR MTHONG BZHIN @156B MIN; ,DE DAG MED PA NYID KYANG MIN, ,ZHES GSUNGS PA GANG YIN PA 'DI JI LTAR DRANG ZHE NA, 'DI YANG SNGAR BSHAD ZIN PAR ZAD DE, 'DI LTAR 'DIR YANG GAL TE DNGOS PO THAMS CAD JI LTAR SNANG BA BZHIN KHO NAR DON DAM PAR YOD PAR GYUR NA NI DE'I TSE THAMS CAD DE KHO NA NYID MTHONG BAR 'GYUR RO ZHES 'DIS DNGOS PO THAMS CAD DON DAM PAR SKYE BA MED PA NYID DU GZHUNG BTZUGS PA YIN NO, ,CHOS RNAMS THAMS CAD MED PA'I PHYIR, ,ZHES BYA BA 'DIS KYANG DNGOS PO RNAMS KUN RDZOB TU YOD PA NYID DU BRJOD DE, DE DAG JI LTAR MTHONG BZHIN MIN, ,ZHES 'BYUNG BA'I PHYIR RO; ,THA SNYAD KYI BDEN PA LA BRTEN NAS KUN NAS NYON MONGS PA DANG, RNAM PAR BYANG BA RNAM PAR GZHAG PA NI SHES RAB KYI PHA ROL TU PHYIN PA LAS BSTAN PA'I PHYIR TE, JI SKAD DU RAB 'BYOR THOB PA DANG, MNGON PAR RTOGS PA DANG, SKYE BA DANG 'GAG PA DANG, KUN NAS NYON MONGS PA DANG, RNAM PAR BYANG BA NI THA SNYAD DU YIN GYI, DON DAM PAR NI MA YIN NO ZHES GSUNGS PA LTA BU'O, ,'O NA DE NYID LAS, DON YOD MA YIN SEMS NYID DE, ,PHYI ROL DON MTHONG LOG PA YIN, ,RIGS PAS RNAM PAR LTA RNAMS KYI, ,GZUNG DANG 'DZIN PA 'GAG PAR 'GYUR, ,JI LTAR BYIS PAS RNAM BRTAGS LTAR, ,PHYI ROL DON NI YOD MA YIN, ,BAG CHAGS KYIS NI BSGRIBS PA'I SEMS, ,DON DU SNANG BA RAB TU 'BYUNG, ,ZHES GSUNGS PA DANG, GZHAN LAS KYANG, KYE RGYAL BA'I SRAS DAG ,KHAMS GSUM PA 'DI NI SEMS TZAM MO ZHES GSUNGS PA GANG YIN PA 'DI YANG JI LTAR DRANG, DE BZHIN DU 'PHAGS PA DGONGS PA NGES PAR 'GREL PA DANG, 'PHAGS PA STUG PO BKOD PA LA SOGS PA LAS, CHOS THAMS CAD SEMS TZAM GYI LUS NYID DU BSTAN PA'I PHYIR SEMS KHO NA DON DAM PAR YOD KYI, GZHAN NI MA YIN NO ZHES BSGRUBS PAR 'GYUR RO, ,DE'I PHYIR CHOS THAMS CAD NGO BO NYID MED PA NYID DU 'GRUB PAR MI 'GYUR RO ZHE NA, DE YANG KHUNGS SU MI RUNG BA NYID DE, JI LTAR SEMS YOD PA NYID DU BSTAN PA DE BZHIN DU GZUGS KYANG MDO DE DANG DE LAS RNAM PA DU MAR YOD PA NYID DU BSTAN PA KHO NA STE, DE'I PHYIR DE YANG CI STE DON DAM PAR YOD PA NYID DU MI @157A *, ,BZUNG; 'ON TE DON TSAD MAS GNOD PA'I PHYIR DANG, MDO GZHAN DAG LAS KYANG BKAG PA'I PHYIR DON DAM PAR YOD PAR RNAM PAR MI GZHAG STE, GANG ZAG LA BDAG MED PA TZAM LA GZHUG PA LA LDEM POR DGONGS PAS GDUL BAR BYA BA DE LTA BU'I BSAM PA LA LTOS TE, DE BSTAN PA 'BA' ZHIG TU ZAD DO ZHES BYA BAR BRJOD NA GAL TE DE LTA NA NI SEMS KYANG 'OG NAS 'BYUNG BA'I TSAD MAS GNOD PA'I PHYIR DANG, DE MDO GZHAN LAS KYANG, NGO BO NYID MED PA NYID DU BSTAN PA'I PHYIR DON DAM PA NYID DU MA 'DZIN PAR SEMS TZAM PO NYID DE NI RIM GYIS DON DAM PA'I TSUL GYI RGYA MTSO LA GZUNG BA'I PHYIR BSTAN PA 'BA' ZHIG TU ZAD DO SNYAM DU ZUNG SHIG ,'DI LTAR GANG ZHIG CIG CAR CHOS MA LUS PA NGO BO NYID MED PA NYID DU RTOGS PAR MI NUS PA DE RE ZHIG SEMS TZAM LA BRTEN NAS, RIM GYIS PHYI'I DON NGO BO NYID MED PA NYID LA 'JUG GO, , DE NYID KYI PHYIR, RIGS PAS RNAM PAR LTA RNAMS KYI, ,GZUNG DANG 'DZIN PA 'GAG PAR 'GYUR, ,ZHES GSUNGS SO, ,DE'I 'OG TU RIM GYIS SEMS KYI NGO BO NYID LA SO SOR RTOG NA, DE YANG BDAG MED PA NYID DU KHONG DU CHUD NAS ZAB MO'I TSUL LA 'JUG PAR 'GYUR TE, DE SKAD DU, BCOM LDAN 'DAS KYIS, SEMS TZAM LA NI BRTEN NAS SU, ,PHYI ROL DON LA MI RTOG GO, ,DE BZHIN NYID LA DMIGS NAS NI, ,SEMS TZAM LAS KYANG BZLA BAR BYA, ,SEMS TZAM LAS NI BZLAS NAS SU, ,SNANG BA MED LA BZLA BAR BYA, ,SNANG MED GNAS PA'I RNAL 'BYOR PA, ,DES NI THEG PA CHEN PO MTHOB [?], ,'JUG PA LHUN GYIS GRUB CING ZHI, ,SMON LAM DAG GIS RNAM PAR SBYANGS, ,YE SHES DAM PA BDAG MED PA, ,SNANG BA MED LA MI MTHONG NGO, ,ZHES GSUNGS SO, ,GZHAN DAG NA RE SEMS TZAM NI RANG GIS RAB TU GRUB PA'I NGO BO NYID YIN PA'I PHYIR KUN RDZOB TU GNAS PA KHO NA YIN LA, PHYI'I DON NI KUN RDZOB TU YANG MI GNAS TE, SEMS KYI RNAM PA LAS MA GTOGS PAR DE GRUB PA MED PA'I PHYIR RO, ,DE'I PHYIR DE RAB TU BSTAN PA'I CHED DU BCOM LDAN 'DAS KYIS DNGOS PO RNAMS SEMS TZAM NYID DU BSTAN GYI, DE DON DAM PAR YOD PA NYID NI MA YIN TE, @157B MDO GZHAN LAS DE YANG NGO BO NYID MED PA NYID DU BSTAN PA'I PHYIR TE, JI SKAD DU 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS, SANGS RGYAS RNAMS KYIS NAM YANG NI, ,GTAN DU CHOS RNAMS THAMS CAD DANG, ,SEMS MA BRNYES SHING CHOS MKHYEN PA, ,DMIGS MI MNGA' LA PHYAG 'TSAL BSTOD, ,CES GSUNGS PA LTA BU'O, ,'PHAGS PA DKON MCHOG BRTZEGS PA LAS KYANG, 'OD SRUNGS SEMS NI YONGS SU BTZAL NA MI DMIGS SO, ,GANG MI DMIGS PA DE NI NYE BAR MI DMIGS SO, ,GANG NYE BAR MI DMIGS PA DE NI 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN NO, ,GANG 'DAS PA MA YIN, MA 'ONGS PA MA YIN, DA LTAR BYUNG BA MA YIN PA DE NI DUS GSUM LAS 'DAS PA YIN NO, ,GANG DUS GSUM LAS 'DAS PA 'DI NI YOD PA YANG MA YIN MED PA YANG MA YIN NO; ,GANG YOD PA YANG MA YIN MED PA YANG MA YIN PA DE NI MA SKYES PA'O, ,GANG MA SKYES PA DE LA NI NGO BO NYID MED DO, ,GANG LA NGO BO NYID MED PA DE LA SKYE BA MED DO, ,GANG LA SKYE BA MED PA DE LA 'GAG PA MED DO, ,GANG LA 'GAG PA MED PA DE LA 'BRAL BA MED DO, ,GANG LA 'BRAL BA MED PA DE LA 'GRO BA YANG MED, 'ONG BA YANG MED, 'CHI 'PHO BA YANG MED, SKYE BA YANG MED DO, ,GANG LA 'GRO BA YANG MED, 'ONG BA YANG MED, 'CHI 'PHO BA YANG MED, SKYE BA YANG MED PA DE LA 'DU BYED CI YANG MED DO, ,GANG LA 'DU BYED CI YANG MED PA DE NI 'DUS MA BYAS SO, ,GANG 'DUS MA BYAS PA DE NI 'PHAGS PA RNAMS KYI RIGS SO ZHES RGYAS PAR GSUNGS SO, ,DES NA YANG DE NYID LAS, 'OD SRUNGS RTAG CES BYA BA 'DI NI MTHA' GCIG GO, ,'OD SRUNGS MI RTAG CES BYA BA 'DI NI MTHA' GNYIS PA'O, ,'OD SRUNGS DE BZHIN DU YOD CES BYA BA 'DI NI MTHA' GCIG GO, ,'OD SRUNGS MED CES BYA BA 'DI NI MTHA' GNYIS PA'O, ,MTHA' 'DI GNYIS KYI DBUS GANG YIN PA NI BRTAG TU MED PA, BSTAN DU MED PA, THOGS PA MED PA, MI GNAS PA, SNANG BA MED PA, RNAM PAR RIG PA MED PA GNAS PA MED PA STE 'DI NI CHOS RNAMS KYI DBU MA'I LAM LA YANG DAG PAR SO SOR RTOG PA @158A *, ,ZHES BYA'O ZHES GSUNGS PA YIN TE, DE NI DBU MAR GYUR BA, DNGOS POR YOD PA RNAM PAR SHES PA'I NGO BO YOD PA NYID DU SGRUB PAR BYED PA MA YIN GYI, 'ON KYANG CHOS KYI DBYINGS MTHA' GNYIS PO THAMS CAD DANG BRAL BA, CHOS MA LUS PA NGO BO NYID MED PA'I MTSAN NYID SPROS PA MED PA RJOD PAR BYED PA YIN NO, ,CHOS KYI DBYINGS DE YANG BDAG NYID KYIS 'DI'O DE'O ZHES BRTAG PAR MI NUS PA'I PHYIR, BRTAG TU MED PA'O, ,GZHAN DAG LA BSTAN PAR MI NUS PA'I PHYIR BSTAN DU MED PA'O, ,NANG GI KHAMS DANG SKYE MCHED KYI NGO BOR MI GNAS PA'I PHYIR MI GNAS PA'O, ,PHYI'I KHAMS DANG, SKYE MCHED LTAR SNANG BAR MI 'GYUR BA'I PHYIR SNANG BA MED PA'O, ,MIG GI RNAM PAR SHES PA LA SOGS PA'I KHAMS KYI RANG BZHIN LAS 'DAS PA'I PHYIR RNAM PAR RIG PA MED PA'O, ,'DOD CHAGS LA SOGS PA NYON MONGS PA MTHA' DAG GI GNAS MA YIN PA'I PHYIR GNAS PA MED PA ZHES BYA'O; ,GAL TE DBU MA LA SEMS KYI RANG GI NGO BO BDAG NYID KYI DNGOS PO DON DAM PA CI YANG RUNG BA ZHIG YOD PAR GYUR NA NI DE'I TSE DE LA DE YOD PAS RTAG GO ZHES BYA BA'AM, MI RTAG GO ZHES BYA BAR MNGON PAR ZHEN PA YANG JI LTAR MTHAR 'GYUR TE, DNGOS PO'I DE KHO NA NYID JI LTA BA BZHIN GYI RJES SU SONG ZHING TSUL BZHIN YID LA BYED PA NYID NI LTUNG BA'I GNAS SO ZHES BYA BAR RIGS PA MA YIN NO, ,RTAG PA LA SOGS PA'I NGO BO NYID LAS MA GTOGS PA DNGOS PO'I NGO BO NYID DU GYUR PA DNGOS PO'I RNAM PA GZHAN NI MI SRID DO, ,GAL TE DBU MA LA DNGOS PO'I RANG GI NGO BO MED NA MED DO ZHES BYA BAR 'DZIN PA YANG MTHAR MI 'GYUR RO SNYAM DU SEMS NA, DE YANG RIGS PA MA YIN TE, MED DO ZHES BYA BAR 'DZIN PA YANG YOD PAR 'DZIN PA MED NA MED PA YIN PA'I PHYIR RO, ,YUL MED PA'I DGAG PA NI YOD PA MA YIN TE, DE BAS NA GDON MI ZA BAR GANG LA MED PAR 'DZIN PA YOD PA DE LA YOD PAR 'DZIN PA DE YANG YOD PAS MTHA' 'DI GNYI GAR 'GYUR RO, ,GAL TE DBU MA LA DNGOS PO YOD NA DE'I TSE DE LA YOD PAR 'DZIN PA GANG GIS BZLOG PAR 'GYUR, 'PHAGS PA TING NGE 'DZIN GYI RGYAL PO LAS, DBU MAR YOD PA DON DAM PA PA'I DNGOS PO LA GNAS PA DGAG PA'I PHYIR GSUNGS PA GANG YIN PA DE @158B DANG YANG 'GAL BAR 'GYUR TE, YOD CES MED CES GNYI GA'ANG MTHA', ,DAG DANG MA DAG 'DI YANG MTHA', ,DE PHYIR MTHA' GNYIS RNAM SPANGS NAS, ,MKHAS PA DBUS LA'ANG GNAS MI BYED, ,CES GSUNGS PA GANG YIN PA'O, ,MDO'I DON NI BRTEN PAR BYA BA DBU MAR YOD PA'I DNGOS PO'I RANG GI NGO BO 'GA' YANG MED NA NI, MKHAS PA DBUS LA'ANG GNAS MI BYED, ,CES BYA BA RUNG BAR 'GYUR RO ZHES BYA BA YIN NO, ,DNGOS PO ZHIG YOD NA NI JI LTAR NA DE LA MKHAS PA GNAS PAR BYED PAR MI 'GYUR, 'PHAGS PA 'JIG RTEN LAS 'DAS PA'I LE'U LAS KYANG, KYE RGYAL BA'I SRAS DAG GZHAN YANG KHAMS GSUM SEMS TZAM DU 'JUG STE, DUS GSUM YANG SEMS DANG 'DRA BAR RTOGS PAR BYED LA, SEMS DE YANG MTHA' DANG DBUS MED PA NYID DU 'JUG GO ZHES GSUNGS TE, MDO'I DON NI SKYE BA DANG 'JIG PA'I MTHA' DANG, GNAS PA'I MTSAN NYID KYI DBUS DON DAM PAR MED PA'I PHYIR SEMS MTHA' DANG DBUS MED PA LA 'JUG PAR 'GYUR, RTOGS PAR 'GYUR ZHES BYA BA YIN NO ZHES ZER RO, ,GZHAN DAG NA RE KUN RDZOB TU RNAM PAR SHES PA DANG 'DRA BAR PHYI'I DON YANG GNAS PA YIN NO, ,DE LTA MA YIN NA 'PHAGS PA SA BCU PA LAS, SA BRGYAD PA LA BYANG CHUB SEMS DPA' 'JIG RTEN GYI KHAMS SU GTOGS PA'I RDUL PHRA RAB KYI GANGS LA SOGS PA YONGS SU SHES PAR GSUNGS PA GANG YIN PA DE DANG 'GAL BAR 'GYUR TE, JI SKAD DU, DE RDUL PHRA RAB PHRA MO YANG RAB TU SHES LA, CHEN POR GYUR PA DANG, TSAD MED PA DANG, RNAM PAR PHYE BA YANG RAB TU SHES SO, ,RDUL PHRA RAB KYI RNAM PAR PHYE BA TSAD MED PA LA MKHAS PAR YANG RAB TU SHES SO, ,'JIG RTEN GYI KHAMS GANG NA SA'I KHAMS KYI RDUL PHRA RAB JI SNYED YOD PA YANG RAB TU SHES LA, DE BZHIN DU CHU'I KHAMS DANG, ME'I KHAMS DANG, RLUNG GI KHAMS KYI YANG RAB TU SHES SO ZHES RGYAS PAR GSUNGS PA LTA BU'O, ,RNAM PAR SHES PA BZHIN DU PHYI'I DON YANG GRAGS PA'I PHYIR GRAGS PAS GNOD PA YANG YIN TE, RIGS PAS RNAM PAR DPYAD NA NI GNYI GA YANG BRTAG PA'I KHUR MI BZOD PA NYID KYIS DNGOS PO'I GNAS MI THOD LA, THA SNYAD KYI BDEN PAR NI DNGOS @159A *, ,PO GNYI GA YANG GNAG RDZI'I CHUNG MA YAN CHAD LA GRAGS PA NYID DO, ,SEMS TZAM DU GSUNGS PA'I 'BRAS BU NI GZHAN GYIS KUN BRTAGS PA BYED PA PO DANG ZA BA PO DGAG PA YIN TE, THA SNYAD DU YANG SEMS LAS MA GTOGS PA'I BYED PA PO LA SOGS PA GZHAN RAB TU MA GRUB PA'I PHYIR RO, ,YANG NA SEMS NI CHOS THAMS CAD KYI SNGON DU 'GRO BA YIN PA'I PHYIR CHOS THAMS CAD LA LTOS NAS SEMS GTZO BOR BSGRUB PA'I PHYIR RO, ,GANG YANG, DON YOD MA YIN SEMS NYID DE, ,ZHES BYA BA DANG, DE BZHIN DU, BAG CHAGS KYIS NI DKRUGS PA'I SEMS; ,DON DU SNANG BAR RAB TU 'BYUNG, ,ZHES BYA BA LA SOGS PA GSUNGS PA DER YANG RNAM PA MED PA'I SEMS KYIS JI LTAR YANG YUL 'DZIN PAR MI RUNG BAS DE'I PHYIR GDON MI ZA BAR DE RNAM PA DANG BCAS PA NYID DU KHAS BLANG DGOS SO, ,DE BAS NA SEMS KYI RNAM PA LAS MA GTOGS PA DON GYI RNAM PA MI SNANG BA'I PHYIR DE BKAG PAS SEMS RNAM PA DANG BCAS PA NYID DU BSTAN PA 'BA' ZHIG TU ZAD KYI, DE LAS PHYI ROL GYI DON MED PAR RTOGS PAR 'GYUR BA NI MA YIN NO, ,YANG NA BDAG LA SOGS PA YOD PA LA SOGS PAR BSTAN PA BZHIN DU DE LTA BUS 'DUL BA'I SKYE BO LA LTOS NAS SMAN PA RNAMS NAD PA JI LTA BA BZHIN GSO BAR BYED PA DANG 'DRA BAR SANGS RGYAS BCOM LDAN 'DAS RNAMS KYI CHOS BSHAD PA SNA TSOGS RAB TU 'JUG STE, DE SKAD DU 'PHAGS PA LANG KAR GSHEGS PA LAS KYANG, NAD PA DANG NI NAD PA LA, ,SMAN PAS RDZAS BYIN JI LTA BAR, ,DE BZHIN SANGS RGYAS SEMS CAN LA, ,SEMS TZAM NYID DU GSUNGS PA YIN, ,ZHES GSUNGS SO, ,GZHAN DAG LA SLU BA YANG MA YIN NO, ,DE LTA BUS 'DUL BA'I SKYE BO LA PHAN PA DANG BYED PA [?] THOB PAR BYED PAS BSHAD PA DON YOD PA'I PHYIR RO, ,PHA ROL LA GCIG TU PHAN PA NYID BDEN PA YIN PA'I PHYIR BCOM LDAN 'DAS RNAMS LA BRDZUN GSUNG BA YANG MI MNGA' STE, JI SKAD DU, SLU DANG LDAN PA BDEN MA YIN, ,DON GYI DGONGS PA MED PA'ANG MIN, ,GZHAN LA GCIG TU PHAN PA BDEN, ,PHAN PA MED PHYIR CIG SHOS MIN, ,ZHES GSUNGS PA LTA BU'O ZHES BRJOD DO, ,DE LTAR NA KUN @159B RDZOB TU PHYI ROL GYI DON YANG YOD DAM, SEMS TZAM NYID KYANG BLA STE, THE TSOM MED PAR DNGOS PO'I NGO BO NYID YANG DAG PA PHRA RAB KYANG SGRUB PAR 'GYUR BA GANG YIN PA DE LTA BU'I YID CHES PA'I BKA' NI RNAM PA THAMS CAD DU MED DO, ,'PHAGS PA DKON MCHOG SPRIN LAS, RIGS KYI BU GAL TE DON DAM PA MED PAR GYUR NA TSANGS PAR SPYOD PA DON MED PAR 'GYUR RO ZHES GSUNGS PA GANG YIN PA 'DI YOD PA MA YIN NAM ZHE NA, DE NI RIGS PA MA YIN TE, GANG LA 'DI KHUNGS SU 'GYUR BA'I DON DAM PA SU ZHIG SPONG BAR BYED, MDO'I DON NI 'DI LTAR 'DI NI GANG ZAG DANG CHOS LA BDAG MED PA'I MTSAN NYID KYI DE KHO NA NYID DON DAM PA'I SGRAR DGONGS PA YIN TE, DE NI YE SHES DAM PA'I SPYOD YUL YIN PA'I PHYIR DANG, BDAG NYID RIGS PA DANG LDAN PA NYID KYIS DAM PA YIN PA'I PHYIR RO, ,GAL TE DE YANG MED NA NI DE'I TSE CHOS DANG GANG ZAG DAG JI LTAR BYIS PA'I SKYE BO LA GRAGS PA'I BDAG NYID DU YOD PA NYID DU 'GYUR TE, DE'I PHYIR SKYE BO THAMS CAD BTZAL BA MED PAR DANG PO NYID NAS DE KHO NA MTHONG BAR 'GYUR BAS DE KHO NA RTOGS PAR 'DOD PA RNAMS KYI 'BAD PA DON MED PAR 'GYUR RO ZHES BYA BA YIN PAR GSAL RAB PA NYID PAS 'DI NI KHUNGS SU MI RUNG NGO; ,'O NA NI 'PHAGS PA DKON MCHOG BRTZEGS PA LAS, 'OD SRUNGS GANG ZAG TU LTA BA RI RAB TZAM NI BLA'I, MNGON PA'I NGA RGYAL CAN STONG PA NYID DU LTA BA NI MA YIN NO ZHES BYA BA LA SOGS PA GSUNGS PA GANG YIN PA 'DI DANG JI LTAR 'GAL BAR MI 'GYUR ZHE NA, 'DI DANG YANG MI 'GAL BA NYID DE, GANG ZHIG DNGOS PO RNAMS DON DAM PAR YOD PAR KHAS BLANGS NA YANG DE DAG MED PAR RTOG PAR BYED CING 'DI LTAR GANG DAG GZHIG PA'I PHYIR STONG PA NYID BSTAN PA'I 'DOD CHAGS LA SOGS PA NI YANG DAG PAR YOD PA KHO NA'O SNYAM DU RTOGS PAR BYED PA DE, DE DAG SNGAR YOD PAR YONGS SU BRTAGS NAS PHYIS MED PAR YONGS SU 'DZIN NA YOD PA DANG, MED PA'I MTHAR LHUNG BA'I PHYIR STONG PA NYID KYI DON MTHA' GNYIS DANG BRAL BA SPROS PA MA LUS PA NYE BAR ZHI BA KHONG DU MA CHUD PAS MNGON PA'I NGA RGYAL CAN ZHES BYA'O, ,DE'I PHYIR BCOM LDAN 'DAS KYIS LTA BA DE BKAG @160A *, ,PAS DON DAM PA YOD PA DANG MED PA LA SOGS PA SPROS PA'I DRA BA MTHA' DAG DANG BRAL BA RTOGS PA KHO NA LA SBYOR BAR MDZAD PA YIN NO, ,'DI NI BCOM LDAN 'DAS NYID KYIS MDO GZHAN DAG LAS NGES PAR MDZAD DE, 'PHAGS PA LANG KAR GSHEGS PA LAS JI SKAD DU BLO GROS CHEN PO 'JIG RTEN 'DI NI GNYIS LA GNAS PA STE, 'DI LTA STE, YOD PA NYID LA GNAS PA DANG, MED PA NYID LA GNAS PA YOD PA DANG, MED PA LA 'DUN PA'I LTA BAR LHUNG BA NI NGES PAR MI 'BYUNG BA LA NGES PAR 'BYUNG BA'I BLO CAN YIN NO, ,BLO GROS CHEN PO DE LA JI LTAR 'JIG RTEN YOD PA NYID LA GNAS PA YIN ZHE NA, 'DI LTA STE, 'JIG RTEN NI RGYU DANG RKYEN MED PA DAG LAS SKYE'I, YOD PA DAG LAS NI MA YIN NO, ,YOD PA SKYE'I MED PA NI MA YIN NO ZHES ZER TE, BLO GROS CHEN PO DE SKAD DU SMRA BA NA DNGOS PO RNAMS DANG RGYU DANG RKYEN RNAMS DANG, 'JIG RTEN YANG RGYU MED PA'I YOD PA NYID DU SMRA BA YIN NO, ,BLO GROS CHEN PO DE LA JI LTAR MED PA NYID LA GNAS PA YIN ZHE NA, 'DI LTA STE, 'DOD CHAGS DANG, ZHE SDANG DANG, GTI MUG KHAS BLANGS NAS, YANG 'DOD CHAGS DANG, ZHE SDANG DANG, GTI MUG MED PAR RTOG PAR BYED DO, ,BLO GROS CHEN PO DNGOS PO RNAMS DNGOS PO'I MTSAN NYID KYIS DBEN PA'I PHYIR YOD PA NYID DU KHAS MI LEN PA GANG YIN PA DE DANG, NYAN THOS DANG, RANG SANGS RGYAS RNAMS 'DOD CHAGS DANG, ZHE SDANG DANG, GTI MUG DAG KHAS MI LEN PA GANG YIN PA 'DI LAS BLO GROS CHEN PO GANG ZHIG RNAM PAR 'JIG PAR BYED PA YIN, BLO GROS CHEN POS GSOL PA, BCOM LDAN 'DAS GANG ZHIG 'DOD CHAGS DANG, ZHE SDANG DANG, GTI MUG KHAS BLANGS NAS KHAS LEN PAR MI BGYI BA LAGS SO, ,BCOM LDAN 'DAS KYIS BKA' STZAL PA, BLO GROS CHEN PO GANG KHYOD KYIS DE LTAR SHES PA NI LEGS SO LEGS SO, ,BLO GROS CHEN PO 'DI NI 'DOD CHAGS DANG, ZHE SDANG DANG, GTI MUG YOD PA DANG, MED PA'I SGO NAS RNAM PAR 'JIG PAR BYED PA YIN PA 'BA' ZHIG TU MA ZAD KYI, NYAN THOS DANG RANG SANGS RGYAS DANG, SANGS RGYAS RNAMS KYANG RNAM PAR 'JIG PAR BYED PA YIN NO ZHES BYA BA RGYAS PAR GSUNGS NAS, BLO GROS CHEN PO NGAS 'DI @160B LAS DGONGS TE GANG ZAG TU LTA BA RI RAB TZAM NI BLA'I, YOD PA DANG MED PA NYID DU MNGON PA'I NGA RGYAL CAN STONG PA NYID DU LTA BA NI DE LTA MA YIN NO ZHES BSHAD DO ZHES GSUNGS SO, ,DE'I PHYIR BCOM LDAN 'DAS KYIS DNGOS BOR SMRA BA RNAMS KHO NA MNGON PA'I NGA RGYAL CAN NYID DU BSTAN PA YIN NO, ,DE BAS KYANG DE NYID LAS, MA BYUNG BA LAS GANG 'BYUNG ZHING, ,BYUNG NAS KYANG NI RNAM 'JIG PA, ,RKYEN LAS YOD DANG MED DE DAG ,NGA YI BSTAN LA MI GNAS SO, ,GANG LA CUNG ZAD SKYE MED CING, ,'GAG PA'ANG CUNG ZAD YOD MIN LA, ,'GRO BA RNAM PAR DBEN MTHONG BA, ,DE LA YOD DANG MED NYID MED, ,CES GSUNGS SO, ,GANG DAG TSIGS SU BCAD PA GNYIS PA'I DON KHO NA GZHUNG 'DZUGS PAR BYED CING, MDO'I DON NI KUN BRTAGS PA'I NGO BOS DBEN PAS, 'GRO BA RNAM PAR DBEN MTHONG BA, ,ZHES BYA BA YIN NO ZHES NYE BAR BRJOD PA'I PHYIR 'GAL BA MED DO ZHES ZER BA DE DAG GIS KUN BRTAGS PA'I NGO BO NYID CES BYA BA 'DI CI YIN PA BRJOD DGOS SO, ,GAL TE TSAD MAS GNOD KYANG BYIS PA RNAMS KYIS BDEN PAR BZUNG BA YIN NO ZHE NA, GAL TE DE LTA NA NI 'GRO BA THAMS CAD SGYU MA LTA BU DON DAM PAR MA SKYES PA LA BYIS PA RNAMS KYI SKYE BA LA SOGS PA DON DAM PAR YOD PA NYID DU SGRO BTAGS PA GANG YIN PA DE YANG 'OG NAS 'BYUNG BA'I TSAD MAS GNOD PA'I NGO BO YIN PA'I PHYIR KUN BRTAGS PA'I NGO BO NYID DO ZHES BYA BAR CI STE MI BZUNG, DE LTA MA YIN NA PHYI'I DON YANG BCOM LDAN 'DAS KYIS BRTAGS PA'I NGO BO NYID KYIS STONG PA NYID DU GSUNGS KYI, DON DAM PAR NI MA YIN NO ZHES BYA BAR YANG CI'I PHYIR RNAM PAR MI BSHAD, 'ON TE TSAD MAS GNOD PA'I PHYIR DE LTAR RNAM PAR BSHAD PAR MI BYA'O ZHE NA, DE'I TSE RNAM PAR SHES PA LA YANG DE LTA DE LTAR BSHAD PAR MI BYA STE, DE YANG PHYI'I DON BZHIN DU TSAD MAS GNOD PA YIN PA'I PHYIR RO, ,GAL TE TSAD MA 'GA' ZHIG GIS RNAM PAR SHES PA DNGOS PO YOD PAR YANG DAG PAR GRUB PAR GYUR NA NI DE'I TSE RNAM PA GNYIS KHO NA KUN BRTAGS PA YIN GYI, GZHAN NI MA YIN NO ZHES RNAM BAR BSHAD PA BZANG POR 'GYUR BA ZHIG NA DE YANG MA GRUB BO ZHES BSTAN PAR BYA'O, ,DE'I PHYIR 'GRO BA JI SKAD BSHAD PA'I KUN BRTAGS PA'I @161A *, ,NGO BOS DBEN PAR NI KHO BO CAG KYANG 'DOD PA NYID PAS 'DI NI GYI NA'O, ,'DIS NI 'PHAGS PA DGONGS PA NGES PAR 'GREL PA LAS, BYAMS PA GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA KUN NAS NYON MONGS PA NYID DANG RNAM PAR BYANG BA KUN BRTAGS PA'I MTSAN NYID DANG RNAM PA THAMS CAD DU GTAN BRAL BA GANG YIN PA DE NI DE LA MI DMIGS TE, 'DI NI STONG PA NYID KYI MTSAN NYID MTHA' DAG CES BYA'O ZHES GSUNGS PA GANG YIN PA 'DI YANG BSAL BA YIN TE, 'DI LA YANG 'DOD CHAGS LA SOGS PA YANG DAG PAR GZHAN GYI DBANG GI MTSAN NYID KUN NAS NYON MONGS PA'I NGO BO NYID KUN RDZOB PA DAG LA KUN NAS NYON MONGS PAR BYED PA NYID DANG, 'KHOR BAR KUN TU SBYOR BAR BYED PA NYID DANG, GNYEN PO'I GAGS BYED PA NYID DANG MI MTHUN PA'I PHYOGS KYI GAGS MI BYED PA NYID LA SOGS PA YANG DAG PAR SGRO BTAGS PA GANG YIN PA DE NI DE DAG LA KUN BRTAGS PA'I MTSAN NYID YIN NO, ,RNAL 'BYOR PA'I KUN RDZOB TU PHYIN CI MA LOG PA NYID DU YONGS SU GRUB PAS YONGS SU GRUB PA'I PHYIR YONGS SU GRUB PA'I MTSAN NYID YIN PA BYANG CHUB KYI PHYOGS DANG MTHUN PA RNAM PAR BYANG BA RNAMS LA YANG MI MTHUN PA'I PHYOGS NGES PAR 'JOMS PAR BYED PA NYID DANG, MYA NGAN LAS 'DAS PA LAS YANG DAG PAR SBYOR BA NYID LA SOGS PA YANG DAG PAR DNGOS PO'I CHOS NYID DU SGRO BTAGS PA GANG YIN PA DE NI DE DAG LA KUN BRTAGS PA'I MTSAN NYID YIN NO, ,CHOS KYI DBYINGS RANG BZHIN GYIS 'OD GSAL BA LA DON DAM PAR KUN NAS NYON MONGS PA LA SOGS PA MI SRID PAS NGO BO 'DI GNYI GA YANG KUN BRTAGS PA'I MTSAN NYID KYI CHOS YIN PAS KUN NAS NYON MONGS PA DANG, RNAM PAR BYANG BA'I CHOS RNAMS LA MI SRID PA NYID DO, ,KUN NAS NYON MONGS PA DANG RNAM PAR BYANG BA'I CHOS 'DI DAG THAMS CAD NI DON DAM PAR SKYE BA MED PAR RO GCIG PA NYID KYIS KYANG DBYE BA MI RIGS PA'I PHYIR RO, ,DE BAS NA YANG DAG PAR NA GNYI GA YANG STONG PA YIN LA; YANG DAG PA'I KUN RDZOB TU NA GNYI GA YANG GNAS PA'I PHYIR KUN NAS NYON MONGS PA DANG RNAM PAR BYANG BA'I PHYOGS MED PA'I NYES PA YANG MA YIN TE, 'PHAGS PA SHES RAB KYI PHA ROL TU PHYIN PA NYIS STONG LNGA BRGYA PA LAS, JI SKAD DU RAB KYI RTZAL GYIS RNAM PAR GZHON PA, GZUGS NI 'DOD @161B CHAGS KYI CHOS CAN YANG MA YIN LA, 'DOD CHAGS DANG BRAL BA'I CHOS CAN YANG MA YIN NO, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA YANG 'DOD CHAGS KYI CHOS CAN YANG MA YIN LA, 'DOD CHAGS DANG BRAL BA'I CHOS CAN YANG MA YIN NO, ,GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA RNAMS KYI 'DOD CHAGS MA YIN PA'I CHOS NYID DANG, 'DOD CHAGS DANG BRAL BA MA YIN PA'I CHOS NYID GANG YIN PA 'DI NI SHES RAB KYI PHA ROL TU PHYIN PA YIN NO, ,DE BZHIN DU GZUGS NI ZHE SDANG GI CHOS CAN YANG MA YIN LA, ZHE SDANG MED PA'I CHOS CAN YANG MA YIN, GTI MUG GI CHOS CAN YANG MA YIN LA, GTI MUG MED PA'I CHOS CAN YANG MA YIN NO, ,DE BZHIN DU RNAM PAR SHES PA'I BAR GYI GTI MUG MA YIN PA'I CHOS NYID DANG, GTI MUG DANG BRAL BA YANG MA YIN PA'I CHOS NYID GANG YIN PA 'DI NI SHES RAB KYI PHA ROL TU PHYIN PA YIN NO, ,RAB GYI RTZAL GYIS RNAM PAR GNON PA GZUGS NI KUN NAS NYON MONGS PA DANG, RNAM PAR BYANG BAR 'GYUR BA MED DO, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA YANG KUN NAS NYON MONGS PA DANG, RNAM PAR BYANG BAR 'GYUR BA MED DE, GZUGS DANG; TSOR BA DANG, 'DU SHES DANG, 'DU BYED DANG, RNAM PAR SHES PA RNAMS KYIS KUN NAS NYON MONGS PA MA YIN PA DANG, RNAM PAR BYANG BA MA YIN PA GANG YIN PA 'DI NI SHES RAB KYI PHA ROL TU PHYIN PA YIN NO ZHES GSUNGS PA LTA BU'O, ,'PHAGS PA BDEN PA GNYIS BSTAN PA LAS KYANG, 'JAM DPAL MNYAM PA NYID GANG GIS DON DAM PA RNAM PAR BYANG BA'I BAR DU GANG DANG MNYAM PA, DON DAM PAR CHOS THAMS CAD KYANG DE DANG MNYAM MAM, 'JAM DPAL GYIS SMRAS PA, LHA'I BU DON DAM PAR CHOS THAMS CAD SHIN TU 'BYUNG BA MED PAR MNYAM PA NYID DANG, DON DAM PAR CHOS THAMS CAD SHIN TU SKYE BA MED PAR MNYAM PA NYID DANG, DON DAM PAR CHOS THAMS CAD DNGOS PO MED PAR MNYAM PA NYID KYIS DON DAM PAR CHOS THAMS CAD MNYAM PA NYID DO ZHES GSUNGS SO, ,'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS KYANG, MDOR NA MI DGE BA YID @162A *, ,LA BYED PA THAMS CAD NI KUN NAS NYON MONGS PA'I RGYU YIN LA, DGE BA YID LA BYED PA THAMS CAD NI RNAM PAR BYANG BA'I RGYU YIN NO, ,DE LA KUN NAS NYON MONGS PA'I RGYU GANG YIN PA DANG, RNAM PAR BYANG BA'I RGYU GANG YIN PA'I CHOS DE DAG THAMS CAD NI RANG BZHIN GYIS STONG STE; SEMS CAN MED PA, SROG MED PA, GANG ZAG MED PA, BDAG PO MED PA, SGYU MA LTA BUR MTSAN NYID MED PA STE, NANG NYE BAR ZHI BA YIN NO, ,GANG NANG NYE BAR ZHI BA DE NI RAB TU ZHI BA YIN NO, ,GANG RAB TU ZHI BA DE NI RANG BZHIN YIN NO, ,GANG RANG BZHIN YIN PA DE NI NYE BAR MI DMIGS SO, ,GANG MI DMIGS PA DE NI GNAS MED DO, ,GANG GNAS MED PA DE NI MKHA' YIN NO, ,MKHA' NI NAM MKHA'O, ,DE CHOS THAMS CAD NAM MKHA' DANG 'DRA BAR RAB TU SHES SHING KUN NAS NYON MONGS PA DANG, RNAM PAR BYANG BAR YANG THA SNYAD 'DOGS LA, NAM MKHA'I CHOS NYID KYANG MI SPONG NGO, ,DE CI'I PHYIR ZHE NA, 'JAM DPAL GANG LA SKYE BA'AM 'GAG PAR 'GYUR BA'I CHOS DE NI 'GA' YANG MED DO ZHES GSUNGS SO, ,GAL TE YANG DON DAM PAR KUN BRTAGS PA'I MTSAN NYID KYIS STONG PA'I CHOS 'GA' ZHIG YOD PAR GYUR NA NI DE'I TSE MDO DE NYID LAS 'JAM DPAL CHOS THAMS CAD NI GNYIS SU MED PA STE, MTSAN NYID MED PA, GNYIS SU BYAR MED PA, MING MED PA, MTSAN MA MED PA, SEMS DANG, YID DANG, RNAM PAR SHES PA DANG BRAL BA, MA SKYES PA, MA 'GAGS PA, RGYU MED PA, RAB TU RGYU BA MED PA, KUN DU RGYU BA MED PA, YI GE MED PA, SGRA SKAD MED PA'O ZHES GSUNGS PA DANG, YANG 'JAM DPAL STONG PA ZHES BYA BA 'DI NI MNGON PAR ZHEN PA'I 'DZIN PA MED PA'I TSIG BLA DAGS YIN GYI, 'JAM DPAL 'DI LA DON DAM PA GANG STONG PA ZHES BYA BA'I CHOS NI 'GA' YANG MI DMIGS SO ZHES GSUNGS PA GANG YIN PA 'DI DANG YANG 'GAL BAR 'GYUR RO, ,GAL TE DE LTA NA 'PHAGS PA DGONGS PA NGES PAR 'GREL PA LAS, MNGON PAR BRJOD PA NI DNGOS PO MED PA CAN MA YIN NO, ,DNGOS PO DE YANG GANG ZHE NA, 'PHAGS PA'I YE SHES DANG, 'PHAGS PA'I GZIGS PAS BRJOD DU MED PA NYID DU MNGON PAR RDZOGS PAR SANGS RGYAS PA GANG YIN PA DE, BRJOD DU MED PA'I CHOS NYID DE KHO NA MNGON PAR RDZOGS PAR 'TSANG RGYA BAR BYA BA'I PHYIR 'DUS BYAS ZHES BYA BA DANG, DE @162B BZHIN DU 'DUS MA BYAS ZHES BYA BAR MING DU BTAGS SO ZHES BYA BA LA SOGS PA GSUNGS PA GANG YIN PA BCOM LDAN 'DAS KYI BKA' 'PHAGS PA'I YE SHES KYI SPYOD YUL SO SO RANG GIS RIG PAR BYA BA DNGOS PO'I NGO BO NYID DU YOD PAR STON PAR BYED PA 'DI JI LTAR GRANG ZHE NA, 'DI DANG YANG MI 'GAL BA NYID DE; 'DI LTAR 'DIR CHOS KYI DBYINGS 'PHAGS PA'I YE SHES KYI SPYOD YUL CHOS THAMS CAD BDAG MED PA'I MTSAN NYID KHO NA DNGOS PO'I SGRAR BRJOD PAR BZHED DE, DNGOS PO LA MNGON PAR ZHEN PA RNAMS KYI SKRAG PA'I GNAS YONGS SU SPANG BA'I DON DU DE LTAR BSTAN PA'I PHYIR RO, ,RNAM PA GCIG TU NA 'PHAGS PA'I YE SHES DANG CHOS THAMS CAD DE BZHIN NYID LA GNAS PA'I PHYIR TE, DE'I PHYIR DNGOS PO'I SGRA GNAS PAR BRJOD PAS CHOS KYI DBYINGS KHO NA LA BYA'O, ,SANGS RGYAS BCOM LDAN 'DAS RNAMS NI 'DUL BA'I BSAM PA LA LTOS NAS CHOS KYI DBYINGS DE NYID THABS SNA TSOGS KYIS STON PAR MDZAD DE; DE SKAD DU 'PHAGS PA LANG KAR GSHEGS PA LAS, BLO GROS CHEN PO 'ON KYANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI DE BZHIN NYID DANG, STONG PA NYID DANG, YANG DAG PA'I MTHA' DANG MYA NGAN LAS 'DAS PA LA SOGS PA'I DNGOS PO RNAMS DE BZHIN GSHEGS PA'I SNYING PO YIN PAR NYE BAR BSTAN PA MDZAD NAS BYIS PA RNAMS BDAG MED PAS SKRAG PA'I GNAS RNAM PAR SPANG BA'I PHYIR RNAM PAR MI RTOG PA SNANG BA MED PA'I SPYOD YUL DE BZHIN GSHEGS PA'I SNYING PO YIN PAR NYE BAR BSTAN PAS STON PAR MDZAD DO, ,BLO GROS CHEN PO DPER NA RDZA MKHAN NI RDUL PHRA RAB KYI TSOGS KYI 'JIM PA GCIG LAS, LAG PA DANG, DBYI GU DANG, CHU DANG, SKUD PA'I RTZOL BA SBYOR BAS SNOD SNA TSOGS DAG BYED DO, ,BLO GROS CHEN PO DE BZHIN DU DE BZHIN GSHEGS PA RNAMS KYANG RDZA MKHAN BZHIN DU CHOS BDAG MED PA, CHOS THAMS CAD KYI MTSAN NYID RNAM PAR LOG PA DE NYID THABS DANG SHES RAB LA MKHAS PA'I TSUL SNA TSOGS KYI SGO NAS YI GE DANG TSIG THA DAD PAS SNYING POR NYE BAR BSTAN PA'AM, BDAG MED PAR NYE BAR BSTAN PAS STON PAR MDZAD DO ZHES GSUNGS SO, ,DE KHO NA NYID 'DI YANG RNAM PA THAMS CAD DU BRJOD PAR BYA BA MA YIN YANG THA SNYAD KYI @163A *, ,DBANG GIS 'DUS BYAS MA LUS PA'I CHOS NYID YIN PA'I PHYIR 'DUS BYAS ZHES BYA BAR YANG THA SNYAD GDAGS LA, DE BZHIN GSHEGS PA RNAMS BYUNG YANG RUNG, MA BYUNG YANG RUNG, DUS THAMS CAD DU GNAS PA'I PHYIR 'DUS MA BYAS ZHES BYA BAR YANG STON TO, ,DE KHO NA NYID NI NGO BO THAMS CAD LAS 'DAS PA'I MTSAN NYID YIN PA'I PHYIR DE GNYI GA'I NGO BO YANG MA YIN NO, ,GDON MI ZA BAR DE LTA BU YIN PAR KHONG DU CHUD PA STE, DE LTA MA YIN NA KHYED KYI GZHUNG LUGS KYIS 'DUS MA BYAS DNGOS POR JI LTAR 'GYUR, GANG GIS NA 'DI 'DUS MA BYAS ZHES KYANG BYA STE, KHYED NI 'DUS BYAS KHO NA DNGOS PO NYID DU 'DOD PA'I PHYIR RO, ,'PHAGS PA DKON MCHOG 'BYUNG GNAS LAS KYANG, MI GANG DE BZHIN NYID DAG 'DUS BYAS DANG, ,GNYIS PA 'DUS MA BYAS DANG RNAM GNYIS SU, ,SMRA BA BDE BAR GSHEGS PAS CHOS BSHAD PA, ,DE DAG RTOGS PAR BYA PHYIR SNGO [?] BA MIN, , ZHES GSUNGS SO, ,DE LTA BAS NA 'DI LTA STE, 'DUS BYAS DANG 'DUS MA BYAS KYI DNGOS POR 'DZIN PA 'DI NI MTHAR 'DZIN PA YIN NO, ,YANG NA NYAN THOS DANG RANG SANGS RGYAS KYI SPYOD YUL DNGOS PO'I RANG GI MTSAN NYID KYI DBANG DU MDZAD NAS BYIS PA RNAMS SKRAG PA'I GNAS YONGS SU SPANG BA'I CHED KHO NAR 'PHAGS PA'I YE SHES KYI SPYOD YUL DNGOS POR YOD DO ZHES GSUNGS KYI, SANGS RGYAS DANG BYANG CHUB SEMS DPA'I YE SHES 'JIG RTEN LAS SHIN TU 'DAS PA'I SPYOD YUL DON DAM PA PA'I DNGOS PO'I RANG GI MTSAN NYID NI YOD PA MA YIN TE, DE'I YUL NI CHOS THAMS CAD SKYE BA MED PA DANG, 'GAG PA MED PA LA SOGS PA YIN PA NYID KYIS YOD PA DANG MED PA'I PHYOGS DANG BRAL BA'I PHYIR RO, ,DE SKAD DU MDO LAS KYANG, 'JIG RTEN LAS 'DAS PA'I YE SHES GANG ZHE NA, NYAN THOS DANG RANG SANGS RGYAS RANG DANG SPYI'I MTSAN NYID DU LHUNG BA'I BSAM PA LA MNGON PAR ZHEN PA RNAMS KYI YIN NO, ,'JIG RTEN LAS SHIN TU 'DAS PA'I YE SHES GANG ZHE NA, SANGS RGYAS DANG BYANG CHUB SEMS DPA' RNAMS KYIS SNANG BA MED PA'I CHOS RAB TU RNAM PAR PHYE BAS, SKYE BA MED PA DANG, 'GAG PA MED PAR GZIGS PA'I PHYIR YOD PA DANG, MED PA'I PHYOGS DANG BRAL BA YIN @163B NO ZHES GSUNGS SO, ,NYAN THOS LA SOGS PA YANG DAG PA'I KUN RDZOB KYIS KUN DU BSDUS PA'I PHUNG PO TZAM RANG DANG SPYI'I MTSAN NYID KYI RNAM PAR SGOM PAR BYED PA RNAMS GANG ZAG LA BDAG MED PA TZAM LA GZUD [?] PA'I PHYIR YE SHES DE DNGOS PO'I YUL CAN YIN NO ZHES THA SNYAD 'DOGS KYI, DON DAM PAR NI MA YIN NO, ,GAL TE SANGS RGYAS DANG BYANG CHUB SEMS DPA'I YE SHES KYI YUL DON DAM PA PA'I DNGOS PO'I RANG GI MTSAN NYID GCIG TU GYUR NA NI DE'I TSE YE SHES DE YOD PA'I PHYOGS DANG BRAL BAR YANG JI LTAR 'GYUR, DE LTA BAS NA BYIS PA RNAMS SKRAG PA'I GNAS YONGS SU SPANG BA'I PHYIR, 'PHAGS PA'I YE SHES KYI SPYOD YUL DNGOS POR YOD DO ZHES BSTAN GYI, DON DAM PA'I DNGOS PO'I MTSAN NYID YOD PA'I PHYIR NI MA YIN NO, ,DE LTA MA YIN NA SANGS RGYAS DANG BYANG CHUB SEMS DPA' RNAMS KYANG JI LTAR YOD PA'I RNAM PAR RTOG PA DANG 'BREL PAR MI 'GYUR, JI LTAR BYIS PA RNAMS SKRAG PA RNAM PAR SPANG BA'I PHYIR DE GSUNGS KYI, DON DAM PA'I DNGOS PO YOD PA'I PHYIR NI MA YIN NO ZHES BYA BA 'DI THAMS CAD KYANG, BCOM LDAN 'DAS KYIS MDO GZHAN DAG LAS GTAN LA PHAB PA NYID DE, 'PHAGS PA LANG KAR GSHEGS PA LAS, JI SKAD DU BCOM LDAN 'DAS LA, BYANG CHUB SEMS DPA' BLO GROS CHEN PO ZHES BYA BAS ZHUS PA BCOM LDAN 'DAS CI'I SLAD DU KHYOD KYIS SEMS CAN RNAMS LA YOD PA DANG MED PA NYID DU LTA BA BZLOG NAS, YANG 'PHAGS PA'I YE SHES KYI SPYOD YUL DNGOS POR BSHAD PAS, 'PHAGS PA'I YE SHES KYI SPYOD YUL LA MNGON PAR ZHEN PA'I YOD PA NYID DU LTA BA LA 'GOD PAR MDZAD CING, RNAM PAR DBEN PA'I CHOS BSTAN PA YANG MED PAR MDZAD PA LAGS, BCOM LDAN 'DAS KYIS BKA' STZAL PA, BLO GROS CHEN PO NGA NI 'PHAGS PA'I YE SHES KYIS SPYOD YUL DNGOS PO'I NGO BO NYID DU BSTAN PAS RNAM PAR DBEN PA'I CHOS BSTAN PA MED PAR YANG MI BYED LA, YOD PA NYID DU LTA BA LA 'GOD PAR YANG MI BYED KYI, BLO GROS CHEN PO 'ON KYANG NGA NI SEMS CAN THOG MA MED PA'I DUS NA DNGOS PO'I NGO BO NYID KYI MTSAN NYID LA MNGON PAR ZHEN PA RNAMS KYI SKRAG PA'I GNAS YONGS SU SPANG BA'I PHYIR 'PHAGS PA'I YE SHES KYI SPYOD YUL @164A *, ,DNGOS PO'I NGO BO NYID DU MNGON PAR ZHEN PA'I MTSAN NYID KYI LTA BA'I SGO NAS RNAM PAR DBEN PA'I CHOS STON PAR BYED DO, ,BLO GROS CHEN PO NGA NI DNGOS PO'I NGO BO NYID NYE BAR STON PAR MI BYED KYI, BLO GROS CHEN PO 'ON KYANG BDAG NYID KYIS JI LTA BA BZHIN DU RTOGS NA RNAM PAR DBEN PA'I CHOS LA GNAS PAR 'GYUR BA ZHES RGYAS PAR GSUNGS SO, ,DE LTA BAS NA 'PHAGS PA'I YE SHES KYI SPYOD YUL DNGOS PO'I RANG GI MTSAN NYID DU BSTAN PA GANG YIN PA 'DI NI BCOM LDAN 'DAS KYIS THABS KYIS BSTAN PA KHO NA YIN NO, ,DE LTA BAS NA BCOM LDAN 'DAS KYI YANG DAG PA'I GSUNG RAB KYI TSUL NGES PAR MA ZIN PA BRDZUN PA LA, MNGON PA'I NGA RGYAL CAN RNAMS DNGOS PO'I NGO BO NYID DU RTOGS PAR BYED PA NA, BCOM LDAN 'DAS LA YANG MI SNYAN PAR SGROGS SHING BDAG NYID KYANG 'PHUNG LA, GZHAN YANG RLAG PAR BYED PA YIN NO, ,'DI LTAR MDO DE NYID LAS, DNGOS PO'I NGO BO NYID DE LTA BU LA MNGON PAR ZHEN PA RNAMS BDAG LA SOGS PA 'DZIN PA'I PHYIR MI 'GROL BA KHO NAR GSUNGS TE, JI SKAD DU, BLO GROS CHEN PO GZHAN YANG TSAD MA GSUM GYI YAN LAG GIS BRGAL BAR GZAS NAS, 'PHAGS 'PHAGS PA'I YE SHES KYIS SO SOR RANG GIS RTOGS PAR BYA BA'I NGO BO NYID GNYIS LAS RNAM PAR GROL BA DNGOS PO'I NGO BO NYID DU YOD DE ZHES BYA BA RNAM PAR RTOG PAR BYED KYI, BLO GROS CHEN PO RNAL 'BYOR PA SEMS DANG YID DANG RNAM PAR SHES PA'I GNAS GYUR PA RANG GI SEMS SNANG BA, GZUNG BA DANG 'DZIN PA'I RNAM PAR RTOG PA SPANGS PA, DE BZHIN GSHEGS PA'I SA 'PHAGS PA'I YE SHES KYIS SO SO RANG GIS RTOGS PA RNAMS NI DNGOS PO DANG DNGOS PO MED PAR 'DU SHES MI 'JUG GO, ,BLO GROS CHEN PO GAL TE RNAL 'BYOR PA RNAMS DE LTA BU'I YUL CAN RNAMS LA DNGOS PO DANG DNGOS PO MED PAR 'DZIN PA 'JUG PAR GYUR NA NI DE NYID DE DAG GI BDAG TU 'DZIN PA DANG, GSO BAR 'DZIN PA DANG; SKYES BUR 'DZIN PA DANG, GANG ZAG TU 'DZIN PAR 'GYUR RO ZHES GSUNGS PA LTA BU'O, ,GZHAN YANG GAL TE DON DAM PAR DNGOS PO ZHIG YOD NA DES NA GDON MI ZA BAR RTAG PA'AM, MI RTAG PA'I NGO BO ZHIG TU 'GYUR GRANG STE, DNGOS PO LA NI RNAM PA'I KHYAD PAR GZHAN MI SRID PA'I PHYIR @164B RO; ,DNGOS PO DE LA RTAG PA DANG MI RTAG PA'I RNAM PAR DPYOD PA'I SGO NAS 'JUG PA'I SHES RAB GANG YIN PA DE NI DNGOS PO'I RANG GI NGO BO JI LTA BA BZHIN DU RTOGS PA DANG MTHUN PA'I PHYIR YANG DAG PA'I SHES RAB KHO NAR 'GYUR GYI, SHES RAB KYI PHA ROL TU PHYIN PA LTAR BCOS PA NI MA YIN NO, ,DE'I PHYIR BCOM LDAN 'DAS KYIS 'PHAGS PA SHES RAB KYI PHA ROL TU PHYIN PA LAS GSUNGS PA GANG YIN PA DE DANG YANG 'GAL BAR 'GYUR TE, DE LAS 'DI SKAD DU KOO SHI KA 'DI NI RIGS KYI BU DANG RIGS KYI BU MO DE DAG SHES RAB KYI PHA ROL TU PHYIN PA NYE BAR STON PA NA SHES RAB KYI PHA ROL TU PHYIN PA LTAR BCOS PA NYE BAR STON TO, ,DE LA 'DI NI SHES RAB KYI PHA ROL TU PHYIN PA LTAR BCOS PA YIN TE, GZUGS MI RTAG CES BYA BAR NYE BAR STON TO, ,DE BZHIN DU SDUG BSNGAL BA DANG, BDAG MED PA DANG, MI GTZANG BA ZHES BYA BAR NYE BAR STON TO, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA DANG, DE BZHIN DU PHUNG PO DANG, KHAMS DANG, SKYE MCHED DANG, BSAM GTAN DANG, TSAD MED PA DANG, GZUGS MED PA DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, DE BZHIN GSHEGS PA'I STOBS BCU DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA DANG, RNAM PA THAMS CAD MKHYEN PA NYID MI RTAG GO ZHES BYA BA DANG, SDUG BSNGAL LO ZHES BYA BA DANG, BDAG MED DO ZHES BYA BA DANG, MI GTZANG BA ZHES BYA BAR NYE BAR STON PAR BYED DO, ,'DI SKAD DU GANG DE LTAR SPYOD PA DE NI SHES RAB KYI PHA ROL TU PHYIN PA LA SPYOD DO ZHES BYA BAR YANG NYE BAR STON TE, KOO SHI KA 'DI NI SHES RAB KYI PHA ROL TU PHYIN PA LTAR BCOS PA YIN NO, ,DE LA GANG SHES RAB KYI PHA ROL TU PHYIN PA LTAR BCOS PA MA YIN PA GANG YIN ZHE NA, DE NI 'DI SKAD DU NYE BAR STON TE, RIGS KYI BU KHYOD TSUR SHOG ,SHES RAB KYI PHA ROL TU PHYIN PA BSGOMS LA GZUGS MI RTAG GO ZHES BYA BAR YANG DAG PAR RJES SU MA LTA ZHIG ,RNAM PA THAMS CAD MKHYEN PA NYID KYI BAR DU SDUG BSNGAL BA DANG, BDAG MED PA DANG, MI GTZANG BA ZHES BYA BAR YANG DAG PAR RJES SU MA LTA @165A *, ,ZHIG; DE CI'I PHYIR ZHE NA, GZUGS NI NGO BO NYID KYIS STONG PA'O, ,GZUGS KYI NGO BO NYID GANG YIN PA DE NI DNGOS PO MED PA'O, ,GANG DNGOS PO MED PA DE NI SHES RAB KYI PHA ROL TU PHYIN PA'O, ,SHES RAB KYI PHA ROL TU PHYIN PA GANG YIN PA DE LA NI GZUGS RTAG GO ZHES BYA BA'AM, MI RTAG GO ZHES BYA BA MI DMIGS TE, DA LA GZUGS NYID KYANG MED NA RTAG PA'AM, MI RTAG PAR LTA GA LA 'GYUR, RNAM PA THAMS CAD MKHYEN PA NYID KYI BAR DU YANG DE DANG 'DRA STE, DE SKAD DU NYE BAR STON PA NA SHES RAB KYI PHA ROL TU PHYIN PA LTAR BCOS PA NYE BAR STON PA MA YIN NO, , 'DI SKAD DU NYE BAR STON TE RIGS KYI BU KHYOD TSUR SHOG ,SHES RAB KYI PHA ROL TU PHYIN PA BSGOMS LA CHOS GANG LAS KYANG YANG DAG PAR 'DA' BAR MA BYED LA, CHOS GANG LA'ANG MA GNAS SHIG ,DE CI'I PHYIR ZHE NA, 'DI LTAR SHES RAB KYI PHA ROL TU PHYIN PA LA CHOS GANG LAS YANG DAG PAR 'DA' BAR BYA BA'AM, CHOS GANG LA GNAS PAR BYA BA'I CHOS DE YOD PA MA YIN TE, 'DI LTAR CHOS THAMS CAD NI NGO BO NYID KYIS STONG PA'O, ,GANG NGO BO NYID KYIS STONG PA DE NI DNGOS PO MED PA'O, ,GANG DNGOS PO MED PA DE NI SHES RAB KYI PHA ROL TU PHYIN PA'O, ,SHES RAB KYI PHA ROL TU PHYIN PA GANG YIN PA DE LA NI CHOS 'GA' YANG BLANG BAR BYA BA 'AM, DOR BAR BYA BA'AM, BSKYED PAR BYA BA'AM, DGAG PAR BYA BA MED DO, ,DE SKAD DU STON PA NA SHES RAB KYI PHA ROL TU PHYIN PA LTAR BCOS PA NYE BAR STON PA MA YIN NO ZHES GSUNGS SO, ,DE LTA BAS NA DNGOS POR SMRA BA THAMS CAD CHOS KYI DE KHO NA NYID PHYIN CI LOG TU STON PA'I PHYIR SHES RAB KYI PHA ROL TU PHYIN PA LTAR BCOS PA NYE BAR STON PA KHO NA YIN GYI, CHOS THAMS CAD NGO BO NYID MED PA NYID DU SMRA BA RNAMS NI PHYIN CI MA LOG PA NYID YIN PAS BCOM LDAN 'DAS KYIS 'THAD PA DANG BCAS PA YIN PAR GSAL RAB KHO NAR BSTAN PA YIN NO, ,DE LTAR BCOM LDAN 'DAS KYIS MDO DE DANG DE LAS RNAM PA DU MAR DNGOS PO MA LUS PA NGO BO NYID MED PA NYID DU GSAL BAR MDZAD MOD KYI, HA CANG TSIG MANGS [?] SU DOGS PAS MA BRJOD DE, PHYOGS 'GA' ZHIG BSTAN TO, ,DE'I PHYIR BCOM LDAN 'DAS KYI YANG DAG PA'I GSUNG RAB KYI TSUL NGES PAR MA ZIN PA RNAMS KYIS @165B DON DAM PA'I LUGS LA RNAM PAR SDANG BAS RE ZHIG LUNG GI SGO NAS NI CHOS THAMS CAD NGO BO NYID MED PAR BSGRUB PAR NUS PA NI MA YIN TE ZHES SMRAS PA GANG YIN PA DE BSAL BA MA YIN NO, ,DE LA GAL TE SHES RAB NYAM CHUNG BA'I PHYIR DE LTA BU'I CHOS NYID ZAB MO LA BDAG NYID KYIS MOS PAR MI NUS SU ZIN KYANG, 'ON KYANG RTOG PA DANG LDAN PA RANG GI BLO GROS NYAM CHUNG BA'I NYES PA MTHONG BA RNAMS KYIS DE SPANG BAR YANG RIGS PA MA YIN LA, BDAG NYID PHUNG BAS GZHAN DAG KYANG DON CHEN PO LAS NYAMS PAR BYAS TE, BRLAG PAR BYA BAR NI RIGS PA MA YIN NO, ,DE LTA NA NI RANG DANG GZHAN LA 'KHU BA BYAS PA KHO NAR 'GYUR RO, ,DE LTA BAS NA BLO GROS DANG LDAN PA DAD PA CAN GYIS CHOS ZAB MO DAG SPONG BA'I LTA BA BOR [?] TE, DE LA YANG BCOM LDAN 'DAS NYID TSAD MAR BYAS SHING BDAG NYID MI SHES PA'I NYES PAS DE KHONG DU MI CHUD PA SRID DO SNYAM DU BSAMS NAS MDO ZAB MO DAG LA DAD PA BSKYED DE, MNYAN PA DANG, GZUNG BA DANG, BSGOM PA LA SOGS PA LA MNGON PAR BRTZON PAR BYA'O, ,GZHAN DAG KYANG YANG DAG PAR LEN DU GZHUG GO, ,BDAG NYID DE LA MOS PAR BYA BA'I PHYIR SMON LAM GDAB PAR YANG BYA'O, ,DE NYID KYI PHYIR 'PHAGS PA DKON MCHOG BRTZEGS PA LAS, CHOS ZAB MO GANG DAG LA 'DI'I BLOS GTING MI DPOGS PA DE LA DE BZHIN GSHEGS PA KHO NA TSAD MAR BYAS NAS SANGS RGYAS KYI BYANG CHUB NI MTHA' YAS TE, MOS PA SNA TSOGS PA NYID KYI SGO NAS DE BZHIN GSHEGS PA RNAMS KYI CHOS BSTAN PA LA 'JUG PAS DE BZHIN GSHEGS PA NYID KYIS MKHYEN GYI, BDAG GIS NI MI SHES SO SNYAM NAS SPONG BAR NI MI BYED DO ZHES GSUNGS SO, ,DE LTAR RE ZHIG LUNG GI SGO NAS CHOS THAMS CAD NGO BO NYID MED PAR BSGRUBS PA YIN NO, ,GANG YANG SKYE BA LA SOGS PA'I RNAM PAR DBYE BA NI GNYIS SU SNANG BA'I SHES PA KHO NAS BYED KYI, RANG RIG PA TZAM GYIS NI MA YIN NO, ,GNYIS SU SNANG BA YANG BRDZUN PA'I PHYIR DES RNAM PAR GZHAG PA'I NGO BO YANG BRDZUN PA KHO NA'O ZHES BYA BA LA SOGS PA SMRAS PA DE LA YANG BRJOD PAR BYA STE, GAL TE CHOS THAMS CAD SKYE BA LA SOGS PA'I CHOS NYID SHES PA BRDZUN PA'I NGO BOR SNANG BAS RNAM PAR GZHAG PA'I NGO BO YIN NA NI DE JI LTAR 'DI DAG DON DAM PAR YOD PAR 'GYUR, @166A *, ,GNYIS SU SNANG BA YANG BRDZUN PA NYID YIN NA NI SHES PA'I NGO BO GANG DON DAM PAR SRID PAR 'GYUR BA GZHAN CI ZHIG LUS, SHES PA DE KHO NA NYID GZUNG BA DANG 'DZIN PA'I RNAM PA DANG BRAL BA GZHAN NI TSU ROL MTHONG BA RNAMS KYIS YANG DAG PAR MYONG BA MED DE, THAMS CAD DE KHO NA NYID MTHONG BA KHO NA NYID DU THAL BAR 'GYUR RO, ,DE NI RJES SU DPAG PA'I SGO NAS NGES PA YANG MA YIN TE, DE LTA BU'I RTAGS NYID MA GRUB PA'I PHYIR RO, ,'DI LTAR RE ZHIG RANG BZHIN GYI RTAGS LAS BYUNG BAS RJES SU DPAG PA NI MI SRID DE, DE'I RANG BZHIN NYID BSGRUB PAR BYA BA YIN PA'I PHYIR RO, , 'BRAS BU'I RTAGS KYANG MA YIN TE, GNYIS SU MED PA DANG 'GA' YANG LHAN CIG RGYU DANG 'BRAS BU'I DNGOS POR MA GRUB PA'I PHYIR TE, DE NI DBANG POS MI SOD PA'I PHYIR RO, ,DE LAS MA GTOGS PA'I 'BRAS BU GZHAN YOD PA YANG MA YIN TE, 'DI LTAR KHYED KYI LTAR NA GNYIS SU MED PA DE KHO NA 'BRAS BUR 'GYUR BA ZHIG NA DE NYID BSGRUB PAR BYA BA NYID KYI SKABS YIN PA'I PHYIR DE YANG TSAD MAS GRUB PA MA YIN NO, ,GNYIS SU SNANG BA GANG YIN PA DE NI RI BONG GI RVA DANG 'DRA BA'I PHYIR 'BRAS BU MA YIN NO, ,GANG GIS NA MNGON SUM DANG MI DMIGS PAS SGRUB PA RGYU DANG 'BRAS BU'I DNGOS PO 'GRUB PAR 'GYUR BA DON DAM PAR GNYIS SU MED PA'I SHES PAS KYANG 'GA' YANG 'DZIN PA MED DO, ,MI DMIGS PA YANG DGAG PA SGRUB PA YIN PA'I PHYIR YOD PA SGRUB PA'I SKABS MA YIN NO, ,GAL TE 'DI SNYAM DU DE SGRUB PAR BYED PA'I TSAD MA NI YOD PA NYID DE, 'DI LTAR 'GA' ZHIG GANG GI NGO BO NYID DANG 'GAL BA DE NI DE'I NGO BOS DBEN PA YIN TE, DPER NA GRANG BA'I NGO BO LA GNOD PA'I DRO BA GRANG BA'I NGO BO NYID KYIS DBEN PA LTA BU YIN LA, RTOGS PA'I NGO BO'I CHOS CAN YANG GNYIS KYI NGO BO NYID LA GNOD PA YIN PAS KHYAB PAR BYED PA 'GAL BA DMIGS PA YIN NO, ,GTAN TSIGS GZHI MA GRUB PA YANG MA YIN TE, SPYIR DGA' BA DANG MI DGA' BA LA SOGS PA'I RNAM PA NYAMS SU MYONG BA'I CHOS CAN RNAM PAR SHES PA ZHES BYA BA RTOGS PA'I NGO BO GRUB PA'I PHYIR RO, ,RANG GI NGO BO MA GRUB PA NYID KYANG MA YIN TE, GZUNG BA'I RNAM PA GCIG DANG DU MA'I NGO BO NYID DANG BRAL BA'I SGO NAS NGO BO NYID MED PA @166B NYID KYIS DE LA LTOS NAS RAB TU BRTAGS PA'I 'DZIN PA'I RNAM PA YANG NGO BO NYID MED PA'I PHYIR RO, ,THAMS CAD DNGOS PO MED PAR YANG THAL BA YANG MA YIN TE, BYED PA PO DANG LAS KYI NGO BO KHO NA LA LTOS PA TZAM LAS NYE BAR BRTAGS PA'I NGO BO YIN PA'I PHYIR BRDZUN PA 'BA' ZHIG TU ZAD KYI, BDAG NYID NI MA YIN NO SNYAM DU SEMS NA DE YANG RIGS PA MA YIN TE, GAL TE SPYIR DON DAM PAR GNYIS KYIS DBEN PA TZAM ZHIG SGRUB PAR 'DOD NA NI DE'I TSE GRUB PA SGRUB PA NYID DE, KHO BO CAG KYANG DON DAM PAR GNYIS BRDZUN PA'I PHYIR DBEN PAR 'DOD PA NYID DO, ,'ON TE MA YIN PA'I NGO BO'I DON DAM PA'I SGO NAS RNAM PAR SHES PA NYID KYI RNAM PA DANG BRAL BA NYID DU SGRUB PAR 'DOD NA NI DE'I TSE YANG GRUB PA SGRUB PA NYID DE, KHO BO CAG KYANG DON DAM PAR CHOS THAMS CAD MA SKYES PA'I PHYIR SHES PA THAMS CAD DON DAM PAR MED PA LA GNYIS KYI RNAM PA YANG DAG PA DANG BRAL BAR 'DOD PA'I PHYIR RO, , 'ON TE SHES PA ZHES BYA BA'I CHOS CAN LA GNYIS DANG BRAL BA NYID DANG, DNGOS PO'I NGO BO NYID GNYI GA YANG SGRUB PAR 'DOD NA NI DE'I TSE DPE LA RJES SU 'GRO BA MA GRUB PAS GTAN TSIGS MA NGES PA NYID YIN TE, PHYI'I DON GYI NGO BO GRANG BA DANG, TSA BA DAG YANG DAG PAR MA GRUB PA'I PHYIR RO, ,SHES PA GCIG LA YANG SHES PA DANG SNANG BA'I NGO BO DAG SNANG BA'I PHYIR MI 'GAL BA NYID YOD PAS DPE BSGRUB PAS STONG PA NYID KYANG YIN NO, ,JI STE SHES PA GNYIS DANG BRAL BA NYID GRUB NA SHUGS KYIS DNGOS PO'I NGO BO NYID KYANG 'GRUB PAR 'GYUR RO SNYAM DU SEMS NA, BLO GROS 'DI NI NGAN PA YIN TE, 'BREL PA MED PA'I PHYIR RO, ,'DI LA GANG LA GNYIS DANG BRAL BA DE LA GDON MI ZA BAR YANG DAG PA'I DNGOS PO YOD DO ZHES BYA BA'I 'BREL BA 'DI CI ZHIG YOD DE, DE BZLOG NA GNOD PA CAN GYI TSAD MA MED PA'I PHYIR DANG, DE LTA BU'I DPE MA GRUB PA'I PHYIR RO, ,MO GSHAM GYI BU LA SOGS PA DANG, GNYIS PO DE NYID KYIS MA NGES PAR 'GYUR BA'I YANG PHYIR RO, ,THUG PA MED PAR 'GYUR BA'I PHYIR GNYIS LA GNYIS PO GZHAN YOD PA NI MA YIN NO, ,GRANG BA LA SOGS PA'I REG PAS DBEN PA'I DRO BA LA SOGS PA'I NGO BO BZHIN DU GNYIS KYI NGO BO LAS MA GTOGS PA GANG LA DE DANG BRAL BA NYID DU BSGRUB PAR 'GYUR @167A *, ,BA RTOGS PA'I NGO BO NYID SPYI'I NGO BO CHOS CAN GZHAN NI YOD PA MA YIN TE, GNYIS PO'I BDAG NYID KHO NA RTOGS PA'I NGO BO YIN PA'I PHYIR RO, ,'DI LTAR GANG ZHIG BDAG NYID KHO NA RAB TU GSAL ZHING GSAL BA GZHAN LA MI LTOS PA DE NI RTOGS PA'I MTSAN NYID YIN NO, , LUS DANG, SA DANG, RI DANG, CHU BO DANG, RGYA MTSO LA SOGS PA RNAM PA SNA TSOGS PHYI ROL GYI NGO BO NYID DU MDUN NA SNANG BA'I DON GANG YIN PA DE NI BDAG NYID KHO NAS GSAL BA'I PHYIR RTOGS PA'I NGO BO NYID LAS MI 'DA' BAR 'JUG GO, ,DE YANG BRDZUN PA'I NGO BO NYID KYIS RIGS KYI KHYIM DU 'JUG PAR SPYOD PA NA RANG GI LUS DANG KHYAD PAR MED PAR SPYOD PA'I MDZA' MO LTA BUR RTOGS PA'I NGO BO NYID DANG, KUN TU 'KHYUD PA LTAR SPYOD PAS DAM PA MA YIN PA'I GNYIS PO DANG PHRAD PAS SUN PHYUNG BA'I BDAG NYID 'DI YID BRTAN DU GA LA RUNG, DE'I BDAG NYID LTA BU'I GNYIS KYI NGO BO'I MDZA' BO DANG BRAL NA GANG GIS NA 'DI GZHAN DANG MI PHRAD CING 'BA' ZHIG CHOS CAN DU 'GYUR BA'I GNAS NI GANG DU YANG MI 'THAD DO, ,DE'I PHYIR GTAN TSIGS GZHI MA GRUB PA KHO NA YIN NO, ,MDO SDE PA LA SOGS PA YANG YANG DAG PAR NA SHES PA GNYIS KYI NGO BO NYID DU MI 'DOD PA KHO NA STE, CHA SHAS MED PA LA DE 'GAL BA'I PHYIR RO, ,DE'I PHYIR DE GNYIS SU MED PA'I NGO BO NYID DU SGRUB PA YANG CI ZHIG RAB TU BSGRUB PAR 'GYUR TE, PHYI'I DON KYANG DE DANG MI 'GAL BA'I PHYIR RO, ,GAL TE TSAD MA GZHAN GYI SGO NAS PHYI'I DNGOS PO SEL BAR BRJOD NA NI DE DANG 'DRA BA NYID DU RNAM PAR SHES PA LA YANG DE CI STE NYE BAR MI BRJOD, GANG YANG BYED PA PO DANG LAS KYI DNGOS PO KHO NA LA LTOS PA LAS RAB TU BRTAGS PA'I NGO BO YIN PA'I PHYIR BRDZUN PA 'BA' ZHIG TU ZAD KYI ZHES SMRAS PA GANG YIN PA DE YANG NYAMS SU MYONG BA DANG 'GAL BA KHO NA'O, ,'DI LTAR KHYED NI YANG DAG PAR NA RNAM PAR SHES PA GNYIS SU MED PA'I RNAM PA KHO NAR 'DOD LA, SNGON PO LA SOGS PA SEMS KYI RNAM PA SNA TSOGS KYI PHYI ROL NYID DU RNAM PAR CHAD PAR SNANG BA YANG BYIS PA BYED PA PO DANG LAS KYI THA SNYAD BYE BRAG TU MI SHES PA RNAMS KYIS KYANG RTOGS PA'I SKYON DANG BRAL BA'I SEMS LA YANG GSAL RAB TU YANG DAG PAR MYONG NGO, ,DE'I @167B SNA TSOGS KYI DNGOS PO LTOS PA TZAM LAS NYE BAR BRTAGS PA YIN NA NI BYE BRAG DE BYIS PA YAN CHAD LA GSAL RAB TU SNANG BAR YANG MI 'GYUR RO, ,GAL TE KHYED RNAM PA'I TSOGS YUL DANG DUS KYI GNAS SKABS NGES PAS THA DAD PA DE LTAR GSAL RAB TU NYAMS SU MYONG BA DE YANG BRDZUN PA NYID DU KHAS LEN NA NI DE'I TSE THAR PA 'DOD PA KHYED RTOGS PA'I NGO BO GNYIS KYI NGO BOS DBEN PA MI MNGON PA'I BDAG NYID LA YANG DBEN PA'I NGO BO NYID DU MNGON PAR ZHEN CING CHAGS PA GZHAN CI ZHIG YOD DE, GLANG PO LUS CHEN PO SKAR KHUNG SHIN TU CHUNG NGU'I GSEB NAS BYUNG BA'I MJUG MA THOGS PA GANG YIN PA DANG 'DRA BAR MKHAS PA RNAMS SHIN TU YUN RING POR YA MTSAN RMAD DU 'DZIN PAR BYED DO, ,DE LTA BAS NA BDAG NYID KYIS SHES RAB KYI RAL GRI SHIN TU RNON POS CHAGS PA DE CHOD LA 'OR CIG ,SHES PA'I BDAG NYID BDEN PA'I NGO BO DE LA NI GANG GIS NA DE LA DE LTAR GSAL RAB TU SNANG BAR 'GYUR BA BRDZUN PA'I BDAG NYID KYI RNAM PA RNAMS DE'I BDAG NYID DANG, DE LAS BYUNG BA'I MTSAN NYID KYI 'BREL PA 'GA' YANG MED DE, ,BDEN PA DANG MI BDEN PA PHAN TSUN SPANGS TE GNAS PA'I MTSAN NYID DAG NI DE'I BDAG NYID DU 'GAL BA'I PHYIR LA, MI BDEN PA YANG GANG LAS KYANG SKYE BAR KHAS MI LEN PA'I PHYIR RO, , DE SKYE NA YANG 'DI DAG DUS GCIG TU DE'I BDAG NYID DU SNANG BAR NI MI 'GYUR TE, RGYU DANG 'BRAS BU DAG NI DUS DANG NGO BO NYID THA DAD PA YIN PA'I PHYIR RO, ,'BREL PA MED PAR SNANG BAR NGES PA'ANG RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA GDON MI ZA BAR RTOGS PA'I NGO BO DANG THA MI DAD PA'I RANG GI NGO BO'I RNAM PA MI BDEN PA'I BDAG NYID RNAMS SNANG BAR KHAS BLANGS PA'I PHYIR DE'I BDAG NYID KYI MTSAN NYID KYIS 'BREL PAR KHAS BLANG DGOS SO, ,DE'I PHYIR GNYI GA'ANG BRDZUN PA NYID DU GYUR TO, ,DE LTA MA YIN NA NI JI LTAR BRDZUN PA'I RNAM PA RNAMS DANG LHAN CIG RTOGS PA'I NGO BO NYID DE'I BDAG NYID DU NYAMS SU MYONG BAR 'GYUR, DE BAS NA BDEN PA LA MNGON PAR ZHEN PA'I ZHAGS PA 'DI 'OR CIG ,BCOM LDAN 'DAS KYIS KYANG DE BZHIN GSHEGS PAS CHOS GANG MNGON PAR RDZOGS PAR SANGS RGYAS PA DE LA NI BDEN PA YANG MED BRDZUN PA YANG MED CES @168A *, ,GSUNGS SO, ,GANG YANG RIGS PA'I SGO NAS KYANG NUS PA MA YIN TE, DE LTAR RE ZHIG MNGON SUM GYIS NI DNGOS PO MA LUS PA DBEN PA RTOGS PAR MI 'GYUR TE, DE'I YUL NI DNGOS PO YIN PA'I PHYIR RO ZHES SMRAS PA GANG YIN PA DE LA YANG BRJOD PAR BYA STE, CI SKYES BU THAMS CAD KYI MNGON SUM GANG YIN PA DE CHOS THAMS CAD BDAG MED PAR RTOGS PAR MI NUS PA NYID YIN NAM, 'ON TE KHYED LTA BU'I MI SHES PA'I RAB RIB KYI LING THOG RAB TU STUG POS SHES RAB KYI MIG NYAMS PAR BYAS PA RNAMS KYI MNGON SUM GANG YIN PA YIN, DE LA RE ZHIG PHYOGS DANG PO NI TSAD MA MED PA'I PHYIR RIGS PA MA YIN TE, DE LA SKYES BU THAMS CAD KYI MNGON SUM RAB TU MI 'JUG GO ZHES NGES PAR BYA BA LA TSAD MA CI YANG MED DO, ,RANG GI DMIGS PA LOG PA TZAM NI 'KHRUL PA'I PHYIR TE, DMIGS PA'I RIG BYAR GYUR PA MI DMIGS PA KHO NA DE MED PAR SGRUB PAR BYED PA YIN NA GANG GI PHYIR BDAG GIS MI DMIGS PAS DE DE LA MI 'JUG PAR RTOGS PAR GYUR PA SKYES BU THAMS CAD KYI SEMS KYI RGYUD LA YOD PA'I SEMS KYI 'JUG PA NI TSU ROL MTHONG BA KHYED KYI DMIGS PA'I RIG BYA MA YIN NO, ,GZHAN GYI DMIGS PA LOG PA YANG MA NGES PA'I PHYIR RO, ,DE'I PHYIR RTOG PA DANG LDAN PAS MNGON SUM GYIS DE RTOGS PA MED PA KHO NA'O ZHES BRJOD PA 'DI NI RIGS PA MA YIN NO, ,'ON TE PHYOGS GNYIS PA LTAR NA DE'I TSE GRUB PA SGRUB PA NYID DE, KHO BO CAG KYANG TSU ROL MTHONG BA RNAMS KYIS CHOS KYI DE KHO NA NYID ZAB MO DE LTA BU MNGON SUM DU MTHONG BAR NI KHAS MI LEN TO, ,'ON KYANG GAL TE KHYED LTA BU DE KHO NA NYID DE LTA BU RTOGS PA MED DU CHUG KYANG RNAL 'BYOR PA DAM PA BSKAL PA MI NYUNG BAR BSOD NAMS DANG YE SHES KYI TSOGS DPAG TU MED PA BSAGS PAS MTHA' DAG 'BYOR PAR BYED PA'I THABS THOB PA, YANG DAG PA'I DON BSGOMS PA LAS BYUNG BA'I YANG DAG PA'I YE SHES KYI SNANG BAS SGRIB PA'I MUN PA MTHA' DAG BSTZAL BA RNAMS KYI MNGON SUM GYIS CHOS THAMS CAD BDAG MED PAR RTOGS SO ZHES BYA BAR GO CI STE MI SRID DE, 'DI LA YANG RIGS PA PHYIS BRJOD PAR BYA'O, ,GANG YANG MNGON SUM GYI YUL NI DNGOS PO YIN PA'I PHYIR RO ZHES SMRAS PA GANG YIN PA DE YANG MA @168B GRUB PA YIN TE, 'DI LTAR TSU ROL MTHONG BA RNAMS KYI MNGON SUM GANG YIN PA DE NI RAB RIB CAN GYI MNGON SUM BZHIN DU GZUGS LA SOGS PA BRDZUN PA'I YUL CAN YIN PA NYID KYIS DNGOS PO'I NGO BO NYID YANG DAG PA PA'I YUL CAN NYID DU RIGS PA MA YIN NO, ,DE LTA MA YIN NA THAMS CAD DE KHO NA NYID MTHONG BAR THAL BAR 'GYUR RO, ,SANGS RGYAS DANG BYANG CHUB SEMS DPA' RNAL 'BYOR PA CHEN PO RNAMS KYI YE SHES GANG YIN PA DE YANG DNGOS PO'I YUL CAN DU RAB TU MA GRUB STE, DE DAG GIS DNGOS PO'I NGO BO NYID YANG DAG PA PA 'GA' YANG MA GZIGS PA'I PHYIR TE, 'PHAGS PA BYANG CHUB SEMS DPA'I SDE SNOD LAS, JI SKAD DU, DES CHOS THAMS CAD NGO BO NYID KYIS MED PA DANG, 'GAG PA MED PA DANG, RANG BZHIN GYIS NYE BAR ZHI BA DANG, SHIN TU MA SKYES PA DANG, MA BYUNG BA DANG, KUN DU MA BYUNG BA DANG, SHIN TU YONGS SU MYA NGAN LAS 'DAS PAR YANG MTHONG LA, DES GANG GIS MTHONG BA DE YANG MI MTHONG RNAM PAR MI MTHONG STE, 'DI NI YANG DAG PA'I MTHONG BA DANG JI LTA BA BZHIN GYI MTHONG BA YIN NO, ,YANG CHOS THAMS CAD JI LTA BA BZHIN DU MTHONG BA GANG ZHE NA, GANG 'DI MTHONG BA MED PA YIN NO ZHES GSUNGS PA LTA BU'O, ,'PHAGS PA CHOS YANG DAG PAR SDUD PA LAS KYANG; CHOS THAMS CAD MTHONG BA MED PA NI MTHONG BA DAM PA YIN NO ZHES GSUNGS SO, ,DE'I PHYIR MNGON SUM GYI YUL NI YANG DAG PA PA'I DNGOS PO YIN PAR MA GRUB PO, ,GANG YANG DNGOS PO MED PA NI JI LTAR YANG RNAM PAR SHES PA SKYED PAR BYED PA NYID DU MI RUNG BA'I PHYIR RO ZHES SMRAS PA GANG YIN PA DE YANG RIGS PA MA YIN TE, KHO BO CAG KYANG DNGOS PO MED PA RI BONG GI RVA LA SOGS PA LTA BU NI GANG YANG MNGON SUM GYI SHES PA SKYED PAR BYED PA NYID DU KHAS MI LEN TO, ,'ON KYANG RNAL 'BYOR PA CHEN PO CHOS THAMS CAD SMIG RGYU DANG SGRA BRNYAN LTA BUR JI LTA BA BZHIN DU SGOM PAR BYED PA RNAMS KYIS, YANG DAG PA'I DON BSGOMS PA'I RAB KYI MTHA' LAS BYUNG BA'I TING NGE 'DZIN THOB PA'I PHYIR MTHU PHUL DU BYUNG BA BSAM GYIS MI KHYAB PA DANG LDAN PAS RNAL 'BYOR PA DE DAG LA GANG GIS NA RNAL 'BYOR PA RNAMS KYIS MNGON SUM KHO NAR CHOS MA LUS PA BDAG MED PA RTOGS PAR 'GYUR PA CHOS MA LUS PA @169A *, ,BDAG MED PA'I DE KHO NA NYID GSAL RAB TU MNGON SUM DU BYED PA'I YE SHES DE LTA BU NYE BAR SKYE STE, DE NYID MTHONG BA MED CES BYA'I, MED PAR DGAG PA'I NGO BO NI MA YIN NO, ,GANG YANG MNGON SUM DE YANG GAL TE NGO BO NYID DANG BCAS PA YIN NA NI ZHES BYA BA LA SOGS PA SMRAS PA DE LA YANG CHOS THAMS CAD DON DAM PAR MA SKYES PAR RO GCIG PA NYID KYI MNGON SUM YANG DON DAM PAR NGO BO NYID MED PA YIN MOD KYI, 'ON KYANG MNGON SUM LA SOGS PA RNAM PAR GZHAG PA KUN RDZOB KYI BDEN PA LA BRTEN PA THAMS CAD RNAM PAR MI 'KHRUGS PA KHO NA'O, ,DE SKUM [?] PA RNAMS NI CHOS THAMS CAD DON DAM PAR NGO BO NYID MED KYANG, GANG GIS NA THA SNYAD THAMS CAD CHAD PAR 'GYUR BA, THA SNYAD KYI SGO NAS RNAL 'BYOR PA'I SHES PA DANG, SO SO'I SKYE BO GZHAN GYI SHES PA DANG, 'PHAGS PA'I GANG ZAG LA SOGS PA RNAM PAR GZHAG PA'I RGYU MI 'DOD PA NI MA YIN NO, ,'ON KYANG GANG LA DUS THAMS CAD DU KUN RDZOB TU YANG RGYU MED PA DE NI THA SNYAD DU YANG MI SKYE BA NYID DE, DPER NA RI BONG GI RVA LA SOGS PA LTA BU'O, ,GANG LA YOD PA DE NI DON DAM PA NGO BO NYID MED KYANG SKYE STE DPER NA SGYU MA DANG GZUGS BRNYAN LA SOGS PA LTA BU'O, ,SGYU MA LA SOGS PA 'DI RTEN CING 'BREL PAR 'BYUNG BA YIN YANG DNGOS PO NYID DU THAL BA MA YIN TE, GRAGS PA DANG TSAD MAS GNOD PA'I PHYIR RO, ,DE DANG 'DRA BAR CHOS THAMS CAD RTEN CING 'BREL PAR 'BYUNG BA YIN YANG DNGOS PO NYID DU THAL BA MA YIN PA KHO NA STE, TSAD MAS GNOD PA'I PHYIR RO, ,DE LA JI LTAR GSANG SNGAGS DANG, SMAN LA SOGS PA'I DBANG GIS GLANG PO LA SOGS PA SGYU MA SNA TSOGS RAB TU 'BYUNG BA DE BZHIN DU SEMS CAN RNAMS KYI LAS DANG NYON MONGS PA'I DBANG GIS SKYE BA LA SOGS PA YANG RAB TU 'BYUNG LA RNAL 'BYOR PA RNAMS KYI RANG GI BSOD NAMS DANG YE SHES KYI TSOGS KYI DBANG GIS RNAL 'BYOR PA'I SHES PA LA SOGS PA'I SGYU MA YANG RAB TU 'BYUNG BA KHO NA STE, RKYEN SNA TSOGS KYI DBANG GIS SGYU MA DE YANG SNA TSOGS NYID DU SNANG BA'I PHYIR RO, ,'PHAGS PA SHES RAB KYI PHA ROL TU PHYIN PA LAS KYANG, ,KHA CIG NI NYAN THOS KYIS SPRUL PA, KHA CIG NI BYANG CHUB SEMS DPAS SPRUL PA, KHA CIG NI DE BZHIN GSHEGS PAS SPRUL PA, KHA CIG NI NYON @169B MONGS PAS SPRUL PA, KHA CIG NI LAS KYIS SPRUL PA STE, RAB 'BYOR RNAM GRANGS 'DIS NA CHOS THAMS CAD SPRUL PA LTA BU YIN NO ZHES GSUNGS SO, ,SO SO'I SKYE BO DAG LAS RNAL 'BYOR PA RNAMS KHYAD PAR NI 'DI YOD DE, DE DAG NI SGYU MA'I MKHAN PO BZHIN DU SGYU MA DE DAG YANG DAG PA JI LTA BA BZHIN DU YONGS SU SHES PA'I PHYIR DE KHO NA NYID DU MNGON PAR ZHEN PA MED DO, ,DE SKAD DU 'PHAGS PA CHOS THAMS CAD YANG DAG PAR SDUD PA LAS KYANG, DPER NA SGYU MA'I MKHAN PO 'GA', ,SPRUL PA THAR PAR BYA PHYIR BRTZON, ,GANG PHYIR 'DUS DE MNGON SHES PAS, ,'DI NI SPRUL PA CHAGS PA MED, ,RDZOGS PA'I BYANG CHUB MKHAS PA RNAMS, ,'GRO BA DE LTAR SNGA NAS SHES, ,SRID GSUM SPRUL PA LTAR SHES NAS, ,'GRO BA'I DON DU GO CHA GYON, ,ZHES GSUNGS SO, ,BYIS PA GANG DAG LTAD MO PA'I SKYE BO BZHIN DU SKYE BA LA SOGS PA'I SGYU MA DE DAG JI LTAR SNANG BA BZHIN BDEN PA NYID DU MNGON PAR ZHEN PA DE DAG NI, PHYIN CI LOG TU MNGON PAR ZHEN PA'I PHYIR BYIS PA DAG CES BYA'O, ,DE'I PHYIR KUN RDZOB TU RNAL 'BYOR CAN GYI RNAL 'BYOR PA'I MNGON SUM GNAS PA'I PHYIR RI BONG GI RVA LA SOGS PA BZHIN DU GTAN MED PA MA YIN NO, ,DE'I PHYIR MNGON SUM GYIS CHOS MA LUS PA BDAG MED PAR RTOGS PA YOD PA NYID PAS 'GAL BA MED DO, ,RNAL 'BYOR PA YANG DON DAM PAR NGO BO NYID MED KYANG, SO SO'I SKYE BO LA SOGS PA BZHIN DU THA SNYAD KYI SGO NYID NAS RNAM PAR GZHAG STE, 'PHAGS PA BDEN PA GNYIS BSTAN PA LAS, JI SKAD DU DON DAM PAR SHIN TU MA SKYES PA YIN PA YANG KUN RDZOB TU LAM SGOM PAR BYED DO ZHES GSUNGS PA LTA BU'O, ,GANG YANG DON GZHAN GYIS DBEN PA'I PHYOGS LA SOGS PA 'GA' ZHIG MNGON SUM GYIS BZUNG NAS DE LAS GZHAN PA STONG PA MNGON SUM GYIS RTOGS PAR BYA BAR 'GYUR ZHES BYA BA LA SOGS PA SMRAS PA DE YANG RIGS PA MA YIN TE, TSUL 'DI NI GCIG GIS GCIG STONG PA NYID YIN GYI, MTSAN NYID STONG PA NYID NI MA YIN NO, ,MTSAN NYID STONG PA NYID KYIS NI DON DAM PAR CHOS THAMS CAD NGO BO NYID MED PAR 'DOD DE, DON DAM PAR DE DAG GI RANG DANG SPYI'I MTSAN NYID JI LTAR RNAM PAR GZHAG PA STONG PA'I PHYIR RO, ,DNGOS PO RNAMS KYI GCIG GIS @170A *, ,GCIG STONG PA NYID GANG YIN PA DE NI DON DAM PA MA YIN GYI, 'ON KYANG THA SNYAD KYI BDEN PA LA BRTEN PA YIN NO, ,'DI LTAR DNGOS PO THAMS CAD DON DAM PAR SKYE BA MED PAR RO GCIG PA'I PHYIR THA DAD PA MED PA MA YIN MOD KYI, 'ON KYANG BYIS PA RNAMS LA RMI LAM LA SOGS PA'I GNAS SKABS BZHIN DU PHAN TSUN THA DAD PAR SNANG NGO, ,DE'I PHYIR DE LA GRAGS PA'I NGO BOR DE DAG LA DON GZHAN GYIS DBEN PA'I DNGOS PO 'DZIN PA'I SGO NAS GCIG GIS GCIG STONG PA NYID 'DI RNAM PAR GZHAG GI ,DON DAM PAR MA YIN TE, YANG DAG PAR NA RMI LAM DANG, SGYU MA LTA BU'I DNGOS PO RNAMS LA NGO BO NYID PHAN TSUN THA DAD PA MED DO, ,DE NYID KYI PHYIR BCOM LDAN 'DAS KYIS 'DI NI DON DAM PA LA BRTEN PA MA YIN PA NYID KYIS THAMS CAD KYI THA CHAD YIN PA'I PHYIR SPANG BAR BYA BA KHO NAR GSUNGS TE, 'PHAGS PA LANG KAR GSHEGS PA LAS, JI SKAD DU BLO GROS CHEN PO GCIG GIS GCIG STONG PA NYID 'DI NI THAMS CAD KYI THA CHAD YIN PAS DE NI KHYOD KYIS SPANG BAR BYA'O ZHES GSUNGS PA LTA BU'O, ,CHOS THAMS CAD KYI MTSAN NYID STONG PA NYID GANG YIN PA DE NI DE DAG GI RANG DANG SPYI'I MTSAN NYID JI LTAR RNAM PAR GZHAG PA DMIGS PA'I RIG BYAR GYUR PA LAS RNAL 'BYOR PA RNAMS KYIS DON DAM PA'I RNAM PAR MI DMIGS PA'I PHYIR CHOS THAMS CAD SNANG BA MED PA'I YE SHES SKYE BA'I SGO NAS RTOGS PAR RNAM PAR GZHAG GO, ,DE'I PHYIR GCIG GIS GCIG STONG PA NYID THAMS CAD KYI THA CHAD BYIS PA'I SKYE BOS KUN BRTAGS PA LA BRTEN NAS GLENGS MOD KYI, DE NI 'BREL PA MED PA KHO NA'O, ,GANG YANG DE NI RNAL 'BYOR PA'I MNGON SUM GYIS YANG DAG PAR RTOGS PAR BYA BA KHO NA'O ZHES BYA BA'I TSIG KYANG MKHAS PA RNAMS YONGS SU MA GU BAR BYED PA MA YIN TE, DE LA RIGS PA MED PA'I PHYIR RO ZHES SMRAS PA DE YANG RIGS PA MA YIN TE, 'DI LA RIGS PA YOD PA'I PHYIR RO, ,'DI LTAR MKHAS PA RNAMS NI MNGON SUM NI RTOG PA DANG BRAL ZHING MA 'KHRUL PA YIN NO ZHES MNGON SUM GYI MTSAN NYID 'CHAD DO, ,GOMS PA'I STOBS KYIS KYANG DON YOD PA MA YIN PA LA YANG SHES PA GSAL RAB TU SKYE STE, DPER NA 'DOD PA DANG, MYA NGAN DANG, SKRAG PA DANG, SMYO BA LA SOGS PAS NYAMS PA RNAMS SHIN TU GOMS PA LAN @170B MANG DU BYAS PA'I SGO NAS BUD MED LA SOGS PAR GSAL RAB TU SNANG BA'I SHES PA SKYE STE, GANG GI PHYIR DE DAG GIS DE DAG MDUN NA 'DUG PA BZHIN DU MTHONG NAS MOD LA LUS LA SOGS PA'I G-YO BA RNAM PA DU MA RTZOM PA LTA BU'O, ,DE'I PHYIR JI SKAD BSHAD PA'I DE KHO NA NYID SGOM PAR BYED PA KHA CIG KYANG DE LA SHES PA GSAL RAB TU SKYE'O ZHES BYA BA SRID DO, ,GSAL RAB TU SNANG BA'I SHES PA GANG YIN PA DE NI RTOG PA MED PA KHO NA YIN TE, MAR ME BZHIN DU RTOG PA'I RLUNG GIS DKRUGS PA'I LUS LA RNAM PA GSAL RAB PA NYID MI 'THAD PA'I PHYIR RO, ,SBYOR BA DAG NI KHA CIG GIS GANG DANG GANG RTAG TU SHIN TU GUS PAR BSGOMS PA DE NI DE DAG LAS BSGOMS PA'I 'BRAS BU RAB KYI MTHA' LAS SKYES PA'I 'BRAS BU SHES PA GSAL RAB TU NYAMS SU MYONG BAR 'GYUR TE, DPER NA 'DOD CHAGS LA SOGS PAS NYAMS PA DAG GIS BUD MED LA SOGS PA BSGOM PA LTA BU'O, ,KHA CIG GIS KYANG YUN RING PO NAS RTAG TU GUS PAR BYAS TE, CHOS THAMS CAD BDAG MED PAR BSGOMS PAS RANG BZHIN GYI GTAN TSIGS YIN NO, ,DE LA YANG TSAD MA DANG LDAN PA'I DON GYI YUL CAN GANG YIN PA DE MI SLU BA YIN TE, DPER NA THA SNYAD KYI SGO NAS DU BA LA SOGS PA RTAGS NGES PA LAS BYUNG BA ME LA SOGS PA'I SHES PA LTA BU'O, ,RNAL 'BYOR PA RNAMS KYI BDAG MED PA'I SHES PA DE YANG TSAD MA DANG LDAN PA'I DON GYI YUL CAN YIN PAS RANG BZHIN GYI GTAN TSIGS KHO NA YIN NO, ,'DI TSAD MA DANG LDAN PA NYID NI 'OG NAS BSTAN PAR BYA'O, ,SHES PA GANG ZHIG GANG LA GSAL RAB TU SNANG ZHING MI SLU BAR SKYE BA DE NI DE LA MNGON SUM GYI TSAD MA YIN TE, DPER NA THA SNYAD DU GZUGS LA SOGS PA LA, MIG LA SOGS PA MA NYAMS PA'I SKYES BU'I MIG GI RNAM PAR SHES PA LA SOGS PA LTA BU'O, ,RNAL 'BYOR PA RNAMS KYI SHES PA CHOS THAMS CAD BDAG MED PA'I YUL CAN YANG GSAL RAB CING MI SLU BA YIN PAS RANG BZHIN GYI GTAN TSIGS SO, ,DE LTAR NA RNAL 'BYOR PA RNAMS KYIS CHOS THAMS CAD BDAG MED PA'I SHES PA NI RIGS PAS BSGRUB PAR BYA BA YIN NA CI STE MKHAS PA RNAMS YONGS SU MA GU BAR BYED PA MA YIN, GANG YANG GAL TE RNAL 'BYOR PA'I SHES PA DE YANG MED PA ZHIG YIN NA NI ZHES BYA BA LA @171A *, ,SOGS PA DE SMRAS PA DE LA YANG GONG DU LAN BTAB ZIN PA NYID DE, DNGOS PO THAMS CAD RI BONG GI RVA DANG 'DRA BAR SHIN TU MED PA NYID DU NI MI 'DOD KYI, 'ON KYANG SGYU MA LA SOGS PA BZHIN DU DON DAM PAR MED PA NYID DO, ,DES NA THA SNYAD THAMS CAD MA BKAG PA KHO NA STE, JI SKAD DU KHO BO CAG THA SNYAD KYANG KHAS MI LEN PA MA YIN TE, BRJOD DO ZHES BSHAD PA LTA BU'O, ,GANG YANG RJES SU DPAG PA'I SGO NAS KYANG DNGOS PO MA LUS PA STONG PA NYID DU SGRUB PAR NUS PA MA YIN TE, GZHI CHOS CAN 'GA' YANG MA GRUB PA'I PHYIR DANG, DPE LA SOGS PA YANG MA SKYES PA'I PHYIR GTAN TSIGS THAMS CAD GZHI DANG RANG GI NGO BO MA GRUB PA KHO NA'O ZHES SMRAS PA DE YANG 'BREL PA MED PA YIN TE, 'DI LTAR RE ZHIG GAL TE KHO BO CAG GIS NGO BO NYID MED PA NYID DU KHAS BLANGS PA LA KHYED THAL BAR 'GYUR BAR SGRUB NA NI DE'I TSE 'DI THAL BA MA YIN PA KHO NA STE, GANG GI PHYIR KHO BO CAG GIS DNGOS PO RNAMS DON DAM PAR NGO BO NYID MED PA NYID DU KHAS BLANGS SO, ,DE LA YANG GAL TE DON DAM PAR GTAN TSIGS DANG DPE DANG CHOS CAN LA SOGS PA MED PA'I PHYIR RJES SU DPAG PA DANG, RJES SU DPAG PAR BYA BA LA SOGS PA'I THA SNYAD MI 'JUG GO ZHES THAL BAR SGRUB NA NI JI LTAR 'DOD PA BZHIN YIN PA'I PHYIR 'DI THAL BA MA YIN PA KHO NA STE, KHO BO CAG KYANG RJES SU DPAG PA DANG RJES SU DPAG PAR BYA BA LA SOGS PA'I THA SNYAD 'DI THAMS CAD DON DAM PAR 'JUG PA MI 'DOD NA GANG GIS NA DE MED PAR THAL BA ZHES BYA STE, THAL BA'I MTSAN NYID NI MI 'DOD PAR 'GYUR BA YIN PA'I PHYIR RO, , 'DI LTAR KHO BO CAG NI KHYED KYIS SUN 'BYIN PA'I BAR DU YANG DON DAM PAR MA SKYES PA KHO NAR KHAS LEN TE, DE'I PHYIR NYES PA'I GO SKABS 'GA' YANG MI RNYED PA NYID DO, ,DE NYID KYI PHYIR SLOB DPON GYI ZHAL SNGA NAS, GAL TE CUNG ZAD CIG DMIGS NA NI MNGON SUM LA SOGS PA'I DON GYIS 'JUG PA'AM; LDOG PAR BYA NA DE MED PA'I PHYIR KHO BO LA KLAN KA MED DO ZHES GSUNGS SO, ,'ON TE GANG ZHIG DON DAM PAR MED PA DE THA SNYAD DU YANG 'JUG PAR MI 'GYUR RO ZHES THAL BAR SGRUB NA NI 'DIR YANG KHYAB PA MA GRUB PA'I PHYIR THAL BA MA YIN PA KHO NA STE, THA SNYAD NI GANG GIS NA 'DI BDAG NYID LOG NA THA @171B SNYAD KYANG LOG PAR 'GYUR BA DON DAM PA BA'I NGO BO NYID KYIS KHYAB PA NI MED DO, ,'ON KYANG 'DI NI DE LAS BZLOG PA KHO NAS KHYAB STE, THA SNYAD NI DON DAM PAR MED PA NYID KYI NGO BO NYID YIN PA'I PHYIR RO, ,RMI LAM LA SOGS PA DAG NI DON DAM PA PA'I NGO BO NYID DANG BRAL BA YANG THA SNYAD SNA TSOGS 'JUG PA YANG SNANG STE, DE'I PHYIR THA SNYAD 'DI THAMS CAD KYANG SPRUL PA DANG, RMI LAM LA SOGS PA DANG 'DRA BAS 'GAL BA MED DO, ,DE SKAD DU, SPRUL PA YI NI SPRUL PA DANG, ,SGYU MA'I SKYES BUS SGYU MA SPRUL, ,DGAG PA BYED PA CI 'DRA BAR, ,DGAG PA DE YANG CI 'DRAR 'GYUR, ,ZHES BSHAD DO, , 'ON TE THAMS CAD DU BSGRUB PAR BYA BA DANG, CHOS CAN LA SOGS PA DON DAM PA PA'I DNGOS POR GYUR PA KHO NAS RJES SU DPAG PA LA SOGS PA'I THA SNYAD 'DOGS PA'I PHYIR DON DAM PAR NGO BO NYID MED PAS RJES SU DPAG PA LA SOGS PA'I THA SNYAD GDAGS PAR MI 'GYUR RO ZHES NYES PA BRJOD NA NI, 'DI YANG NYES PA MED PA KHO NA STE, RTZOD PA MED PAR THAL BAR 'GYUR BA'I PHYIR DON DAM PA PA'I CHOS CAN LA SOGS PAS RJES SU DPAG PA LA SOGS PAR THA SNYAD GDAGS PA NI GANG DU YANG MA GRUB BO, ,'ON KYANG 'JIG RTEN NA JI LTAR GRAGS PA'I CHOS CAN KHO NA LA GNAS TE, RAB TU SMRA BA RNAMS DE KHO NA NYID GTAN LA DBAB PA'I PHYIR RJES SU DPAG PA LA SOGS PA'I THA SNYAD 'JUG PAR BYED DE, DE SKAD DU, CHOS DANG CHOS CAN RNAM GZHAG DANG, ,THA DAD THA DAD MIN CI 'DRA, ,DE NYID DON BRTAGS MA YIN GYI, ,'JIG RTEN NA NI JI LTAR GRAGS, ,DE LA DE BZHIN BRTEN NAS NI, ,BSGRUB BYA SGRUB BYED RAB GNAS PA, ,DAM PA'I DON LA 'JUG BYA'I PHYIR, ,MKHAS PA RNAMS KYIS SGRUB PA DANG, ,BSGRUB BYA YANG DAG GNAS PA BRTAGS, ,ZHES BYA BA BSHAD DO, ,YANG; DPAG BYA DPAG PA'I 'BRAS GNAS PA, ,YOD PA MIN YANG GZUNG BA DANG, ,'DZIN PA RIG PA JI LTA BUR, , RJES SU SNANG BZHIN RAB BSHAD DO, ,DE LTA MIN NA SNA TSOGS KYI, ,NGO BO SNANG BA'I DNGOS GCIG LA, ,RNAM PA JI LTAR BDEN 'GYUR TE, ,GCIG PA NYID DE NYAMS PAR 'GYUR, ,ZHES BSHAD DO, ,YANG 'DI NI THA SNYAD LAS BYUNG BA'I TSAD MA'I MTSAN NYID YIN NO ZHES KYANG BSHAD DO, ,TSAD @172A *, ,MA'I MTSAN NYID 'DI THAMS CAD NI DE KHO NA NYID LA 'JUG PAR BYA BA'I CHED KHO NA YIN NO, ,DE LTA MA YIN NA THAMS CAD DON MED PA KHO NAR 'GYUR TE, 'DI LTAR TSAD MA'I MTSAN NYID KYI BSTAN BCOS MA BSLABS PA GNAG RDZI'I CHUNG MA LA SOGS PA YAN CHAD LUNG MED PAR YANG DU BA LA SOGS PA'I RTAGS MTHONG BA'I SGO NAS ME LA SOGS PA RTOG PAR 'GYUR BA KHO NA'O, ,DE'I PHYIR KHO BO CAG KYANG DE KHO NA NYID LA 'JUG PAR BYA BA'I PHYIR TE, DE BZHIN NYID DU THA SNYAD KYI SGO NAS RJES SU DPAG PA LA SOGS PA RAB TU 'JUG PAR BYED PAS NYES PA MED PA NYID DO, , GZHAN YANG THA SNYAD KYI SGO NAS RJES SU DPAG PA LA SOGS PA 'JUG PA LA YANG GANG LA MI RTAG PA LA SOGS PA DNGOS PO'I CHOS YOD PA'I NGO BO SGRUB PAR 'DOD PA DE LA NI GDON MI ZA BAR THA SNYAD KYI SGO NAS DNGOS POR GYUR PA'I CHOS CAN LA SOGS PA DGOS TE, DE LA DE LTA BU'I GZHI MED PAR BSGRUB PAR BYA BA LA SOGS PA 'BA' ZHIG GNAS PAR GRUB PA NI MED DO, ,DE NYID LA DE LTA BU'I GZHI MED NA BSGRUB PAR BYA BA BKAG PA'I PHYIR GZHI MA GRUB PA NYID KYI NYES PA RJOD PAR BYED PA YIN NO, ,DE LA YANG CHOS CAN JI LTA BA BZHIN DU GYUR PA KHO NA LOG NA GDON MI ZA BAR BSGRUB PAR BYA BA LA SOGS PA'I CHOS RANG MED NA MI 'BYUNG BA BKAG PA YIN TE, DE MA GRUB NA GTAN TSIGS MA GRUB PA NYID LA SOGS PA'I NYES PA RJOD PAR BYED PA YIN GYI, RANG DA GAR [?] NYE BAR BRTAGS PA'I CHOS CAN 'GA' ZHIG LOG KYANG BSGRUB PAR BYA BA LA SOGS PA BKAG PA 'GA' YANG MED PA DE LA NI MA GRUB PA NYID LA SOGS PA'I NYES PA BRJOD PA MI RIGS TE, DE LA 'DOD PA'I DON 'GRUB PA LA GAGS BYED PA MED PA'I PHYIR RO, ,GANG LA DNGOS PO'I CHOS YOD PA'I NGO BOR SGRUB PAR MI 'DOD KYI 'ON KYANG SGRO BTAGS PA'I CHOS RNAM PAR GCAD PA SGRUB PA TZAM ZHIG BRJOD PAR 'DOD PA DE LA NI MA GRUB PA NYID LA SOGS PA'I NYES PA BRJOD PA THA SNYAD DU YANG DNGOS POR GYUR PA'I CHOS CAN MI DGOS TE, DE NI DE'I CHOS MA YIN PA'I PHYIR RO, ,DE LA LTOS NAS KYANG DE'I CHOS CAN NYID DU MI 'THAD PA'I PHYIR RO, ,DE MA GRUB TU ZIN KYANG BSGRUB PAR BYA BA MED NA DE MI 'BYUNG BA'I GTAN TSIGS MNGON PAR 'DOD PA'I DON GRUB @172B PA LA GAGS BYED PA MED PA'I PHYIR RO, ,RGOL BA'I MNGON PAR 'DOD PA'I DON 'GRUB PA LA GNOD PA BYED PA DON DU GNYER BA'I PHYIR RGOL BA NI CHOS CAN 'GRUB PA'AM, MA GRUB PA TSOL BAR BYED KYI, CHAGS PAS NI MA YIN NO, ,GANG LA CHOS CAN MA GRUB PA LA SOGS PA GLENGS KYANG RGOL BA'I MNGON PAR 'DOD PA'I DON LA GNOD PA MED PA KHO NA YIN PA DE LA NI DE GLENGS PAS CI ZHIG BYA STE, GLENG BA PO NYES PA MA YIN PA BRJOD PA NYID KYIS PHYIN CI LOG GI NYES PA'I RDUL GYIS GANG BA'I NANG DU RGYUG PA 'BA' ZHIG TU ZAD DE, CIG SHOS LA NI MA YIN NO, ,DE NYID KYI PHYIR BSGRUB PAR BYA BA'I CHOS DANG RJES SU MTHUN PA'I CHOS CAN RTOGS PAR BYA BA'I PHYIR PHYOGS KYI MTSAN NYID KYI SKABS SU RIGS PA SHES PA RNAMS KYIS RANG GI CHOS ZHES KHYAD PAR BRJOD DO, ,'DI LTAR GANG ZHIG RANG GI 'BRAS BU THAMS CAD CIG CAR MNGON PAR 'GRUB PAR MI BYED PA DE NI MTHU THOGS PA MED PA DANG, RTAG PA DANG, GCIG PU'I NGO BO NYID MA YIN TE, DPER NA MO GSHAM GYI BU LA SOGS PA LTA BU'O, ,NAM MKHA' LA SOGS PA PHA ROL PO MNGON PAR 'DOD PA RNAMS KYANG SGRA LA SOGS PA'I 'BRAS BU CIG CAR DU 'GRUB PAR MI BYED PAS KHYAB PAR BYED PA MI DMIGS PAR BSHAD PA LA, KHA CIG NA RE GTAN TSIGS 'DI NI 'GAL BA YANG MA YIN TE, 'DI JI LTAR BSGRUB PAR BYA BA DANG SGRUB PAR BYED PA DE BZHIN DU NAM MKHA' LA SOGS PA'I CHOS CAN DNGOS PO'I RANG GI NGO BOR GYUR PA MED PA YANG SGRUB PAR BYED PAS GTAN TSIGS 'DI GZHI MA GRUB PA YANG YIN NO ZHES ZER RO, ,DE LA YANG 'DIR NAM MKHA' LA SOGS PA'I CHOS CAN DNGOS POR GYUR PA BSAL DU ZIN KYANG BSGRUB PAR BYA BA RNAM PAR BCAD PA TZAM DU 'DOD PA LA NI GNOD PA CI YANG MED LA, GTAN TSIGS RNAM PAR BCAD PA TZAM GYI NGO BO MA GRUB PA NYID KYANG MA YIN TE, CHOS CAN DNGOS POR GYUR PA MA YIN YANG DE GNYIS GRUB PA'I PHYIR RO, ,DE BAS LOG PAR RTOG PA BSAL BA'I PHYIR RANG DANG RJES SU MTHUN PA'I CHOS CAN KHO NA LA GNOD PA BYAS NA BSGRUB PAR BYA BA BKAG PA YIN GYI, CHOS GZHAN DANG LDAN PA'I CHOS CAN NI MA YIN NO ZHES STON PAR MDZAD PA NA BDAG NYID 'DOD PA DANG, MNGON SUM DANG, RJES SU DPAG PA DANG, YID CHES PA DANG, GRAGS PAS MA BSAL BA RANG GI @173A *, ,NGO BO KHO NA BSTAN PAR BYA BA NI RANG GI CHOS CAN NO ZHES BYA BA 'DIR PHYOGS KYI CHOS NYID KYI SKABS SU SLOB DPON GYIS RANG GI CHOS CAN SMOS PA MDZAD DO ZHES 'GREL PA MDZAD PAS BSHAD DE, RGOL BA KUN GYI BDAG NYID KYIS, ,BSGRUB BYAR 'DOD PA'I CHOS GANG YIN, ,CHOS DE LDAN LA GNOD YIN GYI, ,CHOS GZHAN GYI NI CHOS CAN MIN, ,GZHAN DU CHOS CAN GZHAN LA NI, ,GNOD KYANG 'DI LA CI ZHIG BKAG ,CES RGYAS PAR BSHAD NAS, LOG PAR RTOG PA BSAL BA'I YUL NYE BAR BSTAN PA'I PHYIR SMRAS PA, CIG CAR SGRA SOGS RGYU MIN PHYIR, ,SNGON MED NGO BO DPER GZHAN GYIS, ,BSKYED BYA MIN LTAR MKHA' SOGS MIN, ,ZHES BYA BA LA SOGS PA BSHAD LA, SUN 'BYIN PAR BYED PAS, SMRAS PA, MKHA' SOGS CHOS CAN DNGOS MED KYI, ,NGO BO NYID KYANG DE DANG 'DRA, ,ZHES SMRAS PA NI, 'DOD PA BSGRUB PAR BYA BA LA, ,GNOD PA CI YANG MED PA NYID; ,DE BZHIN MKHA' SOGS CHOS CAN GYI, ,DNGOS PO'I NGO BO'ANG MED PAR 'GYUR, ,GNYI GA'ANG BSGRUB BYA NYID YIN NA, ,CHOS CAN LA NI GNOD PA GANG, ,BSGRUB PAR BYA BA'I CHOS 'GOG PA, ,DES NI DE LA GNOD CES BRJOD, ,ZHES GANG BSHAD PA YIN NO, ,GDON MI ZA BAR 'DI LTAR SHES PAR BYA'O; ,DE LTA MA YIN NA JI LTAR MKHAS PA RNAMS RIM DANG CIG CAR LA SOGS PAS KHYAB PA'I DON BYED PA'I NUS PA DANG BRAL BA LA SOGS PAS GZHAN GYIS KUN BRTAGS PA LA SOGS PA'I DNGOS PO 'GOG PAR BYED, DNGOS PO YOD PA LA NI JI LTAR YANG DE YANG DAG PAR DGAG PAR BYA MI NUS SO, , MED PA LA YANG GAL TE GZHI MA GRUB PA NYID KYI NYES PAS 'DI BYA BA MA YIN NA, 'O NA NI JI LTAR YANG GANG YANG DGAG PAR MI 'GYUR RO, ,DE'I PHYIR RNAL 'BYOR SPYOD PA RNAMS KYIS, DE NI GCIG NA'ANG YUL MIN LA, ,PHRA RAB RDUL DU DU MA'ANG MIN, ,SKAD CIG MA YIN YOD MA YIN, ,DE NI RIM DANG RIM MIN 'GAL, ,ZHES BYA BA LA SOGS PAS PHYI ROL GYI DON LA SOGS PA JI LTAR 'GOG PAR BYED, RDZAS [?] DANG, YON TAN DANG, LAS DANG, SPYI LA [?] SOGS PA MU STEGS CAN NGAN PAS KUN BRTAGS PA RNAMS DGAG PA BYED PAR 'DOD NA YANG JI LTAR GZHI MA GRUB PA NYID LA SOGS PA'I NYES PA 'JUG @173B PAR MI 'GYUR, 'ON TE GAL TE THAL BAR BSGRUB PA KHO NAS 'DI BYED PA'I PHYIR MI 'JUG GO ZHE NA, DE'I TSE THAL BAR SGRUB PA TSAD MA MA YIN PA LAS JI LTAR 'DI DAG GCIG TU MED PA'I THA SNYAD 'GRUB PAR 'GYUR TE, DE NI TSAD MA LA RAG LAS PA'I PHYIR RO, ,JI STE THAL BAR SGRUB PA YANG TSAD MA KHO NA'O ZHES BYA BAR 'DOD NA NI DE'I TSE DE LA GZHI MA GRUB PA NYID LA SOGS PA'I NYES PA JI STE 'JUG PAR MI 'GYUR, RTOG PA DANG LDAN PA NI RIGS PA'I STOBS KYIS 'ONGS PA'I NYES PA LA SOGS PA RANG DAGS 'GA' KHO NA LA SGRUB PAR RIGS PA MA YIN NO, ,'ON TE PHYI ROL GYI DON LA SOGS PA DGAG PA SGRUB PAR 'DOD PA LA BLO'I MTSAN NYID KYI CHOS CAN DNGOS POR GYUR PA YOD PA NYID DE, DE KHO NA LA PHYI ROL DANG GTZO BO LA SOGS PAR BSKYED PAR BYA BA NYID DGAG PA SGRUB PAR BYED DE, DE'I PHYIR DE LA GZHI MA GRUB PA NYID LA SOGS PA'I NYES PA MI 'JUG PA NYID DO ZHES BYA BAR 'DOD NA, GAL TE DE LTA NA GCIG DANG DU MA'I RANG BZHIN GYIS DBEN PA NYID DANG, RIM DANG RIM MA YIN PAS KHYAB PA'I DON BYED PA'I NUS PAS STONG PA NYID CES BYA BA LA SOGS PA'I CHOS DGAG PA'I GTAN TSIGS RNAMS, GAL TE CHOS CAN DE LA DE'I CHOS NYID RAB TU MA GRUB PA NYID YIN NA NI DE'I TSE JI LTAR DE'I SGO NAS DE LA MNGON PAR 'DOD PA'I BSGRUB PAR BYA BA'I CHOS 'GRUB PAR 'GYUR, PHYOGS KYI CHOS MA YIN YANG BSGRUB PAR BYA BA MED NA MI 'BYUNG BA TZAM KHO NA'I GTAN TSIGS NI BSGRUB PAR BYA BA YANG DAG PAR 'GRUB PAR NUS PA MA YIN TE, DE LTA NA NI MIG GI YUL NYID KYANG SGRA ZHIS BYA BA'I CHOS CAN LA MI RTAG PA NYID JI STE SGRUB PAR MI 'GYUR; JI STE DE DAG DE LA RAB TU GRUB PA NYID DU KHAS LEN NA NI DE'I TSE PHYI ROL DANG GTZO BO LA SOGS PA BZHIN DU BLO NYID NUS PA DANG, GCIG DANG DU MA LA SOGS PA DNGOS PO LA KHYAB PAR BYED PA'I CHOS DANG BRAL BA'I PHYIR NGO BO NYID MED PA NYID DU RAB TU BSGRUBS PAR 'GYUR TE, DE DAG NI DE'I CHOS YIN PA'I PHYIR RO, ,CHOS GZHAN YANG GZHAN LA SGRUB PA MA YIN LA, NUS PA LA SOGS PAS STONG BA'I DNGOS PO YANG CI YANG MI 'GRUB PO, ,DE LTA MA YIN NA DE LAS PHYI ROL DANG, GTZO BO LA SOGS PA YANG NGO BO NYID MED PA NYID DU 'GRUB PAR MI 'GYUR RO, ,DE YANG NGO BO NYID MED PA NYID DU RAB TU SGRUB NA @174A *, ,NI GZHI MA GRUB PA NYID LA SOGS PA'I NYES PA DE YANG DE'I SO NA 'DUG PA KHO NA YIN LA, RANG GI PHYOGS NYAMS PAR THAL BA YANG MA YIN NO, ,BLO LA PHYI ROL DANG GTZO BO LA SOGS PAS BSKYED PAR BYA BA NYID DGAG PA BSGRUBS SU ZIN KYANG GZHAN GYIS KUN BRTAGS PA GTZO BO LA SOGS PA RANG GI NGO BO DGAG PA NI MI 'GRUB PA KHO NA STE, DE'I RNAM PA NI GZHAN YIN PA'I PHYIR RO, ,DE MA GRUB NA GZHAN GYIS KUN BRTAGS PA'I GTZO BO LA SOGS PA MED DO ZHES BYA BA'I YUL CAN MED PA'I THA SNYAD DU YANG JI LTAR 'GYUR TE, CHOS GZHAN YANG DAG PAR GRUB NA GZHAN DAG LA GZHAN DU THA SNYAD 'JUG PAR RIGS PA NI MA YIN NO, ,MI SHES PA KHA CIG GIS SO SOR BRTAGS PAS 'GOG PA LA SOGS PA 'DUS MA BYAS GSUM PO GANG GI YANG SKYED PAR BYED PA NYID DU MA GYUR PA GANG DAG YANG DAG PAR DNGOS POR KUN BRTAGS PA DE DAG DGAG PAR BSGRUB PAR BYA BA LA YANG JI LTAR BLO CHOS CAN DU 'GYUR TE, PHA ROL PO DAG DE LA DES BSKYED PAR BYA BA NYID KYI CHOS KHAS MI LEN PA'I PHYIR RO, ,DE'I PHYIR DE DGAG PA NI NAM YANG 'GRUB PAR MI 'GYUR BA NYID DO, ,JI STE THOG MA MED PA'I RANG GI SA BON YONGS SU SMIN PA LAS YANG DAG PAR BYUNG BA'I RNAM PAR RTOG PAS YONGS SU BSGRUBS PA, BYIS PA RNAMS KYIS PHYI ROL DANG DNGOS PO NYID DU NYE BAR BRTAGS PA BLO LA YOD PA NYID CHOS CAN YIN TE, DE'I PHYIR DE LA BRTEN NAS GTZO BO LA SOGS PA 'GOG PAR BYED DO, ,DE NI DON DAM PAR NGO BO NYID MED KYANG RNAM PAR 'KHRUL PA'I DBANG GIS PHYI ROL LTA BU DANG, GTZO BO LA SOGS PA DANG, THA MI DAD PA LTA BU DANG, NUS PAS STONG PA LA SOGS PA'I CHOS MTHA' DAG DANG LDAN PA LTA BUR RTOG GO, ,DE LA GTZO BO LA SOGS PA'I NGO BO NYID DGAG PA SGRUB PA LA GTZO BO LA SOGS PA DGAG PA BSGRUB PAR BYA BA DANG, SGRUB PA DAG GZHI GCIG PA NYID KYANG GRUB PA KHO NA YIN TE, 'DI LTAR DE NYID BYIS PA RNAMS KYIS PHYI ROL DANG, GTZO BO LA SOGS PA NYID DU NYE BAR BZUNG BA RGOL BA DANG PHYIR RGOL BA DAG KYANG RAB RIB CAN GYIS ZLA BA GNYIS SU MTHONG BA BZHIN DU DE DANG THA MI DAD PAR SEMS PA KHO NAS THA SNYAD 'DOGS PA'I PHYIR RO, , @174B DE NI BLOS KUN BRTAGS PA YIN YANG DE'I RNAM PA NYID KYIS BLO ZHES NYE BAR 'DOGS TE, 'DI DNGOS SU NI BLO'I NGO BO YANG MA YIN TE, DE NI DE DANG MTSAN NYID MI MTHUN PA'I NGO BO NYID DU SNANG BA'I PHYIR RO, ,DE'I PHYIR DE NGO BO NYID MED PA NYID DU RAB TU BSGRUBS KYANG BLO NGO BO NYID MED PA NYID DU THAL BA NI MA YIN TE; DE LA PHYI ROL DANG GTZO BO LA SOGS PA'I NGO BO NYID DGAG PA TSAD MAS SGRUB PAR BYED KYI, DE NYID DGAG PA'I PHYIR GTAN TSIGS SBYOR BA MA YIN NO, ,GANG LA PHYI ROL GYI CHOS CAN SGRA LA SOGS PA DNGOS POR GYUR PA YOD PA DE LA YANG MI RTAG PA LA SOGS PA'I CHOS RAB TU SGRUB PA LA BLO LA YOD PA'I CHOS CAN PHYI ROL GYI SGRA LA SOGS PA DANG, THA MI DAD PA NYE BAR BRTAGS PA DE NYID LA KUN DU BRTEN PAR BYED PA YIN TE, PHYI ROL GYI SGRA LA SOGS PA YUL DANG, DUS DANG GNAS SKABS THA DAD PAR NGES PA DAG NI RGOL BA DANG, PHYIR RGOL BA'I BLO LA RANG GI NGO BOR MNGON SUM DU MI SNANG BA'I PHYIR RO, ,'DI LA CHA SHAS MED PA NYID KYIS BSGRUB PAR BYA BA DANG, SGRUB PA LA SOGS PA'I CHOS KYI BYE BRAG RNAMS MI SRID PA'I YANG PHYIR RO, ,DE'I PHYIR RJES SU DPAG PAR BYA BA DANG, RJES SU DPAG PA LA SOGS PA'I THA SNYAD 'DI THAMS CAD NI BLO LA YOD PA'I CHOS CAN KHO NA LA BRTEN NAS 'JUG PA NYID DE, RNAM PA GZHAN MI SRID PA'I PHYIR RO ZHES BYA BAR 'DOD NA, GAL TE DE LTA YIN NA, 'O NA DON DAM PAR NGO BO NYID MED KYANG KUN BRTAGS PA'I CHOS CAN LA BRTEN NAS DGAG PA LA SOGS PA RAB TU SGRUB PAR BYED PA LA YANG GZHI MA GRUB PA NYID LA SOGS PA'I NYES PA MI 'JUG NA CI STE NAN GYIS KHO BO CAG LA KLAN KA TSOL BAR BYED, JI LTAR KHYED DON DAM PA LA 'JUG PAR BYA BA'I PHYIR GTZO BO LA SOGS PA DGAG PAR KUN BRTAGS PA'I CHOS CAN KHO NA LA BSGRUB PAR BYA BA DANG, SGRUB PA'I SEMS PA RGYAS PAR BYED PA DE BZHIN DU KHO BO CAG KYANG GZUGS DANG SGRA LA SOGS PA GRAGS PA DAG LA, YOD PA DANG MED PA LA SOGS PA'I NGO BO NYID DU SGRO BTAGS PA DGAG PAR BYIS PA RNAMS LA DE DAG SGYU MA DANG, SMIG RGYU DANG, RMI LAM DANG, GZUGS BRNYAN DANG MTSUNGS PA NYID DU STON PAR BYED DO, ,DE LA JI LTAR BRTAGS PA'I CHOS CAN LA DNGOS PO'I NGO BO NYID DU SGRO BTAGS PA LA SOGS PA BKAG TU ZIN KYANG RGOL BA DANG PHYIR @175A *, ,RGOL BA DAG LA SNANG BA'I PHYIR MA GRUB PA NYID LA SOGS PA'I NYES PA MI 'JUG PA DE BZHIN DU GZUGS LA SOGS PA YANG GNAG RDZI'I CHUNG MA YAN CHAD KYI SKYE BO LA SNANG BA'I PHYIR JI LTAR MA GRUB PA NYID DU 'GYUR, SNANG BA NI GANG GIS NA DE LOG NA LDOG PAR 'GYUR BA BDEN PA'I NGO BO NYID KYIS KHYAB PA YANG MA YIN TE, BRDZUN PA YANG SNANG BA'I PHYIR RO, ,DE LTA MA YIN NA SKYE BO THAMS CAD DE KHO NA NYID MTHONG BAR 'GYUR TE, DE KHO NA 'BA' ZHIG SNANG BA'I PHYIR RO, ,JI LTAR KUN BRTAGS PA'I CHOS CAN DE LA YANG NGO BO NYID MED PA YANG DAG PAR 'GRUB PAR BYA BA'I PHYIR NUS PA DANG BRAL BA LA SOGS PA'I CHOS NYE BAR 'GOD PA DES KHYAB PA NYID KYIS GTZO BO LA SOGS PA LA DE RAB TU GRUB PAR BYED PA DE BZHIN DU KHO BO CAG YANG DAG PA NYID DU KUN BRTAGS PA'I DNGOS PO THAMS CAD LA DE RAB TU BSGRUB PA'I PHYIR YANG DAG PA LA NUS PA MED PA LA SOGS PA SMOS PA YANG CI STE SGRUB PAR MI BYED GZHAN YANG RTOG PA DANG LDAN PA RNAMS KYIS KHAS LEN PA NI DPYAD PA'I 'OG TU YIN LA, DE'I BDAG NYID GTAN LA PHAB NA RIGS PA YIN NO, ,DPYOD PA'I DUS NA NI MA YIN TE, DE'I PHYIR DE GTAN LAM PHAB PA'I PHYIR DANG, DPYOD PA YANG DE GTAN LA DBAB PA'I DON YIN PA'I PHYIR RO, ,DE'I PHYIR TSAD MAS DE KHO NA NYID GTAN LA 'BEBS PA'I DUS NA SU YANG GRUB PA'I MTHA' KHAS LEN PA MED PAS DE'I TSE GANG LA GZHI MA GRUB PA'I SGO NAS CHOS CAN MA GRUB PA LA SOGS PAS RGOL BAR BYED DE, 'ON TE DE KHO NA NYID 'DI RGOL BA BDAG NYID KYIS SNGAR TSAD MAS GTAN LA PHAB NAS GZHAN DAG LA DE BSGRUB PAR 'DOD PAS ZHUGS PA YIN PAS DE'I PHYIR DE GRUB PA'I MTHA' KHAS LEN PA'I SNGA NA GNAS PA KHO NA YIN NO ZHES BYA BAR 'DOD NA DE YANG RIGS PA MA YIN TE, BDAG NYID RTOGS PAR BYED PA'I DUS NA GRUB PA'I MTHA' KHAS MI LEN PA'I PHYIR RO, ,SNGAR GRUB PA'I MTHA' KHAS MA BLANGS PA'I RGOL BA BDAG NYID TSAD MA GANG KHO NAS DE KHO NA NYID RTOGS PAR GYUR PA DE NYID KYIS GZHAN LA RTOGS PAR BYED NA JI LTAR GRUB PA'I MTHA' KHAS BLANGS PA ZHES BYA, 'DI BDAG NYID SNGAR TSAD MAS DE KHO NA NYID GTAN LA PHAB NA GZHAN DAG LA GRUB PA'I MTHA' KHO NAS RTOGS PAR BYED PA YANG MA GRUB LA, GZHAN RTOG PA DANG LDAN PA YANG DE'I TSIG TZAM GYIS TSAD MA MED PA'I @175B DON YID CHES PAR YANG MI 'GYUR RO, ,DE BAS NA BDAG NYID GTAN LA 'BEBS PA'I DUS BZHIN DU GZHAN LA STON PA'I DUS NA YANG 'DRA BA'I PHYIR THAMS CAD DU TSAD MA KHO NAS DE KHO NA NYID GTAN LA PHAB NA SU YANG GRUB PA'I MTHA' KHAS LEN PA MED PA'I PHYIR JI LTAR DE'I SGO NAS CHOS CAN MA GRUB PA LA SOGS BRJOD PAR BYED, TSAD MA YANG DAG PA'I STOBS KYIS RGOL BA'I MNGON PAR 'DOD PA'I BSGRUB PAR BYA BA GRUB KYANG, GRUB PA'I MTHA' KHAS BLANGS PAS DE LA DE GNOD PAR BYED DO ZHES ZER BA 'DI LA GZHAN RIGS PA CI ZHIG YOD, DNGOS PO'I DE KHO NA NYID BSAM PA LA NI GRUB PA'I MTHA' LAS YANG DAG PAR GRAGS PA'I CHOS CAN LA SU YANG RTEN PAR MI BYED DE, DE LTA BU'I CHOS CAN NI RGOL BA DANG, PHYIR RGOL BA DAG LA GANG DU YANG MA GRUB PA'I PHYIR RO, ,'DI LTAR SANGS RGYAS PA LA SOGS PA SGRA LA SOGS PA'I CHOS CAN 'BYUNG BA LAS GYUR PA LA SOGS PA JI LTA BUR MNGON PAR 'DOD PA DE LTA BUR BYE BRAG PA LA SOGS PA NI MA YIN TE, DE DAG GIS DE NAM MKHA'I YON TAN NYID LA SOGS PA NYE BAR BRTAGS PA'I PHYIR RO, ,DE'I PHYIR CHOS CAN DE LTA BU MA GRUB NA SU YANG GANG DU YANG SGRUB PA 'JUG PAR MI 'GYUR RO, ,'ON TE CHOS CAN DE LTA BU GRUB NA NI DE'I CHOS KYANG GNYI GA LA GRUB PA KHO NA YIN PAS RTZOD PAR MI 'GYUR RO, ,DE LTA BAS NA DE KHO NA NYID RTOGS PAR 'DOD PA THAMS CAD NI GZHUNG LUGS KYIS BSGRUBS PA'I CHOS CAN GYI BYE BRAG SPANGS TE, GNAG RDZI YAN CHAD LA GRAGS PA 'DI NYID LA BRTEN NAS BSGRUB PAR BYA BA DANG, SGRUB PA'I SEMS PA RGYAS PAR BYED DO, ,DE'I PHYIR GRUB PA'I MTHA' LA BRTEN NAS GZHI MA GRUB PA LA SOGS PAS GLENG BA NI 'BREL PA MED PA KHO NA'O, ,GANG LA THA SNYAD DU YANG CHOS CAN LA SOGS PA RAB TU MA GRUB PA LA SOGS PA DE LA 'DI GLENG BA RIGS PA KHO NA YIN GYI, KHO BO CAG LA NI GZUGS LA SOGS PA THA SNYAD DU YANG RAB TU MA GRUB PA MA YIN NO, , GANG YANG 'ON TE PHA ROL POS KHAS BLANGS PA'I GTAN TSIGS LA SOGS PAS RANG GI PHYOGS GRUB PAR BYED NA ZHES BYA BA LA SOGS PA SMRAS PA DE YANG KHAS MI LEN PA'I PHYIR SUN 'BYIN PA MA YIN PA KHO NA'O, ,'DI LTAR KHO BO CAG NI THA SNYAD KYI SGO NAS GNYI GA LA YANG DAG PAR GRUB PA'I GTAN TSIGS LA SOGS PA @176A *, ,KHO NAS 'DI RAB TU SGRUB PAR BYED DE, DE BZHIN DU 'OG NAS BSTAN PAR BYA'O, ,GANG YANG CHOS THAMS CAD DBEN PA DANG, RTAGS GANG DANG YANG LHAN CIG TU GANG DU YANG 'BREL BAR MA GRUB STE, DE NI SHIN TU LKOG TU GYUR PA'I PHYIR RO ZHES SMRAS PA DE YANG RIGS PA MA YIN TE, BSGRUB PAR BYA BA'I CHOS CAN NYID KYANG GRUB LA, BSGRUB PAR BYA BA'I CHOS DANG RTAGS KYANG LHAN CIG TU 'BREL NAS BSGRUB PAR BYA BA DANG, SGRUB PA'I DNGOS PO 'JUG PA NI MA YIN TE, DE LA RTZOD PA MI SRID PA'I PHYIR RO, ,'ON KYANG SPYIR CHOS CAN 'GA' KHO NA LA DE GRUB LA BSGRUB PAR BYA BA'I CHOS GZHAN LA THE TSOM ZA NA DE MED NA MI 'BYUNG BA'I RTAGS BSTAN PAS CHOS CAN LA SPYIR YANG DAG PAR GRUB PA'I BSGRUB PAR BYA BA'I CHOS RAB TU GRUB PAR BYED DO ZHES BYA BA NI RIGS PA YIN NO, ,DE BZHIN DU 'DIR YANG SGYU MA DANG, SMIG RGYU DANG, RMI LAM DANG, DRI ZA'I GRONG KHYER LA SOGS PA'I SPYIR CHOS CAN 'GA' KHO NA LA DE GRUB PAS DON DAM PAR NGO BO NYID MED PAS GCIG DANG DU MA'I RANG BZHIN LA SOGS PA'I CHOS LA KHYAB PAR BYED PA RAB TU GRUB PA KHO NA YIN LA, DE YANG KHO BO CAG GZHAN DU GZUGS LA SOGS PA RTZOD PA'I GZHIR 'GYUR BA DAG LA DES KHYAB PA'I CHOS NYE BAR BSTAN PAS RAB TU SGRUB PAR BYED PAS NYES PA MED PA NYID DO, ,GANG YANG RE ZHIG 'BRAS BU DANG RANG BZHIN GYI GTAN TSIGS DAG NI CHOS THAMS CAD NGO BO NYID MED PAR RAB TU BSGRUB PAR NUS PA MA YIN TE, DE GNYIS NI DNGOS PO SGRUB PA'I PHYIR RO ZHES SMRAS PA DE YANG RIGS PA MA YIN TE, 'DI GNYIS DON DAM PA PA'I DNGOS PO'I NGO BO NYID SGRUB PA NYID DU NI GANG DU YANG RAB TU MA GRUB PA'O, ,'ON TE 'DI DAG SGRUB PA'I NGO BOR ZHUGS PA'I PHYIR DNGOS PO SGRUB PA NYID RJOD NA NI DE'I TSE NGO BO NYID MED PA YANG GANG GI TSE SBYOR BA DGOD PA'I BYE BRAG 'GAS SGRUB PA'I NGO BO NYID KYIS RAB TU SGRUB PAR BYED PA DE'I TSE DE GNYIS CI STE MI SRID RANG BZHIN KYI GTAN TSIGS KHO NA 'BRAS BU'I GTAN TSIGS LA SOGS PAR SBYOR BA DGOD PA'I BYE BRAG GIS RNAM PA MANG POR SPROS SO, ,DE NYID KYI PHYIR MKHAS PA RNAMS KYIS MDOR NA PHYOGS CHOS DE'I CHAS KHYAB PA NI GTAN TSIGS ZHES SPYIR GTAN TSIGS KYI MTSAN NYID BSHAD DO, ,DE'I PHYIR 'DIR YANG SBYOR BA DGOD PA'I BYE BRAG @176B GI SGO NAS RANG BZHIN LA SOGS PA'I GTAN TSIGS CI RIGS PA YIN PAS 'GAL BA MED PA NYID YIN TE, DE BZHIN DU 'OG NAS BSTAN PAR BYA'O, ,DE LA DON DAM PAR CHOS THAMS CAD SKYE BA MED PA DANG, RANG BZHIN MED PA NYID YIN MOD KYI, 'ON KYANG DE DAG LA THA SNYAD KYI BDEN PA LA BRTEN PA 'DI GNYI GA YANG YOD PA KHO NA YIN PAS JI LTAR GCIG TU DE GNYIS MI SRID PA YIN, YANG DAG PA'I RANG BZHIN DANG 'BRAS BU'I GTAN TSIGS KHO NAR 'GYUR DGOS SO ZHES BYA BA 'DI LA NI RGYU CI YANG MED DE, 'DI LTAR GZUGS BRNYAN ZHES BYA BA'I 'BRAS BU BRDZUN PA YANG RANG GI RGYU RJES SU DPAG PAR BYA BA LA GTAN TSIGS SU DMIGS PA KHO NA'O, ,ME LONG LA SOGS PA'I NGOS SU GZUGS BRNYAN ZHES BYA BA GZUGS GZHAN NYID GCIG 'BYUNG NGO ZHES BYA BAR YANG RIGS PA MA YIN TE, THOGS PA DANG BCAS PA RNAMS YUL GCIG PA NYID DU MI 'THAD PA'I PHYIR RO, ,GZUGS DE NYID DE LTAR DMIGS SO ZHES BYA BAR YANG MI RUNG STE, DE NI DE LTA BU'I YUL DANG DBYIBS LA SOGS PA DANG 'BREL BA'I RANG BZHIN DANG BRAL BA'I PHYIR RO, ,'DI LTAR GZUGS BRNYAN RNAMS NI ME LONG LA SOGS PA'I RTEN LA YOD PA'I YUL DANG DBYIBS LA SOGS PA'I BYE BRAG GI RJES SU BYED PAR DMIGS NA GZUGS DAG NI DE LTAR GNAS PA'I NGO BOR YANG MA YIN NO, ,GZHAN GYI RNAM PA NI GZHAN 'DZIN PAR RIGS PA MA YIN TE, HA CANG THAL BAR 'GYUR BA'I PHYIR RO, ,RNAM PAR SHES PA NYID GZUGS BRNYAN GYI RNAM PAR SNANG BA'I PHYIR DE RNAM PAR SHES PA'I NGO BO NYID DU DNGOS POR YOD DO ZHES BYA BAR YANG RIGS PA MA YIN TE, 'DI LTAR SHES PA NI SNGON PO LA SOGS PA LUS CAN GYI BYE BRAG TU MA GYUR PA CHA SHAS MED PA NYID KYI YUL NA MI GNAS SHING SNA TSOGS KYI RNAM PA DANG BRAL BA'O ZHES BRJOD LA, GZUGS BRNYAN NI DE DANG MTSAN NYID MI MTHUN PA'I NGO BOR SNANG BA'I PHYIR DE DE'I NGO BO NYID DU BDEN PAR LTA GA LA 'GYUR, JI LTAR KHYED KYI SUM CU PA LA SOGS PA LAS, GANG ZAG LA SOGS PA'I NGO BO NYID MED PAR BSGRUB PA'I PHYIR GANG KUN BRTAGS PA'I NGO BO YIN PA DE NI BRDZUN PA KHO NA STE, DPER NA MO GSHAM GYI BU LA SOGS PA LTA BU'O, ,BDAG LA SOGS PA YANG KUN BRTAGS PA'I NGO BO @177A *, ,YIN NO ZHES SBYOR BA DGOD PA'I SGO NAS RANG BZHIN GYI GTAN TSIGS SMOS PA DE BZHIN DU GZHAN YANG GZHAN DAG GIS BRTAGS PA'I CHOS MI DMIGS SO ZHES CI STE BRJOD PAR MI BYA, JI LTAR SLOB DPON DAG GIS BRJOD PA DE BZHIN DU CHOS THAMS CAD LA NGO BO NYID MED PAR BSGRUB PAR KHYAB PAR BYED PA MI DMIGS PA'I MTSAN NYID KYI CHOS CI STE MI BRJOD DE, DE BZHIN DU 'OG NAS BSTAN PAR BYA'O, ,GANG YANG RANG BZHIN MI DMIGS PA MI SRID DO ZHES SMRAS PA DE LA GONG DU LAN BTAB PA NYID DE, TSUL 'DI NI GCIG GIS GCIG STONG PA NYID YIN NA 'DI YANG BSGRUB PAR MI 'DOD DO, , 'O NA CI ZHE NA MTSAN NYID STONG PA NYID YIN NO, ,GANG YANG 'GAL BA DMIGS PA LA SOGS PA MI SRID PA KHO NA'O ZHES BYA BA LA SOGS PA SMRAS PA DE YANG 'BREL PA MED PA NYID DE, 'DI LTAR CHOS THAMS CAD DBEN PA DANG 'GA' YANG LHAN CIG 'GAL BA LA SOGS PAR MA GRUB MOD KYI, 'ON KYANG SGYU MA DANG NAM MKHA'I PADMO LA SOGS PA DAG LA SPYIR NGO BO NYID MED PA NYID DANG LHAN CIG 'GAL BA LA SOGS PA RAB TU GRUB PA KHO NA'O, ,DE LTA MA YIN NA KHYED GZHAN GYIS KUN BRTAGS PA'I DBANG PHYUG LA SOGS PA NGO BO NYID MED PA NYID DU SGRUB PAR YANG JI LTAR 'GYUR, DE'I PHYIR SPYIR NGO BO NYID MED PA TZAM GYIS THA SNYAD DU 'GAL BA LA SOGS PA YANG DAG PAR GRUB NA PHYIS CHOS THAMS CAD LA DON DAM PAR BSAM PAR 'GAL BA LA SOGS PA'I CHOS NYE BAR BSTAN PAS YANG DAG PA PA'I NGO BO NYID MED PAR BSGRUB PA'I PHYIR 'DI LA 'GAL BA CI ZHIG YOD, DE DANG 'GAL BA LA SOGS PA KHO NA DNGOS PO NYID DU THAL BAR RIGS PA MA YIN TE, DON DAM PA'I NGO BO NYID MED PA'I CHOS KYIS YANG DAG PA'I DNGOS PO GSAL BA'I NGO BO DAG NI GANG DU YANG YANG DAG PA'I DNGOS PO'I RANG GI NGO BO NYID DU MI GNAS PA'I PHYIR RO, ,'ON TE GNAS NA NI 'DI DAG GI DE DANG 'GAL BA LA SOGS PA NYID RAB TU MI 'GRUB PO; ,DE'I PHYIR CHOS THAMS CAD NGO BO NYID MED PA NYID DANG LHAN CIG 'GAL BA LA SOGS PA YANG DAG PAR GRUB NA DE DANG 'GAL BA LA SOGS PA KHO NA DNGOS PO NYID DU THAL BAR 'GYUR RO ZHES BRJOD PAR MI BYA'O, ,'GAL BA LA SOGS PA THA SNYAD KHO NAR GRUB PA YIN GYI, YANG DAG PAR NI MA YIN @177B NO; ,'DI LTAR SKYE BO DAG MAR ME LA SOGS PA'I MTSAN NYID KYI DNGOS PO BRTAN PA MA YIN PA'I NGO BO NYID DU YONGS SU GCOD PA NA BRTAN PA'I RNAM PAS DBEN PA NYID DU YONGS SU GCOD PAR BYED DE, DE RNAM PAR MA BCAD NA DE YONGS SU GCOD PAR MI 'THAD PA'I PHYIR RO, ,GANG LA GANG ZHIG YONGS SU GCOD PA GANG RNAM PAR GCAD PA MED NA MED PA DE DAG NI DE LA PHAN TSUN YONGS SU SPANGS TE GNAS PA'I MTSAN NYID KYIS 'GAL BAR RNAM PAR GZHAG GO, ,YOD PA DANG MED PA DANG, RIM DANG RIM MA YIN PA LA SOGS PA 'GAL BA DAG LA YANG TSUL DE BZHIN DU BLTA BAR BYA'O, , GRANG BA'I REG PA LA SOGS PA RGYU MA TSANG BA MED PA YIN PA LAS ME LA SOGS PA'I DNGOS PO NYE BA NA YANG MED PAR MTHONG BA'I PHYIR DE GNYIS NI LHAN CIG MI GNAS PA'I MTSAN NYID KYI 'GAL BAR RNAM PAR GZHAG GO, ,'GAL BA DE KHO NA RAB TU GRUB KYANG MAR ME LA SOGS PA GCIG TU DNGOS PO NYID DU MI 'THAD DE, SGYU MA LA SOGS PA BRDZUN PA YANG SKYE BA DANG 'JIG PA LA SOGS PA'I CHOS SNANG BA'I PHYIR RO, ,SLOB DPON RNAMS KYIS NI DON DAM PA LA 'JUG PAR BYA BA'I PHYIR DE BZHIN DU MAR ME LA SOGS PA DAG LA YANG RTAG PA DANG MI RTAG PA LA SOGS PA CHOS RNAMS KYI 'GAL BA JI LTAR SNANG BA BZHIN DU RNAM PAR GZHAG GO, ,MAR ME LA SOGS PA PHYI ROL GYI DON GYI NGO BO'AM SHES PA'I NGO BO YANG DAG PAR NI MA GRUB STE, GNYI GA'I NGO BO YANG DE DAG NYID KYIS BSAL BA'I PHYIR RO, ,GANG GIS NA 'DI DAG YANG DAG PA PA'I DNGOS PO'I NGO BO NYID DANG LHAN CIG 'GAL BA MNGON SUM DU RTOGS PAR 'GYUR BA DON DAM PA PA'I DNGOS PO'I RANG GI NGO BO NI CUNG ZAD KYANG PHA ROL MA YIN PA MTHONG BA RNAMS KYIS MTHONG BA'I LAM DU MI 'JUG GO, ,LHAN CIG MI GNAS PA'I MTSAN NYID KYI 'GAL BA GANG YIN PA DE YANG KUN RDZOB PA KHO NA YIN TE, DNGOS PO RNAMS NI BDAG NYID KHO NAS 'JIG GI GZHAN GYIS NI MA YIN NO, ,'JIG PA DON GZHAN ZHIG BYED NA NI 'JIG PA'I RGYU RNAMS CUNG ZAD KYANG MI BYED PA'I PHYIR RO, ,DON GZHAN DU GYUR PA MA YIN NA YANG DE'I 'JIG PA'I RGYU RNAMS KYIS MI BYED DE, DE NI DNGOS PO'I RGYU KHO NA LAS BYUNG BA'I PHYIR RO, ,'ON TE 'JIG PA NI DNGOS @178A *, ,POR GYUR PA MA YIN PA'I PHYIR DE NYID DANG GZHAN NYID DU RNAM PAR BRTAGS PA RIGS PA MA YIN NO SNYAM DU SEMS NA, DE'I TSE 'DI SHIN TU YANG 'JIG PA'I RGYU RNAMS KYIS MI BYED DE NGO BO NYID MED PA'I PHYIR RO, ,DE'I PHYIR CUNG ZAD KYANG MI BYED PA'I ME LA SOGS PA JI LTAR YANG DAG PAR NA 'GAL BA YIN PAR 'GYUR, 'ON KYANG ME 'DI NI GRANG BA LA SOGS PA GONG NAS GONG DU NUS PA MED PA'I MTSAN NYID SKAD CIG MA RAB DANG MCHOG SKYED PAR BYED PA KHO NA LA ME LA SOGS PA 'GAL BA ZHES THA SNYAD 'DOGS PA 'BA' ZHIG TU ZAD DE, DE NYID KYI PHYIR SLOB DPON DAG GIS 'GAL BA'I TSUL ZHES BSHAD KYIS 'GAL BA NYID CES NI MA YIN NO, ,DE'I PHYIR 'GAL BA 'DI YANG THA SNYAD PA'I DNGOS PO KHO NA LA BRTEN NAS BRJOD KYI, YANG DAG PA PA NI MA YIN TE, ME DANG GRANG BA LA SOGS PA'I PHYI ROL GYI DON GYI NGO BO YANG DAG PA MA GRUB PA'I PHYIR LA, SHES PA'I RNAM PA'I NGO BO YANG BRTAGS PA YIN PA'I PHYIR RO, ,SHES PA GCIG LA GRANG BA DANG TSA BAR SNANG BA DAG SRID PA'I PHYIR YANG JI LTAR 'GAL TE, DE GNYIS NI CIG CAR SO SOR MYONG BA'I PHYIR RO, ,RNAM PAR SHES PA RIGS MTHUN PA DU MA NI CIG CAR MI SKYE BA'I PHYIR RO,, DE LTA BAS NA GRANG BA LA SOGS PA'I DNGOS PO RMI LAM LA SOGS PA BZHIN DU BRDZUN PA KHO NA DAG CIG SNANG BAS DE'I PHYIR 'DI DAG LA YANG DAG PAR NA 'GAL BA MED PA NYID DO, ,KHYAB PAR BYA BA DANG KHYAB PAR BYED PA'I DNGOS PO YANG SHING DANG SHING SHA PA LA SOGS PA'I DNGOS PO THA SNYAD PA KHO NA LA BRTEN NAS KUN BRTAGS PA'I SPYI DANG KHYAD PAR GYI DNGOS PO RNAM PAR GZHAG PAS RNAM PAR 'JOG PA YIN TE, DNGOS SU NI GANG KHYAB PAR BYED PAR 'GYUR BA SHING NYID LA SOGS PA SPYI DANG ZHES BYA BA NI YANG DAG PAR CUNG ZAD KYANG MED DO, ,KHYAD PAR GDA' BA LA SOGS PA GANG DAG YIN PA DE DAG KYANG PHYI ROL GYI DON GYI NGO BO YANG MA YIN LA, SHES PA'I RNAM PA'I NGO BO NYID YANG DAG PA PAR YANG MA GRUB MOD KYI, 'ON KYANG MKHAS PA DE KHO NA NYID KYI DON BTANG SNYOMS SU GZHAG PA RNAMS KYIS GLANG PO CHE'I LTA STANGS LTA BUR BYAS TE, RMI LAM LA SOGS PA NA SENG LDENG LA SOGS PA'I @178B KHYAD PAR BRDZUN PA RNAM PA SNA TSOGS NYAMS SU MYONG BA LTA BU'I SHING LA SOGS PA'I DNGOS PO'I BRDZUN PA KHO NA LA KUN DU BRTEN NAS DE KHO NA NYID LA 'JUG PAR BYA BA'I CHED DU DON DAM PA LA 'JUG PA DANG MTHUN PA'I PHYIR KHYAB PAR BYA BA DANG, KHYAB PAR BYED PA'I DNGOS PO RNAM PAR GZHAG PA NYID 'BA' ZHIG TU ZAD DO, ,DE BZHIN DU RGYU DANG 'BRAS BU'I DNGOS PO NYID SA BON DANG MYU GU LA SOGS PA KUN RDZOB PA KHO NA LA BRTEN NAS THA SNYAD 'DOGS PAR BYED KYI, YANG DAG PA PA NI MA YIN TE, SA BON LA SOGS PA YANG DAG PA PA MA GRUB PA'I PHYIR DANG, RMI LAM LA SOGS PA NA DE LTA BU BRDZUN PA YANG SNANG BA'I PHYIR RO, ,SAD PA NA YANG SGYU MA LA SOGS PA RGYU DANG 'BRAS BUR GYUR PA BDEN PAR GYUR PA MA YIN PA YANG DMIGS PA'I PHYIR RO, ,DE BAS NA THA SNYAD KYI SGO NAS RGYU DANG 'BRAS BU'I DNGOS PO LA SOGS PAS DNGOS PO RNAMS NGO BO NYID DANG BCAS PA NYID DU KHYAB MOD KYI, 'ON KYANG DE LAS DE DAG DON DAM PA PA'I NGO BO NYID DU NI MI 'GRUB STE, KHYAB PAR BYED PA YOD PA LAS KHYAB PAR BYA BA NGES PAR RAB TU GRUB PA NI MA YIN NO, ,'ON KYANG DNGOS PO DAG LA DNGOS PO'I NGO BO NYID LA YANG DAG PAR KHYAB PAR BYED PA RGYU DANG 'BRAS BU'I DNGOS PO LA SOGS PA 'DI LOG NA SGYU MA LA SOGS PA BZHIN DU DE DAG GI DNGOS PO'I NGO BO NYID YANG DAG PAR KUN BRTAGS PA LDOG PAR 'GYUR BA NYID DO, ,DE BAS NA 'GAL BA LA SOGS PA RNAM PAR GZHAG PA 'DI THAMS CAD DE KHO NA NYID LA 'JUG PAR NUS PA'I PHYIR MKHAS PA RNAMS KYIS DE KHO NA NYID BSTAN PA'I PHYIR DANG, MU STEGS CAN GYIS KUN BRTAGS PA'I TSAD MA LA SOGS PA DE KHO NA NYID KYI RJES SU MI MTHUN PA NYID DU BRJOD PA'I PHYIR DE SPANGS NAS YANG DAG PA'I TSAD MA'I MTSAN NYID KYI BSTAN BCOS MDZAD DO, ,'DI LTAR MU STEGS CAN KHA CIG NI RIL GYIS BDAG LA SOGS PA'I DNGOS PO DE KHO NA NYID BRDZUN PA BSGRUB PAR 'DOD CING THAMS CAD MKHYEN PA NYID DANG, 'DOD CHAGS DANG BRAL BA NYID DANG, LAS DANG 'BRAS BUR 'BREL BA LA SOGS PA KUN RDZOB PA RNAM PAR GZHAG PA SEL BAR 'DOD PAS TSAD MA'I MTSAN NYID PHYIN CI LOG KHO NA BYED DE, @179A *, ,DE'I PHYIR MKHAS PA RNAMS KYIS DE BKAG NAS GANG ZAG DANG CHOS LA BDAG MED PA'I DE KHO NA NYID LA 'JUG PA DANG MTHUN PA, LAS DANG 'BRAS BUR 'BREL PA LA SOGS PA KUN RDZOB PA RNAM PAR GZHAG PA GNAS PA'I RGYU MNGON SUM LA SOGS PA'I TSAD MA'I MTSAN NYID YONGS SU DAG PA NYID MDZAD DO, ,DE YANG BCOM LDAN 'DAS KYIS YONGS SU GNANG BA KHO NA YIN PAS DE'I PHYIR KHO BO CAG TSAD MA'I MTSAN NYID RNAM PAR DAG CING DON DAM PA'I RJES SU MTHUN PA KHAS LEN PA NYID DO, ,DE'I PHYIR 'GAL BA LA SOGS PA'I THA SNYAD KHAS BLANGS PA TZAM GYI SGO NAS DNGOS PO'I NGO BO KHAS BLANGS PAR THAL BAR 'GYUR BA GANG YIN PA DE NI MA NGES PA KHO NA YIN TE, DE KHAS BLANGS SU ZIN KYANG DNGOS PO'I NGO BO YANG DAG PA MA GRUB PA'I PHYIR RO, ,'DIS NI GAL TE RJES SU DPAG PA'I 'BREL PA RAB TU GRUB PAR BYA BA'I PHYIR MNGON SUM TSAD MAR KHAS LEN NA NI DE'I TSE DNGOS POR GRUB PA NYID DE, 'DI LTAR MNGON SUM GYI TSAD MA'I MTSAN NYID NI RTOG PA DANG BRAL ZHING MA NOR BA ZHES BYA BA YIN NO, ,MA NOR BA'I SHES PAS GTAN LA PHAB PA'I DNGOS PO'I NGO BO NYID DAG KYANG JI LTAR RJES SU DPAG PAS BSAL BAR BYA NUS, DE SEL NA NI MNGON SUM LA GNOD PA BYAS PAR 'GYUR RO, ,DE LA GNOD NA NI RJES SU DPAG PA YANG LEGS PAR MI GNAS PAR 'GYUR RO, ,RJES SU DPAG PAS MNGON SUM DE NYID LAS 'BREL PA THOB NAS YANG DE NYID LA GNOD PA BYED DO ZHES BYA BA 'DI LAS RIGS PA GZHAN CI ZHIG YOD PAR 'GYUR, 'ON TE MNGON SUM DU GRUB PA'I DON LA RJES SU DPAG PAS GNOD PAR MI BYED NA NI DE'I TSE THOB PAR BYA BA THOB PA NYID KYI PHYIR DNGOS POR SMRA BA RNAMS LEGS PAR GNAS PA KHO NA YIN NO ZHES SMRAS PA GANG YIN PA DE YANG BSAL BA YIN TE, 'DI LTAR MNGON SUM NI SLOB DPON RNAMS KYIS RNAM PA GNYIS SU RNAM PAR PHYE STE, RNAL 'BYOR PA RNAMS KYI DANG PHAL PA DAG GI'O, ,DE LA PHAL PA DAG GI MNGON SUM GANG YIN PA DE NI DON DAM PA PA'I DBANG DU BYAS NAS MA NOR BA ZHES MI BYA'O, ,DE LTAR MA YIN NA THAMS CAD RNAL 'BYOR PA KHO NAR 'GYUR GYI TSU ROL MTHONG BA NI MA YIN NO, ,RNAL @179B 'BYOR PA'I MNGON SUM LAS PHAL BA'I MNGON SUM BYE BRAG YOD PAR YANG MI 'GYUR BAS THA SNYAD KYI SGO NAS RMI LAM LA SOGS PA BZHIN DU JI LTAR GRAGS PA'I DON LA MI SLU BA TZAM LAS DE MA 'KHRUL PA ZHES BYA BAR ZAD DO, ,NYAN THOS LA SOGS PA'I RNAL 'BYOR PA'I MNGON SUM GANG YIN PA DE NI GANG ZAG LA BDAG MED PA TZAM MNGON SUM DU BYED PAR ZHUGS PA'I PHYIR DE LA MI SLU BA NYID KYIS MNGON SUM GYI TSAD MA YIN GYI, RNAM PA THAMS CAD KYI DE KHO NA NYID SPYOD YUL GYI PHYIR NI MA YIN NO, ,BCOM LDAN 'DAS RNAMS KHO NA'I MNGON SUM GANG YIN PA DE NI RNAM PA THAMS CAD KYI DE KHO NA NYID SPYOD YUL YIN PA'I PHYIR DNGOS SU DE MI SLU BA KHO NA YIN PAS RNAM PA THAMS CAD KYI DE KHO NA NYID KYI DBANG DU BYAS TE MA NOR BA YIN TE, DE NYID RNAM PA THAMS CAD KYI DE KHO NA NYID LA MI SLU BAS DNGOS SU MA NOR BA YIN TE, DES NA SANGS RGYAS BCOM LDAN 'DAS RNAMS KYIS CHOS THAMS CAD MTSAN NYID MED PAR RAB TU MKHYEN TO, ,RNAM PA THAMS CAD MKHYEN PA'I YE SHES DE DNGOS PO NYID DU THAL BA YANG MA YIN TE, DE YANG CHOS THAMS CAD KYI NANG DU 'DUS PA'I PHYIR DE DAG GIS MTSAN NYID MED PA NYID DU MNGON PAR RDZOGS PAR SANGS RGYAS PA'I PHYIR TE, 'PHAGS PA SHES RAB KYI PHA ROL TU PHYIN PA LAS JI SKAD DU MNGON SUM GYI MTSAN NYID NI RNAM PA THAMS CAD MKHYEN PA'I YE SHES YIN TE, DE YANG DE BZHIN GSHEGS PA RNAMS KYIS MTSAN NYID MED PA ZHES BYA BAR MNGON PAR RDZOGS PAR SANGS RGYAS SO ZHES GSUNGS PA LTA BU'O, ,DE LA MNGON SUM GYI SPYOD YUL GYI DON THA SNYAD PA RMI LAM LA SOGS PA BZHIN DU BRDZUN PAR SNANG BA LA YANG BYIS PA RNAMS KYIS DNGOS SU DON DAM PA PA'I NGO BO LA SOGS PAR SGRO BTAGS PA GANG YIN PA DE LA RJES SU DPAG PAS GNOD PAR BYED KYI, MTHONG BA LA SOGS PA'I DON THA SNYAD LA YANG GNOD PAR BYED PA NI MA YIN NO, ,DE'I PHYIR GANG LA MA 'KHRUL PA DE NI MNGON SUM YIN PAS, DE LA RJES SU DPAG PAS GNOD PA MED DO, ,BDEN PA'I NGO BO LA SOGS PAR SGRO BTAGS PA GANG LA GNOD PA DE NI DE LA MA 'KHRUL PA MA YIN PAS MNGON SUM LA SKUR BA 'DEBS PAR THAL BA MA YIN NO, ,RJES SU @180A *, ,DPAG PAS TSU ROL MTHONG BA'I MNGON SUM LAS 'BREL PA THOB KYANG DON DAM PA PA'I NGO BO NYID DU THOB PA NI MA YIN NO, ,'ON KYANG KUN RDZOB PA KHO NAR YIN TE, PHA ROL MA YIN PA MTHONG BA RNAMS KYIS DNGOS PO'I NGO BO NYID YANG DAG PA PA MNGON SUM DU SO SOR MI MYONG BA'I PHYIR RO, ,DES NA DNGOS PO RNAMS KYI NGO BO NYID KUN RDZOB PA LA YANG GNOD PA NI MI BYED KYI, 'ON KYANG DE LA BDEN PA'I RNAM PA NYID DU SGRO BTAGS PA SEL BA'I PHYIR RAB TU SGRUB PAR BYED PA KHO NA YIN NO, ,DE'I PHYIR DNGOS POR SMRA BA DON MED PA LA DON DU GYUR PAR MNGON PA'I NGA RGYAL CAN RNAMS JI LTAR LEGS PAR GNAS PA ZHES BYA BAR 'GYUR, RNAM PA GCIG TU NA GAL TE RJES SU DPAG PAS THA SNYAD KYI SGO NAS MNGON SUM KHO NA LAS 'BREL PA THOB NAS GNAS THOB PA DANG SHING GNYIS DRUD PA LAS ME BYUNG BA BZHIN DU MNGON SUM DE NYID LA YANG DAG PAR GNOD PA BYED PAR GYUR NA GNOD PA BYED DU ZAD DE, KHO BO CAG LA NI DE TZAM GYIS CUNG ZAD KYANG MI 'DOD PAR BSGRUB PA MED DO, ,'DI LTAR 'GRO BA'I CHOS THAMS CAD JI LTA BA BZHIN RAB TU RNAM PAR 'BYED PA'I SHES RAB KYI ME'I BUD SHING NYID DU GYUR LA, DE BRDZUN PA'I BUD SHING 'DI THAMS CAD BSREGS TE, RNAM PAR 'BYED PA'I ME RAB TU ZHI BAS MYA NGAN LAS 'DAS PA'I MCHOG RTOG PA NYE BAR ZHI BA'I MTSAN NYID RTOGS PAR 'GYUR BA NI 'DOD PA KHO NA STE, DE SKAD DU, 'GRO BA'I CHOS KUN RNAM SHES KYI, ,ME YI BUD SHING YIN PAR 'DOD, ,DE DAG JI BZHIN RNAM 'BYED PA'I, ,ME YIS BSREGS NAS NYER ZHIR 'GYUR, ,ZHES BSHAD PA LTA BU'O, ,DE'I PHYIR DE KHO NA NYID KYI YE SHES SKYES NA RJES SU DPAG PA'I MTSAN NYID KYI RNAM PAR RTOG PA LDOG PAR GYUR CING RTEN MED MOD KYI, 'ON KYANG MI 'DOD PAR 'GYUR BA NI MA YIN NO, ,DE NYID KYI PHYIR BCOM LDAN 'DAS KYIS 'PHAGS PA DKON MCHOG BRTZEGS PA LAS, YANG DAG PAR SO SOR RTOG PA RNAM PAR RTOG PA DANG BCAS PA NYID YIN YANG 'BRAS BU RNAM PAR MI RTOG PA'I YE SHES SKYE BA'I PHYIR 'BRAS BU CHE BA NYID DU SHING GNYIS DRUD PA LAS BYUNG BA'I ME'I DPES RAB TU STON PAR MDZAD DO, ,GZHAN YANG GANG 'DI SKAD DU GAL TE @180B CHOS THAMS CAD NGO BO NYID MED PA GRUB PAR BYA BA'I PHYIR GTAN TSIGS YOD PA'I CHOS SHIG STON NA NI DE'I TSE DE LAS BZLOG PA SGRUB PA'I PHYIR GTAN TSIGS 'GAL BA YIN NO, ,'ON TE MED PA'I CHOS SHIG YIN NA NI DE'I TSE MED PA DANG DNGOS PO MED PAR PHAN TSUN 'BREL PA MED PA'I PHYIR JI LTAR NA SGRUB PA NYID YIN, 'ON TE GNYI GA'I CHOS SHIG YIN NA NI DE YANG MA NGES PA YIN PA'I PHYIR, GTAN TSIGS MA YIN PA KHO NA'O ZHES BRGAL BA GANG YIN PA DE YANG 'BREL PA MED PA KHO NA STE, 'DI LTAR 'DI NI RIGS PA SHES PA RNAMS KYIS YOD PA DANG, MED PA DANG, GNYI GA'I CHOS RNAMS DON DAM PAR YOD PA BSGRUB PA LA GTAN TSIGS NYID DU MI SRID DO ZHES BRJOD PA YIN GYI, SPYI'I CHOS NGO BO NYID MED PA LA SOGS PA'I MTSAN NYID SGRUB PA LA NI MA YIN NO, ,DE LTA NA NI GZHAN GYIS KUN BRTAGS PA DBANG PHYUG LA SOGS PA'I NGO BO MED PAR SGRUB PA LA YANG KLAN KA 'DI THAMS CAD CI STE 'BYUNG BAR MI 'GYUR, DE LA JI LTAR DBANG PHYUG LA SOGS PA LA DNGOS PO LA KHYAB PAR BYED PA'I CHOS NUS PA LA SOGS PA BKAG PAS DNGOS PO'I DE KHO NA NYID DU SGRO BTAGS PA 'GOG PAR BYED PA LA YANG MED PA'I CHOS 'BREL BA MED PA MA YIN PA DE BZHIN DU KHO BO CAG RGYU DANG 'BRAS BU'I DNGOS PO LA SOGS PA KHYAB PAR BYED PA BKAG PAS DNGOS PO'I CHOS YANG DAG PAR SGRO BTAGS PA DGAG PA SGRUB PAR BYED PA LA YANG BSGRUB PAR BYA BA DANG, SGRUB PA DAG CI'I PHYIR 'BREL PA MED, DE LTA MA YIN NA GTZO BO LA SOGS PA GANG YANG DGAG PAR BYA BAR MI 'GYUR TE, 'DI LTAR RE ZHIG DNGOS PO'I NGO BO NYID YOD PA LA NI DER BYA BAR MI NUS PA KHO NA'O, ,MED PA LA YANG GAL TE 'BREL BA MED PA'I PHYIR 'DI MI NUS NA 'DI GANG LA NUS PAR 'GYUR, DNGOS PO MED PA ZHES BYA BA GANG YANG DAG PA PA'I 'BREL PAR 'GYUR BA NI 'GA' YANG MED DE, KHYAB PAR BYED PA BKAG PAS KHYAB PAR BYA BA LDOG PA TZAM STON PAR BYED PA 'BA' ZHIG TU ZAD DO, ,JI LTAR DNGOS PO YOD PA LA YANG CHOS DANG, CHOS CAN GYI DNGOS PO 'DI THAMS CAD KUN BRTAGS PA KHO NAR RNAM PAR 'JOG PA DE BZHIN DU DNGOS PO MED PA LA YANG CI STE RNAM PAR MI GZHAG @181A *, ,GZHAN YANG GANG DAG LA NAM YANG DNGOS PO'I RANG GI NGO BO'I MTSAN NYID KYI DNGOS PO'I BDAG NYID DON DAM PA PA 'GA' YANG RAB TU MA GRUB LA, DE MA GRUB NA NI DE BZHIN DU GYUR PA'I DNGOS PO'I MTSAN NYID YIN PA'I PHYIR DNGOS PO MED PA YANG MA GRUB PA KHO NA YIN TE; DE'I PHYIR DE DAG LA YANG DAG PAR NA CHOS YOD PA DANG MED PA DANG GNYI GA'I MTSAN NYID KYI GTAN TSIGS 'GA' YANG GANG DU YANG MI SRID PA'I PHYIR JI LTAR DE DAG LA DES BRGAL ZHING BRTAG PA'I RIGS TE, DNGOS PO THAMS CAD NI SGYU MA LA SOGS PA LTA BUR YOD PA DANG MED PA DANG GNYI GA'I NGO BO NYID LAS YANG DAG PAR 'DAS PA YIN NO, ,DE'I PHYIR DE DAG NI YOD PA DANG DGAG PA SGRUB PA'I PHYIR GTAN TSIGS RANG DANG MTHUN PA'I PHYIR JI LTAR GRAGS PA RGOL BA DANG PHYIR RGOL BA DAG LA YANG DAG PAR GRUB PA DE MED NA MI 'BYUNG BA KHO NA SMOS PAR BYED PA YIN NO, , DE LTA BAS NA 'DI LA CHOS DANG, CHOS CAN DANG 'GAL BA DANG, KHYAB PAR BYA BA DANG, KHYAB PAR BYED PA DANG, RANG BZHIN DANG 'BRAS BU LA SOGS PA JI LTAR SNANG BA BZHIN RNAM PAR GZHAG PA THAMS CAD MI 'GAL BA NYID DO, ,DE'I PHYIR MKHAS PA RNAMS KYIS LTA BA 'DI LA KHA CIG CHOS DANG CHOS CAN 'GAL BA LA SOGS PAS PHYIR RGOL BAR BYED PA GANG YIN PA DE THAMS CAD NI DE DAG GI THA SNYAD DANG, DON DAM PA'I TSUL MA RIG PA'I PHYIR BRDZI BAR MI 'GYUR RO ZHES BYA BAR GZUNG BAR BYA'O, ,GANG YANG DE NI TSIG TZAM GYIS 'GRUB PAR YANG MI 'GYUR TE ZHES BYA BA LA SOGS PA SMRAS PA DE YANG KHAS MI LEN PA'I PHYIR SUN 'BYIN PA MA YIN PA NYID DE, KHO BO CAG KYANG TSIG TZAM GYIS CHOS THAMS CAD NGO BO NYID MED PAR SGRUB PA YANG MA YIN LA, THAL BAR SGRUB PA TZAM GYIS KYANG MA YIN NO, ,'O NA CI ZHE NA, YANG DAG PA'I TSAD MA NYID KYIS SGRUB BO, ,'DI LTAR DNGOS PO RNAMS LA DON DAM PA'I NGO BO NYID GCIG YOD PAR GYUR NA RNAM PA GNYIS KHO NAR 'GYUR TE, THAMS CAD RGYU DANG RKYEN LA RAG LAS TE, SKYE BA'I PHYIR MI RTAG PA'I NGO BO NYID YIN TE, DPER NA MDO SDE PA DANG, RNAL 'BYOR SPYOD PA PA RNAMS 'DOD PA LTA BU ZHIG GAM, RANG BZHIN GYIS @181B YANG DAG PAR GRUB PA'I BDAG NYID KYI PHYIR BRTEN PA'I KHONGS SU GTOGS PA ZHIG YIN TE, DPER NA MU STEGS CAN LA SOGS PA DAG GIS BDAG LA SOGS PA KUN BRTAGS PA LTA BU ZHIG YIN GRANG, RTAG PA DANG MI RTAG PA DAG NI PHAN TSUN SPANGS TE GNAS PA'I MTSAN NYID YIN PA'I PHYIR PHUNG PO GSUM PA NI MED DO, ,NGO BO NYID 'DIR RNAM PA GNYI GA YANG DON DAM PA PAR MI RUNG STE, DE SGRUB PAR BYED PA'I TSAD MA MED PA'I PHYIR DANG, GNOD PAR BYED PA YANG SRID PA'I PHYIR RO, ,'DI LTAR MNGON SUM MAM, RJES SU DPAG PA ZHIG SGRUB PAR BYED PA'I TSAD MA YIN PAR 'GYUR GRANG NA, DE LA DNGOS PO'I NGO BO NYID DANG PO NI GNYI GAS KYANG YANG DAG PAR 'GRUB PA MED DO, ,'DI LTAR RGYU DANG 'BRAS BU'I DNGOS PO GRUB NA, DE 'GRUB PAR 'GYUR BA ZHIG NA, RGYU DANG 'BRAS BU'I DNGOS PO DE YANG RE ZHIG MNGON SUM GYI SGO NAS NI DON DAM PAR MI 'GRUB PO, ,DE NI DBANG PO LAS BYUNG BA'I MNGON SUM MAM, RANG RIG PA'I MNGON SUM GYIS 'GRUB GRANG TSU ROL MTHONG BA RNAMS RNAL 'BYOR PA'I MNGON SUM GYIS THA SNYAD MI 'DOGS PA'I PHYIR DANG, YID KYI MNGON SUM GANG LA YANG MA GRAGS PA'I PHYIR DE DAG GIS NI DE 'GRUB PAR NI MI BSAM MO, , DE LA RE ZHIG DBANG PO'I MNGON SUM GYIS NI DE MI 'GRUB STE, DE DON GZHAN YUL NYID DU NYE BAR BRJOD PA'I PHYIR LA, DON GZHAN RGYU DANG 'BRAS BUR GYUR PA YANG DON DAM PAR SHES PAS 'DZIN PAR MI RUNG BA'I PHYIR RO, ,'DI GANG GIS NA RNAM PAR SHES PAS RANG GI NGO BO BZHIN DU GZHAN YANG SHES PAR 'GYUR BA GZHAN GYIS NGO BO NI GZHAN MA YIN LA, GZHAN DANG GZHAN MA YIN PA DAG NI PHAN TSUN 'GAL BA'I PHYIR RO, ,DE'I RNAM PAR SKYES PA TZAM GYIS RNAM PAR SHES PAS GZHAN RIG GO ZHES BYA BAR YANG RIGS PA MA YIN TE, HA CANG THAL BAR 'GYUR BA'I PHYIR RO; ,DE LTA NA NI BUM PA LA SOGS PA GANG CUNG ZAD RNAM PA GZHAN GYI RJES SU BYED PA 'BYUNG BA DE THAMS CAD KYANG PHAN TSUN DU NGO BO NYID 'DZIN PAR 'GYUR RO, ,DE'I RNAM PA CAN GANG YIN PA NI SHES PA'I NGO BO YIN NO ZHES KHYAD PAR BRJOD KYANG RNAM PAR SHES PA LA NI GANG GIS NA 'DRA BA @182A *, ,CAN GYI RNAM PAR SHES PA KHO NAS GZHAN RIG PAR 'GYUR GYI, BUM PA LA SOGS PAS NI MA YIN NO ZHES RNAM PAR DBYE BAR 'GYUR BA'I KHYAD PAR NI 'GA' YANG MI 'GYUR TE, 'DI LTAR DE DAG SHES PA'I NGO BO NYID YIN YANG RANG GI NGO BOR GNAS PA'I PHYIR GZHAN LA CUNG ZAD KYANG MI BYED PAR 'DRA BA'I PHYIR RO, ,KHYAD PAR MED NA DON BYED PA DON DU GNYER BA RNAMS KYIS DNGOS PO RNAMS RANG DGA'I RJES SU BYED PA'I KHYAD PAR TZAM GYIS RNAM PAR SBYAR KYANG SO SOR NGES PA'I DON BYED PA'I RANG BZHIN RNAMS NI GANG DU YANG THAMS CAD SGRUB PAR MI NUS TE, HA CANG THAL BAR 'GYUR BA'I PHYIR RO, ,ZLOS GAR MKHAN DANG, ZLA BA DANG, GYAD LA LTA BA LTA BU MANG PO RNAMS GCIG LA LTA BA DE'I RNAM PAR SHES PA DAG LA YANG PHAN TSUN 'DRA BA SRID PA'I PHYIR DANG, SHES PA'I NGO BO NYID DU MTSUNGS PA'I PHYIR DE DAG KYANG PHAN TSUN MNGON SUM NYID DU THAL BAR 'GYUR RO, ,DE LAS BYUNG BA YIN NA ZHES KHYAD PAR GZHAN BRJOD KYANG DON GZHAN MNGON SUM NYID DU GTAD PAR YANG NUS PA MA YIN TE, KHYAD PAR 'DOD PA TZAM GYIS NYE BAR BRTAGS PA YIN PAS KHYAD PAR RAB TU MA GRUB PA'I PHYIR RO, ,GZHAN YANG GZHAN DU GYUR PA MNGON SUM NYID DU GRUB NA NI SHES PA'I KHYAD PAR DE DANG 'DRA BA DANG, DE LAS BYUNG BA'I MTSAN NYID 'GRUB PAR 'GYUR BA ZHIG NA, GANG GI TSE SHES PAS GZHAN JI LTAR 'DZIN ZHES RNAM PAR SPYOD PA BYED PA NA DON GZHAN MNGON SUM NYID DU MA GRUB PA KHO NA YIN NA DE'I TSE JI LTAR NA MA GRUB PA'I NGO BO'I KHYAD PAR GYIS GRUB PA'I LAM GYI KHYAD PAR DAG SGRUB PAR 'GYUR TE ZHES BSHAD PA LTA BU'O, ,RNAM PAR SHES PA'I SKAD CIG MTSUNGS PA DE MA THAG PA'I RKYEN DON MTHUN PA'I STOBS LAS BYUNG BA LAS SKYE BA PHYI MA PHYI MA RNAMS KYANG SHES PA'I SKAD CIG SNGA MA SNGA MA LA LTOS NAS DE LAS BYUNG BA DANG 'DRA BAR SRID PA'I PHYIR SNGA MA RNAMS SHES PA PHYI MA'I GZUNG BA NYID DU THAL BA BZLOG DKA' BA NYID DO, ,GZHAN YANG RE ZHIG GANG DAG PHYI ROL GYI DON YAN LAG CAN LA SOGS PA'I DNGOS PO MNGON SUM DU 'DOD PA DE DAG GI LTA BA LA YANG DE JI LTAR RANG GI GRUB PA'I MTHA' LAS NYE BAR BRTAGS PA DE BZHIN DU MNGON @182B SUM DU SNANG BA MYONG BA MED DE, ,NAM YANG YAN LAG CAN DU RTOGS PA DE'I RNAM PA CAN GYI SHES PA MNGON SUM DU MYONG BA NI MED KYI, RTAG TU LAG PA LA SOGS PA'I YAN LAG GI TSOGS DU MA'I RNAM PA CAN GYI SHES PA SO SOR MYONG BA'I PHYIR RO, ,SNGON PO LA SOGS PA'I YON TAN LA SOGS PA YAN LAG CAN LA YOD PA'I RNAM PA CAN GYI SHES PA NYAMS SU MYONG BA YANG MED DE, RTEN MNGON SUM NYID MA YIN NA DE LA YOD PA'I YON TAN LA SOGS PA 'BA' ZHIG MI 'DZIN PA'I PHYIR RO, ,'CHI LTAS DANG, MIG SNGON DANG, MIG SER DANG, RAB RIB LA SOGS PAS MIG NYAMS PA RNAMS DANG, YUL RING BA DANG NYE BA LA SOGS PA NA GNAS PA RNAMS DNGOS PO GCIG LA YANG RNAM PA PHAN TSUN MI MTHUN PA DU MA CAN GYI RNAM PAR SHES PA SKYE BA'I PHYIR SEMS DAG LA PHYI ROL GYI YAN LAG CAN LA SOGS PAR GTOGS PA'I 'DRA BA YOD PA YANG MA YIN TE, DE THA DAD PAR THAL BAR 'GYUR BA'I PHYIR DE SNYED KYI 'DI'I NGO BO NYID DAM, YON TAN LA SOGS PA SKYES PA NI MED DO, ,YON TAN LA SOGS PA'I CHOS 'GAL BA DANG LDAN PA YANG GCIG PA NYID YIN NA NI SNA TSOGS KYANG GCIG PA NYID DU THAL LA, GAGS BYED PA MED PA'I PHYIR YON TAN LA SOGS PA'I CHOS MTHA' DAG KYANG THAMS CAD KYI MNGON SUM NYID DU THAL BA YIN NO, ,RMI LAM LA SOGS PA DAG NA SNGON PO LA SOGS PA'I YON TAN DANG LDAN PA'I DON GZHAN DE LTA BU MED KYANG SNGON PO LA SOGS PAR SNANG BA'I SHES PA DE LTA BU SO SOR MYONG BAS 'KHRUL PA NYID KYI PHYIR YANG RNAM PA'I DBANG GIS DON GZHAN 'DZIN PAR RNAM PAR GZHAG PAR RIGS PA MA YIN NO, ,GANG DAG SNGON PO LA SOGS PA'I DON RDUL PHRA RAB BSAGS PA'I BDAG NYID MNGON SUM DU SMRA BA DE LA YANG NYES PA MTSUNGS PA NYID DE, DNGOS PO PHRA MO YAN LAG MED PA RNAM PA DU MA CAN GYI SHES PA SO SOR MI MYONG BA'I PHYIR DANG, TSOGS PA GCIG PA RNAMS YUL NYID DU KHAS LEN PA'I PHYIR DANG, RTAG TU RMI LAM LA SOGS PA BZHIN DU RAGS PAR SNANG BA'I SHES PA SO SOR MYONG BA'I PHYIR DANG, 'DUS PA CAN DAG LAS 'DUS PA DON GZHAN MA YIN PA'I PHYIR DANG, 'DUS PA RNAM PAR RTOG PAS NYE BAR BRTAGS PA YANG DNGOS PO MED PA'I PHYIR RO, , @183A *, ,RAGS PAR 'KHRUL PA DNGOS PO DU MA 'DAB CHAGS SU GNAS PA 'DZIN PAS NYE BAR BSKYED PA NYID YIN NA NI DE'I TSE SHES PA YANG 'KHRUL PA'I PHYIR TSAD MA MA YIN PAR THAL TE, 'DI LTAR GAL TE RAGS PAR 'KHRUL PA 'DI YID KHO NAS KUN BRTAGS PA ZHIG YIN NA NI DE'I TSE 'DI GSAL BAR MI SNANG BA NYID DU THAL BAR 'GYUR TE, RNAM PAR RTOG PA'I YUL NI DUS THAMS CAD DU MI GSAL BA NYID KYI PHYIR RO, ,'ON TE DBANG PO'I SHES PA'I KHONGS SU GTOGS PA ZHIG YIN NA NI DE'I TSE RDUL PHRA RAB RNAMS RTAG TU MI 'DZIN PA KHO NAR THAL BA YIN TE, DUS THAMS CAD DU DE'I RNAM PA CAN GYI RNAM PAR SHES PA MI SKYE BA NYID KYI PHYIR RO, ,RAGS PAR 'KHRUL PA DE 'DZIN PA SNGON DU 'GRO BA NYID DU YANG 'GRUB PAR MI 'GYUR TE, DANG PO KHO NAR RAGS PAR 'KHRUL PA SKYE BAR KHAS LEN PA'I PHYIR RO, ,TSAD MA GZHAN GYI SGO NAS RDUL PHRA RAB DAG GRUB NA RAGS PAR 'KHRUL PA DE 'DZIN PAS BYAS PA NYID DU 'GRUB PAR 'GYUR BA ZHIG NA, DE MA GRUB NA RAGS PAR 'KHRUL PA 'DI DE 'DZIN PAR BYAS SO ZHES BYA BAR LTA GA LA 'GYUR, RMI LAM LA SOGS PA NA RDUL PHRA RAB 'DZIN PA MED KYANG RAGS PAR 'KHRUL PA MTHONG BA'I PHYIR 'DI DE 'DZIN PA SNGON DU 'GRO BA NYID DU RIGS PA MA YIN NO, ,MYA NGAM DAG NA DNGOS PO CHUNG NGU YANG THAG RING PO NAS CHEN PO NYID DANG LDAN PAR SNANG BA DANG, THAG RING BA DANG NYE BA'I BYE BRAG GIS GSAL BA DANG MI GSAL BAR SNANG BA'I BYE BRAG TU YANG MI 'GYUR TE, DNGOS PO DE GCIG PA NYID KYIS RNAM PA DE LTA BU MI SRID PA'I PHYIR RO, ,GZHAN YANG GAL TE RNAM PA RNAMS YANG DAG PA NYID DU 'DOD NA DE'I TSE RI MO BRKYANG BA LA SOGS PA DAG LA SHES PA'I RNAM PA SNA TSOGS YIN PA'I PHYIR RNAM PA BZHIN DU THA DAD PAR THAL BAR 'GYUR RO, ,GANG GIS NA RNAM PA SNA TSOGS NYID GZHUNG GZUGS PA'I PHYIR SHES PA DU MA SKYE BAR RTOGS PA LEGS PAR 'GYUR BA RNAM PAR SHES PA YUL LA BKRAM PA LTA BUR 'DUG PAR YONGS SU 'DZIN PAR SKYE BA YANG MED DE, LUS CAN MA YIN PA LA YUL NA GNAS PA MI SRID PA'I PHYIR DANG, YUL NA MI GNAS PA RNAMS KYANG BYANG DANG, SHAR LA SOGS PA'I PHYOGS KYI BYE BRAG TU @183B SKYE BAR MI RUNG BA'I PHYIR RO, ,DE LTAR MI SKYE NA YANG YUL LA BKRAM PA LTA BUR SNANG BA MI SRID PA'I PHYIR RO, ,SHES PA GCIG DANG NGO BO THA DAD PA MA YIN PA'I PHYIR SHES PA'I NGO BO BZHIN DU RNAM PA RNAMS NGO BO NYID GCIG PAR THAL BA YANG YIN NO, ,THA DAD PA YIN NA NI DE DAG KYANG DON BZHIN DU SHES PAS 'DZIN PAR MI 'THAD DE, DON GZHAN YIN PA'I PHYIR RO, ,DE 'DZIN PAR BYA BA'I PHYIR RNAM PA GZHAN DANG GZHAN DU RTOG NA YANG RNAM PA RNAMS THUG PA MED PAR 'GYUR RO, ,RNAM PA GZHAN DANG GZHAN MYONG BA YANG NAM YANG MED DO, ,'ON TE DE DAG BRDZUN PA'I PHYIR DE NYID DANG GZHAN NYID DU BSAM PAR RIGS PA MA YIN NO SNYAM DU SEMS NA, 'O NA DE'I TSE DE'I DBANG GIS DON GZHAN RNAM PAR GZHAG PAR RIGS PA MA YIN TE, DE DAG YANG DAG PA MA YIN PA'I PHYIR RO, ,GZUNG BA'I RNAM PA YANG BRTAGS PA KHO NAR 'GYUR RO, ,GZHAN YANG GAL TE SHES PA'I 'DRA BA BDAG NYID THAMS CAD KYI YIN NA NI DE'I TSE DON BZHIN DU SHES PA YANG BLUN PO'I NGO BO NYID DU 'GYUR RO, ,RNAL 'BYOR PA GZHAN GYI SEMS SHES PA RNAMS KYANG 'DOD CHAGS DANG BCAS PA LA SOGS PA NYID DU THAL BAR 'GYUR TE, GZHAN GYI SEMS 'DOD CHAGS DANG BCAS PA NYID LA SOGS PA 'DZIN PA'I PHYIR RO; ,PHYOGS GCIG GIS 'DRA BA YANG MA YIN TE, GCIG LA CHA SHAS DANG BCAS PA NYID DU THAL BAR 'GYUR BA'I PHYIR RO, ,LDOG PA'I THA DAD PAR NYE BAR BRTAGS PAS BYAS PA'I PHYOGS GCIG PA NYID YIN NA NI THAMS CAD LA DNGOS PO LA SOGS PA'I 'DRA BA SRID PA'I PHYIR THAMS CAD KYANG THAMS CAD RIG PAR BYED PAR 'GYUR LA 'DRA BA YANG BRTAGS PAR 'GYUR GYI DON DAM PA PA NI MA YIN NO, ,DE'I PHYIR 'DRA BA'I SGO NAS SHES PA NGO BO GZHAN 'DZIN PAR RIGS PA PA MA YIN TE DE MI SRID PA'I PHYIR RO, ,'DRA BA YOD DU ZIN KYANG 'ON KYANG DON GZHAN MNGON SUM NYID DU NI RIGS PA MA YIN TE, YUL NI RGYU YIN PA NYID KYIS SHES PA NYAMS SU MYONG BA'I PHYIR DUS DE'I TSE NA MI NYE BA'I PHYIR RO, ,NYE BA YIN NA YANG DE MI 'DZIN PA NYID DE, SHES PA BDAG NYID LA YOD PA'I 'DRA BA KHO NA MYONG BA'I PHYIR DANG, GNYIS PA DON LA YOD PA'I RNAM PA MI SNANG BA'I PHYIR RO, ,SNANG NA YANG DE LA YANG BRGAL ZHING BRTAGS PA MTSUNGS @184A *, ,PA'I PHYIR RO, ,GAL TE DE'I RNAM PA CAN GYI SHES PA NYAMS SU MYONG BA GANG YIN PA 'DI NYID 'DI 'DZIN PA YIN NO SNYAM DU SEMS NA BRTAGS PA'I SGO NAS YIN DU ZAD DE, 'DI TZAM GYIS DNGOS PO DE LTA BU'I NGO BOR 'GYUR BA NI MED DE, HA CANG THAL BAR 'GYUR BA'I PHYIR RO, ,BRAM ZE'I KHYE'U LA ME ZHES NYE BAR BRTAGS KYANG SREG PA DANG 'TSED PA LA SOGS PA LA RNAM PAR SBYOR BA NI MED DO, ,RNAM PA'I DBANG GIS DON GZHAN RNAM PAR 'JOG NA YANG DE RJES SU DPAG PA KHO NAR 'GYUR GYI, MNGON SUM GYIS NI MA YIN NO, ,GANG GIS NA DE RTOGS PAR 'GYUR BA DON GZHAN NYE BAS RNAM PA LA KHYAB PA YANG MA YIN TE, RMI LAM LA SOGS PA DAG NA DON GZHAN MED KYANG RNAM PA DE LTA BU SRID PA'I PHYIR RO, ,DON GZHAN NI SHIN TU LKOG TU GYUR BA'I PHYIR DE SHES PA DE'I RNAM PA CAN NO ZHES BYA BAR YANG 'GRUB PAR MI 'GYUR BA NYID DO, ,RGYU ZHES BYA BA NI BDAG NYID KYI RNAM PA GTOD PAR 'BRAS BU SKYED PAR BYED PA KHO NA YANG MA YIN TE, RANG GI RNAM PAR SHES PA LA SOGS PA LA MIG LA SOGS PAS 'KHRUL PA'I PHYIR DANG, SGRA LA SOGS PA SHES PA'I MJUG THOGS SU MIG GI RNAM PAR SHES PA LA SOGS PA SKYE BA'I PHYIR MIG GI RNAM PAR SHES PA LA SOGS PA YANG SGRA LA SOGS PAR SNANG BAR 'GYUR RO, ,DE LTAR NA RE ZHIG SNANG BA DANG LDAN PA'I SHES PAS DON GZHAN 'DZIN PAR RIGS PA NI MA YIN NO, ,SNANG BA MED PAS KYANG MA YIN TE, DE NI THAMS CAD LA KHYAD PAR MED PA'I PHYIR RO, ,GAL TE DE'I TSE NYE BA'I PHYIR RNAM PAR SHES PAS GZHAN 'DZIN PAR BYED PA YIN NO ZHES BYA BAR RTOG NA, DE'I TSE RNAM PAR SHES PA THAMS CAD DON NYE BA MA LUS PA'I YUL CAN DU 'GYUR TE, THAMS CAD LA DE YOD PAR KHYAD PAR MED PA'I PHYIR RO, ,DE'I PHYIR THAMS CAD KYIS THAMS CAD MTHONG BAR 'GYUR RO, ,RNA BA LA SOGS PA'I RNAM PAR SHES PA YANG GZUGS LA SOGS PA'I YUL CAN DU 'GYUR TE, DE'I TSE NYE BAR KHYAD PAR MED PA'I PHYIR RO, ,DE'I PHYIR 'DI NI SNGON PO SHES PA'O, ,SER PO SHES PA'O ZHES BYA BA'I RNAM PAR DBYE BAR YANG MI 'GYUR TE, RNAM PAR DBYE BA'I RGYU KHYAD PAR 'GA' YANG KHAS MI LEN PA'I PHYIR RO, ,DE KHAS LEN NA NI DE NYID 'DRA BA LAS KHAS BLANGS BAR 'GYUR BA YIN NO, , @184B RTOG PA'I NGO BO TZAM DU KHYAD PAR MED PA'I SHES PA'I BDAG NYID LA NI 'DRA BA MA GTOGS PAR BYE BRAG TU 'BYED PA GZHAN YOD PA MA YIN TE, DE LA YANG NYES PA BSHAD ZIN TO, ,'O NA DE YANG NYE BA TZAM GYI SGO KHO NA NAS SHES PAS DON GZHAN MYONG BAR BYED PA MA YIN GYI, 'O NA CI ZHIG CE NA, DE LAS BYUNG BA'I SGO NAS YIN NO ZHE NA, DE YANG RIGS PA MA YIN TE, SHES PA'I DUS NA DE'I YUL RGYU MED PA'I PHYIR DANG, MED PA YANG 'DZIN PAR MI RUNG BA'I PHYIR DANG, RGYU DANG 'BRAS BU'I DNGOS PO DUS MNYAM PAR MI RUNG BA'I PHYIR DANG, SU YANG KHAS MI LEN PA'I PHYIR RO, ,MIG GI DBANG PO LA SOGS PA YANG DE'I RGYU YIN PA NYID KYIS 'DZIN PAR THAL BAR 'GYUR RO, ,YUL DANG DUS MNYAM PA TSOGS PA GCIG LA RAG LAS PA KHO NA RNAM PAR SHES PAS 'DZIN GYI, GZHAN NI MA YIN NO ZHES BYA BAR RTOG NA YANG MIG LA SOGS PA YANG 'DZIN PAR THAL BA YANG BZLOG DKA' BA NYID DO, ,GAL TE DBANG PO YUL MA YIN PA'I PHYIR MI 'DZIN TO ZHE NA, DE NYID YUL MA YIN PA NYID DU MI 'GYUR TE, YUL GYI MTSAN NYID DU GYUR PA'I PHYIR RO, ,GZUNG BA NYID KYANG YUL GYI NGO BO LAS GZHAN MA YIN TE, DES NA GANG GI PHYIR YUL MA YIN PA DE'I PHYIR YUL MA YIN NO ZHES SMRAS PAR 'GYUR RO, ,DE LTAR NA SHES PA RNAM PA MED PAS KYANG DON GZHAN 'DZIN PAR RIGS PA MA YIN NO, ,GZHAN GYI RNAM PA CAN GYIS KYANG MA YIN TE, RNAM PAR GZHAG PA MED PAR THAL BAR 'GYUR BA'I PHYIR RO, ,DE LTA NA NI RNA BA'I RNAM PAR SHES PAS KYANG GZUGS LA SOGS PA 'DZIN PAR 'GYUR RO, ,DON GZHAN LKOG TU GYUR PA'I PHYIR RNAM PA GZHAN NYID KYANG 'GRUB PAR MI 'GYUR RO, ,GANG GIS NA DON GZHAN 'DZIN PAR 'GYUR BA RNAM PA GZHAN YANG YOD PA MA YIN TE, DE'I PHYIR RGYU DANG 'BRAS BUR GYUR PA DON GZHAN 'GA' YANG RAB TU MA GRUB PAS DON DAM PAR RGYU DANG 'BRAS BU MNGON SUM DU MA GRUB PA YIN NO, ,DE'I PHYIR YANG DAG PAR NA, DES DBEN DE YI RNAM PA CAN, ,MNGON SUM RNAM PA GNYIS KYIS NI, ,RGYU DANG 'BRAS BU'I DNGOS POR NGES, ,ZHES SMRAS PA GANG YIN PA DE YANG MA GRUB PA YIN NO, ,GAL TE 'DI SNYAM DU, BLO RNAM PA DANG BCAS PA DANG, CIG SHOS KYI DON GZHAN YONGS SU GCOD PAR MI RUNG BA'I PHYIR RGYU DANG 'BRAS @185A *, ,BU'I DNGOS PO NGES PAR BYA BA'I TSAD MA MED DU ZIN KYANG 'ON KYANG SHES PA GNYIS MED PAR SMRA BA LA CUNG ZAD KYANG GNOD PA MED DE, RIGS PA SMRA BA DE'I LTAR NA DNGOS PO THAMS CAD SEMS TZAM GYI LUS GTZO BO YIN NO, ,DE LA DON GZHAN MNGON SUM DU RIGS PA MA YIN DU CHUG KYANG; SHES PA NYID RANG RIG PA'I MNGON SUM GYIS RTOGS PAR BYA BA YIN LA, DE YANG RGYU DANG 'BRAS BUR GYUR PA GRUB PA YIN PAS RGYU DANG 'BRAS BU'I DNGOS PO NI MNGON SUM DU GRUB PA KHO NA YIN NO SNYAM DU SEMS NA DE YANG RUNG BA MA YIN TE, DE KHO NA NYID NI JI LTA BA BZHIN MA MYONG BA'I PHYIR DANG, JI LTAR MYONG BA'I DE KHO NA NYID MA YIN PA'I PHYIR RO, ,'DI LTAR KHYED NI RNAM PAR SHES PA GZUNG BA DANG 'DZIN PA'I RNAM PA CAN DU MA GYUR PA DNGOS POR YOD PAR 'DOD NA DE NI DE LTA BUR MYONG BA MED DE, DUS THAMS CAD DU GZUNG BA DANG 'DZIN PA'I RNAM PA THAMS CAD DANG LDAN PA'I SHES PA MYONG BA'I PHYIR RO; ,DE LTA MA YIN NA THAMS CAD DE KHO NA MTHONG BAR 'GYUR RO, ,SHES PA DE NI JI LTAR MYONG BA DE LTAR GNAS PA YANG MA YIN TE, GCIG LA GNYIS KYI NGO BO NYID 'GAL BA'I PHYIR RO, ,GAL TE DE NI 'KHRUL PAS DE LTA BU SHES SO ZHE NA, 'KHRUL PA 'DI GANG YIN, GAL TE SHES PA DE NYID YIN NA NI, 'O NA DE MNGON SUM MA YIN TE, MNGON SUM GYI MTSAN NYID NI MA 'KHRUL PA YIN PA'I PHYIR LA, DE RTAG TU BDAG NYID LA BDAG NYID KHO NAS 'KHRUL PA'I PHYIR RO, ,GNYIS KYI BDAG NYID DU YANG DE'I BDAG NYID SNANG BA'I PHYIR GNYIS MED PA'I NGO BO NYID NYAMS PAR THAL BA KHO NA YIN TE, GNYIS DANG GNYIS MA YIN PA DAG NI PHAN TSUN 'GAL BA'I PHYIR RO, ,'KHRUL PA DON GZHAN YIN YANG DE DANG RANG RIG PA'I MTHAR THUG PA NYID YIN PAS DES GNYIS MED PA DE LTAR SHES PA NI MA YIN NO, ,GAL TE MNGON SUM NI RTOG PA'I NGO BO NYID TZAM ZHIG YIN NO ZHE NA, 'O NA NI MNGON SUM RANG GI MTSAN NYID KYI YUL CAN MA YIN TE, RTOG PA'I NGO BO NYID NI SPYI'I MTSAN NYID KYI YUL CAN YANG YIN PA'I PHYIR RO, ,GZHAN YANG RTOG PA'I NGO BO NYID CES BYA BA NI RANG GIS GSAL BA'I BDAG NYID LA BYA BA NI GZUNG BA DANG 'DZIN PA'I RNAM PA DAG KYANG RANG GIS GSAL BA'I PHYIR RTOG PA'I NGO BO NYID KHO NA YIN NO, ,DE DAG @185B KYANG BRDZUN PA NYID YIN NA NI DE DANG 'DRA BAR DE DE DANG THA MI DAD PA RTOG PA'I NGO BO NYID KYANG BRDZUN PA'I NGO BO YIN NA JI LTAR MNGON SUM GYI TSAD MAS YANG DAG PAR 'GRUB PA'I DNGOS PO'I NGO BOR 'GYUR, KHYAD PAR RNAMS BRDZUN PA NYID YIN NA NI RTOG PA'I NGO BO NYID SPYI YANG DNGOS POR YOD PA MI SRID PA NYID DE, SPYI NI KHYAD PAR DAG KHO NA LA GZHAN RNAM PAR BCAD NAS THA SNYAD 'DOGS PA'I PHYIR RO, ,DE LTA NA SHES PA'I DE KHO NA NYID JI LTA BA BZHIN MI MYONG BA'I PHYIR 'DIS RANG RIG PA'I MNGON SUM NYID DU MI RIGS SO, ,SHES PA RANG RIG PA'I MNGON SUM NYID YIN DU ZIN KYANG 'ON KYANG DE LAS RGYU DANG 'BRAS BU'I DNGOS PO NI MI 'GRUB STE, RANG GI BDAG NYID GCIG PA NYID KYIS RGYU DANG 'BRAS BUR GYUR PA'I NGO BO NYID GNYIS 'GAL BA'I PHYIR RO, ,LTOS PA'I BYE BRAG GIS GNYI GA'I NGO BO BRTAGS NA YANG, LTOS PA DON GZHAN YIN PA NYID KYIS RANG RIG PA'I MNGON SUM NYID MA YIN NA, DE MA GRUB PA'I PHYIR DE LA LTOS NAS RNAM PAR GZHAG PA GNYI GA'I NGO BO YANG MNGON SUM NYID DU RIG PA MA YIN NO, ,SHES PA RGYU DANG 'BRAS BU'I NGO BO DON GZHAN DU GYUR PA DAG KYANG DUS THA DAD PA'I PHYIR SHES PA GCIG LA MYANG BA MED DO, ,BDAG NYID KHO NAR YONGS SU GTUGS PA'I PHYIR 'DI DAG PHAN TSUN RANG GI NGO BO MYONG BA YANG MA YIN NA SHES PA GANG ZHIG LA DE GNYIS MNGON SUM DU MYONG BA NYID DU 'GYUR, DE GNYIS SHES PA GCIG LA MI MYONG NA NI GANG GIS KYANG 'BREL PA GZUNG BAR MI NUS SO, ,SHES PA GCIG LA SNANG BA YIN DU ZIN KYANG 'DI NI RGYU'O, ,'DI NI 'BRAS BU'O ZHES MNGON SUM DU DE GNYIS DE YOD PA NYID KYI 'BREL PA GZUNG BAR NI MI NUS TE, DE NI RNAM PAR MI RTOG PA'I PHYIR RO, ,KUN TU 'BREL PA MA BZUNG BAR YANG RGYU DANG 'BRAS BU'I DNGOS PO GZUNG BAR MI 'GYUR TE, HA CANG THAL BAR 'GYUR BA'I PHYIR RO, ,DON DAM PAR DE'I RJES LA THOB PA GTAN LA 'BEBS PA'I SHES PAS KYANG DE GNYIS RUNG BAR RIGS PA MA YIN TE, DES DE DAG NYAMS SU MA MYONG BA'I PHYIR RO, ,GZHAN GYIS NYAMS SU MYONG BA GZHAN GYIS GTAN LA 'BEBS PA NI MA YIN TE, HA CANG THAL BAR 'GYUR BA'I PHYIR RO, ,RGYUD GCIG YIN PA'I PHYIR GCIG GIS NYAMS SU MYONG BAR BRTAGS PA YANG @186A *, ,RIGS PA MA YIN TE, RGYUD GCIG PA NYID DU BRTAGS PA DNGOS PO MED PA'I PHYIR RO, ,RGYUD CAN THA DAD PA RNAMS KYANG PHAN TSUN MYONG BA MED PA'I PHYIR RO, ,GTAN LA 'BEBS PA'I SHES PA'I DUS NA YANG RGYU DANG 'BRAS BU DAG 'DAS PA'I PHYIR RO, ,DE'I PHYIR RANG RIG PA'I MNGON SUM GYI SGO NAS KYANG RGYU DANG 'BRAS BU YANG DAG PA PA MI 'GRUB BO, ,JI STE GAL TE RGYU DANG 'BRAS BU MNGON SUM DU NYAMS SU MA MYONG NA JI LTAR DE LA DRAN PA'I NGO BO SKYE BAR 'GYUR SNYAM NA, DE YANG RIGS PA MA YIN TE, RMI LAM LA SOGS PA DAG NA DON NYAMS SU MA MYONG YANG DRAN PA SRID PA'I PHYIR DANG, DE YANG RANG GI NGO BOR MTHAR THUG PAS DON DAM PAR GZHAN NYAMS SU MYONG BAR MI 'GRUB STE, JI SKAD DU SNGAR BSHAD PA BZHIN NO, ,DE LTAR NA RE ZHIG MNGON SUM GYI SGO NAS NI DE 'GRUB PAR RIGS PA MA YIN NO, ,RJES SU DPAG PA'I SGO NAS KYANG MA YIN TE, JI SKAD BSHAD PA'I TSUL GYIS MNGON SUM DU NYAMS SU MYONG BA'I CHOS CAN 'GA' YANG MA GRUB PA'I PHYIR GANG LA DE'I DNGOS PO RAB TU BSGRUB PAR BYA, GTAN TSIGS THAMS CAD KYANG RANG GI NGO BO DANG GZHI MA GRUB PA YIN NO, ,DPE'I CHOS CAN YANG MA GRUB STE, THAMS CAD DU BRGAL ZHING BRTAG PA MTSUNGS PA'I PHYIR RO, ,GZHAN YANG RE ZHIG 'BRAS BU'I GTAN TSIGS KYIS NI DE'I DNGOS PO BSGRUB PAR NUS PA MA YIN TE, GCIG LA GCIG BRTEN PA'I NYES PAR 'GYUR BA'I PHYIR RO, ,RGYU DANG 'BRAS BU'I DNGOS PO GRUB NA 'BRAS BU'I GTAN TSIGS SU 'GYUR LA, 'BRAS BU'I GTAN TSIGS YANG DAG PAR GRUB NA RGYU DANG 'BRAS BU'I DNGOS PO GRUB PAS GCIG LA GCIG BRTEN PA NYID DU GSAL RAB PA NYID DO, ,RANG BZHIN GYI GTAN TSIGS KYANG CHOS CAN MA GRUB PA'I PHYIR GANG DU 'JUG PAR 'GYUR, CHOS CAN GRUB TU BCUG NA YANG RGYU DANG 'BRAS BU'I DNGOS PO DON DAM PA PA BSGRUB PAR BYA BA LA GANG DU YANG GTAN TSIGS LA KHYAB PA NI MA GRUB STE, THAMS CAD DU BRGAL ZHING BRTAG PA MTSUNGS PA'I PHYIR RO, ,GZHAN YANG KHYED KYIS RGYU DANG 'BRAS BU NYID YANG DAG PAR BSGRUB PAR BYA BA'I PHYIR 'DI LTA STE DE YOD NA YOD PA NYID CES BYA BA 'DI NYE BAR BRJOD PA YIN NA DE YANG 'KHRUL BA YIN TE, DE'I RGYU DANG DUS MNYAM PA NA YOD PA 'GRO BA MA @186B LUS PA YOD NA YOD PA NYID YIN YANG DE'I RGYU CAN NYID DU MI SRID PA'I PHYIR RO, ,'ON TE YANG RGYUN KHO NA LA RJES SU 'GRO BA DANG LDOG PA DAG GIS DE YOD NA YOD PA NYID DU NGES PA'I GTAN TSIGS NYID DU BRJOD KYI, SKAD CIG MA LA NI MA YIN NO ZHE NA, DE YANG 'DIR RGYU DANG 'BRAS BU DON DAM PA PA GRUB PA'I SKABS YIN PA'I PHYIR RIGS PA MA YIN TE, SKAD CIG MA MA GTOGS PAR DON DAM PA PA'I RGYUN MA GRUB PA'I PHYIR RO, ,'BRAS BU'I SKAD CIG MA GANG ZHIG RGYU'I SKAD CIG MA GANG ZHIG YOD NA YOD PAR RTOG PA DE NI DE DANG DUS MNYAM PA NA YOD PA'I THAMS CAD DU GTOGS PA'I SKAD CIG MA MA LUS PA YOD NA YOD PA YANG YIN TE, JI LTAR DE RANG GI RGYU'I SKAD CIG MA YOD NA MTHONG LA, DE MED NA MA MTHONG BA DE BZHIN DU DE'I RGYU'I SKAD CIG MA DANG DUS MNYAM PA NA YOD PA THAMS CAD DU GTOGS PA'I SKAD CIG MA MA LUS PA YOD NA YANG MTHONG LA, DE MED PAR YANG MA MTHONG BAS DE DE'I RGYU CAN NYID DU YANG CI STE MI 'GYUR, GZHAN YANG DE YOD NA YOD PA'I PHYIR ZHES BYA BA 'DIR DE ZHES BYA BA'I SGRAS NI CHOS CAN GZHAN RGYUR GYUR PA LA SNYEGS NA DE YANG RE ZHIG DON DAM PAR MNGON SUM DU MA GRUB STE, JI SKAD DU SNGAR BSHAD PA BZHIN NO, ,RJES SU DPAG PAS KYANG CHOS CAN YOD PAR GRUB PA MI SRID DE, YOD PAR SGRUB PA LA GTAN TSIGS THAMS CAD NYES PA GSUM LAS MI 'DA' BA'I PHYIR RO, ,'DI LTAR CHOS CAN MA GRUB NA RE ZHIG YOD PA'I CHOS NI GTAN TSIGS SU MI SRID DO, ,MED PA'I CHOS KYANG 'GAL BA'I PHYIR RIGS PA MA YIN NO, ,GNYI GA'I CHOS NI 'KHRUL PA YIN TE, MI MTHUN PA'I PHYOGS LA YANG YOD PA'I PHYIR RO, ,GANG ZHIG GIS BSGRUB PAR BYA BA'I RNAM PA GZHAN YANG YOD PA MA YIN NO, ,DE MA GRUB NA CIG SHOS KYI DE YOD NA YOD PA NYID KYANG MA GRUB STE, DE NI DE LA LTOS PA'I PHYIR RO, ,'BRAS BU'I SGRUB PA YANG DE DANG 'DRA BA KHO NAR MI SRID PA YIN NO, ,DES NA 'DIR RANG BZHIN GYI GTAN TSIGS KYI SGO NAS NI RGYU DANG 'BRAS BU'I DNGOS PO MI 'GRUB BO, ,MI DMIGS PA'I SGO NAS KYANG MA YIN TE, DE THAMS CAD NI DGAG PA SGRUB PA KHO NA YIN PA'I PHYIR RO, ,GANG YANG RGYU DANG 'BRAS BU'I DNGOS PO SGRUB PA NI @187A *, ,MNGON SUM DU MI DMIGS PA YIN NO ZHES BSHAD PA DE LA YANG MI DMIGS PA ZHES BYA BA'I SGRA NI DE LAS GZHAN PA DMIGS PA'I BDAG NYID KYI MNGON SUM KHO NA YIN PAR DGONGS KYI, RJES SU DPAG PA NI MA YIN NO, ,DE YANG JI LTAR CHAD MA MA YIN PA DE LTAR SNGAR BSHAD ZIN PA PA NYID DO, ,GZHAN YANG DMIGS PA'I RIG BYAR GYUR PA MI DMIGS PA GANG ZHIG GANG YOD NA YANG DAG PAR DMIGS PA DE NI DE'I 'BRAS BU YIN NO ZHES RJES SU 'GRO BA'I SGO NAS RGYU DANG 'BRAS BU'I DNGOS PO 'GRUB PAR BRJOD PA DE LA YANG DON DAM PAR THE TSOM ZA BA KHO NA YIN TE, CI DE KHO NA YOD NA YOD PA ZHIG YIN NAM, 'ON TE MI SNANG BA SHA ZA LA SOGS PA NYE BAS SAM, 'ON TE YUL THAG RING PO NA GNAS PA'I DNGOS PO GZHAN ZHIG NYE BA'I STOBS KYIS ZHES THE TSOM ZA BA YIN NO, ,DMIGS PA'I RIG BYAR GYUR PA MI DMIGS PA'I SGO NAS NI DE YUL GZHAN NAS 'ONG BA DANG SNGA NAS YOD PA NYID 'GOG PAR 'GYUR GYI, GZHAN GYI 'BRAS BU NYID NI MA YIN NO, ,DE YOD NA YOD PA NYID NI 'DOD RGYAL BAR YANG 'GYUR TE, ZLA BA LA SOGS PA YUL THAG RING PO NA GNAS PA YANG MIG GI RNAM PAR SHES PA LA SOGS PA'I RGYU'I DNGOS POR KHAS MI LEN PA NI MA YIN NO, , GANG YANG DE'I RGYU GZHAN DAG NUS PA YIN PA LAS GANG ZHIG MED NA GANG MED PA DE NI DE'I 'BRAS BU YIN NO ZHES LDOG PA'I SGO NAS DE 'GRUB PAR BSHAD PA DE LA YANG DON DAM PAR NA THE TSOM ZA BA LAS MI LDOG PA NYID DE GZHAN SHA ZA LA SOGS PA'AM, YUL THAG RING PO NA GNAS PA 'GA' ZHIG MED NA YANG DE MED PAR THE TSOM ZA BA'I PHYIR RO, ,DE MED NA MED PA 'DOD RGYAL BA NYID DU YANG SRID PA'I PHYIR TE, MA CHUNG MAR LEN PA'I LUGS CAN GYI YUL NAS SKYE BA'I 'BRA [?] GO, ,MA CHUNG MAR LEN PA MED NA MED PA BZHIN NO, ,'ON TE YANG GZHAN DAG DE'I RGYUR NUS PA YIN PA LAS ZHES KHYAD PAR DU BYAS PA'I PHYIR THE TSOM ZA BAR MI 'GYUR RO SNYAM NA, GZHAN DAG DE'I RGYU NYID DU NUS PA'I KHYAD PAR MA GRUB PA'I PHYIR DE NI RIGS PA MA YIN TE, DE NI DE NYID BSGRUB PAR BYA BA NYID KYI SKABS YIN PA'I PHYIR RO, ,RGYU DANG 'BRAS BU DAG LA THE TSOM ZA BA YIN NA DE NYID NGES PAR BYA BA'I @187B PHYIR DE'I RGYU DAG NUS PA YIN PA LAS SHES RAB TU MA GRUB PA'I KHYAD PAR SMOS PA MKHAS PA RNAMS JI LTAR NGES PAR BYED PAR 'GYUR TE, DE LA RJES SU 'GRO BA DANG LDOG PA'I SGOM GTOGS PA GZHAN DU GANG GIS NA DE'I KHYAD PAR 'GRUB PAR 'GYUR BA DE'I RGYU'I DNGOS POR NGES PA NI MED DE, DE LA YANG THUG PA MED PA'I NYES PA YIN NO, ,DE YOD NA YOD PA NYID DU GRUB KYANG LHAN CIG BYED PA'I DNGOS PO NGO BO NYID THA DAD PA BZHIN DU DE GZHAN LAS KYANG SKYE BAR DOGS PA GANG GIS BZLOG PAR 'GYUR, MA MTHONG BA TZAM GYIS NI DE MED PAR NGES PAR RIGS PA MA YIN TE, HA CANG THAL BAR 'GYUR BA'I PHYIR RO, ,TSU ROL MTHONG BA RNAMS LA NI GANG GIS NA GZHAN LAS DE MI 'BYUNG BA NGES PAR YANG 'GYUR BA MA LUS PA GSAL BAR MTHONG BA NI MED DO, ,GAL TE GZHAN LAS KYANG DE 'BYUNG NA NI RGYU'I THA DAD PA LA THA DAD PAR BYED PA MA YIN PAR 'GYUR RO ZHE NA, MA YIN TE DE'I NGO BO NYID DANG, MTSAN NYID MI MTHUN PA LHAN CIG BYED PA DAG LAS KYANG MI SKYE BAR THAL BAR 'GYUR BA'I PHYIR RO, ,GAL TE DE LA YANG KHYAD PAR THA DAD PA DAG KHO NA LA LHAN CIG BYED PA'I RKYEN RNAMS NYE BAR SBYOR GYI, 'BRAS BU KHO NA LA NI MA YIN NO ZHE NA, MA YIN TE, KHYAD PAR RNAMS DON DAM PAR DE DANG THA MI DAD PA'I PHYIR RO, ,GAL TE CHA SHAS KYIS KYANG BSKYED PAR BYA BA NYID YIN NO SNYAM NA MA YIN TE, GCIG LA CHA SHAS MED PA'I PHYIR RO, ,GAL TE KHYAD PAR RNAMS NI LDOG PA'I BYE BRAG TU NYE BAR BRTAGS PA YIN PA'I PHYIR DE NYID DANG GZHAN NYID DU BSAM PAR RIGS PA MA YIN NO ZHE NA, 'O NA NI DE DAG KHYAD PAR RNAMS LA BYED PA MA YIN TE, 'GA' YANG BRTAGS PA DAG GIS RGYU NYID DU MI RUNG BA'I PHYIR RO, ,TSOGS PA KHO NAS SKYED PA DANG, THA DAD PAR BYED PA YIN GYI, SO SO RE RE NAS NI MA YIN NO ZHES BYA BAR YANG RIGS PA MA YIN TE, TSOGS PA CAN LAS MA GTOGS PAR TSOGS PA MA GRUB PAS TSOGS PA RNAMS RE RE ZHING RGYUR KHAS LEN PA'I PHYIR RO, ,DE LTA BAS NA DON DAM PAR RGYU DANG 'BRAS BU'I DNGOS PO 'GRUB PAR BYA BA'I TSAD MA CUNG ZAD KYANG MED DE, RGYU DANG 'BRAS BU'I DNGOS PO KUN RDZOB PA KHO NA YIN PA LA SLOB DPON RNAMS KYIS RJES SU 'GRO @188A *, ,BA DANG LDOG PA'I SGO NAS RGYU DANG 'BRAS BU'I DNGOS PO JI LTAR GRAGS PA BZHIN DU GRUB PA NYE BAR BRJOD KYI, DON DAM PAR NI MA YIN NO ZHES BYA BAR GZUNG BAR BYA'O, ,DE LTAR NA RE ZHIG MI RTAG PA'I NGO BO NYID DON DAM PA PA YANG DAG PAR GRUB PAR BYA BA'I TSAD MA CUNG ZAD KYANG MED DE, SGRA LA SOGS PA GZHAN GYIS KUN BRTAGS PA NI TSAD MA MA YIN PA'I PHYIR LA, TSAD MA MA YIN PA NI TSAD MA 'DI GNYIS PO KHO NA'I NANG DU 'DUS PA'I PHYIR RO, ,RTAG PA'I NGO BO NYID YANG DAG PAR GRUB PAR BYA BA'I TSAD MA YANG MED DE, 'DI LTAR DE YANG MNGON SUM GYI SGO NAS NI MI 'GRUB STE; DE YANG SNGA MA BZHIN DU SHES PA RNAM PA DANG BCAS PA LA SOGS PAS 'DZIN PAR MI RUNG BA'I PHYIR RO, ,BDAG LA SOGS PA RTAG PA'I DNGOS PO NI GANG DU YANG JI LTAR RANG GI GRUB PA'I MTHA' LAS NYE BAR BRTAGS PA BZHIN MNGON SUM GYI SEMS LA SNANG BAR MNGON PA MED DO, ,DE MNGON SUM GYI SEMS KYI YUL NYID YIN NA NI DE YOD PA TZAM GYIS YOD PA NYID YIN PA'I PHYIR DUS THAMS CAD DU YOD PAR THAL BA YIN TE, GZHAN DAG GIS KHYAD PAR DU BYAR MED PA NI DE LA LTOS PAR MI RUNG BA'I PHYIR DANG, RGYU MA YIN PA YANG YUL NYID DU MI 'THAD PA'I PHYIR RO, ,DE'I RNAM PAR SHES PAS RNAM PAR SHES PAR BYA BA'I NGO BO NYID YIN PAS YUL NYID DU NYE BAR BRTAGS NA YANG DE'I RNAM PAR SHES PA YANG DE DANG 'DRA BA KHO NAR RTAG PA NYID DU THAL BA YIN TE, DES RNAM PAR SHES PAR BYA BA'I NGO BO NYID RJES SU 'BRANGS NA DE YANG RJES SU 'BRANG BA'I PHYIR RO, ,DE LTA MA YIN NA DES RNAM PAR SHES PAR BYA BA'I NGO BO NYID RJES SU 'BRANG BAR MI RUNG STE, DES RNAM PAR SHES PAR BYA BA NYID NI DE LA LTOS PA'I PHYIR RO, ,DE NI RJES SU DPAG PA'I SGO NAS KYANG MI 'GRUB STE, DE DANG RTAGS 'GA' YANG LHAN CIG 'BREL PAR MA GRUB PA'I PHYIR RO, ,'DI LTAR RE ZHIG 'BRAS BU'I GTAN TSIGS NI MI SRID DE, DE LAS RIM DANG CIG CAR DAG GIS 'BRAS BU 'GA' YANG MI SKYE BA'I PHYIR RO, ,MNGON SUM MA YIN PA'I DON DANG NI 'GA' YANG LHAN CIG RGYU DANG 'BRAS BU'I DNGOS POR GZUNG BAR MI NUS PA'I PHYIR RO, ,RGYU DANG 'BRAS BU'I DNGOS PO NI RJES SU 'GRO BA DANG LDOG PAS YANG DAG @188B PAR RTOGS PAR BYA BA YIN NA, BDAG LA SOGS PA NI GANG DU YANG 'BRAS BU BDE BA LA SOGS PA LA RJES SU 'GRO BAR MA GRUB STE, DE MA TSANG BA MED PA YIN YANG, RES 'GA' BDE BA LA SOGS PA MI SKYE BA'I PHYIR RO, ,LDOG PA YANG MA YIN TE, DE NI RTAG PA NYID KYIS LDOG PA MED PA'I PHYIR RO, ,RANG BZHIN GYI GTAN TSIGS KYANG DE YOD PA BSGRUB PA MI SRID DE, GZHI CHOS CAN 'GA' YANG MA GRUB PA'I PHYIR DANG, YOD PA DE BSGRUB PA LA GTAN TSIGS THAMS CAD SNGA MA BZHIN DU NYES PA GSUM LAS MI 'DA' BA'I PHYIR RO, ,CHOS CAN GZUGS LA SOGS PA GRAG PA GANG YIN PA DE DAG KYANG DON DAM PAR MA GRUB PA'I PHYIR RO, ,DE DAG NI RES 'GA' BA NYID YIN PA'I PHYIR THA SNYAD KYI SGO NAS KYANG RTAG PA NYID DANG, DE LA LTOS PA NYID DU 'THAD PAR DKA' BA'I PHYIR RO, ,MI DMIGS PAS KYANG DE YOD PAR GRUB PAR NUS PA MA YIN TE, DE NI DGAG PA GRUB PAR NUS PA YIN TE, DE NI DGAG PA SGRUB PA YIN PA'I PHYIR RO, ,GZHAN YANG RE ZHIG RANG BZHIN MI DMIGS PA NI MI SRID DE, DE NI MED PA'I THA SNYAD SGRUB PA YIN NO, ,DBANG POS MI SOD PA'I DON DANG 'GA' YANG LHAN CIG 'GAL BA DANG KHYAB PAR BYA BA DANG, KHYAB PAR BYED PA DANG, RGYU DANG 'BRAS BU'I DNGOS PO'ANG MA GRUB PA'I PHYIR 'GAL BA DMIGS PA LA SOGS PA YANG MI SRID DO, ,TSAD MA GNYIS LAS MA GTOGS PA TSAD MA GZHAN YANG MED DO ZHES, GZHAN DU GTAN LA PHAB PA YIN NO, ,DE LTA BAS NA DNGOS PO'I NGO BO NYID BRTAG PA LA YANG SGRUB PAR BYED PA'I TSAD MA CUNG ZAD KYANG MED PAS DE'I PHYIR RTOG PA DANG LDAN PAS DE LA YANG DON DAM PA PA'I YOD PAR THA SNYAD MI BYA'O, ,SBYOR BA DAG NI GANG ZHIG GANG LA DON DAM PAR GANG YOD PAR GRUB PAR BYA BA'I TSAD MA CUNG ZAD KYANG MED PA DE NI RTOG PA DANG LDAN PAS YANG DAG PAR DE BZHIN DU GZUNG BAR MI BYA STE, DPER NA SNGO BAS NGAG LA SOGS PA'I YON TAN DANG LDAN PA NYID DU MO GSHAM GYI BU DAG LTA BU'O, ,DNGOS PO'I NGO BO NYID YANG DAG PA PA JI SKAD BSHAD PA GNYI GA YANG YANG DAG PAR GRUB PAR BYA BA LA YANG TSAD MA CUNG ZAD KYANG MED PAS KHYAB PAR BYED PA MI DMIGS PA YOD PA'I THA SNYAD 'GOG PA'I 'BRAS BU CAN @189A *, ,YIN TE, RTOG PA DANG LDAN PA RNAMS KYI YOD PA'I THA SNYAD NI TSAD MAS KHYAB PA'I PHYIR RO, ,GTAN TSIGS MA GRUB PA YANG MA YIN NO ZHES BYA BA NI RGYAS PAR RAB TU BSGRUBS ZIN TO, ,KHYAB PAR BYA BA DANG KHYAB PAR BYED PA'I DNGOS PO MI 'THAD PA DANG, RTOG PA DANG MI LDAN PA NYID DU THAL BA DANG BZLOG NA GNOD PA CAN GYI TSAD MA YOD PAS DE'I PHYIR GTAN TSIGS MA NGES PA NYID KYANG MA YIN LA, MTHUN PA'I PHYOGS NYID LA YOD PA'I PHYIR 'GAL BA NYID KYANG MA YIN NO, ,JI STE GAL TE YOD PA DANG MED PA'I THA SNYAD LA TSAD MAS KHYAB PO ZHES BYA BAR KHAS LEN PAR GYUR NA DE'I TSE DNGOS PO GRUB PA KHO NAR 'GYUR TE, 'DI LTAR KHYAB PAR BYA BA DANG, KHYAB PAR BYED PA'I DNGOS PO NI GANG DU YANG RJES SU 'GRO BA NGES PA MED PAR LDOG PA TZAM GYI SGO NAS 'GRUB PAR MI SRID DO, ,LDOG PA NGES PA YANG RJES SU 'GRO BA NGES PA MED PAR MI SRID DE, GANG ZHIG GANG YOD NA YOD PA MA YIN PA DE NI JI LTAR DE LOG PA NA LDOG PAR 'GYUR TE, 'BREL PA MED PA'I PHYIR RO, ,DE LTA BAS NA GDON MI ZA BAR TSAD MAS KHYAB PA'I RJES SU 'GRO BAR 'DOD PA DANG DNGOS PO YOD PA'I THA SNYAD KHAS BLANG BAR BYA'O, ,DE KHAS BLANGS NA NI 'GA' ZHIG TU GANG LA 'DI YOD PA KHO NA YIN NO ZHES YOD PA'I THA SNYAD TSAD MA YOD PA'I RJES SU BYED PA CAN RAB TU GRUB PA DE NYID KHO BO CAG GI DNGOS PO RAB TU GRUB PA YIN NO ZHE NA, DE NI RIGS PA MA YIN TE, 'DI LTAR YOD PA'I THA SNYAD TSAD MAS KHYAB TU ZIN KYANG TSAD MA TZAM GYI SGO NAS NI 'DI NGES PAR DON DAM PA PA'I DNGOS POR YOD PA'I YUL CAN DU MI 'GRUB STE, KHYAB PAR BYED PA NYE BA NI KHYAB PAR BYA BA'I KHYAD PAR NGES PAR GTAN LA 'BEBS PAR NUS PA MA YIN TE, DE NI GZHAN LA YANG SRID PA'I PHYIR RO, ,DE LTA MA YIN NA SHING NYID KYIS KYANG SHING SHA PA LA SOGS PA'I KHYAD PAR RNAMS NGES PAR RTOGS PAR 'GYUR RO, ,'DI NI MI MTHUN PA NYID MA YIN NAM, ,'DI LTAR SHING NYID NI KHYAD PAR MA LUS PA'I THUN MONG YIN PA'I PHYIR DE BA LA SOGS PA'I KHYAD PAR NGES PAR GTAN LA 'BEBS PAR NUS PA MA YIN LA, TSAD MA NI DNGOS PO'I NGO BO 'DAS NAS GZHAN GANG LA YANG MI SRID DO, ,DE LTA NA NI DE DNGOS PO MED PA LA YANG 'JUG @189B PA'I PHYIR TSAD MA NYID NYAMS PA KHO NAR 'GYUR RO, ,DE LTA BAS NA TSAD MA THAMS CAD NI DNGOS POS MNGON PAR KHYAB PA KHO NA YIN LA, DES KHYAB PA'I TSAD MA'I STOBS KYIS BYUNG BA'I THA SNYAD 'JUG NA YANG TSAD MAS RTOGS PA'I DNGOS PO KHO NA LA 'JUG PAS DE'I PHYIR 'DI SHING NYID LA SOGS PA BZHIN DU THUN MONG NYID DU LTA GA LA YIN ZHE NA, DE NI MI RUNG STE TSAD MA 'JIG RTEN GYI KUN RDZOB KYI DON GYI YUL CAN YANG YOD DO ZHES SNGAR BSTAN ZIN TO, ,DE LTA MA YIN NA GAL TE TSAD MA THAMS CAD DON DAM PA PA'I DNGOS PO'I YUL CAN ZHIG TU GYUR NA NI THAMS CAD DE KHO NA NYID MTHONG BA KHO NAR 'GYUR TE, DE'I PHYIR DE KHO NA NYID MTHONG BAR 'DOD PA RNAMS 'PHAGS PA'I LAM BSGOM PA SGRIM PA DON MED PA NYID DU 'GYUR RO, ,SMRA BA PO RNAMS DE KHO NA NYID LA RTZOD PAR YANG MI 'GYUR TE, THAMS CAD DON DAM PA RTOGS PA NYID KYIS YID GNYIS MED PA'I PHYIR RO, ,TSAD MA'I MTSAN NYID KYI BSTAN BCOS BYED PA YANG DON MED PAR THAL BAR 'GYUR TE, DE'I 'BRAS BU NI RNAM PAR RMONGS PA ZLOG PA YIN PA'I PHYIR LA, DE KHO NA NYID RTOGS PAR BYA BA LA YANG THAMS CAD KYIS RNAM PAR RMONGS PA'I GO SKABS THAG BSRINGS PA'I PHYIR RO, ,MTSAN NYID BYED PA RNAMS KYIS DE'I MTSAN NYID PHAN TSUN 'GAL BAR BYED PAR YANG MI 'GYUR LA, GRUB PA'I MTHA' THA DAD PAR YANG MI 'GYUR TE, DE KHO NA NYID KYI NGO BO GCIG YIN PA'I PHYIR RO, ,DE LTA BAS NA THA SNYAD PA'I TSAD MA DON DAM PA PA'I DNGOS PO'I YUL CAN MA YIN PA YANG THA SNYAD KYI TSAD MA SRID PA'I PHYIR TSAD MA THAMS CAD DON DAM PA PA'I DNGOS POS KHYAB PA NYID NI MA YIN NO, ,DON DAM PA PA'I DNGOS PO'I YUL CAN NYID MA YIN YANG RMI LAM LA SOGS PA BZHIN DU JI LTAR 'DOD PA'I DON YANG DAG PAR 'THOB PA TZAM GYI SGO NAS THA SNYAD PA'I MTSAN MA RNAM PAR GZHAG GO, ,DE'I YUL LA NI DON DAM PA PA ZHES MING DU 'DOGS KYANG BRTZAD PA MED DO, ,'ON KYANG LUS CAN RNAMS DNGOS PO RNAMS KYI NGO BO JI LTA BA BZHIN DU RTOGS PAS 'KHOR BA'I BTZON RA NAS THAR BAR 'GYUR BA DE NYID DE DAG GI MA RIG PA'I YUL LAS BZLOG PA'I NGO BO YIN PA'I PHYIR DANG YANG DAG PA'I YE SHES KYI SPYOD YUL YIN PA'I PHYIR DON DAM PA'O @190A *, ,ZHES BYA BAR RNAM PAR GZHAG GO, ,SKYE BO RNAMS KYIS MNGON PAR 'DOD PA'I DON BYED PA SGRUB PAR RUNG BA'I DON THOB PA TZAM GYI SGO NAS NI GROL BAR MI 'GYUR TE, THAMS CAD RNAM PAR GROL BA NYID DU THAL BAR 'GYUR BA'I PHYIR RO, ,DE LTA BAS NA TSAD MA NI MI SLU BA'I SHES PA YIN NO ZHES BYA BA 'DI NI TSAD MA'I MTSAN NYID DU THUN MONG BA YIN NO, ,DES NI YOD PA'I THA SNYAD LA KHYAB KYANG DE NGES PAR YANG DAG PA PA'I DON GYI YUL CAN NYID DU RAB TU MI 'GYUR BA'I PHYIR JI LTAR DE LA YANG DAG PA PA'I DNGOS PO YANG DAG PAR 'GRUB, 'DI LA GNOD PA CAN GYI TSAD MA MED PA'I THA SNYAD SGRUB PA 'DI YANG YOD PA NYID DE, 'DI LTAR GANG DAG DON DAM PAR RANG DANG, GZHAN DANG, GNYI GA LAS SKYE BA DANG, RGYU MED PA LAS SKYE BA DANG BRAL BA DE DAG NI YANG DAG PAR NA NGO BO NYID MED PA YIN TE, DPER NA NAM MKHA'I PADMA LA SOGS PA LTA BU'O, ,RANG DANG GZHAN GYIS YANG DAG PAR YOD PAR SMRAS PA'I DNGOS PO THAMS CAD KYANG DE DANG 'DRA BA KHO NA YIN NO, ,GTAN TSIGS 'DI NI MA GRUB PA YANG MA YIN TE, 'DI LTAR RE ZHIG GRANGS CAN LA SOGS PA GANG DAG RGYU NYID 'BRAS BU'I BDAG NYID DU RNAM PAR GNAS SO ZHES RJOD PAR BYED CING, DNGOS PO RNAMS RANG KHO NA LAS SKYE BAR NYE BAR BRJOD PA DE DAG NI THANG CIG RIG PA MA YIN PA KHO NA STE, DNGOS PO YOD PA DANG MED PA NI BDAG NYID KYI RGYU NYID DU MI 'THAD PA'I PHYIR TE, 'DI LTAR DNGOS POS BDAG NYID SKYED NA GRUB PA'AM, MA GRUB PA ZHIG SKYED PAR 'GYUR GRANG NA, DE LA RE ZHIG MA GRUB PA NI MI SKYED DE; DE NI DE'I TSE MED PA'I PHYIR CI ZHIG GANG GI SKYED PA POR 'GYUR, MO GSHAM GYI BU LA SOGS PA BDAG NYID KYI NGO BO YONGS SU MA GRUB PA NI RANG GI NGO BO NYID SKYED PAR NUS PA MA YIN NO, ,GRUB PA YANG SKYED PAR BYED PA MA YIN TE, BYE BRAG MED PA NYID KYIS DE'I BDAG NYID KYANG GRUB PA'I PHYIR CI ZHIG GANG GIS BSKYED PAR 'GYUR, GANG ZHIG GRUB NA GANG MA GRUB PA DE NI DE'I NGO BO NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,PHAN GDAGS PAR BYA BA DANG, PHAN 'DOGS PAR BYED PA NYID DAG YIN NA BSKYED PAR BYA BA DANG, SKYED PAR BYED PA'I DNGOS POR RIGS KYI, NGO BO @190B NYID DE GRUB NA PHAN GDAGS PAR BYA BA'I NGO BO PHRA RAB KYANG CUNG ZAD MED PA'I PHYIR 'DI JI LTAR NA BSKYED PAR BYA BA NYID DU 'GYUR, 'ON TE DE KHYAD PAR DU BYAR MED PA YIN YANG BSKYED PAR BYA BA NYID RGYU MED PA CAN KHO NAR NYE BAR RTOG PAR BYED PA NA NI DE'I TSE SHES PA YOD PA LA YANG CI'I PHYIR KUN TU MA BRTAGS, KHYAD PAR MED PA'I PHYIR DE DANG 'DRA BA NYID DU NANG GI SKYE MCHED LA SOGS PA DAG LA YANG DER RTOG PAR MA BYED CIG ,DE NYID KYI PHYIR MKHAS PA RNAMS KYIS NANG GI SKYE MCHED NI RANG LAS SKYE BAR RIGS PA MA YIN TE, YOD PA'I PHYIR SHES PA YOD PA BZHIN NO ZHES THAL BAR BSGRUB PA 'DI NYE BAR BRJOD PA 'DIR THAL BA'I DON MI SHES PA KHA CIG 'DI LA DPE MA GRUB PA NYID DANG GTAN TSIGS 'GAL BA NYID RJOD PAR BYED PA GANG YIN PA DE NI DE DAG GIS YONGS SU MA SHES PA'I NYES PA KHO NA YIN TE, 'DI LTAR GZHAN DAG LA PHAN TSUN 'GAL BA YANG DAG PAR BRJOD PAR 'DOD PAS PHA ROL LA GRUB PA SHES PA YOD PA LA SOGS PA KHO NA RJES SU ZLOS PA YIN GYI, BDAG NYID LA YANG DAG PAR GRUB PA'I DNGOS PO LA CUNG ZAD KYANG MI 'DOD PAR THAL BAR BYED PA MA YIN NO, ,SHES PA YOD PA YANG GZHAN DAG LA YANG DAG PAR MA GRUB PA MA YIN NO, ,DE'I PHYIR DPE MA GRUB PA NYID KYANG MA YIN LA, ,GTAN TSIGS 'GAL BA NYID KYANG MA YIN TE, RANG GI RGYUD KYIS RTAG PA DANG, GCIG PA NYID KYI RNAM GRANGS NGO BO BSGRUB PA LA, DE LTA BU'I GTAN TSIGS DANG DPE MA GRUB PA'I PHYIR RO, ,DE NI GZHAN DAG PHAN TSUN MA 'BREL BA NYID DU BRJOD PA NI BSNYAD PA TZAM ZHIG BRJOD PAR 'DOD PAR ZAD KYI, RANG GI RGYUD KYIS DNGOS PO'I CHOS RAB TU SGRUB PA NI MA YIN NO, ,DE RAB TU SGRUB NA DE LA 'GAL BA NYID BRJOD PAR RIGS TE, DE LA NI GTAN TSIGS DANG DPE DAG RAB TU MA GRUB PA'I PHYIR DE BRJOD PA 'BREL PA MED PA KHO NA YIN NO, ,'ON TE DNGOS PO'I BDAG NYID YONGS SU GRUB KYANG PHAN PA NYID 'GA' ZHIG KHAS LEN NA NI DE'I TSE DE DANG PHAN PA THA DAD PA DE RANG LAS SKYE BAR MI 'GYUR TE, PHAN PA DON GZHAN DU GYUR PA KHO NA SKYE BA'I PHYIR RO, ,JI STE THA DAD PA MA YIN NA NI PHAN PA YANG DE DANG 'DRA BA NYID DU GRUB PA KHO NA YIN PAS DE JI LTAR GRUB PAR 'GYUR TE, DE'I PHYIR DE LA YANG RGYU MNGON PAR BRJOD @191A *, ,DGOS SO, ,GZHAN YANG RGYU DANG 'BRAS BU ZHES BYA BA 'DI SHING DANG LJON PA BZHIN DU RNAM GRANGS KYI NGO BOR BRJOD PA NI 'JIG RTEN NA DE LTAR MA GRAGS SO, ,DE'I PHYIR GDON MI ZA BAR 'DI 'JUG PA'I RGYU MTSAN THA DAD PA'I RGYU CUNG ZAD CIG NYE BAR BSTAN DGOS NA RGYU DANG 'BRAS BU DAG GCIG PA NYID DU KHAS LEN NA DE NYE BAR BSTAN PAR YANG MI NUS SO, ,'ON TE MNGON PAR GSAL BA'I GNAS SKABS DANG YONGS SU 'GYUR BA'I GNAS SKABS RGYU'I 'OG TU 'BYUNG BA 'BRAS BU YIN NO ZHES STON TE, 'DI LTAR DES NA DE RNAM PAR GZHAG PA THA DAD PA'I RGYU YOD PA KHO NA'O SNYAM DU SEMS NA DE YANG RIGS PA MA YIN TE, GAL TE MNGON PAR GSAL BA DANG YONGS SU 'GYUR BA SNANG BA DE DAG GCIG TU DE DANG THA DAD PA NYID GCIG YIN NA NI DE'I TSE DNGOS PO GZHAN KHO NA LAS SKYE BAR KHAS BLANGS PAR 'GYUR RO, ,'ON TE THA DAD PA MA YIN NA NI DE'I TSE RGYU DANG 'BRAS BU DAG 'CHOL [?] PA'I NYES PA DE'I SO NA 'DUG PA NYID DO, ,GCIG LA CIG CAR GSAL BA DANG MI GSAL BA LA SOGS PA 'GAL BA'I CHOS DANG LDAN PAR YANG JI LTAR RUNG BAR 'GYUR, DE BAS DANG PHAN TSUN 'GAL BA'I PHYIR THA DAD PA DANG THA DAD PA MA YIN PA'I PHYOGS KYANG RIGS PA MA YIN PA NYID DE, PHAN TSUN SPANGS TE GNAS PA'I MTSAN NYID KYI CHOS DAG NI CIG SHOS DGAG PA, GZHAN SGRUB PA MED NA MED PA YIN PA'I PHYIR GNYI GA MA YIN PA'I PHYOGS SU RTOG PA YANG RIGS PA DANG LDAN PA MA YIN NO, ,GZHAN YANG GAL TE DE'I RGYUR MNGON PAR 'DOD PA'I DNGOS PO SNGON GYI NGO BO MA BOR BA KHO NAR DE'I 'OG TU MNGON PAR GSAL BA LA SOGS PA'I GNAS SKABS SU GYUR NA NI DE'I TSE GNAS SKABS 'CHOL BAR THAL BAR 'GYUR TE, DE'I PHYIR RTOGS PAR BYED PA GCIG LA LTOS NAS BUM PA LA SOGS PA SNANG BA DANG MI SNANG BAR YANG 'GYUR LA, RGAN PO LA SOGS PA'I GNAS SKABS NA YANG BYIS PA LA SOGS PA'I GNAS SKABS GSAL RAB TU DMIGS PAR 'GYUR RO, ,'ON TE 'ONG [?] PA'I PHYOGS YIN NA NI DE'I TSE CHA SHAS MED PA'I NGO BO YIN PA'I PHYIR SNGON GYI BDAG NYID THAMS CAD ZHIG NA RJES SU 'GRO BA'I RANG GI NGO BO 'GA' YANG MED PA'I PHYIR DANG, PHYIS MNGON PAR GSAL BA'I GNAS SKABS SU YANG @191B RDZAS GZHAN SKYES PA'I PHYIR BDAG LAS SKYE BA MA YIN PAR GYUR CING MNGON PAR GSAL BA DANG 'GYUR BA YANG 'GA' YANG MED DO, ,GZHAN YANG GSAL BA YANG MI SNANG BA GZHAN DU GYUR BA'I MTSAN NYID YIN PA'I PHYIR MNGON PAR GSAL BA DANG, YONGS SU 'GYUR BA 'DI GNYI GA YANG GZHAN DU GYUR PAS RAB TU PHYE BA LAS KUN BRTAGS PA YIN NO, ,DE NYID GZHAN DU 'GYUR BAR RUNG BA YANG MA YIN TE, 'GAL BA'I PHYIR RO, ,'DI LTAR DNGOS PO'I DE NYID YONGS SU GCOD PA NA GZHAN NYID RNAM PAR BCAD NAS YONGS SU GCOD LA, GZHAN NYID KYANG DE NYID RNAM PAR BCAD NAS YONGS SU GCOD DE, DE LAS BZLOG PA RNAM PAR MA BCAD NA DE YONGS SU GCOD PAR MI RUNG BA'I PHYIR RO, ,GANG LA GANG ZHIG YONGS SU GCOD PA GANG RNAM PAR BCAD PA MED NA, MED PA DE DAG NI DE LA PHAN TSUN SPANGS TE GNAS PA'I MTSAN NYID YIN NO, ,GANG DAG PHAN TSUN SPANGS TE GNAS PA'I MTSAN NYID YIN PA DE DAG KYANG CHOS CAN GCIG LA LDAN PAR MI 'GYUR TE, DPER NA SEMS LA LUS CAN DANG LUS CAN MA YIN PA'I BYE BRAG LTA BU'O, ,DE NYID DANG GZHAN NYID KYANG DE DANG 'DRA BAS DE'I PHYIR 'DI GNYIS GCIG LA LDAN PAR LTA GA LA 'GYUR, CHOS 'GAL BA DANG LDAN PA YANG GCIG PA NYID YIN NA NI THAMS CAD RDZAS GCIG PA NYID DU 'GYUR TE, DE'I PHYIR CIG CAR DU BCINGS PA DANG, THAR PA DANG, 'CHI 'PHO BA DANG, SKYE BA LA SOGS PAR 'GYUR RO, ,DE LTA MA YIN NA GCIG CES MING DU 'DOGS PA TZAM KHO NA BYAS PAR 'GYUR TE, 'DI LA NI BRTZAD PA MED DO, ,DE LTA BAS NA DNGOS PO'I GNAS SKABS KYI BYE BRAG GANG SNGON GYI GNAS SKABS DANG MTSAN NYID MI MTHUN PAR KUN TU RTOG PA DE NI NGO BO NYID MTSAN NYID GZHAN YIN NA GZHAN GANG YIN PA DE JI LTAR DE'I YIN, GZHAN YANG GAL TE 'DI'I NGO BO NYID GANG PHYIS DMIGS PA DE SNGON YANG YANG DAG PAR YOD NA NI DE'I TSE DE LA 'DI JI STE DMIGS PAR MI 'GYUR, 'ON TE 'DI MI SNANG BA'I NGO BO YIN PA'I PHYIR SNGON MI DMIGS SO ZHE NA NI, DE'I RGYU'I DNGOS PO YANG DE DANG 'DRA BA KHO NAR MI DMIGS PA'I NGO BO NYID DU THAL BA YANG YIN LA, DMIGS PAR 'DOD PA'I NGO BO NYID 'DI YANG SNGON BZHIN DU PHYIS KYANG MI DMIGS PAR 'GYUR RO,, @192A *, ,JI STE BSGRIBS PA'I PHYIR MI DMIGS SO ZHE NA, DE'I TSE PHYIS KYANG SGRIB PAR BYED PA DE'I SON 'DUG PA'I PHYIR RTAG TU MI DMIGS PAR THAL BA NYID DO, ,'O MA LA SOGS PA CHA SHAS RNAM PA BRGYAR GZHIGS KYANG ZHO LA SOGS PA'I NGO BO NYID LA SGRIB PAR BYED PA DE DMIGS PA'I RIG BYAR GYUR PA DE DMIGS PA'I GAGS BYED PAR 'GYUR BA GANG YIN PA NI CUNG ZAD KYANG MED DO, ,GZHAN YANG GAL TE DNGOS PO'I BDAG NYID RANG BZHIN GYIS BRTAN PA'I NGO BO NYID GCIG YIN NA NI DE JI LTAR GZHAN NYID DU 'GYUR BA NYAMS SU MYONG BAR 'GYUR, 'ON TE MI BRTEN PA'I NGO BO NYID GCIG YIN NA NI DE'I TSE 'JIG PA'I NGANG CAN YIN PA'I PHYIR 'DI RJES SU 'GRO BA MED PAR RNAM PAR 'JIG PAR 'GYUR GYI, YANG GZHAN NYID DU 'GYUR BA NYAMS SU MYONG BA NI MA YIN NO, ,DE LTA BAS NA MNGON PAR GSAL BA DANG YONGS SU 'GYUR BA DAG RUNG BA MA YIN PA'I PHYIR DE'I SGO NAS RANG LAS SKYE BAR KUN BRTAGS PA GANG YIN PA DE YANG RIGS PA MA YIN PA NYID DO, ,RANG LAS SKYE BA GLO BUR BA NYID GCIG YIN NA YANG DNGOS PO RNAMS YUL DANG DUS LA SOGS PA NGES PA'I NGO BO NYID LA RGYU CI ZHIG YOD DE, DNGOS PO YANG DAG PAR LTOS PA MED PA LA NI DE LTA BU'I NGES PA SRID PAR RIGS PA MA YIN NO, ,JI STE GZHAN LA LTOS NA NI PHA ROL LAS SKYE BAR 'GYUR TE, PHAN PA MED PA LA LTOS PA MI 'THAD PA'I PHYIR DE YANG 'OG NAS DGAG PAR BYA'O, ,LTOS PAR BYA BA YANG RTAG TU NYE BA'I NGO BO YIN PA'I PHYIR DUS THAMS CAD DU SKYE BA NYID DU THAL BA YIN NO, ,DE LTAR NA RE ZHIG THA SNYAD DU YANG RANG LAS SKYE BA MI SRID DO, ,GZHAN LAS KYANG MA YIN TE, 'DI LTAR DE LAS DNGOS PO SKYE BAR 'GYUR NA RTAG PA'AM MI RTAG PA'I NGO BO ZHIG LAS 'GYUR GRANG NA, RE ZHIG RTAG PA LAS NI THA SNYAD DU YANG DA RIGS PA MA YIN TE, DE NI RIM DANG RIM MA YIN PA DAG GIS DON BYED PAR MI 'THAD PA'I PHYIR RO, ,RGYU NUS PA THOGS PA MED PAR YOD PA YANG 'BRAS BU RES 'GA' MI SKYE BAR MI 'GYUR LA, 'BRAS BU RGYU MA TSANG BA MED PA YANG RES 'GA' MI 'BYUNG BAR MI 'GYUR NA GANG GI PHYIR RIM GYIS DE'I DON BYA BA BYED PAR 'GYUR TE, GZHAN DAG GIS KHYAD PAR DU BYAR MED PA NI DE LA @192B LTOS PAR MI 'THAD PA'I PHYIR RO, ,LHAN CIG BYED PA'I RGYU DANG 'BREL BA'I RANG BZHIN RJES SU 'BRANG NA NI DE DANG 'DRA BA LHAN CIG BYED PA RNAMS KYANG RTAG TU RJES SU 'BRANG BAR THAL BA YIN NO, ,JI STE RJES SU MI 'BRANG NA NI DE'I RTAG PA NYID NYAMS PAR 'GYUR RO, ,DE'I PHYIR 'DI YANG LHAN CIG BYED PA'I RKYEN LA LTOS PA MA YIN NO, ,RGYU RTAG PA LA RAG LAS TE SKYE BA'I 'BRAS BU YANG RKYEN GZHAN LAS LTOS PA MA YIN TE, DE NI MED PA'I PHYIR RO, ,MED BZHIN DU YANG DE DANG 'BREL BA'I BDAG NYID KYI DNGOS PO 'THOB PA'I PHYIR BLOS KUN BRTAGS PA'I LTOS PAR RNAM PAR 'JOG MOD KYI, 'ON KYANG DE MNGON PAR 'GRUB PAR BYA BA LA RGYU NUS PA THOGS PA MED PA GANG YIN PA DE NYID LA DES PHAN 'DOGS PA NYID KYIS LTOS PAR BYA'I, GZHAN LA NI MA YIN NO, ,DE'I PHYIR RTAG PAR 'DOD PA'I DNGOS PO RTAG TU PHAN 'DOGS PA NYID DU NYE BAR MTHU THOGS PA MED PA NYID BOR TE, DE LAS GZHAN PA LA CI STE LTOS, 'BRAS BU LHAN CIG BYED PA'I RKYEN RNAMS LA LTOS SU CHUG NA YANG, 'ON KYANG DE'I RGYU DBANG PHYUG LA SOGS PA GANG YIN PA DE MTHU THOGS PA MED PA YIN NA GO JI STE BTANG SNYOMS SU 'DUG STE GANG GIS NA DE SKYE BAR MI 'DOD BZHIN DU YANG NAN GYIS DRANGS TE SKYE BAR MI BYED, DE LTA NA DES BDAG NYID KYI MTHU NYE BAR BSTAN PAR 'GYUR GYI, GZHAN DU NI MA YIN NO, ,DE LTA BAS NA RIM CAN MA YIN PA LAS DNGOS PO RIM GYIS SKYE BAR MI 'GYUR RO, ,GAL TE 'DI SNYAM DU 'BRAS BU RGYU'I CHOS THAMS CAD KYI RJES SU BYED PA NYID NI MA YIN TE, DE NYID THA DAD PA MA YIN PAR THAL BAR 'GYUR BA'I PHYIR RO, ,DE'I PHYIR GDON MI ZA BAR DE GNYIS RNAM PA 'GA' ZHIG THA DAD PAR 'GYUR DGOS SO, ,DES NA RGYU RIM CAN MA YIN PA LAS KYANG 'BRAS BU RIM DANG LDAN PA MI 'GAL BA KHO NA'O SNYAM DU SEMS NA, DE NI RIGS PA MA YIN TE, 'BRAS BU RGYU'I CHOS THAMS CAD KYI RJES SU BYED PAR NI MI SMRA'O, ,'ON KYANG RE ZHIG GDON MI ZA BAR 'BRAS BU RGYU LA YOD PA'I RJES SU 'GRO BA DANG, LDOG PA'I RJES SU BYED PAR NI 'GYUR DGOS TE, RGYU DANG 'BRAS BU'I DNGOS PO'I RGYU NI 'DI TZAM DU ZAD PA'I PHYIR RO, ,'BRAS BU 'GA' YANG DNGOS PO RTAG PA LA YOD PA'I LDOG @193A *, ,PA'I RJES SU BYED PA NI MED DE, RTAG PA LA LDOG PA MED PA'I PHYIR RO, ,DE LTA MA YIN NA NI MI RTAG PA KHO NAR 'GYUR GYI, RTAG PA NI MA YIN NO, ,RJES SU 'GRO BA'I RJES SU BYED PA YANG MA YIN TE, DE MA TSANG BA MED PAR NYE YANG RES 'GA' 'BRAS BU MI SKYE BA'I PHYIR RO, ,GANG ZHIG GANG LA YOD PA'I RJES SU BYED PA 'GRO BA DANG LDOG PA DAG GIS RJES SU MI BYED PA DE NI DE'I 'BRAS BUR RIGS PA MA YIN TE, HA CANG THAL BAR 'GYUR BA'I PHYIR RO, ,'BRAS BU YOD PA NI LTOS PAR RIGS PA YANG MA YIN TE, DE NI BDAG NYID THAMS CAD KYIS GRUB ZIN PAS THAMS CAD LA RE BA MED PA'I PHYIR RO, ,DE LTAR NA RE ZHIG RTAG PA LA RIM GYIS DON BYED PA'I MTHU RIGS PA MA YIN NO, ,CIG CAR YANG MA YIN TE, DE'I DON BYED PA'I RANG BZHIN DE LTA BU ZHIG YANG RJES SU 'BRANGS NA 'BRAS BU'I SKYED PA DANG 'BRAL BAR MI RUNG BA'I PHYIR RO, ,JI STE MI 'BRAL NA NI DE'I RTAG PA NYID NYAMS PA YIN NO, ,'ON TE YANG 'DI'I NUS PA'I RANG BZHIN DUS PHYIS KYANG RJES SU 'BRANG MOD KYI, 'ON KYANG RE ZHIG DES 'BRAS BU THAMS CAD SNGAR BSKYED ZIN PA GANG YIN PA DE NI YANG BSKYED PAR NUS PA MA YIN PA KHO NA STE, DE NI SKYES ZIN PA'I PHYIR RO, ,GZHAN DE DANG 'DRA BA GANG YIN PA DE CI STE MI SKYED CES BRGAL ZHING BRTAG PAR 'OS PA YANG MA YIN TE, DE LA DES MI NUS PA'I PHYIR RO, ,NUS PA YIN NA NI SNGAR BSKYED ZIN PA KHO NAR 'GYUR RO SNYAM DU SEMS NA, DE NI RIGS PA MA YIN TE, DES SNGAR BSKYED ZIN PA'I 'BRAS BU MI SKYED DU CHUG KYANG, 'ON KYANG 'DI'I SKYED PAR NUS PA'I RANG BZHIN RJES SU 'BRANG BA NI RNAM PAR NYAMS PAR 'GYUR TE, GANG ZHIG GANG GI TSE GANG SKYED PAR MI BYED PA NI DE'I TSE DE LA MTHU THOGS PA MED PA YIN NO ZHES BRJOD PAR RIGS PA MA YIN NO, ,DE'I PHYIR 'DI NI SNGAR YANG DUS PHYIS BZHIN DU SKYED PAR BYED PA MA YIN PA KHO NAR 'GYUR TE, SKYED PAR BYED PA MA YIN PA'I GNAS SKABS DANG KHYAD PAR MED PA'I PHYIR RO, ,'DIS DUS PHYIS KYANG SNGON BZHIN DU SKYED PAR BYED PA NYID DU YANG 'GYUR RO, ,DE LTA MA YIN NA CHOS 'GAL BA DANG LDAN PA'I PHYIR 'DI'I GCIG PA NYID RNAM PAR NYAMS @193B PAR 'GYUR RO, ,DE LTA BAS NA DE CIG CAR DON BYED PA YANG MA YIN NO, ,RIM DANG CIG CAR DAG LAS MA GTOGS PA GANG GIS NA DON BYA BA BYED PAR 'GYUR BA'I RNAM PA GZHAN YANG YOD PA MA YIN TE, ,DE DAG NI PHAN TSUN YONGS SU GCOD PA RNAM PAR BCAD PA MED NA MED PA NYID KYIS PHAN TSUN SPANGS TE GNAS PA'I MTSAN NYID DAG GANG YANG RUNG BA ZHIG DGAG PA GZHAN SGRUB PA MED NA MED PA YIN PA'I PHYIR RO, ,DE LTAR NA RE ZHIG GZHAN RTAG PA LAS SKYE BAR RIGS PA MA YIN NO, ,MI RTAG PA LAS KYANG MA YIN TE, 'DI LTAR MI RTAG PA NI DNGOS PO SKAD CIG MAR GNAS PA'I CHOS CAN KHO NA YIN PAR RIGS TE, BSKAL PAR GNAS PA NI KHYAD PAR MED PAS SNGON BZHIN DU PHYIS KYANG 'JIG PAR MI RUNG BA'I PHYIR RO, ,DE'I PHYIR 'BRAS BU SKYE BA NA 'DAS PA LAS 'GYUR TE, DPER NA BYE BRAG TU SMRA BA RNAMS KYIS RNAM PAR SMIN PA'I RGYU 'DAS PA LAS KYANG 'BRAS BU NYE BAR BRJOD PA'AM, MA 'ONGS PA LAS TE DPER NA, DE DAG NYID KYIS MA 'ONGS PA'I SKYE BA YANG BSKYED PAR BYA BA SKYED PAR BYED PA YIN NO ZHES NYE BAR BRTAGS PA LTA BU'AM, DA LTAR GYI BYED PA LAS KYANG YIN GRANG NA, DE LA RE ZHIG 'DAS PA LAS ZHES BYA BA NI RIGS PA MA YIN TE, 'DAS PA NI MED PA'I PHYIR RO, ,DE LAS SKYE BAR KHAS LEN NA NI 'DI RGYU MED PA NYID DU YANG 'GYUR RO, ,'DI LTAR 'DAS PA ZHES BYA BA CI LA BYA, GANG RANG GI NGO BO LAS NYAMS PA YIN GRANG, DE LTA MA YIN NA DE LTA BZHIN DU MA NYAMS PA'I BDAG NYID YIN PA'I PHYIR JI LTAR 'DAS PAR 'GYUR, NYAMS PA'I NGO BO NYID GANG YIN PA DE YANG RANG GI NGO BO YOD PA MA YIN PA'I PHYIR JI LTAR 'BRAS BU NYE BAR SKYED PAR 'GYUR TE, DON BYED PA NI RANG GI NGO BO LA RAG LAS PA'I PHYIR RO, ,'ON TE BYED PA LA SOGS PA ZHIG PA NYID KYIS DE 'DAS PA ZHES BYA'I, RANG GI NGO BO NYAMS PAS NI MA YIN NO ZHE NA, DE LTA NA NI YANG BYED PA ZHIG PA DE LAS 'BRAS BU SKYE BAR NI RIGS PA MA YIN NO, ,DE LTA MA YIN TE, 'BRAS BU NYE BA SKYED NA JI LTAR BYED PA ZHIG PAR 'GYUR, DNGOS PO'I NGO BO GCIG LA BYED PA DANG, BYED PA MA YIN PA'I BYA BA DAG KYANG RIGS PA MA YIN TE, THA DAD PAR THAL BAR 'GYUR @194A *, ,PA'I PHYIR DANG CHA SHAS MED PA'I PHYIR RO, ,BYED PA NI 'PHEN PA TZAM DU 'GYUR GYI, RAB TU 'BYIN PA MA YIN PA YANG MA YIN TE, KHYAD PAR MED PA'I PHYIR 'PHEN PA'I DUS NYID DU DE RAB TU 'BYIN PAR YANG 'GYUR RO, ,DE LTA MA YIN NA SNGON BZHIN DU PHYIS KYANG DER MI 'GYUR RO, ,GZHAN YANG BYED PA ZHES BYA BA GANG YIN PA DE GAL TE NUS PA'I NGO BO'AM, BYA BA'I NGO BO ZHIG YIN PAR 'GYUR GRANG NA, NGO BO DE DAG GNYI GA YANG GAL TE DNGOS PO LAS DON GZHAN THA DAD PA ZHIG YIN NA NI DE'I TSE DE JI LTAR ZHIG CES BRJOD PAR BYA, GAL TE RANG GI NGO BO NYAMS PA YIN NA NI DE'I TSE DNGOS PO THAMS CAD RTAG TU YOD PA NYID DU SMRA BA NYAMS PAR 'GYUR RO, ,DON GZHAN DE ZHIG KYANG DNGOS PO'I RANG GI NGO BO RNAM PAR MA G-YOS PA ZHIG PA NYID DU 'GRUB PAR MI 'GYUR TE, LHA SBYIN SHI YANG MCHOD SBYIN RANG GI NGO BO LAS MA NYAMS PA'I NGO BO YANG SHI ZHES BYA BA NI MA YIN NO, ,'ON TE BYED PA GZHAN ZHIG PA'I PHYIR DE ZHIG PA YIN NO ZHE NA, DE NI RIGS PA MA YIN TE, THUG PA MED PAR 'GYUR BA'I PHYIR BYED PA LA BYED PA GZHAN YOD PA NI MA YIN TE, DE LA YANG BRGAL ZHING BRTAG PA MTSUNGS PA'I PHYIR RO, ,DE'I PHYIR GANG YANG 'JIG PAR 'GRUB PAR MI 'GYUR RO, ,BYED PA DON GZHAN NYID YIN NA YANG NA YANG DNGOS PO RGYU MA YIN PA NYID DU 'GYUR TE, BYED PA KHO NA LAS 'BRAS BU SKYE BA'I PHYIR RO, ,DE'I PHYIR DNGOS PO MED PA NYID DU THAL BA YIN TE, DNGOS PO'I MTSAN NYID NI DON BYED NUS PA YIN PA'I PHYIR RO, ,BYED PA DON GZHAN DU GYUR PA GNYI GA'I NGO BO DE YANG 'BRAS BU NYE BAR SKYED PA NA GAL TE BYED PA RANG GI NGO BOR GYUR PA KHO NAS SKYED DO ZHES BYA BAR 'DOD NA NI DE'I TSE DNGOS PO YANG DE BZHIN DU SKYED PAR 'GYUR BA NYID PAS DON GZHAN DU RTOGS PAS CI ZHIG BYA, DON GZHAN DU GYUR PA ZHES BYA BA'I PHYOGS YIN NA NI DE'I TSE DE LAS YANG BYED PA GZHAN DU RTOG NA THUG PA MED PAR 'GYUR BA'I PHYIR GANG YANG RGYU NYID DU GRUB PAR MI 'GYUR RO, ,DNGOS PO PHAN DANG MI BYED PA'I PHYIR 'DI'I BYED PA'I PHYIR 'DI YIN NO ZHES BYA BA'I 'BREL BA YANG MI 'GRUB STE, 'BREL PA NI THAMS CAD DU PHAN 'DOGS PA KHO NAS RAB TU BYE BA'I PHYIR RO, ,'ON TE DE LA DNGOS @194B PO PHAN PA NYID DU KHAS LEN NA NI DE'I TSE GAL TE DNGOS PO BYED PA'I BDAG NYID DU GYUR BA'I DBANG GIS BYED PA LA PHAN 'DOGS NA DE'I TSE 'BRAS BU LA YANG CI STE DE BZHIN DU PHAN 'DOGS PAR MI 'GYUR, GANG GIS NA BYED PA DON GZHAN DU BYED BAR RTOG PAR BYED, BYED PA DNGOS PO YOD PA TZAM LA RAG LAS PA YIN NA NI RGYU MA TSANG BA MED PA'I PHYIR RTAG TU NYE BA YIN TE, 'JIG PA YANG 'GRUB PAR MI 'GYUR RO, ,'ON TE DON GZHAN DU GYUR PA YIN NA NI DE'I TSE 'DI DANG YANG LHAN CIG 'BREL PAR MA GRUB PO, DE'I PHYIR BYED PA RNAMS KHO NA PHAN TSUN SBYOR BA'I PHYIR DNGOS PO NI GYI NAR 'DUG PA NYID DU 'GYUR RO, ,SKAD CIG MA RNAMS NI SKYES MA THAG TU MI GNAS PA'I PHYIR BYED PAR BYA BA'I NGO BOR YANG RIGS PA MA YIN PA NYID DO, ,SKAD CIG MA MA YIN PA RNAMS KYANG NAM MKHA' BZHIN DU RTAG TU GNAS PA'I NGO BOR GCIG PA'I PHYIR BYA BA DANG LDAN PAR RIGS PA MA YIN PA NYID PAS GANG LA YANG BYA BA ZHES BYA BA MED DO, ,DE LTA BAS NA DNGOS PO'I NGO BO NYID KHO NA NUS PA DANG BYED PA LA SOGS PA'I SGRAR BRJOD KYI, DON GZHAN NI MA YIN NO, ,BYED PA DNGOS PO LAS THA MI DAD PA GNYI GA'I NGO BO DE ZHIG STE, RANG GI NGO BO NYAMS PA'I MTSAN NYID YIN NA DNGOS PO YANG DE DANG THA MI DAD PA YIN PA'I PHYIR RANG GI NGO BO NYAMS PA YIN PAS JI LTAR 'DAS PA YOD PA NYID DU 'GRUB PAR 'GYUR, DNGOS PO'I RANG GI NGO BO BZHIN DU BYED PA YANG MI 'JIG PAR THAL BAR 'GYUR BA'I PHYIR BYED PA ZHIG PA NYID DU 'GRUB PAR YANG MI 'GYUR RO, ,JI STE YANG BYED PA DE NYID GZHAN DAG NYID DU BRJOD PAR BYA BA MA YIN PA KHO NA'O SNYAM DU RTOG PAR BYED DE, DE'I TSE BTAGS PAR YOD PA NYID KYIS DNGOS PO MED PA'I PHYIR DE'I DBANG GIS DUS GSUM RNAM PAR GZHAG PA YANG DAG PAR MI 'GYUR RO, ,DNGOS POR YOD PA NI RNAM PA GANG GIS KYANG BRJOD PAR BYA BA MA YIN PA NYID DU 'THAD PA MA YIN TE, THAMS CAD BRJOD PAR BYA BA MA YIN PA NYID DU THAL BAR 'GYUR BA'I PHYIR RO, ,DE LTA BAS NA 'DAS PA DNGOS PO MED PA'I PHYIR DE LAS 'BRAS BU SKYE BA MA YIN NO, ,MA 'ONGS PA LAS KYANG MA YIN TE, DE YANG 'DAS PA BZHIN DU MED PA'I @195A *, ,PHYIR TE 'DI LTAR BDAG NYID DU MA RED PA'I PHYIR MA 'ONGS PA ZHES BYA BA NA DE LTA BU NAM MKHA'I {PADMA} DANG 'DRA BA GANG YIN PA DE LAS NI 'BRAS BU SKYE BAR RIGS PA MA YIN NO, ,'ON TE BYED PA MA THOB PA NYID KYIS DE MA 'ONGS PA ZHES BYA NA NI DE'I TSE DE LAS SHIN TU YANG 'BRAS BU SKYE BAR MI RIGS PA NYID DE, BYED PA MA THOB PA'I PHYIR RO, ,DNGOS PO THAMS CAD RTAG TU YOD PA NYID YIN NA GO JI STE 'GA' ZHIG GIS RES 'GA' BYED PA THOB PAR MI 'GYUR TE, DE 'THOB PA'I RGYU RNAMS MA TSANG BA MED PA'I PHYIR RO, ,BYED PA DNGOS PO LAS DON GZHAN DU GYUR PA YANG MA YIN NO ZHES SNGAR BSTAN ZIN TO, ,DON GZHAN MA YIN PA NYID YIN NA NI THA DAD PA MA YIN PA'I PHYIR BYED PA BZHIN DU RANG GI NGO BO YANG MA THOB PA'I PHYIR MA 'ONGS PA NYID YOD PA NYID DU 'GRUB PAR YANG MI 'GYUR LA, DNGOS PO'I RANG GI NGO BO BZHIN DU DE DANG THA MI DAD PA'I BYED PA YANG RTAG TU YOD PA'I PHYIR RTAG TU MA THOB PA NYID DU YANG 'GRUB PAR MI 'GYUR RO, ,DE LTA BAS NA MA 'ONGS PA MED PA'I PHYIR DE LAS 'BRAS BU SKYE BA NI MA YIN NO, ,DA LTAR GYI LAS ZHES BYA BA'I PHYOGS KYANG MA YIN TE, 'DI LTAR DE LAS 'BRAS BU YANG DAG PAR SKYE NA DUS MNYAM PA'AM, DUS THA DAD PA ZHIG TU SKYE BAR 'GYUR GRANG NA, RE ZHIG DUS MNYAM PA NI MA YIN TE, 'BRAS BU SKYE BA'I SNGON RUL NA RGYU YANG RI BONG GI RVA BZHIN DU MED PA NYID KYIS NUS PAR MI RUNG BA'I PHYIR RO, ,GANG GI TSE RGYU BDAG NYID KYI DNGOS POR RED PA NYID KYIS NUS PA YIN PA DE'I TSE NI 'BRAS BU YANG DE DANG DUS MNYAM PAR YOD PA NYID KYIS GRUB PA KHO NA YIN PAS DE LA DE CUNG ZAD KYANG MI BYED PA'I PHYIR RO, ,RGYUR THA SNYAD GDAGS PA YANG RIGS PA MA YIN TE, DPER NA 'BRAS BUR MNGON PAR 'DOD PA DE NYID RGYU MA YIN PA BZHIN NO, ,DE LTA MA YIN NA RGYU DANG 'BRAS BU DAG MCHOL PA KHO NAR 'GYUR RO, ,DUS THA DAD PA ZHES BYA BA'I PHYOGS KYANG MA YIN TE, 'DI LTAR GAL TE 'BRAS BU SNGON GYI DUS NA YOD PA YIN NA DE LTA NA NI MA 'ONGS PA KHO NA LAS 'BYUNG BAR 'GYUR TE, DE YANG RIGS PA MA YIN PAR SNGAR BSTAN ZIN TO, ,'ON TE SKAD CIG MA GZHAN GYIS CHOD PA'I 'OG TU YIN NA NI DE'I TSE DE 'DAS PA KHO @195B NA LAS 'GYUR TE, DE YANG RIGS PA MA YIN NO ZHES SNGAR BSHAD ZIN TO, ,JI STE MCHOD PA YIN NA NI DE GNYIS BDAG NYID THAMS CAD KYIS MCHOD PA'I PHYIR DUS MNYAM PA NYID DU THAL BAR 'GYUR RO, ,GAL TE 'DI SNYAM DU 'BRAS BU MCHOD PAR SKYE MDO KYI, 'ON KYANG DUS MNYAM PA NYID DU THAL BA MA YIN TE, SKAD CIG MA GNYIS PA LA 'BRAS BU YOD PAR KHAS BLANGS PA'I PHYIR LA, DE'I TSE YANG SKAD CIG MA YIN PA'I PHYIR RGYU MA GNAS PA YIN NO, ,'DIR BCOM LDAN 'DAS KYIS 'DI YOD NA 'DI 'BYUNG ZHES RGYU DANG 'BRAS BU'I DNGOS PO STON PAR MDZAD PAS RNAM PAR RTOG PA GSUM BOR NAS RNAM PAR RTOG PA BZHI PA ZHAL GYIS BZHES SO, ,'DI LTAR YANG RNAM PAR RTOG PA NI 'BRAS BU RGYU'I SNGON ROL NA YOD PAR 'GYUR BA'AM, ,RGYU DANG 'BRAS BU LHAN CIG YOD PA'AM, SKAD CIG MA GZHAN GYIS CHOD PA'AM, ,MCHOD PAR SKAD CIG MA GNYIS PA LA YOD CES BYA BA BZHI 'BYUNG BAR 'GYUR RO, , DE LA SNGON GYIS DUS NA YOD PA NI RGYU YOD NA 'BYUNG BA MA YIN TE, DE NI DANG PO NYID NAS GRUB ZIN PA'I PHYIR RO, ,DUS MNYAM DU SKYES PA YANG RGYU YOD NA 'BYUNG BA MA YIN TE, ,DE YANG YOD PA'I PHYIR TE, 'DI LTAR DUS MNYAM PA NYID NI 'BRAS BU MED PA'I DUS NA RGYU YANG MED LA, RGYU YOD NA 'BRAS BU YANG YOD PA YIN NO, ,SKAD CIG MA GSUM PA LA SOGS PA NA YOD PA YANG RGYU YOD NA 'BYUNG BA MA YIN TE, SKAD CIG MA GNYIS PA KHO NA LA RGYU ZHIG PA NYID KYIS MED PA'I PHYIR RO, ,DE LTA BAS NA SKAD CIG MA GNYIS PA YOD PA'I 'BRAS BU KHO NA RGYU YOD NA 'BYUNG BA YIN TE, 'DI LTAR SKAD CIG MA DANG PO LA YOD PA'I RGYU NI DE'I GNAS SGABS NA YOD PA KHO NA YIN LA, DE DANG MCHOD PA NYID DU SKAD CIG MA GNYIS PA LA 'BRAS BU YOD PAR NYAMS SU MYONG BA LA 'DI YOD NA 'DI 'BYUNG ZHES BYA'O, ,'BRAS BU'I DUS NA RGYU YOD PAR THAL BA YANG MA YIN TE, SKAD CIG MA NYID KYIS DE'I TSE DE MED PA'I PHYIR RO, ,RGYU ZHIG PA LAS 'BRAS BU SKYE BAR YANG THAL BA YOD MA YIN TE, SKAD CIG MA DANG PO'I GNAS SKABS NA RGYU MA ZHIG PA'I PHYIR LA, DE NYID LAS MCHOD PAR 'BRAS BU SKYE BA'I PHYIR RO, ,DE LTA MA YIN NA SKAD CIG MA GSUM PA LA 'BRAS BUR 'GYUR RO SNYAM DU SEMS NA, DE YANG RIGS PA MA YIN TE, 'DI @196A *, ,LTAR GAL TE BAR NA DUS GZHAN PHRA RAB KYANG MED PA'I PHYIR RGYU YOD PA DANG 'BRAS BU DUS GZHAN GYIS MCHOD PA NYID DU 'DOD NA NI DE'I TSE BDAG NYID MI TSUGS LA, CI DUS GCIG PA NYID DU THAL BAR 'GYUR RAM, 'ON TE MA YIN ZHES DPYOD CIG, ,DNGOS PO CHA SHAS MED PA DUS GZHAN GYIS MCHOD PA GNYIS LA NI DUS GCIG PA MA GTOGS PAR RNAM PA GZHAN YOD PA MA YIN TE, DE GNYIS BDAG NYID THAMS CAD KYIS MCHOD PA'I PHYIR RO, ,BAR DU 'BYUNG BA'I DUS GZHAN MED NA GDON MI ZA BA SKAD CIG MA SNGA MA DANG PHYI MA DAG REG PA KHO NAR 'GYUR TE, DE'I PHYIR SKAD CIG MA THAMS CAD SKAD CIG MA GCIG KHO NA'I NANG DU 'DUS PAS RDUL PHRA RAB RNAMS BDAG NYID THAMS CAD KYIS SBYOR NA GONG BU RDUL PHRAN TZAM NYID DU THAL BA DANG 'DRA BAR BA SKAL BA YANG SKAD CIG MA TZAM NYID DU THAL BA YIN NO, ,DE'I PHYIR JI LTAR KHA CIG DNGOS PO RNAMS KYI YUL GYI RIM PAR SNANG BA NI TSAD MAS GNOD PA'I PHYIR KUN RDZOB PA KHO NAR 'DOD PA LTAR DUS KYI RIM PA YANG RMI LAM LA SOGS PA DAG NI BSKAL PA LA SOGS PAR SNANG BA BZHIN DU DE DAG 'DRA BAR 'GYUR RO, ,SBYOR BA NI GANG DAG DUS GZHAN GYI BDAG NYID THAMS CAD MCHOD PA DE DAG LA SNGON GYI DUS NYID DANG PHYI MA'I DUS NYID MED DE, DPER NA {RVA} G-YAS PA DANG G-YON PA DAG LTA BU'O, ,RGYU DANG 'BRAS BU DAG KYANG DUS GZHAN GYIS BDAG NYID THAMS CAD KYIS MCHOD PA RANG BZHIN GYI GTAN TSIGS YIN NO, ,'ON TE PHYOGS GCIG GIS MCHOD PA YIN GYIS BDAG NYID THAMS CAD KYIS MA YIN NO ZHES BYA BAR RTOG NA, DE'I TSE SKAD CIG MA CHA SHAS DANG BCAS PA NYID DU THAL BA YIN TE, DES NA DUS KYI MTHA'I MTSAN NYID SKAD CIG MA NYAMS PAR 'GYUR RO, ,'ON TE YANG 'BRAS BU SKYE BA'I DUS NA RGYU MED PA'I PHYIR MED PA DANG LHAN CIG BDAG NYID THAMS CAD DAM PHYOGS GCIG GIS MCHOD CES BYA BA LA SOGS PA'I BSAM PA MI 'JUG PA KHO NA'O SNYAM NA, DE YANG RIGS PA MA YIN TE, DE'I TSE BAR NA DUS GZHAN MI SRID PA'I PHYIR RGYU MED PA DE NYID RIGS PA MA YIN NO, ,GAL TE YANG 'BRAS BU SKYE BA'I DUS NA RGYU MED NA NI DE'I TSE 'BRAS BU RGYU MED PA CAN KHA NAR @196B 'GYUR RO, ,RGYU ZHIG PA LAS 'BRAS BU 'DOD PAR 'GYUR GYI, DA LTAR GYI LAS NI MA YIN TE, MED NA DA LTAR NYID DU MI RUNG BA'I PHYIR DANG, DA LTAR NYID YIN NA NI DE'I TSE DE MED PAR 'GAL BA'I PHYIR RO, ,YOD PA NYID DU KHAS LEN NA YANG JI STE MCHOD PA LA SOGS PA'I BSAM PA 'JUG PAR MI 'GYUR, JI STE YANG 'BRAS BU SKYE BA'I DUS NA RGYU YOD PA KHO NA YIN LA, 'BRAS BU YOD PA'I DUS NA NI MED PA YIN TE, DE'I PHYIR MCHOD PA LA SOGS PA'I BSAM PA MI BYA'O ZHE NA, DE YANG RIGS PA MA YIN TE, SKYE BA NI YOD PA LAS DON GZHAN MA YIN PA'I PHYIR RO, ,'DI LTAR KHYED NI RGYU DANG BAR MED PA KHO NAR 'BRAS BU YOD PA SKYE BA YIN NO ZHES BRJOD DO, ,BAR MED PAR YOD DO ZHES SMRA BA DAG GIS KYANG MCHOD PA CUNG ZAD CIG KHAS BLANGS PA KHO NA YIN NO, ,DE LTA MA YIN NA BAR MED PA ZHES BYA BA'I SGRA'I DON CI ZHIG YIN PAR 'GYUR, BAR MED PA DANG MCHOD PA DANG REG PA ZHES BYA PA LA SOGS PA NI DON THA DAD PA MA YIN PA'I PHYIR DE KHAS BLANGS NA SHUGS KYIS RGYU DANG 'BRAS BU DAG DUS GCIG PA NYID DU KHAS BLANGS PAR 'GYUR TE, YOD PA DUS GZHAN GYIS MCHOD PA GNYIS LA GNAS SKABS GZHAN MI SRID PA'I PHYIR RO, ,GZHAN YANG RGYU ZHIG PA LAS 'BRAS BU SKYE BAR THAL NA NI MI RUNG BAS KHYED KYIS DE YENGS SU SPANGS TE, DE LTAR GYI RGYU LAS MCHOD PAR 'BRAS BU SKYE BAR KHAS BLANGS PA YIN NO, ,DE LA NI CI BDAG NYID THAMS CAD KYIS MCHOD DAM, 'ON TE PHYOGS GCIG GIS ZHES BYA BA'I BSAM PA 'DI 'JUG PA NYID DE, DE LA RNAM PA GZHAN MI SRID PA'I PHYIR RO,, DE LTA BAS NA RGYU NI 'BRAS BU'I SKAD CIG MA DANG MCHOD PA KHO NA YIN LA, DE YANG PHYOGS GCIG GIS KYANG MA YIN, BDAG NYID THAMS CAD KYIS KYANG MA YIN NO ZHES SMRA BAS CI ZHIG SMRAS PAR 'GYUR ZHE NA, MCHOD PA ZHES YIN LA, MCHOD PA ZHES YIN LA, MCHOD PA YANG MA YIN NO ZHES BYA BAR 'GYUR TE, SHIN TU LEGS PAR SMRAS BA 'DI LTA BU GZHAN SU ZHIG SMRA BAR 'OS, GZHAN YANG GAL TE 'BRAS BU YOD PA'I DUS NA RGYU MED PA YIN NA NI DE'I TSE RGYU MA ZHIG PA KHO NA LAS 'BRAS BU 'BYUNG NGO ZHES BRJOD PAR MI BYA STE, DE'I TSE RGYU MA ZHIG PA 'GA' YANG MED PA'I PHYIR RO, ,GANG GI TSE RGYU MA ZHIG PA DE'I TSE 'BRAS BU MED @197A *, ,PA'I PHYIR DE JI LTAR MA ZHIG PA LAS 'BYUNG BAR 'GYUR, GAL TE 'DI SNYAM DU JI LTAR DNGOS PO RANG ZHIG NAS MED PA LHAN CIG MA CHOD PA YIN YANG DUS GCIG PA NYID MA YIN PA DANG, JI LTAR GRIB MA DANG, NYI MA DAG DANG 'BAB CHU'I RGYUN DAG LA CHU'I RGYUN SNGA PHYI DAG MED PA YIN YANG YUL GCIG PA NYID MA YIN PA DE BZHIN DU 'DIR YANG RGYU DANG 'BRAS BU DAG YANG DAG PAR MED PA YIN YANG DUS MNYAM PA NYID DU MI 'GYUR RO SNYAM DU SEMS NA DE YANG RIGS PA MA YIN TE, 'DI LA YANG BRGAL ZHING BRTAG PA MTSUNGS PA'I PHYIR RO, ,'DI LTAR DE LA YANG DNGOS PO DANG DNGOS PO MED PA DAG PHYOGS GCIG GIS MCHOD PA YIN NA NI DE'I TSE CHA SHAS DANG BCAS PA NYID DU THAL BA YIN NO, ,GAL TE BDAG NYID THAMS CAD KYIS YIN NA NI DE'I TSE DUS GCIG PA NYID YIN NO, ,DE BZHIN DU GRIB MA DANG, NYI MA DANG, CHU'I RGYUN DAG KYANG BDAG NYID THAMS CAD KYIS MA CHOD PA YIN NA NI YUL GCIG PA NYID DU 'GYUR RO, ,PHYOGS GCIG GIS MCHOD NA NI CHA SHAS DANG BCAS PA NYID DU THAL BA YIN NO, ,KHO BO CAG LA NI DNGOS PO DANG DNGOS PO MED PA LA SOGS PA 'DI THAMS CAD DON DAM PAR MA GRUB STE, DE NI DNGOS PO DANG DNGOS PO MED PA LA SOGS PA SPROS PA'I DRA [?] BA MTHA' DAG DANG BRAL BA'I PHYIR RO, ,GANG LA MCHOD PA LA SOGS PA YANG DAG PAR 'GYUR PA DNGOS PO MED PA ZHES BYA BA NI THA SNYAD DU YANG 'GA' YANG MED DO, ,'ON KYANG DUS PHYI MAR DNGOS PO'I RANG GI NGO BO DGAG PA TZAM LA GDAGS PA DE LTAR BYAS TE, DE YANG BAR MED PAR CI YANG MI 'BYUNG STE; MED PA 'BA' ZHIG TU ZAD DO, ,DGAG PA TZAM NI CI YANG MA YIN PA'I PHYIR DE DANG LHAN CIG DON DAM PA PA'I MCHOD PA LA SOGS PA'I BSAM PA MI 'JUG PA'I PHYIR RO, ,RGYU DANG 'BRAS BU DAG NI DON DAM PAR DNGOS PO NYID DU KHAS BLANGS PA'I PHYIR PHYOGS GCIG GIS MCHOD PA LA SOGS PA'I BSAM PA 'JUG PA NYID DO, ,'PHAGS PA S'A LU LJANG PA'I MDO LAS, BCOM LDAN 'DAS KYIS SRANG MDA'I MTHON DMAN GYI DPES RGYU DANG 'BRAS BU MCHOD PA NYID DU GSUNGS PA GANG YIN PA DE NI CHAD PAR LTA BA SPANGS PA'I PHYIR RGYU DANG 'BRAS BU'I DNGOS PO KUN RDZOB PA KHO NA YIN PAR LTA'I, DON DAM PA NI MA @197B YIN TE, DON DAM PAR SRANG MDA' MA GRUB PA'I PHYIR RO, ,'DI LTAR GAL TE SRANG MDA' YAN LAG CAN GYI NGO BO ZHIG DPE NYID DU STON NA NI DE MA GRUB STE, GCIG LA CIG CAR MTHON DMAN LA SOGS PA PHAN TSUN 'GAL BA'I BYA BA GNYIS DANG LDAN PAR MI RUNG BA'I PHYIR RO, ,DE NI RDUL PHRA RAB BSAGS PA'I BDAG NYID DU YANG MA GRUB STE, RDUL RNAMS CHA SHAS MED PA NYID KYIS BSAGS PA MI RUNG BA'I PHYIR RO, ,CHA SHAS DANG BCAS PA NYID YIN NA NI DNGOS PO MED PA NYID DU THAL BAR 'GYUR RO, ,'ON TE SRANG MDA' RNAM PAR SHES PA SNANG BA'I NGO BO ZHIG STEN NA NI DE YANG KUN BRTAGS PA'I NGO BO KHO NA YIN PA'I PHYIR BRDZUN PA NYID YIN PAS JI LTAR DNGOS PO YOD PAR 'GYUR, RNAM PAR SHES PA YANG LUS CAN MA YIN PA'I PHYIR STENG DANG 'OG TU 'GRO BA MED DO, ,'DIS NI GRIB MA DANG, NYI MA DANG, CHU LA SOGS PA YANG LAN BTAB PA YIN NO, ,BCOM LDAN 'DAS KYIS 'PHAGS PA LANG KAR GSHEGS PA LA SOGS PA'I MDO LAS, RGYU DANG 'BRAS BU'I DNGOS PO BKAG PA'I PHYIR SRANG MDA' LA SOGS PA'I DPE RGYU DANG 'BRAS BU'I DNGOS PO KUN RDZOB PA KHO NA LA RTOGS PAR BYA'O, ,GANG YANG BCOM LDAN 'DAS KYIS 'DI YOD NA 'DI 'BYUNG ZHES BYA BA 'DIS RNAM PAR RTOG PA GSUM BOR [?] TE, RNAM PAR RTOG PA BZHI PA KHO NA ZHAL GYIS BZHES SO ZHES SMRAS PA DE LA YANG BRJOD PAR BYA STE, CI 'DI YOD NA 'DI 'BYUNG ZHES BYA BA'I BKA' 'DI KHO NAS PHYOGS GSUM BSTZAL BA DANG, PHYOGS BZHI PA ZHAL GYIS BZHES PA BSTAN TAM, 'ON TE RIGS PAS YIN, GAL TE BKAS YIN NO ZHE NA, DE NI RIGS PA MA YIN TE, GRIB MA DANG, MYU GU DAG DANG, MAR ME DANG, 'OD DUS MNYAM PA YOD PA DAG KYANG, MAR ME LA SOGS PA 'DI YOD NA, 'OD LA SOGS PA 'DI 'BYUNG NGO ZHES BYA BA'I THA SNYAD 'DI MI 'GAL BA'I PHYIR RO, ,'DI LTAR SGRA 'DIS NI 'BRAS BU YOD PA RGYU YOD PA LA RAG LAS PA YIN NO ZHES BYA BA 'DI TZAM ZHIG BSTAN PA YIN GYI, 'BRAS BU YOD PA'I DUS NA RGYU MED PA NI MA YIN NO, ,DNGOS PO RNAMS TSAD MA GZHAN GYIS DON DAM PAR SKAD CIG MA NYID DU GRUB NA YONGS SU RTOGS PA DE LTA BU DER 'GYUR GYI, BKAS NI MA YIN NO, ,'JIG RTEN GYI @198A *, ,GAGS PAS NI MA YIN TE, 'DI LTAR 'JIG RTEN NA GRIB MA DANG MYU GU LA SOGS PA DUS MNYAM PA NA YOD PA RNAMS KYANG RGYU DANG 'BRAS BU'I DNGOS POR SHES PA NYID DO, ,'ON TE RIGS PAS BYA BA'I PHYOGS YIN NA, 'O NA NI DE'I TSE BCOM LDAN 'DAS KYI BKA' NYE BAR DGOD PAR MI BYA STE, DE NI DON 'DI LA KHUNGS MA YIN PA'I PHYIR RO, ,RIGS PA KHO NA ZHIG BRJOD PAR BYA DGOS PAR 'GYUR NA DE YANG BRJOD PAR MI NUS TE, 'DI LTAR JI LTAR RIGS PAS RNAM PAR RTOG PA GSUM MI SRID PA DE BZHIN DU RNAM PAR RTOG PA BZHI PA YANG DON DAM PAR MI SRID DO ZHES DE NI RGYAS PAR BSTAN ZIN TO, ,GANG DAG GRAGS PA LAS 'DAS TE, ,BDAG LA SOGS PA'I RDZAS RTAG PA DANG, RANG DBANG LA SOGS PA'I YON TAN CAN DU RTOGS PAR BYED CING, LAS DANG 'BRAS BU 'BREL PA LA SOGS PA KUN RDZOB PA YANG RNAM PAR SEL BAR BYED PA DE DAG GI LTA BA YONGS SU SPANG BA'I PHYIR BCOM LDAN 'DAS KYIS RKYEN NYID 'DI BTZAM [?] SGYU MA LA SOGS PA BZHIN DU GNAS PA KUN RDZOB PA KHO NA LA BRTEN NAS 'DI YOD NA 'DI 'BYUNG NGO ZHES GSUNGS KYI, BKA' 'DI LAS RNAM PAR RTOG PA GSUM BSTZAL BA DANG, RNAM PAR RTOG PA BZHI PA LA BRTEN PAR RTOGS PA NI MA YIN NO, ,DE LTAR NA DON DAM PAR GZHAN LAS KYANG SKYE BAR RIGS PA MA YIN NO, ,DE'I PHYIR DNGOS PO RNAMS KYI SKYE BA 'DI THAMS CAD NI SGYU MA 'BYUNG BA BZHIN DU MA BRTAGS NA DGA' BA STE BRDZUN PA KHO NA YIN NO, ,DE SKAD DU, MA ZHIG PA LAS 'BRAS 'BYUNG DU, ,DE TSE 'BRAS 'BYUNG CI YANG MED; ,'ON TE ZHIG LAS 'BRAS 'BYUNG NA, ,DE TSE 'BRAS BU GANG LAS 'BYUNG, ,SA BON 'GAGS DANG MA 'GAGS LAS, ,'BRAS BU 'BYUNG BAR MI SRID DO, ,SKYE BA SGYU MA SKYE BA BZHIN, ,'DI DAG THAMS CAD DE YIS BRJOD, ,DE'I PHYIR SLOB DPON KHA CIG GIS DON DAM PAR NANG GI SKYE MCHED RKYEN GZHAN DAG LAS MI SKYE STE, GZHAN YIN PA'I PHYIR ZHES BYA BA LA SOGS PA BSHAD PA GANG YIN PA'I GTAN TSIGS DE YANG LDOG PA LA THE TSOM ZA BA NYID MA YIN TE, MI MTHUN PA'I PHYOGS LA JI SKAD BSHAD PA'I GNOD PA CAN GYI TSAD MA SRID PA'I PHYIR YOD PA NI MI RTAG PA NYID SGRUB PA @198B DANG 'DRA'O, ,BLUN PA NYID LA SOGS PAR SGRUB PA LA NI GZHAN NYID MI MTHUN PA'I PHYOGS LA GNOD PA CAN GYI TSAD MA CUNG ZAD KYANG MED PAS DE LA NI 'DI MA NGES PA NYID DU 'GYUR GYI, SKYE BA DGAG PA BSGRUB PAR BYA'I, MI MTHUN PA'I PHYOGS LA GNOD PA CAN GYI TSAD MA YOD PA LA NI MA YIN NO, ,THA SNYAD DU NI GZHAN NYID TZAM GRUB PA'I PHYIR GTAN TSIGS MA GRUB PA NYID KYANG MA YIN TE, GTAN TSIGS LA SOGS PA YANG DAG PA'I DNGOS POR GYUR PAS THA SNYAD GDAGS PAR NI GANG DU YANG MA GRUB BO ZHES SNGAR BSTAN ZIN TO, ,DE'I PHYIR KHA CIG 'DI LA MA NGES PA DANG, MA GRUB PA NYID KYI RJOD PAR BYED PA GANG YIN PA DE NI 'BREL PA MED PA NYID YIN NO, ,MU STEGS CAN RNAMS GZHAN LA SOGS PA'I THA SNYAD KYI RGYU NI DNGOS SU GZHAN NYID LA SOGS PA'I DNGOS PO DE LTA BU KHO NA YIN PAR BRJOD PA DE DAG LA SLOB DPON GYIS, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN; ,ZHES BYA BA LA SOGS PA SUN DBYUNG BAR BSHAD DE, DE'I PHYIR DE GZHUNG LUGS KYIS GZHAN NYID MA GRUB PAS GZHAN LAS MI SKYE'O ZHES BSTAN PAR 'GYUR RO, ,GANG DAG GZHAN LA SOGS PA'I SGRA BRTAGS PA'I SPYOD YUL GYI DON CAN YANG BRGYUD PAS DNGOS PO MTHAR THUG PA KHO NA RJOD PAR BYED PA DE DAG KYANG DNGOS PO'I RANG BZHIN DU RKYEN LA YOD NA SKYE BA MA YIN NO ZHES DGONGS NAS SUN DBYUNG BA YIN TE, JI LTAR RKYEN LA SOGS PA LA YOD NA DON DAM PAR DNGOS PO RNAMS KYI RANG BZHIN SKYE BA MED PA DE BZHIN DU RGYAS PAR BSTAN MA THAG PA YIN NO, ,DE'I PHYIR GANG GI TSE DNGOS PO THAMS CAD DON DAM PAR GZHAN LAS SKYE BA MI 'THAD PA KHO NA YIN PA DE'I TSE RKYEN LA SOGS PA YANG MA SKYES PA'I PHYIR MA GRUB PA YIN PAS YANG DAG PAR NA GANG LA SGRA 'DI MTHAR THUG PAR 'GYUR PA GZHAN DU GYUR PA'I DNGOS PO NI CI YANG MED DO, ,DE'I PHYIR YANG DAG PAR DE LTA BU'I THA SNYAD MA GRUB TU ZIN KYANG, 'ON KYANG DNGOS PO LA NI GNOD PA MED PA KHO NA'O ZHES SMRAS PA GANG YIN PA DE'I RIGS PA MA YIN PA NYID DO, ,GRANGS CAN GTZO BO DBANG PHYUG DANG BCAS PAR SMRA BA GANG DAG DNGOS PO RNAMS GTZO BO DBANG PHYUG DANG BCAS PA LAS SKYE BAR NYE BAR BRJOD PA NA RANG DANG GZHAN LAS DE NYE BAR @199A *, ,BRJOD PA DE DAG GI PHYOGS NI SO SOR BSHAD PA'I NYES PAS SUN PHYUNG BA'I PHYIR RIGS PA MA YIN PA NYID DO, ,GZHAN GANG DAG RES 'GA' RANG DGA'I DBANG GIS GNYI GA LAS SKYE BAR BRJOD PAR 'GYUR BA DE DAG KYANG NYES PA GNYI GAS [?] SUN PHYUNG BA'I PHYIR BSTZAL BA KHO NA YIN NO, ,DE'I PHYIR KHA CIG NA RE GNYI GA'I BDAG NYID KYI DNGOS PO TSAD MA DANG 'GAL BA NI SUS KYANG CUNG ZAD KYANG KHAS MA BLANGS TE, DE'I PHYIR KHYED NI DE LAS SKYE BA SUN 'BYIN PAR SEMS PA DE KHO NAS BDAG NYID RMONGS TE, TSIGS SU GYUR PA 'BA' ZHIG TU ZAD DO ZHES SMRAS PA GANG YIN PA DE NI DES RANG DANG GZHUNG LUGS YONGS SU MA SHES PA DANG, SGRA'I DON MA RIG PA NYID YIN PAS DE'I PHYIR TSIG DE NI MKHAS PA RNAMS KYIS KHYAD DU GSAD PAR BYA BA KHO NA YIN NO, ,GZHAN DAG NI TSER MA LA SOGS PA RNO BA LA SOGS PA'I DPES DNGOS PO THAMS CAD YANG DAG PAR RGYU MED PA KHO NAR SKYE BAR NYE BAR BRJOD DE, DE LA DE DAG GI DNGOS PO RNAMS RGYU MED PAR SKYE BA DON DAM PA PAR BSGRUB PAR BYA BA LA DPE MA [?] GRUB STE, DON DAM PA PAR CHOS THAMS CAD MA SKYES PA'I PHYIR RO, ,DE KUN RDZOB PAR BSGRUB PAR BYA BA LA YANG MA GRUB PA NYID DE, 'DI LTAR TSER MA LA SOGS PA RANG GI SA BON LA SOGS PA LAS 'BYUNG BAR MNGON SUM 'DIS RNAM PAR NGES LA, DE NYID KYIS DE DAG GI RNO BA LA SOGS PA YANG NGES PAS GANG YANG RGYU MED PAR SKYE BA MED DO, ,'DI LTAR DNGOS PO 'DI THAMS CAD LA LAR RES 'GA' 'BYUNG BAS LTOS PA DANG BCAS PAR YONGS SU NGES PA NYID DE, LTOS PA MED PA RNAMS NI RTAG TU KHYAD PAR MED PAS RES 'GA' BA NYID DU MI 'THAD PA'I PHYIR RO, ,DE DAG GI LTOS PAR BYA BA GANG YIN PA DE NYID RGYU YIN TE, PHAN PA MED PA LA LTOS PAR MI 'THAD PA'I PHYIR RO, ,DE LA PHAN PA NYID DU GRAGS PA GANG YIN PA DE NYID DE DAG GI RGYU YIN NO ZHES BYA BAR GRUB BO, ,RGYU MED PA NYID YIN NA NI KHYAD PAR MED PA'I PHYIR TSER MA LA SOGS PA DAG LA RNO BA LA SOGS PA NGES PAR MI 'GYUR TE, DE'I PHYIR THAMS CAD KYANG THAMS CAD KYI BDAG NYID DU 'GYUR RO, ,SA BON DANG MYU GU LA SOGS PA RGYU DANG 'BRAS BU'I DNGOS PO YANG 'JIG @199B RTEN NA MNGON SUM KHO NAR GRUB PA'I PHYIR, DAM BCAS PA LA MNGON SUM GYIS GNOD PA YANG YIN LA, GZHAN DAG LA GTAN TSIGS LAS BSGRUB PAR BYA BA LA NGES PAR SKYE BAR KHAS BLANGS PA'I PHYIR RANG GI TSIG DANG 'GAL BA YANG YIN NO, ,DE LTA MA YIN NA GTAN TSIGS SBYOR BA DON MED PA KHO NAR 'GYUR RO, ,DAM BCAS PA TZAM GYIS NI 'DOD PA'I DON 'GRUB PA MA YIN TE, THAMS CAD KYIS THAMS CAD 'GRUB PAR THAL BAR 'GYUR BA'I PHYIR RO, ,DE LTA BAS NA RGYU MED PAR SMRA BA 'DI NI THA SNYAD DU YANG MNGON SUM LA SOGS PAS GNOD PA'I PHYIR MKHAS PA RNAMS KYIS THAG BSRINGS TE SPANG BAR BYA BA NYID DO, ,GTAN TSIGS LA SOGS PA SGYU MA LA SOGS PA BZHIN DU GNAS PA MA BRTAGS NA DGA' BA JI LTAR GRAGS PA MA BKAG PA'I PHYIR SKYE BA MED PAR SMRA BA LA NI MNGON SUM LA SOGS PA'I GNOD PA MED DO, ,CHOS CAN MA GRUB PA LA SOGS BA'I NYES PA NI SNGAR BSAL BA NYID DO, ,DE LTAR NA MTHUN PA'I PHYOGS LA YOD PA'I PHYIR GTAN TSIGS MA GRUB PA NYID KYANG MA YIN LA, 'GAL BA NYID KYANG MA YIN NO, ,NAM MKHA'I ME TOG LA SOGS PA MA SKYES PA NI RANG BZHIN DANG BCAS PA NYID DU NYAMS SU MYONG BA MED PAS SKYE BAS DE DAG LA KHYAB PA'I PHYIR DE YANG DAG PAR LDOG NA DE YANG LDOG PAR 'GYUR BSAM NGES PA NYID KYANG MA YIN NO, ,SKYE PA 'JUG PA NI GCIG TU DE LA YANG DAG PAR SGRUB PAR NUS PA MA YIN TE, RMI LAM LA SOGS PA NA BU LA SOGS PA MI BDEN PA YANG SKYE BAR SNANG BA'I PHYIR RO, ,DE NI RNAM PAR SHES PA DE NYID DE LTA BUR SNANG NGO ZHES BYA BAR RIGS PA YANG MA YIN LA, DE LA YANG DAG PAR NA DE'I RNAM PA MI SRID PA'I PHYIR RO ZHES SNGAR BSTAN ZIN TO, ,GZHAN NI GZHAN GYI NGO BOR SNANG BAR YANG RIGS PA MA YIN TE DE NYID DANG GZHAN NYID DAG NI 'GAL BA'I PHYIR RO, ,SKYE BA DES NGO BO NYID DANG BCAS PA LA KHYAB KYANG SKYE BA LA NGES PAR NGO BO NYID DANG BCAS PA YANG DAG PAR NI MI 'GRUB STE, KHYAB PAR BYED PA NYE NA GDON MI ZA BAR KHYAB PAR BYA BA THAMS CAD NYE BA NYID DU NGES PA MA YIN NO ZHES SNGAR BSTAN ZIN TE, DE NI THUN MONG YIN PA'I PHYIR RO, ,YANG DAG PAR NA GANG LA YANG SKYE BA 'JUG @200A *, ,PA MED DO ZHES KYANG RAB TU BSGRUBS ZIN TO, ,GANG DAG YANG DNGOS PO RNAMS NI RKYEN DAG LAS MI SKYE'I, 'O NA ZHE NA, DE DAG GIS GSAL BAR BYED PA 'BA' ZHIG TU ZAD DE, DE'I PHYIR GTAN TSIGS MA NGES PA NYID YIN NO SNYAM DU SEMS PA DE YANG SNGAR BSAL BA SPYIR BSTZAL BA'I PHYIR SPANGS PA NYID DO, ,GAL TE RKYEN DAG LAS DNGOS PO GSAL BAR 'GYUR NA RANG GI MTSAN NYID RGYAS PA'I NGO BO 'AM, DE'I SGRIB PA YANG DAG PAR ZAD PA'I BDAG NYID DAM, DBANG PO LEGS PAR BYED PA'AM, YUL DE LA RNAM PAR SHES PA SKYE BA'I MTSAN NYID GCIG TU 'GYUR GRANG ZHES RNAM PAR BRTAGS TE, DE LA RE ZHIG PHYOGS DANG PO NI MA YIN TE, RTAG PA NYID NYAMS PAR THAL BAR 'GYUR BA'I PHYIR RO, ,GAL TE RANG GI NGO BO MA RGYAS PA NI RANG GI NGANG GIS 'JIG LA GSAL BAR BYED PA'I RKYEN LAS SO, ,NGO BO NYID RGYAS PA GZHAN ZHIG SKYE BAR 'GYUR NA DE'I TSE DE LAS RANG GI MTSAN NYID RGYAS PAR 'GYUR RO, ,DE LTA MA YIN TE, RANG GI NGO BO SNGA MA MA 'GAGS NA GCIG LA RGYAS PA DANG MA RGYAS PA PHAN TSUN 'GAL BA'I RANG BZHIN GNYIS 'CHOL PAR KHAS BLANGS PAR 'GYUR RO, ,RANG GI NGO BO SNGON MED PA ZHIG MI SKYE NA YANG GSAL BAR BYED PA'I RKYEN DON MED PAR 'GYUR LA, DNGOS PO RNAMS KYI SKYE BA YANG SNGAR RGYAS PAR BSTZAL BA'I PHYIR RIGS PA MA YIN PA NYID DO, ,SGRIB PA YANG DAG PAR ZAD PA'I BDAG NYID KYANG MA YIN TE, MED PA'I NGO BO DE NI DNGOS PO MED PA NYID KYIS GANG GIS KYANG BYED PAR MI SRID PA'I PHYIR RO, ,DNGOS PO'I NGO BO LA YANG BYA BA SNGAR BSAL BA'I PHYIR RO, ,DE DON GZHAN DU GYUR PA ZHIG BYED PA YIN NA NI RKYEN RNAMS JI LTAR DNGOS PO'I GSAL BAR BYED PA YIN NA DON GZHAN DU MA GYUR PA NI BYED BAR MI SRID PA NYID DE, DE NI SNGON NYID NAS YOD PA'I PHYIR RO, ,DNGOS PO RTAG PA LA NI, RANG BZHIN GYI KHYAD PAR 'GA' ZHIG MA BSHIG PA'AM, MA BSKYED PAR SGRIB PAR BYED PA NAM YANG RIGS PA MA YIN TE, HA CANG [?] THAL BAR 'GYUR BA'I PHYIR RO, ,YUL DE LA RNAM PAR SHES PA SKYE BA'I GAGS BYED PA NYID KYIS SGRIB PAR BYED PAR RIGS PA YANG MA YIN TE, DE RANG GI YUL RNAM PAR SHES PA SKYED @200B PAR NUS PA'AM, DE'I RNAM PAR SHES PAS RNAM PAR SHES PAR BYA BA'I RANG BZHIN ZHIG YIN NA NI SHES PA RGYU MA TSANG BA MED PA LA GANG GIS KYANG GAGS BYED MI NUS PA'I PHYIR RO, ,'ON TE 'DI MI NUS PA'AM DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN NA NI DE'I TSE BDAG NYID KYIS RGYU MA TSANG BA'I PHYIR YUL DE LA RNAM PAR SHES PA MI SKYE BA'I PHYIR 'DI YUL DE LA RNAM PAR SHES PA SKYE BA'I GAGS BYED PA NYID KYIS SGRIB PAR BYED PAR RIGS PA MA YIN NO, ,SGRIB PA YANG DAG PAR ZAD PA BZHIN DU SKYE BA LA GAGS BYED PA MED PA LA SOGS PA'I NGO BO YANG BYED PAR MI RIGS PA NYID DO, ,DE NYID KYI PHYIR MI NUS PA'I PHYIR RAM, DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN PA'I PHYIR GSAL BAR BYED PA'I RKYEN DAG NI DE LA SGRIB PAR BYED PA ZLOG TU ZIN KYANG, YUL DE LA RNAM PAR SHES PA SKYE BAR RIGS PA YIN PA NYID DO, ,JI STE NUS PAR KHAS LEN NA NI, DE'I TSE SGRIB PAR BYED PA YOD KYANG DE LA RGYU MA TSANG BA MED PA'I PHYIR RNAM PAR SHES PA RTAG TU SKYE BAR 'GYUR BAS GSAL BAR BYED PA RNAMS KYI BYED PA DON MED PA YIN NO, ,DE LTA BAS NA RTAG PA RNAMS LA CUNG ZAD KYANG MI BYED PA'I PHYIR 'GA' YANG SGRIB PAR BYED PAR RIGS PA MA YIN GYI, MI RTAG PA RNAMS NI RGYU'I KHYAD PAR KHO NA RES 'GA' ZHIG RNAM PAR SHES PA BSKYED PAR MI NUS PA'I SKAD CIG MA GZHAN SKYED PA NYID KYIS SGRIB PAR BYED PA YIN PA'I PHYIR RO, ,DBANG PO LEGS PAR BYED PA ZHES BYA BA'I PHYOGS KYANG MA YIN TE, LEGS PAR BYED PA DE'I RANG GI NGO BOR GYUR PA ZHIG BYED NA NI MI RTAG PA NYID DU THAL BAR 'GYUR TE, SNGA MA BZHIN NO, ,LEGS PAR BYED PA DON GZHAN DU GYUR PA ZHIG BYED NA NI DE LEGS PAR BYED PAR RIGS PA MA YIN TE, DE LA CUNG ZAD KYANG MI BYED PA'I PHYIR RO, ,DE LTA MA YIN NA NI HA CANG THAL BAR 'GYUR RO, ,DNGOS PO GANG LA GANG GIS KYANG CUNG ZAD KYANG BYED PAR MI SRID CES SNGAR BSTAN ZIN TO, ,DBANG PO LEGS PAR YIN DU CHUG KYANG GAL TE GSAL BAR BYA BA'I BDAG NYID KYI DNGOS PO DE DAG NYID KYIS, DBANG PO DE'I RNAM PAR SHES PA BSKYED PAR MI NUS PA'AM, DE'I RNAM PAR SHES PAS RNAM PAR SHES PAR BYA BA'I RANG BZHIN ZHIG @201A *, ,MA YIN NA NI DE'I TSE DE LA RNAM PAR SHES PA SKYE BAR MI 'GYUR BA NYID PAS LEGS PAR BYED PA DON MED PA KHO NAR 'GYUR RO, ,'ON TE NUS PA'AM DE'I RNAM PAR SHES PAS RNAM PAR BYA BA'I RANG BZHIN ZHIG YIN NA NI DE'I TSE DBANG PO LEGS PAR BYED PA'I SNGON ROL DU YANG DE LA RNAM PAR SHES PA SKYE BAR THAL BAS DE LEGS PAR BYED PA DON MED PA NYID DO, ,DE NYID KYI PHYIR YUL DE LA RNAM PAR SHES PA SKYE BA'I MTSAN NYID KYANG MA YIN TE, 'DI LTAR GAL TE GSAL BAR BYA BA'I DNGOS PO DE BDAG NYID KYIS MI NUS PA'AM, DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN NA NI DE'I TSE RNAM PAR SHES PA DE BSKYED KYANG, DE NI DE'I YUL NYID DU MI 'GYUR RO, ,'ON TE NUS PA'AM DE'I RNAM PAR SHES PAS RNAM PAR SHES PAR BYA BA'I RANG BZHIN YIN NA NI DE'I TSE DE'I RANG GI NGO BO BZHIN DU DE YOD PA TZAM GYIS RNAM PAR SHES PA 'BYUNG BA'I PHYIR RTAG TU NYE BA KHO NA YIN PAS GSAL BAR BYED PA RNAMS RNAM PAR SHES PA SKYED PAR BYED PA MA YIN NO, ,GZHAN YANG KHYED KYI LUGS KYIS DNGOS PO'I RIGS THAMS CAD RTAG TU GNAS PA'I NGO BO NYID YIN PAS GSAL BA DANG, GSAL BAR BYED PA DANG, GSAL BAR BYA BA YANG DUS THAMS CAD DU GNAS PA'I PHYIR GSAL BA LA SOGS PAR RNAM PAR GZHAG PAR RIGS PA MA YIN TE, GSAL BAR BYED PA RNAMS CUNG ZAD KYANG MI BYED PA'I PHYIR RO, ,DNGOS PO THAMS CAD DUS THAMS CAD DU GSAL BA LA SOGS PA THAL BA YANG BZLOG DKA' STE, RTAG TU RGYU MA TSANG BA MED PA NYE BA'I PHYIR RO, ,GZHAN YANG GSAL BA NI DNGOS PO RTAG PA KHO NA LA KUN BRTAGS PA YIN NA RTAG PA ZHES BYA BA YANG NUS PA THAMS CAD KYIS STONG PA'I PHYIR DNGOS POR MI 'THAD PA NYID PAS DES GTAN TSIGS MA NGES PA NYID LTA GA LA YIN, 'DI LTAR GANG ZHIG NUS PA THAMS CAD KYIS STONG PA DE NI DNGOS PO MED PA YIN TE, DPER NA MO GSHAM GYI BU LA SOGS PA LTA BU STE, DBANG PHYUG LA SOGS PA RTAG PAR 'DOD PA MTHA' DAG KYANG DE BZHIN NO, ,DE YANG RIM DANG CIG CAR DAG GIS DON BYED PAR 'GAL BA'I PHYIR NUS PA THAMS CAD KYIS STONG PA NYID DU SNGAR BSTAN ZIN TO, ,DE'I PHYIR RIGS MTHUN PA LA SRID @201B PAS GTAN TSIGS 'DI MA GRUB PA NYID KYANG MA YIN LA, 'GAL BA NYID KYANG MA YIN NO, ,MO GSHAM GYI BU LA SOGS PA YANG DNGOS PO NYID DU THAL BAR 'GYUR BA'I PHYIR MA NGES PA NYID KYANG MA YIN NO, ,'DI LTA STE NUS PA MA LUS PA DANG BRAL BA 'DI KHO NA DNGOS PO MED PA'I MTSAN NYID YIN LA, DE NI 'DUS MA BYAS LA YANG YOD PA'I PHYIR 'DI JI LTAR DNGOS PO NYID YIN, DES NA GANG DAG SO SOR BRTAGS PAS 'GOG PA LA SOGS PA NUS PA THAMS CAD KYIS STONG PA MO GSHAM GYI BU LA SOGS PA DANG KHYAD PAR MED PA LA YANG DNGOS PO NYID DU YONGS SU RTOG PAR BYED PA DE DAG GI RTOG PA DE NI RIGS PA MA YIN PA NYID DE, DE LA DE'I RGYU 'GA' YANG MED PA'I PHYIR RO, ,'DI LTAR JI STE SO SOR BRTAGS PAS 'GOG PA LA SOGS PA DE 'GA' ZHIG GI RNAM PAR SHES PA'I YUL NYID DU 'GYUR NA NI DE'I TSE GDON MI ZA BAR DE DE'I RGYU'I DNGOS POR KHAS BLANG BAR BYA DGOS TE, RGYU MA YIN PA NI YUL NYID DU MI RUNG BA'I PHYIR RO, ,RGYU'I KHYAD PAR KHO NA RANG GI RNAM PAR GTOD PAS RNAM PAR SHES PA LA PHAN 'DOGS PA NYID DU 'GYUR BA NA YUL YIN NO ZHES 'DZER TE, DE LTA YIN NA NI DE'I RTAG PA NYID NYAMS PAR THAL BA YIN TE, DE NI THA SNYAD DU YANG RIM DANG CIG SHOS DAG GIS DON BYED PAR MI 'THAD PA'I PHYIR RO; ,'ON TE DE PHAN PA MED BZHIN DU YANG DE'I SHES PAS SHES PAR BYA BA'I NGO BO NYID MA YIN PA'I PHYIR YUL NYID DU RTOG PAR BYED NA NI DE'I TSE DE'I SHES PAS SHES PAR BYA BA'I RANG BZHIN RJES SU 'BRANG NA DE'I SHES PA YANG DE 'DRA BA NYID DU RJES SU 'BRANG BA'I PHYIR RTAG PAR THAL BAR 'GYUR RO, ,JI STE MI 'BRANG NA NI DE'I RTAG PA NYID NYAMS PA YIN NO, ,'ON TE YANG DE NI THA NA THAMS CAD MKHYEN PA'I THUGS KYANG RUNG, 'GA'I YUL GYI DNGOS POR YANG NYE BAR MI 'GYUR RO ZHES RTOG PAR BYED NA DE'I TSE DE LA RTOG PA DANG LDAN PA RNAMS DNGOS PO YOD PAR THA SNYAD 'DOGS PAR RIGS PA MA YIN TE, DER THA SNYAD GDAGS PA'I RGYU DE SHES PA MED PA'I PHYIR RO, ,GANG GIS NA DE LAS RNAM PAR DBYE BAR RTOGS PAR 'GYUR BA RI BONG GI RVA LA SOGS PA NYE BAR BRJOD PA THAMS CAD DANG BRAL BA'I NGO BO LAS KYANG DE KHYAD PAR DU BRJOD DGOS TE, DNGOS PO MED PA LAS RAB TU RNAM PAR MA PHYE BA'I NGO BO NYID NI DNGOS PO @202A *, ,NYID DU RTOGS PAR NUS PA MA YIN NO, ,DE LA BDAG NYID KYI RANG GI NGO BO 'DZIN PA'I MTSAN NYID KYI KHYAD PAR YOD DO ZHES BRJOD PAR YANG RIGS PA MA YIN TE, DNGOS PO MED PA LA YANG NUS PA THAMS CAD DANG BRAL BA'I BDAG NYID KYI NGO BO 'DZIN PA YOD PA'I PHYIR RO, , MO GSHAM GYI BU LA SOGS PA DANG KHYAD PAR MED PA DE LTA BU LA YANG DNGOS PO DNGOS PO ZHES MING DU 'DOGS NA NI BRTZAD PA MED DO, 'ON KYANG MO GSHAM GYI BU LA SOGS PA LA YANG RGYU MED PAR CI STE MI BRJOD CES NI SMRA'O, ,DE LTA BAS NA 'DI LTA STE 'DUS MA BYAS YOD PA NYID DU SMRA BA 'DI NI BZANG PO MA YIN NO, ,DE NYID KYI PHYIR 'PHAGS PA LANG KAR GSHEGS PA LAS KYANG, BLO GROS CHEN PO 'DI LTA STE NAM MKHA' DANG 'GOG PA DANG MYA NGAN LAS 'DAS PA MA BYAS PA'I DNGOS POR SGRO 'DOGS PA NI YOD PA MA YIN PA LA SGRO 'DOGS PA'O ZHES GSUNGS SO, ,GANG GZHAN DAG RTAG PA DANG MI RTAG PA NYID LA SOGS PAR BRJOD PAR BYA BA MA YIN PA GANG ZAG LA SOGS PAS BSGRUB PA GNYI YANG MA NGES PA NYID YIN NO ZHES SMRAS PA DE YANG RIGS PA MA YIN TE, DNGOS PO YOD PA LA JI LTAR YANG BRJOD PAR BYA BA MA YIN PA NYID MI SRID PA'I PHYIR RO, ,'DI LTAR RTAG PA DANG MI RTAG PA PHAN TSUN SPANGS TE GNAS PA'I MTSAN NYID DAG NI CIG SGRUB PA DANG, DGAG PA DANG, GZHAN DGAG PA DANG, SGRUB PA MED NA MED PA YIN PA'I PHYIR CIG DGAG PA GANG YIN PA DE NYID DNGOS PO GZHAN SGRUB PA YIN PA'I PHYIR JI LTAR NA DNGOS PO BRJOD PAR BYA BA MA YIN ZHES BYA BA NYID YIN, DE LTA MA YIN NA KHYAD PAR MED PA'I PHYIR THAMS CAD BRJOD PAR BYA BA MA YIN PA KHO NAR 'GYUR RO, ,DE LTA BAS NA RANG DANG GZHAN GYIS SMRAS PA'I DNGOS PO'I BYE BRAG MA LUS PA DAG GZHOM PA'I PHYIR BDAG NYID CHEN PO RNAMS KYIS, RDO RJE'I GZEGS MA THOGS PA MED PA BZHI PO 'DI DAG RAB TU GSUNGS PA'I PHYIR LAM 'DI THAMS CAD KYIS 'GAL BAR MI BYA BA NYID DE, RANG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BSHAD PA YIN NO, ,DE LTAR NA CHOS THAMS CAD YANG DAG PAR NA BDAG MED PAR RAB TU BSGRUBS PA YIN NO, ,DE NYID KYI @202B PHYIR BCOM LDAN 'DAS KYIS 'PHAGS PA SHES RAB KYI PHA ROL TU PHYIN PA LAS, DNGOS PO RNAMS LA RTAG PA DANG MI RTAG PAR 'DZIN PA BKAG PA YIN TE, DE BZHIN DU KHUNGS KYI MDO RNAMS KYANG SNGAR BSTAN PA NYID YIN NO, ,DE BZHIN DU GZHAN YANG GAL TE GZUGS RTAG GO ZHES BYA BAR BRJOD NA SHES RAB KYI PHA ROL TU PHYIN PA LA MI SPYOD DO, ,DE CI'I PHYIR ZHE NA, GZUGS DE NYID KYANG DE LTAR YOD PA MA YIN NA RTAG PAR 'GYUR BA LTA CI ZHIG SMOS KYANG CI DGOS ZHES GSUNGS TE, DE BZHIN DU RNAM PA THAMS CAD MKHYEN PA'I YE SHES NYID KYI MTHAR THUG PA'I BAR DU SBYAR BAR BYA'O, ,DE LTA BAS NA 'DIR GANG GZHAN LAS 'BRAS BU SKYE BA LA GA 'GAL BA CI ZHIG YOD NA, GANG GIS NA DE LAS KYANG 'BRAS BU SKYE BA 'GOG PAR BYED, 'DI LA NI GNOD PA CAN GYI TSAD MA YANG MED DO ZHES BYA BA LA SOGS PA SMRAS PA DE THAMS CAD KYANG LAN BTAB PA YIN NO, ,GANG YANG 'BRAS BU YOD PA SKYE BAR DGAG PAR BYA BA LA, KHYED LA GNYI GA LA GRUB PA'I GTAN TSIGS DANG DPE MED DO ZHES BYA BA LA SOGS PA SMRAS PA DE YANG RIGS PA MA YIN TE, 'DI LTAR YOD PA ZHES BYA BA CI ZHES BYA, CHA SHAS MED PA LA CHA SHAS KYIS 'GRUB PA MI SRID PA'I PHYIR GANG BDAG NYID THAMS CAD KYIS YONGS SU GRUB PA'I NGO BO ZHIG YIN GRANG NA, YONGS SU GRUB PA'I NGO BO GANG YIN PA DE NI GZHAN DAG GIS SNGON MED PA'I KHYAD PAR BYAR YOD PA MA YIN NO, ,GANG ZHIG GZHAN DAG GIS SNGON MED PA'I KHYAD PAR BYAR MED PA DE NI NAM YANG GANG GIS KYANG MI SKYED DE, DPER NA NAM MKHA'I PADMA LA SOGS PA LTA BU'O; ,YOD PAR MNGON PAR 'DOD PA DE YANG DE DANG 'DRA BA'I PHYIR JI LTAR GTAN TSIGS LA SOGS PA MI SRID PA YIN NO, ,RNAM PAR GCAD PA TZAM ZHIG BSGRUB PAR BYA BA YIN PA'I PHYIR DANG, GTAN TSIGS SU YANG DE LTA BU STON PA'I PHYIR LA, DE DAG KYANG CHOS CAN DNGOS POR MA GYUR PA LA YANG MI 'GAL BA'I PHYIR RO, ,DE'I PHYIR GZHI MA GRUB PA NYID LA SOGS PA'I NYES PA MA YIN TE, 'DI NI SNGAR BSTAN ZIN PA KHO NA'O, ,BSGRUB PAR BYA BA DANG, SGRUB PA'I CHOS DAG MTHUN PA'I PHYOGS KYI RJES SU 'GRO BA'I PHYIR GTAN TSIGS 'GAL BA NYID KYANG MA YIN NO, ,THA SNYAD KYI SGO NAS KHYAD PAR @203A *, ,DU BYAR YOD PA NYID KYIS SKYE BA LA KHYAB PA'I PHYIR KHYAB PAR BYED PA LOG NA KHYAB PAR BYA BA MI SRID PAS MA NGES PA NYID KYANG MA YIN TE, 'DI LTAR GANG ZHIG GZHAN DAG GIS KHYAD PAR DU BYED PA DE NI RANG BZHIN YIN LA, GZHAN GANG YIN PA DE JI LTAR DE'I YIN, SNGON GNAS PA'I RANG BZHIN GANG YIN PA DE NI RGYU NYE BA'I SNGON ROL NAS GNAS PA'I PHYIR DE JI LTAR RGYU DAG LAS GRUB PA ZHES BYA STE, DE LTA BAS NA MA NGES PA NYID MA YIN NO, ,JI STE GAL TE KHYAD PAR DU BYAR YOD PA NYID KYIS SKYE BA LA KHYAB NA 'O NA NI MED PA SKYE BAR 'GYUR RO ZHE NA THA SNYAD KYI SGO NAS YIN DU ZAD DE, DE YANG DAG PAR NI MA YIN NO, ,'DI LTAR GAL TE RANG BZHIN GYIS MED PA'I NGO BO NYID GCIG YIN NA DE JI LTAR DUS PHYIS KYANG YOD PA'I NGO BO NYID DU 'GYUR TE, YOD PA DANG MED PA DAG NI PHAN TSUN 'GAL BA'I PHYIR RO, ,GANG ZHIG GANG YONGS SU SPANGS TE GNAS PA'I MTSAN NYID KYI CHOS DE JI LTAR CHOS DE DANG LDAN PA'I CHOS CAN DANG NYE BAR LDAN PAR 'GYUR TE, DPER NA LUS CAN MA YIN PA'I CHOS SU GTOGS PA NAM MKHA' LA LUS CAN NYID LTA BU'O, ,SKYE BA ZHES YANG DAG PAR BSGRAGS PA YOD PA'I NGO BO YANG MED PA'I NGO BO NYID YONGS SU SPANGS TE GNAS PA'I MTSAN NYID YIN PAS DE JI LTAR DON DAM PAR MED PA DANG NYE BAR LDAN PAR 'GYUR, GAL TE 'DI SNYAM DU MED PA ZHES BYA BA GANG ZHIG SKYE BA'I BYA BA DANG LDAN PAS SKYE BAR NYE BAR BRJOD PA NI CUNG ZAD KYANG MED DO, ,'ON KYANG DNGOS PO'I BDAG NYID NUS PA SO SOR NGES PA'I RGYU 'GA' ZHIG GI MJUG THOGS SU 'BYUNG BAR YANG DAG PAR SNANG BA GANG YIN PA 'DI SNGON BYUNG BAR GYUR PA MA YIN PAS DE'I RGYUS 'DI MED PA SKYE'O ZHES 'JIG RTEN NA SKYE BA'I KHYAD PAR DANG LDAN PA LTA BUR RNAM PAR RTOG PA DANG, MNGON PAR BRJOD PA'I MTSAN NYID KYI THA SNYAD 'DI RAB TU 'JUG GO, ,THA SNYAD KYI ZUR TZAM GYIS DNGOS PO LA GNOD PA CI YANG MED DE, KHO BO CAG KYANG MED PA ZHES BYA BA GANG ZHIG YOD PA DANG LDAN PAR BRJOD PA'I CHOS GZHAN NI CUNG ZAD KYANG YOD PAR MI 'DOD DO, ,GAL TE YOD PAR 'GYUR NA NI DE'I TSE MED PA NYID DU MI 'GYUR BA GANG ZHIG PHYIS 'BYUNG BA'I RANG BZHIN DE NI GZHAN KHO NA YIN NA GZHAN GANG @203B YIN PA DE JI LTAR DE'I YIN, DE LTA BAS NA MED PA SKYE 'O ZHES BYA BA LA SOGS PA NI DNGOS PO RNAMS MA BYUNG BA LAS BYUNG BA TZAM KHO NA ZHIG SGRUB PA 'BA' ZHIG TU ZAD DO SNYAM DU SEMS NA, DE NI RIGS PA MA YIN TE, 'DIR NI DNGOS PO'I RANG BZHIN DPYAD PA'I SKABS YIN PA'I PHYIR TE, BYED PA DGAG PA TZAM BRJOD PAR 'DOD PA NI MA YIN NO, ,DE LA GAL TE DNGOS PO 'DI RGYU NYE BA'I SNGON ROL DU BYUNG BAR GYUR PA MA YIN NA DE'I TSE DE'I RANG BZHIN GANG ZHIG YIN PAR BRJOD PAR BYA, JI STE DE'I TSE DE 'GA' YANG MED PA NYID YIN NA GANG GI TSE RANG BZHIN DU MNGON PAR BRJOD PAR BYA'O SNYAM DU SEMS NA; DE NI RUNG BA MA YIN TE, GAL TE DNGOS PO'I BDAG NYID 'GA' YANG MED NA DE'I TSE DE'I RANG BZHIN MED PA KHO NA YIN NO ZHES GSAL RAB TU BRJOD PAR 'GYUR RO, ,DE LTA MA YIN NA 'DI MED PA NYID DU ZHES BYA BAS CI ZHIG SMRAS PAR 'GYUR TE, 'DI LTAR SNGON MED DO ZHES BYA BA'I DGAG PA 'DI NI DNGOS PO'I BDAG NYID GANG PHYIS 'BYUNG BA DE KHO NA YIN LA, DE YANG SNGON MED PA'I NGO BO 'DI'I RANG BZHIN MA GTOGS PAR JI LTAR NYE BAR BRTAGS, 'DI SNGON BYUNG BAR GYUR PA MA YIN NO ZHES MED PA SKYE BA'I THA SNYAD KYI RGYU RKYEN BRDZUN PA 'DI YANG JI LTAR YANG DAG PAR BRJOD DO, ,DE LTAR NA MA BYUNG BA LA 'BYUNG BAR SGRUB PA YANG MED PA YOD PA DANG LDAN PA KHO NAR BSGRUB PAR 'GYUR TE, GZHAN MA YIN GYI, GZHAN MA BYUNG BA LAS BYUNG NGO ZHES BRJOD NA 'BREL PA MA YIN NO, ,DE'I PHYIR DNGOS PO RNAMS SNGON MED PA LA PHYIS YOD PAR BRJOD PA DAG GI DE DANG 'GAL BA'I CHOS YANG DAG PA PA DANG LDAN PAR KHAS BLANGS PA KHO NAR 'GYUR RO, ,'GAL BA'I CHOS DANG LDAN PA'I RANG BZHIN YANG YANG DAG PAR 'THAD PA MA YIN TE, THAMS CAD KYANG THAMS CAD KYI RANG BZHIN NYID DU THAL BAR 'GYUR BA'I PHYIR RO, ,GAL TE GCIG LA RIM GYIS YOD PA DANG MED PA MI 'GAL BA KHO NA'O ZHE NA, DE NI RIGS PA MA YIN TE, DUS MNYAM PA LA YANG DE MI 'GAL BAR THAL BAR 'GYUR BA'I PHYIR RO, ,'ON TE 'DI DAG DUS MNYAM PAR 'GAL BA NYID YIN NA NI DE'I TSE RIM GYIS KYANG CI'I PHYIR MI 'GYUR TE, KHYAD PAR MED PA'I PHYIR RO, ,CHOS CAN THA DAD PA LA NI MTSAN NYID 'GAL BA DAG MI 'GAL BA NYID KYIS, CHOS CAN @204A *, ,GCIG LA NI RIM GYIS KYANG MA YIN TE, 'DI LTAR CIG CAR CHOS 'GAL BA DU MA DANG LDAN NA GCIG PA NYID NYAMS PAR THAL BAR 'JUG PAR 'GYUR BA DE BZHIN DU RIM GYIS KYANG DO DANG LDAN NA DE 'JUG PAR 'GYUR BA NYID DO, ,DA LTA MA YIN NA GZHAN DAG GIS GTZO BO LA SOGS PA RIM GYIS CHEN PO LA SOGS PAR 'GYUR BA'I TSOGS KYI NGO BOR YONGS SU 'GYUR BA'AM, MNGON PAR GSAL BAR NYE BAR BRTAGS PA LA YANG GSAL BA DANG MI GSAL BA LA SOGS PA CHOS 'GAL BA DANG LDAN PAR JI STE BRJOD, DBANG PHYUG LA SOGS PA RIM GYIS DNGOS PO NYE BAR SKYED PAR BYED PA LA YANG NUS PA DANG MI NUS PA LA SOGS PA 'GAL BAR BRJOD PAR YANG JI LTAR 'GYUR, GANG DAG GIS RI DANG LUS DANG RDO RJE LA SOGS PA BRTAN PA'I NGO BO NYID DU KUN BRTAGS NAS 'DI DAG GI GNAS SKABS THA DAD PA'I SGO NAS GRANG BA DANG DRO BA LA SOGS PA'I KHYAD PAR RIM GYIS 'BYUNG BA RNAM PAR 'JOG PAR BYED PA DE DAG LA YANG 'DI DAG SKAD CIG MA NYID DU BSGRUB PAR 'DOD PA RNAMS KYIS JI LTAR GRANG BA DANG DRO BA LA SOGS PA RIM GYIS 'BYUNG BA'I CHOS RNAMS KYANG 'GAL BAR RJOD PAR BYED, GAL TE 'DI SNYAM DU DNGOS PO RNAMS MA BYUNG BA LAS 'BYUNG BA DANG, BYUNG NAS KYANG MED PAR SNANG BA NYID DE, DE'I PHYIR GCIG LA RIM GYIS YOD PA DANG MED PA DAG MI 'GAL BA NYID DU RNAM PAR GZHAG GO SNYAM DU SEMS NA, DE NI RIGS PA MA YIN TE, 'DI LTAR ZANGS LA SOGS PA LA YANG SRA BA DANG, SNYI BA DANG, GRANG BA DANG, DRO BA LA SOGS PA RIM GYIS SNANG BA'I PHYIR DE LA YANG DE MI 'GAL BA NYID DU THAL BAR 'GYUR RO, ,DE'I PHYIR DE'I SGO NAS 'DI DAG BRTAN PA MA YIN PA'I PHYIR NGO BO NYID DU SGRUB PA GANG YIN PA DE YANG 'THAD PAR MI 'GYUR RO, ,GZHAN YANG KHO BO CAG KYANG LTA BA DE LTA BU NI SPONG BAR MI BYED DE, SGYU MA DANG RMI LAM LA SOGS PA BRDZUN PA YANG MA BYUNG BA LAS 'BYUNG BA DANG, BYUNG NAS KYANG MED PAR SNANG BA'I PHYIR RO, ,'ON KYANG RANG BZHIN GYIS YOD PA DANG MED PA LA NI RIM GYIS KYANG YOD PA DANG MED PA 'GAL BA NYID DO, ,DE SKAD DU, GAL TE RANG BZHIN GYIS YOD NA, ,DE NI MED PA NYID MI 'GYUR, ,RANG BZHIN GZHAN DU 'GYUR BAR NI, ,NAM @204B YANG 'THAD PA MA YIN NO, ,ZHES BSHAD DO, ,DE BZHIN DU GTZUG LAG GI TSIGS SU BCAD PA, GANG LA NGO BO NYID NI YOD MIN PA, ,DNGOS PO MED DE JI LTAR GZHAN RKYEN CAN, ,NGO BO NYID MED GZHAN GYIS CI ZHIG SKYED, ,GTAN TSIGS DE NI BDE BAR GSHEGS PAS BSTAN, ,CES BYA BA YIN NO, ,'PHAGS PA LANG KAR GSHEGS PA LAS KYANG, 'DOD CHAGS LA SOGS PA SNGAR YOD PAR KHAS BLANGS TE, YANG MED PAR KHAS LEN PA RNAM PAR 'JIG PAR BYED PA NYID DU 'GYUR RO, ,GAL TE RGYU DANG 'BRAS BU'I DNGOS PO YANG DAG PA PA NYID DU GYUR NA DE'I TSE DER SMRA BA RNAMS YANG DAG PA'I LAM GYI RJES SU SONG BA'I PHYIR LTA BA DE THAR BA'I LAM DANG MTHUN PA KHO NAR 'GYUR GYI MI MTHUN PA NI MA YIN NO, ,DE'I PHYIR 'PHAGS PA LANG KAR GSHEGS PA LAS GSUNGS PA GANG YIN PA DE DANG JI LTAR 'GAL BAR MI 'GYUR TE, RGYU 'BRAS LTA BA NGAN PA YIS, ,MU STEGS THAMS CAD RNAM PAR RMONGS, ,DE PHYIR YOD MED PHYOGS SMRAS PA, ,DE DAG LA NI THAR PA MED, ,CIS GANG GSUNGS PA YIN NO, ,YANG DE NYID LAS, MA BYUNG BA LAS GANG BYUNG ZHING, ,BYUNG NAS KYANG NI RNAM 'JIG PA, ,RKYEN LAS YOD DANG MED PA YANG, ,NGA YI BSTAN LA DE MI GNAS, ,ZHES GSUNGS SO, ,DE LA RGYU DANG RKYEN GYI NUS PA NGES PA'I SGO NAS KYANG YANG DAG PAR NA MED PA SKYE BAR NGES PAR RIGS PA MA YIN PA NYID DE, RANG BZHIN NI GZHAN DU BYA BAR MI NUS PA'I PHYIR RO, ,NUS PA SO SOR NGES PAS NI RANG BZHIN 'GAL BA NYID DU BYA BAR NUS PA MA YIN TE, DE BYED NA NI RI BONG GI RVA LA SOGS PA YANG SKYE BAR THAL BAR 'GYUR RO ZHES MKHAS PA RNAMS BRJOD DE, DE'I PHYIR RGYU'I NUS PA NGES PA'I PHYIR RNAM PAR GZHAG PA NGES PAR 'GYUR RO ZHES SMRAS PA GANG YIN PA DE 'BREL PA MED PA YIN NO, ,GAL TE 'DI DAG MED PA SKYE BA KUN RDZOB PA LA YANG JI LTAR 'GAL BAR MI 'GYUR SNYAM DU SEMS NA, DE NI RIGS PA MA YIN TE, DNGOS PO KHO NA LA 'GAL BA RNAM PAR 'JOG PA'I PHYIR BRDZUN PA LA DE RNAM PAR 'JOG PA 'BREL PA MED PA NYID DO, ,DE LTA MA YIN NA RIGS PA DANG LDAN PA'I PHYIR SKYE BA DE DON DAM PA PA KHO NAR 'GYUR KYI, [?] KUN RDZOB PA NI @205A *, ,MA YIN NO, ,GZHAN YANG KHO BO CAG GI DNGOS PO RNAMS KYI SKYE BA KUN RDZOB PA SGYU MA LA SOGS PA BZHIN DU GNAS PA GANG YIN PA DE KHO NA LA SGRO BTAGS PA'I RNAM PAR 'GOG PAS 'GAL BA BRJOD PA'I SGO NAS BRDZUN PA NYID DU BSGRUBS KYI, GZHAN LA NI MA YIN TE; DE NI RGYAS PAR 'OG NAS BSTAN PAR BYA'O, ,DE LTA BAS NA DNGOS PO RNAMS YOD PA YANG YANG DAG PA PA'I SKYE BAR MI 'THAD LA, MED PA YANG MA YIN GYI, 'DI DAG GI SKYE BA SGYU MA BZHIN DU BRDZUN PA KHO NA RAB TU STON PAR ZAD DE, DE'I PHYIR DNGOS PO THAMS CAD SGYU MA LTA BU KHO NAR RNAM PAR GNAS SO, ,DE NYID KYI PHYIR BCOM LDAN 'DAS KYIS BLO GROS CHEN PO YOD PA DANG MED PA MA SKYES PA'I PHYIR CHOS THAMS CAD NI MA SKYES PA'O ZHES RNAM PA DU MAR YOD PA DANG, MED PA SKYE BA BKAG PAS MA SKYES PA NYID DU GSUNGS SO, ,GANG YANG BCOM LDAN 'DAS KYIS KUN BRTAGS PA'I NGO BO NYID KHO NA LAS DGONGS TE, YOD PA DANG MED PA SKYE BA 'GAL BAR RNAM PAR GZHAG GI DE KHO NA NYID LAS NI MA YIN NO ZHES SMRAS PA DE LA YANG BRJOD PAR BYA STE, GAL TE DNGOS PO'I BDAG NYID DON DAM PAR MA SKYES PA LA YANG DE KHO NA NYID DU SKYES SO ZHES KUN BRTAGS PA'I NGO BO NYID GANG YIN PA DE KUN BRTAGS PA'I NGO BO NYID YIN PAR 'DOD NA NI DE'I TSE 'DI RIGS PA MA YIN NO, ,'ON TE DNGOS PO RNAMS KYI RANG BZHIN 'DI NI YANG DAG PAR SKYES PA KHO NA YIN MOD KYI, 'ON KYANG DE GZUNG BA DANG 'DZIN PA'I RNAM PA'I NGO BOR ME SKYES PA'I PHYIR DE NYID DE'I KUN BRTAGS PA'I NGO BO NYID YIN NO SNYAM DU SEMS NA, GAL TE DE LTA NA GO JI LTAR KUN BRTAGS PA'I BDAG NYID KYIS YOD PA DANG MED PA YANG SKYE BAR 'GAL BA DE BZHIN DU DON DAM PA PA'I BDAG NYID DU SKYE BA DE LA YANG 'DI CI STE 'GAL BAR MI 'GYUR, DE KHO NA NYID DU SKYE BA LA YANG YOD PA DANG MED PA'I RNAM PA MA GTOGS PAR RNAM PA GZHAN GYI SGO NAS SKYE BA MED PA'I PHYIR 'DI NI GYI NA'O, ,DE NYID KYI PHYIR 'DI NI GANG ZHIG RTEN CING 'BREL PAR 'BYUNG BA DE NI DON DAM PAR RANG BZHIN GYIS STONG PA YIN TE, DPER NA SGYU MA LA SOGS PA LTA BU'O, ,GTAN TSIGS MA NGES PA NYID KYANG MA @205B YIN TE, BZLOG NA JI SKAD BSHAD PA'I GNOD PA CAN GYI TSAD MA SRID PA'I PHYIR RO, ,RGYU DANG RKYEN LA LTOS TE, SKYE BA NYID YIN NA NI RANG BZHIN BYAS PA CAN DU 'GYUR GYI, YANG DAG PA PA NI MA YIN TE, MA BYAS PA NI GZHAN LA LTOS PAR MI 'THAD PA'I PHYIR RO, ,BYAS PA GANG YIN PA DE NI RANG BZHIN GYIS NGO BO NYID DANG BCAS PA MA YIN TE, RANG BZHIN NI MI 'GYUR BA NYID KYIS SUS KYANG GZHAN DU BYAR MI NUS PA'I PHYIR RO, ,DE'I PHYIR YANG DAG PA PA NYID YIN NA MA BYUNG BA LAS BYUNG BA DANG, BYUNG NAS KYANG MED PA PHAN TSUN 'GAL BA'I PHYIR 'BREL PA MED DO ZHES SNGAR BSTAN PA YIN NO, ,DE BAS NA MA NGES PA NYID KYANG MA YIN NO, ,DE NYID KYI PHYIR, RANG BZHIN RGYU DANG RKYEN DAG LAS, ,'BYUNG BAR RIGS PA MA YIN TE, ,RGYU DANG RKYEN LAS BYUNG NA NI, ,RANG BZHIN BYAS PA CAN DU 'GYUR, ,RANG BZHIN DAG NI JI LTA BUR, ,BYAS PA CAN ZHES BYA BAR 'GYUR, ,RANG BZHIN BYAS PA MA YIN PA, ,PHA ROL LA YANG LTOS PA MED, ,CES BSHAD DO, ,DE NYID KYI PHYIR, MDO LAS, DNGOS PO RTAG PA DANG MI RTAG PA'I NGO BOR NYE BAR RTOG PA'I PHYIR MTHA' GNYIS SU LTA BAR THAL BAR 'GYUR BAR BSTAN TE, DPAL PHRENG SENG GE'I NGA RO'I MDO LAS, JI SKAD DU, BCOM LDAN 'DAS 'DI GNYIS NI MTHA' GNYIS SU LTA BA BZHES BGYI STE, 'DI LTA STE, CHAD PAR LTA BA DANG, RTAG PAR LTA BA'O, ,BCOM LDAN 'DAS GAL TE 'DUS BYAS THAMS CAD MI RTAG GO ZHES BGYI BAR LTA NA DE NI 'DI'I CHAD PAR LTA BAR 'GYUR, ,DE NI 'DI'I YANG DAG PA MA LAGS PA'I LTA BAR 'GYUR LAGS SO, ,BCOM LDAN 'DAS MYA NGAN LAS 'DAS PA RTAG GO ZHES BGYI BAR LTA NA DE NI 'DI'I RTAG PAR LTA BAR 'GYUR, DE NI 'DI'I YANG DAG PA MA LAGS PA'I LTA BAR 'GYUR LAGS SO ZHES GSUNGS SO, ,SLOB DPON GYIS KYANG, DNGOS PO YOD PAR KHAS LEN PA, ,RTAG PA DANG NI CHAD PA YI, ,LTA BAR RAB TU THAL BAR 'GYUR TE, ,RANG BZHIN RTAG PA'AM MI RTAG 'GYUR, ,ZHES BYA BA LA SOGS PA BSHAD DO, ,DE'I PHYIR MTHUN PA'I PHYOGS LA SRID PAS GTAN TSIGS 'GAL BA NYID KYANG MA YIN TE, GANG ZHIG MI MTHUN PA'I PHYOGS KHO NA LA SRID PA DE NI 'GAL BAR 'GYUR @206A *, ,GYI; MTHUN PA'I PHYOGS LA SRID PA LA NI MA YIN NO, ,SGYU MA LA SOGS PA DNGOS POR 'THAD PA YANG MA YIN TE, DE NI SHES PA DANG, SHES BYA DANG, MTSAN NYID MI MTHUN PA'I NGO BO NYID YIN PA'I PHYIR RO ZHES SNGAR BSTAN ZIN TO, ,SHES PA DANG SHES BYA DAG LAS DNGOS PO'I NGO BO GZHAN YANG YOD PA MA YIN NO, ,DE LA NAM MKHA'I ME TOG LA SOGS PA MA SKYES PA'I NGO BO NYID DANG BCAS PAR MA MTHONG DU ZIN KYANG RTEN CING 'BREL PAR 'BYUNG BA NI YANG DAG PA'I NGO BO NYID DANG BCAS PAR 'GYUR RO ZHES BYA BA 'DI LA YANG 'BREL PA MED PA'I PHYIR DE'I SGO NAS 'DI 'GAL BA NYID DU BSGRUB PAR MI NUS TE, KHYAB PAR BYED PA 'JUG PA NI KHYAB PAR BYA BA SGRUB PAR BYED PA MA YIN NO, ,GANG YANG SGYU MA LA SOGS PA BRDZUN PA LA NI RTEN CING 'BREL PAR 'BYUNG BA NYID MA GRUB PA KHO NA STE, DE'I PHYIR DPE SGRUB PA MA TSANG BA YIN NO ZHES SMRAS PA DE YANG 'BREL BA MED PA YIN TE, GAL TE DON DAM PA PA'I NGO BO NYID LAS BSAMS TE, SGYU MA LA SOGS PA MA SKYES PA NYID DU BRJOD NA NI DE NI 'DOD PA NYID DE, KHO BO CAG KYANG DON DAM PA PA'I SKYE BA LAS BSAMS TE, GTAN TSIGS SU STON PA NI MA YIN GYI, 'ON KYANG GNYI GA LA GRUB PA JI LTAR SNANG BA KHO NA LAS YIN NO, ,'DI LTAR GRUB PA'I MTHA' LA BRTEN NAS GTAN TSIGS DANG CHOS CAN LA SOGS PA STON PAR BYED PA NI MA YIN NO ZHES SNGAR BSTAN ZIN TO, ,'ON TE SGYU MA LA SOGS PA THA SNYAD DU YANG MA SKYES SO ZHES BYA BAR 'DOD NA DE SKAD DU SMRA BA DE NI 'JIG RTEN KHO NA ZLOG PAR BYED PA YIN PAS KHO BO CAG NI 'DI BZLOG PAR 'BAD PA MED DO, ,YID RNAL DU GNAS PA SU ZHIG SGYU MA LA SOGS PA'I RKYEN GSANG SNGAGS DANG SMAN LA SOGS PA MTHONG BZHIN DU YANG SKYE BA MA MTHONG NGO ZHES SMRAS TE, 'DI NI MKHAS PA RNAMS KYI BZHAD GAD KHO NAR 'GYUR BAS DE'I PHYIR KHYAD DU GSAD PA NI 'OS SO, ,DE LTAR NA GTAN TSIGS MA GRUB PA NYID KYANG MA YIN NO, ,BCOM LDAN 'DAS KYIS KYANG, RKYEN LAS SKYES PA GANG YIN DE MA SKYES, ,DE LA NGO BO NYID KYI SKYE BA'ANG MED, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES TE BAG YOD YIN,, @206B ZHES GSUNGS SO, ,'PHAGS PA BLO GROS RGYA MTSOS BSTAN PA LAS KYANG, GANG DAG RTEN NAS BYUNG DE DAG ,NGO BO NYID KYIS CI YANG MED, ,GANG DAG NGO BO NYID MED PA, ,DE DAG GANG DU'ANG 'BYUNG BA MED, ,CES GSUNGS SO, ,SLOB DPON GYIS KYANG, GANG ZHIG RTEN NAS BYUNG BA DER, , DE NI NGO BO NYID KYIS ZHI, ,DE LTA BAS NA BSKYED BYA DANG, ,SKYE BA NYID KYANG ZHI BA YIN, ,ZHES BSHAD DO, ,YANG RTEN CING 'BREL TE 'BYUNG BA GANG, ,DE NI STONG PA NYID DU BSHAD, ,DE NYID DBU MA'I LAM YIN NO, ,ZHES BSHAD DO, ,GANG YANG GAL TE ZHIG PA LA SOGS PA'I RNAM PAR RTOG PA DON DAM PA PA'I SKYE BA LA GNOD PAR 'GYUR NA ZHES BYA BA LA SOGS PA SMRAS PA DE YANG RIGS PA MA YIN TE, 'DI LTAR GNOD PA ZHES BYA BA CI ZHES BYA, GAL TE BRDZUN PA NYID DU BSGRUB PA YIN NO ZHE NA, DE NI KHO BO CAG 'DOD PA KHO NA YIN NO, ,DE NYID KYI PHYIR 'DI KUN RDZOB PA ZHES BYA'I, RIGS PAS GRAGS PA NYID YIN NA NI DON DAM PA PA KHO NAR 'GYUR GYI, KUN RDZOB PA NI MA YIN NO, ,'ON TE GNOD PA GRAGS PA NI SEL BA YIN NO ZHE NA, DE YANG RIGS PA MA YIN TE, SGYU MA LA SOGS PA TSAD MAS GNOD PA BRDZUN PA'I NGO BO YANG 'JIG RTEN NA MA GRAGS PA NI MA YIN NO, ,DES NA RNAM PAR SHES PA 'KHRUL PA DNGOS POR YOD PA KHO NA DE LTAR SGYU MA LA SOGS PA'I NGO BOR 'JIG RTEN NA GRAGS SO ZHES BRJOD PAR YANG RIGS PA MA YIN TE, GCIG LA RNAM PA SNA TSOGS PA NYID 'GAL BAR SHES PA LA SGYU MA LA SOGS PA'I NGO BO DE LTA BU MI SRID PA'I PHYIR LA; 'JIG RTEN NA YANG DE DAG SHES PA'I NGO BO NYID DU MA GRAGS PA'I PHYIR RO, ,SGYU MA LA SOGS PA SHES PA'I NGO BO NYID YIN DU CHUG NA YANG, 'ON KYANG SHES PA NYID DE DANG THA MI DAD PAR DE LTAR BRDZUN PA'I RNAM PA NYE BAR 'DZIN PAR SNANG BA'I PHYIR DE DANG 'DRA BAR DE YANG BRDZUN PA KHO NA YIN NO,, DE LTA MA YIN NA BDEN PA DANG MI BDEN PA'I NGO BO DANG 'BREL BA DAG CI ZHIG YOD, DE'I PHYIR 'DI LA 'KHRUL PA MED DO, ,JI STE GNOD PA 'GAL BA YIN ZHE NA, DE YANG RIGS PA MA YIN TE, GAL TE DE LA BDAG NYID KYIS 'GAL BA MED NA NI DE JI LTAR TSAD MAS BYA BAR NUS, 'ON TE RANG @207A *, ,GI 'GAL BA NYID YOD PA YIN LA, GAL TE DE YANG TSAD MAS SGRUB PAR BYED PA YIN NO ZHE NA, SGRUB LA RAG LAS TE, CI ZHIG MI 'DOD PAR 'GYUR, GAL TE 'GAL BA RNAMS SNANG BA NYID DU MI 'GYUR RO ZHE NA, 'DI NI LAN BTAB ZIN TO, ,GZHAN YANG SHES BYA NANG GI YIN PAR SMRA BA RNAMS KYI LTAR NA SHES PA GNYIS MED PA LA GNYIS KYI RNAM PA RGYA MTSO DANG, RI DANG, SA DANG CHU BO LA SOGS PA DE'I TSE [?] YIN PA NYID DU NYE BAR BRJOD NA JI LTAR GCIG LA 'GAL BA DAG SNANG BA RJES SU BYED PAR 'GYUR, GANG DAG SHES BYA NANG GI LA YIN PAR SMRA BA DE DAG GIS KYANG GDON MI ZA BAR RNAM PAR SHES PA 'KHRUL PAR CUNG ZAD CIG KYANG KHAS BLANG DGOS SO, ,DE LTA MA YIN NA THAMS CAD KYANG DE KHO NA NYID MTHONG BA KHO NAR 'GYUR LA PHYIR RGOL BA RNAMS DANG RTZOD PAR YANG MI 'GYUR RO, ,DE'I PHYIR 'CHI LTAS DANG, MIG SDON DANG, MIG SER LA SOGS PAS MIG NYAMS PA RNAMS LA LUS LA SOGS PA 'GAL BA GNYIS LA SOGS PA'I NGO BOR JI LTAR SNANG BAR 'GYUR TE, SHES PA'I BDAG NYID BDEN PA'I NGO BO LA NI GANG GIS NA 'DI DAG DE LA SNANG BAR 'GYUR BA RNAM PA BRDZUN PA DE DAG 'BREL PA CI YANG MED DE, BDEN PA DANG MI BDEN PA DAG 'GAL BA'I PHYIR LA, 'GAL BA YANG KHYED KYI GZHUNG LUGS KYIS MI SNANG BA'I PHYIR RO, ,DE'I PHYIR THAMS CAD DE KHO NA NYID MNGON SUM DU MTHONG BA KHO NAR 'GYUR BAS THAR PAR 'DOD PA RNAMS DE KHO NA NYID SGOM PAR 'BAD PA DON MED PA NYID DU 'GYUR RO, ,GAL TE 'DI SNYAM DU 'KHRUL PA'I RNAM PAR SHES PA RNAM PA SNA TSOGS SU SNANG BA LA 'GAL BA NYID DU SNANG MOD KYI, 'GAL BAR RNAM PAR MI GZHAG STE, DE'I YUL NI DNGOS PO YIN PA'I PHYIR RO, ,DNGOS PO'I STOBS KYIS ZHUGS PA'I RJES SU DPAG PAS DNGOS PO NYID DU KHAS LEN PA KHO NA LA 'GAL BA RJOD PAR BYED KYI, BRDZUN PAR 'DOD PA LA NI MA YIN NO, ,DE LTA MA YIN NA RJES SU DPAG PA DE DNGOS PO'I STOBS KYIS ZHUGS PA NYID DU MI 'GYUR RO, ,DES NA RNAM PAR SHES PA 'KHRUL PA DANG LDAN PA'I RNAM PA BRDZUN PA RNAMS KYANG SNANG BAR 'GYUR RO, ,DE LA DE NYID DANG GZHAN NYID LA SOGS PA 'GAL BA BRJOD PAR YANG MI BYED DO SNYAM DU SEMS @207B NA; GAL TE DE LTAR NA RGYU DANG 'BRAS BU'I DNGOS PO KUN RDZOB PA LA YANG CI'I PHYIR 'GAL BRJOD PAR BYED DE, BRDZUN PA DE LA YANG DNGOS PO'I STOBS KYIS ZHUGS PA'I RJES SU DPAG PA'I YUL NYID MI SRID PAS 'DI LA YANG 'GAL BA RJOD [?] PAR MA BYED CIG ,DE BRJOD NA YANG GDON MI ZA BAR KHO BO CAG GI 'DOD PA KHO NA GRUB KYI, KHYED KYI NI MA YIN TE, 'DI LTAR DE LA 'GAL BAR BRJOD PA KHYED KYIS DE BRDZUN PA NYID KHO NAR BSGRUB PAR 'GYUR GYI, SNANG BA SEL BA NI MA YIN TE, BRDZUN PA YANG GRAGS PA DANG MI 'GAL BA'I PHYIR RO, ,DE BRDZUN PA NYID DU SGRUB NA YANG KHO BO CAG GI PHYOGS KHO NAR GZHUNG BTZUGS PAR 'GYUR TE, 'DI LTAR KHO BO CAG KYANG RGYU DANG, 'BRAS BU RNAMS YUL DANG, DUS DANG, RGYU DANG, RKYEN GYI KHYAD PAR LA LTOS PA NYID YIN YANG TSAD MAS GNOD PAR BRDZUN PA NYID KYI PHYIR KUN RDZOB PA NYID DU RNAM PAR 'JOG LA, DE LA KHYAD KYANG DE BZHIN DU 'GAL BA BRJOD PA NYID KYIS GZHAN DAG DNGOS POR 'DZIN PA ZLOG PAR BYED PA NYID KYIS CI ZHIG MI 'DOD PAR BYAS TE, 'ON KYANG NYES PA MA YIN PA BRJOD PA NYID KYIS KHYED KHO NA LA GNOD PAR 'GYUR RO, ,KHO BO CAG NI 'DI LA TSAD MA 'JUG PAR MI BYED PA YANG MA YIN TE, DE LTA MA YIN NA 'DI JI LTAR KUN RDZOB PA NYID BSGRUB PAR 'GYUR, 'DI LTAR KHO BO CAG NI GANG DAG RGYU DANG 'BRAS BU'I DNGOS PO JI LTAR GRAGS PA KHO NA LA YANG DAG PAR KHAS BLANGS PA DE DAG GI LOG PAR SGRO 'DOGS PA RNAM PAR BZLOG PA'I PHYIR 'DI KHO NA LA TSAD MAS RAB TU SBYAR GYI, GZHAN LA NI MA YIN NO, ,DE LA NI TSAD MA SBYAR KYANG MNGON SUM GYIS GNOD PA MI 'JUG STE, TSAD MAS DNGOS PO'I DE KHO NA NYID JI LTA BA BZHIN DU GNAS PA SGRUB PA KHO NAR BYED KYI, GRAGS PA SEL BA NI MA YIN NO, ,DE LTA MA YIN NA DE TSAD MA NYID DU MI 'GYUR RO, ,DNGOS PO RNAMS KYI NGO BO NYID DON DAM PA PAR BRTAGS PA GANG YIN PA DE LA TSAD MAS GNOD LA, DE NI MNGON SUM DU GRUB PA YANG MA YIN NA, DE JI LTAR DE LA GNOD NA MNGON SUM GYIS GNOD PA YIN, MNGON SUM GYI MTSAN NYID NI MA NOR BA YIN NA MA NOR BA NI TSAD MAS GNOD PA'I YUL DU YANG RIGS PA MA YIN TE, HA CANG THAL BAR 'GYUR BA'I PHYIR RO, ,DES NA DAM BCAS PA 'DI LA @208A *, ,MNGON SUM GYIS GNOD PA YANG MED DO, ,DE LTA MA YIN NA PHYI ROL GYI DON GSAL BAR SNANG YANG MNGON SUM DU GRUB PA'I PHYIR MNGON SUM DANG 'GAL BAS DE GCIG DANG DU MA'I RANG BZHIN DANG BRAL BA'I SGO NAS NGO BO NYID MED PA NYID DU BSGRUB PAR MI BYA BAR 'GYUR RO, ,RAB RIB CAN LA SOGS PA LA SKRA DANG, SHA SBRANG LA SOGS PA YOD PA MA YIN PA SNANG BA YANG MNGON SUM DANG 'GAL BA'I PHYIR BRDZUN PA NYID DU SUS KYANG KHAS MI BLANG BAR BYA BAR 'GYUR RO, ,DE LTA BAS NA RANG DANG 'TSAM PA'I RGYU DANG RKYEN THOG MA MED PA NAS BRGYUD DE 'ONGS PA'I SKYE BA 'DI THAMS CAD NI YUL DANG DUS DANG RGYU'I KHYAD PAR LA LTOS PA YIN YANG SGYU MA 'BYUNG BA BZHIN DU KUN RDZOB PA KHO NAR RNAM PAR GZHAG GO, ,GANG ZHIG JI LTAR GRAGS PA BZHIN DU RNAM PAR 'JOG PA NI GAL TE DUS MNYAM PA'AM, DUS THA DAD PA RNAM PAR 'JOG KYANG 'ON KYANG 'GAL BA MED DE, DE LA SKAD CIG MA NYID MA YIN PA LA SOGS PA'I NYES PA 'JUG PAR YANG MI 'GYUR TE, BRDZUN PA LA 'GAL BA MI 'JUG PA'I PHYIR RO, ,SGYU MA DANG RMI LAM LTA BU'I CHOS RNAMS LA YANG DAG PAR NA SKAD CIG MA NYID DANG, SKAD CIG MA NYID MA YIN PA LA SOGS PA'I CHOS MI RUNG BA'I PHYIR TE, DE SKAD DU 'PHAGS PA SHES RAB KYI PHA ROL TU PHYIN PA LAS, GAL TE GZUGS RTAG CES BYA BA'AM, MI RTAG CES BYA BAR SPYOD NA SHES RAB KYI PHA ROL TU PHYIN PA LA MI SPYOD DO, ,DE CI'I PHYIR ZHE NA, GZUGS DE NYID DO LTAR YOD PA MA YIN NA DE RTAG PA'AM, MI RTAG PAR LTAG LA ZHIG TU 'GYUR ZHES GSUNGS TE, DE BZHIN DU RNAM PA THAMS CAD MKHYEN PA NYID GYI BAR DU RGYAS PAR BSGRO'O, ,GANG YANG GZHAN 'GA' LAS 'DU BYED RNAMS SKAD CIG MA NYID DU GSUNGS PA DE NI BAG MED PA DAG 'DU BYED DAG LAS YANG DAG PAR YID 'BYUNG BAR BYAS NAS RIM GYIS BDAG MED PA'I DE KHO NA NYID LA GZUD PA'I CHED YIN TE; DE NYID KYI PHYIR, DE LTAR CUNG ZAD SKYE BA MED, ,'DI LA CUNG ZAD 'GAG PA'AM MED, ,SKYE BA DANG NI 'JIG PA'I LAM, ,DGOS PA'I DON DU NYE BAR STON, ,SKYE BA SHES PAS 'JIG PA SHES, ,'JIG PA SHES PAS MI RTAG SHES, ,MI RTAG NYID LA 'JUG SHES PAS, ,DAM PA'I CHOS LA @208B 'JUG PA YIN, ZHES BSHAD DO, ,'ON TE 'DI SNYAM DU SGYU MA LA SOGS PA BZHIN DU MYU GU LA SOGS PA LA SA BON LA SOGS PA'I NUS PA KHAS BLANGS NA DE'I TSE DNGOS PO KHAS BLANGS PA KHO NAR 'GYUR TE, 'DI LTAR SA BON LA SOGS PA KUN RDZOB CES BYA BA DE NI GDON MI ZA BAR NYE BAR BRJOD PA THAMS CAD DANG BRAL BA'I MTSAN NYID RI BONG GI RVA LA SOGS PA LAS RNAM PAR LOG PAR NYE BAR BRJOD DGOS SO, ,DE LTA MA YIN NA KHYED KYIS JI LTAR 'JIG RTEN DANG LUNG LA SOGS PA DANG 'GAL BA SPANG BAR 'GYUR, KHO BO CAG NI NUS PA MA LUS PA DANG BRAL BA'I MTSAN NYID RI BONG GI RVA LA SOGS PA LAS RNAM PAR LOG PA GANG YIN PA DE NYID LA DNGOS PO ZHES BRJOD DO, ,GAL TE KHYED DE LA YANG KUN RDZOB TU YOD PA ZHES MING DU 'DOGS PAR BYED NA NI 'GA' MA GUR 'DOGS LA RAG STE, DNGOS PO RNAMS NI KUN RDZOB DANG DON DAM PA'I SGRA DAG TU BRJOD KYANG DON BYED NUS PA THA DAD PA NYID DU 'BRANG BA NI MED DO SNYAM DU SEMS NA, DE YANG RIGS PA MA YIN TE, 'DI LTAR RMI LAM LA SOGS PA NA GLANG PO DANG, RTA DANG, ME DANG, SA DANG, KHYU MCHOG LA SOGS PA DON BYA BA SNA TSOGS BYED PA NYID DU SNANG BA BRDZUN PA'I DNGOS PO GANG DAG LUS PHAN TSUN THA DAD PA'I RJES SU SONG ZHING YUL DANG DUS KYI GNAS SKABS THA DAD PA LTA BUR YANG DAG PAR MNGON PA DE DAG KYANG CI NYE BAR BRJOD PA THAMS CAD DANG BRAL BA'I MTSAN NYID RI BONG GI RVA LA SOGS PA LAS RNAM PAR LOG PA'I LUS SHIG YIN NAM, 'ON TE MA YIN, DE LA GAL TE RNAM PAR LOG PA'I LUS SHIG YIN NA NI 'O NA NI DE DAG KYANG DNGOS PO NYID DU THAL BAR 'GYUR RO, ,'ON TE RNAM PAR MA LOG PA'I LUS SHIG YIN NO ZHE NA NI DE'I TSE KHYED KYI GRAGS PA DANG 'GAL BA JI LTAR SPONG BAR 'GYUR, ,JI STE 'DI SKAD DU DE DAG JI LTAR SNANG BA DE BZHIN DU RNAM PAR GNAS PA'I NGO BO NYID MA YIN MOD KYI, ,'ON KYANG DE DAG SHES PA'I NGO BO NYID DU RTEN CING 'BREL BAR 'BYUNG BA'I PHYIR DNGOS POR YOD PA KHO NA'O ZHES BRJOD NA DE YANG RIGS PA MA YIN TE, GAL TE DE DAG SHES PA'I NGO BO NYID KHO NA YIN NA NI DE'I TSE CI STE LUS LA SOGS PA'I BYE BRAG GI RJES SU SONG BA YOD PA MA YIN PA SHIN TU 'GAL BA'I RANG GI NGO BOR SNANG BAR 'GYUR, GZHAN NI GZHAN GYI NGO BOR SNANG @209A *, ,PAR RIGS PA MA YIN TE, DE NYID DANG GZHAN NYID DAG NI 'GAL BA'I PHYIR RO ZHES BSHAD ZIN TO, ,'DI LTAR SHES PA'I NGO BO NI SHEL DAG PA LTA BU CHA SHAS MED PA YUL NA MI GNAS PO SNGON PO LA SOGS PA'I NGO BO SNA TSOGS SU SNANG BAR MA GYUR PA YIN PAR 'DOD NA RMI LAM LA SOGS PA NA NI RTA DANG GLANG PO CHE LA SOGS PA'I DNGOS PO DAG DE'I NGO BOR YANG DAG PAR MA BYUNG STE, DE DANG 'GAL BA'I RNAM PA DANG LDAN PA'I PHYIR RO, ,DE LTA MA YIN NA DE LTAR SNANG BA NYID DU MI 'GYUR RO, ,DE'I PHYIR KHO BO CAG NI GANG DAG SHES PA'I NGO BO NYID LAS 'DAS TE LOG PA'I RNAM PAR SNANG BA BRDZUN PA NYID KYIS 'JIG RTEN PAR 'DOD CING KUN BRTAGS PA'I NGO BO NYID DU YANG BRJOD PAR DE DAG KHO NA DNGOS PO'I MTSAN NYID DU 'KHRUL PA'I YUL NYID DU RJOD PAR BYED KYI, SHES PA'I NGO BO NYID NI MA YIN NO, ,DE YANG DE DANG THA MI DAD PA'I BDAG NYID DU SNANG BA'I PHYIR BDEN PA'I NGO BOR MA GRUB BO; ,JI STE 'DI SKAD DU DNGOS PO'I BAG TU GRAGS PA DE DAG KYANG TSAD MAS JI LTA BA DE BZHIN DU GSAL BA'I PHYIR YANG DAG PAR DNGOS PO'I NGO BOR RNAM PAR MI GZHAG STE, DPER NA G-YOR MO'I MI LA MI NYID LTA BU'O, ,NGES NA YANG DAG PA PO'I DNGOS PO'I LUS SU MA GYUR PA BRDZUN PA GANG YIN PA DE NI YANG DAG PAR NA NYES PAR BRJOD PA MA LUS PA DANG BRAL BA RI BONG GI {RVA} LA SOGS PA LAS LOG PA DANG MA LOG PA LA SOGS PA'I BSAM PA MI 'JUG PA KHO NA'O ZHES BRJOD NA GAL TE DE LTA NA KUN RDZOB PA'I NGO BO NYID JI SKAD DU NYE BAR BRJOD PA JI SKAD BSHAD PA'I TSAD MAS BRDZUN PAR YANG DAG PAR GRUB PA'I NGO BO LA YANG DE BZHIN DU DE LTA BU'I BSAM PA MA BYED CIG ,SGYU MA DANG, RMI LAM LA SOGS PA DANG KHYAD PAR MED PA TSAD MAS DNGOS PO'I NGO BO GSAL RAB TU GSAL BA DE LTA BU LA YANG DON DAM PAR BRJOD DO ZHES MING DU 'DOGS PAR BYED NA NI DGA' MGUR THOGS LA DGA' STON YANG BYED LA RAG GO, ,'ON KYANG MING DU 'DOGS PAR BYED PA TZAM GYI SGO NAS NI DNGOS PO RNAMS NGO BO GZHAN DU NYE BAR LEN PA MED PAS NA YANG 'OR CIG CES SMRAS PA GANG YIN PA DE DANG MTSUNGS SO, ,SLOB DPON RNAMS KYIS NI GANG DAG DON DAM PA'I TSUL GYIS RGYA MTSO SHIN TU ZAB MO LA 'JUG PAR MI @209B NUS PA DE DAG LA RTAG PA DANG CHAD PA LA SOGS PAR LTA BA DAM PA MA YIN PA'I DRI MA BKRU BA'I PHYIR BYIS PA'I SKYE BO GZUD PA'I DON DU DON DAM PA'I MTSAN NYID BSOD NAMS DANG YE SHES KYI TSOGS DANG MTHUN PA JI LTAR GRAGS PA DON BYA BA BYED PA GANG YIN PA DE NI 'DIR DON DAM PAR YOD PA'O ZHES BYA BA 'DI BSHAD KYI, GCIG TU NGES PA'I DON DAM PA YANG DAG PAR SHES PAR BYA BA'I PHYIR NI MA YIN NO ZHES BYA BAR RTOGS PAR BYA STE, DE NI DON DAM PAR MED PA'I PHYIR JI LTAR SNGAR BSHAD PA BZHIN NO, ,DE NYID KYI PHYIR RNAM 'GREL LAS, JI LTA BA DE LTA YIN DU ZAD DO ZHES BSHAD DO, ,'PHAGS PA DPAL PHRENG SENG GE'I NGA RO'I MDO LAS KYANG, GANG MI RTAG PA DE NI BRDZUN PA SLU BA'I CHOS CAN NO, ,GANG BRDZUN PA SLU BA'I CHOS CAN DE NI MI BDEN PA'O ZHES GSUNGS SO, ,LUNG LAS KYANG DGE SLONG DAG 'DI TZAM ZHIG NI BDEN PA YIN TE, DGE SLONG DAG 'DI LTA STE, MYA NGAN LAS 'DAS PA SLU BA'I CHOS MED PA'O, ,DGE SLONG DAG 'DU BYED THAMS CAD NI BRDZUN PA SLU BA'I CHOS SO ZHES GSUNGS SO, ,JI STE GAL TE DNGOS PO RNAMS DON DAM PAR NGO BO NYID MED KYANG YUL DANG DUS LA SOGS PA NGES PAR SNANG NA NI, DE'I TSE 'O NA NI DE'I TSE RI BONG GI {RVA} LA SOGS PA YANG JI LTAR SNANG BAR MI 'GYUR ZHE NA, DE'I PHYIR 'DI'I LAN NI KHYED KYIS KYANG BRJOD DGOS TE, RAB RIB CAN LA SOGS PA LA SKRA LA SOGS PA BRDZUN PA SNANG BA DANG MTSUNGS PA LA CI STE SKRA LA SOGS PA BRDZUN PA KHO NA SNANG GI RI BONG GI {RVA} LA SOGS PA NI MA YIN, 'ON TE RAB RIB LA SOGS PA'I RGYU DANG RKYEN RNAMS KYI NUS PA SO SOR NGES PA'I PHYIR DE LTAR SO SOR NGES PAR BRJOD NA NI DE'I TSE DNGOS PO MED PA YIN NA YANG JI LTAR RGYU DANG RKYEN RNAMS KYI NUS PA SO SOR NGES PAR 'GYUR ZHES BRJOD PAR 'GYUR RO, ,'ON TE MTHONG BA'I PHYIR DE BZHIN DU 'GYUR RO ZHES BRJOD NA NI DE BZHIN DU GZHAN LA YANG RGYU DANG RKYEN GYI NUS PA SO SOR NGES PA LAS JI STE DE LTAR RNAM PAR GZHAG PA LAS NGES PAR MI 'DOD, 'DI TZAM GYIS NI DNGOS PO NYID DU THAL BAR 'GYUR BA YANG MA YIN TE, RAB RIB CAN DAG GIS MTHONG BA'I SKRA LA SOGS PA LA YANG DNGOS PO NYID DU THAL BAR 'GYUR RO ZHES SNGAR BSHAD ZIN TO, ,DE @210A *, ,LTA MA YIN NA RAB RIB CAN GYIS DMIGS PA'I SKRA LA SOGS PA BRDZUN PA LA YANG JI LTAR RGYU DANG RKYEN RNAMS KYI NUS PA SO SOR NGES PAR 'GYUR, ,RAB RIB CAN GYIS SKRA LA SOGS PA NI SHES PA'I NGO BO NYID DU YANG BDEN PAR RIGS PA MA YIN NO ZHES SNGAR BSHAD PA NYID DO; ,GZHAN YANG SHES PA'I NGO BO BDEN PA NYID DU GRUB PA YIN NA NI SKRA LA SOGS PA YANG DE DANG THA MI DAD PA'I PHYIR BDEN PA NYID DU RTOGS PAR NUS PAR GYUR BA ZHIG NA, DE NYID MA GRUB STE JI LTAR SNGAR BSHAD PA BZHIN NO, ,SKRA LA SOGS PA NI BRDZUN PA NYID DU 'JIG RTEN PA DANG TSAD MAS RAB TU GRUB PA KHO NA'O, ,DE'I PHYIR SHES PA YANG SKRA LA SOGS PA BRDZUN PA'I NGO BO DANG THA MI DAD PA'I PHYIR DE DANG 'DRA BA NYID DU BRDZUN PA KHO NA YIN PAS JI LTAR SKRA LA SOGS PA DE'I NGO BOR BDEN PA NYID DU 'GYUR, GANG DAG GAL TE DNGOS PO THAMS CAD DON DAM PAR MA SKYES PA YIN NA DE BZHIN DU KUN RDZOB TU YANG SKYE BAR MI 'GYUR RO, ,GANG DAG DON DAM PAR MA SKYES PA DE DAG LA KUN RDZOB TU YANG SKYE BA MED DE DPER NA RI BONG GI {RVA} LA SOGS PA LTA BU'O ZHES ZER BA DE DAG GI YANG SGYU MA LA SOGS PAS MA NGES PA YANG YIN LA, BSGRUB PAR BYA BA LAS BZLOG NA GNOD PA CAN GYI TSAD MA NYE BAR MA BSTAN PA'I PHYIR GTAN TSIGS MI MTHUN PA'I PHYOGS LAS LDOG PA LA THE TSOM ZA BA YANG YIN NO, ,DPE TZAM GYIS NI 'DOD PA'I DON 'GRUB PA MA YIN TE, GZHAL BYA NYID LA SOGS PA GNYI GA'I PHYOGS LA KHYAB PA NYID KYANG SRID PA'I PHYIR DON DAM PAR MED PA KUN RDZOB TU YANG MED PA NYID YIN NA NI KUN RDZOB KYI BDEN PA RAB TU 'JIG PAR THAL BAR 'GYUR TE, DE'I PHYIR SU YANG PHYIN CI LOG TU MI 'GYUR RO, ,THAL BAR SGRUB PA NYID YIN NA YANG KHYAB PA MA GRUB PA'I PHYIR GTAN TSIGS MA NGES PA NYID YIN NO, ,RI BONG GI {RVA} LA SOGS PA KUN RDZOB TU YANG SKYE BAR MI SNANG BA GANG YIN PA DE NI DE LTA BU'I LAS LA SOGS PA'I TSOGS PA MED PA YIN GYI, DON DAM PA'I NGO BO NYID DANG BRAL BAS NI MA YIN TE, GANG GIS NA NGES PA MED PAR 'GYUR BA DNGOS PO RNAMS KYI NGO BO KUN RDZOB PA YANG RGYU DANG RKYEN TSOGS PA LA MI LTOS PA NYID DU KHAS LEN PAR BYED PA NI MA YIN NO, ,RGYU DANG RKYEN @210B LA RAG LAS PA TZAM GYI SGO NAS DNGOS PO NYID DU THAL BA YANG MA YIN TE, SGYU MA LA SOGS PA BRDZUN PA YANG RGYU DANG RKYEN TSOGS PA YOD PA DANG, MED PA LAS 'JUG PA DANG, LDOG PA MTHONG BA'I PHYIR RO, ,MTHONG BA TZAM GYI SGO NAS NI DNGOS PO DE BZHIN DU 'GYUR BA YANG MED DO ZHES BSTAN ZIN TO, , MKHAS PA RNAMS KYI MU BZHI PA'I SKYE BA DANG BRAL BA NYID KYIS DNGOS PO RNAMS DE KHO NA NYID DU SKYE BA MED PAR BSGRUBS PAS NGO BO NYID MED PAR GSAL RAB TU BSGRUBS KYANG KHA CIG TSAD MA'I LAM MA RTOGS PA NYID KYIS GZHAN DU SUN 'BYIN PA GANG YIN PA DE GSAL BAR 'DOD NA RE ZHIG TSAD MA'I DE KHO NA NYE BAR BSTAN PAR BYA STE, GANG DAG DON DAM PAR MU BZHI PA'I SKYE BA DANG BRAL BA DE NI DE KHO NA NYID DU NGO BO NYID MED PA KHO NA YIN TE DPER NA NAM MKHA'I {PADMA} LA SOGS PA LTA BU'O, ,RTZOD PA'I GZHIR GYUR PA'I DNGOS PO THAMS CAD KYANG YANG DAG PAR NA DE DANG 'DRA BA NYID DO ZHES BYA BA 'DI LA YANG KHA CIG NA RE GCIG LAS GCIG MI SKYE'O ZHES BYA BAR JI LTAR RTOGS, TSAD MA LOG PA TZAM GYIS NI DNGOS PO'I NGO BO NYID LDOG PA MED DE, DE NI DE'I RGYU MA YIN PA'I PHYIR DANG, DE'I BDAG NYID MA YIN PA'I PHYIR RO, ,'ON TE SU YANG KHAS MI LEN PA'I PHYIR DE DGAG PAR MDZAD DO ZHE NA, DE NI RIGS PA MA YIN TE, KHA CIG DBANG PHYUG LA SOGS PA GCIG KHO NA LAS 'GRO BA SKYE BAR 'DOD PA'I PHYIR RO ZHES ZER NA, DE NI RIGS PA MA YIN TE, 'DI LTAR GCIG LAS GCIG KHO NA SKYE NA RTAG PA'I NGO BO LAS SAM, MI RTAG PA'I NGO BO LAS SKYE BAS 'GYUR GRANG NA, RE ZHIG RTAG PA'I NGO BO LAS NI MA YIN TE, DE NI DE MI SKYED PA'I GNAS SKABS DANG KHYAD PAR MED PA NYID KYIS SNGON DANG PHYI MA'I DUS BZHIN DU BAR DU YANG SKYED PAR BYED PA NYID DU 'GAL BA'I PHYIR RO, ,'ON TE SKYED NA NI DE BZHIN DU SNGON DANG PHYI MA'I DUS SU YANG SKYED PAR THAL BA YIN TE, SKYED PAR BYED PA'I RANG BZHIN RJES SU 'BRANG BA'I PHYIR RO, ,RJES SU MI 'BRANG NA NI DE'I RTAG PA NYID NYAMS PA YIN PAS RIM DANG CIG SHES DAG GIS 'DI'I SKYED PAR BYED PA NYID RGYAS PAR BSAL BA YIN NO, ,DE'I PHYIR RE ZHIG RTAG PA LAS SKYE BAR RIGS PA MA YIN NO, ,MI RTAG PA LAS KYANG MA YIN TE, DE LAS KYANG @211A *, ,SNGAR DUS MNYAM PA DANG, CIG SHOS DAG TU SKYE BA SPYIR BSAL BA'I PHYIR RO, ,RTAG PA DANG MI RTAG PA DAG LAS MA GTOGS PA GANG LAS DE SKYE BAR 'GYUR BA GZHAN YANG YOD PA MA YIN NO, ,GZHAN DAG GIS 'GRO BA'I RGYU DBANG PHYUG LA SOGS PA'I NGO BO CIG KHO NAR KHAS BLANGS PA GANG YIN PA DE LAS KYANG DE DAG GI SO BO BO GCIG LAS 'BRAS BU GCIG KHO NA SKYE BAR KHAS BLANGS PA MA YIN TE, 'GRO BA NGO BO DU MA DE'I 'BRAS BU NYID DU 'DOD PA'I PHYIR RO, ,DE'I PHYIR GCIG LAS GCIG KHO NA SKYE BA MA YIN NO ZHES BYA BA'I SKABS SU DBANG PHYUG LA SOGS PA 'KHRUL PA'I YUL NYID DU STON PA GANG YIN PA DE NI 'DAS SKABS KYI DON MNGON PAR MI SHES PA KHO NA SGROGS PAR BYED PA YIN NO, ,DBANG PHYUG LA SOGS PA NI RGYU'I DNGOS POR YANG YOD PA MA YIN TE, DE NI GZHAN DAG GIS RTAG PA'I NGO BO NYID DU NYE BAR BRTAGS PA'I PHYIR LA, RTAG PA YANG NUS PA THAMS CAD DANG BRAL BA NYID DU SNGAR BSGRUBS ZIN TO, ,'ON TE YANG GZHAN DAG GIS DE MI RTAG PA KHO NAR KUN TU RTOG PAR BYED PA YIN NA NI DE'I TSE DE LAS KYANG 'BRAS BU GCIG KHO NA SKYE BAR RIGS PA MA YIN TE, 'DI LTAR DE LAS JI LTAR RNAM PA THA DAD PA'I RGYUD LA YOD PA'I 'BRAS BU 'GA' ZHIG CUNG ZAD SKYE BAR 'GYUR NA DE'I TSE DE'I RIGS MTHUN PA'I SKAD CIG MA GZHAN GYI NYING MTSAMS SBYOR BA MED PA'I PHYIR SKAD CIG MA GNYIS PA KHO NA LA YANG DAG PAR CHAD PAR 'GYUR RO, ,DE LTA NA RTAG TU DE'I RIGS MI MTHUN PA'I 'BRAS BU NYE BAR BSKYED PA'I DUS NA SKAD CIG MA SNGA MA SNGA MA THAMS CAD RIGS MTHUN PA'I SKAD CIG MA PHYI MA LA NYING MTSAMS SBYOR BA MED PA NYID KYI PHYIR DBANG PHYUG CES BYA BA MI RTAG PA'I PHYIR NGO BO YANG 'GRO BA'I RGYUR NYE BAR RTOG PAR 'GYUR BA DE GANG GANG ZHIG YIN PAR 'GYUR, JI STE YANG DE NI SKAD CIG MA DANG PO'I NGO BO YIN PA'I PHYIR SKAD CIG MA GCIG GI RANG GI NGO BO KHO NAR NYE BAR BRJOD NA DE YANG RIGS PA MA YIN TE, RGYU MED PA DE SKYE BAR MI SRID PA'I PHYIR RO, ,YANG NA DE DANG 'DRA BA KHO NAR 'GRO BA THAMS CAD RGYU MED PA NYID DU 'GYUR RO, ,DE LTA BAS NA DE RGYUR 'GYUR BA GANG YIN PA NI SNGON NAM, PHYIS KYANG CUNG ZAD KYANG MED DO, ,YOD NA NI @211B DE'I SKAD CIG MA GCIG TZAM GYIS NGO BO NYID NYAMS PAR 'GYUR RO, ,'DI'I THOG MA MED PA NYID KYANG SNGAR BSAL ZIN TO, ,'ON TE DE'I RGYU GZHAN KHO NA ZHIG NYA BAR RTOG NA DE'I TSE DE NYID DES BSKYED PAR BYA BA'I 'BRAS BU YANG YIN PAR CI STE MI BRTAG ,DE MED NA 'GRUB PAR MI 'GYUR RAM, CI NAS GANG GI PHYIR 'DI RTOG PAR BYED, 'ON TE YANG 'DI NI RGYUD THA DAD PA MA YIN PA LA YOD PA'I RGYU THOG MA MED PA NAS RGYUD DE ZHUGS PA KHO NA YIN GYI, GZHAN GANG YANG RGYUD GZHAN LA YOD PA'I SKYED PAR BYED PA NI MA YIN NO ZHES NYE BAR RTOG PAR BYED NA DE LA YANG YANG DAG PAR NA DUS MA MNYAM PA DANG, CIG SHOS DAG TU DE LAS RIGS MTHUN PA'I SKAD CIG MA YANG SKYE BAR RIGS PA MA YIN NO ZHES SNGAR BSTAN ZIN TO, ,DE NYID KYI PHYIR DANG, RGYU'I THA DAD PA THA DAD PAR BYED PA MA YIN PA NYID DU THAL BAR 'GYUR BA 'OG NAS 'BYUNG BA'I PHYIR DE LAS 'BRAS BU DU MA SKYE BA YANG RTOGS PAR BYA'O, ,MIG LA SOGS PA GZHAN DAG KYANG GAL TE 'BRAS BU GCIG SKYED PAR NGES PAR KHAS LEN NO, DE'I TSE LONG BA DANG, 'ON PA LA SOGS PA'I DNGOS POR THAL BAR BZLOG DKA' STE, 'DI LTAR GANG GI TSE MIG LA SOGS PA'I DBANG POS RANG GI RNAM PAR SHES PA NYE BAR SKYED PAR BYED PA DE'I TSE DE LAS RIGS MTHUN PA'I SKAD CIG MA GZHAN MI SKYE BA'I PHYIR SKAD CIG MA GNYIS PA LA THAMS CAD LONG BA LA SOGS PA'I DNGOS POR THAL BAR 'GYUR RO, ,JI STE YANG TSOGS PA KHO NA 'BRAS BU RNAM PAR SHES PA SKYED PAR BYED PA YIN NO, ,DE'I PHYIR GCIG LAS 'BRAS BU GCIG KHO NA MI SKYE STE, MIG DANG, RNA BA DANG, YID LA BYED PA DAG LAS MIG GI RNAM PAR SHES PA LA SOGS PA SKYE BA YANG MTHONG NGO ZHE NA, DE YANG RIGS PA MA YIN TE, DE LTA NA NI RGYU THA DAD PA THA DAD PAR BYED PA MA YIN PAR 'GYUR RO, ,'DI LTAR BUM PA LA SOGS PA SNAM BU LA SOGS PA LAS RANG BZHIN THA DAD PA GANG YIN PA DE NI RGYU'I THA DAD PAS BYAS PA YIN GYI, RANG BZHIN GYIS NI MA YIN NO, ,DE LTA MA YIN NA DNGOS PO RNAMS RGYU MED PA KHO NAR 'GYUR RO, ,DE LA GAL TE RGYU'I THA DAD PA YOD KYANG 'BRAS BU THA DAD PAR MI 'GYUR NA NI DE'I TSE 'KHRUL PA'I @212A *, ,PHYIR 'BRAS BU THA DAD PA DANG THA DAD PA MA YIN PA RGYU'I THA DAD PA DANG THA DAD PA MA YIN PAS BYAS PA MA YIN PAR 'GYUR RO, ,THA DAD PA DANG THA DAD PA MA YIN PA DAG LAS GZHAN PA'I DNGOS PO 'GA' YANG MED PA'I PHYIR THAMS CAD RGYU MED PAR THAL BAR 'GYUR RO, ,'DI LTAR TSOGS PA RNAMS NI TSOGS PA CAN DAG LAS GZHAN MA YIN NO, ,DE DAG TSOGS PA LAS LOGS SHIG TU BYA BAR MI NUS MOD KYI, 'ON KYANG RANG BZHIN PHAN TSUN THA DAD CING RE RES SKYED PAR NUS PA DE DAG LAS 'BRAS BU 'BYUNG NA CI STE THA MI DAD PA KHO NA 'BYUNG BAR 'GYUR, GAL TE THAMS CAD 'BRAS BU GCIG KHO NA LA NUS KYI DU MA LA NI MA YIN NO ZHE NA, DE NI RIGS PA MA YIN TE, DE LTAR NA NI SKAD CIG MA RIGS MTHUN PA'I NYING MTSAMS SBYOR BA'I PHYIR SKAD CIG MA GNYIS PA LA MIG LA SOGS PA'I RGYUD RNAM PAR CHAD PAR 'GYUR RO, ,GAL TE DE DAG SKAD CIG MA RIGS MTHUN PA'I BSKYED PAR BYA BA LA YANG NUS PA YOD DO ZHE NA, GAL TE DON GZHAN DU GYUR PA ZHIG YIN NA NI DE'I PHYIR DE'I TSE NUS PA KHO NA RGYUR 'GYUR GYI DNGOS PO NI MA YIN NO, ,'BREL PA YANG 'GRUB PAR MI 'GYUR TE, DE DAG NUS PA LA PHAN PA MI BYED PA'I PHYIR RO, ,DE LA PHAN PA BYED NA NI NUS PA THA DAD PA GZHAN DANG GZHAN LA LTOS NA THUG PA MED PAR 'GYUR RO, ,'ON TE DE DAG RANG GI NGO BOR GYUR PA KHO NAS NUS PA LA PHAN PA BYED NA NI DE'I TSE 'BRAS BU LA YANG DE BZHIN DU JI STE MI BYED, DE LTA BAS NA NUS PA NI DNGOS PO'I NGO BO NYID LA THA DAD PA MA YIN PA KHO NA'O, , DE'I PHYIR 'DI DAG NUS PA GANG KHO NAS RIGS MTHUN PA'I 'BRAS BU NYE BAR SKYED PA DE KHO NAS MIG GI RNAM PAR SHES PA LA SOGS PA THUN MONG BA YANG SKYED PA'I PHYIR JI LTAR 'BRAS BU 'DI DAG THA DAD PAR 'GYUR, 'ON TE 'BRAS BU GCIG NI TSOGS PA LA RAG LAS PA YIN LA, GZHAN NI RE RE LA RAG LAS PA YIN TE, DE'I PHYIR THA DAD PAR 'GYUR BA KHO NA'O SNYAM NA, DE YANG RIGS PA MA YIN PA NYID DE, TSOGS PA CAN RNAMS RE RE ZHING RGYUR GYUR PA'I PHYIR TSOGS PA LA RAG LAS PA YANG RE RE LA RAG LAS PA KHO NA YIN NO, ,DE'I PHYIR RGYU THA DAD PA MA YIN PAS 'BRAS BU RIGS @212B MTHUN PA DANG MI MTHUN PA THA DAD PA NYID DU MI 'GYUR RO, ,GANG DAG RGYU'I THA DAD PA THA DAD PAR BYED PAR MI 'GYUR RO ZHES BYA BA THAL BA'I DON GANG YIN, GAL TE DUM BUR SKYED PAR BYED PAR MI 'GYUR RO ZHES BYA BA'I DON YIN NA NI DE'I TSE DNGOS PO'I NGO BO LA CHA SHAS MED PA'I PHYIR CHA SHAS SU SKYE BAR MI 'DOD PA NYID PAS JI LTAR THAL BA YIN TE, DE'I MTSAN NYID NI MI 'DOD PAR BYED PA YIN PA'I PHYIR RO, ,'ON TE KHYAD PAR DU BYED PAR MI 'GYUR RO ZHES BYA BA'I DON 'DI YIN NO ZHE NA, DE NI MA GRUB STE, RGYU DAG GIS 'BRAS BU'I DNGOS PO RIGS MI MTHUN PA DU MA LAS LOG PA DANG LDAN PA SKYED PA'I PHYIR RO ZHES ZER BA DE NI RIGS PA MA YIN TE, GCIG LA CHA SHAS SU SKYED PAR BYED PA NYID DU MI 'GYUR RO ZHES THAL BAR BRJOD PA NI MA YIN NO, ,'ON KYANG KHYED DNGOS PO RNAMS KYI PHAN TSUN LDOG PAS BYAS PA'I KHYAD PAR DU 'DOD PA GANG YIN PA DE NI RGYU SNA TSOGS PA NYID KYIS BYAS LA, GAL TE 'DIR RGYU SNA TSOGS PAR KHAS BLANGS TE 'BRAS BU SNA TSOGS MA YIN PAR KHAS LEN PAR BYED NA DE'I TSE 'KHRUL PA'I PHYIR DNGOS PO RNAMS KYI THA DAD PA RGYU'I SNA TSOGS PA NYID KYIS BYAS PAR MI 'GYUR RO ZHES THAL PA BRJOD DO, ,GANG YANG DE DAG GI DNGOS PO RIGS MI MTHUN PA DU MA LAS LDOG PAR BYED PA'I MTSAN NYID 'BRAS BU'I KHYAD PAR NYID DU NYE BAR BRJOD PA DE YANG 'BREL PA MED PA NYID DE, 'DI LTAR GAL TE DE DAG BDAG NYID KHYAD PAR DU GYUR PA GANG KHO NAS 'BRAS BU KHYAD PAR CAN NYE BAR SKYED PA NA DE NI RIGS MI MTHUN PA DAG LAS LDOG PAR BYED PA DE NYID KYIS RIGS MTHUN PA'I SKAD CIG MA YANG NYE BAR BSKYED NAS LDOG PAR BYED PAR 'GYUR NA DE'I TSE DES BSKYED PAR BYA BA'I 'BRAS BU RIGS MTHUN PA DANG MI MTHUN PA DAG PHAN TSUN LDOG PA NYID DU MI 'GYUR TE, LDOG PAR BYED PA'I RGYU THA DAD PA MED PA'I PHYIR RO, ,'ON TE RGYU DE DAG SO SO RANG NYID LDOG PAR BYED PA'I NGO BO YIN PA'I PHYIR RIGS MTHUN PA'I 'BRAS BU LA THA DAD PAR BYED PA NYID DU 'GYUR RO ZHE NA, DE'I TSE DE DANG 'DRA PAR THUN MONG GI 'BRAS BU LA YANG DE DAG CI STE THA DAD PAR BYED PA NYID MA YIN TE, DE LA YANG THAMS CAD RE RE ZHING RGYUR GYUR PA'I PHYIR RO, ,GCIG SKYED PAR BYED PA'I RANG BZHIN GANG YIN PA DE LAS LDOG PA GZHAN DAG NI GCIG SKYED, @213A *, ,PAR BYED PAR MI 'GYUR TE, DE NI SKYED PAR BYED PA'I RANG BZHIN LAS LDOG PA'I PHYIR DON GZHAN BZHIN NO, ,GZHAN NYID NI DE SKYED PAR BYED PA'I NGO BO MA YIN PA'I PHYIR RO, ,JI STE YANG DE DAG PHAN TSUN LDOG PA'I NGO BO YIN MOD KYI, 'ON KYANG DE DAG LA SKYED PAR BYED PA'I NGO BO LAS LDOG PA NI MED DO, ,GZHAN LA DE SKYED PAR BYED PA'I NGO BO MED DO ZHES NI MI SMRA'I, 'ON KYANG GCIG GIS SKYED PAR BYED PA'I NGO BO GANG YIN PA DE GZHAN GYI MA YIN NO ZHES SMRA'O, ,GZHAN YANG RANG GI NGO BO KHO NAS SKYED PAR BYED PA YIN GYI, GZHAN GYI NGO BOS NI MA YIN TE, DE NYID MA YIN PA'I PHYIR RO, , DE DAG BDAG NYID JI LTA BA BZHIN DU THA DAD PA YANG YIN LA RANG GI NGO BOS SKYED PAR BYED PA YANG YIN NO ZHES BYA BA 'DI LA 'GAL BCI ZHIG YOD, NGO BO CIG MED PA NI DE'I NGO BOR MI 'GYUR GYI, DE MI BYA BA NI MA YIN NA, DE KHO NAS 'BRAS BU 'DI BYA DGOS SO ZHES BYA BA 'DI LA RIGS PA CI YOD SNYAM DU SEMS NA, LAN 'DI NI GRANGS CAN KHO NA LA BRJOD NA MDZES PAR 'GYUR RO, ,DE DAG NI 'GRO BA THA DAD PA DANG THA DAD PA MA YIN PA'I NGO BO KHO NA NYE BAR BRJOD DO, ,DE'I PHYIR DER 'DZIN PA RNAM PAR BZLOG PA'I CHED DU SLOB DPON GYI DNGOS PO RNAMS THA SNYAD KYI SGO NAS THA DAD PAR STON PAR MDZAD PA RNAMS KYIS THAMS CAD NYE BAR BRJOD PA YIN GYI, 'DI GANG DAG YANG DAG PAR NA RTEN CING 'BREL BAR 'BYUNG BA DON GCIG PA YANG MA YIN, DON THA DAD PA YANG MA YIN PAR 'DOD PA DE DAG GI PHYIR BSHAD PA NI MA YIN TE, DE DAG GI LTAR NA SGYU MA DANG MTSUNGS PAS YANG DAG PAR NA DNGOS PO THAMS CAD LA THA DAD PA DANG THA DAD PA MED PA'I NGO BO NYID GANG DU YANG MA GRUB PA'I PHYIR RO, ,GZHAN YANG GAL TE DNGOS PO RNAMS LA YANG DAG PA'I NGO BO GNYIS TE GCIG NI SKYED PAR BYED PA'I MTSAN NYID YIN LA CIG SHOS NI RANG GI NGO BO'I BDAG NYID YIN PAR GYUR NA DE'I TSE 'DI GZHAN RANG GI NGO BO LAS LOG KYANG SKYED PAR BYED PA'I NGO BO LAS LOG PA NI MA YIN NO ZHES BYA BA'I LAN 'DI MDZES PAR 'GYUR BZHIG NA, GANG GI TSE THAMS CAD SKYED PAR BYED PA'I RANG GI NGO BO KHO NA YIN PA DE'I TSE PHAN TSUN LOG NA DE SKYED PAR BYED PA'I NGO BO NYID LAS LOG PA YIN PA'I PHYIR JI LTAR GCIG SKYED PAR BYED PA YIN PAR 'GYUR, 'ON TE DE DAG GI @213B RANG BZHIN 'DI 'DRA STE, THA DAD KYANG GANG GCIG SKYED PAR BYED PA YIN NO, ,RANG BZHIN LA NI BRGAL ZHING BRTAG PAR 'OS PA MA YIN NO ZHE NA, RKANG PA BRKYANG STE 'DUG NA DE KHO NA NYID DPYOD PA LA RGYAB KYIS PHYOGS PA'I BLO CAN THA SNYAD TZAM GYI RJES SU 'BRANG BA RNAMS DGA' MGUR 'DUG LA RAG STE, GANG DAG DE KHO NA NYID DPYOD PA LA ZHUGS PA'I BLO GROS CAN DE DAG NI DE LTAR 'DUG PAR RIGS PA MA YIN NO, ,DE LTA MA YIN NA DBANG PHYUG LA SOGS PA YANG GCIG YIN YANG RANG BZHIN GYI KHYAD PAR DANG LDAN PA'I PHYIR 'GRO BA SNA TSOGS KYI RGYUR RIM DANG CIG CAR DU MI 'GAL BA KHO NA STE, DE'I NGO BO NYID DE LTA BUR RANG BZHIN GYIS GRUB PA YIN NO, ,RANG BZHIN LA NI BRGAL ZHING BRTAG PAR 'OS PA MA YIN NO ZHES DER SMRA BA RNAMS DE SKAD DU SMRA BA LA LAN CI ZHIG BRJOD PAR BYA, GANG YANG DE KHO NAS 'BRAS BU DE BYA DGOS SO ZHES BYA BA 'DI LA RIGS PA CI YOD CES ZER BA DE LA YANG JI LTAR ME LA RAG LAS TE SKYE PA'I DU BA BRGYA BYIN GYI SPYI BO LAS KYANG 'BYUNG NA RGYU MED PA NYID DU THAL BA'I MTSAN NYID KYI RIGS PA BRJOD PA DE BZHIN DU 'DIR YANG DE NYID CI STE NYE BAR MI BRJOD DE, THA SNYAD KYANG TSOGS PA GCIG GI KHONGS SU GTOGS PA NI 'BRAS BU GCIG SKYED PAR BYED PAR MI 'GAL LA, TSOGS PA GZHAN DU GTOGS PA RNAMS NI 'GAL LO ZHES BYA BA 'DI DANG KHYAD PAR CI YANG MED DO, ,'DI LA YANG 'DI SKAD DU ME LA SOGS PA DE KHO NAS 'BRAS BU DE BYA DGOS KYI, ,BRGYA BYIN GYI SPYI BO LA SOGS PA GZHAN DAG GIS NI MA YIN NO ZHES BYA BA 'DI LA RIGS PA CI YOD, TSOGS PA THA DAD PA YANG YIN LA RANG GI NGO BOS SKYED PAR BYED PA YANG YIN NO ZHES BYA BA 'DI LA 'GAL BA CI YOD CES RJOD PAR 'GYUR RO, ,DE LA JI LTAR TSOGS PA GCIG LA RAG LAS TE SKYE BA'I 'BRAS BU TSOGS PA GZHAN LAS KYANG SKYE BA YIN NA DES BSKYED PAR BYA BA'I RANG BZHIN DU MA NGES PA'I PHYIR RGYU MED PA NYID DU BRJOD PA DE BZHIN DU TSOGS PA GCIG LA YANG DE NYID KYI TSE RNAM PAR SHES PA LA SOGS PA RGYU GCIG LA RAG LAS TE, SKYE BA YANG DE DANG MTSAN NYID MI MTHUN PA'I RGYU GZHAN LAS SKYE BA YIN NA CI STE RGYU MED PA NYID DU THAL BAR MI BRJOD DE, 'ON TE YANG RGYU RNAMS BDAG NYID JI LTA BA BZHIN DU NYE BAR SBYOR BAS BYAS PA'I RANG @214A *, ,BZHIN GYI KHYAD PAR MA 'CHOL PA'I [?] PHYIR RGYU'I THA DAD PA THA DAD PAR BYED PA 'GAL BA NYID DE, 'DI LTAR MIG LA SOGS PA RANG BZHIN THA DAD PA DAG LAS 'BRAS BU MIG GI RNAM PAR SHES PA LA SOGS PA SKYE BA NA DNGOS SU THA DAD PA MA YIN YANG RTOGS PA'I BDAG NYID DANG GZUGS LA SOGS PA YUL SO SOR NGES PA DANG, DE'I RNAM PAR GYUR PAR SKYE STE, DE YANG RJES SU 'GRO BA DANG LDOG PA DAG GIS MTSUNGS PA DE MA THAG PA'I RKYEN LAS RTOGS PA'I NGO BO NYID DU 'GYUR GYI, MIG LA SOGS PA DAG LAS NI MA YIN NO ZHES BYA BAR NGES SO, ,DE BZHIN DU YUL LAS NI DE DANG 'DRA BA NYID DO; ,DBANG PO LAS NI YUL 'DZIN PA SO SOR NGES PA'O, ,DE LTAR NA DBANG PO DANG YUL DAG LAS NI RTOGS PA'I NGO BO NYID MA YIN LA DBANG PO DANG MTSUNGS PA DE MA THAG PA'I RKYEN DAG LAS KYANG YUL GYI NGO BO NYID MA YIN YUL DANG MTSUNGS PA DE MA THAG PA'I RKYEN DAG LAS KYANG YUL 'DZIN PA SO SOR NGES PA MA YIN NO ZHES RNAM PAR GZHAG PA NGES PA RGYU'I THA DAD PA THA DAD PAR BYED PA NYID DU 'GYUR BA KHO NA STE, RGYU THA DAD PA DAG LAS KHYAD PAR THA DAD PA DAG 'BYUNG BA'I PHYIR RO SNYAM DU SEMS NA, DE THA SNYAD KYI SGO NAS BYIS PA'I SKYE BO THAMS CAD GZUD BA'I PHYIR BRJOD NA NI RIGS PA KHO NA YIN NO, ,DON DAM PAR NI MA YIN, 'DI LTAR KHYAD PAR GANG YIN PA DE DAG GAL TE BRTAGS PA MA YIN PA KHO NA'AM, LDOG PA'I BYE BRAG GIS BRTAGS PA'I NGO BO ZHIG YIN PAR 'GYUR GRANG, GAL TE PHYOGS DANG PO LTAR YIN NA NI DE'I TSE RNAM PAR SHES PA DMIGS PA'I BDAG NYID LA SOGS PA DAG LAS NGO BO THA MI DAD PA'I PHYIR DE DANG 'DRA BA KHO NAR DU MA NYID DU THAL BA YIN LA, DMIGS PA'I BDAG NYID LA SOGS PA YANG RNAM PAR SHES PA NYID BZHIN DU GCIG PA NYID DU 'GYUR BA BZLOG PAR MI 'GYUR RO, ,RNAM PAR SHES PA RTOGS PA'I NGO BO NYID LAS GZHAN MA YIN PA'I PHYIR DE DANG 'DRA BA NYID DU GZUGS LAS MI SKYE BA NYID DU YANG THAL BAR 'GYUR RO, ,DE DANG 'DRA BA NYID LAS THA DAD PA MA YIN PA'I PHYIR YANG GZUGS LAS SKYE BAR SMRAS PAR 'GYUR RO, ,DE'I PHYIR GCIG LA DUS GCIG TU PHAN TSUN 'GAL BA SKYE BA DANG MI SKYE BA DAG JI LTAR MI 'GAL, JI STE NYES PA 'DIR GYUR NA MI RUNG ZHES KHYAD PAR 'DI DAG RNAM PAR SHES PA LAS @214B DON THA DAD PAR GYUR PA YIN PA KHO NAR RTOG NA DE'I TSE RNAM PAR SHES PA RGYU MED PA NYID DU 'GYUR TE, GZHAN KHO NA LA MIG LA SOGS PA NYE BAR SBYOR BA'I PHYIR RO, ,DE'I PHYIR RTAG TU YOD PA LA SOGS PAR THAL BA YIN NO, ,JI STE BRTAGS PA ZHES BYA BA'I PHYOGS YIN NO ZHE NA, DE'I TSE RNAM PAR SHES PA RGYU MED PA NYID DU 'GYUR TE, BRTAGS PA'I BDAG NYID DAG KHO NA LA MIG LA SOGS PA NYE BAR SBYOR BA'I PHYIR RO, ,BRTAGS PA'I BDAG NYID DAG LA YANG 'GA' YANG NYE BAR SBYOR BA MED PAS THAMS CAD RGYU MED PA NYID DU THAL BAR 'GYUR RO, ,DE LTA BAS NA DON DAM PAR DU MA LAS 'BRAS BU GCIG SKYE BAR RIGS PA MA YIN NO, ,GCIG LAS DU MA YANG MA YIN TE, 'DIR YANG SNGA MA BZHIN DU RGYU'I THA DAD PA THA DAD PAR BYED PA NYID MA YIN PAR THAL BAR 'GYUR BA'I PHYIR RO, ,'DI LTAR GAL TE MIG BDAG NYID KYI KHYAD PAR GANG KHO NAS RIGS MTHUN PA'I SKAD CIG MA SKYED PA DE NYID KYIS RANG GI RNAM PAR SHES PA NYE BAR SKYE NA NI DE'I TSE RGYU THA DAD PA MA YIN YANG 'BRAS BU THA DAD PA'I PHYIR JI LTAR 'BRAS BU'I THA DAD PA DANG THA DAD PA MA YIN PA DAG RGYU MED PAR MI 'GYUR, DE LA NI GANG GIS NA 'BRAS BU GZHAN SKYED PAR 'GYUR BA BDAG NYID KYI KHYAD PAR GZHAN YANG YOD PA MA YIN TE, DNGOS PO THAMS CAD NI CHA SHAS MED PA'I PHYIR RO, ,DE'I PHYIR RGYUS RANG GI NGO BO 'PHOS NAS 'BRAS BU NYE BAR MI SKYE MOD KYI, 'ON KYANG RGYU'I BDAG NYID DE LA KHYAD PAR MED PA'I PHYIR DES BYAS PA'I 'BRAS BU LA KHYAD PAR MED PAR MI 'GYUR RO, ,GCIG LAS DU MA SKYE BA DANG, DU MA LAS GCIG SKYE ZHES BYA BA MTHONG BA MA YIN NAM, DE'I PHYIR DE JI LTAR SPANG BAR NUS SHE NA, 'DI NI RUNG BA MA YIN TE, KHO BO CAG KYANG 'DI MA MTHONG NGO ZHES NI MI SGRUB PO, ,MTHONG BA TZAM NI TSAD MA YANG MA YIN TE, RMI LAM LA SOGS PA BZHIN DU BRDZUN PA 'DI THAMS CAD KYANG SNANG BA'I PHYIR RO, ,'ON KYANG GANG DAG JI LTAR MTHONG BA DE KHO NA NYID DU KHAS LEN PA DE DAG GI LOG PAR SGRO 'DOGS PA BSAL BA'I PHYIR CHOS THAMS CAD RMI LAM LTA BU NYID DU SGRUB PAS 'GAL BA MED PA NYID DO, ,GZHAN YANG MIG GI RNAM PAR SHES PA LA SOGS PA GANG DU MA LAS SKYE BA MTHONG BAR 'GYUR BA DON DAM PA PA'I DNGOS PO'I NGO BO NI GCIG TU CUNG ZAD KYANG SA GRUB PA NYID DE, @215A *, ,'DI NI DUS THAMS CAD DU SNA TSOGS KYI RNAM PA NYID DU SNANG BA'I PHYIR RO, ,SNA TSOGS KYI NGO BO YANG GCIG PA NYID YIN NA NI THAMS CAD RDZAS GCIG PAR THAL BAR 'GYUR RO, ,GCIG MA GRUB PA DE BSTZAGS PA'I NGO BO YIN PA'I PHYIR DU MA GRUB PA KHO NA GCIG DANG DU MA DON DAM PA'I DNGOS PO SKYE BA GANG DU MTHONG BAR 'GYUR, DU MA LAS DU MA SKYE'O ZHES BYA BA'I PHYOGS GZHAN YANG YOD PAR RIGS PA MA YIN TE, 'DI LTAR JI STE 'BRAS BU RE RE LA RGYU THAMS CAD KYIS BYED NA NI DE'I TSE DU MA LAS GCIG SKYE BA'I PHYOGS NYID DU 'GYUR TE, DE LA YANG NYES PA SMRAS ZIN TO, ,'ON TE 'BRAS BU GCIG KHO NA LA RE RES NYE BAR SBYOR NA NI DE'I TSE GCIG LAS GCIG SKYE BA'I PHYOGS NYID DU 'GYUR TE, DE LA YANG SUN DBYUNG BA SMRAS ZIN TE, DE BAS NA GTAN TSIGS MA GRUB PA MA YIN NO, ,MTHA' BZHI LAS MA GTOGS PA GANG LAS SKYE BAR 'GYUR BA'I PHYOGS GZHAN YANG YOD PA MA YIN NO, ,RTAG PA'I DNGOS PO YANG THAMS CAD SNGAR BSAL ZIN PAS DE BAS NA MA NGES PA YANG MA YIN NO, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,SLOB DPON GYIS KYANG KUN RDZOB TU RGYU DANG 'BRAS BU'I NGO BOR GNAS PA LA THA SNYAD DU GCIG LAS DU MA SKYE BA DANG DU MA LAS GCIG SKYE BAR JI LTAR GRAGS PA BZHIN MTHONG BA'I PHYIR DANG, MIG LA SOGS PA YANG RJES SU 'GRO BA DANG LDOG PA'I SGO NAS MIG GI RNAM PAR SHES PA LA SOGS PA SKYE BA'I BYE BRAG RTOGS NAS BYIS PA'I SKYE BO GZUD PA'I PHYIR 'BRAS BU'I GTAN TSIGS BSTAN PAR BYA BA'I TSE RGYU THA DAD NA THA DAD PAR 'GYUR BAR SMRAS KYI, DON DAM PAR NI MA YIN PAR RIG PAR BYA STE, DON DAM PAR DE MA GRUB PA'I PHYIR JI LTAR SNGAR DPYAD PA BZHIN NO, ,DE BAS NA GANG JI SKAD DU GANG DAG RGYU GCIG LAS 'BRAS BU DU MA SKYE BAR RIGS PA MA YIN LA ZHES BYA BA LA SOGS PA SMRAS PA DE DAG THAMS CAD KYI LAN KYANG SO SOR BTAB ZIN TO, ,GANG DAG RTEN CING 'BREL PAR 'BYUNG BA'I PHYIR ZHES BYA BA'I GTAN TSIGS 'DI NI MA NGES PA LA SOGS PAR SMRA BA DE DAG GI LAN KYANG SNGAR SMRAS ZIN TO, ,GANG YANG SMRA BA JI STE DON DAM PAR DNGOS PO RNAMS NGO BO NYID DANG BCAS PA MA YIN NA NI DE'I TSE KUN RDZOB TU YANG MI 'GYUR @215B TE ZHES BYA BA LA SOGS PA SMRAS PA DE DAG THAMS CAD KYI LAN KYANG SNGAR SMRAS ZIN TO, ,GANG YANG SMRA BA GCIG DANG DU MA DANG BRAL BA'I MTSAN NYID KYI GTAN TSIGS MA GRUB PA LA SOGS PA SMRAS PA DE DAG THAMS CAD KYI LAN KYANG SNGON GYI SLOB DPON GYIS BLAN ZIN TO, ,'ON KYANG KHA CIG 'DI LA ZHE SDANG PA'I PHYIR BRDZUN PA NYID DU SKYON BRJOD PA DE LOG PAR RTOGS PA YIN PAR BRJOD PAR BYA'O, ,DE LA 'DIR THAL BAR SGRUB NA GTAN TSIGS MA GRUB PA YANG MA YIN TE, 'DI LTAR JI STE PHA ROL PO DAG GIS DNGOS PO RNAMS GCIG DANG DU MA DANG BRAL BAR KHAS MA BLANGS SU ZIN KYANG, 'ON KYANG DES KHYAB PA'I CHOS KHAS BLANGS PA'I PHYIR SHUGS KYIS NI DE YANG KHAS BLANGS PA KHO NA YIN TE, DE LA RE ZHIG GANG GIS DBANG PHYUG LA SOGS PA RTAG PA DANG GCIG PU'I NGO BO NYID DU KUN BRTAGS PA DE DAG GIS NI DE DAG 'BRAS BU RIM GYIS 'BYUNG BA LA NYE BAR SBYOR BA NYID KYI CHOS SU KHAS BLANGS PA'I PHYIR SHUGS KYIS NA GCIG GI NGO BO NYID DANG BRAL PA YANG KHAS BLANGS PA NYID DE, NGO BO GCIG LA SKYED PAR BYED PA'I GNAS SKABS DANG KHYAD PAR MED PA NYID KYIS DUS SNGA MA BZHIN DU DUS PHYIS KYANG SKYED PAR BYED PA NYID DU MI RUNG BA'I PHYIR RO, ,'ON TE SKYED PAR BYED PA NYID YIN NA NI SNGON GYI GNAS SKABS DANG MTSAN NYID MI MTHUN PA'I NGO BO NYID YIN PA'I PHYIR GCIG PA NYID NYAMS PA YIN NO, ,'DI NI YANG DAG PAR NA DU MA NYID DU YANG RIGS PA MA YIN TE, DE KHO NA NYID DU NA DUS MNYAM PA DANG CIG SHOS DAG TU RANG DANG GZHAN GYI RGYUD KYI NYING MTSAMS SBYOR BA MED PAR SNGAR BSGRUBS ZIN PA'I PHYIR RO, ,GANG DAG GIS NAM MKHA' LA SOGS PA 'DUS MA BYAS GSUM PO NGO BO NYID GCIG PA 'BRAS BU LA NYE BAR SBYOR BA MED PA NYID DU KHAS BLANGS DE DAG GIS KYANG DE DAG SHES PA RIM GYIS 'BYUNG BA'I SHES BYA'I NGO BO NYID DU KHAS BLANGS PA'I PHYIR SHUGS KYIS NA NGO BO GCIG PA DANG BRAL PA KAS BLANGS PA NYID DE, DE DAG SHES PA RE RE ZHING DE'I SHES PAS SHES PAR BYA BA'I NGO BO NYID THA DAD PAR 'GYUR PA'I PHYIR RO, ,MI 'GYUR NA NI KHYAD PAR MED PA'I PHYIR SNGON BZHIN DU PHYIS KYANG DE'I SHES PAS SHES PAR BYA BA'I NGO BO NYID DU MI 'THAD DO, ,DE'I PHYIR 'DI DAG GCIG GI NGO BO NYID DU RIGS PA MA YIN NO, ,DU MA'I NGO BO NYID KYANG MA YIN NO @216A *, ,ZHES SNGAR BSGRUBS ZIN PA NYID DO, ,KHA CIG GIS DUS DANG SKYES BU DANG GTZO BO DANG TSANGS PA LA SOGS PA 'GRO BA SNA TSOGS PA RNAM PAR GZHAG PA'I RGYU RTAG PA DANG NGO BO GCIG PAR KUN BRTAGS PA GANG DAG YIN PA DE DAG KYANG DE DAG GIS RIM MAM, CIG CAR DNGOS PO'I TSOGS BDEN PA DANG BRDZUN PA SNA TSOGS KYI NGO BO NYE BAR 'DZIN PA NYID KYI CHOS SU KHAS BLANGS PA'I PHYIR SHUGS KYIS NA GCIG PA NYID DANG BRAL BA KHAS BLANGS PA NYID DE, NGO BO NYID GCIG PA DAG NI DE LTAR 'GRO BA SNA TSOGS KYI NGO BO NYE BAR 'DZIN PA NYID DU RIGS PA DANG LDAN PA MA YIN NO, ,DE DAG GCIG PA NYID DU MA GRUB NA DU MA NYID DU YANG RIGS PA MA YIN PA KHO NA STE, DE NI DE BSAGS PA'I NGO BO YIN PA'I PHYIR RO, ,GANG DAG GIS GANG ZAG CES BYA BA'I DNGOS PO RTAG PA DANG MI RTAG PA'I NGO BO DAG TU BRJOD PAR BYA BA MA YIN PA NYID DU KUN BRTAGS PAR GYUR PA DE DAG GIS KYANG, 'DI GCIG DANG DU MA DANG BRAL BA NYID DU DNGOS SU KHAS BLANGS PA NYID DE, GCIG GI NGO BO NYID DANG LDAN PA YANG, RTAG PA NYID DU BRJOD PAR BYA BA MA YIN PA NYID DU RIGS PA MA YIN LA, NGO BO NYID GZHAN DANG GZHAN DU NYAMS SU MYONG BA YANG SKAD CIG MA NYID DU BRJOD PAR BYA BA MA YIN PA NYID DU RIGS PA DANG LDAN PA MA YIN NO, , MI RTAG PA'I NGO BO LUS DANG SA DANG RI LA SOGS PA BDAG GNYID SO SOR YAN LAG CAN GYI RDZAS GCIG PA NYID DU KUN BRTAGS PA GANG YIN PA DE YANG YAN LAG GI RDZAS SU YUL THA DAD PA DU MA LA KHYAB PAR BYED PA NYID LA SOGS PA'I CHOS SU KHAS BLANGS PA'I PHYIR, GCIG PA NYID DANG BRAL BAR KHAS BLANGS PA KHO NA STE, DE YAN LAG RE RE LA NGO BO NYID THA DAD PA MED NA NI DE LA KHYAB PAR BYED PA NYID DU YANG 'THAD PA MA YIN NO, ,CHA SHAS MED PA LA BSGRIBS PA DANG MA BSGRIBS PA LA SOGS PA'I CHOS 'GAL BA DANG LDAN PAR YANG 'THAD PA MA YIN NO, ,GANG DAG GI LUS LA SOGS PA RDUL PHRAN BSAGS PA TZAM YIN PA'I PHYIR RDUL PHRA RAB RNAMS SO SO RE RE GCIG PA NYID DU KUN BRTAGS PA DE DAG GIS KYANG SBYOR BA DANG BSTZAGS PA LA SOGS PA'I CHOS SU KHAS BLANGS PA'I PHYIR SHUGS KYIS NA GCIG PA NYID DANG BRAL PA NYID KYANG KHAS BLANGS PA KHO NA YIN TE, CHA SHAS MED PA'I NGO BO RNAMS LA GANG @216B GIS NA SBYOR BA LA SOGS PA NYAMS SU MYONG BAR 'GYUR BA PHYOGS GCIG NI YOD PA MA YIN LA PHYOGS GCIG GIS SBYOR BA MED PA RNAMS DANG BSTZAGS PA MED PA RNAMS LA, YUL RGYAS PAR KHEBS PAR GNAS PAR YANG MI RUNG NGO, ,YAN LAG RNAMS NGO BO NYID GCIG PAR RIGS PA DANG LDAN PA YANG MA YIN TE, DE DAG NI YAN LAG 'DUS PA TZAM YIN PA'I PHYIR RO, ,RDUL PHRA RAB DANG YAN LAG CAN GYI RDZAS 'DI GNYI GA YANG DU MA'I NGO BO NYID DU YANG RUNG BA MA YIN TE, DE NI GCIG 'DUS PA'I NGO BO YIN PA'I PHYIR GCIG PA NYID MA GRUB NA, DE YANG DE LA LTOS TE RNAM PAR GZHAG PA YIN PAS MI 'GRUB PA'I PHYIR RO, ,DE LTAR RGYU DANG 'BRAS BU'I RDZAS GCIG DANG DU MA'I NGO BO DANG BRAL BAR GRUB NA DE LA BRTEN NAS NYE BAR BRTAGS PA YON TAN DANG, LAS DANG, SPYI DANG, KHYAD PAR DANG, 'DU BA RNAMS RAB TU MI 'GRUB PA NYID DE, DE DAG NI DE'I GZHAN GYI DBANG YIN PA'I PHYIR RO, ,DE LTAR NA RE ZHIG SHUGS KYIS SHES BYA THAMS CAD GCIG DANG DU MA'I RANG BZHIN GYIS STONG PA KHO NAR KHAS BLANGS SO ZHES BSTAN PA YIN NO, ,SHES PA YANG NGO BO NYID GCIG PAR NYE BAR BRTAGS MOD KYI, 'ON KYANG DE YUL NGO BOR SNA TSOGS 'DZIN PA NYID KYI CHOS SU KHAS BLANGS PA'I PHYIR SHUGS KYIS NA NGO BO NYID GCIG PA DANG BRAL BA KHAS BLANGS PA KHO NA STE, 'DI LTAR SHES PA NI GDON MI ZA BAR RNAM PA DANG BCAS PAR KHAS BLANGS DGOS SO, ,DE LTA MA YIN NA YUL GYI RNAM PAS MA BSGYUR BA'I LUS 'DI YUL 'DZIN PAR RNAM PAR GZHAG PAR MI 'THAD PA NYID DO, ,RNAM PA DANG BCAS PA NYID DU KHAS LEN NA NI 'DI NGO BO NYID GCIG PA DANG BRAL BA BSAL BA KHO NAR KHAS BLANGS PA NYID DE, SHES PA'I NGO BO SNA TSOGS PA YIN PA'I PHYIR RO, ,SNA TSOGS DANG GCIG PA NYID DAG KYANG 'GAL BA'I PHYIR SHES PA THAMS CAD DNGOS PO SNA TSOGS KYI YUL CAN DU KHAS BLANGS PA YIN TE, 'DI LTAR RNAM PAR SHES PA LNGA'I TSOGS DAG NI RANG GI SDE PA RNAMS BSTZAGS PA LA DMIGS PA KHO NAR 'DOD DO, ,RNAM PAR SHES PA DRUG PA YANG SEMS DANG SEMS LAS BYUNG BA LA DMIGS LA, RI MO BRKYANG PA LA SOGS PA LA LTA BA NA, RNAM PAR SHES PA @217A *, ,RNAM PA SNA TSOGS PA CAN NYAMS SU MYONG BA'I PHYIR SHES PA THAMS CAD RNAM PA SNA TSOGS CAN DU RAB TU GRUB PA KHO NA'O, ,DE LA RNAM PA SNA TSOGS NYID GZHUNG GZUGS PA'I PHYIR SHES PA DU MA SKYE BAR RTOG PA YANG LEGS PA MA YIN TE, DE DAG NI LUS CAN MA YIN PA NYID KYI YUL LA BKRAM PA LTAR GNAS PA MED PA'I PHYIR RO, ,DE LTAR MI GNAS NA YANG RNAM PA SNA TSOGS NYID 'THAD PA MA YIN NO, ,YON TAN DANG LAS LA SOGS PA DANG LDAN PA'I RDZAS LA SOGS PA YANG SHES PAS CIG CAR 'DZIN PAR KHAS BLANGS PA'I PHYIR GZHAN DAG GIS KYANG SHES PA YUL SNA TSOGS CAN DU KHAS BLANGS PA NYID DO, ,GANG DAG RDZAS KYI RNAM GRANGS LA SOGS PA'I BYE BRAG GIS DNGOS PO THAMS CAD NOR BU GZI LTA BUR RTOGS PAR BYED PA DE DAG GIS KYANG DE'I YUL CAN GYI SEMS KYI YUL NYID DNGOS PO'I NGO BO DU MAR 'DOD PA KHO NA'O, ,GANG DAG YUL 'BYUNG BA BZHI GNAS PA'I BDAG NYID KHO NA YIN PAR NYE BAR RTOG PAR BYED PA DE DAG GIS KYANG SHES PA DNGOS PO DU MA'I YUL CAN NYID DU KHAS BLANGS PA NYID DO, ,GANG DAG GI YUL SNYING STOBS DANG, RDUL DANG, MUN PA'I NGO BO KHO NA YIN PAR KHAS BLANGS PA DE DAG GIS KYANG SHES PA'I YUL NYID DNGOS PO DU MA'I NGO BO YIN PAR KHAS BLANGS PA KHO NA STE, YUL NYID DNGOS PO GSUM GYI BDAG NYID DU KHAS BLANGS PA'I PHYIR RO, ,GANG DAG YID KYI RNAM PAR SHES PA 'DAS PA LA SOGS PA'I YUL CAN NI DMIGS PA MED PA KHO NAR SMRA BA DE DAG GI LUGS KYIS KYANG MING GI RNAM PA DANG LDAN PA'I PHYIR RNAM PA GCIG PA DE RIGS PA MA YIN PA NYID DE, YI GE'I NGO BO DU MAR SNANG BA'I PHYIR RO, ,RMI LAM LA SOGS PA'I SHES PA YANG SNGON PO LA SOGS PA RNAM PA SNA TSOGS SNANG BA NYID DU MYONG BA'I PHYIR NGO BO NYID GCIG PAR RIGS PA MA YIN PA KHO NA'O, ,'GRO BA RNAM PAR SHES PA TZAM GYIS NGO BOR SMRA BA GANG DAG GIS RNAM PAR SHES PA THAMS CAD PHYI ROL YANG DAG PA'I YUL CAN MA YIN PA'I PHYIR RANG RIG PA'I PHYIR MTHAR THUG PA'I DE KHO NAR KHAS BLANGS PA DE DAG GIS KYANG THOG MA MED PA NAS RNAM PAR 'KHRUL PA'I BAG CHAGS YONGS SU SMIN PA'I DBANG GIS RNAM PAR SHES PA THAMS CAD @217B GZUGS LA SOGS PA LOG PA SNA TSOGS SU SNANG BAR SKYE BAR KHAS BLANGS PA'I PHYIR RNAM PAR SHES PA NGO BO GCIG PA MA YIN PAR KHAS BLANGS PA YIN NO, ,DE'I PHYIR RNAM PAR SHES PA YANG LTA BA GANG LA YANG NGO BO NYID GCIG PAR MA GRUB BO, ,DE MA GRUB NA NGO BO NYID DU YANG MA GRUB BO ZHES SNGAR BSHAD PA NYID DO, ,DE NYID KYI PHYIR RANG GI RGYUD KYIS BSGRUB PA LA YANG GTAN TSIGS MA GRUB PA NYID MA YIN TE, JI SKAD BSHAD PA'I TSUL GYIS RGOL BA DANG PHYIR RGOL BA GNYI GA LA YANG CHOS THAMS CAD GCIG DANG DU MA DANG BRAL BA TZAM DU GRUB PA'I PHYIR RO, ,RNAM PAR BCAD PA TZAM ZHIG YIN PA LA NI BSGRUB PAR BYA BA DANG, SGRUB PA DANG RJES SU MTHUN PA'I CHOS CAN DNGOS POR GYUR PA MA YIN PA RIGS PA NYID DO ZHES SNGAR BSTAN ZIN TO, ,DES NA RANG DANG GZHAN GYI GZHUNG LUGS LA GNAS PA RNAMS KYIS NYE BAR BRTAGS PA'I CHOS CAN LA YANG BSGRUB PA'I CHOS RNAM PAR BCAD PA TZAM GYIS JI SKAD BSHAD PA GNYI GA LA GRUB PA NYID DO, ,GANG YANG GTAN TSIGS 'DI JI LTAR GRUB, GAL TE MI DMIGS PA'I SGO NAS YIN NA NI DE YANG MI DMIGS PA GZHAN LAS GRUB NA THUG PA MED PAR THAL BA YIN NO, ,MNGON SUM GYI SGO NAS DMIGS PA MED PA GRUB PA NYID KYANG MA YIN TE, DE NI DE'I YUL MA YIN PA'I PHYIR RO ZHES SMRAS PA DE YANG BSTZAL BA NYID DE, JI SKAD BSHAD PA'I TSUL GYIS GTAN TSIGS RAB TU SGRUB PA'I PHYIR RO, ,'DI LTAR RE ZHIG BDAG LA SOGS PA DBANG POS MI SOD PA GANG DAG YIN PA DE DAG NI DES KHYAB PA 'BRAS BU RIM CAN LA SBYOR BA NYID LA SOGS PA'I CHOS KHAS BLANGS PA'I PHYIR GCIG DANG DU MA DANG BRAL BA NYID KYANG RAB TU BSGRUBS PA KHO NA'O, ,JI STE CHOS CAN DE NYID MA GRUB NA, GANG LA DE DANG BRAL BA 'DI SGRUB SNYAM DU SEMS NA DE NI RIGS PA MA YIN TE, DNGOS PO DE LTA BU'I DGAG PA LA THAMS CAD DU CHOS CAN BRTAGS PA KHO NA YIN PA'I PHYIR TE, DE KHO NA'I CHOS MI DMIGS PA YIN NO ZHES SNGAR BSTAN ZIN TO, ,DE LTA MA YIN NA KHYED LA YANG DE DGAG PA DE LA GTAN TSIGS DON BYED PA'I NUS PA DANG BRAL BA'I MTSAN NYID JI LTAR GRUB CES BYA BA'I KLAN KAR JI STE MI 'GYUR, PHA ROL PO DAG @218A *, ,GIS KUN BRTAGS PA'I CHOS CAN DE LA 'BRAS BU RIM CAN DE LTA BU KHAS BLANGS BA KHO NA'I PHYIR DE LA KHYAB PAR BYED PA'I CHOS GRUB PA DE'I LUGS LA BRTEN PA NYID KYIS NA CHOS CAN DE KUN BRTAGS PA YIN PA'I PHYIR RO, ,RJES SU DPAG PA'I SGO NAS RTOGS KYANG THUG PA MED PAR THAL BA MA YIN TE, DE DAG NI BDAG NYID KYIS TSAD MA YIN PA'I PHYIR RO, ,THA SNYAD KYI SGO NAS BSGRUB PAR BYA BAS SGRUB PA LA KHYAB PA YANG GRUB PA NYID DO ZHES SNGAR BSHAD ZIN PA'I PHYIR RO, ,CHOS CAN GZUGS LA SOGS PA LKOG TU MA GYUR PA GANG DAG YIN PA DE DAG KYANG NGO BO NYID GCIG PA DANG BRAL BA MNGON SUM KHO NAR GYUR PA YIN TE, 'DI DAG RTAG TU RNAM PA SNA TSOGS SU SNANG BA NYID KYIS BYE BRAG MED PAR NGO BO NYID GCIG PAR SO SOR MYONG BA MED PA'I PHYIR RO, ,NGO BO NYID GCIG DANG BRAL BA GRUB NA NGO BO NYID DU MA DANG BRAL BA YANG MNGON SUM KHO NAR GRUB PA YIN TE, DU MA NYID NI GCIG TSOGS PA'I NGO BO YIN PA'I PHYIR RO, ,THA SNYAD KYI SGO NAS MNGON SUM LA SOGS PA'I TSAD MA MED PA NYID KYANG MA YIN NO ZHES SNGAR BSTAN ZIN TO, ,'ON TE YANG DON DAM PAR MED PA GANG YIN PA DE NI KUN RDZOB TU YANG MED LA, CUNG ZAD KYANG MYONG BA YANG MED DE, DPER NA RI BONG GI RVA LTA BU'O, ,MNGON SUM YANG DE DANG 'DRA'O SNYAM DU SEMS NA, DE YANG 'DI LTAR 'BREL BA MED PA'I PHYIR GTAN TSIGS 'DI MA NGES PA NYID DO ZHES PAS SNGAR LAN BTAB ZIN PA KHO NA'O, ,JI STE SGRO BTAGS PA'I BDAG NYID KYI NGO BO GANG YIN PA DE NI DE NYID DU RTOGS PAR 'GYUR GYI, YANG DAG PAR NA DE MED PAR NI MA YIN TE, SMIG RGYU LA CHUR SHES PA LTA BU'O, ,MNGON SUM THAMS CAD KYANG SGRO BTAGS PA'I BDAG NYID KYI NGO BO KHO NA YIN PAS JI LTAR DES GCIG DANG DU MAS DBEN PA NYID RTOGS PAR 'GYUR SNYAM DU SEMS NA, DE NI 'DIR SGYU MA MKHAN GYI MNGON SUM DANG, RJES SU DPAG PA'I SHES PAS MA NGES PA NYID YIN TE, 'DI LTAR SGYU MA MKHAN GYI SHES PA GLANG PO CHE LA SOGS PA'I RNAM PAR SGRO BTAGS PA CAN YANG YANG DAG PAR NA DE'I NGO BO NYID DU MNGON PAR ZHEN PA MED DO, ,DER MNGON PAR ZHEN PA MED PAS YANG DAG PAR NA DES DBEN PA NYID RTOGS PA NGES PAR @218B SKYE BA'I RGYU NYID KYIS DE'I YUL CAN DU RNAM PAR GZHAG GO, ,DE DANG 'DRA BAR RTOG PA DANG LDAN PA RNAMS KYI MNGON SUM 'KHRUL PA'I RGYU MTSAN YANG DAG PAR BSTZAL BA SGRO BTAGS PA'I RNAM PA CAN GZHAN YANG SKYE BA NA YANG DAG PAR DE'I NGO BO NYID DU MNGON PAR ZHEN PA MED PAR NGES PA'I RGYU NYID KYIS DES DBEN PA'I YUL CAN DU RNAM PAR GZHAG PA NYID DO, ,DE BZHIN DU RJES SU DPAG PA'I SHES PA DNGOS PO'I SPYI'I MTSAN NYID KYI RNAM PAR SGRO BTAGS PA CAN YANG DNGOS PO'I DE KHO NA NYID JI LTA BA BZHIN RTOGS PA'I NGO BO NYID YIN PA'I PHYIR DE'I YUL CAN YIN NO, ,DE'I PHYIR TSAD MA YIN PAS GTAN TSIGS MA NGES PA NYID YIN NO, ,GANG YANG DE NI DE'I YUL CAN MA YIN PA'I PHYIR RO ZHES SMRAS PA GANG YIN PA DE YANG RIGS PA MA YIN PA NYID DE, DNGOS PO RNAMS RTA'I RVA LTA BUR KHAS BLANGS PA NI MA YIN NO, ,'O NA CI ZHE NA, SGYU MA LA SOGS PA'I NGO BO NYID LTA BUR YIN TE, DE DAG KYANG SGYU MA LA SOGS PA BZHIN DU MNGON SUM KHO NA'O, ,GCIG DANG DU MA'I RANG BZHIN DANG BRAL BAR GZUNG MOD KYI, SKYE BO DAM PA MA YIN PA'I BSTAN BCOS MNYAN PA LA SOGS PA 'KHRUL PA'I RGYU MTSAN GYI SGRO 'DOGS PA NYE BAR SKYED PA KHA CIG GIS GTAN LA MI PHEBS KYI, GZHAN DAG GIS NI GTAN LA PHEBS NA JI LTAR MI DMIGS PA'I SGO NAS GCIG DANG DU MA DANG BRAL BA YANG DAG PAR GRUB, RNAM PA GCIG TU NA SNA TSOGS KYI RNAM PA LA SOGS PA'I RTAGS KYI SGO NAS THAMS CAD DU GCIG PA NYID DANG BRAL BA GRUB NA DU MA NYID DANG BRAL BA YANG GRUB PA YIN TE, DE NI DE'I TSOGS 'DI BDAG NYID YIN PA'I PHYIR RO, ,GCIG DANG DU MA NYID DAG GIS NI RNAM PA THAMS CAD LA KHYAB STE, DE DAG NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,'DI LTAR SKYE BO THA SNYAD DU BUM PA LA SOGS PA YUL LA SOGS PA YONGS SU CHAD PA DANG 'BREL PA ZLA MED PAR GYUR PA, GCIG TU THA SNYAD GDAGS SU RUNG BA YONGS SU GCOD PA NA DE LAS BZLOG PA ZLA DANG BCAS PA LA SOGS PA'I NGO BO RNAM PAR BCAD NAS YONGS SU GCOD LA, DE BZHIN DU RDZAS KYI RIGS DU MA'I TSOGS DNGOS PO DU MAR THA SNYAD GDAGS SU RUNG BA YONGS SU GCOD PA NA YANG DE LAS BZLOG PA ZLA MED PA'I RNAM PAR BCAD NAS @219A *, ,YONGS SU GCOD DO, ,GANG ZHIG YONGS SU GCOD PA GANG RNAM PAR BCAD PA MED NA MED PA DE GNYIS NI PHAN TSUN SPANGS TE GNAS PA'I MTSAN NYID YIN NO, ,GANG DAG PHAN TSUN SPANGS TE GNAS PA'I MTSAN NYID GANG YIN PA DE DAG NI RNAM PA THAMS CAD LA KHYAB PAR BYED PA DAG YIN NO, ,GANG DAG RNAM PA THAMS CAD LA KHYAB PAR BYED PA DE DAG NI PHUNG PO GZHAN SEL BAR BYED PA DAG YIN TE, DPER NA LUS CAN DANG LUS CAN MA YIN PA LA SOGS PA'I BYE BRAG DAG LTA BU'O, ,GCIG PA NYID DANG DU MA DAG NYID KYANG DE DANG 'DRA LA KHYAB PAR BYED PA LOG PAS KYANG KHYAB PAR BYA BA LDOG PAR NGES PAS DE'I PHYIR GTAN TSIGS MI MTHUN PA'I PHYOGS LAS LDOG PA LA THE TSOM ZA BA MA YIN TE, PHUNG PO GZHAN MI SRID PA'I PHYIR RO, ,DES NA GANG LA LA DAG NA RE KHYAB PAR BYA BA DANG KHYAB PAR BYED PA'I DNGOS PO RANG LA MA GRUB PA'I PHYIR GTAN TSIGS MA GRUB PA YIN NO, ,DE BZHIN DU CHOS CAN GANG KHO NA LA KHYAB PAR BYA BA'I DNGOS PO GRUB PA DE KHO NA LA KHYAB PAR BYED PA LOG PAS KHYAB PAR BYA BA LA LDOG PAR MA GRUB BO ZHES ZER BA DE DAG THAMS CAD LA LAN BTAB PA KHO NA YIN NO, ,'DI LTAR KHYAB PAR BYA BA DANG KHYAB PAR BYED PA'I DNGOS PO LA SOGS PA THAMS CAD NI KUN RDZOB KYI BDEN PA LA BRTEN NAS PHYIR GZHAG GO ZHES SNGAR BSTAN ZIN TO, ,KHYAB PAR BYED PA NYE NA GDON MI ZA BAR KHYAB PAR BYA BA BYE BRAG RTOGS PA YANG MA YIN NO ZHES DE YANG SNGAR BSTAN PA NYID DO, ,DE'I PHYIR THA SNYAD KYI SGO NAS GCIG DANG DU MA'I NGO BO DAG GIS NGO BO NYID DANG BCAS PA TZAM LA KHYAB MOD KYI, 'ON KYANG DE LAS DON DAM PA PA'I NGO BO NYID DU NGES PA NI MA YIN TE, BUM PA LA SOGS PA GCIG DANG DU MA'I RANG BZHIN CAN KUN RDZOB PA YANG SNANG BA'I PHYIR RO, ,KHYAD PAR DU NA KHYAB PAR BYED PA DANG KHYAB PAR BYA BA'I DNGOS PO 'GRUB PA NI THA SNYAD PA'I CHOS CAN LA BRTEN PA YIN LA, KHYAB PAR BYED PA LDOG PA NI DON DAM PA LA BRTEN PAR RTZOD PA'I GZHIR GYUR PA'I CHOS CAN THAMS CAD LA SPYIR SGRUB PA'I PHYIR 'DI GNYIS CHOS CAN GCIG LA BRTEN PA NYID LTA GA LA YIN, CHOS CAN GCIG LA BRTEN PA NYID YIN DU CHUG NA YANG, 'ON KYANG LTOS PAS THA DAD PA'I PHYIR NYES PA MED PA KHO NA STE, 'DI LTAR KHYAB PAR BYED PA DANG @219B KHYAB PAR BYA BA'I DNGOS PO GRUB PA NI THA SNYAD KYI BDEN PA LA BRTEN PA YIN LA, KHYAB PAR BYED PA LDOG PA NI DON DAM PA'I BDEN PA LA BRTEN PA NYID YIN PAS 'GAL RE SKAN, GANG YANG BSGRUB PAR BYA BA DANG SGRUB PA DAG CI MED PAR DGAG PA'I NGO BO ZHIG YIN NAM, 'ON TE MA YIN PA'I NGO BO YIN; PHYOGS DANG PO LTAR YIN NA NI DE GNYIS GO BAR BYA BA DANG GO BAR BYED PA NYID DU 'THAD PA MA YIN TE, NGO BO MED PA'I PHYIR DANG, 'BREL PA MED PA'I PHYIR DANG, 'THAD PA MED PA'I PHYIR RO, ,NYE BAR BRJOD PA THAMS CAD DANG BRAL BA'I MTSAN NYID GANG YIN PA DE NI CUNG ZAD GO BAR YANG MI BYED LA, GO BAR YANG MI 'GYUR TE, DPER NA RTA'I RVA LTA BU'O, ,JI SKAD BSHAD PA'I BSGRUB PAR BYA BA DANG SGRUB PA DAG KYANG NYE BAR BRJOD PA THAMS CAD DANG BRAL BA'I MTSAN NYID YIN NO, ,GANG DAG PHAN TSUN 'BREL BA MED PA DE DAG KYANG GO BAR BYA BA DANG GO BAR BYED PA'I NGO BO MA YIN TE, DPER NA RI GANGS CAN DANG 'PIGS [?] BYED DAG LTA BU'O, ,BSGRUB PAR BYA BA DANG SGRUB PAR BYED PA DAG KYANG PHAN TSUN 'BREL PA MED PA YIN NO, ,GANG DANG GANG ZHIG THA DAD PA MED PA'I NGO BO DAG LA YANG GO BAR BYA BA DANG GO BAR BYED PA'I DNGOS PO MED DE, DPER NA SHING DANG SHING LJON PA DAG LTA BU'O, , BSGRUB PAR BYA BA DANG SGRUB PAR BYED PA DAG KYANG THA DAD PA MED PA YIN NO, ,'ON TE MA YIN PA'I NGO BO ZHES BYA BA'I PHYOGS YIN NA NI, DE'I TSE GCIG DANG DU MA'I RANG BZHIN DANG BRAL BA DNGOS PO'I NGO BO DON BYED PAR RUNG BAR KHAS BLANGS PAR 'GYUR BAS MI 'DOD PAR 'GYUR BA MA YIN NO ZHES SMRAS PA DE YANG RIGS PA MA YIN TE, RNAM PAR RTOG PA 'DI NI GZHAN GYIS KUN BRTAGS PA DBANG PHYUG LA SOGS PA DGAG PA LA YANG THAMS CAD DU MTSUNGS PA NYID DO, ,'DI LTAR DBANG PHYUG LA SOGS PA DE NI GDON MI ZA BAR KHYAB BAR BYED PA'I CHOS BKAG PA KHO NAS DGAG PAR BYA DGOS TE, SHIN TU LKOG TU GYUR PA DE MNGON SUM DU DGAG PAR MI NUS PA'I PHYIR RO, ,DE'I PHYIR KLAN KA THAMS CAD DER YANG CI STE 'BYUNG BAR MI 'GYUR, GANG YANG, DE NI GCIG NA YUL MIN LA, ,THA DAD RDUL DU DU MA'ANG MIN, ,ZHES BYA BA DANG, DE BZHIN DU, DNGOS RNAMS GANG DU RNAM DPYAD NA, ,DE YI NGO BOR YANG @220A *, ,DAG MED, GANG GI PHYIR NA DE DAG LA, ,GCIG DANG DU MA'I NGO BO MED, ,CES BYA BA LA SOGS PAS PHYI'I DON LA SOGS PA KUN BRTAGS PA 'GOG PA DE LA YANG KLAN KA 'DI CI STE 'BYUNG BAR MI 'GYUR, GAL TE YANG NGO BO NYID MED PA LA GO BAR BYED PA NYID MED NA DE'I TSE RTA'I RVA GO BAR BYED PA MA YIN PA NYID KYANG CI STE NYE BAR DGOD, KHYOD KYI NYE BAR BRJOD PA THAMS CAD DANG BRAL BA'I MTSAN NYID GANG YIN PA DE NI CUNG ZAD KYANG GO BAR MI BYED CES BYA BA LA SOGS PA'I SBYOR BA DE NYID LA YANG BSGRUB PAR BYA BA DANG, SGRUB PAR BYED PA DGAG PA'I NGO BO DAG JI LTAR GO BAR BYA BA DANG, GO BAR BYED PA'I DNGOS PO YIN, DE LTA BAS NA SBYOR BA 'DI MTSON CHA'I THABS BSLAB PA NYES PAR BYED PA BZHIN DU RANG LA GNOD PAR BYED PA NYE BAR BKOD PA 'BA' ZHIG TU ZAD PAS SBYOR BA LA TE POR MKHAS PA YANG MA YIN NO, ,THAMS CAD KYI DNGOS PO THAMS CAD RTAG TU GTAN LA 'BEBS PAR THAL BAR 'GYUR BA'I PHYIR RTAGS DNGOS POR GYUR PA KHO NA GO BAR BYED PA NYID DU NI SU YANG MI 'DOD DE, GDON MI ZA BAR GANG YANG RUNG BA LA RTAGS GANG YANG RUNG BA BZHIN GO BAR BYED PAR GNAS PA'I PHYIR RO, ,DE LTA BAS NA RTAGS NGES PA KHO NA MNGON SUM DU GO BAR BYED PA YIN TE, BSGRUB PAR BYA BA'I RNAM PA LA NGES PA SKYED PA'I PHYIR RO, ,RTAGS NI NYE BAR 'DOGS PA'I SPO [?] KHO NA NAS GO BAR BYED PAR GZHAG GO ZHES BYA BAR RIG STE, DES NA RTAGS NGO BO NYID MED PA YIN YANG DE'I RNAM PAR NGES PA NI 'DOD PA'I BSGRUB PAR BYA BA'I RNAM PA GTAN LA 'BEBS PA SKYE BA'I RGYU YIN PA'I PHYIR GO BAR BYED PA NYID DU NYE BAR BRTAGS PAS NYES PA MED DO, ,THAMS CAD DU RTAGS DNGOS POR GYUR PA KHO NA DGOD PA YANG MA YIN TE, NAM MKHA' LA SOGS PA DGAG PA LA RTAGS NYID BRTAGS PA KHO NA YIN NO ZHES SNGAR BSTAN ZIN PA'I PHYIR RO, ,GANG YANG 'BREL PA MED PA'I PHYIR RO ZHES SMRAS PA GANG YIN PA DE LA YANG GAL TE 'BREL PA DNGOS POR GYUR BA ZHIG GTAN TSIGS NYID DU BRJOD PAR 'DOD NA NI DE'I TSE GTAN TSIGS MA NGES PA MA YIN TE, DNGOS PO LA YANG LA LAR DE LTA BU'I 'BREL PA MA GRUB PA'I PHYIR RO, ,DE NI GZHAN DAG GIS GNYIS LA BRTEN PA NYID DANG, NGO BO NYID @220B PHAN TSUN 'BYAR BA'I RGYU CAN NYID DU NYE BAR BRTAGS PA'I PHYIR LA, GRUB ZIN PA GNYIS NI NGO BO NYID PHAN TSUN 'BYAR BAR 'THAD PA YANG MA YIN TE, RANG GI NGO BO NYID LA GNAS PA'I PHYIR RO, ,'BYAR NA NI GNYI GA GCIG PU NYID DU 'GYUR TE, DE NI 'GAL LO, ,GCIG PA NYID YIN NA NI 'DI GNYIS LA BRTEN PAR MI 'GYUR RO, ,DE LA 'BREL PA CAN DAG LAS DON GZHAN YIN NA NI RANG GI NGO BO NYID LA GNAS PA'I PHYIR JI LTAR 'BREL BA'I NGO BO NYID YIN, DON GZHAN MA YIN PA NYID YIN NA NI 'BREL PA CAN TZAM DU ZAD PA'I PHYIR 'BREL PA BRTAGS PA KHO NA YIN PAR 'GYUR GYI DNGOS PO NI MA YIN NO, ,'BREL PA DE LAS BYUNG BA'I MTSAN NYID DU BRJOD PA GANG YIN PA DE YANG BRTAGS PA KHO NA YIN TE, RGYU DANG 'BRAS BU DAG CIG CAR MI SRID PA'I PHYIR RO, ,MI NYE BA DAG LA NI 'BREL PA YOD PA MA YIN NO, ,GZHAN YANG GANG GI TSE 'BRAS BU YONGS SU GRUB PA'I NGO BO YIN PA DE'I TSE DE LTOS PA MED PA NYID KYIS GZHAN LA RAG MA LAS PA KHO NA YIN PAS GANG DANG YANG 'BREL PA MED DO, ,DE YONGS SU MA GRUB PA NYID YIN NA YANG RANG GI RGYU DANG 'BREL PA CAN YIN PA'I DUS NA MI NYE BA'I PHYIR DE DANG 'BREL BA MED DO, ,DE LTA BAS NA RTOG PA KHO NAS DNGOS PO RNAMS SBYOR BAR BYED DE, RANG GI RGYU LAS GRUB PA'I PHYIR, ,'BRAS BUR GA LAS MED NA YANG, ,GRUB PA GZHAN RAG MA LAS PA'ANG, ,'BRAS BU RANG GI RGYU DAG LAS, ,RTOG PA YIS NI 'BREL BAR BYED, ,'BRAS MIN JI LTAR YANG CI ZHIG ,CES KYANG BSHAD DO, ,DE'I BDAG NYID KYI MTSAN NYID KYI 'BREL PA YANG YANG DAG PA BA MA YIN TE, DE NI GNYIS LA BRTEN PA'I PHYIR LA, DE'I BDAG NYID YIN NA YANG GNYIS NYID MI RUNG BA'I PHYIR RO, ,GNYIS NYID MED NA YANG 'BREL BA CAN DAG MED PA'I PHYIR GANG ZHIG GANG DANG 'BREL BA YIN, DE LTA BAS NA 'BREL PA THAMS CAD RTOG PAS BKOD PA'I BDAG NYID YIN PA'I PHYIR DNGOS PO MED PA LA 'JUG NA YANG NYAMS PA MED PA NYID PAS GTAN TSIGS MA GRUB PA NYID DO, ,GZHAN YANG GAL TE 'BREL BA MED PA KHO NA YIN NA NI JI LTAR THA DAD PA MED PA'I PHYIR ZHES RGTAN TSIGS GZHAN SMOS PAR BYED, THA DAD PA MED PA NYID YIN NA NI DE'I BDAG NYID KYI 'BREL PA @221A *, ,KHO NA BSTAN PAR GYUR TO, ,GAL TE DNGOS PO KHO NA LA DE'I BDAG NYID KYI 'BREL PA YIN GYI GZHAN LA NI MA YIN NO ZHE NA, DE NI RIGS PA MA YIN TE, DE'I BDAG NYID NI THA DAD PA MED PA'I RNAM GRANGS YIN PA'I PHYIR LA, DE NI NGO BO NYID MED PA DAG KYANG BDAG MED PA NYID DU MTSUNGS PAS 'GAL BA MED PA KHO NA'O, ,DE LTA MA YIN NA THA DAD PA MED PA'I PHYIR ZHES BYA BA YANG BRJOD PAR MI BYA BAR 'GYUR RO, ,DE LA THA DAD PA MED PA'I PHYIR ZHES BYA BA'I GTAN TSIGS 'DI GAL TE DON DAM PA'I DBANG DU BYAS NAS BRJOD NA NI DE'I TSE MA NGES PA YIN TE, BYAS PA DANG MI RTAG PA LTA BU DON DAM PAR THA DAD PA MED PA YIN YANG GO BAR BYA BA DANG GO BAR BYED PA'I DNGOS PO MTHONG BA'I PHYIR RO, ,'ON TE THA SNYAD DU YANG 'DI LA THA DAD PA MED DO ZHES BYA BAR 'DOD NA NI DE MA GRUB STE, LDOG PA'I BYE BRAG GIS NYE BAR BRTAGS PA'I THA DAD PA YOD PA'I PHYIR RO, ,'DI LTAR SGRA LA SOGS PA'I CHOS CAN BYAS PA MA YIN PA LA SOGS PA LAS LOG PA NYID DU NGES PA NA, RTAG PA LA SOGS PA LAS LOG PAR NGES PAR 'GYUR BAS YANG DAG PAR THA DAD PA MED KYANG LDOG PA'I BYE BRAG LA LTOS NAS BYAS PA NYID DANG, MI RTAG PA NYID DAG THA DAD PAR RNAM PAR GZHAG PAR NYE BAR BRTAGS TE GO BAR BYA BA DANG, GO BAR BYED PA'I DNGOS PO RNAM PAR GZHAG GO, ,DE BZHIN DU DNGOS PO RNAMS YANG DAG PAR NA GZUGS BRNYAN LA SOGS PA BZHIN DU GCIG DANG DU MA'I RANG BZHIN LAS LDOG PA NA DON DAM PA PA'I NGO BO NYID LAS KYANG LDOG PAR NGES PAS DE'I PHYIR LDOG PA'I BYE BRAG LA LTOS PAS BYAS PA'I THA DAD PA YOD PA'I PHYIR GO BAR BYA BA DANG, GO BAR BYED PA'I DNGOS POR 'GYUR RO, ,YANG JI LTAR DNGOS PO RTAG PA DON BYED PA'I NUS PA LAS LOG PA NYID KYIS DNGOS PO'I NGO BO NYID LAS LOG PA NYID DU SGRUB PA LTAR GZHAN LA YANG DE DANG 'DRA BAS 'GAL BA MED PA NYID DO, ,GANG YANG GAL TE 'DI GNYIS KYIS THA DAD PA LDOG PA'I BYE BRAG GIS BYAS PA ZHIG YIN NA DE'I TSE DNGOS PO NYID DU 'GYUR TE, SNGON PO DANG SER PO'I BDAG NYID LTA BU'O ZHES SMRAS PA DE YANG 'BREL PA MED DE, BYAS PA DANG MI RTAG PA NYID LA SOGS PAS MA NGES PA'I PHYIR RO, ,BYAS PA NYID DANG MI RTAG PA NYID DAG @221B GIS THA DAD PA LDOG PAS BYAS ZHES TE, 'DI TZAM GYIS DE GNYIS DNGOS POR NI MI 'GYUR RO, ,JI LTAR RTAG PA'I DNGOS PO DAG LA DON BYED PA'I NUS PA DANG BRAL BA DANG, NGO BO NYID MED PA LDOG PAS BYAS PA'I BYE BRAG YOD KYANG DNGOS PO NYID DU MI 'GYUR BA LTAR GZHAN LA YANG DE DANG 'DRA BAS 'DI NI GYI NA'O, ,GANG YANG SNGON PO DANG SER PO'I BDAG NYID DAG LTA BU'O ZHES DPE DE NYID DU SMRAS PA DE YANG DON DAM PA PA'I DNGOS PO'I NGO BO NYID DU MA GRUB PA'I PHYIR RIGS PA MA YIN PA NYID DO, ,GANG YANG MA YIN PA'I PHYOGS LA NYES PA SMRAS PA DE YANG RIGS PA MA YIN PA KHO NA STE, MA YIN PA'I TSUL DU BRJOD CES TE, 'DI TZAM GYIS NI 'GA' YANG GANG DU YANG DON DAM PA PA'I DNGOS PO NYID DU MA GRUB STE, NAM MKHA' LA SOGS PA BRTAGS PA LUS CAN MA YIN PA LA SOGS PA'I TSIG TU BRJOD KYANG DNGOS PO MED PA'I PHYIR RIGS PA MA YIN PA NYID DO, ,DE LA BLO LA YOD PA'I CHOS CAN SNGAR BSHAD PA GANG YIN PA DE YANG MA YIN PA'I TSUL GYIS DE SKAD DU BRJOD MOD KYI, 'ON KYANG 'DI YANG DAG PA PA'I DNGOS PO NYID DU RIGS PA DANG LDAN PA MA YIN NO, ,DNGOS PO YOD PAR SMRA BA RNAMS LA YANG GANG GIS NA GRUB PA SGRUB PA NYID DU 'GYUR BA GCIG DANG DU MA'I RANG BZHIN DANG BRAL BA'I DNGOS PO YANG DAG PA DE NI CUNG ZAD KYANG MED DE, DE NI RTOG PA'I YUL YANG MA YIN PA'I PHYIR DANG, GCIG DANG DU MA DAG GIS KYANG RANG BZHIN THAMS CAD LA KHYAB PAR SNGAR BSGRUB PA'I PHYIR RO, ,DON DAM PAR NGO BO NYID MED PA SGYU MA LA SOGS PA DANG KHYAD PAR MED PA DE LTA BU LA YANG DNGOS PO ZHES MING DU 'DOGS NA NI CUNG ZAD KYANG GNOD PA MED DE, KHYED GNYIS LA KHAS BLANGS PA'I PHYOGS NYAMS PA'I SGO NAS GNOD PA 'BA' ZHIG TU ZAD DE, DE'I PHYIR GTAN TSIGS MA NGES PA NYID MA YIN NO, ,'GAL BA NYID KYANG MA YIN TE, GZUGS BRNYAN LA SOGS PA MTHUN PA'I PHYOGS LA YOD PA'I PHYIR RO; ,GZUGS BRNYAN LA SOGS PA'I DNGOS PO NI GCIG DANG DU MA'I RANG BZHIN DON DAM PA PAR RUNG BA MA YIN TE, DE YANG YANG DAG PAR NA SHES PA DANG SHES BYA'I NGO BO NYID DU YANG DAG PAR MA GRUB BO ZHES SNGAR BSTAN ZIN TO, ,'DI LTAR GCIG DANG DU MA'I RANG BZHIN DANG BRAL BA'I MTSAN NYID @222A *, ,KYI GTAN TSIGS BDAG MED PAR BSGRUBS PA LTAR CHOS CAN DNGOS PO MED PA YANG DE DANG 'DRA BAS CHOS CAN LAS BZLOG PA BSGRUB PA'I PHYIR GTAN TSIGS 'GAL BA YIN NO ZHES SMRAS PA GANG YIN PA DE NI GCIG TU TSAD MAS MNGON PAR MI SHES PA NYID 'BA' ZHIG TU ZAD DE, GAL TE CHOS CAN DNGOS PO'I NGO BOR BSGRUB PAR 'DOD PAR 'GYUR NA NI DE'I TSE DE LAS LDOG PA SGRUB PA'I PHYIR GTAN TSIGS 'GAL BAR YANG 'GYUR BA ZHIG NA, GANG GI TSE DE NGO BO NYID MED PA NYID DU GRUB PA LA SGRUB PAR BYED PA DE'I TSE JI LTAR RGOL BA'I 'DOD PA GRUB KYANG GTAN TSIGS 'GAL BA NYID DU 'GYUR, RANG BZHIN MED PA NYID DU SGRUB PA LA NI DNGOS PO'I NGO BO CHOS CAN NYID DU YANG MI 'GYUR TE, RJES SU MTHUN PA MA YIN PA'I PHYIR RO ZHES SNGAR BSTAN ZIN TO, ,DE'I PHYIR BSGRUB PAR BYA BA DANG SGRUB PAS JI SKAD BSHAD PA LA CHOS CAN DNGOS POR GYUR PA MA YIN PA KHO NAR 'DOD PA'I PHYIR 'DI LTAR GTAN TSIGS DE LAS BZLOG PA BSGRUB PA NYID YIN, DNGOS PO'I NGO BO NYID DU SGRUB PA LA NI DE LAS BZLOG PA SGRUB PAR 'GYUR RO, ,'DI'I JI LTAR GTAN TSIGS 'DI BDAG MED PA SGRUB PAR BYED PA LTAR CHOS CAN DNGOS PO MED PA YANG DE DANG 'DRA'O ZHES BRJOD PA 'DI YANG 'BREL PA MED PA YIN TE, BDAG MED PA DANG DNGOS PO MED PA DAG LA NI GANG GIS NI CHOS GNYIS GRUB PAR BRJOD PAS GTAN TSIGS 'GAL BA NYID DU BRJOD PAR 'GYUR PA LDOG PAS KYANG PHAN TSUN THA DAD PA YOD PA MA YIN TE, DE GNYIS NI RNAM GRANGS KYI NGO BO YIN PA'I PHYIR RO, ,DE'I PHYIR JI LTAR BDAG MED PA SGRUB PAR BYED PA DE BZHIN DU BDAG MED PA SGRUB PAR BYED DO ZHES SMRAS PAR 'GYUR TE, MNGON PAR BRJOD PA LA MKHAS PA DE LTA BU LTA SU ZHIG LA YOD PAR 'GYUR, DE LTA BAS NA CHOS THAMS CAD DON DAM PAR NGO BO NYID MED PA NYID DU GRUB PA KHO NA YIN NO, ,GTAN TSIGS 'DI NI BCOM LDAN 'DAS NYID KYIS BKA' STZAL TE, DPER NA ME LONG NGOS LA NI, ,GCIG DANG GZHAN NYID SPANGS PA'I GZUGS, ,SNANG YANG DE NA YOD MIN LTAR, ,DNGOS LA NGO BO NYID DE BZHIN, ,ZHES BSHAD PA GANG YIN PA'O, ,DE'I PHYIR RANG BZHIN MED PAR BSGRUB PAR BYA BA LA GTAN TSIGS CUNG ZAD KYANG MED DO ZHES SMRAS PA GANG YIN PA DE YANG LAN BTAB @222B PA YIN NO, ,GANG YANG GAL TE RNAM PAR SHES PA YANG CHOS GZHAN BZHIN DU NGO BO NYID MED PA YIN NA DE'I TSE DE YANG BRDZUN PA'I PHYIR RNAL 'BYOR PA RNAMS KYIS DE LAS GZHAN PA'I CHOS BZHIN DU SPONG BAR BYED PAR 'GYUR RO, ,DE BYED NA NI RNAL 'BYOR BA YANG MED, RNAL 'BYOR PA'I SHES PA YANG MED; DES DE KHO NA NYID RTOGS PA'ANG MED, SANGS RGYAS BCOM LDAN 'DAS RNAMS KYI MI GNAS PA'I MYA NGAN LAS 'DAS PA YANG MED, RNAM PA THAMS CAD MKHYEN PA'I YE SHES KYANG MED DE, DE'I PHYIR RNAM PAR GZHAG PA THAMS CAD ZHIG PAR 'GYUR ZHES BYA BA LA SOGS PA SMRAS PA DE YANG RIGS PA MA YIN TE, GAL TE THAL BA 'DI DE LAS BDEN PAR MNGON PAR ZHEN PA SPONG BA'I SGO NAS SPONG BA YIN PAR BRJOD PA YIN NA NI DGA' DGUR BRJOD LA RAG GO, ,DE LTAR 'DOD PA'I PHYIR THAL BA NI MA YIN PA NYID DE, DE'I MTSAN NYID NI MI 'DOD PAR BYED PA YIN PA'I PHYIR RO, ,'ON TE THAL BA RNAM PA THAMS CAD DU YONGS SU 'DOR BA YIN PAR BRJOD NA NI DE'I TSE GTAN TSIGS MA NGES PA NYID YIN TE, BSGRUB PAR BYA BA LAS BZLOG PA GNOD PA CAN GYI TSAD MA MED PA'I PHYIR RO, ,BRDZUN ZHES TE DE RNAM PA THAMS CAD DU SPANG BAR BYA'O ZHES BYA BA 'DI LA RGYU CI YANG MED DE, SGYU MA BRDZUN PA NYID YIN YANG DGOS PA'I DBANG GIS SGYU MA MKHAN RNAMS BZHIN DU BRTEN PA'I PHYIR RO, ,BRDZUN PA GANG DAG NAM YANG RANG DANG GZHAN GYI DON DU NYE BAR SBYOR BAR MI 'GYUR BA DE DAG NI RNAL 'BYOR PA RNAMS KYIS THAMS CAD DU YONGS SU DOR BA'I MTSAN NYID KYI SPANG BAR BRJOD DO ZHES BYA BAR RIGS KYI, GANG DAG MNGON SUM MAM, BRGYUD PAS RANG DANG GZHAN LA DGOS PA'I YON TAN CAN DE DAG SNYING BRTZE BA CHEN PO CAN GZHAN LA PHAN PA BSKYED PA'I THABS THOB PA RNAMS KYIS JI LTAR DUS THAMS CAD DU YONGS SU SPONG BAR 'GYUR, DE LTA BAS NA ZHING YONGS SU DAG PA DANG GZUGS KYI SKU SPRUL PA LA SOGS PA GANG CUNG ZAD GZHAN LA DGOS PA NYID DU 'GYUR BA DE THAMS CAD NI BCOM LDAN 'DAS RNAMS KYIS PHYIN CI LOG SPANGS PA'I SGO NAS SPANGS KYANG 'KHOR BA JI SRID PAR MI LDOG PA NYID DE, DE DAG GIS SGYU MA MKHAN BZHIN DU THAMS CAD BRDZUN PA NYID DU THUGS SU CHUD KYANG, GZHAN LA PHAN @223A *, ,PA'I THABS YIN PA'I PHYIR RNAM PAR MI 'DOR RO, ,'DI DAG LA PHYIN CI LOG LA CHAGS PA YANG MED DE, YANG DAG PA JI LTA BA BZHIN RTOGS PA'I PHYIR RO, ,DE SKAD DU 'PHAGS PA CHOS YANG DAG PAR SDUD PA LAS KYANG, DPER NA SGYU MA'I MKHAN PO 'GA', ,SGYU MA THAR PAR BYA PHYIR BRTZON, ,GANG PHYIR DPE 'DI SNGON SHES PAS, ,SGYU MA LA NI 'DI MI CHAGS, ,DE BZHIN SRID GSUM SGYU MA LTAR, ,RDZOGS PA'I BYANG CHUB MKHAS PAS MKHYEN, ,'GRO BA'I DON DU GO BGOS TE, ,'GRO BA SNGA NAS MKHYEN PA YIN, ,ZHES GSUNGS SO, ,DNGOS PO NYID KHO NA BLANG BA'I RGYU YANG MA YIN LA, DNGOS PO MED PA NYID YONGS SU DOR BA'I RGYU YANG MA YIN TE, 'DI LTAR NYAN THOS DNGOS PO'I 'DU SHES CAN RNAMS KYANG BDEN PA DANG PO GNYIS NI RNAM PAR SPONG LA, BDEN PA GSUM PA NI DNGOS PO MED KYANG LEN TO, ,RNAL 'BYOR PA THUGS RJES NON PA'I YID KYIS GZHAN GYI DON GYI CHED DU GLANG PO CHE LA SOGS PA BRDZUN PA SPRUL PA YANG RNAM PA SNA TSOGS BSGRUB BO, ,DE LA SNYING BRTZE BA CHEN POS GZHAN GYI DBANG GIS GZHAN LA PHAN PA DANG BDE BA MA LUS PA'I THABS BYAS PA, SHES RAB KYI SNANG BA PHUL DU PHYIN PAS KUN TU RMONGS PA'I MUN PA MA LUS PAR BSAL BA, GZHAN LA PHAN PAR BZHED PA'I BLO GROS DANG LDAN PA RNAMS NI PHYIN CI LOG MA LUS PAR SPANGS KYANG SNGON GYI SMON LAM GYI DBANG GIS SEMS CAN DANG, LAS DANG, NYON MONGS PA DANG, NAM MKHA'I MTHAR THUG PA JI TZAM PAR GNAS PAR 'DOD PA KHO NA'O, ,'DI LTAR DNGOS PO THAMS CAD DON DAM PAR NGO BO NYID MED PA KHO NA YIN YANG SGYU MA BZHIN DU RANG GI RGYU DANG RKYEN TSOGS PA'I GZHAN GYI DBANG KHO NA LAS 'BYUNG NGO, ,RGYU DANG LDAN PA ZHES DE DAG DNGOS PO YOD PAR 'GYUR BA NI MA YIN TE, RJES SU 'GRO BA MA GRUB PA'I PHYIR DANG, SGYU MA LA SOGS PAS KYANG 'KHRUL PA'I PHYIR RO, ,BRDZUN PA YANG GANG ZHIG LA RANG DANG 'TSAM PA'I RGYU RGYUD PA MED PA DE NI THA SNYAD DU YANG 'BYUNG BA MED DO ZHES SNGAR BSHAD ZIN TO, ,DE'I PHYIR JI LTAR SGYU MA LA SOGS PA RANG GI RGYU TSOGS PA'I GZHAN GYI DBANG GIS 'BYUNG BA DE BZHIN DU RNAL 'BYOR PA RNAMS KYI YE SHES LA SOGS PA'I SGYU MA MA BRTAGS NA DGA' BA DAG @223B KYANG 'BYUNG BA KHO NA'O, ,DE LA RNAL 'BYOR PA'I YE SHES LA SOGS PA'I SGYU MA'I RGYU NI BSOD NAMS DANG YE SHES KYI TSOGS KYI BDAG NYID JI LTA BA'I RJES SU MTHUN PA YIN NO, ,BCOM LDAN 'DAS RNAMS KYIS MI GNAS PA'I MYA NGAN LAS 'DAS PA'I RGYU NI MDOR NA THUGS BRTZE BA DANG, SHES RAB DAG YIN TE, DE DAG THUGS BRTZE BAS NI MYA NGAN LAS 'DAS PA DE GCIG PU ZHI BAR THUGS SU CHUD KYANG NYAN THOS LA SOGS PA BZHIN DU MNGON SUM DU MI MDZAD DO, ,SHES RAB KYIS NI KUN NAS NYON MONGS PA MA LUS PA'I RGYU KUN TU RMONGS PA'I GO SKABS THAG BSRINGS PA'I PHYIR 'KHOR BAR GTOGS PA'I NYES PA'I DRI MAS MA SPAGS PA'I SGO NAS 'KHOR BAR MI LTUNG BAS 'DI DAG GNYI GA LA MI GNAS PAR GRUB PA KHO NA'O, ,DE NYID KYI PHYIR THABS DANG SHES RAB ZUNG DU 'BREL PAR RGYU BA NI MI GNAS PA'I MYA NGAN LAS 'DAS PA'I RGYU YIN PA'I PHYIR BYANG CHUB SEMS DPA' RNAMS KYI LAM ZHES BYA STE, DE DANG BRAL BA RNAMS NYAN THOS LA SOGS PA'I SAR LTUNG BA'I PHYIR TE, JI SKAD DU SH'A RI'I BU GZHAN YANG BYANG CHUB SEMS DPA' RNAMS KYI LAM STONG PA NYID DANG MTSAN MA MED PA YOD DE, SHES RAB KYI PHA ROL TU PHYIN PA DANG BRAL BA THABS LA MKHAS PAS YONGS SU MA ZIN PA DE DAG NI YANG DAG PA'I MTHA' MNGON SUM DU BYAS NA NYAN THOS SAM, RANG SANGS RGYAS SU 'GYUR RO ZHES GSUNGS PA LTA BU'O, ,SNANG BA DANG BCAS PA'I YE SHES LA SOGS PAS NI 'JIG RTEN JI LTA BA BZHIN DU GZIGS TE, DE YANG 'DI LTAR RNAL 'BYOR PA'I TING NGE 'DZIN MTHU BSAM GYIS MI KHYAB PA DANG LDAN PA'I PHYIR DNGOS PO'I RIGS JI LTAR SNANG BA MA LUS PA LAG MTHIL DU SKYU RU RA'I 'BRU BZHAG PA BZHIN DU DON DAM PA DANG KUN RDZOB KYI BDEN PA'I RNAM PAR RNAM PA THAMS CAD MNGON SUM KHO NAR THUGS SU CHUD DO, ,DE'I PHYIR BCOM LDAN 'DAS KYIS RNAM PA THAMS CAD MKHYEN PA'I YE SHES SU RNAM PAR GZHAG GO, ,RNAL 'BYOR PA RNAMS KYIS 'JIG RTEN LAS 'DAS PA'I YE SHES DAM PA SPROS PA THAMS CAD DANG BRAL BA, CHOS MA LUS PA SNANG BA MED PA, YANG DAG PA'I DON BSGOM PA RAB KYI MTHA' LAS SKYES PA GANG YIN PA DES NI DE KHO NA NYID THUGS SU CHUD PAR 'GYUR BAR SPRUL PA BZHIN DU THA @224A *, ,SNYAD DU THAMS CAD YOD PA'I PHYIR DNGOS PO'I RIGS JI LTAR THAMS CAD MKHYEN PA LA SOGS PA'I RNAM PAR GZHAG PA ZHIG PA MED DE DON DAM PAR NI MA YIN NO, ,DE NYID KYI PHYIR BCOM LDAN 'DAS MA LAS, BCOM LDAN 'DAS GAL TE CHOS THAMS CAD SPRUL PA LTA BU LAGS NA DE BZHIN GSHEGS PA DANG SPRUL PA YANG KHYAD PAR CI MCHIS, BCOM LDAN 'DAS KYIS BKA' STZAL PA, KHYAD PAR CI YANG MED DE, DE CI'I PHYIR ZHE NA, DE BZHIN GSHEGS PA PHRIN LAS MDZAD PA GANG YIN PA DE SPRUL PA YANG BYED DE, DE BZHIN GSHEGS PA YONGS SU MYA NGAN LAS 'DAS KYANG DE BZHIN GSHEGS PA'I SPRUL PA LA SOGS PA BYED DO, ,SPRUL PA LA NI 'BYUNG BA'AM, YONGS SU MYA NGAN LAS 'DAS PA 'GA' YANG MED DO, ,DE LTAR NA BYANG CHUB SEMS DPA' CHOS THAMS CAD SPRUL PA LTA BUR MOS PAR BYAS TE, SHES RAB KYI PHA ROL TU PHYIN PA LA SPYAD PAR BYA'O ZHES BSHAD DO, ,GANG YANG GZUGS LA SOGS PA NI YUL DANG DUS DANG GNAS SKABS THA DAD PA'I SGO NAS MNGON SUM DU GSAL RAB TU SNANG BA'I PHYIR NGO BO NYID DANG BCAS PAR NGES TE, DE'I PHYIR RE ZHIG DANG POR DAM BCAS PA LA MNGON SUM GYI GNOD PA YIN NO ZHES SMRAS PA DE YANG RIGS PA MA YIN TE, YUL DANG DUS LA SOGS PA THA DAD PA'I SGO NAS SNANG BA TZAM KHO NAS NI MNGON SUM NYID DU RIGS PA MA YIN TE, RMI LAM LA SOGS PA NA YANG DE LTAR SNANG BA'I PHYIR RO, ,DNGOS PO RNAMS NI DON DAM PAR NGO BO NYID MED PAR SGRUB PAR 'DOD LA, DON DAM PA PA'I NGO BO NYID NI MNGON SUM DU MA GRUB PO ZHES SNGAR BSTAN ZIN TO, ,GZHAN YANG GAL TE NOR BA'I MNGON SUM LA SNANG BA'I PHYIR ZHES TE, MNGON SUM GYIS GNOD PAR 'DOD NA NI DE GNOD PA MA YIN PA NYID DE, 'DI RAB RIB CAN LA SOGS PA'I MNGON SUM GYIS MIG LAM DU GNAS PAS DMIGS PA ZLA BA GCIG LA SOGS PA LA GNOD PAR NI RIGS PA MA YIN NO, ,'ON TE MA 'KHRUL PA'I MNGON SUM LA SNANG BA'I PHYIR ZHES BYA BAR 'DOD NA DE NI MA GRUB PA YIN TE, TSU ROL MTHONG BA RNAMS KYI MNGON SUM NI DE KHO NA NYID KYI DON LA MA 'KHRUL PA MED DO ZHES SNGAR BSTAN ZIN TO, ,BCOM LDAN 'DAS KYIS KYANG, MIG DANG RNA BA SNA YANG @224B TSAD MA MIN, ,LCE DANG LUS DANG SEMS KYANG TSAD MA MIN, ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ,'DI LTAR DBANG PO 'DI DAG TSAD MIN TE, ,NGO BO NYID KYIS BEMS PO LUNG MA BSTAN, ,DE PHYIR MYA NGAN 'DAS PA'I LAM 'DOD GANG, ,DES NI 'PHAGS PA'I LAM GYIS BYA BA BYOS, ,ZHES BSHAD DO, ,DE LTA BAS NA, DE BZHIN GSHEGS PA'I MNGON SUM NYID 'BA' ZHIG DON DAM PA LA MA 'KHRUL PA YIN NO, ,DE DAG GIS NI YANG DAG PA'I DNGOS PO CUNG ZAD KYANG MA DMIGS TE, JI SKAD DU RAB 'BYOR 'DI LTAR SKYES BU RMONGS PA LONG BA MIG MED PA DE DAG NI, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA NAS, RNAM PA THAMS CAD MKHYEN PA NYID KYI YE SHES KYI BAR GANG, DE BZHIN GSHEGS PA'I SPYAN LNGAS MA DMIGS PA DE LA YOD PAR 'DOD DO ZHES BYA BA RGYAS PAR GSUNGS PA LTA BU'O, ,GANG YANG DAM BCAS PA LA RJES SU DPAG PAS GNOD PA YANG YIN NO ZHES SMRAS PA DE YANG RIGS PA MA YIN TE, RJES SU DPAG PA LAS DNGOS PO'I NGO BO NYID YANG DAG PA NI CUNG ZAD KYANG MA GRUB STE, TSAD MAS GNOD PA YIN NO ZHES SNGAR BSTAN ZIN TO, ,'JIG RTEN NA DU BA LA SOGS PA'I RTAGS LAS, ME LA SOGS PAR NGES PA GANG YIN PA DE YANG MI LA SOGS PA YANG DAG PA PA'I YUL YANG MA YIN TE, RMI LAM NA YANG NGES PA DE LTA BU SRID PA'I PHYIR TE, YANG DAG PA PA'I ME DANG DU BA LA SOGS PA SNGAR BKAG PAS GANG YANG MED PA'I PHYIR DANG, DNGOS PO KUN RDZOB PA SGYU MA BZHIN DU RGYU DANG RKYEN LA LTOS PA YANG YOD PA'I PHYIR RO, ,DE'I PHYIR RES 'GA' BA NYID MI 'GAL BA KHO NA STE, GANG DAG DNGOS PO RNAMS RGYU MED PA KHO NAR SKYE BAR KHAS LEN PA DE DAG LA NGES 'GA' BA NYID 'GAL GYI, SKYE BA RGYU DANG BCAS PAR SMRA BA RNAMS LA NI MA YIN NO, ,DON DAM PAR NI SKYE BA MED PA'I PHYIR RES 'GA' BA NYID MA GRUB PA KHO NA'O, ,GANG YANG SUM CU RTZA GSUM PA'I GRONG KHYER GANG DAG YIN PA ZHES BYA BA LA SOGS PA SMRAS PA DE YANG MI 'GAL BA KHO NA STE, THA SNYAD DU THAMS CAD YOD PA'I PHYIR RO, ,DNGOS PO RNAMS RUS SBAL GYI SPU LA SOGS PA BZHIN DU GTAN MED PA'I NGO BOR DAM BCA' BA NI @225A *, ,MA YIN NO, ,'O NA CI ZHE NA, SGYU MA DANG RMI LAM LA SOGS PA'I NGO BO NYID LTA BU STE, DE BZHIN DU BCOM LDAN 'DAS KYIS KYANG, BLO GROS CHEN PO BYANG CHUB SEMS DPA' CHOS THAMS CAD NGO BO NYID MED PA'O ZHES DAM BCA' BAR MI BYA'O, ,'O NA CI ZHE NA, BLO GROS CHEN PO SNANG BA DANG MI SNANG BA'I MTSAN NYID KYI PHYIR BYANG CHUB SEMS DPA' CHOS THAMS CAD SGYU MA DANG RMI LAM LTA BUR BSTAN PAR BYA'O ZHES GSUNGS SO, ,DE LA MDO'I DON NI 'DI SNANG BA'I MTSAN NYID NI THA SNYAD DU'O, ,MI SNANG BA'I MTSAN NYID NI DON DAM PA KHO NA'O ZHES BYA BAR MNGON NO, ,DE YANG, KUN RDZOB TU NI THAMS CAD YOD, ,DAM PA'I DON DU YOD MA YIN, ,CHOS RNAMS NGO BO NYID MED PA, ,DAM PA'I DON DU NYE BAR BSTAN, ,CES GSUNGS SO, ,DE'I PHYIR BCOM LDAN 'DAS KYIS CHOS THAMS CAD THA SNYAD LA BRTEN TE BSHAD PAS 'GAL BA MED DO, ,DE SKAD DU BCOM LDAN 'DAS MA LAS KYANG YANG BYANG CHUB SEMS DPA' SEMS DPA' CHEN PO NI 'JIG RTEN GYI BRTAGS PA LA BRTEN NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'I, DON DAM PAR NI GANG BYANG CHUB PAR BYA BA'I PHYIR SPYOD PAR 'GYUR BA GZUGS SAM, TSOR BA'AM, 'DU SHES SAM, 'DU BYED DAM, RNAM PAR SHES PA YANG CUNG ZAD KYANG YOD PA MA YIN LA, DE BZHIN DU KHAMS BCO BRGYAD DANG, REG PA DRUG DANG, TSOR BA DRUG DANG, KHAMS DRUG DANG, RTEN CING 'BREL PAR 'BYUNG BA'I YAN LAG BCU GNYIS DANG, PHA ROL TU PHYIN PA DANG, STONG PA NYID DANG, DRAN PA NYE BAR GZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA DANG, BDEN PA RNAMS DANG, BSAM GTAN RNAMS DANG, TSAD MED PA RNAMS DANG, GZUGS MED PA RNAMS DANG, RNAM PAR THAR PA'I SGO RNAMS DANG, MTHAR GYIS GNAS PA'I SNYOMS PAR 'JUG PA RNAMS DANG, MNGON PAR SHES PA RNAMS DANG, TING NGE 'DZIN DANG, GZUNGS KYI SGO RNAMS DANG, DE BZHIN GSHEGS PA'I STOBS RNAMS DANG, SO SO YANG @225B DAG PAR RIG PA RNAMS DANG, THUGS RJE CHEN PO DANG, SANGS RGYAS KYI CHOS MA 'DRES PA RNAMS DANG, 'BRAS BU BZHI DANG, LAM GYI RNAM PA SHES PA NYID DANG, BLA NA MED PA YANG DAG PAR RDZOGS PA'I BYANG CHUB KYANG MED DE, CHOS 'DI DAG THAMS CAD NI 'JIG RTEN GYI THA SNYAD LA BRTEN NAS BRTAGS KYI; DON DAM PAR NI MA YIN NO ZHES GSUNGS SO, ,GANG GZUGS NAS RNAM PA THAMS CAD MKHYEN PA'I BAR GANG YIN PA'I CHOS 'DI DAG THAMS CAD NI YANG DAG PAR LDAN PA YANG MA YIN BRAL BA YANG MA YIN TE, GZUGS MED PA, BSTAN DU MED PA, THOGS PA MED PA, MTSAN NYID MED PA, STE; DE DAG NI DE BZHIN GSHEGS PAS SEMS CAN RNAMS GZUNG BA'I DON DU 'JIG RTEN GYI THA SNYAD DU BRJOD PA 'BA' ZHIG TU ZAD KYI, DON DAM PAR NI MA YIN NO ZHES GSUNGS SO, ,YANG 'JIG RTEN GYI KUN RDZOB TU THOB PA DANG, MNGON PAR RTOGS PA DANG 'GRO BA LNGA'I BYE BRAG KYANG SNGON GYI DON DAM PAR NI MA YIN NO, ,DON DAM PAR NI LAS KYANG MED, LAS KYI RNAM PAR SMIN PA YANG MED, KUN NAS NYON MONGS PA YANG MED, RNAM PAR BYANG BA YANG MED, SKYE BA YANG MED, 'GAG PA YANG MED DO ZHES GSUNGS SO, ,DE'I PHYIR 'DI LTAR BCOM LDAN 'DAS KYIS, DON DAM PAR NI KUN NAS NYON MONGS PA DANG, RNAM PAR BYANG BA LA SOGS PA 'DI THAMS CAD BKAG PA'I PHYIR LA, THA SNYAD DU NI ZHAL GYIS BZHES PAS DE BZHIN DU MA BKAG PA'I PHYIR KHAS BLANGS PA LA GNOD PA MA YIN NO, ,BCOM LDAN 'DAS KYIS KYANG GZHAN DU JI LTAR RMI LAM NA SBRUL MTHO [?] NAS BRGYAL BA DANG DE DANG BRAL BZHIN DU KUN NAS NYON MONGS PA DANG, RNAM PAR BYANG BA DAG BRDZUN PA KHO NAR BRJOD DO, ,BDEN PA BZHI LA SKUR PA 'DEBS PA'I NYES PA YANG MED DE, BCOM LDAN 'DAS KYIS THEG PA CHEN PO LAS GZHAN DU RNAM PAR BSHAD PA'I PHYIR TE, 'PHAGS PA TSANGS PAS ZHUS PA LAS, JI SKAD DU SDUG BSNGAL BA DANG, KUN 'BYUNG BA DANG, 'GOG PA DANG, LAM NI 'PHAGS PA RNAMS KYI BDEN PA NI MA YIN NO, ,TSANGS PA 'ON KYANG SDUG BSNGAL SKYE BA MED PA GANG YIN PA 'DI NI 'PHAGS PA RNAMS KYI BDEN PA YIN NO, ,KUN 'BYUNG KUN DU 'BYUNG BA MED PA GANG YIN PA @226A *, ,'DI NI 'PHAGS PA RNAMS KYI BDEN PA YIN NO, ,SHIN TU 'GAGS PA DAG LA SKYE BA MED CING 'GAGS PA MED PA GANG YIN PA 'DI NI 'PHAGS PA RNAMS KYI BDEN PA YIN NO, ,CHOS THAMS CAD GNYIS SU MED PAR MNYAM ZHING LAM BSGOMS PA GANG YIN PA 'DI NI 'PHAGS PA RNAMS KYI BDEN PA YIN NO ZHES GSUNGS PA LTA BU'O, ,DE'I PHYIR DON DAM PAR SDUG BSNGAL LA SOGS PA'I BDEN PA YOD PA MA YIN GYI, NYAN THOS RNAMS KYI DBANG DU MDZAD NAS 'KHOR BA LAS YID 'BYUNG BAR BYA BA'I PHYIR DANG, GANG ZAG LA BDAG MED PA'I DE KHO NA NYID TZAM LA GZUD PA'I PHYIR LA, DE MI RTAG PA LA SOGS PA'I NGO BOR BSTAN PA 'BA' ZHIG TU ZAD KYI, BDAG MED PA GNYI GA BSTAN PA'I DBANG DU MDZAD PA NI MA YIN NO ZHES BYA BAR SHES PAR BYA'O, ,GANG YANG BSKYED PAR BYA BA DANG, SKYED PAR BYED PA'I DNGOS PO'I NGO BO NYID NI GNAG RDZI'I CHUNG MA YAN CHAD KYI SKYE BO LA GRAGS PAS DE'I PHYIR GRAGS PAS GNOD PA YANG YIN NO ZHES SMRAS PA DE YANG 'BREL PA MED PA YIN TE, DON DAM PA'I NGO BO NYID LA SOGS PA SKYE BO PHAL PA LA MA GRAGS PA'I PHYIR RO, ,DE GRAGS NA NI DE DAG SKYE BO PHAL PA NYID DU YANG MI 'GYUR RO, ,RMI LAM [?] LA SOGS PA BZHIN DU BRDZUN PA'I NGO BO YANG GRAGS PAR SRID PA'I PHYIR RO, , GRAGS PA NI MNGON SUM DANG RJES SU DPAG PA DAG LAS TSAD MA GZHAN YANG MA YIN NO, ,DE'I KHONGS SU 'DUS NA NI DE DANG 'GAL BA YONGS SU SPANGS PAS DES GNOD PA YANG YONGS SU SPANGS PA YIN NO, ,GANG YANG GZHAN DAG NGES PA SKYED PAR 'DOD NAS GTAN TSIGS SBYOR BAR 'DOD PAS DE LAS NGES PA SKYE BAR KHAS BLANGS PA'I PHYIR RANG GI TSIG DANG 'GAL BA YANG YIN NO ZHES SMRAS PA DE YANG MI 'GAL BA NYID DE, NGES PA BSKYED PAR BYA BA'I PHYIR GTAN TSIGS SBYOR BA YANG DE LAS NGES PA DON DAM PAR SKYE BAR KHAS BLANGS PAR NI MI 'GYUR RO, ,'O NA CI ZHE NA, SKYES PA TZAM YIN GYI, SKYE BA'I KHYAD PAR NI MA YIN NO, , 'DIR NI DON DAM PA'I SKYE BA BKAG PAS DNGOS PO RNAMS DON DAM PAR NGO BO NYID MED PAR BSGRUB PAR 'DOD KYI, SKYE BA TZAM BKAG PAS NI MA YIN NO, ,DE'I PHYIR GTAN TSIGS LAS NGES PA DON DAM PAR SKYE BA MED KYANG GZUGS LAS GZUGS BRNYAN BZHIN DU KUN RDZOB PA'I SKYE BA MI 'GAL BA KHO NA YIN PAS DAM BCAS @226B PA RANG GI TSIG DANG 'GAL BA MA YIN NO, ,GANG YANG BCOM LDAN 'DAS KYIS, MIG GI RNAM PAR SHES PA DANG LDAN PAS SNGON PO SHES KYI, SNGON PO'O SNYAM DU NI MA YIN NO ZHES GSUNGS PA GANG YIN PA DER YANG DBANG PO'I YUL THA SNYAD PA LAS DGONGS NAS 'DI GSUNGS TE, GZHAN LAS, MIG DANG RNA BA SNA YANG TSAD MA MIN, ,ZHES BYA BA LA SOGS PAS DBANG PO DRUG TSAD MA YIN PAR BKAG PA'I PHYIR TE, SNGAR BSTAN ZIN TO, ,'PHAGS PA SHES RAB KYI PHA ROL TU PHYIN PA LA SOGS PA LAS KYANG, GZUGS LA SOGS PA'I YUL BKAG PA'I PHYIR RO, ,'JIG RTEN GYI KUN RDZOB TU THAMS CAD BSTAN TO ZHES BCOM LDAN 'DAS NYID KYIS DGONGS PA RAB TU BSTAN PA'I YANG PHYIR RO, ,DMIGS PA CAN LA SHES RAB KYI PHA ROL TU PHYIN PA YONGS SU DAG PA MED DO ZHES KYANG GSUNGS LA, DMIGS PA DANG MI DMIGS PA DAG NI BYANG CHUB SEMS DPA' RNAMS KYI BLANG BAR BYA BA DANG, DOR BAR BYA BA YANG NYE BAR BSTAN TE, BCOM LDAN 'DAS MA LAS JI SKAD DU, BCOM LDAN 'DAS JI TZAM GYIS NA DMIGS PA LAGS, JI TZAM GYIS NA MI DMIGS PA LAGS, BCOM LDAN 'DAS KYIS BKA' STZAL PA, JI TZAM DU GNYIS YIN PA DE TZAM DU DMIGS PA YIN NO, ,GNYIS MED PA NI MI DMIGS PA YIN NO, ,GSOL PA, BCOM LDAN 'DAS JI TZAM GYIS NA GNYIS LAGS, BCOM LDAN 'DAS KYIS BKA' STZAL BA, RAB 'BYOR JI TZAM DU MING DANG GZUGS DANG, JI TZAM DU RNA BA DANG SGRA DANG ZHES BYA BA NAS SANGS RGYAS KYI BAR JI TZAM DU BLA NA MED PA YANG DAG PAR RDZOGS PA'I BYANG CHUB DANG, SANGS RGYAS ZHES BYA BA 'DI NI GNYIS YIN NO ZHES GSUNGS PA LTA BU'O, ,YANG GNYIS SU 'DU SHES PA LA NI RJES SU MTHUN PA'I BZOD PA YANG MED NA ZHES GSUNGS SO, ,'PHAGS PA CHOS THAMS CAD YANG DAG PAR SDUD PA LAS KYANG CHOS THAMS CAD NI DMIGS PA MED PA STE, DE LA NI LTA BA MI 'BYUNG NGO ZHES GSUNGS SO, ,DE LTA BAS NA THA SNYAD PA'I MIG LA SOGS PA LAS DGONGS TE, BDAG NYID LTA BA PO NAS SHES PA PO'I BAR YIN NO ZHES GRAGS PA LA SOGS PAR LTA BA DGAG PA'I PHYIR GANG ZAG LA BDAG MED PA TZAM LA GZUD PA'I DGONGS PAS MIG LA SOGS PA BSTAN TO, ,GANG GIS NA 'DI DAG THAMS CAD DU YANG MI SNANG BAR 'GYUR BA NAM MKHA'I AUTPALA LA YOD PA'I SNGON PO LA @227A *, ,SOGS PA BZHIN DU SNGON PO LA SOGS PA'I GZUGS SNANG BA KUN RDZOB PA YANG GTAN MED PA NI MA YIN NO, ,GANG YANG GANG CUNG ZAD KUN 'BYUNG BA'I CHOS CAN DE THAMS CAD NI 'GOG PA'I CHOS CAN NO ZHES BYA BA'I RJES SU DPAG PA 'DIS DNGOS PO RNAMS YANG DAG PAR NI SKAD CIG MAR GNAS PA'I CHOS CAN DU GRUB BO ZHES BYA BAR NYE BAR BSTAN TO ZHES SMRAS PA GANG YIN PA DE YANG SKYE BA DANG 'JIG PA'I CHOS CAN NYID RTOGS PA'I SGO NAS BDAG MED PA LA 'JUG PA'I PHYIR NYAN THOS RNAMS KYI DBANG DU MDZAD NAS GANG ZAG LA BDAG MED PA LA GZHUG PA'I DGONGS PAS GSUNGS KYI, DE BYANG CHUB SEMS DPA' RNAMS KYI DBANG DU MDZAD NAS CHOS KYI DE KHO NA NYID ZAB MO'I GTAM LA BRTEN NAS GSUNGS PA NI MA YIN TE, BCOM LDAN 'DAS KYIS DE DAG LA 'DU BYED RNAMS YANG DAG PAR SKYE BA DANG 'JIG PA'I NGO BOR YANG DAG PAR RJES SU LTA BA DANG NYE BAR STON PA NI SHES RAB KYI PHA ROL TU PHYIN PA LTAR NYE BAR BCOS PA YIN NO ZHES GSUNGS LA, 'DUS BYAS DANG 'DUS MA BYAS LA SOGS PA'I MTHA' GNYIS DANG BRAL BA NI DE DAG GI BLA NA MED PA'I BYANG CHUB THOB PAR BYED PA'I LAM YIN NO ZHES NYE BAR BSTAN TO, ,DE BZHIN GSHEGS PAS 'PHAGS PA CHOS YANG DAG PAR SDUD PA LAS NI SKRAG PA'I GNAS YONGS SU SPANG PA'I PHYIR THA SNYAD KYI DBANG GIS SKYE BA DANG 'GAG PA'I CHOS RNAMS BSHAD DO ZHES GSUNGS SO, ,SLOB DPON GYIS KYANG, SKYE BA DANG NI 'JIG PA'I LAM, ,DGOS PA'I DON DU NYE BAR BSTAN, ,ZHES BSHAD DE, 'DI NI SNGAR BSTAN ZIN PA NYID DO, ,YANG, JI LTAR SGYU MA RMI LAM BZHIN, ,DRI ZA'I GRONG KHYER JI LTA BAR, ,DE BZHIN SKYE DANG DE BZHIN GNAS, ,DE BZHIN DU NI 'JIG PAR BSHAD, ,CES BSHAD DO, ,'PHAGS PA KLU'I RGYAL PO RGYA MTSOS ZHUS PA LAS KYANG, SNGON GYI MTHA' STONG PHYI MA'I MTHA' YANG STONG, ,SKYE DANG GNAS DANG 'JIG PA'I DNGOS PO STONG, ,'DI NI DNGOS PO YOD MIN MED PA'ANG MIN, ,CHOS RNAMS THAMS CAD NGO BO NYID KYIS STONG, ,ZHES GSUNGS SO, ,'DU BYED RNAMS KYI SKAD CIG LA NYID GANG YIN PA DE LA YANG DAG PA MA YIN NO ZHES BSTAN TE, 'PHAGS PA LAG BZANGS KYIS ZHUS PA LAS, JI SKAD DU, DE 'DAS PA DANG, MA 'ONGS PA DANG, DA LTAR BYUNG BA DUS GSUM YANG RAB TU SHES TE, DE LA 'DU @227B BYED 'DAS PA GANG DAG 'GAGS PA 'DI NI 'DAS PA'I DUS ZHES BYA'O, ,MA 'ONGS PA GANG DAG MA BYUNG BA DE'I MA 'ONGS PA'I DUS ZHES BYA'O, ,DA LTAR GYI GANG DAG SO SOR BYUNG BA 'DI NI DA LTAR GYI DUS ZHES BYA'O, ,DE LA DA LTAR BYUNG BA'I PHUNG PO DANG, KHAMS DANG, SKYE MCHED GANG YIN PA DE NI MI GNAS SHING GNAS PA MED DO ZHES BYA BAR RAB TU SHES SO, ,DE CI'I PHYIR ZHE NA, 'JIG RTEN NI SKAD CIG LAS PHAN TSUN DU MI GNAS SO, ,SKAD CIG MA GANG YIN PA DE NI SKYE BA'I DUS KYANG GZHAN, GNAS PA'I DUS KYANG GZHAN, 'GAG PA'I DUS KYANG GZHAN TE, SKAD CIG MA DE NI MI GNAS SHING GNAS PA MED DO ZHES BYA BA LA SOGS PA GSUNGS PA LTA BU'O, ,'DIS NI SKAD CIG MA BRTAGS PA'I NGO BO KHO NA'O ZHES NYE BAR BSTAN TE, THOG MA DANG, BAR DANG, THA MA THA DAD PA'I BDAG NYID DU NYE BAR BSTAN PA'I PHYIR RO, ,SLOB DPON GYIS KYANG 'DI DAG RJES SU MTHUN PA KHO NAR BSHAD DE, JI LTAR SKAD CIG MTHA' YOD LTAR, ,THOG MA DBUS KYANG BRTAG PAR GYIS, ,SKAD CIG GSUM GYI BDAG NYID PHYIR, ,'JIG RTEN SKAD CIG LA MI GNAS, ,ZHES BYA BA YIN NO, ,GANG YANG BCOM LDAN 'DAS KYIS, DU BA LAS NI MER SHES TE, ,ZHES BYA BA LA SOGS PA GSUNGS PA GANG YIN PA DE YANG MDO GZHAN LAS, ME DANG DU BA LA SOGS 'BYUNG BA LA SOGS PA TSOGS PA YANG DAG PA PA SPYIR BKAG PA'I PHYIR YANG DAG PA PA'I DON GYI DBANG DU MDZAD PA MA YIN NO ZHES SNGAR BSTAN PA NYID DE, 'PHAGS PA LANG KAR GSHEGS PA LAS JI SKAD DU, GANG PHYIR 'DUS LAS MA GTOGS PA'I, ,DNGOS PO BLO YIS MI ZIN PA, , DE YI PHYIR NA MA SKYES SHING, ,NGO BO MED PAR NGA SMRA'O, ,DNGOS PO GCIG DANG GZHAN NYID DU, ,JI LTAR BYIS PAS RNAM BRTAGS LTAR, ,'DUS LAS GZHAN MIN MA YIN TE, ,GZHAN YANG GNAS PA YOD MA YIN, ,ZHES BSHAD PA LTA BU'O, ,'PHAGS PA STUG PO BKOD PA LAS KYANG, PHUNG PO MED CING KHAMS KYANG MED, ,CHOS KUN MTSAN NYID MED PA STE, ,PHRA RAB RDUL DU RNAM GZHIGS NA, ,DE DAG DE BZHIN GNAS PA MED, ,SA DANG CHU LA SOGS PA'I DNGOS, ,RTOGS PA CAN GYI SKYE BOS BRTAGS, ,ZHES GSUNGS SO, ,YANG, PHRA RAB RDUL DU RNAM PHYIN, ,DNGOS PO PHRA RAB KYANG MI GNAS, ,ZHES @228A *, ,GSUNGS SO, ,DE'I PHYIR SA LA SOGS PA BRTAGS PA'I NGO BO NYID YIN PA'I PHYIR, DE 'DUS PA'I NGO BO ME LA SOGS PA YANG BRTAGS PA'I NGO BO KHO NA YIN PAS ME DANG DU BA LA SOGS PA BRTAGS PA CAN DANG, BRTAGS PA'I NGO BOR BSTAN PA KUN RDZOB PA KHO NA YIN GYI, YANG DAG PA PA NI MA YIN NO, ,CHOS MNGON PA LA SOGS PA LAS, RGYU'I RKYEN LA SOGS PA BSHAD PA GANG YIN PA DE DAG KUN RDZOB KHO NA YIN GYI, YANG DAG PA PA NI MA YIN TE, DON DAM PAR 'GA' YANG SKYE BA MED NA DE DAG RGYU MED PA NYID DU MI 'THAD PA YIN TE, JI SKAD DU SNGAR BSTAN PA YIN NO, ,PHUNG PO LA SOGS PA BSTAN PA GANG DAG YIN PA DE DAG KYANG THA SNYAD KYI BDEN PA LA BRTEN NAS YIN NO ZHES SNGAR BSHAD ZIN PA NYID DO, ,'PHAGS PA CHOS YANG DAG PAR SDUD PA LAS KYANG, BYANG CHUB SEMS DPAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI THA SNYAD DU BSTAN PA RNAM PA BCUR RTOGS PAR BYA STE, RNAM PA BCU GANG ZHE NA, 'DI LTA STE, PHUNG PO BSTAN PA DANG, KHAMS BSTAN PA DANG, SKYE MCHED BSTAN PA DANG, SEMS CAN BSTAN PA DANG, LAS BSTAN PA DANG, SKYE BA BSTAN PA DANG, RGA BA BSTAN PA DANG, 'CHI BA BSTAN PA DANG, SHI BA NYING MTSAMS SBYOR BA BSTAN PA DANG, DE RAB TU ZHI BAR BYA BA'I PHYIR MYA NGAN LAS 'DAS PA BSTAN PA THA SNYAD DU BSTAN PA'O ZHES GSUNGS SO, ,RANG DANG GZHAN GYI GZHUNG LUGS LA GNAS PA RNAMS KYIS DE KHO NA NYID KYI DON DU NYE BAR BRTAGS PA PHUNG PO LA SOGS PA THAMS CAD KYANG DON DAM PAR NA SKYE BA MED PA LA SOGS PAR RAB TU BSGRUBS PAS DE'I PHYIR GRUB PA SGRUB PA NYID MA YIN NO, ,GANG YANG DE'I TSE DNGOS PO KHAS BLANGS PA KHO NAR 'GYUR RO ZHES BYA BA LA SOGS PA SMRAS PA DE YANG SNGAR LAN BTAB ZIN PA NYID DO, ,GANG YANG KUN RDZOB CES BYA BA 'DI NI CI YIN GAL TE THAMS CAD MED PA YIN NO ZHE NA, DE NI RIGS PA MA YIN TE, PHAN TSUN 'GAL BA'I PHYIR RO ZHES BYA BA SMRAS PA GANG YIN PA DE YANG RIGS PA MA YIN TE, KUN RDZOB NI RI BONG GI RVA BZHIN DU THAMS CAD MED PA'I NGO BO YANG MA YIN NO, ,'O NA CI ZHE NA, DNGOS PO YANG DAG PA NGO BO NYID MED PA DAG LA YANG DE LAS BZLOG PA'I RNAM PAR SGRO 'DOGS PAR 'KHRUL PA'I BLO GANG YIN PA DE NI KUN RDZOB CES BYA STE, @228B 'DI'AM 'DIS DE KHO NA NYID KUN TU SGRIB PA LTA BUR BYED 'GEGS PA LTA BUR BYED PA'I PHYIR RO, ,DE SKAD DU MDO LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS SO, ,DE LAS BYUNG BA'I PHYIR DES NYE BAR BSTAN PA'I DNGOS PO BRDZUN PA THAMS CAD NI KUN RDZOB PA KHO NA'O ZHES BYA'O, ,DE YANG THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG DAG PAR DNGOS PO'I NGO BO NYID LTA BUR NYE BAR STON PAR 'GYUR TE, DE'I PHYIR DE DAG GI BSAM PA'I DBANG GIS DNGOS PO BRDZUN PA'I NGO BO THAMS CAD NI KUN RDZOB TU YOD PA KHO NA'O ZHES BYA'O, ,'DI DAG YANG DAG PAR DNGOS PO'I NGO BO NYID KYANG MA YIN TE, JI LTAR SNANG BA DE KHO NA NYID MA YIN PA'I PHYIR RO, ,RI BONG GI RVA BZHIN DU GTAN MED PA'I NGO BO NYID KYANG MA YIN TE, MA BRTAGS NA DGA' BA'I RNAM PAR SNANG BA'I PHYIR RO, ,JI SKAD BSHAD PA'I KUN RDZOB PA NI DNGOS PO'I NGO BO NYID KYANG MA YIN TE, PHYIN CI LOG PA'I RNAM PAR NYE BAR 'DZIN PAR SNANG BA'I PHYIR RO, ,DE NYID DANG NI GZHAN NYID DAG NI PHAN TSUN SPANGS TE GNAS PA'I MTSAN NYID KYIS DE NYID GZHAN NYID DU 'GYUR BAR 'GAL BAR 'GYUR RO ZHES SNGAR BSTAN ZIN PA'I PHYIR RO, ,DE GTAN MED PA'I NGO BO NYID KYANG MA YIN TE SNANG BA'I PHYIR RO, ,DE'I PHYIR DNGOS PO THAMS CAD NI YOD PA DANG MED PA GNYI GA'I NGO BO LAS 'DAS PA YIN NO, ,DES NA DNGOS PO DANG DNGOS PO MED PA GNYI GA'I NGO BO LA BRTEN PA'I KLAN KA GANG YIN PA DE DAG THAMS CAD GNAS PA MED PA NYID DE, DNGOS PO KHO NA LA GCIG BSGRUB PA DANG, DGAG PA CIG SHOS DGAG PA DANG, BSGRUB PA MED NA MED PA YIN PA'I PHYIR GNYI GA MA YIN PA'I NGO BO NYID 'GAL GYI, ,DNGOS PO MED PA LA NI MA YIN NO, ,DE LA NI NGO BO NYID GCIG KYANG MA GRUB PAS GNYI GA MA YIN PA'I NGO BOR RNAM PAR GZHAG PA'I PHYIR TE, DE'I PHYIR GNYI GA MA YIN PA'I PHYOGS LA 'GAL BA MED DO, ,LTOS PA'I BYE BRAG GIS NUS PA DANG MI NUS PA LA SOGS PA 'GAL BA YANG MI SRID PA NYID DE, MI NUS PA LA SOGS PA NI DON DAM PA'I BDEN PA LA BRTEN NAS RNAM PAR BZHAG LA, NUS PA LA SOGS PA NI KUN RDZOB KYI BDEN PA LA BRTEN NAS RNAM PAR @229A *, ,GZHAG GO, ,SGYU MA'I SKYES BU LA SOGS PA BZHIN DU DNGOS PO THAMS CAD LA RNAM PAR SHES PA 'KHRUL PA'AM, MA 'KHRUL PAS RNAM PAR GZHAG PA'I NGO BO NYID KYIS GO RIMS BZHIN DU BDEN PA GNYIS RNAM PAR DBYE BA RNAM PAR GZHAG STE, 'DI LTAR SGYU MA'I SKYES BU LA SOGS PA LA 'KHRUL PA'I RNAM PAR SHES PA DANG LDAN PA'I MI DAG GIS GZHAG PA'I NGO BO JI LTA BA DE BZHIN DU DNGOS PO THAMS CAD LA YANG BRDZUN PA'I RNAM PA CAN GYI SHES PAS SGRO BTAGS PA'I NGO BO GANG YIN PA DE NI KUN RDZOB KYI BDEN PA'O ZHES THA SNYAD GDAGS LA, SGYU MA'I SKYES BU LA SOGS PA DE NYID LA RNAM PAR SHES PA MA 'KHRUL PA CAN DAG GIS GZHAG PA'I NGO BO JI LTA BA DE BZHIN DU DNGOS PO THAMS CAD LA YANG DAG PA'I TSAD MA YONGS SU GTAN LA PHAB PA'I NGO BO GANG YIN PA DE NI DON DAM PA'I BDEN PA YIN NO, ,DE'I PHYIR SGYU MA LA SOGS PA'I THA SNYAD BZHIN DU LTOS PA'I BYE BRAG GIS BDEN PA GNYIS LA BRTEN PA'I THA SNYAD 'DI THAMS CAD MI 'GAL LO, ,GDON MI ZA BAR DE LTAR KHONG DU CHUD PAR BYA'O, ,DE LTA MA YIN NA RAB RIB CAN LA SOGS PAS DMIGS PA'I SKRA LA SOGS PA DANG, RNAM PAR SHES PAR SMRA BA RNAMS KYI GNYIS KYI RNAM PA LA YANG KLAN KA 'DI THAMS CAD CI STE 'BYUNG BAR MI 'GYUR TE, 'DI LTAR GAL TE SKRA LA SOGS PA 'DI DAG DON DAM PAR MED PA KHO NA YIN NA DE JI LTAR YOD PA LTA BUR SNANG ZHING, JI LTAR YUL DANG, DUS DANG, GNAS SKABS SO SOR NGES PA YONGS SU 'DZIN PAR 'BYUNG BA LTA BUR SHES PAR 'GYUR, GCIG LA NI SKYE BA DANG MI SKYE BA LA SOGS PA DANG, YOD PA DANG MED PA PHAN TSUN 'GAL BA RIGS PA MA YIN NO, ,DE LA JI LTAR SKRA LA SOGS PA DANG, GNYIS LA 'KHRUL PA DANG MA 'KHRUL PA'I SHES PAR RNAM PAR GZHAG PA'I NGO BO KUN RDZOB DANG DON DAM PA'I BDEN PA GNYIS LA BRTEN NAS KUN RDZOB TU BDEN ZHING DON DAM PA PAR MED DO ZHES BYA BA LA SOGS PA RNAM PAR GZHAG LA LTOS PA'I BYE BRAG CAN MI 'GAL BA LTAR DNGOS PO THAMS CAD LA YANG DE DANG 'DRA BAS 'DI NI KLAN KAR MI RUNG NGO, ,GANG YANG KUN RDZOB TU SKYE ZHES BYA BA LA SOGS PA SMRAS PA DE LA YANG DON NI 'DI YIN PAR BRJOD PAR 'DOD DE, GANG GI PHYIR KUN RDZOB 'KHRUL PA'I NGO BO JI SKAD BSHAD @229B PAS DNGOS PO RNAMS YANG DAG PAR SKYE BA MED KYANG, SKYE BA LTA BUR NYE BAR STEN PAR BYED PA DE'I PHYIR DE DAG GI BSAM PA'I DBANG GIS DNGOS PO RNAMS KUN RDZOB TU SKYE'O ZHES BYA'O, ,DE NYID KYI PHYIR BCOM LDAN 'DAS KYIS, DNGOS RNAMS SKYE BA KUN RDZOB TU, ,ZHES GSUNGS SO, ,GANG YANG DON DAM PAR SKYE BA MED CES BYA BA LA SOGS PA SMRAS PA DE LA YANG DON NI 'DI YIN PAR 'DOD DE, YANG DAG PA'I THOS PA DANG, BSAMS PA DANG, BSGOMS PA LAS BYUNG BA'I SHES PA THAMS CAD NI PHYIN CI MA LOG PA'I YUL CAN YIN PA'I PHYIR DON DAM PA ZHES BYA STE, 'DI'I DON DAM PA YIN PA'I PHYIR RO, ,MNGON SUM DANG BRGYUD PAS BYAS PA'I KHYAD PAR NI YOD DE, DE DAG GI DBANG GIS DNGOS PO 'DI DAG THAMS CAD MA SKYES PA KHO NAR SHES SO, ,DES NA 'DI SKAD DU DON DAM PAR SKYE BA MED DO ZHES BYA BA NI 'DI DAG YANG DAG PAR SHES PAS SKYE BAR MA GRUB PO ZHES BYA BA YIN NO ZHES BSHAD PAR 'GYUR RO, ,DE LTA BAS NA GNYI GAR YANG BRJOD PA MA 'BREL PA NYID MA YIN NO, ,DE LTA MA YIN NA KHYED KYIS KYANG MDO'I TSIG DNGOS PO THAMS CAD DON DAM PAR MA SKYES SO ZHES BYA BA LA SOGS PA YANG JI LTAR GRANG, KHYED KYIS BDEN PA GNYIS LA BRTEN PA'I THA SNYAD KYANG JI LTAR 'GYUR TE, GAL TE TSIG GI DON NGES PAR LEGS PAR MA ZIN PAR GZHAN DAG SUN 'BYIN PA BRDZUN NYID NYE BAR RJOD PAR BYED NA NI MNGON PAR BRJOD PAR 'BREL PA MED PA NYID DU GSAL RAB TU MNGON NO, ,GANG YANG GAL TE MA BRTAGS PA RTOGS PA MED PA TZAM YIN NA NI ZHES BYA BA LA SOGS PA SMRAS PA DE YANG 'BREL PA MED PA YIN TE, 'DI LTAR BSAMS PA LAS BYUNG BA'I SHES RAB DE KHO NA NYID PHYIN CI MA LOG PAS NGES PAR SEMS PA LA ZHUGS PA TSAD MA YANG DAG PA'I STOBS LAS BYUNG BA DANG, DE BZHIN DU BSGOMS PA LAS BYUNG BA YANG BRTAGS PA ZHES BYA STE, DE KHO NA NYID KYI DON MNGON SUM DU MTHUN PAR DPYOD PA'I PHYIR DANG, DE'I RGYU MTHUN PA YIN PA'I PHYIR RO, ,DE KHO NA NYID KYI DON LA RGYAB KYIS PHYOGS PA BRDZUN PA'I RNAM PA NYE BAR 'DZIN PA'I SHES PA THAMS CAD NI DE LAS BZLOG PA'I PHYIR MA BRTAGS PA ZHES BYA'I, RNAM PAR MI RTOG PA'I YE SHES NYID KYANG MA YIN LA, RTOG PA MED PA TZAM YANG MA YIN NO, ,DE BAS NA DE RAB TU GRAGS PA'I NGO BO YIN PA'I PHYIR DNGOS PO BRDZUN @230A *, ,PA'I NGO BO THAMS CAD NI KUN RDZOB PA ZHES BYA'O, ,DES NA BRTAGS PA MA YIN PA'I NGO BO YIN YANG RNAM PAR MI RTOG PA'I YE SHES NYID KYANG MA YIN ZHING RJES SU DPAG PAS GRAGS PA'I DON SPONG BA YANG MA YIN, DNGOS PO'I NGO BO NYID KHAS LEN PA YANG MA YIN LA, 'DIR MED PAR DGAG PAR BRJOD PAR 'DOD PA YANG MA YIN NO, ,DE LTA BAS NA SUN 'BYIN PA 'DI NI BYIS PA'I SKYE BO KUN TU RMONGS PAR BYA BA'I PHYIR TSIG TZAM NYE BAR BKOD PA SMRA BA 'BA' ZHIG TU ZAD PAS DE NI MKHAS PA RNAMS YONGS SU TSIM PAR BYED PA MA YIN NO, ,GANG YANG 'ON TE KUN RDZOB 'JIG RTEN GYI GRAGS PA YIN NA ZHES BYA BA LA SOGS PA SMRAS PA DE YANG NYES PA MED DE, 'JIG RTEN THAMS CAD LA GRAGS PA'I DON THAMS CAD KUN RDZOB NYID DU 'DOD PA'I PHYIR RO, ,DE YANG DON THAMS CAD DBANG PO THAMS CAD KYI SPYOD YUL YANG MA YIN TE, KHA CIG GIS 'GA' KHO NA MTHONG BA'I PHYIR RO, , DE'I PHYIR LAS DANG 'BRAS BU LA SOGS PA RNAM PAR GZHAG PA RNAM PA THAMS CAD SO SOR NGES PA SHIN TU LKOG TU GYUR PA NI THAMS CAD MKHYEN PA'I YE SHES KHO NAS YIN LA GZHAN NI SHES PA PHAL PAS KYANG MA YIN NO, ,BSTAN BCOS BYED PA KHA CIG GIS GRAGS PA LAS 'DAS TE, DNGOS PO RNAMS BRTAG PA LA SOGS PA'I NGO BOR NYE BAR BRTAGS PA GANG YIN PA DE NI LOG PA'I KUN RDZOB TU YOD CES BYA STE, DE NI GRAGS PAR YANG MED PA'I PHYIR RO, ,GANG YANG RTEN CING 'BREL PAR 'BYUNG BA DANG RJES SU MTHUN PA RAB TU BRTAGS PA, DPER NA, 'DIR NI BDAG GAM SEMS CAN MED, ,CHOS 'DI RGYU DANG BCAS PA YIN, ,ZHES BYA BA LTA BU DE NI YANG DAG PA'I KUN RDZOB TU YOD CES BYA'O, ,DES NA DNGOS PO THAMS CAD GCIG LA BSTAN BCOS BYED PA RNAMS KYIS NGO BO DU MAR SGRO BTAGS KYANG DNGOS PO NI NGO BO NYID PHAN TSUN 'GAL BAR MI 'GYUR RO, ,GANG YANG 'ON TE KUN RDZOB KYI DON SGYU MA'I DON YIN NA ZHES BYA BA LA SOGS PA SMRAS PA DE YANG MI BDEN PA'I DON NI SGYU MA'I DON NYID DU 'DOD PA'I PHYIR NYES PA MED DE GTAN MED PA'I NGO BO NYID NI MA YIN NO, ,DES NA 'DI LA SNGAR BSHAD PA'I NYES PA YANG MED LA, KUN NAS NYON MONGS PA DANG RNAM PAR BYANG BA LA SKUR PA 'DEBS PA'I NYES PA YANG MED DE, DE NI @230B SNGAR BSTZAL ZIN PA'I PHYIR RO, ,SGYU MA'I DON 'KHRUL PA'I SHES PA'I NGO BO YIN YANG SHES PA DNGOS PO NYID DU THAL BA MA YIN TE, DE NI BRDZUN PA'I RNAM PA NYE BAR 'DZIN PAR SNANG BA'I PHYIR LA, BDEN PA DANG BRDZUN PA DAG KYANG PHAN TSUN 'GAL BA'I PHYIR RO, ,DES NA BRDZUN PA'I NGO BO YANG BDEN PA NYID DU 'GYUR BA'I PHYIR SHES PA 'KHRUL PA NYID DU YANG MI 'GYUR LA, SNA TSOGS KYI NGO BO NYID DU YANG MI 'GYUR TE, GCIG LA NGO BO NYID DU 'GAL BA'I PHYIR RO, ,MI BDEN PA'I NGO BO YANG BRDZUN PA'I PHYIR 'KHRUL PA NYID YIN NA NI SHES PA BDEN PA NYID DU MI 'GYUR TE, DE GNYIS NI BDAG NYID THAMS CAD KYIS PHAN TSUN THA DAD PA MED PA'I PHYIR DANG, GCIG LA CHA SHAS DANG CHA SHAS CAN GYI DNGOS PO MI SRID PA'I PHYIR RO, ,DE'I PHYIR SHES PA YANG BRDZUN PA'I NGO BO YIN PA'I PHYIR 'DI SHES BYA NANG GI YIN PA'I LUGS LAS KHYAD PAR CHE'O, ,GANG YANG JI STE KUN RDZOB SGRA TZAM ZHIG YIN NA NI ZHES BYA BA LA SOGS PA SMRAS PA DE YANG PHYOGS SNGA MA RANG GI LUGS KYIS NYE BAR BRTAGS PA YIN PA'I PHYIR RIGS PA MA YIN PA NYID DE, BDE BAR GSHEGS PA NI GANG GI LUGS KYANG 'GRO BA SGRA TZAM KHO NA'O ZHES BYA BA MED DO, ,MDO LAS, 'DI DAG THAMS CAD MING TZAM STE, ,'DU SHES TZAM LA RAB TU GNAS, ,RJOD PAR BYED LA MA GTOGS PAR, ,BRJOD PAR BYA BA YOD MA YIN, ,ZHES GSUNGS PA DE LA YANG GANG DAG RJOD PA YANG DNGOS POR GYUR PA KHO NA YIN LA BRJOD PAR BYA BA YANG DE LAS GZHAN DU GYUR PA NYE BAR RTOG PAR BYED PA DE DAG GI LUGS DGAG PA'I PHYIR RJOD PA DANG BRJOD PAR BYA BA DAG RTOG PA LA GNAS PA NYID KHO NA NYE BAR BSTAN TE, 'DU SHES TZAM LA GNAS PA'O ZHES GSUNGS PA YIN NO, ,'DU SHES NI 'DIR RTOGS PA'I BDAG NYID YIN PAR BSHAD DO, ,DE LA GNANG BA'I MING NI RJOD PAR BYED PA NYID YIN LA, DON NI BRJOD PAR BYA BA NYID YIN PAS DE'I PHYIR, RJOD PAR BYED PA MA GTOGS PAR, ,BRJOD PAR BYA BA YOD MA YIN, ,ZHES GSUNGS SO, ,RTOG PA CAN GYI SHES PA LA SNANG BA'I RJOD PA KHO NA MING GI SGRAR DGONGS KYI, RNA BA'I RNAM PAR SHES PA LA GRAGS PA'I SGRA NI MA YIN TE, DE NI RJOD PAR BYED PA NYID MA YIN PA'I PHYIR RO, ,DE TZAM NYID DU ZAD NA NI THAMS CAD GZUGS LA SOGS PA SNA TSOGS SU @231A *, ,SNANG BAR YANG MI 'GYUR LA, PHUNG PO LA SOGS PA RNAM PAR GZHAG PAR YANG MI 'GYUR RO, ,MDO LAS KYANG DON DAM PA'I BDEN PA BSTAN PAS SHUGS KYIS NA SHES PA DANG, SHES BYA DANG, RJOD PA LA SOGS PA THAMS CAD KUN RDZOB KYI BDEN PA KHO NAR GSUNGS KYI, SGRA TZAM NI MA YIN TE, 'PHAGS PA BDEN PA GNYIS BSTAN PA LAS JI SKAD DU, LHA'I BU GZHAN YANG DON DAM PAR NA DON DAM PA'I BDEN PA NI THA SNYAD THAMS CAD LAS YANG DAG PAR 'DAS TE, KHYAD PAR MED PA, MA SKYES PA, MA 'GAGS PA, BRJOD PAR BYA BA DANG, RJOD PA DANG, SHES BYA DANG, SHES PA DANG BRAL BA'O ZHES GSUNGS PA LTA BU STE, 'DI LAS NI SHUGS KYIS NA SHES PA DANG, SHES BYA DANG, RJOD PA LA SOGS PA THAMS CAD KUN RDZOB KYI BDEN PA KHO NA'O ZHES NYE BAR BSTAN TE, KUN RDZOB KYI BDEN PA NI DON DAM PA'I BDEN PA LAS BZLOG PA'I NGO BO YIN PA'I PHYIR RO, , DE DAG NYID KYI PHYIR, 'PHAGS PA BLO GROS MI ZAD PAS BSTAN PA LAS KYANG, 'DI DANG RJES SU MTHUN PAR 'JIG RTEN GYI THA SNYAD SHES PA DANG, SHES BYA'I BDAG NYID DANG, YI GE DANG SGRAR BSTAN PA BRJOD PA'I BDAG NYID NI KUN RDZOB KYI BDEN PA YIN NO ZHES BYA BAR SHES PAR BYA'I, ,RJOD PA DANG, BRJOD PAR BYA BA TZAM KHO NA NI MA YIN NO, ,DE LTA MA YIN NA GANG LA SEMS KYI RGYU BA YANG MED DO ZHES DON DAM PA KUN RDZOB LAS BZLOG PA'I YUL DU BSTAN PA JI LTAR 'THAD PAR 'GYUR, DE LA GAL TE DON DAM PAR BSTAN PAR BYA BA'I DON DNGOS POR GYUR PA MED PA'I PHYIR LEGS PAR BSHAD PA LA SOGS PA RNAM PAR DBYE BAR YANG MI 'GYUR RO ZHES BYA BA LA SOGS PA KLAN KA TSOL NA DE'I TSE GRUB PA SGRUB PA NYID DO, ,CHOS THAMS CAD NI DE BZHIN NYID DU RO GCIG PA'I PHYIR RO, ,DE BZHIN NYID LA NI RNAM PAR DBYE BA 'GA' YANG MED DE, DES NA LEGS PAR BSHAD PA DANG, LEGS PAR BSHAD PA MA YIN PA DAG DE KHO NA NYID KYI NGO BOR RNAM PAR DBYE BA MED KYANG NYES [?] PA MED DO, ,'ON TE THA SNYAD DU YANG RNAM PAR DBYE BA MED DO ZHES RGOL NA NI DE MA GRUB STE, 'DI LTAR RE ZHIG DE BZHIN GSHEGS PA'I BKA' MNGON SUM DANG BRGYUD PAS DON DAM PA RJOD PAR BYED PA DANG, LUS CAN RNAMS LA PHAN PA DANG BDE BA SKYED PAR BYED PA GANG @231B YIN PA DE NI LEGS PAR BSHAD PA YIN LA, BZLOG PA NI LEGS PAR BSHAD PA MA YIN PAS DE GNYIS KYI KHYAD PAR GRUB PA NYID DO, ,KHYED KYI LTAR NA YANG MING NI KUN BRTAGS PA'I NGO BO NYID DU NYE BAR BRJOD PA'I PHYIR LEGS PAR BSHAD PA DANG, CIG SHOS DAG RNAM PAR DBYE BA JI LTAR GZHAG STE, DE LA KHYED KYI LEN GANG YIN PA KHO BO CAG GI YANG DE KHO NA YIN PAS 'DI NI GYI NA'O, ,GANG YANG JI STE SGRA'I DON ZHES BYA BA LA SOGS PA SMRAS PA DE YANG RIGS PA MA YIN TE, KUN RDZOB SGRA'I DON KHO NA NI MA YIN NO, ,'ON KYANG SGRA'I DON KYANG YIN NO ZHES BSTAN TE, DNGOS PO THAMS CAD DON DAM PAR NGO BO NYID MED PA LA BRJOD PAR BYA BA LA SOGS PA SGYU MA LA SOGS PA BZHIN DU KUN BRTAGS PA'I NGO BO NYID YIN PA'I PHYIR, JI LTAR SGYU MA'I MI MANG PO DAG LA MI MI SKYE ZHES BYA BA'I SGRA'I DON SPYI'I RNAM PA CAN GYI NGO BO RNAM PAR 'JOG PA DE BZHIN DU DNGOS PO DON DAM PAR NGO BO NYID MED PA DAG LA YANG CI STE, RNAM PAR MI GZHAG ,KHYAD PAR DNGOS POR GYUR PA KHO NA LA SGRA'I DON SPYI'I RNAM PA CAN GYI NGO BOR 'GYUR DGOS SO ZHES BYA BA 'DI LA RGYU CUNG ZAD KYANG MED DE, SNGA NA MED PA LA SOGS PA'I KHYAD PAR DNGOS POR MA GYUR PA LA YANG MED PA ZHES SPYIR THA SNYAD 'DOGS PA MTHONG BA'I PHYIR RO, ,GANG YANG BDE BA LA SOGS PA GANG DAG SO SO RANG GIS RIG PAR BYA BA ZHES BYA BA LA SOGS PA SMRAS PA DE YANG RIGS PA MA YIN TE, BDE BA LA SOGS PA THAMS CAD KUN RDZOB KYI KHONGS SU 'DUS PA'I PHYIR TE, JI SKAD DU SNGAR BSHAD PA BZHIN NO, ,DNGOS PO KHO NA BSTAN DU MED PA'I NGO BOR 'GYUR RO ZHES BYA BA 'DI LA RIGS PA CI YANG MED DE, SKRA SHAD DANG ZLA BA GNYIS PA LA SOGS PA BRDZUN PA YANG BRJOD DU MED PA'I NGO BO NYID DU MTHONG BA'I PHYIR RO, ,MDO LAS KYANG RJOD PA DANG, ,BRJOD PAR BYA BA'I NGO BO KHO NA KUN RDZOB KYI BDEN PAR BSHAD PA NI MA YIN NO ZHES SNGAR BSTAN ZIN TO, ,DE'I PHYIR MDO DE'I KHUNGS MDO NYID KYANG SNGAR BSHAD ZIN TO, ,GANG YANG DON DAM PA LA YANG THAL BA KHO NA'O ZHES SMRAS PA DE YANG DE LTAR 'DOD PA'I PHYIR THAL BA NYID MA YIN TO, DE'I MTSAN NYID NI MI 'DOD PAR BYED PA NYID YIN PA'I PHYIR RO, ,DON DAM PAR SGRO BTAGS PA'I NGO BO BRJOD PA NI KUN RDZOB KHO NAR 'GYUR TE, DE NI STOS PA [?] THAMS @232A *, ,CAD LAS 'DAS PA'I PHYIR RO, ,DE SKAD DU MDO LAS KYANG, 'JAM DPAL DON DAM PA'I BDEN PA GANG YIN, 'JAM DPAL GYIS SMRAS PA, LHA'I BU GAL TE DON DAM PAR DON DAM PA'I BDEN PA LUS DANG NGAG DANG YID KYI YUL GYI NGO BOR GYUR NA, DE DON DAM PA'I BDEN PA ZHES BYA BA'I GRANGS SU MI 'GRO'I, KUN RDZOB KYI BDEN PA KHO NAR 'GYUR RO, ,LHA'I BU GZHAN YANG DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA'O ZHES RGYAS PAR GSUNGS SO, ,DE DAG LA DNGOS PO'I BAG CHAGS KYANG SNGAR BKAG PAS DE'I PHYIR KUN RDZOB KHO NA'I KHONGS SU 'DUS PA'I PHYIR GZHAN DU KHA BSKANG MI DGOS SO, ,GAL TE TSAD MAS DNGOS PO MED PAR BSGRUBS PA SGYU MA LA SOGS PA DANG KHYAD PAR MED PA DE LTA BU LA YANG RANG DAGS DON DAM PAR YOD DO ZHES MING DU 'DOGS PAR BYED NA NI DGA' MGUR THOGS LA DGA' STON YANG BYED LA RAG GO, ,RANG DGA'I 'DOD PA TZAM GYI RJES SU BYED PAS GZHAG PA TZAM GYI SGO NAS NI DNGOS PO RNAMS DE LTA BUR 'GYUR BAR 'BRANG BA MED DO, HA CANG THAL BAR 'GYUR BA'I PHYIR RO, ,RTEN CING 'BREL PAR 'BYUNG BA NYID DANG, RANG GIS RIG PAR BYA BA NYID NI DNGOS PO NYID KYI RGYU YANG MA YIN TE, SGYU MA DANG SKRA SHAD LA SOGS PAS 'KHRUL PA'I YANG PHYIR LA, GANG DU YANG 'BREL PA MA GRUB PA'I PHYIR RO, ,GAL TE RTEN CING 'BREL PAR MI 'BYUNG BA LA DNGOS PO NYID MA MTHONG NGO ZHE NA, MA MTHONG DU ZIN KYANG, GZHAN LA DER 'GYUR DGOS SO ZHES BYA BA 'DI LA 'BREL PA CI YANG MED DE, KHYAB PAR BYED PA SHING NYID YOD PAS SHING SHA PA GDON MI ZA BAR YOD PA NI MA YIN NO, ,DE'I PHYIR BDEN PA LA SOGS PA PHYIN CI MA LOG PAR MA GRUB PAS BRTZAD PA MED PA MA YIN NO, ,GANG YANG JI STE SKAD CIG LAS PHAN CHAD DU MI GNAS PA'I PHYIR ZHES BYA BA LA SOGS PA SMRA BA DE YANG MI 'DOD PAR 'GYUR BA MA YIN TE, RANG BZHIN NI GZHAN DU 'GYUR BAR MI 'THAD PA'I PHYIR DANG, DNGOS PO RNAMS YANG DAG PA PA NYID YIN NA GNAS PA DANG MI GNAS PA PHAN TSUN 'GAL BA MI 'THAD DO ZHES SNGAR BSTAN ZIN TO, ,DE'I PHYIR G-YO BA NYID DNGOS PO RNAMS RANG BZHIN GYIS NGO BO NYID MED PAR YONGS SU STON PAR BYED PAS DE DAG KUN RDZOB KYI NGO BO NYID DU RJOD PAR BYED DO, , @232B KUN RDZOB G-YO BA'I DON NYID YIN NA NI MI 'DOD PAR BSGRUB PA MA YIN NO, ,DNGOS PO G-YO BA'I BDAG NYID DE DAG THAMS CAD LA SGYU MA LA SOGS PA BZHIN DU RANG BZHIN GYIS NGO BO NYID MED PA'I MTSAN NYID KYI STONG PA NYID GANG YIN PA DE NI DON DAM PA YIN LA, DE YANG DE BZHIN GSHEGS PA RNAMS BYUNG BA DANG MA BYUNG BA DAG TU YANG DUS THAMS CAD DU GNAS PA'I PHYIR RTAG PA YIN PAS GRUB PA SGRUB PA NYID MA YIN NO, ,GANG YANG JI STE MI BDEN PA'I DON ZHES BYA BA LA SOGS PA SMRAS PA DE YANG BDEN PA'I SGRA'I DON MNGON PAR MI SHES PA KHO NAS GLENGS PA YIN TE, 'DI LTAR 'KHRUL PA'I BLO NI KUN RDZOB YIN NO ZHES SNGAR BSTAN ZIN TO, ,DE NI BRDZUN PA'I RNAM PA NYE BAR 'DZIN PAR SNANG BA'I PHYIR MI BDEN PA ZHES BYA'O, ,DE YANG YANG DAG PAR BDEN PA MA YIN YANG BDEN PA'I NGO BO LTA BUR GRAGS PAS DE'I PHYIR DE DAG GI BSAM PA'I DBANG GIS DE LA BDEN PA'O ZHES MING DU 'DOGS PA MDZAD DO, ,GANG GI TSE SHES PA DANG SHES BYA LA SOGS PA THAMS CAD KUN RDZOB BO ZHES BRJOD PA DE'I TSE YANG 'JIG RTEN LA GRAGS PA'I NGOR BDEN PA ZHES BYA'I, YANG DAG PA'I YE SHES KYI NGOR NI MA YIN TE, DE'I PHYIR LTOS PA'I BYE BRAG GIS SGRA TZAM BKOD PA'I PHYIR BDEN PA DANG BDEN PA MA YIN PA DAG PHAN TSUN 'GAL BA NYID MA YIN NO, , KUN RDZOB NI LOG PA'I RNAM PAR SNANG BA'I PHYIR DNGOS PO NYID DU KHAS LEN PA YANG MA YIN TE, DE NYID NI GZHAN DU MI 'GYUR RO ZHES SNGAR BSTAN ZIN TO, ,DES RNAM PAR GZHAG PA 'GRO BA BRDZUN PA YANG DE DAG GI BSAM PA'I DBANG GIS BDEN PA ZHES BYA STE, DE'I PHYIR KUN RDZOB GDON MI ZA BAR DNGOS PO NYID DU KHAS BLANG BAR BYA DGOS SO ZHES SMRAS PA GANG YIN PA DE NI RIGS PA MA YIN PA NYES PAS DAM BCAS PA BYOR [?] BA MA YIN NO, ,GANG YANG KUN RDZOB TSAD MA 'AM, TSAD MA MA YIN PAR 'GYUR GRANG, GAL TE 'DI TSAD MA YIN NA NI JI LTAR KUN RDZOB YIN, 'ON TE TSAD MA MA YIN NA NI JI LTAR 'DI LAS BDAG MED PA 'GRUB CES SMRAS PA GANG YIN PA DE YANG RIGS PA MA YIN TE, 'DI LTAR JI LTAR RJES SU DPAG PA'I SHES PA SPYI'I RNAM PA BRDZUN PA NYE BAR 'DZIN PAR ZHUGS PAS KUN RDZOB PA'I NGO BO NYID YIN YANG MNGON PAR 'DOD PA'I DON BYED PA THOB PAR BYED PA NYID KYIS TSAD MAR 'DOD PA DE BZHIN DU KUN RDZOB @233A *, ,'GA' YANG RANG GI NGO BOS BRDZUN PA YIN YANG TSUL BZHIN DU THOS PA DANG BSAM PA LA SOGS PA'I RGYU BRGYUD PA LAS 'ONGS PA'I PHYIR 'JIG RTEN PA DANG 'JIG RTEN LAS 'DAS PA'I DON LA MI SLU BA NYID KYIS TSAD MA ZHES BYA'O, ,DE LAS BZLOG PA NI TSAD MA MA YIN NO, , TSAD MA LA SOGS PA RNAM PAR GZHAG PA 'DI THAMS CAD NI THA SNYAD KYI SGO KHO NA NAS YIN NO ZHES SNGAR BSGRUBS PAS DE'I PHYIR 'DI NI GYI NA'O, ,GANG YANG GDON MI ZA BAR KUN RDZOB KYI SA BON RNAM PAR SHES PA LA SOGS PA DON DAM PAR YOD PAR KHAS BLANGS DGOS SO ZHES BYA BA LA SOGS PA SMRAS PA DE YANG RIGS PA MA YIN TE, GAL TE 'DI'I RGYU TZAM ZHIG RAB TU BSGRUB NA NI DE'I TSE GRUB PA SGRUB PA YIN TE, 'DI'I RGYU RANG DANG MTHUN PA KUN RDZOB PA THOG MA MED PA 'DOD PA NYID PAS 'DI RGYU MED PA NYID DU DAM BCA' BA NI MA YIN NO, ,'ON TE 'DI'I SA BON DON DAM PA ZHIG RAB TU BSGRUB NA NI DE'I TSE GANG DU YANG DE DANG RJES SU 'GRO BA MA GRUB PAS MA NGES PA NYID YIN TE, SHING LA SOGS PA KUN RDZOB THAMS CAD NYE BAR LEN PA'I RGYU SNGA MA SNGA MA DANG MTHUN PA MA BRTAGS NA DGA' BA KHO NA LAS 'BYUNG BAR MTHONG BA'I PHYIR RO, ,DE'I PHYIR GTAN TSIGS 'GAL BA YANG MA YIN TE, GNOD SBYIN DANG MTHUN PA KHO NA'I GTOR MA YIN PAS KUN RDZOB THAMS CAD NI DNGOS PO MED PA'I NGO BO NYID KHO NAR BSGRUBS ZIN TO, ,DE LTA MA YIN NA 'DI JI LTAR KUN RDZOB TU 'GYUR, 'DI DNGOS PO MED PA'I NGO BO NYID YIN NA NI SA BON YANG RANG DANG MTHUN PA DANG DNGOS POR GYUR PA MA YIN PA KHO NAR RIGS KYI, ,DNGOS PO NI MA YIN TE, DE NI DE DANG 'GAL BA'I PHYIR DANG, MA GRUB PA'I PHYIR DANG, TSAD MAS GNOD PA'I PHYIR 'DI NI GYI NA'O, ,GANG YANG DNGOS PO'I NGO BO NYID KHAS LEN NA NI ZHES BYA BA LA SOGS PA SMRAS PA DE YANG GANG GIS NA DNGOS PO'I NGO BO DON DAM PAR KHAS LEN NA BDEN PA GNYIS RNAM PAR DBYE BA 'GRUB PAR 'GYUR PA RJES SU 'GRO BA NI GANG DU YANG MA GRUB STE, DNGOS PO'I NGO BO DON DAM PA PA NI MED KYANG GZUGS LA SOGS PA MA BRTAGS NA GRUB PA DAG LA JI TZAM DU SKYE BA LA SOGS PAR SGRO BTAGS PA GANG YIN PA DE NI KUN RDZOB KYI BDEN PA ZHES BYA BAR RNAM PAR BZHAG LA SKYE BA MED PA LA SOGS PA YANG DAG @233B PA'I TSAD MAS KUN TU GTAN LA PHAB CING SGRO MA BTAGS PA GANG YIN PA DE NI DON DAM PA'I BDEN PA ZHES BYA'O, ,DE'I PHYIR DNGOS PO'I NGO BO DON DAM PAR MED KYANG BDEN PA GNYIS RNAM PAR GZHAG PAR 'GYUR BA NYID PAS 'DI NI GYI NA'O, ,GANG YANG GAL TE DON DAM PA GYI NA ZHIG YIN NA ZHES BYA BA LA SOGS PA SMRAS PA DE YANG 'BRAL BA MED PA YIN TE, 'DI LTAR CHOS DANG GANG ZAG LA BDAG MED PA'I MTSAN NYID KYI NGO BO DE KHO NA NYID NI RIGS PA DANG LDAN PAS DAM PA YIN ZHING DON KYANG DE YIN TE, DON DU GNYER BA RNAMS KYI SGRIB PA SPANG BAR BYA BA'I CHED DU DON DU GNYER BAR BYA BA YIN PA'I PHYIR DANG, YE SHES DAM PA PHYIN CI MA LOG PA'I DON TE YUL YIN PA'I PHYIR DON DAM PA ZHES BYA'O, ,'JIG RTEN LAS 'DAS PA'I YE SHES DE'I YUL CAN GANG YIN PA DE YANG TSIG GI DON GZHAN DU SBYOR BA'I SGO NAS DER THA SNYAD GDAGS SO, ,THOS PA DANG, BSAMS PA DANG, BSGOMS PA LAS BYUNG BA'I SHES RAB DE'I RJES SU MTHUN PA GANG YIN PA DE YANG GDAGS PAS DE SKAD DU BRJOD DO, ,DE LA GANG GI PHYIR DE KHO NA NYID KYI MTSAN NYID KYI DON DAM PA SGOM PAR BYED PA'I RNAL 'BYOR PA RNAMS KYIS KUN NAS NYON MONGS PA MA LUS PAR SPONG ZHING GONG NAS GONG DU SHES RAB LA SOGS PA YON TAN GYI KHYAD PAR THOB PAR 'GYUR BA DE'I PHYIR DON CHEN PO SGRUB PAR BYED PAS DAM PA'I SGRAR BRJOD PAR BYA BAR 'OS PA NYID DO, ,DE YANG 'JIG RTEN LAS 'DAS PA'I YE SHES DAM PA RTOG PA'I DRA BA MA LUS PA DANG BRAL BA, CHOS THAMS CAD SNANG BA MED PAS MI DMIGS PAR SO SO RANG GIS RIG PAR 'GYUR GYI, DMIGS PAR NI MI YIN TE, JI SKAD DU, LHA'I BU DON DAM PA'I BDEN PA NI JI TZAM DU THAMS CAD MKHYEN PA'I YE SHES RNAM PA THAMS CAD KYI MCHOG DANG LDAN PA'I YUL LAS KYANG 'DAS PA YIN NO ZHES GSUNGS PA LTA BU'O, ,'DIS NI YUL GYI DNGOS PO LAS YANG DAG PAR 'DAS PA NYID DU BSTAN PA'I PHYIR DE DMIGS PAS MTHONG BA 'GOG PAR BYED DO, ,YE SHES KYI BDAG NYID DON DAM PA'I MTSAN NYID DU BSHAD PA GANG YIN PA DE YANG YON TAN PHUN SUM TSOGS PA MA LUS PA'I GZHI YIN PA'I PHYIR RO, ,DE LTA BAS NA DON DAM PA NI DON CHEN PO SGRUB PAR BYED PA NYID YIN PAS DE'I PHYIR GYI NA MA YIN NO, ,GZHAN YANG GAL TE DON @234A *, ,DAM PA GYI NA ZHIG YIN NA DE'I TSE JI LTAR MYA NGAN LAS 'DAS PA DON DAM PA NYID YIN TE, DE LA DNGOS PO'I NGO BO YANG DAG PA BA CI YANG MI SRID PAS DER YANG KLAN KA 'DI THAMS CAD KYIS JI STE BRDZI BAR MI 'GYUR, DE'I PHYIR DE LA KHYED KYI LAN GANG YIN PA DE KHO BO CAG GI YANG YIN PAS MTSUNGS PA NYID DO, ,GANG YANG DNGOS PO RNAMS DON DAM PAR MED DO ZHES BRJOD PA DER YANG DAG PA'I YE SHES KYI BDAG NYID KYI DON DAM PA KHO NA'I DBANG DU MDZAD NAS, DE LAS DGONGS TE MED DO ZHES BSHAD PA YIN NO, ,RNAM PA GCIG TU NA DON DAM PA MED DO ZHES BYA BA NI DE KHO NA NYID KYIS RNAM PAR DPYAD NA MED DO ZHES BYA BA'I THA TSIG GO, ,YANG GAL TE KUN RDZOB DANG DON DAM PA DAG GCIG PAR 'DOD NA ZHES BYA BA LA SOGS PA SMRAS PA DE LA YANG BCOM LDAN 'DAS NYID KYIS BSHAD PA'I PHYIR DE KHO NA NYID KYIS DON GYI MTSAN NYID KYI DON DAM PA DANG, 'DUS BYAS KYI MTSAN NYID KYI KUN RDZOB DANG LHAN CIG ,CIG PA YANG MA YIN ZHING THA DAD PAR YANG MI 'DOD DE, 'PHAGS PA DGONGS PA NGES PAR 'GREL PA LAS, JI SKAD DU, GAL TE DON DAM PA'I MTSAN NYID 'DU BYED DAG LAS GZHAN MA YIN PAR GYUR NA NI DE'I TSE SO SO'I SKYE BO THAMS CAD BDEN PA MTHONG BAR 'GYUR TE, DE'I PHYIR THAMS CAD MYA NGAN LAS 'DAS PA'AM, SANGS RGYAS NYID THOB PAR 'GYUR ZHING JI LTAR 'DUS BYAS KYI MTSAN NYID KUN NAS NYON MONGS PA'I MTSAN NYID DU GYUR PA DE BZHIN DU DON DAM PA YANG KUN NAS NYON MONGS PA'I MTSAN NYID DU 'GYUR LA, JI LTAR DON DAM PAR 'DU BYED THAMS CAD LA KHYAD PAR MED PA DE BZHIN DU 'DU BYED KYI MTSAN NYID THAMS CAD KYANG KHYAD PAR MED PAR 'GYUR BA ZHIG NA, 'DU BYED THAMS CAD NI MTSAN NYID THA DAD PA'I PHYIR KHYAD PAR MED PA YANG MA YIN NO, ,RNAL 'BYOR PA RNAMS KYI DON JI LTAR THOB PA LA SOGS PA'I 'OG TU DON DAM PA TSOL BA YANG RUNG BAR MI 'GYUR TE, DE LTA BAS NA DON DAM PA'I MTSAN NYID NI 'DU BYED DAG LAS GZHAN MA YIN PA YANG MA YIN NO, ,GZHAN PA YANG MA YIN NO, ,DE LTA MA YIN NA BDEN PA MTHONG BA RNAMS KYI 'DU BYED KYI MTSAN MA ZIL GYIS MI NON PAR 'GYUR TE, DE'I PHYIR RNAL 'BYOR PA 'DU BYED KYI MTSAN MA ZIL GYIS MI [?] NON PAS MTSAN MA'I 'CHING BA LAS MA GROL BAR YANG 'GYUR LA, MTSAN MA'I 'CHING BA LAS @234B MA GROL BAS GNAS NGAN LEN GYI 'CHING BA LAS KYANG MA GROL BAR 'GYUR RO, ,DE LAS MA GROL BA NI MYA NGAN LAS 'DAS PA GRUB PA DANG, BDE BA BLA NA MED PA YANG RTOGS PAR MI 'GYUR RO, ,GZHAN YANG GAL TE DON DAM PA'I MTSAN NYID 'DU BYED KYI MTSAN NYID DAG LAS GZHAN YIN NA DE'I TSE DON DAM PA'I MTSAN NYID 'DU BYED DAG GI SPYI'I MTSAN NYID DU YANG MI 'GYUR LA, DON DAM PA'I MTSAN NYID 'DU BYED DAG BDAG MED PA TZAM DANG, NGO BO NYID MED PA TZAM DU YANG MI 'GYUR LA, KUN NAS NYON MONGS PA DANG RNAM PAR BYANG BA'I MTSAN NYID DUS GCIG TU MTSAN NYID SO SOR GRUB PAR YANG 'GYUR RO, ,DE BAS NA DON DAM PA'I MTSAN NYID NI DUNG LA SOGS PA'I DKAR PO NYID LA SOGS PA BZHIN DU 'DU BYED RNAMS DANG DE NYID DANG, GZHAN NYID DAG TU BRJOD PAR BYA BA MA YIN PA NYID DO ZHES GSUNGS PA LTA BU'O, ,DNGOS PO KHO NA LA DE NYID DANG GZHAN NYID KYI RNAM PAR RTOG PA SRID PA'I DON DAM PA SPYI'I MTSAN NYID NI DNGOS PO'I NGO BO MED PA'I PHYIR DE NYID DANG, GZHAN NYID DAG TU BRJOD PAR BYA BA MA YIN PA KHO NA STE, DNGOS PO YOD NA DE NYID DANG GZHAN NYID DU RTOGS PA SRID PAR 'GYUR GYI, DNGOS PO'I NGO BO NYID MED PA DAG LA DE MI SRID PA NYID PAS 'GAL BA MED PA KHO NA'O, ,YE SHES KYI BDAG NYID KYI DON DAM PA YANG KUN RDZOB DANG LHAN CIG DE BZHIN NYID KYI MTSAN NYID KYI DON DAM PA'I RNAM PAR GCIG PA NYID DU 'DOD PA KHO NA STE, 'PHAGS PA SHES RAB KYI PHA ROL TU PHYIN PA LAS JI SKAD DU, BCOM LDAN 'DAS CI LAGS, 'JIG RTEN GYI KUN RDZOB KYANG GZHAN LAGS, DON DAM PA YANG GZHAN LAGS SAM, BCOM LDAN 'DAS KYIS BKA' STZAL PA, RAB 'BYOR 'JIG RTEN GYI KUN RDZOB KYANG GZHAN LA, DON DAM PA YANG GZHAN PA NI MA YIN TE, 'JIG RTEN GYI KUN RDZOB KYI DE KHO NA NYID GANG YIN PA DE NYID DON DAM PA'I DE KHO NA NYID YIN NO ZHES GSUNGS PA LTA BU'O, ,YE SHES KYI BDAG NYID KYI DON DAM PA NI SGYU MA LA SOGS PA DANG KHYAD PAR MED PA'I PHYIR YANG DAG PA'I KUN RDZOB KYI NGO BO NYID KYANG YIN LA, DE KHO NA NYID RTOGS PA DANG MTHUN PA'I PHYIR DON DAM PA'I NGO BO NYID KYANG YIN PAS LTOS PA'I BYE BRAG GIS GCIG LA GNYIS KA'I NGO BO NYID KYANG MI 'GAL LO, ,GANG YANG KHYOD KYI LTAR NA BSOD NAMS DANG YE SHES KYI TSOGS YONGS SU RDZOGS PA YANG @235A *, ,RUNG BAR DKA'O ZHES BYA BA LA SOGS PA SMRAS PA DE YANG RIGS PA MA YIN TE, LTA BA 'DI KHO NA LA YANG TSOGS YONGS SU RDZOGS PAR RIG PA'I PHYIR RO, ,'DI LTAR YANG DAG PA'I LTA BAS KUN NAS BSLANG BA'I SBYIN PA LA SOGS PA KHO NA RGYU YONGS SU DAG PA LAS BYUNG BA'I PHYIR 'BRAS BU KHYAD PAR CAN DANG 'DOD PA MNGON PAR GRUB PAR BYED PAR 'GYUR GYI, PHYIN CI LOG GIS KUN NAS BSLANG BA NI MA YIN TE, LOG PA'I LTA BAS KUN NAS BSLANG BA'I TSUL KHRIMS KYI YAN LAG LA SOGS PA BZHIN NO, ,DON DAM PAR NI SBYIN PA LA SOGS PA'I DNGOS PO 'GA' YANG MED PA'I PHYIR DER DMIGS PA NI PHYIN CI LOG KHO NA YIN TE, SMIG RGYU LA CHUR DMIGS PA BZHIN NO, ,DE'I PHYIR DES KUN NAS BSLANG BA'I PHA ROL TU PHYIN PA'I RTZOM PA THAMS CAD KYANG BDAG DANG BDAG GIR PHYIN CI LOG GIS KUN NAS BSLANG BA'I SBYIN PA LA SOGS PA BZHIN DU RGYU RNAM PAR MA DAG PA KUN NAS BSLANG BA'I PHYIR SHIN TU STOBS CHUNG BA YIN NO, ,SBYIN PA LA SOGS PA DMIGS PA'I RIG BYAR GYUR PA MI DMIGS PA NI YANG DAG PA'I DON YUL YIN PA'I PHYIR SMIG RGYU LA CHUR MI DMIGS PA BZHIN DU PHYIN CI MA LOG PA YIN NO, ,DE'I PHYIR DES KUN NAS BSLANG BA'I SBYIN PA LA SOGS PA YANG 'BRAS BU CHEN POR 'GYUR TE, RGYU RGYAS PAS KUN NAS BSLANG BA'I PHYIR SA BON GRUNG POS MNGON PAR BSGRUBS PA'I MYU GU LA SOGS PA BZHIN NO, ,DE NYID KYI PHYIR MI DMIGS PA LA YANG DAG PAR BRTEN PA'I SBYIN PA LA SOGS PA NI YANG DAG PA'I LTA BAS KUN NAS BSLANG BA'I PHYIR MKHAS PA RNAMS SHIN TU DANG BA BSKYED PAR 'GYUR GYI, GZHAN NI MA YIN NO, ,GANG GIS NA SBYIN PA LA SOGS PA LA MI 'JUG PA'I PHYIR BSOD NAMS MED PAR 'GYUR BA SBYIN PAR BYA BA LA SOGS PA GCIG TU MED PA NYID KYANG MA YIN TE, KUN RDZOB TU THAMS CAD YOD PA'I PHYIR RO, ,DUS THAMS CAD DU MI DMIGS PA YANG MA YIN TE, TING NGE 'DZIN GYI GNAS SKABS MA YIN PA NA SGYU MA BZHIN DU DE DAG DMIGS PA'I PHYIR RO, ,DE'I TSE NA NI MOS PA LAS BYUNG BA'I MI DMIGS PAR RNAM PAR GZHAG STE, DE SKAD DU BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO THABS MKHAS PAS SBYIN PA GTONG ZHING SHES RAB KYI PHA ROL TU @235B PHYIN PA YONGS SU 'DZIN PA LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO SBYIN PA GTONG ZHING SBYIN PA YONGS SU GTONG BA NA SBYIN PA LA SGYU MA'I BLO KHO NA NYE BAR GNAS PAR 'GYUR RO ZHES RGYAS PAR GSUNGS SO, ,DE'I PHYIR BCOM LDAN 'DAS BYANG CHUB SEMS DPAR GYUR PAS SGYU MA LA SOGS PAR MOS PA'I SGO NAS DON DU GNYER BA RNAMS LA, SRAS LA SOGS PA YONGS SU BTANG BAS MI 'GAL BA NYID DO, ,MNYAM PAR GZHAG PA'I GNAS SKABS NA NI SBYIN PA LA SOGS PA SHIN TU MI DMIGS PA KHO NA'O, ,DE'I TSE NA NI DE DAG 'JUG PA LA MI BRTEN TE, TING NGE 'DZIN GYI DUS NA SBYIN PA LA SOGS PA BTANG SNYOMS SU BYAS PA'I PHYIR RO, ,'ON KYANG SBYOR BA DANG MJUG GI GNAS SKABS NA NI DE DAG 'JUG STE, DE NYID KYI PHYIR 'PHAGS PA DKON MCHOG BRTZEGS PA LAS KYANG, DGE SLONG DAG BYANG CHUB SEMS DPA' NGES SBYIN PA'I NGO BO NYID KYANG DMIGS PAR MI BYA LA, SBYIN PA MI SBYIN PAR YANG MI BYA'O ZHES BYA BA LA SOGS PA RGYAS PAR GSUNGS SO, ,DE NYID KYI PHYIR 'PHAGS PA SHES RAB KYI PHA ROL TU PHYIN PA LA SOGS PA LAS, STONG PA NYID LA MOS PA MI DMIGS PA LA BRTEN PA'I SBYIN PA LA SOGS PA'I 'BRAS BU CHE BA NYID DANG, YONGS SU DAG PA NYID DU GSUNGS TE, JI SKAD DU RAB 'BYOR 'DI JI SNYAM DU SEMS, SHAR PHYOGS KYI NAM MKHA' TSAD GZUNG BAR SLA'AM, RAB 'BYOR GYIS GSOL PA, BCOM LDAN 'DAS DE NI MA LAGS SO, ,RAB 'BYOR DE BZHIN DU BYANG CHUB SEMS DPA' GANG ZHIG MI DMIGS PAR SBYIN PA BYIN PA DE'I BSOD NAMS KYI TSAD KYANG GZUNG BAR SLA BA MA YIN NO ZHES BYA BA'I BAR DU GSUNGS PA LTA BU'O, ,SBYIN PA'I SGRA NI 'DIR PHA ROL TU PHYIN PA DRUG CAR YIN PAR BZHED DE, SBYIN PA'I PHA ROL TU PHYIN PA DRUG CES 'BYUNG BA'I PHYIR RO, ,'PHAGS PA DKON MCHOG 'BYUNG GNAS LAS KYANG, BYANG CHUB SEMS DPA' BLO GROS RAB TU ZHING BYANG CHUB KYI CHED DU SPYOD PAS CHOS THAMS CAD NGO BO NYID MED PAR KHONG DU CHUD PAR BYA STE, SBYIN PA YANG NGO BO NYID MED PAR KHONG DU CHUD PAR BYA'O, ,LEN PA YANG NGO BO NYID MED PAR KHONG DU CHUD PAR BYA'O, ,YON GNAS KYANG NGO BO NYID MED PAR KHONG DU CHUD PAR BYA'O, , BSNGO BA YANG NGO BO NYID MED PAR KHONG DU CHUD PAR BYA'O, ,GANG @236A *, ,SNGO BAR BYED PA DE YANG NGO BO NYID MED PAR KHONG DU CHUD PAR BYA'O, ,GANG DU SNGO BAR BYED PA DE YANG NGO BO NYID MED PAR KHONG DU CHUD PAR BYA'O, ,DE CI'I PHYIR ZHE NA, SBYIN PA NI SBYIN PA'I NGO BO NYID KYIS STONG NGO, ,DE BZHIN DU LEN PA DANG, YON GNAS DANG, SBYIN PA'I 'BRAS BU DANG, YONGS SU BSNGO BA DANG, BYANG CHUB KYI NGO BO NYID KYIS STONG PA LA YANG SBYAR BAR BYA STE, DE LTAR NA STONG PA NYID LA MOS PA DE NI BSAM PA TSAD MED PA'I SGO NAS SBYIN PA'I PHA ROL TU PHYIN PA YONGS SU DAG PAR 'GYUR TE, SBYIN PA DE NI SBYIN PA'I PHA ROL TU PHYIN PA ZHES BYA BA'I MING YANG 'THOB LA, RDZAB RDZUB MA YIN PAR YANG 'GYUR RO ZHES BYA BA RGYAS PAR GSUNGS SO, ,DE LTAR NA MI DMIGS PA LA YANG DAG PAR BRTEN PA'I SBYIN PA LA SOGS PA NI 'BRAS BU CHE BA'I PHYIR DANG, YONGS SU DAG PA'I PHYIR 'BRAS BU BLA NA MED PA YANG DAG PAR RDZOGS PA'I BYANG CHUB LAG MTHIL NA YOD PA DANG 'DRA BAS DE'I PHYIR DMIGS PA CAN GYI GO SKABS THAG BSRINGS PA KHO NA YIN NO, ,GANG YANG CHOS THAMS CAD NGO BO NYID MED DO ZHES BYA BA 'DI LA DON GANG YIN PAR 'DOD, GAL TE BDAG NYID KYIS MED PA'I PHYIR NGO BO NYID MED PA YIN NA NI DE'I TSE GRUB PA SGRUB PA NYID YIN NO ZHES BYA BA LA SOGS PA SMRAS PA DE LA YANG BDAG NYID KYIS MED PA KHO NA'I PHYIR NGO BO NYID MED PA NYID DU RNAM PAR BZHAG NA YANG 'GAL BA YANG MA YIN LA, GRUB PA SGRUB PA NYID KYANG MA YIN TE, DNGOS PO RNAMS KYI NGO BO NYID YANG DAG PA PA NYID YIN NA NI GZHAN LA LTOS NAS YOD PA DANG SNGA NA [?] MED PA YANG MI 'THAD DE, YOD PA DANG MED PA DAG NI GCIG LA RIM GYIS KYANG 'GAL BA'I PHYIR RO, ,DE'I PHYIR DNGOS PO 'DI DAG NI YANG DAG PAR NA SGYU MA BZHIN DU GZHAN LA RAG LAS PA'I NGO BO NYID KYIS NGO BO NYID MED PA KHO NA YIN NO, ,NGO BO NYID NI BYAS PA NYID DU RIGS PA MA YIN NO ZHES SNGAR BSTAN ZIN TO, ,'DI DAG YANG DAG PAR NA GZHAN LAS KYANG YOD PA MA YIN TE, 'DI YANG SNGAR RAB TU BSGRUBS ZIN PA'I PHYIR JI LTAR GRUB PA SGRUB PA NYID YIN, THA SNYAD DU NI 'DI DAG GZHAN LA LTOS PA'I BDAG NYID DU 'JUG PA'I PHYIR RTAG TU YOD PA LA SOGS PAR THAL BA YANG MA YIN NO, ,DE LTAR NA DNGOS PO RNAMS RANG BZHIN GYIS NGO BO NYID DANG BCAS PA YIN NA RANG GI @236B BDAG NYID KYIS YANG MED PA DANG, DE BZHIN DU RANG GI NGO BO NYID LA GNAS PA MI 'THAD PA KHO NA STE, 'GAL BA'I PHYIR RO, ,DNGOS PO'I NGO BO YANG DAG PAR YOD PA GCIG LA NI YOD PA DANG MED PA DANG, GNAS PA DANG, MI GNAS PA LA SOGS PA PHAN TSUN 'GAL BA'I CHOS DANG LDAN PAR RIGS PA MA YIN NO,, DES NA 'DI DAG RANG GI BDAG NYID KYIS MED PA'I PHYIR DANG, RANG GI NGO BO LA MI GNAS PA'I PHYIR NGO BO NYID MED PA NYID DU GSAL RAB TU MNGON PAS GRUB PA SGRUB PA NYID GA LA YIN, KUN BRTAGS PA'I BDAG NYID KYI NGO BO NYID MED PA YIN NA YANG GRUB PA SGRUB PA NYID MA YIN NO ZHES SNGAR BSGRUBS ZIN TE, TSAD MAS GNOD PA NYID KUN BRTAGS PA'I NGO BO YIN PA'I PHYIR RO, ,DNGOS PO RNAMS KYI SKYE BA YANG YANG DAG PAR NA TSAD MAS GNOD PA NYID YIN PA DE YANG KUN BRTAGS PA'I NGO BO NYID DU RIGS KYI, GZUNG BA DANG 'DZIN PA'I NGO BO KHO NA NI MA YIN NO, ,'PHAGS PA YE SHES DAM PA'I SPYOD YUL DNGOS PO'I RANG GI MTSAN NYID YANG DAG PA PA YANG YOD PA MA YIN NO ZHES SNGAR RIGS PA DANG LUNG DAG GIS BSTAN ZIN TO, ,KUN NAS NYON MONGS PA DANG, RNAM PAR BYANG BA LA SOGS PA RNAM PAR GZHAG PA YANG DNGOS PO'I RANG GI MTSAN NYID YANG DAG PA PA LA BRTEN PAR GANG DU YANG YANG DAG PAR MA GRUB STE, BCOM LDAN 'DAS NYID KYIS 'DI THA SNYAD KYI BDEN PA LA BRTEN PAR RNAM PAR GZHAG CES BSHAD ZIN TO, ,GANG YANG GAL TE DNGOS PO THAMS CAD DANG PO MA SKYES PA'I PHYIR MA SKYES PA ZHES BYA BA LA SOGS PA SMRAS PA DE LA YANG GRUB PA SGRUB PA NYID LA SOGS PA'I NYES PA MA YIN TE, 'DI LTAR CHOS THAMS CAD DON DAM PAR GZOD MA NAS SO SOR ZHI BA'I PHYIR MA SKYES PA NYID DU 'DOD KYI, 'KHOR BA THOG MA MED PA NYID TZAM GYI PHYIR YANG MA YIN LA, SNGON 'GAGS PA YID MI SKYE BA'I PHYIR YANG MA YIN NO, ,SNGON MED PA'I CHOS MI SKYE PA'I PHYIR YANG MA YIN NO, ,YANG NA BCOM LDAN 'DAS KYIS BYIS PA'I SKYE BO'I SKRAG PA YONGS SU SPANG PA'I PHYIR RNAM PA 'DI DAG GIS KYANG DNGOS PO RNAMS SKYE BA MED PA LA SOGS PAR BSTAN PA YIN DU CHUG KYANG, 'DI DAG KHO NAS NI MA YIN NO ZHES BYA BAR NGES PAR BZUNG STE, RANG DANG GZHAN LA SOGS PA LAS SKYE BA MED PAR YANG SNGAR BSTAN ZIN PA'I PHYIR RO, ,KUN BRTAGS PA'I BDAG NYID @237A *, ,DANG, BDAG NYID MI SKYE BA YIN NA YANG GRUB PA SGRUB PA NYID MA YIN NO ZHES DA GZOD BSTAN PA NYID YIN NO, ,SGYU MA LA SOGS PA BZHIN DU THA SNYAD PA'I SKYE BA KHAS BLANGS PAS RNAM PA THAMS CAD DU SKYE BA MED PA'I PHYIR SKYE BA MED PAR KHAS LEN PA YANG MA YIN LA, YANG DAG PA PA YANG MA YIN PAS DE'I PHYIR MTHONG BA LA SOGS PA DANG 'GAL BA MA YIN NO, ,CHOS THAMS CAD CHOS KYI DBYINGS NGO BO NYID MED PA'I MTSAN NYID DU RO GCIG PA'I PHYIR DE BZHIN NYID KYI RNAM PA KHO NAR KHYAD PAR SKYE BA MED PAS SKYE BA MED PAR KHAS BLANGS KYANG, GRUB PA SGRUB PA NYID MA YIN NO, ,'JIG RTEN NA GRAGS PA'I NGO BO NYID LAS BSAMS NAS KHYAD PAR SKYE BA MED PAR RJOD PA YANG MA YIN PAS MTHONG BA LA SOGS PA DANG 'GAL BA YANG MA YIN NO, ,DNGOS PO RNAMS BYA BA'I MTSAN NYID KYI SKYE BA DANG BRAL BA'I PHYIR DANG, DBANG PHYUG LA SOGS PAS MA SKYES PA'I PHYIR SKYE BA MED PAR KHAS BLANGS KYANG DE TZAM KHO NAS NI MA YIN TE, JI SKAD DU SNGAR BSHAD PA LTA BU YIN PAS DE'I PHYIR MI 'DOD PAR 'GYUR BA MA YIN NO, ,GANG YANG MDO SDE MANG PO DANG 'GAL BA GZHAN YANG SNANG NGO ZHES SMRAS PA DE THAMS CAD KYANG LAN BTAB ZIN TO, ,GANG YANG THEG PA GSUM SGRUB PA'I PHYIR, SGRUB PA'I BYE BRAG GIS DPAGS PA'I DAD PA'I BYE BRAG LAS RIGS KYI BYE BRAG RJES SU DPAG PAR BSTAN PA DE YANG THEG PA GSUM BSGRUB PAR NUS PA MA YIN TE, THEG PA'I BYE BRAG DPAG TU MED PAR SGRUB PA'I PHYIR RO, ,'DIS NI GANG GIS NA THEG PA GSUM KHO NA 'GRUB PAR 'GYUR BA RIGS DPAG TU YOD PA GSUM ZHIG NGES PAR RTOGS PAR 'GYUR BA NI MA YIN TE, DE LAS RIGS KYI BYE BRAG DPAG TU MED PAR SHES PAR 'GYUR BA'I PHYIR RO, ,MDO LAS KYANG, DE SKAD DU 'BYUNG BAS DE'I PHYIR THEG PA'I BYE BRAG DPAG TU MED PAR THAL BAR 'GYUR RO, ,SEMS CAN RNAMS LA NI GANG GIS NA RIGS KYI BYE BRAG RJES SU DPAG PA NGES PAR 'GRUB PAR 'GYUR BA SGRUB PA DANG LDAN PA DANG DAD PA'I BYE BRAG NGES PAR YANG MI SNANG STE, MA NGES PAR SGRUB PA'I PHYIR RO, ,'DI LTAR RES 'GA' GANG DAG GZHAN LA PHAN PA'I BSAM PA GCIG PU LA ZHUGS PAR SNANG BA DE DAG NYID YANG MI DGE BA'I GROGS PO DANG PHRAD PA LA SOGS PA'I SGO NAS RGYU MED PA KHO NAR GZHAN SDUG @237B BSNGAL BAR MNGON PAR DGA' BAR KUN TU SNANG NGO, ,DE BZHIN DU GANG DAG RGYU MED PA KHO NAR GZHAN SDUG BSNGAL BAR MNGON PAR DGA' BAR KUN TU DMIGS PA DE DAG KYANG DGE BA'I BSHES GNYEN DANG PHRAD PA LA SOGS PA'I SGO NAS YANG GZHAN LA PHAN PA'I BSAM PA GCIG PU LA ZHUGS PAR YANG SNANG BA NYID DO; ,GANG DAG RANG LA PHAN PA DANG, BDE BA CUNG ZAD TZAM LA YID CHAGS SHING GZHAN LA 'KHU BAR KUN TU DMIGS PA DE DAG KYANG, GZHAN LA 'KHU BAR 'DOD PA LOG PAR YANG DMIGS SO, ,DE BZHIN DU GANG DAG RANG LA PHAN PA PHUN SUM TSOGS PA SGRUB PA LHUR LEN CING, GZHAN LA GNOD PAR DGA' BAR SNANG BA DE DAG KYANG, GZHAN LA PHAN PA GCIG PU LA ZHUGS PAR YANG SNANG NGO, ,GANG DAG 'KHOR BA'I BDE BA TZAM 'DOD CING, BSOD NAMS DAG BYED PAR MTHONG BA DE DAG KYANG, SRID PA'I BDE BA 'DOD PA LAS RNAM PAR LOG CING YANG DE DAG BYED PAR YANG SNANG NGO; ,DE LTA BAS NA SGRUB PA MA NGES PAR SNANG BA LAS DAD PA MA NGES PAR RJES SU DPAG LA, DER RJES SU DPAG PA LAS RIGS KYI BYE BRAG KYANG MA NGES PA'I NGO BO NYID DU SHES SO, ,DE'I PHYIR RIGS KYI BYE BRAG MA NGES PA'I PHYIR JI LTAR 'DI LAS THEG PA GSUM NGES PAR 'GRUB, SEMS CAN GYI KHAMS SNA TSOGS PAR BSTAN PAS KYANG RIGS KYI BYE BRAG NGES PA SHES PAR NI MI 'GYUR RO, ,MNGON PAR RTOGS PA'I RIGS LNGA 'BYUNG BA GANG DAG YIN PA DE DAG KYANG THANG CIG NGES PA LAS DGONGS TE GSUNGS KYI, GTAN DU BA'I PHYIR NI MA YIN NO, ,MDO DE NYID LAS KYANG DE BZHIN DU RIGS GTAN DU BA MA YIN PAR BSTAN TE, BLO GROS CHEN PO 'DOD PA CAN DGE BA'I RTZA BA THAMS CAD SPANGS PA YANG DE BZHIN GSHEGS PA'I BYIN GYI RLABS KYIS BRGYA LA RES 'GA' ZHIG NA YANG DGE BA'I RTZA BA RNAMS SLONG BAR BYED DE, DE CI'I PHYIR ZHE NA, BLO GROS CHEN PO 'DI LTA STE, DE BZHIN GSHEGS PA RNAMS KYIS NI SEMS CAN THAMS CAD YONGS SU MA BTANG NGO ZHES GANG GSUNGS PA YIN NO, ,DE'I PHYIR DE BZHIN GSHEGS PA'I BYIN GYI RLABS KYIS GZHAN DAG KYANG BLA NA MED PA'I BYANG CHUB TU SMON PA LA SOGS PAR 'GYUR PA KHO NA'O ZHES BYA BAR SHES PAR BYA'O, ,GANG YANG 'PHAGS PA BLO GROS MI ZAD PAS BSTAN PA LA SOGS PA LAS THEG PA GSUM @238A *, ,BSTAN PA DE YANG KHUNGS MA YIN PA NYID DE, DE BZHIN GSHEGS PA RNAMS NI 'JIG RTEN GYI KHAMS SNA TSOGS DAG TU THEG PA SNA TSOGS BSTAN PA'I SGO NAS CHOS BSTAN PA LA 'JUG GI ,THEG PA GSUM GYI SGO KHO NA NAS NI MA YIN NO, ,DE SKAD DU 'PHAGS PA SDONG POS BRGYAN PA LAS KYANG, 'JIG RTEN GYI KHAMS DPAL RNAM PAR SNANG BYED NA DE BZHIN GSHEGS PA KUN TU YE SHES RIN PO CHE'I 'OD ZER DPAL GYI YON TAN TOG GI RGYAL POS MNGON PAR RDZOGS PAR SANGS RGYAS MA THAG TU SEMS CAN DPAG TU MED PA DAG NI NYAN THOS KYI SA LA BKOD DO, ,SEMS CAN DPAG TU MED PA DAG NI NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI DBANG PO YONGS SU DAG PA RAB TU BSGOM PAS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI DRI MA MED PA'I RGYAL MTSAN PHA ROL GNON PA'I BYANG CHUB LA BKOD DO, ,SEMS CAN DPAG TU MED PA DAG NI RANG SANGS RGYAS KYI SA LA BKOD DO, ,SEMS CAN DPAG TU MED PA DAG NI SPOBS PA'I SHUGS KYIS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI CHOS THAMS CAD LA SPOBS PAS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI RDZU 'PHRUL THAMS CAD DU SONG ZHING THEG PA'I TSUL THA DAD PAS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI SBYOR BA DANG SPYOD PA TSAD MED PA DAG LA YANG DAG PAR GZHOL BAS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI TING NGE 'DZIN LA 'JUG PAS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI DMIGS PA'I YUL YONGS SU DAG PA SNYING PO'I TSUL GYIS NGES PAR 'BYUNG BA'I BYANG CHUB LA BKOD DO, ,SEMS CAN DPAG TU MED PA DAG NI BYANG CHUB SEMS DPA'I SAR SEMS BSKYED DU BCUG GO, ,SEMS CAN DPAG TU MED PA DAG NI BYANG CHUB SEMS DPA'I LAM LA BKOD DO ZHES BYA BA RGYAS PAR GSUNGS SO, ,BCOM LDAN 'DAS KYIS KYANG BYIS PA RNAMS GZUNG PA'I PHYIR THEG PA'I BYE BRAG RNAM PAR GZHAG PAR BSTAN GYI, NGES PA'I DON NI MA YIN NO ZHES BSHAD DE, 'PHAGS PA LANG KAR @238B GSHEGS PA LAS JI SKAD DU, LHA YI THEG DANG TSANGS PA'I THEG ,DE BZHIN DU NI NYAN THOS DANG, ,DE BZHIN GSHEGS DANG RANG RGYAL GYI, ,THEG PA 'DI DAG NGAS BSHAD DE, ,JI SRID SEMS NI 'BYUNG BA'I BAR, ,THEG PA RNAMS LA THUG PA MED, ,SEMS NI YONGS SU GYUR PA NA, ,THEG PA MED CING 'GRO BA MED, ,THEG PA GCIG TU NGA SMRA STE, ,THEG PA RNAM GZHAG YOD MA YIN, ,BYIS PA RNAMS NI YONGS DRANG PHYIR, ,THEG PA THA DAD NGAS BSHAD DO, ,ZHES GSUNGS PA LTA BU'O, ,DE'I PHYIR 'PHAGS PA DAM PA'I CHOS PADMA DKAR PO LA SOGS PA LAS, THEG PA GCIG TU BSTAN PA DRANG BA'I DON MA YIN TE; DE SKAD DU DE LA SH'A RI'I BU GZHAN YANG GANG GI TSE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SNYIGS MA LNGA'I DUS SEMS CAN RNAMS DRI MA MANG ZHING DGE BA'I RTZA BA CHUNG BAR GYUR PA NA, 'BYUNG BA DE'I TSE THABS MKHAS PAS THEG PA GCIG PO DE NYID THEG PA GSUM DU BSTAN PAS STON TO ZHES GSUNGS SO, ,YANG SH'A RI'I BU NGA LA DAD PAR GYIS SHIG, ,NGA LA YID CHES PAR GYIS SHIG ,NGES PAR ZUNG SHIG ,SH'A RI'I BU DE BZHIN GSHEGS PA LA NI BRDZUN GSUNG BA MI MNGA'O, ,SH'A RI'I BU THEG PA NI 'DI GCIG KHO NAR ZAD DE, 'DI LTA STE SANGS RGYAS KYI THEG PA'O ZHES GSUNGS SO; ,YANG; MI MKHAS GANG DAG DMAN LA MNGON DGA' ZHING, ,SANGS RGYAS BYE BA MANG LA SPYAD MA SPYAD, ,'KHOR BA LA CHAGS SHIN TU SDUG BSNGAL BA, ,DE DAG RNAMS LA MYA NGAN 'DAS PA BSTAN, ,SANGS RGYAS YE SHES RAB TU RTOGS BYA'I PHYIR, ,THABS NI RANG BYUNG GIS NI MDZAD 'GYUR GYI, ,DE DAG RNAMS LA KHYED CAG SANGS RGYAS SU, ,'GYUR RO ZHES NI NAM YANG MI GSUNG NGO, ,CI PHYIR ZHE NA SKYOB PA DUS LA GZIGS, ,DAL BA GZIGS NAS DE YI 'OG TU GSUNGS, ,DAL BA DE NI DE LTAR JI ZHIG LTAR, ,THOB PAS DE PHYIR YANG DAG NGES 'DIR BSHAD, ,SANGS RGYAS YE SHES RAB TU RTOGS BYA'I PHYIR, , 'JIG RTEN DU NI MGON PO GCIG PU 'BYUNG, ,THEG PA GCIG STE THEG PA GNYIS PA MED, ,SANGS RGYAS THEG PA DMAN PAS KHRID MI MDZAD, ,GANG LA SANGS RGYAS RANG BYUNG BDAG NYID GANG, ,RAB TU GNAS SHING RTOG LAM GANG CI 'DRA, ,STOBS DANG BSAM GTAN RNAM PAR THAR DANG DBANG, ,DE NYID LA NI @239A *, ,SEMS CAN RNAMS 'GOD DO, ,RDUL BRAL BYANG CHUB KHYAD PAR CAN REG NAS, ,GAL TE NGA YIS THEG PA DMAN PA LA, ,SEMS CAN 'GA' ZHIG BKOD PAR GYUR NA YANG, ,NGA LA SER SNA'I NYES 'GYUR LEGS MA YIN, ,THEG PA GCIG STE GNYIS PA YOD MA YIN, , GSUM PA'ANG NAM YANG YOD MIN 'JIG RTEN NA, ,SKYES BU MCHOG RNAMS THABS KYI THEG PA GANG, ,SNA TSOGS NYE BAR STON PAR MDZAD MA GTOGS, ,ZHES BSHAD DO, ,DE LA BYIS PA'I SKYE BO KHYIM KUN TU 'BAR BA NA GNAS PA GDON PA'I THABS SU GZHAN PA'I KHYAD PAR NYE BAR BSTAN PA'I DPE DANG, DE BZHIN DU 'DRON PA'I SKYE BO RIN PO CHE'I GLING NA GNAS PA LDOG PAR BYA BA'I THABS GZHAN 'BROG DGON PA'I DBUS SU GRONG KHYER SPRUL PA NYE BAR STON PA'I DPES THEG PA GSUM BSTAN PA THABS KYI BSTAN PA NYID DU STON PAR MDZAD PA BCOM LDAN 'DAS KYIS DRANG BA'I DON DU GSUNGS TE, 'PHAGS PA BDEN PA PO'I LE'U LAS KYANG, 'JAM DPAL SANGS RGYAS KYI ZHING DE NI THEG PA GCIG GIS NGES PAR 'BYUNG BA'I PHYIR THEG PA'I SNYING PO DANG LDAN PAR 'GYUR RO, ,NGA LA NI NYAN THOS DANG RANG SANGS RGYAS KYI THEG PA RNAM PAR 'JOG PA MED DO, ,DE CI'I PHYIR ZHE NA, DE BZHIN GSHEGS PA NI 'DU SHES THA DAD PA DANG BRAL BA'I PHYIR RO, ,'JAM DPAL GAL TE DE BZHIN GSHEGS PA KHA CIG LA NI THEG PA CHEN PO STON PAR 'GYUR LA, KHA CIG LA NI RANG SANGS RGYAS KYI THEG PA, KHA CIG LA NI NYAN THOS KYI THEG PA STON PAR GYUR NA, DE NI DE BZHIN GSHEGS PA'I THUGS YONGS SU MA DAG PAR YANG 'GYUR ZHING, MNGON PAR ZHEN PA'I NYES PAR YANG 'GYUR, THUGS RJE CHEN PO NYI TSE BAR YANG 'GYUR LA, 'DU SHES THA DAD PAR YANG 'GYUR, CHOS LA SLOB DPON GYIS DPE MKHYUD BYAS PAR YANG 'GYUR, 'JAM DPAL GZHAN YANG NGA NI SEMS CAN RNAMS LA CHOS GANG DANG GANG STON PA DE DAG THAMS CAD BYANG CHUB LA GZHOL BA, THEG PA CHEN PO LA 'BAB PA, THAMS CAD MKHYEN PA NYID 'DREN PAR BYED PA, PHYOGS GCIG THOB PAR BYED PA STE, 'DI LTA STE, THAMS CAD MKHYEN PA NYID THOB PAR BYED PA YIN NO, ,DE LTA BAS NA NGA LA THEG PA RNAM PAR GZHAG PA MED DO, ,'JAM DPAL THEG PA RNAM PAR @239B GZHAG PA ZHES BYA BA 'DI NI THAMS CAD MKHYEN PAS SA RNAM PAR GZHAG PAR MDZAD PA YIN, 'DI NI GANG ZAG RNAM PAR GZHAG PAR MDZAD PA YIN, TSOGS CHUNG NGU DANG, TSOGS TSAD MED PA RNAM PAR GZHAG PA YIN GYI, CHOS KYI DBYINGS THA DAD PA MED PA'I PHYIR THEG PA LA NI THA DAD PA MED DO; ,'DI NI 'JUG PA'I SGO BSTAN PA YIN TE, 'JUG PA BSTAN PA YANG KUN RDZOB YIN GYI, DON DAM PA NI MA YIN PAS THEG PA NI GCIG TU ZAD DE, GNYIS PA NI MED DO ZHES GSUNGS SO, ,'PHAGS PA DPAL PHRANG SENG GE'I NGA RO'I MDO LAS KYANG, YONGS SU MYA NGAN LAS 'DAS PA ZHES BYA BA DANG, THEG PA GSUM PO 'DI DAG THAMS CAD NI DE BZHIN GSHEGS PA RNAMS KYI THABS YIN TE, THEG PA GCIG RTOGS PAS BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO ZHES GSUNGS SO, ,DE'I PHYIR THEG PA GCIG BSTAN PA DGONGS PA CAN NYID YIN PAR NYE BAR RJOD PAR BYED PAS CHOS KYI DBYINGS LA SOGS PA'I MTSAN NYID DU THEG PA MTSUNGS PA'I PHYIR THEG PA GCIG PA NYID DU SMRAS PA GANG YIN PA DE NI MKHAS PA RNAMS KYIS 'PHAGS PA DAM PA'I CHOS PADMA DKAR PO LA SOGS PA LAS 'BYUNG BA DANG, GCIG KHO NAR MI MTHUN PAR 'GYUR RO ZHES BYA BAR NGES PAR GZUNG GI, DE LTA BU LA DGONGS TE, BSTAN PA NI MA YIN PAR KHONG DU CHUD PAR BYA'O, ,BCOM LDAN 'DAS KYIS KYANG, 'PHAGS PA CHOS BCU PA LA SOGS PA LAS, THEG PA GSUM BSTAN PA THABS KYI NGO BO NYID 'BA' ZHIG YIN PAR BSTAN PA'I PHYIR GDUL BA'I SKYE BO LA THEG PA GCIG BSTAN PA DGONGS PA BSTAN TO ZHES GSUNGS PA 'BA' ZHIG TU ZAD DO, ,THEG PA GSUM BSTAN PA 'DI NI BCOM LDAN 'DAS RNAMS KYI THABS YIN GYI, BDEN PA NI MA YIN NO ZHES BYA BAR SHES PA NI GDUL BYA RNAMS NI DE LA ZHUGS PAR MI NUS SO, ,MDO SDE'I RGYAN LAS KYANG, 'DI DANG MTHUN PAR THEG PA GCIG, ,BSTAN PA DGONGS PA CAN YIN NO, ,ZHES BSTAN TO, ,GANG YANG NYAN THOS RNAMS BAG LA NYAL CHAD NA SKYE BA YANG GTAN DU YANG DAG PAR CHAD PAS 'DI DAG SKYE BA DU MA BRGYUD PAS BSGRUB PAR BYA BA SANGS RGYAS NYID DU LTA GA LA 'GYUR ZHES SMRAS PA DE DANG DE DAG GI SKYE BA GTAN DU @240A *, ,YANG DAG PAR CHAD PAR MA GRUB PA'I PHYIR RIGS PA MA YIN TE, 'PHAGS PA DPAL PHRENG SENG GE'I NGA RO'I MDO LAS JI SKAD DU, DGRA BCOM PA LA YANG 'JIGS PA MCHIS TE, DES SKRAG PA'I DGRA BCOM PA DANG, RANG SANGS RGYAS RNAMS KYANG BCOM LDAN 'DAS KHO NA LA SKYABS SU MCHI'O, ,BCOM LDAN 'DAS DE LTA LAGS PAS NYAN THOS DGRA BCOM PA DANG, RANG SANGS RGYAS RNAMS KYANG SKYE BA'I LHAG MA DANG BCAS PA'I CHOS CAN LAGS TE, BCOM LDAN 'DAS DE DAG GI SKYE BA ZAD PA MA LAGS TE, SKYE BA MCHIS LAGS SO, ,BCOM LDAN 'DAS DE DAG NI LHAG MA DANG BCAS PA LAGS KYI, SKYE BA PAS NI MA LAGS SO, ,BCOM LDAN 'DAS DE DAG GI LAS YONGS SU RDZOGS PA MA LAGS TE, DE DAG LA NI BGYI BA MANG DU MCHIS SO, ,DE DAG LA NI GANG DAG MA SPANGS NA MYA NGAN LAS 'DAS PA'I DBYINGS LAS THAG RING DU GYUR PA SPANG BAR BGYI BA'I CHOS KYANG MANG DU MCHIS SO ZHES GSUNGS PA LTA BU'O, ,GANG YANG DE DAG GI SKYE BA ZAD DO ZHES BYA BA LA SOGS PA ZAD PA DANG, MI SKYE BA SHES PA 'BYUNG BA DE YANG MDO DE NYID LAS DRANG BA'I DON YIN PAR BSHAD DE, JI SKAD DU BCOM LDAN 'DAS DGRA BCOM PA DANG, RANG SANGS RGYAS RNAMS KYI RNAM PAR GROL BA LA SO SOR RTOG PA MTHAR THUG PA'I YE SHES DANG, DBUGS 'BYIN PA'I RJES SU DRAN PA BZHI PO GANG DAG LAGS PA DE DAG NI DGONGS PA CAN TE, ZAG PA DANG BCAS PA DRANG BA'I DON RNAM PAR PHYE STE LUNG BSTAN PAR BGYI BA LAGS SO, ,BCOM LDAN 'DAS DE CI'I SLAD DU ZHE NA, 'CHI 'PHO BA NI 'DI GNYIS LAGS TE, RNAM PAR CHAD PA'I 'CHI 'PHO BA DANG, BSAM GYIS MI KHYAB PAR YONGS SU SGYUR BA'I 'CHI 'PHO BA'O, ,DE LA BCOM LDAN 'DAS RNAM PAR CHAD PA'I 'CHI 'PHO BA NI SEMS CAN NYING MTSAMS SBYOR BA DANG BCAS PA RNAMS KYI LAGS SO, ,BCOM LDAN 'DAS DGRA BCOM PA DANG, RANG SANGS RGYAS DANG, BYANG CHUB SEMS DPA' DBANG THOB PA, YID KYI LUS CAN RNAMS KYI 'CHI 'PHO BA NI BYANG CHUB KYI SNYING PO LA THUG GI BAR DU BSAM GYIS MI KHYAB PAR YONGS SU BSGYUR BA LAGS SO, ,BCOM LDAN 'DAS 'CHI 'PHO BA NI 'DI GNYIS LAS RNAM PAR CHAD PA'I 'CHI 'PHO BA'I DBANG DU BGYIS TE, DGRA @240B BCOM PA DANG, RANG SANGS RGYAS DAG GI SKYE BA ZAD DO SNYAM PA'I SHES PA 'BYUNG BA LAGS SO ZHES BYA BA RGYAS PAR GSUNGS PA LTA BU'O, ,DE GNYIS LAS 'DI DAG LA MA RIG PA'I BAG CHAGS KYI SA'I RKYEN CAN ZAG PA MED PA LAS KYI RGYU LAS BYUNG BA'I SKYE BA YOD DO ZHES 'BYUNG STE, BCOM LDAN 'DAS 'DI LTA STE, DPER NA NYE BAR LEN PA'I RKYEN CAN ZAG PA DANG BCAS PA'I LAS KYI RGYU LAS BYUNG BA'I SRID PA GSUM 'BYUNG BA DE BZHIN DU BCOM LDAN 'DAS DGRA BCOM PA DANG, RANG SANGS RGYAS DANG, BYANG CHUB SEMS DPA' RNAMS KYI YID KYI LUS MA RIG PA'I BAG CHAGS KYI SA'I RKYEN CAN ZAG PA MED PA'I LAS KYI RGYU LAS BYUNG BA SKU GSUM 'BYUNG NGO ZHES RGYAS PAR GSUNGS PA YIN NO, ,'PHAGS PA LANG KAR GSHEGS PA LAS KYANG, DE DAG KHAMS GSUM LAS 'DAS PA YIN YANG ZAG PA MED PA'I KHAMS LA RNAM PAR GNAS TE, DE'I PHYIR SANGS RGYAS RNAMS KYIS DE BZHIN GSHEGS PA'I BYIN GYI RLABS KYIS YANG SKYE BA LA DBANG THOB PA'I SGO NAS TSOGS GNYIS YONGS SU BKANG STE, SANGS RGYAS NYID THOB PAR 'GYUR RO ZHES BSTAN PA KHO NA STE, BLO GROS CHEN PO GANG GI TSE DE DAG CHOS LA BDAG MED PA RTOGS NAS NYES PA'I BAG CHAGS THAMS CAD SPANGS PAR GYUR PA DE'I TSE BAG CHAGS KYI NYES PA TING NGE 'DZIN GYIS MYOS PA MED PA'I PHYIR ZAG PA MED PA'I DBYINGS NAS SAD DE, YANG 'JIG RTEN LAS 'DAS PA'I DBYINGS SU GTOGS PA'I TSOGS YONGS SU RDZOGS PAR BYAS TE, CHOS KYI SKU'I NGO BO NYID BSAM GYIS MI KHYAB PA THOB PAR 'GYUR RO, ,DPER NA SHING NI RGYA MTSO RU, ,DBA' RLABS KYIS NI RAB G-YENGS PA, ,DE BZHIN NYAN THOS RMONGS PA YANG, ,MTSAN NYID KYIS NI RAB TU G-YENGS, ,DE DAG NYON MONGS BAG CHAGS 'BREL, ,KUN NAS LDANG DANG LDAN MA YIN, ,TING NGE 'DZIN GYI MYOS PAS MYOS, ,ZAG PA MED PA'I KHAMS LA GNAS, ,DE LA MTHAR THUG YOD MIN ZHING, , PHYIR LDOG PA YANG YOD MA YIN, ,TING NGE 'DZIN GYI LUS THOB NAS, ,BSKAL PA'I BAR DU MI SAD DO, ,DPER NA SKYES BU MYOS PA NI, ,MYOS 'GYUR MED NA SANGS PA LTAR, ,DE BZHIN DE DAG NGA YI SKU, ,SANGS RGYAS CHOS ZHES BYA BA 'THOB, ,CES GANG GSUNGS PA YIN NO, ,'DI LA SHING DANG @241A *, ,RGYA MTSO'I DPES NI 'KHOR BA'I RGYA MTSOR MI BYING BAR BSTAN TO, ,DE DBA' RLABS KYI DPES NI CHOS KYI MTSAN NYID LA MNGON PAR ZHEN PA'I DBANG GIS GCIG TU YONGS SU MYA NGAN LAS 'DAS PA MA YIN NO ZHES BSTAN TO, ,NYON MONGS BAG CHAGS 'BREL ZHES BYA BA LA SOGS PAS KYANG MA RIG PA'I BAG CHAGS KYI SA'I 'CHIR BA LAS NI MA GROL GYI, NYON MONGS PA KUN NAS LDANG BA TZAM LAS GROL LO ZHES BSTAN TO, ,DE LA MTHAR THUG YOD MIN ZHING, ,ZHES BYA BA LA SOGS PAS KYANG MYA NGAN LAS 'DAS PA'I GRONG KHYER DU ZHUGS PA YANG MA YIN LA, 'KHOR BA'I RGYA MTSOR 'KHYAMS PA YANG MA YIN GYI, ZAG PA MED PA'I TING NGE 'DZIN DANG LDAN PA'I PHYIR ZAG PA MED PA'I DBYINGS LA BSKAL PA'I BAR DU YANG GNAS PA 'BA' ZHIG TU ZAD DE, DE LAS LANGS NAS NI TSOGS YONGS SU RDZOGS PAR BYAS NAS SANGS RGYAS NYID THOB PAR 'GYUR RO ZHES BYA BAR LEGS PAR RAB TU BSTAN PA YIN NO, ,GANG YANG 'PHAGS PA LANG KAR GSHEGS PA LA SOGS PA LAS, SBRUL PA'I NYAN THOS KYI DBANG DU MDZAD NAS NYAN THOS LUNG BSTAN PAR MDZAD DO ZHES GSUNGS PA DE YANG SEMS CAN DMAN PA LA MOS PA SKRAG PA SPANG BA'I PHYIR DANG, THEG PA GSUM BSTAN PA THABS NYID BSTAN PA'I CHED YIN NO ZHES BYA BAR KHONG DU CHUD PAR BYA'O, ,DE LTA MA YIN NA GONG DU BSHAD PA THAMS CAD DANG 'GAL BA KHO NAR 'GYUR RO, ,PHYIR MI LDOG PA'I 'KHOR LO'I MDO LAS KYANG, 'JIG RTEN GYI KHAMS THAMS CAD DU SANGS RGYAS THAMS CAD KYIS CHOS BSTAN PA NI PHYIR MI LDOG PA'I 'KHOR LOR MNYAM PA NYID KYIS MNYAM MO, ,DE LA MI MJED KYI 'JIG RTEN GYI KHAMS KYI SEMS CAN DE DAG NI DMAN PA LA MOS PA SNYIGS MA LNGA'I DUS NA BYUNG BA STE, THEG PA GCIG BSTAN PA LA MI 'JUG MI MOS PAS, SEMS CAN DE DAG RIGS PA 'DIS SANGS RGYAS NYID LA GTAD DO ZHES GSUNGS SO, ,GAL TE DGRA BCOM PA RNAMS ZAG PA ZAD PA NYID KYIS NYING MTSAMS SBYOR BA MED PA'I PHYIR, SKYE BA DU MA BRGYUD PAS BSGRUB PAR BYA BA'I SANGS RGYAS NYID DU MI 'GYUR NA, DE'I TSE BYANG CHUB TU YONGS SU BSNGO BAR 'GYUR BA'I DGRA BCOM PA LA YANG NYID MTSAMS SBYOR BA MED PA'I PHYIR, @241B DER MI 'GYUR RO, ,'ON TE SMON LAM GYI STOBS DANG, DE BZHIN GSHEGS PA'I BYIN GYI RLABS KYIS NYING MTSAMS SBYOR BAR 'DOD NA NI GZHAN DAG LA YANG DE BZHIN DU CI'I PHYIR MI 'DOD, DE SKAD DU, 'PHAGS PA SHES RAB KYI PHA ROL TU PHYIN PA LAS KYANG, GZHAN YANG DE DAG GAL TE BLA NA MED PA YANG DAG PAR RDZOGS PA'I BYANG CHUB TU SEMS BSKYED PA LTAR NA RJES SU YI RANG GI ,NGA NI DE DAG GI DGE BA'I RTZA BA'I BAR CHAD MI BYED DE, CHOS KHYAD PAR CAN DAG PAS CHOS KHYAD PAR CAN LHAG PAR DMIGS PAR BYA'O ZHES GSUNGS SO, ,DE LA GAL TE DE DAG THAMS CAD KYI THAMS CAD DU BLA NA MED PA YANG DAG PAR RDZOGS PA'I BYANG CHUB KYI SNOD MA YIN PAR GYUR NA, DE'I TSE JI LTAR NGA NI DE DAG GI DGE BA'I RTZA BA'I BAR CHAD MI BYED DO ZHES GSUNGS SO, ,GTAN MI SRID PA LA NI BAR CHAD MI SRID DO, ,GNAS SKABS KYI BYE BRAG NGES PA LAS DGONGS NAS DGRA BCOM PA ZHI BA'I BGROD PA GCIG PA NYID DU GSUNGS PA 'BA' ZHIG TU ZAD KYI, DUS THAMS CAD DU NGES PA'I PHYIR NI MA YIN NO ZHES BYA BAR SHES PAR BYA'O, ,DE SKAD DU 'PHAGS PA DAM PA'I CHOS PADMA DKAR PO LAS KYANG, DGE SLONG NGAM DGE SLONG MA GANG LA LA ZHIG DGRA BCOM PA NYID DU KHAS 'CHE ZHING BLA NA MED PA YANG DAG PAR RDZOGS PA'I BYANG CHUB TU SMON LAM YONGS SU MI 'DZIN PAR BDAG NI SANGS RGYAS KYI THEG PA LA RE BA MED DO ZHES SMRA ZHING, BDAG GI LUS KYI MYA NGAN LAS 'DAS PA'I MTHA' NI 'DI TZAM DU ZAD DO ZHES SMRA NA, SH'A RI'I BU MNGON PA'I NGA RGYAL CAN YIN PAR SHES PAR BYA'O ZHES GSUNGS SO, ,GANG YANG DGRA BCOM PA NI NYON MONGS PA ZAD PA'I PHYIR NYING MTSAMS SBYOR BA RNAM PA THAMS CAD DU MED DE, DE KHO NAR ZAD DO, ,NYAN THOS BDEN PA MTHONG BA GANG YIN PA DANG, PHYIR MI 'ONG BA 'DOD PA'I 'DOD CHAGS DANG BRAL BA GANG YIN PA DE NI SANGS RGYAS KYI RIGS CAN YIN PA'I PHYIR DE GNYIS KHO NA BLA NA MED PA YANG DAG PAR RDZOGS PA'I BYANG CHUB TU LUNG BSTAN TE, BSAM GYIS MI KHYAB PA'I YONGS SU SGYUR BA'I SKYE BA DANG YANG DE GNYIS KHO NA DANG LDAN NO ZHES ZER BA DE YANG 'PHAGS PA DPAL PHRENG SENG GE'I NGA RO'I MDO DANG, 'PHAGS PA SHES RAB KYI PHA ROL TU PHYIN PA DANG, 'PHAGS PA CHOS BCU PA @242A *, ,LA SOGS PA'I MDO LAS 'BYUNG BA DANG 'GAL BA STE, DE DAG LAS NI DGRA BCOM PA KHO NA NYING MTSAMS SBYOR BAR NYE BAR BSTAN GYI, PHYIR MI 'ONG BA DAG NI MA YIN NO, ,DE BZHIN DU 'PHAGS PA DPAL PHRENG SENG GE'I NGA RO'I MDO NI SNGAR BSHAD ZIN TO, ,'PHAGS PA SHES RAB KYI PHA ROL TU PHYIN PA LAS KYANG, DES DGRA BCOM PA NYID THOB NAS YANG DAG PAR RDZOGS PA'I BYANG CHUB DON DU GNYER NA SKYE BA MA MCHIS PAR JI LTAR THOB PAR 'GYUR BA LAGS, BCOM LDAN 'DAS KYIS NI MKHYEN BZHIN DU 'DI SKYE BAR LUNG BSTAN LAGS SO, ,BCOM LDAN 'DAS KYIS BKA' STZAL PA, BYAMS PA NGA NI LAS DANG NYON MONGS PA'I DBANG DU SONG BA'I SKYE BA 'DOGS PAR MI MDZAD KYI, 'ON KYANG 'DI'I SKYE BA BSAM GYIS MI KHYAB PA'I MYA NGAN LAS 'DAS PAR BSNGO BA YIN PAR 'DOGS PAR MDZAD DO ZHES GSUNGS SO, ,'PHAGS PA CHOS BCU PA LAS KYANG, BCOM LDAN 'DAS NYAN THOS ZAG PA MA MCHIS PA, SRID PAR KUN TU SBYOR BA YANG DAG PAR CHAD PA RNAMS RIGS MCHIS SU LAGS KYANG, JI LTAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR LAGS, BCOM LDAN 'DAS KYIS BKA' STZAL PA; RIGS KYI BU DE'I PHYIR DPE NYON CIG ,RIGS KYI BU 'DI LTA STE DPER NA RGYAL PO RGYAL RIGS SPYI BO NAS DBANG BSKUR BA'I BU ZHIG BZO'I GNAS THAMS CAD SLOB PAR 'GYUR LA, DE YANG DBANG PO RTUL LA DBANG PO RNO BA MA YIN PAS PHYIS BSLAB PAR BYA BA GANG YIN PA DE NI SNGAR SLOB, SNGAR BSLAB PAR BYA BA GANG YIN PA DE NI PHYIS SLOB PAR 'GYUR NA RIGS KYI BU DE JI SNYAM DU SEMS, 'ON KYANG GZHI DES DE RGYAL PO'I BU MA YIN NO ZHES BYA BAR BRJOD DAM, GSOL PA BCOM LDAN 'DAS DE LTA MA LAGS SO, ,BDE BAR GSHEGS PA DE LTA MA LAGS TE, RGYAL PO'I BU ZHES BRJOD PAR BGYI LAGS SO, ,BCOM LDAN 'DAS KYIS BKA' STZAL BA, RIGS KYI BU DE BZHIN DU BYANG CHUB SEMS DPA' DBANG PO RTUL PO RIGS DANG LDAN PA SNGAR BSGOM PA'I LAM GYIS NYON MONGS PA ZAD PAR BYED CING, PHYIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR @242B 'TSANG RGYA ZHES BYA BA LA SOGS PA RGYAS PAR GSUNGS SO, ,GANG YANG 'GRO BA 'DI KUN SANGS RGYAS 'GYUR BA STE, ,ZHES BYA BA 'DI'I DON NI SKYE BO NYE BA LA LTOS TE DGONGS PA YIN NO ZHES BYA BAR RNAM PAR 'CHAD PAR BYED PA DE YANG RANG DGA' TZAM GYIS NYE BAR BRTAGS PA YIN PA'I PHYIR RIGS PA MA YIN PA NYID DE, 'GRO BA MA LUS PA RUNG BA NYID DU GZIGS NAS DE SKAD DU GSUNG BAR 'GYUR NA YANG DE'I TSE 'GAL BA CI ZHIG YOD DE, DE SKAD DU 'PHAGS PA DKON MCHOG SPRIN LA SOGS PA LAS, BCOM LDAN 'DAS SH'AKYA THUB PA LA SOGS PA'I MTSAN BRJOD PA THOS PA TZAM GYIS PHYIR MI LDOG PA'I SA BON BSKRUN PA'I PHYIR SEMS CAN THAMS CAD KHYAD PAR MED PAR PHYIR MI LDOG PA NYID DU LUNG BSTAN GYI, SKYE BO NYE BA LA LTOS PA NI MA YIN NO, ,DE'I PHYIR GANG GIS BRJOD PA THOS PA DANG, NYAN PA DANG, NYAN PAR 'GYUR BA DE DAG LA YANG PHYIR MI LDOG PA'I SA BON YOD PA NYID DE, KHYED KYANG DRI MA RNAMS NI GLO BUR BA YIN PA'I PHYIR SEMS RANG BZHIN GYIS 'OD GSAL BAR 'DOD DE, DE'I PHYIR 'GRO BA MA LUS PA DER RUNG BA NYID PAS DE LAS DGONGS TE DE SKAD DU BSHAD PAR RIGS PA NYID DE, SEMS CAN THAMS CAD NI DE BZHIN GSHEGS PA'I SNYING PO CAN NO ZHES BYA BA 'DIS KYANG, THAMS CAD BLA NA MED PA YANG DAG PAR RDZOGS PA'I BYANG CHUB KYI GO 'PHANG THOB PAR RUNG BA NYID DU YONGS SU BSTAN TE, DE BZHIN GSHEGS PA'I SGRA NI CHOS KYI DBYINGS GANG ZAG DANG CHOS LA BDAG MED PA'I MTSAN NYID RANG BZHIN GYIS 'OD GSAL BA YIN PAR BRJOD PAR BZHED PA'I PHYIR RO, ,DE SKAD DU BSTAN PAS NI THAMS CAD BLA NA MED PA YANG DAG PAR RDZOGS PA'I BYANG CHUB KYI RANG BZHIN NYID DU YONGS SU BSTAN PA YIN NO, ,GZHAN YANG THEG PA ZHES BYA BA NI MYA NGAN LAS 'DAS PA'I GRONG KHYER DU 'GRO BA'I LAM DE KHO NA NYID SHES PA'I BDAG NYID LA BYA STE, 'DI NAS 'GRO BA'I PHYIR RO, ,DE KHO NA NYID SHES PA KHO NAS THAR PA THOB PAR 'GYUR GYI, GZHAN GYIS NI MA YIN NO, ,DE KHO NA NYID DE YANG GCIG KHO NAR ZAD DE, THUG PA MED PAR THAL BAR 'GYUR BA'I PHYIR RO, ,LTA BA THA DAD KYANG DNGOS PO'I DE KHO NA NYID DU MA'I BDAG @243A *, ,NYID DU 'BRANG BA NI MED DO, ,DE'I PHYIR DE KHO NA NYID NGO BO NYID GCIG PA'I YUL CAN GYI YE SHES KYANG NGO BO NYID GCIG PA KHO NA YIN NO, ,SANGS RGYAS DANG BYANG CHUB SEMS DPA' DE KHO NA NYID YANG DAG PAR THUGS SU CHUD PA RNAMS KYI YE SHES GANG YIN PA DE YANG DE KHO NA NYID MNGON SUM DU BYED PA'I YUL CAN YIN TE, RNAM PA THAMS CAD DU KUN TU RMONGS PA'I GNYEN PO YIN PA'I PHYIR RO, ,NYI TSE BA'I SHES PA DAG GIS NI DE KHO NA NYID RTOGS PAR MI 'GYUR TE, HA CANG THAL BAR 'GYUR BA'I PHYIR RO, ,DE LTA NA NI THAMS CAD DE KHO NA NYID MTHONG BAR 'GYUR BA'I PHYIR RO, ,DE LTA BAS NA CHOS DANG GANG ZAG LA BDAG MED PA'I DE KHO NA NYID MNGON SUM PA'I YE SHES GANG YIN PA DE NYID MYA NGAN LAS 'DAS PA THOB PAR BYED PA'I YANG DAG PA'I LAM YIN GYI, GZHAN NI MA YIN PA DE'I PHYIR THEG PA NI GCIG KHO NAR ZAD DO, ,DE NYID KYI PHYIR BCOM LDAN 'DAS KYIS LAM GZHAN GYIS THAR PA MED CES BSTAN TE, 'PHAGS PA LANG KAR GSHEGS PA LAS, JI SKAD DU BLO GROS CHEN PO GZHAN DAG NI CHOS THAMS CAD RGYU LA RAG LAS PAR MTHONG NAS MYA NGAN LAS 'DA'O SNYAM DU BLO 'BYUNG STE, BLO GROS CHEN PO CHOS LA BDAG MED PA MTHONG BA MED PAS THAR PA NI MED DO, ,BLO GROS CHEN PO 'DI NI NYAN THOS KYI THEG PA MNGON PAR RTOGS PA'I RIGS CAN GYI NGES PAR 'BYUNG BA MA YIN PA LA NGES PA 'BYUNG BA'I BLO YIN TE, BLO GROS CHEN PO 'DI LA LTA BA NGAN PA BZLOG PA'I PHYIR RNAL 'BYOR DU BYA'O ZHES GSUNGS PA LTA BU'O, , 'PHAGS PA SHES RAB KYI PHA ROL TU PHYIN PA LAS KYANG, RAB 'BYOR GNYIS NI DNGOS PO YIN NO, ,GNYIS SU MED PA NI DNGOS PO MED PA YIN NO, ,GSOL PA BCOM LDAN 'DAS GNYIS ZHES BGYI BA GANG LAGS, BCOM LDAN 'DAS KYIS BKA' STZAL PA, RAB 'BYOR GZUGS SU 'DU SHES PA NI GNYIS YIN NO, ,DE BZHIN DU PHUNG PO DANG, KHAMS DANG, REG PA DANG, TSOR BA DANG, KHAMS DRUG DANG, RTEN CING 'BREL PAR 'BYUNG BA DANG, BSAM GTAN DANG, GZUGS MED PA DANG, SDUG BSNGAL BA DANG, BDAG MED PA DANG, BDE BA DANG, SEMS CAN LA SOGS PAR 'DU SHES @243B PA NI ZHES RGYAS PAR BSTAN NAS, JI TZAM DU 'DU SHES PA DE TZAM DU GNYIS YIN NO, ,JI TZAM DU GNYIS YIN PA DE TZAM DU DNGOS PO YIN NO, ,JI TZAM DU DNGOS PO YIN PA DE TZAM DU 'KHOR BA YIN NO, ,JI TZAM DU 'KHOR BA YIN PA DE TZAM DU SEMS CAN RNAMS YONGS SU MI 'GROL LO; ,DE LTA BAS NA RNAM GRANGS 'DIS 'DI LTAR GNYIS SU 'DU SHES PA LA RJES SU MTHUN PA'I BZOD PA YANG MED PAR RIG PAR BYA'O ZHES GSUNGS SO, ,'PHAGS PA BDEN PA GNYIS LA 'JUG PA LAS KYANG, NYON MONGS PA THAMS CAD KYI RTZA BA NI DNGOS POR MNGON PAR ZHEN PA YIN PA'I PHYIR CHOS THAMS CAD NGO BO NYID MED PAR BSGOM PA KHO NAS NYON MONGS PA SPONG GI LAM GZHAN GYIS NI MA YIN NO ZHES BSTAN TE, 'JAM DPAL JI LTAR NA NYON MONGS PA RNAMS 'DUL BAR 'GYUR, JI LTAR NA NYON MONGS PA RNAMS YONGS SU SHES PAR 'GYUR, 'JAM DPAL GYIS SMRAS PA, DON DAM PAR CHOS THAMS CAD SHIN TU MA SKYES SHING MA BYUNG BA'I DNGOS PO DAG LA, KUN RDZOB TU YOD PA MA YIN PA LAS PHYIN CI LOG STE, YOD PA MA YIN PA LAS PHYIN CI LOG PA DE LAS KUN TU RTOG PA DANG, RNAM PAR RTOG PA 'BYUNG NGO, ,KUN TU RTOG PA DANG, RNAM PAR RTOG PA DE LAS TSUL BZHIN MA YIN PA YID LA BYED PA 'BYUNG NGO, ,TSUL BZHIN MA YIN PA YID LA BYED PA DE LAS BDAG TU SGRO 'DOGS PA 'BYUNG NGO, ,BDAG TU SGRO 'DOGS PA DE LAS LTA BA KUN NAS DKRIS PA 'BYUNG NGO, LTA BA KUN NAS DKRIS PA DE LAS NYON MONGS PA RNAMS 'BYUNG NGO, , LHA'I BU GANG GIS CHOS THAMS CAD DON DAM PAR SHIN TU MA SKYES PA DANG, MA BYUNG BAR RAB TU SHES PA MED PA'I TSUL GYIS RAB TU SHES PA DE NI DON DAM PAR PHYIN CI LOG PA MA YIN NO, ,GANG ZHIG DON DAM PAR PHYIN CI MA LOG PA DE NI KUN TU MI RTOG RNAM PAR MI RTOG GO, ,GANG MI RTOG KUN TU MI RTOG PA DE NI TSUL BZHIN DU ZHUGS PA YIN NO, ,GANG TSUL BZHIN DU ZHUGS PA DE NI DON DAM PAR YOD PA MA YIN PA LA SGRO 'DOGS PAR MI 'GYUR RO, ,GANG DON DAM PAR YOD PA MA YIN PA LA SGRO 'DOGS PAR MI 'GYUR BA DE LA LTA BA KUN NAS LDANG BAR MI 'GYUR TE, DON DAM PAR MYA @244A *, ,NGAN LAS 'DAS PAR LTA BA KUN NAS LDANG BA'I BAR DU YANG MI 'GYUR RO, ,SKYE BA MED PA LA GNAS PA DE NYID KYI NYON MONGS PA RNAMS MTHONG BA MED PA'I TSUL GYIS SHIN TU MTHONG BAR BLTA STE, 'DI NI NYON MONGS PA 'DUL BA ZHES BYA'O, ,LHA'I BU GANG GI TSE NYON MONGS PA RNAMS SNANG BA MED PA'I SHES RAB DANG YE SHES KYIS DON DAM PAR SHIN TU STONG PA DANG, SHIN TU MTSAN MA MED PA DANG, DON DAM PAR DNGOS PO RNAMS SHIN TU MA SKYES SHING MA BYUNG BAR RAB TU SHES PA MED PA'I TSUL GYIS RAB TU SHES PA DE'I TSE LHA'I BU NYON MONGS PA RNAMS RAB TU SHES PA MED PA'I TSUL GYIS YONGS SU SHES PA YIN NO, ,LHA'I BU 'DI LTA STE DPER NA GANG SBRUL GYI RIGS 'DON PA DES NI DUG ZHI BAR BYED DO, ,LHA'I BU GANG ZHIG NYON MONGS PA RNAMS KYI RIGS RAB TU SHES PA DE NI NYON MONGS PA RNAMS SHIN TU MI DMIGS PA'I TSUL GYIS RAB TU ZHI BAR 'GYUR RO, ,LHA'I BUS SMRAS PA, 'JAM DPAL NYON MONGS PA RNAMS KYI RIGS GANG YIN, 'JAM DPAL GYIS SMRAS PA, LHA'I BU DON DAM PAR CHOS THAMS CAD SHIN TU MA SKYES SHING MA BYUNG BA'I DNGOS PO DAG LA KUN TU RTOG PA GANG YIN PA 'DI NI NYON MONGS PA RNAMS KYI RIGS YIN NO ZHES GANG GSUNGS PA YIN NO, ,DE LTA BAS NA GANG NGES PAR LEGS PA'I GRONG KHYER DU 'JUG PAR 'GYUR BA NI DNGOS PO MA LUS PA STONG PA NYID DU SGOM PA 'DI KHO NAR ZAD PAS DE'I PHYIR DE DON DU GNYER BA BDAG LEGS SU DGA' BA RNAMS KYIS LAM NGAN PA LA RNAM PAR RTOG PA THAG BSRINGS TE SANGS NAS DE NYID BDAG NYID CHEN PO RNAMS KYIS RIGS PA DANG, LUNG GI SGRON MA'I TSOGS KYIS GSAL RAB TU BRJOD PA'I PHYIR DANG, SKYE BO MKHAS PA'I 'GRO BA MA LUS PAS BRJOD CING RJES SU BGROD PA'I PHYIR GUS PAR RTAG TU BSTEN PAR BYA'O, ,DE BAS NA THEG PA GCIG PA NYID DANG, CHOS THAMS CAD DON DAM PAR NGO BO NYID MED PA NYID DU GRUB PA KHO NA YIN NO, ,BSTAN BCOS DBU MA SNANG BA ZHES BYA BA SLOB DPON KA MA LA SH'I LAS MDZAD PA RDZOGS SO,, ,,MKHAN PO SH'I LEN DRA BO DHI DANG LO TZ'A BA DPAL BRTZEGS KYIS BSGYUR CING ZHUS TE GTAN LA PHAB PA,, ,, @244B #, ,RGYA GAR SKAD DU, TATV'A LO KA NA N'A MA PRA KAR nAm, BOD SKAD DU, DE KHO NA NYID SNANG BA ZHES BYA BA'I RAB TU BYED PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,YANG DAG BDUD RTZI SHIN TU BRNYES NAS CI BZHED GSOL, ,SKYE SHI MI MNGA' GO 'PHANG BRNYES TE THUGS RJE YIS, ,'GRO BA KUN LA DE DAG THOB MDZAD BZHUGS PA GANG, ,DE LA BTUD NAS YANG DAG DE NYID RTOGS PAR BYA, ,GANG PHYIR 'GRO BA 'DI DAG KUN, ,RMONGS PA'I NGO BO ZHAGS PAS BCINGS, ,YANG DAG RTOGS PAS THAR PA ZHES, ,MKHAS PA RNAMS NI RAB TU GSUNGS, ,THAR PA 'DOD PA RNAMS KYIS NI, ,DON MED RTZOD PA 'DIR MI BYA, ,'GA' ZHIG RMONGS PA MED PA NI, ,DMAN PA'I DNGOS DAG MI TSOL LO, ,SKYE BA SDUG BSNGAL RTZA BA BAS, ,DE NI DMAN PA NYID DU BSHAD, ,THOG MA MED PA'I MI SHES PA, ,DE YANG RTZA BAR MKHAS PAS BSTAN, ,RGYU LA RAG LAS SKYE BA'I PHYIR, ,GNYEN PO DAG KYANG YOD PA'I PHYIR, ,YE SHES SNANG BA BYUNG BA NA, ,MUN PA BZHIN DU DE SPONG NGO, ,MI SHES RANG BZHIN RMONGS PA NI, ,SPANG DGOS DE BAS GUS PA YIS, ,YANG DAG SNANG BA SKYED PA'I PHYIR, ,THAR PA 'DOD PAS MCHOG BRTZON BYA, ,GZUGS LA SOGS PA GSAL 'DI DAG, ,BYIS PA KUN LA GRAGS PA GANG, ,DE NYID JI STE YANG DAG NA, ,LUS CAN THAMS CAD GROL BAR 'GYUR, ,MKHAS PA RNAMS KYI NGA RGYAL CAN, ,KUN GYIS DE 'DIR MTHONG NA NI, ,YANG DAG SO SOR SMRA BA BAS, ,RTZOD PA SNA TSOGS MI 'GYUR RO, ,'CHAD PA PO DAG RNAMS LA YANG, ,PHAN ,TSUN 'GAL BA SRID PA'I PHYIR, ,GZHAN GYI MAN NGAG TZAM GYIS NA, ,YANG DAG GTAN LA PHEBS PA'ANG MED, ,GCIG LA GCIG NI MI THUN ZHING, ,BDAG NYID NGO BO PHAN TSUN DU, ,'GAL ZHING DU NI YANG DAG PA, , DU MA NYID DU 'GYUR MI SRED, ,DE BAS RTOGS LDAN RNAMS KYIS NI, ,RANG GI RIGS PAS DE DPYOD LA, ,LUNG DANG RIGS PA LDAN PA YIS, ,BRTAN POR GYUR NAS BSGOMS PAR BYA, ,GZUGS LA SOGS PA'I DNGOS PO RNAMS, ,YANG DAG NYID DU KHAS LEN GANG, ,DE DAG LAS NI 'GRUB PA YI, , @245A *, ,TSAD MA YOD DANG MED PA DPYAD, ,YOD DANG MED PA'I THA SNYAD NI, ,TSAD MA LA BRTEN MKHAS PA RNAMS, ,DE MED GYUR NA DE DAG GIS, ,RTOGS PA LDAN PA SPANGS PA YIN, ,'DOD PA TZAM LAS DBYUNG PHYIR DANG, ,DE LAS BZLOG PA'I DON GYIS KYANG, ,DE YANG MI 'GRUB THAL 'GYUR PHYIR, ,TSIG TZAM GYIS KYANG DE MI 'GRUB, ,TSAD MA RJES SU 'GRO BA DANG, ,LDOG PA GNYIS KYIS YANG DAG PAR, ,THA SNYAD DAG LA KHYAB NA YANG, ,DNGOS POR SMRA BA LEGS PAR GNAS, ,RTAG PA LA SOGS DAG GIS KYANG, ,SGRA LA KHYAB PAR THAL 'GYUR PHYIR, ,'DI LTAR LDOG PA 'BA' ZHIG LAS; ,KHYAB PA GRUB PA MA YIN NO, ,DES NA'ANG RJES SU 'GRO MED NA, ,LDOG PA DE NI YOD MIN TE, ,DE DNGOS RJES SU MI 'BRANG GANG, ,DE LDOG CAN DU DE MI 'GYUR, ,DE BAS KHYAB PAR 'DOD PA YIN, ,NGES PAR RJES SU 'GRO BAR 'DOD, ,DE GRUB NA YANG TSAD MA LAS, ,DNGOS PO GTAN DU GRUB PA YIN, ,'DI LTAR GANG NA YOD CES PA'I, ,THA SNYAD TSAD MA YOD PA YI, ,RJES SU 'BRANG DE GAR BSGRUBS NA, ,NGED KYI DNGOS PO DE NYID GRUB, ,KHYAB PA DE NI GRUB NA YANG, ,YANG DAG DNGOS PO NGES MI 'GRUB, ,'DI LTAR KHYAB BYED YOD PA LAS, ,KHYAB BYA THAMS CAD MNGON PA MED, ,SHING SHA PA DANG SENG LDENG SOGS, ,'DI LTAR SHING NYID KYIS KHYAB KYANG, ,DE TZAM GYIS NA DE DAG CI, ,DE LAS NGES PAR 'GRUB 'GYUR RAM, ,DE BZHIN TSAD MA 'JUG NA YANG, ,DNGOS PO YOD PA'I THA SNYAD 'DI, ,YANG DAG DON GYI YUL CAN DU, ,KHYED LA NGES PAR 'GRUB PA MED, ,BSTAN PA 'DI NI NOR PA STE, ,SHING NI SENG LDENG LA SOGS LA, ,THUN MONG YIN PAS DE LAS NI, ,BYE BRAG GSAL BAR RTOG MI 'GYUR, ,TSAD MA DAG GI DNGOS PO YIS, ,NGO BO 'DAS NAS 'JUG PA MED, ,GZHAN DU'ANG RAB TU 'JUG NA NI, ,DE NI TSAD MAR MI RUNG NGO, ,'DI LTAR DNGOS PO TSAD MAS KHYAB, ,DE YIS THA SNYAD LA YANG KHYAB, ,DNGOS PO KHYAB PA'I TSAD MAS BYUNG, ,DE YANG GZHAN DU MI 'JUG GO, ,'JIG RTEN KUN RDZOB BDEN DON GYI, ,YUL CAN DAG KYANG SRID PA'I PHYIR, ,DE PHYIR YANG DAG DNGOS PO YIS, ,TSAD MA KHYAB PAR MI 'GRUB PO, ,JI STE YANG DAG DNGOS PO LA, ,TSAD MA THAMS CAD YONG @245B NA NI, ,KUN GYIS YANG DAG NYID MTHONG PHYIR, ,'PHAGS PA'I LAM NI DGOS PA MED, ,'BAD PA MA BYAS GROL BA'I PHYIR, ,THAR 'DOD RNAMS KYI TSANGS SPYOD DANG, ,BSNYEN GNAS LA SOGS DON MED DE, ,NYON MONGS SKYES PA KHO NAR ZAD, ,RNAL 'BYOR PA YIS MNGON SUM LAS, ,GZHAN GYI DBANG PO'I SHES KHYAD MED, ,RAB TU GRUB PA'I DON DAG LA, ,YANG DAG RTOGS 'DOD RTZOD MI 'GYUR, ,TSAD MA'I MTSAN NYID BSTAN BCOS DAG ,RAB TU BYED PA DON MED CING, ,PHAN TSUN DAG TU 'GAL BA YI, ,MTSAN NYID DAG KYANG BYED MI 'GYUR, ,BDAG DANG GZHAN GYI GRUB PA'I MTHA'; ,PHAN TSUN THA DAD MED PAR 'GYUR, ,TSAD MA KUN GYI TSAD MA NYID, ,BDAG NYID LA NI GRUB PAR THAL, ,DON DAM PA YI DNGOS PO YI, ,NGO BO 'DAS NAS MI 'JUG STE, ,GZHAN DU'ANG TSAD MA 'JUG NA NI, ,DE NI JI LTAR TSAD MA NYID, ,RMI LAM SOGS BZHIN BRDZUN PA NYID,, 'DOD PA'I DON LA MI SLU PHYIR, ,'JIG RTEN DNGOS LA TSAD MA YOD, ,THA SNYAD DU NI BRJOD PAR BYA, ,DE NYID JI STE DON DAM YIN, ,MING TZAM ZAD PA BZLOG MED DE, ,RANG DGA' DAG GIS BYUNG BA LA, ,DE NI SU ZHIG ZLOG PAR BYED, ,'ON KYANG RMI LAM BYED PA NI, ,BRDZUN PA'I DNGOS PO RNAMS LA YANG, ,'DOD PA'I DON BYED SGRUB NUS PA, ,'DI LTAR DMIGS SHING SNANG YIN NA, ,DE YANG DON DAM CIR MI 'DOD, ,'GAL BA PA YI PHYIR ZHE NA, ,DE BZHIN GZHAN DU GNYID SAD LA, ,DE DANG MTHUN NA CI PHYIR 'DOD, ,DE LA MI SLU BA DAG KYANG, ,MA SAD PA DANG GNYI GA MTHUN, , SAD PA DAG GIS SLU BYED PA, ,GNYI GA YANG NI MTHUN PA NYID, ,RDZOGS SANGS RGYAS KYIS CHOS RNAMS KUN, ,RMI LAM LTA BUR RAB TU BSTAN, ,DBANG PO LNGA PO DE DAG GI, ,DNGOS PO CUNG ZAD MTHONG BA MED, ,JI STE DON BYED NUS PA YI, ,SNANG BA TZAM YANG MI 'DOD NA, ,'KHRUL PA'I PHYIR NA 'DI DAG NI, ,DON DAM NYID KYI MTSAN NYID MIN, ,RMI LAM DAG NA DNGOS PO'I DON, ,SHES PA'I NGO BO NYID MA YIN, ,SHEL SGONG BZHIN DU DAG PA YI, ,SHES PA YIN ZHES NYE BAR BRJOD, ,SNGON PO LA SOGS GZUGS SNA TSOGS, ,DE LA DE NI GANG NAS 'ONGS, ,'KHRUL PAS YIN NA'ANG 'KHRUL 'DI CI, , @246A *, ,'KHRUL PA MED PA NYID CE NA'ANG, ,DE LAS DE NYID YIN ZHES PA, ,MCHOG TU DE NI LEGS PAR BSHAD, ,'ON TE SNGA MA'I RNAM PAR SHES, ,SHES PA PHYI MA'I RGYU YIN NA, ,'KHRUL PA DE NI DE DAG LAS, ,RGYU MED PAR NI JI LTAR 'BYUNG, ,SNGON PO LA SOGS DE 'BYUNG NA, , 'BYUNG LA RAG STE 'ON KYANG NI, ,SHES DANG THA DAD MA YIN PHYIR, ,JI LTAR GCIG LA SNA TSOGS NYID, ,RNAM PAR SHES PA DU MA 'ANG, ,'BYUNG BAR RTAG TU RIGS PA MIN, ,LUS MED YUL NA MI GNAS PHYIR, ,YUL NA BKRAM STE 'DUG PA MED, ,DE LA DE NI SNA TSOGS PA, ,BRDZUN PA NYID CES 'DOD NA YANG, ,BRDZUN DANG CIG SHOS 'GAL BA DAG ,GCIG PO NYID DU JI LTAR RUNG, ,BRDZUN PA RNAMS KYANG RGYU DAG LAS, ,'BYUNG BAR JI STE 'DOD NA NI, ,BDEN PA GNYIS KYI MTSAN NYID DAG ,DNGOS PO GZHAN LA CI ZHIG YOD, ,RANG DANG DBYER MED SNA TSOGS PA'I, ,SNGO SOGS BRDZUN PA'I RANG BZHIN NA, ,RNAM PAR SHES PA'ANG BRDZUN NYID DU, ,CI'I PHYIR GSANG STON BRJOD MI BYA, ,SHES PA'I RNAM PA SNA TSOGS RNAMS, ,JI STE DE'I BDAG MA YIN TE, ,GZHAN YIN DE LA DE BZHIN DU, ,JI LTAR SO SOR SNANG BAR 'GYUR, ,GZHAN YANG GANG DE SNGO LA SOGS, , 'DI DAG BRDZUN PA NYID BRJOD NA, ,DE NYID MTSAN NYID 'KHRUL PA YI, ,YUL DANG MA GYUR MA YIN NAM, ,RMI LAM DAG LA DE LAS GZHAN, ,KHYED KYI 'DOD PA'I DON BSGRUB CING, ,GANG GIS MTSAN NYID 'KHRUL PAR NI, ,MI 'GYUR GZUNG DU YOD MA YIN, ,JI STE DON BYED RUNG BA LA, ,DE DAG KHONG DU CHUD PA DE, ,DE TSE YANG DAG RTOGS PAR 'GYUR, ,GANG GI NGO BO RTOGS PAS NI, ,RNAL 'BYOR SRID PAR 'KHYAMS LAS GROL, ,'DIR NI DE NYID DON DAM DU, ,RTAG PA'I YUL DU BYA BA YIN, ,'GRO BA GROL LA THOB 'GYUR ZHING, ,THAMS CAD THAR PAR THAL BA'I PHYIR, ,DNGOS TZAM RAB TU GRUB PA LAS, ,'DOD PA'I DON BYED RUNG BA MIN, ,DE BAS 'DOD DON MI SLU BA, ,TSAD MA'I MTSAN NYID YIN NO ZHES, ,'JIG RTEN PA LA'ANG RAB GRUB PHYIR, ,THUN MONG YIN PAR GNAS PA YIN, ,DES NA YOD PA'I THA SNYAD SOGS, ,KHYAB PA YIN YANG YANG DAG DON, ,'GRUB MIN JI @246B LTAR DE LAS NI, ,DNGOS POR SMRA BA LEGS PAR GNAS, ,TSU ROL MTHONG BA THAMS CAD KYI, ,SEMS NI DE LA NOR BA'I PHYIR, ,YANG DAG DNGOS PO CUNG ZAD KYANG, ,MNGON SUM DAG GIS GRUB PA MED, ,RTOG DANG BRAL LA MA 'KHRUL PA, ,MNGON SUM ZHES NI DE BRJOD LA, ,TSU ROL MTHONG BA KUN GYIS KYANG, ,YANG DAG MTSAN NYID 'KHRUL PA MED, ,YANG DAG MNGON SUM RTOGS PA DE, ,JI LTAR TSU ROL MTHONG ZHES BYA, ,CHA SHAS 'KHRUL MED RANG BZHIN NA, ,DBANG PO'I RNAM PAR SHES PA DAG ,SPYI DON YIN PHYIR NYER BRJOD PHYIR, ,RANG GI MTSAN NYID SPYOD YUL MIN, , JI STE GZHAN LAS BZLOG PA YI, ,SPYI DE YUL ZHES MI BRJOD NA, ,GZHAN DU GCIG GI DNGOS PO LA, ,JI LTAR CHA SHAS RTAG TU YOD, ,SGRA LA SOGS PA'I CHOS CAN LA, ,TSAD MA GZHAN DAG MI SLU PHYIR, ,MNGON SUM RTOGS PA'I BDAG NYID LAS, ,YANG DAG RNAM PAR NGES PA MED, , RANG GI MTSAN NYID RNAM PA KUN, ,'DI DAG GZUNG NYID MA YIN NAM, ,'ON KYANG ZIN DANG BRAL BA'I PHYIR, ,RNAM PA THAMS CAD NGES PA MED, ,DON DU GNYER DANG GOMS 'DUS LAS, ,SOGS PA'ANG DE YI RGYU YIN PHYIR, ,'DI LTAR MYONG BA ZHES BYA BAS, ,NGES PAR SKYE BAR MI SRID DO, ,RNAM PA THAMS CAD GZUNG NA YANG, ,GANG NA DON DU GNYER SOGS RGYU, ,MED PA DE NA PHYIN CI LOG ,'KHRUL PA'I SA BON DAG LAS SKYE, ,RJES SU DPAG PA RNAMS KYIS NI, ,SGRO 'DOGS DE TZAM NYI TSE ZHIG ,BSAM PA BSGRUB PAR BYA YIN GYI, ,MNGON SUM SPYOD YUL DNGOS PO MIN, ,RNAM PA THAMS CAD NGES PA DAG ,JI STE DE LAS MA SKYES NA, ,DE NI GZUNG BA YIN NO ZHES, ,GNA' CHUNG RNAMS KYIS RKYAL BAR BGYIS, ,MTSAN MA RNAMS NI GZHAN DAG LAS, ,YANG DAG DNGOS PO GRUB NA NI, ,MNGON SUM DES NI RNAM PA KUN, ,GZUNG ZHES BYA BA'I RIGS PA MNYAM, , MA GRUB NA YANG RNAM NGES PA, ,DER MA SKYES PAR GZUNG NGO ZHES, ,KHYOD KYI THA MAL SEMS KYIS NI, ,BRJOD PAR JI LTAR RIGS PA YIN, ,DON BYED PA RNAMS SNANG BA YI, ,SHES PAS KYANG NI 'KHRUL PA'I PHYIR, ,GZUNG BA NYID DU NGES MIN TE, ,JI LTAR SNGAR NI BSHAD PA BZHIN, ,'GA' @247A *, ,ZHIG TU NI YANG DAG DNGOS, ,JI STE LAN 'GA' MTHONG GYUR NA, ,DON BYED PAS NI DE BSGRUB CES, ,RNAM PAR NGES PA DE DAG RIGS, ,PHA ROL MA YIN MTHONG RNAMS KYIS, ,GANG TSE LAN 'GA' DE GCIG KYANG, ,MTHONG BA MED PAS DE BAS NA, ,RNAM PAR NGES PAS JI LTAR BYA, ,SPRUL PA RNAMS KYANG SNA TSOGS PA'I, ,DON RNAMS BYA BA BYED PAR BRJOD, ,GZUGS BRNYAN LA SOGS LA YANG MTHONG, ,DE'I PHYIR NGES PAR GYUR PA MED, ,PHYI ROL DON THOB MTSAN NYID KYI, ,MI SLU BA NI DON GRUB MED, ,'DI LTAR SNANG BA NGO BO NI; ,RMI LAM SOGS PA LA YANG YOD, ,SHES PA LNGA LA KHYAD MED PA'I, ,GZHAN LAS JI LTAR NGES PA YIN, ,YUL NI THA DAD YIN PHYIR YANG, ,DE SGRUB DON LA MI SLU MED, ,SNGAR MYONG BA LA MI SLU BA, ,SKAD CIG PA LA SHIN TU DKON, ,SKAD CIG MA YIN RNAMS LA YANG, ,GANG NA DON BYED YOD MI SRID, ,JI STE RTOGS PAR BYED PA RNAMS, ,THA DAD MED PAR ZHEN PA YIS, ,'DOD NA GNYIS LA GCIG DON TE, ,BRTAGS PA 'DI YIN GANG DAG MIN, ,RANG GI MTSAN NYID JI BZHIN DU, ,JI STE DBANG POS MA BZUNG NA, ,DE TSE YUL DE NGES PA ZHES, ,DE NI JI LTAR RIGS PA YIN, ,YUL GYI DON LA MNGON SUM DAG ,JI STE SGRO 'DOGS SRID NA YANG, ,RANG GI MTSAN NYID DNGOS PO LA, ,DE NI JI LTAR TSAD MA YIN, ,DE BAS DE YIS SEMS KYIS NI, ,YANG DAG DNGOS PO RTOGS MED KYIS, ,SMIG RGYU BZHIN DU GANG DAG GIS, ,'DI LA SGRO 'DOGS BYED PAR 'GYUR, , SGRO 'DOGS PA YIS THAMS CAD DU, ,SEMS KYI RKED PAS GTUGS PA DAG ,ZLA BA GNYIS SOGS MNGON SUM GYI, ,SHES PA DAG DANG CI MI MTSUNGS, ,GANG TSE RTAG TU YANG DAG NYID, ,LOG PAR SGRO 'DOGS MUN PAS G-YOGS, ,MNGON SUM MI SLU YIN PA LAS, ,RNAM PAR NGES PA DE NI MED, ,GZHAN YANG DNGOS PO'I NGO BO NYID, ,RTAG PA'AM MI RTAG GCIG TU 'GYUR, ,PHAN TSUN SPANGS TE GNAS PA'I PHYIR, ,PHUNG PO GSUM PA YOD PA MIN, ,PHAN TSUN YONGS SU SPANGS LA SOGS, ,'GAL BA RAB TU GRUB BYA'I PHYIR, ,JI STE TSAD MAS KHAS LEN NA, , @247B NGED KYI DNGOS PO 'GAL BA GRUB, ,DE NI RIGS TE TSAD MA YIS, ,DNGOS PO RNAMS KYI SPYI 'GRUB PHYIR, ,KHYAB PAR DNGOS PO MI 'GRUB CES, ,GONG DU RAB TU BSGRUBS PA YIN, ,DNGOS PO RNAMS KYI 'GAL BA NI, ,THA SNYAD PA YI TSAD MA NYID, ,'DI LA BRTEN NAS BRJOD PAS NA, ,DE PHYIR YANG DAG RTOGS PA MIN, ,'DI LTAR MAR ME LA SOGS PA, ,SKYE ZHING 'JIG PA'I CHOS CAN RNAMS, ,BRTEN PA'I RNAM PAS RNAM GCAD PAS, ,'GAL BAR RTOGS PA RNAMS LA LTOS, ,GANG TSE RNAM PA RNAM GCAD PA, ,MED NA MED PAR NGES PA YIS, ,CHOS DE GANG YIN DE GNYIS NI, ,MTSAN NYID KYIS NI 'GAL BAR 'DOD, ,SKYE 'JIG DAG DANG 'BREL PA NI, ,SGYU MA LA SOGS LA YANG YOD, ,DE TZAM GYIS NA DE DAG CI, ,YANG DAG DNGOS PO NYID YIN NAM, ,SHES PA'I RNAM PA NOR PHYIR DANG, ,PHYI ROL DON YANG MA GRUB PHYIR, ,MAR ME LA SOGS RNAMS LA YANG, ,YANG DAG DNGOS PO CUNG ZAD MED, ,DE LTA BAS NA 'JIG RTEN GYI, ,DON LA BRTEN NAS 'GAL BA DAG ,DON DAM NYID LA 'JUG BYA'I PHYIR, ,RIGS PA SHES PA RNAMS KYIS GZHAG ,DE BZHIN GZHAN YANG 'GAL BA DAG ,THA SNYAD YIN PAR SHES PAR BYOS, , YANG DAG DNGOS PO NYID LA NI, ,'GAL BA NYID NI 'GA' YANG MED, ,TSAD MA'I MTSAN NYID 'DI DAG KYANG, ,YANG DAG NYID LA 'JUG BYA'I PHYIR, ,THA SNYAD PA NI YIN NO ZHES, ,BSTAN PA DE PHYIR 'DOD PAR GYIS, ,GZHAN DU BYIS PA GNAG RDZI SOGS, ,BUD MED RNAMS LA GRAGS PA NYID, , MAN NGAG MED PAR DU SOGS LAS, ,CI PHYIR ME SOGS PHYOGS NGES 'GYUR, ,THA SNYAD RNAMS LA MA BRTEN NA, ,THABS GZHAN DAG LA BRTEN BYAS KYANG, ,RANG DANG GZHAN GYIS YANG DAG PA, ,RNAM PAR DBYE BAR NUS PA MIN, ,RTAGS DANG RTAGS CAN 'GAL BA DANG, ,DE BZHIN KHYAB BYA KHYAB BYED PA, ,YANG DAG DON LA MA BRTAGS KYI, ,DON DAM PA LA 'JUG BYA'I PHYIR, ,JI LTAR 'JIG RTEN GRAGS PA LA, ,BRTEN NAS DE BZHIN BSGRUB BYA DANG, ,SGRUB BYED 'DI DAG GNAS PAR NI, ,DE BAS THAMS CAD BRJOD PA YIN, ,DE BAS KHYAB DANG 'GAL LA SOGS, ,MA GRUB @248A *, ,LA SOGS GANG RGOL BA, ,DE DAG THAMS CAD 'KHYAM PA ZHES, ,MKHAS PA RNAMS KYIS SHES PAR BYA, ,GTAN DU MA GRUB GANG YIN PA, ,DE LA BRGAL BAR RIGS PA YIN, ,YANG DAG BRTEN NAS RTZOD PA NI, ,MI 'DOD THAL BAR 'GYUR BA MED, ,DE LA MI RTAG DNGOS PO'I BDAG ,YANG DAG MNGON SUM SHES PA MED, ,RGYU DANG 'BRAS BU RTOGS GRUB NA, ,DE NI RAB TU 'GRUB PA YIN, ,GZHAN GYI BDAG NYID 'BRAS BU DANG, ,RGYUR GYUR PA LA RNAM SHES KYI, ,GANG PHYIR 'DZIN PAR MI RIGS NA, ,MNGON SUM NYID DU DE MA GRUB, ,RNAM PAR SHES PA 'DRA TZAM GYIS, ,GZHAN DAG SHES PA MA YIN TE, ,DE LTA YIN NA 'DRA BA KUN, ,PHAN YON RIGS PA NYID DU 'GYUR, ,'DRA GANG SHES PA'I NGO BO ZHES, ,BYE BRAG RUNG BA MA YIN TE, ,RANG GI NGO BO GNAS PA YI, ,SHES BYA KHYAB PA'I BDAG POR RUNG, ,SHES PA'I NGO BO BYE BRAG GIS, ,BDAG NYID NYE BAR GNAS NA YANG, ,DE LTA YIN YANG MI PHAN PHYIR, ,GZHAN DAG JI LTAR 'DZIN PAR 'GYUR, ,'DRA BA SHES PA'I NGO BO'I PHYIR, ,JI STE RIGS PAR 'GYUR NA YANG, ,ZLA BA LA SOGS LTA BA NA, ,PHAN TSUN DE SHES CIS MA GYUR, ,DE LAS BYUNG BA YIN NA ZHES; ,DE LTAR KHYAD PAR GZHAN DAG KYANG, ,JI STE RJOD PAR BYED NA NI, ,'ON KYANG 'DOD PA SGRUB MI BYED, ,DNGOS PO RNAMS KYIS DON BYED PA, ,RANG GI DNGOS DANG 'BREL PAS NA, ,SKYES BU 'DOD PA'I RJES 'BRANGS PA'I, ,BYE BRAG RNAMS LAS JI LTAR 'GYUR, ,RNAM SHES DE LAS BYUNG NA YANG, ,RANG GI NGO BOR DE GNAS LAS, ,JI LTAR GZHAN LAS MNGON SUM DU, ,BYED CES BYA BA 'DI YANG SMROS, ,GZHAN GYI NGO BO MNGON SUM DU, ,GRUB NA DE DANG 'DRA BA DANG, ,DE LAS BYUNG BA 'GRUB PAR 'GYUR, ,DES NI BYE BRAG GRUB PA MED, ,MTSUNGS PA'I DON STOBS BYUNG BA YI; ,RNAM SHES DE MA THAG PA DANG, ,DE 'DRA DE LAS BYUNG BA'I PHYIR, ,SHES PA RIGS PAR THAL BAR 'GYUR, ,SEMS LA KUN TU SNA TSOGS PA'I, ,RNAM PA 'DI DAG SNANG BA'I PHYIR, ,CHA SHAS CAN GYI NGO BO DANG, ,'DRA BA 'BREL PA MA YIN NO, ,SNA TSOGS PA YANG GCIG PA MIN, , @248B DE YI YON TAN SNA TSOGS MED, ,RTEN LA 'DZIN PA MED PAR NI, ,'DI LA 'DZIN PA MI SNANG NGO, ,SNA TSOGS RNAM PAS DBEN PA YI, ,RTEN NI SO SOR SNANG BA MED, ,GZHAN YANG RAB RIB LTAS NGAN DANG, ,MIG SER SOGS PAS NYAMS PA'I MIG ,GANG PHYIR DNGOS PO GCIG LA YANG,, NYE RING LA SOGS BYE BRAG GIS, ,MI MTHUN RNAM PAR MYONG BA YIS, ,SHES PA DAG KYANG SNANG BA YIN, ,DE LA DE DAG DE SNYED KYI, ,DNGOS PO THA DAD YOD PA MIN, ,MI MTHUN CHOS CAN GCIG YIN NA, ,THAMS CAD GCIG PAR THAL BAR 'GYUR, ,GCIG NA LHAN CIG SKYE BA DANG, , 'JIG DANG GNAS PA CAN DU 'GYUR, ,DE PHYIR 'DRA BA MA GRUB STE, ,DON MED PAR YANG SNANG BA YIN, ,RMI LAM SOGS NA SNGO SOGS KYI, ,NGO BO SNANG BA'I MYONG BA DANG, ,'KHRUL PAR 'GYUR BA DE YI PHYIR, ,'DI LAS GZHAN RIG 'GRUB PA MED, ,CHUNG BA'I NGO BO'ANG DON MIN TE, , DE SHES SO SOR MYONG MED PHYIR, ,GCIG PU PHRA BA DE SNANG BA'I, ,RNAM PA SEMS KYIS MYONG BA MED, ,RE RE DAG NI TSOGS PA YI, ,YUL NYID YIN PAR KHAS BLANGS SU, ,RTAG TU GONG BU'I NGO BO YI, ,SNANG BA'I SHES PA MYONG BA YIN, ,'DUS PA CAN LAS 'DUS PA YIN, ,MTSAN NYID THA DAD YOD PA MIN, ,BRTAGS PA'ANG DNGOS PO MED PA'I PHYIR, ,JI LTAR DE NI SO SOR SNANG, ,JI STE PHRA BA'I DNGOS 'DZIN NI, ,BAR MED GNAS PA GANG GIS 'DZIN, ,RAGS PA 'KHRUL PA YIN NA YANG, ,JI LTAR 'DI DAG TSAD MA YIN, ,YID LA YOD NA JI LTAR 'DI'I, ,RNAM PA GSAL BAR SNANG BA YIN, ,DBANG PO'I YUL NA RDUL PHRAN RNAMS, ,RTAG TU 'DZIN PA MED PAR 'GYUR, ,DE YI NGO BO SNANG BA YI, ,SHES PA RTAG TU MA SKYES PHYIR, ,DE BAS DE 'DZIN SNGAR GYUR PA'I, ,'KHRUL PA 'GRUB PAR MI 'GYUR RO, ,JI STE TSAD MA GZHAN DAG LAS, ,RDUL PHRAN GRUB PAR GYUR NA NI, ,DE 'DZIN SNGA MAR GYUR PA YIS, ,RAGS PA'I RNAM PA'I SEMS SU 'GYUR, ,GANG PHYIR DE NYID MA GRUB STE, ,TSAD MAS KYANG NI RAB TU BTZAL, ,RMI LAM SOGS NA'ANG PHRA MED PAR, ,RAGS PAR 'KHRUL PA SNANG BA YIN, ,RING BA'I DON LA CHUNG NGU YANG, ,CHEN PO NYID DU NYE BAR @249A *, ,DMIGS; ,DE BAS DE 'DZIN LAS 'DI MIN, ,RI MO BRKYANG BA MTHONG BA YI, ,RNAM PA JI STE YANG DAG NA, ,RNAM PAR SHES PA GCIG PA YANG, ,DE DANG 'DRA BAR SNA TSOGS 'GYUR, ,LUS MED PHYIR NA RNAM PAR SHES, ,YUL LA BKRAM STE SKYE MI SRID, ,DE PHYIR RNAM SHES DU MA RU,, RTOG PA LEGS PA MA YIN NO, ,SHES PA GCIG DANG THA MI DAD, ,RNAM PA SNA TSOGS 'GYUR BA MED, ,THA DAD GYUR NA RNAM PA DANG, ,SHES PAR 'BREL PA MED PAR 'GYUR, ,RNAM PA'ANG JI STE RNAM PA BCAS, ,RTOG PAR BYED PA NAS MED DO, ,DE LTAR RNAM PA GZHAN DANG GZHAN, ,SUS KYANG MYONG BA MA YIN NO, ,JI STE RNAM PA MED NA NI, ,SHES PA RNAM BCAS RTOG DON MED, ,THA DAD THA DAD MED MA RTOGS, ,PHUNG PO GZHAN YANG RIGS PA MIN, ,'ON TE DON GYI RNAM SNANG BA, ,BRDZUN PA NYID DU 'DOD NA YANG, ,JI LTAR BRDZUN PA 'DI DAG GIS, ,GZHAN GYI DNGOS PO 'GRUB PAR 'GYUR, ,JI STE BRDZUN PA MNGON SUM DU, ,GSAL BAR RAB TU MYONG NA NI, ,MNGON SUM PA YI DNGOS PO YANG, ,DE TSE YANG DAG NYID MA YIN, ,GZHAN YANG JI STE 'DRA BA'I DON, ,BDAG NYID THAMS CAD KYIS YIN NA, ,DON BZHIN SHES PA BLUN PA YI, ,NGO BOR 'GYUR PA GANG GIS BZLOG ,RNAL 'BYOR PA DAG GROL BA YANG, ,GZHAN GYI PHYAG SOGS MTHONG BA NA, ,DE BZHIN PHYAG SOGS LDAN PAR 'GYUR, ,GNYI GA'ANG CHA SHAS MED PA'I PHYIR, ,CHA GCIG GIS NI 'DRA BA MIN, ,CHA SHAS BCAS PA MA GRUB NA, ,YANG DAG DNGOS PO CI ZHIG 'GRUB, , 'ON TE BZLOG PA'I BYE BRAG GIS, ,CHA SHAS RTOG PAR BYED NA YANG, ,BRTAGS PA YIN PHYIR 'DRA BA NI, ,GNAS PA MED PA NYID DU 'GYUR, ,THAMS CAD DU YANG BDAG RTOGS PA'I, ,DE YI RNAM PA MYONG BA'I PHYIR, ,'DRA BA YOD KYANG PHYI ROL LA, ,SHES PA SO SOR MYONG BA MED, ,MI 'DZIN PA YI DUS NA NI, ,YUL 'DI YOD PA MA YIN NO, ,MNYAM PA'I DUS NA RGYU MIN PHYIR, ,RGYU MA YIN DANG YUL YANG MIN, ,GNAS PA YIN DU ZIN NA YANG, ,RNAM PA GNYIS PA MYONG BA MED, ,MYONG BA YOD PAR GYUR NA YANG, ,DE LA BRGAL ZHING BRTAG PA MTSUNGS, ,'DRA BA DE MYONG GANG @249B YIN PA, ,DE NYID PHYI ROL MYONG BA YANG, ,NYE BAR BRTAGS PA YIN PA'I PHYIR, ,DE NI YANG DAG NYID MA YIN, ,NYE BAR BRTAGS PA TZAM GYIS NI, ,DON BYED 'DOD PA'I GRUB PA MED, ,BRAM ZE'I BU LA ME BTAGS PAS, ,'DI LTAR 'TSED LA SBYOR BA MED, ,DON NI YONGS SU MA MTHONG PHYIR, , DE DANG 'DRA BAR 'GRUB PA MED, ,BYED RGYU YIN NA'ANG 'BRAS BU LA, ,'DRA BA BSKYED PA'I MA YIN TE, ,GZUGS SNANG BA YI RNAM SHES KYI, ,'ON TE SGRA RIG BYUNG BA DANG, ,SNGON PO LA SOGS SNANG BA NA, ,MIG LA SOGS PAS MA NGES 'GYUR, ,RNAM PAR DAG LAS DON GRUB PA, ,DE NI RJES SU DPAG YIN NA, ,RMI LAM LA SOGS 'KHRUL PA'I PHYIR, ,DON GYIS DE LA KHYAB PA'ANG MED, ,GZHAN DU DBANG PO DRUG PO DAG ,TSAD MA SO SOR 'GOG PHYIR DANG, ,SHIN TU CHUNG BA'I GZUGS SOGS KYIS, ,SNGON PO LA SOGS MA GRUB PHYIR, ,MIG GI RNAM SHES LDAN PA YIS, ,SNGON PO SHES KYI SNGON PO'I MING, ,SHES PA MIN ZHES GSUNGS PA GANG, ,DA NI THA SNYAD BRTEN PA YIN, ,GZUGS LA SOGS PA'I DNGOS PO RNAMS, ,YANG DAG MIN ZHES NGAS BSHAD PAS, ,SEMS CAN RNAMS NI DRANG BA'I PHYIR, ,THA SNYAD DU NI BSTAN PA YIN, ,SNANG BAS STONG PA'I SHES PAS KYANG, ,GZHAN RIG PA NI RIGS PA MIN, ,DE NI KHYAD PAR MED PA'I PHYIR, ,DON NI NGES PA MED PAR 'GYUR, ,GANG PHYIR NYE BA TZAM DAG GIS, ,GZHAN RIG DE RU 'GYUR NA NI, ,DE NI KUN LA 'DRA BA'I PHYIR, ,THAMS CAD RIG PAR CIS MI 'GYUR, ,THAMS CAD DON KUN MTHONG 'GYUR TE, ,'DI LTAR SNA TSOGS BLO LDAN GYIS, ,YUL DU GZUGS LA SOGS PA RNAMS, ,BYE BRAG MED PHYIR CIS MI 'GYUR, ,'ON TE YANG NI YUL 'GA' YIS, ,BLO DAG SHIN TU BSKYED BYAS NAS, ,YOD CES KHAS LEN BYED NA NI, ,'DRA BA SLAR YANG 'ONGS PA YIN, ,RTOGS PA'I NGO BO THA DAD MED, ,'DRA BA DAG LAS GZHAN CI YOD, ,SHES PA GANG YIN RTOGS YIN NA, DE LA'ANG NYES PA GONG DU BSTAN, ,NGES 'BYUNG BYE BRAG YOD NA YANG, ,MA YIN DBANG PO'ANG DE DANG 'DRA, ,SHES PA'I DUS NA 'DI MED NA, ,RGYU LAS JI LTAR RAB TU MYONG, ,TSOGS PA @250A *, ,GCIG LA RAG LAS NYID, ,JI STE BYE BRAG RTOGS BYED NA, ,SEMS DANG SEMS BYUNG TSOGS PA YI, ,MIG LA SOGS PA'ANG DE DANG 'DRA, ,TSOGS PA GCIG LA'ANG RAG LAS KYANG, ,DBANG PO LA SOGS RTOGS MED DE, ,YUL MA YIN PHYIR ZHE NA YANG, , DE 'DIR SPYOD PHYIR MI RUNG NGO, ,YUL NYID YIN PA GRUB NA NI, ,LAN 'DI RAB TU 'GRUB PAR 'GYUR, ,MTSAN NYID 'KHRUL PA YIN PA'I PHYIR, ,DE NYID MA GRUB BRJOD PA YIN, ,RTOGS BYA DANG NI YUL GNYIS LA, ,BYE BRAG 'GA' YANG YOD MIN TE, ,BSGRUB BYA SGRUB BYED 'GOG DE GNYIS; ,DE PHYIR BYE BRAG YOD PA MIN, ,GANG PHYIR YUL MIN DE BAS NI, ,'DI NI YUL DU MI 'GYUR ZHES, ,DNGOS PO RNAM PAR DAG PA YI, ,SMRA BA SHES PA GZHAN SU YOD, ,GZHAN DU SNANG BA'I SHES PA YIS, ,'DZIN PAR RIGS PA MA YIN TE, ,DE LTA YIN NA YUL GYI PHYIR; ,SHES PA NGES PAR MI 'GYUR RO, ,SNGO SOGS NGO BO SNANG BA YI, ,YUL DU SGRA LA SOGS GYUR TE, ,THAMS CAD KYIS NI YUL THAMS CAD, ,RNAM PAR SHES PAR THAL BAR 'GYUR, ,DNGOS SU GZHAN GYI NGO BO LA, ,MNGON SUM SO SOR MYONG MED NA, ,DE DANG MTSAN NYID MI MTHUN SNANG, ,DE SHES PAR NI JI LTAR 'GYUR, ,YUL GYI CHED DU DUS KUN DU, ,'DIR YANG PHAN PA MI BYED DE, ,MI SNANG BA DANG GZHAN DU SNANG, ,PHYOGS GNYIS SNGA MA BZHIN DU MTSUNGS, ,CUNG ZAD BYED PA MED NA YANG, ,'DZIN PAR RTOG PA RIGS PA MIN, ,GZHAN LA DNGOS KYIS STONG NA NI, ,BRJOD PA 'THAD PA MA YIN NO, ,DES DBEN DE YI RNAM PA YI, ,MNGON SUM GNYIS KYIS RGYU 'BRAS KYI, ,DNGOS PO RNAM PAR NGES PA 'DI, ,DE PHYIR YANG DAG NYID MA YIN, ,'DI NI 'DI LAS 'BYUNG NGO ZHES, ,GNAG RDZI YAN CHAD JI LTAR 'GYUR, ,GRAGS YIN NA'ANG YIN DU ZAD, ,GRAGS PA DE DAG GSAL BA MED, ,DE 'DOD RNAMS LA SKABS 'DIR NI, ,YANG DAG CHED DU DBYED BA BYED, ,JI STE GRAGS PA 'GOG BYED NA, ,RNAM PAR DPYAD PA RGYUN CHAD 'GYUR, ,GANG DAG GRAGS PA'I DNGOS PO LA, ,'GOG PAR BYED PA RAB TU GLEN, ,DE DAG @250B RNAMS KYIS NGES 'GAL 'GYUR, ,ZLA BA RI BONG CAN 'GOG BZHIN, ,GRAGS PA 'DI CI 'DREN PA'AM, ,BDEN PA MIN ZHES NGES BYA'I PHYIR, ,RAB TU GRAGS PA TZAM GYIS NI, ,YANG DAG MIN ZHES NYE BAR BSGRUBS, ,BRDZUN PA'AM RMI LAM LA SOGS NA, ,'BYUNG BA 'DI DAG YONGS SU NGES, ,BDEN PA NYID NI LOG NA YANG, ,GANG TSE DE NI MI LDOG PA, ,DE TSE YANG DAG RNAM DAG PA, ,DE YI 'GAL BAR JI LTAR 'GYUR, ,RGYU DANG 'BRAS BU MNGON SUM DU, ,JI STE MYONG BA MA YIN NA, ,'DI LAS 'DI NI 'BYUNG NGO ZHES, ,JI LTAR DRAN PA 'BYUNG BA YIN, , RMI LAM NA YANG BRDZUN PA YI, ,'BRAS BU LA SOGS DNGOS MYONG PHYIR, ,DRAN PA 'DI NI DE NA SNANG, ,DE LAS DNGOS PO RNAM NGES MED, ,'ON TE DRAN PA'I RTAGS DAG LAS, ,RJES SU MYONG BA RNAMS NGES PA, ,SPYIR NI RAB TU SGRUB BYED NA, ,DE TSE SGRUB PA SGRUB PA YIN, ,'BRAS BU LA SOGS DON DAM PA'I, ,YUL NI RJES SU MYONG BAR YANG, ,JI STE SGRUB PAR BYED 'DOD NA, ,RJES SU 'GRO BA MED PA'I PHYIR, ,DE NAS DE NI GRUB PA MED, ,SNANG BCAS LA SOGS RNAMS SHES KYIS, ,DON LA 'DZIN PA DES BZLOG PA, ,KHYED KYIS BYAS PA MA YIN NAM, ,GROGS KYIS BSTANGS PAS NGO BO 'PHEL, ,RGYU DANG 'BRAS BU'I DNGOS PO NI, ,RTAG TU RNAM SHES BDAG NYID NYID, ,BDAG NYID RIG PA'I NGO BO YI, ,MNGON SUM DAG GIS RNAM PAR NGES, ,YANG DAG JI BZHIN DUS KUN DU, ,DE MYONG MED PHYIR DE MI RIGS, ,KHYED NI JI LTAR MYONG BA DER, ,YANG DAG NYID DU'ANG 'DOD PA MED, ,DE LTAR GZUNG DANG 'DZIN PA YI, ,RNAM PA YOD PA MA YIN 'DOD, ,RTAG TU DNGOS PO YOD PA YI, ,SHES PA DE BZHIN DE MYONG MED, ,DE LTA MIN NA 'GRO BA KUN, ,RTAG TU DE NYID MTHONG BAR 'GYUR, ,YANG DAG GOMS BYA CHED DU DE, ,THAR 'DOD RKANG SMYANG 'DUG LA RAG, ,GCIG LA RNAM PA GNYIS 'GAL PHYIR, ,JI LTAR MYONG BA'I GZUNG BA DANG, ,'DZIN PA'I RNAM SNANG DE BZHIN DU, ,YANG DAG NYID NI MA YIN NO, ,GNAS NGAN LEN GYI BAG CHAGS LAS, ,JI STE 'KHRUL PA'I RTAGS BYUNG NA, ,'KHRUL PA NYID DU DE SNANG BA, ,'DI NI @251A *, ,MNGON SUM GRUB PA MED, ,'DI LTAR MA 'KHRUL MTSAN NYID NI, ,MNGON SUM NYID DU NYE BAR BRJOD, ,RTAG TU BDAG LA 'KHRUL PA MED, ,JI LTAR MNGON SUM NYID DU 'GYUR, ,GSAL BAR GNAS KYI NGO BOR NI, ,DE NI RANG SNANG NYID YIN PHYIR, ,RANG GI MA 'KHRUL GANG GYUR PA, ,DE LAS 'KHRUL PA THA DAD MED, ,JI STE 'KHRUL PA THA DAD GYUR, ,GNYIS KYI NGO BO DE GSAL BAR, ,DE YANG RANG GI GNAS YIN NA, ,JI LTAR DE NI SHES PAR BYA, ,JI STE SHES PA DE NI YID, ,GNYIS KYI RNAM PAR RNAM RTOG PA, ,DE LA 'KHRUL PA 'BYUNG NA NI, ,GNYIS SU 'DZIN PA GSAL MI 'GYUR, ,YID KYI 'KHRUL PA DON GZHAN DU, ,'DRA BA BOR NAS 'GRO BA MED, ,GANG GIS DE NI 'KHRUL 'GYUR BA, ,GNYIS DANG GNYIS MIN MTSUNGS CI 'GYUR, ,GANG DU 'GA' YIS CHUNG ZAD KYANG, ,LAN 'GA' MTHONG BA MA YIN NA, ,GZHAN GYI 'DRA BA MTHONG PHYIR TE, ,DE LA 'KHRUL PAR JI LTAR 'GYUR, ,'ON TE 'OG MA MED PA YI, ,SA BON GNAS NGAN LEN SMIN LAS, ,'KHRUL NA 'DRA BA MTHONG MED PAR, ,RANG LAS SKYES PA 'DI NYID YIN, ,DE LTA YIN NA'ANG DE YI TSE, ,'KHRUL PA DON GZHAN BRTAG MI RIGS, ,SHES PA THAMS CAD RANG NYID KYIS, , RANG GI SA BON DAG LAS 'KHRUL, ,'KHRUL PA'I SA BON LAS BYUNG BA, ,THAMS CAD YIN PAR KHYED KYANG 'DOD, ,DE PHYIR PHA ROL MIN MTHONG BA'I, ,SHES KUN 'DI LTAR RANG LAS 'KHRUL, ,DE PHYIR MNGON SUM NYID 'DI YI, ,GNYIS MIN GANG DAG GRUB PA MED, ,DE MA GRUB NA DE YI PHYIR, ,RGYU 'BRAS DE NYID GRUB PA MED, ,JI STE GNYIS NI 'KHRUL 'GYUR KYANG, ,RTAG TU RTOGS PA'I NGO BO DE, ,MA 'KHRUL PA DAG KHO NAR NI, ,MNGON SUM LAS GRUB MA YIN NAM, ,RTOGS PA'I NGO BO NYID NA SPYIR, ,YUL LA NYE BAR RJOD BYED PA, ,DE LTAR MNGON SUM YIN GYUR KYANG, , RANG GI MTSAN NYID SPYOD YUL MIN, ,SPYI YI MTSAN NYID MA GTOGS PAR, ,'DI LTAR RTOGS PA'I NGO BO MED, ,GANG YANG THUN MONG MA YIN PA'I, ,NGO BO DE NI GNYIS SU SNANG, ,RIGS MI MTHUN PA RNAMS GSAL BAS, ,KHYAD PAR KHO NA SPYI NYID YIN, ,DE YANG BRDZUN PA'I RANG BZHIN @251B NA; ,KHYED KYI SPYI YANG GA LA YOD, ,DNGOS PO RNAMS KYI YOD PA NYID, ,BDEN YIN GZHAN NI BRDZUN ZHES PA, ,RIG BYED MTHAR NI SMRA BA YI, ,GRUB MTHA' GSAL BAR BRJOD PAR 'GYUR, ,GZHAN DU DE DAG SHES PA CAN, ,SPYI YI MTSAN NYID SKYES BUR RIGS, ,RTAG PA GCIG YIN BYE BRAG RNAMS, ,DE NI THAMS CAD NOR BAR NI, ,LTA BA DE DAG NGAN PA YIN, ,THAMS CAD BCINGS DANG GROL 'GYUR TE, ,GCIG NI BCINGS DANG GROL BA NA, ,THAMS CAD DU YANG CIS MI 'GYUR, ,'CHI DANG SKYE DANG GNAS PA DANG, ,GNYID LOG SAD DANG GLEN LA SOGS, , THAMS CAD BYE BRAG MED PA'I PHYIR, ,CIG CAR KHO NAR RAB TU 'GYUR, ,GZHAN YANG RTOGS PA'I NGO BO YI, ,MTSAN NYID MKHAS PAS BSTAN PA NI, ,SNANG BA GZHAN LA MI LTOS PAR, ,GANG ZHIG RANG NYID RTAG TU SNANG, ,DE LTAR YIN NA GNYIS SNANG BA, ,RANG NYID RAB TU GSAL BA'I PHYIR, ,RTOG PA'I NGO BOS GZUNG BA YI, ,BDAG NYID RTAG TU GNAS PA YIN, ,DE NI RTAG TU BRDZUN NYID KYI, ,RIGS KYI KHYIM DU 'JUG PA 'DI, ,KHYAD PAR MED PA BDAG NYID DAG ,NGES PAR PANG DU BLANGS NAS 'JUG ,JI STE RTOGS PA'I NGO BO NYID, ,BRDZUN PA'I NGO BO NYID YIN NA, , RNAL 'BYOR SPYOD GZHAN DE BZHIN NO, ,DE NI SPONG BYED MA YIN NAM, ,MA SPANGS PHYIN CI LOG 'GYUR ZHING, ,SPANGS PAS RNAL 'BYOR CAN DU 'GYUR, ,RNAL 'BYOR MNGON SUM RIG BYA BA, ,YANG DAG DE YIN MI RIGS NA, ,SANGS RGYAS RNAMS KYI GNAS PA YI, ,MYA NGAN 'DAS PA'ANG MI 'GRUB CING; ,RNAM PA THAMS CAD MKHYEN PA YI, ,YE SHES RING DU SPANGS PA YIN, ,DE LTA YIN NA THAL SGO NAS, ,JI STA DE LA BDEN ZHEN SPONGS, ,SGRUB NA DE BZHIN 'DOD PA'I PHYIR, ,'DOD PA KHO NA RAB TU BSGRUBS, ,'ON TE DNGOS PO THAMS CAD DU, ,MED PA'I MTSAN NYID DE SGRUB NA, ,MI MTHUN PHYOGS LAS MA LOG PHYIR, ,GTAN TSIGS MA NGES NYID DU 'GYUR, ,BRDZUN PA YIN ZHES THAMS CAD DU, ,GTANG BAR 'OS PA MA YIN NO, ,SGYU MA RNAMS NI BRDZUN NYID KYANG, ,DE BYED PA RNAMS NYE BAR BRTEN, ,BDAG DANG GZHAN GYI DON RNAMS LA, ,NAM YANG MKHO BAR MI 'GYUR GANG, , @252A *, ,DE DAG THAMS CAD YONGS BTANG ZHING, ,SPONG BA NYID DU RIGS PA YIN, ,BDAG GZHAN DON GYI RNAM PA LA, ,MKHO BA'I YON TAN GANG YIN PA, ,MKHAS SHING SNYING RJE'I BDAG NYID KYIS, ,DE DAG JI LTAR SPONG BAR BYED, ,DE PHYIR JI SRID GZHAN DON LA, ,NYE BAR MKHO BAR 'GYUR BA RNAMS, ,SPANGS KYANG SANGS RGYAS RNAM DAG NI, ,DE DAG THAMS CAD ZLOG PA MED, ,THAMS CAD SGYU MA BYAS 'DRA ZHES, ,BRDZUN PA NYID DU DE DAG SHES, ,YANG DAG JI BZHIN RTOGS PA'I PHYIR, ,DE DE PHYIN CI LOG PA MED, ,DNGOS PO NYID DU BLANG BA DANG, ,DNGOS PO MED PA DOR BA YI, ,RGYUD NI NGES PA MA YIN TE, ,'DI LA 'KHRUL PA DE LTAR SNANG, ,NYAN THOS PA LA SOGS PA DAG ,DNGOS POR LTA BA RNAMS KYIS NI, ,SDUG BSNGAL KUN KYANG GTONG BAR BYED, ,'GOG PA DNGOS PO MED PA'ANG LEN, ,SNYING RJES KHRID PA'I RNAL 'BYOR RNAMS; ,GZHAN DON BYA BA'I CHED DU NI, ,GLANG PO LA SOGS BRDZUN PA YANG, ,SPRUL PA RAB TU BYED PA YIN, ,DE BZHIN GZHAN LA PHAN PAR BZHED, ,THABS DANG SHES RAB BRTEN PA YI, ,SANGS RGYAS RNAMS NI PHYIN CI LOG, ,SPANGS KYANG BZHUGS PAR BZHED PA YIN, ,DE BZHIN BRDZUN PA'I NGO BO YANG, ,RGYU MED CAN 'BYUNG GANG NA'ANG MED, ,SGYU MA SOGS PA BRDZUN YIN YANG, ,TSOGS PA RNAMS LAS 'BYUNG BAR SNANG, ,SGYU MA LA SOGS 'KHRUL PA'I PHYIR, ,RJES SU 'GRO BA'ANG MA GRUB PHYIR, ,RGYU DANG LDAN PA YIN ZHES TE, ,DNGOS PO YOD PAR 'GYUR BA'ANG MED, ,GANG ZHIG THOG MA MED PA NAS, ,KUN RDZOB TU YANG GCIG NAS GCIG ,RGYU MED GYUR PA DE DAG NI, ,BRDZUN PAR YANG NI 'BYUNG BA MED, ,DE BAS RANG RGYU TSOGS PA YI, ,SNA TSOGS RNAM PAR 'BREL PA LAS, ,SGYU MA JI LTAR RAB TU 'BYUNG, ,RNAL 'BYOR SGYU MA'ANG DE BZHIN NO, ,RNAL 'BYOR YE SHES DAG GI RGYU, ,RANG GI BSOD NAMS YE SHES TSOGS, ,MI GNAS MYA NGAN 'DAS PA NI, ,BLO LDAN SNYING RJE SHES RAB YIN, ,'GRO BA MA LUS SGYU MA BZHIN, ,GNAS PAR SHES RAB DAG GIS RIG, ,RMONGS BYED SGYU MA'I MKHAN @252B PO 'DRA, ,SNGON GYI SMON LAM RNAMS KYI MTHUS, ,CHU NANG PADMA 'DAM GYIS LTAR, ,SRID PA'I SKYON GYIS YONG MI GOS, ,DPAG MED RMAD BYUNG BSAM MI KHYAB, ,MA LUS YON TAN PHA ROL PHYIN, ,JI SRID 'KHOR BA 'DI DAG NA, ,'GRO BA MA LUS DON SGRUB PHYIR, ,THUB PA THUGS RJE CHEN PO YIS, ,GZHAN LA RAG LUS BZHUGS PA YIN, ,DE BAS STONG PA NYID BRTEN PA, ,MA LA BYA BA BZHIN DU GSUNGS, ,DE LHUNG 'GYUR BA DGAG PA'I PHYIR, ,THABS LA'ANG BRTEN PAR BYA BA YIN, ,RNAM PA MA LUS THAMS CAD DANG, ,'GRO BA GSUM PO DAG LA YANG, ,DON DAM KUN RDZOB NGO BO NYID, ,JI LTAR SNANG BZHIN MNGON SUM STE, ,'JIG RTEN PA DAG MNGON SUM NI, ,JI LTAR SNANG BCAS SNANG MED SHES, ,DE BZHIN NUS PA BSAM YAS PHYIR, ,RIG STE DE BAS THAMS CAD MKHYEN, ,YANG DAG DON BSGOMS LAS BYUNG BA'I, , YE SHES DE NI RNAM MI RTOG ,CHOS RNAMS SNANG MED GANG YIN PA, ,DES NA YANG DAG YE SHES BRJOD, ,DES NA BDAG NYID CHEN PO YI, ,MI GNAS MYA NGAN 'DAS PA GRUB, ,RNAL 'BYOR KUN SHES YANG DAG SHES, ,RNAM PAR GZHAG PA 'GAL BA MED, ,RTOGS PA'I NGO BO GANG YIN BDEN; ,GNYIS KYI RNAM PA GZHAN DAG MIN, ,'DOD PA DE NI SNGAR BSHAD PA'I, ,SKYON DU RAB TU 'GYUR BA YIN, ,RNAL 'BYOR SPYOD PA PA RNAMS NI, ,'DI LTAR GNYIS SNANG THA DAD MED, ,SHES PA'I NGO BO SPONG BAR YANG, ,DE LAS GZHAN BZHIN CIS MI BYED, ,JI STE GNOD PA MED PA'I PHYIR, ,KHYED CAG DE NI MI BYED NA, ,YANG DAG DON DANG DBYER MED PAS, ,GNYIS PO'ANG BYA BAR MI 'GYUR RO, ,CHOS LA BDAG MED BSGOM PA RNAMS, ,DON MED 'GYUR TE GNYIS LAS GZHAN, ,KUN BRTAGS CHOS NI YOD PA MIN, ,'ON TE GANG ZHIG NYON MONGS CAN,, GNYIS KYI NGO BO LUNG MA BSTAN, ,DE DANG RTOGS PA'I NGO BO DAG ,BCAS TE RNAL 'BYOR PA RNAMS SPONG, ,BDEN PAR SGRO 'DOGS SPANGS PA'I PHYIR, ,SKYOB PA RNAMS KYIS YONGS BTANG YANG, ,RNAM PAR DAG NA'ANG GNYIS SNANG BA, ,'GRO LA PHAN DANG BDE BYED DE, ,SNGON GYI SMON LAM @253A *, ,SHUGS DAG LAS, ,THUGS RJE GOMS PA RNAMS KYIS 'BYUNG, ,GANG PHYIR DE LTAR KHO NA YIN, ,DE BAS RNAL 'BYOR LA SOGS 'GRUB, ,RTAG TU THUB PA MI RTOG PAR, ,YID BZHIN NOR BU BZHIN BZHUGS TE, ,'GRO BA MA LUS PHAN MDZAD PAR, ,GANG DAG SMRA BA DE LA YANG, ,GNYIS PO DAG GI RNAM PA LAS, ,RTOG PA'I NGO BO DBYER MED PA'I, ,RANG GI NGO BO DES SPANGS KYANG, ,BZLOG PA MED PA KHO NA YIN, ,'ON KYANG SMON LAM MTHU RNAMS DANG, ,TSOGS KYI SHUGS KYIS THUB PA NI, ,'KHRUL PA MA LUS RNAM SPANGS NA, ,DRI MED BSTAN PA GNYIS SU MED, ,YE SHES DAG PA 'BYUNG BA DE, ,RTAG TU YID BZHIN NOR BU BZHIN, ,SKAL BA JI BZHIN MA LUS DON, ,BYA BA MDZAD PA THAMS CAD MKHYEN, ,GRUB CES BRJOD PA DE BAS NA, ,THAMS CAD MKHYEN SOGS RNAM PAR GNAS, ,DE LTA YIN NA THUB PA YI, , GNYIS SU GNANG BA BRDZUN YIN YANG, ,JI STE 'DOD NA BYANG CHUB KYANG, ,DBYER MED DE BZHIN 'DOD PAR GYIS, ,BRDZUN PA DAG NI RAB SPANGS KYANG, ,THUB PA'I THABS KYI MTHU RNAMS LAS, ,'BYUNG NA DE TSE BYANG CHUB KYI, ,BDEN PAR MNGON ZHEN GANG ZHIG YIN, ,MI RTOG YE SHES GANG YIN PA, ,DE YOD PA NI SEL MI BYED, ,'ON KYANG YANG DAG DNGOS PO NYID, ,DE NI 'GRUB PAR NYID MI 'GYUR, ,RNAM PAR MI RTOG GA LAS 'GRUB, ,GNYIS SU RNAM RTOG SPANGS PA YIS, ,RNAM PAR MI RTOG DE 'DOD NA'ANG, ,RANG GI DNGOS LA RNAM RTOG 'DI, ,GANG GIS BRTZAL BA SMRA BAR GYIS, ,DE LA SUN NI MA PHYUNG BAR, ,RNAM PAR RTOG DES SPONG BA MED, ,DNGOS POR 'DZIN PA SANGS RGYAS KYIS, ,MTHA' NYID DU NI RAB TU BSTAN, ,SKYOB PA'I MA 'DRES CHOS RNAMS DANG, ,DE BZHIN BYAMS PA THUGS RJE SOGS, ,GSUNGS PA GANG YIN DE DAG NI,, MI RTOG 'DI YIN BSGRUB PAR DKA', ,JI STE 'DUL BA DE BZHIN DU, ,SO SOR SNANG ZHES RNAM RTOG NA, ,SANGS RGYAS RNAMS KYI YON TAN KUN, ,KUN BRTAGS NYID DU THAL BAR 'GYUR, ,GNAS SKABS KUN TU RTAG PAR YANG, ,RTOG BCAS MI RTOG PA'ANG RUNG, ,YONG YE BSAM @253B PAR MI NUS PHYIR, ,RNAM PA KUN NAS THAMS CAD RIG ,DE NI SKAL BA JI BZHIN DU, ,LUS CAN KUN GYI 'DOD PA'I DON, ,SGRUB PAR BYED CES 'CHAD NA NI, ,THAMS CAD 'GAL BA MED PA YIN, ,RTOGS PA'I NGO BO YANG DAG PA, ,DE BAS MNGON SUM GRUB PA MED, ,RGYU DANG 'BRAS BU DE DAG KYANG, ,DE MA GRUB NA DE 'GRUB MED, ,THA DAD DUS KYI BDAG NYID GNYIS, ,DES NI SO SOR MI MYONG PHYIR, ,RANG RIG PA YI MNGON SUM LAS, ,RGYU DANG 'BRAS BU RTOGS PA MED, ,BDAG NYID GCIG GI NGO BO'I PHYIR, ,GNYIS KYI NGO BO NYID MI SRID, ,DE NI LTOS PAS THA DAD NA'ANG, ,KUN BRTAGS YIN GYIS YANG DAG MIN, ,LTOS PAR BYA BA THA DAD PHYIR, ,RANG RIG PA YIS 'DZIN PA MED, ,DE MA BZUNG NA DE MI 'GRUB, ,LTOS PA DE YANG KUN BRTAGS YIN, ,RGYU DANG 'BRAS BU 'DZIN PA NI, ,SO SOR RAB TU RTOGS PA LAS, ,RNAM PAR RTOG DE MTSAMS SBYAR NAS, ,DE GNYIS GSAL GRUB MA YIN NAM, ,DE MI RIGS TE RNAM RTOG KYANG, ,RANG RIG PA YI MTHAR THUG PAS, ,GZHAN DNGOS LAN 'GA' 'ANG MA MTHONG NA, ,DE NA JI LTAR MTSAMS SBYOR BYED, ,SEMS CAN DAG NI THAMS CAD KYANG, ,RANG GI NGO PO [?] RTOGS PHYIR DANG; ,DRAN PA'ANG BDAG NYID MTHAR THUG PHYIR, ,DE LA DRAN PA'ANG MI 'GRUB BO, ,GZHAN DU 'DZIN PA'I DON DAG NI, ,GZHAN DU SBYAR BAR MI RIGS SO, ,RGYU RKYEN DAG LA MA GTOGS PAR, ,RGYU NI MA BRTAGS YOD PA MIN, ,GZHAN GYIS 'BRAS BU TZAM LA 'DZIN, ,DE BZHIN RGYU TZAM GZHAN GYIS 'DZIN, ,GNYI GA CIG CAR MYONG MED NA, ,LONG BAS GNYIS SBYOR BYED DAM CI, ,CI TZAM 'BRAS BU MI SNANG ZHING, ,RGYU YANG 'GA' YIS MA YIN PA, ,DE SRID BDAG NI 'BRAS BU LAS, ,SOGS PA'I NGO BO DES MYONG MED, ,CHU SOGS RNAM PA'I RNAM PAR SHES,, 'DAS MA THAG TU ME SOGS KYIS, ,RNAM PAR 'BYUNG BA SHES PA DANG, ,DU BA'I SHES LAS ME BLO MTHONG, ,DE PHYIR ME LAS DU BA DANG, ,SA BON NYID LAS MYU GU ZHES, ,BYA BA LA SOGS RGYU 'BRAS KYI, ,NGES PA 'GRUB PA MED PAR 'GYUR, ,GZHAN LAS KYANG NI DU BA DAG ,'BYUNG PHYIR DU BA @254A *, ,MTHONG BA LAS, ,MER SNANG BA YIN RNAM PAR SHES, ,RJES SU DPAG PA'ANG MI 'GRUB PO, ,ME DANG DU BA'I BLO GNYIS DAG ,'DRA BAR 'BYUNG BA NGES YOD NA, ,DU BA KHO NA RTAGS YIN GYI, ,ME MA YIN DE CI YI PHYIR, ,JI LTAR DU BA'I BLO DAG GIS, ,BAG CHAGS GSAL BAR SAD BYAS TE, ,ME BLO RTOGS BYED DE BZHIN DU, ,ME BLO'ANG DE LA JI STE MIN, ,DE LTAR KUN LAS SHES PA KUN, ,'BYUNG BA DAG NI MTHONG BA'I PHYIR, ,KUN GYI RTAGS SU KUN GYUR PAS, ,KYE MA'O GO BYED GNAS PA YIN, ,DE BAS RE ZHIG MNGON SUM LAS, ,RGYU 'BRAS RTOGS PHA YANG DAG PA, ,YOD PA MA YIN DES NA 'DI, ,MNGON SUM GNYIS NI NGES PA MED, ,DE GNYIS DANG NI RTAGS 'GYUR YANG, ,'BREL PA RAB TU MA GRUB PHYIR, ,RJES SU DPAG PA DAG LAS KYANG, ,RGYU 'BRAS DNGOS PO GRUB PA MED, ,RTAGS DANG 'BREL PA NGES PA NI, ,MNGON SUM NYID DU GRUB MED DE, ,DE GNYIS LKOG TU 'GYUR BA'I PHYIR, ,SNGAR NI JI LTAR BSHAD PA BZHIN, ,GNAS PA MED PAR 'DI THAL PHYIR, ,RJES SU DPAG PAS KYANG MI RIGS, ,'BREL PA NGES PA MED PA YI, ,RTAGS LAS DE DNGOS MED PA'ANG MED, ,RTAGS KYANG MNGON SUM NYID DU NI, ,GRUB PA MA YIN DE DNGOS BZHIN, ,RJES SU DPAG PAS MI 'GRUB STE, ,DE BZHIN 'DIR YANG GNAS PA MED, ,JI STE RGYU 'BRAS DNGOS PO YI, ,YOD PA SGRUB PAR BYED NA NI, ,DE TSE GTAN TSIGS THAMS CAD DAG ,NYES PA GSUM LAS LDOG PA MED, ,'DI LTAR YOD PA BSGRUB PA'I PHYIR, ,DNGOS PO RNAMS KYI CHOS KYIS SAM, ,DNGOS PO MED DANG GNYI GA'I 'AM, ,GNYIS MIN CHOS KYI GTAN TSIGS GANG, ,DNGOS MA GRUB NA DE LA BRTEN, ,DNGOS PO'I CHOS NI GRUB PA MED, ,DE LAS BZLOG PA BSGRUB PA'I PHYIR, ,MED PA'I CHOS NI 'GAL BAR 'GYUR, ,GNYI GA'I CHOS NI MA NGES TE, ,GNYEN PO LA YANG YOD PA'I PHYIR, ,GNYIS MIN CHOS KYI NGO BO DAG ,YID KYIS KYANG NI RIG PA MED, ,'ON TE YOD PA MI SGRUB KYI, ,DE GNYIS 'BREL PA CAN SGRUB NI, ,SGRUB PA DE YANG RIGS PA YIN, ,DE LTA MIN NA GTAN TSIGS KUN, ,GZHI MA GRUB PAR THAL @254B BAR 'GYUR, ,RANG GI NGO BO DE NYID KYANG, ,GRUB PA MED PAR SNGAR BSTAN ZIN, ,GZHAN YANG 'BRAS DE GRUB BYA'I PHYIR, ,RGYU LA NUS PA YOD PA MIN, ,DE GRUB NA NI 'GRUB 'GYUR NA, ,GRUB NA RGYU DES CI ZHIG BYA, ,DE BAS GCIG LA GCIG BRTEN NAS, ,DE GNYIS GRUB PAR 'GYUR BA YIN, , BDAG NYID RAB TU MA GRUB PAR, ,GZHAN GYI SKYABS SU 'GYUR BA MED, ,DU BA LAS NI ME SHES TE, ,CHU SKYAR LAS NI CHUR SHES ZHES, ,BYA BA LA SOGS 'BRAS BU GANG, ,GSUNGS PA DE NI THA SNYAD BRTEN, ,YANG DAG DU YANG DUS LA SOGS, ,MDO SDE GZHAN LAS BKAG PHYIR DANG, , YANG DAG NYID KYI DNGOS DE NI, ,RIGS PAS KYANG NI MI 'GRUB BO, ,DE GRUB BYA PHYIR RANG GZHAN GYI, ,GTAN TSIGS KYANG NI BRTAG MED DE, ,GZHI NI RAB TU MA GRUB PAS, ,RANG NYID DE NI MA GRUB PHYIR, ,GZHI YOD NA YANG GRUB BYA'I PHYIR, ,SPYI RU RAB TU SGRUB BYED PA, ,THA SNYAD DU NI 'DOD PA'I PHYIR; ,'DI LTAR GRUB PA SGRUB PA YIN, ,RGYU DANG 'BRAS BU'I DNGOS PO 'DI, ,YANG DAG NYID DU GRUB BYA'I PHYIR, ,GTAN TSIGS 'DI YI RJES 'GRO BA, ,MA GRUB BRGAL ZHING BRTAG PA MTSUNGS, ,SKYE BA'I CHOS CAN GANG YIN PA, ,DE [?] KUN 'JIG PA'I CHOS CAN ZHES, ,BYA BA LA SOGS SKYE 'JIG NYID, ,MDO SDE LAS NI GSUNGS PA GANG, ,DE NI GANG ZAG BDAG MED TZAM, ,YANG DAG NYID LA 'JUG BYA'I PHYIR, ,NYAN THOS PA YI DBANG DU GSUNGS, ,ZAB MO'I GTAM LA BRTEN PA MIN, ,CHOS RNAMS KUN GYI YANG DAG NYID, ,SKYE DANG 'JIG PA'I CHOS NYID DU, ,RJES SU MTHONG BA DE DAG GI ,SHES RAB GZUGS BRNYAN YIN PAR GSUNGS, ,DE YOD NA NI YOD MIN ZHES, ,DE GRUB BYA PHYIR BRJOD PA YANG, ,BSGRUB BYA SGRUB PAR BYED PA GNYIS, ,DE LA BYE BRAG MNGON PA MED, ,'ON TE RAB TU RMONGS RNAMS KYIS, ,THA SNYAD RUNG BAR BYA BA STE, ,BSGRUB PAR BYA BDE BAS NA, ,DAM BCAS PHYOGS GCIG 'GYUR BA MED, ,RGYU DANG 'BRAS BU'I CHOS CAN LA, ,YANG DAG MNGON SUM GRUB NA NI, ,THA SNYAD DE NI BSGRUB LA RAG ,DE YANG MA GRUB SNGAR BSTAN ZIN, ,DE YI THA SNYAD TZAM DAG NI, ,BSGRUBS SU ZIN KYANG YANG DAG PA'I, ,DNGOS PO MI @255A *, ,'GRUB DE YIS 'DIR, ,KHYAB PA GANG DU'ANG MA GRUB BO, ,GZHAN YANG DE YI DUS NA NI, ,'GRO BA MA LUS YOD NA YANG, ,'BRAS BU YOD PA YIN PA'I PHYIR, ,DE YI 'BRAS BUR BSGRUB PA LA, ,MA NGES PA YI GTAN TSIGS 'GYUR, ,JI LTAR DE YOD NA NI MTHONG,, DE MED GYUR NA MA MTHONG BA, ,DE BZHIN MTSUNGS PA'I DUS RNAMS KYI, ,YOD DANG MED PA'ANG DE DANG MTSUNGS, ,DE NI GRUB PAR BYA BA'I PHYIR, ,RGYU DANG 'BRAS BU RGYUN RNAMS LA, ,BRTEN TE RJES 'GRO LDOG PA NYID, ,NGES PA BRJOD PA MA YIN NAM, ,SKAD CIG PA NI MA GTOGS PAR, ,GANG YANG RGYU DANG 'BRAS BU NYID, ,GANG DU'ANG SMAN PA KHA CIG GIS, ,NAM YANG GZUNG BAR NUS PA MED, ,RGYU DANG 'BRAS BU'I DNGOS PO YI, ,YANG DAG PA NI SPYAD PA YI, ,SKABS 'DI YIN TE SKAD CIG LAS, ,GZHAN DU RGYUN NI YANG DAG MED, ,SKAD CIG PA NYID 'BRAS BU DANG, ,RGYU YANG YANG DAG YIN GRANG NA, ,DE MA GRUB NA RGYU 'BRAS KYI, ,YANG DAG NYID NI JI LTAR 'GRUB, ,'ON TE YANG NI RGYUN GCIG PAR, ,'BYUNG BA RNAMS LA DE SGRUB KYI, ,SKAD CIG RGYUN NI THA DAD PAR, ,'BYUNG BA RNAMS LA MA YIN NA, ,THA SNYAD DE YANG MTHONG NAS NI, ,DE TSE DE NI SGRUB LA RAG , RGYU DANG 'BRAS BUR RTOGS PA YI, ,DNGOS PO ZHIG NA GANG DU BSGRUB, ,JI STE DE DANG 'DRA BA YI, ,GZHAN GYI DNGOS LA SGRUB BYED NA, ,SHIN TU THAL BAR 'GYUR BA STE, ,YANG DAG DNGOS DE 'GRUB PA MED, ,MI DMIGS PA YI GTAN TSIGS KYIS, ,DNGOS PO DE NI NGES MED DE, ,GANG PHYIR DE YIS YOD MI SGRUB, ,'GOG PA KHO NA SGRUB PAR BYED, ,MNGON SUM NYID DANG MI DMIGS PAS, ,RGYU DANG 'BRAS BU SGRUB BYED CES, ,GANG SMRAS 'DIR NI MNGON SUM LAS, ,MA GTOGS MI DMIGS YOD PA MIN, ,SLOB DPON RNAMS KYI SGRUB PA DE, ,THA SNYAD DU NA GSUNGS PA DAG ,DE NI SGRUB BYED KHO NA ZHES, ,RGYAS PAR RAB TU BSTAN PA YIN, ,MTHONG BA'I MTSAN NYID YIN PA DAG ,MA MTHONG BA LAS GANG NA YOD, ,GANG DU SNANG DE RJES 'GRO LAS, ,GANG DE 'BRAS BU YIN NO ZHES, ,RGYU DANG 'BRAS BU NYID BSGRUB PAR, ,BRJOD PA DE LA THE TSOM NI, ,LDOG @255B PA MED DE GZHAN DAG GI, ,RGYU LAS YIN PAR DOGS PA'I PHYIR, ,DE NA DE YOD PAS SAM CI, ,'ON TE RGYANG RING GZHAN GYIS SAM, ,MI SNANG 'DRE LA SOGS PAS SAM, ,ZHES NI THE TSOM 'BYUNG BAR 'GYUR, ,ZLA BA LA SOGS RING GNAS PA, ,RGYUR NI KHAS MI LEN PA'ANG MED, ,'DRE LA SOGS PA 'BAB LA SOGS, ,BYED PA DAG KYANG MED DAM CI, ,MA MTHONG TZAM LAS 'DI DAG GI, ,SNGA NAS YOD PA NYID 'GOG GI, ,GZHAN DAG RGYU NYID YIN GRUB PA, ,DE LA GANG GIS ZLOG PAR BYED, ,DE NA YOD NA GANG YOD PAR, ,'GYUR BA NYID NI DE DAG KYANG, ,'DOD RGYAL BAR YANG SRID PAR NI, ,DOGS PA DE BZHIN 'BYUNG BAR 'GYUR, ,'DOD RGYAL NYID NI MI SLU BA, ,GANG GIS SKAD CIG MANG PO LAS, ,'ON TE RTAG PAR NGES PA DE, ,CUNG ZAD YOD PA MA YIN NO, ,LAN CIG MTHONG BA'I DON RNAMS KYANG, ,GZHAN DU SNANG BA MA YIN TE, ,GZHAN DU MTHONG LA GZHAN DAG LA, ,BRTAGS PAR RIGS PA MA YIN NO, ,GZHAN DAG YOD LAS GANG PHYIR PHYIR, ,GANG MI 'BYUNG BA DE DAG NI, ,DE NI 'BRAS BU YIN PAR SMRAS, ,LDOG PA'I SGO NAS 'BRAS BU DE, ,SGRUB PA GANG YIN DE LA YANG, ,GZHAN DAG MED PAR GYUR PAS NA, ,DE MA BYUNG ZHES DOGS PA'I PHYIR, ,THE TSOM DE BZHIN GNAS PA YIN, ,GZHAN DAG NUS PA YOD PA YI, ,RGYU ZHES BYE BRAG YOD PA'I PHYIR, ,DE NI GZHAN DAG LOG PAR NI, ,DOGS PA MED CES 'DOD NA YANG, ,DE NI MI RIGS RGYU DE NYID, ,BYE BRAG YOD PAR GA LAS GRUB, ,GZHAN GYIS YANG NI RGYU YI ZHES, ,'DI NI RJOD PAR YANG BYED CING, ,DE DAG LOG NYID CE NA YANG, ,DE TSE DE NI GNAS PA MED, ,DES NA MA NGES PA YI PHYIR, ,BYE BRAG GRUB PA MA YIN NO, ,RGYU 'BRAS CI ZHES THE TSOM ZA, ,MA GRUB CES TE GRUB BYA'I PHYIR, ,DE DAG NYID LA KUN BRTEN NAS, ,GRUB PAR RTOG PA NGO MTSAR CHE, ,DE LTAR RJES SU DPAG PAS KYANG, ,RGYU DANG 'BRAS BU GRUB PA MED, ,SKYE BA RMI LAM SKYE BZHIN ZHES, ,DE YI PHYIR NA MKHAS PAS BRJOD, ,RTAG PA'I NGO BO BDAG NYID KYANG, ,MNGON SUM NYID DU RTOG PA MED, ,BDAG SOGS SHES PA GANG DU YANG, ,THA SNYAD DU YANG MYONG MED @256A *, ,PHYIR; ,DE NI RTAG TU MA BRAL LA, ,DE YOD TZAM LAS SHES PA 'BYUNG, ,DE RTOG RNAMS KYIS DUS RTAG TU, ,DE YI BDAG NYID BZHIN YOD 'GYUR, ,PHAN PA DAG NI MI BYED NA, ,YUL DU BRTAGS PAR MI RIGS TE, ,DE RTOG BYED NA'ANG NYES PA 'DIR, ,SNGA MA BZHIN DU LDOG PA MED; ,DE YI RNAM SHES RJES 'BRANG NA, ,DE DANG 'BREL PHYIR DE BDAG BZHIN, ,SHES PA DE YANG RTAG YOD 'GYUR, ,YUL NYID LA NI SHES PA DE, ,JI STE RTAG TU MI 'BRANG STE, ,DE LTA MIN NA DE SHES PA'I, SHES BYA'I NGO BOR 'GYUR BA MED, ,DE YOD SGRUB LA SNGA MA BZHIN, ,GTAN TSIGS KUN NI THAMS CAD DU, ,NYES PA GSUM GYI SKYON CHAGS PHYIR, ,RJES SU DPAG PAS KYANG MI 'GRUB, ,RIM MAM CIG CAR 'JUG PA YI, ,SKYED PA NYID NI MI SRID NA, ,DES NA RTAG PA'I 'BRAS BU LAS, ,'DI YOD NGES PA MA YIN NO, ,RJES SU 'GRO DANG LDOG NYID KYI, ,RGYU DANG 'BRAS BU 'GRUB YIN NA, ,DE NA MA BRAL YOD NA YANG, ,LAN 'GA' RTAG TU MED PA'I PHYIR, ,BDAG LA SOGS PA GANG DU YANG, ,'BRAS BU BDE SOGS RJES 'GRO MED, ,BDE BA LA SOGS LOG PA YANG, ,RTAG PA RNAMS LA MI SRID DO, ,MI SHES RMONGS PAS BRTAGS PA YIS, ,BDE LA SOGS PAS DE SGRUB TU, ,DE BAS 'BRAS BU MA GRUB PHYIR, ,'BRAS BU DAG LAS DE NGES MED, ,CHOS CAN DAG NI MA GRUB NA, ,RANG BZHIN GTAN TSIGS 'DIR MI SRID, ,YOD PA NYID BSGRUB BYA YIN PHYIR, ,MI DMIGS PA YANG RUNG BA MIN, ,DE LTAR YANG NI DNGOS PO NI, ,TSAD MA DAG LAS GRUB PA MED, , TSAD MA GNYIS LAS MA GTOGS PA'I, ,TSAD MA GZHAN YANG YOD PA MIN, ,DON NI GRUB PAR BYA BA'I PHYIR, ,PHYI ROL GTAN TSIGS YOD MIN NAM, ,'DI LTAR THA MA LA MIG LA SOGS, ,SNGON PO LA SOGS SNANG BA GANG, ,DE NI RGYU GZHAN 'DRA BA LAS, ,SKYES SO ZHES NI RTOG PAR BYED, ,SHES PA'I RNAM PA'I NGO BO'I PHYIR, ,SHES PA BZHIN DU SLU BA MED, ,SKYE BA YANG DAG SGRUB PA'I PHYIR, ,'DIR NI DPE 'GRUB MED PA YIN, ,KUN RDZOB TU YANG MA 'BREL PHYIR, ,MA NGES PA YI GTAN TSIGS 'GYUR, ,RGYU YIS RANG DANG 'DRA BA DAG ,'BRAS BU LA BSKYED NGES MED DE, ,SHING SOGS @256B MTSAN NYID MI MTHUN PA'I, ,ME TOG LA SOGS SNA TSOGS SRID, ,RGYU GZHAN GYIS NI TZAM BSGRUBS KYANG, ,PHYIR ROL DON NI MI 'GRUB STE, ,KHYAD PAR DU NI DE DAG GI, ,RJES 'GRO GANG DU'ANG MA GRUB PO, ,RTOGS PA'I NGO BO LAS GZHAN PA, ,GZUNG BA'I RNAM PA SNGO LA SOGS, ,YANG DAG MED PAS BSGRUB BYA DANG, ,DPE YI CHOS CAN THA DAD MED, ,MI SLU BAR YANG PHYI ROL DON, ,PHRAD PA JI STE 'DOD NA NI, ,DE TSE NYID BSGRUB BYA YIN PHYIR, ,DE TSE GTAN TSIGS MA GRUB NYID, ,DON BYED PA DAG SNANG TZAM GYIS, ,NGO BO JI STE 'DOD NA NI, ,RMI LAM DAG NA DON MED KYANG, , DE BZHIN MTHONG PHYIR MA NGES 'GYUR, ,LDOG PA LAS KYANG PHYI ROL DON, ,'GRUB PAR RIGS PA MA YIN TE, ,RJES SU 'GRO BA MED PAR YANG, ,LDOG PA NAM YANG 'GRUB PA MED, ,NUS PA BRAL MA THAG TU YANG, ,LDOG PA NYID DU RAB GYUR PA, ,GANG DU'ANG SHES PA DON RTOGS PA'I, ,RJES SU 'GRO BA 'GRUB PA MED, ,GZHAN DAG NUS PA YOD NA NI, ,SHES PA LOG PA MED PA NYID, ,GRUB DANG MA GRUB THE TSOM PHYIR, ,'ON KYANG DON NI GRUB PA MED, ,BDAG NI SHES 'DI MA SKYES PA, ,DE MA THAG DANG BRAL BAS SAM, ,'ON TE DON DANG BRAL BA ZHES, ,THE TSOM DAG KYANG 'BYUNG BAR 'GYUR; ,RGYU LDAN GZHAL BYA NYID SOGS KYIS, ,PHYI ROL DON SGRUB SKYON CHAGS PAR, ,MU STEGS RNAMS KYIS SMRAS PA GANG, ,DE NI TSUL 'DIS RIG PAR GYIS, ,DE LTAR PHYI ROL DON DAG NI, ,RJES SU DPAG LAS GRUB PA MED, ,SHES PA SMRA BA'I SHES PA YANG, ,YANG DAG PA NI YOD PA MIN; ,SHES PA GNYIS SU MED PA DE, ,RTAG TU DBANG PO LAS 'DAS PHYIR, ,RTAGS KYIS 'DI NI RNAM NGES PA'I, ,'BREL PA YANG NI YOD PA MIN, ,GNYIS SU MED PA'I CHOS CAN LA, ,RANG BZHIN NYID NI BSGRUB BYA'I PHYIR, ,'DI LTAR RANG BZHIN ZHES BYA'I RTAGS, ,'DI SGRUB PA LA YOD PA MIN; ,GNYIS SU MED PA'I SHES PA LA, ,RGYU DANG 'BRAS BU MA GRUB PHYIR, ,DES NA 'BRAS BU ZHES BYA BA'I, ,RTAGS NI GANG YANG SRID PA MED, ,GNYIS SU MED LA MA GTOGS PAR, ,'BRAS BUR KHYED 'DOD CUNG ZAD MED, ,DE NYID SGRUB PAR BYED PA'I PHYIR, ,KHYED KYI DE YANG MA GRUB BO, ,GNYIS @257A *, ,DE GRUB PA GANG YIN PA'ANG, ,'BRAS BU YANG DAG NYID MED DE, ,DE NI RTAG TU MA SKYES PHYIR, ,RTA YI RVA LA SOGS PA BZHIN, ,'GOG PA'I YUL CAN NYID DU NI, ,DE NI MKHAS PAS BRJOD PA'I PHYIR, ,DE YOD SGRUB PAR BYED PA LA, ,MI DMIGS PA YANG RIGS PA MIN; ,DGA' DANG GDUNG BA'I RANG BZHIN SOGS, ,DE NI GSAL BAR DES BZUNG PHYIR, ,RNAM SHES MTSAN NYID CHOS CAN NI, ,BYIS PA YAN CHAD GRUB MIN NAS, ,DE LA'ANG GNYIS KYI NGO BO NI, ,'GAL PHYIR DE NI DBEN PAR DU, ,BSGRUB BYA GRANG BA'I NGO BO YI, ,DRO BA JI LTAR DBEN PA BZHIN; ,GANG YANG GANG GI NGO BO GSAL, ,GZUNG BA DANG NI 'DZIN PA YANG, ,GCIG DANG DU MA BRAL PHYIR DANG, ,DE MED PAR DE DE MED PHYIR, ,DE PHYIR SHES PA GNYIS MED GRUB, ,KHYED CAG GNYIS PO DBEN PA TZAM, ,JI STE SGRUB PAR 'DOD NA NI, ,DE NI GRUB PA SGRUB YIN TE, ,GANG PHYIR BDEN PA NYID MI 'DOD, ,YIN PAS SGO NAS SHES PA LA, ,GNYIS KYI RNAM PA DBEN PA NYID, ,SGRUB NA 'DIR YANG 'DOD PA DANG, ,MI 'GAL PHYIR NA GRUB PA SGRUB, ,DON DAM NYID DU MA SKYES PA'I, ,RNAM SHES BDAG NYID CHOS CAN LA, ,GNYIS KYI RNAM PA DBEN PA NYID, ,'DOD NA YANG DAG GANG ZHIG YIN, ,JI STE GNYIS MED NGO BO DANG, ,DNGOS PO NYID DU'ANG RTOGS BYED CING, ,SHES PA GNYI GA SGRUB 'DOD NA, ,DE LTAR RJES 'GRO 'DIR MI 'GRUB, ,DPE NI BSGRUB BYAS STONG PA STE, ,KUN TU BRTAGS PA BRJOD PA'I PHYIR, YANG DAG PA YI DNGOS PO NYID, ,DRO BA'I REG PA GRUB PA MED, ,PHYI ROL DON GYI NGO BO RU, ,DRO BA'I REG PA 'DOD NA YANG, ,DE NI GNYI GAR MA GRUB CES, ,BRTAG PA CI GA MA BYAS SAM, ,GRANG DRO'I RAG GNYIS RNAM SHES KYI, ,RNAM PA'I NGO BOR 'DOD NA NI, ,SHES PA GCIG LA'ANG SNANG BA'I PHYIR, ,YANG DAG NYID DU 'GAL BA MED, , SGRUB PAR BYED PAS STONG PA YI, ,DPE 'DI YIN PA DE YIS MNGON, ,MA BRTAGS PA YI NGO BO LA, ,DPER BYED NA'ANG 'DOD GRUB MED, ,'ON TE'ANG GNYIS KYI NGO BO NYID, ,BRAL BAR GRUB PA'I DON GYIS NA, ,SHES PA'I DNGOS PO NYID KYANG NI, ,RAB TU GRUB CES SEMS NA NI, ,'BREL BA RAB TU MA @257B GRUB PAS, ,DE MI RIGS TE DNGOS PO YIS, ,GNYIS KYI RNAM PA DBEN PA LA, ,KHYAB PA GANG DU'ANG MA GRUB BO, ,GANG DANG GANG NA GNYIS MED PA, ,DE DANG DE NA DNGOS YOD PAR, ,'DI LA 'BREL BA BYA BA'I PHYIR, ,MI MTHUN PHYOGS SEL TSAD MA MED, ,NAM MKHA'I ME TOG LA SOGS DANG, ,GNYIS DE NYID KYIS MA NGES 'GYUR, ,GNAS PA MED PAR THAL BA'I PHYIR, ,GNYIS LA GZHAN GNYIS YOD PA MIN, ,GNYIS DANG GNYIS MED NGO BO DAG ,JI STE 'GAL BA YOD NA NI, ,GCIG TU GNAS PAR MI 'GYUR TE, ,GRANG DANG DRO BA DE GNYIS BZHIN, ,'ON TE MA RIG DBANG GIS NA, ,DE LA GNYIS NI BRDZUN PA SNANG, ,DES NA 'GAL BA MED YIN TE, ,DNGOS PO NYID LA DE BZHAG PHYIR, ,JI STE 'GAL BA MED NYID NA, ,JI STE DER NI 'DIR LA GNOD, ,'GAL BA MED PA CAN DAG LA, ,DRO LA GRANG BZHIN GNOD MI SRID, ,BDEN DANG BDEN MIN NGO BO DANG, ,JI LTAR 'GAL BA NYID MI 'GYUR, ,BRDZUN PA NYID DU JI LTAR SNANG, ,BRDZUN PA'I NGO BO SNANG YIN NA, ,SHES PA YANG NI BRDZUN PAR 'GYUR, ,DE LTA MIN NA 'GAL BA DE, ,SNANG BA'I NGO BOR JI LTAR 'GYUR, ,BRDZUN PA YIN NA'ANG GANG DU GNYIS, ,GNOD PAR 'GYUR BA'I CHOS CAN DU; ,SPYI YI MTSAN NYID GRUB PA MED, ,DES NA GTAN TSIGS MA GRUB NYID, ,GNYIS KYI RNAM SHES KHO NA NI, ,DE NYID RANG GSAL BA YI PHYIR, ,GNYIS SU SNANG BA MA GTOGS PAR, ,CHOS CAN NYID NI YOD PA MIN, ,GCIG DANG DU MA DBEN PA'I PHYIR, ,GZUNG BA JI LTAR STONG PA NYID, , SHES PA'ANG DE LAS DBYER MED PA, ,DE BZHIN STONG PA NYID DU GNOD, ,NGO BO NYID KYIS STONG PA YANG, ,JI LTAR RNAM PAR SNANG BAR NI, ,'GAL BA MED PA DE BZHIN GZHAN, ,SHES PA LA SOGS JI BZHIN 'GAL, ,RNAM PAR SHES PA GNYIS YOD PA, ,CHA SHAS GNYIS NI MI RIGS PHYIR,, MDO SDE PA LA SOGS PA YIS, ,YANG DAG NYID DU 'DOD PA MED, ,GNYIS SU MED PA'I RNAM SHES LA, ,PHYI ROL DON YANG MI 'GAL PHYIR, ,DES NA GNYIS MED NGO BO NYID, ,SGRUB NA CI ZHIG BSGRUBS PAR 'GYUR, ,JI STE TSAD MA GZHAN DAG GIS, ,PHYI ROL GNOD PAR BRJOD NA NI, ,RNAM @258A *, ,PAR SHES PA'ANG DE BZHIN DU, ,RAB TU GNOD PAR CIS MI 'DOD, ,GCIG DANG DU MA BRAL BA'I PHYIR, ,DON NI SNA TSOGS NGO BO DAG ,JI LTAR YANG DAG MI RIGS PA, ,DE BZHIN RNAM SHES KYANG 'DOD KYIS, ,DE BAS TSAD MAS GRUB PA YIS, ,DON DAM DNGOS PO YOD MA YIN, ,DES NA RTOG DANG LDAN RNAMS KYIS, ,YOD PA'I THA SNYAD 'DIR MI RIGS, ,GNOD PAR BYED PA'ANG YOD PA'I PHYIR, ,'DI LA KUN DU THE TSOM YOD, ,DNGOS POR MED PA SMRA BAR YANG, ,TSAD MA MED PAR MI RIGS SO, ,'DI LTAR DNGOS PO KUN DBEN PA, ,MNGON SUM DAG GIS RTOGS PA MED, ,DE YI STOBS KYIS 'BYUNG BA'I PHYIR, ,DON DE DNGOS PO NYID LA YIN, ,GZHAN YANG GZHAN GYIS DBEN PA YI, ,PHYOGS LA SOGS PA 'DZIN NA NI, ,DE LAS GZHAN PAS DBEN PA NYID, ,MNGON SUM DAG GIS RTOGS PA YIN, ,DNGOS PO GANG ZHIG RNAM BRTAGS NA, ,DNGOS PO KUN GYIS DBEN PA NYID, ,MNGON SUM NYID DU RTOGS 'GYUR BA, ,DNGOS PO MED PAR SMRA BA LA'ANG, ,THAMS CAD NANG DU DE 'DUS PHYIR, ,CHOS RNAMS KUN GYI DNGOS PO YIS, ,DBEN PA CI YANG YOD PA MIN, ,DE LTA MA YIN DAM BCAS NYAMS, ,THAMS CAD DNGOS PO MED YIN NA, ,BSGRUB BYA DPE YI CHOS CAN DANG, ,GTAN TSIGS LA SOGS MA GRUB PHYIR, ,RJES SU DPAG PAS RIG PA MED, ,GZHAN YANG RANG BZHIN 'BRAS BU YI, ,GTAN TSIGS GNYIS KYI DE MI SGRUB, ,DE GNYIS DNGOS PO NYID SGRUB STE, ,DNGOS PO MED PAR 'GAL BA NYID; ,MA SKYES NGO BO'I CHOS YIN NA, ,DE YI GTAN TSIGS GANG 'GYUR BA, ,'BRAS BU DANG NI RANG BZHIN DAG ,GANG YANG YOD PA MA YIN NO, ,YUL DANG DUS SOGS BYE BRAG GIS, ,SNGO DANG BDE SOGS NGO BO BZHIN, ,DNGOS PO RNAMS NI DMIGS PA'I PHYIR, ,MI DMIGS PA YANG GRUB PA MED; ,GZHAN YANG GZHAN GYIS DBEN PA'I DON, ,MNGON SUM RTOGS PA YOD NA NI, ,DE LA GZHAN DON DBEN PA YI, ,THA SNYAD BSGRUB PA RAB TU BYED, ,RANG BZHIN MI DMIGS PA DAG GIS, ,THAMS CAD DBEN PAR MI 'GYUR TE, ,DES NA BDAG NYID MI DMIGS PAS, ,RE ZHIG DE NI @258B SGRUB MI BYED, ,KHYAB BYA KHYAB PAR BYED PA YI, ,DNGOS PO LA SOGS GRUB YIN NA, ,KHYAB BYA LA SOGS DGAG PA LA, ,KHYAB BYED MI DMIGS LA SOGS SBYOR, ,CHOS RNAMS KUN GYI RANG BZHIN NI, ,KHYAB PAR BYA LA SOGS GRUB PAR, ,'GA' DANG LHAN CIG CI STE NGES, ,DE TSE DNGOS POR BCAS PA YIN, ,CHOS RNAMS MA LUS DNGOS MED PAR, ,SGRUB NA DPE NI YOD PA MIN, ,NYI TSE BA DAG RAB BSGRUB NA, ,MI 'DOD PAR NI 'GYUR BA MED, ,DNGOS PO MED PA BSGRUB PA LA, ,DNGOS PO'I CHOS KYI GTAN TSIGS 'GAL, ,MED PA'I CHOS KYANG 'BREL PA MED, ,GNYIS LA BRTEN PA 'KHRUL PAR 'GYUR, ,CHOS RNAMS THAMS CAD BDAG MED PA, ,SKYES BU KUN GYI MNGON SUM GYIS, ,RTOGS PA MED CES BYA BA 'DIR, ,KHYOD LA MTSAN MA CI ZHIG YOD, ,DE NI 'GAL BAR BYA BA LA, ,RANG GI DMIGS PA LOG PA YANG, ,MA NGES PHYIR NA THAMS CAD KYIS, , DMIGS PA LOG PAR NGES PA MED, ,RAB RIB CAN BZHIN GZUGS LA SOGS, ,BRDZUN PA RNAMS NI MTHONG BA'I PHYIR, ,YANG DAG PA YI DNGOS PO'I DON, ,MNGON SUM 'GA' YANG GRUB PA MED, ,YANG DAG DON BSGOMS RAB MTHA' LAS, ,BYUNG BA'I YE SHES YANG DAG PA'I, ,DON GYI YUL CAN YIN 'DOD KYI, ,DMIGS PA'I STOBS KYIS BYUNG BA MIN, ,DE DAG KHO NA DON DAM PA, ,MTHONG BA GANG YIN MTHONG MED YIN, ,'GRO BA'I CHOS RNAMS SHES RAB KYI, ,THAMS CAD JI BZHIN MTHONG BA MIN, ,CHOS KUN SNANG MED GANG YIN TE, ,'JIG RTEN 'DAS PA'I 'DAS PA YI; ,YE SHES DE NYID CHOS RNAMS LA, ,MTHONG BA MED PAR NYE BAR BRJOD, ,CHOS RNAMS MA LUS JI BZHIN DU, ,BSGOMS PA'I STOBS KYIS BYUNG BA'I PHYIR, ,DNGOS PO MED PA MA YIN YANG, ,DE NI 'KHRUL PA GANG YANG MED, ,RNAL 'BYOR DE YI RTOGS DE NI, ,SO SOR RANG RIG BSAM MI KHYAB, ,DA NI KUN DU GSAL BYA BAR, ,NUS PA DAG LA YOD PA MIN, ,'KHRUL PA GANG YIN 'KHRUL NYID DU, ,JI LTA BZHIN DU DE KUN RTOGS, ,DE YANG DES NA 'DI DAG LA, ,MA 'KHRUL PA YIS BRJOD PA YIN, ,YANG DAG PA LAS LDOG MED DO, ,DNGOS RNAMS YANG DAG MED @259A *, ,YIN YANG, ,RANG GI TSOGS LAS RNAL 'BYOR PA'I, ,SHES PA BYUNG ZHES SNGAR BSGRUBS ZIN, ,DNGOS PO MED PAR SMRA BA YIS, ,SGYU MA DANG NI RMI LAM MTSUNGS, ,DNGOS PO RNAMS LA RJOD BYED KYI, ,RI BONG RVA DANG 'DRA BAR MIN, ,LAS DANG NYON MONGS DBANG GIS NA; ,DE LTAR SRID PA'I 'KHOR LO 'BYUNG, ,RANG GI TSOGS LAS RNAL 'BYOR PA'I, ,SHES PA'I 'KHOR LO DE BZHIN 'BYUNG, ,DE NI STE'U DANG TZAN DAN MNYAM, ,SHES RAB THUGS RJE DRI MA MED, ,CHOS KUN PHYIN CI MA LOG PAR, ,MKHAS PA RNAMS NI BZHUGS PA YIN, ,DE DAG KHO NAS YANG DAG PA, ,MNGON SUM RTOGS KYIS GZHAN DAG NI, ,LUNG DANG RIGS PA'I RJES 'BRANGS NAS, ,RIGS PA'I LAM LA MKHAS PA YIN, ,KHA CIG TU NI DNGOS PO 'GA', ,DON GZHAN GYIS NI DBEN PA DAG ,'DZIN PA YOD NA STONG PA NYID, ,MNGON SUM RTOGS PA GANG YIN PA, , DNGOS PO RNAMS KYIS GCIG LA GCIG ,STONG PA NYID DE YOD PAR 'DOD, ,CHOS RNAMS DE YIS STONG PA CAN, ,MTSAN NYID STONG PA NYID MA YIN, ,RANG DANG SPYI YI MTSAN NYID DU, ,JI LTAR GZHAG PA DE DAG NI, ,YANG DAG YOD PA MA YIN PAS, ,DES NA CHOS KUN NGES MED 'DOD, ,GCIG LA GCIG GIS STONG PA NYID, ,BRTAGS PA YIN GYI YANG DAG MIN, ,SGYU MA LA SOGS MTSUNGS PA LA, ,GZHAN GYIS DBEN PA YANG DAG MED, ,RMI LAM BZHIN DU DNGOS PO KUN, ,PHAN TSUN DBEN PA BZHIN DU SNANG, ,DE YI DBANG GIS 'DI DAG GI, ,GCIG LA GCIG GIS STONG PA NYID, ,BRTAGS YIN DE'I PHYIR RANG BYUNG GIS, ,THA CHAD SPANGS PA KHO NAR GSUNGS, ,DE BAS DE LA BRTEN NAS NI, ,SUN 'BYIN PA NI RIGS PA MIN, ,MTSAN NYID STONG NYID GANG YIN PA, ,DE NI CHOS LA BRTAGS PA MIN, ,RNAL 'BYOR PA YIS SHES PA YIS, ,DE YANG JI LTAR BSTAN BZHIN RTOGS, ,GOMS PAR BYAS NA BRDZUN PA YANG, ,SHIN TU GSAL BAR SNANG BA YIN, ,DE BAS YANG DAG BSGOM BYAS NA, ,RNAM PAR GSAL BA'I YE SHES 'BYUNG, ,GSAL ZHING MI SLU LA SOGS PA'I, ,RNAL 'BYOR YE SHES GANG YIN PA, ,DE NI MNGON SUM MTSAN NYID GRUB, ,DER GYUR DE PHYIR TSAD MA YIN, ,TSAD @259B MA LDAN PA'I YUL NYID KYIS, ,MI SLU LA SOGS PHYI NAS 'CHAD, ,DES NA BLO DANG LDAN PA YI, ,RNAL 'BYOR SHES PA SPANG MI RIGS, ,JI STE YANG DAG NYID BRTEN NAS, ,CHOS CAN LA SOGS MA GRUB PAR, ,GLENG BAR BYED NA DE YI TSE, ,MI 'DOD GYUR PA MED BSTAN ZIN, ,DE LTAR DON DAM NYID DU NA, , KHYOD KYI SUN 'BYIN PA DAG KYANG, ,GNAS THOD PA NI DER MED DE, ,MKHA' LA DBYU GUS RDEG PA BZHIN, ,DE LTA YIN YANG THA SNYAD DU, ,SUN 'BYIN LA SOGS RAB GRUB PHYIR, ,KHYED KYIS SUN 'BYIN SMRAS PA DANG, ,DE BZHIN NGED KYIS TSAD MA SOGS, ,MKHAS PAS JI LTAR BSTAN PA BZHIN, ,THA SNYAD KHO NAR DE DAG BSTAN, ,GZUNG DANG 'DZIN PA RIG PA DAG ,MED KYANG JI LTAR SNANG 'DI LA, ,DPAG PAR BYA DANG DPOG PA YI, ,'BRAS BU GNAS PAR BYED PA YIN, ,DE LTA MIN NA DNGOS GCIG LA, ,SNA TSOGS NGO BO SNANG BA YI, ,RNAM PA JI LTAR BDEN 'GYUR TE, ,GCIG PA NYID DE NYAMS PAR 'ONG, ,CHOS DANG CHOS CAN RNAM GZHAG DANG, ,THA DAD THA DAD MIN CI 'DRA, ,YANG DAG NYID DON MA BRTAGS KYI, ,'JIG RTEN 'DI LTAR GRAGS PA LA, ,DE BZHIN DE LA BRTEN NAS NI, ,BSGRUB BYA SGRUB BYED RAB GNAS PA, ,DON DAM NYID LA 'JUG BYA'I PHYIR, ,MKHAS PAS BRTAGS PA YIN ZHE'O, ,'ON KYANG JI STE DON DAM PAR, ,TSAD MA LA SOGS MED NA NI, ,THA SNYAD DU YANG DE'I 'JUG PA, ,'JIG PA MIN ZHES KHYED SEMS NA, ,BLO DE NGAN TE GANG DAG GIS, ,DE LDOG PA NA 'DI LDOG PA, ,YANG DAG NGO BO THA SNYAD LA, ,KHYAB PAR NGES PA MA YIN NO, ,RMI LAM LA SOGS DE BZHIN DU, ,BRDZUN PA YIN YANG 'DI DAG SNANG, ,SPRUL PA NYID KYIS 'GOG LA SOGS, ,JI LTA BA BZHIN 'DOD PA YIN, ,JI STE CHOS LA SOGS PA LA, ,DON DAM GRAGS PA'I YIN NA NI, ,DE TSE 'DI LA CI PHYIR RTZOD, ,GTAN TSIGS RNAMS KYIS BSGRUB CI DGOS, ,JI STE NGED LA GTAN TSIGS DANG, ,CHOS CAN LA SOGS MA GRUB NA, ,KHYED KYIS GANG GIS SGRUB PA SMROS, ,DE 'GRUB 'DOD PA'I RJES 'BRANG MIN, ,JI LTAR CHOS CAN MA GRUB PAR, ,'GYUR BA NGED LA KHYED BYED PA, ,DE BZHIN NGED KYANG KHYED CAG GI, ,DNGOS PO MA GRUB SGRUB PAR BYED, ,TSAD MAS GRUB PA YIN NA NI, , @260A *, ,YOD PAR KHAS BLANGS RUNG BAR 'DOD, ,DPYOD PA 'JUG PA'I SNGA ROL DU, ,GRUB PA'I MTHA' NI GANG YANG MED, ,DE BAS DPYOD PA'I DUS NA NI, ,GRUB MTHA' RTEN NI 'GA' MED NA, ,DE YI SGO NAS CHOS CAN SOGS, ,MA GRUB RTZOD PAR SU ZHIG BYED, ,RANG LA GRUB MTHA' RNAM NGES NAS, ,GZHAN DAG RTOGS PAR BYA BA'I PHYIR, ,'JUG PA MIN NAM DE BAS NA, ,GRUB MTHA' KHAS LEN SNGA NAS GNAS, ,RGOL BA RANG LA RNAM NGES BZHIN, ,GZHAN GYI NGES PA BSKYED 'DOD PAS, ,DE TSE GTAN TSIGS DPE DAG NI, ,RAB TU SBYOR BA MA YIN NAM, ,RANG LA DE NGES BYED PA NA, ,GRUB MTHA' KHAS LEN SNGAR MA YIN, ,DE BZHIN GZHAN RTOG DE BYED PA, ,LUNG LA JI LTAR RTEN PAR 'GYUR, ,THA SNYAD DU YANG CHOS CAN SOGS, ,'GA' YANG GANG LA MA GRUB PA, ,DE TSE CHOS CAN MA GRUB SOGS, ,RTZOD PAR SBYOR BA RIGS PA YIN, ,MI 'KHRUG PA YI GTAN TSIGS KYIS, ,BSGRUB PAR BYA BA'I DON GRUB KYANG, ,GRUB MTHA' KHAS BLANG DGOS PHYIR RO, ,MI 'GRUB CES PA GZHUNG RE CHE, ,DE BAS GRUB MTHA' LAS GRUB PA'I, ,CHOS CAN LA BRTEN MKHAS MI BYED, ,DE LTA BU YI RNAM PA NI, ,KUN LA PHAN TSUN MA GRUB PHYIR, ,GZHI MA GRUB PA'I GTAN TSIGS DANG, ,DE BZHIN BSGRUB BYA RJES 'GRO MED, ,RGOL BA DE DANG SLAR RGOL BA, ,GNYI GA LA YANG 'BYUNG BAR 'GYUR, ,SGRA SOGS CHOS CAN BDE GSHEGS PAS, ,'BYUNG BA LAS GYUR LA SOGS PAR, ,JI LTAR 'DOD PA DE BZHIN DU, ,GRANGS CAN GZHAN SOGS DE 'DOD MED, ,DE BAS GZHUNG LUGS KYIS BSKYED PA'I, ,BYE BRAG CHOS CAN RNAM GSAL NAS, ,GNAG RDZI YAN CHAD GRAGS PA LA, ,BRTEN NAS TSAD MA LA SOGS PA, ,YANG DAG RTOGS PAR 'DOD PA YI, ,MKHAS PA KUN GYIS DE SKAD BRJOD, ,DE BZHIN BDAG GI GZUGS SGRA DANG, ,RO LA SOGS PA GRAGS PA LA, ,JI LTAR 'JIG RTEN GRAGS PA YI, ,RTOG PAR BYED PA'I GTAN TSIGS KYIS, ,DON DAM PA LA 'JUG BYA'I PHYIR, ,YANG DAG BSAM PA RGYAS PAR BYED, ,DES NA GRUB MTHA' LAS GRUB PA'I, ,CHOS CAN DAG LA BRTEN NAS NI, ,GZHI MA GRUB PA LA SOGS PA, ,RGOL BA @260B GANG YIN DE 'BREL MED, ,GZHAN YANG DNGOS PO NGO BO NI, ,YIN PA'I SGO NAS GANG DU SGRUB, ,DE LA CHOS CAN DNGOS PO YI, ,NGO BO YIN ZHES BRTZAL BA'I RIGS, ,DE MA GRUB NA BSGRUB BYA BA, ,RAB TU GRUB PA'I BGEGS BYED PHYIR, ,GZHI MA GRUB PA LA SOGS PA'I, ,SKYON YANG DER NI RJOD PAR BYED, ,RTAG PA LA SOGS SGRO BTAGS PA'I, ,DNGOS PO'I CHOS NI DGAG PA LA, ,BSGRUB PAR BYA DANG 'GAL BA YI, ,CHOS CAN DNGOS GYUR CI STE 'DOD, ,BSGRUB BYA'I CHOS DANG RJES MTHUN PA, ,RIGS PA SHES PAS CHOS NYID DU, ,RTAG TU BYED PA DE YI PHYIR, ,MKHAS PAS RANG GI CHOS CAN SMOS, ,DNGOS PO MED PA NYID KYI CHOS, ,BSGRUB BYA'I BDAG NYID RJES MTHUN PA'I, ,DNGOS PO MED NYID CHOS CAN YIN, ,DE BAS 'DI MA GRUB PA MIN, ,'DI LTAR NAM MKHA' LA SOGS PA'I, ,RTAG PA NYID SOGS DGAG PA LA, ,CIG CAR SGRA SOGS RGYU YIN NYID,, GTAN TSIGS RIGS PA SHES PAS SMRAS, ,LDOG PA TZAM GYIS NGO BO YI, ,GTAN TSIGS LA SOGS DER GRUB PAS, ,DNGOS MED NGO BO'I CHOS CAN LA, ,'DOD PA 'GRUB PA'I BGEGS YOD MIN, ,DE BZHIN SGYU MA LA SOGS PA'I, ,NGO BO DNGOS PO THAMS CAD LA, ,BYIS PA DNGOS PO NYID LA SOGS, ,SGRO 'DOGS BYED PA GANG MI MKHAS, ,DE DAG YANG DAG 'JUG BYA'I PHYIR, MKHAS PA RNAMS KYIS THA SNYAD DU, ,RGYU DANG 'BRAS BU'I DNGOS SOGS LA, ,KHYAB PAR BYED PA BKAG PHYIR DANG, ,NUS PA LA SOGS BKAG PA YIS, ,DNGOS PO NYID SOGS SGRO BTAGS PA, , DE LTA MIN NA GZHAN DAG GIS, ,BRTAGS PA'I RTAG PA LA SOGS PA'I, ,DNGOS PO DGAG PA JI LTAR BYA, ,RE ZHIG YOD PA TSAD MA YIS, ,DGAG PAR NUS PA MA YIN NO, ,DE BAS DGAG PAR MI BYA NA'ANG, ,GTAM GYI RGYUN DE CHAD PAR 'GYUR, ,GCIG MIN DU MA YIN PAS, , YUL GYI RDUL PHRAN SHIN TU CHUNG, ,DE LA SOGS PA PHYI ROL DON, ,JI LTAR DGAG PA BRJOD PAR BYA, ,SKAD CIG MA YIN YOD PA YIN, ,RIM DANG RIM MIN DE 'GAL TE, ,NUS PA BKAG PA'I SGO DAG NAS, ,MU STEGS NGAN PAS BRTAGS PA YI, ,RTAG PA'I DNGOS PO DGAG PA DANG, , @261A *, ,YON TAN LA SOGS DGAG PA LA, ,GZHI MA GRUB PA NYID KYI SKYON, ,THAL BAR SGRUB PA NYID YIN PAS, ,JI STE DE 'DIR MI 'BYUNG NA, ,TSAD MA MED NA DE YI TSE, ,MED PA'I THA SNYAD 'DIR MI 'GYUR, ,THAL BA'ANG TSAD MA YIN NA NI, ,'DI LA DE SKYON CIR [?] MI 'BYUNG,, RANG DGA'I DBANG GIS PHUL RTAG TU, ,RIGS PAR LDAN PA MA YIN NO, ,'ON TE YANG NI DE LA BZHI, ,BLO YOD PA NYID CHOS CAN YIN, ,PHYI DANG GTZO BO LA SOGS PAS, ,DE LA BSKYED BYA NYID 'GOG NA, ,DE LTAR YIN NA DE DGAG PHYIR, ,NUS PA STONG PA NYID DANG NI, ,GCIG DANG DU MA BRAL LA SOGS, ,DE LTA JI LTAR TSAD MA 'GRUB, ,GTAN TSIGS RANG NYID MA GRUB PAR, ,DE LA BSGRUB BYA SGRUB MI BYED, ,GRUB NA'ANG DE BZHIN BLO NYID KYANG, ,RANG BZHIN MED PAR CES MI 'GYUR, ,SO SOR BRTAGS PA'I 'GOG LA SOGS, ,JI STE BYED RGYUR KUN BRTAGS PA, ,DE DGAG PA LA JI LTAR GLO, ,CHOS CAN NYID DU BRTAGS PAR BYA, ,PHYI DANG GTZO BO LA SOGS PAS, ,DE LA BSKYED BYA NYID BKAG KYANG, ,PHYI ROL LA SOGS STONG PA NYID, ,JI LTAR GCIG TU 'GRUB PAR 'GYUR, ,'ON TE THOG MA MED PA YI, ,RANG GI SA BON LAS BYUNG BA, ,RNAM RTOG MTHAR GTUGS BLO LA YOD, ,CHOS CAN LA BRTEN GTZO SOGS 'GOG ,PHYI ROL BZHIN DU PHYI ROL SOGS, ,THA DAD MED BZHIN DE LA RTOG ,GCIG DANG DU MA DBEN PA DANG, ,NUS PA MED PA BZHIN DU MTHONG, ,SHIN TU DNGOS MED DE GRUB NA, ,PHYI ROL LA SOGS STONG NYID 'GRUB, ,BSGRUB PAR BYA DANG SGRUB BYED PA, ,GZHI GCIG PA YANG YOD PA YIN, ,PHYI ROL LA SOGS KUN BRTAGS PA'I, ,RANG BZHIN DE NI RAB TU 'GOG ,DE NYID DGAG PAR BYA BA'I PHYIR, ,SGRUB PA LA SOGS BYED PA MIN, ,RJES SU DPAG PA LA SOGS PA'I, ,THA SNYAD THAMS CAD DER BRTEN TE, ,DON DAM NYID LA 'JUG BYA'I PHYIR, ,RIGS PA SMRA BA RNAMS KYIS BYAS, ,JI STE BRDZUN PA KUN BRTAGS PA'I, ,CHOS CAN LA YANG THA SNYAD 'DI, ,'DOD NA CI PHYIR DED CAG LA, ,CHOS CAN MA GRUB LA SOGS RGOL, ,JI LTAR KHYOD KYI BLO LA YOD, ,CHOS CAN DNGOS PO MED YIN YANG, ,GTZO BO LA @261B SOGS BRTAGS PA RNAMS, ,RAB TU 'GOG PAR BYED PA LA, ,GZHI MA GRUB PA NYID SKYON DU, ,'GAL BA MED PAS MI 'GYUR NA, ,DE BZHIN NGED KYANG GZUGS SGRA DANG, ,RO LA SOGS PA'I GRAGS PA LA, ,SGYU MA RMI LAM DANG MTSUNGS PAR, ,SHES PAR BYED PAR 'DOD PA YIN, , BRTAGS PA LA SOGS SGRO BTAGS PA'I, ,DNGOS PO'I CHOS NI 'GOG BYED LA, ,DNGOS PO'I NGO BO RNAMS BKAG KYANG, ,JI LTAR BRTAGS PA'I CHOS CAN DAG ,SNANG BA'I PHYIR NA MA GRUB MIN, ,GZUGS LA SOGS PA'ANG DE BZHIN LTOS, ,DE LA'ANG MI DMIGS LA SOGS PA, ,JI LTAR KHYED NI BSGRUB PAR 'DOD, ,NGED KYANG DE BZHIN 'DIR YIN TE, ,JI LTAR SRID PAR SGRUB PAR BYED, ,YANG DAG NYID DU CHOS RNAMS NI, ,SKYE BA MED KYANG THA SNYAD DU, ,'BRAS BU'ANG RANG BZHIN MED DAM CI, ,GANG GIS DE GNYIS MED PAR GYUR, ,YANG DAG KHO NA'I 'BRAS BU DANG, ,RANG BZHIN GYI NI GTAN TSIGS KYIS, ,BYA BA YIN ZHES BYA BA 'DIR, ,'GREL PA 'GA' YANG GRUB PA MED, ,GZUGS BRNYAN BRDZUN PA YIN YANG NA, ,'BRAS BU'I GTAN TSIGS CIR MI 'DOD, ,KUN DU BRTAGS PA NYID BRDZUN GYI, ,RANG BZHIN JI STE SGRUB BYED MIN, ,BRTAGS LA MI DMIGS PA YI CHOS, ,SLOB DPON GYIS CI MA SMRAS SAM, ,DE BZHIN 'DIR YANG CI 'DOD PAR, ,BKOD PA'I DBYE BAS GTAN TSIGS GYUR, ,RANG BZHIN KHO NA'I NANG DU NI, ,GANG PHYIR GTAN TSIGS THAMS CAD 'DUS, ,SBYONG BA DGOD PA'I BYE BRAG GIS, ,DE NI RAB TU SPROS PAR ZAD, ,PHYOGS KYI CHOS YIN DE'I CHA YIS, ,KHYAB PAR GYUR PA KHO NA NI, ,GTAN TSIGS MTSAN NYID MDOR YIN TE, ,DE BAS MKHAS PA RNAMS KYIS BSHAD, ,CHOS RNAMS MA LUS BDAG MED NYID, ,SGRUB PAR BYED PHYIR DE RGYAS PAR, ,MI 'KHRUL PA YI GTAN TSIGS DAG ,JI LTAR RIGS PAS PHYIS 'DIR BSHAD, ,PHYIN CI LOG GI BLO RNAMS KYI, ,DMIGS PA YANG DAG MTHONG YIN NAM, ,YANG DAG DON NI GRUB BYA'I PHYIR, ,TSAD MA RJOD PAR BYED DAM CI, ,DANG PO RE ZHIG MA NGES TE, ,'GAL BA DAG KYANG MTHONG BA YIN, ,RAB RIB CAN GYIS SKRA LA SOGS, ,MTHONG BA BDEN PAR GYUR PA @262A *, ,MED; ,GNYIS PA YANG NI TSAD MA DANG, ,LUNG LAS GRUB PA MA YIN NO, ,CHOS RNAMS MA MTHONG GANG YIN PA, ,YANG DAG SHES PAR BSTAN MA THAG ,MNGON SUM LAS NI GRUB PA YI, ,DNGOS PO MED CES NYER BSTAN ZIN, ,DES NA DNGOS PO'I YANG DAG PA, ,DMIGS PAR GRUB PA MA YIN NO, ,GCIG LA GCIG NI STONG PA NYID, ,THA SNYAD YIN GYIS YANG DAG PA, ,MA YIN ZHES PA DE YI PHYIR, ,DNGOS PO THAMS CAD MKHYEN MI 'GRUB, ,KHYAB BYA KHYAB BYED DNGOS LA SOGS, ,THA SNYAD LA NI SHIN TU 'GRUB, ,DON DAM PA LA 'JUG BYA'I PHYIR, ,MKHAS PA DE LA RTEN MI BYED, ,RGYU DANG 'BRAS BU'I DNGOS LA SOGS, ,JI LTAR MTHONG BA BZHIN DU 'DOD, ,CHOS RNAMS KUN GYI NGO BO LA, ,KHYAB PAR BYED PA YANG DAG MIN, ,YANG DAG NYID DU DE LOG NA, ,SGYU MA LA SOGS LTAR BRTAGS PAR, ,DNGOS PO RNAMS KYI DON DAM PA'I, ,NGO BO NYID NI LDOG PAR 'GYUR, ,'BREL PA SHIN TU GRUB BYA'I PHYIR, ,MNGON SUM JI STE 'DOD NA NI, ,DE YANG MTSAN NYID MA 'KHRUL PA, ,RJES SU DPAG PA JI LTAR GSAL, ,DE DAG NYID LAS 'BREL PA RNYED, ,DE NYID JI STE SEL NA NI, ,RTZA BA MED PHYIR RANG DE YANG, ,MED PAS TSAD MA MED PAR 'GYUR, , MTHONG BA LA SOGS THA SNYAD KYI, ,DE YI NGO BO MI 'GOG PHYIR, ,MNGON SUM NYID NI SEL BA MIN, ,BRTAGS PA DAG NI 'GOG PAR BYED, ,KUN RDZOB DON NI MI SLU'I PHYIR, ,DE NI 'KHRUL PA MED PAR BSHAD, ,YANG DAG MA MTHONG MNGON SUM NI, ,YANG DAG YUL LA MA 'KHRUL MED, ,GANG LA MA 'KHRUL DE SEL MIN, ,GANG DU SEL BA DER DE MIN, ,MA 'KHRUL DON NI GZHAN YIN LA, ,JI LTAR DE NI RAB TU SEL, ,RJES DPAG 'BREL PA MNGON SUM LAS, ,YANG DAG DON DU THOB PA MED, ,KUN RDZOB SGO NAS 'DI THOB PA, ,DE LA RJES NI SEL BA MIN, ,THA SNYAD SGO NAS DE DAG LA, ,'BREL PA THOB NAS YANG DAG PAR, ,BRTAGS PA'I DNGOS PO SEL BYED NA, ,RMONGS PAS CI ZHIG BRTZAD DU YOD, ,GANG YANG 'BREL PA MNGON SUM LAS, ,THOB NAS THOB PA'I GNAS DAG KYANG, ,DE LA DE YIS SEL NA YANG, ,SEL BAR 'DOD DE CI ZHIG GNOD, ,'DI LTAR 'GRO BA RNAMS KYI CHOS, ,RNAM PAR BRTAGS PA @262B THAMS CAD NI, ,YANG DAG RNAM 'BYED YE SHES KYI, ,ME YI SHING DU GYUR PAR 'DOD, ,SHING LAS BYUNG BA'I ME BZHIN DU, ,LOG PA'I SHING DE RAB BSREGS NAS, ,RAB 'BYOR 'BAR BAR BZHIN, ,RNAM RTOG ZHI BA THOB PAR 'GYUR, ,DE PHYIR SHING GNYIS RUL PA LAS, ,BYUNG BA'I ME YI DPE DAG GIS, , YANG DAG SO SOR RTOGS PA YI, ,'BRAS BU CHEN POR THUB PAS GSUNGS, ,RTZA BA MED PA DE YI PHYIR, ,JI STE YANG DAG SHES PA YI, ,RJES SU DPAG PA RNAM RTOG 'DI, ,PHYIS LDOG GYUR NA GRUB PA SGRUB, ,MNGON SUM RTZA BA THA SNYAD DU'ANG, ,JI STE MED PA YIN NA NI, ,DE TSE RJES SU DPAG PA YI, , 'BREL PA DE LAS JI LTAR RNYED, ,THA SNYAD DU'ANG 'DI DAG RNAMS, ,MED PA NYID DU THAL 'GYUR PA, ,MNGON SUM SEL BA'ANG 'DI LA NI, ,NUS PA'I RGYU NI CI ZHIG YOD, ,RGOL DANG SLAR RGOL GANG YIN PA'I, ,RTZOD PA'I GNAS SU RAB GYUR PA, ,DE LA BSGRUB BYA GRUB BYA'I PHYIR, ,CHOS RNAMS MA LUS BDAG MED LA, ,JI STE RTZOD PAR GYUR NA YANG, ,'ON KYANG SGYU MA LA SOGS PA'I, ,DPE NYID SGRUB BYED DE LA YOD, ,CI STE SGYU MA LA SOGS PA'ANG, ,DNGOS PO NYID DU YOD DOGS NA, ,NAM MKHA'I ME TOG LA SOGS DANG, ,MO GSHAM BU YANG CI MI SNYED, ,GANG DU SHES PA CUNG ZAD DAG LA, [?] NGES PAR 'KHRUL PA 'DOD BYA DGOS, ,DE LTA MIN NA 'GA' YANG NI, ,GANG DU'ANG BSLUS PA MED PAR 'GYUR, ,THAMS CAD DNGOS MED BSGRUB BYA'I PHYIR, ,DE LA SNANG BA'I NGO BO GANG, ,BRDZUN PA NYID DU 'DOD PA DAG ,DE DAG KHO NA DPER BYED DO, ,NYI TSE BA YI RTZOD PA LA'ANG, ,DE LA DNGOS 'DZIN LDOG PA'I PHYIR, ,JI LTAR BSTAN PA KHO NA BZHIN, ,DPER NI THAMS CAD GRUB PA YIN, ,SGRUB PAR BYED PA 'KHRUL PAS NA, ,PHA ROL PO YI 'DOD PA'I DON, ,SEL BAR BYED DO JI LTAR NA, ,MI 'DOD THAL BAR 'GYUR BA YIN, ,RMI LAM LA SOGS DPE 'GRUB CING, ,JI LTAR NGES LA GTAN TSIGS KYIS; ,BSGRUB BYA SGRUB BYED LA KHYAB PA, ,DE LTAR DNGOS POR SMRA LA MIN, ,PHYOGS SU GCIG PA'I DNGOS NYID DAM, ,THAMS CAD DNGOS POR SGRUB NA YANG, ,DNGOS POR SMRA BA RNAMS LA NI, ,GNYI GAR GRUB PA'I DPE YOD MIN, ,BDAG MED SKAD CIG LA SOGS PA, ,SGRUB PA LA YANG MED @263A *, ,DAM CI, ,RGOL TE NGAN PA NYI TSE YIS, ,NGED LA BYA BA CI ZHIG YOD, ,DNGOS YOD DNGOS MED GNYI GA YI, ,CHOS NI YOD PA BSGRUB PA LA, ,MA GRUB LA SOGS SKYON SGO NAS, ,MKHAS PA RNAMS KYIS SUN DBYUNG SMRAS, ,MI 'KHRUL BA YI SGO DAG NAS, ,KHYAB BYED LA SOGS BKAG PA YIS, ,DNGOS PO MED CHOS CIR BSGRUB NA, ,DE LA MA 'BREL CI ZHIG YOD, ,YOD PA YIN NA DNGOS MED PAR, ,RE ZHIG SGRUB PAR NUS PA MED, ,BRDZUN DE BSGRUB PAR MI BYA NA'ANG, ,GANG DU RAB TU BSGRUB PAR BYA, ,MI SGRUB NA YANG GZHAN DAG GIS, ,DE LA BDAG SOGS BRTAGS PA YIS; ,DNGOS PO DGAG PA KHYED CAG GI, ,TSAD MA MED PA JI LTAR 'GRUB, ,DNGOS PO'I BDAG NYID YANG DAG GANG, ,'GA' YANG GANG DU MA GRUB NA, ,GANG GIS DE NI RGYUR BRJOD PA'I, ,DNGOS PO'I CHOS NI GA LA YOD, ,DNGOS PO GRUB PA MA YIN NA, ,DNGOS PO MED PA'ANG 'GA' MI 'GRUB; ,DNGOS PO GZHAN DU GYUR PA NYID, ,DNGOS MED MTSAN MA SMRA GZHAN MIN, ,DE YI CHOS KYANG MI 'GRUB CING, ,GNYIS LA BRTEN PA'ANG YOD PA MIN, ,GNYIS LA GRUB PA DE YI PHYIR, ,GNYIS MIN GTAN TSIGS SRID PA'ANG MED, ,DNGOS DANG DNGOS MED RNAM BRAL CHOS, ,RMI LAM LA SOGS BZHIN DU SNANG, ,DE PHYIR CHOS KUN DE DAG GIS, ,RANG DANG MTHUN PA SGRUB BYED YIN, ,JI LTAR BDAG SOGS DNGOS MED NYID, ,NUS DANG BRAL BA LA SOGS PAS, ,KHYED CAG RNAMS KYIS SGRUB PAR BYED, ,NGED KYIS 'ANG DE BZHIN KUN DU YIN, ,YANG DAG NYID DU 'DOD PA YIS, ,DNGOS POR 'DI LTAR RNAM GNYIS TE, ,RTAG DANG MI RTAG GNYI GA LA'ANG, ,GNOD PAR BYED PA'I TSAD MA YOD, ,YANG DAG NYID DU BRTAGS PA YI, ,MI RTAG PA LA SKYE BAS KHYAB, ,'DI LTAR SKYE MED NGO BO LA, ,SKYE DANG 'JIG PA'I CHOS NYID MED, ,SKYE BA RNAMS KYI SKYE 'JIG PA'I, ,CHOS NYID TSAD MA LAS GRUB NA'ANG, ,MI RTAG BDAG NYID GRUB MOD KYI, ,DNGOS PO YIN ZHES MI RTAG STE, ,BU LA SOGS PA BRDZUN PA YANG, ,SKYE SOGS RMI LAM MTHONG BA'I PHYIR, ,'JIG DANG SKYE BA'I CHOS NYID LAS, ,DNGOS PO NYID KYIS KHYAB PA MED, ,DE BAS MI RTAG NGO BO LA, ,SKYE BAS KHYAB PA YIN MOD KYI,, @263B DNGOS PO RNAMS KYIS YANG DAG NYID, ,'GA' YANG 'GRUB PA MA YIN TE, ,KHYAB PAR BYED PA YOD PA LAS, ,KHYAB BYA MA LUS NGES 'GYUR MED, ,JI LTAR SNANG BA 'DI DAG LA, ,KHYAB PA YIN ZHES NYE BAR BRJOD, ,YANG DAG NYID DU SKYE MED NA, ,MI RTAG RJES 'BREL DNGOS PO LA, ,YANG DAG NYID DU KUN BRTAGS PA, ,DE NI LOG PA KHO NAR 'GYUR, ,DE LOG PA NA DE LDOG PAR, ,JI STE DE LTAR NGES MED NA, ,DE LTAR MIG NA SKYE BA YI, ,MI RTAG KHYAB PAR MI 'GYUR RO, ,RANG GZHAN GNYI GA RGYU MED LAS, ,SKYE BA GSAL BA GANG YIN PA, ,YANG DAG NYID DU DE DNGOS MED, ,MO GSHAM BU LA SOGS PA BZHIN, ,DE BZHIN 'DUS BYAS DNGOS PO KUN, ,'DIR NI YANG DAG NYID DU NA, ,SGYU MA RMI LAM LTA BU STE, ,DE BAS 'DUS BYAS KUN RIG BYA, ,GRANGS CAN LA SOGS DE DAG GIS, ,RANG NYID LAS KYI DNGOS PO RNAMS, ,SKYE BAR BRTAGS TE RGYU DAG LAS, ,'BRAS BU THA DAD MED PAR 'DOD,, DE NI MI RIGS BDAG NYID KYI, ,DNGOS PO SKYED PAR BYED PA 'DI, ,MA GRUB PA YI SKYED BYED DAM, ,GRUB PAS YIN ZHES RNAM PAR BRTAG ,MA GRUB PA RANG NYID MED YIN NA, ,DE TSE GANG ZHIG CI ZHIG SKYED, ,MO GSHAM NU MA 'THUNG BA'I BU, ,RANG GI BDAG NYID SKYED PA MED, ,GRUB PA YIN NA'ANG DBYE MED PHYIR, ,BDAG NYID SKYED PAR BYED DE MED, ,'DI LTAR BDAG NYID GRUB NA YANG, ,DE TSE DES SKYED CI ZHIG YOD, ,PHAN PA NYE BAR BYED NA NI, ,SKYED BYED BSKYED PA NYID DU GRAGS, ,RANG GI NGO BO GRUB NA 'DI'I, ,RGYU MTSAN RNAM GZHAG CI ZHIG YOD, ,DNGOS MED PAR YANG RAB SMRA NA, ,SEMS PA CAN LA'ANG CIR MI 'DOD, ,BSKYED BYA SKYED BYED NYID GANG GIS, ,RANG BZHIN 'BA' ZHIG YIN PAR BRJOD, ,SEMS PA CAN BZHIN RANG YOD PHYIR, ,NANG GI SKYE MCHED RNAMS KYANG NI, ,SKYE BA MIN ZHES PHA ROL LA, ,RAB TU THAL DON DE PHYIR SMRAS, ,DES NA SEMS PA CAN DPER BLANGS, , THAL BA'I DON NI SMRAS PA LA, ,THAL DON YONGS SU MA SHES NAS, ,MA GRUB PAR YANG RGOL BAR BYED, ,'GAL BAR RAB TU BRJOD PA'I PHYIR, ,GZHAN LA GRUB PA RJES BSLAB STE, ,THAL BAR BSGRUB PAR RIGS PA YIN, ,RANG LA GRUB LA THAL BYED MIN, ,DES NA DE LA MA GRUB DANG, ,'GAL @264A *, ,BA NYID DU RGOL BYED PA, ,DE YI MI SHES SDUG PO YI, ,MTHU YIS BRJOD PA KHO NAR ZAD, ,'ON TE GRUB KYANG BDAG DNGOS LA, ,PHAN PAR BYED PA YOD NA YANG, ,DE LAS PHAN PA THA DAD NA, ,RANG LAS JI LTAR SKYE BA YIN, ,'DIS NA PHAN PA'ANG DUS RTAG TU, ,RANG GI BDAG NYID BZHAN GRUB NA, ,JI LTAR DE YID DE BYED PA'I, ,RGYU MTSAN DER NI BRJOD BYA DGOS, ,RGYU DANG 'BRAS BU ZHES BYA BA'I, ,RNAM PAR GZHAG 'DI GA LAS 'GYUR, ,JI STE 'DI NI DBYER MED NA, ,RNAM GRANGS SU NI BRJOD PA MIN, ,GSAL BA'AM YONGS SU 'GYUR BA NI, ,DE RNAMS GZHAG PA'I RGYU YIN NA'ANG, ,DE LAS DE GNYIS THA DAD NA, ,RANG LAS SKYE BAR RIGS PA MIN, ,THA MI DAD PA NYID YIN NA'ANG, ,RGYU DANG 'BRAS BU'ANG 'TSOL BAR 'GYUR, ,GSAL DANG MI GSAL LA SOGS CHOS, ,'GAL BA DUS GCIG JI LTAR RUNG, ,CHA SHAS THA DAD YOD NA YANG, ,GCIG LA CHA SHAS GA LA YOD, ,THA DAD THA DAD MI 'GAL BA, ,DNGOS PO GCIG LA JI LTAR RUNG, ,DNGOS PO GCIG NI DGAG NA YANG, ,GNYIS PA SGRUB PA MED PAR BYED, ,DES NA GNYIS MIN PHYOGS LA YANG, ,DNGOS PO BRTAG PAR MI BYA'O, ,SNGON GYI NGO BO MA BOR BAR, ,DE NI GSAL BA YONGS 'GYUR BAR, ,JI STE 'GYUR NA GNAS SKABS RNAMS, ,THAMS CAD DU YANG 'DRES PAR 'GYUR, ,BUM PA LA SOGS SNANG BA YANG, ,MI SNANG 'GYUR ZHING BYIS SOGS LA, ,RGAN PA'ANG DMIGS 'GYUR SNGA MA BZHIN, ,RTAG TU GNYI GA YOD PAR 'GYUR, ,JI STE 'GAL BA'I CHOS RNAMS KYANG,, GCIG TU 'DOD NA DE YI TSE, ,SEMS CAN LAS LA GTZO BO DANG, ,MI RNAMS THA DAD JI LTAR 'GYUR, ,DE LTAR GCIG TU 'DOD PA YANG, ,JI STE BZLOG PAR MI BYA NA, ,CIG CAR SKYE DANG THAR LA SOGS, ,KHYED KYI KUN 'GYUR MIN NAM CI, ,JI STE PHYI NAS BOR NA NI, ,RANG LAS SKYE BA NYAMS PAR 'GYUR; ,SNGON POR BA LAS THA DAD PHYIR, ,RTAG TU DE NYID GSAL BA YIN, ,YUL DANG DUS LA SOGS PA YI, ,GNAS SKABS NGES PA 'DI SNANG NA, ,RANG NYID LAS NI SKYE BA YI, ,DNGOS LA GTAN TSIGS CI ZHIG YOD, ,LTOS PA MED PHYIR PHOM [?] RIL DU, ,RTAG TU GSAL BA MED PAR 'GYUR, ,RGYU @264B GZHAN LA NI LTOS NAS NI, ,RTAG TU DNGOS PO THAMS CAD NI, ,RANG GI DNGOS LA GNAS PAS NA, ,RTAG PAR GNAS PHYIR SKYE DON MED, ,GSAL DANG YONGS SU 'GYUR BA MED, ,RTAG RNAMS NGO BO GCIG PA'I PHYIR, ,GSAL DANG YONGS SU 'GYUR BA MED, ,DNGOS PO MA BRTAGS PA RNAMS NI; ,SHIN TU GNAS PA MED PA YIN, ,DE NYID DANG NI GZHAN NYID DAG ,PHAN TSUN SPANGS TE GNAS PA'I PHYIR, ,YONGS SU 'GYUR BA GZHAN GYUR PA, ,DE NI DE YIN JI LTAR 'GYUR, ,GSAL BAR GZHAN DU 'GYUR BA YANG, ,RTAG PAR GYUR PA YIN PAR BRJOD, ,'GAL BA'I CHOS DANG 'DRES GYUR PAR, ,'DIR YANG 'JIG PA BZHIN DU 'GYUR, ,GANG ZHIG PHYI NAS BYUNG BA'I CHOS, ,DNGOS PO DE NI GZHAN MIN NAM, ,GANG ZHIG GZHAN GYI DNGOS PO DE, ,DE YI MING DU JI LTAR 'GYUR, ,JI STE CHOS DE SNGA NA YOD, ,CI YI PHYIR NA DE MI SNANG, ,CI STE MI SNANG NGO BO 'DI, ,PHYI NAS CI PHYIR 'DI SNANG YIN, ,SGRIB NA'ANG SNANG SHAR DE YI TSE, ,'O MA LA ZHO CIS MA MTHONG, ,DE NI RNAM PAR 'DRES PAR LTOS, ,ZHO LAS THA DAD MA YIN PHYIR, ,'O MA'ANG BSGRIBS PA NYID DU 'GYUR, ,PHYI NAS ZHO LA SGRIB PA YANG, ,SNGA MA BZHIN DU THAL BAR 'GYUR, ,DE BAS GSAL DANG 'GYUR SGO NAS; ,RANG LA SKYE BAR PHA ROL POS, ,BRTAG PA GANG DE DAG GI, ,RMONGS PA CHEN PO'I RLOM PA YIN, ,GZHAN LAS KYANG NI DNGOS PO RNAMS, ,YANG DAG SKYE BAR RIGS MIN TE, ,GZHAN LAS 'GYUR NA RTAG PA'AM, ,MI RTAG PA LAS DE 'GYUR GRANG, ,RIM DANG CIG CAR 'JUG PA YIS; ,RTAG PA SKYED PAR BYED PA MED, ,DE BAS DNGOS RNAMS SKYE MED PA, ,MKHA' YI ME TOG SOGS BZHIN RIGS, ,RTAG PAR RANG NYID NUS NA YANG, ,DE NI GZHAN LA CI PHYIR LTOS, ,BYAR MED PA NI 'DI YIN NA, ,GZHAN LA LTOS PA GANG YANG MED, ,DE BAS 'DI NI LTOS MED PHYIR, , RIM GYIS SKYED PAR BYED MI RIGS, ,RGYU RNAMS MA TSANG MED PA'I PHYIR, ,'BRAS BU SKYE BA'AM RIGS MI DMIGS, ,THAMS CAD CIG CAR SKYED NAS NI, ,JI STE PHYI NAS MI SKYED NA, ,PHYI MA BZHIN DU NUS MED PHYIR, ,SNGAR YANG SKYED PA MA YIN 'GYUR, ,RANG LAS MED PA'I NUS @265A *, ,PA YI, ,RANG GI NGO BO RJES 'BRANG NA, ,SNGA MA BZHIN DU SKYED BYED PA, ,RTAG PAR 'GYUR GYI LDOG MI 'GYUR, ,THA SNYAD DU YANG NUS MED PHYIR, ,DE BAS RTAG PA'I DNGOS DON MED, ,DNGOS PO DE YI MTSAN NYID NI, ,NUS PA YIN ZHES MKHAS PA SMRA, ,MI RTAG PA YANG ZHIG PA LAS, ,MED PHYIR DNGOS PO SKYE MI RIGS, ,YOD PA LAS KYANG MI RIGS TE, ,'DAS PA RNAMS YANG YOD PA MIN, ,BYED PA ZHIG PHYIR DE YIN NA'ANG, ,'DAS PA RANG GI DNGOS PO MED, ,GZHAN DAG ZHIG PAR GYUR PA'I PHYIR, ,GZHAN DAG 'DAS PAR JI LTAR RIGS, ,JI STE BYIS PA GZHAN ZHIG PAS, ,BYED PA'ANG 'JIG PAR 'GYUR NA NI, ,GNAS PA MED PA YIN PA'I PHYIR, ,BYED PA RNAMS LA MTHA' MED 'GYUR, ,'ON TE BYED PA RANG KHO NA, ,ZHIG PA NYID DU RTOG NA NI, ,DNGOS PO RNAMS KYANG DE BZHIN DU, ,RNAM PAR 'JIG PAR CIR MI 'GYUR, ,THA DAD NA NI DNGOS PO DANG, ,BYED PAR 'BREL PA MI GNYIS 'GRUB, ,GCIG PA YIN NA BYED PA BZHIN, ,DNGOS PO RANG NYID ZHIG PAR YOD, ,BYED PA'ANG 'DAS PA NYID YOD PAR, ,DNGOS PO BZHIN DU THAL BAR 'GYUR, ,BYED PA BRJOD DU MED YIN NA'ANG, ,BRTAG PAR 'GYUR GYI YANG DAG MIN, ,MA 'ONGS MA ZHIG PA LAS KYANG; ,'BRAS BU SKYE BAR MI RIGS TE, ,DE YI RANG BZHIN MA THOB PHYIR, ,MO GSHAM BU LAS JI BZHIN NO, ,JI LTAR DNGOS PO'I ZHIG PA NYID, ,BYED PA'I DBANG GIS MI RIGS PA, ,DE BZHIN MA 'ONGS DNGOS PO YANG, ,DE YI DBANG GIS RTAG TU MED, ,DE LTAR LAS KYANG 'BRAS MIN TE, ,DUS GCIG RNAM PAR RTOG NA NI, ,RGYU BZHIN YONGS SU GRUB PA'I PHYIR, ,DE LTA MIN NA DUS GCIG MIN, ,THA DAD DUS KYANG 'BRAS BU NI, ,JI STE MA 'ONGS PA NAS SNGA, ,DE TSE DE LTAR MI RIGS PAR, ,DE NI SNGA ROL NYE BAR BSTAN, ,SKAD CIG GZHAN GYIS BAR BCAD NAS, ,PHYI NAS 'BYUNG NA'ANG DE YI TSE, , 'DAS PA DAG LAS DE 'BYUNG BAS, ,DE YANG SNGAR BSAL ZIN PA YIN, ,'ON TE BAR NI MA CHOD PAR, ,'BRAS BU 'BYUNG NA DE YI TSE, ,RGYU DANG 'BRAS BU GNYI GA YANG, ,DUS GCIG KHO NAR 'GYUR BA YIN, ,'ON TE'ANG SKAD CIG NYID KYIS NA, ,'BRAS BU'I DUS NA RGYU MI GNAS, ,CIG CAR 'GYUR @265B BAR THAL BAR NI, ,DE PHYIR RIGS PA MA YIN TE, ,'JIG DANG SKYE BA DUS MNYAM PA, ,SRANG MDA'I MTHO DMAN BZHIN DU YIN, ,DES NA RGYU DANG 'BRAS BU GNYIS, ,DUS GCIG NYID DU 'GYUR BA MED, ,JI LTAR CHU BO DRAG PO'I RGYUN, ,GANG TSE CHU GZHAN NUS PA NA, ,DE TSE CHU GZHAN 'BAB PA YIN, ,DE BZHIN 'JIG DANG SKYE BUS MNYAM, ,GANG TSE RANG GI SNGA MA 'DOR, ,DE TSE CIG SHOS 'ONG BA YIN, ,JI LTAR GRIB MAS NYI MA'I YUL, ,SEL BA'I DNGOS PO'I GNAS SKABS DANG, ,DNGOS DANG BAR DAG MA CHOD PAR, ,'JIG PAR JI LTAR 'GYUR YANG NA, ,DUS GCIG 'GYUR BA MA YIN PA, ,DE BZHIN 'BRAS BU LTA BAR GYIS, ,RGYU DANG 'BRAS BU NYID KYI TSUL, ,MA BRTAGS PAR NI GRUB PA YIN, ,JI STE 'DOD RGYAL 'DI SMRA NA, ,GZHAN DAG LA NI SMRA LA RAG ,SKABS 'DI NYID NI YANG DAG PA'I, ,DON LA RNAM PAR DPYAD PA YIN, ,ZHI BA MOR DPYOD PAR MKHAS PA LA, ,'DOD RGYAL SMRA BAR RIGS PA MIN, ,'DI LTAR BAR NI MA CHOD PAR, ,'BRAS BU YIN ZHES KHYED KYIS BRJOD, ,MKHAS PA RNAMS KYIS DE DAG BRJOD, ,RNAM PAR DPYOD NA PHYOGS MED BYA, ,BAR MED PAR NI 'DOD NA YANG, ,DE TSE RGYU DANG 'BRAS BU DAG ,DUS GCIG 'GYUR BA MA GTOGS PAR, ,GZHAN DU 'GYUR BAR YOD DAM CI, ,RNAM PAR CHAD PAR BYED DUS DE, ,THUNG BA'AM DBUS NA MED NA NI, ,RANG GI ZHIB MO'I MI DAG GIS, ,DE NYID TSUL DE RTOGS TE SMROS, ,'DI LTAR BDAG NYID KUN GYIS NI, ,DE GNYIS JI LTAR BAR MA CHAD, ,SKAD CIG PA RNAMS DUS GCIG PHYIR, ,BSKAL PA'ANG SKAD CIG TZAM DU 'GYUR, ,DE TSE THAMS CAD KUN RDZOB TU, ,'GYUR BA NYE BAR BSTAN ZIN TO, ,BAR MED 'JUG PA'I RGYUN DAG LA, ,DBUS NA GNAS PA'I SKAD CIG GI, ,BDAG NYID DANG NI SNGA MA RU, ,BAR CHAD MED PA NYID YIN LA, ,GANG GIS 'DOD PA DE NYID KYANG, ,DE DANG 'OG MAR YANG YIN NA, ,DE TSE MA SKYES 'DAS PA YI, ,SKAD CIG RNAMS KYIS DBUS GNAS PA'I, ,SKAD CIG DANG NI DUS GCIG LA, ,BZLOG MED 'ON TE BDAG NYID LA, ,GZHAN GYIS BAR NI MA CHOD NA, ,SKAD CIG GCIG NYID NYAMS PAR 'GYUR, ,'BRAS BU'I @266A *, ,PHYIR NA RGYU MED PHYIR, ,MED DANG LHAN CIG THAMS CAD DU, ,BAR MA CHOD PA'I BSAM PA NYID, ,MI RIGS SNYAM DU SEMS NA YANG, ,KHYED KYIS DE NI MI RIGS TE, ,RGYU DANG 'BRAS BU GNYIS BAR NA, ,DUS GZHAN YOD PAR MI 'DOD NA, ,DE TSE MED PA DE MI RUNG; ,DE GNYIS BAR NI MA CHOD PAR, ,KHYED CAG MNGON MI 'DOD NA'ANG, ,RGYU DANG BAR MED 'BRAS BU ZHES, ,RMONGS TE CI ZHIG RJOD PAR BYED, ,REG DANG BAR NI MA CHOD DANG, ,MJUG THOGS DANG NI BAR MED PA, ,RNAM GRANGS YIN TE NAM DU YANG, ,DON GYI DBYE BA 'GA' YANG MED, , BAR MED YIN PAR MNGON 'DOD NA'ANG, ,DE CI BDAG NYID KUN GYIS SAM, ,DE NYID PHYOGS GCIG GIS 'DOD CES, ,DE TSE BSAM PAR MI 'GYUR RAM, ,GNYI GA'ANG SKYON 'DIR 'GYUR BA NI, ,SNGAR NI NYE BAR BSTAN ZIN TO, ,RNAM PA GNYIS LA MA GTOGS PAR, ,BAR MED TSUL NI YOD PA MIN, ,RGYU DANG MA CHOD PAR YOD PA, ,'BRAS BU YIN ZHES NYER BRJOD LA, ,DE YANG BAR CHAD MED PAR NI, ,MA YIN ZHES PA DGE BAR GSUNGS, ,'BRAS BU'I TSE NA RGYU MED NA'ANG, ,DE NI GANG LAS 'BYUNG BAR 'GYUR, ,MED NA DA LTAR MA YIN PHYIR, ,ZHIG PA LAS NI SKYE BAR 'GYUR; ,YOD NA BAR CHAD MED LA SOGS, ,DE TSE BSAM PAR CIR MI 'GYUR, ,DE LTA MIN NA MA ZHIG LAS, ,'BRAS BU KHYED NI JI LTAR 'DOD, ,'BRAS BU SKYE BA'I DUS NA NI, ,RGYU YOD 'DOD PA MA YIN NAM, ,DE YOD DUS NA DE DAG NI, ,ZHIG PA'I PHYIR NA GNAS PA MED, ,DES NA MA ZHIG PA DAG LAS, ,'BRAS BU YIN NA'ANG SKYE BA LAS, ,YOD PA THA DAD MED PA NYID, ,SKYE BA BSKYED BYA YIN PA'I PHYIR, ,DE TSE 'BRAS BU RGYU MED 'GYUR, ,DE GNYIS PHAN PA MI BYED PHYIR, ,'BRAS BU BSKYED CES BYA BA YI, ,'BREL PA 'DI YANG 'GRUB MI 'GYUR, ,DE BAS YOD PA KHO NA LA, ,'BRAS BU SKYE ZHES BRJOD PA YIN, ,DE YI DUS NA RGYU YOD PHYIR, ,DE GNYIS DUS NI GCIG PAR 'GYUR, ,YANG DAG BRTAGS NA SRANG MDA' YI, ,DPE YANG GRUB PA MA YIN TE, ,CHA SHAS CAN GYI NGO BO DANG, ,CHUNG DU BSAGS PA 'DI MI RIGS, ,GCIG LA 'GAL BA'I LAS RNAMS NI, ,'THAD PA MED @266B PHYIR CHA CAN MED, ,CHA SHAS MED PA'I RDUL PHRAN YANG, ,BSAGS PAR RUNG BA MA YIN NO, ,SHES PA SNANG BA'I NGO BO YI, ,SRANG MDA'I DON DAM NYID DU NA, ,LUS CAN MIN NA MTHON DMAN DU, ,'GYUR BA MA GRUB RNAM PA YANG, ,BRDZUN PA'I PHYIR NA DE MI SRID, ,DE BZHIN RGYU 'BRAS DNGOS PO 'DI, ,KUN RDZOB YIN PAR BSGRUBS PAR GYUR, ,YANG DAG NYID NI DE MA YIN, ,DE BZHIN DRI MA CHUNG LA SOGS, ,YANG DAG PAR NI GRUB PA MED, ,DE DANG CHOS NI MTHUN PA'I PHYIR, ,RGYU 'BRAS YANG DAG NYID MI 'GRUB, ,BDAG NYID KUN DANG PHYOGS GCIG GIS, ,BAR MED RNAM PAR DPYOD PA NA, ,PHYOGS GCIG NYID DANG CHA SHAS KYI, ,SKYON 'GYUR 'DIR YANG MTSUNGS PA YIN, ,DNGOS MA GRUB NA DNGOS MED PA'ANG, ,GANG DU 'GA' YANG GRUB PA MED, ,DES NA ZHIG PA'I DPE DAG NI, ,DE SGRUB PA LA MI RIGS SO, ,'DI LA YANG NI DE BZHIN DU, ,BAR CHAD MED PA DPYAD NA NI, ,DUS GCIG NYID DANG CHA SHAS BCAS, ,THAL BAR 'GYUR BA BZLOG TU MED, ,SKAD CIG MA LAS RING DU 'DI, ,DNGOS MED NYI TSE ZAD YIN GYI, ,'DI DANG BAR NI MED PA 'DI, ,ZHIG CES BYA BA GANG YIN MED, ,DES NA BAR CHAD MED SOGS 'DIR, ,DE BZHIN BSAM PA 'JUG PA MED, ,BAR MA CHOD PAR 'BRAS BU DAG ,YOD NA BSAM PAR RIGS PA MIN, ,DES NA 'DI LA GZHAN DAG LAS, ,SKYE MI RIGS ZHES GNOD BYED PA, ,GZHAN PHYIR ZHES PA YOD PA BZHIN, ,MKHAS PA RNAMS KYIS GTAN TSIGS RIGS, ,GANG DU BSGRUB PAR 'DOD PA LA, , MI MTHUN PHYOGS LA GNOD BYED MED, ,DE DAG LA NI GZHAN NYID KYIS, ,GLEN PA LA SOGS SGRUB MI NUS, ,SKYE BA DGAG PAR BSGRUB BYA LA, ,MI MTHUN PHYOGS LA GNOD BYED PA, ,JI SKAD SMOS BZHIN YOD PA NYID, ,'DIR LDOG PA LA THE TSOM MED, ,GZHAN NYID LA SOGS SGRA RNAMS NI; ,GANG DAG DNGOS PO'I RGYU RKYEN 'DOD, ,DE LA SUN 'BYIN SMRAS PA NI, ,DNGOS PO RNAMS KYI ZHES SOGS YIN, ,SGRA DE'I DON NI BRTAGS YIN YANG, ,DNGOS PO'I MTHAR THUG GANG DAG 'DOD, ,DE LA RGYU MTSAN BDUN PA YIS, ,SKYE DON NYES PA RIG PAR BYA, ,GZHAN DU GYUR PA YOD @267A *, ,PA YI, ,RKYEN LA DON DAM NYID DU NA, ,RIGS PA MIN TE JI SKAD DU, ,RGYAS PAR DE BZHIN BSTAN PA YIN, ,GANG TSE DNGOS PO THAMS CAD NI, ,YANG DAG NYID DU SKYE MED NA, ,DE TSE SGRA DE'I MTHAR THUG PA, ,GZHAN NYID 'GRUB PA MA YIN NO, ,GTZO BO DBANG PHYUG BCAS SOGS LAS, ,DNGOS RNAMS SKYE BA BRJOD PA'I PHYIR, ,GNYIS LAS SKYE BAR 'DOD PAR NI, ,GANG DAG RNAM PAR MI MKHAS PAR, ,GANG DAG RES 'GA' RNAM GNYIS SAM, ,GCIG GI NGO BOR RTOG PA NI, ,SO SOR MOS PA'I NYES PA YIS, ,DE DANG GZHAN KUN SUN PHYUNG ZIN, ,KHA CIG TSER MA LA SOGS PA'I, ,RNO SOGS DPE NI 'BA' ZHIG GIS, ,SKYE BA THAMS CAD YANG DAG PAR, ,RGYU MED KHO NAR RNAM SMRA BA, ,SKYE BA YANG DAG SGRUB PA LA, ,DPE NI RAB TU MA GRUB PO, ,KUN RDZOB TU YANG KHAS LEN NA, ,'DI LTAR MNGON SUM LA SOGS 'GAL, ,RJES SU DPAG DANG LDOG PAR NI, ,MNGON SUM DAG GIS RNAM NGES PA, ,SA BON SOGS LAS MYU GU SOGS, ,SKYE BA'I MNGON SUM ZHES PA GNOD, ,GANG PHYIR RANG GI SA BON LAS, ,TSER MA LA SOGS SKYE BA NYID, ,RNO SOGS DE NYID LAS YIN PAS, ,DES NA DPE NI GRUB PA MED, ,DE DAG RES 'GA' KHA CIG TU, ,'BYUNG BA YONGS SU NGES PA NI, ,LTOS DANG BCAS PAR SKYE BA STE, ,LTOS BYA DE DAG RGYUR 'DOD DO, ,RGYU NI PHAN PAR BYED PA STE, ,PHAN PA MED PA LTOS BYA MIN, ,PHAN PA MED LA BRTEN NA NI, ,RES 'GA' BA DAG RIGS PA MIN, ,RGYU LA NGES PA YOD PA'I PHYIR, ,'BRAS BU NGES PAR 'GYUR BA YIN, ,RGYU MED NA NI CI YI PHYIR, ,TSER MED LA SOGS RNO SOGS NGES, ,DNGOS PO RNAMS NI RGYU MED PAR, ,NGES PAR SKYED PAR 'DOD PA YIS, ,KHYOD NI GTAN TSIGS SBYOR BYED PA, ,DON MED KHO NAR 'GYUR BA YIN, ,DE BAS RGYU MED SMRA BA 'DI, ,MNGON SUM LA SOGS TSAD MA YIS, ,KUN RDZOB TU YANG 'GAL BA YIN, ,DE PHYIR MKHAS PA RNAMS KYIS SPANG, ,DNGOS PO JI LTAR GRAGS PA YI, ,RGYU LA SOGS PA MI 'GOG PHYIR, ,DES NI SKYE BA MI SMRA LA, ,MNGON SUM LA SOGS 'GAL BA MED, ,MTHUN PA'I PHYOGS LA YOD PA'I PHYIR, ,DE PHYIR @267B GTAN TSIGS MA GRUB MED, ,'GAL MED MA NGES 'DI YANG MED, ,GANG PHYIR TSUL NI GZHAN MED LA, ,BDAG DANG GZHAN SMRAS DNGOS PO YI, ,BRAG NI MA LUS GZHOM PA'I PHYIR, ,BZHI CHAR PHYIR NI MI LDOG PA'ANG, ,RDO RJE PHRA MO DE 'DI YIN, ,RANG GI DNGOS PO YANG DAG PA, ,RTAG PA'I NGO BO'ANG GANG NA MED, ,DE NI NUS PAS STONG PA'I PHYIR, ,KUN TU RTA YI RVA BZHIN NO, ,NUS PA THAMS CAD STONG PA NYID, ,DE NI GONG DU BSTAN PA YIN, ,NUS MED DNGOS PO YIN NA NI, ,MKHA' YI ME TOG KYANG DER 'GYUR, ,NUS PA DAG DANG BRAL BA LAS, ,DNGOS MED MTSAN NYID GZHAN YOD MIN; ,NAM MKHA'I ME TOG LA SOGS DANG, ,RTAG PA'ANG YOD PAS DE DNGOS MIN, ,JI STE DNGOS PO KUN RDZOB TU'ANG, ,NUS DANG BRAL BAR GYUR NA NI, ,GZHAN DU 'GAR NI DNGOS PO DANG, ,DNGOS MED DBYE BA 'DIR MI 'GYUR, ,DE BAS DNGOS PO THAMS CAD KYI, ,RANG BZHIN MED PA GANG YIN PA, ,YANG DAG NYID DU DE RIG BYA, ,DRI ZA'I GRONG KHYER LA SOGS BZHIN, ,GANG PHYIR YANG DAG DON DGAG SGRUB, ,MNGON SUM LA SOGS GNOD PA MED, ,MNGON SUM RJES SU DPAG PA YIS, ,DNGOS PO GRUB MED CES BSGRUBS ZIN, ,SKYE BA SGYU MA SKYE BA BZHIN, ,GANG PHYIR KUN RDZOB NYID DU YOD, ,DE PHYIR 'JIG RTEN LUNG DANG NI, ,'GAL BA 'JUG PA MED PA YIN, ,JI STE YANG DAG SKYE BA LA, ,TSAD MA GNOD BYED YIN NA NI, ,SBYOR BA 'DOD PAS 'GYUR BA MED, ,MNGON SUM GNOD PA'I TSUL DAG GIS, ,JI STE DE 'DIR MI SBYAR NA, ,'GAR NI GNOD PAR BYAR RUNG PHYIR, ,DE TSE GTAN TSIGS 'DIR MI RUNG, ,SNANG BCAS LA SOGS RNAM SHES GYIS, ,JI LTAR RGYU DANG 'BRAS BU YI, ,YANG DAG GANG YIN MI 'GRUB PA, ,DE BZHIN KUN RDZOB KYANG MI 'GRUB, ,GNOD BYED BYA BA DE 'DIR NI, ,GANG ZHIG BRDZUN PAR RTOGS PA'O, ,DE YIS DE NI 'DOD NYID PAS, ,MI 'DOD PAR NI BSGRUBS PA MED, ,DE BAS BRDZUN NYID YIN PA'I PHYIR, ,'DI NI KUN RDZOB YIN PAR 'DOD, ,DE NI RIGS PAR LDAN YIN NA, ,DON DAM NYID DU 'GYUR BA YIN, ,GNOD PA GRAGS PA SEL CE NA, ,DE NI MI RIGS TSAD MA YIN, ,GNOD KYANG SGYU MA LA SOGS PA, ,GSAL BA 'JIG @268A *, ,RTEN MA GRAGS MIN, ,JI STE BRDZUN NA 'JIG RTEN LA, ,GANG DU CUNG ZAD SNANG MED PA, ,DE TSE YANG DAG MTHONG BA'I PHYIR, ,KUN GYIS DE NYID MTHONG BAR 'GYUR, ,TSAD MA GANG YANG BRDZUN ZHES PA'I, ,THA SNYAD BYAR YANG MED PAR 'GYUR, ,GNOD PAR 'JUG PA MA YIN LA, , GANG YANG NOR BA MED PA YIN, ,'ON TE GNOD PA 'GAL YIN NA, ,DE NI TSAD MAS JI LTAR BYED, ,DE YIS BRJOD NA BRJOD LA RAG ,'DOD YIN DE LAS DE CIR 'GYUR, ,'DI YIS SNANG BAR MI 'GYUR NA'ANG, ,SNGON CHAD DE NI JI LTAR YIN, ,SNGON CHAD 'DI NI MED NA YANG, ,GANG LA 'GAL BA RJOD PAR 'GYUR, ,'GAL BA MED PAS 'GAL BRJOD PAS, ,DE NI 'JIGS SAM CI ZHIG NA, ,GANG PHYIR 'GAL BA BRJOD NA NI, ,DE NI 'DI RU LDOG PA YIN, ,SHES PAR SMRA BAS GNYIS PO DAG ,'GAL BA NYID DU BRJOD BYAS KYANG, ,GNYIS SU MED LA SNANG GYUR PA, ,JI LTAR SEMS CAN GSAL BCAS YIN, ,ZLA BA GNYIS DANG MGAL ME YI, ,'KHOR LO LA SOGS NOR PA LA, ,RTOG GE BA YIS 'GAL BRJOD KYANG, ,SNANG BA LOG PAR 'GYUR BA'ANG MED, ,'ON TE 'DI SNYAM BRDZUN PA RNAMS, ,'GAL YANG 'GAL BAR MI GZHAG STE, ,'KHRUL PA DE NA SEMS LA NI, , RNAM PA RNAMS NI SNANG BA YIN, ,DNGOS PO MTHU YIS BYUNG BA YI, ,TSAD MAS RNAM PAR 'GAL BAR NI, ,DNGOS PO NYID LA RJOD BYED KYI, ,DE MI SRID PHYIR BRDZUN LA MIN, ,DE LTA YIN NA KUN RDZOB TU, ,SKYE BA LA NI CI YI PHYIR, ,KHYED KYIS 'GAL BRJOD PAR BYED, ,'DIR YANG DE BZHIN MA BYED CIG, , 'JIG RTEN GRAGS PA KHO NA YIN, ,DON LA TSAD MA 'JUG PA'I PHYIR, ,NGED KYIS KYANG NI KHA CIG TU, ,GZHAN DU TSAD MAS SBYAR BA MED, ,JI LTAR GRAGS PA'I DNGOS PO RNAMS, ,GANG DAG NYID DU KHAS LEN GANG, ,DE GZHUNG SO SOR DGAG PA'I PHYIR, ,DNGOS PO THAMS CAD RNAM PAR DPYAD,, DE DAG JI BZHIN DPYAD NA NI, ,YANG DAG NYID DU DE MI GNAS, ,DE TSE BRDZUN PAR RAB TU 'GRUB, ,THAMS CAD SGYU MA'I RANG BZHIN BZHIN, ,YANG DAG NYID KYIS DNGOS PO DE, ,MNGON SUM DU NI GRUB PA MED, ,DE LA TSAD MAS GNOD NA YANG, ,JI LTAR MNGON SUM GNOD PA YIN, ,DE PHYIR JI LTAR @268B GRAGS PA YI, ,SKYE BA'I DNGOS PO GNAS PA YIN, ,MTHUN PA'AM MI MTHUN PA'ANG RUNG, ,SGYU MA BZHIN DU 'GAL BA MED, ,'DIR NI SKAD CIG MA YIN SOGS, ,THAL BAR 'GYUR ZHES BRTZANG MI RIGS, ,BRDZUN PA 'DI NI MI 'JUG CES, ,DE NI SNGA LOGS NYE BAR BSTAN, ,SGYU MA RMI LAM MTSUNGS PA YI, ,DNGOS LA DE NI MI SRID PHYIR, ,SKAD CIG SKAD CIG MA YID NYID, ,BRTAGS PA YIN KYI YANG DAG MIN, ,DE PHYIR RTAGS SOGS DNGOS PO YI, ,GZUGS LA SOGS LA LTA BA NI, ,SHES RAB DAG LA SPYOD MIN GYI, ,SHES RAB GZUGS BRNYAN YIN ZHES GSUNGS, , BAG MED PA YI BYIS PA RNAMS, ,'DU BYED DAG LA YID DBYUNG PHYIR, ,BDAG MED NYID LA 'JUG BYA'I PHYIR, ,SKAD CIG PA NYID BSTAN PA YIN, ,'ON TE JI STE KUN RDZOB TU, ,DNGOS PO SKYE BAR 'DOD NA NI, ,DNGOS PO KHAS BLANGS KHO NA YIN, ,MING LA DBYE BA YOD DU ZAD, ,'DI LTAR RI BONG RVA LA SOGS, ,BRJOD DU MED LAS RNAM LOG PAR, ,SA BON LA SOGS DENG 'DOD BYA, ,DE LTA MIN NA MTHONG DANG 'GAL, ,GANG YANG NUS PA MA LUS DANG, ,BRAL ZHING BRJOD DU MED PA LAS, ,RNAM PAR LOG CES BYA BAR BGRANG, ,DE NYID NGES KYIS DNGOS POR BGRANG, ,RMI LAM LA SOGS DAG NA NI, ,GLANG PO LA SOGS BRDZUN PAR SNANG, ,BRJOD DU MED LAS RNAM LOG PA, ,DE CI YIN NAM MA YIN SMROS, ,RNAM LDOG JI STE DNGOS NYID NA, ,DE DAG BRDZUN PA NYID MI 'GYUR, ,MA YIN NA YANG DE YI TSE, ,DE LA GRAGS GNOD JI LTAR SPANGS, ,SHES PA'I NGO BO DANG MI MTHUN, ,LUS CAN RNAMS LA SNANG BA'I PHYIR, ,SHES PA'I NGO BOR DE DAG NI, ,DNGOS PO NYID CES BYAR MI RUNG, ,GZHAN DU SNANG BA JI LTAR NA, ,GZHAN GYI NGO BO YIN PAR 'GYUR, ,DE DANG MTSAN NYID MI MTHUN PA'I, ,NGO BO GANG DE NYID 'DIR DPE, ,JI STE YANG NI 'DI SNYAM DU, ,DE DAG DNGOS PO'I BAG BZHIN DU; ,GSAL BAR SNANG BA 'ON KYANG NI, ,TSAD MAS GNOD PA'I NGO BO'I PHYIR, ,BRDZUN PA KHO NAR SNANG BA'I PHYIR, ,DNGOS PO'I NGO BOR MI GZHAG GO, ,DES NA RI BONG RVA SOGS LAS, ,RNAM LDOG LA SOGS 'DIR NI BSAM, ,GZHAN YANG DE NI SNANG BA'I PHYIR, ,MED LAS THA DAD MED PA MIN, , @269A *, ,BRDZUN PA'I NGO BOR SNANG BA'I PHYIR, ,THA DAD PAR YANG RIGS PA MIN, ,DE LTA YIN NA KUN RDZOB DNGOS, ,SGYU MA SOGS LAS DBYER MED LA, ,TSAD MAS GNOD PA YIN PA LA'ANG, ,LDOG PA LA SOGS JI STE BSAM, ,DNGOS DANG DNGOS MED NGO BO YI, ,RNAM LDOG THAMS CAD RNAM 'KHRUL PA'I, ,RNAM PA BZHIN YIN DE DAG LA, ,LDOG DE LA SOGS JI LTAR BSAM, ,DNGOS PO'I RANG BZHIN NYID GRUB NA, ,DE PHYIR RNAM LDOG NYID DU 'GYUR, ,TSAD MAS GNOD PA YIN PA'I PHYIR, ,DE MA GRUB CES SNGAR BSTAN ZIN, ,RGYU DANG RKYEN NI TSOGS PA YI, ,MTHU LAS SO SOR SNANG BA'I PHYIR, ,RNAM MI LDOG PA'I NGO BO NYID, ,GCIG TU DE PHYIR YOD PA MIN, ,RGYU DANG RKYEN NYID TSOGS PA LA, ,SGYU MA LA SOGS LTOS GYUR KYANG, ,DE TZAM GYIS NI DNGOS NYID DU, ,DE LA YONGS SU BRTAG MI RIGS, ,JI LTAR GRAGS PA'I DNGOS PO RNAMS, ,DE NI LTOS DANG BYAS PAS BSHAD; ,YANG DAG NYID MIN JI LTAR SNGAR, ,RGYAS PAR RAB TU BSGRUBS PA YIN, ,RGYU DANG 'BRAS BU'I DNGOS PO DANG, ,KUN RDZOB TU NI RAB GRUB PHYIR, ,DE NI JI LTAR GRUB YIN ZHES, ,RNAM PAR DPYAD PA 'DIR MI RIGS, ,THA SNYAD BYED PA RNAMS KYIS NI, ,JI LTAR GRAGS PA'I DNGOS PO'I DON, , DE BZHIN GZUNG BAR BYA BA YIN, ,THAR 'DOD RNAMS KYIS YANG DAG DPYAD, ,DON DAM NYID DU GANG MED PA, ,THA SNYAD DU NI YOD PA MIN, ,DE DAG MED PA NYID GYUR PA, ,RTA YI RVA LA SOGS PA BZHIN, ,DE BZHIN JI STE DNGOS PO RNAMS, ,YANG DAG NYID DU MED GYUR PA, ,DE DAG KUN RDZOB TU YANG MED, , CE NA DE NI RIGS LDAN MIN, ,'DI LTAR BDEN PA'I DNGOS PO NI, ,LDOG NA KUN RDZOB DNGOS PO YANG, ,LDOG PAR 'GYUR ZHES BYAR NI 'DIR, ,'BREL PA GANG YANG YOD PA MIN, ,BDEN DANG BRDZUN GNYIS 'GAL BA'I PHYIR, ,DE YI BDAG NYID YOD PA MIN, ,DE YI PHYIR NA BDEN PA LAS, ,BRDZUN PA'I NGO BO SKYE BA MED, ,SGYU MA LA SOGS DAG LA NI, ,BDEN PA'I NGO BO SPANGS PA SNANG, ,DE LTA MIN NA JI LTAR DE, ,BRDZUN PA NYID DU RNAM PAR GNAS, ,DON DAM PA YI NGO BO NYID, ,SPANGS PA NYID NI KUN RDZOB KYI, ,DNGOS PO'I NGO BOR 'DOD YIN NA, ,JI LTAR DE MED NA DE MED, ,JI STE DON DAM PAR YOD KYIS,, @269B JI STE KUN RDZOB DE MED NA, ,DE BZHIN KUN GYIS YANG DAG MTHONG, ,KUN RDZOB RNAM PAR 'JIG PAR 'GYUR, ,GANG YANG RI BONG RVA LA SOGS, ,KUN RDZOB TU YANG MI SKYE BA, ,DE NI DE 'DRA'I SA LA SOGS, ,TSOGS PA MED PA KHO NAS YIN, ,RGYU TSOGS YOD PA MA YIN NA, ,SGYU MA YANG NI 'BYUNG MI 'GYUR, ,DE YOD NA NI 'DI 'BYUNG BA'I, ,DNGOS PO NYID NI KUN RDZOB YIN, ,DNGOS PO RNAMS KYI RANG BZHIN NI, ,MED PAR MTHUN NA JI LTAR 'GAR, ,RES 'GA' KHA CIG SKYE BAR 'GYUR, ,KUN DU THAMS CAD JI STE MIN, ,RAB RIB DAG GIS 'KHRUGS PA'I MIG ,MTHUN PA DAG LA BRDZUN SNANG NA, ,SKRA SOGS SO SOR SNANG BA YANG, ,NGES PA'I RGYU MTSAN CI ZHIG YOD, ,DE LA RAB RIB RGYU YIN NA'ANG, ,DE NI BRDZUN DU JI LTAR 'GYUR, ,DNGOS PO MED LA KHYED CAG NI, ,RGYU RNAMS YOD PAR 'GAR MI 'DOD, ,SGRA LA SOGS PA BRDZUN PA LA'ANG, ,JI STE NGES PA'I RGYU YOD PAR, ,BRJOD NA KUN RDZOB DNGOS PO LA'ANG, ,CI YI PHYIR NI BRJOD MI BYED, ,RGYU MED CAN DU MI SKYE BAR, ,JI STE 'DOD NA DE YI TSE, ,DE LTA YIN NA THAL 'GYUR BA, ,CI PHYIR THAMS CAD KUN DU MIN, ,RGYU DANG RKYEN NI TSOGS PA CAN, ,NGES PA'I SGRA LA SOGS PA YANG, ,JI LTAR DNGOS PO NYID MIN PA, ,DE BZHIN KUN RDZOB PA LA'ANG LTOS, ,DE NI SHES PA'I NGO BO YI, ,DNGOS PO NYID DU RIGS LDAN MIN, ,DE DANG MTSAN NYID MI MTHUN PHYIR, ,ZHES BYA BA NI SNGAR BSTAN ZIN, ,SHES PA DNGOS PO'I RANG BZHIN DU, ,GYUR NA DE DANG DBYER MED PA'I, ,SKRA LA SOGS YANG DNGOS NYID CES, ,BRJOD PA YANG NI MDZES PA YIN, ,DE YANG MTSAN MAS MA GRUB CING, ,GNOD PA YOD PAR NYE BAR BSGRUBS, ,DNGOS PO MED PAR GRAGS PA YI, ,SKRA SOGS BDEN PAR JI LTAR 'GYUR, ,RANG LA NGES PA YOD PA BZHIN, ,GZHAN LA NGES PA BSKYED 'DOD PAS, ,SKYE BA SO SOR 'GOG PA 'DI, ,MI RIGS SHE NA'ANG DE MI RIGS, ,NGES PA SKYED PA TZAM DAG GIS, ,GTAN TSIGS KHAS LEN PA YIN GYI, ,BYE BRAG MA YIN BYE BRAG TU, ,'DI LTAR DNGOS PO SKYE BA LA, ,YANG DAG YONGS SU BRTAGS PA YI, ,SKYE BA 'DIR NI 'GOG BYED KYI, ,SGYU MA BZHIN DU KUN RDZOB NI, ,NAM YANG MI 'GRUB MA YIN NO, , @270A *, ,DAS NA SKYE BA BKAG GYUR KYANG, ,BSGRUB PAR BYA LA NGES 'BYUNG BA, ,GZUGS LAS GZUGS BRNYAN JI BZHIN DU, ,KUN RDZOB TU NI YOD MIN PA, ,JI STE SHES SOGS DNGOS YOD PA, ,MI 'DOD NA YANG KUN RDZOB NI, ,RGYU MED PAR NI MI RIGS PHYIR, ,GANG DU BDAG DANG CHOS 'DI 'DOGS; ,'ON TE YANG NI RGYU BRJOD NA, ,DE NYID DNGOS PO GRUB PA YIN, ,KUN NAS NYON MONGS RNAM BYANG DU, ,'GYUR BA'I RGYU YANG CI ZHIG YIN, ,KUN RDZOB RNAMS GYI RGYU TZAM ZHIG, ,RAB TU BSGRUB NA'ANG GRUB PA SGRUB, ,'DI YI SA BON KUN RDZOB TU, ,RANG DANG RJES SU MTHUN PAR 'DOD, ,JI STE DNGOS YOD DE SGRUB NA, ,DE DANG RJES SU 'GRO BA MED, ,SHING LA SOGS LA GRUB PA NI, ,KUN RDZOB KHO NAR KUN DU GRUB, ,RANG GI RGYU LA LTOS PAR NI, ,MA BRTAGS SHIN TU GRUB PA YIN, ,GANG PHYIR KUN DU KUN RDZOB NI, ,GNOD SBYIN RJES MTHUN GTOR MA BZHIN, ,BRDZUN PA'I DNGOS PO DE LA NI, , JI STE DNGOS PO YOD DO ZHES, ,MING DU BRJOD NA MING LA NI, ,BRTZAD PA NAM YANG YOD PA MIN, ,JI LTAR RMI LAM SPRUL GDUG PAS, ,ZIN DE BRGYAL DANG DE BRAL LTAR, ,KUN NAS NYON MONGS RNAM BYANG YANG, ,DE BZHIN 'DOD KYI YANG DAG MIN, ,SKYE BA DANG NI 'GAG PA DANG, ,KUN NAS NYON MONGS RNAM BYANG SOGS, ,'PHAGS PA SHES RAB PHA ROL TU, ,PHYIN SOGS LA BRJOD THA SNYAD YIN, ,DON DAM PA YI DNGOS PO DANG, ,RAB TU 'BRAL BA MA GRUB NA, ,DE MED PA YI NYON MONGS SOGS, ,DNGOS PO MED PAR RIGS PA MIN, ,MA BRTAGS RAB TU DGA' RNAMS KYIS, ,SHIN TU 'JUG DANG LDOG PA LAS, ,RMONGS LA SOGS LA [?] NYON MONGS DANG, ,RNAM PAR BYANG LA RNAM PAR GNAS, ,KUN RDZOB NYID DU THAMS CAD YOD, ,DAM PA'I DON DU MED MIN NAM, ,DNGOS DANG DNGOS MED LA SOGS PA'I, ,CHOS RNAMS GCIG LA JI LTAR 'THAD, ,KUN RDZOB CI YIN BRJOD BYA DGOS, ,THA SNYAD LAS BYUNG BLO YIN NA, ,DE LTAR GYUR NA BLO TZAM STE, ,RNAM RIG TZAM NYID GRUB PA YIN, ,SGRA NI KUN RDZOB YIN NA'ANG, ,LEGS BSHAD NYES BSHAD DBYE MED 'GYUR, ,SGRA LAS THAMS CAD GRUB PA'I PHYIR, ,PHONGS PA 'GA' YANG MED PAR 'GYUR, , @270B JI STE SGRA DON CI YIN NA, ,KHYAB PAR MED PAR JI LTAR RUNG, ,GANG YANG BSTAN DU MED PA'I DON, ,MYONG BA DE DAG JI LTAR 'DOD, ,SO SOR RANG GIS MYONG BA'I PHYIR, ,BDE BA LA SOGS KUN RDZOB MING, ,DNGOS PO BAG TZAM YOD PA'I PHYIR, ,DE DAG DON DAM PA YANG MIN, ,KUN RDZOB DANG NI DON DAM LAS, ,KHYOD KYI PHUNG PO GZHAN YANG MED, ,BDE BA LA SOGS DE DAG NI, ,RANG GI NGO BO CI YIN SMROS, ,DE YANG SGRO BTAGS NGO BO YIS, ,BRJOD PHYIR JI STE KUN RDZOB YIN, ,YANG DAG PA YANG DE BZHIN DU, ,KUN RDZOB NGO BO NYID DU 'GYUR, ,KUN RDZOB DAG NI CHANG CHUNG YANG; ,DNGOS POR KHAS NI BLANG BYA DGOS, ,DES NA 'DI KUN BDEN YIN GYI, ,DE LTAR MIN NA JI LTAR 'DOD, ,KUN RDZOB DNGOS PO YIN NA YANG, ,MING LA BRTZAD PA 'GA' YANG MED, ,DNGOS PO MED NA DE DAG NI, ,DNGOS PO YOD PAR JI LTAR BRJOD, ,'ON TE MED DON DE YIN NA, , DER 'GAL BDEN NYID JI LTAR RUNG, ,'DI NI SGYU MA'I DON YIN NA'ANG, ,SGYU MA JI STE MED 'GAL BA, ,'ON TE RNAM SHES 'KHRUL YIN NA, ,DE NYID RNAM PAR RIG TZAM NYID, ,MING TZAM NYID LA DBYE BA YOD, ,JI STE KUN RDZOB DAG PA'I DON, ,BLO YIS RNAM PAR DPYAD PA NA, ,RANG GI NGO BO GNAS MED DO, ,MA BRTAGS RAB TU GRUB PA YI, ,DNGOS PO KUN RDZOB SMRA BA RNAMS, ,JI STE MA BRTAGS YIN PAR BSGRUB, ,MNGON SUM NGES 'GYUR DE YANG NI, ,RANG GI MTSAN NYID LAS LA MIN, ,DE LTAR GYUR NA BRTZAD DU MED, ,RJES SU DPAG PAS RAB GRUB PA'I, ,DON NI SPANG BA BYAS PAR GYUR, ,MED PA DGAG PA YIN NA YANG, ,YOD PAR DE LA JI LTAR 'GRUB, ,MA BRTAGS 'JIG RTEN SMRA YIN NA'ANG, ,LAS DANG 'BRAS BU JI LTAR YOD, ,'DI LTAR 'JIG RTEN LA MA GRUB, ,DE DAG BSTAN BCOS LAS RTEN GRUB, ,BSTAN BCOS BYED PA'ANG 'JIG RTEN NA'ANG, , DE TSE CI ZHIG YONGS SU SPANGS, ,DE LAS PHAN TSUN 'GAL BA DAG ,GRUB PAR JI LTAR 'DOD PAR BYA, ,DON DAM CI YANG MA YIN NA'ANG, ,GANG GIS DON GYIS DE LTAR 'DOD, ,DE BZUNG BAR YANG JI LTAR BYA, ,'DI YI DON KYANG JI LTAR BSGRUB, ,RE ZHIG DON DE DAM PA MIN, ,DAM PA'I DON @271A *, ,KYANG DE MA YIN, ,DE YI DON KYANG DAM PA MIN, ,DON DAM JI LTAR 'DOD PAR BYA, ,DON DAM KUN RDZOB GCIG YIN NA, ,RNAM PAR DBYE BA MED PAR 'GYUR, ,THA DAD 'GYUR NA GNYI GA YANG, ,DNGOS PO YOD PAR THAL BAR 'GYUR, ,'DI LA THOG MAR RGOL BA DE; ,SMRA BA KUN LA 'DRA BA STE, ,RAB RIB CAN GYIS DMIGS PA YI, ,SGRA LA SOGS PA'ANG 'BYUNG BAR 'GYUR, ,'DI LTAR DE YANG BRDZUN PA'I PHYIR, ,DON DAM PAR NI YOD PA MIN, ,SHES PA SO SOR DE SNANG PHYIR, ,DE YI LUGS KYIS YOD PA'ANG YIN, ,DE 'DIR YOD DANG MED PA NYID, , JI LTAR GCIG LA MI 'GAL BA, ,LTOS NAS DBYE BA DE BZHIN DU, ,KUN RDZOB LA YANG RUNG BA YIN, ,JI LTAR GNYIS SU MED PA LA, ,GZUNG DANG 'DZIN PA 'GAL MED DANG, ,JI LTAR GNYIS KYI RNAM PA YI, ,YOD MED LA SOGS NGO BO NYID, ,DE BZHIN 'DI DAG THA SNYAD DU, ,THAMS CAD BDEN PA NYID BRTEN NAS, ,BSTAN PA YIN GYI YANG DAG PAR, ,YOD MED LA SOGS CHOS NYID MIN, ,RNAM PAR SHES PAS DON BZHAG PA'I, ,NGO BO 'KHRUL PA YIN PA'I PHYIR, ,BDEN PA GNYIS KYI DBYE BA YANG, ,SGYU MA'I SKYES BU BZHIN DU GNAS, ,JI LTAR SGYU MA'I SKYES BU YI, ,NGO BO 'KHRUL PA SHES PAS BRTAGS, ,DE BZHIN DNGOS DON THAMS CAD KYI, ,DNGOS PO KUN RDZOB YOD PAR 'DOD, ,JI LTAR DER NI RANG GI DNGOS, ,'KHRUL DANG BRAL BA'I SHES PAS BZHAG ,DE BZHIN DU NI DNGOS RNAMS KYI, ,NGO BO YANG DAG NYID DU BRJOD, ,DE BAS RTOG PA'I BYE BRAG GIS, ,CHUNG MA LA SOGS 'DOD PA BZHIN, ,DE BZHIN BDEN PA GNYIS BRTEN PA, ,THA SNYAD DU NI 'GAL BA MED, ,DNGOS PO DAG LA YANG DAG PA'I, ,NGO BO NYID DU TSAD MAS BSGRUBS, ,DE GRUB NA NI BZLOG PA LAS, ,KUN RDZOB NGO BO 'GRUB PA NYID, ,YANG DAG PA DANG KUN RDZOB KYI, ,NGO BO DES NA GRUB PA'I PHYIR, ,LTOS NAS DBYE BA SHIN TU 'GRUB, ,DE BAS THA SNYAD KYANG DE BZHIN, ,DE DAG RNAMS KYI BLO GANG GIS, ,YANG DAG NGO BO SGRIB BYED DE, ,KUN RDZOB YIN ZHING BRTAGS PA KUN, ,DE LA BYUNG PHYIR KUN RDZOB PA'O, ,SHES PA DNGOS PO MED YIN YANG, ,DNGOS SAM @271B BZHIN DU 'KHRUL PA'I PHYIR, ,DE GZHAG PHYIR NA KUN RDZOB PA, ,CHU LA SOGS PA BZHIN DU 'DOD, ,RNAM PA BRDZUN PA DE DAG KYANG, ,RANG NYID SNANG BA YIN PAS NA, ,BRDZUN PHYIR DE BAS MA GRUB STE, ,DES NA RNAM RIG NYID DU BDEN, ,LANG KA'I MDO DANG GZHAN DAG LAS, ,DNGOS PO'I NGO BO MED PA LA, ,'KHRUL PA KUN RDZOB YIN PAR GSUNGS, ,SGRA YANG THA SNYAD PA YIN TE, ,'GRO KUN SGRA NYID YIN PA'I TSIG ,SANGS RGYAS PA LA GANG NA'ANG MED, ,SGRA NYID KHO NA KUN RDZOB TU, ,DE NI KHYED KYI RANG DGA' YIN, ,LEGS BSHAD NYES BSHAD DBYE BA NI, ,JI STE YANG DAG 'DOD BSAMS TE, ,RGOL BA GNOD SBYIN STONG NYID LA, ,'DI LTAR DBYE BA 'DOD PA MED, ,KUN RDZOB CE NA'ANG PHYUGS RDZI MO'I, ,SKYE BA KUN LA LEGS BSHAD DANG, ,NYES BSHAD DBYE BA'ANG RAB GRAGS PHYIR, ,DE NI SO SOR JI LTAR DGAG ,LUS CAN RNAMS LA TSIG GANG ZHIG; ,PHAN DANG BDE BAR NYER BRTAGS PA, ,LEGS BSHAD DE YIN THA SNYAD DU, ,BZLOG NA NYE BAR BSHAD PA YIN, ,MING NI BRTAGS PA'I DNGOS PO YIS, ,BSDUS PA RJOD PAR BYED PA'I PHYIR, ,GANG DAG RJOD PA'I DNGOS PO NI, ,NGO BO NYID DU MI 'DOD PA, ,DE YI LEGS BSHAD NYES BSHAD PA, ,RAB TU DBYE 'DI JI LTAR RUNG, ,DE YI LAN 'DIR GANG YIN PA, ,DE NI BDAG GI LAN KYANG YIN, ,JI LTAR SNANG BA DE DAG NI, ,RGYU DANG BCAS PAS BYUNG BA'I PHYIR, ,SGRA TZAM LAS NI DNGOS PO RNAMS, ,YOD PA NYID DU SU KHAS LEN, ,BSTAN DU MED PA'I DNGOS PO YI, , NGO BO SGYU MA LA SOGS 'DRA, ,DNGOS PO MED PA NYID KYIS NA, ,DE DAG BRTAGS PA NYID DU BRJOD, ,SGYU MA'I MING NI MANG PO DAG ,JI LTAR SPYI ZHES BYA BA SRID, ,DON DAM PA YI DNGOS PO YI, ,NGO BO LA YANG DE BZHIN LTOS, ,JI STE DNGOS PO BYE BRAG NYID, ,SGRA DON YIN GYI GZHAN MIN NA; ,SNGA MA MED PA LA SOGS PA, ,YONG YE BRJOD DU MED PAR 'GYUR, ,MA BRTAGS GCIG PU DGA' BA'I PHYIR, ,BDE BA LA SOGS NGO BO KUN, ,DE LTAR MDO LAS BRJOD PAS NA, ,KUN RDZOB KHO NAR 'DOD PA YIN, ,BSTAN DU MED PA'I NGO BO DAG ,JI STE DNGOS PO NYID @272A *, ,BRJOD NA, ,ZLA BA GNYIS DANG SKRA SHAD 'DZINGS, ,BRJOD DU MED PA NYID MI 'GYUR, ,SPYI YI NGO BOR SGRO BTAGS TE, ,RJOD PAR BYED PA YIN PA'I PHYIR, ,DON DAM SPROS DANG BRAL BA YANG, ,KUN RDZOB PA DER GYUR PA YIN, ,PHYIN CI LOG DU SNANG BA'I PHYIR,, KUN RDZOB RNAMS KYI DNGOS NYID MED, ,DE YI RANG BZHIN KHO NA NI, ,GZHAN DU 'GYUR BAR JI LTAR RUNG, ,TSANGS LA SOGS PA'I YONGS 'GYUR BAR, ,MU STEGS CAN GYI BRTAGS PA LA, ,ZHE SNANG BYA BA CI YOD NA, ,GANG PHYIR DE DAG SO SOR 'GONG, ,DE PHYIR LOG PAR SNANG BA'I PHYIR; ,DNGOS PO'I NGO BOR YANG MI RIGS, ,SO SOR SNANG PHYIR RTA'I RVA BZHIN, ,DNGOS PO'I NGO BO GTAN MED MIN, ,DES NA YOD PA BZHIN SNANG BA, ,SGYU MA'I GLANG PO LA SOGS BZHIN, ,DE YIS BSAM PA'I DBANG GIS NA, ,DE DAG YOD YIN YANG DAG MIN, ,BRDZUN PA'I RNAM PAR SNANG BA'I PHYIR, ,MI BDEN KUN RDZOB YIN PAR 'DOD, ,DES GZHAG PA YI NGO BO NI, ,DE LAS BYUNG PHYIR BDEN PAR BRJOD, ,SHES DANG SHES BYAR BRJOD LA SOGS, ,THA SNYAD GANG TSE KUN RDZOB YIN, ,DE TSE GRAGS PA'I NGOR [?] BYAS NAS, ,DE NI MED PA NYID DU BRJOD, ,MING TZAM SGRO BTAGS YIN PA'I PHYIR, ,MING NI JI LTAR 'GAL BA YIN, ,SGYU MA'I DON NI MED DON KYANG, ,GTAN DU DBEN PA NYID MA YIN, ,RNAM PAR RIG PA'ANG BRDZUN NYID DU, ,SNGAR NI NYE BAR BSGRUBS PA YIN, ,DE LTA MIN LA DE DAG LAS, ,'KHRUL PA'I NGO BOR JI LTAR 'GYUR, ,YANG DAG NYID DU MI GNAS SHING, ,GNAS PA'ANG YIN NA 'GAL MI 'GYUR, ,DNGOS PO RNAMS KYI RANG BZHIN NI, ,NAM YANG GZHAN DU 'GYUR MI RIGS, ,JI STE G-YO YOD KUN RDZOB KYANG, ,DNGOS RNAMS RANG BZHIN MED PAR NI, ,G-YO BA NYID KYIS DE DAG STON, ,DES NA MI 'DOD SMRAS MI 'GYUR, , YANG DAG DPYOD PA'I SHES RAB NI, ,BRTAGS YIN DE LAS PHYIR BZLOG PA'I, ,RNAM PAR SHES PA THAMS CAD NI, ,DE LAS GZHAN MA BRTAGS PA'O, ,DE LA GRAGS PA'I SGO NAS NI, ,DNGOS PO THAMS CAD KUN RDZOB BRJOD, ,RNAM PAR BRTAGS NA YANG DAG PA, ,DE NI GRUB PAR @272B MTHONG BA MED, ,MA BRTAGS YIN PAR GRUB NA YANG, ,DE PHYIR MI RTOG NYI TSE NI, ,'DZIN PA MED CING RJES DPAG LAS, ,RNAM NGES SO SOR SEL BA MIN, ,'DIR NI MED PAR DGAG YIN TE, ,DES NA SUN 'BYIN 'DOD PA MED, ,THOM CHOL SGRA TZAM YIN PA'I PHYIR, ,BYIS PA RMONGS BYED KHO NAR ZAD, ,'JIG RTEN GRAGS PA KHO NA'I DON, ,KUN RDZOB YIN YANG 'GA' ZHIG GIS, ,'GA' ZHIG RTOGS PHYIR MTHA' DAG NI, ,KUN GYI SPYOD YUL MA YIN NO, ,DES NA SHIN TU LKOG GYUR DON, ,RNAL 'BYOR SHES PA'I SPYOD YUL YIN, ,CIG SHOS KYIS NI SHES PA MED, ,DE YI SHES LA BRTAN DGOS PAS, ,BSTAN BCOS BYED LA GRAGS PA YI, ,DNGOS PO'ANG NGED KYI KUN RDZOB YIN, ,DE LTA MIN NA CHOS KUN LA, ,STONG PAS KHYAB PAR MI 'GYUR RO, ,GANG DU GRAGS PA LAS 'DAS TE, ,DNGOS PO'I NGO BO RTAG LA SOGS, ,DE DAG RNAMS KYIS BRTAGS PA DE, ,LOG PA'I KUN RDZOB NYID DU 'DOD, ,DES NA DNGOS PO'I CIG SHOS NI, ,YANG DAG KUN RDZOB YIN PAR SMRA, ,PHAN TSUN DU NI 'GAL BA NYID, ,GCIG LA DUS GCIG 'GYUR MI SRID, ,RIGS PAR LDAN PA'I YANG DAG NYID, ,DAM PA'I YIN ZHING DAM PA YI; ,SHES PA'I DON ZHES MKHAS PA YIS, ,DON DAM PAR NI MNGON PAR SMRAS, ,DE YI YUL LA SHES PA GANG, ,DE YIS GZHAN GYI DON GYIS NA, ,DON DAM YIN TE DE BZHIN GZHAN, ,YANG DAG RJES MTHUN SHES RAB KYANG, ,YANG DAG SGOM PAR BYED PA YIN, ,SGRIB DANG BRAL BA RTOGS PAR 'GYUR, ,GANG PHYIR DES NA DON CHEN PO, ,DE DAG SGRUB PAR BYED PAR 'DOD, ,CHOS KUN SNANG BA MED PA YI, ,SHES PA RTOGS PA MA LUS PA'I, ,SPROS DANG BRAL BA NYID KYIS NI, ,DE DAG RTOGS ZHES BRJOD PA YIN, ,YE SHES BDAG NYID YANG DAG PA'ANG,, YON TAN PHUN SUM TSOGS KUN GYI, ,GNAS DE YIN PAR NGO CHEN POR, ,'DOD LA DE YANG SGRUB PAR BYED, ,DON DAM CI YANG MED CE NA, ,MYA NGAN 'DAS PA DON DAM PAR, ,MI 'GYUR DE LA DNGOS PO YI, ,NGO BO CI YANG YOD PA MIN, ,DER YANG KHYOD KYI RGOL BA KUN, ,CI YI PHYIR NA @273A *, ,'BYUNG MI 'GYUR, ,DE LA KHYOD KYI LAN GANG YIN, ,NGA'I YANG DE 'DI YIN PAR 'GYUR, ,BDAG MED RANG BZHIN MED PA YI, ,MTSAN NYID YANG DAG YIN PAR BRJOD, ,JI STE CHOS LA THA DAD 'GYUR, ,DE TSE CHOS LA YOD PA MIN, ,CHOS RNAMS LAS NI THA DAD PA'I, , YANG DAG SO SOR RTOGS PA'I PHYIR, ,RNAL 'BYOR PA RNAMS CHOS LA NI, ,PHYIN CI LOG DANG BRAL MI 'GYUR, ,THA DAD YIN NA'ANG DE YI TSE, ,KUN GYIS YANG DAG MTHONG BAR 'GYUR, ,THUN MONG DU'ANG MA GYUR CING, ,RTAG TU NYON MONGS CAN DU 'GYUR, ,DE BAS BRJOD DU MED PA ZHES, , RANG BYUNG RANG NYID KYIS BSHAD PAS, ,THA DAD THA DAD MA YIN PAR, ,RTOG PA RIGS PA MA YIN NO, ,DNGOS PO YOD DE DE NYID DANG, ,GZHAN SOGS RTOG PA RUNG BAR 'GYUR, ,DNGOS PO MED NA JI LTAR GANG, ,GANG GIS GZHAN LA SOGS PAR 'GYUR, ,DNGOS DANG DNGOS MED LA SOGS PA'I, ,SPROS PA MA LUS BRAL ZHING ZHI, ,RANG GI RTOGS PA DE KHO NA, ,THA DAD LA SOGS SPANGS PAR BSTAN, ,DE KHO NA NYID SNANG BA ZHES BYA BA'I RAB TU BYED PA, SLOB DPON KA MA LA SH'I LAS MDZAD PA RDZOGS SO,,#, ,CHOS THAMS CAD RANG BZHIN MED PAR GRUB PA, THAMS CAD MKHYEN PA LA PHYAG 'TSAL LO, ,DNGOS PO RNAMS LA PHYIN CI LOG GI BLO CAN RNAMS KYI KUN NAS NYON MONGS PA MA LUS PAR RGYAS PAR 'GYUR BAS DE'I PHYIR DE DAG LA KUN NAS NYON MONGS PA MA LUS PA MTHA' DAG GCOD PA'I RGYU PHYIN CI MA LOG PA BSTAN PA'I PHYIR 'DI BRTZAM MO, ,DE LA RE ZHIG GANG DAG DON DAM PAR DNGOS PO RNAMS KYI RANG BZHIN BRJOD PA NA, YANG DAG PAR DE DAG RANG BZHIN DANG BCAS PAR RJOD PAR BYED DE, DE DAG GI PHYIN CI LOG YIN PA KHO NAR BSTAN PA'I PHYIR, RIGS PA DANG LUNG DAG GIS DNGOS PO RNAMS KYI SKYE BA DPYAD PAR BYA'O, ,GAL TE 'DI SNYAM DU MYU GU LA SOGS PA'I SKYE BA SA BON LA SOGS PA'I RKYEN CAN GNAG RDZI YAN CHAD LA GRAGS PA KHO NA YIN NA, DE LA DPYAD PAR BYA CI DGOS, DNGOS PO'I BDAG NYID GTAN LA PHAB PA LA NI RTOG PA DANG LDAN PA RNAMS DPYAD PAR RUNG BA MA YIN TE, @273B THUG PA MED PAR THAL BAR 'GYUR BA'I PHYIR DANG, RTOG PA DANG MI LDAN PA NYID DU THAL BAR 'GYUR BA'I PHYIR RO SNYAM DU SEMS NA, DE NI RIGS PA MA YIN TE, TSAD MAS GTAN LA MA PHAB PA'I PHYIR DANG, GRAGS PA YANG LOG PAR SRID PA'I PHYIR RO, ,DE LTA MA YIN NA RANG LA GRAGS PA'I DOR BYAS TE 'JUG PA RNAMS SU YANG GANG LA YANG SLU BAR MI 'GYUR RO, ,DE LA DPER NA 'JIG PA YANG RGYU DANG LDAN PA NYID DU GRAGS LA, GZUGS LA SOGS PA YANG PHYI ROL GYI DON NYID DU GRAGS SU ZIN KYANG, DPYAD PA BYAS NA TSAD MAS GNOD PA SRID PA DE BZHIN DU 'DI LA YANG GRAGS PA BRDZUN PA'I NGO BO YANG SRID PAS DPYAD PAR BYA BAR RUNG BA NYID DO, ,DE LA LUNG RIGS PA DANG BRAL BA NI RTOG PA DANG LDAN PA RNAMS RANGS PAR MI 'GYUR LA, RIGS PAS BRTAN POR BYAS PA'I LUNG YANG DON GZHAN DU DRANG BAR MI NUS PAS DE'I PHYIR RE ZHIG RIGS PAS DPYAD PAR BYA'O, ,SBYOR BA NI GANG DANG GANG DAG YANG DAG PAR RANG DANG GZHAN DANG GNYI GA LAS SKYE BA DANG, RGYU MED PA LAS SKYE BA DANG BRAL BA DE DAG NI YANG DAG PAR NA RANG BZHIN MED PA YIN TE, ,DPER NA NAM MKHA'I PADMA LA SOGS PA BZHIN NO, ,RANG DANG GZHAN GYI SKYE BOS SMRAS PA 'DI DAG KYANG DE DANG 'DRA BAS DON GYIS NA KHYAB PAR BYED PA MI DMIGS PA YIN TE, SKYE BAS DNGOS PO RANG BZHIN LA KHYAB PAR BYED PA'I PHYIR RO, ,'DI LA DAM BCAS PA LA MNGON SUM GYIS GNOD PA YANG MI BSAM STE, DON DAM PAR RANG BZHIN MED PA NYID DU SGRUB PAR BYED PA'I PHYIR RO, ,DNGOS PO RNAMS RANG BZHIN DANG BCAS PA NYID DU DON DAM PAR YOD PAR MNGON SUM DU GRAGS PA NI MA YIN TE, 'DI LTAR RE ZHIG PHYI ROL GYI DON DAM PA PA YIN PAR 'DOD PA YAN LAG CAN GYI NGO BO'AM, RDUL PHRA RAB BSAGS PA'I BDAG NYID GCIG YIN GRANG NI, ,DE GNYI GA'I NGO BO YANG MNGON SUM DU RIGS MA MA YIN TE, LAG PA LA SOGS PA YAN LAG SNANG BA MA GTOGS PA YAN LAG CAN SNANG BA NYAMS SU MYONG BA YANG MED LA, RDUL PHRA RAB RNAMS KYANG RAGS PA DANG RNAM PA GCIG TU SNANG BA CAN GYI SHES PA'I YUL DU RUNG BA MA YIN TE, DE DANG RNAM PA MI 'DRA BA'I PHYIR RO, , @274A *, ,SHES BYA NANG GI YIN PAR SMRA BA GANG DAG GNYIS MED PA'I RNAM PAR SHES PA NYID DE KHO NA YIN NO ZHES ZER BA DE DAG GI LTA BA LA YANG DE MNGON SUM DU MA GRUB STE, DUS THAMS CAD DU GZUNG BA DANG 'DZIN PAR SNANG BA'I SHES PA NYAMS SU MYONG BA'I PHYIR RO, ,DE LTA MA YIN NA THAMS CAD DE KHO NA MTHONG BA KHO NAR 'GYUR TE, DES NA THAR PA DON DU GNYER BA RNAMS KYIS 'PHAGS PA'I LAM BSKYED PA'I 'BAD PA DON MED PAR 'GYUR RO, ,DE NYID KYI PHYIR BCOM LDAN 'DAS KYIS, MIG DANG RNA BA SNA YANG TSAD MA MIN, ,LCE DANG LUS DANG SEMS KYANG TSAD MA MIN; ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ,'DI LTAR DBANG PO 'DI DAG TSAD MIN TE, ,NGO BO NYID KYI BEMS PO LUNG MA BSTAN, ,DE PHYIR MYA NGAN 'DAS PA'I LAM 'DOD GANG, ,DES NI 'PHAGS PA'I LAM GYI BYA BA BYOS, ,ZHES GSUNGS SO; ,GAL TE DNGOS PO THAMS CAD RANG BZHIN MED PA NYID YIN NA, 'O NA NI DE'I TSE DE DAG YUL DANG DUS LA SOGS PA NGES PAR SNGON PO DANG, PHYA LE BA LA SOGS PA'I NGO BOR SNANG BA JI LTAR MI 'GAL ZHE NA, MA YIN TE, 'KHRUL PA'I RNAM PAR SHES PA LA SNANG BA'I GZUGS BZHIN DU BRDZUN PA YANG SNANG BA'I PHYIR RO, ,JI LTAR 'KHRUL PA'I RNAM PAR SHES PA LA SNANG BA'I RNAM PA RNAMS DON DAM PAR RANG BZHIN MED PA YIN YANG, YUL DANG DUS LA SOGS PA NGES PAR SNANG BA LTAR GZHAN DAG KYANG DE DANG 'DRA BAS MI 'GAL BA NYID DO, ,GANG DE LTAR SNANG BAR 'GYUR BA ZLA BA GNYIS LA SOGS PA PHYI ROL GYI DON DE LTA BU DE YANG MED LA, YUL DANG DUS GZHAN NA YOD PA'I DON YANG YUL DANG DUS LA SOGS PA SNANG BA DANG 'BREL BA'I NGO BO NYID MED NA, GANG GIS NA 'DI DE'I NGO BOR SNANG NGO ZHES BYA BAR 'GYUR, GZHAN NI GZHAN GYI NGO BOR SNANG BA RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA NA DON DAM PA THAMS CAD KYANG RNAM PAR SHES PA THAMS CAD KYI YUL DU 'GYUR RO, ,GANG GIS NA SNANG BAR 'GYUR BA'I NGO BO GZHAN YANG DE LA MED DE, DU MAR THAL BAR 'GYUR BA'I PHYIR RO, ,ZLA BA GNYIS LA SOGS PA DE SHES PA'I NGO BOR BDEN PA NYID DU @274B RIGS PA MA YIN TE, SHES PA GCIG DANG THA MI DAD PA'I NGO BO NYID YIN PAR SHES PA'I RANG GI NGO BO BZHIN SNA TSOGS MA YIN NGO BO NYID DU THAL BAR 'GYUR BA'I PHYIR RAM, DE DANG SHES PA THA MI DAD PA'I PHYIR DE'I RANG GI NGO BO BZHIN SNA TSOGS NYID DU THAL BAR 'GYUR BA'I PHYIR RO, ,YUL LA BKRAM PA LTAR 'DUG PAR YONGS SU 'DZIN PAR SNANG BA'I RNAM PA SNA TSOGS NYID YIN PAR GZHUNG GZUGS PA'I PHYIR SHES PA DU MA SKYE BAR RTOGS PA YANG LEGS PA MA YIN TE, SHES PA RNAMS NI LUS MED PA NYID KYI PHYIR YUL LA BKRAM PA LTAR 'DUG PAR YONGS SU 'DZIN PA MED PA'I PHYIR RO, ,DE LTA BAS NA DON DAM PAR NA DE DAG SHES PA'I NGO BO NYID DU YANG MI SRID DO, ,'ON KYANG 'DI DAG YUL DANG DUS LA SOGS PA NGES PAR YANG SNANG STE, DE LTA BAS NA DNGOS PO THAMS CAD DON DAM PA'I RANG BZHIN DANG BRAL BA YIN YANG SNANG BA MI 'GAL BA NYID PAS DAM BCAS PA LA MNGON SUM GYI GNOD PA MED DO, ,GAL TE 'DI SNYAM DU MNGON SUM GYIS GNOD PA MED DU ZIN KYANG RANG GI TSIG DANG 'GAL BA NYID NI GSAL RAB TU DMIGS PA KHO NA STE, 'DI LTAR GZHAN DAG LA NGES PA SKYED PAR 'DOD DE, GTAN TSIGS SMRA BAS GTAN TSIGS KYIS NGES PA SKYE BAR KHAS BLANGS PA'I PHYIR NGES PA NI RANG BZHIN DANG BCAS PA KHAS BLANG BAR 'GYUR RO, ,DE LTA MA YIN NA GTAN TSIGS SBYOR BA DON MED PA KHO NAR 'GYUR RO, ,KHAS BLANGS PA 'DIS NA RANG BZHIN MED PA NYID DU DAM BCAS PA LA GNOD PAS NGA'I MA NI MO GSHAM YIN NO ZHES BYA BA BZHIN DU RANG GI TSIG DANG 'GAL BAR GSAL RAB NYID DO SNYAM DU SEMS NA, DE YANG RIGS PA MA YIN TE, NGES PA BSKYED PA'I PHYIR GTAN TSIGS SBYOR MOD KYI, DES NGES PA DON DAM PAR SKYE BAR KHAS BLANGS BAR NI MI 'GYUR RO, ,'ON KYANG SKYE BA TZAM KHAS BLANGS BAR 'GYUR GYI, SKYE BA'I KHYAD PAR NI MA YIN NO, ,DON DAM PA'I SKYE BA BKAG PAS NI 'DIR DON DAM PA PAR RANG BZHIN MED PAR SGRUB PAR 'DOD MOD KYI, SKYE BA TZAM BKAG PAS NI MA YIN NO, ,DE'I PHYIR GTAN TSIGS KYIS NGES PA DON DAM PAR SKYE BA MED KYIS KYANG GDONG LAS GZUGS BRNYAN BZHIN @275A *, ,DU KUN RDZOB PA'I SKYE BA MI 'GAL BA NYID PAS DAM BCAS PA LA YANG RANG GI TSIG DANG 'GAL BA MED DO, ,NGES PA KUN RDZOB PA DE YANG DON DAM PA RTOGS PA'I GTAN TSIGS SU TSAD MA NYID DU 'DOD PAS NYES PA MED DO, ,'DIS NI LAS DANG 'BRAS BUR 'BREL PA DANG RTEN CING 'BREL PAR 'BYUNG BA LA SOGS PA STON PAR BYED PA'I LUNG DANG 'GAL BA'I LAN YANG BTAB PA YIN TE, LAS DANG 'BRAS BUR 'BREL PA LA SOGS PA KUN RDZOB PA KHAS BLANGS BA'I PHYIR RO, ,KUN RDZOB PA'I NGO BO NYID YIN YANG BRGAL ZHING BRTAG PA MTSUNGS PA MA YIN TE, DE BRTAG MI BZOD PA NYID KYI PHYIR KUN RDZOB PA YIN PA'I PHYIR RO, ,DE LTA MA YIN NA DE DON DAM PA'I NGO BO KHO NAR 'GYUR GYI, KUN RDZOB PA NI MA YIN NO, ,DE NYID KYI PHYIR KUN NAS NYON MONGS PA DANG RNAM PAR BYANG BA LA SOGS PA'I RTAGS DANG, DON DAM PA'I RANG BZHIN DU 'BREL PA GANG DU YANG MA GRUB PAS RJES SU DPAG PAS GNOD PA YANG MI SRID DO, ,DES PHYIR KUN NAS NYON MONGS PA LA SOGS PA RGYU TZAM ZHIG TU SGRUB NA NI GRUB PA SGRUB PA NYID YIN TE, DE KUN RDZOB PA'I RGYU YIN PAR KHAS LEN PA'I PHYIR RO, ,MING LA NI BRTZAD PA MED DE, BRDZUN PA YANG GRAGS PAR BSGRUB PA'I PHYIR DANG, TSAD MAS KYANG GNOD PA'I PHYIR RO, ,'PHAGS PA LANG KAR GSHEGS PA LAS, BYANG CHUB SEMS DPA' DNGOS PO THAMS CAD RANG BZHIN MED DO ZHES DAM BCAS PAR MI BYA'O ZHES BSTAN PA GANG YIN PA DE YANG GCIG KHO NAR RANG BZHIN MED PAR DAM 'CHA' BA DGAG PA YIN PAR LTA STE, KUN RDZOB PA'I RANG BZHIN KHAS LEN PA'I PHYIR GCIG KHO NA DGAG PA NI RIGS PA MA YIN NO, ,DE LTA MA YIN NA MNGON SUM LA SOGS PAS GNOD PAR THAL BAR 'GYUR BA'I YANG GSAL RAB LA, DE LTA BU RANG BZHIN MED PA NYID DU SGRUB PAR BYED PA'I TSAD MA YANG CUNG ZAD KYANG MED DO, ,DAM BCAS PA TZAM GYIS KYANG 'DOD PA'I DON 'GRUB PA MA YIN TE, THAMS CAD KYI THAMS CAD DU 'GRUB PAR THAL BAR 'GYUR BA'I PHYIR RO, ,DE LTA BAS NA DON DAM PA'I RANG BZHIN DGAG PAR BYA'I, SPYIR NI MA YIN NO, ,DE BAS KYANG DE NYID LAS, @275B BLO GROS CHEN PO SNANG BA DANG MI SNANG BA'I MTSAN NYID YIN PA'I PHYIR BYANG CHUB SEMS DPA' DNGOS PO THAMS CAD RANG BZHIN MED DO ZHES DAM BCA' BAR MI BYA'I, BLO GROS CHEN PO 'ON KYANG BYANG CHUB SEMS DPA' CHOS THAMS CAD SGYU MA DANG RMI LAM DANG 'DRA'O ZHES BSTAN PAR BYA'O ZHES GSUNGS TE, DE LA MDO'I DON NI SNANG BA'I MTSAN NYID NI KUN RDZOB TU'O, ,MI SNANG BA'I MTSAN NYID NI DON DAM PAR RO ZHES BYA BAR MNGON NO, ,DE'I PHYIR DE LTAR RE ZHIG DAM BCAS PA'I DON MI 'GAL BA YIN NO, ,GTAN TSIGS MA GRUB PA NYID DU YANG DOGS PAR MI BYA STE, 'DI LTAR RE ZHIG DNGOS PO RNAMS RANG LAS SKYE BAR NI RIGS PA MA YIN TE, RANG GI NGO BO YOD PA DANG MED PA BDAG NYID KYI RGYUR MI 'THAD PA'I PHYIR RO, ,DNGOS PO'I RGYU RANG GI NGO BO YIN NA, YOD PA'AM MED PA ZHIG YIN GRANG NA, RE ZHIG YOD PA NI MA YIN TE, DE LA CUNG ZAD KYANG BYAR MED PA'I PHYIR RI 'BIGS BYED DANG GANGS CAN BZHIN NO, ,GANG GI TSE DNGOS PO'I RANG GI NGO BO GRUB PA DE'I TSE NYID NA DE DANG THA MI DAD PA'I PHYIR DNGOS PO YANG GRUB ZIN PAS DE LAS RGYU'I BYA BA MED DE, THUG PA MED PAR THAL BAR 'GYUR BA'I PHYIR RO, ,GANG GRUB NA GANG ZHIG MI 'GRUB PA DE NI DE'I RANG GI NGO BO YIN PAR YANG RIGS PA MA YIN TE, HA CANG THAL BAR 'GYUR BA'I PHYIR RO, ,THA DAD PA MA YIN NA YANG RGYU DANG 'BRAS BU'I DNGOS POR RIGS PA MA YIN TE, DE GNYIS KYI RGYU NI THA DAD PA YIN PA'I PHYIR RO, ,DE LTA MA YIN NA DE'I RGYU MED PA'I PHYIR 'DI NI 'BRAS BU'O 'DI NI RGYU'O ZHES DE'I THA SNYAD MA 'CHOL BAR 'DOGS PAR MI 'GYUR GYI, RGYU DANG 'BRAS BU ZHES MING BTAGS PA 'BA' ZHIG TU 'GYUR BAR ZAD DE, MING LA NI BRTZAD PA MED DO, ,CI STE GNAS SKABS THA DAD PA RGYU YIN PAR RTOG PAR BYED NA, GAL TE DE LTA NA 'O NA NI RANG GI NGO BO KHO NA RGYUR MI 'GRUB STE, GNAS SKABS RNAMS DANG GNAS PO THA MI DAD PA'I PHYIR RO, ,GNAS SKABS THA DAD PAR KHAS LEN NA NI DE DANG 'DRA BAR GNAS PO YANG THA DAD PAR 'GYUR TE, DE'I PHYIR RNA CHA GDUB KOR LA SOGS PA RGYU'I GNAS SKABS KYI GSER GYI RDZAS KYANG GZHAN KHO NA YIN LA, DPUNG RGYAN LA SOGS PA 'BRAS @276A *, ,BU'I GNAS SKABS KYI YANG GZHAN KHO NA YIN NA, RANG GI NGO BO KHO NA RGYUR JI LTAR 'GYUR, CI STE GNAS PO DANG 'DRA NA NI GNAS SKABS GNYIS KYANG GCIG PA'I NGO BOR 'GYUR TE, DE'I PHYIR NYES PA SO NA 'DUG PA KHO NA YIN NO, ,DE LTA MA YIN NA GNAS PO DANG GNAS SKABS RNAMS THA DAD PA KHO NAR 'GYUR TE, DE GRUB PA DANG BDE BA GCIG PA MA YIN PA'I PHYIR RO, ,YANG THA DAD PAR KHAS LEN NA NI GNAS SKABS DAG KHO NA RGYU DANG 'BRAS BUR 'GYUR GYI, RANG GI NGO BO NI MA YIN NO, ,DE LTA BAS NA NGO BO NYID 'DRA BA GZHAN DANG GZHAN 'BYUNG BAS BSLUS PA NI GSER LA SOGS PA DE NYID 'DI YIN NO ZHES THA SNYAD 'DOGS KYI, DE NYID GZHAN DU 'GYUR BA MTHONG NAS NI MA YIN NO, ,DE NYID NI GZHAN DU MI 'GYUR TE, DE KHO NA DANG GZHAN NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,'DI LTAR DNGOS PO'I DE KHO NA NI YONGS SU GCOD PA NA GZHAN NYID RNAM PAR BCAD NAS YONGS SU GCOD LA GZHAN NYID KYANG DE NYID RNAM PAR BCAD NAS YONGS SU GCOD DO, ,DE LAS BZLOG PA'I RNAM PAR BCAD NA NI YONGS SU GCOD PA MA YIN PA KHO NAR 'GYUR RO, ,GANG RNAM PAR BCAD PA MED PAR GANG YONGS SU GCOD PA MED PA DE GNYIS NI PHAN TSUN SPANGS TE GNAS PA'I MTSAN NYID YIN LA, GANG DAG PHAN TSUN SPANGS TE GNAS PA'I MTSAN NYID YIN PA DE DAG KYANG CHOS CAN GCIG LA CIG CAR 'DUR MI RUNG BA STE, DPER NA LUS DANG LUS MED PA THA DAD PA LTA BU'O, ,DE LTA MA YIN NA THAMS CAD RDZAS GCIG KHO NAR 'GYUR TE, DES NA LHAN CIG SKYE BA DANG 'JIG PAR THAL BAR 'GYUR RO, ,DE LTA BAS NA DE NYID GZHAN DU 'GYUR ZHES BYA BA 'DIR RMONGS PA RAB TU MANG POS SPUNGS BSKYED PAR ZAD DO, ,GZHAN YANG YONGS SU 'GYUR BA ZHIG YIN NA, NGO BO SNGA MA YONGS SU BOR NAS SAM, YONGS SU MA BOR NAS 'GYUR GRAGS DE BZHIN DU CHOS DAG GAM, CHOS CAN ZHIG 'GYUR GRANG ZHES RNAM PAR BRTAG STE, DE LA GAL TE YONGS SU BOR NAS ZHES BYA BA'I PHYOGS YIN NA NI DE'I TSE DNGOS PO NI CHA SHAS MED PA YIN PA'I PHYIR SNGA MA'I NGO BO NI BDAG @276B NYID THAMS CAD KYIS RNAM PAR ZHIG NA RJES SU 'GRO BA CAN GYI NGO BO NYID 'GA' YANG MED PAR 'GYUR BA GA LA YOD, 'ON TE YONGS SU MA BOR NAS ZHES BYA BA'I PHYOGS YIN NA NA DE'I TSE GNAS SKABS 'CHOL BAR 'GYUR TE, DES NA RGAN PO LA SOGS PA'I GNAS SKABS NA'ANG BUS BA LA SOGS PA'I GNAS SKABS DMIGS PAR 'GYUR RO, ,CHOS DAG KYANG 'GYUR BAR RIGS PA MA YIN TE, DE DAG NI DE DANG THA MI DAD PA NYID PAS CHOS CAN NI RANG GI NGO BO BZHIN DU NGO BO GCIG PA'I PHYIR LA, CHOS CAN YANG DE DANG THA MI DAD PA NYID PAS CHOS KYI RANG GI NGO BO BZHIN DU SKYE BA DANG 'JIG PAR THAL BAR 'GYUR BA'I PHYIR RO, ,DE LTA MA YIN NA CHOS DANG CHOS CAN DAG THA DAD PA KHO NAR 'GYUR TE, DE'I TSE CHOS SNGA MA NI RGYU MED PA KHO NAR 'JIG LA, SNGON MED PA'I CHOS NI 'BYUNG BAS GANG ZHIG 'BYUNG BAR 'GYUR, THA DAD PA YIN NA CHOS DANG CHOS CAN GYI DNGOS POR YANG RIGS PA MA YIN TE, HA CANG THAL BAR 'GYUR BA'I PHYIR RO, ,CHOS CAN YANG 'GYUR BA MA YIN TE, DE NI KHYOD KYI LUGS [?] KYIS DUS THAMS CAD DU NGO BO GCIG PA YIN PA'I PHYIR RO, ,DE NYID GZHAN DU 'GYUR BAR MI RIGS PAR YANG SNGAR BSGRUBS ZIN TO, ,GZHAN YANG GAL TE CHOS CAN DE RANG BZHIN GYIS BRTAN PA YIN NA, DE'I TSE DE JI LTAR GZHAN DU 'GYUR, NAM MKHA' LA SOGS PA LTA BU NGO BO GCIG PA NI RANG GI NGO BO SNGA MA MA BOR BAR GZHAN DU 'GYUR BAR RIGS PA MA YIN TE, MI BRTAN PA'I NGO BO NYID DU THAL BAR 'GYUR BA'I PHYIR RO, ,'O NA MI BRTAN PA'I BDAG NYID YIN NA NI, DE'I TSE G-YO BA'I RANG BZHIN CAN YIN PAS RGYU MED PAR 'JIG PAR 'GYUR GYI, DE PHYI MAR MI GNAS PA'I PHYIR GZHAN DU NI MI 'GYUR RO, ,DE LTA BAS NA 'GYUR BAR SMRA BA 'DI NI BZANG PO MA YIN NO, ,DE LTA NA CUNG ZAD KYANG MI BYED PA'I PHYIR, RANG GI NGO BO YOD PA YANG BDAG NYID KYI RGYU'I DNGOS POR YOD PA MA YIN NO, ,MED PA YANG MA YIN TE, DE YANG NUS PA THAMS CAD DANG BRAL BA'I MTSAN NYID YIN PAS CUNG ZAD MI BYED PA'I PHYIR RO, ,MED PA'I MTSAN NYID NI 'DI KHO NA YIN TE, 'DI LTAR NUS PA THAMS CAD DANG BRAL BA'O, ,GANG ZHIG NUS PA'I NOR MA LUS PA DANG BRAL BA @277A *, ,DES JI LTAR PHAN 'DOGS PAR NUS TE, PHAN PA'I RGYU NI NUS PA YIN PA'I PHYIR RO, ,DE LTA BAS NA GRANGS CAN LA SOGS PAS DNGOS PO RNAMS RANG SKYE BAR YONGS SU BRTAGS PA DE RIGS PA MA YIN NO, ,GZHAN LAS SHES BYA'I PHYOGS KYANG RIGS PA MA YIN TE, 'DI LTAR GZHAN LAS SKYE BAR 'GYUR NA, RTAG PA'AM MI RTAG PA'AM, GNYI GA'AM GNYI GA MA YIN PA LAS 'GYUR GRANG ZHES BRTAG STE, RE ZHIG RTAG PA'I DNGOS PO CI YANG MED PA'I PHYIR RTAG PA LAS NI MA YIN NO, ,RTAG PA'I DNGOS PO DER YONGS SU BRTAG NA, DON BYED NUS PA ZHIG LA RGYUR YONGS SU BRTAG STE, DPER NA GZHAN DAG GIS BDAG LA SOGS PA BDE BA LA SOGS PA'I RGYUR YONGS SU BRTAGS PA LTA BU ZHIG GAM MI NUS PA ZHIG PA STE, DPER NA BYE BRAG TU SMRA BA RNAMS KYIS NAM MKHA' LA SOGS PA GSUM NUS PA MED PA KHO NA LA DNGOS PO NYID DU YONGS SU BRTAGS PA LTA BU ZHIG YIN GRANG NA, DE LA DON BYED NUS PA GANG YIN PA DE NI RTAG PA YIN PAR RIGS PA MA YIN TE, RTAG PA NI KUN RDZOB TU YANG RIM DANG CIG SHOS DAG GIS DON BYED PA MI 'THAD PA'I PHYIR RO, ,RGYU NUS PA THOGS PA MED PA YIN NA YANG RES 'GA' YANG 'BRAS BU MI SKYED PAR MI 'GRUB LA, 'BRAS BU RGYU MA TSANG BA MED PA CAN YIN NA NAM YANG MI SKYE BAR MI 'GYUR NA, GANG GIS NA RIM GYIS DON BYA BA BYED PAR 'GYUR, GZHAN DAG GIS PHOGS DBYUNG DU MED PA NI LTOS PA CI YANG MED NA, GANG GIS NA LHAN CIG BYED PA'I RKYEN LA LTOS NAS RES 'GA' 'BRAS BU BSKYED PAR MI 'GYUR RO ZHES BYA BAR RIGS PAR 'GYUR, GZHAN YANG BYA BA BYED PA'I DUS NA DE'I LHAN CIG BYED PA'I RKYEN THAMS CAD NYE BA'I RANG BZHIN GANG YIN PA DE NYID LHAN CIG BYED PA'I RGYU DANG BRAL BA'I DUS SU RJES SU 'BRANG BAR 'DOD NA NI DE'I TSE DE DANG 'BREL PA'I RANG BZHIN RJES SU 'BRANG BAS NAN GYIS MGUL NAS LCAGS THAG GIS DAM RAB TU BTAGS PA 'DRA BAR 'DOD PA'I DUS BZHIN DU RTAG TU LHAN CIG BYED PA'I RKYEN RNAMS DANG NYE BA'I RANG BZHIN DU 'GYUR TE, DE'I PHYIR LHAN CIG BYED PA DANG MI 'BRAL BA NYID DU 'GYUR RO, ,'BRAS BU YANG LTOS PAR RIGS PA MA YIN TE, MED @277B PA'I PHYIR DPER NA RI BONG GI RVA LTA BU'O, ,DE DANG 'BREL PA'I RANG GI NGO BO 'THOB PA'I PHYIR BLOS YONGS SU BRTAGS PA LA LTOS NAS MED PA LA YANG BLOS RNAM PAR GZHAG MOD KYI, DE LTA NA YANG DE MNGON PAR 'GRUB PAR BYA BA LA DES RGYU NUS PA THOGS PA MED PA GANG YIN PA DE NYID LA PHAN 'DOGS PAR LTOS PAR BYA'I, GZHAN LA NI MA YIN NO, ,DE'I PHYIR 'BRAS BUS RTOG PAR 'DOD PA'I DNGOS PO RTAG TU PHAN 'DOGS PA NYID DU NYE BAR NUS PA THOGS PA MED PA DE NYID BOR NAS GZHAN LA LTOS CI DGVOS [?] TE, DES 'DI LA GNOD PA BYAS PA'AM, GZHAN DAG GIS 'DI LA PHAN BTAGVS [?] PA NI CUNG ZAD KYANG MED DO, ,GZHAN YANG 'BRAS BU LHAN CIG BYED PA'I RKYEN RNAMS LA LTOS LA NI RAG NA 'ON KYANG DBANG PHYUG LA SOGS PA RGYU GANG YIN PA DE NUS PA THOGS PA MED PA YIN NA GO LTOS CI DGOS, GANG GIS NA DE SKYER MI 'DOD PA BZHIN DU YANG NAN GYIS DRANGS TE SKYED PAR MI BYED, DE LTA NA DES BDAG NYID KYI MTHU NYE BAR BRTAN PAR 'GYUR GYI, GZHAN DU NI MA YIN NO, ,DE LTA BAS NA 'BRAS BU MED PA LTOS PAR RIGS PA MA YIN NO, YOD PA YANG MA YIN TE, DE NI RANG GI NGO BO MTHA' DAG THOB PA NYID KYIS THAMS CAD LA RE BA MED PA'I PHYIR RO, ,GAL TE 'DI SNYAM DU DE GNYIS THA DAD PA MA YIN PA NYID DU THAL BAR 'GYUR PA'I PHYIR 'BRAS BU RGYU'I CHOS THAMS CAD KYI RJES SU BYED PA NI MA YIN NO, ,DE'I PHYIR GDON MI ZA BAR DE GNYIS RNAM PA 'GA' ZHIG GIS THA DAD PAR 'GYUR RO, ,DES NA RIM MA YIN PA LAS KYANG 'BRAS BU RIM CAN MI 'GAL BA NYID DO SNYAM DU SEMS NA, DE NI RIGS PA MA YIN TE, KHO BO CAG KYANG 'BRAS BU RGYU'I CHOS THAMS CAD KYI RJES SU BYED DO ZHES NI MI ZER RO, ,'ON KYANG RE ZHIG GDON MI ZA BAR 'BRAS BUS RGYU LA YOD PA'I RJES SU 'GRO BA DANG, LDOG PA'I NI RJES SU BYA DGOS TE, RGYU DANG 'BRAS BU'I DNGOS PO'I RGYU NI DE TZAM DU ZAD PA'I PHYIR RO,, 'BRAS BU 'GA' YANG RGYU RTAG PAR 'DOD PA LA YOD PA'I LDOG PA'I RJES SU BYED PA NI MED DO, ,RTAG PA LA LDOG PA MED PA'I PHYIR RO, ,DE LTA MA YIN NA NI RTAG PA KHO NAR 'GYUR GYI, RTAG PA NI MA YIN NO, ,RJES SU 'GRO BA'I BYED PA'I RJES SU BYED PA YANG MA YIN TE, DE RIL GYIS NYE YANG RES 'GA' 'BRAS @278A *, ,BU MI 'BYUNG BA'I PHYIR RO, ,GANG ZHIG GANG LA YOD PA'I RJES SU 'GRO BA'I RJES SU MI BYED PA DE NA DE'I 'BRAS BUR RIGS PA MA YIN TA, HA CANG THAL BAR 'GYUR BA'I PHYIR RO, ,DE LTAR NA RE ZHIG RTAG PAS RIM GYIS DON BYED PAR MI NUS SO, ,CIG CAR YANG MA YIN TE, PHYIS BYA BA BYED PA'I RANG BZHIN DE LTA BU'I RJES SU 'BRANG NA 'BRAS BU SKYE BA DANG BRAL BAR MI RUNG BA'I PHYIR SNGA MA BZHIN NO, ,RJES SU MI 'BRANG NA NI DE'I RTAG PA NYID NYAMS SO, ,RIM DANG CIG CAR DAG LAS GZHAN PA GANG GIS DON BYED PAR 'GYUR BA'I RNAM PA GZHAN NI MED DE, DE GNYIS NI PHAN TSUN RNAM PAR BCAD PA MED NA YONGS SU GCOD PA MED PA NYID KYIS PHAN TSUN SPANGS TE, GNAS PA'I MTSAN NYID YIN PA'I PHYIR RO, ,NUS PA MA LUS PAS STONG PA DNGOS PO NYID DU RIGS PA YANG MA YIN TE HA CANG THAL BAR 'GYUR BA'I PHYIR RO, ,DE LTA NA NI MO GSHAM GYI BU LA SOGS PA YANG DNGOS PO NYID DU THAL BAR 'GYUR RO, ,DE'I PHYIR DNGOS PO MED PAR THA SNYAD GDAGS PA'I RGYU CI YANG MA GRUB PAS DNGOS PO MED PAR CHUNG ZAD KYANG 'GRUB PAR MI 'GYUR RO, ,DE MA GRUB NA DNGOS PO YANG MI 'GRUB STE, DE MI MTHUN PA'I PHYOGS RNAM PAR GCAD PA MA GRUB PA'I PHYIR RO, ,MI MTHUN PA'I PHYOGS LAS MA LOG PA'I RANG BZHIN NI CUNG ZAD KYANG RANG GI NGO BO YONGS SU GCAD PAR MI NUS SO, ,DE LTA BAS NA DON BYED PA'I NUS PA DANG BRAL BA KHO NA RI BONG GI RVA LA SOGS PA'I NGO BO'I MTSAN NYID YIN LA, ,DE LAS BZLOG PA NI DNGOS PO'I MTSAN NYID DO ZHES BYA BAR RIGS SO, ,DES NA RI BONG GI RVA LA SOGS PA DANG KHYAD PAR MED PAR SO SOR BRTAGS PA'I 'GOG PA LA SOGS PA LA RTOGS PA DANG LDAN PA RNAMS DNGOS POR THA SNYAD 'DOGS PAR RIGS PA MA YIN TE, DE'I RGYU MED PA'I PHYIR RO, ,'DI LTAR GAL TE SO SOR BRTAGS PA'I 'GOG PA LA SOGS PA DE 'GA' ZHIG GI SHES PA'I YUL DU 'GYUR NA NI, DE'I TSE DE'I GDON MI ZA BAR DE'I RGYU'I DNGOS POR KHAS BLANGS DGOS TE, RGYU MA YIN PA LA RGYU YUL NYID MED PA'I PHYIR RO, ,RGYU'I KHYAD PAR KHO NA RANG GI RNAM PAR 'JOG PAS RNAM PAR SHES PA LA PHAN PA BYED PA NA YUL YIN NO ZHES GSUNGS SO, ,DE LTA MA YIN NA NI RTAG PA DE'I RTAG @278B PA NYID NYAMS PAR 'GYUR TE, GANG DU YANG RIM DANG CIG CAR DAG GI RGYUR MI RUNG BA'I PHYIR RO, ,'ON TE PHAN MI 'DOGS BZHIN DU YANG RNAM PAR SHES PA'I YUL DU RTOG NA NI DE'I RNAM PAR SHES PA'I RANG BZHIN RNAM PA THAMS CAD DU RJES SU 'BRANG BAS DE'I RNAM PAR SHES PA YANG DE'I RANG BZHIN DANG 'DRA BAR RTAG PAR RJES SU 'BRANG BA'I PHYIR RTAG PAR THAL BAR 'GYUR RO, ,RJES SU MI 'BRANG NA NI DE'I RTAG PA NYID NYAMS PAR THAL BA BZLOG DKA'O, ,'ON TE THA NA THAMS CAD MKHYEN PA'I THUGS KYANG RUNG 'GA'I YUL GYI DNGOS POR YANG NYE BAR MI 'GRO'O ZHES RTOG PAR BYED NA, DE'I TSE MKHAS PA RNAMS DE LA DNGOS POR THA SNYAD 'DOGS PAR RIGS PA MA YIN TE, RNAM PA SHES PA DER THA SNYAD GDAGS PA'I RGYU MED PA'I PHYIR RO, ,DE RI BONG GI RVA LA SOGS PA SHIN TU MED PA LAS KYANG GANG GIS NA DE LAS THA DAD PAR BSGRUB PAR BYA BA KHYAD PAR BYA DGOS TE, DNGOS PO MED PA LAS RNAM PAR MA PHYE BA'I RANG BZHIN NI DNGOS PO NYID DU RTOGS PAR MI NUS SO, ,DE'I KHYAD PAR BDAG GI NGO BO 'DZIN PA YOD DO ZHES BRJOD PAR YANG RIGS PA MA YIN TE, DNGOS PO MED PA LA YANG NUS PA THAMS CAD DANG BRAL BA'I MTSAN NYID KYI BDAG GI NGO BO 'DZIN PA YOD PA'I PHYIR RO, ,MO GSHAM GYI BU LA SOGS PA DANG KHYAD PAR MED PA DE LTA BU DE LA YANG DNGOS PO ZHES MING DU 'DOGS NA MING LA NI BRTZAD PA MED DO, ,'ON KYANG RTOG PA DANG LDAN PA DON BYED PA DON DU GNYER BAS DNGOS PO'I RANG GI NGO BO DPYOD PAR BYED PA DE DAG NI SHIN TU MI DMIGS PA'I RANG BZHIN NUS PA THAMS CAD KYIS STONG PAS MO GSHAM GYI BU LA SOGS PA DANG KHYAD PAR MED PA DE LTA BU DE LA THA SNYAD GDAGS PA'I RGYU MED PA'I PHYIR DNGOS PO RNAM PAR 'JOG PA NI LEGS PA MA YIN NO ZHES ZER RO, ,SMRAS PA, DON BYED NUS PA MA YIN LA, ,DE'I DON GNYER BAS DPYAD CI PHAN, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,DE LTAR NA RTAG PA NYID KYIS DNGOS PO CI YANG MED PAS RTAG PA LAS SKYE BA RIGS PA MA YIN NO, ,MI RTAG PA LAS KYANG MA YIN TE, 'DI LTAR MI RTAG PA LAS 'BRAS BU SKYE BA NA RGYU 'DAS PA LAS SKYA STE, DPER NA BYE BRAG TU SMRA BA RNAMS @279A *, ,KYIS RNAM PAR SMIN PA'I RGYU 'DAS PA LAS KYANG 'BRAS BU NYE BAR BRJOD PA LTA BU'AM, MA 'ONGS PA LAS TE, DPER NA DE DAG NYID KYIS MA 'ONGS PA'I SKYE BA NI BSKYED PAR BYA BA SKYED PA YIN NO ZHES NYE BAR BRTAGS PA LTA BU'AM, DA LTAR GYI LAS SKYE'O ZHES BYA BA'I PHYOGS SHIG YIN GRANG NA, DE LA RE ZHIG 'DAS PA LAS ZHES BYA BA'I PHYOGS NI RUNG BA MA YIN TE, 'DAS PA'I DNGOS PO YOD PA MED PA'I PHYIR RO, ,'DAS PA ZHES BYA BA CI ZHES BYA, RANG GI NGO BO LAS MA NYAMS PA'AM, RANG GI NGO BO LAS NYAMS PA YIN GRANG, DE LTA MA YIN NA DA LTAR BZHIN DU RANG GI NGO BO MA NYAMS PA'I PHYIR JI LTAR 'DAS PA YIN, GANG RANG GI NGO BO NYAMS PA'I BDAG NYID DE YANG MED PA'I RANG BZHIN YIN PA'I PHYIR 'BRAS BU JI LTAR BSKYED DE, DON BYED PA NI RANG GI NGO BO LA RAG LAS PA'I PHYIR RO, ,'ON TE BYED PA ZHIG PA LAS 'DAS PA ZHES BYA BA'I RANG GI NGO BO NYAMS PA'I DBANG GIS NI MA YIN NO ZHE NA, DE LTA YANG DE'I BYED PA ZHIG PA LAS 'BRAS BU SKYE BAR RIGS PA MA YIN NO, ,DE LTA MA YIN TE, 'BRAS BU SKYED NA JI LTAR ZHIG PAR 'GYUR, 'BRAS BU GCIG LA DNGOS PO'I NGO BO GCIG GIS RIM GYIS 'PHEL BA DANG, RAB TU SKYED PA'I MTHU THA DAD PAR RIGS PA MA YIN NA, GANG GI PHYIR 'BRAS BU 'PHEN PA TZAM BYED PAR 'GYUR GYI, RAB TU BYED PA MA YIN, KHYAD PAR MED PA'I PHYIR DE 'PHEN PA'I DUS KHO NA RAB TU SKYED PAR YANG 'GYUR RO, ,DE LTA MA YIN NA NI PHYIS KYANG SNGA MA DANG KHYAD PAR MED PA'I PHYIR RAB TU SKYED PAR MI 'GYUR RO, , GZHAN YANG BYED PA ZHES BYA BA DE GAL TE NUS PA'I NGO BO'AM, BYA BA'I NGO BO ZHIG YIN PAR 'GYUR GRANG, RE ZHIG GAL TE GNYI GA DON GZHAN YIN NA NI, DE'I TSE JI LTAR RE ZHIG CES BRJOD PAR BYA, GAL TE RANG GI NGO BO ZHIG PA'I PHYIR NA NI DE'I TSE RTAG TU DNGOS PO THAMS CAD YOD PAR SMRA BA NYAMS PAR YANG 'GYUR RO, ,DON GZHAN DE ZHIG NA YANG DNGOS PO'I RANG GI NGO BO MI G-YO BA 'JIG PAR 'GRUB PAR MI 'GYUR TE, LHA SBYIN SHI BAR GYUR BAS MCHOD SBYIN RANG GI NGO BO LAS MA NYAMS PA'I NGO BO YANG 'CHI BA NI MED DO, ,'ON TE BYED PA'I PHYIR RO ZHE NA, DE NI RIGS PA MA YIN TE, THUG PA @279B MED PAR THAL BAR 'GYUR BA'I PHYIR BYED PA LA BYED PA GZHAN NI MED DE, DE LA YANG BRGAL ZHING BRTAGS PA MTSUNGS PA'I PHYIR RO, ,DE'I PHYIR 'GA' YANG 'JIG PAR MI 'GRUB BO, ,BYED PA DON GZHAN PA NYID YIN NA NI DNGOS PO'I RGYU NYID DU MI 'GYUR TE, BYED PA KHO NA LAS 'BRAS BU SKYE BA'I PHYIR RO; ,DE'I PHYIR DNGOS PO MED PA NYID DU THAL BAR 'GYUR TE, DNGOS PO'I MTSAN NYID NI DON BYED NUS PA'I PHYIR RO, ,BYED PA DON GZHAN DU GYUR PA GNYI GA'I NGO BO DE YANG 'BRAS BU SKYED PA NA GAL TE BYED PA'I RANG GI NGO BOR GYUR PA KHO NAS SKYED PAR 'DOD NA NI DE'I TSE DNGOS PO YANG BYED PA'I RANG GI NGO BOR GYUR PA KHO NAS 'BRAS BU SKYED PAR 'GYUR NA DON GZHAN BRTAGS PAS CI ZHIG BYA, 'ON TE GZHAN DU GYUR PAS SKYED DO ZHE NA, DE'I TSE DE LA YANG BYED PA GZHAN DU RTOG NA THUG PA MED PAR 'GYUR BA'I PHYIR GANG GI YANG RGYU NYID DU MI 'GRUB PO, ,DNGOS PO PHAN PAR BYED PA MA YIN PA'I PHYIR 'DI'I BYED PA 'DI YIN NO ZHES BYA BA YANG MA 'GRUB STE 'BREL PA NI THAMS CAD DU PHAN PAS RAB TU PHYE BA'I PHYIR RO, ,'ON TE YANG DE LA DNGOS PO PHAN 'DOGS PA NYID DU KHAS LEN NA NI DE'I TSE DNGOS PO BYED PA'I BDAG NYID DU GYUR PA'I DBANG GIS BYED PA LA PHAN 'DOGS NA DE'I TSE CI'I PHYIR 'BRAS BU LA DE LTAR PHAN 'DOGS PAR MI BYED, GANG GIS NA BYED PA DON GZHAN DU NYE BAR BRTAG ,BYED PA DNGOS PO YOD PA TZAM LA RAG LAS PA YIN NA YANG RTAG TU RGYU RIL GYIS NYE BA'I PHYIR 'JIG PA 'GRUB PAR YANG MI 'GYUR RO, ,'ON TE DON GZHAN DU GYUR PAS PHAN 'DOGS NA NI DE'I TSE DE DANG DER 'BREL PAR YANG MI 'GRUB STE, DE'I TSE BYED PA RNAMS KHO NA RGYUD MAR SBYOR BA'I PHYIR DNGOS PO NI GYI NA 'DUG PA NYID DU 'GYUR RO, ,BYED PA BYA BA'I NGO BO YIN PAR YANG SKAD CIG MA RNAMS NI SKYES MA THAG TU MI GNAS PA'I PHYIR RIGS PA MA YIN PA KHO NA LA SKAD CIG MA MA YIN PA RNAMS KYANG RTAG TU NGO BO GCIG PAR GNAS PA'I PHYIR NAM MKHA' BZHIN DU BYA BA DANG 'BREL PAR RIGS PA MA YIN PA NYID PAS BYA BA ZHES BYA BA GANG LA YANG MED DO, ,DE LTA BAS NA RANG GI NGO BO TZAM KHO NAS SO SOR NGES PA'I 'BRAS BU NYE BAR SKYED PA NA RANG GI RGYU RKYEN GYIS NGES PAR BYAS PA'I NGO BO NYID YIN PA'I PHYIR DNGOS PO'I RANG GI NGO BO KHO NA LA NUS PA DANG BYA BA LA @280A *, ,SOGS PA'I SGRAR BRJOD KYI, DON GZHAN NI MA YIN NO, ,DNGOS PO DANG THA MI DAD PA'I BYED PA GNYI GA'I NGO BO DE ZHIG STE RANG GI NGO BO NYAMS PA'I MTSAN NYID GCIG YIN NA DNGOS PO YANG DE DANG THA MI DAD PAS RANG GI NGO BO NYAMS NA JI LTAR 'DAS PA YOD PA NYID DU 'GRUB, BYED PA YANG DE DANG THA MI DAD PA'I PHYIR DNGOS PO'I RANG GI NGO BO BZHIN DU MI 'JIG PAR THAL BAR 'GYUR BAS BYED PA ZHIG PAR MI 'GRUB PO, ,'ON TE BYED PA DE NYID DANG GZHAN DAG TU BRJOD PAR BYA BA MA YIN PAR RTOG NA, DE'I TSE 'DI BRTAGS PA'I YOD PA NYID YIN PAS DNGOS PO MED PA'I PHYIR DE'I DBANG GIS DUS GSUM RNAM PAR GZHAG PA DON DAM PA PAR MI 'GRUB PO, ,DNGOS PO NI RNAM PA GANG GIS KYANG BRJOD PAR BYA BA MA YIN PAR RIGS PA MA YIN TE, THAMS CAD BRJOD PAR BYA BA MA YIN PA NYID DU THAL BAR 'GYUR BA'I PHYIR RO, ,DE LTA BAS NA 'DAS PA'I DNGOS PO MED PA'I PHYIR 'DAS PA LAS 'BRAS BU SKYE BA MA YIN NO, ,MA 'ONGS PA LAS KYANG MA YIN TE, MA 'ONGS PA ZHES BYA BA NI BDAG GI RANG GI NGO BOR MA RED PA LA BYA'O, ,DE LTA MA YIN TE, DA LTAR BZHIN DU RANG GI NGO BO MI G-YO BAR 'DZIN NA, JI LTAR MA 'ONGS PA 'GRUB PAR 'GYUR, BDAG GI DE KHO NAR MA [?] RED PA GANG YIN PA DE LAS NI NAM MKHA'I PADMA LA SOGS PA BZHIN DU 'BRAS BU SKYE BAR RIGS PA DANG LDAN PA MA YIN NO, ,'ON TE BYED PA MA THOB PAS MA 'ONGS PA ZHES BYA BA NI DE'I TSE DE LAS 'BRAS BU SKYE BAR YANG SHIN TU YANG MI RIGS TE, BYED PA MA THOB PA'I PHYIR RO, ,RTAG TU DNGOS PO THAMS CAD YOD PA NYID YIN NA DE 'THOB PA'I RGYU RNAMS MA TSANG BA MED PA'I PHYIR CI'I PHYIR RES 'GA' LA LAS BYED PA MI 'THOB PAR MI 'GYUR, BYED PO DNGOS PO GZHAN DU RIGS PA MA YIN NO ZHES NI DPYAD ZIN TO, ,DON GZHAN MA YIN PA NYID YIN YANG GI NGO BO YANG DE DANG THA MI DAD PA'I PHYIR BYED PA BZHIN DU MA THOB PA NYID DU THAL BAR 'GYUR BAS MA 'ONGS PA YOD PA NYID DU MI 'GRUB PAR 'GYUR PA'AM, BYED PA YANG DE DANG THA MI DAD PA NYID KYIS DNGOS PO'I RANG GI NGO BO BZHIN MA THOB PA NYID DU THAL BAR 'GYUR BA'I PHYIR BYED PA MA THOB PA NYID MI 'GRUB PAR 'GYUR RO, ,DE LTA BAS NA MA @280B 'ONGS PA YANG DNGOS PO MED PA'I PHYIR DE LAS 'BRAS BU SKYE BAR RIGS PA MA YIN NO, ,DE LTA MA YIN NA 'BRAS BU RGYU MED PA KHO NAR THAL BAR 'GYUR TE, DE LA 'OG NAS 'BYUNG BA'I NYES PA YOD DO, ,DA LTAR GYI LAS ZHES BYA BA'I PHYOGS KYANG RUNG BA MA YIN TE, 'DI LTAR DE LAS 'BRAS BU SKYE BA NA DU MA LAS GCIG GAM, DU MA ZHIG SKYE BAR 'GYUR BA'AM, GCIG LAS DU MA'AM, GCIG SKYE BAR 'GYUR BA'AM, 'BRAS BU DU MA GCIG GI RANG GI NGO BO DE YANG RGYU DANG DUS MNYAM PA'AM, DUS THA DAD PA ZHIG TU SKYE BAR 'GYUR GRANG ZHES RNAM PAR BRTAG STE, DE LA GAL TE PHYOGS DANG PO LTAR YIN NA NI DE'I TSE RGYU'I THA DAD PA THA DAD PAR BYED PAR 'GYUR PA MA YIN TE, 'DI LTAR BUM PA LA SOGS PA RAS YUG LA SOGS PA LAS RANG BZHIN THA DAD PA GANG YIN PA DE NI RGYU'I THA DAD PAS BYAS PA YIN GYI, RGYU MED PA NYID DU THAL BAR 'GYUR BA'I PHYIR RANG BZHIN GYIS NI MA YIN NO, ,DE LA GAL TE RGYU THA DAD PA MED KYANG 'BRAS BU THA DAD PAR 'GYUR NA NI DE'I TSE 'KHRUL PA'I PHYIR 'BRAS BU'I THA DAD PA MA YIN PA NI RGYU'I THA DAD PA DANG THA DAD PA MA YIN PAR BYAS PAR MI 'GYUR RO, ,THA DAD PA DANG THA DAD PA MA YIN PA LAS MA GTOGS PA'I DNGOS PO 'GA' YANG MED PAS THAMS CAD RGYU MED PA CAN KHO NAR THAL BAR 'GYUR RO, ,CI STE YANG BDAG NYID JI LTA BA'I RGYU RNAMS KYIS NYE BAR SBYAR BAR BYAS PA'I RANG GI NGO BO'I KHYAD PAR MA [?] 'CHOL BA'I PHYIR RGYU'I THA DAD PA THA DAD PA KHO NAR BYED PA YIN TE, 'DI LTAR MIG LA SOGS PA RANG GI NGO BO THA DAD PA DAG LAS 'BRAS BU MIG GI RNAM PAR SHES PA LA SOGS PA SKYE BA NA DNGOS SU THA DAD PA MA YIN YANG RTOGS PA'I BDAG NYID DANG, SO SOR NGES PA'I YUL CAN DANG, YUL GYI RNAM PA NYE BAR GYUR PA SKYE LA, DE YANG RJES SU 'GRO BA DANG LDOG PA DAG GIS MTSUNGS PA DE MA THAG PA'I RKYEN LAS RTOGS PA'I NGO BO KHO NA SKYE'I, MIG LA SOGS PA DAG LAS NI MA YIN NO ZHES BYA BAR NGES LA, DE BZHIN DU YUL LAS NI DE DANG 'DRA BA NYID DBANG PO LAS NI YUL SO SOR NGES PAR 'DZIN PA ZHES BYA BA 'DI YANG YONGS SU NGES SO, ,DE LTAR YUL LAS NI RTOGS PA'I NGO BO LA SOGS PA MA YIN LA, MTSUNGS PA DE MA THAG PA'I RKYEN LAS NI YUL GYI NGO BO NYID @281A *, ,LA SOGS PA MA YIN, DBANG PO LAS KYANG MA YIN PAS RGYU'I THA DAD PA NI THA DAD PAR BYED PA NYID KHO NA YIN TE, RGYU THA DAD PA DAG LAS KHYAD PAR THA DAD PA DAG 'BYUNG BA'I PHYIR RO SNYAM DU SEMS NA, DE YANG RIGS PA MA YIN TE, 'DI LTAR KHYAD PAR GANG YIN PA DE DAG GAL TE BRTAGS PA MA YIN PA KHO NA ZHIG GAM, LDOG PA'I BYE BRAG GIS BRTAGS PA'I NGO BO KHO NA ZHIG TU 'GYUR GRANG NA, DE LA GAL TE PHYOGS DANG PO LTAR NA NI DE'I TSE DMIGS PA'I BDAG NYID LA SOGS PA LAS THA DAD PA MA YIN PA'I PHYIR DE DANG 'DRA BAR DU MA NYID DU THAL BA'AM, DMIGS PA'I BDAG NYID LA SOGS PA YANG RNAM PAR SHES PA BZHIN DU GCIG PA NYID DU BZLOG TU MI RUNG LA, RNAM PAR SHES PA YANG RTOGS PA'I NGO BO LAS GZHAN MA YIN PA'I PHYIR, DE DANG 'DRA BAR GZUGS LAS MI SKYE BAR THAL BA'AM, 'DRA BA NYID LAS GZHAN MA YIN PA'I PHYIR GZUGS LAS SKYE BAR YANG SMRA BAR 'GYUR RO, ,DE'I PHYIR DNGOS PO GCIG LA DUS GCIG TU SKYE BA DANG MI SKYE BA PHAN TSUN 'GAL BA DAG JI LTAR MI 'GAL, CI STE NYES PA 'DIR 'GYUR DU 'ONG ZHES TE KHYAD PAR DE DAG RNAM PAR SHES PA LAS DON GZHAN PA GYUR PA KHO NA'O ZHES RTOG NA NI DE'I TSE RNAM PAR SHES PA RGYU MED PA CAN DU 'GYUR TE, MIG LA SOGS PA GZHAN KHO NA LA NYE BAR SBYOR BA'I PHYIR RO, ,DE'I PHYIR RTAG PAR YOD PA LA SOGS PAR THAL BAR 'GYUR RO, ,'ON TE RTAG PA ZHES BYA BA'I PHYOGS YIN NA NI DE'I TSE YANG RNAM PAR SHES PA RGYU MED PA CAN KHO NAR 'GYUR TE, BRTAGS PA'I BDAG NYID KHO NA LA MIG LA SOGS PAR SPYOD PA'I PHYIR RO, ,BRTAGS PA'I BDAG NYID LA YANG 'GA' YANG NYE BAR SBYOR BA MED PAS THAMS CAD RGYU MED PA CAN DU THAL BAR 'GYUR RO, ,DU MA LAS DU MA SKYE ZHES BYA BA'I PHYOGS KYANG RUNG BA MA YIN TE, MAR ME LA SOGS PA GCIG LAS KYANG RNAM PAR SHES PA LA SOGS PA 'BRAS BU DU MA SKYE BAR MTHONG BA'I PHYIR DANG, MIG LA SOGS PA DU MA LAS KYANG RNAM PAR SHES PA LA SOGS PA'I DON GCIG SKYE BAR GRAGS PA'I PHYIR RO, ,GZHAN YANG GAL TE 'BRAS BU THAMS CAD LA RGYU DU MA ZHIG GIS BYED NA NI 'BRAS BU RE RE YANG DU MA LAS SKYE BA'I @281B PHYIR DE NYID RGYU'I THA DAD PA THA DAD PAR BYED PA MA YIN PAR 'GYUR TE, NYES PA SNGA MA DANG 'DRA'O, ,'ON TE 'BRAS BU RE RE KHO NA LA RE RE KHO NA ZHIG NYE BAR SBYOR NA NI DE'I TSE GCIG LAS GCIG KHO NA SKYE BAR KHAS BLANGS PAR 'GYUR TE, DE LAS YANG 'OG NAS 'BYUNG BA'I NYES PA YOD PAS, 'DI NI PHYOGS GZHAN DU SMRAS PA MA YIN NO, ,DON DAM PAR GCIG LAS DU MA SKYE ZHES BYA BA'I PHYOGS KYANG RUNG BA MA YIN TE, SNGA MA BZHIN DU RGYU'I THA DAD PA THA DAD PAR BYED PA NYID MA YIN PAR THAL BAR 'GYUR BA'I PHYIR RO, ,'DI LTAR GAL TE MIG BDAG NYID KYI KHYAD PAR GANG GIS RIGS MTHUN PA'I SKAD CIG MA SKYED PAR BYED PA DE NYID KYIS RANG GI RNAM PAR SHES PA SKYED PAR BYED NA NI DE'I TSE RGYU THA DAD PA MED KYANG 'BRAS BU THA DAD PA'I PHYIR JI LTAR 'BRAS BU'I THA DAD PA DANG THA DAD PA MA YIN PA DAG TU RGYU MED PA CAN DU MI 'GYUR, DE LA GANG GIS NA 'BRAS BU GZHAN SKYED PAR 'GYUR BA BDAG NYID KYI KHYAD PAR GZHAN YANG MED DE, DNGOS PO THAMS CAD NI CHA SHAS MED PA'I PHYIR RO, ,DES NA RGYU RANG GI NGO BO 'PHOS NAS 'BRAS BU NYE BAR BSKYED PA MA YIN MOD KYI, 'ON KYANG RGYU'I BDAG NYID DE LA KHYAD PAR MED PA'I PHYIR DES BYAS PA'I 'BRAS BU YANG KHYAD PAR YOD PAR MI 'GYUR RO, ,GCIG LAS GCIG SKYE'O ZHES BYA BA'I PHYOGS KYANG RUNG BA MA YIN TE, THAMS CAD LONG BA DANG 'ON PA LA SOGS PA'I DNGOS POR THAL BAR 'GYUR RO, ,'DI LTAR GAL TE GANG GI TSE MIG GI DBANG PO LA SOGS PAS RANG GI RNAM PAR SHES PA NYE BAR SKYED PAR BYED PA DE'I TSE RIGS MTHUN PA'I SKAD CIG MA GZHAN GYI RGYUN CHAGS PAR MI BYED NA, DE'I TSE SKAD CIG MA GNYIS PA LA THAMS CAD LONG BA LA SOGS PAR THAL BAR 'GYUR RO, ,DUS MNYAM PA ZHES BYA BA'I PHYOGS KYANG RUNG BA MA YIN TE, 'BRAS BU SKYE BA'I SNGON ROL NA RGYU YANG MED PA NYID PAS RI BONG GI RVA DANG 'DRA BA KHO NAR NUS PA DANG MI LDAN PA'I PHYIR RO, ,GANG GI TSE BDAG GI NGO BO NYID THOB PA NYID KYIS NUS PA YIN PA DE'I TSE NI 'BRAS BU YANG RGYU DANG DUS MNYAM PAR YOD PA NYID KYI PHYIR GRUB PA KHO NA NYID YIN PAS DE LA DES CUNG ZAD KYANG BYAR MED PA'I PHYIR RGYUR THA SNYAD GDAGS PAR RIGS PA MA YIN TE, DPER NA 'BRAS BUR 'DOD @282A *, ,PA DE NYID RGYU'I DNGOS PO MA YIN PA BZHIN NO, ,DE LTA MA YIN NA RGYU DANG 'BRAS BU'I DNGOS POR RNAM PAR GZHAG PAR JI LTAR MA 'CHOL BAR RTOGS PAR 'GYUR RO, ,DUS THA DAD PA ZHES BYA BA'I PHYOGS KYANG RUNG BA MA YIN TE, DUS THA DAD PA NYID YIN NA YANG 'BRAS BU RGYU BAS SNGA BA'AM 'PHYI BA ZHIG TU 'GYUR GRANG, RE ZHIG PHYOGS DANG PO NI MA YIN TE, DE LTA NA NI MA 'ONGS PA KHO NA LAS 'BRAS BU SKYE BAR 'DOD PAR 'GYUR RO, ,MA 'ONGS PA ZHES BYA BA'I DNGOS PO NI MED DO ZHES DE NI SNGAR DPYAD ZIN TO, ,DE NI PHYOGS GNYIS PA YANG MA YIN TE, 'DI LTAR PHYIS 'BRAS BU SKYE BA NA SKAD CIG MAS CHOD PA'AM MCHOD PA ZHIG TU SKYE GRANG, GAL TE CHOD NAS SKYE NA NI DE'I TSE 'DAS PA KHO NA LAS SKYE BAR KHAS BLANGS PAR 'GYUR TE, DE YANG RIGS PA MA YIN TE ZHES SNGAR KHONG DU CHUD PAR BYAS ZIN TO, ,MCHOD PAR ZHES BYA BA YANG RIGS PA MA YIN TE, 'DI LTAR SKAD CIG MA SNGA MA DANG PHYI MA GNYIS MCHOD PA ZHIG YIN GRANG NA, PHYOGS GCIG GIS SAM, BDAG NYID THAMS CAD KYIS MCHOD PAR 'GYUR GRANG, RE ZHIG PHYOGS GCIG NI MA YIN TE, SKAD CIG MA DAG LAS CHA SHAS MED PA NYID KYIS PHYOGS GCIG MED PA'I PHYIR RO, ,DE LTA MA YIN NA DUS KYI MTHA'I MTSAN NYID SKAD CIG MA YIN PAR MI 'GYUR RO, ,BDAG NYID THAMS CAD KYIS KYANG MA YIN TE, DUS MNYAM PA NYID DU THAL BAR 'GYUR BA'I PHYIR RO, ,DUS MNYAM PA NI RGYU DANG 'BRAS BU'I DNGOS PO MED DO ZHES SNGAR BSTAN ZIN TO, ,SKAD CIG MA GNYIS BDAG NYID THAMS CAD KYIS MCHOD NA NI GONG BU RDUL PHRA RAB TZAM NYID DU THAL BA BZHIN DU BSKAL PA YANG SKAD CIG MA NYID DU THAL BA BZLOG DKA' STE, JI LTAR RDUL PHRA RAB RNAMS BDAG NYID THAMS CAD KYIS SBYOR BA YIN NA, RDUL PHRA RAB THAMS CAD KYI BDAG NYID THAMS CAD KYIS GCIG TU ZHUGS PA'I PHYIR GONG BU RDUL PHRA RAB TZAM NYID DU THAL BAR 'GYUR BA DE BZHIN DU SKAD CIG MA RNAMS BDAG NYID THAMS CAD KYIS MCHOD PA YIN NA NI SKAD CIG MA THAMS CAD SKAD CIG MA GCIG KHO NA'I NANG DU ZHUGS PA'I PHYIR SKAL PA YANG SKAD CIG MA TZAM NYID DU THAL BAR BZLOG DKA'O, ,GAL TE RGYU DANG 'BRAS BU DAG @282B MCHOD PA YIN NA YANG DUS GCIG PA NYID DU MI 'GYUR TE, DPER NA DNGOS PO DANG ZHIG NAS MED PA DAG LTA BU DANG, DPER NA GRIB MA DANG NYI MA DAG MCHOD PA YIN YANG YUL GCIG PA NYID MA YIN PA LTAR RGYU DANG 'BRAS BU DAG KYANG DE DANG 'DRA'O ZHES BYA BA LA SOGS PA DPER RJOD PAR BYED NA, DPE DE DAG NI KHO BO CAG LA MA GRUB STE, THAMS CAD DON DAM PAR MA SKYES PA NYID PAS DE LA YANG BRGAL ZHING BRTAGS PA MTSUNGS PA'I PHYIR RO, ,'DI LTAR GAL TE ZHIG NAS MED PA DANG, DNGOS POR LHAN CIG BDAG NYID THAMS CAD KYIS MCHOD NA NI DE'I TSE DUS MNYAM PAR THAL TE, DE'I PHYIR GCIG LA CIG CAR DNGOS PO DANG DNGOS PO MED PA PHAN TSUN 'GAL BA DAG TU 'GYUR RO, ,'ON TE PHYOGS GCIG GIS YIN NA NI DE'I TSE CHA SHAS DANG BCAS PA NYID DU BZLOG DKA'O, ,MED PA ZHES BYA BA NI GANG GIS NA LHAN CIG MCHOD PA LA SOGS PA'I BSAM PA 'JUG PAR 'GYUR BA YONGS SU GRUB PA CI YANG MED DE, 'DI NI BLOS KUN BRTAGS PA'I BDAG NYID 'BA' ZHIG KHO NA YIN PAR ZAD PAS DNGOS PO'I MJUG THOGS SU 'BYUNG NGO ZHES SKAD CIG LAS PHAN TSUN DU DNGOS PO'I RANG GI NGO BO DAG GNAS PA DGAG PA'I PHYIR RNAM PAR GZHAG GI DON DAM PAR NI MA YIN NO, ,DON DAM PAR NI KHYED RGYU'I MJUG THOGS SU 'BRAS BU 'BYUNG NGO ZHES BYA BAR 'DOD DE, DES NA DE LA MCHOD PA LA SOGS PA'I BSAM PA 'JUG PA NYID DO, ,KHO BO CAG GI LTAR NA NI DE KHO NA NYID MTHA' GNYI GA DANG BRAL BA'I PHYIR DON DAM PAR NA DE DNGOS PO YANG MA YIN LA DNGOS PO MED PAR YANG MA GRUB NA DE JI LTAR DE GNYIS DPE NYID DU 'GRUB PAR 'GYUR, 'DIS NI GRIB MA DANG NYI MA'I DPER YANG GSAL BA YIN TE, 'DI LTAR GRIB MA DANG NYI MA RDUL PHRA RAB BSAGS PA'I BDAG NYID CHA SHAS CAN GYI NGO BO DAG GAL TE BDAG NYID THAMS CAD KYIS MCHOD NA NI DE'I TSE YUL GCIG PA NYID DU THAL BAR 'GYUR RO, ,'ON TE PHYOGS GCIG GIS YIN NA NI DE'I TSE CHA SHAS DANG BCAS PA NYID DU THAL BAS BRGAL ZHING BRTAG PAR MTSUNGS SO, ,RNAM PAR SHES PA SNANG BA'I NGO BO DAG YIN NA YANG DE GNYIS BRDZUN PA'I PHYIR MCHOD PA LA SOGS PA'I @283A *, ,BSAM PA MI 'JUG PA NYID DE, DE'I PHYIR YANG DPER YANG MA GRUB PA NYID DO, ,SRANG MDA'I MTHON DMAN GYI DPE GANG YIN PA DE YANG DON DAM PAR MA GRUB STE, 'DI LTAR RE ZHIG SRANG MDA' ZHES BYA BA CHA SHAS CAN GYI RDZAS GCIG PU NI MA GRUB STE, GCIG LA GYEN THUR DU 'GRO BA LA SOGS PA PHAN TSUN 'GAL BA'I BYA BA GNYIS DANG LDAN PA MI RUNG BA'I PHYIR RO, ,DU MAR DBYE NA YANG RDUL PHRA RAB TU DBYE GRANG NA, RDUL PHRA RAB DE DAG KYANG SHAR DANG BYANG LA SOGS PA'I PHYOGS CHA THA DAD PAR YONGS SU 'DZIN PAR GNAS PAR KHAS BLANGS PA'I PHYIR PHYOGS THA DAD PA YANG KHAS BLANGS PA YIN TE, DE LTA BU DE DAG GI DON DAM PAR YOD PAR MA GRUB PO, ,BCOM LDAN 'DAS KYI S'A LU LDANG PA LA SOGS PA'I MDO LAS, CHAD PAR LTA BA YONGS SU SPANG BA'I PHYIR SRANG MDA'I MTHON DMAN GYI DPE BSTAN PA GANG YIN PA DE YANG RGYU DANG 'BRAS BU'I KUN RDZOB PA LA BLTA BAR BYA'I, DON DAM PA LA NI MA YIN TE, DE LTAR MA GRUB PA'I PHYIR RO, ,JI STE SRANG RNAM PAR SHES PA SNANG BA TZAM GYI NGO BO NYID DU STON NA NI DE'I TSE RNAM PAR SHES PA LUS CAN MA YIN PA NYID KYIS DON DAM PAR NA MTHO BA LA SOGS PA'I BYA BA MI SRID PA NYID YIN NA JI LTAR DPE GRUB PAR 'GYUR, RNAM PAR SHES PA YANG DON DAM PAR NA GNYIS SU MED PA NYID YIN PA LAS GNYIS SU SNANG BA BRDZUN PA'I PHYIR DE SNANG BA'I SRANG YANG BRDZUN PA KHO NA YIN LA, JI LTAR SRANG DON DAM PAR YOD PAR 'GRUB PAR 'GYUR, DE LTA BAS NA JI LTAR YANG GZHAN LAS SKYE BAR MI 'GRUB BO, ,SLOB DPON RNAMS KYIS NI RGYU DANG 'BRAS BU KUN RDZOB PA GRUB PA KHO NA LAS KUN RDZOB TU GCIG LAS DU MA SKYE BA DANG, DU MA LAS KYANG GCIG SKYE BA GZIGS PA'I PHYIR MIG LA SOGS PA JI LTAR GRAGS PA RNAMS RJES SU 'GRO BA DANG LDOG PA DAG GIS MIG GI RNAM PAR SHES PA LA SOGS PA BYE BRAG TU 'BYED PA NYID DU NYE BAR DRANGS NAS BYIS PA'I SKYE BO GZUNG BA'I PHYIR 'BRAS BU'I GTAN TSIGS GZHUNG GZUGS PAR RGYU'I THA DAD PA THA DAD PAR BYED PA NYID DU BSHAD KYI, DON DAM PAR NI MA YIN NO ZHES RTOGS PAR BYA STE, DON DAM PAR DE MA GRUB @283B PA'I PHYIR RO, ,GRANGS CAN LA SOGS PA GANG DAG MYU GU LA SOGS PA'I RGYU SA DANG CHU DANG SA BON LA SOGS PA THA DAD PA DANG THA DAD PA MA YIN PA MTHONG NAS DON DAM PAR RANG DANG GZHAN LAS SKYE BAR RTOGS PAR BYED PA DE DAG GI YANG GNYI GA'I PHYOGS LA BSHAD PA'I NYES PA SUN DBYUNG BA'I PHYIR RTOG PA 'DI YANG BZANG PO MA YIN NO, ,GANG DAG RI MO MKHAN LA SOGS PA'I BYED PA MED PAR RMA BYA LA SOGS PA'I SGRO BKRA BA NYID LA SOGS PA MTHONG BA'I PHYIR DNGOS PO THAMS CAD RGYU MED PA CAN NYID DU RJOD PAR BYED PA DE DAG GI PHYOGS KYANG DNGOS PO RNAMS RES 'GA' BAR MTHONG BA'I PHYIR DANG, YUL DANG DUS DANG RDZAS LA SOGS PA RGYU KHYAD PAR CAN LA LTOS PA MTHONG BA'I PHYIR RIGS PA MA YIN NO, ,LTOS PA MED PA LAS NI RES 'GA' BA NYID DU RIGS PA MA YIN TE, DNGOS PO DANG DNGOS PO MED PA'I DUS GNYIS KHYAD PAR MED PA'I PHYIR RTAG TU DNGOS PO YOD PA'AM, DNGOS PO MED PAR 'GYUR RO, ,RMA BYA LA SOGS PA'I DPE GANG YIN PA DE YANG DNGOS PO RNAMS RGYU MED PAR SKYE BA DON DAM PAR BSGRUB PAR BYA BA LAS MA GRUB PA NYID DE, DON DAM PAR CHOS THAMS CAD MA SKYES PA'I PHYIR RO, ,BSGRUB PAR BYA BA KUN RDZOB PA YIN NA NI DPE BSGRUB PAR BYA BA MA TSANG BA YIN TE, 'DI LTAR YUL DANG DUS DANG RDZAS LA SOGS PA'I KHYAD PAR GANG LA LTOS NAS DPE DE DAG GRUB PA NYID DE, DE DAG GI RGYU YIN PAS DPE BSGRUB PAR BYA BA MA TSANG BA NYID DO, ,DE BAS NA DE LA RI MO MKHAN GYI BYA BA LA SOGS PA MED DOD KYI, 'ON KYANG DE DAG RGYU MED PA NYID NI MA YIN TE, DE DAG RANG GI RGYU DAG KHO NA LAS SKYE BA'I PHYIR RO, ,DNGOS PO'I NUS PA RNAMS SO SOR NGES PA'I PHYIR THAMS CAD LAS THAMS CAD SKYE BA YANG MA YIN NO, ,ME DANG DU BA LA SOGS PA YANG MNGON SUM DANG MI DMIGS PA DAG GIS RGYU DANG 'BRAS BU'I DNGOS POR GRUB PA'I PHYIR DAM BCAS PA LA MNGON SUM GYIS GNOD PA YANG YOD LA, DNGOS PO RNAMS RES 'GA' BA NYID KYIS LTOS PA DANG BCAS PA NYID DU GRUB PA'I PHYIR RJES SU DPAG PAS GNOD PA YANG YOD DO, ,GTAN TSIGS LAS BSGRUB PAR BYA BA LA NGES PA SKYE BAR KHAS BLANGS PA'I PHYIR DAM BCAS PA LA RANG GI @284A *, ,TSIG DANG 'GAL BA YANG YOD DO, ,DE LTA MA YIN NA GTAN TSIGS KYI SBYOR BA DON MED PA KHO NAR 'GYUR RO, ,DAM BCAS PA TZAM GYIS NI 'DOD PA'I DON 'GRUB PA MA YIN TE, THAMS CAD KYI THAMS CAD 'GRUB PAR THAL BAR 'GYUR BA'I PHYIR RO, ,DE LTA BAS NA GTAN TSIGS MA GRUB PA NYID MA YIN NO, ,CI STE KHYOD LA BZHI PO BSGRUB PAR BYA BA'I CHOS CAN MA GRUB PA'I PHYIR GTAN TSIGS GZHI MA GRUB PA YIN NO SNYAM DU SEMS NA DE YANG DAG PA MA YIN NO, ,GRUB PA'I MTHA' LA RTEN PA'I CHOS CAN GYI KHYAD PAR NYA BAR BZUNG NAS BSGRUB PA RJOD PA NI MA YIN TE, CHOS CAN DE LTA BU RGOL BA GNYI GA LA NI GANG DU YANG MA GRUB PA'I PHYIR RO, ,GRUB NA NI GRUB PAR BYA BA YANG GRUB PA NYID PAS RTZOD PAR MI 'GYUR RO, ,'ON KYANG GNAG RDZI YAN CHAD LA GRAGS PA'I DNGOS PO DAG LA RAB TU SMRA BA THAMS CAD KYI BSGRUB PAR BYA BA DANG, BSGRUB PA'I BSAM PA'I 'JUG PA NYID PAS KHO BO CAG LA NYES PA MED DO, ,KHO BO CAG GIS NI SGRUB PA 'DI GANG GIS NA 'DI'I CHOS CAN DNGOS POR GYUR PA BTZAL BAR GYUR PA BSGRUB PA'I NGO BOR BSHAD PA YANG MA YIN NO, ,'O NA CI ZHE NA, DGAG PA'I NGO BO YIN TE, DE YANG DNGOS PO MED PA LA LEGS PAR RAB TU GRUB PAS JI LTAR NA GTAN TSIGS MA GRUB PA NYID DU 'GYUR, MA NGES PA NYID KYANG MA YIN TE, SNGAR RTAG PA'I DNGOS PO THAMS CAD BSAL BAS DE YONGS SU SPANG BA'I PHYIR RO, ,RTAG PA DANG MI RTAG PA NYID DAG TU BRJOD PAR BYA BA MA YIN PA'I GANG ZAG GIS MA NGES PA NYID DAG KYANG MA YIN TE; DNGOS POR YOD PA LA BRJOD PAR BYA BA MA YIN PA MI SRID PA'I PHYIR RO, ,'DI LTAR RTAG PA DANG MI RTAG PA PHAN TSUN SPANGS TE GNAS PA'I MTSAN NYID DAG NI GCIG LA BSGRUB PA DANG DGAG PA DAG NI CIG SHOS BSGRUB PA DANG, DGAG PA MED NA MED PA YIN PA'I PHYIR CIG SHOS DGAG PA GANG YIN PA DNGOS PO GZHAN SGRUB PA YIN NA JI LTAR BRJOD PAR BYA BA MA YIN ZHES BYA BA DNGOS POR 'GYUR, DE LTA MA YIN NA KHYAD PAR MED PA'I PHYIR DNGOS PO THAMS CAD BRJOD PAR BYA BA MA YIN PAR 'GYUR RO, ,DE'I PHYIR GTAN TSIGS MA NGES PA NYID MA YIN NO, ,GANG DAG DNGOS PO @284B RNAMS RKYEN DAG LAS SKYE BA NI MA YIN NO, ,'O NA CI ZHE NA, GSAL BA KHO NAS TE, DES NA GTAN TSIGS MA NGES PA KHO NA'O SNYAM DU SEMS PA DE YANG SNYING PO MA YIN PA NYID DE, DNGOS PO RTAG PA THAMS CAD GSAL BA NYID KYI PHYIR GSAL BAR BYA BA RTAG PA CI YANG MED PAS GSAL BA YANG GSAL BA'I PHYIR RO, ,GZHAN YANG RKYEN RNAMS KYI DNGOS PO GSAL BA ZHIG YIN NA, CI STE RANG GI MTSAN NYID RGYAS PAR 'GYUR BA'AM, DE'I SGRIB PA YANG DAG PAR ZAD PA'I BDAG NYID DAM, DBANG PO LEGS PAR SBYANGS PA'AM, YUL DE LA SHES PA SKYE BA'I MTSAN NYID GCIG YIN GRANG ZHES RNAM PAR BRTAG STE, DE LA RE ZHIG PHYOGS DANG PO NI MA YIN TE, RTAG PA NYID NYAMS PAR THAL BAR 'GYUR BA'I PHYIR RO, ,GAL TE RANG GI NGO BO MA RGYAS PA NI RANG GI NGANG GIS 'JIG PA YIN LA GSAL BAR BYED PA'I RKYEN GYIS SNGON MED PA'I RANG GI NGO BO RGYAS PA ZHIG SKYE NA NI DE'I TSE DE LAS RANG GI MTSAN NYID RGYAS PAR 'GYUR RO, ,DE LTA MA YIN TE, RANG GI NGO BO SNGA MA 'GAG PAR MI 'GYUR NA NI DE'I TSE 'DI LA RGYAS PA PHAN TSUN 'GAL BA'I RANG GI NGO BO GNYIS 'CHOL BAR KHAS BLANGS PAR 'GYUR RO, ,RANG GI NGO BO SNGON MED PA ZHIG MI SKYE NA NI GSAL BAR BYED PA'I RKYEN DON MED PAR 'GYUR RO, ,DNGOS PO RNAMS KYI SKYE BA YANG SNGAR RGYAS PAR GSAL BA'I PHYIR RIGS PA MA YIN NO, ,SGRIB PA YANG DAG PAR ZAD PA YANG MA YIN TE, MED PA'I NGO BO DE NI DNGOS PO MED PA NYID KYIS GANG GIS KYANG BYA BAR MI SRID PA'I PHYIR RO, ,BYA BA DNGOS PO'I NGO BO YANG SNGAR GSAL ZIN PA'I PHYIR RO, ,'GA' ZHIG GIS RTAG PA'I DNGOS PO'I RANG BZHIN KHYAD PAR CAN 'GA' ZHIG MA BSHIG PA'AM, MA BSKYED PAR NI NAM YANG SGRIB PA MED PAR BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,YUL DE LA SHES PA SKYE BA'I GEGS BYED PA NYID KYIS SGRIB PAR BYED PA YIN PAR YANG RIGS PA MA YIN TE, DE RANG GI LUS LA SHES PA SKYED PAR NUS PA'AM, DE'I RNAM PAR SHES PAS RNAM PAR SHES PA'I RANG BZHIN YIN PA DANG, SHES PA RGYU MA TSANG BA MED PA LA SUS KYANG BGEGS BYA BAR MI NUS PA'I PHYIR RO, ,CI STE 'DI @285A *, ,MI NUS PA'ANG DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN NA NI DE'I TSE BDAG NYID KYIS RGYU MA TSANG BAS YUL DE LA RNAM PAR SHES PA MI SKYE BA'I PHYIR 'DI NI YUL DE LA SHES PA SKYE BA'I GEGS BYED PA NYID KYIS SGRIB PAR BYED PA YIN PAR RIGS PA MA YIN NO, ,SGRIB PA YANG DAG PAR ZAD PA BZHIN DU SHES PA SKYE BA'I BGEGS MED PA DANG MA YIN PA'I NGO BO YANG BYA BAR RIGS PA MA YIN PA KHO NA'O, ,DE BAS NA MI NUS PA'I PHYIR RAM, DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN PA'I PHYIR GSAL BAR BYED PA'I RKYEN RNAMS KYIS DE LA SGRIB PAR BYED LA BZLOG KYANG YUL DE LA RNAM PAR SHES PA SKYE BAR RIGS PA MA YIN NO, ,'ON TE NUS PAR KHAS LEN NA NI DE'I TSE SGRIB PAR BYED PA YOD DU ZIN KYANG DE LA RGYU MA TSANG BA MED PA'I PHYIR RNAM PAR SHES PA RTAG TU SKYE BAR 'GYUR BAS GSAL BAR BYED PA RNAMS KYIS BYED PA DON MED PA YIN NO, ,DE LTA BAS NA RTAG PA RNAMS LA CHUNG ZAD KYANG MI BYED PA'I PHYIR 'GA' YANG SGRIB PAR BYED PA YIN PAR RIGS PA MA YIN NO, ,MI RTAG PA RNAMS LA NI RNAM PAR SHES PA SKYED MI NUS PA'I SKAD CIG MA GZHAN SKYED PA NYID KYIS RGYU'I KHYAD PAR KHO NA RES 'GA' ZHIG SGRIB PAR BYED PA YIN PAR 'GYUR GYI GZHAN DU NI MA YIN NO; ,DBANG PO LEGS PAR BYA ZHES BYA BA'I PHYOGS KYANG MA YIN TE, DE'I RANG GI NGO BOR GYUR PA SNGON MED PA ZHIG LEGS PAR BYED PA YIN DANG, MI RTAG PA NYID DU THAL BAR 'GYUR TE SNGA MA BZHIN NO, ,LEGS PAR BYA BA DON GZHAN DU GYUR PA ZHIG BYED NA NI DE LEGS PAR BYED PAR RIGS PA MA YIN TE; DE LA CUNG ZAD KYANG MI BYED PA'I PHYIR RO, ,DE LTA MA YIN NA HA CANG THAL BAR 'GYUR RO, ,GANG GIS KYANG DNGOS PO 'GA' YANG BYED PAR MI SRID DE ZHES KYANG SNGAR BSGRUBS ZIN TO, ,DBANG PO LEGS PAR BYED PA YIN DU CHUG NA YANG GAL TE GSAL BAR BYA BA'I DNGOS PO'I BDAG NYID DE, BDAG NYID KYIS DBANG PO'I RNAM PAR SHES PA SKYE BAR MI NUS PA'AM, YUL DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN NA NI DE'I TSE DE LA RNAM PAR SHES PA SKYE BAR MI 'GYUR PA KHO NA BAS LEGS PAR BYED PA DON MED PA KHO NAR 'GYUR RO, ,CI STE NUS PA'AM DE'I RNAM PAR SHES PAS RNAM PAR @285B SHES PAR BYA BA'I RANG BZHIN ZHIG YIN NA NI DE'I TSE DE YANG DBANG PO LEGS PAR BYA BA'I SNGON ROL DU DE LA SHES PA SKYE BAR THAL BAR 'GYUR BA'I PHYIR LEGS PAR BYA BA DON MED PA KHO NAR 'GYUR RO, ,DE NYID KYI PHYIR LEGS PAR BYA BA NI YUL DE LA SHES PA SKYE BA'I MTSAN NYID CAN DU YANG RIGS PA MA YIN TE, 'DI LTAR GAL TE GSAL BAR BYA BA'I DNGOS PO DE BDAG NYID KYIS MI NUS PA'AM, DE'I RNAM PAR SHES PAS RNAM PAR SHES PAR BYA BA'I RANG BZHIN MA YIN NA NI DE'I RNAM PAR SHES PA DE SKYES SU ZIN KYANG DE'I RNAM PAR SHES PA DE'I YUL NYID MA YIN PAR 'GYUR RO, ,'ON TE NUS PA'ANG DE'I RNAM PAR SHES PAS RNAM PAR SHES PA'I RANG BZHIN ZHIG YIN NA NI DE'I TSE DE'I RANG GI NGO BO BZHIN DU RGYU MA TSANG BA MED PA'I PHYIR RNAM PAR SHES PA RTAG TU NYE PA KHO NA YIN PAS GSAL BAR BYED PA RNAMS RNAM PAR SHES PA SKYED PAR BYED PA MA YIN NO, ,GZHAN YANG KHYED CAG GI LUGS KYIS DNGOS PO'I RIGS THAMS CAD RTAG TU GNAS PA'I NGO BO NYID YIN PAS GSAL BA DANG GSAL BAR BYED PA RNAMS DANG GSAL BAR BYA BA YANG RTAG TU GNAS PA'I PHYIR GSAL BA LA SOGS PA RNAM PAR GZHAG PA RIGS PA MA YIN NO, ,GSAL BAR BYED PA RNAMS KYANG CHUNG ZAD KYANG MI BYED PA'I PHYIR DNGOS PO THAMS CAD RTAG TU GSAL BAR THAL BAR 'GYUR PA YANG BZLOG DKA'O, ,DE LTA BAS NA GSAL BAR SMRA BA 'DI NI BZANG PO MA YIN NO, ,MTHUN PA'I PHYOGS LA YOD PA'I PHYIR GTAN TSIGS MA NGES PA NYID KYANG MA YIN LA, 'GAL BA NYID KYANG MA YIN TE, DE'I PHYIR DON DAM PAR DNGOS PO THAMS CAD RTAG TU RANG BZHIN MED DO ZHES BYA BA 'DI 'GRUB BO, ,DE NYID KYI PHYIR BCOM LDAN 'DAS KYIS S'A LU LJANG PA'I MDO LAS, DNGOS PO RNAMS RANG DANG GZHAN DANG GNYI GA DANG RGYU MED PA CAN DU BKAG STE, JI SKAD DU MING DANG GZUGS KYI MYU GU DE NI RANG NYID KYIS KYANG MA BYAS, GZHAN GYIS KYANG MA BYAS, GNYI GAS KYANG MA BYAS, DBANG PHYUG GIS KYANG MA SPRUL, DUS KYIS KYANG MA BSGYUR, RKYEN GCIG PU LA RAG LAS PA MA YIN, RGYU MED PA LAS SKYES PA YANG MA YIN NO ZHES BYA BA LA SOGS PA LTA BU'O, ,GZHAN DAG NA RE BKA' 'DI NI BYED PA DGAG PA LHUR MDZAD PA YIN NO ZHES ZER BA DE DAG GI DE YANG RIGS PA MA YIN TE, DON DAM PAR DNGOS PO 'GA' YANG SKYE BA MED PA'I PHYIR @286A *, ,RO; ,GAL TE DON DAM PAR 'GA' ZHIG SKYE BAR GRUB NA NI DE'I TSE BSHAD PA 'DI BZANG GI GZHAN DU NI MA YIN NO, ,DE NYID KYI PHYIR 'PHAGS PA KLU SGRUB KYI ZHAL SNGA NAS KYANG, DON DAM SKYE BA DGAG PA'I PHYIR, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES GSUNGS SO, ,DE LTA BAS NA DON DAM PAR NA CHOS THAMS CAD SKYE BA MED PA KHO NAR RIGS TE, 'PHAGS PA CHOS YANG DAG PAR SDUD PA LAS, JI SKAD DU, SKYE BA MED PA DE NI BDEN GYI, CHOS GZHAN NI YOD PA MA YIN NO, ,ZHES GSUNGS PA LTA BU'O, ,SKYE BA MED PA 'DI YANG DON DAM PAR RTOGS PA DANG MTHUN PA'I PHYIR DON DAM PA ZHES BYA STE, 'DI LTAR SKYE BA LA SOGS PA DGAG PAR BYA BA CI YANG MA GRUB PA'I PHYIR YUL MED PA LA MED PA MI SBYOR BA'I PHYIR SKYE BA MED PA LA SOGS PAR 'DZIN PA NI SPROS PA KHO NA YIN TE, RNAM PAR RIG PA TZAM NYID LA SOGS PAR RNAM PAR RTOG PA BZHIN NO, ,DON DAM PAR NI DE KHO NA NYID SKYE BA MED PA LA SOGS PAR BRJOD PAR BYA BA MA YIN TE, DE NYID KYI PHYIR 'PHAGS PA 'JAM DPAL GZHON NUR GYUR PAS DE KHO NA NYID DRIS PA DANG, 'PHAGS PA DRI MA MED PAR GRAGS PAS CANG MI GSUNG BAR GYUR TO, ,'PHAGS PA DE BZHIN GSHEGS PA'I YE SHES PHYAG RGYA'I TING NGE 'DZIN GYI MDO LAS KYANG, BYANG CHUB KYI SNYING PO LA BZHUGS NAS BDEN PA GCIG KYANG GRUB PA MA MTHONG NA BZHI LTA CI SMOS ZHES GSUNGS SO, ,DE LTAR RE ZHIG RIGS PAS DNGOS PO THAMS CAD GCIG TU RANG BZHIN MED PA NYID DU BSGRUBS PA YIN NO, ,DE NI LUNG GIS KYANG BSGRUB PAR BYA STE, DE LA GLANG PO RTZAL GYI MDO LAS, GANG LA SKYE BA SRID PA YI, ,DNGOS PO 'GA' YANG MI RNYED DO, ,RANG BZHIN MED PA'I DNGOS RNAMS LA, ,BYIS PA DAG NI SKYE BAR 'DOD, ,CES GSUNGS SO, ,'PHAGS PA DKON MCHOG 'BYUNG GNAS KYI MDO LAS KYANG, GANG LA RANG BZHIN YOD PA MA YIN PA, ,RANG BZHIN MED DE GZHAN RKYEN JI LTAR 'GYUR, ,RANG BZHIN MED PAS GZHAN CI SKYED 'GYUR ZHES, ,RGYU DE DE BZHIN GSHEGS PAS BSTAN PA YIN, ,ZHES GSUNGS SO, ,KLU'I RGYAL PO RGYA MTSOS ZHUS PA'I MDO LAS KYANG, SNGON GYI MTHA' STONG PHYI MA'I MTHA' STONG ZHING, ,SKYE DANG 'JIG DANG GNAS PA'I DNGOS PO STONG, ,'DI NI DNGOS MIN @286B DNGOS PO MED PA'ANG MIN, ,CHOS RNAMS THAMS CAD RANG GI NGO BOS STONG, ,ZHES GSUNGS SO, ,'PHAGS PA TING NGE 'DZIN GYI RGYAL PO'I MDO LAS KYANG, DPER NA CHU SHING RLON PA'I SDONG PO LAS, ,SNYING PO 'DOD MIS RNAM PAR BSHIG NA YANG, ,PHYI DANG NANG NA SNYING PO MED PA LTAR, ,CHOS RNAMS THAMS CAD DE 'DRAR SHES PAR GYIS, ,ZHES GSUNGS SO, ,'PHAGS PA SANGS RGYAS KYIS YANG DAG PAR SDUD PA LAS KYANG, TSUL BZHIN 'DRI BA NI GANG LAGS, TSUL MA LAGS PA NI GANG LAGS, BKA' STZAL PA, SKYE BA MED PA NI TSUL YIN TE, DE 'DRI BA NI TSUL BZHIN 'DRI BA'O ZHES GSUNGS SO, ,YANG DE NYID LAS CHOS THAMS CAD NI TZA ZHES BYA BA'I SGO CAN TE, 'CHI 'PHO DANG SKYE BA DANG BRAL BA YIN NO, ,CHOS THAMS CAD NI RANG BZHIN GYI SGO CAN TE, RANG BZHIN NI STONG PA NYID KYI PHYIR RO ZHES GSUNGS SO, ,YAB DANG SRAS MJAL BA'I MDO LAS KYANG, CHOS 'DI DAG THAMS CAD NI DUS GSUM MNYAM PA NYID KYIS MNYAM PA STE; 'DAS PA'I DUS NA YANG CHOS THAMS CAD RANG BZHIN DANG BRAL BA YIN LA, MA 'ONGS PA DANG DA LTAR BYUNG BA'I DUS SU YANG CHOS THAMS CAD RANG BZHIN DANG BRAL BA YIN NO ZHES GSUNGS SHING, YANG DE NYID LAS, CHOS THAMS CAD NI RANG BZHIN GYIS STONG PA'O, ,RANG BZHIN MED PA'I CHOS GANG YIN PA DE NI 'DAS PA MA YIN MA 'ONGS PA MA YIN DA LTAR BYUNG BA MA YIN NO, ,DE CI'I PHYIR ZHE NA, RANG BZHIN MED PA'I PHYIR 'DAS PA ZHES GDAGS PAR BYA BA MA YIN, MA 'ONGS PA ZHES GDAGS PAR BYA BA MA YIN, DA LTAR BYUNG BA ZHES GDAGS PAR BYA BA MA YIN NO ZHES GSAL BAR MDZAD DO, ,'PHAGS PA BDEN PA GNYIS LA 'JUG PA LAS KYANG, 'JAM DPAL YANG DAG PA'I SBYOR BA GANG YIN, 'JAM DPAL GYIS SMRAS PA, LHA'I BU DON DAM PAR DE BZHIN NYID DANG, CHOS KYI DBYINGS DANG, SHIN TU SKYE BA MED PA GANG DANG MNYAM PA MTSAMS MED PA RNAMS KYANG DE DANG MNYAM MO ZHES KUN NAS NYON MONGS PA DANG, RNAM PAR BYANG BA'I CHOS THAMS CAD RGYAS PAR BSHAD PA DANG, SMRAS PA, 'JAM DPAL GZHON NUR GYUR PA MNYAM PA NYID GANG GIS RNAM PAR BYANG BA'I BAR GANG DANG MNYAM PA CHOS THAMS CAD KYANG DE DANG MNYAM, 'JAM DPAL GYIS SMRAS PA, LHA'I BU DON DAM PAR CHOS THAMS CAD SKYE BA MED PAR MNYAM PA NYID DANG, @287A *, ,DON DAM PAR CHOS THAMS CAD SHIN TU SKYE BA MED PAR MNYAM PA NYID DANG, DON DAM PAR CHOS THAMS CAD DNGOS PO MED PAR MNYAM PA NYID KYIS CHOS THAMS CAD MNYAM MO ZHES RGYA CHER GSUNGS SO, ,'PHAGS PA SANGS RGYAS THAMS CAD KYI YE SHES SNANG BA'I RGYAN LAS KYANG, SKYE MED CHOS NI RTAG TU DE BZHIN GSHEGS, ,CHOS RNAMS THAMS CAD BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA YIS, ,'JIG RTEN NA NI MED PA'I CHOS LA SPYOD, ,CES GSUNGS SO, ,'PHAGS PA SHES RAB KYI PHA ROL TU PHYIN PA LAS KYANG, RAB 'BYOR RANG GI MTSAN NYID STONG PA NYID KYI PHYIR, GZUGS NAS RNAM PAR SHES PA'I BAR DU RANG GI NGO BOS STONG NGO ZHES GSUNGS SO, ,DKON MCHOG ZA MA TOG LAS KYANG, 'JAM DPAL DE'I PHYIR SANGS RGYAS KYI CHOS KYANG CHOS MA YIN NAM, BTZUN PA RAB 'BYOR SANGS RGYAS KYI CHOS RNAMS LA YANG DAG PAR GRUB PA 'GA' YANG MED DO,, GANG GRUB PA MED PA DE NI CHOS KYANG MA YIN, CHOS MA YIN PA YANG MA YIN NO ZHES BRJOD PAR BYA STE, DE LTA BAS NA BCOM LDAN 'DAS NYID KYIS CHOS THAMS CAD NI CHOS MA YIN PA'O ZHES GSUNGS SO, ,GAL TE 'DI THAMS CAD NI KUN BRTAGS PA'I NGO BO NYID LAS DGONGS NAS GSUNGS PA YIN TE, MDO LAS JI SKAD DU, KUN BRTAGS PA'I NGO BO NYID LAS DGONGS NAS CHOS THAMS CAD NGO BO NYID MED PAR BSTAN TO ZHES GSUNGS PA LTA BU'O ZHE NA, 'DI NI BDEN PA NYID NA 'ON KYANG KUN BRTAGS PA'I NGO BO NYID 'DI GANG YIN ZHES BYA BA 'DI BRJOD DGOS SO, ,GAL TE GANG TSAD MAS GNOD BZHIN DU BYIS PA RNAMS KYIS DE KHO NA NYID BZUNG BA YIN NO ZHE NA NI GAL TE DE LTA NA NI SGYU MA BZHIN DU MA BRTAGS NA DGA' BRTEN CING 'BREL PAR 'BYUNG BA'I DNGOS PO THAMS CAD LA BYIS PA RNAMS KYIS DON DAM PAR SKYE BA LA SOGS PAR SGRO 'DOGS PA GANG YIN PA DE NYID TSAD MAS GNOD PA'I PHYIR KUN BRTAGS PA'I BDAG NYID YIN TE, SNGAR JI SKAD DU BSHAD PA YIN NO, ,DE LTA MA YIN NA NI PHYI ROL GYI DON YANG KUN BRTAGS PA'I NGO BO NYID KYIS STONG PA'I PHYIR DON DAM PAR YOD PA NYID DU CI'I PHYIR MI BZUNG, CI STE TSAD MAS GNOD PA'I PHYIR DON DAM PAR YOD PA NYID DU MI GZUNG NA NI GAL TE DE LTA NA SKYE BA LA SOGS PA YANG TSAD MAS @287B GNOD PA'I PHYIR DE BZHIN DU GZUNG BAR MI BYA'O, ,GAL TE SKYE BA LA SOGS PA GRAGS PA YIN PA'I PHYIR TSAD MAS GNOD PAR BYA BA MI NUS SO ZHE NA MA YIN TE, DON DAM PAR NI MA YIN GYI, KUN RDZOB TU GRAGS PA'I PHYIR JI LTAR SNGAR SPYAD PA BZHIN NO, ,BCOM LDAN 'DAS KYIS KYANG, DNGOS RNAMS SKYE BA KUN RDZOB TU; ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS SO, ,DE LTA MA YIN NA PHYI ROL GYI DON YANG GRAGS PA'I TSAD MAS GNOD PAR MI 'GYUR RO, ,DE LTA BAS NA TSAD MAS GRAGS PA'I GRAGS PA GANG YIN PAS DE KHO NA RIGS PA YIN GYI; GZHAN NI MA YIN NO, ,DE BAS NA BCOM LDAN 'DAS KYIS 'PHAGS PA DGONGS PA NGES PAR 'GREL PA LA SOGS PA LAS, NGO BO NYID RNAM PA GSUM NI NGAS CHOS THAMS CAD NGO BO NYID MED PA RNAM PA GSUM LAS DGONGS NAS NGO BO NYID RNAM PA GSUM MO ZHES BSTAN PA GANG YIN PA DE DANG YANG MI 'GAL BA NYID DE, 'DIR YANG NGO BO NYID GSUM RNAM PAR GZHAG PA 'GAL BA MED PA'I PHYIR RO, ,'DI LTAR MA BRTAGS PAR GRAGS PA DNGOS PO RNAMS KYI BYED CING 'BREL PAR 'BYUNG BA'I NGO BO NYID GANG YIN PA DE NI GZHAN GYI DBANG GI NGO BO NYID DE, KUN RDZOB TU SGYU MA LA SOGS PA BZHIN DU RKYEN GYI DBANG GIS SKYE BAS NGO BO NYID MED PA'I PHYIR SKYE BA NGO BO NYID MED PA YIN NO, ,DE LA DON DAM PAR SKYE BA LA SOGS PA'I NGO BOR SGRO 'DOGS PA GANG YIN PA DE NI KUN BRTAGS PA'I NGO BO NYID DE, DE YANG TSAD MAS JI LTAR RNAM PAR BRTAGS PA BZHIN NGO BO NYID MA GRUB PA'I PHYIR MTSAN NYID NGO BO NYID MED PA YIN NO, ,GZHAN GYI DBANG LA JI SKAD BSHAD PA'I KUN BRTAGS PA'I NGO BO NYID KYIS STONG PA GANG YIN PA DE NI YONGS SU GRUB PA'I NGO BO NYID DE, DE NI TSAD MAS YANG DAG PAR GRUB PA NYID DU RTAG TU GRUB PA'I PHYIR RO, ,DE YANG CHOS THAMS CAD LA KHYAB PAR BYED PA NYID KYIS SPYI'I MTSAN NYID KYIS YIN PA'I PHYIR DON DAM PA NGO BO NYID MED PA YIN PAS 'DIR YANG THAMS CAD MI 'GAL BA KHO NA'O, ,SKYE BA DANG 'GAG PA LA SOGS PA LA MNGON PAR ZHEN PA'I GDUL BYA LA KHYAD PAR LTA BA YONGS SU SPANG PA'I PHYIR BCOM LDAN 'DAS KYIS 'PHAGS PA DGONGS PA NGES PAR 'GREL PA LA SOGS PA LAS @288A *, ,RNAM PAR SHES PA LA SOGS PA YOD PA NYID DU BRTAN PA GANG YIN PA DE YANG DON DAM PAR MA YIN NO ZHES BYA BAR GZUNG BAR BYA STE, 'PHAGS PA CHOS YANG DAG PAR SDUD PA LAS, JI SKAD DU RIGS KYI BU 'JIG RTEN GNAS PA NI SKYE BA DANG 'GAG PA LA MNGON PAR ZHEN PA YIN TE, DE LA DE BZHIN GSHEGS PA THUGS RJE CHEN PO CAN GYIS 'JIG RTEN GYI SKRAG PA'I GNAS YONGS SU SPANG BA'I PHYIR THA SNYAD KYI DBANG GIS SKYE BA 'GAG GO ZHES GSUNGS PAR ZAD KYI, 'DI LA CHOS 'GA' YANG SKYE BA MED DO ZHES GSUNGS PA LTA BU'O, ,DE LTA BAS NA LUNG LAS KYANG, CHOS THAMS CAD DON DAM PAR NGO BO NYID MED DO ZHES BYA BAR GRUB BO, ,DES NA DNGOS PO DAG LA DON DAM PAR SKYE BA LA SOGS PAR MNGON PAR ZHEN PA NI PHYIN CI LOG YIN LA, DE LAS BZLOG PA MNGON PAR MA ZHEN PA NI PHYIN CI MA LOG PA ZHES BYA BA 'DI RNAM PAR GNAS SO, ,THOG MA MED PA'I SRID PAR 'BYUNG BA'I DNGOS PO MNGON PAR ZHEN PA'I GDON GYIS BRLAMS PA KHA CIG GIS KUN RDZOB DANG DON DAM PA'I MTSAN NYID PHYIN CI MA LOG PAR BSTAN PA'I PHYIR 'DI SKAD DU, GANG LA BCOM DANG BLO YIS GZHAN, ,BTZAL NA DE'I BLO MI 'BYUNG BA, ,BUM CHU SOGS BZHIN KUN RDZOB TU, ,YOD DE DON DAM YOD GZHAN NO, ,ZHES BSHAD PA GANG YIN PA DE PHYIN CI MA LOG PAR STON PAR NUS PA MA YIN TE, 'DI LTAR GZHAN DAG GIS BUM PA LA SOGS PA YAN LAG CAN NYID DU KUN BRTAGS PA RNAMS KUN RDZOB PA NYID DU BSGRUB PA'I PHYIR BSHAD PA GANG YIN PA GAL TE BUM PA LA SOGS PA GANG YIN PA DE DAG DON DAM PAR YOD NA CI'I PHYIR DE DAG BCOM NA DE'I BLO MI 'BYUNG ZHES BYA BA DE NI MA NGES PA YIN NO, ,'DI LTAR BCAG NA ZHES BYA BA ZHIG NA ZHES BYA BA'I DON YIN PAR BRJOD PAR 'DOD NA NI DE'I TSE DE NYID MA YIN PA NYID KYI PHYIR DE DAG LA DE LTA BU'I BLO MI 'BYUNG BAR ZAD KYI, BRDZUN PA'I PHYIR NI MA YIN NO ZHES BYA BAR YANG SRID DO, ,'ON TE CHA SHAS SU BSHIG NA ZHES BYA BA'I DON YIN NA NI DE'I TSE YAN LAG LDAN PA ZHIG YIN PA DANG, YAN LAG CAN ZHIG YIN PA'I PHYIR DE LTA BU'I BLO MI 'BYUNG NGO ZHES BYA BAR YANG DOGS SO, ,BLOS GZHAN BSTZAL NA ZHES PA DE YANG HA CANG KHYAB CHES PA'I PHYIR MTSAN NYID MA YIN PA NYID DE, JI STE BUM PA LA SOGS PA BLOS RNAM PAR GZHIGS NA, CHA SHAS KYIS NGO BO NYID DON @288B DAM PA PA NGES PA MI ZIN PA LTAR RDUL PHRA RAB DAG DANG RNAM PAR SHES PA YANG DE DANG 'DRA BAS DE DAG KYANG KUN RDZOB NYID DU THAL BAR 'GYUR RO, ,JI LTAR RDUL PHRA RAB RNAMS LUS CAN YIN PA'I GDON MI ZA BAR PHYOGS CHA THA DAD PAR KHAS BLANG DGOS SO, ,DE LTA MA YIN NA SHAR DANG BYANG LA SOGS PA'I PHYOGS CHA THA DAD PAR GNAS MED PA'I PHYIR RI LA SOGS BSAGS PAR MI 'GYUR RO, ,DE LTA BAS NA BSAGS PA'I NGO BO NYID KYI PHYIR PHYOGS CHA THA DAD PAS THA DAD PA 'DI DAG CHA SHAS BSAL BA BYAS NA BUM PA LA SOGS PA BZHIN DU NGO BO NYID NGES PAR MI ZIN PA'I PHYIR KUN RDZOB PA KHO NAR 'GYUR RO, ,RNAM PAR SHES PA YANG GDON MI ZA BAR RNAM PA DANG BCAS PA NYID DU KHAS BLANGS DGOS TE, SHES PA NI THAMS CAD DU RTOG PA'I NGO BO NYID DU MTSUNGS PA'I PHYIR RNAM PA MED PA YIN YANG YUL 'DZIN PAR RNAM PAR GZHAG PA SO SOR NGES PA MI RUNG BA'I PHYIR RO, ,DE'I PHYIR PHYI ROL GYI DON BZHIN DU SHES PA SNA TSOGS KYI NGO BO NYID YIN PA'I PHYIR SNA TSOGS KYI RNAM PA RE RE NAS BRTZAL YANG NGO BO NYID 'GA' YANG MI ZIN PA'I PHYIR KUN RDZOB PA NYID DU 'GYUR RO, ,DE LTA NA NI KUN RDZOB PA'I MTSAN NYID 'DIS DNGOS PO THAMS CAD GSAL BA KHO NAR KUN RDZOB KYI NGO BOR BSGRUB PA'I PHYIR KHO BO CAG GI LTA BA KHO NA GZHUNG BTZUGS PAR 'GYUR TE, DE SKAD DU 'PHAGS PA LANG KAR GSHEGS PA'I MDO LAS, ,BLO YIS RNAM PAR GZHIGS RNAMS KYI, ,NGO BO NYID NI NGES MI ZIN, ,DE PHYIR DE DAG BRJOD MED DANG, ,NGO BO NYID NI NGES PAR BSTAN, ,ZHES GSUNGS SO, ,GZHAN DAG NA RE DON BYA BA BYED NUS PA'I DON DE NI DON DAM PAR YOD KYI, GZHAN DU NI KUN RDZOB TU YOD PA'O ZHES ZER TE, DE 'DIR GAL TE YANG DAG PA'I KUN RDZOB LA BRTEN NAS BYIS PA RNAMS GZUNG BA'I DON DAM PAR YOD PA'I MTSAN NYID DU BRJOD NA NI DE'I TSE 'DI RIGS PA YIN NO, ,DE NYID KYI PHYIR DE LAS JI LTA BA DE LTAR YOD DU ZAD MOD CES BSHAD DO, ,'ON TE GCIG KHO NAR DON DAM PAR YOD PA'I MTSAN NYID YIN NO ZHE NA, DE'I TSE DON DAM PAR DNGOS PO THAMS CAD KYI DON BYA BA BYED PA NYID MA GRUB PA'I PHYIR JI LTAR SNGAR DPYAD PA BZHIN NO, ,DE'I PHYIR MTSAN NYID MI SRID PA CAN YIN NO, ,GZHAN DAG NA RE SHES PA LA GZUNG BA DANG 'DZIN PA'I RNAM PAS STONG PA NYID NI DE KHO NA YIN NO, ,GNYIS PO NI KUN RDZOB KYI BDEN PA'O ZHES ZER TE, 'DI LTAR GAL TE MED PA'I NGO BO STONG PA NYID BRJOD PAR 'DOD NA NI DE MED PA NI DE KHO NA NYID YIN NO, ,'ON TE MA YIN @289A *, ,PA'I NGO BO NYID YIN NA DE'I TSE GNYIS SU SNANG BA LAS MA GTOGS PA SHES PA'I NGO BO GZHAN TSAD MAS MA GRUB PA'I PHYIR 'DI NI DE KHO NA NYID STON PAR NUS PA MA YIN NO, ,CI STE GAL TE RNAM PAR SHES PA GNYIS SU MED PA'I MTSAN NYID DON DAM PAR YOD PA MA YIN NA, DE'I TSE GNYIS SU SNANG BA'I RGYU CI ZHIG YIN PAR 'GYUR SNYAM DU SEMS NA, DE NI RIGS PA MA YIN TE, DE DANG DER LHAN CIG 'BREL PA MA GRUB PA'I PHYIR RO, ,GNYIS DANG GNYIS SU MED PA NI LHAN CIG DE'I BDAG NYID KYIS 'BREL PA YANG MED DE, BDEN PA DANG BDEN PA MA YIN PA DAG NI PHAN TSUN SPANGS TE GNAS PA'I MTSAN NYID KYIS 'GAL BA'I PHYIR RO, ,DE LAS BYUNG BA'I MTSAN NYID KYANG MA YIN TE, BDEN PA MA YIN PA NI GANG LAS KYANG 'BYUNG BAR MI SRID PA'I PHYIR DPER NA RI BONG GI RVA LTA BU'O, ,DE LTA MA YIN NA 'DI GZHAN GYI DBANG GI NGO BO KHO NAR 'GYUR GYI, KUN BRTAGS PA NI MA YIN NO, ,DE NYID KYI PHYIR RNAM PAR SHES PA DANG 'BREL PA MED NA RI BONG GI RVA BZHIN TE SNANG BAR MI 'GYUR RO, ,GZHAN YANG GAL TE GNYIS PO MA GTOGS PA RNAM PAR SHES PA'I RANG BZHIN GZHAN ZHIG YIN GYI GNYIS PO NI MA YIN PA NYID YIN NA NI DE'I TSE GNYIS PO BDAG NYID SNANG BAR MI 'GYUR TE, SHES PA'I RANG GI NGO BO MA YIN PA'I PHYIR RO, ,RNAM PAR SHES PA RANG GI NGO BO NI 'DI KHO NA YIN TE, GANG BDAG NYID GSAL BAR BYA BA'I PHYIR GSAL BA GZHAN LA MI LTOS LA, GSAL BAR MA BYAS PAR YANG MI 'DUG STE, NAM MKHA'I NGOS DANG MAR ME'I SNYING PO'I 'OD BZHIN NO, ,GNYIS PO YANG DE DANG 'DRA BAS 'DI SHES PA'I NGO BO MA YIN PAR MI RIGS SO, ,GNYIS PO SHES PA'I NGO BOR GYUR PA DE YANG BRDZUN PA YIN NA NI SHES PA NYID BRDZUN PA YIN NO ZHES GSAL RAB TU SMRAS PAR 'GYUR RO, ,GZHAN YANG SHES PA GNYIS SU MED PA'I NGO BO BDEN ZHES BYA BA GANG YIN PA DE YANG RE ZHIG RTAG PA'I NGO BO NYID DU RIGS PA YIN TE, SNGAR RTAG PA'I DNGOS PO RGYAS PAR BSAL BA'I PHYIR RO, ,RTAG PA NI KHYAD PAR DU BYAR MED PA'I PHYIR RNAL 'BYOR GOMS PA LA SOGS PAS CUNG ZAD KYANG MI BYED LAS THAR PA DON DU GNYER BA RNAMS KYIS 'BAD PA DON MED PAR 'GYUR RO, ,DON DAM PAR NI MI RTAG PAR YANG RIGS PA MA YIN TE, DE RGYU DANG BCAS PA DANG RGYU MED PAR SKYE BA BKAG PA'I PHYIR LA, MA SKYES PAR NI MI RTAG PA YIN PAR RIGS PA MA YIN PAS SO, ,DNGOS PO'I NGO BO GZHAN YANG YOD @289B PA MA YIN TE, DES NA NGO BO NYID MED PA NYID KYIS DNGOS PO THAMS CAD LA KHYAB PA'I PHYIR DANG TSAD MAS GRUB PA'I PHYIR DON DAM PAR RIGS SO, ,DE NYID KYI PHYIR BCOM LDAN 'DAS KYIS, CHOS KUN RTAG TU NGO BO NYID KYIS STONG, ,RGYAL BA'I SRAS RNAMS DNGOS PO RNAM PAR 'BYED, ,SRID PA THAMS CAD RNAM PA KUN TU STONG, ,NYI TSE STONG PA MU STEGS CAN RNAMS KYI, ,ZHES GSUNGS SO, ,DE LTA NA NYON MONGS PA DANG SHES BYA'I SGRIB PA SPANG BAR 'DOD PA RTOGS PA DANG LDAN PAS CHOS THAMS CAD NGO BO NYID MED PA'I LAM 'DI KHO NA BSGOM PAR BYA STE, SGRIB PA'I RTZA BA NI PHYIN CI LOG YIN PA'I PHYIR LA, PHYIN CI LOG THAMS CAD DANG 'GAL BA'I RNAM PA CAN CHOS THAMS CAD NGO BO NYID MED PA LA GOMS PA 'DIS KYANG DNGOS PO LA SOGS PA PHYIN CI LOG SPONG BAS RTZA BA BCAD PA'I PHYIR SGRIB PA THAMS CAD SPONG BAR 'GYUR BA NYID DO, ,DE SKAD DU 'PHAGS PA BDEN PA GNYIS BSTAN PA LAS KYANG, 'JAM DPAL JI LTAR NA NYON MONGS PA YONGS SU SHES PAR 'GYUR, 'JAM DPAL GYIS SMRAS PA, DON DAM PA SHIN TU MA SKYES SHING MA BYUNG BA'I DNGOS PO DAG LA KUN RDZOB TU YOD PA MA YIN PA LAS PHYIN CI LOG DE YOD DE MA YIN PA LAS PHYIN CI LOG PA DE LAS KUN DU RTOG PA DANG RNAM PAR RTOG PA 'BYUNG NGO, ,KUN DU RTOG PA DANG RNAM PAR RTOG PA DE LAS TSUL BZHIN MA YIN PA YID LA BYED PA 'BYUNG NGO, ,TSUL BZHIN MA YIN PA'I YID LA BYED PA DE LAS BDAG TU SGRO 'DOGS PA 'BYUNG NGO, ,BDAG TU SGRO 'DOGS PA LAS LTA BA KUN NAS LDANG NGO, ,LTA BA KUN NAS LDANG BA DE LAS NYON MONGS PA RNAMS 'BYUNG NGO, ,LHA'I BU GANG DAG GIS CHOS THAMS CAD DON DAM PAR SHIN TU MA SKYES PA DANG MA BYUNG BA'I DNGOS POR MTHONG BA DE NI DON DAM PAR PHYIN CI MA LOG PA YIN NO,, GANG ZHIG GIS DON DAM PAR PHYIN CI MA LOG PA DE NI KUN DU MI RTOG RNAM PAR MI RTOG GO, ,GANG KUN DU MI RTOG RNAM PAR MI RTOG PA DE NI TSUL BZHIN DU ZHUGS PA YIN NO, ,GANG TSUL BZHIN DU ZHUGS PA DE NI BDAG TU SGRO 'DOGS PAR MI 'GYUR RO, ,GANG BDAG TU SGRO 'DOGS PAR MI 'GYUR BA DE LA NI LTA BA KUN NAS LDANG BAR MI 'GYUR TE, DON DAM PAR MYA NGAN LAS 'DAS PAR LTA BA KUN NAS LDANG BA'I BAR DU YANG MI 'GYUR RO, ,SKYE BA MED PA LA GNAS PA'I DE NYID KYI NYON MONGS PA SHIN TU RNAM PAR GDUL BAR LTA STE, 'DI NYON MONGS PA 'DUL BA ZHES BYA'O, ,LHA'I BU GANG GI TSE NYON MONGS PA DANG SNANG BA MED PAR SHES PAS DON DAM PAR SHIN TU STONG PA DANG, MTSAN MA MED PA DANG, @290A *, ,SHIN TU DNGOS PO MED PAR RAB TU SHES PA DE'I TSE LHA'I BU NYON MONGS PA RNAMS YONGS SU SHES PA YIN NO, ,LHA'I BU 'DI LTA STE DPER NA GANG SBRUL GYI RIGS 'DON PA DES NI SBRUL DE'I DUG ZHI BAR BYED DO, ,LHA'I BU DE BZHIN DU GANG ZHIG NYON MONGS PA RNAMS KYI RIGS 'DON PA DE'I NYON MONGS PA RNAMS RAB TU ZHI BAR 'GYUR RO, , LHA'I BUS SMRAS PA, 'JAM DPAL NYON MONGS PA RNAMS KYI RIGS GANG YIN, 'JAM DPAL GYIS SMRAS PA, LHA'I BU CHOS THAMS CAD KYI DNGOS PO SHIN TU MA SKYES SHING MA BYUNG BA DAG LA KUN DU RTOG PA GANG YIN PA 'DI NI NYON MONGS PA RNAMS KYI RIGS YIN NO ZHES RGYAS PAR GSUNGS SO, ,DNGOS PO LA SOGS PAS PHYIN CI LOG PAS KYANG PHYIN CI LOG THAMS CAD LA KHYAB PA'I PHYIR SPANGS NA PHYIN CI LOG THAMS CAD SPANGS PAS SHES BYA'I SGRIB PA YANG 'DIS LEGS PAR SPONG BAR 'GYUR TE, SGRIB PA NI PHYIN CI LOG GI MTSAN NYID YIN PA'I PHYIR RO, ,SHES BYA'I SGRIB PA SPANGS NA GAGS BYED PA MED PA'I PHYIR SPRIN LA SOGS PA'I SGRIB PA DANG BRAL BA'I NAM MKHA' LA NYI MA'I 'OD ZER BZHIN DU THAMS CAD THOGS PA MED PA'I SHES PA'I SNANG BA 'JUG STE, 'DI LTAR RNAM PAR SHES PA NI DNGOS PO'I RANG GI NGO BO GSAL BA'I NGO BO YIN LA DE YANG NYE BA'I PHYIR RO, ,GAGS BYED PA YOD NA NI DNGOS PO GSAL BAR MI 'GYUR BA ZHIG NA, GAGS BYED PA MED PA YIN NA GO MTHU'I KHYAD PAR BSAM GYIS MI KHYAB PA BRNYES PA'I PHYIR CI'I PHYIR DNGOS PO THAMS CAD JI LTA BA BZHIN DU GSAL BAR MI 'GYUR, DE'I PHYIR DNGOS PO THAMS CAD JI LTA BA BZHIN DU KUN RDZOB DANG DON DAM PA'I NGO BOR YONGS SU MKHYEN PA'I PHYIR THAMS CAD MKHYEN PA NYID THOB BO, ,DE'I PHYIR SGRIB PA SPANG BAR BYA BA LA LAM 'DI KHO NA DAM PA YIN NO, ,DE LTA BAS NA THAMS CAD MKHYEN PA'I GO 'PHANG THOB PAR 'DOD PAS STONG PA NYID KYI LAM 'DI KHO NA THABS DANG LDAN PA'I SHES RAB KYIS BRTEN PAR BYA'O, ,'BA' ZHIG GIS NI MA YIN TE, THABS MED PA'I SHES RAB 'BA' ZHIG GIS BRTEN NA NYAN THOS BZHIN DU 'GOG PA MNGON SUM DU BYAS PA'I PHYIR MYA NGAN LAS 'DAS PAR LHUNG LA, THABS TZAM BRTEN PAS KYANG PHYIN CI LOG TU GYUR BA'I PHYIR 'KHOR BAR LHUNG NGO, ,DE'I PHYIR SHES RAB KYI STOBS KYIS 'KHOR BA LA MI GNAS PA'I PHYIR DANG, THABS KYI STOBS KYIS MYA NGAN LAS 'DAS PAR MI 'JUG PA'I PHYIR BYANG CHUB SEMS DPA' RNAMS KYI LAM THABS DANG SHES RAB KYI NGO BO MI GNAS PA'I MYA NGAN LAS 'DAS PA THOB PA'I RGYU YIN NO, ,DE SKAD DU 'PHAGS PA GA YA MGO RI LAS KYANG, @290B LAM GANG DAG DANG LDAN NA BYANG CHUB SEMS DPA' RNAMS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA BYANG CHUB SEMS DPA' RNAMS KYI LAM MDOR BSTAN PA GNYIS PO 'DI DAG STE, GNYIS GANG ZHEN 'DI LTA STE SHES RAB DANG THABS SO ZHES GSUNGS SO, ,'PHAGS PA DRI MA MED PAR GRAGS PAR BSTAN PA LAS KYANG, THABS DANG BRAL PA'I SHES RAB NI BYANG CHUB SEMS DPA' RNAMS KYI 'CHING BA'O, ,SHES RAB DANG BRAL BA'I THABS KYANG 'CHING BA'O, ,SHES RAB DANG BCAS PA'I THABS NI THAR PA'O, ,THABS DANG BCAS PA'I SHES RAB KYANG THAR PA'O ZHES GSUNGS SO, ,DE'I PHYIR BYANG CHUB KYI SEMS SEMS CAN THAMS CAD LA SNYING RJE CHEN PO SNGON DU 'GO BA CAN BSKYED DE, THAMS CAD MKHYEN PA'I GO 'PHANG THOB PAR BYA BA'I PHYIR SHES RAB DANG THABS TE, SBYIN PA LA SOGS PA BSOD NAMS KYI TSOGS KYI MTSAN NYID THAMS CAD LA GOMS PAR BYA'O, ,DE LTAR NA BYANG CHUB SEMS DPA' SGRO 'DOGS PA DANG SKUR PA 'DEBS PA'I MTHA' SPANGS NAS DBU MA'I LAM LA ZHUGS PA YIN TE, SHES RAB KYI DNGOS PO THAMS CAD KYI RANG BZHIN JI LTA BA BZHIN YONGS SU SHES PA'I PHYIR SGRO 'DOGS PA'I MTHAR YANG MI LHUNG LA, THABS BSTAN PAS NI KUN RDZOB TU SBYIN PA LA SOGS PA BSOD NAMS THAMS CAD LA SKUR [?] BA MI 'DEBS PA'I PHYIR SKUR PA'I MTHAR YANG MI LHUNG NGO,, LHAGS PAS NYAM THAG PAS ME BZHIN DU PHYIN CI LOG GI LCAGS PA BSAL BA'I PHYIR STONG PA NYID BRTEN PAR BYA BA 'BA' ZHIG TU ZAD KYI, MNGON SUM DU BYED PA NI MA YIN TE, JI SKAD DU CHOS BCU PA'I MDO LAS, 'DI LTA STE DPER NA, SKYES BU ZHIG ME LA BKUR STI BYED PAR GYUR LA, ME DE LA GUS PAR BYED, BLA MAR BYED, MGU BAR BYED MCHOD PAR BYED, LEGS PAR BKUR STI BYED KYANG DE 'DI SNYAM DU BDAG GIS ME 'DI LA GUS PAR BYAS, BLA MAR BYAS, MGU BAR BYAS, MCHOD PAR BYAS, BKUR STI BYAS PAS LAG PA GNYIS KYIS 'DI GZUNG BAR BYA'O SNYAM DU MI SEMS SO, ,DE CI'I PHYIR ZHE NA, DE'I GZHI LAS BDAG GI LUS KYI SDUG BSNGAL DANG, SEMS KYI YID MI BDE BAR 'GYUR DU 'ONG NGO SNYAM MO, ,DE BZHIN DU BYANG CHUB SEMS DPA' YANG MYA NGAN LAS 'DAS PA LA SEMS PA DANG, MYA NGAN LAS 'DAS PA LA GZHOL BA DANG, MYA NGAN LAS 'DAS PA LA 'BAB PA DANG, MYA NGAN LAS 'DAS PA LA BAB PA YIN YANG, MYA NGAN LAS 'DAS PA MNGON @291A *, ,SUM DU MI BYED DO, ,DE CI'I PHYIR ZHE NA, BDAG 'DI'I GZHI LAS BYANG CHUB LAS LDOG PAR 'GYUR DU 'ONG NGO SNYAM MO, ,THABS DANG SHES RAB DAG RGYAS PAR NI, BLO GROS MI ZAD PAS BSTAN PA LA SOGS PA LAS NGES PAR GZUNG BAR BYA'O, ,MDOR NA BYANG CHUB SEMS DPA'I THABS NI GANG; SHES RAB KYIS CHOS THAMS CAD RANG BZHIN MED PA NYID DU RTOGS PAR BYAS NAS SGYU MA LA SOGS PA BZHIN DU PHYIN CI MA LOG PA NYID SNYING RJE CHEN PO DANG, STONG PA NYID KHO NA YOD PA'I SEMS CAN LA LTA BAS SBYIN PA LA SOGS PA BSOD NAMS KYI TSOGS THAMS CAD LA BRTEN PA 'DI KHO NA YIN NO; ,DES NA DE BZHIN GSHEGS PA'I LONGS SPYOD CHEN PO ZHING DANG, 'KHOR DANG, GZUGS KYI SKU LA SOGS PA MNGON PAR MTHO BA PHUN SUM TSOGS PA LA SOGS PA THAMS CAD 'THOB NA 'KHOR BA JI SRID PAR 'GRO BA MA LUS PA PHAN PA DANG, BDE BA'I RNAM PA THAMS CAD BSGRUB CING GNAS PAS RTOG PA DANG LDAN PAS SANGS RGYAS BCOM LDAN 'DAS LA DANG BA NYE BAR BSKYED NAS, DE'I YON TAN NYE BAR YONGS SU GRUB PAR BYA BA'I PHYIR 'BAD PAR BYA'O, ,DE LTAR BDAG GIS DBU MA'I LAM, ,RAB TU GSAL BYAS BSOD NAMS GANG, ,THOB PA DE YIS 'GRO BA GANG; ,DBU MA'I LAM 'DI THOB PAR SHOG ,CHU YIS MTSO LTAR YON TAN MI NGOMS SHING, ,PHRAG DOG LA SOGS DRI MA SPANGS MKHAS RNAMS, ,NGANG PA RAB DGA' CHU LAS 'O MA BZHIN, ,RNAM PAR PHYE NAS LEGS PAR BSHAD RNAMS LEN, ,DE LTA BAS NA MKHAS RNAMS KYIS, ,'DRES PA LAS NI LEGS BSHAD PA'I, ,SNYING PO SKYON MED KUN BLANG ZHING, ,NYES BSHAD DUG BZHIN DOR BAR BYA, ,CHOS THAMS CAD RANG BZHIN MED PA NYID DU GRUB PA, SLOB DPON KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO SH'I LENDRA BO DHI DANG, ZHU CHEN GYI LO TZ'A BA DGE SLONG DPAL BRTZEGS RAKshI TAS BSGYUR CING ZHUS TE GTAN LA PHAB PA,, ,,